503 · GMLW-003757

'PHAGS PA DE BZHIN GSHEGS PA BDUN GYI SNGON GYI SMON LAM GYI KHYAD PAR RGYAS PA ZHES BYA BA THEG PA CHEN PO'I MDO (Ārya Sapta Tathāgata Pūrva Praṇidhana Viśeṣa Vistāra Nāma Mahāyāna Sūtra)

נושאי-מדףSubjects:

נושאיםTopics:Making Prayersthe Buddhathe Greater WayKarmaPrayers of SupplicationGivingSuffering

חיי היום-יוםDaily life:health and illnessdaily practice

נמצא בfound inSecret Teachings (Tantra)

מספר טוהוקוTohoku numberToh 503 · Tantra (all)

מהדורהrecensionDerge

כותרת בסנסקריטSanskrit titleA'ARYA SAPTA TA TH'A GA TA P'URBA PRA nI DHA NA BI SHE shA BIST'A RA N'A MA MAH'A Y'A NA S'U TRA

כניעה לhomage toBYANG CHUB SEMS DPA' THAMS CAD

הפנדיטה ההודיIndian panditaDZI NA MI TRA

הלוצאווה הטיבטיTibetan lotsawaBANDE YE SHES SDES

פוליוfolios380b–419a

צורהformmixed

מצב תרגוםtranslationpartly translated

גשה מייקל לימד אותו בGeshe Michael taught it inDiamond Cutter Classics

כיסוי המילון לכותרתdictionary coverage of the title51%

ז'אנרgenreRoot Texta sutra — the word of the Buddha

אנשים ומקומותpeople and places namedDZI NA MI TRA · D'A NA SH'I LA · SHI LENDRA BO DHI · ZHUS CHEN GYI LO TZTSA BA BANDE YE SHES SDEthe colophon names the three Indian abbots and the chief editor-translator

רמת קושיlevelintermediate

לחיי היום־יוםfor daily lifehealth and illness · daily practice

הכותרת אומתה מול הטקסטtitle verified against the textyesthe opening gives the long Sanskrit A'ARYA SAPTA TA TH'A GA TA P'URBA PRA nI DHA NA BI SHE shA BIST'A RA and the Tibetan to match

הקבציםThe files

KL00503_'PHAGS PA DE BZHIN GSHEGS PA BDUN GYI SNGON GYI SMON LAM GYI KHYAD PAR RGYAS PA ZHES BYA BA THEG PA CHEN PO'I MDO (Ārya Sapta Tathāgata Pūrva Praṇidhana Viśeṣa Vistāra Nāma Mahāyāna Sūtra).txt/12. RGYUD_Secret Teachings (Tantra)/VOL 9 (TA)

הטקסטThe text

טיבטיתTibetanKL00503_'PHAGS PA DE BZHIN GSHEGS PA BDUN GYI SNGON GYI SMON LAM GYI KHYAD PAR RGYAS PA ZHES BYA BA THEG PA CHEN PO'I MDO (Ārya Sapta Tathāgata Pūrva Praṇidhana Viśeṣa Vistāra Nāma Mahāyāna Sūtra).txt93,138 תוויםcharacters

380b

,,RGYA GAR SKAD DU, A'ARYA SAPTA TA TH'A GA TA P'URBA PRA nI DHA NA BI SHE shA BIST'A RA N'A MA MAH'A Y'A NA S'U TRA, BOD SKAD DU, 'PHAGS PA DE BZHIN GSHEGS PA BDUN GYI SNGON GYI SMON LAM GYI KHYAD PAR RGYAS PA ZHES BYA BA THEG PA CHEN PO'I MDO, BAM PO DANG PO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA'I DUS GCIG NA, BCOM LDAN 'DAS YUL RGYU BA RGYU ZHING YANGS PA CAN DU BYON TE, YANGS PA CAN NA ROL MO'I SGRA CAN GYI SHING LJON PA'I DRUNG NA, DGE SLONG BRGYAD STONG GI DGE SLONG GI DGE 'DUN CHEN PO DANG, BYANG CHUB SEMS DPA' SUM KHRI DRUG STONG LA, 'DI LTA STE, BYANG CHUB SEMS DPA' SEMS DPA' CHEN PO SPYAN RAS GZIGS DBANG PHYUG DANG, BYANG CHUB SEMS DPA' SEMS DPA' CHEN PO BLO GROS CHEN PO DANG, BYANG CHUB SEMS DPA' SEMS DPA' CHEN PO BYAMS PA DANG, BYANG CHUB SEMS DPA' SEMS DPA' CHEN PO SPOBS PA BRTZEG

381a

, ,DANG; BYANG CHUB SEMS DPA' SEMS DPA' CHEN PO RNAM PAR GNON PA DON YOD DANG, BYANG CHUB SEMS DPA' SEMS DPA' CHEN PO BLTA NA SDUG DANG, BYANG CHUB SEMS DPA' SEMS DPA' CHEN PO MUN PA MUN NAG THAMS CAD NGES PAR 'JOMS PA'I BLO GROS DANG, BYANG CHUB SEMS DPA' SEMS DPA' CHEN PO BSAM PA LEGS PAR RNAM PAR SEMS PA DANG, BYANG CHUB SEMS DPA' SEMS DPA' CHEN PO LHUN PO BRTZEGS DANG, BYANG CHUB SEMS DPA' SEMS DPA' CHEN PO SANG SANG PO'I DBYANGS DANG, BYANG CHUB SEMS DPA' SEMS DPA' CHEN PO LHUN PO CHEN PO'I RTZE 'DZIN RGYAL PO DANG, BYANG CHUB SEMS DPA' SEMS DPA' CHEN PO LAG NA RDO RJE DANG, DE DAG LA SOGS PA BYANG CHUB SEMS DPA' SEMS DPA' CHEN PO SUM KHRI DRUG STONG DANG THABS CIG TU BZHUGS TE, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, RGYAL PO DANG, BLON PO DANG, BRAM ZE DANG, RGYAL RIGS DANG, KHYIM BDAG THAMS CAD KYIS YONGS SU BSKOR CING MDUN GYIS BLTAS TE, THOG MAR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO'I CHOS STON CING, CHOS KYI GTAM GYIS SEMS CAN RNAMS TSIM PAR MDZAD, YANG DAG PAR

381b

DGA' BAR MDZAD, SANGS RGYAS KYI BYANG CHUB LA DGOD PAR MDZAD DO, ,DE NAS BYANG CHUB SEMS DPA' SEMS DPA' CHEN PO CHOS KYI RGYAL BU 'JAM DPAL STAN LAS LANGS TE, BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE, BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO,, BCOM LDAN 'DAS, LHA DANG, KLU DANG, GNOD SBYIN DANG, SRIN PO DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, DGE SBYONG DANG, BRAM ZE DANG, RGYAL PO DANG, BLON PO DANG, KHYIM BDAG DANG, MI DANG, MI MA LAGS PA MANG PO DAG CHOS NYAN PA'I SLAD DU 'DUS SHING MCHIS LAGS NA DE'I SLAD DU, BCOM LDAN 'DAS KYIS THUGS BRTZE BAR DGONGS TE, THOS NA CI NAS SEMS CAN THAMS CAD BLA NA MED PA YANG DAG PAR RDZOGS PA'I BYANG CHUB LAS SLAR MI LDOG PAR 'GYUR BA DANG, SDIG PA THAMS CAD DANG, LAS KYI SGRIB PA THAMS CAD YONGS SU BYANG ZHING YONGS SU BAS PAR 'GYUR BA DANG, BDUD SDIG CAN GYIS MI BRDZI BAR 'GYUR BA'I DE BZHIN GSHEGS PA DE DAG GI MTSAN DANG, SNGON GYI SMON LAM GYI KHYAD PAR RGYAS PA DANG, SANGS RGYAS KYI ZHING GI YON TAN BKOD PA'I GNAS RNAMS BSHAD DU GSOL, BCOM LDAN 'DAS, DE BZHIN GSHEGS PA RNAMS LA NI MA GZIGS PA'AM, MA GSAN PA 'AM, RNAM PAR MI

382a

, ,MKHYEN PA MI MNGA' BAS, BSKAL BA BYE BA KHRAG KHRIG BRGYAD STONG GANG+G'A'I KLUNG GI BYE MA'I RDUL PHRA RAB KYI RDUL SNYED DAG KYANG, DPER NA, DENG NGAM, SANG GI LTAR DGONG PA LAGS TE, DE BZHIN GSHEGS PA DE DAG GI DANG PO BYANG CHUB KYI THUGS YID LA MDZAD PA DANG, SNGON GYI SMON LAM DANG, DE BZHIN GSHEGS PA LA DMIGS PA'I SANGS RGYAS KYI ZHING GI YON TAN BKOD PA DAG BRJOD PA DANG, YANG DAG PAR BSTAN PAR SPYOD NA, BCOM LDAN 'DAS, SLAD MA'I TSE SLAD MA'I DUS LNGA BRGYA PA THA MA LA DAM PA'I CHOS KYI GZUGS BRNYAN CHOS LTAR BCOS PA 'BYUNG BA NA SEMS CAN THAMS CAD RJES SU GZUNG BA'I SLAD DU DE BZHIN GSHEGS PA RNAMS KYI THABS MKHAS PA MANG PO DANG, SNGON GYI SMON LAM GYI KHYAD PAR RGYAS PA BCOM LDAN 'DAS KYIS BSHAD DU GSOL, DE NAS BCOM LDAN 'DAS DE BZHIN GSHEGS PAS KA LA PING KA'I SGRA SKAD DANG, DBYANGS KYIS 'JAM DPAL GZHON NUR GYUR PA LA LEGS SO ZHES BYA BA BYIN TE, 'JAM DPAL LEGS SO, ,LEGS SO, ,'JAM DPAL, KHYOD SNYING RJE DANG LDAN PA STE, 'JAM DPAL, KHYOD KYIS SNYING RJE DPAG TU MED PA BSKYED NAS SEMS CAN THAMS CAD KYI DON DANG, SEMS CAN LAS KYI SGRIB PA SNA TSOGS KYIS BSGRIBS PA, NAD SNA TSOGS KYIS LUS YONGS SU GZIR BA, MYA NGAN DANG, SDUG BSNGAL SNA TSOGS KYIS GCOS

382b

PA'I LHA DANG, MI RNAMS KYI DON DANG, PHAN PA DANG, BDE BA'I PHYIR GSOL BA 'DEBS PA NI YANG LEGS SO, ,'JAM DPAL, DE BZHIN GSHEGS PA'I BYIN GYIS BRLABS KYI KHYOD KYI SPOBS PA 'DI SKYES SO, ,'JAM DPAL, DE'I PHYIR LEGS PAR RAB TU NYON LA YID LA ZUNGS SHIG DANG, NGAS BSHAD DO, ,'JAM DPAL, GZHON NUR GYUR PAS BCOM LDAN 'DAS LA DE BZHIN NO, ,ZHES GSOL NAS BCOM LDAN 'DAS KYI LTAR NYAN PA DANG, BCOM LDAN 'DAS KYIS DE LA 'DI SKAD CES BKA' STZAL TO, ,'JAM DPAL, SHAR PHYOGS LOGS SU SANGS RGYAS KYI ZHING 'DI NAS SANGS RGYAS KYI ZHING GANG G'A'I KLUNG GI BYE MA SNYED 'DAS PA NA, 'JIG RTEN GYI KHAMS GZHAN GYIS MI THUB PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MTSAN LEGS PAR YONGS BSGRAGS DPAL GYI RGYAL PO ZHES BYA BA ZHAM RING BA BYANG CHUB SEMS DPA' BYE BA KHRAG KHRIG BRGYA STONG PHRAG DU MA DANG LDAN PA BZHUGS TE, 'TSO ZHING GZHES LA CHOS KYANG STON PA YOD DO, ,'JAM DPAL, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MTSAN LEGS PAR YONGS BSGRAGS DPAL GYI RGYAL PO ZHES BYA BA DE'I SANGS RGYAS KYI ZHING DE NI SHIN TU YONGS SU DAG PA, THA GRUR DPAG TSAD BRGYA STONG DU MA YOD PA, LAG MTHIL LTAR MNYAM PAR GYUR, NGAN SONG DANG, SDUG BSNGAL GYI SGRA MED PA, BUD MED KYI DNGOS PO MED PA, TSER MA DANG, G-YANG SA MED PA,

383a

, ,RI DANG, RDO DANG, GSEG MA DANG, GYO MO MED PA, 'JAM PA, SA'I NGOS REG NA BDE BA, LHA'I DRI BA SUNG DANG LDAN PA, LHA'I RIN PO CHE'I SHING LJON PA DANG, ME TOG DANG; 'BRAS BU MDZES PAR BYAS PA, RIN PO CHE'I SENG GE'I KHRIS LEGS PAR BRGYAN PA, BYANG CHUB SEMS DPA' DAG PA PHYIR MI LDOG PA'I SA, 'DZAM BU CHU BO'I GSER DANG, NOR BU DANG; MU TIG GIS BA RGYAN PA'I RDZING GIS MDZES PAR BYAS PA'O, ,'JAM DPAL, 'JIG RTEN GYI KHAMS DE NA, BYANG CHUB SEMS DPA' GANG DAG 'KHOD PA DE DAG THAMS CAD NI BRDZUS TE SKYES PA, RIN PO CHE SNA BDUN GYI PAD MA LAS BYUNG BA SHA STAG GO ,DE LTA BAS NA, RIGS KYI BU'AM, RIGS KYI BU MO DAD PAS SANGS RGYAS KYI ZHING DER SKYE BAR SMON LAM THOB CIG, 'JAM DPAL, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MTSAN LEGS PAR YONGS BSGRAGS DPAL GYI RGYAL PO DE THUGS DANG PO BSKYED PA NAS BZUNG STE, BYANG CHUB SEMS DPA'I SPYAD PA SPYOD PA NA DES SMON LAM CHEN PO BRGYAD RGYUN MA CHAD PAR BTAB BO, ,BRGYAD GANG ZHE NA, DE'I SMON LAM CHEN PO DANG PO NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG LA

383b

LA DAG NA BA'I NAD SNA TSOGS KYIS LUS YONGS SU GZIR TE, RIMS DANG, GSHED BYED DANG, BYAD DANG, RO LANGS DANG, 'JIGS PA RNAMS KYIS GTZES PA DE DAG BDAG GI MTHUS, BDAG GI MING YID LA GNAS SHING, BDAG GI MING LAN BDUN [?] BRJOD PAS, DE DAG GI NAD THAMS CAD RAB TU ZHI BAR GYUR CIG ,BYANG CHUB KYI MTHAR THUG GI BAR DU RIMS DANG, SDIG PA CAN GYI GDON RNAMS MED PAR GYUR CIG ,RAB TU ZHI BAR GYUR CIG CES BTAB BO, ,DE'I SMON LAM CHEN PO GNYIS PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG LONG BA DANG, 'ON PA DANG, SMYON PA DANG, SHA BKRA CAN DANG, NAD TSABS CHEN POS BTAB PAR GYUR PA DE DAG BDAG GI MTHUS, BDAG GI MING YID LA GNAS SHING BDAG GI MING LAN BDUN BRJOD PAS, DE DAG BYANG CHUB KYI MTHAR THUG GI BAR DU DBANG PO THAMS CAD YONGS SU TSANG BAR GYUR CIG ,SDUG BSNGAL DANG, NAD THAMS CAD RGYUN CHAD PAR GYUR CIG ,CES BTAB BO, ,DE'I SMON LAM CHEN PO GSUM PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NI SEMS CAN GANG DAG 'DOD CHAGS DANG, ZHE SDANG DANG, GTI

384a

, ,MUG GIS BSGRIBS PA, MTSAMS MED PA LNGA BYED PA, BYA BA MA YIN PA SPYOD PA MANG BA, DAM PA'I CHOS SPONG BA, SDIG PA MI DGE BA'I LAS SNA TSOGS BYED PA; NGAN SONG GSUM DANG, SEMS CAN DMYAL BAR 'GRO BA DE DAG SEMS CAN DMYAL BA CHEN POR SKYES NAS SDUG BSNGAL GYI TSONG BA MYONG BA DE DAG BDAG GIS MTHUS, BDAG GI MING YID LA GNAS SHING BDAG GI MING YID KYIS BRJOD PAS DE DAG GI MTSAMS MED PA LNGA LA SOGS PA LAS KYI SGRIB PA THAMS CAD YONGS SU BYANG SHING YONGS SU ZAD PAR GYUR CIG ,BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS KYI BAR DU SU YANG SEMS CAN DMYAL BA DANG, NGAN 'GROR 'GRO BAR MA GYUR CIG, LHA YUL PA'I LHA'I BDE BA DANG, MI'I BDE BA NYAMS SU MYONG BAR GYUR CIG CES BTAB BO, ,DE'I SMON LAM CHEN PO BZHI PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG SU DAG DBUL BOR GYUR TE, ZAS DANG, SKO MA DANG, GOS DANG, NOR DANG; 'BRU DANG, MAL CHA DANG, SPOS DANG, PHRENG BA DANG, RGYAN DANG, YO BYAD MI BDOG PA DE DAG BDAG GIS MTHUS, BDAG GI MING YID LA GNAS SHING, BDAG GI MING

384b

YID KYIS BRJOD PAS, DE DAG BYANG CHUB KYI MTHAR THUG GI BAR DU, DBYIG DANG, GOS DANG, NOR DANG, 'BRU DANG, MAL CHA DANG, SPOS DANG, PHRENG BA DANG, RGYAN DANG, YO BYAD 'PHEL BAR GYUR CIG CES BTAB BO, ,DE'I SMON LAM CHEN PO LNGA PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG BCING BA DANG, BRDEG PA DANG, GO RAR GZHUG PA DANG, MTSON CHA'I TSOGS RNAM PA SNA TSOGS KYIS LUS YONGS SU GZIR BA DE DAG BDAG GI MTHUS, BDAG GI MING YID LA GNAS SHING BDAG GI MING YID KYIS BRJOD PAS DE DAG BYANG CHUB KYI MTHAR THUG GI BAR DU BCING BA DANG, BRDEG PA THAMS CAD LAS YONGS SU THAR BAR GYUR CIG, LUS KYI GDUNG BA THAMS CAD RGYUN CHAD PAR GYUR CIG CES BTAB BO, ,DE'I SMON LAM CHEN PO DRUG PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG MGON MED PAR GYUR PA LUS LA GDUNG BA'I ME 'BAR BA DANG, SENG GE DANG, STAG DANG, DOM DANG, DRED DANG, SPRUL GDUG PA'I NANG DU CHUD DE, SROG LA BAB STE 'JIGS SKRAG CING MGON MED DE, SMRE SNGAGS SNA TSOGS 'DON PA DE DAG BDAG GIS MTHUS, BDAG GI MING LA GNAS SHING, BDAG GI

385a

, ,MING LAN BDUN YID KYIS BRJOD PAS DE DAG BYANG CHUB KYI MTHAR THUG GI BAR DU LUS LA GDUNG BA'I ME THAMS CAD ZHI BAR GYUR CIG ,SENG GE DANG, STAG DANG, DOM DANG; DRED DANG, SBRUL GDUG PA DE DAG KYANG BYAMS PA LA GNAS PAR GYUR CIG ,'JIGS PA MED PA DANG, ZHI BA'I GNAS LA GNAS PAR GYUR CIG CES BTAB BO, ,DE'I SMON LAM CHEN PO BDUN PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG PHAN TSUN 'THAB PA DANG, 'THAB MO DANG, RTZOD PA DANG, 'GYED PAR GYUR TE, 'KHRUGS SHING 'JIGS SKRAG NAS DNGANGS PA DE DAG BDAG GIS MTHUS, BDAG GI MING YID LA GNAS SHING BDAG GI MING LAN BDUN YID KYIS BRJOD PAS DE DAG BYANG CHUB KYI MTHAR THUG GI BAR DU, 'THAB PA DANG, 'THAB MO DANG, RTZOD PA DANG, 'GYED PA THAMS CAD RAB TU ZHI BAR GYUR CIG, PHAN TSUN BYAMS PA LA GNAS PAR GYUR CIG CES BTAB BO, ,DE'I SMON LAM CHEN PO BRGYAD PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG CHU'I NANG DU SON TE, GRUR ZHUGS PA, GLING MED PAR PHYIN PA, SROG 'DOD PA, CHU KLUNG DANG, RGYA MTSO'I

385b

NANG DU SON TE, SMRE SNGAGS SNA TSOGS 'DON PA DE DAG BDAG GIS MTHUS BDAG GI MING YID LA GNAS SHING BDAG GI MING YID KYIS LAN BDUN BRJOD PAS DE DAG BYANG CHUB KYI MTHAR THUG GI BAR DU CHU KLUNG CHEN PO DE LAS DBUGS 'BYIN PA SBYIN PAR GYUR CIG ,'JIGS PA MED PAR RGAL BAR GYUR CIG CES BTAB STE, 'JAM DPAL, BCOM LDAN 'DAS DE BZHIN GSHEGS PA MTSAN LEGS PAR YONGS BSGRAGS DPAL GYI RGYAL PO DES SMON LAM CHEN PO BRGYAD PO DE DAG BTAB BO, ,'JAM DPAL, DE LTA BAS NA, BCOM LDAN 'DAS DE BZHIN GSHEGS PA MTSAN LEGS PAR YONGS BSGRAGS DPAL GYI RGYAL PO DE'I THUGS DANG PO BSKYED PA NAS BZUNG STE, SMON LAM DANG, TING NGE 'DZIN GYI STOBS KYI GNAS DANG, SEMS CAN YONGS SU SMIN PAR MDZAD PA DANG, BYANG CHUB SEMS DPA'I SPYOD PA DANG, DE BZHIN GSHEGS PA LA MCHOD PA DANG, RIM GRO MDZAD PA DANG, RNAM PAR 'PHRUL PA DANG, SANGS RGYAS KYI ZHING YONGS SU DAG PA DANG; ZHAM RING BA BYANG CHUB SEMS DPA' PHUN SUM TSOGS PA GANG YIN PA DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DANG, BYANG CHUB SEMS DPA' SA BCU PA LA GNAS PA RNAMS MA GTOGS PAR NYAN THOS DANG, RANG SANGS RGYAS THAMS CAD GYIS LO BRGYAR YANG BRJOD PAR MI NUS PSO, ,'JAM DPAL, DE LTA BAS NA DAD PA'I RIGS

386a

, ,KYI BU 'AM, RIGS KYI BU MO 'AM, RGYAL PO 'AM, BLON PO 'AM, KHYIM BDAG YON TAN DON DU GNYER BA RNAMS KYI ZHE SDANG DANG, NYON MONGS PA THAMS CAD DANG BRAL BAR DE BZHIN GSHEGS PA DE'I MTSAN GZUNG BAR BYA, BKLAG BAR BYA STE, RAB TU GUS PAR DE BZHIN GSHEGS PA DE LA MCHOD PA BYAS NA DE'I SDIG PA THAMS CAD DANG, LAS KYI SGRIB PA THAMS CAD DANG, NAD THAMS CAD RAB TU ZHI BAR 'GYUR, RE BA THAMS CAD YONGS SU RDZOGS PAR 'GYUR, SANGS RGYAS KYI BYANG CHUB LAS PHYIR MI LDOG PAR 'GYUR RO, ,'JAM DPAL, SHAR PHYOGS LOGS SU SANGS RGYAS KYI ZHING 'DI NAS SANGS RGYAS KYI ZHING GANG G'A'I KLUNG BDUN GYI BYE MA SNYED 'DAS PA NA 'JIG RTEN GYI KHAMS RIN PO CHE DANG LDAN PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIN PO CHE DANG, ZLA BA DANG, PAD MAS RAB TU BRGYAN PA MKHAS PA GZI BRJID SGRANG DBYANGS KYI RGYAL PO ZHES BYA BA BZHUGS TE 'TSO ZHING GZHES LA CHOS KYANG STON CING, BYANG CHUB SEMS DPA' RNAMS LA THEG PA CHEN PO'I GTAM 'BA' ZHIG STON PA YOD DO, ,'JAM DPAL, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE SNGON BYANG CHUB SEMS DPA'I SPYAD PA SPYOD PA NA SMON LAM CHEN PO BRGYAD BTAB BO, ,BRGYAD GANG ZHE NA,

386b

DE'I SMON LAM CHEN PO DANG PO NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG ZHING LAS KYI LAS KYI MTHA' DANG, TSONG LA DGA' STE G-YENG BA SNA TSOGS MANG BAS DGE BA'I CHOS RNAMS LAS YONGS SU NYAMS PA DANG, BYANG CHUB KYI SEMS YID LA BYED PA LAS YONGS SU NYAMS TE, DE DAG 'KHOR BA'I SDUG BSNGAL RNAMS LAS YONGS SU MA THAR PAR MA GYUR CING, SO SOR 'KHOR BA'I SDUG BSNGAL RNAMS MYONG BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS MYONG BA DE DAG BDAG GI MTHUS BDAG GI MING YID LA GNAS SHING BDAG GI MING YID KYIS BRJOD PAS DE DAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS KYI BAR DU BSAMS MA THAG TU BGO BA DANG, BZA' BA DANG, BTUNG BA DANG; LONGS SPYOD DANG, YONGS SU SPYAD PA DANG, NOR DANG, 'BRU DANG, DBYIG DANG, GSER RNAMS 'BYUNG BAR GYUR CIG ,DGE BA'I CHOS RNAMS KYIS RNAM PAR 'PHEL BAR GYUR CIG, BYANG CHUB KYI SEMS YID LA BYED PA DANG MI 'BRAL BAR GYUR CIG ,NGAN SONG GSUM DANG, SEMS CAN DMYAL BA'I SDUG BSNGAL THAMS CAD LAS YONGS SU THAR PAR GYUR CIG CES BTAB BO,,

387a

, ,DE'I SMON LAM CHEN PO GNYIS PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA STONG GSUM GYI STONG CHEN PO'I 'JIG RTEN GYI KHAMS NA SGO NGA LAS SKYES PA'AM, MNGAL LAS SKYES PA'AM, DROD GSHER LAS SKYES PA'AM, BRDZUS TE SKYES PA'I SEMS CAN GANG DAG GRANG BA DANG, TSA BA DANG, BKRES PA DANG, SKOM PAS LUS YONGS SU GDUNGS SHING, SDUG BSNGAL GYI TSOR BAS NYAM THAG PA DE DAG BDAG GIS MTHUS BDAG GI MING RNA LAM DU GRAG CING, DE DAG GIS BDAG GI MING DRAN PA DANG, BRJOD PAS SNGON GYI LAS KYI SGRIB PA DE YONGS SU BYANG BAR GYUR CIG ,SKYE BA DE YANG THA MAR GYUR CIG ,BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS KYI BAR DU SKYE BA'I SDUG BSNGAL THAMS CAD LAS YONGS SU THAR BAR GYUR CIG ,LHA YUL BA'I LHA'I BDE BA MYONG BAR GYUR CIG CES BTAB BO, ,DE'I SMON LAM CHEN PO GSUM PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA STONG GSUM GYI STONG CHEN PO'I 'JIG RTEN GYI KHAMS 'DI NI, BUD MED GANG DAG KUN NAS NYON MONGS PA SNA TSOGS KYIS LUS YONGS SU GANG ZHING BUD MED KYI SKYE GNAS LA SMOD PA DANG,

387b

GANG DAG BTZA' BA'I DUS NA SDUG BSNGAL GYI TSOR BA MYONG BA DE DAG BDAG GI MTHUS BDAG GI MING RNA LAM DU GRAG CING DE DAG GIS BDAG GI MING DRAN PA DANG, BRJOD PAS TSOR BA THAMS CAD DANG; SDUG BSNGAL THAMS CAD RGYUN CHAD PAR GYUR CIG ,SKYE BA DE YANG THA MAR GYUR CIG ,BYANG CHUB KYI MTHAR THUG GI BAR DU SKYES PA NYID THOB PAR GYUR CIG CES BTAB BO, ,DE'I SMON LAM CHEN PO BZHI PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG 'CHI BA DANG, DGRA DANG, DGON PA'I GNOD PAS GTZES PA DANG, PHAN TSUN DU PHA MA DANG, SRING MO DANG, MDZA' BSHES DANG, NYE DU'I MYA NGAN MYONG ZHING, SDUG BSNGAL DANG, MYA NGAN GYI ZUG RDUS LUS LA ZUG PA DE DAG BDAG GI MTHUS BDAG GI MING RNA LAM DU GRAG CING, DE DAG GI RNA LAM DU BDAG GI MING GRAG PA DANG, KHA TON DU BTON PAS BYANG CHUB KYI MTHAR THUG GI BAR DU 'CHI BA DANG, DGRA DANG; DGON PA'I GNOD PA THAMS CAD RAB TU ZHI BAR GYUR CIG ,MYA NGAN DANG, SDUG BSNGAL DANG BRAL BAR GYUR CIG CES BTAB BO, ,DE'I SMON LAM CHEN PO LNGA PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG MTSAN MO MUN PA MUN NAG NA RNAM PAR RGYU BA, LAS KYI MTHA'

388a

, ,RNAM PA SNA TSOGS LA ZHUGS PA, SDIG PA CAN GYI GDON SNA TSOGS KYIS GTZES PA, 'JIGS PAS SMRA SNGAGS SNA TSOGS 'DON PA DE DAG BDAG GI MTHUS, BDAG GI MING YID LA GNAS SHING, BDAG GI MING YID KYIS BRJOD PAS, BYANG CHUB KYI MTHAR THUG GI BAR DU MUN PA MUN NAG THAMS CAD MED PAR GYUR CIG ,SDIG PA CAN GYI GDON THAMS CAD BYAMS PA LA GNAS PAR GYUR CIG ,MCHOD PA DANG, RIM GRO BYA BA RNAM PA SNA TSOGS LA MNGON PAR BRTZON PAR GYUR CIG CES BTAB BO, ,DE'I SMON LAM CHEN PO DRUG PA NI; GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA, SEMS CAN GANG DAG DMAN PA LA MOS SHING SHES RAB CHUNG LA DRAN PA RMONGS TE DGE BA'I CHOS RNAMS DANG, STOBS DANG, BYANG CHUB KYI YAN LAG DANG, TING NGE 'DZIN DANG, GZUNGS KYI SGO RNAMS DANG, SANGS RGYAS DANG, CHOS DANG, DGE 'DUN RJES SU DRAN PA LAS YONGS SU NYAMS PA DE DAG ,BDAG GI MTHUS BDAG GI MING YID LA GNAS SHING BDAG GI MING YID KYIS BRJOD PAS DE DAG BYANG CHUB KYI MTHAR THUG GI BAR DU TING NGE 'DZIN DANG, DRAN PA DANG, STOBS DANG, BYANG CHUB KYI YAN LAG DANG, GZUNGS KYI SGO RNAMS MNGON DU GYUR CIG ,SHES

388b

RAB CHEN PO RJES SU RGYU BAR GYUR CIG CES BTAB BO, ,DE'I SMON LAM CHEN PO BDUN PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG DMAN PA LA MOS SHING NYAN THOS KYI THEG PA DANG, RANG SANGS RGYAS KYI THEG PA LA 'DOD PA BSKYED DE, DE LA GNAS SHING BLA NA MED PA YANG DAG PAR RDZOGS PA'I BYANG CHUB LA RGYAB KYIS PHYOGS PAR GYUR PA DE DAG BDAG GI MTHUS BDAG GI MING YID LA GNAS SHING BDAG GI MING YID KYIS BRJOD PAS DE DAG THAMS CAD BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS KYI BAR DU BLA NA MED PAR YANG DAG PAR RDZOGS PA'I BYANG CHUB LAS PHYIR MI LDOG PAR GYUR CIG ,NYAN THOS DANG, RANG SANGS RGYAS KYI SA LA RGYAB KYIS PHYOGS PAR GYUR CIG ,BYANG CHUB KYI SEMS YID LA BYED PA DANG MI 'BRAL BAR GYUR CIG CES BTAB BO, ,DE'I SMON LAM CHEN PO BRGYAD PA NI; GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA, SEMS CAN GANG DAG BSKAL PA CHEN PO ZAD PA'I TSE 'DZAM BU'I GLING KUN TU 'BAR SHING, RAB TU 'BAR BAR 'KHRUG PAR GYUR TE, NGU ZHING MYA NGAN BYED LA SNGON GYI MI DGE BA'I LAS KYI RGYUS SDUG BSNGAL MYONG ZHING, SKYABS MED MGON MED PA'I

389a

, ,SEMS CAN DE DAG BDAG GI MTHUS BDAG GI MING 'DI LA GNAS SHING BDAG GI MING YID KYIS BRJOD PAS DE DAG SDUG BSNGAL DANG, MYA NGAN THAMS CAD DANG BRAL BAR GYUR CIG ,BSIL BA'I DNGOS PO THOB PAR GYUR CIG ,DE NAS SHI 'PHOS NAS BDAG GI SANGS RGYAS KYI ZHING DU PADMA'I SNYING PO'I SENG GE'I KHRI LA BRDZUS TE SKYE BAR GYUR CIG CES BTAB TE; 'JAM DPAL, BCOM LDAN 'DAS DE SNGON BYANG CHUB SEMS DPA'I SPYAD PA SPYOD PA NA SMON LAM CHEN PO BRGYAD PO DE DAG BTAB BO, ,'JAM DPAL, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIN PO CHE DANG, ZLA BA DANG, PADMAS RAB TU BRGYAN PA MKHAS PA GZI BRJID SGRA DBYANGS KYI RGYAL PO DE'I SANGS RGYAS KYI ZHING DE NI MNYAM PA, THA GRU CHE BA, YANGS PA, LAG MTHIL LTAR MNYAM PAR GYUR PA, LHA'I SPOS KYI SHING LJON PA RNAMS KYIS RAB TU BRGYAN PA, SPOS GTZANG ZHING SKYON MED PA DANG; LHA'I SPOS DANG ME TOG GIS RAB TU BRGYAN PA, LHA'I ROL MO'I SGRA SKAD DANG, KLU'I NGA RO 'BYUNG BA, LHA'I RIN PO CHE'I DRIL BU G-YER KA'I DRA BAS LEGS PAR BRGYAN PA, LHA'I RIN PO CHE'I SENG GE'I KHRIS MDZES PAR BYAS PA, LHA'I RIN PO CHE'I RDZING GIS RAB TU BRGYAN PA, SA GZHI 'JAM ZHING SNYI BA, RI DANG, RDO DANG, GSEG MA DANG, TSER MA MED

389b

PA; BUD MED KYI DNGOS PO MED PA, NYE BA'I NYON MONGS PA MED PA, PHYIR MI LDOG PA'I BYANG CHUB SEMS DPA'I SAR GYUR PA'O, ,BYANG CHUB SEMS DPA' DE DAG THAMS CAD KYANG PADMA'I SNYING PO'I SENG GE'I KHRI LA BRDZUS TE BYUNG BA, LHA'I RIN PO CHE'I RGYAN DANG, GOS KYIS LUS LEGS PAR BRGYAN PA SHA STAG GO ,SANGS RGYAS KYI ZHING DE NA BSAMS MA THAG PA TZAM GYIS GOS DANG; ZAS DANG, SKOM DANG, MAL CHA DANG, SPOS DANG, ME TOG DANG, PHRENG BA DANG, RGYAN DANG, BYANG CHUB SEMS DPA'I LONGS SPYOD THAMS CAD DANG, SEMS CAN GYI 'TSOG CHAS THAMS CAD DANG, LHA'I RIN PO CHE'I LONGS SPYOD THAMS CAD 'BYUNG STE, DE'I PHYIR 'JIG RTEN GYI KHAMS DE RIN PO CHE DANG LDAN PA ZHES BYA'O, ,'JAM DPAL, DE LTA BAS NA DAD PA'I RIGS KYI BU 'AM; RIGS KYI BU MO 'AM, RGYAL PO 'AM, RGYAL BU DAG GIS BCOM LDAN 'DAS DE BZHIN GSHEGS PA RIN PO CHE DANG, ZLA BA DANG, PADMAS RAB TU BRGYAN PA MKHAS PA GZI BRJID SGRA DBYANGS KYI RGYAL PO DE'I MTSAN NYIN LAN GSUM, MTSAN LAN GSUM DU YID LA BYA, RAB TU GUS PAS GZUNG BAR BYA, DAD PAR BYA, DE BZHIN GSHEGS PA DE'I SKU GZUGS KYANG BYED DU GZHUG ,ME TOG DANG, BDUG PA DANG, SPOS DANG, PHRENG BA DANG, BYUG PA DANG, ROL MO'I SGRA DANG, MAR ME RNAMS KYIS MCHOD PAR BYA, YAN LAG BRGYAD PA'I BSNYEN

390a

, ,GNAS LA NYE BAR GNAS LA NYIN BDUN GTZANG MAR BYAS TE, SA PHYOGS GTZANG MAR GNAS PAR BYA, SANGS RGYAS KYI ZHING DER SKYE BAR SMON LAM GDAB CING SEMS CAN THAMS CAD LA BYAMS PA DANG, SNYING RJE BA'I SEMS SU BYAS NA DE LA DE BZHIN GSHEGS PA DE DGONGS PAR 'GYUR RO, ,BYANG CHUB SEMS DPA' SEMS DPA' CHEN PO RNAMS KYANG SEMS PAR 'GYUR RO, ,SDIG PA THAMS CAD DANG, LAS KYI SGRIB PA THAMS CAD KYANG YONGS SU BYANG PAR 'GYUR RO, ,BYANG CHUB KYI SEMS YID LA BYED PA DANG MI 'BRAL BAR 'GYUR RO, ,'DOD CHAGS DANG, ZHE SDANG DANG, GTI MUG SRABS PAR 'GYUR RO, ,YUN RING DU 'TSO ZHING NAD MED PAR 'GYUR RO, ,GANG BSAMS PA'I BSAM PA DE DAG THAMS CAD YONGS SU RDZOGS PAR 'GYUR RO, ,'THAB PA DANG, 'THAB MO DANG, RTZOD PA DANG, 'GYED PA THAMS CAD RAB TU ZHI BAR 'GYUR RO, ,'DI NAS SHI 'PHOS NAS SDIG PA THAMS CAD ZAD PAR 'GYUR TE, SANGS RGYAS KYI ZHING DER PADMA'I SNYING PO'I SENG+GE'I KHRI LA BRDZUS TE SKYE BAR 'GYUR RO, ,SKYES MA THAG TU TING NGE 'DZIN DANG, GZUNGS KYI SGO RNAMS MNGON DU 'GYUR RO, ,'JAM DPAL, BCOM LDAN 'DAS DE BZHIN GSHEGS PA DE'I MTSAN 'DZIN PA 'DI NI DE LTAR YON TAN MANG PO DANG LDAN PA YIN NO, ,

390b

'JAM DPAL, SHAR PHYOGS LOGS SU SANGS RGYAS KYI ZHING 'DI NAS SANGS RGYAS KYI ZHING GANG+GA'I KLUNG LNGA'I BYE MA SNYED 'DAS PA NA 'JIG RTEN GYI KHAMS SPOS KYIS YONGS SU GANG BA RIN PO CHE BRTZEGS PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG DRI MED RIN CHEN SNANG BRTUL ZHUGS GRUB PA ZHES BYA BA BZHUGS TE 'TSO ZHING GZHES LA CHOS KYANG STON CING, BYANG CHUB SEMS DPA' BYE BA KHRAG KHRIG BRGYA STONG DU MAS KUN NAS BSKOR BA YOD DO, ,'JAM DPAL, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE SNGON BYANG CHUB SEMS DPA'I SPYAD PA SPYOD PA NA SMON LAM CHEN PO BZHI BTAB BO, ,BZHI GANG ZHE NA, DE'I SMON LAM CHEN PO DANG PO NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG SROG GCOD PA, SNGOG GCOD PA'I MI DGE BA'I LAS RNAM PA SNA TSOGS BYED PA, SROG CHAGS RNAM PA SNA TSOGS KYI SROG GCOD PA DE DAG SROG GCOD PA BYAS PAS TSE THUNG ZHING NAD MANG BA DANG, CHU DANG, DUG DANG, MTSON DANG, ME DANG, NAD SNA TSOGS KYIS 'CHI BAR 'GYUR BA DE DAG GIS BDAG GI MING THOS NAS 'DZIN PA DANG, MCHOD PAS LAS KYI SGRIB PA DE YONGS SU BYANG STE, TSE RING BAR GYUR CIG ,NAD MED PAR GYUR

391a

, ,CIG ,SU YANG DUS MA YIN PAR 'CHI BAS 'CHI BA'I DUS BYED PAR MA GYUR CIG CES BTAB BO, ,DE'I SMON LAM CHEN PO GNYIS PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG SDIG PA MI DGE BA SNA TSOGS BYAS TE GZHAN GYI RDZAS PHROGS PAS DBUL PO'I KHYIM DU SKYES TE, SGREN MO DANG, BKRES PA DANG, SKOM PAS LUS YONGS SU GDUNGS SHING SDUG BSNGAL MYONG BA DE DAG GIS BDAG GI MING THOS NAS BZUNG BAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS KYI BAR DU SDIG PA THAMS CAD BYANG BAR GYUR CIG ,DBANG PHYUG PHUN SUM TSOGS SHING MA TSANG BA MED PAR THOB PAR GYUR CIG CES BTAB BO, ,DE'I SMON LAM CHEN PO GSUM PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG GCIG LA GCIG KUN TU GNOD SEMS DANG LDAN ZHING PHAN TSUN SROG GCOD PA BYED PA DANG, 'THAB PA DE DAG GIS BDAG GI MING THOS PAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS KYI BAR DU PHAN TSUN PHA MA LTAR BYAMS PA LA GNAS PAR GYUR CIG CES BTAB BO, ,DE'I SMON LAM CHEN PO BZHI PA NI,

391b

GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG 'DOD CHAGS DANG, ZHE SDANG DANG, GTI MUG GIS BSGRIBS TE, TSUL KHRIMS 'CHAL BAR GYUR PA DE DAG SDIG PA KUN TU SPYOD DE, DE BZHIN GSHEGS PA'I BSLAB PA DRAL BAS NGAN SONG GSUM DU LTUNG BA DANG, SEMS CAN DMYAL BAR 'GRO BAR 'GYUR BA DE DAG BDAG GI MTHUS BDAG GI MING THOS NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS KYI BAR DU LAS KYI SGRIB PA THAMS CAD YONGS SU BYANG BAR GYUR CIG ,NYE BA'I NYON MONGS PA RNAMS DANG BRAL BAR GYUR CIG ,TSUL KHRIMS YANG DAG PAR 'DZIN CING LUS DANG, NGAG DANG, YID SNGOM PA LA GNAS PAR GYUR CIG ;BYANG CHUB KYI SEMS YID LA BYED PA DANG MI 'BRAL BAR GYUR CIG CES BTAB BO, ,'JAM DPAL, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG DRI MED RIN CHEN SNANG BRTUL ZHUGS GRUB PA DE, SNGON BYANG CHUB SEMS DPA'I SPYAD PA SPYOD PA NA SMON LAM CHEN PO BZHI PO DE DAG BTAB BO, ,'JAM DPAL, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GSER BZANG DRI MED RIN CHEN SNANG BRTUL ZHUGS GRUB PA DE'I SANGS RGYAS KYI ZHING DE NI SA

392a

, ,GZHI LA RIN PO CHE'I SPOS SNA TSOGS GNAS PA, TZANDAN SPRUL GYI SNYING PO'I DRI DANG LDAN PA, MNYAM PA, YANG SA PA, THA GRU CHE BA, TZANDAN SBRUL GYI SNYING PO'I DRI'I SHING LJON PAS MDZES PAR BYAS PA, LHA'I NOR BU DANG, MU TIG GI RGYAN PHRENG DANG, RIN PO CHE DPYANGS PA, LHA'I NOR BU RIN PO CHE'I RDZING SPOS CHUS YONGS SU GANG BAS MDZES PAR BYAS PA, DAR GYI LNGA LNGI BRES SHING DPYANGS PA, RIN PO CHE'I SKUD PAS MIG MANGS RIS SU BRES PA, NYE BA'I NYON MONGS PA DANG BRAL BA, SDUG BSNGAL DANG, YID MI BDE BA MED PA, BUD MED KYI DNGOS PO MED PA, BYANG CHUB SEMS DPA' DAG PA RNAMS KYI ROL MO'I SGRA DANG, SIL SNYAN DANG, GLU DBYANGS MA BLANGS PAR SGRA 'BYUNG BA, SIL SNYAN DE DAG LAS DNGOS PO MED PA'I NGO BO NYID KYI SGRA DANG, THEG PA CHEN PO'I GTAM GYI SGRA 'BYUNG BA, SGRA DE THOS PAS SEMS CAN THAMS CAD SANGS RGYAS KYI BYANG CHUB LAS PHYIR MI LDOG PAR 'GYUR BA'O, ,'JAM DPAL, BCOM LDAN 'DAS DE'I SNGON GYI SMON LAM GYI THABS MKHAS PA DANG, SANGS RGYAS KYI ZHING GI YON TAN BKOD PA DU MA PHUN SUM TSOGS PA NI DE LTA BU'O, ,BCOM LDAN 'DAS DE BZHIN GSHEGS PA GSER BZANG DRI MED RIN CHEN SNANG BRTUL ZHUGS GRUB PA DE, BLA NA MED PA YANG DAG PAR RDZOGS PA'I BYANG CHUB MNGON

392b

PAR RDZOGS PAR SANGS RGYAS NAS SNGON GYI SMON LAM GYI STOBS KYIS BYANG CHUB KYI SHING DRUNG DU BZHUGS TE, SEMS CAN 'DOD CHAGS DANG, ZHE SDANG DANG, GTI MUG GIS BSGRIBS PA RNAMS GZIGS SHING, NAD SNA TSOGS KYIS LUS GZIR BA, 'CHI BA DANG, DGRA DANG DGON PA'I GNOD PAR GYUR PA, TSE BSKAL PAR THUB PA'I SEMS CAN DMYAL BAR GZHOL BA'I SEMS CAN RNAMS GZIGS NAS SEMS CAN DE DAG GI DON DANG, SANGS RGYAS KYI BYANG CHUB LA DGOD PA DANG, LAS KYI SGRIB PA THAMS CAD YONGS SU ZAD PAR BYA BA'I PHYIR GZUNGS SNGAGS KYI GZHI 'DI DAG GSUNGS SO, ,TADYA TH'A, SIDDHE SIDDHE, SU SIDDHI, MO TZA NI, MOKshA NI, MUKTE, BI MUKTE, AA MA LE, BI MA LE, M'Am GA LYE, HI RA nYE GARBHE, RATNA GARBHE, SARB'A RTHA S'A DHA NI, PA RA M'ARTHA S'A DHA NI, MA NA SE, MA H'A MA NA SE; AANG BHU TE, AA TYADDHU TA, B'A TI BHA YE, SU WA RNE, PRAHAM GHO shE, PRAHAM DHYU shI TE, SARBA AARTHTHE shU AA PA R'A DZI TE, SARBA TRA AA PRA TI HA TE, TZA TU: shAshthI BUDDHA KO tI BH'A shI TE NA MA: SARBA TA TH'A GA T'A NAN SV'AH'A, ,BCOM LDAN 'DAS KYIS GZUNGS SNGAGS 'DI GSUNGS PA NI, BYANG CHUB SEMS DPA'I 'KHOR 'DUS PA THAMS CAD DANG, BRGYA BYIN DANG, TSANGS PA DANG, 'JIG RTEN SKYONG BA THAMS CAD KYIS BCOM LDAN 'DAS DE LA LEGS SO ZHES BYA BA GSOL TE, BCOM LDAN 'DAS, KHYOD KYIS SEMS CAN THAMS CAD LA THUGS BRTZE BA'I

393a

, ,SLAD DU SDIG PA THAMS CAD BSAL BA DANG, NAD THAMS CAD RAB TU ZHI BAR BGYI BA DANG, RE BA THAMS CAD YONGS SU BSKANG BA'I SLAD DU GZUNGS SNGAGS, KYI TSIG 'DI LTA BU 'DI DAG BKA' STZAL PA LEGS SO, ,LEGS SO, ,BCOM LDAN 'DAS KYIS BKA' STZAL PA, GROGS PO DAG ,RIGS KYI BU 'AM, RIGS KYI BU MO 'AM, RGYAL PO 'AM, RGYAL BU 'AM, DGE BSNYEN NAM, DGE BSNYEN MA YON TAN DON DU GNYER BA GANG SU YANG RUNG STE, GZUNGS KYI TSIG 'DI DAG 'DZIN PA DANG, KLOG PA DANG, KUN CHUB PAR BYED PA DANG, DAD PAR BYED PA DANG, NYIN LAN GSUM MTSAN LAN GSUM DU SEMS CAN THAMS CAD LA SNYING RJE'I SEMS YID LA BYED PA DANG, ME TOG DANG, BDUG PA DANG, SPOS DANG, MAR ME RNAMS KYIS MCHOD PA DANG, GTZANG MAR BYAS TE 'PHAGS PA'I LAM YAN LAG BRGYAD DANG LDAN PAR BYAS NA DE'I MTSAMS MED BA LNGA LA SOGS PA SDIG PA THAMS CAD YONGS SU BYANG BAR 'GYUR, 'DI NAS SHI 'PHOS NAS 'JIG RTEN GYI KHAMS DER SKYE BAR 'GYUR TE, PADMA'I SNYING PO'I SENG+GE'I KHRI LA RDZUS TE SKYE BAR 'GYUR, NAD THAMS CAD RAB TU ZHI BAR 'GYUR, 'CHI BA DANG, DGRA DANG, DGON PA'I GNOD PA THAMS CAD RAB TU ZHI BAR 'GYUR, 'CHI BA'I DUS KYI TSE YANG DE BZHIN GSHEGS PAS DGONGS

393b

PAR 'GYUR, RE BA DANG, BSAM PA THAMS CAD YONGS SU RDZOGS PAR 'GYUR RO, ,'JAM DPAL, SHAR PHYOGS LOGS SU 'JIG RTEN GYI KHAMS GANG+GA'I KLUNG BDUN GYI BYEM SNYED 'DAS PA NA, 'JIG RTEN GYI KHAMS MYA NGAN MED PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MYA NGAN MED MCHOG DPAL ZHES BYA BA BZHUGS TE 'TSO ZHING GZHES LA CHOS KYANG STON PA YOD DO, ,'JAM DPAL, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MYA NGAN MED MCHOG DPAL DE'I SANGS RGYAS KYI ZHING DE NI LAG MTHIL LTAR MNYAM PA, THA GRU CHE BA, YANGS PA, MYA NGAN DANG, NGAN SONG DANG, SDUG BSNGAL GYI SGRA MED PA, BUD MED KYI DNGOS PO MED PA, SA GZHI 'JAM ZHING, SHIN TU SNYI BA, LHA'I SPOS KYIS BDUGS PA, LHA'I NOR BU RIN PO CHE'I SHING LJON PAS MDZES PAR BYAS PA, LHA'I 'DZAMBU'I CHU BO'I GSER GYI RDZING SPOS CHUS YONGS SU GANG BA, RIN PO CHE SNA BDUN GYI SHING LJON PA DANG, ME TOG DANG, 'BRAS BU DANG, LDAN PA, LHA'I ROL MO'I SGRA DANG, SIL SNYAN GYI SGRA DANG LDAN PA STE, 'JAM DPAL, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD DPAG MED KYI SANGS RGYAS KYI ZHING 'JIG RTEN GYI KHAMS BDE BA CAN JI LTA BA

394a

, ,BZHIN DU, 'JAM DPAL, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MYA NGAN MED MCHOG DPAL DE'I SANGS RGYAS KYI ZHING GI YON TAN BKOD PA YANG DE DANG 'DRA'O, ,'JAM DPAL, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MYA NGAN MED MCHOG DPAL DE SNGON BYANG CHUB SEMS DPA'I SPYAD PA SPYOD PA NA SMON LAM CHEN PO BZHI BTAB BO, ,BZHI GANG ZHE NA, DE'I SMON LAM CHEN PO DANG PO NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA, SEMS CAN GANG DAG MYA NGAN DANG, SDUG BSNGAL DANG, YID MI BDE BA DANG, 'KHRUG PA MANG BA, SDUG BSNGAL RNAM PA SNA TSOGS MYONG BA DER, SEMS CAN GANG DAG GIS BDAG GI MING THOS LA, THOS NAS KYANG YID LA BYED PA DE DAG GI MTHUS MYA NGAN DANG, SDUG BSNGAL DANG, YID MI BDE BA DANG, 'KHRUG PA THAMS CAD RAB TU ZHI BAR GYUR CIG ,SU YANG SDUG PA DANG BRAL BA'I SDUG BSNGAL MYONG BAR MA GYUR CIG ,TSE RING POR GYUR CIG CES BTAB BO, ,DE'I SMON LAM CHEN PO GNYIS PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR

394b

SANGS RGYAS PA DE NA SEMS CAN GANG DAG SDIG PA MI DGE BA RNAM PA SNA TSOGS BYAS TE SEMS CAN DMYAL BA BSTIR MED PA CHEN PO MUN PA MUN NAG CAN DU SKYES PA DE DAG LA BDAG GI MTHUS BDAG GI LUS LAS 'OD ZER GYI SNANG BA 'DI LTA BU BYUNG STE, DES SEMS CAN DMYAL BA DE DAG LA REG CING MTHONG MA THAG TU SDIG PA THAMS CAD BYANG NAS, SEMS CAN DMYAL BA CHEN PO'I SDUG BSNGAL DE DAG LAS YONGS SU THAR BAR GYUR CIG ,SDUG BSNGAL GYI TSOR BA THAMS CAD RGYUN CHAD PAR GYUR CIG ,BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS KYI BAR DU LHA DANG, MI'I BDE BA MYONG BAR GYUR CIG CES BTAB BO, ,DE'I SMON LAM CHEN PO GSUM PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG SNGON SDIG PA MI DGE BA BYAS TE GZHAN GYI RDZAS PHROGS PAS DBUL PO DMAN PA'I KHYIM DU SKYES NAS, GOS DANG, BZA' BA DANG, BTUNG BA DANG, MAL CHA DANG, RGYAN MI BDOG PA, GRANG BA DANG, TSA BA'I SDUG BSNGAL MYONG BA, BKRES PA DANG, SKOM PAS LUS GZIR CING MDOG NGAN PA DE DAG GIS BDAG GI MING THOS NAS BRJOD PAS BLA NA MED PA YANG DAG PAR RDZOGS PA'I BYANG CHUB MNGON

395a

, ,PAR RDZOGS PAR SANGS RGYAS KYI BAR DU, BGO BA DANG, BZA' BA DANG, BTUNG BA DANG, MAL CHA THAMS CAD LA YONGS SU SPYOD PAR GYUR CIG ,LUS LA LHA'I LUS KYI KHA DOG GIS BRGYAN PAR GYUR CIG CES BTAB BO, ,DE'I SMON LAM CHEN PO BZHI PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE, SEMS CAN GANG DAG GNOD SBYIN DANG, SRIN PO DANG, 'BYUNG PO DANG, SHA ZA RNAMS KYIS GTZES SHING MDANGS PHROGS TE NAD KYI SDUG BSNGAL SNA TSOGS MYONG BA DE DAG GIS BDAG GI MING THOS NAS BDAG GI MTHUS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS KYI BAR DU GNOD SBYIN DANG, SRIN PO DANG, 'BYUNG PO DANG, SHA ZAS MDANGS 'PHROG PA THAMS CAD RAB TU ZHI BAR GYUR CIG ,BYAMS PA LA GNAS PAR GYUR CIG ,NAD KYI SDUG BSNGAL SNA TSOGS LAS YONGS SU THAR BAR GYUR CIG CES BTAB STE, 'JAM DPAL, BCOM LDAN 'DAS DES SMON LAM CHEN PO BZHI PO DE DAG BTAB BO, ,'JAM DPAL, GANG GIS BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MYA NGAN MED MCHOG DPAL DE'I

395b

MTSAN THOS TE, NYIN LAN GSUM MTSAN LAN GSUM BRJOD PA DANG, SEMS CAN THAMS CAD LA BYAMS PAR GNAS PAR BYA STE, DE BZHIN GSHEGS PA DE LA YANG MCHOD PA BYED PA DE DAG GI LAS KYI SGRIB PA THAMS CAD YONGS SU BYANG BAR 'GYUR, MYA NGAN DANG, SDUG BSNGAL DANG, YID MI BDE BA DANG, 'KHRUG PA THAMS CAD LAS YONGS SU THAR BAR 'GYUR, RTAG TU NAD MED PA DANG LDAN PAR 'GYUR, YUN RING DU 'TSO ZHING NAD THAMS CAD LAS YONGS SU THAR BAR 'GYUR, BYANG CHUB KYI MTHAR THUG GI BAR DU NGAN 'GRO LOG PAR LTUNG BAR 'GRO BAR MI 'GYUR, SKYE BA DRAN PAR 'GYUR, DE BZHIN GSHEGS PA DE'I SANGS RGYAS KYI ZHING DU RIN PO CHE SNA BDUN GYI PADMA'I SNYING PO SENG+GE'I KHRI LA RDZUS TE SKYE BAR 'GYUR, LHA THAMS CAD KYIS RJAS SU BSRUNG BAR 'GYUR, 'JAM DPAL, BCOM LDAN 'DAS DE'I MTSAN THOS PA NI DE LTAR YON TAN MANG PO DAG DANG LDAN NA, 'JAM DPAL, BCOM LDAN 'DAS DE'I SANGS RGYAS KYI ZHING GI YON TAN BKOD PA PHUN SUM TSOGS PA DANG, BYANG CHUB SEMS DPA'I SNGON GYI SMON LAM GYI KHYAD PAR RGYAS PA GANG YIN PA DE NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS MA GTOGS PAR NYAN THOS DANG, RANG SANGS RGYAS THAMS CAD KYIS BRJOD PAR MI NUS SO, ,'JAM DPAL, SHAR PHYOGS LOGS

396a

, ,SU SANGS RGYAS KYI ZHING GANG+GA'I KLUNG BRGYAD KYI BYE MA SNYED 'DAS PA NA 'JIG RTEN GYI KHAMS CHOS KYI RGYAL MTSAN NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS CHOS BSGRAGS RGYA MTSO'I DBYANGS ZHES BYA BA BZHUGS TE, 'TSO ZHING GZHES LA CHOS KYANG STON PA YOD DO, ,'JAM DPAL, BCOM LDAN 'DAS DE BZHIN GSHEGS PA, DGRA BCOM PA YANG DAG PAR RDZOGS PA'I SANGS RGYAS CHOS BSGRAGS RGYA MTSO'I DBYANGS DE'I SANGS RGYAS KYI ZHING DE NI SHIN TU YONGS SU DAG LA; MNYAM PA, DRI MA MED PA, 'OD GSAL PA, AAN DA RNYIL GYI RANG BZHIN CAN, RTZIG PA DANG, RA BA DANG, SKAR KHUNG DANG, RTA BABS DANG, DRA BA DANG, BA GAM NI SHEL LAS GRUB PA; SA GZHI LHA'I RIN PO CHE'I SHING LJON PAS MDZES PAR BYAS PA, GSER GYI SKUD PAS MIG MANGS RIS SU BRES PA, RIN PO CHE'I SHING LJON PA THAMS CAD LA YANG DRIL BU G-YER KA'I DRA BA BRES SHING DPYANGS PA, LHA'I DAR GYI LNGA LDI DANG, LHA'I ME TOG DANG, SPOS KYIS MDZES PAR BYAS PA, RIN PO CHE SNA BDUN GYI RDZING LHA'I SPOS CHUS YONGS SU GANG BA; DRIL BU G-YER KA'I DRA BA DE DAG KYANG RLUNG GIS BSKYOD CING BSKUL BA NA LHA'I SGRA DBYANGS YID DU 'ONG BA SEMS CAN THAMS CAD YANG DAG PAR DGA' BAR BYED PA, ,DNGOS PO MED PA'I NGO BO

396b

NYID KYI CHOS KYI SGRA SKAD 'BYUNG BA, LHA'I SIL SNYAN DANG, ROL MO'I SGRA LAS THEG PA CHEN PO'I CHOS KYI SGRA SKAD 'BYUNG BA DANG [?], SEMS CAN GANG DAG GIS CHOS KYI SGRA DE THOS PA DE DAG 'DOD CHAGS DANG, ZHE SDANG DANG, GTI MUG DANG BRAL BAR 'GYUR BA, BYANG CHUB KYI SEMS MI BRJED PA ZHES BYA BA'I TING NGE 'DZIN THOB BAR 'GYUR BA'O, ,'JAM DPAL, 'JIG RTEN GYI KHAMS DE NA NGAN SONG DANG, SDUG BSNGAL GYI SGRA MED PA, NYE BA'I NYON MONGS PA MED PA, BUD MED KYI DNGOS PO MED PA'O, ,BCOM LDAN 'DAS DE SNGON BYANG CHUB SEMS DPA'I SPYAD PA SPYOD PA NA SMON LAM CHEN PO BZHI BTAB BO, ,BZHI GANG ZHE NA, DE'I SMON LAM CHEN PO DANG PO NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG LOG PAR LTA BA CAN GYI KHYIM DU SKYES PA, SANGS RGYAS DANG, CHOS DANG, DGE 'DUN LA SEMS MA DAD PA, BYANG CHUB KYI SEMS YID LA BYED PA LAS RING DU GYUR PA, DE DAG GIS BDAG GI MING THOS NAS, BDAG GI MTHUS LAS KYI SGRIB PA ZAD PAR GYUR NAS, BYANG CHUB KYI MTHAR THUG GI BAR DU, YANG DAG BA'I LTA BA CAN DU GYUR CIG ,SANGS RGYAS DANG, CHOS DANG, DGE 'DUN LA DAD PA MI PHYED PA DANG LDAN PAR GYUR CIG ,BYANG CHUB KYI SEMS YID LA BYED PA LAS PHYIR MI LDOG

397a

, ,PAR GYUR CIG CES BTAB BO, ,DE'I SMON LAM CHEN PO GNYIS PA NI, ,GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG GANG NA SANGS RGYAS KYI SGRA MI GRAG PA DANG, CHOS KYI SGRA MI GRAG PA, DGE 'DUN GYI SGRA MI GRAG PA, YUL MTHA' 'KHOB DAG TU SKYES TE, MI DGE BA'I BSHES GNYEN GYI RGYUS SDIG PA'I LAS BYED PA DE DAG ,DE NAS SHI 'PHOS NAS NGAN SONG GSUM DU LTUNG ZHING, DGE BA'I CHOS RNAMS LAS YONGS SU NYAMS PAR 'GYUR BA DE DAG LA BDAG GI MTHUS, BDAG GI MING RNA LAM DU GRAG CING CHOS KYI SPRIN DANG, RGYA MTSO'I SGRA 'BYUNG BAR GYUR CIG ,DE DAG GIS CHOS KYI SGRA DE THOS NAS SNGON GYI LAS ZAD PAR GYUR CIG ,BYANG CHUB KYI MTHAR THUG GI BAR DU BYANG CHUB KYI SEMS YID LA BYED PA DANG MI 'BRAL BAR GYUR CIG CES BTAB BO, ,DE'I SMON LAM CHEN PO GSUM PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG GOS DANG, RGYAN DANG, SPOS DANG; PHRENG BA DANG, BYUG PA DANG, MAL CHA DANG, NA BA'I GSOS SMAN DANG BRAL ZHING MI LDAN PA'I DBANG GIS SDUG BSNGAL MYONG ZHING SDIG PA BYED PA DE DAG BDAG GI MTHUS GOS

397b

DANG, RGYAN DANG, SPES DANG, PHRENG BA DANG, BYUG PA DANG, MAL CHA DANG, NA BA'I GSOL SMAN DANG, YONGS SU SPYAD PA DANG, LONGS SPYOD RNAMS BSAMS MA THAG TU 'BYUNG ZHING MI LDAN PA MED PAR GYUR CIG ,BYANG CHUB KYI MTHAR THUG GI BAR DU SU YANG CI DANG YANG MI LDAN PA MED PAR GYUR CIG CES BTAB BO, ,DE'I SMON LAM CHEN PO BZHI PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE NA SEMS CAN GANG DAG SNGON GYI LAS KYI RNAM PAR SMIN PAS, PHAN TSUN 'THAB MO DANG, 'THAB PA DANG, RTZOD PA DANG, 'GYED PAR GYUR CING, GCIG LA GCIG GNOD PAR BYED PA DANG, GSAD PAR BYA BA'I PHYIR BRTUL BA, MTSON DANG, MDA' DANG, DBYIG PA DAG GIS BSNUN PA DE NA, GANG DAG GIS DE'I TSE BDAG GI MING THOS SHING YID LA GNAS PA DE DAG BDAG GI MTHUS BDAG GI MING YID KYIS BRJOD NA, MDA' DANG, MTSON DANG, DBYIG PA LA SOGS PA SLAR LDOG PAR GYUR CIG ,PHYIR PHYOGS PAR GYUR CIG ,DGRA THAMS CAD KYANG BYAMS PA LA GNAS PAR GYUR CIG ,SU'I SROG GI DBANG PO YANG 'GAG PAR MA GYUR CIG, BYANG CHUB KYI MTHAR THUG GI BAR DU RANG RANG GI RDZAS DANG, LONGS SPYOD DANG, DBANG PHYUG DAG GIS CHOG SHES PAR GYUR CIG CES BTAB STE, 'JAM DPAL, BCOM LDAN 'DAS DE

398a

, ,BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS CHOS BSGRAGS RGYA MTSO'I DBYANGS DE SNGON BYANG CHUB SEMS DPA'I SPYAD PA SPYOD PA NA SMON LAM CHEN PO BZHI PO DE DAG BTAB BO, ,'JAM DPAL, GANG LA LA ZHIG BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS CHOS BSGRAGS RGYA MTSO'I DBYANGS DE'I MTSAN THOS PA DANG, 'DZIN PA DANG, DAD PAR BYED PA DANG, RAB TU GUS PAR MCHOD PA BYED PA DE, SDIG PA THAMS CAD YONGS SU BYANG NAS SANGS RGYAS KYI BYANG CHUB LAS PHYIR MI LDOG PAR 'GYUR, ,TSE RABS THAMS CAD DU TSE RABS DRAN PAR 'GYUR, NAM DU YANG BYANG CHUB KYI SEMS YID LA BYED PA DANG MI 'BRAL BAR 'GYUR, SKYE BA THAMS CAD DU DE BZHIN GSHEGS PA DANG PHRAD PAR 'GYUR, RTAG TU NAD MED CING TSE RING BAR 'GYUR, 'DI NAS SHI 'PHOS NAS KYANG 'JIG RTEN GYI KHAMS DER SKYE BAR 'GYUR, GZHAN YANG, LOG PAR LTUNG BAR 'GRO BAR MI 'GYUR, GANG DANG, GANG DU SKYES PAR BSAMS MA THAG TU GOS DANG, RGYAN DANG, SPOS DANG, PHRENG BA DANG, BYUG PA DANG, MAL CHA DANG, NA BA'I GSOS SMAN DANG, YO BYAD DANG, LONGS SPYOD DANG, DBANG PHYUG DANG LDAN PAR 'GYUR RO, ,'JAM DPAL, BCOM LDAN 'DAS DE BZHIN GSHEGS PA DGRA BCOM

398b

BA YANG DAG PAR RDZOGS PA'I SANGS RGYAS CHOS BSGRAGS RGYA MTSO'I DBYANGS DE'I MTSAN 'DZIN PA DANG, NYAN PA DE NI DE LTAR YON TAN MANG PO DAG DANG LAN NO, ,'JAM DPAL, SHAR PHYOGS LOGS SU SANGS RGYAS KYI ZHING 'DI NAS SANGS RGYAS KYI ZHING GANG+GA'I KLUNG DGU'I BYE MA SNYED 'DAS PA NA 'JIG RTEN GYI KHAMS RIN PO CHE RGYA MTSOR LAGS PAR GNAS PA NA, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS CHOS RGYA MTSO MCHOG GI BLOS RNAM PAR ROL PA MNGON PAR MKHYEN PA'I RGYAL PO ZHES BYA BA BZHUGS TE; 'TSO ZHING GZHES LA CHOS KYANG STON PA YOD DO, ,'JAM DPAL, BCOM LDAN 'DAS DES SNGON BYANG CHUB SEMS DPA'I SPYAD PA SPYOD PA NA SMON LAM CHEN PO BZHI BTAB BO, ,BZHI GANG ZHE NA; DE'I SMON LAM CHEN PO DANG PO NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE, BDAG BYANG CHUB THOB PA NA SEMS CAN GANG SU DAG ZHING LAS DANG, SA BON 'DEBS PA DANG, TSONG BYED PA DANG, 'THAB MO DANG, RTZOD PA LA SPRO BA DANG, SDIG PA'I LAS BYED PA DE DAG THAMS CAD KYIS BDAG GI MING THOS NAS BDAG GI MTHUS BSAMS MA THAG TU 'TSOG CHOS THAMS CAD 'BYOR BAR GYUR CIG ,GNOD SEMS MED PAR GYUR CIG ,RTAG TU DGE

399a

, ,BA'I CHOS SPYOD PAR GYUR CIG CES BTAB BO, ,DE'I SMON LAM CHEN PO GNYIS PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE, BDAG BYANG CHUB THOB PA NA SEMS CAN GANG SU DAG MI DGE BA BCU'I LAS KYI LAM YANG DAG PAR BLANGS TE, YANG DAG PAR BLANGS PAS SEMS CAN DMYAL BAR 'GRO BAR 'GYUR BA DE DAG GIS BDAG GI MING THOS NAS BDAG GI MTHUS DGE BA BCU'I LAS KYI LAM DANG LDAN PAR GYUR CIG ,SEMS CAN GANG YANG SEMS CAN DMYAL BAR 'GRO BAR MA GYUR CIG CES BTAB BO, ,DE'I SMON LAM CHEN PO GSUM PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE, BDAG BYANG CHUB THOB PA NA SEMS CAN GANG JI SNYED CIG GZHAN GYI DBANG DU SONG STE, CHAD PAS BCAD PA DANG, BRDEG PA DANG, GO RAR GZHUG PA DANG, GSAD PAR 'OS PA DE DAG GIS BDAG GI MING THOS NAS BDAG GI 'OD KYIS BYANG CHUB KYI MTHAR THUG GI BAR DU BCING BA DANG, BRDEG PA DE DAG RGYUN CHAD PAR GYUR CIG CES BTAB BO, ,DE BYANG CHUB SEMS DPA'I SPYAD PA SPYOD PA'I TSE, SMON LAM CHEN PO BZHI PA BTAB PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON

399b

PAR RDZOGS PAR SANGS RGYAS PA DE'I TSE BDAG BYANG CHUB THOB PA NA, SEMS CAN GANG SU DAG TSE THUNG BAR 'GYUR BA'I SDIG PA MI DGE BA RNAM PA SNA TSOGS BYA [?] 'CHI BAR 'GYUR BA DE DAG 'CHI BA'I DUS KYI TSE, BDAG GI MING RNA LAM DU GRAG PAR GYUR CIG ,DE DAG GIS BDAG GI MING THOS NAS BDE 'GRO MTHO RIS KYI 'JIG RTEN DU SKYE BAR GYUR CIG ,BYANG CHUB KYI MTHAR THUG GI BAR DU LHA DANG, MI'I BDE BA MYONG BAR GYUR CIG ,SDIG PA'I LAS THAMS CAD YONGS SU BYANG BAR GYUR CIG CES BTAB TE, 'JAM DPAL, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS CHOS RGYA MTSO MCHOG GI BLOS RNAM PAR ROL PA MNGON PAR MKHYEN PA DE SNGON BYANG CHUB SEMS DPA'I SPYAD PA SPYOD PA NA SMON LAM CHEN PO BZHI PO DE DAG BTAB BO, ,'JAM DPAL, 'JIG RTEN GYI KHAMS RIN PO CHE RGYA MTSOR LEGS PAR GNAS PA DE'I SANGS RGYAS KYI ZHING GI YON TAN BKOD PA NI 'JIG RTEN GYI KHAMS RIN PO CHE DANG LDAN PA NA CI 'DRA BA YOD PA DE 'DRA'O, ,'JAM DPAL, GZHAN YANG RIGS KYI BU'AM, RIGS KYI BU MO GANG LA LA ZHIG GIS YANG DAG PAR RDZOGS PA'I SANGS RGYAS BDUN PO DE DAG GI MTSAN THOS LA, THOS NAS KYANG 'DZIN PA DANG, NANG PAR LANGS NAS YID LA BYED PA DANG, DAD PAR BYED PA DANG, ME TOG DANG, BDUG PA DANG, SPOS DANG, PHRENG BA DANG, BYUG PA DANG,

400a

, ,ROL MO'I SGRA DANG, SIL SNYAN DANG, PHEG RDOB PA DAG GIS MCHOD PA DANG, GLEGS BAM LA BRIS TE 'CHANG BA DANG, CHOS KYI RNAM GRANGS 'DI YI GER 'DRI BA DANG, YI GER 'DRIR 'JUG PA DANG, SEMS BTUD DE GZHAN LAS NYAN PA DANG, CHOS SMRA BA DE DAG LA 'TSOG CHAS DANG, YO BYAD THAMS CAD KYAS MCHOD PA BYED PA DE, SANGS RGYAS THAMS CAD KYIS BYIN GYIS BRLABS PAR 'GYUR TE, SANGS RGYAS KYI BYANG CHUB KYI BAR DU MNGON PAR RDZOGS PAR 'TSANG RGYA BAR 'GYUR RO,, ,,'PHAGS PA DE BZHIN GSHEGS PA BDUN GYI SNGON GYI SMON LAM GYI KHYAD PAR RGYAS PA, BAM PO GNYIS PA STE THA MA, 'JAM DPAL, SHAR PHYOGS LOGS SU SANGS RGYAS KYI ZHING 'DI, NAS; SANGS RGYAS KYI ZHING GANG+GA'I KLUNG BCU'I BYE MA SNYED 'DAS PA NA 'JIG RTEN GYI KHAMS BEE d'U RYAR SNANG BA ZHES BYA BA YOD DE, DE NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS, RIG PA DANG, ZHABS SU LDAN PA, BDE BAR GSHEGS PA 'JIG RTEN MKHYEN PA, SKYES BU 'DUL BA'I KHA LO BSGYUR BA, BLA NA MED PA, LHA DANG, MI RNAMS KYI STON [?] SANGS RGYAS BCOM LDAN 'DAS SMAN GYI BYA BEE t'U RYA'I 'OD KYI RGYAL PO ZHES BYA BA BZHUGS SO, ,'JAM DPAL, BCOM LDAN 'DAS DE

400b

BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SMAN GYI BLA BEE d'U RYA'I 'OD KYI RGYAL PO DE SNGON BYANG CHUB SEMS DPA'I SPYAD PA SPYOD PA NA SMON LAM CHEN PO BCU GNYIS PO 'DI DAG BTAB BO, ,BCU GNYIS GANG ZHE NA, DE'I SMON LAM CHEN PO DANG PO NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE BDAG BYANG CHUB THOB PA NA, BDAG GI LUS KYI 'OD KYIS 'JIG RTEN GYI KHAMS GRANGS MED DPAG TU MED CING DPAG GIS MI LANG BA DAG LHAM ME LHAN NE LHANG NGER GYUR CIG ,SEMS CAN THAMS CAD SKYES BU CHEN PO'I MTSAN SUM CU RTZA GNYIS DANG, DPE BYAD BZANG PO BRGYAD CUS LEGS PAR BRGYAN PAR GYUR TE, BDAG CI 'DRA BA DE BZHIN DU SEMS CAN THAMS CAD KYANG DE DANG 'DRA BAR GYUR CIG CES BTAB BO, ,DE'I SMON LAM CHEN PO GNYIS PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB THOB PA NA LUS NOR BU RIN PO CHE BEE d'URYA'I CI 'DRA BAR PHYI NANG SHIN TU YONGS SU DAG PA DANG, DRI MA MED PA 'OD GSAL BA DANG, KHO LAG YANGS SHING CHE BA DANG, DPAL DANG, GZI BRJID 'BAR BA DANG, LEGS PAR GNAS PA DANG, NYI MA DANG, ZLA BA BAS LHAG PA'I 'OD ZER GYI DRA BA RNAMS BKYIS LEGS PAR BRGYAN PAR GYUR

401a

, ,CIG ,DE NAS SEMS CAN GANG DAG 'JIG RTEN GYI BAR DAG TU SKYES PA DAG DANG, GANG DAG YANG MI'I 'JIG RTEN 'DI NA MTSAN MO MUN PA MUN NAG GI NANG NA PHYOGS THA DAD PAR 'GRO BA DE DAG, BDAG GI 'OD KYIS PHYOGS RNAMS SU DGA' MGUR 'GRO BAR GYUR CIG ,DGE BA'I LAS RNAMS KYANG BYED PAR GYUR CIG CES BTAB BO, ,DE'I SMON LAM CHEN PO GSUM PA NI; GANG GI TSE BDAG MA 'ONGS PA'I DUS NA, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE, BDAG BYANG CHUB THOB PA NA, BDAG GI SHES RAB DANG, THABS DPAG TU MED PAS SEMS CAN GYI KHAMS DPAG GIS MI LANG BA DAG LONGS SPYOD MI ZAD PA DANG LDAN PAR GYUR TE, SU YANG CIS KYANG BREL PA MED PAR GYUR CIG CES BTAB PO, ,DE'I SMON LAM CHEN PO BZHI PA NI, GANG GI TSE BDAG MA'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE, BDAG BYANG CHUB THOB PA NA, SEMS CAN GANG DAG LAM NGAN PAR ZHUGS PA DE DAG BYANG CHUB KYI LAM LA DGOD PAR BYA'O, ,NYAN THOS DANG, RANG SANGS RGYAS GYI LAM DU ZHUGS PA DE DAG THAMS CAD NI THEG PA CHEN PO LA GZUNG PAR BYA'O ZHES BTAB PO, ,DE'I SMON LAM CHEN PO LNGA PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON

401b

PAR RDZOGS PAR SANGS RGYAS PA DE'I TSE BDAG BYANG CHUB THOB PA NA, SEMS CAN GANG DAG BDAG GI GAN NA TSANGS PAR SPYAD PA SPYOD PA DANG, DE BZHIN DU SEMS CAN GZHAN DPAG TU MED CING DPAG GIS MI LANG BA DE DAG THAMS CAD KYANG BDAG GI MING THOS NAS BDAG GI MTHUS SDOM PA GSUM GYIS BSNGAMS PA DANG, TSUL KHRIMS NYAMS PA MED PAR GYUR CIG ,SU YANG TSUL KHRIMS LOG PAR ZHUGS TE, NGAN 'GROR 'GRO BAR MA GYUR CIG CES BTAB BO, ,DE'I SMON LAM CHEN PO DRUG PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZEGS PA'I BYANG CHUB MNGON PAR RDZOGS PAR SANGS RGYAS PA DE'I TSE BDAG BYANG CHUB THOB PA NA SEMS CAN GANG SU DAG LUS NGAN PA DANG, DBANG PO MTSANG BA DANG, MDOG MI SDUG PA DANG, BEMS PO DANG, YAN LAG SKYON CAN DANG, SGUR PO DANG, SHA BKRA CAN DANG, ZHAR BA DANG, LONG BA DANG, 'ON PA DANG, SMYON PAR GYUR PA DANG, GZHAN YANG, GANG DAG LUS LA NAD KYIS BTAB PA DE DAG GIS BDAG GI MING THOS NAS THAMS CAD DBANG PO TSANG ZHING YAN LAG YONGS SU RDZOGS PAR GYUR CIG CES BTAB BO, ,DE'I SMON LAM CHEN PO BDUN PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE, BDAG BYANG CHUB THOB PA NA SEMS CAN GANG SU DAG NAD SNA TSOGS KYIS LUS

402a

, ,YONGS SU GZIR BA, SKYABS MED PA, ,MGON MED PA, 'TSOG CHAS DANG, ,SMAN MI BDOG PA, ,DPUNG GNYEN MED PA, DBUL BA, SDUG BSNGAL BA GANG DAG GI RNA LAM DU BDAG GI MING GRAG PA DE DAG GI NAD THAMS CAD RAB TU ZHI BAR GYUR CIG ,BYANG CHUB KYI MTHAR THUG GI BAR DU NAD MED CING GNOD PA MED PAR GNAS PAR GYUR CIG CES BTAB BO, ,DE'I SMON LAM CHEN PO BRGYAD PA NI, GANG GI TSE BDAG MA 'ONGS PA'I DUS NA, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE, BDAG BYANG CHUB THOB PA NA BUD MED GANG LA LA BUD MED KYI SKYON BRGYA DAG GIS KUN NAS NYON MONGS PAR GYUR PA, BUD MED KYI DNGOS PO LA SMOD PA, BUD MED KYI SKYE GNAS LAS YONGS SU THAR BAR 'DOD PA DE DAG BUD MED KYI DNGOS PO LAS SLAR LOG PAR GYUR CIG ,BYANG CHUB KYI MTHAR THUG GI BAR DU SKYES PA'I DBANG PO 'BYUNG BAR GYUR CIG CES BTAB BO, ,DE'I SMON LAM CHEN PO DGU PA NI, GANG GI TSE BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE BDAG BYANG CHUB THOB PA NA SEMS CAN THAMS CAD BDUD KYI ZHAGS PA RNAMS LAS YONGS SU THAR BAR BYA'O, ,LTA BA THA DAD CING MI MTHUN PA ZING ZING BAS MI MTHUN PAR GYUR PA DAG YANG DAG PA'I LTA BA LA DGOD PAR

402b

BYA'O; ;MTHAR GYIS BYANG CHUB SEMS DPA'I SPYOD PA BSTAN PAR BYA'O ZHES BTAB BO, ,DE'I SMON LAM CHEN PO BCU PA NI, GANG GI TSE BDAG MA 'ONGS PA'I DUS NA, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE, BDAG BYANG CHUB THOB PA NA SEMS CAN GANG SU DAG RGYAL PO'I 'JIGS PAS SKRAG PA DANG, GANG DAG BCING BA DANG BRDEG PA DANG, GO RAR GZHUG PA DANG, GSAD PAR 'OS PA, RGYU DU MAS KUN TU GTZES PA, NGA RGYAL DANG BRAL BA, LUS DANG, NGAG DANG, SEMS SDUG BSNGAL GYIS NYEN PA DE DAG BDAG GI BSOD NAMS KYI MTHUS GNOD PA THAMS CAD LAS YONGS SU THAR BAR GYUR CIG CES BTAB BO, ,DE'I SMON LAM CHEN PO BCU GCIG PA NI GANG GI TSE, BDAG MA 'ONGS PA'I DUS NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE BDAG BYANG CHUB THOB PA NA SEMS CAN GANG SU DAG BKRES PA DANG, SKOM PA'I ME RAB TU 'BAR BA, KHA ZAS 'TSOL BA LA RAB TU BRTZON PA, SDIG PA'I LAS BYED PA DE DAG BDAG GIS KHA DOG DANG, DRI DANG, ROR LDAN PA'I KHA ZAS KYIS LUS SIM PAR BYAS TE, PHYIS CHOS KYI ROS SHIN TU BDE BAL DGOD PAR BYA'O ZHES BTAB BO, ,DE BZHIN GSHEGS PA DE'I SMON LAM CHEN PO BCU GNYIS PA NI, GANG GI TSE BDAG MA 'ONGS PA'I DUS NA, BLA NA MED PA YANG DAG PAR RDZOGS PA'I

403a

, ,BYANG CHUB MNGON PAR RDZOGS PAR SANGS RGYAS PA DE'I TSE BDAG BYANG CHUB THOB PA NA SEMS CAN GANG SU DAG SGREN MO, BGO BA MED PA, DBUL BA, SDUG BSNGAL BA; GRANG BA DANG, TSA BA DANG, SBRANG BU DANG, SHA SBRANG DAG GIS NYIN MTSAN DU SDUG BSNGAL GYI TSOR BA MYONG BA DE DAG GIS GOS YONGS SU SPYAD PAR 'OS PA, TSON SNA TSOGS SU KHA BSGYUR BA DAG SBYIN PAR BYA'O, ,JI LTAR 'DOD PA BZHIN DU RIN PO CHE'I RGYAN SNA TSOGS PA DANG, SPUD PA DANG, PHRENG BA DANG, SPOS DANG, BYUG PA DANG, ROL MO'I SGRA DANG, SIL SNYAN DANG, PHEG RDOB PA RNAMS KYIS SEMS CAN RNAMS KYI BSAM PA THAMS CAD YONGS SU RDZOGS PAR GYUR CIG CES BTAB STE, 'JAM DPAL, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SMAN GYI BLA BEE d'UR+YA'I 'OD KYI RGYAL PO DE SNGON BYANG CHUB SEMS DPA'I SPYAD PA SPYOD PA NA SMON LAM CHEN PO BCU GNYIS PO DE DAG BTAB PAR GYUR TO, ,'JAM DPAL, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SMAN GYI BLA BEE d'UR+YA'I 'OD KYI RGYAL PO DE'I SMON LAM GANG YIN PA DANG, SANGS RGYAS KYI ZHING GI YON TAN BKOD PA GANG YIN PA DE NI BSKAL PA 'AM, BSKAL PA LAS LHAG PAR YANG ZAD PAR BYAR MI NUS SO, ,SANGS RGYAS KYI ZHING DE NI

403b

SHIN TU YONGS SU DAG PA STE, RDO DANG, GSEG MA DANG, GYO MO MED PA, 'DOD PA'I SKYON MED PA, NGAN SONG DANG, SDUG BSNGAL GYI SGRA MED PA, BUD MED KYI DNGOS PO MED PA, SA RDO DANG; RTZIG PA DANG, RA BA DANG, RTA BABS DANG, SKAR KHUNG GI DRA BA DANG, BA GAM NI BEE d'UR+YA'I RANG BZHIN CAN, SA GZHI NI RIN PO CHE SNA BDUN GYI RANG BZHIN CAN TE, 'JIG RTEN GYI KHAMS BDE BA CAN CI 'DRA BA DE BZHIN DU, 'JIG RTEN GYI KHAMS BEE d'UR+YAR SNANG BA'I SANGS RGYAS KYI ZHING GI YON TAN BKOD PA YANG DE DANG 'DRA'O, ,'JIG RTEN GYI KHAMS DE NA BYANG CHUB SEMS DPA' GRANGS MED DPAG TU MED PA DE DAG GI NANG NA BYANG CHUB SEMS DPA' SEMS DPA' CHEN PO GTZO BO GNYIS YOD DE, GCIG GI MING NI NYI MA LTAR RNAM PAR SNANG BYED CES BYA, GNYIS PA'I MING NI ZLA BA LTAR RNAM PAR SNANG BYED CES BYA STE, DE DAG NI BCOM LDAN 'DAS DE BZHIN GSHEGS PA SMAN GYI BLA BEE d'UR+YA'I 'OD KYI RGYAL PO DE'I DAM PA'I CHOS KYI MDZOD 'DZIN PA'O, , 'JAM DPAL, DE LTA BAS NA DAD PA'I RIGS KYI BU 'AM, RIGS KYI BU MOS SANGS RGYAS KYI ZHING DER SKYE BAR SMON LAM THOB CIG ,YANG BCOM LDAN 'DAS KYIS 'JAM DPAL GZHON NUD GYUR PA LA BKA' STZAL PA, 'JAM DPAL, SEMS CAN SO SO'I SKYE BO GANG DAG DGE BA DANG, MI DGE BA MI SHES PA DAG YOD DE, DE DAG NI CHAGS PAS ZIL GYIS NON PA SBYIN PA

404a

, ,DANG, SBYIN PA'I 'BRAS BU RNAM PAR SMIN PA MI SHES PA'O, ,DE DAG NI BYIS PA GLEN PA, DAD PA'I DBANG PO DANG BRAL BA, NOR BSOGS SHING BSRUNG BA LA MNGON PAR BRTZON GYI, SBYIN PA YANG DAG PAR 'GYED PA LA DE DAG SEMS MI 'GRO BA STE, SBYIN PA'I DUS NYE BAR GNAS PA NA RANG GI LUS KYI SHA LAS BCAD PA BZHIN DU YID MI DGA' BAR 'GYUR BA'O, ,SEMS CAN DE DAG NI BDAG NYID KYANG DU MAS YONGS SU MI SPYOD NA, PHA MA DANG, CHUNG MA DANG, BU DANG, BU MO LA MI STER BA LA SMOS KYANG CI DGOS, BRAN PHO DANG; BRAN MO DANG, LAS BYED PA RNAMS LA LTA SMOS KYANG CI DGOS, GZHAN SLONG BA RNAMS LA LTA SMOS KYANG CI DGOS, SEMS CAN DE LTA BU DE DAG NI, 'DI NAS SHI 'PHOS NAS YI DVAGS KYI 'JIG RTEN DU SKYE BAR 'GYUR TE, YANG NA DUD 'GRO'I SKYE GNAS SU SKYE BAR 'GYUR RO, ,DE LA GANG DAG SNGON MIR GYUR PA NA, BCOM LDAN 'DAS DE BZHIN GSHEGS PA SMAN GYI BLA BEE d'UR+YA'I 'OD KYI RGYAL PO DE'I MTSAN THOS PAR GYUR PA DE DAG NI GSHIN RJE'I 'JIG RTEN NA GNAS KYANG RUNG, DUD 'GRO'I SKYE GNAS NA GNAS KYANG RUNG STE, DER DE BZHIN GSHEGS PA DE'I MTSAN MNGON DU 'GYUR ZHING DRAN MA THAG PA TZAM GYIS DE NAS SHI 'PHOS NAS YANG MI'I 'JIG RTEN DU SKYE BAR 'GYUR, TSE RABS DRAN PAR 'GYUR RO, ,NGAN 'GRO'I 'JIGS PAS SKRAG

404b

NAS YANG 'DOD PA'I YON TAN DAG DON DU MI GNYER BA DANG, SBYIN PA LA MNGON PAR DGA' BA DANG, SPYIN PA'I BSNGAGS PA BRJOD PA DANG, BDOG PA THAMS CAD YONGS SU GTONG PAR 'GYUR TE, RIMS KYIS RANG GI MGO DANG, LAG PA DANG, RKANG PA DANG, MIG DANG, SHA DANG KHRAG KYANG SLONG BA RNAMS LA RAB TU SBYIN PAR 'GYUR NA, NOR GYI PHUNG PO GZHAN LTA SMOS KYANG CI DGOS, 'JAM DPAL, GZHAN YANG, SEMS CAN GANG DAG DE BZHIN GSHEGS PA RNAMS KYI BSLAB PA'I GNAS 'DZIN PA DAG YOD DE, DE DAG TSUL KHRIMS LOG PAR ZHUGS SHING LTA BA LOG PAR ZHUGS NAS GANG DAG TSUL KHRIMS DANG LDAN PA DE DAG NI, TSUL KHRIMS TZAM BSRUNG GI ,MANG DU THOS PA YONGS SU MI 'TSOL TE, DE BZHIN GSHEGS PAS GSUNGS PA'I MDO SDE RNAMS KYI DON ZAB MO MI SHES, GANG DAG MANG DU THOS PA DE DAG NI, LHAG PA'I NGA RGYAL CAN DU GYUR TE, NGA RGYAL GYIS NI NON PAS GZHAN DAG LA PHRAG DOG BYED CING, DAM PA'I CHOS LA DBANG ZA BAR 'GYUR; SBONG BAR 'GYUR RO, ,MI BLUN PO DE DAG NI BDUD KYI RTOGS PA STE, BDAG KYANG LAM NGAN PAR ZHUGS LA, SEMS CAN GZHAN GANG BYED BA KHRAG KHRIG BRGYA STONG DU MA DAG KYANG G-YANG SA CHEN POR LHUNG BAR BYED PA'O, ,SEMS CAN DE LTA BU DE DAG NI SEMS CAN NGA RGYAL BA MI BZAD PAR 'GRO BAR 'GYUR RO, ,GANG DAG SNGON MIR GYUR PA NA BCOM LDAN 'DAS DE BZHIN GSHEGS

405a

, ,PA DGRA BCOM PA YANG DAG PAR RDZOGS PA'I SANGS RGYAS SMAN GYI BLA BEE d'UR+YA'I 'OD KYI RGYAL PO DE'I MTSAN THOS PAR GYUR PA DE DAG NI SEMS CAN DMYAL BA NA GNAS KYANG DER SANGS RGYAS KYI MTHUS DE BZHIN GSHEGS PA DE'I MTSAN MNGON DU 'GYUR TE, DE DAG DE NAS SHI 'PHOS NAS YANG MI'I 'JIG RTEN DU SKYE BAR 'GYUR, YANG DAG PA'I LTA BA CAN DANG, BRTZON 'GRUS DANG LDAN PA DANG, DGE BA'I BSAM PA CAN DU 'GYUR RO, ,DE DAG KHYIM SPANGS TE, DE BZHIN GSHEGS PA'I BSTAN PA LA RAB TU BYUNG NAS, MTHAR GYIS BYANG CHUB SEMS DPA'I SPYAD PA SPYOD PAR 'GYUR RO, ,'JAM DPAL, GZHAN YANG, SEMS CAN GANG DAG BDAG GI BSNGAGS PA BRJOD CING PHRAG DOG GIS GZHAN DAG LA MI SNYAN PA BRJOD PA YOD DE, BDAG LA BSTOD CING GZHAN LA SMOD PA'I SEMS CAN DE DAG NGANG SONG GSUM PO DAG TU LO STONG PHRAG MANG POR SDUG BSNGAL MYONG BAR 'GYUR RO, ,DE DAG LO STONG PHRAG DU MA 'DAS NAS DE NAS SHI 'PHOS NAS, BA LANG DANG, RTA DANG, RNGA MO DANG, BONG BU LA SOGS PA DUD 'GRO'I SKYE GNAS RNAMS SU SKYE BAR 'GYUR RO, ,LCUG LCAG DANG, DBYUG LCAG RNAMS KYIS BRDEG PA DANG, BKRES PA DANG, SKOM PAS LUS NYEN PA DANG, KHAL CHEN PO BKAL TE LAM DU 'GRO BAR 'GYUR RO, ,GAL TE BRGYA LA MI'I RNYED PA RNYED NA YANG RTAG TU RIGS DMA' BA RNAMS KYI NANG DU SKYE BAR

405b

'GYUR; BRAN DU 'GYUR ZHING GZHAN GYI DBANG DU 'GYUR RO, ,GANG DAG SNGON MIR GYUR PA NA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SMAN GYI BLA BEE d'U R+YA'I 'OD KYI RGYAL PO DE'I MTSAN THOS PAR GYUR PA DE DAG NI DGE BA'I RTZA BA DES, SDUG BSNGAL THAMS CAD LAS YONGS SU THAR BAR 'GYUR, DBANG PO RNO BAR 'GYUR, MKHAS PA DANG; GSAL BA DANG, YID GZHUNGS PA DANG, DGE BA YONGS SU BCOL BA LA MNGON PAR BRTZON PA DANG, RTAG TU DGE BA'I GSHEGS GNYEN DANG 'GROGS PA RNYED PAR 'GYUR, BDUD KYI ZHAGS PA GCOD PA DANG, MA RIG PA'I SGO NGA'I SBUBS COG PA DANG, NYON MONGS PA'I CHU KLUNG SKEMS PAR 'GYUR, SKYE BA DANG, RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUGS PA RNAMS LAS YONGS SU THAR BAR 'GYUR RO, ,'JAM DPAL, GZHAN YANG, SEMS CAN GANG DAG PHRA MA LA MNGON PAR DGA' ZHING SEMS CAN GANG DAG PHAN TSUN 'THAB PA DANG, RTZOD PA DANG, 'GYED PAR BYED DU 'JUG PA YOD DE, SEMS CAN DE DAG RNAM PAR RTZOD PA'I SEMS SU GYUR PAS, LUS DANG, NGAG DANG, YID KYIS MI DGE BA RNAM PA SNA TSOGS MNGON PAR 'DU BYED DO, ,GCIG LA GCIG PHAN PA MA YIN PA 'DOD CING RTAG TU PHAN TSUN GNOD PAR BYA BA'I PHYIR BRTZON TE, DE DAG NAGS TSAL GYI LHA DANG,

406a

, ,SHING GI LHA DANG, RI'I LHA 'GUGS PAR BYED, DUR KHROD RNAMS SU 'BYUNG PO THA DAD PA DAG 'GUGS PAR BYED, DUD 'GRO'I SKYE GNAS SU SONG BA'I SROG CHAGS RNAMS KYI SROG GCOD CING SHA DANG, KHRAG ZA BA'I GNOD SBYIN DANG, SRIN PO RNAMS MCHOD PAR BYED DE, DGRA BO DE'I MING NAS BRJOD PA 'AM, GZUGS BYAS NAS, DER RIG SNGAGS DRAG PO SGRUB CING BYAD STEMS DANG, RO LANGS KYI SBYOR BAS SROG GI BAR CHAD BYA BA DANG, LUS RNAM PAR GZHIG PAR 'DOD PA LA, GANG DAG GIS BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO DE'I MTSAN THOS PAR GYUR PA DE DAG LA GANG GIS KYANG BAR CHAD BYA BAR MI NUS TE, DE DAG PHAN TSUN BYAMS PA'I SEMS DANG; PHAN PA'I SEMS DANG, GNOD SEMS MED PA'I SEMS SU GNAS PAR 'GYUR, RANG RANG GI BDOG PAS CHOG SHES PAR 'GYUR RO, ,'JAM DPAL, GZHAN YANG, 'KHOR BZHI PO DGE SLONG DANG, DGE SLONG MA DANG, DGE BSNYEN DANG, DGE BSNYEN MA DE DAG DANG, GZHAN YANG DAD PA'I RIGS KYI BU 'AM, RIGS KYI BU MO GANG DAG YAN LAG BRGYAD DANG LDAN PA'I BSNYEN GNAS LA NYE BAR GNAS LA NYE BAR GNAS TE LO GCIG GAM, ZLA BA GSUM DU BSLAB PA'I GNAS RNAMS 'DZIN CING, GANG DAG GIS BSAM PAS BDAG GI DGE BA'I RTZA BA 'DIS NUB

406b

PHYOGS GANG NA, DE BZHIN GSHEGS PA TSE DPAG MED BZHUGS PA'I 'JIG RTEN GYI KHAMS BDE BA CAN DU SKYE BAR SHOG CIG CES SMON LAM DE LTA BU DAG BTAB PA DAG LAS GANG DAG GIS BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO DE'I MTSAN THOS PAR GYUR PA DE DAG 'CHI BA'I DUS KYI TSE, BYANG CHUB SEMS DPA' BRGYAD RDZU 'PHRUL GYIS LHAGS NAS, LAM STON PAR 'GYUR TE, DE DAG DER PADMA TSON KHA DOG SNA TSOGS RNAMS LA BRDZUS TE SKYE BAR 'GYUR RO, ,GANG LA LA DAG LHA'I 'JIG RTEN DU SKYE BAR 'GYUR BA DE DAG NI DER SKYES NAS, SNGON GYI DGE BA'I RTZA BA DE ZAD PAR MI 'GYUR ZHING NGAN 'GROR 'GRO BAR MI 'GYUR RO, ,DE NAS SHI 'PHOS NAS KYANG MI'I 'JIG RTEN 'DIR GLING BZHI PA'I DBANG PHYUG 'KHOR LOS BSGYUR BA'I RGYAL POR 'GYUR TE, SEMS CAN BYE BA KHRAG KHRIG BRGYA STONG PHRAG DU MA DAG DGE BA BCU'I LAS KYI LAM LA 'GOD PAR 'GYUR RO, ,GZHAN DU NA YANG, RGYAL RIGS SHING S'A LA CHEN PO LTA BU'I KHYIM DAG TU SKYE BAR 'GYUR, BRAM ZE SHING S'A LA CHEN PO LTA BU'I KHYIM DAG DANG, KHYIM BDAG SHING S'A LA CHEN PO LTA BU'I KHYIM DAG DANG, NOR DANG, 'BRU DANG, MDZOD DANG, BANG BA MANG PO 'BYOR PA'I KHYIM DAG TU SKYE BAR 'GYUR TE, GZUGS PHUN SUM TSOGS PA DANG, DBANG PHYUG PHUN SUM PA DANG, G-YOG PHUN SUM TSOGS PA DANG, DPA' BA DANG, BRTUL PHOD PA DANG

407a

, ,TSAN PO CHE CHEN PO'I STOBS KYIS SHUGS DANG LDAN PAR 'GYUR RO, ,BUD MED GANG GIS DE BZHIN GSHEGS PA DE'I MTSAN THOS SHING BZUNG BA DE'I BUD MED KYI DNGOS PO DE THA MA YIN PAR SHES PAR BYA'O, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, SLAD MA'I TSE SLAD MA'I DUS NA GANG DAG MDO 'DI 'CHANG BA DANG, KLOG PA DANG, 'CHAD PA DANG, GZHAN DAG LA RGYA CHER YANG DAG PAR STON PA DANG, YI GER 'DRI BA DANG, YI GER 'DRI STZOL BA DANG; GLEGS BAM LA BRIS TE, ME TOG DANG, BDUG PA DANG, SPOS DANG, PHRENG BA DANG, BYUG PA DANG, GDUGS DANG, RGYAL MTSAN RNAMS KYIS BKUR STI BGYID PA'I DAD PA'I RIGS KYI BU'AM, RIGS KYI BU MO DE DAG LA BDAG GIS BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD DE'I MTSAN RNAM PA SNA TSOGS SU BSGRAGS PAR BGYI'O, , THA NA RMI LAM DU'ANG SANGS RGYAS KYI MTSAN RNA LAM DU NYE BAR BSGRAG PAR BGYI'O, ,TSON SNA LNGA PA'I GOS RNAMS KYIS DKRIS TE PHYOGS GTZANG MAR BZHAG NA GANG NA MDO SDE 'DI GNAS PA DE DANG, DER RGYAL PO CHEN PO BZHI 'KHOR DANG BCAS PA DANG, LHA BYE BA KHRAG KHRIG BRGYA STONG GZHAN YANG MCHI BAR 'GYUR RO, ,GANG DAG BCOM LDAN 'DAS DE BZHIN

407b

GSHEGS PA SMAN GYI BLA BEE d'URYA'I 'OD KYI RGYAL PO DE'I MTSAN DANG, SNGON GYI SMON LAM GYI KHYAD PAR RGYAS PA'I MDO 'DI 'DZIN PA DE DAG DUS MA LAGS PAR 'GUM PAR MI 'GYUR, SUS KYANG MDANGS 'PHROG PAR MI NUS TE, PHROGS NA YANG SLAR PHROGS PAR 'GYUR RO, ,BCOM LDAN 'DAS KYIS BKA' STZAL PA, 'JAM DPAL, DE DE BZHIN TE, JI SKAD SMRAS PA DE DE BZHIN NO; ;'JAM DPAL, DAD PA'I RIGS KYI BU'AM, RIGS KYI BU MO GANG DAG DE BZHIN GSHEGS PA DE LA MCHOD PA BYED PA DE DAG GIS DE BZHIN GSHEGS PA DE'I SKU GZUGS BYAS TE NYIN ZHAG BDUN DU 'PHAGS PA'I YAN LAG BRGYAD DANG LDAN PA'I BSNYEN GNAS LA NYE BAR GNAS PA BYA LA, ZAS GTZANG MA BZA' ZHING LUS LEGS PAR BKRUS TE GOS BZANG PO DRI MA MED PA BGO ZHING PHYOGS GTZANG MAR ME TOG SNA TSOGS SIL MA BKRAM PA, SPOS SNA TSOGS KYIS BDUGS PA, RAS DANG, GDUGS DANG, RGYAL MTSAN SNA TSOGS KYIS LEGS PAR BRGYAN PA'I SA PHYOGS SU DRI MA MED PA'I SEMS DANG, RNYOG PA MED PA'I SEMS DANG, GNOD SEMS MED PA'I SEMS DANG, BYAMS PA'I SEMS DANG, BTANG SNYOMS GYI SEMS DANG, MNYAM PA'I SEMS SU BYA, ROL MOD 'GRI DANG, SIL SNYAN DANG, GLU DBYANG SA BLANG ZHING DE BZHIN GSHEGS PA'I SKU GZUGS DE LA BSKOR BA BYA STE, DE'I SNGON GYI SMON LAM YANG YID LA BYA

408a

, ,ZHING MDO SDE 'DI YANG BSTAN NA GANG BSAMS PA DANG, GANG SMON PA'I BSAM PA DE THAMS CAD YONGS SU RDZOGS PAR 'GYUR TE, GAL TE TSE RING BAR SMON NA NI TSE RING POR 'GYUR RO, ,GAL TE LONGS SPYOD DANG LDAN PAR SMON NI LONGS SPYOD 'BYOR BAR 'GYUR RO, ,GAL TE DBANG PHYUG DANG LDAN PAR SMON NA NI TSOGS CHUNG DUS RNYED PAR 'GYUR RO, ,GAL TE BU 'DOD NA NI BU RNYED PAR 'GYUR RO, ,GANG DAG SDIG PA CAN GYI RMI LAM RMIS SAM, GANG DU BYA KHVA DANG, LTAS NGAN MTHONG NGAM, GNAS GANG DU BKRA MI SHIS PA BRGYA DAG GNAS PAR GYUR PA LA; GANG DAG BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO DE LA MCHOD PA RNAM PA SNA TSOGS KYIS BKUR STI BYED NA, RMI LAM NGAN PA DANG, LTAS NGAN PA DANG, BKRA MI SHIS PA'I DNGOS PO THAMS CAD MTHONG PAR MI 'GYUR RO, ,GANG DAG MES 'JIGS PA DANG, CHUS 'JIGS PA DANG, MTSON GYIS 'JIGS PA DANG, DUG GIS 'JIGS PA DANG, G-YANG SAS 'JIGS PA DANG, GLANG PO CHE GTUM POS 'JIGS PA DANG, SENG GES 'JIGS PA DANG, STAG GIS 'JIGS PA DANG, DOM DANG, DRED DANG, SBRUL GDUG PAS 'JIGS PA DANG, SDIG PA DANG, RKANG LAG BRGYA BAS 'JIGS PA DE DAG GIS DE BZHIN GSHEGS PA DE LA MCHOD PA BYAS NA 'JIGS PA THAMS CAD

408b

LAS YONGS SU THAR BAR 'GYUR RO, ,GANG DAG PHA ROL GYI DMAG TSOGS KYIS 'JIGS PA DANG, RKUN POS 'JIGS PA DANG, CHOM POS 'JIGS PA DE DAG GIS KYANG DE BZHIN GSHEGS PA DE LA MCHOD PAR BYA'O, ,'JAM DPAL, GZHAN YANG, DAD PA'I RIGS KYI BU'AM, RIGS KYI BU MO GANG DAG JI SRID 'TSO'I BAR DU GSUM LA SKYABS SU 'DZIN CING, LHA GZHAN MI 'DZIN PA DANG, GANG DAG YANG BSLAB PA'I GZHI LNGA PO DAG 'DZIN PA DANG, GANG BSLAB PA'I GZHI BCU PO DAG 'DZIN PA DANG, GANG DAG BYANG CHUB SEMS DPA'I SNGOM PA BSLAB PA'I GZHI BZHI BRGYA PO DAG 'DZIN PA DANG, KHYIM GYI GNAS NAS BYUNG BA'I DGE SBYONG GANG DAG BSLAB PA'I GZHI NYIS BRGYA LNGA BCU PO DAG 'DZIN PA DANG, DGE SLONG MA GANG DAG BSLAB PA'I GZHI LNGA BRGYA PO DAG 'DZIN PA DANG, GANG DAG JI LTAR YONGS SU BZUNG BA'I BSLAB PA'I SDOM PA DE DAG GI NANG NAS, BSLAB PA'I GZHI GANG YANG RUNG BA ZHIG LAS NYAMS PAR GYUR TE, NGAN 'GRO DANG, NGAN SONG GIS 'JIGS SKRAG PA GANG DAG BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD DE LA MCHOD PA SNA TSOGS BYED NA DE DAG LA NGAN SONG GSUM GYI SDUG BSNGAL MED PAR SHES PAR BYA'O; ;BUD MED GANG LA LA BU BTZA' BA'I DUS NA SDUG BSNGAL MA RUNGS PA, DRAG PO, MI BZAD PA MYONG BA DES, BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO

409a

, ,DE LA MCHOD NA DE MYUR DU YONGS SU THAR PAR 'GYUR RO, ,BU YANG YAN LAG YONGS SU TSANG BAR BTZA' ZHING GZUGS BZANG BA DANG, MDZES BA DANG, BLTA NA SDUG PA DANG, DBANG PO RNO BA DANG, BLO DANG LDAN PA DANG, NAD MED CING GNOD PA NYUNG BAR 'GYUR TE, DE LA MI MA YIN PAS MDANGS 'PHROG PAR MI NUS SO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, GANG GI PHYIR NGA BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO DA'I YON TAN BRJOD PAR KHYOD DAD DAM, YID CHES SAM, YANG NA KHYOD, SANGS RGYAS KYI SPYOD YUL ZLA BA MO 'DI LA YID GNYIS SAM, SOM NYI 'AM, THE TSOM ZA BA MED DAM, DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BTZUN PA BCOM LDAN 'DAS, BDAG DE BZHIN GSHEGS PAS GSUNGS PA'I CHOS RNAMS LA, YID GNYIS SAM; SOM NYI 'AM, THE TSOM 'TSAL BA MA MCHIS SO, ,DE CI'I SLAD DU ZHE NA, DE BZHIN GSHEGS PA RNAMS LA SKU DANG, GSUNG DANG, THUGS KYI KUN TU SPYOD PA YONGS SU MA DAG PA MI MNGA' BA'I SLAD DU'O, ,BCOM LDAN 'DAS, NYI MA DANG, ZLA BA 'DI LTAR RDZU 'PHRUL CHE ZHING 'DI LTAR MTHU CHE BA 'DI GNYIS NI DOG SA LA LTUNG YANG GDA', RI'I RGYAL PO RI

409b

RAB NI GNAS NAS 'PHO YANG GDA'I, SANGS RGYAS RNAMS KYI BKA' NI GZHAN DU MI 'GYUR LAGS SO, ,BTZUN PA BCOM LDAN 'DAS, DE LTAR LAGS KYIS KYANG SEMS CAN DAD PA'I DBANG PO DANG BRAL BA DAG MCHIS TE, SANGS RGYAS RNAMS KYI SANGS RGYAS KYI SPYOD YUL 'DI THOS NAS DE DAG 'DI SNYAM DU SEMS PAR 'GYUR TE, DE BZHIN GSHEGS PA DE'I MTSAN 'DI DRAN PA TZAM GYIS JI LTAR SHIN TU YON TAN DANG, PHAN YON DU 'GYUR SNYAM NAS DE DAG MI DAD CING YID MI CHES TE, SPONG BAS YUN RING POR GNOD PA DANG, MI SMAN PA DANG, MI BDE BA DANG, RNAM PAR LTUNG BAR 'GYUR RO, ,BCOM LDAN 'DAS KYIS BKA' STZAL PA, KUN DGA' BO, DE BZHIN GSHEGS PA DE'I MTSAN SU'I RNA LAM DU GRAGS PAR GYUR PA DE NGAN 'GRO NGAN SONG DU 'GRO BAR 'GYUR BA NI GNAS MED DE GO SKABS MA YIN NO, ,KUN DGA' BO, SANGS RGYAS RNAMS KYI SPYOD YUL NI YID CHES PAR DKA'O, ,KUN DGA' BO, KHYOD DAD CING YID CHES PA GANG YIN PA DE NI DE BZHIN GSHEGS PA'I MTHU YIN PAR BLTA'O, ,BYANG CHUB SEMS DPA' SEMS DPA' CHEN PO SKYE BA GCIG GIS THOGS PA RNAMS MA GTOGS PAR 'DI NI NYAN THOS DANG, RANG SANGS RGYAS THAMS CAD KYI SA MA YIN NO, ,KUN DGA' BO, MIR 'GYUR BA RNYED PA NI RNYED PAR DKA'O, ,DKON MCHOG GSUM LA DAD CING GUS PA YANG RNYED PAR DKA'O, ,DE BZHIN GSHEGS PA

410a

, ,DE'I MTSAN THOS PA YANG RNYED PAR SHIN TU DKA'O, ,KUN DGA' BO, BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO DE'I BYANG CHUB SEMS DPA'I SPYOD PA NI TSAD MED DO, ,THABS LA MKHAS PA YANG TSAD MED DO, ,SMON LAM GYI KHYAD PAR RGYAS PA YANG TSAD MED DO, ,NGA DE BZHIN GSHEGS PA DE'I BYANG CHUB SEMS DPA'I SPYOD PA BSKAL PA 'AM, BSKAL PA LAS LHAG PAR RGYA CHER YANG DAG PAR BSHAD PAR 'DOD KYANG BSKAL PA ZAD PAR 'GYUR GYI, BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO DE'I SNGON GYI SMON LAM GYI KHYAD PAR RGYAS PA'I MTHA' RTOGS PAR NI MI 'GYUR RO, ,YANG DE'I TSE 'KHOR DE'I NANG NAS BYANG CHUB SEMS DPA' SEMS DPA' CHEN PO SKYABS GROL ZHES BYA BA STAN LAS LANGS TE, BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA GTZUGS TE, BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, SLAD MA'I TSE SLAD MA'I DUS NA SEMS CAN BRO NAD SNA TSOGS KYIS LUS YONGS SU GZIR TE, YUN RING PO'I BRO NAD KYIS LUS KYI SHA BAS SHING BKRES PA DANG, SKOM PAS GRE BA DANG MCHU NI SKABS, 'GUM PA LA NI MNGON DU PHYOGS, MDZA'

410b

BSHES DANG, NYE DU DANG, SNAG GI GNYEN MTSAMS DU BA RNAMS KYIS NI BSKOR, PHYOGS RNAMS NI MUN PAR MTHONG, GSHIN RJE'I MI RNAMS KYIS NI DRANGS TE, DE'I LUS 'DI NA NYAL YANG RNAM PAR SHES PA CHOS KYI RGYAL PO GSHIN RJE'I MDUN DU KHRID CING, MI DE DANG LHAN CIG SKYES PA'I LHA SLAD BZHIN 'BRANG BA GANG LAGS PA DES NI DES DGE BA 'AM, MI DGE BA'I LAS BGYIS PA DE DAG THAMS CAD LEGS PAR YI GER BRIS NAS CHOS KYI RGYAL PO GSHIN RJE LA PHUL BA DANG, CHOS KYI RGYAL PO GSHIN RJES DE LA DRIS SHING BRTAGS NAS DGE BA 'AM, MI DGE BA JI LTAR BGYIS PA DE BZHIN DU BSGO BA LA GANG DAG NAD PA DE'I DON DU BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO DE LA SKYABS SU MCHI ZHING 'DI 'DRA BA'I SBYOR BAS MCHOD PA BGYI NA DE'I RNAM PAR SHES PA SLAR LDOG CING RMI LAM RMIS PA BZHIN DU BDAG NYID KYI 'TSAL BA'I GNAS DER MCHIS TE, YANG NA NI GDUGS BDUN, YANG NA NI GDUGS NYI SHU RTZA GCIG ,YANG NA NI GDUGS SUM CU RTZA LNGA, YANG NA NI GDUGS BZHI BCU RTZA DGU LA DE'I RNAM PAR SHES PA SLAR LDOG CING DRAN PA RNYED LA, DE LA DGE BA DANG, MI DGE BA'I LAS KYI RNAM PAR SMIN PA BDAG NYID KYI MNGON SUM DU 'GYUR TE, SROG GI SLAD DU YANG SDIG PA'I LAS MI BGYID DO, ,DE LTA LAGS PAS DAD PA'I RIGS KYI BU 'AM, RIGS KYI BU MOS DE BZHIN GSHEGS PA DE LA MCHOD PAR BGYI'O, ,

411a

, ,DE NAS TSE DANG LDAN PA KUN DGA' BOS BYANG CHUB SEMS DPA' SKYABS GROL LA 'DI SKAD CES SMRAS SO, ,RIGS KYI BU, BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO DE LA JI LTAR MCHOD PAR BYA, BYANG CHUB SEMS DPA' SKYABS GROL GYIS SMRAS PA, BTZUN PA KUN DGA' BO, GANG DAG NAD CHEN PO LAS YONGS SU THAR BAR 'DOD PA DE DAG GIS, NAD PA DE'I DON DU NYIN BDUN MTSAN BDUN DU YAN LAG BRGYAD DANG LDAN PA'I GSO SBYONG GI SDOM PA BLANG BAR BYA'O, ,DGE SLONG GI DGE 'DUN LA ZAS DANG, SKOM RNAMS DANG; YO BYAD THAMS CAD KYIS CI NUS SU MCHOD PA DANG, RIM GRO BYA'O, ,NYIN LAN GSUM MTSAN LAN GSUM DU BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO DE'I MTSAN YID LA BYA'O, ,MDO 'DI LAN BZHI BCU RTZA DGU GDON PAR BYA'O, ,ZHAG BZHI BCU RTZA DGUR MAR ME BUD PAR BYA'O, ,SKU GZUGS BDUN BYA'O, ,SKU GZUGS RE RE'I SPYAN SNGAR YANG MAR ME BDUN BDUN BZHAG GO ,MAR ME RE RE'I TSAD KYANG SHING RTA'I 'PHANG LO TZAM DU BYA STE, CI NAS KYANG ZHAG BZHI BCU RTZA DGUR MAR ME MI ZAD PAR BYA'O, ,TSON SNA LNGA PA'I BA DAN BZHI BCU RTZA DGU LAS LHAG PAR BYA'O, ,BTZUN PA KUN DGA' BO, GZHAN YANG, RGYAL PO RGYAL RIGS SPYI BO NAS DBANG BSKUR BA RNAMS LA NAD KYI GNOD PA 'AM, RANG GI DMAG TSOGS SAM,

411b

PHA ROL GYI DMAG TSOGS KYI GNOD PA 'AM, RGYU SKAR GYI GNOD PA 'AM, GZA' ZLA BA'I GNOD PA 'AM, GZA' NYI MA'I GNOD PA 'AM, DUS MA YIN PA'I RLUNG DANG, CHAR GYI GNOD PA 'AM; THAN PA'I GNOD PA YANG RUNG STE, GNOD PA DANG, NAD 'GO BA DANG, 'KHRUG PA ZHIG NYE BAR GNAS PAR GYUR NA RGYAL PO RGYAL RIGS SPYI BO NAS DBANG BSKUR BA DES SEMS CAN THAMS CAD LA BYAMS PA'I SEMS SU BYA, BTZON DU BZUNG BA RNAMS GTANG BAR BYA ZHING, GONG DU SMOS PA BZHIN DU BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO DE LA DE LTA BUR MCHOD PA BYAS NA RGYAL PO RGYAL RIGS SPYI BO NAS DBANG BSKUR BA DE'I DGE BA'I RTZA BA DE DANG, BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO DE'I SNGON GYI SMON LAM GYI KHYAD PAR GYIS YUL BDE BA DANG, LO LEGS PAR 'GYUR, RLUNG DANG, CHAR DUS SU LDANG ZHING LO THOG 'GRUB PAR 'GYUR, YUL DE NA GNAS PA'I SEMS CAN THAMS CAD KYANG NAD MED PA DANG, BDE BA DANG, MCHOG TU DGA' BA MANG BAR 'GYUR RO, ,YUL DER GNOD SBYIN DANG, SRIN PO DANG, 'BYUNG PO DANG, SHA ZA MA RUNGS PAS SEMS CAN RNAMS LA GTZE BAR MI 'GYUR RO, ,LTAS NGAN PA THAMS CAD MTHONG BAR MI 'GYUR RO, ,RGYAL PO RGYAL RIGS SPYI BO NAS DBANG BSKUR BA DE'I TSE DANG, MDOG DANG, STOBS DANG, NAD MED PA DANG, DPANG

412a

, ,PHYUG RNAMS MNGON PAR 'PHEL BAR 'GYUR RO, ,DE NAS TSE DANG LDAN PA KUN DGA' BOS BYANG CHUB SEMS DPA' SKYABS GROL LA 'DI SKAD CES SMRAS SO, ,RIGS KYI BU; JI LTAR NA TSE YONGS SU ZAD NAS YANG MNGON PAR SKYE, BYANG CHUB SEMS DPA' SKYABS GROL GYIS SMRAS PA, BTZUN PA KUN DGA' BO, DUS MA YIN PAR 'CHI BA DGU YOD PAR KHYOD KYIS DE BZHIN GSHEGS PA LAS MA THOS SAM, DE'I PHYIR SNGAGS DANG, SMAN GYI SBYOR BA RNAMS BSTAN TE, ,SEMS CAN NAD KYIS BTAB PA LA DE NAD TSA BAS MI CHES KYANG SMAN DANG, RIM GRO BYED PA DANG MI LDAN NAM, YANG NA SMAN PA SMAN MA YIN PA BYED PA YANG YOD DE 'DI NI DUS MA YIN PAR 'CHI BA DANG PO'O, ,DUS MA YIN PAR 'CHI BA GNYIS PA NI, GANG RGYAL PO'I CHAD PAS 'CHI BA'I DUS BYED PA'O, ,DUS MA YIN PAR 'CHI BA GSUM PA NI, GANG DAG HA CANG BAG MED DAM, BAG MED PAR GNAS PA DE DAG LA MI MA YIN PA DAG GIS MDANGS 'PHROG PA'O; ;DUS MA YIN PAR 'CHI BA BZHI PA NI, GANG DAG MES TSIG TE 'CHI BA'I DUS BYED PA'O, ,DUS MA YIN PAR 'CHI BA LNGA PA NI GANG DAG CHUS 'CHI BA'O, ,DUS MA YIN PAR 'CHI BA DRUG PA NI; GANG DAG SENG+GE DANG, STAG DANG, WA DANG, SBRUL DANG, GCAN ZAN KHRO BO'I NANG DU CHUD DE 'CHI BA'O, ,DUS MA YIN PAR 'CHI BA BDUN PA NI, GANG DAG RI KHA NAS G-YANG DU LHUNG BA'O,,

412b

DUS MA YIN PAR 'CHI BA BRGYAD PA NI, GANG DAG DUG DANG, BYAD DANG, RO LANGS KYI SBYOR BAS GSOD PA'O, ,DUS MA YIN PAR 'CHI BA DGU PA NI, GANG DAG ZAS DANG, SKOM MA RNYED NAS BKRES PA DANG; SKOM PAS NYEN TE 'CHI BA'I DUS BYED PA'O, ,MDOR NA 'DI DAG NI DE BZHIN GSHEGS PAS DUS MA YIN PAR 'CHI BA CHEN POR BSTAN PA STE, GZHAN YANG, DUS MA YIN PAR 'CHI BA NI GRANGS MED DPAG TU MED DO, ,DE NAS 'KHOR DER GNOD SBYIN GYI SDE DPON CHEN PO BCU GNYIS 'DUS PAR 'GYUR TE, GNOD SBYIN GYI SDE DPON PO RDO RJE DANG, GNOD SBYIN GYI SDE DPON CHEN PO RGYAN 'DZIN DANG, GNOD SBYIN GYI SDE DPON CHEN PO GZA' 'DZIN DANG, GNOD SBYIN GYI SDE DPON CHEN PO RLUNG DANG, GNOD SBYIN GYI SDE DPON CHEN PO GNAS BCAS DANG, GNOD SBYIN GYI SDE DPON CHEN PO DBANG 'DZIN DANG, GNOD SBYIN GYI SDE DPON CHEN PO SMRA 'DZIN DANG, GNOD SBYIN GYI SDE DPON CHEN PO BSAM 'DZIN DANG, GNOD SBYIN GYI SDE DPON CHEN PO G-YO BA 'DZIN DANG, GNOD SBYIN GYI SDE DPON CHEN PO RDZOGS BYED DE, GNOD SBYIN GYI SDE DPON CHEN PO BCU GNYIS PO DE DAG GO ,GNOD SBYIN GYI SDE DPON CHEN PO RE RE LA YANG G-YOG GNOD SBYIN BDUN 'BUM BDUN 'BUM YOD PA STE; DE DAG GIS TSIG GCIG TU BCOM LDAN 'DAS LA 'DI SKAD CES GSOL TO, ,BCOM LDAN 'DAS, SANGS RGYAS KYI MTHUS BDAG CAG GIS BCOM LDAN 'DAS DE BZHIN GSHEGS

413a

, ,PA SMAN GYI BLA BEE d'URYA'I 'OD KYI RGYAL PO DE'I MTSAN THOS TE, BDAG CAG LA YANG NGAN 'GROR MCHI BA'I 'JIGS PA 'BYUNG BAR MI 'GYUR RO, ,DES NA BDAG CAG LHAN CIG TU MTHUN PAR JI SRID 'TSO'I BAR DU, SANGS RGYAS LA SKYABS SU MCHI'O, ,CHOS LA SKYABS SU MCHI'O, ,DGE 'DUN LA SKYABS SU MCHI'O, ,SEMS CAN THAMS CAD KYI DON DANG, SMAN PA DANG; BDE BA'I SLAD DU SPRO BAR BGYI'O, ,BYE BRAG TU NI GRONG NGAM, GRONG KHYER RAM, GRONG RDAL LAM, DGON PA'I GNAS GANG NA MDO SDE 'DI SPYOD PA DANG, GANG NA BCOM LDAN 'DAS DE BZHIN GSHEGS PA SMAN GYI BLA BEE d'URYA'I 'OD KYI RGYAL PO DE'I MTSAN 'CHANG BA DANG, MCHOD PA DANG, RIM GRO BGYID PA'I SEMS CAN DE DAG LA BDAG CAG GIS BSRUNG BAR BGYI YONGS SU BSKYAB PAR BGYI, GNOD PA THAMS CAD LAS YONGS SU THAR BAR BGYI, BSAM PA THAMS CAD YONGS SU RDZOGS PAR BGYI'O, ,DE NAS BCOM LDAN 'DAS KYIS, GNOD SBYIN GYI SDE DPON CHEN PO DE DAG LA LEGS SO ZHES BYA BA BYIN TE, GNOD SBYIN GYI SDE DPON CHEN PO DAG ,GANG GI PHYIR KHYOD BCOM LDAN 'DAS DE BZHIN GSHEGS PA SMAN GYI BLA BEE d'URYA 'OD KYI RGYAL PO DE LA BYAS PA GZO ZHING RJES SU DRAN LA, SEMS CAN THAMS CAD LA PHAN PA'I PHYIR ZHUGS PA LEGS SO, ,LEGS SO, ,DE NAS 'KHOR DE'I NANG NAS LHA'I BU SHES

413b

RAB CHUNG NGU KHA CIG 'DI SNYAM DU SEMS TE, JI LTAR NA SANGS RGYAS KYI ZHING GANG+G'A'I KLUNG GI BYE MA SNYED 'DAS PA NA RNAM PAR BZHUGS PA'I DE BZHIN GSHEGS PA DE DAG GI MTSAN THOS PA DANG, GZUNG BA TZAM GYIS SEMS CAN THAMS CAD KYI YON TAN GYI KHYAD PAR 'DI LTA BUR 'GYUR SNYAM MO, ,DE NAS BCOM LDAN 'DAS DE BZHIN GSHEGS PA SH'AKYA THUB PAS LHA'I BU BLO GROS CHUNG NGU DE DAG GI SEMS KYI YONGS SU RTOG PA THUGS KYIS MKHYEN NAS, DE BZHIN GSHEGS PA THAMS CAD KYI SANGS RGYAS KYI ZHING BSKUL BA ZHES BYA BA'I TING NGE 'DZIN LA SNYOMS PAR ZHUGS SO, ,BCOM LDAN 'DAS KYIS TING NGE 'DZIN DE LA MNYAM PAR GZHAG MA THAG TU STONG GSUM GYI STONG CHEN PO'I 'JIG RTEN GYI KHAMS THAMS CAD RAB TU G-YOS SO, , LHA'I TZANDAN GYI PHYE MA DANG, ME TOG GI SPRIN GYI CHAR YANG BAB BO, ,DE BZHIN GSHEGS PA BDUN PO DE DAG KYANG 'JIG RTEN GYI KHAMS MI MJED 'DIR GSHEGS TE, DE BZHIN GSHEGS PA'I SNGON GYI DGE BA'I RTZA BA LAS BYUNG BA'I SENG+GE'I KHRI LA BZHUGS SHING BYANG CHUB SEMS DPA' THAMS CAD KYIS NI BSKOR, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, RGYAL PO DANG, BLON PO DANG, BRAM ZE DANG, KHYIM BDAG RNAMS KYIS NI YONGS SU BSKOR TE CHOS STON CING, BCOM LDAN 'DAS DE BZHIN

414a

, ,GSHEGS PA SH'AKYA THUB PA DANG THABS CIG TU KUN TU SNANG NGO, ,DE NAS LHA'I BU DE DAG DANG, THAMS CAD DANG LDAN PA'I 'KHOR DE NGO MTSAR DU GYUR NAS LEGS SO ZHES GSOL TE, BCOM LDAN 'DAS DE BZHIN GSHEGS PA SH'AKYA THUB PA LEGS SO, ,LEGS SO ZHES GSOL NAS 'KHOR DE THAMS CAD KYIS RANG RANG GI DGE BA'I RTZA BA'I BSOD NAMS LAS NGES PAR BYUNG BA'I ME TOG DANG, BDUG PA DANG, SPOS DANG, PHRENG BA DANG, BYUG PA DANG, SPUD PA DANG, RGYAN RNAMS DANG, LHA'I ROL MO'I SGRA RNAMS KYIS DE BZHIN GSHEGS PA DE DAG LA MNGON PAR MCHOD DE LAN GSUM BSKOR BA BYAS NAS TSIG 'DI SKAD CES GSOL TO, KYE MA, SANGS RGYAS BCOM LDAN 'DAS RNAMS KYI SANGS RGYAS KYI YUL DANG, SNGON GYI SMON LAM GYI KHYAD PAR DANG, THABS LA MKHAS PA NI NGO MTSAR DU BGYI BA LAGS TE, SEMS CAN THAMS CAD SANGS RGYAS KYI YUL GYI TING NGE 'DZIN 'DI LTA BU THOB PAR GYUR CIG CES SEMS CAN DE DAG THAMS CAD KYIS SMON LAM DE SKAD BTAB PO, ,DE NAS 'JAM DPAL GZHON NUR GYUR PA STAN LAS LANGS TE THAL MO SBYAR NAS DE BZHIN GSHEGS PA DE DAG LA LAN BDUN BSKOR BA BYAS TE, DE BZHIN GSHEGS PA DE DAG LA 'DI SKAD CES GSOL TO, ,KYE MA, DE BZHIN GSHEGS PA RNAMS KYI TING NGE 'DZIN GYI BYIN GYIS BRLAB DANG, THABS

414b

LA MKHAS PA DANG, SEMS CAN YONGS SU SMIN PAR MDZAD PA NI BSAM GYIS MI KHYAB BO, ,YANG BCOM LDAN 'DAS, JI LTAR SLAD MA'I TSE SLAD MA'I DUS NA SEMS CAN BSOD NAMS CHUNG BA, BRO NAD SNA TSOGS KYIS YONGS SU GZIR BA, GNOD SEMS SU GYUR PA, GZA' DANG, RGYU SKAR GYI GNOD PA 'BYUNG BA, 'CHI BA DANG, DGRA DANG, DGON PAS GNOD PAR GYUR PA THAMS CAD 'JIGS PA THAMS CAD LAS BSKYAB PA DANG, MGON BGYI BA DANG, SEMS CAN DE DAG GIS BCANGS SAM, BKLAGS SAM, YI GER 'DRIR STZOL TAM, 'DOD NA DE BZHIN GSHEGS PAS DGONGS PA DANG; DE BZHIN GSHEGS PA MTHONG BA DANG, BSAM PA THAMS CAD YONGS SU RDZOGS PAR 'GYUR BA DANG, LOG PAR LTUNG BAR MI MCHI BA DANG, DUS MA LAGS PAS 'GUM PAR MI 'GYUR BAR DE BZHIN GSHEGS PA'I SNGON GYI SMON LAM GYI BYIN GYIS BRLABS PA'I GZUNGS KYI TSIG DE LTA BU BSHAD DU GSOL, DE NAS SANGS RGYAS BCOM LDAN 'DAS DE DAG GIS 'JAM DPAL GZHON NUR GYUR PA LA LEGS SO ZHES BYA BA BYIN TE, 'JAM DPAL, LEGS SO, LEGS SO, ,'JAM DPAL, SEMS CAN THAMS CAD KYI DON DANG, SNYING RJE BA'I PHYIR KHYOD KYI SPOBS PA DE NI DE BZHIN GSHEGS PA'I BYIN GYIS BRLABS KYIS SKYES SO, ,YANG LEGS PAR RAB TU NYON LA YID LA ZUNGS SHIG DANG BSHAD DO, ,'JAM DPAL, DE BZHIN GSHEGS PA'I TING NGE 'DZIN

415a

, ,GYI STOBS BSKYED PA BEE d'URYA'I 'OD CES BYA BA'I GZUNGS YOD DE, RIGS KYI BU 'AM, RIGS KYI BU MOS SEMS CAN THAMS CAD LA SNYING RJE BA'I SEMS KYIS, GZUNGS DE GZUNG NGAM, BKLAGS SAM, MCHOD NA BSAM PA THAMS CAD YONGS SU RDZOGS PAR 'GYUR, DE BZHIN GSHEGS PAS DGONGS SHING, DE BZHIN GSHEGS PA MTHONG BAR 'GYUR, LAS KYI SGRIB PA THAMS CAD RNAM PAR DAG PA'I SANGS RGYAS KYI ZHING DU SKYE BAR 'GYUR RO, 'JAM DPAL GYIS GSOL PA, BCOM LDAN 'DAS, DE BZHIN GSHEGS PA'I TING NGE 'DZIN GYI STOBS BSKYED PA PEE d'URYA'I 'OD CES BGYI BA'I GZUNGS DE GANG LAGS, DE BZHIN GSHEGS PA DE DAG GIS GSUNG DBYANGS GCIG GIS GZUNGS KYI TSIG 'DI DAG BKA' STZAL TO, ,TADYA TH'A, GHU ME GHU ME, AI ME, NI MI HI, MA TI MA TI, SAPTA TA TH'A GA TA SA MA DHYA DHIshthI TE, AA TI MA TE, P'A LE, P'A BAm SHO DHA NI, SARBA P'A PAm N'A SHA YA, MA MA BUDDHE, BUDDHOTTA ME, AU ME, KU ME, BUDDHA KshE TRA PA RI SHODHA NI, DHA ME, NI DHA ME, ME RU ME RU, ME RU SHI KHA RE, SARB'A K'A LA MRi TYU NI B'A RA nI, BUDDHE SU BUDDHE BUDDHA DHIshthI NA, RAKshANTU ME, SARBA DE B'A, SA ME AA SA ME SA MA N'A HA RANTU ME, SARBA BUDDHA BO DHI SATVA, SHA ME SHA ME PRA SHA MANTU ME SARBA AI TYU PA DRA BA BY'A DHA YA, P'U RA nE P'U RA nE, P'U RA YA ME, SARBA A'A sh'A YA, BEE d'URYA PRA TI BH'A SE SARBA P'A PAm KshA

415b

YAm KA RI SV'AH'A, GZUNGS 'DI BKA' STZAL BA'I TSE SNANG BA CHEN PO GYUR STE, SA CHEN PO G-YOS NAS RDZU 'PHRUL RNAM PAR SPRUL PA DAG SNANG NGO, ,'KHOR JI LTAR LHAGS PA DES KYANG LHA'I SPOS DANG BDUG PA RNAMS KYIS DE BZHIN GSHEGS PA DE DAG LA MCHOD NAS LEGS SO ZHES BYA BA GSOL TE, LAN BDUN BSKOR BA BYAS SO, ,DE NAS SANGS RGYAS BCOM LDAN 'DAS DE DAG GIS 'DI SKAD CES BKA' STZAL TO, ,RIGS KYI BU 'AM, RIGS KYI BU MO GANG LA LA ZHIG GZUNGS 'DI 'CHANG NGAM, KLOG GAM, MCHOD DAM, GTZANG MAR BYAS TE, PHYOGS GTZANG MAR 'PHAGS PA'I LAM YAN LAG BRGYAD PA DANG LDAN PAR BYAS LA SEMS CAN THAMS CAD LA MCHOG TU SNYING RJE BAS, DES DE BZHIN GSHEGS PA BDUN PO DE DAG GI SKU GZUGS BYAS LA, DE BZHIN GSHEGS PA 'DI DAG LA ME TOG DANG, BDUG PA DANG, MAR ME DANG, SPOS DANG, PHRENG BA DANG, ROL MO'I SGRA DANG, RGYAL MTSAN DANG, BA DAN RNAMS KYIS MCHOD PA BYED CING NYI MA BDUN DU 'PHAGS PA'I LAM YAN LAG BRGYAD LA GNAS TE, GZUNGS KYI TSIG 'DI DAG LAN STONG RTZA BRGYAD DU BTON NA DE LA DE BZHIN GSHEGS PA RNAMS DGONGS PAR 'GYUR, BYANG CHUB SEMS DPA' THAMS CAD SEMS PAR 'GYUR, RDO RJE 'DZIN THAMS CAD KYANG YANG DAG PAR BSRUNG BAR 'GYUR, LHA THAMS CAD DANG, BRGYA BYIN DANG, TSANGS PA DANG, RGYAL PO CHEN PO BZHI PO DAG GIS KYANG YONGS SU SKYONG BAR 'GYUR, MTSAMS MED PA LNGA

416a

, ,LA SOGS PA LAS KYI SGRIB PA THAMS CAD KYANG YONGS SU BYANG BAR 'GYUR, NAD THAMS CAD KYIS MI BTAB BAR 'GYUR, RING DU 'TSO BAR 'GYUR, DUS MA YIN PAR 'CHI BA'I 'JIGS PA THAMS CAD LAS YONGS SU THAR PAR 'GYUR, 'CHI BA DANG, DGRA DANG, DGON PA'I GNOD PA DANG, 'THAB PA DANG, RTZOD PA DANG, 'GYED PA THAMS CAD RAB TU ZHI BAR 'GYUR, DGRA THAMS CAD KYI DBANG DU MI 'GRO BAR 'GYUR, CI BSAM PA'I BSAM PA THAMS CAD YONGS SU RDZOGS PAR 'GYUR RO, ,DE NAS BYANG CHUB SEMS DPA' LAG NA RDO RJE DANG, LHA'I DBANG PO BRGYA BYIN DANG, RGYAL PO CHEN PO BZHI DAG GIS, BCOM LDAN 'DAS GA LA BA DE LOGS SU THAL MO SBYAR BA BTUD NAS, BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG CAG GIS DE BZHIN GSHEGS PA RNAMS KYI SNGON GYI SMON LAM GYI KHYAD PAR RGYAL PA YANG THOS, BCOM LDAN 'DAS, BDAG CAG GIS DE BZHIN GSHEGS PA RNAMS KYANG MNGON DU MTHONG STE, MCHOD PA BGYIS SO, ,YANG BCOM LDAN 'DAS, SA PHYOGS GANG NA DE BZHIN GSHEGS PA RNAMS KYI MTSAN DANG, GZUNGS KYI TSIG 'DI DAG SPYOD PA DER BDAG CAG G-YOG DANG BCAS TE MCHI BAR BGYI'O, ,RIGS KYI BU 'AM, RIGS KYI BU MO GANG ZHIG 'CHANG BA DANG, KLOG PA DANG, MCHOD PA BGYID PA DANG,

416b

YI GER 'DRI BA DANG, YI GER 'DRIR STZOL BA DER, BDAG CAG MTHUN PAR LHAN CIG TU MCHIS LA, RIGS KYI BU 'AM, RIGS KYI BU MO 'AM, RGYAL PO 'AM, RGYAL PO'I BLON PO MDO SDE'I DBANG PO 'DZIN PA DANG, 'DRI BA DE LA DE BZHIN GSHEGS PA'I BYIN GYIS BRLABS KYIS RAB TU BSRUNG BAR BGYI'O, ,GRONG DANG, GRONG KHYER DANG, PHYOGS KYANG YONGS SU BSKYANG BAR BGYI'O; ;'CHI BA DANG, DGRA DANG, DGON PA'I GNOD PA DANG, NAD THAMS CAD RAB TU ZHI BAR BGYI'O, ,BDAG CAG NI DE BZHIN GSHEGS PA DANG, SEMS CAN THAMS CAD LA BYAMS PA DANG, BYAS PA GZO BA LAGS TE, DUS MA YIN PAR 'GUM PA THAMS CAD BZLOG PAR BGYI'O, ,'THAB PA DANG, 'THAB MO DANG, RTZOD PA DANG, 'GYED PA THAMS CAD RAB TU ZHI BAR BGYI'O, ,JI LTAR BSAM PA DANG, SEMS DANG, YID BDE BA DANG, LONGS SPYOD DANG, DBANG PHYUG DANG, NOR DANG, 'BRU RNAMS 'PHEL BAR BGYI'O, ,DUS THAMS CAD DU BSRUNG BAR BGYI'O, ,BCOM LDAN 'DAS, BDAG CAG GIS RANG GIS BRO BOR BA DANG, DAM BCAS PA 'DI DAG RIGS KYI BU 'AM, RIGS KYI BU MO DES RJES SU DRAN PAR BGYI'O, ,TADYA TH'A, AA GHU MA GHU TA RA GHU, MA MA GHU GHU RE, HA HU HE, MRA MRA MRA MRA, DZU DZU RE, DZU RE SV'AH'A, ,GANG LA LA ZHIG DE BZHIN GSHEGS PA'I MTSAN RNAMS DANG, GZUNGS KYI TSIG 'DI DAG 'CHANG BA DANG, KLOG PA DANG, YI GER 'DRI BA DANG, YI

417a

, ,GER 'DRIR STZOL BA DANG, RAB TU GUS PAR MCHOD PA BGYID PA DE NI NGAN SONG GSUM DU MA MCHI BAR RIG PAR BGYI STE, DE BLA NA MED PA YANG DAG PAR RDZOGS PA'I BYANG CHUB LAS SLAR MI LDOG PAR 'GYUR, JI LTAR 'TSAL BA'I SANGS RGYAS KYI ZHING DE DAG TU SKYE BAR 'GYUR, DE BZHIN GSHEGS PA RNAMS MTHONG BAR 'GYUR, TSE RABS DRAN PAR 'GYUR, TING NGE 'DZIN DANG, GZUNGS KYANG THOB PAR 'GYUR RO, ,DE NAS BYANG CHUB SEMS DPA' LAG NA RDO RJES DE BZHIN GSHEGS PA DE DAG LA 'DI SKAD CES GSOL TO, ,RIGS KYI BU 'AM, RIGS KYI BU MO MDO SDE'I DBANG PO 'DZIN PA DE DAG GI DON DU BDAG GIS GZUNGS KYI GSANG SNGAGS KYI GZHI RNAMS RAB TU STZAL BAR BGYI YI, SANGS RGYAS BCOM LDAN 'DAS RNAMS BDAG LA DGONGS SU GSOL, ,DE NAS SANGS RGYAS BCOM LDAN 'DAS DE DAG GI GSUNG GCIG GIS BYANG CHUB SEMS DPA' LAG NA RDO RJE LA LEGS SO ZHES BYA BA BYIN TE, LAG NA RDO RJE LEGS SO,, LEGS SO, ,LAG NA RDO RJE, KHYOD LA DGONGS ZIN GYI MDO SDE'I DBANG PO 'DZIN PA DE DAG LA PHAN PAR 'DOD PA DANG, RE BA THAMS CAD YONGS SU RDZOGS PAR BYA BA'I PHYIR GZUNGS KYI GSANG SNGAGS KYI GZHI 'DI DAG SMROS SHIG ,DE NAS BYANG CHUB SEMS DPA' SEMS DPA' CHEN PO LAG NA RDO RJES GZUNGS KYI GSANG SNGAGS KYI GZHI 'DI DAG SMRAS SO, ,YANG DAG PAR RDZOGS

417b

PA'I SANGS RGYAS BDUN PO DAG LA PHYAG 'TSAL LO, ,RDO RJE 'DZIN THAMS CAD LA PHYAG 'TSAL LO, ,TADYA TH'A, AOm BADZRE BADZRE MAH'A BADZR'O, BADZRA P'A SHA DH'A RA n'I, SA MA SA MA SA MANTA, AA PRA TI HA TA BADZRE, SHA MA SHA MA PRA SHA MANTU, SARBA BYA DHA YA:KU RU KU RU SARBA KARM'A nI, SA MA YA MA NU SMA RA BHA GA B'AN BADZRA P'A nI, SARBA A'A SH'A MA ME PA RI P'U RA YA SV'AH'A, ,BCOM LDAN 'DAS, GANG LA LA ZHIG DE BZHIN GSHEGS PA 'DI DAG GI MTSAN DANG, SNGON GYI SMON LAM GYI KHYAD PAR RGYAS PA DANG, CHOS KYI RNAM GRANGS 'DI 'CHANG BA DANG, KLOG PA DE'I RE BA THAMS CAD BDAG GIS YONGS SU BSKANG BAR BGYI, DON THAMS CAD KYANG BSGRUB PAR BGYI'O, ,GAL TE DES BDAG MTHONG BAR 'TSAL NA CHOS KYI RNAM GRANGS 'DI YI GER 'DRIR STZAL BAR BGYI'O, DE BZHIN GSHEGS PA 'DI DAG GI SKU GZUGS BDUN KYANG BGYI, RDO RJE 'DZIN YANG SKU GDUNG DANG BCAS BAR BGYI, DE BZHIN GSHEGS PA DE DAG LA YANG JI SKAD GONG DU SMOS PA BZHIN DU, SPOS DANG, BDUG PA DANG, MAR ME DANG, PHRENG BA DANG, RGYAN DANG, ROL MO'I SGRA DANG, SIL SNYAN DANG, PHEG RDOB PA RNAMS KYIS MCHOD DE BSKOR BAR BGYI, GZUNGS KYI GSANG SNGAGS KYI GZHI 'DI DAG KYANG GDON BAR BGYI, SEMS CAN THAMS CAD LA YANG PHAN PA'I SEMS DANG, BYAMS PA'I SEMS SU BGYI, 'PHAGS PA'I LAM YAN LAG BRGYAD PA'I BSNYEN GNAS LA GNAS TE, LAN

418a

, ,GSUM KHRUS BGYI ZHING GOS LAN GSUM BRJE BAR BGYI, TSES BRGYAD NAS BRTZAMS TE, ZLA BA PHYI MA BCO LNGA NYA'I BAR DU, NYIN CIG BZHIN RIG SNGAGS LAN BRGYA RTZA BRGYAD BZLAS NA DE DAG LA BDAG GIS RMI LAM DU MTHONG BAR STZAL BAR BGYI, 'BEL BA'I BKA' MCHID KYANG BGYI, RE BA THAMS CAD KYANG YONGS SU BSKANG BAR BGYI'O, ,DE NAS BYANG CHUB SEMS DPA'I 'KHOR DE DAG THAMS CAD KYIS BYANG CHUB SEMS DPA' LAG NA RDO RJE LA LEGS SO ZHES BYA BA BYIN TE, LAG NA RDO RJE, KHYOD KYIS GZUNGS KYI GSANG SNGAGS KYI GZHI 'DI DAG LEGS PAR SMRAS PA LEGS SO, ,LEGS SO, ,DE BZHIN GSHEGS PA DE DAG GIS KYANG 'DI SKAD CES BKA' STZAL TO, ,LAG NA RDO RJE, NGED KYIS SEMS CAN THAMS CAD KYI DON DANG, PHAN PA DANG, RE BA THAMS CAD YONGS SU BSKONG BA'I PHYIR GZUNGS KYI GSANG SNGAGS KYI GZHI 'DI DAG BYIN GYIS BRLABS SO, ,DE NAS SANGS RGYAS BCOM LDAN 'DAS DE DAG GIS, BRGYA BYIN DANG, TSANGS PA DANG, 'JIG RTEN SKYONG BA RNAMS LA BOS TE BKA' STZAL PA, GROGS PO DAG ,KHYOD LA CHOS KYI RNAM GRANGS CHEN PO 'DI RJES SU GTAD KYI, KHYOD KYI CI NAS KYANG CHOS KYI RNAM GRANGS CHEN PO DE BZHIN GSHEGS PA DANG MTSUNGS PA, SDIG PA THAMS CAD BYANG BAR BYED PA, RE BA THAMS CAD YONGS SU SKONG BA 'DI PHYI MA'I TSE PHYI MA'I DUS LNGA BRGYA PA THA MA LA SEMS CAN

418b

BSOD NAMS CHUNG DU, DAM PA'I CHOS SPONG BA, 'PHAGS PA LA SKUR PA 'DEBS PA RNAMS KYI LAG TU MYUR TU NUB PAR MI 'GYUR BAR SRUNGS SHIG ,DE NAS TSE DANG LDAN PA KUN DGA' BO STAN LAS LANGS TE, BLA GOS PHRAG PA GCIG LA GZAR NAS PUS MO G-YAS PA'I LHA NGA SA LA BTZUGS TE, BCOM LDAN 'DAS GA LA BDE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, CHOS KYI RNAM GRANGS 'DI'I MING CI LAGS, 'DI JI LTAR GZUNG BAR BGYI, BCOM LDAN 'DAS KYIS BKA' STZAL PA, KUN DGA' BO, DE'I PHYIR CHOS KYI RNAM GRANGS 'DI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BDUN GYI SNGON GYI SMON LAM GYI KHYAD PAR RGYAS PA ZHES BYA BAR YANG ZUNGS SHIG ,BYANG CHUB SEMS DPA' LAG NA RDO RJES DAM BCAS PA ZHES BYA BAR YANG ZUNGS SHIG ,LAS KYI SGRIB PA THAMS CAD RNAM PAR SBYONG ZHING RE BA THAMS CAD YONGS SU SKONG BA ZHES BYA BAR YANG ZUNGS SHIG ,GNOD SBYIN GYI SDE DPON CHEN PO BCU GNYIS KYIS DAM BCAS PA ZHES BYA BAR YANG ZUNGS SHIG ,BCOM LDAN 'DAS KYIS DE SKAD CES BKA' STZAL NAS, 'JAM DPAL, GZHON NUR GYUR PA DANG, BYANG CHUB SEMS DPA' DE DAG DANG, GSANG BA'I BDAG PO LAG NA RDO RJE DANG, THAMS CAD DANG LDAN PA'I 'KHOR DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE, BCOM

419a

, ,LDAN 'DAS KYIS GSUNGS PA LA MNGON PAR BSTOD DO, ,'PHAGS PA DE BZHIN GSHEGS PA BDUN GYI SNGON GYI SMON LAM GYI KHYAD PAR RGYAS PA ZHES BYA BA THEG PA CHEN PO'I MDO BRGYAD BRGYA PA RDZOGS SO,, ,,RGYA GAR GYI MKHAN PO DZI NA MI TRA DANG, D'A NA SH'I LA DANG, SHI LENDRA BO DHI DANG, ZHUS CHEN GYI LO TZTSA BA BANDE YE SHES SDES BSGYUR CING ZHUS TE SKAD GSAR BCAD KYIS KYANG BCOS NAS GTAN LA PHAB PA'O,,