(*, ,ZAB LAM BZO BA'I MAN NGAG MKHA' SPYOD BGROD PA'I THEM SKAS ZHES BYA BA BZHUGS SO;;)
, ,NA MO BADZRA d'A KI N+YE, ,DPAL LDAN PHUN TSOGS ZAB DON 'BYOR BA'I MDZOD, ,LHUN GRUB SKAL BZANG GDUL BYA SMIN MDZAD PA'I, ,GRUB PA'I DBANG PHYUG CHEN PO RAS CHEN PA, ,ZAB DON GDAMS BA'I GTER GYUR PHYAG GI YUL, ,NGAG DBANG 'JAM DBYANGS GZHON NU'I MKHYEN DPYOD CAN, ,DUS KUN BKRA SHIS DAM BA'I CHOS KYI MDZOD, ,KUN DGA'I DGA' STON STZOL BA'I RDO RJE 'DZIN, ,KHYAB BDAG BLA MA RIGS KYI BDAG POR BZHUGS, ,RNAL 'BYOR DBANG MO'I ZHAL LUNG BYIN RLABS KYI, ,DROD LDAN MKHA' 'GRO'I KHA RLANGS ZIL DNGAR CAN, ,'DA' KA'I NYAMS LEN THEM SKAS LA BRTEN NAS, ,MKHA' SPYOD BSGRUB PA'I GDAMS PA BSHAD KYI NYON, ,DE LA 'DIR 'DA' KA MA'I NYAMS LEN RNAMS KYI NANG NAS ZAB PA LAS KYANG CHES ZAB PA 'PHO BA NI GU MAR GRAGS PA'I ZAB KHRID NYAMS SU LEN PAR BYED PA LA, YID CHES SHING KHUNGS BTZUN PAR BYA BA'I PHYIR BRGYUD PA'I LO RGYUS DANG, DE LAS 'JONGS PA'I GDAMS PA GNYIS, DANG PO NI, DBYANGS CAN MAS RJES SU BZUNG BA'I PAndI TA CHEN PO BA DONG PA 'JIGS MED GRAGS PA'AM PHYOGS LAS
, ,RNAM RGYAL ZHES MTSAN GYI RNGA DBYANGS PHYOGS BRAL GYI RNA BAR 'GOD PA GANG DE'I SLOB MA'I MCHOG GRUB PA'I DBANG PHYUG RES CHEN DPAL 'BYOR BZANG PO DE, RDE BO DONG PA ZHING KHAMS GZHAN DU 'PHOS PA'I RKYEN GYIS THUGS SKYA NAS 'DU 'DZI'I RNAM G-YENG MTHA' DAG BSKYUNGS TE RDO RJE PHAG MO'I BSGRUB PA ZHIG MDZAD PAS, BSGRUB PA 'THON KHAR DNGOS NYAMS KYI MTSAN MA LA, BYAMS CHEN CHOS RJES RJES SU 'DZIN PAR 'DUG PAS GTZANG BAMS CHAN DU SONG ZER BA ZHIG BYUNG BAS LUNG BSTAN TSAD MAR MKHYEN TE BYON PA NA, CHOS RJE GRAGS PA BA'I BRANG KHANG DU BYAMS CHEN CHOS RJE GDAN DRANGS 'DUG PA'I LAM DU BSGUG SDOD BYAS PAS, DANG CIG NAS BYAMS CHEN CHOS RJE PHEBS BYUNG BAR RGYU MTSAN ZHUS PAS, KHYOD SMYO BA'AM 'PHRUL BA ZHIG YIN PA 'DRA GSUNG BAR ZHABS LA 'JUS TE NAN GYIS GSOL BA BTAB PAS, 'O NA DO NUB BRTAG PA BYED PAS SGUGS SHIG GSUNGS, SANG NANG PAR TSA BA SOGS BDAG RKYEN THUGS LA BTAGS NAS, KHYOD KYI LUNG BSTAN DE RNAM DAG YIN PAR 'DUG KYANG DED DANG LAS 'BREL CHE BAR MI 'DUG PAS PHAN MI THOGS, BDE CHEN STENG DU AA MA SNGAGS MKHAN MA BYA BA YOD PAS DES RJES
SU 'DZIN PAS SONG GSUNG BA LTAR BYON, BU MO ZHIG 'DUG PAR GTAM DRIS PAS, AA MGRONG CHOG LA BYON NAS MED, DON GAL CHE BAR YOD NA ZHAG GNYIS GSUM LAS MI 'GYANGS PAS 'DIR SGUGS DED KYI 'TSO BA 'DREN GSUNG BA LTAR DE NUB BZHUGS PA'I RMI LAM DU, LCAGS PHAG NAG PO ZHIG RMIS, NANG PAR BU MO LA BSHAD PAS AA MA 'BYON PA'I RTAGS YIN ZER, NYI MA GUNG LA ZIN TZAM LA AE MA YON BDAG GI GLANG LA ZHON NAS BYON BYUNG BAR PHYAG BCAL ZHING RGYU MTSAN ZHUS PAS, KHYOD SMYE BA'AM 'KHRUL BA ZHIG 'DUG, 'ON KYANG DO NUB BRTAG PA BYED PAS SGUGS GSUNGS, SANG NANG PAR NGA DANG LAS 'BREL CHE BAR MI 'DUG PAS, SHANGS NA BU MO LO BCU DRUG TZAM LON PA'I MTSAN LDAN ZHIG YONG PAS, ,DE'I DRUNG DU SONG RJES SU 'DZIN ZHES LUNG BSTAN PA LTAR SHANGS KYI MDA' NAS LHA PHU'I PAR DU BTZAL YANG MA RNYED, PHYIR 'TSOL KYIN LOG BYON PAS, THANG MGO BRAG SNE ZHIG TU BU MO SPA THUMS 'KHUR BZHIG DANG PHRAD PA LUNG BSTAN DANG MTHUN BYUNG NAS PHYAG BTZAL ZHING NA BZA' NAS 'JUS TE LO RGYUS ZHUS PAS, KHYOD RNAL 'BYOR PA SMYON PA ZHIG 'DUG NGA LAM DU 'GRO BA MI GTONG BAR, GZHAN GYIS MTHONG NA NGED RANG GNYIS LA 'PHYAS SMOD KYANG BYED ZER, NAN GYI GSOL BA BTAB PAS, 'O NA GSANG SNGAGS ZAB MO'I CHOS ZHU BAR TSOGS KYI 'KHOR LO DGOS PAS AA YOD GSUNG BAR, DA LTA MA MCHIS PAS ZHAG GCIG GNYIS KYI BAR RTZOL BA ZHIG BYED LAGS ZHUS PAS, DES MI 'ONG NGA LTA DGOS GSUNGS TE SHUG PA ZHIG RGYAB SONG BAS, PHA RI CHU RI NAS RDZI BO BU CHA BU MO MANG PA 'DUS BYUNG STE, DE RNAMS KYI MDZAR BA BLUG PA'I SNOD KYI NANG NAS, SHA, CHANG, ZAN SOGS LONGS
, ,SPOD CHEN PO SPUNGS BYUNG BA LA TSOGS KYI 'KHOR LOR MDZAD GDAMS PA ZAB MO RDZOGS PAR GNANG, KHYAD PAR ZAB MO 'PHO BA'I MAN NGAG 'DI, DBUS GTZANG RU BZHI, NYANG LONG GONG GSUM SOGS SU, LA PHRAD LA RU THOG LUNG PHRAD LUNG DU THOB GSUNGS NAS, BU MO SOGS THAMS CAD 'JA' YAL BA LTAR GYUR, DE NAS LUNG BSTAN LTAR PHYOGS MED DU 'GRO DON MDZAD PAS, 'PHEB BTAB PA RNAMS LA SPYI GTZUG RDOL TE 'JAG MA BTZUGS CHOG PA BYUNG BAS 'PHO BA 'JAG BTZUGS MAR GRAGS, YAR LUNG GAD PA STENG DU BU MO ZHIG NANG MI DANG MA MTHUN PAR GYUR PA LA GDAMS PA 'DI BSTAN PAS MKHA' SPYOD DU SONG BA SOGS LO RGYUS SHIN DU MANG, RJE RAS CHEN DPAL 'BYOR BZANG PO NAS BZUNG STE RTZA BA'I BLA MA'I BAR DU BRGYUD PA ZAM MA CHAD, GDAMS PA'I CHU BO MA NUB, BYIN RLABS KYI DROD MA YAL BA'I LO RGYUS NGO MTSAR BA MANG YANG 'DIR MA SPROS SO,, GNYIS PA DE LAS 'ONGS PA'I GDAMS PA DNGOS NI, RDO RJE MKHA' 'GRO LAS, NYIN RE BRAM ZE GSOD PA DANG, ,MTSAMS MED LNGA YI BYED PA DANG, ,BRKU 'PHROG 'DOD LA SPYOD PA YANG,, LAM 'DI YIS NI DAG 'GYUR TE, ,SDIG PAS GOS PAR MI 'GYUR ZHING, ,SRID PA'I SKYON LAS RING DU GROL, ,ZHES PHAN YON RGYA CHER BSNGAGS PA DANG MTHUN PA'I NYAMS LEN LA, SNGON 'GRO SBYANG BA'I RIM PA DANG, DNGOS GZHI LAS LA SBYANG BA GNYIS, DANG PO LA SNGON 'GRO DNGOS GZHI RJES KYI RIM PA GSUM LAS, DANG PO SNGON DU 'GRO BA SKYABS SEMS KYI RIM PA NI, PHYAG LEN LTAR RGYAS BSDUS SKABS SU SBYAR BAR BYA, GNYIS PA NI, RANG GI LUS MAN SHEL GYI MDOG LTAR DNGOS GSAL RNYOG PA MED PA'I SUM MDO NAS SPYI GTZUG
GI BAR RTZA DBU MA PHRA SBOM MDA' SMYUG TZAM PA, PHYI DKAR NANG DMAR, BAR SNGO BA 'JA' TSON LTA BU, SUM MDO'I THAD DU PADMA DKAR PO 'DAB MA BZHI PA'I LTE BAR RANG SEMS KYI NGO BO YI GE A'A: DKAR PO DNGOS SHING 'TSER BSNUM LA 'GRIL BAR GSAL BTAB, SPYI BOR RJE BTZUN RDO RJE PHAG MO MKHA' SPYOD MA SKU MDOG DZI WA KA'I ME TOG LTAR DMAR BA, ZHAL GCIG PHYAG GNYIS, PHYAG G-YAS PA RDO RJES MTSAN PA'I GRI GUG GI RTZE THUR DU BSTAN PA 'DZIN PA, G-YON GYIS THOD PA DKAR PO RAKTAS BKANG BA NAM MKHA' LA 'PHYAR PA'I TSUL GYIS BSNEMS PA, YAB DPA' BO SBAS PA'I TSUL GYIS KHA tV'Am GA PHRAG PAR BKAL BA, ZHABS GNYIS BGRAD PA, ZHAL DANG BHA GA NAS RAKTA 'BAB PA, LANG TSO DAR LA BABS SHING NU 'BUR ZUNG DANG LDAN PA, BDE BA SKYED PA'I NYAMS CAN, THAL BA SPANGS PA'I PHYAG RGYA LNGAS BRGYAN PA, YE SHES KYI ME 'BAR BA'I DBUS NA BZHUGS PAR MOS, DE NAS 'JAM RLUNG CUNG ZAD BZUNG STE RTZA LAM NAS RNAM SHES BSKUL BAS, 'PHAR YED YED, 'DAR LHEB LHEB YOD PAR BSAM YAR BLTAS PA'I RKYEN GYIS DAD PA DANG MOS DUNG SOGS BYAS TE GSOL BA GDAB PA NI, CHOS SKU RDO RJE 'CHANG CHEN LA GSOL BA 'DEBS, ,LONGS SKU RDO RJE PHAG MO LA GSOL BA 'DEBS, ,SPRUL SKU MKHA' 'GRO NI GU LA GSOL +, ,RAS CHEN DPAL 'BYOR BZANG PO LA +, ,MKHAS GRUB BYA BRAL CHOS RJE LA +, ,MTSUNGS MED BSAM GTAN KLING PA LA, , MKHAN CHEN KUN DGA' RGYAL MTSAN LA +, ,DRIN CAN BKRA SHIS RGYA MTSO LA +, ,RIGS 'DZIN KUN DGA' TSE MCHOG LA +, ,RJE BTZUN YE SHES GRUB PA LA +, ,'JAM DBYANGS BKRA SHIS KUN DGA' LA +, ,DRIN CAN RTZA BA'I BLA MA LA GSOL BA 'DEBS, ,ZAB LAM
, ,'PHO BA 'BYONGS PAR BYIN GYIS RLOBS, ,'PHYUGS MED MKHA' SPYOD 'GRUB PAR BYIN GYIS RLOBS, ,ZHES GSOL BA BTAB CING RLUNG GIS BSKUL BA DANG, AA AA HI KA CES BRJOD PA'I SGRA DANG BCAS TE, AA YIG DE NYID DBU MA'I LAM BRGYUD KYI BAR SLEBS, DE NAS SNYING GA MGRIN PA SPYI BO'I BAR DU 'PHOS NAS, SLAR YANG HIKA KA ZHES PA'I SGRA DANG BCAS TE 'BEBS SO,, SBYANGS PA'I DGOS PA NI GDAN BZHI LAS RIM LA SOGS PAS MA PHOG PAR 'PHO BA SBYONG BA MCHOG YIN NO ZHES PA STE, THOG MA NAS NYAMS 'OG TU TSUD PAR MA SBYANGS NA JI LTA BA MI 'BYUNG NGO,, MJUG GI NYAMS LEN SPYI LTAR LA, DE LTAR NAN TAN DU NYAMS SU BLANGS PAS 'BYONGS PA'I RTAGS SPYI GTZUG ZA BA, PHRIG PA, CHU SER 'BAB PA, THOD MTSAMS NA BA, SHES PA BZI THOG ME BA BRGYAL BA SOGS BYUNG NA THAL GYI DOGS PA YOD PAS MTSAMS 'JOG CING, THAL BAR NYE BA'I RTAGS BYUNG NA SPYI GTZUG TU RIN PO CHE 'GEBS PA DANG, RLUNG 'BUD PA, RKANG MTHIL BRDUNG BA, RDO TSAN SOGS KYI GDUGS BYA, GCIG BUR SPYANGS NA THAL NYEN CHE BAS GROGS MED PAR MI BYED, 'BYONGS RJES RGYUN DU NYAMS SU BLANGS NA TSE LA GZAN PAS MI GSUNG NGO, ,DNGOS GZHI LAS LA SBYOR BA NI, RDO RJE MKHA' 'GRO LAS, DUS LA BAB NA 'PHO BYA STE, DUS MIN LHA RNAMS GSOD PAR 'GYUR, ,LHA RNAMS BSAD PA TZAM GYIS NI, ,DMAL BAR NGES PAR SREG PAR 'GYUR, ,DE BAS 'CHI BA'I MTSAN MA NI, ,MKHAS PAS 'BAD DE SHES PAR BYA, ,ZHES GSUNGS PA LTAR, PHYI NANG GSANG BA'I 'CHI LTAS KYI MTSAN MA RNAMS BYUNG NA, 'CHI BSLU NYA'U 'DON PA, S'ATZTSA, GTOR MA'I CHOG, GSUNG
RAB BKLAGS, SPOM THAG SOGS DGE BA RGYA CHEN POS BZLOG PA'I THABS LA 'BAD, 'CHI BSLU BYAS KYANG MI BZLOG PA'I MTSAN MA BRTAN PO MTHONG NA NYAMS SU BLANG BAR BYA DGOS PAS, SNGON 'GROS RGYUD DAG PAR BYAS NAS, DNGOS GZHI LA, PHAt CES BRJOD PAS RANG GI RIG PA'I NGA BO RDO RJE RNAL 'BYOR MAR GSAL BA SNYING GA NAS RGYANGS TE 'THON, DE NYID KYIS RANG GI PHUNG PO RNYING PA, CHE BA TSO BA, SNUM PA DE LA GZIGS NAS PHAt CES BRJOD PA'I GRI GUG GIS MGO BO GTUBS TE, SKYID PO RI RAB TZAM PA GSUM GYI TSUL DU BYAS PA'I STENG DU RIM PA BZHIN DU PHAt KYI SGRA DANG BCAS PA, GRI GUG GI SMIN MTSAMS NAS BREGS TE THOD PA PHYI DKAR LA NANG DMAR BA STONG GSUM DANG MNYAM PA ZHIG BTZUGS PA'I NANG DU, RKED PA YAN GYI LUS KYI CHA SHAS RNAMS GTUBS TE BLUG PAS SHA'I RI BO, RUS PA'I GRAM GROD, KHRAG GI RGYA MTSO CHEN POR GYUR PAR MOS TE, AOm A'A: H'Um HA HO: HR'I: ZHES BRJOD CING, G-YAS PA'I GRI GUG GIS DKRUGS, G-YON PA'I THOD PAS 'PHYAR BAS BDUD RTZI'I RGYA MTSO CHEN POR GYUR PAR MOS, PHEM RANG GI THUGS KA'I H'Um LAS 'OD ZER LCAGS KYU LTA BU 'PHROS PAS, MGRON RIGS BZHI RNAMS SPYAN DRANGS SHING BKUG PAS MDUN GYI STENG 'OG BAR GSUM GANG BAR MOS, DE NAS LUS THAMS CAD LA RIM PA LTAR MCHOD PA 'BUL BA DANG SBYIN PA RGYA CHEN PO BTANG BAS THUGS MNYES SHING CHIM PAR BSAM, MCHOD YUL MCHOD RDZAS MCHOD PA PO THAMS CAD LA MI DMIGS PA'I RGYAS BTAB STE ZUNG ZAD MNYAM PAR BZHAG, DE NAS DGYUS LTAR LAS LUS SMAD GZHU'I DBYIBS CAN GYI RNAM PA RTZA DBU MA'I YAR SNE RDO RJE RTZE GCIG PA'I RNAMS
, ,CAN PADMA'I NANG DU TSUD PAR BSAM, GZHUNG LTAR BSKUL GSOL GYI RKYEN GYIS, PADMA NAS BYUNG BA'I 'OD ZER DMAR PO'I SNE LA KHAMS DMAR PO SRAN MA TZAM SBA THAG BTANG BA LTA BU NAR GYIS BYUNG, AA YIG LA DGE BAS KHAB LEN GYIS LCAGS 'DRAN PA LTAR DANG, DKYUS BZHIN LTE BA SOGS NAS YAR RIM PA LTAR SONG BA DANG DUS MNYAM BAR, RKANG MGO RKANG LA THIM, RKANG BRLA LA THIM, BRLA KHOG SMAD LA THIM, KHOG SMAD DBU MAL THIM, DE'I TSE RNAM SHES DANG RTZA THAMS CAD LHAN CIG TU TIG DANG BCAS RDO RJE RNAL 'BYOR MA'I THUGS KAR 'PHOS PAR MOS SHING, DE NAS PHAt LAN GSUM GYI DANG POS THUGS RGYUD BSKUL, GNYIS PAR GAR STABS DANG BCAS TE 'BYON PAR MNGON DU PHYOGS, GSUM PAS MKHA' SPYOD KYI GNAS SU SKAR MDA' 'PHANGS PA LHANG GSHEGS PAR BSAM MO,, GSUM PA MJUG GI RIM PA NI, GANG ZAG GZHAN LA PHAN GDAGS PAR 'DOD NA, PHUNG PO NYAL STABS CAN DE BLOS DRANG POR YOD PAR BSAMS, DMIGS PA KHA SPO BA MA GTOGS KHYAD PAR MED LA, DGE BA BSNGO ZHING SMON LAM GYIS RGYAS BTAB BO,, GLEN LKUGS DANG DUD 'GRO SOGS LA DMIGS PA ZUR DU BYA BA NI MAN NGAG ZHAL SHES LTAR RO,, GSOL 'DEBS SPROS PA CHE BAR 'DOD NA, RIGS BRGYA'I KHYAB BDAG RJE BTZUN RDO RJE 'CHANG, ,RGYAL BA KUN YUM RDO RJE PHAG MO DANG, ,BDE CHEN YE SHES BSKYED MDZAD NI GU MA, ,SNYING NAS GSOL BA 'DEBS SO THUGS RJES GZIGS, ,'JIGS SKRAG BAR DO'I 'PHRANG LAS BSKYAB TU GSOL, ,ZAB LAM 'PHO BA 'BYONGS PAR BYIN GYIS RLOBS, ,'PHYUGS MED DAG PA MKHA' SPYOD GNAS MCHOG DER, ,THOGS
MED DRONGS SHIG BLA MA YI DAM LHA, ,MKHA' 'GROS RJES BZUNG RAS CHEN DPAL 'BYOR BZANG, ,CHOS BRGYAD 'CHING BA KUN GROL BYA BRAL RJE, ,MKHAS DANG GRUB PA'I DBANG PHYUG BSAM GLING PA, X X X X X ,MKHAN CHEN DAM BA KUN DGA' RGYAL MTSAN DANG, ,RAS CHUNG RNAM SPRUL BKRA SHIS RGYA MTSO'I ZHABS, ,GDAMS PA'I BANG MDZOD KUN DGA' TSE MCHOG RJE, X X X X X ,NGAG GI DBANG PHYUG YE SHES GRUB PA'I ZHABS, ,GSANG CHEN BSTAN PA'I NYI MA A'A NANDA, ,GANG SHAR RANG SAR GROL BA'I RIG PA 'DZIN, X X X X X , DAL BA'I RTEN BZANG RNYED DKA' 'JIG PA SLA, ,SRID PA BAR DO'I 'PHRANG RING 'JIGS PA CHE, ,MTHA' MED 'KHOR BA SDUG BSNGAL MTSOR SHES NAS, ,SKYABS MCHOG RNAMS LA SNYING NAS GSOL 'DEBS NA, ,DA LTA NYID DU MKHYEN BRTZE'I SPYAN GYIS GZIGS MYUR BA NYID DU BYIN RLABS MTHU DPUNG SKYED, ,'DUG SA 'DI NAS MKHA' SPYOD GNAS SU KHRID, ,SKAD CIG NYID LA BDE CHEN SA RU SBYOR, ,ZHES GSOL BA BTAB KYANG RUNG NGO, ,DENG SANG BLA MA MA BSTEN PAR DPE CHA LA BLA MA BTZAL [?] NAS NYAMS LEN BYED PA MANG BAS, DE NI BRGYUD PA'I BYIN RLABS MED CING CHOS LA DBANG BZA' BA DANG RANG GZHAN GNYIS KAR PHAN PAR MI 'GYUR LA, RGYUN MED CHOS KYIS RGYAL KHAMS GANG NYEN YOD PAS SNOD MIN LA BKA' RGYA GAL CHE'I, SMRAS PA, TSE 'DIR KHA SBYOR BDUN LDAN MNGON BYED PA'I, ,LAM BZANG RDO RJE THEG DANG MJAL GYUR YANG, ,BLO DANG BRTZON PA ZHAN PAS DON MED DANG, ,'JIG RTEN PHA ROL BGROD PA'I SKYE BO MANG, ,STOBS DANG 'BYOR BA'I BSOD NAMS PHUN TSOGS SHING, ,TSIG BSHAD SNYAN
, ,PA'I BI WAm BRDUNG MKHAS KYANG, ,NYAMS LEN DROD RTAGS 'THON PA'I GNAD MED NA, ,BAR DO'I 'PHRANG DER NGAL ZHING DUB BA MANG, ,DPE 'KHYAM SNA TSOGS BSDUS PA'I BSHAD LAM DANG, ,'GRIG 'GRI GRANG BZO'I KHA BSHED MANG PO YIS, ,MI SHES BLUN PO'I MGO BO BSKOR BA DANG, ,'KHRUL MED BRGYUD PA'I ZAB CHOS 'DI MI 'DRA, ,DE PHYIR SKAL LDAN MANG POR PHAN PA'I CHED, ,MAN NGAG YI GE'I 'PHRENG BAR SPEL BA LA, ,CHOS SRUNGS MKHA' 'GROS BZOD PAR MDZAD NAS KYANG, ,DUS KUN DGE BA'I BKRA SHIS CHAR DU PHOB, ,YE SHES KYI MKHA' 'GRO NI GUMS RAS CHEN DPAL 'BYOR BZANG PO LA DNGOS SU STZAL BA'I ZAB LAM 'PHO BA'I MAN NGAG YI GER BKOD PA MKHA' SPYOD BGROD PA'I THEM SKAS ZHAS PA 'DI NI, RGYA CHEN RGYUD SDE RGYA MTSOR RNAM DPYOD MCHOG TU YANGS PA'I ZHA LU RI PHUG GI SLOB DPON RIN CEN BSOD NAMS MCHOG GRUB LA NYAMS KHRID BGYIS SKABS BSKUL BA LTAR ZA HOR GYI BANDE NGAG DBANG BLO BZANG RGYA MTSOS SBYAR BA'I YI GE BA NI 'JAM DPAL LO,, ,ZHES PA 'DI NI ZLA 2 TSES 17 [?] RI PHUG SLOB DPON SANG GNANG,,
[BLANK PAGE]