90 · GMLW-003877

A Sutra of the Greater Way entitled "700 Verses on the Perfection of Wisdom" (Ārya Sapta Śatikā Nāma Prajñā Pāramitā Mahāyāna Sūtra)

'PHAGS PA SHES RAB KYI PHA ROL TU PHYIN PA BDUN BRGYA PA ZHES BYA BA THEG PA CHEN PO'I MDO

נושאי-מדףSubjects:

DKON BRTZEGSPile of Jewels (Ratna Kūṭa)

נושאיםTopics:Perfection of WisdomWisdomEnlightenmentDeep ConcentrationCyclic LifeNirvanaPerfectionsthe Buddha

נמצא בfound inPile of Jewels (Ratna Kūṭa)

מספר טוהוקוTohoku numberToh 90 · Ratnakuta

מהדורהrecensionDerge

כניעה לhomage toSANGS RGYAS DANG BYANG CHUB SEMS DPA' THAMS CAD

הפנדיטה ההודיIndian panditaSU RENDRA BO DHI

הלוצאווה הטיבטיTibetan lotsawaBAN DE YE SHES SDES

פוליוfolios309a–350a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title100%

ז'אנרgenreRoot Texta Perfection of Wisdom sutra AND the forty-sixth assembly of the Heap of Jewels

מקום החיבורplace of compositionShravastithe Buddha is in Prince Jeta's grove with a full thousand monks

אנשים ומקומותpeople and places namedManjushri · Surendrabodhi · Yeshe DeManjushri is the questioner; the colophon names Surendrabodhi with the chief editor-translator

רמת קושיleveladvanced scholastic

הכותרת אומתה מול הטקסטtitle verified against the textnothe closing gives it a SECOND name — the chapter Requested by Manjushri — which the head does not carry

הקבציםThe files

KL00090E_'PHAGS PA SHES RAB KYI PHA ROL TU PHYIN PA BDUN BRGYA PA ZHES BYA BA THEG PA CHEN PO'I MDO_A Sutra of the Greater Way entitled "700 Verses on the Perfection of Wisdom" (Ārya Sapta Śatikā Nāma Prajñā Pāramitā Mahāyāna Sūtra).txt/8. DKON BRTZEGS_Pile of Jewels (Ratna Kūṭa)/VOL 6 (CHA)

הטקסטThe text

טיבטיתTibetanKL00090E_'PHAGS PA SHES RAB KYI PHA ROL TU PHYIN PA BDUN BRGYA PA ZHES BYA BA THEG PA CHEN PO'I MDO_A Sutra of the Greater Way entitled "700 Verses on the Perfection of Wisdom" (Ārya Sapta Śatikā Nāma Prajñā Pāramitā Mahāyāna Sūtra).txt100,793 תוויםcharacters

309a

,,RGYA GAR SKAD DU, A'ARYA SAPTA SH'A TI K'A N'A N'A MA PRA DZNY'A P'A RA MI T'A MAH'A Y'A NA S'U TRA, BOS SKAD DU, 'PHAGS PA SHES RAB KYI PHA ROL TU PHYIN PA BDUN BRGYA PA ZHES BYA BA THEG PA CHEN PO'I MDO, BAM PO DANG PO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA, DGE SLONG STONG THAM PA'I DGE SLONG GI DGE 'DUN CHEN PO DANG THABS GCIG TU BZHUGS SO, ,BYANG CHUB SEMS DPA' SEMS DPA' CHEN PO GO CHA CHEN PO BGOS PA SA YA THAMS CAD KYANG BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA SHA STAG LA 'DI LTA STE, 'JAM DPAL GZHON NUR GYUR PA DANG, BYAMS PA DANG, SPOBS PA THOGS PA MED PA DANG, BRTZON PA MI 'DOR BA DANG, DE DAG LA SOGS PA BYANG CHUB SEMS DPA' SA YA DANG YANG THABS GCIG GO ,

309b

DE NAS 'JAM DPAL GZHOL NUR GYUR PA DE BZHIN GSHEGS PA LA BLTA BA DANG, PHYAG BYA BA DANG, BSNYEN BKUR BYA BA'I PHYIR SKYA RENGS SHAR BA'I DUS KYI TSE RANG GI GNAS NAS BYUNG STE, DE BZHIN GSHEGS PA'I PHO BRANG GI SGO GA LA BA DER SONG NAS PHYIN PA DANG PHO BRANG GI SGO'I PHYI ROL NA 'DUG GO ,DE NAS TSE DANG LDAN PA SH'A RADVA TI'I BU YANG BCOM LDAN 'DAS LA BLTA BA DANG, PHYAG BYA BA DANG, BSNYEN BKUR BYA BA'I PHYIR, RANG GI GNAS NAS BYUNG STE, DE BZHIN GSHEGS PA'I PHO BRANG GA LA BA DER SONG NGO, ,DE NAS TSE DANG LDAN PA BYAMS MA'I BU GANG PO DANG, TSE DANG LDAN PA MO'U DGAL GYI BU CHEN PO DANG, TSE DANG LDAN PA 'OD SRUNG CHEN PO DANG, TSE DANG LDAN PA K'A TY'A'I BU CHEN PO DANG, TSE DANG LDAN PA GSUS PO CHE DANG, DE DAG THAMS CAD DANG, GZHAN YANG NYAN THOS CHEN PO RNAMS RANG RANG GI GNAS NAS BYUNG STE, BCOM LDAN 'DAS KYI PHO BRANG GA LA BA DER SONG NAS PHYIN PA DANG, PHYOGS GCIG TU 'KHOD DO, ,DE NAS BCOM LDAN 'DAS KYIS NYAN THOS CHEN PO RNAMS 'ONGS SHING LHAGS TE 'DUS PAR MKHYEN NAS, BDAG GI PHO BRANG NAS BYUNG STE, PHO BRANG GI PHYI ROL PHYOGS GCIG TU GDAN BTING BA LA BZHUGS SO, , BZHUGS NAS KYANG BCOM LDAN 'DAS KYIS MKHYEN BZHIN DU TSE DANG LDAN PA SH'A RADVA TI'I BU LA BKA' STZAL PA, SH'A RADVA TI'I BU KHYOD CI'I PHYIR ZHOGS PAS 'ONGS TE DE BZHIN GSHEGS

310a

, ,PA'I PHO BRANG GI SGO NA 'DUG, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA SH'A RADVA TI'I BUS 'DI SKAD CES GSOL TO, ,BCOM LDAN 'DAS, THAMS CAD KYI THOG MA NYID DU 'JAM DPAL GZHON NUR GYUR PA DE BZHIN GSHEGS PA'I PHO BRANG GI CHAB SGOR MCHIS SO, ,BDAG NI BCOM LDAN 'DAS LA BLTA BAR 'TSAL PA'I SLAD DU SLAD KYIS MCHIS SO, ,DE NAS BCOM LDAN 'DAS KYIS MKHYEN BZHIN DU 'JAM DPAL GZHON NUR GYUR PA LA BKA' STZAL PA, 'JAM DPAL KHYOD DE BZHIN GSHEGS PA LA BLTA BA DANG, PHYAG BYA BA DANG, BSNYEN BKUR BYA BA'I PHYIR THAMS CAD KYI THOG MA NYID DU DE BZHIN GSHEGS PA'I PHO BRANG GI SGOR 'DUG PA BDEN NAM, DE SKAD CES BKA' STZAL PA DANG, BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TE, ,BCOM LDAN 'DAS, DE DE LTA LAGS, BDE BAR GSHEGS PA, DE DE LTAR LAGS TE, BDAG DE BZHIN GSHEGS PA LA BLTA BA DANG, PHYAG BGYI BA DANG, BSNYEN BKUR BGYI BA'I SLAD DU, THAMS CAD KYI THOG MA NYID DU RANG GI GNAS NAS BYUNG STE, DE BZHIN GSHEGS PA'I PHO BRANG GA LA BA DER MCHIS NAS PHYOGS GCIG TU MCHIS SO, ,DE CI'I SLAD DU ZHE NA, BCOM LDAN 'DAS, 'DI LTAR BDAG NI DE BZHIN GSHEGS PA LA BLTA BA DANG, PHYAG BGYI BA DANG,

310b

BSNYEN BKUR BGYIS PAS MA NGOMS PA'I SLAD DU'O, ,BCOM LDAN 'DAS, 'DI LTAR BDAG DE BZHIN GSHEGS PA LA BLTA BA DANG, PHYAG BGYI BA DANG, BSNYEN BKUR BGYI BA'I SLAD DU MCHI BA DE YANG SEMS CAN THAMS CAD KYI DON GYI SLAD DU STE, BCOM LDAN 'DAS, GAL TE DE BZHIN GSHEGS PA LA BLTA BA DANG, PHYAG BGYI BA DANG, BSNYEN BKUR BGYI NA, JI LTAR BDAG GIS MTHONG BA DANG, JI LTAR BDAG PHYAG BGYI BA DANG, JI LTAR BDAG BSNYEN BKUR BGYID PA DE LTAR BLTA BAR BGYI'O, ,DE LTAR PHYAG BGYI'O, ,DE LTAR BSNYEN BKUR BGYI'O, ,DE LTAR NA DE BZHIN GSHEGS PA MTHONG NAS BSNYEN BKUR BGYIS PA'I BAR DU 'GYUR RO, ,BCOM LDAN 'DAS, BDAG NI SEMS CAN THAMS CAD KYI SLAD DU DE BZHIN GSHEGS PA LA BLTA BA LAGS SO, , BCOM LDAN 'DAS KYIS BKA' STZAL PA, 'JAM DPAL, DE BZHIN GSHEGS PA LA JI LTAR BLTA, 'JAM DPAL GYIS GSOL PA, MI DMIGS PA'I TSUL GYIS DE BZHIN NYID KYI RNAM PA DANG, RNAM PAR MI RTOG PA'I RNAM PAR DE BZHIN GSHEGS PA LA BLTA BAR BGYI'O, ,DE BZHIN DU, DE BZHIN GSHEGS PA LA MI SKYE BA'I RNAM PAR BLTA BA NAS DNGOS PO MA MCHIS PA'I RNAM PA'I BAR DU DE BZHIN GSHEGS PA LA BLTA BAR BGYI'O, ,DE BZHIN NYID LA KUN NAS 'BYUNG BA MA MCHIS TE, DE LTAR DE BZHIN GSHEGS PA LA BLTA BAR BGYI'O, ,DE BZHIN NYID

311a

, ,NI 'BYUNG BA YANG MA LAGS, 'JIG PA YANG MA LAGS TE, DE LTAR DE BZHIN GSHEGS PA LA BLTA BAR BGYI'O, ,DE BZHIN NYID NI YUL NA MI GNAS, PHYOGS NA MI GNAS TE, DE LTAR DE BZHIN GSHEGS PA LA BLTA BAR BGYI'O, ,DE BZHIN NYID NI 'DAS PA YANG MA LAGS, MA 'ONGS PA YANG MA LAGS, DA LTAR BYUNG BA YANG MA LAGS TE, DE LTAR DE BZHIN GSHEGS PA LA BLTA BAR BYA'O, ,DE BZHIN NYID NI GNYIS KYIS RAB TU PHYE BA MA LAGS, GNYIS SU MA MCHIS PAS RAB TU PHYE BA YANG MA LAGS TE, DE LTAR DE BZHIN GSHEGS PA LA BLTA BAR BGYI'O, ,DE BZHIN NYID NI KUN NAS NYON MONGS PAR 'GYUR BA MA LAGS, RNAM PAR BYANG BAR 'GYUR BA MA LAGS TE, DE LTAR DE BZHIN GSHEGS PA LA BLTA BAR BGYI'O, ,DE BZHIN NYID NI MI SKYE MI 'GAG PA STE, DE LTAR DE BZHIN GSHEGS PA LA BLTA BAR BGYI'O, ,DE LTAR NA DE BZHIN GSHEGS PA LA BLTA BA MTHONG BA DANG, PHYAG BGYI BA DANG, BSNYEN BKUR BGYIS PAR 'GYUR RO, ,DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO; ;'JAM DPAL KHYOD KYIS DE LTAR BLTAS NA CI ZHIG MTHONG, 'JAM DPAL GYIS GSOL PA, BCOM LDAN 'DAS, BDAG GIS DE LTAR BLTAS NA CI YANG MTHONG BA MA

311b

MCHIS SO, ,BCOM LDAN 'DAS, DE BZHIN DU BDAG GIS CHOS GANG LA YANG SKYE BA YANG MA MTHONG, 'GAG PA YANG MA MTHONG NGO, ,DE NAS TSE DANG LDAN PA SH'A RADVA TI'I BUS 'JAM DPAL GZHON NUR GYUR PA LA 'DI SKAD CES SMRAS SO, ,'JAM DPAL KHYOD KYIS DE BZHIN GSHEGS PA LA DE LTAR MTHONG BA DANG, DE LTAR BSNYEN BKUR BYAS PA GANG YIN PA DANG, KHYOD KYIS KYANG BYAMS PA CHEN POS SEMS CAN THAMS CAD LA NYE BAR GNAS KYANG, KHYOD LA SEMS CAN DU DMIGS PA DANG, SEMS CAN DU MNGON PAR ZHEN PA CI YANG MED CING, SEMS CAN THAMS CAD YONGS SU MYA NGAN LAS 'DAS PA'I PHYIR ZHUGS KYANG KHYOD LA SEMS CAN DU MNGON PAR ZHEN PA GANG YANG MI 'BYUNG BA DANG, KHYOD MI DMIGS PA'I TSUL DANG, DNGOS PO MED PA'I TSUL DANG, SGYID LUG PA MED PA'I TSUL GYIS SEMS CAN THAMS CAD KYI CHED DU GO CHA BGOS PA DE NI KHYOD DKA' BA BYED PA'O, ,DE SKAD CES SMRAS PA DANG, 'JAM DPAL GZHON NUR GYUR PAS TSE DANG LDAN PA SH'A RADVA TI'I BU LA 'DI SKAD CES SMRAS SO, ,BTZUN PA SH'A RADVA TI'I BU, JI SKAD SMRAS PA DE DE BZHIN TE, SEMS CAN THAMS CAD YONGS SU MYA NGAN LAS BZLA BA'I PHYIR GO CHA 'DI YANG BGOS TE, BDAG LA SEMS CAN DU DMIGS PA'AM, SEMS CAN LA MNGON PAR ZHEN PA GANG YANG MED DO, ,BTZUN PA SH'A RADVA TI'I BU, GO CHA DA NI JI LTAR BDAG GIS SEMS

312a

, ,CAN GYI KHAMS BRI BA'AM GANG BAR BYA ZHES DE LTAR MA BGOS SO, ,BTZUN PA SH'A RADVA TI'I BU, YONGS SU BRTAG PA NYE BAR BZUNG STE, GAL TE SANGS RGYAS KYI ZHING RE RE NA GANGG'A'I KLUNG GI BYE MA SNYED KYI SANGS RGYAS BCOM LDAN 'DAS RNAMS BZHUGS SHING, DE BZHIN GSHEGS PA DE DAG SO SO NAS NYIN MTSAN DU CHOS STON TE, GANGG'A'I KLUNG GI BYE MA SNYED KYI BSKAL PAR BZHUGS PAR GYUR LA, GANGG'A'I KLUNG GI BYE MA SNYED KYI SANGS RGYAS BCOM LDAN 'DAS RNAMS KYI CHOS BSTAN PA RE RES SEMS CAN JI SNYED BTUL BA DE SNYED KYI SEMS CAN DE BZHIN GSHEGS PA RE RES, CHOS BSTAN PA RE RES BTUL BAR GYUR DU ZIN KYANG SEMS CAN GYI KHAMS LA BRI BA'AM GANG BAR MNGON PA MED DO, ,DE CI'I PHYIR ZHE NA, SEMS CAN DBEN PA DANG, SEMS CAN SEMS CAN MA YIN PA'I PHYIR TE, BTZUN PA SH'A RADVA TI'I BU, SEMS CAN GYI KHAMS BRI BA'AM GANG BAR MI MNGON NO, ,DE SKAD CES SMRAS PA DANG, TSE DANG LDAN PA SH'A RADVA TI'I BUS 'JAM DPAL GZHON NUR GYUR PA LA 'DI SKAD CES SMRAS SO, ,'JAM DPAL, GAL TE SEMS CAN DBEN PA DANG, SEMS CAN SEMS CAN MA YIN PA'I PHYIR SEMS CAN GYI KHAMS BRI BA DANG GANG BAR MI MNGON NA, 'O NA BYANG CHUB TU MNGON PAR RDZOGS PA'I SANGS RGYAS NAS SU LA CHOS STON, DE SKAD CES SMRAS PA DANG,

312b

'JAM DPAL GZHON NUR GYUR PAS TSE DANG LDAN PA SH'A RADVA TI'I BU LA 'DI SKAD CES SMRAS SO, ,BTZUN PA SH'A RADVA TI'I BU, GANG GI TSE SEMS CAN SHIN TU MI DMIGS PA DE'I TSE SU ZHIG MNGON PAR RDZOGS PAR 'TSANG RGYA, SU LA CHOS BSTAN PAR BYA, DE CI'I PHYIR ZHE NA, BTZUN PA SH'A RADVA TI'I BU, 'DI LTAR CHOS THAMS CAD SHIN TU MI DMIGS PA'I PHYIR RO, ,DE NAS BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, GANG GI TSE CHOS THAMS CAD SHIN TU MI DMIGS PA DE'I TSE CI SEMS CAN DU'ANG 'DOGS SAM, YANG GAL TE 'JAM DPAL KHYOD LA 'GA' ZHIG SEMS CAN JI SNYED YOD CES DE SKAD 'DRI NA DE LA KHYOD KYIS JI SKAD BYA, 'JAM DPAL GYIS GSOL PA, BCOM LDAN 'DAS, DE SKAD 'DRI BA DE LA BDAG GIS 'DI SKAD DU SANGS RGYAS KYI CHOS JI SNYED YOD PA DE SNYED DO ZHES BGYI'O, ,BCOM LDAN 'DAS, GAL TE YANG SEMS CAN GYI KHAMS JI TZAM ZHES 'DRI NA, DE SKAD 'DRI BA DE LA BDAG GIS 'DI SKAD DU SANGS RGYAS KYI YUL GYI TSAD CI TZAM PA DE TZAM MO ZHES BGYI'O, ,BCOM LDAN 'DAS KYIS BKA' STZAL PA, 'JAM DPAL KHYOD LA GAL TE YANG LA LA ZHIG 'DI SKAD DU SEMS CAN GYI KHAMS GANG DU GTOGS ZHES 'DRI NA, DE LA KHYED KYIS JI SKAD BYA, 'JAM DPAL GYIS GSOL PA, BCOM LDAN 'DAS, DE SKAD 'DRI BA DE LA BDAG GIS

313a

, ,'DI SKAD DU SKYE BA MED PA BSAM GYIS MI KHYAB PA GANG DU GTOGS PAR GTOGS SO ZHES BGYI'O, ,BCOM LDAN 'DAS KYIS BKA' STZAL PA, 'JAM DPAL, GAL TE YANG LA LA ZHIG KHYOD LA 'DI SKAD DU SEMS CAN GYI KHAMS CI LA GNAS ZHES 'DRI NA, DE LA KHYOD KYIS JI SKAD BYA, 'JAM DPAL GYIS GSOL PA, BCOM LDAN 'DAS, DE SKAD 'DRI BA DE LA BDAG GIS 'DI SKAD DU SKYE BA MED PA'I KHAMS CI LA GNAS PA DE LA SEMS CAN GYI KHAMS KYANG GNAS SO ZHES BGYI'O, ,BCOM LDAN 'DAS KYIS BKA' STZAL PA, 'JAM DPAL KHYOD GANG GI TSE SHES RAB KYI PHA ROL TU PHYIN PA BSGOM PA DE'I TSE CI LA GNAS TE SHES RAB KYI PHA ROL TU PHYIN PA BSGOM, 'JAM DPAL GYIS GSOL PA, BCOM LDAN 'DAS, GANG GI TSE BDAG SHES RAB KYI PHA ROL TU PHYIN PA BSGOM PA DE'I TSE MI GNAS PAR SHES RAB KYI PHA ROL TU PHYIN PA BSGOM PA LAGS SO, ,BCOM LDAN 'DAS KYIS BKA' STZAL PA, 'JAM DPAL, MI GNAS PA LA SHES RAB KYI PHA ROL TU PHYIN PA BSGOM DU YANG CI YOD, 'JAM DPAL GYIS GSOL PA, BCOM LDAN 'DAS, GANG CI LA'ANG MI GNAS PA DE NYID SHES RAB KYI PHA ROL TU PHYIN PA BSGOM PA LAGS SO, ,BCOM LDAN 'DAS KYIS BKA' STZAL PA, 'JAM DPAL KHYOD GANG GI TSE SHES RAB KYI PHA ROL TU PHYIN PA BSGOM PA DE'I TSE, KHYOD KYI

313b

DGE BA'I RTZA BA GANG 'PHEL BA'AM, 'BRI BAR 'GYUR, 'JAM DPAL GYIS GSOL PA, BCOM LDAN 'DAS, DE'I TSE BDAG GI DGE BA'I RTZA BA 'PHEL BA'AM, 'BRI BAR 'GYUR BA CI YANG MA MCHIS SO, ,BCOM LDAN 'DAS, GANG YANG CHOS 'GA' ZHIG 'PHEL BA'AM, 'BRI BA MCHIS NA, DE NI SHES RAB KYI PHA ROL TU PHYIN PA BSGOM PA MA LAGS TE, BCOM LDAN 'DAS, GANG YANG CHOS 'GA' ZHIG 'PHEL BA'I SLAD DU'AM, 'BRI BA'I SLAD DU NYE BAR GNAS PA DE NI, SHES RAB KYI PHA ROL TU PHYIN PA BSGOM PA MA LEGS PA RIG PAR BGYI'O, ,BCOM LDAN 'DAS, GANG SO SO'I SKYE BO'I CHOS RNAMS KYANG MI SPONG LA, SANGS RGYAS KYI CHOS KYANG MI LEN PA DE SHES RAB KYI PHA ROL TU PHYIN PA BSGOM PA LAGS SO, ,DE CI'I SLAD DU ZHE NA, BCOM LDAN 'DAS, 'DI LTAR SHES RAB KYI PHA ROL TU PHYIN PA BSGOM PA NI CHOS GANG SPANG BA'AM, BLANG BAR DMIGS PAS CHOS GANG LA YANG MI GNAS PA'I SLAD DU'O, ,BCOM LDAN 'DAS, GANG 'KHOR BA'I SKYON DU YANG MA MCHIS LA, MYA NGAN LAS 'DAS PA'I YON TAN DU YANG MI MCHI BA DE SHES RAB KYI PHA ROL TU PHYIN PA BSGOM PA LAGS SO, ,DE CI'I SLAD DU ZHE NA, BCOM LDAN 'DAS, 'DI LTAR 'KHOR BA NYID KYANG MI MTHONG NA 'KHOR BA'I SKYON SMOS KYANG CI 'TSAL, MYA NGAN LAS 'DAS PA NYID KYANG MI DMIGS NA MYA NGAN LAS 'DAS PA'I YON TAN LTA SMOS

314a

, ,KYANG CI 'TSAL TE, BCOM LDAN 'DAS, GANG CHOS GANG LA YANG BLANG BA'AM, GZUNG BA'AM, DOR BA MA MCHIS PA DE SHES RAB KYI PHA ROL TU PHYIN PA BSGOM PA LAGS SO, ,BCOM LDAN 'DAS GANG CHOS GANG LA YANG 'GRIB PA'AM, 'PHEL BA MI DMIGS PA DE SHES RAB KYI PHA ROL TU PHYIN PA BSGOM PA LAGS SO, ,DE CI'I SLAD DU ZHE NA, BCOM LDAN 'DAS, SKYE BA MA MCHIS PA LA 'GRIB PA DANG, 'PHEL PA MA MCHIS PA'I SLAD DU'O, ,BCOM LDAN 'DAS GANG DE LTAR BSGOM PA DE SHES RAB KYI PHA ROL TU PHYIN PA BSGOM PA LAGS SO, ,BCOM LDAN 'DAS, GANG CHOS GANG SKYE BA'AM, 'GAG PAR MI BGYID PA DE SHES RAB KYI PHA ROL TU PHYIN PA BSGOM PA LAGS SO, ,BCOM LDAN 'DAS, GANG CHOS GANG LA YANG 'GRIB PA'AM, RGYAS PAR MI BGYID PA DE SHES RAB KYI PHA ROL TU PHYIN PA BSGOM PA LAGS TE, BCOM LDAN 'DAS, GANG DE LTAR BSGOM PA DE SHES RAB KYI PHA ROL TU PHYIN PA BSGOM PA LAGS SO, ,BCOM LDAN 'DAS, GZHAN YANG BSAM GYIS MI KHYAB PA'I CHOS LA YANG MI SMON CING NYI TSE BA LA YANG MI SMON GYI, BCOM LDAN 'DAS, GANG LA SMON PA DANG, GANG GIS SMON PA DE NYID KYANG MA MCHIS PA DE SHES RAB KYI PHA ROL TU PHYIN PA BSGOM PA LAGS TE, BCOM LDAN 'DAS, DE LTAR BSGOM NA SHES RAB KYI PHA ROL TU PHYIN

314b

PA BSGOM PA LAGS SO, ,BCOM LDAN 'DAS, SHES RAB KYI PHA ROL TU PHYIN PA BSGOM PA NI, 'DI LTAR CHOS 'DI DAG NI MCHOG GO, ,CHOS 'DI DAG NI THA MA'O, ,ZHES BGYI BAR NYE BAR MI GNAS SHING, CHOS GANG DAG MCHOG DANG THA MAR 'GYUR BA'I CHOS DE DAG KYANG MI DMIGS TE, DE LTAR SHES RAB KYI PHA ROL PHYIN PA BSGOM PA'I RNAL 'BYOR LA BRTZON PA'I RIGS KYI BU NI CHOS THAMS CAD MI DMIGS SO, ,BCOM LDAN 'DAS, SHES RAB KYI PHA ROL TU PHYIN PA BSGOM PA NI CHOS GANG YANG MCHOG CE'AM, THA MA ZHES MI RTOG GO, DE CI'I SLAD DU ZHE NA, BCOM LDAN 'DAS, SKYE BA MA MCHIS PA LA MCHOG GAM, THA MA ZHES BGYI BA GANG YANG MA MCHIS PA'I SLAD DU'O, ,DE BZHIN NYID DANG, YANG DAG PA'I MTHA' DANG, CHOS THAMS CAD KYI BAR LA YANG MCHOG GAM THA MA MA MCHIS TE, BCOM LDAN 'DAS, DE LTAR BSGOM NA SHES RAB KYI PHA ROL PHYIN PA BSGOM PA LAGS, DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, SANGS RGYAS KYI CHOS RNAMS MCHOG MA YIN NAM, 'JAM DPAL GYIS GSOL BA, BCOM LDAN 'DAS, GZUNG DU MA MCHIS PA'I SLAD DU SANGS RGYAS KYI CHOS RNAMS NI MCHOG LAGS SO, ,BCOM LDAN 'DAS, CHOS THAMS CAD STONG PAR DE BZHIN GSHEGS PAS MNGON PAR RDZOGS PAR SANGS

315a

, ,RGYAS PA LAGS SAM, BCOM LDAN 'DAS KYIS BKA' STZAL PA, 'JAM DPAL, DE DE BZHIN TE, DE BZHIN GSHEGS PAS CHOS THAMS CAD STONG PAR MNGON PAR RDZOGS PAR SANGS RGYAS SO, ,'JAM DPAL GYIS GSOL PA, BCOM LDAN 'DAS, STONG PA NYID LA MCHOG GAM THA MA ZHES BGYI BA MCHIS SAM, BCOM LDAN 'DAS KYIS BKA' STZAL PA, 'JAM DPAL, LEGS SO, ,LEGS SO, ,'JAM DPAL, DE DE BZHIN TE, JI SKAD SMRAS PA BZHIN NO, ,'JAM DPAL, SANGS RGYAS KYI CHOS RNAMS BLA NA MED PA MA YIN NAM, 'JAM DPAL GYIS GSOL PA, DE DE LTA LAGS TE, SANGS RGYAS KYI CHOS RNAMS NI BLA NA MA MCHIS PA LAGS SO, ,DE CI'I SLAD DU ZHE NA, BCOM LDAN 'DAS, 'DI LTAR DE DAG LA CHOS CUNG ZAD TZAM YANG MA MCHIS SHING MI DMIGS TE, DE BAS NA SANGS RGYAS KYI CHOS DE DAG NI BLA NA MA MCHIS PA'O, ,BCOM LDAN 'DAS, GZHAN YANG GANG SANGS RGYAS KYI CHOS RNAMS BSGRUB PAR YANG MI BGYID LA, SO SO'I SKYE BO'I CHOS RNAMS SPONG BAR YANG MI BGYID CING, SANGS RGYAS KYI CHOS RNAMS 'DUL BA YANG MA LAGS, 'DZIN PA'ANG MA LAGS PA DE SHES RAB KYI PHA ROL TU PHYIN PA BSGOM PA LAGS SO, ,BCOM LDAN 'DAS, GZHAN YANG GANG CHOS GANG LA YANG MI SEMS LA RNAM PAR MI RIG PA DE SHES RAB KYI PHA ROL TU PHYIN PA BSGOM PA LAGS

315b

SO; ;BCOM LDAN 'DAS KYIS BKA' STZAL PA, 'JAM DPAL KHYOD SANGS RGYAS KYI CHOS RNAMS LA MI SEMS SAM, 'JAM DPAL GYIS GSOL PA, BCOM LDAN 'DAS, GAL TE BDAG GIS SANGS RGYAS KYI CHOS RNAMS YONGS SU GRUB PAR MTHONG NA NI BDAG SANGS RGYAS KYI CHOS RNAMS LA SEMS LAGS SO, ,BCOM LDAN 'DAS, SHES RAB KYI PHA ROL TU PHYIN PA BSGOM PA 'DI DAG NI SO SO'I SKYE BO'I CHOS SO, ,'DI DAG NI NYAN THOS KYI CHOS SO, ,'DI DAG NI RANG SANGS RGYAS KYI CHOS SO, ,'DI DAG NI YANG DAG PAR RDZOGS PA'I SANGS RGYAS KYI CHOS SO ZHES CHOS GANG LA YANG RNAM PAR RTOG PAS NYE BAR GNAS PA MA LAGS SO, ,DE CI'I SLAD DU ZHE NA, BCOM LDAN 'DAS, SHES RAB KYI PHA ROL TU PHYIN PA BSGOM PA'I RNAL 'BYOR LA BRTZON PA'I RIGS KYI BUS CHOS DE NYID KYANG MI DMIGS TE, GANG LA CHOS DE DAG SO SO'I SKYE BO'I CHOS ZHES BRJOD PA'AM, SLOB PA'I CHOS ZHES BRJOD PA'AM, MI SLOB PA'I CHOS ZHES BRJOD PA'AM, RANG SANGS RGYAS KYI CHOS ZHES BRJOD PA'AM, YANG DAG PAR RDZOGS PA'I SANGS RGYAS KYI CHOS ZHES BRJOD PA YANG MTHA' LAS 'DAS PA'I CHOS NYID LAGS PAS CHOS DE MI DMIGS SHING YANG DAG PAR RJES SU MI MTHONG BA'I SLAD DU'O, ,BCOM LDAN 'DAS, DE LTAR BSGOM NA SHES RAB KYI PHA ROL TU PHYIN PA BSGOM PA LAGS SO, ,BCOM LDAN 'DAS, SHES RAB KYI PHA ROL TU PHYIN PA BSGOM

316a

, ,BA'I RNAL 'BYOR LA BRTZON PA'I RIGS KYI BU NI 'DI LTAR 'DI NI 'DOD PA'I KHAMS SO, ,'DI NI GZUGS KYI KHAMS SO, ,'DI NI GZUGS MED PA'I KHAMS SO ZHES BGYI BA NAS 'DI NI 'GOG PA'I DBYINGS SO ZHES BGYI BA'I BAR DU YANG MI SEMS SO, ,DE CI'I SLAD DU ZHE NA, BCOM LDAN 'DAS, 'DI LTAR DES 'GOG PA'I CHOS GANG LAGS PA'I CHOS DE GANG YANG MI MTHONG STE, BCOM LDAN 'DAS, DE LTAR SGOM PA NI SHES RAB KYI PHA ROL TU PHYIN PA BSGOM PAR RIG PAR BGYI'O, ,BCOM LDAN 'DAS, GZHAN YANG GANG CHOS GANG LA YANG PHAN PA'AM, GNOD PA YANG MI BGYID PA DE SHES RAB KYI PHA ROL TU PHYIN PA BSGOM PA LAGS SO, ,BCOM LDAN 'DAS SHES RAB KYI PHA ROL TU PHYIN PA BSGOM PA NI, SANGS RGYAS KYI CHOS RNAMS SBYIN PAR BGYID PA YANG MA LAGS, SO SO'I SKYE BO'I CHOS RNAMS GCOD PAR BGYID PA YANG MA LAGS SO, ,BCOM LDAN 'DAS, GANG SO SO'I SKYE BO'I CHOS RNAMS KYANG MI 'GOG LA, SANGS RGYAS KYI CHOS RNAMS MI 'THOB PA DE SHES RAB KYI PHA ROL TU PHYIN PA BSGOM PA LAGS SO, ,DE SKAD CES GSOL BA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL KHYOD KYIS CHOS ZAB MO 'DI LTA BU 'DI BSTAN PA LEGS SO, ,LEGS SO, ,'JAM DPAL KHYOD KYIS BYANG CHUB

316b

SEMS DPA' SEMS DPA' CHEN PO RNAMS DANG, NYAN THOS KYI THEG PA PA MNGON PA'I NGA RGYAL CAN RNAMS DANG, BYANG CHUB SEMS DPA'I THEG PA PA DMIGS PA CAN RNAMS YANG DAG PA JI LTA BA BZHIN DU RTOG PAR BYA BA'I PHYIR RGYA 'DI BZHAG GO, 'JAM DPAL, RIGS KYI BU'AM RIGS KYI BU MO GANG DAG SHES RAB KYI PHA ROL TU PHYIN PA ZAB MO BSTAN PA 'DI THOS NAS MI SKRAG, MI DNGANG, DNGANG BAR MI 'GYUR BA DE DAG NI SANGS RGYAS GCIG LA BSNYEN BKUR BYAS PA MA YIN, SANGS RGYAS GCIG LA DGE BA'I RTZA BA BSKYED PA MA YIN NO, ,DE SKAD CES BKA' STZAL PA DANG, BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, BDAG NI SHES RAB KYI PHA ROL TU PHYIN PA RGYA CHER STON PAR SPOBS LAGS SO; ;BCOM LDAN 'DAS KYIS BKA' STZAL PA, 'JAM DPAL, SPOBS PAR GYIS SHIG, 'JAM DPAL GYIS GSOL PA, BCOM LDAN 'DAS, GANG CHOS GANG GIS GNAS PA MI DMIGS PA DANG, MI GNAS PA YANG MI DMIGS PA DE SHES RAB KYI PHA ROL TU PHYIN PA BSGOM PA LAGS SO, ,DE CI'I SLAD DU ZHE NA, CHOS THAMS CAD NI MI GNAS PA'I SLAD DU MI DMIGS PA STE, BCOM LDAN 'DAS, GANG CHOS GANG LA YANG LHAG PAR DMIGS PA'I SLAD DU NYE BAR MI GNAS PA DE SHES RAB KYI PHA ROL TU PHYIN PA BSGOM PAR RIG PAR BGYI'O, ,DE CI'I SLAD DU ZHE NA,

317a

, ,BCOM LDAN 'DAS, 'DI LTAR CHOS THAMS CAD NI DMIGS PA MA MCHIS PA'I SLAD DU STE, BCOM LDAN 'DAS, DE LTAR BSGOM PA NI SHES RAB KYI PHA ROL TU PHYIN PA BSGOM PA LAGS SO, ,BCOM LDAN 'DAS, GZHAN YANG GANG LA SANGS RGYAS KYI CHOS RNAMS KYANG MNGON DU MI 'GYUR NA RANG SANGS RGYAS KYI CHOS RNAMS LTA SMOS KYANG CI 'TSAL, NYAN THOS KYI CHOS RNAMS KYANG MNGON DU MI 'GYUR NA SO SO'I SKYE BO'I CHOS RNAMS LTA SMOS KYANG CI 'TSAL BA DE SHES RAB KYI PHA ROL TU PHYIN PA BSGOM PAR LTA BAR BGYI'O, ,BCOM LDAN 'DAS, GZHAN YANG BSGOM PA GANG LA BRTEN NAS SANGS RGYAS KYI CHOS RNAMS BSAM GYIS MI KHYAB PA LA YANG SANGS RGYAS KYI CHOS RNAMS BSAM GYIS MI KHYAB PA'O ZHES RNAM PAR MI RTOG PA DE SHES RAB KYI PHA ROL TU PHYIN PA BSGOM PA LAGS SO, ,BCOM LDAN 'DAS, SHES RAB KYI PHA ROL TU PHYIN PA BSGOM PA 'DI NI BYANG CHUB SEMS DPA' SEMS DPA' CHEN PO RNAMS KYI CHOS THAMS CAD LA RNAM PAR MI RTOG PAR BLTA BAR BGYI'O, ,BCOM LDAN 'DAS, GZHAN YANG BSGOM PA GANG LA BRTEN NAS MTHONG BA MA MCHIS PAR CHOS THAMS CAD SANGS RGYAS KYI CHOS SU MTHONG BA DANG, CHOS THAMS CAD BSAM GYIS MI KHYAB PA'I CHOS SU MTHONG BA DE SHES RAB KYI PHA ROL TU PHYIN PA BSGOM PA LAGS SO, ,RIGS KYI BU'AM RIGS KYI BU MO GANG DAG

317b

SHES RAB KYI PHA ROL TU PHYIN PA BSTAN PA 'DI THOS NAS MI SKRAG, MI DNGANG, DNGANG BAR MI 'GYUR BA DE DAG SANGS RGYAS BRGYA STONG MANG PO LA BSNYEN BKUR BGYID PAR 'GYUR RO, ,BCOM LDAN 'DAS, GZHAN YANG GANG KUN NAS NYON MONGS PA'AM, RNAM PAR BYANG BA'I CHOS GANG YANG YANG DAG PAR RJES SU MI MTHONG BA DE SHES RAB KYI PHA ROL TU PHYIN PA BSGOM PA LAGS TE, BCOM LDAN 'DAS, DE LTAR BSGOM NA SHES RAB KYI PHA ROL TU PHYIN PA BSGOM PA LAGS SO, ,BCOM LDAN 'DAS, SHES RAB KYI PHA ROL TU PHYIN PA BSGOM PA 'DI NI SO SO'I SKYE BO DANG, NYAN THOS DANG, RANG SANGS RGYAS DANG, YANG DAG PAR RDZOGS PA'I SANGS RGYAS KYI BAR DU YANG THA DAD DU MI BGYID PA STE, BCOM LDAN 'DAS, DE NI SHES RAB KYI PHA ROL TU PHYIN PA BSGOM PA LAGS SO; ;DE NAS BCOM LDAN 'DAS KYIS 'JAM DPAL GZHON NUR GYUR PA LA BKA' STZAL PA, 'JAM DPAL KHYOD KYIS DE BZHIN GSHEGS PA JI SNYED CIG LA BSNYEN BKUR BYAS, 'JAM DPAL GYIS GSOL PA, BCOM LDAN 'DAS, SGYU MA'I SKYES BU'I SEMS DANG SEMS LAS BYUNG BA JI SNYED 'GAG PA DE SNYED LA STE, BCOM LDAN 'DAS, BDAG GIS DE BZHIN GSHEGS PA DE SNYED LA BSNYEN BKUR BGYIS SO, ,BCOM LDAN 'DAS KYIS BKA' STZAL PA, 'JAM DPAL KHYOD SANGS RGYAS KYI CHOS LA YANG DAG PAR MA ZHUGS SAM, 'JAM DPAL GYIS

318a

, ,GSOL PA, BCOM LDAN 'DAS, GANG SANGS RGYAS KYI CHOS LA YANG DAG PAR ZHUGS PA'I CHOS DE GANG YANG DMIGS SAM, BCOM LDAN 'DAS KYIS BKA' STZAL PA, 'JAM DPAL, 'O NA SANGS RGYAS KYI CHOS DE DAG SU LA YOD, 'JAM DPAL GYIS GSOL PA, BCOM LDAN 'DAS NYID LA YANG SANGS RGYAS KYI CHOS ZHES BGYI BA DE DAG GI MING YANG MA MCHIS TE MI DMIGS NA GZHAN RNAMS LA MCHIS PAR 'GYUR PA LTA CI SMOS, BCOM LDAN 'DAS KYIS BKA' STZAL PA, 'JAM DPAL KHYOD KYIS CHAGS PA MED PA NYID RNYED DAM, 'JAM DPAL GYIS GSOL PA, BCOM LDAN 'DAS, BDAG NYID CHAGS PA MA MCHIS PA NYID LAGS NA BDAG GIS KYANG CHAGS PA MA MCHIS PA NYID 'THOB PAR 'GYUR RAM, BCOM LDAN 'DAS KYIS BKA' STZAL PA, 'JAM DPAL KHYOD CI BYANG CHUB KYI SNYING PO LA 'DUG GAM, 'JAM DPAL GYIS GSOL PA, YANG DAG PA'I MTHA' BTZAN PAR BGYIS NA, BCOM LDAN 'DAS NYID KYANG BYANG CHUB KYI SNYING PO LA MA ZHUGS NA BDAG LTA MCHIS PAR JI LTAR 'GYUR, BCOM LDAN 'DAS KYIS BKA' STZAL PA, 'JAM DPAL, YANG DAG PA'I MTHA' ZHES BYA BA DE GANG GI TSIG BLA DVAGS, 'JAM DPAL GYIS GSOL PA, BCOM LDAN 'DAS YANG DAG PA'I MTHA' ZHES BGYI BA DE NI 'JIG TSOGS KYI TSIG BLA DVAGS SO, ,BCOM LDAN 'DAS KYIS

318b

BKA' STZAL PA, 'JAM DPAL CI LAS BSAMS TE DE SKAD SMRA, 'JAM DPAL GYIS GSOL PA, BCOM LDAN 'DAS, 'JIG TSOGS DE NI MA MCHIS PA STE, 'JIG TSOGS MA LAGS PA DE NI MI 'PHO LA, 'PHO BA DANG BRAL BA YANG MA LAGS TE, DE CI'I SLAD DU ZHE NA, TSOGS DE NI 'JIG TSOGS MA LAGS SO, ,DE NAS BCOM LDAN 'DAS LA TSE DANG LDAN PA SH'A RADVA TI'I BUS 'DI SKAD CES GSOL TO, ,BCOM LDAN 'DAS, BYANG CHUB SEMS DPA' SEMS DPA' CHEN PO GANG DAG SHES RAB KYI PHA ROL TU PHYIN PA BSTAN PA 'DI THOS NAS MOS TE, MI SKRAG, MI DNGANG, DNGANG BAR MI 'GYUR BA DE DAG NI BYANG CHUB TU NGES PAR 'GYUR BA LAGS SO, ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO BYAMS PAS 'DI SKAD CES GSOL TO, ,BCOM LDAN 'DAS, BYANG CHUB SEMS DPA' SEMS DPA' CHEN PO GANG DAG SHES RAB KYI PHA ROL TU PHYIN PA BSTAN PA 'DI THOS NAS MOS TE, MI SKRAG, MI DNGANG, DNGANG BAR MI 'GYUR BA DE DAG NI BYANG CHUB LA NYE BAR GYUR PA LAGS SO, ,DE CI'I SLAD DU ZHE NA, BCOM LDAN 'DAS, GANG CHOS DE DAG RJES SU RTOG PA DE NYID BYANG CHUB MCHOG LAGS PA'I SLAD DU'O, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, BYANG CHUB SEMS DPA' SEMS DPA' CHEN PO GANG DAG SHES

319a

, ,RAB KYI PHA ROL TU PHYIN PA BSTAN PA 'DI THOS NAS MOS TE, MI SKRAG, MI DNGANG, DNGANG BAR MI 'GYUR BA DE DAG NI SANGS RGYAS NYID DU LTA BAR BGYI'O, ,DE CI'I SLAD DU ZHE NA, BCOM LDAN 'DAS, SANGS RGYAS ZHES BGYI BA DE NI DON DAM PAR NA SKYE BA MA MCHIS PA'I TSIG BLA DVAGS LAGS PA'I SLAD DU'O, ,DE NAS BCOM LDAN 'DAS LA SRING MO DMIGS PA MED PAS 'DI SKAD CES GSOL TO, ,BCOM LDAN 'DAS, BYANG CHUB SEMS DPA' SEMS DPA' CHEN PO GANG DAG SHES RAB KYI PHA ROL TU PHYIN PA 'DI THOS NAS MOS TE, MI SKRAG, MI DNGANG, DNGANG BAR MI 'GYUR BA DE DAG NI SO SO'I SKYE BO'I CHOS RNAMS DANG, NYAN THOS KYI CHOS RNAMS DANG, RANG SANGS RGYAS KYI CHOS RNAMS DANG, YANG DAG PAR RDZOGS PA'I SANGS RGYAS KYI CHOS RNAMS LA LHAG PAR DMIGS PAR MI 'GYUR BA LAGS SO, ,DE CI'I SLAD DU ZHE NA, BCOM LDAN 'DAS, 'DI LTAR CHOS THAMS CAD NI MA MCHIS PA'I SLAD DU MI DMIGS PA STE, DE'I SLAD DU DE DAG LA DMIGS PA MA MCHIS SO, ,DE NAS BCOM LDAN 'DAS KYIS TSE DANG LDAN PA SH'A RADVA TI'I BU LA BKA' STZAL PA, DE DE BZHIN NO, ,SH'A RADVA TI'I BU, DE DE BZHIN TE, RIGS KYI BU DANG RIGS KYI BU MO GANG DAG SHES RAB KYI PHA ROL TU PHYIN PA ZAB MO BSTAN PA 'DI THOS NAS MOS TE, MI SKRAG, MI DNGANG, DNGANG BAR MI

319b

'GYUR BA DE DAG NI BYANG CHUB TU NGES PAR 'GYUR RO, ,SH'A RADVA TI'I BU, RIGS KYI BU DANG RIGS KYI BU MO GANG DAG SHES RAB KYI PHA ROL TU PHYIN PA BSTAN PA 'DI THOS NAS MOS TE, MI SKRAG, MI DNGANG, DNGANG BAR MI 'GYUR ZHING SPYI BOS LEN PA DE DAG NI PHYIR MI LDOG PA'I SA LA GNAS PA YIN PAR KHYOD KYIS SHES PAR GYIS SHIG, SH'A RADVA TI'I BU, GANG DAG SHES RAB KYI PHA ROL TU PHYIN PA BSTAN PA 'DI THOS NAS MOS TE, MI SKRAG, MI DNGANG, DNGANG BAR MI 'GYUR BA DE DANG DE DAG NI SBYIN BDAG DAM PAR 'GYUR, SBYIN BDAG CHEN POR 'GYUR, SBYIN BDAG KHYAD PAR DU 'PHAGS PAR 'GYUR RO, ,SH'A RADVA TI'I BU, DE DANG DE DAG NI TSUL KHRIMS PHUN SUM TSOGS PAR 'GYUR, TSUL KHRIMS DANG LDAN PA'I MCHOG TU 'GYUR, TSUL KHRIMS DANG LDAN PA KHYAD PAR DU 'PHAGS PAR 'GYUR, TSUL KHRIMS KYI YON TAN GYI LAM RNYED PAR 'GYUR RO, ,SH'A RADVA TI'I BU, GANG DAG SHES RAB KYI PHA ROL TU PHYIN PA BSTAN PA 'DI THOS NAS MOS TE; MI SKRAG, MI DNGANG, DNGANG BAR MI 'GYUR BA DE DANG DE DAG NI BZOD PA'I MCHOG DANG, BRTZON 'GRUS KYI MCHOG DANG, BSAM GTAN GYI MCHOG DANG, MTSUNGS PA MED PA'I SHES RAB KYI MCHOG DANG LDAN PAR 'GYUR RO, ,SH'A RADVA TI'I BU, BYANG CHUB SEMS DPA' SEMS DPA' CHEN PO GANG DAG SHES RAB KYI PHA ROL TU PHYIN PA BSTAN PA THOS NAS MOS TE, MI

320a

, ,SKRAG, MI DNGANG, DNGANG BAR MI 'GYUR BA DE DAG NI RNAM PA THAMS CAD KYI MCHOG DANG LDAN PA'I THAMS CAD MKHYEN PA'I YE SHES DANG LDAN PA'I BAR DU 'GYUR RO, ,BCOM LDAN 'DAS KYIS 'JAM DPAL GZHON NUR GYUR PA LA GZHAN YANG 'DI SKAD CES BKA' STZAL TO, ,'JAM DPAL GZHON NU KHYOD KYIS DON GYI DBANG CI ZHIG MTHONG NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI 'DOD, 'JAM DPAL GYIS GSOL PA, BCOM LDAN 'DAS, GAL TE BDAG BYANG CHUB TU ZHUGS NA NI DE LTAR NA BDAG MNGON PAR RDZOGS PAR 'TSANG RGYA BAR YANG 'TSAL NA, BCOM LDAN 'DAS, BDAG NI BYANG CHUB TU SMON PA MA LAGS SO, ,DE CI'I SLAD DU ZHE NA, 'JAM DPAL GZHON NUR GYUR PA GANG LAGS PA DE BYANG CHUB NYID DO, ,DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL KHYOD ZAB MO ZAB PA'I GNAS 'DI LTA BU 'DI STON PA LEGS SO, ,LEGS SO, ,'DI LTAR KHYOD NI SNGON GYI RGYAL BA LA BYA BA BYAS PA STE, MI DMIGS PAR TSANGS PAR SPYOD PA YUN RING DU SPYOD PA'O, ,'JAM DPAL GYIS GSOL PA, BCOM LDAN 'DAS, GAL TE BDAG MI DMIGS PAR SPYOD PA LAGS

320b

NA NI CHOS THOB PA NYID DU 'GYUR BA LAGS SO, ,DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL KHYOD KYIS NGA'I NYAN THOS PHUN SUM TSOGS PA 'DI DAG MTHONG NGAM, 'JAM DPAL GYIS GSOL PA, BCOM LDAN 'DAS, MTHONG LAGS SO, ,BCOM LDAN 'DAS KYIS BKA' STZAL PA, JI LTAR CI 'DRA BAR MTHONG, 'JAM DPAL GYIS GSOL BA, BCOM LDAN 'DAS, JI LTAR SO SO'I SKYE BOR MI MTHONG BA DANG, SLOB PAR MI MTHONG BA DANG, MI SLOB PAR MI MTHONG BA DANG, MTHONG BA YANG MA MCHIS, MI MTHONG BA YANG MA MCHIS PA DE LTAR MTHONG NGO, ,'DI LTAR MANG DU'ANG MI MTHONG BA DANG, NYUNG DU YANG MI MTHONG BA DANG, DUL BAR YANG MI MTHONG BA DANG, MA DU LA PAR YANG MI MTHONG BA DE LTAR MTHONG NGO, ,DE NAS TSE DANG LDAN PA SH'A RADVA TI'I BUS 'JAM DPAL GZHON NUR GYUR PA LA 'DI SKAD CES SMRAS SO, ,'JAM DPAL KHYOD KYIS NYAN THOS KYI THEG PA PA RNAMS DE LTAR MTHONG NA, YANG DAG PAR RDZOGS PA'I SANGS RGYAS KYI THEG PA PA RNAMS KHYOD KYIS JI LTAR MTHONG, 'JAM DPAL GYIS SMRAS PA, BTZUN PA SH'A RADVA TI'I BU, BYANG CHUB SEMS DPA' ZHES BYA BA'I CHOS KYANG RJES SU MI MTHONG, BYANG CHUB TU ZHUGS PA ZHES BYA BA'I CHOS KYANG RJES SU MI MTHONG, BYANG CHUB KYI PHYIR SPYOD DO ZHES BYA BA'I CHOS KYANG

321a

, ,RJES SU MI MTHONG, MNGON PAR RDZOGS PAR SANGS RGYAS ZHES BYA BA'I CHOS KYANG RJES SU MI MTHONG STE, BTZUN PA SH'A RADVA TI'I BU, YANG DAG PAR RDZOGS PA'I SANGS RGYAS KYI THEG PA PA DAG DE LTAR MTHONG NGO, ,SH'A RADVA TI'I BUS SMRAS PA, 'JAM DPAL KHYOD KYIS DE BZHIN GSHEGS PA JI LTAR MTHONG, 'JAM DPAL GYIS SMRAS PA, BTZUN PA SH'A RADVA TI'I BU, GLANG PO CHEN PO ZHOG CIG ,GLANG PO CHEN PO MA BSKYOD CIG, DE SKAD CES SMRAS PA DANG, TSE DANG LDAN PA SH'A RADVA TI'I BUS 'JAM DPAL GZHON NUR GYUR PA LA 'DI SKAD CES SMRAS SO; ;'JAM DPAL, SANGS RGYAS ZHES BYA BA DE GANG GI TSIG BLA DVAGS, 'JAM DPAL GYIS SMRAS PA, BTZUN PA SH'A RADVA TI'I BU, BDAG CES BYA BA DE GANG GI TSIG BLA DVAGS, SH'A RADVA TI'I BUS SMRAS PA, 'JAM DPAL, 'DI LTA STE, BDAG CES BYA BA DE NI SKYE BA MED PA'I TSIG BLA DVAGS SO, ,'JAM DPAL GYIS SMRAS PA, BTZUN PA SH'A RADVA TI'I BU, DE DE BZHIN TE; BDAG CES BYA BA DE GANG GI TSIG BLA DVAGS YIN PA SANGS RGYAS ZHES BYA BA DE YANG DE'I TSIG BLA DVAGS SO, ,BTZUN PA SH'A RADVA TI'I BU, YANG 'DI LTA STE, SANGS RGYAS ZHES BYA BA DE NI GZHI MED PA'I TSIG BLA DVAGS SO, ,BTZUN PA SH'A RADVA TI'I BU, SANGS RGYAS ZHES BYA BA DE NI TSIG GIS SHES PAR BYA BAR DKA' BA'O, ,BTZUN PA SH'A RADVA TI'I BU, TSIG KYANG 'DI

321b

NI TSIG GO ZHES BYA BAR BRTAG PAR DKA' NA SANGS RGYAS ZHES BYA BA LTA CI SMOS, BTZUN PA SH'A RADVA TI'I BU, SANGS RGYAS ZHES BYA BA GANG GI TSIG BLA DVAGS ZHES DE SKAD SMRA BA NI, GANG YANG DAG PAR MA GRUB PA DANG, MA SKYES PA DANG, MI 'GAG PA STE, GANG CHOS GANG DANG YANG MI LDAN PA DE LA GZHI CI YANG MED CING GZHI DBYER MED LA GZHI MED PA STE, BTZUN PA SH'A RADVA TI'I BU, 'DI LTA STE, SANGS RGYAS ZHES BYA BA DE NI DE'I TSIG BLA DVAGS SO, ,BTZUN PA SH'A RADVA TI'I BU, DE BZHIN GSHEGS PA TSOL BAR 'DOD PAS BDAG BTZAL BAR BYA'O, ,BTZUN PA SH'A RADVA TI'I BU, BDAG CES BYA BA DE NI SANGS RGYAS KYI TSIG BLA DVAGS TE, JI LTAR BDAG CES BYA BA SHIN TU MED CING MI DMIGS PA DE BZHIN DU SANGS RGYAS KYANG SHIN TU MED CING MI DMIGS SO, ,JI LTAR BDAG CES BYA BA'I CHOS GANG GIS KYANG TSIG TU BRJOD PA MA YIN PA DE BZHIN DU SANGS RGYAS KYANG CHOS GANG GIS KYANG TSIG TU BRJOD PA MA YIN NO, ,GANG LA GRANGS SU BYA BA MED PA DE NI SANGS RGYAS ZHES BYA STE, BTZUN PA SH'A RADVA TI'I BU, BDAG CES BYA BA'I GZHI'I TSIG BLA DVAGS DE NI SHES PAR SLA BA MA YIN NO, ,BTZUN PA SH'A RADVA TI'I BU, DE BZHIN DU SANGS RGYAS ZHES BYA BA'I GZHI'I TSIG BLA DVAGS 'DI YANG SHES PAR SLA BA MA YIN NO, ,DE NAS BCOM LDAN 'DAS LA TSE DANG LDAN PA SH'A RADVA TI'I BUS 'DI SKAD CES GSOL TO, ,BCOM LDAN 'DAS, 'JAM DPAL GZHON NUR GYUR PA

322a

, ,'DI NI JI LTAR LAS DANG PO PAS 'TSAL BAR 'GYUR BA DE LTA BU MI STON TO, ,DE SKAD CES GSOL PA DANG, 'JAM DPAL GZHON NUR GYUR PAS TSE DANG LDAN PA SH'A RADVA TI'I BU LA 'DI SKAD CES SMRAS SO, ,BTZUN PA SH'A RADVA TI'I BU, KHO BO NI JI LTAR DGRA BCOM PA BYAS PA RTOGS PA CAN GYIS KYANG SHES PAR 'GYUR BA DE LTA BU'I CHOS MI STON TO,, KHO BO NI JI LTAR SUS KYANG SHES PAR 'GYUR BA DE LTAR BUR YANG MI STON TO, ,DE CI'I PHYIR ZHE NA, BYANG CHUB NI SUS KYANG MA SHES, SUS KYANG RNAM PAR MA SHES, SUS KYANG MNGON PAR RDZOGS PAR SANGS MA RGYAS, MA RTOGS, MA MTHONG, MA THOS, MA DRAN, MA BSKYED, MA BKAG, MA SMRAS, MA BSTAN PA'I PHYIR RO, ,BTZUN PA SH'A RADVA TI'I BU, BYANG CHUB NI DE LTA BU STE, BYANG CHUB DE YANG DNGOS PO MA YIN NO, ,DE CI'I PHYIR ZHE NA, BYANG CHUB KYIS MNGON PAR RDZOGS PAR 'TSANG RGYA BAR BYA BA CI YANG MED CING, BYANG CHUB KYANG BYANG CHUB KYIS MNGON PAR RDZOGS PAR 'TSANG RGYA BA MA YIN PA'I PHYIR RO, ,SH'A RADVA TI'I BUS SMRAS PA, 'JAM DPAL, BCOM LDAN 'DAS KYIS CHOS KYI DBYINGS MNGON PAR RDZOGS PAR SANGS MA RGYAS SAM, 'JAM DPAL GYIS SMRAS PA, BTZUN PA SH'A RADVA TI'I BU, DE NI MA YIN NO, ,DE CI'I PHYIR ZHE NA, BTZUN PA SH'A RADVA TI'I BU, 'DI LTAR CHOS KYI DBYINGS NYID BCOM LDAN 'DAS YIN

322b

PA'I PHYIR RO, ,BTZUN PA SH'A RADVA TI'I BU, GAL TE BCOM LDAN 'DAS KYIS CHOS KYI DBYINGS MNGON PAR RDZOGS PAR SANGS RGYAS PAR GYUR NA, 'O NA NI GANG SKYE BA MED PA'I DBYINGS DE DANG 'GAL BAR 'GYUR RO, ,BTZUN PA SH'A RADVA TI'I BU, CHOS KYI DBYINGS DE NYID BYANG CHUB BO, ,DE CI'I PHYIR ZHE NA, CHOS KYI DBYINGS NI SEMS CAN MED PA'I PHYIR RO, ,CHOS THAMS CAD NGO BO NYID MED PA'O ZHES BYA BA DE NI BYANG CHUB KYI TSIG BLA DVAGS TE, DE NI CHOS KYI DBYINGS KYI GRANGS SU 'GRO BA'O, ,DE CI'I PHYIR ZHE NA, CHOS THAMS CAD NI SANGS RGYAS KYI YUL DU THA DAD PA MED PA'I PHYIR RO, ,BTZUN PA SH'A RADVA TI'I BU, THA DAD PA MED CES BYA BA DE NI RNAM PAR RIG PA MED PA'O, ,BTZUN PA SH'A RADVA TI'I BU, RNAM PAR RIG PA MED PA ZHES BYA BA DE NI RNAM PAR SHES PAR MI NUS PA STE, 'DUS BYAS SU RNAM PAR RIG PAR MI NUS PA NAS 'DUS MA BYAS KYI BAR DU YANG RNAM PAR RIG PAR MI NUS PA STE, DE LA RNAM PAR RIG PA GANG YANG MED PAS DES NA DE RNAM PAR RIG PA MED PA'O, , BTZUN PA SH'A RADVA TI'I BU, CHOS THAMS CAD NI RNAM PAR RIG PA MED PA STE, DE CI'I PHYIR ZHE NA, 'DI LTAR CHOS THAMS CAD NI GANG LA GNAS TE RNAM PAR RIG PAR 'GYUR BA'I SKYE BA MED PA'I PHYIR RO, ,GANG DAG MTSAMS MED PA LA ZHUGS PA DE DAG NI BSAM GYIS MI KHYAB PA LA ZHUGS PA'O, ,GANG DAG BSAM GYIS MI KHYAB PA LA ZHUGS PA DE DAG NI YANG DAG PA LA ZHUGS

323a

, ,PA'O; ;DE CI'I PHYIR ZHE NA, BTZUN PA SH'A RADVA TI'I BU, YANG DAG PA ZHES BYA BA DE NI GZHI DBYER MED PA'I PHYIR RO, ,GANG DAG BSAM GYIS MI KHYAB PA DANG LDAN PA DE NI MTHO RIS SU 'GRO BA MA YIN, NGAN SONG DU 'GRO BA MA YIN, MYA NGAN LAS 'DAS PAR 'GRO BA MA YIN NO, ,DE CI'I PHYIR ZHE NA, BSAM GYIS MI KHYAB PA NI 'GRO BA DANG MI 'GRO BAR NYE BAR GNAS PA MA YIN PA NAS MYA NGAN LAS 'DAS PA'I BAR DU 'GRO BA DANG MI 'GRO BAR NYE BAR GNAS PA MA YIN PA'I PHYIR RO, ,BTZUN PA SH'A RADVA TI'I BU, GANG DAG LTUNG BA'I RTZA BA BZHI LA GNAS PA DE DAG KYANG RTZA BA MED PA LA GNAS PA'O, ,DE CI'I PHYIR ZHE NA, BTZUN PA SH'A RADVA TI'I BU, SKYE BA MED PA LA RTZA BA'AM RTZE MO ZHES BYA BA MED PA'I PHYIR RO, ,RTZA BA MED PA'I DGE SLONG ZHES BYA BA DE NI MI GNAS PA'I DGE SLONG GI TSIG BLA DVAGS SO, ,RTZOD PA BYUNG BA ZHES BYA BA NI LHAG PAR SGRO 'DOGS PA ZHES BYA BA'I TSIG BLA DVAGS SO, ,BTZUN PA SH'A RADVA TI'I BU; LHAG PAR SGRO 'DOGS PA LA SPYOD PA NI 'JIG RTEN NA SBYIN GNAS SU 'GYUR RO, ,DE CI'I PHYIR ZHE NA, 'DI LTAR MNYAM PA LA DE LHAG PAR SGRO BTAGS PA'I PHYIR RO, ,BTZUN PA SH'A RADVA TI'I BU, DGE SLONG DAD PA NI DAD PAS BYIN PA SPYAD PA'I 'OS MA YIN NO, ,BTZUN PA SH'A RADVA TI'I BU, DGE SLONG MA DAD PA NI DAD PAS BYIN PA SPYAD PA'I 'OS SO, ,BTZUN

323b

PA SH'A RADVA TI'I BU, RUNG BA CAN GYI DGE SLONG NI DAD PAS BYIN PA SPYAD PA'I 'OS MA YIN NO, ,BTZUN PA SH'A RADVA TI'I BU, RUNG BA CAN MA YIN PA'I DGE SLONG NI DAD PAS BYIN PA SPYAD PA'I 'OS SO, ,TSUL YANG DAG PAR MA BCOM PA'I DGE SLONG NI DGRA BCOM PA ZAG PA ZAD PA ZHES BYA'O, ,SH'A RADVA TI'I BUS SMRAS PA, 'JAM DPAL CI LAS BSAMS TE DE SKAD CES SMRA, 'JAM DPAL GYIS SMRAS PA; MNYAM PA NYID GANG MNYAM PA NYID YANG DAG PAR 'JOMS PAR MI BYED PA DE NYID TSUL YIN TE, BTZUN PA SH'A RADVA TI'I BU, DE LA BSAMS NAS TSUL YANG DAG PAR MA BCOM PA'I DGE SLONG NI DGRA BCOM PA ZAG PA ZAD PA ZHES BYA'O ZHES DE SKAD SMRAS SO, ,BTZUN PA SH'A RADVA TI'I BU, 'JIGS PA LAS MA BRGAL BA ZHES BYA BA DE NI DGRA BCOM PA ZAG PA ZAD PA ZHES BYA BA'I TSIG BLA DVAGS SO, ,SH'A RADVA TI'I BUS SMRAS PA, 'JAM DPAL, CI LAS BSAMS TE DE SKAD SMRA, 'JAM DPAL GYIS SMRAS PA, DE'I 'JIGS PA CUNG ZAD TZAM YANG MED NA CI ZHIG LAS BRGAL BAR 'GYUR, SH'A RADVA TI'I BUS SMRAS PA, 'JAM DPAL, MA SKYES PA'I BZOD PA CAN ZHES BYA BA DE GANG GI TSIG BLA DVAGS, 'JAM DPAL GYIS SMRAS PA, BTZUN PA SH'A RADVA TI'I BU, GANG GIS CHOS CUNG ZAD TZAM YANG MA BSKYED PA DA MA SKYES PA'I BZOD PA CAN ZHES BYA'O, ,SH'A RADVA TI'I BUS SMRAS PA, 'JAM DPAL, DGE SLONG MA DUL BA ZHES BYA BA DE GANG

324a

, ,GI TSIG BLA DVAGS, 'JAM DPAL GYIS SMRAS PA, BTZUN PA SH'A RADVA TI'I BU, DGE SLONG MA DUL BA ZHES BYA BA DE NI DGRA BCOM PA ZAG PA ZAD PA'I TSIG BLA DVAGS SO; ;DE CI'I PHYIR ZHE NA, MA DUL BA NI DUL LA, DUL BA NI MA DUL BAS, BTZUN PA SH'A RADVA TI'I BU, 'DI LA BSAMS TE DGE SLONG MA DUL BA ZHES BYA BA DE NI DGRA BCOM PA ZAG PA ZAD PA'I TSIG BLA DVAGS SO ZHES DE SKAD SMRAS SO, ,BTZUN PA SH'A RADVA TI'I BU, LHAG PA'I SEMS LA SPYOD DO ZHES BYA BA DE NI, SO SO'I SKYE BO'I TSIG BLA DVAGS SO, ,SH'A RADVA TI'I BUS SMRAS PA; 'JAM DPAL, CI LAS BSAMS TE DE SKAD SMRA, 'JAM DPAL GYIS SMRAS PA, BTZUN PA SH'A RADVA TI'I BU, 'DI LTAR DE LHAG PAR BYED PA'I PHYIR RO, ,DE SKAD CES SMRAS PA DANG, TSE DANG LDAN PA SH'A RADVA TI'I BUS 'JAM DPAL GZHON NUR GYUR PA LA 'DI SKAD CES SMRAS SO, ,'JAM DPAL KHYOD KYIS DGRA BCOM PA ZAG PA ZAD PA JI LTA BA BZHIN DU SMRAS PA LEGS SO, , LEGS SO, ,'JAM DPAL GYIS SMRAS PA, BTZUN PA SH'A RADVA TI'I BU, DE DE BZHIN TE, JI SKAD SMRAS PA DE BZHIN NO, ,KHO BO NI ZAG PA ZAD MOD KYI, DGRA BCOM PA NI MA YIN NO, , DE CI'I PHYIR ZHE NA, BTZUN PA SH'A RADVA TI'I BU, 'DI LTAR NYAN THOS KYI SA DANG, RANG SANGS RGYAS KYI SAR KHO BO'I BSAM PA ZAD PA'I PHYIR TE, BTZUN PA SH'A RADVA TI'I BU, RNAM GRANGS

324b

DES NA KHO BO ZAG PA ZAD MOD KYI, DGRA BCOM PA NI MA YIN NO, ,DE NAS BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, BYANG CHUB SEMS DPA' SEMS DPA' CHEN PO BYANG CHUB KYI SNYING POR 'DUG LA, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA'I SKAL BA MED PAR 'GYUR BA'I RNAM GRANGS YOD DAM, 'JAM DPAL GYIS GSOL PA, BCOM LDAN 'DAS, BYANG CHUB SEMS DPA' SEMS DPA' CHEN PO BYANG CHUB KYI SNYING POR MCHIS LA, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA'I SKAL PA MA MCHIS PAR 'GYUR BA'I RNAM GRANGS MCHIS SO, ,DE CI'I PHYIR ZHE NA, 'DI LTAR BYANG CHUB LA CUNG ZAD TZAM GYI CHOS KYANG MA MCHIS SHING MI DMIGS PAS DE'I SLAD DU, BLA NA MED PA YANG DAG PAR RDZOGS PA'I BYANG CHUB CES BGYI'O, ,BYANG CHUB DE YANG MA SKYES PA STE, DE LA GANG BYANG CHUB KYI SNYING PO LA MCHIS PA'AM; SU BYANG CHUB MNGON PAR RDZOGS PAR 'TSANG RGYA BA'AM, GANG GIS BYANG CHUB MNGON PAR RDZOGS PAR 'TSANG RGYA BA'AM, GANG BYANG CHUB KYI SNYING PO LAS LDANG BA GANG YANG MA MCHIS SHING MI DMIGS TE, BCOM LDAN 'DAS RNAM GRANGS 'DIS NA, BYANG CHUB SEMS DPA' SEMS DPA' CHEN PO BYANG CHUB KYI SNYING POR MCHIS LA, BLA NA MED PA YANG DAG PAR

325a

, ,RDZOGS PA'I BYANG CHUB MNGON PAR RDZOGS PAR 'TSANG RGYA BA'I SKAL PA MA MCHIS SO, ,DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, BYANG CHUB CES BYA BA DE GANG GI TSIG BLA DVAGS, 'JAM DPAL GYIS GSOL PA, BCOM LDAN 'DAS, BYANG CHUB CES BGYI BA DE NI MTSAMS MA MCHIS PA LNGA PO DAG GI TSIG BLA DVAGS SO, ,DE CI'I SLAD DU ZHE NA, BCOM LDAN 'DAS 'DI LTAR DNGOS PO MA MCHIS PAS, MTSAMS MA MCHIS PA LNGA PO DE DAG NYID BYANG CHUB KYI RANG BZHIN TE, DE'I SLAD DU BYANG CHUB DE NI MTSAMS MA MCHIS PA LNGA'I RANG BZHIN CAN LAGS SO, ,MTSAMS MA MCHIS PA RNAMS MNGON PAR RDZOGS PA RTOGS PA BYANG CHUB MA LAGS, CHOS THAMS CAD MNGON SUM DU GYUR PA YANG BYANG CHUB MA LAGS SO, ,DE CI'I SLAD DU ZHE NA, CHOS THAMS CAD NI SHIN TU MNGON SUM MA LAGS TE, DE DAG GANG GIS KYANG MNGON PAR RDZOGS PAR MA RTOGS, MA MTHONG, MA THOS, MA 'TSAL PA NAS MA RTOGS PA'I BAR GYI SLAD DU STE, DE LTA BU DE NI BYANG CHUB BO, ,DE LTA LAGS KYIS KYANG, BCOM LDAN 'DAS, MNGON PA'I NGA RGYAL CAN DAG GIS NI MNGON PAR RDZOGS PAR SANGS RGYAS PA NAS MNGON SUM DU BGYIS PA'I BAR DU DE DAG BZHAG GO ,DE SKAD CES

325b

GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, CI KHYOD NGA LA 'DI SNYAM DU DE BZHIN GSHEGS PA NI BDAG GI DE BZHIN GSHEGS PA'O SNYAM DU SEMS SAM, 'JAM DPAL GYIS GSOL PA, BCOM LDAN 'DAS, DE NI MA LAGS SO, ,DE CI'I SLAD DU ZHE NA, BCOM LDAN 'DAS, 'DI LTAR DE BZHIN GSHEGS PA NI BDAG GI DE BZHIN GSHEGS PA'O SNYAM DU MI SEMS PA'I SLAD DU'O, ,DE CI'I SLAD DU ZHE NA, BCOM LDAN 'DAS, 'DI LTAR DE BZHIN NYID NI DE BZHIN GSHEGS PA NYID DE, DE BZHIN NYID KYIS DE BZHIN GSHEGS PA RNAM PAR RIG PAR MI BGYID CING, DE BZHIN GSHEGS PAS KYANG DE BZHIN NYID RNAM PAR RIG PAR MI BGYID PA'I SLAD DU'O, ,DE CI'I SLAD DU ZHE NA, BCOM LDAN 'DAS, 'DI LTAR DON DAM PAR NA DE BZHIN NYID DNGOS PO MA MCHIS SHING, DE BZHIN GSHEGS PA YANG DNGOS PO MA MCHIS PA'I SLAD DU'O, ,BCOM LDAN 'DAS, DE BAS NA BDAG NI 'DI SNYAM DU DE BZHIN GSHEGS PA NI, BDAG GI DE BZHIN GSHEGS PA'O SNYAM DU MI SEMS SO, ,BCOM LDAN 'DAS, DE BZHIN GSHEGS PA ZHES BGYI BA DE NI MING TZAM DU BAS NA, GANG LA BDAG 'DI SNYAM DU DE BZHIN GSHEGS PA NI BDAG GI DE BZHIN GSHEGS PA'O SNYAM DU SEMS PAR 'GYUR BA'I DE BZHIN GSHEGS PA DE GANG LAGS,

326a

, ,BCOM LDAN 'DAS KYIS BKA' STZAL PA, 'JAM DPAL KHYOD DE BZHIN GSHEGS PA LA THE TSOM ZA'AM, 'JAM DPAL GYIS GSOL PA, BCOM LDAN 'DAS, DE NI MA LAGS SO, ,BCOM LDAN 'DAS, GAL TE DE BZHIN GSHEGS PA BYUNG BA'AM, DE BZHIN GSHEGS PA YONGS SU MYA NGAN LAS 'DAS PA YANG RUNG STE, DE BZHIN GSHEGS PAR YONGS SU MA GRUB PAR 'GA' ZHIG MCHI NA NI DE LA BDAG THE TSOM 'TSAL LO, ,DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL KHYOD DE BZHIN GSHEGS PA BYUNG NGO SNYAM DU MI SEMS SAM, 'JAM DPAL GYIS GSOL PA, BCOM LDAN 'DAS, GAL TE CHOS KYI DBYINGS LA 'BYUNG BA MCHIS NA NI, BDAG DE BZHIN GSHEGS PA BYUNG NGO SNYAM DU SEMS PAR 'GYUR RO, ,BCOM LDAN 'DAS KYIS BKA' STZAL PA, 'JAM DPAL KHYOD SANGS RGYAS BCOM LDAN 'DAS GANGG'A'I KLUNG GI BYE MA SNYED YONGS SU MYA NGAN LAS 'DAS PAR MI MOS SAM, 'JAM DPAL GYIS GSOL PA, BCOM LDAN 'DAS, SANGS RGYAS BCOM LDAN 'DAS RNAMS NI 'DI LTAR BSAM GYIS MI KHYAB PA'I YUL DU YUL GCIG PA MA LAGS SAM, BCOM LDAN 'DAS KYIS BKA' STZAL PA, 'JAM DPAL, DE DE BZHIN TE, SANGS RGYAS BCOM LDAN 'DAS

326b

RNAMS NI, 'DI LTAR BSAM GYIS MI KHYAB PA'I YUL DU YUL GCIG GO ,'JAM DPAL GYIS GSOL PA, BCOM LDAN 'DAS, DA LTAR BZHUGS LAGS SAM, BCOM LDAN 'DAS KYIS BKA' PA; 'JAM DPAL, DE DE BZHIN NO, ,'JAM DPAL GYIS GSOL PA, BCOM LDAN 'DAS, DE'I SLAD DU GANGG'A'I KLUNG GI BYE MA SNYED KYI SANGS RGYAS BCOM LDAN 'DAS DE DAG YONGS SU MYA NGAN LAS MA 'DAS SO, ,DE CI'I SLAD DU ZHE NA, BCOM LDAN 'DAS, SANGS RGYAS BCOM LDAN 'DAS RNAMS NI 'DI LTAR BSAM GYIS MI KHYAB PA'I YUL DU YUL GCIG PA'I SLAD DU STE, BSAM GYIS MI KHYAB PA NYID NI SKYE BA MA LAGS, 'GAG PA MA LAGS SO, ,BCOM LDAN 'DAS, DE BAS NA BCOM LDAN 'DAS NYID KYIS, MNGON PAR RDZOGS PAR SANGS RGYAS NA, GANG DAG MA MCHIS PA'I DUS NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR BA DE DAG KYANG DE BZHIN DU MNGON PAR RDZOGS PAR SANGS RGYAS PA NYID DO, ,DE CI'I SLAD DU ZHE NA, BSAM GYIS MI KHYAB PA LA 'DAS PA'AM, MA 'ONGS PA'AM, DA LTAR ZHES BGYI BA MA MCHIS PA'I SLAD DU'O, ,BCOM LDAN 'DAS, DE LTA BAS NA, SU DAG 'DI SNYAM DU DE BZHIN GSHEGS PA SKYES SO ZHES BGYI BA NAS, YONGS SU MYA NGAN LAS 'DAS PA'I BAR DU SEMS PA DE DAG GI 'JIG RTEN GNAS PA NI 'KHRUL PA STE, BCOM LDAN 'DAS, DE DAG NI

327a

, ,'JIG RTEN GNAS PA 'PHROGS PAR BGYID PA LAGS SO, ,DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, DE'I PHYIR KHYOD KYIS DE BZHIN GSHEGS PA'I BSAM GYIS MI KHYAB PA, BSAM DU MED PA, BSAM GYIS MI LANG BA, BSAM PA LAS 'DAS PA 'DI DE BZHIN GSHEGS PA'AM, PHYIR MI LDOG PA'I BYANG CHUB SEMS DPA' SEMS DPA' CHEN PO'AM, DGRA BCOM PA ZAG PA ZAD PA'I MDUN DU BRJOD NA RJOD CIG, DE CI'I PHYIR ZHE NA, 'DI LTAR DE DAG NI THOS NAS BSNGAGS PAR YANG MI 'GYUR, SPONG BAR YANG MI 'GYUR BA'I PHYIR RO, ,DE CI'I PHYIR ZHE NA, 'DI LTAR 'DI BSAM GYIS MI KHYAB PA, BSAM DU MED PA, BSAM GYIS MI LANG BA'I PHYIR RO, ,'JAM DPAL GYIS GSOL PA, BCOM LDAN 'DAS, CHOS THAMS CAD BSAM GYIS MI KHYAB CING, BSAM DU MA MCHIS PA 'DI LA SU ZHIG BSNGAGS PA'AM, SPONG BAR 'GYUR, BCOM LDAN 'DAS KYIS BKA' STZAL PA, 'JAM DPAL, JI LTAR DE BZHIN GSHEGS PA BSAM GYIS MI LANG BA DE LTAR SO SO'I SKYE BO RNAMS KYANG BSAM GYIS MI LANG BA YIN NAM, 'JAM DPAL GYIS GSOL PA, BCOM LDAN 'DAS, SO SO'I SKYE BO RNAMS KYANG DE BZHIN DU BSAM GYIS MI LANG BA LAGS SO, ,BCOM LDAN 'DAS KYIS

327b

BKA' STZAL PA, 'JAM DPAL, DE DE BZHIN NO, ,DE CI'I PHYIR ZHE NA, 'DI LTAR BSAM PA THAMS CAD NI BSAM GYIS MI LANG BA'I PHYIR RO, ,'JAM DPAL GYIS GSOL PA, BCOM LDAN 'DAS, 'O NA, JI LTAR DE BZHIN GSHEGS PA BSAM GYIS MI LANG BA DE BZHIN DU, SO SO'I SKYE BO RNAMS KYANG BSAM GYIS MI LANG BA'O ZHES BCOM LDAN 'DAS KYIS CI'I SLAD DU DE SKAD CES BKA' STZAL PA, BCOM LDAN 'DAS, SO SO'I SKYE BO NYID KYANG BSAM GYIS MI LANG BA MA LAGS SAM, DE CI'I SLAD DU ZHE NA, BCOM LDAN 'DAS, CHOS THAMS CAD BSAM GYIS MI LANG BA'I SLAD DU'O, ,BCOM LDAN 'DAS, GANG LA LA DAG MYA NGAN LAS 'DAS PA'I SLAD DU ZHUGS NA, BCOM LDAN 'DAS, DE DAG NI NYAM THAG PAR 'GYUR RO, ,DE CI'I SLAD DU ZHE NA, GANG BSAM GYIS MI LANG BA DE NYID MYA NGAN LAS 'DAS PA LAGS PA'I SLAD DU STE, BCOM LDAN 'DAS, DE'I SLAD DU BSAM GYIS MI LANG BA LA THA DAD PA MA MCHIS SO, ,BCOM LDAN 'DAS, GANG DAG 'DI SKAD DU 'DI DAG NI SO SO'I SKYE BO'I CHOS RNAMS SO, ,'DI DAG NI 'PHAGS PA'I CHOS RNAMS SO ZHES MCHI BA DE DAG LA RE ZHIG DGE BA'I BSHES GNYEN RNAMS LA BSNYEN BKUR GYIS SHIG DANG, DE NAS GZOD 'DI DAG NI SO SO'I SKYE BO CHOS RNAMS SO, ,'DI DAG NI 'PHAGS PA'I CHOS RNAMS SO ZHES BYA BAR SHES PAR 'GYUR RO ZHES DE DAG LA 'DI SKAD BRJOD PAR BGYI'O, ,DE SKAD CES

328a

, ,GSOL PA, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, KHYOD DE BZHIN GSHEGS PA SEMS CAN THAMS CAD KYI MCHOG TU 'DOD DAM, 'JAM DPAL GYIS GSOL PA, BCOM LDAN 'DAS, GAL TE 'DI LA SEMS CAN DU YONGS SU GRUB PA 'GA' ZHIG MCHIS NA NI, BDAG DE BZHIN GSHEGS PA SEMS CAN THAMS CAD KYI MCHOG TU 'TSAL LO, ,BCOM LDAN 'DAS KYIS BKA' STZAL PA, 'JAM DPAL, KHYOD DE BZHIN GSHEGS PA BSAM GYIS MI KHYAB PA'I CHOS DANG LDAN PAR 'DOD DAM, 'JAM DPAL GYIS GSOL PA, BCOM LDAN 'DAS, GAL TE BSAM PA'I CHOS DANG LDAN PA 'GA' ZHIG MCHIS NA NI, BDAG DE BZHIN GSHEGS PA BSAM GYIS MI KHYAB PA'I CHOS DANG LDAN PAR 'TSAL LO, ,BCOM LDAN 'DAS KYIS BKA' STZAL PA, 'JAM DPAL KHYOD 'DI LTAR NYAN THOS 'DI DAG NI DE BZHIN GSHEGS PAS BTUL LO ZHES BYA BAR 'DOD DAM, 'JAM DPAL GYIS GSOL PA, BCOM LDAN 'DAS, GAL TE LA LA ZHIG BSAM GYIS MI KHYAB PA'I DBYINGS 'DUL BAR 'GYUR NA NI, BDAG NYAN THOS 'DI DAG DE BZHIN GSHEGS PAS BTUL LO ZHES BGYI BA DE LTAR 'TSAL LO, ,BCOM LDAN 'DAS, SANGS RGYAS 'BYUNG BA NI GANG LA PHAN PA'AM, GNOD

328b

PAR YANG NYE BAR GNAS PA MA LAGS SO, ,DE CI'I SLAD DU ZHE NA, 'DI LTAR DBYINGS 'DI NI GNAS PA NYID DANG, DBYINGS 'DI NI MA 'DRES PA NYID DE, 'DI LTA STE, BSAM GYIS MI KHYAB PA'I DBYINGS LA GNAS PA'I SLAD DU'O, ,DBYINGS DE LA NI NYAN THOS THA DAD PA NAS SO SO'I SKYE BO THA DAD PA'I BAR DU MI DMIGS SO, ,BCOM LDAN 'DAS KYIS BKA' PA, 'JAM DPAL, KHYOD 'DI LTAR DE BZHIN GSHEGS PA BSOD NAMS KYI ZHING BLA NA MED PA YIN PAR MI 'DOD DAM, 'JAM DPAL GYIS GSOL PA, BCOM LDAN 'DAS, DNGOS PO MA MCHIS PA'I SLAD DU, DE BZHIN GSHEGS PA BSOD NAMS KYI ZHING STE, DE'I SLAD DU DE NI BSOD NAMS KYI ZHING BLA NA MA MCHIS PA'O, ,DE NI ZHING GANG BA MA LAGS, ZHING MA GANG BA YANG MA LAGS SHING, ZHING MA LAGS PA YANG MA LAGS TE, DE'I SLAD DU DE NI BSOD NAMS KYI ZHING BLA NA MA MCHIS PA'O, ,BCOM LDAN 'DAS, YANG DE LA CHOS GANG YANG YANG DAG PAR 'GRUB PAR MI 'GYUR, BAS PAR MI 'GYUR TE, DE LTAR NA DE BSOD NAMS KYI ZHING LAGS SO, ,DE LA SA BON BTAB PA NI RNAM PAR MI 'PHEL ZHING YONGS SU MI 'GRIB BO, ,BCOM LDAN 'DAS KYIS BKA' STZAL PA; 'JAM DPAL KHYOD KYIS CI LAS BSAMS TE, ZHING DE LA SA BON BTAB PA RNAM PAR MI 'PHEL ZHING YONGS SU MI 'GRIB PA'O, ,ZHES DE SKAD SMRA, 'JAM DPAL GYIS GSOL

329a

, ,PA; BCOM LDAN 'DAS, 'DI LTAR ZHING DE NI BSAM GYIS MI KHYAB STE, DE LTAR NA DE BSOD NAMS KYI ZHING LAGS SO, ,DE NAS DE'I TSE SANGS RGYAS KYI MTHUS SA CHEN PO RNAM PA DRUG TU G-YOS PAR GYUR TO, ,DGE SLONG KHRI DRUG STONG NI LEN PA MED PAR ZAG PA RNAMS LAS SEMS RNAM PAR GROL LO, ,DGE SLONG MA BDUN BRGYA DANG, DGE BSNYEN SUM BRGYA DANG, DGE BSNYEN MA BZHI KHRI DANG, 'DOD PA NA SPYOD PA'I LHA BYE BA KHRAG KHRIG DRUG CU NI CHOS LA CHOS KYI MIG RDUL DANG BRAL ZHING DRI MA MED PA SKYES SO, ,DE NAS TSE DANG LDAN PA KUN DGA' BO STAN LAS LANGS TE, CHOS GOS PHRAG PA GCIG TU ZAR NAS PUS MO G-YAS PA'I LHA NGA SA LA BTZUGS TE, BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, 'JIG RTEN DU DOG SA CHER G-YOS PA BYUNG BA 'DI'I RGYU GANG LAGS, RKYEN GANG LAGS, DE SKAD CES GSOL PA DANG, BCOM LDAN 'DAS KYIS TSE DANG LDAN PA KUN DGA' BO LA 'DI SKAD CES BKA' STZAL TO, ,KUN DGA' BO, BSOD NAMS KYI ZHING BSTAN PA ZHES BYA BA'I CHOS KYI RNAM GRANGS 'DI SNGON GYI SANGS RGYAS BCOM LDAN 'DAS RNAMS KYIS KYANG SA PHYOGS 'DI NYID DU GSUNGS TE, KUN DGA' BO, 'JIG RTEN DUS G-YOS PA 'BYUNG BA 'DI'I RGYU NI DE YIN, RKYEN NI DE YIN NO, ,

329b

DE NAS BCOM LDAN 'DAS LA TSE DANG LDAN PA SH'A RADVA TI'I BUS 'DI SKAD GSOL TO, ,BCOM LDAN 'DAS, 'JAM DPAL 'DI NI BSAM GYIS MI KHYAB PA'I DPAL LO, ,DE CI'I SLAD DU ZHE NA, 'DI LTAR 'DI'I SPOBS PA GANG DANG GANG LAGS PA'I SPOBS PA DE DANG DE NYID BSAM GYIS MI KHYAB PA NYID LAGS SO, ,DE NAS BCOM LDAN 'DAS KYIS 'JAM DPAL GZHON NUR GYUR PA LA BKA' STZAL BA, 'JAM DPAL, DGE SLONG SH'A RADVA TI'I BUS TSIG JI SKAD SMRAS PA DE DE BZHIN TE, 'JAM DPAL GZHON NUR GYUR PA'I SPOBS PA GANG DANG GANG YIN PA'I SPOBS PA DE DAG THAMS CAD NI BSAM GYIS MI KHYAB PA NYID DO, ,DE SKAD CES BKA' STZAL PA DANG, BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, BSAM GYIS MI KHYAB PA NI SPOBS PAR MI 'GYUR RO, ,GAL TE BSAM GYIS MI KHYAB PA SPOBS PAR 'GYUR NA NI BSAM DU MCHIS PA NYID DU 'GYUR RO, ,GANG YANG BSAM GYIS MI KHYAB PA MA LAGS PA'I BSAM GYIS MI KHYAB PA CI YANG MA MCHIS SO, ,BCOM LDAN 'DAS, SGRA THAMS CAD NI BSAM GYIS MI KHYAB PA STE, BSAM GYIS MI KHYAB PA NYID NI SGRA MA LAGS SO, ,SGRA MA LAGS PA DANG, SGRA MA LAGS PA YANG MA LAGS PA NI BSTAN PAR MI NUS SO, ,BCOM LDAN 'DAS KYIS BKA' STZAL PA, 'JAM DPAL KHYOD BSAM GYIS MI KHYAB PA'I TING NGE 'DZIN LA SNYOMS PAR 'JUG GAM,

330a

, ,'JAM DPAL GYIS GSOL PA, BCOM LDAN 'DAS, DE NI MA LAGS TE, BSAM GYIS MI KHYAB PA'I TING NGE 'DZIN LA BDAG SNYOMS PAR MI 'JUG GO, DE CI'I SLAD DU ZHE NA, BCOM LDAN 'DAS 'DI LTAR BDAG NYID BSAM GYIS MI KHYAB PA'I TING NGE 'DZIN LAGS PA'I SLAD DU'O, ,BCOM LDAN 'DAS, GAL TE BSAM DU RUNG BA LAGS NA NI, BDAG BSAM GYIS MI KHYAB PA'I TING NGE 'DZIN LA SNYOMS PAR 'JUG GO, BCOM LDAN 'DAS, TING NGE 'DZIN ZHES BGYI BA DE NI BSAM DU MA MCHIS PA, BSAM GYIS MI KHYAB PA, BSAM GYIS MI LANG BA LAGS NA, JI LTAR BSAM GYIS MI KHYAB PA'I TING NGE 'DZIN LA SNYOMS PAR 'JUG PAR BGYI, DE LTA LAGS KYIS KYANG, BCOM LDAN 'DAS, BDAG SNGON LAS DANG PO PA'I TSE NA, BSAM GYIS MI KHYAB PA'I TING NGE 'DZIN LA SNYOMS PAR 'JUG GO, SNYAM DU DE SNYAM BSAM PAR GYUR TO, ,BCOM LDAN 'DAS, DA LTAR NI BDAG BSAM GYIS MI KHYAB PA'I TING NGE 'DZIN LA SNYOMS PAR 'JUG GO SNYAM DU YANG DE LA SEMS PA KUN DU 'BYUNG BA MA MCHIS SO, ,BCOM LDAN 'DAS, 'DI LTA STE, DPER NA, 'PHONG GI SLOB DPON NI SNGON LAS DANG PO PA'I SA NA SLOB PA'I TSE, 'DI SNYAM DU BA GLANG GI PHUR PA DAG LA PHOG PAR BYA'O SNYAM DU SEMS SO, ,DE GANG GI TSE SKRA LA PHOG PAR GRUB PAR GYUR PA DE'I TSE, 'DI LTAR SKRA LA PHOG PAR LEGS PAR LOBS PA'I SLAD DU, DE YANG 'DI SNYAM DU BDAG

330b

GIS BA GLANG GI PHUR PA DAG LA PHOG PAR BYA'O SNYAM DU SEMS PA MI 'BYUNG NGO, ,JI STE GANG GI TSE SKRA LA PHOG PAR 'TSAL BA DE'I TSE, SGRIM MI 'TSAL BAR PHOG PAR 'GYUR RO, ,BCOM LDAN 'DAS, DE BZHIN DU BDAG SNGON NI BSAM GYIS MI KHYAB PA'I TING NGE 'DZIN LA SNYOMS PAR 'JUG GO SNYAM DU DE SNYAM DU BSAM PAR GYUR TO, ,GANG GI TSE BDAG GIS TING NGE 'DZIN DE LA SNYOMS PAR ZHUGS NAS TING NGE 'DZIN 'DIS GNAS PA DE'I TSE, BDAG SLAR YANG TING NGE 'DZIN 'DIS GNAS PAR BGYI'O SNYAM DU MI SEMS SO, ,DE CI'I SLAD DU ZHE NA, GANG DANG GANG GI TSE TING NGE 'DZIN 'DIS GNAS PA DE DANG DE'I TSE, TING NGE 'DZIN 'DI GDAGS SU MA MCHIS PA'I SLAD DU'O, ,DE NAS BCOM LDAN 'DAS LA TSE DANG LDAN PA SH'A RADVA TI'I BUS 'DI SKAD CES GSOL TO, ,BCOM LDAN 'DAS, 'JAM DPAL GZHON NUR GYUR PA NI BSAM GYIS MI KHYAB PA'I TING NGE 'DZIN 'DIS GNAS PA'I TSE 'DI LA YID MI RTON NA, BCOM LDAN 'DAS, BSAM GYIS MI KHYAB PA'I TING NGE 'DZIN 'DI BAS CHES ZHI BA'I TING NGE 'DZIN GZHAN LTA MCHIS SAM DE NAS 'JAM DPAL GZHON NUR GYUR PAS TSE DANG LDAN PA SH'A RADVA TI'I BU LA 'DI SKAD CES SMRAS SO, ,BTZUN PA SH'A RADVA TI'I BU, 'DI SKAD DU BSAM GYIS MI KHYAB PA'I TING NGE 'DZIN 'DI BAS CHES ZHI BA'I TING NGE 'DZIN GZHAN LTA MCHIS SAM ZHES 'DRI NA, BTZUN PA SH'A RADVA TI'I BU KHYOD KYIS BSAM GYIS MI KHYAB PA'I TING NGE 'DZIN 'DI ZHI BA YIN PAR JI

331a

, ,LTAR SHES, BTZUN PA SH'A RADVA TI'I BU, GAL TE BSAM GYIS MI KHYAB PA'I TING NGE 'DZIN 'DI YOD CING DMIGS NA NI, BSAM GYIS MI KHYAB PA'I TING NGE 'DZIN 'DI BAS CHES ZHI BA'I TING NGE 'DZIN GZHAN YOD PAR 'GYUR RO, ,SH'A RA DVA TI'I BUS SMRAS PA, 'JAM DPAL, BSAM GYIS MI KHYAB PA'I TING NGE 'DZIN 'DI MED CING MI DMIGS PA YIN NAM, 'JAM DPAL GYIS SMRAS PA, BTZUN PA SH'A RADVA TI'I BU, 'DI LTAR DE NI BSAM GYIS MI KHYAB PA'I TING NGE 'DZIN TE, DE BAS NA BSAM GYIS MI KHYAB PA'I TING NGE 'DZIN 'DI NI MED DE MI DMIGS PA'O, ,DE LTA MOD KYI, BTZUN PA SH'A RADVA TI'I BU, BSAM GYIS MI KHYAB PA'I TING NGE 'DZIN THOB PA NI SU YANG MED DO, ,BTZUN PA SH'A RADVA TI'I BU, SEMS CAN THAMS CAD KYANG BSAM GYIS MI KHYAB PA'I TING NGE 'DZIN THOB PA'O, ,DE CI'I PHYIR ZHE NA, BSAM PA THAMS CAD NI BSAM GYIS MI KHYAB PA YIN LA, GANG BSAM GYIS MI KHYAB PA DE NI BSAM GYIS MI KHYAB PA'I TING NGE 'DZIN YIN TE, DE BAS NA SEMS CAN THAMS CAD BSAM GYIS MI KHYAB PA'I TING NGE 'DZIN 'DI THOB PA'O,, ,,BAM PO GNYIS PA STE THA MA'O, ,DE NAS BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL KHYOD KYIS ZAB MO ZAB PA'I GNAS 'DI LTA BU THAMS CAD BSTAN PA LEGS SO, ,LEGS SO, ,'DI LTAR 'JAM DPAL KHYOD NI

331b

SNGON GYI RGYAL BA LA BYA BA BYAS PA STE, MI DMIGS PAR TSANGS PAR SPYOD PA YUN RING DU SPYOD PA'O, ,CI 'JAM DPAL KHYOD SHES RAB KYI PHA ROL TU PHYIN PA LA GNAS TE, DE SKAD SMRA'O SNYAM DU SEMS SAM; 'JAM DPAL GYIS GSOL PA, BCOM LDAN 'DAS, GAL TE BDAG 'DI LTAR SHES RAB KYI PHA ROL TU PHYIN PA LA GNAS NAS 'DI SKAD MCHI NA NI, 'O NA DMIGS PA LA GNAS TE DE SKAD MCHI BAR 'GYUR, BDAG TU 'DU SHES PA LA GNAS NAS DNGOS PO'I 'DU SHES KYI BAR LA GNAS TE DE SKAD MCHI BAR 'GYUR RO, ,DE BAS NA SHES RAB KYI PHA ROL TU PHYIN PA LA GNAS TE 'DI SKAD MI MCHI'O,, DE CI'I SLAD DU ZHE NA, BCOM LDAN 'DAS, GAL TE SHES RAB KYI PHA ROL TU PHYIN PA LA GNAS SU GYUR TAM, JI STE GNAS MA LAGS PA ZHIG TU GYUR NA SHES RAB KYI PHA ROL TU PHYIN PA MA LAGS PAR 'GYUR RO, ,BCOM LDAN 'DAS, BDAG GI GNAS NI SHES RAB KYI PHA ROL TU PHYIN PA'I GNAS TE, GNAS MA MCHIS PA, KUN NAS 'BYUNG BA MA MCHIS PA, GO SKABS MA MCHIS PA, 'BYUNG BA MA MCHIS PA LAGS SO, ,DE LTAR NA GNAS DE NI CHOS GANG GI GNAS KYANG MA LAGS SO, ,DE'I SLAD DU GNAS DE NI BSAM GYIS MI KHYAB PA'I GNAS TE SHES RAB KYI PHA ROL TU PHYIN PA'I GNAS LAGS SO, ,BCOM LDAN 'DAS, SHES RAB KYI PHA ROL TU PHYIN PA ZHES BGYI BA NI CHOS THAMS CAD KYI SKYE BA MA MCHIS PA GANG LAGS PA DE SHES RAB KYI PHA ROL TU PHYIN PA ZHES

332a

, ,BGYI BA DE NI, 'DI LTA STE, BSAM GYIS MI KHYAB PA'I DBYINGS KYI TSIG BLA DVAGS SO, ,BSAM GYIS MI KHYAB PA'I DBYINGS GANG LAGS PA DE SKYE BA MA MCHIS PA'I DBYINGS SO; ;SKYE BA MA MCHIS PA'I DBYINGS GANG LAGS PA DE CHOS KYI DBYINGS SO, ,CHOS KYI DBYINGS GANG LAGS PA DE KUN TU 'BYUNG BA MA MCHIS PA'I DBYINGS SO, ,KUN TU 'BYUNG BA MA MCHIS PA'I DBYINGS GANG LAGS PA DE BSAM GYIS MI KHYAB PA'I DBYINGS SO, ,BSAM GYIS MI KHYAB PA'I DBYINGS GANG LAGS PA DE BDAG GI DBYINGS SO, ,BDAG GI DBYINGS GANG LAGS PA DE SHES RAB KYI PHA ROL TU PHYIN PA'I DBYINGS TE, DE LTAR NA SHES RAB KYI PHA ROL TU PHYIN PA'I DBYINGS DANG BDAG GI DBYINGS 'DI NI GNYIS SU MA MCHIS TE GNYIS SU DBYER MA MCHIS SO; ;GANG GI SLAD DU 'DI GNYIS SU MA MCHIS TE GNYIS SU DBYER MA MCHIS PA DE'I SLAD DU 'DI NI BSAM GYIS MI KHYAB PA'I DBYINGS SO, ,GANG GI SLAD DU 'DI BSAM GYIS MI KHYAB PA'I DBYINGS LAGS PA DE'I SLAD DU 'DI NI SKYE BA MA MCHIS PA'I DBYINGS SO, ,GANG GI SLAD DU 'DI SKYE BA MA MCHIS PA'I DBYINGS LAGS PA DE'I SLAD DU 'DI NI CHOS KYI DBYINGS SO, ,GANG GI SLAD DU 'DI CHOS KYI DBYINGS LAGS PA DE'I SLAD DU 'DI NI KUN TU 'BYUNG BA MA MCHIS PA'I DBYINGS SO, ,GANG GI SLAD DU KUN TU 'BYUNG BA MA MCHIS PA'I DBYINGS LAGS PA DE'I SLAD DU 'DI

332b

NI BSAM GYIS MI KHYAB PA'I DBYINGS SO, ,GANG GI SLAD DU 'DI BSAM GYIS MI KHYAB PA'I DBYINGS LAGS PA DE'I SLAD DU 'DI NI BDAG GI DBYINGS SO, ,GANG GI SLAD DU 'DI BDAG GI DBYINGS LAGS PA DE'I SLAD DU 'DI NI SHES RAB KYI PHA ROL TU PHYIN PA'I DBYINGS SO, ,GANG GI SLAD DU 'DI SHES RAB KYI PHA ROL TU PHYIN PA'I DBYINGS LAGS PA DE'I SLAD DU 'DI NI BSAM GYIS MI KHYAB PA'I DBYINGS SO,, GANG GI SLAD DU 'DI BSAM GYIS MI KHYAB PA'I DBYINGS LAGS PA DE'I SLAD DU 'DI NI YANG DAG PAR 'GRUB PA MA MCHIS PA'I DBYINGS SO, ,YANG DAG PAR 'GRUB PA MA MCHIS PA GANG LAGS PA DE MCHIS PA MA LAGS SO, ,GANG MCHIS PA MA LAGS PA DE NI 'JIG PAR MI 'GYUR RO, ,GANG 'JIG PAR MI 'GYUR BA DE NI BSAM GYIS MI KHYAB PA STE, DE LTAR NA DE BZHIN GSHEGS PA'I DBYINGS DANG, BDAG GI DBYINGS 'DI NI GNYIS SU MA MCHIS TE GNYIS SU DBYER MA MCHIS SO, ,BCOM LDAN 'DAS KYIS GANG BDAG BSGOM PA NI SHES RAB KYI PHA ROL TU PHYIN PA BSGOM MO ZHES BKA' STZAL PA DE YANG CI'I SLAD DU ZHE NA, BCOM LDAN 'DAS, SHES RAB KYI PHA ROL TU PHYIN PA ZHES BGYI BA NI BDAG GI DBYINGS KYI TSIG BLA DVAGS LAGS PA'I SLAD DU'O, ,DE CI'I SLAD DU ZHE NA, BCOM LDAN 'DAS, GANG GIS BDAG GI DBYINGS 'TSAL PA DES CHAGS PA MA MCHIS PA'I DBYINGS 'TSAL TO, ,GANG GIS CHAGS PA MA MCHIS PA NYID 'TSAL BA DES CHOS GANG YANG 'TSAL BA MA

333a

, ,MCHIS TE, DE CI'I SLAD DU ZHE NA, 'DI LTAR BSAM GYIS MI KHYAB PA'I YE SHES NI SANGS RGYAS KYI YE SHES LAGS TE, CHOS GANG LA YANG SHES PA MA MCHIS PA NI SANGS RGYAS KYI YE SHES LAGS PA'I SLAD DU'O, ,DE CI'I SLAD DU ZHE NA, YE SHES DE NI DON DAM PAR NA MCHIS PA MA LAGS TE, GANG DON DAM PAR MA MCHIS PA DE CHOS KYI 'KHOR LO BSKOR BAR YANG JI LTAR 'GYUR, GANG GI TSE YE SHES DE DON DAM PAR MA MCHIS PA DE'I TSE YE SHES DE NI CHAGS PA MA MCHIS PA'O, ,GANG GI TSE YE SHES DE CHAGS PA MA MCHIS PA DE'I TSE YE SHES DE NI DNGOS PO MA MCHIS PA'O, ,GANG GI TSE YE SHES DE DNGOS PO MA MCHIS PA DE'I TSE YE SHES DE NI YUL MA MCHIS PA'O, ,GANG GI TSE YE SHES DE YUL MA MCHIS PA DE'I TSE, YE SHES DE NI MI GNAS PA'O, ,GANG GI TSE YE SHES DE MI GNAS PA DE'I TSE YE SHES DE NI BRTEN PA MA MCHIS PA'O, ,GANG GI TSE YE SHES DE BRTEN PA MA MCHIS PA DE'I TSE YE SHES DE NI MA BSKYED PA'O, ,MA THOB PA'O, ,SKYE BAR MI 'GYUR BA'O, ,DE CI'I SLAD DU ZHE NA, YE SHES DE NI YON TAN GYIS 'DUS BGYIS PA'AM, YON TAN MA LAGS PAS 'DUS BGYIS PA YANG MA LAGS PA'I SLAD DU'O, ,DE CI'I SLAD DU ZHE NA, 'DI LTAR YE SHES DE NI BSAM GYIS MI KHYAB PA STE, DE'I SLAD DU YON TAN NAM YON TAN MA LAGS PAR YANG JI SKAD DU BSTAN PAR BGYI,

333b

GANG GI SLAD DU YE SHES DE BSAM GYIS MI KHYAB PA DE'I SLAD DU YE SHES DE NI BSAM DU MA MCHIS PA STE, GANG DE LTAR SHES PA DE NI MI DMIGS PA'I TSUL DU, SANGS RGYAS KYI YE SHES LAGS SO, , YE SHES DE NI CHOS GANG YANG MNGON PAR RDZOGS PAR 'TSANG RGYA BA'AM, MKHYEN PA MA MCHIS SO, ,YE SHES DE NI SNGON GYI MTHA' 'AM, PHYI MA'I MTHA' NAS MA MCHIS PA LAGS SO, ,YE SHES DE NI SNGON SKYES PA'ANG MA LAGS, YE SHES DE NI SNGON MA SKYES PA'ANG MA LAGS TE, SNGON MA SKYES PA'I SLAD DU GANG MA SKYES PA DE NI NUB PAR YANG MI 'GYUR, CHAD PAR YANG MI 'GYUR RO, ,YE SHES DE DANG 'DRA BA'I YE SHES GANG YANG MA MCHIS TE, DE'I SLAD DU YE SHES DE NI BSAM GYIS MI KHYAB CING, 'DRA BA MA MCHIS PA'O, ,YE SHES DE NI THOG MA DANG, DBUS DANG, THA MA MI DMIGS PA STE; DE'I SLAD DU YE SHES DE NI NAM MKHA' DANG 'DRA BA'O, ,YE SHES DE LA MNYAM PA'AM, MI MNYAM PA MI DMIGS STE, DE'I SLAD DU YE SHES DE NI MNYAM PA DANG MNYAM PA'O, ,YE SHES DE NI DE 'DRA BA'I YE SHES GZHAN MI DMIGS TE, DE'I SLAD DU YE SHES DE NI MTSUNGS PA MA MCHIS PA'O, ,DE NAS BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, YE SHES 'DI MI BSGYUR BA MA YIN NAM, 'JAM DPAL GYIS GSOL PA, BCOM LDAN 'DAS YE SHES 'DI NI MA BGYIS PA STE, DE'I SLAD DU 'DI MI

334a

, ,BSGYUR BA LAGS SO, ,BCOM LDAN 'DAS, 'DI LTA STE, DPER NA, KAR SHA PA NA RTAGS MA BTAB PA NI BSGYUR BA YANG MA LAGS, MI BSGYUR BA YANG MA LAGS PA'I GRANGS SU MCHI'O, ,BCOM LDAN 'DAS, DE BZHIN DU YE SHES 'DI YANG MA BGYIS PA, MA BSGRUBS PA, MA BSKYED PA, MA BYUNG BA, MA 'GAG PA STE, DE'I SLAD DU MI BSGYUR BA LAGS SO,, DE NAS BCOM LDAN 'DAS KYIS 'JAM DPAL GZHON NUR GYUR PA LA BKA' STZAL PA, 'JAM DPAL, DE BZHIN GSHEGS PA'I YE SHES BSTAN PA 'DI LA 'DI LTAR BSTAN PAR SU DAG MOS; 'JAM DPAL GYIS GSOL PA, BCOM LDAN 'DAS, GANG DAG 'KHOR BA'I CHOS CAN YANG MA LAGS, YONGS SU MYA NGAN LAS 'DAS PA'I CHOS CAN YANG MA LAGS PA DANG, GANG DAG 'JIG TSOGS LAS KYANG MA BSKYOD PA DANG, GANG DAG 'DOD CHAGS DANG, ZHE SDANG DANG, GTI MUG KYANG MA BAS PA DE DAG MOS SO, ,DE CI'I SLAD DU ZHE NA, MI BAS PA NI BAS PAR MI 'GYUR TE, YONGS SU BAS PAR YANG MI MCHI'O, ,GANG DAG 'KHOR BA LAS MA 'DAS LA, 'KHOR BA'I GRANGS SU YANG MI MCHI BA DANG, GANG DAG LAM DANG BRAL BA YANG MA LAGS SHING, LAM GYI 'DU SHES KYANG MI BSKYED PA DE DAG GIS BSTAN PA 'DI'I DON 'TSAL BAR 'GYUR RO, ,DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR

334b

PA LA 'DI SKAD CES BKA' STZAL TE, ,'JAM DPAL, LEGS SO, ,LEGS SO, ,KHYOD KYIS TSIG 'DI LEGS PAR SMRAS PA'O, ,DE NAS DE'I TSE BCOM LDAN 'DAS LA TSE DANG LDAN PA 'OD SRUNG CHEN POS 'DI SKAD CES GSOL TO, ,BCOM LDAN 'DAS, MA MCHIS PA'I DUS NA, GANG LA LA CHOS 'DUL BA ZAB MO 'DI DANG, SHES RAB KYI PHA ROL TU PHYIN PA ZAB MO 'DI LA NYAN PA DANG, MOS PA DANG, KUN 'TSAL BA DANG, RAB TU 'DZIN PAR 'GYUR BA 'BYUNG BA MCHIS SAM, DE SKAD CES GSOL PA DANG, BCOM LDAN 'DAS KYIS TSE DANG LDAN PA 'OD SRUNG CHEN PO LA 'DI SKAD CES BKA' STZAL TO, ,'OD SRUNG, 'KHOR 'DI NYID NA'ANG GANG DAG MA 'ONGS PA'I DUS NA CHOS 'DUL BA ZAB MO 'DI DANG, SHES RAB KYI PHA ROL TU PHYIN PA ZAB MO 'DI LA NYAN PA DANG, MOS PA DANG, KUN SHES PA DANG, RAB TU 'DZIN PAR 'GYUR BA'I DGE SLONG DANG, DGE SLONG MA DANG, DGE BSNYEN DANG, DGE BSNYEN MA DE DAG YOD DO, ,'OD SRUNG, 'DI LTA STE, DPER NA, KHYIM BDAG GAM, KHYIM BDAG GI BU ZHIG NOR BU RIN PO CHE BRGYA STONG RI BA STOR NA, SDUG BSNGAL BA DANG, YID MI BDE BAR 'GYUR RO, ,DE NYID RNYED NA BDE BA DANG, YID BDE BA SKYE ZHING KUN NAS DKRIS PA'I YID LA BYED PA MED PAR 'GYUR RO, ,'OD SRUNG, DE BZHIN DU DGE SLONG DANG, DGE SLONG MA DANG, DGE BSNYEN DANG, DGE BSNYEN MA DE DAG KYANG SHES RAB KYI PHA ROL TU PHYIN PA ZAB MO 'DI MA SKYES PA DANG, MA BYUNG BA DANG, RANG BZHIN GYIS

335a

, ,YONGS SU MYA NGAN LAS 'DAS PA NAS, DNGOS PO MED PA'I BAR DU MA THOS PA NA 'DI SNYAM DU BDAG CAG GIS SHES RAB KYI PHA ROL TU PHYIN PA ZAB MO MA SKYES PA DANG, MA BYUNG PA DANG, RANG BZHIN GYIS YONGS SU MYA NGAN LAS 'DAS PA NAS, DNGOS PO MED PA'I BAR 'DI LTA BU 'DI MA THOS SO SNYAM DU SEMS SO, ,DE BDAG GIS DUS GZHAN NA THOS PAR GYUR PA NA DGA' BA DANG, BDE BA DANG, YID DGA' BAR 'GYUR ZHING, KUN NAS DKRIS PA'I YID LA BYED PA MED PAR 'GYUR TE, TSIG 'DI SKAD DU 'DI LTAR BDAG CAG GIS SHES RAB KYI PHA ROL TU PHYIN PA ZAB MO MA SKYES PA DANG, DNGOS PO MED PA DANG, MA BYUNG BA 'DI THOS PAS DENG BDAG CAG GIS SANGS RGYAS MTHONG ZHING, DE BZHIN GSHEGS PA LA BSNYEN BKUR YANG BYAS SO ZHES SMRA BAR 'GYUR RO, ,'OD SRUNG, 'DI LTA STE, DPER NA, SUM CU RTZA GSUM PA'I LHA RNAMS NI SHING YONGS 'DU SA BRTOL KHA 'BUS PA MTHONG NAS, KYE MA YONGS 'DU SA BRTOL 'DI RING PO MI THOGS PAR ME TOG THAMS CAD RGYAS PAR 'GYUR RO SNYAM STE YID DGA' BA DANG RAB TU DGA' BAR 'GYUR RO, ,'OD SRUNG DE BZHIN DU DGE SLONG DANG, DGE SLONG MA DANG, DGE BSNYEN DANG, DGE BSNYEN MA DE DAG KYANG SHES RAB KYI PHA ROL TU PHYIN PA ZAB MO MA SKYES DANG, MA BYUNG BA NAS DNGOS PO MED PA'I BAR 'DI THOS NA YID DGA' BA DANG, RAB TU DGA' BAR 'GYUR RO, ,GANG DAG MA 'ONGS PA'I DUS NA SHES RAB KYI PHA ROL TU

335b

PHYIN PA ZAB MO MA SKYES PA DANG, MA BYUNG BA DANG, DNGOS PO MED PA'I BAR 'DI THOS NA YID DGA' BA DANG, RAB TU DGA' BAR 'GYUR BA DE DAG KYANG NGA'I 'KHOR 'DI NYID NA GNAS PAR 'OD SRUNG KHYOD KYIS SHES PAR GYIS SHIG ,GANG DAG MA 'ONGS PA'I DUS NA YID DGA' BA DANG, RAB TU DGA' BAR 'GYUR BA DE DAG YID DGA' BA DANG, RAB TU DGA' BA DES RING PO MI THOGS PAR SANGS RGYAS KYI CHOS THAMS CAD KYI ME TOG RGYAS PAR 'GYUR BAS, ME TOG THAMS CAD RGYAS PAR 'GYUR BAR SHES PAR GYIS SHIG, 'OD SRUNG, 'DI LTAR SHES RAB KYI PHA ROL TU PHYIN PA ZAB MO MA SKYES PA DANG, MA BYUNG BA NAS, DNGOS PO MED PA'I BAR 'DI MA 'ONGS PA'I DUS NA DE BZHIN GSHEGS PA 'DAS PA'I PHYI NAS GNAS PAR 'GYUR BA DANG, SPYOD PAR 'GYUR BA GANG YIN PA DE YANG, 'OD SRUNG, SANGS RGYAS KYI BYIN GYI RLABS DANG, SANGS RGYAS KYI MTHU YIN PAR SHES PAR BYA'O, ,'OD SRUNG, DE BAS NA GANG DAG SHES RAB KYI PHA ROL TU PHYIN PA ZAB MO MA SKYES PA DANG, MA BYUNG BA NAS DNGOS PO MED PA'I BAR 'DI THOS NAS DGA' NA, 'OD SRUNG, DE NI DE DAG GI THOS PA'I DANG PO MA YIN NO, ,'OD SRUNG, 'DI LTA STE, DPER NA, NOR BU MKHAN ZHIG GIS NOR BU RIN PO CHE MTHONG NAS, GANG GI TSE DGA' BAR GYUR PA DE NA NOR BU MKHAN DES NOR BU RIN PO CHE DE GDOD MTHONG BA MA YIN GYI, DE NI SNGON NAS RGYUN DU NOR BU RIN PO CHE MTHONG BA'O ZHES SHES PAR BYA'O, ,'OD SRUNG, DE BZHIN DU GANG DAG SHES RAB KYI PHA ROL

336a

, ,TU PHYIN PA ZAB MO MA SKYES PA DANG, MA BYUNG BA NAS DNGOS PO MED PA'I BAR 'DI THOS NAS YID DGA' BA DANG, RAB TU DGA' BAR GYUR CING, MGU BA DANG, RANGS PA DANG, YID BDE BA SKYES NA, 'OD SRUNG, 'DI NI DE DAG GI THOS PA'I DANG PO MA YIN NO, ,'OD SRUNG, DE DAG NI 'DI SKAD DU SMRA BAR 'GYUR TE, GANG 'DI 'JAM DPAL GZHON NUR GYUR PAS MA SKYES PA NAS DNGOS PO MED PA NAS MA BYUNG BA'I BAR DU BSTAN PA 'DI NYID SMROS SHIG CES ZER BAR 'GYUR TE, DE DAG NI SNGON RGYUN DU 'JAM DPAL GZHON NUR GYUR PA LA BSNYEN BKUR BYAS PAR GYUR PA'O, ,'OD SRUNG, 'DI LTA STE; DPER NA, MI LA LA ZHIG GRONG NGAM, GRONG KHYER RAM, GRONG RDAL LAM, GRONG GANG YANG RUNG BA ZHIG TU DGOS PA LA LA'I PHYIR SON PAR GYUR LA, YANG DUS GZHAN ZHIG NA DE'I DRUNG DU MI LA LA ZHIG SONG STE, GRONG KHYER DE'I BSNGAGS PA BRJOD CING, KUN DGA'I RA BA NYAMS DGA' BA DANG, YUL NYAMS DGA' BA DANG, RDZING BU NYAMS DGA' BA DANG, SKYED MOS TSAL NYAMS DGA' BA DANG, CHU MIG DANG, MTSE'U DANG, MTSO PHRAN NYAMS DGA' BA DANG, ME TOG DANG, 'BRAS BU NYAMS DGA' BA DE DAG GI BSNGAGS PA BRJOD NAS, DES DE DAG THOS PA DANG DGA' BA TSOR TE, YID BDE BA SKYES NAS YANG DANG YANG 'DI SKAD DU KYE SKYES BU DE NYID ZLOS TE, RJOD CIG CES 'TSOL NA, MI DES NI SNGON YANG GRONG KHYER DE DANG, KUN DGA'I RA BA NYAMS DGA' BA DANG, YUL NYAMS

336b

DGA' BA DANG, RDZING BU NYAMS DGA' BA DANG, SKYED MOS TSAL NYAMS DGA' BA DANG, CHU MIG DANG, MTSE'U DANG, MTSO PHRAN NYAMS DGA' BA DANG, ME TOG DANG, 'BRAS BU NYAMS DGA' BA DAG KYANG MYONG BA YIN PAR MI DES DE LTAR RTOGS PAR 'GYUR RO, ,DE CI'I PHYIR ZHE NA, 'DI LTAR DE THOS NAS YID CHER DGA' BA DANG, RAB TU DGA' BAR GYUR TE, MGU PA DANG, RANGS PA DANG, YID BDE BA SKYES PA'I PHYIR RO, ,'OD SRUNG, DE BZHIN DU GANG DAG GIS 'JAM DPAL GZHON NUR GYUR PA LA BSNYEN BKUR BYAS PAR GYUR PA DANG, YANG DANG YANG DRUNG DU 'GRO ZHING 'DRI BAR BYAS PAR GYUR PA DE DAG SHES RAB KYI PHA ROL TU PHYIN PA ZAB MO MA SKYES PA DANG, MA BYUNG BA NAS DNGOS PO MED PA'I BAR 'DI THOS NAS RAB TU DGA' ZHING MGU BAR 'GYUR TE, DGA' BA DANG MGU BA CHER BSKYED CING TSIG 'DI SKAD DU MA LA 'DI LTA STE, MA SKYES PA DANG, MA BYUNG BA NAS DNGOS PO MED PA'I BAR DU BSTAN PA'I SHES RAB KYI PHA ROL TU PHYIN PA 'DI LTA BU 'DI NYID JE MNYAN TO ZHES SMRA BAR 'GYUR RO, ,DE SKAD CES BKA' STZAL PA DANG, BCOM LDAN 'DAS LA TSE DANG LDAN PA 'OD SRUNG CHEN POS 'DI SKAD CES GSOL TO, ,BCOM LDAN 'DAS, MA MCHIS PA'I DUS NA DAD PA'I RIGS KYI BU DANG RIGS KYI BU MO DE DAG GI RNAM PA DANG, RTAGS DANG, MTSAN MA BCOM LDAN 'DAS KYIS GANG DAG BKA' STZAL PA DE DAG NYID LAGS SAM, BCOM LDAN 'DAS KYIS BKA' STZAL PA, 'OD SRUNG, JI SKAD

337a

, ,BSTAN PA DE BZHIN TE, MA 'ONGS PA'I DUS NA DAD PA'I RIGS KYI BU'AM RIGS KYI BU MO 'BYUNG BA 'DI DAG GI RNAM PA DANG, RTAGS DANG, MTSAN MA NI GANG DAG NGAS DA LTAR BSTAN PA 'DI DAG NYID YIN NO, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, CHOS DE NI RNAM PA MA MCHIS SHING RTAGS MA MCHIS PA DANG, BCOM LDAN 'DAS, SHES RAB KYI PHA ROL TU PHYIN PA YANG RNAM PA MA MCHIS PA NAS MTSAN MA MCHIS PA'I BAR DU LAGS NA, RNAM PA'AM, RTAGS SAM, MTSAN MA JI LTA BU ZHIG MCHIS PAR 'GYUR, BCOM LDAN 'DAS KYIS CHOS BSTAN PA GANG LAGS PA DE YANG RNAM PA MA MCHIS, RTAGS MA MCHIS, MTSAN MA MA MCHIS PA'I BAR DU LAGS NA, BCOM LDAN 'DAS RNAM PA MA MCHIS PA DANG, RTAGS MA MCHIS PA DANG, MTSAN MA MA MCHIS PA JI LTAR BSTAN PAR 'GYUR, DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, SHES RAB KYI PHA ROL TU PHYIN PA ZAB MO SHIN TU MA SKYES PA DANG, DNGOS PO MED PA'I BAR 'DI BSTAN PA NA, GANG DAG MOS PA NAS KUN CHUB PAR BYED PA'I BAR DU BYED PA DE DAG NYID RIGS KYI BU DANG RIGS KYI BU MO DE DAG GI RNAM PA DANG, RTAGS DANG, MTSAN MA YIN NO, ,'JAM DPAL, GANG DU SHES RAB KYI PHA ROL TU PHYIN

337b

PA BSTAN PA DER SANGS RGYAS KYI CHOS THAMS CAD BSTAN PAR LTA'O, ,DER BSAM GYIS MI KHYAB PAR BLTA'O, ,'JAM DPAL, NGAS SNGON BYANG CHUB SEMS DPA'I SPYAD PA SPYOD PA NA DGE BA'I RTZA BA GANG DAG YANG DAG PAR BSGRUBS TE, DGE BA'I RTZA BA GANG DAG GIS BLA NA MED PA YANG DAG PAR RDZOGS PA'I BYANG CHUB 'DI MNGON PAR RDZOGS PAR SANGS RGYAS PA'I DGE BA'I RTZA BA DE DAG YANG DAG PAR BSGRUBS PAR 'DOD PA'I RIGS KYI BU'AM RIGS KYI BU MOS SHES RAB KYI PHA ROL TU PHYIN PA 'DI NYID MNYAN PAR BYA, MOS PAR BYA, YI GER BRI BAR BYA, GZUNG BAR BYA, BKLAG PAR BYA, LUNG MNOD PAR BYA, KHA TON DU BYA, TSIG TU GDON PAR BYA, KUN CHUB PAR BYA, TSUL BZHIN DU YID LA BYA, BSGOM PAR BYA BA NAS ME TOG DANG, BDUG PA DANG, SPOS DANG, PHRENG BA DANG, BYUG PA DANG, PHYE MA DANG, GOS DANG, GDUGS DANG, RGYAL MTSAN DANG, BA DAN DANG, RNAM PAR RGYAL BA'I BA DAN DANG, MAR ME LA SOGS PAS CI NUS CI PHOD DU MCHOD PA'I BAR DU BYA'O, , RIM GRO BYA'O, ,NYAN THOS DANG, RANG SANGS RGYAS THAMS CAD KYI SA LAS 'DA' BAR 'DOD PA'I RIGS KYI BU DANG, RIGS KYI BU MOS KYANG SHES RAB KYI PHA ROL TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,'JAM DPAL, JI LTAR PHYIR MI LDOG PA'I SA LA 'JUG PAR 'GYUR BA DE LTA BUR NYAN PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL

338a

, ,TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,'JAM DPAL, CHOS GANG YANG RUNG STE, DE DAG THAMS CAD MA SKYES PAR MNYAM PA NYID DU MOS PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,'JAM DPAL, SANGS RGYAS KYI CHOS THAMS CAD MNGON PAR RDZOGS PAR BYANG CHUB PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,'JAM DPAL, CHOS THAMS CAD DE BZHIN GSHEGS PAS MNGON PAR RDZOGS PAR SANGS RGYAS SO ZHES SHIN TU BSTAN PA 'DI LA MOS PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,DE CI'I PHYIR ZHE NA, GANG MNGON PAR RDZOGS PAR 'TSANG RGYA BAR BYED PA'AM, GANG GIS MNGON PAR RDZOGS PAR 'TSANG RGYA BAR BYED PA'AM, GANG MNGON PAR RDZOGS PAR 'TSANG RGYA BAR BYA BA'I CHOS DE GANG YANG MED DE MI DMIGS PA'I PHYIR RO, ,DE LTAR DON 'DI RTOGS SHING MOS PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,GANG BYANG CHUB MA YIN PA'I CHOS DE GANG YANG MED DO ZHES DE LTAR MOS PAR 'DOD PA'I RIGS KYI BU'AM RIGS KYI

338b

BU MOS KYANG SHES RAB KYI PHA ROL TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,CHOS THAMS CAD RNAM PAR MI RTOG PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,DE CI'I PHYIR ZHE NA, SHES RAB KYI PHA ROL TU PHYIN PA NI CHOS GANG GIS YONGS SU GRUB PA RNAM PAR GZHOG PA'AM, BSKYED PA'AM, STON PA MA YIN PA'I PHYIR RO, ,CHOS THAMS CAD KUN NAS NYON MONGS PA MA YIN, RNAM PAR BYANG BA MA YIN ZHES BYA BAR 'JUG PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,CHOS THAMS CAD 'DAS PA MA YIN, MA 'ONGS PA MA YIN, DA LTAR BYUNG BA MA YIN ZHES BYA BAR MOS PAR BYA BAR 'DOD CING, 'JUG PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,DE CI'I PHYIR ZHE NA, 'JAM DPAL, SKYE BA MED PA NI 'DAS PA MA YIN, MA 'ONGS PA MA YIN, DA LTAR BYUNG BA MA YIN PA'I PHYIR RO, ,DE CI'I PHYIR ZHE NA, 'JAM DPAL, CHOS THAMS CAD NI SKYE BA MED PA LA RTON PA'I PHYIR RO, ,DE LTA BU'I CHOS THAMS CAD LA THE TSOM MED PAR RTOGS PAR 'DOD PA'I RIGS KYI BU'AM RIGS BU MOS KYANG SHES RAB KYI PHA ROL TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,'JAM DPAL, LAN GSUM DU BZLAS TE, RNAM PA

339a

, ,BCU GNYIS SU BSKOR BA'I CHOS KYI 'KHOR LOR JI LTAR 'GYUR BA DE NYAN PAR 'DOD PA DANG, DE RTOGS PAR 'DOD PA DANG, DE LA MOS PAR 'DOD PA DANG, DE LA 'JUG PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,SEMS CAN THAMS CAD LA BYAMS PAS KHYAB PAR BYA BAR YANG 'DOD LA, SEMS CAN DU 'DU SHES PA LA YANG MI GNAS PAR 'DOD PA DANG, 'JIG RTEN THAMS CAD RTZOD PA MED PAR YANG 'DOD CING, 'JIG RTEN THAMS CAD MI DMIGS PAR RTOGS PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID MNYAN PAR BYA BA NAS RIM GRO'I BAR DU BYA'O, ,CHOS THAMS CAD SKYE BA MED PA'I BAR DU RTOGS PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID LA MI DMIGS PA'I TSUL GYIS BSLAB PAR BYA'O, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, SHES RAB KYI PHA ROL TU PHYIN PA YON TAN MA MCHIS PA'I YON TAN GANG LAGS, PHAN YON GANG LAGS, BCOM LDAN 'DAS, SHES RAB KYI PHA ROL TU PHYIN PA NI NUS PA CI YANG MA MCHIS PA, KUN NAS SLONG BAR MI BGYID PA, RNAM PAR 'JIG PAR MI BGYID PA, CHOS GANG YANG MI LEN PA, MI

339b

'DOR BA, G-YO BA MA MCHIS PA, BYED PA MA MCHIS PA LAGS, SHES RAB KYI PHA ROL TU PHYIN PA NI NGO BO NYID SHES PA MA LAGS PA, NGO BO NYID MTHONG BA MA LAGS PA, CHOS GANG YANG SBYIN PAR MI BGYID PA, CHOS THAMS CAD DANG MI 'GAL BA, CHOS THAMS CAD THA DAD PAR MI BGYID PA LAGS NA, BCOM LDAN 'DAS, SHES RAB KYI PHA ROL TU PHYIN PA'I YON TAN GANG LAGS, PHAN YON GANG LAGS, BCOM LDAN 'DAS KYIS SHES RAB KYI PHA ROL TU PHYIN PA NI CHOS THAMS CAD GCIG TU BGYID PA MA LAGS PA, CHOS THAMS CAD THA DAD PAR BGYID PA MA LAGS PA, MA BGYIS PA, BGYI BA MA MCHIS PA, MI BAS PAS RNAM PAR 'JIG PAR MI BGYID PA, SO SO'I SKYE BO'I CHOS RNAMS DANG, DGRA BCOM PA'I CHOS RNAMS DANG, BYANG CHUB SEMS DPA'I CHOS RNAMS DANG, SANGS RGYAS KYI CHOS RNAMS KYANG SBYIN PAR BGYID PA MA LAGS PA, 'GRIB BAR BGYID PA MA LAGS PA, 'KHOR BA LEN PAR MI BGYID PA, MYA NGAN LAS 'DAS PA 'DOR BAR MI BGYID PA, SANGS RGYAS KYI CHOS RNAMS SBYIN PAR BGYID PA MA LAGS PA, RNAM PAR 'JIG PAR BGYID PA MA LAGS PA, BSAM PAR BGYI BA MA LAGS PA, BSAM DU MA MCHIS PA MA LAGS PA, BGYID PA MA LAGS PA, 'JIG PAR BGYID PA MA LAGS PA; CHOS THAMS CAD BSKYED PA MA LAGS PA, 'GOG PA MA LAGS PA, CHAD PAR BGYID PA MA LAGS PA, RTAG PAR BGYID PA MA LAGS PA, 'ONG BAR BGYID PA MA LAGS PA, 'GRO BAR BGYID

340a

, ,BA MA LAGS PA, DBEN PAR BGYID PA MA LAGS PA, MI DBEN PAR BGYID PA MA LAGS PA, GNYIS SU BGYID PA MA LAGS PA, MI GNYIS PAR BGYID PA MA LAGS PA'I YON TAN GANG LAGS, PHAN YON GANG LAGS, DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, DNGOS PO MED PA NAS BYED PA MED PA'I BAR 'DI NYID SHES RAB KYI PHA ROL TU PHYIN PA 'DI'I YON TAN DU RIG PAR BYA'O, ,'JAM DPAL, YANG BYANG CHUB SEMS DPA' SEMS DPA' CHEN PO BYANG CHUB SEMS DPA'I TING NGE 'DZIN LA SLOB PAR 'DOD PA DANG, BYANG CHUB SEMS DPA'I TING NGE 'DZIN BSGRUB PAR 'DOD PA DANG, TING NGE 'DZIN GANG LA GNAS NAS, SANGS RGYAS BCOM LDAN 'DAS THAMS CAD SNANG BA DANG, DE DAG GI SANGS RGYAS KYI ZHING RNAMS KYANG MTHONG BAR 'DOD PA DANG, DE DAG GI MING YANG SHES PAR 'DOD PA DANG, DE DAG LA MCHOD PA BLA NA MED PA BYED PAR 'DOD PA DANG, DE DAG GI CHOS BSTAN PA LA RJES SU 'JUG PAR YANG 'DOD PA DANG, MOS PAR 'DOD PAS MI BSLAB PA'I TSUL DU SHES RAB KYI PHA ROL TU PHYIN PA 'DI NYID LA BSLAB PAR BYA'O; ;DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, CI'I SLAD DU 'DI LA SHES RAB KYI PHA ROL TU PHYIN PA ZHES BGYI,

340b

BCOM LDAN 'DAS KYIS BKA' STZAL PA, 'JAM DPAL, MA SKYES MA 'GAGS PA'I PHYIR SHES RAB KYI PHA ROL TU PHYIN PA ZHES BYA'O, ,'DI LTAR YANG GZOD MA NAS ZHI BA DANG, 'BYUNG BA MED PA DANG, BYA BA MED PA NAS DNGOS PO MED PA'I BAR GYI PHYIR TE, GANG DNGOS PO MED PA DE SHES RAB KYI PHA ROL TU PHYIN PA YIN NO, ,'JAM DPAL, DE'I PHYIR BYANG CHUB SEMS DPA' SEMS DPA' CHEN PO RNAMS SHES RAB KYI PHA ROL TU PHYIN PA BSGOM PAR SHES PAR BYA'O, ,GANG CHOS THAMS CAD SPYOD YUL MA YIN PA DE NI BYANG CHUB SEMS DPA' SEMS DPA' CHEN PO RNAMS KYI SPYOD YUL TE, 'DI LA SPYOD NA BYANG CHUB SEMS DPA' SEMS DPA' CHEN PO SPYOD YUL LA ZHUGS PA ZHES BYA'O, ,'DI LTA STE, SPYOD YUL MA YIN PA THEG PA THAMS CAD PA 'DI NYID SPYOD YUL YIN NO, ,DE CI'I PHYIR ZHE NA, SPYOD YUL 'DI NI MA BYAS PA STE, DE'I PHYIR SPYOD YUL MA YIN PA ZHES BYA'O, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, GANG LA SPYAD NA BYANG CHUB SEMS DPA' SEMS DPA' CHEN PO MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR, DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, SHES RAB KYI PHA ROL TU PHYIN PA LA SPYAD NA BYANG CHUB SEMS DPA' SEMS DPA' CHEN PO MYUR

341a

, ,DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,'JAM DPAL, BKOD PA GCIG CES BYA BA'I TING NGE 'DZIN YOD DE, TING NGE 'DZIN DE LA SPYOD NA BYANG CHUB SEMS DPA' SEMS DPA' CHEN PO MYUR DU BLA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, , DE SKAD CES BKA' STZAL PA DANG, BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, BKOD PA GCIG PA'I TING NGE 'DZIN LA BYANG CHUB SEMS DPA' SEMS DPA' CHEN POS JI LTAR 'JUG PAR BGYI, CI'I SLAD DU BKOD PA GCIG PA'I TING NGE 'DZIN CES BGYI, BCOM LDAN 'DAS KYIS BKA' STZAL PA, 'JAM DPAL, BKOD PA GCIG PA ZHES BYA BA 'DI NI SKYE BA MED PA'I TSIG BLA DVAGS SO, ,BKOD PA GCIG PA'I TING NGE 'DZIN LA 'JUG PAR 'DOD PA'I RIGS KYI BU'AM RIGS KYI BU MOS THOG MA NYID DU SHES RAB KYI PHA ROL TU PHYIN PA YONGS SU DRI BA BYA DGOS TE, DE'I 'OG TU BKOD PA GCIG PA'I TING NGE 'DZIN LA 'JUG PAR 'GYUR RO, ,DE CI'I PHYIR ZHE NA, 'JAM DPAL, SKYE BA MED PA NI MI 'KHRUGS PA STE, DKRUG TU MI RUNG BA, DKRUG PAR BYA BA MA YIN PA, BSAM GYIS MI KHYAB PA, BSAM PAR MI BYA BA, BSAM GYIS MI LANG BA'O, ,'JAM DPAL, BKOD PA GCIG PA'I

341b

TING NGE 'DZIN LA 'JUG PAR 'DOD PA'I RIGS KYI BU'AM RIGS KYI BU MOS DBEN PA'I MAL STAN RNAMS BSTEN PAR BYA, 'DU 'DZI MED PA LA DGA' BAR BYAS LA MTSAN MA THAMS CAD YID LA MI BYA BAR SKYIL MO KRUNG BCAS TE 'DUG NAS, DER MI DMIGS PA'I TSUL GYIS DE BZHIN GSHEGS PA GCIG YID LA BYA'O, ,CHOS THAMS CAD KYANG YID LA BYA'O, ,DE BZHIN GSHEGS PA GANG YID LA BYED PA DE'I MING YANG GZUNG BAR BYA'O, ,MING DE YANG THOS TE DMIGS NAS DE BZHIN GSHEGS PA DE PHYOGS GA LA BZHUGS PA'I PHYOGS DER MNGON DU BLTAS TE 'DUG PAR BYA'O, , YID LA BYA'O, ,DE BZHIN GSHEGS PA DE NYID YID LA BYAS NA, DE YID LA BYAS PAS 'DAS PA DANG, MA 'ONGS PA DANG, DA LTAR BYUNG BA'I SANGS RGYAS BCOM LDAN 'DAS RNAMS YID LA BYAS PAR 'GYUR RO, ,DE CI'I PHYIR ZHE NA, DE BZHIN GSHEGS PA NYID GCIG PA'I PHYIR RO, ,'JAM DPAL, JI LTAR DE BZHIN GSHEGS PA GCIG GI SANGS RGYAS KYI YON TAN TSAD MED PA DANG, SPOBS PA TSAD MED PA DE BZHIN DU, 'JAM DPAL, BKOD PA GCIG PA'I TING NGE 'DZIN THOB NAS, SKYE BA MED PA GCIG GI CHOS KYI RNAM GRANGS KYI BRE BRAG TSAD MED PAR SHES PAR BYA'O, ,'DIR GANG DAG CHUD PAR 'GYUR BA DANG, DE BZHIN GSHEGS PA DGRA BCOM YANG DAG PAR RDZOGS PA'I SANGS RGYAS RNAMS KYIS GANG DAG GSUNGS PA DANG,

342a

, ,KUN DGA' BOS JI SNYED YONGS SU BZUNG BA DE SNYED KYI CHOS KYI RNAM GRANGS 'DIR SNANG BAR 'GYUR RO, ,BKOD PA GCIG PA'I TING NGE 'DZIN 'DI BSGRUBS PAS DE'I TSE'I TSAD JI TZAM PA DE TZAM DU GNAS SHING, GLING BZHI DANG BCAS PA'I CHOS STON PAR 'GYUR RO, ,'JAM DPAL, DE LA BYANG CHUB SEMS DPA'I THEG PA PA KHA CIG 'DI SNYAM DU BKOD PA GCIG PA'I TING NGE 'DZIN 'DI GANG YIN SNYAM DU SEMS NA, DE DAG LA 'DI SKAD CES YON TAN BSAM GYIS MI KHYAB PA YONGS SU BSGRAGS PA 'DI YANG DAG PAR GZUNG LA 'DUG CIG DANG, JI LTA JI LTAR YANG DAG PAR BLANGS TE GNAS PA DE LTA DE LTAR TING NGE 'DZIN 'DI'I YON TAN MTHONG BAR 'GYUR GYI, JI SKAD BSTAN PA'I TSUL GYIS ZHUM PA MED PAR GYIS SHIG ,CES BRJOD PAR BYA'O, ,TING NGE 'DZIN 'DI NI DMIGS PA'I LTA BA CAN DAG DANG, DNGOS POR LTA BA CAN DAG NAS YOD PAR LTA BA CAN DAG GI BAR GYIS BSGRUB PAR MI NUS SO, ,'JAM DPAL, 'DI LTA STE, DPER NA, MI ZHIG LA RIN THANG MED PA'I NOR BU RIN PO CHE BYI DOR MA BYAS PA ZHIG BDOG LA, MI GZHAN ZHIG GIS DER MI DE LA 'DI SKAD DU, KYE SKYES BU, NOR BU RIN PO CHE 'DI'I RIN THANG CI TZAM, NOR BU RIN PO CHE 'DI LA YON TAN CI ZHIG YOD CES ZER LA, MI DES KYANG DE LA 'DI SKAD DU, KYE SKYES BU, NOR BU RIN PO CHE 'DI'I YON TAN TSAD MED KYI, TSAD

342b

MED PA NYID DU SHES PAR GYIS SHIG CES SMRAS TE, DE NAS MI DES NOR BU RIN PO CHE DE BYI DOR BYA BA'I PHYIR MI DE LA BZHAG NAS, KYE SKYES BU, NOR BU RIN PO CHE 'DI RE ZHIG BYI DOR GYIS SHIG DANG, DE NAS SHES PAR 'GYUR RO ZHES BYAS LA, DE NAS MI DES NOR BU RIN PO CHE DE MI DE LAS BLANGS TE, PHYI BDAR BYA BA'I YO BYAD RNAMS KYIS BYI DOR BYAS PA DANG, DE LTAR BYI DOR BYAS PAS NOR BU RIN PO CHE DE RING THANG MED DE, DES JI LTA JI LTAR NOR BU RIN PO CHE DE'I PHYI BDAR BYAS PA DE LTA DE LTAR NOR BU RIN PO CHE DE'I YON TAN MTHONG BAR 'GYUR BA DE BZHIN DU, 'JAM DPAL, GANG DANG GANG GI TSE RIGS KYI BU'AM RIGS KYI BU MO TING NGE 'DZIN 'DI LA MNYAM PAR 'JOG PA DANG, 'JUG PA DE DANG, DE'I TSE TING NGE 'DZIN 'DI'I YON TAN MTHONG BAR 'GYUR RO, ,'JAM DPAL, 'DI LTA STE, DPER NA, NYI MA'I DKYIL 'KHOR GYI 'OD ZER DAG GIS SA'I DKYIL 'KHOR GYI MTHA' GANG YANG MA KHYAB PA MED DO, ,'JAM DPAL, DE BZHIN DU BKOD PA GCIG PA'I TING NGE 'DZIN 'DI THOB CING ZHUGS NAS RNYED PA DE SHES RAB KYI PHA ROL TU PHYIN PA MA YIN PA'I CHOS GANG YANG MI STON TO, ,GANG LA LAS 'DI BZHIN DU SHES NAS SKYE BA MED PA DANG 'GAL BA'I CHOS GANG YANG MI MTHONG NGO, ,'JAM DPAL, 'DI LTA STE, DPER NA, RGYA MTSO CHEN PO'I PHYOGS BZHI NAS SKYES BU BZHI CHU 'CHU NA, DE THAMS CAD 'DI LTA STE, LAN TSVA'I ROR RO GCIG ,

343a

, ,PA NYID DU CHU ZHING LEN TO, ,'JAM DPAL, DE BZHIN DU NGAS CHOS GANG CI BSTAN PA DE DAG THAMS CAD NI 'DI LTA STE, SKYE BA MED PA'I RO DANG, DNGOS PA MED PA'I RO DANG, 'DOD CHAGS DANG BRAL BA'I RO DANG, RNAM PAR GROL BA'I RO DANG, 'GOG PA'I ROR RO GCIG PA'O, ,'JAM DPAL, DE LTA BAS NA RIGS KYI BU'AM RIGS KYI BU MO TING NGE 'DZIN 'DI DANG LDAN PA DE CHOS GANG DANG GANG STON KYANG, DE DAG THAMS CAD 'DI LTA STE, SKYE BA MED BA'I RO DANG, DNGOS PO MED PA'I RO DANG, 'DOD CHAGS DANG BRAL BA'I RO DANG, RNAM PAR GROL BA'I RO DANG, 'GOG PA'I ROR RO GCIG PAR STON PAR 'GYUR RO, ,TING NGE 'DZIN 'DI THOB NAS RIGS KYI BU'AM RIGS KYI BU MO DE 'DOD NA, NGAS CHOS GANG CI BSTAN PA DE 'CHAD PA DANG, RNAM PAR STON PA DANG, NYE BAR STON PAR 'GYUR RO, ,'JAM DPAL, DE LTAR NA RIGS KYI BU'AM RIGS KYI BU MO DE TING NGE 'DZIN 'DI THOB NAS, GANG CI STON KYANG DE DAG THAMS CAD MI DMIGS PA'I TSUL DU MA SKYES PA DANG, MA BYUNG BA DANG, DNGOS PO MED PAR STON PAR 'GYUR RO, ,'JAM DPAL, GZHAN YANG TING NGE 'DZIN 'DI THOB PA'I BYANG CHUB SEMS DPA' SEMS DPA' CHEN PO MYUR DU BYANG CHUB KYI PHYOGS KYI CHOS RNAMS YONGS SU RDZOGS NAS MYUR BA NYID DU BLA NA MED PA YANG DAG PAR RDZOGS PA'I

343b

BYANG CHUB MNGON PAR RDZOGS PAR 'TSANG RGYA BAR 'GYUR RO, ,'JAM DPAL, GZHAN YANG BYANG CHUB SEMS DPA' SEMS DPA' CHEN POS, GANG GI TSE BDAG GI DBYINGS NAS CHOS KYI DBYINGS KYI BAR DU SKYE BA DANG, 'GAG PA DANG, GCIG KHO NA DANG, THA DAD PA KHO NAR YANG MI MTHONG NA, 'JAM DPAL, DE LTA BU'I BZOD PA CAN GYI BYANG CHUB SEMS DPA' SEMS DPA' CHEN PO MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, ,RIGS KYI BU GANG BLA NA MED PA YANG DAG PAR RDZOGS PA'I BYANG CHUB LA MI SEMS PA DANG, RNAM PAR MI RTOG PA DE'I BZOD PA 'DI YANG BYANG CHUB SEMS DPA'I CHOS RNAMS DANG, SANGS RGYAS KYI CHOS RNAMS THOB PAR 'GYUR BA'O, ,GANG YANG SANGS RGYAS NYID KYI PHYIR BYANG CHUB TU MI SMON PA DE LTA BU'I BZOD PA 'DI YANG RIGS KYI BU 'DI BLA NA MED PA YANG DAG PAR RDZOGS PA'I BYANG CHUB TU MYUR BAR 'GYUR BAR BSHAD DO, ,CHOS THAMS CAD NI SANGS RGYAS KYI CHOS SO ZHES SU DE LTAR MOS SHING ZHUM PAR MI 'GYUR BA DE BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR NGAS BSHAD DE, DE NI SANGS RGYAS KYI CHOS THAMS CAD DANG MA BRAL PAR BRJOD PAR BYA'O, ,RIGS KYI BU'AM RIGS KYI BU MO GANG GIS BSTAN PA 'DI THOS NAS RMONGS PAR MI 'GYUR BA DANG, SOM NYI ZA BAR MI 'GYUR BA DE YANG SANGS RGYAS KYI CHOS THAMS CAD

344a

, ,DANG MI 'BRAL BAR BRJOD PAR BYA'O, ,DE SKAD CES BKA' STZAL PA DANG, BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, BLA NA MED PA YANG DAG PAR RDZOGS PA'I BYANG CHUB RGYU LAS NGES PAR 'BYUNG LAGS SAM, BCOM LDAN 'DAS KYIS BKA' STZAL PA, 'JAM DPAL, DE NI MA YIN TE, BLA NA MED PA YANG DAG PAR RDZOGS PA'I BYANG CHUB NI RGYU MA YIN ZHING, RGYU LAS NGES PAR 'BYUNG BA YANG MA YIN NO, ,DE CI'I PHYIR ZHE NA, SKYE BA MED PA DANG, DNGOS PO MED PA NI RGYU YANG MA YIN LA, RGYU LAS NGES PAR 'BYUNG BA YANG MA YIN PA'I PHYIR RO, ,DE CI'I PHYIR ZHE NA, CHOS THAMS CAD MA SKYES PA'I PHYIR RO, ,'JAM DPAL, DE LTA BAS NA RIGS KYI BU'AM RIGS KYI BU MO GANG DAG GIS BSTAN PA 'DI THOS NAS NUB PAR MI 'GYUR BA DE YANG BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR NGAS BSHAD DO, ,'JAM DPAL, DE LTA BAS NA DGE SLONG NGAM, DGE SLONG MA'AM, DGE BSNYEN NAM, DGE BSNYEN MA GANG DAG SHES RAB KYI PHA ROL TU PHYIN PA ZAB MO 'DI LA ZHUM PAR MI 'GYUR BA NAS NUR BA'I BAR DU MI 'GYUR BA DE DAG NI NGA LA SKYABS SU DONG BA'O, ,DE DAG NI NGA'I RJES SU RAB TU BYUNG BA'O, ,DE DAG GI STON PA NI NGA YIN NO, ,'JAM DPAL, RIGS KYI BU'AM RIGS KYI BU MO GANG SHES RAB KYI PHA ROL TU PHYIN

344b

PA ZAB MO 'DI LA MI SLOB PA DE BYANG CHUB SEMS DPA'I BSLAB PA LA MI SLOB PA'O, ,'JAM DPAL, 'DI LTA STE, DPER NA, 'BYUNG BA'I TSOGS DANG, SA BON GYI TSOGS DANG, RTZVA DANG, SHING GEL PA DANG, SMAN DANG, NAGS TSAL GANG CI YOD PA DE DAG THAMS CAD NI SA CHEN PO LA BRTEN NAS SKYE'O, ,'JAM DPAL, DE BZHIN DU BYANG CHUB SEMS DPA' SEMS DPA' CHEN PO RNAMS KYI DGE BA'I CHOS GANG CI YANG RUNG BA DE DAG THAMS CAD SHES RAB KYI PHA ROL TU PHYIN PAS YONGS SU ZIN NA, 'PHEL ZHING RGYAS PA DANG YANGS PAR 'GYUR TE, BLA NA MED PA YANG DAG PAR RDZOGS PA'I BYANG CHUB TU SLU BAR MI BYED DO, ,DE SKAD CES BKA' STZAL PA DANG, BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, BCOM LDAN 'DAS KYIS SHES RAB KYI PHA ROL TU PHYIN PA BSTAN PA BSHAD PA GANG LAGS PA'I SHES RAB KYI PHA ROL TU PHYIN PA BSTAN PA 'DI 'DZAM BU'I GLING 'DIR GRONG NGAM, GRONG KHYER RAM, YUL LAM, LJONGS DAG TU GANG LA LA DAG 'DZIN PAR 'GYUR BA STON PA'I BAR DU 'GYUR BAR MCHIS SAM, DE SKAD CES GSOL BA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, GANG DAG GIS SHES RAB KYI PHA ROL TU PHYIN PA BSTAN PA 'DI DA LTAR GYI TSE LA THOS NAS BDAG GI TSE 'DI BRJES NAS KYANG SHES RAB KYI PHA ROL TU PHYIN PA

345a

, ,'DI NYAN TO ZHES SMON LAM BTAB PA DE DAG NI, NYAN PA NAS RGYA CHER MI BSGOM PA'I TSUL GYIS SGOM PAR BYED PA'I BAR DU 'GYUR RO, ,'JAM DPAL, GANG DAG SHES RAB KYI PHA ROL TU PHYIN PA ZAB MO 'DI THOS TE, THOS NAS KYANG DGA' BA DANG MGU BA YANGS PA 'THOB PA DE DAG NI DGE BA'I RTZA BA CHUNG BAR NGA MI 'CHAD DO, ,'JAM DPAL, GANG ZHIG SHES RAB KYI PHA ROL TU PHYIN PA BSTAN PA 'DI LA NYAN CING 'DOD PAR GYUR NA, DE LA 'DI SKAD CES RIGS KYI BU KHYOD MNYAN PAS CI ZHIG BYA, THOS NAS MA DAD CING PHYIR NUR TA RE, DE CI'I PHYIR ZHE NA; 'DI LA CHOS GANG YANG YONGS SU 'GRUB PAR MA BSTAN TE, SO SO'I SKYE BO'I CHOS RNAMS SKYE BA'AM, 'JIG PAR YANG MA BSTAN, SLOB PA'I CHOS RNAMS DANG, MI SLOB PA'I CHOS RNAMS DANG, RANG SANGS RGYAS KYI CHOS RNAMS DANG, SANGS RGYAS KYI CHOS RNAMS KYANG SKYE BA'AM, 'JIG PA'AM, 'THOB PAR MA BSTAN PA'I PHYIR RO ZHES BRJOD PAR BYA'O, ,DE SKAD CES BKA' STZAL PA DANG, BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, DGE SLONG NGAM, DGE SLONG MA'AM, DGE BSNYEN NAM, DGE BSNYEN MA GANG LA LA BDAG LA 'DI SKAD DU, DENG DE BZHIN GSHEGS PA'I CHOS KYI GTAM MDZAD PA DE GANG YIN ZHES MCHI NA, BCOM LDAN 'DAS, DE SKAD 'DRI BA DE LA BDAG GIS 'DI SKAD

345b

DU CHOS THAMS CAD DANG MI 'GAL BA'I GTAM MO ZHES BRJOD PAR BGYI'O, ,DE CI'I SLAD DU ZHE NA, BCOM LDAN 'DAS, GANG SKYE BA MA MCHIS PA DANG 'GAL BA'I CHOS DE GANG YANG MA MCHIS TE, BKA' MCHID DE NI SEMS CAN GANG GIS KYANG 'TSAL BA MA LAGS SO, ,DE CI'I SLAD DU ZHE NA, 'DI LTAR SEMS CAN GANG YANG DMIGS SU MA MCHIS PA'I SLAD DU'O, ,BCOM LDAN 'DAS, GZHAN YANG BDAG GIS DE LA 'DI SKAD DU MI SKYE BA ZHES BYA BA'I CHOS DE BSTEN PAR GYUR TO ZHES BRJOD PAR BGYI'O, ,DE CI'I SLAD DU ZHE NA, BCOM LDAN 'DAS, 'DI LTAR CHOS THAMS CAD NI SKYE BA MA MCHIS PAR MNYAM PA'I SLAD DU'O, ,BKA' MCHID DER NI JI LTAR DGRA BCOM PA'I CHOS RNAMS KYI SO SO SKYE BO'I CHOS DE DAG RNAM PAR BSHIG PA MA LAGS PA, DGRA BCOM PA RNAMS KYIS GANG MA RTOGS PA MA BSTAN TO, ,BCOM LDAN 'DAS, GZHAN YANG DE LA BDAG GIS 'DI SKAD DU CHOS BSTAN PA DE LA SEMS CAN GANG YANG MYA NGAN LAS 'DAS PA DANG, MYA NGAN LAS 'DA' BA DANG, MYA NGAN LAS 'DA' BAR 'GYUR BA MED DO ZHES BRJOD PAR BGYI'O, ,DE CI'I PHYIR ZHE NA, BCOM LDAN 'DAS, 'DI LTAR SEMS CAN SHIN TU MI DMIGS PA'I SLAD DU STE, BCOM LDAN 'DAS, DE SKAD 'DRI NA BDAG GIS DE SKAD CES BGYI'O, ,BCOM LDAN 'DAS, GZHAN YANG BDAG LAS SHES RAB KYI PHA ROL TU PHYIN PA ZAB MO 'DI NYAN PAR 'TSAL TE, DENG KHYOD

346a

, ,BCOM LDAN 'DAS DANG GTAM CI ZHIG BYAS ZHES 'DRI NA, DE LA BDAG GIS 'DI SKAD DU GAL TE KHYOD DE NYAN PAR 'DOD NA DE MNYAN TO SNYAM DU YID LA MA GTOD, CIG, MNYAN TO SNYAM DU SEMS MA BSKYED CIG, KYE SKYES BU, SGYU MA'I SKYES BU'I SHES RAB CI 'DRA BA DE LTA BU'I SHES RAB SKYED CIG DANG, DE LTA BUS CHOS BSTAN PA 'DI SHES PAR NUS SO; ;KYE SKYES BU, GAL TE KHYOD KYIS CHOS BSTAN PA 'DI MNYAN PAR 'DOD NA DE'I PHYIR 'DI LTA STE, DPER NA, NAM MKHA' LA BYA'I RJES LTA BUR GNAS PAR GYIS SHIG DANG, DE LTA BUS CHOS BSTAN PA 'DI MNYAN PAR NUS SO, ,KYE SKYES BU, GAL TE KHYOD KYIS CHOS BSTAN PA 'DI MNYAN PAR 'DOD NA DE'I PHYIR GNYIS PA LA MA DMIGS SHIG, MI GNYIS PA LA'ANG MA DMIGS SHIG, DE CI'I PHYIR ZHE NA, 'DI LA GNYIS SU BRJOD PAR BYA BA YONGS SU BRJOD PA'AM, MI GNYIS PAR BRJOD PAR BYA BA GANG YANG MED PA'I PHYIR RO, ,GAL TE CHOS BSTAN PA 'DI MNYAN PAR 'DOD NA BDAG TU 'DU SHES RNAMS KYANG MA GZHIG CIG, LTA BAR GYUR PA RNAMS LAS KYANG MA 'DA' ZHIG, SANGS RGYAS KYI CHOS RNAMS LA YANG LHAG BAR MA DMIGS SHIG, SO SO'I SKYE BO'I CHOS RNAMS LAS KYANG MA BSKYOD CIG CES BRJOD PAR BGYI'O,, BCOM LDAN 'DAS, GANG ZHIG BDAG LAS NYAN PAR 'TSAL TE, 'DI NA DE LA BDAG GIS

346b

DE SKAD BRJOD PAR BGYI'O, ,DE SKAD RJES SU BSTAN PAR BGYI'O, ,DE LTAR 'DI LA GZHAG PAR BGYI'O, ,GAL TE 'DRI BA'I RIGS KYI BU'AM RIGS KYI BU MO DE LTAR GNAS SHING, DE LTAR ZHUGS NA SPOBS PA'I PHYAG RGYA 'DI LA GNAS PA DE LA SLAD KYIS SHES RAB KYI PHA ROL TU PHYIN PA MA SKYES PA DANG, DNGOS PO MA MCHIS PA DANG, MA BYUNG BA'I BAR 'DI BSTAN PAR BGYI'O, ,DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, LEGS SO, ,LEGS SO, ,'JAM DPAL KHYOD KYIS 'DI LEGS PAR SMRAS PA LEGS SO, ,RIGS KYI BU'AM RIGS KYI BU MO DE LA YANG PHYIS 'DI SKAD CES GYIS SHIG ,DE BZHIN GSHEGS PA LA BLTA BAR 'DOD NA SHES RAB KYI PHA ROL TU PHYIN PA 'DI NYID LA MI BSGOM PA'I TSUL GYIS BSGOM PAR BYA'O, ,DE BZHIN GSHEGS PA LA BSNYEN BKUR BYA BAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID LA MI DMIGS PA'I TSUL GYIS BSLAB PAR BYA'O, ,DE BZHIN GSHEGS PA NI BDAG GI STON PA'O ZHES SMRA BAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID LA MI DMIGS PA'I TSUL GYIS BSLAB PAR BYA'O, ,BLA NA MED PA YANG DAG PAR RDZOGS PA'I BYANG CHUB MNGON PAR

347a

, ,RDZOGS PAR 'TSANG RGYA BAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID LA MNGON PAR 'DU BYA BA MED PA'I TSUL GYIS BSLAB PAR BYA'O, ,TING NGE 'DZIN THAMS CAD LA MKHAS PAR BSGRUB PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID LA MI DMIGS PA'I TSUL GYIS BSLAB PAR BYA'O, ,TING NGE 'DZIN THAMS CAD LA SNYOMS PAR 'JUG PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID LA MI DMIGS PA'I TSUL GYIS BSLAB PAR BYA'O, ,DE CI'I PHYIR ZHE NA, TING NGE 'DZIN DE DAG BYAS PA MA YIN PA'I PHYIR RO, ,RNAM PA THAMS CAD KYI MCHOG DANG LDAN PA'I THAMS CAD MKHYEN PA'I YE SHES KYI BAR DU BSGRUB PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID LA DNGOS PO MED PA'I TSUL GYIS BSLAB PAR BYA'O, ,DE CI'I PHYIR ZHE NA; 'DI LTAR RNAM PA THAMS CAD KYI MCHOG DANG LDAN PA'I THAMS CAD MKHYEN PA'I YE SHES KYI BAR DU BYAS PA MA YIN PA DANG, MA SKYES PA DANG, DNGOS PO MED PA'I PHYIR RO, ,CHOS THAMS CAD NI NGES PAR 'BYUNG BA DANG BCAS PA STE, GANG NGES PAR MI 'BYUNG BA DANG BCAS PA YANG MED DO ZHES DE LTAR SHES PAR 'DOD PA'I RIGS KYI BU'AM RIGS KYI BU MOS KYANG SHES RAB KYI

347b

PHA ROL TU PHYIN PA 'DI NYID LA DNGOS PO MED PA'I BAR GYI TSUL GYIS BSLAB PAR BYA'O, ,CHOS THAMS CAD NI NGES PAR MI 'BYUNG BA STE, GANG NGES PAR 'BYUNG BA DANG BCAS PA'I CHOS DE GANG YANG MED DO,, DE CI'I PHYIR ZHEN, CHOS THAMS CAD MA SKYES PA'I PHYIR RO, ,CHOS DE DAG NI JI LTAR BRJOD PA DE LTAR YOD PA MA YIN TE, BRJOD DU MED PA NI YOD PA MA YIN ZHING DMIGS SU MED DO ZHES DE LTAR SHES PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID LA DNGOS PO MED PA'I BAR GYI TSUL GYIS BSLAB PAR BYA'O, ,SEMS CAN THAMS CAD NI BYANG CHUB KYI PHYIR SPYOD PA STE, GANG BYANG CHUB KYI PHYIR MI SPYOD PA'I SEMS CAN DE GANG YANG MED DO ZHE NA, YANG DE LA ZHUM PA MED PAR 'DOD PA'I RIGS KYI BU'AM RIGS KYI BU MOS KYANG SHES RAB KYI PHA ROL TU PHYIN PA 'DI NYID LA DNGOS PO MED PA'I BAR GYI TSUL GYIS BSLAB PAR BYA'O, ,DE CI'I PHYIR ZHE NA, 'DI LTAR CHOS THAMS CAD NI BYANG CHUB DANG MNYAM PA'O, ,JI LTAR CHOS THAMS CAD BYANG CHUB DANG MNYAM PA DANG, BYANG CHUB JI LTA BAR SEMS CAN THAMS CAD KYANG DE BZHIN NO, ,SEMS CAN THAMS CAD CI 'DRA BAR SPYOD PA DE YANG DE BZHIN NO, ,MED PA'I PHYIR SPYOD PA THAMS CAD NI SPYOD PA MED PA'O; ;DE YANG BYANG CHUB STE, BYANG CHUB GANG YIN PA SKYE BA MED PA'ANG DE YIN, 'BYUNG BA MED PA'ANG DE YIN TE, DE LTA BU'I CHOS 'DI LA ZHUM PA MED PAR 'DOD PA'I RIGS KYI BU'AM RIGS KYI BU

348a

, ,MOS KYANG SHES RAB KYI PHA ROL TU PHYIN PA 'DI NYID LA DNGOS PO MED PA DANG, SKYE BA MED PA'I BAR GYI TSUL GYIS BSLAB PAR BYA'O, ,ZHES GYIS SHIG, 'JAM DPAL, GANG DE BZHIN GSHEGS PA'I RNAM PAR 'PHRUL PA NAS DE BZHIN GSHEGS PA'I RNAM PAR ROL PA'I BAR DE DAG KYANG SHES RAB KYI PHA ROL TU PHYIN PA 'DI NYID LAS BSTAN TO, ,DE CI'I PHYIR ZHE NA, DE NI BSTAN DU MED PA STE, SHES RAB KYI PHA ROL TU PHYIN PA MI STON PA'I PHYIR RO, ,'JAM DPAL, DGE SLONG NGAM, DGE SLONG MA'AM, DGE BSNYEN NAM, DGE BSNYEN MA GANG DAG SHES RAB KYI PHA ROL TU PHYIN PA 'DI LAS THA NA TSIG BZHI PA'I TSIGS SU BCAD PA TZAM YANG 'DZIN PA DANG, KUN CHUB PAR BYED PA DANG,, 'CHANG BA DANG, KLOG PA NAS YANG DAG PAR STON PA'I BAR DU BYED PA DE DAG KYANG PHYIR MI LDOG BAR NGA 'CHAD NA, GANG DAG DE BZHIN NYID DU BSGRUB PA LTA CI SMOS TE, RIGS KYI BU'AM RIGS KYI BU MO DE DAG NI BYANG CHUB TU NGES PAR RIG PAR BYA'O, ,GANG DAG SHES RAB KYI PHA ROL TU PHYIN PA ZAB MO MA SKYES PA DANG, DNGOS PO MED PA DANG, 'BYUNG BA MED PA'I BAR 'DI THOS NAS MI SKRAG, MI DNGANG, DNGANG BAR MI 'GYUR BA DE DAG NI SANGS RGYAS KYI YUL LA GNAS PA'O, ,GONG DU YANG MOS PAR BYED NA DE DAG NI SANGS RGYAS KYI CHOS THAMS CAD LA NGES PAR 'GYUR RO, ,'JAM DPAL, NGAS SANGS RGYAS KYIS GNANG BA DE BZHIN GSHEGS PAS RNAM PAR MKHYEN PA DGRA

348b

BCOM PA THAMS CAD KYIS YANG DAG PA MNOS PA'I RGYA 'DI BZHAG PAR BYA STE, RGYA 'DI NI MNYAM PA NYID DU RTOGS PA RNAMS LA BZHAG GO, 'DI NI SANGS RGYAS KYI CHOS THAMS CAD KYI BAR DU YANG CHAGS PA MED PA YONGS SU STON PA'O, ,'JAM DPAL, BYANG CHUB SEMS DPA'I THEG PA PA'I RIGS KYI BU'AM RIGS KYI BU MO RGYA 'DIS BTAB PA NI NGAN SONG DU 'GRO BA'I SKAL PA CAN MA YIN NO, ,NYAN THOS DANG, RANG SANGS RGYAS KYI SAR 'GRO BA'AM 'JUG PA'I SKAL BA CAN MA YIN NO, ,DE NAS DE'I TSE LHA'I DBANG PO BRGYA BYIN DANG, SUM CU RTZA GSUM PA'I LHA RNAMS KYIS LHA'I TZAN DAN GYI PHYE MA DANG, LHA'I GSER GYI PHYE MA DANG, LHA'I ME TOG MANDA RA BA DANG, MANDA RA BA CHEN PO DANG, LHA'I SPOS DANG, LHA'I AUTPA LA DANG, KU MU TA DANG, PADMA DKAR PO DANG, LHA'I ROL MO'I SGRA DAG GIS SHES RAB KYI PHA ROL TU PHYIN PA 'DI LA YANG MCHOD CING BCOM LDAN 'DAS DANG, 'JAM DPAL GZHON NUR GYUR PA LA YANG GTOR TO, ,MNGON PAR GTOR NAS TSIG 'DI SKAD CES DGE BA'I RTZA BA 'DIS GANG DAG PHYAG RGYA 'DIS BTAB PA DE DAG GI BLA NA MED PA'I CHOS RIN PO CHE 'DI MCHOD PA DANG, PHYI PHYIR ZHING THOS PAR GYUR CIG CES SMRAS SO, ,LHA'I DBANG PO BRGYA BYIN GYIS KYANG TSIG 'DI SKAD CES SMRAS TE, BCOM LDAN 'DAS, BDAG GIS KYANG MA BYUNG BA DANG, MA SKYES PA'I BAR 'DI SHES RAB KYI PHA ROL TU PHYIN PA ZAB MO 'DI 'DZAM BU'I GLING 'DIR SPYOD PAR 'GYUR BA DANG, RIGS KYI BU DANG RIGS

349a

, ,KYI BU MOS DE 'DRA BA DE DAG GI RNA LAM DU GRAGS PAR 'GYUR BA NAS DE DAG NYID SANGS RGYAS KYI CHOS THAMS CAD YONGS SU BSGRUB PAR 'GYUR BAR BGYI BA'I BAR GYI SLAD DU BRTZON PAR BGYI'O, ,BCOM LDAN 'DAS, SHES RAB KYI PHA ROL TU PHYIN PA BSTAN PA 'DI RIGS KYI BU'AM RIGS KYI BU MO GANG GI RNA LAM DU TSEGS CHUNG NGUS GRAGS LA, THOS NAS KYANG MOS PA DANG, MOS NAS KYANG 'DZIN PA DANG, KUN CHUB PAR BGYID PA DANG, 'CHANG BA'I BAR DU BGYIS PA'I RIGS KYI BU'AM RIGS KYI BU MO DE DAG GIS BDAG CAG GI 'DI NI LHAS BSGRUBS PA'O,, ZHES THE TSOM MA MCHIS PAR 'TSAL BAR BGYI'O, ,DE SKAD CES GSOL PA DANG, BCOM LDAN 'DAS KYIS LHA'I DBANG PO BRGYA BYIN LA 'DI SKAD CES BKA' STZAL TO, ,KO'U SHI KA, DE DE BZHIN NO; ;RIGS KYI BU'AM RIGS KYI BU MO DE DAG LA SANGS RGYAS KYI CHOS THAMS CAD 'GRUB PAR BLTA'O, ,DE DAG BLA NA MED PA YANG DAG PAR RDZOGS PA'I BYANG CHUB TU YANG NGES PAR SHES PAR BYA'O, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, RIGS KYI BU'AM RIGS KYI BU MO DE DAG GI DON DU SHES RAB KYI PHA ROL TU PHYIN PA BSTAN PA 'DI BYIN GYIS BRLAB TU GSOL, BDE BAR GSHEGS PA, BYIN GYIS BRLAB TU GSOL, TSIG 'DI SKAD SMRAS MA THAG TU DE'I TSE SKAD CIG DE NYID LA SANGS RGYAS KYI

349b

MTHUS SA CHEN PO RNAM PA DRUG TU G-YOS PAR GYUR TO, ,SA CHEN PO G-YOS MA THAG TU DE NAS DE'I TSE BCOM LDAN 'DAS KYIS 'DZUM PA MDZAD DO, ,BCOM LDAN 'DAS KYIS 'DZUM PA MDZAD MA THAG TU DE NAS DE'I TSE SHES RAB KYI PHA ROL TU PHYIN PA BSTAN PA 'DI LA DE BZHIN GSHEGS PA BYIN GYIS RLOB PA NA, STONG GSUM GYI STONG CHEN PO'I 'JIG RTEN GYI KHAMS 'DI SNANG BA CHEN POS KHYAB PAR GYUR TO; ;DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, 'DI NI DE BZHIN GSHEGS PAS SHES RAB KYI PHA ROL TU PHYIN PA BSTAN PA 'DI BYIN GYIS BRLABS PA'I SNGA LTAS LAGS SO, ,BCOM LDAN 'DAS KYIS BKA' STZAL BA, 'JAM DPAL, DE DE BZHIN NO, ,'JAM DPAL, 'DI DAG NI DE BZHIN GSHEGS PAS SHES RAB KYI PHA ROL TU PHYIN PA BSTAN PA 'DI BYIN GYIS BRLABS PA'I SNGA LTAS RNAMS TE, LTAS 'DI DAG GIS SHES RAB KYI PHA ROL TU PHYIN PA BSTAN PA 'DI BYIN GYIS BRLABS PA SHES PA BYA'O,, 'JAM DPAL, GANG DAG CHOS GANG YANG MI SPONG ZHING MI BZLOG LA, BSNGAGS PAR YANG MI BYED PA DE DANG DE DAG NI PHYAG RGYA 'DIS BTAB PAR SHES PAR BYA'O, ,DE CI'I PHYIR ZHE NA, 'JAM DPAL, DMIGS PA YOD NA SPONG BAR BYED PA DANG, BSNGAGS PAR BYED PAR 'GYUR BA'I PHYIR RO, ,'JAM DPAL, DE LTA BAS NA GANG DAG RGYA 'DIS BTAB PA DE DAG GI CHED DU NGAS RGYA 'DI BZHAG STE,

350a

, ,'DI LTAR DE DAG GIS THOS NAS KYANG CHOS GANG LA YANG STON PA'AM, RNAM PAR RTOG PA MED DO, ,DE CI'I PHYIR ZHE NA, 'JAM DPAL, CHOS THAMS CAD DON DAM PAR MA SKYES PA'I PHYIR RO, ,BCOM LDAN 'DAS KYIS DE SKAD CES BKA' STZAL NAS 'JAM DPAL GZHON NUR GYUR PA DANG, BYANG CHUB SEMS DPA' SEMS DPA' CHEN PO DE DAG DANG, NYAN THOS CHEN PO DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA DKON MCHOG BRTZEGS PA CHEN PO'I CHOS KYI RNAM GRANGS LE'U STONG PHRAG BRGYA BA LAS, 'JAM DPAL GYIS ZHUS PA'I LE'U SHES RAB KYI PHA ROL TU PHYIN PA BDUN BRGYA BA ZHES BYA STE, 'DUS PA BZHI BCU DRUG PA RDZOGS SO;; ;;RGYA GAR GYI MKHAN PO SU RENDRA BO DHI DANG, ZHU CHEN GYI LOTZTSA BA BAN DE YE SHES SDES BSGYUR CING ZHUS TE GTAN LA PHAB PA,,