,,#, ,RGYA GAR SKAD DU, A'ARYA BI SHE shA BA TI N'A MA DH'A RA nI, BOD SKAD DU, 'PHAGS PA KHYAD PAR CAN ZHES BYA BA'I GZUNGS, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS SBRUL GYI LO'I DGUN ZLA RA BA TSES NYI SHU LA YUL PHUG RON CAN NA, GRONG KHYER SINYTZO ZHES BYA BA'I GTZUG LAG KHANG NA BZHUGS TE, DE'I TSE DGE SLONG TSE BRJOD CES BYA BA DON ZHIG GI PHYIR, GRONG KHYER GNAS SONG ZHES BYA BAR SONG STE, DGE SLONG DE RGYA YUL GYI GRONG KHYER NAS DPAG TSAD BRGYA'I LAM DU PHYIN PA DANG, DGE SLONG DES BAR DER MI LUS CHEN PO KHRUN DU MTHO SUM CU YOD PA, BZHIN MTHO [?] BZHI PA ZHIG RGYANG RING PO NAS MTHONG NGO, ,MTHONG NAS KYANG DGE SLONG TSE BRJOD DES MI DE LTA BU DE LA 'DI SNYAM DU BSAMS TE, KYE MA, MI 'DI NI LUS CHE STE, 'DI NI 'JAM DPAL GZHON NUR GYUR BA YIN DU NGES SO SNYAM NAS, DES PUS MO GNYIS KA'I LHA NGA SA LA BTZUGS TE, MI LUS CHEN PO GA LA BA DE LOGS SU
THAL MO SBYAR BA BTUD NAS, MI LUS CHEN PO DE LA 'DI SKAD CES SMRAS SO, ,CI KHYOD 'JAM DPAL GZHON NUR GYUR PA STE, 'DI NA GDA' 'AM, 'JAM DPAL GYIS SMRAS PA, DGE SLONG, DE DE BZHIN NO, ,DGE SLONG DES SMRAS PA, 'JAM DPAL, KHYOD CI'I SLAD DU 'DI NA GDA', 'JAM DPAL GZHON NUR GYUR PAS SMRAS PA, DGE SLONG, 'DZAM BU'I GLING 'DIR SEMS CAN RNAMS LA NAD RNAM PA SNA TSOGS PA 'BYUNG STE, GNOD SBYIN DANG, LHA MA YIN DANG, NAM MKHA' LDING DANG, DRI ZA RNAMS RI'I RGYAL PO RI RAB KYI NGOS GCIG LA GNAS SO, ,DES NYI ZLA'I 'OD KYANG MI MNGON, NYI MA DANG, ZLA BA DANG, GZA' DANG, RGYU SKAR RNAMS KYANG NAM MKHA'I BAR SKABS NA MI SNANG NGO, ,DE'I TSE LHA DANG, LHA MA YIN KYANG G-YUL 'GYED DE, G-YUL BKYE BA DANG, LHA RNAMS NI PHAM, LHA MA YIN RNAMS NI RGYAL TE, DE'I TSE 'BYUNG PO DANG, YI DVAGS RNAMS BUD MED KYI GZUGS KYIS SEMS CAN RNAMS LA NAD GTONG STE, 'DI LTA STE, LKOG MA'I LHA GOR DANG, 'BRUM PHRAN DANG, ME DBAL DANG, LTO BA NA BA DANG, RIMS NYIN GCIG PA DANG, NYIN GNYIS PA DANG, NYIN GSUM PA DANG, NYIN BZHI PA DANG, RLUNG LAS GYUR PA DANG, MKHRIS PA LAS GYUR PA DANG, BAD KAN LAS GYUR PA DANG, 'DUS PA LAS GYUR
, ,PA DANG, KLAD PA NA BA DANG, PHOL MIG DANG, G-YAN PA DANG, TSAD PA DANG, MIG NAD LA SOGS PA NYE BAR SGRUB PO, ,'DI LTA STE, CHAR CHES PA DANG; THAN PA DANG, DUS MA YIN PA'I CHAR GYIS LO TOG PHUN SUM TSOGS PA'I 'OD 'PHROG, SEMS CAN RNAMS KYI MDANGS 'PHROG ,TSE DANG, STOBS DANG, MDOG DANG; GZUGS 'PHROG STE, DE'I TSE 'DZAM BU'I GLING NA SEMS CAN THAMS CAD NAD SNA TSOGS KYIS YONGS SU NYEN TO, ,GTUM PO SENG GE DANG, SPYANG KI DANG, STAG DANG, SBRUL LA SOGS PA'I GZUGS KYIS SEMS CAN RNAMS KYI MDANGS 'PHROG STE, 'DZAM BU'I GLING GI SEMS CAN RNAMS LA DUS MA YIN PAR CHUD ZA BA NYE BAR GNAS PAS SEMS CAN RNAMS NAD LAS THAR BAR BYA BA YANG DKA' STE, 'DZAM BU'I GLING 'DIR SEMS CAN RGAN PA DANG, BAR MA DANG, GZHON PA DAG LAS DKRIGS PHRAG SUM CU 'CHI BAR 'GYUR RO, ,DE'I PHYIR NGA DGE SLONG KHYOD KYI GAN DU 'ONGS KYI, KHYOD KYIS 'DZAM BU'I GLING GI SEMS CAN THAMS CAD LA CHOS KYI RNAM GRANGS 'DI SGROGS SHIG , DE CI'I PHYIR ZHE NA, 'DZAM BU'I GLING PA'I SEMS CAN THAMS CAD NI, 'DI SNYAM DU BDAG CAG JI LTAR SDUG BSNGAL GYIS BCINGS PA THAMS CAD LAS THAR BAR
'GYUR SNYAM DU RE BA'I PHYIR RO, ,DE LTA BAS NA, DGE SLONG, KHYOD KYIS SEMS CAN THAMS CAD LA MDO 'DI SGROGS TE, SEMS CAN THAMS CAD LA DGE BA'I RTZA BA BSKYED PA'I PHYIR NAN TAN GYIS SHIG ,DKON MCHOG GSUM LA RTAG PAR RGYUN DU DAD PAR GYIS SHIG, LHA RJED CIG ,DE BZHIN GSHEGS PA'I MCHOD RTEN RNAMS SAM, SKU GZUGS RNAMS LA SPOS DANG, ME TOG DANG, BDUG PA RNAMS KYIS MCHOD PAR GYIS SHIG ,KHYAD PAR CAN GYI GZUNGS KYANG LHOGS SHIG ,NYI MA BDUN YAN LAG BRGYAD PA DANG LDAN PA'I GSO SBYONG LA NYE BAR GNAS PAR GYIS SHIG, BCOM LDAN 'DAS DE BZHIN GSHEGS PA BLO YANGS ZAB MO 'BRUG BSGRAGS RGYAL PO LA PHYAG 'TSAL LO, ,'DI LTA STE, TADYA TH'A, BI PU LA GARDZI TE, BI PU LA SV'A RE, BI PU LA YO NI SHE ,AA NA LA SE, AA NA LA SAm BHA BE, AA NA LA SE, AA NA LA SAm BHA BE, AA LA SA GA TIm GA TE SV'AH'A, DE BZHIN GSHEGS PA SGRIB PA THAMS CAD RNAM PAR SEL BA LA PHYAG 'TSAL LO, ,TADYA TH'A, HE MA HE MA, HA MA HA MA SV'AH'A, DE BZHIN GSHEGS PA 'OD DPAG MED LA PHYAG 'TSAL LO, ,TADYA TH'A, AA MI TOBBHA BE; AA MI TA SAMBHA BE, AA MI TA BI KR'ANTE, AA MI TA BI KR'ANTI KA RE, AA MI TA GA GA NA K'IRTI KA RE SV'AH'A, DE BZHIN GSHEGS PA YON TAN 'BYUNG GNAS LA PHYAG 'TSAL LO, ,TADYA TH'A,
, ,GA GA NA SA, A'A KA RA, GA GA NA SAMBHA BI, GA GA NA KIRTI KA RE SV'AH'A, DE BZHIN GSHEGS PA KUN NAS SPOS MCHOG LA PHYAG 'TSAL LO, ,TADYA TH'A, SA MA SA ME SV'AH'A, DE BZHIN GSHEGS PA GZHAN GYIS MI THUB PA'I RGYAL MTSAN GYIS 'BRUG BSGRAGS GSHEGS PA LA PHYAG 'TSAL LO, ,TADYA TH'A, AA SA MA SA ME SV'AH'A, DE BZHIN GSHEGS PA NGA RGYAL GNON LA PHYAG 'TSAL LO, ,TADYA TH'A, MA NA BI SHUDDHE, PADME SHVA RE, PADMA SAM BHA BE, KING KA RA, HI TAm KA R'I YE SV'AH'A, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SGRIB PA THAMS CAD RNAM PAR SEL BA LA PHYAG 'TSAL LO, ,TADYA TH'A, SHVE TA KA RA BHE DZA LI NE SV'AH'A, DZA MA BHA NE, STAMBHA NE, MO HA NE SV'AH'A, POOntA RI K'A YA SV'AH'A, HO ME DHARME, DHARM'A TZANTA YE SV'AH'A, DHA RE BHI DHA RE, KA LA RI [?] SGA [?] RU TA YE SV'AH'A, SHANTA K'ANNA NIRBA PA n+YEE SV'AH'A, DHU RU DHU RU, BI DU RU DHI YE SV'AH'A, BI LA MA PRA TZUND'A YEE SV'AH'A, AA BA LO KI TE, BI LO KI T'A YEE SV'AH'A, A'ADZNY'A NA BI DHA MA N+YEE SV'AH'A, PADMA SV'A RE, PADMA SAm BHA BE, KIR KA RE, HI TANG KA RI YE SV'AH'A, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,TADYA TH'A, TZANDRA PRA DHE, TZANDRA NA GARBHE,
TZANDRA TZ'URnE, KE KEE LA SA BA TI, SARBA BUDDHA, AA DHI shthI TA AA NU MO DI TE SV'AH'A, BYANG CHUB SEMS DPA' 'PHAGS PA 'JAM DPAL LA PHYAG 'TSAL LO, ,TADYA TH'A, DZA YE DZA YE, DZA YA LA BHE, DZA YA MAH'A MA HE SV'AH'A, BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS DBANG PHYUG LA PHYAG 'TSAL LO, ,TADYA TH'A, GA GA NA AARYE, GA GA NA SA MUNG+GA TE, GA GA NA BI KR'AN TA, BI KR'AN TA, AE DZE MI DZI, PAD MO MO DZI SV'AH'A, BYANG CHUB SEMS DPA' KUN TU BZANG PO LA PHYAG 'TSAL LO, ,TADYA TH'A, HE BHA DRE, MAH'A BHA DRE, AA TI BHA DRE, SA MANTA BHA DRE; BI GA TA R'A DZA SE, MAH'A BI GA TA R'A DZA SE, AA TI BI GA TA R'A DZA SE, HE MA BA TI, KARMA A'A BA RA nA BI SHO DHA NE SV'AH'A, BYANG CHUB SEMS DPA' 'PHAGS PA BYAMS PA LA PHYAG 'TSAL LO, , TADYA TH'A, MEE TRI MEE TRI, MEE TRI MA NA SE SV'AH'A, BYANG CHUB SEMS DPA' 'PHAGS PA NAM MKHA'I SNYING PO LA PHYAG 'TSAL LO, ,TADYA TH'A, GARBHE GARBHE, GARBHA BI SHO DHA NE SV'AH'A, BYANG CHUB SEMS DPA' 'PHAGS PA BLO GROS MI ZAD PA LA PHYAG 'TSAL LO, ,TADYA TH'A, AAKshA YE NU, AAKshA YE PHU, AAKshA YA KARMA BI SHO DHA NE PHU SV'AH'A, BYANG CHUB SEMS DPA' 'PHAGS PA DRI MA MED PAR GRAGS PA LA PHYAG 'TSAL LO, ,TADYA TH'A, K'IRTI T'A, SARBA DZI NEE, AA BHI K'IRTA T'A, SARBA DZI NEE, BADZR'A AA KA RE, BADZRA SAMBHA BE, BADZRA BE D'A K'A RE SV'AH'A, BYANG CHUB
, ,SEMS DPA' SGRIB PA THAMS CAD RNAM PAR SEL BA LA PHYAG 'TSAL LO, ,TADYA TH'A, SARBA A'A BAR nA BI SKAM BI n+YEE SV'AH'A, DH'A TU BI KA RA n+YEE SV'AH'A, ME GHA BI SPHO tA ME SV'AH'A, AA PA R'A DZI TA K'A YEE SV'AH'A, BA LA DAD n+YEE SV'AH'A, BO DHYANG DAD n+YEE SV'AH'A, KARMA NIRBHA BI TA K'A YE SV'AH'A, AE K'A R'A MA YEE SV'AH'A, YO G'A TZA R'A YEE SV'AH'A, SARBA BUDDHA BHI shI KA T'A YEE SV'AH'A, PRAHMO BA KU T'A YE SV'AH'A, SARBA DHARMMA AA BI shI KA T'A YE SV'AH'A, SARBA BUDDHA AA BHI shI TA YEE SV'AH'A, AE KA SHRING+GA YEE SV'AH'A, AA SHRING+GA YE SV'AH'A, BH'U T'A YEE SV'AH'A, AA SAm BH'U T'A YEE SV'AH'A, SARBA DU: KHO PRA SHA MA n+YEE SV'AH'A, ZLA 'OD GZHON NUR GYUR PA LA PHYAG 'TSAL LO, ,TADYA TH'A, TZANDRA PRA BHE, SU PRA BHE, PRA BH'A AA KA RA, PRA BHOTKA TE, PRA BHOTKA TE, PRA BHA BA TI, PRA BHA BA TI, DHARMA BI SHUDHE, KARM'A BI SHU DHIRBHA TU ME SV'AH'A, TSE BRJOD, GANG LA LA ZHIG RIG SNGAGS 'DIS NYIN ZHAG BDUN DU NYIN LAN BDUN MTSAN LAN BDUN DU BYAB PA BYAS NA, DE'I LAS KYI SGRIB PA MA LUS PA RNAM PAR DAG PAR 'GYUR RO, ,DGE SLONG BDUN LA ZAS SBYIN NO, ,ME LAS ME SPEL BAR BYA'O, , MTSAN MO MAR ME THOGS TE MCHOD RTEN LA BSTI STANG DU BYAS LA SKOR BA BYA'O, ,DAM PA'I CHOS BRI BA DANG, BKLAG PA LA BRTZON PAR BYA'O, ,GAL TE YAMS KYI NANG
CHER BYUNG NA KHYIM NAS KHYIM DANG, GRONG NAS GRONG DANG, GRONG KHYER NAS GRONG KHYER DU GAN DHA RA SA'I BDUG PA DANG, GTOR MA DANG, LHA BSHOS KYIS MCHOD PA BYA'O, ,NAD PA GANG YIN PA DES KYANG CHO GA 'DI BZHIN DU BYAS NA DE MYUR DU NAD LAS THAR BAR 'GYUR RO, ,DE NAS YANG 'JAM DPAL GZHON NUR GYUR PAS, DGE SLONG TSE BRJOD LA 'DI SKAD CES SMRAS SO, ,DGE SLONG, RIGS KYI BU 'AM, RIGS KYI BU MO GANG LA LA ZHIG CHOS KYI RNAM GRANGS 'DI 'DZIN TAM, KLOG GAM, YI GER 'DRI 'AM, YI GER 'DRIR 'JUG GAM; GZHAN DAG LA YANG RGYA CHER YANG DAG PAR STON NA, DE BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR 'GYUR RO, ,YANG 'JAM DPAL GZHON NUR GYUR PAS DGE SLONG TSE BRJOD LA 'DI SKAD CES SMRAS SO, ,CHOS KYI RNAM GRANGS 'DI CI NAS SKYE BO THAMS CAD KYI RNA LAM DU GRAG PAR 'GYUR BAR YUL NAS YUL DANG, GRONG KHYER NAS GRONG KHYER DANG, GRONG NAS GRONG DU BSKUR BAR BYA'O, ,YANG 'JAM DPAL GZHON NUR GYUR PAS DGE SLONG TSE BRJOD LA 'DI SKAD CES SMRAS SO, ,TSE BRJOD, RIGS KYI BU'AM, RIGS KYI BU MO GANG LA LA ZHIG CHOS KYI RNAM GRANGS 'DI LAN GCIG BKLAGS NA DE BDAG NYID THAR BAR 'GYUR RO, ,SUS LAN GNYIS BKLAGS NA DE BU
, ,DANG; CHUNG MA DANG, LHAN CIG THAR BAR 'GYUR RO, ,SUS LAN GSUM BKLAGS NA DE RTZA LAG GI TSOGS KYI SKYE BA DANG BCAS TE THAR BAR 'GYUR RO; ;SUS LAN BZHI BKLAGS NA DE YUL 'KHOR THAMS CAD KYANG THAR BAR 'GYUR RO, ,SUS LAN LNGA BKLAGS NA DE NYE 'KHOR GYI RGYAL PO DANG BCAS PA THAR BAR 'GYUR RO; ;YANG 'JAM DPAL GZHON NUR GYUR PAS, DGE SLONG TSE BRJOD LA 'DI SKAD CES SMRAS SO, ,CHOS KYI RNAM GRANGS 'DI MYUR DU YUL GZHAN DAG TU BSKUR BAR BYA STE, DER YANG YON TAN 'DI DAG 'BYUNG BAR 'GYUR RO, ,TSE BRJOD, GANG GIS CHOS KYI RNAM GRANGS 'DI THOS LA MI 'DZIN TAM, MI KLOG GAM, YI GER MI 'DRI 'AM, YI GER 'DRIR MI 'JUG GAM, KUN CHUB PAR MI BYED DAM, GZHAN DAG LA YANG RGYA CHER YANG DAG PAR RAB TU MI STON TAM, YUL GZHAN DU MI 'BYIN TAM, SEMS CAN THAMS CAD DANG THUN MONG DU BYAS TE MI NYAN TAM, BLA NA MED PA YANG DAG PAR RDZOGS PA'I BYANG CHUB TU YONGS SU MI BSNGO NA MTSAMS MED PA LNGA BYED PA RNAMS KYI 'GRO PA CI 'DRA BA DE 'DRA BAR MNGON PAR 'GRUB STE, SANGS RGYAS DANG, BYANG CHUB SEMS DPA' THAMS CAD KYIS SMAD PA'O, ,YANG 'JAM DPAL GZHON NUR GYUR PAS DGE SLONG TSE
BRJOD LA 'DI SKAD CES SMRAS SO, ,TSE BRJOD, SU ZHIG 'DI TSAD MAR MI BYED PA DE NI NGAS THOG MA NYID DU DAD PAR BYAS PA MA YIN NO, ,JI LTAR 'DZAM BU'I GLING GI SEMS CAN THAMS CAD BDE BAR 'GYUR BAR BYA BA'I PHYIR, NGA RI'I RGYAL PO RI RAB LA SONG STE, LHA DANG, DRI ZA RNAMS LA RJES SU BSTAN PA DANG MTHUN PAR SBYAR BAR BYA BA'I PHYIR NAN TAN BYA'O, ,DE SKAD CES SMRAS NAS 'JAM DPAL GZHON NUR GYUR PA MI SNANG BAR GYUR TO, ,DGE SLONG TSE BRJOD KYIS KYANG 'JAM DPAL GZHON NUR GYUR PAS SMRAS PA LA MNGON PAR BSTOD DE BZUNG NAS SONG NGO, ,'PHAGS PA KHYAD PAR CAN ZHES BYA BA'I GZUNGS RDZOGS SO,, ,,RGYA GAR GYI MKHAN PO DZIN MI TRA DANG, D'A NA SH'I LA DANG, ZHU CHEN GYI LOTZTSA BA BANDE YE SHES SDES BSGYUR CING ZHUS TE SKAD GSAR BCAD KYIS KYANG BCOS NAS GTAN LA PHAB PA,