87 · GMLW-003862

An Exalted Sutra of the Greater Way entitled "The Account of Kashyapa" (Ārya Kāśyapa Parivarta Nāma Mahāyāna Sūtra)

'PHAGS PA 'OD SRUNG GI LE'U ZHES BYA BA THEG PA CHEN PO'I MDO
נושאי-מדףSubjects:
DKON BRTZEGSPile of Jewels (Ratna Kūṭa)
נושאיםTopics:Middle-Way Philosophyno self-naturethe Greater WayWisdomMoralityMindCyclic LifeEnlightenmentGivingJoyous EffortKarmaNirvanaSufferingVirtuea Mental Afflictionignorancethe Buddha
חיי היום-יוםDaily life:daily practice
נמצא בfound inPile of Jewels (Ratna Kūṭa)
מספר טוהוקוTohoku numberToh 87 · Ratnakuta
מהדורהrecensionDerge
כותרת בסנסקריטSanskrit titleA'ARYA K'A SHYA PA PA RI BRTA N'A MA MAH'A Y'A NA S'U TRA
כניעה לhomage toSANGS RGYAS DANG BYANG CHUB SEMS DPA' THAMS CAD
הפנדיטה ההודיIndian panditaDZI NA MI TRA
הלוצאווה הטיבטיTibetan lotsawaBAN DE YE SHES SDES
פוליוfolios211a–260a
צורהformmixed
מצב תרגוםtranslationno English of the text
גשה מייקל לימד אותו בGeshe Michael taught it inDiamond Cutter Classics · Illumination of the True Thought
כיסוי המילון לכותרתdictionary coverage of the title100%
ז'אנרgenreRoot Texta sutra — the word of the Buddha, spoken on Vulture Peak; the colophon places it as the forty-third gathering of the Pile of Jewels
אנשים ומקומותpeople and places named'OD SRUNG · DZI NA MI TRA · SH'I LENDRA BO DHI · ZHU CHEN GYI LO TZ'A BA BAN DE YE SHES SDEthe whole sutra is addressed to Kashyapa by name, and the colophon names the two Indian abbots and the chief editor-translator
רמת קושיlevelintermediate
לחיי היום־יוםfor daily lifedaily practice
הכותרת אומתה מול הטקסטtitle verified against the textyesthe opening gives the Sanskrit A'ARYA K'A SHYA PA PA RI BRTA and the Tibetan 'PHAGS PA 'OD SRUNG GI LE'U, and the closing line repeats the Tibetan

הקבציםThe files

KL00087E_'PHAGS PA 'OD SRUNG GI LE'U ZHES BYA BA THEG PA CHEN PO'I MDO_An Exalted Sutra of the Greater Way entitled "The Account of Kashyapa" (Ārya Kāśyapa Parivarta Nāma Mahāyāna Sūtra).txt/8. DKON BRTZEGS_Pile of Jewels (Ratna Kūṭa)/VOL 6 (CHA)

הטקסטThe text

טיבטיתTibetanKL00087E_'PHAGS PA 'OD SRUNG GI LE'U ZHES BYA BA THEG PA CHEN PO'I MDO_An Exalted Sutra of the Greater Way entitled "The Account of Kashyapa" (Ārya Kāśyapa Parivarta Nāma Mahāyāna Sūtra).txt121,922 תוויםcharacters
211a

RGYA GAR SKAD DU, A'ARYA K'A SHYA PA PA RI BRTA N'A MA MAH'A Y'A NA S'U TRA, BOD SKAD DU, 'PHAGS PA 'OD SRUNG GI LE'U ZHES BYA BA THEG PA CHEN PO'I MDO, BAM PO DANG PO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS, RGYAL PO'I KHAB BYA RGOD PHUNG PO'I RI LA DGE SLONG

211b

BRGYAD STONG GI DGE 'DUN CHEN PO DANG, BYANG CHUB SEMS DPA' SANGS RGYAS KYI ZHING SNA TSOGS NAS 'DUS PA KHRI DRUG STONG THAMS CAD KYANG 'DI LTA STE, BLA NA MED PA YANG DAG PAR RDZOGS PA'I BYANG CHUB TU SKYE BA GCIG GIS THOGS PA SHA STAG DANG THABS GCIG TU BZHUGS TE, DE'I TSE NA TSE DANG LDAN PA 'OD SRUNG CHEN PO 'KHOR DE NYID DU 'DUS PAR GYUR NAS 'DUG GO; DE NAS BCOM LDAN 'DAS KYIS TSE DANG LDAN PA 'OD SRUNG CHEN PO LA BKA' STZAL PA, 'OD SRUNG, CHOS BZHI PO 'DI DAG NI BYANG CHUB SEMS DPA'I SHES RAB YONGS SU NYAMS PAR 'GYUR BA STE, BZHI GANG ZHE NA, 'DI LTA STE, CHOS DANG CHOS SMRA BA LA MI GUS PA YIN, CHOS LA SER SNA BYED CING CHOS LA SLOB DPON GYI DPE MKHYUD BYED PA YIN, CHOS 'DOD PA'I GANG ZAG RNAMS LA CHOS KYI BAR CHAD BYED CING 'DUN PA ZLOG PAR BYED, RNAM PAR 'KHRUG PA BYED DE, MI STON CING RAB TU 'CHAB PA YIN, MNGON PA'I NGA RGYAL GYIS BDAG LA BSTOD CING GZHAN LA SMOD PA YIN TE, 'OD SRUNG, CHOS BZHI PO DE DAG NI BYANG CHUB SEMS DPA'I SHES RAB YONGS SU NYAMS PAR 'GYUR BA'O, ,DE LA 'DI SKAD CES BYA STE, CHOS SMRA BA LA GUS PA MED PA YIN, ,CHOS LA SER SNA BYED PAR GYUR PA DANG, ,CHOS LA SLOB DPON DPE MKHYUD BYED PA YIN, ,CHOS 'DOD RNAMS LA BGEGS NI BYED GYUR CING, ,'DUN PA BZLOG LA DE BZHIN

212a

, ,RNAM 'KHRUG BYED, ,RGYAL BAS BSNGAGS PA'I CHOS NI YONG MI STON, LE LO CAN TE BDAG BSTOD RTAG TU BRTZON, ,GZHAN LA SMOD PAR BYED LA MNGON PAR DGA'; ;CHOS BZHI 'DI DAG RGYAL BA'I SRAS RNAMS KYI, ,SHES RAB NYAMS PAR 'GYUR BAR RGYAL BAS GSUNGS, ,CHOS BZHI 'DI DAG RAB TU SPANGS BYAS LA, ,RGYAL BAS GSUNGS PA'I CHOS BZHI GZHAN BSGOM MO, ,'OD SRUNG, CHOS BZHI PO 'DI DAG NI BYANG CHUB SEMS DPA'I SHES RAB CHEN POR 'GYUR BA STE, BZHI GANG ZHE NA, 'DI LTA STE, CHOS DANG CHOS SMRA BA LA GUS PA DANG BCAS PA YIN, ZANG ZING MED PA'I SEMS KYIS RNYED PA DANG BKUR STI DANG TSIGS SU BCAD PA LA MI RE BAR JI LTAR THOS PA DANG, JI LTAR KHONG DU CHUD PA'I CHOS RNAMS GZHAN DAG LA RGYA CHER YANG DAG PAR RAB TU STON PAR BYED PA YIN, MANG DU THOS PA LAS SHES RAB 'BYUNG BAR RIG NAS, MGO 'AM GOS LA ME 'BAR BA BZHIN DU THOS PA YONGS SU TSOL ZHING JI LTAR THOS PA'I CHOS RNAMS 'DZIN PAR BYED PA YIN, NAN TAN SNYING POR BYED KYI, SMRA BA DANG BRJOD PA'I TSIG LHUR LEN PA MA YIN TE, 'OD SRUNG, CHOS BZHI PO 'DI DAG NI BYANG CHUB SEMS DPA'I SHES RAB CHEN POR 'GYUR BA'O, ,DE LA 'DI SKAD CES BYA STE, CHOS SMRA BA LA GUS PA DANG BCAS PA YIN, ,ZANG ZING MED CING RNYED DANG BKUR STI LA, ,RE BA MED CING

212b

TSIGS BCAD MI SEMS PAR, ,JI LTAR THOS PA'I CHOS RNAMS GZHAN LA STON, ,THOS LAS SHES RAB 'BYUNG BAR DES RIG NAS, ,MGO LA 'BAR BZHIN RTAG TU THOS PA TSOL, ,DE NI JI LTAR THOS PA'I CHOS RNAMS 'DZIN, ,CHOS BZUNG NAS NI NAN TAN BYA PHYIR GNAS, ,MKHAS DE NAN TAN SNYING POR BYED PA YIN, ,TSIG LHUR MI LEN SMRA BA LHUR MI LEN, ,MKHAS PAS CHOS BZHI 'DI DAG BSTEN BYAS NA, ,RGYAL BAS BSNGAGS PA'I SHES RAB THOB PAR 'GYUR, ,'OD SRUNG, BYANG CHUB SEMS DPA' CHOS BZHI DANG LDAN NA, BYANG CHUB KYI SEMS BRJED PAR 'GYUR TE, BZHI GANG ZHE NA; 'DI LTA STE, SLOB DPON DANG, BLA MA DANG, SBYIN GNAS LA SLU BA DANG, GZHAN 'GYOD PA MED PA DAG LA 'GYOD PA NYE BAR BSGRUB PA DANG, THEG PA CHEN PO LA YANG DAG PAR ZHUGS PA'I SEMS CAN RNAMS LA BSNGAGS PA MA YIN PA DANG, MI SNYAN PA DANG, BRJOD PA MA YIN PA'I SGRA TSIGS SU BCAD PA 'BYIN PA DANG, SGYU DANG G-YOS GZHAN LA NYE BAR SPYOD KYI, LHAG PA'I BSAM PAS MA YIN PA STE, 'OD SRUNG, BYANG CHUB SEMS DPA' CHOS BZHI PO DE DAG DANG LDAN NA BYANG CHUB KYI SEMS BRJED PAR 'GYUR RO, ,DE LA 'DI SKAD CES BYA STE, SBYIN GNAS BLA MAS BSGO BZHIN MI BYED DANG, ,GZHAN DAG LA YANG THE TSOM NYER BSGRUB DANG, ,SEMS CAN GANG DAG BYANG CHUB RAB ZHUGS PA, ,DE LA BSNGAGS MIN MI SNYAN SMRA BA DANG, ,SGYU DANG G-YO DANG RGYAN LA

213a

, ,DOR BYED PAS, ,GZHAN LA BRTEN GYI BSAM PAS MA YIN PA, ,CHOS BZHI 'DI DAG KUN DU BSTEN BYAS NA, ,SANGS RGYAS BYANG CHUB SEMS MCHOG NYAMS PAR 'GYUR, ,DE LTA BAS NA CHOS 'DI STEN BYED NA, ,BYANG CHUB MCHOG LAS DE NI RING BAR 'GYUR, ,DE LAS BZLOG PA STEN PAR BYED NA NI, ,BYANG CHUB MCHOG RAB BSNGAGS PA REG PAR 'GYUR, , 'OD SRUNG, BYANG CHUB SEMS DPA' CHOS BZHI DANG LDAN NA SKYE BA THAMS CAD DU SKYES MA THAG TU BYANG CHUB KYI SEMS MNGON DU 'GYUR TE, BYANG CHUB KYI SNYING PO LA 'DUG GI BAR DU BAR MA DOR BRJOD PAR MI 'GYUR RO, ,BZHI GANG ZHE NA, 'DI LTA STE, SROG GI PHYIR RAM, THA NA BZHAD GAD KYI PHYIR YANG RDZUN GYI TSIG MI SMRA BA DANG, SGYU DANG G-YO MED PAR SEMS CAN THAMS CAD KYI DRUNG NA LHAG PA'I BSAM PAS GNAS PA DANG, BYANG CHUB SEMS DPA' THAMS CAD LA STON PAR 'DU SHES SKYED CING, DE DAG GI YANG DAG PA'I BSNGAGS PA PHYOGS BZHIR BRJOD PA DANG, NYI TSE BA'I THEG PA MI 'DOD PA'I PHYIR SEMS CAN GANG RNAMS YONGS SU SMIN PAR BYED PA DE DAG THAMS CAD KYANG, BLA NA MED PA YANG DAG PAR RDZOGS PA'I BYANG CHUB YANG DAG PAR 'DZIN DU 'JUG PA STE, 'OD SRUNG, CHOS BZHI PO DE DAG DANG LDAN PA'I BYANG CHUB SEMS DPA' SKYE BA THAMS CAD DU SKYES MA THAG TU BYANG CHUB KYI SEMS MNGON DU GYUR TE, BYANG CHUB KYI SNYING

213b

PO LA 'DUG GI BAR DU BAR MA DOR BRJED PAR MI 'GYUR RO, ,DE LA 'DI SKAD CES BYA STE, SROG GI PHYIR YANG RDZUN TSIG MI SMRA ZHING, ,RTAG TU DON DANG LDAN PA'I TSIG RNAMS SMRA, ,SGYU DANG G-YO NI RTAG TU RNAM SPANGS TE, ,LHAG PA'I BSAM PAS RTAG TU SEMS CAN LTA, ,SEMS CAN DAG PA BYANG CHUB GANG ZHUGS PA, ,BYANG CHUB SEMS DPA' DE LA STON PAR SEMS, ,STON PA'I 'DU SHES NYE BAR BZHAG NAS KYANG, ,DE DAG BSNGAGS PA PHYOGS BZHIR RJOD PAR BYED, ,SEMS CAN GANG DAG YONGS SU SMIN BYED PA, ,BLA MED YE SHES YANG DAG 'DZIN DU 'JUG , CHOS DE DAG LA RAB TU GNAS PA RNAMS, ,BYANG CHUB SEMS NI NAM YANG BRJED MI 'GYUR, ,'OD SRUNG, BYANG CHUB SEMS DPA' CHOS BZHI DANG LDAN PA'I DGE BA'I CHOS SKYES SHING BYUNG BA RNAMS YONGS SU ZAD PAR 'GYUR TE, DGE BA'I CHOS DE DAG GIS RGYAS PAR MI 'GYUR RO, ,BZHI GANG ZHE NA, 'DI LTA STE, MNGON PA'I NGA RGYAL GYIS 'JIG RTEN RGYANG PAN PA'I GSANG TSIG TSOL BA DANG, RNYED PA DANG BKUR STI LA LHAG PAR ZHEN PAS KHYIM LA LTA BA DANG, BYANG CHUB SEMS DPA' LA RNAM PAR SDANG ZHING SKUR PA 'DEBS PA DANG, MA THOS PA DANG MA ZIN PA'I MDO SDE RNAMS SPONG BA STE, 'OD SRUNG, BYANG CHUB SEMS DPA' CHOS BZHI PO DE DAG DANG LDAN PA'I DGE BA'I CHOS SKYES SHING BYUNG BA RNAMS YONGS SU ZAD PAR 'GYUR TE, DGE BA'I CHOS DE

214a

, ,DAG GIS RGYAS PAR MI 'GYUR RO, ,DE LA 'DI SKAD CES BYA STE, NGA RGYAL GYIS NI 'JIG RTEN RGYANG PAN TSOL, ,RNYED KYI PHYIR NI MI LA SBYOR BAR BYED, ,BYANG CHUB SEMS DPA' SANGS RGYAS SRAS LA SDANG, ,DE DAG BSNGAGS MIN KUN DU SMRA BAR BYED, ,DE NI MA THOS PA DANG MA ZIN MDO, ,BDE BAR GSHEGS PAS GSUNGS PA SPONG BAR BYED, ,CHOS 'DI DAG DANG LDAN PAR GYUR PA NI, ,DGE BA'I CHOS KYIS RGYAS PAR MI 'GYUR RO, ,DE LTAR BYANG CHUB SEMS DPA' MKHAS PA YIS, ,CHOS BZHI 'DI DAG RGYANG BSRING RNAM PAR SPONG, ,'DI DAG BSTEN NA BYANG CHUB RAB RING STE, ,GNAM SA RING BAS SHIN TU RING BAR 'GYUR, ,'OD SRUNG, BYANG CHUB SEMS DPA' CHOS BZHI DANG LDAN NA KHYAD PAR DU 'GRO BAS YONGS SU MI NYAMS PA'I CHOS CAN DU 'GYUR TE, GZHI GANG ZHE NA, 'DI LTA STE, 'DI LTAR PHA ROL TU PHYIN PA DRUG DANG LDAN PA BYANG CHUB SEMS DPA'I SDE SNOD TSOL BA LA BRTZAMS NAS LEGS PAR THOS PA TSOL GYI NYES PAR THOS PA MI TSOL TE, SEMS CAN THAMS CAD LA NGA RGYAL MED PA'I SEMS KHYI DANG 'DRA BA YIN, CHOS KYI RNYED PAS CHOG PAR 'DZIN TE, LOG PAS 'TSO BA THAMS CAD YONGS SU SPANGS SHING 'PHAGS PA'I RIGS KYIS CHOG PAR 'DZIN PA YIN, GZHAN DAG GI LTUNG BA BYUNG BA DANG, MA BYUNG BA MI GLENG ZHING GZHAN DAG GI 'KHRUL PA GZHAN DANG

214b

GZHAN MI TSOL BA YIN, SANGS RGYAS KYI CHOS ZAB MO GANG DAG DE'I BLOS MI RTOGS PA DE LA, SANGS RGYAS KYI BYANG CHUB NI MTHA' YAS SHING SEMS CAN MOS PA THA DAD PA RNAMS LA DE BZHIN GSHEGS PA RNAMS KYI CHOS BSTAN PA 'JUG STE, DE BZHIN GSHEGS PA NYID KYIS MKHYEN GYI BDAG GIS NI MI SHES TE, DE BZHIN GSHEGS PAS MNGON SUM MO ZHES BYAS NAS MI SPANG PA STE, 'OD SRUNG, BYANG CHUB SEMS DPA' CHOS BZHI PO DE DAG DANG LDAN NO, KHYAD PAR DU 'GRO BAS YONGS SU MI NYAMS PA'I CHOS CAN DU 'GYUR RO, ,DE LA 'DI SKAD CES BYA STE, DE NI RTAG TU PHA ROL PHYIN RNAMS DANG,, THABS LA MKHAS DANG BYANG CHUB SDE SNOD BRTZON, ,NGA RGYAL MED PAS KHYI 'DRA'I SEMS KYIS SU, ,SEMS CAN KUN LA NGA RGYAL BCAG PA YIN, ,CHOS DANG MTHUN PA'I RNYED PAS CHOG SEMS SHING; ;'TSO BA YONG DAG 'PHAGS PA'I RIGS LA GNAS, ,GZHAN GYI 'KHRUL PA TSOL BAR MI BYED CING, ,GZHAN GYI LTUNG BA GLENG BAR MI BYED DO, ,GANG DE'I BLOS NI ZAB MO MI RTOGS PA; ;DE LA DE BZHIN GSHEGS PA MNGON SUM STE, ,BDE GSHEGS BSHAD PA'I BYANG CHUB MTHA' YAS PAS, ,RGYAL BAS MKHYEN GYI BDAG GIS MI SHES SO, ,CHOS BZHI 'DI DAG RIG PAR GYUR PA NI, ,YE SHES KHYAD PAR 'PHAGS MCHOG NYAMS MI 'GYUR, ,CHOS 'DI DAG LA RAB TU GNAS PA NI, ,RGYAL BAS BSNGAGS PA'I BYANG CHUB RNYED MI DKA', ,'OD SRUNG, CHOS

215a

, ,BZHI PO 'DI DAG NI GYA GYU CAN GYI SEMS BSKYED PA STE, DE DAG BYANG CHUB SEMS DPAS YONGS SU SPANG BAR BYA'O, ,BZHI GANG ZHE NA, 'DI LTA STE, SANGS RGYAS KYI CHOS RNAMS LA SOM NYI DANG, YID GNYIS DANG, THE TSOM ZA BA DANG, SEMS CAN RNAMS LA NGA RGYAL DANG, RGYAGS PA DANG, 'CHAB PA DANG, KHRO BA DANG, GNOD PAR SEMS PA DANG; GZHAN GYI RNYED PA RNAMS LA PHRAG DOG DANG SER SNA BYED PA DANG, BYANG CHUB SEMS DPA' RNAMS LA BSNGAGS PA MA YIN PA DANG, MI SNYAN PA DANG, BRJOD PA MA YIN PA'I SGRA TSIGS SU BCAD PA 'BYIN PA STE, 'OD SRUNG, BZHI PO DE DAG NI GYA GYU CAN GYI SEMS BSKYED PA STE, DE DAG BYANG CHUB SEMS DPAS YONGS SU SPANG BAR BYA'O, ,DE LA 'DI SKAD CES BYA STE, CHOS RNAMS LA NI SOM NYI YID GNYIS BYED, ,SEMS CAN RNAMS LA NGA RGYAL RGYAGS KHRO BSTEN, ,GZHAN GYI RNYED LA SER SNA PHRAG DOG BYED, ,RGYAL BA LA NI NAM YANG DAD MI BYED; ;MI MKHAS RTAG TU BYANG CHUB SEMS DPA' LA, ,BSNGAGS PA MIN DANG BRJOD MIN MI SNYAN BRJOD, ,GYA GYU CAN GYI SEMS BZHI RNAM PAR SPANG, ,BYANG CHUB SEMS DPAS RTAG TU SEMS CAN BSTAN, ,'OD SRUNG, BZHI PO 'DI DAG NI BYANG CHUB SEMS DPA' DRANG PO'I DRANG BA'I MTSAN NYID YIN TE, BZHI GANG ZHE NA, 'DI LTA STE, LTUNG BA BYUNG BA RNAMS MI

215b

'CHAB CING BRJOD DE RNAM PAR 'BYED PA DANG, 'CHAGS PAS KUN NAS LDANG BA MED PA YIN, DE'I BDEN PA'I TSIG GANG GIS RGYAL SRID STOR BA'AM, NOR YAL BA'AM, SROG GI BAR CHAD DU 'GYUR YANG BDEN PA'I TSIG MI MKHYUD CING GZHAN NAS GZHAN DU BSGYUR BA'I TSIG MI SMRA BA YIN, GZHAN GYIS GNOD PA BYA BA SKUR PA DANG, MTSANG 'BRU BA DANG, SMOD PA DANG, BSHUNG BA DANG, BSDIGS PA DANG, RDEG PA DANG, GSOD PA DANG, 'CHING BAR BYED PA'I NYES PA THAMS CAD LA BDAG GI NYES PAR SEMS SHING, LAS KYI RNAM PAR SMIN PA LA STON PAS GZHAN DAG LA MI 'KHRUG CING KHONG DU 'DZIN PA MED PA YIN, DE DAD PA LA RAB TU GNAS PA YIN TE, BSAM PA YONGS SU DAG PA'I PHYIR THAMS CAD DAD PAR MI 'GYUR BA'I SANGS RGYAS KYI CHOS LA MNGON PAR DAD PA STE, 'OD SRUNG, BZHI PO DE DAG NI BYANG CHUB SEMS DPA' DRANG PO'I DRANG BA'I MTSAN NYID YIN NO, ,DE LA 'DI SKAD CES BYA STE, LTUNG BA BYUNG BA 'CHAB PAR MI BYED KYI,, BRJOD CING RNAM PAR 'BYED DE NYES PA 'DOR, ,NOR DANG RGYAL SRID PHYIR DANG SROG PHYIR YANG, ,'DU SHES BSGYUR TE RDZUN PA'I TSIG MI SMRA, ,SKUR DANG SMOD DANG BSHUNG DANG GSOD PA DANG, , 'CHING BA BYED DANG GO RAR BCUG PA LA, ,BDAG GIS NYES SEMS GZHAN LA 'KHRUG MI BYED, ,LAS NI BDAG GIR BYA BAS KHON MI 'DZIN, ,DE NI BDER GSHEGS RNAMS KYI BYANG CHUB

216a

, ,DANG; ;DAD LA GNAS SHING BSAM PA DAD LDAN PA, ,'DI DAG DRANG BA'I MTSAN DU SANGS RGYAS GSUNGS, ,SEMS CAN MCHOG GIS RTAG TU BSTEN PAR BYA, , 'OD SRUNG, BZHI PO 'DI DAG NI BYANG CHUB SEMS DPA' DMU RGOD DE, BZHI GANG ZHE NA, 'DI LTA STE, THOS PA LA GCES PA 'DOR BA'I CHOS SU GNAS SHING, CHOS KYI RJES SU MTHUN PA'I CHOS BSGRUB PA LA NAN TAN DU MI BYED PA YIN, RJES SU BSTAN PA LA GCES PA 'DOR BA'I CHOS SU GNAS SHING, SLOB DPON DANG, MKHAN PO LA SRI ZHU MI BYED PA YIN, DAM BCAS PA LAS NYAMS KYANG DAD PAS BYIN PA KUN SPYOD DE, DAD PAS BYIN PA LOG PAR LTUNG BAR BYED PA YIN, BYANG CHUB SEMS DPA' DUL BA CANG SHES PA RNAMS MTHONG NA MI GUS SHING NGA RGYAL 'DZIN PA YIN TE, 'OD SRUNG, BZHI PO 'DI DAG NI BYANG CHUB SEMS DPA' DMU RGOD DO, ,DE LA 'DI SKAD CES BYA STE, THOS PAS RGOD PAR GNAS PAR BYED PA YIN, ,RJES SU BSTAN PA'I CHOS NYID RTOGS MI 'GYUR, ,DE NI CHOS KUN GCES PA 'DOR BA BSTEN, ,'PHAGS PA RNAMS LA NAM YANG SRI ZHU MED, ,DAM BCAS NYAMS KYANG DAD PAS BYIN PA YI, , KHA ZAS RNAMS LA DE NI RTAG TU ZA, ,BYANG CHUB SEMS DPA' CANG SHES THOB PA DAG ,MTHONG BAR GYUR NA GUS PAR MI BYED CING, ,DMU RGOD DAG NI NGA RGYAL 'PHEL BAR BYED, ,BYANG CHUB

216b

SEMS DPA' NGA RGYAL BCAG MI BRTEN, ,'DI DAG DMU RGOD BDE BAR GSHEGS PAS GSUNGS, ,DE DAG RGYAL SRAS RNAMS KYIS YONGS SU SPANG, ,'OD SRUNG, BZHI PO 'DI DAG NI BYANG CHUB SEMS DPA' CANG SHES PA STE, BZHI GANG ZHE NA, 'DI LTA STE, LEGS PAR THOS PA NYAN CING DE LA NAN TAN DU BYED DE, DON LA RTON GYI TSIG 'BRU LA MI RTON PA YIN, GDAMS PA, RJES SU BSTAN PA LA MTHUN PAR 'DZIN CING, BKA' BLO BDE LA LEGS PAR BYED PA'I LAS BYED CING, BLA MA LA SRI ZHU BYA BA TSAR PHYIN PA YIN, TSUL KHRIMS DANG, TING NGE 'DZIN LAS MA NYAMS TE CANG SHES PAS ZAS ZA BA YIN, BYANG CHUB SEMS DPA' 'DUL BA CANG SHES RNAMS MTHONG NA GUS PA DANG BCAS SHING ZHES DANG BCAS PAR DE LA GZHOL, DE LA 'BAB, DE LA BAB CING, DE'I YON TAN 'DOD PA YIN TE, 'OD SRUNG, BZHI PO DE DAG NI BYANG CHUB SEMS DPA' CANG SHES SO, ,DE LA 'DI SKAD CES BYA STE, GANG MNYAN DE NI LEGS PAR NAN TAN BYED, ,CHOS DON SNYING POR BYED CING NAN TAN GNAS, ,RJES SU BSTAN PA MTHUN PAR 'DZIN BYED CING, ,CHOS 'DOD BKA' BLO BDE BAR BLA MA BSTEN, ,TSUL KHRIMS TING NGE 'DZIN LA RTAG GNAS SHING, ,TSUL KHRIMS BSDAMS NAS DE NI BZA' BA ZA, ,GUS DANG BCAS SHING ZHE SAR BCAS PA YIN, ,DE LA GZHOL ZHING DER 'BAB YON TAN 'DOD, ,RGYAL SRAS GANG DAG CANG SHES THOB GYUR PA, ,DE DAG LA NI RTAG TU DGA'

217a

, ,BAS LTA, ,BDE BAR GSHEGS PAS BSTAN PA 'DI BZHI NI, ,BDER GSHEGS SRAS PO CANG SHES THOB PA YIN, ,'OD SRUNG, BZHI PO 'DI DAG NI BYANG CHUB SEMS DPA'I 'KHRUL PA STE, BZHI GANG ZHE NA, 'DI LTA STE, SEMS CAN YONGS SU SMIN PAR MA BYAS PA RNAMS LA YID RTON PA BYANG CHUB SEMS DPA'I 'KHRUL PA DANG, SEMS CAN SNOD DU MA GYUR PA RNAMS LA SANGS RGYAS KYI CHOS RGYA CHEN PO STON PA BYANG CHUB SEMS DPA'I 'KHRUL PA DANG, RGYA CHEN PO LA MOS PA'I SEMS CAN RNAMS LA THEG PA DMAN PA STON PA BYANG CHUB SEMS DPA'I 'KHRUL PA DANG, SEMS CAN YANG DAG PA LA RAB TU GNAS PA TSUL KHRIMS DANG LDAN PA DGE BA'I CHOS CAN RNAMS LA BRNYAS SHING TSUL KHRIMS 'CHAL PA SDIG PA'I CHOS CAN KUN DU SDUD PA BYANG CHUB SEMS DPA'I 'KHRUL PA STE, 'OD SRUNG, BZHI PO 'DI DAG NI BYANG CHUB SEMS DPA'I 'KHRUL PA'O, ,DE LA 'DI SKAD CES BYA STE, YONGS SMIN MA BYAS RNAMS LA YID MI RTON, ,SNOD MIN RNAMS LA RGYA CHEN CHOS MI BSHAD, ,RGYA CHEN SEMS CAN RNAMS LA THEG PA DMAN, ,BYANG CHUB SEMS DPA' MCHOG GIS BSHAD MI BYA, ,YANG DAG GNAS SHING TSUL KHRIMS YON TAN LDAN, ,DGE BA'I CHOS CAN RNAMS LA BRNYAS MI BYA, ,TSUL KHRIMS 'CHAL PA'I SEMS CAN YONGS MI BSDU, ,SDIG

217b

PA'I CHOS RNAMS YONGS SU SPANG BAR BYA, ,'KHRUL BA'I CHOS BZHI 'DI DAG SHES GYUR NAS, ,BYANG CHUB SEMS DPAS RGYANG BSRING RNAM PAR SPANG, ,'DI DAG BSTAN NA BYANG CHUB 'TSANG MI RGYA, ,DE LTA BAS NA MKHAS PAS CHOS 'DI SPONGS, ,'OD SRUNG, BZHI PO 'DI DAG NI BYANG CHUB SEMS DPA'I LAM STE, BZHI GANG ZHE NA, 'DI LTA STE, SEMS CAN THAMS CAD LA SEMS MNYAM PA DANG, SEMS CAN THAMS CAD LA MTSUNGS PAR CHOS STON PA DANG, SEMS CAN THAMS CAD SANGS RGYAS KYI YE SHES YANG DAG PAR 'DZIN TU 'JUG PA DANG, SEMS CAN THAMS CAD LA YANG DAG PAR SBYOR BA STE, 'OD SRUNG, BZHI PO 'DI DAG NI BYANG CHUB SEMS DPA'I LAM MO, ,DE LA 'DI SKAD CES BYA STE, SEMS CAN RNAMS LA RTAG TU SEMS SNYOMS BYA, ,SANGS RGYAS THEG MCHOG YANG DAG 'DZIN DU 'JUG ,RGYAL BAS BSNGAGS PA'I CHOS NI BSTAN PAR BYA, ,SEMS CAN KUN LA DANG BA'I SEMS SU BYA, ,YANG DAG SBYOR ZHING NAN TAN BYED PAR GNAS, ,SEMS CAN KUN LA MTSUNGS PAR SPYAD PAR BYA, ,CHOS BZHI 'DI DAG RGYAL BAS RAB BSNGAGS TE, ,RGYAL SRAS RNAMS KYIS DE DAG RTAG TU BSTAN, 'OD SRUNG; BZHI PO 'DI DAG NI BYANG CHUB SEMS DPA'I BSHES GNYEN NGAN PA GROGS PO NGAN PA STE, DE DAG BYANG CHUB SEMS DPAS YONGS SU SPANG BAR BYA'O, ,BZHI GANG ZHE NA, 'DI LTA STE,

218a

, ,NYAN THOS KYI THEG PA PA BDAG LA PHAN PA'I PHYIR ZHUGS PA DANG, RANG SANGS RGYAS KYI THEG PA PA DON NYUNG ZHING BYA BA NYUNG BA DANG, 'JIG RTEN RGYANG PAN PA'I GSANG TSIG SNA TSOGS KYI SPOBS PA CAN DANG, GANG LA BRTEN PAS 'JIG RTEN GYI ZANG ZING KUN SDUD PAR 'GYUR GYI CHOS KUN MI SDUD PA STE, 'OD SRUNG, BZHI PO DE DAG NI BYANG CHUB SEMS DPA' BSHES GNYEN NGAN PA GROGS PO NGAN PA STE, DE DAG BYANG CHUB SEMS DPAS YONGS SU SPANG BAR BYA'O, ,DE LA 'DI SKAD CES BYA STE, NYAN THOS GANG DAG BDAG PHAN BRTZON PA DANG, ,GANG DAG RAB TU BYUNG NAS RNAL 'BYOR SPYOD, ,RANG SANGS RGYAS PA GANG DAG BYED NYUNG ZHING, ,BDAG GI DON DU 'DU 'DZI RNAM PAR SPONG, ,BYIS PA GANG DAG 'JIG RTEN RGYANG PAN KLOG ,JI LTAR BSTAN BZHIN GANG DAG 'DIR RTZOD BYED, ,GANG LA BRTEN NAS ZANG ZING KUN SDUD KYI, ,CHOS 'DI NAM YANG SDUD PAR MI BYED PA, ,DE BZHI BYANG CHUB SEMS DPAS RAB SPANGS NAS, ,DGE BA'I BSHES GNYEN BZHI LA BSTEN PAR BYA, ,'DI DAG BSHES GNYEN NGAN DANG GROGS NGAN DU, ,RGYAL BAS GSUNG TE THAG BSRING YONGS SU SPONGS, , 'OD SRUNG, BZHI PO 'DI DAG NI BYANG CHUB SEMS DPA'I DGE BA'I BSHES GNYEN TE, BZHI GANG ZHE NA, 'DI LTA STE, BYANG CHUB KYI LAM STON PA'I PHYIR SLONG BA BYANG CHUB SEMS

218b

DPA'I DGE BA'I BSHES GNYEN DANG, THOS PA'I SHES RAB STON PA'I PHYIR CHOS SMRA BA BYANG CHUB SEMS DPA'I DGE BA'I BSHES GNYEN DANG, DGE BA'I RTZA BA THAMS CAD STON PA'I PHYIR RAB TU 'BYUNG BA YANG DAG PAR 'DZIN DU 'JUG PA BYANG CHUB SEMS DPA'I DGE BA'I BSHES GNYEN DANG, SANGS RGYAS KYI CHOS THAMS CAD STON PA'I PHYIR SANGS RGYAS BCOM LDAN 'DAS RNAMS BYANG CHUB SEMS DPA'I DGE BA'I BSHES GNYEN TE, 'OD SRUNG, BZHI PO DE DAG NI BYANG CHUB SEMS DPA'I DGE BA'I BSHES GNYEN NO, ,DE LA 'DI SKAD CES BYA STE, BYANG CHUB YONGS SU STON PHYIR LEN PA PO, ,SBYIN BYED RNAMS KYI DGE BA'I BSHES GNYEN YIN, ,CHOS SNGON SMRA BA THOS DANG SHES RAB BYED, ,DGE BA'I BSHES GNYEN YIN PAR BDE GSHEGS GSUNGS, ,GANG DAG RAB 'BYUNG YANG DAG 'DZIN 'JUG PA, ,DE DAG DGE RTZA YIN PAS BSHES GNYEN GSUNGS, ,RDZOGS SANGS RGYAS KYI LAM NI STON PA'I PHYIR, ,SANGS RGYAS RNAMS NI BDE GSHEGS SRAS KYI BSHES, ,RGYAL BAS BSNGAGS PA BZHI PO 'DI DAG NI, BDE GSHEGS SRAS KYI DGE BA'I BSHES GNYEN TE, ,'DI DAG BSTEN CING RTAG TU BAG YOD NA, ,BDE GSHEGS BSTEN PA'I BYANG CHUB THOB PAR 'GYUR, ,'OD SRUNG, BZHI PO 'DI DAG NI BYANG CHUB SEMS DPA' LTAR BCOS PA STE, BZHI GANG ZHE NA,

219a

, ,'DI LTA STE, RNYED PA DANG BKUR STI DON DU GNYER GYI CHOS DON DU GNYER BA MA YIN PA DANG, BRJOD PA'I SGRA TSIGS SU BCAD PA DON DU GNYER GYI YON TAN DON DU GNYER BA MA YIN PA DANG, BDAG BDE BA DON DU GNYER GYI SEMS CAN GYI SDUG BSNGAL BSAL BA DON DU GNYER BA MA YIN PA DANG, 'KHOR GYI TSOGS DON DU GNYER GYI DBEN PA DON DU GNYER BA MA YIN TE, 'OD SRUNG, BZHI PO DE DAG NI BYANG CHUB SEMS DPA' LTAR BCOS PA'O, ,DE LA 'DI SKAD CES BYA STE, RNYED PA DON DU GNYER GYI CHOS DON MIN, ,BRJOD PA DON GNYER YON TAN DON GNYER MIN, ,BDAG BDE RTAG TU DON DU GNYER BYED CING, ,SEMS CAN SDUG BSNGAL BSAL BA DON MI GNYER, ,'KHOR TSOGS DON DU GNYER GYI DBEN MI 'DOD, ,BDE LA CHAGS KYI YON TAN MA CHAGS PA, ,BZHI PO DE DAG BCOS PAR GSUNGS PA STE, ,DE DAG BYANG CHUB SEMS DPAS YONGS SU SPANG, ,'OD SRUNG; BZHI PO 'DI DAG NI BYANG CHUB SEMS DPA' RNAMS KYI BYANG CHUB SEMS DPA'I YANG DAG PA'I YON TAN TE, BZHI GANG ZHE NA, 'DI LTA STE, STONG PA NYID LA YANG MOS LA LAS KYI RNAM PAR SMIN PA LA YANG YID CHES PA DANG, DE BDAG MED PAR YANG BZOD LA SEMS CAN THAMS CAD LA YANG SNYING RJE CHE BA DANG, DE'I BSAM PA MYA NGAN LAS 'DAS PA

219b

LA YANG GNAS LA SBYOR BA 'KHOR BA NA YANG GNAS PA DANG, DE SEMS CAN YONGS SU SMIN PAR BYA BA'I PHYIR SBYIN PA'I RNAM PAR SMIN PA LA YANG MI RE BA STE, 'OD SRUNG, BZHI PO DE DAG NI BYANG CHUB SEMS DPA' RNAMS KYI BYANG CHUB SEMS DPA'I YANG DAG PA'I YON TAN NO, ,DE LA 'DI SKAD CES BYA STE, CHOS RNAMS STONG PA NYID DU RTAG MOS KYANG, ,LAS KYI RNAM PAR SMIN PA'ANG YID CHES SO, ,BDAG MED BZOD PAS MNYAM PA NYID GNAS KYANG, ,SEMS CAN RNAMS LA SNYING RJE CHEN PO BSKYED, ,DE BSAM RTAG TU MYA NGAN 'DAS LA GNAS, ,DE YI SBYOR BA 'KHOR BAR GNAS PA YIN, ,YONGS SMIN BYA PHYIR SBYIN PA SBYIN BYED KYANG, ,LAS KYI RNAM PAR SMIN LA RE BA MED, ,'OD SRUNG, BZHI PO 'DI DAG NI BYANG CHUB SEMS DPA'I GTER CHEN PO RNYED PA STE, BZHI GANG ZHE NA, 'DI LTA STE, SANGS RGYAS 'BYUNG BA MNYES PAR BYED PA DANG, PHA ROL TU PHYIN PA DRUG NYAN PA DANG, CHOS SMRA BA LA KHONG KHRO BA MED PA'I SEMS KYIS LTA BA DANG, BAG YOD PAR DGON PA LA GNAS PAR MNGON PAR DGA' BA STE, 'OD SRUNG, BZHI PO DE DAG NI BYANG CHUB SEMS DPA'I GTER CHEN PO RNYED PA'O, ,DE LA 'DI SKAD CES BYA STE, TSE RABS KUN TU SANGS RGYAS MNYES PAR BYED, ,PHA ROL PHYIN PA DRUG PO RNAMS KYANG NYAN, ,CHOS SMRA BA LA SEMS NI

220a

, ,RAB TU DANG, ,MTHONG NA RTAG TU GUS PA SKYED PAR BYED, ,RTAG TU BAG YOD GYUR NAS DGON PAR GNAS, ,DE NI DE NYID LA YANG RTAG TU DGA', , BZHI PO 'DI DAG RGYAL BA'I SRAS RNAMS KYI, ,GTER CHEN YIN PAR BDE BAR GSHEGS PAS GSUNGS, ,'OD SRUNG, BZHI PO 'DI DAG NI BYANG CHUB SEMS DPA' BDUD KYI LAM LAS YANG DAG PAR 'DA' BA'I CHOS TE, BZHI GANG ZHE NA, 'DI LTA STE, BYANG CHUB KYI SEMS MI GTONG BA DANG, SEMS CAN THAMS CAD LA KHONG KHRO BA'I SEMS MED PA DANG, LTA BAR GYUR PA THAMS CAD RTOG PA DANG, SEMS CAN THAMS CAD LA MI BRNYAS PA STE, 'OD SRUNG, BZHI PO 'DI DAG NI BYANG CHUB SEMS DPA' BDUD KYI LAM LAS YANG DAG PAR 'DA' BA'I CHOS SO, ,DE LA 'DI SKAD CES BYA STE, BYANG CHUB SEMS NI YONGS SU GTONG MI BYED, ,SEMS CAN RNAMS LA KHONG KHRO RTAG TU SPONG, ,LTA BAR GYUR PA THAMS CAD 'DOR BAR BYED, ,SEMS CAN TSOGS LA BRNYAS PA YONGS MI BYED, ,BDE BAR GSHEGS PAS BZHI PO 'DI DAG NI, ,BDUD LAS 'DA' BAR 'GYUR BA'I CHOS SU GSUNGS, ,'DI DAG BSTEN NA RGYAL BA RNAM 'DREN PA, ,GSER 'DRA'I SKU MNGA' MTSUNGS PA MED PAR 'GYUR, ,'OD SRUNG, CHOS BZHI PO 'DI DAG

220b

NI BYANG CHUB SEMS DPA'I DGE BA'I RTZA BA'I CHOS THAMS CAD SDUD PAR 'GYUR BA STE, BZHI GANG ZHE NA, 'DI LTA STE, TSUL 'CHOS PA MED PAR DGON PAR GNAS PA DANG, LAN DU PHAN 'DOGS PAR RE BA MED PA'I BSDU BA'I DNGOS PO BZHI PO DANG, SEMS CAN THAMS CAD LA LUS DANG SROG GTONG ZHING DAM PA'I CHOS YONGS SU TSOL BA DANG, THOS PA DANG DON GYIS NGOMS MI MYONG ZHING DGE BA'I RTZA BA THAMS CAD YANG DAG PAR SDUD PA'I BRTZON 'GRUS TE, 'OD SRUNG, CHOS BZHI PO DE DAG NI BYANG CHUB SEMS DPA'I DGE BA'I RTZA BA'I CHOS THAMS CAD SDUD PAR 'GYUR RO, ,DE LA 'DI SKAD CES BYA STE, DGON PAR GNAS SHING TSUL 'CHOS RNAM PAR SPONG, ,RGYAL GSUNGS BSDU BA SEMS CAN RNAMS LA BYED, ,DAM CHOS YONGS SU BTZAL BA BRTZAM BYAS NAS, ,LUS DANG SROG KYANG YONGS SU GTONG BAR BYED, ,DGE BA'I RTZA BA SHIN TU MI NYUNG BA, ,YANG DAG BSGRUB PHYIR RTAG TU NGOMS MI MYONG, ,DGE BA'I CHOS RNAMS YANG DAG BSDU BA'I PHYIR, ,CHOS BZHI 'DI DAG BDE BAR GSHEGS PAS GSUNGS, ,'OD SRUNG, CHOS BZHI PO 'DI DAG NI BYANG CHUB SEMS DPA'I BSOD NAMS KYI TSOGS DPAG TU MED PA'O, ,BZHI GANG ZHE NA, 'DI LTA STE, ZANG ZING MED PA'I SEMS KYIS CHOS SPYIN PA DANG, TSUL KHRIMS 'CHAL PA RNAMS LA CHER SNYING RJE BA DANG, SEMS

221a

, ,CAN THAMS CAD LA BYANG CHUB KYI SEMS STON PA DANG, NYAM CHUNG BA RNAMS LA BZOD PA BSTAN PA STE, 'OD SRUNG, BZHI PO DE DAG NI BYANG CHUB SEMS DPA'I BSOD NAMS KYI TSOGS DPAG TU MED PA'O, ,DE LA 'DI SKAD CES BYA STE, DAG CING ZANG ZING MED PA'I SEMS KYIS SU, ,CHOS KYI SBYIN BYED RGYAL BAS RAB TU BSNGAGS, ,TSUL KHRIMS MI LDAN PA LA SNYING RJE CHE, ,GZHAN DAG BYANG CHUB PHYIR NI SEMS BSKYED 'JUG ,NYAM CHUNG RNAMS LA BZOD PAS DANG DU LEN,, 'DI NI DGE CHOS SDUD PAR GSUNGS PA STE, ,'DI DAG BSTEN NA RGYAL BAR 'GYUR BAS NA, ,BYANG CHUB SEMS DPAS DE DAG RTAG TU BSTEN, ,'OD SRUNG, CHOS BZHI PO 'DI DAG NI BYANG CHUB SEMS DPA'I MA RIG PA'I BAG CHAGS KYI SA'I NYON MONGS PA 'JOMS PAR 'GYUR BA STE, BZHI GANG ZHE NA, 'DI LTA STE, TSUL KHRIMS KYI SDOM PA YANG DAG PAR 'DZIN PA DANG, DAM PA'I CHOS YONGS SU 'DZIN PA DANG, SGRON MA SBYIN PA DANG, THA NA 'DRIS PA RNAMS LA YANG SBYIN PA STE, 'OD SRUNG, CHOS BZHI PO DE DAG NI BYANG CHUB SEMS DPA'I MA RIG PA'I BAG CHAGS KYI SA'I NYON MONGS PA 'JOMS PAR BYED PA'O, ,DE LA 'DI SKAD CES BYA STE, TSUL KHRIMS SDOM PA YANG DAG 'DZIN

221b

BYED DANG, ,DAM CHOS 'DZIN DANG SGRON MA SBYIN BYED DANG, ,DE BZHIN THA NA 'DRIS LA SBYIN BYED CING, ,MKHAS PA MA RIG SA LAS RNAM PAR 'BYED, ,'OD SRUNG, CHOS BZHI PO 'DI DAG NI BYANG CHUB SEMS DPA'I SGRIB PA MED PA'I YE SHES THOB PAR 'GYUR BA STE, BZHI GANG ZHE NA, 'DI LTA STE, DAM PA'I CHOS SBYIN PA DANG, DAM PA'I CHOS YONGS SU 'DZIN PA DANG, PHRAG DOG MED PA DANG; GZHAN DAG LA MI BRNYAS PA STE, 'OD SRUNG, CHOS BZHI PO 'DI DAG NI BYANG CHUB SEMS DPA'I SGRIB PA MED PA'I YE SHES THOB PAR 'GYUR PA'O, ,DE LA 'DI SKAD CES BYA STE, GANG DAG BYANG CHUB LA NI SGRIB BYED PA, ,SDIG PA'I BZHI PA BCU PO RNAM SPANGS NAS, ,MKHAS PAS DE BZHIN BCU GNYIS GZHAN BSTEN NA, ,'CHI MED REG NAS BYANG CHUB THOB PAR 'GYUR, ,SEMS CAN DAM PA GANG DAG CHOS TSUL 'DI, ,'DZIN TAM KLOG GAM RAB TU STON BYED PA, ,DE DAG BSOD NAMS MTHA' YAS RGYAL BAS GSUNG, ,DE YI TSAD NI RGYAL BA RNAMS BRJOD DO, ,GANG GIS ZHING NI GANGG'A'I BYE MA SNYED, ,RIN CHEN BKANG STE RGYAL LA PHUL BA BAS, ,GANG GIS 'DI LAS TSIG BZHI'I TSIG BCAD KLOG ,BSOD NAMS 'DI YI GRANGS SU'ANG MI PHOD DO, ,'OD SRUNG, BYANG CHUB SEMS DPA'I NI MING TZAM GYIS BYANG CHUB SEMS DPA' ZHES MI BYA'O, ,'OD SRUNG, BYANG CHUB SEMS DPA' CHOS SPYOD PA DANG, SNYOMS PAR SPYOD PA DANG, DGE BA SPYOD PA DANG, CHOS LA GNAS PA DANG LDAN PA LA

222a

, ,BYANG CHUB SEMS DPA' ZHES BYA'O, ,'OD SRUNG, GZHAN YANG BYANG CHUB SEMS DPA' CHOS SUM CU RTZA GNYIS DANG LDAN NA BYANG CHUB SEMS DPA' ZHES BYA STE, SUM CU RTZA GNYIS GANG ZHE NA, 'DI LTA STE, SEMS CAN THAMS CAD LA PHAN PA DANG, BDE BAR BYA BA'I LHAG PA'I BSAM PA DANG, THAMS CAD MKHYEN PA'I YE SHES LA 'DZUD PA DANG, BDAG CI RI ZHES YONGS SU MJAL ZHING GZHAN GYI SHES PA LA MI SMOD PA DANG, NGA RGYAL MED PA DANG, LHAG PA'I BSAM PA BRTAN PA DANG, BCOS MA MA YIN PAR BYAMS PA DANG, MDZA' BA DANG MI MDZA' PA LA SEMS SNYOMS PA DANG, MYA NGAN LAS 'DAS PA'I MTHA'I BAR DU GTAN DU MDZA' BA DANG, TSIG RAN CING 'DZUM PA'I BZHIN GYIS GSONG POR SMRA BA DANG, KHUR BLANGS PA RNAMS LA SGYID LUG PA MED PA DANG, SEMS CAN THAMS CAD LA SNYING RJE CHEN PO YONGS SU MA BCAD PA DANG, YID YONGS SU MI SKYO BA DANG, DAM PA'I CHOS YONGS SU TSOL BA'I PHYIR THOS PA DANG DON GYIS NGOMS MI MYONG BA DANG, BDAG GI 'KHRUL PA RNAMS LA SKYON DU LTA ZHING GZHAN GYI 'KHRUL PA RNAMS LA MI GSHE BAR BSGO BA DANG, SPYOD LAM THAMS CAD DU BYANG CHUB KYI SEMS YONGS SU SPYOD PA DANG, RNAM PAR SMIN PA LA MI RE BA'I GTONG BA DANG, SRID PA'I 'GRO BAR SKYE BA THAMS CAD LA MI GNAS PA'I TSUL KHRIMS DANG, SEMS CAN THAMS CAD LA ZHE 'GRAS

222b

PA MED PA'I BZOD PA DANG, DGE BA'I RTZA BA THAMS CAD YANG DAG PAR SGRUB PA'I BRTZON 'GRUS DANG, GZUGS MED PA'I KHAMS RNAM PAR BSAL BA'I BSAM GTAN DANG, THABS MKHAS PA BSDU BA'I DNGOS PO BZHI DANG RAB TU LDAN PA'I THABS KYIS ZIN PA'I SHES PA DANG, TSUL KHRIMS DANG LDAN PA DANG, TSUL KHRIMS 'CHAL PA RNAMS LA GNYIS SU MED PA'I BYAMS PA DANG, GUS PAR BYAS TE CHOS NYAN PA DANG, GUS PAR BYAS TE DGON PA LA GNAS PAR MNGON PAR DGA' BA DANG, 'JIG RTEN GYI SNA TSOGS RNAMS LA MI DGA' ZHING 'JIG RTEN LAS 'DAS PA'I CHOS RNAMS LA MNGON PAR DGA' BA DANG, THEG PA DMAN PA MI 'DOD CING THEG PA CHEN PO LA PHAN YON DU LTA BA DANG, SDIG PA'I GROGS PO YONGS SU SPONG ZHING DGE BA'I BSHES GNYEN LA BSTEN PA DANG, TSANGS PA'I GNAS PA BZHI SGRUB PA DANG, MNGON PAR SHES PA LNGAS RNAM PAR RTZEN PA DANG, YE SHES LA RTON PA DANG, SGRUB PA DANG LOG PAR SGRUB PA LA GNAS PA'I SEMS CAN RNAMS MI GTONG BA DANG; GCIG TU CHAD PAR SMRA BA DANG, BDEN PA GCES SU BYED PA DANG, BYANG CHUB KYI SEMS SNGON DU 'GRO BA STE, 'OD SRUNG, BYANG CHUB SEMS DPA' CHOS SUM CU RTZA GNYIS PO DE DAG DANG LDAN NA BYANG CHUB SEMS DPA' ZHES BYA'O, ,DE LA 'DI SKAD CES BYA STE, SEMS CAN KUN LA PHAN DANG BDE BYA BA'I, ,LHAG PA'I BSAM LA MOS BAR BYED PA YIN, ,KUN MKHYEN YE SHES LA NI SEMS

223a

, ,SGROL ZHING, ,RI 'AM MI RI SNYAM DU BDAG LA DPOG ,SMOD PA MED CING LHAG PA'I NGA RGYAL MED, ,BSAM PA BRTAN ZHING BCOS PA MED PAR BYAMS, ,MDZA' DANG MI MDZA' RNAMS LA SEMS KYANG SNYOMS, ,MYA NGAN 'DAS PA'I MTHA' LA THUG BAR DU, ,SEMS CAN RNAMS LA GTAN DU RAB TU MDZA', ,'DZUM PA'I BZHIN GYIS 'JAM POR SMRA BAR BYED, ,KHUR BLANGS PA LA SGYID LUG ZHUM PA MED, ,SEMS CAN DAG LA SNYING RJE YONGS MA BCAD, ,DAM CHOS YONGS SU TSOL BA SKYO BA MED, ,THOS PAS MI NGOMS BDAG GI 'KHRUL SKYON LTA; ;GZHAN LA GSHE BAS GDUNG BAR BYED PA MED, ,SPYOD LAM RNAMS SU SEMS NI RAB TU SBYONG, ,GTONG BA RNAM PAR SMIN LA RE BA MED, ,TSUL KHRIMS SRID PA'I 'GRO BAR GNAS MA YIN; ;SEMS CAN RNAMS LA BZOD CING KHONG KHRO SPANGS, ,DGE BA YANG DAG SGRUB PA'I BRTZON 'GRUS DANG, ,GZUGS MED KHAMS SPANGS PA YI BSAM GTAN DANG, ,THABS KYIS YANG DAG ZIN PA'I SHES RAB DANG, ,BSDU BA RNAM BZHIS YANG DAG ZIN THABS DANG, ,KHRIMS LDAN KHRIMS MED GNYIS MED BYAMS PA DANG, ,GUS PAR BYAS TE DUS SU CHOS NYAN DANG, ,GUS PAR BYAS TE DGON ZHI GNAS PA DANG, ,'JIG RTEN SNA TSOGS DGA' BAR MI BYED DANG, ,THEG PA DMAN LA DGA' BAR MI BYED CING, ,THEG PA CHE LA 'DOD PA SKYED PA DANG, ,SDIG PA'I GROGS

223b

PO RNAM PAR SPONG BYED CING, ,DGE BA'I BSHES GNYEN RTAG TU BSTEN PA DANG, ,TSANGS PA'I GNAS PA BZHI LA BSGOMS PA DANG, ,MNGON SHES RNAM LNGAS RTAG TU BRTZON PA DANG, ,YE SHES RJES SU RTAG TU 'BYUNG BA DANG, ,SGRUB DANG LDAN PA GTONG BAR MI BYED DANG, ,SGRUB DANG MI LDAN GZHAN YANG MI GTONG DANG, ,GCIG TU CHAD PAR RTAG TU SMRA BA DANG, ,BDEN LA RTAG TU GUS DANG BCAS PA DANG, , BYANG CHUB SEMS NI SNGON DU BTANG NAS SU, ,RGYAL BAS BSNGAGS PA'I CHOS NI SGOM PAR BYED, ,BDE GSHEGS GSUNGS PA'I SUM CU RTZA GNYIS CHOS, ,'DI DAG BDE GSHEGS SRAS KYIS BSTEN PAR BYA, ,BYANG CHUB SEMS DPA' GANG YIN DE DAG NI, ,CHOS 'DI LDAN ZHES BDE BAR GSHEGS PAS GSUNGS, ,'OD SRUNG, DPE NYE BAR DGOD PA BSTAN PA GANG DAG GIS BYANG CHUB SEMS DPA' BYANG CHUB SEMS DPA'I YON TAN RAB TU SHES PAR BYED PA'I DPE NYE BAR DGOD PA KHYOD LA BSTAN PAR BYA'O, ,'OD SRUNG, 'DI LTA STE, DPER NA, SA CHEN PO 'DI NI SEMS CAN THAMS CAD KYI 'TSO BA STE, 'GYUR BA MED CING LAN DU PHAN GDOGS PA LA RE BA MED DO, ,'OD SRUNG, DE BZHIN DU BYANG CHUB SEMS DPA' SEMS DANG PO BSKYED PA YANG BYANG CHUB KYI SNYING PO LA THUG GI BAR DU SEMS CAN THAMS CAD KYI 'TSO BA YIN TE 'GYUR BA MED CING LAN DU PHAN GDOGS PAR RE BA MED DO, ,DE LA 'DI SKAD CES BYA STE, DPER NA SA 'DI SKYE BO KUN GYI 'TSO, ,LAN LA MI RE

224a

, ,'GYUR BA MED PA BZHIN, ,BYANG CHUB SEMS DPA' THOG MAR SEMS GNAS PA, ,RGYAL MCHOG BLA NA MED PA'I SANGS RGYAS SU, ,MA GYUR BAR DU SKYE BO KUN GYI 'TSO, ,LAN LA RE BA MED CING 'GYUR BA MED, ,BU DANG DGRA LA'ANG YID KYIS MTSUNGS PAR SEMS, ,BYANG CHUB MCHOG RAB RTAG PAR YONGS SU 'TSOL, ,'OD SRUNG, 'DI LTA STE, DPER NA, CHU'I KHAMS NI RTZVA DANG, SHING GEL PA DANG, SMAN DANG, NAGS TSAL THAMS CAD SKYED PAR BYED DO, ,'OD SRUNG, DE BZHIN DU BYANG CHUB SEMS DPA' BSAM PA DAG PA, SEMS CAN THAMS CAD LA BYAMS PAS KHYAB PAR BYAS TE GNAS PA YANG SEMS CAN THAMS CAD LA DKAR PO'I CHOS THAMS CAD SKYED DO, ,DE LA 'DI SKAD CES BYA STE, DPER NA CHU NI RTZVA DANG GEL PA DANG, ,NAGS TSAL SMAN DANG 'BRU YI RNAM PA SKYED, ,DE BZHIN BYANG CHUB SEMS DPA' BSAM DAG PA, ,SEMS CAN MTHA' YAS BYAMS PAS KHYAB PAR BYED, ,SNA TSOGS CHOS LA KHYAB BYAS RIM GYIS SU, ,DKAR PO'I CHOS KYIS RNAM PAR RGYAS 'GYUR ZHING, ,DPUNG BCAS SDE DANG BCAS PA'I BDUD BCOM NAS, ,RIM GYIS RGYAL BA'I BYANG CHUB THOB PAR 'GYUR, , 'OD SRUNG, 'DI LTA STE, DPER NA, ME'I KHAMS NI LO TOG THAMS CAD YONGS SU SMIN PAR BYED DO, ,'OD SRUNG, DE BZHIN DU BYANG CHUB SEMS DPA'I SHES RAB KYANG SEMS CAN THAMS

224b

CAD KYI DKAR PO'I CHOS THAMS CAD YONGS SU SMIN PAR BYED DO, ,DE LA 'DI SKAD CES BYA STE, DPER NA ME NI RTZVA DANG SMAN RNAMS DANG, ,LO TOG THAMS CAD YONGS SU SMIN PAR BYED, ,DE BZHIN BDE GSHEGS SRAS KYI SHES RAB KYANG, ,SKYE BO RNAMS KYI DGE BA'I CHOS SMIN BYED, ,'OD SRUNG, 'DI LTA STE, DPER NA, RLUNG GI KHAMS NI SANGS RGYAS KYI ZHING THAMS CAD RNAM PAR SGRUB BO, ,'OD SRUNG, DE BZHIN DU BYANG CHUB SEMS DPA'I THABS LA MKHAS PA YANG SEMS CAN THAMS CAD LA SANGS RGYAS KYI CHOS THAMS CAD RNAM PAR SGRUB BO, ,DE LA 'DI SKAD CES BYA STE, DPER NA RLUNG NI SANGS RGYAS DGONGS PA BZHIN, ,RNAM PA SNA TSOGS ZHING RNAMS RNAM PAR SGRUB, ,DE BZHIN RGYAL SRAS RNAMS KYI THABS MKHAS KYANG, ,BDE GSHEGS GSUNGS PA'I CHOS MCHOG RNAM PAR SGRUB, ,'OD SRUNG; 'DI LTA STE, DPER NA, BDUD SDIG CAN GYI DPUNG GI TSOGS YAN LAG BZHI PA NI 'DOD PA NA SPYOD PA'I LHA THAMS CAD KYIS ZIL GYIS MNAN PA'AM YONGS SU ZAD PAR BYA BAR MI NUS SO, ,'OD SRUNG; DE BZHIN DU BYANG CHUB SEMS DPA' BSAM PA DAG PA YANG BDUD THAMS CAD KYIS ZIL GYIS MNAN PA'AM YONGS SU ZAD PAR BYA BAR MI NUS SO, ,'OD SRUNG, 'DI LTA STE, DPER NA, ZLA BA YAR GYI NGO LA ZLA BA'I DKYIL 'KHOR SKYE ZHING GANG BAR 'GYUR RO, ,'OD SRUNG, DE BZHIN DU BYANG CHUB SEMS DPA' BSAM PA DAG PA YANG DKAR PO'I CHOS THAMS CAD KYIS RDZOGS SHING RGYAS

225a

, ,PAR 'GYUR RO, ,DE LA 'DI SKAD CES BYA STE, DPER NA ZLA BA'I DKYIL 'KHOR YAR NGO LA, ,SKYE ZHING YONGS SU GANG 'GYUR 'BRI MI 'GYUR, ,DE BZHIN BSAM DAG BYANG CHUB SEMS DPA' YANG, ,DKAR PO'I CHOS KYIS RTAG TU RGYAS PAR 'GYUR, ,'OD SRUNG, 'DI LTA STE, DPER NA, NYI MA'I DKYIL 'KHOR LAS LAN GCIG PHYUNG BA'I 'OD ZER RNAMS KYIS SEMS CAN THAMS CAD SNANG BAR BYED DO, ,'OD SRUNG, DE BZHIN DU BYANG CHUB SEMS DPA' RNAMS KYIS LAN GCIG PHYUNG BA'I SHES RAB KYI 'OD ZER RNAMS KYIS KYANG SEMS CAN THAMS CAD LA SHES PA'I SNANG BA BYED DO, ,DE LA 'DI SKAD CES BYA STE, DPER NA NYI LAS LAN GCIG PHYUNG BA YI, ,'OD ZER RNAMS KYIS SEMS CAN SNANG BAR BYED, ,DE BZHIN RGYAL SRAS YE SHES 'OD ZER GYIS, ,SEMS CAN RNAMS LA SHES RAB SNANG BAR BYED, ,'OD SRUNG, 'DI LTA STE, DPER NA, RI DVAGS KYI RGYAL PO SENG GE NI GA LAS GAR 'GRO BA THAMS CAD DU MI 'JIGS MI SKRAG PA NYID DU 'GRO'O, ,'OD SRUNG, DE BZHIN DU BYANG CHUB SEMS DPA' THOS PA DANG, TSUL KHRIMS DANG, BSLAB PA DANG, SBYANGS PA'I YON TAN DANG, YO BYAD BSNYUNGS PA DANG, TING NGE 'DZIN DANG; YE SHES LA GNAS PA YANG GA LAS GAR 'GRO BA THAMS CAD DU MI 'JIGS MI SKRAG PA NYID DU 'GRO'O, ,DE LA 'DI SKAD CES BYA STE, RI DVAGS RGYAL PO SENG GE RAL PA CAN, ,'JIGS PA

225b

MED PAR GANG DU 'DOD PAR 'GRO, ,DE BZHIN BYANG CHUB SEMS DPA' TSUL KHRIMS DANG, ,THOS DANG YE SHES GNAS PA DGA' MGUR 'GRO, ,'OD SRUNG, 'DI LTA STE, DPER NA, BA GLANG GLANG PO CHE SHIN TU DUL BA NI KHAL THAMS CAD KHYER BAS YONGS SU SKYO BA MED DO, ,'OD SRUNG, ,DE BZHIN DU BYANG CHUB SEMS DPA' SEMS SHIN TU DUL BA YANG SEMS CAN THAMS CAD KYI DON GYI PHYIR PHUNG PO LNGA'I KHUR KHYER BAS YONGS SU SKYO BA MED DO, ,DE LA 'DI SKAD CES BYA STE, DPER NA RAB DUL STOBS LDAN GLANG PO CHE, ,KHAL RNAMS KHYER YANG YONGS SU SKYO BA MED, ,DE BZHIN BYANG CHUB SEMS DPA' SEMS RAB DUL, ,SEMS CAN KHUR GYIS SKYO BAR 'GYUR BA MED, ,'OD SRUNG, 'DI LTA STE, DPER NA, PADMA CHU LAS SKYES KYANG CHUS MI GOS SO, ,'OD SRUNG, DE BZHIN DU BYANG CHUB SEMS DPA' 'JIG RTEN DU SKYES KYANG 'JIG RTEN GYI CHOS RNAMS KYIS MI GOS SO, ,DE LA 'DI SKAD CES BYA STE, DPER NA PADMA CHU LAS SKYES GYUR KYANG, ,CHU'AM RDZAB KYIS GOS PA MED PA LTAR, ,DE BZHIN BYANG CHUB SEMS DPA' 'JIG RTEN SKYES, ,'JIG RTEN CHOS KYIS NAM YANG GOS PA MED, ,'OD SRUNG, 'DI LTA STE, DPER NA, SHING LJON PA YAL GA BCAD PA NI RTZA BA MA SNAD NA SLAR YANG SA LAS SKYE'O, ,'OD SRUNG, DE BZHIN DU BYANG CHUB SEMS DPA' THABS LA MKHAS PA NYON MONGS PA'I YAL GA BCAD PA YANG SNYING RJE CHEN POS DGE BA'I RTZA BA LA KUN DU SBYOR BA MA NYAMS NA

226a

, ,SLAR YANG KHAMS GSUM DU SKYE'O, ,DE LA 'DI SKAD CES BYA STE, DPER NA SHING LJON YAL GA BCAD PA NI, ,RTZA BA BRTAN PAR MA SNAD SLAR YANG SKYE, ,DE BZHIN RTZA BA KUN SBYOR MA SPANGS NA, ,THABS KYIS BSAL YANG SLAR YANG SKYE BAR 'GYUR, ,'OD SRUNG, 'DI LTA STE, DPER NA, PHYOGS DANG PHYOGS MTSAMS THA DAD PA NAS KLUNG CHEN PO'I CHU'I PHUNG PO RGYA MTSO CHEN POR 'BAB PA NI, 'DI LTA STE, LAN TSVA'I ROR RO GCIG PAR 'GYUR RO, ,'OD SRUNG, DE BZHIN DU BYANG CHUB SEMS DPA'I DGE BA'I RTZA BA SGO THA DAD PA NAS BSAGS PA BYANG CHUB TU YONGS SU BSNGOS PA THAMS CAD KYANG 'DI LTA STE, THAMS CAD MKHYEN PA NYID KYI ROR RO GCIG PAR 'GYUR RO, ,DE LA 'DI SKAD CES BYA STE, DPER NA THA DAD PHYOGS KYI CHU KLUNG RNAMS, ,RGYA MTSO CHER 'BAB RO GCIG 'GYUR BA BZHIN, ,THA DAD SGO NAS DGE BA BSAGS BYAS PA, ,BYANG CHUB BSNGOS PA RNAMS KYANG RO GCIG 'GYUR, ,'OD SRUNG, 'DI LTA STE, DPER NA, RGYAL CHEN BZHI'I RIS RNAMS DANG, SUM CU RTZA GSUM PA'I LHA RNAMS NI RI RAB LA GNAS SO, ,'OD SRUNG, DE BZHIN DU BYANG CHUB SEMS DPA'I THAMS CAD MKHYEN PA NYID KYANG BYANG CHUB KYI SEMS KYI DGE BA'I RTZA BA LA GNAS SO, ,DE LA 'DI SKAD CES BYA STE, DPER NA RGYAL CHEN BZHI YI RIS RNAMS DANG, ,SUM CU RTZA GSUM LHA TSOGS RI RAB GNAS, ,DE BZHIN BYANG CHUB SEMS DPA'

226b

DGER GNAS TE, ,THAMS CAD MKHYEN NYID THOB NAS CHOS KYANG STON, ,'OD SRUNG, 'DI LTA STE, DPER NA, BLON POS YONGS SU ZIN PA'I RGYAL PO RNAMS NI RGYAL PO'I BYA BA THAMS CAD BYED DO, ,'OD SRUNG, DE BZHIN DU BYANG CHUB SEMS DPA' THABS LA MKHAS PAS YONGS SU ZIN PA'I SHES RAB KYANG SANGS RGYAS KYI MDZAD PA THAMS CAD BYED DO, ,DE LA 'DI SKAD CES BYA STE, DPER NA BLON PO LDAN PA'I RGYAL PO RNAMS, ,BYA BA THAMS CAD RTAG TU BYED PA LTAR, ,THABS LDAN BYANG CHUB SEMS DPA'I SHES RAB KYANG, ,SANGS RGYAS DON RNAMS RTAG TU BYED PA YIN, ,'OD SRUNG, 'DI LTA STE, DPER NA, SPRIN MED CING NAM THANG BA'I NAM MKHA' LA NI CHAR 'BAB PA'I RGYU MED DO, ,'OD SRUNG, DE BZHIN DU BYANG CHUB SEMS DPA' THOS PA NYUNG BA LA YANG DAM PA'I CHOS KYI CHAR DBAB PA'I RGYU MED DO, ,DE LA 'DI SKAD CES BYA STE, DPER NA SPRIN MED NAM THANG NAM MKHA' LA, ,CHAR 'BAB RGYU NI NAM YANG MI DMIGS SO, ,DE BZHIN BYANG CHUB SEMS DPA' THOS NYUNG LA, ,CHOS STON NAM YANG DMIGS PAR MI 'GYUR RO, ,'OD SRUNG, 'DI LTA STE, DPER NA, SPRIN CHEN PO LAS BYUNG BA'I CHAR GYI RGYUN NI LO TOG THAMS CAD LA MNGON PAR 'BAB BO, ,'OD SRUNG, DE BZHIN DU BYANG CHUB SEMS DPA'I SNYING PO CHEN PO DANG, MANG DU THOS PA'I CHOS KYI SPRIN LAS BYUNG BA'I DAM PA'I CHOS KYI CHAR YANG SEMS CAN THAMS CAD LA MNGON PAR 'BAB BO, ,DE LA 'DI SKAD CES BYA STE, DPER NA

227a

, ,SPRIN CHEN GLOG DANG BCAS PA LAS, ,CHAR PA BAB PAS LO TOG NGOMS PAR BYED, ,DE BZHIN BYANG CHUB SEMS DPA' DAM CHOS KYI, ,SPRIN BYUNG CHOS RGYU SEMS CAN TSIM PAR BYED, ,'OD SRUNG, 'DI LTA STE, DPER NA, 'KHOR LOS BSGYUR BA'I RGYAL PO GANG DU BYUNG BA DER RIN PO CHE SNA BDUN YANG 'BYUNG NGO, ,'OD SRUNG, DE BZHIN DU BYANG CHUB SEMS DPA' GANG DU 'BYUNG BA DER BYANG CHUB KYI PHYOGS DANG MTHUN PA'I CHOS SUM CU RTZA BDUN PA DAG KYANG 'BYUNG NGO, ,DE LA 'DI SKAD CES BYA STE, 'KHOR LOS BSGYUR BA'I RGYAL PO GANG BYUNG BA, ,DER NI DE YI RIN CHEN SNA BDUN 'BYUNG, ,BYANG CHUB SEMS DPA' GANG DU 'BYUNG GYUR PA, ,DER NI BYANG CHUB YAN LAG BDUN PO 'BYUNG, ,'OD SRUNG, 'DI LTA STE, DPER NA, GANG NA NOR BU RIN PO CHE BEE d'URYA 'BYUNG BA'I SGO YOD PA DE NA KAR SHA PA NA BRGYA STONG MANG PO 'BYUNG BA'I SGO YOD DO, ,'OD SRUNG, DE BZHIN DU GANG NA BYANG CHUB SEMS DPA' 'BYUNG BA'I SGO YOD PA DE NA NYAN THOS DANG, RANG SANGS RGYAS 'BUM PHRAG MANG PO 'BYUNG BA'I SGO YOD DO, ,DE LA 'DI SKAD CES BYA STE, DPER NA GANG DU NOR BU RIN CHEN 'BYUNG, ,DER NI KAR SHA PA NA MANG 'BYUNG LTAR, ,GANG DU RDZOGS PA'I BYANG CHUB SEMS 'BYUNG BA, ,DER NI NYAN THOS MANG PO 'BYUNG BAR 'GYUR, ,'OD SRUNG, 'DI LTA STE, DPER NA, SUM CU RTZA GSUM PA'I LHA 'DRES PA'I TSAL DU ZHUGS PA RNAMS KYI LONGS SPYOD DANG YONGS SU SPYOD PA RNAMS NI MTSUNGS

227b

PAR GNAS SO, ,'OD SRUNG, DE BZHIN DU BYANG CHUB SEMS DPA' BSAM PA DAG PA'I SBYOR BA YANG SEMS CAN THAMS CAD KYI BYA BA THAMS CAD LA MTSUNGS PAR 'GYUR RO, ,DE LA 'DI SKAD CES BYA STE, DPER NA 'DRES PA'I TSAL GNAS LHA RNAMS KYI, ,LONGS SPYOD RNAMS NI MTSUNGS PAR GNAS PA YIN, ,DE BZHIN BSAM DAG BYANG CHUB SEMS DPA' YANG, ,SEMS CAN RNAMS LA RTAG TU LEGS PAR SBYOR; ;'OD SRUNG, 'DI LTA STE, DPER NA, SNGAGS DANG SMAN GYIS YONGS SU ZIN PA'I DUG GIS NI 'CHI BAR BYED MI NUS SO, ,'OD SRUNG, DE BZHIN DU YE SHES DANG THABS MKHAS PAS YONGS SU ZIN PA'I BYANG CHUB SEMS DPA'I NYON MONGS PA'I DUG GIS KYANG LOG PAR LTUNG BAR BYED MI NUS SO, ,DE LA 'DI SKAD CES BYA STE, DPER NA SNGAGS KYIS YONGS SU ZIN PA'I DUG ,SKYE BO RNAMS LA NYES PA BYED MI NUS, ,DE BZHIN BYANG CHUB SEMS DPA' YE SHES CAN, ,NYON MONGS RNAMS KYIS LOG LTUNG BYED MI NUS, ,'OD SRUNG, 'DI LTA STE, DPER NA, GRONG KHYER CHEN PO RNAMS KYI LUD GANG YIN PA DE NI BU RAM SHING GI ZHING DAG DANG, RGUN 'BRUM GYI ZHING DAG LA PHAN PA YIN NO, ,'OD SRUNG, DE BZHIN DU BYANG CHUB SEMS DPA'I NYON MONGS PA'I LUD GANG YIN PA DE YANG THAMS CAD MKHYEN PA NYID LA PHAN PAR 'GYUR BA YIN NO, ,DE LA 'DI SKAD CES BYA STE, DPER NA GRONG KHYER RNAMS KYI MI GTZANG LUD, ,DE NI BU RAM SHING GI ZHING LA PHAN, ,DE BZHIN BYANG CHUB SEMS KYI NYON MONGS LUD,,

228a

, ,DE NI RGYAL BA'I CHOS LA PHAN PAR BYED, ,'OD SRUNG, 'DI LTA STE, DPER NA, 'PHONG RTZAL MA BSLABS PA LAS MTSON THABS SLOB PA DE BZHIN DU BYANG CHUB SEMS DPA' THOS PA NYUNG BA LAS DAM PA'I CHOS RAB TU RNAM PAR 'BYED PA DANG, DPYOD PA DANG, DON 'DZIN PA'I SHES PAR BLTA'O, ,'OD SRUNG, 'DI LTA STE, DPER NA, SO MA BTANG BA'I SNOD RNAMS LA NI RDZA MKHAN GYIS ME CHEN PO BTANG DGOS SO, ,'OD SRUNG, DE BZHIN DU SHES RAB MA SMIN PA'I SEMS CAN RNAMS LA YANG BYANG CHUB SEMS DPAS SANGS RGYAS KYI CHOS KYI ME CHEN PO BTANG DGOS PAR BLTA'O, ,'OD SRUNG, DE LTA BAS NA BYANG CHUB SEMS DPA' DKON MCHOG BRTZEGS PA CHEN PO'I CHOS KYI RNAM GRANGS 'DI LA SLOB PAR 'DOD PAS TSUL BZHIN DU CHOS LA RAB TU SBYOR BAR BYA'O; ;'OD SRUNG, DE LA BYANG CHUB SEMS DPA'I TSUL BZHIN DU CHOS LA RAB TU SBYOR BA GANG ZHE NA, 'DI LTA STE, DBU MA'I LAM CHOS RNAMS LA YANG DAG PAR SO SOR RTOG PA'O, ,'OD SRUNG, DBU MA'I CHOS RNAMS LA YANG DAG PAR SO SOR RTOG PA GANG ZHE NA, 'OD SRUNG, GANG LA BDAG MED PAR SO SOR RTOG PA DANG, SEMS CAN MED PA DANG, SROG MED PA DANG, GSO BA MED PA DANG, SKYES BU MED PA DANG, GANG ZAG MED PA DANG, SHED LAS SKYES PA MED PA DANG, SHED BU MED PAR SO SOR RTOG PA STE, 'OD SRUNG, 'DI NI DBU MA'I LAM CHOS RNAMS LA YANG DAG PAR

228b

SO SOR RTOG PA ZHES BYA'O, ,'OD SRUNG, GZHAN YANG DBU MA'I LAM CHOS RNAMS LA YANG DAG PAR SO SOR RTOG PA NI GANG GZUGS LA RTAG PAR YANG SO SOR MI RTOG ,MI RTAG PAR YANG SO SOR MI RTOG PA DANG, 'OD SRUNG, DE BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA LA GANG RTAG PAR YANG SO SOR MI RTOG ,MI RTAG PAR YANG SO SOR MI RTOG PA STE, 'OD SRUNG, 'DI NI DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ,'OD SRUNG, GZHAN YANG DBU MA'I LAM CHOS RNAMS LA YANG DAG PAR SO SOR RTOG PA NI GANG SA'I KHAMS LA RTAG PAR YANG SO SOR MI RTOG ,MI RTAG PAR YANG SO SOR MI RTOG PA DANG, DE BZHIN DU CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG, RNAM PAR SHES PA'I KHAMS LA RTAG PAR YANG SO SOR MI RTOG ,MI RTAG PAR YANG SO SOR MI RTOG PA STE, 'OD SRUNG, 'DI NI DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ,'OD SRUNG, GZHAN YANG DBU MA'I LAM CHOS RNAMS LA YANG DAG PAR SO SOR RTOG PA NI GANG MIG GI SKYE MCHED LA RTAG PAR YANG SO SOR MI RTOG ,MI RTAG PAR YANG SO SOR MI RTOG PA DANG, DE BZHIN DU RNA BA DANG, SNA DANG; LCE DANG, LUS DANG, YID KYI SKYE MCHED RNAMS LA RTAG PAR YANG SO SOR MI RTOG ,MI RTAG PAR YANG SO SOR MI RTOG PA STE, 'OD SRUNG, 'DI NI DBU MA'I LAM CHOS RNAMS LA YANG DAG

229a

, ,PAR SO SOR RTOG PA ZHES BYA'O, ,'OD SRUNG, RTAG CES BYA BA DE NI MTHA' GCIG GO ,MI RTAG CES BYA BA DE NI MTHA' GNYIS SO, ,MTHA' DE GNYIS KYI DBUS GANG YIN PA DE NI DPYAD DU MED PA, BSTAN DU MED PA, RTEN MA YIN PA, SNANG BA MED PA, RNAM PAR RIG PA MED PA, GNAS MED PA STE, 'OD SRUNG, 'DI NI DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ,'OD SRUNG, BDAG CES BYA BA DE NI MTHA' GCIG GO, ,BDAG MED CES BYA BA DE NI MTHA' GNYIS SO, ,MTHA' DE GNYIS KYI DBUS GANG YIN PA DE NI DPYAD DU MED PA; BSTAN DU MED PA, RTEN MA YIN PA, SNANG BA MED PA, RNAM PAR RIG PA MED PA, GNAS MED PA STE, 'OD SRUNG, 'DI NI DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O; ;'OD SRUNG, SEMS YANG DAG PA ZHES BYA BA DE NI MTHA' GCIG GO, ,SEMS YANG DAG PA MA YIN PA ZHES BYA BA DE NI MTHA' GNYIS SO, ,'OD SRUNG, GANG NA SEMS MED PA DANG, SEMS PA MED PA DANG, YID MED PA DANG, RNAM PAR SHES PA MED PA 'DI NI, 'OD SRUNG, DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ,DGE BA DANG, MI DGE BA RNAMS DANG, 'JIG RTEN PA DANG, 'JIG RTEN LAS 'DAS PA RNAMS DANG, KHA NA MA THO BA DANG BCAS PA DANG, KHA NA MA THO BA MED PA RNAMS DANG, ZAG PA DANG BCAS PA DANG, ZAG PA MED

229b

PA RNAMS DANG, 'DUS BYAS DANG, 'DUS MA BYAS KYI CHOS THAMS CAD KYANG DE BZHIN NO, ,'OD SRUNG, KUN NAS NYON MONGS PA ZHES BYA BA DE NI MTHA' GCIG GO, ,RNAM PAR BYANG BA ZHES BYA BA DE NI MTHA' GNYIS SO, ,MTHA' DE GNYIS KHAS MI LEN CING MI BRJOD MI SMRA BA GANG YIN PA 'DI NI, 'OD SRUNG, DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ,'OD SRUNG YOD CES BYA BA DE NI MTHA' GCIG GO, ,MED CES BYA BA 'DI NI MTHA' GNYIS SO, ,DE GNYIS KYI DBUS GANG YIN PA DE NI DPYAD DU MED PA, BSTAN DU MED PA, RTEN MED PA, SNANG BA MED PA, RNAM PAR RIG PA MED PA, GNAS MED PA STE, 'OD SRUNG, 'DI NI DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ,'OD SRUNG, 'KHOR BA ZHES BYA BA 'DI NI MTHA' GCIG GO,, MYA NGAN LAS 'DAS PA ZHES BYA BA 'DI NI MTHA' GNYIS SO, ,DE GNYIS KYI DBUS GANG YIN PA DE NI DPYAD DU MED PA, BSTAN DU MED PA, RTEN MA YIN PA, SNANG BA MED PA, RNAM PAR RIG PA MED PA, GNAS MED PA STE, 'OD SRUNG, 'DI NI DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ,'OD SRUNG, GANG YANG NGAS KHYED RNAMS LA MA RIG PA'I RKYEN GYIS 'DU BYED RNAMS, 'DU BYED KYI RKYEN GYIS RNAM PAR SHES PA, RNAM PAR SHES PA'I RKYEN GYIS MING DANG GZUGS, MING DANG GZUGS KYI RKYEN GYIS SKYE MCHED DRUG ,SKYE MCHED DRUG GI RKYEN

230a

, ,GYIS REG PA, REG PA'I RKYEN GYIS TSOR BA, TSOR BA'I RKYEN GYIS SRED PA, SRED PA'I RKYEN GYIS LEN PA, LEN PA'I RKYEN GYIS SRID PA, SRID PA'I RKYEN GYIS SKYE BA, SKYE BA'I RKYEN GYIS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG STE, DE LTAR SDUG BSNGAL GYI PHUNG PO CHEN PO 'BA' ZHIG PO 'DI 'BYUNG BAR 'GYUR RO, ,MA RIG PA 'GAGS PAS 'DU BYED 'GAG ,'DU BYED 'GAGS PAS RNAM PAR SHES PA 'GAG ,RNAM PAR SHES PA 'GAGS PAS MING DANG GZUGS 'GAG, MING DANG GZUGS 'GAGS PAS SKYE MCHED DRUG 'GAG ,SKYE MCHED DRUG 'GAGS PAS REG PA 'GAG ,REG PA 'GAGS PAS TSOR BA 'GAG ,TSOR BA 'GAGS PAS SRED PA 'GAG ,SRED PA 'GAGS PAS LEN PA 'GAG ,LEN PA 'GAGS PAS SRID PA 'GAG ,SRID PA 'GAGS PAS SKYE BA 'GAG ,SKYE BA 'GAGS PAS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'GAG STE, DE LTAR SDUG BSNGAL GYI PHUNG PO CHEN PO 'BA' ZHIG PO 'DI DAG 'GAG PAR 'GYUR RO ZHES BSTAN PA DE LA, 'OD SRUNG, RIG PA DANG MA RIG PA DE DAG GNYIS MA YIN ZHING RNAM PA GNYIS SU DBYER MED DE, ,'OD SRUNG, 'DI LA SHES PA GANG YIN PA DE NI DBU MA'I LAM CHOS RNAMS LA YANG DAG PAR SO SOR RTOG PA ZHES

230b

BYA'O; ;DE BZHIN DU 'DU BYED RNAMS DANG, 'DU BYED RNAMS 'GAG PA DANG, RNAM PAR SHES PA DANG, RNAM PAR SHES PA 'GAG PA DANG, MING DANG GZUGS DANG, MING DANG GZUGS 'GAG PA DANG; SKYE MCHED DRUG DANG, SKYE MCHED DRUG 'GAG PA DANG, REG PA DANG, REG PA 'GAG PA DANG, TSOR BA DANG, TSOR BA 'GAG PA DANG, SRED PA DANG, SRED PA 'GAG PA DANG, LEN PA DANG, LEN PA 'GAG PA DANG, SRID PA DANG, SRID PA 'GAG PA DANG, SKYE BA DANG, SKYE BA 'GAG PA DANG, RGA SHI DANG, RGA SHI 'GAG PA DE DAG GNYIS MA YIN ZHING RNAM PA GNYIS SU DBYER MED DE, 'OD SRUNG, 'DI LA SHES PA GANG YIN PA DE NI DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ,'OD SRUNG, GZHAN YANG DBU MA'I LAM CHOS RNAMS LA YANG DAG PAR SO SOR RTOG PA NI GANG STONG PA NYID KYIS CHOS RNAMS STONG PAR MI BYED DE, CHOS RNAMS NYID STONG PA DANG, GANG MTSAN MA MED PAS CHOS RNAMS MTSAN MA MED PAR MI BYED DE, CHOS RNAMS NYID MTSAN MA MED PA DANG; GANG SMON PA MED PAS CHOS RNAMS SMON PA MED PAR MI BYED DE, CHOS RNAMS NYID SMON PA MED PA DANG, GANG MNGON PAR 'DU BYED PA MED PAS CHOS RNAMS MNGON PAR 'DU BYED PA MED PAR MI BYED DE, CHOS RNAMS NYID MNGON PAR 'DU BYED PA MED PA DANG, GANG MA SKYES PAS CHOS RNAMS MA SKYES PAR MI BYED DE, CHOS RNAMS NYID MA SKYES PA DANG, GANG MA BYUNG BAS

231a

, ,CHOS RNAMS MA BYUNG BAR MI BYED DE, CHOS RNAMS NYID MA BYUNG BA DANG, GANG NGO BO NYID MED PAS CHOS RNAMS NGO BO NYID MED PAR MI BYED DE, CHOS RNAMS NYID NGO BO NYID MED PAR GANG DAG DE LTAR SO SOR RTOG PA DE NI, 'OD SRUNG, DBU MA'I LAM CHOS RNAMS LA YANG DAG PAR SO SOR RTOG PA ZHES BYA'O, ,YANG 'OD SRUNG, GANG ZAG RNAM PAR GZHIG PA'I PHYIR STONG PA NYID MA YIN GYI STONG PA NYID STONG PA'O, ,'OD SRUNG, SNGON GYI MTHA' STONG PA, PHYI MA'I MTHA' STONG PA, DA LTAR BYUNG BA STONG BA STE, STONG PA NYID LA RTON PAR BYA'I, GANG ZAG LA MA YIN NO, ,'OD SRUNG, GANG DAG STONG PA NYID DU DMIGS PAS STONG PA NYID LA RTON PA DE DAG NI, NGAS GSUNG RAB 'DI LAS NYAMS, RAB TU NYAMS ZHES BSHAD DO, ,'OD SRUNG, GANG ZAG TU LTA BA RI RAB TZAM LA GNAS PA BLA'I, MNGON PA'I NGA RGYAL CAN STONG PA NYID DU LTA BA NI DE LTA MA YIN NO, ,DE CI'I PHYIR ZHE NA, 'OD SRUNG, LTA BAR GYUR PA THAMS CAD LAS 'BYUNG BA NI STONG PA NYID YIN NA, 'OD SRUNG, GANG STONG PA NYID KHO NAR LTA BA DE NI GSOR MI RUNG NGO ZHES NGAS BSHAD DO, ,'OD SRUNG, 'DI LTA STE, DPER NA, MI NAD PA ZHIG YOD LA, SMAN PAS DE LA SMAN BTANG NAS SMAN DES DE'I NAD THAMS CAD BSKYOD DE, SMAN LTO NA 'DUG PA DE NYID MI 'BYUNG NA, 'OD SRUNG, 'DI JI SNYAM DU SEMS, MI DE NAD DE LAS THAR PAR 'GYUR RAM, GSOL PA, BCOM LDAN 'DAS,

231b

DE NI MI 'GYUR LAGS TE, GANG SMAN DES NAD THAMS CAD BSKYOD NAS, SMAN LTO NA MCHIS PA NYID MA BYUNG NA, MI DE'I BRO NAD SHIN TU TSABS CHE BAR 'GYUR LAGS SO, ,BCOM LDAN 'DAS KYIS BKA' STZAL PA, 'OD SRUNG, DE BZHIN DU LTA BAR GYUR PA THAMS CAD LAS BYUNG BA NI STONG PA NYID YIN NA, 'OD SRUNG, GANG STONG PA NYID KHO NAR LTA BA DE NI GSOR MI RUNG NGO ZHES NGAS BSHAD DO, ,DE LA 'DI SKAD CES BYA STE, DPER NA SMAN PAS NAD NI BSAL BA'I PHYIR, ,MI ZHIG LA NI BKRU SMAN BTANG BA LAS, ,NAD RNAMS BSKYOD NAS 'KHRUS PAR MA GYUR NA, ,DE YI GZHI LAS NAD NI SOS MI 'GYUR, ,DE BZHIN LTA BA THIBS POR GNAS PA LAS, ,'BYUNG BA'I MCHOG NI STONG PA NYID YIN NA, ,GANG ZHIG STONG PA KHO NAR LTA GYUR PA, ,DE NI GSOR MI RUNG ZHES RGYAL BAS GSUNGS, ,'OD SRUNG, 'DI LTA STE, DPER NA, MI LA LA ZHIG NAM MKHAS 'JIG SKRAG NAS BRANG BRDUNG ZHING NGU STE, NAM MKHA' 'DI SOL CIG CES DE SKAD ZER NA, 'OD SRUNG, 'DI JI SNYAM DU SEMS, NAM MKHA' DE BSAL BAR NUS SAM, GSOL PA, BCOM LDAN 'DAS, DE NI RNGO MI THOGS LAGS SO, ,BCOM LDAN 'DAS KYIS BKA' STZAL PA, 'OD SRUNG, DE BZHIN DU DGE SBYONG DANG, BRAM ZE GANG DAG STONG PA NYID KYIS SKRAG ,RAB TU SKRAG NA DE DAG GI SEMS 'KHRUGS PA CHEN POR 'GYUR RO ZHES NGAS BSHAD DO, ,DE CI'I PHYIR ZHE NA, 'OD SRUNG, DE DAG NI STONG PA NYID LA SPYOD PA DE NYID KYIS SKRAG

232a

, ,PA'I PHYIR RO, ,DE LA 'DI SKAD CES BYA STE, DPER NA NAM MKHAS 'JIGS PA NYEN PA'I MI, ,BLUN PO NAM MKHA' 'DI NI SOL ZHES ZER, ,NAM MKHA' BSAL BAR NUS PA MA YIN YANG, ,RMONGS PAS BYIS PA DAG NI 'DI SKAD SMRA, ,DE BZHIN DGE SBYONG BRAM ZE GANG DAG CIG ,STONG PA NYID KYIS SKRAG CING SEMS 'KHRUGS PAS, ,BYIS PA DE DAG STONG PA NYID SPYOD PA, ,STONG PA NYID NI GANG DU'ANG GZHIG MI NUS, ,'OD SRUNG, 'DI LTA STE, DPER NA, RI MO MKHAN ZHIG BDAG NYID KYIS GNOD SBYIN GYI GZUGS 'JIGS 'JIGS LTA ZHIG BRIS NAS DE 'JIGS SKRAG STE, KHA SPUB TU 'GYEL NAS BRGYAL BAR 'GYUR BA DE BZHIN DU, 'OD SRUNG, BYIS PA SO SO'I SKYE BO RNAMS KYANG BDAG NYID KYIS BYIS PA'I GZUGS DANG, SGRA DANG, DRI DANG, RO DANG, REG BYA RNAMS KYIS 'KHOR BA NA 'KHOR YANG, CHOS DE DAG YANG DAG PA JI LTA BA BZHIN DU RAB TU MI SHES SO, ,DE LA 'DI SKAD CES BYA STE, DPER NA RI MO MKHAN ZHIG GIS, ,GNOD SBYIN 'JIGS PA'I GZUGS BYAS NAS, ,DE YIS 'JIGS TE KHA SPUB TU, ,'GYEL NAS BRGYAL BAR GYUR PA LTAR, ,BYIS PA SO SO'I SKYE BO KUN, ,BDAG NYID KYIS NI BYIS PA YI, ,GZUGS SGRA LA SOGS RMONGS GYUR PAS, ,'GRO BA DRUG TU 'KHYAMS PAR 'GYUR, ,'OD SRUNG, 'DI LTA STE, DPER NA, MI SGYU MA MKHAN ZHIG GIS SGYU MA SPRUL NAS, SPRUL PA DES SGYU MA MKHAN

232b

DE NYID ZOS PA DE BZHIN DU, 'OD SRUNG, DGE SBYONG RNAL 'BYOR SPYOD PA YANG GANG DANG GANG YID LA BYED PA DE THAMS CAD DE LA GSOG TU SNANG NGO, ,GSOB DANG, STONG BA DANG, SNYING PO MED PA NYID DU SNANG NGO, ,DE LA 'DI SKAD CES BYA STE, DPER NA SGYU MA MKHAN GYIS MNGON SPRUL PA, ,SGYU MA BYAS PA DE YIS DE ZOS LTAR, ,RNAL 'BYOR PAS NI YID LA GANG BYED PA, ,DE LA DE DAG GSOG DANG GSOB TU SNANG, ,'OD SRUNG, 'DI LTA STE, DPER NA, SHING GNYIS RLUNG GIS DRUD PA DE LAS ME BYUNG STE, BYUNG NAS SHING DE GNYIS SREG PA DE BZHIN DU, 'OD SRUNG, YANG DAG PAR SO SOR RTOG PA YOD NA, 'PHAGS PA'I SHES RAB KYI DBANG PO SKYE STE, DE SKYES PAS YANG DAG PAR SO SOR RTOG PA DE NYID SREG PAR BYED DO, ,DE LA 'DI SKAD CES BYA STE, DPER NA SHING GNYIS RLUNG GIS DRUD PA LAS, ,ME BYUNG BAS NI DE NYID SREG PAR BYED, ,DE BZHIN SHES RAB DBANG PO SKYES NAS KYANG, ,SO SOR RTOG PA DE NYID SREG PAR BYED, ,'OD SRUNG, 'DI LTA STE, DPER NA, MAR ME BUS NA MUN PA MUN NAG THAMS CAD MED PAR 'GYUR YANG, MUN PA MUN NAG DE GANG NAS KYANG 'ONG BA'AM 'GRO BA MED DE, SHAR PHYOGS DANG, LHO DANG, NUB DANG, BYANG PHYOGS SU YANG 'GRO BA'AM 'ONG BA MED DO, ,YANG 'OD SRUNG, MAR ME DE 'DI SNYAM DU BDAG GIS MUN PA MUN NAG BSAL LO SNYAM DU MI SEMS MOD KYI, 'ON KYANG MAR ME LA BRTEN NAS MUN PA MUN NAG MED PAR 'GYUR RO, ,'OD SRUNG, DE LA MAR ME

233a

, ,GANG YIN PA DANG, MUN PA MUN NAG GANG YIN PA DE GNYI GA STONG PA STE, GZUNG DU MED CING BYED PA MED DO, ,'OD SRUNG, DE BZHIN DU YE SHES SKYES NA MI SHES PA MED PAR 'GYUR YANG, MI SHES PA DE GANG NAS KYANG 'ONG BA'AM 'GRO BA MED DE, SHAR PHYOGS DANG, LHO DANG, NUB DANG, BYANG PHYOGS SU YANG 'GRO BA'AM 'ONG BA MED DO, ,YANG 'OD SRUNG, YE SHES KYANG 'DI SNYAM DU BDAG GIS MI SHES PA BSAL LO, ,SNYAM DU MI SEMS MOD KYI, 'ON KYANG YE SHES LA BRTEN NAS MI SHES PA MED PAR 'GYUR RO, ,'OD SRUNG, DE LA YE SHES GANG YIN PA DANG, MI SHES PA GNAG YIN PA DE GNYI GA STONG PA STE, GZUNG DU MED CING BYED PA MED DO, ,DE LA 'DI SKAD CES BYA STE, DPER NA SGRON MAS MUN PA MUN NAG KUN, ,MED PAR GYUR KYANG 'GRO BA'AM 'ONG BA MED, ,DE BZHIN SHES BYUNG MI SHES MED GYUR KYANG, ,DE NI GANG NAS 'ONG BA'AM 'GRO BA MED, ,SGRON MAS MUN PA BSAL SNYAM MI SEMS KYANG, ,SNANG BA BYUNG NAS MUN PA MED PAR BYUNG, ,STONG PA GZUNG MED NAM MKHA'I ME TOG 'DRA, ,DE BZHIN YE SHES MI SHES GNYI GA STONG, ,'OD SRUNG, 'DI LTA STE, DPER NA, KHYIM DANG, KHANG PA DANG, KHANG PHRAN LO 'BUM 'DAS PAR SUS KYANG LAN 'GA' YANG MAR ME MA BUS PA DER MI LA LA ZHIG GIS MAR ME BUS NA, 'OD SRUNG, 'DI JI SNYAM DU SEMS, MUN PA MUN NAG DE 'DI SNYAM DU BDAG

233b

NI LO 'BUM DU BSAGS PA YIN TE, BDAG 'DI NAS MA 'GRO'O SNYAM DU SEMS SAM, GSOL PA, BCOM LDAN 'DAS, DE NI MI SEMS LAGS TE, MAR ME BUS NA MUN PA MUN NAG LA MI MCHI BA'I MTHU MA MCHIS KYI, GDON MI 'TSAL BAR MA MCHIS PAR 'GYUR LAGS SO, ,BCOM LDAN 'DAS KYIS BKA' STZAL PA, 'OD SRUNG, DE BZHIN DU LAS DANG NYON MONGS PA BSKAL PA 'BUM DU BSAGS PA YANG TSUL BZHIN DU YID LA BYED PA'I SO SOR RTOG PA GCIG GIS MED PAR 'GYUR RO, ,'OD SRUNG, MAR ME ZHES BYA BA DE NI 'PHAGS PA'I SHES RAB KYI DBANG PO'I TSIG BLA DVAGS SO, ,'OD SRUNG, MUN PA MUN NAG CES BYA BA DE NI 'PHAGS PA MA YIN PA'I LAS DANG NYON MONGS PA'I TSIG BLA DVAGS SO, ,DE LA 'DI SKAD CES BYA STE, DPER NA KHYIM DU MI 'GA' LA LA YIS, ,RING ZHIG LON NAS MAR ME BUS BYAS NA, ,DE LA MUN PA BDAG GNAS RING LON GYI, ,'DI NAS MI 'GRO SNYAM DU SEMS PA MED, ,MAR ME PHYUNG NAS MUN PA MUN NAG LA, ,MED PAR MI 'GYUR PA YI NUS MED DE, ,MAR ME BSTAN NAS MUN PA MED PAR 'GYUR, ,GNYI GA STONG PA RLOM SEMS CI YANG MED, ,DE BZHIN ZAG MED 'PHAGS PA'I YE SHES BSTAN, ,MI SHES NYON MONGS BSAGS PA MED PAR 'GYUR, ,YE SHES DANG NI NYON MONGS RTAG PAR YANG, ,DE DAG LAN 'GA' TZAM YANG 'GROGS PA MED, ,YE SHES MI SHES MI BYA MI SEMS KYANG, ,YE SHES BSTAN

234a

, ,NAS MI SHES MED PAR 'GYUR, ,GNYIS KA GZUNG MED NAM MKHA'I ME TOG BZHIN, ,DE BZHIN YE SHES MI SHES GNYIS KA STONG, ,'OD SRUNG, 'DI LTA STE, DPER NA; NAM MKHA' LA NI SA BON RNAMS MI SKYE'O, ,'OD SRUNG, DE BZHIN DU GANG 'DUS MA BYAS LAS BYANG CHUB SEMS DPA'I SANGS RGYAS KYI CHOS RNAMS SKYE BA NI MA BYUNG, MI 'BYUNG NGO, ,DE LA 'DI SKAD CES BYA STE, DPER NA MKHA' LAS SA BON SKYE BA NI, ,'DAS DANG MA 'ONGS PA DANG DA LTAR MED, ,DE BZHIN 'DUS MA BYAS LAS SANGS RGYAS CHOS, ,SKYE BA GANG DU'ANG MA BYUNG 'BYUNG MI 'GYUR, ,'OD SRUNG, 'DI LTA STE, DPER NA, LUD KYIS GANG BA'I SA LA NI SA BON THAMS CAD SKYE'O, ,'OD SRUNG, DE BZHIN DU NYON MONGS PA'I LUD KYIS GANG BA'I 'JIG RTEN GNAS PA LA BYANG CHUB SEMS DPA'I SANGS RGYAS KYI CHOS RNAMS SKYE'O, ,DE LA 'DI SKAD CES BYA STE, DPER NA LUD BCAS RLAN DANG BCAS PA LA, ,SA BON SKYE YI DGON DUNG RNAMS NA MIN, ,DE BZHIN NYON MONGS LOG LDAN SKYE BO LA, ,RGYAL SRAS RNAMS KYI RGYAL BA'I CHOS RNAMS SKYE, ,'OD SRUNG, 'DI LTA STE, DPER NA, 'BROG DGON PA DGON DUNG RNAMS NA NI PADMA MI SKYE'O, ,'OD SRUNG, DE BZHIN DU GANG 'DUS MA BYAS LAS BYANG CHUB SEMS DPA'I SANGS RGYAS KYI CHOS RNAMS SKYES PA DE NI MA BYUNG, MI 'BYUNG NGO, ,DE LA 'DI SKAD CES BYA STE, DPER NA PADMA CHU RDZING RNAMS NA SKYE, ,DGON

234b

DUNG DAG NA NAM YANG SKYE MI 'GYUR, ,DE BZHIN 'DUS MA BYAS LAS SANGS RGYAS CHOS, ,SKYE BA GANG DU'ANG MA BYUNG 'BYUNG MI 'GYUR, ,'OD SRUNG, 'DI LTA STE, DPER NA, LUD YOD PA'I 'DAM RDZAB NAS PADMA SKYE'O, ,'OD SRUNG, DE BZHIN DU NYON MONGS PA'I 'DAM RDZAB LOG PA NYID DU NGES PA'I SEMS CAN RNAMS LA BYANG CHUB SEMS DPA'I SANGS RGYAS KYI CHOS RNAMS SKYE'O, ,DE LA 'DI SKAD CES BYA STE, DPER NA LUD BCAS 'DAM RDZAB CHU LAS NI, ,PADMA SKYE YI THANG LAS NAM YANG MIN, ,DE BZHIN NYON MONGS LOG LDAN SKYE BO LA, ,RGYAL SRAS RNAMS KYI RGYAL BA'I CHOS RNAMS SKYE, ,'OD SRUNG, 'DI LTA STE, DPER NA, RGYA MTSO CHEN PO BZHI MAR SAR GYIS YONGS SU GANG BAR GYUR PA DE BZHIN DU BYANG CHUB SEMS DPA' DGE BA'I RTZA BA MNGON PAR 'DU BYAS PA BLTA BAR BYA'O, ,DE LA 'DI SKAD CES BYA STE, DPER NA RGYA MTSO BZHI PO MAR SAR GYIS, ,YONGS GANG GTZANG ZHING KUN NAS YID DU 'ONG, ,DE BZHIN BYANG CHUB SEMS DPA' BDE GSHEGS SRAS, ,DGE BA'I KLUNG GIS RTAG TU GANG BAR BLTA, ,'OD SRUNG, 'DI LTA STE, DPER NA, MI LA LA ZHIG GIS SKRA TSAL PA BRGYAR BSHAGS PA'I RTZE MOS RGYA MTSO CHEN PO BZHI LAS CHU'I THIGS PA GCIG BLANGS PA DE BZHIN DU, 'OD SRUNG, NYAN THOS KYI DGE BA'I RTZA BA MNGON PAR 'DU BYAS PAR BLTA BAR BYA'O, ,DE LA 'DI SKAD CES BYA STE, DPER NA CHU YI PHUNG PO DE LA NI, ,SKRA TSAL BRGYA YI RTZE MOS THIGS BLANGS PA, ,DE BZHIN

235a

, ,NYAN THOS RNAMS KYIS DGE BYAS PA'I, ,DGE BA DAG DANG LDAN PAR BLTA BAR BYA, ,'OD SRUNG, 'DI LTA STE, DPER NA, YUNGS 'BRU SRIN BUS ZOS PA'I NANG GI NAM MKHA' BZHIN DU NYAN THOS KYI 'DUS MA BYAS SHES PAR BLTA BAR BYA'O, ,DE LA 'DI SKAD CES BYA STE, DPER NA YUNGS 'BRU SRIN BUS ZOS PA YI, ,NANG GI NAM MKHA' DE NI CHUD PA YIN, ,NYAN THOS 'DUS MA BYAS PA SHES PA YANG, ,DE BZHIN CHUNG SHING SHIN TU CHUNG BAR BLTA, ,'OD DRUNG, 'DI LTA STE, DPER NA, PHYOGS BCU'I NAM MKHA'I KHAMS BZHIN DU BYANG CHUB SEMS DPA'I 'DUS MA BYAS SHES PAR BLTA BAR BYA'O, ,DE LA 'DI SKAD CES BYA STE, DPER NA PHYOGS BCU'I 'JIG RTEN THAMS CAD NA, ,NAM MKHA'I KHAM NI SGRIB PA MED PAR 'DUG ,BYANG CHUB SEMS DPA'I YE SHES 'DUS BYAS PA, ,'GRO BA KUN GYI MCHOG KYANG DE LTAR BLTA, ,'OD SRUNG, 'DI LTA STE, DPER NA, RGYAL PO RGYAL RIGS SPYI BO NAS DBANG BSKUR BA'I BTZUN MO DAM PA SKYES PA DBUL PO DANG NYAL NAS PHYIS DE LAS BU BYUNG BAR 'GYUR NA, 'OD SRUNG, 'DI JI SNYAM DU SEMS, DE RGYAL PO'I BU ZHES BYA'AM, GSOL PA, BCOM LDAN 'DAS, DE NI MI 'GYUR LAGS SO, ,BCOM LDAN 'DAS KYIS BKA' STZAL PA, 'OD SRUNG, DE BZHIN DU NGA'I NYAN THOS RNAMS CHOS RNAMS CHOS KYI DBYINGS LAS SKYES MOD KYI, DE DAG DE BZHIN GSHEGS PA'I

235b

SRAS DBANG BSKUR BAR 'OS ZHES MI BYA'O, ,DE LA 'DI SKAD CES BYA STE, DPER NA RGYAL PO'I BTZUN MO YID 'ONG MA, ,SKYES PA DBUL PO DANG NI NYAL GYUR TE, ,DE PHYIR DE LA BU BYUNG GANG YIN PA, ,DE NI RGYAL PO'I BU MIN DBANG BSKUR MIN, ,DE BZHIN NYAN THOS 'DOD CHAGS BRAL GYUR PA, ,DE DAG DBU DBANG BSKUR 'OS MA YIN, ,'DI LTAR DE DAG BDAG LA PHAN PHYIR BRTZON, ,BDAG GZHAN GNYI GA'I DON BYED SANGS RGYAS SRAS, ,'OD SRUNG, 'DI LTA STE, DPER NA, RGYAL PO RGYAL RIGS SPYI BO NAS DBANG BSKUR BA, BRAN MO NGAN PA DANG NYAL BA DE LAS DE'I BU BYUNG NA, 'OD SRUNG, DE BRAN MO NGAN PA LAS BYUNG DU ZIN KYANG DE LA RGYAL PO'I SRAS ZHES BYA'O, ,'OD SRUNG, DE BZHIN DU BYANG CHUB SEMS DPA' SEMS DANG PO BSKYED PA 'KHOR BA NA 'KHOR ZHING, SEMS CAN RNAMS 'DUL BA'I MTHU MA THOB TU ZIN KYANG DE NI DE BZHIN GSHEGS PA'I SRAS ZHES BYA'O, ,DE LA 'DI SKAD CES BYA STE, DPER NA 'KHOR LOS BSGYUR BA BRAN MO DANG, ,NYAL BAR GYUR PA DE LAS BU BYUNG BA, , BRAN MO LAS NI BYUNG BAR GYUR KYANG DE, ,RGYAL PO'I SRAS ZHES 'JIG RTEN ZER BA LTAR, ,BYANG CHUB SEMS DPA' DANG PO SEMS BSKYED PA, ,SRID PA GSUM NA 'KHOR ZHING MTHU CHUNG STE, ,SBYIN DANG THABS KYIS SEMS CAN MI 'DUL YANG, ,SEMS CAN DAG PA RGYAL BA'I SRAS ZHES BYA,, ,,BAM PO GNYIS PA STE THA MA'O, ,'OD SRUNG, 'DI LTA STE, DPER NA, 'KHOR

236a

, ,LOS BSGYUR BA'I RGYAL PO LA BU GZHON NU STOBS CHE ZHING MGYOGS PA'I SHUGS DANG LDAN PA MTHU RNYED PA STONG MOD PAR GYUR LA, DE DAG GANG YANG 'KHOR LOS SGYUR BA'I MTSAN DANG MI LDAN NA DE DAG LA 'KHOR LOS BSGYUR BA'I RGYAL PO'I SRAS SU 'DU SHES MI SKYED PA DE BZHIN DU, 'OD SRUNG, DE BZHIN GSHEGS PA'I ZHAM RING BA NYAN THOS BYE BA BRGYA STONG DE DAG GANG YANG BYANG CHUB SEMS DPAR MA GYUR NA DE DAG LA DE BZHIN GSHEGS PA'I SRAS SU 'DU SHES MI BSKYED DO, ,DE LA 'DI SKAD CES BYA STE, DPER NA MI BDAG RGYAL PO SRAS STONG PO, ,'GA' YANG BU YI MTSAN DANG MI LDAN NA, ,DE PHYIR DE DAG GCES BYED MI NUS PAS, ,DE LA MI MCHOG BU YI 'DU SHES MED, ,DE BZHIN SANGS RGYAS ZHAM RING BYE BA MANG, , 'GA' YANG BYANG CHUB SEMS DPA' MA YIN NA, ,DE NA BYANG CHUB SEMS DPA' 'GA' MED PHYIR, ,DE LA BDE GSHEGS SRAS SU DGONGS MI MDZAD, ,'OD SRUNG, 'DI LTA STE, DPER NA, 'KHOR LOS BSGYUR BA'I RGYAL PO'I BTZUN MO DAM PA'I MNGAL DU GZHON NU 'KHOR LOS BSGYUR BA'I MTSAN DANG LDAN PA CHAGS NAS ZHAG BDUN LON TE, 'BYUNG BA CHEN PO MER MER PO 'DUG KYANG, SHIN TU STOBS DANG LDAN PAS DE LA LHA RNAMS RE BA BSKYED KYI, GZHON NU STOBS CHE LA MGYOGS PA'I SHUGS DANG LDAN ZHING MTHU RNYED PA DE DAG LA NI MA YIN NO, ,DE CI'I PHYIR ZHE NA, DE NI 'KHOR

236b

LOS BSGYUR BA'I RIGS MI 'CHAD PAR GNAS PA'I PHYIR RO, ,'OD SRUNG, DE BZHIN DU BYANG CHUB SEMS DPA' SEMS DANG PO BSKYED PA, DBANG PO YONGS SU MA SMIN PA, NYON MONGS PA'I 'BYUNG BA CHEN PO MER MER POR GYUR PA, 'KHOR BA NA 'KHOR ZHING, SANGS RGYAS KYI CHOS RNAMS YANG DAG PAR SGRUB PA YANG SHIN TU STOBS DANG LDAN PAS DE LA SNGON SANGS RGYAS MTHONG BA'I LHA RNAMS RE BA BSKYED KYI, DGRA BCOM PA RNAM PAR THAR PA BRGYAD LA BSAM GTAN PA DE DAG LA MA YIN NO, ,DE CI'I PHYIR ZHE NA, DE SANGS RGYAS KYI GDUNG MI 'CHAD PAR GNAS PA'I PHYIR RO, ,DE LA 'DI SKAD CES BYA STE, DPER NA 'KHOR LOS SGYUR BA'I BTZUN MO'I MCHOG ,DE MNGAL BSOD NAMS MTSAN LDAN SEMS CAN CHAGS, ,STOBS DANG LDAN PAS LHA RNAMS RE BA BSKYED, ,GZHON NU MTHU THOB RNAMS LA MA YIN LTAR, ,BYANG CHUB SEMS DPA' RTZE GCIG SEMS GNAS SHING, ,'KHOR BAR GNAS TE BYANG CHUB TSOL BYED PA, ,DE LA LHA DANG KLU RNAMS RE BA BSKYED, ,RNAM THAR BRGYAD DANG BSAM GTAN BYED LA MIN, ,'OD SRUNG, 'DI LTA STE, DPER NA, NOR BU RIN PO CHE BEE d'URYA GCIG GIS MCHING BU'I NOR BU'I PHUNG PO RI RAB TZAM ZIL GYIS GNON TE, 'OD SRUNG, DE BZHIN DU BYANG CHUB SEMS DPA' SEMS DANG PO BSKYED PAS KYANG NYAN THOS DANG RANG SANGS RGYAS THAMS CAD ZIL GYIS GNON TO, ,DE LA 'DI SKAD CES BYA STE, DPER NA 'OD GSAL RIN CHEN BEEd'URYAS, ,

237a

, ,MCHING BU'I NOR BU MANG PO ZIL GYIS GNON, ,BYANG CHUB SEMS DPA' THOG MAR SEMS BSKYED PAS, ,NYAN THOS STONG YANG DE LTAR ZIL GYIS GNON, ,'OD SRUNG, 'DI LTA STE, DPER NA, BYA KA LA PING KA'I PHRUG GU SGO NGA'I SBUBS NA 'DUG PA MIG MA BYE BA YANG 'DI LTA STE, ZAB CING SNYAN BA'I SGRA SKAD KYIS BYA'I TSOGS THAMS CAD ZIL GYIS GNON TO, , 'OD SRUNG, DE BZHIN DU BYANG CHUB SEMS DPA' SEMS DANG PO BSKYED PA MA RIG PA'I SGO NGA'I SBUBS NA 'DUG PA LAS DANG NYON MONGS PA'I MUN PA DANG, RAB RIB KYI LING TOG GIS MIG KHEBS PA YANG 'DI LTA STE, DGE BA'I RTZA BA YONGS SU BSNGO BA'I SBYOR BA'I SGRA SKAD KYIS NYAN THOS DANG, RANG SANGS RGYAS THAMS CAD ZIL GYIS GNON TO, ,'OD SRUNG, 'DI LTA STE, DPER NA, 'KHOR LOS BSGYUR BA'I RGYAL PO'I BTZUN MO DAM PA LAS GZHON NU 'KHOR LOS BSGYUR BA'I MTSAN DANG LDAN PA BTZAS MA THAG TU TSONG DPON DANG, GRONG RDAL GYI MI DANG, YUL GYI MI THAMS CAD DANG, RGYAL PHRAN THAMS CAD PHYAG 'TSAL BAR 'GYUR RO, ,'OD SRUNG, DE BZHIN DU BYANG CHUB SEMS DPA' SEMS DANG PO BSKYED PA LA YANG LHA DANG BCAS PA'I 'JIG RTEN PHYAG 'TSAL LO, ,DE LA 'DI SKAD CES BYA STE, DPER NA SA BDAG CHEN PO RGYAL PO LA, ,MTSAN GYIS LUS SPRAS BU ZHIG YOD GYUR NA, ,GZHON NU DE NI BTZAS PAR MTHONG MA THAG ,GRONG

237b

KHYER MI DANG RGYAL PHRAN THAMS CAD 'DUD, ,DE BZHIN BYANG CHUB SEMS NI BSKYED MA THAG ,MTSAN LDAN RGYAL BA'I SRAS PO DE LA NI, ,LHA DANG BCAS PA'I 'JIG RTEN PHAG 'TSAL ZHING, ,DANG PO'I SEMS KYIS SHIN TU GCES PAR 'DZIN, ,'OD SRUNG, 'DI LTA STE, DPER NA, RI'I RGYAL PO GANGS RI LA SMAN GANG DAG SKYE BA DE DAG THAMS CAD NI NGA YIR BYA BA MED, RIS SU BCAS PA MED, RNAM PAR RTOG PA MED DE, NAD GANG LA BTANG YANG NAD DE RAB TU ZHI BAR BYED DO, ,'OD SRUNG, DE BZHIN DU BYANG CHUB SEMS DPA' YE SHES KYI SMAN GANG YANG DAG PAR SGRUB PA DE THAMS CAD RNAM PAR MI RTOG PAR SGRUB CING, SEMS CAN THAMS CAD LA SNYOMS PA'I SEMS KYIS GSO BAR RAB TU SBYOR RO, ,DE LA 'DI SKAD CES BYA STE, DPER NA RI RGYAL GANGS KYI RI BO LA, ,SMAN SKYES DE DAG MI RTOG NGAR 'DZIN MED, ,GANG LA BTANG BA DE KUN ZHI BAR BYED, ,KHA CIG NAD DANG RGA BA'ANG SEL BAR BYED, ,DE BZHIN RGYAL BA'I SRAS PO YE SHES SMAN, ,YANG DAG SGRUB PA'ANG RNAM PAR RTOG SPANGS NAS; ;SEMS CAN THAMS CAD PHAN PHYIR YANG DAG SGRUB, ,SNYOMS PA'I SEMS KYIS SEMS CAN GSO BAR BYED, ,'OD SRUNG, 'DI LTA STE, DPER NA, ZLA BA TSES PA LA PHYAG 'TSAL BA LTAR NYA BA LA NI MA YIN NO, ,'OD SRUNG, DE BZHIN DU GANG DAG NGA LA RAB TU DAD PA DE DAG GIS BYANG CHUB SEMS DPA' RNAMS LA PHYAG BYA'I, ,DE BZHIN GSHEGS PA RNAMS LA NI DE LTA MA YIN NO, ,DE

238a

, ,CI'I PHYIR ZHE NA, BYANG CHUB SEMS DPA' LAS NI DE BZHIN GSHEGS PA RNAMS BYUNG NGO, ,DE BZHIN GSHEGS PA LAS NI NYAN THOS DANG, RANG SANGS RGYAS THAMS CAD 'BYUNG NGO, ,DE LA 'DI SKAD CES BYA STE, ZLA BA TSES LA THAMS CAD PHYAG 'TSAL GYI, ,ZLA BA NYA LA DE LTAR PHYAG MI 'TSAL, ,DE BZHIN GANG DAG NGA DANG DE DAG GIS, ,RGYAL SRAS BYANG CHUB SEMS DPA' PHYAG 'TSOL CIG ,'OD SRUNG, 'DI LTA STE, DPER NA, YI GE'I PHYI MO RNAMS NI BSTAN BCOS THAMS CAD 'DZIN PA SHES PA'I SNGON DU 'GRO'O, ,'OD SRUNG, DE BZHIN DU BYANG CHUB SEMS DPA' SEMS DANG PO BSKYED PA YANG SANGS RGYAS KYI RNAM PAR SPRUL PA DANG, BYIN GYI RLABS THAMS CAD 'DZIN PA'I YE SHES BLA NA MED PA'I SNGON DU 'GRO'O, ,'OD SRUNG, 'DI LTA STE, DPER NA, ZLA BA'I DKYIL 'KHOR BTANG STE, SU YANG SKAR MA'I GZUGS LA NAM YANG SNGON PHYAG MA BYAS SO, ,'OD SRUNG, DE BZHIN DU MKHAS PA RNAMS KYANG BYANG CHUB SEMS DPA' BDAG LA PHAN PA DANG, GZHAN LA PHAN PA SNYING RJE CHEN PO DANG LDAN PA NGA'I BSLAB PA LA ZHUGS PA BTANG STE, NYAN THOS LA NAM YANG PHYAG MI 'TSAL LO, ,DE LA 'DI SKAD CES BYA STE, SUS KYANG ZLA BA RNAM PAR SPANGS NAS SU, ,SKAR MA'I TSOGS LA NAM YANG PHYAG MA BYAS, ,DE BZHIN BSLAB LA ZHUGS PA NAM DU YANG, ,NGA SRAS BTANG STE NYAN THOS PHYAG MI 'TSAL, ,'OD SRUNG, 'DI

238b

LTA STE, DPER NA, LHA DANG BCAS PA'I 'JIG RTEN GYIS MCHING BU'I NOR BU BYI DOR BYAS KYANG, MCHING BU'I NOR BU NAM YANG NOR BU RIN PO CHE BEE d'UR++YAR MI 'GYUR RO, ,'OD SRUNG, DE BZHIN DU NYAN THOS TSUL KHRIMS DANG, BSLAB PA DANG, SBYANGS PA'I YON TAN DANG, YO BYAD BSNYUNGS PA DANG, TING NGE 'DZIN THAMS CAD DANG LDAN YANG BYANG CHUB KYI SNYING POR 'DUG STE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR NAM YANG MI 'GYUR RO, ,DE LA 'DI SKAD CES BYA STE, DPER NA LHA DANG BCAS PA'I 'JIG RTEN GYIS, ,MCHING BU'I NOR BU BYI DOR BYAS KYANG NI, ,MCHING BU DAG STE BEE d'URYAR MI 'GYUR, ,'DI 'DRA DE NYID DE YI RANG BZHIN YIN, ,DE BZHIN NYAN THOS KHRIMS DANG THOS PA DANG, ,BSAM GTAN LDAN ZHING SBYANGS PA KUN LDAN YANG, ,BYANG CHUB SNYING POR 'DUG STE BDUD BTUL NAS, ,BYANG CHUB REG STE BDE GSHEGS 'GYUR BA MED, ,'OD SRUNG, 'DI LTA STE, DPER NA, NOR BU RIN PO CHE BEE d'URYA BYI DOR BYAS NA DE KAR SHA PA NI BRGYA STONG MANG PO 'BYUNG BA'I SGOR 'GYUR RO, ,'OD SRUNG, DE BZHIN DU BYANG CHUB SEMS DPA'I YON TAN GYI BYI DOR BYAS NA DE NYAN THOS DANG, RANG SANGS RGYAS BRGYA STONG MANG PO 'BYUNG BA'I SGOR 'GYUR RO, ,DE LA 'DI SKAD CES BYA STE, RIN CHEN BEE d'URYA NI SBYANGS BYAS NA, ,KAR SHA PA NA MANG PO 'BYUNG BAR 'GYUR, ,DE BZHIN SANGS RGYAS SRAS KYIS SBYANGS BYAS NA,,

239a

, ,NYAN THOS MANG PO 'BYUNG BA'I SGOR 'GYUR RO, ,DE NAS YANG BCOM LDAN 'DAS KYIS TSE DANG LDAN PA 'OD SRUNG CHEN PO LA BKA' STZAL PA, 'OD SRUNG, YUL GANG DU SRIN BU RNGA MO DUD KA ZHES BYA BA MGO NAG GAN RKYAL DU NYAL BA BYUNG NA YUL DU 'JIGS PA DANG BCAS, 'TSE BA DANG BCAS, NYE BA'I NYON MONGS PA DANG BCAS, 'KHRUG PA DANG BCAS PAR 'GYUR RO, ,'OD SRUNG, GAL TE YUL DER BYANG CHUB SEMS DPA' BYUNG NA YUL DE 'JIGS PA MED PA DANG, 'TSE BA MED PA DANG, NYE BA'I NYON MONGS PA MED PA DANG, 'KHRUG PA MED PAR 'GYUR RO, ,'OD SRUNG, DE LTA BAS NA BYANG CHUB SEMS DPAS SEMS CAN GYI DON LA BRTZON PA STE, DES DGE BA'I RTZA BA THAMS CAD YANG DAG PAR BSGRUB PA BYA'O, ,DGE BA'I RTZA BA THAMS CAD YANG DAG PAR BSGRUBS NAS SEMS CAN THAMS CAD LA GTANG BAR BYA'O, ,YE SHES KYI SMAN GANG TSOL BA DES PHYOGS BZHIR SONG STE, SEMS CAN RNAMS LA YANG DAG PA'I GSO BAR BYA'O, ,YANG DAG PA'I GSO BAS SEMS CAN RNAMS GSO BAR BYA'O, ,'OD SRUNG, DE LA YANG DAG PA'I GSO BA GANG ZHE NA, 'DE LTA STE, 'DOD CHAGS LA MI SDUG PA DANG, ZHE SDANG LA BYAMS PA DANG, GTI MUG LA RTEN CING 'BREL BAR 'BYUNG BA DANG, LTA BAR GYUR PA THAMS CAD LA STONG PA NYID DANG, RTOG PA DANG, RNAM PAR RTOG PA DANG, MTSAN MA'I DMIGS PA YID

239b

LA BYED PA THAMS CAD LA MTSAN MA MED PA DANG, 'DOD PA'I KHAMS DANG, GZUGS KYI KHAMS DANG, GZUGS MED PA'I KHAMS THAMS CAD LA GNAS PA SPANG BA'I PHYIR SMON PA MED PA DANG; PHYIN CI LIG THAMS CAD SPANG BA'I PHYIR PHYIN CI MA LOG PA BZHI STE, BZHI GANG ZHEN NA, MI RTAG PA LA RTAG PAR 'DU SHES PA LA 'DU BYED THAMS CAD MI RTAG PA DANG, SDUG BSNGAL BA LA BDE BAR 'DU SHES PA LA 'DU BYED THAMS CAD SDUG BSNGAL BA DANG, BDAG MED PA LA BDAG TU 'DU SHES PA LA CHOS THAMS CAD LA BDAG MED PA DANG, MI SDUG PA LA SDUG PAR 'DU SHES PA LA MYA NGAN LAS 'DAS PA ZHI BAS GSO BA DANG, LUS DANG, TSOR BA DANG, SEMS DANG, CHOS LA GNAS PA RNAMS LA DRAN PA NYE BAR BZHAG PA BZHI STE, DE LA LUS LA LUS KYI RJES SU LTA BA CAN DU GNAS KYANG LUS KYI RJES SU LTA BAS BDAG TU LTA BAR MI LTUNG BA DANG, TSOR BA RNAMS LA TSOR BA'I RJES SU LTA BA CAN GNAS KYANG TSOR BA'I RJES SU LTA BAS BDAG TU LTA BAR MI LTUNG BA DANG, SEMS LA SEMS KYI RJES SU LTA BA CAN DU GNAS KYANG SEMS KYI RJES SU LTA BAS BDAG TU LTA BAR MI LTUNG BA DANG, CHOS LA CHOS KYI RJES SU LTA BA CAN DU GNAS KYANG CHOS KYI RJES SU LTA BAS BDAG TU LTA BAR MI LTUNG BAS GSO BA DANG, YANG DAG PA'I SPONG BA BZHIS NI MI DGE BA'I CHOS THAMS CAD SPONG BA DANG, DGE BA'I CHOS THAMS CAD YONGS SU RDZOGS PAR 'GYUR BA DANG, RDZU 'PHRUL

240a

, ,GYI RKANG PA BZHIS NI LUS DANG SEMS LA RIL POR 'DZIN PA 'DOR BAR 'GYUR BA DANG, DBANG PO LNGA DANG, STOBS LDAS NI MA DAD PA DANG, LE LO DANG, BRJED NGAS PA DANG, RNAM PAR G-YENG BA DANG, SHES BZHIN MED PA RNAMS GSO BA DANG, BYANG CHUB KYI YAN LAG BDUN GYIS NI CHOS LA SHIN TU RMONGS SHING MI SHES PA GSO BA DANG, ,'PHAGS PA'I LAM YAN LAG BRGYAD PAS NI 'CHAL BA'I SHES RAB DANG, PHAS KYIS RGOL BA THAMS CAD DANG, LAM NGAN PAR ZHUGS PA RNAMS GSO BA STE, 'OD SRUNG, 'DI NI YANG DAG PA'I GSO BA ZHES BYA'O, ,'OD SRUNG, BYANG CHUB SEMS DPAS GSO BA 'DI LA BSLAB PAR BRTZON PAR BYA'O, ,'OD SRUNG, 'DZAM BU GLING NA SMAN PA DANG, SMAN PA'I SLOB MA JI SNYED YOD PA DE DAG GI NANG NA 'TSO BYED NI MCHOG CES BYA'O, ,'OD SRUNG, GAL TE STONG GSUM GYI STONG CHEN PO'I 'JIG RTEN GYI KHAMS KYI SEMS CAN JI SNYED PA DE DAG THAMS CAD SMAN PA'I RGYAL PO 'TSO BYED DANG 'DRA BAR GYUR KYANG, DE DAG LA LA LA ZHIG LTA BA DANG, 'GYOD PA LA GNAS PA GSO BA'I SMAN GANG YIN ZHES DRIS NA, DE DAG GI SHES PA'AM, BSTAN PA'AM, BSGO BAR MI NUS SO, , 'OD SRUNG, DE LA BYANG CHUB SEMS DPAS 'DI SNYAM DU BDAG NI 'JIG RTEN GYI SMAN TZAM GYIS CHOG PAR MI BYA'I, BDAG GIS 'JIG RTEN LAS 'DAS PA'I YE SHES KYI SMAN YONGS SU BTZAL

240b

BAR BYA'O, ,DGE BA'I RTZA BA THAMS CAD KYANG LEGS PAR YANG DAG PAR BSGRUB PAR BYA'O SNYAM DU BRTAG PAR BYA'O, ,DE LTAR BRTAGS NAS 'JIG RTEN LAS 'DAS PA'I YE SHES KYI SMAN GANG TSOL BA DES PHYOGS BZHIR SONG LA, SEMS CAN RNAMS LA YANG DAG PA'I GSO BA BYA STE, YANG DAG PA'I GSO BAS SEMS CAN RNAMS GSO BAR BYA'O, ,'OD SRUNG, DE LA 'JIG RTEN LAS 'DAS PA'I YE SHES KYI SMAN GANG ZHE NA, 'DI LTA STE, RGYU RKYEN LA 'JUG PA SHES PA DANG, BDAG MED PA DANG, SEMS CAN MED PA DANG, SROG MED PA DANG, GSO BA MED PA DANG, GANG ZAG MED PA'I CHOS RNAMS LA MOS PA'I SHES PA DANG, STONG PA NYID KYIS MI DMIGS PA'I CHOS RNAMS LA MI SDANG BA DANG, SEMS CAN YONGS SU TSOL BA'I BRTZON 'GRUS SO, ,DE 'DI LTAR SEMS YONGS SU TSOL TE 'DOD CHAGS PAR 'GYUR BA'AM, ZHE SDANG BAR 'GYUR BA'AM, GTI MUG PAR 'GYUR BA'I SEMS DE GANG YIN, CI 'DAS PA'AM, MA 'ONGS PA'AM, DA LTAR BYUNG BA ZHIG YIN NAM; DE LA SEMS 'DAS PA GANG YIN PA DE NI ZAD PA'O, ,MA 'ONGS PA GANG YIN PA DE NI MA PHYIN PA'O, ,DA LTAR BYUNG BA NI GNAS PA MED DO SNYAM MO, ,'OD SRUNG, SEMS NI NANG NA YANG MED, PHYI ROL NA YANG MED, GNYI GA LA MED PAR YANG MI DMIGS SO, ,'OD SRUNG, SEMS NI DPYAD DU MED PA, BSTAN DU MED PA, RTEN MA YIN PA, SNANG BA MED PA, RNAM PAR RIG PA MED PA

241a

, ,GNAS MED PA'O, ,'OD SRUNG, SEMS NI SANGS RGYAS THAMS CAD KYIS KYANG MA GZIGS, MI GZIGS, GZIGS PAR MI 'GYUR RO, ,LOG PAR ZHUGS PA'I 'DU SHES LAS CHOS RNAMS 'BYUNG BA MA GTOGS PAR SANGS RGYAS THAMS CAD KYIS KYANG MA GZIGS, MI GZIGS, GZIGS PAR MI 'GYUR PA GANG YIN PA DE'I RGYU BA CI 'DRA BA LTA ZHE NA, 'OD SRUNG, SEMS NI SGYU MA DANG MTSUNGS TE, YANG DAG PA MA YIN PA KUN BRTAGS PAS SKYE BA RNAM PA MANG PO YONGS SU 'DZIN TO, ,'OD SRUNG, SEMS NI 'BAB CHU'I RGYUN DANG MTSUNGS TE, MI GNAS PA SKYES NAS 'JIG CING 'JU BA'O, ,'OD SRUNG, SEMS NI RLUNG DANG MTSUNGS TE, RING DU 'GRO ZHING GZUNG DU MED PAR RGYU BA'O, ,'OD SRUNG, SEMS NI MAR ME'I 'OD 'PHRO BA DANG MTSUNGS TE; RGYU DANG RKYEN LAS 'BYUNG BA'O, ,'OD SRUNG, SEMS NI NAM MKHA' DANG MTSUNGS TE, NYE BA'I NYON MONGS PA GLO BUR BA RNAMS KYIS NYE BAR NYON MONGS PA'O, ,'OD SRUNG, SEMS NI GLOG DANG MTSUNGS TE, SKAD CIG TU 'JIG CING MI GNAS PA'O, ,'OD SRUNG, SEMS NI SPRE'U DANG MTSUNGS TE, YUL THAMS CAD 'DOD PA'O, ,'OD SRUNG, SEMS NI LAS RNAM PA SNA TSOGS MNGON PAR 'DU BYED PA'I PHYIR RI MO MKHAN DANG MTSUNGS SO, ,'OD SRUNG, SEMS NI NYON MONGS PA THA DAD PA 'BYUNG BA'I PHYIR MI GNAS PA'O, ,'OD SRUNG, SEMS NI GNYIS PA MTSAMS

241b

SBYOR BA MED PA'I PHYIR GCIG PU RGYU STE GNYIS SU MED PA'O, ,'OD SRUNG, SEMS NI CHOS THAMS CAD LA DBANG BYED PA'I PHYIR RGYAL PO DANG MTSUNGS SO, ,'OD SRUNG, SEMS NI SDUG BSNGAL THAMS CAD BSKYED PA'I PHYIR MI MDZA' BA DANG MTSUNGS SO, ,'OD SRUNG, SEMS NI BDE BA'I RTZA BA THAMS CAD 'JIG PAR BYED PA'I PHYIR BYE MA'I KHANG PA DANG MTSUNGS SO, ,'OD SRUNG, SEMS NI MI RTAG PA LA RTAG PAR 'DU SHES PA'I PHYIR ZIL PA DANG MTSUNGS SO, ,'OD SRUNG, SEMS NI SDUG BSNGAL LA BDE BAR 'DU SHES PA'I PHYIR NYA'I MCHIL PA DANG MTSUNGS SO, ,'OD SRUNG, SEMS NI BDAG MED PA LA BDAG TU 'DU SHES PA'I PHYIR RMI LAM DANG MTSUNGS SO, ,'OD SRUNG, SEMS NI MI GTZANG BA LA GTZANG BAR 'DU SHES PA'I PHYIR SBRANG MA SNGON PO DANG MTSUNGS SO, , 'OD SRUNG, SEMS NI GNOD PA RNAM PA MANG PO BYED PAS PHYIR RGOL BA DANG MTSUNGS SO, ,'OD SRUNG, SEMS NI RTAG TU KLAN KA TSOL BA'I PHYIR GNOD SBYIN MDANGS 'PHROG PA DANG MTSUNGS SO, , 'OD SRUNG, SEMS NI RTAG TU GLAGS LTA BAS DGRA DANG MTSUNGS PA'O, ,'OD SRUNG, SEMS NI RJES SU CHAGS PA DANG KHONG KHRO BA DANG LDAN PAS RTAG PAR MTHON DMAN CAN NO, ,'OD SRUNG, SEMS NI DGE BA'I RTZA BA THAMS CAD RKU BAS CHOM RKUN DANG MTSUNGS SO, ,'OD SRUNG, SEMS NI GZUGS LA DGA' BAS PHYI BYI ZHO LA'I MIG DANG MTSUNGS SO, ,'OD SRUNG, SEMS NI SGRA

242a

, ,LA DGA' BAS G-YUL GYI RNGA DANG MTSUNGS SO, ,'OD SRUNG, SEMS NI PHAG MI GTZANG BA'I DRI LA DGA' BA BZHIN DU DRI LA DGA'O, ,'OD SRUNG, SEMS NI RO LA DGA' BAS ZAS KYI LHAG MA ZA BA'I BRAN MO DANG MTSUNGS SO, ,'OD SRUNG, SEMS NI REG PA LA DGA' BAS SBRANG MA 'BRU MAR GYI SNOD LA CHAGS PA DANG MTSUNGS SO, ,'OD SRUNG, SEMS NI KUN DU BTZAL NA MI RNYED DO, ,GANG MI RNYED PA DE MI DMIGS PA'O, ,GANG MI DMIGS PA DE NI 'DAS PA YANG MA YIN, MA 'ONGS PA YANG MA YIN, DA LTAR BYUNG BA'ANG MA YIN NO; ;GANG 'DAS PA YANG MA YIN, MA 'ONGS PA YANG MA YIN, DA LTAR BYUNG BA YANG MA YIN PA DE NI DUS GSUM LAS YANG DAG PAR 'DAS PA'O, ,GANG DUS GSUM LAS YANG DAG PAR 'DAS PA DE NI YOD PA YANG MA YIN, MED PA YANG MA YIN NO, ,GANG YOD PA YANG MA YIN, MED PA YANG MA YIN PA DE NI MA SKYES PA'O, ,GANG MA SKYES PA DE LA NGO BO NYID MED DO, ,GANG NGO BO NYID MED PA DE LA 'BYUNG BA MED DO, ,GANG 'BYUNG BA MED PA DE LA 'GAG PA MED DO, ,GANG 'GAG PA MED PA DE LA 'BRAL BA MED DO, ,GANG 'BRAL BA MED PA DE LA 'ONG BA YANG MED, 'GRO BA YANG MED, 'CHI 'PHO YANG MED, SKYE BA YANG MED DO, ,GANG LA 'ONG BA YANG MED, 'GRO BA YANG MED, 'CHI 'PHO YANG MED, SKYE BA YAR MED PA DE LA 'DU BYED GANG YANG MED DO,,

242b

GANG LA 'DU BYED GANG YANG MED PA DE NI 'DUS MA BYAS PA'O, ,GANG 'DUS MA BYAS PA DE NI 'PHAGS PA RNAMS KYI RIGS SO, ,'PHAGS PA RNAMS KYI RIGS GANG YIN PA DE LA BSLAB PA MED, BSLAB PA LAS 'DAS PA YANG MED DO, ,GANG LA BSLAB PA YANG MED, BSLAB PA LAS 'DAS PA YANG MED PA DE LA RGYU BA YANG MED, MI RGYU BA YANG MED, RAB TU RGYU BA YANG MED DO, ,GANG LA RGYU BA YANG MED, MI RGYU BA YANG MED, RAB TU RGYU BA YANG MED PA DE LA SEMS KYANG MED, SEMS LAS BYUNG BA'I CHOS RNAMS KYANG MED DO, ,GANG LA SEMS KYANG MED, SEMS LAS BYUNG BA'I CHOS RNAMS KYANG MED PA DE LA LAS KYANG MED, LAS KYI RNAM PAR SMIN PA YANG MED DO, ,GANG LA LAS KYANG MED, LAS KYI RNAM PAR SMIN PA YANG MED PA DE LA BDE BA YANG MED, SDUG BSNGAL BA YANG MED DO, ,GANG LA BDE BA YANG MED, SDUG BSNGAL BA YANG MED PA DE NI 'PHAGS PA RNAMS KYI RIGS TE, 'PHAGS PA RNAMS KYI RIGS GANG YIN PA DE LA NI LAS KYANG MED, LAS MNGON PAR 'DU BYED PA YANG MED DO; ,GANG LA LAS KYANG MED, LAS MNGON PAR 'DU BYED PA YANG MED PA'I RIGS DE LA NI LUS KYIS LAS BYED PA MED DO, ,NGAG GIS MA YIN, YID KYIS MA YIN NO, , RIGS DE LA THA MA DANG, 'BRING DANG, MCHOG TU RNAM PAR BZHAG PA YANG MED DO, ,DE CI'I PHYIR ZHE NA, RIGS DE NI NAM MKHA' DANG MTSUNGS PA'I PHYIR MNYAM PA'O, ,RIGS DE NI CHOS THAMS

243a

, ,CAD RO GCIG PA'I PHYIR KHYAD PAR MED PA'O, ,RIGS DE NI LUS DANG SEMS DBEN PA'I PHYIR DBEN PA'O, ,RIGS DE NI MYA NGAN LAS 'DAS PA DANG MTHUN PA'O, , RIGS DE NI NYON MONGS PA THAMS CAD KYI DRI MA DANG BRAL BA'I PHYIR DRI MA MED PA'O, ,RIGS DE NI NGAR 'DZIN PA DANG, NGA YIR 'DZIN PA MED PAS NGA YI BA MED PA'O, ,RIGS DE NI YANG DAG PA DANG; YANG DAG PA MA YIN PA'I MNYAM PA LAS BYUNG BA STE, MI MNYAM PA MED PA'O, ,RIGS DE NI DON DAM PA'I BDEN PA YIN PAS BDEN PA'O, ,RIGS DE NI GTAN DU MI SKYE BA'I PHYIR MI ZAD PA'O; ;RIGS DE NI RTAG TU CHOS THAMS CAD KYI DE BZHIN NYID KYI PHYIR RTAG PA'O, ,RIGS DE NI MYA NGAN LAS 'DAS PA MCHOG GI PHYIR BDE BA'O, ,RIGS DE NI RNAM PA THAMS CAD DU DRI MA MED PA'I PHYIR DGE BA'O, ,RIGS DE NI BDAG YONGS SU BTZAL TE MA RNYED PA'I PHYIR BDAG MED PA'O, ,RIGS DE NI RAB TU RNAM PAR DAG PA'I PHYIR RNAM PAR DAG PA'O, ,'OD SRUNG, NANG DU YONGS SU TSOL LA PHYI ROL DU MA RGYUG CIG ,'OD SRUNG, MA 'ONGS PA'I DUS NA DGE SLONG KHYI RDO LA SNYEGS PA DANG MTSUNGS PA DAG 'BYUNG NGO, ,'OD SRUNG, JI LTAR NA DGE SLONG KHYI RDO LA SNYEGS PA DANG MTSUNGS PA DAG YIN ZHE NA, 'OD SRUNG, 'DI LTA STE, DPER NA, KHYI NI RDOS 'JIGS LA RDO DE NYID KYI PHYIR SNYEGS KYI, RDO DE SUS 'PHANGS PA DE LA NI MI SNYEGS SO, ,'OD SRUNG, DE BZHIN DU 'DI LA DGE

243b

SBYONG DANG, BRAM ZE KHA CIG GZUGS DANG, SGRA DANG, DRI DANG, RO DANG, REG BYAS 'JIGS SHING SKRAG NAS DGON PA'I GNAS RNAMS LA GNAS SHING, DE DAG DE NA GCIG PU GNYIS SU MED PAR LUS RAB TU DBEN PAR 'DUG STE, CHAGS PAR 'GYUR BA'I GZUGS DANG, SGRA DANG, DRI DANG, RO DANG, REG BYA RNAMS SNANG BAR GYUR NA, DE DAG DE LA BTANG SNYOMS SU 'JOG CING BSOD NAMS SU SBYOR BA DANG LDAN PAR GNAS KYI, NANG DU SO SOR RTOG PA LA MNGON PAR MI BRTZON TE, DE DAG GZUGS DANG, SGRA DANG, DRI DANG, RO DANG, REG BYA RNAMS LAS CIS 'BYUNG BA MI SHES SHING KHONG DU MI CHUD DO, ,DE DAG GIS DE MA SHES SHING KHONG DU MA CHUD PAS, GRONG DANG, GRONG KHYER DANG, GRONG RDAL DANG, LJONGS DANG, YUL 'KHOR DANG, RGYAL PO'I PHO BRANG 'KHOR DAG TU SONG NA YANG GZUGS DANG, SGRA DANG, DRI DANG, RO DANG, REG BYA RNAMS KYIS GNOD PAR 'GYUR RO, ,GAL TE DE DAG DGON PA NA GNAS PA LAS 'CHI BA'I DUS BYAS BAR GYUR NA 'JIG RTEN PA'I SDOM PA LA GNAS PA DE DAG MTHO RIS KYI 'JIG RTEN DU SKYE BAR 'GYUR TE, DER YANG DE DAG LHA'I 'DOD PA'I YON TAN LNGA PO DAG GIS GNOD PAR 'GYUR RO, ,DE DAG DE NAS SHI 'PHOS NAS NGAN SONG BZHI LAS YONGS SU MA GROL BAR 'GYUR TE, BZHI GANG ZHE NA, 'DI LTA STE, SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DANG, LHA MA YIN NO, ,'OD

244a

, ,SRUNG; DE LTAR NA DGE SLONG KHYI RDO LA SNYEGS PA DANG MTSUNGS PA DAG YIN NO, ,'OD SRUNG, JI LTAR NA KHYI RDO LA SNYEGS PA DANG MI 'DRA BA YIN ZHE NA, 'OD SRUNG, GANG GSHE YANG SLAR MI GSHE ,KHROS KYANG SLAR MI KHRO, ,MTSANG DRUS KYANG SLAR MTSANG MI 'DRU, BRDEG KYANG SLAR MI BRDEG ,BSDIGS KYANG SLAR MI BSDIGS, SMAD KYANG SLAR MI SMAD CING NANG DU SEMS LA SO SOR RTOG STE, 'DI LA GSHE BA'AM, KHROS PA'AM, BRDEG PA'AM, BSDIGS PA'AM, SMAD PA'AM, MTSANG BRUS PA DE DAG GANG YIN SNYAM DU SO SOR RTOG PA'O, ,'OD SRUNG, DE LTAR NA DGE SLONG KHYI RDO LA SNYEGS PA DANG MI 'DRA BA YIN NO, ,DE LA 'DI SKAD CES BYA STE, DPER NA KHYI NI RDO BAS SKRAG GYUR KYANG, ,SUS 'PHANGS MI SNYEGS RDO LA SNYEGS PAR BYED, ,DE BZHIN DGE SBYONG BRAM ZE LA LA DAG ,GZUGS LA SOGS PAS SKRAG NAS DGON PAR GNAS, ,DE DAG DGON PA DE LA GNAS GYUR KYANG, ,GZUGS LA SOGS PA SDUG PA MTHONG GYUR NA, ,BTANG SNYOMS 'JOG CING NANG GI TSUL MI SHES, ,DE YI NYES LAS BYUNG BA GANG YIN PA, ,MI SHES PAS NA SLAR YANG GRONG DU GNAS, ,GZUGS LA SOGS PAS DER YANG GNOD PAR 'GYUR, ,'DIR YANG LHA YI LONGS SPYOD SPYAD GYUR TE, ,LHA DANG MI LAS KHA CIG SHI 'PHOS NAS, ,DE DAG NGAN SONG SAR NI LTUNG BAR 'GYUR, ,BLUN PO DE DAG SHI 'PHOS SDUG BSNGAL 'GYUR, ,DE LTAR SDUG BSNGAL

244b

BRGYA LDAN DE DAG NI, ,KHYI RDO SNYEGS PA 'DRA ZHES BDE GSHEGS GSUNGS, ,SPYOS KYANG MI GSHE BRDEG KYANG MI BRDEG DANG, ,SU ZHIG SMAD KYANG SMOD PAR MI BYED DANG, ,DE BZHIN 'TSANG DRUS 'TSANG 'DRU MI BYED DANG, ,KHROS KYANG DES [*NGES?] PA KHRO BA MI BYED CING, ,NANG GI SEMS KYI GNYEN POR GYUR PA DAG ,TSOL ZHING YID ZHI DRAN DANG LDAN GYUR PA, ,DE 'DRA'I TSUL KHRIMS BRTUL ZHUGS LDAN PA NI; ;RDO SNYEGS KHYI MI 'DRA ZHES RGYAL BAS GSUNGS, ,'OD SRUNG, 'DI LTA STE, DPER NA, RTA'I 'DUL SBYONG LA MKHAS PAS RTA DE GANG DANG GANG DU G-YO BYED CING MA BYANG BA DE DANG DE RAB TU SBYONG NGO,, 'OD SRUNG, DE BZHIN DU DGE SLONG RNAL 'BYOR SPYOD PA YANG GANG DANG GANG DU SEMS 'GYUR BAR MTHONG BA DE DANG DER DE RAB TU SBYONG BA LA 'JUG STE, DE CI NAS PHYIS 'KHRUG PAR MI 'GYUR BA DE LTAR SEMS RAB TU 'CHOS SO, ,DE LA 'DI SKAD CES BYA STE, DPER NA RTA YI 'DUL SBYONG MKHAS PA ZHIG ,BYANG ZHING G-YO MED TSUL DU RAB TU 'DUL, ,RNAL 'BYOR PA YANG SEMS NI 'GYUR MTHONG NAS; ;JI LTAR PHYIS 'KHRUG MI 'GYUR DE LTAR 'CHOS, ,'OD SRUNG, 'DI LTA STE, DPER NA, LKOG NAD LHA GOR GYIS NI SROG GI DBANG PO 'GAG PAR BYED DO, ,'OD SRUNG, DE BZHIN DU LTA BAR GYUR PA THAMS CAD KYI NANG NA BDAG TU 'DZIN PA NI CHOS KYI SROG GI DBANG PO 'GAG PAR BYED PA'O, ,DE LA 'DI SKAD CES BYA STE, DPER NA LHA GOR SROG GI DBANG PO LA, ,GNOD CING DE LA BDE BA SBYIN PA

245a

, ,MIN; ;DE BZHIN LTA GYUR NANG NA BDAG LTA BA, ,DE NI CHOS SROG RNAM PAR 'JIG PAR BYED, ,'OD SRUNG, 'DI LTA STE, DPER NA, MI NI GANG DANG GANG DU BCINGS PA DE DANG DE NYID LAS DGROL BAR BYA BA YIN NO, ,'OD SRUNG, DE BZHIN DU RNAL 'BYOR SPYOD PA'I SEMS GANG DANG GANG LA CHAGS PA DE DANG DE LAS DGROL BAR BYA BA YIN NO, ,DE LA 'DI SKAD CES BYA STE, DPER NA MI NI GANG DU BCINGS GYUR PA, ,DE DANG DE LAS DGROL BAR BYA BA YIN, ,DE BZHIN SEMS RMONGS GANG DANG GAR CHAGS PA, ,RNAL 'BYOR PAS NI DE DANG DE LAS DGROL,, 'OD SRUNG, 'DI GNYIS NI RAB TU BYUNG BA'I NAM MKHA' LA YONGS SU CHAGS PA STE, GNYIS GANG ZHE NA, 'JIG RTEN RGYANG PAN PA'I GSANG TSIG YONGS SU TSOL BA DANG, LHUNG BZED DANG CHOS GOS LHAG PAR 'CHANG BA STE 'DI GNYIS SO, ,DE LA 'DI SKAD CES BYA STE, 'JIG RTEN RGYANG PAN GOMS BYED BRTZON PA DANG, ,LHUNG BZED CHOS GOS LHAG PAR 'CHANG BYED PA, ,'DI GNYIS NAM MKHA' LA NI CHAGS PA STE, ,DE DAG BYANG CHUB SEMS DPAS SPANG BAR BYA, ,'OD SRUNG, 'DI GNYIS NI RAB TU BYUNG BA'I 'CHING BA DAM PA STE, GNYIS GANG ZHE NA, LTA BAR GYUR PA'I 'CHING BA DANG, RNYED PA DANG BKUR STI DANG TSIGS SU BCAD PA'I 'CHING BA STE 'DI GNYIS SO, ,DE LA 'DI SKAD CES BYA STE, LTA 'GYUR 'CHING DANG RNYED DANG BKUR STI DANG, ,GRAGS PA'I

245b

'CHING BA RAB TU BYUNG BA YI, ,'CHING BA DAM ZHES 'PHAGS PA RNAMS KYIS GSUNGS, ,DE DAG RTAG TU RAB TU BYUNG BAS SPANG, ,'OD SRUNG, 'DI GNYIS NI RAB TU BYUNG BA'I BAR DU GCOD PA'I CHOS GNYIS TE, GNYIS GANG ZHE NA, KHYIM PA'I PHYOGS LA STEN PA DANG, 'PHAGS PA'I PHYOGS LA GNOD PAR SEMS PA STE 'DI GNYIS SO, ,DE LA 'DI SKAD CES BYA STE, KHYIM PA'I PHYOGS LA STEN PAR BYED PA DANG, ,'PHAGS PA'I PHYOGS LA RNAM PAR SMOD BYED PA, ,'DI GNYIS RAB BYUNG BAR CHAD BGEGS BYED PA, ,BYANG CHUB SEMS DPAS DE DAG RNAM PAR SPANG, ,'OD SRUNG, 'DI GNYIS NI RAB TU BYUNG BA'I DRI MA STE, GNYIS GANG ZHE NA, NYON MONGS PA LA MI MJED PA DANG, MDZA' BO'I KHYIM DANG ZAS STER BA'I KHYIM YONGS SU 'DZIN PA STE 'DI GNYIS SO, ,DE LA 'DI SKAD CES BYA STE; RAB TU BYUNG BA NYON MONGS MI 'DZIN DANG, ,MDZA' BO'I KHYIM DANG ZAS STER KHYIM BSTEN PA, ,DE GNYIS DRI MAR RGYAL BA'I DBANG POS GSUNGS, ,BYANG CHUB SEMS DPAS DE DAG RNAM PAR SPANG; ;'OD SRUNG, 'DI GNYIS NI RAB TU BYUNG BA'I SER BA 'BAB PA STE, GNYIS GANG ZHE NA, DAM PA'I CHOS SPONG BA DANG, TSUL KHRIMS LAS NYAMS KYANG DAD PAS BYIN PA YONGS SU SPYOD PA STE 'DI GNYIS SO, ,DE LA 'DI SKAD CES BYA STE, DAM PA'I CHOS NI SPONG BA DANG, ,TSUL KHRIMS NYAMS KYANG SPYOD PA STE, ,SER BA 'BAB PA 'DI GNYIS NI, ,RGYAL SRAS RNAMS KYIS SPANG BAR BYA, ,'OD

246a

, ,SRUNG; 'DI GNYIS NI RAB TU BYUNG BA'I RMA YIN TE, GNYIS GANG ZHE NA, PHA ROL GYI NYES PA LA SO SOR RTOG PA DANG, BDAG GI NYES PA 'CHAB PA STE 'DI GNYIS SO,, DE LA 'DI SKAD CES BYA STE, BDAG GI SKYON NI 'CHAB BYED DANG, ,PHA ROL NYES LA RTOG BYED PA, ,'DI GNYIS DUG GI ME DANG 'DRA, ,RTOG PA RNAMS KYIS RMA 'DI SPANG, ,'OD SRUNG, 'DI GNYIS NI RAB TU BYUNG BA'I YONGS SU GDUNG STE, GNYIS GANG ZHE NA, RNYOG PA DANG BCAS PA'I SEMS KYIS NGUR SMRIG 'CHANG BA DANG, TSUL KHRIMS DANG LDAN PA YON TAN DANG LDAN PA LAS BSNYEN BKUR DANG RIM GROR BYA BA BDAG GIR BYED PA STE 'DI GNYIS SO, ,DE LA 'DI SKAD CES BYA STE, RNYOG DANG BCAS PA'I SEMS KYIS NGUR SMRIG 'CHANG BA DANG, ,BSNYEN BKUR RIM GRO BYED DANG GUS PAR SMRA BA DAG ,TSUL KHRIMS LDAN PA RNAMS LAS STEN PAR BYED PA DANG, ,CHOS GNYIS 'DI DAG YONGS SU SPANG BAR BYA BA YIN, ,'OD SRUNG, 'DI GNYIS NI RAB TU BYUNG BA'I ZUG RNGU STE, GNYIS GANG ZHE NA, BSLAB PA'I GZHI LAS 'GAL BA DANG, SNYING PO MA BLANGS PAR 'CHI BA'I DUS BYED PA STE 'DI GNYIS SO, ,DE LA 'DI SKAD CES BYA STE, BSLAB PA'I GZHI LAS 'GAL BAR GYUR PA DANG, ,SNYING PO MA BLANGS PAR NI DUS BYED PA, ,'DI GNYIS RAB TU BYUNG BA'I ZUG RNGU ZHES, ,LHA MI'I STON PA THAMS CAD MKHYEN PAS GSUNGS, ,'OD SRUNG, 'DI

246b

GNYIS NI RAB TU BYUNG BA'I NAD GSOR MI RUNG BA STE, GNYIS GANG ZHE NA, MNGON PA'I NGA RGYAL GYIS SEMS NGES PAR SEMS PA DANG, THEG PA CHEN PO LA YANG DAG PAR ZHUGS PA'I GANG ZAG RNAMS KYI 'DUN PA BZLOG PA STE 'DI GNYIS SO, ,DE LA 'DI SKAD CES BYA STE, MNGON PA'I NGA RGYAL SEMS LA NGES SEMS DANG, ,SANGS RGYAS THEG PA LAS NI 'DUN PA BZLOG, 'DI GNYIS RAB TU BYUNG BA'I NAD YIN ZHES, ,GANG ZAG MTSUNGS PA MED PA'I RGYAL BAS GSUNGS, ,'OD SRUNG, DGE SBYONG DGE SBYONG ZHES BYA BA JI TZAM GYIS NA DGE SBYONG DGE SBYONG ZHES BYA ZHE NA, 'OD SRUNG, BZHI PO 'DI DAG NI DGE SBYONG STE, BZHI GANG ZHE NA, KHA DOG DANG RTAGS DANG DBYIBS KYI DGE SBYONG DANG, CHO GA SRUNG ZHING TSUL 'CHOS PA'I DGE SBYONG DANG, BRJOD PA'I SGRA TSIGS SU BCAD PA'I DGE SBYONG DANG, YANG DAG PAR SGRUB PA'I DGE SBYONG NGO, ,'OD SRUNG, DE LA KHA DOG DANG RTAGS DANG DBYIBS KYI DGE SBYONG GANG ZHE NA, 'OD SRUNG, 'DI LA DGE SBYONG KHA CIG KHA DOG DANG RTAGS DANG DBYIBS DANG LDAN PAR GYUR TE, CHOS GOS RNAM SBYAR GYON CING SKRA BREGS TE LAG NA LHUNG BZED THOGS MOD KYI, DE LUS KYI LAS YONGS SU MA DAG PAR SPYOD, NGAG GI LAS YONGS SU MA DAG PAR SPYOD, YID KYI LAS YONGS SU MA DAG PAR SPYOD CING, MA DUL BA, MA ZHI BA, MA BSRUNGS PA, MA BYANG BA, 'TSO BA YONGS SU MA DAG PA, BRKAM PA, LE LO CAN, TSUL KHRIMS 'CHAL BA,

247a

, ,SDIG PA'I CHOS CAN YIN TE, 'OD SRUNG, DE NI KHA DOG DANG RTAGS DANG DBYIBS KYI DGE SBYONG ZHES BYA'O, ,'OD SRUNG, DE LA CHO GA SRUNG ZHING TSUL 'CHOS PA'I DGE SBYONG GANG ZHE NA, 'OD SRUNG, 'DI LA DGE SBYONG KHA CIG CHO GA DANG, SPYOD YUL DANG, SPYOD PA PHUN SUM TSOGS SHING SPYOD LAM BZHIR SHES BZHIN DU SPYOD LA, ZAS DANG SKOM NGAN PA ZA 'THUNG; 'PHAGS PA'I RIGS BZHI PO DAG GIS CHOG PAR 'DZIN, BAS MTHA'I GNAS MAL LA MNGON PAR DGA', KHYIM PA DANG RAB TU BYUNG BA RNAMS DANG MI 'DRE LA, TSIG NYUNG ZHING SMRA BA NYUNG MOD KYI, DE'I SPYOD LAM DE DAG KYANG TSUL 'CHOS PA DANG, KHA BSAG GIS YONGS SU BRTAGS PA YIN TE, SEMS YONGS SU DAG PAR BYA BA'I PHYIR MA YIN, DUL BAR BYA BA'I PHYIR MA YIN, NYE BAR ZHI BAR BYA BA'I PHYIR MA YIN GYI, DMIGS PAR LTA BA YIN TE, NGAR 'DZIN PA DANG, NGA YIR 'DZIN PA LA GNAS SHING, STONG PA NYID KYIS MI DMIGS PA'I CHOS RNAMS LA G-YANG SAR 'DU SHES PA YIN, STONG PA NYID SMRA BA'I DGE SLONG RNAMS LA YANG DGRAR 'DU SHES PA YIN TE, 'OD SRUNG, DE NI CHO GA SRUNG ZHING TSUL 'CHOS PA'I DGE SBYONG ZHES BYA'O, , 'OD SRUNG, DE LA BRJOD PA'I SGRA TSIGS SU BCAD PA'I DGE SBYONG GANG ZHE NA, 'OD SRUNG, 'DI LA DGE SBYONG KHA CIG JI LTAR BDAG TSUL KHRIMS DANG LDAN PAR GZHAN GYIS SHES PAR 'GYUR

247b

SNYAM DU SO SOR BRTAGS NAS TSUL KHRIMS SRUNG, JI LTAR MANG DU THOS PAR GZHAN GYIS SHES PAR 'GYUR SNYAM DU SO SOR BRTAGS NAS THOS PA 'DZIN, JI LTAR BDAG DGON PAR GZHAN GYIS SHES PAR 'GYUR SNYAM DU SO SOR BRTAGS NAS DGON PA LA GNAS SHING, SO SOR BRTAGS NAS 'DOD PA NYUNG LA CHOG SHES PA DANG RAB TU DBEN PAR GYUR TE, 'DI LTAR GZHAN LA BSTAN PA'I PHYIR YIN GYI, SKYO PAR BYA BA'I PHYIR MA YIN, 'DOD CHAGS DANG BRAL BAR BYA BA'I PHYIR MA YIN, 'GOG PAR BYA BA'I PHYIR MA YIN, NYE BAR ZHI BAR BYA BA'I PHYIR MA YIN, RDZOGS PAR BYANG CHUB PAR BYA BA'I PHYIR MA YIN, DGE SBYONG GI PHYIR MA YIN, TSANGS PA'I PHYIR MA YIN, MYA NGAN LAS 'DAS PA'I PHYIR MA YIN TE, 'OD SRUNG, DE NI BRJOD PA'I SGRA TSIGS SU BCAD PA'I DGE SBYONG ZHES BYA'O, ,'OD SRUNG, DE LA YANG DAG PAR SGRUB PA'I DGE SBYONG GANG ZHE NA, 'OD SRUNG, GANG LUS DANG SROG LA YANG MI LTA BA YIN NA, RNYED PA DANG BKUR STI DANG TSIGS SU BCAD PA LTA CI SMOS, STONG PA NYID DANG, MTSAN MA MED PA DANG, SMON PA MED PA'I CHOS RNAMS THOS NA DGA' ZHING DE BZHIN NYID DU ZHUGS PA YIN, MYA NGAN LAS 'DAS PA LA YANG 'DOD PA MED PAR SPYAD PA SPYOD NA, KHAMS GSUM PA LA MNGON PAR DGA' BA LTA CI SMOS, STONG PA NYID DU LTA BA YANG MI 'DOD PA YIN NA, BDAG DANG, SEMS CAN DANG, SROG DANG, SKYE BA PO DANG, GSO BA

248a

, ,DANG; SKYES BU DANG, GANG ZAG TU LTA BA LTA CI SMOS, DON LA RTON GYI TSIG 'BRU LA RTON PA MA YIN, NYON MONGS PA RNAMS LAS RNAM PAR THAR PA NANG DU TSOL GYI PHYI ROL DU RGYUG PA MA YIN, CHOS THAMS CAD SHIN TU YONGS SU DAG CING RANG BZHIN GYIS KUN NAS NYON MONGS PA MED PAR MTHONG BAS BDAG NYID SKYABS YIN TE, GZHAN SKYABS MA YIN, DE BZHIN GSHEGS PA LA CHOS NYID DU YANG MI LTA NA GZUGS KYI SKUR LTA CI SMOS, CHOS LA 'DOD CHAGS DANG BRAL BAR YANG MI LTA NA SMRA BA'I TSIG GI LAM NAS BRJOD PAR LTA CI SMOS, 'PHAGS PA 'DUS MA BYAS PA'I DGE 'DUN LA YANG RNAM PAR MI RTOG NA MANG PO 'DUS PAR LTA CI SMOS, CHOS GANG SPANG BAR BYA BA'I PHYIR BRTZON PA MA YIN, BSGOM PAR BYA BA'I PHYIR MA YIN, MNGON SUM DU BYA BA'I PHYIR MA YIN, 'KHOR BAR YANG MI SKYE, MYA NGAN LAS 'DAS PA LA YANG MNGON PAR DGA' BA MA YIN, THAR PA YANG MI DMIGS, BCINGS PA YANG MA YIN LA, CHOS THAMS CAD RANG BZHIN GYIS YONGS SU MYA NGAN LAS 'DAS PAR RIGS NAS, KUN DU MI 'KHOR, YONGS SU MYA NGAN LAS MI 'DA' BA YIN TE, 'OD SRUNG, DE NI YANG DAG PAR SGRUB PA'I DGE SBYONG ZHES BYA'O, ,'OD SRUNG, YANG DAG PAR SGRUB PA'I DGE SBYONG DU 'GYUR BAR BRTZON PAR BYA'I, MING GIS GNOD PAR NI MI BYA STE,

248b

'OD SRUNG, DGE SBYONG NI BZHI PO 'DI DAG GO ,DE LA 'DI SKAD CES BYA STE, GANG ZHIG LUS DANG NGAG DANG SEMS MA DAG ,MA DUL MA BSRUNGS MA BYANG 'DOD CHEN CAN, ,SKRA BREGS CHOS GOS LHUNG BZED LAG NA THOGS, ,NGA NI DBYIBS RTAGS DGE SBYONG YIN ZHES BSTAN, ,CHO GA SPYOD PA LA SOGS LDAN GYUR CING, ,KHA ZAS NGAN ZA TSUL 'CHOS LA SOGS STEN, ,'DU 'DZI RGYANG RING YONGS SU SPONG BYED CING, ,SPYOD LAM 'PHAGS PA'I RIGS DANG LDAN GYUR KYANG, ,DE YI DE KUN DUL BAR BYA PHYIR MIN, ,ZHI PHYIR MA YIN SKYO BAR BYA PHYIR MIN, ,STONG PA MTSAN MED G-YANG SAR 'DU SHES PA, ,CHO GA SRUNG ZHING TSUL 'CHOS GNYIS PA YIN, ,TSUL KHRIMS TING 'DZIN SBYANGS PA'I YON TAN THOS, ,GZHAN DAG NGO MTSAR 'DZIN DU GZHUG PHYIR BYED,, ZHI PHYIR MA YIN SKYO BAR BYA PHYIR MIN, ,BRJOD DANG GRAGS 'DOD DGE SBYONG GSUM PA YIN, ,GANG ZHIG LUS SROG DON DU MI GNYER ZHING, ,RNYED DANG BKUR STI LA NI RGYAB KYIS PHYOGS, ,RNAM PAR THAR PA BSKYED PA'I SGO THOS NAS, ,SRID PA'I 'GRO BA THAMS CAD DON MI GNYER, ,CHOS RNAMS SHIN TU STONG PAR YONGS BRTAGS NAS, ,MYA NGAN 'DAS DANG MA 'DAS MTHONG MI 'GYUR, ,CHOS LA 'DOD CHAGS BRAL BAR RTAG TU RTOG ,MA BYAS CHOS RTOGS MYA NGAN 'DAS PAR 'GYUR, ,'OD SRUNG, 'DI LTA STE, DPER NA, MI DBUL PO ZHIG LA MDZOD 'BYOR PA

249a

, ,ZHES MING BTAGS NA, 'OD SRUNG, 'DI JI SNYAM DU SEMS, MI DBUL PO DE DANG MING DE MTHUN PA YIN NAM, GSOL PA, BCOM LDAN 'DAS, DE NI MA LAGS SO; ;BCOM LDAN 'DAS KYIS BKA' STZAL PA, 'OD SRUNG, DE BZHIN DU GANG DGE SBYONG DANG, BRAM ZE GANG DAG DGE SBYONG DANG, BRAM ZE'I YON TAN DANG MI LDAN PA DE DAG NI GSUNG RAB 'DI LAS MI DBUL PO ZHES NGAS BSHAD DO, ,DE LA 'DI SKAD CES BYA STE, DPER NA DBUL POR GYUR PA'I MI ZHIG LA, ,MDZOD LDAN MING BTAGS DE LA MDZES MA YIN, ,DGE SBYONG NYAMS LA DGE SBYONG MING MI MDZES, ,DBUL LA PHYUG CES BTAGS PA'I DPE DANG MTSUNGS, ,'OD SRUNG, 'DI LTA STE, DPER NA, MI LA LA ZHIG RGYA MTSO'I CHU CHEN POS KHYER LA, CHUS SKOM BZHIN DU 'CHI BA'I DUS BYED PA DE BZHIN DU, 'OD SRUNG, 'DI LA DGE SBYONG DANG, BRAM ZE KHA CIG CHOS MANG PO BLANGS TE, KUN CHUB PAR BYAS KYANG 'DOD CHAGS LA SRED PA MI SEL, ZHE SDANG LA SRED PA MI SEL, GTI MUG LA SRED PA MI SEL BA DE DAG CHOS KYI RGYA MTSOS KHYER LA, NYON MONGS PA'I SKOM PAS 'CHI BA'I DUS BYED PAR 'GYUR TE, NGAN 'GROR 'GRO BAR 'GYUR RO, ,DE LA 'DI SKAD CES BYA STE, DPER NA MI ZHIG RGYA MTSO'I CHUS KHYER LA, ,DE NI SKOM ZHING 'CHI BA'I DUS BYED 'GYUR, ,DE BZHIN CHOS MANG SRED PAS BAG MED PA, ,CHOS KYI

249b

RGYA MTSOR GNAS KYANG NGAN SONG 'GRO, ,'OD SRUNG, 'DI LTA STE, DPER NA, SMAN PA SMAN SGRO THOGS TE PHYOGS DANG PHYOGS MTSAMS SU RGYU BA DE NAD CIG GIS BTAB NAS NAD DE GSO MI NUS NA SMAN DE NI DON MED PA YIN NO, ,'OD SRUNG, DE BZHIN DU MANG DU THOS PA'I NYON MONGS PA'I NAD DU LTA STE, GANG MANG DU THOS PA DES BDAG NYON MONGS PA'I NAD LAS GSO MI NUS NA, DE'I MANG DU THOS PA DE NI DON MED PA YIN NO, ,DE LA 'DI SKAD CES BYA STE, DPER NA SMAN PA'I SMAN SGROR BCUG PA'I SMAN, ,'JIG RTEN KUN DU YONGS SU RGYU BYED KYANG, ,NAD KYIS BTAB PA BZLOG PAR MI NUS NA, ,DE YI SMAN DE DON MED GYUR PA YIN, ,DE BZHIN DGE SLONG TSUL KHRIMS YON TAN LDAN, ,THOS DANG LDAN YANG TSUL BZHIN MA YIN PA'I, ,NYON MONGS BYUNG BA'I NAD NI MI SEL NA, ,DE YI THOS LA BRTZON PA DON MED YIN, ,'OD SRUNG, 'DI LTA STE, DPER NA, MI NAD PA ZHIG LA RGYAL PO LA 'OS PA'I SMAN BTANG LA, CHO GA BZHIN MA BYAS PAS 'CHI BA'I DUS BYAS PA DE BZHIN DU, 'OD SRUNG, GANG MI SDOM PA 'CHI BA'I DUS BYED PA DE YANG MANG DU THOS PA'I NYON MONGS PA'I NAD DU LTA'O, ,DE LA 'DI SKAD CES BYA STE, DPER NA RGYAL PO 'OS PA'I SMAN BTANG NAS, ,CHO GA MI BYAS MI DE SHI BAR GYUR, ,DE BZHIN GANG MI SDOM PAS 'DI SHI BA, ,DE NI MANG DU THOS PA'I NYON MONGS NAD, ,'OD SRUNG, 'DI LTA STE, DPER NA, NOR BU RIN PO CHE MI GTZANG BA'I NANG DU LHUNG NA SMAD PAR 'GYUR ZHING MKHO BAR

250a

, ,MI 'GYUR RO, ,'OD SRUNG, DE BZHIN DU MANG DU THOS PA RNYED PA DANG BKUR STI'I MI GTZANG BA'I NANG DU LHUNG BAR LTA STE, CI YANG MED PA LA NI LHA DANG MI RNAMS DGA' BAR MI 'GYUR RO, ,DE LA 'DI SKAD CES BYA STE, DPER NA RIN CHEN MI GTZANG LHUNG BA SMAD, ,JI LTAR SNGON BZHIN DE NI PHYIS MA YIN, ,DGE SLONG MANG DU THOS PAR GYUR PA YANG, ,BKUR STI'I MI GTZANG LHUNG BA DE 'DRAR BSHAD, ,'OD SRUNG, 'DI LTA STE, DPER NA, MI RO'I MGO LA GSER GYI PHRENG BA BTAGS PA DE BZHIN DU TSUL KHRIMS 'CHAL BA NGUR SMRIG GYON PAR BLTA'O, , DE LA 'DI SKAD CES BYA STE, DPER NA MI RO'I MGO LA GSER PHRENG NGAM, ,YANG NA ME TOG PHRENG BA BTAGS BYAS PA, ,DE BZHIN KHRIMS MED NGUR SMRIG GYON PA YANG, ,MTHONG NAS DE LA YID NI DAD MI 'GYUR, ,'OD SRUNG, 'DI LTA STE, DPER NA, TSONG DPON GYI BU ZHIG LEGS PAR KHRUS BYAS TE, LEGS PAR RNAM PAR BYUGS LA SKRA DANG SEN MO BREGS NAS GOS DKAR PO BGOS TE TZAN DAN MCHOG GIS BSKUS PA'I MGO LA TZAM PA KA'I ME TOG GI PHRENG BA THOGS PA DE BZHIN DU, 'OD SRUNG, TSUL KHRIMS DANG LDAN ZHING MANG DU THOS PA NGUR SMRIG GYON PAR BLTA'O, ,DE LA 'DI SKAD CES BYA STE, LEGS BKRUS LEGS PAR BYUGS PA YI, ,TSONG DPON BU YI MGO BO LA, ,TZAM PA KA YI ME TOG PHRENG, ,DRI ZHIM YID 'ONG BTAGS PA MDZES, ,DE BZHIN

250b

TSUL KHRIMS LDAN GYUR CING, ,MANG THOS TSUL KHRIMS PHUN SUM TSOGS, ,RGYAL BA'I SRAS PO YON TAN LDAN, ,DE LA NGUR SMRIG DE BZHIN MDZES, ,'OD SRUNG, BZHI PO 'DI DAG NI TSUL KHRIMS 'CHAL BA TSUL KHRIMS DANG LDAN PA LTAR BCOS PA YIN TE, BZHI GANG ZHE NA, 'OD SRUNG, 'DI LA DGE SLONG KHA CIG TSUL KHRIMS DANG LDAN PA YIN TE, SO SOR THAR PA'I SDOM PAS BSDAMS SHING GNAS, CHO GA DANG SPYOD YUL PHUN SUM TSOGS PA, KHA NA MA THO BA PHRA RAB RNAMS LA YANG 'JIGS PAR LTA, YANG DAG PAR BLANGS TE BSLAB PA'I GZHI RNAMS LA SLOB CING, LUS KYI LAS DANG; NGAG GI LAS DANG, YID KYI LAS YONGS SU DAG PA DANG LDAN PAR GNAS PAS 'TSO BA YONGS SU DAG KYANG, DE BDAG TU SMRA BA YIN TE, 'OD SRUNG, DE NI TSUL KHRIMS 'CHAL PA TSUL KHRIMS DANG LDAN PA LTAR BCOS PA DANG PO'O, ,'OD SRUNG, GZHAN YANG 'DI LA DGE SLONG KHA CIG 'DUL BA 'DZIN CING 'DUL BA LA ZHUGS TE, 'DUL BA'I TSUL LA GNAS PA YIN YANG 'JIG TSOGS LA LTA BA LAS MA BSKYOD PA YIN TE, 'OD SRUNG, DE NI TSUL KHRIMS 'CHAL PA TSUL KHRIMS DANG LDAN PA LTAR BCOS PA GNYIS PA'O, ,'OD SRUNG, GZHAN YANG 'DI LA DGE SLONG KHA CIG BYAMS PA LA GNAS PA LA GNAS PA YIN TE, SEMS CAN LA DMIGS PA'I BYAMS PA DANG LDAN PA YIN YANG 'DU BYED THAMS CAD LA SKYE BA MED PA THOS NA SKRAG STE KUN DU DNGANG BAR 'GYUR CING, KUN DU RAB TU DNGANG BAR 'GYUR

251a

, ,BA DE NI, 'OD SRUNG, TSUL KHRIMS 'CHAL PA TSUL KHRIMS DANG LDAN PA LTAR BCOS PA GSUM PA'O, ,'OD SRUNG, GZHAN YANG 'DI LA DGE SLONG KHA CIG SBYANGS PA'I YON TAN BCU GNYIS YANG DAG PAR BLANGS KYANG DMIGS PAR LTA BA YIN TE, NGAR 'DZIN PA DANG, NGA YIR 'DZIN PA LA GNAS PA DE NI, 'OD SRUNG, TSUL KHRIMS 'CHAL PA TSUL KHRIMS DANG LDAN PA LTAR BCOS PA BZHI PA STE, 'OD SRUNG, BZHI PO DE DAG NI TSUL KHRIMS 'CHAL PA TSUL KHRIMS DANG LDAN PA LTAR BCOS PA YIN NO, ,'OD SRUNG, TSUL KHRIMS ZHES BYA BA NI GANG LA BDAG MED PA DANG, BDAG GI BA MED PA DANG, BYA BA MED PA DANG, MI BYA BA YANG MED PA DANG, BYED PA MED PA DANG, BYED PA MED PA YANG MA YIN PA DANG, RGYU BA MA YIN PA DANG, MI RGYU BA YANG MA YIN PA DANG, RAB TU SPYOD PA MED PA DANG, RAB TU SPYOD PA MED PA YANG MA YIN PA DANG, MING MED PA DANG, GZUGS MED PA DANG, MTSAN MA MED PA DANG, MTSAN MA MED PA YANG MA YIN PA DANG, RAB TU ZHI BA MA YIN PA DANG, RAB TU MA ZHI BA YANG MA YIN PA DANG, 'DZIN PA MED PA DANG, 'DOR BA MED PA DANG, GZUNG BA MED PA DANG, GZUNG BA MED PA YANG MA YIN PA DANG, SEMS CAN MED PA DANG, SEMS CAN DU 'DOGS PA MED PA DANG, TSIG MED PA DANG, TSIG TU 'DOGS PA MED PA DANG, SEMS MED PA DANG, SEMS SU

251b

'DOGS PA MED PA DANG, 'JIG RTEN MED PA DANG, 'JIG RTEN MED PA YANG MA YIN PA DANG, RTEN MED PA DANG, RTEN MED PA YANG MA YIN PA DANG, BDAG GI TSUL KHRIMS LA MI BSTOD PA DANG, GZHAN GYI TSUL KHRIMS LA MI SMAD PA DANG, TSUL KHRIMS KYIS RLOM SEMS SU MI BYED PA DANG, TSUL KHRIMS LA MI RTOG PA YIN TE, DE NI 'PHAGS PA RNAMS KYI TSUL KHRIMS ZAG PA MED PA; RTOG PA MA YIN PA, KHAMS GSUM PA DANG BRAL BA, RTEN THAMS CAD MED PA ZHES BYA'O, ,DE NAS BCOM LDAN 'DAS KYIS TSIGS SU BCAD PA 'DI DAG GSUNGS SO, ,TSUL KHRIMS LDAN LA DRI MA MED CING CI YANG MED, ,TSUL KHRIMS LDAN LA RGYAGS PA MED DE RTEN PA MED, ,TSUL KHRIMS LDAN LA MUN PA MED CING 'CHING BA MED, ,TSUL KHRIMS LDAN LA RDUL RNAMS MED DE NYES PA MED, ,ZHI BA RAB TU ZHI BA NYE BAR ZHI BA'I YID, ,RTOG DANG RNAM PAR RTOG DANG BRAL ZHING NYON MONGS MED, ,G-YO BA DANG NI RLOM SEMS KUN DANG RNAM BRAL BAR, ,DE NI 'OD SRUNG SANGS RGYAS BSTAN LA TSUL KHRIMS LDAN, ,LUS LA MI LTA SROG LA PHANGS PAR 'DZIN MI BYED, ,SRID PA RNAMS SU SKYE BA KUN LA 'DOD PA MED, ,YANG DAG ZHUGS SHING DE NYID TSUL LA RAB GNAS PA, , DE NI 'OD SRUNG SANGS RGYAS BSTAN LA TSUL KHRIMS LDAN, ,'JIG RTEN MA GOS 'JIG RTEN DAG LA GNAS PA MED, ,SNANG BA THOB CING BDAG GI MED DE CI YANG MED, ,BDAG TU 'DU SHES

252a

, ,MED CING GZHAN DU 'DU SHES MED, ,'DU SHES YONGS SU SHES PAS TSUL KHRIMS RNAM PAR DAG ,GANG LA TSU ROL MED CING PHA ROL DBUS KYANG MED, ,PHA ROL TSU ROL DAG LA NAM YANG MI CHAGS SHING, ,BCINGS DANG CHAGS MED TSUL 'CHOS MED CING ZAG PA MED, ,DE NI 'OD SRUNG SANGS RGYAS BSTAN LA TSUL KHRIMS LDAN, ,MING DANG GZUGS RNAMS LA NI CHAGS PA MED PA'I YID, ,DE NI MNYAM PAR BZHAG CING SHIN TU DUL BA'I SEMS, ,GANG LA BDAG MED BDAG GIR 'DZIN PA MED PA NI, ,DE TZAM GYIS NI TSUL KHRIMS GNAS ZHES BRJOD PA YIN, ,SO SOR THAR PA SLOB PAS RLOM SEMS BYED PA MED, ,DES NI 'DI NA DE LA CHAGS PAR MI 'GYUR TE, DE YI GONG DU 'PHAGS PA'I LAM RNAMS TSOL BYED PA, ,DE NI TSUL KHRIMS RNAM PAR DAG PA'I MTSAN MA'O, ,TSUL KHRIMS GTZO BOR MA YIN TING 'DZIN DER CHAGS MED, ,DE YI GONG DU SHES RAB BSGOM PA YONGS SU TSOL,, DMIGS PA MED PA 'PHAGS PA RNAMS KYI RIGS YIN TE, ,TSUL KHRIMS DE NI BDE BAR GSHEGS PAS RAB TU BSNGAGS, ,'JIG PA'I TSOGS LA LTA LAS RNAM PAR GROL BA'I YID, ,DE 'DIR NGA DANG NGA YI SNYAM DU 'GYUR BA MED, ,SANGS RGYAS SPYOD YUL STONG PA NYID LA LHAG PAR MOS, ,DE YI TSUL KHRIMS DE NI MNYAM PA MED PA'O, ,TSUL KHRIMS LA NI GNAS NAS TING NGE

252b

'DZIN KYANG THOB, ,TING NGE 'DZIN RNAMS THOB NAS SHES RAB SHIN TU BSGOM, ,SHES RAB KYIS NI YE SHES RNAM PAR DAG PA THOB, ,YE SHES RNAM PAR DAG PAS TSUL KHRIMS PHUN SUM TSOGS , TSIGS SU BCAD PA MNGON PAR BSGRUB PA 'DI DAG GSUNGS PA'I TSE, DGE SLONG BRGYAD BRGYA NI LEN PA MED PA ZAG PA RNAMS LAS SEMS RNAM PAR GROL LO, ,SROG CHAGS SUM KHRI NYIS STONG NI CHOS RNAMS LA CHOS KYI MIG RDUL DANG BRAL ZHING DRI MA MED PA RNAM PAR DAG GO ,DGE SLONG BSAM GTAN THOB PA LNGA BRGYA NI CHOS BSTAN PA ZAB MO 'DI LA MI 'JUG STE, MA RTOGS MA MOS PAS STAN LAS LANGS TE DONG NGO, ,DE NAS BCOM LDAN 'DAS LA TSE DANG LDAN PA 'OD SRUNG CHEN POS 'DI SKAD CES GSOL TO, ,BCOM LDAN 'DAS, DGE SLONG BSAM GTAN THOB PA LNGA BRGYA PO 'DI DAG CHOS BSTAN PA ZAB MO 'DI LA MI 'JUG STE, MA RTOGS MA MOS PAS STAN LAS LANGS TE MCHIS SO, ,BCOM LDAN 'DAS KYIS BKA' STZAL PA, 'OD SRUNG, 'DI LTAR DGE SLONG MNGON PA'I NGA RGYAL CAN 'DI DAG NI TSUL KHRIMS RNAM PAR DAG PA ZAG PA MED PA 'DI LA MI 'JUG STE, MA RTOGS MA MOS SHING SKRAG STE KUN DU DNGANGS, KUN DU RAB TU DNGANGS SO, , 'OD SRUNG, TSIGS SU BCAD PA MNGON PAR BSGRUB PA ZAB PA, SANGS RGYAS BCOM LDAN 'DAS RNAMS KYI BYANG CHUB ZAB STE, DE LA DGE BA'I RTZA BA MA BSKYED PA, SDIG PA'I GROGS POS

253a

, ,YONGS SU ZIN PA DANG, MOS PA MI MANG BA DAG GIS MOS PAR MI NUS SO, ,'OD SRUNG, DGE SLONG LNGA BRGYA PO 'DI DAG NI DE BZHIN GSHEGS PA 'OD SRUNG GI GSUNG RAB LA MU STEGS CAN GYI NYAN THOS SU GYUR TE, DE DAG DE BZHIN GSHEGS PA 'OD SRUNG LAS BRGAL BA'I BSAM PAS CHOS BSTAN PA GCIG THOS SO, ,THOS NAS DAD PA'I SEMS GCIG RNYED DE, JI TZAM DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD SRUNG LAS 'JAM ZHING SNYAN PAR GSUNG BA NGO MTSAR TO SNYAM MO, ,DE DAG 'CHI BA'I DUS BYAS NAS DAD PA'I SEMS GCIG RNYED PA DES SUM CU RTZA GSUM PA'I LHA RNAMS KYI NANG DU SKYES SO, ,DE DAG DE NAS SHI 'PHOS NAS 'DIR SKYES TE RGYU DE NYID KYIS NGA'I BSTAN PA 'DI LA RAB TU BYUNG STE, 'OD SRUNG, DGE SLONG LNGA BRGYA PO LTA BAR BYING BA 'DI DAG NI CHOS BSTAN PA ZAB MO 'DI LA MI 'JUG STE, MA RTOGS MI MOS SHING SKRAG STE KUN DU DNGANGS, KUN DU RAB TU DNGANGS SO, ,YANG 'DI DAG NI CHOS BSTAN PA 'DIS YONGS SU SBYANG BA BYA STE, PHYIS NGAN 'GRO LOG PAR LTUNG BAR MI 'GYUR ZHING PHUNG PO 'DI DAG NYID KYIS YONGS SU MYA NGAN LAS 'DA'O,, DE NAS BCOM LDAN 'DAS KYIS TSE DANG LDAN PA RAB 'BYOR LA BKA' STZAL PA, RAB 'BYOR KHYOD SONG LA, DGE SLONG DE DAG KUN SHES PAR BYOS SHIG ,RAB 'BYOR GYIS GSOL PA, BCOM LDAN

253b

'DAS NYID KYIS 'DI DAG LA BSHAD NA YANG MTHUN PAR MI BGYID NA BDAG LA LTA SMOS KYANG CI 'TSAL, DE NAS BCOM LDAN 'DAS KYIS DGE SLONG DE DAG LAM GANG NAS 'DONG BA'I LAM DER DGE SLONG GNYIS SHIG SPRUL PA SPRUL TO, ,DE NAS DGE SLONG LNGA BRGYA PO DE DAG SPRUL PA'I DGE SLONG DE GNYIS LAS GANG NAS 'DONG BA'I LAM DER DONG STE PHYIN PA DANG, 'DI SKAD CES SMRAS SO, , TSE DANG LDAN PA DAG ,GAR 'DONG, DE GNYIS KYIS SMRAS PA, KHO BO CAG NI DGON PA'I GNAS RNAMS SU BSAM GTAN GYI BDE BA LA REG PAR GNAS PAR BYA BAR 'DONG NGO, ,DE CI'I PHYIR ZHE NA, KHO BO CAG NI BCOM LDAN 'DAS KYIS CHOS BSTAN PA GANG YIN PA'I CHOS BSTAN PA DE LA MI 'JUG STE, MA RTOGS MI MOS SHING SKRAG STE, KUN DU DNGANGS, KUN DU RAB TU DNGANGS PAR GYUR NAS, KHO BO CAG DGON PA'I GNAS RNAMS SU BSAM GTAN GYI BDE BA LA REG PAR GNAS PA RNAMS KYIS GNAS PAR BYA'O, ,DGE SLONG LNGA BRGYA PO DE DAG GIS 'DI SKAD CES SMRAS SO, ,TSE DANG LDAN PA DAG ;KHO BO CAG KYANG BCOM LDAN 'DAS KYIS CHOS BSHAD PA LA MI 'JUG STE, MA RTOGS MA MOS SHING SKRAG STE, KUN DU DNGANGS, KUN DU RAB TU DNGANGS PAR GYUR TO, ,DE'I PHYIR KHO BO CAG KYANG DGON PA'I GNAS RNAMS SU BSAM GTAN GYI BDE BA LA REG PAR GNAS PA RNAMS KYIS GNAS PAR BYA'O, ,SPRUL PA DAG GIS SMRAS PA, TSE DANG LDAN PA DAG ,DE'I PHYIR BDAG CAG YANG

254a

, ,DAG PAR BGRO BAR BYA'O, ,RTZOD PAR MI BYA'O, ,RTZOD PA MED PA LHUR LEN PA NI DGE SBYONG GI CHOS SO, ,TSE DANG LDAN PA DAG ,GANG 'DI YONGS SU MYA NGAN LAS 'DAS PA ZHES BYA BA GANG YONGS SU MYA NGAN LAS 'DA' BAR 'GYUR BA'I CHOS DE GANG LUS 'DI LA BDAG GAM, SEMS CAN NAM, SROG GAM, SKYE BA PO'AM, SKYE BU'AM, GANG ZAG GAM, SHED LAS SKYES SAM, SHES BU'AM, GANG YONGS SU MYA NGAN LAS 'DA' BAR 'GYUR, GANG ZAD PAS YONGS SU MYA NGAN LAS 'DA', DE DAG GIS SMRAS PA, 'DOD CHAGS ZAD, ZHE SDANG ZAD, GTI MUG ZAD PAS YONGS SU MYA NGAN LAS 'DA'O, ,SPRUL PA GNYIS KYIS SMRAS PA, TSE DANG LDAN PA DAG ,'DOD CHAGS DANG, ZHE SDANG DANG, GTI MUG YOD PA YIN NAM ,CI NA DE ZAD PAR BYA, DE DAG GIS SMRAS PA, DE DAG NI NANG NA YANG MED, PHYI ROL NA YANG MED; GNYI GA MED PA LA YANG MI DMIGS TE, DE DAG NI YONGS SU MA BRTAGS PA LAS KYANG MI SKYE'O, ,SPRUL PA GNYIS KYIS SMRAS PA, TSE DANG LDAN PA DAG ,DE LTA BAS NA MA RTOG RNAM PAR MA RTOG CIG ,TSE DANG LDAN PA DAG ,NAM MI RTOG RNAM PAR MI RTOG PA DE NI, CHAGS PAR YANG MI 'GYUR, CHAGS PA DANG BRAL BAR YANG MI 'GYUR RO, ,CHAGS PA MED CING CHAGS PA DANG BRAL BA YANG MED PA GANG YIN PA DE NI ZHI BA ZHES BYA'O, ,TSE DANG LDAN PA DAG ,TSUL

254b

KHRIMS NI MI 'KHOR ZHING YONGS SU MYA NGAN LAS MI 'DA'O, ,TSE DANG LDAN PA DAG ,TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA YANG MI 'KHOR ZHING YONGS SU MYA NGAN LAS MI 'DA'O, ,TSE DANG LDAN PA DAG ,CHOS DE DAG GIS YONGS SU MYA NGAN LAS 'DA' BAR STON NA, CHOS DE DAG KYANG STONG PA, DBEN PA, GZUNG DU MED PA'O; ;TSE DANG LDAN PA DAG ,'DI LTA STE, MYA NGAN LAS 'DAS PA'I 'DU SHES SPONG ZHING, 'DU SHES LA YANG 'DU SHES SU MA BYED CIG ,'DU SHES LA 'DU SHES KYIS YONGS SU SHES PAR MA BYED CIG ,GANG 'DU SHES LA 'DU SHES KYIS YONGS SU SHES PA DE NI DE'I 'DU SHES KYIS BCINGS PA YIN NO, ,TSE DANG LDAN PA DAG ,'DU SHES DANG TSOR BA 'GOG PA'I SNYOMS PAR 'JUG PA LA ZHUGS SHIG ,TSE DANG LDAN PA DAG ,'DU SHES DANG TSOR BA 'GOG PA'I SNYOMS PAR 'JUG PA LAS GONG NA BYA BA MED DO ZHES SMRAS SO, ,CHOS KYI RNAM GRANGS 'DI BSHAD PA'I TSE DGE SLONG LNGA BRGYA PO DE DAG LEN PA MED PAR ZAG PA RNAMS LAS SEMS RNAM PAR GROL LO, ,DE DAG SEMS RNAM PAR GROL NAS BCOM LDAN 'DAS GA LA BA DER DONG STE LHAGS PA DANG, BCOM LDAN 'DAS KYI ZHABS LA MGO BOS PHYAG BYAS TE PHYOGS GCIG TU 'KHOD DO, ,DE NAS TSE DANG LDAN PA RAB 'BYOR GYIS DGE SLONG DE DAG LA 'DI SKAD CES SMRAS SO, ,TSE DANG LDAN PA DAG ,

255a

, ,GAR DONG, GANG NAS LHAGS, DE DAG GIS SMRAS PA, BTZUN PA RAB 'BYOR, GANG DU YANG 'GRO BA MED PA DANG, GANG NAS KYANG 'ONG BA MED PA'I PHYIR, BCOM LDAN 'DAS KYIS CHOS BSTAN TO, ,SMRAS PA, TSE DANG LDAN PA DAG ,KHYED KYI STON PA GANG YIN, SMRAS PA, GANG MA SKYES SHING YONGS SU MYA NGAN LAS MI 'DA'O, ,SMRAS PA, KHYED KYIS JI LTAR CHOS THOS, SMRAS PA, BCINGS PA'I PHYIR YANG MA YIN, THAR PA'I PHYIR YANG MA YIN NO, ,SMRAS PA, KHYED SUS BTUL, SMRAS PA, SU LA LUS MED CING SEMS MED PAS SO, ,SMRAS PA; KHYED JI LTAR BRTZON, SMRAS PA, MA RIG PA SPANG BA'I PHYIR YANG MA YIN, RIG PA BSKYED PA'I PHYIR YANG MA YIN PA'O, ,SMRAS PA, KHYED JI LTAR RNAM PAR GROL, SMRAS PA, SBYOR BA'I PHYIR YANG MA YIN, SPANG BA'I PHYIR YANG MA YIN NO, ,SMRAS PA, KHYED SU'I NYAN THOS, SMRAS PA, GANG GIS THOB PA MED CING MNGON PAR RDZOGS PAR SANGS RGYAS MED PA'O, ,SMRAS PA, KHYED KYI TSANGS PA MTSUNGS PAR SPYOD PA GANG, SMRAS PA, GANG DAG KHAMS GSUM NA MI RGYU BA RNAMS SO, ,SMRAS PA, TSE DANG LDAN PA DAG ,KHYOD JI SRID CIG NA YONGS SU MYA NGAN LAS 'DA', SMRAS PA, DE BZHIN GSHEGS PA'I SPRUL PA NAM YONGS SU MYA NGAN LAS 'DA' BA NA'O, ,SMRAS PA, KHYED KYIS BYA BA BYAS SAM, SMRAS PA, NGAR 'DZIN PA DANG, NGA YIR 'DZIN PA YONGS SU SHES PAS

255b

SO; ;SMRAS PA, KHYED KYIS NYON MONGS PA ZAD DAM, SMRAS PA, CHOS THAMS CAD GTAN DU ZAD PA'I PHYIR RO, ,SMRAS PA, KHYED KYIS BDUD BTUL TAM, SMRAS PA, PHUNG PO'I BDUD MI DMIGS PA'I PHYIR RO, ,SMRAS PA, KHYED KYIS STON PA LA BSNYEN BKUR BYAS SAM, SMRAS PA, LUS KYIS KYANG MA BYAS, NGAG GIS KYANG MA BYAS, SEMS KYIS KYANG MA BYAS SO, ,SMRAS PA, KHYED KYIS SBYIN PA'I GNAS KYIS SBYANGS SAM, SMRAS PA, 'DZIN PA MED CING SDUD PA MED PAS SO, ,SMRAS PA, KHYED 'KHOR BA LAS BRGAL TAM, SMRAS PA, CHAD PA MED CING RTAG PA MED PA'I PHYIR RO, , SMRAS PA, KHYED SBYIN PA'I GNAS KYI SAR ZHUGS SAM, SMRAS PA, 'DZIN PA THAMS CAD LAS RNAM PAR GROL BA'I PHYIR RO, ,SMRAS PA, TSE DANG LDAN PA DAG GAR 'GRO ,SMRAS PA, DE BZHIN GSHEGS PA'I SPRUL PA GANG DU BZHUD PAR RO, ,DE LTAR TSE DANG LDAN PA RAB 'BYOR GYIS YONGS SU DRIS TE, DGE SLONG DE DAG GIS LAN BTAB NAS, 'KHOR DE'I DGE SLONG BRGYAD BRGYA NI LEN PA MED PAR ZAG PA RNAMS LAS SEMS RNAM PAR GROL LO, ,SROG CHAGS SUM KHRI NYIS STONG NI CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG GO , DE NAS BYANG CHUB SEMS DPA' SEMS DPA' CHEN PO KUN DU SNANG BA ZHES BYA BA 'KHOR DE NYID DU 'DUS PAR GYUR TE 'DUS PA DE STAN LAS LANGS TE, BLA GOS PHRAG PA GCIG TU GZAR NAS

256a

, ,PUS MO G-YAS PA'I LHA NGA SA LA BTZUGS TE, BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO,, BCOM LDAN 'DAS, DKON MCHOG BRTZEGS PA CHEN PO'I CHOS KYI RNAM GRANGS 'DI LA SLOB PAR 'TSAL BA'I BYANG CHUB SEMS DPAS JI LTAR BSLAB PAR BGYI, BCOM LDAN 'DAS KYIS BKA' STZAL PA, RIGS KYI BU, TSAR BCAD CING TSAR BCAD NAS CHOS KYI RNAM GRANGS 'DIR BSLAB PA STON TE, CHOS KYI RNAM GRANGS 'DI NI SKYES BU DAM PA NAN TAN SNYING PO BYED PA RNAMS KYI DON CHEN POR 'GYUR RO, ,RIGS KYI BU, 'DI LTA STE, DPER NA, MI LA LA ZHIG KHAMS PA'I GRUR ZHUGS TE, GANGG'A'I KLUNG CHEN PO BRGAL BAR 'DOD PAR GYUR NA, RIGS KYI BU, 'DI JI SNYAM DU SEMS, MI DES CI 'DRA BA'I BRTZON 'GRUS KYIS GRU DE BTZAL BAR BYA'O, ,GSOL PA, BCOM LDAN 'DAS, STOBS DANG LDAN PA'I BRTZON 'GRUS KYIS BGYI'O, ,DE CI'I SLAD DU ZHE NA, BDAG NI CHU BO CHEN PO'I NANG DU ZHUGS KYI, BDAG 'GRAM DU MA PHYIN PAR BAR MA DOR GRU ZHIG TU 'ONG NGO SNYAM DU SEMS PA'I SLAD DU'O, ,BCOM LDAN 'DAS KYIS BKA' STZAL PA; KUN DU SNANG BA, DE LTAR BYANG CHUB SEMS DPAS DE BAS KYANG CHES STOBS DANG LDAN PA'I BRTZON 'GRUS KYIS CHOS KYI RNAM GRANGS 'DI LA BSLAB PAR BYA STE, STOBS CHEN PO DANG LDAN

256b

PA'I BRTZON 'GRUS KYIS SANGS RGYAS KYI CHOS THAMS CAD YANG DAG PAR BSGRUB PAR BYA'O, ,KYE MA'O LUS 'DI NI MI RTAG PA STE, BDAG GIS SNYING POR MA BLANGS PAR BAR MA DOR 'CHI BA'I DUS BYAS SU 'ONG NGO ZHES YID LA BYED PA DE LTA BUS BDAG NI CHU BO CHEN POR ZHUGS KYI, CHU BO BZHIR ZHUGS PA'I SEMS CAN RNAMS CHU BO CHEN POR ZHUGS PA LAS BSGRAL BA'I PHYIR, DAM PA'I CHOS KYI GRU GANG GIS SEMS CAN 'KHOR BA'I RGYA MTSOS KHYER BA THAMS CAD BSGRAL BAR BYA BA'I DAM PA'I CHOS KYI GRU CHEN PO SBYAR BAR BYA'O, ,KUN DU SNANG BA, DE LA BYANG CHUB SEMS DPAS DAM PA'I CHOS KYI GRU CHEN PO SBYAR BAR BYA BA DE CI 'DRA ZHE NA, 'DI LTA STE, SEMS CAN THAMS CAD LA SEMS MNYAM PA NYID DE, BSOD NAMS KYI TSOGS MTHA' YAS PA BSAGS PA, TSUL KHRIMS KYI SNAM GYIS SBYAR BA SBYIN PA'I 'KHOR GYI RGYAN GYIS BRGYAN PA, BSAM PA DANG LHAG PA'I BSAM PA'I BCING BA SRA BAS DAM POR SBREL BA, BZOD PA DANG DES [*NGES?] PA DANG DRAN PA'I SBYOR KAS LEGS PAR SBYAR BA, BYANG CHUB KYI YAN LAG BDUN GYI TSOGS CAN, BRTZON 'GRUS BRTAN PA DANG DGE BA'I CHOS KYI SHING GIS YANG DAG PAR SBYAR BA, BSAM GTAN GYI SEMS KYIS LAS SU RUNG BAR BYAS PA, DUL BA DANG ZHI BA DANG CANG SHES KYI DGE BA'I BZOS LEGS PAR ZIN PAR BYAS PA, SHIN TU MI 'KHRUGS PA'I CHOS CAN, SNYING RJE CHEN POS YANG DAG PAR ZIN PA, BSDU BA'I

257a

, ,DNGOS PO BZHI DANG, DPA' BAR 'GRO BAS BSTAR BA, SHES RAB DANG YE SHES KYIS PHYIR RGOL PA LEGS PAR RNAM PAR ZIN PAR BSRUNGS PA, THABS MKHAS PAS RNAM PAR BSAGS PA, LEGS PAR BYAS PA, TSANGS PA'I GNAS PA BZHIS LEGS PAR YONGS SU SBYANGS PA, DRAN PA NYE BAR GZHAG PA BZHIS LEGS PAR RNAM PAR BSAMS PA'I LUS KYIS BSTEN PA, YANG DAG PAR SPONG BAS 'GRO BA, RDZU 'PHRUL GYI RKANG PA'I MGYOGS PA'I SHUGS DANG LDAN PA, DBANG POS LEGS PAR BRTAGS PAS LTA BA NGAN PA'I SHING YON PO MED PA, STOBS KYI SHUGS YANG DAG PAR BYUNG BAS BAR SHAG SHIG MED PA, BYANG CHUB KYI YAN LAG GIS 'GRO BA RNAM PAR DAG PA, GCUGS CAN DGRA NYON MONGS PA'I BDUD KYI LAM 'DOR BAR BYED PA, LAM DU 'JUG PAR BYED PA, PHA ROL GYI NGOGS SU PHYIN PAR BYED PA, MU STEGS CAN NGAN PA'I MU STEGS 'DOR BAR BYED PA, ZHI GNAS KYIS NGES PAR SEMS PA BRTAN PA, LHAG MTHONG GIS SBYOR BA, MTHA' GNYIS LA MA CHAGS PAR 'JUGS, RGYU'I CHOS DANG YANG DAG PAR LDAN PA, SGRA GRAGS PA YANGS SHING RGYA CHE LA MI ZAD CING TSAD MED PA, TSUR SHOG ,DAM PA'I CHOS KYI GRU CHEN PO MYA NGAN LAS 'DAS PA'I GRONG KHYER DU 'GRO BA, BDE BAR 'GRO BA, 'JIGS PA MED PAR 'GRO BA, LAM DU 'GRO BA,

257b

'JIG TSOGS LA LTA BA 'DOR BAR ZHUGS PA, TSU ROL GYI 'GRAM NAS PHA ROL GYI 'GRAM DU LTA BA THAMS CAD SEL BA, GTZE BA MED PA'I MYA NGAN LAS 'DAS PAR MYUR DU SONG ZHIG CES PHYOGS BCUR SGRAS GO BAR BYED PA STE, RIGS KYI BU, SEMS CAN THAMS CAD KYI DON GYI PHYIR BSKAL PA BYE BA KHRAG KHRIG BRGYA STONG DPAG TU MED PAR YID YONGS SU MI SKYO BAR BYANG CHUB SEMS DPAS DAM PA'I CHOS KYI GRU CHEN PO 'DI 'DRA BA DE SBYAR BAR BYA'O, ,DAM PA'I CHOS KYI GRU 'DIS CHU BO BZHIS KHYER BA'I SEMS CAN THAMS CAD BSGRAL BAR BYA'O, ,KUN DU SNANG BA, DE LA 'DIR BYANG CHUB SEMS DPA'I MNGON PA SHES PA MYUR BA GANG ZHE NA, GANG 'DI SEMS CAN THAMS CAD LAS BCOS MA MA YIN PA'I SBYOR BA STE, BSAM PA DAG PAS RAB TU 'DUN PA DANG, DGE BA'I RTZA BA THAMS CAD YANG DAG PAR BSGRUB PA'I PHYIR BRTZON 'GRUS 'BAR BA DANG, TSUL BZHIN YID LA BYED PAS DGE BA LA 'DUN PA DANG, SHES RAB YONGS SU RDZOGS PAR BYA BA'I PHYIR THOS PAS MI NGOMS PA DANG, YE SHES BRTAN PAR BYA BA'I PHYIR NGA RGYAL MED PA DANG, YON TAN THAMS CAD YONGS SU RDZOGS PAR BYA BA'I PHYIR, RAB TU 'BYUNG BA LA GZHOL BA DANG, LUS DANG SEMS DBEN PAR DGON PA NA GNAS PA DANG, SKYE BO MI SRUN PA RNAM PAR SPANGS PAS 'DU 'DZI MED PA DANG, DON DAM PA LA RTON PAS CHOS DON DU GNYER BA DANG, SHIN TU MI 'KHRUGS PAS

258a

, ,YE SHES KYI DON DANG, YE SHES KYI DON YIN PAS CHOS KYI DON DANG, MI 'KHRUGS PAS BDEN PA'I DON DANG, YANG DAG PAR SBYOR BAR BYAS PAS STONG PA NYID KYI DON DANG, SHIN TU NYE BAR ZHI BA'I DON YIN PAS DBEN PA'I DON TE, RIGS KYI BU, 'DI NI 'DIR BYANG CHUB SEMS DPA'I MNGON PAR SHES PA MYUR BA'O, ,DE NAS BCOM LDAN 'DAS LA TSE DANG LDAN PA 'OD SRUNG CHEN POS 'DI SKAD CES GSOL TO, ,'DI LTAR DKON MCHOG BRTZEGS PA CHEN PO'I CHOS KYI RNAM GRANGS 'DI THEG PA CHEN PO LA YANG DAG PAR ZHUGS PA'I RIGS KYI BU'AM, RIGS KYI BU MO RNAMS LA PHAN 'DOGS PAR GYUR PA NI, BCOM LDAN 'DAS, NGO MTSAR TO, ,BDE BAR GSHEGS PA, NGO MTSAR TO, ,BCOM LDAN 'DAS, DKON MCHOG BRTZEGS PA CHEN PO'I CHOS KYI RNAM GRANGS 'DI LAS TSIGS SU BCAD PA GCIG TZAM BSTAN NA, RIGS KYI BU'AM RIGS KYI BU MO DE BSOD NAMS KYI PHUNG PO JI TZAM BSKYED PAR 'GYUR, DE SKAD CES GSOL PA DANG, BCOM LDAN 'DAS KYIS TSE DANG LDAN PA 'OD SRUNG CHEN PO LA 'DI SKAD CES BKA' STZAL TO, ,'OD SRUNG, RIGS KYI BU'AM RIGS KYI BU MO GANG LA LAS 'JIG RTEN GYI KHAMS GANGG'A'I KLUNG GI BYE MA SNYED RIN PO CHE SNA BDUN GYIS RAB TU GANG BAR BYAS TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS

258b

LA SBYIN PA BYIN PA DANG, SANGS RGYAS BCOM LDAN 'DAS GANGG'A'I KLUNG GI BYE MA SNYED RNAMS LAS DE BZHIN GSHEGS PA RE RE'I GTZUG LAG KHANG RIN PO CHE SNA BDUN LAS BYAS PA GANGG'A'I KLUNG GI BYE MA SNYED BRTZIGS PA DANG, SANGS RGYAS BCOM LDAN 'DAS GANGG'A'I KLUNG GI BYE MA SNYED RNAMS LAS DE BZHIN GSHEGS PA RE RE'I NYAN THOS KYI DGE 'DUN DPAG TU MED PA DAG LA BSKAL PA GANGG'A'I KLUNG GI BYE MA SNYED DU BDE BA'I YO BYAD THAMS CAD KYIS RIM GRO BYAS PA DANG, DE BZHIN GSHEGS PA YONGS SU MYA NGAN LAS 'DAS PA DE DAG GI MCHOD RTEN RIN PO CHE BDUN LAS BYAS PA BAS, RIGS KYI BU'AM RIGS KYI BU MO DAD PA DANG LDAN PA GZHAN ZHIG GIS DKON MCHOG BRTZEGS PA CHEN PO'I CHOS KYI RNAM GRANGS 'DI LAS TSIGS SU BCAD PA GCIG TZAM LUNG MNOS TE, LUNG MNOS NAS KYANG MI SPONG NA DE NI DE BAS CHES BSOD NAMS MANG DU BSKYED DO, ,BUD MED GANG ZHIG LUNG 'BOG NA, DE NAM YANG LOG PAR LTUNG BAR MI 'GYUR TE; DE NYID DE'I BUD MED KYI LUS KYI THA MA YIN NO, ,SA PHYOGS GANG DU CHOS KYI RNAM GRANGS 'DI BSHAD PA'AM, BSTAN PA'AM, YI GER 'DRI BA'AM, YI GER BRIS NAS GLEGS BAM DU BYAS TE, BZHAG PA'I SA PHYOGS DE LHA DANG BCAS PA'I 'JIG RTEN GYI MCHOD RTEN DANG 'DRA BAR 'GYUR RO, ,SU ZHIG CHOS SMRA BA LAS CHOS KYI RNAM GRANGS 'DI NYAN PA'AM 'DZIN PA'AM YI GER 'DRI BA DE LA

259a

, ,'DI LTA STE, DE BZHIN GSHEGS PA LA JI LTAR BYA BA DE BZHIN DU GUS PAR BYA'O, ,'OD SRUNG, RIGS KYI BU'AM RIGS KYI BU MO GANG ZHIG DE BZHIN GSHEGS PA'I CHOS SMRA BA LA BKUR STIR BYED PA DANG, BTZUN PAR BYED PA DANG, RI MOR BYED PA DANG, MCHOD PA BYED PA DE LA, NGA BLA NA MED PA YANG DAG PAR RDZOGS PA'I BYANG CHUB TU LUNG STON TO, , DE 'CHI BA'I DUS KYI TSE DE BZHIN GSHEGS PA MTHONG BAR 'GYUR RO, ,DE BZHIN GSHEGS PA MTHONG NAS KYANG LUS KYI LAS YONGS SU DAG PA BCU THOB PAR 'GYUR TE, BCU GANG ZHE NA, 'DI LTA STE, TSOR BAS SEMS KUN DU MA ZIN PAR 'CHI BA'I DUS BYED PA DANG, DE MIG 'KHRUL PAR MI 'GYUR BA DANG, LAG PA G-YO BAR MI BYED PA DANG, RKANG PA 'PHRA BAR MI BYED PA DANG; GCIN MI STOR BA DANG, PHYI SA MI 'BYUNG BA DANG, DE'I SNYING GAR RDUL MI 'BYUNG BA DANG, KHU TSUR MI 'CHANG BA DANG, NAM MKHA' LA MI SNYEGS PA DANG, JI LTAR 'DUG PA DE BZHIN DU TSE'I 'DU BYED 'DOR BAR 'GYUR BA STE, LUS KYI LAS YONGS SU DAG PA BCU PO DE DAG THOB PAR 'GYUR RO, ,NGAG GI LAS YONGS SU DAG PA BCU THOB PAR 'GYUR TE, BCU GANG ZHE NA; 'DI LTA STE, GDANGS SNYAN PA'I TSIG DANG, MNYEN PA'I TSIG DANG, 'JAM PA'I TSIG DANG, DGA' BA'I TSIG DANG, SNUM PA'I TSIG DANG, SLAR BZLOG PA MA YIN PA'I TSIG

259b

DANG; GZUNG BAR 'OS PA'I TSIG DANG, BTZUN PA'I TSIG DANG, LHA DANG MIS YONGS SU BZUNG BA'I TSIG DANG, SANGS RGYAS KYIS YONGS SU BZUNG BA'I TSIG STE, NGAG GI LAS YONGS SU DAG PA BCU PO DE DAG THOB PAR 'GYUR RO, ,YID KYI LAS YONGS SU DAG PA BCU THOB PAR 'GYUR TE, BCU GANG ZHE NA, 'DI LTA STE, KHRO BAR MI 'GYUR BA DANG, 'KHON DU 'DZIN PA MED PA DANG, 'CHAB PAR MI 'GYUR BA DANG, TSIG PAR MI 'GYUR BA DANG, NYES PA LA MI DGA' BA DANG, 'KHON GCUGS LA MI DGA' BA DANG, 'DU SHES PHYIN CI LOG TU MI 'GYUR BA DANG, SPONG BA LA BAG YOD PAR 'GYUR BA DANG, MA ZHUGS PA'I SEMS KYIS SANGS RGYAS KYI ZHING YONGS SU DAG PAR 'DZIN PA DANG, NGA RGYAL DANG CHE BA'I NGA RGYAL MED PAR SANGS RGYAS KYI CHOS THAMS CAD MNGON PAR SGRUB PA'I TING NGE 'DZIN THOB PAR 'GYUR BA STE, YID KYI LAS YONGS SU DAG PA BCU PO DE DAG THOB PAR 'GYUR RO, ,DE LA 'DI SKAD CES BYA STE, TSOR BAS NYEN CING 'CHI BA'I DUS MI BYED, ,DE YI MIG LA 'KHRUL PAR 'GYUR BA MED, ,LAG PA MI G-YO BA RKANG PA 'PHRA MI 'GYUR, ,DE NI BSHANG GCI STOR BAR YONG MI 'GYUR, ,DE YI SNYING GAR RDUL YANG 'BYUNG MI 'GYUR, ,KHU TSUR MI 'CHAD NAM MKHA' SNYEGS MI 'GYUR, ,'DUG BZHIN BDE BAR 'CHI BA'I DUS BYED DE, ,LUS LAS YONGS SU DAG PA 'DI BCU THOB, ,GDANGS SNYAN PHUN SUM TSOGS LA 'JAM MNYEN TSIG ,SNUM

260a

, ,ZHING YID 'ONG DE BZHIN DGA' BAR 'GYUR, ,GZHAN GYIS SLAR MI BZLOG CING BZUNG 'OS TSIG ,SKYE BOS BTZUN PAR BYA BA'I TSIG TU 'GYUR, ,DE YI TSIG NI LHA DANG KLU DAG DANG, ,MI'AM CI DANG DE BZHIN RGYAL BAS BSNGAGS, ,DES BSHAD PA YI DON KYANG 'DZIN BYED DE, ,DES NI NGAG LAS DAG PA DE DAG 'THOB, ,KHRO BA MED CING 'KHON DU 'DZIN PA MED, ,BRTAN PA 'CHAB PA MED CING 'TSIG PA MED, ,NYES LA MI DGA' 'KHON GCUGS DGA' BA MED, ,DE YI 'DU SHES PHYIN CI LOG MI 'GYUR, ,BSLAB PA YANG DAG BLANGS LA SEMS MI ZHUM, ,SPONG BA LA NI BAG MED MI 'GYUR TE, ,ZHUM PA MED PA'I SEMS KYIS ZHING SBYONG BYED, ,NGA RGYAL LAS KYANG NGA RGYAL YONGS SPANGS NAS, ,TING 'DZIN 'BYOR PA THAMS CAD MNGON BSGRUBS NAS, ,YID KYIS MNGON PAR BSGRUBS PA'I CHOS RNAMS 'THOB, ,CHOS RNAMS 'DI DAG LDAN PAR GYUR PA LA, ,SANGS RGYAS DNGOS PO DKON PAR MI 'GYUR RO, ,'OD SRUNG; GANG LA LA BDE BA'I YO BYAD THAMS CAD KYIS NGA LA BKUR STIR BYED PAR 'DOD PA DANG, MCHOD PA THAMS CAD KYIS MCHOD PAR 'DOD PA DES DKON MCHOG BRTZEGS PA CHEN PO'I CHOS KYI RNAM GRANGS 'DI GZUNG BAR BYA, KUN CHUB PAR BYA, YI GER BRI BAR BYA, BKLAG PAR BYA, BCANG BAR BYA'O, ,'OD SRUNG, DE LTA NA DE BZHIN GSHEGS PA DGRA BCOM PA YANG DAG PAR

260b

RDZOGS PA'I SANGS RGYAS RNAMS LA MCHOD PA BLA NA MED PA BYAS PAR 'GYUR RO, ,BCOM LDAN 'DAS KYIS DE SKAD CES BKA' STZAL NAS, TSE DANG LDAN PA 'OD SRUNG CHEN PO DANG, BYANG CHUB SEMS DPA' SEMS DPA' CHEN PO SANGS RGYAS KYI ZHING SNA TSOGS NAS 'DUS PA DE DAG DANG, DGE SLONG DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA DKON MCHOG BRTZEGS PA CHEN PO'I CHOS KYI RNAM GRANGS LE'U STONG PHRAG BRGYA PA LAS, 'PHAGS PA 'OD SRUNG GI LE'U ZHES BYA STE, 'DUS PA BZHI BCU GSUM PA RDZOGS SO,, ,,RGYA GAR GYI MKHAN PO DZI NA MI TRA DANG, SH'I LENDRA BO DHI DANG, ZHU CHEN GYI LO TZ'A BA BAN DE YE SHES SDES BSGYUR CING ZHUS TE, SKAD GSAR BCAD KYIS KYANG BCOS NAS GTAN LA PHAB PA'O,,