,RGYA GAR
, ,SKAD DU, A'ARYA SA MANTA MU KHA PA RI BRTAN MA MAH'A Y'A NA S'U TRA, BOD SKAD DU, 'PHAGS PA KUN NAS SGO'I LE'U ZHES BYA BA THEG PA CHEN PO'I MDO, , BAM PO GCIG PA, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA BYA RGOD KYI PHUNG PO'I RI LA DGE SLONG BRGYAD BRGYA'I DGE SLONG GI DGE 'DUN CHEN PO DANG, BYANG CHUB SEMS DPA' BZHI KHRI NYIS STONG DANG THABS CIG TU BZHUGS TE, DE'I TSE BYANG CHUB SEMS DPA' SEMS DPA' CHEN PO DRI MA MED PA'I SNYING PO ZHES BYA BA BYANG CHUB SEMS DPA' DGU KHRI NYIS STONG DANG LHAN CIG TU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ME TOG KUN TU RGYAS PA'I SANGS RGYAS KYI ZHING 'JIG RTEN GYI KHAMS SPYOD PA YONGS SU DAG PA DANG LDAN PA NAS 'JIG RTEN GYI KHAMS MI MJED 'DI'I BYA RGOD KYI PHUNG PO'I RI GA LA BA DANG, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA GA LA BA DER SONG NGO, ,BYANG CHUB SEMS DPA' SEMS DPA' CHEN PO DRI MA MED PA'I SNYING PO BYANG CHUB SEMS DPA'I TSOGS CHEN POS YONGS
SU BSKOR CING BYANG CHUB SEMS DPA'I TSOGS KYI MDUN DU BDAR NAS NAM MKHA' LAS 'ONG BAR BCOM LDAN 'DAS KYIS GZIGS SO, ,GZIGS NAS KYANG BCOM LDAN 'DAS 'DI SNYAM DU DGONGS TE, BYANG CHUB SEMS DPA' SEMS DPA' CHEN PO DRI MA MED PA'I SNYING PO 'DI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ME TOG KUN TU RGYAS PAS KUN NAS SGO'I LE'U'I CHOS KYI RNAM GRANGS 'DI YANG DAG PAR YONGS SU GZUNG BA'I PHYIR 'DIR 'ONG BAR GNANG STE BTANG GI ,NGAS KYANG BYANG CHUB SEMS DPA' DAG BSDU BAR BYA BAR NGES SO, ,SNYAM DU DGONGS SO, ,DE NAS BCOM LDAN 'DAS KYIS DGONGS PA DE LTA BU DGONGS NAS DES 'JIG RTEN GYI KHAMS MTHA' YAS MU MED PA DAG NA BYANG CHUB SEMS DPA' SEMS DPA' CHEN PO GANG DAG 'KHOD PA DE DAG 'JIG RTEN GYI KHAMS MI MJED 'DI'I BYA RGOD KYI PHUNG PO'I RI GA LA BA DANG, BCOM LDAN 'DAS GA LA BA DAR LHAGS SO, ,LHAGS NAS KYANG BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'KHOD DO, ,BYANG CHUB SEMS DPA' SEMS DPA' CHEN PO GANG DAG BYA RGOD KYI PHUNG PO'I RI LA NANG DU YANG DAG 'JOG LA ZHUGS PA DE DAG THAMS CAD KYANG 'DUS SO, ,DE NAS BYANG CHUB SEMS DPA' SEMS
, ,DPA' CHEN PO DRI MA MED PA'I SNYING PO RIN PO CHE SNA BDUN LAS BYAS PA'I PADMA 'DAB MA STONG DANG LDAN PA THOGS NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA GA LA BA DER SONG STE PHYIN PA DANG, BCOM LDAN 'DAS KYI ZHABS LA MGO BOS PHYAG 'TSAL TE PADMA 'DAB MA STONG DANG LDAN PA DE PHUL NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, 'JIG RTEN GYI KHAMS SPYOD PA YONGS SU DAG PA DANG LDAN PA NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ME TOG KUN TU RGYAS PA, BCOM LDAN 'DAS LA SNYUN GSOL TE, GNOD PA CHUNG NGAM, NYAM NGA BA CHUNG NGAM, BSKYOD PA YANG NGAM, 'TSO'AM, STOBS DANG BDE BAR REG PA LA GNAS SAM, BCOM LDAN 'DAS LA SNYUN MI MNGA' 'AM, GNOD PA CHUNG NGAM ZHES SNYUN GSOL ZHING 'DI SKAD CES BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA KUN NAS SGO'I LE'U BSAM GYIS MI KHYAB PA LA 'JUG PA'I CHOS KYI RNAM GRANGS BYANG CHUB SEMS DPA' SEMS DPA' CHEN PO RNAMS LA STON TAM ZHES KYANG GSUNG NGO, ,DE
NAS BYANG CHUB SEMS DPA' SEMS DPA' CHEN PO DRI MA MED PA'I SNYING POS BCOM LDAN 'DAS LA RNAM PA DE DAG GSOL NAS BYANG CHUB SEMS DPA' DE DAG DANG LHAN CIG TU 'KHOR DANG BCAS TE NAM MKHA' LA SKYIL MO KRUNG BCAS NAS 'DUG GO ,YANG DE'I TSE NA 'JAM DPAL GZHON NUR GYUR PA 'KHOR DE NYID DU 'DUS PAR GYUR TE 'DUG GO ,DE NAS 'JAM DPAL GZHON NUR GYUR PA STAN LAS LANGS TE BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BYANG CHUB SEMS DPA' RNAMS RJES SU GZUNG BA'I SLAD DU BCOM LDAN 'DAS DE BZHIN GSHEGS PAS KUN NAS SGO'I LE'U BSAM GYIS MI KHYAB PA LA 'JUG PA'I CHOS KYI RNAM GRANGS LEGS PAR BSHAD DU GSOL, BCOM LDAN 'DAS, BDAG GIS MNGON PAR 'TSAL TE; 'DAS PA'I DUS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KUN TU SNANG BA'I SGRON MA LAS CHOS KYI RNAM GRANGS 'DI THOS NAS TING NGE 'DZIN BYE BA KHRAG KHRIG BRGYA STONG PHRAG BRGYAD CU RTZA BZHI BSKYED PAR GYUR, GZUNGS SGRUB PA'I SGO BYE BA KHRAG KHRIG BRGYA STONG PHRAG BDUN CU RTZA BDUN YANG RTOGS PAR GYUR TO, ,DE
, ,LTA LAGS PAS BCOM LDAN 'DAS KYIS KYANG BYANG CHUB SEMS DPA' RNAMS RJES SU GZUNG BA'I SLAD DU LEGS PAR BSHAD DU GSOL, DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,DE'I PHYIR 'JAM DPAL, KHYOD LEGS PAR RAB TU NYON LA YID LA ZUNGS SHIG DANG BSHAD DO, ,'JAM DPAL GZHON NUR GYUR BAS BCOM LDAN 'DAS, DE LTAR 'TSAL LO, ,ZHES GSOL TE BCOM LDAN 'DAS KYI LTAR NYAN PA DANG, BCOM LDAN 'DAS KYIS DE LA 'DI SKAD CES BKA' STZAL TO, ,'JAM DPAL, 'DI LA BYANG CHUB SEMS DPA' SEMS DPA' CHEN POS GZUGS TING NGE 'DZIN DU RTOGS PAR BYA'O, ,SGRA TING NGE 'DZIN DU RTOGS PAR BYA'O, ,DRI TING NGE 'DZIN DU RTOGS PAR BYA'O, ,RO TING NGE 'DZIN DU RTOGS PAR BYA'O, ,REG BYA TING NGE 'DZIN DU RTOGS PAR BYA'O, ,YID KYI KHAMS TING NGE 'DZIN DU RTOGS PAR BYA'O, ,BUD MED KYI GZUGS TING NGE 'DZIN DU RTOGS PAR BYA'O, ,SKYES PA'I GZUGS TING NGE 'DZIN DU RTOGS PAR BYA'O, ,KHYE'U'I GZUGS TING NGE 'DZIN DU RTOGS PAR BYA'O, ,BU MO'I GZUGS TING NGE 'DZIN DU RTOGS PAR BYA'O, ,LHA'I GZUGS TING NGE 'DZIN DU
RTOGS PAR BYA'O, ,KLU'I GZUGS TING NGE 'DZIN DU RTOGS PAR BYA'O, ,GNOD SBYIN GYI GZUGS TING NGE 'DZIN DU RTOGS PAR BYA'O, ,DRI ZA'I GZUGS TING NGE 'DZIN DU RTOGS PAR BYA'O, ,LHA MA YIN GYI GZUGS TING NGE 'DZIN DU RTOGS PAR BYA'O, ,NAM MKHA' LDING GI GZUGS TING NGE 'DZIN DU RTOGS PAR BYA'O, ,MI 'AM CI'I GZUGS TING NGE 'DZIN DU RTOGS PAR BYA'O, ,LTO 'PHYE CHEN PO'I GZUGS TING NGE 'DZIN DU RTOGS PAR BYA'O, ,SEMS CAN DMYAL BA'I GZUGS TING NGE 'DZIN DU RTOGS PAR BYA'O, ,DUD 'GRO'I SKYE GNAS KYI GZUGS TING NGE 'DZIN DU RTOGS PAR BYA'O, ,GSHIN RJE'I 'JIG RTEN GYI GZUGS TING NGE 'DZIN DU RTOGS PAR BYA'O, ,'DOD CHAGS TING NGE 'DZIN DU RTOGS PAR BYA'O, ,ZHE SDANG TING NGE 'DZIN DU RTOGS PAR BYA'O, ,GTI MUG TING NGE 'DZIN DU RTOGS PAR BYA'O, ,DGE BA THAMS CAD TING NGE 'DZIN DU RTOGS PAR BYA'O, ,MI DGE BA THAMS CAD TING NGE 'DZIN DU RTOGS PAR BYA'O, ,'DUS BYAS THAMS CAD TING NGE 'DZIN DU RTOGS PAR BYA'O, ,'DUS MA BYAS THAMS CAD TING NGE 'DZIN DU RTOGS PAR BYA'O; ;DE LTAR CHOS THAMS CAD TING NGE 'DZIN DU RTOGS PAR BYA STE, 'JAM DPAL, DE LTA BU'I TING NGE 'DZIN THAMS CAD DANG LDAN PA'I BYANG CHUB SEMS DPA' SEMS DPA'
, ,CHEN PO NI, THAMS CAD DU 'GRO BA'I BLO DANG LDAN PA YIN LA, KUN NAS SGO'I LE'U'I CHOS KYI RNAM GRANGS 'DI NYID LA YANG BSLAB PA YIN NO, , 'JAM DPAL, DE LA JI LTAR NA BYANG CHUB SEMS DPAS GZUGS TING NGE 'DZIN DU RTOGS PAR BYA ZHE NA, GZUGS NI, LBU BA LTA BUR GSUNGS, ,DE LA SNYING PO MI RNYED DO; ;SNYING PO MED PHYIR GZUNG MED PHYIR, ,DES NI TING NGE 'DZIN ZHES BSTAN, ,'JAM DPAL, DE LTAR NA, GZUGS TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS SGRA TING NGE 'DZIN DU RTOGS PAR BYA ZHE NA, SGRA NI BRAG CA LTA BU STE, ,DE LA DNGOS PO YOD MA YIN, ,THA DAD DBYE BA MI SHES SHING, MTSAN NYID MED CING BYE BRAG MED, ,MTSAN NYID MED CING BYUNG BA MED, ,YA MA BRAL DANG 'DUS MA BYAS, ,BRAG CA LTA BUR SHES PAS NA, ,DES NA TING NGE 'DZIN CES BSTAN; ;'JAM DPAL, DE LTAR NA, SGRA TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS DRI TING NGE 'DZIN DU RTOGS PAR BYA ZHE NA; JI LTAR RGYA MTSO'I GTING DAG NI, ,NAM YANG CIS KYANG GANG MED LTAR, ,BSKAL PA BYE BAR BSNAMS BYAS KYANG, ,SNA NI TSIM PAR 'GYUR BA MED, ,SNA YI RNAM
RIG GZUNG MED DE, ,SLU BA'I CHOS DE YOD MA YIN, ,GAL TE YANG DAG YIN GYUR NA, ,DE LTAR MYUR DU TSIM PAR 'GYUR, ,GZUNG BA MED CING YANG DAG MIN, ,SNA YANG YOD MIN GSOG TU SHES, ,GSOB DANG STONG PAR SHES PAS NA, ,DES NI TING NGE 'DZIN CES BSTAN, ,'JAM DPAL, DE LTAR NA, DRI TING NGE 'DZIN DU RTOGS PAR BYA'O, ,'JAM DPAL DE LA JI LTAR NA, BYANG CHUB SEMS DPAS RO TING NGE 'DZIN DU RTOGS PAR BYA ZHE NA, LCE NI TSA DANG KHA BA'ANG MIN, ,SGYUR DANG LAN TSA 'ANG MA YIN TE, ,JI 'DRA'I RKYEN DANG LDAN PA LAS, ,LCE YANG DE DANG 'DRA BAR 'GYUR, RO 'DI RGYU LAS BYUNG BA DANG, ,RKYEN LA RAG LAS SHES GYUR CING, ,BSAM GYIS MI KHYAB SHES PAS NA, ,DES NA TING NGE 'DZIN CES BSTAN, ,'DZAM DPAL, DE LTAR NA, RO TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS REG BYA TING NGE 'DZIN DU RTOGS PAR BYA ZHE NA, RNAM RIG LAS BYUNG REG BYA NI, ,NGO BO NYID KYIS YOD MA YIN, ,'JAM PA DANG NI RTZUB PA NYID, ,RKYEN RNAMS LAS NI BYUNG BA YIN, ,REG BYA GNAS PA MED PA STE, ,BDAG MED NYE BAR GNAS PA YIN, ,TSOGS RNAMS SBYOR BAR SHES PAS NA, ,DES NA TING NGE 'DZIN CES BSTAN, ,'JAM DPAL, DE LTAR NA, REG BYA TING NGE
, ,'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS YID KYI KHAMS TING NGE 'DZIN DU RTOGS PAR BYA ZHE NA, GANG DAG STONG GSUM SEMS CAN RNAMS, ,DE DAG GNAS GCIG GNAS GYUR TE, ,YID KHAMS RNAM PAR SHES BYED KYANG, ,DE YI DNGOS PO RNYED MI 'GYUR, ,BSAGS PA DANG NI GONG BU YANG, ,RNAM PAR RIG LA GNAS PA MED, ,KHA DOG SNA TSOGS RNAMS STON KYANG, ,PHYI DANG NANG NA GNAS MA YIN, ,GNAS PA MED CING GNAS KYANG MED; ;SGYU MA LTA BUR DNGOS PO MED, ,MED CING YA MA BRLAR SHES PAS, ,DES NA TING NGE 'DZIN CES BSTAN, ,'JAM DPAL, DE LTAR NA, YID KYI KHAMS TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS BUD MED KYI GZUGS TING NGE 'DZIN DU RTOGS PAR BYA ZHE NA, 'BYUNG BA CHEN PO BZHI PO DAG ,DE LA BUD MED YOD MIN YANG, ,BYIS PA RNAMS NI RMONGS PA'I BLOS, ,'DOD PA'I GSOG LA SPYOD PAR BYED, ,SGYU MA'I BUD MED MTSAN MED KYANG, ,BUD MED GZUGS SU SNANG BA LA, ,GANG DAG MUN PAS BSGRIBS PA'I MI, ,DE DAG KUN DU CHAGS PA BSKYED, ,JI LTAR SGYU MA'I BUD MED LA, ,'DOD CHAGS LDAN PA'I SEMS
SKYED KYANG, ,DE LA BUD MED YOD MA YIN, ,PHYIN CI LOG GI SEMS KYIS NI, ,BSKAL PA BYE BA GRANGS MED DU, ,BLO GROS CHUNG RNAMS 'KHOR BAR BYED, ,DE NAS DNGOS PO MED SHES NA, , BUD MED THAMS CAD MTSAN NYID MED, ,TING 'DZIN ZHI BA BRJOD PA NI, ,BUD MED GZUGS KYIS RAB TU BSTAN, ,'JAM DPAL, DE LTAR NA, BUD MED KYI GZUGS TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPA' SKYES PA'I GZUGS TING NGE 'DZIN DU RTOGS PAR BYA ZHE NA, 'DI NI BUD MED BDAG SKYES PAR, ,JI LTAR SKYES PAS BRJOD PA LAS, ,DE YI TSE NA DE YI SEMS, ,'DOD CHAGS LDAN PA RDZUN PA 'BYUNG, ,SEMS NI GZUGS MED GZUNG BA MED, ,BUD MED SKYES PA BSTAN PA MED, ,KUN TU RTOGS PAS SGRO BTAGS NAS, ,SKYES PA'I 'DU SHES 'BYUNG BAR 'GYUR, ,'DI NI BUD MED BDAG DPA' ZHES, ,'DU SHES GANG GIS RNAM BRTAGS PA, ,DE NGAS SMIG RGYU 'DRAR GSUNGS TE; ;DE LA SKYES PA YOD MA YIN, ,SKYES PA NYID NI RDZUN PAS NA, ,DE NI MED LAS BYUNG BA YIN, ,TING NGE 'DZIN ZHI BA BRJOD PA NI, ,DPA' BO'I GZUGS KYIS RAB TU BSTAN, ,'JAM DPAL; DE LTAR NA, SKYES BA'I GZUGS TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS KHYE'U'I GZUGS TING NGE 'DZIN DU RTOGS
, ,PAR BYA ZHE NA, LJON PA'I MYU GU YOD MIN NA, ,ME TOG 'BYUNG BAR GA LA 'GYUR, ,ME TOG YOD PA MA YIN NA, ,'BRAS BU THOB PA'ANG MED PA, LTAR; ;BUD MED YOD PA MA YIN PAS, ,KHYE'U YANG DMIGS PAR MI 'GYUR TE, ,BRTAGS PA'I DBANG DU SONG RNAMS KYIS, ,KHYE'U ZHES BYA BAR BRTAGS PA YIN, ,BUD MED SKYES PA MED SHES NA, ,KHYE'U YANG 'BYUNG BA YOD MIN TE, ,DNGOS PO THAMS CAD MED RTOGS PAS, ,DES NA KHYE'U'I TING 'DZIN BSTAN, ,'JAM DPAL, DE LTAR KHYE'U'I GZUGS TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS BU MO'I GZUGS TING NGE 'DZIN DU RTOGS PAR BYA ZHE NA, JI LTAR TA LA'I MGO BCAD PA, ,DE NI NAM YANG MI SKYE STE, ,MKHAS PAS SHES NAS DE LA NI, ,'BRAS BU THOB PAR 'DOD PA MED, ,DE BZHIN MKHAS PAS BUD MED KYANG, , RNAM KUN SKYE BA MED SHES PAS, ,BRTAN PA BU MO SKYES SO ZHES, ,PHYIN CHAD RTOGS PAR MI BYED DO, ,SA BON BSKAMS PAR GYUR PA LA, ,RNAM KUN SKYE BA MED SHES PAS, , TING 'DZIN ZHI BA BRJOD PA NI, ,BU MO GZUGS KYIS RAB TU BSTAN, ,'JAM DPAL, DE LTAR NA, BU MO'I GZUGS TING NGE 'DZIN DU RTOGS PAR BYA'O, ,'JAM DPAL,
DE LA JI LTAR NA, BYANG CHUB SEMS DPAS LHA'I GZUGS TING NGE 'DZIN DU RTOGS PAR BYA ZHE NA, RNAM RTOG DGE LAS BYUNG BA YI, ,LAS DGE'I 'BRAS BU LHA RNAMS TE, ,RAB TU DANG BA'I YID KYIS NI, ,MDZES PA'I LHA RNAMS MNGON PAR GRUB, ,GZHAL MED KHANG PA NYAMS DGA' BA, ,DE DAG GZHAN SUS BYAS PA MIN, ,ME TOG MAND'A RA BA YANG, ,DE DAG GZHAN SUS BSKYED PA MIN, ,SGYU MA'I LAS LAS KUN BYUNG BAS, ,BYUNG BA RNAMS KYANG BSAM DU MED, ,BZANG POR SNANG BA'I BEE d'URYA, ,LOG PAS GRUB PA RNAMS KYANG RDZUN, ,YANG DAG MIN PAS KUN BSKYED PAS, ,LHA RNAMS RDZUN PAR SHES PAS NA, ,TING 'DZIN ZHI BA BRJOD PA NI, ,LHA YI GZUGS KYIS BSTAN PA YIN, ,'JAM DPAL, DE LTAR NA, LHA'I GZUGS TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS KLU'I GZUGS TING NGE 'DZIN DU RTOGS PAR BYA ZHE NA, MI BZOD BSKYED PA BYAS NAS NI, ,YOD MIN SPRIN GYI GZUGS BSTAN CING, ,CHAR PA'I RGYUN DAG RAB 'BEBS PA, ,DE DAG NANG NA MI GNAS KYANG, ,'JAM BU'I GLING 'DIR RGYA MTSO DANG, ,KLU DANG DUG CAN YONGS SU 'GENGS, ,SNGON GYI MTHA' 'AM PHYI MA'I MTHAR, ,CHU NI 'BYUNG BA YOD MA YIN, ,DE DANG MTSUNGS PA'I SEMS CAN KUN, ,RTZOM
, ,PA SNA TSOGS BSLAB PA RNAMS, ,LAS RNAMS SNA TSOGS STON BYED KYANG, ,LAS DE 'BYUNG BA YOD MA YIN, ,MKHAS PAS BYIS PA RMONGS BYED PA'I, ,RGYU 'DI MA BYUNG SHES PAS NA, ,BDEN PA MA YIN BDEN SNANG BAS, ,KLU NI TING NGE 'DZIN DU BSTAN, ,'JAM DPAL, DE LTAR NA KLU'I GZUGS TING NGE 'DZIN DU RTOGS PAR BYA'O, , 'JAM DPAL, DE LA JI LTAR NA, BYANG CHUB SEMS DPAS GNOD SBYIN GYI GZUGS TING NGE 'DZIN DU RTOGS PAR BYA ZHE NA, SEMS NI RNAM PAR GYUR PA LAS, ,'JIGS PA'I GZUGS NI MNGON GRUB PA, ,LUS KYI BOD TSAD CHE BA YANG, ,SEMS GCIG GIS NI KUN TU BSKYED, ,SEMS LA 'JIGS PA YOD MIN TE, ,TSOGS PA DAG LAS 'JIGS PA SKYE, ,YOD PA MIN PA'I LAS RNAMS LAS, ,MI SDUG RNAM PA BSAM YAS LTOS, ,MI SDUG RNAM PA BSAM YAS PA, ,SHIN TU STONG PAR SHES PAS NA, ,TING 'DZIN ZHI BA BRJOD PA NI, GNOD SBYIN GZUGS KYIS BSTAN PA YIN, ,'JAM DPAL, DE LTAR NA GNOD SBYIN GYI GZUGS TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS DRI ZA'I GZUGS TING NGE 'DZIN DU RTOGS PAR BYA ZHE NA, CHOS DE SHIN TU 'GRO MED KYANG, ,'GRO BA'I SGRA NI BRJOD PAS NA, ,'GRO BAS 'GRO
BA MED SHES PAS, ,DRI ZAS TING 'DZIN BSTAN PA YIN, ,'JAM DPAL, DE LTAR NA DRI ZA'I GZUGS TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPA' LHA MA YIN GYI GZUGS TING NGE 'DZIN DU RTOGS PAR BYA ZHE NA, AA YI RGYAS BTAB LHA MIN TE, ,SKYE BA MED LAS YANG DAG BYUNG, ,'GAG MED 'BYUNG BA YOD MIN PAS, ,LHA MA YIN GYIS TING 'DZIN BSTAN, ,'JAM DPAL, DE LTAR NA LHA MA YIN GYI GZUGS TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS NAM MKHA' LDING GI GZUGS TING NGE 'DZIN DU RTOGS PAR BYA ZHE NA, 'DZIN PA MED LA 'DZIN BYAS NAS, ,BRJOD PAS MING DU BTAGS PAS NA, ,MING DANG GZUGS NI YOD MIN PAS, ,NAM MKHA' LDING GIS TING 'DZIN BSTAN, ,'JAM DPAL, DE LTAR NA NAM MKHA' LDING GI GZUGS TING NGE 'DZIN DU RTOGS PAR BYA'O, , 'JAM DPAL, DE LA JI LTAR NA, BYANG CHUB SEMS DPAS MI 'AM CI'I GZUGS TING NGE 'DZIN DU RTOGS PAR BYA ZHE NA, BYAS MIN BYAS PA'I LAS RNAMS KYIS, ,MI 'AM CI NYID KUN DU BSKYED, ,'DI DAG SKYE BA MED SHES PAS, ,MI 'AM CI YIS TING 'DZIN BSTAN, ,'JAM DPAL, ,DE LTAR NA MI 'AM CI'I GZUGS TING NGE 'DZIN DU RTOGS PAR BYA'O, ,
, ,'JAM DPAL, DE LA JI LTAR NA, BYANG CHUB SEMS DANG SA LTO 'PHYE CHEN PO'I GZUGS TING NGE 'DZIN DU RTOGS PAR BYA ZHE NA, MING GANG GIS NI CHOS 'DI DAG ,'JIG RTEN DAG TU SNA TSOGS GZHAG ,CHOS DE 'DI LA YOD MA YIN, ,MED LAS THAMS CAD KUN TU BRTAGS, ,KUN DU BRTAGS PAS KUN SHES NAS; ;NGO BO NYID KYIS KUN RTOG MED, ,TING 'DZIN ZHI BA BRJOD PA NI, ,LTO 'PHYE CHEN PO'I GZUGS KYIS BSTAN, ,'JAM DPAL, DE LTAR NA, LTO 'PHYE CHEN PO'I GZUGS TING NGE 'DZIN DU RTOGS PAR BYA'O, ,'JAM DPAL DE LA JI LTAR NA, BYANG CHUB SEMS DPAS SEMS CAN DMYAL BA'I GZUGS TING NGE 'DZIN DU RTOGS PAR BYA ZHE NA, RDUL DANG BRAL ZHING RDUL MED GSOG ,DE LA BYED PO 'GA' YANG MED, ,RANG GI RTOGS PAS KUN BSKYED DE, ,RTOG PA DE YANG YOD MA YIN, ,DMYAL PA DRI MED DRI BRAL ZHING, ,DAG DANG YANG DAG 'OD GSAL DANG, ,MTSAN NYID MED CING MTSAN MED PAR, ,BYANG CHUB SNYING POR NGAS SHES TE, ,MTSAN NYID MED CING BYUNG MED DO, ,NAM MKHA' 'DRA BAR SHES PAS NA, ,TING 'DZIN ZHI BA BRJOD PA NI, ,SEMS CAN DMYAL BA'I GZUGS KYIS BSTAN, ,'JAM DPAL, DE LTAR NA, SEMS
CAN DMYAL BA'I GZUGS TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS DUD 'GRO'I GZUGS TING NGE 'DZIN DU RTOGS PAR BYA ZHE NA, DPER NA JI LTAR SPRIN GYI GZUGS, ,KHA DOG SNA TSOGS 'BYUNG BA DANG ,DE LA KHA DOG YOD MIN YANG, ,MI MKHAS PA DAG RMONGS PAR BYED, ,DE BZHIN SEMS KYANG MED PA'I PHYIR,, SPRIN GYI GZUGS DANG MTSUNGS 'DRA YANG, ,DUD 'GRO'I SKYE GNAS RNAMS SU NI, ,RNAM PA SNA TSOGS LUS KYANG STON, ,LAS NI SGYU MA'I RANG BZHIN DANG, ,BYUNG MED MTSAN NYID MED PAR SHES, ,TING 'DZIN ZHI BA BRJOD PA NI, ,DUD 'GRO'I GZUGS KYIS BSTAN PA YIN, ,'JAM DPAL, DE LTAR NA, DUD 'GRO'I SKYE GNAS KYI GZUGS TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS GSHIN RJE'I 'JIG RTEN GYI GZUGS TING NGE 'DZIN DU RTOGS PAR BYA ZHE NA, NAG PO DANG NI DKAR PO YI; ;SDIG DANG KHA NA MA THO DANG, ,KHA NA MA THO MED PA'I LAS, ,RAB 'BRING THA MA 'DRES BYAS PAS, ,GSHIN RJE'I 'JIG RTEN SDUG BSNGAL ZHING, ,TSOL BAR KUN DU 'KHOR BA YIN; ;DE LA GSHIN RJE'I 'JIG RTEN MED, ,DE NI NGO BO NYID KYIS STONG, ,RMI LAM NA NI MYONG BA BZHIN, ,'JUG PA MED CING GRUB PA MED, ,GSHIN RJE'I 'JIG RTEN YOD MIN
, ,PAS; ;DES NA TING NGE 'DZIN DU BSTAN, ,'JAM DPAL, DE LTAR NA, GSHIN RJE 'JIG RTEN GYI GZUGS TING NGE 'DZIN DU RTOGS PAR BYA'O, , 'JAM DPAL, DE LA JI LTAR NA, BYANG CHUB SEMS DPAS 'DOD CHAGS TING NGE 'DZIN DU RTOGS PAR BYA ZHE NA, YONGS SU RTOGS LAS 'DOD CHAGS 'BYUNG, ,RTOGS PA DE YANG 'BYUNG BA MED, ,'BYUNG BA MED LA GNAS PA MED, ,DE YI GNAS KYANG RNYED MI 'GYUR, ,GNAS MED GNAS PA YOD MIN PAS, ,'DOD CHAGS NAM MKHA' 'DRA BA YIN; ;BYIS PA BSLAD PAR GYUR RNAMS KYIS, ,KUN NAS NYON MONGS YONGS SU BRTAGS, ,KUN NAS NYON MONGS MED CHOS DE, ,'DOD CHAGS ZHES BYA'I MING GIS BRJOD; ;PHYOGS BCU DAG TU BTZAL BYAS KYANG, ,DE YI DNGOS PO RNYED MI 'GYUR, ,'DOD CHAGS DNGOS PO MED PA LA, ,BYIS PA RMONGS PA 'JIGS BYED DE, ,'JIGS MED 'JIGS PA'I 'DU SHES CAN, ,DE DAG LA NI BDE BA MED, ,JI LTAR SKYES BU LA LA DAG ,MKHA' LA 'JIGS PAR 'DU SHES NAS, ,SKRAG CING BDAG GIS NAM MKHA' NI, ,MI MTHONG BYA ZHES 'BROS BYED KYANG, ,NAM MKHAS KUN TU KHYAB PAS NA, ,SU YANG DE LAS MI THAR TE, ,BYIS PA BSLAD PAR GYUR RNAMS KYIS, ,PHYIN CI LOG
TU RNAM PAR BRTAGS, ,DE LTAR CHOS RNAMS MKHA' 'DRA BAR, ,SHES PA'AM GYUR BYIS PA RNAMS, ,DNGOS PO MED PA'I 'DOD CHAGS LA, ,YONGS SU SPANG BAR MNGON PAR 'DOD; ;'DOD CHAGS NAM MKHA' 'DRA BAS NA, ,SU YANG DE LAS 'GROL BA MED, ,GROL ZHING RNAM GROL PHUN SUM TSOGS, ,CHOS RNAMS MYA NGAN 'DAS DANG 'DRA, ,SANGS RGYAS GANG DAG 'DAS PA DANG, ,'DREN PA GANG DAG BZHUGS PA DANG, ,GANG DAG 'BYUNG 'GYUR RDZOGS SANGS RGYAS, ,DE KUN SPYOD YUL 'DOD CHAGS YIN, ,'DOD CHAGS STONG PAR SHES GYUR NA, ,CHAGS PAS GROL BA GANG YANG MED, ,GANG DAG CHAGS LA 'JIGS 'DU SHES, ,DE DAG CHAGS LAS GROL BYANG SEMS, ,CI YANG MED PA'I MTHA' 'DI NI, ,'DOD CHAGS MTHA' STE 'OD GSAL ZHING, ,MTSAN MA MED LA BRTAG MNYAM PAR, ,BYANG CHUB SNYING POR NGA YIS MTHONG, ,DNGOS POR 'DU SHES SEMS CAN GANG, ,DE DAG 'DOD CHAGS 'BRI BAR 'GYUR, ,YOD PA MIN PA YONGS SU BRTAGS PAS, ,DE DAG GIS NI SPONG BA BRTAGS, ,BDAG GIS 'DOD CHAGS SPANG BYA ZHES, , DE 'DRA'I 'DU SHES SKYES NAS NI, ,DE LA SPANGS ZHES BRJOD PAR BYA, ,'GRO BA 'DI DAG 'DU SHES TZAM, 'DOD CHAGS MTHA' NI BSAM YAS TE, ,MTHA' DE 'JIG PA MED
, ,PAS NA; YANG DAG MTHA' DANG DE MNYAM PAS, ,DE LAS GROL BAR MA RTOGS SHIG ,GAL TE CHAGS LAS GROL 'GYUR NA, ,STONG PA NYID LAS GROL BAR 'GYUR, 'DOD CHAGS DANG NI STONG PA NYID, ,DE GNYIS GNYIS SU YOD MA YIN, 'DI LTAR SKYE BA MED PA LA, ,DE DAG SKYE BAR RNAM BRTAGS PAS, ,BYIS PA GNYIS SU SHES RNAMS LA, ,NGAS NI SPONG BA RAB TU BSTAN, ,'DOD CHAGS DE NI SKYE MED NA, ,'DOD CHAGS ZHES BYA'I MING DU BRJOD, ,MING RNAMS KUN TU CHAGS MED PAS; ;MING LA SU YANG CHAGS PA MED, ,'DOD CHAGS CHAGS PA MED SHES SHING, ,MTHA' LAS 'DAS PA'I STONG MTHONG NA, ,'DOD CHAGS RNAM PAR GZHIG PA'I PHYIR,, THAR PA MKHAS PAS MI MTHONG NGO, ,'DOD CHAGS SANGS RGYAS CHOS MTSUNGS SHING, ,MYA NGAN 'DAS PA 'DRAR SHES NAS, ,RDUL DANG BRAL BA'I TING NGE 'DZIN, ,'DOD CHAGS SGRAS NI NGAS BSTAN TO, ,ZHI PA'I DBYINGS LA BRTEN PA YIN, ,'DOD CHAGS RAB TU ZHI SHES NAS, ,MKHAS PA RNAMS LA NGA YIS NI, ,TING 'DZIN 'DOD CHAGS SGRAR BSTAN TO, ,'JAM DPAL, DE LTAR NA, BYANG CHUB SEMS DPAS 'DOD CHAGS TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB
SEMS DPAS ZHE SDANG TING NGE 'DZIN DU RTOGS PAR BYA ZHE NA, SPONG LAS ZHE SDANG KUN TU 'BYUNG, ,NYON MONGS PA YANG RKYEN PAS SKYES, ,BDAG MED PA LAS BYUNG BA'I BDAG ,MANG PO'I TSOGS LAS SKYES PA YIN, ,RTZUB PO'I SGRA LAS ZHE SDANG NI, ,DUG RNON LTA BU KUN TU 'BYUNG, ,SGRA NI NGA RO'I RANG BZHIN PAS, ,SHIN TU YOD PA MA YIN NO, ,JI LTAR TSOGS PAS GTZUB SHING DANG, ,GTZUB STAN LAS NI ME 'BYUNG STE, ,TSOGS DANG BRAL BAR GYUR NA NI, ,DE NA ME YANG YOD MIN LTAR, ,DE BZHIN YOD DU MI 'ONG BA'I, ,SGRA LAS ZHE SDANG GSOG 'BYUNG ZHING, ,GSOG GI SGRA LA YONGS BRTAGS NA, ,DE LAS ZHE SDANG RNYED MI 'GYUR, ,ZHE SDANG SGRA LAS MA BYUNG ZHING, ,NANG NA GNAS PA'ANG MA YIN LA, ,ZHE SDANG PHYI ROL NAS 'ONGS TE, ,BYUNG BA MED PAS GSOG YIN NO, ,RGYU RNAMS PHAN TSUN 'DUS PA LAS, ,ZHE SDANG KUN TU 'BYUNG BA YIN, ,PHAN TSUN BRAL BAR GYUR NA NI, ,DE LA ZHE SDANG RNYED MI 'GYUR, ,JI LTAR ZHO DANG 'O MA LA, ,SKYES BUS BRTZAL TE SRUB SHING GIS, ,BSRUBS PA BYAS PAS RKYEN RNAMS LAS, ,MAR NI KUN TU 'BYUNG BA LTAR, ,DE BZHIN YID DU MI 'THAD PA'I, ,SGRA LAS ZHE SDANG GSOG 'BYUNG ZHING, ,YONGS SU BRTAGS PAS DE'I GNAS LA, ,MI MKHAS PA DAG RAB TU 'BAR, ,KUN TU BRTAGS PAS ZHE SDANG
, ,NI; ;SHIN TU DNGOS MED SHES PAS NA, ,TING 'DZIN ZHI BA BRJOD PA NI, ,ZHE SDANG SGRA YIS RAB TU BSTAN, ,ZHE SDANG YANG DAG MTHA' DANG MNYAM; ;DE BZHIN NYID LA BSTAN PA YIN, ,CHOS KYI DBYINGS DANG 'DRAR SHES PAS, ,DES NA TING NGE 'DZIN CES BSTAN, ,'JAM DPAL, DE LTAR NA, ZHE SDANG TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS GTI MUG TING NGE 'DZIN DU RTOGS PAR BYA ZHE NA, MA RIG PA LAS GTI MUG BYUNG, ,MA RIG PA YANG YOD MA YIN, ,GANG NA GTI MUG YOD MIN PA, ,DE NA YANG RMONGS PA MED, ,RMONGS MED SEMS CAN RMONGS GYUR CING, ,CHAGS MED CHAGS PAR 'DU SHES PA, ,JI LTAR BYIS PAS NAM MKHAL LA, ,MDUD PA BOR BA GSOG BZHIN NO, ,YOD PA MA YIN CHOS RNAMS LA, ,KUN NAS NYON MONGS RNAMS BRTAGS PA, ,BYIS PA RNAMS KYI 'DI MTSAR TE, ,MCHOG TU SHIN TU BYA BAR DKA', ,JI LTAR SKYES BU LA LA ZHIG ,NAM MKHA' LA NI 'JAL BYED CING, ,BSKAL PA BYE BAR GZHAL BYAS KYANG, ,DE LA PHUNG PO MI RNYED LTAR, ,DE BZHIN RMONGS PAS BYIS PA YI, ,SNGON GYI MTHA' NI BSAM MI KHYAB, ,GTI MGU PHUNG POR 'BYUNG MED DE, ,
DES NI CI YANG BKANG BA MED, ,JI LTAR NAM MKHA' GZHAL BYAS KYANG, ,DE LA SNGON GYI MTHA' MED CING, ,DE NAS CI YANG BKANG BA MED, ,GZHAL BA NUS PA MED PA LTAR, ,DE BZHIN BSKAL PA STONG RNAMS SU, ,KUN TU RMONGS PAS DGANG BYAD KYANG, ,DE LA BKANG BA CI YANG MED, ,NGOMS PA'ANG NYUNG ZAD YOD MA YIN, ,JI LTAR SKYES BU LA LA YIS, ,SPUD PA STONG PA BUD BYAS SHING, ,BZHAG NAS SBUD PA RNYONGS PA NA, ,DE YI NANG NA RNYED MIN LTAR, ,DE BZHIN 'DOD PA SBUD 'DRA BA, ,KUN TU RMONGS PAS SPYOD PAR BYED, ,DE NI NGOMS PAR MI 'GYUR TE, , PHYIR ZHING 'DOD PA TSOL BAR BYED, ,GTI MGU YOD PA MIN ZHES BRJOD, ,RTZA BA CHAD CING DNGOS PO MED, ,RTZA BA MED CING GNAS KYANG MED, ,DES NA GTI MUG ZAD PA MED, ,'DI LTAR GTI MUG MI ZAD PAS, ,DE YI MTHA' MA RNYED MI 'GYUR, ,DE PHYIR SEMS CAN THAMS CAD LA, ,ZAD PAR BYA BAR NGAS MI NUS, ,GAL TE DPE TZAM BRJOD BYA NA, ,BSKAL PA BYED BA BSAM YAS SU, ,NGA YI TSE NI GNAS GYUR LA, ,NYIN GCIG BZHIN DU NYIN RE LA, ,STONG GSUM SEMS CAN JI SNYED PA, ,THAMS CAD MYA NGAN BZLAS BYAS SHING, ,THAMS CAD DE LTAR BYAS KYANG NI, SEMS CAN KHAMS LA ZAD PA MED, ,GTI MUG GIS NI BSKYED PA'I KHAMS, ,SEMS CAN KHAMS LA MTSAN NYID MED, ,GTI MUG DE NI SGYU MA 'DRA, ,
, ,DES NA DE YI MTHA' MI RNYED, ,SANGS RGYAS GTI MUG MNYAM PAS NA, ,DE DAG GNYIS SU MED PAR BSTAN, ,RMONGS GYUR GYIS PA DE DAG GIS, , 'DIR NI SANGS RGYAS RNAM PAR BRTAGS, ,THAMS CAD MKHYEN NYID GTI MUG MNYAM, ,GTI MUG THAMS CAD YOD MA YIN, ,GTI MUG SEMS CAN KUN DANG MNYAM, , SEMS CAN KUN KYANG BSAM MI KHYAB, ,BSAM MI KHYAB DANG GTI MUG NI, ,SEMS BSKYED PA YIS RNAM PAR BRTAGS, ,SEMS KUN BSAM GYIS MI KHYAB STE, ,DE YI TSAD NI YOD MA YIN, ,GTI MUG DE LA TSAD MED PAS, ,DE YI 'BYUNG BA RNYED MI 'GYUR, ,'BYUNG BA YOD PA MA YIN NO, ,SKYE BA YOD PAR GA LA 'GYUR, ,GTI MUG SKYES PA MA YIN NA, ,DE YI RMONGS BYED CI 'DRA ZHIG ,DE YI RMONGS BYED CI 'DRA BA, ,SANGS RGYAS KUN KYANG DE DANG 'DRA, ,THA DAD DBYE BA MED SHES NA, ,CHOS RNAMS THAMS CAD GNYIS SU MED, ,TING 'DZIN ZHI BA BRJOD PA NI, ,GTI MUG SGRA YIS RAB TU BSTAN, ,GANG TSE NGA YIS MNYAM NYID SHES, ,DE NI DE DANG GTI MUG MNYAM, ,DE DAG THAMS CAD MNYAM SHES NAS, ,TING 'DZIN DE LTAR SHES PAR GYIS, ,'JAM DPAL, DE LTAR NA, GTI MUG TING NGE 'DZIN DU RTOGS PAR BYA'O, ,'JAM DPAL ,
DE LA JI LTAR NA, BYANG CHUB SEMS DPAS MI DGE BA THAMS CAD TING NGE 'DZIN DU RTOGS PAR BYA ZHE NA, 'DOD CHAGS SPYOD PA'I RTAGS GANG DANG, ,ZHE SDANG SPYOD PA'I G-YO BA DANG, ,GTI MUG SPYOD PA GANG YIN PA, ,THAMS CAD TING 'DZIN SHES PAR GYIS, ,NYON MONGS KUN GYI SGRUB PA NI, ,TING 'DZIN YIN PAR MOS PAR GYIS, ,RDZUN DANG YANG DAG MA YIN PAR, ,THAMS CAD DE BZHIN SGOM PAR GYIS, ,'JAM DPAL, DE LTAR NA, MI DGE BA THAMS CAD TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA, BYANG CHUB SEMS DPAS DGE BA THAMS CAD TING NGE 'DZIN DU RTOGS PAR BYA ZHE NA, SEMS CAN RNAMS KYI JI SNYED DGE ,SEMS DANG SPYOD PA CI 'DRA BA, , SPYOD PA THAMS CAD SPYOD GCIG STE, ,DE LTAR TING 'DZIN SHES PAR GYIS, ,SEMS CAN KUN GYI SPYOD PA DAG ,SGRUB PA GCIG TU SHES PAS NA, ,TING 'DZIN ZHI BA BRJOD PA NI, ,KUN GYI SGRA YIS BSTAN PA YIN, ,'JAM DPAL, DE LTAR NA, DGE BA THAMS CAD TING NGE 'DZIN DU RTOGS PAR BYA'O, ,'JAM DPAL, DE LA JI LTAR NA , BYANG CHUB SEMS DPAS 'DUS BYAS THAMS CAD TING NGE 'DZIN DU RTOGS PAR BYA ZHE NA, 'DU BYED THAMS CAD 'DU BYED MIN, ,DE DAG BGRANG BAS GZHAL BYAS NA, ,
, ,GZHAL DU MED CING DPAG TU MED, ,DE LTAR TING 'DZIN SHES PAR GYIS, ,DPAG TU MED PAR SHES NA NI, ,LUS MED DNGOS PO YOD MIN PAS, ,TING 'DZIN ZHI BA BRJOD PA NI, ,'DU BYED KUN GYIS BSTAN PA YIN, ,'JAM DPAL, DE LTAR NA, 'DUS BYAS THAMS CAD TING NGE 'DZIN DU RTOGS PAR BYA'O, , 'JAM DPAL, DE LA JI LTAR NA, BYANG CHUB SEMS DPAS 'DUS MA BYAS THAMS CAD TING NGE 'DZIN DU RTOGS PAR BYA ZHE NA, CHOS 'DI RANG BZHIN ZHI BAS NA, ,DE LA GRANGS NI YOD MA YIN, ,MA RIG PA YIS BSGRUB ZHI BA, ,TING NGE 'DZIN GYIS BSGRUB PAR BSTAN, ,'DUS BYAS KUN LA BRJOD MED CING, ,SGRUB PA MED PA SHES NAS NI, ,SEMS CAN GANG DAG BRJOD LA CHAGS, ,DE DAG RNAMS LA DE LTAR BSTAN, ,'JAM DPAL, DE LTAR NA, 'DUS MA BYAS THAMS CAD TING NGE 'DZIN DU RTOGS PAR BYA'O, ,TSIGS SU BCAD PA MNGON PAR SGRUB PA'I SGRA BSAM GYIS MI KHYAB PA BSTAN PA 'DI BSHAD PA NA, BYANG CHUB SEMS DPA' DGU KHRI NYIS STONG GIS MI SKYE BA'I CHOS LA BZOD PA THOB BO, , LHA BYE BA KHRAG KHRIG BRGYA STONG PHRAG BDUN CU RTZA GNYIS KYIS BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,DGE SLONG SUM KHRI DRUG STONG NI, LEN PA
MED PAR ZAG PA RNAMS LAS SEMS RNAM PAR GROL LO, ,DGE SLONG MA DRUG STONG NYIS BA RGYAS KYANG BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,DGE BSNYEN SA YA BRGYAD 'BUM GYIS KYANG BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,DGE BSNYEN MA SA YA PHRAG BZHI DANG NYIS 'BUM GYIS KYANG BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BYANG CHUB SEMS DPA' DBANG PO RNON PO GANG DAG 'BYUNG BA DE DAG GIS TING NGE 'DZIN RNAMS KYI MING THOS NA, CHOS THAMS CAD LA SNANG BA THOB PAR 'GYUR BA DANG, BDUD KYI RIS KYI LHA'I BU THAMS CAD DANG, GANG ZAG DMIGS PA'I LTA BA CAN RNAMS KYIS THUL BAR DKA' BA DANG, YI GE GCIG GIS YI GE THAMS CAD RTOGS PAR 'GYUR BA DANG, YI GE THAMS CAD KYIS YI GE GCIG RTOGS PAR 'GYUR PA DANG, THOGS PA MA MCHIS PA'I SPOBS PAS SEMS CAN THAMS CAD LA CHOS STON PA LA MKHAS PAR 'GYUR BA DANG, CHOS ZAB MO LA BZOD PAR 'GYUR BA DANG, SPYOD PA THAMS CAD LA MTSAN NYID GCIG TU RTOGS SHING SO SO YANG DAG PAR RIG PA BZHIS MUN PA MA MCHIS PA THOB PAR
, ,'GYUR BA'I TING NGE 'DZIN RNAMS KYI MING BCOM LDAN 'DAS KYIS BSTAN DU GSOL, DE SKAD CES GSOL PA DANG, BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, DE'I PHYIR LEGS PAR RAB TU NYON LA YID LA ZUNGS SHIG DANG BSHAD DO; ;'JAM DPAL GZHON NUR GYUR PAS BCOM LDAN 'DAS, DE BZHIN NO, ,ZHES GSOL TE BCOM LDAN 'DAS KYI LTAR MNYAM PA DANG, BCOM LDAN 'DAS KYIS DE LA 'DI SKAD CES BKA' STZAL TO, ,'JAM DPAL, MTHA' YAS DRI MA MED CES BYA BA'I TING NGE 'DZIN YOD DE, TING NGE 'DZIN DE THOB NA, BYANG CHUB SEMS DPA' GZUNGS THAMS CAD YONGS SU DAG PAR STON TO, ,'JAM DPAL, MGYOGS PAR 'GRO BA ZHES BYA BA'I TING 'DZIN YOD DE, TING NGE 'DZIN DE THOB NA, BYANG CHUB SEMS DPA' NYI MA DANG, ZLA BA'I 'OD ZIL GYIS GNON PAR BYED DO, ,'JAM DPAL, 'OD ZER 'BYUNG BA ZHES BYA BA'I TING NGE 'DZIN YOD DE, TING NGE 'DZIN DE THOB NA, BYANG CHUB SEMS DPA' BRGYA BYIN DANG, TSANGS PA DAG GI GZI BRJID ZIL GYIS GNON PAR BYED DO, ,'JAM DPAL, YUL STON PA ZHES BYA BA'I TING NGE 'DZIN YOD DE, TING NGE 'DZIN
DE THOB NA, BYANG CHUB SEMS DPA' 'KHOR 'DUS PA THAMS CAD KYI 'DOD CHAGS DANG, ZHE SDANG DANG, GTI MUG ZHI BAR BYED DO, ,'JAM DPAL, 'OD ZER THOGS PA MED PA ZHES BYA BA'I TING NGE 'DZIN YOD DE, TING NGE 'DZIN DE THOB NA, BYANG CHUB SEMS DPA' SANGS RGYAS KYI ZHING THAMS CAD 'OD ZER GYIS SNANG BAR BYED DO, ,'JAM DPAL, CHOS THAMS CAD MI BRJED PA ZHES BYA BA'I TING NGE 'DZIN YOD DE, TING NGE 'DZIN DE THOB NA, BYANG CHUB SEMS DPA' SANGS RGYAS KYI CHOS BSTAN PA THAMS CAD 'DZIN CING GZHAN LA YANG STON PAR BYED DO, ,'JAM DPAL, SENGGE'I SGRA MNGON PAR BSGRAGS PA'I DBYANGS YID DU 'ONG BA RJES SU SGROG PA ZHES BYA BA'I TING NGE 'DZIN YOD DE, TING NGE 'DZIN DE THOB NA; BYANG CHUB SEMS DPA' TSANGS PA'I 'JIG RTEN GYI BAR DU SGRAS MNGON PAR GO BAR BYED DO, ,'JAM DPAL, DGA' BA DANG, MGU BA DANG, TSIM PA THAMS CAD YANG DAG PAR BSKYED PA ZHES BYA BA'I TING NGE 'DZIN YOD DE, TING NGE 'DZIN DE THOB NA, BYANG CHUB SEMS DPA' SEMS CAN THAMS CAD KYI SEMS DANG BSAM PA SNA TSOGS YANG DAG PAR MGU BAR BYED DO, ,'JAM DPAL, LTA BAS CHOG MI SHES SHING MCHOG TU DGA' BA DANG LDAN PA ZHES BYA BA'I TING NGE 'DZIN YOD DE, TING NGE 'DZIN DE THOB NA, BYANG CHUB
, ,SEMS DPA' LTA BA DANG MNYAN PAS CHOG MI SHES PAR 'GYUR RO, ,'JAM DPAL, YON TAN BSAM GYIS MI KHYAD PA'I 'BYUNG GNAS SHES RAB KYI YUL RIN PO CHE'I 'BYUNG KHUNGS RGYUN GCIG PA NYON MONGS PA MED PA ZHES BYA BA'I TING NGE 'DZIN YOD DE, TING NGE 'DZIN DE THOB NA, BYANG CHUB SEMS DPA' RDZU 'PHRUL BSTAN PA THAMS CAD STON PA DANG, SEMS CAN RNAMS 'DUL BAR BYED DO, ,'JAM DPAL, SGRA SKAD THAMS CAD KYI BRDA ZHES BYA BA'I TING NGE 'DZIN YOD DE, TING NGE 'DZIN DE THOB NA, BYANG CHUB SEMS DPA' SGRA SKAD DANG, BRJOD PA DANG, BRDA THAMS CAD RTOGS SHING YI GE THAMS CAD KYIS YI GE GCIG STON PA DANG, YI GE GCIG GIS YI GE THAMS CAD STON PAR BYED DO, ,'JAM DPAL, LAS KYI RNAM PAR SMIN PA LAS BYUNG BA'I BSOD NAMS DANG, DGE BA'I RTZA BA THAMS CAD GSOG CING STON PAR BYED PA ZHES BYA BA'I TING NGE 'DZIN YOD DE, TING NGE 'DZIN DE THOB NA, BYANG CHUB SEMS DPA' CANG MI SMRA BAR SNYOMS PAR ZHUGS TE YI GE GCIG TZAM YANG MI BRJOD PAR SEMS CAN THAMS CAD KYIS SANGS RGYAS KYI SGRA DANG, CHOS KYI SGRA DANG, DGE 'DUN GYI SGRA DANG, NYAN THOS KYI SGRA DANG, RANG SANGS RGYAS KYI SGRA DANG, BYANG CHUB SEMS
DPA'I SGRA DANG, PHA ROL TU PHYIN PA'I SGRA THOS PAR BYED DO, ,'JAM DPAL, GZUNGS THAMS CAD LAS MNGON PAR 'PHAGS PA'I RGYAL PO ZHES BYA BA'I TING NGE 'DZIN YOD DE, TING NGE 'DZIN DE THOB NA, BYANG CHUB SEMS DPA' GZUNGS MTHA' YAS PA SGRUB PA LA 'JUG PA KHONG DU CHUD PAR 'GYUR RO, ,'JAM DPAL, CHOS THAMS CAD LA SPOBS PA BKOD PA ZHES BYA BA'I TING NGE 'DZIN YOD DE, TING NGE 'DZIN DE THOB NA, BYANG CHUB SEMS DPA' YI GE THAMS CAD LA SPOBS SHING SGRA SKAD THAMS CAD DANG, DBYANGS THAMS CAD DANG, BRJOD PA THAMS CAD LA YANG SPOBS PAR 'GYUR RO, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, BDAG CHOS KYI RNAM GRANGS 'DI'I YON TAN BRJOD PA'I KHYAD PAR LA SPOBS LAGS SO, ,BCOM LDAN 'DAS KYIS BKA' STZAL PA, 'JAM DPAL, KHYOD SPOBS PAR GYIS SHIG ,'JAM DPAL GYIS GSOL PA, BCOM LDAN 'DAS, BYANG CHUB SEMS DPA' GANG DAG NEM NUR MA MCHIS PA DANG, THE TSOM MA MCHIS PA'I SEMS KYIS CHOS KYI RNAM GRANGS 'DI STON PA DANG, 'CHANG BA DANG, KLOG PA DANG, KUN CHUB PAR BGYID PA DANG, GZHAN DAG LA RGYA CHER YANG DAG PAR RAB TU STON PAR BGYID PA DE TSE 'DI NYID LA GDON MI 'TSAL BAR
, ,SPOBS PA THOB PAR RE BAR BGYI STE, SPOBS PA MYUR BA DANG, SPOBS PA RGYA CHE BA DANG, ZAB MO LA SPOBS PA DANG, MI BRJED PA'I SPOBS PA DANG, SPOBS PA SNA TSOGS PA THOB PAR RE BAR BGYI'O, ,DE NI, SEMS CAN THAMS CAD LA ZHE 'GRAS PA MA MCHIS PA'I SEMS SU 'GYUR BAR RE BAR BGYI'O, ,DE CI'I SLAD DU ZHE NA , GANG JI TZAM DU CHOS KYI RNAM GRANGS 'DI SGRUB PA DE NI, SPYOD PA 'DI NYID DANG RJES SU 'BREL BA LAGS PA'I SLAD DU'O, ,DE NAS BCOM LDAN 'DAS KYIS 'JAM DPAL GZHON NUR GYUR PA LA LEGS SO, ,ZHES BYA BA BYIN TE, 'JAM DPAL, LEGS SO, ,LEGS SO, ,KHYOD KYIS TSIG 'DI LEGS PAR SMRAS SO, ,'JAM DPAL, 'DI LTA STE, DPER NA, SBYIN PA NI, LONGS SPYOD CHEN PO THOB PAR SLU BA MED DO, ,TSUL KHRIMS NI, MTHO RIS SU SKYE BAR SLU BA MED DO, ,THOS PA NI, SHES RAB CHEN POR 'GYUR BAR SLU BA MED DO, ,SGOM PA NI, 'BRAL BAR 'GYUR BAR SLU BA MED DO, ,'JAM DPAL, DE BZHIN DU CHOS KYI RNAM GRANGS 'DI YANG TSE 'DI NYID LA SPOBS PA SKYE BAR SLU BAR MED DO; ;'JAM DPAL, 'DI LTA STE, DPER NA, NYI MA SHAR BAS NI, MUN PA MUN NAG THAMS CAD SEL BAR BYED DO, ,'JAM DPAL, DE BZHIN DU CHOS KYI RNAM GRANGS
'DI YANG BSTAN MA THAG TU SPOBS PA SKYE BAR RE BAR BYA'O, ,'JAM DPAL, 'DI LTA STE, DPER NA, BYANG CHUB KYI SNYING PO LA 'DUG PA'I BYANG CHUB SEMS DPA' NI, NGES PAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,'JAM DPAL, DE BZHIN DU BYANG CHUB SEMS DPA' SEMS DPA' CHEN PO GANG CHOS KYI RNAM GRANGS 'DI RAB TU 'DON PA DE YANG THE TSOM MED PAR NGES PAR TSE 'DI NYID LA SPOBS PA THOB PAR 'GYUR RO, ,'JAM DPAL, DE LTA BAS NA, BYANG CHUB SEMS DPA' SEMS DPA' CHEN PO TSE 'DI NYID LA SPOBS PA THOB PAR 'DOD PAS NEM NUR MED PA DANG, THE TSOM MED PA'I SEMS KYIS CHOS KYI RNAM GRANGS 'DI GZUNG BAR BYA, BCANG BAR BYA; KHA TON DU BYA, BKLAG PAR BYA, KUN CHUB PAR BYA, GZHAN DAG LA YANG RGYA CHER YANG DAG PAR RAB TU BSTAN PAR BYA'O, ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO DRI MA MED PA'I SNYING POS 'DI SKAD CES GSOL TO, ,BCOM LDAN 'DAS, BDAG GIS KYANG BCOM LDAN 'DAS YONGS SU MYA NGAN LAS 'DAS NAS BYANG CHUB SEMS DPA' GANG NEM NUR MA MCHIS PA DANG, THE TSOM MA MCHIS PA'I SEMS KYIS CHOS KYI RNAM GRANGS 'DI 'DZIN PA DANG, 'CHANG
, ,BA DANG, KLOG PA DANG, KUN CHUB PAR BGYI BA DANG, GZHAN DAG LA YANG RGYA CHER YANG DAG PAR RAB TU STON PAR 'GYUR BA DE LA SPOBS PA NYE BAR BSGRUB PAR BGYI'O, ,DE NAS BDUD SDIG CAN DU ZHING SMRES SNGAGS 'DON BZHIN DU BCOM LDAN 'DAS GA LA BA DER SONG STEN PHYIN NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NI, THUGS RJE DANG LDAN ZHING SEMS CAN SDUG BSNGAL BA RNAMS LA BDE BA RAB TU STZOL BA LAGS NA, BCOM LDAN 'DAS KYIS BDAG GI YID MI BDE BA DE LEGS PAR BSAL BA'I SLAD DU CHOS KYI RNAM GRANGS 'DI SLAR ZHING BYIN GYIS MI BRLAB TU GSOL, BCOM LDAN 'DAS, GANG GI TSE BCOM LDAN 'DAS BYANG CHUB KYI SNYING PO LA BZHUGS PA DANG, DA LTAR CHOS KYI RNAM GRANGS 'DI BSTAN PA'I TSE BDAG 'DIR SHIN TU CHER SDUG BSNGAL ZHING YID MI BDE BA DANG, MYA NGAN GYI ZUG RDUS GZIR BAR GYUR LAGS SO, ,BCOM LDAN 'DAS, THA NA CHOS KYI RNAM GRANGS 'DI SEMS CAN GANG DAG GI RNA LAM DU GRAG PAR GYUR PA DE DAG THAMS CAD KYANG BLA NA MED PA YANG
DAG PAR RDZOGS PA'I BYANG CHUB LAS SLAR MI LDOG PAR 'GYUR LAGS NA, GANG DAG GIS THOS NAS 'DZIN PA DANG, 'CHANG BA DANG, KLOG PA DANG, KUN CHUB PAR BGYID PA DANG, GZHAN DAG LA RGYA CHER YANG DAG PAR RAB TU STON PAR BGYID PA DE DAG THAMS CAD BLA NA MED PA YANG DAG PAR RDZOGS PA'I BYANG CHUB LAS SLAR MI LDOG PAR 'GYUR BA LTA SMOS KYANG CI 'TSAL TE, SEMS CAN DE DAG THAMS CAD NI, YONGS SU MYA NGAN LAS 'DA' BAR 'GYUR LAGS SO, ,BCOM LDAN 'DAS, DE'I SLAD DU BDAG GI BDUD KYI GNAS STONG PAR 'GYUR LAGS NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NI, THUGS RJE DANG LDAN ZHING SDUG BSNGAL BA RNAMS LA BDE BA STZOL BA LAGS NA, BCOM LDAN 'DAS, BDAG DBUGS DBYUNG DU GSOL, BDE BAR GSHEGS PA, BDAG DBUGS DBYUNG DU GSOL, DE NAS BCOM LDAN 'DAS KYIS BDUD SDIG CAN LA 'DI SKAD CES BKA' STZAL TO, ,SDIG CAN, MA 'JIGS SHIG ,SEMS CAN THAMS CAD KYANG YONGS SU MYA NGAN LAS 'DA' BAR MI 'GYUR LA, SDIG CAN, NGA YANG CHOS KYI RNAM GRANGS 'DI LA BYIN GYIS RLOB PAR MI BYED KYI, SDIG CAN, MA 'JIGS
, ,SHIG ,DE NAS BCOM LDAN 'DAS KYIS DBUGS DBYUNG BA MDZAD PAS BDUD SDIG CAN TSIM ZHING DGA' LA YID RANGS TE, RAB TU DGA' ZHING DGA' BA DANG, YID BDE BA SKYES NAS DE NYID DU MI SNANG PAR GYUR TO, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO; ;BCOM LDAN 'DAS, CI LAS DGONGS TE 'DI SKAD DU , NGA CHOS KYI RNAM GRANGS 'DI LA BYIN GYIS RLOB PAR MI BYED DO, ,ZHES BDUD SDIG CAN LA BKA' STZAL; BCOM LDAN 'DAS KYIS BKA' STZAL PA, 'JAM DPAL, CHOS THAMS CAD NI, BYIN GYI RLABS MED PAS BYIN GYIS BRLABS PA YIN TE, CHOS KYI RNAM GRANGS 'DI YANG BYIN GYI RLABS MED PAS BYIN GYIS BRLABS PA YIN PAS 'JAM DPAL, DE'I PHYIR NGAS BDUD SDIG CAN LA 'DI SKAD DU, NGA CHOS KYI RNAM GRANGS 'DI LA BYIN GYIS RLOB PAR MI BYED DO, ,ZHES SMRAS SO, ,'JAM DPAL, BDEN PA DANG, BDEN PA'I TSIG GANG GIS CHOS THAMS CAD BYIN GYI RLABS MED PAS BYIN GYIS BRLABS PA DANG, THA DAD DU DBYER MED PA DANG, BRJOD DU MED PA DANG, MTSAN NYID MED PA DANG, BSNYAD DU MED PA DANG, SMRAR MED PA DANG, GNYIS SU
MED PA DANG, GNYIS DANG BRAL BA DANG, YANG DAG PAR MTHA' DANG MNYAM PA DANG, DE BZHIN NYID DU ZHUGS PA DANG, CHOS KYI DBYINGS KYI MTSAN NYID YIN PA'I BDEN PA DANG, BDEN PA'I TSIG DES CHOS KYI RNAM GRANGS 'DI 'DZAM BU'I SLING NA RAB TU SPYOD PAR GYUR CIG ,DE NAS BCOM LDAN 'DAS KYIS BDEN PA'I BYIN GYI RLABS DE MDZAD NAS TSE DANG LDAN PA KUN DGA' BO LA BKA' STZAL PA, KUN DGA' BO, CHOS KYI PHUNG PO BRGYAD KHRI BZHI STONG GANG YIN PA DANG, CHOS KYI RNAM GRANGS 'DI GANG YIN PA DE DAG NI; MNYAM PA'I PHYIR KHYOD KYIS KUN NAS SGO'I CHOS KYI RNAM GRANGS 'DI ZUNGS SHIG ,CHONGS SHIG , LHOGS SHIG ,KUN CHUB PAR GYIS SHIG ,GZHAN DAG LA YANG RGYA CHER YANG DAG PAR RAB TU STON CIG ,DE CI'I PHYIR ZHE NA, KUN DGA' BO, DE BZHIN GSHEGS PA NI, KUN NAS SGO'I CHOS KYI DBYINGS 'DI LEGS PAR THUGS SU CHUD NAS SEMS CAN RNAMS LA CHOS KYI PHUNG PO BRGYAD KHRI BZHI STONG STON PAR MDZAD PA'I PHYIR RO, ,KUN DGA' BO, DE LTA BAS NA, CHOS KYI RNAM GRANGS 'DI LEGS PAR SRUNG PA DANG, LEGS PAR GZUNG BA DANG, LEGS PAR KUN CHUB PAR GYIS SHIG , BCOM LDAN 'DAS KYIS DE SKAD CES BKA' STZAL NAS BYANG CHUB SEMS DPA' SEMS DPA' CHEN PO DRI MA MED PA'I
, ,SNYING PO DANG, ,'JAM DPAL GZHON NUR GYUR PA DANG, TSE DANG LDAN PA KUN DGA' BO DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA DKON MCHOG BRTZEGS PA CHEN PO'I CHOS KYI RNAM GRANGS LE'U STONG PHRAG BRGYA PA LAS; KUN NAS SGO'I LE'U ZHES BYA BA STE, LE'U BCU PA RDZOGS SO,, ,,RGYA GAR GYI MKHAN PO DZI NA MI TRA DANG SU RENDRA PO DHI DANG, ZHU CHEN GYI LO TZ'A BA BANDHE YE SHES SDES BSGYUR CING ZHUS TE GTAN LA PHAB PA,