DPAL GSHIN RJE GSHED DMAR PO ZHES BYA BA'I RGYUD KYI RGYAL PO (Śrī Rakta Yamāri Tantra Raja Nāma)

,,RGYA GAR SKAD DU, SHRI RAKTA YA M'A RI TANTRA RA DZA N'A MA, BOD SKAD DU, DBAL GSHIN RJE GSHED DMAR PO ZHES BYA BA'I RGYUD KYI RGYAL PO, DPAL GSHIN RJE GSHED DMAR PO LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS DE BZHIN GSHEGS PA THAMS CAD KYI SKU DANG GSUNG DANG THUGS RDO RJE BTZUN MO'I

, ,BHA GA RNAMS LA BZHUGS SO, ,DER BCOM LDAN 'DAS KYIS GSUNGS PA, DE BZHIN GSHEGS PA THAMS CAD KYI SKU DANG GSUNG DANG THUGS KYI SNYING PO GSANG BA LAS SHIN TU GSANG BA'I MCHOG ,AE MA HO, PHYAG NA RDO RJE LEGS SO LEGS SO, ,SNYING RJE CHEN PO BYANG CHUB SEMS DPA' CHEN PO'I RDO RJE, ZHE SDANG RDO RJE, BYANG CHUB SEMS DPA' SEMS DPA' CHEN PO'I SNYING PO GSHIN RJE GSHED DMAR PO'I SKU NYON CIG ,PHYAG NA RDO RJE GSOL PA, GSHIN RJE 'JOMS PA PO RNAMS JI SNYED LAGS PA 'DIR BSHAD DU GSOL, GTI MUG RDO RJE GSHIN RJE GSHED DANG, PHRA MA RDO RJE GSHIN RJE GSHED DANG, 'DOD CHAGS RDO RJE GSHIN RJE GSHED DANG, PHRAG DOG RDO RJE GSHIN RJE GSHED CES BYA'O,, RDO RJE TZA RTZI KA DANG, RDO RJE PHAG MO DANG, RDO RJE DBYANGS CAN MA DANG, RDO RJE GOO RI RNAMS KYANG NGO, ,ZUR DU BUM PA BZHI RNAMS SO, ,DE LTAR RAB TU BSOR [?] BA'I GSHIN RJE GSHED KYI TSOGS CHEN PO RNAMS SO, ,DE NAS BCOM LDAN 'DAS PHYAG NA RDO RJE, RDO RJE SEMS DPA', DE BZHIN GSHEGS PA THAMS CAD KYI BDAG POS BOS PAR GYUR TE, DE NAS BCOM LDAN 'DAS DE BZHIN GSHEGS PA THAMS CAD KYI MNGA' BDAG ,BDUN THAMS CAD NGES PAR 'JOMS PA'I RDO RJE ZHES BYA BA'I TING NGE 'DZIN NYID KYI SKU DANG GSUNG DANG

THUGS RDO RJE RNAMS LAS PHYUNG BAR MDZAD PA NI ,SNGAGS KYI DGUG DANG DBANG CHEN DANG, ,DE BZHIN NUS PA RNAM MANG PO, ,RAL GRI SGRUB DANG RGYAL SRID DANG, ,PHA ROL SDE NI RNAM 'JOMS DANG, ,MI SNANG MIG SMAN BCUD NYID DANG, ,NGES PAR GRIG LA 'PHROG PAR MKHAS, ,RO LANGS GNOD SBYIN SGRUB PA DANG, ,SBRUL DANG GDUG PA'I TSOGS SRUNG DANG, ,SBYIN SREG DKYIL 'KHOR LAS RNAMS DANG, ,BYANG CHUB SEMS NI RNAM DPYOD DANG, ,NYER MKHO THAMS CAD SPYOD PA DANG, ,PHA ROL GRONG DU RAB 'JUG PA'O, ,'OD ZER LDAN NI MNYAM 'KHRIGS PA'I, , RDO RJE SRUNG BA'I DON BSGOM BYA, ,SA YI CHA YANG RDO RJE YIS, ,DE BZHIN RA BA DANG NI GUR, ,DE NAS BCOM LDAN 'DAS DE BZHIN GSHEGS PA THAMS CAD SKYED PA PO BDUD THAMS CAD RNAM PAR 'JOMS PA'I RDO RJE ZHES BYA BA'I TING NGE 'DZIN LA SNYOMS PAR ZHUGS TE GTI MUG GSHIN RJE GSHED LA SOGS PA THAMS CAD KYI SA BON 'DI NYID KYI SKU DANG GSUNG DANG THUGS RNAMS LAS NGES PAR PHYUNG NGO, ,DBUS SU YA'O, ,KshE MA ME DANG YATZTSA NA R'I DZA DO RU nA YO NI RA YA YIG LA SOGS PA GSHIN RJE 'JOMS PAR 'GYUR RO, ,GTI MUG KshE YIG LA BRJOD BYA; ;PHRA MA NYID BRJOD MA YIG LA'O, ,'DOD CHAGS NYID KYANG ME YIG LA, ,DA YIG LA YANG PHRAG DOG YIN, ,LNGA RNAMS GSHIN RJE 'JOMS PAR BSGRAGS, ,DZA YIG TZARTZI KA RU BRJOD,,

, ,SA YIG LA NI PHAG MO STE, ,DBYANGS CAN MA BRJOD DO YIG LA, ,RU YIG LA NI GOO R'A RI 'DOD, ,nA YO NI RA ZUR BZHI RU, ,MI YI THOD PA BZHI RNAMS SO, ,DE NAS NGES PAR BCOM LDAN 'DAS DE BZHIN GSHEGS PA THAMS CAD KYI MNGA' BDAG GSHIN RJE GSHED RDO RJE ZHES BYA BA'I TING NGE 'DZIN LA SNYOMS PAR ZHUGS TE, ZHES SDANG CHEN PO'I RIGS 'DI SGOM PA'I RNAL 'BYOR 'DI GSUNGS SO, ,SBYIN PA TSUL KHRIMS BZOD PAR LDAN, ,BLO BZANG SEMS CAN DON DANG GCIG ,BYAMS SOGS YON TAN YANG DAG RDZOGS, ,DAD DANG THOS PAS RNAM PAR BRGYAN, ,BRTZE BA'I BDAG NYID CAN SNGA DRO, ,THOG MAR KHA SOGS DAG BYAS TE, ,SKYE BOS DBEN PHYOGS DUR KHROD SOGS, ,BDE BA'I STAN LA RANG BRTZAM BYA, ,RANG NYID PADMAR NYI MA LA, ,RNAM BKOD SHIN TU GSAL BA'I BLTA, ,DE 'OD RNAMS KYIS SEMS CAN DON, ,PHUN TSOGS BYAS NAS SPYAN DRANGS TE, ,BLA MA RDZOGS SANGS RGYAS BSGOM BYA, ,MA LUS MKHA' DKYIL RNAMS KHYAB PA, ,DMIGS TE DE RNAMS LA NI PHYAG ,LUS KYI TSOGS KYIS RNAM PAR BRTZON, ,TZARTZI KA SOGS RNAMS KYIS MCHOD; ;DE NAS SDIG PA RAB BSHAGS BYA, ,LUS NGAG YID KYIS YANG DAG SDIG ,BYAS DANG BYED 'GYUR DE BZHIN DU, ,GANG YANG RJES SU YI RANG BA, ,MGON PO DUS GSUM

BYAS DE BSHAGS, ,RDZAGS SANGS RGYAS DANG MTSUNGS RNAMS KYI, ,BSOD NAMS TSOGS LA RJES YI RANG, ,RDZOGS PA'I SANGS RGYAS DAM CHOS BCAS, ,TSOGS MCHOG RNAMS LA SKYABS SU MCHI, ,YON TAN RGYA MTSO KHYED RNAMS LA, ,RANG LUS DAG NI DBUL BAR BGYI, ,DAM CHOS THAMS CAD STON MDZAD CING, ,SHIN TU MTHAR THUG MJES PAR BZHUGS, ,YANG DAG RDZOGS SANGS RGYAS DAM CHOS, ,DE NYID SBYIN SOGS RANG BZHIN LA, ,SKU GSUM YE SHES THOB PHYIR DU, ,RAB TU DANG BAS GNAS PAR BGYI, ,SEMS CAN RNAMS KYI DON BSGRUB PHYIR; ;RDZOGS PA'I BYANG CHUB SEMS BSKYED BGYI, ,BSOD NAMS YANG DAG NYER SGRUB GANG, ,RDZOGS PA'I BYANG CHUB TU YONGS BSNGO, ,DPAL LDAN GSHIN RJE MTHAR BYED DU, ,GYUR NAS BDAG GIS 'GRO PHAN BGYI, ,SMON LAM 'DI NI BTAB BYAS TE, ,DE DANG DE RNAMS BLOS GSHEGS BYA, ,BRTZE BAS CHO GA BZHIN BLTAS TE, ,SNA TSOGS STONG PAR RNAM BSAM BYA; ;SBYOR BA BRAL BA'I RANG BZHIN TE, ,RGYU NYID KYIS DANG MTSAN MA MED, ,RNAM PAR RTOG DANG BRAL NYID PHYIR, ,SMON PA RNAM PAR SPANGS PA'O, ,AOm SH'U N+YA T'A DZNY'A N'A BADZRA SV'A BHA WA A'ATMA KONYAHAm, YAm RAm BAm LAm DKYIL 'KHOR BZHI, ,BSDUS PA'I BHRUm YIG LAS SKYES PA'I, ,KHANG PA BRTZEGS PA BSGOM PAR BYA, ,GRU BZHI PA LA SGO BZHI PA, ,RTA BABS BZHI YIS BRGYAN PA STE, ,DO

, ,SHAL DO SHAL PHYOD PAS SPRAS, ,LHA DANG LHA MOS LEGS PAR MDZES, ,SNA TSOGS RTZE MO RLUNG BSKYOD PA'I, ,BDAN DRIL BU MNYAM PAR LDAN, ,DE YI DBUS GNAS PAm YIG GIS, ,SNA TSOGS PADMA RNAM BSAM BYA, ,DER NI LTE BA'I DBUS GNAS PA'I, ,SNA TSOGS RDO RJE DBYUG PAR BCAS, ,MTSAN MA MTHA' DAG YONGS GYUR NAS, ,ZHE SDANG BDAG NYID RNAM PAR BSGOM, ,PADMA NYI MA MNYAM MNAN CING, ,MA HE DMAR PO'I STENG BZHUGS PA, ,G-YON BRKYANG PA YI ZHABS KYIS NI, ,BDUD RNAMS THAMS CAD NGES 'JOMS PA, ,NYI MA BYE BA'I 'OD LDAN LHA, ,RO LANGS MA YIS MGRIN MKHYUD CING, ,DPA' BO ZHAL GCIG PHYAG GNYIS PA, ,KLU NI BRGYAD KYIS RNAM PAR BRGYAN, ,SPYAN GSUM DMAR PO 'JIGS PA STE, ,KHRAG LDAN MGO BO'I PHRENG BA CAN, ,G-YAS NA RDO RJE DBYUG PA DANG, ,G-YON NA THOD PA 'DZIN PA'O, ,KHRO BO ZHAL DANG MNYAM LDAN ZHING, ,LJAGS 'DRIL MCHE BA GTZIGS PA CAN, ,KHRO GNYER LDAN ZHING SKU RGYAS PA, ,STAG GI PAGS PAS RKED PA G-YOGS, ,THUNG ZHING GSUS 'PHYANG 'JIGS PAR BYED, ,DRI MED DAG PA'I 'OD ZER 'BAR, ,RO LANGS MA YI G-YAS PA NA, ,GRI GUG G-YON NA THOD PA CAN, ,SPYAN GSUM LDAN ZHING SKRA GROL BA, ,PHYAG RGYA LNGAS NI RNAM PAR BRGYAN, ,MGO YI PHRENG BA

MNYAM LDAN ZHING, ,GTZO BO'I MCHU LA MYANG BA MO, ,SHAR GYI 'DAB MA LA GTI MUG RDO RJE DKAR PO RDO RJE TZA RTZI K'A DANG SNYOMS PAR ZHUGS SO, ,LHO'I 'DAB MA LA PHRA MA GSHIN RJE GSHED SER PO RDO RJE PHAG MO DANG SNYOMS PAR ZHUGS PA'O, ,NUB KYI 'DAB MA LA 'DOD CHAGS GSHIN RJE GSHED DMAR PO RDO RJE DBYANGS CAN MA DANG SNYOMS PAR ZHUGS PA'O, , BYANG GI 'DAB MA LA PHRAG DOG GSHIN RJE GSHED LJANG GU RDO RJE GOO RVI DANG SNYOMS PAR ZHUGS BA'O, ,TZARTZI K'A NAG MO, PHAG MO SER MO, DBYANGS CAN MA DKAR MO, GOO R'I LJANG GU ,G-YON PA NA THOD PA DANG, G-YAS PA NA GRI GUG STE, PHYAG DANG, ZHAL DANG, DBYIBS NI, DPA' BO JI LTA BA BZHIN NO, ,ME'I ZUR DU MU MEN GYI BUM PA BZHI MNYAM GYIS GANG BA'O; ;BDEN BRAL DU GSER GYI BUM PA GLA RTZIS GANG BA'O, ,RLUNG DU BYI RU'I BUM PA SIHLAS GANG BA'O, ,DBANG LDAN DU DNGUL GYI BUM PA GA BUR GYIS GANG BA STE THOD PAS KHA BCAD PA RNAM PAR SGOM PA'O, ,KHRO BO 'CHING BA'I SNGAGS GSUNGS PA, GTZO BO DPA' BO'I NI, AOm HR'I: shtR'I: WI KRi T'A NA NA H'Um H'Um PHAt PHAt SV'AH'A, SNYING PO'I SNGAGS SO, ,AOm HOOm KshOO KshA YAm KA R'A YA, GRIHNA GRIHNA H'Um H'Um PHAt PHAt SV'AH'A, NYE BA'I SNYING PO'I SNGAGS SO, ,AOm MA H'A YAKshA SE N'A DHI PA TA YO MA H'A DUR D'ANTA DA MA K'A YA N'A SHA LA N'A SHA YA, BI DR'A PA YA BI DR'A PA YA H'Um H'Um PHAt

, ,PHAt SV'AH'A, PHRENG BA'I SNGAGS SO, ,AOm DVE shA RA TI NU DA NU DA TRU tA TRU tA H'Um DZA: SV'AH'A, RJE BTZUN MA'I SNGAGS SO, ,AOm MO H'A NTA KRiTA H'Um H'Um PHAt, AOm PI SHU N'ANTA KRiTA H'Um H'Um PHAt, AOm RA G'ANTA KRiTA H'Um H'Um PHAt, AOm A'I RA shYANTA KRiTA H'Um H'Um PHAt, DPA' BO BZHI'I SNGAGS SO, ,AOm MO HA RA TI H'Um DZA: AOm PI SHU NA RA TI H'Um: DZA:, AOm R'A GA RA TI H'Um: DZA:, AOm AIRA shYA RA TI H'Um DZA:, DPA' BO'I DBANG PHYAG [?] MA BZHI'I SNGAGS SO, ,AOm MARME MARMA BI GHA TE, AOm BADZRA TZARTZI KE ,HA RA HA RA, BUKKAm M'A RA YA, AA MU K'A YA DZA:, AOm GHO nE; SU GHO nE, BADZRA M'A MA K'I ,BHA RA BHA RA, SAm BHA RA SAm BHA RA H'Um DZA:, AOm MARME MARMA KshO BHA nI BADZRA SA RA SVA TI, DA RA DA RA, THA RA THA RA, PHA RA PHA RA, KAm PA KAm PA, DHU NA DHU NA H'Um AA MU KAm DZA:, AOm GAm BH'I RE, BADZRA KARTI KE ,GHA GHA RAKTA SHO nI TA BRI YE, GOO R'I YE AA MU KAm DZA:, GDENGS CAN MTHA' YAS SNGON PO YIS, ,SKRA BCINGS SHIN TU 'JIGS PAR MDZAD; ;KLU NI 'JOG PO DMAR PO YIS, ,RNA BAR DRAG PO'I RNA RGYAN BYAS, ,RIGS LDAN SNA TSOGS DPUNG PA'I RGYAN, ,GDENGS CAN SER PO DUNG SKYONG NI, ,LAG GDUB DAG TU 'DZIN PA STE, ,PADMA DKAR PO DO SHAL MDZES, ,KA RKO tA NI SNGO BSANGS KYANG, ,MCHOD PHYIR THOGS PAS MDZES PA STE, ,GDENGS CAN NOR RGYAS BDUD RTZI YI, ,KHA DOG LTA BU'I

SKA RAGS BYAS, ,PAD RTZA LTA BU DKAR BA'I MDOG ,PADMA CHEN POS RKANG GDUB BYAS, ,THAMS CAD PHUD KYI RNAM PA SGROG ,LCE GNYIS PHRENG BA'I MCHE BA CAN, ,ZHES PA 'KHOR BA MYANG 'DAS KYIS, ,GZUGS CAN GSHIN RJE GSOD PA STE, ,RNAM RTOG THAMS CAD GZHOM PA'I PHYIR, ,SNGAGS KYIS YANG DAG BYIN BRLAB BYA, ,RANG NYID SA BON LCAGS KYUS DGUG, ZHAL NAS ZHUGS TE THAMS CAD DU, ,MKHA' KHYAB RDZOGS PA'I SANGS RGYAS KUN, ,ZHAL NAS ZHUGS RNAMS SNYING GAR ZHU, ,DER NI SA BON PHYUNG BYAS TE, ,RDO RJE'I LAM NAS ZHU BA STE, ,RANG 'OD PADMA'I NANG GNAS PA, ,SA BON RANG BZHIN CAN BLTA BYA, ,SA BON DE RNAMS KYIS BYIN BRLAB, ,'OD ZER MI BZAD 'PHRO BA NI, ,MKHAS PAS CHO GA BZHIN BSGOM BYA, ,BLTAS TE SNYING GAR ZHU BYAS LA, ,RDO RJE'I LAM NAS NGES PHYUNG STE, ,RANG GI RIG MA'I PADMA YI, ,ZE 'BRUR LHA MO'I TSOGS BLTA BYA, ,ME TOG SNA TSOGS NYER SPYOD SOGS,, LAG PA'I YAL GAS BZUNG BA DANG, ,YID 'PHROG KLU YI MCHOD PA DANG, ,SNA TSOGS GAR GYI RANG BZHIN NYID, ,BDE BA CHEN PO RAB STER BA, ,ROL BCAS DE RNAMS KYIS MCHOD BYA; ;KYE KYE GSHIN RJE GSHED DMAR PO, ,BLA MA SRIN PO'I GZUGS RANG BZHIN, ,KHYOD MTHONG KHO BO RNAM BAR 'JIGS, ,BLA MA KHRO BO'I RANG BZHIN SPONGS, ,KHYOD KYIS GAR

, ,MDZAD SA STENG DANG, ,SA BLA DANG NI SA 'OG G-YO, ,CHAGS PAS BRGYAN PA'I KHRO BO YID, ,GAR MDZAD KHYOD NI RO LANGS LAGS, ,SKU NI DMAR ZHING THUNG BA STE, , RNAM PA SNA TSOGS GZUGS SPRUL PA, ,RDO RJE DBYANGS CAN MAS BTUD ZHUS, ,GAR MDZAD KHYOD NI BDE BA CHE, ,HR'I: shtI: GSANG SNGAGS DAG GIS KHYOD, ,SA GSUM PO YI 'KHRUL PA SEL; ;SNYING RJE'I KHRO BO RJE BTZUN KHYOD, ,GAR MDZAD 'GRO BA RNAMS LA GZIGS, ,AOm SARBA TA TH'A GA TA P'U DZA BADZRA SVA BHA WA A'ATMA KONYHAm, SGRA YI TSOGS RNAMS THAMS CAD NI,, SGRA BRNYAN DANG MTSUNGS RNAM PAR BLTA, ,'KHOR LO'I GTZO LA BSTOD BYAS TE, ,DE YIS DE RNAMS DE LTA BZHIN, ,GTI MUG RDO RJE'I RANG BZHIN KHYOD, ,SHIN TU 'JIGS PA GSHIN RJE GSHED; ;STON PA SANGS RGYAS KUN RANG BZHIN, ,SKU YI RDO RJE KHYOD PHYAG 'TSAL, ,PHRA MA RDO RJE'I RANG BZHIN KHYOD, ,SHIN TU 'JIGS PA'I GSHIN RJE GSHED, ,THUGS KYI RDO RJE RAB GSAL BA, ,RIN CHEN RDO RJE KHYOD PHYAG 'TSAL, ,'DOD CHAGS RDO RJE'I RANG BZHIN KHYOD, ,KHYAB BDAG CHAGS PA'I CHOS 'BYUNG GNAS, ,DBYANGS MCHOG KUN GYI MCHOG GI MCHOG ,GSUNG GI RDO RJE KHYOD PHYAG 'TSAL, ,PHRAG DOG RDO RJE'I RANG BZHIN KHYOD, ,LAS KUN BYED PA'I GSHIN RJE GSHED, ,SKU YI RDO RJE RAB GSAL BA, ,PHYAG NA RAL GRI KHYOD

PHYAG 'TSAL, ,SANGS RGYAS KUN GYI RANG BZHIN KHYOD, ,SANGS RGYAS THAMS CAD GCIG BSDUS PAS, ,SANGS RGYAS KUN RAB MCHOG GI MCHOG ,DKYIL 'KHOR DBANG PHYUG KHYOD PHYAG 'TSAL; ;AA: YIG LAS SKYES PADMA'I SNOD, ,MI MGO GSUM GYI STENG GNAS PA, ,DAG PAR RNAM PAR BSKYED BYAS TE, DER NI 'OG TU ME DKYIL 'KHOR, ,ZUR GSUM RAm YIG LAS BYUNG BA'O, ,DER NI 'OG TU RLUNG DKYIL 'KHOR, ,SNGON PO G-YO BA GZHU LTA BU, ,BA DAN GYIS MTSAN YAm LAS BYUNG, ,DER NI DE'I MING DANG PO LAS, ,BSKYED DE RNAM SNANG LA SOGS PA, ,DAm YIG SOGS LAS YANG DAG BYUNG, ,GLANG PO CHE LA SOGS PA LNGAS, ,H'Um SKYE RDO RJE'I KHA CHOD KYIS, ,BKAB PA MKHAS PAS BSGOM PAR BYA, ,ME LA RLUNG GIS BSKYOD PA NA, ,DER NI ZHU BA RNAM BSAM BYA, ,RDO RJE'I RO MNYAM DAG GYUR CING, ,SHIN TU DRI MA MED BLTAS TE, ,H'Um YIG 'OD KYIS SANGS RGYAS RNAMS, ,SPYAN DRANGS YE SHES RANG BZHIN CAN, ,SNGAGS KYI GZUGS KYIS RAB GZHUG CING, ,MCHOG GI BDUD RTZI LNGAR BLTAS NAS, ,DE NYID GSUM GYIS BYIN BRLAB BYA, ,DKYIL 'KHOR BDAG PO TSIM BYA STE, ,LCE LA RDO RJE GTZANG MA NYID, ,H'Um YIG YANG DAG BYUNG BLTA DER, ,DE 'OD SBU GU'I RNAM PA LAS, ,YANG DAG BKUG PA DE YIS KYANG, ,RDZOGS SANGS RGYAS KUN SNA TSOGS GNAS, ,DKYIL 'KHOR BA RNAMS DE BZHIN GZHAN, ,

, ,YE SHES 'OD KYIS SNYING GAR BKUG ,KUN TU RTOG PA THAMS CAD SPANG, ,THOG MA THA MA DBUS DBYE BAS, ,DER YANG GZUNG BA GCIG YOD MIN, ,DE NYID KYIS [?] GZUGS MED, ,GANG LA 'KHRUL PA GNYIS LA GNAS, ,THAMS CAD TSE NA SEMS 'KHRUL MED, ,LUS NI SPRO DANG SDUD PA'O, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, MNGON PAR RTOGS PA'I LE'U STE DANG PO'O,, ,,DE NAS BCOM LDAN 'DAS DE BZHIN GSHEGS PA THAMS CAD KYIS BCOM LDAN 'DAS RDO RJE 'CHANG CHEN PO LA BSTOD PA'I RGYAL PO 'DIS GSOL BA BTAB PA, LAS KYI DBYE DANG RAB DBYE LAS, ,JI LTAR SEMS CAN RAB TU 'JUG ,RDO RJE CHEN POS BSHAD DU GSOL, ,YE SHES RGYA MTSO RNAMS NYAN 'TSAL, ,DE NAS RDO RJE 'CHANG RGYAL PO, ,NYES PA THAMS CAD GSO BA'I BDAG ,LAS KUN RAB TU SGRUB PA PO; ;GSUNG NI 'DI DAG BKA' STZAL TO, ,DE NAS BCOM LDAN 'DAS DE BZHIN GSHEGS PA THAMS CAD KYI THUGS RDO RJE'I MTHU MNGA' BA LA MCHOD PA BYAS TE PHYAG 'TSAL BA, BCOM LDAN 'DAS LA LAN GSUM BSKOR BA BYAS TE YANG DANG YANG DU PHYAG 'TSAL ZHING, BCOM LDAN 'DAS KYI GSUNG MNYAN TO, ,DE NAS RDO RJE 'CHANG RGYAL POS, ,DBANG BYED

'KHRUL 'KHOR RAB GSAL BYED, ,GSHIN RJE GSHED NAG 'KHRUL 'KHOR RNAMS, ,MA BYUNG 'BYUNG BAR MI 'GYUR RO, ,BUD MED DBANG BYED PHYIR DE BZHIN, ,BSRUNG BA'I DON DU BYA BA NYID; ;GI WANG GZUNG BYA ZHI BA LA, ,GRO GA DE BZHIN SMYUG SHUN LA, ,'KHOR LO GNYIS NI MNGON BRIS TE, ,NA MA: MING NI NANG DU SPEL, ,NAG PO RTZA BA SOGS SPANGS TE, ,KHAM PHOR GNYIS NI KHA SBYAR LA, ,MAR DANG SBRANG RTZI'I DBUS BZHAG STE, ,SRAD BU DKAR POS DKRI BAR BYA, ,ME TOG DKAR POS THUN GSUM DU, ,SHAR DU KHA BLTAS MCHOD PAR BYA, ,GSHIN RJE MTHAR BYED ZLA SHEL 'OD, ,BDAG NYID BSAMS TE 'DU 'GOD BYA, ,BSGRUB BYA ZLA BA'I DKYIL 'KHOR LA, ,ZHEN PA BLTAS TE DBANG BSKUR BYA, ,BUM PA DKAR PO ZLA 'DRA BA, ,BDUD RTZI LNGA YIS GANG RNAMS LA, ,RDZOGS PA'I SANGS RGYAS KHRUS BYED PA, ,BLTAS NAS BZLAS PA BRTZAM BAR BYA, ,AOm HR'I: shtR'I: WI KRi T'A NA NA H'Um H'Um PHAt PHAt, NA MA: LHA SBYIN LA SH'ANTIm KU RU NA MA:, ZHI BA'I DAM TSIG GSUNGS PA 'O, ,SKYES PA RNAMS KYI ZHI BA LA, ,GUR GUM GYIS BRIS RGYAS PA LA'ANG, ,KHA CHE RNAMS KYIS 'KHOR LO GNYIS, ,SV'A H'A MING GI NANG DU SPEL, ,BSGRUB BYA'I MING NI BLANGS NAS NI, ,MAR DANG SBRANG RTZI'I DBUS BZHAG NAS, ,KHAM PHOR KHA SBYAR DU BZHAG STE, ,SRAD BU SER POS DKRI BAR BYA, ,ME TOG SER POS THUN GSUM DU, ,BYANG DU KHA BLTAS

, ,MCHOD PAR BYA, ,GSHIN RJE 'JOMS PA SKU MDOG SER, ,BDAG NYID NGES PAR BLTA BAR BYA, ,BSGRUB BYA SER PO ZLA BAR GNAS, ,BUM PA SER POS DBANG BSKUR BYA, ,DBANG BSKUR BA NI BSGOMS NAS SU, ,RGYAS PAR BYED 'DOD YANG DAG BZLA, ,AOm HR'I: shtR'I: WI KRi T'A NA NA H'Um H'Um PHAt PHAt SV'AH'A, LHAS SBYIN GYI PUshtIm KU RU SV'A H'A, BOO shA tA AOm HR'I: shtVR'I: WI KRi T'A NA NA H'Um H'Um PHAt PHAt SV'A H'A, BOO shA tA LHAS SBYIN GYI BUshtIm KU RU BOO shA tA CES GSUNGS TE, BCOM LDAN 'DAS KYI RGYAS PA'I DAM TSIG GO ,GRO GA 'AM YANG NA RAS DAG LA; ;RGYA SKYEGS KHU BA 'AM TZANDAN DMAR, ,MING MED KHRAG DANG BSRES PA YIS, ,'KHOR LO GNYIS NI MNYAM BRIS TE, ,HO: YIG GIS NI NANG DU SPEL, ,NAG PO LA SOGS SPANGS 'KHRUL 'KHOR, ,KHAM PHOR GNYIS NI KHA SBYAR TE, ,MAR DANG SBRANG RTZIS YONGS GANG BAR, ,SRAD BU DMAR POS DKRI BAR BYA, ,NUB TU MNGON PAR PHYOGS BYAS TE, ,ME TOG DMAR POS MCHOD PAR BYA, ,BDAG NYID GSHIN RJE 'JOMS PA PO, ,SKU MDOG DMAR PO CHER 'BAR BA, ,BSGRUB BYA ZLA BA DMAR PO LA, ,ZHON PA NYID KYANG RNAM BSAM BYA, ,RANG LUS LAS 'PHROS 'OD ZER NI, ,DMAR PO LCAGS KYU'I DBYIBS RNAMS KYIS, ,BSGRUB BYA BKUG PAR BSAMS NAS NI, ,SPRO BA'I SNGAGS NI KHRI BZLA BYA, ,DE YIS BSGRUB BYA

BRGYAL 'GYUR ZHING, ,RKANG PA DAG NI DE BZHIN 'GYEL, ,GOS DANG BRAL BA'I SKRA GROL PA, ,BSAMS TE BZLAS PA BRTZAM PAR BYA, ,GAL TE DBANG DU MA GYUR NA, ,BUD MED SENG LDENG ME LA NI; ;MAR SOGS DOR BCAS BRTUL ZHUGS CAN, ,'KHOR LO DE NI GDUNG BAR BYA, ,AOm HR'I: shtR'I: WI KRi T'A NA NA H'Um H'Um PHAt PHAt, HO: LHAS SBYIN GYI MCHOD SBYIN BA SHIm KU RU HO:, AOm HR'I: shtR'I: WI KRi T'A NA NA H'Um H'Um PHAt PHAt, BOO shA tA LHAS SBYIN GYI BA SH'A M'A NA MCHOD SBYIN BOO shAt, CES GSUNGS TE, BCOM LDAN 'DAS KYI DBANG DU BYA BA'I DAM TSIG GO ,DUR KHROD RAS SAM YANG NA NI, ,RANG BYUNG BSKUS PA'I RAS DAG LA, ,RGYA SKYEGS SGA RLON KHRAG BSRES PAS, ,'KHOR LO GNYIS NI MNYAM BRIS TE, ,DZA: YIG DANG NI HR'I: YIG GIS, ,BSGRUB BYA'I MING NI NANG SPEL BYA, ,BTZUN MO'I PADMA'I SNOD DU NI, ,KHA SBYAR BZHAG STE MCHOD PAR BYA, ,SRAD BU DMAR POS DKRIS NAS NI, ,ME TOG DMAR POS MCHOD PAR BYA, ,BDAG NYID GSHIN RJE GSHED PO NI, ,MTSAMS KYI NYI MA LTAR 'BAR BA, ,LCAGS KYU KHA DOG DMAR PO YIS, ,BSGRUB BYA BKUG PA NYID BSGOM BYA, ,LCAGS KYU RNAMS KYIS SNYING PHUG CING, ,ZHAGS PAS RKED PA LA BCINGS TE, ,RLUNG GI DKYIL 'KHOR SBYOR BA LAS, ,SENG+GE DMAR BO MNYAM ZHON PA, ,RDZAS LNGA YIS NI GSANG BYA STE, ,DE NI 'ONG BAR RNAM BSAM BYA, ,GAL TE

, ,BSGRUB BYA MA 'ONGS NA, ,SENG LDENG SHING ME 'BAR BA LA, ,'KHRUL 'KHOR DE GSOS BRTUL ZHUGS CAN, ,DER NI BZLAS PA YANG DAG BRTZAM, ,AOm HR'I: shtRI WI KRi T'A NA NA H'Um H'Um PHAt PHAt HR'I: A'A MU KA A'A KARshA YA HR'I:, AOm HR'I: shtR'I: WI KRi T'A NA NA H'Um H'Um PHAt PHAt, DZA: LHAS SBYIN A'A KARshA YA DZA:, ZHES GSUNGS TE, BCOM LDAN 'DAS KYI 'GUGS PA'I DAM TSIG GO ,BLO LDAN DUR KHROD RAS MA LA, ,YUNG BA YI NI KHU BA YIS, ,'KHOR LO GNYIS NI MNYAM BRIS TE, ,LAm YIG GIS NI NANG DU SPEL, ,BSGRUB BYA'I MING NI YANG DAG BLANG, ,KHAM PHOR KHA SBYAR DU BZHAG STE, ,KHAM PHOR SER PO STENG BZHAG NAS, ,DER NI MKHAS PAS RI MO BRI, ,DANG PO RI MO BZHI BCU BDUN, ,MNYAM PAR BZHAG STE MNYAM BRI BYA, ,LCOG BRGYAD DU GRAGS RI RAB NI, ,DE YI STENG DU YANG DAG BRI, ,H'Um YIG DANG NI BAm YIG STE, ,DE YIS RI RAB NANG DU SPEL, ,DE YI NANG DU LAm YIG GIS, ,DBANG CHEN DKYIL 'KHOR DGOD PAR BYA, ,SNA TSOGS RDO RJES MNAN PA LA, ,SRAD BU SER POS DKRI BAR BYA, ,BDAG NYID GSHIN RJE GSHED PO NI, ,SKU MDOG SER PO RNAM BSAM BYA; ;LHO RU MNGON PHYOGS RNAL 'BYOR PAS, ,DBANG CHEN DKYIL 'KHOR DANG LDAN PA'I, ,BSGRUB BYA SER PO RNAM BSAMS NAS, ,RI RAB KYIS MNAN MYUR DGOD BYA, ,SNA TSOGS

RDO RJE MNYAM MNAN LA, ,DBANG CHEN DKYIL 'KHOR LAS 'OG TU, ,MANDHA RA SOGS 'JIGS RUNG RI, ,GANGS RI G-YO MED MTSUNGS RNAMS KYIS, ,BSGRUB BYA MNAN PA BSGOM BYA STE, ,DE NYID BZLAS PA BYA BA NYID, ,AOm HR'I: shtR'I: WI KRi T'A NA NA H'Um H'Um PHAt PHAt, LAm LHAS SBYIN SVA STH'A NA STAm BHA YA LAm SV'AH'A, ZHES GSUNGS TE, BCOM LDAN 'DAS KYI RANGS PA CHEN PO'I DAM TSIG GO ,NGAG NI RENGS PAR 'DOD PA YIS, ,RANG BZHIN 'KHOR LO GNYIS BRIS NAS, ,BSGRUB BYA'I MING RNAMS NANG SPEL TE, ,DE LAS SPROS SHING SNGAGS BZLAS BYA, ,AOm HR'I: shtR'I: WI KRi T'A NA NA H'Um H'Um PHAt PHAt, LAm LHAS SBYIN YA TH'A PRARTH'A K'AR+YA KRi TE TAm NI BA RA YA TO BI RU PA KAm ,BA RA TA YA TO BI RU PA KAm ,BA RA TA YA DZNY'A DAT SYA N'A GA STAm BHA NA KU RU LAm, ZHES GSUNGS TE, BCOM LDAN 'DAS KYI DAG RENGS PA'I DAM TSIG GO ,DE LTAR DGONGS PA GSUNGS PA 'DI, ,NANG DU SHIN TU LEGS SPRAS PAS, ,GSHIN RJE GSHED DMAR RAB SBYOR LAS, ,NYI MA GCIG GIS 'GRUB PAR 'GYUR, ,DUR KHROD RAS LA 'KHOR LO GNYIS, ,SNGAR BZHIN BRI BYA BRTUL ZHUGS CAN, ,SKE TSE DANG NI LAN TSVAS KYANG, ,DUG DANG NIM PA YIS KYANG STE, ,DE BZHIN LAN TSVA TSA BA GSUM, ,DUR KHROD SOL BA NYID DANG NI, ,SMYO BYED 'DAB MA'I KHU BA DANG, ,DE BZHIN GTUM PO'I SA BON NYID, ,MDZUB MO'I KHRAG NI BLANGS BYAS TE, ,TZI TRA KA YI KHU BA 'AM, ,TSVA SGO CAN GYI SA BLANGS TE, ,GDOL PA'I

, ,RDZA MA'I DREG PA DANG, ,LTOGS PA CAN GYI SMYU GU YIS, ,GDUG BA'I SEMS KYIS BCU BZHI LA, ,NYI PHYED NA BRI BRTUL ZHUGS CAN, ,MA RUNGS PA RNAMS BSAD RGYU YI, ,SNA TSOGS SEMS CAN RNAM 'JOMS PA'I, ,H'Um YIG GIS NI RNAM SPEL BYA, ,LHO RU MNGON PHYOGS RNAL 'BYOR PA, ,BDAG NYID GSHIN RJE GSHED PO NI, ,GTUM PO CHEN PO KHRO BO'I GZUGS, ,THOD PA'I DUM BUS RNAM PAR BRGYAN, ,MA HE LA ZHUGS LJAGS 'GYUR BA, ,GSUS PA CHE ZHING 'JIGS SU RUNG, ,GTZIGS SHING GYEN DU 'BAR BA'I SKRA, , DE BZHIN SMA RA SMIN MA SER, ,G-YAS PA RDO RJE'I DBYUG PA CHE, ,G-YON PA THOD PA NYID KYANG STE, ,RNAM 'GYUR MCHE BA GTZIGS PA'I ZHAL, ,BSKAL PA'I ME LTAR YANG DAG MTSUNGS, ,DE LTAR BDAG NYID RNAM BSAMS TE, ,DE MDUN BSGRUB BYA MYUR DGOD BYA, ,DRI LDAN RIMS GZIR NAD RNAMS KYIS, ,GDUG PA'I LUS LA GZIR BA DANG, ,GOS DANG BRAL BAS 'DAR BA DANG, ,NYAM CHUNG LUS NI RMA DANG LDAN, ,'BRAS KYI PHRENG BAS YAN LAG BSKOR, ,MTSON CHA YIS NI GZIR BAR BYA, ,GRANG BA'I RLUNG GIS NYE BAR GTZES, , ME YI DBUS SU YANG DAG GNAS, ,MA HE DAG DANG STAG DANG NI, ,KHYI DANG MCHU RING CAN RNAMS KYIS, ,SANGS RGYAS SDE NI RNAM 'JOMS PA'I, ,MA RUNGS CHEN PO ZA BYED CING, ,

MTHAR BYED LTO BA'I NANG NA GNAS, ,TSER MA RNAMS KYIS LUS GANG BA, ,GDOS DANG SGROG GIS RKANG PAR BSDAMS, ,DE BZHIN DUM BU DUM BUR BYAS, ,PHAGS PA MED PAR BYAS BSAMS TE, ,SKE TSE DANG NI LAN TSVAS BYUG ,S'ID YIG BRJID PAS BSAM PAR BYA, ,DE YI LUS KYI SRUNG BA SOGS, ,BCANGS NAS BDAG MDUN DGOD PAR BYA, ,DE YI GO CHA BGOS BYAS TE; ;STONG PA'I LUS BZHIN BSGOM PAR BYA, ,BDAG LUS LAS BYUNG GSHIN RJE GSHED, ,KHRO BOS BDAG NYID SKU RNAMS KYI, ,DE NI GDUNG BAR BSGOM BYA ZHING, ,ZHAG DANG TSIL DAG 'THUNG BAR BYED, ,DE MDUN GSHIN RJE BSAM BYA STE, ,LAG NA DBYUG PA STOBS PO CHE, ,GDUG PA DE YIS GDUNGS PA NI, ,MA RUNGS DE LA RNAM BSGOM BYA, ,DE YI NANG GROL BLANG BYA STE, ,BYA RGOD KYIS KHYER MKHA' DKYIL 'GRO ,KLU RNAMS KYIS NI SA 'OG DGUG ,DRAN MED LA SOGS RNAM PAR GZIR, ,DE LTAR BSGRUB BYA RNAM BSAMS TE, ,SEMS NI SNYING RJES NGES 'KHYUD PAS, ,'KHOR BA LAS NI BTON BYAS TE, ,SANGS RGYAS ZHING RNAMS SU SKYES 'GYUR, ,DE NAS BCOM LDAN 'DAS DE BZHIN GSHEGS PA THAMS CAD THUGS RAB TU DGYES TE TSIG 'DI GSUNGS SO, ,AE MA'O GSOD PA 'DI NI BZANG, ,GSOD PA GSOD PA MA YIN TE, ,CI SRID SDIG PA LAS GROL BA'I, ,'CHI BA 'CHI BA NYID MA YIN, ,SDIG

, ,PA STONG PHRAG RNAMS BYAS NAS, ,MNAR MED SOGS PAR GNAS 'GYUR BA, ,AE MA SANGS RGYAS BDAG NYID CHE, ,GSOD PA BYANG CHUB THOB PAR MDZAD, SLAR YANG SNYING RJE RNAM MDZAD NAS, ,GSAD 'OS SEMS CAN GSOD PAR MDZAD, ,AE MA SNYING RJE MCHOG GI STOBS, ,SNYING RJE DMAN PAS MI 'GRUB BO, ,AOm HR'I: shtR'I: WI KRi T'A NA NA H'Um H'Um PHAt PHAt, H'Um DE BA DATTAMm M'A RA YA H'Um, AOm HR'I: shtR'I: WI KRi T'A NA NA H'Um H'Um PHAt PHAt, H'Um PHAt DE BA DE TTAm M'A RA YA H'Um PHAt, CES GSUNGS TE, BCOM LDAN 'DAS KYI RNAM PAR RTOG BA CHEN PO GSOD PA'I RDO RJE 'KHRUL 'KHOR DANG, SNGAGS DANG, RGYUD KYI GSOD PA LA SOGS PA'I DAM TSIG GO ,DE NAS 'KHOR LO GNYIS BRIS TE, ,PHAt KYI YI GES RNAM SPEL BYA, ,BSGRUB BYA'I MING NI BLANGS BYAS TE, ,THOD PA KHA SBYAR DU DGOD BYA, ,SRAD BU NAG POS YANG DAG DKRI, ,SDANG BA'I SEMS KYIS NYIN PHYED NA, ,DUR KHROD RNAMS SU SBA BAR BYA, ,GSHIN RJE MTHAR BYED DU YANG DMIGS, ,MDUN DU BSGRUB BYA DGOD PAR BYA, ,RTA DANG MA HE MNYAM ZHON PA, ,LAG NA MTSON THOGS DE GNYIS DANG, ,KHRO BO 'DUS PA RNAMS KYIS BSKOR, ,GNYIS KA'I PHYOGS SU RNAM BSAM BYA, ,KHRO BOS DKRIS PA YI SEMS KYIS, ,GNYIS PO DE DAG DBYUG 'GYED PAR, ,BSGOM BYA 'THAB

MO'I BSAM PA CAN, ,BSGOMS TE BZLAS PA BRTZAM PAR BYA, ,AOm HR'I: shtR'I: WI KRi T'A NA NA H'Um H'Um PHAt PHAt, DE BA DATTAm YA DZNY'A DATTO BI DVE sh'A YA PHAt, CES GSUNGS TE, BCOM LDAN 'DAS KYI DBYE BA CHEN PO'I DAM TSIG GO ,SNGAR BZHIN CHO GA DE NYID KYIS, ,'KHOR LO GNYIS NI BRI BYA STE, ,H'Um DANG PHAt YIG RNAM SPEL BAS, ,THOD PA KHA SBYAR DU BKOD DE, ,SRAD BU NAG POS YANG DAG DKRIS, ,MA MO'I TSAL RNAMS SU SBA BYA, ,GSHIN RJE GSHED KYI RNAL 'BYOR GZUNG, ,MDUN DU BSGRUB BYA RNAM BSGOM BYA, ,YAm BYUNG RLUNG GI DKYIL 'KHOR NI, ,NAG BO GZHU YI RNAM PA LA, ,RNGA MO CHEN PO MDOG SNGON PO, ,DE YI STENG DU RNAM BSGOM BYA, ,DE LA MA RUNGS CHE BSKYON TE, ,LHO YI PHYOGS SU DE KHYER LA, ,KHRO TSOGS RNAMS KYIS GDUNGS PAS NA, ,NGES PAR SANGS RGYAS RNAMS KYANG SKROD, ,AOm HR'I: shtR'I: WI KRi T'A NA NA H'Um H'Um PHAt PHAt, DE BA DATTAm AUTZTSA tA YA H'Um PHAt, CES GSUNGS TE, BCOM LDAN 'DAS KYI BSKRAD PA CHEN PO'I DAM TSIG GO ,KHROS PA GSHIN RJER BLTAS RNAL 'BYOR, ,KHRAG BCAS RO BSREGS THAL BA DANG, ,DUG DANG LAN TSVA SKE TSE DANG, ,TIL MAR SMYO BYED 'DAB DE BZHIN, , DUR KHROD RAS LA 'KHOR LO GNYIS, ,DE LTAR RIM PAS BRI BAR BYA, ,GSHIN RJE'I LUS GNAS BSAD BA LA, ,RTA DANG MA HE DAG LAS DBYE, ,RNGA MO'I LUS GNAS BSKRAD BA LA, ,ZHI BA

, ,ZLA BA'I DKYIL 'KHOR LA, ,RGYAS PA ZLA BA SER PO LA, ,BTZUN MO'I SNYING GAR DBANG DU BYED, ,LKUGS PA RA YI LUS LA GNAS, ,LHUN PO'I DBUS SU RENGS PA STE; ;SENG+GE SHA RA BHA GNAS DGUG ,DE LTAR GZHAN RNAMS LAS MTSON BYA, ,GI WAm RGYA SKYEGS NYID DANG NI, ,KHA CHE YI NI BYE BRAG GIS, ,GRO GA'I 'DAB MA LA BRIS DBANG, ,'DIR NI 'GRUB 'GYUR THE TSOM MED, ,KHAM POR KHA SBYAR DU BZHAG STE, ,DGE BA'I SEMS KYIS YANG DAG GZUNG, ,BYA ROG SGRO YI SMYUG GU YIS, ,NYI MA'I GUNG LA NGES PAR BRTZAM, ,RO BSREGS PADMA KHA SBYAR LA, ,GSHIN RJE GSHED BDAG RNAL 'BYOR LAS, ,AOm HR'I: shtR'I: SOGS SNGAGS BRJOD CING, ,LHO RU GNAS PA'I TSAR GCOD BYA, ,ZHI LA MTHA' YI YI GE YAm, , DBYE BA NI GNYIS KYIS YANG NGO, ,PHYI NAS DBUS KYI YA YIG GIS, ,LHAG MA'I YI GE CI BDE BA'O, ,SNGON DU BSNYEN PA KHRI BZLAS TE, ,LAS 'DI RAB TU SGRUB PA NI, ,GSHIN RJE GSHED DMAR RAB SBYOR LAS, ,YE SHES RDO RJE YIS BYA STE, ,DRAG PO CHEN PO'I 'KHOR LO 'DI, ,BRIS PA GANG DU GNAS PA DANG, ,YI GE BRIS PA'I KHYIM DU YANG, ,RTAG TU 'THAB MO 'BYUNG BAR 'GYUR, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, 'KHRUL 'KHOR GYI DBANG DU BYAS PA'I LE'U STE

GNYIS PA'O,, ,,RI BO SKYE BOS DBEN PHYOGS DANG, ,LEGS SBAS YID BRTAG KHYIM RNAMS SO, ,THANG SKU BKRAM STE RNAL 'BYOR BDAG ,SNGAGS KYIS DGUG PA YANG DAG BRTZAM; ;ZHAL GCIG PHYAG GNYIS SKU MDOG DKAR, ,GRI GUG THOD PA 'DZIN PA MO, ,KHRAG 'GUGS PA YI RAB SBYOR LA, ,CA RTZI K'A SGOM RNAL 'BYOR PA, ,DE NAS BCOM LDAN 'DAS GSHIN RJE CHEN PO 'JOMS PA'I RDO RJE KHRAG 'GUGS PA ZHES BYA BA'I TING NGE 'DZIN LA SNYOMS PAR ZHUGS TE RDO RJE TZA RTZI K'A'I SNGAGS 'DI DAG GSUNGS SO, ,AOm BADZRA TZA RTZI KE SIDDHI NDRA N'I LA H'A RI nI RATNA TRA YA, AA PA KA RI nE RU DHI RAm AA KARshA YA DZA:, KHA NI RAB TU GDANGS BYA STE, ,SNGAGS 'DI RJES SU DRAN PAR BYA, ,KHAMS GSUM PA YI KHRAG CHEN PO, ,'DIR NI GUGS PAR THE TSOM MED, ,DE NAS BCOM LDAN 'DAS RDO RJE GSHIN RJE GSHED POS CHANG DGUG PA'I RDO RJE ZHES BYA BA'I TING NGE 'DZIN LA SNYOMS PAR ZHUGS TE, RDO RJE PHAG MOS CHANG DGUG PA'I DAM TSIG 'DI GSUNGS SO, ,AOm GHO nE SU GHO nE BADZRA M'A MA K'I BHA RA BHA RA, SAMBHA RA SAMBHA RA, TRYEE DH'A TU KA MA DYA A'A KARshA YA DZA:, RDZA MKHAN LAG PA PHYIS PA'I SAS, , BUM PA BYAS TA KUN NAS BSGRIBS, ,RKUN PO'I SKRA YI GZHIR BZHAG STE, ,SNGAGS NI RJES SU DRAN PAR BYA, ,PAndi TAS NI MCHOD RTEN DU, ,SNGAGS 'DI'I BDAG NYID CHE BA BSTAN, ,

, ,'BAD PAS BRTAN PAR DMIGS BYAS NAS, ,CHANG DGUG PA NI RAB TU 'GRUB, ,DE NAS BCOM LDAN 'DAS GSHIN RJE CHEN PO 'JOMS PA'I RDO RJE SHES RAB KYI PHA ROL TU PHYIN MA ZHES BYA BA'I TING NGE 'DZIN LA SNYOMS PAR ZHUGS SO, ,DBYANGS CAN MAS SNGAGS 'DI GSUNGS SO, ,AOm PI TZU PI TZU PRA DZNY'A WARDHA NI, DZVA LA DZVA LA, ME DH'A WARDHA NI; DHI RI DHI RI, BUDDHI WARDHA NI SV'AH'A, BZUNG NAS JI SRID TSES GCIG NAS, ,KUN NAS ZLA BA RDZOGS PA'I BAR, ,LEGS SBYAR BYED 'DOD BRTZAM BYA STE, ,JI SRID ZLA BA'I RJES 'JUG LAS, ,NGAG GI DBANG PHYUG 'GRUB PAR 'GYUR, ,DE NAS TSIGS BCAD BRGYA PHYED CING, ,KHAMS GSUM PA NI MA LUS SHING, ,MA LUS LUS PA MED PAR 'KHRUGS, , DE NAS BCOM LDAN 'DAS MTHAR BYED CHEN PO 'JOMS PA'I RDO RJE'I KHU BA 'GUGS PA'I RDO RJE ZHES BYA BA'I TING NGE 'DZIN LA SNYOMS PAR ZHUGS TE KHU BA 'GUGS PA GOO R'IS SNGAGS 'DI GSUNGS SO, ,AOm A'A KARshA NI A'A KARshA NI GOO R'I DZA:HRI: DUshtA PRA DUshtA YA, SHU KRA A'A KARshtA YA DZA: DZA: H'Um SV'AH'A, MKHA' SGO RDO RJE LAM DANG RLUNG, ,DRIL BU LCAGS KYU'I SBYOR BA LAS,, BZLAS DANG SGOM PAR RAB SBYOR LAS, ,KHU BA'I TSOGS RNAMS 'GUGS PAR BYED, ,DBEN PA'I NAGS KHROD RNAMS SU YANG, ,LAS 'DI RAB TU BSGRUB BYA STE, ,MTSAN MO BDUN

GYI RAB SBYOR GYIS, ,'DIR NI 'GRUB PAR THE TSOM MED, ,DE NAS BCOM LDAN 'DAS GSHIN RJE GSHED CHEN BO DUS 'JIGS PA ZHES BYA BA'I TING NGE 'DZIN LA SNYOMS PAR ZHUGS TE DBANG BSKUR BA MCHOG GI DAM TSIG 'DI NYID KYI SKU GSUNG THUGS RDO RJE RNAMS LAS NGES PAR PHYUNG BAR GYUR TO, ,AU DUM WA RA MAND'A RA, ,PA RI DZ'A TA KAm M'A LI KA ,KARnA KA RA'I PHRENG BA YANG; ;BU KHYOD ZUNGS LA BYIN GYIS RLOBS, ,KHAMS GSUM PA YI RAL GRI CHE, ,SANGS RGYAS THAMS CAD PHYAG MDZAD PA, ,BZUNG NAS BDUD LAS RGYAL BAR 'GYUR, ,LAS KYI RAL GRI DANG MTSUNGS MCHOG ,SHES RAB THABS KYI RANG BZHIN NI, ,RDO RJE DRIL BU BSGRUB PA'I PHYIR, ,MNYES SHING GSANG BA'I RDO RJE ZUNG, ,KHYOD NI SLOB MA BSDU BAR GYIS, ,'DI NI BTUNG BA RIN CHEN TE; ;'GRUB PA'I LUS NI RAB SGRUB BYED, ,SKYES BU BYUNG BA'I CHU 'THUNGS SHIG ,MNYES GSHIN KUN TU YE SHES NYID, ,SLOB MA'I KHA YIS BTUNG BYA STE, ,GSHIN RJE GSHED NI RAB BSGRUB PHYIR, ,RDO RJE SLOB MA BDAG NYID CHE, ,SEMS NI SHIN TU DGA' BAR MDZOD, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, SNGAGS KYI DGUG PA'I RAB TU SBYOR BA'I LE'U STE GSUM PA'O,, ,,DE NAS DPAL LDAN RDO RJE 'CHANG, ,RAL GRI'I SGRUB THABS BSHAD PAR BYA, ,KHAB

, ,LAN LCAGS KYI RANG BZHIN LAS, ,RAL GRI YANG NA DNGUL CHU YIS, ,BYED BYAS KHRU GANG TSAD KYIS NI, ,RAL GRI RNAM BSAM BRTUL ZHUGS CAN, ,BCU BZHI YANG NA BRGYAD PA LA, ,DUR KHROD DBUS SU GZUNG BAR BYA, ,BDUD RTZI LNGA DANG YANG DAG LDAN, ,THUN GSUM KHRI PHRAG BZLA BAR BYA, ,ZLA BA SO SO'I BCU BZHI LAS, ,GTOR MA MCHOD PA SNGON 'GRO BAR, ,ZLA BA GCIG GIS 'BUM PHRAG BZLA, ,'BUM PHRAG LNGAS NI 'GRUB PAR 'GYUR, ,GRUB NAS RAL GRI RAB TU 'BAR, ,SNANG BA CHEN PO'I 'OD ZER LNGA, ,DE NAS GZUNG BYA 'GRUB PAR 'GYUR, ,'JIG RTEN GSUM LAS RNAM RGYAL MI, ,'JIGS BYED GSHIN RJE GSHED SBYOR LAS, ,GANG TSE RAL GRI GRUB RNAL 'BYOR, ,RTZED RMOD SA NI GRUB BYED DE'I, ,G-YUL DU DE YI BZOD PAR DKA', ,RKANG PA GNYIS DANG RKANG BZHI DANG, ,BLTA PHYIR PHYOGS BCU RNAMS SU 'GRO ,LHA DANG LHA MIN RNAMS MI BZOD, ,MI YI 'JIG RTEN SMOS CI DGOS, ,RGYA MTSO'I 'JIM PA BLANGS BYAS TE, ,ZLA BA GCIG GIS YANG DAG BSGRUB, ,AOm PHU'I:YI GE SNYING GAR DGOD, ,HR'I:shtR'I: LA SOGS SNGAGS BZLA BYA, ,CHAR PA MI 'BAB DUS RNAMS SU, ,KHRI KHRAG BZLAS BAS 'GRUB BAR 'GYUR, ,SBRUL NAG DAG GI SHA RNAMS DANG, ,NIM PA'I LO MAS BSRES BYAS TE, ,DE YIS RI LUR BYAS NAS NI, ,RGYA

MTSOR ZHUGS BYAS BRTUL ZHUGS CAN, ,KHRI KHRAG TZAM ZHIG RAB BZLAS PAS, ,CHU RLABS RENGS PA'I MCHOG YIN NO, ,GTUM PO SA BON BRGYA BLANGS TE, ,SRAN MA 'BRAS DANG BSRES PA NI; ;'BUM PHRAG BDUN DU RAB BZLAS PAS, ,LHA NI SBYIN SREG LAS GZIGS 'GYUR, ,DUR KHROD KYIS NI GSO MA BLANG, ,GZUGS BRNYAN BYA BA BRTUL ZHUGS CAN, ,SMYO BYED KHU BAS BYUG PA YIS, ,KHRI KHRAG GCIG GIS 'GUGS PAR BYED, ,'BUM PHRAG BZHI NI BZLAS PA YIS, ,DON GRUB SA BON KUN BSAGS PAS, ,GNYID LOG LANGS TE BYA BA DANG, ,TSOR BAR YANG NI THE TSOM MED, ,RGYUN LAM GYI NI SA BLANGS TE, ,SNGAGS NI 'BUM PHRAG BZLAS PA LAS, ,SPYI BOR RAB TU BYUGS TZAM GYIS, ,SPYI BO'I NAD NI RNAM PAR 'JOMS, ,LAN BDUN MNGON PAR BSNGAGS BYAS TE, ,LAG PAS SPYI BOR MNYE BAR BYA, ,NAD KYIS NYAMS PA MED 'GYUR TE, ,'DIR NI THE TSOM YOD MA YIN, ,BRAM ZE YI NI SHA DAG DANG, ,DUR KHROD THAL BA SA DES NI, , GSHIN RJE GSHED KYI SKU GZUGS BYA, ,PHYAG GNYIS DANG NI ZHAL GCIG PA, ,G-YAS PA RDO RJE CHEN PO STE, ,DE BZHIN G-YON NA MI MGO'O, ,SKU MDOG DKAR PO 'JIGS BYED CHEN, ,DE YIS MA RUNGS 'JOMS PAR BYED, ,SHA DANG BDUD RTZI LNGA YIS NI, ,NYI MA SO SOR GTOR MA DBUL, ,RTAG TU GSOL BTAB RNAL 'BYOR PA, ,BDAG GI DGRA BO 'JOMS PAR MDZOD, ,CES PA BRJOD

, ,DE MTSAN MO NYAL, ,DGRA NI THO RANGS 'CHI BAR 'GYUR, ,YANG NA NA BAR 'GYUR BA STE, ,MYOS PA LA SOGS KUN TU 'KHRUG ,DGRA BO'I RNAM SNANG BLANG BYA STE, ,MI YI RKANG NI RAB BKANG BYA, ,'BUM PHRAG BZLAS PAS RDZOGS NAS NI, ,SHING GI RTZE MOR SBYANG BYA NYID, ,RTAG TU YI DVAGS TSAL DU BSKOR, ,RNAL 'BYOR DBANG PHYUG MNYES NA BDE, ,DE NAS GZHAN YANG RAB BSHAD BYA, ,RO LANGS CHEN PO'I SGRUB THABS SO, ,THAMS CAD 'GRUB PAR BYED PA'I MCHOG ,SNA TSOGS BYA BA RAB SGRUB PA'O, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, 'JIGS BYED CES BYA BA'I LE'U STE BZHI PA'O,, ,,DE NAS RGYAL SRID SGRUB THABS MCHOG ,'DI LAS YANG DAG RAB BSHAD BYA, ,'PHYANG BA'I SHING NI GZUNG BYA STE, ,MA NYAMS DE BZHIN RMA MED PA, ,BLANGS LA GDUD PAR BYA DE YANG, ,BZLAS PA'I PHRENG BAR RAB BSGRUB BYA, ,ZLA BA ZLA BA'I BCU BZHI LA, ,SHA LNGA YIS NI BYUG PAR BYA, ,BDUD RTZI LNGA DANG YANG DAG LDAN, ,BZLAS PA 'GRUB PAR BYED PA'I MCHOG ,'DI YIS 'BUM PHRAG BZLAS PA YIS, ,NGES PAR RGYAL SRID 'GRUB PAR 'GYUR, ,AE MA SNGAGS KYI NUS PA NI, ,GNYID LOG SGRA NI SGROG PAR BYED, ,GSHIN RJE GSHED KYI SBYOR LDAN PAS, ,SKAD CIG KYANG NI 'JIGS MI BYA, ,GANG GANG 'DOD

PA'I RNAL 'BYOR PAS DE DAG THAMS CAD THOB PAR 'GYUR, ,MA HE DANG NI CHU SRIN DANG, ,STAG DANG DE BZHIN GZHAN RNAMS KYIS, ,DOM DANG LCE SPYANG DAG DANG NI, ,SPRE'U YANG NI BYE BRAG LAS, , SKED TSE LAN TSVA DE BZHIN DU, ,SHOO BH'A DZA NA TSVA BA GSUM, ,'DI YIS SKU GZUGS YANG DAG BSGRUB, ,'JIGS PA'I GZUGS CAN GSHIN RJE GSHED, ,DE LA GSOL BTAB RNAL 'BYOR PA,, HR'I:shtR'I: LA SOGS SNGAGS BZLAS TE, ,RGYAL PO CHA GE BSAD NAS NI, ,BDAG DE RENGS PAR SBYAR BAR BYA, ,BYE BA BZLAS PAS 'GRUB 'GYUR TE, ,BDEN ZHING BDEN PAR THE TSOM MED, ,DE NAS GZHAN YANG RGYAL ZLA YI, ,DKAR PHYOGS NYI MA BSGRUBS LDAN TSE, ,RDUL LDAN GOS NI YANG DAG BLANG, ,THANG SKU MCHOG NI BRI BAR BYA, ,BRI BYA BKRA SHIS MCHOG SNAG TSA, ,CHEN PO YANG DAG LDAN RNAMS KYI, ,SKU MDOG DKAR BO DRAG SHUL CHE, ,PHYAG GNYIS DANG NI ZHAL GCIG MCHOG ,G-YAS PA RDO RJE 'BAR BA STE, ,G-YON PAS 'DZAG PA'I MGO BO 'DZIN, , ZHABS NI G-YON BRKYANG RNAM 'GYUR DANG, ,RIN CHEN COD PAN RNAM PAR BRGYAN, ,RIN CHEN RGYAN RNAMS YONGS SU RDZOGS, ,'OD ZER PHRENG BAS KUN TU 'KHRIGS, ,GSOD PA'I BSAM PAS RGYAL PO NI, ,'OG GI CHA LA NGES PAR SBYAR, ,THUN MONG KHA DOG YANG DAG LDAN, ,JI LTA'I DBYIBS NI RNAM PAR GNAS, ,'DUS BYAS LHA NI BSGRUB PAR BYA, ,JI LTAR 'BYOR PA'I TSAD LA NI,,

, ,DE YI MDUN DU SBYIN SREG BYA, ,NGES PAR ZUR GSUM DKYIL 'KHOR LA'O, ,SBYIN SREG 'BUM GYIS DE RGYAL SRID, ,THOB 'GYUR 'DI NI THE TSOM MED, ,DE NAS GZHAN YANG ZLA GZAS BZUNG, ,GAL TE NYI MA LA BLTA BYA, ,DUR KHROD THAL BA YANG DAG BLANGS, ,GZUGS BRNYAN BYA BA BRTUL ZHUGS CAN, ,SHR'Im G'I R'A DZ'I SHA LNGA DANG, ,NIM PA DHA DU RA'I LO MAS, ,MKHAS PAS CHO GA 'DI YIS NI, ,GCIG TU BYAS TE GZUGS BRNYAN BYA, ,SKU MDOG SNGON PO DRAG SHUL CHE, ,PHYAG GNYIS DANG NI ZHAL GCIG PA, ,MA HE LA BZHUGS RNAM 'GYUR ZHAL, ,RDO RJE DANG NI THOD PA 'DZIN, ,BSGRUBS TE SKU GZUGS RANG BZHIN LA, ,MCHOD PA BYAS NA SLAR YANG NI, ,RGYUN DU HR'I: shtR'I: LA SOGS SNGAGS, ,'BUM PHRAG BZLAS TE MNYES PAR BYA, ,SDE BCAS G-YOG 'KHOR BCAS PA YIS, ,RGYAL PO CHE GE GZHOM BYA STE, ,BZLAS PA 'BUM GYI BDAG RNAL 'BYOR, ,BYAS NAS 'BUM PHRAG KHYAD PAR LAS; ;MCHOD PA'I LAS NI YANG DAG LDAN, ,BZLAS PA'I SBYIN SREG CHO GA 'DIS, ,SEMS CAN DON MCHOG BLO DANG LDAN, ,RGYAL SRID THOB 'GYUR THE TSOM MED, ,DE NAS GZHAN YANG BKRA SHIS KYI RAS LA RDO BA'I NAM MKHA'I CHUS ZLA MTSAN GYI GOS BKRUS TE THANG SKU MNGON PAR BRI BAR BYA'O, ,ZHAL GCIG PA DANG PHYAG GNYIS PA, ,SKU MDOG NAG PO

'JIGS RUNG BA, ,DBU SKRA 'BUR BA YANG DAG LDAN, ,MGO BO'I PHRENG BA RAB TU 'PHYANG, ,GRI GUG DANG NI THOD PA PHYAG ,MA HE'I STENG DU BRI BAR BYA, ,DE NI SGOM PA BRTZAMS BYAS TE, ,DGRA YI MDUN DU RNAM PAR BSGOM, ,GRI GUG GIS NI BCAD BYAS TE, ,TSIL DANG ZHAG RNAMS 'THUNG BA DANG, ,RGYU MA RNAMS DANG 'JIM PA DANG, ,KHRAG NI MANG PO 'THUNG BAR BYED, ,'BUM PHRAG TZAM GYIS BSKUR BAR 'GYUR, ,YANG NA RMA YIS SNYING GAR GZIR, ,DE NAS GZHAN YANG MI'I RUS PA SOR BZHI PA BLANGS LA, HR'I: shtR'I: LA SOGS PA'I SNGAGS NANG DU SPEL BA DGRA BO'I SGOR MNAN PA BYAS NA, GAL TE BRGYA BYIN DANG MTSUNGS PA'ANG 'KHOR DANG BCAS PA SKROD PAR 'GYUR RO, ,GCIG PUR SKYE BOS DBEN PAR 'DUG STE RJE BTZUN GYI THANG SKU BKRAM NAS PHYOGS BCU NA ZHUGS PA'I SANGS RGYAS DANG, BYANG CHUB SEMS DPA' RNAMS MDUN DU BYAS NAS MI'I RUS PA BCAD PA'I KHRAG CHEN PO DANG BSRES PA'I BYA ROG GI KHRAG GIS SOR BCU GNYIS PA'I TSAD, RTZIBS BCU GNYIS PA'I 'KHOR LO LA SA BON BCU GNYIS DANG, DE NYID DU DGRA BO'I MING DBUS SU SPEL LA, TSEG DRAG DANG BCAS PA'I KHA SBYAR BA THA YIG GSUM GYIS PHYI ROL TU BSKOR BA BYA ROG GI MGRIN PAR BTAGS TE, GAL TE 'BAB CHU LA BSKYUR NA, DE'I TSE 'KHRUG PAR 'GYUR RO, ,DE KHO NA LTAR SA BON BCU GNYIS BRI BAR BYA STE, PHAt

, ,PHAt H'Um H'Um NA NA T'A KRi WI shtR'I:HR'I: AOm, ,JI LTAR 'BYOR PAS MCHOD BYAS NAS, ,STOBS PO CHE YI BDUG PA PHUL, ,GAL TE 'BAB CHU LA BSKYUR NA, DE GZHUNG DU MED DO; ;GAL TE MA GYUR NA BYA ROG GI GSHOG PA LA LAN BDUN MNGON PAR BSNGAGS PA BYAS NAS DGRA BO'I SGO NANG DU MING DANG SPEL BA NI, 'PHRAL DU 'KHOR DANG BCAS PA SKROD PAR BYED DO, ,DE KHO NA LTAR RTZIBS BCU GNYIS PA'I 'KHOR LO'I DBUS SU TSA BA GSUM DANG DUG DANG SKE TSE RNAMS RUS PA CHEN PO'I 'BRI SMYUG GIS ME'I SA BON GYI DBUS SU TSEG DRAG DANG BCAS PA'I GHA:YIG GNYIS KHA SBYAR BA'I THA YIG GSUM GYIS PHYI ROL TU BSKOR BA'I ME'I BUD SHING GI ME LA GDUNG BAR BYA STE, DE'I SKAD CIG LA BU DANG CHUNG MA DANG G-YOG 'KHOR DANG BCAS PA 'CHI BAR 'GYUR RO, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, RGYAL SRID KYI LE'U STE LNGA PA'O,, ,,DE NAS PHA ROL SDE RNAMS 'JOMS, ,'DI LAS YANG DAG RAB BSHAD BYA, ,BRAM ZE MO YI RDUL GOS LA, ,RGYAL DANG NYI MAS YANG DAG BRTZAM,, MA HE'I ZHAL GYI THANG SKU BRI, ,BRGYA PHRAG PHYAG NI RAB GSAL BA, ,DE NI PHYAG MTSAN RNON PO BSNAMS, ,THAMS CAD DU NI BRI BAR BYA, ,THANG SKU DKAR BO BRI BYA STE, ,PADMA DKAR POS

MCHOD PAR BYA, ,SNGAGS KYI BZLAS PA 'BUM PHRAG RNAMS, ,BYAS TE DE BZHIN PADMA SLAR, ,THANG SKU BKRAM PA MNGON PHYOGS PAR, ,BA DAN STENG DU 'DZIN PA NI, ,RKANG GNYIS RKANG BZHI LA SOGS PA, ,SKYE BO RNAMS KYIS MTHONG GYUR GANG, ,DE NAS THAMS CAD GDONG GZHAN 'GRO, ,SENG+GE MTHONG BA'I GLANG PO BZHIN, ,DE NAS GZHAN YANG, TSANGS PA'I SA BON MAR KHU CHE, ,KU D'A RA TZTSIN GYIS LDAN BA, ,RNGA MO'I GCIN GYIS YANG DAG LDAN, ,RIL BU BYA 'O BRTUL ZHUGS CAN, ,RANG GI GDONG PAR THIG LE BYA, ,PHA ROL SDE NI RNAM PAR 'JOMS, ,AA SHVI KA SHING RTZAR SONG STE, ,BRGYAD PA'AM YANG NA BCU BZHI LA, ,THUN GSUM DU NI ZLA BA GCIG ,SNGON BSNYEN 'BUM PHRAG GCIG BYAR 'GYUR, ,AOm SIDDHI AA NANTA N'A LA H'A RI nI PA RA SYEE N+YA BA N'I SHA NI HR'I:SV'AH'A; 'DI NYID KYIS NI 'GRUB PAR 'GYUR, ,MTHONG BA LAS PHA ROL GYI SDE RNAM PAR 'JOMS SHING GANG LA BLTAS PA DE 'BROS PAR 'GYUR RO, ,DE NAS GZHAN YANG, SHING GCIG RTZA BAR PHYIN NAS NI, ,MCHOG GI RO LA 'DUG BYAS TE, ,G-YAS NA RAL GRI 'DZIN PA DANG, ,G-YEN BRKYANG BA YI ZHAL GYIS NI, ,HR'I:shtR'I: LA SOGS PA'I SNGAGS MTSAN MO MTHA' DAG BZLA BAR BYA STE, DE'I TSE RAL GRI YONGS SU 'PHRO ZHING DE'I TSE PHA ROL GYI SDE RNAMS SRUNG NGO, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED

, ,DMAR PO'I RGYUD LAS, PHA ROL GYI SDE RNAM PAR 'JOMS PA'I LE'U STE DRUG PA 'O,, ,,DE NAS RDO RJE 'DZIN RGYAL POS, ,MI SNANG 'GRUB PAR RAB GSAL MDZAD; ;THOG MAR MI SNANG BSGRUB PA'I DON DU RNAL 'BYOR PAS RGYAL DANG NYI MA'I NYIN MO BRTZAM ZHING SNGON DU YANG DAG PAR BTAGS LA 'BUM PHRAG BZLA BAR BYA STE, DE'I DROD 'BYUNG BAR 'GYUR RO, ,GZAS BZUNG BA'I DUS NAS PA nI tA KA RI'I RTZA BA DANG, RO DANG, KHAm GHA RI DANG, AE RA BA dA'I RTZA BA DANG THAMS CAD GCIG TU BYAS TE RIL BU BYAS NAS KHAR BCUG NA MI MTHONG BAR 'GYUR RO, ,DE BZHIN DU GZHAN YANG KHO tI DZ'A LA DZA YA NA TI DANG, BRIDDHA RA KA'I RTZA BA DANG THAMS CAD MNYAM POR GCIG TU BYAS TE BHE GA'I GCIN LA NYI MA GSUM BSKAMS LA RIL BU BYAS NAS KHAR BCANG BAR BYA STE, MI MTHONG BAR 'GYUR RO, ,DE NAS GZHAN YANG NYI MA GZAS BZUNG BA'I DUS NA AULK'I'I MCHU DANG, RO DANG, DHA DU RA KA NA KA H'A YA NYID BA dA BHI'I GCIN GCIG LA YANG DAG PAR BZHAG STE RIL BU BYAS NAS KHAR BCUG NA, MI SNANG BA'I MCHOG GO ,DE NAS GZHAN YANG BYI BA'I MIG DANG, BYA RGOD KYI MIG DANG, SA 'OG SKYONG BAS KYANG CHA MNYAM POR GCIG TU BYAS PA'I RIL BU BSHANG LAM DU GZHUG PAR BYA STE, SKAD CIG DE LAS DE MI MTHONG BAR 'GRO BAR BYED DO, ,DE NAS YANG

NYI MA'I RES LA BYI BA'I MIG RAB TU BLANGS TE, RAMS DANG TZI TRA KA SNGON PO'I RTZA BA DANG LHAN CIG BYA RGOD KYI KHAG GIS BTAGS PAR BYA STE, MI SNANG BA'I MCHOG GO ,DE NAS GZHAN YANG P'A SH'I M'AN SA DANG, BA LA M'AN SA DANG, BA H'Um RA PHA LA BSNYAMS TE DAR GOS KYIS DKRIS NAS BRAM ZE'I THOD PA LA ME LCE'I DREG PA 'CHAGS PAR BYA'O, ,DE'I MIG SMAN GYIS MIG GNYIS LA BYUG NA MI MTHONG BAR 'GYUR RO, ,DE NAS GZHAN YANG GDOL PA'I ME TOG DANG, SH'A T'A BA DHA DANG, 'DAB BZANG GI MIG RNAMS RIL BU BYAS TE KHAR BCUG NA, DE MIS MI MTHONG BAR 'GYUR RO, ,DE NAS GZHAN YANG 'DAB BZANG BLANGS LA NYI MA BDUN GYI BAR DU DNGUL CHU MA SH'A GCIG BYAS TE BZA' BAR BYA 'O, ,DES BRUN DU GYUR BA GANG YIN PA DE DANG LHAN CIG BDAG NYID KYI KHU BAS THIG LE BYAS NA, MI MTHONG BAR 'GYUR RO, ,'DI NI, MI SNANG BA'I RAB TU BYA BA 'O, ,MIG SMAN BSHAD BAR BYA STE, THOG MAR RE ZHIG MIG SMAN GYI DON DU BCOM LDAN 'DAS KYI SNGAGS 'BUM PHRAG LNGA YONGS SU BZLAS TE MIG SMAN SGRUB PA BRTZAM PAR BYA 'O, ,DUNG DANG BYA RGOD DANG KU RA RA RNAMS KYI MIG BLANGS TE MA NYAMS NAS SA 'OG GI SBRANG RTZI'I KHU BA LA DAR GOS KYI SDONG BUS DREG PA 'CHAGS PAR 'GYUR RO, ,GANG GIS 'DI'I MIG SMAN BYUGS BA TZAM GYIS SA'I BU GA MTHONG BAR 'GYUR RO, ,SKAR MA LAG LA BRi HA TI DKAR PO'I RTZA BA DANG,

, ,DZA YANT'I NAG PO'I RTZA BA DANG, LCE SPYANG GI MIG BSNYAMS TE SBRANG RTZIS LHAN CIG BTAGS NAS THIG LE BYAS NA, SA'I BU GA MTHONG BAR 'GYUR RO, ,BH'U MI LA TA'I TIL MAR DANG, BI SHAm KA RA'I RTZA BA'I KHU BAR DZA DANG BCAS PAS, DAR GOS LA GZHON NU MAS BYAS PA'I SRAD BUS DKRIS NAS SDONG BU BYAS TE MI'I THOD PA LA DREG PA 'CHAGS PAR BYAS LA MIG SMAN BYAS NA, NGES PAR GTER MTHONG BAR 'GYUR RO, ,DE NAS GZHAN YANG RGYAL GYI ZLA BA DANG, SKAR MA SNUBS LA ZLA MTSAN GYI GOS BLANGS TE BRGYAD PA'AM BCU BZHI PA LA RDO RJE TZA RTZI KA'I THANG SKU MNGON PAR BRIS LA MCHOD PA CHEN PO BYAS NA, MTSAN MO 'BUM PHRAG GCIG BZLAS NA NGES PAR RMI LAM GYI GTER MTHONG BAR 'GYUR RO, ,DE NAS GZHAN YANG SHING NI MA PA'I RTZER SONG STE BRGYAD PA'AM BCU BZHI PA LA THANG SKU'I MDUN DU TZARTZI KA BSAMS NAS LCE SPYANG GI MGO'I STENG DU KHRI PHRAG BZLAS NA, TZARTZI KA DRUNG DU 'ONGS NAS BDAG GIS CI BYA 'DRI BAR 'GYUR ZHING SGRUB PA POS BDAG LA MIG SMAN GYI GRUB PA RAB TU STZOL CES PA DANG, BDAG LA RO'I BCUD LEN STZOL CES BRJOD PAR BYA'O, ,GI WANG DANG LCE SPYANG GI MIG DANG, DNGUL CHU DANG, SHING TA LA'I KHU BA DANG, SBRANG RTZI MNYAM PA RNAMS MKHAS PAS RIL BU BYA'O, ,'DIS MIG SMAN BYAS PA'I MIG NI, SA'I BU GA

MTHONG BAR 'GYUR RO, ,LCE SPYANG GI MIG DANG, BYA RGOD KYI MIG DANG, KU RA RA'I MIG RNAMS DE KHO NA LTAR G-YON PAS G-YON PA DANG, G-YAS PAS G-YAS PA BZUNG STE TIL MAR CHEN POS DREG PA 'CHAGS PAR BYA 'O, ,'DIS MIG SMAN BYAS PA'I MIG NI, SA'I BU GA MTHONG BAR 'GYUR RO, ,DE NAS GZHAN YANG GI WANG DANG, MI'I MKHRIS PA DANG, GA BUR DANG, DNGUL DANG, DE BZHIN DU HA RAm BYIN NAS BRTAG PAR BYA'O, ,'DIS MIG SMAN BYAS NA SA'I BU GA MTHONG BAR 'GYUR RO, ,DE NAS GZHAN YANG, GRUB PA SNA TSOGS GNAS KYI DON, ,NOR DANG 'BRU SOGS PHUN SUM TSOGS, ,LCAGS BRGYAD 'JOMS SHING NAM MKHA' LA, ,SPYOD PA NYID KYANG STER BAR 'GYUR, ,SNGON DU BSNYEN PA'I DON DU SNGAGS 'BUM PHRAG GCIG BZLAS NAS DNGUL CHU'I SGRUB THABS BRTZAM PAR BYA 'O, ,THOG MAR DNGUL CHU BLANGS TE TZI TRA KA DMAR PO'I KHU BAS BSNUR BAR BYA 'O, ,DE'I RJES LA ZANGS KYI KHU BA DANG, GSER GYI PHYE MA BYIN NAS SH'A KHO dA'I KHU BAS BZHI CHA TSAD KYI NOR BU BYA 'O, ,GLANG PO CHE'I SHA DANG, LDONG ROS KYIS MNYAM POR BTAGS TE KONG BU KHA SBYAR GYI NANG DU RA DZA BYIN NAS BSRO BAR BYA 'O, ,GONG BU GYUR PA PHYED MAR BYAS NAS RA TI'I TSAD KYIS ZANGS 'JOMS SHING GSER DANG MTSUNGS PAR 'GYUR RO, ,RO 'DI DAG TIL MAR CHEN POS BSNUR NAS LHANG TSER DANG, MU ZIS TIL MAR CHEN PO NYI MA GSUM BTZO BAR BYA

, ,STE; JI SRID SLAR GONG BUR GYUR GYI BAR DU 'O, ,SBRANG RTZI DANG LHAN CIG CUNG ZAD ZOS PA LA SKYES BU LO STONG PHRAG TU 'TSO BAR 'GYUR LA, DNGUL BCOS NAS GSER DU 'GYUR RO, ,GZHAN YANG B'A HL'A BA'I KHU BA BYIN NAS DNGUL CHU BSNUR BAR BYA STE, JI SRID GONG BUR GYUR GYI BAR DU 'O, ,SHA T'A LA DANG DZAMBHI RA'I KHU BA DANG, SH'A KHO dA KA'I 'BRAS BU'I SHUN PA SO SOR MNYAM POR BYIN NAS KONG BU'I NANG DU BZHAG STE, DE NYID KYIS RAB TU BYUG PAR BYA ZHING BSKAMS LA PHYI NAS KONG BUR BSREG PAR BYA STE, MYUR DU GONG BU'I TSAD DU 'GYUR RO,, RA TI GNYIS KYI TSAD KYI NYI MA NYI SHU RTZA GCIG JI SRID PAR LO MA DANG SKYUR PO SPANGS SHING THAMS CAD DU BUD MED BSTEN PA YANG SPANG BAR BYA STE, SKYES BU LO STONG PHRAG BCU GNYIS SU 'TSO ZHING, MKHA' LA SPYOD PA NYID THOB PAR 'GYUR RO, ,BAm GA BCOM NA SA DNGUL CHUR 'GYUR RO, ,DE NAS GZHAN YANG RAN DZ'A NI LA'I KHU BAS, SU PA RA NA M'AKshI DANG, PAshtE SA RA TA'I RTZA BA MNYE BAR BYA STE, LHANG TSER DANG, NA RA DO nI'I KHU BAS GOD BUR BYA 'O, ,KONG BU'I NANG DU BZHAG NAS PHA RI'I TIL MAR LA SBYAR BAR BYA STE, ZLA BA DRUG GIS GONG BUR 'GYUR NA LCAGS BRGYAD RNAMS NGES PAR GSER DU 'GYUR LA, ZOS PAS MKHA' LA SBYOD PA NYID THOB PAR 'GYUR RO, ,MTHONG BA DANG REG PA TZAM GYIS LO LNGA BRGYA RNAMS SU 'TSO BAR 'GYUR RO,,

DE NAS GZHAN YANG DNGUL CHU KU MA RI'I KHU BAS BSNUR BAR BYA STE, SO MA HA DANG, BA L'A SHA'I RTZA BA DANG, N'A GA KE SHA RA'I SHUN PA DANG, BTZAG DANG, KA THI N'I DANG, DE BZHIN DU SLAR BA dA'I 'O MA DANG MNYAM POS BSRO BAR BYA STE, THUN GNYIS KYIS GONG BUR 'GYUR RO, ,CUNG ZAD ZOS PA TZAM GYIS NGES PAR SA GSUM DU 'GRO BAR BYED CING, RA TI TZAM GYIS NGES PAR ZANGS SRANG GSER DU 'GYUR RO, ,DE NAS GZHAN YANG DNGUL CHU SHR'I KHAndA'I SO DZU'I 'O MAS CUNG ZAD MNYES TE MU ZI DANG ZANGS KYI SNOD DU DZAMBHI RA'I KHU BAS MNYE ZHING NYI 'OD LA BSKAM PAR BYA 'O, , GONG BUR GYUR PA KONG BU'I NANG DU BZHAG STE THUN GNYIS SU BSRO BAR BYA 'O, ,SU KI TI'I KONG BUR BCUG LA RA TI'I TSAD KYIS DBUG PAR BYA STE ZANGS BCOM NAS GSER DU 'GYUR RO, ,LUS KYI YANG MNYER MA DANG SKRA DKAR SPONG ZHING PHAN PAR 'GYUR RO, ,DE NAS GZHAN YANG DNGUL CHU BA LA'I RTZA BAR BSNUR BAR BYA ZHING, SLAR YANG GDOL PA'I ME TOG GI KHU BAS BSNUR BAR BYA 'O, , SLAR YANG SKAN TZA KA DANG, BA HA RI'I KHU BA LA BSNUR BAR BYA' O, ,DE'I LA RA TI'I TSAD KYI GSER GYI PHYE MA BYIN NAS GONG BUR BYA 'O, ,'DAB MA BDUN PA'I KONG BU'I NANG DU KUN DZ'A RA'I RKANG PA'I TSAD KYIS DUM BU BYIN NA GONG BUR 'GYUR RO, ,DE BLANGS TE RA TI'I TSAD KYIS ZANGS 'JOMS SHING GSER DU 'GYUR RO, ,LUS LA'ANG RA TI'I TSAD KYIS SKYON GSUM 'PHROG PAR 'GYUR RO, ,GCONG

, ,NAD LA YANG 'TSO BA DANG, RNAL 'BYOR PA CHEN POR 'GYUR RO, ,ZOS BA TZAM GYIS RGYANG GRAGS SU 'GRO BAR BYED DO, ,DE NAS GZHAN YANG DNGUL CHU SNOD DU BZHAG STE RDO BA'I GZHI LA BSNUR ZHING TRI HRI'I RTZA BA DANG, KA RA NA DZA DANG, B'A TH'A'I RTZA BAS BSNUR BAR BYA'O, ,GONG BU BYAS NAS KONG BU'I NANG DU BZHAG STE MTSAN MO MTHA' DAG PAR BSRE BAR BYA 'O, ,DE NAS RDZOGS PAR 'DUS BYAS TE RA TI'I TSAD KYI CHO GA LA ZANGS 'JOMS PA DANG, ZOS NA RA TI'I TSOD KYIS SKRA DKAR DANG GNYER MA SPONG BAR 'GYUR RO, ,ZLA BA DRUG GI RAB TU SBYOR BA LAS LO STONG PHRAG RNAMS SU 'TSO BAR 'GYUR RO, ,DE NAS GZHAN YANG RAB TU SBYOR BA NYID DE, DNGUL CHU SRANG GCIG BLANGS NAS SHING+GA BE RA'I KHU BAS BSNUR BAR BYA 'O; ;LHANG TSER DANG GSER CUNG ZAD DANG LDAN PA, SHING+GI DMAR PO DANG MNYAM POS GA d'A YA'I KHU BA BLANGS TE NGES PAR ZHAG BCU GNYIS RNAMS SO, ,DE'I RJES LA KOD BU'I NANG DU BZHAG STE BSO BAR BYA'O, ,KUNYDZA'I RKANG PA'I TSAD LAS, DE NAS BLANGS TE RA TI'I TSAD KYIS YANG DAG PAR BLANGS LA GZHUG PAR BYA STE, ZANGS MA LUS BCOM NAS NGES PAR GSER DU 'GYUR RO, ,ZOS NAS MKHA' LA SPYOD PA NYID THOB CING LO STONG DU 'TSO BAR THE TSOM MED DO, ,GNOD SBYIN DANG MI 'AM CI'I BDAG PO RNAMS KYIS BSTEN CING GSHIN RJE'I 'JIG RTEN

RNAMS SU 'GRO BAR MI 'GYUR RO, ,DE NAS GZHAN YANG LHANG TSER NAG PO SRANG GCIG DANG, BHA KA DANG PARnA DANG DNGUL CHU DANG LDAN BA RNAMS KYIS ZLA BA PHYED DU SBYAR TE RTZI BO CHE DANG RO MNYAM DU BYAS PA ZA BA'I TSAD KYIS CHU GRANG MO DANG YANG DAG PAR LDAN PAR BZA' BAR BYA STE, ZLA BA SBYOR BA'I RNAL 'BYOR PAS BDAG NYID RGAS PA DANG 'CHI BA MED PAR 'GYUR RO, ,DE NAS GZHAN YANG LCAGS SRANG GANG TZAM BLANGS TE RA GAN PHYE MAR BYAS TE KA SHI'I KHU BAS MNYAM PAR LDAN PA ME LCE'I 'OD ZER LA BSKAM PAR BYA 'O, ,DNGUL CHU DANG MU ZI RNAMS DER BZHI CHA'I TSAD SBYAR BA LAS, KAKKO LA DANG, LI SHI'I PHYE MA RNAMS PHYED DANG GNYIS SNGA MA'I TSAD LAS TE, THAMS CAD GCIG TU BYAS LA RDO BA'I GZHI LA LCAGS BSNUR BAR BYA 'O, ,GSER KONG BUR BZHAG NAS BSRO BAR BYA 'O, ,DE NAS BLANGS TE LCAGS CHEN PO ZLA BA'I TSAD KYIS BZA' BAR BYA STE, SKRA DKAR DANG GNYER MA RNAMS 'JOMS SHING RGAS PA DANG 'CHI BA MED PAR BYED DO, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, MI SNANG BA LA SOGS KYI LE'U BDUN BA'O,, ,,DE NAS RDO RJE 'DZIN PA'I RGYAL POS GRIB MA 'PHROG PA'I RAB TU DBYE BA GSUNGS PA, RKANG GNYIS DANG RKANG BZHI PA RNAMS KYI DGRA BO TSAR GCOD BA'I PHYIR RAB TU SBYOR BA 'DI BRJOD PAR BYA 'O, ,THOG MAR RE ZHIG

, ,SEMS CAN THAMS CAD RMONGS PAR BYA BA'I PHYIR DPA' BO GSHIN RJE GSHED BSGOM PAR BYA'O, ,RANG KHYIM RNAMS SAM MTSAN MO'I DUS, ,STAG WAGS GDAN LA 'DUG BYAS TE, ,ZHAL GCIG DMAR PO MI BZAD PA, ,ZHAGS PA DANG NI LCAGS KYU 'DZIN, ,RO LA BZHUGS PA DRAG SHUL CHE, ,SPYAN GSUM SHIN TU 'JIGS RUNG PA, , THAMS CAD RMONGS PAR BYED PA'I LHA, ,MI BZAD PA YI ME STAG 'PHRO, ,'DI LTAR BSAMS NAS 'BUM PHRAG BZLAS, ,PHYI NAS CHO GA KUN SPYOD PA, ,K'A RA B'I RA DKAR RTZA BA, ,DE BZHIN DANT'I DMAR RTZA BA, ,SBAL PA'I KHRAG GIS BSNUR BYAS TE, ,THIG LE BCANG BYA BRTUL ZHUGS CAN, ,GANG GI GRIB MA 'PHROG BYED PA, ,RKANG PA DE YANG RMONGS PAS 'THOB, ,RKANG GNYIS RKANG BZHI THAMS CAD NI, ,RMONGS PAR 'GYUR BAR THE TSOM MED, ,NYI MA RENGS DANG DKAR PHYOGS LA, ,SRIN BU LTO BA NAS SKYUGS PA, ,RAB TU 'BAD PAS DE BLANGS TE, , RVA CO YIS NI THIG LE BYA, ,DPRAL BAR THIG LE BYIN BYAS PA, ,GANG GI GRIB MA 'PHROG BAR BYED, ,NGES PAR RMONGS PA 'THOB PAR 'GYUR, ,'O MA RNAMS KYIS RAB DKRUS DAG ,DANT'I RO HA AU HA RAshtI'I, ,RTZA BA 'DI RNAMS SKAM MNYAM PAR, ,BYA ROG KHRAG GIS BSNUR NAS NI, ,THIG LE BYA'O BRTUL ZHUGS CAN, ,THIG LE 'DI YIS BYIN RLABS

KYIS; ;LHA YANG RAB TU BSKYOD PAR BYED, ,NGES PAR SOM NYI MI BYA STE, ,BYA BA LA YANG RMONGS PAR 'GYUR, ,DE BZHIN RAB TU SBYOR BA GZHAN, ,RA SA SHRING+GI KU TH'A R'I, PHA n'I NA GA PA n'I DANG, ,'DI RNAMS KUN GYI SHA BCAS PA, ,RIL BU BYA 'O BRTUL ZHUGS CAN, ,NAM MKHA'I RDO BA'I CHU NYID KYIS, ,SPYI BOR THIG LE BCANG BAR BYA, ,NGES PAR REG STE GDONG BLTAS NA, ,MI NI KHRAG TU SKYUG PAR BYED, ,K'A KA MA RTZI SBRANG RTZI DKAR, ,KHU BYUG DKAR PO'I MIG GIS NI, ,NAM MKHA'I CHU DANG MNYAM PAR LDAN, ,SPYI BO LA NI THIG LE BYA, ,THIG LE 'DI YI BYIN RLABS KYIS, ,DGRA BO RNAMS NI DBANG DU 'GYUR, ,GANG DU PHYAG NI 'TSAL BYED PA, ,DE RNAMS NGES PAR RMONGS PAR 'GYUR, ,DE NAS GZHAN YANG RAB SBYOR TE, ,SBRUL NAG PO YI LCE DANG NI, ,DE BZHIN SRE MO'I LCE NYID DANG, ,BYI BA'I MKHRIS PA YANG DAG BSRES, ,KHRI PHRAG LNGA YI RIL BU RNAMS, ,THIG LE 'DI YI BYIN RLABS KYIS, ,DGRA BO BRAN DU BYED PAR 'GYUR, ,MA RUNGS 'KHOR DANG BCAS PA YIS, , RGYAL PO RMONGS PAR BYED PAR 'GYUR, ,DE NAS GZHAN YANG RAB SBYOR TE, ,'CHI MED RTZA BA'I S'I TA KA ,DE BZHIN BA HU d'A PHA LA, ,'DI RNAMS MNYAM PO'I CHA YIS KYANG, ,RIL BU BYA 'O MKHAS PA YIS; ;THIG LE 'DI YIS YANG DAG BZUNG, ,'JIG RTEN GSUM PO RMONGS PAR 'GYUR, ,KHA YIS BDUD RTZI BLANGS BYAS TE, ,G-YON PA'I MING MED KYIS KYANG NI, ,'DI NI, RIL BU BYIN GYIS

, ,BRLAB PA'I SNGAGS TE, AOm MA H'A YAKshA SE NA AA DHI PA TA YE MA H'A DUR D'ANTA DA MA G'A YA, N'A SHA YA N'A SHA YA, BI DR'A PA YA BI DR'A PA YA, H'Um H'Um SARBA DUshtA NA PHAt, DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, LE'U BRGYAD PA'O,, ,,'DIR BCOM LDAN 'DAS KYIS RO LANGS LA SOGS PA'I SGRUB THABS GSUNGS TE, AOm H'Um:DZA: AA PA R'A DZI TA:, AOm H'Um:DZA: AA DZI TA, AOm H'Um DZA:AA PU RA nA:, AOm H'Um DZA: AA PU RA nA:, AOm SHRAm DZAshMA SA NA AA DHI PA TI, AOm RUm DZA: KU LE SHVA RA, AOm H'Um DZA: BUDDHE SHVA RA:, AOm AAm DZA: KI KA RA AUTTA MA, ZHES PA 'DI RNAMS 'BYUNG PO'I BDAG PO CHEN PO RNAMS SO, ,GZHAN GYIS MI THUB PA'I SGRUB THABS NI, DPAL RDO RJE DBYUG PA 'DZIN PA'I MDUN DU 'BUM PHRAG BZLA BAR BYA STE, SNGON DU BSNYEN PAR 'GYUR RO, ,DE NAS ZLA BA NYA LA MCHOD PA CHEN PO BYAS NAS ZHO DANG, BU RAM DANG, 'O MA SBYAR BA'I ZAS DKAR PO RNAMS KYIS JI LTAR GSUNGS PA'I MCHOD PA BYA'O, ,GU GUL GYI DUD PA BYIN NAS MTSAN MO MTHA' DAG BZLA BAR BYA'O, ,NGES PAR THO RANGS 'ONGS PAR 'GYUR TE, GAL TE 'ONGS PAR MA GYUR NA SKAD CIG DE LA 'CHI BAR 'GYUR RO, ,'ONGS NAS KYANG BDAG GIS CI BYA ZHES BKA' STZAL DU GSOL, SGRUB PA POS BDAG GI BRAN DU MDZOD CES SMRA BAR BYA'O, ,DE NAS BRTZAMS TE CI BYA BA'I LAS RNAMS

BYED DE; RIG PA 'DZIN PA'I RGYAL SRID KYANG STER BA DANG, DGRA RNAMS TSAR GCOD PAR BYED DO, ,LHA MO RI BONG CAN BLANGS TE STER BAR BYED CING RGYAB TU KHUR TE LHA'I 'JIG RTEN DU 'GRO BA DANG, BRGYA BYIN NYID STER BAR BYED DO, ,BSKAL PA BDUN DU 'TSO BA BYED PAR 'GYUR RO, ,DE NAS MI THUB PA'I SGRUB THABS 'DI YIN TE, MTSAN MO MCHOD RTEN GYI MDUN DU 'DUG STE ZHAG BDUN DU STONG PHRAG BRGYAD BZLA BAR BYA'O, ,ZHAG BRGYAD PA LA MCHOD PA CHEN PO BYAS NAS GTOR MA PHUL TE GU GUL GYI DUD BA DBUL ZHING BZLA BAR BYA'O, ,BZLAS PA NA NGES PAR 'ONG BAR 'GYUR RO, ,KYE SGRUB PA PO BDAG GIS CI BYA ZHES SO; ;SGRUB PA PO BDAG GIS CI BYA BA KHYOD MKHYEN NO, ,ZHES SMRA BAR BYA'O, ,DE NAS BRTZAMS NAS CI BYA BA'I LAS RNAMS BYED DO, ,SLAR YANG RGYAL SRID STER RO, ,LO STONG PHRAG TU 'TSO BAR 'GYUR RO,, JI SRID 'TSO BA'I BAR DU CI BYA BA'I LAS RNAMS BYED DO, ,CHE GE 'TSO BAR GYIS SHIG ,CES PA DANG, CHE GE 'CHI BAR GYIS SHIG CES PA THAMS CAD BYED DO, ,DE NAS GSANG BA'I SGRUB THABS YIN TE; RDO RJE 'DZIN PA KHANG PAR SONG STE NYI MA BDUN DU STONG PHRAG BRGYAD BZLA BAR BYA'O, ,NYI MA BRGYAD PA LA MCHOD PA CHEN PO BYAS NAS ZAN ZHO DKAR PO JI LTAR GSUNGS PA DBUL BAR BYA'O, ,MTSAN PHYED PA JI SRID PA DE SRID DU BZLA BAR BYA'O, ,JI SRID MTSAN PHYED PA DE NAS RANG NYID 'ONG BAR 'GYUR RO, ,ME TOG GI MCHOD YON DBUL BAR BYA STE, MNYES PAR GYUR NA RGYAL SRID STER ZHING BSAM PA THAMS

, ,CAD YONGS SU RDZOGS PAR BYED DO, ,DE NAS KUN TU GSANG BA'I SGRUB THABS YIN TE, GDUNG DANG BCAS PA'I MCHOD RTEN GYI DRUNG DU KHRI PHRAG BZLA BAR BYA STE, SNGON DU BSNYEN PAR 'GYUR RO, ,DE NAS ZLA BA NYA BA LA JI LTAR 'BYOR PA'I MCHOD PA BYAS NAS MTSAN PHYED PA JI SRID PA DE SRID DU BZLA BAR BYA'O, ,DE NAS MTSAN PHYED NA MYUR DU 'ONGS SHING MDUN DU GNAS TE, KYE MNYES GSHIN CI BYED CES SMRA BAR BYED DO, ,SGRUB PA POS BDAG GIS CI BYA BA KHYED MKHYEN CES BRJOD PAR BYA'O, ,DE NAS BRTZAMS TE CI BYA BA'I LAS RNAMS BYED DO, ,GNOD SBYIN GYI BU MO MCHOG BKUG NAS STER BAR BYED DO, ,'DOD LDAN GYI MCHOG STON MO STER BAR BYED DO, ,NYI MA SO SOR BZA' BA DANG, GOS ZUNG DANG, D'I N'A RA LNGA RNAMS RAB TU STER RO, ,LO LNGA BRGYA RNAMS 'TSO BAR BYED DO, ,DE NAS DUR KHROD BDAG PO'I SGRUB THABS YIN TE, MTSAN MO DUR KHROD DU SONG NAS NYI MA BDUN DU STONG PHRAG BRGYAD BZLA BAR BYA'O, ,NYI MA BRGYAD PA LA NYA DANG, SHA DANG, TIL DANG, DZAMBU LI KA DANG, ZAN DKAR PO DANG, ZHO DANG, BU RAM DANG, BDUG PA DANG, 'BRAS BU JI LTAR GSUNGS PA'I NYI BAR MKHO BA RNAMS KYI GTOR MA DBUL BAR BYA'O, ,GU GUL GYI BDUG PA DBUL PAR BYA'O, ,MTSAN PHYED PA DE JI SRID PA DE SRID DU BZLA BAR BYA'O, ,DE NAS MTSAN PHYED NAS HA HA'I SGRA THOS PAR BYED DO, ,DE LA 'JIGS PAR MI BYA'O, ,'KHOR DANG BCAS PA TSOGS KYIS YONGS SU

BSKOR NAS 'ONG BAR 'GYUR RO, ,'ONGS PA NA MCHOD PA DBUL ZHING MNYES PAR GYUR NA, 'BYUNG PO THAMS CAD BRAN DU 'GYUR RO, ,NYI MA NYI MAR D'I N'A RA BRGYAD RNAMS RAB TU STER BAR BYED DO, ,DGRA THAMS CAD 'JOMS PAR 'GYUR RO, ,LO STONG PHRAG 'TSO BAR 'GYUR RO, ,DE NAS RIGS KYI DBANG PHYUG GI SGRUB THABS YIN TE, LHA'I GNAS SU SONG STE DRI DANG LDAN PA'I ME TOG DMAR PO DANG, GU GUL GYI BDUG PA BYIN NAS KHRI PHRAG BZLA BAR BYA STE, SNGON DU BSNYEN PAR 'GYUR RO, ,NAG PO'I PHYOGS LA MTSAN MOR NYA DANG, SHA DANG, TIL DANG, DZAMBU LI KA DANG, BZA' BA DMAR PO'I CHO GA GTOR MA BZHIN DBUL BAR BYA'O, ,TU RU KA'I BDUG PA BYIN NAS JI SRID MTSAN BYED KYI BAR DU BZLA BAR BYA'O, ,DE NAS 'BAR BA CHEN PO ZAB CING 'JIGS PA'I GZUGS KYIS 'ONG BAR 'GYUR TE, DE LA 'JIGS PAR MI BYA'O, ,MNYES GSHIN CI BYED CES SMRA BAR BYED DO, ,SGRUB PA POS BDAG GIS CI BYA BA KHYED MKHYEN CES BRJOD PAR BYA'O, ,DE NAS JI SRID 'TSO BA'I BAR DU CI BYA BA'I LAS RNAMS BYED DO; ;NYI MA NYI MAR THUN GSUM DU D'I N'A RA LNGA STER RO, ,'DOD PA'I LHA RDZAS KYI STON MO STER RO, ,LO LNGA BRGYA 'TSO BAR BYED DO, ,DE NAS 'BYUNG PO'I DBANG PHYUG GI SGRUB THABS YIN TE, MTSAN MA GCIG PAR SONG STE GCIG PUS ZHAG GSUM DU MTSAN MOR BZA' BA KHA ZAS DMAR PO DANG, NYA SHA DANG, TIL DANG, DZAMBU LI KA'I GTOR MA DBUL BAR BYA'O, ,NYI MA GSUM PA LA RANG NYID

, ,MYUR DU 'ONG ZHING MDUN DU GNAS SO, ,DE 'DI LTAR BDAG GIS CI BYA ZHES SMRA'O, ,SGRUB PA POS BDAG GIS CI BYA BA KHYED MKHYEN CES BRJOD PAR BYA'O, ,RTAG TU RJES SU 'BRANG BAR 'GYUR TE, NGES PAR LHA MO BLANGS NAS STER BAR BYED DO, ,RANG NYID KYIS BZA' BA DANG GOS BLANGS TE RNAM PA STER BAR BYED DO, ,LO STONG PHRAG GNYIS RNAMS 'TSO BAR BYED DO, , DE NAS PHO NYA MCHOG GI SGRUB THABS YIN TE, RDO RJE 'DZIN PA KHANG PAR SONG NAS NAG PO'I BCU BZHI LA BZLAS PA KHRI BYA'O, ,NYI MA BDUN RNAMS SU SNGON DU BSNYEN PA BYA'O, ,DE NAS SGRUB THABS BRTZAM PAR BYA STE, TZANDAN GYI MAndAL [?] BYAS NAS GU GUL GYI BDUG PA BYIN LA, ZHO DANG MAR DKAR PO SBYAR BA'I ZAS DANG, KU SHA'I CHUN PO LA NYE BAR 'DUG PAS MAR GYI MAR ME RAB TU SBAR TE MTSAN MOR JI SRID MTSAN PHYED GYUR PA DE SRID BZLA BAR BYA STE, RANG NYID PHO NYA MCHOG TU 'ONG BAR 'GYUR RO, ,'ONGS PA NA TZANDAN GYI CHUS MCHOD YON SBYIN PAR BYA'O, ,MNYES PAR GYUR NA BDAG GIS CI BYA ZHES DRI'O, ,SGRUB PA POS BDAG GIS CI BYA BA KHYED MKHYEN CES BRJOD PAR BYA'O, ,DE NAS BRTZAMS TE CI BYA BA'I LAS RNAMS BYED DO, ,'DOD PA'I 'BRAS BU THAMS CAD RAB TU STER RO, ,YID LA 'DOD PA PHUN SUM TSOGS PAR BYED DO, ,DE NAS 'DOD PA'I DBANG PHYUG MA SGRUB PA NI, GRO GA'I 'DAB MA LA GI WANG GI GZUGS BRNYAN BRIS TE

GCIG PU STAN LA 'DUG NAS BZLAS PA STONG PHRAG BYA'O, ,DE NAS BZLAS PA'I MTHAR MCHOD PA CHEN PO BYAS NAS MAR GYI SGRON ME RAB TU SBAR TE MI SMRA BAR BZLA BAR BYA'O, ,DE NAS MTSAN PHYED NAS NGES PAR 'ONG BAR 'GYUR RO, ,'ONGS PA NA 'DOD PA BYAS TE CHUNG MAR 'GYUR RO, ,LHA RDZAS KYI RGYAN DANG BZA' BA LA SOGS PA GDAN LA BZHAG STE 'GRO'O, ,BUD MED DANG 'GROGS PA DOR BAR BYA STE; GZHAN DU NA RNAM PAR 'JOMS PAR BYED DO, ,DE NAS KA NA KA MA TI'I SGRUB THABS YIN TE, SHING BA dA'I RTZA BAR SONG NAS NYA DANG SHA'I GTOR MA CHO GAS DBUL BAR BYA'O, ,BDAG NYID KYANG 'THUNGS TE LHAG MAS MCHOD YON SBYIN PAR BYA'O, ,STONG PHRAG GCIG BZLA BAR BYA STE, 'DI LTAR ZHAG BDUN GYI MTSAN MO RANG NYID 'ONG BAR 'GYUR RO, ,RGYAN THAMS CAD KYIS BRGYAN PA'I 'KHOR BRGYA PHRAG GSUM DANG MNYAM DU 'DI RNAMS MTSAN PHYED NAS NGES PAR 'ONG BAR 'GYUR RO, ,'ONGS PA NA 'DOD PA BYAS TE CHUNG MAR 'GYUR RO, ,SKYE BA BCU GNYIS RNAMS KYI GOS DANG RGYAN DANG BZA; BA RNAMS STER RO, ,NYI MA SO SOR D'I N'A RA BRGYAD RNAMS RAB TU STER RO, ,DE NAS DGA' MA'I SGRUB THABS YIN TE, RI MO MKHAN LA GAN LA THANG SKU BRI BAR BYA'O, ,GSER GYIS MDOG CAN RGYAN THAMS CAD KYIS BRGYAN PA, PHYAG G-YAS NA AUTPAL CAN DZ'A TI'I ME TOG GIS MCHOD PAR BYA'O, ,GU GUL GYI BDUG PA BYIN PA STONG PHRAG BRGYAD BZLA BAR BYA'O, ,BZLAS PA'I MTHAR JI

, ,LTAR 'BYOR BA'I MCHOD BA BYAS NAS MAR GYI SGRON ME RAB TU SBAR TE JI SRID MTSAN PHYED DE SRID PAR BZLAS PA BYA STE, RANG NYID 'ONG BAR 'GYUR RO, ,'ONGS NAS MI SMRA BAR 'DOD PA BYAS TE CHUNG MAR 'GYUR RO, ,SGRUB PO'I 'KHOR RNAMS SKYONG ZHING, LHA RDZAS KYI 'DOD PA DANG STON MO RNAMS DANG, DNGUL CHU'I BCUD LEN RNAMS STER BAR BYED DO, ,D'I N'A RA NYI SHU RTZA LNGA STER BAR BYED DO, ,DE NAS PADMA MA NI'I SGRUB THABS YIN TE, ,RANG GI KHYIM DU SPYI BO'I GNAS SU TZANDAN GYI MAndAL BYAS TE, GU GUL GYI BDUG PA BYIN NAS STONG PHRAG GCIG TSAD BZLA BAR BYA'O; ;DE NAS ZLA BA NYA LA JI LTAR 'BYOR PA'I MCHOD PA BYAS NAS JI SRID MTSAN PHYED PA DE SRID DU BZLAS PA BYA STE, NGES PAR 'ONG BAR 'GYUR RO, ,'ONGS PA NA 'DOD PA BYAS TE CHUNG MAR 'GYUR RO, ,LHA RDZAS KYI 'DOD PA RAB TU STER ZHING, ,DNGUL CHU'I BCUD LEN DANG, GRUB PA'I RDZAS KYANG STER BAR BYED DO, ,DE NAS RAL GCIG MA'I SGRUB THABS, ,'DI LAS YANG DAG RAB BSHAD BYA, ,GNOD SBYIN MO RNAMS SGRUB DUS SU, ,RAL GCIG MAN I RNAM BSGOM BYA, ,ZHAL GCIG PHYAG NI GNYIS PA STE, ,GRI GUG THOD PA 'DZIN PA MO, ,SKU MDOG SNGON MO 'JIGS BYED CHE, , BHA GA'I DKYIL 'KHOR LA BSGOM BYA, ,SHAR DU DZAMBHA LA BSAM BYA, ,NOR 'DZIN YANG NI LHO RU STE, ,CHU DBANG NUB TU DGOD PAR BYA, ,BYANG DU TZI BI KUndA LI, ,ME LA SOGS PA'I ZUR DU YANG,, ,

GNOD SBYIN MO BZHI RNAM BSGOM BYA, ,KUndA LA HA T'I N'I RO HI, ,MDZES MA CHO GAS DGOD PAR BYA, ,DE NAS SGO SKYONG BSAM BYA STE, ,DBYUG PA LA SOGS MTHA' DAG LAS, ,JI LTAR SNGA MA'I 'KHOR LO MTHONG, ,DE LTAR KHA DOG RAB SBYAR BYA, ,THAMS CAD GTZO BO'I MTSAN MA 'DZIN, ,SLAR YANG PHYI NAS BSNGAGS BZLAS BYA, ,AOm AE KA DZA tI BA SU S'A DHA N'I SV'AH'A, DE NAS PHUKKA S'I'I SGRUB THABS, , 'DI LAS YANG DAG RAB BSHAD BYA, SKAD CIG GANG GIS BSGOMS TZAM GYIS, ,'JIG RTEN GSUM PO PUKKA S'IR, ,SKU MDOG SER SKYA ZHAL BZHI PA, ,PHYAG BZHI BONG BU LA ZHON PA, ,BSGOM BYA PUKKA S'I YI LAS, ,BYA ROG THO BA MDA' DANG NI, ,GZHU RNAMS BSGOM BYA BRTUL ZHUGS CAN, ,SNGAGS BZLA BAR BYA STE, AOm PUKKA S'I AOm, ,DE NAS 'JAM PA'I RDO RJE YI, ,SGRUB THABS YANG DAG RAB BSHAD BYA, ,'JAM PA'I RDO RJE'I DKYIL 'KHOR SGRUB PA LAS SKAD CIG LAS MI MTHONG BAR 'GYUR RO, ,DE BZHIN GSHEGS PA THAMS CAD KYI SKU DANG GSUNG DANG THUGS RDO RJE GSHIN RJE GSHED DMAR PO'I RGYUD LAS, GNOD SBYIN MO SGRUB PA'I THABS KYI LE'U STE DGU PA'O,, ,,DE NAS RDO RJE 'DZIN RGYAL POS,,NYAL BA SLONG BAR BYED PA DANG, ,SBRUL GYI SOS BTAB LA SOGS PA, ,SRUNG BA'I GSANG SNGAGS LAS GSUNGS PA, ,'BUM PHRAG BZHI NI BZLAS PA YIS, ,DON GRUB SA BON BSAGS RNAMS KYIS, ,NYAL BA SLONG BAR BYED PA DANG, ,'TSO BAR YANG NI

, ,THA TSOM MED, ,ZHI BA GSHIN RJE GSHED DKAR PO, ,RTAG TU RNAL 'BYOR RIGS RNAMS BSGOM, ,PHYAG TU DON GRUB SA BON RNAMS, ,'BUM PHRAG BZHIR NI BZLA BAR BYA; ;SOS BTAB YANG DAG KHA BLTAS TE, ,NYUNGS KAR GYIS NI BRAB PAR BYA, ,GAL TE GANG GIS BZUNG BA YANG, ,THE TSOM MED PAR LDANG BAR 'GYUR, ,H'Um YIG KHA DOG DKAR PO NI, ,BSGRUB BYA'I SNYING GAR BSAM BYA STE, ,HR'I:shtRI: LA SOGS SNGAGS BZLA ZHING, ,'OD ZER RNAMS KYIS DUG DGUG BYA, ,PHYAG G-YAS DE BZHIN G-YON PA LA, ,'DAB BRGYAD PADMA DGOD PAR BYA, ,DE DBUS SU YANG H'Um YIG GIS, ,'OD ZER RNAMS KYIS BDUD RTZI 'DZAG ,DE NYID KYIS NI SPYI BOR YANG, ,'OD DKAR DKYIL 'KHOR GYI DBUS SU, ,MKHAS PAS HA YIG BSAM PAR BYA, ,DE NAS HR'I:shtR'I:LA SOGS SNGAGS, ,BYUGS PAS DUG NI DGUG PAR BYA, ,AOm HR'I:HA HR'AmDZA:PHU: YIG ,SNGAGS KYIS SPYI BO NAS BRTZAMS TE, ,RKANG MTHAR BYA BA SNGAGS BZLAS KYI, ,BDUD RTZI'I CHAR PA BSGOMS BYA STE, ,'TSO BAR YANG NI THE TSOM MED, ,SA BON YI GE RDZOGS PA NI, ,'DZIN PA BCINGS PA'I MCHOG YIN NO, ,KHA DOG SER PO YANG DAG BYUNG, ,SOS BTAB GNAS LA NGES PAR BSGOM, ,AOm YIG DANG PO TSEG DRAG MTHA', ,CHO GA NGES SBYAR HA THA DAG ,DUG GI BYA BAS BCINGS PA LA, ,SBYOR BA RNAMS KYIS BCINGS PA LA, ,SPYI BOR GSER 'JOMS LEGS

PAR RTOGS, ,DE LTAR GZHAN RNAMS KYANG G-YAN PA DANG, ,PHOL MIG DANG, DMU CHU LA SOGS PA GOS PA LEGS PAR TSAR GCOD PA'I RAB TU SBYOR BA MANG POS KYANG NGO, ,DE NAS RDO RJE 'DZIN RGYAL POS, ,SRUNG BA'I 'KHOR LO RAB SBYOR MDZAD, ,BGEGS DANG LOG 'DREN GDUG PA RNAMS, ,DGUG PA'I DON PHYIR YANG GSUNGS PA, ,BDAG NI DPAL LDAN RDO RJE 'DZIN, ,SRUNG BA'I 'KHOR LO RAB SBYOR LAS, ,'BAR BA'I SKU DANG DBYUG PA YIS, ,LUS GSUM LAS SKYES DGAS PAR BYA, ,SKYOB PA SANGS RGYAS RNAMS KUN GYI, ,LHA MO KHYOD NI DPANG POR GYUR, ,SLOB DPON GSHIN RJE 'JOMS DKYIL 'KHOR, ,BDAG NI DKYIL 'KHOR BRI BAR BGYI, ,GOS KYIS GDONG BA BCINGS NAS NI, ,DKYIL 'KHOR KHANG PA'I NANG BZHAG NAS, ,KYE KHYOD SU ZHES BRJOD BYA STE, ,BDAG SKAL BZANG ZHES SMRA BAR BYA, ,BLO BZANG YOL BA NANG BYAS NAS, ,BLA MA MCHOG LA GSOL BTAB BYA, ,DBANG BSKUR DON DU GUS CHEN GYIS, ,MGON PO'I RJES SU GSUM BRJOD BYA, ,JI LTAR SANGS RGYAS CHOS CHEN GYIS, ,RDO RJE SEMS DPAS DBANG BSKUR LAS, ,BDAG LA MGON POS YANG DAG DBANG, ,MCHOG KYANG BDAG LA STZAL DU GSOL, ,GLU DANG ROL MOS DE BZHIN MCHOD, , MCHOD YON ZHABS BSIL DE BZHIN NYID, ,SLOB MAS MCHOD PA LA DBUL BYA, ,YANG NA DER NI BSTOD PA BYA, ,DE NAS RDO RJE 'DZIN RGYAL PO, ,STONG NYID YANG DAG GSUNG BAR MDZAD, ,AOm SH'

, ,N+YA T'A DZNY'A NA BADZRA SVA BH'A BA A'ATMA KONYAHAm, AOm PU DZA BDZRA SVA BH'A BA A'ATMA KONYAHAm, AOm DHA RMA DH'A TU SVA BH'A PA A'ATMA KONYAHAm, DE NAS SBYIN SREG RAB BSHAD BYA, ,ZHIB LA SOGS RAB DBYE LAS, ,GANG GI SBYIN SRAG GIS 'GRUB 'GYUR, ,LAS KUN RAB TU SGRUB PA PO'I, ,ZHI BA'I SEMS KYIS ZHI BA LA, ,RGYAS PA'I SEMS KYIS RGYAS PA LA, ,RAB DGA' SEMS KYIS DBANG LA NYID, ,DRAG PO YIS NI GSOD PA LA'O, ,ZLUM PO RNAM PA ZHI BA STE, ,RDZING BU RNAM PA RGYAS PA'O, ,DBANG LA ZLA BA PHYED PAR BRJOD, ,MKHA' KHAMS MDOG CAN GSAD PA LA'O, ,ZHI BA LA NI KHRU GANG YIN, ,DE BZHIN KHRU GNYIS RGYAS PA LA'O, ,JI LTAR RGYAS PA DE BZHIN DBANG, ,SOR MO NYI SHU GSAD PA LA'O, ,KHRU PHYED BRTZIGS PA ZHI BA LA, ,RGYAS PA LA NI KHRU GANG NGO, ,LNGA GNYIS GSAD PA LAS BYAS TE, ,JI LTAR DGUG PA DE BZHIN DBANG, ,ZHI PA'I SBYIN SREG TSES GCIG LA, ,ZLA BA NYA LA RGYAS PA STE, ,BCU BZHI PA LA MNGON SPYOD DO, ,BRGYAD PA LA NI DBANG GI LAS, , SHEL DANG NYA PHYIS ZHI BA LA, ,MU TIG 'BRAS BU RAB BSNGAGS TE, ,DUNG DANG BO DE TZI TA DANG, ,NAD MED PA LA MI RUS SO, ,TZANDAN DMAR POS BSGOS PA YIS, ,BYI RU YI NI KHYAD PAR LAS; ;DRAG MIG LUNG THANG DE BZHIN DU, ,MI RUS N'A GA PHA nI YI, ,BRGYA PHRAG GCIG NI ZHA BA LA, ,DE BZHIN BRGYAD LHAG RGYAS PA LA, ,DBANG DANG DGUG PA NYI SHU LNGA, ,DRUG CU RTZA BZHI

MNGON SPYOD LA'O, ,BRGYA PHYED SNGAGS KYIS BSGRUB PA LA'O, ,RIL BU RGYU BAR BYA SNGAGS LA, ,PHRENG BA RNAMS NI THAMS CAD KYI, ,DE BZHIN LHUN PO GNYIS RGYU BYA, ,ZHI BA MDZUB MO LA BZHAG STE, ,GUNG MO LA NI RGYAS PA'O, ,DBANG DANG DGUG PA MING MED LA, ,TSAR GCAD PA NI MTHE CHUNG LA'O, ,KHA DOG DKAR PO ZHI BA LA, ,KHA DOG SER PO RGYAS PA LA, ,DBANG LA DMAR PO RTAG BSAM BYA, , NGES PAR GSOD LA NAG PO 'DOD, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, SBYIN SREG GI CHO GA'I LE'U STE BCU PA'O;; ,,RNAL 'BYOR BZHI DANG LDAN PA'I RNAL 'BYOR PA'I SNA TSOGS PA'I BZA' BA DANG, STON MO DANG, MYANG BA DANG, BLAG PA DANG, BTUNG BA LA SOGS PA YANG DAG PAR LDAN PA'I DRI DANG, PHRENG BA DANG, BYUG PA DANG, PHYE MA DANG, GOS DANG, GDUGS DANG, RGYAL MTSAN DANG, DRIL BU DANG, BA DAN LA SOGS PA RNAMS KYIS YANG DAG PAR GANG BA'I ROL MO'I SGRA CHEN PO LNGA BSGOM PAR BYA STE, MDUN DU GTOR MA'I SNOD SKYOGS SAM ZANGS GZHONG GI NANG DU BZA' BA TZAM BCAS PA'I CHU KHYOR PA GSUM JI LTAR RNYED PA'I DAM TSIG GI RDZAS DANG LDAN PA BZHAG LA, DE RAB TU GSAL BAR DRUNG DU BZHAG LA SGOM PA BRTZAM PAR BYA'O, ,NAM MKHA'I DBYINGS SU PADMA 'DAB MA BRGYAD PA ZE BA DANG BCAS PA BSGOM PAR BA'O,,

, ,ZE 'BRU LA YAm YIG LAS RLUNG GI DKYIL 'KHOR KHA DOG SNGON PO GZHU'I DBYIBS CAN, MTHA' GNYIS SU G-YO BA'I BA DAN DANG RGYAL MTSAN BRGYAD KYIS BRGYAN PA'O; ;DE'I STENG DU RAm YIG DMAR PO LAS SKYES PA'I ME'I DKYIL 'KHOR GRU GSUM PA DMAR PO ZUR GSUM LA RAm YIG GIS MTSAN PA'O, ,DE'I STENG DU RU YIG GSUM YONGS SU GYUR PA LAS MGO PO GSUM GYI SGYED BU LA GNAS PA'I A'A:YIG DMAR PO LAS SKYES PA'I PADMA'I SNOD PHYI DKAR LA NANG DMAR PA'O, ,DER PADMA 'DAB MA BRGYAD PA'I RNAM PA BSAM PAR BYA'O, ,DE LA SHAR LA SOGS PA'I 'DAB MA LA BHR'Um AAm DZIm KHAm H'Um GI YI GES RNAM PAR SNANG MDZAD LA SOGS PA'I RANG BZHIN RNAMS DANG, DE BZHIN DU ME LA SOGS PA'I ZUR DU L'Am M'Am P'Am T'Am B'Am GYI YI GES SPYAN MA LA SOGS PA'I RANG BZHIN RNAMS BSAM PAR BYA ZHING, YI GE BCU PO 'DI RNAMS YONGS SU GYUR PA LAS GO KU DA HA NA RNAMS DANG, BI RA SHU M'A M'U ZHES PA 'DI RNAMS KYI YI GE RNAMS KYIS MTSAN PA'I DAM TSIG GI RDZAS BCU PO 'DI RNAMS PADMA'I SNOD DU BLTA BAR BYA'O, ,DE'I STENG DU AOm YIG KHA DOG DKAR PO DES BKAB PA'I RANG BZHIN BSAMS LA, AOm YIG LAS SKYES PA'I ZLA BA'I DKYIL 'KHOR RO, ,DE'I STENG DU H'Um YIG DKAR PO LAS BYUNG BA'I DBYUG PA DE'I SA BON GYIS MTSAN PA BLTA BAR

BYA'O; ;DE NAS SLAR PADMA'I SNOD LAS 'OG GI SGYED BU LA AOm A'A:H'Um LAN GSUM BZLAS SHING BRJOD LA BSGOMS TE, SNGA MA BAR MA CHAD PAR RLUNG GI DKYIL 'KHOR BSKYED DE ME'I DKYIL 'KHOR RAB TU 'BAR BAS GDUNGS SHING BSKOL TE SPAR BAS 'BAR BA'I GONG BU LA SOGS PA DAM TSIG GI RDZAS BCU'I RANG BZHIN MTHA' DAG ZHU BAS RDO RJE'I DBYUG PAS DKRUGS PA BLTA BAR BYA'O, ,DE NAS SLAR RDO RJE'I DBYUG PA ZHU BAR GYUR TE BDUD RTZI NYI MA 'CHAR KHA'I KHA DOG GAM DNGUL CHU'I RNAM PAR BSAM PAR BYA'O, ,DE LAS SLAR AOm A'A:H'Um GI YI GE GSUM LAS THON PA'I 'OD ZER GYI TSOGS RNAMS KYIS KHAMS GSUM MA LUS PA LA GNAS PA'I BDUD RTZI SHIN TU MANG BAR BLANGS PAR BSGOM ZHING, DE NYID RAB TU GZHUG PAR BYA'O, ,DE NYID RAB TU BCUG PA LA MKHA'I RNAM PA SHIN TU GSAL BA'I TSOGS BSIL BA'I SBRANG RTZI 'DUS PA'I GZUGS SU BRTAN PAR BYA ZHING, PHYI NAS YI GE GSUM GYIS BYIN GYIS BRLAB PAR BYA'O, ,KHA DOG DRI RO PHUN SUM TSOGS, ,DRI MED STON KA'I ZLA BA'I 'OD, ,YE SHES BDUD RTZIR RAB SBYOR GYIS, ,'BAD NAS GTOR MA RDZOGS BYAS TE, ,GSHIN RJE GSHED KYI GZUGS 'DZIN PA'I SNGAGS PA KHRO BO PHYAG NA ZHAGS PA DANG LCAGS KYU 'DZIN PA SBROS NAS PHYOGS SKYONG RNAMS KYI SNYING LA LCAGS KYUS PHUG CING, MGUL BA LA ZHAGS PAS BCINGS TE BKUG PAR BSAM PAR BYA'O, ,DE NAS AOm HR'I:shtR'I:WI KRi T'A NA NA H'Um H'Um

, ,PHAt PHAt DUshtA AINDRAm SA PA RI W'A RA A'A KARshA YA DZA, SNGAGS 'DIS MIG STONG PA DKAR SER GLANG PO CHE DKAR PO'I GDAN LA G-YAS PA DANG, GCIG SHOS NA RDO RJE DANG, SDIGS MDZUB MDZAD PA BKUG STE SHAR DU GZHAG PAR BYA'O, ,SNGAGS DE NYID KYIS NYE DBANG MKHA' LDING GI GDAN LA RIN PO CHE'I COD PAN CAN G-YAS NA BE CON DANG 'KHOR LO 'DZIN PA, G-YON NA DRUNG DANG KOO STU BHA 'DZIN PA, DE NYID KYI G-YON DU HA CANG MI RING BAR GZHAG PAR BYA'O, ,YANG DE NYID KYIS GSHIN RJE MA HE LA ZHON PA DBYUG PA 'DZIN PA LHO RU GZHAG PAR BYA'O, ,YANG DE'I NYID KYIS CHU LHA KHA DOG DKAR PO BRANG 'GRO LA ZHON PA, PHYAG NA KLU'I ZHAGS PA CAN NUB TU GZHAG PAR BYA'O, ,YANG DE NYID KYIS LUS NGAN SER PO GTER LA GNAS PA, PHYAG NA B'I DZA P'U RA KA DANG, NA KU LI CAN BYANG DU GZHAG PAR BYA'O, ,DE NYID KYIS GLANG SNA DKAR PO BYI BA LA GNAS PA, G-YAS NA BGRANG PHRENG DANG DGRA STA 'DZIN PA, G-YON NA LA PHUG DANG LA DU 'DZIN PA DBANG LDAN DU'O, ,DE NYID KYIS DBANG PHYUG DKAR PO KHYU MCHOG LA ZHON PA RAL PA 'DZIN PA, PHYAG NA RTZE GSUM DANG THOD PA CAN, ,PHYAG GNYIS DKAR MO LA 'KHYUD PA DBANG LDAN DU GZHAG PAR BYA'O, ,YANG DE NYID KYIS ME LHA DMAR POR LA GNAS PA, PHYAG NA BGRANG PHRENG DANG SBYI BLUGS CAN MER GZHAG PAR BYA'O, ,YANG DE NYID KYIS SRIN PO ROL ZHON PA, PHYAG NA GRI GUG DANG THOD PA CAN SNGON PO MI SDUG PA KHRO BA DANG BCAS PA BDEN BRAL DU

GZHAG PAR BYA'O, ,YANG DE NYID KYIS RLUNG LHA DU BA'I MDOG CAN RI DVAGS SER PO LA GNAS PA RLUNG DU GZHAG PAR BYA'O, ,YANG DE NYID KYIS NYI MA DMAR PO PHYAG GNYIS KYIS PADMA 'DZIN PA, RTA BDUN LA GNAS PA STENG DU GZHAG PAR BYA'O, ,YANG DE NYID KYIS ZLA BA DKAR PO PHYAG GNYIS KYIS KU MUD 'DZIN PA, SHING RTA LA GNAS PA STENG DU GZHAG PAR BYA'O, ,YANG DE NYID KYIS TSANGS PA SER PO ZHAL BZHI PA, SPYI BLUGS DANG, MI 'JIGS PA DANG, DBYUG PA DANG, BGRANG PHRENG 'DZIN PA RAL BAS BRGYAN PA, NGANG PA LA GNAS PA STENG DU GZHAG PAR BYA'O, ,YANG DE NYID KYIS SA'I LHA MO PADMA LA GNAS PA G-YON NA BUM PA 'DZIN PA, PHYAG G-YAS NA DAM BCAS KHAS LEN PA 'OG TU GZHAG PAR BYA'O, ,YANG DE NYID KYIS THAGS BZANG RIS SNGON PO SHING RTA LA GNAS PA, G-YAS PA DANG GCIG SHOS NA RAL GRI DANG, SDIGS MDZUB 'DZIN PA DE NYID DU GZHAG PAR BYA'O, ,DE NAS KHRO BO GSHIN RJE GSHED KYI GZUGS PHYAG NA PHUR BU 'DZIN PA RNAMS LA KHRO BO MGRIN PA 'PHYANG BA NYID THUGS KA'I SA BON GYIS BKUG STE, DE RNAMS KYI SNYING GA DANG, MGRIN PA DANG, SBYI BO RNAMS SU RKANG PA'I MTHA' YANG SNGAGS 'DIS BUR BU GDAB PAR BYA'O, ,AOm HR'I:sht'I:WI KRi T'A NA NA H'Um H'Um PHAt PHAt SARBA A'INDRA A'A D'I NA K'I LA YA H'Um PHAt, CES PAS PHUR BU BTAB PA'I MTHAR GRUB PA'I BCUD BSDUS LA LHA DE RNAMS THAMS CAD KYANG GSHIN RJE MTHAR BYED KYI RNAM PAR BSKYED PAR BYA STE, BYANG CHUB KYI SEMS KHU BAS

, ,SAM; YANG NA DE'I TSE SA BON DANG MTSAN MA'I RIM PAS BSKYED PAR BYA'O, ,DE LAS SA BON HR'I: YIG LAS RDZOGS PA DBANG PO'O, ,SA BON shtR'I: LAS RDZOGS PA GSHIN RJE'O, ,SA BON WI LAS RDZOGS PA CHU LHA'O, ,SA BON KRi YIG LAS RDZOGS PA LUS NGAN NO, ,SA BON TA YIG LAS RDZOGS PA DBANG LDAN NO, ,SA BON A'A YIG LAS RDZOGS PA ME LHA'O, ,SA BON NA YIG LAS RDZOGS PA BDEN BRAL LO, ,SA BON NA YIG LAS RDZOGS PA RLUNG LHA'O, ,SA BON H'Um YIG LAS RDZOGS PA ZLA BA'O, ,SA BON H'Um YIG LAS RDZOGS PA NYI MA'O; ;SA BON PHAt YIG LAS RDZOGS PA TSANGS PA'O, ,SA BON PHAt YIG LAS RDZOGS PA NOR 'DZIN MA'O, ,SA BON SV'A YIG LAS RDZOGS PA THAGS BZANG RIS SO, ,SA BON H'A YIG LAS RDZOGS PA 'BYUNG PO THAMS CAD DO, ,ZHES PA'O, ,DE LTAR BSKYED DE RNAM PAR BSAMS NAS DE RNAMS KYI MIG LA SOGS PA RNAMS LA GNAS JI LTA BAR MIG LA SOGS PA BSKYED CING, LUS LA SOGS PA RNAMS LA SKU RDO RJE LA SOGS PA RNAMS DANG, GSHIN RJE MTHAR BYED KYI COD PAN NYID DANG, DANG PO MCHOD YON BSANG GTOR DANG ZHABS BSIL LA SOGS PA PHUL PHYI NAS GTOR MA'I YO BYAD BDUD RTZI SGRUB PA'I RIM PAS SNGON DU STE, DE NYID GSUM GYIS MNGON PAR BSNGAGS SHING, ,SLAR DE RNAMS KYI SNGAGS KYI RAB TU SBYONG BA RNAM PAR BSAMS

LA PHYI NAS SNGAGS 'DIS BDUD RTZI DBUL BAR BYA'O, ,AOm RAKTA MU KU N'A YA, RAKTA DZA t'A YA, RAKTA MU KH'A YA, RAKTA SHA RI R'A YA, RAKTA BHU DZ'A YA, RAKTA MUndA M'A L'A BHA RA N'A YA, RAKTA RA THA SA M'A RU dH'A YA, RAKTA PADMA A'A SA N'A YA, RAKTA BHA RA NA BHU sHA n'A YA, AI DAm BA LIM GRiHNA GRiHnA, MA MA BIGHN'Am HA RA HA RA, TZA TUR M'A R'A NA NI BA R'A YA NI B'A RA YA, TR'A SA YA TR'A SA YA, BHRA MA YA BHRA MA YA, TZTSINDA TZTSINDA, BHINDA BHINDA, N'A SHA YA N'A SHA YA, SHO shA YA SHO shA YA, TZTSE DA TZTSE DA, BHE DA BHE DA, H'Um H'Um PHAt PHAt SV'A H'A, PHYI NAS YAN LAG SO SOS DBUL BAR BYA STE, AOm AINDRA YA NA MA: HR'I:, YA M'A YA NA MA:shtR'I:, BA RU n'A YA NA MA:WI, KU BE R'A YA NA MA KRi, A'I SHRA RA YA NA MA: TA, AAGNE YE NA MA: AA:, NEE RI DYA YA NA MA NA, BHA YA BE NA MA: NA, TZANDRA YE NA MA:H'Um, AAKK'A YA NA MA:H'Um, BRAHMA nE NA MA PHAt, BA SU DHA R'A YE NA MA: PHAt, BEE MA TZI TRI nEE NA MA SV'A, SARBA BHU TE BHYO NA MA H'A: HA HA HA, HI HI HI, H'Um H'Um H'Um, PHEm PHEm PHEm, PHYIS NAS ME TOG DANG, BDUG PA DANG, MAR ME DANG, LHA BSHOS LA SOGS PA DBUL BAR BYA'O, ,DE RNAMS LA SGRUB PA POS PHUL BA'I BCUD THAMS CAD GSOL ZHING NYE BAR LONGS SPYOD PAR MDZAD DO, ,DE GNAS PA RNAMS LA RDO RJE GSOR LA 'GYID BA DANG BCAS PAR DRIL BU 'KHROL ZHING BSTOD PA BYAS TE, GTI MUG DGA' MA LA SOGS PAS MNGON PAR 'DOD PAS GSOL BA GDAB CING, BZHAD PA RNAM PA BRGYAD KYI SNGAGS BRJOD PAR BYA'O, ,DE LA SNGAGS 'DI YIN TE, HA HA HE HE HO HO H'Um H'Um, GSHEGS PAR BYA STE, AOm AA: MU: ZHES PA 'DIS

, ,KYANG NGO, ,PHYI NAS SGRUB PA PO'I MNGON PAR 'DOD PA YANG MDZAD DO, ,KHYOD KYIS SEMS CAN THAMS CAD DON, ,JI LTA'I RJES MTHUN GRUB PA STZOL, ,SANGS RGYAS YUL DU GSE MDZAD DE, ,SLAD NAS KYANG NI 'BYON PAR MDZOD, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, GTOR MA'I LE'U STE BCU GCIG PA'O,, ,,DE NAS NGES PAR BCOM LDAN 'DAS DE BZHIN GSHEGS PA THAMS CAD KYIS BCOM LDAN 'DAS SEMS DPA' CHEN PO LA BSTOD PA, GTI MUG RDO RJE'I RANG BZHIN KHYOD,, SHIN TU 'JIGS RUNG GSHIN RJE GSHED, ,STON PA SANGS RGYAS KUN RANG BZHIN, ,SKU YI RDO RJER PHYAG 'TSAL LO, ,PHRA MA RDO RJE'I RANG BZHIN KHYOD, ,SHIN TU 'JIGS RUNG GSHIN RJE GSHED, , THUGS KYI RDO RJE RAB GSAL BA, ,RIN CHEN RDO RJE KHYOD PHYAG 'TSAL, ,'DOD CHAGS RDO RJE'I RANG BZHIN KHYOD, ,'DOD CHAGS CHOS KYI 'BYUNG GNAS GTZO, ,DBYANGS MCHOG KUN GYI MCHOG GI MCHOG ,GSUNG GI RDO RJE KHYOD PHYAG 'TSAL, ,PHRAG DOG RDO RJE'I RANG BZHIN KHYOD, ,LAS KUN BYED PA'I GSHIN RJE GSHED, ,SKU YI RDO RJE RAB GSAL BA, ,PHYAG NA RAL GRI KHYOD PHYAG 'TSAL, ,SANGS RGYAS KUN GYI RANG BZHIN KHYOD, ,SANGS RGYAS THAMS CAD GCIG BSDUS PA, ,SANGS RGYAS KUN RAB MCHOG GI MCHOG ,DKYIL 'KHOR DBANG PHYUG KHYOD PHYAG 'TSAL, ,RDO RJE SBYAN DANG, RDO RJE SNYAN

DANG, RDO RJE SHANGS DANG, RDO RJE LJAGS DANG, RDO RJE LUS DANG, RDO RJE THUGS ZHES GSUNGS PA NI, BCOM LDAN 'DAS KYI RDO RJE'I SBYAN LA SOGS PA BYIN GYIS BRLAB PA'I DAM TSIG GO ,DE NAS DRAG SHUL GSHIN RJE GSHED, ,DKYIL 'KHOR 'DI LAS RAB BSHAD BYA, ,GZHIN RJE GSHED PO RAB GSAL BA, ,'DOD PA'I DON KUN SGRUB PAR BYED, ,GSAR BA LEGS PAR BKAL BA DANG, ,LEGS PA'I TSAD LDAN GTZANG MA YI, ,SRAD BUS THIG GDAB SHES RAB CAN, ,GSHIN RJE 'JOMS PA'I DKYIL 'KHOR NI, ,MTSAN NYID THAMS CAD YANG DAG RDZOGS, ,SDIG PA THAMS CAD RNAM PAR 'JOMS, ,ZHI BA LA SOGS RAB STON PA, ,ZLUM PO'I DBYIBS KYI DKYIL 'KHOR TE, ,DER NI KUN NAS RTZE LNGA PA, ,LAS KYI RDO RJE BRI BAR BYA, ,RDO RJE 'BAR BAS YANG DAG 'KHRIGS, ,DE YI DBUS SU RDO RJE BRI, ,RDO RJE'I 'OD ZER YANG DAG 'KHRIGS, ,'KHOR LO SHAR RTZER BRI BAR BYA, ,'OD ZER PHRENG BAS YANG DAG 'KHRIGS, ,RIN CHEN LHO RU BRI BAR BYA, ,PADMA R'A GA'I 'OD 'PHRO BA, ,SBRIN GYI MDOG DANG MTSUNGS PA'I 'OD, ,RAL GRI BYANG DU BRI BAR BYA, ,'KHOR LO SHAR GYI ZUR DU BRI, ,LHO RU RDO RJE BRI BAR BYA, ,NUB TU PADMA BRI BA STE, ,KHA KHYER ZER 'BRUR BCAS PA'O, ,'OD ZER LNGA DANG YANG DAG LDAN, ,RAL GRI BYANG DU BRI BAR BYA, ,SHAR GYI SGO RU THO BA STE; ;LHO RU RDO RJE'I DBYUG PA YANG, ,'DAM SKYES NUB KYI SGO RU'O, ,BYANG DU RAL GRI RDO RJE CAN, ,DKYIL 'KHOR RDZOGS PAR SHES BYA STE, ,MCHOD PA'I KHYAD PAR RNAMS BYA'O, ,'DOD YON LNGA

, ,YIS SANGS RGYAS RNAMS, ,SOM NYI MED PAR MCHOD PAR BYA, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, DKYIL 'KHOR CHEN PO'I LE'U STE BCU GNYIS PA'O,, ,,DE NAS BCOM LDAN 'DAS DE BZHIN GSHEGS PA THAMS CAD KYIS BCOM LDAN 'DAS DE BZHIN GSHEGS PA'I BDAG PO RDO RJE 'DZIN PA CHEN PO LA BSTOD PA'I RGYAL PO 'DIS GSOL BA 'DEBS PAR MDZAD DE, GANG GIS RDO RJE CAN MNYES PA, ,PHYAG RGYA'I RAB TU SBYOR BA GSUNGS, , RDO RJE'I PHYAG RGYAS PHYAG RGYA RNAMS, ,SLAR YANG 'GRUB PAR MDZAD DU GSOL, ,DE NAS RDO RJE 'DZIN RGYAL PO, ,TSIG 'DI DAG NI GSUNG BAR MDZAD, ,DKYIL 'KHOR BA RNAMS THAMS CAD KYI, , SPYI BOR GSHIN RJE GSHED BSGOM BYA, ,RTAG TU DKYIL 'KHOR BRI BYA ZHING, ,RTAG TU SBYIN SREG GIS MCHOD BYA, ,RTAG TU DAM TSIG BSGRUB BYA STE, ,SDOM PA GZUNG BAR BYA DE NAS, ,THOG MAR CAD PAN DBANG YIN TE, ,GNYIS PA RAL GRI SBYIN PAR BYA, ,GSUM PA RDO RJE DRIL BU YANG, ,BZHI PA ZLA BA BZA' BA'O, ,'DI RNAMS DBANG BSKUR CHEN PO BZHI, ,DMAR PO'I ZHAL NAS 'BYUNG BA STE; ;DBANG BSKUR 'DI DAG BYIN RLABS KYIS, ,RGYAL BA'I SRAS 'GYUR BYANG CHUB THOB, ,DE NAS 'BYUNG PO THAMS CAD KYI, ,GTOR MA BYA BA SNGAR RAB BSHAD, ,SNGAGS CHEN BRJOD PAR GYUR

PA NA, ,'BYUNG PO THAMS CAD RAB TU 'BAR, ,HR'I:shtR'I: SOGS SNGAGS SA BON DANG, ,SV'AH'A MTHA' YIS NGES PAR SBYAR, ,BSHAD GCI CHU DANG BSRES PA YIS, ,MAndAL GRU GSUM BYAS NAS NI, ,LHA RNAMS TSIM BYAS RNAL 'BYOR PA, ,H'A H'A'I RNAM PA SLAR DRAN BYA, ,DKYIL 'KHOR GSUM NI BYAS NAS NI, ,BRGYAD DANG BCU GNYIS BCU DRUG RNAMS, ,MKHAS PAS CHO GAS YANG DAG BRI, ,SNGAGS RNAMS THAMS CAD DGOD BYA STE, ,GRUB PA'I SNGAGS RNAMS BRTUL ZHUGS CAN, ,RE MIG BCU GNYIS LA DGOD BYA, ,MI RGYU RGYU BCAS 'JIG RTEN GSUM, ,MA LUS LHAG MA MED PAR 'GRUB, ,YA MA R'A DZ'A SA DO ME YA, YA ME DO RU NA YO DA YA, YA DA YO NI R'A YAKshE YA, YAKshE YATZTSA NI R'A MA YA, YA DBUS SHAR DU KshE DGOD BYA, ,LHO RU 'JAM PA'I RDO RJE STE, ,ME YIG NUB TU BRI BAR BYA, ,BYANG DU DA YIG DAG BYED DO, , BSGRUB BYA'I MING NI BLANG BYA ZHING, ,PHYOGS BRAL STONG PA LAG ZUNG BYA, ,H'Um DAG GIS NI NANG SGEL BYA, ,LAS RNAMS THAMS CAD BSGRUB PAR BYA, ,YATZTSA NI R'A DZ'A SA DO RU, ,nA YO NI RA ZHES PHYI ROL, ,THAMS CAD DON PHYIR SGRUB PA LA, ,G-YON NAS BRTZAMS TE YANG DAG BRI, ,RE MIG RIM PA GSUM PA YI, ,MDUN DU GCIG DOR RE MIG LA, ,HR'I:sht'I: ZHES SOGS SNGAGS RNAMS KYIS, ,SHAR NAS BRTZAMS TE BRI BAR BYA, ,DE MTHAR DOR BA'I RE MIG LA, ,RE MIG BRGYAD PO YANG DAG BRI, ,AA MU KAm KU RU M'A RA YA AUTZTSA tA YA, BA SHAm KU RU, BI DVE sh'A YA, SH'NTIm KU RU, PUshtIm KU RU, ZHES PA DE LTA BU LA SOGS

, ,PA LAS KYI RJES SU MTHUN PA LAS, ,DANG PO AOm YIG MTHAR NA MA:, ,MTHAR NI BA SHIm BOO shA tA, ,H'Um PHAt YI GE LDAN SA BON, ,ZHI BA RGYAS PA DBANG MTHAR BYED, ,DE BZHIN GSHEGS PA THAMS CAD KYI SKU DANG GSUNG DANG THUGS RDO RJE GSHIN RJE GSHED DMAR PO'I RGYUD LAS, 'KHOR LO SNANG BA ZHES BYA BA'I DBANG BSKUR BA'I LE'U STE BCU GSUM PA'O,, ,, THUGS RJE MNGA' BA BCOM LDAN 'DAS, ,ZHE SDANG GSHIN RJE GSHED SKU MCHOG ,ZHE SDANG GIS MNAN 'GRO GZIGS NAS, ,ZHE SDANG THAMS CAD ZAD PAR MDZAD, ,THUGS RJE MNGA' BA BCOM LDAN 'DAS, ,GTI MUG GSHIN RJE GSHED SKU MCHOG ,GTI MUG GIS MNAN 'GRO GZIGS NAS, ,GTI MUG THAMS CAD ZAD PAR MDZAD, ,THUGS RJE MNGA' BA BCOM LDAN 'DAS, ,PHRA MA GSHIN RJE GSHED SKU MCHOG ,PHRA MAS MNAN PA'I 'GO GZIGS NAS, ,PHRA MA THAMS CAD ZAD PAR MDZAD, ,THUGS RJE MNGA' BA BCOM LDAN 'DAS, ,'DOD CHAGS GSHIN RJE GSHED SKU MCHOG ,'DOD CHAGS KYIS MNAN 'GRO GZIGS NAS, ,'DOD CHAGS THAMS CAD ZAD PAR MDZAD, ,THUGS RJE MNGA' BA BCOM LDAN 'DAS, ,PHRAG DOG GSHIN RJE GSHED SKU MCHOG ,PHRAG DOG GIS MNAN 'GRO GZIGS NAS, ,PHRAG DOG THAMS CAD ZAD PAR MDZAD, ,BYAMS PA TZA RTZI K'A RAB BRJOD, ,DE BZHIN SNYING RJE PHAG MO'O, ,DGA' BA DBYANGS CAN RAB GRAGS, ,BTANG SNYOMS GOO R'I GZUGS

CAN MA, ,BDAG NYID DNGOS PO THAMS CAD KYIS, ,RDZOGS GYUR DKYIL 'KHOR RNAL 'BYOR PA, ,SNYING GA'I SA BON LAS SPRO BYA, ,'DIR NI 'GRUB 'GYUR THE TSOM MED, ,DE NAS SPYOD PA'I MTSAN NYID MCHOG, 'DI LAS YANG DAG RAB BSHAD BYA, ,'JIGS BYED GSHIN RJE GSHED GZUGS KYI, ,SKU GSUNG THUGS KYI DNGOS GRUB PHYIR, ,DGON PA CHEN PO'I SA PHYOGS SU, ,MA HE MCHOG LA ZHON BYA ZHING, ,SBRUL RNAMS KYIS NI BRGYAN BYAS NAS, ,LJAGS KYI RDO RJE BSGOM BYA STE, ,GYEN 'GRENG KHYAD 'PHAGS LA SOGS PA, ,DBU SKRA DMAR SER DAG TU BYA, ,SBYI BOR COD PAN RNAMS KYIS BSKOR, ,SMA RA SER PO DAG BYAS LA, ,HR'I:shtI: LA SOGS SNGAGS BRJOD CING, ,RDO RJE DBYUG PA YANG DAG GSOR, ,DE NAS SENG+GE'I SGRA BYAS TE, ,GSHIN RJE GSHED DMAR RAB SBYOR LAS, ,CUNG ZAD NUS PA THOB PA NI, ,ROL CING GRONG DU 'JUG PAR BYA, ,SKAL BA BZANG PO GAR BYA ZHING, ,DRUG LAS SKYES SOGS GLU BLANG BYA, ,DE NAS RGYAL MTSAN KHYAMS BLTAS TE, ,DE NI 'O MA RAB SBYAR BYA, ,'O MA GOMS PA'I SEMS GCIG GIS, ,PHYAG RGYA CHEN PO RAB BSGRUB BYA, ,PHAG MO'I GZUGS SU BSAM BYA ZHING, ,BTZUN MO KUN LA 'DOD PA BYA, ,SENG+GE LTAR SPYOD RNAL 'BYOR PA, ,'DOD DON THAMS CAD GRUB PAR BYED, ,DE NAS PHYAG RGYAR SGRUB PA'I THABS, ,'DI LAS YANG DGAR BA BSHAD BYA, ,SNGAGS CHEN YI GE GCIG PO STE, ,DE YI BZLAS PAS RAB BRTAN BYA, ,HR'I:sht'I: SOGS SA BON YANG DAG BYUNG, ,MA HE'I GDONG NI RNAM PAR BSGOM, ,RDO

, ,RJE DKYIL 'KHOR MNYAM ZHUGS PA, ,MA HE'I STENG DU BSGOM PAR BYA, ,GANG ZHIG SA LA 'BIGS BYED PA, ,SNA TSOGS MTSON CHA'I RANG BZHIN CAN, ,MA HE'I GDONG NI SGRUB PA LA, ,BLO LDAN PHYAG RNAMS LAS BSGOM BYA, ,DE NAS RDO RJE DBYUG PA YI, ,SGRUB THABS 'DI LAS RAB BSHAD BYA, ,HR'I: YIG SNGAGS NI CHEN PO STE, ,MA HE CHEN PO LA ZHON PA'O, ,'BUM GNYIS YANG DAG RDZOGS PA'I PHYAG ,THAL BA'I RDUL GYIS BYUGS PA'I SKU, ,RI RAB LHUN PO DANG MNYAM PA, ,SA YI 'OG TU MNAN PA'O, ,DE NAS BYE BA'I PHYAG SGRUB THABS, , 'DI LAS YANG DAG RAB BSHAD BYA, ,SNGAGS CHEN BI KRi T'A NA NA, ,GTZO BO H'Um YIG LAS BYUNG BA, ,AOm WI KRi T'A NA NA H'A H'A H'I H'I H'Um H'Um HE HE HO HO SV'A H'A, DGOS PA THAMS CAD RAB BSGRUB PHYIR,, 'DI LAS DAM TSIG SGRUB THABS BSHAD, ,SNGAGS KYIS DUB PA'I BZA' BA NI, ,BZANG PO RNYED PAR DKA' BA'I ZAS, ,SHA CHEN DANG NI RTA NYID DANG, ,GLANG PO CHE YI KHYAD PAR NYID, ,BA LANG RANG BZHIN KHYI NYID DANG, ,BONG BU RNGA MO CE SBYANG NYID, ,MAR KHU CHEN POS LUS LA BYUG ,SNGON PO BSRES PA BTZO BAR BYA, ,'DI NI LUS LA BYUGS TZAM GYIS, ,'GRO BA THAMS CAD DBANG DU BYED, ,GI WAm RGYAM TSA'I KHU BA DANG, ,DE BZHIN BIL BA'I LO MA NYID, ,SO PHAG BYE MAR BCAS PA'AM, ,GSER SHING LO MA'I KHU BAS KYANG, ,'DI YI LUS LA DRIL PHYIS BYA, ,DE BZHIN

RDO RJE BDUD RTZI CHE, ,'DI NI RNAL 'BYOR MCHOG RTZE'O, ,RANG 'BYUNG ME TOG LTUNG BAR LDAN, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, SPYOD PA DANG DAM TSIG SGRUB PA'I LE'U STE BCU BZHI PA'O,, ,,DE NAS BCOM LDAN 'DAS SKYES BU CHEN PO'I DAM TSIG TZA RTZI KA'I RNAM PA'I TING NGE 'DZIN LA SNYOMS PAR ZHUGS PA DANG, RDO RJE PHAG MO'I RNAM PA'I TING NGE 'DZIN LA SNYOMS PAR ZHUGS PA DANG, DBYANGS CAN MA'I RNAM PA'I TING NGE 'DZIN LA SNYOMS PAR ZHUGS PA DANG, GOO R'I'I RNAM PA'I TING NGE 'DZIN LA SNYOMS PAR ZHUGS TE MCHOD PA'I GLU 'DI RJOD PAR MDZAD DO, ,KYE KYE GSHIN RJE GSHED DMAR PO, ,BLA MA SRIN PO'I GZUGS RANG BZHIN, ,KHYOD MTHONG KHRO BO RNAM PAR 'JIGS, ,BLA MA KHRO BO'I RANG BZHIN SPONGS, ,KHYOD KYIS GAR MDZAD SA STENG DANG, ,SA BLA DAG DANG SA 'OG G-YO, ,CHAGS PAS BRGYAN PA'I KHRO BO'I YID, ,GAR MDZAD KHYOD NI RO LANGS LAGS, ,SKU NI DMAR ZHING THUNG BA STE, ,RNAM PA SNA TSOGS GZUGS SBRUL PA, ,RDO RJE DBYANGS CAN MAS BTUD ZHUS, ,GAR MDZAD BDE BA CHEN PO KHYOD, ,HR'I:shRt'I:GSANG SNGAGS DAG GIS KHYOD, ,SA GSUM PO YI 'KHRUL PA SEL, ,SNYING RJE'I KHRO BO RJE BTZUN KHYOD, ,GAR MDZAD 'GRO BA RNAMS LA GZIGS, ,DE NAS BZLAS PA'I MTSAN NYID MCHOG ,'DI LAS YANG DAG RAB BSHAD BYA, ,GANG GIS

, ,BZLAS PA'I RAB SBYOR GYIS, ,RGYA CHEN DNGOS GRUB THOB PAR 'GYUR, ,MYUR BA MA YIN BUL BA MIN, ,RING PO MA YIN THUNG DU MIN, ,SNGAGS NI CUNG ZAD THOS PA STE; ;GSHIN RJE'I SLOB DPON MI YI MCHOG ,MA HE MI DANG GLANG PO CHE, ,BA LANG RANG BZHIN RTA NYID DANG, ,BONG BU RNGA MO'I RUS PA GZUNG, ,BZLAS PA'I PHRENG BA RAB BSGRUB BYA, ,ZLA BA ZLA BA'I BCU BZHI LA, ,SHA LNGA YIS NI BYUG BYA ZHING, ,BDUD RTZI LNGA DANG YANG DAG LDAN, ,MCHOG GI DNGOS GRUB RGYUR BZLAS TE, ,TSES GCIG RIL BU RNAL 'BYOR PA, ,MKHAS PA GSHIN RJE GSHED BSGOM BYA, ,YANG NA MI YI MGO BO NI, ,KHRAG DANG LDAN PAR RNAM BSGOM BYA, ,KHRI PHRAG TZAM GYIS 'BYUNG PO RNAMS, ,MKHA' 'GRO MA RNAMS STONG PHRAG GIS, ,GSHIN RJE GSHED KYI RAB SBYOR LAS, ,YI DVAGS TSOGS RNAMS GSANG PAR BYA, ,BZLAS PA 'BUM GYIS RNAL 'BYOR BDAG ,DE NI LAS KUN BYED PA YIN, ,BYE BA BZLAS PAS 'GRUB 'GYUR TE,, BYE BA LNGA YIS SMOS CI DGOS, ,NYIN RE ZLA BA SO SO 'AM, ,YANG NA LO RNAMS SO SO LA, ,DBYUG GU DRUG CU RTZA BZHIR MKHAS, ,GTOR MA DRUG CU RTZA BZHI SBYIN, ,RTAG TU CUNG ZAD ZLA BA GANG; ;DE BZHIN CUNG ZAD GANG 'THUNG BA, ,GZHAN YANG BZA' BA THAMS CAD KYI, ,PHUD NI GSHIN RJE GSHED LA DBUL, ,DE NAS BLA MAR YON DBUL BA, ,'DI LAS YANG DAG RAB BSHAD

BYA, ;BDAG NYID ZHI BA NYID PHYIR DANG, ,LAS KUN GRUB PA'I PHYIR DU YANG, ,PHANGS PA MED PAR DBUL BYAS TE, ,BDAG NYID DNGUL GYI RNA RGYAN DANG, ,GSER DANG NOR DANG MA MA DANG, ,DE BZHIN BU DANG CHUNG MA DANG, ,SKYED BYED SRING MO BU MO DANG, ,RNAM PA SNA TSOGS NA BZA' NYID, ,GDUGS DANG RNGA YAB MDZES PA NYID, ,KHANG PA KHRI DANG DRI BZANG DANG, ,DE BZHIN GLU DANG ROL MO NYID, ,RAL GRI DANG NI RGYAN NYID KYANG, ,BLA MAR RAB DBUL BRTUL ZHUGS CAN, ,DE BZHIN GSHEGS PA THAMS CAD KYI SKU DANG GSUNG THUGS GSHIN RJE GSHED DMAR PO'I RGYUD LAS, NYE BAR MKHO BA THAMS CAD SGRUB THABS KYI LE'U STE BCO LNGA PA'O,, ,,DE NAS SEMS CAN THAMS CAD KYI BDUD 'JOMS PA'I DON DU, ,DMAR PA NYID NI, 'DOD CHAGS LA SOGS PA'I NYON MONGS PA 'JOMS PA'I DON TO, ,SPYAN GSUM NI, ,'DAS PA DANG, MA 'ONGS PA DANG, DA LTAR BYUNG BA'I DUS GSUM MO, ,PHYAG GNYIS NI, DNGOS PO DANG DNGOS PO MED PA'I RNAM PAR RTOG PA 'JOMS PA'I PHYIR RO, , SHES RAB DANG 'KHYUD PA NI, STONG PA DANG SNYING RJE DBYER MED PA'I SBYOR BA LAS SO, ,KLU BRGYAD NI, ,RNAM PAR SHES PA BRGYAD MTSON PA'I PHYIR RO, ,MGO BO'I PHRENG BA BRGYA PHYED NI, YI GE LNGA BCU PA'I SBYOR BA LAS SO, ,G-YON NA THOD PA NI, ,YE SHES LNGA'I BDUD RTZI'I NGO YONGS SU RDZOGS PA STONG PA NYID KYI RANG BZHIN NO, ,G-YAS NA DBYUG PA NI, PHUNG PO DANG, NYON MONGS PA DANG,

, ,LHA'I BU DANG, 'CHI BDAG GI BDUD BZHI RNAM PAR 'JOMS PA SNYING RJE'I RANG BZHIN NO, ,G-YON BRKYANG BA NI, KHAMS GSUM PA RAB TU RTOGS PA'I PHYIR RO, , LHA MO'I PHYAG G-YON NA BDUD BZHI'I KHRAG DANG BCUD LEN GYI RO DU MA MYANG BA'I PHYIR THOD PA'O, ,G-YAS PA NA DNGOS PO DANG DNGOS PO MED PA'I RNAM PAR RTOG PA GCOD PA'I PHYIR GRI GUG GO ,MA RUNGS PA 'DUL BA'I PHYIR KHRO BO'I GZUGS DANG GSUS PA 'PHYANG BA NYID DO, ,MYA NGAN LAS MI 'DA' BA NYID LAS DBU SKRA SER PO GYEN DU 'GRENG BA NYID DO, ,GRU BZHI NI, SDUG BSNGAL BA DANG, KUN 'BYUNG BA DANG, 'GOG PA DANG, LAM GYI BDEN PA BZHI RAB TU RTOGS PA'I PHYIR RO, ,SGO BZHI NI, BDUD BZHI KUN TU SKRAG PAR BYED PA'I PHYIR RO, , ZUR BZHI NI, TSANGS PA'I GNAS YONGS SU RDZOGS PA'I PHYIR RO, ,KA BA BRGYAD NI, RMI LAM DANG, DRI ZA'I GRONG KHYER DANG, BRAG CA DANG, SGYU MA DANG, SMIG RGYU DANG, ME LONG GI GZUGS BRNYAN DANG, CHU'I ZLA BA LTA BU BRGYAD KYI RANG BZHIN LAS NAM MKHA' LTAR DNGOS PO DANG DNGOS PO MED PA'I NYON MONGS PA 'JOMS PA'I DON NO, ,GANG GIS SKYES PA RAB TU 'JOMS PA NYID LAS DRA BA PHYED PA RNAMS SO, ,RTA BABS BZHI NI, SBYIN PA DANG, SNYAN PAR SMRA BA DANG, DON SPYOD PA DANG, DON MTHUN PA NYID DANG, YANG DAG PAR SPONG BA BZHI RNAM PAR DAG

PA'I PHYIR RO, ,DE NAS RDO RJE MKHA' 'GRO MA'I, ,SGRUB THABS 'DI LAS RAB BSHAD BYA, ,MKHA' DBYINGS DBUS SU GNAS PA YIS, ,NYI MA'I DKYIL 'KHOR MCHOG BSAM BYA, ,PHYAG TU RDO RJE RNAM BSGOMS NAS, ,LHAG MA PHYAG GZHAN RNAM DGOD BYA, ,SHAR DU SANGS RGYAS MKHA' 'GRO MA, ,PHYAG DRUG GTI MUG YANG DAG MTSUNGS, ,PHYAG NA 'KHOR LO 'JIGS BYED CHE, ,RNAL 'BYOR DKYIL 'KHOR LA BSGOM BYA, ,LHO RU RIN CHEN MKHA' 'GRO MA, ,PHYAG DRUG PHRA MA YANG DAG MTSUNGS, ,PHYAG NA RIN CHEN 'JIGS BYED CHE, ,NYI MA'I DKYIL 'KHOR LA BSGOM BYA, ,NUB TU PADMA MKHA' 'GRO MA, ,PHYAG DRUG PADMA 'DZIN PA'O, ,BYANG DU LAS KYI MKHA' 'GRO MA, ,DKYIL 'KHOR SNYING PO RAL GRI MA'O, ,ME LA SOGS PA'I ZUR BZHI RU, ,LHA MO RNAM SGOM BRTUL ZHUGS CAN, , SGEG MO PHRENG BA GAR DE BZHIN, ,GLU MA DAG GI KHYAD PAR NYID, ,DE NAS SGO SKYONG BSAM PAR BYA, ,LAS KYI CHO GA MTHONG BA YIS, ,DANG PO THOB DBYUG PA DANG, ,PADMA DE BZHIN RAL GRI'O, ,AOm BUDDHA d'A KI NI, AOm BADZRA d'A KI NI, AOM RANTA d'A KI NI, AOm PADMA d'A KI NI, AOm KARMA d'A KI NI, L'Am M'Am N'Am G'Am ZUR DU'O, ,AOm MUNG+GA RA DZA:, AOm DAndA H'Um, AOm PADMA BAm, AOm KHANG+GA HO:, ZHES GSUNGS BCOM LDAN RDO RJE CAN, ,RDO RJE MKHA' 'GRO MA'I SGRUB THABS, ,RING PO NAS THOS BSGRUB DON DU, ,RDO RJE MKHA' 'GRO MA BSGOM BYA, ,DE LTAR RAB TU 'GRUB PA'I SNGAGS KYI TSIG TU GYUR PA NI, AOm A'A K'A SHA TZA

, ,RA BADZRA d'A KI NI SV'A H'A, DE NAS RAB TU BSHAD BYA GZHAN, ,RDO RJE SA 'OG SGRUB PA'I THABS, ,SA 'OG 'JUG PA BSGRUB DON DU, ,GNOD MDZES RDO RJE BSGOM PAR BYA, ,PHYAG DRUG SKU MDOG SNGON PO MDANGS, ,PHYAG TU GTUN SHING DGOD PAR BYA, ,DKYIL 'KHOR SNYING PO'I DBUS SU NI, ,'DI DGOD RAB TU BSGOM PAR BYA, ,SHAR DU SPYAN MA DGOD BYA STE, ,DE BZHIN LHO RU M'A MA K'I, ,NUB TU LHA MO GOS DKAR MO, ,BYANG DU SGROL MA DGOD PAR BYA, ,ME TOG BDUG PA MAR ME DRI, ,ME LA SOGS PA RNAMS SU DGOD, ,THO BA LA SOGS SGO RNAMS LA, ,SBRUL GYI RGYAN DANG SKA RAGS TE, ,LAS KYI CHO GA MTHONG BA YIS, ,'KHOR LO 'DI LTAR BSGOM PAR BYAS, ,RDO RJE SA 'OG RNAL 'BYOR LDAN, ,BUG PA RMI LAM DU SHES 'GYUR; ;DE NAS RGYAL PO BDUD DKYIL 'KHOR, ,'DI LAS YANG DAG RAB BSHAD BYA, ,MKHA' LA SPYOD NYID BSGRUB DON DU, ,RTA MCHOG RAB TU BSGRUB PAR BYA, ,PHYAG GNYIS PA DANG ZHAL GCIG PA, ,SKU MDOG LJANG GU 'JIGS RUNG BA, ,NYI MA'I STENG DU YANG DAG BZHUGS, ,SHIN TU 'JIGS BYED RTA YI ZHAL, ,G-YAS PA RAL GRI KHU TSUR TE, ,G-YON PA'I PHYAG NA THOD PA STE, ,AOm PHU PHU HI HI, SNGAGS 'DI BZLA BYA SHES RAB CAN, ,RTA MCHOG RAB TU BSGRUB PA'I PHYIR, ,SHAR DU RDO RJE MA RNAMS BSAM, ,LHO PHYOGS SU YANG MYUR 'GRO MA, ,

NUB TU RGYAL PO BDUN PA STE, ,BYANG DU RTA MCHOG DGOD PAR BYA, ,GTZO BO'I ZHAL DANG PHYAG DAG GIS, ,THAMS CAD G-YAS KYIS BSGOM BYA NYID, ,SNGAGS 'DI YIS NI THAMS CAD NYID, SPRO BA DAG TU RAB TU GRAGS, ,GLING PU PI WANG RDZA RNGA DANG, ,RNGA ZLUM YANG NI ZUR DU 'O, ,BA LANG SNA BA GLANG CHEN SNA, ,BZHIN BZANG BZHIN NGAN DE BZHIN DU, ,GTUN SHING NGANG NI DGRA STA DANG, ,LCAGS KYU ZHUGS PA NYID KYANG STE, ,GAR LA SOGS TSUL RNAL 'BYOR LAS, ,SGO BZHIR RTAG TU BSAM PAR BYA, ,G-YON DU YA BA SI BSAM BYA, ,DE BZHIN G-YAS SU RANG RTAGS SO, ,RTA MCHOG SNGAGS NI JI LTA BA, ,RDO RJE SA 'OG G-YO BAR BYED, ,RTA MCHO GA SGOM PA'I RNAL 'BYOR LAS, ,KHAMS GSUM MKHA' LA YONGS SU BSKOR, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, RNAM PAR DAG PA DANG RDO RJE MKHA' 'GRO MA LA SOGS PA'I SGRUB THABS KYI LE'U STE BCU DRUG PA'O,, ,,DE NAS 'DI LA THIG GDAB PA'I DAM TSIG LAS, AA K'A RO MU KHAm SARBA DHARM'A n'Am, AA DYA NUTPANNA TV'AT, SLOB MA RNAM SNANG DU BYAS TE, ,GSHIN RJE MTHAR BYED DPAL GZUGS KYIS, ,YE SHES SRAD BU RTZE GZUNG MCHOG ,LEGS PAR MNYAM BZHAG GDAB PAR BYA, DE LA 'DI NI, DKYIL 'KHOR CHEN POR 'JUG PA'I DAM TSIG GO ,AOm A'A:H'Um, RING BA DKYIL 'KHOR NYIS 'GYUR

, ,LA; ;SGO YI NYI SHU CHA DAG STE, ,BA YI RNAM LNGAS YANG DAG BYUG ,SRAD BU GNYIS NI YANG DAG BRTAG ,DE LA 'DI NI, RDO RJE CHEN PO LA GSOL BA BTAB PA'I DAM TSIG GO ,AE MA SANGS RGYAS SLOB DPON CHE, ,AE MA CHOS DANG TSOGS KYI GTZO, ,BDAG LA DAM TSIG DE NYID STZOL, ,BYANG CHUB SEMS KYANG BDAG LA STZOL, ,DE LA 'DI NI, ,SA CHEN PO YONGS SU GZUNG BA'I DAM TSIG GO ,RDO RJE SA'I LHA MO SPYAN DRANGS TE, SKYOB PA SANGS RGYAS THAMS CAD KYI, ,SPYOD PA'I TSUL DANG KHYAD PAR DANG, ,SA DANG PHA ROL PHYIN RNAMS LA, ,LHA MO KHYOD NI DPANG DU GYUR,, DKYIL 'KHOR GYI NI BRGYAD CHA SGO, ,SHES BYA BDAG NYID CHE RNAMS KYIS, ,KHYAMS CHEN DAG NI DOR BYA STE, ,YID DU 'ONG BA LEGS PAR SPRAS, ,SGO MNYAM SGO KHYUD SHES BYA STE, ,DE PHYED LHA YI SNAM PU'O; ;RDO RJE LHA MO YANG DAG LDAN, ,GLU GAR ROL MO SOGS RNAMS KYIS, ,SGO YI PHYED KYI 'GRAM DANG LOGS, ,ZHES PA DRA BA DRA PHYED KYANG, ,NYI ZLA ME TOG PHRENG SNAM BU, ,'DI YI PHYED KYI RDUL TSON SA, ,DE BZHIN DKYIL 'KHOR PHYI ROL THIG ,DE LA 'DI NI SNYING PO CHE, ,BDAG NYID DKYIL 'KHOR MKHA' LA DGOD, ,DE NAS PHYAG RGYAR BCAS PA BRTEN, ,DAM TSIG GIS NI YI GE GZHUG ,DE LTAR DKYIL 'KHOR RAB TU BSGRUB, ,SHAR PHYOGS SU NI DKAR PO CHE, ,LHOR NI SER PO YANG DAG LDAN, ,NUB KYI CHA NI DMAR PO STE, ,LJANG GU BYANG DU YANG DAG LDAN, ,

'OD 'BAR AINDRA NI LA'I TSUL, ,DBUS KYIS GZHI YANG DAG BRI, ,DE NAS PHYAG RGYA DGOD PAR BYA, ,LAS KYI CHO GA MTHONG BA YIS, ,DBUS SU RDO RJE YANG DAG BRI, ,'KHOR LO SHAR DU MNYAM PAR BRI, , DE BZHIN LHO RU RIN CHEN TE, ,NUB KYI PHYOGS SU PADMA'O, ,RAL GRI DE BZHIN BYANG DU DGOD, ,DE LTAR SGYU MA MKHA' MTSUNGS PA, ,RTAG TU PHYAG RGYA BLTA BAR BYA, ,DE LA 'DI NI DGANG GZAR DANG, , BLUGS GZAR YU BA'I TSAD BYA'O, ,KUN NAS KHRU GANG TSAD DAG GIS, ,DE PHYED DKYIL 'KHOR BYA BA STE, ,SOR MO BZHI YI TSAD DANG LDAN, ,ZABS NI SOR MO GNYIS PA LA, ,PHYI ROL TSAD NI SOR GSUM MO, ,DMA' BA MTHE PO'I LTO GANG STE, ,RGYAR NI SOR MO GNYIS PA'O, ,PAD 'DAB RNAM PA'I BLUGS GZAR GANG, ,TSAD LDAN RGYUD DU RAB TU BSNGAGS, ,DKYIL 'KHOR RAB TU MA ZHUGS SHING,, MTSAMS MED LNGA NI BYAS PA DANG, ,GANG ZHIG SROG CHAGS GSOD PA DANG, ,NYA DANG SHA LA SOGS PA ZA, ,CHANG DANG 'DOD PA DAG LA CHAGS, ,YOD PA MIN PA'I BRTUL ZHUGS 'DZIN, , MI GANG MNGON PAR DBANG MA BSKUR, ,GANG ZHIG RTZED MO DU MA BYED, ,GRONG PA'I SKYE BOR DGA' BA YANG, ,GSHIN RJE GSHED RGYUD PHA ROL BGROD, ,JI LTAR DMAR PO'I GSUNG BZHIN DU, ,SOM NYI MED PAR 'GRUB PAR 'GYUR, ,DE NAS BYAMS PA LA SOGS PA RDO RJE CHEN PO'I BYANG CHUB SEMS DPA' THAMS CAD KYI GTZO BO RDO RJE 'DZIN PA CHEN PO'I TSIG THOS NAS CANG MI SMRA BAR GYUR TO,,

, ,DE LA 'DI NI, RDO RJE DBAB PA'I DAM TSIG GO ,DE YANG 'BYUNG CHEN SA BON GYIS, ,'KHOR LO BZHI LA RAB BSGRUB BYA, ,GNAS BZHIR RAB TU SBYOR BA YIS, ,NAM MKHA' LA YANG G-YO BAR BYED, ,RKANG PAR YI YIG STE PAR RAm, ,SNYING GAR LAm YIG SPYI BOR BAm, ,GZHU YI RNAM PA NAG PO CHE, ,GTUM PO 'JIGS PAR BYED PA'I RLUNG, ,GRU GSUM BSREGS PA'I MI LTAR 'BAR, ,NYI MA'I 'OD ZER LTA BUR 'BAR, ,GRU BZHI SER PO CHEN PO STE, ,RDO RJE'I SA GZHI 'DZIN PAS MNAN, ,RI RAB LHUN POS MNAN PA YIS, ,NOR 'DZIN MAR NI BSGOM PAR BYA, , ZLUM ZHING 'KHYIL BA MDANGS DKAR PO, ,SPRIN GNAS KYIS BZHIN CHAR PA'I RGYUN, ,STONG PHRAG YANG DAG RDZOGS PA YI, ,G-YO BA MED CING BSIL BA'I GANGS, ,GNAS BZHIR RAB TU SBYOR BA YIS, ,SLOB MAS RDO RJE CAN BSGOM BYA, ,RDO RJE SNANG MTHA' RAB SBYOR LAS, ,MYUR BA RU NI 'BAB PAR BYED, ,DE LA 'DI NI, DRI BA'I DAM TSIG STE, MGON PO CHEN PO RDO RJE CHOS, , SNANG BA MTHA' YAS BDE BA CHE, ,DGE DANG MI DGE GANG DRIS PA, ,GSUNGS SHIG 'DOD CHAGS CHOS CHEN PO, ,KHRU GANG NAS NI YANG DAG BRTZAMS, ,JI SRID KHRU NI STONG GI BAR, ,SLOB MA CHEN PO 'PHAR BAR 'GYUR, ,'DI NI DBAB PA'I DAM TSIG GO ,DE NAS SKA [?] GZUGS RI MO YI, ,MTSAN NYID 'DI LAS YANG DAG BSHAD, ,SNUM PA'I 'JIM PA BLANG BYA STE, ,SBYAR

BAR BYA'O BRTUL ZHUGS CAN, ,SRAN MA'O MA DE BZHIN SHA, ,BUR MA TINTI dA LA SOGS, ,TIL MAR NIM BA LO MA DANG, ,DE BZHIN N'A d'A'I 'BRAS BU YIS, ,THOG MAR RI MO BRI DE YANG, ,DKAR PO KHA DOG GZHAN YANG STE, ,DKAR RTZI DANG NI BTZAG DAG GIS, ,SBYAR BA RGYA SKYEGS MDOG TU 'GYUR, ,YUNG BA DANG NI RNAMS DAG GIS, ,DE BZHIN KHA DOG LJANG GUR 'GYUR, ,SNGON PO DAG NI RNAMS KYIS TE; ;DE BZHIN DRAG PO NAG PO'O, ,SER SKYA BA BLA LDONG ROS KYIS, ,DE BZHIN DMAR PO MTSAL GYIS SO, ,BIL BA'I SNYING PO LO MA SBYIN, ,DMAN MIN DE BZHIN LHAG PA'ANG MIN, ,LHAG PA NAG PO DAG TU 'GYUR, ,DMAN NA SKYA BO 'GRO BAR 'GYUR, ,ZHI BA KHRO BO RNAM GNYIS SO, ,SGOM PA'I MTSAN NYID BSHAD PAR BYA, ,ZHI BA ROL PAR RAB TU GSUNGS, ,KHRO BO SBOM THUNG ZHES PAR THOS, ,SOR MO BZHI YI TSAD KYIS NI, ,DPRAL BA SHANGS DANG DE BZHIN ZHAL, ,SOR MO BZHI YI TSAD DAG GIS, ,MGRIN PA MGUL PA DE BZHIN BRTAG ,NYI SHU RTZA BZHIS KHRU GANG STE, ,GYEN DU SOR MO NYI SHU SKYES; ;PHYAG DANG ZHABS DANG GDONG JI BZHIN, ,MIG GI TSAD NI MTHE BONG STE, ,RNA BAR SOR MO GNYIS RAB GSUNGS, ,DE BZHIN SGO YI SHUBS LA BZHI, ,MCHU DANG SOR MO GNYIS RAB GSUNGS, ,LTE BA'I ZABS NI SOR BZHI'O, ,ZHAL GYI CHA NI LUS LA STE, ,MGRIN PA'I RNAM PA BOR BAR 'DOD, ,RAL PA DANG NI ZHAL GYI TSAD, ,SBYOR BA SOR MO COD PAN DRUG ,DE NAS

, ,'PHAGS PA DZA MGU LI'I, ,SGRUB THABS 'DI LAS RAB BSHAD BYA, ,GANG GIS BSGOMS PA TZAM GYIS NI, ,CHU YI STENG DU 'GRO BAR BYED, ,ZHAL GSUM PHYAG DRUG, SER MO STE, ,CHU YI SA BON LAS BYUNG BA, ,PHYAG NA SBRUL DANG SKU CHEN MO, ,RMA BYA'I BZHON PA DAG LA DGYES, ,SHAR DU DGOD BYA RMA BYA MA, ,DE BZHIN LHO RU KHRO GNYER CAN, ,NUB TU RI KHROD LO MA CAN, ,BYANG DU RDO RJE LCAGS SGROG MA, ,SGRO DANG SPYI BLUGS YAL GA DANG, ,LCAGS SGROG RNAMS KYANG BSGOM PAR BYA, ,SER PO DMAR PO DE BZHIN LJANG, ,SNGON PO'I KHA DOG RAB DBYE LAS,, DE LTAR BSGOM BYA SHES RAB CAN, ,DE NAS SNGAGS KYANG BZLA BAR BYA, ,AOm PHU DZA PHU DZA, SGO RU THO BA SOGS DGOD CING, ,ZUR DU ME TOG MA SOGS DGOD, ,'PHAGS MA DZAMGU LI RNAL 'BYOR,, LDAN PAS RTAG TU CHU STENG 'GRO, ,DE NAS KU RU KULLE YI, ,SGRUB THABS 'DI LAS RAB BSHAD BYA, ,GANG GIS BSAM PA TZAM GYIS NI, ,KLU YI BTZUN MO 'GUGS PAR BYED, ,SKU MDOG DMAR MO ZHAL BZHI MA, ,PHYAG BRGYAD DANG NI YANG DAG LDAN, ,HR'I:YIG SA BON LAS BYUNG MA, ,KLU RNAMS 'GUGS PAR BYED PA MO, ,MTHA' YAS LA SOGS RIGS BRGYAD KLU, ,PHYAG BRGYAD LA NI DGOD PAR BYA, ,RGYAN RNAMS THAMS CAD BRGYAN PA'I LUS, ,RANG BZHIN BSGOM BYA BRTUL ZHUGS CAN, ,SNGAGS NI KU RU KULLE HR'I:PHU SV'A H'A, DE NAS 'DI LA GSANG BA BSHAD, ,MDOR BSDUS

BSTA [?] RGYAS PAR MIN, ,GANG GIS RNAM PAR SHES TZAM GYIS, ,LHA YI BU MO 'GUGS PAR BYED, ,PHYAG GNYIS PA DANG ZHAL GCIG STE, ,PHYAG NA MDA' DANG GZHU BSNAMS PA, ,SKU MDOG SER MO SKU CHEN MA, ,LUS MED RNAM PAR BSGOM PAR BYA, ,SHAR DU DGA' MA BSAM BYA STE, ,LHO RU 'DOD PA MDZES PA MO, ,NUB TU 'DOD PA'I LHA MO STE, ,BYANG DU 'DOD PA LA SPRO MA 'O, ,'DOD PA'I LHA MO THAMS CAD NI, ,PHYAG TU MDA' GZHU BSGOM PAR BYA, ,SER PO DMAR PO DE BZHIN LJANG, ,DKAR DMAR DAG NI BSGOM PAR BYA, ,ZUR NYID DU NI RTAG TU YANG, ,MA 'GAGS AUsh'A BA SANTAm,, CHU SRIN RGYAL MTSAN YANG BSGOM MO, ,CHA LA RAB TU BSHAD PAR BYA, ,KAN DAR BA KAm DE BZHIN DU, ,DRAN PA DANG NI MTSAMS KYI BDAG ,LHA RNAMS DAG NI THAMS CAD KYI, ,SPYI BOR GSHIN RJE GSHED PO BSGOM, ,BUD MED BYA ROG GDONG MTHAR GNAS, ,RDO RJE LUS MED RNAM BSGOM BYA, ,SHID YIG SNGAGS NI YANG DAG 'BYUNG, ,KUN NAS RNAM PAR SPRO BA STE, ,'KHRUL ZHING 'KHRUGS PAR BSAMS BYAS NAS, ,'DOD YIG BDE BA LA SPRO BA, ,GOS DMAR GYIS NI RAB DKRIS PA, ,RKANG PA DAG LA LTUNG BA NYID, ,DE LA NGES PAR SNGAGS BZLAS BYA, ,AOm YIG DBYANGS KYIS PHYE BA LA, ,SV'AH'A YI GE DE NAS SBYIN, ,SHID YIG SNGAGS NI BRJOD PAR BYA, ,CHE GE BDAG GI DBANG GYUR CIG ,ZHAG BDUN DU NI BSGOM PAR BYA, ,JI LTAR DMAR PO'I GSUNG BZHIN DU, ,'DOD PA THOB 'GYUR RNAL 'BYOR PA, ,DE

, ,BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, LUS MED LA SOGS PA'I LE'U STE BCU BDUN PA'O,, ,, DE NAS HE RU KA CHEN GYI, ,SGRUB THABS 'DI LAS RAB BSHAD BYA, ,'KHOR BA BCINGS LA RNAL 'BYOR PA, ,GANG GIS SHES NA MYUR GROL 'GYUR, ,ZHAL GCIG PHYAG GNYIS SKU MDOG SNGO,, GTUM CHEN PHYAG TU RDO RJE BSNAMS, ,GZHAN LA THOD PA DGOD PAR BYA, ,SPYAN GSUM DBU SKRA GYEN DU 'GRENG, ,PHYAG RGYA LNGA YIS RNAM PAR BRGYAN, ,G-YON GYI CHA LA KHAtV'Am GA ,RKANG GDUB CHEN POS BRGYAN PA'O, ,H'Um YIG SA BON LAS BYUNG BA, ,RTAG TU BZHAD CING YI DVAGS GNAS, ,SANGS RGYAS LNGA YI RAB SBYOR LAS, ,SPYI BOR THOD PA LNGA RNAMS SO, ,MI BSKYOD COD PAN DU BSAMS TE, ,HE RU KAR BRJOD RNAM BSGOM BYA, ,SHAR DU CHOS KYI 'KHOR LO DGOD, ,SANGS RGYAS BYANG CHUB LHO RU 'O, ,NUB TU 'DOD PA LNGA RNYED DE, ,HE RU KA MTSUNGS BYANG DU 'O, ,SNA TSOGS GZUGS CAN RNAM PAR DGOD, ,RGYAN RNAMS KUN GYIS BRGYAN PA RNAMS, ,YI DVAGS LA GNAS MDZES PA'I GZUGS, ,GTI MUG THAMS CAD NGES 'PHROG PA'O, ,DE BZHIN CHOS KYI 'KHOR LO DGOD, ,YID BZHIN NOR BU DPAG BSAM SHING, ,BUM BZANG DE SGOM LHA MO YI, ,PHYAG G-YAS CHA LA RDO RJE STE, ,MI YI THOD PA G-YAS MIN LA, ,DKYIL 'KHOR 'KHOR LO NGES

PAR BSGOM, ,SPYAN MA M'A MA K'I SGROL MA, ,GOS DKAR SHIN TU YID 'ONG BA, ,ME LA SOGS PA'I ZUR BZHI LA, ,PHYI ROL DKYIL 'KHOR GSHIN RJE GSHED, ,SHES RAB MTHAR BYED RTA MGRIN DANG, , 'KHYIL PAR BCAS PAR BSGOM PAR BYA, ,'KHOR LO CAN SGOM RNAL 'BYOR PA, ,KLU BZHI'I RAB TU SBYOR BA YIS, ,'KHOR LO CAN BSKUL RIG PAR BYA, ,RTZA RTZI K'A SOGS GLU SNYAN GYI, ,ROL MO DRUG RNAMS KYIS GLU BLANGS, ,RJE BTZUN SNYING RJE'I KHRO BO BZHENGS PAR MDZOD, ,JO BO BDUD BZHI PO 'DI LAS RGYAL BA, ,DGOS PA'I THUGS KYIS RJE BTZUN BZHENGS PA MDZOD, ,'JIG RTEN MGRON GNYER STONG NYID BZHUGS SAM CI, ,RJE BTZUN 'JIG RTEN BSOD NAMS DBANG GIS BZHENGS, ,'JIG RTEN BYANG CHUB RANG BZHIN MGRON GNYER NAS, ,KHYOD NYID STONG NYID SEMS SHING BZHUGS SAM CI, ,JI LTAR SKAR MDA' 'PHRO BA LTAR, ,BYANG CHUB SEMS LA DE NAS BZHUGS, ,SNYING RJE CHAGS PA'I SEMS KYIS NI, ,RDO RJE 'DZIN PA RANG NYID ZHU, ,DANG POR RNAL 'BYOR BSGOM PAR BYA, , GNYIS PA RJES SU RNAL 'BYOR TE, ,SHIN TU RNAL 'BYOR GSUM PA YIN, ,BZHI PA RNAL 'BYOR CHEN PO'O, ,RDO RJE SEMS DPA' KUN RDZOGS PA, ,RNAL 'BYOR CES PAR MNGON PAR BRJOD, ,DE YI RGYU MTHUN LHA YI SKU, ,RJES SU RNAL 'BYOR CES PAR BSGRAGS, ,'KHOR LO THAMS CAD RDZOGS PA YIS, ,SHIN TU RNAL 'BYOR RNAM BSGOMS NAS, ,LHA YI SPYAN SOGS BYIN BRLAB DANG, ,SKU DANG GSUNG

, ,DANG THUGS NYID DANG, ,YE SHES 'KHOR LO RAB GZHUG DANG, ,BDUD RTZI MYANG BA NYID DANG NI, ,MCHOD CHEN BSTOD PA RNAMS KYANG STE, ,DE NI RNAL 'BYOR CHEN PO NYID; ;SLOB DPON NGES PAR MI SMAD CING, ,BDE GSHEGS BKA' LAS 'DA' MI BYA, ,DE BZHIN KHROS PAS SPUN RNAMS KYI, ,SKYON NYID RAB TU BSGRAG MI BYA, ,SEMS CAN KUN LA BYAMS PA'I SEMS, ,NAM YANG DOR BAR MI BYA'O, ,BYANG SEMS SPANG BAR MI BYA ZHING, ,RANG GZHAN CHOS LA SMAD MI BYA, ,YONGS SU MA SMIN SEMS CAN LA, ,GSANG BA RAB TU BSGRAG MI BYA,, BDAG NYID PHUNG PO RNAMS MI SMAD, ,BCOM LDAN CHOS RNAMS SUN MI DBYUNG, ,GDUG LA BYAMS PA RTAG SPANGS SHING, ,CHOS LA TSAD NYID MI BYA 'O, ,DAD PA'I SEMS CAN BSLU MI BYA,, DAM TSIG RNAMS NI RTAG TU BSTEN, ,SHES RAB RANG BZHIN BUD MED RNAMS, ,SUN 'BYIN LAS DANG SKYON NYID DO, ,SLONG MOS MI RGYU RNAL 'BYOR PA, ,RNAL 'BYOR RNAM PAR SPANG MI BYA,, RTAG PAR RGYUN DU SNGAGS BZLA ZHING, ,DAM TSIG LA SOGS RTAG BRTAN BYA, ,BLA MAR DE BZHIN DAM TSIG DON, ,GAL TE BAG MED LAS GYUR NA, ,DE TSE DKYIL 'KHOR NGES BRIS TE, ,BDE GSHEGS RNAMS LA NYES PA BSHAGS, ,BLA MA LA DAD DAM TSIG BSRUNG, ,RAB TU STON MIN BRTZE BA CAN, ,NYES PA MTHA' DAG RNAM SPANG SEMS, ,BZLAS PA MCHOG GZHOL BSAM

GTAN CAN, ,SKYES BU DE BRTAG BLA MAR BYA, ,BRTAN ZHING RNAM DUL SNYING RJE YI, ,SEMS GCIG DAD DANG DAM TSIG DANG, ,BZOD PA 'DZIN PA RAB BSNGAGS TE, ,GSHIN RJE GSHED GUS BLA MAR GUS,, SLOB MA LA BSHAD YONGS SMIN BYA, ,DE NAS BCOM LDAN 'DAS DE BZHIN GSHEGS PA THAMS CAD MCHOG TU DGA' BA'I RANG BZHIN CAN, RDO RJE SEMS DPA'I GSUNG NYE BAR GSAN NAS CANG MI SMRA BAR 'KHOD DO, ,'DI LTA BU'I CHED DU BRJOD PA GSUNGS PA, 'KHRUL 'KHOR MTHAR THUG GSHIN RJE GSHED, ,BRTUL ZHUGS MTHAR THUG THOD PA CHE, ,RGYUD RNAMS MTHAR THUG 'DUS PA STE,, MA BYUNG 'BYUNG BAR MI 'GYUR RO, ,AE MA ZHI BA CHEN PO CHOS, ,AE MA DRAG PO 'JIGS SU RUNG, ,AE MA MYA NGAN 'DAS PA MCHOG ,AE MA 'KHOR BA DAG GI RGYUD, ,AE MA 'DI NI SHIN TU MTSAR, ,RAB SKYON DE NI YON TAN 'GYUR, ,BYANG CHUB MED CING MNGON RTOGS MED, ,DNGOS PO MED CING SGOM PA'ANG MED, ,KHAMS MED RNAM PAR SHES PA'ANG MED, ,NAM MKHA' MNYAM PA NYID DU GNAS, ,NAM MKHA' LTA BUR BDAG MED PAS, ,CHOS 'DI BDE BA CHEN PO'O, ,SA MED CHU MED ME MED CING, ,RLUNG MED NAM MKHA' YOD MA YIN, ,RDO RJE SEMS DPA'I RAB SBYOR LAS, ,SKYE BA 'DI NI RAB TU GNAS,, DNGOS PO THAMS CAD DNGOS MED BRJOD, ,DES NI RANG BZHIN MED PAR BRJOD, ,RNAL 'BYOR NYID LDAN RNAL 'BYOR BA, ,CHAD BA MA YIN RTAG PA MIN, ,PHYAG MED ZHAL DANG KHA DOG MED, ,MCHOG TU

, ,DGA' BA'I MTSAN NYID DO, ,NGES PAR BDE MIN DNGOS BO KUN, ,THOG MA BAR DANG THAM SPANGS, ,DE NAS BCOM LDAN 'DAS TZA RTZI KA CHEN MO LA SOGS PAS CHED DU BRJOD PA 'DI GSUNGS SO, ,AE MA MCHOG DGA' DRI MED DAG PA STE, ,BSOD NAMS SDIG DANG YANG DAG MA 'BREL BA, ,MGON PO SNYING RJE'I THUGS KYIS GNAS PA 'DI, ,KUN TU SNYING RJE'I GTER CHEN GCIG PU STE, ,MCHOG TU DGA' BA 'DI YI RANG BZHIN NI, ,BDE CHEN RANG BZHIN CHOS KYI NGO BO STE, ,DE LA SKYE DANG 'GAG PA YOD MA YIN, ,GZUGS MED BSOD NAMS MED CING SDIG PA MED, ,DE BZHIN GSHEGS PA THAMS CAD KYI SKU DANG GSUNG DANG THUGS RDO RJE GSHIN RJE GSHED DMAR PO'I RGYUD LAS, BYANG CHUB KYI SEMS NGES PAR BSHAD PA'I LE'U STE BCO BRGYAD PA'O,, ,,DE NAS GTAM RGYUD BSHAD PAR BYA STE, BCOM LDAN 'DAS THAMS CAD SANGS RGYAS PA NA DPA' BO 'JIGS SU RUNG BA DU MA'I BDUD KYI DPUNG GI TSOGS RNAMS LHAGS TE, BCOM LDAN 'DAS THUB PA CHEN PO'I BYANG CHUB RNAM PAR GZHOM PAR 'DOD PA DE'I DUS NA BDUD CHEN PO LAS MCHOG TU RGYAL BA ZHES BYA BA'I TING NGE 'DZIN LA SNYOMS PAR ZHUGS TE BCOM LDAN 'DAS NYID KYI SKU DANG GSUNG DANG THUGS RDO RJE RNAMS LAS KHRO BO CHEN PO GSHIN RJE GSHED 'DI NGES PAR PHYUNG BAR GYUR TO, ,NGES

PAR PHYUNG NAS PHYAG NA RDO RJE LA BCOM LDAN 'DAS THUB PA CHEN POS BKA' STZAL PA, PHYAG NA RDO RJE, KHYOD KHRO BO GSHIN RJE GSHED KYI GZUGS 'DI YANG DAG PAR ZUNGS LA BDUD RNAMS DANG, KLU RNAMS DANG, LHA MA YIN RNAMS DANG, GNOD SBYIN RNAMS DANG, SRIN PO RNAMS LA SKRAG PA DANG, 'JIGS PA DANG, GSOD PAR GYIS SHIG CES GSUNGS SO, ,DE'I DUS NA BCOM LDAN 'DAS LA DNGOS SU THOS TE SKAD CIG GIS BLANGS NAS NGES PAR BZUNG STE YANG DAG PAR BSDUS LA BSNGAGS SHING SEMS LEGS PAR BSKYED DO, ,GSANG BA'I BDAG PO CHEN PO LA, ,'DI SKAD CES NI BA [?] STZAL TO, ,GSANG BDAG CHEN PO PHA ROL GRONG, ,'JUG PHYIR 'DI NI RAB GSAL BYA, ,'GRO DANG 'ONG BAR 'DOD PA DE, ,MNYAM PAR BZHAG STE SNGAGS BZLA BYA, ,BYE BA BZLAS PAS 'GRUB 'GYUR TE, ,BYE BA LDA RNAMS KYI BRJOD CING, ,DANG PO'I RNAL 'BYOR YANG DAG BRTZAM, ,BDAG NYID NAM MKHA' DANG MTSUNGS PAR, ,THOG MAR SGOM PA'I DUS SU YANG, ,SEMS NI GCIG PAR NGES GZHUG BYA, ,JI LTAR RMI LAM RANG BZHIN SEMS, ,'GRO ZHING SLAR YANG 'ONG BAR BYA, ,DE BZHIN SKYE BO NYID BYA STE, ,PHA ROL DU NI 'GRO ZHING 'ONG, ,JI LTAR SEMS NI RING POR 'GRO, ,SLAR YANG SKAD CIG LAS LDOG BYED, ,BAR MED GOMS PA'I SBYOR BA LA, ,DE BZHIN NYID DU RNAM PAR GNAS, ,JI LTA'I RANG BZHIN GNAS BYA STE, ,GZHU LA MDA' BZHIN BRJOD PAR BYA, ,DE LTAR YID

, ,KYIS GZHU 'DI NYID, ,BAR CHAD MED PAR 'GRO BA NYID, ,ZLA BA'AM NYI MA'I SBYOR BA YANG, ,SEMS NI RLUNG LA NGES GZHUG BYA, ,LUS DANG RNAM PAR BRAL BA YID, , DE NYID DU NI 'ONG ZHING 'GRO, ,CUNG ZAD DROD NI YANG DAG THOB, ,GNANG BA THOB PA'I SGRUB PA PO, ,JI LTAR LUS KYI NANG 'GRO ZHING, ,GRONG LAS PHA ROL 'GRO BAR 'GYUR, ,SGRA GCAN DANG PHRAD SBYOR BA LAS, ,ZLA BA NYI MA ZA BAS 'GRO, ,RLUNG GI BGROD PA'I RNAL 'BYOR PA, ,'PHO BA GO 'PHANG KUN BSGRUBS TE, ,'CHI LTAS MTSAN NYID SHES BYAS LA, ,'PHO BA'I CHO GA MTSON PAR BYA,, RGYU BCAS MI RGYU JI LTAR 'DOD, ,SNA TSOGS RANG 'OD KYIS SKYE 'GYUR, ,THUR SEL BSHANG LA MA RTAGS KYI MTHAR, ,DE NAS LTE BAR YANG DAG BSAM, ,SNYING GA MGRIN PAR SON PA'I SROG,, SNA BUG LA NI RNAM PAR RGYU, ,DE BZHIN GSHEGS PA THAMS CAD KYI SKU DANG GSUNG DANG THUGS GSHIN RJE GSHED DMAR PO'I RGYUD LAS, PHA ROL GYI GRONG DU RAB TU 'JUG PA'I LE'U STE BCU DGU PA'O,, ,,DPAL GSHIN RJE GSHED DMAR PO ZHES BYA BA'I RGYUD KYI RGYAL PO RDZOGS SO,, ,,YON TAN MTHA' YAS PA MNGA' BA'I BLA MA DAM PA CHOS KYI RGYAL PO CHEN PO'I BKA' LUNG GIS DPON CHEN KUN DGA' BZANG POS YON BDAG BYAS PA'I DUS NA KHA CHE'I PAndI TA R'A HU LA SHR'I BHA DRA DANG, BOD KYI LO TZTSA BA DGE SLONG BLO BRTAN GYIS DPAL SA SKYA'I

GCUG LAG KHANG CHEN POR BSGYUR BA'O,,