(!, ,N'A RO MKHA' SPYOD KYI RNAL 'BYOR BCU GCIG GI NYAMS LEN SGRO 'DOGS GCOD PA DANG SEMS 'DZIN ZUNG 'BREL DU GTOR TSUL MTHONG GROL LDE MIG BZHUGS,)
, ,SVASTI SIDDHAm, MKHA' SPYOD ZHING GI RDO RJE BTZUN MO YI, ,NYE LAM N'A RO TA PA'I THUGS KYI BCUD, ,'JAM MGON SA SKYA'I BLA CHEN GSER CHOS MCHOG ,SLOB BSHAD 'DZIN MKHAS RIM BRGYUD GSANG PA'I GTAM, ,GNAD 'GAG SGRO 'DOGS BCAD NAS SNYING PO RU, ,DON BZANG NYAMS SU BSTAR BYED GROL LAM KHRID, ,RTOGS DKA'I MTSO LAS SGROL NUS PHYAG BZHES GRUS, ,DAM PA'I BZHED SROL NOR BU 'DI NA 'DREN,, DE LA 'DIR BDE BAR GSHEGS PAS GSUNGS PA'I GSUNG RAB MTHA' DAG GI MCHOG TU GYUR PA NGES GSANG RDO RJE THEG PA'I YANG RTZE RNAL 'BYOR BLA NA MED PA'I RGYUD SDE'I NANG NAS SHIN TU ZAB PA RNAL 'BYOR GSANG MTHA' 'KHOR LO SDOM PA'I RGYUD KYI BCUD PHYUNG BA RDO RJE RNAL 'BYOR MA'I BSKYED RDZOGS KYI LAM ZAB MO RJE BTZUN RDO RJE BTZUN MO NYID KYIS 'PHAGS YUL PAn GRUB KUN GYI GTZUG RGYAN N'A RO TA PA LA DNGOS SU GNANG, DES KYANG 'PHAGS BOD KYI SLOB MA GRAGS CHEN GZHAN SU LA'ANG MA STZAL BAR BAL PO PHAM MTHING PA GCEN 'JIGS MED GRAGS PA DANG GCUNG NGAG DBANG GRAGS PA MCHED GNYIS LA CHIG BRGYUD DU GNANG BA RJE BTZUN SA SKYA PA CHEN POR BKA' BABS PAS LCAGS RI MI 'DA' BA'I GSER CHOS BCU GSUM MAM KLU PA'I GSER CHOS
, ,BCU BZHIR GRAGS PA'I NANG TSAN NAS MCHOG SGRUB KYI MAN NGAG SHIN TU ZAB PA N'A RO MKHA' SPYOD KYI SKOR ZHES GRAGS CHE BAS, THOS LO'I MING TZAM DON DU GNYER BA'I DBANG DANG KHYIN RLABS DBYE BA MI PHYED PAR RANG BZO'I SINDHU RA'I BYIN RLABS DANG YIG RNYING GI LUR KHA YAR DGE ZHAL BO JO DVAGS SHANGS PHYOGS SU 'ANG THOR BU BYUNG, SA SKYA'I RJES 'BRANG GONG DKAR BA PHYOGS LA GSAN YIG RGYA MTSOR BYIN RLABS GSAN TSUL 'DUG KYANG DENG SANG DAR SO MED, RDZONG CHUNG BAR LUNG RGYAN CAM LAS BYIN RLABS KHRID DANG CHAG MED KYI RGYAN PHYIS RIM GYIS NUB, NGOR BA RNAMS LA THUN MONG BA'I KHRID MA CHANG TZAM MUS PHYOGS SU YOD PAR GRAGS RGYU MTSAN DE DAG LA BRTEN GDAMS PA YONGS SU RDZOGS PA TSAD MA BZHI LDAN CHAD MED KHA'U BRAG RDZONG PA'I LUGS 'DZIN RNAMS LAS GZHAN DU MED PAR SNANG BAS GDUNG BRGYUD RIM PA DANG YAR KLUNGS PA KHU DBON LAS SNYAN NAS SNYAN DANG ZHAL NAS ZHAL DU BRGYUD BA'I MKHA' 'GRE'I KHA RLANGS CAN RDO RJE 'CHANG TSAR PA CHOS RJE'I GSUNG RGYUN THAMS CAD MKHYEN PA MKHYEN BRTZE'I DBANG PHYUG GIS REG ZIG TU MDZAD PA'I KHRID YAG CHEN MO 'DIR, BSGOM BYA'I DON LA THOS BSAM GYIS SGRO 'DOGS GCOD PA BSKYED RIM GYI BYA BA DANG BCAD DON NYAMS SU LEN PA SEMS 'DZIN GYI BYA BA GNYIS ZUNG
'BREL DU MDZAD PA'I DBANG DU BTANG ZHING, GSANG 'DUS BDE MCHOG 'JIGS BYED SOGS LA'ANG 'DI DANG DBYIBS 'DRA RUNG BYUNG NA DING SANG 'KHRID RKYANG LAS RNAM BSHAD GTONG BA'I RGYUN PHAL CHER NUB, LUGS SROL 'DIR GDUL BYA DBANG PO RAB 'GRING LAN LA ZUNG 'BREL DU GNANG BA'I BYAG SROL MA NUB CING, MKHAN CHEN NGAG DBANG CHOS GRAGS KYIS MDZAD PA'I KHRID YIG TU KHRID RKYANG GI TSUL DU MDZAD 'DUG PA DUS KYI DBANG GIS MI RNAMS BLO'I MTHU ZHAN PAS LAM 'DI LA MOS SHING DBANG PO RTUL BA'I RIGS RJES SU 'DZIN PAR DGONGS PA CHOS RGYUN SPEL MI NUS PA'I NYAMS LEN TZAM BYED PA LA DES SKABS DON NGES PAR YANG 'GRUB, RJES 'BRANGS SU RLOM PA LA LAS SGRO 'DOGS GCOD PA DANG BCAD DON NYAMS LEN GNYIS NGOS MA ZIN PA'I 'DRA 'DRES SNA TSOGS KYIS PHYAG LEN 'CHAL BA 'ANG BYUNG TSOD DU SNANG BA DE 'DRA'I NYES PA KHEBS SHING 'CHAD NYAN GYI RGYUN LA PHAN BA'I CHED DU RNAM BSHAD DANG SEMS 'DZIN ZUNG 'JUG MA 'DRES PAR GTONG BA'I PHYAG LEN LA, SPYIR DVAGS BRGYUD PA SOGS RTZING POR SPYOD PA MANG PO BYIN RLABS KYIS DBANG GO GCOD BA, SDOM GSUM DU, RDO RJE PHAG MO 'BYIN RLABS NI, ,MAR BA LHO BRAG PA LA MED, ,CES LO PAn YONGS GRAGS RNAMS KYIS DBANG GO BYIN RLABS KYIS GCOD PA MED PAR GSUNGS SHING DE DANG PHYOGS MTHUN BAR THAMS CAD MKHYEN PA BU STON RIN PO CHE DANG RGYAL BA GNYIS PA BLO BZANG GRAGS PA SOGS TSANG LDAN GYI MKHAS GRUB THAMS CAD BZHED PA YIN LA, KHYAD PAR LUGS SROL 'DI LA SA SKYA'I 'JAM MGON RJES 'BRANG RNAMS KYI PHYAG BZHES SU SNGON 'GRO 'KHOR LO SNGOM PA LO NAG DRIL GSUM LTA BU YAB BKA' YUM BKA' GANG RUNG GI RDUL TSON DANG RAS BRIS KYI DKYIL 'KHOR CI RIGS PAR DBANG BZHI MTSAN NYID DANG LDAN BA THOB PA, GAL TE BDE MCHOG
, ,GI RIGS KYI DBANG MTHOB KYANG KYE RDOR BKA' BABS BZHI SOGS MDOR NA BDE DGYES KYI RIGS GANG YANG RUNG BA'I DBANG THOB PA'I SNOD LDAN RNAMS LA THOG MAR RGYUN 'KHYER GYI MNGON RTOGS 'DZIN DU BCUG, ,YAR NGO MAR NGO'I TSES BCU GANG RUNG DANG 'BREL NA RA DE MIN DUS GANG YANG RUNG BAR SINDHU RA'I DKYIL 'KHOR DU RDO RJE 'CHANG TSAR PA CHOS RJES MDZAD PA'I MKHA' SPYOD SGRUB PA'I NYE LAM GYI YI GE'I STENG NAS PHYAG LEN 'KHRUL PA MED PA'I BYIN RLABS BYA, DE NAS BZUNG RGYUN 'KHYER GYI NYAMS LEN DANG BCAS DAM BCA' GANG BYAS KYI AOm GSUM MA CHAG MAD DU BZLA, 'DI BA'I GDUL BYA DBANG PO RAB 'BRING THAM THA MA'I THA MA STE BZHIR BSHAD PA THAMS CAD KYI THUN MONG DU NYAMS SU BLANG BYA, RJE BRTZE BA CHEN POS NYAL DANG LDANG DANG BDUD RTZI MYANG, ,CHAD MED BLA MA BDAG LHAR BSGOM, ,GRA BDAG PA'I RNAL 'BYOR MA, ,DPA' BO DPA' MOS BYIN GYIS BRLABS, NGAG BZLAS YID BZLAS GNYIS GCIG YIN, ,BSAM MI KHYAB KYI RNAL 'BYOR DANG, ,SPYAD LAM GYI NI RNAL 'BYOR TE, ,DE LTAR RNAL 'BYOR BCU GCIG GO, ,ZHES PA 'DI NYID MCHAD PA LA SGRE 'DOGS GCOD PA DANG SEMS 'DZIN GNYIS KA BYUNG ZHING, DNGOS BSTAN 'DI LA SGRO 'DOGS GCOD BA'I RTZA PA BYAS, ,BCAD DON NYAMS LEN LA GO BDE SDOMS CHIG TU BYED NA, ,SNGON 'GRO DNGOS GZHI RJES GSUM DANG PO LA, ,THUN MONG THUN MONG MIN BA'I THUN MONG BAR, ,DAL 'BYOR RNYED DKA' MI RTAG LAS 'BRAS DANG, ,'KHOR BA'I NYES DMIGS THUN MONG MA YIN PAR, ,SKYABS SEMS RDOR SEMS BLA MA'I RNAL 'BYOR KHRID, ,DNGOS GZHIR BSKYED RDZOGS GNYIS KYI BSKYED PA'I SKABS, ,BYA BA BYED CAN GNYIS LAS PHYI MA'I GRANGS, ,NGA RGYAL RNAM PA GNYIS KYI RNAM PA LA, ,
SPYI DANG BYE DRAG LUS DKYIL SEMS 'DZIN PA, ,RDZOGS PA'I RIM PAR GZHI LAM 'BRAS BU GSUM, ,GNYIS PAR CHOS NYID DNGOS DANG BRGYUD NAS STON, ,PHYI MAR CHAGS CAN CHAGS BRAL RNAM PA GNYIS, ,CHAGS BRAL RLUNG SEMS DBU MAR BSDU BSGOM ZUNG, ,BSGOM PAR BDE BA DANG NI STONG BA BSGRUB, ,GSUM PA 'BRAS BU YAN LAG BDUN LDAN THOB, ,BSAM MI KHYAB BYA MJUG SDUD TSAR CHOS STON, ,ZHES GO BDE BAR BRJOD NAS MTHUN MONG BA'I SNGON 'GRO GSUNG NGAG DANG BLO SBYONG SOGS ZHU MYONG NA BTANG SNYOMS SU BZHAG, ` DMIGS RKANG DANG PO RNAL 'BYOR BCU GCIG GI NYAL PA, LDANG BA, BDUD RTZI MYANG BA GSUM LA THOS BSAM GYIS SGRO 'DOGS BCAD NAS BCAD DON NYAMS SU LEN PA'I SNGON 'GRA'I SA BCAD BZHI PO BLANGS TA SKYABS 'GRO DANG SAMS BSKYAD KYI DMIGS PA GTONG, NYAL LDANG BDUD RTZI GSUM GYI DMIGS PA'ANG DE GA'I DUS SU NYAMS SU LEN DGOS PAS NYAN CHOS TZAM GYIS MI CHOG CING NGES MTSON RNAM BSHAD KYI GO NGON SO SO'I DMIGS PA, GANG BYANG GI CHE NYAMS SU LEN DGOS,, ` NUB GNYIS PAR TSAD MED PA'I RNAL 'BYOR GYI SKYABS 'GRO LA SGRO 'DOGS BCAD NAS RDO RJE SEMS DPA'I SGOM BZLAS KYI SEMS 'DZIN GTOD, KHRID MA GROL BAR THUNG BZHI NGES PAR DGOS SHING DMIGS RKAD SNGON MTSO MCHAG PA'I STENG GSAR BA LA NAN [?] TAN GYIS SGOM,, ` NUB GSUM PAR BLA MA'I RNAL 'BYOR LA SGRO 'DAGS BCAD NAS MAndAL GYI KHRID DU GRAGS PA GNYIS BRAL 'CHAD DUS KYI ZHAL SHES DANG BO DANG GNYIS PA'I SEMS 'DZIN GTONG, BLA MO'I RNAL 'BYOD THUN MONG DE THOB NYIN THUN GCIG TZAM LAS STAR CHAGS SU BSGOM MI DGOS,, ` NUB BZHI PAR MTHAR THUG GI SBYANG GZHI NGOS BZUNG STA GNAS GSUM GYI MKHA' 'GRO MA DBANG DU 'DUS PAR BRTEN LHAN SKYES KYI RNAL 'BYOR MAS BYIN GYIS BRLABS PAS RTOGS PA NANG NAS 'CHAR CHUL LA SGRO 'DOGS
, ,BCAD NAS BCAD DON MNGON RTOGS RGYUN 'KHYOR TZIG ZIN LTAR BSHAR NAS BZLAS PA DAM BCA'I GRANGS DANG MTHUN PA CHAG MED DGOS TSUL YID BZLAS ZHAR BYUNG RDZOGS RIM RNAMS KYI NGO GRANGS TZAM BYAS NAS NGA RGYAL GYI SEMS 'DZIN GTANG, 'DI NAS BZUNG THUN MTHAR BSAM MI KHYAB THUN MONG BA'I MJUG SDUD RE'ANG MDZAD,, ` NUB LNGA BAR SKYE SHI BAR DO GSUM SBYONG BA DANG BDAG GI GZHI SBYANG BAR SGO 'DOGS BCAD NAS RNAM PA SPYI'I SEMS 'DZIN GTONG,, ` NUB DRUG BAR GZHI BSGYUR BA'I KHA tV'I GA'I MTSON DON YAN LA SGRO MDOGS BCAD NAS SBYAN DBUS MA'I SEMS 'DZIN GTONG,, ` NUB BDUN PAR DBU SKRA NAS DGA' BA BCU DRUG RGYAS CHUL YAN LA SGRO 'DOGS BCAD PA'I SPYAN G-YAS G-YAN [?] NAS ZHAL GYI BAR GYI SEMS 'DZIN GTONG,, ` NUB BRGYAD PAR RIGS BDAG DANG RDO RJE RNAL 'BYOR MAR SANGS RGYAS THAMS CAD 'DUS TSUL LA SGRO 'DOGS BCAD PA'I MGUL BA NAS NU 'BUR BAR GYI SEMS 'DZIN GTONG,, ` NUB DGU PAR 'GO BDAG PA DANG DPA' BO DPA' MOS BYIN GYIS BRLABS BAR SGRO 'DOGS BCAD NAS PHYAG GNYIS KYI SEMS 'DZIN GTONG,, ` NUB BCU PAR PHO NYA GSUM BSRE DANG GO CHA BCING BA GNYIS LA SGRO 'DOGS BCAD PA'I RKED PA NAS ZHABS KYI BAR GYI SEMS 'DZIN GTONG,, PHO NYA GSUM BSRE 'DI LA TSOGS BSHAD PA RNAMS LAM GRAGS PA'I LUS DKYIL GYI MAN NGAG YOD PA SLOB MA GCIG GAM SNOD DANG LDAN NGES GSUM LAS MI MANG BAR GSER GYI MAndAL DANG BCAS STER BA LAS KHROM TSOGS SU MI MDZAD PAS DUS DER MANG MA GROL NAS GNANG NGAM SLAR KHRID RDZOGS PA'I RJES LA BTANG KYANG CHOG, ` NUB BCU GCIG PAR NGAG BZLAS DANG YID BZLAS GNYIS LA SGRO 'DOGS BCAD PA'I THOD SKAM NAS
MGUL RGYAN GYI BAR GYI SEMS 'DZIN GTONG,, ` NUB BCU GNYIS PAR ZHAR BYUNG RDZOGS RIM DANG POR SGRO 'DOGS BCAD PA'I DPUNG RGYAN NAS YE SHES KYI ME DPUNG GI BAR GYI SEMS 'DZIN GTONG,, ` NUB BCU GSUM PAR ZHAR BYUNG RDZOGS RIM GNYIS BAR SGRO 'DOGS BCAD PA'I LUS DKYIL GYI GTZO MO'I SPYAN DBUS MA'I SEMS 'DZIN GTONG, ZHAR BYUNG 'DI GNYIS LA TSIG MANG PA MED KYANG DA NAB NAS BZUNG YID BZLAS KYI MJUG TU DMAGS PA NAN TAN BSGOM DGOS PAS RNAM BSHAD KYANG TSAR GSUM TZAM MDZAD, , ` NUB BCU BZHI BAR SPYOD LAM GYI RNAL 'BYOR LA SGRO 'DOGS BCAD NAS SPYAN GNYIS NAS ZHAL GYI BAR GYI SEMS 'DZIN GTONG,, ` NUB BCO LNGA PAR KHA ZAS NAS SBYIN SREG GI BAR LA SGO 'DOGS BCAD PA'I MGUL NAS ZHABS KYI BAR GYI SEMS 'DZIN GTONG,, ,, ` NUB BCU DRUG PAR TSES BCU DANG GTOR MAR SGRO 'DOGS BCAD NAS RGYAN CHA LUGS KYI SEMS 'DZIN GTONG,, ` NUB BCU BDUN PAR GANG ZAG DBANG PO RAB KYI GROL TSUL LA SGRONG DOGS BCAD NAS 'KHOR GYI LTA SO DRUG GI SPYAN DBUS MA'I SEMS 'DZIN GTONG,, ,, ` NUB BCO BRGYAD PAR GANG ZAG DBANG PO 'BRING SINDHU RA'I SGRUB PAR SGRO 'DOGS BCAD NAS SBYAN GNYIS NAS ZHABS KYI BAR GYI SEMS 'DZIN GTONG,, ` NUB BCU DGU BAR GANG ZAG DBANG PO THA MA 'CHI KHAR RNAL 'BYOR MAS RJES SU 'DZIN PA DANG MYUR PA 'PHO BA'I PHAN YON 'CHI LTAS BZLOG THABS SOGS LA SGRO 'DOGS BCAD NAS RGYAN GYI SEMS 'DZIN GTONG, 'PHO BA YOD TSUL TZAM GSUNGS PA LAS DMIGS PA MANG PO LA MI MDZAD DON GNYER CAN RE GNYIS LA SKABS 'DIR MI STON BAR RDZOGS RIM GYI 'JA' LUS BSGRUB PA'I MJUG TU GNANG ZHING
, ,DE YANG DUS GCIG LA YAB YUM GANG RUNG GI 'PHO DMIGS GCIG PHAB NAS CIG SHOS SLAR MDZAD, 'DIR KHRID BSGOM MKHAN GCIG GAM MANG MTHA'ANG GSUM TZAM GYI DBANG DU BYAS NAS LUS DKYIL GYI SEMS 'DZIN BKOD PA YIN GYI, KHRID BSGOM MKHAN MANG BO YOD NA LUS DKYIL KHROM CHO SU MI GTONG BA'I STABS SEMS 'DZIN BDUN PO'I TSAB LA DNGOS GZHI'I SEMS 'DZIN RNAMS PHRAL NAS ZHIB TU GTONG NGAM YANG SEMS 'DZIN BDUN DU BCAD NAS NYI MA GNYIS LA THUN GCIG PO DEG BLDABS PA'I GTONG LUGS SKABS THOB SBYAR, 'DI MI GSUM CHUN LA ZHAG NYER LNGA DANG DE LAS MANG BAR ZHAG NYER GSUM TZAM LA GRUB PA'I 'BRING BO'I DBANG DU PHYAS KYI SEMS 'DZIN LA GNAD DU BSNUN PA'I ZLA LHAG TZAM BYED NA SGO 'DOGS GCOD PA'I BSHAD PA'ANG CUNG ZAD NYUNG DU BTANG NAS GRANGS MANG DU SPEL, BSDUS PA ZHAG BCU GSUM CAM LA SGRUB PA BYED NA SGO 'DOGS GCOD PA'ANG DKYUS RING DU BYAS NAS SEMS 'DZIN DANG LHAN DU RDZOGS PA BYAD, RDZOGS RIM LA SGRO 'DOGS GCOD PA DANG SEMS 'DZIN ZHES NYIS SBRAGS SU GTONG RGYU MED PAS KHRID GZHUNG BZHAN,, ` NUB NYI SHU BA RLUNG SEMS DBU MAR BSDU BA, , ` NUB NYER GCIG BA RLUNG LUS LA GNAS PAS BDE BA BSGRUB PA,, ` NUB NYER GNYIS PA RLUNG SEMS LA ZHUGS PAS 'JA' LUS BSGRUB PA, ` NUB NYED GSUM PA 'PHO BA,, ` NUB NYER BZHI PA ZHAL SHES GSUM PA MTHUN MONG MA YIN PA'I BSAM MI KHYAB GSER GYI MAndAL DANG BCAS CHIG BRGYUD LAS SNOD LDAN GNYIS GSUM LA STON KYANG RE RE NAS STON PA LAS LHAN CIG TU YE MI GNANG,, ` NUB NYER LNGA PA PHYOGS LAS RNAM RGYAL GYI SPYOD PA SOGS LA BRTEN NAS 'BRAS BU GRUB PA DANG TSAR CHOS RGYUN GYI NYAMS LEN
SNYING POR DRIR TSUL BSTAN MA YIN, CHOS NYID DNGOS SU STON PA RJE BTZUN YAB DANG THUN MONG BA'I RTZA DBU MA'I SKABS SU YOD PA YONGS GRAGS KYI KHRING 'DI LA BAR BKAB MI MDZAD CING BRGYUD 'DABS SU,, LTE BA'I PADMOR RLUNG LNGA'I TI LA KA ZHES SOGS KYI DGONGS DON GYI NYAMS KHRID KYANG RNAL 'BYOR DBANG PHYUG YAR KLUNGS PA DAR KUN MKHYEN MKHYEN BRTZE'I YI GE LA BLTOS DGOS PAS SA SKYA TSAD KYI RNA BAR MA GRAGS PA YIN, CHAGS CAN PHO NYA'I LAM NI DING SANG DNGOS SU MI MDZAD KYANG, ,'BRAS BU THOB PA'I SKABS LAS RGYAL BLTOS DGOS TSUL ZUR TZAM BSTAN NO,, DBANG PO RAB 'BRING LUS 'DIS MKHA' SPYOD BGROD, ,THA MA BAR DOR DPA' BO MKHA' 'GROS BSU, ,CHOS MYUR 'DA' KHA'I LAM GYIS SKAD CIG 'PHO, ,YANG THA SKYE BA BRGYUD NAS DNGOS GRUB 'THOB, ,AA HO MA DANG MKHA' 'GRO'I ZHAL GYI RLANGS, ,MNGAR PO 'THUL 'DI N'A RO TA BA NAS, ,SNYAN BRGYUD TSAD MA BZHI LDAN 'DZIN NUS PA'I, ,MKHAS DANG GRUB PAR BRGYUD KYI GZHAN DU MIN, ,'DI DON NYAMS SU BLANGS NA GNAS SKABS DANG, ,MTHAR THUG DON CHEN 'GRUB PAR NGES RNYAD KYANG, ,GAL CHUNG CHOS SU BYED PA BDAG 'DRA LA, ,SGYED BU GSER DU SONG BA'I DBUL BO BZHIN, ,CHE 'DI BDE SDUG RE NGOGS RMI LAM TZAM, ,'KHOR BA'I NGANG TSUL BSAMS NA SNYING RLUNG LDANG, ,DE BAS CHOS BRGYAD ZING LONG RGYAB BSKYUR NAS, ,GNYAN 'DUN SGRUB PA'I RUS PA SNYING LA BCUG ,MTSAN NYID KUN LDAN RDO RJE'I SLOB DPON BSTEN, ,DBANG KHRAD ZAB MO'I GNANG LA SGRO 'DOGS BCAD, ,CHAG MED BSKYED RDZOGS ZUNG 'JUG RNAL 'BYOR GYIS, ,RNYED DKA'I DAL 'BYOR STONG BAR MA
, ,LOG TZAM, ,RANG GI DRAN PA GSO DANG SKAL MNYAM 'GAR, ,PHAN 'DOD LHAG PA'I BSAM PAS NYER DRANGS NAS, ,BKAD PA'I DGE 'DIS GSANG CHEN SLOB BSHAD KYI, ,BSTAN PA PHYOGS BCUR RGYAS PA'I BKRA SHIS SHOG ,RJE BTZUN N'A RO MKHA' SPYOD KYI RNAL 'BYOR BCU GCIG GI NYAMS LEN LA SGRO 'DOGS GCOD PA DANG SAMS 'DZIN ZUNG 'BREL DU GTONG TSUL MTHONG GROL LDE MIG CES PA 'DI YANG RANG NYID KYI BRJED BYAR DU 'DRI 'DUN YOD PA'I STENG RIGS KUN BDAG PO MKHAN CHEN ZHA LU PA RIN CHEN BSOD NAMS MCHOG GRUB BSTAN PA'I RGYAL MTSAN DPAL BZANG POS BSTAN RGYUN LA PHAN PA 'DUG TSUL GYI LEGS SO GNANG BAR BRTEN, KHYAB BDAG RDO RJE SEMS DPA'I NGO BOR BZHUGS PA'I DPAL LDAN BLA MA RNAM GSUM (TSUR CHAN, BKA' 'GYUR BA, ZHA LU PA,) GYI BKA' DRIN LA BRTEN NAS CHOS TSUL 'DI LA BLO MIG YANGS PA'I SLOB BSHAD PA ZA HOR GYI BANDES LCAGS PHAG HOR ZLA GNYIS PA'I YAR TSES BCO LNGA'I NYIN SBYAR BA'I YI GE BA NI RIG BYED BA NGAG DBANG NAM MKHA',, SARBA MANGGA LAm,, ,,
[BLANK PAGE]