RGYA GAR SKAD DU, A'ARYA PUshPA K'U tA N'A MA DH'A RA n'I, BOD SKAD DU, 'PHAGS PA ME TOG BRTZEGS PA ZHES BYA BA'I GZUNGS, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MTSO CHEN PO MA DROS PA NA KLU'I RGYAL PO MA DROS PA'I KHANG PA NA DGE SLONG LNGA BRGYA'I DGE SLONG GI DGE 'DUN CHEN PO DANG THABS CIG TU BZHUGS TE, BYANG CHUB SEMS DPA'I TSOGS CHEN PO 'JIG RTEN GYI KHAMS
GZHAN DANG GZHAN DAG NAS 'DUS PA BYANG CHUB SEMS DPA' STONG DU TSANG BA THAMS CAD KYANG GZUNGS THOB PA, TING NGE 'DZIN THOB PA, SKYE BA CIG GIS THOGS PA, SA BCU LA GNAS PA, DE MA THAG TU RGYAL TSAB TU DBANG BSKUR BAS DBANG BSKUR BA, GO CHA CHEN PO BGOS PA, SANGS RGYAS KYI YON TAN THAMS CAD LA THE TSOM MED PA SHA STAG DANG YANG THABS CIG GO ,DE'I TSE NA BYANG CHUB SEMS DPA' SEMS DPA' CHEN PO SENG+GE RNAM PAR RTZE BA ZHES BYA BA 'KHOR DE NYID DU 'DUS PAR GYUR TE 'DUG GO ,DE NAS BYANG CHUB SEMS DPA' SEMS DPA' CHEN PO SENG+GE RNAM PAR RTZE BA STAN LAS LANGS TE BLA GOS PHRAG PA GCIG TU GZAR NAS BUS MO G-YAS PA'I LHA NGA SA LA BTZUGS TE BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, RIGS KYI BU'AM, RIGS KYI BU MO GANG GIS DE BZHIN GSHEGS PA LA MCHOD PA BGYIS NA, DE'I BSOD NAMS JI SNYED CIG BSKYED PAR 'GYUR, DE SKAD CES GSOL BA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO SENG+GE RNAM PAR RTZE BA LA 'DI SKAD CES BKA' STZAL TO, ,BCOM LDAN 'DAS, RIGS KYI BU'AM RIGS KYI BU MO GANG GIS DE BZHIN GSHEGS PA LA MCHOD PA BGYIS NA, DE'I BSOD NAMS JI SNYED
, ,CIG BSKYED PAR 'GYUR ZHES SENG+GE RNAM PAR RTZE BA KHYOD DE SKAD MA ZER CIG ,DE CI'I PHYIR ZHE NA, DE BZHIN GSHEGS PA NI, TSUL KHRIMS DPAG TU MED PA, TING NGE 'DZIN DPAG TU MED PA, SHES RAB DPAG TU MED PA, RNAM PAR GROL BA DPAG TU MED PA, RNAM PAR GROL BA'I YE SHES MTHONG BA DPAG TU MED PA STE, SENG+GE RNAM PAR RTZE BA, GANG GI PHYIR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YON TAN GYI TSOGS DPAG TU MED PA DANG LDAN PA DE'I PHYIR DE LA MCHOD PA'I RNAM PAR SMIN PA DE YANG DPAG TU MED PAR SHES PAR BYA'O, ,SENG+GE RNAM PAR RTZE BA, GANG LA LA DAG DE BZHIN GSHEGS PA BZHUGS KYANG RUNG, ,YONGS SU MYA NGAN LAS 'DAS KYANG RUNG STE MCHOD PA BYED PA DE DAG THAMS CAD NI, 'DI LTA STE, NYAN THOS KYI THEG PA'AM, RANG SANGS RGYAS KYI THEG PA'AM, THEG PA CHEN PO'AM, THEG PA GSUM LAS THEG PA GCIG GIS YONGS SU MYA NGAN LAS 'DA' BAR 'GYUR RO, ,SENG+GE RNAM PAR RTZE BA, YANG GANG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MTHONG NAS SEMS DANG BAR GYUR LA, DAD PA'I SEMS KYIS RNYED PA DANG, NA BZA' DANG, ZHAL ZAS DANG, GZIMS CHA DANG, SNYUN GYI GSOS SMAN DANG, YO BYAD DANG,
BDE BAR SBYAR BA THAMS CAD KYIS BSTI STANG DU BYAS SHING RI MOR BYAS TE MCHOD CING RJED LA RIM GROR BYAS PA DANG, GANG ZHIG GIS DE BZHIN GSHEGS PA YONGS SU MYA NGAN LAS 'DAS PA'I RING BSREL YUNGS 'BRU TZAM GYI MCHOD RTEN LA MCHOD PA BYAS PA'I RNAM PAR SMIN PA NI, MNYAM PAR SHES PAR BYA STE, BYE BRAG GAM, THA DAD DU BYA BA MED DO, ,SENG+GE RNAM PAR RTZE BA, BYANG CHUB SEMS DPA' KHYIM PA GANG ZHIG GIS NYAN THOS DANG, RANG SANGS RGYAS DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA RIN PO CHE'I PHUNG PO RI RAB TZAM DBUL BA PHUL BA BAS, BYANG CHUB SEMS DPA' GANG RAB TU BYUNG NAS KARshA PA nA GCIG TZAM DBUL BAR PHUL LA, PHUL NAS KYANG BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS NA, DGE BA'I RTZA BA SNGA MA DES DGE BA'I RTZA BA PHYI MA'I BRGYA'I CHAR YANG NYE BAR MI 'GRO, STONG GI CHA DANG, 'BUM GYI CHA DANG, GRANGS DANG, CHA DANG, BGRANG BA DANG, SGRUN PA DANG, RGYUR YANG NYE BAR MI 'GRO BA NAS DPE'I BAR DU YANG MI BZOD DO, ,SENG+GE RNAM PAR RTZE BA, GANG ZHIG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA LO GCIG GAM, LO BRGYA'AM, LO STONG YANG RUNG STE BDE BA'I YO BYAD THAMS CAD KYIS BSNYEN BKUR BYAS PA DANG,
, ,GANG ZHIG GIS DE BZHIN GSHEGS PA YONGS SU MYA NGAN LAS 'DAS PA'I MCHOD RTEN LA BYANG CHUB KYI SEMS KYIS YANG DAG PAR ZIN PAS DE BZHIN GSHEGS PA LA MCHOD PA'I PHYIR ME TOG 'GA' 'BUL LAM, CHU SNYIM PA GANG TZAM 'THOR RAM, BYUG PA'I THIG LE 'BRI'AM, ME TOG GI NYAL NYIL 'PHYAG GAM, BYUG PA 'BUL LAM, SPOS 'BUL LAM, ME TOG 'BUL LAM, BDUG SPOS 'BUL LAM, PHRENG BA 'BUL LAM, ROL MO'I SIL SNYAN 'BUL LAM, GDUGS 'BUL LAM, DRI 'BUL LAM, DPYANGS PA 'BUL LAM, RGYAL MTSAN 'BUL LAM, BA DAN 'BUL LAM, DAR 'BUL LAM, MAR ME 'BUL ZHING, PHUL NAS DGA' BA'I SEMS KYIS GOM PA'I GAR STABS 'GA' BOR TE SANGS RGYAS BCOM LDAN 'DAS DE LA PHYAG 'TSAL LO, ,ZHES SMRA BA DE DAG NI, SENG+GE RNAM PAR RTZE BA, BSKAL PAR RAM, BSKAL PA BRGYA'AM, BSKAL PA STONG DU'AM, BSKAL PA 'BUM DU'ANG NGAN 'GROR LOG PAR LTUNG BAR 'GRO BAR 'GYUR BA DE'I GNAS MED DE, 'DI LA DOGS PA'AM, YID GNYIS SAM, THE TSOM ZA BAR MI BYA'O, ,SENG+GE RNAM PAR RTZE BA, ME TOG BRTZEGS PA ZHES BYA BA'I GZUNGS YOD KYI, SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG MI'I SKYE BO PHAL
PO CHE'I DON DANG, PHAN PA DANG, BDE BA'I PHYIR DE BSHAD PAR BYA'O, ,SENG+GE RNAM PAR RTZE BA, GANG LA LA ZHIG ME TOG BRTZEGS PA'I GZUNGS 'DI 'DZIN TAM, 'CHANG NGAM, KLOG GAM, YID LA BYED DAM, KUN CHUB PAR BYED DAM, GZHAN DAG LA YANG RGYA CHER YANG DAG PAR 'CHAD PA DE RTAG TU TSE RABS DRAN PAR 'GYUR RO, ,DE NGAN 'GRO LOG PAR LTUNG BAR 'GRO BAR MI 'GYUR, DAL BA RNYED PAR 'GYUR, NAM DU YANG DKON MCHOG GSUM DANG MI 'BRAL BAR 'GYUR, ,NAM DU YANG DE BZHIN GSHEGS PA DANG MI 'BRAL BAR 'GYUR, NAM DU YANG SANGS RGYAS RJES SU DRAN PA DANG MI 'BRAL BAR 'GYUR, NAM DU YANG BYANG CHUB SEMS DPA' DANG MI 'BRAL BAR 'GYUR, NAM DU YANG BYANG CHUB KYI SEMS DANG MI 'BRAL BAR 'GYUR RO, , NAM DU YANG DBANG PO MA TSANG BAR MI 'GYUR, NAM DU YANG RIGS DMA' BAR SKYE BAR MI 'GYUR, SPOBS PA SNA TSOGS ZAB MO PHUN SUM TSOGS PAR 'GYUR, PHYOGS BCU'I 'JIG RTEN GYI KHAMS GRANGS MED PA DAG GI SANGS RGYAS BCOM LDAN 'DAS RNAMS MTHONG BAR 'GYUR RO, ,TADYA TH'A, DHA RA nI, DHA RA nI, MU NI PRA BHA SVA RE, SIDDHE, TZAndE N'A MA:TZI NI RHE RI, AA RO GA BA TI, BUDDHA MA TI DHE RYE, AOm KA RA TE, GA GA RA TE, R'A DZA BI TE, DE DZO BI TE, BI BU LA BUDDHI, DHARMA AA BA BHA SE, AAKshA YA KALPE, KALPA BA TI, AA MRi KALPE H'Um T'A SHA NE,
, ,TE DZO BA TI, NEE RYA SAm HI TE, TE DZO GRA BA, TIshth'I NA DRA YE TIshthI NA DRA YE BUDDHI SV'AH'A, SENG+GE RNAM PAR RTZE BA, GANG LA LA ZHIG GIS ME TOG BRTZEGS PA'I GZUNGS 'DI'I MING DANG, YI GE DANG, TSIG MTHA' DAG SHES TE KUN TSUB PAR BYED PA DES DPYID ZLA THA CHUNG DANG, DBYAR ZLA RA BA DANG, STON ZLA THA CHUNG YAR GYI NGO'I TSES BRGYAD NAS BZUNG LA BCO LNGA'I BAR DU SANGS RGYAS RJES SU DRAN PA BSGOM PAR BYA STE, NYIN LAN GSUM MTSAN LAN GSUM BSAM ZHING DE BZHIN GSHEGS PA RTZE GCIG TU YID LA BYAS LA BCOM LDAN 'DAS LA SPOS DANG, ME TOG DANG, MAR ME DANG, BDUG SPOS KYIS MCHOD NA, SANGS RGYAS BCOM LDAN 'DAS PADMA'I SNYING PO'I SENG+GE'I KHRI LA BZHUGS SHING, CHOS KYANG STON PA BCO LNGA MTHONG BAR 'GYUR RO, ,GZUNGS RAB TU THOB PAR 'GYUR, DRAN PA DANG LDAN PAR 'GYUR, BLO GROS DANG LDAN PAR 'GYUR, RTOGS PA DANG LDAN PAR 'GYUR; BLO DANG LDAN PAR 'GYUR, YONGS SU MYA NGAN LAS 'DA' BA'I BAR DU TSE RABS DRAN PAR 'GYUR RO, ,THOS PA THAMS CAD DANG, BSTAN BCOS THAMS CAD DANG, BZO THAMS CAD DANG, LAS THAMS CAD RAB TU SHES PAR 'GYUR, TING NGE 'DZIN THAMS CAD KYANG DE'I SEMS LA GNAS PAR 'GYUR TE, 'PHAGS PA'I BDEN PA BZHI NI, MA GTOGS
SO; ;DE CI'I PHYIR ZHE NA, CHOS DE DAG NI, ZAG PA MED PAR GTOGS PA'I PHYIR RO, ,BCOM LDAN 'DAS KYIS DE SKAD CES BKA' STZAL NAS BYANG CHUB SEMS DPA' SEMS DPA' CHEN PO SENG+GE RNAM PAR RTZE DANG, BYANG CHUB SEMS DPA' DE DAG DANG, DGE SLONG DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA ME TOG BRTZEGS PA ZHES BYA BA'I GZUNGS RDZOGS SO,, ,,