,,RGYA GAR SKAD DU, YA M'A RI KRishnA KARMA SARBA TZAKRA SIDDHA KA RA N'A MA TANTRA R'A DZ'A, BOD SKAD DU, GSHIN RJE GSHED DGRA NAG PO'I 'KHOR LO LAS THAMS CAD GRUB PAR BYED PA CES BYA BA'I RGYUD KYI RGYAL PO, BCOM LDAN 'DAS RDO RJE MKHA' 'GRO LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS DE BZHIN GSHEGS PA THAMS CAD KYI SKU DANG GSUNG DANG THUGS RDO RJE'I BTZUN MO'I BHA GA LA GTI MUG RDO RJE DANG, SER SNA RDO RJE DANG, 'DOD CHAGS RDO RJE DANG, PHRAG DOG RDO RJE DANG, SA RDO RJE DANG, CHU RDO RJE DANG, ME RDO RJE DANG, RLUNG RDO RJE DANG, BYANG CHUB KYI SEMS BDE BA CHEN PO MA DANG, YON TAN GYI PHRENG BA MA DANG, SEMS KYI RGYUD TSIM PAR BYED PA MA DANG, BRTZON 'GRUS KYI NGO BO MA DANG, BDUG SPOS MA DANG, ME TOG MA DANG, MAR ME MA DANG, DRI CHAB MA DANG, DE LA SOGS PA DPAG TU MED PA DANG THABS CIG TU BZHUGS SO, ,DE NAS LHA MO BE TA L'I STAN LAS LANGS TE THAL MO SBYAR NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, DA LTAR 'DI NA GDUG PA CAN RNAMS KYIS SEMS CAN THAMS CAD LA
'TSE BAR BGYID PA DANG, MA 'ONGS PA NA YANG THEG PA CHEN PO PA DANG, SEMS CAN THAMS CAD LA'ANG 'TSE BAR BGYID PA DAG 'BYUNG NA, DE RNAMS JI LTAR TSOR GCAD PAR BGYI, DE NAS BCOM LDAN 'DAS BGEGS THAMS CAD 'JOMS PAR BYED PA ZHES BYA BA'I TING NGE 'DZIN LA SNYOMS PAR ZHUGS TE NYID KYI SKU GSUNG THUGS RDO RJE LAS SNYING PO 'DI PHYUNG NGO, ,HR'I: DE MA THAG TU BCOM LDAN 'DAS NYID ZHAL DRUG PA PHYAG DRUG PA ZHABS DRUG PA'I NGO BOR GYUR NAS MA HE RVA GNYIS PA LA BRDZIS TE, MA HE'I BDAG PO CHUNG MA BCAS PAR AOm HR'I: shtI: LBI KRi T'A NA NA H'Um H'Um PHAt PHAt SV'AH'A, ZHES ZHAL BZHAD PA DANG BAS PAS AOm GSUNG ZHING MNAN PAR GYUR TO, ,LHA DANG, LHA MA YIN DANG, BDUD THAMS CAD KYANG SKRAG CING 'DAR BA DANG BCAS PAS 'DUD PAR GYUR TO, ,TSANGS PA DANG DBANG PO LA SOGS PA THAMS CAD KYANG PHYAG 'TSAL ZHING 'DUD PAR GYUR TO, ,DE NAS BCOM LDAN KHRO BO YI, ,RGYAL PO CHEN PO RAB 'JIGS PA, ,THUGS RJE CHEN PO DANG LDAN PAS, ,GSUNG NI 'DI SKAD BKA' STZAL TO, ,DE NAS SGRUB PA BSHAD BYA BA, ,RTZIBS BRGYAD DBUS KYI LTE BA LA, ,BDAG NYID PHYAG DAR ZHAL RNAMS NI, ,DRUG DRUG LDAN PAR GYUR PA BSGOM, ,ZHABS KYANG DE DANG 'DRA BAR STE, ,G-YAS KYI DANG PO'I PHYAG NA NI, ,RDO RJE THO PA G-YAS GNYIS NA, ,RAL GRI DE BZHIN G-YON GYI YANG, ,DANG POR ZHAGS PA SDIGS MDZUB
, ,LDAN; ;GNYIS PAR GTUN SHING LEGS PAR 'DZIN, ,RDO RJE DRIL BU THA MAS BSNAMS, ,STENG ZHAL NAG PO RAB 'JIGS PA, ,ZHABS GNYIS RDO RJE SKYIL KRUNG STE, , BRKYANG BSKUM GAR GYIS ZHABS BZHIR GNAS, ,STAG LPAGS KYIS NI RNAM DKRIS SHING, ,SENG+GE RAL RAL PA NI, ,GYEN 'GRENG BSDUS TE SPYI BOR YANG, ,THOD PA'I PHRENG BAS RNAM PAR BCINGS, ,'DI NI KHRO BO 'CHOL PA STE, ,LAG CHA SNA TSOGS DAG DANG LDAN, ,SHAR RTZIBS LA SOGS RNAM BZHI LA, ,GTI MUG SOGS TE BZHI PO YANG, ,DKAR DANG SER DANG DMAR BA YANG, ,DE BZHIN BZHI PA LJANG GU STE, ,G-YAS KYIS 'KHOR LO RIN CHEN 'BAR, ,PADMA SNA TSOGS RDO RJE STE, ,G-YON GYIS DRIL BU LEGS PAR 'DZIN, ,MTSAMS SU LAm SOGS LAS SKYES PA, ,LHA MO BZHI PO NGES PAR BSAM, ,BDAG PO 'DRA STE SGEG NYAMS 'DZIN, ,GRVA YI LHA MO MTSAN LA NI, ,L'A SYE MU TI KUR LDAN NO, ,RIN CHEN PHRENG BA PHYAG GNYIS BSNAMS, ,PI WANG SGREG PA'I GSUNG DBYANGS CAN, ,GAR GYI RGYAS PAR 'GRO BA YI, ,DON LA RTAG TU BRTZON 'GRUS LDAN, ,BDUG SPOS SOGS DANG [?] BZHI PO YANG, ,RANG GI MTSAN MA NGES PAR 'DZIN, ,PHYAG RGYA'I SNGAGS RNAMS BRJOD PAS SO, ,DE NAS YANG BCOM LDAN 'DAS DE BZHIN GSHEGS PA THAMS CAD KYI BDAG POS GTI MUG RDO RJE'I SNGAGS
'DI GSUNGS SO, ,AOm DZA NI DZIKA ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS SNGAGS 'DI GSUNGS PA NI, SER SNA RDO RJE'O, ,AOm RATNA DHRi KA ,DE NAS YANG BCOM LDAN 'DAS DE BZHIN GSHEGS PA THAMS CAD KYI BDAG POS SNGAGS 'DI GSUNGS SO, ,AOm A'A RO LI KA STE, 'DOD CHAGS RDO RJE'O, ,DE NAS YANG BCOM LDAN 'DAS DE BZHIN GSHEGS PA THAMS CAD KYI BDAG POS PHRAG DOG RDO RJE'I SNGAGS 'DI GSUNGS SO, ,AOm PRA DZNY'A DHRiKA ,DE NAS YANG BCOM LDAN 'DAS DE BZHIN GSHEGS PA THAMS CAD KYI BDAG PO BDE BAR GSHEGS PAS SA RDO RJE'I SNGAGS 'DI GSUNGS SO, ,AOm LO TZA NA H'Um, DE NAS YANG BCOM LDAN 'DAS DE BZHIN GSHEGS PA THAMS CAD KYI BDAG POS CHU RDO RJE'I SNGAGS 'DI GSUNGS SO, ,AOm M'A MA K'I TR'm, DE NAS YANG BCOM LDAN 'DAS DE BZHIN GSHEGS PA THAMS CAD KYI BDAG POS ME RDO RJE'I SNGAGS 'DI GSUNGS SO, ,AOm P'AndA RI HR'I, DE NAS YANG BCOM LDAN 'DAS DE BZHIN GSHEGS PA THAMS CAD KYI BDAG POS RLUNG RDO RJE'I SNGAGS 'DI GSUNGS SO, ,T'A RA AA, DE NAS BCOM LDAN 'DAS DE BZHIN GSHEGS PA THAMS CAD KYI BDAG POS BDE BA CHEN PO SKYED PAR BYED PA'I SNGAGS 'DI GSUNGS SO, ,AOm L'A SYE, DE NAS YANG YON TAN BRGYUD PA BLA MA'I SNGAGS 'DI GSUNGS SO, ,AOm M'A LE, DE NAS BCOM LDAN
, ,'DAS KYIS DBYANGS CAN MA SKYED PAR BYED PA'I SNGAGS 'DI GSUNGS SO, ,AOm G'I TI, DE NAS YANG BCOM LDAN 'DAS KYI GAR MA'I SNGAGS 'DI GSUNGS SO, , AOm NRi TI; DE NAS BCOM LDAN 'DAS KYIS MCHOD PA'I SNGAGS RNAMS GSUNGS PA NI, AOm BADZRA DH'U PA, AOm BADZRA PUshPA, AOm BADZRA D'I PA, AOm BADZRA GANDHA, DE NAS YANG BCOM LDAN 'DAS THAMS CAD 'GUGS PAR BYED PA'I SNGAGS DANG, DE BZHIN GSHEGS PA THAMS CAD GZHUG PA DANG, DE BZHIN GSHEGS PA THAMS CAD BCING BA DANG, DE BZHIN GSHEGS PA THAMS CAD RJES SU DGYES PAR BYED PA'I SNGAGS RNAMS BCOM LDAN 'DAS DE BZHIN GSHEGS PA THAMS CAD KYI BDAG POS GSUNGS PA NI, AOm BADZRA AAm KU SHA DZA:, AOm BADZRA P'A SHA H'Um; AOm BADZRA SPHO tA BAm, AOm BADZRA A'A BE SHA HO:, BLO LDAN MKHAS PAS CI NUS KYIS, ,THIG GIS THIG NI GDAB PA LA, ,TSAD LDAN 'JUR MDUD MED PA DANG, ,GSHER ZHING GSAR BA MDZES PA YIS; ;SHAR DU BLTAS TE GDAB PAR BYA, ,TSANGS THIG GNYIS PA GDAB PA YANG, ,LHO RU BLTAS TE GDAB PAR BYA, ,DE 'OG MTHA' YI THIG GDAB PA, ,BYIN ZAR GNAS TE DBANG LDAN BLTA; ;RLUNG GNAS BDEN BRAL KHA BLTAS TE, ,NUB TU LEGS PAR BRI BAR BYA, ,DE NAS SHAR DU KHA BLTAS TE, ,BYANG DU BRIS TE BYIN ZAR GNAS, ,BDEN BRAL MIN PA'I MTHA' MA GDAB,,
BLTA BA BDEN BRAL PHYOGS SU 'O, ,SLOB DPON LDANG MIN GROGS PO NI, ,RI DVAGS ZHON PA'I PHYOGS 'DUG STE, ,TSANGS THIG DANG PO GDAB PAR BYA, ,GNYIS PA'ANG BDEN BRAL PHYOGS 'DUG STE, ,BGEGS PHYOGS BRKYANG LA GDAB PAR BYA, ,DBUS DANG MTHA' MAR PHYE BA YI, ,GZHAL YAS KHANG PA'I MTSAN NYID NI, ,GRU BZHIR BGYI ZHING SGO BZHI DANG, ,RTA BABS BZHIS NI BRGYAN PA YI, ,DBUS KYI RTZIBS BRGYAD LTE BA LA, ,RDO RJE THO BA BRI BAR BYA, ,NYI MA'I DKYIL 'KHOR DBUS NYID DU, ,GRI GUG KYANG NI BRI PAR BYA, ,SHAR RTZIBS 'KHOR LO CHEN PO STE, ,RIN CHEN LHO YI PHYOGS RTZIBS LA, ,PADMA DMAR PO NUB TU BRI, ,BYANG DU RDO RJE KUN TU RTZE, ,SHAR LHO PHYOGS SU'ANG DE DANG 'DRA, ,GRA BZHIR BRGYAD PO'ANG NYIS BRTZEGS SU, ,MTSAN MA RNAMS NI LEGS PAR BRI; ;SGO BZHI DAG TU BRI BAR YANG, ,LCAGS KYU ZHAGS PA LCAGS SGROG DRIL, ,GZHAN YANG RGYAN KUN LEGS PAR BRI, ,MCHOD PA LEGS PAR DGRAM PAR BYA, ,KHU TSUR DKU GNYIS BZHAG PA DANG, ,DE BZHIN DPRAL BAR NYUG PA DANG, ,KHA NAS 'BYIN DANG GAR BSKYOD DANG, ,BDUG SPOS NYUG DANG ME TOG 'THOR, ,MTHE BONG BSGRENGS TE RANG LUS LA'ANG, ,GZHAN LA NYUG TSUL GNAS PA NI, ,BRGYAD PO MCHOD PA'I LHA MO DAG ,BSKYED DANG LEGS GNAS PHYAG RGYA YIN, ,SKU GSUNG THUGS KYI LHA RNAMS DANG, ,RANG LUS BCUG STE GNAS PA LA, ,SNGAGS KYIS BYIN
, ,GYIS BRLAB PA NI, ,AOm SARBA TA TH'A GA TA K'A YA BADZRA SVA BH'A BA A'ATMA KONYAHAm, AOm SARBA TA TH'A GA TA W'A KA BADZRA SVA BH'A BA A'ATMA KONYHAm, AOm SARBA TA TH'A GA TA TZITTA BADZRA BH'A BA A'ATMA KONYAHAm, MIG SOGS BYIN GYIS BRLAB PA LA, ,GTI MUG RDO RJE SOGS KYIS SRUNG, ,DBANG SBUBS STONG PA NYID BYAS TE, ,SNYING PO'AM MING GI YI GE YIS, ,RIGS KYI PHYAG MTSAN BSNAMS PA YI, ,SKU RNAMS NGES PAR BSKYED PAS SO, ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS BDUD RTZI MYANG BA ZHES BYA BA'I TING NGE 'DZIN LA SNYOMS PAR ZHUGS TE SNGAGS 'DI GSUNGS SO, ,AOm A'A: H'Um, DAG CING 'BAR BAR RNAM BRTAGS TE, ,NYI MA'I DKYIL 'KHOR DBUS GNAS PAR, ,ZHE SDANG RDO RJE'I BDAG PO STE, ,ZLA BA'I DBUS SU GTI MUG BSAM, ,RIN CHEN DBUS SU BSAM PA YANG, ,SER SNA NYID DU BSAM PAR BYA, ,PADMA'I DBUS SU 'DOD CHAGS BSAM, ,SNA TSOGS DBUS SU PHRAG DOG BSAM, ,BSAM BYA LJAGS LA SA BON TE, ,'PHROS PAS BKUG STE TSIM PAR BYA, ,SHAR NI DKAR PO CHEN PO STE, ,LHO NI SER PO NYID DU 'O, ,NUB NI DMAR POR NGES PAR SHES, ,BYANG NI LJANG GUR YANG DAG LDAN, ,DE LAS DE BZHIN RE KH'A'I RIM, ,DKYIL 'KHOR SGOM PA'I TSE NA YANG, ,BYAMS DANG SNYING RJE DGA' BTANG SNYOMS, ,TSAD MED PA
YI RIM PA YIS, ,SEMS CAN RNAMS LA PHAN GDAGS PHYIR, ,BRTAN DANG G-YO BA'I DNGOS PO RNAMS, ,YOD MIN MED MIN GNYIS KA MIN, ,GNYIS KA MIN PA'ANG MA YIN TE, , SPROS BRAL NGO BO MED PAR BSGOM, ,AOm SH'U N+YA T'A DZNY'A NA BADZRA SVA BH'A BA A'ATMA KONYAHAm, RAm LAS NYI MA RNAM BSGOMS TE, ,DE DBUS LAS KYI RDO RJE NI, ,KUN TU RTZE LNGA'I RANG BZHIN TE, ,DE DBUS H'Um LAS RDO RJE NI, ,KUN TU PHRA MOS BGEGS BCOM STE, ,RA BA GUR DANG SA GZHI YANG, ,DE YI 'OG TU NGES PAR BSGOM, ,GRU GSUM GYEN BSGRENG DKAR PO NI, ,SHIN TU GSAL BAR BDAG GIS DMIGS, ,ZHE SDANG LAS NI SNGAR MA BYUNG, ,BYUNG ZHING 'BYUNG BAR MI 'GYUR RO, ,BYANG CHUB SEMS LA GZHOL BA DANG, ,GTONG ZHING THOS PA'I KHENGS PA MED, ,LE LO BCOM ZHING KHRO BA MED, ,SER SNA MED DE G-YO YANG MED, ,SGYU SPANGS SHES RAB GSAL BA DANG, ,GCIG TU THEG PA CHE LA GZHOL, ,DES NI DKA' BA MED PAR YANG, ,GZHAN GYI DON DU 'DI BRTZAMS NA, ,GRANGS NI BYE BA TSANG BA YIS, ,BCU BZHIR TSANG BA'I GSANG SNGAGS KYIS, ,LAS RNAMS KUN GRUB THE TSOM MED, ,YANG LHA MOS BCOM LDAN 'DAS LA 'DI SKAD CES GSOL TO, ,DE YI 'KHRUL 'KHOR JI LTA BU, ,YI GE RNAMS NI JI LTAR BRI, ,BCOM LDAN 'DAS KYIS BKA' STZAL PA, ,BDUN TSAN BDUN DANG LDAN PA YI, ,RE MIG LEGS PAR
, ,BRI BAR BYA, ,LAS KUN BYED PA'I 'KHOR LO LA, ,MCHOD PA YIS KYANG LEGS MCHOD LA, ,DE 'OG LAS RNAMS BRTZAM PAR BYA, ,BZLAS PA'I MTSAN MA RMI LAM MAM, ,MNGON SUM BYUNG BAR GYUR NAS KYANG, ,'KHRUL 'KHOR RNAMS NI BRI BYA BA'I, ,RMI LAM MTSAN MA 'DI YIN TE, ,TSAL CHEN ZUG PA'I GLING DAG DANG, ,LHA GANG MCHOD RTEN GZHAL YAS SU, ,DAM PA RNAMS DANG NGES PHRAD DE, ,DBANG BSKUR RI LA 'DZEG PA DANG, ,RGYA MTSOR BCAS PA'I CHU RGAL LAM, ,KLA KLO BRAN DU 'KHOR RMIS NA, ,NGES PAR 'GRUB STE 'KHOR LO BRI, ,DE NAS YANG BCOM LDAN 'DAS KYIS 'BYUNG BA'I DKYIL 'KHOR SGOM PA GSUNGS TE, YAm LAS BYUNG BA'I RLUNG DKYIL 'KHOR, ,SNGON PO GZHU YI DBYIBS CAN LA, , BA DAN LDAN PAR NGES PAR BSAM, ,RAm LAS BYUNG BA'I ME'I DKYIL 'KHOR, ,GRU GSUM DMAR PO BSAM PAR BYA, ,BAm LAS BYUNG BA CHU YIN TE, ,DKAR PO ZLUM PO BSAM PAR BYA, , LAm BYUNG SA YI DKYIL 'KHOR NI, ,LJANG SER GRU BZHI BSAMS BYAS TE, ,SNGON DU BSAM BYA LTA RIM BZHIN, ,TVA RA PHYI NAS NGES PAR BSAM, ,BH'Um LAS BYUNG BA'I 'KHOR LO'I RTZIBS, ,DRUG GNYIS LDAN PA'I LTE BA LA, ,BHRUm LAS GZHAL YAS KHANG PA STE, ,GDAN DANG LDAN PAR SGRUB POS BSAM, ,DE NAS YANG BCOM LDAN 'DAS KYIS RDO RJE BSDU BA'I PHYAG
RGYA DANG SNGAGS KYIS BDE BAR GSHEGS PA 'KHOR DANG BCAS PA BSDU BAR BYA'O, ,AOm BADZRA SA M'A DZA:, LAG NGAR GNYIS NI NGES BSNOL LA, ,MDZUB GNYIS LCAGS KYU'I TSUL BYAS TE, ,SE GOL BRDAB CING BRDUNG BAR BYA, ,LCAGS KYU LA SOGS RNAM PA BZHIS, ,NGES PAR DGUG PA LA SOGS BYA, ,DE NAS YANG BCOM LDAN 'DAS DE BZHIN GSHEGS PA THAMS CAD KYI BDAG POS MCHOD PA'I SNGAGS 'DI GSUNGS SO, ,AOm AARGHAm PRA T'I TZTSA SV'AH'A, PRA BA RA SAD K'A RA PHRA TITZTSA SV'AH'A, NAG PO RAB RI MED PA YI, ,BUM PA LTO CHE BRE TSANG PA, ,MCHU 'PHYANG MGRIN RING GDAN LDAN PAR, ,SNYING POR LDAN PA'I SMAN SOGS GZHUG ,MGRIN PAR RAS BZANG DAG GIS DKRI ,'DAB MAR LDAN PA'I LCUG MA YANG, ,DRI DANG LDAN PAS KHA BRGYAN TE, , BDUD RTZIR LDAN PA YIS KYANG MCHOD, ,BLA RE GDUGS DANG RGYAL MTSAN DANG, ,BA DAN SIL SNYAN ROL MO YIS, ,GUS PAS DKYIL 'KHOR LA YANG MCHOD, ,'DZAM BU'I GLING NGAM GLING GZHAN DAG ,NOR BU RIN CHEN BKANG BA YANG, ,STONG GSUM LA SOGS DE BZHIN TE, ,ZHUM PA MED PAR BYAS TE DBUL, ,BLO LDAN SGRUB POS SEMS CAN LA, ,PHAN PA'I SEMS KYIS SROG MI GCOD, ,MA BYIN PAR YANG MI BLANG NGO, ,'DOD PA MI SPYAD BRDZUN MI SMRA, ,GNOD PA'I RGYU PHYIR CHANG MI BTUNG, ,GDUG PA RNAMS LAS LDOG STE BYA, ,DNGOS SU'AM YANG NA
, ,SNGAGS DANG GZHAN, ,'KHRUL 'KHOR DANG NI TING NGE 'DZIN, ,SMAN GYIS KYANG NI BYA BA STE, ,DE LTAR MI BYED DE YI NI, ,NGES PAR DAM TSIG NYAMS PAR 'GYUR, , GDON DANG LOG 'DREN DAG GIS KYANG, ,NGES PAR 'CHI STE DMYAL BAR NI, ,YUN RING SDUG BSNGAL GYIS SDUG STE, ,DE BAS NAN TAN LDAN PA RU, ,BZOD PA MI BSKYED SNYING RJE YIS, ,SNGAGS KYIS NGES PAR BSAD PAR BYA, ,MI LDOG PA YI SEMS SU GNAS, ,BYANG CHUB CHU YIS RA RO ZHING, ,SHES RAB PHA ROL PHYIN PA YI, ,PHYAG RGYA CHE LA DE GZHOL TE, ,NGO BO DANG BRAL DNGOS PO 'JIG ,MA BYIN BYANG CHUB BLANG BA LA, ,BRTZON PAS LE LO DOR BAR BYA, ,BRDZUN DU SHES BYA DNGOS PO RNAMS, ,DE NAS DE BZHIN GZHAN LA BRJOD, ,RGYAS BTAB PA YI DNGOS PO LA; ;RGYA BSHIG SHES RAB RAL GRI YIS, ,BCAD CING RNAM PA MED PA LA, ,BSAD PA YANG NI NGA YIS BSGRAGS, ,AU MED PA YI YI GE RNAMS, ,STENG GI G-YAS PHYOGS NYID NAS BRI,, 'OG GI YI GE BRI BA NI, ,DE NYID G-YON GYI PHYOGS NAS BRI, ,A'A LI K'A LI NGES BRIS TE, ,KshA MA GTOGS PAR DBUS STONG STE, ,DE LA BGEGS KYI MTSAN MA'AM, ,MING SOGS NGES PAR BRI BA YANG, ,LTO BA'I NANG DU CHUD PAR BRI, ,'KHOR LO NYID KYANG DE 'DRA BA, ,GRU BZHI DAG TU BRI BA NI, ,MA NING 'DOD PA'I K'A LI DANG, ,A'A LI MIN TE LHAG MA YIN, ,GDUG
PA'I YI GE BCU BZHI PO, ,MING DANG BCAS PAR PHYOGS BZHIR BRI, ,DBYANGS KYI YI GE BZHI PA YIS, ,BZHI PA GCIG GI MGO STENG DU, ,SUM BSKOR NYID NI SHIS PA YIN, ,LAS KUN BYED PA'I 'KHOR LO DE, ,'BRI BAR BYED PA'I SPYI DUS DANG, ,KHYAD PAR DUS TSES LHA YI NI, ,RNAL 'BYOR MED PAS BYA BA MIN, ,PHYOGS SU BLTA BA'I BYE BRAG GIS, ,LAS KYI SGRUB POS SHES PAR BYA, ,LAS KUN BYED PA'I 'KHOR LO NI, ,BDE GSHEGS KUN GYI SNYING PO STE, ,DE BZHIN GSHEGS PA'I GSANG BA'ANG YIN, ,'KHOR LO 'DIR NI BCUG PA GANG, ,SANGS RGYAS KYANG NI NGES PAR 'JIG ,DAM CHOS SMOD PA'ANG DE BZHIN ZHI, ,'KHOR LOS BSGYUR BA'ANG DBANG DU 'DU, ,LHA MIN PRA TI'ANG ZHI BAR BYED, ,DGRA BCOM GSOD PA'ANG DE ZHI LA, ,BRGYA BYIN NYID KYANG DBANG DU NGES, ,DE LTA BU YI 'KHOR LO DE, ,THOG MAR BRIS TE DE 'OG TU, ,BYIN RLABS MA NOR DE NYID LA, ,MCHOD PA GUS PAR BDAG GIS BYA, ,MCHOD MIN LAS RNAMS BYAS PA LA, ,'BRAS BU 'BYUNG MIN 'KHRUL PA LA'ANG, ,'BRAS MED NGAL BA NYID YIN NO, ,YANG LHA MO RO LANGS MA NYID STAN LAS LANGS TE MCHOD PA CHEN PO BYAS TE 'DI SKAD CES GSOL BA BTAB BO, ,'KHOR LO 'BRI BA'I SNAG TSA GANG, ,BRI GZHI SMYUG GU JI LTA BU, ,GCIG GAM 'ON TE DE THA DAD, ,BCOM LDAN 'DAS KYIS BSHAD DU GSOL, ,BCOM LDAN
, ,'DAS KYIS BKA' STZAL PA, LEGS SO LEGS SO, ,NGA'I PHYIR LEGS PAR NYON LA YID LA ZUNGS SHIG DANG NGAS BSHAD DO, ,JI LTAR LAS RNAMS BYE BRAG YOD PA LTAR, ,BRI BA'I GNAS DANG GZHUG PA'I GNAS, ,THA DAD DE BZHIN 'KHOR LO BSGRUB, ,SNAG TSA THA DAD 'BRU RNAMS BZHIN, ,GRONG KHYER CHEN PO SRUNG 'DOD DAM, ,SKYES PA SRUNG BAR 'DOD NA YANG, ,GRO GA DE BZHIN AU BHI SHUN, ,LA GOR ZHO SHA'I SHUN PA 'AM, ,RAS LA KHA CHES 'KHOR LO NI, ,BSKUL BA'I TSIG DANG LDAN PAR RO, ,SO MA BTANG BA'I KHAM PHOR DU; ;SBRANG MAR DAG DBUS 'KHOR LO GZHUG ,SKUD PA DKAR POS LEGS PAR DKRI, ,NANG PAR SHAR DU KHA BLTAS TE, ,ME TOG DKAR PO DAG GIS MCHOD, ,BDAG NYID DKAR PO'I MDOG TU BSAM, ,MDUN DU SKYES PA ZLA BA LA, ,MTHA' DAG GNAS PA MDUN DU BSAM, ,SANGS RGYAS PHYOGS BCUR BZHUGS PA YIS, ,BDUD RTZI LNGAS GANG BUM PA YIS; ;CHU RGYUN DAG GIS DBANG BSKUR TE, ,DE 'OG BZLAS PA BRTZAM PAR BYA, ,SV'AH'A'I SNGON DU SKUL TSIG LDAN, ,BUD MED LA NI GI WANG STE, ,PHYI ROL MTSAMS BZHIR PHUR PA YIS; ;BGEGS BSKRAD STENG DU BLA RE BRE, ,PHYI MA SKYES PA'I JI BZHIN NO, ,BYE BRAG TU YANG SKYES PA 'AM, ,BUD MED ZHI BAR 'DOD NA YANG, ,GA PUR TZANDAN DAG GIS NI, ,SHIRSHA
SHING GI SHUN PA LA, ,'KHOR LO YI GE LEGS BRIS TE, ,SHAR DU NANG PAR BLTAS TE MCHOD, ,LAS KUN BYED PA'I THAB LA YANG, ,SNGON GSUNGS ZHAL LDAN DGOD PAR BYA, ,PHYI ROL MTSAMS BZHIR PHUR PA YIS, ,BGEGS BSKRAD STENG DU BLA RE BRE, ,BUM PA KHA RGYAN DANG LDAN ZHING, ,RIN CHEN 'BRU DANG SMAN DU LDAN, ,DRI ZHIM CHU DANG LDAN PAR BYA, ,GOS BZANG GIS NI MGRIN PA DKRI, ,PHYOGS BZHI DAG TU GZHAG PAR BYA, ,THANG GA'AM DKYIL 'KHOR LA MCHOD DE, ,DRI 'AM CHU DANG ME TOG DANG, ,BSRES PA'I SKYOR MES CHU YANG BLUGS, ,GZAR BU STONG GIS SBYIN SREG BYA, ,CHU DES GZHAN YANG GTOR BAR BYA, ,BAR MA CHAD PAR NYIN BDUN DU, ,DE LTAR RGYUN DU GTOR MA SBYIN, ,PHYI NAS 'KHOR LO RIN CHEN DE, ,BUM PA'I NANG NAS RNAM PHYUNG STE; ;RGYAL MTSAN RTZE LA BTAGS NAS SU, ,GNAS MTHON POR YANG GZHAG PAR BYA, ,ZHI BAR BYED PAR THE TSOM MED, ,SNGAR BSHAD PA YI SHING SHUN DANG, ,DUR KHROD RAS LA SGRUB PO YIS; ;YUNG BA'I KHU BAS 'KHOR LO BRI, ,SO MA BTANG BA'I KHAM PHOR DU, ,SGRUB PA'I RKANG RJES SA DAG DANG, ,SNANG MDZAD CHU NGOGS SA DAG DANG, ,RI DANG LAM SA BTAGS NAS NI, ,LDONG ROS DANG NI YUNG BA YIS, ,KHU BAS SBRUS TE GZUGS BYAS LA, ,'KHOR LO GNYIS DRIL YUNG BA DANG, ,LDONG ROS KYI NI KHU BAS BSKU, ,SNYING GAR BCUG STE GZHUG PAR BYA, ,SENG LDENG
, ,PHUR PA SOR BRGYAD PAS, ,LUS LA SOGS PA GDAB PAR BYA, ,DGRA RNAMS 'ONG BA'I LAM DU YANG, ,KHUNG BUR BRKOS TE GZHUG PAR BYA, ,LAm LAS DBANG CHEN GYIS MNAN CING, ,SUm LAS SKYES PA DE STENG NA, ,SNA TSOGS LAS KYIS MNAN PA YIS, ,KHAM PHOR SKUD SER DKRI BAR BYA, ,RGYAL CHEN DAG NI SER PO YANG, ,DBANG CHEN LA GNAS LHOR BLTAS TE, ,BSGYUR BYA SER PO'I RIS MNAN PAR, ,BSAMS NAS BZLAS PA BRTZAM PAR BYA, ,SV'AH'A MED PAR STAMBHA YA, ,LAm GYI MTHA' CAN LNGA STONG BZLAS, ,GTOR MA RGYUN DU SBYIN PAR BYA, ,RENGS PA CHEN PO'I LAS 'DI YIS, ,DMAG GI DPUNG YANG NGES PAR RENGS, ,'GA' TZAM LA NI SMOS CI DGOS, ,SRAN NE LAN GSUM BSNGAGS PA YIS, ,DUR KHROD RAS LA 'KHOR LO BRI, ,RIMS DANG DUG GIS ZIN PA STE, ,DE YI STENG DU GZHAG PAR BYA, ,BDAG NYID DKAR POR RNAM BSAMS TE, ,CHO GAS BYAB CING GDON PAR BYA, ,DE NI DE NAS ZHI BAR 'GYUR; ;NGAG DAG RENGS PAR 'DOD NA YANG, ,SMYO BYED KHU BA DUR KHROD SOL, ,BTZAG RNAMS BSRES TE SO MA BTANG, ,KHAM PHOR GNYIS LA 'KHOR LO 'DI, ,PHO DANG MO YI BSKOR PHYOGS GNYIS; ;MA NOR BRIS TE KHA SBYAR LA, ,RE BSREGS SA DANG THAL BAS G-YOGS, ,STENG DU BZLAS SHING SPEL BA NI, ,STAMBHA NA DANG KU RU LAm, SV'AH'A MED PA'I SNGAGS 'DI YIS, ,KHA BCING
BA NI NGES [?] PAR 'GYUR, ,GANG ZHIG GSOD PAR BYED PA LA, ,SNYING RJER LDAN PA'I GANG ZAG GIS, ,GDUG BYED LAS 'DI BYED PA LA, ,GSHIN DGRA LHA YI RNAL 'BYOR GYIS, ,ZHAG GCIG GIS NI 'GRUB PAR BYED, ,BCU BZHI NYI MA PHYED PA NA, ,BYA ROG SGRO RTZE'I SMYU GU YIS, ,DUR KHROD KYI NI RAS DAG LA, ,DUG DANG TSA DANG SKE TSE DANG, ,NIM PA TSA BA GSUM DAG DANG, ,TSA BA'I MAR KHU DUR KHROD SOL, ,SMYO BYED MDZUB MO'I KHRAG GIS BRI, ,RO BSREGS PA YI THAL BA DANG, ,BSGRUB BYA'I RKANG PA'I RJES KYI SA, ,MI YI RUS PHYE LA SOGS PA, ,GZUGS BYAS DE YI SNYING GAR GZHUG ,DUR ME DAG LA DE BSRO ZHING, ,KHROS PA'I SEMS KYIS KHRI BZLAS NA, ,SKAD CIG TZAM GYIS 'CHI BA NI, ,DE YI KHYIM MAM DUR DU SBA, ,DE LTA'I LAS KYIS DE 'GRUB STE, ,MTSAN MO PHYED NA KHA LHOR BLTA, ,BDAG NYID 'JIGS PA'I GZUGS CAN TE, ,ZHAL SOGS SNGON DU GSUNGS PA LTAR, ,MA HE'I STENG NA MCHE BA GTZIGS, ,GSUS KHYIM CHE LA GYEN SKRA 'BAR, ,SPU SOGS GZHAN YANG DE 'DRA'O, ,BA SPU DAG GI BU GA NAS, ,'JIGS MTSON SNA TSOGS THOGS PA YI, ,KHRO BO MANG PO 'PHRO BA STE, ,BDAG NYID BSKAL PA'I ME LTAR 'BAR, ,BSGRUB BYA MDUN DU BSAM BYA BA, ,MTSAMS MED RDZOGS PA'I SDIG DANG LDAN, ,DRI MA CAN DE PHYOGS GOS 'CHANG, ,GRONG KHYER SKYE BOS 'TSE BA CAN, ,GRANG BA'I REG PAS LUS LA RGYAS, ,MTSON GYIS
, ,BTAB PA BYAS PA LA, ,GCAN GZAN SOGS ZA MDUN DU BSAM, ,NGAG TU'ANG DE LTAR YANG YANG BRJOD, ,LCAGS KYI KHYUD MOS YAN LAG BSDAMS, ,TSER MAS DBUGS PA BYAS PA STE, ,LUS NI PAGS PA MED PAR BSAM, ,SKE TSE LAN TSAS LUS BYUGS TE, ,AA CHU BA YI SGRA 'BYIN BSAM, ,DE YI MGON SKYABS BSAL BYAS NAS, , GSHIN RJE'I LTO BA'I THA MAR BZHAG ,BE CEN THOGS PAS DE ZA 'O, ,'DI LTAR BSAD PAS SANGS RGYAS KYI, ,SRAS SU DE NI SKYE BAR 'GYUR, ,LAS KYI SDIG LAS DE GROL LO, ,GSOD PA'I SNGAGS DE SBEL BA NI, ,H'Um CHE GE MO M'A RA YA H'Um, ,BSGRUB BYA NANG DAG DBYE BA NA, ,MA HE RTA YI PAGS PA DAG ,YANG NA RO DANG DUR KHROD RAS, ,RTA DANG MA HE BYI LA 'AM, ,KHYI DANG NIM PA'I 'DAB KHU DANG, ,KHYIM BYA'I KHRAG DANG SKEM TSE BSRE, ,DER NI 'KHOR LO 'DI BRIS TE, ,RNAM PAR 'GRAS PA BSKUL DANG LDAN, ,RTA SPAL DAG GI NANG BCUG STE, ,MA HE'I RMIG PA'I NANG BCUG LA, ,STONG PHRAG BCU NI TSANG BAR BZLAS, ,NIM PA'I SHING BSROS DE NANG SPA, ,DE NANG 'GRAS PA NYID DANG NI, ,DPAG TSAD BRGYAS MCHOD 'THAB PAR 'GYUR, ,AA MU KI DANG AA MU KI ,BI DVE shA YA PHAt, RIMS KYIS THEBS PAR BYA BA LA, ,DUR KHROD KO BA CHE BA LA, ,AA RKA SHING GI LO MA DANG, ,TZI TRA KA DANG SKE TSE DANG, ,KHRAG GIS 'KHOR LO BRI BAR BYA,,
BRI BA BSKOS LA RI MOS DGANG, ,SENG LDENG 'DAB MA DUG MED LA, ,BSRO ZHING KHROS PAS LNGA BRGYA BZLA, ,KHYIM DANG LAM GYI BZHI MDO DANG, ,DUR KHROD SBAS NA RIMS KYIS 'DZIN, ,RGYAS PA'I LAS KYIS RGYAS 'DOD NA, ,GI WANG GIS NI GRO GA LA, ,'KHOR LO GNYIS NI RNAM BRIS TE, ,SKUL TSIG LDAN PAR YI GE BRI, ,ZLA DRUG THANG GA'I MDUN DAG TU, ,GNOD SBYIN DANG NI GNOD SBYIN MOS,, RIN CHEN CHAR NI 'BEBS PA DANG, ,GSHIN DGRA SER PO ZLA SER LA, ,GNAS PAR BSAMS TE KHRI BZLAS NA, ,'PHAGS PA NOR 'DZIN 'DRA BAR 'GYUR, ,AOm CHE GO MO PUshtIm KU RU AOm, ,GRO GA SOGS KYI SHOG SHOG LA, ,GI WANG DANG NI RANG BYUNG GRI ,ME TOG DAG GIS BRI BA STE, ,YANG NA THA LTAG KHRAG DANG NI, ,BIL BA'I LO MA'I KHU BA DANG, ,RAS DMAR PO YI KHU BA DANG, ,SEN RTZI RNAMS BSRES BRI BAR BYA, ,SPHRA TSIL KYIS NI 'KHOR LO BRI, ,BUM PA MAR SBRAM LDAN PAR BZHAG ,DUS BZHI DAG TU MCHOD PA NI, ,ME TOG DMAR POS MCHOD PA 'O, ,DE TSE BZLAS PA TSUL DAG NI; ;HO BA SHAm KU RU HO, ,DE MA THAG TU LHA RNAMS KYANG, ,DBANG DU BYED PAR NGES 'GYUR RO, ,GRO GA DAG LA BRI BA NI, ,ZLA BA GZAS ZIN DUS DAG GAM, ,RGYAL GYI NYIN PAR BRI BYA STE, ,SKUD PA DMAR POS 'KHOR LO DKRI ,ME TOG DMAR POS MCHOD PA BYA, ,THOD PA KHA SBYAR NANG BZHAG STE, ,BZLAS PA KHRIS NI BRGYA BYIN GYI, ,BU MO'ANG RNYED PAR NGES 'GYUR RO, ,DUR KHROD KYI NI
, ,RAS DAG LA, ,GUR GUM SOGS KYIS 'KHOR LO BRI, ,YI GE THIG LES RNAM BSKOR TE, ,AA MU KI DANG M'A MA K'I, ,MO HA NA DANG RNAM SBEL LA, ,BSGRUB BYA'I GOS KYI MTHA' MA LA, ,LEGS BTAGS CHOS KYI DBYINGS NYID DU, ,BSGOMS NAS ZLOS SHING 'GRO NA YANG, ,LHA DANG LHA MIN GYIS MI MTHONG, ,BDAG NYID GSHIN DGRA NYID BSGOMS PAS, ,CHU YI STENG NAS 'GRO 'DOD NA, ,RDUL PHRAN LHA YI RNAM PAR TE, ,AU dYAN DU NI BDAG RANG NYID, ,NGES PAR STENG 'GRO GZHAN DAG KYANG, ,BU MOS NAGS KYI RAS BAL LA, ,SKUD PA BKAL BA GZHON NU MAS, ,SUM SGRIL DU YANG DE YIS BYA, ,GDUG SNGAGS STONG DU TSANG BAR TE, ,BZLAS TSUL SNGON DU GSUNGS PA BZHIN, ,SKAR MA RGYAL GYI DUS LA BZLA, ,BRI BA'I NYIN MO'ANG DE'ANG DE LA 'O, ,DKYIL 'KHOR GYI NI LHAR BRTAG PA, ,G-YON GYIS MDUN BYAS GZHAN LA GDAGS, ,MA LUS MTSON DAG RENGS BYED DE, ,GCER BU LA YANG RENGS PAR BYED, ,ME TOG LAS NI GZHAN DU MIN, ,SHA LNGA SOGS KYI RIL BU NI, ,LEGS PAR GRIB MA DAG LA BSKAMS, ,LCAGS GSUM DAG GIS DKRI BAR BYA, ,BZLAS SHING MCHOD PA BYED PA'I TSE, , DNGUL DAG GI NI RENGS BZHIN BYA, ,'BAR BAR GYUR PA NYID NA YANG, ,MCHOD PA LEGS PAR RNAM BYAS TE, ,BSKOR BA BRGYA PHRAG DU MA BYAS, ,DE NAS BLO LDAN SGRUB PA POS, ,KHAR
BCUG TZAM GYIS 'DOD PA SGRUB, ,PHYUNG NA SNGON LTAR RNAL MA NYID, ,GSO BA 'DRA BAR 'O MAS KYANG, ,NGES PAR 'KHRUL 'KHOR BKRU BAR BYA, ,RIG SNGAGS 'KHRUL 'KHOR LAS GROL TE, ,RNAL MA NYID LA GNAS PA YIN, ,SNUM STER DAG GI SA BON LA, ,NYA LCIBS DANG NI BYI TANG KA ,KHU BAS YANG DE BYUGS PA LA, ,THOD PA SAS NI RNAM BKANG BAR, ,SPAS TE BZLAS PA GRANGS MED BYA, ,DE TSE MCHOD DANG GTOR MA DAG ,YONGS RGYAS 'BRAS BU RNAMS BLANGS TE, ,KHAR BCUG MKHA' 'GRO BYAR 'GYUR RO, ,DE LA 'DI SKAD CES BYA STE, ,ZHUS DANG 'DAS BYUNG GDUG PA DANG, ,MNGON PAR RTOGS PA'I TING NGE 'DZIN, ,DKYIL 'KHOR RNAM PAR SPROS PA DANG, ,THIG GIS GZHAL YAS MTSON PA DANG, ,RDUL TSON PHYOGS LAS RNAM PAR BRTAG ,YANG DAG BYIN GYIS BRLAB PA DANG, , BDUD RTZI MYANG BAR BYA BA DANG, ,TSANGS PA'I GNAS BZHI BSGOM PA DANG, ,SNGAGS KYI DNGOS MED DE BZHIN MTSAMS, ,CHOS 'BYUNG DANG NI SGRUB PO DANG, ,BZLAS DANG DE YI GRANGS TSANG DANG, ,'KHOR LO DANG NI YI GE GNYIS, ,NGES PAR ZHUS DANG MCHOD PA DANG, ,'KHOR LO 'BRI BA'I MTSAN MA DANG, ,'BYUNG BA BZHI DANG BSDU SOGS DANG, ,SDOM PA 'KHOR LO'I YI GE BRI, ,BZHI DANG DE BZHIN SNAG TSA DANG, ,SO SO LAS KYI BYE BRAG STE, ,BSDUS TE NGA YIS BSTAN PA YIN, ,DE NAS BCOM LDAN 'DAS KYIS 'BYUNG PO RNAMS LA GTOR MAS TSIM PAR BYA BA ZHES BYA BA'I TING NGE 'DZIN LA
, ,SNYOMS PAR ZHUGS TE SKU DANG GSUNG DANG THUGS RDO RJE LAS SNGAGS 'DI PHYUNG NGO, ,AOm HR'I:sht'I: WI KRi T'A NA NA H'Um H'Um PHAt PHAt SV'AH'A, 'BYUNG PO RNAMS DANG RNAM SPEL TE; ;THA MAR SBYAR BA BYAS PA NI, ,HI HI HI H'Um PHEm PHEm PHEm SV'AH'A, DUR KHROD RGYAN GYIS RNAM BZHUGS PA'I, ,ZHE SDANG GSHIN GSHED RDO RJE NI, ,SPROS MED NAM MKHA' LTA BU LAS, ,SNYING RJE THABS KYIS SKU SPRUL PA, ,YE SHES KHRO RGYAL RAB 'JIGS PA'I, ,DUD KHA MUN CHEN SKU LA 'DUD, ,GAR DGU NYAMS DANG LDAN PA YI, ,GTI MUG RDO RJE GSHIN RJE GSHED, ,SKYE MED DON DAM NGANG NYID LAS, ,THABS KYIS SPRUL PA'I SKUR BSTAN PA, ,'JIGS BYED DRAG PO'I CHA LUGS CAN, ,ZLA BA NYA 'DRA KHYOD LA 'DUD, ,BSKAL PA'I ME LTAR 'BAR BA YI, ,SER SNA GSHIN RJE RDO RJE NI, ,'DZIN PA PO LAS GROL BA YIS, ,GDUG PA 'DUL PHYIR KHRO BO SPRUL, ,GTER 'CHANG SER SNA GROL MDZAD PA, ,BTZO MA GSER 'DRA KHYOD LA 'DUD, ,CHAGS PAS MA LUS DBANG MDZAD PA'I, ,'DOD CHAGS GSHIN RDO RJE NI, ,SKYE MED RNAM DAG CHOS DBYINGS LA, ,KHAMS GSUM PA DAG KHRO BOR SPRUL, ,MA CHAGS SPYAN LDAN THUGS RJE CAN; ;BAN DU LTA BU'I SKU LA 'DUD, ,SHES RAB THABS LDAN HE RU KA ,PHRAG DOG GSHIN RDO RJE RJE NI, ,RNAM RTOG DPE DANG BRAL BA LAS, ,THUGS RJE'I SPRUL PA'I KHRO BO NI, ,'GRO
DON BRTZON PA'I RAL GRI CAN, ,SNA TSOGS MDOG CAN KHYOD LA 'DUD, ,THAMS CAD SKYED PA'I LHA MO CHE, ,DBANG PO LTA BUR BSGYUR MDZAD PA, ,KHAMS GSUM GZIGS PA'I SPYAN DANG LDAN, , RNAM SNANG CAN GYIS BDUD BZHI 'JIGS, ,BDE BA CHEN POS RTAG TU DGYES, ,YE SHES SPYAN CAN KHYOD LA 'DUD, ,KUN SDUD LHA MO RIN PO CHE, ,RNAM RTOG SKYON LAS RNAM GROL YANG, ,DUS GSUM BDE GSHEGS BDAG GIR BYED, ,RIN CHEN TOG CAN MDZES PA'I SKU, ,DON DAM THUGS CHUD 'KHOR BA SEL, ,MA LUS KUN GYI BDAG LA 'DUD, ,'DUS BYAS MA LUS SREG BYED PA; ;RNAM RTOG ZHI BA'I RANG BZHIN LAS, ,KHAMS GSUM MA LUS SGROL PAR BYED, ,'OD DPAG MED KYIS RAB MDZES PA, ,MA CHAGS PHYAG NA BSNAMS PA YI, ,'PHRIN LAS DAG BYED CAN LA 'DUD, ,THUGS RJES G-YO BA'I RANG BZHIN CAN, ,'JIG RTEN GSUM DAG SGROL BAR BYED, ,GNYIS MED BDE CHEN NGANG NYID LAS, ,'PHRIN LAS GRUB PA'I RANG BZHIN CAN, ,BTANG SNYOMS BZHUGS PAS 'GRO BA 'DUL, ,KUN TU LAS KYI RGYAL LA 'DUD, ,CES GZUGS RDO RJE LA SOGS PA LA SO SOR YONGS SU BSTOD DO, ,DE NAS YANG THAMS CAD KYI BDAG POS LEGS SO ZHES BYA BA BYIN TE, LHA MO RNAMS KYI SKU LA BTUD DE, GDUG PA 'JIGS PA'I YI GE NI, ,BCU BZHI PA LA DMIGS PA YANG, ,'KHOR BAR DMIGS PAR BYA BA 'AM, ,NYI MA'I STENG NA SKYES
, ,PA LTAR; ;DMIGS TE MA YENGS BRJED PA MED, ,BZLAS PA NYID NI DE LTAR BYA, ,BYE BA TSANG BAR BZLAS PA YIS, ,RAB 'BYAMS LAS LA MI 'GRUB PA, ,MED DE DE YIS THAMS CAD 'GRUB, ,'BUM DANG SA YA BZLAS PAS KYANG, ,PHRA MO'I LAS RNAMS 'GRUB PAR BYED, ,GZHAN DU MI 'GRO'I SEMS KYIS NI, ,DE LTA'I TSUL DU BZLAS PA BYA, ,YUL GZHAN BLO NI 'GRO BA YIS, ,BSKAL PAR BZLAS KYANG 'BRAS MI 'BYIN, ,MI 'PHRO SEMS KYIS 'DI BZLAS SHING, ,LAM DU ZHUGS PA'I SKYES BU LA, ,STAG SOGS CHU YIS MI 'JIGS SO; ;DE NAS YANG DAG BSHAD BYA BA, ,DBANG GIS BLO SBYANGS RAB LDAN PAS, ,'BRAS THOB DE MED MI 'GRUB STE, ,DE BAS DE NI BSHAD PAR BYA, ,BUM PA'I DBANG GIS THOG MAR SBYANG, ,GSANG BA'I DBANG GIS GNYIS PAR STE, ,GSUM PAR BYA BA DE NYID NI, ,SHES RAB YE SHES DE YIN TE, ,DE LTAR DE BZHIN PA YIN, ,BRTAN G-YO DNGOS PO MA LUS PA, ,BSGOM PAR BYA BA'I DUS NYID LA, ,BLOS NI YONGS SU MI SGOM STE, ,KUN GYI MTSAN NYID MA SHES NA, ,SGOM PA KHO NA DE MIN TE, ,THAMS CAD DNGOS NYID YONGS SHES NA, ,DE NI SGOM PAR YONGS SU BSGRAGS,, DE NYID BLA MA'I KHA YIS TE, ,'BAD PAS MNYAS BYA DE MI SMAD, ,DE LA THAMS CAD 'BYUNG BA STE, ,BLA MA LA SMAD G-YO SGYU CAN, ,NGES PAR DE NI DUG DANG YANG, ,GDON CHEN DAG NI MA
LUS PAS, ,'CHI ZHING BRLAGS PAR DE GYUR NAS, ,DMYAL BA DAG TU YUN RING LTUNG, ,BSKAL PA DU MAR SDUG BSNGAL TE, ,RTAG TU CHO NGES 'DEBS PAR BYED, ,DE PAS BLO GROS CHEN PO LA, ,NAM DU'ANG MI SMAD GZHAN DU NA, ,BKUR STI PHU DUD 'GRO BA LA, ,PHAN PA'I SEMS KYIS DE LTAR BYA, ,GZHAN YANG BSGOM PAR BYA BA NYID, ,GANG DAG DBANG PO'I LAM 'GRO BA, ,DE DE'I NGO BOR BDAG GIS BYA, ,BSAM GTAN MI BYED DE BLO YIS, ,KUN TU BLO YIS BSGOM PAR BYA, ,BCOM LDAN BDAG PO CHEN PO YIS, ,GSANG DBANG LAG NA RDO RJE LA, ,BOS NAS GSANG BA'I DBYANGS 'DI GSUNGS, , GZUGS SGRA LA SOGS DRUG PO RNAMS, ,DNGOS MED MKHA' DANG 'DRA BA LAS, ,LONGS SPYOD YUL DU DU MAR SNANG, ,SHEL LA TSON NI JI BZHIN DU, ,'DOD PA LNGA DANG CHOS RNAMS LA, ,RTAG TU RNAL 'BYOR SPYOD PAR SHOG ,AA LA LA HO, ,ROL DU GSOL, BSNAMS PAR MDZOD, MI 'DZIN SGYU MA LTA BU LA, ,GAR GYIS DGYES PA'I ROL PA MDZOD, ,RIG BYA DGAG PA MED PA LA, ,MI G-YO BZHIN DU ROL PAR MDZOD, ,HO, CHAGS PA MED PAS CHAGS PAR MDZOD, ,DE NAS YANG DAG RAB BSHAD PA, ,SNGAGS DANG PHYAG RGYA DBANG BSKUR BA'I, ,DE YI MTSAN NYID BSHAD PA'I PHYIR, ,GSUNG NI 'DI SKAD BKA' STZAL TO, ,LCE LA SGOM PA'I RDO RJE NI, ,RDO RJE GNOD MDZES NAG PO STE, ,KHA NI KUN TU GYES PA YI, ,LAG GNYIS THAL MO NGES SBYAR TE, ,GUNG MO'I RTZA BA'I TSIGS NYID LA, ,MTHE
, ,BONG NGES PAR SBYAR BAR BYA, ,MDZUB MO GUNG MO'I RGYAB RTZER SBYAR, ,'DI NI DAM TSIG PHYAG RGYA STE, ,SNYING GA DPRAL BA LKOG MA DANG, ,SPYI BOR BYIN GYIS BRLABS PAR BYA; ;AOm HRA'I: sht'I: WI KRi T'A NA NA H'Um H'Um PHAt PHAt AA DHI TIshshA SV'A M'Am, GZHAN YANG RDO RJE SEMS MA SOGS, ,PHYAG RGYAS DBANG BSKUR DBU RGYAN BRTAG ,GTI MUG RDO RJE LA SOGS PA, ,SO SO'I BDAG PO DBU BRGYAN CING, ,DBANG BSKUR TSE NA BUM PA CHE, ,PHYAG GIS BSNAMS TE DBANG BSKUR RO, ,'KHOR LO LAS KUN BYED PA LA, ,GSANG DBANG LAG NA RDO RJE YIS, ,BSTOD PA'I RGYAL PO 'DI YIS BSTOD, ,GDUG PA SKRAG BYED 'KHOR LO ME LTAR 'BAR, ,DUS GSUM KHRO RGYAL HE RU YI THUGS, ,LAS RNAMS DAG BYED PHRAG DOG RDO RJE STE, ,MA LUS TSEMS GCOD GSOL BAS SKU YI DANG, ,H'Um DANG PHAt KYI GDUG RTZUB SBYOR BAS GSUNG, ,KUN GYI RANG BZHIN KHYOD KYIS GSHIN RJE YI, ,LTOR 'DZUD BKA' LAS DES KYANG MI 'DA' ZHING, ,PHYOGS BCU'I SPRUL PAS GNAS NA 'GUGS MDZAD PA, ,MA LUS KUN BYED 'KHOR LO CHE MCHOG LA, ,GZHAN GYI DON RDZOGS GUS PAS PHYAG 'TSAL LO, ,KHYOD NI DPA' BO THUB CHEN KUN GYI BDUD, ,NGA YIS LAM BSTAN BDUD RNAMS MI PHYED KYANG, ,DAM LAS 'DA' ZHING LOG PA KUN SKYED LA, ,KHYOD KYANG BKA' LAS MA 'DA' LAS RNAMS SGRUBS, ,TSE DANG SROG BSDUS
YAN LAG RNAM PAR BCINGS, ,BDUD RTZI CHU RGYUN RNAL 'BYOR NGAL LA 'DOD BSGRUB NA, ,NGAS NI SBYIN BYA KHYOD NI DAM LAS MA 'DA' ZZHIG ,CES DPAL GSHIN RJE DGRA NAG PO'I 'KHOR LO GZHAN GYI LTO BA LA GNAS 'CHA' BAR 'DOD PA'I GTAN 'PHO BA MA YIN PA'I TSE BYA'O, ,'KHOR LO SNYING GAR LTA BA'I TSE, ,SA BON TSUL TE LTE BA LA, ,YI GE MA LUS 'DOD PA YANG, ,MTSAN NYID NGAN PA'I RTOG PA LAS, ,GROL TE MTHA' GSUM NGO BO LAS, ,KshA NI ZAD PA'I BDAG NYID LA, ,AU NI H'Um GI BDAG NYID DE, ,DE NI SEMS KYI RANG BZHIN NYID, ,DGA' LAS 'DAS PA'I YE SHES TE; ;THABS NI SHES RAB LDAN PA LAS, ,DUS THABS BSTEN PA'I BDAG NYID KYIS, ,'THOB STE GZHAN DU DE MI 'THOB, ,CHU 'GRAM CHEN POS BAS MTHA' DANG, ,DUR KHROD SHING DRUNG DGON PA STE; ;DBEN PA'I YUL DANG MO'I KHYIM, ,DER NI MGON PO 'DI LA 'BAD,, GZHAN DU BSGRUB KYANG DE MI 'GRUB, ,SKAD CIG DE LA RANG BZHIN KUN, ,NGES PAR MI SNANG RIG PA YI, ,LAM DU GYUR PA MED PAR SHES, ,'BRAS BU DE NI RGYA CHEN TE, ,MTHA' YI 'THOB PA DA YIN NO, ,DE NAS YANG THAMS CAD KYI BDAG PO BDE BAR GSHEGS PAS RDO RJE CHO GA GSUNGS PA NI, ,SKYOB PA SANGS RGYAS THAMS CAD KYI, ,SPYOD PA'I TSUL DANG KHYAD PAR GYIS, ,SA DANG PHA ROL PHYIN PA LA, ,LHA MO KHYOD NI DPANG DU GYUR, ,SRUNG BA'I DKYIL 'KHOR RAB GNAS PAS, ,SDANG BA'I LOG
, ,'DREN SKYE BO DANG, ,BGEGS RNAMS BSAL BA 'DI SKAD GSUNGS, ,DPAL LDAN BDAG NI RDO RJE 'DZIN, ,SRUNG BA'I 'KHOR LO RAB SBYOR BAS, ,BDAG GIS YE SHES RDO RJE YIS, ,LUS NGAG YID DU BCAS PA DAG ,SANGS RGYAS KUN GYI BDAG NYID NI, ,KHRO BO GSHIN RJE NAG PO'I BDAG ,SLOB DPON GYI NI DKYIL 'KHOR BRI, ,ZHES LAN GSUM GYI BAR DU BRJOD PAR BYA'O, ,DKYIL 'KHOR GYI NI DRUNG NYID DU, ,DAR GYIS GDONG NI BKAB PA LA, ,SGO DRUNG GNAS PA KHYOD GANG YIN, ,SLOB DPON GYIS NI RAB BRJOD DO, ,DE BDAG SKAL PA LDAN PAR BRJOD, ,JI LTAR BLA MED DPA' BO YIS, ,MGON LA DBANG NI BSKUR BA BZHIN, ,BLA MED BYANG CHUB GNAS BYA'I PHYIR, ,BDAG LA'ANG MGON POS DBANG BSKUR GSOL, ,ME TOG SOGS TE MCHOD PA'I MCHOG ,RAB 'BYAMS RGYA MTSO MA LUS PAS, ,SLOB DPON DPA' BO DE NYID LA, ,YANG YANG MCHOD CING BSTOD PA'I TSOGS, ,RGYAS PAR MNYES BYA DE 'OG TU, ,DPA' BOS DE LA DBANG RNAMS SBYIN, ,DE NAS RGYAL PO BDE CHEN PO, ,DPA' BO LONGS SPYOD KUN LDAN PA, ,'GRO DON BRTZON PA'I SKU GSUM BDAG ,NYID KYIS 'DI SKAD BKA' STZAL TO, ,SBYIN SREG MED NA 'BRAS MI 'BYIN, ,DE BAS BDAG NYID DAM PA YIS, ,DE YI LAS LA 'BAD PAR BYA, ,GOS NAG RGYAN GYIS RNAM BRGYAN LA, ,GSHIN RJER RNAM BLTAS RNAL 'BYOR PAS, ,KHRO BO'I
SKYIL KRUNG BCAS PA YIS, ,SRA BA'I STAN LA BDAG 'DUG NAS, ,LAS RNAMS BSGRUB PAR BYA BA NI, ,MTSAN MO 'AM NYI MA PHYED NYID LA, ,RANG BYUNG ME YI DKYIL 'KHOR DU, ,H'Um PHAt MTHA' NA YOD BA YI; ;SNGAGS KYIS THOG MA BAR THA MAR, ,SBYIN SREG BYA STE DE ME NI, ,DUR KHROD ME 'AM RUS PA 'AM, ,RDO NYID LAS NI BYUNG BA 'AM, ,TZAndA LI YI KHYIM NYID NAS, ,THAB KHUNG GRU GSUM CAN DER NI; ;TSER MA CAN GYI BUD SHING BRDZANG, ,RLUNG YAB SBAR TE H'Um DZVA LA RAm, ,DZA LA H'Um BRJOD ME SBAR BRJOD, ,LAG G-YAS KU SHA BCAS PA YIS, ,MTHE BONG SRIN LAG RTZA RU GZUGS, ,AOm AE HYE HI MA H'A BH'U TA DE BA RI shI DVI DZA SATTA MA GRI HI TVA AA H'Um TI AA H'A RAm AASMA NI SAm NI HI TO BHA BA ZHES BRJOD LA SPYAN DRANG NGO, ,'BAR BA ME YI DBUS NYID DU, ,MING DE ZAD BYED CES BYA BA, ,KHRO BO ME LTAR PHUN SUM TSOGS, ,BA SPU KHAM PA DE BZHIN DU, ,DU MDOG ZUR MIG STENG DU GZIGS, ,SGRA CHE MCHE BZHI LDAN STOBS CHE, ,YAm LAS RLUNG GI DKYIL 'KHOR TE, ,BZHUGS NAS DRAG PO'I YI GE BRJOD; ;SPYAN GSUM PA LA PHYAG BZHI PA, ,RIG PA'I GNAS LA LEGS PAR BZHUGS, ,ZHAL BDUN RNAM GTZEGS MA HE LA, ,BCIBS PA DU BA'I PHRENG RNAMS 'KHRIGS, ,PHYAG GNYIS MDUNG DANG RDO RJE 'DZIN, ,GNYIS KYIS RAL GRI GRI GUG 'DZIN, ,DE YI G-YAS KYI PHYOGS NYID DU, ,DE BZHIN MDUN GYI PHYOGS NYID DAM, ,SPYAN DRANGS BYIN RLABS LDAN PA LA, ,AARGHAm SOGS KYIS MCHOD
, ,PA BYA; ;AOm AARGHAm PRA T'I TZTSA SV'AH'A, LAG G-YAS MDZUB MO MTHE BONG DAG ,SKAM PA LTA BUR RNAM BYAS PAS, ,CHU BLANGS BSKYOD PAS DBUL BAR BYA, ,AOm BA TYAm MTHAR NI SNGON GYI BRJOD, ,ZHABS BKRU BA LA SHIS PA YIN, ,DGANG GZAR YU BA SOR BCU DRUG ,DE MIN SOR BZHI ZABS SOR GNYIS, ,ZUR GSUM DBUS SU SOR GNYIS TSAD, ,RTZE GSUM PHRENG BAS YONGS SU BSKOR, ,DE YI DBUS SU'ANG MTSAN MA STE, ,STAG SBRUL GANG 'DOD PAS MTSAN BYA, ,KHU BCUD 'DZAG PA SOR GCIG GO ,KHRO BO RDO RJE MCHU YI DBYIBS, ,BYIN RLABS SOR GCIG TSAD CAN NO, ,BLUGS GZAR YU BA SOR BCU BZHI, ,ZABS SU SOR GCIG GRU GSUM DANG, ,YU BA'I MTHAR NI RTZE GSUM PA, ,GDENGS PA BYIN RLABS MNGON SPYOD KYI, , GZAR BU YIN PAR NGA YIS BSTAN, ,GNAM LCAGS TSER MA CAN SOGS SHING, ,DE LA DE BYAS SANGS RGYAS 'JIGS, ,BSREG RDZAS GZUGS BRNYAN LA SOGS SREG ,STONG DU TSANG BAS 'BRAS BU NI, ,NGES PAR 'BYIN PAR BYED PA YIN, ,G-YON GYI RTZA DER DGANG GZAR LA, ,G-YAS PA BLUGS PA'I GZAR BU YIN, ,KHA NI PADMA'I 'DAB MA YIN, ,SOR MO GNYIS PAR DE RGYAS SO, ,RDO RJE BAR GYI THOD PA DAG ,BSREG RDZAS KYI NI SNOD YIN LA, ,RDZAS RNAMS RDO RJE RIN CHEN DPA', ,H'Um PHAt KYI NI MTHA' CAN GYIS, ,BSREG BYA SA CHU ME DANG RLUNG, ,NAM
MKHA' LTA BU'I DBUS SU GNAS, ,KHA BYE GNAS PA RTAG TU 'O, ,KUN TU'ANG KHA BYE BSKOR BAR BYA, ,BZHI GNYIS 'DAB MA'I STENG DU STE, ,LTE BA DANG NI YANG DAG LDAN, ,LHAN CIG RNAM PAR SHES PA'I LHA; ;NAM MKHA'I NYID DU NGES PAR 'BAR, ,DE YI MTSAN MAR SHES BYA BA, ,RDUL GYI RNAM PAR DE NYID DO, ,THIG LE YI GE MED PA STE, ,RGYUN MI 'CHAD PAR 'OD KYIS GNAS, ,BRGYAR BSHAGS SKRA YI TSAD KYIS SO, ,AARKAS RAB TU SBAR BAR BYA, ,SNGAR GSUNGS 'BYUNG BA RNAM BZHI DANG, ,NAM MKHA' YANG DAG LDAN PA YIS, ,SOR MO LNGA DANG NGES LDAN PAS, ,GANG GI SBYIN SREG DES BYA'O, ,GZHAN DAG SOR MO GSUM GYIS BSRES, ,DMIGS PA THAMS CAD 'GAGS PAR 'GYUR, ,RTEN MED STONG PA NAM MKHA' 'DRA, ,SHES RAB PHA ROL PHYIN PA YI, ,PHYAG RGYA CHEN PO DBANG DU 'GYUR, ,BDE GSHEGS KUN DANG MNYAM 'GYUR BA, ,SHES RAB DANG NI SNYING RJE CHES, ,'GAG PA MED PA'I CHOS 'GYUR RO, ,BDE CHEN NAM MKHA' LTA BU STE, ,RNAL 'BYOR PA YI DMIGS PA YIN, ,MDOG NAG 'DAB BRGYAD LTA BU LA, ,RGYA DANG ZABS SU SOR MO NI, ,NYI SHU DE BZHI BCU PA'I THAB, ,BYANG DU RTZE MO BSTAN PA LA, ,RDO RJE THO BA'I MTSAN MA DE, ,SOR NI BZHI PAR BRI BAR BYA, ,DE STENG SOR MO GSUM BOR BAR, ,KHA KHYER KYANG NI DE YI TSAD, ,SA NAG BONG BU RNGA MO'I SPANGS, ,MI RUS 'BRAS KYI PHUB MA DANG, ,SOL BA'I PHYE MAS RNAM BYUGS LA, ,MI ZHIM DRI
, ,DANG BDUG PAS MCHOD, ,DUR KHROD SHING NGAM BONG BU DANG, ,RNGA MO'I SBANG BSKAMS BUD SHING NGO, ,SOR GCIG GIS NI DMA' BA YIN, ,NIM PA DE BZHIN SENG LDENG DANG, ,SE BA DE BZHIN BSE SHING DANG, ,DUR KHROD SHING BU SOR BCU PA, ,RTZA BA'I CHA LAS RNAM BYUNG BA, ,DUR KHROD MAR KHU RNAMS BSNYUGS LA, ,DE YIS YAM SHING BYA BA YIN, ,BYA ROG 'UG PA'I GSHOG PA DANG, ,NIM PA'I 'DAB MA THAL BA DANG, ,RKANG RJES SA DANG BONG BU DANG, ,RNGA MO SOGS KYI SBANG DANG NI, ,SKRA DANG ZHAG DANG BSHAD PA DANG, ,GCI BA MI RUS YUNGS KAR DANG, ,YUNGS MAR KHRAG DANG LAN TSVA DANG, ,DE LA SOGS PA RE RE ZHING, ,JI LTAR RNYED PA'I RDZAS RNAMS NI, ,DUG DANG KHRAG DANG SMYO BYED KYI, ,'DAB KHU THAL BA SOL BA DANG, ,'BRAS KYI PHUB MA LA SOGS LA, ,DGRA BO DAG GI GZUGS BYAS LA, ,MGO NAS BRTZAMS TE RAL GRI YIS, ,DUM BUR GTUB CING LCAGS PHOR DU, ,KHRAG DANG CHU DANG MI RNAMS DANG, ,BONG BU'I GCIN LA PHAt LDAN PA'I, ,GDUG PA'I YI GE RNAMS BZLAS PA'I, ,RDZAS LA GSANG GTOR BYAS NAS KYANG, ,SLOB DPON LA SDANG RMONGS PA 'DI, ,BRJOD CING SBYIN SREG DBUL BAR BYA, ,DE LA 'DI SKAD CES BYA STE, ,'BYUNG BA TSIM BYA GTOR MA DANG, ,BSTOD BZLAS MNYES PAR BYA BA DANG, ,DBANG GI DBYE BA BSTAN PA DANG, ,DKYIL
[?] 'JUG PAR BYA BA DANG, ,DE YI SA LA MCHOD PA SOGS, ,COD PAN DU NI BDE GSHEGS BZHAG ,MNGON SPYOD HOM GYI CHO GA DANG, ,BSDUS NAS BAR DU RNAM PA BRGYAD, ,PADMA DKAR 'DRA MGRIN PA RING, ,GZUGS MDZES HA CANG RING BA MIN, ,LUS LA RDUL 'BYUNG YID 'PHROG MA, ,DRI NI SHIN TU'ANG ZHIM PA YIN, ,LTA STANGS MIG SOGS RI DVAGS 'DRA, ,MGRIN DANG LTO BA'ANG RI DVAGS KYI, ,SKAL BZANG RKED PA'ANG RI DVAGS KYI, ,GLANG CHEN DRI LDAN BZHIN 'PHEL CHE, ,MYOS SHING NU MA RAB TU RGYAS, ,GZHAN YANG KUN RDZOB BDEN PA NI, ,BONG THUNG DE YI SKRA YANG THUNG,, RKANG LAG RING ZHING BZHIN RING MA, ,NYA YI DRI BRO BONG RING MA, ,ZLA 'DRA SKYE GNAS RAB TU RING, ,SKYES GNAS CHUNG ZHING YAN LAG RTZUB, ,BONG RING DE BZHIN NU MA MKHRANG, ,SKRA SRAB DAL SMRA YAN LAG CHUNG, ,SNGO BSANGS RI MO MNYAM PA DE, ,GSANG BA SHES RAB RNAM GNYIS LA, ,RIG MAR NGA YIS BSGRAGS PA YIN, ,NGANG PA'I 'GROS CAN SKRA 'KHYIL MA, ,BZHIN ZLUM NU RGYAS LUS KYANG RGYAS, ,SHIN TU RING MIN DAL BAR SMRA, ,DBUS NAS RNA 'PHYANG GNYER GSUM CAN, ,MTSAN NYID NGAN ZHING LE LO CHE, ,YAN LAG NAG CING SKRA 'KHYIL MA, ,KHANG PAR GNAS SHING LUS RTZUB MA; ;S'A LA'I DRI 'BYUNG S'A LA'I BRO, ,NU SPANGS DE NI SKYES BU BZHIN, ,CHANG GIS MYOS PA'I DPA' MO STE, ,CHANG LA SHIN TU CHAGS PA YIN, ,DE GNYIS DE LA SHIS PA YIN, ,THA MA THA MAR
, ,NGES PAR YIN, ,'CHI BA'I BSAM GTAN DE NYID NI, ,BDE BA DAM PAR KHO BOS 'DOD, ,'DI LA'ANG BDE BA DE NYID YIN, ,KA SOGS SPANGS PA'I A'A LI NI, ,BCU DRUG YIN TE PHRAG GNYIS PO, ,'KHOR LO SOGS PA'I SA BON YIN, ,ZLA BA DE DAG SUM CU GNYIS, ,AA SOGS SPANGS PA'I K'A LI STE, ,BCU BDUN GNYIS PA DE STENG DU, ,YA SOGS SPANGS PA MIN PA NYID, ,GSUM PA'I GSUM DANG BZHI PA'I GNYIS, ,BCU PHRAG BZHI STE DE PHRAG GNYIS, ,SEN MO ZANGS SOGS SA BON TE, ,NYI MAR RNAM BSGRAGS DE DBUS GNAS,, H'Um DANG AA YI RANG BZHIN LAS, ,RDO RJE THO SOGS SO SOR RTOG ,THIM PAS NAN TAN YE SHES TE, ,CHOS KYI DBYINGS NYID DAG PA STE, ,GSHIN DGRAR BDAG NYID 'DOD PA YIN, ,RGYAN GYI BYE BRAG LUS LA GNAS, ,DE NI 'DI SKAD BYA BA STE, ,RIG PA SHES RAB BSTAN PA DANG, ,SKYED PA'I RGYU YI BYE BRAG NI, ,THA MAR BSTEN TE SNGOM GSUM MO, ,MTSON PAR BYED PA'I BDAG NYID DE; ;MTSON BYA SNGON BSTAN NYID YIN NO, ,GSHIN RJE GSHED NAG PO'I LAS THAMS CAD GRUB PAR BYED PA'I 'KHOR LO'I RGYUD KYI RGYAL PO CHEN PO RDZOGS SO,, ,,PAndI TA BHA RO PHYAG RDUM GYI ZHAL SNGA NAS RVA RDO RJE GRAGS KYIS BSGYUR CING ZHUS TE GTAN LA PHAB PA,,