,,RGYA GAR SKAD DU; A'ARYA MEE TRI YA PA RIPRi TZTS'A BA RI BRTA N'A MA MAH'A Y'A NA S'U TRA, BOD SKAD DU, 'PHAGS PA BYAMS PAS ZHUS PA'I LE'U ZHES BYA BA THEG PA CHEN PO'I MDO, BAM PO GCIG PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS YUL BRGA NA CHU SRIN BYIS PA GSOD PA
LTA BU'I RI 'JIGS SU RUNG BA'I NAGS RI DVAGS KYI NAGS NA, DGE SLONG LNGA BRGYA TZAM GYI DGE SLONG GI DGE 'DUN CHEN PO MNGON PAR SHES PAS MNGON PAR SHES PA, GNAS BRTAN NYAN THOS CHEN PO SHA STAG LA 'DI LTA STE, TSE DANG LDAN PA KUN SHES KOO DI N+YA DANG, TSE DANG LDAN PA RTA THUL DANG, TSE DANG LDAN PA RLANGS PA DANG, TSE DANG LDAN PA MING CHEN DANG, TSE DANG LDAN PA BZANG LDAN DANG, TSE DANG LDAN PA DRI MA MED PA DANG, TSE DANG LDAN PA GANG PO DANG, TSE DANG LDAN PA BA LANG BDAG DANG, TSE DANG LDAN PA RI DVAGS MGO DANG, TSE DANG LDAN PA LTENG RGYAS 'OD SRUNG DANG, TSE DANG LDAN PA CHU KLUNG 'OD SRUNG DANG, TSE DANG LDAN PA GA YA 'OD SRUNG DANG, TSE DANG LDAN PA BYIN PA 'OD SRUNG DANG, TSE DANG LDAN PA 'OD SRUNG CHEN PO DANG, TSE DANG LDAN PA DON YOD RGYAL PO DANG, TSE DANG LDAN PA BLO GROS RAB BZANG DANG, TSE DANG LDAN PA SH'A RI'I BU DANG, TSE DANG LDAN PA MO'U DGAL GYI BU CHEN PO DANG, TSE DANG LDAN PA RI RGYAL DANG, TSE DANG LDAN PA DGA' BO DANG, TSE DANG LDAN PA NYE DGA' DANG, TSE DANG LDAN PA KUN DGA' BO DANG, TSE DANG LDAN PA SGRA GCAN ZIN DANG, DE DAG LA SOGS PA DGE SLONG LNGA BRGYA TZAM DANG THABS GCIG TU BZHUGS SO, ,BYAMS PA LA SOGS PA BYANG CHUB SEMS DPA' SEMS DPA' CHEN PO MNGON PAR SHES PA KHRI DANG YANG THABS GCIG PA LA 'DI LTA STE, BYANG CHUB SEMS DPA'
, ,BLO GROS PHRENG DANG, BYANG CHUB SEMS DPA' BLO GROS BZANG DANG, BYANG CHUB SEMS DPA' BLO GROS BRTAN DANG, BLO GROS YANGS PA DANG, SPOBS PA BRTZEGS DANG; SPYAN RAS GZIGS DBANG PHYUG DANG, MTHU CHEN THOB DANG, TOG DPAL DANG, 'JAM DPAL DANG, MNGON PAR SHES PA'I ME TOG SHIN TU RGYAS PA DANG, DMIGS PA MED PA YID LA BYED PA DANG, DAD LDAN DANG, RIN PO CHE'I TOG DANG, DBANG PO'I LHA DANG, CHU LHA DANG, SGRA DBYANGS SNYAN DANG, ZHING RNAM PAR SBYONG DANG, LHUN PO BRTZEGS DANG, SPOBS PA PHUN SUM TSOGS PA DANG, DBANG PO DPAL DANG, SA 'DZIN DANG, SEMS CAN DMYAL BA SKEM DANG, NGAN SONG SPONG DANG, RIN CHEN ZE BA CAN DANG, DE DAG LA SOGS PA BYANG CHUB SEMS DPA' KHRI DANG THABS GCIG STE, DE NAS BCOM LDAN 'DAS 'KHOR BRGYA STONG DU MAS YONGS SU BSKOR CING MDUN GYIS BLTAS NAS CHOS STON TO, ,DE'I TSE BYANG CHUB SEMS DPA' BYAMS PA 'KHOR DE NYID DU 'DUS PAR GYUR TE 'DUG GO ,DE NAS BYANG CHUB SEMS DPA' BYAMS PAS BYANG CHUB SEMS DPA'I 'KHOR CHEN PO DE 'DUS PAR RIG NAS STAN LAS LANGS TE, BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE, BCOM LDAN 'DAS GA LA BA DER LOGS SU THAL MO SBYAR BA BTUD NAS, BCOM LDAN 'DAS LA
'DI SKAD CES GSOL TO, ,GAL TE ZHUS NAS ZHU BA LUNG BSTAN PA'I SLAD DU BCOM LDAN 'DAS KYIS BDAG LA SKABS PHYE NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA BDAG PHYOGS 'GA' ZHIG ZHU'O, ,DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO BYAMS PA LA 'DI SKAD CES BKA' STZAL TO; ;BYAMS PA, DRI BA LUNG BSTAN PA'I PHYIR DE BZHIN GSHEGS PAS RTAG TU SKABS PHYE'I, BYAMS PA KHYOD CI DANG CI 'DOD PA DRIS SHIG DANG, DRIS PA DE DANG DE'I LUNG BSTAN PAS SEMS RANGS PAR BYA'O, ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO BYAMS PAS 'DI SKAD CES GSOL TO, ,BCOM LDAN 'DAS, BYANG CHUB SEMS DPA' CHOS DU DANG LDAN NA NGAN SONG THAMS CAD SPONG ZHING SDIG PA'I GROGS PO'I SUG PAR MCHI BAR MI 'GYUR LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR BA LAGS, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO BYAMS PA LA 'DI SKAD CES BKA' STZAL TO, ,BYAMS PA KHYOD NI 'DI LTAR SNGON GYI RGYAL BA LA LHAG PAR BYA BA BYAS PA, DGE BA'I RTZA BA BSKYED PA, TSE RABS DRAN PA, SPOBS PA THOB PA, YUN RING PO NAS TSANGS PA SPYOD PA SPYAD PA STE, BYAMS PA KHYOD SKYE BO MANG
, ,PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, SKYE BO PHAL PO CHE DANG, LHA DANG MI RNAMS KYI DON DANG, PHAN PA DANG, BDE BA DANG, BYANG CHUB SEMS DPA'I THEG PA PA'I RIGS KYI BU DANG, RIGS KYI BU MO DA LTAR GYI DANG, MA 'ONGS PA RNAMS YONGS SU GZUNG BA'I PHYIR ZHUGS PA NAS, KHYOD DE BZHIN GSHEGS PA LA DON 'DI 'DRI BAR SEMS PA LEGS SO, ,LEGS SO, ,BYAMS PA, DE'I PHYIR LEGS PAR RAB TU NYON LA YID LA ZUNGS SHIG DANG, NGAS BSHAD DO, ,BYANG CHUB SEMS DPA' SEMS DPA' CHEN PO BYAMS PAS, BCOM LDAN 'DAS LA LEGS SO ZHES GSOL TE, BCOM LDAN 'DAS KYI LTAR NYAN PA DANG, BCOM LDAN 'DAS KYIS 'DI SKAD CES BKA' STZAL TO, ,BYAMS PA, BYANG CHUB SEMS DPA' CHOS GCIG DANG LDAN NA, NGAN SONG THAMS CAD SPANG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA STE, CHOS GCIG GANG ZHE NA, 'DI LTA STE, LHAG PA'I BSAM PA PHUN SUM TSOGS PA'I BYANG CHUB KYI SEMS TE, BYAMS PA, BYANG CHUB SEMS DPA' CHOS GCIG PO DE DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA ,
MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, ,BYAMS PA, GZHAN YANG BYANG CHUB SEMS DPA' CHOS GNYIS DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA STE, GNYIS GANG ZHE NA, 'DI LTA STE, ZHI GNAS YONGS SU TSOL BA DANG, LHAG MTHONG LA MKHAS PA STE, BYANG CHUB SEMS DPA' CHOS GNYIS PO DE DAG DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, ,BYAMS PA, GZHAN YANG BYANG CHUB SEMS DPA' CHOS GSUM DANG LDAN NA; NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PAR BYANG CHUB MNGON PAR RDZOGS PAR 'TSANG RGYA STE, GSUM GANG ZHE NA, 'DI LTA STE, SNYING RJE CHEN PO THOB PA DANG, STONG PA NYID KYI CHOS NGES PAR SEMS PA DANG, DES KYANG RLOM SEMS SU MI BYED PA STE, BYAMS PA, BYANG CHUB SEMS DPA' CHOS GSUM PO DE DAG DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG
, ,RGYA'O, ,BYAMS PA, GZHAN YANG BYANG CHUB SEMS DPA' CHOS BZHI DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA STE, BZHI GANG ZHE NA, 'DI LTA STE, TSUL KHRIMS LA GNAS PA YIN, CHOS THAMS CAD LA SOM NYI MED PA YIN, DGON PA LA MNGON PAR DGA' BA YIN, YANG DAG PAR ZHUGS SHING YANG DAG PAR BLANGS PA LAS MI G-YO BA YIN TE, BYAMS PA, BYANG CHUB SEMS DPA' CHOS BZHI PO DE DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, ,BYAMS PA, GZHAN YANG BYANG CHUB SEMS DPA' CHOS LNGA DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA STE, LNGA GANG ZHE NA, 'DI LTA STE, STONG PA NYID LA GNAS PA DANG, GZHAN DAG GI 'KHRUL PA MI TSOL BA DANG, BDAG LA RTOG PA DANG, CHOS LA MNGON PAR DGA' BA DANG, GZHAN LA PHAN 'DOGS PAR ZHUGS PA YIN TE, BYAMS PA, BYANG CHUB SEMS DPA' CHOS LNGA PO DE DAG DANG
LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON BAR RDZOGS PAR 'TSANG RGYA'O, , BYAMS PA, GZHAN YANG BYANG CHUB SEMS DPA' CHOS DRUG DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA STE, DRUG GANG ZHE NA, 'DI LTA STE, BRKAM PA MED PA YIN, SDANG BA MED PA YIN, RMONGS PA MED PA YIN, DRIS MA THAG TU YANG DAG PA JI LTA BA BZHIN DU LAN LDON PA YIN, BSNYEN PAR DKA' BA MED PA YIN, STONG PA NYID KYI SPYOD YUL PA YIN TE, BYAMS PA, BYANG CHUB SEMS DPA' CHOS DRUG PO DE DAG DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, ,BYAMS PA; GZHAN YANG BYANG CHUB SEMS DPA' CHOS BDUN DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA STE, BDUN GANG ZHE NA, 'DI LTA STE, DRAN PA LA MKHAS PA YIN, CHOS LA MKHAS PA YIN, BRTZON 'GRUS BRTZAM PA YIN, DGA' BA
, ,THOB PA YIN, SHIN TU SBYANGS PA DANG LDAN PA YIN, TING NGE 'DZIN LA MKHAS PA YIN, SHES RAB KYIS RAB TU DBYE BA LA MKHAS PA YIN TE, BYAMS PA, BYANG CHUB SEMS DPA' CHOS BDUN PO DE DAG DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, ,BYAMS PA, GZHAN YANG BYANG CHUB SEMS DPA' CHOS BRGYAD DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA STE, BRGYAD GANG ZHE NA, 'DI LTA STE, YANG DAG PAR LTA BA CAN YIN; YANG DAG PAR RTOG PA CAN YIN, YANG DAG PA'I MTHA' CAN YIN, YANG DAG PA'I LAS KYI MTHA' CAN YIN, YANG DAG PA'I 'TSO BA CAN YIN, YANG DAG PA'I RTZOL PA CAN YIN YANG DAG PA'I DRAN PA CAN YIN, YANG DAG PA'I TING NGE 'DZIN CAN YIN TE, BYAMS PA, BYANG CHUB SEMS DPA' CHOS BRGYAD PO DE DAG DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, ,BYAMS PA, GZHAN YANG BYANG CHUB SEMS
DPA' CHOS DGU DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR 'TSANG RGYA STE, DGU GANG ZHE NA, 'DI LTA STE, BYAMS PA, BYANG CHUB SEMS DPA' NI 'DOD PA DAG LAS DBEN PA SDIG PA MI DGE BA'I CHOS RNAMS LAS DBEN PA, RTOG PA DANG BCAS PA, DPYOD PA DANG BCAS PA, DBEN PA LAS SKYES PA'I DGA' BA DANG BDE BA CAN BSAM GTAN DANG PO BSGRUBS TE GNAS SO, ,RTOG PA DANG DPYOD PA DANG BRAL ZHING NANG RAB TU DANG STE, SEMS KYI RGYUD GCIG TU GYUR PAS RTOG PA MED PA, DPYOD PA MED PA, TING NGE 'DZIN LAS SKYES PA'I DGA' BA DANG BDE BA CAN BSAM GTAN GNYIS PA BSGRUBS TE GNAS SO, ,DGA' BA'I 'DOD CHAGS DANG BRAL BAS BTANG SNYOMS LA GNAS SHING DRAN PA DANG SHES BZHIN CAN YIN TE, BDE BA LUS KYIS MYONG LA, 'PHAGS PA RNAMS KYIS GANG DE DRAN PA DANG LDAN PA BDE BA LA GNAS PA, GTANG SNYOMS PA'O ZHES BRJOD PA STE, DGA' BA MED PAS BSAM GTAN GSUM PA BSGRUBS TE GNAS SO, ,BDE BA YANG SPANGS TE, SNGA NAS SDUG BSNGAL YANG SPANGS SHING YID BDE BA DANG YID MI BDE BA YANG NUB PAS, BDE BA YANG MA YIN, SDUG BSNGAL BA YANG MA YIN PA BTANG SNYOMS DANG DRAN PA YONGS SU DAG PA BSAM GTAN BZHI PA
, ,BSGRUBS TE GNAS SO, ,RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS TE, THOGS PA'I 'DU SHES RNAMS NUB PAR GYUR CING; SNA TSOGS KYI 'DU SHES RNAMS YID LA MI BYED PAS, NAM MKHA' MTHA' YAS SO SNYAM NAS, NAM MKHA' MTHA' YAS SKYE MCHED BSGRUBS TE GNAS SO, ,RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM PAR SHES PA MTHA' YAS SO SNYAM NAS RNAM SHES MTHA' YAS SKYE MCHED BSGRUBS TE GNAS SO, , RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE, CI YANG MED DO SNYAM NAS, CI YANG MED DO SNYAM NAS, CI YANG MED PA'I SKYE MCHED BSGRUBS TE GNAS SO, ,RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS NAS, 'DU SHES MED 'DU SHES MED MIN SKYE MCHED BSGRUBS TE GNAS SO, ,RNAM PA THAMS CAD DU 'DU SHES MED 'DU SHES MED MIN SKYE MCHED LAS YANG DAG PAR 'DAS NAS, 'DU SHES DANG, TSOR BA 'GOG PA BSGRUBS NAS GNAS TE, BYAMS PA, BYANG CHUB SEMS DPA' CHOS DGU PO DE DAG DANG LDAN NA NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR
RDZOGS PAR 'TSANG RGYA'O, ,BYAMS PA, GZHAN YANG BYANG CHUB SEMS DPA' CHOS BCU DANG LDAN NA NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA STE, BCU GANG ZHE NA, 'DI LTA STE, RDO RJE LTA BU'I TING NGE 'DZIN DANG LDAN PA YIN, GNAS DANG GNAS MA YIN PA LA MNGON PAR BRTZON PA'I TING NGE 'DZIN DANG LDAN PA YIN, THABS KYIS 'GRO BA'I TING NGE 'DZIN DANG LDAN PA YIN, RNAM PAR SNANG BYED KYI TING NGE 'DZIN DANG LDAN PA YIN KUN NAS SNANG BA'I TING NGE 'DZIN DANG LDAN PA YIN, KUN DU GSAL BA'I TING NGE 'DZIN DANG LDAN PA YIN, RIN CHEN ZLA BA'I TING NGE 'DZIN DANG LDAN PA YIN, ZLA BA'I SGRON MA'I TING NGE 'DZIN DANG LDAN PA YIN, NYON MONGS PA MED PA'I TING NGE 'DZIN DANG LDAN PA YIN, RGYAL MTSAN GYI RTZE MO'I DPUNG RGYAN GYI TING NGE 'DZIN DANG LDAN PA YIN TE, BYAMS PA, BYANG CHUB SEMS DPA' CHOS BCU PO DE DAG DANG LDAN NA, NGAN SONG THAMS CAD SPONG ZHING SDIG PA'I GROGS PO'I LAG TU MI 'GRO LA, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O, ,DE NAS BYANG CHUB SEMS DPA' SEMS DPA' CHEN PO BYAMS PA TSIM ZHING MGU LA YI RANGS TE RAB TU DGA' NAS DGA' BA DANG YID BDE BA SKYES
, ,TE, STAN LAS LANGS NAS BLA GOS PHRAG PA GCIG TU BGOS TE, PUS MO G-YAS PA'I LHA NGA SA LA BTZUGS NAS, BCOM LDAN 'DAS GA LA BA DER LOGS SU THAL MO SBYAR BA BTUD DE, BCOM LDAN 'DAS LA TSUL DANG 'DRA BA'I TSIGS SU BCAD PA 'DI DAG GIS MNGON PAR BSTOD DO, ,SNGON CHAD SBYIN PA SBYIN MDZAD PA, ,SDUG PA'I BU DANG ZAS SKOM DANG, ,MGO DANG MIG KYANG BTANG MDZAD DE, ,SANGS RGYAS SBYIN KUN PHA ROL PHYIN, ,G-YAG RNGA BZHIN DU YUL RING NAS, ,KHYOD KYIS TSUL KHRIMS MA NYAMS BSRUNG, KHRIMS KYIS KHYED 'DRA MA MCHIS TE, ,SANGS RGYAS KHRIMS LEGS PHA ROL PHYIN, ,BZOD PA'I STOBS NI BSKYED MDZAD NAS, ,BYIS PAS NONGS PAR BGYIS PA BZOD, ,BZOD PA'I STOBS RNAMS KUN DANG LDAN, ,SANGS RGYAS BZOD LEGS PHA ROL PHYIN, ,BRTZON 'GRUS STOBS NI BSKYED MDZAD NAS, ,ZHI BDE BLA NA MED PA BRNYES, ,BRTZON 'GRUS STOBS KYIS STOBS DANG LDAN; ;SANGS RGYAS BRTZON LEGS PHA ROL PHYIN, ,SDIG PA THAMS CAD BSREGS MDZAD NAS, ,'DREN PA SKYES CHEN BSAM GTAN DGYES, ,BSAM GTAN STOBS KYI STOBS DANG LDAN; ;SANGS RGYAS BSAM LEGS PHA ROL PHYIN, ,CHOS RNAMS DE DAG RANG BZHIN STONG, ,NGO BO NYID KYIS GANG MI SKYE, ,SHES RAB KYIS NI PHA ROL GSHEGS, ,SANGS RGYAS SHES LEGS
PHA ROL PHYIN, ,MKHYEN CHEN BYANG CHUB SHING DRUNG DU, ,SDER BCAS BDUD NI KHYOD KYIS BTUL, ,DON GYI MCHOG KYANG BRNYES PAR GYUR, ,SANGS RGYAS BDUD KYI TSOGS NGAN 'JOMS, ,SKYES CHEN W'A RA n'A SIR NI, ,CHOS KYI 'KHOR LO RAB TU BSKOR, ,MU STEGS TSOGS NGAN SKRAG PAR MDZAD, ,SANGS RGYAS MU STEGS CAN TSOGS 'JOMS, ,SHES RAB CHEN PO BLA NA MED, ,KUN NAS ZLA DPE YOD MA MCHIS, ,DKON MCHOG CHOS DE STON PAR MDZAD, ,'DREN PA SANGS RGYAS 'OD MDZAD LAGS, ,SBYIN PA DANG NI TSUL KHRIMS STOBS, ,BZOD BRTZON KHYOD DANG 'DRA MA MCHIS, , KUN GYI PHA ROL PHYIN PAR 'GYUR, ,SANGS RGYAS YON TAN MANG PO 'PHAGS, ,DE NAS BYANG CHUB SEMS DPA' SEMS DPA' CHEN PO BYAMS PAS, BCOM LDAN 'DAS LA TSUL DANG 'DRA BA'I TSIGS SU BCAD PA 'DI DAG GIS MNGON PAR BSTOD NAS PHYOGS GCIG TU 'DUG GO ,DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BTZUN PA BCOM LDAN 'DAS, BYANG CHUB SEMS DPA' SEMS DPA' CHEN PO BYAMS PA 'DI 'DI LTAR SPOBS PA PHUN SUM TSOGS PA DANG, 'DI LTAR SHIN TU RNAM PAR NGES PA'I TSIG GIS CHOS STON PA DANG, 'DI LTAR TSIG DANG YI GE MTSUNGS PA'I CHOS STON PA DANG, 'DI LTAR ZAB MO'I TSIG GIS CHOS STON PA DANG, 'DI LTAR LEGS PAR 'BREL BA'I TSIG GIS CHOS STON PA DANG,
, ,DRAN PA'I TSIG GIS CHOS STON PA NI NGO MTSAR LAGS SO, ,BCOM LDAN 'DAS KYIS BKA' STZAL PA, KUN DGA' BO, DE DE BZHIN NO, JI SKAD SMRAS PA DE BZHIN TE, BYANG CHUB SEMS DPA' BYAMS PA SPOBS PA PHUN SUM TSOGS PA DANG LDAN ZHING, BYANG CHUB SEMS DPA' BYAMS PA SHIN TU RNAM PAR NGES PA'I TSIG GIS CHOS STON PA NAS, RJES SU DRAN PA'I TSIG GI BAR GYIS CHOS STON PA NI NGO MTSAR TO, ,KUN DGA' BO, BYANG CHUB SEMS DPA' BYAMS PAS NI DA LTAR NGA LA TSUL DANG 'DRA BA'I TSIGS SU BCAD PA DAG GIS BSTOD PAR MA ZAD DE, DE CI'I PHYIR ZHE NA, KUN DGA' BO, SNGON BYUNG BA 'DAS PA'I DUS NA BSKAL PA GRANGS MED PA BCUR TSANG BAR GYUR PA DE'I TSE DE'I DUS NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS, RIG PA DANG ZHABS SU LDAN PA, BDE BAR GSHEGS PA 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA LHA DANG MI RNAMS KYI STON PA SANGS RGYAS BCOM LDAN 'DAS SNANG BAS RNAM PAR ROL PA'I MNGON PAR SHES PA ZHES BYA BA 'JIG RTEN DU BYUNG STE, DE'I TSE BRAM ZE'I KHYE'U BZANG DAG CES BYA BA GZUGS BZANG BA; MDZES PA, BLTA NA SDUG PA, KHA DOG BZANG PO RGYAS PA MCHOG DANG LDAN PA ZHIG YOD PA DE SKYED MOS TSAL DU 'GRO STE GRONG BAR DU PHYIN PA DANG, DE BZHIN GSHEGS PA DGRA BCOM PA
YANG DAG PAR RDZOGS PA'I SANGS RGYAS SNANG BAS RNAM PAR ROL PA'I MNGON PAR SHES PA MDZES PA DAD PAR BYA BA, DBANG PO ZHI BA, THUGS ZHI BA, DUL BA DANG ZHI GNAS KYI MCHOG BRNYES PA, DUL BA DANG ZHI GNAS KYI DAM PA BRNYES PA DBANG PO BSRUNGS PA, GLANG PO CHE DBANG PO THUL BA LTA BU, MTSO LTAR DANG ZHING RNYOG PA MED LA GSAL BA, SKYES BU CHEN PO'I MTSAN SUM CU RTZA GNYIS PO DE DAG GIS SKU LEGS PAR BRGYAN PA, DPE BYAD BZANG PO BRGYAD CU PO DAG GIS SKU RNAM PAR SPRAS PA, SHING S'A LA'I RGYAL PO ME TOG SHIN TU RGYAS PA 'DRA BA, RI'I RGYAL PO RI RAB LTAR MNGON PAR 'PHAGS PA, ZHAL ZLA BA'I DKYIL 'KHOR LTAR ZHI BA, NYI MA'I DKYIL 'KHOR LTAR LHAM ME LHAN NE LHANG NGE BA, SHING N+YA GRO DA LTAR CHU ZHENG GAB PA, 'OD 'BAR BA'I SKUS DPAL CHEN POS 'BAR BA MTHONG NGO, ,MTHONG NAS KYANG DE BCOM LDAN 'DAS LA SEMS DAD PAR GYUR TO, ,DE SEMS DANG NAS 'DI SNYAM DU SEMS TE, AA LA LA, DE BZHIN GSHEGS PA'I SKU 'DI RNAM PAR SPRAS SHING, KHA DOG DANG, GZI BRJID DANG, DPAL DANG, MTSAN RNAMS KYIS NI 'BAR ZHING LHAM ME LHAN NE LHANG NGA BA NGO MTSAR TO SNYAM MO, ,DE NAS BRAM ZE'I KHYE'U BZANG DAG GIS 'DI SKAD CES SMRAS SO, ,AA LA LA, BDAG KYANG MA 'ONGS PA'I DUS NA LUS 'DI 'DRA BA DANG LDAN PAR GYUR CIG, KHA DOG DANG, GZI BRJID DANG, DPAL DANG,
, ,MTSAN RNAMS KYIS 'DI LTAR 'BAR ZHING LHAM ME LHAN NE LHANG NGE BAR GYUR CIG CES DES SMON LAM DE SKAD BTAB NAS, SA LA NYAL TE 'DI SNYAM DU BSAMS SO; ;GAL TE BDAG KYANG MA 'ONGS PA'I DUS NA 'DI LTA BU'I LUS DANG LDAN PAR GYUR TE, KHA DOG DANG, GZI BRJID DANG, DPAL DANG, MTSAN RNAMS KYIS 'BAR ZHING LHAM ME LHAN NE LHANG NGER 'GYUR ZHE NA, DE BZHIN GSHEGS PA'I ZHABS BDAG GI LUS LA REG PAR GYUR CIG SNYAM MO, ,KUN DGA' BO, DE NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SNANG BAS RNAM PAR ROL PA'I MNGON PAR SHES PA DES BRAM ZE'I KHYE'U BZANG DAG GI LHAG PA'I BSAM PA MKHYEN NAS, BRAM ZE'I KHYE'U BZANG DAG GA LA BA DER GSHEGS TE, BRAM ZE'I KHYE'U BZANG DAG LA ZHABS KYIS REG PAR MDZAD DO, ,DE BZHIN GSHEGS PA SNANG BAS RNAM PAR ROL PA'I MNGON PAR SHES PA DES BRAM ZE'I KHYE'U BZANG DAG LA ZHABS KYIS REG PAR MDZAD MA THAG TU, DE NAS DE'I TSE MI SKYE BA'I CHOS LA BZOD PA THOB BAR GYUR TO, ,KUN DGA' BO, DE NAS DE BZHIN GSHEGS PA SNANG BAS RNAM PAR ROL PA'I MNGON PAR SHES PA DES SNAM LOGS SU GZIGS NAS, DGE SLONG RNAMS LA BKA' STZAL PA, DGE SLONG DAG KHYED GANG GIS BRAM ZE'I KHYE'U BZANG DAG DE'I LUS LA RKANG PAS MA RDZI
ZHIG ,DE CI'I PHYIR ZHE NA, BYANG CHUB SEMS DPA' SEMS DPA' CHEN PO 'DI NI MI SKYE BA'I CHOS LA BZOD PA THOB PA'I PHYIR RO, ,DE NAS DE NYID KYI TSE BRAM ZE'I KHYE'U BZANG DAG GIS LHA'I MIG DANG, LHA'I RNA BA DANG, PHA ROL GYI SEMS SHES PA DANG, SNGON GYI GNAS RJES SU DRAN PA MNGON SUM DU BYA BA'I SHES PA THOB BO, ,RDZU 'PHRUL YANG MNGON PAR BSGRUBS SO, ,DES DE BZHIN GSHEGS PA SNANG BAS RNAM PAR ROL PA'I MNGON PAR SHES PA'I SPYAN SNGAR TSUL DANG 'DRA BA'I TSIGS SU BCAD PA DAG GIS KYANG MNGON PAR BSTOD DO, ,PHYOGS DANG PHYOGS MTSAMS RNAMS SU BSKOR TE BTZAL BGYIS KYANG, ,'JIG RTEN DAG NA MI DBANG KHYOD 'DRA YONG MA MCHIS, ,'GRO BA KUN NA RDZOGS PA'I SANGS RGYAS MNGON PAR 'PHAGS, ,RNAM PAR 'DREN PA RANG BYUNG KHYOD LA BDAG PHYAG 'TSAL, ,DPER NA BAR SNANG LA NI NYI MA LHAN NE LTA RA, ,PHYOGS DANG PHYOGS MTSAMS KUN GYI 'JIG RTEN KHAMS RNAMS NA, ,'JIG RTEN 'DI DAG THAMS CAD 'OD KYIS LHAM MER GYUR,, SANGS RGYAS YON TAN GZI MNGA' KHYOD LA BDAG PHYAG 'TSAL, ,JI LTAR SENG GE NAGS KHROD DAG NA SGRA SGROGS PA, ,WA TSOGS PHAL CHEN THAMS CAD ZIL GYIS GNON PAR BGYID, ,DE LTAR MI YI DAM PA MTHU CHEN MNGA' BA YANG, ,MU STEGS CAN MANG 'DUS PA THAMS CAD ZIL GYI LA GNON, ,BDE BAR GSHEGS PA SMIN MTSAMS PAR GYI MDZOD SPU DKAR, ,DNGUL DANG KHA BA'I
, ,TSOGS BZHIN MTHA' YAS GZI BRJID CAN, ,DES NI 'JIG RTEN 'DI DAG THAMS CAD SNANG BAR BGYIS, ,'JIG RTEN KUN NAS SANGS RGYAS KHYOD NI MI MNYAM MNYAM, ,SKYES BU KHYU MCHOG ZHABS LA LHA YI 'KHOR LO MNGA', ,GSAL ZHING MDZES LA RTZIBS STONG TSANG ZHING MU KHYUD 'KHOR, ,DE DAG GIS NI RI DANG NAGS BCAS SA 'DI RNAMS, RAB TU G-YO BGYID THUB PA GANG ZAG MTSUNGS MA MCHIS, ,NYON MONGS SHES CHEN DOR BAR BGYI BA THAMS CAD BOR, ,'PHAGS PA NGES PAR 'BYIN PA'I LAM NI RAB TU BRNYES, ,NOR RNAMS KUN DANG LDAN ZHING YON TAN RNAMS KYIS PHYAG ,BSAM PA BZHIN DU 'PHAGS PA'I NOR RNAMS BKOD PA MDZES, ,SA DANG MTSUNGS SHING SBYIN PA'I GNAS GYUR MTSUNGS MA MCHIS, , YON TAN KUN LA MNGA' BRNYES TSUL KHRIMS RNAM DAG PA, ,JI LTAR NAM MKHA' LAG PA MI THOGS MI CHAGS LTAR, ,'JIG RTEN DAG NA KHYOD LA RJES CHAGS KHRO MI MNGA', ,BZOD PA ZAD KYIS GTUGS PA DON DANG CHOS RNAMS KUN, ,SNYING PO MA MCHIS PA DANG GSOB DANG GSOG TU MKHYEN, ,SRID PA'I 'GRO BA THAMS CAD DAG NI GANG RNAMS LA, ,RLOM SEMS 'GYUR BA'I SEMS CAN SROG DANG DNGOS MA BRNYES, ,KHAMS DANG SPYOD PA DAG LA SBYOR DANG BSAM PA MKHYEN, ,RMAD DU BYUNG DANG RNAM PAR 'BYED MDZAD SGRON MAR GYUR, ,CHU BO CHEN POS DED
PA'I 'GRO BA GZIGS GYUR NAS, ,SNGON CHAD BRTZON 'GRUS STOBS BRTAN MTHU NI BSKYED PAR MDZAD, SKYE BA SPANGS ZHES NYON MONGS ZHI BA'I THUGS DANG LDAN, ,THUGS RGYA CHEN PO SKYE DANG RGA SHI MTHA' MAR 'BYIN, ,NAM MKHA'I DKYIL DANG MTSUNGS PAR CHAGS PA MI MNGA' RGYU, ,'JIG RTEN CHOS KYIS MI GOS 'JIG RTEN GSUM NA RGYU, ,BDAG NYID CHEN PO SHES RAB KYIS NI SNANG BAR MDZAD, ,MUN PA MUN NAG GYUR PA THAMS CAD RNAM PAR SEL, ,'DOD CHAGS RDUL ZHI MDZAD CING ZHE SDANG GTI MUG GI, DRI MA SNA TSOGS MUN BSAL KHYOD LA PHYAG 'TSAL LO, ,KUN DGA' BO; DE TSUN CHAD BRAM ZE'I KHYE'U BZANG DAG DE'I RDZU 'PHRUL RNAMS SAM, MNGON PAR SHES PA RNAMS YONGS SU NYAMS PAR MA GYUR TO, ,KUN DGA' BO, DE'I TSE DE'I DUS NA BRAM ZE'I KHYE'U BZANG DAG CES BYA BAR GYUR PA DE GZHAN ZHIG YIN SNYAM DU KHYOD DOGS SHING YID GNYIS ZA'AM THE TZOM ZA NA DE LTAR MI BLTA'O, ,DE CI'I PHYIR ZHEN, BYANG CHUB SEMS DPA' SEMS DPA' CHEN PO BYAMS PA 'DI NYID DE'I TSE DE'I DUS NA BRAM ZE'I KHYE'U BZANG DAG CES BYA BAR GYUR TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SNANG BAS RNAM PAR ROL PA'I MNGON PAR SHES PA DE LA TSIGS SU BCAD PA 'DI DAG GIS MNGON PAR BSTOD DO, ,DE SKAD CES BKA' STZAL PA DANG, BCOM LDAN 'DAS LA TSE DANG LDAN PA KUN DGA' BOS 'DI SKAD
, ,CES GSOL TO, ,BCOM LDAN 'DAS, BYANG CHUB SEMS DPA' SEMS DPA' CHEN PO BYAMS PA 'DI GAL TE YUN RING PO DE SRID NAS MI SKYE BA'I CHOS LA BZOD PA THOB PA LAGS NA, CI'I SLAD DU MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS, DE SKAD CES GSOL PA DANG, BCOM LDAN 'DAS KYIS TSE DANG LDAN PA KUN DGA' BO LA 'DI SKAD CES BKA' STZAL TO, ,KUN DGA' BO, BYANG CHUB SEMS DPA' RNAMS KYI BKOD PA DANG, YONGS SU BZUNG BA NI GNYIS PO 'DI DAG STE ,GNYIS GANG ZHE NA, SEMS CAN BKOD PA DANG, SEMS CAN YONGS SU BZUNG BA DANG, ZHING BKOD PA DANG, ZHING YONGS SU BZUNG BA DANG, GNYIS PO 'DI DAG YIN NA, BYANG CHUB SEMS DPA' SEMS DPA' CHEN PO BYAMS PAS NI SNGON BYANG CHUB SEMS DPA'I SPYAD PA SPYOD PA'I TSE ZHING BKOD PA RNAMS PAR SBYANGS SHING, ZHING YONGS SU BZUNG BA YONGS SU BZUNG NGO, ,KUN DGA' BO, NGA SNGON BYANG CHUB SEMS DPA'I SPYAD PA SPYOD PA'I TSE, ,NGAS NI SEMS CAN BKOD PA RNAM PAR SBYANGS, SEMS CAN YONGS SU BZUNG BA YONGS SU BZUNG, ZHING BKOD PA YANG RNAM PAR SBYANGS SHING YONGS SU BZUNG BA YANG YONGS SU BZUNG NGO, ,KUN DGA' BO, NGAS MNGON PAR SHES TE, BYANG CHUB SEMS DPA' SEMS DPA' CHEN PO BYAMS PA YANG DAG PAR ZHUGS
NAS BSKAL PAR ZHI BCU RTZA GNYIS LON PA'I 'OG TU NGAS GDOD BLA NA MED PA YANG DAG PAR RDZOGS PA'I BYANG CHUB TU SEMS BSKYED DE, KUN DGA' BO, BSKAL PA BZANG PO 'DI 'DAS NAS BSKAL PA DGU BCU RTZA BZHIN, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR RIGS PA LAS, KUN DGA' BO, NGAS BRTZON 'GRUS 'BAR BAR BYAS PAS MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE, KUN DGA' BO, NGAS BRTZON 'GRUS RLABS PO CHE MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS SO, ,KUN DGA' BO, CHOS BCU PO 'DI DAG GIS NGA MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE, BCU GANG ZHE NA, BDOG PA PHANGS PA THAMS CAD YONGS SU BTANG BA DANG, CHUNG MA PHANGS PA YONGS SU BTANG BA DANG, BU PHANGS PA YONGS SU BTANG BA DANG, MGO PHANGS PA YONGS SU BTANG BA DANG, MIG PHANGS PA YONGS SU BTANG BA DANG, RGYAL SRID PHANGS PA YONGS SU BTANG BA DANG, LONGS SPYOD PHANGS PA YONGS SU BTANG BA DANG, KHRAG PHANGS PA YONGS SU BTANG BA DANG, RUS PA DANG RKANG PHANGS PA YONGS SU BTANG BA DANG, YAN LAG PHANGS PA THAMS CAD YONGS SU BTANG BAS NGA MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE,
, ,KUN DGA' BO, CHOS BCU PO DE DAG GIS NGA MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO, ,KUN DGA' BO, GZHAN YANG NGAS CHOS BCUS MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE, BCU GANG ZHE NA, KUN DGA' BO, NGA TSUL KHRIMS KYI YON TAN GYI CHOS LA GNAS TE MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO, ,KUN DGA' BO, NGA BZOD PA'I STOBS DANG LDAN PAS MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO, ,KUN DGA' BO, NGA BRTZON 'GRUS 'BAR BA BRTZAMS PAS MYUR DU BLA NA MED PA YANG DAG PAR RDZOGS PA'I BYANG CHUB MNGON PA RDZOGS PAR SANGS RGYAS SO, ,KUN DGA' BO, NGA BSAM GTAN GYI YON TAN LA GNAS TE MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO, ,KUN DGA' BO, NGA SHES RAB KYI PHA ROL TU PHYIN PA LA GNAS TE MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO, ,KUN DGA' BO, NGAS SEMS CAN THAMS CAD YONGS SU MA BTANG BAS MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR
SANGS RGYAS SO, ,KUN DGA' BO, THABS MKHAS PA LA GNAS TE MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO, ,KUN DGA' BO, NGA SEMS CAN THAMS CAD LA SEMS SNYOMS PAS MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO, ,KUN DGA' BO, NGAS STONG PA NYID KYI CHOS RTOGS PAS MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO, ,KUN DGA' BO, NGAS MTSAN MA MED PA DANG, SMON PA MED PA'I CHOS RTOGS PAS MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE, KUN DGA' BO, CHOS BCU PO DE DAG GIS NGA MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO, ,KUN DGA' BO, NGAS TSOR BA SDUG BSNGAL BA DRAG PA RTZUB PA JI LTA BU DAG GIS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE, GAL TE KHYED KYIS SHES SU ZIN NA, KUN DGA' BO KHYOD SPOBS PAR MI 'GYUR RO, ,DE CI'I PHYIR ZHE NA, KUN DGA' BO, SNGON BYUNG BA 'DAS PA'I DUS NA RGYAL BU GZHON NU NOR THAMS CAD SBYIN PA ZHES BYA BA GZUGS BZANG BA, MDZES PA BLTA NA SDUG PA, KHA DOG BZANG PO RGYAS PA MCHOG DANG LDAN PA, RGYAL PO'I BU 'BYOR PA CHEN PO DANG, RGYAL PO'I MTHU CHEN
, ,PO DANG LDAN PA ZHIG YOD PA DE SKYED MOS TSAL DU 'GRO STE, GRONG BAR DU PHYIN PA DANG, GNOD PAS NYEN CING SDUG BSNGAL PA, NAD TSABS CHEN POS BTAB PA'I MI ZHIG MTHONG NGO, ,MTHONG NAS KYANG DE SNYING RJE BAR GYUR TE, MI DE GA LA BA DER SONG STE PHYIN NAS 'DI SKAD CES SMRAS SO, ,KYE, MI KHYOD CI SDUG BSNGAL LAM, DES SMRAS PA, LHA, BDAG NI NAD KYIS BTAB BO, ,DES SMRAS PA, KYE, MI KHYOD KYI NAD CIS ZHI BAR 'GYUR, KHYOD LA CI SBYIN, DES 'DI SKAD CES SMRAS SO, ,GAL TE BDAG GIS LHA KHYOD KYI LUS LAS JI TZAM GYIS TSIM PAR 'GYUR BA'I KHRAG CIG 'THUNG DU THOB PAR LTA NA BDAG GI NAD ZHI BAR 'GYUR, KUN DGA' BO, DE NAS RGYAL BU GZHON NU NOR THAMS CAD SBYIN PA DES MTSON RNON PO BLANGS TE, RANG GI LUS PHUG NAS KHRAG GZAGS TE MI DE LA BTUNG BAR BYIN NO, ,KUN DGA' BO, MI DES DE 'THUNGS MA THAG TU MI DE'I NAD SOS PAR GYUR TO, ,KUN DGA' BO, RGYAL PO GZHON NU NOR THAMS CAD SBYIN PAS RANG GI LUS PHUG STE, KHRAG THAMS CAD GZAGS KYANG 'GYOD PA'I SEMS GCIG KYANG MED DO, ,KUN DGA' BO, DE'I TSE DE'I DUS NA RGYAL BU GZHON NU NOR THAMS CAD SBYIN PAR GYUR PA DE GZHAN ZHIG YIN PA SNYAM DU KHYOD DOGS SHING YID GNYIS ZA'AM, THE TSOM ZA NA DE LTAR MI LTA'O, ,DE CI'I PHYIR ZHE NA, NGA NYID DE'I DUS NA, RGYAL BU GZHON NU NOR
THAMS CAD SBYIN PA ZHES BYA BAR GYUR TO, ,KUN DGA' BO, RGYA MTSO CHEN PO BZHI'I CHU'I PHUNG PO NI TSAD BZUNG DU YOD KYI, BLA NA MED PA YANG DAG PAR RDZOGS PA'I BYANG CHUB 'DI YONGS SU TSOL ZHING NGAS SNGON SEMS CAN RNAMS LA KHRAG BYIN PA NI TSAD MED DO, ,KUN DGA' BO, SNGON BYUNG BA 'DAS PA'I DUS NA RGYAL BU GZHON NU ME TOG CES BYA BA GZUGS BZANG BA MDZES PA BLTA NA SDUG PA, KHA DOG BZANG PO RGYAS PA MCHOG DANG LDAN PA, RGYAL PO'I 'BYOR PA CHEN PO DANG, RGYAL PO'I MTHU CHEN PO DANG LDAN PA ZHIG YOD PA DE SKYED MOS TSAL GYI SAR 'GRO STE GRONG BAR DU PHYIN PA DANG, SKYA RBAB KYI NAD KYIS BTAB PA'I MI GNOD PAS NYEN PA, SDUG BSNGAL BA NAD TSABS CHEN PO ZHIG MTHONG NGO, ,DES DE MTHONG NAS KYANG SNYING RJE BAR GYUR TE, MI DE GA LA BA DER SONG NAS 'DI SKAD CES SMRAS SO, ,KYE, CI ZHIG GIS MI KHYOD KYI NAD 'DI ZHI BAR GYUR, KHYOD LA CI ZHIG SBYIN, DES 'DI SKAD CES SMRAS SO, ,GAL TE BDAG GIS LHA KHYOD KYI LUS LAS JI TZAM GYIS TSIM PAR GYUR PA'I RKANG ZHIG THOB PA LTA NA BDAG GI NAD ZHI BAR 'GYUR RO, ,DE NAS RGYAL BU GZHON NU ME TOG DE TSIM ZHING MGU LA YI RANGS TE, RAB TU DGA' NAS BDE BA DANG YID BDE BA SKYES TE, RANG GI LUS BRDUNGS NAS RKANG BRUS TE DE'I LUS LA BSKUS SO, ,KUN DGA' BO, NGAS BSKUS MA THAG TU MI DE'I NAD SOS BAR GYUR TO, ,KUN DGA' BO, RGYAL BU GZHON
, ,NU ME TOG GIS RANG GI LUS BRDUNGS TE RKANG GZAGS KYANG SEMS LA 'GYOD PA MED PAR GYUR TO, ,KUN DGA' BO, DE'I TSE DE'I DUS NA RGYAL BU GZHON NU ME TOG CES BYA BAR GYUR PA DE GZHAN ZHIG YIN PA SNYAM DU DOGS SHING YID GNYIS ZA'AM, THE TSOM ZA NA DE LTAR MI LTA'O, ,DE CI'I PHYIR ZHE NA, NGA NYID DE'I TSE DE'I DUS NA RGYAL BU GZHON NU ME TOG CES BYA BAR GYUR TO, ,KUN DGA' BO, RGYA MTSO CHEN PO BZHI'I CHU'I PHUNG PO NI TSAD BZUNG DU YOD KYI, BLA NA MED PA YANG DAG PAR RDZOGS PA'I BYANG CHUB 'DI YONGS SU TSOL ZHING; NGAS SNGON SEMS CAN RNAMS LA RKANG BYIN PA NI TSAD MED DO, ,KUN DGA' BO, SNGON BYUNG BA 'DAS PA'I DUS NA RGYAL PO ZLA 'OD CES BYA BA GZUGS BZANG BA MDZES PA BLTA NA SDUG PA; KHA DOG BZANG PO RGYAS PA'I MCHOG DANG LDAN PA RGYAL PO'I 'BYOR PA CHEN PO DANG, RGYAL PO'I MTHU CHEN PO DANG LDAN PA ZHIG YOD PA DE SKYED MOS TSAL DU 'GRO STE, GRONG BAR DU PHYIN PA DANG, MI MIG MED BA LONG BA, DBUL PO BKRES PA, SLONG MO BYED PA ZHIG MTHONG NGO, ,MTHONG NAS KYANG SNYING RJE BAR GYUR TO, ,DE NAS MI DE RGYAL PO ZLA 'OD GA LA BA DER SONG STE, PHYIN NAS 'DI SKAD CES SMRAS SO, ,LHA KHYOD NI SKYID DO, ,LHA KHYOD NI DGYES SO, ,BDAG NI SDUG BSNGAL LO, ,LONG NGO, MIG MA MCHIS SO, ,DBUL PO BKREN NO, ,SLONG MO PA'O, ,MGON MA MCHIS
PA'O; ;KUN DGA' BO, DE NAS RGYAL PO ZLA 'OD KYIS MI DE YANG MTHONG, TSIG KYANG THOS NAS DUS TE MCHI MA ZAG BZHIN DU DE LA 'DI SKAD CES SMRAS SO, ,KYE, MI KHYOD LA CI DGOS, BZA' BA DANG; BTUNG BA DANG, BZHON PA DANG, RGYAN DANG, GSER DANG, NOR BU DANG, MU TIG DANG, RIN PO CHE SNA TSOGS SBYIN PAR BYA'AM, KHYOD LA GANG DGOS PA DE SMROS SHIG ,MI DES SMRAS PA , BDAG LA MIG 'TSAL NA BDAG LA MIG STZAL DU GSOL, KUN DGA' BO, DE NAS RGYAL PO ZLA 'OD DES RANG GI MIG KYANG PHYUNG STE, MI DE LA SBYIN NO, ,KUN DGA' BO, DE NAS RGYAL PO ZLA 'OD KYIS RANG GI MIG PHYUNG STE, MI DE LA BYIN YANG DE'I SEMS LA 'GYOD PA MED PAR GYUR TO, ,KUN DGA' BO, DE'I TSE DE'I DUS NA RGYAL PO ZLA 'OD CES BYA BAR GYUR PA DE GZHAN ZHIG YIN PA SNYAM DU DOGS SHING YID GNYIS ZA'AM, THE TSOM ZA NA DE LTAR MI LTA'O, ,DE CI'I PHYIR ZHE NA, NGA NYID DE'I TSE DE'I DUS NA RGYAL PO ZLA 'OD CES BYA BAR GYUR TO, ,KUN DGA' BO, RI'I RGYAL PO RI RAB LA NI TSAD BZUNG DU YOD KYI, BLA NA MED YANG DAG PAR RDZOGS PA'I BYANG CHUB 'DI YONGS SU TSOL ZHING, NGAS SEMS CAN RNAMS LA MIG BYIN PA NI CHES MANG STE, TSAD MED DO, ,KUN DGA' BO, BYANG CHUB SEMS DPA' SEMS DPA' CHEN PO BYAMS PAS NI SNGON BYANG CHUB SEMS DPA'I SPYAD PA SPYOD PA NA, THEG PA BDE BA, 'JUG PA BDE BA, LAM BDE BAS BLA NA MED PA YANG DAG PAR
, ,RDZOGS PA'I BYANG CHUB YANG DAG PAR BSGRUBS SO, ,KUN DGA' BO, BYANG CHUB SEMS DPA' SEMS DPA' CHEN PO BYAMS PAS NI SNGON BYANG CHUB SEMS DPA'I SPYAD PA SPYOD PA'I TSE, LAG PA YONGS SU BTANG BA MA BYAS, RKANG PA YONGS SU BTANG BA MA BYAS, RKANG YONGS SU BTANG BA MA BYAS, CHUNG MA PHANGS PA YONGS SU BTANG BA MA BYAS, BU PHANGS PA YONGS SU BTANG BA MA BYAS, GRONG DANG, GRONG RDAL DANG, GRONG KHYER DANG, LJONG DANG, YUL 'KHOR DANG, RGYAL PO'I PHO BRANG 'KHOR PHANGS PA YONGS SU BTANG BA MA BYAS TE, KUN DGA' BO, BYANG CHUB SEMS DPA' SEMS DPA' CHEN PO BYAMS PAS NI SNGON BYANG CHUB SEMS DPA'I SPYAD PA SPYOD PA'I TSE NA THABS MKHAS PAS YONGS SU ZIN PAS, THEG PA BDE BA, 'JUG PA BDE BA, LAM BDE BAS BLA NA MED PA YANG DAG PAR RDZOGS PA'I BYANG CHUB YANG DAG PAR BSGRUBS SO, ,DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BCOM LDAN 'DAS, BYANG CHUB SEMS DPA' SEMS DPA' CHEN PO BYAMS PAS THABS MKHAS PA GANG LA GNAS NAS, BLA NA MED PA YANG DAG PAR RDZOGS PA'I BYANG CHUB YANG DAG PAR BSGRUBS PA'I THABS LA MKHAS PA GANG LAGS, DE SKAD CES GSOL PA DANG, BCOM LDAN 'DAS KYIS TSE DANG LDAN PA KUN DGA' BO LA 'DI SKAD CES BKA' STZAL TO, ,KUN DGA' BO, 'DI LA BYANG CHUB
SEMS DPA' SEMS DPA' CHEN PO BYAMS PAS SNGON BYANG CHUB SEMS DPA'I SPYAD PA SPYOD PA'I TSE, NYIN LAN GSUM, MTSAN LAN GSUM DU BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE, THAL MO SBYAR NAS SANGS RGYAS THAMS CAD MNGON DU BYAS TE TSIG 'DI SKAD CES SMRAS SO, ,SANGS RGYAS KUN LA PHYAG 'TSAL LO, ,DRANG SRONG LHA MIG LDAN PA YI, ,BYANG CHUB SEMS DPA' RNAMS DANG YANG, ,NYAN THOS RNAMS LA PHYAG 'TSAL LO, ,NGAN 'GRO THAMS CAD BZLOG BGYID CING, ,MTHO RIS LAM NI RAB STON LA, ,RGA SHI MED PAR 'DREN BGYID PA, BYANG CHUB SEMS LA PHYAG 'TSAL LO, ,SEMS KYI DBANG DU GYUR PAS NA, ,BDAG GIS SDIG PA CI BGYIS PA, ,SANGS RGYAS SPYAN SNGAR MCHIS NAS SU, ,BDAG GIS DE DAG BSHAGS PAR BGYI, BDAG LAS RNAM PA GSUM GANG GIS, ,BSOD NAMS TSOGS NI SKYES PA DE, ,BDAG GI KUN MKHYEN SA BON TE, ,BDAG GI BYANG CHUB MI ZAD SHOG ,PHYOGS BCU DAG GI ZHING RNAMS SU,, SANGS RGYAS MCHOD PA GANG BYUNG BA, ,SANGS RGYAS MKHYEN PA YI RANG BAS, ,DE LA BDAG NI YI RANG NGO, ,SDIG PA THAMS CAD BSHAGS PAR BGYI, ,BSOD NAMS KUN LA YI RANG NGO, ,SANGS RGYAS KUN LA PHYAG 'TSAL LO, ,BDAG NI YE SHES MCHOG THOB SHOG ,PHYOGS BCU DAG GI PHYOGS RNAMS NA, ,SA BCU DAG LA GNAS PA YI, ,BYANG CHUB SEMS DPA' BYANG CHUB MCHOG ,
, ,'TSANG RGYA BGYID PAR BSKUL MA 'DEBS, ,BYANG CHUB DAM PAR SANGS RGYAS SHING, ,SDE DANG BCAS PA'I BDUD BTUL NAS, ,SROG CHAGS KUN LA SMAN SLAD DU; ;CHOS KYI 'KHOR LO SKOR GYUR CIG ,CHOS RNGA CHEN PO SGRA YIS NI, ,SDUG BSNGAL SEMS CAN THAR BGYID SHOG ,BSKAL PA BYE BA BSAM YAS SU, ,CHOS STON MDZAD CING BZHUGS GYUR CIG, 'DOD PA'I 'DAM DU BYING GYUR CING, ,SRID PA'I SRAD BUS DAM BCINGS PA, ,'CHING BA KUN GYIS BCINGS BDAG LA, ,RKANG GNYIS MCHOG RNAMS GZIGS SU GSOL, ,SEMS KYI DRI MAR BGYIS PA LA, ,SANGS RGYAS RNAMS NI SMOD MI MDZAD, ,SEMS CAN RNAMS LA BYAMS THUGS LDAN, ,SRID PA'I MTSO LAS SGROL BAR SHOG ,RDZOGS PA'I SANGS RGYAS GANG BZHUGS DANG; ;GANG DAG 'DAS DANG MA BYON PA, ,DE DAG RJES SU BDAG SLOB CING, ,BYANG CHUB SPYAD PA SPYOD GYUR CIG ,PHA ROL PHYIN DRUG RDZOGS BGYIS NAS, ,'GRO DRUG SEMS CAN THAR BGYID SHOG; MNGON SHES DRUG PO MNGON BGYIS NAS, ,BLA MED BYANG CHUB REG GYUR CIG, MA SKYES PA DANG MI 'BYUNG DANG, ,RANG BZHIN MA MCHIS GNAS MA MCHIS, ,RNAM RIG MA MCHIS DNGOS MA MCHIS, ,STONG PA'I CHOS NI RTOGS PAR SHOG ,SANGS RGYAS DRANG SRONG CHEN PO LTAR, ,SEMS CAN MA MCHIS SROG MA MCHIS, ,GANG ZAG MA MCHIS GSO MA MCHIS, ,BDAG MA
MCHIS PA'I CHOS RTOGS SHOG ,BDAG 'DZIN BDAG GIR 'DZIN PA NI, ,DNGOS PO KUN LA MI GNAS PAR, ,SEMS CAN KUN LA BDE SLAD DU, ,SER SNA MA MCHIS SBYIN GTONG SHOG ,DNGOS PO DNGOS PO MA MCHIS PAS, ,BDAG GIS LONGS SPYOD LHUN GRUB SHOG ,DNGOS PO THAMS CAD RNAM 'JIG PAS, ,SBYIN PA'I PHA ROL PHYIN RDZOGS SHOG ,KHRIMS KYI TSUL KHRIMS SKYON MED CING,, TSUL KHRIMS RNAM PAR DAG DANG LDAN, ,RLOM SEMS MED PA'I TSUL KHRIMS KYIS, ,TSUL KHRIMS PHA ROL PHYIN RDZOGS SHOG ,SA'AM YANG NA CHU'AM ME, ,RLUNG GI KHAMS LTAR MI GNAS SHING; ;BZOD PA'AM KHRO BA MA MCHIS PAR, ,BZOD PA'I PHA ROL PHYIN RDZOGS SHOG ,BRTZON 'GRUS BRTZAMS PA'I BRTZON 'GRUS KYIS, ,BRTAN SPRO LE LO MA MCHIS SHING, ,STOBS DANG LDAN PA'I LUS SEMS KYIS, ,BRTZON 'GRUS PHA ROL PHYIN RDZOGS SHOG ,SGYU MA LTA BU'I TING NGE 'DZIN DANG, ,DPA' BAR 'GRO BA'I TING 'DZIN DANG, ,RDO RJE LTA BU'I TING 'DZIN GYIS, ,BSAM GTAN PHA ROL PHYIN RDZOGS SHOG ,RNAM PAR THAR PA'I SGO GSUM DANG, ,DUS GSUM MNYAM PA NYID DANG YANG, ,RIG GSUM MNGON SUM BGYIS PA YIS, ,SHES RAB PHA ROL PHYIN RDZOGS SHOG ;SANGS RGYAS KUN GYIS BSNGAGS PA DANG, ,'OD DANG GZI BRJID 'BAR BA DANG, ,BYANG CHUB SEMS DPA'I BRTZON 'GRUS KYIS, ,BDAG GI BSAM PA RDZOGS GYUR CIG ,DE LTAR SPYAD
, ,PA SPYOD BYED CING, ,BYAMS PA GRAGS DANG LDAN PA YIS, ,PHA ROL PHYIN PA DRUG RDZOGS NAS, ,SA BCU PO LA RAB TU GNAS, ,KUN DGA' BO, BYANG CHUB SEMS DPA' SEMS DPA' CHEN PO BYAMS PAS GANG LA GNAS NAS THABS LA MKHAS PAS THEG PA BDE BA, 'JUG PA BDE BA, LAM BDE BAS BLA NA MED PA YANG DAG PAR RDZOGS PA'I BYANG CHUB YANG DAG PAR BSGRUBS PA'I THABS LA MKHAS PA NI DE YIN NO, ,KUN DGA' BO, BYANG CHUB SEMS DPA' SEMS DPA' CHEN PO BYAMS PAS SNGON BYANG CHUB SEMS DPA'I SPYAD PA SPYOD PA'I TSE, SEMS CAN RNAMS 'DOD CHAGS CHUNG BA DANG, ZHE SDANG CHUNG BA DANG, GTI MUG CHUNG BA DANG, DGE BA BCU'I LAS KYI LAM DANG LDAN PAR GYUR LA, PHYIS BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NA CI MA RUNG ZHES DE LTAR ZHING RNAM PAR SBYANGS SO, ,KUN DGA' BO, DUS DE DANG TSOD DE 'BYUNG BA YOD DE, DE'I TSE DE'I DUS NA SEMS CAN DAG 'DOD CHAGS CHUNG BA DANG, ZHE SDANG CHUNG BA DANG, GTI MUG CHUNG BA DANG, DGE BA BCU'I LAS KYI LAM DANG LDAN PA DAG 'BYUNG BAR GYUR TE, DE'I 'OG TU BYANG CHUB SEMS DPA' SEMS DPA' CHEN PO BYAMS PA SMON LAM GYI DBANG GIS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR
'TSANG RGYA BAR 'GYUR RO, ,KUN DGA' BO, NGAS SNGON BYANG CHUB SEMS DPA'I SPYAD PA SPYOD PA NA, SNYIGS MA LNGA DANG LDAN PA'I 'JIG RTEN GNAS PA'I TSE, SEMS CAN 'DOD CHAGS KYI SHAS CHE BA DANG, ZHE SDANG GI SHAS CHE BA DANG, GTI MUG GI SHAS CHE BA DANG, 'DOD CHAGS BDO BA DANG, ZHE SDANG BDO BA DANG, GTI MUG BDO BA DANG, CHOS MA YIN PA LA CHAGS SHING ZHEN PA DANG, CHAGS PA YANG BAS ZIL GYIS NON PA DANG, CHOS LOG PAS YONGS SU ZIN PA DANG, PHA LA 'KHU BA DANG, MA LA 'KHU BA DANG, SPUN LA 'KHU BA DANG, MING SRING LA 'KHU BA DANG, KHYO SHUG LA 'KHU BA DANG, NYE DU LA 'KHU BA DANG, 'PHAGS PA LA 'KHU BA DANG, MKHAN PO DANG SLOB DPON LA 'KHU BA DANG, BDAG LA 'KHU BA DANG, MI GZHAN LA 'KHU BA DANG, MI DRI MA CAN DANG; MI DMU RGOD DANG, MI CANG SHES MA YIN PA RNAMS KYI NANG DU BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NA CI MA RUNG ZHES DE LTAR SMON LAM YONGS SU SBYANGS TE, DUS YANG BA 'DI LTA BU LA GNAS NA, KUN DGA' BO, NGAS SNYING RJE CHEN PO MDUN DU BYAS TE, SNYING RJE CHEN PO DANG LDAN PAS NGA DA LTAR GRONG DANG, GRONG KHYER DANG, GRONG RDAL DANG, LJONGS DANG, YUL 'KHOR DANG, RGYAL PO'I PHO BRANG DANG, 'KHOR RNAMS SU ZHUGS TE CHOS STON PA DANG, NGA LA KHA NGAN ZER ZHING GSHE RGYAB STE, TSOGS PAR MI 'BYUNG BA RTZUB
, ,PA RLANG POS SMRA BAR BYED DO, ,KUN DGA' BO, NGA LA CHAD PA SMRA BA YIN NO ZHES KYANG ZER, RTOG PAR SMRA BA YIN NO ZHES KYANG ZER RO, ,'KHOR 'DOD PA MANG PO ZHES KYANG GLENG NGO, ,'DOD PA CHE'O ZHES KYANG GLENG NGO, ,KHYIM GYI NANG NA ZHUGS NA YANG NGA LA SAS KYANG 'THOR RO, ,DUG DANG BSRES PA'I KHA ZAS KYANG BYIN NO, ,ME'I PHUNG PO YANG NYE BAR BSGRUBS SO, ,'DI LTA STE, SANGS RGYAS SU GYUR KYANG MDZES LDAN MA DANG ZHES BYA BA LTA BU 'KHRIG PA'I CHOS DANG LDAN PAS NGA LA SKUR PA YANG BTAB BO, ,KUN DGA' BO; NGA NI SNYING RJE CHEN PO MDUN DU BYAS TE, SNYING RJE CHEN PO DANG LDAN PAS DA LTAR SEMS CAN DE LTA BU DE DAG LA CHOS STON TO, ,DE SKAD CES BKA' STZAL PA DANG, BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BCOM LDAN 'DAS, SEMS CAN DE LTA BU DE DAG LA CHOS STON PAR MDZAD PA NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MA DUL BA 'DUL BA, KHUR CHEN PO BSNAMS PA DKA' BA MDZAD PA LAGS SO, ,DE SKAD CES GSOL PA DANG, BCOM LDAN 'DAS KYIS TSE DANG LDAN PA KUN DGA' BO LA 'DI SKAD CES BKA' STZAL TO, ,KUN DGA' BO, DE DE BZHIN NO, ,JI SKAD SMRAS PA DE BZHIN TE, KUN DGA' BO, DE BZHIN GSHEGS PA DGRA BCOM PA YANG DAG
PAR RDZOGS PA'I SANGS RGYAS MA DUL BA 'DUL BA, KHUR CHEN PO BSNAMS PA, DGE BA'I CHOS THAMS CAD DANG LDAN PA GANG DAG SEMS CAN DE LTA BU DAG LA CHOS STEN PA NI DKA' BA MDZAD PA'O; ;DE CI'I PHYIR ZHE NA, 'DI LTAR SNYING RJE CHEN POS YONGS SU ZIN PA'I PHYIR RO, ,DE SKAD CES BKA' STZAL PA DANG, BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BCOM LDAN 'DAS, 'DI LTAR CHOS KYI RNAM GRANGS 'DI MDZAD PA DANG, BDAG GIS CHOS KYI RNAM GRANGS 'DI THOS SHING, BCOM LDAN 'DAS KYI KHYU MCHOG GI GNAS 'DI THOS NAS SPU ZING ZHES BGYID PA NI NGO MTSAR LAGS SO, ,BCOM LDAN 'DAS, CHOS KYI RNAM GRANGS 'DI'I MING CI LAGS, 'DI JI LTAR GZUNG BAR BGYI, BCOM LDAN 'DAS KYIS BKA' STZAL PA, KUN DGA' BO, DE'I PHYIR CHOS KYI RNAM GRANGS 'DI SNGON GYI SMON LAM YANG DAG PAR 'PHAGS PA ZHES BYA BAR YANG GZUNG ZHIG ,DE BZHIN GSHEGS PA YANG DAG PAR 'BYUNG BA ZHES BYA BAR YANG GZUNG ZHIG ,BYANG CHUB KYI DGONGS PA 'BYUNG BA ZHES BYA BAR YANG GZUNG ZHIG ,BYAMS PAS ZHUS PA ZHES BYA BAR YANG GZUNG ZHIG ,BCOM LDAN 'DAS KYIS DE SKAD CES BKA' STZAL NAS, TSE DANG LDAN PA KUN DGA' BO DANG, BYANG CHUB SEMS DPA' BYAMS PA DANG, DGE SLONG LNGA BRGYA PO DAG DANG, THAMS CAD DANG LDAN PA'I 'KHOR DE
, ,DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA DKON MCHOG BRTZEGS PA CHEN PO'I CHOS KYI RNAM GRANGS LE'U STONG PHRAG BRGYA PA LAS, BYAMS PAS ZHUS PA ZHES BYA STE, 'DUS PA BZHI BCU RTZA GCIG PA RDZOGS SO,, ,, RGYA GAR GYI MKHAN PO DZI NA MI TRA DANG, SU RENDRA BO DHI DANG, ZHU CHEN GYI LO TZ'A BA BAN DE YE SHES SDES BSGYUR CING ZHUS TE GTAN LA PHAB PA'O,,