,,RGYA GAR SKAD DU SU PRA TI shTHA TA NTRA SAm GRA HA, BOD SKAD DU, RAB TU GNAS PA MDOR BSDUS PA'I RGYUD, DPAL RDO RJE SEMS DPA' LA PHYAG 'CHAL LO, ,'DI SKAD BDAG GIS THOS PA DUS GCIG NA, BCOM LDAN 'DAS DE BZHIN GSHEGS PA THAMS CAD KYI DAM TSIG RDO RJE BYIN GYIS RLOB PA ZHES BYA BA'I TING NGE 'DZIN LA SNYOMS PAR ZHUGS NAS, BRDUNGS PA DANG, BRIS PA DANG, 'BUR DU BYAS PA LA SOGS
, ,PA RAB TU GNAS PA'I CHO GA GSUNGS PA, SLOB DPON DE NYID BCU SHES SHING, ,MTSAN NYID KUN DANG YANG DAG LDAN, ,PHYAG RGYA SNGAGS DANG CHO GA SHES, ,LAS RNAMS KUN LA MKHAS PAS SO, ,SKU GZUGS MTSAN NYID LDAN PA STE, ,ZHI BA LA SOGS RO YIS LDAN, ,TSAD KYIS TSAD LA PHAB CING BZANG, ,DE 'DRA RAB TU GNAS PAR 'GYUR, ,YANG THOG MCHOD RTEN SOGS GNAS DANG, ,KHYIM DANG LHA YI GNAS RNAMS SU, ,SANGS RGYAS LA SOGS RAB GNAS NI, ,CHO GA DAG DANG LDAN PAS BYA, ,CHO GA DMAN PAS MI BYA STE, ,RAB GNAS RTAG PAR BKRA MI SHIS, ,'JIG RTEN 'DIR YANG SDUG BSNGAL LA, ,'JIG RTEN PHA ROL 'JIGS PA CHE; ;DE BAS 'BAD PA THAMS CAD KYIS, ,DNGOS GRUB 'DOD PAS NAN TAN BYA, ,CHO GA BDAG NYID NUS PA YIS, ,BRTAG PA LAS GSUNGS TSUL LEGS PAS, ,DE BYAS BSOD NAMS CHE BA NI, ,MTHONG DANG MI MTHONG RNAMS SU SKYE, ,SKU GZUGS SNGAGS KYI MTSAN NYID KYIS, ,DE LA BYIN RLABS 'JUG PAR 'GYUR, ,GANG DU SKU GZUGS RDZOGS PA LA, ,BYIN MA BRLABS PAR RING GNAS NA, ,DE LA BKRA MI SHIS 'BYUNG ZHING, ,JI SRID MCHOD PAR DE MI 'OS, ,DPER NA SKYES BU LA LA ZHIG
RIG PA'I MTSAN NYID SPANGS PA NA, ,'JIG RTEN DUN GYI MCHOD MI BYED, ,DE DE BZHIN DU GZUGS BRNYAN DE, ,RAB GNAS MA BYAS GZUGS BRNYAN LA, ,GANG GIS MCHOD CING PHYAG BED PA, ,DAM TSIG BRAL ZHING SNGAGS DMAN PAS, ,SBYIN SREG THAL BA 'BRAS MED MTSUNGS, ,DE BZHIN DU YANG SNGAGS GNAS PAS, ,CHOS LDAN MCHOD PA BYED PA GANG, ,DE YI LAS KYI RNAM SMIN GYIS, ,SKYE PA RU NI MCHOD PAR 'GYUR, ,BYANG CHUB SEMS DPA' RNAMS KYIS GSOL BA, BCOM LDAN 'DAS, CHOS THAMS CAD RAB TU MI GNAS PA LAGS NA, JI LTAR NA RGYAL BA RNAMS KYIS RAB TU GNAS PA LAGS, BCOM LDAN 'DAS KYIS BKA' STZAL PA, SANGS RGYAS KUN NI RAB TU BZHUGS, ,RAB TU GNAS PA GANG NA'ANG MED, ,KUN TU MKHA' LTAR GNAS PA LA, ,GCIG SHOS KYIS NI RAB TU BRTAGS, ,'JIG RTEN KUN RDZOB LA BRTEN NAS, ,RAB TU GNAS PAR RAB TU BRTAGS, ,DAM PA'I DON DU DPYAD PA NA, ,GANG ZHIG GANG GIS GANG DU BRLAB, ,GZOD MA NAS NI SKYE MED PA, ,CI 'DRAS JI LTAR RAB TU GNAS, ,DANG PO'I LAS CAN SEMS CAN RNAMS, ,RTOGS PA'I RGYU RU BSHAD PAR ZAD, ,DANG POR RE ZHIG YONGS SU BRTAGS PA'I GNAS YONGS SU SBYANGS PA DANG, GDUGS DANG, RGYAL MTSAN DANG
, ,BLA RE DANG, BA DAN BSGRENG BA RNAMS SU MCHOG TU GSOL BA 'DEBS PAS GSOL BA BTAB PA'I BLA MA SPOS DANG, ME TOG LA SOGS PA DANG LDAN PAS TSES DANG, RGYU SKAR SHIS PA LA SLOB DPON LEGS PAR MNYAM PAR GZHAG PAS RAB TU GNAS PA'I SAR 'KHOD DE, SANGS RGYAS DANG, BYANG CHUB SEMS DPA' LA SOGS PA RIGS LNGA DANG RAB TU 'BREL BA YIN LA, DE BZHIN DU RAB TU 'BREL BA'I DKYIL 'KHOR GYI TSOGS SA YONGS SU GZUNG ZHING THIG GDAB PA DANG, RDUL TSON GYI LAS DANG, GSOL BA GDAB PA LA SOGS PA BYAS LA, RTZA BA'I SNGAGS SAM, RGYUD KYI DGONGS PAS SA'I GTER DU NOR BU'AM, SOR GDUB BCUG LA, DE NAS LHA'I KHANG PAR RANG GI SLOB MA DANG POR BCUG STE, RNAM PA KUN GYI MCHOG DANG LDAN PA'I DE BZHIN GSHEGS PA LA SOGS PA'I SKUR BLTAS LA, LHA LA MNGON PAR PHYOGS TE PHYAG 'TSAL ZHING, ,JI LTAR 'BYOR BA'I ME TOG THAL MO DANG, ,DRI CHU GTZANG MAS CHO GA BZHIN BRTAGS LA, ,TING NGE 'DZIN LA LEGS GNAS PAS, ,ZHABS BSIL ME TOG SPOS SOGS LDAN, ,RNAM PAR MI RTOG SEMS KYIS NI, ,MCHOD YON RNAMS NI PHUL BYAS LA, ,MNYAM PAR GZHAG PAS SNGAGS 'DI YIS, ,LAN
GSUM PAR DU BRJOD PAR BYA'O, ,AOm SA MA YA STVAm SA MA YA HO AA HAm, JI LTAR SANGS RGYAS THAMS CAD NI, ,DGA' LDAN DU NI GNAS PA LAS, ,LHA MO SGYU 'PHRUL LHUMS ZHUGS LTAR, ,DE BZHIN GZUGS BRNYAN 'DIR BZHUGS SHIG ,'DI RU MGON PO RTAG BZHUGS NAS, ,BYANG CHUB SEMS NI BSKYED PA DANG, ,'DI ZHES BYA BA'I DON SLAD DU, , BDAG GI 'BYOR PA NYID KYIS NI, ,CI 'BYOR PA YI MCHOD PA RNAMS, ,ME TOG LA SOGS 'DI BZHES SHIG ,BDAG DANG SLEB MAR BCAS PA LA, ,RJES SU BRTZE BAS DGONGS SU GSOL, ,KUN GYIS 'DI LA BYIN BRLAB CING, ,DE NYIS DU NI BZHUGS PAR RIGS, ,SKU GZUGS STA GON LEGS BYAS LA, ,DE NAS RTAG PAR MNYAM PAR BRTZAM, ,SLOB MA SMYUNG BAR GNAS PA YI, ,DE LTAR THAMS CAD SPYAD BYAS LA, ,SNGAGS PAS MCHOD PA'I CHO GA SOGS, ,BLA MA YIS NI GANG BSGO BA, ,MA TSOGS PA KUN BSGRUB PAR BYA, ,MCHOD SBYIN 'BRAS BU CHEN PO 'GYUR, ,DE NAS SNGAGS PAS SNYAN GSAN DBAB, ,GDAN LA BSTIM BYAS MCHOD YON DANG, MCHOD PA GTOR MA SPOS ME TOG ,DE BZHIN DU NI MAR ME DAG ,SNGAGS DANG LDAN PAS DBUL BAR BYA, ,SKU GZUGS MDUN DU PHYAG BYAS LA, ,NA BZA' SER POS G-YOGS BYA ZHING, ,DE NAS SNGAGS PAS 'DU BYA BA, ,KHYAD PAR DU NI BDUG
, ,PAR BYA, ,DE NAS BSGRUB PHYIR DE LA NI, ,DE LA LAN GCIG GTOR BYA BA, ,DE NAS DE LA SNGAGS 'DIS NA, ,ME DANG DE NAS CHU LA GTOR, ,AOm SARBA P'A BAm DA HA NA BDZR'A YA SV'A H'A, ZHES BYA BAS SO, ,DE NAS, RNAM PA KUN GYI MCHOG LDAN PA'I, ,DON BZHIN DU NI BSGOM BYA STE, ,DE NAS GNAS GSUM RNAMS SU BSTIM, ,AOm H'Um A'A: YI YI GE GSUM, ,AOm YIG SBYIN BOR BSTIM BYA ZHING, ,SNYING GAR H'Um GI YI GER 'GYUR, ,NGAG GI PHYOGS SU A'A: YIG GO ,SKU GSUNG THUGS NI BSGRUB PAR BYA, ,YANG NA, GANG GI SA BON GANG YIN PA, ,DE YI THUGS GAR DE DGOD DO, ,PHYAG RGYA SNGAGS KYIS RAB BSKUL ZHING, ,CI RIGS PA NI SNYAN GSAN DBAB, ,GSER RAM DNGUL LAM ZANGS MA'AM, ,RDO DANG DE BZHIN SHING DANG NI, ,SA 'AM DUNG CHOS DE BZHIN TE, ,YANG NA SHING LO'I 'DAB MA RNAMS, ,MCHOD YON SNOD DU SBYAR BAR BYA, ,DE BZHIN BUM PA GSER LA SOGS, ,ZANGS MA'I SNOD KYI MCHOD YON NI, ,MCHOD YON SNOD LA RAB TU SHIS, ,GAL TE NUS PAS MA RNYED NA, ,JI LTAR RNYED PAS KUN TU BYA, ,DE NAS DRI YI TIL MAR SOGS, ,D'UR BA'I PHON GYI PIR GYIS SBYANG, ,BKRA SHIS RNGA LA SOGS PA'I SGRAS, ,NA CHUNG RNAMS KYIS DE BZHIN BRJOD, ,TIL MAR LA SOGS SNGAGS KYIS NI,,
AOm SARBA TA TH'A GA TA K'A YA BI SHO DHA NI SV'AH'A, BUM LNGA 'AM YANG NA BRGYAD, ,TZANDAN LA SOGS RNAMS KYIS BYUG ,SNA TSOGS DRI CHUS DGANG BA DANG, ,'KHOR LOR BYAS LA MNGON PAR BSNGAGS, ,BU MOS BKAL BA'I SRAD BU 'AM, ,YANG NA RAS BAL SKUD PA'ANG RUNG, ,TSON CHEN PO YIS BSGYUR BYAS LA, ,DE LA SNGAGS KYIS DKRI BAR BYA, ,SMAN LNGAG [?] NI CHEN LNGA DANG NI, ,ME TOG 'BRAS BUR LDAN PA STE, ,SKU GSUM PA DANG YUNGS KAR LDAN, ,BUM PA MNGON PAR BSNGAGS PAR BYA, ,GTZUG TOR RNAM RGYAL ZHES BYA DANG, ,GZI BRJID GZHAN GYIS MI RJI DANG, ,BKRA SHIS ZHI RNAMS SNGAGS KYIS NI, ,KHRUS KYI TSAD DU MNGON PAR BSNGAGS, ,'JAM PA'I TIL MAR DAG DANG NI, ,AU DU MA W'A RA'I LCUG [?] MA BZANG, ,'KHAR BA'I SNOD KYI NANG DAG TU, ,BKOD LA RAB TU DBUL BAR BYA, ,DRI LNGA YIS NI DE DAG BYUG ,SA BON LNGA NI GTOR BAR BYA, ,SLOB MA TSOGS DANG BCAS PA YIS, ,SNGAGS KYI GTZANG SBRAS BKRU BAR BYA, ,BKRA SHIS ZHES BYA YID 'ONG BA'I, ,BLO DANG LDAN PAS TSIGS BCAD BRJOD, ,RIG MA SPYAN MA JI BZHIN DU, ,CHO GA BZHIN DU MNGON DBANG BSKUR, ,SNGAGS NI, JI LTAR BLTAMS PA TZAM GYIS NI, ,LHA YI CHU NI DAG PA YIS, ,DE BZHIN GSHEGS KUN KHRUS GSOL LTAR, ,DE BZHIN BDAG GIS
, ,KHRUS GSOL LO, ,ZHES BYA BA LA SOGS PAS SO, ,AOm SARBA TA TH'A GA TA AA BHI shE KA TA SA MA YA SHRI YE H'Um, LUGS MA RNAMS NI DNGOS SU BKRU, , RI MO RNAMS NI ME LONG LA'O, ,DAG BYED LNGAS NI SNGON DU BSGO, ,D'UR BA YIS NI MNYE BAR BYA, ,RAS SAM LAG PA DAG GIS NI, ,BLO DANG LDAN PAS SKU LUS PHYI, ,GUR GUM MAR DANG BCAS PAS BSKU, ,GOS ZUNG DAG KYANG SKU LA GSOL, ,BLO DANG LDAN PAS SNGAGS 'DI YIS, ,DKYIL 'KHOR DBUS SU BZHUGS SU GSOL, ,AOm DHI BDZRA W'A SA SE SV'AH'A, AOm BDZRA GANDHE SV'AH'A, AOm BDZRA A'A BA RA nA BI SHUDDHE SV'AH'A, BLO LDAN GYIS RANG DAM TSIG BSKUL, ,PHYAG RGYA SNGAGS KYI DBANG BSKUR BA, ,JI LTAR 'OS PAR MNGON DBANG BSKUR, ,AOm H'Um AAm DZRIm KHAm, DE LTAR COD PAN BCING BYAS LA, ,GDAN LA LEGS PAR BZHUGS GSOL TE, ,BRTAG PA LAS GSUNGS TSUL GYIS SO, , MDUN PHYOGS SU NI MA BUB CING, ,YO BA MIN ZHING DRANG BA YIS, ,DE LTAR SKU GZUGS MDZES PAR DGOD, ,DE LTAR MIN NA SKYON 'BYUNG 'GYUR, ,ME TOG SPOS DANG DE BZHIN DRI, ,MAR ME NA BZA' SOGS 'BYOR GANG, ,DE KUN SNGAGS DANG LDAN PA YIS, ,LHA RNAMS LA NI DBUL BAR BYA, ,AOm BDZRA PUshPE A'A: H'Um, ZHES BYA BA 'DI DAG LA
SOGS PAS SO, ,MCHOG GI ME TOG 'DI DAG NI, ,CHU DANG THANG LAS DE BZHIN SKYES, ,MCHOG TU DAD PAS KHYOD LA 'BUL, ,CI BDE BAR NI SO SOR BZHES, ,LHAN CIG SKYES DANG SBYAR LAS BYUNG, ,MCHOG GI BDUG PA 'DI DAG NI, ,BDAG GI DAD PAS 'BUL LAGS KYIS, ,CI BDE BAR NI BZHES SU GSOL, ,LHAN CIG SKYES DANG SBYAR LAS BYUNG, , MCHOG TU GYUR PA'I DRI 'DI NI, ,MCHOG GI DAD PAS 'BUL LAGS KYIS, ,CI BDE BAR NI SO SOR BZHES, ,MUN PA 'JOMS BYED SNANG BA'I MCHOG ,MAR DANG TIL GYI MAR ME 'DI,, YANG DAG YE SHES SPYAN DBYE PHYIR, ,DAD PAS BDAG GIS DBUL BAR BGYI, ,BZA' DANG BCA' BA PHUN SUM TSOGS, ,KHA DOG DRI RO RNAMS DANG LDAN, ,THAMS CAD LDAN PA'I LHA YI BSHOS, ,BDAG GIS DBUL GYIS SO SOR BZHES, ,DE LA SOGS PA GANG YANG YUNG, ,CUNG ZAD CI 'BYOR SKU GZUGS LA, ,DE DAG THAMS CAD 'DI NYID KYIS, RIM PA YIS NI DBUL BAR BYA, ,SNGAGS KYI GTZANG SBRA TZ'A RU BYA, ,DER NI GSER GYI RANG BZHIN GYI, ,THUR MAS SPYAN NI DBYE BAR BYA, ,ZHAL ZAS DER DBUL BLO LDAN PAS, ,AOm TZAKshU: TZAKshU: SA MANTA TZAKshU BI SHO DHA NI SV'AH'A, AOm DH+Y'A NA SA M'A DHI PRI nA NE SV'A H'A, DE LTAR BZLAS TE DE NAS YANG, ,SLOB MA RAB TU BCUG BYAS LA, ,KHYOD KYIS NGA LA GANG GSOL BA'I, ,SKU
, ,GZUGS DAG NI KHYAD PAR DU, ,JI LTAR GSUNGS PA'I RAB GNAS PAR, ,DE DAG DON NI NGES BYAS TE, ,DE RNAMS DON NI GRUB ZIN GYI, ,CI BDE BAR NI MCHOD PAR BYOS, ,DE NAS DAM TSIG DBANG BSKUR BAR, ,KHYOD LA BYAS KYIS SREG BLUGS NI, ,STONG NGAM YANG NA DE YI PHYED, ,SNGAR GSUNGS PAR MAS 'BRU RNAMS KYIS, 'O MA CAN GYI BUD SHING LA, ,SREG KHUNG GRU BZHIR SREG BLUGS BYA, ,DE NYID MAR DANG 'O MA YIS, ,LHAG MA TZ'A RUR PHUL BYAS LA, ,BDAG DANG SLOB MA THAMS CAD NI, ,ZHI DANG RGYAS PA 'PHEL BAR BYA, ,AOm BDZRA A'A YU shE SV'AH'A, A'A GATZTSA HA RI PADGI LE TE DZA TE DZA HA LO GI TA KshA DE HI DA BA YA AI DAm TZA L+YE K'AR+YAN KU RU SV'AH'A, AOm BDZRA PUshtA YA SV'AH'A, DE LTAR BYAS LA 'BAD PA YIS, ,KHRI YI STENG DU BZHUGS PAR BYA, ,SKU GZUGS KYI NI SUM 'GYUR CHA'I, ,TSAD TZAM DU NI RAB TU BRTAG ,AOm SU PRA TIshthA BDZRE SV'AH'A, ME TOG SPOS SOGS SNGON 'GRO BAS, ,PHYOGS SKYONG RNAMS KYANG MCHOD PAR BYA, ,AOm AINDRA YA SV'AH'A, ZHES BYA BAS DBANG LDAN LA THUG GI BAR DU ROL MO'I SGRA LA SOGS PAS YANG DAG PAR MCHOD DE GSHEGS SU GSOL BAR BYA BA NI, RDZOGS SANGS RGYAS DANG DE YI SRAS, ,TSANGS SOGS LHA YI TSOGS RNAMS DANG, ,GANG DAG CHOG GA MA TSANG BA, ,DE DAG BZOD PA MDZAD
BAR RIGS, ,KUN TU ZHI DANG RGYAS PA RU, ,YON BDAG TSE LA RAB MDZAD NAS, ,SANGS RGYAS YUL DU GSHEGS NAS NI, ,SLAR YANG 'BYON PAR MDZAD DU GSOL, ,SA DANG CHU DANG ME RLUNG GI ,LHA RNAMS KUN GYI SKU GZUGS LA, ,BSKAL BA BRGYA RU BSRUNG GNAS MDZOD, ,DGYES SHING YID BZANG GYUR NAS SU, ,SLOB DPON SLOB MAR BCAS PA YI, ,BU DANG TSA PO BSRUNG MDZAD NAS, ,RANG GNAS BDE BAR GSHEGS SU GSOL, ,DPYID ZLA RA BA'AM DPYID ZLA 'BRING, ,DGUN DANG DPYID KYI THA CHUNGS SAM, ,DBYAR RA DE BZHIN DBYAR 'BRING PO, ,NYI MA BYANG DU GNAS PA YI, ,DKAR PO'I PHYOGS KYI GNYIS PA'AM, ,RIM BZHIN DE LTAR GSUM PA 'AM, ,GANG TSE GZA' DANG RJES MTHUN, ,NAG PO'I PHYOGS LA'ANG BRTZAM PAR BYA, ,GANG TSE THAMS CAD MTHUN GYUR NA, ,MI RNAMS YUN DU 'PHEL BAR BYED, ,BCO LNGA DE BZHIN BRGYAD PA DANG, ,BCU GSUM PA YANG DE BZHIN NO, , GNAM STONG DANG NI DE BZHIN DU, ,BCU BZHI PA LA'ANG BYA BA MIN, ,THAMS CAD DU NI CHU SMAD DANG, SNAR MA GRO ZHUN DE BZHIN TE, ,LAG PA SNUBS DANG SNRON DANG NI, ,RGYAL DANG CHU SMAD DE BZHIN NO, ,KHRUMS SMAD DAG KYANG DE BZHIN TE, ,RGYU SKAR 'DI RNAMS THAMS CAD DU, ,SKYE DGU 'PHEL ZHING DE YI NI, ,RAB TU GNAS PA'I MCHOG TU BYED, ,SKAR MA
, ,DBO LA RAB GNAS BYA, ,DES NI SHES RAB CHEN POR 'GYUR, ,YID LA 'DOD PA CI YANG RUNG, ,DNGOS GRUB ME BZHIS STER BAR 'GYUR, ,LUS LAS SHES PA YANG DAG PA, ,KHRUMS SAM YANG NA GRO BZHIN GYIS, ,LAG GIS SKAL BZANG SNAR MAS NI, ,GZHAN DAG LAS NI RGYAL BAR BYED, ,MGO YIS ZHI BA NYE BAR STON, , CHU STOD KYIS NI BU DAG GSON, ,RTAG PAR DNGOS GRUB KHRUMS SMAD KYIS, ,RGYAL GYIS RTAG PAR TSE RING 'GYUR, ,SNRON GYIS MCHOG TU BA DE BAR BYED, ,LHA MTSAMS KYIS NI MCHOG STER 'GYUR, ,PHUR BU LAG DANG PA BA SANGS, ,ZLA BA GZA' SOGS SHES BYA STE, ,'DI RNAMS BZANG LDAN LA BYAS NA, ,RAB TU GNAS PA MCHOG TU DGE ,GSUM PA DRUG PA BDUN PA LA, ,BCU DANG BCU GCIG LA ZLA BA, ,GNYIS PA BZHI PA DE BZHIN BRGYAD, ,BCU DANG BCU GCIG RNAMS LA LAG, ,GNYIS DANG BDUN DANG DE BZHIN DGU ,DE BZHIN PHUR BU BCU GCIG PA, ,DUS SBYOR ZHI BA LAS BRTEN NAS, ,DE LA LHAG PAR GNAS PAR BYA, ,DRUG BDUN BCU PA DOR BA YIS, ,PA BA SANGS NYID DGE BA YIN, ,DE LTAR GZA' RNAMS THAMS CAD KYI, ,STOBS LDAN MI LDAN DER SHES BYA, ,GANG TSE ZHI BA'I GZA' RNAMS DANG, ,ZHING RNAMS ZHI BA DGE BA YIN, ,DANG PO LNGA PA GSUM DE BZHIN, ,NOR
RNAMS 'JOMS PA SPANG BAR BYA, ,RJES SU MTHUN PAR BYED PA POS, ,SKAD CIG DE LA YONGS 'GRUB CING, ,JI LTAR GSUNGS BZHIN KUN BYAS NA, ,RAB TU GNAS PA MCHOG 'GYUR ZHING, ,'KHOR LOS BSGYUR RGYAL DBANG PHYUG NI, ,THOB 'GYUR DE LA THE TSOM MED, ,GZA' DANG RGYU SKAR DER MED DE, ,BGEGS DANG LOG PAR 'DREN PA'ANG MED, ,GZA' RNAMS THAMS CAD RJES MTHUN ZHING, ,BGEGS DANG RGYU SKAR LHA RNAMS NYID, ,DE RU GRUB PAR KUN GNAS SHING, ,GZUGS BRNYAN MCHOD RTEN LA SOGS KYI, ,DNGOS GRUB DAG NI STER BAR MDZAD, ,YID KYIS CUNG ZAD GANG BSAMS PA, ,SKYE DANG SKYE BA 'GRUB BAR 'GYUR, ,RGYAN RNAMS MA LUS PA YIS NI, ,PHYI NAS BZO BO RNAMS LA MCHOD, ,GANG DAG DE LA GROGS BYED PA, ,GZHAN DAG KYANG NI MCHOD PAR BYA, ,DE NAS DE DAG THAMS CAD LA, ,DGA' BAS 'DI SKAD BRJOD PAR BYA, ,JI LTAR GSUNGS PA'I MCHOD PA RNAMS, ,BDAG LA MTHUN PA'I NUS PA MED, ,DE PHYIR KHYOD LA BDAG BZOD GSOL, ,SNGAGS KYIS GTZANG SBRA'I BZA' BCA' DAG ,GZUGS BRNYAN DAG LA SBYIN BYA STE, ,BDER GSHEGS LHAG MA 'DI DAG NI, ,ZO ZHIG SDIG PA BYANG BAR 'GYUR, ,ZHES BYA BAS SO, ,GLANG PO RTA GLANG SHING RTA NOR, ,YON GYI DAM PA DBUL BAR BYA, ,DE NAS DE LA NAN TAN GYIS, ,LONGS
, ,SPYOD G-YO BA DBUL BAR BYA, ,GAL TE LHA NYID DGYES 'DOD NA, ,BLA MA GUS PAS DGYES BYA ZHING, ,DE LTAR RNAM PA THAMS CAD DU, ,BLA MA YANG DAG MNYES PAR BYA, ,DE NAS YANG DAG BRTUL ZHUGS CAN, ,DGE SLONG DGE BSNYEN DGE SLONG MA, ,MCHOG TU GUS PAS MCHOD BYAS LA, ,JI LTAR 'OS PA'I YON YANG DBUL, ,DUNG NGAM ROL MO SGRA LA SOGS, ,BZANG PO'I GLU DANG GAR RNAMS KYIS, ,GNYEN DANG RIGS RGYUD 'KHOR RNAMS KYIS, ,ROL MO CHEN PO MTSAN MO DBUL, , DE LTAR THAMS CAD PHUL ZIN NAS, ,GANG RUNG MCHOD SBYIN DKYIL 'KHOR LA, ,PHUL LAM 'BUL BAR BYED PA RNAMS, ,SLOB DPON LA NI DBUL BYA YI, ,BZO BO LA NI MI SBYIN ZHING, ,DGE SLONG RNAMS LA'ANG SBYIN MI BYA, ,SLOB DPON MCHOG GI LHA YIN TE, ,NOR RNAMS THAMS CAD DE LA DBUL, ,DE NAS DKYIL 'KHOR BYUG BYA STE, ,BA YI LCI BAS BYUGS BYA ZHING, ,RDUL TSON CHU BOR RAB DOR RO, ,DE YIS YANG DAG LEGS PAR 'GYUR, ,RAB TU GNAS PA MDOR BSDUS PA'I RGYUD RDZOGS SO,, ,, KHA CHE'I PAntI TA CHEN PO DZNY'A NA BADZRA DANG, LO TZ'A BA 'BRO DGE SLONG SHES RAB GRAGS PAS BSGYUR BA'O,,