RGYA GAR SKAD DU, A'ARYA BADZRA SHRIm KHA L'A SYA TANTRA KALPA, BOD SKAD DU, 'PHAGS MA RDO RJE LU GU RGYUD MA'I RGYUD KYI RTOG PA, DPAL 'JIG RTEN DBANG PHYUG LA PHYAG 'TSAL LO, ,DE NAS YANG DAG BSHAD BYA BA, ,DPAL SKYED SDUG BSNGAL SEL BYED CING, ,SDANG BA 'CHING TSOGS LAS GROL BA'I, ,CHO GA MDZES MAS LEGS PAR NYON, ,KHRUS DANG GTZANG SBRA DANG BRAL
, ,ZHING, ,DKA' THUB SPYOD PA RNAMS SPANGS NAS, ,DRAG SHUL SEMS KYIS GSANG SNGAGS NI, ,BRJOD PA TZAM GYIS MYUR DU 'GRUB, ,DAD PA BRTZON 'GRUS KYIS BRGYAN CING, ,BAG YOD SNYING RJE CHER LDAN PA, ,DES NI BLA MA MI SPONG LA, ,DPA' RTUL SHES RAB DES PA CHE, ,'GRO LA BYAMS SEMS CHE BA DES, ,SNGAGS DANG TING 'DZIN PHYAG RGYA'I TSOGS, ,BRTZAMS PA TZAM LA DNGOS GRUB 'BYUNG, ,DAD MED LE LO RNAM 'TSE CAN, ,BLA MA LA NI MI GUS SHING, ,SHES RAB ZHAN CING STOBS CHUNG LA, ,BAG MED GZHAN LA GNOD SEMS BCAS, ,DBANG BSKUR GNANG BA MA THOB NA, ,DES NI BSKAL PA STONG PHRAG NI, ,BYE BA DU MAR BSGRUBS BYAS KYANG, ,'BRAS BU YOD PAR MI 'GYUR TE, , DPER NA BYIS PA BLUN PO 'GAS, ,'BRAS 'DOD PHUB MA BRDUNGS PA LA, ,SHA THANG CHAD PA NYIS LAS NI, ,NAM YANG 'BRAS YOD MI 'GYUR RO, ,GSANG SNGAGS RGYAL PO RGYAL CHEN 'DI; ;BYIN RLABS RNAM MANG 'BYUNG BA'O, ,DE NAS BCOM LDAN BDE CHEN PO, ,NGES PAR 'GRUB PA ZHES BYA BA, ,TING NGE 'DZIN LA SNYOMS ZHUGS NAS, ,NYID KYI SKU DANG GSUNG DANG THUGS, ,RDO RJE BLA NA MED PA LAS, ,GSANG SNGAGS RGYAL PO 'DI PHYUNG NGO, ,NA MO BHA GA WA TYEE, BADZRA SHRIm KHA LE, HA NA HA NA, DA RA DA RA, TZTSINDA TZTSINDA, BHANYDZA BHANYDZA, M'A RA YA M'A RA
YA; KH'A SA YA HI TO, ,RAKTA AAKsh'I BADZRA GHO nE, NA MO BHA GA WA TYEE, BADZRA SHRIm KHA LE, PU RBDA DI SHAm, BADZRA PR'A K'A RE nA BANDHA:, DAKshA nI DI SHANDAndA, PR'A K'A RE nA BANDHA, PA SHTZI MA DI SHANYDZA LA PR'A KA RA nA BANDHA; AUTTA RA DI SHAm SA RA PR'A K'A RA nA BANDHA, AA GNI DI SHAm AAGNI PR'A K'A RE nA BANDHA, NEE RI TYA DI SHAm KHAdG'A PR'A K'A RE nA BANDHA, B'A YA BYA DI SHA B'A TA PR'A K'A RE nA BANDHA, A'I SH'A NA DI SHAm TRI SHU LA PR'A K'A RE nA BANDHA; P'A T'A LA DI SHAm N'A GA B'A SHE NA BANDHA, AU RA DHVA DI SHAm BADZRA SHR'Im KHA LA PR'A K'A RE nA BANDHA, AU RA DH'A BANDHA:H'Um H'Um PHAt SV'AH'A, AI DAm BADZRA SHRIm KHA L'A, MANTRE nA DA SHA DI SHAm BANDHA, YAKshA R'AKshA SAm BANDHA, BRAHMA R'AKshA S'A D'I N'Am BANDHA, BHU TA PRE TA PI SHA TZI BANDHA, GANDHA RBA BANDHA, GANDHA RBA KU LAm BANDHA, SA NA TA KU M'A RA BANDHA, SA NA TA KU M'A RA BHU BA NAm BANDHA, BIDY'A DHA RAm BANDHA, NA GU SHRA MA nAm BANDHA, NA GU SHA MA nA DARSHA NA BANDHA, MANDHA, SARBBA T'IRTHI KAm BANDHA, SARBBA TIRTHI KA DA RSHA NAm BANDHA, SIm HA BY'A GHRAm BANDHA, YAKshI nAm BANDHA, R'AKshA S'Im BANDHA, BH'U TI N'Am BINDHA, PI SH'A TZI N'I MBA NDHA:, GANDHA RBA MBANDHA:, KA MU R'A YA N'IMBANDHA, KA tA d'A KI NIMBANDHA:, K'INNA R'Im BANDHA:, KHI TZA R'IMBANDHA:, SHA KU N'Im BANDHA:, DE BAm BANDHA, DE BA KU LAm BANDHA, N'A GAm BANDHA, N'A GAm KU LAm BANDHA, AA SU RAm BANDHA, AA SU RA KU LAm BANDHA, GA RU dAMBANDHA, GA RU dA KU LAm BANDHA, BAKshAm BANDHA, BAKshI KI nAm BANDHA, KINNA RAm BANDHA, KINNA RA BHU BA NAm BANDHA, M'A NU shAm BANDHA, M'A NU shA BHU BA NAm BANDHA, AA M'A NU shAm BANDHA, AA M'A NU shAm BANDHA, AA M'A NU shA BHU BA NAm BANDHA, TZANDR'A DI TYAm BANDHA,
, ,TZANDRA DI DYA BHU BA NAm BANDHA, SARBBA TAm BANDHA, SARBBA TA TA LAm BANDHA, PRiKshA MA BANDHA, PRiKshA TA LAm BANDHA, SVA KU LAm BANDHA, PA RA KU LAm BANDHA, MANSA KATSA PAm BANDHA, SA MA P'A DAMBANDHA A'A NI MITTAm BANDHA, NI MITTAm BANDHA, SARBA DUshtA SATV'Am BANDHA, BADZRA SHRIm KHA L'A, MANTRE nA BANDHA, KUMBHI RAm BANDHA, MA KA RA SU SU M'A RAm BANDHA, DZA LAm BANDHA, STHA LAm BANDHA, AOm NA MO BHA GA BA TI BADZRA SHR'I KHA LE; H'Um H'Um H'Um H'Um H'Um H'Um, SARBA DUsht'A NAm SARBBAm GA PRA TYAm GAm BANDHA, DV'A DA SHA BHU DZA YEE, DV'A DA SHA NE TRA YEE, BI K'ARnI KE SHA YEE, TZAnd'A YEE, AA NE KA RASMI SHA TA, SA HA SRA PRA DZVA LI TA D'IPTA HE DZVA YEE; AU GRA BI BI DHA BE shA DH'A RI n'I, AUR DHA KE SH'A YEE, TZA PA LA YEE, TA TH'A GA TA AA PA K'A R'I SATV'A N'Am BANDHA, AI MAm BADZRA SHRAm KHA L'A, MANTRA nA, PANYTZA SHA TA, YO DZA NA BA RO PAshtI TAm, BADZRA SHRIm KHA LE NA BANDHA, PA RA MU TR'A TZTSINDA YE NA BA LI GA LE NA BANDHA, AU GR'A YA N'Im BANDHA, TZA TUR d'A KI NIMBANDHA, TIshthA TIshthA H'Um H'Um PHAt SV'AH'A, HU LU HU LU, NA MA SHTZAndA MA H'A KRO DHA, H'Um H'Um AA MRi TA H'Um H'Um BANDHA, AAshtA SHI TI DE BA KO t'I NI YU TA SHA TA SA HA SR'A nI BADZRA SHRIm KHA LE NA BANDHA, TRI KO nA PRi THI B'I M'URTTE BADZRE nA SPHO tA YA TI, SARGA MA H'A P'A T'A LA B'A SU KI T'A dA YA TI, B'A TAm BANDHA, ME GHAm BANDHA, SARBBA TRAm BANDHA, AIm DRAm BANDHA, AIm DRA BH'U BA NAm BANDHA, BA NA SPA TI BANDHA, BA NA SPA TI DE BAm BANDHA, AE KA P'A DAm BANDHA, DVI P'A DAm BANDHA, TRI P'A DA BANDHA, TZA TU:P'A DAm
BANDHA; PANYTZA P'A DAm BANDHA, shAtP'A DAm BANDHA, SHAPTA P'A DAm BANDHA, SA HA SRA P'A DAm BANDHA, LAKshA P'A DAm BANDHA, SARBBA BI GHNAm BANDHA, SARBA BIGHA KU LAm BANDHA, PRAHMAm BANDHA, PRAHMA PHU BA NAm BANDHA, BIshnU BANDHA, BIshnU BHU BA NAm BANDHA, MA HE SHVA RAm BANDHA, MA HE SHVA RA BHU BA NAm BANDHA, MAH'A DE BAm BANDHA, MAH'A DE BA DZA TA B'A MA P'A DE N'A BI KRA M'I BANDHA, AOm NA MO BHA GA BA TYE BADZRA SHRIm KHA LE DA SHA TU DI SHAm BADZRA PR'A K'A RE nA BANDHA; H'Um H'Um H'Um H'Um H'Um H'Um, PHAt PHAt PHAt PHAt PHAt PHAt SV'AH'A, RIG SNGAGS 'DI NYID GSUNGS TZAM GYIS, ,RGYA CHEN 'JIG RTEN KHAMS 'DI RNAMS, ,RNAM PA DRUG TU G-YOS GYUR NAS; ;LHA DANG LHA MIN SRIN BCAS DANG, ,GNOD SBYIN DRI ZA GRUL BUM DANG, ,MKHA' LDING LTO 'PHYE LUS SRUL PO, ,KLU DANG MI'AM CI LA SOGS, ,TSOGS RNAMS THAMS CAD MYOS BRGYAL TE, ,SA STENG KHA SBUB TU 'GYEL NAS, ,DBANG PO SHIN TU STOR BA LA, ,BDE BA CHEN PO'I 'OD ZER GYIS, ,PHOG PA'I SKAD CIG DE MA THAG ,DRAN PA SLAR RNYED GZI MDANGS SKYES,, DE NAS BSTOD PA'I RGYAL POS BSTOD, ,AE MA'I BDE BA CHE MCHOG DPAL NYID LAS, ,RGYAS PA STOBS SKYES BKRA SHIS KYIS, ,LHA MOS H'Um BRJOD TZAM NYID LAS, ,NAM MKHA'I KHAMS SU GRAGS PAR 'GYUR, ,BDE CHEN YE SHES MNGA' BDAG NYID, ,RDO RJE ZHES PA'I MTSAN LDAN PA'I, ,LHA MO LU GU RGYUD MA LA, ,BDAG CAG RNAMS KYIS GUS PAR 'DUD, ,SKU YI 'OD
, ,ZER SNA TSOGS KYIS, ,'GRO BA'I NYON MONGS SEL BYED PA'I, ,'OD KYIS BDAG LA BDE BA SKYES, ,LHA MO BDE BA KHYOD PHYAG 'TSAL, ,STONG NYID SMON MED MTSAN MA BRAL; ;RGYAL BA KUN GYI RIG PA LAS, ,YA MTSAN LHA MO'I RANG BZHIN THUGS, ,MI RTOG RANG BZHIN PHYAG 'TSAL LO, ,DE RJES RGYAL BA KUN 'DUS PA'I, ,GZUGS SOGS RIG PA'I LHA MO YIS, ,'KHOR LO 'DI LA LEGS MCHOD NAS, ,MGRIN GCIG TU NI 'DUS NAS SU, ,SANGS RGYAS RNAMS KYIS GSUNGS PA YI, ,RDO RJE TSIG GIS BSTOD PAR BYED, ,RDO RJE NAM MKHA' LAS BYUNG BA'I, ,SANGS RGYAS THAMS CAD SKYED PA'I YUM, ,SPROS BRAL NAM MKHA'I RANG BZHIN GSAL, ,RDO RJE THUGS LA PHYAG 'TSAL LO, ,RDO RJE GZUGS KYI SGRA YIS NI, , LHA TSOGS MA LUS RNAM 'CHING MDZAD, ,BDUD RNAMS TSAR GCOD RDO RJE SGRA, ,NAM MKHA'I GSUNG LA PHYAG 'TSAL BSTOD, ,'GRO DRUG BDUD 'JOMS ZHAL DRUG MA, ,PHYI NANG RTEN 'BREL DAG PHYIR PHYAG ,SGEG CING CUNG ZAD 'JIGS PAR BYED, ,RDO RJE'I SKU LA PHYAG 'TSAL LO, ,DE SKAD RDO RJE LHA MO LA, ,LHA LA SOGS PA THAMS CAD KYIS, ,RMAD BYUNG BSTOD PA'I RGYAL PO DES, ,BSTOD PA'I DE MA THAG TU NI, ,LHA MO GZI MDANGS CHER SKYES NAS, ,RANG GI SNYING PO 'DI GSUNGS SO, ,AOm BADZRA SHRIm KH'A LE H'Um H'Um PHAt SV'AH'A, RIG PA GZUNGS KYI PHRENG
BA 'AM; ;GSANG SNGAGS 'DI NYID BSHAD TZAM GYIS, ,RIMS DANG SHU BA G-YAN PA DANG, ,LHOG PA SHA BKRA MDZE NAD 'BRAS, ,KLAD NAD MIG NAD RNA NAD DANG, ,LKOG NAD G'O MCHIN NAD RNAMS DANG, ,RGYU GZER SNYING NAD MKHAL NAD DANG, ,RKANG LAG NAD DANG KHYAB PAR NA, ,CHU SER NAD DANG KHRAG NAD DANG, ,BAD KAN RLUNG DANG MKHRIS PA DANG, ,SHIN TU 'KHRUGS PA'I NAD LA SOGS; ;YAMS NAD THAMS CAD ZHI BAR BYED, ,GZHAN YANG 'BYUNG PO BRJED BYED DANG, ,SHA ZA MKHA' 'GRO MA MO DANG, ,GZA' DANG RGYU SKAR LOG 'DREN DANG, ,BYAD STEMS DRAG PO PHYI ROL GYI; ;RIG SNGAGS GTUM PO LA SOGS PA, ,'JIGS PA'I GNOD PA THAMS CAD KUN, ,RLUNG GIS SPRIN BZHIN GTOR BAR BYED, ,GZHAN YANG STAG GZIG DOM DRED DANG, ,'PHAR BA SPYANG KI GUNG PO CHE, ,SRE MONG BYI BA SBRUL BYI LA, ,SBRANG BU MCHU RING PA TRE KA ,KHVA DANG SE'U BYU'U RTA LA SOGS, ,'JIGS PA RNAM MANG JI SNYED PA, ,GSANG SNGAGS 'DI BRJOD THOS TZAM GYIS; ;THAG RING DU NI SKROD PAR BYED, ,GNOD PA RNAM MANG THAMS CAD KYANG, ,SNGAGS KYI SBYOR BAS SEL BAR BYED, ,GNOD BYAS RNAMS NI GNOD MED BYED, ,GNOD MED GNOD DANG LDAN BYED CING, ,SBYOR BA YANG NI SBYOR BA 'GAS, ,GZHAN GYI SBYOR BA 'CHING BAR BYED, ,RDO RJE LU GU RGYUD KYI RTOG PA LAS, GSANG SNGAGS BSTAN PA'I LE'U STE DANG PO'O,, ,,
, ,DE NAS 'DIR NI BSHAD BYA BA, ,MDZES MA RDO RJE KHRO MO YIS, ,LHA YI TING 'DZIN SBYOR BA RNAMS, ,THIG LE CHEN MOS MNYAN PAR GYIS, ,AOm BADZRI SHRIm KHA LE, A'ATMA RAKshA RAKshA H'Um H'Um H'Um PHAt SV'AH'A, GSANG SNGAGS 'DI NI SRUNG BA DANG, ,THA MAL RTOG PA'I LUS SBYOD BYED, ,SNYING GAR ZLA STENG H'Um YIG GIS, ,'OD KYIS RIGS KYI GTZO MO DANG, ,BLA MA SANGS RGYAS SPYAN DRANGS NAS, ,MDUN DU LEGS PAR DMIGS NAS NI, ,SNYING GA SA BON 'OD RTZE LAS, ,ME TOG SOGS 'DZIN LHA MOS MCHOD, ,GZUGS SOGS RDO RJE MA RNAMS KYIS; ;'DUD CING SO SOR LEGS PAR MCHOD, ,THOG MA MED PA'I SRID RGYUD NAS, ,LUS NGAG YID KYIS SBYANG PA YI, ,SDIG PA'I TSOGS RNAMS MA LUS KUN, ,BGYIS DANG BGYID DU STZAL PA DANG, ,BGYID LA RJES SU YI RANG BA, ,SDIG PA'I TSOGS RNAMS MA LUS KUN, ,THAMS CAD SO SOR BSHAGS PAR BGYI, ,SLAD CHAD MI BGYID SDOM PA YANG, ,RGYA CHEN BDAG GIS GZUNG BAR BYA, ,RGYAL BA SRAS BCAS MDZAD PA DANG, ,'GRO BA'I DGE LA RJES YI RANG, ,RGYAL DANG BYANG CHUB SEMS DPA' DANG, ,RIGS LDAN RDO RJE LHA MO DANG, ,SNGAGS RGYUD RGYA CHEN 'KHOR LO LA, ,KUN NAS DANG BAS SKYABS SU MCHI, ,MI RTOG BLO GROS BSKYED PA'I PHYIR, ,CHOS KYI 'KHOR LO BSKOR BA DANG, ,GDUL BYA JI SRID TSIM PA RU, ,MYA NGAN
MI 'DA' GSOL BA 'DEBS, ,RNAM PA KUN GYI MCHOG LDAN PA'I, ,BYANG CHUB SEMS NI BSKYED PAR BYA, ,GDOD NAS JI SRID DA LTA YI, ,BAR DU LUS 'DIS CI MA BYAS, ,DA NI SRID PA'I RLUNG RTOGS NAS, ,RANG GI LUS 'DI DBUL BAR BGYI, ,THEG CHEN BLA NA MED PA YI, ,LAM CHEN RGYA MTSO GANG YIN PA, ,THEG CHEN 'BRAS BU THOB BAR DU, ,RGYUN MI 'CHAD PAR BSTEN PAR BYA; ;DE LTAR DAD SEMS 'DUN BYAS TE, ,BSOD NAMS RGYA CHEN RNAM BSAGS PA'I, ,DGE BA BLA NA MED PA DE, ,THAMS CAD BYANG CHUB PHYIR BSNGO'O, ,DANG PO BYAMS PA'I 'OD ZER GYIS,, 'GRO RNAMS BDE LA DGOD PAR BYA, ,GNYIS PA SNYING RJE'I 'OD ZER GYIS, ,'GRO BA SDUG BSNGAL 'BRAL SEMS BSKYED, ,GSUM PA DGA' BAS BDE BA THOB, ,BZHI PA CHAGS BRAL BTANG SNYOMS SO, ,DE RJES RAGS PA'I STOBS SPONG ZHING, ,BAG CHAGS DRI MA BSAL NAS KYANG, ,NAM MKHA' LTA BUR SGRUB BYED PA'I, ,DE NAS DAG PA RJES DRAN BYA, ,AOm SVA BH'A BA SHUDDHA SARBA DHARMMA:SVA BH'A WA SHUDDHONYAHAm, DE YIS DAG PAR BYAS NAS NI, ,STONG NYID RJES SU BSGOM PAR BYA, ,AOm SH'U N+YA T'A DZNY'A NA BADZRA SVA BH'A WA A'ATMA KONYAHAm, DNGOS PO THAMS CAD MA LUS PAR,, NAM MKHA' LTA BUR BSGOM PAR BYA, ,DER NI RAm SKYES NYI DKYIL 'KHOR, ,DMAR PO 'OD ZER 'KHRIGS PA BSGOM, ,DE DBUS H'Um YIG SNGON PO YI, ,'OD KYIS 'GRO BA'I BDUD BSAL
, ,TE; ;SLAR YANG YI GE LA GZHUG PAR, ,RDO RJE KHRO MO YONGS SU RDZOGS, ,ZHAL GSUM PHYAG DRUG ME DPUNG BZHUGS, ,THUGS KAR NYI MAR H'Um SNGON BSAM, , 'OD KYIS SRUNG BA'I 'KHOR LO BYA, ,SHAR DU RDO RJE LHOR DBYUG PA, ,NUB TU CHU STE BYANG DU MDA', ,BYANG SHAR RTZE GSUM SHAR LHOR ME, ,LHO NUB RAL GRI NUB BYANG RLUNG, ,'OG TU SNA TSOGS RDO RJE BRAG ,STENG PHYOGS RDO RJE RTZE LNGA'I GUR, ,GSANG SNGAGS BRJOD PAS BSGOM PAR BYA, ,H'Um LAS 'OD ZER RAB SPROS PAS, ,'KHOR LO BKOD PA'I PHYI ROL TU, ,RDO RJE RTZE GSUM RA BA DANG, ,GUR NI RAB TU BSGOM PAR BYA, ,DE RJES RDO RJE KHRO MO NI, ,ZHU NAS RANG BZHIN MED PAR GYUR, ,DE LAS NYI MA'I STENG GNAS PA'I, ,BDUD BZHI MNAN CING NYI ZLA NI, ,A'A LI K'A LI LAS BYUNG BA'O, ,BAR DU H'Um LAS RDO RJE NI, ,KHRO MO'I RANG BZHIN 'OD KYIS BSKOR, ,KHRO MO DANG BCAS 'OD ZER RNAMS, ,RDO RJE LA BZHUGS SKU BZHENGS TE, ,ZHAL DRUG PHYAG DRUG ZHABS DRUG GAM, ,YANG NA ZHABS BZHIS BDUD BZHI MNAN, ,ZHAL KUN SNGO ZHING KHRO GNYER CAN, ,DMAR SER GYEN SKRA THONG PHRENG CAN, ,RDO RJES LUS BRGYAN NAM MKHA'I MDOG ,BCU GNYIS PHYAG STE G-YAS PA NA, ,RDO RJE ZHAGS BA MDA' GSOR ZHING, ,SBRUL DANG DGRA STA GRI GUG 'DZIN, ,G-YON PA DRIL BU SDIGS MDZUB GZHU, ,DBYIG PA
RTZE GSUM THO BA 'O, ,YANG NA PHYAG DRUG G-YAS DANG POS, ,RDO RJE GNYIS PAS LCAGS SGROG STE, ,GSUM PAS MDA' NI GSOR BAR BYED, ,G-YON GYI DANG POS SDIGS MDZUB STE; ;GNYIS PA SBRUL ZHAGS 'DZIN PA'O, ,GSUM PAS GZHU STE 'GENGS BA'I TSUL, ,RDO RJE LU GU RGYUD MA YI, ,BSAM GTAN TING 'DZIN LA GNAS NA, ,YON TAN KUN GYI BDAG NYID KYI; ;SNGAGS KYI RTZA BAR 'GYUR BA'O, ,SNGAGS KYI BDAG NYID YONGS SU BSKYED, ,LHA YI RANG BZHIN SGRUB PA YI, ,RIN CHEN GZUNGS KYI PHRENG BAS NI, ,CHOS RNAMS MTHA' DAG THOB 'GYUR TE, ,RAL GRI MIG SMAN RIL BU DANG, ,RKANG PA BYUGS DANG GTER CHEN DANG, ,SA 'OG 'GRO DANG BCUD LEN DANG, ,NAM MKHAR 'GRO DANG GSER 'GYUR DANG, ,DE BZHIN SA GZHAN 'GRO BA DANG, ,ZHI DANG RGYAS DANG DBANG MNGON SPYOD, ,RMONGS DANG RENGS DANG BSKRAD PA DANG, ,DBYE DANG DGUG DANG RIG SNGAGS 'CHING, ,SRUNG DANG PHYIR ZLOG CHEN PO DANG, ,ZHA DANG LKUGS DANG SEMS BRGYAL DANG, ,LONG DANG SNA TSOGS NAD SKYED PA'I, ,SBYOR BA RGYA CHEN 'GRUB PA DANG, ,MNGON SHES DRUG PO YONGS SKYE ZHING, ,SKU GSUNG THUGS KYI RDO RJE YI, ,PHYAG RGYA CHEN PO THOB 'GYUR NA, ,LTAS MTHONG TZAM LA SOGS PA YI, ,DNGOS GRUB PHRA MO SMOS CI DGOS, ,SNGAGS KYI SBYOR BA SKYED PA'I LHA, ,DMIGS PA'I
, ,RTZA BAR GYUR BA YI, ,H'Um LAS SKYES PA'I LHA MO NI, ,SNGON MO ZHAL GSUM PHYAG DRUG MA, ,G-YAS PA SER ZHING G-YON PA DMAR, ,SPYAN GSUM SDANG MIG, KHRO GNYER CAN, ,DMAR SER GYEN SKRA THOD PAS BRGYAN, ,RUS PA'I RGYAN GYIS SPRAS SHING 'GYING, ,THOD PA'I PHRENG CAN KLU YIS BRGYAN, ,ZHABS GNYIS BRKYANG BSKUM RO LA BRDZIS,, PHYAG DRUG G-YAS KYI DANG PO NA, ,RDO RJE GNYIS PAS GRI GUG STE, ,GSUM PAS SPRUL GYI ZHAGS PA 'DZIN, ,G-YON GYI DANG PO SDIGS MDZUB STE, ,GNYIS PAS THOD PA GSUM PHAN; ;SBRUL GYI ZHAGS PA DKAR PO'O, ,YANG NA ZHAL KUN SNGO SANGS NYID, ,'DIS NI 'CHING DANG DBANG GI LAS, ,MTHA' DAG RDZOGS PAR BYED PA 'O, ,SRID PAR BRAM ZE SKYES LHA MO, ,SNGON MO ZHAL GCIG PHYAG GNYIS MA, ,PHYAG G-YAS RDO RJE G-YON LCAGS SGROG ,GCER BU RUS PA'I RGYAN LDAN PA, ,GSANG PA'I LAS RNAMS THAMS CAD NI; ;RDO RJE RNAL 'BYOR MA 'DIS SGRUB, ,DE NAS BCOM LDAN RDO RJE CAN, ,CHOS RNAMS THAMS CAD 'BYUNG BYED CING, ,DNGOS GRUB MYUR DU SKYED PA YI, ,PHYAG RGYA 'BYUNG ZHES BYA BA YI; ;TING NGE 'DZIN LA SNYOMS ZHUGS NAS, ,YAN LAG PHYAG RGYA BKA' STZAL PA, ,LAG GNYIS THAL MO SBYAR BYAS SHING, ,SLAR YANG KHU TSUR BCANG BYAS TE, ,RGYAB GNYIS
SPRAD NAS MDZUB MO DANG, ,MTHE'U CHUNG LCAGS SGROG BCINGS BYAS TE, ,KHA YI THAD KAR BZHAG NAS NI, ,RIG PA'I PHRENG BA BRJOD PA YIS, ,'DOD PA THAMS CAD 'GRUB PAR BYED,, PHYAG RGYA BCINGS NAS GSANG SNGAGS NI, ,RJES SU DRAN PAR BYAS TZAM GYIS, ,LAM DU 'GRO YANG BDE BAR THAR, ,GZHAN GYI RIG SNGAGS GCOD PAR BYED, ,'PHAGS MA RDO RJE LU GU RGYUD MA'I RGYUD KYI RIG SNGAGS LAS, LHA DANG PHYAG RGYA GTAN LA DBAB PA'I LE'U STE GNYIS PA'O,, ,,DE NAS YANG DAG BSHAD BYA BA, ,RJES KYI SBYOR BA BLA NA MED, ,MTSUNGS PA'I TSOGS KUN 'GRUB BYED PA, ,RDO RJE MKHA' 'GRO MA YIS NYON, ,AOm SARBBA TA TH'A GA TA AA BHI sh'INYTZA TU MAm, AOm SARBBA TA TH'A GA TA AA BHI shE KA TA SA MA YA SHRI YE H'Um, DBANG BSKUR BA NI BLA NA MED; DRI MA'I TSOGS RNAMS DAG BYED CING, ,JI SRID YE SHES TSOGS RGYAS NAS, ,RIG PA'I RGYAL PO THOB PAR BYED, ,DZA:H'Um BAm HO:, AOm BADZRA PUshPE A'A:H'Um SV'AH'A, DH'U PE, D'I PA, GANDHE, NEE WIDYEE A'A:H'Um SV'AH'A, AOm Ksh'I HR'I:SA KA LA, GHA NA BI NA WA RE, SHYA RYA SA PA RI WA RA, AA AA AA, AA BHI TI RANTI, AA BHI TI RANTU, SARBBA DA SHA DIKA LO KA P'A LA, LO KA P'A LEm, AI MAm BI LAm GRimHnA TU, KHA DANTU PI BANTU H'Um PHAt KHA KHA KH'A HI KH'A HI, LLEE LLEE BADZRA d'A KA A'ADZNY'A PA YA TI SV'AH'A, YE SHES SEMS DPA'I SBYOR BA YIS, ,RNAM PAR RTOG PA SPONG BAR BYED, ,MCHOD PA
, ,DANG NI GTOR MA YIS, ,BAR GCOD THAMS CAD SEL BAR BYED, ,AOm K'A YA BADZRA SVA BH'A BA A'A TMA KONYAHAm, SKU GSUNG THUGS KYI RDO RJE YIS, ,RNAM PAR SBRAS PA'I MTSAN MA LA, ,MTSAN MA MED PA RNAMS GNAS PA, ,SHES NAS MTSAN NYID RNAM PAR DAG ,AOm SARBA TA TH'A GA TA DZNY'A NA BADZRA SVA BH'A BA A'ATMA KONYAHAm, GANG ZHIG DBANG POS YUL MTSON PA'I, ,MTSON BYA MTSON NYID RNAM SHES DANG, ,YE SHES NYID NI MNGON SUM DU, ,SKYE BA NYID LA THE TZOM MED, ,DE NAS RGYA CHEN SBYOR BA'I GTZO, ,'KHOR LO'I CHO GA BSHAD PAR BYA, ,GRO GA'AM RAS SAM SHING SHUN LA, ,GUR GUM GHI WANG TZANDAN BCAS, ,PU KA SER POS 'KHOR LO NI, ,RTZIBS BCU PADMA'I STENG DU BRI, ,MTHA' NAS ME YI PHRENG BAS BSKOR, ,PADMA'I 'DAB MA BCU LA NI, ,PHYOGS BCU KUN TU BCING BA YI, ,RDO RJE LA SOGS BCU PO BRI, ,DE YI RGYAB TU PHYOGS BCU RNAMS, ,BCING BA'I SNGAGS NI RIM BZHIN BRI, ,'KHOR LO'I RTZIBS RNAMS BCU PO LA, ,H'Um GNYIS BAR DU BSGRUB BYA'I MING, ,SRUNG BA BCAS PA BRI BAR BYA, ,PHYOGS BZHIR SNGAGS DANG PHYAG RGYA DANG, ,'KHRUL 'KHOR GCOD DANG 'CHING BA DANG, ,'GUGS PA'I SNGAGS SU BCAS PA BRI, ,GZHAN YANG MTSAMS RNAMS DRUG POR NI, ,LHA DANG KLU DANG LHA MA YIN, ,GNOD SBYIN GRUL BUM
LA SOGS PA, ,BCING BA DRUG PO BRI BAR BYA, ,LTE BAR BSGRUB BYA'I GZUGS BRNYAN NI, ,SKYIL KRUNG THUGS KAR THAL MO SBYAR, ,MDZES PA'I GOS LDAN BRI BAR BYA, ,DE RJES GSANG SNGAGS PHRENG BA NYID, ,STONG PHRAG GCIG TU BRJOD BYAS NAS, ,DE RJES BSTOD PAS BSTOD BYAS TE, ,GSER SOGS DRIL NAS LUS SAM MGUL, ,GANG BDE'I GNAS SU GDAGS PAR BYA; ;DES NI RNAL 'BYOR SRUNG DON DU, ,JI LTAR BSAM PA KUN 'GRUB STE, ,'JIGS PA BRGYAD PO MED PAR BYED, ,DE NAS GZHAN YANG RGYAL PO'I RAS, ,GSAR LA TZANDAN GA PUR DANG, ,DRI ZHIM RNAMS KYIS BYAS NAS NI, ,RGYU SKAR RGYAL GYI NYI MA LA, ,GUR GUM GYIS NI 'KHOR LO BRI, ,DBUS SU PADMA 'DAB BRGYAD PA'I, ,PHYI ROL MU KHYUD GSUM LDAN PA'I,, PADMA'I LTE BAR BSGRUB BYA'I GZUGS, ,YAN LAG RDO RJES MTSAN PA BRI, ,DE LA SNYING PO'I SNGAGS KYIS BSKOR, ,DE RJES LTE BA'I MU KHYUD LA, ,STENG 'OG BCING BA'I SNGAGS KYIS BRI,, PHYOGS MTSAMS SNGAGS RNAMS 'DAB MA LA'O, ,PHYI ROL MU KHYUD DANG POR NI, ,RTZA BA'I SNGAGS RING DGOD PAR BYA, ,GNYIS PAR 'OD KYI RA BA BRI, ,DRI ZHIM DKYIL 'KHOR STENG BZHAG STE, ,RANG NYID LHA YI SBYOR RDZOGS BYA, ,THUGS KA'I SA BON 'OD KYIS NI, ,NAM MKHA' 'KHOR LO SBYANGS BYAS TE, ,YI GE H'Um GI RNAM PAR BSAM, ,DE YONGS GYUR LAS SKU
, ,TSOGS BSGOM, ,DE DBUS SHES RAB RNAM PAR BSAM, ,ZLA DBUS STENG DU H'Um LAS NI, ,'KHOR LO RTZIBS LDAN BSGOM PAR BYA, ,DER NI YI GE'I RNAM PA NI; ;MAR ME LTA BU GSAL DMIGS LA, ,MKHA' 'GRO MA DANG DBYER MED BYA, ,RANG SNYING SA BON LAS BYUNG BA'I, ,GSANG SNGAGS STONG PHRAG BZLAS BYAS NAS, ,GSER SOGS DRIL NAS LUS SAM MGUL, ,BTAGS NA 'JIGS PA BRGYAD LAS SKYOB, ,THAMS CAD DU NI SRUNG BAR NGES, ,YUNGS KAR BA YI RNAM LNGA DANG, ,DUR BA'I SNYI MAR BCAS PA LA, ,GSANG SNGAGS STONG PHRAG BZLAS NAS NI, ,RGAN MO MING MED SBYOR PA YIS, ,GNAS GSUM THIG LE BYAS BSRUNGS NA, ,TSE NI STONG PHRAG DU MAR 'PHEL, ,KU SHA BA MAR YUNGS KAR TIL, ,GSANG SNGAGS STONG PHRAG BZLAS BYAS TE, ,SHIS PAR GYUR PA'I NYI MA LA, ,MCHOD RTEN SPYI BOR BTAGS BYAS NA, ,'GO BA'I NAD RNAMS 'CHAD PAR 'GYUR, ,KHRAG DANG KHRO CHUR BCAS PA LA, ,GSANG SNGAGS STONG PHRAG GSUM BZLAS TE, ,ZLA BA GZAS BZUNG DUS SU NI, ,NYE BSNYEN RDZOGS PAR BYAS NAS NI,, RDZAS NI SHIN TU SBA BYAS TE, ,LHA TSOGS GNOD PA GANG DMIGS PA'I, ,SNYING GAR SNGAGS NI BSNUN BYAS NA, ,GANG DMIGS BGEGS NI RNAM PAR 'JIG ,RAS BAL GSAL BAR
GYUR PA LA, ,SHES RAB MTSAN LDAN KHRUS BYAS TE, ,SHIS PA'I NYI MA LA BKAL NAS, ,BCINGS PA'I GRANGS KYIS MDUNG BYAS TE, ,STONG PHRAG GCIG GI SNGAGS BZLAS NAS, ,LUS SAM MGUL LAM SPYI BOR GDAGS, ,DES NI TSE LO STONG PHRAG THUB, ,YANG NA RANG LUS RNAM BSGRIMS NAS, ,CHU YI TSOGS KYIS DAG BYAS TE, ,NYI SHU RTZA GCIG GRANGS LDAN PAR,, GZUNGS KYI PHRENG BA BRJOD BYAS NA, ,GSER PHYAG LAG TU MA BLANGS SHING, ,BDEN BRAL PHYI ROL MA SONG BAR, ,GZHAN GYI 'JIGS PA MA BSAL ZHING, ,TSE LO BRGYA NI RTZA BRGYAD PAR; ;RIMS NAD TZAM YANG MI GNOD DO, ,GOS DANG ZAS DANG SNOD SPYAD DANG, ,SMAN LA SOGS PA'I RDZAS RNAMS NI, ,MI 'KHRUGS RGYAL PO'I PHYAG RGYA YIS, ,BSRUNGS NA CIS KYANG MI SHOD DE; ;SENG+GE RNGAM PA'I STABS KYIS NI, ,'UG PA'I SGRA GSUM BRJOD BYAS NA, ,PHYI ROL RIG SNGAGS STONG PHRAG NI, ,DU MAS CIS KYANG MI TSUGS SO, ,KLU YI DBANG PO GNAS LUGS KYIS; ;RTZE GCIG RDO RJE'I PHYAG RGYA BCAS, ,DE NAS GSANG SNGAGS GSUM BRJOD NA, ,NAD DANG GDON LA SOGS PA SEL, ,RI BONG NU MA'I MTSAMS BYAS NAS, ,H'Um GIS MNAN PA'I SNGAGS KYIS NI, ,DMIGS MED TING 'DZIN YID BRTAN ZHING, ,'DIS KYANG GNOD PA LAS SRUNG 'GYUR, ,PHYI ROL SOGS PA KUN SPANGS NAS, ,SNANG BA YID KYIS BSLAB BYAS TE, ,MI SNANG
, ,BA LA MNGON DMIGS NAS, ,SRUNG BA RNAMS KYI DAM PA BSHAD, ,DE NAS GZHAN YANG SBYOR BA BSHAD, ,DUR KHROD LA SOGS 'JIGS GNAS SAM, ,MTSO DANG MTSE'U DANG DGON GNAS DANG, ,GNAS DANG SKYED MOS TSAL CHEN DANG, ,ME TOG TSAL LAM YUL 'KHOR LJONGS, ,CHU YI 'GRAM MAM SHING GCIG GAM, ,YANG NA RANG GI KHYIM NYID DU; ;MAndAL LEGS PAR BYUGS PA LA, ,BRTEN NAS LHA YI SBYOR BA BSGRUB, ,RAS RIS LA SOGS MDUN BYAS TE, ,BDE BA'I BSTAN LA SKYIL KRUNG GIS, ,BSDAD NAS MNYAM GZHAG BRTZAM PAR BYA, ,THA MAL SBYANGS PA'I LUS KYIS NI, ,THAR PA CHEN PO THOB 'GYUR TE, ,GZHAN DU DE LTAR MA YIN NO, ,SA GZHI SHIN TU NYAMS DGA' ZHING, , LEGS PAR BKOD PA'I RI BO LA, ,NAGS TSAL SHIN TU SDUG PA LA, ,BSIL BA'I CHU RGYUN 'BAB PA'I PHYOGS, ,RNAM BKOD ME TOG TSAL GSEB TU, ,SHAR DU SGO BSTAN KHANG PA LA; ;SNGAGS BZHIS MTSAMS BCING CHO GA YIS, ,GSAL KHUNG DANG BCAS BRTZIGS PA'I PHYOGS, ,SNYAN PA'I BYA YIS SGRA SGROG CING, ,DRI ZHIM SPOS NGAD LDAN PA LA,, DRIL BU SIL SIL SGRA SNYAN SGROG ,LDA LDI GOS KYI PHRENG BAS DKRIS, ,LTAG PA'I 'DU 'DZI RNAMS SPANGS NAS, ,SPYOD PA MTHUN PA'I GROGS DANG NI, ,BDE BAR BYANG CHUB BSGRUB
PAR BYA; ;'ON KYANG GNAS DANG GROGS LA SOGS, ,RNAL 'BYOR YID 'JUG PHYIR BRTZAM STE, ,MTHA' DAG SPANGS PA'I PHA ROL NA, ,LHAG PA'I BYANG CHUB MA MCHIS SO, ,BDE DANG SDUG BSNGAL SNA TSOGS RNAMS, ,RANG GI SEMS LAS 'BYUNG MOD KYI, ,SEMS RTOG MA LUS SPANGS PA LAS, ,NGAS NI CHOS GZHAN 'GA' MA BSHAD, ,DE BAS SEMS RTOG SNA TSOGS RNAMS; ;SPANG BAR BYA PHYIR SNA TSOGS THABS, ,SNGAGS DANG PHYAG RGYA TING 'DZIN DANG, ,SBYOR BA RGYA CHEN RNAMS BSHAD DO, ,DRAG PO SGRUB PA'I THABS 'GA' NI, ,RIG PA'I KHRO MOS MNYAN PAR GYIS, ,SA GZHI BDUD RTZI LNGA YIS BYUG ,ME YI DKYIL 'KHOR SA BON BCAS, ,DUR KHROD PHA GUS BRI PAR BYA, ,DER NI PHO MO THOD PA LA, ,PHYI ROL DMAR NAG TSON GYIS BYUG ,NANG DU SNA TSOGS RDO RJE NI, ,MU KHYUD GSUM LDAN BRI BAR BYA, ,DBUS SU RDO RJE MKHA' 'GRO MA'I, ,SNYING PO SNGAGS BCAS BRI BAR BYA, ,RDO RJE RVA NI THAMS CAD LA, ,H'Um BRI MU KHYUD GNYIS PHRENG SNGAGS, ,GSUM PAR KHRO BO'I SNGAGS BRI'O, ,THOD PA KHA SBYOR NANG DU NI, ,SKE TSE YUNGS KAR BTZAN DUG DANG, ,LAN TSVA KHAG DANG SHA CHEN DANG, ,RKANG RJES SA LA SOGS PA BLUGS; ;GCER BU RNAL 'BYOR SKRA BSHIG NAS, ,LHA YI SBYOR LDAN LHOR BLTAS NAS, ,ZHABS KYIS THOD PA'I 'KHOR LO NI, ,MNAN TE SNGAGS PHRENG BRJOD PAR BYA, ,KHRO BO CHEN PO'I
, ,SBYOR BA YIS, ,MNYAM BZHAG NAS NI STONG PHRAG TU, ,BZLAS PA MTSAN PHYED BAR BYAS NA, ,GSAD PA NYID LA THE TSOM MED, ,DUR KHROD RAS LA 'KHOR LO NI; ;DBUS SU ME YI DKYIL 'KHOR CAN, ,RTZIBS BRGYAD MU KHYUD GSUM LDAN PA, ,DBUS SU SNYING PO SNGAGS RNAMS LA, ,H'Um GNYIS BAR DU BSGRUB BYA'I MING, ,GSAD PA NYID DANG LDAN PAR BYA, ,MU KHYUD GNYIS PA PHRENG SNGAGS KYANG, ,MING DANG GSAD PAR LDAN PA'O, ,GSUM PA KHRO BO'I SNGAGS BRIS TE, ,'KHOR LO MCHOD CING BYIN BRLABS NAS, , DGRA GZUGS SOR BRGYAD SNYING GAR GZHUG ,DE NYID TIL MAR GYIS BYUGS TE, ,THOD PA GNYIS KYI 'KHOR LO YI, ,BAR DU BCUG NAS ME STENG GZHAG ,SENG LDENG PHUR PA SOR BRGYAD PA, ,MNYAM GZHAG SBYOR BAS SNGAGS DE GDAB, ,GSAD PA'I SBYOR BA 'DI NYID KYIS, ,SHI BAR 'GYUR LA GZHAN DU MIN, ,YANG NA BYANG CHUB YAN LAG LAS, ,DUR KHROD KHRAG GIS 'KHOR LO BRI, ,GRU GSUM BRTZEGS PA'I GZUGS BRIS TE, ,DBUS SU DGRA MING GSANG SNGAGS BCAS, ,RTZIBS LA BCU GNYIS PAR DU NI, ,MING DANG GSAD PA BCAS PA BRI, ,MU KHYUD DANG PO'I SNGAGS PHRENG YANG, ,RGYAS PA'I YAN LAG LDAN PAR BRI, ,SPRA TSIL GZUGS BRNYAN SOR BRGYAD PA'I, ,SNYING GAR BCUG NAS SKRA
YIS DKRI, ,RNAL 'BYOR PA YI NYAL BA'I ZHABS, ,MGO BO LHOR BSTAN GZHAG PAR BYA, ,CHU SHEL MA MTHONG BAR DU NI, ,NYI SHU RTZA GCIG SNGAGS BRJOD NAS, ,MI YI RDO RJE'I DAR GYIS BRGYAN, ,SDANG BYED SA STENG 'DIR MI GNAS, ,KLU YI GNAS SU GRAGS PA'AM, ,CHU YI RDZING LA SOGS 'GRAM DU, ,DKYIL 'KHOR BA YI RNAM LNGAS BYUG ,PADMA DMAR PO'I RI MO LA; ;LTE BA RDO RJE MKHA' 'GRO MA, ,GSER GYI MDOG CAN THAL MO SBYAR, ,KLU YI GDENGS KA BDUN LDAN PA, ,ZLA BA'I DKYIL 'KHOR STENG GNAS PA, ,SHIN TU BLTAS PAS GNAS PAR BYA, ,DGA' BO NYER DGA' 'JOG PO DANG, ,MTHA' YAS DUNG SKYONG RIGS LDAN GZUGS, ,PADMA PAD CHEN RNAMS BYAS TE, ,DKAR NGANG SER DANG LJANG BA DANG, ,DMAR DANG LJANG SKYA SNGO SKYA DANG, ,DMAR SER LJANG SER 'DZUM PA'I GZUGS, ,GTZO LA THAL MO SBYAR BTUD NAS, ,RGYU SKAR PHRENG BA DANG LDAN GZUGS, ,'O MA 'BRAS CAN MKHAL ZHO SHA, BUS KA TZI TA LA SOGS SMAN, ,KHUR BA TSOGS BU DANG BCAS PA, ,RIN CHEN SNOD DU DGRAM PAR BYA, ,GZA' DANG RGYU SKAR RNAMS DGA' ZHING, ,KLU RNAMS BDE BA'I SEMS THOB SHOG ,LHA RNAMS YID NI MNYAM BZHAG NAS, ,SNYING RJE'I BLO CHEN SKYE BAR SHOG ,LHA KLU GNOD SBYIN DRI ZA SOGS, ,BYANG CHUB SEMS CHEN DANG LDAN NAS, ,THUGS RJES NYE BAR
, ,DGONGS NAS KYANG, ,DUS SU CHAR CHEN 'BEBS PAR SHOG ,SMON LAM DE YI RJES SU NI, ,GZUNGS KYI PHRENG BA BRGYA RTZA BRGYAD, ,BRJOD PA'I DE MA THAG TU NI; ;CHAR GYI RGYUN YANG 'BAB PAR 'GYUR, ,GAL TE CUNG ZAD MI 'BEBS NA, ,ME LA BSDIGS PA TZAM GYIS NI, ,GLOG GI PHRENG BA GTOR BYED NA, ,CHAR CHEN 'BEBS LA THE TSOM MED; ;WA YI KHRAG GIS GRO GA LA, ,GANG GI 'KHOR LO BSKRAD PA YI, ,THABS DANG LDAN PAR BRI BYAS NAS, ,DUR KHROD SA LAS BYAS PA YI, ,RNGA MO'I SNYING GAR BCUG NAS KYANG, , RKANG PA G-YON PAS MNAN NAS NI, ,LHOR BLTAS BKA' YI SBYOR BA YIS, ,GSANG SNGAGS KHRI PHRAG GCIG BRJOD NA, ,BSKRAD PA NYID LA THE TSOM MED, ,SBRUL DANG SRE MO'I KHRAG GIS NI; ;RTA DANG MA HE'I PAGS PA LA, ,MNYAM DU GNYIS KYI GZUGS BRIS TE, ,DBYE BA'I SNGAGS DANG BCAS PA YI, ,'KHOR LO THOD PA'I GZUGS BRIS LA, ,PAGS PA GNYIS KYIS DKRIS BYAS PA, ,ZLA GAM BYE BRAG DKYIL 'KHOR LA, ,BRTEN PAS DBYE BA'I SBYOR BA RDZOGS, ,MTSAL DANG TZANDAN GA BUR BSRES, ,ZLA GAM DBYIBS KYI DKYIL 'KHOR LA, ,SNYING PO DBANG GI SBYOR BAR BCAS, ,NUB TU BLTAS NAS BSGRUBS PA YI, ,LHA YI DBANG PO DBANG DU 'GYUR, ,RGYUD KYI KHYAD PAR SBYOR BA 'O, ,DRI YI RGYAL PO SNA TSOGS
KYIS; ;SHING GI LO MA DKAR PO LA, ,RDO RJE RGYA GRAM GNYIS BRTZEGS KYIS, ,PHYOGS KYI RVA RNAMS H'Um GIS SPRAS, ,MTSAMS KYI RVA RNAMS DBU MA LA, ,H'Um BRI RVA YI YAN LAG LA,, PHAt NI PHYIR LA BLTAS PA BRI, ,RGYA CHEN GSOL BA GDAB PAR BYA, ,GOS BZANG MA NI SKAGS SHING DU, ,BTZUG NAS RGYAL MTSAN RTZER BTAGS NA, ,RLUNG DANG THOG DANG SER BA GCOD; ;DMAN PA RNAMS DANG 'BREL BA SPANG, ,THAL BA CHU DANG YUNGS KAR LA, ,SNGAGS KYI PHRENG BA BZLAS BYAS TE, ,SPRIN LA SOGS PA 'KHRUGS PA'I TSE, ,GTOR BA TZAM GYIS 'CHAD PAR 'GYUR, ,'BRU MAR YUNGS KAR SER PO LA, ,BSNGAGS NAS LUS LA BYUGS TZAM GYIS, ,PHRAN TSEGS NAD RNAMS THAMS CAD LAS, ,MA HE SHIN TU BRTAN PAR BYED,, 'PHAGS MA RDO RJE LU GU RGYUD KYI 'KHRUL 'KHOR GYI LE'U STE GSUM PA'O,, ,,DE NAS GZHAN YANG BSHAD BYA BA, ,SBYIN SREG THABS KYI SBYOR BA YIS, ,DNGOS GRUB THAMS CAD MYUR BYED DE, ,SNA TSOGS LHA MOS MNYAN PAR BYOS, ,SER SNA SPANGS SHING G-YO SGYU MED, ,DUL LA DPA' RTUL BZONG PA CHE, ,MKHAS SHING RIG LA BRTZON 'GRUS BZANG, , SNGAGS LA MKHAS PAS SBYIN SREG BRTZAM, ,THAB NI NYI SHU SOR TSAD LA, ,PHYED BRKOS KHA PHYIR RDO RJE NI, ,RTZE GSUM DUR KHROD TSON GYIS BRI, ,PHYI ROL PHYAG RGYA RNAMS BKOD NAS, ,DRI ZHIM
, ,ME TOG GCAL DU BKRAM, ,DER NI MCHOD CING SREG PA'I RDZAS, ,TSOGS NAS RDZAS RNAMS BSANG GTOR BYA, ,BONG BU RNGA MO'I RIL MA DANG, ,GSAL ZHING CHER BCAS SHING LA ME, ,SA BON LAS SKYES SBAR BAR BYA, ,DER NI RDO RJE LU GU RGYUD, ,SKYED PA'I CHO GA RDZOGS BYAS NAS, ,MCHOD CING BSTOD NAS DE RJES SU, ,SKE TSE YUNGS KAR BCAN DUG DANG, ,RUS PHYE SHA CHEN TIL NAG PO, ,DANG BCAS SBYIN SREG STONG PHRAG GCIG ,PHRENG BA'I SNGAGS KYIS SBYAR BAR BYA, ,THOG MA THA MAR MAR CHEN DANG, ,TIL MAR BRGYA PHRAG RE RE SBYIN, ,SBYOR BCAS SBYIN SREG RDZOGS PA DANG, ,ZHAG BDUN GYIS NI BSGRUB BYA STE, ,SHI BAR 'GYUR LA THE TSOM MED, ,GLANG SHA SBRUL SHA PRI YANG KU, ,SBYIN SREG STONG GIS BSGRUB BYA ZHING, ,BA BLA LDONG ROS RU RTA DANG, ,LING+GA GLANG PO BSE SHAR BCAS, ,SER POR BYAS LA STONG PHRAG NI, ,GCIG GIS 'PHRAL DU RENGS PAR BYED, ,SBRUL RTA NE'U LE MA HE'I SHA ,BYA ROG 'UG SHA STONG PHRAG GCIG, BSREGS PAS BSGRUB BYA 'BYE BAR NGES, ,BRA BO 'BRAS BU RA SHA KHRAG ,STONG KHRAG GCIG GIS LKUG PAR 'GYUR, ,RNGA MO BYA ROG RGAN PO'I SHA ,S'A LU DMAR TIL DKAR PO DANG, ,YUNGS KAR SER PO LA SOGS PA, ,STONG DU BSREGS PAS SKROD PAR BYED, ,'BRU LNGA SMAD 'TSONG RANG BYUNG GIS, ,NAM
PHYED NUB TU KHA BLTAS BYUG ,ME TOG PADMA DANG BCAS PA'I, ,KHA DOG DMAR DANG LDAN PA YIS, ,'OD ZER DMAR LDAN STONG PHRAG GIS, ,NGES PAR 'GUGS DANG DBANG DU 'GYUR, ,TIL BCAS MAR GYI SBYIN SREG NI, ,STONG PHRAG BYAS NA SDIG PA 'BYANG, ,MAR DANG DUR BA TZANDAN BCAS, ,SBYIN SREG STONG GIS TSE 'PHEL 'GYUR, ,KU SHA BYANG CHUB SHING 'BRAS BU, ,YUNGS KAR DKAR PO LAN TSVA YI, ,STONG BSREGS 'GO BA'I NAD RNAMS 'CHAD, ,YUNGS KAR SHA CHEN PHYE MA DANG, ,DUR KHROD THAL PA DUG SNA TSOGS, ,KHRO CHU PHYE MA'I SBYIN SREG STONG, ,KHROS PAS BYAS NA LHA TSOGS 'JIG ,AUTPAL DMAR DANG YANG NA DKAR, ,GUR GUM BZANG PO'I SBYIN SREG NI, ,STONG RTZA BRGYAD TZAM BSREGS BYAS PAS, ,RIGS LDAN BU MO DBANG DU 'GYUR,, AA RU RA DANG YUNGS KAR DANG, ,BA YI 'O MA STONG BSREGS NA, ,RNAM THOS RGYAL PO'I GTER TZAM GYI, ,LONGS SPYOD CHEN PO 'THOB BYED CING, ,AOm RAKshA RAKshAm KU RU HAm, SRUNG BA'I SNGAGS SO,, AOm SH'ANTIm KU RU AOm, ,THAMS CAD DU ZHI BA'I SNGAGS SO, ,HA WA SHAm KU RU H'A, MTHA' DAG DBANG DU BYA BA'O, ,SVA PUshtIm KU RU SV'AH'A, THAMS CAD DU RGYAS PAR BYED PA'I SNGAGS SO, ,PHAt H'Um M'A RA YA M'A RA YA H'Um PHAt, GSOD PA'I SNGAGS SO, ,BAm BI DI SHA YA BAm, DBYE BAR BYED PA'I SNGAGS SO, ,AOm AUTZTZ'A tA YA AUm, BSKRAD PAR BYED PA'I SNGAGS SO, ,LAm STAm BHA YA STAm BHA
, ,YA LAm, RENGS PAR BYED PA'I SNGAGS SO, ,RAm DZVA RA DZVA RA RAm, RIMS SKYED PA'I SNGAGS SO, ,DZA A'A KARshA YA HR'I:DZA, DGUG PA'I SNGAGS SO, ,AOm BA RI SHA BA TA YA PA TA YA AOm, ,CHAR PA DBAB PA'I SNGAGS SO, ,LAm SHAm LI BHI STI BHA YA LAm, SER BA GCOD PA'I SNGAGS SO, ,DZEm DZE TE YA DZE TE YA DZEm, ZHI BAR BYED PA'I SNGAGS SO, ,H'Um YA RA YANYTZA; MAm TRA, TAm TRA, TZTSINDAm TZTSI NDAm, BINDHA BINDHA, BANDHA BANDHA, ZHES PA NI, THAMS CAD DU RIG SNGAGS GCOD PAR BYED PA'I SNGAGS SO, ,RIG PA'I RGYAL PO BLA MED NI, ,GSANG CHEN 'DI LAS 'BYUNG BAR 'GYUR, ,GSANG CHEN RGYUD 'DI NGO MTSAR TE, ,RMAD BYUNG BAS CHES RMAD DU BYUNG, ,BSTAN PA'I SNYING PO GSANG CHEN 'DI, ,GSUNGS PA'I DE MA THAG TU NI, , PHYOGS BCU'I RIG SNGAGS 'CHANG BA RNAMS, ,NGO MTSAR BSKYED NAS THAL MO SBYAR, ,BDE BA'I SNYING PO SHIN TU LEGS, ,LEGS SO LEGS SO RDO RJE 'DZIN, ,GANG LA BDE SKYENG DPAL THOB BYED, ,BDAG CAG RNAMS LA THUGS RJE YIS, ,RGYUD KYI SNYING PO 'DI BSHAD PA, ,RJE CHEN LEGS SO NGO MTSAR CHE, ,'PHAGS MA RDO RJE LU GU RGYUD KYI RTOG PA LAS, SBYIN SREG GI LE'U STE BZHI PA'O, ,'PHAGS MA RDO RJE LU GU RGYUD RTOG PA AO dYAN NAS BYUNG BA RDZOGS SO,, ,,PAndI TA AA TU LA DA SA BADZRA LA ZHUS NAS BOD KYI LO TZTSA BA MAR PA
CHOS KYI DBANG PHYUG GRAGS PAS BSGYUR BA'O,, ,,