,,RGYA GAR SKAD DU, BADZRA BH'U MI TRI TZA RA nI R'A DZ'A KA WA N'A MA; BOD SKAD DU, RDO RJE SA GSUM DU RGYU BA ZHES BYA BA'I RTOG PA'I RGYAL PO, DPAL RDO RJE MKHA' 'GRO LA PHYAG 'TSAL LO, ,DE NAS GSANG BA'I DBANG PHYUG PO, ,SH'A KA THUB KYIS NI RIGS KHRO BO, ,PHYIS KYI RTOG PA LAS RGYAL BYED, ,RTOG PA'I BLA MA 'DI MCHOG BSHAD, ,LHA DANG SNGAGS DANG SBYOR BA YIS, ,RTOG PAS RTOG PA 'JOMS PA'I LAM, , RTOG PA MED PA'I RIG PA YIS, ,KHRO BO'I DBANG PHYUG ZHI BA BRNYES, ,DANG PO PHYAG 'TSAL DE 'OG TU, ,BZHI PA YI NI LNGA PA LA, ,DBYANGS YIG GSUM PAS MDZES PAR BYAS,,
DRUG PA'I GSUM PA BLANGS BYAS LA, ,'OG TU DBYANGS KYI GNYIS PAS BRGYAN, ,DE LA ZLA PHYED DANG THIG LE, ,LNGA PA'I BZHI PA NYID DANG NI, ,DRUG PA'I GNYIS PAR NYID DANG YANG, BZHI PA'I BZHI PA YANG DE BZHIN, ,YANG NI ME YI SA BON DANG, ,LNGA PA YI NI GSUM PA DANG, ,GNYIS PA YI NI GSUM PA YI, ,'OG TU ME YI SA BON NO, ,LNGA PA'I DANG PO NYID DANG YANG; ;GSUM PA'I SDE PA LNGA PA LA, ,DBYANGS YIG GSUM PAS BRGYAN PA DANG, ,DE NAS RDO RJE SEMS DPA' DANG, ,LAG NA RDO RJE'I SNYING PO'O, ,LNGA PA YI NI GNYIS PA LA, , GSUM PA'I DANG PO MTHAR GZHAG PA, ;'DI RNAMS RIG SNGAGS DBANG BYED PA, ,GANG+G'A KLUNG BCU'I BYE SNYED KYI, ,SANGS RGYAS KHRO BO BYANG CHUB SEMS, ,'BYUNG POR BCAS PA 'GUGS MDZAD DO, ,RIG SNGAGS RNAMS NI LHA NYID DE, ,STONG DANG SNYING RJE 'DRES PA YI, ,LHA 'DI SNYING GA'I SBYOR BA RU, ,LEGS PAR BZHAG PA BSAM PAR BYA, ,LUGS SU BYUNG DANG BZLOG PA YI, ,SNGAGS 'DI BZLAS DANG BRI BAR BYA, ,AOm N'I L'Am BA RA DHA RA BADZRA P'A nI H'Um PHAt, PHAt H'Um nI P'A DZRA BA RA DHA RA BA L'Am N'I AOm, RIG SNGAGS 'BUM PHRAG BZLAS PA DANG, ,YI GE RE LA 'BUM PHRAG DANG, ,DE LAS LHAG PA'I SPYOR BA YIS, ,SGRUB PA PO YI BSAM PA NI, ,ZHI DANG RGYAS DANG DBANG DGUG DANG, ,BSKRAD DANG DBYE RENGS BSAD
, ,PA DANG, ,LAS NI GANG GANG 'DOD PA DES, ,SNYING GAR SBYOR BA RIM BZHIN BSGRUB, ,LUS GTZANG SNYING RJER LDAN PA YIS, ,RANG LUS LHA DANG BLA MA LA, , PHYAG SOGS BYA BA SNGON 'GRO BAS, ,RIG PA'I KHRO BO BSGOM PAR BYA, ,DANG PO STONG NYID RNAM BSAMS LA, ,LUS CAN RNAMS KYI DRI MA BKRU, ,RANG GI SNYING GAR DBYANGS YIG NI, , DANG PO LAS BYUNG ZLA BA LA, ,H'Um YIG SNGON PO RNAM PAR BSGOM, ,RANG GI 'DUS 'DRA'I 'OD 'PHROS NAS, ,SEMS CAN DRI MA RNAM BSAL TE, ,SKUR GYUR SNYING PO BSDU BAR BYA, , H'Um YANG RDO RJE SNGON POR GYUR, ,SNGON BZHIN SPRO DANG BSDU BYAS LA, ,SKU MDOG SNGON PO CHER 'BAR BA, ,RAB TU DREGS PAS KHROS PA'O, ,RI BONG 'DZIN PA'I STENG DU NI, ,BDE BAR G-YON BRKYANG GAR GYIS BZHUGS, ,BRGYAD GNYIS LON PA'I NYAMS TSUL CAN, ,DRAG CING KHROS PA'I RO DANG LDAN, ,BRANG 'GRO BRGYAD POS SKU LA BRGYAN, ,ZHAL GCIG PA LA PHYAG GNYIS PA, RANG GIS RDO RJE BSNAMS PA NI, ,BSNUN PA'I TSUL DU 'DZIN PA DANG, ,G-YON PA BSDIGS PA'I MDZUB MO CAN, ,NA BZA' SNGON PO SHAM THABS 'DZIN, , SPYAN MIG DMAR ZHING MCHE BA GTZIGS, ,DBU SKRA NYI MA'I 'OD 'DRA BA, ,STENG DU BCINGS DBUS COD PAN LDAN, ,ZHAL NAS HA HA'I GAD RGYANGS LDAN, ,KHRO BO'I BDAG PO
'JIGS PAR BYED, ,LOG 'DREN LA SOGS 'JOMS MDZAD PA, ,DE 'DRAR BDAG NYID RAB BSGOMS LA, ,DE NAS BDAG NYID SNYOMS 'JUG PA, ,DE YI SNYING GAR NYI MA LA, ,RANG GI CHOS KYI YI GE LAS, ,KHROS PAS YANG YANG SPROS MDZAD CING, ,DE DANG LHAN CIG BSGO BAR BYA, ,SNGAGS DANG PHYAG RGYA BCAS PA YIS, ,DE BZHIN DU YANG DBANG BLANG ZHING, ,RDO RJE H'Um MDZAD TING 'DZIN GNAS, ,GDUG PA'I SEMS CAN 'DZIN BYED CING, ,'OD ZER 'BYUNG BA SNA TSOGS KYIS, ,RIMS DANG GDON DANG DUG SOGS BZA', ,RDO RJE 'OG TU RGYU BA LAS; RTOG PA DANG PO'O,, ,,DE NAS SPYAN SOGS SKYE MCHED LA, ,H'Um BYUNG KHRO BO BSGOM PAR BYA, ,SKU SOGS GSUM LA RDO RJE GSUM, ,BSGOM PA 'DI NI DBANG BYED PA'O, ,DANG PO ZHI BAS ZHI BAR BYA, ,KLU LA SOGS PA'I GZUGS BYAS LA, ,RANG SNYING 'OD KYIS BKUG LA BSTIM, ,MCHOD SBYIN BYA BA SNYING RJES SBYIN, ,'JOG PO DANG NI RIGS LDAN DANG, ,MTHA' YAS NOR RGYAS PADMA DANG, ,PAD CHEN DUNG SKYONG STOBS KYI RGYU, ,DUG RNAMS SNYING RJE'I SBYOR BAS SBYANGS, ,NAG PO DKAR PO SNGON PO DANG, ,RANG GI GNAS SU SBYAR BAR BYA, ,YANG NA ZHI BA'I THAB KHUNG DU, ,KLU YI SDIG PA ZHI BAR BYA, ,SHIN TU GNAG PA'I RIGS DE LA, ,MNGAR GSUM CHU YIS GSO BAR BYA, ,GANG ZHIG SDIG
, ,CAN ZHI MI 'DUL, ,GNYIS KYI SBYOR BAS RGYUN GCOD BYA, ,KHRAG DANG DUG SOGS RDZAS DAG LA, ,RIG PA BZLOG PAS BSGRUBS NAS NI, ,SHIN TU KHROS PA'I KHRO BO YIS, ,DGUG DANG GZHUG DANG MYOS BSAD DANG, ,CHO GAS GDUG PA DBANG BYAS LA, ,BSREG PA LA SOGS LAS BYA'O, ,BRGYAD DANG BCU BZHI'I DUS KYI TSE, ,SKYA RENGS SHAR DANG DMAR RENGS CHA, ,NYIN MTSAN ZAD PA'I DUS KYI TSE, ,SKRA BKROL BCUD 'DZAG GCER BU NI, ,BYOL SONG GNAS SU KHRAG SKYUG GO ,LUS DBUS ME 'BAR BSGRUB BYA DE; ;KHRO BO'I SPU YI BU GA LAS, ,SPROS PA'I KHRO BO KHROS PA DANG, ,MNGAG GZHUG RNAMS KYIS DRANGS BYAS NAS, ,RTOG PAS RTOG PA BZA' BAR BYA, ,SNGAR NI RDO RJES 'OG LAS,, GDUG PA 'DIR NI BZA' BAR BYA, ,MANG DU SMRAS PAS CI ZHIG DGOS, ,MA BCOS PA YI SEMS CAN LA, ,SNYING RJE'I YID CAN RDO RJE SEMS, ,TIL SOGS RDZAS DANG SNGAGS SBYOR GYIS, ,SDIG PA ZHI BYED SBYIN SREG BYA, ,RIG PA'I BLO CAN KUN BZANG GIS, ,ZHO LA BSREG BYA RGYAS PA'O, ,MI RTAG GYUR PA'I GDUL BYA LA, ,'DOD CHAGS YID CAN BA DE CHEN GYIS, ,BDAG NYID DGOS PA BRTAN BYA'I PHYIR, ,AUTPAL DMAR SOGS KYIS SGRUB PA'O, ,'DIR NI MA RUNGS SDIG BA BYED, ,GTZOR NI SBYANGS PHYIR KHRO SEMS KYIS, ,
MNGON SPYOD LAS NI RGYUD KUN LAS, ,BSHAD PA THAMS CAD 'DIR BYA'O, ,RIG SNGAGS SNYING RJE'I SHUGS KYIS 'GRO, LAS NGAN RGYUN GCOD BCOS MA YIN, ,LAS NGAN DAG PA'I RANG BZHIN DU, ,KHROS PAS DMIGS PAR MI 'GYUR TE, ,SBYOR BA RNAMS NI BCOS MAR 'GYUR, ,BYANG CHUB BCOS MED 'BANG SPANGS PA'O, ,RDO RJE SA 'OG TU RGYU BA LAS, RTOG PA GNYIS PA'O;; ,,DE NAS KHAMS GSUM RNAM RGYAL PO, ,SNGAR NI SPRUL PA BCU DRUG POS, ,RTOG PA BCU PHRAG DANG BZHI YANG, ,GNYIS KYIS RIG PA 'JOMS BYED 'DIR, , SPRUL PA BRGYAD DU BSDUS PA DANG, ,BDAG NYID GCIG PU BSGOM PA'ANG GSUNGS, ,NAM MKHA'I KHAMS SU 'BYUNG BZHI BSAM, ,RI RAB LHUN PO HR'I YIG LAS, ,PADMA 'DAB GRANGS LTE BA LA, ,BLA BA'I DKYIL 'KHOR RDZOGS PA'O, ,H'Um LAS BYUNG BA'I KHRO BO NI, ,ZHAL GCIG PHYAG BZHIN BZA' SNGO, ,RDO RJE DRIL BU MDA' GZHU 'GENGS, ,SBRUL DANG MI SDUG MGOS BRGYAN CING, ,STAG LPAGS SMED DKRIS 'JIGS SEL BA, ,KHRO BO RNAM RGYAL BSGOM PAR BYA, ,THUGS KA'I H'Um GI SBYOR BA YIS, ,SHAR LA SOGS PA'I PHYOGS MTSAMS SU, , 'JIG RTEN GSUM SNANG RDO RJE DANG, ,'JIG RTEN GSUM 'DUL RIN CHEN DANG, ,'JIG RTEN GSUM 'CHING PADMA DANG, ,'JIG RTEN GSUM 'JIGS LAS NYID DAG ,G-YAS RNAMS
, ,RANG MING MTSAN MA LA, ,G-YON RNAMS GDUG PA BSDIGS PA'O, ,BDUD RTZI 'KHYIL DANG DBYUG SNGON DANG, ,MI G-YO BA DANG RTA MGRIN KHRO, ,RDO RJE DANG NI DBYUG PA DANG, ,RAL GRI PADMA G-YAS RNAMS SO, ,G-YON PA GDUG PA BSDIGS PA'O, ,BRGYAD KYI DBUS NA KHRO BO BDAG, 'JIG RTEN GSUM GYI 'KHRUL PA SBYONG, ,DBYUG PA NAG SOGS PHO NYA BZHI, ,SKU MDOG MTSAN MAS BRGYAN PA KHROS, ,LCAGS KYU LA SOGS SGOR GNAS PA, ,KHRO BO'I 'KHOR LO 'JIGS SEL BSGOM, ,GTZO BCAS RIG PA'I KHRO BO KUN, ,SGYU MA'I PHRENG BAS DO SHAL BYAS, ,GOS SNGON CAN LA STAG LPAGS DKRIS, ,GDUG PA SEL BA'I LAM DU BSGOM, ,DE NAS KHAMS GSUM RNAM RGYAL GTZO, ,KHRO BO'I MTSAN NYID SNGAGS BCAS BSHAD, ,DKON MCHOG GSUM LA PHYAG 'TSAL LO, ,GNOD SBYIN GYI SDE DPON CHEN PO LAG NA RDO RJE GOS SNGON PO CAN, SANGS RGYAS GANG+G'A'I KLUNG GI BYE MA SNYED KYIS RJES SU GNANG BA, MCHE BA GTZIGS PA DANG 'TSAM PA, MIG ME MDAG GI PHUNG PO 'DRA BA, DBUGS ME LCE LTAR 'BAR BA, 'JIGS PA'I NGA RO CAN, LAG PA DANG, RKANG PA KLU NOR RGYAS KYI BUS BRGYAN PA, KLU NAG PO SER LA KHAR THOGS PA, KLU DGA' BO DANG, NYE DGA' BO 'BAR BAS RNA CHA BYAS PA, SBRUL
'BAR BA RIN PO CHE'I COD PAN THOGS PA, SBRUL GDUG PA 'BAR BA ZA BA, BZHIN RGYAS PA, SMIN MA DANG, KHRO GNYER DPRAL BAR BSDUS PA, YA SOS MA MCHU MNAN PA, GSHIN RJE'I CHA BYAD CAN, LCE GLOG LTAR 'GYU BA, GSUS PO CHE SBRUL ZA BA, LAG PA BRDABS PA'I SGRAS 'JIGS PAR BYED PA, KLU'I RGYAL PO 'DAB BZANG SKA RAGS SU BCINGS PA, AA LA LA ZHES SGROGS PAR BYED PA, RGYA MTSO'I ZABS SU DPAG TSAD BRGYAD KHRI BZHI STONG YOD PA RKANG PA'I PUS MOR PHYIN PA, DBANG PO DANG, NYI MA PHRAG PA LA KHUR PA, KLU THAMS CAD RLAG PAR BYED PA, GAD RGYANGS CHEN PO RGOD PAS KUN TU 'KHRUG PAR BYED PA, GSHIN RJE'I GZUGS CAN KHAMS GSUM PA 'JIGS PAR BYED PA, KLU THAMS CAD RLAG PAR BYED PA LA PHYAG 'TSAL LO, ,DE NAS SANGS RGYAS BCOM LDAN 'DAS GANG+G'A'I KLUNG GI BYE MA SNYED KYIS GSUNGS PA'I RIG SNGAGS 'DI BRJOD PAR BYA'O, ,TADYA TH'A, BHO BHO PAm N'A GA AA DHI PA TA YE, AI DAN N'I L'Am BA RA DHA RA SHA RI RAm, BADZRA P'A nI HRi DA YAm YA: SA M'A TI KRA MA THA M'A KU LO TA S'A DA NA, BHA BIshYA TI, TADYA THA, BUDDHA BUDDHA ,BI BUDDHA BI BUDDHA, MA H'I PR'APTA HA RA HA RA N'A GA N'Am TZTSINDA TZTSINDA, N'A GA HRi DA Y'A NI, BHINDHA BHINDHA N'A GA MARM'A nI, BI shIRYANTU N'A GA SHA R'I R'A nI, BI SPHOt, N'A GA NA YA NAm N'I H'Um H'Um PHAt, TADYA TH'A, N'A GA BI D'A RA n'A YA H'Um PHAt,
, ,N'A GOTA S'A DA N'A YA H'Um PHAt, N'I LAm BA SA N'A YA H'Um PHAt, AA BRA TI HA TA BA LA PAR KRA M'A YA H'Um PHAt, KRi TANT'A YA H'Um PHAt, KRI T'ANTA R'U B'A YA PHAt, RO shA N'A YA H'Um PHAt; TR'A SA N'A YA H'Um PHAt, KUm BH'AndA AUTA S'A DA N'A YA H'Um PHAt, PHRE TA BI SH'A CE BI N'A SHA KA R'A YA H'Um PHAt, YAKshA AA PASM'A RA BI N'A SHA KA R'A YA H'Um PHAt, HA SA HA SA, DHA RA DHA RA, M'A RA YA M'A RA YA, N'A SHA YA N'A SHA YA, SARBA BIGHN'AN BI N'A SHA KA R'A YA H'Um PHAt, SARBA SHA TR'Um SAm BRTA BI N'A SHA KA R'A YA H'Um PHAt, AOm N'I LAm BA RA DHA RA BADZRA P'A nI R'ADZNY'A PA YA TI SV'AH'A, DE'I CHOG LA GNOD SBYIN GYIS ZIN PA LA CHU LA SNGAGS KYIS BTAB TE GTOR NA BTANG BAR 'GYUR RO, ,KLU BZLOG PAR 'DOD NA SMYUG SHAD KYI LCUG MA 'AM, BAL PO SE'U 'I LCUG MAS BYA'O; ;YI DVAGS DANG, BRJED BYED RNAMS LA NI SKUD PA SNGON POS BYA'O, ,RIMS NAD MED PAR BYA BA DANG, YI GE 'CHUS PA LA NI SKUD BA SNGON POS BYA'O, ,NOR 'DOD NA ZHAG GCIG SMYUNG BAR GNAS TE BOG GIS BDUG NA RMI LAM DU DGE BA DANG, MI DGE BA'I DON THAMS CAD STON PAR 'GYUR LA GSER GYI DONG TZE BDUN STONG STER BAR 'GYUR RO; ;RGYAS BTAB PA DGROL BAR 'DOD NA THAL BAS BYA'O, ,SGO LCAGS DBYE BAR 'DOD NA YUNGS KAR GYIS BYA'O, ,'JIGS PA THAMS CAD BSRUNG BA LA NI MAR RNYING PA'AM
THAL BA'AM, YUNGS KAR GYIS BYA'O, ,NAD KYIS 'JIGS PA THAMS CAD LA NI SKUD PA SNGON PO LA BSRUNG BA'I MDUD PA BYAS TA MGUL DU BTAGS NA BSRUNG BA'I MCHOG TU 'GYUR RO; ;BYIS PA GDON GYIS NYEN PA LA NI TSON SNA LNGA'I SKUD PA MGUL DU BTAGS NA BSRUNG BA'I MCHOG TU 'GYUR RO, ,CHOM RKUN BZLOG PAR 'DOD NA SAS BYA'O, ,DUG LA NI RTZA KU SHAS BYA BA PAR BYA'O, ,BDAG BSRUNG BA LA NI YID KYIS SAM, CHUS BYA'O, ,GZHAN BSRUNG BA LA NI SKUD PA SNGON POS BYA'O, ,LAS DE DAG THAMS CAD LA SNGAGS BRJOD PA NI LAN GSUM MAM; BDUN NAM, BCU BZHI 'AM, NYI SHU RTZA GCIG GAM, BRGYA RTZA BRGYAD BRJOD PAR BYA'O, ,DE LTAR BYAS NA 'GRUB PAR 'GYUR RO, ,RDO RJE SA 'OG TU RGYU BA LAS, RTOG PA GSUM PA'O;; ;;RTOG PA 'DI DAG DBANG BYED PA, ,LAG NA RDO RJE KHROS PA LAS, ,BDUD RTZI 'KHYIL BA'I RNAL 'BYOR GYIS, ,BRAN G-YOG RNAMS NI BSKUL BAR BYA, , AOm AA MRi TA KUndA LI HA NA HA NA H'Um PHAt, ,'DI NI BKA' TZAM NGES BSGRAG CING, ,BEE YIG SUM CU RTZA GNYIS BRJOD, ,SNYING GA'I 'OD KYIS DBANG BYA ZHING, ,GU GUL DUD PAS BROD BYAS LA, ,GSER SNA CHEN PO SENG+GE LA ZHON PA DANG, RMUGS 'DZIN DANG, GANG BA BZANG DANG, NOR BU BZANG DANG, KU BE RA DANG, YANG DAG SHES DANG, 'BROG GNAS DANG, LNGAS
, ,RTZEN DANG, PI TZI KUndA LI RNAMS LA MKHO BA SBYIN PAR BYA'O, ,'DI RNAMS RTA LA CHIBS PA LA, ,'OD DANG LDAN ZHING ME LONG CAN, ,RAS DKAR GTZONG [?] MAS GSAL BYAS LA, ,GSAL SNANG KUN NI BRI BAR BYA, ,YANG NA KUN KYANG SPRUL NAG CHIBS, ,'JIGS PA'I MTSON CHA PHYAG NA BSNAMS: BSKUL BA DAG PAR DBANG BYAS NA; ;MNGON SPYOD LAS KUN BYED PAR 'GYUR, ,DRAG PO DGU DANG NYI SHU BRGYAD, ,SA GSUM KHYAB PA SPROS NAS NI, ,SNGAGS GRUB STOBS KYIS BDAG BRAN BYED, ,DUS TSOD DUS LA MCHOD PA BYED, ,DE NAS DBUL BAS 'JIGS PA LA, ,RMUGS 'DZIN BSGRUB PA YID 'ONG BSHAD, ,KUN KYANG GTER RNAMS MNAN PA LA, ,RIN CHEN 'BAR BAS KHYIM 'GENGS PA, ,SKYOR GANG RDO RJE CHUS 'GRUB 'GYUR, ,PADMA ZLA DANG GTER CHEN LA, ,DZAm LAS BYUNG BA'I GNOD SBYIN DGU, BKUG LA RANG RANG GSANG SNGAGS KYIS,, CHU DANG BCAS PA'I MCHOD SBYIN 'BUL, ,'DI NI SNGAGS KYI RKANG PA RNAMS SO, ,AOm BEE SHRA BA n'A YA SV'AH'A, AOm DZAMBHA L'A YA SV'AH'A, AOm P'URnA BHA DRA YA SV'AH'A, AOm MA nI BHA DR'A YA SV'AH'A, AOm KU BE R'A YA SV'AH'A, AOm SAm PRA DZNY'A N'A YA SV'AH'A, AOm GU HYA STHA'A N'A YA SV'AH'A, AOm P'ANYTZI K'A YA SV'AH'A, AOm BI TZI KUndA L'I YE SV'AH'A, DE NAS YANG DAG SPYOD PA'I
MCHOG ,LHA YI BRTUL ZHUGS DAG PA BSHAD, ,DUS RNAMS KUN TU DAR RAS GTZANG MA'I GOS SNGON BYIN GYIS BRLAB BYA ZHING, ,BRAM ZE'I RIGS LTAR DRI CAN ZAS DANG 'GRO MGYOGS SHA LAS RING DU 'DUG ,SMYUNG BAR GNAS SHING CHUS BKRUS DKAR GSUM GTZANG MA'I ZAS ZA ZHING, ,NGAG GI RLUNG BSNGAMS DAD DANG SNYING RJES YID BRLAN RTAG TU BRTZON PAR 'JUG ,BSAM GTAN KHANG PA MDOG NI SNGO BSGYUR BA LCI DRI ZHIM CHU YIS BYUGS, ,DKAR DANG SNGO BA'I ME TOG BKRAM LA SKU GDUNG BLA MA MDUN BZHAG LA, ,CHO RIGS BTZUN PA'I SGRUB PA POS NI GOS DKAR BGOS LA KU SHA'I STAN LA 'DUG, SNYING RJES KHROS PA'I RIG SNGAGS DAM PA DAG CING MDZES PAR BZLAS PA BYA, ,RU RAKSHA YI BGRANG PHRENG BRGYA PHYED BYIN GYIS BRLAGS LA LAG G-YAS GZUNG, ,PHRENG BA'I RIL BU RE DANG LHA RE SNGAGS RE BCAS NAS SNYING GAR BZUNG, ,RNAL 'BYOR 'DI RNAMS SPYAD CING 'GRO LA 'JUNGS PA'I SEMS LDAN PAS, ,BDAG DANG GZHAN LA PHAN PHYIR RTOG PA BSHAD PA BYAS PA YIN, ,RDO RJE SA 'OG TU RGYU BA LAS, RTOG PA BZHI PA'O,, ,,DBYAR KHA SKYES PA'I RTZVA DANG NAGS TSAL LAS BYUNG ME MCHED LTAR, ,RLUNG GIS GROGS BYAS BSREGS NAS THAL BA'I LHAG MA'ANG MA LUS BZHIN, ,BSKAL PA DPAG MED SKYES PA'I
, ,RTOG PA'I DRI MA'I RMA RNAMS LA, ,BSRUNG BA DAD DANG BRTZON 'GRUS SNGAGS BZLAS SEMS DAM ME YIS BSREG, NYI MA'I SNYING PO 'DZAM BU'I GLING GI DBUS SU RIGS BZUNG STE, ,SKYES PA DANG NI BUD MED DBANG PO SKYON MED TSUL KHRIMS CAN, ,SKYE BA SNGA MA'I LAM SHUGS DAG DANG BLA MA'I LUNG THOB PA, ,DAD DANG SNYING RJE'I SEMS CAN GTONG BA'I BLO DANG LDAN PA DES, ,RIG PA'I KHRO BO BSGOM DANG DE RJES DE NI BZLAS 'BAD NA, ,BSTOD DANG MCHOD MNYES BRAN G-YOG LHA MIN GSANG BA BRNYAS MED CING, ,CHU YI MCHOD SBYIN 'KHOR LO DAG DANG GTOR MA LA BRTZON ZHING, ,SBYIN SREG RNAMS KYIS LHA DANG BRAN G-YOG MNYES BYAS NA, ,RING POR MI THOGS SGRUB PA PO DES RTAGS DANG PHYAG RGYA 'BYIN PAR 'GYUR, ,'DIR NI MANG DU SMRA MI DGOS, ,SNGAR NI RDO RJE SA 'OG TU, ,BSHAD PA'I MTSAN MA STER BAR 'GYUR, ,ZANGS LCAGS BLA MA'I GNANG BYA'O, ,LUS SOGS RIG PA'I DBANG BSKUR NAS, ,ME DANG RLUNG SOGS 'BYUNG BA DANG, ,NAD DANG GDON DANG BYAD RNAMS DANG, ,BDUD KYIS KLAGS NI RNYED MI 'GYUR,, ME LCE PHRENG BA'I RTOG PA LAS, ,BSHAD PA'I 'CHI BA'I SBYOR BYUNG NA, ,SER SNA 'DI NI PHA ROL 'PHANG, ,SMON LAM LAM SNA LA BRTEN NAS, ,'DI 'OG BYANG CHUB SEMS
DPA' NI, ,'GRO BA SMIN PA'I BLA MAR 'GYUR, ,YANG NA SRID PA BAR MA DOR, ,SNGAGS KYI RNAM SHES GZI BSKYED NAS, ,'GRO PHAN RIG PA 'DZIN GYUR NAS, ,DE YI 'OG TU SEMS DPA' 'O, ,THA MA'ANG LAM LA BRTEN NAS NI, ,RANG 'DOD DAM PA'I LUS RNYED NAS, ,SNGA MA LAM SEL DE 'OG TU, ,DNGOS GRUB LA NI RNAM PAR GNAS, ,LHA DANG SNGAGS SOGS RTOGS PA DES, ,RTOG PA DMAN PA MNAN PA YIN, ,NAM MKHA' LTA BUR RTOG MED LA, ,'JIG RTEN NGOR NI RTOG PAS SPRUL, ,GDUL BYA SDANG SOGS SEMS 'KHRUGS LA, ,NGA NI SNYING RJES SDANG BAR MDZAD, ,KHRO SOGS BSAL DU MED GYUR NA, ,KHRO BOR DA NI CI PHYIR 'GYUR, ,DANG PO RNAL 'BYOR 'TSE BA BCOM, ,DE PHYIR RIG SNGAGS SBYOR BA RNAMS,, RGYUD KUN DU NI GSUNGS PA YIN, ,'TSE BA BCOM NAS DAG PA NI, ,SEMS DAG PA NI BDE BA YIN, ,GDUG PA'I SBYOR BA PHROGS PAS NA, ,BDE BAR BYANG CHUB LAM BRTEN LA, ,RDO RJE SKU NYID 'GYUR MED LA, ,BDAG GI RIG PA'I YE SHES DE, ,LUS CAN DE YI 'BRAS BU 'O, ,JI LTAR SHEL NI DZAMBU KA'I, ,ME TOG GIS NI GZHAN DU SNANG, ,DE BZHIN RTOG MED RIG PA YANG, ,KHRO BO'I DBANG PHYUG 'DIR SNANG NAS, ,JI LTAR 'DUL GYUR SPRUL PA YIS, ,RGYUN MI 'CHAD PAR KHRO BOR SNANG, ,SNYING RJE MED NA 'BRAS BU NYAMS, ,'GRO LA PHAN BTAGS
, ,GNOD BSAL NA, ,RANG SEMS DAG PAS 'BRAS BU 'GRUB, ,RGYU DANG 'BRAS BU'I SGRIB PA RNAMS, ,BYANG CHUB SEMS KYIS RING DU SPANG, ,'DIR NI 'KHOR BA 'JIG PAR NGES, ,BRTAN DANG G-YO BA'I SGRIB PA RNAMS, ,BLO MNYAM DUS NA GNYEN PO DANG, ,MI MTHUN NAM MKHA' LTAR YANGS PA, ,LHUN GYIS 'GRUB 'BRAS PHYI MA YIN, ,JI SRING RTOG PA'I DRI MA YOD, ,DE SRID 'BAD DE RIG PA BSGOM, ,SEMS SBYONG SNGA MA RIG PA YIS, ,RGYUD NYID DU NI 'DOD PA YIN, ,GANG LA SEMS NI DRI MED PA, ,RTOG PA'I DRI MAS NAG POR BYAS, ,DE LA SPANG BA'I BLO MED PA, ,RTOG PA'I BLO CAN 'KHOR BA YIN, ,DE PHYIR SH'AKY'I RIGS CAN RNAMS SA 'OG TU RGYU BA'I KLU'I RTOG PA LA SOGS PA TSAR GCOD BA'I PHYIR SBYOR BA RNAMS LA GUS PAR BYA'O, ,RDO RJE SA GSUM DU RGYU BA LAS, RTOG PA LNGA PA RDZOGS SO,, ,,DBANG PHYUG DAM PA'I MNGA' BDAG KHRI SRONG LDE BTZAN GYI BKA' KHRIMS SU, DPAL DPE MED LHUN GYIS GRUB PA'I GTZUG LAG KHANG DU RGYA GAR GYI MKHAN PO KU MA RA BADZRA DANG, RA BYID LO TZTSA BAS BSGYUR BA'O,, ,,