,RGYA GAR SKAD DU, A'ARYA MAH'A PRA TI SA RA BIDY'A R'I DZNY'I, BOD SKAD DU; 'PHAGS PA RIG PA'I RGYAL MO SO SOR 'BRANG BA CHEN MO, ,SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS
GCIG NA, BCOM LDAN 'DAS RDO RJE'I LHUN PO CHEN PO'I ZOM NA KHANG PA BRTZEGS PA RDO RJE CHEN PO'I TING NGE 'DZIN GYI SA'I GNAS, RDO RJE CHEN PO'I DPAG BSAM GYI SHING LJON PAS LEGS PAR BRGYAN PA, RDO RJE CHEN PO'I RDZING GI RIN PO CHE DANG PADMA'I 'OD KYIS SNANG BAR BYAS PA, SA PHYOGS RDO RJE CHEN PO'I BYE MA BDAL BA, RDO RJE CHEN POR BYIN GYIS BRLABS PA, 'KHOR GYI KHYAMS RDO RJE CHEN PO LAS BYAS PA, LHA'I DBANG PO BRGYA BYIN GYI RDO RJE'I SENG+GE'I KHRI CHEN PO BYE BA KHRAG KHRIG BRGYA STONG GIS RNAM PAR MDZES PA, CHOS BSTAN PA DANG, CHO 'PHRUL CAN SANGS RGYAS THAMS CAD KYI BYIN GYI RLABS KYIS BYIN GYIS BRLABS PA, CHOS THAMS CAD KYI MNYAM PA NYID LA 'JUG PA THAMS CAD MKHYEN PA NYID KYIS NGES PAR 'BYUNG BA NA BYANG CHUB SEMS DPA' BYE BA KHRAG KHRIG 'BUM PHRAG BRGYAD CU RTZA BZHI THAMS CAD KYANG SKYE BA GCIG GIS THOGS PA, BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA, MTHU CHEN PO THOB PA, RDO RJE CHEN PO'I RNAM PAR THAR PA DANG, TING NGE 'DZIN GYI SANGS RGYAS KYI ZHING DU MAR RNAM PAR 'PHRUL PA DANG, CHO 'PHRUL CHEN PO KUN TU STON PA, SEMS KYI SKAD CIG, THANG GCIG ,YUD TZAM GCIG LA SEMS CAN THAMS CAD KYI SEMS DANG, SPYOD PA'I RJES SU 'JUG PA'I CHOS STON PA SNA TSOGS SNYAN CING RGYA CHE LA ZAB CING YANGS PA DANG,
, ,SPEBS PA DANG, CHO 'PHRUL DANG LDAN PA, SANGS RGYAS KYI ZHI'I DU MAR DE BZHIN GSHEGS PA LA MCHOD PA CHEN PO'I SPRIN GYIS MCHOD PA DANG, RNAM PAR THAR PA'I SGO DANG, GZUNGS DANG, TING NGE 'DZIN DANG, DBANG PO DANG, MNGON PAR SHES PA DANG, MA 'DRES PA DANG, BYANG CHUB KYI YAN LAG DANG, LAM DANG, SA DANG, PHA ROL TU PHYIN PA DANG, THABS LA MKHAS PA DANG, BSDU BA'I DNGOS PO DANG, BYAMS PA DANG, SNYING RJE DANG, DGA' BA DANG, BTANG SNYOMS DANG, BYAMS PA'I STOBS DANG, BDEN PA DANG, YONGS SU BYANG BA'I SEMS KYI RGYUN DANG LDAN PA SHA STAG LA 'DI LTA STE, BYANG CHUB SEMS DPA' SEMS DPA' CHEN PO RDO RJE'I SNYING PO DANG, RDO RJE'I LUS DANG, RDO RJE'I BLO GROS DANG, LAG NA RDO RJE DANG, RDO RJE 'DUS PA DANG, RDO RJE MTHU BO CHE DANG, RDO RJE RNAM PAR 'PHRUL PA DANG, RDO RJE BRTZEGS PA DANG, RDO RJE PHUNG PO DANG, RDO RJE BZANG PO DANG, BYANG CHUB SEMS DPA' SEMS DPA' CHEN PO RDO RJE'I TOG DANG, DE DAG LA SOGS PA BYANG CHUB SEMS DPA' BYE BA KHRAG KHRIG 'BUM PHRAG BRGYAD CU RTZA BZHI DANG, NYAN THOS CHEN PO RAB TU MANG PO THAMS CAD KYANG DGRA BCOM PA, ZAG PA ZAD PA, SRID PAR KUN TU SBYOR BA YONGS SU CHAD PA, YANG DAG PA'I SHES PAS SEMS SHIN TU RNAM PAR GROL
BA; RDZU 'PHRUL GYI STOBS DANG, CHO 'PHRUL BSAM GYIS MI KHYAB PAS RNAM PAR 'PHRUL PA'I MTHU CHEN PO THOB PA, LTA BA CHAGS PA MED PA, THAMS CAD KYANG DRI MA DANG BRAL BA THOB PA, KUN NAS NYON MONGS PA'I BAG CHAGS KYI SA BON NGES PAR BSREGS PA SHA STAG LA 'DI LTA STE, TSE DANG LDAN PA SH'A RI'I BU DANG, TSE DANG LDAN PA BYAMS MA'I BU GANG PO DANG, TSE DANG LDAN PA KA PI NA DANG, TSE DANG LDAN PA RAB 'BYOR DANG, TSE DANG LDAN PA MOO DGAL GYI BU CHEN PO DANG, TSE DANG LDAN PA SKUL BYED DANG, TSE DANG LDAN PA DGA' BYED DANG, TSE DANG LDAN PA 'OD SRUNG DANG, TSE DANG LDAN PA 'OD SRUNG CHEN PO DANG, TSE DANG LDAN PA LTENG RGYAS 'OD SRUNG DANG, DE DAG LA SOGS PA NYAN THOS CHEN PO RAB TU MANG PO DANG, LHA'I BU DBANG PHYUG CHEN PO LA SOGS PA GNAS GTZANG MA'I RIS KYI LHA'I BU GRANGS MED DPAG TU MED PA, BRJOD DU MED PA'I YANG BRJOD DU MED PA DAG DANG, MI MJED KYI BDAG PO TSANGS PA LA SOGS PA TSANGS RIS KYI LHA'I BU RNAMS DANG, LHA'I BU RAB 'THAB BRAL G-YOG 'THAB BRAL GYI RIS KYI LHA'I BU DANG BCAS PA DANG, YONGS SU DGA' LDAN DANG, 'PHRUL DGA' DANG, GZHAN 'PHRUL DBANG BYED DANG, LHA'I DBANG PO BRGYA BYIN LHA'I BU THAMS CAD KYI 'KHOR CAN DANG, LHA MA YIN GYI DBANG PO THAGS BZANG RIS DANG, STOBS CAN DANG, RAB SIM DANG, SGRA GCAN
, ,DANG, RNAM PAR SNANG BYED DANG, DE DAG LA SOGS PA LHA MA YIN GYI DBANG PO TSAD MED GRANGS MED DPAG TU MED PA RNAMS DANG, KLU'I RGYAL PO RGYA MTSO DANG, 'JOG PO DANG, NOR RGYAS KYI BU DANG, DUNG SKYONG DANG, STOBS KYI RGYU DANG, PADMA DANG, PADMA CHEN PO DANG, DE DAG LA SOGS PA KLU'I RGYAL PO TSAD MED GRANGS MED DPAG TU MED PA RNAMS DANG, MI'AM CI'I RGYAL PO LJON PA MI 'AM CI'I RGYAL PO G-YOG DU MA CAN DANG, DRI ZA'I RGYAL PO ZUR PHUD LNGA PA DRI ZA'I RGYAL PO G-YOG DU MA CAN DANG, RIG SNGAGS 'CHANG GI RGYAL PO DON THAMS CAD GRUB PA RIG SNGAGS 'CHANG GI RGYAL PO G-YOG DU MA CAN DANG, NAM MKHA' LDING GI RGYAL PO GSER MIG NAM MKHA' LDING GI RGYAL PO G-YOG DU MA CAN DANG, GNOD SBYIN GYI RGYAL PO RNAM THOS KYI BU DANG, NOR BU BZANG DANG, GANG BA BZANG DANG, LNGAS RTZEN GNOD SBYIN GYI RGYAL PO G-YOG DU MA CAN DANG, 'PHROG MA BU LNGA BRGYA'I G-YOG DU MA CAN DANG, 'JIG RTEN GYI MA BDUN DANG, SRIN MO CHEN MO BDUN DANG, DRANG SRONG GI MCHOG CHEN PO BDUN DANG, BAR SNANG LA RGYU BA'I RGYU SKAR DANG, GZA' THAMS CAD KYI LHA RNAMS DANG, PHYOGS KYI LHA RNAMS DANG, PHYOGS MTSAMS KYI LHA RNAMS DANG, SA'I LHA DANG, DBYANGS CAN DANG, 'BYUNG PO RNAMS DANG,
BGEGS RNAMS DANG, LOG 'DREN RNAMS DANG, YI DVAGS RNAMS DANG, 'BYUNG PO RDZU 'PHRUL CHEN PO RNAMS DANG, RI'I RGYAL PO THAMS CAD DANG, 'JIG RTEN SKYONG BA CHU LHA G-YOG RGYA MTSO'I LHA THAMS CAD DANG BCAS PA DANG, 'PHAGS SKYES PO DANG, MIG MI BZANG DANG, LAG NA BE CON DANG, BDEN BRAL DANG, ME'I LHA DANG, RLUNG GI LHA CHEN PO BDUN DANG, DBANG BDAG CHUNG MA DANG BCAS PA G-YOG BYE BA KHRAG KHRIG 'BUM PHRAG DU MA CAN DANG, SRED MED KYI BU G-YOG DANG BCAS PA DANG, BYIN PA PO DANG, PHRANG BA CAN DANG, ZLA BA CAN DANG, LCAGS CAN DANG, TSOGS KYI BDAG PO CHEN PO DANG, SPRIN TA LA LA DANG, LOG 'DREN GYI DBANG PO BGEGS LOG 'DREN GYI DBANG PO G-YOG DU MA CAN DANG, SHING GSEB KYI LHA DRUG CU DANG, SRING MO BZHI MING PO DANG BCAS PA DANG, RDO RJE'I LU GU RGYUD DANG, RDO RJE'I PHO NYA MO DRUG CU RTZA BZHI DANG, RDO RJE'I SDE DANG, LAG BZANG DANG, GTZUG GIS 'GRO RDO RJE'I RIS KYI 'KHOR DU MA DANG BCAS PA DANG, DE LAS GZHAN PA SANGS RGYAS DANG, CHOS DANG, DGE 'DUN LA MNGON PAR DAD PA'I LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG, 'BYUNG PO DANG, YI DVAGS DANG, SHA ZA DANG, GRIB GNON DANG, SMYO BYED DANG, BRJED BYED DANG,
, ,SKEM BYED DANG, SGRUB PA DANG, SBRUL 'DZIN BCAS PA DANG, GNON PO TSAD MED GRANGS MED DPAG TU MED PA DAG DANG, LHA'I BU NYI MA DANG, LHA'I BU ZLA BA DANG, NUB KA'I LHA DANG, NANG PAR GYI LHA DANG, DUS KYI LHA THAMS CAD DANG, SA'I LHA DANG THABS CIG TU BZHUGS TE, BCOM LDAN 'DAS DE CHOS KYI 'KHOR LO NI SHIN TU BSKOR, SANGS RGYAS KYI MDZAD PA NI, SHIN TU YONGS SU MTHAR PHYIN, BSOD NAMS DANG YE SHES KYI TSOGS NI, SHIN TU YONGS SU RDZOGS, THAMS CAD MKHYEN PA NI SHIN TU YONGS SU BZUNG, BYANG CHUB CHEN PO'I PHYIR PHA ROL TU PHYIN PA DANG SA NI BRNYES, SKYES BU CHEN PO'I MTSAN SUM CU RTZA GNYIS KYIS BRGYAN PA'I SKU NI RAB TU 'BAR, YAN LAG DANG NYING LAG THAMS CAD NI DPE BYAD BZANG PO BRGYAD CUS RNAM PAR SPRAS, DBU'I GTZUG NI SEMS CAN THAMS CAD KYIS BLTAR MI MTHONG, BDUD KYI LAS THAMS CAD LA NI MKHAS, SEMS CAN THAMS CAD KYI SEMS DANG SPYOD PA NI SHES, SPYAN RNAM PA LNGA NI MNGA', RNAM PA THAMS CAD KYI MCHOG DANG NI LDAN, THAMS CAD MKHYEN PA'I YE SHES DANG NI LDAN, SANGS RGYAS KYI CHOS THAMS CAD DANG NI LDAN, BDUD DANG PHAS KYI RGOL BA'I TSOGS THAMS CAD NI BCOM, GRAGS PA DANG, SGRA
DANG, TSIGS SU BCAD PAS NI 'PHAGS, KHYU MCHOG DANG SENG+GE'I SGRA NI SGROG ,MA RIG PA'I MUN PA NI KUN TU BSAL, BSKAL PA BYE BA KHRAG KHRIG 'BUM PHRAG GRANGS MED DPAG TU MED PAR SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB DANG, THABS DANG, STOBS DANG, SMON LAM DANG, YE SHES KYI PHA ROL TU PHYIN PA DANG, BYA DKA' BA'I SPYOD PA LAS NI PHYIR MA LOG ,SKU NI SKYES BU CHEN PO'I MTSAN SUM CU RTZA GNYIS DANG DPE BYAD BZANG PO BRGYAD CUS BRGYAN TE RAB TU MDZES SHING RDO RJE RIN PO CHE'I PADMA'I SNYING PO'I SENG+GE'I KHRI CHEN PO RDO RJE RIN PO CHE DANG, MU TIG DANG, DRIL BU G-YER KA'I DRA BA DU MA SGRA 'BYUNG BA, RTZA BA'I DRUNG NA RDO RJE RIN PO CHE'I STEGS BU DU MA SHIN TU BRTAN PAR GNAS PA, RDO RJE'I RIN PO CHE'I CHU SRIN DU MA'I KHA NAS BYUNG BA'I MU TIG DMAR PO'I PHRENG BA BRES PA'I PHANG BSHAMS PA, RIN PO CHE DU MA PADMA'I SNYING PO LA CHAGS PA, RIN PO CHE KE KE RU DANG, KE KE RU CHEN PO DANG, AANDA RNYIL DANG, AANDA RNYIL CHEN PO DANG, DUN LAS KYI 'OD ZER CHEN PO 'TSER BAS SNANG BAR BYAS TE KUN NAS MDZES PA; GDUGS RTZA BA DANG BCAS PA, RDO RJE RIN PO CHE'I SHAR BU DU MAS RNAM PAR BRGYAN PA, SKYE BA KHRAG KHRIG 'BUM PHRAG DU MAS RNAM PAR BRGYAN PA, BYE BA KHRAG KHRIG 'BUM PHRA
, ,DU MAS KUN NAS BSKYABS PA, DPAG BSAM GYI SHING DU MAS RGYAS PAR MDZES PAR BYAS PA, RDO RJE RIN PO CHE'I KHRI RI RAB TZAM LA BZHUGS TE GSER GYI RI BO'I RGYAL PO LTAR DPAL NI, RAB TU 'BAR, SA PHYOGS NI, NYI MA STONG BAS LHAG PA'I 'OD KYI DKYIL 'KHOR GYIS RNAM PAR BRGYAN, ZLA BA NYA BA LTAR 'JIG RTEN THAMS CAD LA SDUG PAR NI; SNANG, DPAG BSAM GYI SHING LJON PA CHEN PO LTAR SANGS RGYAS KYI CHOS RNAMS NI, SHIN TU RGYAS SHING CHOS STON TE, TSANGS PAR SPYOD PA, THOG MAR DGE BA, BAR DU DGE BA; THA MAR DGE BA, DON BZANG PO, TSIG 'BRU BZANG PO, MA 'DRES PA, YONGS SU RDZOGS PA, YONGS SU DAG PA, YONGS SU BYANG BA YANG DAG PAR RAB TU STON TO, ,DE NAS BCOM LDAN 'DAS KYI SMIN MTSAMS KYI MDZOD SPU NAS 'OD ZER GYI DRA BA SANGS RGYAS THAMS CAD KYI ZHING KUN TU STON PA ZHES BYA BA BKYE STE, 'OD ZER GYI DRA BA DES STONG GSUM GYI STONG CHEN PO'I 'JIG RTEN GYI KHAMS 'DI SNANG BAS KHYAB PAR GYUR TO, ,SANGS RGYAS KYI ZHING GANG DAG NA SANGS RGYAS BCOM LDAN 'DAS SENG+GE'I KHRI BKOD PA DU MA'I KHANG PA BRTZEGS PA'I GZHAL MED KHANG NA NYAN THOS DANG, BYANG CHUB SEMS DPA' SEMS DPA' CHEN PO DANG, DGE SLONG DANG, DGE SLONG MA DANG, DGE BSNYEN DANG, DGE BSNYEN
MA DANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO THAMS CAD DANG THABS CIG TU CHOS STON PA'I SANGS RGYAS KYI ZHING GANG+G'A'I KLUNG GI BYE MA SNYED DANG MNYAM PA DE DAG THAMS CAD KYANG SNANG BA DES KHYAB PAR GYUR TO, ,DE NAS BCOM LDAN 'DAS KYIS 'KHOR PHAL PO CHE LA BKA' STZAL PA; SEMS CAN KUN LA SNYING BRTZE'I PHYIR, ,NYES PAR BYAS DANG GNOD PA KUN, ,RAB 'JOMS SO SOR 'BRANG BA YI, ,GZUNGS 'DI RAB TU BSHAD PAR BYA, ,'DI NI THOS PA TZAM GYIS KYANG, ,SDIG PA KUN NI ZAD PAR 'GYUR, ,SEMS CAN KUN LA BDE BA SBYIN, ,NAD DO COG LAS GROL BAR BYED, ,SEMS CAN KUN LA SNYING BRTZE BAS, ,LUS CAN NGAN 'GROR 'GRO BA DANG, ,DE DAG THAMS CAD BSKYAB PA'I PHYIR, ,'JIG RTEN DAG GI MGON POS GSUNGS, ,'DI YIS SRUNG BA BYAS NA NI, ,LHA MA YIN GYI GNAS SU 'JUG ,DE BZHIN LCANG LO CAN DANG NI, ,SRIN PO'I GNAS KYI SAR YANG 'GRO, ,'BYUNG PO KLU DANG SHA ZA RNAMS, ,MI BZAD 'JIGS PA'I G-YUL 'GYED PAR, ,'BYUNG PO'I TSOGS RNAMS THAMS CAD DANG, ,DGRA BO COG GIS MI TSUGS SO, ,MING TZAM BZUNG STE BRJOD BYAS KYANG, ,SKEM BYED BRJED BYED SMYO BYED DANG, ,MKHA' 'GRO MA DANG SHA ZA DANG, ,GDON RNAMS
, ,RAB TU BRLAG PAR 'GYUR, ,SO SOR 'BRANG BA'I GZI BRJID KYIS, ,GZI CHEN MDANGS RNAMS ZA BA DANG, ,MI YI SKYE RGU RNAMS 'TSE BA, ,DE DAG THAMS CAD RENGS BYED 'GYUR, ,BYAD STEMS MI BZAD GANG YIN DANG, ,PHA ROL DMAG TSOGS PHUNG BAR BYED, ,SNGAGS KYI LAS KYIS GNOD MI 'GYUR, ,RTZA BA'I LAS LAS RNAM PAR GROL, ,DUG DANG DUG SBYAR MES MI TSUGS, ,MTSON DANG CHUS KYANG TSUGS MI 'GYUR, ,LCE 'BAB GLOG GIS MI TSUGS TE, ,DUS KYI RLUNG GIS GNOD MI 'GYUR, , RIG PA'I RGYAL MO'I GZI BRJID KYIS, ,DGRA KUN RAB TU 'JOMS PAR 'GYUR, ,DE YI DON RNAMS THAMS CAD 'GRUB, ,RTAG TU RGYAL BA THOB PAR 'GYUR, ,GANG GIS RTAG TU MGUL PA'AM, ,LAG PAR RIG PA BTAGS NA NI, ,DE YI DGOS PA YOD DO COG ,'GRUB 'GYUR 'DI LA THE TSOM MED, ,BYANG CHUB SEMS DPA' CHEN PO DANG, , SANGS RGYAS RNAMS DANG RANG 'DREN DANG, ,DE BZHIN KLU YI RGYAL PO DANG, ,LHA DBANG RNAMS NI RTAG TU SRUNG, ,SO SOR 'BRANG BA'I GZUNGS 'DZIN LA, ,NYAN THOS SANGS RGYAS THAMS CAD DANG, ,RIG PA'I LHA MO RDZU 'PHRUL CHE, ,RTAG TU SRUNG BA BYED PAR 'GYUR, ,LAG NA RDO RJE GNOD SBYIN DBANG, ,DE BZHIN RGYAL PO BZHI RNAMS DANG, ,DE
LA NYIN DANG MTSAN RNAMS SU, ,SRUNG BAR BYED DE THE TSOM MED, ,BRGYA BYIN LHA DANG BCAS PA DANG, ,TSANGS PA KHYAB 'JUG DBANG CHEN DANG, ,DGA' BA'I DBANG PO NAG PO CHE, , SMIN DRUG BU DANG TSOGS KYI DBANG, ,MA MO'I TSOGS RNAMS THAMS CAD DANG, ,DE BZHIN BDUD RIS GZHAN RNAMS DANG, ,DRANG SRONG GZI BRJID CHE RNAMS DANG, ,RDZU 'PHRUL CHEN PO'I LHA RNAMS DANG, ,DE KUN SO SOR 'BRANG BA YI, ,GZUNGS 'DZIN DE LA SRUNG BAR BYED, ,SANGS RGYAS BDAG NYID CHE RNAMS DANG, ,RIG PA'I LHA MO STOBS CHEN DANG, ,BDAG GI MA DANG KHRO GNYER DANG, ,LHA MO SGROL MA LCAGS KYU DANG, ,RDO RJE LU GU RGYUD DANG DKAR, ,DE BZHIN DKAR MO CHEN MO DANG, ,NAG MO CHE DANG PHO NYA DANG, ,DE BZHIN RDO RJE PHO NYA DANG, ZHAGS PA BZANG DANG RDO RJE ZHAGS, ,LAG NA RDO RJE STOBS PO CHE, ,RIG PA LHA MO RDO RJE PHRENG, ,BDUD RTZI THAB SBYOR BYED PA DANG, ,GZHAN GYIS MI THUB LHA MO CHE, ,RNA BA NAG MO STOBS CHEN MO, ,DPAL YON LDAN PA SKAL CHEN DANG, ,RNA CHA GDUB KOR PADMA 'DRA, ,ME TOG SO CAN NOR BU GTZUG ,SKRA MDOG MDZES DANG KHYAB PA MO, ,LHA MO GZI BRJID CHEN MO DANG, ,DPAL YON LDAN PA GLOG PHRENG CAN, ,SRIN PO RAL PA GCIG PA DANG, ,SANGS RGYAS SRUNG ZHES BYA BA DANG, ,SKAL BA CHEN PO MI THOD CAN, ,LANGKA'I BDAG PO
, ,DPAL YON CAN, ,GZHAN YANG LHA MO MANG PO RNAMS, ,SEMS CAN RJES SU 'DZIN BYED DAG ,RIG PA GANG GI LAG NA GNAS, ,DE LA SRUNG BA BYED PAR 'GYUR, , 'PHROG MA DANG NI LNGAS RTZEN DANG, ,DUNG CAN DANG NI SO BRTZEGS MA, ,DPAL GYI LHA MO DBYANGS CAN YANG, ,DE YI RJES 'GRO RTAG TU SRUNG, ,SO SOR 'BRANG BA CHEN MO 'DI, , BUD MED GANG ZHIG RTAG 'CHANG NA, ,DE YI THAMS CAD 'GRUB PAR 'GYUR, ,RTAG PAR MNGAL NA BU PHO CHAGS, ,MNGAL RNAMS NA YANG BDE BAR SKYE, ,SBRUM MA DAG KYANG BDE BAR 'GYUR, ,NAD DANG SDIG PA THAMS CAD KYANG, ,'JIG PAR 'GYUR TE THE TSOM MED, ,BSOD NAMS LDAN ZHING STOBS DANG LDAN, ,NOR DANG 'BRU YANG RTAG TU 'PHEL, ,TSIG KYANG GZUNG DU 'OS PA DANG, ,MCHOD PA'I 'OS SU 'GYUR BA NYID, ,BUD MED DANG NI SKYES PA'ANG RUNG, ,GTZANG MA GANG ZHIG 'CHANG BSREL NA, ,DE NI SEMS CAN THAMS CAD DAG ,THAR PAR BYA PHYIR BRTZON PAR 'GYUR, ,RTAG TU BDE BAR 'GYUR BA YIN, ,NAD DO COG KYANG RNAM PAR SPANGS, ,SLAS DANG SKYE BO MANG BCAS PA'I, , RGYAL PO'ANG DE YI DBANG DU 'GYUR, ,PHUN SUM TSOGS PA RTAG TU 'BAR, ,BSOD NAMS PHUNG PO RNAM PAR 'PHEL, ,DE YI BSAM PA THAMS CAD 'GRUB, ,DKYIL 'KHOR
KUN TU ZHUGS PA YIN, ,RGYAL BA RNAMS KYI BKA' BZHIN DU, ,DE NI KUN TU DAM TSIG SHES, ,RMI LAM NGAN PA RMI MI 'GYUR, ,SDIG PA THAMS CAD 'PHROG PA'I MCHOG , SDIG PA RNAMS DANG DE BZHIN DU, ,DGRA YANG RAB TU PHUNG BAR BYED, ,GZA' KUN RNAM PAR GZHIG PA'I PHYIR, ,YE SHES DBANG PHYUG CHEN POS GSUNGS, ,'DOD PA THAMS CAD SBYIN PAR BYED, ,DE PHYIR RTAG TU BCANG BAR BYA, ,'BYUNG PO'I TSOGS RNAMS NGA LA NYON, ,NGA NI RAB TU 'DI BRJOD DO, ,DE BZHIN GSHEGS PA THAMS CAD LA PHYAG 'TSAL LO; ;SANGS RGYAS DANG, BYANG CHUB SEMS DPA' THAMS CAD DANG, SANGS RGYAS DANG, CHOS DANG, DGE 'DUN LA PHYAG 'TSAL LO, ,AOm BI PU LA GARBHE, BI PU LA BI MA LE, BI MAL GARBHE, BI MA LE, DZA YA GARBHE, BADZRA DZVA LA GARBHE, GA TI GA HA NI, GA GA NA BI SHO DHA NE, SARBBA P'A PA BI SHO DHA NE, AOm GU NA BA TI, GA GA NA, PI TZ'A RI nI GA GA RI nI GI RI GI RI; GI RI nI GI RI nI, GA MA RI GA MA RI, GA HA GA HA, GARG'A RI GARG'A RI, GA GA RI GA GA RI, GAm BHA RI, GAm BHA RI, GA BHI GA BHI, GA HI GA HI, GA MA NI GA MA NI, GA RI GA RI, GU BHA GU BHA, GU HA GU HA, GU RU GU nI, TZA LE GU HA NI, GU HA NI, GU RU nI, TZU LU TZU LU, TZA LE TZA LE, MU TZI LE MU TZU LE, DZA YE BI DZA YE, SARBBA BHA YA BI GA TE, SARBBA SAm
, ,RA KshA nI; SI RI SI RI, BHI RI BHI RI, MI RI MI RI, MI RI MI RI, GI RI GI RI, GHI RI GHI RI, SA MANTA BARshA nI, BCOM LDAN 'DAS MA SEMS CAN 'DREN MA, KUN NAS 'DREN MA, DGRA THAMS CAD 'JOMS PAR MDZAD MA, BDAG 'JIGS PA THAMS CAD DANG, GNOD PA THAMS CAD DANG, NAD 'GO BA THAMS CAD DANG, NAD THAMS CAD LAS SRUNG DU GSOL, SRUNG DU GSOL, TZI RI TZI RI, BI RI BI RI, DHI RI DHI RI, BI GA TA, A'A BA RA nE, BI SHO DHA NI, BI BI DHA, A'A PA RA nI, BI N'A SHA NI, MU RI MU RI, MU TZI MU TZI, MU LI MU LI, TZI LI TZI LI, KI LI KI LI, MI LE MI LE, KA MA LE, BI MA LE, DZA YE BI DZA YE, BI DZA Y'A, BA HE DZA YA BA TI, BA SHE shA BA TI, BCOM LDAN 'DAS MA RIN PO CHE'I COD PAN DANG, PHRENG BA MNGA' BA, CHA BYAD RNAM PA SNA TSOGS MNGA' BA, BCOM LDAN 'DAS MA RIG PA'I LHA MO CHEN MO, SDIG PA THAMS CAD RNAM PAR SBYONG BA; BDAG LA THAMS CAD DU KUN NAS SRUNG DU GSOL, SRUNG DU GSOL, HU RU HU RU, MU RU MU RU, RAKshA RAKshA MA MA, MGON MA MCHIS PA, SKYABS MA MCHIS PA, DPUNG GNYEN MA MCHIS PA BDAG LA SRUNG DU GSOL, SRUNG DU GSOL, BDAG SDUG BSNGAL THAMS CAD LAS THAR BAR MDZAD DU GSOL, TZAndE TZAndE, TZAndI NI TZAndI NI,
BO GA BA TI, SARBBA DUshtA NI B'A RA nI, BI DZA YA, B'A HI NI, HU RU HU RU, MU RU MU RU, TZU RU TZU RU, TU RU TU RU, A'A YU B'A LI NI, SU RA BA RA PRA MA THA NI, SARBBA DE BA GA nA P'U DZI TE, TZI RI TZI RI; DHI RI DHI RI, SA MANTA AA BA LO KI TE, PRA BHE PRA BHE, SU PRA BHE, SU PRA BHA BI SHUDDHE SARBBA P'A PAm BI SHUDDHE, SARBBA P'A PAm BI SHO DHA NE, DHU RU DHU RU, DHA RA NI, DHA RE, DHA RA DHA RA, SU MU SU MU, MU SU MU SU, RU RU TZA LE, TZA LA YA, DPAL GYI SKU MNGA' BA, BDAG LA GNOD PAR SEMS PA LAS BSKYAB TU GSOL, BDAG GI BSAM PA RDZOGS PAR MDZAD DU GSOL, DZA YA KA MA LE, KshI NI KshI NI, BA RA DA, AAm KU SHE, AOm PADMA BI SHUDHE, SHO DHA YA SHO DHA YA, SHUDDHE SHUDDHE, BHA RA BHA RA, BHI RI BHI RI, BHU RU BHU RU, MANG+GA LA BI SHUDHE, BA BI TRA MU KHI, KHAdGI NI KHAdGAN, KHA RA KHA RA, DZVA LA TI SHI KHA RE, SA MANTA AA BA LO KI TA BRA BHE SU PRA BHA BI SHUDDHE, SA MANTA PRA S'A RA TI AA BA BH'A SI TA SHUDDHE, DZVA LA DZVA LA, SARBBA DE BA GA nA, GRA HA NA KshA TRA; SA MA A'A KARshA NI, SATYA PRA TE, AOm HRI TRA TA RA TA RA, TA R'A YA TA R'A YA, GLANG PO CHE'I LTA STANGS KYIS GZIGS MA, BDAG MI'I GNOD PA LAS BSGRAL DU GSOL, LA HU LA HU; HU LU HU LU, HU DU HU DU, TU RU TU RU, KI NI KI NI, KshI nI KshI nI, HU nI HU nI, SARBBA GRA HA BHAKshI NI, PIm GA LE BIm GA LE, MU TZU MU TZU, SU MU SU MU, SU BI TZA LE, TA RA TA
, ,RA; BCOM LDAN 'DAS MA GLANG PO CHE'I LTA STANGS KYIS GZIGS MA, THAMS CAD DU KUN NAS PHYOGS THAMS CAD BCING BA DANG, RDO RJE'I RA BA DANG, RDO RJE'I ZHAGS PA'I BCING BAS BDAG 'JIGS PA CHEN PO BRGYAD LAS BSGRAL DU GSOL, BADZRA DZVA LA BI SHUDDHE, BHU RI BHU RI, DHA RA DHA RA, TI RI TI RI, TU RU TU RU, BHA GA BA TI, GARBHA BI SHUDDHE; GARBHA BI SHO DHA NI, KUKshI SAMPU RA nI DZVA LA DZVA LA, TZA LA TZA LA, DZV'A LI NI, LHA'I CHUS KUN TU CHAR DBAB TU GSOL, AA MRi TA BARshA nI DE BA TA, AA BA T'A BA RA nI, BDE BAR GSHEGS PA'I GSUNG RAB BDUD RTZI MCHOG GI SKU DANG LDAN PA BDAG LA DBANG BSKUR DU GSOL, 'THAB PA DANG, 'THAB MO DANG, RTZOD PA DANG, 'GYED PA DANG, ,RMI LAM NGAN PA DANG, LTAS NGAN PA DANG, BKRA MI SHIS PA DANG, SDIG PA THAMS CAD RNAM PAR SBYONG BA GNOD SBYIN DANG, SRIN PO DANG, KLU THAMS CAD 'JOMS PA, GNOD PAS 'JIGS SKRAG PA BDAG 'JIGS PA THAMS CAD DANG, GNOD PA THAMS CAD DANG, NAD 'GO BA THAMS CAD DANG, NAD THAMS CAD LAS THAMS CAD DU RTAG PAR SRUNG DU GSOL, SRUNG DU GSOL, BA LA BA LA, BA LA BA TI, DZA YA DZA YA, BI DZA YA BI DZA YA, THAMS CAD DU DUS KUN TU BDAG RGYAL BAR MDZAD DU GSOL, BDAG LA
RIG PA CHEN MO 'DI GRUB PAR MDZAD DU GSOL, DKYIL 'KHOR CHEN PO SGRUB TU GSOL, GSANG SNGAGS RNAMS GRUB TU GSOL, BGEGS RNAMS GZHOM DU GSOL, DZA YA DZA YA; SIDDHI SIDDHI, SIDDHYA SIDDHYA, BUDDHYA BUDDHYA, P'U RA YA P'U RA YA, SAm P'U RA nI P'U RA nI, BDAG GI BSAM PA RDZOGS PAR MDZAD DU GSOL, RIG PA THAMS CAD LAS BYUNG BA'I SKU CAN, RGYAL BA LHAG PAR RGYAL BA CAN, DE BZHIN GSHEGS PA'I SNYING PO RNAM PAR DAG PA BCOM LDAN 'DAS MA BZHUGS SU GSOL, BZHUGS SU GSOL, DAM TSIG BSKYANG DU GSOL, 'JIGS PA MI BZAD PA CHEN PO BRGYAD LAS BDAG LA GZIGS SU GSOL, SA RA SA RA, PRA SA RA PRA SA RA, SARBBA A'A BA RA nA BI SHO DHA NI, SA MANTA AA K'A RA MAndA LA BI SHUDDHE, BI GA TE, BI GA TA MA LE, SARBBA MA LA BI SHO DHA NI, KSHI NI KSHI NI, SARBBA P'A PAm BI SHUDDHE, MA LA BI GA TE, DZA YA BA TI, TE DZO TE DZO BA TI, BADZRA BADZRA BA TI SV'AH'A, 'JIG RTEN GSUM DU BYIN GYIS BRLABS PA LA SV'AH'A, DE BZHIN GSHEGS PA THAMS CAD KYI SPYI BO NAS DBANG BSKUR BA LA SV'AH'A, BYANG CHUB SEMS DPA' THAMS CAD KYIS DBANG BSKUR BA LA SV'AH'A, LHA THAMS CAD KYIS DBANG BSKUR BA LA SV'AH'A, LHA THAMS CAD KYIS BDANG BSKUR BA LA SV'AH'A DE BZHIN GSHEGS PA THAMS CAD KYI SNYING POS BYIN GYIS BRLABS PA LA SV'AH'A, DE BZHIN GSHEGS
, ,PA THAMS CAD KYIS DAM TSIG GRUB PA LA SV'AH'A, DBANG PO DANG LDAN PA DBANG POS RNAM PAR BLTAS PA LA SV'AH'A, TSANGS PA DANG TSANGS PA LA GNAS PA LA SV'AH'A, KHYAB 'JUG GIS PHYAG BYAS PA LA SV'AH'A, DBANG PHYUG CHEN POS PHYAG 'TSAL ZHING MCHOD PA LA SV'AH'A, RDO RJE 'DZIN LAG NA RDO RJE'I STOBS DANG BRTZON 'GRUS KYIS BYIN GYIS BRLABS PA LA SV'AH'A, YUL 'KHOR SRUNG LA SV'AH'A, 'PHAGS SKYES PO LA SV'AH'A, MIG MI BZANG LA SV'AH'A, RNAM THOS KYI BU LA SV'AH'A, RGYAL PO CHEN PO BZHIS PHYAG 'TSAL BA LA SV'AH'A, GSHIN RJE LA SV'AH'A, GSHIN RJES MCHOD CING PHYAG 'TSAL BA LA SV'AH'A, CHU'I LHA LA SV'AH'A, RLUNG LHA LA SV'AH'A, RLUNG LHA CHEN PO LA SV'AH'A, ME LHA LA SV'AH'A; KLUS RNAM PAR BLTAS PA LA SV'AH'A, LHA'I TSOGS RNAMS LA SV'AH'A, KLU'I TSOGS RNAMS LA SV'AH'A, GNOD SBYIN GYI TSOGS RNAMS LA SV'AH'A, SRIN PO'I TSOGS RNAMS LA SV'AH'A; DRI ZA'I TSOGS RNAMS LA SV'AH'A, LHA MA YIN GYI TSOGS RNAMS LA SV'AH'A, NAM MKHA' LDING GI TSOGS RNAMS LA SV'AH'A, MI 'AM CI'I TSOGS RNAMS LA SV'AH'A, LTO 'PHYE CHEN PO'I TSOGS RNAMS LA SV'AH'A, MI RNAMS LA SV'AH'A, MI MA YIN PA RNAMS LA SV'AH'A, GDON RNAMS LA SV'A H'A, 'BYUNG PO THAMS CAD LA SV'AH'A, YI DVAGS LA SV'AH'A,
SHA ZA LA SV'AH'A, BRJED BYED LA SV'AH'A, GNON PO LA SV'AH'A, GRUL BUM LA SV'AH'A, AOm DHU RU DHU RU SV'AH'A, TU RU TU RU SV'AH'A, MU RU MU RU SV'AH'A, HA NA HA NA, SARBBA SHA TR'Um SV'AH'A, DA HA DA HA SARBBA DUsht'A N'Am SV'AH'A, GANG DAG BDAG LA MI PHAN PAR 'DOD PA DE DAG THAMS CAD KYIS LUS DZV'A LA YA SARBBA DUshtA TZI TR'A N'A SV'AH'A, 'BAR BA LA SV'AH'A, RAB TU 'BAR BA LA SV'AH'A, RDO RJE 'BAR BA LA SV'AH'A, MA LCE 'BAR BA LA SV'AH'A, KUN TU 'BAR BA LA SV'AH'A, NOR BU BZANG LA SV'AH'A, GANG BA BZANG PO LA SV'AH'A, NAG PO CHEN PO LA SV'AH'A, MA MO'I TSOGS LA SV'AH'A, GNOD SBYIN MO RNAMS LA SV'AH'A, SRIN MO RNAMS LA SV'AH'A, NAM MKHA'I MA MO RNAMS LA SV'AH'A, RGYA MTSO NA GNAS PA RNAMS LA SV'AH'A, MTSAN MO RGYU BA RNAMS LA SV'AH'A, NYIN MO RGYU BA RNAMS LA SV'AH'A; DUS GSUM DU RGYU BA RNAMS LA SV'AH'A, DUS SU RGYU BA RNAMS LA SV'AH'A, DUS MA YIN PAR RGYU BA RNAMS LA SV'AH'A, ZAS SU MNGAL ZA BA RNAMS LA SV'AH'A, MNGAL 'DZIN PA LA SV'AH'A; HU LU HU LU SV'AH'A, AOm SV'AH'A, SVA: SV'AH'A, BHU: SV'AH'A, BHU BA: SV'AH'A, BHURBHU BA: SV'AH'A, TZI tI TZI tI SV'AH'A, BI tI BI tI SV'AH'A, DHA RA nI SV'AH'A, DH'A RA nI SV'AH'A, AAGNI SV'AH'A, TE DZO BA YU SV'AH'A; TZI LI TZI LI SV'AH'A, MI LI MI LI SV'AH'A, SI LI SI LI SV'AH'A, BUDDHYA BUDDHYA SV'AH'A, SIDDHYA SIDDHYA SV'AH'A, MAndA LA BANDHE SV'AH'A, S'I M'A BANDHE SV'AH'A, DHA RA nI BANDHE SV'AH'A, SARBBA SHA TR'U BHANYDZA YA
, ,SV'AH'A; DZAm BHA YA DZAm BHA YA SV'AH'A, STAm BHA YA STAm BHA YA SV'AH'A, TSINDA TSINDA SV'AH'A, BHINDA BHINDA SV'AH'A, BHANYDZA BHANYDZA SV'AH'A, BAND'A BAND'A SV'AH'A, MO HA YA MO HA YA SV'AH'A, MA nI BI SHUDDHE SV'AH'A, S'URYE SV'AH'A, S'URYE BI SHUDDHE SV'AH'A, SHO DHA NI BI SHO DHA NI SV'AH'A, TZANDRE TZANDRE PA RI P'U RnA TZANDE GRA HE BHYA: SV'AH'A, NAKshA TRE BHYA: SV'AH'A, SHI BE BHYA: SV'AH'A, SH'ANTI BHYA: SV'AH'A, PUshtI BHYA: SV'AH'A, SVA STYE YA NA BHYA: SV'AH'A, GARBHA DHA RE SV'AH'A, SHI BAm KA RI SV'AH'A, SHI KA RI SV'AH'A, SH'ANTI KA RI SV'AH'A, PUshtIm KA RI SV'AH'A, BE LA BARDHA NI SV'AH'A, BA LA BARDHA NI KA RI SV'AH'A; SHR'I KA RI SV'AH'A, SHR'I BARDHA NI SV'AH'A, SHR'I DZV'A LA NA SV'AH'A, MU TZI SV'AH'A, NA MU TZI SV'AH'A, MA RU TZI SV'AH'A, BE GA BA TI SV'AH'A, AOm BCOM LDAN 'DAS MA DE BZHIN GSHEGS PA THAMS CAD KYI SKU MCHOG DRI MA DANG BREL BA, BDAG GI SDIG PA THAMS CAD ZHI BAR MDZAD DU GSOL, BDAG BDE LEGS SU GYUR CIG ,AOm MU NE MU NE, BI MU NI BI MU NI; DHA RI TZA LA TZA LA NE, BHA GA BA TI, BHA YA BI GA TE, BHA YA HA RI NI, BO DHI BO DHI, BO DHA YA BO DHA YA, BUDDHI LI BUDDHI LI, TZUMBU LI TZUMBU LI SV'AH'A, SARBBA TA TH'A GA TA HRI DA YA DZU shE SV'AH'A; AOm MU NI MU NI MU NI BA RE, DE BZHIN GSHEGS PA THAMS CAD KYI RIG PA'I DBANG BSKUR BA, RDO RJE'I GO CHA CHEN PO'I PHYAG RGYAS BTAB PA THAMS CAD KYIS BDAG
LA DBANG BSKUR DU GSOL, SARBBA TA TH'A GA TA HRI DA YA, AA DHIshthA NA AA DHIshthI TE BADZRE SV'AH'A, BRAM ZE CHEN PO'I RIG PA'I RGYAL MO SO SOR 'BRANG BA CHEN PO, KUN NAS ME LCE'I PHRENG BA RNAM PAR DAG PAS RGYAS PA, YID BZHIN GYI NOR BU'I PHYAG RGYA DANG, SNYING PO GZHAN GYIS MI THUB PA'I GZUNGS 'DI RIGS KYI BU'AM, RIGS KYI BU MOS THOS MA THAG TU SDIG PA THAMS CAD LAS RNAM PAR GROL BAR 'GYUR RO, ,BRAM ZE CHEN PO, RIG PA 'DI GANG GI SNYING LA GNAS PAR GYUR PA DE'I LUS RDO RJER RIG PAR BYA'O, ,DE'I LUS LA MES MI TSUGS SO, ,CI MNGON ZHE NA; GANG GI TSE GRONG KHYER CHEN PO SER SKYA'I GNAS NA GZHON NU SGRA GCAN ZIN BZANG PO MNGAL DU ZHUGS PA DE'I TSE SH'AKYA'I BU MO SA 'TSO MA BDAG NYID ME'I NANG DU MCHONGS PA DANG, DER PADMA DAG BYUNG STE DE'I TSE GZHON NU SGRA GCAN ZIN BZANG PO MNGAL NA GNAS BZHIN DU RIG PA 'DI YID LA BYAS SO, ,RIG PA 'DI RJES SU DRAN PA TZAM GYIS ME DE SKAD CIG DE NYID LA BSIL BAR GYUR TO, ,DE NAS SH'AKYA'I BU MO SA 'TSO MA'I LUS LA MES MA REG GO ,DE CI'I PHYIR ZHE NA, RIG PA 'DI NI, DE BZHIN GSHEGS PA THAMS CAD KYI BYIN GYIS BRLABS PA'O, ,BRAM ZE CHEN PO, RGYU DES NA MES MI 'TSIG GO ,DUG GIS KYANG SROG DANG 'BRAL BAR MI NUS SO, ,DE CI LTA ZHE NA, BRAM ZE CHEN PO, GANG GI
, ,TSE GRONG KHYER CHEN PO BDE BAR PHA ROL TU 'GRO BA ZHES BYA BA NA TSONG DPON MDZOD STOBS CAN GYI BU RIG PA SMRA BAR GYUR TO, ,DE'I RIG PA'I STOBS DES KLU'I RGYAL PO 'JOG PO BKUG GO ,BKUG NAS KYANG BAG MED PA'I DBANG GIS MA BCIBS PAS DES KHROS NAS DE LA BZUNG BA DANG, DE TSOR BA MI BZAD PA MYONG NAS JI LTAR YANG BDAG NI, SROG DANG BRAL LO SNYAM DU SHES SO, ,DA NAS SMRA BA CAN MANG PO BOS KYANG 'GA' TZAM GYIS KYANG DUG LAS GSO BAR MA NUS SO, ,DE NAS GRONG KHYER CHEN PO BDE BAR PHA ROL TU 'GRO BA NA DGE BSNYEN MA DRI MA MED PAR DAG PA ZHES BYA BA SNYING RJE CHEN PO DANG LDAN PA ZHIG GNAS PA DES RIG PA'I RGYAL MO CHEN MO 'DI KHA TON DU SHES SO; ;DE DE'I GNAS SU SONG STE PHYIN PA DANG, RIG PA CHEN PO 'DI BRJOD DO, ,DES DE LA LAN GCIG BRJOD PA TZAM GYIS DE DUG MED PAR BYAS SHING DE DRAN PA RNYED PAR BYAS TE SDUG BSNGAL CHEN PO DE LAS YONGS SU THAR PAR BYAS NAS RIG PA CHEN MO'I SNYING PO 'DI CHO GA JI LTAR BKA' STZAL PA BZHIN DU TSONG DPON GYI BU DE'I SNYING LA GNAS PAR BYAS SO, ,BRAM ZE CHEN PO, GZHAN YANG JI LTAR YONGS SU SHES SHE NA, RGYAL PO TSANGS PAS BYIN ZHES BYA BA'I GRANGS SU CHUD PA ZHIG GRONG KHYER CHEN PO
W'A RA n'A SI NA SNGON YONGS SU RGYU BA'I TSE DE'I SHAR PHYOGS KYI MTSAMS KYI STOBS KYI 'KHOR LOS BSGYUR BA'I RGYAL PO DES DPUNG GI TSOGS YAN LAG BZHI PA GO BSKON TE GRONG KHYER CHEN PO W'A RA n'A SI KUN NAS BSKOR NAS GZHOM PAR BSHAMS SO, ,DE NAS RGYAL PO TSANGS PAS BYIN DE LA BLON PO RNAMS KYIS SMRAS PA, LHA, PHA ROL GYI DMAG TSOGS KYIS GRONG KHYER 'PHROG LA THUG NA, THABS GANG GIS PHA ROL GYI DMAG TSOGS GZHOM PAR BGYI BKA' STZAL DU GSOL ZHES BYAS PA DANG, RGYAL POS KHYED 'TSER 'GRIB CHUNG DUR GYIS SHIG ,RIG PA'I RGYAL MO SO SOR 'BRANG BA CHEN MO ZHES BYA BA YOD DE, NGAS DES DPUNG GI TSOGS YAN LAG BZHI PA 'DI PHAM PAR BYA'O, ,THAL BA BZHIN DU BYA'O; ;ZHES BSGO BA DANG, BLON PO RNAMS KYI MGO BTUD DE RGYAL PO CHEN PO, SNGON BDAG GIS NAM YANG MA THOS PA 'DI CI ZHIG LAGS ZHES SMRAS PA DANG, RGYAL POS NGAS DE MNGON SUM DU BYA'O, ,ZHES BSGO'O, ,DE NAS RGYAL PO TSANGS PAS BYIN SPOS CHU SNA TSOGS KYIS MGO BKRUS TE GOS GTZANG MA BGOS NAS RIG PA'I RGYAL MO 'DI CHO GA BZHIN DU BRIS TE MGO'I GTZUG GI SKRA'I NANG DU BZHAG NAS RIG PA'I RGYAL MO CHEN MO 'DI NYID KYIS GO CHA BYAS TE G-YUL GYI NANG DU ZHUGS PA DANG, GCIG PUS
, ,DPUNG GI TSOGS YAN LAG BZHI PA THAMS CAD PHAM PAR BYAS TE JI SRID SKYABS SU DONG BA DE SRID DU 'DIS TSAR BCAD NAS STOBS KYI 'KHOR LOS BSGYUR BA'I RGYAL PO DE GCIG PU BTANG NGO, ,BRAM ZE CHEN PO, DE LTAR NA RIG PA'I RGYAL PO CHEN MO DE BZHIN GSHEGS PA THAMS CAD KYI SNYING PO DANG PHYAG RGYAS BYIN GYIS BRLABS PA MTHU CHEN PO 'DI MNGON SUM DU GYUR PA YIN TE, MNGON SUM DU GYUR TO, ,SNYAM DU GZUNG BAR BYA'O, ,DE BZHIN GSHEGS PA THAMS CAD DANG MTSUNGS PA NYID DU BLTA BAR BYA'O, ,PHYI MA'I TSE PHYI MA'I DUS NA SEMS CAN TSE THUNG BA RNAMS DANG, BSOD NAMS CHUNG BA RNAMS DANG, LONGS SPYOD CHUNG BA RNAMS LA PHAN PAR 'GYUR BAR BLTA'O, ,BRAM ZE CHEN PO, GANG LA LA ZHIG RIG PA'I RGYAL MO SO SOR 'BRANG BA CHEN MO 'DI CHO GA BZHIN DU BRIS TE LAG PA'AM, MGUL DU BTAGS NA, DE DE BZHIN GSHEGS PA THAMS CAD KYI BYIN GYIS BRLABS PAR RIG PAR BYA'O, ,DE DE BZHIN GSHEGS PA THAMS CAD KYI SKUR RIG PAR BYA'O, ,RDO RJE'I LUS YIN PAR RIG PAR BYA'O, ,DE DE BZHIN GSHEGS PA THAMS CAD KYI RING BSREL GYI SNYING PO CAN YIN PAR RIG PAR BYA'O, ,DE DE BZHIN GSHEGS PA THAMS CAD KYI SPYAN YIN PAR RIG PAR
BYA'O; ;DE RDO RJE CHEN PO'I LUS SU RIG PAR BYA'O, ,DE 'BAR BA 'OD 'PHRO BA'I LUS DANG LDAN PAR RIG PAR BYA'O, ,DE MI SHIGS PA'I GO CHA CAN DU RIG PAR BYA'O, ,DE DGRA THAMS CAD RAB TU 'JOMS PAR RIG PAR BYA'O, ,DE SGRIB PA DANG SDIG PA THAMS CAD 'JOMS PAR RIG PAR BYA'O, ,DE SEMS CAN DMYAL BA'I 'GRO BA RNAMS SBYONG BAR RIG PAR BYA'O, , DE CI'I PHYIR ZHE NA, SNGON YONGS SU SHES PA YIN TE, BRAM ZE CHEN PO, PHYOGS GZHAN ZHIG NA DGE SLONG MA DAD PA, DE BZHIN GSHEGS PA'I RIGS LA BSLAB PA 'DRAL BA, MA BYIN PAR LEN PA, BZA' BA 'DU BA'I SGO 'PHROG PA, DGE 'DUN GYI DANG, PHYOGS BZHI DANG, TSOGS RDZAS SU GYUR PA DE THAMS CAD GANG ZAG GIR BYIN GYIS BRLABS TE ZA BA ZHIG DUS GZHAN ZHIG NA NAD TSABS CHEN POS BTAB PA DANG, SDUG BSNGAL CHEN PO'I TSOR BA MYONG NGO, ,NYON MONGS TE SKYABS MED DPUNG GNYEN MED NAS KU CO'I SGRA CHEN PO 'BYIN TO; ;BRAM ZE CHEN PO, DE NAS PHYOGS DE NA DGE BSNYEN ZHIG GNAS PA DES SGRA DE THOS SO, ,THOS NAS KYANG DGE SLONG DE GA LA BA DER SONG STE PHYIN NAS RIG PA'I RGYAL MO SO SOR 'BRANG BA CHEN MO 'DI BRIS TE DGE SLONG DE'I MGUL DU BTAGS SO, ,RIG PA'I RGYAL MO SO SOR 'BRANG BA CHEN MO DGE SLONG DE'I MGUL DU BTAGS MA THAG TU TSOR BA THAMS
, ,CAD NI; RAB TU ZHI, NAD THAMS CAD LAS NI, YONGS SU THAR TE SOS PAR GYUR NAS DE'I MTSAN MO ZAD PA DANG, DRAN PA SHIN TU NYE BAR BZHAG STE 'CHI BA'I DUS BYAS SO, ,LUS DE BOR BA DANG SEMS CAN DMYAL BA CHEN PO MNAR MED PAR SKYES SO, ,DE'I RO DE YANG DGE SLONG DAG GIS SGANG BU ZHIG LA BZHAG GO ,RIG PA CHEN MO SO SOR 'BRANG BA CHEN MO DE YANG DE'I MGUL DU BTAGS PA BZHIN DU GNAS SO, ,DGE SLONG DE MNAR MED PAR DER SKYES MA THAG TU SEMS CAN DMYAL BA'I SEMS CAN DE DAG GI SDUG BSNGAL GYI TSOR BA THAMS CAD RAB TU ZHI NAS SEMS CAN DMYAL BA'I SEMS CAN DE DAG THAMS CAD BDE BA THAMS CAD KYIS TSIM PAR GYUR TO, ,MTSAMS MED PA'I ME'I PHUNG PO GANG YIN PA DE DAG THAMS CAD KYANG YONGS SU ZHI BAR GYUR TO, ,DE NAS GSHIN RJE'I MI DE DAG THAMS CAD NGO MTSAR SKYES NAS CHOS KYI RGYAL PO GSHIN RJE LA NGES PA'I TSIG 'DI DAG RGYAS PAR BRJOD DO, ,SEMS CAN LAS LAS SKYES PA YI, ,SDUG BSNGAL MI BZAD RAB TU ZHI, , SHIN TU NGO MTSAR 'DI NI LHA, ,SEMS DMYAL NYAM NGA RNAMS NA 'DA', ,SEMS CAN LUS LA RTAG GNAS PA'I, ,ME MA MUR DE RAB TU ZHI, ,SOG LE RNAMS KYIS GSHEG
MA MCHIS, ,SPU GRI'I SOS KYANG GCOD MI BGYID, ,LCAGS SDONG SHAL MA RI YANG CHAG ,LCAGS ZANGS THAMS CAD RAB TU ZHI, ,RAL GRI LO MA CAN NAGS NA, ,LAS SKYES LO MA GNOD MI 'GYUR, ,CHOS KYI RGYAL PO GSHIN RJE KHYOD, ,MI RNAMS LA NI CHOS KYIS STON, ,RGYU 'DI MI CHUNG BDAG CAG LA, ,KHYOD KYIS BRJOD PAR MDZAD PA'I RIGS, ,DE NAS CHOS KYI BDAG NYID CAN, ,CHOS NGES CHOS KYI RGYAL PO DES, ,SNYING RJE'I BSAM PA NYAMS RNAMS KYI, ,'DI 'DRA'I TSIG DE THOS GYUR NAS, ,MYUR DU 'DI NI CI YIN SMRAS, ,'DI NI CI 'DRA YANG SMROS SHIG ,DE NAS MI BZAD GSHIN RJE'I MI, ,GNOD PA'I RGYUN CAN DE DAG GIS, ,CHOS KYI RGYAL PO GSHIN RJE LA, ,'DI SKAD KYI NI TSIG SMRAS SO, ,MNAR MED RAB TU NYAM NGA BAR, ,SEMS CAN CHEN PO 'DI SKYES LHA, ,GANG GI MING NI MNAR MED PA, ,DES NA DE NI NYAM NGAR BRJOD, ,GANG GIS SEMS CAN BDE BGYIS PA, ,RNAM PA SNA TSOGS LAS LA GZIGS, ,'DI NI KUN TU BDE GYUR NAS, ,SLAR YANG LHA YI GNAS SU MCHI, ,CHOS KYI RGYAL PO GSHIN RJES KYANG, ,MTHONG NAS NGO MTSAR SMRAS PA NI, ,'DI NI RDZU 'PHRUL CHE BA STE; ;'DI NI TSE RABS LNGA LUS TSE, ,JI LTAR SKU GDUNG BRGYA MANG POS, ,STON PA'I MCHOD RTEN MDZES PA LTAR, ,SO SOR 'BRANG BA MGUL BTAGS PAS, ,DE YI LUS NI DE
, ,BZHIN MDZES, ,DE NAS SEMS CAN DMYAL BA'I SRUNG MA DE DAG GIS CHOS KYI RGYAL PO GSHIN RJE LA 'DI SKAD CES SMRAS SO, ,LHA, JI LTAR NA 'DI SO SOR 'BRANG BA ZHES BGYI, CHOS KYI RGYAL POS SMRAS PA, GANG GIS TSIG RNAMS SO SOR DRAN, ,DE NI NGAN 'GROR 'GRO MI 'GYUR, ,SO SOR 'BRANG BA SGOM PA YI, ,SHES RAB CAN DE BDE 'GROR 'GRO ,SEMS CAN DMYAL BA'I SRUNG MA KHYOD, ,RAB TU RGYAS DANG LDAN PAR DONG, ,DER NI SGANG BU MTHON PO LA, ,LHA RNAMS KYIS NI BSKOR BA LTOS, ,DE MTHONG SEMS CAN THAMS CAD LA, ,BYAMS PA'I SEMS SU 'GYUR BAR GYIS, ,DE NAS GSHIN RJE'I MI DE DAG DE NYID KYI NUB MO RGYAS PA DANG LDAN PAR DONG NGO, ,DE TSE DER NI DE DAG GIS, ,RGYAL PO'I PHO BRANG NYE BA NA, ,SGANG BU DE YI KHOR YUG NA, ,'BAR BA GCIG GIS GANG BAR MTHONG, ,MI RO ZHIG GI MGUL BA NA, ,SO SOR 'BRANG BA BTAGS PA'ANG MTHONG, ,LHA DANG KLU DANG DRI ZA DANG, ,GNOD SBYIN SRIN PO MI 'AM CIS, ,KUN NAS 'KHOR BAR BSKOR NAS NI, ,BLA NA MED PA'I MCHOD PA BYED, ,DE LA GNOD SBYIN DE DAG GIS, ,SO SOR 'BRANG BA'I SGANG ZHES BTAGS, ,DE NAS GNOD SBYIN DE DAG GIS CHOS KYI RGYAL PO GSHIN RJE'I NGES PA DE RTOGS TE SLAR LOG
NAS LHA; KHYOD KYIS BKA' STZAL PA BZHIN NO, ,ZHES RGYAS PAR BRJOD DO, ,DE SKAD CES SMRAS MA THAG TU CHIG DE SMRAS PA'I THA MA LA SEMS CAN CHEN PO DE SEMS CAN DMYAL BA'I LUS DE BOR NAS SUM CU RTZA GSUM PA'I LHA RNAMS KYI NANG DU SKYES SO, ,RGYU DES NA SNGON SO SOR 'BRANG BA'I LHA'I BU ZHES BYA'O, ,BRAM ZE CHEN PO, DES NA SNGON CHAD YONGS SU SHES SO, ,DE'I PHYIR SO SOR 'BRANG BA CHEN MO 'DI GDON MI ZA BAR GZUNG BAR BYA'O, ,YI GER BRI BAR BYA, BKLAG PAR BYA'O, ,CHO GA BZHIN DU RTAG TU LUS LA BTAGS NAS BCAD BAR BYA STE, DE RTAG TU SDUG BSNGAL ZHING NYAM THAG PA THAMS CAD LAS YONGS SU THAR PAR 'GYUR, NGAN 'GRO'I 'JIGS SKRAG PA THAMS CAD LAS RGAL BAR 'GYUR RO, ,GLOG GIS 'GYEL BAR BYED MI NUS SO, ,GLOG GIS JI LTAR MI NUS SHE NA, BRAM ZE CHEN PO, SNGON YONGS SU SHES TE, GRONG KHYER CHEN PO'I MCHOG SHING KUN RDZI BA NA TSONG DPON CHEN PO DRI MED DUNG ZHES BYA BA, NOR MANG BA, GSER SHIN TU 'BYOR BA, MDZOD DANG BANG BA KUN TU GANG ZHING PHUN SUM TSOGS PA ZHIG GNAS TE, DED DPON ZHES BYA BAR GRAGS SO, ,DE NAS DED DPON CHEN PO DES GRU BO CHE DE RNYED NAS RGYA MTSO CHEN POR ZHUGS PA DANG, NYA MID RNAMS KYIS DE'I GRU DE BZUNG NAS RNAM PAR
, ,GZHIG PAR 'DOD PA'I KLU RNAMS KYANG 'KHRUGS TE 'BRUG SGRA CHEN PO SGROG GO ,GLOG DANG SKAR MDA' YANG GTONG NGO, ,RDO RJE'I LCE 'BEBS PAR YANG BSHAMS SO, ,DE NAS TSONG PA DE DAG SDUG BSNGAL CHEN POS SEMS NON TO, ,KLU 'KHRUGS PA CHEN PO DE DANG, GLOG DANG, SKAR MDA' DANG, RDO RJE'I LCE 'BEBS PA DANG, NYA MID DE DAG GIS KYANG GRU BO CHE BZUNG BAR MTHONG NAS KU CO'I SGRA CHEN PO BTON TO, ,DE DAG LHA KHYAD PAR CAN RNAMS LA GSOL BA BTAB KYANG 'GA' TZAM YANG DE DAG GI DPUNG GNYEN DU MA GYUR TO, ,DE NAS DE DAG TSONG DPON SEMS RAB TU BRTAN PA'I GAN DU SONG NAS DE DAG GIS SNYING RJE RJE SKAD DU TSIG 'DI SKAD SMRAS SO, ,SEMS CAN CHEN PO KHYOD KYIS BDAG CAG BSKYAB CING 'JIGS PA CHEN PO LAS THAR PAR MDZAD DU GSOL, DE NAS DED DPON CHEN PO SEMS BRTAN PA BLO GROS CHEN PO DES TSONG PA 'KHRUGS PAR GYUR PA RNAMS LA TSIG 'DI SKAD SMRAS SO, ,MA 'JIGS MA 'JIGS TSONG BA RNAMS, ,KHYED CAG BRTAN PAR DENGS SHIG DANG, ,KHYED RNAMS SDUG BSNGAL CHEN PO YI, ,RGYA MTSO CHE LAS NGAS BSGRAL LO, ,DE NAS YID NI BRTAN GYUR NAS, ,TSONG PA RNAMS KYIS TSIG 'DI SMRAS, ,SEMS CAN CHEN PO 'DI CI LAGS, ,BGEGS
BRAL MYUR DU BKA' STZOL CIG ,BLO GROS CHEN PO KHYOD KYI MTHUS, ,BDAG CAG JI SRID 'TSO BA'I TSE, ,YE SHES CHE BA'I BDAG NYID GSUNGS, ,SLAD NA KHYOD KYIS CI ZHIG BGYI, ,DE NAS MGRON MANG BDAG PO YIS, ,DE DAG LA NI TSIG 'DI BRJOD, ,DE LA SO SOR 'BRANG BA YI, ,RIG PA CHEN MOR GRAGS PA YOD, ,GNOD BYED THAMS CAD SEL BAR BYED, ,STOBS CHEN PHA ROL GNON BYED PA, ,DES NI RAB TU SDUG BSNGAL BA'I, ,'JIGS PA CHE LAS NGAS BSGRAL LO, ,DE NAS DED DPON CHEN POS DE'I TSE RIG PA'I RGYAL MO 'DI BRIS NAS RGYAL MTSAN GYI RTZE MO LA BTAGS PA DANG, RIG PA'I RGYAL MO CHEN MO SO SOR 'BRANG BA CHEN MO RGYAL MTSAN GYI RTZE MO LA BTAGS MA THAG TU NYA MID DE DAG THAMS CAD KYIS GRU BO CHE DE ME LCE GCIG TU GYUR PA MTHONG NGO, ,DE NAS KLU DE DAG BYAMS PA'I YID KYIS DE DAG GI DRUNG DU LHAGS NAS MCHOD PA BYA BAR BSHAMS SO, ,NYA MID DE DAG KYANG RIG PA'I RGYAL PO SO SOR 'BRANG BA CHEN MO 'DI NYID KYI MTHUS TSIG NAS BYER TE ZHI BAR GYUR TO, ,MGRON PO PHAL PO CHE DE DAG KYANG KLU CHEN PO DE DAG GIS RIN PO CHE'I GLING CHEN POR PHYIN PAR BYAS SO; ;DE LTAR NA YE SHES DANG LDAN PA RIG PA CHEN MO SO SOR 'BRANG BA CHEN MO NI, DE BZHIN GSHEGS PA THAMS CAD KYIS BYIN GYIS BRLABS PA STE, BRAM ZE CHEN PO,
, ,RGYU DES NA 'DI RIG PA CHEN MO ZHES GRAGS SO, ,'DI NI, NGES PAR RGYAL MTSAN GYI RTZE MO LA BTAGS TE BCAD BAR BYA'O, ,RLUNG DANG, GRANG BA DANG, DUS MA YIN PA'I SPRIN DANG, GLOG DANG, LCE 'BAB PA THAMS CAD RAB TU ZHI BAR BYED DE, LHA DANG, MI DANG, LHA MA YIN GYI 'THAB PA DANG, RTZOD PA LAS YONGS SU THAR PAR BYED DO, ,SBRANG BU MCHU RING DANG, SHA SBRANG DANG, BYI BA DANG, SROG CHAGS KYI RIGS GZUGS RNAM PA SNA TSOGS LO TOG MA RUNG BAR BYED PA THAMS CAD MTHU MED CING RAB TU ZHI BAR 'GYUR RO, ,RI DVAGS DANG, BYA DANG, GCAN GZAN GNOD PAR SEMS PA THAMS CAD RNAM PAR 'JIGS PAR 'GYUR RO, ,ME TOG DANG, 'BRAS BU DANG, LO MA DANG, NAGS TSAL DANG, SMAN DANG, LO TOG LA SOGS PA THAMS CAD 'PHEL BAR 'GYUR TE, RAB TU BRO ZHING ZHIM PA DANG, 'JAM PAR 'GYUR RO; ;LEGS PAR YONGS SU SMIN PAR 'GYUR RO, ,HA CANG CHAR CHE BA DANG, CHAR DKON PA'I NYES PA RNAMS YONGS SU MI 'BYUNG NGO, ,CHAR DUS SU 'BAB CING, DUS MA YIN PAR MI 'BAB PAR 'GYUR RO, ,YUL DE'I KLU CHEN PO GANG YIN PA DE DAG KYANG DUS DUS SU CHAR GYI RGYUN LEGS PAR 'BEBS SO, ,YUL GANG NA RIG PA'I
RGYAL MO SO SOR 'BRANG MA CHEN MO ZHES BYA BA 'DI SPYOD PA'I YUL DER SEMS CAN DE DAG GIS SHES PAR BYA STE, SPOS SNA TSOGS DANG, BDUG PA SNA TSOGS DANG, ME TOG SNA TSOGS KYIS MCHOD CING BSTI STANG BYAS LA, TSON SNA TSOGS KYIS DKRIS TE RGYAL MTSAN GYI RTZE MO LA BTAGS NAS GLU DBYANGS DANG, ROL MO SIL SNYAN BYAS TE, BSKOR BA BYAS NAS LHA RNAMS DANG, BRGYA BYIN DANG, TSANGS PA LA SOGS PA'I SEMS CAN CHEN PO DE DAG GIS BSAM PA JI LTA BA BZHIN DU RE BA YONGS SU RDZOGS PAR BYED PAR 'GYUR RO, ,CHO GA JI LTA BA BZHIN DU DE LTA DE LTA BUR 'GRUB STE, BU PHO 'DOD NA'ANG KHYE'UR 'GRUB, ,MNGAL NA 'DZIN PA DAM PAR 'GYUR, ,MNGAL NA BDE BAR SKYE BA DANG, , MNGAL NAS BDE BAR BTZA' BAR 'GYUR, ,MNGAL NA DUS BZHIN SKYE BA DANG, ,DUS BZHIN RAB TU BTZA' BAR 'GYUR, ,CIS MNGON ZHE NA, BRAM ZE CHEN PO, SNGA MA BZHIN DU DE NYON CIG ,YUL MA GA DHA 'DI NYID NA RGYAL PO LAG BRKYANG ZHES BYA BA DE BU MED PAR GYUR TO, ,CI'I PHYIR LAG BRKYANG ZHES BYA ZHES NA, RGYAL PO DE BTZAS MA THAG TU LAG PA BRKYANGS NAS MA'I NU ZHO LA BZUNG STE, NU ZHO NGOMS NGOMS SU 'THUNGS SO, ,NU MA DE GNYIS LA REG MA THAG TU GSER GYI KHA DOG TU GYUR TE, DUS KUN TU NU ZHO 'PHEL BAR GYUR
, ,TO; ;RGYU DES NA RGYAL PO LAG BRKYANG ZHES BYA BAR BTAGS PAR GYUR TO, ,GZHAN YANG GANG GI TSE RGYAL PO'I GAN DU SKYE BO SLONG MO BA 'ONGS PA DE'I TSE, RGYAL PO DE LAG BA G-YAS PA BAR SNANG LA BRKYANG BA DANG, RGYAL PO BYANG CHUB SEMS DPA' DE RGYU DES SANGS RGYAS LA MNGON PAR DAD PA'I LHA RNAMS KYIS LHA'I RIN PO CHE KHYAD PAR DU 'PHAGS PA GSER DANG, NOR BU RNAMS KYIS LAG PA GANG BAR BYED DO, ,RGYAL PO DES KYANG SKYE BO SLONG MO PA LHAGS PA RNAMS LA RAB TU BYIN NO, ,BSAM PA TZAM GYIS SLONG MO PA THAMS CAD LA 'DOD PA BZHIN DU BDE BA PHUN SUM TSOGS PA THAMS CAD BYIN TO, ,BU PHO 'DOD PA'I PHYIR LHA RNAMS LA MCHOD PA DANG, BSTI STANG CHER BYAS KYANG BU PHO MA RNYED NAS DE SNGON GYI DE BZHIN GSHEGS PA DAG GI MCHOD RTEN RNAMS KYI MDUN DU BSTI STANG BYA BAR BRTZAMS TE, MCHOD PA DANG, BSTI STANG CHEN PO BYAS SO, ,SBYIN PA CHEN PO BYIN TO, ,BSNYEN GNAS LA YANG NYE BAR GNAS SO, ,BSOD NAMS CHEN PO BYAS SO, ,SBYIN PA CHEN PO DE DAG KYANG MI ZAD PAR BYIN TO; ;DE CI'I PHYIR ZHE NA, BRAM ZE CHEN PO, SNGON BYUNG BA YUL MA GA DHA 'DI NYID NA GYAD YUL ZHES BYA BA'I GRONG KHYER KU SHA'I TSONG DUS CHEN PO'I MCHOG NA BCOM
LDAN 'DAS RIN CHEN MANG GI BSTAN PA LA ZHUGS PA, TSONG DPON CHOS KYI BLO GROS ZHES BYA BA CHOS SEMS PA'I SEMS CAN CHEN PO ZHIG GNAS PA DE SEMS CAN THAMS CAD LA SNYING RJE CHEN PO'I SEMS NYE BAR BZHAG NAS RIG PA CHEN MO SO SOR 'BRANG MA 'DI NYID LAS BRTZAMS TE CHOS STON TO, ,DE NAS MI DBUL PO ZHIG GIS CHOS DE THOS NAS TSONG DPON CHEN PO DE LA TSIG 'DI SKAD CES BDAG JO BO'I KHAB TU GLA BGYI'O, ,CHOS KYANG NYAN NO, ,GANG GI TSE BDAG GIS CUNG ZAD RNYED PAR GYUR PA DE'I TSE BDAG CHOS LA MCHOD PA BGYID DO ZHES SMRAS NAS DE'I KHYIM NA LAS BYED CING CHOS KYANG NYAN TO, ,DUS GZHAN ZHIG NA DE LA TSONG DPON DES DI NA RA GCIG BYIN PA DANG, DES SEMS CAN THAMS CAD YONGS SU BSKYAB PA'I PHYIR BYANG CHUB KYI SEMS BSKYED NAS SEMS CAN THAMS CAD DANG THUN MONG DU BYAS NAS RIN PO CHE SNYIM PAS SO SOR 'BRANG MA CHEN MO LA PHUL NAS SBYIN PA'I 'BRAS BU CHEN PO 'DIS BDAG DANG SEMS CAN THAMS CAD KYI DBUL BA KUN TU GCOD PAR GYUR CIG CES SMON LAM DE SKAD KYANG BTAB BO, ,RGYU DES NA SBYIN PA DE YONGS SU MI ZAD PAR GYUR TO, ,DE LTAR BSOD NAMS MNGON PAR 'DU BYA BA RNAM PA MANG PO RNAM PA DU MA BYAS TE LHA RNAMS KYANG MCHOD PA NAS SANGS
, ,RGYAS BCOM LDAN 'DAS KYI BAR DU MCHOD PA DANG, DE'I TSE GNAS GTZANG MA'I RIS KYI LHA RNAMS KYIS RMI LTAS SU BSTAN TE 'DI SKAD DU KYE RGYAL PO CHEN PO, SO SOR 'BRANG MA CHEN MO ZHES BYA BA KUN NAS ME LCE'I PHRENG BA RNAM PAR DAG PAS RGYAS PA YID BZHIN GYI NOR BU'I PHYAG RGYA DANG, SNYING PO GZHAN GYIS MI THUB PA'I GZUNGS CHEN MO RIG PA'I RGYAL MO CHO GA LAS JI SKAD 'BYUNG BA BZHIN DU BRIS LA, BTZUN MO DAM PA SMYUNG BA BYAS LA CHO GA BZHIN DU LUS LA BTAGS NA KHYOD BU PHO YOD PAR 'GYUR RO ZHES BSGO'O; ;DE NAS RGYAL PO SAD DE MTSAN MO ZAD NAS RTZIS DANG, YI GE'I 'BRU DANG, RGYU SKAR DANG, GZA' RNAM PAR 'BYED PA'I BRAM ZE RNAMS BSAGS NAS CHO GA LAS 'BYUNG BA BZHIN DU RGYU SKAR GYI RGYAL PO RGYAL GYI NYIN PAR BTZUN MO DAM PA LUS SHIN TU LEGS PAR BKRUS TE SMYUNG BA BYAS NAS RIG PA'I RGYAL MO CHEN MO 'DI YANG CHO GA BZHIN DU BRIS TE BTZUN MO DAM PA'I MGUL DU BTAGS SO, ,SANGS RGYAS KYI MCHOD RTEN RNAMS LA MCHOD PA CHEN PO BYAS SO, ,RIN PO CHE KHYAD PAR CAN DU MA YANG SEMS CAN RNAMS LA SBYIN PA BYIN NO, ,DE NAS ZLA BA DGU LON PA DANG, BU PHO GZUGS BZANG BA, MDZES PA, BLTA NA SDUG PA, KHA DOG BZANG PE, RGYAS PA
MCHOG DANG LDAN PA ZHIG BTZAS SO, ,BRAM ZE CHEN PO, DE LTAR SHES NAS RIG PA'I RGYAL MO CHEN MO DE BZHIN GSHEGS PA THAMS CAD KYIS MCHOD PA, 'DOD PA THAMS CAD DU 'GRO BA GZHAN GYIS MI THUB PA SO SOR 'BRANG MA CHEN MO DKON MCHOG CES GRAGS SO, ,'DI NI, RTAG TU BRGYA BYIN GYI GTZUG GI NOR BU YIN NO, ,GANG GI TSE LHA'I DBANG PO BRGYA BYIN LHA MA YIN RNAMS DANG, G-YUL CHEN PO 'GYED PAR 'DOD PA DE'I TSE 'DI NYID KYIS GO CHA BYAS NAS SPYI GTZUG TU BTAGS TE LHA MA YIN THAMS CAD PHAM PAR BYAS; PHA ROL PHAM PAR BYAS NAS DGE BA DANG BDE BAS BDE BAR LHA'I GRONG KHYER DU 'JUG STE, LHA MA YIN THAMS CAD KYIS MI TSUGS PA YIN NO, ,BRAM ZE CHEN PO, DE LTAR NA SEMS DANG PO BSKYED PA NAS BZUNG STE RIG PA'I RGYAL MO SO SOR 'BRANG MA CHEN MO 'DI 'CHANG PA'I BYANG CHUB SEMS DPA' LA BDUD THAMS CAD KYIS MI TSUGS SO, ,'DI GANG GIS LUS LA BTAGS SAM, MGUL DU BTAGS PA DE DE BZHIN GSHEGS PA THAMS CAD KYIS BYIN GYIS BRLABS PAR 'GYUR RO, ,DE LA BYANG CHUB SEMS DPA' THAMS CAD YANG DAG PAR SRUNG BAR 'GYUR RO, ,LHA DANG, MI DANG, RGYAL PO DANG, RGYAL PO'I BLON PO DANG, BRAM ZE DANG, KHYIM BDAG THAMS CAD KYIS KYANG RTAG PAR RGYUN DU PHYAG
, ,BYA ZHING MCHOD PA DANG, RIM GRO BYED PAR 'GYUR RO, ,LHA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN POS RJED CING MCHOD PAR 'GYUR RO; ;BCOM LDAN 'DAS BDUD KYI DPUNG RAB TU 'JOMS PAS KYANG DE LA SEMS CAN CHEN PO ZHES GSUNGS SO, ,NAD THAMS CAD DANG BRAL BAR 'GYUR RO, ,DE LA YAMS KYI NAD DANG, GNOD PA THAMS CAD DANG, NAD 'GO BA THAMS CAD RAB TU ZHI BAR 'GYUR RO, ,SEMS CAN CHEN PO DE MYA NGAN THAMS CAD DANG BRAL BAR 'GYUR RO, ,DE LA LHA THAMS CAD KYANG RTAG PAR RGYUN TU SRUNG BA DANG, SKYOB PA DANG, SPED PAR BYED PAR 'GYUR RO, ,DES GZHAN GYIS MI THUB PA'I GSANG SNGAGS CHEN PO'I SNYING PO 'DI DAG BRIS TE RTAG PAR RGYUN DU LUS LA GDAGS SHING BCANG BAR BYA, RTAG PAR RGYUN DU YID LA BYA'O, ,KHA TON DU BYA'O, ,BSAM PA THAG PA NAS BSGOM PAR BYA'O, ,SDUG BSNGAL BA DANG, RMI LAM NGAN PA DANG, LTAS NGAN PA DANG, BKRA MI SHIS PA'I DNGOS PO THAMS CAD RNAM PAR 'JOMS PAR 'GYUR RO, ,BDE BA PHUN SUM TSOGS PA THAMS CAD 'BYUNG BAR 'GYUR RO, ,'DI NI, GSANG SNGAGS GYI GZHI LAS THAMS CAD BYED PA DGE BA RNAMS GRUB PA'O, ,TADYA TH'A, AOm AA MRi TE AA MRi TA BA RE, BA RA BA RE,
PRA BHA RE BI SHUDDHE H'Um H'Um PHAt PHAt SV'AH'A, AOm AA MRi TA BI LO KI NI GARBHA SA MA RAKshA nI, A'A KARshA nI H'Um H'Um PHAt PHAt SV'AH'A, GZHAN GYIS MI THUB PA'I SNYING PO'O, ,AOm BI MA LE BI BU LE DZA YA BA RE, DZA YA B'A HI NI, AA MRi TE, BI RA DZE H'Um H'Um PHAt SV'AH'A, AOm BHA RA BHA RA SAm DHA RA SAm BHA RA, AINDRI YA BA LA BI SHO DHA NI, RU RU TZA LE H'Um H'Um PHAt PHAt SV'AH'A, NYE BA'I SNYING PO'I RIG PA'O, ,AOm MA nI DHA RI, BADZRI nI MA H'A PRA TI SA RE H'Um H'Um PHAt PHAt SV'AH'A, RAB TU GSANG BA'I SNYING PO'O, ,SANGS RGYAS DANG BYANG CHUB SEMS DPA' MA LUS PA THAMS CAD THABS CIG TU 'DUS NAS SGRA DBYANGS GCIG TU GZUNGS KYI GSANG SNGAGS KYI GZHI 'DI DAG GSUNGS SO, ,GSANG SNGAGS 'DI DAG NI, RIG PA'I RGYAL MO CHEN MO SO SOR 'BRANG MA CHEN MO'I SNYING PO DANG GO CHA'O, ,DE BZHIN GSHEGS PA THAMS CAD KYIS PHYAG RGYAS BTAB PA'O, ,'DI THOS PAR YANG RAB TU DKA' NA, YI GER BRI BA DANG, TSIG TU 'DON PA DANG, KLOG PA DANG, 'CHANG BA DANG, GZHAN LA YANG STON PA LTA CI SMOS TE, DE NI, SANGS RGYAS LA BYA BA BYAS PAR RIG PAR BYA'O, ,'DI NI, DE BZHIN GSHEGS PA THAMS CAD KYIS RAB TU BSNGAGS SO, ,RJES SU YI RANG NGO, ,LUNG BSTAN TO, ,SO SOR 'BRANG MA CHEN MO GZHAN GYIS MI THUB PA'I GZUNGS 'DI MCHOG TU DKON PA'O, ,SO
, ,SOR 'BRANG MA CHEN MO 'DI'I MING THOS PAR YANG SHIN TU DKA' STE, GZUNGS CHEN MO 'DI NI, SDIG PA THAMS CAD BYANG BAR BYED PA, STOBS CHE BA, PHA ROL GNON PA; GZI BRJID CHE BA, 'OD CHE BA, YON TAN BRJOD PAR CHE BA, MTHU CHE BA, BDUD KYI RIS KYI LHA THAMS CAD RNAM PAR 'JOMS PAR BYED PA, BAG CHAGS KYI MTSAMS SBYOR BA'I BDUD KYI ZHAGS PA GCOD PA, PHA ROL GYI SNGAGS DANG, PHYAG RGYA DANG, DUG DANG, BYAD DANG, G-YENG BYED KYI SBYOR BA DANG, GNOD PAR BYA BA DAG DRAG SHUL DU SPYOD PA DANG, GNOD PA'I SEMS DANG LDAN PA RNAMS RNAM PAR SBYONG BAR BYED PA, SANGS RGYAS DANG, BYANG CHUB SEMS DPA' DANG, 'PHAGS PA'I TSOGS THAMS CAD LA MCHOD PA DAM PA BYED PAR MNGON PAR DGA' BA RNAMS LA YONGS SU SKYONG BAR BYED PA, THEG PA CHEN PO 'DZIN PA DANG, YI GER 'BRI BA DANG, KLOG PA DANG, TSIG TU 'DON PA DANG, KHA TON BYED PA DANG, NYAN PA DANG 'CHANG BAR MNGON PAR BRTZON PA RNAMS LA YONGS SU SKYONG BA'O, ,BRAM ZE CHEN PO, SO SOR 'BRANG MA CHEN MO RIG PA'I RGYAL MO 'DI NI, SANGS RGYAS KYI BYANG CHUB KYI BAR DU YONGS SU RDZOGS PAR BYED PA STE, GANG DU'ANG THOGS PA MED DO, ,STON PA DGRA LAS RGYAL BA JI LTA BA BZHIN DU THAMS CAD DU YANG MCHOD
PA CHEN PO THOB PAR 'GYUR RO, ,CI MNGON ZHE NA, RIG PA CHEN MO BGEGS DANG LOG 'DREN THAMS CAD RNAM PAR 'JOMS PAR BYED PA 'DI NI, SNGON YONGS SU SHES TE, GANG GI TSE BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RGYA CHER RAB TU BZHAD PA'I ZHAL NOR BU DANG GSER DANG RIN PO CHE 'BAR BA'I 'OD ZER SNANG BA MNGON PAR 'PHAGS PA'I RGYAL PO DANG PO MNGON PAR SANGS RGYAS NAS BYANG CHUB KYI SNYING PO GA LA BA DER GSHEGS TE, SANGS RGYAS THAMS CAD KYIS BSNGAGS PA'I CHOS KYI 'KHOR LO RAB TU BSKOR BAR BZHED PA DE'I TSE BCOM LDAN 'DAS DE LA BDUD G-YOG DANG BCAS PA BDUD BYE BA KHRAG KHRIG BRGYA STONG DU MAS BSKOR BA, GZUGS SNA TSOGS, MI SDUG PA, 'JIGS 'JIGS LTAR 'DUG PA, SGRA MI SNYAN PA, BDUD KYI YUL RNAM PA SNA TSOGS RNAM PAR 'PHRUL PAR BYIN GYIS RLOB PA MTSON CHA RNAM PA SNA TSOGS KYI CHAR 'BEBS PA MNGON PAR SPRUL NAS LHAGS TE PHYOGS BZHI NAS BSKOR TE BAR CHAD BYA BAR BRTZAMS PA DANG, DE NAS BCOM LDAN 'DAS RGYA CHER RAB TU BZHAD PA'I ZHAL NOR BU DANG GSER DANG RIN PO CHE 'BAR BA'I 'OD ZER SNANG BA MNGON PAR 'PHAGS PA'I RGYAL PO YUD TZAM ZHIG CANG MI GSUNG PAR BZHUGS
, ,NAS RIG PA'I RGYAL MO SO SOR 'BRANG MA CHEN MO 'DI YID KYIS LAN BDUN BRJOD DO, ,RIG PA'I RGYAL MO CHEN MO SO SOR 'BRANG MA CHEN PO 'DI BRJOD MA THAG TU SKAD CIG DE NYID LA BDUD SDIG CAN DE DAG THAMS CAD KYIS BCOM LDAN 'DAS KYI BA SPU'I BU GA RE RE NAS SKYES BU GO CHA GYON PA BYE BA KHRAG KHRIG BRGYA STONG DU MA RAL GRI DANG, DGRA STA DANG, ZHAGS PA DANG, THO BA DANG, RTZE GSUM 'BAR BA LAG NA THOGS PA SHA STAG TSIG 'DI SKAD DU, GANG DAG BCOM LDAN 'DAS LA GNOD PAR BYED PA BDUD GNOD SEMS CAN RNAMS ZUNGS SHIG ZUNGS SHIG ,CHINGS SHIG CHINGS SHIG ,GNOD PAR SEMS PA THAMS CAD RAB TU CHOMS SHIG , GNOD SEMS CAN DANG, GZA' DANG, BGEGS DANG, LOG 'DREN THAMS CAD KYI SROG PHYE MAR GYIS SHIG CES 'DZER CING THON PA MTHONG NGO, ,DE NAS BDUD DE DAG THAMS CAD BYAMS PA'I RAL GRIS MNGON PAR BTUL NAS LA LAS NI, BSLAB PA'I GZHI RNAMS BZUNG BA NAS LA LA NI, BLA NA MED PA YANG DAG PAR RDZOGS PA'I BYANG CHUB TU LUNG BSTAN PA'I BAR DU'O, ,DE LA MTHU CHE BA GZHAN DAG NI, DE BZHIN GSHEGS PA'I BA SPU'I BU GA NAS THON PA'I SKYES BU CHEN PO DE DAG MTHONG
NAS GRONG KHYER DE NYID DU SPA BKONG BAR GYUR, RDZU 'PHRUL YONGS SU NYAMS, SPOBS PA DANG, STOBS DANG, RTZAL MED PAR GYUR CING, MDA' GZHU DAG KYANG CHAG NAS BYER RO, , DE NAS BCOM LDAN 'DAS KYIS BGEGS DANG, LOG 'DREN DANG, BDUD SDIG CAN THAMS CAD RAB TU BCOM NAS SANGS RGYAS GZHAN DAG JI LTA BA BZHIN DU CHOS KYI 'KHOR LO RAB TU BSKOR TO, ,BRGAL TO, ,PHA ROL TU RAB TU GSHEGS SO, ,BRAM ZE CHEN PO, DE LTAR NA RIG PA'I RGYAL MO SO SOR 'BRANG MA CHEN MO STOBS KYI DRAG SHUL CHE BA, RDZU 'PHRUL GYI PHA ROL TU PHYIN PA 'DI DRAN PA TZAM GYIS SEMS CAN BSAM PA YONGS SU DAG PA RNAMS DANG, GZHAN GNOD SEMS CAN RNAMS KYANG SDUG BSNGAL BA DANG, 'JIGS SKRAG PA THAMS CAD LAS YONGS SU THAR PAR BYED DO, ,BRAM ZE CHEN PO, DE LTA BAS NA RTAG PAR RJES SU DRAN PA'I YID LA BYED PAS YID LA BYA'O, ,YI GER BRIS TE RTAG TU LUS LA GDAGS SHING BCANG BAR BYA'O, ,CI MNGON ZHE NA, SNGA MA BZHIN DU NYON CIG ,RGYAL PO TSANGS PAS BYIN GYI YUL NA GRONG KHYER CHEN PO 'PHAGS RGYAL DU MI ZHIG LA NYES PA BYUNG NAS RGYAL PO TSANGS PAS BYIN GYIS GSHED MA'I MI RNAMS LA KHYOD KYIS MI 'DI SOD CIG CES BSGO'O, ,DE NAS GSHED MA'I MI DE DAG GIS RGYAL POS BSGO BA
, ,BZHIN DU MI DE KHRID DE RI SUL ZHIG TU PHYIN NAS RAL GRI SHUBS NAS PHYUNG STE GSAD PAR BSHAMS PA DANG, DE'I TSE MI DES RIG PA'I RGYAL MO SO SOR 'BRANG BA CHEN MO 'DI YID LA DRAN NO, ,YI GER BRIS NAS LAG PA G-YAS PA LA BTAGS SHING 'DUG GO ,SEMS CAN CHEN PO DE'I RIG PA 'DI'I MTHUS RAL GRI ME LCE GCIG TU GYUR NAS RDUL GTOR BA BZHIN DU DUM BU DUM BUR GYUR TO, ,DE NAS GSHED MA'I MI DAG GIS NGES PA 'DI RGYAL PO LA ZHIB TU BSNYAD DO, ,DE NAS RGYAL PO DE RAB TU 'KHRUGS NAS KYE MI 'DI DAG SA PHYOGS SHIG NA GNOD SBYIN GYI PHUG YOD DE, DE NA GNOD SBYIN BRGYA STONG MANG PO SHA RJE NA ZA BA GNAS KYI, DER KHRID DE 'OR CIG CES BSGO'O; ;DE NAS MI DE GSHED MA'I MI DE DAG GIS GNOD SBYIN GYI PHUG DER BOR RO, ,GNOD SBYIN GYI PHUG DER BOR MA THAG TU DE NAS GNOD SBYIN DE DAG THAMS CAD YID DGA' STE MI SHA BZA'O SNYAM DU BRGYUGS PA DANG, DE DAG GIS SO SOR 'BRANG BA 'DI'I MTHUS MI DE LA ME LCE GCIG TU GYUR PA'I 'OD 'PHRO BA RAB TU 'BAR BAR MTHONG NGO, , MTHONG NAS KYANG THAMS CAD SDANGS NAS RANG RANG GI LUS TSIG PAR MTHONG NGO, ,DE NAS GNOD SBYIN DE DAG NGO MTSAR SKYES NAS MI DE KHRID DE SGO'I PHYI ROL TU BZHAG
NAS BSKOR BA BYA BAR BRTZAMS PA NAS GSHED MA'I MI DE DAG GIS RGYAL PO LA ZHIB TU BSNYAD PA'I BAR DU SNGA MA BZHIN NO, ,DE NAS RGYAL PO CHER 'KHRUGS TE SDANGS NAS GAL TE DE LTAR NA KHYED CAG DENGS LA MI 'DI CHINGS TE CHUR BOR CIG CES BSGO BA DANG, GSHED MA'I MI DE DAG GIS KHRID DE CHUR BOR RO, ,MI DE CHUR BOR MA THAG TU MI DE JI LTAR THANG LA 'DUG PA BZHIN DU CHU MED PAR GYUR TO, ,CHINGS PA DE DAG KYANG DUM BUR CHAD DO, ,RGYAL POS DE SKAD THOS PA DANG, DE NAS RGYAL PO NGO MTSAR DU GYUR NAS MIG TSUGS SU BLTAS TE, KYE MA'O MI 'DI NGO MTSAR TO, ,'DI LA RGYU CI ZHIG YOD SNYAM DU RNAM PAR RTOG PAR GYUR TO, ,ZHES SMRAS SO, ,DE NAS RGYAL PO DES MI DE BKUG STE, KYE MI KHYOD CI ZHIG SHES ZHES DE SKAD SMRAS SO, ,MI DES SMRAS PA, RGYAL PO CHEN PO, RIG PA CHEN MO SO SOR 'BRANG BA CHEN MO 'CHANG BA LAS, GZHAN NI, CI YANG MA 'TSAL TE; LHA, DE NI, DE'I MTHU LAGS SO, ,RGYAL POS SMRAS PA, NGO MTSAR CHE'O, ,RIG PA CHEN MO DGE BAR GSUNGS, ,'CHI BDAG NAN TUR RMONGS BYED PA, ,SANGS RGYAS KUN GYIS BYIN GYIS BRLABS, ,SEMS CAN THAMS CAD RAB TU SGROL, ,NAD DANG SDUG BSNGAL THAR PAR BYED, ,RIG PA CHEN MO GZI BRJID CHE, ,DUS MIN 'CHI LAS RAB TU SGROL, ,
, ,NAD CHEN RNAMS NI ZLOG BYED PA, ,MGON PO THUGS RJE CAN GYIS GSUNGS, ,DE NAS RGYAL PO RAB TU DGA' BA'I YID KYIS RIG PA'I RGYAL MO CHEN MO SO SOR 'BRANG BA CHEN MO LA MCHOD NAS MNGON PAR BSTOD DO, ,MI DE YANG BLON THABS BYIN TE RANG GI GNYEN GYI MDUN DU GRONG KHYER GYI GTZO BOR DBANG BSKUR TO, ,BRAM ZE CHEN PO; DE LTAR NA RIG PA'I RGYAL MO SO SOR 'BRANG BA CHEN MO 'DIS THAMS CAD DU YANG MCHOD PA CHEN PO RNYED DO, ,SEMS CAN GNOD SEMS CAN THAMS CAD KYIS KYANG 'GAL BAR MI BYA'O, ,DE LTAR NA, RIG PA'I RGYAL MO CHEN MO 'DI YONGS SU SHES TE GANG DU YANG THOGS PA MED DO, ,DE LTA BAS NA GDON MI ZA BAR RTAG TU LUS LA GDAGS SHING BCANG BAR BYA'O, ,BRAM ZE CHEN PO, ,SKAR MA BZANG PO LA CHO GA LEGS PAR BYAS TE RIG PA'I RGYAL MO 'DI BRI BAR BYA'O, ,DE NAS BRAM ZE CHEN PO DE YID RAB TU DGA' NAS BCOM LDAN 'DAS LA YAN LAG LDAS PHYAG 'TSAL TE ZHUS PA, BTZUN PA BCOM LDAN 'DAS, RIG PA'I RGYAL MO 'DI'I CHO GA JI LTAR BGYIS TE BRI BAR BGYI, BCOM LDAN 'DAS KYIS BKA' STZAL PA, BRAM ZE CHEN PO, ,KHYOD NYON CIG ,SEMS CAN KUN LA SNYING BRTZE'I PHYIR, ,NGAS NI KHYOD LA BSHAD PAR BYA, ,GANG GIS SEMS CAN BDE BYED CING, ,NYAM NGA BA YI
LAS LAS 'GROL, ,NAD RNAMS LAS KYANG THAR BYA DANG, ,BUD MED SBRUM MAR 'GYUR BA DANG, ,SEMS CAN RNAMS KYI DBUL BA YI, ,RMA RNAMS GSO BAR BYA PHYIR RO, ,BSNYEN GNAS DAG LA GNAS GYUR NAS, ,RGYU SKAR RGYAL DU SHES PA LA, ,SANGS RGYAS MCHOD LA BRTZON BYAS TE, ,BYANG CHUB PHYIR NI SEMS KYANG BSKYED, ,SNYING RJES KUN TU BRLAN SEMS DANG, ,BYAMS PA DANG YANG LDAN GYUR NAS, ,RTAG TU SEMS CAN THAMS CAD LA, ,PHAN PA BSKYED PA BRTZON PAR BYA, ,TZANDAN DANG NI GUR GUM DANG, ,GLA RTZIR BSRES PA'I CHUS BKRUS TE, ,BDUG PA RNAMS KYIS BDUGS PA YI; ;GOS GTZANG RNAMS KYIS BGO BAR BYA, ,SA DANG LCI BA BSRES PA YI, ,DE YI 'OG TU DKYIL 'KHOR BYA, ,BUM PA GANG BA BZHI BZHAG STE, ,LNGA PA DKYIL 'KHOR DBUS SU GZHAG , DE LA RIN THANG CHEN PO YI, ,ME TOG BDUG PA SPOS RNAMS GSOL, ,TZANDAN SPRI KA DE BZHIN DU, ,AA GA RU DANG DU RU KA, SHA KHA RA DANG LNGA SBYAR BA'I, ,BDUG PA CHO GA BZHIN DU DBUL,, CHO GA JI BZHIN DUS BZHIN BYA, ,LO TOG RNAM PA SNA TSOGS RNAMS, ,ME TOG 'BRAS BU SA BON DANG, ,SPOS RNAMS KUN GYIS LEGS PAR BRGYAN, ,MAR DANG SBRANG RTZI 'O MA DANG, , NAS THUG 'O THUG LA SOGS PAS, ,GTOR MA'I BUM PA DGANG BAR BYA, ,MTSAN MA SHIN TU BKRA SHIS PA, ,PHYOGS BZHI RNAMS SU GZHAG PAR BYA, ,LNGA PA DKYIL 'KHOR DBUS
, ,SU GZHAG, SPOS KYIS BKANG BA'I PHUR BU RNAMS, ,GRA BZHI DAG TU GZHAG PAR BYA, ,DKYIL 'KHOR GYI NI 'GRAM LOGS SU, ,SENG LDENG PHUR BU BZHI BTZUGS LA, ,TSON SKUD KHA DOG SNA LNGA YIS, ,'KHOR BAR DAM DU DKRI BAR BYA, ,GAL TE BDAG 'GRUB 'DOD NA NI, ,BRAM ZE DE LTAR BYAS NAS BRI, ,KHA ZAS DKAR PO ZOS NAS SU, ,PHAN PAR 'DOD PAS BRI BAR BYA, ,DAR RAM RAS SAM GRO GA 'AM, ,CI YANG RUNG BA GZHAN LA BRI, ,BUD MED DAG LA BU 'DOD NA, ,GI WANG GIS NI LEGS PAR BRI, ,DBUS SU KHYE'U ZHIG BRIS NAS NI; ;RGYAN RNAMS KUN GYIS RNAM PAR BRGYAN, ,DE BZHIN RIN CHEN GANG BA'I SNOD, ,LAG PA G-YON NA THOGS PAR BYA, ,PADMA RAB TU RGYAS GYUR CING, ,BRGYAN PA LA NI DE 'DUG BYA, ,NOR BU DO SHAL GSER DAG DANG, ,RIN CHEN SNA TSOGS RNAMS KYIS BRGYAN, ,GDUL BAR SHIN TU DKA' BA BRI, ,GRA BZHI DAG TU RI BO BRI, ,GAL TE BDE BAR 'TSO 'DOD NA, ,RAB TU BSGRIMS TE DE LTAR BRI, ,BYE BRAG TU NI SKYES PA RNAMS, ,GUR GUM GYIS NI BRI BAR BYA, ,DE YI DGOS PA 'DOD PA RNAMS, ,'GRUB 'GYUR 'DI LA THE TSOM MED, ,PADMA GNYIS SAM YANG NA GSUM; ;BZHI 'AM YANG NA LNGA BRIS TE, ,PADMA LA NI PHYAG RGYA'I MTSAN, ,RNAM PA SNA TSOGS GZUGS SU BRI, ,DE BZHIN DU NI PADMA RNAMS, ,ZE BAS KUN TU 'KHOR BAR BRI, ,PADMA 'DAB
MA RAB RGYAS LA, ,SDONG BU DAR GYIS BCINGS PAR BRI, ,PADMA LA NI RTZE GSUM PA, ,ZUR BRGYAD LA NI DAR DBYANGS BRI, ,DE BZHIN PADMA DGRA STAR BCAS, ,'DAB MA BRGYAD DANG LDAN PAR BRI, , PADMAR BCAS PA'I RAL GRI BRI, ,PADMA DE NI DKAR POR BYA, ,PADMA'I STENG DU DUNG YANG BRI, ,THAMS CAD DU YANG RGYAS PAR BYA, ,KUN TU CHO GA'I MTSAN MA RNAMS, ,MKHAS PA DAG GIS BRI BAR BYA, , GANG LA GNOD PA'I SEMS 'BYUNG BA, ,BYIS PA'I GZUGS RNAMS MI BRI'O, ,SNA TSOGS RGYAN GYIS BRGYAN PA YI, ,LHA YI GZUGS NI BRI BAR BYA, ,DGE SLONG PHYIR NI RDO RJE 'CHANG, ,GNOD SBYIN BSDIGS PAR BRTZON PAR BRI, ,RGYAL PO CHEN PO BZHI RNAMS KYANG, ,NGOS BZHI RNAMS SU BRI BAR BYA, ,BRAM ZE'I PHYIR NI DBANG LDAN NO, ,RGYAL RIGS LA NI DBANG PHYUG CHE, ,DMANGS RIGS PHYIR NI RTAG ZHI BA, ,KHYAB 'JUG LEGS PAR BRI BAR BYA, ,RJE'U RIGS PHYIR NI RNAM THOS BU, ,LHA YI DBANG PHYUG DBANG PO BRI, ,KHYE'U YI PHYIR NI SKYE RGU'I BDAG ,BLO GROS CHEN PO BRI BAR BYA; ;SNGO BSANGS MDOG NI GANG YIN PA, ,DE YI CHED DU KHROS PA BRI, ,DKAR MO'I PHYIR NI GRAGS LDAN PA, ,PHUN SUM TSOGS PA'I GZUGS SU BRI, ,SBOM MA'I PHYIR NI NOR BU BZANG, ,RAB TU BSGRIMS TE BRI BAR BYA, ,SKEM MO'I PHYIR NI GANG BA BZANG, ,RANG BYUNG NGA YIS BSTAN PAR BRI, ,SBRUM MA'I PHYIR NI NAG PO CHE, ,TSANGS LHA RNAMS KYANG BRI BAR BYA, ,GZHAN YANG JI LTAR
, ,CHO GA LAS, ,GONG DU BSHAD PA BZHIN DU BRI, ,LAS KYI CHO GA MTHONG NAS NI, ,RAB TU BSGRIMS TE DE BZHIN BRI, ,RTAG TU MGUL DU BTAGS NA NI, ,DE NI BDE BAR 'GYUR BA YIN, ,RGYAL MTSAN RTZE MO'I PADMA LA, ,YID BZHIN NOR BU 'BAR BA BRI, ,PADMA'I SNYING POR ZHAGS PA DANG, ,DE BZHIN 'KHOR LO'ANG BRI BAR BYA, ,PADMA'I STENG DU RDO RJE DANG, ,PADMA'I SNYING POR THO BA BRI, ,CHO GA LAS NI 'BYUNG BA BZHIN, ,PADMA'I STENG DU MDUNG THUNG BRI, ,CHO GA LAS NI BRJOD PA BZHIN, ,NOR BU THAMS CAD RTZE MO 'BAR, ,'OD ZER 'PHRO BAS RGYAS PA DANG, ,DAR GYIS BCINGS PA BRI BAR BYA, ,KLU MGO GDENGS KA DGU YOD LA, ,NOR BU RAB TU 'BAR BA DANG, ,DE DAG KUN GYI SNYING GAR YANG, ,RDO RJE GNAS PAR BSGRIMS TE BRI, ,RGYAL PO RNAMS PHYIR STOBS CAN DANG, ,DED DPON MKHAS PAS RTAG TU BRI, ,RIG PA 'DZIN PA THAMS CAD BRI, ,RIG PA'I LHA MO RNAMS KYANG BRI, ,ZLA BA NYI MA RGYU SKAR BCAS, ,SGRA GCAN MJUG RING GZA' BRGYAD BRI, ,CHO GA BZHIN DU NGES BRIS LA, ,BLO GROS LDAN PA'I MIS SEL NA, ,ZA MA RNAMS NI MA NING YANG, ,BU PHO RNYED PAR 'GYUR BA YIN, ,'DIS NI THAMS CAD 'GRUB PAR BYED, ,SHIS SHING SDIG PA ZHI BAR BYED, ,RANG BYUNG GI NI BKA' BZHIN DU, ,GNAS KYI DAM PA THOB PAR 'GYUR, ,
'JIG RTEN 'DI NA'ANG MCHOG TU BDE, ,'JIG RTEN PHA ROL SHIN TU BDE, ,SUM CU RTZA GSUM GNAS LA SOGS, ,LHA GNAS DE YI GNAS SU 'GYUR, ,'DZAM GLING BZANG ZHING NYAMS DGA' BAR; ;KHYAD PAR CAN RIGS GRAGS PA DANG, ,RGYAL RIGS KHYAD PAR 'PHAGS PA DANG, ,BRAM ZE KHYAD PAR 'PHAGS RNAMS SU, ,BDAG NYID CHEN PO DE SKYES TE, ,RTAG TU RIG DANG BDE BAR 'GYUR, ,SO SOR 'BRANG MA 'CHANG BA'I MIS, ,BSOD NAMS THOB PA GANG YIN PA, ,SANGS RGYAS DAG NI THAMS CAD KYIS, ,BSOD NAMS PHUNG PO BRJOD MI NUS, ,SEMS CAN DMYAL BA'I SGO RNAMS BCAD, ,MTHO RIS SGO RNAMS RAB TU PHYE, ,BDE BA PHUN SUM TSOGS PA DANG, ,BLO GROS CHEN POR 'GYUR BA YIN, ,SANGS RGYAS BYANG CHUB SEMS DPAS KYANG, ,RTAG TU DBUGS NI 'BYIN PAR 'GYUR, ,LUS KYI BDE BA PHUN SUM TSOGS, ,STOBS KYANG CHE BAR 'GYUR BA YIN, ,RGYAL BAS JI SKAD GSUNGS PA LTAR, ,'KHOR LOS BSGYUR BAR 'GYUR BA YIN; ;MI DANG LHA RNAMS DBUGS 'BYIN TE, ,GNOD PAR SEMS PA SKRAG PAR BYED, ,GANG PHYIR RIG PA LEGS BSHAD PA, ,DE NI RING PO MI THOGS SO, ,DE NI MTSON GYIS MI TSUGS TE; ;DUG DANG MES KYANG TSUGS MI 'GYUR, ,DUS MIN 'CHI BA'I SDIG BA YANG, ,DE LAS THAG NI RING DU 'GRO, ,RNAM PA KUN TU NYAN PA 'AM, ,MTHONG BA DANG NI REG PA'ANG RUNG, ,'BYUNG
, ,PO GDON DANG RTZOD PA DANG, ,CHU DANG ME YIS 'JIGS PA DANG, ,GCAN GZAN SBRUL DANG SENG+GE DANG, ,KLU DANG NAD NI MI BZAD RNAMS, ,GANG LA RIG PA LEGS BSHAD PA, ,DE LA DE DAG KUN MI 'BYUNG, ,DE DAG SEMS CAN KUN MCHOG 'GYUR, ,BDUD RNAMS KUN GYIS THAMS CAD DU, ,MCHOD PAR 'GYUR BA'I 'OS YIN TE, ,YANG DAG BSHAD KYIS MNYAN PAR BYOS, ,RIG PA'I RGYAL MO SO SOR 'BRANG BA CHEN MO'I CHO GA RDZOGS SO,, ,,DE NAS SEMS CAN THAMS CAD LA SNYING BRTZE BA'I PHYIR RIG SNGAGS 'CHANG SRUNG BA'I TSUL GYI CHO GA BSHAD PAR BYA'O, ,SRUNG BA'I CHO GA GANG ZHIG GIS, ,DNGOS GRUB CHEN PO 'GRUB 'GYUR BA, ,GANG DANG GANG DU BSRUNGS BYAS NAS, ,DON YOD 'GYUR TE THE TSOM MED, ,'JIGS MED RIMS KYIS MI 'DEBS TE, ,GZA' RNAMS THAMS CAD ZLOG PAR BYED, ,RGYU SKAR RNAMS KYANG MTHUN PAR 'GYUR, ,LAS KYI LU GU RGYUD KYANG GCOD, ,BZA' NYES PA DANG SGOM NYES DANG, ,DGRA TSOGS KUN GYIS BYAS PA DANG, ,GNOD PAR BLTAS DANG BRI NYES DANG, ,BYAD DANG GANG YANG MI BZAD DANG, ,PHYE MA SNGAGS KYIS BTAB PA DANG, ,DUG 'THUNGS PA DANG SBYOR BA'I DUG ,GANG ZHIG SRUNG BA 'CHANG DE LA, ,DE DAG THAMS CAD ZHI BAR 'GYUR, ,GANG ZHIG RIG LAS 'GAL BYED PA, ,YAN LAG
RNAMS LA RNAM PAR SMIN, ,SO SOR 'BRANG BA'I DMOD BSDIGS NA, ,PHA ROL 'KHOR NI MI BZAD DANG, ,'JIGS PA CHEN PO DGRA YI RNAMS, ,DE DAG THAMS CAD RAB TU 'BROS, ,SANGS RGYAS THAMS CAD MKHYEN PA DANG, ,BYANG CHUB SEMS DPA' DES PAS SRUNG, ,NYAN THOS DKA' THUB CHEN PO DANG, ,RANG SANGS RGYAS KYIS SRUNG BAR 'GYUR, ,GZHAN YANG RNAM PA MANG PO YI, ,LHA KLU RDZU 'PHRUL CHEN PO RNAMS, ,'DI LA RTAG TU BRTZON BYED PA, ,DE LA SRUNG BA BYED PAR 'GYUR, ,RIG PA YI NI RGYAL MO 'DI, ,THOS PA TZAM GYIS MI MCHOG RNAMS, ,KUN TU 'JIGS PA MED 'GYUR ZHES, ,THUB PA YIS NI DE SKAD GSUNGS, ,RMI LAM NGAN DANG NGAN BYAS DANG, ,GANG YANG NAD 'GO MI BZAD DANG, ,NAD KYIS BTAB DANG NAD CHEN GYIS, ,GANG DAG ZIN CING KHRAG SKYUG DANG, ,GZHAN YANG RNAM PA MANG PO'I NAD, ,'BRAS DANG SHU BA SKAM PO DANG, ,GANG YANG GNOD PA MI BZAD PAS, ,MI YI SKYE RGU ZIN PA DANG, ,MI RNAMS MA RUNGS BYA BA'I PHYIR,, MCHOG TU MI BZAD GNOD BYED RNAMS, ,SRUNG BA STOBS CHEN GA LA BAR, ,DE DAG THAMS CAD MI 'BYUNG NGO, ,'DI LAS SRUNG BA BYAS NA NI, ,BCINGS PA NGAG KYANG GROL BAR 'GYUR, , SO SOR 'BRANG BA BRIS PAS KYANG, ,GAL TE DUS KYI ZHAGS PA YIS, ,BZUNG NAS GSHIN RJE'I GNAS KHRID PA, ,DE YI TSE NI RNAM PAR 'PHEL, ,GANG ZHIG TSE NI ZAD GYUR TAM, ,ZHAG BDUN
, ,NA NI 'CHI 'GYUR BA, ,YI GE BRIS PA'I BAR TZAM GYIS, ,'TSO BAR GYUR TE THE TSOM MED, ,CHO GA BZHIN DU SRUNG BA BYAS, ,YANG NA THOS PA TZAM GYIS KYANG, ,KUN TU DGE BA THOB PAR 'GYUR, ,'DOD PA BZHIN DU BDE BAR 'TSO, ,GANG DAG SUM CU RTZA GSUM LHA, ,STONG PHRAG DRUG CU RTZA BRGYAD DANG, ,BYE BA KHRAG KHRIG PHRAG BRGYA DANG, ,BRGYA BYIN MDUN NAS 'GRO BA KUN, ,SEMS CAN DE LA BSRUNG BA'I PHYIR, ,PHYI BZHIN 'BRANG ZHING GNAS PAR BYED, ,'JIG RTEN SKYONG BA BZHI PO DANG, ,LAG NA RDO RJE STOBS CHEN YANG, ,RIG PA'I RIGS NI BRGYA DAG DANG, ,LHAN CIG RTAG TU SRUNG BAR BYED, ,ZLA BA YID BZANG NYI MA DANG, ,TSANGS PA KHYAB 'JUG DBANG PHYUG CHE, ,NOR BU BZANG DANG GSHIN RJE DANG, ,STOBS KYI LHA NI STOBS CHEN DANG, ,GANG BA BZANG PO DPAL CHEN DANG, ,'PHROG MA BU DANG BCAS PA DANG, ,LNGA 'DZIN PA DANG LNGAS RTZEN DANG, ,SMIN DRUG BU DANG TSOGS DBANG DANG, ,LHA MO CHEN MO DPAL CAN DANG, ,RNAM THOS BU DANG DBYANGS CAN DANG, ,DUNG CAN DANG NI ME TOG SO, ,DE BZHIN RAL PA GCIG PA DANG, ,GNOD SBYIN CHEN MO DPAL YON CAN, , RTAG TU SRUNG BA BYED PAR 'GYUR, ,ZA MA RNAMS KYI BU YANG SKYED, ,MNGAL NA GNAS PA BDE BAR BYED, ,DE NI JI SRID 'TSO BA'I BAR, ,'DI NI SRUNG BA CHEN POR 'GYUR, ,'JIGS
MED 'THAB MO G-YUL 'GYED PAR, ,DPA' BO RNAMS LA RTAG RGYAL SBYIN, ,CHOS LA NGES PA'I LHA RNAMS LA, ,'DIS NI GNANG BA SBYIN PAR BYED, ,SDIG PA RNAM PAR GZHIG PA'I PHYIR,, GUS PAR BYAS TE BRIS NA NI, ,DE BZHIN GSHEGS DANG DE BZHIN DU, ,BYANG CHUB SEMS DPA'ANG LTA BAR 'GYUR, ,DE YI GRAGS PA RNAM PAR 'PHEL, ,BSOD NAMS DANG NI TSE YANG 'PHEL,, NOR RNAMS DANG NI 'BRU DAG KYANG, ,'BYOR PAR 'GYUR TE THE TSOM MED, ,BDE BAR GNYID KYIS LOG PA DANG, ,BDE BAR RAB TU SAD PAR 'GYUR, ,'BYUNG PO'I TSOGS RNAMS THAMS CAD DANG, ,DGRA KUN GYIS KYANG MI RDZI'O, ,G-YUL 'GYED PA YI TSE NA YANG, ,RIG PA SGRUB PA BYAS NA NI, ,SRUNG BA BLA NA MED PA 'DIS, ,RTAG TU RGYAL BAR 'GYUR BAR BYED, ,BDE BAR RIG PA SGRUB BYED CING, ,DE LA BGEGS NI 'BYUNG MI 'GYUR, ,DE YIS BSAM PA THAMS CAD 'GRUB, ,DKYIL 'KHOR KUN TU ZHUGS PA YIN, ,SKYE BA DAG NI THAMS CAD DU, ,DE NI MYUR DU DAM TSIG SHES, ,RGYAL BA'I YON TAN 'DZIN PA'I PHYIR, ,DE NI YID BRTAN 'OS YIN NO, ,BKRA SHIS THAMS CAD RAB TU RDZOGS, ,BSAM PA THAMS CAD GRUB PAR BYED,, 'DI NI BRIS PA TZAM GYIS KYANG, ,BDE BA THAMS CAD 'BYOR PAR 'GYUR, ,BDE BAR 'CHI BA'I DUS BYAS NAS, ,MTHO RIS SU NI 'GRO BAR 'GYUR, ,'THAB PA DANG NI RTZOD PA DANG, ,
, ,'BYED PA MCHOG TU MI BZAD PAR, ,'JIGS PA KUN LAS GROL 'GYUR TE, ,RGYAL BAS JI SKAD GSUNGS BZHIN NO, ,SKYE BA RNAMS SU SKYE BA NI, ,RTAG TU SKYE DRAN THE TSOM MED, ,RGYAL PO BTZUN MO 'KHOR BCAS PA, ,'DI YI DBANG DU 'GYUR BA YIN, ,'JIG RTEN DGE BAR GRAGS PA YIN, ,RTAG TU THUN MONG 'GYUR BA YIN, ,DE NI KUN LA SDUG PAR 'GYUR, ,LHA DANG MI NI GANG YANG RUNG, ,NYIN DANG MTSAN RNAMS RTAG PAR YANG, ,DE LA SRUNG BA BDE BAR 'GYUR, ,YANG DAG RDZOGS PA'I SANGS RGYAS GSUNGS, ,SNGAGS TSIG 'DI DAG 'DIR 'GRUB BO, ,SANGS RGYAS LA PHYAG 'TSAL LO, ,CHOS LA PHYAG 'TSAL LO, ,DGE 'DUN LA PHYAG 'TSAL LO, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS THUGS RJE CHEN PO DANG LDAN PA SH'AKYA THUB PA LA PHYAG 'TSAL LO, ,YANG DAG PAR RDZOGS PA'I SANGS RGYAS THAMS CAD LA PHYAG 'TSAL LO, ,SANGS RGYAS BSTAN PA 'PHEL BYA'I PHYIR, ,DE LA GUS PAS PHYAG 'TSAL NAS, ,SEMS CAN KUN LA SNYING BRTZE'I PHYIR, ,DA NI NGA YIS BRJOD PAR BYA; ;RIG PA GZI BRJID CHEN MO 'DI, ,STOBS CHEN PHA ROL GNON PA STE, ,RDO RJE GDAN LA THUG PA YIS, ,'DI NI GSUNGS MA THAG TU YANG, ,BDUD DANG BDUD KYI RIGS
RNAMS DANG, ,GZA' DANG LOG PAR 'DREN PA DANG, ,BGEGS RNAMS JI SNYED GANG YOD PA, ,THAMS CAD DE YI MOD LA 'BYER, ,TADYA TH'A, AOm GI RI GI RI, GI RI nI GI RI nI, GI RI BA TI, GU nA BA TI, A'A K'A SHA BA TI, A'A K'A SHA BI SHUDDHE, SARBBA P'A PAm BI GA TE, A'A K'A SHA GA GA NA TA LE, A'A K'A SHA BI TZA RI nI, DZV'A LI TA SHI KHA RE, MA nI MOO GA TI, KHA TZI TA MOO LI DHA RE, SU KE SHE ,SU BAKTE; SU NE TRE, SU BARnnE, SU BARnA GOO RE, AA T'I TE, AA N'A GA TE, PRA TYUDA PANNE NA MA, NA MA:SARBBE sh'Am, BUDDH'A N'AN DZVA LA TI, TE DZA S'Am, BUDDHE, SU BUDDHE, BHA GA BA TI, SU RUKshA nI, SUKshA ME, SU PRA PHE, SU DA ME; SU D'ANTE, BA RE BA RE TE, BHA GA BA TE, BHA DRA BA TI, BHA DRE SU BHA DRE ,BI MA LE, DZA YA BHA DRE, TZAndI TZAndI, PRA TZAndE, PRA TZAndE, BADZRA TZAndE, MAH'A TZAndE, GOO RI, G'Am DH'A RI, GOO RI, TZOO RI, TZAndA LI; M'A TAm GI ,BARTZA SI, PUKKA SI, SU MA TI, SH'A BA RI, SH'A BA RI, SHAm KA RI, DRA MI dI, DR'A MI dI, ROO DRI nI, SARBA GRA HA BI D'A RI nI, SARBBA AARTHA S'A DH'A NI, ,PA RA M'ARTHA S'A DH'A NI, HA NA HA NA ,SARBBA SHA TR'Um; DA HA DA HA, SARBBA DUsht'Am, PRE TA BI SHA TZA d'A KI N'I n'I, MA NUm sh'A, AA MA NU shYA N'ANYTZA, PA TZA PA TZA, HRi DA YAN, GDON MA RUNGS PA RNAMS KYI SROG GZHOM DU GSOL, BCOM LDAN 'DAS MA, BDAG GI SDIG PA THAMS CAD GZHIG TU GSOL, GZHIG TU GSOL, THAMS CAD DU 'JIGS PA DANG, GNOD PA THAMS CAD LAS BDAG LA SRUNG DU GSOL, SRUNG DU
, ,GSOL; MA RUNGS PA THAMS CAD BCING DU GSOL, SARBBA KI WI shA N'A SHA NI, M'ARTAndA, MRi TYU DAndA NI B'A RA nI M'A NA NI, DAndA M'A NA NI, MA H'A M'A NA NI, MA nI DHA RI nI, M'ARTA DA NE MA NI NI MARTA NI MRiTA DAndE, TZA LE TZA LE BI MA LE, TZI tI TZI tI, BI tI BI tI, NI tI NI tI, TI tI TI tI, NA TU tI, GHA RI NI GHA RI NI, NI MI nI, P'I RI n'I, B'IRYI NI PRA BA RE, PRA BA RA SA MA RE, TZAndA LI, M'A TAm GI, RUNDHA SI, KA RA SI, SA RI, BRTZA SI, SU MA TI, BUKKA SI, SHA BA RI, SH'A BA RI, SHAm KA RI, DRA MI dI, DRA MI dI, DA HA nI, PA TZA nI, MA THA nI, MARDA NI, SA RA LI; SA RA LE, SA RA LAm BHE, H'I NA MA DHYOD KRIshtA, BI DH'A RA nI, BI DH'A RI nI, MA HI LE, MA HI LE, MA H'A MA HI LE, NI GA dA, NI GA dA, BHANYDZA, MATTI, MATTE, MATTI NI, D'ANTI, TZAKRE, TZAKRA B'A KI NI, DZVA LE DZVA LE, DZV'A LE DZV'A LE, DZV'A LA NI, SHA BA RI SHA BA RI, SH'A BA RI SH'A BA RI, SARBBA BY'A DHI HA RA NI, MU NI MU NI, TZ'U dI TZ'U dI, TZ'U dA NI TZ'U dA NI, MA H'A TZU dI NI, NI MI NI MI; NI MINDHA RI, TREE LO KA, DA HA NI, TREE LO KA A'A LO KA KA RI, TREE DH'A TU KA BY'A BA LO KI NI, BADZRE, BA RA SHU, P'A SHA, MUNG+GA RA, GANG+GA, SHAm KHA, TZAKRA, TRI SH'U LA, TZINT'A MA nI, MA H'A BIDY'A DHA RA nI, BDAG THAMS CAD DU GNAS THAMS CAD NA GNAS PA NA MA RUNGS PA THAMS CAD DANG, MI DANG MI MA YIN PA'I 'JIGS PA THAMS CAD DANG,
NAD THAMS CAD DANG, 'JIGS PA THAMS CAD LAS SRUNG DU GSOL, SRUNG DU GSOL, BADZRE BADZRE BADZRA PA TI, BADZRA P'A nI DHA RE, HI LI HI LI, MI LI MI LI, KI LI KI LI, TZI LI TZI LA BI LI BI LI, SI LI SI LI, BA RA BA RA, BA RA DE, SARBBA TRA, DZA YA LABDHE SV'AH'A, SARBBA B'A PAm, BI D'A RI nI SV'AH'A, SARBBA TRA, SARBBA BY'A DHI HA RA nA SV'AH'A, SARBBA TRA, SARBBA SHA TR'Um BHA YA HAR nI SV'AH'A, SARBBA BHA RA nI SV'AH'A, SVASTI RBHA PA TU M'Am SV'AH'A, SH'ANTIm KA RI SV'AH'A, PUshtIm KA RI SV'AH'A, BA LA BARDHA RI nI SV'AH'A, DZA YA TU, DZA YE DZA YE, DZA YA BA TI, KA MA LE, BI MA LE, BI PU LE SV'AH'A; SARBBA TA TH'A GA TA M'URTE SV'AH'A, AOm BHU RI MA H'A SH'ANTI SV'AH'A, AOm BHU RI BHU RI, BADZRA PA HI, SARBBA TA TH'A GA TA HRi DA YA, P'U RA nI, A'A YU:SANDHA RA NI, BA LA BA LA, BA LA BA TI, DZA YA BI DZYE, H'Um H'Um PHAt PHAt SV'AH'A, BRAM ZE CHEN PO, GANG LA LA ZHIG GIS DE BZHIN GSHEGS PA'I SKU RIG PA'I GSANG SNGAGS KYI GZHI GZUNGS 'DIS YONGS SU SRUNG BA BYAS SHING YONGS SU BSKYAB PA DANG, YONGS SU GZUNG BA DANG, YONGS SU BSKYANG BA DANG, ZHI BA DANG BDE LEGS SU 'GYUR BA DANG, DBYUG PA SPANG BA DANG, MTSON CHA SPANG BA BYAS NA, DE TSE YONGS SU ZAD PA LAS KYANG RNAM PAR 'PHEL TE RING DU BDE BAR 'TSO BAR 'GYUR RO, ,DRAN PA PHUN SUM TSOGS PAR 'GYUR RO, ,BSKRAD PA TZAM DANG, RDO RJES BYABS
, ,PA TZAM GYIS DUS MA YIN PAR 'CHI BA DANG, NAD CHEN PO LAS YONGS SU THAR PAR 'GYUR RO, ,DE'I NAD THAMS CAD KYANG RAB TU ZHI BAR 'GYUR RO; ;RGYUN RING DU NA BA LA YANG BYABS PA TZAM GYIS RAB TU ZHI BAR 'GYUR RO, ,NYIN GCIG BZHIN DU KHA TON DU BTON NA, SHES RAB CHEN POR 'GYUR RO, ,GZI BRJID DANG; STOBS DANG, BRTZON 'GRUS DANG, SPOBS PA PHUN SUM TSOGS PAR 'GYUR RO, ,DE'I SDIG PA DANG LAS KYI SGRIB PA GDON MI ZA BAR MYONG BAR 'GYUR BA THAMS CAD KYANG MA LUS PAR YONGS SU ZAD PAR 'GYUR RO, ,SANGS RGYAS DANG, BYANG CHUB SEMS DPA' DANG, LHA DANG, KLU DANG, GNOD SBYIN LA SOGS PA THAMS CAD KYANG DE'I LUS LA GZI BRJID DANG, STOBS DANG, BRTZON 'GRUS SNON PAR 'GYUR RO, ,DGA' BA CHEN PO MANG BAR 'GYUR RO, ,BRAM ZE CHEN PO, THA NA RIG PA CHEN MO'I GSANG SNGAGS KYI GZHI 'DI DUD 'GRO'I SKYE GNAS SU SONG BA RI DVAGS DANG, BYA'I RNA LAM DU THOS NA YANG DE DAG THAMS CAD BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR 'GYUR NA, SO SOR 'BRANG BA CHEN MO'I GZUNGS 'DI LA DAD PA'I RIGS KYI BU'AM, RIGS KYI BU MO'AM, DGE SLONG NGAM, DGE SLONG MA'AM, DGE
BSNYEN NAM, DGE BSNYEN MA'AM, RGYAL PO'AM, RGYAL PO'I BLON PO'AM, BRAM ZE'AM, RGYAL RIGS SAM, DE LAS GZHAN PA 'GA' ZHIG GIS LAN GCIG THOS TE, THOS NAS KYANG DAD PA CHEN PO DANG, GUS PA DANG, LHAG PA'I BSAM PAS YI GER 'BRI'AM, YI GER 'BRIR 'JUG GAM, 'CHANG NGAM, KLOG GAM, YID DRAG POS SGOM MAM, GZHAN LA RGYA CHER YANG DAG PAR RAB TU STON PA LTA CI SMOS TE, BRAM ZE CHEN PO, DE LA DUS MA YIN PAR 'CHI BA BRGYAD RNAM PA THAMS CAD DU 'BYUNG DU MA DOGS SHIG ,DE'I LUS LA NAD CHEN PO RNAMS 'BYUNG BAR MI 'GYUR RO, ,DE'I LUS LA MES MI TSUGS, DUG GIS MA YIN, MTSON GYIS MA YIN, DUG SBYAR MAS MA YIN, BYAD KYIS MA YIN, G-YENG BYED KYIS MA YIN, SNGAGS KYI LAS KYIS MA YIN, PHYE MA'I SBYOR BAS MA YIN, YAN LAG NA BAR MI 'GYUR, RIMS KYIS BTAB PAR MI 'GYUR, KLAD PA NA BA DANG, NYIN GCIG PA DANG, NYIN GNYIS PA DANG, NYIN GSUM PA DANG, NYIN BZHI PA DANG, NYIN BDUN PA'I RIMS RNAMS DE'I LUS LA 'BYUNG BAR MI 'GYUR RO, ,DRAN BZHIN DU BDE BAR GNYID LOG CING DRAN BZHIN DU BDE BAR SAD PAR 'GYUR RO, ,YONGS SU MYA NGAN LAS 'DAS PA CHEN PO YANG 'THOB PAR 'GYUR RO, ,LAN GCIG GIS CHOS DANG LDAN PA'I DBANG
, ,PHYUG CHEN PO THOB PAR 'GYUR RO, ,DE GANG DANG GANG DU SKYE BA'I SKYE BA DE DANG DER SKYE BA DRAN PAR 'GYUR RO, ,SEMS CAN THAMS CAD KYANG BYAMS PAR 'GYUR; PHYAG BYA BA'I GNAS SU 'GYUR, ,SEMS CAN DMYAL BA DANG, DUD 'GRO'I SKYE GNAS KYI 'GRO BA THIBS PO KUN DANG, YI DVAGS SU SKYE BA RNAMS LAS YONGS SU THAR PAR 'GYUR RO, ,JI LTAR NYI MA'I DKYIL 'KHOR SEMS CAN THAMS CAD LA SNANG BAR BYED PA DE BZHIN DU 'OD ZER GYIS SNANG BA BYED PAR 'GYUR RO, ,JI LTAR ZLA BA'I DKYIL 'KHOR BDUD RTZI'I MTHUS SEMS CAN THAMS CAD KYI LUS SIM PAR BYED PA DE BZHIN DU CHOS KYI BDUD RTZIS SEMS CAN THAMS CAD KYI RGYUD TSIM PAR BYED PAR 'GYUR RO,, RIG PA'I RGYAL MO CHEN MO SO SOR 'BRAD BA CHEN MO'I MTHUS DE LA GNOD SBYIN DANG, SRIN PO DANG, 'BYUNG PO DANG, YI DVAGS DANG, SHA ZA DANG, SKEM BYED DANG, BRJED BYED DANG, MKHA' 'GRO MA DANG, GDON MA RUNGS PA THAMS CAD DANG, BGEGS DANG, LOG 'DREN LA SOGS PA THAMS CAD KYIS GTZE BAR MI NUS SO, ,DE DAG 'ONGS NA YANG RIG PA'I RGYAL MO CHEN MO 'DI DRAN PAR BYA'O, ,'ON KYANG 'DI LTA STE, RIG PA'I RGYAL MO CHEN MO SO SOR 'BRANG BA CHEN MO 'DI NYID KYI MTHUS MA RUNGS PA DE DAG THAMS CAD RIG PA 'DZIN PA'I
DBANG DU 'GYUR TE, BSGO BA BZHIN DU NGAG NYAN PAR 'GYUR RO, ,DE LA DGA'I 'JIGS PA MI 'BYUNG NGO, ,DGRA'I TSOGS THAMS CAD DANG, RGYAL PO DANG, RGYAL PO'I BLON PO DANG, BRAM ZE DANG, KHYIM BDAG RNAMS KYANG 'GAL BAR BYED PAR MI 'GYUR RO, ,THA NA GSAD PAR 'OS PA ZHIG LA GSHED MA'I MI RNAMS KYIS MTSON GDAB PAR GZAS NA YANG MTSON RNAMS RDUL BZHIN DU DUM BU DUM BUR CHAG PAR 'GYUR RO, ,DE NYID KYI DUS NA DE LA CHOS THAMS CAD MNGON SUM DU 'GYUR RO, ,DE'I DRAN PA'I STOBS KYANG CHAR 'GYUR RO, ,'DI NI SRIN PO 'JOMS PA'I MCHOG, GTZANG ZHING SDIG PA 'JIG PAR BYED, ,DPAL DU BYED CING BLO YANG BYED, ,YON TAN THAMS CAD RNAM PAR 'PHEL, ,'DI NI BKRA SHIS THAMS CAD BYED, ,BKRA SHIS MA YIN RNAM PAR 'JIG , RMI LAM BZANG PO RMI BAR BYED, ,RMI LAM NGAN PA RNAM PAR 'JIG, RIG PA MTHU STOBS CHEN MO 'DI, ,SKYES PA BUD MED SRUNG BA'I MCHOG ,'BROG DGON DANG NI MYA NGAN LAS, ,RTAG TU DE YI MOD LA THAR, ,RDZOGS PA'I SANGS RGYAS BKA' BZHIN DU, ,'DOD PA DAG NI KUN KYANG RNYED, ,LAM LAS LAM GOL ZHUGS NA YANG, ,RIG PA 'DI NI RJES DRAN NA, ,MYUR DU LAM DANG BZA' BA DANG, ,BTUNG BA MCHOG KYANG RNYED PAR 'GYUR, ,LUS DANG NGAG DANG YID RNAMS KYIS, ,MI DGE MANG PO GANG YANG RUNG, ,TSE RABS SNGA MAR CI BYAS PA, ,
, ,DE DAG THAMS CAD BYANG BAR 'GYUR, ,DRAN PA DANG NI 'CHANG BA DANG, ,'DZIN DANG YI GER 'BRI BA DANG, ,TSIG TU 'DON NAM KLOG PA DANG, ,BZLAS BRJOD BYED DAM GZHAN STON NA, ,DE NI RING POR MI THOGS PAR, ,CHOS KUN RTOGS PAR KHONG DU CHUD, ,DE LTAR CHOS KYI RO RNYED NA, ,SDIG PA RNAMS NI ZAD PAR 'GYUR, ,YID KYIS CI DANG CI 'DOD PA, , DGOS PA THAMS CAD 'GRUB PAR BYED, ,'CHI BA'I 'JIGS PA THAMS CAD DANG, ,RGYAL PO DANG NI ME DANG CHU, ,GLOG DANG DE BZHIN KUN 'JOMS LAS, ,'DI NI DE LAS SKYOB PAR 'GYUR, ,RIG PA 'BUM DU BZLAS NA NI, ,G-YUL 'GYED PA DANG RTZOD PA DANG, ,GANG YANG GCAN GZAN MA RUNGS PA, ,DE DAG THAMS CAD 'BROS PAR 'GYUR, ,SANGS RGYAS KUN GYIS GSUNGS PA YI, ,DNGOS GRUB MCHOG GI RIG PA 'DI, ,BRJOD NA SGYID LUG MI 'GYUR BAR, ,BYANG CHUB TSOGS RNAMS RDZOGS PAR BYED, ,BDAG DANG GZHAN GYI DON SGRUB PHYIR, ,GNAS KYI RNAM PA THAMS CAD DU, ,RIG PA 'DI LA SBYOR NA NI, ,'DOD PA'I LAS RNAMS GANG YIN PA, ,SGRIM MI DGOS PAR RIG 'DI LAS, ,'GRUB 'GYUR 'DI LA THE TSOM MED, ,NAD PA RNAMS NI GSO BYA BA, ,DA NI RAB TU BSHAD PAR BYA, ,SA DANG LCI BA BSRES PA YIS, ,DKYIL 'KHOR GRU BZHI LHAM PAR BYA, ,TSON GYI PHYE MA SNA LNGA YIS, ,
DKYIL 'KHOR SDUG GUR BRI BAR BYA, ,MKHAS PA RNAMS KYIS CHO GA BZHIN, ,BUM PA GANG BA BZHI YANG GZHAG ,DE LA ME TOG SIL MAS GTOR, ,BDUG PA MCHOG GIS BDUG PAR BYA; ;SEMS CAN CHEN PO GDUL BA'I PHYIR, ,GTOR MA YIS NI LAS KYANG BYA, ,SNGA MA BZHIN DU ME TOG SPOS, ,CHO GA BZHIN DU 'DI LA MCHOD, ,DAR GYIS BCINGS PA'I MDA' BZHI YANG, ,DKYIL 'KHOR GRA BZHIR GZUGS PAR BYA, ,DE YI 'OG TU NAD PA YANG, ,DRI ZHIM SPOS KYIS LUS BSKUS TE, ,GTZANG MA'I GOS RNAMS BSKON NAS NI, ,DKYIL 'KHOR DBUS SU GZHAG PAR BYA, ,DE NAS SHAR PHYOGS KHA BSTAN TE, ,RIG PA 'DI NI BRJOD PAR BYA, ,LAN BDUN BZLAS BRJOD BYAS NAS SU, ,MKHAS PAS DE LA BSRUNG BAR BYA, ,DE NAS NAD PA'I DON GYI PHYIR, ,LAN GRANGS NYI SHU RTZA GCIG TU, ,RIG PA 'DI NI BRJOD BYAS NAS, ,DE NI NAD KUN ZHI BAR 'GYUR, ,DE NAS GTOR MA'I BUM PA LA, ,LAN BDUN LEGS PAR SNGAGS KYIS GDAB, ,DE NAS BSHOS KYANG BSHOS GDAB STE, ,GTOR MA ME TOG CHO GA BZHIN, ,DE LTAR LHO PHYOGS NGOS SU NI, ,LAN BDUN KHO NAR GTOR BAR BYA, ,NUB PHYOGS SU YANG BDUN NYID DE; ;BYANG PHYOGS SU YANG DE BZHIN NO, ,'OG DANG STENG DU'ANG LAN BDUN TE, ,SRUNG BA BYAS PAR 'GYUR BA YIN, ,BRAM ZE DAM PA DE LTA BUR, ,BYAS NA SDUG BSNGAL KUN LAS
, ,GROL; ;SKYOB PA SH'AKYA SENG+GE YIS, ,SRUNG BA 'DI NI YANG DAG BSHAD, ,'DI MA GTOGS PAR KHAMS GSUM NA, ,SRUNG BA'I RIG PA GZHAN MED DO, ,DE NI MI 'CHI MI RGAS TE, ,NAD KYIS MI BTAB MI SDUG MIN, ,SDUG PA DANG NI 'BRAL MI 'GYUR, ,RIG PA 'DI NI BDAG GI LUS, ,SHIN TU BSGOM PA BYAS NA NI, ,DE LA 'CHI BDAG TSOGS KYIS MCHOD, ,CHOS KYI RGYAL PO DAM PA GSHIN RJE YANG, ,GUS DANG BCAS PAS DE LA MCHOD PAR 'GYUR, ,SKAD CIG NGA YI SEMS DMYAL 'DI BYOS LA, ,LHA YI GRONG KHYER SONG ZHES SMRA BAR 'GYUR, ,DE NAS GZHAL MED KHANG PA RNAM MANG POS, ,RDZU 'PHRUL CHEN PO LHA GNAS BZANG POR 'GRO, ,DE LTAR DER NI LHA MI GNOD SBYIN DANG, ,SRIN PO RNAMS KYIS DE LA RTAG MCHOD 'GYUR, ,LAG NA RDO RJE GNOD SBYIN DBANG, ,BDE SOGS BDAG PO DBANG PO DANG, ,'PHROG MA DANG NI LNGAS RTZEN DANG, ,'JIG RTEN SKYONG BA RDZU 'PHRUL CHE, ,ZLA BA NYI MA RGYU SKAR BCAS, ,MCHOG TU MI BZAD GZA' RNAMS DANG, ,GANG YANG KLU CHEN THAMS CAD DANG, ,LHA DANG DE BZHIN DRANG SRONG DANG, ,LHA MIN MKHA' LDING DRI ZA DANG, ,MI'AM CI DANG LTO 'PHYE CHE, ,SRUNG PHYIR RTAG TU 'BRANG BAR BYED, ,GANG GIS RIG PA STOBS CHEN MO, ,RDZU 'PHRUL CHEN MO BRIS NAS NI, ,SHES RAB CAN GYI LAG LA GDAGS, ,MCHOD PA CHEN PO
'THOB PAR 'GYUR, ,RTAG TU PHUN SUM TSOGS PAR 'ONG, ,'PHAGS PA RIG PA'I RGYAL MO SO SOR 'BRANG BA CHEN MO RDZOGS SO,, ,,RGYA GAR GYI MKHAN PO DZI NA MI TRA DANG, D'A NA SH'I LA DANG, ZHU CHEN GYI LO TZ'A BA BANDHE YE SHES SDES ZHUS TE SKAD GSAR BCAD KYIS KYANG BCOS NAS GTAN LA PHAB PA, SLAR YANG LOTZ'A BA GZHON NU DPAL GYIS CHOS RJE CHAG LO'I RGYA DPE DANG BSTUN NAS ZHUS DAG PAR BGYIS SO,, ,,