RGYA GAR SKAD DU, A'ARYA AAshtA MAndA LA KA N'A MA MAH'A Y'A NA S'U TRA, BOD SKAD DU, 'PHAGS PA DKYIL 'KHOR BRGYAD PA ZHES BYA BA THEG PA CHEN PO'I MDO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RI GRU 'DZIN NA 'PHAGS PA SPYAN RAS GZIGS DBANG PHYUG GI GNAS NA BYANG CHUB SEMS DPA' BYE BA KHRAG KHRIG 'BUM PHRAG DU MA DANG THABS GCIG TU BZHUGS TE, DE NAS BYANG CHUB SEMS DPA' SEMS DPA' CHEN PO RIN CHEN SNYING PO ZLA BA SNANG BA ZHES
, ,BYA BA BYANG CHUB SEMS DPA'I 'KHOR DE NYID DU 'DUS PAR GYUR NAS 'DUG PA DE STAN LAS LANGS NAS, CHOS GOS PHRAG PA GCIG TU GZAR TE PUS MO G-YAS PA'I LHA NGA SA LA BTZUGS NAS, BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,GAL TE ZHUS NAS ZHU BA LUNG BSTAN PA'I SLAD DU BCOM LDAN 'DAS KYIS BDAG LA SKABS PHYE NA, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA BDAG PHYOGS 'GA' ZHIG ZHU'O DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO RIN CHEN SNYING PO ZLA BA SNANG BA LA 'DI SKAD CES BKA' STZAL TO, ,RIN CHEN SNYING PO ZLA BA SNANG BA, KHYOD CI DANG, CI 'DOD PA DRIS SHIG DANG, NGAS DRIS PA DE DANG, DE'I LUNG BSTAN PAS KHYOD KYI SEMS RANGS PAR BYA'O, ,DE SKAD CES BKA' STZAL PA DANG, BYANG CHUB SEMS DPA' SEMS DPA' CHEN PO RIN CHEN SNYING PO ZLA BA SNANG BAS, BCOM LDAN 'DAS LA 'DI SKAD CES GSOL TO, ,BCOM LDAN 'DAS, RIGS KYI BU'AM, RIGS KYI BU MO GANG LA LA ZHIG DKYIL 'KHOR BRGYAD PA BGYID PAR 'TSAL NA DES JI LTAR BGYI,
BCOM LDAN 'DAS KYIS BKA' STZAL PA, RIGS KYI BU, KHYOD SKYE BO MANG PO LA SHIN TU PHAN PA DANG, SKYE BO MANG PO LA BDE BA DANG, DUS GSUM DU SKYES PA'I SEMS CAN RNAMS KYI MTSUNGS PA MED PA'I YE SHES BSGRUB PA'I PHYIR, RIGS KYI BU, KHYOD SPOBS PA SKYES PA NI BZANG STE, LEGS SO, ,LEGS SO, ,RIGS KYI BU, DE'I PHYIR SNYING PO GANG BRJOD PA TZAM GYIS MTSAMS MED PA LNGA 'BYANG ZHING, DNGOS GRUB THAMS CAD KYANG THOB PAR 'GYUR BA BYANG CHUB SEMS DPA' BRGYAD KYI SNYING PO NYON CIG, AOm MAH'A H'Um MA H'A P'I RA SV'A H'A, SNYING PO 'DIS NI DBUS KYI BCOM LDAN 'DAS MCHOD DO, ,AOm HR'I:H'Um PADMA PRI YA SV'AH'A, 'PHAGS PA SPYAN RAS GZIGS DBANG PHYUG GI SNYING PO'O, ,AOm MEE TRI HA RA nA SV'AH'A, BYAMS PA'I SNYING PO'O, ,AOm AA K'A SHA GARBHA YA SV'AH'A, NAM MKHA'I SNYING PO'I'O, ,AOm MA SVA HRI R'A DZA YA DZVA SV'AH'A, KUN TU BZANG PO'I SNYING PO'O, ,AOm KU RU BHA NA RA HA SV'AH'A, LAG NA RDO RJE'I SNYING PO'O, ,AOm SHR'I AAm RAm GA SV'AH'A, 'JAM DPAL GZHON NUR GYUR PA'I SNYING PO'O, ,AOm NI SVA RAm BHA SV'AH'A, SGRIB PA THAMS CAD RNAM PAR SEL BA'I SNYING PO'O, , AOm KshI TI HA R'A DZ'A SV'AH'A, SA'I SNYING PO'I SNYING PO STE BYANG CHUB SEMS DPA' BRGYAD KYI SNYING PO'O, ,DE BZHIN GSHEGS PA DANG LDAN PA 'DI RIGS KYI BU'AM, RIGS KYI BU MO
, ,GANG LA LA ZHIG GIS, DKYIL 'KHOR GYI MDUN DU LAN GCIG BRJOD NA, DE'I DON THAMS CAD 'GRUB PAR 'GYUR TE, MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO, ,BCOM LDAN 'DAS KYIS DE SKAD CES BKA' STZAL NAS, BYANG CHUB SEMS DPA' SEMS DPA' CHEN PO DE DAG YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA DKYIL 'KHOR BRGYAD PA ZHES BYA BA THEG PA CHEN PO'I MDO RDZOGS SO,, ,,RGYA GAR GYI MKHAN PO DZI NA MI TRA DANG, D'A NA SH'I LA DANG, ZHUS CHEN GYI LOTZTSA BA BANDE YE SHES SDES BSGYUR CING ZHUS TE SKAD GSAR BCAD KYIS KYANG BCOS NAS GTAN LA PHAB PA,,