, ,RGYA GAR SKAD DU, A'ARYA BI SH'A L'I PRA BE SHA MAH'A S'U TRA, BOD SKAD DU, 'PHAGS PA YANGS PA'I GRONG KHYER DU 'JUG PA'I MDO CHEN PO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA'I DUS GCIG NA, BCOM LDAN 'DAS 'DAM BU'I KHROD NA GZINGS PA'I 'DUG GNAS NA BZHUGS TE, DE NAS
, ,BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, YANGS PA'I GRONG KHYER GAL BAR 'DONG NGO, ,BTZUN PA, DE LTAR BGYI'O ZHES GSOL NAS, TSE DANG LDAN PA KUN DGA' BOS BCOM LDAN 'DAS KYI LTAR MNYAN TO, ,DE NAS BCOM LDAN 'DAS YUL BRi DZIR RGYU ZHING GSHEGS TE, YANGS PA'I GRONG KHYER DU BYON NAS, YANGS BA'I GRONG KHYER GYI AA MRA SRUNG BA'I TSAL NA BZHUGS SO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, YANGS PA'I GRONG KHYER DU SONG LA PHYIN NAS SGO'I THEM PA LA RKANG PA ZHOG STE, GSANG
SNGAGS KYI GZHI 'DI DAG DANG, TSIGS SU BCAD PA 'DI DAG SMROS SHIG ,BI SA RA TA, BI SA RA TA, BI SA RA TA, BI SA RA TA, SANGS RGYAS 'JIG RTEN LA THUGS BRTZE BA CAN GYIS BKA' STZAL TO, ,SANGS RGYAS THAMS CAD KYIS DGONGS PA, RANG SANGS RGYAS THAMS CAD KYIS BSAMS PA, DGRA BCOM PA THAMS CAD KYIS BSAMS PA, SLOB PA THAMS CAD KYIS BSAMS PA, NYAN THOS THAMS CAD KYIS BSAMS PA; BDEN PA'I TSIG DANG LDAN PA THAMS CAD KYIS BSAMS PA, CHOS KYIS BSAMS PA, TSANGS PAS BSAMS PA, TSANGS PA SO SOS BSAMS PA, 'DOD PA'I DBANG PHYUG GIS BSAMS PA, DBANG POS BSAMS PA, LHAS BSAMS PA, LHA MA YIN GYI DBANG POS BSAMS PA; LHA MA YIN THAMS CAD KYIS BSAMS PA, LHA MA YIN GYI MNGAG GZHUG PAS BSAMS PA, 'BYUNG PO THAMS CAD KYIS BSAMS
, ,PA; BI SA RA TA, BI SA RA TA, BI SA RA TA, BI SA RA TA, SANGS RGYAS 'JIG RTEN LA THUGS BRTZE BA CAN GYIS BKA' STZAL PA, MUNYTZA TA, MUNYTZA TA, MUNYTZA TA, MUNYTZA TA, MA 'DUG CIG, YAMS KYI NAD RNAM PAR ZHI BAR GYUR CIG ,NIRGA TZTSA TA, NI RGATZTSA TA, NIRGATZTSA TA, NIRGATZTSA TA, SANGS RGYAS LHA CHEN PO, LHA'I YANG LHA, LHA'I BLA MA, GSHEGS SHING, DBANG PO DANG BCAS PA'I LHA RNAMS DANG, TSANGS PA DANG BCAS PA RNAMS DANG, DBANG BDAG DANG BCAS PA RNAMS DANG, SKYE DGU'I BDAG PO DANG BCAS PA RNAMS DANG, 'JIG RTEN SKYONG BA BZHI PO DAG KYANG 'ONG, LHA 'BUM PHRAG DU MA DAG DANG, LHA MA YIN GYI DBANG PO RNAMS DANG, LHA MA YIN 'BUM PHRAG DU MA DAG KYANG 'ONG, BCOM LDAN 'DAS LA MNGON BAR DAD PA'I 'BYUNG PO DBU MA PHRAG DU MA DAG KYANG SEMS CAN THAMS CAD KYI DON GYI PHYIR 'ONGS
TE; DE DAG KHYED RNAMS LA GNOD PA CHEN PO BYED PAR GYUR DU 'ONG GI ,NIRGATZTSA TA, NIRGATZTSA TA, NIRGATZTSA TA, NIRGATZTSA TA, MYUR DU BYER CIG ,KHYED CAG LAS GANG DAG SDANG BA'I SEMS DANG LDAN PA DE DAG NI PHUNG BAR GYUR CIG ,GANG DAG BYAMS PA'I SEMS DANG LDAN ZHING NYES PAR MI 'DOD LA BSRUNG BAR 'JUG PAR 'DOD PA DE DAG NI 'KHOD CIG ,LUS LA YANG 'JUG PAR GYIS SHIG, SANGS RGYAS 'JIG RTEN LA THUGS BRTZE BA CAN GYIS BKA' STZAL PA, SU MU, SU MU, SU MU, SU MU, SU MU, SU MU RU, SU MU RU, SU MU RU, SU MU RU, SU MU RU, SU MU RU; SU MU RU, SU MU RU, MU RU, MU RU, MU RU, MU RU, MU RU, MU RU, MU RU, MU RU, MU RU, MI RI, MI RI, MI RI, MI RI, MI RI, MI RI, MI RI, MI RI, MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU R'U RI TI, RI RI RI RI RI RI, R'I R'I R'I R'I R'I R'I, TI MI RI; MI RI, MI RI, MI RI, MI RI, MI RI, MI RI, MI RI TI, HA SI MI RI, M'I R'I TI, M'I TI, SI S'I, SI M'I, KAm KA RA, KA KA RA TA, KAm KA RA, KAm KA TZA, KAm KA R'A, KAm KA R'A, KAm KA R'A, KAm KA R'A; KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA RO T'I TI, KU RI SHAm KAm KA R'A, KAm KA RI SHE, RI RI RI RI RI RI,
, ,TI RE TI PHU SV'A, RI PHU RI PHU, RI PHU RI PHU, RI PHU RI PHU, RI PHU RI PHU, N'A TH'A N'A N'A TH'A THA, RI PHU, RI PHU, N'A TH'A THA, NIRGATZTSA TA, RI PHU, RI PHU, NIRGATZTSA TA, PA Y'A THA, RI PU RI PU, PA L'A YA TA, SANGS RGYAS 'JIG RTEN LA THUGS BRTZE BA CAN, SEMS CAN THAMS CAD LA PHAN PAR LHAG PAR DGONGS PA DANG LDAN PA, BYAMS PA LA GNAS PA, THUGS RJE DANG LDAN PA, DGA' BA LA GNAS PA, BTANG SNYOMS LA GNAS PA GSHEGS KYI, KshVI PHRAN NIR GATZTSA TA SV'AH'A, SANGS RGYAS KYI YE SHES KYI MCHOG DANG, CHOS NYID KYIS LHA THAMS CAD DANG, 'BYUNG PO THAMS CAD LA BKA' STZAL PA'I GSANG SNGAGS GZHI 'DI DAG NI GRUB PA'O, ,TSIGS SU BCAD PA 'DI DAG NI GRUB PA'O, ,GANG LA SER SNA RNAMS CHAGS PA, ,RNAM 'JOMS DRI MA MED MDZAD CING, ,THUGS ZHI GNOD PA MI MNGA' DES, ,KHYED LA BDE LEGS MDZAD PAR 'GYUR, ,'DREN PA GANG ZHIG 'GRO BA RNAMS, ,THAR PA'I LAM DU 'DZUD MDZAD CING, ,CHOS RNAMS THAMS CAD STON PA DES, ,KHYED LA BDE LEGS MDZAD PAR 'GYUR, ,STON PA RGYUG PA RNAMS KYI RTEN, ,SEMS CAN KUN GYI DON GYI PHYIR, ,GANG GIS BDE BA MNGA' MDZAD DES, ,KHYED LA BDE LEGS MDZAD PAR 'GYUR, ,SKYOB PA GANG ZHIG BYAMS PA YI, ,THUGS KYIS 'GRO BA 'DI DAG
KUN; ;BU GCIG BZHIN DU RTAG BSKYANGS TE, ,KHYED LA BDE LEGS MDZAD PAR 'GYUR, ,GANG ZHIG 'KHOR BAR 'KHOR BA YI, ,SEMS CAN KUN GYI RTEN GYUR CIG, GLING DANG DPUNG GNYEN GYUR PA DES, ,KHYED LA BDE LEGS MDZAD PAR 'GYUR, ,GANG ZHIG CHOS KUN MNGON SUM GYUR, ,GTZANG ZHING BSLU BA MI MNGA' LA, ,GSUNG GTZANG GTZANG MAR MDZAD PA DES,, KHYED LA BDE LEGS MDZAD PAR 'GYUR, ,DPA' BO CHEN PO GANG SKYES PA, ,PHUN SUM TSOGS DON 'BYOR GYUR CIG ,DON GRUB TSOGS KYANG GRUB PA DES, ,KHYED LA BDE LEGS MDZAD PAR 'GYUR, ,GANG ZHIG SKYES PAS SA RNAMS NI, ,NAGS TSAL BCAS PA RAB G-YOS SHING, ,SEMS CAN THAMS CAD RAB DGA' DES, ,KHYED LA BDE LEGS MDZAD PAR 'GYUR, ,BYANG CHUB SNYING POR GSHEGS PA NA, ,SA DAG RNAM DRUG G-YOS GYUR CING, ,BDUD YID MI BDER GYUR PA DES, ,KHYED LA BDE LEGS MDZAD PAR 'GYUR, ,CHOS KYI 'KHOR LO BSKOR BA NA, ,'PHAGS PA'I BDEN PA RNAMS GSUNG BA, ,THUB PA'I SNYAN PA GANG BYUNG DES, ,KHYED LA BDE LEGS BYED PAR 'GYUR, ,YID 'PHROG GANG GIS MU STEGS BYED, ,THAMS CAD CHOS KYIS PHAM MDZAD CING, ,TSOGS KUN DBANG DU MDZAD PA DES, ,KHYED LA BDE LEGS MDZAD PAR 'GYUR, ,SANGS RGYAS KHYED LA BDE LEGS
, ,MDZAD, ,BRGYA BYIN LHAR BCAS BDE LEGS DANG, ,'BYUNG PO KUN GYI BDE LEGS NI, ,KHYED LA RTAG TU SBYIN GYUR CIG ,SANGS RGYAS BSOD NAMS MTHU DAG DANG, ,LHA RNAMS KYIS NI BSAM PA YIS, ,KHYED RNAMS DON 'DOD GANG YIN PA, ,DON DE DE RING GRUB GYUR CIG ,RKANG GNYIS KHYED CAG BDE LEGS SHOG ,RKANG BZHI KHYED CAG BDE LEGS SHOG ,KHYED CAG LAM 'GRO BDE LEGS SHOG ,PHYIR 'ONG DAG KYANG BDE LEGS SHOG ,NYIN MO BDE LEGS MTSAN BDE LEGS, ,NYI MA'I GUNG LA'ANG BDE LEGS SHING, ,KHYED CAG KUN TU BDE LEGS SHOG ,KHYED CAG SDIG PAR MA GYUR CIG ,SANGS RGYAS LHA RNAMS STONG DAG GIS, ,YONGS SU BSKOR TE GSHEGS MDZAD KYIS, ,SDANG SEMS LDAN PA RNAMS BYER CIG ,SNYING RJE'I BDAG NYID CAN RNAMS 'KHOD, ,SANGS RGYAS RANG SANGS RGYAS RNAMS DANG, ,DGRA BCOM SLOB PA'I BDEN TSIG GIS, ,'JIG RTEN MI PHAN BYED PA RNAMS, ,GRONG KHYER 'DI NI GTONG GYUR CIG ,SEMS CAN KUN DANG SROG CHAGS KUN, ,'BYUNG PO KUN DANG KHYED CAG KUN, ,BDE BA 'BA' ZHIG LDAN GYUR CIG, THAMS CAD NAD RNAMS MED PAR SHOG ,KUN GYIS BZANG RNAMS MTHONG GYUR CIG ,GANG YANG SDIG PAR MA GYUR CIG ,
'BYUNG PO GANG DAG 'DIR NI LHAGS GYUR TE, ,SA DANG BAR SNANG DAG NA GNAS PA RNAMS, ,SKYE DGU RNAMS LA RTAG TU BYAMS BYED SHOG ,NYIN DANG MTSAN DU CHOS KYANG SPYOD GYUR CIG ,DE SKAD CES BKA' STZAL NAS, TSE DANG LDAN PA KUN DGA' BOS, BTZUN PA, DE BZHIN BGYI'O ZHES GSOL TO, ,BCOM LDAN 'DAS KYI LTAR MNYAN NAS, YANGS PA'I GRONG KHYER DU SONG STE, SGO'I THEM PA LA RKANG PA BZHAG NAS, GSANG SNGAGS KYI GZHI 'DI DAG DANG, TSIGS SU BCAD PA 'DI DAG KYANG SMRAS SO, ,BI SA RA TA, BI SA RA TA, BI SA RA TA, BI SA RA TA, SANGS RGYAS 'JIG RTEN LA THUGS BRTZE BA CAN GYIS BKA' STZAL TO, ,SANGS RGYAS THAMS CAD KYIS DGONGS PA, RANG SANGS RGYAS THAMS CAD KYIS BSAMS PA, DGRA BCOM PA THAMS CAD KYIS BSAMS PA; SLOB PA THAMS CAD KYIS BSAMS PA, NYAN THOS THAMS CAD KYIS BSAMS PA, BDEN PA'I TSIG DANG LDAN PA THAMS CAD KYIS BSAMS PA, CHOS KYIS BSAMS PA, TSANGS PAS BSAMS PA, TSANGS PA SO SOS BSAMS PA, 'DOD PA'I DBANG PHYUG GIS BSAMS PA, DBANG POS BSAMS PA, LHAS BSAMS PA, LHA MA YIN GYI DBANG POS BSAMS PA; LHA MA YIN THAMS CAD KYIS BSAMS PA, LHA MA YIN GYI MNGAG GZHUG PAS BSAMS PA, 'BYUNG PO THAMS CAD KYIS BSAMS PA, BI SA RA TA, BI SA RA TA, BI SA RA TA,
, ,BI SA RA TA, SANGS RGYAS 'JIG RTEN LA THUGS BRTZE BA CAN GYIS BKA' STZAL TO, ,MUNYTZA TA, MUNYTZA TA, MUNYTZA TA, MUNYTZA TA, MA 'DUG CIG, YAMS KYI NAD THAMS CAD ZHI BAR GYUR CIG ,NIRGATZTSA TA, NIRGATZTSA TA, NIRGATZTSA TA, NIRGATZTSA TA, SANGS RGYAS LHA CHEN PO, LHA'I YANG LHA, LHA'I BLA MA, GSHEGS SHING, DBANG PO DANG BCAS PA'I LHA RNAMS DANG, TSANGS PA DANG BCAS PA RNAMS DANG, DBANG BDAG DANG BCAS PA RNAMS DANG, SKYE DGU'I BDAG PO DANG BCAS PA RNAMS DANG, 'JIG RTEN SKYONG BA BZHI PO DAG KYANG 'ONG, LHA STONG PHRAG DU MA DAG DANG, LHA MA YIN GYI DBANG PO RNAMS DANG, LHA MA YIN STONG PHRAG DU MA DAG KYANG 'ONG, BCOM LDAN 'DAS LA MNGON PAR DAD PA'I 'BYUNG PO BRGYA STONG MANG PO DAG KYANG SEMS CAN THAMS CAD KYI DON GYI PHYIR 'ONGS TE, DE DAG KHYED LA GNOD PA CHEN PO BYED PAR 'GYUR GYI, NIRGATZTSA TA, NIRGATZTSA TA, NIRGATZTSA TA, NIRGATZTSA TA, MYUR DU BYER CIG ,KHYED CAG LAS GANG DAG SDANG BA'I SEMS DANG LDAN PA DE DAG NI PHUNG BAR GYUR CIG ,GANG DAG BYAMS PA'I SEMS DANG LDAN ZHING NYES PAR MI 'DOD LA, BSRUNG BAR 'JUG PAR 'DOD PA DE DAG NI 'KHOD CIG, LUS LA YANG 'JUG PAR GYIS SHIG ,SANGS RGYAS 'JIG RTEN LA THUGS BRTZE BA CAN GYIS BKA' STZAL PA, SU MU, SU MU, SU MU, SU MU, SU MU, SU MU RU,
SU MU RU, SU MU RU, SU MU RU, SU MU RU, SU MU RU, SU MU RU, SU MU RU, MU RU, MU RU, MU RU, MU RU, MU RU, MU RU, MU RU, MU RU, MI RI, MI RI, MI RI, MI RI, MI RI, MI RI, MI RI; MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU R'U RI TI, RI RI RI RI RI RI, R'I R'I R'I R'I R'I R'I, MI RI MI RI, MI RI, MI RI, MI RI, MI RI, MI RI MI R'I TI, HA SI MI MI R'I TI, S'I SI MI, KAm KA R'A, KAm KA RA TA, KAm KA RA, KAm KA TZA, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA R'A, KAm KA RO T'I TI KU RI SHO KAm KA R'A, KAm KA R'I SHE ,RI RI RI RI, RI RI R'I, TI RE TI PHU SVA, RI PHU, RI PHU, RI PHU, RI PHU, RI PHU, RI PHU, RI PHU, RI PHU, N'A THA, N'A N'A TH'A TH'A, RI PHU RI PHU, N'A TH'A TH'A, NIRGATZTSA TA; RI PHU RI PHU, NIRGATZTSA TA, PA LA Y'A T'A, RI P'U RI P'U, PA L'A YA TA, SANGS RGYAS 'JIG RTEN LA THUGS BRTZE BA CAN, SEMS CAN THAMS CAD LA PHAN PAR LHAG PAR DGONGS PA DANG LDAN PA, BYAMS PA LA GNAS PA, THUGS RJE DANG LDAN PA, DGA' BA LA GNAS PA, BTANG SNYOMS LA GNAS PA GSHEGS KYIS, KshI PHRAN NIRGATZTSA TA SV'AH'A, SANGS RGYAS KYI YE
, ,SHES KYI MCHOG DANG, CHOS NYID KYIS LHA THAMS CAD DANG, 'BYUNG PO THAMS CAD LA BKA' STZAL PA'I GSANG SNGAGS KYI GZHI 'DI DAG NI GRUB PA'O, , TSIGS SU BCAD PA 'DI DAG NI GRUB BO, ,GANG LA SER SNA RNAM CHAGS PA, ,RNAM BCOM DRI MA MED MDZAD CING, ,THUGS ZHI GNOD PA MI MNGA' DES, ,KHYED LA BDE LEGS MDZAD PAR 'GYUR, ,'DREN PA GANG ZHIG 'GRO BA RNAMS, ,THAR PA'I LAM DU 'DZUD MDZAD CING, ,CHOS RNAMS THAMS CAD STON PA DES, ,KHYED LA BDE LEGS MDZAD PAR 'GYUR, ,STON PA RGYUG PA RNAMS KYI RTEN, ,SEMS CAN KUN GYI DON GYI PHYIR, ,GANG GIS BDE BA MNGA' MDZAD DES, ,KHYED LA BDE LEGS MDZAD PAR 'GYUR, ,SKYOB PA GANG ZHIG BYAMS PA YI, , THUGS KYIS 'GRO BA 'DI DAG KUN, ,BU GCIG BZHIN DU RTAG BSKYANGS TE, ,KHYED LA BDE LEGS MDZAD PAR 'GYUR, ,GANG ZHIG 'KHOR BAR 'KHOR BA YI, ,SEMS CAN KUN GYI RTEN GYUR CING, ,GLING DANG DPUNG GNYEN GYUR PA DES, ,KHYED LA BDE LEGS MDZAD PAR 'GYUR, ,GANG ZHIG CHOS KUN MNGON SUM GYUR, ,GTZANG ZHING BSLU BA MI MNGA' LA; ;GSUNG GTZANG GTZANG MAR MDZAD PA DES, ,KHYED LA BDE LEGS MDZAD PAR 'GYUR, ,DPA' BO CHEN PO GANG SKYES PA, ,PHUN SUM TSOGS DON 'BYOR GYUR CING, ,DON
GRUB TSOGS KYANG GRUB PA DES, ,KHYED LA BDE LEGS MDZAD PAR 'GYUR, ,GANG ZHIG SKYES PAS SA RNAMS NI, ,NAGS TSAL BCAS PA RAB G-YOS SHING, ,SEMS CAN THAMS CAD RAB DGA' DES, ,KHYED LA BDE LEGS MDZAD PAR 'GYUR, ,BYANG CHUB SNYING POR GANG ZHIG GIS, ,SA DAG RNAM DRUG G-YOS GYUR CING, ,BDUD YID MI BDER GYUR PA DES, ,KHYED LA BDE LEGS MDZAD PAR 'GYUR, ,CHOS KYI 'KHOR LO BSKOR BA NA, ,'PHAGS PA'I BDEN PA RNAM GSUNG BA, ,THUB PA'I SNYAN PA GANG BYUNG DES, ,KHYED LA BDE LEGS MDZAD PAR 'GYUR, , YID 'PHROG GANG GIS MU STEGS BYED, ,THAMS CAD CHOS KYIS PHAM MDZAD CING, ,TSOGS KUN DBANG DU MDZAD PA DES, ,KHYED LA BDE LEGS MDZAD PAR 'GYUR, ,SANGS RGYAS KHYED LA BDE LEGS MDZAD, ,BRGYA BYIN LHAR BCAS BDE LEGS DANG, ,'BYUNG PO KUN GYI BDE LEGS NI, ,KHYED LA RTAG TU SBYIN GYUR CIG ,SANGS RGYAS BSOD NAMS MTHU DAG DANG, , LHA RNAMS KYIS NI BSAMS PA YIS, ,KHYED KYIS DON 'DOD GANG YIN PA, ,DON DE DE RING GRUB GYUR CIG ,RKANG GNYIS KHYED CAG BDE LEGS SHOG ,RKANG BZHI KHYED CAG BDE LEGS SHOG; KHYED CAG LAM 'GRO BDE LEGS SHOG, PHYIR LDOG DAG KYANG BDE LEGS SHOG ,NYIN MO BDE LEGS MTSAN BDE LEGS, ,NYI MA'I GUNG LA'ANG BDE LEGS SHING, ,
, ,KHYED CAG RTAG TU BDE LEGS SHOG, KHYED CAG SDIG PA MA GYUR CIG, SANGS RGYAS LHA RNAMS STONG DAG GIS, ,YONGS SU BSKOR TE GSHEGS MDZAD CING, ,SDANG SEMS LDAN PA RNAMS BYER CIG ,SNYING RJE'I BDAG NYID CAN RNAMS 'KHOD, ,SANGS RGYAS RANG SANGS RGYAS RNAMS DANG, ,DGRA BCOM SLOB PA'I BDEN TSIG GIS, ,'JIG RTEN MI PHAN BYED PA RNAMS,, GRONG KHYER 'DI NI GTONG GYUR CIG ,SEMS CAN KUN DANG SROG CHAGS KUN, ,'BYUNG PO KUN DANG KHYED CAG KUN, ,BDE BA 'BA' ZHIG LDAN GYUR CIG ,THAMS CAD NAD RNAMS MED PAR SHOG ,KUN GYIS BZANG RNAMS MTHONG GYUR CIG ,GANG YANG SDIG PAR MA GYUR CIG ,'BYUNG PO GANG DAG 'DIR NI LHAGS GYUR TE, ,SA DANG BAR SNANG DAG LA GNAS PA RNAMS, ,SKYE DGU RNAMS LA RTAG TU BYAMS BYED SHOG ,NYIN DANG MTSAN DU CHOS KYANG SPYOD GYUR CIG ,'PHAGS PA YANGS PA'I GRONG KHYER DU 'JUG PA'I MDO RDZOGS SO,, RGYA GAR GYI MKHAN PO SU RENDRA BO DHI DANG, ZHUS CHEN GYI LOTZTSA BA BANDE YE SHES SDES BSGYUR CING ZHUS TE GTAN LA PHAB PA,,