'An Easy Road for the Virtuos to Travel to the Heaven of the Sky,' being Instructions for Undertaking the Deep Practice of the Two Stages of the Secret Teachings of the Holy Queen of the Heaven of Naropa (Vajrayogini)

*, ,RJE BTZUN N'A RO MKHA' SPYOD MA'I RIM GNYIS KYI RNAL 'BYOR SKYONG BA'I SKAL BZANG MKHA' SPYOD BGROD BA'I BDE LAM ZHES BYA BA BZHUGS SO, ,

, ,NA MA: BDZRA YO GE NA YE, DKYIL 'KHOR KUN GYI RIGS BDAG RDO RJE CHOS, ,DUS GSUM RGYAL BA'I YUM MCHOG RJE BTZUN MA, PAn GRUB 'KHOR LOS BSGYUR RGYAL N'A RO PA, ,KUN 'DUS DRIN CAN BLA MAR GUS PHYAG 'TSAL, ,MKHA' SPYOD DBANG MOS RJES BZUNGS BYIN BRLABS SHING, ,MA NOR MA 'DRES N'A RO'I GZHUNG BZANG RNAMS, ,PAn GRUB GSER GYI SHING RTA CHE LAS DRANGS, ,LAM BZANG SROL 'BYED TSAR CHEN CHOS KYI RGYAL, ,ZAB GSANG THUN MONG MA YIN TSAD MA BZHI, ,SNYAN BRGYUD GDAMS PA'I BCUD 'DZIN BLO GSAL RJE, ,JI BZHIN BSHAD MKHAS GZHAN DU MA DMIGS PA'I, ,ZAB GNAD CI GSUNG 'DRI LA GNANG BA SCOL, ,RGYUD GZHUNG MI MTHUN MKHAS KYI KHYAD CHOS DANG, ,GZHAN NAS RGYAS 'GEBS NYA NYUNG MNYAM SRES SOGS, ,DRI BRAL YANG DAG GSUNG

, ,BCUD GTZANG MA'I 'BRAS, ,'KHRUL MED JI BZHIN LHAG BSAM DAG PAS SO, ,DENG DUS BSTAN ZHABS CHER SNYIGS TSE THUNG SKABS, ,BYIN RLABS TSAN KHA CHE MYUR RIM GNYIS 'DIR, ,CHIG BSGRIL 'BAD BRTZON CHEN POS DON GNYER TSE, ,DAG PA MKHA' SPYOD BGROD PAR YUN MI RING, ,ZHES SKYABS GSOL SNGON DU 'GRO BA'I SGO NAS DE LA 'DIR DUS GSUM SANGS RGYAS THAMS CAD KYI BGROD PA GCIG PA'I LAM, RNAL 'BYOR GSANG MTHA'I RGYUD KYI BCUD PHYUNG BA, GRUB PA MCHOG GI DED DPON RJE BTZUN N'A RO PAS RDO RJE RNAL 'BYOR MA NYID LAS DNGOS SU MNOS TE 'PHAGS YUL RGYA GAR DU GNYIS SKYES DANG MCHOG GNYIS LA SOGS PA YONGS SU RDZOGS PA'I PAndI TA BCU GNYIS TZAM DANG, BOD YUL GYI LHO BRAG MAR PA CHOS KYI BLO GROS SOGS DKA' BA DU MA SPYAD PA'I GRAGS CHEN

GYI SLOB MA GZHAN SU LA YANG MA GNANG BAR, BAL PO PHAm MTHING PA GCEN 'JIGS MED GRAGS PA DANG GCUNG NGAG DBANG GRAGS PA SKU MCHED KHO NA LA GNANG BA'I GDAMS PA, BYANG PHYOGS BSTAN PA'I MNGA' BDAG RJE BTZUN SA SKYA PA YAB SRAS LA RNAL 'BYOR BLA MED DANG RJES SU 'BREL BA'I GDAMS PA RGYA MTSO LTA BU BZHUGS PA'I NANG NAS MCHOG TU GYUR PA LCAGS RI MI 'DA' BA'I GSER CHOS BCU GSUM GYI NANG TSAN MCHOG SGRUB PAS THUN MONG ZHAR LA 'BYUNG BA DMAR MO SKOR GSUM ZHES GRAGS PA'I SNYING PO, RJE BTZUN N'A RO MKHA' SPYOD MA'I BSKYED RDZOGS KYI GDAMS PA NYAMS SU LEN PAR BYED PA LA GANG GIS SGRUB PA'I RTEN GYI GANG ZAG ,DES SGRUB PA'I LAM DNGOS, LAM DE SGRUBS PA'I 'BRAS BU DANG GSUM LAS, DANG PO RTZA BA'I SA BCAD LA ,SMIN LAM 'JUG RUNG GI GANG ZAG DANG, GROL LAM BSGOM RUNG GI GANG ZAG GNYIS, DANG PO NI, SPYIR RGYUD SDE NAS BSHAD PA'I MTSAN NYID PHAL CHE BA TSANG ZHING, KHYAD PAR RNAL 'BYOR GSANG MTHA' LO NAG DRIL GSUM GANG YANG RUNG BA'I BCOS MA'I DKYIL 'KHOR GNYIS SU BSHAD PA RAS BRIS SAM, RDUL TSON GANG RUNG DU

, ,DBANG BSKUR BA THOB PA, 'BRING 'KHOR LO BDE MCHOG GANG RUNG, MTHA' MA'ANG KYE RNGOR MAN NGAG LUGS LTA BU MA RGYUD KYI DKYIL 'KHOR GANG RUNG DU DBANG BZHI RDZOGS PAR THOB PA; DBANG DUS SU KHAS BLANGS PA'I DAM TSIG DANG SDOM PA RNAM PAR DAG PA DANG LDAN PA'O, ,GNYIS PA DE LTA BU'I DBANG GIS RGYUD SMIN PA'I GANG ZAG DES RANG GI LUS NGAG YID GSUM GDOD MA NAS RDO RJE RNAL 'BYOR MA'I SKU GSUNG THUGS SU GNAS PA NGO SPROD PAR BYED PA'I THABS SINDHU RA'I DKYIL 'KHOR DU DBANG BZHI BYIN RLABS KYI TSUL DU LEGS PAR THOB CING CHAG MED DU NYAMS SU LEN PAR 'DOD PA'O, ,GNYIS PA RTZA BA'I SA BCAD DES SGRUB PA'I LAM DNGOS LA BSKYED BA'I RIM PA DANG RDZOGS PA'I RIM PA'O, ,DANG PO LA GANG ZAG DBANG PO RAB BZLAS BSGOM KHO NA CHAG MED DU NYAMS SU BLANGS, GZHI'I BSNYEN PA 'BUM PHRAG BZHI PO MTHAR PHYIN PAR BYAS, TSES BCU GNYIS KYI MCHOD PA LA BRTZON PAR BYAS PA TZAM GYIS RE ZHIG NA RDO RJE RNAL 'BYOR MA THA MAL BA'I BUD MED KYI RNAM PAR BYON ZHING, DE NYID RDO RJE RNAL 'BYOR MA YIN PA LA YIN PAR NGO SHES,

DES RNAL 'BYOR BA'I LAG PA'I MKHRIG MA NAS BZUNG STE LUS MA SPANG BAR MKHA' SPYOD DU 'KHYER 'GRO BA DANG, GANG ZAG DBANG PO 'BRING DE LTAR DU NYAMS SU BLANGS KYANG RTAGS SOGS CI YANG MA BYUNG BA NA, BZHI'I BSNYEN PA YI GE'I GRANGS KYIS 'BUM MTSO TSAR GNYIS TZAM BZLAS PA'I BSNYEN PA DANG, LANG KA LI YA'I SHING LA RTEN NAS SINDHU RA BSGRUB PA'I BSGRUB PA BYAS, DE RJES SINDHU RA DES RANG GI DPRAL BAR DGA' BA 'KHYIL BA BRIS SHING, DE NAS 'PHONG RA LTA BU BUD MED MANG PO TSOGS SAR PHYIN NAS; RANG RNAL 'BYOR MA'I NGA RGYAL BRTAN POS BLTAS PA'I TSE, BUD MED GANG GI DPRAL BAR ME LONG LA GZUGS BRNYAN SHAR BA BZHIN DGA' 'KHYIL 'PHOS NA DE NYID RDO RJE RNAL 'BYOR MA YIN NGES PAS, GA-YON NAS BSKOR BA SOGS BYAS LA GSOL BA BTAB PAS, DES RANG GI MKHRIG MA NAS BZUNG STE MKHA' SPYOD DU 'KHYER BA NI BSNYEN SGRUB LAS GSUM LA BRTEN PA DANG, GANG ZAG DBANG PO THA MAS DE LTA BU MA BSGRUBS PA'AM, BSGRUBS KYANG JI LTA BA BZHIN MA BYUNG NA DA DUNG SGYID LUG MI BYA BAR BZLAS BSGOM NAN TAN DU NYAMS SU BLANGS PAS, NAM ZHIG NA 'CHI BA 'OD GSAL CHOS SKU LAS BAR DOR RDO RJE RNAL 'BYOR MA'I BZLAS BSGOM BYED PA'I SNANG BA 'BYUNG ZHING ,DUS DE NYID DU RDO RJE RNAL 'BYOR MA MKHA' SPYOD KYI DPA' BO MKHA' 'GRO'I TSOGS DANG BCAS PAS SGRUB PA PO DE SENGGE'I KHRI LA BZHAG 'JA'I GUR PHUB, ME TOG GI CHAR 'BEBS BZHIN PAS MKHA' SPYOD DU 'KHYER BA NI NGES PA YIN PAS, DBANG PO RAB 'BRING THA GSUM GYI BGROD LUGS DANG,

, ,SHIN TU THA MAS SKYE BA BRGYUD NAS DNGOS GRUB THOB PA SMON LAM GYI LAM DANG BZHIR YOD KYANG DE THAMS CAD KYANG DE THAMS CAD KYANG THUN MONG GI NYAMS LEN RNAL 'BYOR BCU GCIG PO 'DIR 'DUS LA, DE YANG GANG ZHE NA, RJE BRTZE BA CHEN POS; NYAL DANG LDANG DANG BDUD RTZI MYANG, ,TSAD MED BLA MA BDAG LHAR BSKYED, ,'GRO BA DAG PA'I RNAL 'BYOR DANG, ,DPA' BO DPA' MOS BYIN GYIS RLOBS, ,NGAG BZLAS YID BZLAS GNYIS GCIG YIN, ,BSAM MI KHYAB KYI RNAL 'BYOR DANG, ,SPYOD LAm GYIS NI RNAL 'BYOR TE, ,DE LTAR RNAL 'BYOR BCU GCIG GO ,ZHES GSUNGS PA LTAR YIN, 'DI LA BSGOM BYA'I DON LA THOS BSAM GYIS SGRO 'DOGS GCOD PA BSKYED RIM GYI BYA BA'AM RNAM BSHAD, BCAD DON NYAMS SU LEN PA SEMS 'DZIN GYI BYA BA'AM BYED CAN GNYIS, DANG PO NI, RNAL 'BYOR BSGOM PA'I SNGON DU LDANG DGOS SHING ,DE YANG SNGON DU NYAL DGOS PAS, THOG MAR NYAL BA'I RNAL 'BYOR 'DI LA 'ANG, GANG ZAG GI DBYE BAS NYAL LUGS GNYIS 'BYUNG STE, DANG PO GANG ZAG SPROS PA LA MI DGA' BA'AM, STONG NYID LA MOS PA'I DBANG DU BYAS NA BSAM MI KHYAB KYI RNAL 'BYOR BSGOM PA'I STONG NYID KYI NGANG LA RNAM RTOG GZHAN GYIS BAR MA CHOD PAR NYAL BAR BYED, GNYIS PA GANG ZAG SPROS PA LA DGA' BA'AM, BSKYED RIM LA MOS PA NI, GNAS KHANG CHOS 'BYUNG DMAR PO 'OD KYI RANG BZHIN CAN DU GSAL BA'I NANG DER SENGGE'I KHRI DANG PADMA DMAR PO 'DAB MA BRGYAD PA, DE'I KHAR NYI MA'I DKYIL 'KHOR DROD TSA CHI LI BA'I GDAN LA, RANG RDO RJE RNAL 'BYOR MA

RGYAN DANG PHYAG MTSAN MED PA'I RNAM PA CAN DU GSAL BA'I MGO BO'I THAD DU SENGGE'I KHRI LA RTZA BA'I BLA MA DPA' BO RDO RJE CHOS KYI RNAM PAR BZHUGS PA LA MOS GUS DUNG DUNG BA BYA ZHING, BLA MA DANG RANG LHAR GSAL BA YANG NAS YANG DU GSAL 'DEBS SHING ,RNAM RTOG GZHAN GYIS BAR MA CHOD PAR GNYID LOG CING ,GROGS SOGS YOD NA'ANG DE LTA BU BSGOM, NAM GNYID SAD PA DANG, DMIGS PA MA BRJED PAR GSAL 'DEBS BZHIN PA'I NGANG NAS GNYID LOG PAR BYED DO, ,DE LTAR NYI DKYIL GYI GDAN DROD 'BAR BA BSGOM PAS ZHU BDE'I NYAMS SKYE SLA ZHING ,RDZOGS RIM GYI SKABS MI DMIGS PA BSGOM PA'I BRTAN BYED DU'ANG 'GRO'O, ,DE LTA BU'I NYAL LUGS GNYIS PO GANG BYAS KYANG SBYANG GZHI LAS NYON GYI DBANG LAS BSKYED PA'I PHYI SNOD KYI 'JIG RTEN 'JIG PA, NANG BCUD KYI SEMS CAN 'CHI BA, KHYAD PAR RANG GZHAN THA MAL PA THAMS CAD LA NYAMS LEN GYI RTZIS MA ZIN PAR, GTI MUG GIS KUN NAS SLANGS TE DUD 'GRO BZHIN DU GNYID LOG PA'I MI DGE BA DANG BTANG SNYOMS LUNG MA BSTAN GYI LAS SU 'GRO BA THAMS CAD SBYONG BYED NYAL BA'I RNAL 'BYOR 'DI GNYIS KYI SA LAM GYI RNAM PAR BSGYUR TE, SBYANG 'BRAS DAG PA'I SNANG BAS RGYAS BTAB STE BSGOM PAS 'BRAS BU SANGS RGYAS KYI YE SHES SAM CHOS SKU MNGON DU BYED PA YIN NO, ,GNYIS PA LDANG BA'I RNAL 'BYOR NI, DE LTAR GONG DU NYAL LUGS GNYIS 'BYUNG BA LA BRTEN NAS LDANG LUGS KYANG GNYIS TE, DE'ANG DANG PO STONG NYID KYI NGANG LA NYAL BA YIN NA THO RANGS NAM GYI BRGYAD CHA TZAM GSUNGS YANG, RANG LDANG RAN PA'I DUS DER, NAM MKHA' LA MKHA' SPYOD KYI DPA' BO

, ,DANG; RNAL 'BYOR MA THAMS CAD KYIS d'A MA RU'I SGRA KHRO LO LO SGRAGS PA NA, DE'I SGRA DE RJE BTZUN YAB DANG THUN MONG BA'I YI GE BDUN PA'AM, THUN MONG MA YIN PA'I NYE SNYING AOm GSUM MA'I SGRAR LHANG LHANG GRAGS PA'I RKYEN GYIS GNYID SAD PAR BSAM LA, NYAL LUGS SNGA MA LTAR BYAS NA 'OD GSAL STONG NYID DE'I NGANG NAS CHU LAS NYA 'PHAR BA'I TSUL DU RANG RDO RJE RNAL 'BYOR MA RGYAN DANG PHYAG MTSAN SPANGS PA'I SKUR LAM GYIS LDANG ,PHYI MA LTAR NA RANG LHAR GSAL BA DANG MDUN GYI BLA MA DANG BCAS PA GSAL BA'I NGANG LAS GNAS KHANG DANG BCAS PA LA BLTAS PAS, DAG GSAL GNYIS MED KYI NGO BO CHOS 'BYUNG DMAR PO, GROGS SOGS NI RNAL 'BYOR MAR GSAL BTAB, DE NAS MDUN GYI BLA MA LA CHED DU MOS GUS BYAS PAS BLA MA 'OD DU ZHU RANG LA THIM PAS RANG SNGAR BAS KYANG GSAL BAR BSAM, DE'ANG SBYONG GZHI MA DAG PA'I PHYI SNOD KYI 'JIG RTEN CHAGS PA, NANG BCUD KYI SEMS CAN SKYE BA, RANG GZHAN THAMS CAD LA SAD PA'I SNANG BA BUN LONG DU 'CHAR BA'I THA MAL GYI RTOG PA 'DI RNAMS SBYONG BYED LDANG BA'I RNAL 'BYOR 'DIS SBYONG ,SBYANGS 'BRAS DAG PA'I SNANG BAS RGYAS BTAB STE BSGOM PAS 'BRAS BU SPRUL PA'I SKU MNGON DU BYED NGO, ,GSUM PA BDUD RTZI MYANG BA NI, DE YANG KYE RDOR GYI BSNYEN PA SONG BA'I SGRUB PA POS DPON SLOB BDUN GYI PHYAG LEN MAN NGAG LTAR PHYE MA DANG ,LDE GU DANG ,RIL BU BSGRIL NAS BSGRUB PA SOGS RJE BTZUN GONG MA'I SGRUB YIG NANG BZHIN MTHAR PHYIN PA'I BDUD RTZI RIL BU TSAD LDAN 'BYOR NA, RAB GSUM,

'BRID GNYIS, THA MA GCIG MA 'BYOR NA THOD PA TSAD LDAN NANG BDUD RTZI RIL BU BTAB PA'I CHANG NGAM, NANG MCHOD BYIN RLABS LO HI PA LTAR RAM, RGYAS BSDUS SKABS SBYAR BYA, SLAR YANG AOm A'A: H'Um ZHES BRJOD CING, GA-YON PA'I MTHEB SRIN GYIS GA-YON SKOR DU CHOS 'BYUNG BRIS PA'I DBUS NAS BDUD RTZI BLANGS TE LCE LA BZHAG CING MYANG PAS, LUS KYI NANG THAMS CAD YE SHES KYI BDUD RTZIS MER GYIS GANG BAS SDIG SGRIB SPYI DANG KHYAD PAR RTZA BA DANG YAN LAG GI DAM TSIG NYAMS CHAGS LAS BYUNG BA'I NYES LTUNG THAMS CAD NYI MA SHAR BAS MUN PA RANG SANGS LA SONG BA BZHIN DU SANGS KYIS DAG, BDE CHEN GYI YE SHES RGYUD LA SKYES BDUD RTZI'I DVANGS MA THAMS CAD SNYING GNAS SANGS RGYAS THAMS CAD 'DUS PA'I NGO BO BAm YIG DMAR POR GSAL BA LA THIM PAS, DE NYID NYI MA BYE BA'I GZI 'OD DANG LDAN PAR GYUR TE, RDO RJE RNAL 'BYOR MA'I THUGS DANG RANG SEMS DBYER MED DU 'DRES PA DE'I DANG LA BRJOD MED DU CHAM MER BZHAG ,DE'ANG SBYANGS GZHI RANG GZHAN THAMS CAD BZA' BTUNG BYED PA'I SNANG BA DANG ,RGYU DE LAS BYUNG BA'I MI DGE BA DANG ,GZHAN YANG 'DOD SRED KYIS KUN NAS SLANGS PA'I KHRUS BYED PA, PHYI ROL MU STEGS BYED RNAMS LUS KYI DRI MA DAG PAS SEMS KYI SGRIB PA SBYONG BAR 'DOD PA'I LTA LOG DANG ,DER MA ZAD 'DUL BA SOGS LAS KHA'I DRI MA SBYANG BA SOGS KYI CHED DU KHRUS BYA BA DANG ,SO SHING BRTAN PAR GSUNGS PA RNAMS KYANG SANGS RGYAS KYI BCAS 'GAL DU MI 'GRO PHYIR 'BAD PA LA PHAN YON NI MCHIS MOD, ,NYAMS LEN GYI RTZIS MA ZIN PAR MYUR DU SANGS RGYAS THOB PA'I RGYUR MI 'GYUR

, ,BAS NA, DE DAG THAMS CAD SBYONG BYED BDUD RTZI MYANG PA'I RNAL 'BYOR 'DIS LAM RNAM PAR DAG PAR BSGYUR NAS SBYONG ZHING, SBYANG 'BRAS DAG PA'I SNANG BAS RGYAS BTAB STE BSGOM PA'I 'BRAS BU SANGS RGYAS KYI YE SHES SAM; LONGS SPYOD RDZOGS PA'I SKU MNGON DU BYED PA'O, ,DE BZHIN DU RNAL 'BYOR GSANG MTHA'I NYAMS LEN GYI SNYING PO DGA' BA GSUM MAM DAG PA GSUM ZHES BYA BA YANG 'DIR 'DUS TE, RANG RDO RJE RNAL 'BYOR MAR GSAL BA NI SKU'I DGA' BA'AM DAG PA, BDUD RTZI MYANG BAS BDE CHEN GYI YE SHES SKYE BA NI, MGRIN PA GSUNG RDO RJE 'OD DPAG MED KYI GNAS NAS MYANG PAS DE'I BYED LAS YIN PAS GSUNG GI DGA' BA'AM DAG PA, SNYING GA'I Bm DANG RANG SEMS DBYER MED NGANG DU 'BOL LE SHIG GA BZHAG PA NI, THUGS KYI DGA' BA'AM DAG PA YIN NO, ,'DIR SMRAS PA, ,MA RIG 'KHRUL PA'I GNYID TSOGS CHOS KYIS BSKUL, ,MA DAG BSANGS PAS SNANG BA 'PHRUL GYIS SBYANGS, ,MA D'A NA SOGS BDUD RTZI MYANG NAS KYANG, ,MA YENGS DGA' BA GSUM LDAN NYAMS SU LONGS, ,ZHES BYA BA NI BAR SKABS KYI TSIGS SU BCAD PA'O, ,GNYIS PA BCAD DON NYAMS SU LEN PA LA, SNGON 'GRO, DNGOS GZHI, RJES KYI BYA BA'O, ,DANG PO LA THUN MONG BA'I SNGON 'GRO DANG, THUN MONG MA YIN PA'I SNGON 'GRO GNYIS, DANG PO LA DAL 'BYOR RNYED DKA' BSAM PA, 'CHI BA MI RTAG PA BSAM PA, LAS RGYU 'BRAS BSAM PA, 'KHOR BA'I NYES DMIGS BSAM PA'O, ,DANG PO LA, DAL 'BYOR GYI BSAM BYA DNGOS DANG, DE RGYUD LA SKYE BA'I TSAD BSTAN PA GNYIS KYI, DANG PO LA GSUM,

DAL 'BYOR NGOS BZUNG BA, DON CHE BAR BSAM PA, DE RNYED DKA' BA BSAM PA'O, ,DANG PO NI, SPYIR CHOS SGRUB PA LA DAL 'BYOR GYI MI LUS SKYON MED PA ZHIG THOB DGOS PAS, DE YANG DAL BRGYAD 'BYOR BCU TSANG BA'I RTEN NYID YIN LA, DE'I DAL BA BRGYAD LA MI KHOM PA'I SKYON BRGYAD DANG BRAL BA ZHIG DGOS, DE LA LUS MI KHOM PA LA NGAN SONG GSUM, NGAG MI KHOM PA LKUGS PA, YID MI KHOM PA MTHA' 'KHOB TU SKYES PA, KLA KLO, LOG LTA CAN, LHA TSE RING PO STE, DE BRGYAD LAS LDOG PA NA DAL BRGYAD THOB PA'O, ,DE YANG SDUD PA LAS, MI KHOM BRGYAD SPONG DE NI DAL BA RTAG TU RNYED, ,CES GSUNGS SO, ,'BYOR PA LA'ANG RANG 'BYOR LNGA DANG, GZHAN 'BYOR LNGA, SNGON MA NI, MI NYID DBUS SKYES DBANG PO TSANG, ,LAS MTHA' MA LOG GNAS LA DAD, ,CES GSUNGS PA LTAR, MI NYID YIN PA, YUL DBUS DE 'KHOR RNAM BZHI TSANG BA'I GNAS SU SKYES PA, DBANG PO RNAMS TSANG BA, LAS KYI MTHA' MTSAMS MED PA LNGA MA BYAS PA, GNAS LA DAD PA STE CHOS LA MOS PA RNAMS YIN ZHING, PHYI MA LNGA NI, SANGS RGYAS BYON DANG DAM CHOS GSUNG , , BSTAN PA GNAS DANG DE RJES 'JUG GZHAN PHYIR SNYING NI BRTZE BA'O, ,ZHES PA LTAR SANGS RGYAS 'JIG RTEN DU BYON PA, DAM PA'I CHOS GSUNGS PA, BSTAN PA GNAS PA STE DE'I RGYUD PA 'DZIN PA'I GANG ZAG YOD PA, RANG NYID DE'I RJES SU 'JUG PA, GZHAN PHYIR SNYING BRTZE BA STE CHOS SGRUB PA'I MTHUN RKYEN TSANG BA DE RNAMS YIN NO, ,DE DAG GI NANG NAS RANG 'BYOR LNGA PHAL CHER TSANG NYE BA DANG, GZHAN 'BYOR LNGA PO SANGS RGYAS ZHAL BZHUGS DUS MTSAN NYID DE LDAN, MGON PO KLU SGRUB KYI DUS TZAM LA DAL 'BYOR RJES

, ,MTHUN PA, DENG SANG RJES MTHUN PA LAS KYANG RJES MTHUN DU GYUR PA TZAM YIN MOD KYI, CHOS SGRUB PA'I SKABS GTAN MED PA MA YIN TE, CI'I PHYIR ZHE NA, SANGS RGYAS KYI GDUNG 'TSO BA BSTAN 'DZIN GYI SKYES BU DAM PA MANG DU BZHUGS SHING, DE DAG GIS CHOS STON PA SOGS RGYU RKYEN DU MA TSOGS PA'I PHYIR RO, ,DE LTAR DAL 'BYOR GYI MTSAN NYID TSANG NA CHOS SGRUB PA'I SKAL BA DANG LDAN LA, DE DAG GANG YANG MA TSANG NA CHOS SGRUB PA'I SKAL BA MED PAS DE TSANG NGAM MA TSANG KHA NANG DU PHYOGS NAS LEGS PAR BSAM MO, ,GNYIS PA NI, GONG DU SMOS PA'I MTSAN NYID DE DAG RANG LA TSANG 'DUG NA DE 'DRA BA'I LUS RTEN DE NI YID BZHIN GYI NOR BU RNYED PA LAS KYANG DON CHE STE, NOR BU DES DBUL BA'I SDUG BSNGAL SEL BA TZAM NUS KYANG 'KHOR BA LAS SGROL MI NUS, DAL 'BYOR GYI RTEN DE'I SGO NAS BSGRUBS NA DON GNYIS MTHAR PHYIN PA'I RDZOGS PA'I SANGS RGYAS KYI GO 'PHANG BDE BLAG TU THOB NUS PA YIN, DE'I RGYU MTSAN KYANG 'DZAM GLING LAS KYIS ZHES TSE STOD LA DER SKYE BAR SHOG + CIG CES SMON LAM 'DEBS PAR GSUNGS PAS NA, BDAG GIS DAL 'BYOR THOB PA 'DI SHIN TU DON CHE SNYAM DU ZHE THAG PA NAS BSAM MO, ,GSUM PA NI, DE LTAR DON CHEN PO DANG LDAN PA DE, THOB DKA' TSUL LA GSUM STE, DPE RGYU GRANGS KYI

SGO NAS SO, ,DANG PO NI, DGA' BO RAB TU BYUNG BA'I MDO LAS, DGE SLONG DAG 'JIG RTEN GYI KHAMS YANG RGYA MTSO CHEN PO ZHIG TU GYUR TE, DE'I NANG NA RUS SBAL LONG BA TSE YUN RING POR 'TSO BA ZHIG GNAS TE, ZHES SOGS LA BRTEN, SPYOD 'JUG LAS, RGYA MTSO CHER GA-YENGS GNYA' SHING GI ,BU GAR RUS SBAL MGRIN CHUD LTAR, MI NYID SHIN TU RNYED DKA' GSUNGS ZHES PA LTAR, DPER NAS PHYOGS THAMS CAD RGYA MTSO CHEN PO ZHIG TU GYUR PA'I STENG DU GSER GYI GNYA' SHING BU GA GCIG PA ZHIG PHYOGS BZHIR RLUNG GIS GA-YENGS NAS GZHI GCIG TU MI GNAS PAR 'GRO BA DANG, RGYA MTSO'I NANG NA RUS SBAL LONG BA LO BRGYA BRGYA NAS MGO BO LAN RE RDOG TZAM BYED PA DE'I MGRIN PA GNYA' SHING GI BU GAR CHUD PA'I DUS DE NI YOD KYI, DE BAS KYANG DAL 'BYOR THOB PA DKA' TSUL GSUNGS PA RNAMS BSAM MO, ,GNYIS PA NI, DAL 'BYOR THOB PA'ANG RGYU LA RAG LAS SHING, DE'ANG NGES 'BYUNG GIS KUN NAS SLANGS PA'I TSUL KHRIMS RNAM PAR DAG PA GZHIR BZUNG, SMON LAM DRI MA MED PAS MTSAMS SBYAR, SBYIN SOGS PHA ROL TU PHYIN PA GZHAN GYIS GROGS BYAS PA ZHIG RGYU MED THABS MED PAS, RANG CAG RNAMS LA DE TZAM PHAR BZHAG TSUL KHRIMS RNAM DAG RE TZAM YANG SRUNG BA DKA' NA, RGYU MED PA LA 'BRAS BU 'BYUNG MI SRID PA'I PHYIR, DAL 'BYOR THOB PA SHIN TU DKA' 'O SNYAM DU ZHE THAG PA NAS BSAM MO, ,GSUM PA NI, DAL 'BYOR THOB PA DE TZAM RE CI DKA', MI MANG PO 'DUG GO SNYAM NA DE NI ZHIB TU MA DPYAD PA'I SKYON YIN TE, SPYIR SEMS CAN GYI KHAMS NA LUS THOB PA LAS KYANG,

, ,MA THOB PA'I BAR DO'I SEMS CAN CHES MANG BA ZHIG YOD CING, DE'I RGYU MTSAN YANG SOS KA'I DUS LTA BU ZHIG LA MI 'AM DUD 'GRO SHI PA'I RO GCIG ZHAG KHA YAR BZHAG NA DE'I NANG THAMS CAD 'BUS KHENGS NAS YONG ZHING, DE BZHIN DU SHI BA'I RO GNYIS DANG GSUM LA SOGS PA NAS JI SNYED CIG BZHAG KYANG DE SNYED KYI 'BU 'BYUNG BA'I PHYIR RO, ,DES NA 'BU GCIG PUR SKYE 'GYUR GYI LAS BSAGS PA'I BAR DO'I RNAM SHES LA'ANG THOGS PA MED NA, 'GRO BA GZHAN GYI SKYE GNAS MANG BA LTA CI SMOS, DE'ANG 'DUL LUNG LAS, DMYAL BA NI SA CHEN PO'I RDUL TZAM MO, ,YI DVAGS NI KHA BA BU YUG 'TSUB PA TZAM MO, ,DUD 'GRO NA CHING DAR MA'I SBANG MA TZAM MO, ,ZHES GSUNGS SHING, THA NA MNGON SUM RIG PAS DPER MTSON NA LUNG PA RE'I DUD 'GRO DANG SROG CHAGS PHRA MO TSUN RTZIS NA GRANGS KYIS MI CHOD, MI NI DE DAG GI TSOD NAS NYUNG SHAS RE LAS MI 'BYUNG, MI'I NANG NAS KYANG CHOS DANG 'PHRAD PA DANG MA 'PHRAD PA'I SKYE BO GANG MANG RTZIS NA SNGA MA NYUNG LA PHYI MA SHIN TU MANG BAR 'GYUR RO, ,DE'I NGOS NAS KYANG CHOS TSUL BZHIN DU BYED PA DANG MI BYED PA GNYIS NI, NYIN MO'I SKAR MA DANG, MTSAN DUS KYI SKAR MA BZHIN DU KHYAD SHIN TU CHE'O, ,DE LTAR SGO DU MA NAS RNYED DKA' TSUL BSAM NAS DAL 'BYOR LA SNYING PO LEN 'DOD KYI BLO RGYUN MI 'CHAD PAR BYA'O, ,GNYIS PA DAL 'BYOR GYI SKOR LA BLO 'BYONGS PA'I TSAD NI, SPYAN SNGA TSUL KHRIMS 'BAR GYI GTAM BRJOD PA STE KHONG MAN LA MI LOG PAR NYIN MTSAN

KUN TU THUGS DAM MDZAD PA LA, DGE BSHES RNAL 'BYOR PA CHEN PO NA RE, BU SKABS RE GNYID RE'ANG MA LOG NA KHAMS LDOG PA 'ONG GSUNGS PAS DE'ANG LAGS MOD, DAL 'BYOR RNYED DKA' 'DI BSAM NA GNYID LOG LONG RANG MI GDA' GSUNGS NAS THUGS DAM KHO NA MDZAD, DE BZHIN DU 'O SKOL YANG DGE BA LA CHED DU BSKUL MI DGOS PA'I BRTZON 'GRUS SHUGS KYIS SKYE BA'O, ,GNYIS PA MI RTAG PA BSAM PA LA DNGOS DANG, DE BSTAN PA'I TSAD GNYIS LAS, DANG PO LA GSU, NGES PAR 'CHI BA BSAM PA, NAM 'CHI NGES MED BSAM PA, 'CHI TSE CHOS MA GTOGS GANG GIS KYANG MI PHAN PAR BSAM PA'O, ,DANG PO NI, GSUNG RAB LAS, GANG DU GNAS NA'ANG 'CHI BAS MI TSUGS PA'I, ,SA PHYOGS DE NI GANG NA'ANG YOD MA YIN, ,NAM MKHA' NA MED RGYA MTSO'I NANG NA'ANG MED, ,RI BO RNAMS KYI GSEB TU ZHUGS NA'ANG MED, ,CES RANG CAG RNAMS NGES PAR 'CHI STE, SNGON BYON SANGS RGYAS DANG, RGYA BOD KYI PAn GRUB RGYAL BON BYANG SEMS SOGS GANG ZAG MCHOG DMAN GRANGS MED PA BYON PA GTAM RGYUS CHOS 'BYUNG SOGS NAS BSHAD PA MTHA' DAG LEGS PAR DPYAD NA MTSAN TZAM BZHAG PA MA GTOGS MYA NGAN LAS 'DAS ZIN PA SHA STAG YIN, DE BZHIN DU RANG GI MNGON SUM GYI SPYOD YUL CAN PHA MA DANG MKHAN SLOB GROGS MCHED SOGS DGRA GNYEN BAR MA'I 'GRO BA BSAM GYIS MI KHYAB PA ZHIG 'JIG RTEN PHA ROL DU SONG, SNGAR BYUNG BA'I MI 'DI ZHES BYA BA MA SHI BAR TSE MTHAR PHYIN PA MED NA BDAG GCIG PU LA DMIGS KYI BSAL TE 'CHI MI DGOS PA

, ,GA LA 'ONG SNYAM DU DPE DANG, GTAN TSIGS KYI SGO NAS LEGS PAR BSAM STE NGES PAR 'CHI BA 'ONG BA THAG MCHOD KYI BAR DU BSAM MO, ,GNYIS PA NI DE LTAR BSAM PA NAM PHUG 'CHI BA BDEN MOD, DA LO CHOS RGYAG LA SOGS PA BSAGS LA SANG PHOD CHOS BYA'O SNYAM NA, 'O SKOL GYI TSE PHYI MA DANG SANG PHOD GANG SNGA MI SHES, DE BAS ZLA BA PHYI MA DANG TSE PHYI MA, ZHAG PHYI MA DANG TSE PHYI MA GNYIS GANG SNGA MI SHES PAS SO, ,JI SKAD DU TSOMS LAS, SANG DANG 'JIG RTEN PHYI MA GNYIS, ,SNGON DU GANG 'OD GTOL MED PAS, ,SANG GI TSIS LA MI 'BAD PAR, ,PHYI MA'I DON LA 'BAD PAR RIGS, ,ZHES SO, ,DE'ANG 'CHI RKYEN MANG BA, GSON RKYEN NYUNG BA, MTHAR GSON RKYEN RNAMS KYANG 'CHI RKYEN 'BA' ZHIG GI RGYUR 'GRO BA STE, DPER NA MAR ME'I SDONG BU ZHIG LA MAR KHU LA SOGS PA'I RING DU GNAS PA'I RKYEN DU MA TSANG YANG DA RLUNG GIS BSKYOD NAS SKAD CIG KYANG GNAS PA'I GDENGS MED PA GLO BUR DU 'CHI BA BZHIN NO, ,DE YANG, BSHES SPRINGS LAS, TSE NI GNOD MANG RLUNG GIS BTAB PA YIN, ,CHU YI CHU SBUR BAS KYANG MI RTAG NA, ,DBUGS RNGUBS DBUGS DBYUNG GNYID KYI LOG PA LAS, ,SAD 'KHOMS GANG LAGS DE NI NGO MTSAR CHES, ,ZHES GSUNG PA LTAR BSAM MO, ,DE 'ANG MI RTAG PA'I RGYUN GOMS PHYIR THAN CHU'I 'GROS, RI GZAR GYI RBAB, SKAD CIG DANG PO MA BSGRAGS NA SKAD CIG PHYI MA LA NYAMS 'GRO BA'I SGRA SKAD, NANG RANG SEMS KYI RNAM RTOG GI 'GYUR BA RNAMS LA LEGS PAR DPYAD NAS DE DAG RE RE BZHIN

DU MI RTAG PA RGYU MTSAN DU SBYAR NAS BSAM MO, ,GSUM PA NI, SPYOD 'JUG LAS, GSHIN RJE'I PHO NYAS ZIN PA LA, ,GNYEN GYIS CI PHAN BSHES CI PHAN, ,DE TSE BSOD NAMS GCIG SKYABS NA, ,DE YANG BDAG GIS MA BSTEN NO, ,ZHES 'CHI BA'I DUS LA BAB PA NA, 'JIG RTEN 'DI NI SA RDOR BRIG THAMS CAD GSER DNGUL DU GYUR, RTZI SHING NAGS TSAL RNAMS DAR ZAB, CHU RNAMS MAR KHU, MI THAMS CAD RANG GI GNYEN MDZA' BSHES DANG, BU DANG BU MO SOGS KYI RGYUR 'GRO BA'I LONGS SPYOD THOB KYANG GCIG KYANG PHAN PA MED, 'KHOR LOS BSGYUR BA'I RGYAL SRID THOB KYANG 'CHI BA'I TSE GROGS 'KHRID PA DANG, NOR RDZAS 'KHYER BA'I DBANG LTA CI SMOS, MA'I MNGAL NAS LHAN CIG TU 'GROGS PA'I LUS DE NYID KYANG CAM GYIS BZHAG STE MIG CE RE LONG NGE SHI 'GRO DUS RJES SU 'BRANGS SHING PHAN THOGS PA DAM PA'I CHES KHO NA LAS MED PAR THAG CHOD KYI BAR DU BSAM MO, ,CHOS BYAS NA 'CHI YANG 'CHI LUGS MI CIG STE, CHOS PA RAB 'CHI BA LA SPRO, 'BRING MI MTSER, THA MA'ANG MI 'GYOD BYA BA YIN NO, ,GNYIS PA DE DAG RGYUD LA SKYED CING BRTAN PA'I TSAD NI, KHA RAG SGOM CHUNG LTA BU 'ONG BA STE, KHONG KHA RAG GI BRAG KHUNG DU BZHUGS TZA NA, BRAG KHUNG GI SGO NANG DU SHING SE BA'I SDONG PO ZHIG YOD PAR YAR 'GRO MAR 'GRO NAM BYED DUS NA BZA' THOGS NAS RAL 'GRO BAS BCAD DGOS DGONGS PA RE 'KHRUNGS TZA NA, DE MA THAG MI RTAG PA HUR HUR DRAN TE 'DI BCAD NAS CI BYED, PHYI NANG DU 'GRO 'ONG BYED PA'I NGES PA MI 'DUG DGONGS NAS GSHEGS GSHEGS

, ,PAR GCOD PA MA BYUNG NGO, ,DPE DE BZHIN DU 'O SKOL RNAMS KYANG TSE 'DI'I BYA BA GANG LA YANG BLO SNA THUNG 'BUD KYIS 'GRO BA'O, ,GSUM PA LAS RGYU 'BRAS BSAM PA LA DNGOS DANG, 'BYONGS PA'I TSAD GNYIS LAS, DANG PO LA GSUM, LAS 'BRAS BSGOM DGOS PA'I RGYU MTSAN, LAS 'BRAS KYI NGO BO, ,DE LA SPANG BLANG BYED TSUL LO, ,DANG PO NI, SNGAR BSAM PA'I 'CHI BA DE LA MTSER RGYU CI YOD, DA PHYIN CHAD SKYE RGYU MED DO SNYAM NAS SKYE BA LEN MI DGOS NA DE KA YIN MOD KYI, 'O SKOL LAS NYON MA ZAD PA RNAMS LAN GCIG SHI YANG 'KHOR BAR SKYE DGOS PA YIN, DE'I RTZA BA LAS NYON ZAD PAR BYED PA RGYU 'BRAS KYI BLANG DOR PHYIN CI MA LOG PA LA 'BAD DGOS, DE YANG MDO LAS, DUS KYIS NYEN TE RGYAL PO 'CHI BA'I TSE, ,LONGS SPYOD MDZA' DANG GNYEN BSHES RJES MI 'BRANGS, ,SKYES BU DE NI GANG DANG GANG 'GRO YANG, ,LAS NI GRI BA MA BZHIN DU RJES SU 'BRANGS, ,ZHES PA LTAR, RANG GIS BYAS PA'I LAS GZHAN GANG GI YANG RJES SU MI 'BRANGS PA, BYED PA PO RANG GI RJES SU 'BRANG BA NI, 'DUL BA LUNG LAS, LUS CAN RNAMS KYI LAS RNAMS NI, ,BSKAL PA BRGYAR YANG CHUD MI 'DZAD, ,TSOGS SHING DUS LA BAB PA NA, ,'BRAS BU SMIN PA NYID DU 'GYUR, ,GSUNGS PA'I DON BSAM PA LA, MI DGE BA'I LAS RNAMS SPONG 'DOD, DGE BA'I LAS RNAMS SGRUB 'DOD, LUNG MA BSTAN DGE BAR BSGYUR BA SOGS SO, ,DE YANG RIN 'PHRENG LAS, 'DOD CHAGS ZHE SDANG

GTI MUG GSUM, ,DES BSKYED LAS NI MI DGE BA, ,ZHES GSUNGS TE, RANG PHYOGS LA CHAGS PA DANG, GZHAN PHYOGS LA SDANG BA DANG, LAS 'BRAS LA RMONGS PA'I MA RIG PA STE, DE GSUM GYIS KUN NAS SLANGS PA'I SGO GSUM GYI LAS RNAMS TE; RTZA BA DUG LAS BYUNG BA'I LO 'BRAS YANG DUG YIN PA LTAR, MI DGE BA ZHES PA'O, ,DE LA DBYE NA, LUS KYI LAS, SROG GCOD, MA BYIN LEN, 'DOD LOG DANG GSUM, NGAG GI LAS, RDZUN, PHRA MA, TSIG RTZUB BA, NGAG 'KHYAL DANG BZHI, YID KYI LAS, BRNAB SEMS GNOD SEMS, LOG LTA DANG GSUM STE SDOMS BCU'O, ,DE LA DANG PO LUS KYI LAS, SROG GCOD PA NI, RANG NGAM GZHAN BSKOS KYANG RUNG CHE BA MI NAS SROG CHAGS PHRA MO TSUN BSAD PA, MA BYIN LEN NI, GZHAN GYI NOR RKU DANG 'JAM BUS BDAG GIR BYED PA, 'DOD LOG NI, DPER NA KHYIM PA LTA BUR GZHAN GYI CHUNG MA'AM, YUL DUS GNAS SOGS LAM MIN PAR BGROD PA SOGS 'DOD PA PHYIN CI LOG GI BYA BA MA YIN PA DE RNAMS DNGOS SHUGS SPONG BA'O, ,GNYIS PA NGAG GI LAS BZHI LA, RDZUN GYIS GZHAN BSLU BAR SEMS PA'I MI BDEN PA SMRA BA, PHRA MA NI, GZHAN MTHUN MI MTHUN JI LTAR RUNG DBYE BA'I PHYIR PHRA MA 'JUG PA, TSIG RTZUB NI, GZHAN LA 'PHOG PA'I TSIG NGAN BRJOD PA, NGAG 'KHYAL NI, DON MED PA'I GTAM CHAL CHOL GSNA TSOGS SMRA BA GLU TSIG NGAN RLOG PA'O, ,GSUM PA YID LAS GSUM LA, BRNAB SEMS NI, GZHAN NOR YID 'ONG BA RANG LA BYUNG NA BSAM PA, GNOD SEMS NI,

, ,GZHAN LA NGAN SEMS KYIS GNOD PA SKYEL 'DOD PA, LOG LTA NI, LAS 'BRAS LA BDEN PAR MI 'DZIN PA'O, ,GNYIS PA DE'I 'BRAS BU BSAM PA NI, RIN CHEN 'PHRENG BA LAS, MI DGE BA LAS SDUG BSNGAL DANG, ,DE BZHIN NGAN 'GRO THAMS CAD DO, ,ZHES PA LTAR, DE RE RE LA YANG, RNAM SMIN, RGYU MTHUN, BDAG 'BRAS GSUM STE, RNAM SMIN GYI 'BRAS BU NGAN SONG GSUM GYI SDUG BSNGAL BSKYED, DE YANG ZHE SDANG GIS KUN NAS BSLANGS PA'I LAS NGAN SPYOD NA DMYAL BA, 'DOD CHAGS KYIS YI DVAGS, GTI MUG GIS DUD 'GROR SKYE, NGO BO'I SGO NAS MI DGE BA CHEN PO BCU SPYAD NA DMYAL BA, 'BRING DU SPYAD NA YI DVAGS, CHUNG DU SPYAD NA DUD 'GROR SKYE BAR GSUNGS SO, ,RGYU MTHUN GYI 'BRAS BU LA, MYONG BA RGYU MTHUN DANG, BYED PA RGYU MTHUN GNYIS LAS, DANG PO MYONG BA RGYU MTHUN RNAM SMIN GYI 'BRAS BU MYONG ZIN NAS MTHO RIS SU SKYES NA 'ANG, GANG LTAR SROG GCOD BYAS PAS TSE THUNG BA, NAD MANG BA, MA BYIN LEN GYIS LONGS SPYOD DBUL BA, CUNG ZAD YOD KYANG GZHAN GYIS 'KHYER TE RANG LA SPYOD DBANG MED PA, 'DOD LOG GIS DGRA MANG BA RANG GI 'KHOR GYIS MI NYAN PA, RDZUN GYIS MI KHA LDANG BA GZHAN GYIS BSLU BA MANG BA, PHRA MAS MDZA' BSHES NYUNG BA RANG DANG MI MTHUN PA, TSIG RTZUB KYIS GTAM MI SNYAN PA THOS PA, RANG GIS GANG SMRAS KYANG GZHAN GYI KHONG KHRO'I RGYUR 'GRO BA, NGAG 'KHYAL GYIS RANG GIS BDEN PAR SMRAS KYANG GZHAN GYIS CHA 'JOG MI BYED PA, BRNAB SEMS KYIS YID LA GANG RE BA MI 'BYUNG ZHING GAL TE BYUNG SRID KYANG CHOG MI SHES PA,

GNOD SEMS KYIS DUS RTAG TU 'JIG SNANG SOGS GZHAN GYIS RANG LA GNOD DOGS SOGS YID DOGS CHE BA, LOG LTAS SDIG PA'I GROGS LA DGA' BA DANG SHES 'CHAL DU 'GRO BA SOGS 'BYUNG NGO, ,BYED PA RGYU MTHUN GYI 'BRAS BU NI, SNGON LA MI DGE BA GANG DANG GANG SPYAD PA DE LA BLO GOMS PA'I SHUGS KYIS TSE RABS RGYUN MAR DE DANG DE LA RJES SU PHYOGS SHING, DPER NA SROG GCOD LA DGA' BA'I MI DE BZHIN TSE RABS GZHAN DU'ANG SROG GCOD KHO NA BYED PAR 'DOD PA DE BZHIN DU, DE DANG DE BZHIN LA GOMS PAR BYED PA RGYU MTHUN YIN NO, ,BDAG 'BRAS NI, GANG DANG GANG DU SKYE BA'I YUL PHYOGS DE DANG DE LA SMIN PAR GSUNGS TE, DE YANG, SROG GCOD KYIS YUL PHYOGS GZI MDANGS CHUNG BA, MA BYIN LEN GYIS SAD SER LDANG BA SOGS DES RIGS 'GRE 'BYUNG BAR GSUNGS SO, ,GSUM PA DE DAG SPONGS BAR BSAM PA NI, MI DGE BA'I LAS KYI 'BRAS BU NGAN SONG GI SDUG BSNGAL DE RNAMS LA BSAM BLO YANG DAG GI SGO NAS PHYIN CHAD SROG LA BABS KYANG SDIG PA'I LAS MI BYA'O SNYAM STE, 'DUL BA LUNG LAS, SDIG PA CHU DU DAG LA YANG, ,MI GNOD SNYAM DU BRNYAS MI BYA, ME STAG CHUNG DU DAG GIS KYANG, RTZA PHUNG RI TZAM SREG PAR BYED, ,CES GSUNGS PA LTAR, SDIG LAS MI 'BYUNG BA'I THABS LA 'BAD, GAL TE BYUNG YANG 'GYOD SEMS DRAG POS BSHAGS PAR BYA, PHYIS MI BYED PAR SDOMS PAR BYA STE, DE LTAR BSHAGS SHING BSDOMS PA BRTEN NAS, BSHES SPRINGS LAS, GANG ZHIG SNGON CHAD BAG MED GYUR

, ,PA LA, ,PHYIS NAS BAG DANG LDAN PA GYUR DE YANG, ,ZLA BA SPRIN BRAL LTA BUR RNAM MDZES TE, ,DGA' BO SOR 'PHRENG MTHONG LDAN BDE BYED BZHIN, ,ZHES GSUNGS PA LTAR LA BSAM BLO ZHIB MOR BTANG STE MTHO RIS KYI MI MTHUN PHYOGS SPONG BA LA 'BAD PAR 'TSAL LO, ,GNYIS PA, DGE BA'I LAS 'BRAS BSAM PA, DE SGRUB 'DOD BSKYED PA LAS, DANG PO RIN CHEN 'PHRENG BA LAS, MA CHAGS ZHE SDANG GTI MUG MED, ,DES BSKYED LAS NI DGE BA YIN, ,ZHES GSUNGS TE RANG PHYOGS LA CHAGS PA DANG, GZHAN PHYOGS LA ZHE SDANG MED PA DANG, LAS 'BRAS LA RMONGS PA MED PA'I SHES RAB KYIS KUN NAS BSLANGS PA'I SGO GSUM GYI LAS TE, RTZA BA SMAN LAS BYUNG BA'I LO 'BRAS YANG SMAN YIN PA LTAR, DGE BA'I LAS ZHES BYA STE, DE LA DBYE NA LUS KYI LAS, SROG GCOD SPONG BA SOGS GSUM, NGAG LAS RDZUN SPONG BA SOGS BZHI, YID LAS BRNAB SEMS SPONG BA SOGS GSUM STE BSDOM MI DGE BA BCU YANG DAG PAR SPANGS NA DGE BA BCU DANG LDAN PAR 'GYUR RO, ,GNYIS PA DE'I 'BRAS BU BSAM PA NI, RIN CHEN 'PHRENG BA LAS, DGE LAS BDE 'GRO THAMS CAD DANG, ,SKYE BA KUN TU BDE BA DAG CES GSUNGS TE, DGE BA BCU PO RE RE LA YANG, RNAM SMIN, RGYU MTHUN, BDAG 'BRAS GSUM GSUM STE, DANG PO RNAM SMIN GYI 'BRAS BU MTHO RIS KYI BDE BA BSKYED DE, DE YANG DGE BA CHEN POS LHA, 'BRING GIS LHA MIN, CHUNG DUS MIR SKYE BAR GSUNGS SO, ,GAL

TE DAL 'BYOR RNYED DKA'I SKABS SU MTHO RIS KYI LUS RTEN RNAMS KYI NANG NAS DAL RTEN NYID KHYAD PAR DU 'PHAGS TSUL BSHAD PA NI DAM CHOS SGRUB PA'I RTEN BZANG NGAN YIN GYI, 'DIR NI TSE RABS SNGON MA'I LAS KYI 'BRAS BU BZANG NGAN 'CHAD PA'I SKABS SO, ,RGYU MTHUN GYI 'BRAS BU LA, MYONG BA RGYU MTHUN DANG, BYED PA RGYU MTHUN GNYIS LAS, DANG PO NI, SROG GCOD SPANGS PAS TSE RING BA DANG, RKU 'PHROG SPANGS PAS LONGS SPYOD CHE BA SOGS RE RE BZHIN SNGAR GYI MI DGE BA'I 'BRAS BU LAS GO LDOG PAR 'BYUNG BAR GSUNGS SO, ,BYED PA NI, LAS NGAN DE DANG DE DAG BYED MI 'DOD PA'O, ,BDAG 'BRAS NI, YUL PHYOGS GZI MDANGS CHE BA SOGS SNGAR GYI DE LAS GO LDOG PAR 'BYUNG NGO, ,DE NA PHAN YON DE LTAR DRAN CING DGE BA PHRA MO TZAM YANG KHYAD DU MI GSOD PAR BSGRUB DGOS PA NI, 'DUL LUNG LAS, DGE BA CHUNG NGU DAG LA YANG, ,MI PHAN SNYAM DU BRNYAS MI BYA, ,CHU YI THIG PA BSAGS PA YIS, ,SNOD CHEN RIM GYIS GANG BAR 'GYUR, ,ZHES PA LTAR, MI DGE BA SPONGS GANG THUB DANG, DGE BA SGRUB GANG THUB SOGS RTZA BA RANG GI SEMS DGE MI DGE LA RAG LAS PA'I PHYIR, SPYOD 'JUG LAS, BSLAB PA BSRUNG BAR 'DOD PA YIS, ,RAB TU KRIMS LA SEMS SRUNG STE, ,SEMS DE BSRUNG BAR MA BYAS NA, ,BSLAB PA BSRUNG BA YONG MI NUS, ,ZHES PA LTAR DON BSAM MO, ,GSUM PA LUNG MA BSTAN ZHES BYA BA LA DGE BA'ANG MA YIN, SDIG PA YANG MA YIN, 'GRO 'CHAG NYAL 'DUG LA SOGS PA 'PHRAL GYI SPYOD LAM BTANG SNYOMS PA RNAMS NI, SA PAn

, ,GYIS BTANG SNYOMS GNYIS KA MA YIN PAS, RNAM PAR SMIN PA'ANG GNYIS KA MIN, ZHES PA LTAR, LAS DE RNAMS DGE BAR BSGYUR BA SOGS LA 'BAD DGOS PA NI, SDUD PA LAS, 'GRO CHAG NYAL DANG 'DUG PAR SHES BZHIN RAB TU LDAN, ,ZHES GSUNGS PA LTAR, KHYIM DU GNAS PA'I CHE THAR PA'I GRONG THOB PAR GYUR CIG ,DE BZHIN DU STAN LA 'DUG TSE RDO RJE'I GDAN, NYAL BA'I CHOS SKU, LDANG BA'I GZUGS SKU, GOS NGO TSA KHREL YOD, KHRUS NYON MONGS DRI BRAL, ZAS BSAM GTAN, KHYIM NAS 'GRO BA'I TSE 'KHOR BA'I GRONG LAS THAR, LAM 'JUG 'PHAGS LAM, GZHAN 'PHRAD SANGS RGYAS MJAL, DON SPYOD BDEN GNYIS MTHAR PHYIN, KHYIM 'JUG THAR GRONG SLEBS PA'I TSE SANGS RGYAS KYI SAR PHYIN PAR GYUR CIG ,CES PA LTA BU LA TING 'DZIN BYED PA BTANG SNYOMS RNAMS DGE BAR BSGYUR THABS YIN ZHING, DE LTAR DU 'BAD PAS DE'I RNAM SMIN MTHO RIS, MYONG BA RGYU MTHUN TSE RING PHUN TSOGS, BYED PA GTAN BDE, BDAG 'BRAS SNOD KYI 'JIG RTEN GZI MDANGS DANG LDAN PA SOGS 'BYUNG NGO, ,YANG 'GA' ZHIG GI RNAM RTOG LAS, MI DGE BA'I LAS TSABS CHE BYED PA 'GA' ZHIG TSE 'DIR BDE SKYID CHEN PO 'ONG BA CI YIN ZHE NA, DE NI CHE 'DI'I 'BRAS BU MA YIN GYI, TSE RABS SNGON MA'I DGE 'BRAS 'DIR SMIN CING, 'DIR MI DGE BA SPYAD PA'I LAS NGAN RNAMS TSE PHYI MAR MYONG BAR GYUR PA DANG, DE MTSUNGS SDIG STOBS CHEN PO BYED PA KHA CIG BDE SKYID GZHAN LAS CHE NA YANG,

TSE RABS GZHAN DU MYONG BAR 'GYUR BA'I DGE BA THAMS CAD 'DIR SPYAD PAS TSE 'DI'I BDE BA TZAM DU ZAD PAR GYUR NAS, DE PHAN CHAD SDUG BSNGAL KHO NA MYONG DGOS PA'I RTAGS SU GSUNGS PA NI, GTAM RGYUD LAS, SDIG CAN NYI 'OG RGYAL KHAMS SU, ,'BRAS DANG NAS DANG RIN CHEN CHAR, ,ZHAG GRANGS BDUN RE BABS PA'I MTHAR, ,BYE CHAR BABS TE NON PAR GYUR, ,ZHES DANG, DE BZHIN DU DGE BA BYED PA 'GA' ZHIG DGE STOBS CHER BYAS PA'ANG TSE 'DIR SDUG BSNGAL TZAM DU ZAD PAR GYUR NAS, DE PHAN CHAD SDUG BSNGAL MYONG MI DGOS PA'I RTAGS YIN PA SOGS RDO RJE GCOD PA LAS GSUNGS PA LTAR RO, ,DE LTA BU LAS 'BRAS LA YID CHES KYIS BLANG DOR TSUL BZHIN DU SPYAD PAS NGAN 'GROR MI 'GRO BA'I GDENGS THOB PA'O, ,DE DAG RGYUD LA SKYE BA'I TSAD NI, SNGON BYON DGE BA'I BSHES GNYEN RNAMS KYI NYI MA RE RE BZHIN RANG LA RANG GIS LAS 'BRAS LA ZHU DAG MDZAD PHYIR RDE'U DKAR NAG SPUNGS TE, MI DGE BRGYUD LA BSKYED TSE RDE'U NAG PO DANG, DGE BA'I LAS RGYUD LA BSKYED TSE RDE'U DKAR PO RE BTANG BAS, DANG PO'I CHAR NAG PO MANG ZHING DKAR PO NYUNG BA DANG, RIM GYIS BLO SBYANGS PAS DKAR PO MANG DU 'GRO ZHING NAG PO NYUNG LA, MTHAR NAG PO RBAD ZAD KYI DKAR PO SHA STAG BYUNG BAS YID RANG PHUL DU PHYIN PA'O, ,RANG CAG RNAMS KYANG DE LTA BU'I SGO NAS 'BAD BRTZON SHUGS DRAG SKYE BAR BYA'O, ,BZHI PA 'KHOR BA'I NYES DMIGS BSAM PA NI, MDO DRAN PA NYER BZHAG LAS, SEMS CAN DMYAL BA DMYAL MES NYAMS, ,YI DVAGS

, ,BKRES SHING SKOM PAS NYAMS, ,DUD 'GRO GCIG LA GCIG ZAS NYAMS, ,MI DAG 'TSO BA THUNG BAS NYAMS, ,LHA MIN 'THAB CING RTZOD PAS NYAMS, ,LHA DAG BAG MED PA YIS NYAMS, ,'KHOR BA KHAB KYI RTZE TZAM YANG, ,BDE BA NAM YANG YOD MA YIN, ,ZHES GSUNGS PA LTAR, 'KHOR BA LAS GTAN DU THAR BA'I MYA NGAN LAS 'DAS PA DON DU GNYER NA 'KHOR BA LA ZHEN PA LDOG DGOS, DE LA 'KHOR BA'I NYES DMIGS DRAN DGOS, DE GTAN LA DBAB PA NI, DMYAL BA, YI DVAGS, DUD 'GRO'I SDUG BSNGAL BSAM PA GSUM LAS, DANG PO GRANG DMYAL, TSA DMYAL, NYE 'KHOR NYI TSE'I DMYAL BA RNAMS SU YOD PA LA, DANG PO GRANG DMYAL LA, CHU BUR CHU BUR RDOL BA CAN, , AA CHU KYI HUD SO THAM THAM, ,AUTPAL PADMA PAD CHER GAS, ,ZHES PA LTAR LAS, CHU BUR CAN LA MTSON NA, GANG DU SKYE BA'I GNAS DE, GANGS RI'I LJONGS, CHAB ROM GYI THANG, KHA BA BU YUG GI REG BYA RNON POS NYEN PA'I GNAS DER RANG GI LAS 'BRAS THOG TU SMIN PAS RANG GCIG PU RDZUS SKYES SU DKRONGS GYI SKYE BAR GYUR NAS, SNANG BA'I RTEN DANG, DRO BA'I RTEN SPU RTZE TZAM YANG MED PAR GRANG BA'I REG BYA'I RKYEN GYIS LUS LA CHU PUR GRANGS MED PA 'BYUNG BA'O, ,DE LAS KYANG SDUG BSNGAL CHER SONG NAS CHU BUR RNAMS RDOL NAS CHU SER 'DZAG PA, AA CHU ZER BA'I SGRA SGROGS PA, KYI HUD ZER BA, SO THAM THAM BYED PA, AUTPAL CES GRANG REG GIS LUS SNGO ? MDOG TSAL BAR GAS PA, PADMA

LTAR LA SHA 'U GSO MA LTA BU'I DMAR POR GYUR TE GAS PA, PADMA LTAR CHER GAS PA'I LUS TSAL BU BRGYA STONG DU GAS TE NANG KHROL YANG PHYIR 'THON PA SOGS KYI SDUG BSNGAL DPAG TU MED PA'O, ,TSE TSAD NI, YUL MA GDHA'I BRE BO CHE'I TIL KHAL BRGYAD CU 'GRO BA'I SNOD GCIG NI TIL SBYANG GCIG STE, DE NAS MI LO BRGYA BRGYA NA TIL NYAG MA RE RE PHYIR DOR BAS TIL DE ZAD PAR GYUR BA'I DUS KYI MTHA' NI CHU BUR CAN GYI TSE TSAD DO, ,'OG MA BDUN PO'I TSE TSAD NI, RANG RANG GI GONG MA GONG MA'I NYI SHUR 'GYUR TE GSUNGS PA'I BRJOD MTHA' BRAL BA'O, ,DE NAS TSE RABS THOG MED NAS DA LTA'I BAR 'KHOR BA 'DIR 'KHYAMS KHYAMS PA'I SDUG BSNGAL GYI CHU BO GRANGS MED PA ZHIG MYONG DUD MYONG ? BAR GYUR CING, DA DUNG GZUNG 'DZIN GYI 'KHRUL 'KHOR MA ZHIG BAR 'GRO BA DRUG GI SKYES GNAS RNAMS SU RANG DBANG MED PAR SKYES SHING SDUG BSNGAL BAR 'GYUR, DE LAS KYANG NGAN SONG GI DANG PO GRANG DMYAL RNAMS SU SKYES NA, GNAS NI DE LTA BU, NGO BO NI DE LTAR, TSE TSAD NI DE TZAM STE, DA LTA MI YUL DU GRANG BA'I REG BYA NYIN ZHAG RE YANG MI BZOD NA, GRANG DMYAL GYI SDUG BSNGAL GYI TSUL THOS PA TZAM GYIS CI BYA GTOL MED DU GYUR PAR BSAM, SDUG BSNGAL DE DAG MI 'BYUNG BA'I GDENGS NI MED, DE NA SDUG BSNGAL DE DAG GI GNYEN PO DAM PA'I CHOS MA GTOGS GANG GIS PHAN PA MED PAR BSAM LA SNYING THAG PA NAS NYAMS SU BLANGS, DE LTAR RANG RGYUD DANG 'DRES DES SPYOD LAM GANG LA DRAN SHES DANG LDAN PA'I SGO NAS 'KHOR BA

, ,LA YID 'BYUNG DRAG PO RGYUN CHAGS SU BRTEN CING, BSAM PA CHOS MIN BLO SNA SKAD CIG KYANG MI SKYE BA BYUNG BA NI MTHAR PHYIN PA'O, ,GNYIS PA TSA DMYAL GYI SDUG BSNGAL LA, YANG SOS THIG NAG BSDUS 'JOMS DANG, ,NGU 'BOD NGU 'BOD CHEN PO DANG, ,TSA BA RAB TSA MNAR MED BRGYAD, ,CAS PA LTAR LAS, DANG PO NI, GANG DU SKYE BA'I GNAS LCAGS BSREGS RAB TU 'BAR BA'I NANG DU LAS KYI 'BRAS BU THOG TU BABS PA'I LUS SNGAR BZHIN RDZUS SKYES YID MI DGA' BA, TSA RAN CHUNG ZHING 'JIGS SRAN CHUNG BA'I KHAR PHYOGS MTSAMS NAS LAS KYI GSHIN RJE MTSON CHA SNA TSOGS THOGS PA 'ONGS TE BRDEG PA DANG GCOD PA DANG 'BIGS PA SOGS DU MA BYAS PAS SDUG BSNGAL BZHIN DU MTHAR CUNG ZAD RGYAL BA LTA BUR GYUR KYANG, SLAR YANG LAS DBANG GIS YANG SOS PAR GYUR CIG CES PA'I SGRA RLUNG LUS LA PHOG PA'I RKYEN GYIS LUS SNGAR BZHIN BYUNG BA LA YANG DMYAL SRUNG RNAMS KYIS SNGAR BZHIN 'TSE BA'I SDUG BSNGAL RGYUN MI CHAD PA NYAMS SU MYONG NGO, ,DE BZHIN DU THIG NAG NI, LUS LA THIG NAG PO DU MA BTAB STE SHING MKHAN DAG GIS SHING LA JI LTAR BYA BA BZHIN GSHIN RJE RNAMS KYI SOG LE RNON PO ME 'BAR BA LA SOGS PAS GSHOG PAR 'GYUR BA'I SDUG BSNGAL, BSDUS 'JOMS NI, TSA BA'I REG BYA MA BZOD DE GZHAN DU BROS PAR BRTZAMS PAS PHYOGS KUN TU BLTAS PAS PHAN TSUN NAS RI CHEN PO RVA CAN GYI GDONG

'DRA BA 'ONG STE TIL 'TSIR BA BZHIN DU PHYE MAR BYAS BU KHA RNAMS NAS KHRAG RGYUN MI CHAD PAR 'BAB PAR BYED PA'I SDUG BSNGAL, DU 'BOD NI, TSA BA'I REG BYA MI BZOD PA MYONG BZHIN DU SNGAR BZHIN BLTAS PAS KHANG PA ZHIG MTHONG RKYEN DER BGROD PAR 'DOD PA'I BSAM PAS SONG BA NA DER SLEBS MA THAG, SGO RANG CHAD DE PHYOGS KUN NAS ME 'BAR TE BSREGS PAS NGU NGU BA'I SGRA SNYING DKYIL NAS BYUNG BA LTA BU SGROGS PA'I SDUG BSNGAL, NGU 'BOD CHEN PO NI, SNGAR BZHIN LAS LCAGS BSREGS KYI KHANG PA NYIS RIMS SU TSUD DE BSREGS PAS NGU ZHING 'BOD PA'I SGA CHER SGROGS PA'I SDUG BSNGAL, TSAB NI GSHIN RJE RNAMS KYIS BZUNG NAS LCAGS BSREGS KYI GSAL SHING ME 'BAR BAS 'OG SGO NAS SPYI BO'I BAR PHUG PAS KHA SNA NAS ME LCE LHAB KYIS 'BAR BA'I SDUG BSNGAL, RAB TU TSA BA YANG DE DANG 'DRA BA'I LCAGS BSREGS KYI GSAL SHING RTZE GSUM DRAG TU BSNUN ZHING PHUG PA'I SDUG BSNGAL LO, ,MNAR MED NI, PHYOGS MTSAMS KUN NAS ME 'BAR BAS LUS DANG ME DBYER MED DU BSREG CING NYAM THAG PA'I SDUG SKAD 'TSER BA LAS SEMS CAN YIN PA SHES TZAM MO, ,DE RNAMS KYI TSE TSAD NI, MI LO LNGA BCU LA, RGYAL CHEN RIGS BZHI'I NYIN ZHAG GCIG ,DA SUM CU LA ZLA BA GCIG, DE BCU GNYIS LA LO GCIG BYAS PA'I RANG LO LNGA BRGYA NI RGYAL CHEN RIGS BZHI'I TSE TSAD YIN ZHING, DE NYID ZHAG GCIG TU BRTZIS PA'I RANG LO LNGA BRGYA DMYAL BA YANG SOS PA'I TSE TSAD DO, ,DE YANG LNGA BRGYA DANG ,

, ,STONG DANG NYIS STONG DANG BZHI STONG BRGYAD STONG KHRI DRUG STONG, BAR BSKAL PHYED DANG BAR BSKAL GCIG BCAS TSA DMYAL BRGYAD LA RIM BZHIN SBYAR RO, ,CES GSUNGS PA LTAR MYONG BA'I LAS MA ZAD PAR DE RNAMS LAS THAR BA'I SKABS MED NGES KYI DON BSAMS TE, SDUG BSNGAL GYI SDUG BSNGAL DE LTA BUR NGO BO NI DE 'DRA LTA BU, TSE TSAD NI DE LTA BU 'DUG PAS, DA LTA LUS LA MTSON PHRA MO'AM, ME LCE PHRA MO TZAM YANG MI BZOD NA, TSA DMYAL DE RNAMS KYI SDUG BSNGAL GYI ZUR CHA TZAM YANG BZOD MIN BSAM BLO ZHIB MOS DPYAD TSE RANG DBANG MED PA NGES 'BYUNG RGYUD LA BSKYED PA'I 'DREN BYED KHRUS KYI RDZING BUR 'JUG CING, DAM CHOS BSGRUB 'DOD KHO NA LAS GZHAN GANG LA'ANG BLTA BA'I GO SKABS BRAL ZHING, TSE 'DI'I BAG MED KYI SNANG BA GANG LA'ANG YID MI 'JUG PA NI MYONG BA SKYES PA'O, ,GSUM PA DMYAL BA NYE 'KHOR DANG NYE TSE GNYIS KYI SDUG BSNGAL BSAM PA LA, TSA DMYAL BRGYAD KYI MTHA' BSKOR NA; ;MER MUR RO MYAG SPU GRI'I LAM, RAL GRI SHA MA LI DANG CHU, ,ZHES PA LTAR, DNGOS GZHI'I SDUG BSNGAL DE LAS THAR BA NA, BDE BA'I GNAS GZHAN DU BROS 'DOD PAS SONG BA NA, ME MUR GYIS GANG BA'I 'OBS SU LHUNG BA'I LUS SPYI GTZUG GI BAR DU BYINGS NAS SHA LPAGS THAMS CAD TSIG STE RUS PA LA THUG PAR SDUG BSNGAL SKYE BAR BYED DO, ,DE NAS THAR BA NA, RIM BZHIN RO MYAG 'DAM NANG LUS SRIN 'BUS 'BIG CING ZA BA, SPU GRI'I LAM DU

RKANG PA DANG LUS GCOD PA NAGS TSAL RLUNG GIS DRAG TU GA YOS ? PAS RAL GRI'I CHAR DU GYUR DE LUS DUM BUR GTUBS PA, SHA MA LI'I SDONG PO CES DMYAL BA'I GSHIN RJE 'JIGS SU RUNG BAS NYEN TE RE RTZAR SLEBS PA NA RANG GI GNYEN NYE 'BREL RNAMS KYIS BOS PA'I SGRA THOS PAS RI DE LA 'DZEGS PA NA LCAGS KYI TSER MA THUR DU GZINGS PAS LUS KYI SHA THAMS CAD ZAD PAR GYUR BAS SO, ,YANG PHYIR LOG PA DANG GO LDOG CING, DE BZHIN DMYAL BA'I GSHIN RJE 'JIGS RUNG BYA KHYI LA SOGS PAS MIG PHYUNG BA, LTO BA 'BRAL BA SOGS SDUG BSNGAL MYONG ZHING, DE BZHIN DU TSA DMYAL BRGYAD PO RE RE LA YANG THAL TSAN CHU BO RAB MED ME 'O BAS SOGS BCU DRUG BCU DRUG RE YOD PAR SDUG BSNGAL MYONG DGOS PAR GSUNGS SO, ,GNYIS PA NYI TSE BA'I DMYAL BA'I SDUG BSNGAL LA, DMYAL BA'I ZANGS MO CHE'I NANG DU KHRO CHU KHOL MA'I NANG DU CHOD PA DANG, THO LUM ME 'BAR BZHIN PA ZA DGOS PA, KHRO CHU KHOL MA 'THUNGS DGOS PA, LCE DPAG TSAD TZAM DU BRKYANGS PA LA LCAGS BSREGS KYI THONG PAS RMOS PA SOGS DANG, GZHAN YANG KA BA LTA BU'I DMYAL BA, PHYAG MA LTA BU, NYIN BDE LA MTSAN SDUG BSNGAL MTSAN BDE LA NYIN SDUG BSNGAL BA SOGS BRJOD KYIS MI LANG BA YOD PA NI GRO BZHIN SKYES RGYA MTSOR 'JUG PA'I SKABS DMYAL GNAS DER DE DAG GI GTAM BRGYUD LAS BYUNG BA LTAR DANG, MDOR NA DMYAL GNAS KYI SDUG BSNGAL JI TZAM CHUNG BA MI YUL GYI SDUG BSNGAL JI LTAR CHE YANG DPE BYA BAR MI BZOD PA NI, BSHES SPRING

, ,LAS, 'DI NA NYIN GCIG MDUNG THUNG SUM BRGYA YIS, ,RAB TU DRAG BTAB SDUG BSNGAL GANG LAGS PA, ,DE NI DMYAL BA'I SDUG BSNGAL CHUNG NGU LA'ANG, ,'OL YANG MI BGYI CHAR YANG MI PHOD DO, , ZHES SO, ,SDUG BSNGAL DE RNAMS RGYU GANG LAS 'BYUNG BA NI, ZHE SDANG LA BRTEN NAS 'BYUNG BA'I PHYIR KHONG KHRO SPANGS PA LA BSLAB PAR BYA STE, TSA GRANG DMYAL BA'I SDUG BSNGAL CHEN PO DAG LTA CI, NYE 'KHOR NYI TSE'I SDUG BSNGAL DANG YUN TSAD DE LTA BU'ANG BZOD PAR DKA' NA, BDAG BDE BAR 'DOD PA DAG KHE NYEN GYI BLANG DOR MA LOG PA PHRA ZHING PHRA BA RE RE NAS RGYU 'BRAS LA ZHU DAG YANG DANG YANG DU BYA BA NI GAL SHIN TU CHE BA'O, ,GNYIS PA YI DVAGS KYI SDUG BSNGAL BSAM TSUL LA, SPYIR YI DVAGS LA RIGS SUM CU SO DRUG TZAM YOD PA LAS, BSDU NA RIGS GSUM STE, PHYI'I SGRIB PA CAN, NANG GI SGRIB PA CAN, SGRIB PA CAN GYI SGRIB PA CAN NO, ,DANG PO NI, GANG DU SKYE BA'I GNAS NI BYE MA 'AM, BSEG MA'I THANG LTA BU KHA DOG SKYA SHING CHU LA SOGS PA GTAN NAS MED PA'I SAR, LAS RIGS MTHUN DU BSAGS PA DU MA LHAN CIG TU SKYE'O, ,DER SKYES PA'I LUS RTEN NI, BSHES SPRING LAS, KHA KHAB MIG TZAM, MGRIN PA RTA RNGA TZAM, YAN LAG 'JAG MA TZAM, LTO BA RI RAB TZAM, SHA LPAGS THAMS CAD SKAM STE T'A LA'I YANG TOG LTA BUR GYUR KYANG BKRES SKOM GYI DBANG GIS DAL BA MED PAR SONG SONG BAS DPYI MIG PHAN TSUN 'THAB STE ZUG RNGU DRAG PO DANG, ZAS

SKOM CI TZAM BTZAL KYANG RNYED PAR MI 'GYUR CING, CUNG ZAD RNYED KYANG DBANG CHE BA GZHAN GYIS BSRUNG ZHING BRDEG PA SOGS KYIS LONGS SPYOD DBANG MED PA YID KHONG DU CHUD PA'I SDUG BSNGAL MYONG NGO, ,NANG GI SGRIB PA CAN NI, ZAS SKOM NGAN DON TZAM RNYED PAR GYUR KYANG TSE RABS SNGON MA SER SNA'I 'JUR BGEGS LA SOGS PAS ZA BAR MI NUS, ZA BAR BRTZAM KYANG KHA KHAB MIG TZAM LA MI CHUD, MGRIN PA RTA RNGA TZAM NAS MI THAR, THAR YANG LTO BA RI RAB TZAM LA PHAN MI THOGS PAS, SLAR YANG BKRES SKOM GYI GDUNG BA CHER MYONG BA'O, ,SGRIB PA CAN GYI SGRIB PA CAN NI, ZAS CUNG ZAD RNYED PA ZOS MA THAG ME LCE 'BAR BAS RGYU LTE TSIG PAS SDUG BSNGAL BA SOGS SPYI MTHUN DU SOS KA'I DUS ZLA BA'I 'OD KYANG SHIN TU TSA BA DANG, DGUN GYI DUS NYI 'OD KYANG GRANG BA, LJON SHING LO 'BRAS CHU KLUNG CHEN PO'I 'GRAM DU PHYIN NAS LONGS SPYAD PAR 'DOD KYANG BLTAS PA TZAM GYIS DE DAG SKAM PA SOGS SDUG BSNGAL JI SNYED BRJOD KYI MI LANG NGO, ,TSE TSAD NI MDZOD LAS, MI'I ZLA BA GCIG LA YI DVAGS KYI ZHAG GCIG BYAS PA'I RANG LO LNGA BRGYA THUB CING, MI LO LTAR NA KHRI LNGA STONG NGO, ,DE 'DRA RGYU GANG LAS BYUNG NA, 'DOD CHAGS KYIS KUN NAS SLANGS PA'I SER SNA BYAS PA LAS 'BYUNG BAR GSUNGS SO, ,DON DE RNAMS YID LA BSAM PAR BYA STE; GNAS NI DE LTA BU, SDUG BSNGAL NI DE LTA BU, TSE TSAD NI DE LTA BU YIN NA, RANG RE RNAMS DA LTA NYIN ZHAG GCIG GNYIS KYI BAR LA BKRES SKOM GYI SDUG BSNGAL MI BZOD NA, LO ZLA DE TZAM GYI BAR CI LA BZOD, DE 'DRA BDAG LA MI

, ,'BYUNG BA'I NGES PA NI MED SNYAM DU BSAM LA, SKYE GNAS DE KHEGS NGES PA'I CHAGS ZHEN SPONG GANG THUB KYIS DAM CHOS CI NAS KYANG BSGRUB PA LA BRTZON PAR BYA'O, ,GSUM PA DUD 'GRO'I SDUG BSNGAL BSAM PA NI, BYINGS DANG KHA 'THOR BA GNYIS, DANG PO NI, PHYI'I RGYA MTSO'I NANG, GLING BAR GYI MUN PA, GNYIS PA NI, LHA DANG MI YUL DU GNAS LA, DE YANG RGYA MTSO'I NANG GI DUD 'GRO'I BYE BRAG MING RIGS MI MTHUN PA GRANGS MED TSAD MED SPYI KHYAB TU BLUN ZHING GTI MUG CAN RI CHEN POS NON PA LTA BU'I SDUG BSNGAL, CHU SRIN NYA MID LA SOGS PA CHE BA RNAMS KYIS CHUNG DU GRANGS MED ZA BA'I SDUG BSNGAL, CHUNG NGU MANG POS CHEN PO RNAMS LA 'BIGS PA DANG, KHA BTZUGS TE RTAG TU ZA BA'I SDUG BSNGAL, KLU RNAMS LA BYE CHAR DANG MKHA' LDING GIS 'TSE BA'I SDUG BSNGAL, DGUN GRANG LA, DBYAR TSA BA SOGS BSAM GYIS MI KHYAB PA'I SDUG BSNGAL, GLING BAR DU YOD PA RNAMS NI SDUG BSNGAL DE'I KHAR MUN NAG RANG GI RKANG LAG BRKYANG BSKUM TZAM YANG MI MTHONG BA, MDUN DU GANG BYUNG ZA BA LAS GZHAN MI RNYED PA'I SDUG BSNGAL, KHA 'THOR BA RNAMS LA YANG, BDAG BZUNG MED PA RNAMS NI, SHA RUS DANG, LPAGS PA SOGS KYI CHED GCIG LA GCIG GIS ZA BA, MI DANG MI MA YIN GYIS GSOD PA, BDAG TU BZUNG BA RNAMS NI BKOL SPYAD CING PA RDEG PA, GNAS NGES MED MTHAR GSOD PA SOGS DNGOS SU MTHONG BA DE LTA BU'I SDUG BSNGAL, TSE TSAD NI, MDZOD

LAS; DUD 'GRO MCHOG RING BSKAL PA'O, ,ZHES PA LTAR, RING BA'I BSKAL PA, THUNG BA YUD TZAM SOGS RING THUNG MA NGES PA SNA TSOGS PA, DE 'DRA RGYU GANG LAS BYUNG NA GTI MUG GIS BLANG DOR GYI GNAS LA RMONGS PA DANG, LAS 'BRAS LA BDEN PAR MI 'DZIN PA DAG LAS 'BYUNG BA'O, ,DON DE LTAR BSAM LA, GNAS DANG SDUG BSNGAL, TSE TSAD SOGS DE LTA BU, DA LTA RANG LUS LA TSA GRANG SOGS DANG, NGAL ZHING DUB PA NYIN ZHAG RE TZAM YANG GTAN NAS MI BZOD NA, DUD 'GRO'I SKYE GNAS SU GYUR NA SDUG BSNGAL DE LTA BU CI LA BZOD, DE MI 'BYUNG BA'I NGES PA NI MED, DE LTA BU'I DUD 'GRO'I SKYE SGO KHEGS THABS RGYU 'BRAS LA YID CHES BSKYED DE BLANG DOR GI LDOG TU MA SONG BA'I PHRA ZHING PHRA BA RE RE NAS SPONG LA, SHES RAB KYIS MA RMONGS SHING DAM CHOS SNYING NAS RANG BSAMS TE NGES 'BYUNG RGYUD LA SKYED BSKYED BSGOM MO, ,DE BZHIN DU SPYI DON 'GYUR BA'I SDUG BSNGAL BSAM STE 'KHOR BAR ZHEN PA SPONG BA NI, GAL TE NGAN SONG GSUM DU SKYE NA SDUG BSNGAL YOD PA BDEN MOD, MTHO RIS SU SKYES NA BDE BA YONG SNYAM NA, MED DE ZAG BCAS KYI BDE BA LTAR SNANG THAMS CAD MI RTAG CING MI BRTAN PAR 'GYUR 'GRO BA NI, LHA'I DBANG PO BRGYA BYIN DU SKYES KYANG SLAR YANG SA STENG DU LHUNG BA DANG, MI DBANG 'KHOR LOS BSGYUR RGYAL DU SKYES KYANG YANG 'KHOR BAR BRAN DU 'GYUR BA DANG, TSANGS PA CHEN POR SKYES KYANG SLAR DMYAL BA MNAR MED DU SKYE BA DANG, NYI ZLA SKYES KYANG SLAR GLANG BAR GYI MUN PAR 'JUG PA SOGS MI RTAG MI BRTAN CING

, ,'GYUR 'GRO BA CHOS CAN YIN PA LTAR DANG, BYE BRAG MI'I 'GYUR BA'I SDUG BSNGAL BSAM PA LA, JI SKAD DU YANG, MI MANG PO GCIG TU 'GRO YIN 'DUG ,KHA DRAG PO ZHAN POR 'GRO YIN 'DUG ,NOR PHYUG PO DBUL POR 'GRO YIN 'DUG ,CES DANG, DGRA GNYEN DU 'GRO, GNYEN DGRAR 'GRO BA SOGS 'GYUR BA'I SDUG BSNGAL MTHA' YAS SO, ,DER MA ZAD SKYE RGA NA 'CHI'I SDUG BSNGAL LA RANG DBANG MED PAR GA-YENG ZHING, DE YANG MNGAL SKYES KYI DBANG DU BYAS NA, MNGAL DU TSUD PA'I TSE DRI NGA BA, ZAS ZOS PA'I TSE LUS BCER BA, 'GRO 'DUG GIS GA-YANG DU LHUNG BA, ZAS DRO GRANG GIS TSA GRANG GI REG BYAS NYEN PA, PHYIR BTZA' BAR 'JUR MIG NAS DRANGS PA LTA BU, BTZAS PA NA TSER PHUNG DU LHUNG BA LTA BU SOGS KYI SDUG BSNGAL BA DANG, DE NAS RIM GYIS RGAS PA DANG, NA BA DANG, 'CHI BA SOGS DANG, GZHAN YANG DGRA SDANG BA DANG PHRAD PA'AM PHRAD KYI DOGS PA, GNYEN BYAMS PA DANG BRAL BA'AM 'BRAL GYI DOGS PA; RE BA'I 'BRAS BU MED PA, CHEN PO RNAMS LA SEMS KYI SDUG BSNGAL, CHUNG BA RNAMS LA LUS KYI SDUG BSNGAL, DGRA DANG MTHUN NA GNYEN SDANG BA, GNYEN DANG MTHUN NA DGRA SDANG BA, MI SEMS BSRUNG DKA' BA SOGS MTHONG ZHING THOS PA RANG CAG RNAMS KYI MYONG BAS GRUB PA 'DI LTA BU'O, ,LHA MA YIN DU SKYES KYANG BDE BA'I SKABS MED DE, LHA GNAS GONG MA'I LONGS SPYOD LA PHRAG DOG BSKYED PA'I DBANG GIS, RTAG TU GO MTSON DANG YA LAD THOGS TE

LHA RNAMS DANG 'THAB PA DANG, RTZOD PA DANG GA-YUL 'GYED PA LA SOGS PA KHO NAS LUS SEMS DAL BAR 'DUG PA'I SKABS SKAD CIG KYANG MED CING, DE LTAR BGYIS KYANG LHA RNAMS BSOD NAMS KYI MTHU MA NYAMS PAS GA-YUL PHAM STE; LUS BCAD CING BRAL BA DANG, SEMS MYA NGAN GYI KHONG DU CHUD BZHIN, 'CHI 'PHOS NAS KYANG KHONG KHRO DANG PHRAG DOGS GIS KUN NAS BSLANGS PA'I MI DGE BA SPYAD PA'I 'BRAS BU NGAN SONG DU SKYE DGOS PA'I SDUG BSNGAL MYONG DGOS SO, ,DE BZHIN DU 'DOD LHA RNAMS LA, RING BA'I 'CHI LTAS DANG, NYE BA'I 'CHI LTAS LNGA BYUNG BA'I TSE DMYAL BA'I LUS KYI SDUG BSNGAL LAS KYANG SEMS KYI SDUG BSNGAL CHE BAR GSUNGS PA LTAR, RING LTAS LUS KYI KHA DOG MI SDUG PA, STAN LA MI DGA' BA, ME TOG GI PHRENG BA RNYING PA, GOS LA DRI CHAGS PA, SNGON MED RDUL 'BYUNG BA DANG, NYE LTAS LUS KYI 'OD NYAMS PA, KHRUS BYAS RDUL CHAGS PA, GOS RGYAN LAS SGRA MI SNYAN PA, MIG GI RDZI MA 'KHRAB PA SOGS, DE LTAR BYUNG MTSAMS NAS GROGS KYIS BOR BA, RGYANG RING NAS ME TOG RE TZAM 'THOR BA LAS DRUNG DU 'ONG MI NUS PA 'BYUNG SKABS, DA NI MYUR DU 'CHI BAR GO STE GNAS GSUM BRTAGS PA'I TSE, SNGAR 'DOD YON LA BAG MED LONGS SPYOD PA'I DBANG GIS NGAN SONG DU SKYE BAR SHES NAS, BYE TSAN LA NYA BOR BA LTAR 'GRE LDOG BYA BZHIN GYI NGANG NAS 'CHI STE NGAN SONG DU SKYE ZHING SDUG BSNGAL SNA TSOGS MYONG BAR 'GYUR BA NI, MDO LAS, MNAR MED SEMS CAN DMYAL BA YI, ,BCU

, ,DRUG CHAR YANG MI PHOD DO, ,ZHES GSUNGS, GZUGS DANG GZUGS MED PA'I LHA RNAMS LA DE LTA BU'I SDUG BSNGAL MNGON GYUR MED KYANG, BYA NAM MKHA' LA 'PHUR BA MYUR DU SA LA 'BAB DGOS PA LTAR, ZAG BCAS KYI DGE BA'I 'PHEN SHUGS RDZOGS PA NA, LOG LTA'I SEMS KYIS BSLUS PA'I NGAN 'GRO NGAN SONG LOG PAR LTUNG BA RNAMS SU SKYES NAS SDUG BSNGAL MI BZAD PA MYONG DGOS PAR GSUNGS SO, ,GAL TE LHA GNAS GONG MA RNAMS TING NGE 'DZIN LA YUN RING GI BAR GNAS PAR BSHAD NA, SLAR NGAN SONG DU SKYE BA'I RGYU CI YIN SNYAM NA, DE DAG TING 'DZIN DE LA THAR LAM DU BSAM STE YUN RING GNAS KYANG, NAM ZHIG TING NGE 'DZIN DE'I 'PHEN PA RDZOGS TE LONGS PA NA, BDAG GI LO GRANGS DE TZAM RTZE GCIG TU BGYIS KYANG, DA DUNG KHAMS GSUM LAS 'DA' BAR MA NUS NA, THAR PA ZHES GRAGS PA NI BRDZUN NO SNYAM DU LOG LTA SKYE BAR GYUR NAS, DES DGE RTZA THAMS CAD BCOM STE NGAN SONG DU SKYE BAR 'GYUR BA NI, BSHES SPRING LAS, GANG ZAG LOG PAR LTA BA'I LEGS SPYAD KYANG, ,THAMS CAD RNAM PAR SMIN PA MI ZAD LDAN, ,ZHES GSUNGS SO, ,DE RNAMS KYI DON BSAM PAR BYA STE, MTHO RIS KYI 'JIG RTEN BDE BA DANG LDAN PA DE LA YID CHAGS PAR SMON PA NI BSAM RNO ZHIB MOR MA DPYAD PA'I SKYON YIN CING CUNG ZAD BDE BA LTAR SNANG YANG, THAMS CAD 'GYUR BAS SNYING PO MED CING NGES PAR BSLU BA'I CHOS CAN LAS MA 'DAS SHING, 'JIG RTEN PHUN TSOGS KYI GTZO BO TSANGS PA DANG

BRGYA 'BYIN DANG, 'KHOR LOS BSGYUR BA'I RGYAL PO, NYI ZLA NAS BZUNG MI RNAMS KYI BAR GONG DU BSHAD PA'I SDUG BSNGAL RNAMS RE RE BZHIN BSAM LA GNAS SKABS KYI BDE BA LTAR SNANG TZAM LA ZHEN TE 'JIG RTEN 'KHOR BA LA YID CHAGS PA NA SMYO BA LAS KYANG SHIN TU SMYO BA STE, SRIN PO'I GLING DU 'GRO BA DANG MTSUNGS PAS BLO GROS DANG LDAN PA SU ZHIG 'KHOR BA 'DIR CHAGS ZHEN GA LA BYED, DE NA BDAG 'KHOR BA SDUG BSNGAL GYI RGYA MTSO 'DI LAS MYUR BA NYID DU THAR NGES KYI DAM CHOS SNYING THAG PA NAS BGYIS SNYAM PA'I NGES 'BYUNG SKYE SHAS DANG MI 'BRAL BA ZHIG NGES PAR BSAM MO, ,DE BZHIN DU KHYAB PA 'DU BYED KYI SDUG BSNGAL BSAM PA LA, DANG PO THAR 'DOD BSGOM PA NI, LAS LA ZIN PA MED, 'DOD PA LA TSIM RGYU MED PA STE, DPER NA ZHING PA RNAMS LA BLTAS TSE, RKANG KHRAG RDO LA BSKUS, LAG KHRAG SHING LA BSKUS, TSONG PA RNAMS RANG YUL LA BYES BYAS, BYES YUL LA GZHIS BYAS, LUS SROG DGRA LA BCOL, 'DZA' BSHES NYE 'BREL RNAMS DANG 'GROGS YUN MED KYANG DA DUNG DE RANG BYED DGOS PA'I SDUG BSNGAL MTHAR MI TSE STONG ZAD SNYING PO MED PAR GYUR PAR BSAM LA, DE NA ZIN MAD CHU'I GNYER MA LTA BU'I LAS LA CHAGS PA DANG BRAL BA'I THABS LA 'BAD DGOS SO, ,GNYIS PA 'DOD PA LA TSIMS RGYU MED PA, RGYA ROL LAS, 'DOD PA LAN TSVA'I CHU 'THUNG BZHIN, ,SLAR YANG SRED PA 'PHEL BAR BYED, ,CES PA LTAR, TSE RABS THOG MA MED PA NAS DA PHAN 'DOD YON 'DI DANG

, ,'DI LA LONGS MA SPYAD BYA BA NGOS BZUNG RGYU MED PA ZHIG SPYAD YOD KYANG, DA DUNG TSIM PA MED PA'I KHAR 'DOD PA LA MNGON ZHEN CHER SONG NAS BAG MED DU SPYAD PA'I DBANG GIS 'KHOR BA 'DIR GTAN DU 'KHYAMS PA YIN PAR GO STE, PHUNG KHROL THAMS CAD KYI RTZA BA 'DOD YON RE RE LA CHAGS ZHEN SPONG BA'I THABS LA 'BAD DGOS SO, ,GSUM PA, SKYE BA DANG SHI BA DU: KHA GSAL ZHING, DON BSAM PA LA 'O SKOL RNAMS TSE RABS THOG MED NAS DA BAR LAS DBANG GIS 'KHOR BAR 'KHYAMS 'KHYAMS PAS, SA PHYOGS 'DIR BDAG GIS SKYE BA MA BLANGS BYA BA'I PHYOGS SAM, SEMS CAN 'DI'I LTO BAR MA NYAL BYA BA DANG, RIGS DRUG GANG DANG GANG GI SAR SKYE BA MA BLANGS BYA BA GCIG TZAM YANG MI RNYED PA NI, SLOB DPON ZLA BA GRAGS PA'I GSUNG LAS, SHA RUS BSAGS NA 'JIG RTEN GTOS DANG MNYAM, ,SNAG KHRAG BSAGS NA RGYA MTSO CHEN PO TZAM, ,LAS 'PHRO BSAGS NA BSAM 'DAS BRJOD MI LANG, ,ZHES PA LTAR, MDOR NA 'KHOR BA 'DIR, SOS DUS MED PA'I NAD PA, THAR DUS MED PA'I BTZON RA, SLEBS DUS MED PA'I MGRON PO, GANG DU GNAS, SU DANG 'GROGS, CI LA LONGS SPYAD KYANG SDUG BSNGAL GYI 'BYUNG GNAS SU SHES PAR BYAS NAS, SHES LDAN RNAMS KYIS 'KHOR BA'I BTZON RA 'DI LAS THAR BA'I THABS LA 'BAD DGOS TE, DE LAS GAL CHE BA'I DGOS PA GZHAN GANG YANG BSGRUB RGYU MED PA'I PHYIR, DE NA THAR PA'I THABS LA DAM

PA'I CHOS BSGRUB 'DOD KYI SGO NAS, 'DI LTAR BSAM PAR BYA STE, BDAG RIGS DRUG GI SKYE GNAS GRANGS MED PA ZHIG BLANGS, ZIN MED CHU'I GNYER MA LTAR PHYI NANG GI 'DOD YON SNA TSOGS ZHIG LA BAG YANGS SU SPYANG, RANG GIS RANG BSLUS, RANG MGO RANG GIS BSKOR, RANG SDUG RANG GIS BYAS PAS, THAR LAM GYI SNE ZIN PA TZAM YANG MED PA 'KHOR BAR GTAN DU 'KHYAM DGOS PA NI, BSLU MED MCHOG GSUM LA YID MA CHES, SDUG BSNGAL GYI RANG BZHIN LA BDE BAR BZUNG, BA 'DES LAN PA YIN PAS, DA MCHOG GSUM LA BLO GTAD, BSHES GNYEN TSAD LDAN GYIS GDAMS NGAG LA BRTEN NAS, LAM GYI SNE ZIN PA ZHIG MI BYA BA'I THABS MED PAS, DAM CHOS GSHA' MA ZHIG SNYING THAG PA NAS BGYI'O SNYAM PA SHES PA RDO RUS THUG PA, KHA TZAM TSIG TZAM MED PA THAR PA'I LAM DU 'GRO BA ZHIG BLA MA DKON MCHOG MKHYEN NO SNYAM PAR BYA, DE NYAMS SU LEN PA DAL 'BYOR GYI MI LUS SKYON MED ZHIG THOB DGOS NGES 'DUG ,DE NI KONG DU BSHAD PA LTAR SLOB DPON ZHI BA LHAS, JI LTAR MTSAN MO MUN NAG SPRIN RUM NA, ,GLOG RGYU SKAD CIG RAB SNANG STON PA LTAR, ,DE BZHIN SANGS RGYAS MTHU YIS RGYA LAM NA, ,'JIG RTEN BSOD NAMS BLO GROS THANG 'GA' BYUNG, ,ZHES GSUNGS PA LTAR, RANG LA TSANG 'DUG GAM MI 'DUG BLO NANG LA LOG STE BSAM LA, DAL 'BYOR GYI DON DE RNAMS NI RANG LA PHUN SUM TSOGS PA'I TSUL GYI TSANG NGES PA NA, SPYOD 'JUG LAS, MI YI GRU LA BRTEN NAS NI, ,SDUG

, ,BSNGAL CHU BO CHE LAS SGROL, ,GRU 'DI PHYIS NAS RNYED DKA' BAS, ,RMONGS PA DUS SU GNYID MA LOG ,GSUNGS PA BZHIN DU GONG DU BSTAN PA LTAR, DAL 'BYOR RNYED DKA' NAS BZUNGS 'KHOR BA'I NYES DMIGS BSAM PA'I BAR GYI LAM THUN MONG BA'I RIM PA RNAMS SNYING THAG PA NAS RGYUD LA SKYED BSKYED BSGOM, DE NI MKHAR GYI BRTZIGS PA'I 'GRAM GZHI LTAR, YON TAN THAMS CAD SKYE BA'I GZHI RTEN YIN CING, NYAMS SU MA BLANGS PA'I BLO'I GO YUL TZAM GYIS NI 'BRAS BU MED PAS 'O NA 'KHOR BSDUG BSNGAL GYI RGYA MTSO DE LAS THAR BA'I THABS LA 'BAD DGOS, DE YANG SEMS CAN GZHAN LAS RANG NYID GCES PA'I PHYIR DAL 'BYOR LAN CIG THOB DUS 'DIR TSE THUNG NAM 'CHI CHA MED PA YIN NA RANG NYID GCIG PU SDUG BSNGAL DE RNAMS SPANGS TE NYAN RANG GI BYANG CHUB BSGRUB PAR BYA DGOS PA YIN NAM SNYAM NA MA YIN TE, JI SKAD DU, GZHAN LA PHAN PAR 'DOD PA'I BYAMS PA BSGOM, ,GZHAN GYI SDUG BSNGAL GSAL 'DOD SNYING RJE BSGOM, ,GZHAN PHYIR SANGS RGYAS 'DOD PA'I BYANG SEMS BSGOM, ,ZHES PA LTAR, NYAN RANG GI BYANG CHUB RNAMS NI RANG DON DU SPANGS RTOGS YON TAN MA RDZOGS GZHAN DON 'PHRIN LAS RGYA CHEN PO MI 'BYUNG, MTHAR 'TSANG RGYA BA LA YUN RING DU 'GOR BAS, BLO LDAN RNAMS KYIS DON DU GNYER BYA MA YIN, 'O NA CI ZHIG DON GNYER BYA SNYAM NA, SHES RAB CHEN POS 'KHOR BA'I MTHA' LA MI GNAS SHING KHAMS GSUM GYI SDUG BSNGAL LAS 'DAS, SNYING RJE CHEN POS MYA NGAN LAS 'DAS PA'I MTHA'

LA MI GNAS PA'I GZHAN DON RGYUN MI CHAD PAR 'BYUNG BA MI GNAS PA'I MYA NGAN LAS 'DAS PA THAMS CAD MKHYEN PA RDZOGS PA'I SANGS RGYAS KYI GO 'PHANG CI NAS KYANG THOB PAR BYA DGOS, DE YANG RGYU MED RKYEN MED LAS MI 'BYUNG ZHING, RGYU RKYEN GYI GTZO BO RDO RJE THEG PA'I LAM GYI RTZA BA MNGON PAR DBANG BSKUR BA SOGS KYIS RANG RGYUD SMIN PAR BYAS, DAM TSIG DANG SDOM PA LA BSRUNG BSDOM MIG GI 'BRAS BU LTAR GCES PAR BSKYANGS, LHA DANG BLA MA LA DAD MOS RTZE GCIG GIS LAM THAMS CAD MA NOR BA NYAMS SU BSTAR BA NI GNAD DAM PA'O, ,'DI'I LAM RIM SMON LAM LAS, DAL 'BYOR GRU CHEN MI RTAG DRAN PA YIS, ,ZHES PA NAS, 'JIGS RUNG 'KHOR BA'I MTSO LAS SGROL BAR SHOG GI BAR DON RNAMS BSTAN PA'O; ;'DIR SMRAS PA, RNYED PAR DKA' BA'I DAL 'BYOR RTEN BZANG THOB, ,THOB PA DON LDAN YID BZHIN NOR LAS LHAG ,LHAG PAR SEMS BZHIN TSE 'DI'I DON MED RNAMS, ,RNAM PA KUN SPANGS LAM GYI SNGON 'GRO'I CHOS, ,CHOS NOR LHAG BSAM DAG PAS RANG RGYUD SBYAR, ,SBYAR BA'I SNYING PO RNAL 'BYOR CHU BO'I RGYUN, ,RGYUN BZANG CHAD PA MED PAS RANG RGYUD GANG, ,GANG BA'I BDUD RTZI SMAN BCUD SLAR 'PHEL GYIS, ,DAG PA'I ZHING MCHOG MKHA' SPYOD DGA' MA'I GRONG, LUS MA SPANGS PA'I SKAL BZANG LHUN GRUB PHYIR, ,DBANG PO'I GZHU RIS 'KHYUD 'DRA'I LAM BZANG DBUS, ,ZHUGS PA'I LAM GYI RTZA BA 'DI NA SHAR, ,CES PA BAR SKABS KYI TSIGS SU BCAD PA'O, ,GNYIS PA THUN MONG MA YIN PA'I

, ,SNGON 'GRO LA, LAM LOG PA MU STEGS LAS KHYAD PAR DU BYA BA SKYABS 'GRO, SA DMAN PA NYAN RANG LAS KHYAD PAR DU BYA BA SEMS BSKYED, 'GAL RKYEN SDIG SGRIB SBYONG BA RDOR SEMS BSGOM BZLAS, MTHUN RKYEN TSOGS GSOG PA BLA MA'I RNAL 'BYOR DANG BZHIR YOD PA LAS, DANG PO SKYABS SU 'GRO BA LA, GANG LA SKYABS SU 'GRO BA'I YUL, GANG GIS SKYABS SU 'GRO BA'I RTEN, TSUL JI LTAR DU SKYABS SU 'GRO BA DNGOS DANG GSUM LAS, DANG PO NI, RANG NYID BDE BA'I STAN LA LUS RNAM SNANG GI CHOS BDUN LDAN DU 'KHOD, DBUGS STOD DU 'TSANG BA LTA BU MA YIN PAR RLUNG 'BYUNG RDUB MNYAM ZHING NGAL BSO BA'I TSUL DU BZHAG ,RANG RGYUD LA LEGS PAR BRTAGS TE, DUG GSUM NGAN RTOG ZHI BDE DON GNYER GYI BLO SOGS KUN SLONG NGAN PA RNAMS BCOS, RANG GANG DU GNAS PA'I SA PHYOGS GNAS KHANG SOGS LA DMIGS PA CHED DU GTAD PAS, DE THAMS CAD NA MKHA' LA NA BUN DVANGS PA LTAR BUN LONG GIS YAL ZHING THA MAL GYI SNANG BA DBYINGS SU NUB, DE'I NGANG LAS ZHING YONGS SU DAG PA SA PHYOGS THAMS CAD BEEd'URYA SNGON PO'I SA GZHI LA, GSER SBYANG GI MIG MANG RIS SU BRIS PA, MNAN NA NE MA BYED CING BTEGS NA 'PHAR BA REG NA BDE BA KHYAD PAR CAN BSKYED PA'I DBUS SU THAR PA CHEN PO'I YE SHES RANG SNANG LAS GRUB PA'I GZHAL MED KHANG GRU BZHI SGO BZHI RTA BAB BZHI DANG LDAN PA, YANGS SHING RGYA CHE LA MTHO ZHING LTA NA SDUG PA

RIN PO CHE'I DRA BA DANG DRA BA PHYED PA SOGS RGYAN SNA TSOGS KYIS BRGYAN CING, GSER GYI RGYA PHUB KYI RTZE MOR NOR BU'I TO GIS BRGYAN PA GZHAL MED KHANG DE'I NANG DBUS KYI NAM MKHAR, GSER DNGUL MA RGAD PAD RA KA BEEd'URYA SOGS RIN PO CHE SNA TSOGS KYI RANG 'OD SO SOR 'PHRO BA'I KHRI YANGS SHING RGYA CHE BA, GANG LA'ANG 'JIGS PA MED PA'I BRDAR PHYOGS RE RER SENGGE GNYIS GNYIS TE RNGAM SHING BRJID PA BRGYAD KYIS BTEG PA'I STENG DU, CHAGS SOGS 'KHOR BA'I SKYON GYIS MA GOS PA'I BRDAR PADMA DMAR PO 'DAB MA 'BUM LDAN DA LTA KHA PHYE MA THAG PA LTA BU DRI BSUNG PHUN SUM TSOGS PA 'PHRO BA, DE'I STENG DU BYANG CHUB KYI SEMS MTSON PA'I BRDAR ZLA BA'I DKYIL 'KHOR DKAR BSIL NYA GANG BA DE'I STENG DU CHOS DBYINGS STONG PA NYID MTSON PA'I NYI MA'I DKYIL 'KHOR GSAL ZHING 'OD 'BAR BA RNAMS GSAL BTAB, TSOGS ZHING BSGOM TSUL 'KHOR DANG LONGS SPYOD RGYAS CHED KHROM TSOGS SU BSGOM PA DANG, BYIN RLABS MYUR DU 'JUG CHED KUN 'DUS NOR BU LUGS SU BSGOM PA GNYIS LAS, 'DIR KUN 'DUS NOR BU LUGS SU BYA STE, DE YANG GDAN DE'I STENG DU DRIN CAN RTZA BA'I BLA MA NYID SANGS RGYAS RDO RJE CHOS, GDUL BYA RNAMS LA SNYING RJE CHEN POS RJES SU CHAGS PA'I RANG MDANGS SKU MDOG DMAR GSAL GZI BYIN 'DAR BA DANG, DU MA RO GCIG MTSON PA'I ZHAL GCIG ZHI ZHING 'DZUM PA, BDEN GNYIS MTSON PA'I PHYAG ZUNG RDOR DRIL THUGS KAR BSNOL NAS 'DZIN PA, RIN PO CHE'I DBU RGYAN MGUL RGYAN SNYAN RGYAN SOGS RGYAN THAMS CAD KYIS

, ,BRGYAN CING, DAR KHA DOG SNA TSOGS KYI STOD GOS DANG SMAD GA-YOGS LHAB LHUB KYIS BRGYAN PA, ZHABS RDO RJE'I SKYIL KRUNG GIS BZHUGS PA, DE NYID BRGYUD PA'I BLA MA GONG MA THAMS CAD KYI BYIN RLABS GCIG TU 'DUS SHING TSANG BA'I BLA MA KUN 'DUS, DE'I PHUNG PO LNGA DE BZHIN GSHEGS PA RIGS LNGA'I NGO BOR BZHUGS PA'I SANGS RGYAS KUN 'DUS, DE'I THUGS RGYUD LA BZHUGS PA'I LUNG RTOGS KYI YON TAN DANG, ZHAL NAS LEGS PAR 'DOMS PA'I CHOS RNAMS DAM CHOS KUN 'DUS, PHYI NANG GI SKYE MCHED RNAMS BYANG CHUB SEMS DPA'I NGO BO DGE 'DUN, MKHA' 'GRO CHOS SKYONG BKA' NYAN GSUNG SDOD KYI TSUL DU BZHUGS PA'I SKYABS GNAS KUN 'DUS MA TSANG BA MED PA'I NGO BOR GSAL BTAB, GNYIS PA GANG GIS SKYABS SU 'GRO BA'I RTEN NI, DE LTA BU'I TSOGS ZHING GI MDUN DU RANG NYID KYI GA-YAS SU PHA, GA-YON DU MA, MDUN DU SDANG DGRA ,MTHA' SKOR KUN TU RIGS DRUG BAR DO DANG BCAS PA'I SEMS CAN THAMS CAD KYANG SMRA SHES DON GO MI YI RNAM PAR KHROM TSOGS SU SMUG SHIG GE YOD PAR BSAM, RANG DANG DE DAG THAMS CAD LUS GUS SHING 'DUD PA, NGAG SNYAN PA'I SKYABS 'GRO, YID KHYED SHES KYI MOS GUS RTZE GCIG PAS GSOL BA 'DEBS PAR BSAM, GSUM PA TSUL JI LTAR DU SKYABS SU 'GRO BA NI, SKYABS SU 'GRO BA'I RGYU 'KHOR BA DANG NGAN SONG GI SDUG BSNGAL GYIS YID 'JIGS SHING SKRAG STE, MI NAG CHEN KHA DRAG LA SKYABS 'TSOL BA LTAR,

MDUN NA BZHUGS PA'I RTZA BA'I BLA MA SANGS RGYAS KUN 'DUS DE NYID LA SKYOB PA'I NUS PA YOD PAR SHES PA STE, MKHYEN PA MED NA SKYOB MI SHES PA LA, BDAG GZHAN THAMS CAD KYI BDE SDUG GI RGYU 'BRAS PHYIN CI MA LOG PA PHRA ZHIB MKHYEN PAS MKHYEN PA'I YE SHES MNGA', MKHYEN PA YOD KYANG BRTZE BA MED NA MI SKYOB PA LA, MA YIS BU GCIG PU LA BRTZE BA LAS KYANG CHES LHAG PAR BRTZE BA'I THUGS RJE MNGA', MKHYEN BRTZE GNYIS YOD KYANG NUS PA MED NA SKYOB MI THUB PA LA, SKU LAS SPROS PA'I 'OD ZER PHRA MOR DANG, ZHAL GYI DBUGS TZAM GYIS KYANG SEMS CAN GRANGS MED PA SMIN GROL LA 'GOD NUS PAS SKYOB PA'I NUS MTHU MNGA' BA'I MTHAR THUG GTAN GYI SKYABS GNAS SU LEGS PAR BSAM LA, SKYABS SU 'GRO MKHAN KYANG, DPER NA DRAG PHUG LTA BUR CHAR SKYOBS PA'I NUS PA YOD KYANG, DER MA PHYIN PAR KHA NAS BRAG PHUG BRGYA STONG BRJOD KYANG MI PHAN PA LTAR, RANG NYID LA DAD PA'I AA LONG YOD TSE DER THUGS RJE'I LCAGS KYU NGES PAR THEB PAS, DKON MCHOG KUN 'DUS BLA MA RIN PO CHER BLO LING BKAL GYIS, SKYID RUNG SDUG RUNG, CI MDZAD KHYED SHES SNYAM PA'I SGO NAS, SNYING KHONG RUS PA'I GTING NAS SKYABS SU 'GRO ZHING, DUS KYANG LO ZLA KHA SHAS TZAM DANG; MA SHI BAR DANG, SKYE BA GCIG GNYIS TZAM MA YIN PAR, JI SRID SKYABS YUL RANG GI GO 'PHANG MNGON SUM DU MA THOB PAR DANG, KUN SLONG KYANG RANG GCIG PU 'KHOR BA LAS THAR BA TZAM MA YIN PAR SEMS CAN THAMS

, ,CAD KYI DON DU SANGS RGYAS KYI GO 'PHANG THOB 'DOD KYI BSAM PA SHUGS DRAG PO'I SGO NAS, BDAG DANG SEMS CAN THAMS CAD SRID ZHI'I 'JIGS PA MTHA' DAG LAS SKYOBS PAR MDZAD DU GSOL SNYAM PA STE, RANG GIS SKYABS 'GRO'I BYANG DRANGS TE MTHA' SKOR GYI SEMS CAN THAMS CAD KYIS KYANG SEMS RTZE GCIG PAS 'UR DING GIS BRJOD PAR BSAM LA, BDAG DANG ZHES PA'I SKABS SU SKYABS SU 'GRO BA PO RANG NYID DANG, 'GRO BA ZHES SOGS KYI SKABS SU MTHA' SKOR GYI SEMS CAN RNAMS GSAL, DUS 'DI NAS SOGS KYIS DUS KYI KHYAD PAR DANG, DPAL LDAN BLA MA ZHES PA'I SKABS SU BLA MA'I THUGS KA'I THAD DU DMIGS PA CHER GYIS GTAD NAS SKYABS GNAS SPYI DANG KHYAD PAR RTZA BRGYUD KYI BLA MA KUN 'DUS KYI NGO BOR THAG BCAD LA, BDAG THUGS RJES BSKYAB TU GSOL SNYAM PA'I MDUN PA SHUGS DRAG BSKYED LA BLA MA'I THUGS KAR THIM LA KHAD LTA BUR BSAM, RDZOGS PA'I SANGS RGYAS ZHES PA'I SKABS SU BLA MA'I PHUNG PO LNGA BDE GSHEGS LNGA'I NGO BOR BZHUGS PA LA DMIGS TE SKYABS STON PA PO MDZAD DU GSOL SNYAM PA DANG, DAM PA'I CHOS ZHES PA'I SKABS SU BLA MA'I THUGS RGYUD LA BZHUGS PA'I 'GOG LAM GYI BDEN PA GNYIS DANG, ZHAL NAS GSUNGS PA'I CHOS RNAMS LA DMIGS TE BDAG GI LAM DNGOS MDZAD DU GSOL SNYAM PA DANG, 'PHAGS PA'I DGE 'DUN ZHES PA'I SKABS SU BLA MA'I

SKYE MCHED YAN LAG YON TAN 'PHRIN LAS SOGS DGE 'DUN GYI NGO BOR BZHUGS PA LA DMIGS TE BDAG LAM SGRUB PA'I ZLA GROGS MDZAD DU GSOL SNYAM PA'I SGO NAS SEMS MA YENGS PAR SKYABS 'GRO'I TSIG BRGYA'AM STONG SOGS BRJOD, MTHAR RDO RJE'I THAL MO SBYAR TE, BLA MA DANG DKON MCHOG RIN PO CHE ZHES SOGS KYIS GSOL BA BTAB PAS, SKYABS YUL BLA MA'I THUGS KA NAS 'OD ZER 'PHROS SEMS CAN THAMS CAD LA PHOG PAS SKYABS 'GRO'I MI MTHUN PHYOGS SU GYUR PA'I SGO GSUM GYI DRI MA SOGS SDIG SGRIB BAG CHAGS THAMS CAD SANGS KYIS DAG STE, LUS ZAG MED 'JA' LUS RDO RJE RNAL 'BYOR MA'I SKU DANG, YID RTOG MED CHOS KYI SKUR SANGS RGYAS TE DAG PA MKHA' SPYOD KYI ZHING DU BYA KHYU CHEN PO 'PHUR BA LTAR 'UR DING GIS GSHEGS PAR BSAM, DE NAS BLA MA LA MOS GUS BYAS PAS, GDAN SENG KHRI NAS YAR DANG, DBU GTZUG TOR NAS MAR 'OD DMAR POR LTEM LTEM ZHU THUGS KA'I THAD DU 'OD DMAR PO'I GANG BU CHUNG NGU MTHAR PHUG RON GYI SGO NGA TZAM, DMAR BA, GSAL BA, DVANGS PA, MTHONG BA TZAM GYIS BDE BA CHEN PO BSKYED NUS PA GCIG TU GYUR TE, RANG GI SPYI BO NAS THIM PAS BLA MA'I THUGS DANG RANG SEMS DBYER MAD DU 'DRES PAR BSAM PA NI KUN RDZOB KYI SKYABS 'GRO DANG, DE'I NGANG LAS 'DAS MA 'ONGS KYI RNAM RTOG GI RGYUN BCAD LA, RANG DUS KYI SHES PA HAD DE BA DE'I NGO BOR BLTAS PAS SEMS KYI NGO BO NAM MKHA' DVANGS PA'I DKYIL LTA BUR GSAL BA NI DGE 'DUN, NGOS BZUNG

, ,GI DMIGS GTAD THAMS CAD DANG BRAL BA'I STONG PA NI CHOS, DE NYID {TZANDAN} DANG DE'I DRI BSUNG LTAR ZUNG DU 'JUG PA NI SANGS RGYAS, DE GSUM DBYER MED BRJOD BRAL DU SHES PA BLA MA STE, SKYABS GNAS THAMS CAD RANG SEMS LAS LOGS SU MED PAR THAG BCAD NAS, DE GA'I NGANG DU LUS SEMS LHOD KYIS SLOD LA MNYAM PAR BZHAG PA NI DON DAM PA'I SKYABS 'GRO 'AM RDO RJE'I SKYABS 'GRO'O, ,DES SBYANG GZHI TSE RABS THOG MED NAS YUL DKON MCHOG GSUM LA SKYABS SU MA SONG BAR 'JIG RTEN GYI LHA MTHU BO CHE DANG, RGYAL PO MU STEGS BYED SOGS SKYABS SU MI 'OS PA DU MA LA SKYABS GNAS ZHUS NAS LAS NGAN BSAGS PA THAMS CAD SBYONG BYED SKYABS 'GRO'I RNAL 'BYOR 'DIS SBYANGS PAS, SBYANG 'BRAS DKON MCHOG GSUM GYI GO 'PHANG THOB PAR BYED DO, ,GNYIS PA NI, SEMS BSKYED DANG TSAD MED NGO BO GCIG TU SONG BA, {N'A} RO TA PA'I GZHUNG LTAR BYA BA LA, MKHA' KHYAB KYI SEMS CAN THAMS CAD RANG GI MA MA BYAS PA GCIG KYANG MED TSUL BSAM STE MAR SHES, MA NAM BYAS KYI GNAS SKABS THAMS CAD DU THOG MTHA' BAR GSUM DRIN GYIS LEGS PAR BSKYANGS TSUL BSAM STE DRIN DRAN, DE LTA BU'I MA SEMS CAN THAMS CAD 'DOD PA BDE BA 'DOD ? KYANG THABS LA MI MKHAS PAS, SDUG BSNGAL GYI RGYU 'BRAS 'BA' ZHIG LA LONGS SPYOD TSUL ZHIB MOR BSAM STE BDE BA DANG 'PHRAD 'DOD KYI BYAMS PA DANG, SDUG BSNGAL DANG 'BRAL 'DOD KYI SNYING RJE BSKYED LA

'DI RNAMS LA DRIN DU BZO PHYIR SDUG BSNGAL LAS SGROL ZHING BDE BA LA 'GOD PA'I KHUR BDAG NYID GCIG PUS 'KHYER DGOS PAR 'DUG KYANG, DA LTA NI BDAG GIS MI NUS SHING, NAM BDAG GI SANGS RGYAS KYI GO 'PHANG THOB PA NA, SEMS CAN THAMS CAD SGROL BA'I NUS PA THOB PAR 'DUG PAS, DES NA BDAG GIS SANGS RGYAS KYI GO 'PHANG THOB PAR BYAS LA SEMS CAN 'DI THAMS CAD GTAN GYI BDE BA LA 'GOD PAR BYA SNYAM PA'I SMON SEMS DANG, DE'I CHED DU LAM ZAB MO 'DI NYID NYAMS SU LEN SNYAM PA'I 'JUG SEMS TE, DE'I 'DUN PA DRAG POS BDAG GI RDZOGS PA'I SANGS RGYAS KYI ZHES SOGS SEMS BSKYED KYI TSIG BRGYA STONG BRJOD PA NI KUN RDZOB BYANG CHUB KYI SEMS BSKYED DANG, SEMS BSKYED YUL SEMS BSKYED PA PO SEMS BSKYED DNGOS SOGS BDE STONG SGYU MA LTA BUR BSGOMS PA NI DON DAM BYANG CHUB KYI MCHOG TU SEMS BSKYED PA'O, ,DES SBYANG GZHI THOG MED NAS MA SEMS CAN 'GA' ZHIG LA DGRAR BZUNG STE GNOD PA BYAS PA DANG, RANG NYID GCIG PU 'KHOR BA LAS THAR 'DOD KYI ZHI BA DON DU GNYER BA SOGS NYAN RANG ZHI BDE'I MTHAR LHUNG ZHING THEG CHEN DANG 'GAL BA'I SEMS BSKYED KYI MI MTHUN PHYOGS THAMS CAD, SBYONG BYED BYANG CHUB TU SEMS BSKYED PA'I RNAL 'BYOR 'DIS SBYONG ZHING; SBYANGS 'BRAS NI BLA NA MED PA'I SANGS RGYAS KYI YE SHES SO, ,GSUM PA NI, STOBS BZHI DANG LDAN PAR BSHAGS DGOS TE, DE LA RANG THA MAL DU GNAS PA'I SPYI BOR REG LA MA 'BYAR BA'I TSUL DU, DPAL RDO RJE SEMS DPA'

, ,CHE CHUNG MTHO GANG TZAM SKU MDOG DKAR PO RDO RJE DANG DRIL BU THUGS KAR BSNOL NAS 'DZIN PAS YUM LA 'KHYUD PA ZHABS RDO RJE SKYIL KRUNG GIS BZHUGS PA, DE'I PHANG NA YUM RDO RJE SNYE MA DKAR MO GRI GUG DANG THOD PA 'DZIN PAS MGUL NAS 'KHYUD PA BRLA GNYIS YAB KYI SKU SKENG ? NAS 'KHRIL ZHING, SKU RGYAB TU ZHABS MTHIL SPRAD PA {PADMA'I} SKYIL KRUNG GIS BZHUGS PA, YAB LA PHYAG RGYA DRUG DANG, YUM LA PHYAG RGYA LNGAS BRGYAN PA, YAB YUM GNYIS KA'I SPYI BOR RIGS BDAG GI NGO BO RDO RJE DKAR PO RTZA LNGA PA PHYED PA RE RES MTSAN PAR BSGOMS PA NI, YAN LAG BZHI RDZOGS BSDUS PA YIN GSUNGS, YAB KYI THUGS KAR ZLA DKYIL DKAR PO SEN MO TZAM GYI STENG DU; SANGS RGYAS THAMS CAD KYI NGO BO {H'Um} DKAR PO SPUS BRIS PA LTA BU 'GRENGS STABS SU BSKYED, LUGS 'DIR SNGAGS 'PHRENG GSAL MI DGOS, RDOR SEMS KYI THUGS KA'I {H'Um} LAS 'OD ZER 'PHROS SANGS RGYAS THAMS CAD KYI BYIN RLABS BSDUS {H'Um} LA THIM PAR BSAM LA RTEN GYI STOBS SANGS RGYAS KUN 'DUS SU NGES SHES BSKYED, SUN 'BYIN GYA STOBS SNGAR BYAS KYI NYES PAR 'GYOD TSANGS DRAG POS BSHAGS 'DOD KYI BSAM PAS, BCOM LDAN 'DAS RDO RJE SEMS DPA' ZHES SOGS KYI GSOL BA BTAB PAS, THUGS KA'I {H'Um} LAS SANGS RGYAS THAMS CAD KYI YE SHES KYI NGO BO BDUD RTZI DKAR PO'I RNAM PA DE'ANG 'OD KYI RANG BZHIN LTA BU LAS CHU LTA BU MA YIN PA SKYA

NAR NAR BYUNG, YAB KYI SKU GANG GSANG GNAS BRGYUD YUM GYI SKU GANG, YAB YUM GNYIS KA'I SBYOR MTSAMS DANG, SKU'I CHA THAMS CAD NAS 'DUD RTZI 'OD DKAR PO'I RNAM PA ZIL PA KHROM ME BAB RANG GI SPYI BO'I TSANGS BUG NAS ZHUGS LUS KYI NANG THAMS CAD GANG, BDUD RTZI 'GA' ZHIG BRAG MTHON PO'I STENG NAS CHU BABS PA BZHIN, LUS KYI PHYIR SKYA CHIL CHIL BABS PAS PHYI NANG THAMS CAD BKRUS PAR BSAM, 'DI LA YANG THUN MONG BA'I DMIGS SKOR GSUM DANG, THUN MONG MA YIN PA'I DMIGS SKOR BZHI STE BDUN GSUNGS PA LAS, DANG PO SDIG SGRIB SBYANG BA, NAD SBYANG BA, GDON SBYANG BA GSUM LAS, DANG PO NI, BDUD RTZI'I RGYUN DES LAS NYON SDIG SGRIB BAG CHAGS DANG BCAS PA THAMS CAD RNAG KHRAG DANG DUD KHU SOL KHU'I RNAM PAR BSHANG BCI'I LAM DANG, DBANG PO'I SGO BA SBU'I BUG SOGS NAS DBYAR GYI {SHVA} 'DO DRAG POS SBUR MA DED PA LTAR SBYANGS TE MI DMIGS PAR YAL BA'I DMIGS PA BRTAN PO DANG, LUS KYI PHYI NANG THAMS CAD SHEL BUM DRI MAS MA GOS PA LTAR {DVANGS} GSAL DU SONG BAR BSAM LA, YI GE BRGYA BA BRJOD, GNYIS PA RLUNG MKHRIS BAD KAN SOGS NANG RGYU BCAS PA THAMS CAD RLUNG LJANG DMAR GYI RNAM PA RLANG SNGO DMAR 'KHYIL ZHING 'TSUB PA'I RNAM PAR SNGAR LTAR PHYIR THON PAR BSAM LA YI GE BRGYA PA BRJOD, DE YANG GRANG NANG LDANG NA MAS 'DOD ZHES BDUD RTZIR LUS MER GYI KHENGS PAS CHU SNOD STENG SBUR MA LDING BA LTAR NAD RNAMS YAR DED DE KHA

, ,SNA SOGS NAS PHYIR THON PAR BSAM, STOD NAD LDANG NA YAS 'DOD ZHES 'OG SGO GNYIS SOGS NAS MAR DED PAR DMIGS, PHO MCHIN PAR NAD LDANG NA BAR 'DOD ZHES SNYING KHA SOGS NAS PHYIR THON PAR BSAM, GZHAN YANG DMIGS PA'I KHA BSGYUR BA NI, GRANG NAD LA BDUD RTZI NYI MA'I 'OD LTA BU SHIN TU TSA BA DANG, TSA BA'I NAD LA BDUD RTZI ZLA BA'I 'DO LTAR DKAR ZHING BSIL BA, RLUNG NAD LA BDUD RTZI DMAR SER MAR KHU LTA BU BDUD DANG LDAN PA, GDON LA BDUD RTZI KHRO CHU LTA ? BU TSA RNO RTZUB PA'I GSEB NAS GDON BGEGS GANG 'DUL GYI KHRO BO'I TSOGS DPAG MED SPRO BA SOGS BYA SLA YI GE BRGYA PA BRJOD, GSUM PA NI, GDON BGEGS RNAMS SBAL SBRUL SDOM RTA SREB LCONG MO SOGS SROG CHAGS MA RUNG BA'I RNAM PAR DED PAR BSAM, DE LTAR BSGOMS PAS DNGOS NYAMS RMI LAM SOGS SU, LUS LAS 'BU SRIN RNAG KHRUG THON PA, KHRUS BYA SPA, NA MA MKHAR 'PHUR BA, GOS GSAR PA'AM, DKAR PO GYEN PA SOGS SDIG SGRIB DAG PA'I RTAGS RNAMS 'BYUNG ZHING, LAS DANG PO PA'I GANG ZAG RNAMS KYIS 'DI LA NAN TAN DU BYA'O GSUNGS SO, ,THUN MONG MA YIN BA DBANG BZHI BLANG BA'I DMIGS SKOR NI, RANG THA MAL BA'I LUS STONG SANG PHRU MA PHUS BTAB PA LTA BU'I LUS KYI NANG GI DBUS DRANG THAD RGAL TSIGS LA CHUNG ZAD NYE BAR TZA DBU MA MDA' SNYUG GAM GRO SOGS GANG RIGS KYI

PHRA SBOM TZAM, MAR SNE LTE 'OG SOR BZHI TZAM DANG, YAR SNE TSANGS BUG TU KHA {DVANG} DER YOD PA, DE NYID LA SROG SHING BYAS PA'I GDUGS KYI RTZIBS MA LTA BUR, SPYI BOR RTZA 'DAB SUM CU SO GNYIS, MGRIN PAR BCU DRUG, ,SNYING KHAR BGYAD, LTE BAR DRUG CU NAMS DKAR SER ZHES RANG GI SHA MDOG LTA BU BSAM, RANG LUS STONG SANG DER BDUD RTZI BABS STE DBANG BZHI BLANG DMIGS BYAS CHOG KYANG, RDZOGS RI MA ZAB MO'I SMIN BYED DU 'GRO SLAD RTZA 'KHOR RNAMS BSGOM PA NYID ? LEGS ? PAR GSUNGS, DE YANG, DANG PO LA, SPYI BO'I RDOR SEMS DPRAL BA'I {AOm} DKAR PO LAS BDUD RTZI GONG LTAR BABS SPYI BO'I RTZA 'KHOR THAMS CAD GANG ZHING PHYIR LUD PAS SMIN MTSAMS ? YAN CHAD GANG, LUS KYI SDIG SGRIB DAG RDOR SEMS SKU'I BYIN RLABS ZHUGS, BUM PA'I DBANG THOB SPRUL SKU 'GRUB PA'I NUS PA BZHAG PAR MOS TE YID BRGYA BZLA'O, ,GNYIS PA NI, MGRIN PA'I {A'A:} YIG DANG BCAS PA LAS SNGAR LTAR BDUNG RTZI BABS MGRIN PA'I RTZA 'KHOR ? GANG, DE YAN GYI LUS GANG, NGAG GI SDIG SGRIB DAG ,RDOR SEMS GSUNG GI BYIN RLABS ZHUGS, GSANG ? BA'I DBANG THOB LONGS SKU 'GRUB PA'I NUS PA BZHAG PAR MOS LA YIG BGYA BZLA, GSUM PA NI, SNGAR LTAR THUGS KA'I {H'Um} YIG DANG BCAS PA LA BDUD RTZI BABS, SNYING KHA'I RTZA 'KHOR DANG DE YAN GYI LUS GNAG, YID KYI SDIG SGRIB DAG RDO RJE SEMS DPA'I THUGS KYI BYIN RLABS ZHUGS, SHES RAB SHES

, ,KYI DBANG THOB CHOS SKU 'GRUB PA'I NUS PA BZHAG PAR BSAM LA YIG BRGYA BZLA, BZHI PA NI, GNAS GSUM GYI 'BRU GSUM LAS SNGAR BZHIN BDUD RTZI BABS LTE BA'I RTZA 'KHOR DANG LUS THAMS CAD GANG, SGO GSUM GYI SDIG SGRIB MTHA' DAG SBYANGS, RDOR SEMS SKU GSUNG THUGS KYI BYIN RLABS ZHUGS DBANG BZHI PA THOB, 'BRAS BU ZUNG 'JUG NGO BO NYID KYI SKU THOB PA'I NUS PA BZHAG PAR MOS TE YIG BRGYA BZLA'O, ,DE NI THUN MONG MA YIN PA'I DMIGS RKANG BZHI'O, ,BZLA BYA'I SNGAGS KYANG, THAMS CAD GSANG BA'I RGYUD LAS, RDO RJE SLOB DBON GANG DAG GIS, ,LHAG PA'I LHA NI GANG DAG LA, ,DPAL NI NGES PAR SBYOR BYA ZHING, , DPAL NI NGES PAR BRJOD PAR BYA, ,ZHES PA'I LUNG LA BRTEN NAS 'PHAGS PA RIN PO CHES SHRI SBYOR BAR MDZAD PA LTAR HE RU KA'I YI GE BRGYA PA NYID BZLA'O, ,MTHAR RDO RJE THAL MO SBYAR TE, NYES PA LAS SLAR LDOG STE PHYIN CHAD MI BGYID SNYAM PA'I SGO NAS, BDAG NI MI SHES, ZHES SOGS KYIS GSOL BA BTAB PAS, RDO RJE SEMS DPA'I ZHAL NAS RIGS KYI BU, ZHES SOGS SDIG PA DAG PA'I DBUGS DBYUNG ZHING, PHYIN CHAD MI BGYID PAR GDAMS TE, 'OD DKAR POR ZHU NAS RANG LA THIM PAR BSAM PA NI KUN RDZOB KYI BSHAGS PA'O, ,RDOR SEMS RANG LA THIM PA DE'I NGANG LAS, RANG SEMS DANG DBYER MED GYUR PAR BSAM LA RIG PA BRJOD MED KYI NGANG LA

'JOG PA STE, DE LTAR BZHAG PAS DUB NA SEMS KYI GSAL BA SNA TSOGS SU 'CHAR BA NI, SEMS DPA' SRID PA GSUM GCIG PA, ZHES PA LTAR SEMS GSAL BA'I NGO BO DANG, STONG PA BRJOD BRAL DU GNAS PA NI, RDO RJE MI PHYED ZHES KYANG BRJOD; CES PA LTAR, RDO RJE STE ? DON DAM PA'I RDOR SEMS KYI RANG NGO SHES PAR BYAS LA DE'I NGAN LA BZHAG PA BLA NA ME DPA'I BSHAGS PA'O, ,SBYANGS GZHI THOG MED NAS BSAG PA'I SDIG SBYONG BYED RDO RJE SEMS DPA'I RNAL 'BYOR 'DI BSGOM STE SBYANGS PAS, SBYANGS 'BRAS SGRIB BRAL SANGS RGYAS KYI GO 'PHANG THOB PAR BYED DO, ,BZHI PA LA, BLA MA'I RNAL 'BYOR BSGOM DGOS PA'I RGYU MTSAN, BSGOM CHUL DNGOS GNYIS LAS; DANG PO NI, BRTAG GNYIS LAS, GZHAN GYIS BRJOD MIN LHAN CIG SKYES, ,GANG DU YANG NI MI RNYED DE, ,BLA MAS DUS THABS BSTAN PA DANG, ,BDAG GI BSOD NAMS LAS SHES BYA, ,ZHES GSUNGS PA LTAR, ZUNG 'JUG RDO RJE 'CHANG GI GO 'PHANG THOB PA LA, SEMS KYI LHAN CIG SKYES PA'I DON RTOGS DGOS SHING, DE NYID NI, KHA DOG YON TAN YI GE DPE BRAL BA, SMRA RU MI BTUB KYI NA ? TZAM GYIS MTSON, ,ZHES GSUNGS PA LTAR, LUNG RIGS GTAN TSIGS GANG GI SGO NAS KYANG BRJOD PAR MI NUS PAS, NGAG GI LAM LAS 'DAS PAR MA ZAD, GANG DU BTZAL KYANG SEMS LA DBYE BA DANG KHA DOG NGOS BZUNG MA GRUB PA'I PHYIR, 'O NA RTOGS PA'I THABS MED PA YIN NAM ZHE NA

, ,MA YIN STE, RI DBANG RTZE NAS GANG ZHIG LHUNG GYUR NA, ,LHUNG BAR MI BYA SNYAM YANG LHUNG BAR 'GYUR, ,BLA MA'I DRIN LAS PHAN PA'I LUNG THOB NA, ,GROL BAR MI BYA SNYAM YANG GROL BAR 'GYUR, ZHES GSUNGS PA STE, BLA MA DAM PA LA BRTEN NAS BSOD NAMS KYI TSOGS BSAGS PAS DE'I BYIN RLABS KYI MTHU LAS DA GZOD YE SHES KYI TSOGS RDZOGS TE, GNAS LUGS KYI DON PHYIN CI MA LOG PA RTOGS PAR 'GYUR BA STE, GANG GI DRIN GYIS BDE CHEN NYID, ,SKAD CIG NYID LA STZOL MDZAD PA, ,ZHES GSUNG SPA LTAR DANG, DE'ANG TSOGS GSOG PA'I YUL SANGS RGYA RGYAS KYANG BLA MA KHO NA BSNGAGS PA CI YIN SNYAM NA, LAS NGAN CAN DU MA TSOGS PA'I DUS 'DIR SANGS RGYAS KYI SKU DNGOS SU MTHONG ZHING, GSUNG THOS PAR MI NUS PA'I PHYIR, DE'I BYIN RLABS RGYUD LA 'JUG MI THUB, BLA MA DAM PA NI RANG MNYAM SKAL BA 'TSAMS PAR MI YI GZUGS SU BSTAN TE BSOD NAMS KYI ZHING DU BZHUGS SHING GSUNG GI BDUD RTZI STZAL BA NYAMS SU BLANGS PAS, RIM GYI SPANGS RTOGS KYI YON TAN THAMS CAD BSKYED PA'I GZHIR 'GYUR BAS NA, SANGS RGYAS THAMS CAD LAS SKU DRIN BLA MA KHO NA LHAG PA YIN ZHING, DE LA GSOL BA BTAB PAS BYIN RLABS MYUR DU 'JUG PA'I PHYIR, DES NA BLA MA'I RNAL 'BYOR LA BRTZON DGOS PA YIN NO, ,GNYIS PA BLA MA'I RNAL 'BYOR BSGOM TSUL DNGOS LA, THUN MONG DANG THUN MONG MA YIN PA GNYIS LAS 'DIR PHYI

MA YIN, DE LA GNYIS BRAL 'CHAD DUS ZHAL SHES GSUM, ZHES PA'I DANG PO BLA MA BSKYED PA'I ZHAL SHES, GNYIS PA DBANG BLANG BA'I ZHAL SHES, GSUM PA BLA MA BSTIM PA'I ZHAL SHES DANG GSUM LAS, DANG PO NI, BRGYUD PA'I BYIN RLABS 'JUG PA DANG, CHOS BRGYUD MI NUB PA'I RTEN 'BREL DU MTHO BRTZEGS, RTOGS PA BSKYED SLA BA'I PHYIR KUN 'DUS NOR BU LUGS, 'KHOR DANG LONGS SPYOD RGYAS PHYIR KHO MTSOGS RNAMS SU BSGOMS PA LAS, 'DIR PHYI MA LTAR BSGOM PA NI, GNAS KHANG GONG ? DU SKYABS 'GRO'I SKABS BSHAD PA LTAR GSAL 'DEBS SHING, ? DE'I DBUS SU RANG GI SMIN MTSAMS THAD KYI NAM MKHAR RIN PO CHE'I KHRI, DBANG PHYUG BRGYAD MTSON PA'I {SENGGE} CHEN PO BRGYAD KYIS BTEGS PA, MTHO ZHING RGYA KHYON SHIN TU CHE BA'I DBUS SU, SNA TSOGS {PADMA} DANG ZLA BA DANG NYI MA'I GDAN GYI STENG DU, DRIN CAN RTZA BA'I BLA MA NYID SANGS RGYAS RDO RJE CHOS MI TSAD CHE PHYOGS SKU MDOG DMAR PO MTSAN DPE'I GZI BYIN 'BAR BA ZHAL GCIG ZHI ZHING 'DZUM PA, PHYAG GNYIS RDOR DRIL 'DZIN PAS 'KHYUD RGYA CAN, ZHABS RDO RJE'I SKYIL MO KRUNG GIS BZHUGS PA, RIN PO CHE'I RGYAN BRGYAD DANG, DAR SNA TSOGS KYI STOD GA-YOGS DANG SMAD GA-YOGS LHAB ? LHUB TU GSOL BA, DE'I MDUN THAD SENG KHRI'I STENG NAS GA-YON GYI SGOR MOR {PADMA} DANG ZLA BA NYI MA'I GDAN RE RE GSAL BTAB PAR, MDUN DU RDO RJE RNAL 'BYOR MA MNGON RTOGS LTAR DANG, DE NAS GA-YON SKOR GYIS 'DI LA RING RGYUD MI MDZAD PAS, {N'A} RO {T'A} PA, PHAM MTHING

, ,PA SKU MCHED, KLOG SKYA SHES RAB BRTZEGS, MAL LO TZ'A BA BLO GROS GRAGS PA NAS RIM PA LTAR, SA CHEN KUN SNYING, SLOB DPON BSOD NAMS RTZE MO, RJE BTZUN GRAGS PA RGYAL MTSAN, SA SKYA PAndI TA, 'GRO MGON 'PHAGS PA, ZHANG DKON MCHOG DPAL BA, NA BZA' BRAG PHUG PA BSOD NAMS DPAL BA, BLA MA DAM PA BSOD NAMS RGYAL MTSAN, YAR KLUNG PA SENG GE RGYAL MTSAN, BSOD NAMS RGYAL BA MCHO SHA DBYANGS, 'JAM DBYANGS NAM MKHA' RGYAL MTSAN, BDAG CHEN RDO RJE 'CHANG BLO GROS RGYAL MTSAN, RDO RING KUN SPANG CHOS KYI NYI MA, TSAR PA CHES RJE BLO GSAL RGYA MTSO, 'JAM DBYANGS MKHYEN BRTZE'I DBANG PHYUG ,SNGING MA BSLAB GSUM RGYAL MTSAN, KHYAB BDAG DBANG PHYUG RAB BRTAN, 'KA' 'GYUR BA MGON PO BSOD NAMS MCHOG LDAN, MKHYEN RAB CHOS RJE BSTAN 'DZIN BZANG PO, RMOR CHEN KUN DGA' LHUN GRUB, GNAS GSAR BA NGAG DBANG KUN DGA' LAGS PA'I 'BYUNG GNAS, SA SKYA PA BDE CHEN KUN DGA' BLO GROS, CHOS RJE BCO BRGYAD PA SAm GHA'I MTSAN CAN TE, KHRID LUNG THUN MONG BA DANG, ZAB KHRID THUN MONG MA YIN PA'I BRGYUD PA'I BLA MA THAMS CAD, DPA' BO RDO RJE CHOS SKU MDOG DMAR PO GA-YAS dA MA RU 'KHROL ZHING, GA-YON PA THOD PA BDUD RTZIS GANG BA THUGS KAR BSNAMS PA, GRU MO GA-YON NA KHA tB'Am KA BSNAMS PA, DAR DANG RIN PO CHES BRGYAN CING, MTSAN DPE GSAL BA LONGS SKU'I RNAM PA CAN, ZHABS RDO RJE'I SKYIL KRUNG GIS ZHAL PHYI BSTAN DANG NANG BSTAN

GANG BDER BZHUGS PAR MOS, DE RNAMS KYI STENG 'OG BAR GSUM DU YI DAM SANGS RGYAS BYANG SEMS DPA'O MKHA' 'GRO CHOS SRUNG GNOD SBYIN NOR LHA DAM CAN GTER BDAG THAMS CAD SPRIN GYI PHUNG PO CHEN PO GTIBS PA LTAR BZHUGS PAR BSAm TSOGS ZHING DE THAMS CAD KYI SPYI BOR AOm DKAR PO, MGRIN PAR A'A: ? DMAR PO, THUGS KAR H'Um SNGON PO RE RE GSAL BTAB, DE RNAMS KYI THUGS KA'I SA BON LAS 'OD ZER 'PHROS PAS RTZA BA'I BLA MA SPYAN DRANGS TSOGS ZHING GI GTZO BOR BSTIM, BRGYUD PA'I BLA MA RNAMS DANG ,RANG LA CHOS 'BREL YOD PA'I BLA MA RNAMS KYIS THOG DRANGS SKYABS GNAS MA LUS SPYAN DRANGS, BRGYUD PA'I BLA MA RNAMS RE RE LA YANG SKYABS GNAS CHA TSANG BA RE RE BSTIM ZHING YID KHUL BAR BYA, DE NAS PHYAG 'TSAL BA NI, RANG GI LUS ZHING RDUL MNYAM PAR SPRUL NAS DNGOS SU LUS GUS PAS PHYAG DANG ,NGAG GUS PAS BSTOD TSIG ,YID GUS PAS GSOL BA RTZE GCIG TU 'DEBS BZHIN PAR, GANG DRIN MA BRJOD, SANGS RGYAS RDO RJE 'CHANG LA GSOL BA 'DEBS SO, ,BDAG GI RGYUD BYIN GYIS BRLAB TU GSOL, RJE BTZUN RDO RJE RNAL 'BYOR MA LA PAn CHEN N'A RO TA PA LA BLA PHO PHAM MTHING PA SKU MCHED LA KLOG SKYA SHES RAB BRTZEGS LA MAL LO TZ'A BA BLO GROS GRAGS PA LA RJE BTZUN SA SKYA BA CHEN PO KUN DGA' SNYING PO LA SLOB DPON RIN PO CHE BSOD NAMS RTZE MO LA RJE BTZUN RIN PO CHE GRAGS PA RGYAL MTSAN LA CHOS RJE SA SKYA PAn CHEN LA 'GRO MGON CHOS RGYAL 'PHAGS

, ,PA LA ZHANG DKON MCHOG DPAL PA LA X GRUB CHEN BRAG PHUG PA LA X CHOS RJE BLA MA DAM PA BSOD NAMS RGYAL MTSAN LA X YAR LUNG PA SENG GE RGYAL MTSAN LA X MKHAN CHEN BSOD NAMS RGYAL BA MCHOG DBYANGS LA X YAB RJE 'JAM DBYANGS NAM MKHA' RGYAL MTSAN X BDAG CHEN RDO RJE 'CHANG BLO GROS RGYAL MTSAN LA X RJE BTZUN RDO RING PA KUN SPANGS CHOS KYI NYI MA LA X RDO RJE 'CHANG BLO GSAL RGYA MTSO GRAGS PA RGYAL MTSAN DPAL BZANG PO LA X 'JAM DBYANGS MKHYEN BRTZE'I DBANG PHYUG BSTAN PA'I RGYAL MTSAN DPAL BZANG PO LA X MKHAN CHEN BSLAB GSUM RGYAL MTSAN LA X RDO RJE 'CHANG DBANG PHYUG RAB BRTAN LA BKA' 'GYUR BA MGON PO BSOD NAMS MCHOG LDAN X RDO RJE 'CHANG RIN CHEN BSOD NAMS MCHOG GRUB X MKHYEN RAB BYAMS PA NGAG DBANG LHUN GRUB LA X RMOR CHEN RDO RJE 'CHANG KUN DGA' LHUN GRUB LA X GNAS GSAR PA NGAG DBANG KUN DGA' LEGS PA'I 'BYUNG GNAS LA BDAG CHEN RDO RJE 'CHANG NGAG DBANG KUN DGA' BLO GROS SANGS RGYAS BSTAN PA'I RGYAL MTSAN LA RIGS KUN KHYAB BDAG DGE 'DUN BKRA SHIS DPAL 'BYOR LA DRIN CAN RTZA BA'I BLA MA LA GSOL BA 'DEBS SO, ,BDAG GI RGYUD BYIN GYIS BRLAB TU GSOL, CES RE RE NAS BRJOD PA'AM, BSDU NA, DRIN CAN RTZA BA DANG BRGYUD PAR BCAS PA'I BLA MA DAM PA RNAMS LA GSOL BA 'DEBS

SO; ;BDAG GI RGYUD BYIN GYIS BRLAB TU GSOL, ZHES BRJOD KYANG RUNG GSUNGS, YANG NA, RGYAL BRGYA MTSO'I RIGS BDAG SOGS BRGYUD 'DEBS KHA SKONG DANG BCAS PA BTON KYANG RUNG ,DE NAS ZHEN CHAGS SPANGS PA'I RNAL 'BYOR NI, SKYABS YUL RNAMS KYI MDUN DER, RANG GIS GCES SHING 'PHANGS PA'I NOR RDZAS GANG YOD KHRO CHEN PO'I TSONG ZOG LTAR GSAL BTAB LA, DE RNAMS KYANG SNGAR LAS KHA DOG DBYIBS RGYU SOGS BZANG ZHING PHUN SUM TSOGS PA JI LTAR LONGS SPYAD KYANG MI 'DZAD PA'I RANG BZHIN DU BSAM LA, DUS GSUM SANGS RGYAS THAMS CAD KYI NGO BO BLA MA RIN PO CHE LA BDAG GIS NOR RDZAS KYI DNGOS PO THAMS CAD 'BUL BAR BGYI'O, ,BDAG 'DZIN CHAGS SER SNA DANG BRAL BAR BYIN GYIS BRLAB TU GSOL, ZHES RANG GI BDAG TU BZUNG BA DANG MA BZUNG BA'I LONGS SPYOD THAMS CAD BLA MA LA PHANGS PA MED PAR PHUL BAS, BLA MA DGYES PAS BDAG GIR BZHES RANG SER SNA RANG GROL DU SONG BAR BSAM, YANG RANG GI MDUN DER SDANG BAR BYED PA'I DGRA, GNOD PAR BYED PA'I BGEGS, SNA 'DREN PA'I BYUR SOGS KHROM TSOGS PA LTAR GSAL LA, BLA MA'I MTSAN NAS SMOS TE, BDAG GI DGRA THAMS CAD 'BUL PAR BGYI'O, ,BDAG ZHE SDANG DANG BRAL BAR BYIN GYIS BRLAB TU GSOL, ZHES PHUL BAS ZHE SDANG RANG GROL DU SONG BAR MOS, YANG RANG GI MDUN DU PHA MA MDZA' BSHES SOGS GSAL BTAB LA, GONG LTAR BDAG GI GNYEN

, ,THAMS CAD 'BUL BAR BGYI'O, ,BDAG 'DOD CHAGS DANG BRAL BAR BYIN GYI BRLAB TU GSOL, ZHES GSOL BA BTAB PAS, BLA MAS BZHES TE CHAGS ZHEN SKYE YUL MED PAR BSAM, YANG RANG GI MDUN DU BAR MA'I SEMS CAN TSE 'DIR PHAN GNOD CI YANG MI BYED PA RNAMS GSAL BTAB STE, GONG LTAR BDAG GI BAR MA'I SEMS CAN THAMS CAD 'BUL BAR BGYI'O, ,BDAG GI MUG DANG BRAL BAR BYIN GYIS BRLAB TU GSOL, ZHES PHUL BAS BLA MAS BDAG GIR MDZAD DE BDAG GTI MUG LAS GROL BAR BSAM, DE NAS MCHOD PA LA, PHYI MCHOD, NANG MCHOD, GSANG MCHOD, DE KHO NA NYID KYI MCHOD PA, KUN S'A LI'I TSOGS GSOGS, MAndAL 'BUL BA STE DRUG LAS, DANG PO PHYI MCHOD LA YANG RGYAS PAR NA, NYER SPYOD, RIG MA BCU DRUG ,RGYAL SRID SNA BDUN, 'DOD YON LNGA STE BZHI, DANG PO NYER SPYOD NI, RANG SKAD CIG GIS RNAL 'BYOR MAR GSAL BA'I THUGS KA NAS MCHOD PA'I LHA MO RNAL 'BYOR MA'I RNAM PA MDZES SHING SDUG PA RGYAN GYIS SPRAS PA, SNYAN PA'I GLU DANG ,BDE BA'I GAR BSGYUR BA SHA STAG TU SPROS TE, DUS GSUM GYI DGE RTZA THAMS CAD DANG , DER MA ZAD ,MI DGE BA'I LAS 'BRAS BAG CHAGS DANG BCAS PA THAMS CAD KYANG ,MCHOD PA'I RDZAS BZANG ZHING GYA NOM PA, KUN TU BZANG PO'I RNAM THAR LAS BYUNG BA LTA BUR BSGYUR PA DANG ,PHYOGS BCU'I ZHING RAB

'BYAMS KYI MCHOD RDZAS THAMS CAD KYANG BLANG STE, DE YANG LHA MO RNAMS KYI PHYAG TU, DUNG PHOR GYI SNOD DU YAN LAG BRGYAD LDAN GYI CHU LA SMAN BZANG POS SBAGS PAS BKANG PA'I MCHOD YON, ,RIN PO CHE'I SNOD BZANG POR ZHABS BSIL GYI CHU GTZANG DRI MA MED PA, ME TOG SIL MA DANG 'PHRENG BAR SPEL BA'I RGYAN MA RNYING PA, NOR BU'I SPOS SNOD BZANG POR TZADAN AA KA RU DANG ,DU RU KA SOGS RENG BU DANG PHYE MAR BYAS PA'I BDUG PA'I SPRIN SNGON PO LANG LONG DU GA-YO BA, RIN CHEN PHRA TSOM GYIS SPUD PA'I GSER GYI SNOD DU 'BRU MAR RTZI MAR SOGS KYI SNANG GSAL RAB TU 'BAR BA, SHEL DKAR GYI SNOD DU CHU GTZANG GA PUR, GUR KUM SI HA LA SOGS KYIS SBAGS PA'I DRI'I BYUG PA; RIN PO CHE'I SNOD DU GTAMS PA'I RO BRGYA LDAN PA'I ZHAL ZAS SNA TSOGS, PI WAm GLING BU PHEB RDOG SOGS RGYUD DANG SBUB LAS BYUNG BA'I ROL MO'I DBYANGS SNYAN GYI ZI DIR BCAS PHUL BAR BSAM LA, STONG GSUM 'DI'AM, ZHES SOGS SNGAGS DANG PHYAG RGYAR BCAS TE 'BUL, MTHAR LHA MO RNAMS RANG GI SNYING KHAR BSDU BRLUNG SEMS DBU MAR 'DU BA'I RTEN 'BREL YOD, GNYIS PA RIG MA BCU DRUG PA MNGON RTOG LTAR SNYING KHA NAS SPROS TE MCHOD PAR BSAM ZHING ,RDO RJE LHA MO BI WANG MA ZHES PA SOGS SNGAGS RGYAR BCAS TE 'BUL ZHING ,MTHAR SNYING KHAR BSDU, GSUM PA RGYAL SRID SNA BDUN 'BUL BA NI, YANG RANG GI THUGS KA NAS GSER GYI 'KHOR LO RTZIBS

, ,STONG PA, DGOS 'DOD 'BYUNG BA'I NOR BU, YID DU 'ONG BA'I BTZUN MO, BLO GROS LDAN PA'I BLON PO, THEG CHEN STOBS LDAN GLANG PO, RLUNG SHUGS 'CHANG BA'I RTA MCHOG ,NOR GYI DBANG PHYUG KHYIM BDAG GAM, DGRA SDE 'JOMS PA'I DMAG DPON SPROS TE MCHOD LA, 'DZAM BU CHU BO'I ZHES SOGS KUN MKHYEN BLA MA'I GSUNG LTAR SNGAGS RGYAS 'BUL, CHOS KYI RGYAL SRID BRTAN PA'I CHED MI BSDU BAR BZHAG ,BZHI PA 'DOD YON NI, SNYING KHA NAS SPROS PA'I GZUGS KYI LHA MO DKAR MO ME LONG THOGS PA, SGRA'I LHA MO SNGON MO RGYUD MANG THOGS PA, DRI YI LHA MO SER MO DUNG CHOS BCUD LDAN, RO YI LHA MO DMAR MO ZHAL ZAS, REG BYA'I LHA MO LJANG GU LHA'I NA BZA' THOGS PA MDZES SHING BSDUG PA RNAMS KYIS MCHOD PAR BSAM LA, KHA DOG DBYIBS LEGS SOGS BRJOD CING SNGAGS RGYAS 'BUL, MTHAR 'DOD YON LHA MO SO SO BLA MA'I DBANG PO SGO LNGA'I GNAS SO SOR THIM PAS THUGS RGYUD LA BDE STONG GNYIS SU MED PA'I YE SHES KHYAD PAR CAN 'KHRUNGS PAR MOS PAS, DBANG SHES LNGA DAG PA'I RTEN 'BREL YOD PAR GSUNGS, GNYIS PA NANG MCHOD NI, RANG GI MDUN GYI K'A? PA LA'I NANG MCHOD LA DMIGS TE, AOm ZHES BRJOD CING LAG MTHIL GA-YON BSTAN TE THA MAL GYI SNANG ZHEN THAMS CAD STONG PAR SBYANGS, A': ? ZHES BRJOD DE LAG MTHIL GA-YAS BSTAN NAS, MI MGO'I

SGYED PU GSUM STENG DU, A': ? LAS K'A? PA LA PHYI DKAR LA NANG DMAR BA YANGS SHING RGYA CHE BA BSKYED, H'Um ZHES LAG MTHIL GNYIS KA BSTAN NAS, DE'I NANG DU GO K'U D'A GO K'U D'A HA NA DANG ,BI RA SHU MA MU'I SA BON LAS SHA LNGA BDUD RTZI LNGA RNAMS BSKYED, HA HO HR'I : ? ZHES BRJOD CING BYA KHYUNG GI PHYAG RGYA BCAS PAS, THOD PA'I 'OG NAS YE SHES KYI RLUNG GA-YOS ME RANG 'BAR DU BYUNG BAS RDZAS RNAMS ZHU ZHING KHOL, DE'I STENG DU YIG 'BRU GSUM DKAR DMAR MTHING KHA'I MDOG CAN BRTZEGS TE GNAS PA LAS 'OD 'PHROS BDE GSHEGS RNAMS KYI SKU GSUNG THUGS KYI YE SHES KYI BDUD RTZI RNAMS BKUG STE YI GE GSUM LA THIM ,H'Um ? THOD PA'I NANG DU LHUNG ZHING ZHU BAS KHA DOG DRI RA NUS PA NGAN PA THAMS CAD SPYANGS, A': LHUNG STE ZHU BAS YE SHES KYI BDUD RTZIR GYUR, AOm LHUNG STE ZHU BAS MI 'DZAD PAR RGYA CHER SPEL BAR BSAM LA 'BRU GSUM BRGYA RTZA SONG RJES, SLAR YANG RANG GI SNYING KHA NAS RNAL 'BYOR MA DPAG TU MED PA SPROS TE, PHYAG GI K'A PA LAS BDUD RTZI BCUS TE RTZA BRGYUD KYI BLA MA SO SOR PHUL BAR BSAM LA SO SO'I MTSAN MTHAR 'BRU GSUM BTAGS PAS NANG MCHOD MTHEB SRIN GYIS GTOR TE PHUL BA'AM, RTZA BRGYUD KYI BLA MA DAM PA RNAMS KYI ZHAL DU AOm A': H'Um, CES BRJOD DE 'BUL ZHING ,'BUL BA PO RNAMS RANG LA BSDU, GSUM PA GSANG MCHOD NI, RANG LHAR GSAL BA'I SNYING KHA NAS RNAL 'BYOR MA PHYAG MTSAN SPANGS PA RTZA BRGYUD KYI BLA MA'I GRANGS DANG MNYAM PA SPROS TE, SNYAN PA'I GLU BLANGS MDZES PA'I GAR BSGYUR TE MTHAR BLA MA RNAMS DANG

, ,SNYOMS 'JUG MDZAD, ZAG MED LHAN SKYES KYI BDE BA CHEN PO THUGS NYAMS SU BSTAR BAS MNYES PAR BSAM LA, LHAN SKYES BDE BA'I DPAL STER SOGS SNGAGS DANG BCAS PA BRJOD CING 'KHYUD RGYA'I MTHAR SE GOL GTOGS, SKABS 'DIR RANG RGYUD LA RJES CHAGS MI BSKYED KYANG MCHOD YUL RNAMS BDE BA CHEN POR ROL BA'I DMIGS PA BRTAN PA'I CHED DU YIN ZHING ,MTHAR SPROS PA'I RIG MA RNAL 'BYOR MA RNAMS RANG LA BSDU'O, ,BZHI PA DE KHO NA NYID KYI MCHOD PA NI, MCHOD YUL TSOGS ZHING ,MCHOD BYED RANG NYID, MCHOD BYA DNGOS BSHAMS YID SPRUL GYI RDZAS THAMS CAD BLOS PHAR BTAGS PA TZAM LAS DON RANG BZHIN GYIS MA GRUB PAS STONG PA'I LTA THOG TU BZHAG LA, CHOS KUN RANG BZHIN ZHES SOGS BRJOD, LNGA PA KU S'A LI'I TSOGS BSOG PA NI, KU S'A LI ZHES DGE BA CAN DANG ,KU SU LU ZHES MA BCOS LHUG PAR 'JOG PA LA 'JUG CING ,DE YANG PAndI TA LTAR MKHAS PAR MA BSTAN; RNAL 'BYOR BA LTAR BRTUL ZHUGS CAN DU'ANG MA BYAS PAR, BCOM CHUNG DUS RANG RGYUD DGE BA LA SBYOR BA ZHIG GIS NYAMS SU LEN PAR BYA STE, DE LTA BU'I RANG LUS DGE BA CAN GYI MCHOD PA 'BUL TSUL NI, RANG NYID THA MAL PAR GNAS PA'I LUS KYI DBUS DRANG POR RTZA DBU MA SBA LCAG TZAM KHANG STONG KA BA LTAR MAS SNE LTE 'OG SOR BZHI DANG ,YAS SNE TSANGS BUG TU KHA GDANGS TE YOD PA'I SNYING KHA'I THAD KYI DBU MA'I NANG DU RANG SEMS RNAL 'BYOR MA MTHEB

SOR GYI TSAD TZAM RGYAN DANG PHYAG MTSAN BCAS GSAL BTAB PO, ,DBU MA'I NANG BRGYUD RGYANGS KYIS THON TE, TSOGS ZHING GI SENG KHRI'I THANG DU SLEBS PAR RANG GI PHUNG PO RNYING PA DE NYID LAG GA-YON PAS PHYI MI GA ZHIG BLTAS PAS, PHUNG PO DE NYID, CHE BA, TSO BA; SNUM PA ZHIG TU MTHENG NAS TSE RABS THOG MA MED PA NAS RNAM SMIN GYI PHUNG PO JI SNYED CIG BLANGS PA THAMS CAD DBANG MED DU DOR ZHING CHUD ZOS KYIS DON MED DON LOG 'BA' ZHIG TU SONG 'DUG PAS, DA RES LUS KYI PHUNG PO 'DI NYID MCHOD SBYIN DU BYAS LA TSOGS RLABS PO CHE BSAGS TE DON YOD PAR BYA'O SNYAM DU BSAMS NAS, RANG RNAL 'BYOR MA DE NYID PHYIR LOG STE, PHYAG GI GRI GUG DES PHUNG PO'I SMIN MTSAMS SU REG TZAM BYAS PAS THOD PA LING GIS GOG PA DE NYID MI MGO RLON PA'I SGYED BU GSUM RANG GRUB TU BYUNG BA'I STENG DU BKAL DE NAS PHYAG GI GRI GUG GIS PHUNG PO DE'I RKANG GA-YON, RKANG GA-YAS, LAG GA-YON, LAG GA-YAS, BRLA GA-YON, BRLA GA-YAS, DPUNG GA-YON, DPUNG GA-YAS, MGO GA-YON; MGO GA-YAS RNAMS RIM GYIS BREGS TE THOD PAR BSKUR, DE NAS LUS GA-YON, GA-YAS RNAMS KYANG DUM BUR GTUB NAS THOD PAR BSKYUR BAS SHA'I RI BO, RUS PA'I KHROD, KHRAG ZHAG GI RGYA MTSO CHEN POS MER GYIS KHENGS PAR BSAM, THOD PA'I SGYED PU'I 'OG TU, RLUNG LJANG NAG RAB TU GA-YO BA DANG ,DE'I STENG ME GRU GSUM 'BAR BA DANG BCAS PA ZHIG BYUNG BA DE NYID KYIS RLUNG GA-YOS ME DRAG TU 'BAR, THOD PA'I NANG GI SHA KHRAG RUS PA RNAMS ZHU ZHING

, ,KHOL; SNYIGS MA RNAMS LBU BA'I RNAM PAR PHYIR LUD PA ME LCES LHAG MED DU BSREGS, DE'I STENG DU H'Um SNGON PO, A'A: DMAR PO, AOm DKAR PO RNAMS STENG NAS STENG DU BRTZEGS PAR GNAS PA DE RNAMS LAS 'OD ZER DKAR DMAR MTHING GSUM 'PHROS, DE BZHIN GSHEGS PA THAMS CAD KYI SKU GSUNG THUGS KYI YE SHES KYI BDUD RTZI DANG, KHAMS GSUM GYI BCUD THAMS CAD BDUD RTZI 'OD ZER GYI RNAM PAR BKUG ,'BRU GSUM LA THIM, H'Um YIG DE THOD PAR LHUNG BAS KHA DOG DRI RO'I SKYON SBYANGS, A'A: LHUNG BAS ZAG MED YE SHES KYI BDUD RTZIR BSGYUR, AOm LHUNG BAS MANG POR SPEL BAR BYAS PAS, THOD PA'I RDZAS DE NYID ZAG MED KYI BDUD RTZI KHA DOG DKAR PO, RO MNGAR BA, REG BYA BSIL BA, NUS PA SHI NAS ZHAG BDUN LON PA'I RO'I KHAR BLUG KYANG GSO BAR NUS SHING, RLANGS PA LAS GRUB PA'I MTSAN MA DPAL BE'U DANG, GA-YUNG DRUNG, DGA' BA 'KHYIL BA, BKRA SHIS RDZAS RTAGS KYI GZUGS BRNYAN 'CHAR BA ZHIG TU BSAMS LA, AOm A'A: HUm HA HO HRI: ZHES PHYAG RGYA DANG BCAS LAN GSUM GYIS BYIN GYIS BRLABS LA, RANG RIG RNAL 'BYOR MA GSAL SOGS BRJOD, DE NAS 'BUL BA NI, RANG SEMS RDO RJE RNAL 'BYOR MAR GSAL BA DE NYID KYI PHYAG GI THOD PAS BDUD RTZI DE NAS BCUS TE, BLA MA LA LAN BDUN MTSAN MTHAR 'BRU GSUM BTAGS LA PHUL BAS, KHA SBYOR YAN LAG BDUN LDAN GYI GO 'PHANG MYUR DU THOB PA'I RTEN 'BREL DU 'GRO BA'I DGOS PA YOD,

DE NAS RANG SEMS RNAL 'BYOR MA DE NYID THOD PA'I ZUR DER SDAD, DE'I THUGS KA NAS RNAL 'BYOR MA THOD PA THOGS PA DPAG TU MED PA SPROS TE, NGANG PA CHUR ZHUGS PA LTAR, BDUD RTZIL RGYA MTSO DER DMAR STEM ME ZHUGS, THOD PAS BDUD RTZI NAS BCUS TE, BRGYUD PA'I BLA MA RNAMS LA LAN RE PHUL BAR MOS LA SO SO'I MTSAN MTHAR 'BRU GSUM BRJOD, DE NAS YANG BCUS TE, RIGS DRUG BAR DO DANG BCAS PA'I 'GRO BA MTHA' DAG LA BLUD PA DANG 'THOR BA SOGS BYAS PAS, MYONG GROL, REG GROL DU GYUR TE, SNOD THAMS CAD CHOS 'BYUNG GI GZHAL YAS KHANG, BCUD THAMS CAD RDO RJE RNAL 'BYOR MA'I NGO BOR GYUR BAR BSAM LA, RIGS DRUG GI SEMS CAN THAMS CAD KYI ZHAL DU AOm A'A: H'Um ZHES 'BUL, YANG THOD PAS BDUD RTZI NAS BCUS TE, GNOD CING 'TSE BA'I GDON BGEGS THAMS CAD BKUG PA LA BYIN PAS TSIM ZHING GNOD SEMS GDUG RTZUB ZHI ZHING RNAL 'BYOR MA'I NGO BOR SANGS RGYAS PAR BSAM LA, GDON BGEGS LAN CHAGS KYI MGRON DU GYUR PA RNAMS KYI ZHAL SOGS BRJOD CING 'BUL, DE LTAR RANG LUS BDUD RTZIR BSGYUR BA'I MCHOD SBYIN RGYA CHEN POS YAR MGRON RNAMS ZAG MED KYI BDE BAS MNYES, MAR MGRON RNAMS SANGS RGYAS KYI GO 'PHANG LA BKOD PAS, BDAG GIS 'DI LTA BU'I DON CHEN SGRUB NUS PA DGA' BA LA AANG, SPRO BA LA AANG, SNYAM DU RJES SU YI RANG BSGOM, MTHAR SNOD BCUD CHOS 'BYUNG DANG RNAL 'BYOR MA'I SKUR GSAL BA DANG, THOD PA'I SGYED

, ,BU BCAS RANG YAL DU SONG MTHAR BDE STONG GI TING NGE 'DZIN LA MNYAM PAR 'JOG ,DRUG PA MAndAL GYI MCHOD PA NI, MAndL DNGOS SU MA 'BYOR NA, RANG GI LUS LONGS SPYOD DUS GSUM DGE TSOGS THAMS CAD RNAM PA RI GLING LHA MI'I DPAL 'BYOR DU BSKYED LA NANG GI MAndAL 'BUL BA'AM, PHYI'I MAndAL GYI RGYU RAB GSER DNGUL SOGS RIN PO CHE, THAM RGYU GANG YANG RUNG BA GCIG ,BSOD NAMS KYI TSOGS BZLUMS SLAD JI TZAM CHE BA LEGS SHING, DE LTA BU'I MAndAL LA, 'BRU DKAR LA DRI BZANG GI CHUS SBAGS PA SOGS KYI TSOM BU PHYAG LEN LTAR BKOD CING, DBANG CHEN GSER GYIS GZHI, LCAGS RI KHOR YUG ,DBUS SU RIN PO CHE'I RI RAB BANG RIM BZHI PA PHYOGS MDOG ,SHAR DU LUS 'PHAGS GLING ZLUM PO DKAR PO, LHO 'DZAM BU GLING SOG KHA SNGON PO, NUB TU BA LANG SPYOD GRU BZHI DMAR PO, BYANG DU SGRA MI SNYAN GRU GSUM LJANG KHU, NYI MA ME SHEL GYI RANG BZHIN ZLA BA CHU SHEL GYI DKYIL 'KHOR, DE'I BCUD KYI SEMS CAN RNAMS KYANG, THEG CHEN GYI RIGS CAN DBANG PO RNON PO RNAG SMIN PA BRTOL RAN PA LTA BU SHA STAG GIS GANG BA, SNOD RNAMS KYANG DAG PA'I ZHING GI YON TAN MTHA' DAG DANG LDAN PA, BAR MTSAMS KUN TU RI GLING, RGYAL SRID SNA BDUN, MCHOD LHA NYI ZLA SOGS LHA MI'I LONGS SPYOD KUN TU BZANG PO'I MCHOD PA'I SPRIN GYIS PHYUR BUR KHENGS PAR BSAM LA, MAndAL TSOM BU BDUN MA TSAR NYER GCIG GAM

BDUN GANG RIGS DANG, MJUG TU SO BDUN MA PHYAG LEN LTAR TSAR GCIG 'BUL, LCAGS RI GA-YON SKOR DU BSKOR ZHING, NYI MA NUB DANG, ZLA BA SHAR DU 'GOD, MTHAR RANG GI DUS GSUM GYI DGE TSOGS THAMS CAD RNAM PA MCHOD RDZAS DE DANG DER SHAR BAR DMIGS TE, THOS PA RGYA MTSO MAS 'BUL, DE YANG DNGOS 'BYOR MCHOD PA RNAMS LA, DANG POR RTZOL BA'I DRI MA, BAR DU SER SNA'I DRI MA, RJES RLOM SEMS KYI DRI MA GSUM PO 'BYUNG BAS, 'DI LA NI DE DAG 'BYUNG SKYON MED PAS PHUL DU BYUNG BA'I MCHOD PA'O, ,DE LTAR MAndAL NI SANGS RGYAS KYI ZHING SBYONG DU YANG 'GRO ZHING, 'BAD PA CHUNG DUS TSOGS RLABS PO CHE RDZOGS PAR BYED PA YIN NO, ,MCHOD PA DE RNAMS KYI SBYANGS GZHI, THOG MED NAS YUL MTHO BA SANGS RGYAS NAS, DMA' BA 'BU SRIN GYI BAR THAMS CAD LA BRNYAS SMOD MA GUS PA DANG SER SNA'I SGRIB PA GANG BSAGS PA THAMS CAD, SBYONG BYED MCHOD PA'I CHO GA 'DI RNAMS KYIS SBYANGS PAS, SBYANGS 'BRAS NGES PA LNGA LDAN GYI LONGS SKU'I GO 'PHANG MNGON DU BYED PA'O, ,GONG GI BRGYUD PA'I GSOL 'DEBS DE SKABS 'DIR BYAS NA 'BREL CHAGS PAR GSUNGS, GNYIS PA DBANG BLANG BA'I ZHAL SHES NI, RTZA BA'I BLA MA LA MOS GUS DRAG POS, DUS GSUM SANGS RGYAS THAMS CAD KYI NGO BO ZHES SOGS GSOL BA LAN GSUM BTAB PAS, RTZA BA'I BLA MAS BRGYUD PA'I BLA MA RNAMS LA DBANG BSKUR MI BSKUR DGONGS PA BSTUN PA'I PHYIR GA-YON SKOR DU SPYAN KHO RO RO GZIGS PAS,

, ,BRGYUD PA'I BLA MA RNAMS KYANG DGYES PAS DBANG BSKUR BAR MDZOD CIG CES PA'I BRDAR YAR BLA MA LA SPYAN CHER GYIS GZIGS, DE NAS BLA MA GONG MA GONG MA'I BYIN RLABS KYI RGYUN 'OG MAR CHAD PA MED PAR ZHUGS PA'I BRDAR MDUN GYI RDO RJE RNAL 'BYOR MA N'A RO PA LA THIM, DE NAS RIM BZHIN THIM PAS MTHAR RTZA BA'I BLA MAR THIM, BLA MA'I SPYI BO'I AOm LAS 'OD ZER DKAR PO'I SNE LA AOm YIG DKAR PO'I PHRENG BA RANG SGRA SGROGS BZHIN DU BYUNG, RANG GI SMIN MTSAMS NAS ZHUGS LUS THAMS CAD MER GYIS KHENGS, LUS KYI SGRIB PA DAG ,SKU'I BYIN RLABS DANG BUM PA'I DBANG THOB, LAM BSKYED RIM BSGOM PA LA DBANG BAR BYAS, DBANG DUS KYI NYAMS DGA' BA'I YE SHES RGYUD LA SKYES, 'BRAS BU SPRUL SKU THOB PA'I NUS PA BZHAG PAR BSAM, YANG BLA MA'I MGRIN PA'I A'A: LAS 'OD ZER DMAR PO'I SNE LAS A'A: YIG DMAR PO'I 'PHRENG BA SGRA SGROGS BZHIN DU BYUNG, RANG GI MGRIN PA NAS THIM LUS KYI NANG THAMS CAD BDUD RTZI DMAR POS KHENGS; NGAG GI SGRIB PA DAG ,GSUNG GI BYIN RLABS DANG GSANG DBANG THOB, LAM TZAndA LI 'AM, GTUM MO BSGOM PA LA DBANG BAR BYAS, DBANG DUS KYI NYAMS MCHOG DGA' YE SHES RGYUD LA SKYES, 'BRAS BU LONGS SKU THOB PA'I NUS PA BZHAG PAR MOS, YANG BLA MA'I THUGS KA'I H'Um LAS 'OD ZER SNGON PO'I SNE LA H'Um YIG SNGON PO'I 'PHRENG BA RANG SGRA SGROGS BZHIN PA BDUD RTZI SNGON PO'I RGYUN DANG BCAS PA BYUNG, RANG GI SNYING KHA NAS THIM, LUS KYI NANG THAMS

CAD BDUD RTZI SNGON POS GANG, YID KYI SGRIB PA DAG ,THUGS KYI BYIN RLABS DANG SHES RAB YE SHES KYI DBANG THOB, PHO NYA'I LAM BSGOM PA LA DBANG BAR BYAS, DBANG DUS KYI NYAMS DGA' BRAL GYI YE SHES RGYUD LA SKYES, 'BRAS BU CHOS SKU THOB PA'I NUS PA BZHAG PAR BSAM, SLAR YANG BLA MA'I GNAS GSUM NAS 'OD ZER DKAR DMAR SNGON PO'I SNE LA AOm A'A: H'Um DKAR DMAR MTHING GSUM RANG SGRA SGROGS PA DANG BCAS PA'I BDUD RTZI'I RGYUN BYUNG, RANG GI GNAS GSUM NAS THIM, LUS KYI NANG THAMS CAD BDUD RTZI DKAR DMAR SNGON POS GANG, LUS NGAG YID GSUM GYI SDIG SGRIB THAMS CAD BYANG ZHING DAG ,SKU GSUNG THUGS GSUM GYI BYIN RLABS DANG, DBANG BZHI PA THOB, ZUNG 'JUG PHYAG RGYA CHEN PO'I BSAM MI KHYAB KYI DON BSGOM PA LA DBANG BAR BYAS, DBANG DUS KYI NYAMS LHAN SKYES KYI DGA' BA SKYES, 'BRAS BU NGO BO NYID KYI SKU THOB PA'I NUS PA BZHAG PAR MOS, GSUM PA BLA MA BSTIM PA'I ZHAL SHES NI, DUS GSUM SANGS RGYAS THAMS CAD KYI NGO BO ZHES SOGS KYI GSOL 'DEBS DANG BCAS, BLA MA 'DI NYID SKYON KUN ZAD YON TAN KUN LDAN SANGS RGYAS DNGOS RANG YIN SNYAM DU, RLUNG DMIGS SEMS GSUM 'JUG PA GCIG TU BSGRIL NAS; DANG 'DUN RTZE GCIG PAS THUGS KA'I THAD DU DMIGS PA GTAD DE, RANG NYID BLA MA'I THUGS KAR THIM LA KHAD LTA BU DANG, BLA MA'I THUGS LAS RANG SEMS LOGS SU DBYE MI THUB PA LTA BU DANG, RANG SEMS BLA MAS 'PHROG

, ,PA LTA BU MA BYUNG GI BAR DU GSOL BA PHUR TSUGS SU BTAB PAS, BLA MA DBU GTZUG TOR NAS MAR DANG, GDAN SENG KHRI NAS YAR 'OD DU LTEM GYIS ZHU, THUGS KA'I THAD DU 'OD DMAR PO'I GONG BUR HRIL GYIS SGRIL BA DMAR BA LA BLTAS NA DMAR BA'I MTHAR THUG PA, DVANGS GSAL NYI MA 'BUM GYI 'OD LTAR GZI BRJID BZOD PAR DKA' BA, MTHONG BA TZAM GYIS BDE CHEN GYI YE SHES BSKYED NUS PA ZHIG TU LAM GYIS RGYU, DE NYID RANG LA JE NYE JE NYER NAR GYIS BYUNG, RANG GI SPYI BO'I TSANGS BUG NAS CHER GYIS ZHUGS, SNYING KHA'I RANG SEMS BAm YIG LA SIB KYIS THIM PAS RANG SEMS DANG, BLA MA'I THUGS DBYER MED DU 'DRES SHING BAm YIG DE JE CHE JE CHER NAM KHA'I MTHA' KHYAB DU SONG BAR MOS, RANG SEMS LA CER GYIS BLTAS PAS, STONG PA SEMS KYI RANG BZHIN BLA MA CHOS KYI SKU, GSAL BA SEMS KYI MTSAN NYID BLA MA SPRUL PA'I SKU, ZUNG 'JUG SEMS KYI NGO BO BLA MA LONGS SPYOD RDZOGS PA'I SKU STE, RANG SEMS SKAD CIG MA 'DI GA BLA MA SKU GSUM GYI NGO BOR THAG CHOD NGO SHES PAR BYAS TE, GSHIS SKYE MED STONG NYID DU RJEN NE BA, MDANGS 'GAG MED MOS GUS SU LAM ME BAR LTA THOG TU MNYAM PAR GZHAG PA NI YE SHES KYI TSOGS BSAGS PA'O 'DIR BAm YIG LA BLO BZHAG PA SNANG BCAS KYI STONG NYID BSGOM PA'I LUGS YIN CING, DE'ANG GSANG SNGAGS 'BRAS BU LAM BYED YIN PA'I GNAD KYIS SNANG BA GTAN

MED KYI STONG NYID BSGOM PA MI 'THAD PAR TSAR PA YAB SRAS BZHED DO, ,DE LTAR SBYANGS GZHI RANG GZHAN KUN KYANG MTHAR LAS NGAN THAMS CAD BSAGS ZIN PA'I RJES SU TSE DANG LAS DANG BSOD NAMS KYI STOBS ZAD NAS 'CHI BAR 'GYUR LA; DE'I TSE 'BYUNG BA PHRA BA NAS RIM GYIS BSDUS TE, SA CHU LA THIM, CHU ME LA, ME RLUNG LA, RLUNG RNAM PAR SHES PA LA, RNAM SHES SNANG BA LA, SNANG BA MCHED PA LA, MCHED PA NYER THOB LA, NYER THOB 'OD GSAL LA THIM STE, RANG BZHIN BRGYAD CU'I RTOG PA GA-YO PA'I LAS RLUNG GI RGYU RIM GYIS 'GAGS NAS GZHI DUS KYI 'OD GSAL STON GYI THO RENGS GA-YA' DAG PA'I NAM MKHA' LTA BU DE NYID SEMS CAN THAMS CAD LA 'CHAR YANG NGO MA SHES PAR BRGYAL BA LTA BUR GYUR TE 'CHI BA'I SNANG BA 'CHAR BA YIN LA, DE NYID SBYONG BYED YE SHES KYI TSOGS BSAGS PA 'DIS LAM DU BYAS TE, RANG SEMS BAm YIG DANG DBYER MED BDE STONG GAm DANG DU BLO BZHAG PAS NAM ZHIG GZHI DUS KYI 'OD GSAL MA 'CHAR BA'I TSE, DA LTA LAM DUS SU BSGOMS PA'I STONG NYID KYI LTA BA'AM, 'OD GSAL BUR BZHAG PA GNYIS ZHAL MJAL BA'I RKYEN GYIS GZHI GCIG LAM GNYIS DBYER MED DU 'DRES 'BRAS BU 'CHI BA CHOS SKU MNGON DU BYED PA'O, ,DE YAN GYIS SNGON 'GRO'I SKABS RDZOGS SO, ,'DIR SMRAS PA, RIM GNYIS RNAL 'BYOR SKYONG BA'I LAM BZANG POR, ,'GAL RKYEN SBYONG DANG TSOGS GNYIS YONGS RDZOGS THABS, ,THUN MONG

, ,MIN PA'I BYIN RLABS LA BRTEN CING, ,SKAL LDAN THAR LAM 'DREN PA'I SHING RTA CHE, ,BAR SKABS KYI TSIGS SU BCAD PA'O, ,GNYIS PA DNGOS GZHI BDAG LHAR BSKYED PA LA, BDAG GI GZHI SBYANGS BSGYUR DANG GZHAN GYI GZHI SBYANGS BSGYUR RO, ,DANG PO LA GSUM, MTHAR THUG GI SBYANGS GZHI NGOS BZUNG BA, BDAG GI GZHI SBYANGS BA, GZHI BSGYUR BA'I RIM PA'O, ,DANG PO MTHAR THUG GI SBYANGS GZHI NGOS 'DZIN PA LA RGYA CHE BA'I SBYANGS GZHI ZAB PA'I SBYANGS GZHI, MTHAR THUG GI SBYANGS GZHI DANG GSUM DU YOD PA LAS, 'DIR MTHAR THUG GI SBYANGS GZHI RANG SEMS LHAN CIG SKYES PA'I YE SHES BRJOD PA'I MTHA' THAMS CAD DANG BRAL BA 'DI SA BON LTA BU LA, RKYEN BLA MA'I RNAL 'BYOR GYI SKABS SU TSOGS GNYIS BSAGS PA DE YIS CHU LUD LTA BU'I NYER LEN BYAS TE, 'BRAS BU RDO RJE RNAL 'BYOR MA'I SKUR BSKYED PA YIN NO, ,DE LTA BU'I RDO RJE RNAL 'BYOR MA LA DBYE NA, GSANG BA'I RDO RJE RNAL 'BYOR MA NI SEMS CAN THAMS CAD KYI KUN GZHI GDOD NAS DAG PA'I SEMS 'OD GSAL BA LA BYA, DE'I RTEN 'BREL LA BRTEN NAS NANG GI RDO RJE RNAL 'BYOR MA LTE BA'I RTZA MDUD GRU GSUM GYI NANG GI AA THUNG NGAM 'DI PA'I BAm YIG LA BYA, DE LA BRTEN NAS PHYI ROL 'KHOR 'DAS KYI SNANG BA 'CHAR BAS 'OG MIN NA BZHUGS PA'I LHAN SKYES LONGS SPYOD RDZOGS PA'I RDO RJE RNAL 'BYOR MA DANG, 'DZAM BU'I GLING GI YUL NYER

BZHI, GNAS SO GNYIS SOGS NA BZHUGS PA'I ZHING SKYES SPRUL PA'I SKU DANG, YUL THAMS CAD NA BZHUGS PA'I BUD MED NI LAS SKYES KYI MKHA' 'GRO DANG, MA MKHA' 'GRO MA YIN PA'I RGYUD DU BYUNG BA'I BU MO NI RIGS SKYES KYI MKHA' 'GRO MA, RNAL 'BYOR PA RANG NYID KYI BSKYED RIM BSGOMS PA DANG, GZHAN SBYANGS BSGYUR BYAS PA'I 'GRO BA THAMS CAD SNGAGS SKYES KYI RDO RJE RNAL 'BYOR MA STE DE DAG GI RNAM PAR 'CHAR BAR 'GYUR RO, ,'DIR BLA MA DAM PAS, DANG PO SINdHU RA'I DKYIL 'KHOR DU 'JUG SKABS NANG DANG GSANG BA'I PHAG MO NGO SPRAD, DE LA NGES SHES BSKYED NAS, DE'I RGYUN SKYONG BAR BYED PA'I THABS RIM PA GNYIS KYI RNAL 'BYOR NYAMS SU BLANGS PAS PHYI ROL GYI DPA' BO DANG DPA' MO SPRUL PA'I SKU THAMS CAD DBANG DU 'DU ZHING, DE DAG GI BYIN RLABS KYIS RANG RGYUD KYI NYON MONGS PA RAGS PA SPONG NUS PA 'BYUNG, DE LA BRTEN NAS LHAN SKYES KYI RDO RJE RNAL 'BYOR MAS BYIN GYIS BRLABS PAS, SEMS RGYUD LA BDE CHEN LHAN CIG SKYES PA'I YE SHES ZER BA'I SGRA BO CHE DE SKYE BAR 'GYUR BAS NA, BYIN GYIS YAS RLOBS DANG RTOGS PA MAR 'CHAR ZHES BYA BA YIN NO, ,GNYIS PA BDAG GI GZHI SBYANGS BA NI, STONG NYID DE'I NGANG LAS, RANG LUS DNGOS SU MA DMIGS KYANG, BSGOM DON SNYING KHA'I THAD TZAM DU AEE BYU RU'I MDOG CAN GNYIS MDUN RGYA BA BRTZE GAS MA'I RNAM PA CAN THOL GYIS BYUNG BAR BSAM, DES GANG DU SKYE 'GYUR GYI GNAS DANG PHA MA SBYANG BAR BYED, DE NYID YONGS SU GYUR PA LA

, ,CHOS 'BYUNG PHYI MA DMAR GTOR NANG GRUS PA MGO MJUG LDOG PA LTA BU 'OD KYI RANG BZHIN CAN RTZA BA PHRA BA THUR DU ZUG PA, GDENG KHA CHE BA GYEN DU PHYOGS PA'I ZUR GNYIS DKU GA-YAS GA-YON DANG ,ZUR GCIG PO RGAL TSIGS YOD PHYOGS SU BSTAN PA, DE'I NANG DER ZUR BSTAN PHYOGS MA GTOGS TING GCIG NANG GCIG BCUG PA LTA BUR CHOS 'BYUNG NANG MA 'OD KYI RANG BZHIN CAN ZUR GCIG MDUN DANG, ZUR GNYIS STA ZUR GA-YAS GA-YON DU BSTAN PA STE, CHOS 'BYUNG PHYI MA DE'I PHYOGS LA ZUR BSTAN GYI RNAM PA CAN TE CHOS 'BYUNG PHYI NANG BSNOL THABS SU BSGOMS, DES GANG DU SKYE 'GYUR GYI SKYES GNAS BZHIS BSDUS PA'I MNGAL GYI GNAS THAMS CAD SBYONG BAR BYED, CHOS 'BYUNG NANG MA'I STENG DER, A'A: LAS ZLA BA'I DKYIL 'KHOR NYA GANG BA DBUS DMAR BA'I MDANGS CAN CHOS 'BYUNG STENG MA'I PHYOGS KYI RGYA DANG MNYAM PA BSGOMS, DES MNGAL SKYES SGONG SKYES KYI KHU KHRAG RDZUS SKYES KYI SEMS CHAGS RTEN GSAL STONG, DROD SKYES KYI RLAN GSHER RNAMS SBYONG BAR BYED, DE'I DBUS STENG DU RANG GI SEMS NYID KYI NGO BO YI GE BAm DMAR PO DBU CAN GYI RNAM PA, DES SKYE GNAS BZHIR SKYE 'GYUR GYI RNAM SHES SBYONG ,ZLA DKYIL KHA MTSAMS MDUN NAS GA-YON SKOR DU, AOm GSUM DE NAS RBAS DHABU KLIGS YE nI DZRAB nA WAR YE N'I DZRAB RO BEE ZHES PA'I BAR 'BRU NYIS LOG DANG ,DE NAS YE N'I TZA H'Um GSUM PHAGS GSUM SV'A H'A ZHES PA RNAMS THOR

SPUNG MIN PAR KHRIG GER 'KHOR BA, KHA DOG BYU RU'I 'PHRENG BA LTA BU 'OD KYI DRA BAS SBREL SHING 'GRENG STABS RANG SGRA SGROGS PAR BSGOMS, CHOS 'BYUNG GI GA-YAS GA-YON MDUN RGYA BA SPANGS PA'I ZUR BZHIR DGA' 'KHYIL DKAR LA DMAR BA'O MDANGS CAN GA-YON SKOR DU HRIL HRAL 'KHOR BA BZHI REG LA MA 'BYAR BAR BSKYED, DES MNGAL SKYES KYI MNGAL GYI GNAS SKABS BCU DANG ,BAR SRID KYI RNAM SHES GSUM TSOGS SBYONG BAR BYED, SNGAGS 'PHRENG BAm DANG BCAS PA LAS 'OD ZER KHA DOG LNGA LDAN 'JA' TSON LTA BU LONG GIS 'PHROS PAS, RANG GI RNAM SMIN GYI LUS SHA KHRAG RUS GSUM SDIG SGRIB BAG CHAGS DANG BCAS PA'I NGO BO, GONG GI PHYI'I BAm YIG CHEN PO NAM MKHA'I KHAMS KHYAB PA DE NYID LA PHOG PAS; DE THAMS CAD SBYANGS SHING 'OD DMAR PO'I GONG BUR GYUR NAS ZLA GDAN STENG DU TSUR 'DUS PAR BSAMS, DES BAR DO'I 'KHRUL SNANG RNAMS SBYONG ZHING ,DE RNAMS BAR DO LONGS SKUR 'KHYER BA'I RNAL 'BYOR TE, SBYANGS 'BRAS LONGS SKU'I GO 'PHANG MNGON DU BYED PA'O, ,GSUM PA BDAG GI GZHI BSGYUR BA NI, DE'I NGANG LAS CHOS 'BYUNG ZLA DKYIL BAm YIG SNGAGS 'PHRENG 'OD PHUNG DANG BCAS PA YONGS SU GYUR PA LAS, RANG NYID RDO RJE RNAL 'BYOR MA'I SKUR GYUR PA NI, SGRUB PA PO 'KHOR BAR GNAS KYANG CHAGS SOGS 'KHOR BA'I SKYON GYIS MA GOS PA'I BRDAR PADMA DMAR PO 'DAB MA 'BUM LDAN KHA DOG DANG DRI BSUNG PHUN SUM TSOGS PA DA LTA KHA PHYE MA THAG PA LTA BU, DE'I STENG DU BYANG CHUB KYI

, ,SEMS SOGS DKAR CHOS THAMS CAD KYI MYU GU 'OD GSAL BDE BA CHEN PO'I YE SHES KYI NGO BOR SMIN PA'I BRDAR NYI MA'I DKYIL 'KHOR ME SHEL GYI MAndAL KHA SPUBS PA LTA BU DBYIBS ZLUM 'KHYIL LE BA 'OD DMAR SER GYI PHUNG PO LTAR MI BZOD PA 'PHRO BA ,DE'I STENG DU RANG GI SEMS NYID RGYAL BA THAMS CAD BSKYED PA'I YUM SHES RAB KYI PHA ROL TU PHYIN MA MKHA' SPYOD RDO RJE BTZUN MO LHAN SKYES SPRUL PA'I SKU'I RNAM PAR SHAR BA NI, CHOS SKU BDE BA CHEN PO'I GO 'PHANG MNGON DU MDZAD ZIN KYANG ,MA DAG 'KHOR BA'I GNAS SU SPRUL PA'I RANG BZHIN SNA TSOGS PA'I GZUGS SKU'I BKOD PAS 'GRO BA RNAMS SNYING RJES MI GTONG BAR RJES SU 'DZIN PA STE; ZHI BA MYANG 'DAS KYI MTHA' LA MI GNAS PA MTSON PA'I BRDAR ZHABS GA-YAS THABS KYI RANG BZHIN BRKYANGS PA, KHAMS GSUM LAS RNAM PAR RGYAL BA'I GO 'PHANG BRNYES PA MTSON PHYIR 'JIG RTEN GYI LHA CHEN DUS MTSAN MA DMAR MO GRI THOD 'DZIN PA GAN RGYAL DU BSGYEL BA'I 'DOD CHAGS KYI GNAS NU MA'I STENG NAS MNAN PA, SHES RAB CHEN POS DON DAM RNAM PAR MI RTOG PA SPROS PA THAMS CAD NYE BAR ZHI BA'I CHOS KYI SKU'I GO 'PHANG MNGON DU MDZAD DE SRID PA 'KHOR BA'I MTHA' LA MI GNAS PA MTSON PA'I BRDAR ZHABS GA-YON BSKUMS PAS 'JIGS BYED NAG PO'I DBANG PHYUG MDOG NAG PO GDONG GCIG PA LAG PA GNYIS KYIS GRI THOD 'DZIN PA KHA SPUG TU BSGYEL BA'I

ZHE SDANG GI GNAS SNYING KHA'I THAD KYI RGYAB TU GTI MUG GI GNAS MGO BO BLTAB CING ,PHRAG DOG GI GNAS DPRAL BA NAS SUM LTEBS SU MNAN PA, DE GNYIS KA'ANG SHI BA'I RO GDAN LTA BU DANG ,KHENGS SHING DREGS PA LTA BU MA YIN PAR GDUL BA'I RNAM PA NYON MONGS PA'I RTOG TSOGS DANG BRAL BA'I NGANG TSUL CAN DU BSAMS SEMS CAN LA RJES SU CHAGS PA MTSON PHYIR SO SOR RTOGS PA'I YE SHES KYI RANG MDANGS SKU MDOG PADMA R'A GA LTAR DMAR ZHING DVANGS LA BA SPU'I BU GA THAMS CAD NAS YE SHES KYI 'OD DMAR PO 'PHRO BAS BSKAL PA'I ME LI PHUNG PO LTA BU'I GZI BRJID CAN, CHOS THAMS CAD DON DAM ZUNG 'JUG STONG PA NYID KYI DBYINGS SU RO GCIG PA MTSON PA'I BRDAR ZHAL GCIG ZHI 'DZUM CHAGS NYAMS CAN; DE YANG NGO SHES 'PHRAD DUS HE ZER BA LTA BU'I ZHAL CUNG ZAD GDANGS SHING MCHE BA'I MYU GU NAS TZAM GTZIGS SHING GRAGS STONG SKYE MED KYI CHOS SGRA LHANG NGER SGROGS PA, DUS GSUM GYI SHES BYA THAMS CAD SGRIB MED DU GZIGS PA'I SPYAN GSUM PA KHRO CHAGS KYI NYAMS CAN ZHI BA LTAR ZIM BU DANG KHRO BO LTAR GDANGS PA MA YIN PA, BDEN PA GNYIS THUGS SU CHUD PA'I BRDAR PHYAG GNYIS ,PHYAG GA-YAS 'KHOR BA'I NYES SKYON SPYI DANG BDAG TU 'DZIN PA'I DRA BA RTZAD NAS GCOD PA'I BRDAR THUR DU SHAD KYIS BRKYANGS PAS GSER GYI RDO RJE RTZE LNGA PHYED PAS YU BA BYAS PA'I ZANGS KYI GRI GUG 'JOL STABS SU 'DZIN PA, PHYAG GA-YON STENG MKHA' SPYOD KYI DNGOS GRUB BSNYEN PA'I BRDAR GYEN DU BTEGS TE

, ,DUNG LTAR DKAR BA'I K'A PA LA, 'DOD CHAGS RNAM PAR DAG PA MTSON PA'I BRDAR NGO BO BED BA CHEN PO'I YE SHES KYI RANG BZHIN RNAM PA BDUD BZHI'I KHRAG GIS GANG BZHAL DU DMAR CHI LI LI GSOL BAS BDE CHEN GYI YE SHES THUGS RGYUD LA MNGA' BA MTSON PA, SHES RAB STONG NYID KYI RANG BZHIN YIN PA'I PHYIR ZHAL CUNG ZAD GA-YON DU PHYOGS PA, PHRAG PA GA-YON PAR RUS PA'I KHA tAm' GA DKAR PO YU BA BRGYAD ZHOGS SMAD PHRA LA RTZE MO SBOM ZHING LDER BA LUS TSAD DANG MNYAM PA RTZA BAR GSER GYI RDO RJE PHYED PA, RTZE MOR SNA TSOGS RDO RJE'I LTE BAR BUM PA, DE'I STENG DU THOD PA SKAM PO DKAR PO, DE'I STENG DMAR PO, DE'I STENG SNGON PO GSUM BRTZEGS RTZER RDO RJE RTZE LNGA PA SNGON PO SGANG POS MTSAN PA, d'A MA RU DANG DRIL BU DANG 'PHAN RTZE GSUM PA 'PHYANG BA, RTZA BA MDUN DANG RTZE MO RGYAB TU BSTAN TE BKAL BA GRU MOS 'KHYUD PA'I TSUL GYIS 'DZIN PAS THABS BDE BA CHEN PO HE RU KA DANG NAM YANG MI 'BRAL BA MTSON PA STE, DE YANG RTING PA'I RDOR PHYED KYI BSRUNG BA'I 'KHOR LO ME DPUNG DANG BCAS PA MTSON, YU BA BRGYAD ZHOGS KYIS NGUR KHROD BRGYAD DANG ,DER GNAS PA'I KLU MCHOD RTEN SHING ME SPRIN PHYOGS SKYONG BRGYAD TSAN RNAMS MTSON, SNA TSOGS RDO RJES GZHAL YAS KHANG GI GDAN MTSON, BUM PAS GZHAL YAS KHANG DANG SGO MTSAMS BRGYAD KYI LHA MO RNAMS MTSON, THOD SKAM GSUM BRTZEGS KYIS

SKU GSUNG THUGS KYI DKYIL 'KHOR GYI LHA TSOGS RNAMS MTSON, RTZE MO'I RDO RJES GTZO BO HE RU KA DANG SNYING PO'I RNAL 'BYOR MA BZHI MTSON, d'A DRI LA 'PHAN RNAMS DE RNAMS KYI SKU GSUNG THUGS KYI GSANG BA BSAM GYIS MI KHYAB PA MTSON PA STE YAB 'KHOR LO SDOM PA'I RTEN DANG BRTEN PA'I DKYIL 'KHOR YONGS SU RDZOGS PA MTSON PA'O, ,KUN TU RTOG PA'I 'CHING BA LAS GROL BA'I BRDAR, DBU SKRA PUNG BA LTAR GNAG CING 'JAM LA MA 'DZINGS SHING SIL BUR GROL BAS SKU SKED YAN CHAD KHEBS PA, DGA' BA BCU DRUG STE DGA' BA RE RER BZHI TSAN RE PHYE BA'I MCHOG TU DGA' BA'I BDE BA BCU DRUG RGYAS PA MTSON PA'I LANG TSO BCU DRUG GI NA TSOD CAN, BDE BA BSKYED PA'I CHU 'DZIN DANG NU 'BUR ZUNG 'KHRANG ZHING RGYAS PA, SPYI BO'I RTZA 'KHOR MTSON PHYIR DBU GTZUG TU RUS PA'I 'KHOR LO DKAR PO RTZIBS SUM CU RTZA GNYIS PA BUBS STABS SU YOD PA'I RTZIBS KYI BAR RNAMS LAS DBU SKRA PHYIR THON CING ,RTZE MO RNAMS NAS RUS 'PHRENG GI DRA BA 'PHYANG BA, 'KHOR LO DE'I LTE BAR BLA MA DANG GNYIS SU MED PA'I RIGS KYI BDAG PO RNAM SNANG HE RU KA DKAR PO ZHAL GCIG PHYAG GNYIS KYI PHYAG GA-YAS PAS 'KHOR LO THUGS KAR 'DZIN CING ,GA-YON DES YU BA BYAS BA'I DRIL BU DKUR BSTEN CING 'DZIN PA, THOD SKAM LNGA'I DBU RGYAN DANG THOD RLON LNGA BCU'I DO SHAL CAN, PHYAG RGYA DRUG GIS BRGYAN PA, THOR GTZUG GI RTZE MOR RDO RJE PHYED PA DANG ,GA-YON NGOS SU ZLA TSES KYIS BRGYAN PA GA-YAS

, ,BRKYANG GIS BZHUGS PA, DE YANG BDAG BSKYED LA RIGS BDAG RANG CHAS NI, RGYAL PO'I BU GCIG PU SKYES TZAM NYID NAS RGYAL SRID LA DBANG BSKUR BAR NGES PA LTA BU DANG, MDUN BSKYED LA DBANG LHAS DBANG BSKUR ZHING RIGS BDAG GI RGYAS 'DEBS PA NI, RGYAL PO LA BU MANG PO YOD PA DBANG MA BSKUR RGYAL SRID MI DBANG BA LTA BU STE, MCHOD PA'I YUL DU SPYAN DRANGS PA'I LHA TSOGS KYI GTZO BOR MNGA' GSOL PHYIR DBANG BSKUR BA YIN NO, ,YE SHES LNGA'I YON TAN RDZOGS PA'I SKRA MTSAMS NAS GSER GYI 'KHYUD MO BEEd'URYA SOGS KYI PHRA TSOMS KYIS SPUD PA BCINGS PA, DE BZHIN GSHEGS PA LNGA MTSON PA'I MI'I THOD PA LEB MO RANG GI SOR BCU GNYIS PA'AM, SO LNGA PAR TSAL LTA BU'I KHA MIG GI RI MO CAN GYI COD PAN RTZE MO RNAMS SU GSER GYI PA tAS MDZES PA'I DBUS KYI PA tA'I NANG DU 'KHOR LO RTZIBS BRGYAD PA, GA-YAS PA GNYIS LA RIM BZHIN RDO RJE RTZE LNGA PA'I DBYIBS DANG , RIN PO CHE 'OD 'BAR BA, GA-YON MA GNYIS SU RIM BZHIN PADMA 'DAB MA BRGYAD PA DANG, RGYA GRAM MAm RAL GRI'I GZUGS KYIS MTSAN PA MDZES PAR BCINGS PA, YANG NA PA tA'I NANG GI PHYAG MTSAN MA BSGOMS KYANG CHOG PAR BZHED, NANG GI A'A LI KLA LI STE KHAMS DKAR DMAR RNAM PAR DAG PA'I THOD SKAM LNGA BCU YE SHES KYI SNANG BA LAS GRUB PA'I RO SKRA'I SRAD BU LA BRGYUS PA'I DO SHAL MGRIN PA NAS BRLA'I PHRA SBOM PAR DU 'PHYANG BA, SNYAN GNYIS LA RUS PA'I AA LONG GNYIS GSHIBS KYI RNAM

PA CAN GYI SNYAN RGYAN, SNER GSER GYI PA tAS MDZES PA, MGUL RGYAN RUS RGYAN DBUS DANG GA-YAS GA-YON GZHUNG GSUM GYI BAR DU MGRIN PA'I RTZA 'KHOR MTSON PA'I RUS 'PHRENG BCU DRUG GI SBREL LE ZHING SNE RNAMS ZA RA CHAGS 'PHYANG BA , PHYAG GI DPUNG BA DANG MKHRIG MA ZHABS KYI LONG BU'I MTSAMS RNAMS SU RUS PA'I GZHUNG GSUM RE PHAN TSUN RUS 'PHRENG GIS SBREL BA'I GDUB BUS BRGYAN PA, SKU SKED DU RUS PA'I GZHUNG LNGA'I SKA RAGS LAS 'PHYANG BA'I 'OG PAGS LTE BA'I RTZA 'KHOR MTSON PA'I RUS 'PHRENG DRUG CU RTZA BZHI'I 'PHYANG 'PHRUL SNE MOR DRIL CHUNG GIS MTSEN PA'I RING BA RNAMS ZHABS KYI LONG BU, BAR PA RNAMS BYIN PA, THUNG BA RNAMS ZHABS BUS SU SLEBS PA STE, PHYAG RGYA LNGA 'AM RGYAN LNGAS BRGYAN PAS RAL KHA'AM MCHOD PHYIR THOGS DANG THAL CHEN NI SHES RAB MA MTSON BYED YIN PAS MI DGOS SO, ,DVANGS GSAL 'OD KYI RANG BZHIN CAN, SNANG STONG SGYU MA LTA BU, MTHONG BA TZAM GYIS BDE CHEN GYI YE SHES RGYUD LA BSKYED NUS PA'I SKU LAS 'OD ZER DMAR PO 'KHOR YUG TU SPRO BA'I SNE MO RNAMS LAS YE SHES KYI ME DPUNG RAB TU 'BAR BA'I KLONG DKYIL NA BZHUGS PAR BSGOM, DE NAS SKYE BA SPRUL SKUR 'KHYER BA'I LAM 'KHYER TE SBYANG GZHI LAS NYON GYIS RIGS DRUG GANG RUNG GI LUS SU SKYE BA SBYONG ZHING ,SBYANGS 'BRAS SANGS RGYAS KYI SPRUL PA'I SKU 'GRUB PAR BYED PA YIN NO, ,DE YANG RNAL 'BYOR MA 'DI NYID NI SPYIR SANGS RGYAS THAMS CAD DANG ,BYE BRAG TU DPAL

, ,'KHOR LO SDOM PA'I DKYIL 'KHOR GYI LHA TSOGS THAMS CAD 'DUS PA'I BDAG NYID DE, 'DI'I GSANG SNGAGS SARBA BUDDHA d'A KI NI ZHES PA SANGS RGYAS THAMS CAD KYI MKHA' GRO MA ZHES PA YIN PAS, 'DI BSGOM NA DE THAMS CAD BSGOM PAR 'GYUR ZHING ,RIGS THAMS CAD 'DUS PA'I BDAG NYID DE, RIGS THAMS CAD BSDU NA SKU GSUNG THUGS KYI RIGS GSUM DU 'DU BA LAS, SKYABS 'GRO'I SKABS BLA MA DPA' BO RDO RJE CHOS GSUNG RDO RJE DANG ,BLA MA'I RNAL 'BYOR SKABS BLA MA SANGS RGYAS RDO RJE CHOS THUGS RDO RJE DANG ,RIGS BDAG RNAM SNANG SKU RDO RJE YIN PAS RIGS THAMS CAD KYI BDAG NYID DU GRUB BO, ,GNYIS PA GZHAN GYI GZHI SBYANG BSGYUR LA SBYANGS BSGYUR DNGOS DANG ,MTHAR PHYIN PA'I BYA BA GNYIS, DANG PO LA 'GRO BA DAG PA'I RNAL 'BYOR NYAMS SU LEN PA STE, DE LA GZHI SBYANG BA'I RIM PA DANG ,BSGYUR PA'I RIM PA'O, ,DANG PO NI, RANG RNAL 'BYOR MAR GSAL BA'I SNYING KHAR CHOS 'BYUD DMAR PO NYIS BRTZEGS ZLA DKYIL BAm YIG SNGAGS 'PHRENG DANG BCAS PA GSAL BTAB CING ,DE LAS 'OD ZER DMAR PO BUN LONG GIS 'PHROS, BA SPU'I BU GA NAS PHAR SONG SNOD KYI 'JIG RTEN RIGS DRUG PAR DO DANG BCAS PA'I 'GRO BA THAMS CAD LA PHOG SDIG SGRIB DANG ,RNAM SMIN GDOS BCAS KYI PHUNG PO LHAG MED DU 'UB KYIS SBYANGS TE THAMS CAD SKAD CIG LA 'OD DMAR PO'I PHUNG POR GYUR PAR BSGOM PA'O, ,GNYIS PA NI, DE'I MOD LA SNOD THAMS CAD YE SHES KYI GZHAL

YAS KHANG CHOS 'BYUNG DMAR PO 'OD KYI RANG BZHIN CAN DANG ,BCUD THAMS CAD RDO RJE RNAL 'BYOR MA'I SKUR LAM GYIS GYUR PAR BSAM, DE YANG PHYI NANG SNOD BCUD THAMS CAD RANG SEMS KHO NA'I RTZAL SNANG YIN PAS DON GYIS DE LTAR SBYANG ZHING BSGYUR DU BTUB PA STE, DE LTAR SBYANGS BSGYUR 'DI DAG GI TSE BZOD MED KYI SNYING RJE CHEN POS KUN NAS BLANGS TE 'GRO BA RNAMS SBYANGS BSGYUR BYAS PAS GSANG SNGAGS LUGS KYI BYANG SEMS MTHAR THUG TU 'GRO'O, ,'DIR SMRAS PA, BDAG GZHAN MA DAG SNANG BA SBYANGS PA YIS, ,DAG PA YE SHES RANG SNANG GZHAL YAS KHANG, ,LHA DANG LHA MO'I NGO BOR SHAR BA LA, ,DAG SNANG PHYOGS MED RNAL 'BYOR SKYONGS 'DI SPRO, ,ZHES PA NI BAR SKABS KYI TSIGS SU BCAD PA'O, ,GNYIS PA SBYANG BSGYUR MTHAR PHYIN PA'I BYA BA LA DNGOS DANG YAN LAG GNYIS LAS, DANG PO LA, YE SHES PA BZHUGS BAm, LUS DKYIL GSAL 'DEBS PA, GO CHA BCINGS PA, SEMS 'DZIN BZLAS GNYIS BYA BA, ZHAR BYUNG RDZOGS RIM BSGOMS, THUN BSDU BA'O; ;DANG PO NI, GZHUNG GI SA BCAD LAS DPA' BO DPA' MOS BYIN GYIS BRLABS ZHES BYUNG BAS, DE LA BZHI, GANG GIS SPYANG 'DREN PA, GANG SPYAN 'DREN PA, TSUL JI LTAR DU SPYAN 'DREN PA'O, ,DANG PO NI, BSGRUB PA PO RANG LHAR GSAL BA NYID DO; ;GNYIS PA NI, PHO NYA MCHOG 'BRING THA MA GSUM STE, 'OG MIN GYI LHAN SKYES RNAL 'BYOR MA, 'DZAM GLING GI YUL NYER BZHI'I ZHING SKYES KYI RNAL 'BYOR MA, MKHA' 'GRO'I RIGS SKYES KYI RNAL 'BYOR MA DANG, SNGAGS SKYES KYI RNAL 'BYOR

, ,MA STE, MDOR NA, DE THAMS CAD SNGAGS SKYES SU 'DUS PA NYID SPYAN 'DREN NO, ,GSUM PA NI, RANG BZHIN CHOS KYI DBYINGS NAS TE, SPROS BRAL CHOS KYI SKU NAM MKHA' LTA BU LAS, GZUGS SKU 'JA' RIS BKRA BA BZHIN SPYAN 'DREN NO, ,BZHI PA NI, SNGAGS DANG PHYAG RGYA TING NGE 'DZIN GSUM LAS, SNGAGS NI, PHEEm ZHES DRAG POR BRJOD CING ,PHO NYA GSUM GCIG TU 'DUS PA'I DON YIN PAS, PHE DANG AE DANG MA GSUM GYI GDANGS THON PAR RING POR BRJOD, BOD SKAD DU KHOS SHIG CES PA STE, SNGAGS DANG PHYAG RGYA TING 'DZIN GSUM GYIS SPYAN 'DREN PAS NA, GNAS GSUM GYI MKHA' 'GRO RNAMS SNGON GYI DAM TSIG RJES SU DRAN NAS 'DIR MA BYON NA, DAM TSIG NYAMS PA'I NYES PAS MGO BO GAS SHIG ,CES DMOD PA BOR BA'I MKHA' 'GRO'I SROG SNGAGS YIN, PHYAG RGYA NI, TZOG PUR 'DUG LA RKANG PA GA-YON PA'I MTHEB CHEN GYIS GA-YAS PA'I MTHE BONG MNAN PA RUS SBAL GYI 'DUG STANGS DANG, LAG PA GNYIS KYI MTHE BONG THUR DU BRKYANGS PA LTO SBYAR, MDZUB MO'I RTZE GNYIS 'KHYUD, GUNG MO GNYIS KYANG RTZE SBYAR, SRIN LAG MTHE'U CHUNG SO SOR BRKYANGS TE, 'BAR BA LTAR BYAS, 'BAR BA'I PHYAG RGYA 'AM SAMBU tA LAS NGO MTSAR SGYU MA'I PHYAG RGYA, ZHES GSUNGS PA DE NYID GA-YON NAS BTEGS LA MIG GA-YON SKOR DU GYEN DU LDOG PA'I LTA STANGS DANG BCAS DPRAL BA'I THAD DU GA-YON DU LAN GSUM BSKOR, TING 'DZIN NI, RANG NYID LHAR GSAL BA'I SNYING KHA'I BAm YIG LAS

'OD ZER DMAR PO BUN GYIS 'PHROS, SMIN MTSAMS NAS PHYIR PHYUNG RTZE MO LCAGS KYU'I DBYIBS CAN GRANGS MED PAR GYUR PA RNAMS STENG 'OG BAR GSUM PHYOGS THAMS CAD KHYAB PAR 'PHROS, PHO NYA GSUM GYI RNAL 'BYOR MA THAMS CAD LA PHOG PAS, STENG NAS BYON PA THAMS CAD DBYAR GYI CHAR SPRIN 'DUS PA'AM, KHA BA BU YUG 'TSUB PA BZHIN DU THIB THIB BYON, BAR NAS BYON PA THAMS CAD DGE 'DUN MANG PO CHOS 'KHOR LA BYON PA LTAR 'U RU RU BYON, 'OG NAS BYON PA THAMS CAD DBYAR GYIS RLANG RDOL BA LTAR BUN NU NU BYON, DE THAMS CAD 'JA' 'OD KYI GUR PHUB ME TOG GI CHAR 'BEBS, SNYAN PA'I ROL MO DANG BCAS BYON PAR BSAMS LA, RDO RJE KHU TSUR GYI GA-YAS PA'I MDZUB MOS GA-YON PA'I MTHE'U CHUNG GI STENG NAS 'KHYUD PA LCAGS KYU'I PHYAG RGYA BYA ZHING, DZA: ZHES RANG GI SPYI BOR BYON PAR BSAM, GA-YAS STENG DU BYAS PA'I RDO RJE KHU TSUR RGYAB SPRAD PA ZHAGS PA'I PHYAG RGYA DANG BCAS, H'Um ZHES BRJOD CING THAMS CAD 'OD DMAR POR ZHU NAS SIB KYIS THIM, RDO RJE KHU TSUR BSDAMS PA GYEN DU BKAN PA'I MDZUB MO GNYIS DANG, MTHE'U CHUNG PHAN TSUN SO SOR 'KHYUD PA LCAGS SGROG GI PHYAG RGYA DANG BCAS, BAm ZHES BRJOD PAS SNYING KHA'I SA BON LA, CHU LA CHU BZHAG PA LTAR DBYER MED DU 'DRES, RDO RJE KHU TSUR BSDAMS PA GA-YON PA'I STENG DU GA-YAS PA BZHAG LA DRIL BU'I PHYAG RGYA DANG BCAS, HO: ZHES BRJOD PAS GNYIS MED YE SHES KYI DBANG DU GYUR TE BYANG CHUB SNYING PO'I BAR MI 'BRAL BAR DGYES BZHIN DU BZHUGS PAR BSAM, TSAR LUGS LA LAG PA,

, ,PADMA GAR BSKOR GYI TSUL DU SE GOL LAN GNYIS NANG DU GTOGS PA MA GTOGS MI YONG KYANG, GONG BZHIN RGYUD SDE GZHAN LAS 'BYUNG BA LTAR PHYAG RGYA SO SOR BYAS PA LEGS ZHES GSUNGS, PAD SKOR SNGON DU 'GRO BA'I 'KHYUD RGYA DANG BCAS TE, AOm YO GA SHUDDHA ZHES SOGS BRJOD CING, 'BRAS DUS KYI RDO RJE RNAL 'BYOR MA DE NYID NGA'O SNYAM PA'I LHA'I NGA RGYAL BRTAN PO BZUNG ZHING THA MAL GYI 'DU SHES SPANGS, SNGAGS DON NI, CHOS THAMS CAD SHIN TU RNAM PAR DAG PA'I RNAL 'BYOR MA DE NGA'O ZHES PA STE, DE'ANG THABS DANG SHES RAB GNYIS MED PA, ,RNAL 'BYOR DE BZHIN GSHEGS PAS GSUNGS, ,ZHES PA LTAR 'KHOR 'DAS SNOD BCUD THAMS CAD THABS SHES GNYIS KYI RGYA LAS MA 'DAS PA'I DON NO, ,'DIR SMRAS PA, DAM YE DBYER MED GCIG TU GYUR PA LAS, ,THA MAL SNANG ZHEN SKYON DANG BRAL BA YI, ,BYANG CHUB BAR DU MI 'BRAL BYIN RLOBS SHING, ,MOS GUS TSAD MED SNYING PO SGRUBS 'DIR BRTZON, ,ZHES PA NI BAR SKABS KYI TSIGS SU BCAD PA'O, ,GNYIS PA LUS DKYIL NI, ZHAL GNYIS MA'I RDZOGS RIM SNGAGS KYI DE NYID 'GRUB PAR GSUNGS PA, 'DIR BLANGS PA'I THUN MONG BA ZHIG DANG, GRUB CHEN N'A RO TA PA'I SLOB BSHAD SNYAN RGYUD THUN MONG MA YIN PA GNYIS SU YOD PA LAS, 'DIR ZHAL SHES GSUM PA LUS DKYIL THUN MONG MA YIN PA RJE BTZUN SA SKYA PA YAB SRAS LA SNYAN BRGYUD KHO NAR BZHUGS SHING, BDAG CHEN RDO RJE 'CHANG GIS KUN SPANGS RDO RING PAR STZAL BA NAS

BZUNGS, SLOB MA GCIG BRGYUD KHO NA LAS GZHAN GYI MTSAN TZAM THOS PA'I YUL MA YIN KYANG, MKHYEN RAB BYAMS PA NGAG DBANG LHUN GRUB NAS BZUNG STE BSKYED RDZOGS KYI KHRID RDZOGS PAR 'BEBS NA, SLOB MA GANG YOD LA ZHAL SHES 'DI NYID MNYAM DU 'CHAD PAR MDZAD PA YIN LA, DE LTA BU'I LUS DKYIL 'DI NYID NI, SGRUB PA PO'I LUS LA GNAD DU BSNUN PAR BYA BA, YUL SUM CU SO BDUN RTZA KHAMS GYI YI GER TSANG BAR GNAS PA, DE THAMS CAD KYI NUS PA SNYING KHA'I RTZA KHAMS LA TSANG BA STE, LTE BA'I KHAMS DMAR PO LA NANG GI PHAG MO 'AM DPYID DANG THIG LA'I YA RGYAL TI LA KA'I SGRAS BSTAN PA DE NYID SNYING KHAR BAm YIG GI RNAM PAR GNAS PA DANG, 'BYUNG BZHI'I KHAMS 'BAB PA'I RTZA BZHI'I NGO BO BAm YIG GI SROG GI YI GE BZHI DANG, DZA LANDHA R'A LA SOGS PA'I YUL NYER BZHI'I BDAG NYID CAN GYI SPYI GTZUG LA SOGS PA'I RTZA NYIR BZHI DANG ,DER RGYU BA'I RLUNG DANG KHAMS DPA' MO'I NGO BO RNAMS SNGAGS 'PHRENG DU GNAS PA STE, RGYU DE DAG LAS RKYEN DBANG DUS SU TING LO SBYIN PA'I BRDA' THABS SOGS KYIS YE SHES PA PHAB CING, GSANG DBANG GI SKABS SU, LHA YI BDUD RTZIS LUS KYI RTZA RLUNG THIG LE RNAMS BYIN GYIS BRLABS PA DANG, SKABS 'DIR YE SHES PA BCUG PAS RKYEN BYAS TE, 'DIR SNYING KHA'I RTZA THIG RLUNG GSUM LUS DKYIL GYI LHAR BSGOMS PAS, LUS KYI RTZA STONG PHRAG BDUN CU GNYIS SU LAS RLUNG DGU BRGYA PHRAG RE RGYU BA RIM GYIS 'GAGS TE, SA DANG PO NAS BCU GNYIS PA'I BAR GYI RTOGS PA MYUR BA NYID DU MNGON DU 'GYUR BAR

, ,BYED PA DANG, NANG GI RTEN 'BREL STOBS SU GYUR PA DE'I DBANG GIS PHYI'I GNAS YUL GYI MKHA' 'GRO MA THAMS CAD DBANG DU 'DU ZHING DE DAG GIS LAM GYI GROGS MDZAD PA DANG, RGYUD BYIN GYIS RLOBS PAR MDZAD PA SOGS GSANG CHAN LAM GYI ZAB GNAD MTHAR THUG PA YIN LA, DE LTA BU'I LUS DKYIL BSGOM TSUL NI, DE YANG BAm YIG LA AE BAm GZUGS SGRUB KYI TSE, AA A'IYA A'UWA R'AiRA LiLA LNGA GCIG TU 'DUS PA LAS BAm YIG GRUB PAS, BAm NYID AA SROG TU BYAS PA'I AI AU Ri Li RNAMS GCIG TU 'DUS PA'I DON YIN ZHING, BAm DE 'OD ZHU BYAS PAS DBYANGS AI AU RI LI BZHI PO DON GYI AA DANG BRAL BAS SROG MED DU SONG STE, RANG DBANG MED PAR GSAL BYED YA RA LA WA BZHIR GNAS 'GYUR BA, DE LAS LHA GSAL 'DEBS PA YIN PAS, RANG LHAR GSAL BA'I SNYING KHAR CHOS 'BYUNG ZLA BA SA BON SNGAGS 'PHRENG DANG BCAS PA GSAL BTAB LA, YE SHES PA BSTIM PA'I RKYEN GYIS BAm YIG DE NYID GZI BRJID JA CHER GYUR TE LUS KYI NANG THAMS CAD GSAL BAR BYAS, BAm DE NYID 'OD DU ZHU BA'I SROG GI YI GE AA THUNG ZHIG GSAL BTAB, DE DANG DUS MNYAM DU RLUNG GI RTZA'I NGO BO DBYANGS AI GNAS 'GYUR BA'I YI GE YA LJANG GU ZHIG AA THUNG DE'I GA-YON DU SPROS, ME RLUNG GI RTZA'I NGO BOR DBYANGS RA GNAS 'GYUR BA'I YI GE RA DMAR PO ZHIG AA THUNG GI RGYAB TU SPROS, SA RLUNG GI RTZA'I NGO BO DBYANGS Li GNAS 'GYUR BA'I GSAL BYED LA SER PO ZHIG AA THUNG GI GA-YAS SU SPROS, CHU RLUNG GI

RTZA'I NGO BO DBYANGS AU GNAS 'GYUR BA'I GSAL BYED WA DKAR PO ZHIG AA THUNG GI MDUN DU SPROS, DE NAS SROG GI YI GE AA THUNG DANG RTZA DBUM GCIG 'DUS KYI NGO BO RNAL 'BYOR MA DMAR MO MTHEB SOR GYI TSAD TZAM 'JIGS DUS KYI GDAN LA BZHUGS SHING; PAD NYI MED PA GZHAN RGYAN CHA LUGS SOGS PHYI'I RNAL 'BYOR MA DANG 'DRA BA, PHYOGS KYI YAR LA WA'I YI GE BZHI YONGS SU GYUR PA LAS, SHAR DU WA LAS RNAL 'BYOR MA DKAR MO, BYANG DU YA LAS RNAL 'BYOR MA LJANG GU, NUB TU RA LAS RNAL 'BYOR MA DMAR MO, LHOR LA LAS RNAL 'BYOR MA SER MO STE SNYING PO'I RNAL 'BYOR MA BZHI'I NGO BO KHA DOG LAS RGYA CHAN LUGS GTZO MO DANG 'DRA BA CHE CHUNG MTHEB SOR PHYED PA, DPA' BO NYER BZHI'I NGO BO'I ZLA GDAN STENG GI MTHA' SKOR KA LI SO GNYIS KYI NGO BO AOm GSUM MA'I YIG 'BRU RNAMS RNAL 'BYOR MA DMAR MO RGYAN CHA LUGS GONG 'DRA SO GNYIS ZHAL NANG DU GZIGS BAR BSGOM, DE LTAR NYAMS SU BLANGS PAS RLUNG SEMS DBU MAR 'DUS TE RDZOGS RIM GYI ZAB GNAD BSKYED RIM DU CHANG BA YIN NO, ,DE YANG 'KHOR LO BDE MCHOG GI LHA THAMS CAD LUS DKYIL 'DIR TSANG TSUL NI, DBUS KYI RNAL 'BYOR MA DMAR MO DE NI YAB HE RU KA DANG RDO RJE BTZUN MO GNYIS MED KYI NGO BO, PHYOGS KYI RNAL 'BYOR MA DKAR SER DMAR LJANG BZHI NI, MKHA' 'GRO MA, L'A MA, DUM SKYES MA, GZUGS CAN MA STE SNYING PO'I RNAL 'BYOR MA BZHI, MTHA' SKOR KYI AOm GSUM MA'I YIG 'BRU SO GNYIS NI, RAB GTUM MA, GTUM

, ,MIG MA, 'OD LDAN MA, SNA CHEN MA, DPA' BO'I BLO CAN MA, MI'U THUNG MA, LANGKA'I DBANG PHYUG MA, SHING GRIB MA STE, THUGS 'KHOR GYI DPA' MO, SA BSRUNG MA, 'JIGS BYED MA, RLUNG GI SHUGS CAN MA, CHANG 'THUNG MA, SNGO BSANGS MA, RAB BZANG MA, RTA SNA MA, BYA GDONG MA STE GSUNG 'KHOR GYI DPA' MO DANG, 'KHOR LO'I SHUGS CAN MA, DUM SKYES MA, CHANG 'TSONG MA, GO CHA MA, SHIN TU DPA' MO, STOBS CHEN MA, 'KHOR BSGYUR MA, BRTZON 'GRUS CHEN MO STE, SKU 'KHOR GYI DPA' MO STE DPA' MO NYER BZHI DANG, KHVA GDONG MA, 'UG GDONG MA, KHYI GDONG MA, PHAG GDONG MA STE SGO MA BZHI, GSHIN RJE BSTAN MA, GSHIN RJE PHO NYA MO, GSHIN RJE MA, CHE BA MA, GSHIN RJE 'JOMS MA STE SGO MTSAMS MA BZHI RNAMS KYI NGO BO YIN NO, ,GSUM PA GO CHA DGOD PA NI, DPER NA SHING LTA BU GNYIS GZER GYIS BSDAM STE MI 'BRAL BAR BYED PA DANG MTSUNGS PAR, DAM TSIG PA DANG YE SHES KYI LHA DBYER MED DU BCINGS PA'I PHYIR, RANG DANG LUS DKYIL GYI LHA THAMS CAD KYI LTE BA, SNYING KHA, KHA STE LCE'I STENG, DBRAL BA STE SPYAN DBU MA'I STENG, SPYI GTZUG STE SKRA MTSAMS NAS GYEN DU SOR BZHI'I THAD YAN LAG DPUNG MGO GNYIS, LAG PA'I MKHRIG MA GNYIS, DPYI GNYIS, BOL TSIG GNYIS RNAMS SU ZLA DKYIL CHUNG DU RE RE RGYAN BTAGS PA LTA BU DANG, NANG DU SNGAGS 'KHOR GYI GDAN LTA BU MA YIN PAR, SKU GZUGS DANG DBYER MED PAR CHU NANG DU ZLA BA SHAR BA LTA BUR GYEN

BSLANG GI SKYA 'KHYIL LE BAR BSAM, ZLA GDAN DE DAG GI NGOS SU LTE BAR AOm BAm DMAR MO RDO RJE PHAG MO'I NGO BO, SNYING KHAR HAm YOm SNGON PO GSHIN RJA MA'I NGO BO, KHAR HRIm MOm DKAR PO RMONGS BYED MA'I NGO BO, DPRAL BAR HRIm HRIm SER PO BSKYOD BYED MA'I NGO BO; SPYI GTZUG TU H'Um H'Um LJANG GU SNGAG BYED MA'I NGO BO, YAN LAG THAMS CAD LA PHAt PHAt DUD KHA TZAndI KA'I NGO BO YIG 'BRU RNAMS ZLA BA'I NGOS LA RGYAB BSTAN BRENG TSAR ME LONG DU GZUGS BRNYAN SHAR BA LTAR BSGOM, SMRAS PA, THUN MONG DANG NI SNYAN BRGYUD GDAMS PA'I BCUD, ,SNYING DBUS RTZA THIG RLUNG GSUM DKYIL 'KHOR LHA, ,PHYI NANG MKHA' 'GRO'I TSOGS RNAMS DBANG BSDUS KYI, ,BYIN RLABS MI 'BRAL GO CHA'I BSRUNG 'DI MTSAR, ,CES PA NI BAR SKABS KYI TSIGS SU BCAD PA'O; ;BZHI PA SEMS 'DZIN GYI DMIGS PA NI, SPYI'I SEMS 'DZIN DANG, BYE BRAG GI SEMS 'DZIN GNYIS, DANG PO LA, NGA RGYAL 'DZIN PA DANG, GSAL SNANG BSGOM PA GNYIS LAS, DANG PO NI, BDAG NYID THA MAL PA GTAN NAS MA YIN GYI BCU GSUM RDO RJE 'DZIN PA'I GO 'PHANG MNGON DU MDZAD PA'I RJE BTZUN RNAL 'BYOR MA DE DNGOS RANG YIN NO SNYAM DU NGA RGYAL CI NUS SU BSKYED CING ,BSKYED RIM LA GSAL SNANG LAS NGA RGYAL GTZO CHE BAR GSUNGS, GNYIS PA NI, NGA RGYAL DE GA'I DANG NAS, RANG RNAL 'BYOR MA SKU MDOG DMAR MO ZHAL GCIG PHYAG GNYIS GRI THOD 'DZIN PA, 'JIGS DUS KYI GDAN LA BRKYANG BSKUMS TSUL GYIS BZHUGS PA, SKU LA RUS PA'I RGYAN CHA SKYA KHRO LE BA, YE SHES KYI ME'I DBUS

, ,NA BZHUGS PA 'OL SPYI TZAM LA GSAL SNANG THON PAR SEMS 'DZIN, GNYIS PA BYE BRAG GI SEMS 'DZIN LA, RGYAN MED LA SEMS 'DZIN PA DANG, RGYAN CAN LA SEMS 'DZIN PA GNYIS, DANG PO LA, SPYAN DBUS MAR SEMS 'DZIN PA NI, RANG GI DPRAL BAR SPYAN DBUS MA, DBUS NAG LA MTHA' SKYA BA SPYAN RTZA DMAR SHIG GE BA, SPYAN GA-YON PA GYEN LANG LTA BA, DBUS SBOM ZHING MJUG MA RING BU, DE'I 'GRAM DU SMIN MA NAG KHYUG GE BA GSAL BTAB CING, MI GSAL NA KHYAD PAR DE DAG NGAG TU'ANG BRJOD CING GSAL, DES KYANG MA GSAL NA, DE LTA BU RI MOR BRIS TE MDUN DU BZHAG LA LTA BA'AM, RANG GI DPRAL BAR SBYAR LA ME LONG SOGS SU BLTAS LA BSGOM, DE GSAL ZHING BSTAN PA NA, SPYAN GNYIS PO KHYAD CHOS GONG DANG 'DRA BA, SMIN MTSAMS DBUS SU GNYER MA'I RI MO DOD TZAM DANG, GA-YAS GA-YON DU CHE BA RE YOD PA, DE NAS RIM BZHIN, SHANGS KYI RTZA BA PHRA ZHING RTZA MO GZENGS MTHO BA, SHANGS BUG DMAR SENG DE BA ZHAL GYI MCHU SGROS LEGS SHING MCHU BIM PA LTAR DMAR BA DE'I NANG TSEM 'PHRENG BZHI BCU MU TIG GI 'PHRENG BA LTAR DKAR ZHING 'THAG BZANG BA MCHE BA CUNG ZAD 'BUR BA, ZHAL CUNG ZAD GDANGS PA HE BYAS PA LTA BU SNYAN SHAL RING ZHING MDZES LA SNYEN SHOG RGYAS PA, PHRAG PA GNYIS KONG MO MED PA'I THAL GONG RGYAS PA, PHYAG GNYIS BYU RU'I LCUG PHRAN LTA BYIN GYIS PHRA ZHING MDZES PA, NU 'BUR RAB TU RGYAS SHING MTHONG BAS BDE BA BSKYED PA, SKU SKED PHRA LA

GRIM PA, BRLA SOGS SKU SMAD KYI SHA CHES CHER RGYAS PA, CHU 'DZIN SNUM ZHING STUG PA, PHYAG ZHABS KYI MTHIL PADMA'I 'DAB MA LTAR 'JAM ZHING MNYEN PA, SOR MO RNAMS DRA BAS 'BREL ZHING MTHIL BZHIR 'KHOR LO'I RI MO BKRA BA, ZHABS MTHIL MNYAM ZHING LONG BU MI MNGON PA, DBU SKRA GNAG SNUM NYAG MA RE RE NAS SIL BUR GROL BAS SKU SKED YAN CHAD KHEBS PA RNAMS RIM BZHIN GSAL SNANG BRTAN PO MA BYUNG BAR DU SEMS 'DZIN, GNYIS PA LA, SPYI BOR RUS PA'I 'KHOR LO RTZIBS SO GNYIS PA DKAR PO, LTE BAR RIGS BDAG RNAM SNANG, RIGS LNGA'I DBU RGYAN DANG SKRA 'CHING, MGUL RGYAN PHYAG ZHABS KYI GDU BU SKA RAGS 'OG PAGS DO SHAL, PHYAG MTSAN GRI GUG THOD KHRAG KHA tLAm GA 'JIGS DUS KYI GDAN ME RI RNAMS GONG DU BSHAD PA LTAR SO SOR GSAL SNANG BRTAN PAR SEMS 'DZIN, DE LTAR LUS DKYIL RNAMS LA'ANG SEMS 'DZIN GTONG, DE DAG GI SKABS SU GSAL NA GSAL TE 'PHRO BCAD, MI GSAL NA MI GSAL TE 'PHRO BCAD PA NI BSGOM GYI DUG GAM, RNAM RTOG GI DUG DBYUNG BA ZHES ZER, RES RGYAN CAN, RES RGYAN MED, RES RIGS BDAG NAS PAD GDAN PAR, RES DE LAS LDOG PA, RES PHYI'I ME RI NAS NANG DU DE LAS GO LDOG ,RES PHYI'I RNAL 'BYOR MA YUNGS 'BRU TZAM GYI NANG DU LUS DKYIL KYI LHA TSOGS RI TZAM BSGOM PA, DPER NA KHAB MIG NANG NAS RI MTHONG BA LTAR BUR BSGOM, RES PHYI'I RNAL 'BYOR MA RI TZAM GYI NANG DU, LUS DKYIL YUNGS 'BRUR TZAM BSGOM STE

, ,DMIGS PA'I RTZAL SNA TSOGS SBYONG, RES RANG RNAL 'BYOR MAR GSAL BA DANG, LUS DKYIL GYI LHA TSOGS BCAS RGYA CHE BA JE CHE JE CHES NAM MKHA'I KHYON GANG BAR BSAMS LA SEMS 'DZIN, RES 'GA' RANG RNAL 'BYOR MA DANG LUS DKYIL BCAS JE CHUNG JE CHUNG DU SONG BAR BSAM LA, PHYI'I RNAL 'BYOR MA MTHEB SOR TZAM DANG LUS DKYIL RNAMS SPUS BRIS PA LTA BUR BSGOM PA STE PHRA BA LA SEMS 'DZIN, DE DAG THAMS CAD KYANG RGYAN CAN, RGYAN MED, PHYI NANG GI LHA SO SOR DMIGS TE GSOL 'DEBS, SEMS 'DZIN GANG GTONG KYANG GNAS CHA BRTAN PO YONGS SU RE BAS RGYUN THUNG NA RNAM RTOG GZHAN GYIS BAR GCOD CING, DE 'DRA YANG YANG BYUNG TSE RJES SU DMIGS PA NAM GTAD RES KYIS RNAM RTOG GI BAR DU GCOD PA'I LANG SHOR DU 'GRO ZHING GSAL PO MA BYUNG KYANG GSAL LA RES YUN BSKYANG NA, SHES PA 'THOM PO DE KHAR RGYA 'BYAMS SU 'GRO BAS, MYUR DU RANG DBANG BA'I TSUL GYIS 'PHRO BCAD DE, DE LA CHED DU MI BSAM PAR RANG SO 'DZIN ZHING MA GA-YENG TZAM GYIS RANG BABS SU NGAL BSO, YANG RTZE GCIG TU RIG PA BSGRIMS NAS RIG PA GSAL BA DANG, SNGAR LTAR RANG BABS SU GLOD LA BSGOM PA RES 'JOG TU GOMS PAR BYED, GANG LTAR THOG MAR YID DMIGS RLUNG GSUM HRIL GYIS BSGRIL LA DMIGS PA GTAD, BAR DU SHES PA KHONGS LHOD KYIS CUNG ZAD MNYAM PAR BZHAG ,DE LTAR BYAS PAS GSAL CHA DANG

GNAS PA THAMS CAD PA RTAN CING YUN JE RING DU 'GRO, DMIGS PA LA BRTAN PA THOB PA'I RTAGS LA, SNANG PHYOGS KYI NGO BO NYID, STONG PHYOGS KYI NGO BO NYID, ZUNG 'JUG GI NGO BO NYID GSUM DU YOD PA LAS, DANG PO NI, DPER NA SPYAN DBUS MA LTA BUR SEMS BZUNG BAS JI LTAR BSGOMS PA'I SPYAN DE LTA BU RANG GI DPRAL BAR MIG GIS MTHONG RGYU DANG, LAG PAS REG TU YOD DAM SNYAM PA LTA BU DANG, YANG NA DPRAL BA NA LHANG LHANG BA, ZA BA SPRID PA SOGS 'BYUNG, GNYIS PA NI, BSGOM PA'I SPYAN MI GSAL KYANG MTHAR KUN RTOG RAGS PA THAMS CAD CHED DU BKAG PA MA YIN PAR RANG 'GAGS SU SONG NAS RANG MED PA LTA BUR SNANG BA STONG CHAM MER GNAS PA 'BYUNG STE, DE NI STONG NYID RTOGS PA'I LTA BAR MI 'GRO YANG, DE LA BRTEN NAS RIM BZHIN BSGOM PAS RNAM PAR MI RTOG PA'I STONG NYID RTOGS PAR 'GYUR, GSUM PA NI, DMIGS PA 'DZIN PA'I TSE GLO BUR DU SMIG RGYU DANG DU BA LTA BU DANG ME KHYER LTA BU DANG, NAM MKHA' NAS RE KHVA NAG PO THUR DU BRKYANGS PA LTA BU, SGRA GCAN GYI LUS SHIN TU 'JIGS PA'I PHYED SOGS 'OD GSAL GYI RTAGS RNAMS RIM BZHIN 'CHAR BAR 'GYUR RO, ,SMRAS PA, THA MAL ZHEN BRAL 'BRAS DUS RJE BTZUN MA, ,YIN PAR NGES RNYED NGA RGYAL SEMS 'DZIN GYIS, , MTHAR PHYIN SNANG STONG ZUNG 'JUG 'OD GSAL GYI, ,NYAMS SNANG MA LUS SKAL BZANG DENG 'DIR SHAR, ,CES PA BAR SKABS KYI TSIGS SU BCAD PA'O, ,LNGA PA BZLAS PA LA, NGAG BZLAS DANG, YID BZLAS GNYIS LAS,

, ,DANG PO NI, SNGAGS BZLA BA'I DGOS PA, 'PHRENG BA'I DE NYID 'PHRENG CHOG BZLA TSUL DNGOS DANG BZHI, DANG PO NI, GNAD DANG LDAN PAS GSANG SNGAGS ZAB MO'I BZLAS BRJOD BYAS PA'I MTHUS LHA'I THUGS BRGYUD RANG DBANG MED PAR BSKUL NAS DNGOS GRUB MYUR DU STER BAR BYED PA'O, ,GNYIS PA NI, LAS SO SO'I 'PHRENG BA MI 'DRA BA BSHAD PA SOGS MANG YANG, SKABS 'DIR RGYUD DANG BLA MA'I DGONGS DON, MI THOD GSAR PA'I 'PHRENG BA GZHAN GYIS LONGS MA SPYAD PA, GRANGS BRGYA DANG BCU GCIG BYAS PAS GZHI BSNYEN 'BUM PHRAG BZHI'I KHA SKONG BZHI KHRI BZHI STONG BRGYA PHRAG RE DGOS PA'I BZHI BRGYA TZAM MA GTOGS ZHAR LA 'GRO BA'I DGOS PA YOD, 'PHRENG THAG GRONG PA'I CHOS KYIS MA GOS PA'I BU MOS BKAL BA'I RAS BAL SOGS KYI SRAD BU DGU BSGRIL DU BYAS PAS SPRUL SKU DANG NYE SRAS BRGYAD MTSON PA, MDUD 'DZIN DANG KHA 'JOG KYIS CHOS SKU DANG LONGS SKU MTSON PA 'DU BYA, GSUM PA NI; 'PHRENG BA LAG PA GA-YON PAR BZHAG LA GA-YAS PAS 'GAB, AA MRi TAS BSANGS, SVA BHA WA SA SBYANGS, STONG PA'I NGANG LAS RANG GI LAG GA-YON PAm LAS PADMA DMAR PO 'DAB MA LNGA PA'I LTE BAR A'A: LAS ZLA BA'I STENG DU, A'A: YIG DKAR PO'I MTHAR A'A LI DKAR PO'I 'PHRENG BA GA-YON BSKOR DANG, LAG PA GA-YAS PA H'Um LAS RDO RJE SNGON PO'I LTE BAR M'A LAS NYI MA'I DKYIL 'KHOR GYI STENG DU, H'Um YIG DMAR PO'I MTHAR K'A LI DMAR PO GA-YON BSKOR

DU 'KHOD PAR BSAM, 'PHRENG BA'I STENG DU YUM DKAR PO, H'Um SNGON PO, A'A: DMAR PO, AOm DKAR PO RNAMS BRTZEGS MAR GNAS PAR BSAM, SKAD CIG GIS 'PHRENG THAG H'Um LAS RDO RJE SEMS DPA' NYE BA'I SRAS BRGYAD DANG, 'PHRENG RDOG RNAMS A'A: LAS DGRA BCOM PA, MDUD 'DZIN 'OG MA AOm LAS GZUGS KYI SKU, STENG MA CHOS KYI SKU RNAMS KYI NGO BOR GYUR PAR BSAM LA, AOm B'A DE P'A DE MAH'A DZNY'A NAM SARBA BUDDHA MA YAm BHA KHE TA H'Um H'Um H'Um HO HO ARHA KHAm SV'AH'A, ZHES BRGYA RTZA BZLAS, RANG GI THUGS KA'I Bm YIG LAS 'OD ZER 'PHROS PAS SANGS RGYAS THAMS CAD KYI GSUNG GI BYIN RLABS THAMS CAD A'A LI K'A LI'I RNAM PAR SPYAN DRANGS TE 'PHRENG BA LA THIM, LAG PA GNYIS THABS SHES KYI RNAM PAR SBYOR ZHING BSRUBS PAS YI GE RNAMS LAS KYANG BDUD RTZI'I RGYUN 'BAB PA 'PHRENG BAR THIM PAR MOS LA SNGAGS KYIS HAS BTAB, YANG NA 'PHRENG BA YAB KA LTAR PADMA GAR DBANG DU BSKYED LA BYIN GYIS BRLABS, RGYUN PAR AOm GSUM MA LAN GSUM MAM, AOm RU TZI RA MA nI PRA WARTA YE H'Um PHAt, ZHES LAN BDUN GYIS BYIN GYIS BRLABS, BGRANG TSUL NI LHA DBANG DU BSDU BA'I GNAD KYIS, LAG PA GA-YON PA'I GUNG MO'I STENG DU 'PHRENG BA BZHAG PA, MTHE BONG LCAGS KYU'I TSUL GYIS DNGOS GRUB MYUR DU 'GUG PA'I BSAM PAS LTE BA'I THAD BGRANG LA, GA-YAS MNYAM GZHAG GI 'PHRENG BA LA BRTEN PA'I RNAM PA BYA'O, ,BZHI PA BKOD PA'I BZLAS PA SPRO BSDU'I BZLAS PA DANG GNYIS LAS, DANG PO LA,

, ,RANG GI SNYING KHA'I LUS DKYIL GYI GTZO MO'I THUGS KAR CHOS 'BYUNG ZLA BA Bm YIG SNGAGS KYI 'PHRENG BA BCAS LEGS PAR GSAL BTAB CING YIG 'BRU RNAMS LA RIM PAS SEMS GTAD NAS KLOG PA'I TSUL DU SNGAGS BZLA'O, ,GNYIS PA LA, GZHAN DON YID BYED DANG, BDAG DON YID BYED KYI DMIGS PA GNYIS, DANG PO NI, LUS DKYIL GYI GTZO MO'I THUGS KA'I SA BON SNGAGS 'PHRENG LAS 'OD ZER DMAR PO DPAG TU MED PA 'PHROS, LUS DKYIL GYI GTZO MO'I SKU'I NANG THAMS CAD GSAL BAR BYAS, PHYIR 'PHROS LUS DKYIL GYI RNAL 'BYOR MA BZHI DANG DPA' BO NYER BZHI RNAMS KYI SKU'I NANG THAMS CAD GSAL BAR BYAS, PHYIR 'PHROS RANG PHYI'I RNAL 'BYOR MA'I SKU'I NANG THAMS CAD 'OD KYI SNANG BAS GSAL, RANG LUS LAS KYANG PHYIR THON PHYOGS BCUR 'PHROS SHING RIGS DRUG BAR DO DANG BCAS PA'I SEMS CAN THAMS CAD LA PHOG PAS DE RNAMS KYI RGYUD KYI SGRIB PA BAG CHAGS DANG BCAS PA THAMS CAD GTAN MED DU SBYANGS TE, THAMS CAD RDO RJE RNAL 'BYOR MA'I SKUR LAM GYIS GYUR PA DE THAMS CAD KYI ZHAL NAS KYANG BUNG BA TSANG ZHUGS KYI TSUL DU SNGAGS SGRA DIR RI RI SGROGS PAR BSAM LA SNGAGS BZLA'O, ,GNYIS PA NI, YANG RANG GI SNYING KHA'I LUS DKYIL GTZO MO'I THUGS DKA'I SA BON SNGAGS 'PHRENG DANG BCAS PA LAS 'OD DMAR PO DPAG MED BUN LONG NGE BA 'PHROS, LUS KYI NANG THAMS CAD GANG, PHYIR

'PHROS PA'I SNE MOR PHYI NANG GSANG BA'I MCHOD SPRIN BSAM GYIS MI KHYAB PA SPROS TE, PHYOGS BCU'I RGYAL BA SRAS DANG BCAS PA KUN TU BZANG PO'I MCHOD SPRIN GYIS LEGS PAR MCHOD CING MNYES PAR BYAS, DE RNAMS KYI SKU GSUNG THUGS KYI BYIN RLABS MKHA' SPYOD KYI DNGOS GRUB THAMS CAD 'OD DMAR PO'I RNAM PAR TSUR BSDUS, SNYING KHA'I LUS DKYIL GTZO MO'I THUGS KA'I Bm YIG LA THIM PAS RGYUD BYIN GYIS BRLABS PAR BSAM LA, BZLAS BYA'I SNGAGS KYANG JO BO N'A RO TA PA'I RGYA GZHUNG DU MI GSAL BA RNAMS, BRGYUD LDAN DAM PA'I MAN NGAG BZHIN RGYAL PO CHEN PO AInTRA BHO DH'IS BKRAL BA'I PHAG MO ZHAL GNYIS MA'I GZHUNG LAS KHA 'GENG MDZAD PA'I AOm GSUM MA NYID BZLA ZHING, BZLA TSUL KYANG; SGRA HA CANG CHE CHUNG, HA CANG MYUR BU LA SOGS BZLAS PA'I SKYON BRGYAD BRAL BAR, YID GZHAN DU GTAN NAS MA GA-YENGS PAS RANG GI PHRAG GONG DU THOS TZAM DU DAM BCAS PA'I SNGAGS GRANGS NYUNG MTHAR BYAS PA BZLA, LAS DANG PO PAR LAM GZHAN GANG LAS KYANG NGAG BZLAS NYID GTZO CHE ZHING, SEMS GZHAN DU GA-YENG BA'I RGYA 'BYAMS KYI NGANG NAS GRANGS JI LTAR MANG PO SONG YANG 'BRAS BU GTAN NAS MI 'BYIN NO, ,GNYIS PA, 'GOG BZLAS SAM, YID BZLAS NI, RDO RJE SKYIL KRUNG BSAM GTAN GYI LUS GNAD DRANG PO'I NGANG NAS, THOG MAR RLUNG RO DGU PHRUGS SU BSAL, DE NAS RTZA GSUM GSAL BTAB PA MAN NGAG LTAR BYAS LA, MIG GA-YON DU LTA STANG DANG BCAS SNA BUG

, ,GA-YON NAS RLUNG THOG MTHA' GNYIS DAL LA BAR PA SHUGS DRAG PA ZHIG SANGS KYIS BUS LA, RANG RGYUD KYI 'DOD CHAGS KYI RTOG PA THAMS CAD DMAR LA MOG PA'I RNAM PAR RKYANG MA'I LAM NAS RLUNG DANG 'GROGS NAS PHYIR THON TE, DANG POR 'DOM GANG TZAM DE NAS KHANG PA SOGS KYI PHYI ROL TZAM, DE NAS JE RING JE RING DU STONG GSUM 'JIG RTEN GYI KHAMS MANG BRGAL NAS SONG STE, MTHAR DUD SPRIN LTAR RANG YAL DU SONG BAR BSAM LA RLUNG PHYI ROL DU RGYANG RING DU 'DZIN, RLUNG RO RDZOGS PAR THON PA'I RTAGS SNYING NA KHAM KHAM PA 'BYUNG, YANG GA-YON NAS DAL BUS NANG DU RDUBS LA SNA BUG GA-YAS NAS GANG LTAR PHYIR 'BUD CING RO MA'I LAM NAS ZHE SDANG GI RTOG PA RNAMS NAG LA MOG PA'I RNAM PAR SBYANGS PA'I DMIGS PA GONG LTAR DANG, YANG SNA GNYIS NAS DAL BUS NANG DU RDUBS LA, SNA BUG GNYIS KA NAS GONG LTAR PHYIR 'BUD LA, DBU MA'I NANG NAS GTI MUG GI RTOG PA THAMS CAD DKAR LA MOG PA'I RNAM PAR SBYANGS PA'I DMIGS PA GONG LTAR BYA, SLAR YANG DE 'DRA LAN GNYIS BYED PA NI RLUNG RO DGU PHRUGS SU GSAL BA YIN, DE YANG RLUNG BUM CAN MANG DU 'DZIN NA RLUNG RO DGU PHRUGS SU GSAL ZHING, LAN GCIG GNYIS LAS MI 'DZIN NA RLUNG RO LAN GSUM BSAL BAS CHOG ,DE NAS DNGOS LA 'OG SGO 'BYED 'DZUM DANG BCAS, 'OG RLUNG SNYAN GSAN 'BEBS PA'I TSUL GYIS GYEN DU LTE 'OG TZAM DU PHYED 'THEN TZAM BYAS, STENG RLUNG SA LEN

PA'I TSUL ZHES, LUS BYINGS DRANG PO'I THOG SA NAS DNGOS PO ZHIG YAR 'DEGS PA LTA BUR MGO BO SGUR TZAM THOG ,STENG RLUNG SNA BUG GNYIS NAS 'JAM POR DAL BUS RDUBS LA, RLUNG DE 'DED BYED KYI RNAM PAR MCHIL MA SGRA MED ZHIG MID, SGRA BCAS SU MID PA PHO BA'I DROD LA GNOD PAS SPANGS, DMIGS PA STENG RLUNG MCHIL MA BCAS PA SNYING KHAR SLEBS PA DANG MNYAM DU LUS DKYIL CHOS 'BYUNG ZLA DKYIL RNAL 'BYOR MA RNAMS DANG BCAS PA MAR PHUL TE LTE BAR PHAB, DE YANG TSAS 'BYUNG PHYI MA'I RTZA BA PHRA BA GSANG GNAS SU THUG CING, GDENG KHA CHE BA LTE BAR SLEBS PAR BSAM ZHING, LUS TSUG BCINGS DRAGS PA MA YIN PAR RANG BABS SU LHOD, DE MA THAG LTE BA'I LUS DKYIL DE'I RNAL 'BYOR MA BZHI DBUS KYI GTZO MOR 'DUS SHING, GTZO MO YANG SKAD CIG GIS Bm YIG TU GNAS GYUR, MTHA' SKOR GYI RNAL 'BYOR MA SO GNYIS SKAD CIG GIS AOm GSUM MA'I SNGAGS 'PHRENG DU GYUR PAR BSAM LA, STENG RLUNG LTE 'OG TZAM DU CHIR GYIS MNAN CING 'OG RLUNG RDZOGS PAR 'THEN NAS SROG THUR BSRES LA 'JAM RLUNG BUM CAN BZUNG BZHIN DU, RANG SEMS Bm YI GA LA ZHUGS PA BZHIN, MTHA'I SNGAGS 'PHRENG GA-YON SKOR DU KLOG PA'I TSUL DU, SO DANG MCHU MING GUL BAR YID KYIS BZLAS PA LNGA 'AM BDUN NAM GSUM SOGS GANG NUS BYA, RLUNG 'BYONGS PA'I TSAD BUM CAN BZUNG BZHIN DU YID BZLAS SUM CU TZAM THUB PA YIN GSUNGS, DE NAS RLUNG 'DZIN MI THUB

, ,PA 'DRA NA BTZAN THABS SU MI BZUNG BAR 'OG RLUNG 'THEN NE BA'I NGANG NAS, SNA SGO'I SPU MI 'GUL BA'I TSOD KYIS DAL BUS RANG BGROS SU NAR GYIS BTANG, CUNG ZAD NGAL GSOS LA YANG 'DZIN CING YID BZLAS BYA; 'DIS MTSON RLUNG SBYOR RIGS KYI DMIGS PA MA YENGS PA'I BRTAN PO MED PAR DRAN RTOG SNA TSOGS SU 'PHROR 'JUG PAS KHAMS 'DUS SU GEGS BSKYED PAR GSUNGS, YID BZLAS ZHES PA 'DI MTSAN BCAS KYI RDZOGS RIM YIN PAS NA, 'DI LA BRTEN NAS DU BA LA SOGS PA'I RTAGS DANG, 'PHAR GA-YO ZHES RTZA MDUD GROL BA'I RTAGS LUS LA TSUG MI THUB PA'I BDE DROD SOGS 'BYUNG BA YIN NO, ,SMRAS PA, DNGOS GRUB MYUR STZOL NGAG DANG MTSAN BCAS KYI; ,LHOD DANG SPRO BSDUS RANG DANG GZHAN GYI DON, ,RANG BZHIN LHUN GRUB BZLAS PA'I RNAL 'BYOR LA, ,BRTEN NAS SGRA GRAGS SNGAGS SU SHAR LA SPRO, ,ZHES PA NI BAR SKABS KYI TSIGS SU BCAD PA'O, ,DRUG PA ZHAR BYUNG RDZOGS RIM GNYIS LAS, RDZOGS RIM DANG PO LA'ANG DNGOS DANG YAN LAG GNYIS LAS, DANG PO NI, RLUNG BUM PA CAN SNGAR LTAR BZUNG THUB NA DANG, MA THUB KYANG 'GAL BA MED CING, RANG LHAR GSAL BA'I LTE BA'I CHOS 'BYUNG GI MDUN RGYAB GNYIS SPANGS PA'I GRA BZHIR DGA' BA 'KHYIL BA DMAR PO MTHONG BA TZAM GYIS BDE BA BSKYED NUS PA ZHIG GA-YON SKOR DU SHUGS DRAG TU 'KHOR BAR BSAM, DES BDE CHEN LHAN CIG SKYES PA'I YE SHES SKYE BAR BYED,

YAN LAG NI DE DANG MNYAM DU TSANG BUG GI THANG KYI NANG DU DGA' 'KHYIL DKAR PO NAS 'BRU TZAM ZLA BAS BRIS PA LTA BU DKAR PO GA-YON SKOR DU DRAG POR 'KHOR BAR BSAM PAS MI RTOGS PA SKYE BAR BYED, RTOG PA RAG PA 'GAGS NAS SEMS BYINGS POR SONG NA DGA' 'KHYIL DE NYID Bm LA BSDUS TE RIG PA NGAR PHYUNG, BHA GA PADMA KHA PHYE BA LTA BU'I NANG DU DGA' 'KHYIL DMAR PO NAS 'BRU TZAM MTSAL GYIS BRIS PA LTA BU DROD KYI RANG BZHIN CAN GA-YON DU SHUGS DRAG 'KHOR BAR BSGOM PAS BDE BA BSKYED PAR BYED, BDE BA HA CANG CHE BA'I 'DZAG GEGS BYUNG NA, DGA' 'KHYIL DE NYID Bm LA THIM PAR BSAM, DE YANG CHOS 'BYUNG ZUR GSUM PAS SHES RAB MA'I PADMA DANG, STENG GI DGA' 'KHYIL BZHI DANG DE RE RER YANG 'KHYIL CHUNG BZHI RE YOD PAS, KUN LTA BU'I BYANG CHUB KYI SEMS LAS BYUNG BA'I DGA' BZHI'I YE SHES BCU DRUG MTSON PAR BYED DO, ,GNYIS PA ZHAR BYUNG RDZOGS RIM NI, RLUNG BUM CAN 'DZIN PA'AM MA BZUNG KYANG RUNG LA, RANG RNAL 'BYOR MAR GSAL BA'I SKU SNANG STONG GNYIS SU MED PA, DAR DMAR GYI GUR PHUB PA LTA BU'I DMAR SANG NGE BA'I DBUS DRANG POR, CHOS 'BYUNG ZLA BA SNGAGS 'PHRENG DANG BCAS PA'I NGO BO TZA DBU MA GRO SOG TZAM KHA DOG DMAR GSAL LAM KHYAD CHOS BZHI LDAN GANG RIGS MAR SNE GSANG GNAS SU SLEBS SHING, YAR SNE TSANGS BUG NA SBA GUG PA LTAR MAR GUG STE SMIN MTSAMS SU BUG PA HA RE YOD PAR BSAM, DBU MA'I MAS

, ,SNER DGA' 'KHYIL MTSAL COG LA MAS BRIS PA LTA BU'I DMAR PO NAS 'BRU TZAM ZHIG GA-YON SKOR DU DRAG TU 'KHOR BA LA DMIGS PA GTAD PAS, MTHAR DGA' 'KHYIL DMAR PO DE GA-YON SKOR DU 'KHOR BZHIN YAR DBU MA'I NANG BRGYUD DMAR KHYI LI LI SNYING KHA'I BAR DU BYUNG ZHING 'KHOR BAS SNANG BA THAMS CAD BDE BA'I RANG BZHIN DU CHAM CHAM SONG BAR BSAM, YANG DBU MA'I YAS SNER DGA' 'KHYIL DKAR PO NAS 'BRU TZAM ZLA ZHUN GYIS BRIS PA LTA BU'I DKAR PO ZHIG GA-YON SKOR DU DRAG POR 'KHOR BA LA DMIGS PA GTAD CING, MTHAR DGA' 'KHYIL DKAR PO DE NYID GA-YON SKOR DU SKYA CHI LI LI 'KHOR BZHIN, DBU MA'I NANG BRGYUD SMIN MTSAMS NAS GYEN DU SONG , SPYI GTZUG NAS MAR BAB STE SNYING KHA'I DGA' 'KHYIL DMAR PO DE'I STENG DU REG LA MA 'BYAR BAR GA-YON SKOR DU 'KHOR BAS, SNANG BA THAMS CAD STONG NYID KYI NGANG DU LHAN LHAN SONG BAR BSAM, MTHAR DGA' 'KHYIL DKAR DMAR DE GNYIS SNYING KHAR GA-YON SKOR DU DRAG POR 'KHOR BZHIN PA LA DMIGS PA GTAD PAS KHRUGS KYIS 'DRES TE DGA' 'KHYIL DMAR SKYA 'OD KYI RANG BZHIN CAN GCIG TU GYUR PA GA-YON SKOR DU HRI LI LI 'KHOR BZHIN JE CHUNG JE PHRAR GYUR TE, DBU MA'I NANG DER RANG YAL LA SONG BAR BSAM LA BRJOD BRAL GYI NGANG DU BZHAG ,'DI LAM GYI GNAD CHE SHOS 'DA' KHA MA'I NYAMS LEN YIN PAS DMIGS PA GANG GSAL

DANG RGYUN GANG RING DGOS PAR GSUNGS, DES SBYANGS GZHI RANG NYID 'CHI BA'I GNAS SKABS SU, LTE BAR MA LAS THOB PA'I KHAMS DMAR PO YOD PA DE NYID GNAS 'PHYUG STEMS NAS YAR GYEN DU SONG BA LAS BYUNG BA'I MCHED PA DMAR LAM PA DANG, SPYI GTZUG TU PHA LAS THOB PA'I KHAMS DKAR PO YOD PA DE NYID GNAS 'PHYUG STE MAR THUR DU BAB PA LAS BYUNG BA'I SNANG BA DKAR LAM PA DANG, DE GNYIS SNYING KHAR 'DUS PA'I BAR DU RNAM SHES 'THUM PA LAS BYUNG BA'I NYER THOB NAG LAM PA 'CHAR BAR 'GYUR BA RNAMS, SBYONG BYED DGA' 'KHYIL DKAR DMAR YAS BAB MAS BRTAN MTHAR SNYING KHAR 'DRES PA DANG, MTHAR STONG NYID LA MNYAM PAR BZHAG PA SOGS KYIS SBYANGS PAS, SBYANGS 'BRAS GZHI DUS SU NYER THOB KYI RJES DE MA THAG GZHI YI 'OD GSAL 'CHAR BA'I TSE MA'I SPANG DU BU RGYUGS PA LTAR 'OD GSAL MA BU 'DRES NAS, 'CHI BA 'OD GSAL CHOS KYI SKU MNGON DU 'GYUR BA'I GNAD KHYAD PAR CAN YOD DO, , SMRAS PA, RDZOGS RIM DNGOS DANG YAN LAG MDOR BSDUS TZAM, ,KHYAD PAR ZHAR BYUNG 'DIR 'BAD NAM ZHIG DUS, ,'OD GSAL MA SPANG BU NI RGYUG PA LTAR, ,DGA' SPRO'I DPAL CHA CHOS SKU DE NA GDA', ,ZHES PA BAR SKABS KYI TSIGS SU BCAD PA'O, ,BDUN PA THUN BSDU BA'I RIM PA LA, BSAM MI KHYAB KYI RNAL 'BYOR LA THUN MONG BA DANG, THUN MONG MA YIN PA GNYIS LAS, 'DIR THUN MONG MA YIN PA'I BSAM MI KHYAB KYI RIM PA NI, RANG RDO RJE

, ,RNAL 'BYOR MA'I SKU SHA KHRAG RUS GSUM SPANGS PA 'JA' TSON LTA BU'I LUS KYI NANG DBUS DRANG POR, RTZA DBU MA MDA' SNYUG TZAM CHU SHING GI SDONG PO LTAR DRANG BA, PADMA'I 'DAB MA LTAR SRAB PA, RGYA SKYEGS KYI ME TOG LTAR DMAR BA TIL GYI MAR ME BZHIN GSAL BA STE KHYAD CHOS BZHI LDAN, YAR SNE TSANGS BUG NAS MAR GUG STE SPYAN DBUS MA'I THAD DU ZUG PA DANG ,MAR SNE LTE 'OG SOR BZHIR CHOS 'BYUNG DMAR PO SOR BZHI PA ZHIG GSAL BTAB NANG DU ZUG PA, DE'I GA-YAS SU RO MA DMAR MO KHRAG GIS GANG BA'I RNAM PA TSA REG CAN, GA-YON DU RKYANG MA DKAR MO KHU BAS GANG BA GSHER BAG CAN PHRA SBOM GRO SOG 'BRING PA TZAM RTZA GSUM REG LA MA 'BYAR BA'I TSUL GYI GSUM GSHIB, RO RKYANG GI YAR SNA TSANGS BUG NAS MAR MDUN DU GUG STE SNA BUG GNYIS SU HA RE ZUG PA, MAS SNA LTE 'OG CHOS 'BYUNG NANG DU RTZA GSUM SBUB STONG GCIG TU GYUR PA STE RO RKYANG GNYIS DBU MA LAS CUNG RING BA YAR GUG STE DBU MA'I MAR SNAR ZUG PA, RTZA NAS GSUM 'JOM PA'I MAS SNAR, LTE BA'I BAm YIG DANG RANG SEMS DBYER MED KYI NGO BO RNAL 'BYOR MA RIL MA TZAM MAM, GSAL THEB NA GANG CHUNG CHUNG DU BSGOM, SKU MDOG PHYAG MTSAN RGYAN CHA GDAN DANG BCAS PA BDAG BSKYED LTAR GSAL BTAB, DE YANG 'PHAR LA KHAD 'PHUR LA KHAD PA ZHABS GNYIS DBU MA'I NANG GI RO RKYANG GI MAR SNE GNYIS LA GTAD PA DE LA RANG SEMS

ZHUGS PA BZHIN DU BZUNG , RLUNG PHYIR 'GRO BA DANG BSTUN RNAL 'BYOR MA DE'I THUGS KA'I BAm YIG LAS CHU LAS CHU BUR RDOL BA LTAR RNAL 'BYOR MA RANG 'DRA YUNGS 'BRU TZAM ZHIG GLOG 'KHYUG PA LTAR CHAD NAS DBU GTZUG BRGYUD DE THON , GA-YAS RO MA NANG NAS DMAR KHYUG GE YAR SONG GZUNG RTOG DANG RO MA'I RTZA LAM SBYANGS ,SNA BUG GA-YAS PA'I SGOR BYUNG , RLUNG GI NGO BO 'JA' GUR CHUNG NGU'I DBUS SU BZHUGS , DE LAS 'OD ZER MANG PO NYI RDUL 'TSUB PA LTAR SPROS PA'I SNE MOR RNAL 'BYOR MA DPAG TU MED PA BYUNG BA PHYOGS BCUR GSHEGS , PHYOGS BCU'I SANGS RGYAS SRAS DANG BCAS PA THAMS CAD LA PHYI NANG GSANG BA KUN TU BZANG PO'I MCHOD PA'I SPRIN PHUNG SPRUL PAS MCHOD CING CHOS NYAN , YANG MA DAG PA'I ZHING THAMS CAD DU'ANG GSHEGS TE , SNOD THAMS CAD CHOS 'BYUNG GI GZHAL YAS KHANG DANG , BCUD THAMS CAD RNAL 'BYOR MA'I SKUR LAM GYIS BSGYUR , CHOS BSHAD , SGRIB PA SBYANGS PAR BYAS , SLAR SPRUL PA RNAMS DANG SNOD BCUD THAMS CAD SNA SGO'I RNAL 'BYOR MAR 'DUS , DE NYID RLUNG NANG DU 'JUG PA DANG BSTUN 'OD DMAR PO'I RNAM

, ,PAR ZHU, SNA BUG GA-YON NAS ZHUGS RKYANG MA'I LAM BRGYUD 'DZIN RTOG DANG RTZA LAM SBYANGS, LTE BA'I RNAL 'BYOR MA LA THIM PAR BSAM LA, RLUNG KHA SBYOR CI THUB BZUNG, SLAR YANG GONG LTAR SPRO BA DANG BSDU BA SOGS LAN GCIG GSUM LNGA BDUN NYER GCIG SOGS GANG RIGS BYAS LA RTZA LAM SBYANGS PA'I MTHAR, RTZA GSUM MDO'I RNAL 'BYOR MA DE NYID MKHA' SPYOD DU GSHEGS PAR RINGS PAS GAR STABS LING LING BZHUGS PA'I THUGS KA'I BAm YIG LAS 'OD ZER DMAR PO 'PHROS SKU LUS KYI NANG THAMS CAD 'OD DMAR POS KHRIG GE MER GYIS GANG, PHYI'I RNAL 'BYOR MA'I GDAN ZHABS LA THEM, ZHABS SKU'I RDZA MAR THIM, MKHA' SPYOD NAS SNYAN PA'I GLU DBYANGS RNGA DRIL SOGS KYIS SGRA 'UR CHIL CHIL BSGRAGS PAS RKYEN BYAS TE, LTE BA'I RANG SEMS RNAL 'BYOR MA DE NYID MKHA' SPYOD DU RINGS PAR CHAS TE LTE BAR BYON PAS RO RKYANG GI MAS SNA CHA YIG LTAR GUG PA GNYIS GRU GU HRIL BA LTAR ZHABS LA YAR THIM DBU MA SPYI GTZUG NAS MAR ZUG ,SNYING KHAR BYON PAS PHYI'I RNAL 'BYOR MA'I SKU SMAD NANG GI RNAL 'BYOR MAR THIM, DBU MA SPYI GTZUG NAS MAR DANG RO RKYANG GNYIS ZHABS LA YAR THIM STE JE THUNG DU GYUR, MGRIN PAR BYON PAS PHYI'I SKU YI BAR THAMS CAD NANG GI RNAL 'BYOR MA'I SKUR THIM, DBU MA RO RKYANG GONG LTAR THIM ZHING THUNG DU SONG, SPYI BOR BYON PA'I

PHYI'I SKU STOD DANG NANG GI RTZA GSUM RNAMS LHAG MED DU NANG GI RNAL 'BYOR MAR THIM, DE NAS RNAL 'BYOR MA DE NYID YER GYIS 'PHAGS TE MKHA' LA BYA 'PHUR BA BZHIN DU SGRA 'OD ROL MO'I BSU BA DANG BCAS TE MKHA' SPYOD DAG PA'I ZHING DU YUD KYIS GSHEGS PAR BSAM LA, DE GA'I NGANG DER SEMS GSAL STONG ZUNG 'JUG GI NGANG LAS BCAS BCOS MED PA NAMKHA' LTA BUR MNYAM PAR 'JOG ,SLAR YANG 'OD GSAL DE'I NGANG NAS NAMKHA' LAS SPRIN LDANG BA BZHIN DU RANG SEMS RDO RJE RNAL 'BYOR MA'I SKUR LANGS TE, BYA THUR DU 'PHUR BA LTAR SNGAR GYI GNAS SU BYON PAS PHYI'I LUS KYANG SNGAR BZHIN GRUB PAR BSAM, RTZA SOGS GONG LTAR GSAL BTAB LA, SKYAR SKYIN BDUN NAM NYER GCIG SOGS SBYANG NGO, ,'DI NI BSKYED RIM LA BRTEN NAS MKHA' SPYOD BSGRUB PA'I LAM GYI NYING KHU, NANG GI RNAL 'BYOR MA'AM, RNAL 'BYOR MA'I 'PHO CHUNG ZHES ZER ZHING , DPAL LDAN SA SKYA'I SNGAGS 'CHANG MANG PO LUS MA SPANGS PAR MKHA' SPYOD DU GSHEGS PA'I YID CHES BYIN RLABS KYI TSAN KHA KHYAD PAR DU 'PHAGS PA NYID DO, ,SMRAS PA, RNAL 'BYOR BSDU RIM SPYI DANG KHYAD PAR DU, ,BSKYED RIM LA BRTEN MKHA' SPYOD BSGRUB LAM MCHOG ,LUS MA SPANGS PAR SKAL BZANG NYAMS MYONG BA'I, ,DON 'DI NYAMS SU LONGS DANG SKAL LDAN RNAMS, ,ZHES PA BAR SKABS KYI TSIGS SU BCAD PA'O, ,DE NAS THUN MTSAMS LHA'I NGA RGYAL GSAL SNANG DANG LDAN PA'I SGO NAS GO CHA'I LHA SNGAR

, ,BZHIN BKOD CING, DE NAS LAG PA GA-YON PA'I MTHEB SRIN GYIS PHYOGS GA-YON SKOR DU SE GOL GTOG CING, H'Um BZHI PA'I SNGAGS BRJOD, SUMBHA NI'I SNGAGS MTSAN DANG PO KHA DOG NAG PO LAS SHAR DANG STENG DU KHA GDONG MA NAG MO GNYIS, GHRAm HA NA'I SNGAG TSAN DANG PO LJANG GU LAS BYANG DU 'UG GDONG MA LJANG GU, GHRAm HA NA PA YA'I SNGAGS TSAN DANG PO DMAR PO LAS NUB DANG 'OG TU KHYI GDONG MA DMAR MO GNYIS, AA NA YA'I SNGAGS TSAN DANG PO SER PO LAS LHOR PHAG GDONG MA SER MO BSKYED, YANG MTSAMS GA-YAS BSKOR DU SE GOL GTOG CING , SUMBHA'I SNGAGS TSAN DANG PO PHYED SNGO PHYED SER BA LA SHAR LHOR GSHIN RJE BSTAN MA; GHRI HA NA'I SNGAGS TSAN GNYIS PA PHYED SER PHYED DMAR BA LA LHO NUB TU GSHIN RJE PHO NYA MO, GHRi HA NA PA YA'I SNGAGS TSAN GNYIS PA PHYED DMAR PHYED LJANG BA LAS NUB BYANG DU GSHIN RJE MCHE BA MA, AA NA YA HO'I SNGAGS TSAN GNYIS PA PHYED LJANG PHYED SNGO BA LAS BYANG SHAR DU GSHIN RJE 'JOMS MA RNAMS BDE MCHOG LU AI PA'I MNGON RTOGS LTAR SKU MDOG PHYAG MTSAN GSAL BTAB LA BAR GCOD BSRUNG BA'I LAS LA BRTZON BZHIN BZHUGS PAR BSAM, DE DANG DUS MNYAM DU SGO MTSAMS MA DE RNAMS KYI SKU LAS SPROS PA'I RDO RJE'I RVA BA DANG DRVA BA GUR BLA BRE, DE'I PHYI ROL DU MDA'I DRVA BA, DE'I PHYI ROL DU YE SHES KYI ME DPUNG RAB TU 'BAR ZHING

'KHRUG PA'I SRUNG 'KHOR PHYI ROL NAS DPAG TSAD LNGA BRGYA'I TSAD TZAM DU BSKOR ZHING CIS KYANG GZHOM DU MED PA GDON BGEGS NAG PHYOGS 'BYUNG PO'I TSOGS KYIS BLTAR MI BZOD PAR BSAM, GNYIS PA YAN LAG SPYOD LAM GYI RNAL 'BYOR LA, DNGOS DANG RJES 'BREL GNYIS LAS, DANG PO NI, THUN MTSAMS SU RANG RNAL 'BYOR MA RGYAN DANG PHYAG MTSAN SPANGS PA'I 'OD KYI SKUR GSAL BTAB STE, RANG DANG GZUGS SU SNANG BA THAMS CAD RNAL 'BYOR MAR BSAM PA SKU'I DGA' BA STE CHAGS SDANG SPANGS, SGRA GRAGS PA THAMS CAD AOm GSUM MA'I GDANGS SU BSAM PA GSUNG GI DGA' BA STE SNYAN MI SNYAN SPU RES MI BYED, YID KYI DRAN RTOG GANG SHAR YANG RDO RJE RNAL 'BYOR MA'I THUGS BDE STONG DBYER MED DU NGO SHES PAR BYAS LAM YENGS PAR RANG NGO LTA ZHING BRKYANG PA THUGS KYI DGA' BA STE DGAG SGRUB MI BYA, SROG CHAGS 'KHRIG PA MTHONG NA LHA YAB YUM DU MOS PA GSAL BAS PHYI MA'I MNGAL SGO SBYONG BA SOGS BYA BYED THAMS CAD LAM DU 'KHYER BA LA BSLAB CING , THUN MTSAMS RNAMS SU RNAM RTOG RGYA 'BYAMS SU MA SHOR BA'I DRAN 'DZIN BRTAN PO SHIN TU NAS GAL CHE BAR GSUNGS, DE LTAR BYAS PAS SDIG SGRIB GSOG PA DANG DAM TSIG NYAMS PA'I SKABS MI YONG ZHING, LAM LA BOGS 'BYIN PA SOGS DGOS PA CHE BAR YOD DO, ,GNYIS PA RJES SU 'BREL BA LA, KHA ZAS KYI RNAL 'BYOR, PHYI ROL MCHOD PA, GTOR MA, SBYIN BSREG ,TSES BCU'I MCHOD

, ,PA DANG LNGA LAS, DANG PO KHA ZAS KYI RNAL 'BYOR LA RGYAS 'BRING BSDUS GSUM LAS, RGYAS PAR NI, KHA ZAS SU MABHA NIS BSANGS SBYANGS, SNGON DU 'GRO BAS BDUD RTZI LTAR BYIN GYIS BRLAB, LTE BA'I GTUM MO'I ME 'BAR BA'I KHROD DU 'JIG RTEN PA'I MGRON DANG ,SNYING KHAR BLA MA RDO RJE RNAL 'BYOR MA BZHUGS PAR BSAM LA, LAG GA-YAS DGANG GZAR DANG, GA-YON BLUG GZAR DU MOS SHING, KHA ZAS BSREG RDZAS BDUD RTZIR MOS LA LCE ME LHAR BSAM PAS, MCHOD YUL 'DAS MA 'DAS KYI LHA RNAMS MCHOD CING ,SNYIGS MA LTE BA'I YE SHES KYI MES BSREGS PAR BSAM LA NANG GI SBYIN BSREG GI TSUL DU RAL, 'BRING DU KHA ZAS RNAMS AOm A'A : H'Um HA HO HR'I HR'I mm LAM GSUM GYIS BDUD RTZIR BYIN GYIS BRLAB LA, SNYING KHA'I BAm YIG BLA MA'I NGO BOR BZHUGS PA LA MCHOD PAS THUGS MNYES SHING GZI BRJID PHUN TSOGS SU GYUR PAR BSAM, BSDUS PA KHA ZAS KYANG LHA'I NGO BOR MOS LA LHA LA LHA THIM PA'I TSUL GYIS 'DZIN ZHEN MED PAR LONGS SPYOD DE LTAR BYAS PAS BU LON DU MI 'GYUR, DKOR SBYANG TSOGS RLABS PO CHE RDZOGS PA SOGS PHAN YON SHIN TU CHE BAR 'GYUR RO, ,GNYIS PA PHYIR ROL MCHOD PA LA'ANG, RGYAS 'BRING BSDUS GSUM LA, RGYAS PAR BDAG BSKYED SNGON DU 'GRO BAS, MDUN BSKYED SKU GSUNG THUGS KYI DKYIL 'KHOR PHYAG LEN LTAR BSHAMS LA SGRUB

MCHOD DANG 'BREL BAR, MCHOD GTOR DANG TSOGS KYI 'KHOR LOS MNYES PAR BYA, 'BRING DU SINDHU RA'I DKYIL 'KHOR RKYANG PA TZAM MAM, YANG NA TZAN LDAN GYI MndAL LAM ME LONG LA CHANG GIS CHOS 'BYUNG BRIS TE, DRI THIG GAM, 'BRU DMAR GYI TSOM BU GANG RUNG BKOD, RANG RNAL 'BYOR MA YAN LAG BZHI RDZOGS SU BSKYED DE, MCHOD PA 'BUL ZHING YUM GYI RKANG PA BRGYAD PAS BSTOD, GTOR MA 'BUL BA SOGS BYA, BSDUS PAR YUM GYI LAG MCHOD BYA BA STE, LAG PA GA-YON PA'I MTHEB SRIN GYIS ZAS KYI STENG DU CHOS 'BYUNG 'DRI BA'I STANGS KA BYAS LA, CHOS 'BYUNG DKAR PO DBUS SU BAm YIG DMAR POS MTSAN PA GSAL BTAB, BAm YIG LAS BDUD RTZI BAB PAS KHA ZAS BYIN GYIS RLABS, GA-YAS PA'I MTHEB SRIN GYIS KHA ZAS BLANG STE LAG PA GA-YON PA'I MTHIL DANG, MTHE'U CHUNG NAS MTHE BOD BAR THIG LA RE BTAB LA, RDO RJE PHAG MO'I NGO BO AOm Bm DMAR PO, GSHIN RJE MA'I NGO BO HAm YOm SNGON PO, RMOD BYED MA'I NGO BO HRIm MOm DKAR PO, BSKYOD BYED MA'I NGO BO HR'Im HR'Im SER PO, SKRAG BYED MA'I NGO BO H'Um H'Um LJANG GU, TZAnId KA'I NGO BO PHAd PHAd DUD KHA RNAMS KYIS MTSAN PAR GYUR PAR BSAM, THIG LE BTAB PA'I GNAS SO SOR GA-YAS PA'I 'THEB SRIN GYIS BDUD RTZI GTOR LA, GONG SNGAGS SO SOR 'BRU GSUM BTAGS PAS MCHOD, LHA RNAMS MNYES PAR BSAM ZHING 'DOD DON GSOL, GNAS SO SOR 'OD DU ZHU NAS THIM PAS BYIN GYIS BRLABS PAR MOS, LAG PAR GOS

, ,PA'I ZAS RNAMS 'PHUR LA LUS LA BYUG CING ZAS LA YANG BSRES TE LONGS SPYOD, DES DAM TSIG NYAMS PA'I NYES PA SBYONG, SA LAM GYI YON TAN 'PHEL BAR BYED DO, ,GSUM PA GTOR MA LA, DKU BAG DANG 'BREL BA STE, 'BRU BZANG GI PHYE LA SHA CHANG NYA SHA SGOG BTZONG BDUD RTZI RIL BU SOGS BTAB PA MAR GYIS SBOL BA'I GTOR MA RTEN GTOR BYED NA DBYIBS ZLUM PO PADMA'I SNYING PO LTA BU LA MTHEB KYUS SKED PA NON TZAM BSKOR BA DANG, 'PHRAL GTOR LTA BUR DBYIBS GONG LTAR LA PAD 'DAB BZHI PA BYED CING, DKAR RTZI DMAR RTZI GANG MOS DANG, SHA RGYAN CHUNG NGU BTAGS PA DANG, MA 'GRIG TSE PHYE PHUD SOGS GANG 'BYOR GTZANG SBRA DANG LDAN PAS BSHAMS, SUMBHA NI'I BSANG SBYANGS SNGON DU 'GRO BAS, LAG PA GA-YON BSTAN LA AOm BRJOD PAS DNGOS 'DZIN THA MAL GYI SNANG ZHEN STONG PAR SBYANGS, GA-YAS BSTAN LA A'A: BRJOD PAS THOD PA'I SNOD STONG GSUM GYI KHYON DANG MNYAM PAR BSAM, GNYIS KA BSTAN LA HA'UM BRJOD PAS SHA LNGA BDUD RTZI LNGA'I RDZAS KYIS BYUR BUR GANG BAR BSAM, GDAN BZHI LAS, LAG PA GNYIS NI BKAN BYAS LA, ,SRIN LAG GNYIS NI PHAN TSUN DKRIS, ,GUNG MO DANG NI MTHEB RTZE SBYAR, ,KHRO BO GNYIS KYIS MNAN PAR BYA, ,ZHES PA LTAR, BYA KHYUNG GI PHYAG RGYA BCAS LA, HA HO H'I: BRJOD PAS BDUD RTZI'I RGYA MTSO CHEN POR BSAM, DE YANG GTOR MA SNGAR BYIN

BRLAB MA BYAS PA'I GSAR PA YIN NA, SNGAGS BRGYA RTZA RE DANG, GZHAN BDUN NAM GSUM GYI BYIN GYIS RLABS, DE NAS, PHEEm BRJOD CING NGO MTSAR SGYU MA'I PHYAG RGYA DANG BCAS GTOR MGRON RNAMS CHO GA LTAR SPYAN DRANGS, DE RNAMS KYI LJAGS 'OD KYI SBU GU BDUD RTZIR ZUG PAS GSOL BAR BSAM LA, PAD SKOR SNGON DU 'GRO BAS RDO RJE THAL MO KHA PHYE NAS SE GOL GTOGS PA DANG BCAS GTOR SNGAGS LAN GRANGS CI RIGS KYIS 'BUL, CHU GNYIS SNGON DU 'GRO BA'I NYER SPYOD KYIS MCHOD CING NANG MCHOD KYANG 'BUL, d'A MA RU DANG DRIL BU'I SGRA DANG BCAS TE, RGYAS PAR NA, YUM GYI RKANG PA BRGYAD PA'AM, BSDU NA DPAL LDAN RDO RJE SOGS KYI BSTOD PAS NGES PAR BSTOD, CHOS 'DI'I SRUNG MA DUR KHROD BDAG PO YAB YUM LA GTOR MA 'BUL BA ZHAL SHES SU YOD CING, MKHA' 'GRO SPYI GTOR DANG, GZHI BDAG GTOR MA SOGS KYANG BTANG, MGRON RNAMS RTEN LA BRTAN PAR BZHUGS PA'AM, RANG LA BSDU BA DANG, GSHAGS SU GSOL BA SKABS THOG DANG BSTUN TE BYA'O, ,BZHI PA SBYIN BSREG LA DNGOS DANG ZHAR BYUNG GNYIS LAS, DANG PO NI, BE'U BUM DU BZHUGS PA'I ZHVA LU BRJE SANGS RGYAS DPAL BZANG GI YIG CHA SOGS MANG YANG, GSANG CHEN SLOB BSHAD PA'I GDAMS PA 'DZIN PA RNAMS KYI THUN MONG MA YIN PA'I ZHAL SHES RDO RJE 'CHANG DBANG PHYUG RAB BRTAN GYIS MDZAD PA'I SBYIN BSREG DANG, KHYAB BDAG GNAS GSAR BA CHEN PO DAG DBANG KUN DGA' LEGS

, ,PA'I 'BYUNG GNAS KYIS LHAN THABS DKYUS 'JUG GNANG BA GANG RIGS LTAR GTONG ZHING, KHYAD PAR GYI RDZAS BA GLANG RANG BZHIN GYIS SHI BA'I SHA DANG, SDIG PA SPYANGS PHYIR TIL NAG PO RANG LA GRANGS GSOG 'BUL BA SOGS PHYAG LEN LTAR BYA, DES BSNYEN PA SOGS SNGAGS KYI CHAD LHAG SKONG BA DANG, BAR CHAD ZHI ZHING DNGOS GRUB MYUR DU STER BAR BYED DO, ,ZHAR BYUNG SBYIN BSREG DNGOS MA GRUB TSE, SDIG PA SBYANGS PHYIR MAR ME'I SBYIN BSREG NI, BE'U BUM DU BZHUGS PA'I RJE SANGS RGYAS DPAL BZANG GI YIG CHA'AM, NGAG DBANG BSTAN 'DZIN PHUN TSOGS KYI ZUR DU MDZAD PA GANG RIGS LTAR, MAR ME RNAL 'BYOR MAR ME YAN LAG BZHI RDZOGS SU BSKYED CING TIL KHO NA PHUL TE, SNGAGS MTHAR MKHA' SPYOD 'GRUB PA'I SPEL TSIG BTAGS PA SOGS MAN NGAG LTAR BYA BA NI MKHA' SPYOD BSGRUBS PA'I THABS RMAD DU BYUNG BA ZHIG GO, LNGA PA TSES BCU'I MCHOD PA LA RGYAS 'BRING BSDUS GSUM LAS, TSOGS GSOG PAR 'DOD NA YAR GYI TSES BCU, SDIG SGRIB SBYANGS PAR 'DOD PAS MAR GYI TSES BCU STE, TSES BCU DRUG NAS GCIG ZHES BRTZIS PA'I BCU NYER LNGA YIN PAS, DUS DE DAG GAM GANG LTAR LAN RE NGES PAR GTONG, RGYAS PAR SKU TSOM BU, GSUNG BDUD RTZI, THUGS MI N'HU RA'I DKYIL 'KHOR RNAMS MCHOD PA LNGA, GTOR MA GNYIS SOGS LAG

LEN LTAR BSHAMS LA, BDAG BSKYED SNGON DU 'GRO BAS, MDUN BSKYED DKYIL 'KHOR BSGRUB CING MCHOD BSTOD DBANG BZHI ZHU BA SOGS BYAS MTHAR, TSAR LUGS THUN MONG MA YIN PA'I PHYAG BZHES LTAR TSOGS KYI 'KHOR LO'AM, DPA' BO'I STON MO RGYAS PAR 'BUL, 'BRING DU GRONG BA'I CHOS KYI MA GOS PA'I GZHON NU MA GCIG LNGA, BCU GSUM, SUM CU SO BDUN SOGS LHA GRANGS DANG MNYAM PA GANG RUNG TSES BCU YIN PAR DOGS GNAS SU MI 'GYUR BAR BYAS TE, DPRAL BAR SINDHU RA'I THIG LE BTAB, KU SHA'I STAN LA BZHAG PA SOGS YIG CHA LTAR GYI SGO NAS SHA CHANG GTZO BOR GYUR PA'I BZA' BTUNG GYA NOM PAS TSIM PAR BYA BA NI RIGS LDAN MA'I MCHOD PA DANG, BSDUS PAR, DE YANG MA GRUB NA, DAM BCAS PA'I SNGAGS GSUM 'GYUR DU BZLA ZHING, 'DIS TSES BCU'I GO MI CHOD KYANG, CHAD PA'I NYES PA TZAM SEL GSUNGS, DE LTAR CHOS BCU GNYIS MA CHAG PAR BRTZON PAS TSOGS RDZOGS BSOD NAMS LONGS SPYOD SPEL, MKHA' SPYOD KYI DNGOS GRUB STER BAR BYED PAS NAN TAN CHEN POS BSGRUB PAR BYA'O GSUNGS, DE LTAR GANG ZAG RAB 'BRING THA MA THAMS CAD KYI NYAMS LEN DU GYUR PA BSKYED PA'I RIM PA RNAL 'BYOR BCU GCIG CHA LAG DANG BCAS PA 'DI NYID, MA NOR BAR NYAMS SU BLANGS PAS MKHA' SPYOD KYI DNGOS GRUB DUS RING PO MA YIN PAR MYUR DU THOB PAR 'GYUR BA STE, 'DI NYID LA BSKYED RIM PHAG MO MKHA' SPYOD CES GSUNGS KYANG DON GYI BSKYED RDZOGS ZUNG 'JUG DBANG

, ,BZHI'I LAM THAMS CAD KYI NYAMS LEN GYI GNAD THAMS CAD MA TSANG BA MED PAR MNGON RTOGS KYI DKYUS GCIG LA TSANG TSUL GYI DBANG BZHI LUS BSGRIGS NI, BLA MA 'OD DU ZHU NAS RANG LA BSTIM PA'I STONG NYID KYI NGANG LAS LUS RTZA'I DKYIL 'KHOR DAG PA, RANG NYID SNGAGS KYI LHA PHYI'I RNAL 'BYOR MA'I SKUR YAN LAG BZHI RDZOGS KYI TSOGS BSGRUB CING, SNYING GA'I ZLA DKYIL SNGAGS 'PHRENG SA BON RNAMS RNAL 'BYOR MA DANG DPA' BO DPA' MO'I SKUR BSKYED PA TZAM DU MA ZAD, KHA tAVm ? GAR HE RU KA'I DKYIL 'KHOR GYI LHA DRUG CU RTZA GNYIS RTEN DANG BRTEN PAR BCAS PA TSANG ZHING, YAB YUM GNYIS KA'I BSKYED RIM GYI LUS YONGS SU RDZOGS PA NYAMS SU BLANG BAR 'GRO BAS BUM DBANG GI LAM, SNYING GA'I CHOS 'BYUNG PHYI MA'AM 'OG MAS GSANG GNAS BDE SKYONG GI 'KHOR LO AE YIG GRU GSUM GYI RNAM PAR YOD PA MTSON PA DANG, CHOS 'BYUNG STENG MA 'AM NANG MAS LTE BA SPRUL PA'I 'KHOR LO'I RTZA 'DAB KYI LTE BA'I RTZAM DUD DANG AA THUNG ZUR GSUM GYI RNAM PAR YOD PA MTSON PA DANG, ZLA DKYIL GYI SNYING GA CHOS KYI 'KHOR LO ZLU MA POR YOD PA MTSON ZHING, Bm YIG GI SROG YA RA LA WA'I YI GE BZHIS MGRIN PA LONGS SPYOD KYI 'KHOR LO'I RTZA 'DAB BCU DRUG GI RTZA BA'I BZHI MTSON, SNGAGS 'PHRENG YIG 'BRU SO GNYIS KYIS SPYI BO BDE CHEN 'KHOR LO'I RTZA 'DAB SUM CU RTZA GNYIS MTSON, BAm YIG GIR D'AS RTZA DBU MA

MTSON PA STE, RTEN 'KHOR LO LNGA GNAD DU BSNUN PA'I BSGOM BYA'I GNAD, STENG MKHA' SPYOD KYI 'KHOR LO LA BRTEN NAS STONG PA BSGRUB PA, 'OG GSANG GNAS KYI 'KHOR LO LA BRTEN NAS BDE BA BSGRUB PA, BAR SPRUL PA'I 'KHOR LO LA BRTEN NAS DROD BSGRUB PA GSUM LAS, 'DIR SPRUL PA'I 'KHOR LO LA BRTEN NAS BDE DROD BSGRUB PAS GSANG DBANG GI LAM, CHOS 'BYUNG GI GRVA BZHI'I DGA' BA 'KHYIL BA BYANG CHUB KYI SEMS KYI RANG BZHIN CAN DU BSGOM PA DANG, STENG 'OG GI 'KHOR LO LA BRTEN NAS LAS KYI PHYAG RGYAS BSKYED PA'I BDE STONG LHAN CIG SKYES PA'I YE SHES SKYE BAR BYED PAS SHES RAB YE SHES RAB YE SHES KYI DBANG GI LAM, DBU MA'I YAS MAS KYI DGA' 'KHYIL 'DU 'PHRAD KYI MTHAR, BDE STONG ZUNG 'JUG BRJOD BRAL GYI DANG DU 'DZIN PA MA ZHUGS PAR HAD DE 'JOG PA DANG, DER MA ZAD MGO MJUG PAR GSUM DU RANG BZHIN MED PA'I LTA BA SKYONG BA THAMS CAD NI, GNAS LUGS PHYAG RGYA CHEN PO DBANG BZHI PA TSIG DBANG RIN PO CHE'I LAM GYI NGO BO STE, BSKYED RIM KHO NA LA DBANG BZHI KA'I LAM TSANG BA YIN ZHING, LAM 'DI'I GROL BA THOB LUGS KYANG DE LTAR BSKYED RIM RNAL 'BYOR BCU GCIG PO 'DI'I SBYANG GZHI SBYONG BYED THAMS CAD LEGS PAR NGO 'PHROD PAR BYAS NAS, BLA MA DAM PA'I MAN NGAG LTAR YE CHAG PAR BZLAS BSGOM LA BRTZON ZHING, GZHI'I BSNYEN PA 'BUM PHRAG BZHI KHA SKONG BZHI KHRI BZHI STONG BZHI BRGYA LEGS PAR 'GRUB PAR BYAS TE,

, ,YAR NGO DANG MAR NGO'I CHOS BCU GNYIS KA TSOGS GTOR LA BRTZON PAR BYAS PA TZAM GYIS NAM ZHIG NA RJE BTZUN RDO RJE RNAL 'BYOR MA THA MAL BUD MED KYI RNAM PAS DNGOS SU BYON TE ZHAL BSTAN CING, NGO SHES SHING GSOL BA BTAB PAS RNAL 'BYOR PA'I LAG PA'I MKHRIG MA NAS BZUNG STE RNAM SMIN GYI LUS 'DI MA SPANGS PAR, MKHA' SPYOD RIG PA 'DZIN PA'I ZHING NGAM, MKHA' SPYOD CHUNG NGUR 'KHYER TE, DER SLEB MA THAG PHUNG PO RAGS PA 'DI NYID 'CHI MED KYI 'JA' LUS SU GNAS 'GYUR ZHING, LONGS SPYOD THAMS CAD KYANG NAM MKHA' LAS 'BAD MED DU 'BYUNG BA DANG, TSE BSKAL PA'I BAR DU THUB CING, PHYOGS BCU'I SANGS RGYAS KYI ZHING RNAMS SU RDZU 'PHRUL GYIS BGROD NAS GANG 'DOD KYI CHOS NYAN NUS PA DANG, DPA' BO RNAMS KYI LAM SGRUB PA'I GROGS PA DANG, MKHA' 'GRO MA RNAMS KYI PHYAG RGYA'I NYE RGYU MDZAD NAS LAM GYI 'PHRO MTHUD DE, TSE 'DIR BCU GSUM RDO RJE 'DZIN PA'I GO 'PHANG MNGON DU MDZAD PAR 'GYUR BA NI, GANG ZAG DBANG PA RAB KYI GROL LUGS YIN NO, ,GNYIS PA DE LTAR MA GRUB TSE GANG ZAG DBANG PO 'BRING SIN DHU RA YI SGRUB PA'AM, {LANGKA} LI YI SGRUB PA BYA STE, DE YANG THOG MAR AOm GSUM MA 'BUM PHRAG BRGYA 'AM, 'BRU 'BUM GSUM TZAM KHA SKONG BCAS LEGS PAR BSGRUBS NAS SHIN TU DBEN PA'I GNAS SU DKYIL 'KHOR GSUM DANG MCHOD GTOR BCAS

BDAG 'JUG LTAR BSHAMS, THUGS DKYIL ME LONG STENG DU RAB, DZ'A LA NDHA RA, 'BRING TZ'A RI tA, THA MA TI SE'I PRE TA PU RI NAS BYUNG BA'I SINDHU RA STE LI KHRI'I CHOS 'BYUNG, SNGAGS 'PHRENG, BAm YIG DANG BCAS PA DGOS KYIS TSOM BU GO ? MI CHOD; BDAG BSKYED SNGON DU 'GRO BAS, MDUN BSKYED DKYIL 'KHOR YAN LAG BZHI RDZOGS SU BSGRUB STE MCHOD BSTOD BYA ZHING BDAG 'JUG BLANGS, MDUN BSKYED SAN DHU RA LA DMIGS TE, SPRO BSDU'I DMIGS PA BCAS, AOm GSUM MA BZHI 'BUM KHA SKONG DANG BCAS THUN BZHIR BCAD NAS BSGRUB CING, THUN RE'I MTHAR SIN DHU RA'I YE SHES PA GSHEGS, DAM TSIG PA SIN DHU RAR BSTIM LA, SIN DHU RA BSGRUB ZIN RNAMS PAR BU LTA BUR TSAG BYA; 'BYOR NA THUR RER SIN DHU RAB RJE ZHING, MA 'BYOR KYANG ZHAG RER {SINDHU} RA NGES PAR BRJE, DE LTAR BSNYEN PA GRUB NAS, LANGKA LI YI SHING ZHES BAL YUL NAS 'BYUNG BA'I SO SHING 'DRA BA, SBOM SHOS BYIS PA'I LAG NGAR TZAM YONG GIN YOD PA DE RNYED NA DANG, MA RNYED TSE BOD DU SKYES PA'I SMAN DVO BAR GRAGS PA ME TOG PAN ZHVA LEBS 'JOG LTA BU'I SER PO, 'BRAS BU RDOG CHE BA RKANG SBUB STONG CAN ZHIG YONG BA DE'I NANG NAS DO RGOD PA ZHES RKANG MDZUB GANG TZAM DANG, PHRA SBOM MTHEB MDZUB KYI BAR DU TSUD TZAM ZHIG YONG BA, DE NYID MDZUB GANG GI RING THUNG TZAM GYI RKANG NANG GANG BRDAR LEGS PAR BYAS, GU GUL GYIS BDUG KHA ZHABS SU SHING SRAB MOR DGA' 'KHYIL GYI PAR

, ,BRKOS PA'I KHA CHOD DAM ZHING 'GRIGS PA BZOS, PHYI NAS SHOG BU DUG MED GTZANG MAS LEGS PAR BSTUMS, RANG RNAL 'BYOR MA'I NGA RGYAL DANG LDAN PAS, SNOD DE LAG TU GZUNG LA, AOm GSUM MA BRGYA TZAM ZHIG BZLAS PA'I MTHAR, SNGAR BSGRUBS {SINDHU} RA RNAMS CUNG ZAD KYANG MA 'THOR BAR DER BLUG KHA DAM PAR BCAD, DE NAS YAR NGO'I TSES BCUR MCHOD GTOR DANG BDAG 'JUG RGYAS PAR BYAS, SROD KYI DUS SU GROGS YAB 'KHOR LO SDOM PA'I BZHI BSNYEN MTHAR PHYIN PA ZHIG GIS, RNAL 'BYOR DBYUG PA ZHES SBA'I DBYUG PA RING THUNG RANG SAR BSNGAD DE BSLANG BAS MGO DANG MNYAM PA'AM, THAL MO GNYIS SNYING GAR SPRAD PA'I GRU MO PHAN TSUN GYI RTZA DANG MNYAM PA ZHIG LAG TU BZUNG LA, SUMBHA NI'I SNGAGS BAR MA CHAD PAR BZLA BA ZHIG DANG MNYAM DU, RANG GI {SINDHU} RA'I SNOD KHYER TE DUR KHROD DU PHYIN LA, KHRU GANG TZAM GYI DONG BRUS PA'I NANG SINDHU RA'I SNOD DE MI GZHAN GYIS MA SHES PAR BCUG KHA SAS MI MNGON PAR DBYIBS MI NOR BA'I MTSAN MA BTAB, RANG DE'I KHAR KHA NUB TU BLTAS NAS BSDAD LA SROD 'KHOR TZAM GYI BAR DU LHA'I RNAL 'BYOR DANG MI 'BRAL BAR BZLAS PA BYA, DE'I RING GROGS DES KYANG SGRUB PO'I BYANG SHAR NGOS SU GNYID MA LOG PAR BSDAD LA, SUMBHA NI BZLA ZHING PHYI NANG GI BAR GCOD SRUNG, DE NAS KHYIM DU LOG NYIN MOR BDAG 'JUG DANG PHYI ROL MCHOD PA CI 'GRUB BYA, NUB MO SNGAR LTAR DUR

KHROD DU PHYIN LA, BZLAS PA JE MANG DANG SDOD YUN JE RING BYAS PA'I, NYI SHU GSUM GYI NUB MTSAN PHYED BAR DANG, NYER BZHI'I NAM GYI GSUM GNYIS, NYER LNGAR MTSAN THOG THAG TU DUR KHROD DER BZLAS PA BYAS PAS, GRUB PA'I RTAGS 'OG TU SBAS PA'I SINDHUR LAS SGRA 'BYIN PA DANG 'OD 'PHRO BA SOGS 'BYUNG ZHING, MA BYUNG YANG RUNG LA, NYER DRUG GI NANG PAR NAM LANGS MA THAG DONG NANG GI SINDHUR PHYUNG STE KHYIM DU KHYER, DKYIL 'KHOR DBUS SU BZHAG NAS BDAG 'JUG DANG PHYI ROL MCHOD PA RGYAS PAR BYA, NYI MA SHAR BA DANG, GROGS NI MI DGOS, RANG NYID GCIG PUR KU S'A LI'I CHOS SU ZHUGS, SINDHU RA'I SNOD KHA CHOD KYI DGA' 'KHYIL PAR DPRAL BAR BTAB, 'PHROS SLAR BSTUM STE MCHAN KHUNG GA-YON DU MIS MI MTHONG BAR RNAL 'BYOR DBYUG PA DE KHYER LA, DZ'A LA NDHA RA SOGS YUL NYER BZHI DANG, BAL YUL SOGS MKHA' 'GRO 'DU CHE BA DANG, RGYA NAG SOGS GRONG KHYER CHEN PO DANG, LHA SA LTA BUR YANG ZHING SKYES KYI MKHA' 'GRO MA 'BYUNG BAR GSUNGS PAS, DE LTA BU'I YUL PHYOGS MED DU 'KHYAMS SHING, 'PHONG RA LTA BU'I BUD MED MANG DU TSOGS PA DANG, LHAG TU SKUD PA 'TSONG BA'I SAR PHYIN TE RANG LHA'I NGA RGYAL BRTAN POS BLTAS TE MA BSDAD PAR PHYIN PAS, JE ZHIG NA RANG GI DPRAL BAR BTAB PA'I DGA' 'KHYIL DE NYID BUD MED GANG GI DPRAL BAR ME LONG LA GZUGS BRNYAN SHAR BA LTAR 'PHOS PA DE NI

, ,RNAL 'BYOR MA THA MAL BUD MED KYI TSUL BSTAN PA TZAM YIN PAS, KHU 'KHRIG THE TSOM MED PAR DE'I GA-YON NAS SKOR TE ZHABS SPYI BOR BLANGS LA PHYAG 'TSAL GSOL BA GDAB CING BSNYEN BKUR BAS; DUS DE NYID DU MKHA' SPYOD RIG PA 'DZIN PA'I GRONG DU 'KHRID PA'AM, GZHAN DU GNAS SKABS DER GANG 'TSAM GYI CHOS STON PA DANG, ZHI SOGS KYI LAS DANG GRUB PA BRGYAD SOGS DNGOS GRUB CI RIGS PA STZAL ZHING, NAM ZHIG BAR DO'I SNANG BA SHAR MA THAG RJES SU 'DZIN PAR 'GYUR BA NI, GANG ZAG DBANG PO 'BRING BSNYEN BSGRUB LAS GSUM LA BRTEN NAS GROL TSUL YIN NO, ,GSUM PA GANG ZAG DBANG PO THA MA DE LTAR MA GROL KYANG, DA DUD SGYID LUG ZHUM PA MI BYA BAR NYAMS SU BLANGS PAS NAM 'CHI BA'I TSE, SHER DBANG GI LAM MTSON PA'I RDZOGS RIM GYI RNAL 'BYOR DANG, NANG GI MKHA' SPYOD BSGRUB PA BSAM MI KHYAB, THUN MONG MA YIN PA'I BSDU RIM GNYIS PO GANG RUNG RE RES KYANG 'CHI BA 'OD GSAL CHOS KYI SKU LAS BAR DOR LDANG BA NA RDO RJE RNAL 'BYOR MA'I BZLAS BSGOM BYED PA'I SNANG BA 'BYUNG ZHING, DE LA BRTEN NAS DUS DE NYID DU RDO RJE RNAL 'BYOR MA MKHA' SPYOD KYI DPA' BO MKHA' 'GRO'I TSOGS DANG BCAS PAS SGRUB PA PO SENG GE'I KHRI LA BZHAG ,'JA' 'OD KYI GUR PHUB, ME TOG GI CHAR 'BEBS, ROL MO'I SGRA SGROG BZHIN DU

MKHA' SPYOD DU NGES PAR 'KHYER BA 'GYUR BA DBANG PO THA MA'I GROL LUGS YIN NO, ,BZHI PA GANG ZAG DBANG PO THA SHAL LAS KYANG CHES THA SHAL DU GYUR PA, LAS NYON GYI SGRIB PA SHIN TU CHE ZHING, BRTZON 'GRUS CHUNG BA SOGS KYIS DE LTAR MA GROL BA SRID TSE, SKYE BA PHYI MA'AM SKYE BA BCU DRUG TSUN CHAD DU NGES PAR PHYAG RGYA CHEN PO MCHOG GI DNGOS GRUB THOB PAR NGES PA NI, DBANG PO YANG MTHA' SMON LAM GYI GROL TSUL YIN NO, ,SMRAS PA, RJES THOB KHYER SO GSUM LDAN SPYOD LAM SOGS, ,SO SOR RGYAS 'BRING BSDUS RNAMS MA NOR GCES, ,BCU GCIG MTHAR PHYIN LAM GYI BGROD LUGS RNAMS, ,JI BZHIN THOB PHYIR 'BAD BRTZON BSKYED CIG GU ,ZHES PA BAR SKABS KYI TSIGS SU BCAD PA'O,, ,,DE DAG LAS KYANG CHES MYUR BAR BYED PA'I THABS 'DA' KHA MA'I MAN NGAG ZAB MO NYAMS SU BLANG BAR BYA STE, SA SKYA'I GDUNG RGYUD RIM PAR ZHAL SHES SU BYON PA'I MAN NGAG KUN LA MED PA'I ZAB CHOS 'PHO BA'I GDAMS PA LA, 'PHO BA DNGOS, 'CHI LTAS BRTAG PA, LAS LA SBYAR BA GSUM, DANG PO LA, RJE BTZUN YAB YUM ZHAL SBYOR LA BRTEN PA'I 'PHO BA DANG, YUM RKYANG GI 'PHO BA GNYIS LAS, DANG PO NI, DBAN PA'I GNAS SU MTSAMS DAM DU BCAD LA, ZHAG BDUN TZAM DU SBYONG ZHING, DE YANG RANG NYID BDAG BSKYED BZLAS PA GTOR 'BUL BCAS SNGON DU BTANG NAS, THUN MTSAMS

, ,KYIS LHAR GSAL BA'I SKU LUS STONG RA'I DBUS SU, RTZA DBU MA RAG DUNG MGO MJUG LDOG PA LTA BU, MAS SNE PHRA BA LTE BA'I THAD DU SLEB PA MTHIL NYI GDAN DMAR 'KHYIL LE BAS SMYUG TSIG LTAR BKAG CING, YAS SNE TSANGS BUG TU RGYA MTHONG LTAR HA RE YOD PA, DBU MA'I MAS SNE'I NANG NYI GDAN STENG DU, RANG SEMS DANG RLUNG BAm YIG GSUM 'DUS KYI NGO BO RNAL 'BYOR MA DMAR MO RGYAN CHA LUGS RDZOGS SHING, GDAN DANG ZHABS GNON MED PA MTHEB SOR TZAM ZHIG GSAL BTAB, RANG GI SPYI BO'I THAD KYI MDUN GYI NAM MKHAR ZHAL SPROD TSUL DU, {SENGGE} CHEN PO BRGYAD KYIS BTEGS PA'I RIN PO CHE'I KHRI SNA TSOGS PADMA NYI MA 'JIGS DUS KYI STENG DU, RTZA BA'I BLA MA DPAL HE RU KA'I RNAM PA CAN, SKU MDOG AINdA NI LA LTAR SNGO BA ZHAL GCIG PHYAG GNYIS RDOR DRIL 'DZIN PAS YUM RDO RJE RNAL 'BYOR MA DMAR MO GRI THOD 'DZIN PA DANG MNYAM PAR SBYOR BA, YAB PHYAG RGYA DRUG DANG, YUM LA PHYAG RGYA LNGAS BRGYAN PA'I SKUR GSAL BTAB, KHRI'I STENG GI MTHA' BSKOR KUN TU SANGS RGYAS BYANG SEMS DPA' BO MKHA' 'GRO CHOS SRUNG SKYABS YUL TSOGS THAMS CAD SPRIN PHUNG GTIBS PA LTAR BZHUGS SHING, 'JA' 'OD KYI GUR PHUB, MA TOG GI CHAR 'BEBS, ROL MO'I SGRA SGROGS SHING MKHA' SPYOD KYI ZHING DNGOS SU BSAM, TSOGS ZHING GTZO BO YAB YUM

GYI SPYI BOR {AOm} DKAR PO, MGRIN PAR {A'A:} DMAR PO, THUGS KAR H'Um SNGON POS MTSAN PAR BSAM, DE LAS 'OD ZER 'PHROS PAS RANG BZHIN GYI GNAS NAS BSGOM PA DANG 'DRA BA'I YE SHES PA SPYAN DRANGS, GNYIS MED DU THIM PAR MOS, RANG NYID RNAL 'BYOR MAR GSAL BA'I THUGS KA NAS, MCHOD PA'I LHA MO'I TSOGS SPRO ZHING, AOm SHRI TZA KRA SAMBHA RA SA PA RI V'A ? RA'AM, AOm SARBA ? T'A THA GA TA'I MTHA' MCHOD SNGAGS BTAGS PA'I NYER SPYOD PHYAG RGYA BCAS 'BUL ZHING NANG MCHOD KYIS MCHOD, CHOS DBYINGS RNAM DAG NGANG LAS MA GA-YOS KYANG, ,ZHES SOGS CI RIGS PAS BSTOD, DE NAS CHAGS ZHEN YOD NA 'PHO BA MI 'GRUB PA BYA NAM MKHAR 'PHUR BA'I RKANG PA RDO LA BTAGS PA DANG 'DRA BAS, TSE 'DI'I NYE DU LONGS SPYOD SOGS 'KHOR BA'I PHUN TSOGS LA ZHEN CHAGS SKYE BA'I YUL GANG YIN THAMS CAD BLA MA YAB YUM LA 'BUL ZHING 'KHRI BA RBAD CHOD DU BTANG, DE NAS GDUNG SHUGS DRAG POS, DUS GSUM SANGS RGYAS THAMS CAD KYI NGO BO DPAL LDAN BLA MA DAM PA RIN PO CHE LA GSOL BA 'DEBS SO, ,BDAG 'DZIN BLO YIS THONGS PAR BYIN GYIS RLOBS, ,DGOS MED RGYUD LA SKYE BAR BYIN GYIS RLOBS, ,LAM MCHOG 'PHO BA 'BYONGS PAR BYIN GYIS RLOBS, ,'CHUG MED MKHA' SPYOD BGROD PAR BYIN GYIS RLOBS, ,ZHES GDANGS DBYANGS SAM SHAR MA GANG RIGS KYIS GSOL 'DEBS GRANGS CI RIGS

, ,YID 'KHUL NGES SU BRJOD, 'PHO BA LA RLUNG BUM PA CAN RANG GAL CHE ZHING, BUM PA CAN 'BYONGS NA MI DGOS KYANG, LAS DANG PO BAS BUM PA CAN DANG DMIGS PA STABS CIG TU BLOR SHAR DKA' BAS, 'OG RLUNG 'THEN TZAM BYAS LA, DMIGS PA 'OG RLUNG DES DBU MA'I MAS SNE'I NYI DKYIL PHUL, NANG GI RNAL 'BYOR MA NYI GDAN DANG BCAS PA YER GYIS BTEG PAR BSAM LA, NGAG TU AI HI KA ZHES PA'I GDANGS RING ZHING SHUGS DRAG PO BRJOD DE, DPA' BO MKHA' 'GROS ROL MO'I 'UR CHEM BSGRAG PA DANG CHABS CIG RANG SEMS RNAL 'BYOR MA SKAR MDA' 'PHANGS PA BZHIN DU TSANGS BUG NAS THON, MDUN GYI NAM MKHA'I BLA MA HE RU KA'I THUGS KAR BSTIM LA BLA MA'I THUGS DANG RANG SEMS DBYER MED DU BSRES NAS BDE STONG GI NGANG DU CHAMS KYIS BZHAG ,YANG KA ZHES BRJOD CING BLA MA'I THUGS LAS RANG SEMS RNAL 'BYOR MA ZUR DU DBYE STE, TSANGS BUG NAS DBU MAR BRGYUD MAR ZHUGS SNGAR LTAR NYI GDAN LA 'KHOD PAR BSAM, TSUL DE LTA BUS THUN RE LA BRGYA 'AM NYER GCIG SOGS CI NUS KYIS SBYONG, DMIGS PAS DUB NA BAR BAR DU GDANGS SNYAN PO'I SGO NAS GSOL 'DEBS KHA SHAS BYA BA SPEL MAR BYED, THUN MTHAR TSOGS ZHING 'KHOR RNAMS GTZO BO HE RU KA YAB YUM LA THIM ZHING, YUM PHAG MO DANG GDAN SENG

KHRI YANG BLA MAR THIM, BLA MA HE RU KA JA CHUNG DU GYUR PA RANG GI TSANGS BUG NAS MAR ZHUGS, SKU'I 'OD KYIS DBU MA'I YAS SNE 'UB KYIS 'DUS TE GSER GYI RDO RJE RGYA GRAM MAM DGA' 'KHYIL GANG RUNG GIS DAM DU BKAG, SNYING KHAR BZHUGS SHING LTE BA'I RANG SEMS RNAL 'BYOR MA DANG, SPYAN GZIGS RES MDZAD PAS GNYIS KA'I THUGS RGYUD RJES CHAGS BDE BA CHEN POS MNYES TE 'OD KYI RNAM PAR ZHU LA KHAD DU GYUR PA'I SKU LAS 'CHI MED BDUD RTZI DKAR DMAR GYI RGYUN BABS PAS RANG GI LUS MER GYIS GANG, 'CHI MED TSE YI DNGOS GRUB THOB PAR BSAM, LTE BA'I RNAL 'BYOR MA SNYING GA'I HE RU KA LA BSTIM PA'AM, LTE BAR 'JOG PA GANG BDE BYA DES 'PHO RAB TSE THUNG BA'I GEGS SEL DU GSUNGS, GNYIS PA RJE BTZUN YUM RKYANG GI 'PHO BA NI, TSOGS ZHING GTZO BO RNAL 'BYOR MA LA GZHAN GONG LTAR, RANG RNAL 'BYOR MAR BSAM ZHING STONG RA BSGOM, RTZA DBU MA YANG SNGAR LTAR LA MAS SNE ZLA DKYIL GYIS BKAG PA'I MAS SNER RANG SEMS {BAm} YIG GAM, THIG LE DMAR PO 'PHAR LA KHAD PA 'PHUR LA KHAD PAR BSAM, TSOGS ZHING LA YE SHES PA SPYAN DRANGS SHING BSTIM, MCHOD BSTOD ZHEN CHAGS SPANGS PA, GSOL 'DEBS TSIG 'PHRAD BSGYUR BA TZAM LAS GONG LTAR BYA, RLUNG RO BUS, 'OG RLUNG YAR 'THEN PAS, DBU MA'I MAS SNE'I ZLA DKYIL PHUL NAS RLUNG BUD PA DANG MNYAM DU, RANG SEMS

, ,{BAm} YIG ZLA GDAN DANG BCAS PA TSANGS BUG NAS RGYANGS DER THON, SPYI BO'I BLA MA RNAL 'BYOR MA'I THUGS KAR THIM PAR BSAM ZHING DAR CIG LTA THOG TU BZHAG YANG SNA NAS RLUNG RNGUB PA DANG MNYAM DU BLA MA RNAL 'BYOR MA'I THUGS LAS RANG SEMS BAm YIG GI RNAM PAR BYE BA, TSANGS BUG NAS ZHUGS DBU MA BRGYUD SNGAR GYI GNAS SU 'KHOD PAR BSAM LA BUM CAN BZUNG, BUM CAN SKABS DMIGS PA GA-YENGS NA GEGS BSKYED PAS GRIM PAR BYA DGOS GSUNGS, GONG LTAR 'PHO BA GNYIS PO GANG YIN KYANG, RES 'GA' RNAM SHES SPYI BOR 'PHOS PA DANG LHAN DU SKED PA GYED TZAM BYED PA NI, 'PHO BA'I 'PHRUL 'KHOR ZHES BYA ZHING, MAR PHAB NAS LTE BAR GNAS TSE RLUNG KHA SBYOR CI THUB 'DZIN, MI THUB NA RANG BABS SU BZHAG ,RLUNG DANG SBYAR BA'I 'PHO BA NI, THOG MAR 'BYONGS DKA' YANG PHYIS BRTAN PO 'BYUNG LA, SNGAGS DANG BSTUN PA'I 'PHO BA 'BYONG SLA YANG MI BRTAN PA YIN, DE LTAR SBYANG SBYANGS PAS 'BYONG RTAGS SPYI GTZUG ZAB DANG, 'KHRIG PA DANG, SKRANGS PA DANG, RNAG KHRAG CHU SER RDOL BA SOGS 'BYUNG ZHING, LHAG PAR CHU SER RDOL NA MI NYAMS SHING BRTAN PA YIN, PHYI RTAGS SU MKHA' SPYOD 'GRUB PA'I LTAS, SGRUB KHANG LA 'JA' GUR PHUB PA, ME TOG GI CHAR DANG, DRI BZANG PO'I NGAD LDANG BSOGS YID CHES PA'I MTSAN MA BYUNG

NAS; SROD THUN GYI SKABS SU MI BRJED TZAM LAS MI BYA ZHING, ,RTAG TU BSGOM NA TSE THUNG ZHING THAL BA'I SKYON YOD GSUNGS, GNYIS PA 'CHI BLTAS BRTAG PA NI, 'CHI LTAS MA BRTAGS PAR GYA TSOM DU 'PHOS NA, LUS KYI LHA BSAD PA'I RTZA LTUNG 'BYUNG BAS 'DIR MDOR BSDUS TZAM DU, NYIN GRANGS DU MA'I BAR SNA BUG GA-YAS NAS RLUNG BSTUD MAR RGYU BA, MIG GI YAS LCIB MDZUB MOS MNAN PAS 'OD DMAR KHYIL KHYIL MI 'BYUNG BA, RNA BA LAG PA GNYIS KYIS MNAN PA'I TSE 'UR SGRA MI 'BYUNG BA RNA BA'I AU RTA CHAD PA, SNGA GRO NYI MA RTZE SHAR LA NYI MAR RGYAB BSTAN NAS SDAD PAS MGO BO'I GRIB MA LA RLANG 'BYUNG BA DE NYAMS PA, LAG PA GA-YAS KYI KHU TSUR DPRAL BAR GTAD, GRU MO PUS MO'I STENG NA BTZUG ,MKHRIG MA'I MTSAMS SU MIG CER TE BLTAS PAS RBAD KYIS CHAD PA SOGS NYE BA'I 'CHI LTAS YIN ZHING, DES MTSON GSO SPYAD KYI GZHUNG DANG, SLOB DPON DAG DBANG GRAGS PA'I 'CHI BSLU SOGS LAS RGYAS PAR BSHAD PA'I 'CHI LTAS KYI RIGS RNAMS NGES PAR BYAS NAS, DA DUNG 'CHI LTAS BYUNG ZHES STAB STOB TU MI 'PHO BAR, TSE SGRUB, SROG BSLU, NYE'U 'DON PA SOGS 'CHI BA BSLU BA'I THABS SNA TSOGS BYA ZHING, DE DAG GANG GIS KYANG MI BZLOG PA 'DUG NA, GSUM PA LAS LA SBYAR BA NI, NOR RDZAS LONGS SPYOD THAMS CAD DGE PHYOGS SU BTANG LA GANG LA'ANG CHAGS ZHEN MED PAR BYA,

, ,DE NAS, BLA MA DNGOS SU BZHUGS NA DBANG ZHU, MA BZHUGS NA BDAG 'JUG BYA ZHING DBANG BLANG LA DAM TSIG NYAMS CHAGS KYI NYES PA THAMS CAD BSHAGS, 'PHO BA'I DUS KYANG PHYI DBUGS CHAD NAS NANG DBUGS MA CHAD PA'I BAR DER 'PHO BAR BSHAD KYANG, GNAD DU 'GRO BA DKA' BAS NGES PA'I 'CHI LTAS KYIS ZIN PHYIN NAD MA BYUNG GONG NAS 'PHO ZHING, GAL TE NA BA'I GNAD GCOD SOGS KYIS DMIGS PA MI GSAL BA NA, GROGS DAM TSIG GTZANG BA ZHIG GIS RNA LAM NAS GSAL GDEB TU GZHUG LA RANG GIS DMIGS PA BSKYAR, 'PHO DMIGS SOGS GZHAN SBYONG SKABS LTAR LA RNAM SHES YANG YANG DU YAR SPOR BA LAS MAR MI 'BEB, GSOL 'DEBS SKABS LAM MCHOG 'PHO BA THEBS PAR BYIN GYIS RLOBS ZHES BSGYUR RO, ,DE LTAR BYAS PAS 'CHI KHA DANG BAR DO'I 'JIGS SKRAG MYONG MI DGOS PAR MKHA' SPYOD RIG PA 'DZIN PA'I ZHING DU NGES PAR SKYES NAS DER LAM GYI LHAG MA RNAMS NYAMS SU BLANG STE RDO RJE 'CHANG GI GO 'PHANG TSE DE NYID LA NGES PAR THOB PAR 'GYUR RO, ,'DI'I MKHA' SPYOD RIG 'DZIN GYI ZHING NI, RIG PA 'DZIN PA RNAMS KYI LAS DANG SMON LAM GYI MTHU LAS GRUB PA YIN PAS 'DIR YONG ZHES TSAD ZUNG DU MED PA ZHIG GO, SMRAS PA, RGYAL KUN MKHYEN BRTZE NUS GZUGS GCIG 'DUS DPYID, ,MTSAN DPE ZLA BA DAG PA'I SNANG BRNYAN

GANG; ;'GRO KHAMS RDZING BUR 'CHAR BA'I RDZU 'PHRUL LA, ,DPAL MO MKHA' SPYOD DGA' MAR MTSAN DU SNYAN, ,GA-YO MED TING 'DZIN GSER GYI SA GZHI LAS, ,LEGS SPRUL MKHA' SPYOD RIG 'DZIN DPAG BSAM RTZER, , GRUB BRGYA RO BDA'I 'BRAS KHUR GA-YUR ZA BA, ,SKAL BZANG RNAM SAD NYER 'TSO'I DPAL DU SMIN, ,LAM ZAB MCHOG 'DIR 'BAD PAS BSGRUBS DE'I MTHUS, ,YID 'ONG DGA' MA BYU RU'I MDANGS 'DZIN MA'I, ,'JAM GNYEN PHYAG GIS MKHRIG MA NAS BZUNG STE, ,RIG 'DZIN DGA' MA'I GRONG DER 'KHRID PAR SMON, ,ZHES PA'ANG BAR SKABS KYI TSIGS SU BCAD PA'O,, ` ,,RNAM KUN MCHOG LDAN SHES RAB PHA ROL PHYIN, ,BDE CHEN HE RU KA DPAL DGYES SKONG SLAD, ,RJES CHAGS NYAMS BRGYA'I DPAL 'BAR LHA MO'I SKUR, ,YONGS SHAR BLA MA MKHA' SPYOD DBANG MOS SKYONGS, ,GSANG MTHA'I LAM GYI MTHAR THUG SNYING PO'I DON, ,RAB ZAB RDO RJE'I LUS LA GNAD BSNUN NAS,, TSE 'DIR ZUNG 'JUG RIGS BRGYA'I KHYAB BDAG GI ,GO 'PHANG MNGON BYED LAM 'DI BSNGAGS PA'I 'OS, ,RNAM MANG TSIG TSOGS LO MA'I KHUR BU DAG ,STUG POR 'KHRIGS MIN SNYING PO DON GYI 'BRAS, ,RAB 'DUD BLA MA'I ZHAL GDAMS 'CHI MED BCUD, ,SBYIN {'DAm} THAR 'DOD YONGS KYI BLANG BYA'I GNAS, ,GNYIS PA GROL BYED RDZOGS PA'I RIM PA NI, RNAL 'BYOR GSANG MTHA'I THUN MONG MA YIN PA'I MAN NGAG ZAB MO RDZOGS PA'I RIM

, ,PA 'DIR RGYAS PAR SLOB DPON NAG PO SPYOD PAS DPAL 'KHOR LO SDOM PA'I RTZA BSHAD KYIS RGYUD THAMS CAD KYI DON GYI BCUD PHYUNG STE BKRAL BA, MKHA' 'GRO BRDA'I SKAD DU AO LA PA TI STE, BOD SKAD DU RDZOGS RIM RIM PA BZHI PAR GRAGS PA DANG, 'BRING PO GRUB CHEN RDO RJE DRIL BU PAS RJE BTZUN RNAL 'BYOR MA LAS DNGOS SU GSAN PA'I ZAB CHOS DRIL BU RIM LNGA ZHES PA DANG, BSDUS PA RNAL 'BYOR GYI DBANG PHYUG LO H'I PAS, DPAL SHA WA RI PA LAS MNOS PA'I RDZOGS RIM BSDU BA GSUM PA ZHES BYA BA RNAMS SU YOD PA LAS, DE DAG THAMS CAD GNAD DON 'DUS SHING ZAB KHYAD CHOS 'PHAGS SU GYUR PA NI, 'DIR GANG BSHAD PAR BYA BA'I CHOS PAn CHEN N'A RO TA PAS, RJE BTZUN RDO RJE RNAL 'BYOR MA LAS DNGOS SU GSAN PA'I GDAMS PA, RJE BTZUN YUM GYI THUN MONG MA YIN PA'I RTZA DBU MA ZHES BYA BA 'DI NYID YIN ZHING, 'DI NYID ZAB PA'I RGYU MTSAN YANG, JI SKAD DU, CHOS KYI PHUNG PO BRGYAD KHRI DANG, ,BZHI STONG DAG GI CHO GA YIN, ,'DUS KYI DE NYID MI SHES PAS, ,DE DAG THAMS CAD 'BRAS MED GSUNGS, ,ZHES GSUNGS PA LTAR, RGYU PHA ROL TU PHYIN PA'I THAG PAR MA ZAD, BYA SPYOD RNAL 'BYOR GYI RGYUD RNAMS SU GSUNGS PA'I LAM GYI RIM PA DAG LA YANG, RTEN SBYANGS GZHI LA GNAD DU BSNUN PA'I THABS MED PAS, DUS YUN RING POR SKAL PA GRANGS

MED DU MA ZHIG LA SA BCU GCIG TZAM ZHIG MNGON DU BYED PA LAS, ZUNG 'JUG RDO RJE 'CHANG GI GO 'PHANG TSE 'DI NYID LA STER MI NUS SHING, 'KHOR LO BZHI LA GNAD DU BSNUN PA'I THABS STON PA'I RDZOGS RIM RNAMS KHYAD PAR DU 'PHAGS MOD KYI, 'KHOR LO BZHI'I RTZA BA YANG DBU MA GCIG PU LA 'DUS PAS, DER RLUNG SEMS MA ZHUGS NA, GNYIS MED KYI YE SHES MI RTOG ,BZUNG 'DZIN GYI MDUD RGYA MI KHROL BAS DMAN ZHING, RTZA DBU MA GCIG PU NYID LA GNAD DU BSNUN PAS, SNYIGS DUS KYI TSE THUNG GCIG KHO NAR ZUNG 'JUG RDO RJE 'CHANG GI GO 'PHANG STER BAR BYED PAS NA SHIN TU ZAB CING KHYAD PAR 'PHAGS PA'I RGYU MTSAN TE, DE YANG DPE GSUM GYIS STON PA NI, DANG PO BSHAN PA SROG GI GNAD LA MKHAS PA NI, GLANG PO CHE LTA BU'I SROG CHAGS CHEN PO ZHIG GSOD PAR, GNAD MI SHES PA DU MAS DE'I RKANG LAG SOGS LA MTSON CHUNG DU MANG DU BSNUN KYANG MYUR DU MI 'CHIL, BSHAN PA SROG GI GNAD LA MKHAS PAS, SROG GI RTZA LTA BUR KHAB LTA BU'I MTSON PHRA MO ZHIG BTAB PAS DE MA THAG 'CHI BAR BYED, DE BZHIN DU SBYANG GZHI GANG NA GNAS PA'I GNAD MI SHES PAR LAM LA JI LTAR 'BAD KYANG, BDE CHEN GYI YE SHES MI SKYE ZHING, SBYANG GZHI'I GNAD SHES PA'I DMIGS PA CHU DUS KYANG LHAN SKYES KYI YE SHES MYUR DU BSKYED PAR BYED DO, ,GNYIS PA SHING MKHAN SHING GI GNAD LA MKHAS PA NI, RGYA GAR LHO PHYOGS d'A KI

, ,NE LE PA TA ZHES, BOD SKAD DU MKHA' 'GRO SRUNG BA ZHES PA'I YUL DU, SHING SDONG PHYOGS RE RE NAS BCAD KYANG PHYOGS RE RE NAS SKYE BA ZHIG YOD PA DE GNAD MI SHES PAS STA GRI BRGYA PHRAG MANG PO BSNUN KYANG GCOD MI NUS PA LA, GNAD SHES PA ZHIG GIS SHING LA CHU RGYU BA'I GNAD CHE SA ZHIG TU GZER LTA BU CHUNG NGU ? ZHIG BSNUN PAS DE NAS CHU RNAMS PHYIR PHYUNG STE, MI RING BAR SDONG PO DE SKAM NAS 'GYEL 'GRO BA BZHIN DU, GNAD MA SHES PA'I LUNG RIGS GTAN TSIGS DU MAS KHA PHYIR LTA'I DPYAD PA MANG DU BYAS KYANG GZUNG 'DZIN JE 'PHEL LAS RNAM RTOG GCOD MI NUS LA, GNAD DANG LDAN PA'I GDAMS PA CHUNG DUS KYANG GNYIS SNANG ? RANG GROL DU GCOD PAR BYED DO, ,GSUM PA SGYU MA MKHAN 'KHRUL 'KHOR GYI GNAD LA MKHAS PA NI, RGYA GAR NUB PHYOGS SU RGYAL PO TZDZA DE W'A 'AM BH'A LA TA ZHES BYA BA'I KHANG PA'I SGOR, SHING GI MI RENG RAL GRI'I 'KHRUL 'KHOR RGYUN MI CHAD DU BSKOR BAS BSRUNG NAS, GNAD MI SHES PA RNAMS NANG DU ZHUGS KYANG SHING GI MIS RAL GRIS GSOD PAR BYED PA LA 'KHRUL 'KHOR GYI GNAD SHES PAS, GSANG THAG GI SKUD PA PHRA MO GCIG GCAD PA NA, 'KHRUL 'KHOR DE THAMS CAD RANG SAR 'GYEL NAS BDE BAR 'GRO BTUB PA BZHIN DU, GNAD MI SHES PAS RTZA RLUNG SBYONG BSOGS 'BAD RTZOL MANG PO BYAS KYANG, RLUNG SEMS DBU MAR 'JUG MI NUS

LA; GNAD SHES PAS MAN NGAG CUNG ZAD TZAM GYIS KYANG, RLUNG SEMS DBU MAR MYUR DU 'JUG NUS PA YIN PAS, DE LTA BU'I ZAB GNAD DANG LDAN PA'I LAM DE NYAMS SU LEN PA LA YANG, RDZOGS RIM THUN MONG BA CHOS NYID DNGOS SU STON PA DANG, CHOS NYID BRGYUD NAS STON PA GNYIS LAS DANG PO CHOS NYID DNGOS SU STON PA NI, DPER NA PHYI'I RGYA MTSO CHEN PO LTA BAR 'DOD PA'I MI ZHIG GIS RGYA MTSO'I GNAS TSUL NI JI LTA BU ZHIG YIN ZHES DRIS PAR, RGYA MTSO'I RGYUS YOD PA ZHIG GIS, RGYA MTSO CHEN PO NI, GTING ZAB PA, RGYA SHIN TU CHE BA, KHA DOG SNGO BA, DAM GNAG PA, LBU BA DKRIGS PA, BA TSVA'I RO DANG LDAN PAS BTUNG MI RUNG BA, CHU SRIN MANG PO NYE BAR GNAS PA ZHIG GO ZHES BSHAD PAS DRI BA PO DE'I RGYUD LA, RGYA MTSO'I TSUL 'OL SPYI TZAM ZHIG 'CHAR BA BZHIN, MDUN DU MAndAL LA SOGS PA'I BRDA' THABS LA BRTEN NAS SEMS KYI GNAS LUGS NGO SPRAD PAS DON SPYI'I TSUL TZAM RGYUD LA SKYE BAR 'GYUR ZHING, DON DNGOS SU RTOGS PAR NI MI 'GYUR LA, SNGON GYI BAG CHAGS SAD RGYU YOD PA DAG LA NI MA NGES SO, ,GNYIS PA CHOS NYID BRGYUD NAS STON PA NI, DPER NA, RGYA MTSO'I GNAS TSUL SHES PAR 'DOD PA'I MI DE LA; RGYA MTSO'I RGYUS MNGA' BA ZHIG GIS, RGYA MTSO'I DOGS ? SU BGROD PAR BYED PA'I LAM GYI TSUL LEGS PAR BSTAN CING MI DES KYANG LAM DER ZHUGS TE PHYIN PAS, RGYA MTSO'I 'GRAM DU SLEBS TE MTSAN NYID

, ,DNGOS SU MTHONG BA BZHIN DU, BLA MAS BSKYED RDZOGS KYI LAM LEGS PAR BSTAN PA BZHIN DU MA 'KHRUL PAR NYAMS SU BLANGS PAS, MTSON BYED DPE'I YE SHES RGYUD LA SKYE ZHING, DE'I RGYUN GOMS PAR BYAS PAS MTSON BYA DON GYI YE SHES MNGON SUM DU RTOGS PAR 'GYUR BA YIN LA, DES NA SKABS 'DIR DE LTA BU'I CHOS NYID BRGYUD NAS STON PA'I GDAMS NGAG DE NYID 'CHAD PAR BYED PA LA, GZHI CHOS CAN 'KHOR BA'I GNAD, LAM BSGOM PA'I GNAD, 'BRAS BU SANGS RGYAS KYI SA'I GNAD DANG GSUM YOD PA LAS, DANG PO NI, SEMS CAN RNAMS 'CHI BA'I TSE, LUS KYIS KHAMS CHU LA THIM, CHU ME LA THIM, ME RLUNG LA THIm, RLUNG RNAM SHES LA THIM, RIM GYIS LUGS 'BYUNG GI SNANG BA DKAR LAM MCHED PA DMAR LAM, NYER THOB NAG LAM RNAMS SHAR BA RIM GYIS 'GAGS TE, DUG GSUM LAS GYUR PA'I RANG BZHIN BRGYAD CU'I RTOG PA RNAMS KYANG 'GAGS NAS, GZHI'I 'OD GSAL DE NYID 'CHAR KYANG, LHAN CIG SKYES PA'I MA RIG PAS BSLAD DE NGO MA SHES PAS DE MA THAG TU LUGS LDOG GI NYER THOB NAG LAM, MCHED PA DMAR LAM; SNANG BA DKAR LAM RNAMS RIM PAS SHAR ZHING, RANG BZHIN BRGYAD CU'I RTOG PA RNAMS KYANG MNGON DU GYUR TE, DE NAS BAR SRID 'CHAR BA STE BAR DO'I LUS GRUB CING, DE YANG DBANG PO KUN TSANG BA, 'OD LUS

KHRU GANG PA MNGON SHES PHRA MO DANG LDAN PA, LUS LA KHAMS DKAR DMAR MED PAS NYI ZLA'I SNANG BA MED PA'I MUN NAG GNAS PA RTZA MED PAS GA-YO BA RLUNG KHA RGYAL TE, SHING BA LA RLUNG GIS BSKYOD PA LTAR YAL YOL CHAD CHOD KYIS PHYOGS THAMS CAD DU DBANG MED DU 'GRO BA SOGS MA NGES PA'I RTAGS DRUG DANG LDAN LA, GSHIN RJE'I PHO NYA'I SNANG BA DANG, KHA CHAR RLUNG DANG MUN NAG GI SNANG BA SOGS 'KHRUL SNANG SDUG BSNGAL DRAG PO DANG LDAN PA ZHIG TU 'GYUR ZHING, TSE TSAD ZHAG BDUN RE LA YANG RTAGS THAMS CAD 'CHAR BZHIN DU SHI ZHING, YANG BAR DO'I LUS GRUB STE BAR DOR GNAS TSAD KYANG THUNG MTHA' NGES MED KYANG, RING MTHA' RGYAL BA YANG DGON PA'I BZHED PA LTAR LO'I BAR SDOD PA'ANG YOD LA, PHAL CHER RING MTHA' ZHAG ZHE DGU DANG, THUNG MTHA' BDUN PHRAG BAR DU BAR DOR 'KHYAMS SHING, DE LTA BU'I BAR DO'I SEMS CAN DE NYID RDOS BCAS KYI LUS MED PAS SKYO NAS LUS 'TSOL BA'I SNANG BAS PHYOGS THAMS CAD DU SONG BAR, JI ZHIG NA LAS KYI DBANG GIS SKYE BA PHYI MA'I PHA MA DE GNYIS NYAL PO BYED PA RMI LAM BZHIN DU MTHONG ZHING, DE YANG PHOR SKYE NA MA LA CHAGS SHING PHO LA SDANG BA DANG, MOR SKYE NA PHA LA CHAGS SHING MA LA SDANG BA SKYES TE, BAR DO'I RNAM SHES DE NYID PHA'I KHA LAS BRGYUD, MA'I MNGAL DU CHAGS SDANG GIS NYING ? MTSAMS SBYAR TE, PHA'I KHAMS DKAR PO'I DVANGS MA YUNGS 'BRU PHYED GSUM TZAM DANG, MA'I KHAMS

, ,DMAR PO'I DVANGS MA YUNGS 'BRU GSUM TZAM 'DRES PA'I DBUS SU BAR DO'I RNAM SHES DE NYID 'THUM PA NA BRGYAL BA'I RNAM PA CUNG ZAD KYI MTHAR, BDE STONG GNYIS MED KYI DANG DU GNYIS SNANG NUB PA'I 'OD GSAL MNGON SUM DU SHAR TE ZHAG BDUN DU GNAS SHING, NGO 'PHROD NA SKYE BA SPRUL SKUR SANGS RGYA YANG, BSGOM STOBS KYI NGO MA 'PHROD PAS BRGYAL BA LTA BUR GYUR PA'I TSE NYER THOB NAG LAM GYI SNANG BA SHAR BAR, SNGAR DUS YUN RING MO'I SKABS SU NGO SHES PA ZHIG BAR SKABS MA MTHONG BA DANG 'PHRAD PA NA, 'DI YIN GSAL BAR NGO MI SHES PA'I YID BLONG BLONG POR 'CHAR BA BZHIN, 'DI ZHES NGOS 'DZIN MI NUS PA'I RNAM RTOG PHRA MO YANG YANG SKYES PAS 'OD GSAL DE LA 'DZIN PA PHRA MO ZHIG ZHUGS PAS RANG GI LTE BA GRUB RGYU'I THAD KHU KHRAG DE'I DBUS SU RTZA DBU MA RTA RNGA BRGYAR GSHAGS PA'I TSAD TZAM ZHIG ,AA NA HA TA ZHES MI SHIGS PA'I YI GE'I GZUGS SU GRUB, YANG MCHED PA DMAR LAM GYI SNANG BA SHAR BAS, SNANG BA THAMS CAD STONG PA CIR YANG MA GRUB PA ZHIG YIN PAR 'DUG SNYAM DU, STONG SANG DER 'DZIN PA ZHUGS PAS DBU MA DANG, DE'I GA-YAS SU RO MA DMAR MO RTA RNGA BRGYAR GSHAGS PA'I TSAD TZAM ZHIG GRUB, YANG SNANG BA DKAR LAM GYI SNANG BA SHAR BAS SNANG BA THAMS CAD 'OD GSAL BAR 'DUG SNYAM DU GSAL BA LA 'DZIN PA ZHUGS PAS DBU MA DE'I GA-YON DU RKYANG MA DKAR MO RTA RNGA BRGYAR GSHAGS

PA'I TSAD TZAM ZHIG GRUB, DE NAS RTZA 'KHOR THAMS CAD LAS LTE BA'I RTZA 'KHOR SNGON DU CHAGS PA YIN TE, LTE BA'I THAD NAS DBU MA LAS PHYOGS BZHIR RTZA 'DAB BZHI CHAGS BA'I DBUS SU NAM MKHA'I RLUNG DANG KHAMS KYI {DVANGS} MA'I RANG BZHIN GRI GUG GI SO LTA BU, SHAR GYI 'DAB MAR RLUNG GI RLUNG DBYUG PA LTA BU, LHO'I 'DAB MAR ME'I RLUNG TSEG DRAG LTA BU, NUB KYI 'DAB MAR SA'I RLUNG THOD GUG LTA BU, BYANG GI 'DAB MAR CHU'I RLUNG THIG LE LTA BU RNAMS CHAGS, LTE BA'I RTZA 'DAB BZHI PO DE NAS PHYOGS MTSAMS BRGYAD DU RTZA 'DAB BRGYAD GYES PA'I MDUN NAS GA-YON SKOR DU, AA KA TZA tA PA TA YA SHA STE KHAMS KYI {DVANGS} MA YIG 'BRU BRGYAD PA'I RNAM PAR GNAS PA, DE RE RE LAS 'BYUNG BA LNGA'I RLUNG CHA MNYAM RE RE RGYU, 'DI DANG DUS MNYAM DU SNYING GA'I RTZA 'KHOR YANG CHAGS, LTE BA'I RTZA 'DAB BRGYAD PO DE'I PHYI ROL TU RTZA 'DAB BCUR GYES PA'I MDUN NAS BZUNG STE GA-YON SKOR DU, RTZA 'DAB DANG POR RTZA BA'I SA RLUNG STOBS CHE BA GCIG , GNYIS PAR YAN LAG GIS RLUNG STOBS ZHAN PA GCIG ,DE YI MTSAN RTZA 'DAB GNYIS SU RTZA BA YAN LAG GI CHU RLUNG STOBS CHE CHUNG GNYIS, DE'I MTSAN RTZA 'DAB GNYIS SU ME RLUNG DRAG ZHAN GNYIS, DE'I MTSAN ? DU RLUNG GI RLUNG DRAG ZHAN GNYIS, DE'I MTSAN ? NAM MKHA'I RLUNG DRAG ZHAN GNYIS TE 'BYUNG RLUNG RNAMS RGYU, DE'I PHYI ROL TU RTZA 'DAB BCU GNYIS SU GYES PAR, MDUN NAS BZUNG STE RIM BZHIN, AA A'A, AI A'I, AU A'U, AE AEE, AO AOO,

, ,AAm A'A: STE DBYANGS BCU GNYIS 'KHOD PA'I DBYANGS THUNG DU DANG PO DRUG DANG A'A: LAS PHO RLUNG DANG, DBYANGS RING PO DRUG DANG AAm LAS MO RLUNG RGYU ZHING, DE YANG PHO RLUNG THAMS CAD RO MA DANG ,MO RLUNG THAMS CAD RKYANG MAR ZHUGS TE, RLUNG RNAMS PHAN TSUN DU THAG 'THAG PA'I SNA RIS BZHIN DU RGYU, DE'I PHYIR RTZA 'DAB SUM CUR GYES PA LA MDUN NAS BRTZAMS TE MTHAR GNAS BZHI SPANG BA'I, KA KHA GA GHA NGA, TZA TSA DZA DZHA NYA, tA THA dA dHA nA, TA THA dA dHA NA, PA PHA BA BHA MA, SHA sHA SA HA KshA: ZHES PA RNAMS GNAS PA'I SDE PA DRUG GI DANG PO, KA TZA tA TA PA SHA RNAMS LAS SA RLUNG RGYU, KHA TSA thA THA PHA shA RNAMS LAS CHU RLUNG RGYU, GA DZA dA DA BA SA RNAMS LAS ME RLUNG; GHA DZHA dHA DHA BHA HA RNAMS LAS RLUNG GI RLUNG RGYU, DA NYA nA NA MA KshA: RNAMS LAS NAM MKHA'I RLUNG RGYU, DE YANG RNAM SHES ZHON PA PO'I MI ZHVA BO LTA BU DANG, RLUNG BA ZHON PA'I RTA LTA BUR 'GYUR, DUG GSUM GYI RTOG PA JE MANG DU 'PHROS PAS RO RKYANG DBU GSUM LAS GYES PA'I RTZA PHRAN JI SNYED PA RNAMS CHAGS SHING, DE YANG RLUNG GI BZHON PA CAN GYI RNAM SHES DE, LTE BA'I RTZA RNAMS SU GNAS TSE RNAM RTOG RAGS PA YOD KYANG GSAL BAR MI 'CHAR LA, SNYING GAR SLEBS SHING RNAM SHES TSOGS DRUG RGYU BA'I RTZA RNAMS SU SLEBS PA'I TSE DON SPYI'I TSUL DU GSAL BA 'CHAR ZHING, MGRIN PA'I RTZA 'KHOR DU SLEBS TE MING TSIG GI BRJOD PA SNA TSOGS RGYU

PA'I RTZA YIG 'BRU'I RNAM PA CAN RNAMS SU ZHUGS PA'I TSE, 'DI DANG 'DI'O ZHES THA SNYAD SO SOR 'CHAR RO, ,DE NAS RTZA DE RNAMS KYI BAR BAR DU, CHU RGYUS, RUS PA, KHRAG SHA, PAGS PA SOGS GRUB CING, RIM GYIS, MER MER PO, NUR NUR PO, GOR GOR PO, LTAR LTAR PO, MKHRAD 'GYU BA DANG, NYA DANG, RUS SBAL SOGS MNGAL GYI GNAS SKABS BCU RIM GYIS RDZOGS NAS, LUS RDZOGS PAR GRUB STE, ZLA BA DGU'AM BCU NAS PHYI ROL DU BTZA' BAR 'GYUR ZHING, RTZA DBU MA'I NANG DANG, DE LAS GYES PA'I RTZA RNAMS SU RNAM SHES DANG RLUNG ZHUGS NA 'OD GSAL 'CHAR BA YIN KYANG, RO RKYANG GNYIS KYI RTZA 'KHOR SO SO'I THAD NAS DBU MA LA BCAR TE GNAS PAS, DER RLUNG DANG RNAM SHES KYI RGYU BA 'GAGS TE RGYU STONG SKAM PO LTAR BAG LA ZHA BA'I TSUL GYIS GNAS SHING, RO RKYANG GNYIS DANG, DE LAS GYES PA'I RTZA 'DAB JI SNYED PA RNAMS SU RLUNG SEMS KYI 'GRO 'OD BYAS PAS, GZUNG 'DZIN GNYIS SNANG GI RTOG PA JI SNYED CIG 'CHAR TE 'KHOR BAR 'KHOR BA YIN NO, ,DES NA RTZA 'DAB GRANGS MED PA DE DAG THAMS CAD, RTZA DBU RKYANG RO GSUM DU 'DUS SHING, RO RKYANG GNYIS KYANG DBU MAR 'DU BA YIN ZHING, DER RLUNG SEMS ZHUGS NA 'OD GSAL 'CHAR BAS, NANG GI PHO NYA GSUM LAS, MCHOG DBU MA DANG, 'BRING PO DZA AO WA SOGS YUL NYER BZHI'I RTZA RNAMS DANG, THA MA DBU MA LAS GYES PA'I BYE BA PHRAG PHYED BZHI'I NRTZA PHRAN RNAMS YIN, DE DAG LA PHO

, ,NYA ZHES 'DOGS PA'I RGYU MTSAN YANG RGYAL PO LTA BU'I BYA BA MYUR DU SGRUB PAR BYED PA DE LA PHO NYA'AM, BANG CHEN NAM, BYA MA RTA ZHES BRJOD PA BZHIN, 'DIR YANG GNYIS MED LHAN SKYES KYI YE SHES MYUR DU BSKYED PAR BYED PAS NA PHO NYA ZHES BTAGS SHING, MCHOG 'BRING DMAN GSUM GYI RGYU MTSAN KYANG, BYE BA PHRAG PHYED BZHI'I RTZA PHRAN RNAMS LA GNAD DU BSNUN PAS BDE CHEN GYI YE SHES MYUR DU SKYE MI NUS PAS PHO NYA THA MA DANG, DE LAS YUL NYER BZHI'I RTZA RNAMS MYUR BAS PHO NYA 'BRING DANG, DE LAS KYANG CHES MCHOG TU MYUR BA NI DBU MA YIN PAS PHO NYA MCHOG CES BYA ZHING PHYI NANG GSANG BA'I RIGS LDAN MA GSUM LAS DBU MA LA NANG GI RIGS LDAN MA ZHES BYA'O, ,DES SBYANG GZHI RTZA THAMS CAD KYI NANG NAS GTZO BO DBU MA DANG, 'KHOR LO LNGA'I NANG NAS GTZO BOR LTE BA'I 'KHOR LO NYID YIN NO, ,GNAD 'DI DAG THOG MAR NGES PAR BYA BA NI SMAN PAS NAD NGOS 'DZIN PA LTA BU'O, ,GNYIS PA LAM BSGOM PA'I GNAD LA, SPYIR 'DI'I RDZOGS PA'I RIM PAR, SNYING GA'I DBUS KYI DPYID CES PA'AM, BHA SANT ZHES PA YAB HE RU KA'I NGO BO BDE CHEN YE SHES H'Um CHA LNGA PA'I RNAM PAR BZHUGS LA, DPYID CES BYA BA'I DON YANG 'JIG RTEN NA, DGUN GRANG BA DANG, DBYAR CHAR SER SOGS KYI SDUG BSNGAL DANG BCAS SHING, RNAM ZLA DPYID GRANG DRO SNYOMS SHING LJON SHING ME TOG SOGS KHA 'BUS

PA'I RTEN 'BREL GYIS, LUS CAN RNAMS BDE BA RGYAS PA'I DUS YIN PA LTAR, 'DI LA'ANG GANG LA GNAD DU BSNUN PAS BDE CHEN BSKYED PA'I DON GYIS BTAGS LA, NAM ZLA DPYID 'BYUNG BA'ANG SA CHU DROS PA LA RAG LAS PA BZHIN, SNYING GA'I DPYID BSKUL BAR BYED PA'ANG, LTE BA NA TI LA KA 'AM, BAm YIG CES PA YUM RNAL 'BYOR MA'I NGO BO, LTE BA'I RTZA MDUD GRU GSUM KHAMS DMAR PO NYIS MA DANG, GSUM MA DANG, AA THUNG SKYER CHER MGO MJUG BLDOG PA'I RNAM PAR BZHUGS PA DE NYID LA GNAD DU BSNUN DGOS PAS, DES NA RE ZHIG 'DIR NANG GI HE RU KA BSKUL BA BTANG SNYOMS SU BZHAG NAS, NANG GI PHAG MO LA GNAD DU BSNUN PA'I THABS, RTZA DBU MA'I RNAL 'BYOR 'CHAD PA LA, CHAGS CAN DBU MA'I LAM LA DGA' BA DANG, CHAGS BRAL RNAL 'BYOR GYI LAM LA DGA' BA GNYIS LAS, DANG PO, CHAGS CAN GYIS LAM PADMA CAN SOGS LAS KYI PHYAG RGYA DANG MNYAM PAR SBYOR TE; RTZA THIG RLUNG GSUM LA GNAD DU BSNUN PA'I TSUL NI RJE BTZUN GRAGS PA RGYAL MTSAN GYI GSUNG LAS 'BYUNG BA LTAR LA 'DIR BTANG SNYOMS SU BZHAG ,GNYIS PA CHAGS BRAL GYI RNAL 'BYOR LA RLUNG SEMS DBU MAR BSDU BA'I RNAL 'BYOR DANG, BSDUS NAS BSGOM PA'I RNAL 'BYOR GNYIS, DANG PO LA, RLUNG SBYANGS PA DANG, BSDU BA DNGOS GNYIS, DANG PO LA GNAS SHIN TU DBEN PAR BSAM GTAN GYI STAN LA RKANG PA RDO RJE SKYIL KRUNG,

, ,LAG PA GNYIS MNYAM GZHAG MTHE BONG LTO SBYAR BA LTE 'OG TU BCAR, SGAL TSIGS DRANG POR BSRANG, AOL KOS AOL MDUD NON PA TZAM BKUG ,MIG SMIN MTSAMS THAD KYI BAR SNANG DU HA RE LTA BA'AM, SNA RTZER PHAB, DPUNG PA RGOD GSHOG LTAR BRGYANG, SO DANG MCHU RANG BABS SU BZHAG CING LCE RTZE YA RKAN LA SBYAR BA STE, LUS RNAM SNANG GI CHOS BDUN LDAN DU BYAS PAS PHAN YON DPAG MED 'BYIN PA, SPRE'U'I GTAM RGYUD SOGS GSUNGS SO, ,SKYABS 'GRO NAS ZHAR BYUNG RDZOGS RIM YIN PAR RGYUN GYI NYAMS LEN LTAR, YANG NA BLA MA'I RNAL 'BYOR GYI BLA MA DANG RANG SEMS 'DRES PA'I NGANG DE GA LAS, RANG NYID SKAD CIG GIS RNAL 'BYOR MA SKU MDOG PHYAG MTSAN RGYAN CHA LUGS SOGS YONGS SU RDZOGS PAR KHRA LAM GYIS GSAL BTAB, DE'I SKU LUS THAMS CAD 'OD KYI RANG BZHIN DAR DMAR GYI GUR PHUB PA'AM, PHRU MA PHUS BTAB PA LTA BU PHYI GSAL NANG GSAL SNYAN SHOG DANG PHYAG ZHABS KYI SOR RTZE TSUN CHOD STONG SANG DE BA'I STONG RA BSGOM PAS GEGS MI 'BYUNG, DE NAS RANG LUS KYI DBUS DRANG POR RTZA RO RKYANG GNYIS 'DUS PA'I NGO BO RTZA DBU MA SBA LCAG TZAM, YAR SNE SPYI GTZUG TU KLAD RGYA'I THAD DU ZUG PA ZLA DKYIL CHUNG NGUS KHA BCAD PA, MAR SNE LTE 'OG SOR BZHI TZAM DU ZUG PA, RGYA SKYEGS KYI KHU BA LTAR DMAR BA, TIL GYI MAR ME LTAR GSAL BA, PADMA'I 'DAB MA LTAR SRAB PA, CHU SHING GI SDONG

PO LTAR DRANG BA STE KHYAD CHOS BZHI LDAN DU GSAL, DBU MA'I MAS SNE'I NANG DU ZLA BA'I DKYIL 'KHOR CHUNG DUS SMYAG TSIGS LTAR KHA DA CHED DU BKAG PAR BSAM, DBU MA'I YAR SNE KLAD RGYA'I ? NANG DU YIG MGO GYEN BSTAN GYI AOm DKAR PO CHU RLUNG GI RANG BZHIN, GA-YAS SU SA RLUNG GI RANG BZHIN AOm SER PO, RGYAB TU ME RLUNG GI RANG BZHIN DZEm DMAR PO, GA-YON DU RLUNG GI RANG BZHIN KHAm LJANG GU, MDUN DU NAM MKHA'I RLUNG GI RANG BZHIN H'Um SNGON PO STE DPA' BO 'BRU LNGA GSAL BTAB, RLUNG RO SBYANGS PA LA, LAG GA-YAS RDO RJE RTZE GSUM PHYAG RGYAS SNA BUG GA-YAS BKAG NAS, RLUNG GA-YON NAS SANGS LAN GSUM BUS LA ZHE SDANG GI RTOG PA RNAMS DAG PAR MOS, DE NAS LAG GA-YON GYI PHYAG RGYAS SNA BUG GA-YON BKAG STE, RLUNG RO SANGS KYIS LAN GSUM BUS LA 'DOD CHAGS KYI RTOG PA DAG PAR MOS, DE NAS SNA BUG GNYIS KA NAS LAN GSUM BUS LA GTI MUG GI RTOG PA RNAMS BYANG BAR MOS TE RLUNG RO DGU PHRUGS RNAMS SU BSAL, DE NAS DBU MA'I YAS SNE'I AOm DKAR PO LAS 'OD ZER DKAR PO 'PHROS, PHYOGS BCU'I RGYAL BA RNAMS KYI ME LONG YE SHES KYI BYIN RLABS THAMS CAD 'OD DKAR PO'I RNAM PAR TSUR BSDUS SPYI BO'I AOm DKAR PO DE LA THIM PAS ME LONG YE SHES DANG CHU RLUNG GI NGO BO THIG LE DKAR PO SRAN MA'AM, YUNGS 'BRU'I TSAD TZAM DU GYUR, DBU MA'I MAS SNE'I ZLA DKYIL CHUNG NGU'I DBUS SU BABS PAR BSAM LA, STENG RLUNG SA LEN MA'I

, ,TSUL DU SNA SGO'I SPU MI 'GUL BAR RDUBS LA MCHIL MA SGRA MED ZHIG NANG DU BSKYUR 'OG RLUNG LAS DANG PO PAS CHER MI 'THEN PAR GSUNGS PAS, 'OG SGO 'DZUM TZAM BYAS LA, RLUNG KHA SBYOR BUM CAN BZUNG ZHING DMIGS PA BSKYANG, MI THUB NA DAL BUS RANG 'GROS SU BTANG, DE 'DRA YANG YANG BYA, YANG DBU MA'I YAS SNE'I GA-YAS KYI AOm SER PO LAS 'OD ZER SER PO SPROS, RGYAL BA RNAMS KYI MNYAM NYID YE SHES KYI BYIN RLABS BSDUS AOm LA THIM PA LAS, MNYAM NYID YE SHES DANG SA RLUNG GI NGO BO THIG LE SER POR GYUR, MAS SNE'I ZLA DKYIL STENG GA-YAS SU BABS PAR BSAM LA GONG LTAR BUM CAN BZUNG, YANG SPYI BO'I DZEm DMAR PO LAS 'OD ZER DMAR PO 'PHROS, RGYAL BA RNAMS KYI SOR RTOGS YE SHES KYI BYIN RLABS BSDUS DZEm LA THIM PA LAS, SOR RTOGS YE SHES DANG ME RLUNG GI NGO BO THIG LE DMAR POR GYUR NAS, MAS SNE'I ZLA DKYIL STENG RGYAB TU BABS PAR BSAM LA BUM CAN BZUNG, YANG SPYI BO'I KHAm LJANG GU LAS 'OD ZER LJANG GU 'PHROS, RGYAL BA RNAMS KYI BYA GRUB YE SHES KYI BYIN RLABS BSDUS KHAm LA THIM PA LAS, BYA GRUB YE SHES DANG RLUNG GI NGO BO'I THIG LE LJANG GUR GYUR; MAS SNE'I ZLA DKYIL STENG GA-YON DU BABS PAR BSAM LA BUM CAN BZUNG, YANG SPYI BO'I H'Um SNGON PO LAS 'OD ZER SNGON PO 'PHROS, RGYAL BA RNAMS KYI CHOS DBYINGS YE SHES KYI BYIN RLABS BSDUS H'Um LA THIM PA LAS,

CHOS DBYINGS YE SHES DANG NAM MKHA'I RLUNG GI NGO BO THIG LE SNGON POR GYUR, MAS SNE'I ZLA DKYIL STENG MDUN DU BABS PAR BSAM LA BUM CAN BZUNG, DE NAS DBU MA'I MAS SNE'I ZLA DKYIL STENG DU, DBUS SU THIG LE DE RNAMS DKAR PO, GA-YAS SU SER PO, GA-YON DU LJANG GU RGYAB TU DMAR PO, MDUN DU SNGON PO RNAMS LA SEMS BZUNG NAS RLUNG KHA SBYOR CI THUB THUB TU 'DZIN, RTZA THIG RLUNG GSUM THIG LE DE RNAMS LA TSANG TSUL LEGS PAR BSAM, DE LTAR BSGOM PAS RLUNG LNGA'I KHA DOG SO SOR MTHONG BA SOGS RTAGS RNAMS 'CHAR BAR 'GYUR RO, ,SMRAS PA, GSANG BA'I RDZOGS RIM MTHAR THUG DBU MA'I KHRID, ,DPE GSUM DON GYI CHOS NYID BRGYUD STON PAR, ,'KHOR BA'I GNAS TSUL NGES RNYED CHAGS BRAL LAM, ,RLUNG SEMS DBU MAR 'DU TSUL KHYAD PAR 'PHAGS, ,ZHES PA BAR SKABS KYI TSIGS SU BCAD PA'O, ,GNYIS PA SNGON 'GRO TZAdAN LI BSGOM PA DANG, DBU MA KHA DBYE BA GNYIS LAS, DANG PO NI, GTUM MO BSGOM TSUL TE, DE YANG LUS GNAD CHOS BDUN LDAN GONG LTAR BYAS LA, RANG LHAR GSAL BA'I LUS KYI NANG THAMS CAD STONG RA GSAL GDAB CING, LUS KYI DBUS DRANG POR RTZA DBU MA KHYAD CHOS BZHI LDAN MDA' SMYUG 'BRING PO TZAM, GA-YAS SU RO MA DMAR MO, GA-YON DU RKYANG MA DKAR MO GNYIS GRO SOG TZAM, GSUM GSHIB TU REG LA MA 'BYAR BA YA YO KHYAR KHYOR MED CING DRANG THA LE

, ,BA; DBU MA'I YAS SNE TSANGS BUG TU ZUG CING, MAS SNE LTE 'OG SOR BZHI'I THAD DU SLEBS PA, RO RKYANG GNYIS KYI YAS SNE TSANGS BUG NAS MDUN DU GUG STE SNA BUG GNYIS SU HA RE THUG CING, MAR SNE DBU MA DANG RING THUNG MNYAM ZHING, LTE BA'I BU GA'I THAD NAS BZUNG RTZA GSUM KA SBUB GCIG TU GYUR PA LDI RE BA, RTZA GSUM KA'ANG 'OD KYI RANG BZHIN PHYI NANG MI SGRIB CING DVANG SING NGE BA GSAL BTAB, DE NAS LTE BA'I THAD RTZA GSUM SBUB STONG GCIG TU GYUR PA'I NANG DER, NANG GI TZAdAN LI 'AM GTUM MO ZHES MA LAS THOB PA'I KHAMS DMAR PO NYIS MA DANG GSUM MA DANG, LTE BA'I AA THUNG BAm YIG GI NGO BOR GNAS PA DE NYID, SKABS 'DIR YI GE DBU CAN GYI RAm YIG DMAR NAG SRAN MA'AM RIL MA CHUNG NGU TZAM ME'I RANG BZHIN CAN THIG LE N'A D'A SHIN TU PHRA BA GSUM 'KHYOG 'DAR ZHING GA-YO BA SBUS BRIS PA LTA BU DROD TSA 'U RE BA GSAL BTAB, DE NAS RLUNG RO GSAL BAR SNGAR LTAR LAG PA'I PHYAG RGYA'AM, MIG LTA STANGS KYIS BCUN TE, THOG MAR SNA BUG GA-YON, DE NAS GA-YAS, DE NAS DBUS, YANG DE 'DRA TSAR GNYIS TE DGU PHRUGS SU SANGS KYIS 'BUD CING, DUG GSUM ZHI BA'I DMIGS PA SOGS BYED MI DGOS, DE NAS STENG RLUNG SA LEN MA'I TSUL DU SNA SGO'I SPU MI 'GUL BAR DAL BUS NANG DU RNGUBS LA MCHIL MA SGRA MED ZHIG MID PA DANG MNYAM DU LTE BA'I THAD DU LDIG

GIS MNAN, 'OG RLUNG 'OG SGO 'BYED 'DZUM TZAM BYAS TE PHYED TZAM YAR DRANGS PA KHA SBYOR DU BZUNG LA, DMIGS PA NI, LTE BA'I RTZA GSUM MDO'I RAm ME YI RANG BZHIN CAN, DE NYID STENG 'OG GI RLUNG GNYIS POS DRAG TU BUS PAS, RTZE MO ME LCE GSAL ZHING DVANGS LA TSVA REG BZOD PAR DKA' BA DMAR HUR GYIS 'BAR ZHING, RAm DE YANG ME DMAR NAG 'BAR BAR GYUR PAS, LTE BA'I RTZA GSUM 'DUS KYI SBUB STONG DE DMAR DING DE DROD TSA 'U RE BA LA SEMS GTAD CING, GSAL THEBS NA 'DZIN MED DU CHAM MER BZHAG ,RTOG PA 'PHRON RAm YIG NYID GSAL 'DEBS, DE YANG RNAM PA MA GSAL NA DROD MI SKYE, BRJOD MED DU MA BZHAG NA MU STEGS BYED KYI GTUM MO DANG KHYAD MED CES GSUNGS ZHING, DANG POR ME GSO BA'I DMIGS PA LA NAN TAN BYA, THOG MA NAS ME CHER 'BAR BA LA SEMS BZUNG NA DMIGS PA 'BYAM STE YON TAN BUL BAR GYUR, DE LTA BU'I NGANG NAS RLUNG ZUG SOGS CHER MA SKYES BAR DU BZUNG, DA DUNG AU TSUGS KYIS BZUNG NA GEGS KYI RGYUR 'GRO BAS, SNA SGO'I SPU MI 'GUL BAS TSOD KYIS PHYIR RANG 'GROS SU BSHAD KYIS BTANG, YANG GONG LTAR NANG DU RNGUBS LA KHA SBYOR DMIGS PA DANG BCAS TE BZUNG, 'OG RLUNG 'THEN NE BA MA BYAS NA RLUNG GI YON TAN MI SKYE BAS RGYUN DU CUNG ZAD RE 'THEN NE BYA'O, ,DE LTAR THUN RE LA BUM CAN NYER GCIG GAM BRGYA RTZA SOGS CI THUB BZUNG STE ZHAG BDUN GYI BAR SOGS SU BSGOM PAS, 'BYONGS RTAGS SU RAB KHANG PA'I NANG TSUN

, ,CHAD DANG, THA MAR YANG LTE BA MCHAN 'OG GNYIS, RKANG PA'I SGYID CHU'I 'OG GNYIS SOGS LUS KYI KHOL BUR DROD TSA CHIL CHIL 'PHYUR BA DANG, KHA SKAM PA SOGS 'BYUNG ZHING, DE YANG MI BDE BA MED PAR DROD 'PHYUR NA TSAD DU KHYOL BA YIN, TSU ZUG SOGS MI BDE BA SKYES NA, LTE BA'I RAm YIG SHIN TU GSAL ZHING PHRA BA LA SEMS GTAD NA GEGS SEL DU 'GRO ZHING, 'DI NI GTUM MO'I ME KHA GSO BA ZHES BYA BA LAS DANG PO BAS DBU MA KHA DBYE'I DMIGS PA LA'ANG ME DMIGS 'DI RANG ZAB CING, THIG LE LA DMIGS PA GTAD DRAG NA 'DZAG GEGS YOD CES GSUNG NGO, ,GNYIS PA DBU MA KHA DBYE BA LA, RTZA GSUM SOGS GONG LTAR GSAL BTAB CING, SNGAR LTAR RLUNG BUM CAN BZUNG BAS LTE BA'I RAm MER 'BAR BA'I BAR SNGAR LTAR LA, RAm DE NYID LAS ME LCE TSA RNO 'AM DAR BA RIM GYIS CHAD PA DBU MA PHRA BA'I NANG DU ZHUGS MA THUB PAR RO RKYANG GNYIS KYI NANG DU YAR DMAR 'UR 'UR 'BAR, LUS KYI NANG THAMS CAD NYI MA DANG ME'I DROD KYIS GDUNG BA LTAR TSAL MA GYIS SONG BAS, LUS KYI RTZA STONG PHRAG BDUN CU RTZA GNYIS DANG, RTZA PHRAN BA SPU'I GRANGS MNYAM BYE BA PHRAG PHYED BZHI'I NANG DU GNAS PA'I RTZA KHAMS KYI SNYIGS MA THAMS CAD RANG SHUGS KYIS SKAM ZHING BSREG STE MI DMIGS PAR GYUR, RTZA DE DAG TU GNAS PA'I KHAMS KYI DVANGS MA THAMS CAD DNGUL CHU LTAR

BU RO RKYANG GNYIS KYI NANG NAS MAR BDE CHI LIR BAB, LTE BA'I RTZA GSUM 'DUS KYI SBUB STONG MER GYIS GANG BAR BSAM LA RLUNG BUM CAN BZUNG, DE NAS 'OG RLUNG CUNG ZAD 'THEN PAS, LTE BA'I SBUB STONG NANG GI KHAMS DKAR PO DE RNAMS DBU MA'I NANG NAS YAR SONG STE, SPYI BO NAS LTE 'OG SOR BZHI'I BAR GYI DBU MA'I NANG THAMS CAD THIG LE'I DVANGS ZHUN DNGUL CHU ZHU BA LTA BUS BRAN PAS BDE CHEN YE SHES BSKYED NUS PAS LTEM GYIS GANG BAR MOS LA BUM CAN BZUNG ZHING, MTHAR RIG PA 'DZIN MED DU HAD DER 'JOG ,DE NI RLUNG SEMS DBU MAR BSDU BA'I 'JUG PA STE SNGON 'GRO'I RIM PA'O, ,SMRAS PA, RTZA GSUM LTE BAR NANG GI TZANdA LI, ,TSA REG BZOD DKA'I RAm YIG DMIGS GTAD KYI, , 'DZIN MED NGANG NAS YANG YANG BSGOM 'DI DO ,MI KHA GSO ZHES SHIN TU ZAB PA'I GNAD, ,CES PA BAR SKABS KYI TSIGS SU BCAD PA'O, ,GNYIS PA DNGOS GZHI RLUNG SEMS DBU MAR BSDUS ZIN NAS BSGOM PA'I MAN NGAG LA, RLUNG LUS LA BCUG NAS BDE BA BSGRUB PA DANG, SEMS LA BCUG NAS STONG PA BSGRUB PA GNYIS, DANG PO BDE BA BSGRUB PA NI, DE NAS RO RKYANG GNYIS DBU MA'I NANG GI THIG LE RNAMS DANG BCAS PA 'JA' YAL BA LTAR RANG YAL DU SONG, DBU MA RKYANG PAR GNAS PA'I YAR SNE SPYI GTZUG NAS MAR GUG STE SMIN MTSAMS SU BUG PA HA RE YOD PA'I SMIN MTSAMS SU CHOS 'BYUNG DMAR PO GDENG KHA CHE BA MDUN NGOS SU BSTAN ZHING, RTZA BA PHRA BA'I NGOS SU BUG PA YOD PAR

, ,DBU MA'I YAS SNE KHRIG GI TSUD PAR BSAM, DBU MA'I MAS SNE BHA GA PADMA DMAR PO 'DAB MA BRGYAD PA'I RNAM PA CAN GYI ZE'U 'BRU'I DBUS SU SOR PHYED DO TZAM BUG PA HA RE YOD PA DANG, DE'I SNER CHOS 'BYUNG DMAR PO GDENG KHA CHE BA PHYIR THUR DU BSTAN PA'I RTZA BA PHRA BA'I NGOS SU BU GA YOD PAR DBU MA'I MAS SNE KHRIG GER TSUD PAR BSAM, DE NAS SMIN MTSAMS KYI CHOS 'BYUNG DE'I GDENGS KA CHE BA'I NANG DU THIG LE KHA DOG DKAR PO SNGO MDANGS CUNG CHAGS PA 'OD KHA DOG SNA LNGA KHRA PHROM PHROM BA SRAN CHUNG TZAM, SKAD CIG KYANG SDOD MI TSUGS PA 'DAR PHRI LE BA, BDE BA'I RANG BZHIN CAN ZHIG LA RLUNG SEMS ZHUGS PA LTAR BUM CAN DANG SBRAGS DMIGS PA BZUNG ZHING, SMIN MTSAMS SU BDE LHANG LHANG PA DANG, GRANG SHUM SHUM PA DANG, TSA KHYUG KHYUG PA DANG, NA KAR KAR BA, ZA BA, 'PHRIG PA SOGS BDE GSAL GYI RTAGS BCU 'CHAR BA 'BYONGS PA'I TSAD YIN ZHING, DE DAG BYUNG TSE, THIG LE DE NYID DBU MA NAS ZHUGS TE SPYI GTZUG GI DBU MA GUG PA DER RI RTZER SKAR MA SHAR BA BZHIN 'OD PHRI LI LI SDOD PAR SEMS BZUNG BAS GONG GI RTAGS RNAMS BYUNG NA; YANG SPYI BO'I THIG LE DE LAS BDE BA'I RANG BZHIN CAN GYI KHAMS DKAR PO SHEL DKAR BZHU BA'I KHU BA LTA BU SBOM PHRA DAR SKUD PHRA MO TZAM ZHIG SKYA NAR GYIS BABS PA'I SNE MOR THIG LE MU TIG GI RDOG LTA BU HRI LE YOD PA

ZHIG ;DBU MA'I NANG NA MAR BDE HRI LI LI 'PHYANG NAS, DBU MA'I NANG MGRIN PA'I THAD DU SLEBS PAR BSAM LA, THIG LE DE GA-YO ZHING 'TSER BAR SEMS BZUNG ZHING YAS BAB KYI DGA' BA BSKYED, RIM GYIS GONG LHAR MAR 'PHYANG STE, SNYING GAR MCHOG DGA', LTE BAR KHYAD DGA', GSANG GNAS KYI CHOS 'BYUNG NANG DANG, CHOS 'BYUNG GI PHYIR SOR DO ? SOR BZHI TZAM DU NAR GYIS 'PHYANG BAR BSAM LA LHAN SKYES KYI DGA' BA BSKYED, DE LTAR BSGOM PAS, BDE BA CHE DRAG PA DANG, 'DZAG GEGS SOGS BYUNG NA NYAMS DANG BSTUN GIN THIG LE PHYIR NAR BA CHOS 'BYUNG GI NANG DU BSDU, DE NAS RLUNG PHYIR 'PHO MED DU BZUNG BA'I RKYEN GYIS THIG LE DE NYID YAR LTE BAR RGYANGS KYIS SONG BAR BSAM ZHING MAS BRTAN GYI DGA' BA BSKYED, RIM GYIS GONG LTAR SNYING GAR MCHOG DGA', MGRIN PAR KHYAD DGA', SPYI GTZUG TU SPRO GZHI'I THIG LE DE NYID LA THIM PAR BSAM LA, LHAN SKYES KYI DGA' BA BSKYED, DE LTAR BYAS PAS LUS KYI CHA THAMS CAD LA BDE BA BSAM GYIS MI KHYAB PA BRJOD DU MED PA, ZAG MED KYI BDE BA YIN NAM SNYAM PA ZHIG GIS KHYAB PAR GYUR PA'I TSE, GRANG BA DANG CHA BA'I REG BYA SOGS LA BRTAGS PAS, GDUNG BA MI SKYE BAR BDE BA 'BA' ZHIG TU 'CHAR NA TSAD DU 'KHYIL BA'O, ,GONG GI DMIGS PA SPYI BYE BRAG THAMS CAD DANG, KHYAD PAR YAS BAB MAS BRTAN GYI DGA' BZHI'I DUS SU BDE STONG SPYAR NAS

, ,BSGOM PA GNAD SHIN TU CHE'O, ,DE LTAR RLUNG LUS LA BCUG PA'I DMIGS PAS KHAMS KYI SNYIGS MA THAMS CAD DAG NAS KHAMS KYI DVANGS MA 'BA' ZHIG GI LUS THAMS CAD RGYAS PAR 'GYUR BA YIN NO, ,SMRAS PA, DBU MAR BSDU ZIN LEGS GOMS SGOM GYI GNAD, ,SNYIGS THAD KHAMS KYI DVANGS MA 'PHEL STOBS KYIS, ,YAS DANG MAS BRTAN DGA' BZHI 'GRUB PA YI, ,BDE STONG GNYIS MED BSAM BRJOD YUL LAS 'DAS, ,ZHES PA BAR SKABS KYI TSIGS SU BCAD PA'O, ,GNYIS PA RLUNG SEMS LA BCUG NAS STONG PA SGRUB PA NI, RANG LHAR GSAL BA'I LUS STONG RA'I DBUS RTZA DBU MA YAR SNE SMIN MTSAMS DANG, MAR SNE GSANG GNAS SU THAD BCAD KYI RNAM PA BU GA HA RE YOD PAR BSAM, SMIN MTSAMS KYI DBU MA'I NANG DU THIG LE KHA DOG LNGA LDAN KHRA CHEMS PA, SRAN CHUNG TZAM BDE BA'I RANG BZHIN CAN ZHIG BSGOM, DE DBU MA'I NANG NAS YAR SGRIL TE SPYI GTZUG DBU MA'I GUG MTSAMS NANG DER, RI MTHON PO'I RTZE LA SKAR CHEN SHAR BA LTAR 'DAR PHRI LE YOD PAR BSAM, DE LA DMIGS PA GTAD PAS, DE LAS 'OD ZER KHA DOG LNGA LDAN 'JA' TSON LTA BU BUN LONG GIS 'PHROS, DBU MA'I NANG THAMS CAD GANG, DE LAS KYANG PHYIR 'PHROS, LUS KYI NANG THAMS CAD GANG BAS RANG LUS 'JA' TSON KHA DOG LNGA LDAN DU BSGYUR, SLAR YANG 'OD KHA DOG LNGA LDAN LUS KYI

PHYI ROL DU 'PHROS PAS, GNAS KHANG, YUL PHYOGS, SA PHYOGS, STONG GSUM GYI 'JIG RTEN KHAMS KYI SNOD BCUD THAMS CAD REG PA TZAM GYIS BDE BA CHEN PO'I RNAM ROL 'JA' TSON SNA LNGA'I RANG BZHIN DU BUN LONG LONG KHRA SHIG SHIG PA'I RNAM PAR BSAM LA, BDE STONG GNYIS SU MED PA'I NYAMS GSAL STONG 'DZIN PA MED PA RANG RIG RANG NGO SHES TZAM LAS MNYAM PAR BZHAG ,DE NAS PHYI ROL GYI 'OD DE DAG THAMS CAD TSUR 'DUS, RANG LUS 'JA' TSON DU GYUR PA LA THIM, DE YANG RIM GYIS TSUR 'DUS SPYI GTZUG GI RTZA BA'I THIG LE LNGA LDAN DE LA THIM, DE NYID KYANG RANG YAL DU SONG BAR BSAM LA, BDE STONG GNYIS MED KYI NYAMS GSAL STONG 'DZIN PA MED PA RANG RIG RANG NGO SHES TZAM DU MNYAM PAR BZHAG ,DE LAS LDANG BA NA, STONG NYID DE'I NGANG LAS RANG GI SMIN MTSAMS KYIS TSOD THAD DU THIG LE LNGA LDAN DE NYID THOL GYIS GSAL BTAB, DE NAS RANG LUS LHA SKU DANG, DBU MA BCAS SNGAR LTAR GSAL BTAB LA, SMIN MTSAMS KYI THIG LER SEMS BZUNG BA, SPYI BOR SPO BA, RANG DANG SNOD BCUD 'JA' 'OD DU BSGYUR BA, STONG NYID LA MNYAM PAR 'JOG PA SOGS SNGAR LTAR DMIGS PA BSKYAR, DE LTAR BSGOM PAS RLUNG SEMS LA BCUG PA'I DMIGS PAS, LUS KYI KHAMS RNAMS STONG GZUGS 'JA' TSON GYI RNAM PAR BSGYUR BAR BYED PA STE 'BYONGS RTAGS, LUS THAMS CAD BDE BAS KHYAB PA, YANG ZHING GRIB

, ,MA SRAB PA'AM MI 'BYUNG BA, LAG PA SOGS NYI ZER LA BLTAS PAS PHYI GSAL NANG GSAL LTA BU 'BYUNG BA, RKANG RJES CHUNG DU 'GRO BA, 'OD LNGA LDAN DU MTHONG BA, SGRUB KHANG LA 'JA' ZUG ? PA SOGS 'BYONGS RTAGS BYUNG TSE DE BRTAN PAR BYA BA'I PHYIR, KUN 'DAR GSANG SPYOD CES, THOG MAR RLUNG GI REG BYA LTA BU SNGAR MI BZOD PA'I GRANG NGAD CHES GCIG TU BSDAD LA, RANG LUS SNOD BCUD THAMS CAD 'JA' TSON DU BUN NE BA LA DMIGS PA GTAD NAS STONG NYID BSGOM PAS, SNGAR RLUNG GIS GRANG REG MI BZOD PA GCIG 'CHAR BA DE MI 'BYUNG ZHING, BDE CHEN DU LHANG LHANG 'CHAR GYIN 'DUG NA, ME'I 'OD DANG, NYI MA DANG, CHU SOGS LA SNGAR LTAR SBYANGS ZHING LTA, DE DAG GIS MI GNOD NA, GROGS LTAR BUR DBYUG PAS DAL BUS BRDUNG DU BCUG LA GONG LTAR DMIGS PA GTAD PAS BDE BA'I NGO BOR 'CHAR BA 'DUG NA DBYUG PAS CHER BRDUNGS TE SBYONGS, DE NAS GRI MTSON LA SOGS PA BRGYAB KYANG SKYON DU MI 'GYUR ZHING BDE CHEN 'CHAR BA NA, GSANG SPYOD CES PA DUR KHROD DU PHYIN NAS LHA 'DRE'I CHO 'PHRUL LA SBYANGS, RIM GYIS YI DAM GYI LHA DANG MKHA' 'GROS LUNG BSTAN PA'I PADMA CAN SOGS PHYAG RGYAR SPROS BCAS SPROS MED SHIN TU SPROS MED PHYOGS LAS RNAM RGYAL TE, SPYOD MCHOG RNAM BZHI SPYAD PA LA BRTEN NAS LUS KYI DVANGS MA RNAMS RGYAS TE, GSER 'GYUR GYI RTZIS LCAGS LA ZA BA LTAR, LUS

KYI SNYIGS MA RNAMS ZOS PAS 'OD LUS KYI NGO BOR GYUR, SNYIGS MA'I SKRA DANG BA SPU SO DANG SEN MO TZAM BZHAG STE, 'JA' LUS 'OD KYI SKU GRUB NAS MYUR DU SKU GSUM YAN LAG BDUN LDAN PHYAG RGYA CHEN PO MCHOG GI DNGOS GRUB RJE BTZUN RDO RJE RNAL 'BYOR MA'I GO 'PHANG RIN PO CHE THOB PAR 'GYUR RO, ,SMRAS PA, RLUNG SEMS BCUG PA'I KHAMS RNAMS STONG GZUGS 'JA', ,KHA DOG LNGA LDAN GYI NANG RTAGS BRTAN PHYIR, ,SPYOD MCHOG RNAM BZHI LEGS GRUB 'OD KYI SKU, ,TSE 'DIR SKAL BZANG NYAMS MYONG DON 'DIR BRTZON, ,ZHES PA BAR SKABS KYI TSIGS SU BCAD PA'O, ,DE NAS, YAB HE RU K'A DANG, THUN MONG BA'I RDZOGS RIM ZAB MO LA, BLO LDAN GANG DANG GANG RI BLO 'TSAMS PA, , DE DANG DE YI RJES 'DZIN BYIN RLABS PHYIR, ,SHRI HE RU KA DANG THUN MONG GI ,RDZOGS PA'I RIM PA'I GNAD RNAMS 'DIR LONGS MDZOD, ,DE LA YAB DANG THUN MONG BA'I RDZOGS RIM ZAB MO LA, SNGON 'GRO DANG, DNGOS GZHI GNYIS DANG PO LA'ANG THUN MONG DANG THUN MONG MA YIN PA GNYIS LAS, DANG PO THUN MONG BA'I SNGON 'GRO DANG PO BLA MA'I RNAL 'BYOR NI, BDE BA'I STAN LA 'KHOD NAS, MDUN DU BSGRUB PA'I MAndAL TSOM BU LNGA PA ZHIG BSHAMS, DER SKYABS YUL GYI GNAS KHANG SOGS SNGAR BSHAD PA LTAR BYAS PA'I GZHAL YAS KHANG GI DBUS SU, SENG GE'I KHRI MTHO ZHING YANGS LA RGYA CHE BA'I DBUS DANG PHYOGS BZHIR PADMA 'DAB MA BZHI PA'I GDAN RE RE GSAL

, ,BTAB CING, GDAN DBUS MAR BLA MA SANGS RGYAS RDO RJE CHOS SKU MDOG DMAR PO RDOR DRIL THUGS KAR 'DZIN PA LONGS SKU'I CHA BYAD CAN, SHAR GYI GDAN TE MDUN DU 'KHOR LO BDE MCHOG SOGS YI DAM, GA-YAS SU SH'AKYA THUB PA RDO RJE 'CHANG SOGS LONGS SPRUL GYI SANGS RGYAS, GA-YON DU BYANG SEMS NYE BA'I SRAS BRGYAD NYAN THOS RANG RGYAL MKHA' 'GRO CHOS SRUNG SOGS DGE 'DUN, RGYAB TU GSUNG RAB GLEGS BAM BRTZEGS MA'I RNAM PA GDONG DAR KHRA CHEM ME BA RANG SGRA SGROG BZHIN PA'I CHOS DKON MCHOG ,DE DAG GI STENG GI CHA LA GRUB PA'I DBANG PHYUG RDO RJE DRIL BU PA, d'OM KI PA, ANtA ? RA PA, TE LO PA, N'A RO PA SOGS NAS RTZA BA'I BLA MA'I BAR GYI BLA MA THAMS CAD GA-YAS BSKOR DU 'KHYIL ZHING BZHUGS PA, DE THAMS CAD ZHAL GZIGS PHYOGS PHYI NANG GANG BDE BYA ZHING, PHYI NANG GSANG BA DE KHO NA NYID KYIS MCHOD PAS MCHOD CING, 'DI SKABS MCHOD LHA SPRO BA DANG, TSIG DNGOS SU BRJOD MI DGOS GSUNGS, GANG DRIN MA DANG, DPAL LDAN RDO RJE MKHA' 'GRO SOGS KYIS BSTOD, DE NAS THUN MONG MA YIN PA'I GSOL BA 'DEBS PA NI, DUS GSUM SANGS RGYAS THAMS CAD KYI NGO BOR GYUR PA RTZA BA DANG BRGYUD PAR BCAS PA'I DPAL LDAN BLA MA DAM PA YI DAM DKYIL 'KHOR GYI LHA TSOGS DKON MCHOG RIN PO CHE RNAM PA GSUM MKHA' 'GRO CHOS SKYONG SRUNG MAR BCAS PA LA

GSOL BA 'DEBS SO, ,BDAG GI RGYUD BYIN GYIS BRLAB TU GSOL, LHAN CIG SKYES PA'I YE SHES DANG RIM GNYIS KYI RTOGS PA KHYAD PAR CAN SKYE BAR BYIN GYIS BRLAB TU GSOL, DUS MYUR BA NYID DU X DA LTA NYID DU X 'DUGS 'DI NYID DU SKYE BAR BYIN GYIS BRLAB TU GSOL, ZHES SKYABS 'GRO DANG GSOL 'DEBS CIG SGRIL GYI TSIG 'DI NYID CHAD LHAG MED PA DAG PAR LAN GSUM BRJOD LA GSOL BA BTAB PAS, SKYABS YUL RNAMS KYI GNAS GSUM LAS BDUD RTZI 'OD ZER DKAR DMAR MTHING GSUM CIG CAR DU BYUNG BA, RANG GI DPRAL MGRIN SNYING GAR LAN GSUM THIM NAS SGO GSUM BYIN GYIS BRLABS PAR MOS, DE NAS TSOGS ZHING GI MTHA' THAMS CAD NANG PA NANG MAR 'DUS TE MTHAR BLA MA SANGS RGYAS RDO RJE CHOS LA THIM, BLA MA SKYABS YUL KUN 'DUS SU MOS GUS BYAS PAS, BLA MA DGYES TE 'OD DMAR PO BYI'U'I SGONG TZAM DU GYUR PA RANG GI SMIN MTSAMS NAS THIM PAR BSAM, DE'I RKYEN GYIS RANG NYID RDO RJE RNAL 'BYOR MA RMI LAM SGYU MA LTA BU SNANG LA RANG BZHIN MED PA'I SKUR KRONG NGER BSKYED LA LTA THOG TU MNYAM PAR BZHAG ,'DI THUN RER TSAR DRUG GAM BZHI RE NGES PAR BYED DGOS GSUNGS, SNGON 'GRO GNYIS PA RDOR SEMS BSGOM BZLAS GONG DU BSHAD PA LTAR THUN RER TSAR DRUG GAM BZHI RE BTANG ZHING, DMIGS PA DBANG BZHI BLANG BA'I SKOR KHO NA LTAR BYED, GNYIS PA THUN MONG MA YIN PA'I SNGON 'GROR RTZA LAM SBYANGS PA DANG RLUNG SBYANGS PA GNYIS, DANG PO RTZA LAM

, ,SBYANGS PA LA, LTE BA'I PAD MOR ? RLUNG LNGA'I TI LA KA ZHES SOGS KYI DON, SLAR YANG SKYABS YUL GONG LTAR GSAL BTAB LA, YID SPRUL GYI PHYI NANG GSANG MCHOD KYIS MCHOD, GSOL BA GONG LTAR GDAB, SKYABS YUL RNAMS KYI GNAS GSUM LAS BDUD RTZI DKAR DMAR MTHING GSUM BABS PA RANG GI GNAS GSUM DU THIM PAS SGRIB PA SBYANGS BYIN GYIS BRLABS, TSOGS ZHING GI 'KHOR RNAMS BLA MAR THIM ZHING, BLA MA SKYABS GNAS KUN 'DUS SU MOS LA, SUMBHA ? NI SA PHYOGS GA-YON BSKOR DANG, MTSAMS GA-YAS BSKOR GYIS BSRUNG ? BA BYA, BLA MA 'OD DU ZHU RANG LA THIM PA'I RKYEN GYIS, RANG NYID RDO RJE RNAL 'BYOR MA STONG GSAL 'OD KYI RANG BZHIN CAN DU LAM GYIS GYUR PA'I, RANG LUS STONG RA'I DBUS SU RTZA DBU MA SPA LCAGS 'BRING PO TZAM MAM, MDA' SMYUG TZAM YAS SNE TSANGS BUG DANG, MAS SNE LTE 'OG SOR BZHI'I THAD DU SLEBS PA ZLA DKYIL GYIS BKAG PA, DE'I GA-YAS SU RO MA DANG, GA-YON DU RKYANG MA GNYIS PO MGRIN PA MAN CHAD DBU MA DANG SBUBS STONG GCIG TU 'DRES SHING, MGRIN PA YAN SO SOR GYES PA MGO BO'I NANG NAS GUG STE SNA BUG GNYIS SU HA RE ZUG PAR BSGOM, LUS GNAD CHOS BDUN LDAN GONG DU BSHAD PA LTAR BYA, RLUNG RO DGU PHRUGS SU BSAL, RTZA LAM SBYANGS DMIGS PA DNGOS LA, DBU MA'I MAS SNE'I ZLA DKYIL STENG DU TI LA KA 'AM THIG LE LNGA TSOM DU

BSGOM PA NI, DBUS SU NAM MKHA'I RLUNG GI RANG BZHIN GYI THIG LE SNGON PO, 'KHOR LO BZHI'I NGO BO MDUN TE SHAR DU RLUNG RLUNG GI RANG BZHIN GYI THIG LE LJANG GU, GA-YAS TE LHO RU SA'I RLUNG GI RANG BZHIN GYI THIG LE SER PO ,RGYAB STE NUB TU RLUNG ME'I RLUNG GI RANG BZHIN GYI THIG LE DMAR PO, GA-YON TE BYANG DU CHU'I RLUNG GI RANG BZHIN GYI THIG LE DKAR PO RNAMS RTZA DBU MA SBA LCAG TZAM BSGOM NA, THIG LE RNAMS SRAN MA TZAM DANG, DBU MA MDA' SMYUG TZAM BSGOM NA; THIG LE RNAMS YUNGS 'BRU TZAM RE BSGOM ZHING, THIG LE RNAMS GSAL ZHING DVANGS LA 'TSER BA'I RNAM PA CAN DU GSAL LEGS PAR BTAB, SLAR YANG RLUNG RO DGU PHRUGS BYED, LAG GA-YAS KYI MTHE PONG GIS SRIN LAG RTZA BA MNAN CING KHU TSUR BCANGS PA BRLA'I RTZAR BRTEN, GA-YON 'PHRENG BA BZUNG, THUN CHEN GCIG LA NANG GSES THUN CHUNG LNGA RE BYAS PA'I, DANG PO RLUNG SNA BUG GA-YON NAS RGYU BA DANG THUG NA GEGS MI BSKYED PAS THOG MAR DE DANG SPRAD LA, RLUNG PHYIR 'GRO CHO DBU MA'I MAS SNE ZLA DKYIL STENG GI NAM MKHA'I THIG LE SNGON PO DE LAS NAM MKHA'I RLUNG SPOS RENG GI DUD PA LTAR SNGO NAR NAR DBU MA BRGYUD GYEN DU BYUNG, RLUNG GA-YAS GA-YON GANG NAS RGYU BA'I RO RKYANG BRGYUD SNA BUG GNYIS KA NAS MNYAM DU RGYU NA DBU MA BRGYUD SMIN MTSAMS NAS SONG BAR BSAM ZHING, MDUN GYI BAR SNANG SOR BCU GNYIS KYIS TSOD TZAM DU SNGO KHYIL GYIS 'KHYIL, DE MA THAG RLUNG NANG DU 'JUG PA DANG

, ,BSTUN TSUR BYUNG, SNA GA-YON NAM SMIN MTSAMS NAS ZHUGS DBU MA BRGYUD, MAS SNE'I ZLA DKYIL DBUS KYI NAM MKHA'I THIG LER THIM PAR BSAM, DE LTA BU'I LAG GA-YON PAS 'PHRENG BA BRTZIS LA RLUNG PHYIR 'BYUNG PA, MDUN DU GNAS PA, NANG DU 'JUG PA GSUM RE LA GRANGS GCIG TU BRTZIS PA TSAR BCU GCIG TZAM MAM, NYER GCIG TZAM BYAS TE RTZA LAM SBYANGS NAS, GNYIS PA RLUNG SBYANGS PA LA; RJES MA'I 'JUG THIG LE SNGON PO DER SEMS GTAD LA, STENG RLUNG LTE 'OG TU MNAN, 'OG RLUNG CI BDER BZHAG LA BUM CAN BZUNG ZHING, LAG GA-YAS PUS MOR DAL PUS BSKOR LA SE GOL GTOGS PA'AM, PUS MO GNYIS SU REG TZAM RE BYAS NAS, PUS GA-YAS STENG THAD DU SE GOL RE GDAB LA, RLUNG SNA BUG NAS SPU MI 'GUL PA'I TSOD KYIS BTANG LA, LAG GA-YON PAS 'PHRENG BA RE 'DREN, DE LTA BU TSAR GCIG BYA, MTHAR DGE BA BSNGO ZHING NGAL GSO BA NI, THUN CHUNG DANG PO'O, ,YANG GSOL GDAB TSAR GCIG DANG, SRUNG 'KHOR DRAN TZAM BYAS LA, SHAR GYI RLUNG GI RLUNG GI THIG LE LJANG GU LA DMIGS NAS RTZA LAM SBYANGS PA DANG, RLUNG SBYANGS PA GONG LTAR LAG STABS PUS MOR BSKOR BA GNYIS DANG, SE GOL GTOGS LA BUM CAN BZUNG BA NI THUN CHUNG GNYIS PA'O, ,YANG GSOL GDAB SRUNG 'KHOR BCAS LHO'I SA RLUNG GI THIG LE SER PO LA

DMIGS NAS GONG LTAR LAG STABS PUS MOR LAN GSUM BSKOR NAS SE GOL GTOGS YUN BUM CAN BZUNG BA NI THUN CHUNG GSUM PA'O, ,YANG NUB KYI ME RLUNG GI THIG LE DMAR PO LA DMIGS LAG STABS PUS MOR LAN BZHI BSKOR ZHING BUM CAN GONG LTAR BZUNG BA NI THUN CHUNG BZHI PA'O, ,YANG BYANG GI CHU RLUNG GI THIG LE DKAR PO LA DMIGS NAS LAG STABS PUS MOR LAN LNGA BSKOR NAS BUM CAN BZUNG BA NI THUN CHUNG LNGA PA'O, ,DE LTA BU'I THUN CHUNG LNGA RE LA THUN CHEN GCIG TU BRTZI ZHING, MTHAR DGE BA BSNGO ZHING THUN LAS LDANG ,THUN CHUNG GI BAR RNAMS SU SKOM 'DRA BTUNG DGOS BYUNG NA 'THUNG CHOG CING, BZA' BA'I RIGS MI ZA, KHAMS NGAL ZHING DUB NA KHA ZAS BCUD CAN BSTEN, DE LTAR NYIN MO THUN CHEN GSUM DANG, MTSAN MOR THUN CHEN GSUM STE ZHAG RE LA THUN CHEN DRUG RE BYA, THUN CHEN GNYIS PAR NAM MKHA'I RLUNG GI THIG LE LA LAG PA PUS MOR BSKOR BA DRUG ,MTHAR SE GOL GTOGS YUN BUM CAN BZUNG, DE NAS RIM 'PHAR GYIS, RLUNG RLUNG GI THIG LER BSKOR BA BDUN GYI YUN, SA RLUNG THIG LER BRGYAD YUN, ME RLUNG THIG LER DGU ,CHU RLUNG THIG LER BCU YI RING BUM CAN BZUNG BA NI THUN CHEN GNYIS PA'O, ,THUN CHEN GSUM PAR, NAM MKHA'I RLUNG GI THIG LER BSKOR BA BCU GCIG YUN, RIM GYIS RLUNG RLUNG LA BCU GNYIS, SA RLUNG LA BCU GSUM, ME RLUNG LA BCU BZHI, CHU RLUNG LA BCO LNGA'I

, ,YUN BUM CAN BZUNG BA THUN CHEN GSUM PA'O, ,THUN CHEN BZHI PAR, NAM MKHA'I RLUNG LA BSKOR BA BCU DRUG ,RLUNG RLUNG LA BCU BDUN, SA RLUNG LA BCO BRGYAD, ME RLUNG LA BCU DGU, CHU RLUNG LA NYI SHU'I ? RING BUM CAN BZUNG BA THUN CHEN BZHI PA'O, ,THUN CHEN LNGA PAR, NAM MKHA'I RLUNG LA BSKOR BA NYER GCIG ,RLUNG RLUNG LA NYER GNYIS ,SA RLUNG LA NYER GSUM, ME RLUNG LA NYER BZHI, CHU RLUNG LA NYER LNGA'I RING BUM CAN 'DZIN PA THUN CHEN LNGA PA'O, ,THUN CHEN DRUG PAR, NAM MKHA'I RLUNG LA BSKOR BA NYER DRUG ,RLUNG RLUNG LA NYER BDUN, SA RLUNG LA NYER BRGYAD, ME RLUNG LA NYER DGU, CHU RLUNG LA SUM CU'I RING BUM CAN 'DZIN PA NI THUN CHEN DRUG PA STE, NYIN ZHAG PHRUGS GCIG GI DBANG DU BYAS PA'I THUN CHEN DRUG RDZOGS PA STE NYIN DANG PO'O, ,NYIN GNYIS PA'I THUN CHEN DANG POR, NAM MKHA'I RLUNG LA SO GCIG NAS CHU RLUNG LA SO LNGA'I BAR; THUN CHEN GNYIS PA'I NAM MKHA'I RLUNG LA SO DRUG NAS CHU RLUNG LA BZHI BCU BAR, THUN CHEN GSUM PA'I MKHA' RLUNG LA ZHE GCIG NAS CHU RLUNG LA ZHE LNGA'I BAR, THUN CHEN BZHI PA'I MKHA' RLUNG LA ZHE DRUG NAS CHU RLUNG LA LNGA BCU'I BAR, THUN CHEN LNGA PA'I MKHA' RLUNG LA NGA GCIG NAS, CHU RLUNG LA NGA LNGA BAR THUN CHEN DRUG PA'I MKHA' RLUNG LA NGA DRUG NAS, CHU RLUNG LA DRUG CU BAR TE NYIN GNYIS PA'I THUN CHEN DRUG RDZOGS, DES

RIGS 'DRES KYI NYIN GSUM PA'I THUN CHEN DANG PO'I MKHA' RLUNG LA RE GCIG NAS, THUN CHEN DRUG PA'I CHU RLUNG LA DGU BCUR BYA BAS MTSON, ZHAG BCO LNGA'I BAR DU NYAMS SU BLANGS NAS, NYIN ZHAG BCO LNGA PA'I THUN CHUNG THA MAR; DBANG PO RAB KYI LNGA BRGYA DANG SUM CU'I YUN THUB PA DANG, 'BRING GI NYIN DANG PO'I THUN CHEN DANG POR RLUNG LNGA SO SOR SE GOL RE RE'I YUN THUN GNYIS PAR SE GOL GNYIS RE'I YUN RIM SPAR GYIS, NYIN ZHAG BCO LNGA PA'I THUN CHUNG THA MAR SE GOL DGU BCU'I YUN THUB PA DANG, GANG ZAG THAMS, NYIN DANG PO'I THUN CHEN DRUG GAR SE GOL RE RE'I YUN TSAD DANG, NYIN GNYIS PAR SE GOL GNYIS RE RIM SPAR GYI, NYIN ZHAG BCO LNGA PA'I THUN CHUNG THA MAR SE GOL GRANGS BCO LNGA'I YUN THUB PAR 'GYUR ZHING, GANG LTAR DANG POR BSHAD PA LTAR SBYANGS NA, GANG ZAG RAB KYIS ZHAG GSUM DANG, THA MAS ZHAG BCO LNGAR MTHAR PHYIN PAR 'GYUR RO, ,'BYONGS RTAGS SU RLUNG LNGA'I KHA DOG SO SOR MTHONG BA DANG, RAB YUL KHAMS, 'BRING KHYIM GANG, THA MAS LUS LA DROD CHEN PO SKYE ZHING, DER BRTEN BDE BA'I NYAMS THA MAL BUD MED DANG SBYOR BA'I DPES KYANG MI MTSON PA 'BYUNG BAR 'GYUR, 'DI LTA BU'I TZdAN LI'I BSGOM THABS NI KHYAD PAR DU 'PHAGS PA YIN NO, ,SMRAS PA, LTE BA'I PADMA RLUNG LNGA TI LA KA'I, ,SNGON 'GRO RNAM GNYIS 'BAD RJES THUN CHE CHUNG, ,RTZE GCIG BSGOM PA'I BUM CAN TSANG

, ,'KHYIL BA'I, ,BDE NYAMS GZHAN LAS KHYAD 'PHAGS TZAndA ? LI, ,ZHES PA BAR SKABS KYI TSIGS SU BCAD PA'O, ,GNYIS PA DNGOS GZHI LA, BDAG BYIN RLABS KYI DMIGS PA DANG, DBU MA KHA DBYE BA'I DMIGS PA GNYIS, DANG PO NI, SNGON 'GRO THUN MONG DANG THUN MONG MA YIN PA GONG LTAR LA, RANG RNAL 'BYOR MAR GSAL BA'I LUS KYI STONG PA'I DBUS SU, RTZA DBU MA RTA RNGA BRGYAR GSHAGS PA'I TSAD TZAM KHYAD CHOS BZHI LDAN YAS SNE TSANGS BUG DANG MAS SNE LTA 'OG TZAM DU SLEBS PA, GA-YAS SU RO MA DANG, GA-YON DU RKYANG MA GNYIS, GRO SOG TZAM, LTE BA'I THAD DU RTZA GSUM SBUBS STONG GCIG 'DRES DANG, SPYI BO'I THAD DU'ANG RTZA GSUM SBUBS STONG GCIG 'DRES, DE BYINGS SO SOR GYES PA SPYI BO NAS DBU MA LTAR MI MNGON CING, RO RKYANG GNYIS SBA LTAR GUG STE SNA BUG GNYIS SU ZUG PAR BSGOM, DBU MA'I YAS SNE'I RTZA GSUM SBUB STONG GCIG TU GYUR PA'I NANG DU HAm DKAR PO MGO BO THUR BSTAN DANG, DE'I STENG DU RLUNG DKYIL GZHU'I DBYIBS CAN LJANG NAG SRAN MA BKAS PA LTA BU YOD PA DANG, DBU MA'I MAS SNE'I RTZA GSUM KUN 'DUS SBUB STONG NANG DU; AOm DMAR PO MGO GYEN BSTAN KLAD KOR DBU MA'I NANG DU TSUD PA, 'OG SGO GNYIS KYI BAR SUM MDO RU RLUNG DKYIL GZHU'I DBYIBS LJANG NAG GA-YO ZHING RTZUB PA, RKANG PA GNYIS KYI MTHIL DU DZHEEm ? LJANG NAG 'GRENG

STABS GDONG RKANG NGAR NGOS BSTAN PA BSGOM, RLUNG RO DGU PHRUGS SU BSAL, RLUNG BUM PA CAN BZUNG LA, RKANG SO SOR CUNG ZAD BSKUM TZAM BYA ZHING, 'OG RLUNG CUNG ZAD YAR 'THEN PAS, RKANG 'OG GI YI GE GNYIS LAS RLUNG GA-YES ? BRLA'I RTZA BO CHE BRGYUD SUM MDO'I RLUNG DKYIL LA PHOG ,DE LAS KYANG RLUNG CHER GA-YOS PAS MAS SNE'I Am LA PHOG ,DE LAS ME DRAG TU 'BAR, DBU MA HA CANG PHRA BAS NANG DU 'JUG MA NUS PAR RO RKYANG GNYIS KYI NANG NAS ME RTZE MO PHRA ZHING RNO BO RTZA BA SBOM PA GZEG ? MO'I BYI DUR GYI DBYIBS YAR 'BAR BAR BSAM LA, 'OG RLUNG DAL BUS 'THEN, STENG RLUNG SNA BUG GNYIS NAS RDUBS CHUNG DRAG PO GSUM BYAS TE MNAN PAS, YAS SNE'I HAm STENG GI RLUNG DKYIL LAS THUR DU RLUNG GA-YOS, RO RKYANG NANG GI ME YAR 'BAR BA DE GNYIS RO RKYANG BRGYUD THUR DU BRDAB CING DED PA'I DMIGS PA BYAS LA RLUNG KHA SBYOR CI THUB 'DZIN, DE LTAR NYAMS LEN LA BRTZON PAS, LTE BA DANG MCHAN 'OG SOGS SU DROD TSA CHIL SKYE BA DANG, RIM GYIS RLUNG LUS LA CHUD PA'I 'THUS, LUS LA GTUM MO'I YE SHES KYI ME DROD CHER RGYAS PA LA BRTEN NAS BDE CHEN GYI LUS TSOR SKYE ZHING, LUS SHING BAL LTAR YOD DU MI TSOR BA 'BYUNG, DA DUNG YUN BSRING STE BSGOM PAS, RLUNG SEMS LA CHUD NAS, SEMS LA 'ANG BDE STONG GI RTOGS PA MTHAR THUG DE 'DI YIN NAM SNYAM PA SKYE, DE LAS RTEN NAS MI RTOG PA'I BDE BA SKYE,

, ,DE LA GOMS PAS MTSON BYED DPE'I YE SHES LTA BU'I NYAMS SKYE ZHING, DE NAS DU BA, SMIG RGYU, ME KHYER, MAR ME, 'OD PHUNG, NYI MA, ZLA BA, SGRA GCAN TE LUS STOD YOD LA SMAD MED PA'I ZLA BA NAG PO 'JIGS SU RUNG BA'I RNAM PA, DE NAS RE KHA NAG PO STE, NAM MKHA' NAS ZHAGS PA NAG PO MTHUR DU BRKYANG PA LTA BU'I 'OD GSAL GYI RTAGS RNAMS 'CHAR BAR 'GYUR RO, ,SMRAS PA, DNGOS GZHI BYIN RLABS LUS DBUS RTZA GSUM PO, ,GSANG NANG YE SHES ME 'OD CHER RGYAS PA'I, ,MI RTOG PA YI BDE NYAMS LA BRTEN NAS, ,DON GYI RTAGS RNAMS MA NOR NANG NAS SHAR, ,CES PA BAR SKABS KYI TSIGS SU BCAD PA'O, , GNYIS PA DBU MA KHA DBYE BA'I DMIGS PA NI, THA MAL 'OD KYI GTU MA MO ZHES SOGS KYI DON RTZA GSAL 'DEBS PA SOGS DA LTA'I DE BZHIN LA, DBU MA'I MAS SNE RO RKYANG DANG SUM 'DRES KYI LTE BA'I SBUB STONG DE'I PHYIR GDUGS KYI RTZIBS MA LTAR, RTZA 'DAB BRGYAD GYES SHING, DE'I PHYIR DE LAS GYES PA'I RTZA 'DAB LNGA BCU NGA DRUG BSGOM LA, RTZA'I MDOG KYANG MA BSGOM DUS SER POR YOD KYANG, BSGOM DUS DKAR LA DMAR BA'I MDANGS CHAGS PAR BSGOM DGOS GSUNGS, DE LTA BU'I RTZA 'DAB NANG MA BRGYAD LA, AA KA TZA tA TA PA YA SHA ZHES KHAMS KYI SNYIGS MA'I NGO BO'I YIG 'BRU BRGYAD PA MGO GYEN BSTAN 'GRENG THABS DANG, PHYI ROL

GYI RTZA 'DAB LNGA BCU NGA DRUG PO, KA KHA GA GHA NGA, TZA TSA DZA DZHA NYA, tA tHA dA dHA nA, TA THA DAD DHA NA, PA PHA BA BHA MA, YA RA LA WA, SHA sHA SA HA KsHA: STE GSAL BYED DAM KA LI SO BZHI, AsHMA THA NA'I YI GE GNYIS PA DANG BCAS YIG 'BRU SO BZHI, AA A'A, AI A'I, AU A'U, Ri R'i, Li L'i, AE AEE, AO AOO, Am AA: AA AI AU AO AE Am, RNAMS KHAMS KYI DVANGS MA'I NGO BO MGO GYEN BSTAN RTZA RNAMS DKAR SER DANG, YIG 'BRU THAMS CAD DKAR LA DMAR BA'I MDANGS CAN DU BSGOM, DBU MA'I YAS SNE'I SBUB STONG NANG DU HA YIG DKAR PO MGO THUR BSTAN GONG LTAR GYI KLAD KOR NANG DU 'OD KYI GTUM MO DANG SPYI BO'I KHAMS DMAR PO'I NGO BO KsHUm DMAR PO MGO THUR BSTAN DBU MA'I MAS SNE'I SPUB STONG GI AOm GYI KLAD KOR NANG DU THA MAL GYI GTUM MO'AM, DPE'I GTUM MO DANG LTE BA'I KHAMS DMAR PO'I NGO BO KsHUm DMAR NAG MGO GYEN BSTAN ZHIG BSGOM, DE NAS RLUNG BUM CAN BZUNG LA RKANG MTHIL GYI YI GE LAS ME 'BAR BA SOGS GONG LTAR LA MAS SNE'I AOm LAS ME 'UR GYIS 'BAR, KHAMS KYI SNYIGS MA'I YI GE AA KA TZA tA TA PA YA SHA RNAMS LHAG MED DU BSREG ,Am GYI KLAD KOR NANG GI THA MA LA GTUM MO'I NGO BO KsHUm LAS ME TSA RNO NGAR RTZUB PA STE KHYAD CHOS BZHI LDAN GLOG GI ZEGS MA LTA BU SPROS, DBU MA'I NANG GYEN DU 'BAR ZHING, YAS SNE'I HAm YIG MGO THUR BSTAN DER PHOG ,DE'I KLAD KOR NANG GI 'OD KYI

, ,GTUM MO'I NGO BO KsHUm YIG DE LAS ME KHYAD CHOS BZHI LDAN THUR 'BAR YAS MAS KYI GTUM MO'I ME GNYIS DBU MA'I NANG DU 'BAR ZHING 'KHRUG LTE PA'I RTZA SBUB RNAMS SU'ANG SONG STE KHAMS KYI DVANGS MA'I NGO BOR DBYANGS GSAL RNAMS LAS ME DMAR 'UR 'UR 'BAR BAR BSAM PA STE, DMIGS PA 'DI NYID RANG LA GNAD DU BSNUN, DE LTAR BYAS PA SPYI BO'I KHAMS DKAR PO'I NGO BO HAm YIG DE NYID MES GDUNGS PAS, BYANG SEMS 'O MA'I RGYUN DANG MTSUNGS PA SKRA SHAD LTAR BABS PAS, DBU MA'I NANG GI ME 'BAR BA'I RTZE MO RNAMS CUNG ZAD MTHUR DU MNAN PAS SNYING KHA'I THAD DU SOR SGRA DANG BCAS PA'I 'BAR 'DZAGS LA SEMS BZUNG ZHING BDE STONG GI YE SHES BSKYED PAR MOS, ME DMIGS 'BAR 'DZAG BUM CAN GANG BSGOM KYANG STOD CHAR RANG RANG GI DMIGS PA DANG, MTHAR 'DZIN MED DU 'JOG ,DE RNAMS CHOS NYID BRGYUD NAS STON PA YIN ZHING, CHOS NYID DNGOS SU STON PA SKYE 'GAG GNAS GSUM BRAL BA GDOD MA'I GSHIS ZHES SOGS KYI DON BYIN RLABS KYI SKABS SU STZAL BA LTAR RO, ,SMRAS PA, MTHAR THUG NANG GI RIGS LDAN LTE 'KHOR RNAMS, ,GSAL NANG RTZA KHAMS YI GE'I GZUGS GNAS PA'I, ,HAm YIG BSKUL PHYIR KHYAD CHOS BZHI 'OD KYI, ,'BAR 'DZAG BDE STONG 'DZIN MED NGANG LA BSRING, ,ZHES PA BAR SKABS KYI TSIGS SU BCAD PA'O, ,DA LTA BU'I NYAMS

LEN BYA TSUL RNAMS RGYAS 'BRING BSDUS GSUM LAS, THO RANGS LDANG PA'I RNAL 'BYOR GNYIS PO SKABS BSTUN GYI LDANG LA BDUD RTZI MYANG, KUN SLONG BCOS, SKYABS 'GRO, RDOR SEMS, BLA MA'I RNAL 'BYOR THUN MONG MA YIN PA'I TSOGS ZHING GSAL 'DEBS, GANG DRIN SOGS KYI PHYAG ,CHAGS SDANG RMONGS GSUM GYI YUL 'BUL BA, PHYI MCHOD, NANG MCHOD, GSANG MCHOD, DE KHO NA NYID, KU S'A LI'I TSOGS GSOG ,MAndAL DANG DRUG GO , GSOL BTAB NAS, BRGYUD PA KUN RTZA BA'I BLA MA LA BSTIM, DBANG BZHI BLANGS, BLA MA RANG LA BSTIM, RANG GI SNYING KHAR AEE LAS, ZHES PA NAS, LUS DKYIL GO CHA BGOS PA'I BAR MNGON RTOGS DKYUS BZHIN MDZAD NAS, SKABS 'DI RANG RGYAL LA SEMS 'DZIN PA, RNAM PA SPYI LA SEMS 'DZIN PA, BYE BRAG SPYAN DBUS MA LA SEMS 'DZIN PA LA, SHAR BSGOM BYAS TE, NGAG BZLAS LA 'JUG ,YID BZLAS, ZHAR BYUNG RDZOGS RIM GNYIS PA BYED, DE NAS RDZOGS RIM RTZA DBU MA YAB YUM NYIN RE MOS BYED PA'AM, YUM RKYANG GI RAm YIG ME SBAR BA NAS, 'JA' LUS KYI BAR SHAR BSGOM, BSAM MI KHYAB THUN MONG MA YIN PA BSGOM, THUN MTSAMS KYI LHAR LANGS GTOR 'BUL SPREL NAS MDZAD NA 'DIR MDZAD, ZHAL BZANG BLTA BA'I SMON LAM, SHIS BRJOD PAR GO RIM MA 'CHUG PAR MDZAD DO, ,YANG RNAL 'BYOR MA'I NYAMS LEN 'BRING PO'I SA BCAD NI, SKYANGS 'GRO

, ,SEMS BSKYED, RDOR SEMS THOL BSKYED BSGOM, YIG BRGYA BDUN BZLA, BLA MA'I RNAL 'BYOR GZHUNG BZHIN BSDUS PA BYED, RANG GI SNYING GAR {AEE} LAS SOGS NAS, LUS DKYIL GO CHA BGOS PA'I BAR BYAS, NGA RGYAL LA SEMS 'DZIN, NGAG BZLAS, YID BZLAS, ZHAR BYUNG RDZOGS RIM DANG ,GANG MOS, RTZA DBU MA'I BDE BSGRUB PA, 'JA' LUS SGRUB PA GNYIS RE MOS BYAS, BSAM MI KHYAB THUN MONG MA YIN PA BSGOM PA, MJUG GTOR SOGS GONG BZHIN NO, ,SHIN TU BSDUS PA MNGON RTOGS NANG BZHIN, NGAG BZLAS, YID BZLAS, ZHAR BYUNG RDZOGS RIM BSGOM, BSAM MI KHYAB THUN MONG BAS THUN BSDUS, GTOR BSNGO DANG ,ZHAL BZANG BLTA BA'I SMON LAM BYAS TE CHAG MED KYI RNAL 'BYOR MTHA' MA 'DI LA BYA'O, ,YANG CHAG MED BYA BA'I SKABS SNGA DRO THO RANGS SKYABS SEMS, RDOR SEMS, BLA MA'I RNAL 'BYOR, KU S'A LI'I TSOGS GSOG ,DBANG BZHI BCAS BLANGS TE BLA MA RANG LA BSTIM, DGE BA 'DI YIS MYUR DU BDAG ,BLA MA YI DAM 'GRUB GYUR CIG ,SOGS BRJOD NAS THUN MTSAMS BYAS LA, DGONGS THUN LA, SKYABS SEMS BLA MA'I RNAL 'BYOR GZHUNG BZHIN SHAR BSGOM BYED, NGAG BZLAS KYI GONG SEMS 'DZIN, YID BZLAS, ZHAR BYUNG RDZOGS RIM GANG MOS KYI

MTHAR, RDZOGS RIM RTZA DBU MA YAB DANG YUM NYI MA RE MOS BYED DE, YAB KYI SKABS SNGON 'GRO RLUNG SBYANGS PA, THIG LE LNGA 'DZOM LA RLUNG THENG GCIG ,BDAG BYIN RLABS LA RLUNG THENG GCIG ,DBU MA KHA DBYE, 'KHOR LO YIG 'BRU BCAS LA RLUNG THENG GCIG STE RLUNG KHA SBYOR TSAR GSUM BUD, BSAM MI KHYAB THUN MONG MIN PA BSGOM, THUN GROL MTSAMS 'DIR GTOR MA 'BUL BA SHAR NA PHUL, DE MIN BZHAG LA KHA TON GZHAN BYA, GTOR MA 'BUL PHYOGS SDEBS, YI DAM GZHAN DANG MNYAM DU BYAS PAS 'THUS LAGS, YANG SKYABS SEMS NAS BZLAS PA'I BAR SNGA THUN LA 'KHRID THOB LTAR RGYAS PAR BYAS, YID BZLAS ZHAR BYUNG BSGOM, BSAM GYI MI KHYAB THUN MONG BA BYAS THUN GROL, DGONGS MO LTA BU RANG LTAR GSAL LAM GYIS BTAB, {SUMBHA} NI'I SRUNG 'KHOR BSGOM, RTZA DBU MA CHE CHUNG GANG MOS KYI DMIGS PA, BSAM MI KHYAB THUN MONG MA YIN PA, GTOR BSNGOS SOGS BYA BA'O, ,GZHAN YANG MTSAMS BCAD KYI THUN BZHI SKYONG SKABS, NGAG BZLAS GRANGS 'GRO CHE KHYAD KYI NYAMS SU LEN PA LA, THOG MAR LDANG BA DANG ,MYANG BA'I SNGON 'GRO, NGAG BYIN RLABS DANG , 'GYUR SNGAGS SOGS BYA, DE NAS SKYABS 'GRO TSAR BDUN, SEMS BSKYED TSAR GSUM, THUN MONG MA YIN PA'I BLA MA'I RNAL 'BYOR BYAS LA, DBANG BZHI LEN PA'I BAR TSANG BA, BDAG LHAR BSKYED PA, LUS

, ,DKYIL GSAL 'DEBS PA, BZLAS PA'I 'GOR NGA RGYAL LA SEMS 'DZIN CUNG ZAD BYAS RJES NGAG BZLAS LA GRANGS GSOG ,YID BZLAS GSUM, ZHAR BYUNG RDZOGS RIM GNYIS PA TSAR GCIG ,BSAM MI KHYAB THUN MONG PAS THUN GROL, BAR 'DIR SNGA DRO'I TSA BA RNAMS LONGS SPYAD DO, ,DE NAS, THUN GNYIS PA LA, SKYABS 'GRO GSUM MAM BDUN GANG RIGS, SEMS BSKYED GSUM, THUN MONG BA'I BLA MA'I RNAL 'BYOR NAS BZLAS PA'I BAR GONG BZHIN LA, ZHAR BYUNG RDZOGS RIM MI DGOS, BSAM MI KHYAB SNGAR BZHIN BYAS LA THUN GROL NAS GUNG TSIG SOGS BYA'O, ,THUN GSUM PA SKYABS 'GRO NAS BZUNG BZLAS PA'I BAR GONG LTAR NYAMS SU BLANGS LA, 'DIR ZHAR BYUNG RDZOGS RIM GYI DOD RTZA DBU MA'I DMIGS PA GSAL 'DEBS RGYAS BSDUS GANG GRUB RJES, BSAM MI KHYAB THUN MONG MA YIN PA BSGOM RJES THUN GROL BA'I MJUG GTOR 'BUL GYI RIM PA'ANG MDZAD, 'DIR DGONGS MO'I JA LA SOGS PA LONGS SPYAD, BZHI PA SROD THUN LA, SKYABS 'GRO DANG SEMS BSKYED BCAS TSAR GSUM RE RDOR SEMS YIG BRGYA NYER GCIG ,BLA MA'I RNAL 'BYOR THUN MONG BA DKYUS BZHIN BYAS RJES, NGAG BZLAS, YID BZLAS GSUM, BSAM MI KHYAB THUN MONG BAS THUN BSDUS PA'I MJUG TU ZHAL BZANG BLTA BA'I SMON LAM DANG ,BKRA SHIS MDZAD PA'I MTHAR

NYAL BA'I RNAL 'BYOR RO, ,YANG NA THOR THUN LA GANG MDZAD PA DE SNGA THUN LA MDZAD, SNGA THUN LA MDZAD RGYU 'DI THOR THUN LA GNANG BA SKABS SU GANG 'OS GNANG 'THUS, DGONGS THUN DANG SROD THUN GONG BSHAD LTAR MDZAD DO, ,THUN MTSAMS RNAMS SU'ANG, LHA'I NGA RGYAL 'KHYER SO GSUM DANG LDAN PAS, KUN TU DON YOD PA'I SPYOD PA SPYAD CING, NAM GUNG LA NYE BA'I TSE NA, {SENGGE'I} NYAL STANGS DANG BCAS PA NYAL BA'I RNAL 'BYOR GNYIS PO GANG RUNG GIS NYAL ZHING ,SLAR YANG LDANG BA'I RNAL 'BYOR GYIS LDANG NAS RGYUN GYI RNAL 'BYOR LA 'JUG PAR BYA'O, ,SMRAS PA, MNYAM RJES THA MAL MA YIN TING NGE 'DZIN, ,RNAL 'BYOR CHU BO DAL 'BAB NYAMS RTOGS KYI, ,LBU 'PHRENG RGYUN MI CHAD KYI ROL RTZED LA, ,BDE STONG GNYIS MED SBYOR BA'I 'BRAS BZANG MCHIS, ,CES PA BAR SKABS KYI TSIGS SU BCAD PA'O, ,RTZA BA'I SA BCAD GSUM PA 'BRAS BU SANGS RGYAS KYI GNAD CES PA'I LAM DES BGROD PA'I MTHAR THUG 'BRAS BU JI LTAR THOB TSUL NI, DE LTAR BSKYED PA'I RIM PAS RGYUD SMIN CING SNOD RUNG DU BYAS NAS, ZAB LAM GROL BYED RDZOGS PA'I RIM PA BLA MA'I MAN NGAG 'DI NYID KHO NA LTAR NYAMS SU BLANGS PAS; THA MAL {DVANGS} MA 'OD KYIS GTUM MOS KHAMS KYI SNYIGS MA THAMS CAD BSREG CING SBYANGS, {DVANGS} MA THAMS CAD YE SHES KYI THIG LE'I NGO BOR BSGYUR ZHING RGYAS PAR BYAS PA, RTZA STONG PHRAG BDUN CU RTZA

, ,GNYIS PO THAMS CAD GANG ,DE NAS RIM GYIS LUS THAMS CAD LA KHYAB PAS, LCAGS LA GSER 'GYUR GYI RTZIS REG PA NA SKAD CIG LA GSER GYI NGO BOR BSGYUR BA BZHIN DU, THA MAL ZAG BCAS MA DAG PA'I PHUNG PO 'DI NYID ZAG MED 'JA' LUS SU BSGYUR, RLUNG SEMS DBU MAR TSUD PA LA BRTEN NAS, LUS KYI RTZA GZHAN THAMS CAD RO RKYANG GNYIS LA THIM, DE NAS RO MA AE YIG DANG RKYANG MA BAm YIG GI GZUGS SU SHAR TE DBU MAR THIM, RTZA 'KHOR GZHAN THAMS CAD LTE BA'I RTZA 'KHOR LA THIM PA NI LUS RTZA'I 'GROS THIM PA'O, , ,,LTE BA'I RTZA 'KHOR NANG MA'I SHAR GYI RTZA KHAMS DBYUG PA'I RNAM CAN DE NYID BAm GYI RKANG PA LA THIM, DBUS KYI GRI GUG GI SO LTA BU DE NYID BAm GYI LTE BA LA THIM, NUB KYI THOD GUG LTA PU DE NYID BAm GYI MGO BO LA THIM, LHO'I TSIG DRAG LTA BU GNYIS BAm GYI ZLA TSES DANG ,BYANG GI NYA MIG LTA BU BAm GYI THIG LE STE, MDOR NA RTZA 'DAB BZHI YI RTZA KHAMS THAMS CAD BAm YIG GI RNAM PAR THIM, RTZA 'KHOR PHYI MA'I KA KHA GA GHA SOGS GSAL BYED KYI SNGE PA DRUG PO THIG LE DKAR PO DRUG TU GYUR CING ,DE DRUG KA AE YIG GI GA-YON GYI RKANG PA GNYIS, GA-YAS KYI LAG PA GNYIS, MGO GNYIS TE DRUG TU GYUR NAS AE YIG RNAM PAR THIM, AA A'A SOGS DBYANGS RING BCU GNYIS, Ri R'i SOGS RING

PO DRUG RNAMS THIG LE DMAR PO GNYIS SU GYUR NAS AE BAm SPYI'I RGYUR THIM PA STE, DE RNAMS NI RTZA YI GE DANG ,KHAMS BDUD RTZI'I 'GROS GNYIS THIM PA'O, ,DE DANG DUS MNYAM DU NANG GI RTZA 'DAB BZHIR RGYU BA'I RLUNG GI 'GROS KYANG THIM PA STE, NUB KYI RLUNG GI RGYU BA RAGS PA THAMS CAD 'GAG NAS, BYANG GI CHU RLUNG LA THIM, BYANG GI CHU RLUNG LHO'I ME RLUNG LA THIM, LHO'I ME RLUNG SHAR GYI RLUNG GI RLUNG LA THIM, SHAR GYI RLUNG GI RLUNG DBUS KYI NAM MKHA'I RLUNG LA THIM PA STE, SNYING PO RLUNG GI 'GROS THIM PA'O, ,MTHAR DE LTA BU'I AE BAm GNYIS PA'O, ,DBU MAR THIM PAS NYON MONGS PA DANG SHES BYA'I SGRIB PA GNYIS SHIN TU PHRA BA'I BAG CHAGS DANG BCAS PA GTAN NAS SPANGS TE, RANG LUS 'PHO MED STONG GZUGS 'JA' LUS RDO RJE'I SKU DANG ,RANG SEMS RNAM PAR MI RTOG BZHIN DU, JI LTA BA DANG JI SNYED PA'I CHOS THAMS CAD SGRIB PA MED PAR MNGON SUM DU CIG CAR GZIGS PA'I BDE STONG ZUNG 'JUG 'BRAS BU'I AE BAm STE, KHA SBYOR YAN LAG BDUN LDAN RDO RJE 'CHANG GI GO 'PHANG MNGON DU THOB PA'O, ,SMRAS PA, RGYAL RNAMS GDUL BYA SO SO'I MOS KHAMS DANG MA THUN CHOS KYI BDUD RTZI DPAG MED BKA' STZAL ZHING, ,RAB MCHOG PHUL BYUNG THEG PA MCHOG GI YANG RTZE GSANG SNGAGS RDO RJE THEG ,RGYUD SDE BZHI YIN NANG TSAN RNAL 'BYOR GSANG MTHA' LO NAG DRIL GSUM ZHES, ,ZAB DON SNYING DRIL {N'A} RO'I MAN NGAG

, ,TSE GCIG SANGS RGYAS BSGRUB 'DI KO ,PHA MA MTHING MCHED GNYIS NAS BRGYUD DE, ,BSTAN PA'I BDAG PO SA SKYA BA'I, ,GSER CHOS MKHA' SPYOD SKOR GSUM GYI, ,SNYING PO {N'A} RO'I ZAB KHRID RNAMS, ,BDAG CHEN RJE NAS KUN SPANGS PAR, ,JI LTAR STZAL RNAMS CHOS KYI RJE, ,BLO GSAL RGYA MTSO GSAN PA NAS, ,BZUNG STE TSAR LUGS THUN MONG YIN, ,SNYAN RGYUD BZHI LDAN MTSAN GRAGS SHING , , SNOD LDAN SLOB MA KUN TSANG GI ,LO ZLA NAS BZUNG GSOL BTAB PAR, ,RGYAS 'BRING BSDUS PA'I KHRID RIM RNAMS, ,GANG LA GANG 'TSAMS STON MKHAS KYIS, ,MA NOR BLANG DOR MDZAD PAR RIGS, ,'DIR NI MAN NGAG JI GSUNGS RNAMS, ,MA TSANG MED PA DKYUS GCIG TU, ,RANG 'DRA'I DBANG BRTUL 'GA' ZHIG LA, ,PHAN PHYIR MTHAR CHAGS BKOD PA LAS, ,ZHAL BZHES LA SOGS MA NOR BA, ,LEGS PAR GCES 'DZIN GNAD DU GSUNGS, ,BDAG KYANG SBYANGS STOBS YON TAN SOGS, ,PHRA BAR BRTEN CING MA RIG PA'I, ,NOR 'KHRUL CI MCHIS MKHA' 'GRO'I TSOGS, ,BZOD MDZOD LEGS CHA DE KUN RNAMS, , MKHA' SPYOD CHEN PO'I RGYU RU BSNGO, ,ZHES SNYIGS DUS KYI TSE THUNG GCIG LA TSE GCIG LUS GCIG LA 'TSANG RGYA BA'I GDAMS NGAG YONGS SU RDZOGS PA RJE BTZUN RDO RJE RNAL 'BYOR MA'I SGO NAS RIM GNYIS KYI

RNAL 'BYOR SKYONG BA'I SKAL BZANG MKHA' SPYOD BGROD PA'I BDE LAM ZHES BYA BA 'DI NYID MKHA' 'GRO'I ZHAL RLANGS THU LE BA GONG MA GONG MA'I BYIN RLABS KYI TSAN KHA NYAMS PA MED PA BDAG MA GTOGS 'DI'I SGO NAS GRUB PA BRNYES PA SHA STAG DANG ,RDO RJE 'CHANG BLO GSAL ZHABS KYIS 'KHON RDO RJE RIN CHEN, DNGUL CHU DHA RMA BHA DRA SOGS BLA MA LNGA TZAM LAS GSAN MOD, GTZO BOR GYUR PA NI SA CHEN KUN BLO'I DNGOS SLOB RTZE GDONG DGE 'DUN BKRA SHIS DPAL 'BYOR NYID THUN MONG MIN PA'I BRGYUD PA'I GTZO BOR MDZAD CING ,MAN NGAG 'DI DANG 'DI GSUNGS, GZHAN GYI BZHED PA CUNG MI MTHUN YANG ,TSAR LUGS BZHED PA 'DI'O ZHES GSUNG GI BDUD RTZI KHYAD PAR CAN RNAMS LA ZIN BRIS RIM PAR BGYIS MU'I SKABS, CHAB MDO ZHI BZANG RIN PO CHE DON GRUB RGYAL MTSAN DPAL BZANG PO'I ZHAL SNGA NAS PHYAG DAM SPYI PHEBS DGONGS DON, NGES NAS KHYAB BDAG 'KHOR LO'I MGON PO GANG GI ZHABS NAS {N'A} RO'I KHRID BKA' ZAB MO YONGS SU RDZOGS PA BKA' DRIN BSKYANG SKABS, CHOS THUN RE RE BZHIN GYIS ZIN BRIS SPYAN ZHU DE LTAR BSKYANG YANG ,DA DUNG THE TSOM GYI GZHI CUNG ZAD YOD PA DANG BCAS, NYID DE KHAR RTAG PAR ZHABS 'KHOD KYI RJE'I GSUNG GTZANG MA GZHAN 'DRES MED PA ZIN BRIS ZHIG DANG 'BREL BA'I BLA MA SKAL BZANG 'DI PAR 'PHROD NGES YOD PA ZHES SPYI PHEBS DANG ,GZHAN YANG DON GNYER CAN 'GA' ZHIG

, ,NAS BSKUL CING, KHYAD PAR THAR RTZE MKHAN RIN PO CHE BYAMS PA KUN DGA' BSTAN PA'I RGYAL MTSAN DPAL BZANG PO NAS ZIN BRIS RNAMS GTAN 'BEBS 'DRI THUB NA LEGS TSUL PHEBS DON LTAR PHAL CHER GRUB CING ,MGO MJUG MA TSANG BA RNAMS GNAM LO'I RGYAL PO 'GAL BA ZHES BA SA MO GLANG GI LO SA GA'I ZLA BA DKAR PHYOGS DPA' BO MKHA' 'GRO 'DU TSES NYIN DGE BAR LEGS PAR SGRUB PA 'DI PHA BLA MA RJE BTZUN RDO RJE CHOS DNGOS DANG DBYER MA MCHIS PA RJE BLO GSAL ZHABS KYI CHUNG NGU'I DUS NAS SPYAN RAS KYIS BSKYANGS PA SLOB BU'I THA SHAL {SH'AKYA'I} ? BTZUN GZUGS RI PHUG BYANG GLING GI KHRI ZUR PA SNANG MDZAD RDO RJE 'AM RIN CHEN BLO BZANG MKHYEN RAB KYIS SBYAR BA'O,, ,, 'DI NI CHO GA DGYUS GCIG LA BRIS PA YIN YANG, RGYAS 'BRING BSDUS GSUM JI LTAR BYED KYANG SNGON 'GRO THOS BSAM GYI SGRO 'DOGS GCOD TSUL BCAD DON NYAMS SU LEN BYA'I BSKYED RIM , SEMS 'DZIN SOGS 'KHRID GTONG TSUL SBYANGS GZHI SBYONG BYED DANG BCAS PA DPE LUNG KLOG PA LTA BU MA YIN PA, 'CHAD PA POS RANG GI NYAMS SU BSTAR, NYAN PA POS NYAN BDE ZHING GO BDE BA GSUM BSHAD DANG, BSKYAR BSHAD SOGS RANG RGYUD LA 'DRES NGES KYI PHYAG LEN 'THEB PAR BYED PA NI RANG GZHAN GYI DON BLA MED SGRUB PA'O,, ,,

` ZAB MO RO GCIG MCHOG GI SNYING RJE'I 'DZUM, ,DPAL LDAN YID 'ONG SMIN LEGS GAR BSGYUR MA, ,GNAS GSUM SGYU MA'I SPRIN DU ROL PA YIS, ,YE SHES RDO RJE'I DGA' STON CIR YANG STZOL, ,SRID PA'I SPROS DANG ZHI BA'I SNYOMS 'JUG GI ,'CHING BAS 'THUMS PA'I YID CAN BLA MED SAR, ,'DREN PA'I THABS MKHAS BRGYA YI PHUL GYUR PA, ,GSANG MTHA'I RGYUD KYI SNYING BCUD 'DI KHO NA, ,TSE GCIG NYID DU SPANGS DANG RTOG PA'I RTZAL, ,MNGON RDZOGS DBYINGS KYI RGYAL SAR 'DREN PA'I LAM, ,ZAB MO'I GNAD KYI KHYAD PAR DU MA YIS, ,KUN NAS CHE BA'I ZAB DON NYID KHU'I DPYID, ,DE PHYIR RJE BTZUN THUB BSTAN SGROL DKAR DANG, ,MKHA' 'GRO {PADMA} BDE CHEN RNAM GNYIS NAS, ,LAM 'DI SKAL BZANG SNYING GI DGA' STON DU, ,'BAD MED SGRUB PA'I CHO GA YANG DAG BRTZAMS, ,'DI LAS JI SNYED THOB PA'I RNAM DKAR DGES, ,'JAM MGON RING LUGS BSHAD DANG SGRUB PA'I TSUL, ,ZAB MO'I LAM BZANG 'DI DANG BCAS PA YANG, ,MTHA' YAS SKYE RGU'I SNYING LA MDZES GYUR CIG ,KHYAD PAR RGYAL DBANG PHYAG NA {PADMO} YI, ,ZHABS SEN MI BSHIG SRID MTHAR RAB BRTAN CING, ,THUGS BZHED JI BZHIN RLABS CHEN 'PHRIN LAS KYI, ,SNANG

, ,? ? ? ? ? LONGS SPYOD SHOG ,BYU SBAR LTOS BCAS TSE DPAL CHOS 'BYOR RGYAS, ,SKYE KUN MKHA' SPYOD DGA' NAS RJES BZUNGS NAS, ,PHYI NANG MKHA' SPYOD CHEN PO'I ? ? ? ? MYUR ? ? ? PA'I BSKAL BZANG MNGON 'GYUR SHOG ,CES PA 'DI NI RJE BTZUN RDO RJE RNAL 'BYOR MA {N'A} RO MKHA' SPYOD DBANG MO'I RIM GNYIS KYI KHRID ZHVA LU RI ZUR RIN CHEN BLO BZANG MKHYEN RAB KYIS MTHAR ? YANG ? 'DI BZHIN CHA TSAD LA ZHAL DANG LA BA BCAS LAM 'DI NYAMS SU LEN PA RNAMS NAS DON GNYER BYED PA MANG YANG SNGAR PHAN PAR DU MA 'KHOD GSHIS DPE RGYUN DKON STABS, {DVAGS} {BHRUm} ? SKU DO RJE BTZUN MA THUB BSTAN TSUL KHRIMS SGROL DKAR, SKAL BZANG {PADMA} BDE CHEN CAN NAS CHOS SBYIN 'DZAD MED SPEL PHYIR PAR DU SGRUB GNANG MDZAD SKABS RTEN GSUNG DANG RAB DKAR AA SHE BCAS JI LTAR BSKUL MA MDZAD BZHIN PHA BONG KHA SPRUL BYAMS PA BSTAN 'DZIN 'PHRIN LAS RGYA MTSO 'BOD PAS SMON PA MCHOG TU DGE MTSAMS SBYAR BA'O,, ,,'GRO DON 'PHEL ,,SPAR 'DI CHU BZANG RI KHROD DU BZHUGS,,