,,RGYA GAR SKAD DU, BUDDHA BHA GA W'AN AAshtA SHA TA N'A MA DH'A RA n'I, BOD SKAD DU, SANGS RGYAS BCOM LDAN 'DAS KYI MTSAN BRGYA RTZA BRGYAD PA GZUNGS SNGAGS DANG BCAS PA, THAMS CAD MKHYEN PA LA PHYAG 'TSAL LO, ,BCOM LDAN 'DAS SNYING RJE'I TZANDAN DRI ZHIM PO'I SPOS CHUS BYUGS PA'I SKU, ZHABS PADMA LHA DANG, LHA MA YIN GYI NOR BU'I COD PAN GYIS GTUGS PA, RANG BYUNG SEL MDZAD BLA MA 'JIG RTEN LA PHAN PAR MDZAD PA, STON PA DE BZHIN GSHEGS PA THUB PA NYES PA DANG BRAL PA, ZHI BA'I BDAG NYID CAN, GZUGS MDZES PA, MTSAN GSAL BA'I GZI BRJID CAN, SKU DPE BYAD KYIS BRGYAN PA, YON TAN THAMS CAD YANG DAG PAR RDZOGS PA LA PHYAG 'TSAL LO, ,PADMA RGYAS PA LTAR ZHAL BZHAD DE, TSEMS DKAR ZHING SNYOMS LA THAGS BZANG BAS RAB TU RGYAS SHING, SNANG LA NOR BU DRI MA MED PA LTAR 'OD GSAL ZHING MDZES TE, SPA ZHING GSAL BA LA NYI MA 'OD ZER STONG 'BAR BA MANG PO'I 'OD SNANG BA'I DKYIL 'KHOR ZIL GYIS GNON PA, THUB
PA'I MCHOG STOBS BCU DANG LDAN PA LA PHYAG 'TSAL LO, ,'DUD DO, ,RAB TU 'DUD DO, ,BSTOD DO, ,AOm BHYO H'Um H'Um H'Um, A'A A'A, H'I H'I, SHI BA SHI BA, SH'ANTI SH'ANTI, SHA MA SHA MA, SHA M'A PA YA, TA TH'A GA TA AA NU GA TA, SVA BH'A BA, AA BH'A BA, SA MUD T'A YA, AA SA MA BA LA, AA BI RA LA BA LA, AA MI T'A BA LA, AA TI BA LA, H'Um GHUm GHUm, DHRO DHRO, BHROO BHROO, BHRE DU BHRE DU, H'I H'I, BHA GA BAN, BHA B'AN TA KA SU RA TA BHO GA MA H'A SH'ANTI KA RA, P'A BA KI LBE shA N'A SHA KA SV'A H'A, ,DE NAS DPE BYAD MTSAN GSAL BAS, ,YAN LAG THAMS CAD RAB BRGYAN CING, ,NYI MA BZHIN DU GSAL BA PO, ,'BAR BA'I DKYIL 'KHOR RGYAN MNGA' BA, ,GRAGS SHING DRI MA RAB SPANGS LA, ,DRI MED SKYON BRAL CHOS KYI BLO, ,KHYAB BDAG CHEN PO STOBS BCUR LDAN, , RDUL BRAL DPAL DANG LDAN PA PO, ,RIN CHEN SA GZHI CHEN PO LA, ,PHO BRANG RTZE MO RDO RJE'I RTZE, ,RGYAL BA'I SRAS RNAMS GNAS GYUR PA, ,NOR BU DU MA RAB 'PHRO ZHING, ,'OD ZER DRI MED GSAL BKOD PA'I, ,RDO RJE'I DKYIL 'KHOR PHO BRANG NA, ,THUB PA'I LONGS SPYOD SA GZHI LA, ,SENG GE'I KHRI RTEN YANGS LA BZHUGS, ,NOR BU DBYIG GI SA GZHI DANG, ,KHRI CHEN RAB SPA DE NYID LA, ,DE BZHIN GSHEGS PA DGYES CHEN GYIS, ,PHUN SUM TSOGS PA RGYAN BKOD LTA, ,THUB PA ME ZLA NOR BU'I 'OD, ,NYI ZER NON PA'I 'OD LDAN PA, ,BDE BLAG SHIN TU BKRA
, ,SHIS TSUL, ,'OD GSAL SKYIL MO KRUNG BCAS NAS, ,SKU 'OD 'BAR BA'I DKYIL 'KHOR CAN, ,'OD GSAL RGYAS PAS THUB DBANG GI ,DRI MED 'OD ZER BKYE BA NI, ,MI G-YO RDO RJE CAN ZHES BYA, ,DKYIL 'KHOR CHEN POR ZHUGS PA YI, ,RDO RJE CAN DAG RAB 'DUL BA, ,GANG YIN DE KUN DAG BYAS NAS, ,DKYIL 'KHOR DRI MED SKOR BAR BYED, ,NGAN SONG DAM TSIG DRI MA KUN, ,LEGS PAR SHIN TU DAG PAS SO, ,SRID GSUM DKYIL 'KHOR RGYA CHE LA, ,RNAM PA DU MAR 'OD GSAL BA, ,'GRO DANG MI 'GRO MA LUS PA, ,BKOD NAS BDE CHEN RDO RJE CAN, ,RDO RJE RAL GRI THOGS PA DE, ,COD PAN MA G-YOS NANG DU ZHUGS, ,DE NAS 'JIGS PA'I SGRA SKAD KYIS, ,'GENGS SHING MIG NI GLOG LTAR 'GYU, ,RIG SNGAGS H'Um ZHES SGROGS PA PO, ,RDO RJE 'JIGS BYED 'JIGS BYED PA, ,BZHIN MDZES 'DZUM GYIS RNAM PAR BRGYAN, ,SDIG MED MIG RTZA RGOD GYUR CING, ,STAN LAS LANGS TE PHYAG 'TSAL NAS, ,LEGS PAR MCHOD BYAS SMRAS PA NI, ,KYE MA SKYE BA'I PHYOGS 'JOMS SHING, ,BSKAL PA DU MA'I DRI MA SEL, ,RIG SNGAGS YON TAN SGRUB BYED PA; ;THUB MCHOG RNAMS KYIS RAB TU GSUNGS, ,DE GZIGS DGE BA DU MA BRNYES, ,SANGS RGYAS BLO GROS RGYAS PAR GYUR, ,BYANG CHUB SEMS DPA' BLO GROS CHE, ,BSKAL BA
GCIG TU SPYOD PAS KYANG, ,RGYUD MAR SANGS RGYAS KUN 'BYUNG ZHING, ,SPYOD PA DU MA 'BYUNG BA YI, ,YON TAN BRGYA YI SPOS LDAN 'DI, ,THOS PA SPRO BAR MI NUS SO, ,LONGS SPYOD RGYA MTSO CHEN PO CAN, ,BYANG CHUB SEMS MCHOG DKYIL 'KHOR DU, ,RGYAL MCHOG RNAMS KYIS DBANG BSKUR BA'I, ,PHYIR MI LDOG PA'I CHOS CHEN LDAN, ,'DI THOS SANGS RGYAS SPYOD PA YIS, , SEMS CAN KUN GYI SDIG PA RNAMS, ,MA LUS RAB TU BSAL NAS NI, ,BLO GROS DRI MA MED PAR 'GYUR, ,ZHI ZHING DAG BYED BKRA SHIS LA, ,RDUL MED BRGYAN TE ZHI BAR BYED, ,DGE ZHING MYA NGAN THAMS CAD SEL, ,SDUG BSNGAL THAMS CAD NGES PAR 'JOMS, ,DBANG BYED GSANG SNGAGS DAM PA STE, ,SA STENG SDIG PA THAMS CAD SEL, ,MA SMAD 'BRAS BU NGES PAR SBYIN; ;BSTAN PA YIN TE SDANG BA 'DUL, ,NYES PA BYAS PA SEL BA YI, ,GZUNGS 'DI GANG GIS THOS GYUR DES, ,SANGS RGYAS RNYED PAR DKA' BA YANG, ,RING POR MI THOGS THOB PAR 'GYUR, ,SGRIB PA THAMS CAD RAB ZHI ZHING, ,KHYAB BDAG NYON MONGS KUN SEL BA, ,GANG ZHIG NYON MONGS ZHI BYED PA'I, ,GZUNGS 'DI 'CHANG BAR BYED PA YIS, ,KUN TU BZANG PO NYID DANG NI, ,LAG NA RDO RJE NYID KYANG 'THOB, ,RIG SNGAGS 'CHANG GI BDAG PO YANG, ,'DI THOS PAS NI THOB PAR 'GYUR, ,'JIG RTEN KUN LA LHA MA ME BA, ,BCOM LDAN RNAM PAR
, ,SNANG MDZAD KYANG, ,DKYIL 'KHOR DAM PA GTING MED PA, ,'DI NI JI SRID MA GSAN PAR, ,RAB ZHI NYON MONGS 'DUL BA YI, ,RANG BYUNG GO 'PHANG MA BRNYES TE; ;RNAM PAR DAG PHYIR GSAN GYUR NAS, ,GSAN MA THAG TU RNAM PAR DAG ,DE PHYIR PHUN SUM TSOGS PA DANG, ,LEGS PAR 'DOD PAS BRJOD PAR BYA, ,GZHAN GYIS MI THUB GZUNGS GSAN NAS, ,THUB PA KUN GYIS GANG BRNYES PA, ,'KHOR BA 'DI NI NAM DU YANG, ,BDUD KYI LAS DANG 'KHRUG MED DANG, ,MYA NGAN MED CING 'THAB MED PA, ,GZUNGS LA GNAS PAS 'THOB PAR 'GYUR, ,GNAS KYI DAM PA THOB NAS KYANG, ,THUB PA DRI MA MED PA'I BLO, ,GZIGS PA BZANG RNAMS GAR GSHEGS PA'I, ,BZANG 'GRO DER NI 'GRO BAR 'GYUR, ,LEGS PAR 'DOD PA RNAMS KYIS NI, ,TSIG GI MDO 'DI MNYAN PAR BGYIS, ,NYON MONGS ZAD PAR BYA BA LA, ,RGYAL BAS GSUNGS PA'I GZUNGS 'DI MCHOG , SDIG PA BYED CING DGE LA SDANG, ,SDIG PA'I RANG BZHIN RAB 'JUNGS PA, ,GANG GIS THOS NAS DE SPANG BA, ,NGA YIS MNGON SUM 'BYOR PAR 'GYUR, ,SDIG PA GZHAN YANG MI BYA ZHING, ,SNGA MA RNAMS KYANG BSHAGS PAR BYA, ,GZUNGS MCHOG 'DI YI MTHU STOBS KYIS, ,SDIG PA THAMS CAD 'BYANG BAR 'GYUR, ,TSE RABS GZHAN NI STONG DAG DANG, ,TSE
'PHOS BYE BA PHRAG BRGYAR YANG, ,SDIG PA MI DGE GANG BYAS PA, ,DAG 'GYUR 'DI LA THE TSOM MED, ,YAR GYI NGO YI TSES BRGYAD DANG, ,DE BZHIN TSES NI BCO LNGA LA, ,BSNYEN GNAS LEGS PAR LHUR BLANGS LA, ,CHO GA BZHIN DU SANGS RGYAS MCHOD, ,DE NAS RMONGS PA MED PAR YANG, ,NYON MONGS DGRA NI RAB 'JOMS SHING, ,SHIN TU THUB DKA' DPE MED PA, ,NYES PA ZLOG PA'I GZUNGS BRJOD NA, ,THUB PA'I ZHAL GYI ZLA BA'I 'OD, ,'BAR BA NGES PAR MTHONG BAR 'GYUR, ,DE NAS TSOGS RNAMS RDZOGS PA YI, ,RGYAL BA'I SRAS PO NYID DU 'GYUR, ,'OD DPAG MED LA MNGA' BA YI, ,YON TAN MTHA' YAS RAB BRGYAN PA, ,BSKAL PA BYE BA STONG DU YANG, ,MTHA' MI RTOGS PA THOB PAR 'GYUR, ,DE NAS RDO RJE 'CHANG GI TSIG ,DKYIL 'KHOR DAG NA GNAS RNAMS KYIS, ,THOS NAS RGYAN RNAMS SNA TSOGS BA, ,BCOM LDAN 'DAS LA DBUL BAR BYED, ,RDO RJE RAL GRI LA SOGS PA, ,LHA BDAG GSAL BA THAMS CAD DANG, ,RI BO TI SE RI RAB LA, ,GNAS PA'I RIG SNGAGS 'CHANG RNAMS DANG, ,DE BZHIN DKYIL 'KHOR CHEN PO NA, ,'KHOD PA'I RIG SNGAGS 'CHANG RNAMS DANG, ,MA LA YA YI RI BO LA, ,GNAS SHING RGYAN 'BAR THOGS RNAMS DANG, ,KHYAB 'JUG LHA CHEN LA SOGS PA, ,LHA YI BDAG PO RNAMS DANG NI, ,LAG NA RDO RJE LA SOGS PA, ,BYANG CHUB SEMS DPA' STOBS CHEN
, ,RNAMS, ,NOR BU'I DPUNG RGYAN RNA CHA DANG, ,RGYAN RNAMS RAB TU G-YO BA'I LUS, ,RAB TU BSKYOD DE LANGS NAS NI, ,SDIG BRAL MNGA' BDAG RGYAL BA LA; ;PHYAG BTZAL THAL MO SBYAR BYAS NAS, ,KUN GYIS SA YI DBANG PHYUG BO, ,THUB MCHOG DAM PA DE LA NI, ,MTSAN BRGYA RTZA BRGYAD DAG GIS BSTOD, ,MNYAM NYID CHOS DE DE BZHIN NYID, ,SHIN TU RTOGS PA LAM ME BA, ,DUL BA BRTAN PA DRI MA SEL, ,DRI MA MED PA SKYON BRAL BA, ,THUB PA SANGS RGYAS SHIN TU ZHI, ,'JIG RTEN MGON PO SKYE DGU'I BDAG, DE BZHIN GSHEGS PA NYON MONGS THUL, ,DE BZHIN RGYAL BA RDUL BSAL BA, ,STON PA STON MDZAD BRTAN PA STE, ,SDIG PA MED PA RDUL DANG BRAL, ,'JIG RTEN MGON PO SNANG MDZAD PA, ,DAG PA ZHI BA ZAS GTZANG SRAS, ,NYON MONGS RAB BCOM PHAN 'DOGS PA, ,STON PA PO STE DRI MA SEL, ,SPYOD TSUL DRI MED TSUL BZANG BA, ,ZAB PA RNAM PAR GNON PA BRTAN, ,BTZAN PO THUGS BRTZE RNAM PAR RGYAL, ,MGON PO DE BZHIN MGON MDZAD PA, ,ZHI BA'I BDAG NYID ZHE SDANG BRAL, ,BCINGS PA LAS GROL NGES PAR GROL,, 'JIG RTEN KUN MCHOG 'KHRA BA'I SA, ,BDAG GIR MI 'DZIN DRI MA MED, ,NYON MONGS SEL BA DPAL DANG LDAN, ,DPAL MDZAD DE BZHIN PHAN MDZAD PA, ,MNYAM PA MED
PA DPE MED PA, ,KHYAB BDAG NYON MONGS LAS RNAMS SPONG, ,KHENGS PA MED PA DMAN PA MED, ,MNYAM PA DE BZHIN MI MNYAM MNYAM, ,SNANG BA BRNYES PA SNANG BYED MED, ,'JIG RTEN SNANG MDZAD SDIG MED PA, ,SGRIB PA THAMS CAD SPANGS PA STE, ,'JIG RTEN KUN LA PHAN PAR BRTZON, ,DPA' BO ZHI BA ZHI MDZAD PA, ,NYON MONGS DGRA RNAMS ZAD PAR MDZAD, ,MNGA' BDAG THABS MKHYEN THABS CHE BA, ,SEMS CAN KUN GYI 'KHRAS LAGS, ,DON YOD RNYED DKA' BLO DANG LDAN, ,RDO RJE'I DKYIL 'KHOR THUB PAR DKA', ,SKYOB PA 'JIGS SEL TSANGS PA STE; ;DE BZHIN SANGS RGYAS CHOS 'DZIN PA, ,DPA' BO CHEN PO 'JIGS PA MED, ,GZUGS BZANG MTSAN RNAMS GSAL BA STE, ,SUM CU RTZA GNYIS MTSAN MNGA' BA, ,CHOS KYI LONGS SPYOD RGYA MTSO LAGS, ,DPE BYAD BZANG PO BKOD PA YIS, ,SPRAS PA'I BDAG NYID YA MTSAN STON, ,DKA' BA MED PA'I STON PA PO, ,DE BZHIN DES PA BDE SBYIN PA, ,MTHU CHEN YANGS BA RGYA CHE BA, ,BDUD BZHI'I STOBS RNAMS SEL MDZAD PA, ,BRTZON CHEN SPRO BA CHE BA STE, ,DGYES PA CHEN PO STOBS PO CHE, ,MTHU BRNYES BSTAN PA CHEN PO STE, ,GNAS LDAN DBANG GIS DAR BA LAGS, ,GSAL BA GSUNG LDAN DPE MED PA, ,DGE BA STONG PA NYID KYIS RGYAL, ,RAB TU ZHI BA MUN PA MED, ,BLO GROS CHEN PO CHOS 'DZIN TE, ,PHUN SUM TSOGS
, ,LDAN SA CHEN BRNYES, ,'DOD PA RNAMS NI 'DUL MDZAD PA, ,DPAL MDZAD DPAL MNGA' DPAL DANG LDAN, ,DPAL GYI LONGS SPYOD SHIN TU RGYAS, ,BCOM LDAN LEGS BSGOS BSGO BAR MDZAD, ,GSUNG LDAN BKRA SHIS RGYAL BA'I GNAS, ,MNYAM NYID MNYAM PA NYID MKHYEN PA, ,MNYAM PA NYID KYI MTSAN DPAG MED, ,RAB TU DGYES LA LONGS SPYOD GSAL, ,GZHI BCAS SEMS PA MNYAM PA LAGS, ,BLO DAG BLO LDAN DRI MA SPANGS, ,GNAS CHEN BRTAN PAR LDAN PA STE, ,RGYAS PAR LONGS SPYOD DRI MA MED, , THUB PA THUGS RJE'I RGYAN MNGA' BA, ,BSKAL PA BZANG PO 'JIGS PA'I SKYABS, ,DE BZHIN 'JIGS MED NYON MONGS SEL, ,DRI MED SKYON BRAL LONGS SPYOD CAN, ,SNA TSOGS 'OD LDAN DKYIL 'KHOR MDZES, ,SKU BZANG DAG PA RIG BA'I MCHOG ,THUGS RJE'I 'OD LDAN 'OD BZANG BA, ,MI GNAS LONGS SPYOD DAM BA LAGS, ,CHOS KYI RGYU STE YON TAN GNAS, ,RJED 'OS MCHOG GNAS LONGS SPYOD CHE, ,NAM MKHA'I MTSAN TE RNAM DAG BLO, ,RIN CHEN GZUGS 'DRA BKRA SHIS PA, ,KHYU MCHOG CHE SPYAN BA RDZI MA, ,RGYAL BA SKYON BSAL SHES RAB CAN, ,SHES RAB THABS DANG LDAN PA STE, ,'JIG RTEN MI DGE KUN LAS 'DAS, ,DAG PAR LONGS SPYOD BRTAN PA CAN, ,SA DANG STOBS DANG YE
SHES BZOD, ,PHA ROL PHYIN PA KUN LA MNGA', ,TING 'DZIN MNYAM PAR LONGS SPYOD PA, ,RNAM PAR SGO LA MNGON SUM PA, ,STONG PAS SANGS RGYAS KUN DANG MNYAM, ,CHOS CHEN BDE BAR 'CHAR BA LAGS, ,THAMS CAD MKHYEN BA YUL LAS 'DAS, ,SPYOD YUL SGRIB PA MI MNGA' BA, ,BYANG CHUB SEMS DPA'I DBANG PO RGYAL, ,DAM PA'I DON TE TSUL CHE BA, ,SHES BYA'I YUL RNAMS MTHA' DAG LA, ,SGRIB PA MED PAR 'CHAR BA BRNYES, ,RIGS CHEN MTHUN PAR SKYES PA STE, ,DE BZHIN GSHEGS PA'I DGE BA'I GNAS, ,KHYAD PAR BRNYES PA MNYAM NYID BRNYES, ,MI MNYAM SANGS RGYAS KUN DANG MNYAM, ,DON CHEN SHIN TU MTHAR PHYIN PA, ,NYON MONGS BRAL BA THUB PAR DKA', ,DGE SBYONG SDIG PA SBYONG MDZAD PA, ,GNOD PA MED PAR BDE BAR 'BYIN, ,BLO RGYA CHE BA THAMS CAD MKHYEN, ,THOS PA'I MTSON CHA MA LUS GSAN, ,DKON PA BDE BAR THOB 'GYUR BA, ,MNYAM PA KHYAD PAR YUL DANG LDAN, ,'JIG RTEN THAMS CAD DAR MDZAD MGON, ,ZHI GNAS MTSON CHA THUB PAR DKA', ,BSAM GYIS MI KHYAB BSAM YAS YUL, ,DPE MED PA STE DPER BYA BA, ,'OD BZANG RAB DGYES DPAL DANG LDAN, ,LEGS GSUNG BLO YI STOBS KYIS 'BYUNG, ,MKHAS PA ZHAL BZANG BDE SBYIN PA, ,RAB DGYES 'DAS PA'I SPYOD YUL CAN, ,GSUNG BA CHEN PO YE SHES CHE, ,
, ,GNAS CHEN BKRA SHIS CHEN PO STE, ,MCHOD PAR GYUR PA YUL LAS 'DAS, ,BYA BA'I MTSAN NYID MED PA PO, ,SANGS RGYAS YUL DU SKYES PA STE, ,SHES BYA'I SPYOD YUL RGYA CHE BA, ,KUN MKHYEN LONGS SPYOD 'BRAS BU CAN, ,'JIG RTEN DBANG 'DAS SPYOD YUL BA, ,KUN MKHYEN YUL GYI SNANG BA STE, ,THABS MKHAS PHUN SUM TSOGS LDAN PA, ,RDZU 'PHRUL ROL PA'I THABS DANG LDAN, ,CHOS KYI GAR THABS STON PA PO, ,RAB STON YON TAN SGYUR MDZAD PA, ,SPYOD PA MA LUS 'DUL BAR MDZAD, ,YONGS SU RDZOGS PA RNAM PAR DAG ,SANGS RGYAS SPYOD YUL RNAM SANGS RGYAS, ,BGEGS BYED MA LEGS BYED PA BCOM, ,BDUD KYI DREGS PA SEL BAR MDZAD, ,G-YUL NGOR RNAM PAR RGYAL BA BRNYES, ,DPA' BO CHEN PO PHAM MED STOBS, ,THEG PA CHEN PO'I SHING RTA BCIBS, ,BLO CHEN BRGAL BAR DKA' BA YI, ,NYON MONGS RGYA MTSO'I PHA ROL GSHEGS, ,THEG PA CHEN PO'I TSUL LA GNAS, ,THEG PA MCHOG LA LONGS SPYOD PA, ,NYAN THOS 'DAS PA'I SPYOD YUL CAN, ,RANG RGYAL LAS KYANG 'DAS PA STE, ,SANGS RGYAS SA YI 'BRAS BUR GNAS, , GONG NAS GONG DU KHYAD PAR MKHYEN, ,KHYOD NI NAM MKHA'I GNAS NA BZHUGS, ,BDE 'BYUNG SA DANG ZHING RNAMS KYI, ,MTSO CHEN DAG LA LONGS PAR SPYOD, ,SANGS RGYAS DBANG
PO RGYAS PA LA, ,MTSAN BRGYA RTZA BRGYAD KYIS BSTOD NAS, ,DE LA LHA SOGS TSOGS RNAMS KYIS, ,PHYAG BYAS MGO SMAD PHYOGS GCIG 'KHOD, ,DE NAS DKYIL 'KHOR CHEN PO NA, ,GNAS PA MA LUS CHEM MER 'KHOD, ,THOD DU RDO RJE'I THOD 'CHING BA, ,LANGS NAS COD PAN RAB TU G-YOS, ,DKYIL 'KHOR MTHON PO THAMS CAD DU, ,SKAD BER CHEN POR YONGS BKANG NAS, , NOR BU'I RGYAN NI RNAM G-YO ZHING, ,HA HA GRAGS PA'I SGRA SGROGS TE, ,KYE MA SANGS RGYAS YON TAN CHE, ,BSKAL PA GRANGS MED GSUM BSAGS PA, ,BYANG CHUB SEMS SOGS MCHOG RNAMS KYIS, ,MTSAN BRGYA RTZA BRGYAD LEGS PAR BRJOD, ,KYE MA RNYED DANG BDE 'BYUNG BA, ,MTSAN BRGYA RTZA BRGYAD THOS NAS KYANG, ,GANG ZHIG KLOG CING RGYAL LA BSTOD, ,'BRAS BU CHEN PO 'GRUB PAR 'GYUR, ,MTSAN BRGYA RTZA BRGYAD SNGAGS BCAS PA, ,BCOM LDAN 'DAS DRUNG BRJOD NA NI, ,SGRIB DANG KUN NAS NYON MONGS DANG, ,SDIG PA THAMS CAD DAG PA THOB, , MTSAN BRGYA RTZA BRGYAD MCHOG BTON NA, ,SGRIB PA KUN LAS NGES GROL ZHING, ,NYON MONGS MTHA' DAG RNAM PAR SPONG, ,SHES RAB CHE BA NYID DU 'GYUR, ,DE NI LONGS SPYOD CHEN PO DANG, ,BDE BA LAS KYANG NYAMS MI 'GYUR, ,DE NI TSE RABS THAMS CAD DU, ,BLO LDAN TSE RABS DRAN PAR 'GYUR, ,DE NAS RDO RJE'I THOD 'CHING BA, ,YON TAN MTHA' YAS SRAS DE LA, ,
, ,BCOM LDAN BDUD LAS RGYAL PA YIS, ,MNGON SUM GZIGS NAS BKA' STZAL PA, ,RGYAL BA'I SA 'DI ZHI BA STE, ,NGA RGYAL LA SOGS NYON MONGS 'JOMS, ,'JIG RTEN BDE BA KUN LAS 'DAS, ,DE BZHIN GSHEGS BDE MNGON DU PHYOGS, ,GZHAN GYI MI TSUGS GZUNGS DANG NI, ,MTSAN BRGYA RTZA BRGYAD NYAN BYED PA, , DE DAG RNAM DAG BDAG NYID DE, ,SEMS CAN KUN LA BDE 'DOD PA, ,LAN GCIG THOS PA TZAM GYIS KYANG, ,DE DAG SA CHEN 'BRAS BUR GNAS, ,RING POR MI THOGS DGA' 'GYUR NA, ,'CHANG SOGS LTA LA CI ZHIG SMOS, ,DE PHYIR RTAG TU RAB BSGRIMS LA, ,GTAN DU BDE BA 'DOD PA YIS, ,YON TAN RGYA MTSO LDAN PA'I GZUNGS, ,MNYAN PAR BYA ZHING BCANG PAR BYA, ,GANG ZHIG NANG PAR LANGS NAS BRJOD, ,BDAG NYID KYIS KYANG BTON NA NI, ,DE YI DON KUN 'GRUB 'GYUR LA, ,GNOD PA DANG YANG PHRAD MI 'GYUR, ,'DI NI YON TAN KUN GYI SNOD, ,DGE BA PHUN SUM TSOGS SBYIN PA, ,KUN MKHYEN 'BRAS BU BLA MED MCHOG ,BDE 'BYUNG THOB PAR BYED PA YIN, ,'BRAS BU 'BYOR PA CI YANG RUNG; ;THOB PAR MI 'GYUR DOGS PA MED, ,KUN MKHYEN GO 'PHANG THOB GYUR NAS, ,DPE MED GNAS SU 'GRO BAR 'GYUR, ,'DI NI DGE ZHING 'BRAS BUR LDAN, ,SANGS
RGYAS SA YI 'BRAS BU SBYIN, ,YID DU 'ONG ZHING YON TAN LDAN, ,SNYING RJE DRI MA MED SBYIN PA, ,'DI NI MNYAM PA NYID KYI MDO, ,'JIG RTEN KUN GNAS DGA' BA STE, ,'JIG RTEN KUN GYI BDE 'BYUNG BA, ,'DI DANG 'DRA BA GANG YANG MED, ,STON PA SANGS RGYAS BCOM LDAN 'DAS KYI MTSAN BRGYA RTZA BRGYAD PA GZUNGS SNGAGS DANG BCAS PA RDZOGS SO,, ,,