RGYA GAR SKAD DU, A'A RYA shA tA MU KHI N'A MA DH'A RA n'I, BOD SKAD DU, 'PHAGS PA SGO DRUG PA ZHES BYA BA'I GZUNGS, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS 'KHOR GYI KHYAMS GNAS GTZANG MA'I STENG GI NAM MKHA'I DKYIL NA GNAS PA, RIN PO CHE SNA BDUN GYIS RAB TU PHYE BAS RNAM PAR SPRAS PA NA BYANG CHUB SEMS DPA'I TSOGS GRANGS MED PA DANG THABS CIG TU BZHUGS TE, DE NAS BCOM LDAN 'DAS KYIS BYANG CHUB
, ,SEMS DPA' RNAMS LA BKA' STZAL PA, RIGS KYI BU DAG, KHYED KYIS 'GRO BA THAMS CAD LA PHAN PA DANG BDE BA'I PHYIR SGO DRUG PA ZHES BYA BA'I GZUNGS 'DI ZUNGS SHIG, DE 'DI LTA STE, BDAG 'KHOR BA NA 'KHOR BA'I TSE SDUG BSNGAL GANG CI YANG MYONG BA DE SEMS CAN THAMS CAD MNYAM PA NYID DU MI SHES PA'I MTSAN NYID DU MA GYUR CIG, BDAG GIS 'JIG RTEN PA'I PHUN SUM TSOGS PA'I BDE BA GANG CI YANG MYONG BA DE SEMS CAN THAMS CAD DANG THUN MONG DU YONGS SU SPYOD PAR GYUR CIG, BDAG GIS SDIG PA MI DGE BA'I LAS GANG CI BYAS PA DE, SO SOR BSHAGS PA BLA NA MED PAS SO SOR MA BSHAGS PAR MA GYUR CIG, BDAG LA BDUD KYI LAS GANG DAG YOD PA DE DAG YONGS SU SHES PA BLA NA MED PAS DNGOS SU MI SHES PAR MA GYUR CIG, BDAG GI DGE BA'I RTZA BA PHA ROL TU PHYIN PA DANG LDAN PA, 'JIG RTEN PA'AM, 'JIG RTEN LAS 'DAS PA GANG YANG RUNG GANG CI YOD PA DE THAMS CAD BLA NA MED PA'I YE SHES KYI 'BRAS BUR GYUR CIG, BDAG GI RNAM PAR GROL BA GANG YIN PA DES SEMS CAN THAMS CAD RNAM PAR THAR PAR GYUR CIG, 'KHOR BA DANG MYA NGAN LAS 'DAS PA LA BDAG GNAS PAR MA GYUR CIG, TADYA TH'A, AOm KshA ME KshA ME KshA ME, Ksh'ANTE Ksh'ANTE, DA ME DA ME, DA NTE
DANTE; BHA DRE BHA DRE, SU BHA DRE SU BHA DRE, SU BHA DRE SU BHA DRE, TZANDRE TZNDRE, SU TZNDRE SU TZENDRE, TZANDRA KI RA nE, TZANDRA BA TE, TE DZO BA TI, DHA MM'A BA TE, YA SHO BA TI, BRA HMA BA TI, SARBBA KLE SHA BI SHODHA NI; SARBA AA RTHA S'A DHA NI, SARBA ARTHA PRA SHA MA NI, PA RA M'ARTHA S'A DHA NI, K'A YA BI SHO DHA NI, W'A KA BI SHO DHA NI, NA MA: SAm SHO DHA NI SV'A H'A, RIGS KYI BU DAG ,RIGS KYI BU'AM, RIGS KYI PU MO GANG LA LAS SGO DRUG PA'I GZUNGS 'DI NYIN LAN GSUM MTSAN LAN GSUM BRJOD NA, DE LAS KYI SGRIB PA THAMS CAD BYANG NAS MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO, ,BCOM LDAN 'DAS KYIS DE SKAD CES BKA' STZAL NAS BYANG CHUB SEMS DPA' SEMS DPA' CHEN PO DE DAG DANG, GNAS GTZANG MA'I RIS KYI LHA'I BU DE DAG YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA SGO DRUG PA ZHES BYA BA'I GZUNGS RDZOGS SO,, ,,