508 · GMLW-003760

BYANG CHUB SNYING PO'I RGYAN 'BUM ZHES BYA BA'I GZUNGS (BO DHI MAndA SYA YAKsh'A LANGK'A RA N'A MA DH'A RA n'i) (Philip Baker's conflicted copy 2021-07-18)

נושאי-מדףSubjects:

RGYUDSecret Teachings (Tantra)

נושאיםTopics:Secret WordsEnlightenmentthe BuddhaKarma

חיי היום-יוםDaily life:daily practice

נמצא בfound inSecret Teachings (Tantra)

מספר טוהוקוTohoku numberToh 508 · Tantra (all)

מהדורהrecensionDerge

כותרת בסנסקריטSanskrit titleBO DHI MAndA SYA YAKsh'A LANGK'A RA N'A MA DH'A RA n'i

כניעה לhomage toBYANG CHUB SEMS DPA' THAMS CAD

פוליוfolios473b–503a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title27%

ז'אנרgenreSecret Formulathe Tibetan title ends in GZUNGS — the work names itself a Secret Formula

מקום החיבורplace of compositionVaranasithe Buddha is in the great pleasure grove of the great city of Varanasi with five thousand monks

אנשים ומקומותpeople and places namedAmoghavajra · Thobchin Wang · Kyabpatranslated into CHINESE in the Tang by the northern Indian abbot Vidyadhara Amoghavajra at imperial command; reworked under the QING when Thobchin Wang commissioned a new collection of dharanis

רמת קושיlevelintermediate

לחיי היום־יוםfor daily lifedaily practice

הכותרת אומתה מול הטקסטtitle verified against the textyesthe title line is in THREE languages — Sanskrit, Chinese and Tibetan

הקבציםThe files

KL00508_BYANG CHUB SNYING PO'I RGYAN 'BUM ZHES BYA BA'I GZUNGS (BO DHI MAndA SYA YAKsh'A LANGK'A RA N'A MA DH'A RA n'i) (Philip Baker's conflicted copy 2021-07-18).txt/12. RGYUD_Secret Teachings (Tantra)/VOL 9 (TA)

KL00508_BYANG CHUB SNYING PO'I RGYAN 'BUM ZHES BYA BA'I GZUNGS (Bodhi Maṇḍala Lakṣa Alaṃkāra Nāma Dhāraṇī).txt/12. RGYUD_Secret Teachings (Tantra)/VOL 9 (TA)

הטקסטThe text

טיבטיתTibetanKL00508_BYANG CHUB SNYING PO'I RGYAN 'BUM ZHES BYA BA'I GZUNGS (BO DHI MAndA SYA YAKsh'A LANGK'A RA N'A MA DH'A RA n'i) (Philip Baker's conflicted copy 2021-07-18).txt68,605 תוויםcharacters

473b

,,RGYA GAR SKAD DU, BO DHI MAndA SYA YAKsh'A LANGK'A RA N'A MA DH'A RA n'i, RGYA NAG SKAD DU, PHU THI thA DRA A'I tVA DRA YAN THO LO NI; BOD SKAD DU, BYANG CHUB SNYING PO'I RGYAN 'BUM ZHES BYA BA'I GZUNGS, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS YUL W'A R'A nA SI'I GRONG KHYER CHEN PO'I SKYED MOS TSAL RGYA CHEN PO NA, DGE SLONG GI DGE 'DUN CHEN PO LNGA STONG THAMS CAD KYANG DGRA

474a

, ,BCOM PA, ZAG PA ZAD PA, BYA BA BYAS PA, BYED BA BYAS PA, KHUR BOR BA, RANG GI DON RJES SU THOB PA, SRID PAR KUN TU SBYOR BA YONGS SU ZAD PA SHA STAG DANG, BYANG CHUB SEMS DPA' SEMS DPA' CHEN PO'I TSOGS LNGA BRGYA BCAS DANG THABS CIG TU BZHUGS SO, ,DE'I TSE BCOM LDAN 'DAS KYIS DKAR PO'I PHYOGS KYI ZLA BA NYA BAS TSES PA'I DUS GCIG NA 'KHOR RNAM PA BZHI LA CHOS STON CING MCHOG TU DGA' BAS TSIM PAR BYAS SO, ,YANG 'KHOR DER SEMS CAN TSAD MED PA BYE BA KHRAG KHRIG BRGYA STONG MANG PO 'DUS PA, 'DI LTA STE, RGYAL RIGS DANG, BRAM ZE'I RIGS DANG, RIG BYED SMRA BA RNAMS DANG, GCER BU PA DANG, YA MTSAN CAN GZHAN DAG RTOG GE PA MANG PO DANG, SGYU RTZAL SHES RIGS DANG, DUR KHROD PA DANG, TSEM BU PA DANG, GLANG RU'I BRTUL ZHUGS CAN DANG, RI SUL NA GNAS PA'I BRTUL ZHUGS CAN DANG, DBANG PHYUG PA'I TSOGS THAMS CAD DANG THABS CIG GO ,DE LA 'DUS PA'I TSOGS DER GANG ZAG 'GA' ZHIG LTA BA LOG PAS BSLAD DE LAM GOL BA DANG, THE TSOM GYI DRA BAR CHUD PA RNAMS BCOM LDAN 'DAS KYIS THUGS BRTZE BA CHEN POS GANG JI LTA JI SNYED ZHUS PA'I DON LEGS PAR RAB TU STON CING THE TSOM MA LUS PA BSAL BAR

474b

MDZAD DO, ,GZHAN YANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA'I LDING DANG, MI'AM CI DANG, LTO 'PHYE CHEN PO DANG, MI DANG, MI MA YIN PA'I TSOGS KYIS MDUN NAS BLTAS SHING YONGS SU BSKOR TE, LHA'I DBANG PO BRGYA BYIN GYIS SUM CU RTZA GSUM BA'I LHA'I BU'I 'KHOR MANG PO DANG BCAS BCOM LDAN 'DAS KYI DRUNG DU NYE BAR LHAGS SO; ;DE BZHIN DU MI MJED KYI BDAG PO TSANGS PA TSANGS RIS KYI LHA'I BU MANG PO'I 'KHOR DANG BCAS PA DANG, LHA'I BU NYI MA DANG, LHA'I BU ZLA BA DANG, LHA'I BU STOBS BZANG DANG, GNOD SBYIN NOR BU BZANG PO DANG, GANG BA BZANG PO LA SOGS PA GNOD SBYIN GYI SDE DPON CHEN PO RNAMS DANG, DBANG PHYUG DANG, KHYAB 'JUG DANG, GSHIN RJE DANG, CHU LHA DANG, LUS NGAN DANG, RGYAL PO CHEN PO BZHI DANG, DPAL GYI LHA MO DANG, DBYANGS CAN MA DANG, 'PHROG MA DANG, DUNG SKYONG MA DANG, ME TOG SOM DANG, 'PHROG MA'I BU LNGA BRGYA RNAMS KYANG RANG RANG GI 'KHOR DANG BCAS PA DANG, KLU'I RGYAL PO RGYA MTSO DANG, KLU'I RGYAL PO DGA' BO DANG, KLU'I RGYAL PO NYE DGA' LA SOGS PA'I KLU'I RGYAL PO CHEN PO RNAMS SO SO'I KLU'I RIGS KYI 'KHOR BYE BA KHRAG KHRIG BRGYA STONG RAB TU MANG POS BSKOR BA DANG, MI'AM CI'I RGYAL PO DANG, LTO 'PHYE CHEN PO'I RGYAL PO RNAMS KYANG RANG RANG GI 'KHOR GRANGS SU MED PAS YONGS

475a

, ,SU BSKOR ZHING BCOM LDAN 'DAS KYI DRUNG DU LHAGS TE, PHYAG 'TSAL BA DANG, MCHOD PA DANG, BKUR STI DANG, RIM GRO BYED CING CHOS MNYAN TO, ,DE'I TSE DE'I DUS NA PA THA RI'I GRONG KHYER NA GNAS PA'I BRAM ZE CHEN PO PI nU DATTA ZHES BYA BA PHYUG PA DBYIG NOR SNA TSOGS PHUN SUM TSOGS PA DANG LDAN PA, LONGS SPYOD RNAM THOS KYI BU DANG 'GRAN BZOD PA, MANG DU THOS PA, SHES RAB CHE BA, DBANG PO RNO BA, RNAM 'PYOD YANGS PA, DGE BA'I CHOS LA DGA' BA, DAD PA BRTAN PA, DKON MCHOG GSUM LA SKYABS SU SONG BA'I DGE BSNYEN THAMS CAD KYI KHYU MCHOG TU GYUR PA LA BU MED PA ZHIG YOD DO, ,LAN CIG BRAM ZE CHEN PO DES 'DI SNYAM DU SEMS PAR GYUR TE, BDAG LONGS SPYOD 'DI TZAM CHE ZHING RIGS 'DI LTAR BTZUN PA LA BU MED PA CI LTAR RUNG, BRAM ZE'I RIGS SHING S'A LA CHEN PO LTA BU 'DI RGYUN CHAD NA CI LTAR RUNG, BDAG GSON KYANG DON RE CHUNG NGO SNYAM DU BSAM ZHING NYIN MTSAN MANG POR SDUG BSNGAL BAR GYUR TO, ,YANG LAN CIG 'DI LTAR SEMS PAR GYUR TE, LHA DANG, MI'I STON PA SANGS RGYAS BCOM LDAN 'DAS NI BDAG GI PA YIN NO, ,BDAG NI SANGS RGYAS KYI BU YIN NO, ,YANG DAG PA DAM PA'I CHOS NI BDAG GI MA YIN NO, ,'PHAGS PA'I DGE 'DUN GYI TSOGS NI BDAG GI PHU NU YIN

475b

NO; ;SKYE BA 'DIR STES BZANG POS BKRA SHIS PA'I DPAL GYI 'BYOR PA 'DI LTA BU RNYED NA, SKYE BA PHYI MAR YANG DON LDAN DU BYA BAR BYED PA'I PHYIR, CHOS GANG GCIG LA BSLABS PAS DKAR PO'I CHOS KYI DGE BA'I RTZA BA THAMS CAD 'DUS SHING TSEGS CHUNG NGUS BLA NA MED PA YANG DAG PAR RDZOGS PA'I BYANG CHUB PA TU BSNGO BAR BYA STE, DKON MCHOG GSUM GYI GDUNG YUN RING DU RGYUN MI 'CHAD PAR GYUR PA DANG, DGE BA'I LAS GANG GI RGYU RKYEN LA BRTEN NAS BU TSA RIGS RGYUD 'PHEL BAR BYED PA'I THABS CI'I PHYIR BDAG GIS BCOM LDAN 'DAS LA MI ZHU, DA NI BCOM LDAN 'DAS LA ZHU'O SNYAM DU BSAMS SO, ,DE NAS BRAM ZE CHEN PO BI nU DATTA DES BCOM LDAN KYI SPYAN SNGAR DONG NAS, BCOM LDAN 'DAS LA PHYAG 'TSAL ZHING LAN GSUM BSKOR BA BYAS THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,STON PA BCOM LDAN 'DAS, CHOS GANG GCIG LA BSLABS NA DKAR PO'I CHOS KYI DGE BA'I RTZA BA THAMS CAD 'DUS PAR GYUR CING TSEGS CHUNG NGUS BLA NA MED PA YANG DAG PAR RDZOGS PA'I BYANG CHUB RNYED PAR 'GYUR BA DANG, DKON MCHOG GSUM GYI GDUNG RGYUN MI 'CHAD PAR 'GYUR BA DANG, BU TSA RIGS RGYUD 'PHEL BAR 'GYUR BA'I THABS SHIG BCOM LDAN 'DAS KYIS BSTAN DU GSOL, DE SKAD CES GSOL PA DANG, BCOM LDAN 'DAS KYIS BRAM ZE BI nU DATTA LA 'DI

476a

, ,SKAD CES BKA' STZAL TO, ,LEGS SO, ,LEGS SO, ,BRAM ZE CHEN PO, KHYOD KYIS DON LEGS PA 'DI 'DRA NGA LA DRIS PA NI SHIN TU LEGS SO, ,BRAM ZE CHEN PO, LEGS PAR RAB TU NYON LA YID LA ZUNGS SHIG DANG NGAS KHYOD LA BSHAD DO, ,BRAM ZE CHEN PO, RTOG PA'I RGYAL PO CHEN PO BYANG CHUNG SNYING PO'I RGYAN 'BUM ZHES BYA BA'I GZUNG YOD DE, GZUNGS DE NI DKAR PO'I CHOS KYI DGE BA'I RTZA BA THAMS CAD SKRUN PAR BYED, SKYED PAR BYED, YONGS SU RDZOGS PAR BYED, RE BA THAMS CAD SKONG BAR BYED PA STE, NGAS RJES SU DRAN PA SNGON 'DAS PA'I DUS NA PA THA RI'I GRONG KHYER GYI SHAR SGO'I PHYI ROL DU SKYED MOS TSAL CHEN PO ZHIG YOD DE, SKYED TSAL DE'I MING NI AA SU RI ZHES BYA BA'O, ,DE NA GNYUG MAR GNAS PA'I SRIN PO'I BU MO ZHIG YOD DE, MING NI LHA MIN MDZES MA ZHES BYA'O, ,SRIN MO DE RANG BZHIN NGAN PA, GDUG RTZUB CHE BA, KHOR YUG DPAG TSAD STONG GI NANG ROL NA GNAS PA'I KHYE'U DANG, BU MO RNAMS KYI MDANGS 'PHROG CING BCUD BRKUS; SROG KYANG PHROGS PAR BYAS PAS, PA THA RI'I GRONG KHYER NA GNAS PA'I SKYE BO PHO MO PHAL CHER SRIN MO DE'I GNOD PAS GTZES PAS SDUG BSNGAL BAR GYUR, YUN RING DU 'JIGS PA DANG LDAN PAR GYUR, NYAM NGA BAS NYEN PAR GYUR TO, ,DE NAS DUS GCIG NA DE DAG PHAN TSUN DU BLTAS

476b

SHING THABS CI 'DRA ZHIG GIS SDUG BSNGAL 'DI LAS GROL BAR 'GYUR ZHES BGROS SO, ,DE'I TSE SKYE BO'I TSOGS 'DUS BA'I KHROD NA RGAN RABS RGYUS YOD PA 'GA' ZHIG GIS, SKYE BO DE DAG LA 'DI SKAD CES SMRAS SO, ,GROGS PO DAG NYON CIG ,DA LTA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD ZER DAM PA'I RGYAL MTSAN ZHES BYA BA 'JIG RTEN DU BYUNG NAS 'TSO ZHING GZHES BZHIN BZHUGS TE, DE'I DRUNG DU MJAL TE 'DRI BAR RIGS SO, ,SANGS RGYAS BCOM LDAN 'DAS DE NYID KYIS, KHYED CAG GI MGON PO DANG, SKYABS SU 'GYUR LA 'JIGS PA DANG, SDUG BSNGAL THAMS CAD BSAL BAR MDZAD PAR 'GYUR RO, ,DE SKAD CES SMRAS PA DANG, SKYE BO DE DAG GIS DE BZHIN GSHEGS PA DE YUL PHYOGS GANG NA BZHUGS ZHES DRIS PAS, RGAN RABS DAG GIS LAN BTAB PA, DE BZHIN GSHEGS PA DE DUS SKABS DA LTA NA LNGA LEN GYI LJONGS NA BZHUGS ZER RO, ,SLAR DRIS PA, BZHIN BZANG DAG ,DE BZHIN GSHEGS PA DE DANG MJAL BA'I THABS BSTAN DU GSOL, SMRAS PA, KHYED CAG SLAR LOG LA DBEN ZHING GTZANG BA'I GNAS SHIG BTZAL TE SA PHYOGS DER BA LCI BSRES PA'I SA GTZANG GI DKYIL 'KHOR GRU BZHI MTHA' LOGS CHA MNYAM PA BZHENGS, SPOS 'DAM DANG, BA BYUNG LNGAS BYUG LA, ME TOG SNA TSOGS GCAL DU BKRAM NAS BDUG PA'I SPOS

477a

, ,PHOR BZHI DANG, DRI BZANG GI CHAB KYI BUM PA BZHI DANG, ZHAL ZAS SDER MA BZHI GZHAG PAR BYA'O, ,MAR ME BZHI BUD PAR BYA'O, ,DBUS SU DRI BZANG GI CHUS GANG BA'I BUM PA DMAR SER GCIG BKOD LA, DE'I KHAR SO SHING GCIG GZHAG PAR BYA'O, ,DE NAS DE BZHIN GSHEGS PA DE LA MNGON PAR DAD PAS DMIGS TE, BCOM LDAN 'DAS BDAG CAG RNAMS LA THUGS BRTZE BA'I SLAD DU SANG NYIN BSOD SNYOMS KYI DUS LA BAB PA NA GNAS 'DI NYID DU GSHEGS PAR CI GNANG ZHES GSOL BA GDAB PAR BYA'O, ,DE BZHIN GSHEGS PA DE NI 'DAS PA DANG, MA 'ONGS PA DANG, DA LTAR BYUNG BA'I SEMS CAN THAMS CAD KYI BSAM PA DANG, MOS PA DANG, BYA BA SPYOD PA JI LTA JI SNYED THAMS CAD YONGS SU MKHYEN CING GZIGS PA STE, SEMS CAN DMYAL BA DANG, YI DVAGS DANG, DUD 'GRO'I SKYE GNAS SU LTUNG BA RNAMS KYANG THABS MKHAS PAS THAR BAR MDZAD, PHAN PA DANG, BDE BA'I THABS STON PAR 'GYUR RO, ,DE LTAR BYAS PAS DE BZHIN GSHEGS PA DES MNGON PAR MKHYEN CING GZIGS NAS, RDZU 'PHRUL THOGS PA MED PA'I STOBS KYIS 'KHOR DANG BCAS PA KHYED CAG GI BSTI GNAS SU 'BYON PAR 'GYUR RO, ,DE SKAD CES SMRAS PA DANG, SKYE BO DE RNAMS KYIS THOS PA JI LTA BA BZHIN BLO LA BZUNG NAS SLAR LOG STE 'DU 'DZIS DBEN ZHING GTZANG

477b

LA MTHO ZHING NGOS YANGS PA'I GNAS SHIG BTZAL NAS, BA LCI BSRES PA'I SA GTZANG GI DKYIL 'KHOR BSHAMS TE, ME TOG SNA TSOGS BKRAM, DKYIL 'KHOR GYI RGYAN BUM PA BZANG PO DANG, BZA' BTUNG GTZANG MA SNA TSOGS DANG, BYUG PA DANG, BDUG SPOS DANG, MAR ME RNAMS BKOD NAS SNYAN PA'I ROL MO SNA TSOGS KYANG DKROL, DBUS SU RIN PO CHE SNA TSOGS KYIS BRGYAN PA'I GSER GYI BUM PA DMAR SER DRI BZANG GI CHUS BKANG BA SO SHING DANG BCAS PA BZHAG LA, THAMS CAD YID MTHUN, MOS PA MTHUN, SPYOD LAM MTHUN PAR DAD PAS KUN NAS BSLANG BA'I DBYANGS SNYAN LA SKAD GSANG MTHON POS MGRIN GCIG TU 'DI SKAD CES GSOL BA BTAB BO, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD ZER DAM PA'I RGYAL MTSAN LA PHYAG 'TSAL LO, ,MCHOD DO, ,SKYABS SU MCHI'O, ,SEMS CAN THAMS CAD LA BRTZE BA DANG, SKYOB PA'I BDAG NYID CAN THUB PA CHEN PO SANGS RGYAS BCOM LDAN 'DAS KHYED LA PHYAG 'TSAL LO, ,MCHOD DO, ,SKYABS SU MCHI'O, ,CHOS NYID BSAM MI KHYAB CING RMAD DU BYUNG BA'I BDAG NYID CHEN PO SANGS RGYAS BCOM LDAN 'DAS KHYED LA PHYAG 'TSAL LO, ,MCHOD DO, ,SKYABS SU MCHI'O, ,BDAG CAG MGON MED SKYABS MED CING SDUG BSNGAL GYI 'DAM DU BYINGS PA'I SEMS CAN

478a

, ,RNAMS LA RJES SU BRTZE BA'I SLAD DU, SANG BSOD SNYOMS KYI DUS TSOD LA GNAS 'DIR GSHEGS SU GSOL LO, ,GSHEGS SHING BZHUGS NAS KYANG BDAG CAG GIS LEGS PAR SBYAR BA'I MCHOD PA RNAMS BZHES LA BDAG CAG LA SOGS PA SEMS CAN THAMS CAD KYI MGON DANG, SKYABS DANG, DPUNG GNYEN MDZAD DU GSOL, PHAN PA DANG, BDE BA DANG, RNAM PAR GROL BA'I LAM BSTAN DU GSOL, 'JIGS PA THAMS CAD DANG, GNOD PA THAMS CAD DANG, NYAM NGA BA THAMS CAD BSAL DU GSOL, DE LTAR GSOL BA BTAB MA THAG TU SA RNAM PA DRUG TU G-YOS SO, ,BUM PA YANG 'GUL ZHING SA LA 'GYEL TO, ,BUM CHU SA LA PHOS TE PADMA'I RDZING BU CHEN POR GYUR TO, ,DE YANG LHA'I CHU DANG MNYAM PA, DRI BZANG 'THUL BA, GTZANG BA, HA CANG MI GRANG, HA CANG MI DRO YID DU 'ONG BA, YAN LAG BRGYAD DANG LDAN PA, RDZING BU YONGS SU GANG BA'I GTING GSER GYI BYE MA BRDAL BA, AUTPA LA DANG, PADMA DANG, PADMA DMAR PO DANG, PUndA R'I KA LA SOGS PA RIN PO CHE'I ME TOG SNA TSOGS KYIS KHEBS PA, DBUS SU GSER GYI SA GZHI'I GLING CHEN PO, PHYOGS BZHIR RIN PO CHE SNA TSOGS KYI THEM SKAS DANG, LAM BZHI YOD PA, DKYIL NA SO SHING GNAS 'GYUR BA'I RIN PO CHE'I LJON SHING SRID DU DPAG TSAD BRGYAD YOD PA, CHU ZHENG GAB PA, RTZA BA DANG, SDONG PO DANG, YAL GA DANG, LO

478b

'DAB DANG, ME TOG DANG, 'BRAS BU RNAMS RIN PO CHE SNA BDUN LAS GRUB PA, GNAS DE SHIN TU GTZANG ZHING THA GRU YANGS PA LOGS BZHI'I NGOS RE LA DPAG TSAD BCU GNYIS RE YOD PA'I DKYIL 'KHOR NGO MTSAR RMAD DU BYUNG, ,SKYE BO THAMS CAD KYI YID DU 'ONG BA BLTA NA SDUG PA PHYOGS MTSAMS RNAMS SU CHU SKYES THANG SKYES KYI ME TOG SNA TSOGS DANG, TA MA LA'I SHING DANG, TZAMPAKA'I SHING DANG, KU SHU'I SHING DANG, MYA NGAN MED DANG, AA TI MUKTA KA DANG, SU MA N'A DANG, KA DAMBA'I SHING DANG, N+YA GRO DHA DANG, N+YA GRO DHA CHEN PO DANG, GA BUR GYI SHING DANG, SE RGOD TSER MA CAN GYI SHING DANG, SHUG PA DANG, YU TI KA DANG, TINTU KA'I SHING LA SOGS PA'I LJON PA'I PHRENG BAS BRGYAN PA, DE RNAMS KYI STENG NA NE TZO DANG, RMA BYA DANG, KA LA PINGKA DANG, SHANG SHANG TE'U LA SOGS PA BKRA SHIS PA'I BYA SNA TSOGS GSAR GYI MCHU DANG, GSER GYI GTZUG PHUD CAN, SPU DANG, GSHOG SGRO THAMS CAD RIN PO CHE SNA BDUN LAS GRUB PA, SNYAN CING 'JEBS PA'I SKAD SNA MANG PO SGROGS PA, DE THAMS CAD KYANG DE BZHIN GSHEGS PA 'OD ZER DAM PA'I RGYAL MTSAN GYI SNGON GYI SMON LAM GYI MTHU DANG, BYANG CHUB SNYING PO'I RGYAN 'BUM GYI GZUNGS SNGAGS RIG PA'I BYIN RLABS LAS BYUNG BA SHA STAG GO ,DE NAS PA THA RI'I GRONG KHYER GYI SKYE BO'I TSOGS THAMS CAD SHIN TU NGO MTSAR BAR GYUR NAS PHAN TSUN DU GCIG GIS GCIG LA 'DI

479a

, ,SKAD CES 'DRI MOL BYED DO, ,AE MA'O NGO MTSAR CHE'O, ,GROGS PO DAG ,'DI LTA BU'I CHO 'PHRUL CHEN PO SNGON CHAD MTHONG MA MYONG THOS MA MYONG BA 'PHRAL DU BYUNG BA 'DI SU ZHIG GI MTHU YIN, RDZU 'PHRUL CHEN PO 'DI SUS BSTAN PA YIN, GOR MA CHAG PAR DZAMBU GLING 'DIR BKRA SHIS PA DANG, PHAN PA DANG, BDE BA PHUN SUM TSOGS PA 'BYUNG BAR 'GYUR RAM ZER TO, ,DE'I TSE RGAN RABS DAG GIS SKYE BO'I TSOGS DE DAG LA 'DI SKAD CES SMRAS SO, ,CHO 'PHRUL CHEN PO 'DI NI GDON MI ZA BAR DE BZHIN GSHEGS PA 'OD ZER DAM PA'I RGYAL MTSAN GYI MTHU YIN NO, ,DE BZHIN GSHEGS PA DES SEMS CAN THAMS CAD LA PHAN PA DANG, BDE BA'I PHYIR KHYED CAG GI BSTI GNAS LA GSHEGS PA'I LTAS SU RDZU 'PHRUL 'DI BSTAN PA YIN NO, ,BDAG CAG SO SO'I GNAS SU LOG LA RANG RANG GI NUS TSAD LA DPAG PA'I ZHAL ZAS BZANG PO'I BYE BRAG MANG PO BSHAMS TE, SANG NYIN DE BZHIN GSHEGS PA DE LA GDUGS TSOD 'BUL ZHING MCHOD PA DANG, BSNYEN BKUR BYA'O, ,DE NAS SKYE BO DE DAG THAMS CAD RINGS PA RINGS PAR RANG RANG GI KHYIM DU SONG NAS MTSAN MO'I RING DE LA DRI ZHIM LA RO BDA' BA'I ZHAL ZAS BZA' BTUNG SNA TSOGS SBYAR ZHING DRI ZHIM PO'I ME TOG DANG, DRI'I BYUG PA DANG, BDUG SPOS DANG, PHYE MA PHUR MA

479b

DANG, GDUGS DANG, RGYAL MTSAN DANG, BA DAN LA SOGS PA DANG, ROL MO PHEG RDOB PA'I BYE BRAG MANG PO BSHAMS NAS LAM RNAMS SU NYE BAR LTAGS TE DE BZHIN GSHEGS PA BSGUGS SO, ,DE'I TSE BCOM LDAN 'DAS 'OD ZER DAM PA'I RGYAL MTSAN DES LNGA LEN GYI LJONGS SU 'KHOR MANG PO LA CHOS STON CING BZHUGS PA'I SKABS SHIG GLO BUR DU RIN PO CHE SNA BDUN GYIS SPUD PA'I BUM PA SO SHING DANG BCAS PA ZHIG BCOM LDAN 'DAS KYI SPYAN SNGAR BYUNG BAR GYUR TO, ,DE NAS BCOM LDAN 'DAS 'OD ZER DAM PA'I RGYAL MTSAN GYIS BUM PA SO SHING DANG BCAS PA GZIGS NAS 'DZUM PA MDZAD DO, ,ZHAL 'DZUM PA MDZAD NAS KYANG RTZIBS STONG 'KHOR LOS MTSAN PA'I PHYAG GSER GYI MDOG CAN BRKYANG STE BUM PA SO SHING DANG BCAS PA PHYAG TU BZHES LA CANG MI GSUNG BAR BZHUGS SO, ,DE'I TSE 'KHOR 'DUS PA THAMS CAD KYIS NGO MTSAR DU GYUR NAS, AE MA, BKRA SHIS PA'I MTSAN MA 'DI LTA BU PHYOGS GANG NAS BYUNG, YUL PHYOGS GANG ZHIG TU BCOM LDAN 'DAS GDAN 'DREN PA'I MTSAN MA ZHIG YIN SNYAM ZER TO, ,DE'I TSE 'KHOR GYI NANG NA BYANG CHUB SEMS DPA' SEMS DPA' CHEN PO RNAM DAG DAM PA'I BLO GROS ZHES BYA BA ZHIG 'DUS PAR GYUR TE STAN LAS LANGS NAS BCOM LDAN 'DAS KYI THAD DU PHYIN NAS BCOM LDAN 'DAS KYI

480a

, ,ZHABS LA MGO BOS PHYAG 'TSAL ZHING G-YAS SKOR DU LAN GSUM BSKOR BA BYAS THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, BKRA SHIS PA'I MTSAN MA 'DI PHYOGS GANG NAS BYUNG, BUM PA SO SHING DANG BCAS PA'I RGYU MTSAN CI LAGS, BCOM LDAN 'DAS KYIS BSHAD DU GSOL ZHES GSOL PA DANG, BCOM LDAN 'DAS KYIS BKA' STZAL PA, BUM PA SO SHING DANG BCAS PA 'DI BA THA RI'I GRONG KHYER CHEN PO NAS 'ONGS PA STE SA PHYOGS DER NGA SPYAN 'DREN PA'I PHYIR RO, ,RNAM DAG DAM PA'I BLO GROS, KHYOD 'KHOR RNAMS LA 'DI SKAD DU, NGA'I PHYAG PHYIR BSOD SNYOMS LA 'GRO BAR 'DOD PA RNAMS TSUL SHING LONGS SHIG CES 'GREMS SHIG ,SANG SNGA BAR BA THA RI'I GRONG KHYER CHEN POR RDZU 'PHRUL GYIS 'GRO'O ZHES GSUNGS SO, ,DE SKAD CES BKA' STZAL PA DANG, BYANG CHUB SEMS DPA' SEMS DPA' CHEN PO RNAM DAG DAM PA'I BLO GROS KYIS TSUL SHING BZUNG NAS 'DUS PA'I 'KHOR BYANG CHUB SEMS DPA' DANG NYAN THOS KYI TSOGS THAMS CAD LA BRIM ZHING, RDZU 'PHRUL CHEN PO DANG LDAN PAS RDZU 'PHRUL GYI YUL LA 'JUG NUS PA RNAMS TSUL SHING LONGS SHIG ,BCOM LDAN 'DAS KYIS SANG SNGA BAR PA THA RI'I GRONG KHYER CHEN POR BSOD SNYOMS LA CHA'O, ,BYANG CHUB SEMS

480b

DPA' RNAM DAG DAM PA'I BLO GROS KYIS DE LTAR TSUL SHING BRIMS TSAR NAS SLAR BCOM LDAN 'DAS LA GSOL ZHING BCOM LDAN 'DAS GDAN 'DREN PAR BSKUL TO, ,DE NAS DE'I SANG ZHOGS SNGA BAR DE BZHIN GSHEGS PA 'OD ZER DAM PA'I RGYAL MTSAN GYIS CHOS GOS GSUM LEGS PAR GSOL NAS DPAL DANG, GZI BRJID KYI RGYAN MCHOG TU 'BAR ZHING, 'DUS PA'I 'KHOR MANG PO DANG BCAS RDZU 'PHRUL CHEN PO RNAM PAR ROL PA'I STOBS KYIS BAR SNANG LA 'PHAGS TE LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO'I 'KHOR GYI TSOGS MANG POS ROL MO DANG, SIL SNYAN SNA TSOGS DKROL ZHING BDUG SPOS DANG, ME TOG DANG, BYUG PA DANG, PHYE MA PHUR MA DANG, NA BZA' DANG, RGYAN LA SOGS PA'I MCHOD PA'I BYE BRAG SNA TSOGS KYIS MCHOD PAS YONGS SU BSKOR BA ZHIN PAR NAM MKHA'I LAM NAS YUD TZAM GCIG LA PA THA RI'I GRONG KHYER CHEN POR PHEBS TE, BCOM LDAN 'DAS KYIS SPRUL PA'I DKYIL 'KHOR CHEN PO'I DBUS SU PADMA'I SNYING PO SENG+GE'I KHRI LA BZHUGS SO, ,'KHOR THAMS CAD KYANG RANG RANG GI SPRUL PA'I PADMA'I KHYIM GYI THEG PA DANG BCAS 'DUS TE 'KHOD PAR GYUR TO, ,DE NAS PA THA RI'I GRONG KHYER GYI SKYE BO THAMS CAD RAB TU DGA' ZHING MGU NAS, RANG RANG GI LEGS PAR

481a

, ,BSHAMS PA'I MCHOD PA SNA TSOGS KYIS BCOM LDAN 'DAS DANG, 'KHOR BYANG CHUB SEMS DPA' NYAN THOS KYI TSOGS DANG BCAS PA DANG, LHA KLU SDE BRGYAD KYI TSOGS THAMS CAD LA MCHOD PA BYED DO, ,GDUGS TSOD KYI DUS LA BABS PA NA, KHA DOG DRI RO PHUN SUM TSOGS PA'I ZHAL ZAS SNA TSOGS 'BUL ZHING BRIM STE, CI BDE BAR TSIM PAR BYAS SO, ,BCOM LDAN 'DAS 'KHOR DANG BCAS PAS GDUGS TSOD LEGS PAR BZHES NAS BKRU BSHAL MDZAD DE, SPYOD LAM DAG PAR MDZAD LA 'KHOR RNAMS KYIS BCOM LDAN 'DAS LA BSKOR BA LAN GSUM BYAS NAS GRAL STAN LA GO RIM 'TSAM PAR 'KHOD DO, ,DE NAS PA THA RI'I GRONG KHYER GYI SKYE BO DE DAG THAMS CAD SLAR YANG BCOM LDAN 'DAS LA PHYAG DANG BSKOR BA BYAS NAS DON GYI RGYU LAS BRTZAMS TE, SBA MA'I GNAS TSUL 'DI SKAD CES GSOL TO, ,BCOM LDAN 'DAS, GSAN DU GSOL, GRONG KHYER 'DI'I SHAR SGO'I PHYI ROL NA AA SU RI ZHES BYA BA'I SKYED TSAL ZHIG YOD DO, ,GRONG KHYER DE'I NANG NA SRIN PO'I BU MO LHA MIN MDZES MA ZHES BYA BA, RANG BZHIN NGAN PA, GDUG RTZUB CHE BA, KHRO ZHING GTUM PA GCIG GNAS TE, RGYUN PAR KHYE'U BU MO RNAMS KYI MDANGS DANG, GZI BRJID 'PHROG CING SROG KYANG 'PHROG PAR BYED PAS BDAG CAG RNAMS NYIN MTSAN MED PAR

481b

'JIGS PAS NYEN TE SDUG BSNGAL ZHING BDE BA'I GO SKABS CUNG ZAD KYANG MI THOB BO, ,BCOM LDAN 'DAS KYIS THUGS BRTZE BA CHEN POS DGONGS LA SDUG BSNGAL 'DI BSAL BA'I THABS BSTAN DU GSOL, BDE BAR GSHEGS PAS BSTAN DU GSOL ZHES GSOL BA BTAB BO, ,DE LTAR GSOL BA BTAB PAS DE BZHIN GSHEGS PA 'OD ZER DAM PA'I RGYAL MTSAN DES SKYE BO'I TSOGS DE DAG LA BRTZE BA'I DGONGS PAS ZHAL GYIS BZHES TE CANG MI GSUNG BAR GNANG NAS ZHAL 'DZUM PA MDZAD DO, ,'DZUM PA MDZAD PAS ZHAL GYI SGO NAS 'OD ZER KHA DOG BRGYA STONG DU 'PHROS, STONG GSUM GYI STONG CHEN PO'I 'JIG RTEN GYI KHAMS THAMS CAD YONGS SU KHEBS PAS SEMS CAN THAMS CAD DBUGS PHYUNG BAR MDZAD CING KHYAD PAR AA SU RI'I SKYED MOS TSAL DE RDZU 'PHRUL GYI 'OD ZER ME'I PHUNG POS BSREG, KUN TU RAB TU SREG GO ,DER GNAS PA'I SRIN PO'I BU MO 'KHOR KHRI KHRAG MANG PO DANG BCAS TSOM BU TSOM BUR PHRAL NAS PHYOGS BZHIR 'THOR ZHING RGYUG GO ,SKAD CHEN POS DU ZHING CHO DE 'DEBS, KYE MA KYI HUD BDAG CAG RNAMS SU LA SKYABS SU 'GRO, SU ZHIG GIS SDUG BSNGAL 'DI LAS SKYOB NUS ZER ZHING 'O DOD 'BOD DE DU BAR GYUR TO, ,DE NAS PAR SNANG NA GNAS PA'I LHA RNAMS KYIS DE DAG LA 'DI SKAD CES SMRAS SO, ,KHYOD RNAMS, DE

482a

, ,BZHIN GSHEGS PA 'OD ZER DAM PA'I RGYAL MTSAN GYI DRUNG DU SONG LA PHYAG 'TSAL ZHING SKYABS SU SONG NA SDUG BSNGAL 'DI LAS THAR BAR GYUR TE BDE PA DANG, YID BDE BA 'THO BA PAR 'GYUR RO ZHES SMRAS SO, ,DE NAS LHA MIN MDZES MA 'KHOR KHRI PHRAG MANG PO DANG BCAS RINGS PA RINGS PAR PA THA RI'I GRONG KHYER GYI SPRUL PA'I DKYIL 'KHOR GA LA BA DER PHYIN NAS BCOM LDAN 'DAS 'OD ZER DAM PA'I RGYAL MTSAN GYI ZHABS LA MGO BOS PHYAG 'TSAL ZHING, BCOM LDAN 'DAS, BDAG CAG RNAMS BSKYAB TU GSOL, ,'JIG RTEN MGON PO, BSKYAB TU GSOL, BDE BAR GSHEGS PA, BSKYAB TU GSOL, DENG PHYIN CHAD BDAG CAG GIS SEMS CAN LA GNOD PA MI BGYID DO, ,SEMS CAN LA 'TSE BAR MI BGYID DO ZHES GSOL TO, ,DE NAS BCOM LDAN 'DAS KYIS CANG MI GSUNG BAR DGONGS PAS ZHAL GYIS BZHES NAS, BYANG CHUB SNYING PO'I RGYAN 'BUM RNAM PAR ROL PA'I RDZU 'PHRUL GYI BYIN RLABS ZHES BYA BA'I TING NGE 'DZIN LA SNYOMS PAR ZHUGS SO, ,DE LAS LANGS TE BYANG CHUB SNYING PO'I RGYAN 'BUM GYI GZUNGS GSUNGS SO, ,DE'I TSE TING NGE 'DZIN GYI STOBS DANG, GZUNGS SNGAGS KYI MTHUS PHYOGS BCU'I 'JIG RTEN GYI KHAMS THAMS CAD DANG, DE NA BZHUGS PA'I SANGS RGYAS THAMS CAD LHAM ME LHAM

482b

MER MNGON SUM DU SNANG BAR GYUR TO, ,SANGS RGYAS DE DAG THAMS CAD KYIS RANG RANG GI 'KHOR RNAMS LA CHOS STON PA YANG LHANG LHANG THOS PAR GYUR TO, ,DE BZHIN GSHEGS PA DE DAG THAMS CAD KYIS BCOM LDAN 'DAS 'OD ZER DAM PA'I RGYAL MTSAN GYIS BYANG CHUB SNYING PO'I RGYAN 'BUM GYI GZUNGS GSUNGS PA LA RJES SU YI RANGS NAS SO SO'I ZHING NA BZHUGS BZHIN MGRIN GCIG DBYANGS GCIG GIS LEGS SO, ,LEGS SO, ,DE BZHIN GSHEGS PA 'OD ZER DAM PA'I RGYAL MTSAN KHYED KYIS RTOG PA'I RGYAL PO BYANG CHUB SNYING PO'I RGYAN 'BUM GYI GZUNGS GSUNGS PA LEGS SO, ,LEGS SO, ,LEGS PAR GSUNGS SO ZHES GSUNGS SO, ,DE NAS SRIN MO LHA MIN MDZES MA 'KHOR DANG BCAS PA BTUL ZHING DGE BA BCU'I LAM LA 'GOD, SKYE BO'I TSOGS GRANGS MED PA MANG PO YANG PHYIR MI LDOG PA'I SA LA 'GOD DO, ,DE NAS GRONG KHYER DE NYID RIN PO CHE SNA BDUN LAS GRUB PAR GYUR TE, RIN PO CHE SNA BDUN GYI CHAR YANG BABS SO; ;DZAMBU GLING GI SKYE RGU THAMS CAD KYANG SDUG BSNGAL MED PA'I BDE BA PHUN SUM TSOGS PA LA LONGS SPYOD PAR GYUR TO, ,BRAM ZE CHEN PO, NGA DE'I DUS NA BRAM ZE'I KHYE'U LO BDUN LON PA ZHIG STE, GZUNGS SNGAGS 'DI THOS PAS DE BZHIN GSHEGS PA DE'I BSTAN PA LA RNAM PAR DAG PA'I DAD PA THOB CING DA LTA BLA NA MED PA YANG DAG PAR RDZOGS PA'I BYANG CHUB BRNYES PA

483a

, ,YIN NO, ,BRAM ZE CHEN PO, KHYOD KYIS THE TSOM DANG, YID GNYIS MA BYED CIG ,BRAM ZE CHEN PO, KHYOD DE'I TSE DE'I DUS NA SRIN MO LHA MIN MDZES MA ZHES BYA BAR GYUR TO, ,DE'I DUS DGE BA'I SEMS MA BZUNG ZHING SEMS CAN MANG PO LA GNOD PA BYAS PA'I 'BRAS BU BSKAL PA GRANGS MED DU MAR NGAN SONG MYUL SDUG BSNGAL DPAG TU MED PA MYONGS SO, ,MTHAR DE BZHIN GSHEGS PA DE LA SKYABS SU SONG ZHING BSLAB PA BZUNG BAS DA LTA BRAM ZE SHING S'A LA CHEN PO LTA BUR SKYES SHING SHES RAB CHE LA LONGS SPYOD PHUN SUM TSOGS PA DANG LDAN PAR GYUR, 'ON KYANG LAS KYI LHAG MAS BU TSA MED PAR GYUR PA'O, ,BRAM ZE CHEN PO, DE'I DUS KYI PA THA RI'I GRONG KHYER NA GNAS PA SKYE BO DE DAG NI, DA LTA NGA'I 'KHOR DU BYUNG BA'I LHA KLU GNOD SBYIN DRI ZA LHA MIN MKHA' LDING MI'AM CI LA SOGS PA'I 'DUS PA'I TSOMS CHEN PO 'DI DAG GO ,BRAM ZE CHEN PO; KHYOD DE'I TSE DE'I DUS KYI LHA MIN MDZES MA'I 'KHOR KHRI PHRAG MANG PO DE DAG DA LTA GZHAN SU DAG YIN NAM SNYAM PA'I YID GNYIS DANG, NEM NUR SKYED NA, BRAM ZE CHEN PO, DE LTAR MA BYED CIG ,DE CI'I PHYIR ZHE NA, DE'I TSE DE'I DUS KYI LHA MIN MDZES MA'I 'KHOR KHRI PHRAG MANG PO NI, DA LTA NGA'I 'KHOR 'DUS PA CHEN PO'I NANG DU BYUNG BA'I

483b

BRAM ZE DANG, RGYAL RIGS DANG, RIG BYED SMRA BA RNAMS DANG, GCER BU PA DANG, RTOG GE PA GZHAN DAG SGYU RTZAL SHES RIGS DANG, DUR KHROD NA GNAS PA'I BRTUL ZHUGS CAN DANG, TSEM BU PA DANG, GLANG RU'I BRTUL ZHUGS CAN DANG, RI SU LAN GNAS PA'I BRTUL ZHUGS CAN 'DI DAG GO ,DE BZHIN GSHEGS PA SH'AKYA THUB PAS DE DAG GI SNGON GYI SBYOR BA RNAMS DE LTAR BSHAD NAS CANG MI GSUNG BAR BZHUGS SO, ,DE NAS 'KHOR 'DUS PA CHEN PO DE DAG GIS SNGON GYI SBYOR BA'I RGYU RKYEN DE LTA BU THOS NAS SHIN TU NGO MTSAR BAR GYUR TE DGA' ZHING MGU NAS, BDUG SPOS DANG, ME TOG DANG, BYUG PA DANG, PHYE MA PHUR MA DANG, ME TOG GI PHRENG BA DANG, NA BZA' DANG, RGYAL MTSAN DANG, BA DAN LA SOGS PA'I MCHOD PA'I BYE BRAG SNA TSOGS BSNAMS NAS BCOM LDAN 'DAS LA MCHOD CING G-YAS SKOR DU BSKOR BA LAN GSUM BYAS, BCOM LDAN 'DAS KYI ZHABS LA MGO BOS PHYAG 'TSAL ZHING THAL MO SBYAR BA BTUD NAS TSIG GCIG GIS MTHUN PAR GSOL PA, BCOM LDAN 'DAS, BDAG CAG LA SOGS PA'I SEMS CAN THAMS CAD LA THUGS BRTZE BA'I SLAD DU, RTOG PA'I RGYAL PO BYANG CHUB SNYING PO'I RGYAN 'BUM GYI GZUNGS BSHAD DU GSOL, BCOM LDAN 'DAS, BSHAD DU GSOL, BDE BAR GSHEGS PA, BSHAD DU GSOL, RIG

484a

, ,PA'I RGYAL PO DE NI SEMS CAN THAMS CAD KYI DMIGS BU DANG, SGRON MER GYUR PA STE, KHYAD PAR DU YANG MA 'ONGS PA'I DUS LNGA BRGYA'I THA MA LA BABS PA'I TSE SEMS CAN THAMS CAD KYI BSAM PA YONGS SU RDZOGS PAR BYED PA'O, ,DE SKAD CES GSOL BA DANG, BCOM LDAN 'DAS KYIS CANG MI GSUNG BAR GNANG NAS, ZHAL 'DZUM PA MDZAD DO, ,ZHAL 'DZUM PA MDZAD PAS BCOM LDAN 'DAS KYI ZHAL GYI SGO NAS 'OD ZER RNAM PA SNA TSOGS 'PHROS, PHYOGS BCU'I 'JIG RTEN GYI KHAMS THAMS CAD GSAL BAR BYAS TE, DE DAG NA BZHUGS PA'I SANGS RGYAS THAMS CAD MNGON SUM DU LHAM ME LHAM MER SNANG BAR GYUR TO, ,DE DAG GI CHOS BSHAD PA YANG LHANG NGE LHANG NGER THOS PAR GYUR TO, ,GNAS DE NYID RIN PO CHE'I LJON SHING RTZA BA SDONG PO YAL GA LO 'DAB ME TOG 'BRAS BU RNAMS RIN PO CHE SNA BDUN LAS GRUB PA YID DU 'ONG BA'I LHA'I SHING SHA STAG GI TSAL CHEN POS PHYOGS MTSAMS BRGYAN PAR GYUR TO, ,DZAMBU GLING GI SEMS CAN THAMS CAD KYANG LHA'I BDE BA LA LONGS SPYOD PAR GYUR PA LA SOGS PA'I RMAD DU BYUNG BA'I RDZU 'PHRUL GYI RNAM PAR ROL PA'I BYIN RLABS KYI SNANG BA 'JIG RTEN 'DI NA MNGON SUM DU GYUR TO, ,DE'I TSE BYANG CHUB SEMS DPA' 'JAM DPAL

484b

GZHON NUR GYUR PAS TSUL DE DAG MTHONG NAS DGA' BAS 'DZUM PA MDZAD CING, BCOM LDAN 'DAS KYI SPYAN SNGAR MCHIS TE PHYAG 'TSAL ZHING LAN GSUM BSKOR BA BYAS NAS THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS, SEMS CAN THAMS CAD LA PHAN PA DANG, BDE BA RGYA CHEN PO RGYUN MI 'CHAD PA 'BYUNG BA'I PHYIR RTOG PA'I RGYAL PO BYANG CHUB SNYING PO'I RGYAN 'BUM GYI GZUNGS BSHAD DU GSOL, BDE BAR GSHEGS PAS BSHAD DU GSOL ZHES GSOL PA DANG, BCOM LDAN 'DAS KYIS CANG MI GSUNG BAR ZHAL GYIS BZHES NAS SANGS RGYAS THAMS CAD LA NYE BAR BLTA BA ZHES BYA BA'I TING NGE 'DZIN LA SNYOMS PAR ZHUGS SO, , SNYOMS PAR ZHUGS MA THAG TU TING NGE 'DZIN DE'I MTHUS PHYOGS BCU'I SANGS RGYAS THAMS CAD KYI ZHING KHAMS MA LUS PAR MNGON SUM DU SNANG BAR GYUR TE, SANGS RGYAS BYE BA KHRAG KHRIG BRGYA STONG GRANGS MED PA THAMS CAD MDA' 'BEN GCIG GIS TZAM DU NYE BAR GYUR TO, ,DE NAS DE BZHIN GSHEGS PA DE DAG THAMS CAD MGRIN GCIG DBYANGS GCIG GIS 'DI SKAD DU, LEGS SO, ,LEGS SO, ,BCOM LDAN 'DAS DE BZHIN GSHEGS PA SH'AKYA THUB PA KHYED KYIS RTOG PA'I RGYAL PO 'DI GSUNG BAR BRTZAMS PA SHIN TU LEGS SO,,

485a

, ,LEGS PAR GSUNGS SHIG ,RTOG PA'I RGYAL PO 'DI 'DAS PA'I SANGS RGYAS THAMS CAD KYIS GSUNGS SHING BYIN GYIS BRLABS PA'O, ,DA LTAR DE BZHIN GSHEGS PA SH'AKYA THUB PA KHYED KYIS GSUNGS PA'I DUS LA BAB BO, ,BDAG CAG THAMS CAD KYANG RJES SU YI RANG NGO ZHES GSUNGS SO, ,DE NAS BYANG CHUB SEMS DPA' 'JAM DPAL GZHON NUR GYUR PAS LHUNG BZED GCIG BSNAMS NAS BCOM LDAN 'DAS KYIS GSUNGS PA'I CHOS KYI DBYINGS THAMS CAD DER BSDUS TE BCOM LDAN 'DAS LA PHUL TO, ,BCOM LDAN 'DAS KYI PHYAG GSER GYI MDOG CAN BRKYANG NAS PHYAG TU BZHES LA MDUN GYI NAM MKHAR BOR TO, ,DE NAS LHUNG BZED DES NAM MKHA'I DBYINGS KYI KHYON GANG BA'I DE BZHIN GSHEGS PA'I SKUR GYUR TE, STONG GSUM GYI STONG CHEN PO'I 'JIG RTEN GYI KHAMS THAMS CAD YONGS SU GANG BAR GYUR NAS DE DAG THAMS CAD KYANG MGRIN GCIG DBYANGS GCIG GIS, BCOM LDAN 'DAS SH'AKYA THUB PA, LEGS SO, ,LEGS SO ZHES GSUNGS SHING, DE DAG THAMS CAD RE RE'I SPYAN SNGAR BCOM LDAN 'DAS SH'AKYA THUB PA 'KHOR GYI TSOGS DANG BCAS PA DANG, SH'AKYA THUB PA SO SO'I MDUN DU BYANG CHUB SEMS DPA' 'JAM DPAL LHUNG BZED 'BUL BZHIN PA RE RE

485b

SNANG BAR GYUR TO, ,DE NAS BYANG CHUB SEMS DPA' SEMS DPA' CHEN PO PHYAG NA RDO RJES BYANG CHUB SEMS DPA' 'JAM DPAL GZHON NUR GYUR PA LA 'DI SKAD CES SMRAS SO, ,'JAM DPAL, NGO MTSAR RMAD DU BYUNG BA'I RDZU 'PHRUL CHEN PO DE BZHIN GSHEGS PA THAMS CAD 'UBS KYIS 'DUS SHING RNAM PAR SPROS PA 'DI SU'I DON DU YIN, 'DI'I RGYU GANG, RKYEN GANG, CI'I PHYIR 'OD ZER 'GYED LA RNAM PAR 'PHRUL PA 'DI BSTAN, 'JAM DPAL GYIS SMRAS PA, CI PHYAG NA RDO RJE KHYED KYIS 'OD KYI SNANG BA DANG, RDZU 'PHRUL GYI RGYU RKYEN MI SHES SAM, PHYAG NA RDO RJES SMRAS PA, 'JAM DPAL, MI SHES SO, ,DE BZHIN GSHEGS PA THAMS CAD 'DUS PA DANG, RNAM PAR SPROS PA'I RDZU 'PHRUL CHEN PO 'DI 'DRA BDAG GIS SNGON CHAD MA MTHONG MA THOS SHING DE RING BDAG LA THOG MAR RO, ,DE NAS BYANG CHUB SEMS DPA' SEMS DPA' CHEN PO PHYAG NA RDO RJES, RDO RJE GSOR ZHING BCOM LDAN 'DAS LA BSKOR BA LAN GSUM BYAS NAS BCOM LDAN 'DAS LA 'DI SKAD CES GSOL TO, ,CHOS GANG ZHIG BSTAN PAR BRTZAMS PAS DENG 'DIR SNGON CHAD MTHONG MA MYONG THOS MA MYONG BA'I RDZU 'PHRUL NGO MTSAR RMAD DU BYUNG BA 'DI LTA BU ZHIG STON, BCOM LDAN 'DAS KYIS BKA' STZAL PA, LAG NA RDO RJE, RE ZHIG SGUG CIG ,SKAD CIG YUD TZAM NA MNGON SUM DU 'GYUR RO ZHES GSUNGS

486a

, ,MA THAG RIN PO CHE SNA BDUN LAS GRUB PA'I MCHOD RTEN DPANGS SU DPAG TSAD BDUN STONG DANG, RGYAR DPAG TSAD LNGA STONG YOD PA ZHIG SA BRTOL TE BYUNG BAR GYUR TO, ,MCHOD RTEN DE NI LHA'I RIN PO CHE'I RGYAN GYIS SPUD PA 'OD ZER SNA TSOGS 'PHRO BA, LHA RDZAS KYI GOS KYI DAR DPYANGS 'PHYANG BA, NOR BU RIN PO CHE MU TIG GI DRA BAS KHEBS SHING RIN PO CHE'I PHYANG 'PHRUL DANG, GSER GYI DRIL BU DANG, DRIL BU'I G-YER KHA LAS SNYAN PA'I SGRA SKAD SNA TSOGS BYUNG BA'O, ,DE'I TSE BAR SNANG NAS LHA'I BU BYE BA KHRAG KHRIG BRGYA STONG DU MAS LAG NA MCHOD PA'I YO BYAD SNA TSOGS THOGS PA BABS TE, RIN PO CHE'I MCHOD RTEN DE LA MCHOD PA DANG, PHYAG DANG, SKOR BA BYED DO, ,DE NAS BCOM LDAN 'DAS KYIS BYANG CHUB SEMS DPA' PHYAG NA RDO RJE LA MCHOD RTEN DE'I SGO PHYED PAR BSGOS SO, ,SGO PHYED PAR BSGOS PA DANG BYANG CHUB SEMS DPA' PHYAG NA RDO RJE SKU LAS YE SHES KYI ME'I PHUNG PO RAB TU 'BAR BA, RIN PO CHE'I RGYAN SNA TSOGS KYIS BRGYAN PA, LAG NA RDO RJE GSOR ZHING ZHAL KHRO GNYER BSDUS PA'I NYAMS CAN, 'JIGS SU RUNG BA'I DPA' BYAD DANG LDAN PA DES RIN PO CHE'I MCHOD RTEN DE'I DRUNG DU SONG NAS PHYAG G-YAS PA BRKYANG STE MCHOD RTEN DE'I SGO 'PHAR RAB TU PHYE'O, ,PHYES PA DANG DE'I NANG NA DZAMBU CHU BO'I

486b

GSER LAS GRUB PA'I SENG GE'I KHRI RIN PO CHE SNA BDUN GYIS SPA BA LHA RDZAS KYI GOS SNA TSOGS KYI KHENGS DANG LDAN PA'I STAN LA, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SHIN TU RGYAS PA'I GSER ZHAL MCHOG TU DPA' BA'I 'OD ZER RGYAL MTSAN GYI TOG CES BYA BA BSAM GTAN LA SNYOMS PAR ZHUGS BZHIN PA SNANG BAR GYUR TO, ,DE NAS SANGS RGYAS SHIN TU RGYAS PA'I GSER ZHAL MCHOG TU DPA' BA'I 'OD ZER RGYAL MTSAN GYI TOG DES 'DI SKAD CES BSNGAGS PA MDZAD DO; ;BCOM LDAN 'DAS SH'AKYA THUB PA, LEGS SO, ,LEGS SO, ,DE BZHIN GSHEGS PA SH'AKYA THUB PA, KHYED KYIS 'DI LTA BU'I NGO MTSAR CHE BA'I RDZU 'PHRUL BSTAN CING DE BZHIN GSHEGS PA THAMS CAD 'DUS PA DANG, SPROS PAR MDZAD CING, DON DAM PAR CHOS THAMS CAD 'DU 'BRAL YONG YE MI MNGA' BZHIN 'JIG RTEN 'DI NA RDZU 'PHRUL NGO MTSAR 'DI LTA BU BSTAN PA 'DI NI, SNGON GYI SANGS RGYAS RNAMS LA YANG MA BYUNG NGO, ,DA LTA BCOM LDAN 'DAS SH'AKYA THUB PA KHYED KYIS RTOG PA'I RGYAL PO BYANG CHUB SNYING PO'I RGYAN 'BUM GYI GZUNGS BSHAD DU GSOL, BCOM LDAN 'DAS KHYED KYIS SEMS CAN THAMS CAD LA PHAN PA DANG BDE BA'I PHYIR RJES SU BRTZE BAS DE BZHIN GSHEGS PA THAMS

487a

, ,CAD KYI SKU MNGON SUM DU SNANG BA'I RNAM PAR ROL BA'I RDZU 'PHRUL BSTAN PA DANG, NGA'I MCHOD RTEN SA STENG DU BYUNG BA'I RGYU RKYEN 'DI NYID KYANG BYANG CHUB SNYING PO'I RGYAN 'BUM GYI GZUNGS KYI MTHU DANG, BYIN RLABS LAS BYUNG BA LAGS PAS BCOM LDAN 'DAS KYIS BYANG CHUB SNYING PO'I RGYAN 'BUM GYI GZUNGS 'CHAD PA'I DUS LA BAB BO, ,DE SKAD CES GSUNGS PA DANG, BCOM LDAN 'DAS SH'AKYA THUB PAS DE BZHIN GSHEGS PA SHIN TU RGYAS PA'I GSER ZHAL MCHOG TU DPA' BA'I 'OD ZER RGYAL MTSAN GYI TOG GIS BSKUL BA DANG DU BZHES NAS, RTOG PA'I RGYAL BO BYANG CHUB SNYING PO'I RGYAN 'BUM ZHES BYA BA'I GZUNGS 'DI GSUNGS SO, ,AOm NA MO BHA GA BA TE, BI PU LA BAD NA K'ANYTZA NO TA KshI PTA, PRA BH'A SA KE TU M'URDHA NE, TA TH'A GA T'A YA, AARHA TE SAMYAKSAm BUDDH'A YA, NA MO BHA GA B'A TE, SH'AKYA MU NA YE, TA TH'A GA T'A YA, AARHA TE SAMYAKSAm BUDDH'A YA, TADYA TH'A, BO DHI BO DHI, BO DHI NI BO DHI NI, SARBA TA TH'A GA TA GO TZA RE, DHA RA DHA RA, HA RA HA RA, PRA HA RA PRA HA RA, MAH'A BO DHI TZITTA DHA RE, TZU LU TZU LU, shA tA RA SMI SA NYTZO DI TE, SARBA TA TH'A GA T'A BHIshIKTE, GU nE GU nA BA TE, SARBA BUDDHA GU n'A BA DH'A SE, MI LI MI LI, GA GA NA TA LE, PRA TIshthI TE, SARBA TA TH'A GA TA AA DHI shthI TE, NA BHA STA LE, SHA ME SHA ME, PRA SHA ME PRA SHA ME, SARBA P'A PAm PRA SHA MA nA, SARBA P'A PAm BI SHO DHA

487b

NE; HU LU HU LU, MAH'A BO DHI M'A NA SAm PRA TIshthI TE, SARBA TA TH'A GA TA, SU PRA TIshthI TE SHUDDHE SV'AH'A, RTZA BA'I SNGAGS SO, ,DE LTAR BCOM LDAN 'DAS KYIS RTOG PA'I RGYAL PO CHEN PO BYANG CHUB SNYING PO'I RGYAN 'BUM GYI GZUNGS 'DI GSUNGS MA THAG TU, PHYOGS BCU NA BZHUGS PA'I SANGS RGYAS THAMS CAD KYIS LEGS SO, ,LEGS SO, ,LEGS PAR GSUNGS SO ZHES SNGAGS PA MDZAD DO, ,SPRUL PA'I SANGS RGYAS DE DAG THAMS CAD KYIS KYANG LEGS SO, ,LEGS SO, ,DE BZHIN GSHEGS PA SH'AKYA THUB PA, KHYED KYIS SEMS CAN THAMS CAD LA PHAN PA DANG, BDE BA'I PHYIR GZUNGS KYI RGYAL PO 'DI GSUNGS PA LEGS SO, ,LEGS PAR GSUNGS SO ZHES MTHUN PAR BSNGAGS PA MDZAD MA THAG TUS CHEN PO 'DI RNAM PA DRUG TU G-YOS SO; ;LHAS ME TOG SNA TSOGS KYI CHAR PHABS SO, ,DE BZHIN DU BYUG PA DANG, PHYE MA PHUR MA DANG, NA BZA' DANG, NOR BU RIN PO CHE'I RGYAN SNA TSOGS DANG, DBU RGYAN DANG, PHYAG GDUB DANG, DO SHAL DANG, SKA RAGS LA SOGS PA BSNAMS NAS MCHOD CING SNYAN CING 'JEBS PA'I GLU LEN, ROL MO SNA TSOGS DKROL, ME TOG GI CHAR DE YANG, 'DI LTA STE, AUTPA LA DANG, PADMA DMAR PO DANG, PADMA LE BRGAN RTZI DANG, PUndA R'I KA DANG, MAND'A RA BA DANG, MAND'A RA BA CHEN PO DANG, ME TOG RO TZA DANG, MANYDZU KA DANG, MANYDZU KA CHEN PO DANG, SU MA N'A DANG,

488a

, ,W'ARSHI KA DANG, TZAMBA KA DANG, SOO GANDHI KA LA SOGS PA'I ME TOG SNA TSOGS KYI CHAR BABS SHING BCOM LDAN 'DAS LA MCHOD PA DANG, BSTOD BSNGAGS BYAS SO, ,DE LTAR BCOM LDAN 'DAS KYIS 'DUS PA'I 'KHOR TSOGS CHEN PO'I NANG, GZUNGS KYI RGYAL PO 'DI GSUNGS PAS LA LA NI DANG SANGS RGYAS KYI BYANG CHUB THOB PAR GYUR TO, ,LA LA NI DGRA BCOM PA'I 'BRAS BU THOB PAR GYUR TO, ,LA LAS PHYIR MI 'ONG BA'I 'BRAS BU, LA LAS LAN CIG PHYIR 'ONG BA'I 'BRAS BU, LA LAS RGYUN DU ZHUGS PA'I 'BRAS BU THOB PAR GYUR TO, ,'GA' ZHIG NI BYANG CHUB TU SEMS BSKYED DO, ,'GA' ZHIG PHYIR MI LDOG PA'I SA LA GNAS PAR GYUR TO, ,'GA' ZHIG BLA NA MED PA'I BYANG CHUB TU LUNG BSTAN THOB BO, ,SEMS CAN LA LAS LHAR SKYE BA'I 'BRAS BU THOB BO, ,SEMS CAN DMYAL BAR SKYES PA RNAMS NI SDUG BSNGAL THAMS CAD LAS THAR BAR GYUR TO,, GSHIN RJE'I 'JIG RTEN DU LTUNG BA DANG, YI DVAGS DANG, DUD 'GRO'I SKYE GNAS SU SONG BA THAMS CAD KYANG SO SO'I SKYE GNAS KYI SDUG BSNGAL LAS GROL TE MI'I LUS THOB NAS BYANG CHUB KYI LAM LA ZHUGS PAR GYUR TO, ,DE LTAR DZAMBU GLING 'DIR NGO MTSAR BA'I RDZU 'PHRUL BYUNG ZHING SEMS CAN THAMS CAD PHAN PA DANG, BDE BA PHUN SUM TSOGS PA

488b

THOB PAR GYUR PA DANG, BYANG CHUB SEMS DPA' SEMS DPA' CHEN PO GSANG BDAG PHYAG NA RDO RJES BCOM LDAN 'DAS KYI ZHABS LA MGO BOS PHYAG BTZAL NAS THAL MO SBYAR TE BCOM LDAN 'DAS LA 'DI SKAD CES GSOL TO, ,BCOM LDAN 'DAS, GZUNGS RTOG PA'I RGYAL PO 'DI NI SHIN TU RNYED PAR DKA' BA'O, ,DGE SLONG NGAM, DGE SLONG MA'AM, DGE BSNYEN NAM, DGE BSNYEN MA'AM, RIGS KYI BU'AM, RIGS KYI BU MO GANG LA LA ZHIG GIS GZUNGS 'DI 'CHANG BA DANG, KLOG PA DANG, KUN CHUB PAR BYED PA DANG, GZHAN DAG LA YANG DAG PAR RAB TU STON PAR BYED PA DANG, TSUL BZHIN DU YID LA BYED PA DE'I BSOD NAMS KYI PHUNG PO'I TSAD NI JI TZAM ZHIG LAGS, BCOM LDAN 'DAS KYIS BKA' STZAL PA, LEGS SO, ,LEGS SO, ,GSANG BA'I BDAG PO LAG NA RDO RJE KHYOD KYIS DON 'DI 'DRI BA NI SHIN TU LEGS SO, ,DRI BA NI MCHOG GO ,DAM PA'O, ,'ON KYANG KHYOD SONG NAS 'JAM DPAL GZHON NUR GYUR PA LA DRIS SHIG DANG DES KHYOD LA LEGS PAR STON PAR 'GYUR RO, ,DE SKAD CES GSUNGS PA DANG, PHYAG NA RDO RJES BYANG CHUB SEMS DPA' 'JAM DPAL GYI THAD DU PHYIN NAS G-YAS SKOR DU BSKOR BA BYAS TE 'JAM DPAL GZHON NUR GYUR PA LA 'DI SKAD CES SMRAS SO, ,SKYES BU GANG LA LA ZHIG GIS, BYANG

489a

, ,CHUB SNYING PO'I RGYAN 'BUM GYI GZUNGS 'DI 'CHANG BA DANG, KLOG PA DANG, KUN CHUB PAR BYED PA DANG, GZHAN DAG LA YANG RGYA CHER YANG DAG PAR RAB TU STON PAR BYED PA DE'I BSOD NAMS KYI PHUNG PO'I TSAD NI JI TZAM ZHIG LAGS, ,'JAM DPAL GZHON NUR GYUR PAS SMRAS PA, PHYAG NA RDO RJE, LEGS PAR NYON CIG ,DPER NA, STONG GSUM GYI STONG CHEN PO'I 'JIG RTEN GYI KHAMS JI SNYED YOD PA'I SA GZHI RI DANG, THANG DANG, LA DANG, SGANG CHE CHUNG THAMS CAD BRGYA CHA STONG CHA THAN SPU TZAM GYI BAR GSHAG CING PHYE YANG RDUL PHRA RAB KYIS MA KHYAB PA'I GNAS SHIG MTHONG BAR MI 'GYUR RO, ,DE BZHIN DU NGAS LHA'I MIG GIS BLTAS PAS, DE BZHIN GSHEGS PA'I SKU'I CHA THAMS CAD KYANG RING BSREL GYIS KHYAB PA STE, DE BZHIN GSHEGS PA'I CHOS KYI SKU'I CHA THAMS CAD CHOS KYI DBYINGS KYI RING BSREL DANG, RUS PA'I RING BSREL DANG, SHA'I RING BSREL DANG, YUNGS 'BRU LTA BU'I RING BSREL GYIS STONGS PA'I GNAS SHIG NGAS MA MTHONG NGO, ,PHYAG NA RDO RJE, MNGON PAR SHES PA DANG, RDZU 'PHRUL GYI RTZAL DANG LDAN PA'I SKYE BO ZHIG GIS DE'I GRANGS JI TZAM BGRANG BAR NUS NA, PHYAG NA RDO RJE, SKYE BO DE BLO GROS DANG, SHES RTZAL PHUN SUM TSOGS PA ZHIG LAGS

489b

SAM, PHYAG NA RDO RJES SMRAS PA, DE DE BZHIN NO, ,'JAM DPAL, DE DE BZHIN TE, SKYE BO DE NI BLO GROS DANG, SHES RTZAL PHUN SUM TSOGS PA NGO MTSAR DU GYUR PA ZHIG GO, , 'JAM DPAL GYIS SMRAS PA, PHYAG NA RDO RJE NYON CIG ,RDUL PHRA RAB DE DAG DANG, RING BSREL DE LTA BU'I GRANGS DANG, TSAD NI BGRANG BA DANG, DPAG PAR RUNG GI, PHYAG NA RDO RJE; RDUL PHRA RAB DANG, RING BSREL DE DAG GI GRANGS RNAMS DE LTAR BGRANG BA DANG, DPAG PA JI LTA BA BZHIN DU, DE BZHIN GSHEGS PAS BSKAL PA'AM, BSKAL PA LAS LHAG GAM, BSKAL PA STONG DU BZHUGS TE GSUNGS KYANG RTOG PA'I RGYAL PO BYANG CHUB SNYING PO'I RGYAN 'BUM GYI GZUNGS KYI PHAN YON BSOD NAMS KYI PHUNG PO'I TSAD NI DPE'I SGO NAS KYANG RDZOGS PAR BSTAN PAR MI NUS SO, ,PHYAG NA RDO RJE, RTOG PA'I RGYAL PO BYANG CHUB SNYING PO'I RGYAN 'BUM ZHES BYA BA'I GZUNGS 'DI NI DE LTA BU'I YON TAN PHUN SUM TSOGS PA DANG LDAN PA'O, ,GANG ZHIG GZUNGS 'DI 'CHANG BA DANG, KLOG PA DANG, KUN CHUB PAR BYED PA DANG, GZHAN DAG LA YANG RGYA CHER YANG DAG PAR BSTAN PA DANG, TSUL BZHIN YID LA BYED PA LTA ZHOG ,GLEGS BAM LA BRIS TE MCHOD PA BKUR STI TZAM BYED PA'I SKYE BOS KYANG TSAD MED GRANGS MED DPAG GIS MI LANGS PA'I BSOD NAMS KYI PHUNG PO ZAD MI

490a

, ,SHES PA 'THOB PAR 'GYUR RO, ,DE NAS 'KHOR DER 'DUS PA'I LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, MI DANG, MI MA YIN PA THAMS CAD 'JAM DPAL GZHON NUR GYUR PA'I TSIG DE THOS NAS MA LUS PAR BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA'I SA LA GNAS PAR GYUR TO, ,LA LAS NI BLA NA MED PA YANG DAG PAR RDZOGS PA'I BYANG CHUB TU LUNG BSTAN PA THOB PAR GYUR TO, ,DE NAS THAMS CAD KYIS MGRIN GCIG TU AA LA LA LEGS PAR BSHAD DO ZHES BSNGAGS NAS BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA LA PHYAG 'TSAL LO, ,SKYABS SU MCHI'O, ,NGO MTSAR RMAD DU BYUNG BA'I RDZU 'PHRUL LA DBANG BSGYUR BA SANGS RGYAS BCOM LDAN 'DAS LA PHYAG 'TSAL LO, ,SKYABS SU MCHI'O, ,BSAM GYIS MI KHYAB PA'I MDZAD PA DANG, 'PHRIN LAS KYI BDAG NYID SANGS RGYAS BCOM LDAN 'DAS LA PHYAG 'TSAL LO, ,SKYABS SU MCHI'O ZHES CHED DU BRJOD DO, ,DE NAS GSANG BA'I BDAG PO PHYAG NA RDO RJES 'JAM DPAL GZHON NUR GYUR PA LA 'DI SKAD CES SMRAS SO, ,'JAM DPAL, JI LTA BUR BYANG

490b

CHUB RGYAN 'BUM GYI GZUNGS 'DI LA BRTEN NAS, DGE BA'I RTZA BA THAMS CAD BSKRUN PA DANG, BSKYED PAR MDZAD, 'JAM DPAL GYIS SMRAS PA, PHYAG NA RDO RJE, TSUL 'DI NI BCOM LDAN 'DAS LA GSOL BAR RIGS SO, ,BCOM LDAN 'DAS KYIS TSUL 'DI MA LUS PAR MKHYEN TO, ,DE NAS GSANG BA'I BDAG PO PHYAG NA RDO RJES BCOM LDAN 'DAS KYI GAN DU PHYIN NAS BCOM LDAN 'DAS LA BSKOR BA LAN GSUM BYAS TE 'DI SKAD CES GSOL TO, ,BCOM LDAN 'DAS, TSUL JI LTA BUR BYANG CHUB RGYAN 'BUM GYI GZUNGS 'DI LA BRTEN NAS DGE BA'I RTZA BA THAMS CAD BSKRUN PAR MDZAD, BSKYED PAR MDZAD, BCOM LDAN 'DAS KYIS BKA' STZAL PA, LAG NA RDO RJE, KHYOD LEGS PAR RAB TU NYON LA YID LA ZUNGS SHIG ,LAG NA RDO RJE, GZUNGS 'DI LA BRTEN NAS DGE BA'I RTZA BA THAMS CAD BSKRUN PA DANG, SKYED PAR BYED PA'I THABS PAS KHYOD LA BSHAD DO, ,'DI LTA STE, DGE SLONG NGAM, DGE SLONG MA'AM, DGE BSNYEN NAM, DGE BSNYEN MA'AM, GZHAN YANG, RIGS KYI BU'AM, RIGS KYI BU MO GANG LA LA ZHIG GIS LUS DANG, YAN LAG BKRUS SHING GOS GSAR GTZANG MA GON TE, BA LCI DANG, DRI BZANG BSRES PA'I SA GTZANG GIS MAndAL GRU BZHI PA BYAS LA, BA BYUNG LNGA DANG, DRI BZANG

491a

, ,GI CHUS LEGS PAR CHAG CHAG GDAB, ME TOG LEGS PAR BKRAM ZHING MCHOD PA YANG BSHAM, GZUNGS 'DIS BYIN GYIS BRLABS PA'I CHUS SANGS RGYAS KYI SKU GZUGS LA KHRUS BYA, DE BZHIN DU GZUNGS 'DIS BYIN GYIS BRLABS PA'I TZANDAN DKAR PO'I PHYE MA SBYAR BA'I GUR GUM GYIS BYUNG, ,DE NAS CI 'BYOR BA'I MCHOD PA 'BUL ZHING BSKOR BA DANG, PHYAG BYAS NAS SKU GZUGS KYI SPYAN SNGAR BDUG LA GZUNG SA SNGAGS LAN CIG BRJOD CING MAR ME GCIG BUD PAR BYA'O, , LAG NA RDO RJE, DGE BA'I RTZA BA BSKRUN PA DANG, BSKYED PA'I NGAS DPE GCIG STON GYI NYON CIG ,DPER NA, STONG GSUM GYI STONG CHEN PO'I 'JIG RTEN GYI KHAMS NA GNAS PA'I KLU'I RGYAL PO CHEN PO THAMS CAD KYIS SO SO NAS CHAR GYI THIGS PA RDUL PHRA RAB TZAM PA'I CHAR CHEN PO 'BEBS PAR BYAS TE, DE LA MI RDZU 'PHRUL GYI STOBS CHEN PO DANG LDAN PA ZHIG YOD LA, MI DES CHAR DE'I THIGS PA RE RE NAS BGRANGS PAS DE'I GRANGS DANG, TSAD RTOGS NUS KYI, DGE SLONG DAM, DGE SLONG MA'AM, DGE BSNYEN NAM, DGE BSNYEN MA'AM, GZHAN YANG, RIGS KYI BU'AM, RIGS KYI BU MO GANG LA LA ZHIG GIS SNGAR BSTAN PA LTAR MCHOD PA DANG, PHYAG

491b

BYAS PA LA SOGS PA'I PHAN YON GYI GRANGS DANG, TSAD NI DE BZHIN GSHEGS PAS BSKAL PA'AM, BSKAL PA LAS LHAG GAM, BSKAL PA BRGYA STONG GI BAR BZHUGS TE CHAR GYI TSIGS PA BGRANGS PA JI LTA BUR GSUNGS KYANG RDZOGS PAR MI 'GYUR RO, ,LAG NA RDO RJE, GONG DU BSTAN PA'I SKU GZUGS LA KHRUS GSOL BA TZAM GYI BSOD NAMS KYI TSAD NI DE BZHIN GSHEGS PA THAMS CAD KYIS MI MKHYEN TO, ,LAG NA RDO RJE, GZHAN YANG DGE PA'I RTZA BA BSKRUN PA DANG, BSKYED PAR BYA BA DANG, BSAM PA'I DON 'GRUB PAR BYED PA'I LAS TSOGS KYI RTEN 'BREL GRUB PA'I TSUL MDO TZAM ZHIG BSHAD KYIS NYON CIG ,LAG NA RDO RJE, GANG LA LA ZHIG GIS BYANG CHUB SNYING PO'I RGYAN 'BUM GYI GZUNGS 'DI GRO GA LA BRIS TE PHYAG MTSAN GYI RDO RJE'I NANG DU BCUG PA'AM, SKU GZUGS KYI NANG BCUG PA'AM, KHOG PAR BRIS PA'AM, LHA KHANG GI GANDHO LA'I NANG BCUG PA'AM, MCHOD RTEN GYI NANG BCUG NA DES MCHOD RTEN GCIG BYAS BAS 'BUM BYAS PAR 'GYUR RO, ,MCHOD RTEN DE SNYED BZHENGS PA'I BSOD NAMS THOB PAR 'GYUR RO, ,DGE SLONG NGAM, ,DGE SLONG MA'AM, DGE BSNYEN NAM, DGE BSNYEN MA'AM, GZHAN YANG, RIGS KYI BU'AM, RIGS KYI BU MO GANG LA LA ZHIG GIS GZUNGS 'DI BRIS TE LAM GYI BZHI MDO'AM, DE MTHON PO'I SPO'AM,

492a

, ,CHU CHEN PO'I 'GRAM MAM, GRONG KHYER GYI SGO'AM, THEG LAM CHEN POR MCHOD RTEN CHEN PO GCIG BYAS LA CHAR KHEBS SAM, GDUGS KYI NANG DU GZUNGS 'DI BCUG NA, RIGS KYI BU'AM, RIGS KYI BU MO DES NGAS SNGAR DPE DRANGS TE BSTAN PA LTAR STONG GSUM GYI STONG CHEN PO'I 'JIG RTEN GYI KHAMS KYI RDUL PHRA RAB KYI GRANGS DANG MNYAM PA'I CHOS KYI SKU'I RING BSREL DANG, CHOS KYI DBYINGS KYI RING BSREL DANG, RUS PA'I RING BSREL DANG, SHA'I RING BSREL DE DAG THAMS CAD LA MCHOD RTEN BYAS PA'I BSOD NAMS THOB PAR 'GYUR RO, ,MCHOD RTEN ZHES BYA BA NI SANGS RGYAS THAMS CAD KYI BZHUGS GNAS DKYIL 'KHOR YIN NO, ,MCHOD RTEN ZHES BYA BA NI SANGS RGYAS THAMS CAD KYI SPRUL PA'I SKU'I SKU GDUNG GI BANG SO YIN NO, ,DE BZHIN GSHEGS PA YANG DAG PA'I GSUNG DANG LDAN PAS DE LTAR GSUNGS SO, ,LAG NA RDO RJE, GZHAN YANG, RIGS KYI BU'AM, RIGS KYI BU MO GANG LA LA ZHIG GIS, DE LTA BU'I MCHOD RTEN DE DAG LA ME TOG DANG, BDUG SPOS LA SOGS PA MCHOD PA'I YO BYAD CI 'BYOR PAS MCHOD PA BYED PA'AM, THAL MO SBYAR NAS PHYAG 'TSAL BA'AM, LAN GCIG TZAM BSKOR BA BYAS KYANG, DGE SLONG NGAM, DGE SLONG MA'AM, DGE BSNYEN NAM, DGE BSNYEN MA

492b

'AM, RIGS KYI BU'AM, RIGS KYI BU MO GZHAN ZHIG KYANG RUNG STE DE'I BSKRUN PA DANG, BSKYED PA'I BSOD NAMS KYI BU LON GZHAL DU MED CING BGRANGS SU MA MCHIS PA'O, ,SDIG PA DANG, SGRIB PA THAMS CAD NI YONGS SU DAG PAR 'GYUR RO, ,DMYAL BA DANG, YI DVAGS DANG, DUD 'GRO'I SKYE GNAS NI RGYUN 'CHAD PAR 'GYUR RO, ,BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR 'GYUR RO, ,MCHOD RTEN 'GA' ZHIG MCHOD PAR GYUR PA MA YIN GYI, SANGS RGYAS DKON MCHOG DANG, CHOS DKON MCHOG DANG, DGE 'DUN DKON MCHOG RNAMS LA YANG LHA RDZAS KYI MCHOD PA'I YO BYAD DE DAG GIS MCHOD PA BYAS PAR 'GYUR RO, ,PHYIR MI LDOG PA'I RTAGS DANG, MTSAN MA'I RGYAN GYI TING NGE 'DZIN THOB PAR 'GYUR RO, ,BYANG CHUB SNYING PO LA MCHIS KYI BAR DU LUS RNAM PAR DAG PA THOB PAR 'GYUR RO, ,DGE BA'I RTZA BA NI NAM YANG CHUD MI ZA BAR 'GYUR RO, , SLAR YANG MNGAL DU SKYE BAR MI 'GYUR RO, ,LAG NA RDO RJE, GZUNGS SNGAGS 'DI NI SHIN TU RNYED PAR DKA' BA YIN NO, ,LAG NA RDO RJE, SKYE BO GANG LA LA ZHIG GIS LDER BZO'AM, THAD KAR BRIS PA'AM, SHING DAM, RIN PO CHE'I RIGS KYI RDO LA BRKOS SAM, DRI BZANG GI SMAN 'DAM LAS BYAS PA'AM, ZANGS BTUL MA'AM, GSER DNGUL ZANGS TE LCAGS

493a

, ,GSUM BSRES PA'AM, LCAGS SAM, DNGUL 'BA' ZHIG GAM, GSER RKYANG NGAM, DE DAG GANG YANG RUNG BAS MCHOD RTEN NAM, SKU GZUNGS BYAS LA, RGYA SHOG GAM, DAR DKAR PO LA GZUNGS SNGAGS 'DI BRIS NAS MCHOD RTEN NAM, SKU GZUGS KYI NANG DU BCUG STE, PHYAG DANG, MCHOD PA DANG, BKUR STI RIM GRO BYED NA, LAG NA RDO RJE, DGE SLONG NGAM, DGE SLONG MA'AM, DGE BSNYEN NAM, DGE BSNYEN MA'AM, GZHAN YANG, RIGS KYI BU'AM, RIGS KYI BU MO DE'I BSOD NAMS KYI TSAD NI DE BZHIN GSHEGS PA'I 'OD ZER GYIS GZHAL, DE BZHIN GSHEGS PA'I MKHYEN PAS DPAG ,DE BZHIN GSHEGS PA'I SANGS RGYAS KYI SPYAN GYIS GZIGS PAS SNGAR BSTAN PA'I RING BSREL GYI GRANGS JI SNYED PA DANG, RGYA MTSO CHEN PO'I CHU THIGS JI TZAM GRANGS DANG MNYAM PA'I MCHOD RTEN DANG, SKU GZUNGS BYAS PA DANG, DGE SLONG NGAM; DGE SLONG MA'AM, DGE BSNYEN NAM, DGE BSNYEN MA'AM, GZHAN YANG, RIGS KYI BU'AM, RIGS KYI BU MO DES MCHOD RTEN NA, SKU GZUGS GZUNGS 'DIS SNYING PO CAN GCIG LA PHYAG BYA BA DANG, MCHOD PA BYAS PAR MI 'GYUR LA, MCHOD RTEN DE SNYED DANG, SKU GZUGS DE SNYED PA PHYAG DANG, MCHOD PA BYAS PA'I BSOD NAMS KYI

493b

'BRAS BU THOB PAR 'GYUR RO, ,DE NAS BYANG CHUB SEMS DPA' GSANG BA'I BDAG PO PHYAG NA RDO RJES BCOM LDAN 'DAS LA 'DI SKAD CES GSOL TO, ,BCOM LDAN 'DAS, RTOG PA'I RGYAL PO CHEN PO 'DI NI DPAL DANG, GZI BRJID CHEN PO DANG LDAN PA LAGS SO, ,BKRA SHIS DANG, PHAN YON CHEN PO DANG LDAN PA LAGS SO, ,RDZU 'PHRUL DANG, NUS STOBS CHEN PO DANG LDAN PA LAGS SO, ,GZUNGS SNGAGS 'DI'I MING TZAM 'DZIN PAS KYANG DGE BA'I RTZA BA DPAG TU MED PA BSKYED CING BSOD NAMS DPAG TU MED PA THOB PA LAGS SO, , BCOM LDAN 'DAS KYIS BKA' STZAL BA, LAG NA RDO RJE, DGE SLONG NGAM, DGE SLONG MA'AM, DGE SLONG MA'AM, DGE BSNYEN NAM, DGE BSNYEN MA LA SOGS PA RIGS KYI BU'AM, RIGS KYI BU MO GANG LA LA ZHIG GIS BSOD NAMS KYI TSOGS CHEN PO YONGS SU RDZOGS PAR KUN NAS BSLANGS PAS, 'DAS PA DANG, MA 'ONGS PA DANG, DA LTAR BZHUGS PA'I SANGS RGYAS THAMS CAD LA PHYAG DANG, MCHOD PA DANG, BSNYEN BKUR BYED PAR 'DOD PAR GYUR TSE, RIGS KYI BU'AM, RIGS KYI BU MO DES RTOG PA'I RGYAL PO 'DI YI GER BRIS NAS ZA MA TOG TU BCUG LA NYIN RE BZHIN DRI BZANG GI CHUS KHRUS 'BUL BA DANG, MCHOD PA DANG, PHYAG DANG, BSKOR BA BYED NA, DGE SLONG NGAM, DGE SLONG MA'AM, DGE BSNYEN

494a

, ,NAM, DGE BSNYEN MA LA SOGS PA RIGS KYI BU'AM, RIGS KYI BU MO DE NI 'DAS PA DANG, MA 'ONGS PA DANG, DE LTAR BZHUGS PA'I SANGS RGYAS SNGAR BSTAN PA'I DPES BSDUS PA THAMS CAD LA SPYOD LAM RNAM PA BZHI YIS BAR MA CHAD PAR BSNYEN BKUR BYAS PAR 'GYUR RO, ,RIGS KYI BU'AM, RIGS KYI BU MO DE LA DUS GSUM GYI SANGS RGYAS THAMS CAD KYIS BYIN GYIS BRLABS PAR 'GYUR, DE BZHIN GSHEGS PA DE DAG THAMS CAD KYIS LUNG STON PAR 'GYUR, DE DAG THAMS CAD KYIS DBUGS DBYUNG BAR 'GYUR RO, ,SKYE BO DE MYUR DU BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA'I SA THOB PAR 'GYUR RO,, DE NAS BCOM LDAN 'DAS KYIS BYANG CHUB SEMS DPA' 'JAM DPAL GZHON NUR GYUR PA DANG, GSANG BA'I BDAG PO PHYAG NA RDO RJE DANG, RGYAL PO CHEN PO SDE BZHI RNAMS LA BKA' STZAL PA, DE RING NGAS RGYAL BA'I SRAS PO KHYED CAG LA GZUGS SNGAGS RTOG PA'I RGYAL PO 'DI YONGS SU GTAD DO, ,RTOG PA'I RGYAL PO 'DI MA 'ONGS PA'I DUS LNGA BRGYA'I THA MAR 'JIG RTEN DU BSNUBS PAR MA BYED CIG ,LEGS PAR BSRUNG BA DANG, SBA BAR BYOS SHIG ,GZUNGS SNGAGS 'DI 'CHANG BA'I SKYE BO RNAMS LEGS

494b

PAR BSRUNG BA DANG, BSKYAB PA DANG, SBA PAR MDZOD CIG ,PHYAG RGYA JI LTA BA BZHIN DANG, CHO GA TSUL BZHIN DU NYAMS SU LEN PA RNAMS LA BYIN GYIS RLOBS SHIG ,'DOD PA RNAMS BSGRUB PAR BYOS SHIG ,DE SKAD CES BKA' STZAL PA DANG, DE NAS BYANG CHUB SEMS DPA' 'JAM DPAL GZHON NUR GYUR PA DANG, GSANG BA'I BDAG PO PHYAG NA RDO RJE DANG, RGYAL PO CHEN PO SDE BZHI 'KHOR DANG BCAS PA STAN LAS LANGS NAS BCOM LDAN 'DAS KYI ZHABS LA MGO BOS PHYAG BTZAL NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG CAG GIS BCOM LDAN 'DAS KYI BKA' YANG DAG PAR NOS SO, ,RTOG PA'I RGYAL PO 'DI 'CHANG BA'I SKYES BU CHEN PO DE BDAG CAG GIS BSRUNG BA DANG, BSKYAB PA DANG, SBED PAR BYED CING, DE'I 'BYOR PA THAMS CAD PHUN SUM TSOGS PAR BYED DO, ,MGON MED PA SKYABS MED PAR GYUR PA RNAMS KYANG DBUGS DBYUNG ZHING MGO 'DREN PAR BGYID CING, BYANG CHUB SNYING PO LA BZHUGS SHING CHOS KYI 'KHOR LO BSKOR BAR GYUR BA'I BAR RNAM PAR THAMS CAD DU BSRUNG BA DANG, BSKYAB PAR BGYID DO, ,DE NAS BCOM LDAN 'DAS KYIS BYANG CHUB SEMS DPA' 'JAM DPAL GZHON NUR GYUR PA DANG, GSANG BA'I BDAG PO PHYAG NA RDO RJE DANG, RGYAL PO CHEN PO SDE BZHI LA LEGS SO ZHES BYA BA

495a

, ,BYIN NAS LEGS SO, ,LEGS SO, ,KHYOD CAG GIS DAM BCAS PA DE BZHIN DU BYOS SHIG ,DE NAS BCOM LDAN 'DAS KYIS 'KHOR 'DUS PA CHEN PO LA THUN MONG DU BKA' STZAL PA, GZUNGS SNGAGS 'DI NI LAS THAMS CAD GRUB PAR BYED PA, DNGOS GRUB THAMS CAD STER BA, SDIG PA DANG, SGRIB PA THAMS CAD ZHI BAR MDZAD PA; DON THAMS CAD THOGS PA MED PAR 'GRUB PAR MDZAD PA STE, LUS DAG PAR BKRUS LA GOS GSAR GTZANG MA GON NAS NYIN RE BZHIN BRGYA RTZA BRGYAD BZLAS BRJOD BYED NA, DE BZHIN GSHEGS PA THAMS CAD KYI ZHAL MTHONG BAR 'GYUR RO, ,TSE LO BRGYA THUB PAR 'GYUR RO, ,NAD THAMS CAD RING DU SPANGS BAR 'GYUR RO, ,'PHAGS PA'I SA LA GNAS PA THAMS CAD KYIS SKYOB PAR 'GYUR RO, ,GSANG BA'I BDAG PO LAG NA RDO RJE DANG, RGYAL PO CHEN PO SDE BZHI 'KHOR DANG BCAS PAS RTAG TU BSRUNG ZHING SKYOB BA DANG, SBA BAR YANG BYED DO, ,'DI NAS SHI 'PHOS NAS KYANG 'JIG RTEN GYI KHAMS BDE BA CAN DU SKYE BAR 'GYUR RO, ,SKYE ZHING SKYE BAR RIN PO CHE'I PADMA LAS RDZUS TE SKYE BAR 'GYUR ZHING, MNGAL GYI SKYE GNAS YONGS SU SPANG BA YIN NO, ,SKYE BA THAMS CAD DU TSE RABS DRAN PAR 'GYUR RO, ,LAN NYI SHU RTZA GCIG BZLAS NA DMYAL BAR LHUNG NGES KYI SDIG PA'I LAS THAMS CAD

495b

YONGS SU BYUNG BAR 'GYUR RO, ,NAM YANG NGAN SONG DU LHUNG BAR MI 'GYUR RO, ,DGRA THAMS CAD DBANG DU 'GYUR RO, ,LAN BDUN BZLAS NA RTZOD PA LAS RGYAL BAR 'GYUR RO, ,DKAR PO'I PHYOGS KYI TSES BCO LNGA LA NYIN MTSAN THOG THAG GCIG TU SMYUNG BAR GNAS SHING, KHRUS BYAS LA GOS GSAR GTZANG MA GYON NAS SKU GZUGS KYI MDUN DU SKYIL MO KLUNG BCAS TE 'DUG LA, ME TOG DANG, BDUG SPOS DANG, MAR ME LA SOGS PAS MCHOD NAS, BYANG CHUB SNYING PE'I RGYAN 'BUM GYI GZUNGS 'DI LAS STONG DU BZLAS BRJOD BYAS TSE; BZLAS PA ZIN PA DANG, DE BZHIN GSHEGS PA SH'AKYA THUB PA'I ZHAL MTHONG BAR 'GYUR RO, ,DE BZHIN GSHEGS PAS PHYAG GSER GYI MDOG CAN BRKYANG NAS SGRUB PA PO'I SPYI BOR BZHAG STE DBUGS DBYUNG BAR MDZAD CING LEGS SO, ,LEGS SO, ,RIG PA 'DZIN PA CHEN PO, SKYES BU CHEN PO, KHYOD KYIS BSGRUB PA'I BYANG CHUB SNYING PO'I RGYAN 'BUM GYI GZUNGS LEGS PAR GRUB BO, ,RIG PA 'DZIN PA CHEN PO, KHYOD SNYING STOBS CHEN PO'O, ,'BAD RTZOL CHEN POS DKA' THUB BYAS TE DGE BA'I RTZA BA DPAG TU MED PA THOB BO,, GANG 'DOD PA'I SANGS RGYAS KYI ZHING DU BGROD PAR GYIS SHIG CES GSUNGS BAR 'GYUR RO, ,DE LTAR GSUNGS MA THAG TU RIG PA 'DZIN PA DE'I LUS LA 'OD ZER GYI PHUNG PO CHEN PO

496a

, ,'BAR BAR 'GYUR RO, ,DE NAS SNGAGS KYI RGYUD THAMS CAD LAS JI SNYED GSUNGS PA'I DNGOS GRUB THAMS CAD MA LUS PAR GRUB PAR 'GYUR RO, ,BSAM PA THAMS CAD YONGS SU RDZOGS PAR 'GYUR RO, ,RIG PA 'DZIN PA DES SNGON MTSAMS MED PA LNGA'I LAS BYAS PA YIN KYANG DE'I SDIG PA DANG, SGRIB PA THAMS CAD NYIN MTSAN THOG THAG GCIG LA SMYUNG BA BYAS SHING BZLAS BRJOD BYED PA DES YONGS SU BYANG BAR 'GYUR RO, ,DNGOS GRUB THAMS CAD TSE 'DI NYID LA THOB PAR 'GYUR RO, ,ZLA BA'I DMAR PHYOGS KYI TSES BCU BZHI LA LUS LEGS PAR BKRUS LA GOS GSAR GTZANG MA GON NAS NYIN MTSAN THOG THAG GCIG SMYUNG BA BYAS SHING SKU GDUNG DANG BCAS PA'I MCHOD RTEN GYI DRUNG DU ZANGS KYI SNOD GCIG YUNGS KAR GYIS GANG BAR BYAS TE GZUNGS SNGAGS 'DI LAN STONG BZLAS BRJOD BYAS PAS BYIN GYIS BRLABS NAS LAS SBYOR GYI DUS SU KLU GNAS PA'I RDZING BUR YUNGS KAR DE SBAR GANG BLUGS NAS, KLU DE DAG DGA' ZHING RIG PA 'DZIN PA DE'I DBANG DU 'GYUR, KLU'I PHO BRANG DU GDAN 'DREN NAS ZHABS LA PHYAG BGYID NAS 'DOD PA THAMS CAD STER BAR 'GYUR, GANG DU GNAS PA'I SA PHYOGS SU PHYI BZHIN 'BRANGS LA BKA' NOD PAR 'GYUR RO, ,YUNGS KAR DE PHYOGS BZHIR GTOR NA RDZI

496b

CHAR DRAG PO BZLOG GO, SHA SBRANG DANG, NE TZO DANG, KHU BYUG DANG, CHA GA LA SOGS PA'I SROG CHAGS MA RUNGS PA THAMS CAD KYI KHA BCING BAR 'GYUR RO, ,YUNGS KAR ME LA BTAB NA ME MI SBAR RO, ,CHU KLUNG LA BTAB NA CHU RGYUN CHAD DO, ,TSONG PA'I NOR RDZAS LA BTAB NA CHOM RKUN GYIS MI KHYER, SGRIB SHING DU YANG 'GYUR RO, ,RGYAL PO'I PHO BRANG GI SGO LA GTOR NA RGYAL PO DANG, BTZUN MO DANG, BLON PO 'KHOR DANG BCAS PA DGA' BAR 'GYUR RO, ,NYA MA PHO MO'I TSOGS LA GTOR NA THAMS CAD BDAG LA MCHOD PA DANG, BKUR STI BYED PAR 'GYUR RO, ,PHA ROL GYI DMAG TSOGS LA GTOR NA DGRA THAMS CAD BCINGS PAR 'GYUR RO, ,LAM DU ZHUGS TSE 'PHRANG SGOR GTOR NA SRUNG MIS MI MTHONG NGO, ,ZHING LA GTOR NA SROG CHAGS MA RUNGS PA'I KHA BCINGS PAR 'GYUR RO, ,THAN PA BYUNG TSE KLU GNAS PA'I CHUR BLUGS NA GRU CHAR 'BAB PAR 'GYUR RO, ,SER BA DANG, RDZI CHAR DRAG PO BABS TSE BAR SNANG LA GTOR NA MOD LA ZHI BAR 'GYUR RO, ,DGRA'I KHYIM LA GTOR NA 'KHON YONGS SU ZHI BAR 'GYUR TE PHYIN CHAD MDZA' BSHES SU 'GYUR RO, ,GRONG KHYER GYI SGO LA GTOR NA DE'I NANG GNAS KYI SEMS CAN GANG DAG GNOD PAS GTZES PA THAMS CAD GNOD PA DANG BRAL BAR 'GYUR RO, ,GNOD SBYIN DANG, SRIN PO RNAMS NI PHYOGS PHYOGS SU BYER BAR 'GYUR RO, ,

497a

, ,G-YUL SPRAD PA'I TSE PHA ROL PO'I PHYOGS SU GTOR NA DGRA BO PHAM ZHING RANG PHYOGS BRGYAL BAR 'GYUR RO, ,GSHAGS 'GYED PA'AM, RTZOD PA BYED TSE KHAR BCUG NA NGAG BTZAN ZHING CHOS PHYOGS THOB PAR 'GYUR RO, ,CHU LA BLUGS NAS NAD KYIS ZIN PA DAG LA 'THUNG DU BCUG NA NAD DE ZHI BAR 'GYUR RO, ,GDON GYIS ZIN PA RNAMS LA YUNGS KAR DANG, KA RA BSRES PAS BDUGS NA GDON THAMS CAD LAS THAR BAR 'GYUR RO, ,BA LANG LA SOGS PA PHYUGS KYI RIMS DANG, KHYE'U DANG, BU MO'I RIMS NGAN THAMS CAD LA YUNGS KAR SA DANG BSRES NAS LAM GYI BZHI MDOR BSREGS NA RIMS NAD THAMS CAD ZHI BAR 'GYUR RO, ,GTZUG PHUD KYI NANG DU BCUG NA GANG DU PHYIN SAR SKYE BO THAMS CAD DGA' ZHING MGU NAS BDAG LA MCHOD PA DANG, BKUR STI BYED PAR 'GYUR RO, ,CI ZER BA MNYAN PAR 'GYUR RO, ,GZHAN YANG, RIG PA 'DZIN PAS TSES BCU BZHI'I MTSAN MO'I CHA NAS BRTZAMS TE LAG PA GNYIS KYIS BYANG CHUB SEMS DPA' 'JAM DPAL GZHON NUR GYUR BA'I SKU GZUGS KYI ZHABS LA 'JUS SHING PHYI NYIN TSES BCO LNGA'I THO RANGS KYI BAR DU BAR MI CHAD PAR BZLAS BRJOD BYAS NA, BYANG CHUB SEMS DPA' 'JAM DPAL SGRUB PA PO'I MDUN DU 'ONGS NAS 'DOD

497b

PA THAMS CAD STZOL BAR 'GYUR RO, ,BYANG CHUB SEMS DPA' LAG NA RDO RJE'I ZHABS LA 'JUS SHING GZUNGS 'DI LAN STONG RTZA BRGYAD BZLAS TE BYIN GYIS BRLABS PA'I GU GUL DANG, ZHUN MAR SBYAR BAS BDUG PA PHUL NA, BYANG CHUB SEMS DPA' LAG NA RDO RJE DE'I MDUN DU LUS SNANG BAR BYAS TE, 'DOD PA THAMS CAD STZOL BAR BYED, LAS THAMS CAD GRUB PAR BYED, BU BZHIN DU SKYONG ZHING GSANG SNGAGS KYI RGYUD YONGS SU GTAD PAR BYED DO, ,GNOD SBYIN NOR BU BZANG PO LA 'JUS SHING BZLAS BRJOD STONG RTZA BRGYAD BYAS NA NOR GYI PHUNG PO RGYA CHEN PO DANG BCAS LUS SNANG BAR BYAS TE NOR CHEN PO STER BAR 'GYUR RO, ,RNAM THOS KYI BU'I MGO LA BZHAG STE AA KA RU NAG PO'I DUD PAS BDUG CING LAN STONG RTZA BRGYAD BZLAS NA GSER SRANG STONG RNYED PAR 'GYUR RO, ,DPAL GYI LHA MO'I GDONG LA BLTA ZHING STONG RTZA BRGYAD BZLAS NA YANG GSER SRANG STONG RNYED PAR 'GYUR RO, ,GZHAN YANG, TSON SNA LNGAS GNOD SBYIN GYI GZUGS BRIS LA LAN STONG DANG NYI SHU BZLA ZHING SA RDZAR DZA'I SPOS KYIS BDUGS NA GNOD SBYIN MO MDUN DU BYUNG NAS MNGAGS GZHUG TU KHAS BLANGS TE, CI BCOL BA'I LAS RNAM PA BRGYA'AM STONG YANG RUNG STE MA LUS PAR GRUB PAR BYED DO, ,DA NI RAS BRIS KYI CHO GA BSHAD PAR BYA STE, RAS BRIS LA BRTEN NAS LAS THAMS CAD SGRUB

498a

, ,DI [?] THABS LA, KHA TSAR MA NYAMS SHING LONGS MA SPYAD PA'I RAS GTZANG MA SRID DU GRU BZHI YOD PA ZHIG LPAGS PA LAS BYUNG BA MIN PA'I SBYIN GTZONG MAS BTUL ZHING LEGS PAR BRDAR BA LA BZO BO GSO SBYONG YAN LAG BRGYAD PA LA GNAS SHING GTZANG SPRA DANG LDAN PAS BRI BAR BYA STE, DBUS SU SH'AKYA THUB PA RIN PO CHE SNA TSOGS KYIS BRGYAN PA'I BYANG CHUB LJON SHING GI DRUNG NA SENG+GE'I KHRI LA BZHUGS PA BRI BAR BYA'O, ,DE'I STENG NA DE BZHIN GSHEGS PA 'OD ZER DAM PA'I RGYAL MTSAN CHOS 'CHAD KYI PHYAG RGYA CAN BRI BAR BYA'O, ,G-YAS SU 'PHAGS PA 'JAM DPAL GZHON NUR GYUR PA RIN PO CHE'I RGYAN THAMS CAD KYIS BRGYAN PA, PADMA'I GDAN LA PUS MO BTZUGS TE LAG PA GNYIS KYIS LHUNG BZED BZUNG NAS BCOM LDAN 'DAS LA 'BUL BA'I RNAM PA CAN BRI BAR BYA'O, ,G-YON NA 'PHAGS PA GSANG BA'I BDAG PO LAG NA RDO RJE KHRO 'DZUM BRJID BAG CAN RIN PO CHE'I RGYAN THAMS CAD KYIS BRGYAN PA, LAG NA RDO RJE GSOR BA'I TSUL GYIS BSNAMS PA, PADMA'I GDAN LA PUS MO GNYIS BTZUGS NAS BCOM LDAN 'DAS LA BLTA BA BRI BAR BYA'O, ,'PHAGS PA 'JAM DPAL GYI RGYAB TU RIN PO CHE'I MCHOD RTEN MTHO ZHING YANGS PA BRI BAR BYA'O, ,DE'I NANG NA DE BZHIN GSHEGS PA SHIN TU

498b

RGYAS PA'I GSER ZHAL MCHOG TU DPA' BA'I 'OD ZER RGYAL MTSAN GYI TOG SENG GE'I GDAN LA BZHUGS SHING DBUGS DBYUNG MDZAD PA'I RNAM PA CAN BRI BAR BYA'O, ,LAG NA RDO RJE'I RGYAB TU BYANG CHUB SNYING PO'I RGYAN 'BUM GYI GLEGS BAM RIN PO CHE SNA TSOGS KYIS SPA BA'I RIN PO CHE'I ZA MA TOG GI NANG DU BCUG PA MTHA' 'JAGS SU SANGS RGYAS KYI SKU GZUGS BRIS PA SENG+GE'I KHRI LA BZHAG PA BRI BAR BYA'O, ,DE'I 'OG TU RDO RJE PHO NYA KHRO BO'I GZUGS CAN BRI BAR BYA'O, ,MCHOD RTEN GYI 'OG TU DPAL GYI LHA MO BRI BAR BYA'O, ,SH'AKYA THUB PA'I 'OG TU RGYAL PO CHEN PO BZHI RIN PO CHE'I GO CHA GYON PA DPA' ZHING BRJID PA'I NYAMS CAN BRI BAR BYA'O, ,DE'I 'OG TU SGRUB PA PO LAG PA G-YON PA NA SPOS SNOD THOGS PA G-YAS PAS BGRANG PHRENG BSNAMS PA BCOM LDAN 'DAS KYI ZHAL LA BLTA BA BRI BAR BYA'O, ,DE LTAR BRIS SKU BSGRUB PA TZAM GYIS DAM PA'I CHOS SPANGS PA DANG, 'PHAGS PA LA SKUR PA BTAB PA DANG, MTSAMS MED PA LNGA'I LAS BYAS PA LA SOGS PA NGAN SONG GSUM DU LTUNG BAR GYUR PA'I LAS THAMS CAD YONGS SU BYANG BAR 'GYUR RO, ,BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR 'GYUR RO, ,RAS BRIS BSGRUB PA TZAM GYI PHAN YON DE LTAR NA DE'I MDUN DU SGRUB PA BYED PA'I PHAN YON SMOS KYANG CI DGOS

499a

, ,TE; DE BZHIN GSHEGS PA DANG SKAL BA MNYAM PAR 'GYUR RO, ,DE NAS BCOM LDAN 'DAS KYIS BYANG CHUB SNYING PO'I RGYAN 'BUM GYI DKYIL 'KHOR GYI CHO GA 'DI BSHAD DO, ,'DI'I DKYIL 'KHOR BZHENGS PAR 'DOD PAS GTZUG LAG KHANG NGAM, LHA'I KHANG PA'AM, RI SUL LA SOGS DBEN ZHING GTZANG LA YID DU 'ONG BA'I GNAS SU RGYUD NAS GSUNGS PA'I CHO GA BZHIN SA BLANGS LA, GZUNGS SNGAGS KYIS BYIN GYIS BRLABS PA'I SA GTZANG DANG, BA LCI BSRES PAS KHOR YUG TU KHRU BCU DRUG YOD PA'I STEGS BU BYAS LA, DER GTZANG SBRA DANG LDAN PAS DKYIL 'KHOR GRU BZHI SGO BZHI PA RTA BABS BZHI DANG LDAN PA BRI BAR BYA'O, ,DE'I DBUS SU DE BZHIN GSHEGS PA'I SKU GZUGS DANG, GRVA BZHIR RGYAL PO CHEN PO BZHI BRI BAR BYA'O, ,SGO BZHI'I NANG RIN PO CHE'I LJON SHING BRIS LA DE DAG GI DRUNG NA LHA MO BZHI BRI BAR BYA STE, SHAR SGOR NI LHA MO DPAL MO'O, ,LHO SGOR DBYANGS CAN MA'O, ,NUB SGOR DUNG CAN MA'O, ,BYANG SGOR ME TOG SO MA 'O, ,DE LTAR DKYIL 'KHOR BRIS NAS NGOS LA 'BRAS MA GRUGS PA DANG, YUNGS KAR DANG, DUS KYI ME TOG BKRAM PAR BYA'O, ,DRI BZANG GI BYUG PA DANG, PHYE MA PHUR MA YANG BSHAM MO, ,ZUR BZHIR DRI BZANG GI CHUS GANG BA'I BUM PA BZHI GZHAG

499b

PAR BYA'O, ,ZHAL ZAS BZA' BTUNG BZANG PO SDER MA BZHI YANG BKOD PAR BYA'O, ,SGO BZHIR BDUG SPOS KYI PHOG PHOR BZHI GZHAG PAR BYA'O, ,ME TOG SNA TSOGS KYI CHUN PO DANG, DKAR GSUM GYI GTOR MA YANG BSHAM PAR BYA'O, ,YANG ZUR BZHIR MAR ME BZHI BUD PAR BYA'O, ,RIG PA 'DZIN PA, KHA SHAR DU BLTAS TE BZLAS BRJOD BYA BAR BYA ZHING, MTSAN GYI THUN THA MA LA LUS BSRUNG BA DANG MTSAMS BCING BA SOGS BYAS NAS DKYIL 'KHOR DU 'JUG PAR BYA LA, DKYIL 'KHOR DU ZHUGS PA TZAM GYIS SDIG PA DANG, SGRIB PA THAMS CAD BYANG BAR 'GYUR RO, ,DNGOS GRUB THAMS CAD BDE BLAG THOB PA'I SKAL BA CAN DU 'GYUR RO, ,BSOD NAMS KYI PHUNG PO DPAG TU MED PA DANG LDAN PAR 'GYUR RO, ,SANGS RGYAS DANG BYANG CHUB SEMS DPA' THAMS CAD KYIS RTAG TU DGONGS PAR 'GYUR RO, ,'BYUNG PO THAMS CAD KYIS GNOD PAR MI 'GYUR RO, ,LHA THAMS CAD KYIS BSRUNG BA DANG, BSKYAB PA DANG, SBA BAR BYED CING SGRUB PA'I STONG GROGS BYED PAR 'GYUR RO, ,DKYIL 'KHOR DU ZHUGS PA TZAM GYIS PHYIR MI LDOG PA'I SA LA GNAS PAR 'GYUR RO, ,AOm SARBA TA TH'A GA TA BY'A BA LO KI TE, DZA YA DZA YA SV'AH'A, SNYING PO'O, ,AOm HU RU HU RU DZA YA MU KHYE SV'AH'A, NYE BA'I SNYING PO'O, ,AOm DZA LE NI DZA YE SV'AH'A, NYE REGS KYI SNGAGS SO, ,AOm SA MANTAN P'U RA nA DZA YE SV'AH'A, MTSAMS

500a

, ,BCING BA'I SNGAGS SO, ,AOm MAndA LA DZA YE SV'AH'A, DKYIL 'KHOR GYI MTSAMS BCING BA'I SKABS KYI SNGAGS SO, ,AOm SI R'I MI R'I DZA YE SV'AH'A, GTOR MA'I SNGAGS SO, ,AOm SA WA SANDHA RI MI RI DZA YE SV'AH'A, SPYAN 'DREN PA'I SNGAGS SO, ,AOm BUDDHA KU SU MAm SV'AH'A, ME TOG 'BUL BA'I SNGAGS SO, ,AOm DZA YA YANTI SV'AH'A, BDUG SPOS 'BUL BA'I SNGAGS SO, ,AO BI DZA YA GA P'I SV'AH'A, DBANG BSKUR BA'I SNGAGS SO, ,AOm TA TH'A GA TA DZA YA SV'AH'A, GTZUG TOR BCING BA'I SNGAGS SO, ,AOm DZA YA AU RI TI SV'AH'A, GOS BYIN GYIS BRLABS PA'I SNGAGS SO, ,AOm GU RU DHA RI SV'AH'A, SLOB MA BSRUNG ZHING RJES SU 'DZIN PA'I SNGAGS SO, ,AOm DHA RA DHA RA MI RI DZA YE SV'AH'A, SLAR GSHEGS SU GSOL BA'I SNGAGS SO, ,AOm SU SAMBHA WA DZA YE SV'AH'A, PHRENG BA BYIN GYIS BRLABS PA'I SNGAGS SO, ,AOm SU NA RI DZA YA YE SV'AH'A, GDAN 'BUL BA'I SNGAGS SO, ,AOm SU RI DZA YE SV'AH'A, BGEGS BCING BA'I SNGAGS SO, ,AOm PRA WA R'A DZA YE SIDDHI SV'AH'A, DE BZHIN GSHEGS PA THAMS CAD SPYAN 'DREN PA'I SNGAGS SO, ,AOm RAKshA NI DZA YE SV'AH'A, LUS BSRUNG BA'I SNGAGS SO, ,AOm DZA YA DI BI NI SV'AH'A, MAR ME 'BUL BA'I SNGAGS SO, ,AOm MA LE BI MA LA DZA YE SV'AH'A, SBYIN SREG GI SNGAGS SO, ,AOm SA RA SA RA JA

500b

YE SIDDHI SV'AH'A, YANG DE BZHIN GSHEGS PA THAMS CAD SPYAN 'DREN PA'I SNGAGS SO, ,DE NAS BCOM LDAN 'DAS KYIS 'DI SKAD CES BKA' STZAL TO, ,DA NI SNYING PO DANG, NYE BA'I SNYING PO'I SGRUB THABS BSHAD PAR BYA STE, SNYING PO 'BUM BZLAS NA RIG PA 'DZIN PA'I 'KHOR LOS BSGYUR BA THOB PAR 'GYUR RO, ,LDONG ROS ZANGS KYI SNOD DU BZHAG PA SNYING PO STONG BZLAS PAS BRLABS NAS DPRAL BAR THIG LE BYAS NA NAM MKHA' LA 'GRO ZHING LHA SRIN SDE BRGYAD THAMS CAD KYI KHYIM SGO RANG GIS BYE BAR 'GYUR TE SGRUB PA BOS CI DGAR 'JUG PA DANG, BGROD PAR 'GYUR RO, ,SOO B'I RA MIG SMAN LA 'BUM BZLAS NAS MIG LA BYUGS NA AANTA NA 'THOB PAR GYUR LA 'BYUNG PO THAMS CAD KYI KHYIM DU RANG DBANG GIS 'JUG NUS PAR 'GYUR RO, ,GZHAN YANG KHRI BZLAS NA DE BZHIN GSHEGS PA THAMS CAD KYI ZHAL MTHONG BAR 'GYUR RO, ,MCHOD RTEN GYI SROG SHING GI RTZE MO'I GDUGS LA LAN STONG RTZA BRGYAD BZLAS NAS BTEG BYAS NA DE BZHIN GSHEGS PA THAMS CAD KYI RING BSREL MA LUS PAR BZHUGS PA'I MCHOD RTEN CHEN PO'I RANG BZHIN DU 'GYUR RO, ,'JAM DPAL GYI PHYAG MTSAN LHUNG BZED BLANGS NAS DE LA SNGAGS STONG RTZA BRGYAD BZLAS LA 'O THUG GIS GANG BAR BYAS, ,SLAR 'JAM DPAL GYI PHYAG LA

501a

, ,'JOG STE GDUGS TSAD 'BUL NA BSOD SNYOMS PA STONG YANG TSIM BAR 'GYUR RO, ,GZHAN YANG, RGYUD GZHAN DAG NAS GSUNGS PA'I LAS TSOGS THAMS CAD KYANG GZUNGS SNGAGS 'DIS BYIN GYIS BRLABS NA 'DOD PA THAMS CAD 'BAD MED DU 'GRUB PAR 'GYUR RO, ,DA NI PHYAG RGYA'I RIM PA BSHAD PAR BYA STE, LAG PA GNYIS THAL MO GAN RKYAL DU BYAS LA SNYING GA'I THAD DU THAL MO G-YAS PA'I MTHIL NA G-YON PA YANG GAN RKYAL DU BZED DE BZHAG PA NI BYANG CHUB SNYING PO'I RGYAN 'BUM GYI GZUNGS KYI RTZA BA'I PHYAG RGYA'O, ,PHYAG RGYA 'DI BCING BA TZAM GYIS SDIG PA THAMS CAD BYANG BAR 'GYUR RO, ,DE BZHIN GSHEGS PA THAMS CAD KYIS DBUGS DBYUNG BAR MDZAD PAR 'GYUR RO, ,PHYAG RGYA DES DE BZHIN GSHEGS PA THAMS CAD BSKUL BAR 'GYUR ZHING, DE BZHIN GSHEGS PA THAMS CAD KYIS RJES SU 'DZIN PAR 'GYUR RO, ,PHYAG RGYA DE NYID LAS LAG PA G-YAS PA BTEG STE PHYAG RGYA GZHAN GANG DGOS SU BSGYUR BAS PHYAG RGYA THAMS CAD BYUNG BAR GYUR TE DE BZHIN GSHEGS PA THAMS CAD KYIS BYIN GYIS BRLAB PAR 'GYUR RO, ,PHYAG RGYA DE NYID LAS LAG PA G-YAS PA BSGYUR NAS LTE BAR BZHAG PA'I MTHEB CHEN DANG

501b

MDZUB MO GNYIS PHAN TSUN DU SBYAR BA NI PHYAG RGYA LAS THAMS CAD PA'I PHYAG RGYA STE DE BZHIN GSHEGS PA THAMS CAD KYIS BYIN GYIS BRLABS SHING LAS KYI SGRIB PA THAMS CAD YONGS SU BYANG BAR 'GYUR RO, ,DE NAS BYANG CHUB SEMS DPA' 'JAM DPAL GZHON NUR GYUR PAS GZUNGS 'DI BSRUNG ZHING MTSAMS SBYOR PA'I GZUNGS SNGAGS 'DI SMRAS SO, ,NA MO MANYDZU SHR'I YA YE, KU M'A RA BH'U TA YE, TADYA TH'A, DZA YE, BI DZA YE, DZA YA SHR'I, DZUshtI, H'Um SV'AH'A, SGRUB PA POS THOG MAR 'JUG PA'I SKABS DANG, LAS LA SBYOR BA'I SKABS RNAMS SU SNGAGS 'DI LAN BDUN BZLAS NA SGRIB PA DANG, BGEGS MED PAR 'GYUR ZHING MYUR DU GRUB PAR 'GYUR RO, ,DE NAS GSANG BA'I BDAG PO PHYAG NA RDO RJES RIG PA CHEN PO'I GZUNGS 'DI SMRAS SO, ,TADYA TH'A, BADZRA MUshtAm, HA NA DA HA PA TZA BADZRA H'Um H'Um PHAt SV'AH'A, SNGAGS 'DI YUNGS KAR LA LAN BDUN BTAB NAS PHYOGS BZHIR GTOR NA NA MTSAMS BCING GI MCHOG TU 'GYUR RO, ,DE NAS RGYAL PO CHEN PO BZHIS SNGAGS 'DI SMRAS SO, ,TADYA TH'A, DHRI TI HRI MRI SA RA PRA SA RA BI RI BI RI SV'AH'A, SNGAGS 'DI YUNGS KAR DANG BCAS PA'I CHU LA LAN NYI SHU RTZA GCIG BZLAS LA SPYI BO NAS BLUGS NA GNOD BYED 'BYUNG PO THAMS CAD DBANG DU GYUR NAS SGRUB PA PO'I RKANG PAR MGO POS PHYAG 'TSAL

502a

, ,NAS RANG GNAS SU GDONGS PAR 'GYUR RO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, NGAS MDO 'DI BSHAD PA NI BSOD NAMS ZHAN PA DANG, MA DANG, PHA DANG, LTA BA LOG PA DANG, THE TSOM ZA PA DANG, MTSAMS MED PA BYED PA DANG, TSE THUNG BA DANG, SEMS CAN DMYAL BA DANG, BYOL SONG DANG, GSHIN RJE'I 'JIG RTEN DANG, MTSAMS MED PAR 'GRO BA'I SEMS CAN DE LTA BU DAG GI PHYIR GZUNGS 'DI BSHAD DO, ,KUN DGA' BO, PHYI MA'I DUS PHYI MA'I TSE KHYIM NA GNAS PA DANG, DGE SLONG LAS PHAL CHER GZUNGS 'DI MI KLOG PA DANG, MCHOD PAR MI BYED PA RNAMS JI LTAR KHYIM PA RNAMS SDUG BSNGAL BAR BSHAD PA DE BZHIN DU RAB TU BYUNG BA RNAMS KYANG SDUG BSNGAL BAR 'GYUR RO, ,DE STE DE BZHIN DU SANGS RGYAS MCHOD CING 'DI LA BRTEN PAS MCHOD RTEN GCIG BYAS NA CHOS KYIS BRGYAN PA BRGYAD KHRI BZHI STONG RNAMS KYANG MCHOD PAR 'GYUR RO, ,GZHAN YANG, BSOD NAMS KYI PHUNG PO DPAG TU MED PAR 'GYUR RO, ,SDONG POS BRGYAN PA BKLAGS SHING KHA TON DU BYAS PAR 'GYUR RO, ,'JIG RTEN DANG, 'JIG RTEN LAS 'DAS PA'I DKYIL 'KHOR DU YANG ZHUGS PAR 'GYUR RO, ,BCOM LDAN

502b

'DAS KYIS MDO SDE 'DI BKA' STZAL NAS, BYANG CHUB SEMS DPA' 'JAM DPAL GZHON NUR GYUR PA DANG, GSANG BA'I BDAG PO CHEN PO PHYAG NA RDO RJE DANG, RGYAL PO CHEN PO BZHI DANG, BRAM ZE BI TU DATTA DANG, LHA DANG, KLU LA SOGS PA'I SDE BRGYAD MI DANG, MI MA YIN PA THAMS CAD RJES SU YI RANGS NAS, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA BYANG CHUB SNYING PO'I RGYAN 'BUM ZHES BYA BA'I GZUNGS RDZOGS SO,, ,,THANG GUR GYI DUS THE TZIN ZHI HUNG LU KHING GOS CAN RGYA GAR BYANG PHYOGS KYI MKHAN PO SDE SNOD GSUM PA RIG 'DZIN DON YOD RDO RJES BKA' YIS BSKUL BA DANG DU BLANGS TE RGYA GAR GYI DPE LAS RGYA NAG TU BSGYUR BAR MDZAD PA LAS DA LTA CHEN PO CHING GUR GYI LTSO TZ'AR SGRO BTAGS PA BOD YIG GI SLOB GRA'I MI BZANG JING GIR RIGS LAS RIM PA DANG PO'I THA'I JI MGON PO SKYABS KYIS THOB CHIN WANG GIS GZUNGS BSDUS GSAR BA BZHENGS SKABS 'PHROS DON LAS BRTZAMS TE BSKUL BA LTAR, RANG GNAS NYI DGA'I SKYED TSAL DU BSGYUR BA LAGS SHING, LEGS SBYAR GYI SGRA LA MA BYANG BAS SNGAGS TSIG GI LCI YANG SOGS LA RTOG DPYOD BYED PA'I NGAL BA SPANGS TE SNGA RABS PA DAG GI MDO GZHAN GYI YI GE JI LTAR NGO SPROD GNANG BA SOR BZHAG,

503a

, ,KUN DGA' BO'I TSIG LHU GCIG NI RGYA NAG MAR MI SNANG YANG BOD MAR YOD PAS CHAD DAM SNYAM PAS BOD MA NAS TSUR BSABS, DE YANG GZHUNG GI BKA' 'GYUR PAR MAR DGA' BO ZHES PA 'DUG KYANG, BRIS MA 'GA' ZHIG NA KUN DGA' BO SNANG BA 'THAD DAM SNYAM DU SEMS PA LTAR BRIS PA LA, BADZRA A'A YU shE'I SNGAGS NI RGYA NAG GI DPE CHAN MED CING, BOD DPER YOD KYANG SNYING PO DANG, NYE SNYING GI RJES LA BYUNG MOD, RANG TSUGS KYI MING MI GSAL BAS RE ZHIG GZHAG TE, KHI'AN LUNG GNAM LO BRGYAD PA ZLA BA BDUN PA'I TSES BDUN LA RDZOGS PAR BSGRUBS SO, ,DGE BA 'DI YIS SKYE BO KUN, ,BSOD NAMS YE SHES TSOGS BSAGS SHING, ,BSOD NAMS YE SHES LAS BYUNG BA'I, ,DAM PA SKU GNYIS THOB PAR SHOG ,'OG GI BYANG CHUB SNYING PO'I RGYAN 'BUM 'DI YANG 'DI LAS ZUR PHYUNG ZHIG YIN 'DUG PAS LOGS SU BRI MA DGOS KYANG, SNGAR GYI RNAMS SU GONG MA MA RNYED PA'I SKABS SU BRIS 'DUG PA LTAR BZHAG GO,

טיבטיתTibetanKL00508_BYANG CHUB SNYING PO'I RGYAN 'BUM ZHES BYA BA'I GZUNGS (Bodhi Maṇḍala Lakṣa Alaṃkāra Nāma Dhāraṇī).txt68,605 תוויםcharacters