RGYA GAR SKAD DU, KA RU nA AA GRA N'A MA DH'A RA n'I, BOD SKAD DU, SNYING RJE'I MCHOG CES BYA BA'I GZUNGS, THAMS CAD MKHYEN PA LA PHYAG 'TSAL LO, ,PHYAG NA PADMA BSNAMS PA, SEMS CAN SDUG BSNGAL RNAM PA SNA TSOGS KYI TSANG TSING DU NUB PA RNAMS YANG DAG PAR SGRAL BA'I PHYIR BLO GROS SHAR BA LA PHYAG 'TSAL LO, ,DE BZHIN GSHEGS PA'I GSANG SNGAGS KYI MCHOG ,SNYING RJE CHEN PO'I RTZE MO 'CHAR BA; THOGS PA MED PA'I DON YOD PA'I LAS KYI DNGOS GRUB, DE BZHIN GSHEGS PA'I ZHAL NAS BYUNG BA, SEMS CAN GYI DKYIL 'KHOR MA LUS PA'I LAS KYI SGRIB PA DANG,
NGAN SONG GI SDUG BSNGAL RNAM PA SNA TSOGS ZHI BAR BYED PA, PHAN PA MA YIN PA DANG, BKRA MI SHIS PA DANG, RMI LAM NGAN PA DANG, LTAS NGAN PA THAMS CAD DANG, NAD RNAM PA DU MA DANG; DUS MA YIN PAR 'CHI BA RNAM PA SNA TSOGS RAB TU ZHI BAR BYED PA, STONG CHEN PO RAB TU 'JOMS PAR BYED PA BSHAD PAR BYA STE, THOG MAR BCOM LDAN 'DAS BSOD NAMS KYI TSOGS DU MA BYE BA PHRAG 'BUM GYIS BRGYAN PA'I SKU MNGA' BA LA PHYAG 'TSAL NAS BRTZAM PAR BYA'O, ,NA MO BHA GA WA TE, BEE RO TZA N'A YA, TA TH'A GA T'A YA, AARHA TE SAMYAKSAm BUDDHA YA, SARBA AA DZNY'A NA DHA KA RA SHA MA YI TRE, TADYA TH'A, S'A DHA NI S'A DHA NI, SIDDHI BIDDHA RI, BHA GA BA TI PA RAm P'A RA, KLE SHA DHA BA TI, AA DZNY'A NA SHA MA NI SHA M'A YA, SARBA P'A PAm BI SHUDDHA DHARME NI RMA LA DZNY'A NA GO TZA RA, AA SAm GA TZA RI NI PRA SHI MA MURTI SU KHA PRA TE SARBA KLE SHA DHA BA TI, SARBA P'A PAm BI SHO DHA NI, BI DHA MA NI, BI NA SH'A NI BI NA SH'A NI, BI NA SH'A YA BI NA SH'A YA, BHA GA BA TI SU RA SA BI MA LA BUDDHI, SA RA SA RA, BI SA RA BI SA RA, SU RU SU RU, S'U RA S'U RA, PRA SA RA PRA SA RA, BI SA RA BI SA RA, AA DZVA LA NA MA KO tI SA HA SRA SAm TZI TAm KARMA AA PA RA nI KshA PA YA, KshE MA BA TI BUDDHA BI sh'A YA, BA SHA BRTI NI P'A RA MI T'A DZNY'A NA GO TZA RE, BI SHE shA BA TI, AA SHE shA MA LI nI, KA RU nI GO TZA RE, MAH'A DZNY'A NA AA BHI shE KA PA TI, SU BI NI SHTZI TA DHARME, HE HE BHA
, ,GA BA TI; MA H'A KA RU nI, KU RU KU RU, BI SHO DHA YA, MAm SARBA SATVASHTZA, MA H'A KA RU nOD SE KE NA SA NA SI TZ'I YA, SA MA BA DH'A YA, SA MA DHA L'A YA, PRA RO H'A YA ME, MA H'A KA RU nA BI DZA NA PA RI SHUDDH'A YA, AA MO GHA ME KU RU DZI BI TA NA RAKshA RAKshA MAm, BHA GA BA TI MA MA H'A BO DHI TZI TAm SAm M'U HYED MA SANTU SHUD PI TI MA KA RU nI, BUDDHA BO DHI PRA TE, NA RA KA PRE TI TARYA GA TI DU:KHE NA M'U LA NI, DHE BA MA NU shYA GA TI SAm BA HA NA BI GA TO BA KLE SHE, SARBA BUDDHA DHARMA PA RI P'U RA nI SV'AH'A, BCOM LDAN 'DAS KYI SNYING RJE CHEN PO'I MCHOG CES BYA BA'I GZUNGS BCOM LDAN 'DAS KYI GTZUG TOR NAS BYUNG BA 'DI NI, GZUNGS GRANGS MED PA PHROG STONG GI 'KHOR DANG LDAN PA'O, ,SDIG PA DANG, LAS DANG, NYON MONGS PA THAMS CAD 'JOMS PA'O, ,BKRA MI SHIS PA DANG, RMI LAM NGAN PA DANG, LTAS NGAN PA DANG, DUS MA YIN PAR 'CHI BA THAMS CAD ZHI BAR BYED PA'O, ,TSE DANG, BSOD NAMS DANG, GZUGS DANG, STOBS DANG, BDE BA DANG, SPOBS PA DANG, NAD MED PAR BYED PA'O, ,'BYUNG PO DANG, BRJED BYED DANG, GNOD SBYIN DANG, SRIN PO DANG, NAM MKHA' LDING DANG, LHA MA YIN DANG, MI'AM CI'I GDON THAMS CAD NGES PAR 'JOMS PA'O, ,GZUNGS 'DI'I MING BZUNG BA DANG, THOS PA DANG, BRJOD PA TZAM
GYIS KYANG TSE RABS BYE BA PHRAG 'BUM GYI BAR DU BSAGS PA'I LAS KYI SGRIB PA YANG 'BYANG BAR 'GYUR RO, ,NYON MONGS PA THAMS CAD BSRA BAS PAR 'GYUR RO, ,DE'I NGAN SONG GI 'GRO BA THAMS CAD KYANG RGYUN CHAD PAR 'GYUR RO, ,SANGS RGYAS DANG, BYANG CHUB SEMS DPA' THAMS CAD KYIS KYANG YONGS SU BZUNG BAR 'GYUR RO, ,BYANG CHUB SEMS DPA'I DGE BA DANG YANG LDAN PAR 'GYUR RO, ,YONGS SU MI NYAMS PA'I CHOS CAN DU YANG 'GYUR RO, ,SNYING RJE LAS KYANG NYAMS PAR MI 'GYUR RO, ,SEMS CAN THAMS CAD KYIS KYANG MNGON PAR DGA' BAR BYA BAR 'GYUR RO, ,NYIN DUS GSUM MTSAN DUS GSUM DU LAN BDUN BDUN BRJOD NA, SDIG PA THAMS CAD LAS RNAM PAR THAR PAR 'GYUR LA, BYANG CHUB SEMS DPA'I YON TAN STONG PHRAG DPAG TU MED GRANGS MED PA DAG KYANG THOB PAR 'GYUR RO, ,NAM LANGS PA'I DUS SU SKYIL MO KRUNG BCAS TE BDE BAR 'DUG LA LAG PA GRU GSUM GYI PHYAG RGYA BYAS NAS SANGS RGYAS DANG, BYANG CHUB SEMS DPA' SA THAMS CAD LA DMIGS TE, DE BZHIN GSHEGS PA YON TAN BDAG NYID CHEN PO MNGON DU BSAMS NAS DE BZHIN GSHEGS PA LA PHYAG 'TSAL LO, ,ZHES SMRAS TE YID KYIS PHYAG 'TSAL NAS LAN NYI SHU RTZA GCIG BRJOD NA, DE LA YID LA JI LTAR 'DOD PA'I BSAM PA
, ,THAMS CAD YONGS SU RDZOGS PAR 'GYUR TE, DON JI LTA BA BZHIN DU 'GRUB PA THOB PAR 'GYUR RO, ,TSES BRGYAD DANG, BCU BZHI DANG, BCO LNGA LA BCOM LDAN 'DAS LA MCHOD PA BYAS LA BSNYEN GNAS BLANGS TE GOS DKAR PO BGOS TE SBYIN PA BYAS LA BYANG CHUB KYI SEMS CHEN PO BLANGS NAS MI SDUG PA MED PAR LAG PA BRKYANG BA DES RANG GI LAG GIS DKYIL 'KHOR BYUGS LA ME TOG KHA DOG SNA GSUM GYIS MCHOD NAS TZANDAN DKAR POS BDUGS LA, 'JIG RTEN GYI KHAMS STONG PHRAG MTHA' YAS PA DAG NA MCHOD PA DANG BKUR STI CHEN PO RNAM PA SNA TSOGS YOD PA, DE BZHIN GSHEGS PA RNAMS LA 'OS PA RNAMS YID LA BSAMS TE SANGS RGYAS DANG, BYANG CHUB SEMS DPA' THAMS CAD LA PHUL NAS DE BZHIN GSHEGS PA'I SNYING PO STONG CHEN PO 'BAR BA 'DI NAM DGA' BA CHEN PO SKYES PA'I BAR DU BRJOD NA, BDAG NYID DE BZHIN GSHEGS PA RNAMS KYI DRUNG DU 'DUG PAR SHES SHING, DE BZHIN GSHEGS PA RNAMS KYI ZANG ZING MED PA'I CHOS KYI LONGS SPYOD CHEN PO'I DGA' BA THOB PAR 'GYUR TE, DE PHYIN CHAD DE BZHIN GSHEGS PA'I RIGS SU PHYIR MI LDOG PAR SKYES PA YIN NO, ,TSE RABS GZHAN DU SONG NA YANG BYANG CHUB SEMS DPA'I SA CHEN PO THOB PAR 'GYUR RO, ,RIG SNGAGS
'CHANG CHEN PO'I 'KHOR LOS BSGYUR BA YANG THOB PAR 'GYUR RO, ,GZUNGS KYANG THOB PAR 'GYUR RO, ,DE BZHIN GSHEGS PA RNAMS KYANG MNYES PAR BYED DO, ,MNGON PAR SHES PA MI NYAMS PA YANG THOB PAR 'GYUR RO, ,TSE 'DI LA YANG SEMS CAN THAMS CAD DGA' BAR 'GYUR RO, ,LHA THAMS CAD KYIS KYANG SRUNG BAR 'GYUR RO, ,KLU DANG, LHA MA YIN DANG, NAM MKHA' LDING DANG, MI'AM CI DANG, GNOD SBYIN DANG, SRIN PO THAMS CAD KYIS KYANG SRUNG BAR 'GYUR TE, GANG LA SMRAS PA DE'I BYA BA SGRUB PAR 'GYUR RO, ,DES CI BSAM PA DANG, BYED DU BCUG PA RNAMS KYANG LHA LA SOGS PA RNAMS BYED PAR 'GYUR RO, ,DE'I 'DOD PA THAMS CAD KYANG YONGS SU RDZOGS PAR 'GYUR RO, ,SUS KYANG NGAG MI GCOG PAR YANG 'GYUR RO; ;LHA RNAMS KYIS KYANG DE'I STOBS DANG, GZUGS DANG, BSOD NAMS KDANG, LANG TSO DANG, NAD MED PA DANG, RGYAS PA 'PHEL BAR BYED DO, ,BGEGS THAMS CAD KYIS KYANG MI TSUGS PAR 'GYUR RO, ,MDOR NA DE BZHIN GSHEGS PA'I GRONG KHYER DU 'JUG PAR 'DOD PA RNAMS DANG, DE BZHIN GSHEGS PA'I SANGS RGYAS KYI SKU CHEN PO MTHONG BAR 'DOD PA RNAMS DANG, YON TAN PHUN SUM TSOGS PA THAMS CAD THOB BAR 'DOD PA RNAMS DANG, GZHAN YANG BYANG CHUB SEMS DPA' CHEN PO'I BSLAB PA'I GAR THABS BYED PA LA
, ,'JUG PAR 'DOD PA RNAMS DANG, BYANG CHUB SEMS DPA' CHEN PO'I CHOS NYID KYI DAM TSIG THOB PAR 'DOD PA RNAMS DANG, RTAG PAR RGYUN MI 'CHAD PA DANG, BAR CHAD MED PAR RGYUD CHEN PO'I DE KHO NA RTOGS PAR 'DOD PA RNAMS DANG, DE BZHIN GSHEGS PA'I YON TAN GYI RGYAN GYIS BDAG NYID BRGYAN PAR 'DOD PA RNAMS KYIS YON TAN GYI TSOGS CHEN PO BSAGS PA'I PHYIR DE BZHIN GSHEGS PA RNAMS KYIS BSTOD CING, BYANG CHUB SEMS DPA' SEMS DPA' CHEN PO RNAMS KYIS YANG DAG PAR BSTAN PA 'DI THOG MAR SGRIM PA CHEN POS DE BZHIN GSHEGS PA THAMS CAD BSAM PA'I CHO GA JI SKAD BSTAN PA BZHIN DU BLANG BAR BYA'O, ,SNYING RJE'I MCHOG CES BYA BA'I GZUNGS RDZOGS SO,, ,,