RGYA GAR SKAD DU, A'ARYA T'A RA AAshtA GHO RE T'A SB'I S'U TRA, BOD SKAD DU, 'PHAGS MA SGROL MA 'JIGS PA BRGYAD LAS SKYOB PA'I MDO, DKON MCHOG GSUM LA PHYAG 'TSAL LO, ,RJE BTZUN MA SGROL MA LA PHYAG 'TSAL LO, ,BCOM LDAN 'DAS SH'AKYA THUB PA LA PHYAG 'TSAL
, ,LO; ;'DI SKAD BDAG GIS THOS PA DUS GCIG NA, BCOM LDAN 'DAS RI RAB KYI STENG LHO'I GNAS NA BZHUGS TE, DE NYID DU 'KHOR RNAMS KYI NANG NAS LHA MO SGROL MAS 'DI SKAD CES SMRAS SO; ;MTHO RIS RIN CHEN LTA BU 'DI THOB NAS, ,LAS DANG LAS KYI 'BRAS BU SHES PAR BYOS, ,BZANG PO STEN CING NGAN PA SPANG BAR GYIS, ,GANG DAG SDIG PA'I LAS RNAMS SPYOD BYED PA, , 'JIG RTEN PHA ROL THUR DU 'BAB 'GYUR TE, ,DUD 'GRO GLEN LKUGS GCIG LA GCIG ZA DANG, ,GYEN THUR 'BAB 'DZEG G-YANG SA NGAL BA'I LAM, ,'JIGS SHING DNGANGS SKRAG SHIN TU SKYI G-YA' BA, ,ZON DANG BCAS PA'I SDUG BSNGAL BSAM MI KHYAB, ,YI DVAGS LTOGS SHING SKOM DANG LUS MI 'TSAM, ,BZA' BTUNG SNANG YANG GZHAN GYIS BSRUNGS PA DANG, ,KHA CIG ZOS KYANG ME DANG MTSON DU 'GYUR, ,LTOGS SHING SKOM PA'I SDUG BSNGAL BSAM MI KHYAB, ,DMYAL BAR SKYES PA'I SEMS CAN DE DAG NI, ,RANG DBANG MED PAR GSHIN RJE GDUG PAS KHRID, ,BSREGS SHING BTZOS TE MTSON GYIS RAB TU 'THUG ,BSRAN GLAGS MED PA'I SDUG BSNGAL TSA DANG GRANG, ,DES NA TSE 'DIR SDIG PA'I LAS BYED PA, ,RANG GIS RANG LA MNGAN NI CHER BYAS YIN, ,BSKAL PA MANG POR SDUG BSNGAL DRAG POS GDUNGS, ,THAR PA'I DUS MED BSRAN PA'I GLAGS KYANG MED, ,DRAN PA GSAL
BAS LAS KYI 'BRAS BUR SHES, ,SDUG BSNGAL MA BZONG SMRE SNGAGS RANG LA RMO, ,SKAD NGAN DRAG PO'I KU SGRAS GZHAN YANG SKRAG ,DE LA SOGS TE SDUG BSNGAL BSAM MI KHYAB, ,GANG DAG NYES DMIGS RAB TU SHES GYIS LA, ,NGAN SONG GSUM GYI RGYU RNAMS RAB TU SPANGS, ,SDIG PA'I RNAM PA PHRA RAGS GANG LA YANG, ,LUS NGAG YID KYI SGO NAS SPYAD TA RE, ,RANG YANG BDE LA 'GRO RNAMS YONGS LA PHAN, ,CHAGS SDANG RMONGS SPANGS SNYING RJE'I RTZA BA BRTAN, ,SGO GSUM DANG BAS 'BAD DE DGE BA SPYAD, ,SHIN TU ZAB PA'I SNYING PO 'DI LA 'BAD, ,ME TOG SAD KYIS KHYER BA'I 'BRAS BU LA, ,SO NAM BYAS KYANG MYU GU MI SKYE LTAR, ,SDOM NYAMS THE TSOM ZOS PA'I GANG ZAG GIS, ,SHIN TU ZAB PA'I RIG SNGAGS BSGRUB GYUR KYANG, ,BYIN BRLABS 'BYUNG NGO SNYAM YANG 'BYUNG MI SRID, ,RTZOL BA DE DAG NGA LA BA DON MED 'GYUR, ,RIG SNGAGS DE YANG SKYE BO'I TSIG DANG MTSUNGS, ,TING 'DZIN RNAMS KYANG BYIS PA'I BSAM PA 'DRA, ,SKYON MED SKYES BUS RIG SNGAGS DE BSGRUBS NA, ,JI LTAR 'DOD PA BZHIN DU MYUR DU 'GRUB, ,DPER NA N+YA GRO DHA YI SA BON NI, ,SHIN TU PHRA YANG CHU LUD LEGS BRAN NA, ,DGUNG ZLA BDUN NA DPAG TSAD TZAM DU SKYE, ,BEMS PO PHYI YI 'GYUR YANG DE 'DRA NA, ,RIG PAS RIG PA BSGRUB PA LTA CI SMOS, ,'OD GSAL NANG GI 'GYUR LA DPAG TU MED, ,TSONG DPON LAM LA MKHAS PA DAG LA BRTEN, ,GRU
, ,TSAGS LEGS PAS RGYA MTSOR ZHUGS GYUR NA, ,RIN CHEN 'DOD PA BZHIN DU RNYED GYUR NAS, ,RANG GI GNAS SU LEGS PAR PHYIN PA YIN, ,BYAMS DANG SNYING RJE DGA' DANG BTANG SNYOMS RTEN, ,BYANG CHUB SEMS LDAN DGE BA SPYAD GYUR NA, ,YANG DAG RDZOGS KYI LAM LA ZHUGS 'GYUR TE, ,NGES PAR MKHYEN NYID SA LA 'GRO BAR 'GYUR, ,MDA' NYID SKYES BU'I 'THEB NAS SHOR GYUR NA, ,MI 'PHANG SNYAM YANG SHIN TU 'PHANGS PAR 'GYUR, ,CHOS NYID DON KUN CHUB PA'I GANG ZAG NI, ,MI PHYIN SNYAM YANG PHA ROL PHYIN PAR 'GYUR, ,BYA CHA'I RNAM PA RANG BZHIN RDZOGS GYUR NAS, ,SANGS RGYAS 'BRAS BU 'THOB PAR THE TSOM MED, ,CHOS NYID RNAM PAR DAG PA DE RTOGS NA, ,BDAG MED SROG MED SROG KYANG GCAD DU MED, , LAS MED DE YI RNAM PAR SMIN PA MED, ,MTHA' RNAMS RAB SPANGS SKYES BU RNAM PAR GROL, ,DE DON RTOGS PHYIR BDAG GIS BSHAD PA YI, ,SNYING PO 'DI LA GUS PAS BZLAS GYUR NA, , BSKAL PA GRANGS MED GSUM GYI SDIG KYANG 'DZAD, ,NGAN SONG GSUM DANG 'KHOR BA'I SDUG BSNGAL KUN, ,RAB TU SBYONG ZHING SGRIB PA RNAMS KYANG 'DAG ,DON DANG LDAN PA'I SNYING PO 'DI LTA STE, ,AOm BYANG CHUB SEMS DPA' SEMS DPA' CHEN MO, LHA MO KHYOD KYIS BSKYAB TU GSOL, ,AOm NA MO A'ARYA AA BA LO KI TE SHVA R'A YA, BO DHI SATV'A YA, MA H'A SATV'A YA, MA H'A K'A RU nI K'A
MA; TADYA TH'A, AOm T'A RE TUTT'A RE TU RE SARBA DUsht'AN, PRA DUsht'AN MA MA KRi TE, DZAMBHA YA, STAMBHA YA, MO HA YA, BAN DHA YA, H'Um H'Um H'Um, PHAt PHAt PHAt SV'AH'A, MA MA A'ARY'A BA LO BHA Y'A NA R'A, BO DHI SATV'A, MA H'A SATV'A NI, AA DHIshth'A NA, AA DHIshthI TE MA MA SARBA KARMA A'A BA RA nA SVA BH'A BA, SHUD DHE BI SHUD DHE, SHO DHA YA BI SHO DHA YA H'Um PHAt SV'AH'A, DE NAS SANGS RGYAS NYID KYIS SU, ,LHA MO NYID LA RAB TU BSTOD, ,THUGS RJE SHIN TU CHE BAS 'GRO BA'I DON MDZAD MA, ,MTSAN DANG DPE BYAD RDZOGS SHING RIN CHEN RGYAN GYIS SPRAS, ,SHIN TU MDZES TSUL 'DZUM ZHING BZHAD PA'I BZHIN, ,SPYAN GYI SKYE MCHED ZAR MA'I PADMA 'DRA; ;SNYAN GYI SKYE MCHED AUG COS BYE BA 'DRA, ,SHANGS KYI SKYE MCHED AUTPAL BUM BU 'DRA, ,ZHAL GYI SKYE MCHED HA LO RGYAS PA 'DRA, ,SNA TSOGS SKU MNGA' NA CHUNG MTSAN LDAN SKU, ,CHOS KYI SGRA SGROGS KA LA PING KA'I GSUNG, ,SEMS CAN KUN LA BYAMS MGON THUGS RJE'I THUGS, ,'KHOR BA'I SKYON GYIS MA GOS PADMA G-YON, ,SEMS CAN DON RNAMS MDZAD PHYIR SKYABS SBYIN G-YAS,, THABS DANG SHES RAB NYI ZLA'I GDAN LA BZHUGS, ,RJE BTZUN SGROL MA LA NI SKYABS SU MCHI, ,'KHOR BA'I G-YANG SA CHE LAS BDAG SKYOBS SHIG ,'GRO DRUG RANG KHA'I GNAS SU 'KHOR RA RE, ,THUGS RJE CHEN MO'I ZHAGS PAS BDAG ZUNG SHIG ,NGAN SONG GSUM GYI GNAS SU SHOR RA RE, ,'KHYAMS MED PA YI LAM DU BDAG CHUG SHIG ,LOG PAR LTA BA'I RIGS SU SKYES SA RE, ,BLA MA BYANG SEMS
, ,MNGA' DANG BDAG SPROD CIG ,BSHES GNYEN NGAN PA DAG DANG PHRAD TA RE'O, ,SENG GE GLANG CHEN ME DANG SBRUL, ,MI RGOD CHU DANG RIMS RNAMS DANG, ,SHA ZAS 'JIGS PA BRGYAD PO LAS, ,SKYOB MDZAD KHYED LA PHYAG 'TSAL LO, ,'JIG RTEN 'DI DANG GZHAN DAG TU, ,'JIGS PA BRGYAD LAS BSKYAB TU GSOL, ,PHA ROL 'BRAS BU MA THOB PAR DAG TU, ,SBYIN DANG TSUL KHRIMS BZOD PA BRTZON 'GRUS DANG, ,BSAM GTAN SHES RAB THABS DANG SMON LAM DANG, ,STOBS DANG DE BZHIN YE SHES PHA ROL PHYIN, ,BCU PO DE DANG MI 'BRAL 'GROGS PAR SHOG ,RIGS KYI BU'AM RIGS KYI BU MO GANG LA LAS CHOS 'DI BRI BA DANG, BKLAG PA DANG, KHA TOG DANG, KUN CHUB PA DANG, TSUL BZHIN DU YID LA BYA BA DANG, GZHAN DAG LA YANG RGYA CHER BSTAN PAR BYA'O ZHES BKA' STZAL PA DANG, THAMS CAD DANG LDAN PA'I 'KHOR RNAMS YI RANGS TE MNGON PAR BSTOD DO, ,RJE BTZUN MA SGROL MA 'JIGS PA BRGYAD LAS SKYOB PA'I MDO RDZOGS SO,, ,,