597 · GMLW-003803

'PHAGS PA NGAN 'GRO THAMS CAD YONGS SU SBYONG BA GTZUG TOR RNAM PAR RGYAL BA ZHES BYA BA'I GZUNGS (Ārya Sarva Durgati Pariśodhanī Uṣṇīṣa Vijaya Nāma Dhāraṇī)

נושאי-מדףSubjects:
RGYUDSecret Teachings (Tantra)
נושאיםTopics:Secret WordsKarma
חיי היום-יוםDaily life:death and dying
נמצא בfound inSecret Teachings (Tantra)
מספר טוהוקוTohoku numberToh 597 · Tantra (all)
מהדורהrecensionDerge
כותרת בסנסקריטSanskrit titleA'ARYA SARBBA DURGA TI PA RI SHO DHA NI AUshn'I shA BI DZA YA N'A MA DH'A RA nI
כניעה לhomage toBYANG CHUB SEMS DPA' THAMS CAD
הפנדיטה ההודיIndian panditaDZI NA MI TRA
הלוצאווה הטיבטיTibetan lotsawaBANDHE YE SHES SDES
פוליוfolios211b–218a
צורהformmixed
מצב תרגוםtranslationno English of the text
כיסוי המילון לכותרתdictionary coverage of the title62%
ז'אנרgenreSecret Formulathe Tibetan title ends in GZUNGS — the work names itself a Secret Formula
מקום החיבורplace of compositionthe Heaven of Thirty-Threethe god Susthita is in the great celestial palace before the Hall of Good Dharma, among the gods of the Thirty-Three
ישותdeityUshnishavijayathe All-Victorious Crown, named in both title lines
אנשים ומקומותpeople and places namedSusthita · Jinamitra · Surendrabodhi · Yeshe Dethe god Susthita hears the voice in the night; the colophon names two Indian abbots with the chief editor-translator
רמת קושיlevelentry
לחיי היום־יוםfor daily lifedeath and dying
הכותרת אומתה מול הטקסטtitle verified against the textyesSanskrit and Tibetan title lines both match, and the closing repeats it

הקבציםThe files

KL00597_'PHAGS PA NGAN 'GRO THAMS CAD YONGS SU SBYONG BA GTZUG TOR RNAM PAR RGYAL BA ZHES BYA BA'I GZUNGS (Ārya Sarva Durgati Pariśodhanī Uṣṇīṣa Vijaya Nāma Dhāraṇī).txt/12. RGYUD_Secret Teachings (Tantra)/VOL 12 (NA)

הטקסטThe text

טיבטיתTibetanKL00597_'PHAGS PA NGAN 'GRO THAMS CAD YONGS SU SBYONG BA GTZUG TOR RNAM PAR RGYAL BA ZHES BYA BA'I GZUNGS (Ārya Sarva Durgati Pariśodhanī Uṣṇīṣa Vijaya Nāma Dhāraṇī).txt17,555 תוויםcharacters
211b

RGYA GAR SKAD DU, A'ARYA SARBBA DURGA TI PA RI SHO DHA NI AUshn'I shA BI DZA YA N'A MA DH'A RA nI, BOD SKAD DU, 'PHAGS PA NGAN 'GRO THAMS CAD YONGS SU SBYONG BA GTZUG TOR RNAM PAR RGYAL BA ZHES BYA BA'I GZUNGS, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,DE NAS LHA'I BU SHIN TU BRTAN PA ZHES BYA BA ZHIG SUM CU RTZA GSUM GYI LHA RNAMS KYI NANG CHOS BZANG LHA'I MDUN SA NA GNAS TE, LHA'I GZHAL YAS KHANG CHEN PO NA LHA'I LONGS SPYOD CHEN PO DANG, LHA'I BU MO'I TSOGS CHEN POS BSKOR NAS RTZE DGA' ZHING DGA' MGUR SPYOD DE, DE LHA'I LONGS SPYOD MYONG BA LAS MTSAN MO SGRA ZHIG THOS PA, LHA'I BU SHIN TU BRTAN PA ZHAG BDUN GYI NYIN PAR

212a

, ,'CHI BA'I DUS BYED DE, DE 'CHI BA'I DUS BYAS NAS KYANG 'DZAM BU'I GLING DU SKYES TE, DER YANG 'GRO BA BDUN PO MYONG BAR 'GYUR RO, ,'GRO BA BDUN PO MYONG NAS SEMS CAN DMYAL BAR SKYE BAR 'GYUR RO, ,BRGYA LA NAM ZHIG MIR SKYES PAR GYUR NA YANG DER DBUL POR 'GYUR ZHING DMUS LONG DU 'GYUR RO, ,ZHES DES THOS SO, ,DE NAS LHA'I BU DES SGRA DE THOS NAS 'JIG SKRAG SDANGS TE SPU ZING ZHES BYED PAR GYUR NAS DES RINGS PA RINGS PAR LHA'I DBANG PO BRGYA BYIN GA LA BA DER SONG STE PHYIN NAS DE NAS LHA'I DBANG PO BRGYA BYIN GYI RKANG PA LA PHYAG 'TSAL TE BRTABS PAR SMRA ZHING DE KYI HUD KYI HUD CES SMRE SNGAGS 'DON BZHIN DU LHA'I DBANG PO BRGYA BYIN LA 'DI SKAD CES SMRAS SO, ,LHA'I DBANG PO, GSAN DU GSOL,, LHA'I DBANG PO, BDAG DENG LHA'I BU MO'I TSOGS KYIS BSKOR TE LHA'I LONGS SPYOD KYI DGA' BAS RTZE ZHING BDE BA MYONG BA LAS SGRA ZHIG THOS PA, LHA'I BU SHIN TU BRTAN PA ZHAG BDUN NA 'CHI BA'I DUS BYED PAR 'GYUR TE, 'DZAM BU'I GLING DU SKYE BAR 'GYUR RO, ,DER YANG 'GRO BA BDUN MYONG NAS SEMS CAN DMYAL BAR SKYE BAR 'GYUR RO, ,BRGYA LA NAM ZHIG MIR SKYES PAR GYUR NA YANG DER DE DBUL POR 'GYUR ZHING DMUS LONG DU YANG 'GYUR RO, ,ZHES THOS NA, LHA'I DBANG PO, DE LA BDAG GIS JI LTAR BSGRUB PAR BGYI, DE NAS LHA'I DBANG PO BRGYA BYIN GYIS LHA'I BU

212b

SHIN TU BRTAN PA'I TSIG DE THOS NAS SHIN TU NGO MTSAR DU 'DZIN PAR 'GYUR TE, LHA'I BU 'DIS 'GRO BA BDUN PO GANG DAG MYONG BAR 'GYUR SNYAM DU SEMS SHING CANG MI SMRA BAR 'DUG PA DANG, 'GRO BA BDUN NI, PHAG GI SKYE GNAS DANG, KHYI DANG, WA DANG, SPRE'U DANG, SBRUL GDUG PA DANG, BYA RGOD DANG, BYA KHVA STE, 'GRO BA BDUN PO DE DAG SHIN TU MI GTZANG BA ZA BA MYONG BAR 'GYUR BA MTHONG NGO; ,DE NAS LHA'I DBANG PO BRGYA BYIN GYIS 'GRO BA BDUN PO DE DAG MTHONG NAS 'DI SNYAM DU AE MA LHA'I BU 'DI SDUG BSNGAL MI BZOD PA CHEN PO MYONG BAR 'GYUR NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MA GTOGS PAR DE'I SKYABS DANG, RTEN DANG, DPUNG GNYEN DU 'GYUR BA SU YOD SNYAM DU BSAMS SO, ,DE NAS LHA'I DBANG PO BRGYA BYIN NUB MO DE'I SROD LA SPOS DANG, ME TOG DANG, BDUG PA SNA TSOGS DANG, GOS DANG, RGYAN SNA TSOGS LA SOGS PA KHYER NAS BCOM LDAN 'DAS GA LA BA DER SONG STE PHYIN PA DANG, BCOM LDAN 'DAS KYI ZHABS LA MGO BOS PHYAG 'TSAL TE LAN BDUN BSKOR BA BYAS NAS MCHOD PA CHEN PO BYAS TE BCOM LDAN 'DAS KYI SPYAN SNGAR 'DUG NAS LHA'I BU SHIN TU BRTAN PA'I 'GRO BA BDUN PO DAG BCOM LDAN 'DAS LA ZHIB TU GSOL TO, ,LHA'I DBANG PO BRGYA BYIN GYIS 'GRO BA BDUN PO DE DAG GSOL MA THAG TU DE NAS BCOM LDAN 'DAS KYI GTZUG TOR NAS 'OD ZER SNA TSOGS BYUNG

213a

, ,STE; DES PHYOGS BCU'I 'JIG RTEN GYI KHAMS KYI GNAS THAMS CAD KUN NAS SNANG BAR BYAS TE SLAR LOG NAS BCOM LDAN 'DAS KYI ZHAL GYI SGOR ZHUGS SO, ,DE NAS BCOM LDAN 'DAS KYIS 'DZUM PA MDZAD NAS LHA'I DBANG PO BRGYA BYIN LA 'DI SKAD CES BKA' STZAL TO, ,LHA'I DBANG PO, GTZUG TOR RNAM PAR RGYAL BA ZHES BYA BA'I GZUNGS DE BZHIN GSHEGS PAS SPYI BO NAS DBANG BSKUR BA, NGAN 'GRO THAMS CAD YONGS SU SBYONG BA, SGRIB PA DANG SDUG BSNGAL BAR SKYE BA THAMS CAD 'JIG PAR BYED PA, SEMS CAN DMYAL BA DANG, BYOL SONG GI SKYE GNAS DANG, GSHIN RJE'I 'JIG RTEN THAMS CAD YONGS SU SBYONG BA, BDE 'GRO'I LAM DU 'JOG PA YOD DE, LHA'I DBANG PO, DE LTA BAS NA GTZUG TOR RNAM PAR RGYAL BA ZHES BYA BA'I GZUNGS NGAN 'GRO THAMS CAD YONGS SU SBYONG BA THOS MA THAG TU SGRIB PAR 'GYUR BA'I SDUG BSNGAL GYI RANG BZHIN SNA TSOGS SHIN TU MANG PO 'JIG PAR BYED DO, ,SKYE BA YONGS SU DAG PA'I RGYUD THOB PAR 'GYUR RO, ,TSE RABS THAMS CAD DU YANG TSE RABS DRAN PAR 'GYUR RO, ,SANGS RGYAS KYI ZHING NAS SANGS RGYAS KYI ZHING DU 'GRO BAR 'GYUR RO, ,LHA'I 'JIG RTEN NAS LHA'I 'JIG RTEN DU 'GRO BAR 'GYUR TE, LHA'I GNAS SUM CU RTZA GNYIS KYI BAR DU 'GRO BAR 'GYUR RO, ,LHA'I DBANG PO, DE BRJOD MA THAG TU TSE ZAD PA YANG TSE PHYIR NUR BAR

213b

'GYUR BA'I LAS THOB PAR 'GYUR RO, ,LUS DANG NGAG DANG YID KYI LAS YONGS SU DAG PA BSAGS PA BDE BAR REG PA LA GNAS PAS GNAS PAR 'GYUR RO, ,DE BZHIN GSHEGS PA THAMS CAD KYANG DE LA GZIGS SO, ,DE DAG DE LA RTAG TU RGYUN MI 'CHAD PAR SRUNG BA DANG, BSKYAB PA DANG, SBA BAR MDZAD PAR 'GYUR RO, ,BYANG CHUB SEMS DPA' THAMS CAD KYANG DE LA SEMS PAR 'GYUR, BRJOD PA TZAM GYIS SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DANG, YI DVAGS KYI YUL THAMS CAD SKEM PAR 'GYUR, RNAM PAR 'JIG PAR 'GYUR, RNAM BAR 'THOR BAR 'GYUR, RNAM PAR SEL BAR 'GYUR, STONG PAR 'GYUR RO, ,DE LTAR DE LA SANGS RGYAS KYI ZHING THAMS CAD DANG, LHA'I GNAS THAMS CAD DANG, BYANG CHUB SEMS DPA'I GNAS THAMS CAD KYI SGO RNAMS PHYE BAR 'GYUR RO, ,DE GANG 'DOD PA DER 'JUG PAR 'GYUR RO, ,DE NAS BCOM LDAN 'DAS LA LHA'I DBANG PO BRGYA BYIN GYIS 'DI SKAD CES GSOL TO, ,BCOM LDAN 'DAS, GZUNGS DE BKA' STZAL DU GSOL, SEMS CAN THAMS CAD KYI SROG LA SMAN GDAGS PA BSHAD DU GSOL, DE NAS BCOM LDAN 'DAS KYIS LHA'I DBANG BO BRGYA BYIN GYIS GSOL BA BTAB PA MKHYEN NAS GZUNGS 'DI DAG BKA' STZAL TO, ,AOm NA MO BHA GA BA TE SARBBA TREE LOKYA PRA TI PAm SHIsht'A YA BUDDHA YA TE NA MA:, TADYA TH'A, AOm BHR'Um BHR'Um BHR'Um, SHO

214a

, ,DHA YA SHO DHA YA, BI SHO DHA YA BI SHO DHA YA, AA SA MA SA MANTA AA BA BH'A SA SPHA RA nA GA TI, GA GA NA SVA BH'A BA BI SHUDDHE, AA BHI shINYTZANTU MAm, SARBBA TA TH'A GA T'A: SU GA TA BA RA BA TZA NA, AA MRi TA AA BHI shEKshEE RA, MA H'A MU DRA, MANDRA PA DEE:A'A HA RA A'A HA RA, MA MA A'A YU:SANDH'A RA nI, SHO DHA YA SHO DHA YA, BI SHO DHA YA BI SHO DHA YA, GA GA NA SVA BH'A BA BI SHUDDHE, AUshn'I shA BI DZA YA PA RI SHUDDHE, SA HA SRA RASMI SAm TZO DI TE, SARBBA TA TH'A GA TA AA BA LO KI NI, shAtPH'A RAm MI T'A PA RI P'U RA nI, SARBBA TA TH'A GA TA M'A TE DA SHA BH'U MI PRA TIshthI TE, SARBBA TA TH'A GA T'A HRI DA YA AA DHIshth'A NA AA DHIshthI TE, MU DRE MU DRE, MAH'A MU DRE, BADZRA K'A YA SAm HA TA NA, PA RI SHUDDHE, SARBBA KARMA A'A BA RA nA BI SHUDDHE, PRA TI NI BARDA YA, MA MA A'A YUR BI SHUDDHE, SARBBA TA TH'A GA T'A SA MA YA AA DHIshth'A NA AA DHIshthI TE, AOm MU NE MU NI, MA H'A MU NI, BI MU NI BI MU NI, MAH'A BI MU NI, MA TI MA TI, MA H'A MA TI, MA MA TI, SU MA TI, TA TH'A GA T'A, BH'U TA KO tI, PA RI SHUDDHE BI SPHU tA, SHUDDHE SHUDDHE, HE HE, DZA YA DZA YA, BI DZA YA BI DZA YA, SMA RA SMA RA, SPHA RA SPHA RA, SPH'A RA YA SPH'A RA YA, SARBBA BUDDH'A AA DHIshth'A NA AA DHIshth'I TE, SHUDDHE SHUDDHE, BUDDHE BUDDHE, BADZRE BADZRE MA H'A BADZRE, SU BADZRE, BADZRA GARBHE, DZA YA GARBHE, BI DZA YA GARBHE, BADZRA DZV'A LA GARBHE, BADZRA AUD BHA BA, BADZRA SAm BHA BE, BADZRE BIDZR'A NI, BADZRAMBHA BANTU, MA MA SHI R'I RAm SARBA SATV'A N'ANYTZA K'A YA PA RI

214b

SHUDDHIR BHRA BA TUm, SA D'A ME SARBBA GA TI PA RI SHUDDHI SHTZA, SARBBA TA TH'A GA T'A SHTZA M'Am SA MA SHVA SA YANTU, BUDHYA BUDHYA, SIDHYA SIDHYA, BO DHA YA BO DHA YA, BI BO DHA YA BI BO DHA YA, MO TZA YA MO TZA YA, BI MO TZA YA BI MO TZA YA, SHO DHA YA SHO DHA YA, PI SHO DHA YA BI SHO DHA YA, SA MANTU, MO TZA YA MO TZA YA, SA MANTA RASMI PA BI SHUDDHE, SARBBA TA TH'A GA T'A HRI DA YA AA DHIshth'A NA AA DHIshth'I TE, MU DRE MU DRE; MA H'A MU DRE MA H'A MU DRE MANDR'A PA DEE:SV'AH'A, LHA'I DBANG PO, GTZUG TOR RNAM PAR RGYAL BA ZHES BYA BA'I GZUNGS, NGAN 'GRO THAMS CAD YONGS SU SBYONG BA, SDIG PA DANG, LAS DANG, SGRIB PA THAMS CAD RNAM PAR SBYONG BA, BDE 'GRO'I LAM THAMS CAD DU 'GRO BA DANG, NGAN 'GRO THAMS CAD RNAM PAR 'JIG PAR BYED PA 'DI NI, SANGS RGYAS BCOM LDAN 'DAS GANG+G'A'I KLUNG 'BUM PHRAG BYE BA PHRAG BRGYAD CU RTZA BRGYAD KYI BYE MA SNYED DAG GIS GSUNGS PA, BYIN GYIS BRLABS PA, RJES SU YI RANG BAR MDZAD PA, DE BZHIN GSHEGS PA THAMS CAD KYI YE SHES KYI PHYAG RGYAS BTAB PA STE, SEMS CAN THAMS CAD BDE 'GROR 'GRO BAR BYA BA DANG, NGAN 'GROR LHUNG BA RNAMS BZLOG PA DANG, SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN LA SOGS PA SDUG BSNGAL GYI GNAS THAMS CAD DU SDUG BSNGAL ZHING NYAM NGA BAR GYUR PA RNAMS DANG, SDUG BSNGAL GYI RGYA MTSOR LHUNG BA'I SEMS CAN RNAMS

215a

, ,RNAM PAR GROL BAR BYA BA'I PHYIR GSUNGS PA'O, ,DE BZHIN DU SEMS CAN TSE THUNG ZHING SKAL BA CHUNG BA DANG, SMAD PA DANG, BSAM PA NYAMS PA DANG, SEMS CAN LAM LAS NYAMS PA RNAMS KYI DON DU GZUNGS 'DI 'DZAM BU'I GLING DU BZHAG GO ,LHA'I DBANG PO, KHYOD KYIS GZUNGS 'DI ZUNGS LA LHA'I BU SHIN TU BRTAN PA LA SGROGS SHIG , BSGRAGS NAS KYANG GDON PA DANG, KHA TON DU BYA BA DANG, BSAM PA DANG, BSGOM PA DANG, DRAN PAR BYA BA DANG, MCHOD PA DANG, GZUNG BA DANG, KUN CHUB PAR BYA BA LA DE SBYOR BAR GYIS SHIG DANG, DE LTAR LHA'I GNAS THAMS CAD NA 'KHOD PA'I LHA'I BU RNAMS DANG, 'DZAM BU'I GLING PA'I SEMS CAN RNAMS KYI DON DANG, PHAN PA DANG, BDE BA'I PHYIR GZUNGS KYI PHYAG RGYA DANG, GSANG SNGAGS 'DI DAG KHYOD LA GTAD DO, ,DE'I PHYIR LHA'I DBANG PO KHYOD KYIS GZUNG BAR BYA'O, ,LHA'I DBANG PO, GZUNGS 'DI THOS MA THAG TU BSKAL PA BRGYA STONG DU BSAGS PA'I LAS KYI SGRIB PA YONGS SU BYANG BAR 'GYUR RO, ,SKYE BAR SKYE BA RNAM PA SNA TSOGS SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DANG, YI DVAGS KYI YUL DANG, LHA MA YIN GYI RIS DANG, 'DI LTA STE, GNOD SBYIN DANG, SRIN PO DANG, 'BYUNG PO DANG, SHA ZA DANG, SRUL PO DANG, LUS SRUL PO DANG, KHYI

215b

DANG, RUS SBAL DANG, SBRUL DANG, GCAN GZAN KHRO BO DANG, BYA DANG, SBRANG BU DANG, SBRANG MA DANG, SDIG SBRUL DANG, GROG SBUR LA SOGS PA'I SROG CHAGS KYI RIGS SU PHYIS MI SKYE BAR SHES PAR BYA'O, ,GZHAN DU NA DE BZHIN GSHEGS PA DANG PHRAD PA DANG, BYANG CHUB SEMS DPA'I RIGS SU SKYE BA NI, MA GTOGS SO, ,DE RIGS CHEN PO 'DI LTA STE, BRAM ZE'I RIGS SHING S'A LA CHEN PO LTA BU'AM, RGYAL RIGS SHING S'A LA CHEN PO LTA BU'AM, TSONG DPON GYI RIGS SHING S'A LA CHEN PO LTA BUR SKYE'O ZHES DA SMRA'O, ,LHA'I DBANG PO, DE LTAR NA GZUNGS 'DI'I MTHUS BYANG CHUB KYI SNYING PO LA MTHAR THUG GI BAR DU SKYE BA YONGS SU DAG PA CHEN PO 'THOB STE, LHA'I DBANG PO, GZUNGS 'DI NI, DE LTAR MTHU CHE STE, LHA'I DBANG PO GZUNGS 'DI NI, DE LTAR MTHU CHE BA, PHAN YON CHE BA, MTHU STOBS CHE BA, DGE ZHING SHIS PA YIN TE, LHA'I DBANG PO, SEMS CAN RNAMS KYI DON GYI PHYIR GTZUG TOR RNAM PAR RGYAL BA ZHES BYA BA'I GZUNGS NGAN 'GRO THAMS CAD YONGS SU SBYONG BA 'DI BZHAG GO ,'DI LTA STE, DPER NA, NOR BU RIN PO CHE NYI MA'I SNYING PO SHIN TU DRI MA MED PA NAM MKHA' LTAR YONGS SU DAG PA 'OD GSAL BA NI, 'OD ZER GYI SNANG BAS 'BAR ZHING 'DUG GO ,LHA'I DBANG PO, DE BZHIN DU SEMS CAN DE YANG GOS PA MED PAR SHES PAR BYA'O, ,'DI LTA STE, DBER

216a

, ,NA; 'DZAM BU'I CHU BO'I GSER NI, DRI MA MED PA, SHIN TU YONGS SU DAG PA, SHIN TU MNYEN PA, SHIN TU SDUG PA'O, ,LHA'I DBANG PO, DE BZHIN DU SEMS CAN DE YANG SHIN TU YONGS SU DAG PAR RIG PAR BYA STE, TSE RABS GZHAN DU YANG DE BZHIN DU SKYE BAR 'GYUR RO, ,LHA'I DBANG PO, GANG NA GZUNGS 'DI RAB TU STON PA DANG, BYE BRAG TU NA YI GER 'DRIR 'JUG PA DANG, 'DZIN PA DANG, KLOG PA DANG, GDON PA DANG, KHA TON DU BYED PA DANG, MCHOD PA DANG, KUN CHUB BAR BYED PA DANG, NYAN PA DANG, 'DZIN PAR 'GYUR BA DER 'GRO BA THAMS CAD YONGS SU DAG BAR 'GYUR, SEMS CAN DMYAL BA THAMS CAD RGYUN CHAD PAR 'GYUR RO, ,LHA'I DBANG PO, GZUNGS 'DI YI GER BRIS TE RGYAL MTSAN GYI RTZE MOR GZHAG PAR BYA, RI MTHON PO'AM, KHANG PA MTHON PO'AM, MCHOD RTEN GYI SROG SHING GI STENG DU GZHAG PAR BYA'O, LHA'I DBANG PO, DGE SBYONG NGAM, DGE SLONG MA'AM, DGE BSNYEN NAM, DGE BSNYEN MA'AM, DE LAS GZHAN PA'I RIGS KYI BU'AM, RIGS KYI BU MO GANG GIS RGYAL MTSAN GYI RTZE MOR BZHAG PA MTHONG NGAM, DE DANG DE NYE BAR GNAS PAR GYUR NA, THA NA DE'I GRIB MAS PHOG GAM, DE'I RDUL RLUNG GIS BTAB PAS PHOG NA YANG LHA'I DBANG PO, SEMS CAN DE LA SDIG PA THAMS CAD DANG, NGAN 'GROR 'GRO BA'I 'JIGS

216b

PA THAMS CAD MI 'BYUNG NGO, ,SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DANG, YI DVAGS DANG, LHA MA YIN GYI RIS THAMS CAD DU MI SKYE BAR 'GYUR RO; ;LHA'I DBANG PO, SEMS CAN DE NI, DE BZHIN GSHEGS PA THAMS CAD KYIS LUNG BSTAN CING BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR RIG PAR BYA'O, , LHA'I DBANG PO, MCHOD PA DANG, RIM GRO BYED CING ME TOG DANG, BDUG PA DANG, SPOS DANG, ME TOG PHRENG BA DANG, BYUG PA DANG, GDUGS DANG, RGYAL MTSAN DANG, BA DAN DANG, RGYAN RNAMS KYIS BRGYAN PAR BYED PA DANG, LAM GYI BZHI MDOR MCHOD RTEN BYAS TE GZUNGS 'DI BZHAG PA LA THAL MO SBYOR BA'AM, PHYAG 'TSAL BA'AM, BSKOR BA BYED PA LTA CI SMOS TE, LHA'I DBANG PO, SEMS CAN DE NI, SEMS CAN CHEN POR RIG PAR BYA'O, ,DE BZHIN GSHEGS PA'I SRAS SU RIG PAR BYA'O, ,CHOS KYI GNAS SU RIG PAR BYA'O, ,DE BZHIN GSHEGS PA'I MCHOD RTEN DU RIG PAR BYA'O, ,DE NAS CHOS KYI RGYAL PO GSHIN RJE NUB MO NAM LANGS NAS BCOM LDAN 'DAS GA LA BA DER SONG STE BCOM LDAN 'DAS LA LHA'I ME TOG DANG, GOS DANG, RGYAN LA SOGS PAS MCHOD PA DANG, BSTI STANG BYAS NAS DES BCOM LDAN 'DAS LA LAN BDUN BSKOR BA BYAS NAS BCOM LDAN 'DAS KYI ZHABS LA GTUGS NAS 'DI SKAD CES GSOL

217a

, ,TO; ;BCOM LDAN 'DAS, GZUNGS 'DI NI, MTHU CHE ZHING PHAN YON CHE BA LAGS TE, BCOM LDAN 'DAS, BDAG KYANG RTAG TU RGYUN MI 'CHAD PAR SEMS CAN DE'I SLAD BZHIN DU 'BRANG ZHING KUN TU BSRUNG BA DANG, YONGS SU BSKYAB PA'I SLAD DU GNAS PAR BGYI'O, ,SEMS CAN DMYAL BA THAMS CAD LAS DE BZLOG PAR BGYI'O, , BCOM LDAN 'DAS, BDAG NI, BYAS PA GZO BAR BGYID CING BYAS PA MI GZO BAR MI BGYID DO, ,DE NAS RGYAL PO CHEN PO BZHIS BCOM LDAN 'DAS LA LAN GSUM BSKOR BA BYAS TE BCOM LDAN 'DAS LA 'DI SKAD CES GSOL TO, ,BCOM LDAN 'DAS, GZUNGS 'DI'I CHO GA ZHIB MO DANG, BGYI BA'I CHO GA'I TSUL RGYAS PAR BSHAD DU GSOL, DE NAS BCOM LDAN 'DAS KYIS RGYAL PO CHEN PO BZHI PO DAG LA 'DI SKAD CES BKA' STZAL TO, ,NYON CIG DANG GZUNGS 'DI'I BYA BA'I TSUL BSHAD PAR BYA'O, ,SEMS CAN TSE THUNG BA'I DON GYI PHYIR RIGS KYI BU'AM, RIGS KYI BU MOS TSES BCO LNGA'I ZLA BA NYA LA KHRUS BYAS TE LAN STONG RTZA BRGYAD BZLAS BRJOD BYAS NA, NGES SEMS CAN TSE ZAD PA DE'I TSE PHYIR NUR NAS NAD THAMS CAD DANG BRAL BAR 'GYUR RO, ,SGRIB PA THAMS CAD RNAM PAR DAG PA THOB PAR 'GYUR RO, ,SEMS CAN DMYAL BA LA SOGS PA NGAN 'GRO THAMS CAD LAS

217b

YONGS SU THAR PAR 'GYUR RO, ,THA NA DUD 'GRO'I SKYE GNAS SU SONG BA'I SROG CHAGS BYA'I RNA LAM DU GZUNGS 'DI'I SGRA BSGRAG PAR BYA STE, DES NI, DE'I NGAN 'GRO'I THA MA YIN PAR RIG PAR BYA'O; ;GANG ZHIG NAD CHEN POS BTAB STE SMAN PA THAMS CAD KYIS BYE BRAG MA PHYE BA DE YANG NAD DE LAS YONGS SU THAR PAR 'GYUR RO, ,DE'I NGAN 'GROR SKYE BA THAMS CAD KYANG RGYUN CHAD PAR 'GYUR RO, ,SHI 'PHOS NAS KYANG 'JIG RTEN GYI KHAMS BDE BA CAN DU SKYE BAR 'GYUR RO, ,DE NYID DE'I MNGAL GYI GNAS THA MA YIN PAR RIG PAR BYA'O, ,GANG DANG GANG DU SKYES PA DE DANG DER PADMA'I SNYING PO KHO NA LAS BRDZUS TE SKYE BAR 'GYUR RO, ,TSE RABS THAMS CAD DU YANG TSE RABS DRAN PAR 'GYUR RO, ,SEMS CAN SDIG PA BYED PA GANG DAG SHI BA'I DUS BYAS PA DE DAG GI DON DU GZUNGS YUNGS KAR DAG LA LAN NYI SHU RTZA GCIG YONGS SU BRJOD DE, DE DAG GI RUS GONG RNAMS KYI STENG DU GTOR NA, DE DAG DMYAL BA'AM, DUD 'GRO'I SKYE GNAS SAM, GSHIN RJE'I 'JIG RTEN NAM, YI DVAGS SAM, DE LAS GZHAN NGAN 'GRO RNAMS SU SKYES PAR GYUR KYANG RUNG STE, DE DAG GZUNGS 'DI'I MTHUS NGAN 'GRO DE DAG LAS THAR PAR 'GYUR RO; ;DE DAG LAS THAR NAS KYANG LHAR SKYE BAR 'GYUR RO, ,SU ZHIG 'DI NYIN GCIG BZHIN DU LAN NYI SHU RTZA RE RE YONGS SU BRJOD PA DE 'JIG RTEN MANG PO'I MCHOD PA'I 'OS SU 'GYUR RO, ,

218a

, ,TSE RING BAR 'GYUR RO, ,BDE BA MYONG BAR 'GYUR RO, ,RTAG TU SPRO BA DANG LDAN PA DANG; MYA NGAN LAS 'DAS PA CHEN PO THOB PAR 'GYUR RO, ,SHI 'PHOS NAS KYANG 'JIG RTEN GYI KHAMS BDE BA CAN DU SKYE BAR 'GYUR RO, ,DE NAS KYANG SANGS RGYAS KYI ZHING THA DAD PA SNA TSOGS SU 'GRO PAR 'GYUR RO, ,DER YANG DE BZHIN GSHEGS PA THAMS CAD DANG PHRAD PAR 'GYUR, ,DE BZHIN GSHEGS PA THAMS CAD KYIS KYANG DBUGS 'BYIN PAR 'GYUR, DE BZHIN GSHEGS PA THAMS CAD KYIS LUNG STON PAR 'GYUR RO, ,SANGS RGYAS KYI ZHING THAMS CAD DU YANG 'JIG RTEN LA SNANG BAR BYED PAR 'GYUR RO, ,LHA'I DBANG PO, THABS 'DIS NI, 'GRO BA THAMS CAD KYANG SEMS CAN DMYAL BA LA SOGS PA'I 'GRO BA THAMS CAD LAS YONGS SU THAR PAR 'GYUR RO, ,DE DAG GI 'GRO BA THAMS CAD KYANG YONGS SU DAG CING TSE RING BAR YANG 'GYUR RO, ,LHA'I DBANG BO, SONG LA LHA'I BU BLO GROS SHIN TU BRTAN PA LA GZUNGS 'DI RJES SU STON LA SGROGS SHIG ,LHA'I DBANG PO, DES NA ZHAG BDUN NA LHA'I BU SHIN TU BRTAN PA'I 'GRO BA THAMS CAD YONGS SU DAG CING TSE RING BAR 'GYUR RO, , STOBS CHE BAR 'GYUR RO, ,DE NAS LHA'I DBANG PO BRGYA BYIN GYIS DE BZHIN GSHEGS PA LAS RJES SU BSTAN PA 'DI BLANGS TE DE'I GNAS SU PHYIN NAS LHA'I BU SHIN TU BRTAN PA LA

218b

GZUNGS 'DI BYIN NO, ,DE NAS LHA'I BU DES NYI MA BDUN BA'I BAR DU NYIN DRUG MTSAN DRUG TU GZUNGS 'DI LA BRTZON PAR BYAS PA NA DE'I BSAM PA THAMS CAD PHUN SUM TSOGS PA 'DI LTA STE, NGAN 'GRO LAS NI, YONGS SU THAR, BDE 'GRO'I LAM LA YANG DAG GNAS, TSE RING BAR YANG GYUR NAS AA LA LA SANGS RGYAS, AA LA LA CHOS, AA LA LA GZUNGS 'DI LTA BU 'JIG RTEN DU BYUNG STE; DES BDAG 'JIGS PA CHEN PO LAS YONGS SU THAR PAR GYUR RO, ,ZHES CHED DU BRJOD PA CHED DU BRJOD DO, ,'PHAGS PA NGAN 'GRO THAMS CAD YONGS SU SBYONG BA GTZUG TOR RNAM PAR RGYAL BA ZHES BYA BA'I GZUNGS RDZOGS SO,, ,,RGYA GAR GYI MKHAN PO DZI NA MI TRA DANG, SU RENDRA BO DHI DANG, ZHU CHEN GYI LO TZTSA BA BANDHE YE SHES SDES BSGYUR CING ZHUS TE GTAN LA PHAB PA, ,