RGYA GAR SKAD DU, SARBA TA TH'A GA TA K'A YA W'A KA TZITTA KRishnA YA MA RI N'A MA TANTRA, BOD SKAD DU, DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO ZHES BYA BA'I RGYUD, 'PHAGS PA 'JAM DPAL GSHIN RJE GSHED LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS DE BZHIN GSHEGS PA THAMS CAD KYI GU [?] DANG GSUNG DANG THUGS RDO RJE'I BTZUN MO THAMS CAD NI BHA GA RNAMS LA BZHUGS TE, GTI MUG RDO RJE GSHIN RJE GSHED
DANG, PHRA MA RDO RJE GSHIN RJE GSHED DANG, 'DOD CHAGS RDO RJE GSHIN RJE GSHED DANG, PHRAG DOG RDO RJE GSHIN RJE GSHED DANG, ZHE SDANG RDO RJE GSHIN RJE GSHED DANG, THO BA GSHIN RJE GSHED DANG, DBYUG PA GSHIN RJE GSHED DANG, PADMA GSHIN RJE GSHED DANG, RAL GRI GSHIN RJE GSHED DANG, MTSAMS RNAMS SU RDO RJE TZA RTZI KA DANG, RDO RJE PHAG MO DANG, RDO RJE DBYANGS CAN MA DANG, RDO RJE GOO R'I RNAMS MTSAMS SU'O, ,DE DAG LA SOGS TE GSHIN RJE GSHED KYI TSOGS CHEN PO DANG THABS CIG TU BZHUGS SO, ,DE NAS PHYAG NA RDO RJES BCOM LDAN 'DAS RDO RJE DE BZHIN GSHEGS PA THAMS CAD KYI BDAG PO LA GSOL BA BTAB PA DANG, DE NAS BCOM LDAN 'DAS DE BZHIN GSHEGS PA THAMS CAD KYI BDAG POS BDUD THAMS CAD RNAM PAR 'JOMS PA'I RDO RJE ZHES BYA BA'I TING NGE 'DZIN 'DI NYID KYI SKU GSUNG THUGS RDO RJE LAS NGES PAR BTON TO, ,ZLA BA RDO RJE SBYOR BA YIS, ,GSHIN RJE MTHAR BYED BSGOM PAR BYA, ,BDUD RNAMS ZHI BAR BYA PHYIR DANG, ,ZHE SDANG THAMS CAD BSAL BA'I PHYIR, ,'OD ZER LNGA YIS 'KHRIGS PA YIS, ,RDO RJE SRUNG BA'I DON DU SGOM, ,PHYIR MTSAMS RDO RJE SA GZHI DANG, ,RA BA DRA BA DE BZHIN NO, ,DE NAS BCOM LDAN 'DAS DE BZHIN GSHEGS PA SKYED PA PO BDUD 'DUL BA ZHES BYA BA'I TING NGE 'DZIN LA SNYOMS PAR ZHUGS NAS GTI MUG RDO RJE GSHIN RJE GSHED LA SOGS PA THAMS CAD KYI SA BON 'DI NYID KYI SKU GSUNG THUGS RDO RJE
, ,RNAMS LAS NGES PAR PHYUNG BA, DBUS SU YA DANG KEshA MA ME DA YATZTSA NI R'A DZA SA DO RU nA YO NI RA'O, ,YA SOGS YI GE DANG PO LAS, ,GSHIN RJE GSHED DU 'GYUR BA YIN, ,YI GE KshA NAG TA MUG BRJOD, ,YI GE MA NI PHRA MAR GSUNGS, ,YI GE ME NI 'DOD CHAGS NYID, ,YI GE DA NI PHRAG DOG 'GYUR, ,GSHIN RJE GSHED SOGS LNGA RU GRAGS, ,YI GE YA LAS THO BAR 'GYUR, ,YI GE TZTSA LAS DBYUG PA'I GTZO; ;LAG NA PADMA NI YIG LAS, ,LAG NA RAL GRI R'A LAS YIN, ,DZA LAS TZA RTZI KA ZHES BRJOD, ,YI GE SA LAS PHAG GDONG MA, ,YI GE DO LAS DBYANGS CAN BSGRAGS, ,YI GE RU LAS GOO R'i DRAN, ,NA YO nI RA MTSAMS KYI BZHI, ,THOD BA BZHI RU 'DOD PA YIN, ,SNA TSOGS RDO RJE 'JIGS RUNG BA, ,NAM MKHA' RDO RJE DKYIL DU BSAM, ,DE DKYIL BZHUGS PA'I GSHIN RJE GSHED, ,NAG CING 'BAR BA BSGOM PAR BYA, ,SHAR DU GTI MUG RDO RJE STE, ,LHO RU DE BZHIN PHRA MA YIN, ,NUB TU 'DOD CHAGS RDO RJE STE, ,DE BZHIN BYANG DU PHRAG DOG GO ,MTSAMS KYI RDO RJE RTZE BZHI LA, ,RTZA RTZI KA SOGS RNAM PAR BSGOM, ,SGO YI RDO RJE RTZE BZHI LA, ,THO BA LA SOGS RNAM PAR BSGOM, ,SNA TSOGS RDO RJE'I MTSAMS BZHI RU, ,MI YI MGO BO BZHI DAG GO ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS GSHIN RJE GSHED PO RDO RJE ZHES BYA BA'I TING NGE 'DZIN LA SNYOMS PAR ZHUGS NAS ZHE SDANG CHEN PO'I RIGS KYI SNGAGS GSUNGS PA, AOm HR'I: shtRI WI KRI T'A NA NA H'Um H'Um PHAt PHAt SV'AH'A, DE NAS BCOM LDAN 'DAS DE BZHIN GSHEGS PA THAMS CAD KYI
BDAG BOS GTI MUG RDO RJE CHEN PO'I SNGAGS GSUNGS PA, AOm DZI NI DZI KA ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS PHRA MA RDO RJE'I SNGAGS GSUNGS PA, AOm RATNA DHRIKA ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS 'DOD CHAGS RDO RJE'I SNGAGS GSUNGS PA, AOm A'A RO LIKA ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS PHRAG [?] DOG RDO RJE'I SNGAGS GSUNGS PA; AOm PRA DZNY'A DHRi KA ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS RDO RJE THO BA'I SNGAGS GSUNGS PA, AOm MUdGA RA DHRiKA ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS RDO RJE DBYUG PA'I SNGAGS GSUNGS PA, AOm DAndA DHRiKA ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS RDO RJE PADMA'I SNGAGS GSUNGS PA, AOm PADMA DHRiKA ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS RDO RJE RAL GRI'I SNGAGS GSUNGS PA, AOm KHAdGA DHRiKA ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS RDO RJE TZA RTZI KA'I SNGAGS GSUNGS PA, AOm ME TOG RATI; DE NAS BCOM LDAN 'DAS DE BZHIN GSHEGS PA THAMS CAD KYI BDAG POS RDO RJE PHAG MO'I SNGAGS GSUNGS PA, AOm DVE shA RA TI ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS RDO RJE DBYANGS CAN MA'I SNGAGS GSUNGS PA, AOm R'A GA RA TI ,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS RDO RJE KOO R'I MA'I SNGAGS GSUNGS PA, AOm BADZRA RA TI ,DE NAS DE BZHIN GSHEGS PA THAMS CAD KYI BDAG PO SKU GSUNG
, ,THUGS BYIN GYIS BRLAB PA'I SNGAGS GSUNGS PA, AOm SARBA TA TH'A GA TA K'A YA BADZRA SVA BH'A BA A'ATAMKONYAHAm, AOm SARBA TA TH'A GA TA W'A KA BADZRA SVA BH'A BA A'A TAMKONYAHAm, AOm SARBA TA TH'A GA TATZITTA BADZRA SVA BH'A BA A'ATMA KONYHAm, DE NAS BCOM LDAN 'DAS 'DAS DE BZHIN GSHEGS PA THAMS CAD KYI BDAG PO ZHE SDANG CHEN PO'I SKU NGES BAR BSTAN PA, ZHAL GSUM PHYAG DRUG KHROS PA LA, ,AINDRA N'I LA 'DRA BA'I MDOG ,PHYAG NA RDO RJE BSNAMS PA NYID; ;GSHIN RJE GSHED NI BSGOM BAR BYA, ,ZHAL GSUM PHYAG DRUG ZHI BA LA, ,GSAL BA'I GZUGS DANG 'DRA BA'I 'OD, ,PHYAG NA 'KHOR LO BSNAMS PA NYID, ,GTI MUG RDO RJE RNAM BSGOM BYA, ,ZHAL GSUM PHYAG DRUG RGYAS GYUR BA, ,GSER GYI RNAM PA'I 'OD DANG LDAN, ,PHYAG NA RIN CHEN BSNAMS PA NYID, ,PHRA MA RDO RJE RNAM BSGOM BYA, ,ZHAL GSUM PHYAG DRUG DBANG BYED PA, ,PADMA R'A [?] TSUNGS PA'I 'OD, ,PHYAG NA PADMA BSNAMS PA NYID; ;'DOD CHAGS RDO RJE RNAM BSGOM BYA, ,ZHAL GSUM PHYAG DRUG THAMS CAD LA, ,RIN CHEN MARGAD 'OD DANG LDAN, ,PHYAG NA SHUBS CAN BSNAMS PA NYID, ,PHRA MA RDO RJE RNAM BSGOM BYA, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD LAS, MNGON PAR RTOGS BA'I RIM PAR PHYE BA STE LE'U DANG PO'O,, ,,DE NAS BCOM LDAN 'DAS DE BZHIN GSHEGS PA THAMS CAD KYIS BCOM LDAN 'DAS RDO RJE SEMS DPA' CHEN PO LA BSTOD PA, GSHIN RJE GSHED PO RAB 'JIGS PA, ,GTI MUG RDO RJE'I RI NGO BO KHYOD, ,STON PA SANGS RGYAS KUN RANG BZHIN, ,RDO RJE SKU LA PHYAG 'TSAL BSTOD, ,GSHIN RJE GSHED PO RAB
'JIGS PA'I, ,PHRA MA RDO RJE'I NGO BO KHYOD, ,RDO RJE THUGS DANG RAB MA TSUNGS PA, ,RDO RJE RIN CHEN PHYAG 'TSAL BSTOD, ,'DOD CHAGS RDO RJE'I NGO BO KHYOD, ,GSHIN RJE GSHED PO RAB 'JIGS PA, ,RDO RJE GSUNG DANG RAB MTSUNGS PA, , RDO RJE GSUNG LA PHYAG 'TSAL BSTOD, ,PHRAG DOG NGO BO'I RING BZHIN KHYOD, ,GSHIN RJE GSHED PO LAS KUN PA, ,RDO RJE CHAGS DANG RAB TU MTSUNGS, ,PHYAG NA RAL GRI PHYAG 'TSAL BSTOD, ,SANGS RGYAS KUN GYI DNGOS PO KHYOD, , SANGS RGYAS THAMS CAD GCIG BSDUS PAS, ,SANGS RGYAS KUN MCHOG GTZO BO'I GTZO, ,DKYIL 'KHOR GTZO LA PHYAG 'TSAL BSTOD, ,RDO RJE MIG DANG ,RDO RJE SNA BA DANG, RDO RJE LCE DANG, RDO RJE LUS DANG ,RDO RJE THUGS ZHES BCOM LDAN 'DAS KYIS GSUNGS PA NI, MIG LA SOGS PA BYIN GYIS BRLAB PA'I CHO GA'O, ,DE NAS YANG DAG BSHANG BYA BA, ,'DOD PA'I DON GRUB SGRUB BYED PA'I, ,GSHIN RJE GSHED PO NYID MTSUNGS PA, ,GSHIN RJE RJE 'JIGS PA'I DKYIL 'KHOR LO,, SKUD PA GSAR PA LEGS BSGRIMS LA, ,LEGS PA'I TSAD LA MDZES PA YIS, ,SKUD PA BYAS PAS THIG GDAB BO, ,GSHIN RJE TSOGS KYI DKYIL 'KHOR LO, ,MTSAN RNAMS THAMS CAD RAB RDZOGS SHING, ,BAR CHAD THAMS CANG RAB NYAMS PA, ,ZHI BA LA SOGS RAB 'JUG PA'I, ,DKYIL 'KHOR 'KHOR LO'I CHA BYAD LA, ,RTZE MO LNGA DANG MNYAM LDAN PA'I, ,LAS KYI RDO RJE DE LA BRIS, ,RDO RJE 'BAR BA 'KHRIGS PA YIS, ,RDO RJE DE YI DBUS SU BRI, ,RAL GRI BYANG GI PHYOGS SU BRI, ,'KHOR LO'I 'OD KYIS BSKOR BA YI, ,'KHOR LO SHAR GYI PHYOGS SU BRI, ,'OD KYI PHRENG BA MNYAM 'PHRO BA'I, ,RIN PO CHE NI LHO RU BRI, ,PADMA R'A GA'I MDANGS 'DRA'I 'OD, ,PADMA NUB KYI PHYOGS SU BRI, ,'OD ZER LNGA DANG MNYAM LDAN PA'I,,
, ,SHAR GYI MTSAMS SU 'KHOR LO BRI, ,LHO RU RDO RJE BRI BAR BYA, ,NUB TU PADMA'I ME TOG NI, ,YU BA DANG BCAS KHA BYE GSAL, ,'OD KYI PHRENG BA MNYAM 'PHRO BA'I, ,AUTPAL LA NI BYANG DU BRI, ,SHAR GYI SGOR NI THO BA STE, ,DBYIG PA DE BZHIN LHO YI SGOR, ,'DAM LAS SKYES PA NUB KYI SGOR, ,BYANG DU RDO RJE RAL GRI'O, ,SHES PAS DKYIL 'KHOR RDZOGS PA LA, ,MCHOD PA KHYAD PAR 'PHAGS PA NI, ,'DOD PA'I YON TAN LNGA DAG GIS, ,'JIGS PA MED PAR MNGON PAR MCHOD, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHAD NAG PO'I RGYUD LAS, DKYIL 'KHOR CHEN PO'I RIM PAR PHYE BA STE LE'U GNYIS PA'O,, ,,DE NAS BCOM LDAN 'DAS DE BZHIN GSHEGS PA THAMS CAD KYI BSTOD PA'I RGYAL PO 'DIS BSTOD NAS GSOL BA BTAB PA, SDIG PA THAMS CAD 'JOMS PA YI, ,'JIGS PA'I GSHIN RJE 'DOMS DKYIL 'KHOR, ,DKYIL 'KHOR THAMS CAD KYI GTZO BO, , MGON PO DKYIL 'KHOR BRI BAR MDZOD, ,DE NAS BCOM LDAN 'DAS RDO RJE 'DZIN CHEN POS NYID KYI SKU GSUNG THUGS RNAMS LAS BDUD RTZI MYANG BA'I CHO GA NGES PAR PHYUNG BA, AOm A'A: H'Um, RDO RJE ME LCE SBYOR BA YIS, ,RDO RJE CAN KUN MNYES PA DANG, ,RDZOGS PA'I SANGS RGYAS THAMS CAD BZHUGS, ,YE SHES 'BYUNG GNAS NGO BO NYID, ,DGUG PA DANG NI GZHUG
PA DANG, ,BCING DANG DE BZHIN DBANG BYA NYID, ,THO BA LA SOGS SNGAGS BZHI YIS, ,MNYAM PAR GZHAG PAS RNAM PAR BSGOM, ,MA HE RDO RJE RNAM BSGOMS LA, ,DKYIL 'KHOR GTZO BO RNAM BSGOM BYA, ,ZLA BA'I DKYIL 'KHOR DBUS GNAS PAR, ,GTI MUG RDO RJE RNAM BSGOM BYA, ,RTA BDUN LDAN PA'I DBUS GNAS PA, ,PHRA MA ZHES BYA RNAM BSAM BYA, ,DKYIL 'KHOR DAM PA'I DBUS GNAS PA, ,'DOD CHAGS RDO RJE RNAM BSGOM BYA, ,LAS KYI DKYIL 'KHOR DBUS GNAS PA, ,RDO RJE LAS NI BSGOM PAR BYA, ,ZHI BA'I GTI MUG RDO RJE STE, ,RGYAS PA DE BZHIN PHRA MA YIN, ,'DOD CHAGS RDO RJE DBANG DU BYAS, ,RDO RJE LAS KYIS THAMS CAD DU'O, ,RDO RJE LAS KYI SBYOR BA YIS, ,MI TSIL MI YI THOD PAR GZHAG ,DE BZHIN MI SKRAS SDONG BU BYA, ,DUR KHROD DAG TU DU BA BSGRUB,, MIG SMAN DAG NI DE BZHIN DU, ,MIG SMAN LAS KYI SGOM PA DANG, ,LAS KYI BZLAS PA'I SBYOR BA YIS, ,MIG SMAN 'DI NI 'GRUB PAR 'GYUR, ,KHRAG DANG GUR GUM BZUNG BYAS NAS, ,SGRUB PA BYUG PA BSGRUB PAR BYA, ,LAS KYI RDO RJE SBYOR PA YI, ,RKANG BA BYUG PA 'GRUB PAR 'GYUR, ,BDUD RTZI LNGA NI MNYAM PA LA, ,SHA LNGA DANG NI LDAN PA YIS, ,LCAGS GSUM DU NI BCUG BYAS NA, ,LAS KYI SBYOR BAS 'GRUB PAR 'GYUR, ,KANTA'I LCAGS KYI RAL GRI NI, ,LAS KYI SBYOR PA BSGRUB PAR BYA, ,LAS KYI RDO RJE SBYOR BA YIS, ,LAS KYI RAL GRI RAB 'GRUB 'GYUR, ,DE BZHIN GSHEGS PA
, ,THAMS CAD KYI SKU GSUNG THUGS GSHIN RJE GSHED NAG BO'I RGYUD LAS, LAS KYI RIM BAR PHYE BA STE LE'U GSUM PA'O,, ,,DE NAS DE BZHIN GSHEGS PA THAMS CAD KYIS BCOM LDAN 'DAS RDO RJE 'DZIN CHEN PO LA BSTOD PA'I RGYAL PO 'DIS BSTOD NAS GSOL BA BTAB PA, LAS KYI DBYE BA'I DBYE BA LAS, ,SEMS CAN 'JUG PA JI LTAR 'GYUR, ,RDO RJE CHEN POS BSHAD DU GSOL, ,YON TAN RGYA MTSO RNAMS NYAN LAGS, ,DE NAS RDO RJE 'DZIN RGYAL POS, ,LAS NI THAMS CAD RAB SGRUB PA, ,NYES KUN GSOL BA'I BDAG NYID KYIS, ,'DI SKAD KYI NI TSIG GSUNGS SO, ,BCOM LDAN 'DAS DE BZHIN GSHEGS PA THAMS CAD THUGS RDO RJE NYID KYI MTHUS PHYAG 'TSAL ZHING MCHOD PA BYAS NAS BCOM LDAN 'DAS LA LAN GSUM BSKOR BA BYAS TE YANG DANG YANG DU PHYAG BYAS NAS BCOM LDAN 'DAS KYI GSUNG NYAN TO, ,DE NAS RDO RJE 'DZIN RGYAL POS, ,DBANG DU BYA BA'I 'KHRUL 'KHOR BSTAN, ,GSHIN RJE GSHED KYI 'KHOR LO MCHOG ,MA BYUNG 'BYUNG BAR MI 'GYUR RO, ,BUD MED DBANG DU BYA BA DANG, ,BSRUNG BA'I DON DANG DE BZHIN DU, ,ZHI BA RO TZA NAS BZUNG STE, ,GRO GA'AM DE BZHIN SMYUG SHUN LA, ,'KHOR LO GNYIS NI MNYAM BRIS NAS, ,NA MA:N'A MAS RNAM BSTEN LA, ,NAG DANG YU CAN MA YIN PA'I, ,KHAM PHOR GNYIS NI
KHA SBYAR TE, ,MAR DANG SBRANG RTZIS BKANG BAR GZHUG ,SKUD PA DKAR POS KHAM PHOR BCING, ,SHAR DU MNGON PAR PHYOGS PA YIS, ,ME TOG DKAR POS DUS GSUM GTOR, ,GSHIN RJE MTHAR BYED CHU SHEL 'DRAR, ,BDAG NYID BSGOMS NAS MDUN BKOD LA, ,ZLA BA'I DKYIL 'KHOR LA GNAS NAS, ,BSGRUB BYA BLTAS NAS DBANG BSKUR BYA, ,BDUD RTZI LNGA YIS GANG BA YI, , BUM PA DKAR PO ZLA BA 'DRAS, ,RDZOGS SANGS DU MAS KHRUS BYAS TE, ,BLTAS NAS SNGAGS KYI BZLAS PA BRTZAM, ,AOm NA MA:HR'I:shtR'I:WI KRi T'A NA NA H'Um H'Um PHAt PHAt DE BA DATTA YA SH'INTAm KU RU NA MA: SV'AH'A; ZHI BA'I CHO GA GSUNGS PA 'O, ,SKYES PA ZHI BA'I GUR GUM GYIS, ,BRI BYA DE BZHIN RGYAS PA YANG, ,'KHOR LO GNYIS NI KHA CHE YI, ,SV'AH'AS MING NI BRGYAN PA YI, ,BSGRUB BYA'I MING NI BRIS BYAS LA; ;MAR DANG SBRANG RTZIS BKANG NAS NI, ,KHAM PHOR KHA SBYAR NANG DU GZHUG ,SKUD PA SER POS BCINGS NAS NI, ,ME TOG SER PO DUS GSUM GTOR, ,BYANG DU KHA BLTAS MDOG SER BA'I, ,GSHIN RJE GSHED DU BDAG NYID BSAM, ,BSGRUB BYA ZLA BA SER NAG LA, ,BUM PA SER POS BSKRU BYA ZHING, ,DBANG BSKUR BA NI BSGOMS BYAS LA, ,SPROS LA RGYAS PA'I BZLAS PA BYA, ,AOm HR'I:shtR'I WI KRi T'A NA NA H'Um H'Um PHAt PHAt SV'AH'A, DE BA DATTA PUshtRIm KU RU SV'AH'A, AOm HR'I:shtR'I:WI KRi T'A NA NA H'Um H'Um PHAt PHAt BOO shA tA DE BA DATTA SYA PUshtIm KU RU BOO shA tA SV'AH'A, 'DI NI, BCOM LDAN 'DAS KYIS RGYAS PA'I CHO
, ,GA GSUNGS PA'O, ,GRO GA'AM RAS LA RGYA SKYEGS KYI, ,KHU BA'AM TZANDAN DMAR BO 'AM, ,SRIN LAG GI NI KHRAG KYANG RUNG, ,YI GE HO YIS BSTEN PA YI, ,'KHOR LO GNYIS NI MNYAM PAR BRI, ,'KHOR LO NAG PO SOGS BRAL BA'I, ,KHAM PHOR GNYIS NI KHA SBYAR DU, ,MAR DANG SBRANG RTZIS BKANG PA GZHAG ,SKUD PA DMAR POS BCINGS BYAS LA, , NUB PHYOGS SU NI KHA BLTAS NAS, ,ME TOG DMAR POS MCHOD PAR BYA, ,BDAG NYID GSHIN RJE MTHAR BYED BA, ,KHA DOG DMAR PO CHER 'BAR BA, ,ZLA BA DMAR PO LA GNAS PA'O,, BSGRUB BYA YANG NI RNAM BSAM BYA, ,RANG GI LUS LAS BYUNG BA YI, ,'OD ZER DMAR BO LCAGS KYU YIS, ,BSGRUB BYA DGUG PAR BYA BAR BSAM, ,SNGAGS NI SPRO ZHING KHRI BZLAS BYA, , DES NI BSGRUB BYA NYAMS GYUR NAS, ,RKANG PA GNYIS SU LHAGS GYUR NAS, ,GOS BRAL SKRA NI BSHIG GYUR BA, ,RNAM PAR BSAM LA BZLAS PA BRTZAM, ,GAL TE DBANG DU MA GYUR NA,, MAR LA SOGS PA BRAL BYAS LA, ,DU BA MED PA'I SENG LDENG MES, ,'KHOR LO DE NI SGRUB POS BSRO, ,AOm HR'I:shtR'I:WI KRi T'A NA NA H'Um H'Um PHAt PHAt SV'AH'A, HO DE BA DATTAm BA SHAm KU RU HO, ,AOm HR'I:shtR'I:WI KRi T'A NA NA H'Um H'Um PHAt PHAt SV'AH'A, BOO shAt DE BA DATTA SYA YA BA SHA MA NA YA BOO shAt 'DI NI, BCOM LDAN 'DAS KYIS DBANG DU BYA BA'I CHO GA GSUNGS SO, ,DUR KHROD
GOS SAM YANG NA NI, ,RANG BYUNG GIS BSKUL RAS LA NI, ,KHRAG DANG RGYA SKYEGS BSRES PA YIS, ,'KHOR LO GNYIS NI MNYAM BRIS LA, ,YI GE DZA DANG YI GE HR'IS, ,MING NI RNAM PAR BSTEN BYAS LA; ;BTZUN MO YI NI PADMA'I SNOD, ,KHA SBYOR NANG DU BTZUD BYAS TE, ,SKUD PA DMAR POS BCINGS BYAS LA, ,ME TOG DMAR POS MCHOD PAR BYA, ,BDAG NYID GSHIN RJE MTHAR BYED PA, , NUB KA'I NYI MA DANG 'DRA DMAR, ,LCAGS KYU DMAR POS BKUG PA YIS, ,BSGRUB BYA DAG NI RNAM BSGOM BYA, ,SNYING LA LCAGS KYUS BRGYAB NAS NI, ,SKE NAS ZHAGS PAS BCINGS BYAS TE,, GCER BU SKRA NI MA BCINGS PAR, ,RLUNG GI DKYIL 'KHOR SBYOR BA YIS, ,SENG+GE DMAR PO'I STENG 'DUG LA, ,RDZAS LNGA YIS NI BKRU BYA ZHING, ,'ONGS PA RU NI BSAM PAR BYA, ,GAL TE BSGRUB BYA MI 'ONG NA, ,SENG LDENG GI NI ME MDAG LA, ,DER NI BZLAS PA BRTZAM PAR BYA, ,BRTUL ZHUGS CAN GYIS 'KHOR LO BSRO, ,AOm HR'I:shtR'I:WI KRi T'A NA NA H'Um H'Um PHAt PHAt, HR'I:AA MU KAm A'A KARshA YA HR'I:, AOm HR'I:shtR'I:WI KRi T'A NA NA H'Um H'Um PHAt PHAt DZA:, DE BA DATTA A'A KARshA YA DZA:, 'DI NI, BCOM LDAN 'DAS KYIS DGUG PA'I CHO GA GSUNGS PA'O, ,DUR KHROD GOS LA MKHAS PAS NI; ;YUNG BA YI NI KHU BA YIS, ,'KHOR LO GNYIS NI MNYAM PAR BRI, ,YI GE LAM GYIS BSTEN PA YI, ,BSGRUB BYA'I MING YANG BRI BAR BYA, ,KHAM PHOR KHA SBYOR NANG DU STE, ,KHAM PHOR
, ,SER PO'I STENG DU GZHAG ,DE LA MKHAS PAS RE KH'A BRI, ,RE KHA BDUN NAM YANG NA BZHI, ,MNYAM PAR BZHAG PAS BRI BAR BYA, ,RI RAB LCOG BRGYAD CES GRAGS PA, ,DE YI STENG DU MNYAM PAR BRI, ,YI GE H'Um DANG YI GE BAm, ,RI RAB DE NI BSTEN PAR BYA, ,DE YI STENG DU LAM YIG LAS, ,DBANG CHEN DKYIL 'KHOR DGOD PAR BYA, ,SNA TSOGS RDO RJES MNAN PA LA, ,SKUD PA SER POS BCINGS NAS NI, ,GSHIN RJE GSHED PO MDOG SER PO, ,DBANG CHEN DKYIL 'KHOR LA GNAS PA, ,BSGRUB BYA SER PO RNAMS BSAMS LA, , RI RAB KYIS NI MNAN BYAS PA, ,PHYAG NA RDO RJES MNAN BYAS PA, ,DBANG CHEN DKYIL 'KHOR GYI 'OG TU, ,MANDHA RA SOGS RI BO DANG, ,SNA TSOGS RI BO RNAMS KYIS KYANG, ,BSGRUB BYA MNAN PAR BSGOM PAR BYA, ,DE LA GNAS NAS BZLAS PA BYA, ,AOm HR'Am:shtR'I:WI KRi T'A NA NA H'Um H'Um PHAt PHAt, LAm DE BA DATTA STH'A NE STAMBHA YA KU RU LAm, 'DI NI, BCOM LDAN 'DAS KYIS RENGS PAR BYED PA'I CHO GA GSUNGS PA'O, ,NGAG NI RENGS PAR 'DOD PA YIS, ,DE BZHIN 'KHOR LO GNYIS BRIS LA, ,BSGRUB BYA'I MING YANG BRI BAR BYA, ,DER NI SNGAGS KYANG SPROS LA BZLAS, , AOm HR'I:shtR'I:WI KRi T'A NA NA H'Um H'Um PHAt PHAt, LAm DE BA DATTA SYA YA TH'A SRA RA TH'A, GA RA GRITTE NANTI BAR YA SA TH'A AA BI R'U PA KAm DE BA DATTO YA DZNY'A DATTA YA SYA B'A KA STAMBHA NA KU RU LAm, BCOM LDAN
'DAS KYIS RENGS PAR BYED PA'I CHO GA DE SKAD GSUNGS SO, ,SHIN TU LEGS PAR SBAS PA YIS, ,'DI LAS GSUNGS BZHIN DGONGS PA DAG ,GSHIN RJE GSHED NAG SBYONG BA YIS, ,NYI MA GCIG GIS 'GRUB PAR 'GYUR, ,SNGAR BZHIN DUR KHROD KYI RAS LA, ,'KHOR LO GNYIS BRIS BRTUL ZHUGS CAN, ,SKE TSE DANG NI TSVA DANG NI, ,DUG DANG GZHAN YANG NIM PA DANG, ,TSA BA GSUM DANG TSA BA'I MAR, ,DUR KHROD KYI NI SOL BA DANG, ,DHA DUR LO MA'I KHU BA DANG, ,TZANDA LI 'BRAS MDZUB MO KHRAG ,TSVA SGO CAN GYI SA BLANGS TE, ,GDOL BA'I RDZA MA'I DREG PA DANG, ,RAB TU LTOGS PA'I SMYU GU YIS, ,BCU BZHI LA BRIS BRTUL ZHUGS CAN, ,KHROS PA'I SEMS KYIS NYIN PHYED NA, ,GDUG PA CAN RNAMS GSAD PA'I PHYIR, ,SEMS CAN GNOD PA BYED PA'I MING, ,YI GE H'Um GIS BSTEN BYAS LA, ,BDAG NYID GSHIN RJE MTHAR BYED PA'I, ,SBYOR BAS LHO PHYOGS KHA BLTAS TE, ,KHRO CHEN RAB TU DRAG PO'I GZUGS, ,RUS PAS MGO BO RNAM BRGYAN LA, ,MA HE LA ZHUGS LCE PHYUNG 'DRIL, ,GSUS PA CHE LA RAB 'JIGS PA, ,SKRAG BYED SKRA 'BAR GYEN DU 'GRENG, ,SMA RA SMIN MA DE BZHIN SER, ,G-YAS NA RDO RJE CHEN PO DANG, ,GNYIS PA NA NI RAL GRI DANG,, GSUM PA'I PHYAG NA GRI GUG GO ,DA NI G-YON PA'I BRI BAR BYA, ,'KHOR LO DANG NI PADMA CHE, ,THOD PA NYID NI G-YON NA 'O, ,RTZA BA'I ZHAL NI SHIN TU NAG ,G-YAS PA'I ZLA 'OD BZANG PO 'DRA, ,
, ,G-YON PA'I DMAR PO YIN PAR BRTAG ,RDO RJE RGYAN GYIS RAB TU BRGYAN, ,BA SPU KHUNG NAS 'JIGS CHEN PO, ,RANG RIGS BDAG PO RAB 'PHRO BA, ,NYI MA'I DKYIL 'KHOR STENG NA NI, ,ZHABS NI G-YON PA BRKYANG BAS GNAS, ,MCHE BA GTZIGS SHING RGYAGS PA YIS, ,BSKAL PA'I 'BAR BA ME DANG MTSUNGS, ,'DI LTA BU YI BDAG NYID KYIS, ,BSGRUB PAR BYA BA MDUN DU DGOD, ,GDUG PA'I MTSON GYIS BRGYAB PA YIS, ,DRI MA CAN LA NAD KYIS GZIR, ,GOS MED 'DAR ZHING NYAM CHUNG BAS, ,DON 'DOD PA YI TSIG SMRA ZHING, ,MTSON GYIS GZIR BAR BYAS PA YIS, ,RNAG GI THUM POS LUS GANG BA, ,GRANG BA'I RLUNG GIS GTZES GYUR CING, ,ME YI NANG DU ZHUGS PA LA, ,MA HE DANG NI STAG DAG DANG, ,KHYI DANG MCHU RING CAN DAG GIS, ,SANGS RGYAS SDE NI SNGON 'JIGS PA'I, ,SDIG PO CHE DAG ZA BAR BYED, ,MTHAR BYED PA YI LHOR GNAS PA, ,TSER MAS LUS NI BKANG BA DANG, ,RKANG PA SHING LCAGS SGROG GIS BSNGAMS, ,DE BZHIN DUM BU DUM BUR BYAS, ,PAGS PA DAG NI BSHUS BYAS NAS, ,DE LA TSVA DANG SKE TSE BSKUS, ,H'Um ZHES ZER BA BSGOM PAR BYA, ,DE YI LUS SRUNG LA SOGS LA; ;BCAD PA DAG NI MDUN DU DGOD, ,DE YI GO CHA'ANG MED BYAS NAS, ,STONG PA'I LUS NI MDUN DU BSAM, ,RANG GI LUS BYUNG KHRO BO NI, ,GSHIN RJE GSHED SOGS BDAG NYID 'DRAS,,
DE YI LUS LA BRGYAB NAS NI, ,TSIL BU RKANG DAG 'THUNG BAR BYED, ,DE YI MDUN DU GSHIN RJE BSGOM, ,LAG NA DBYIG PA STOBS PO CHE, ,GDUG PA CAN DES RDEG PAR BYED, ,DE YI RGYU MA'I PHRENG BA SOGS, ,BYA RGOD KYIS KHYER MKHA' LA 'GRO, ,SA YI 'OG NAS KLU DANG NI, ,LHA MA YIN LA SOGS PAS RDEG ,'DI LTAR BSGRUB BYA NYAMS BYA BA, ,SNYING RJE LA GNAS SEMS KYIS NI, ,BYED PAS 'KHOR BA'I GNAS BTON NAS, ,SANGS RGYAS ZHING DU 'GRO BAR BYED, ,DE NAS BCOM LDAN 'DAS DE BZHIN GSHEGS PA THAMS CAD KHYAD PAR CAN GYI THUGS KYIS 'DI LTA BU'I GSUNG PHYUNG BAR MDZAD DO, , AE MA'O BSAD PA'I YANG DAG BSAD, ,BSAD PA MA YIN SDIG LAS DKROL, ,JI SRID BSAD KYANG MA BSAD DO, ,SDIG PA STONG PHRAG BYAS PA YIS, ,MNAR MED LA SOGS MI SKYE BAS, ,AE MA'O SANGS RGYAS CHE BA'I BDAG ,BSAD PAS BYANG CHUB THOB PAR BYED, ,SEMS CAN GSOD PA BSAD PA NYID, ,SNYING RJE CHEN PO NYID KYIS BYAS, ,AE MA'O SNYING RJE STOBS KYI MCHOG ,SNYING RJE DMAN PAS 'GRUB MI 'GYUR, ,AOm HR'I:shtR'I:WI KRi T'A NA NA H'Um H'Um PHAt PHAt, H'Um DE BA DATTA M'A RA YA H'Um PHAt, AOm HR'I:shtR'I:WI KRi T'A NA NA H'Um H'Um PHAt PHAt, DE BA DATTA M'A RA YA PHAt, DE NI, BCOM LDAN 'DAS KYIS RNAM PAR RTOG PA'I RDO RJE 'KHRUL 'KHOR DANG SNGAGS DANG SMAN GYIS BSAD PA LA SOGS PA'I CHO GA'O, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED
, ,NAG PO'I RGYUD LAS, RIM PAR PHYE BA BZHI PA'O,, ,,DE NAS 'KHOR LO GNYIS BRIS LA, ,YI GE PHAt KYIS BSTEN PA YI, ,BSGRUB BYA'I MING NI BRIS BYAS LA; ;THOD PA KHA SBYAR NANG DU GZHUG ,SKUD PA SNGON POS BCINGS BYAS TE, ,NYI MA PHYED KYI DUS SU NI, ,DUR KHROD SA YI NANG DU SBAS, ,GSHIN RJE GSHED KYI SBYOR BA YIS, ,RTA DANG MA HE ZHON PA YI; ;LAG NA MTSON THOGS BSGRUB BYA GNYIS, ,MDUN DU BSGRUB BYA DGOD PAR BYA, ,KHROS PA'I LUS LA SPRUL PA'I TSOGS, ,GNYIS KA'I PHYOGS SU BSAM PAR BYA, ,GNYIS KAS 'THAB MO MANG PO BYED, ,KHROS SHING GDUG PA'I SEMS LDAN PA'I, ,STOBS LDAN KHROS PA BSGOM PAR BYA, ,BSGOMS PAS BZLAS PA BRTZAM PAR BYA, ,AOm HR'I:shtR'I:WI KRi T'A NA NA H'Um H'Um PHAt PHAt, DE BA DATTA YA DZNY'A DATTE BI DVE sh'A YA H'Um PHAt, 'DI NI, BCOM LDAN 'DAS KYIS DBYE BA'I CHO GA GSUNGS PA'O, ,CHO GA DAG NI SNGA MA BZHIN, ,'KHOR LO GNYIS NI BRIS BYAS LA, ,YI GE H'Um PHAt GYIS BSTAN PA, ,THOD PA KHA SBYAR NANG DU GZHUG ,SKUD PA NAG POS BCINGS BYAS LA, ,SHA ZA'I TSUL DU SPA BAR BYA, ,GSHIN RJE'I SBYOR BA LA GNAS PAS, ,MDUN DU BSGRUB BYA BSGOM PAR BYA, ,YAm BYUNG GZHU YI DBYIBS 'DRA BA'I, ,RLUNG GI DKYIL 'KHOR NAG PO LA, ,DE STENG MDOG SNGON RNGAN RNGA MO BSGOM, ,DE LA GDUG PA CAN BSKYON LA, ,LHO YI PHYOGS SU KHA
BSTAN TE, ,KHRO BO'I TSOGS KYIS DE BRDEG PA, ,SANGS RGYAS YIN YANG BZLOG PAR DKA', ,AOm HR'I:shtR'I:WI KRi T'A NA NA H'Um H'Um PHAt PHAt, H'Um PHAt DE BA DATTA AUTZTSI tA YA NAm H'Um PHAt, 'DI NI, BCOM LDAN 'DAS KYIS BSKRAD PA'I CHO GA GSUNGS PA'O, ,KHROS PAS RNAL 'BYOR LHOR BLTAS LA, ,RA KHRAG RO BSREGS THAL BA DANG, ,DUG GI TSVA DANG SKE TSE DANG, ,MAR KHU SMYON PA'I KHU BA YIS, , DUR KHROD RAS LA 'KHOR LO GNYIS, ,RIM BA 'DI BZHIN BRI BAR BYA, ,BSAD PA GSHIN RJE'I LUS LA GNAS, ,DBYE BA RTA DANG MA HE YI, ,BSKRAD PA RNGA MO'I LUS LA GNAS, ,ZHI BA ZLA BA'I DKYIL 'KHOR GYIS, ,RGYAS PA ZLA BA SER PO LA, ,BTZUN MO SNYING GAR DBANG DU BYA, ,RA LA BSKYON PAS 'GUGS PAR BYED, ,RI BO'I DKYIL DU RENGS BYA GZHAG ,SHA RA BHA 'AM SENG+GES DGUG ,DE BZHIN GZHAN YANG MTSON PAR BYA, ,RO TZA NA DANG RGYA SKYEGS DANG, ,KHA CHE YI NI KHYAD PAR GYI, ,DBANG DU BYA BA GRO GAR BRI, ,DGE BA'I SEMS KYIS BZUNG BYAS NA, ,'GRUB PAR 'GYUR TE THE TSOM MED, , KHAM PHOR KHA SBYAR NANG DU GZHUG ,KHVA YI SGRO YI SMYU GU YIS, ,NYI MA PHYED NAS BRI BAR BYA, ,PADMA'I KHA SBYOR RO BSREGS SAR, ,GSHIN RJE'I RNAL 'BYOR BDAG NYID KYIS, ,AOm HR'I:shtR'I:LA SOGS GSANG SNGAGS BZLAS, ,LHO PHYOGS GNAS TE TSAR GCAD BYA, ,MTHA' YI YA BOR ZHI BA LA, ,YI GE NI DE GNYIS KA DANG, ,PHYI NAS DKYIL GYI YA SPANGS TE, ,YI GE LHAG MA CI BDE BAR, ,
, ,SNGON DU BSNYEN PA KHRI TZAM BYA, ,'DIS NI LAS RNAMS RAB SGRUB PA, ,YE SHES RDO RJES BYA BA STE, ,GSHIN RJE GSHED KYI RNAL 'BYOR PAS, ,RAB TU GRAGS PA'I 'KHOR LO 'DI, ,YI GER BRIS NAS GNAS PA DANG, ,'KHOR LO BRIS NAS GNAS PA YI, ,KHYIM DER 'THAB MO RTAG TU 'BYUNG, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD LAS, 'KHRUL 'KHOR GYI GO RIM BRI BA ZHES BYA BA STE RIM PAR PHYE BA LNGA PA'O,, ,,DE NAS BCOM LDAN 'DAS DE BZHIN GSHEGS PA THAMS CAD KYI BDAG POS BCOM LDAN 'DAS RDO RJE 'CHANG CHEN PO LA BSTOD PA'I RGYAL PO 'DIS GSOL BA BTAB PA, GANG GIS RDO RJE CAN MNYES PA, ,ZHE SDANG PHYAG RGYA'I RNAL 'BYOR GYIS, ,RDO RJE'I PHYAG RGYAS RGYAS BTAB PAS, ,DNGOS GRUB RGYA CHEN THOB PAR BYED, ,DE NAS RDO RJE 'CHANG RGYAL POS, ,'DI LTA BU YI GSUNG BSGRAGS SO, ,DKYIL 'KHOR GYI NI LHA KUN GYI, ,DBU LA GSHIN RJE GSHED PO BSGOM, ,RTAG TU DKYIL 'KHOR BRI BAR BYA, ,RTAG TU SBYIN SREG GIS KYANG DGANG, ,RTAG TU DAM TSIG DAG KYANG GZUNG, ,SDOM PA DAG KYANG YANG DAG GZUNG, ,DANG PO LA NI COD PAN DBANG, ,GNYIS PA RAL GRI SBYIN PAR BYA, ,GSUM PA RDO RJE DRIL BU DANG, ,ZLA BA BZA' BA BZHI PA STE, ,BZHI PO 'DI NI DBANG CHEN PO, ,NAG PO'I ZHAL NAS BYUNG BA YI, ,DBANG 'DI DAG GI BYE BRAG GIS, ,RGYAL BA'I SRAS KYIS BYANG CHUB
THOB; ;'BYUNG PO KUN GYI GTOR MA'I LUS, ,SNGAGS 'DI DE NAS RAB BSHAD BYA, ,SNGAGS CHEN BZLAS PA TZAM GYIS NI, ,'BYUNG PO THAMS CAD 'DAR 'GYUR BA, ,AOm AINDRA YA HR'I:YA M'A YA shtR'I:BA RU n'A YA WI, KU PE R'A YA KRi ,A'I SH'A NA YA TA, AAGNA YE A'A, NEE RI TE YE NA, B'A YA BE NA, TZANDR'A YA H'Um, AA KARshA YA H'Um, BRAHMA nE PHAt, BA SU DHA RI nHYE n+YE, BEE MA TZI TRI nE SV'AH'A, SARBA BH'U TE BHYO H'A; HA HA HI HI, H'Um H'Um, PHEm PHEm, PHAt PHAt SV'AH'A, BI tA MU TRA CHU BSRES PAS, ,DKYIL 'KHOR GRU GSUM BYAS NAS NI, ,LHA RNAMS KYANG NI TSIM PAR BYAS, ,HA HA ZHES KYANG DRAN PAR BYA, ,DKYIL 'KHOR RIM GSUM BYA BA NI, ,BRGYAD DANG BCU GNYIS BCU DRUG PA'I, ,DKYIL 'KHOR MKHAS PAS BRIS PA LA, ,SNGAGS NI KUN TU DGOD PAR BYA, ,BRTUL ZHUGS CAN GYIS BCU GNYIS PAR; ;GRUB PA'I SNGAGS RNAMS DGOD PAR BYA, ,RGYU DANG MI RGYU'I 'JIG RTEN GSUM, ,MA LUS LUS PA MED PAR 'GRUB, ,AOm YA MA R'A DZA, SA DO ME YA, YA MA DO RU, nA YO DA YA, YA DA YO NI RA YAKshE YA, YAKshE YATZTSA, NI R'A MA YA, H'Um H'Um PHAt, DKYIL DU YA BYAS SHAR DU KshE, ,LHO RU 'JAM PA'I RDO RJE STE, ,YI GE ME NI NUB TU BRI, ,BYANG DU DA STE DA MA NA, ,BSGRUB BYA'I MING NI SPYIN BYA BA,, MTSAMS KYI STONG PA DAG TU 'O, ,H'Um GNYIS KYIS NI BSTEN BYAS LA, ,DGOD PA THAMS CAD SGRUB PAR BYED, ,YA TZA NI RA DZAS DO RU, ,NA YO NA RI LA SOGS PA, ,PHYI ROL RIM PAR G-YON
, ,BRTZAMS BRI, ,DON KUN RAB TU BSGRUB PA'I PHYIR, ,RIM PA GSUM PA DE LA NI, ,KUN TU CHA RE BOR BA LA, ,SHAR NAS BRTZAMS NAS BRI BAR BYA, ,AOm HR'I:shtR'I:LA SOGS PA'I SNGAGS, ,DE YI BAR DAG THAMS CAD KYI, ,CHA BRGYAD BOR BA DAG LA BRI, ,AA MU KAm KU RU, AUTZTSA tA YA BA SHIm KU RU, BI DVE shA YA, SH'ANTIm KU RU, PUshtIm KU RU, 'DI LTAR G-YON NAS BRTZAMS NAS NI, ,LAS DANG RJES SU MTHUN PAR NI, ,PHYAG 'TSAL NA MA THA MA'I BAR, ,THA MA RU BOO shAt DANG, ,H'Um PHAt DANG LDAN SA BON GYIS, ,ZHI DANG RGYAS DANG MTHAR DBANG BYED, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD LAS, 'KHOR LO RNAM PAR BRI BA ZHES BYA BA STE RIM PAR PHYE BA DRUG PA'O,, ,, KHRAG DGUG PA YI SBYOR BA NI, ,ZHAL GSUM PHYAG DRUG SKEM PA YI, ,PHYAG NA 'KHOR LO ZLA 'OD 'DRA'I, ,MKHAS PAS TZARTZI KA BSGOM BYA, ,CHANG DAG DGUG PA'I SBYOR BA NI, ,ZHAL GSUM PHYAG DRUG PHAG GDONG MA, ,RAB SNGO PHYAG NA RDO RJE BSNAMS, ,MKHAS PAS PHAG MO BSGOM PAR BYA, ,SHES RAB BSKYED PAR BYA BA'I PHYIR, ,ZHAL GSUM PHYAG DRUG DMAR BA LA; ;ZHI BA PHYAG NA PADMA BSNAMS, ,DBYANGS CAN BRTUL ZHUGS CAN GYIS BSGOM, ,KHU BA DGUG BA'I SBYOR BA NI, ,ZHAL GSUM PHYAG DRUG RAL GRI BSNAMS, ,NOR BU MRGAD
'DRA BA NI, ,GOO RI MKHAS PAS BSGOM PAR BYA, ,DE NAS BCOM LDAN 'DAS RDO RJE GSHIN RJE GSHED PO BSAD PA DANG DGUG PA ZHES BYA BA'I TING 'DZIN LA SNYOMS PAR ZHUGS NAS RDO RJE TZARTZI KA'I SNGAGS 'DI GSUNGS SO, ,AOm TZA RTZI KE SIDDH'I NDRA N'I LA HA RI nI RATNA TRA YA AA PA KA RI nO RU DHI RA AA KAR'A YA DZA:, SNGAGS 'DI DAG NI DRAN BYAS NA, ,KHA GDANGS PA DAG BYAS PA YIN, ,'JIG RTEN GSUM GYI KHRAG CHEN PO, ,'GUGS PAR 'DI LA THE TSOM MED, ,DE NAS BCOM LDAN 'DAS RDO RJE GSHIN RJE GSHED CHEN PO CHANG 'GUGS PA ZHES BYA BA'I TING NGE 'DZIN LA SNYOMS PAR ZHUGS TE RDO RJE PHAG MO'I CHANG 'GUGS PA'I SNGAGS GSUNGS PA, AOm BADZRA GHO NA SU GHO NE BADZRA M'A MA K'I BHA RA BHA RA, SAm BHA RA SAm BHA RA, TEE DHA TU KARYAm, A'A KARshA YA DZA:, RDZA MKHAN LAG PA PHYIS PA'I SAS, ,BUM PA KHA MDZES NYER BYAS LA, ,RKUN MA'I SKRA NI RTEN BZHAG STE, ,SNGAGS NI RJES SU DRAN PAR BYA, ,SNGAGS 'DI CHE BA'I BDAG NYID 'DI, ,BA TA MCHOD RTEN DAG TU BSTAN, ,DAL GYIS DMIGS NAS 'BAD PAR BYA, ,CHAD NI 'GUGS PAR RAB TU GRAGS, ,DE NAS BCOM LDAN 'DAS DAM TSIG CHEN PO'I GSHIN RJE GSHED RDO RJE SHES RAB KYI PHA ROL TU PHYIN PA ZHES BYA BA'I TING NGE 'DZIN LA SNYOMS PAR ZHUGS NAS RDO RJE DBYANGS CAN MA'I SNGAGS GSUNGS PA, AOm PI TZU PI TZU PRADZNY'A BARDHA NI, DZV'A LA DZV'A LA, ME DHA BARDHA NI, DHI RI DHI RI, BUDDHI BARDHA NI SV'AH'A, TSES
, ,KYI DANG PO NAS BZUNG STE, ,KUN TU ZLA BA NYA YI BAR, ,SBYAR BA'I SKAD NI SMRA BAR BYA, ,JI SRID ZLA BA'I RJES 'JUG PAS, ,RTAG TU TSIGS BCANG BRGYA ZIN 'DI, ,NGAG GI DBANG PHYUG 'GRUB PAR 'GYUR, ,KHAMS GSUM MA LUS PA DAG NI, ,MA LUS LUS PA MED PAR 'GRUB, ,DE NAS BCOM LDAN 'DAS GSHIN RJE GSHED RDO RJES KHU BA 'GUGS PA ZHES BYA BA'I TING NGE 'DZIN LA SNYOMS PAR ZHUGS NAS KHU BA 'GUGS PAR BYED PA'I GOO R'I'I SNGAGS 'DI GSUNGS SO, ,AOm A'A K'ARshA nI A'A KARshA nI GOO RI HR'I:DUsht'A YA DUsht'A YA, SHU KRA MA, AA KARshA YA DZA DZA DZA H'Um H'Um H'Um SV'AH'A, PADMA KHA DANG RDO RJE DANG, ,DRIL BU LCAGS KYU'I RLUNG SBYOR GYIS, ,BZLAS DANG SGOM PA'I SBYOR BA NI, ,KHU BA'I TSOGS NI 'GUGS PAR BYED, ,NAGS KYI NANG NGAM DBEN PA RU, ,LAS 'DI DAG NI BSKUL BYAS NAS, ,NUB BDUN TZAM DU SBYOR BA YIS, ,'GRUB 'GYUR 'DI LA THE TSOM MED, ,DE NAS BCOM LDAN 'DAS RDO RJE GSHIN RJE GSHED CHEN PO RDO RJE NAG PO 'JIGS PA ZHES BYA BA'I TING NGE 'DZIN LA SNYOMS PAR ZHUGS NAS DBANG BSKUR BA MCHOG GI DAM TSIG 'DI NYID KYI SKU GSUNG THUGS RDO RJE RNAMS LAS PHYUNG BAR MDZAD DO, ,AU DUM BA RA MAND'A RA, ,BA RI DZA TA KA PHRENG DANG, ,KAR NI KA YI PHRENG BA NI, ,BU KHYOD ZUNGS LA BYIN GYIS RLOBS, ,RAL GRI CHEN POS KHAMS
GSUM PA'I, ,SANGS RGYAS KUN GYIS PHYAG BYAS PA, ,'BYUNG PO THAMS CAD 'GUGS PAR BYED, ,LAS KYI RAL GRI DAM PA 'DI, ,BZUNG NA BDUD LAS RGYAL BAR 'GYUR, ,SHES RAB THABS KYI NGO BO NYID, ,RDO RJE DRIL BU SGRUB PA 'DI, ,LONGS LA SLOB MA YANG DAG GZUNG, ,BTUNG BA RIN PO CHE 'DIS NI, ,RDO RJE LUS NI RAB TU BSGRUB, ,KUN TU YE SHES BU KHYOD KYIS, ,'THUNGS SHIG YE SHES LAS BYUNG BA, ,SLOB MA'I KHAR YANG BLUG BYA BA, ,GSHIN RJE GSHED KYIS BSGRUBS PA YIN, ,RDO RJE SLOB MA BDAG NYID CHES, ,SHIN TU DGA' BA'I SEMS SU BYA, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD LAS, 'GUGS PA LA SOGS PA'I SBYOR BA RIM PAR PHYE BA STE BDUN PA'O,, ,,DE NAS RDO RJE 'DZIN RGYAL PO, ,SRUNG BA'I 'KHOR LO SBYOR BAR BYED, ,BGEGS DANG LOG PAR 'DREN PA DANG, ,GDUG PA CAN DAG BSAL PHYIR GSUNGS, ,DPAL LDAN RAL GRI 'CHANG BA'I BDAG , SRUNG BA'I 'KHOR LO SBYOR BAR BYED, ,RAL GRI 'BAR BA'I BDAG NYID KYIS, ,RIG PA GSUM LAS MCHOD PAR BYED, ,SEMS CAN THAMS CAD SKYOB PA YI, ,SPYOD PA'I TSUL DANG KHYAD PAR GYIS; ;SA DANG PHA ROL PHYIN PA LA, ,LHA MO KHYOD NI DBANG DU GYUR, ,GSHIN RJE GSHED KYI DKYIL 'KHOR NI, ,SLOB DPON DAG GIS DKYIL 'KHOR BRI, ,GOS KYIS GDONG NI BCANGS BYAS LA, ,
, ,DKYIL 'KHOR GYI NI MDUN SGOR GZHAG ,KHYOD SU ZHES KYANG 'DI SKAD DRI, ,SKAL BZANG BDAG CES TSIG TU BRJOD, ,GSOL BTAB PA YI BLO BZANG LA, ,YOL BA'I NANG DU SBYIN PAR BYA, ,DBANG BSKUR DON DU GUS CHEN POS, ,DE NAS LAN GSUM CHED DU BRJOD, ,JI LTAR SANGS RGYAS CHOS CHEN POS, ,RDO RJE SEMS DPA' DBANG BSKUR LTAR, ,BDAG KYANG MGON POS DBANG BSKUR ZHING, ,MCHOG KYANG BDAG LA STZAL DU GSOL, ,DE BZHIN GLU DANG ROL MOS MCHOD, ,DE BZHIN KHRUS DANG BYUG PAS KYANG, ,SLOB MA DAD PAS BLUG PAR BYA; ;DE LA BSTOD PA KUN KYANG BYA, ,DE NAS RDO RJE 'CHANG GI RGYAL POS STONG PA'I SNGAGS GSUNGS PA, AOm SH'U N+YA T'A DZNY'A NA BADZRA SVA BH'A BA A'ATMA KONYAHAm, AOm P'U DZA BADZRA SVA BH'A BA A'ATMA KONYAHAm, AOm DHARM'A DH'A TU BADZRA SVA BH'A BA A'ATMA KONYAHAm, ZHI BA LA SOGS BYED PA YIS, ,SBYIN SREG DE NAS BSHAD PAR BYA, ,SBYIN SREG GANG GIS GRUB PA YI, ,LAS RNAMS THAMS CAD RAB SGRUB PA, ,ZHI BA ZHI BA'I SEMS KYIS TE, ,RGYAS PA RGYAS PA'I SEMS KYIS SO, ,DBANG YANG DER GTANG SEMS KYIS TE, ,BSAD DANG BSKRAD PA LA YANG NGO, ,ZHI BA'I DKYIL 'KHOR ZLUM BO STE, , RGYAS PA YI NI RDZING BU 'DRA, ,DBANG DU BYA BA ZLA GAM LTAR, ,NAM MKHA'I KHAMS 'DRA BAS NI BSAD, ,ZHI BA KHRU GANG TSAD DU STE, ,DE BZHIN RGYAS PA'I KHRU DO BA, ,JI LTAR RGYAS PA DE LTAR
DBANG, ,BSAD PA LA NI SOR NYI SHU, ,ZHI BA STENG DU KHRU PHYED TSAD, ,RGYAS PA LA NI KHRU TZAM STE, ,SOR LNGA GNYIS NI BSAD PA LA, ,DBANG LA JI LTAR DE BZHIN DGUG ,TSES GCIG LA NI ZHI BA BYA; ;ZLA BA NYA LA RGYAS PA STE, ,BCU BZHI LA NI MNGON SPYOD DO, ,DBANG GI LAS NI TSES BRGYAD LA'O, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD LAS, SBYIN SREG GI CHO GA RIM PAR PHYE BA STE BRGYAD PA'O,, ,,RGYA MTSO'I SA NI BLANGS BYAS LA, ,KLU YI GZUGS GCIG BRTZAMS BYAS TE, ,YI GE H'Um PHU SNYING GAR NI, ,HR'I: shtR'I:LA SOGS BZLAS PA BYA, ,CHAR NI MI 'BAB DUS DAG TU, ,BZLAS PA KHRI BYAS 'BAB PAR 'GYUR, ,SBRUL NAG PO YI SHA DANG NI, ,NIM PA'I LO MA DANG BSRES LA, ,DE LA RIL BU BYAS NAS NI; ;BRTUL ZHUGS CAN GYIS RGYA MTSOR BZHUGS, ,SNGAGS KYI BZLAS PA KHRI BYAS NA, ,MTSO RLABS RENGS BYED MCHOG YIN NO, ,TZANDAN 'BRAS BU BRGYA BLANGS LA, ,'BRAS DANG MAR SHAS BSRES BYAS TE, ,'BUM PHRAG BRGYA NI RAB BZLAS LA, ,SBYIN SREG BYAS NA LHA MTHONG 'GYUR, ,DUR KHROD RO BSREGS YOG PA'I SHING, ,BRTUL ZHUGS CAN GYIS GZUGS SU BRI; ;SMYON PA'I KHU BAS BSKUS BYAS LA, ,SNGAGS KHRI BZLAS PAS MDZES THEBS 'GYUR, ,GRUB PA'I YUNGS KAR BLANGS BYAS NA, ,'BUM PHRAG BZHI NI BZLAS BYAS NA, ,SBRUL GYIS
, ,BZUNG NAS 'GYEL BA LA, ,GTOR NA 'TSO BAR THE TSOM MED, ,RI GSHONG CHU YI SA BLANGS LA, ,SNGAGS KYI BZLAS PA 'BUM BYAS NAS, ,MGO LA BSKUS PA TZAM GYIS NI, ,MGO YI NAD NI NYAMS PAR BYED, ,SNGAGS NI LAN BDUN MNGON BZLAS PA'I, ,LAG PAS MGO BO MNYES NA NI, ,MGO NI ZUG GZER 'BYUNG MI 'GYUR, ,DE NI 'DI LTAR THE TSOM MED, ,BRAM ZE YI NI SHA DAG LA, ,DUR KHROD SA DANG THAL BA LAS, ,GSHIN RJE GSHED KYI GZUGS BYAS TE, ,PHYAG GNYIS ZHAL NI GCIG PA LA, ,RDO RJE CHEN PO G-YAS PA NA, ,DE BZHIN MI MGO G-YON PA NA'O, ,MDOG NI DKAR PO CHER 'JIGS PA, ,DE YIS GDUG PA 'JOMS PAR BYED, ,BDUD RTZI LNGA NI SHA LNGA YIS, ,NYIN RE BZHIN DU GTOR MA SBYIN, ,BDAG GI DGRA BO CHOMS SHIG CES, ,RNAL 'BYOR PAS BDAG G-YOL BA GDAB, ,NUB MO DE SKAD BRJOD PAS NYAL, ,DGRA NI THO RANGS 'CHI BAR 'GYUR, ,CHU 'GAGS LA SOGS PAS GZIR ZHING, ,YANG NA NAD KYIS THEBS PAR 'GYUR, ,DGRA YI BEE RO TZA NA BLANG, ,MI YI RKANG SBUBS YONGS BKANG STE, ,RAB TU BKANG NAS 'BUM BZLAS NA, ,SHING RTZER RGYU BA'I YI DVAGS MTSUNGS, ,LHA RDZAS DNGOS GRUB KUN BYED CING, ,DGOS PA SNA TSOGS RAB SGRUB BO, ,DE BZHIN GSHEGS PA THAMS CAD KYI SKU GSUNG THUGS GSHIN RJE
GSHED NAG PO'I RGYUD LAS, 'JIGS BYED GSHIN RJE GSHED CES BYA BA'I RIM PAR PHYE BA STE DGU PA'O,, ,,RO LANGS CHEN PO'I SGRUB THABS NI, ,DE NAS YANG DAG BSHAD BAR BYA; ;SGRUB PA BZANG PO KUN BYED CING, ,DGOS PA SNA TSOGS RAB SGRUB PA'I, ,BZANG PO MA GOD RMA MED PA, ,SHING LA SBYANGS PAS BSDUS BYAS LA, ,PHAB LA LEGS PAR BKRU BYA STE, , DER 'DUG SNGAGS BZLAS BRTUL ZHUGS CAN, ,AE MA'O NGO MTSAR SNGAGS KYI MTHU, ,BSAM PA CHEN POS 'O DOD 'BOD, ,GSHIN RJE RNAL 'BYOR LDAN PA YI, ,YID KYIS CUNG ZAD 'JIGS MI BYA; ;RNAL 'BYOR LAM NI GANG 'DOD BA, ,DE KUN THAMS CAD STER BAR BYED, ,MA HE DANG NI KU BE RA, ,STAG DANG DE LAS GZHAN PA DANG, ,DOM DANG SPRE 'U DAG LA NI, ,KHYI DAG GI NI KHYAD PAR DANG, ,DUG DANG SKE TSE TSVA DANG NI, ,DE BZHIN TSA GSUM SO BAN DZA, ,'DI DAG LEGS PAR SBYAR GZUGS BYA, ,GSHIN RJE GSHED PO 'JIGS PA'I GZUGS, ,DE LA RNAL 'BYOR PAS GSOL GDAB, ,HR'I:shtR'I:LA SOGS SNGAGS KYIS NI, ,CHE GE MO DE BDAG LA STZOL, ,DE YI PHA YIS STER BAR BYED, ,GAL TE RNAL 'BYOR PA MA PHYIN, ,RMI LAM GSHIN RJE GSHED RDEG CING, ,LHO YI PHYOGS SU KHYER MTHONG NAS, ,SAD NA DE YI PHA YIS STER, ,ZHAL GSUM PHYAG DRUG 'JIGS PA LA, ,AINDRA N'I LA 'DRA BA'I MDOG ,THO BA 'DZIN PA'I BRTUL ZHUGS CAN,,
, ,PHYAG TU THO BA DGOD PAR BYA, ,ZHAL GSUM PHYAG DRUG KHROS PA LA, ,MDOG DMAR PO STE KHROS PAS 'JIGS, ,'JIGS PA YANG NI 'JIGS PAR MDZAD, , MKHAS PAS PHYAG TU DBYIG PA DGOD, ,ZHAL GSUM PHYAG DRUG DMAR BA LA, ,'JIGS PA CHEN PO BSDIGS PA YIS, ,PHYAG NA PADMA DMAR PO BSNAMS, ,PADMA ZHES BYA MKHAS PAS BSGOM; ;ZHAL GSUM PHYAG DRUG LJANG GU STE, ,PHYAG NA RAL GRI BSNAMS PA YI, ,LAS KUN BYED PAR GYUR PA 'O, ,RAL GRI ZHES BYA RNAM BSGOM BYA, ,BHA GAR LING+GA RNAM BSGOM NYID, , DKYIL 'KHOR BDAG PO RNAM PAR BSGOM, ,ZHE SDANG RJES DRAN RNAL 'BYOR GYIS, ,GTI MUG RJES DRAN BSGOM PAR BYA, ,GTI MUG RJES DRAN LA DMIGS NAS, ,PHRA MA RJES DRAN BSGOM PAR BYA; ;PHRA MA RJES DRAN RNAL 'BYOR GYIS, ,'DOD CHAGS RJES DRAN BSGOM PAR BYA, ,'DOD CHAGS RJES DRAN RNAL 'BYOR GYIS, ,PHRAG DOG DRAN BYA BRTUL ZHUGS CAN, ,SO SO'I RIGS KYI SPRIN RNAMS NI, ,BA SDU'I KHUNG NAS SPRO BAR BYA, ,NYI MA'I DKYIL 'KHOR DBUS SU NI, ,GTUM PO'I KHRO BO BSGOM PAR BYA, ,ZLA BA'I DKYIL 'KHOR DBUS SU NI, ,LHA MO BZHI PO RAB BSGOM BYA, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD LAS, RJES SU DRAN PA RIM PAR PHYE BA STE BCU PA'O,, ,,ZHE SDANG
GIS MNAN 'GRO MTHONG NAS, ,ZHE SDANG GSHIN RJE GSHED GZUGS SU, ,BCOM LDAN GSHIN RJE'I DBANG DU MDZAD, ,ZHE SDANG THAMS CAD ZAD PAR BYED, ,GTI MUG GIS MNAN 'GRO MTHONG NAS, ,GTI MUG GSHIN RJE GSHED GZUGS SU, ,BCOM LDAN GSHIN RJE GSHED DBANG MDZAD, ,GTI MUG THAMS CAD ZAD PAR MDZAD, ,'GRO BA PHRA MAS MNAN MTHOD NAS, ,PHRA MA GSHIN RJE GSHED GZUGS SU, ,BCOM LDAN SNYING RJE CAN GYIS MDZAD, ,PHRA MA THAMS CAD ZAD PAR MDZAD, ,'DOD CHAGS KYIS MNAN 'GRO MTHONG NAS, ,'DOD CHAGS GSHIN RJE GSHED GZUGS SU, ,BCOM LDAN SNYING RJE CAN MDZAD NAS, ,'DOD CHAGS THAMS CAD ZAD PAR MDZAD, ,PHRAG DOG GIS MNAN 'GRO MTHONG NAS, ,PHRAG DOG GSHIN RJE GSHED GZUGS SU; ;BCOM LDAN SNYING RJE CAN MDZAD NAS, ,PHRAG DOG THAMS CAD ZAD PAR MDZAD, ,BYAMS PA TZA RTZI KAR GSUNGS TE, ,SNYING RJE DE BZHIN PHAG MO 'O, ,DBYANGS CAN MA NI DGA' BA STE, , BTANG SNYOMS GOO R'I YI GZUGS SO, ,BDAG NYID DNGOS PO THAMS CAD KYIS, ,RDZOGS PAR BYAS NAS DKYIL 'KHOR GYI, ,RNAL 'BYOR SNYING GA'I SA BON SPRO, ,'GRUB PAR 'DI LA THE TSOM MED; ;DE NAS DA NI BSHAD BYA BA, ,SPYOD PA YI NI MTSAN NYID MCHOG ,GSHIN RJE GSHED PO 'JIGS GZUGS KYIS, ,SKU DANG GSUNG DANG THUGS SU 'GRUB, ,DGON PA CHEN PO'I SA
, ,PHYOGS SU, ,MA HE MCHOG NI BKUG LA ZHON, ,SBRUL DAG GIS NI BRGYAN BAR BYA, ,LCAGS KYI RDO RJE GZUGS PAR BYA, ,SKRA YANG SER PO DAG TU BYA, ,GYE NA BRJES PA YI KHYAD PAR GYIS, ,MGO LA THOD PAS YANG DAG BSKOR, ,SMA RA LKOG SPU SER POR BYA, ,HR'I:shtR'I:LA SOGS SNGAGS BRJOD CING, ,LCAGS KYI RDO RJE MKHA' LA GSOR, ,RDO RJE GSHIN RJE GSHED SBYOR BAS, ,SENG+GE'I SGRA YANG DE LA BYA, ,NUS PA CUNG ZAD SKYES PA NI, ,ROL CING GRONG DU 'JUG PAR BYA, ,GAR DANG BDE BA'I CHA KUN GYIS, ,DRUG LAS SKYES SOGS GLU BLANG BYA, ,DE NAS RGYAL MTSAN KHAMS MTHONG NA, ,DER NI 'O MA RAB BSGRUB BYA, ,'O MA LA SEMS GCIG GOMS PAS, ,PHYAG RGYA CHEN PO RAB BSGRUB BYA, ,PHAG MO YI NI GZUGS BZUNG BA'I, ,BTZUN MO KUN LA 'KHYUD PA YIS, ,DPA' BO SENG+GE BZHIN DU SPYAD, ,'DOD PA'I DON KUN RAB TU 'GRUB, ,DE NAS DA NI BSHAD BYA BA, ,PHYAG RGYA MA NI RAB SGRUB BABS, , GSANG SNGAGS CHEN PO YI GE GCIG ,DE YI BZLAS PA MNGON BSHAD BYA, ,YI GE HR'I: LAS BYUNG BA YIS, ,MA HE YANG DAG BSGOM BYA STE, ,RDO RJE DKYIL 'KHOR LA GNAS PA, ,MA HE STENG DU BSGOM PAR BYA, ,GANG YANG CUNG ZAD GCOD CING 'BIGS, ,MTSON CHA SNA TSOGS GZUGS DE NI, ,MA HE SNA TSOGS SGRUB PA YI, ,BLO DANG LDAN PA'I PHYAG NA BSNAMS, ,
DE NAS YANG DAG BSHAD BYA BA, ,DBYIG PA GSHIN RJE GSHED SGRUB THABS, ,YI GE HR'I NI GSANG SNGAGS CHE, ,MA HE CHEN PO LA BCIBS PA, ,PHYAG NI 'BUM PHRAG RDZOGS PA'I PHYAG ,SKU NI MI RO'I THAL BAS BSKUS, ,RI RAB DANG NI MNYAM PA'I LUS, ,GSER GYI SA GZHI THUG PAR MNAN, ,DE NAS YANG DAG BSHAD BYA BA, ,BYE BA'I PHYAG CAN SGRUB PA'I THABS, ,YI GE H'Um LAS BYUNG BA'I GTZO, ,WI KRi T'A NA GSANG SNGAGS CHE, ,AOm HR'I:shtR'I WI KRi T'A NA NA H'Um H'Um PHAt PHAt HA H'A HI H'I HU H'U HE HEE HO HOO HAm HA: PHAt SV'AH'A, DGOS PA THAMS CAD SGRUB PA YI, ,DAM TSIG SGRUB THABS BSHAD PAR BYA, ,SNGAGS KYIS DUB PAS KHA ZAS BZA', ,NGAN PA DANG BRAL RNYED DKA' MIN, ,SHA CHEN DANG NI RTA DANG NI, ,GLANG PO CHE YI KHYAD PAR DANG, ,BA LANG GI DANG KHYI DANG NI, ,BONG BU RNGA MO LCE SPYANG NGO, ,SNGON PO DANG NI BSRES PA YI, ,SNUM CHEN GYIS NI LUS BYUGS NA, ,LUS LA BYUGS PA TZAM GYIS NI, ,'GRO BA THAMS CAD DBANG DU 'GYUR, ,SNANG MDZAD SI DU BA RA DANG, ,DE BZHIN BIL BA'I LO MA DANG, ,SO PHAG PHYE MA BSRES PA DANG, ,GSER SHING LO MA'I KHU BA RNAMS, ,'DI YIS DRIL PHYIS BYAS GYUR NA, ,KHAMS GSUM PO NI DBANG DU 'GYUR, ,DUG DANG CHU BUR DE BZHIN MDZE, ,DRIL PHYIS BYAS PAS NYAMS PAR BYED, ,GCI BA CHEN PO BTUNG BAR BYA, ,RDO RJE BDUD RTZI DE BZHIN DU, ,'DI NI RNAL 'BYOR MCHOG GTZO BO, ,RANG BYUNG ME TOG BTUNG BA
, ,BZHIN; ;DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD LAS, SPYOD PA STON PA ZHES BYA BA'I RGYUD RIM PAR PHYE BA STE BCU GCIG PA'O,, ,,DE NAS BCOM LDAN 'DAS SKYES BU CHEN PO'I DAM TSIG RDO RJE SEMS DPA'I NGO BO TZA RTZI KA'I RNAM PA'I TING NGE 'DZIN LA SNYOMS PAR ZHUGS SHING PHAG MO'I RNAM PA'I TING NGE 'DZIN LA SNYOMS PAR ZHUGS PA DANG, DBYANGS CAN GYI RNAM PA'I TING NGE 'DZIN LA YANG SNYOMS PAR ZHUGS PA DANG, GOO R'I MA'I RNAM PA'I TING NGE 'DZIN LA YANG SNYOMS PAR ZHUGS TE MCHOD PA'I GLU 'DI DAG BRJOD PAR MDZAD DO, ,AA KYE KYE GSHIN RJE GSHED NAG BLA, ,SRIN PO'I GZUGS CAN RANG BZHIN KHYOD, ,BDAG GIS KHYOD MTHONG SHIN TU 'JIGS, ,KHROS PA'I RANG BZHIN 'DI THONG MDZOD, ,MTHO RIS SA STENG SA 'OG BCAS, ,KHYOD KYI GAR GYIS G-YOS PAR MDZOD, ,AANYDZA NAG PO BCAG 'DRA BA'I, ,KHRO KHYOD RO LANGS ZHI GAR MDZOD, ,RNAM PA SNA TSOGS GZUGS SPRUL ZHING, ,MDANGS NAG TSAD NI THUNG BA LA, ,BDE CHEN NGO BO BRO GAR GYIS, ,RDO RJE DBYANGS CAN MA GSOL 'DEBS, ,HR'I: shtR'I:SNGAGS DANG GAR GYIS KHYOD, ,SRID PA GSUM GYI 'KHRUL PA CHOD, ,SNYING RJE KHROS PA'I DANG GROL GAR, ,'GRO BAS DAD NI NGO MTSAR 'GYUR, ,DE NAS YANG DAG BSHAD BYA BA, ,BZLAS
PA YI NI MTSAN NYID MCHOG ,BZLAS PA GANG ZHIG RAB BZLAS NA, ,DNGOS GRUB YANGS PA THOB PA NI, ,MYUR BAR MA YIN DAL BAR MIN, ,RING DU MA YIN THUNG DU MIN, ,SNGAGS NI CUNG ZAD THOS PAR BZLAS, ,GSHIN RJE SLOB DPON MI MCHOG GI, ,MA HE MI DANG SO GNYIS DANG, ,BA LANG DANG NI RTA DAG DANG, ,BONG BU RNGA MO'I RUS PA LAS, ,BZLAS PA'I PHRENG BA RAB BSGRUB BYA, ,ZLA NGO GCIG GI BCU BZHI LA, ,BDUD RTZI LNGA DANG LDAN PA YIS, ,SHA LNGA DAG NI BSDUS BYAS NAS, ,BZLAS NA DNGOS GRUB 'GRUB PA'I MCHOG ,RIL BU DAG NI SE SO LA, ,RNAL 'BYOR PA YIS GSHIN GSHED BSGOM, ,MKHAS BAS NI YANG MI MGO STE, ,KHRAG GIS BKANG PA'I MGO BSGOM BYA, ,KHRI TZAM GYI [?] SAm [?] NA [?] 'BYUNG PO RNAMS, ,MKHA' 'GRO MA RNAMS STONG PHRAG GIS, ,BDUD DANG YI DVAGS TSOGS KYANG 'CHI, ,GSHIN GSHED RDO RJE'I SBYOR BA YIS, ,RNAL 'BYOR BDAG NYID 'BUM BZLAS NA, ,DES NI LAS KUN BYED PA YIN, ,BYE BA BZLAS NA DNGOS GRUB STER, , BYE BA LNGA BZLAS SMOS CI DGOS, ,NYIN RE'ANG YANG NA ZLA RE 'AM, ,DE BZHIN LO NI RE RE 'AM, ,GTOR MA DRUG CU RTZA BZHI SBYIN, ,DBYUG GU DRUG CU RTZA BZHIR SHES, ,RTAG TU CUNG ZAD CI ZA DANG, ,DE BZHIN CUNG ZAD 'THUNG BA DANG, ,GZHAN YANG BZA' BA THAMS CAD KYI, ,PHUD NI GSHIN RJE GSHED LA DBUL, ,DE NAS YANG DAG BSHAD BYA BA, ,BLA MA LA NI YON DBUL BA'O, ,LAS
, ,NI THAMS CAD SGRUB PA DANG, ,BDAG NYID ZHI BAR BYA BA'I PHYIR, ,BDAG NYID KYANG NI DBUL BA DANG, ,RTA DANG BA LANG GLANG PO DANG, ,GSER DANG DE LAS GZHAN PA DANG,, RANG GI CHUNG MA DE BZHIN BU, ,MA DANG SRING MO TSA MO DANG, ,DE BZHIN DU NI SPUN ZLA DANG, ,NA BZA' SNA TSOGS DAG DANG NI, ,GDUGS DANG RDUL YANG MDZES PA DANG, ,KHYIM DANG GDAN DANG DRI ZHIM DANG, ,DE BZHIN GLU DANG ROL MO DANG, ,RAL GRI DANG NI RGYAN DAG DANG, ,BRTUL ZHUGS CAN GYIS BLA MAR DBUL, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD LAS, NYE BAR MKHO BA'I LAS KYI KHYAD PAR THAMS CAD ZHES BYA STE RIM PAR PHYE BA BCU GNYIS PA'O,, ,,DE NAS SEMS CAN THAMS CAD KYI; ;SDIG PA DAG NI JI SNYED PA, ,DE DAG GCOD PA'I GRI GUG STE, ,ZHE SDANG GCOD PA'I SHUBS CAN NO, ,DE NAS YANG DAG BSHAD BYA BA, ,RING PO'I THOD PA BSGRUB PA'I PHYIR, ,RDO RJE MKHA' 'GRO MA SGRUB THABS, ,NAM MKHA'I KHAMS KYI DBUS GTOGS PAR, ,NYI MA'I DKYIL 'KHOR MCHOG BSAM BYA, ,GNAS DER RTZE LNGA PA YANG BSGOM, ,DE YI STENG DU GNAS DGOD BYA, ,MTHING MDOG NAG PO 'JIGS TSUL LA, ,PHYAG DRUG 'JIGS SU RUNG BA STE, ,PHYAG NA RDO RJE RNAM BSGOM BYA, ,PHYAG GZHAN DAG LA GZHAN DAG DGOD, ,SHAR DU SANGS RGYAS
MKHA' 'GRO MA, ,PHYAG DRUG GTI MUG RDO RJE MTSUNGS, ,LAG NA 'KHOR LO 'JIGS PAR BYED, ,BSGOM BYA SBYOR BA'I DKYIL 'KHOR DU, ,LHO RU RIN CHEN MKHA' 'GRO MA, ,PHYAG DRUG PHRA MA DANG MTSUNGS PA, ,PHYAG NA RIN CHEN RAB 'BAR BA, ,NYI MA'I DKYIL 'KHOR BSGOM PAR BYA, ,NUB TU PADMA'I MKHA' 'GRO MA, ,PHYAG DRUG PADMA 'DZIN PA 'O, ,BYANG DU LAS KYI MKHA' 'GRO MA, ,RAL GRI 'DZIN PA'I DKYIL 'KHOR RIM PA 'O, ,ME LA SOGS PA MTSAMS BZHI RU, ,LHA MO BSGOM BYA BRTUL ZHUGS CAN, ,L'A SYA MA LE DE BZHIN GAR, ,GLU MA YI NI KHYAD PAR RO, ,LAS KYI CHO GA MTHONG BA DES, ,DER NI SGO SKYONG BSGOM PAR BYA, ,THOB DBYIG PA DANG PADMA, ,DE BZHIN GZHAN NI RAL GRI 'O, ,AOm BADZRA d'A KI N'I, AOm BUDDHA d'A KI N'I, AOm RATNA d'A KI N'I, AOm PADMA d'A KI N'I, AOm KARMA t'A KI N'I, LAm NAm GAm MAm, MTSAMS SU'O, ,AOm MUNG+GA DZA:, AOm DAndA H'Um, AOm PADMA BAm, AOm KHAdGA HO, ,'DI NI, BCOM LDAN 'DAS RDO RJE CAN GYIS RDO RJE MKHA' 'GRO MA'I SGRUB THABS GSUNGS PA'O; ;RING PO'I THOS PA BSGRUB DON DU, ,RDO RJE MKHA' 'GRO MA BSGOM BYA, ,DER NI, GSANG SNGAGS KYI DNGOS GRUB 'GRUB PAR 'GYUR TE, AOm AA K'I SHA TZA RA BADZRA d'A KI N'I SV'AH'A, DE NAS YANG DAG BSHAD BYA BA, ,RDO RJE SA 'OG SGRUB THABS SO, ,SA 'OG RNAM PAR BSGRUB DON DU, ,GNOD MDZES RDO RJE BSGOM PAR BYA, ,PHYAG DRUG MDOG SNGON 'JIGS PA YI, ,PHYAG TU GTUN SHING DGOD
, ,PAR BYA, ;DKYIL 'KHOR GYI NI DKYIL DAG TU, ,'DI NI RAB TU DGOD PAR BYA, ,SHAR DU SPYAN MA DGOD PAR BYA, ,DE BZHIN LHO RU M'A MA K'I ,NUB TU LHA MO GOS DKAR MO, , SGROL MA BYANG GI PHYOGS SU DGOD, ,ME TOG SPOS DANG DE BZHIN DRI, ,MAR ME LA SOGS MTSAMS SU DGOD, ,THO BA LA SOGS SGO DRUNG STE, ,SBRUL GYIS BRGYAN PA'I SKA RAGS BYAS, ,LAS KYI CHO GA MTHONG NAS NI, ,DKYIL 'KHOR 'DI LTAR BSGOM PAR BYA, ,RDO RJE SA 'OG SBYOR LDAN PAS, ,RMI LAM DU NI LAM MTHONG 'GYUR, ,DE NAS YANG DAG BSHAD BYA BA, ,BDUN PA'I RGYAL PO'I DKYIL 'KHOR TE, ,MKHA' SPYOD NYID NI RAB BSGRUB PHYIR, ,RTA YI MCHOG NI RAB TU BSGRUB, ,PHYAG GNYIS PA LA ZHAL GCIG PA, ,SKU MDOG LJANG GU 'JIGS PAR BYED, ,NYI MA'I DKYIL 'KHOR STENG DU GZHAG ,RTA YI GDONG PA RAB MDZES PAS, ,G-YAS PA SRAD BU KHU TSUR BCAS, ,PHYAG G-YON PA NI THOD PA 'O, ,AOm PHUm PHUm PHUm HI HI HI, GSANG SNGAGS 'DI NI MKHAS PAS BZLA, , RTA YI MCHOG TU GYUR PAR GRAGS, ,SHAR DU BA dA BID BSGOM BYA, ,LHO PHYOGS SU NI RIM GRO MA, ,NUB TU BDUN PA'I RGYAL PO STE, ,RTA MCHOG MA NI BYANG PHYOGS DGOD, ,BDAG PO'I ZHAL PHYAG JI LTA BAR, ,THAMS CAD DE DANG 'DRA BAR BSGOM, ,SNGAGS 'DI YIS NI THAMS CAD DU, ,GSHEGS SU GSOL BAR RAB TU GRAGS, ,SMYUG MA'I GLING BU PI WANG DANG, ,RNGA ZLUM RNGA
BRAN MTSAMS SU GZHAG ,BA LANG SNA DANG GLANG PO'I SNA, ,DE BZHIN GDONG BZANG GDONG NGAN TE, ,GTUN SHING DANG NI STA RE DANG, ,LCAGS KYU DANG NI ZHAGS PA DANG, ,GAR LA SOGS PA'I RNAL 'BYOR GYIS, ,SGO BZHI RU NI RTAG TU BSGOM, ,SNGO CHAGS G-YON PAR BSGOM PAR BYA, ,RANG GI PHYAG MTSAN DE BZHIN G-YAS, ,JI LTAR RTA MCHOG SNGAGS KYIS NI, ,RDO RJE SA 'OG GI YANG GTER, ,RTA MCHOG RNAL 'BYOR NYID KYIS NI, ,KHAMS GSUM NAM MKHA'I KHAMS SU 'GYUR, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD LAS; DNGOS GRUB NGES PAR BSTAN PA STE RIM PAR PHYE BA BCU GSUM PA'O,, ,,DE LA 'DI NI, SRAD BU BRGYAD PA'I DAM TSIG GI MCHOG STE, AOm AA K'A RO MU KHAm SARBA DHARMA n'Am A'ADYA NUTPANNA TV'ATTA AOm A'A:H'Um, DPAL LDAN GSHIN RJE GSHED BSGOMS LA, ,SLOB MA RNAM SNANG MDZAD DU BSGOM, ,YE SHES THIG MCHOG RTZE MO RTZE, ,SHIN TU MNYAM PAR BZHAG NAS GDAB; ;DE LA 'DI NI, DKYIL 'KHOR CHEN PO'I DAM TSIG GO, ,AOm A'A: H'Um, DKYIL 'KHOR NYIS 'GYUR RIM PAR BYA, ,DE YI SGO YI NYI SHU'I TSAD, ,BA YI RNAM LNGA MNYAM BYUGS PA'I; ;SKUD PA SANGS RGYAS KYIS RAB BRTAGS, ,DE LA 'DI NI, RDO RJE CHEN PO GSOL BA BTAB PA'I DAM TSIG GO, ,AE MA HO SANGS RGYAS SLOB DPON CHE, ,AE MA HO CHOS DANG TSOGS KYI
, ,GTZO; ;DAM TSIG DE NYID BDAG LA STZOL, ,BYANG CHUB SEMS KYANG BDAG LA STZOL, ,DE LA 'DI NI, SA CHEN PO YONGS SU GZUNG BA'I CHO GA STE, RDO RJE SA'I LHA MO BKUG LA, ,LHA MO KHYOD NI DPANG DU 'GYUR, ,SKYOB PA SANGS RGYAS THAMS CAD KYI, ,SPYOD PA YI NI KHYAD PAR DANG, ,SA DANG PHA ROL PHYIN PA LA'O, ,SGO NI DKYIL 'KHOR CHA BRGYAD DE, ,KHYAMS CHEN DAG NI BOR BA LA, ,BDAG NYID CHEN POS SHES PAR BYA, ,YID DU 'ONG ZHING LEGS SPRAS PA'I, ,MU KHYUD SGO TZAM SHES PAR BRIS, ,LHA YI SNAM BU'ANG DE TZAM MO, ,RDO RJE LHA MO LDAN PA YIS; ;GLU DANG ROL MO GAR YANG DGOD, ,MCHOD SNAM SGO YI BYED NYID DE, ,'GRAM DANG NGOS KYANG DE TZAM MO, ,DO SHAL SEN MO DO DANG NI, ,NYI MA ZLA BA ME TOG PHRENG, ,DE LA GOS DANG 'PHAN DAG GO ,RTZA BA SA YI THIG RGYAB TU, ,TSON RTZI'I SNAM BU DE YI PHYED, ,DE LA SNYING PO CHEN PO 'DIS, ,BDAG NYID 'KHOR LO RNAM PAR DGOD, ,DER NI RANG GI PHYAG RGYA'ANG BSTEN, DAM TSIG YE SHES GZHUG PA STE, ,DE LTAR DKYIL 'KHOR BSGRUB PAR BYA, ,SHAR DU DKAR PO CHEN PO STE, ,LHOR NI SER PO DANG LDAN PAS, ,NUB KYI CHAR NI DMAR PO 'O, ,BYANG DU LJANG GU DANG LDAN PAR, ,AINDRA N'I LA'I 'OD 'DRA BA'I, ,DBUS KYI CHAR NI YANG DAG BRI, ,DE LA PHYAG RGYA DGOD PAR BYA, ,LAS KYI CHO GA MTHONG NAS NI, ,RTAG TU PHYAG RGYA MKHA' MNYAM PA, ,PHYAG RGYA
DE NYID RTAG TU BRI, ,DE YI DKYIL DU RDO RJE BRI, ,SHAR DU 'KHOR LO YANG DAG BRI, ,DE LTA BU LA SOGS PA BLTA, ,PHYAG MTSAN KUN TU ZHAL DANG MTSUNGS, ,DE LA 'DI YI DGANG GZAR NI, ,DE YI YU BA'I TSAD BYA BA, ,KHRU GANG DANG NI LDAN PAR BYA, ,DE YI DKYIL 'KHOR RTZE MO NI, ,SOR BZHI PO LA ZLUM POR BA, ,GTING DU SOR GNYIS ZAB PA LA, ,DE LA SOR PHYED MCHUR BYAS PA'O, ,BLUGS GZAR PADMA'I 'DAB 'DRA BA'I, ,KHA NI MTHE BO'I LTO GANG LA, ,DE LA SOR GCIG TZAM ZAB PA, ,RGYUD 'DI RU NI RAB TU BSNGAGS, ,DKYIL 'KHOR DU NI MA ZHUGS DANG, ,MTSAMS MED LNGA NI BYAS PA DANG, ,SEMS CAN SROG NI GCOD PA DANG, ,NYA DANG SHA NI MNGON ZA DANG, ,CHANG LA MNGON PAR DAD PA DANG, ,CHAD LTA'I BRTUL ZHUGS 'DZIN PA DANG, ,MNGON PAR DBANG NI MA BSKUR DANG, ,KUN TU 'KHYAMS SHING LDOM BU DANG, ,GRONG GI GLA MI BYED PAS KYANG, ,GSHIN RJE GSHED RGYUD MNGON GZHOL NA, ,NAG PO'I TSIG NI JI LTA BAR, ,GRUB PA 'DI LA THE TSOM MED, ,DE NAS BYAMS PA LA SOGS KYIS, ,RDO RJE NGES PA 'DI MTHONG NAS, ,RDO RJE BYANG CHUB SEMS DPA' KUN, ,MI SMRA BAR NI SDOD PAR 'GYUR, ,DE LA 'DI NI, ,RDO RJE DBAB PA'I CHO GA'O, ,'BYUNG BZHI'I SA BON CHEN PO YIS, ,'KHOR LO BZHI NI RAB BSGRUB BYA, ,GNAS BZHI RAB TU SBYOR BA BSAM, ,NAM MKHA' LA NI G-YO BAR BYED, ,RKANG PA DAG GI 'OG TU YAm, ,LTE BAR RAm STE SNYING GAR LAm, ,MGO BO
, ,LA NI YI GE BAm, ,YI GE YA NI NAG CHEN PO, ,DRAG LA RNGAM PA RAB GYUR BA'I, ,GRU GSUM SREG BA'I ME LTAR 'BAR, ,NYI MA'I DKYIL 'KHOR LTA BUR DMAR, ,RDO RJE SA GZHI 'DZIN BZOD PA'I, ,SER PO CHEN PO GRU BZHI BA, ,RI RAB RI YIS MNAN PA YIS, ,NOR 'DZIN DE NI BSGOM PAR BYA, ,DKAR PO ZLUM PO BSIL CHEN PO, ,SPRIN BZHIN DU NI CHAR PA 'DZIN; ;RGYA MTSO DU MA CHUS GANG BA'I, ,GANGS KYI RI BO LTAR BSIL BA'I, ,GNAS BZHI RU NI SBYOR BAS NA, ,KHAR NI SNANG BA MTHA' YAS TE, ,SLOB MA RDO RJE BSGOM PAR BYA, ,MYUR BA RU NI 'BEBS PAR BYED, ,DE LA 'DI NI SPRO BA'I CHO GA'O, ,RDO RJE CHOS NI MGON CHEN PO, ,SNANG BA MTHA' YAS BDE BA CHE, ,GSUNGS SHIG 'DOD CHAGS CHOS CHEN PO, ,DGE DANG MI DGE LEGS PAR BRI; ;KHRU GANG NAS NI BRTZAMS NAS NI, ,JI SRID KHRU NI STONG GI BAR, ,SLOB MA CHEN PO 'PHAR BAR 'GYUR, ,DE NI DBAB PA'I CHO GA 'O, ,'JIGS GZUGS RI MO'I MTSAN NYID NI, ,DE NAS YANG DAG BSHAD PAR BYA, ,SA NI 'JAM PO BLANGS BYAS LA, ,BRTUL ZHUGS CAN GYIS BZLAS PA BYA, ,SRAN GRE'U 'O MA DE BZHIN SHA ,BU RAM TIN NI NI LA SOGS, ,SNUM DANG NIM PA'I LO MA DANG, ,NA TI DE BZHIN DZA GE SA, ,DANG POR DKAR BOR BRI BAR BYA, ,KHA DOG GZHAN GYIS DE NAS BSGOM, ,RDO RGYUS DANG NI BTZAG DAG LAS, ,RGYA SKYEGS LTA BU'I
MDOG TU 'GYUR, ,YUNG BA DE DAG RAMS DAG LAS, ,DE BZHIN KHA DOG LJANG GUR 'GYUR, ,SNGON PO DAG NI RAMS KYIS BYA, ,DE BZHIN DU BAS NAG PO 'O, ,LDONG ROS KYIS NI SER PO STE, ,DMAR PO DE BZHIN 'TSAL GYIS SO, ,DE LA PIL BA'I SNYING PO GZHAG ,HA CANG NYUNG DANG MANG BA MIN, ,MANG NA NAG POR 'GYUR BA STE, ,NYUNG NA DE BZHIN 'THUL BAR 'GYUR, ,GZUGS NI KHRO DANG ZHI BA 'O, , MTSAN NYID DAG NI BSHAD PAR BYA, ,ROL BA ZHI BAR GSUNGS PA STE, ,KHRO BO SBOM LA THUNG BAR BSHAD, ,SNA NA SOR BZHI BYA BA STE, ,DPRAL BA KOS KO MCHU DE BZHIN, ,MGRIN PA 'GRAM PA DE BZHIN MTSAN, ,SOR BZHI DAG TU BYA BA YIN, ,NYI SHU RTZA BZHI LAG PA LA, ,GYEN DU SOR NI NYI SHU YIN, ,LAG PA RKANG PA GDONG JI LTAR, ,MIG NI MTHE BONG GANG TZAM STE, ,RNA BA GNYIS LA SOR GNYIS BSGRAGS, ,'BRAS BU GNYIS LA DE BZHIN BZHI, ,MCHU NI SOR GNYIS BSNGOMS PA 'O, ,LTE BAR SOR GCIG ZAB PA YIN, ,LUS NI MGRIN PA BOR BA YI, ,GDONG NI SUM 'GYUR LUS LA DGOD, ,RAL BA COD PAN DE YI TSAD, ,RIN CHEN COD PAN SOR DRUG PA'O, ,RAL PA GCIG MA RAB SGRUB THABS, ,DE NAS YANG DAG BSHAD BYA BA, ,GNOD SBYIN MO NI SGRUB 'DOD PAS, ,RAL PA GCIG MA RAB SGRUB THABS, ,PHYAG GNYIS PA LA ZHAL GCIG STE, ,GRI GUG DANG NI THOD PA LA, ,SHIN TU SBOM LA MDOG SNGO BA, ,DKYIL 'KHOR DBUS SU BSGOM PAR BYA, ,DZAm BHA LA NI SHAR DU
, ,BSGOM; ;BSU DHA RA LHO PHYOGS SU, ,CHU DBANG NUB TU DGOD BAR BYA, ,BYANG DU RNA CHA GOS KO 'PHYANG, ,ME LA SOGS PA'I MTSAMS DAG TU, ,GNOD SBYIN MO BZHI RAB BSGOM BYA, ,KU TA LA KYE HE NI GYI HAm, ,BA SU DHA RI CHOG BZHIN DGONG, ,DER NI SGO BA RNAMS BSGOMS TE, ,THO BA LA SOGS MNYAM PAR RO, ,'KHOR LO LNGA MA MTHONG BA BZHIN, ,DE BZHIN MDOG NI RAB SBYAR BYA, ,PHYAG MTSAN BDAG NI LHAR 'DZIN PA, ,MKHAS PAS PHYI NAS SNGAGS BZLAS TE, ,AOm AE KA DZA tI BA SU DH'A RA nI SV'AH'A, PUKKA SI NI RAB SGRUB THABS, DE [?] NAS YANG DAG BSHAD PAR BYA, ,GANG ZHIG BSGOMS PA TZAM GYIS NI, ,'JIG RTEN GSUM LA 'TSA NUS PA, ,SKU MDOG SER PO ZHAL BZHI PA, ,PHYAG BZHI BONG BU LA BCIBS PA, ,PUKKA SA YA [?] LUS BSGOM BYA, ,ZHAGS PA THO BA MDA' DAG DANG, ,BRTUL ZHUGS CAN GYIS GZHU BCAS BSGOM, ,AOm PUKKA SI AAm ZHES SNGAGS BRJOD DO, ,'JAM PA'I RDO RJE'I DKYIL 'KHOR NI, ,DE NAS YANG DAG BSHAD BYA BA, ,DE YI MOD LA MI SNANG BAR, ,'JAM PA'I RDO RJE GRAGS 'GYUR BA, ,'BAR BA'I GSER 'OD 'DRA BA YI, ,SER PO ZHAL GSUM PHYAG DRUG PA, ,GZHON NU'I GZUGS NI 'DZIN PA'I MGON, ,MI MTHONG BYA BA'I DON DU BSGOM, ,SHAR DU MDZES MA DGOD PAR BYA, ,DE BZHIN LHO RU SKRA CAN MA, ,NUB TU SER BO BSGOM PAR BYA, ,BYANG DU NYE BA'I SKRA CAN MA, ,THAMS
CAD PHYAG NA RAL GRI DANG, ,'KHOR LO LA SOGS GZHAN LA DGOD, ,THAMS CAD ZHAL GSUM PHYAG DRUG PA, ,SNA TSOGS RGYAN GYIS BRGYAN PA 'O, ,SA BON YI GE MAm LAS BYUNG, ,DKYIL 'KHOR GYI NI DBUS NA BZHUGS, ,THAMS CAD ZHABS NI G-YON BRKYANG BAS, ,RI BONG CAN GYI GDAN LA BZHUGS, ,'OD ZER CAN DANG RI KHROD MA, ,DE BZHIN NOR 'DZIN SKUL BYED MA, ,ME LA SOGS PA'I MTSAMS BZHI RU, ,BSDUS PA DGOD BYA SNYING PO LA'O, ,MYA NGAN MED DANG YAL 'DAB DANG, ,'BRAS KYI SNYAM DBYIG PA 'O, ,SER DANG LJANG DANG YANG SER PO, ,DKAR PO'I LUS NI BSGOM PAR BYA; ;KUN KYANG ZHAL GSUM PHYAG DRUG PA, ,DKYIL 'KHOR DAG TU GDAB PAR BYA, ,THO BA LA SOGS SGO BA BZHI, ,BSGOMS NA MTHONG BAR MI 'GYUR RO, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD LAS, 'JAM PA'I RDO RJE SGRUB PA'I THABS ZHES BYA BA STE RIM PAR PHYE BA BCU BZHI PA'O,, ,,'PHAGS PA DZANG+GU LA'I SGRUB THABS, ,DE NAS YANG DAG BSHAD PAR BYA, ,GANG ZHIG BSGOMS PA TZAM GYIS NI, ,CHU YI STENG NAS 'GRO 'GYUR BA, ,SER PO ZHAL GSUM PHYAG DRUG PA, ,SA BON PHU LAS YANG DAG BYUNG, ,SKU CHEN PHYAG NA SBRUL BSNAMS PA, ,RMA BYA LA NI ZHON PAR DGOD, ,SHAR DU RMA BYA DGOD PAR BYA, ,DE BZHIN LHO RU KHRO GNYER CAN, ,NUB TU RI KHROD LO MA CAN, ,BYANG DU RDO RJE LCAGS
, ,SGROG MA; ;RMA BYA'I SGRO DANG SPYI BLUGS DANG, ,LO MA DANG NI LCAGS SGROG MA, ,DE DAG RNAM PAR BSGOM PAR BYA, ,SER DANG DMAR DANG DE BZHIN LJANG, ,KHA DOG SNGON PO DBYE BA NYID, ,MKHAS PAS 'DI LTAR BSGOM PAR BYA, ,DE BZHIN SNGAGS 'DI DAG KYANG BZLAS, ,AOm PHU DZA, THO BA LA SOGS SGO RU DGOD, ,ME TOG LA SOGS MTSAMS SU DGOD; ;DZANG+GU LI YI SBYOR BA YIS, ,CHU YI STENG NAS RTAG TU 'GRO, ,KU RU KULLE RAB SGRUB THABS, ,DE NAS YANG DAG BSHAD PAR BYA, ,GANG GIS BSGOMS PA TZAM GYIS NI, ,KLU YI BU MO RAB 'GUGS PA, ,KHA DOG DMAR PO ZHAL BZHI PA, ,PHYAG BRGYAD DANG NI RAB TU LDAN, ,HR'I YI SA BON LAS BYUNG BAS, ,KLU NI 'GUGS PAR BYED PA YIN, ,PHYAG BRGYAD DU NI KLU DGOD DE; ;MTHA' YAS LA SOGS KLU RIGS BRGYAD, ,LUS NI SBRUL GYIS RAB TU BRGYAN, ,BRTUL ZHUGS CAN GYIS MDZES MA BSGOM, ,SNGAGS NI, AOm KU RU KULLE HR'I:PHU:SV'AH'A, DE NAS GSANG BA BSHAD PAR BYA, ,BSDUS NAS YIN GYI RGYAS PA MIN, ,GANG ZHIG SHES PA TZAM GYIS NI, ,LHA YI BU MO 'GUGS BYED PA, ,PHYAG GNYIS PA LA ZHAL GCIG STE, ,PHYAG NA MDA' DANG GZHU BSNAMS PA, ,LUS NI SER PO CHEN PO YI, ,RDO RJE LUS MED BSGOM PAR BYA, ,SHAR DU DGA' MA BSGOM PAR BYA, ,LHO RU 'DOD PA'I MDZES MA BSGOM, ,NUB TU
'DOD PA'I LHA MO BSGOM, ,BYANG DU 'DOD PA'I LCAGS KYU 'O, ,'DOD PA'I LHA MO THAMS CAD KYI, ,PHYAG TU MDA' DANG GZHU BSGOM BYA, ,SER DANG DMAR DANG DE BZHIN LJANG, ,DMAR SKYA DAG NI BSGOM PAR BYA, ,MTSAMS RNAMS SU NI RTAG DGOD PA, ,MI 'GAG DE BZHIN MTSAMS KYI BDAG ,G-YI DANG SPRE'U'I RGYAL MTSAN NI, ,SGO YI PHYOGS KYI BSHAD PAR BYA, ,'DOD PA 'GYING DANG 'GYING BAG CAN, ,DRAN DANG DE BZHIN MDA' GRI CAN, ,LHA RNAMS DE DAG THAMS CAD KYI, ,DBU LA GSHIN RJE GSHED PO BSGOM, ,BUD MED KYI NI PADMA RU, ,RDO RJE LUS MED BSGOM PAR BYA; ;YI GE YID LAS YANG DAG BYUNG, ,KUN TU 'KHOR BAR RNAM PAR 'PHRO, ,BSLUS SHING G-YENGS PA BSGOM PAR BYA, ,MYOS NAS BDE BA'I 'DOD YID KYI, ,DMAR PO'I GOS KYIS YONGS DKRIS TE, ,RKANG PA'I DRUNG DU LHUNG BAR 'GYUR, ,DER NI SNGAGS KYANG BZLAS PAR BYA, ,YI GE AOm NI RING POR DRANG, ,YI GE SV'AH'A THA MAR SBYIN, ,YI GE SI TI'I SNGAGS BZLAS BYA, ,CHE GE MO ZHIG BDAG DBANG GYUR, ,THAMS CAD DU NI BSGOMS BYAS NAS, ,NAG PO'I TSIG NI JI BZHIN GYIS, ,RNAL 'BYOR 'DOD PAS DE THOB 'GYUR, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD LAS, LUS MED RDO RJE'I SGRUB THABS RIM BAR PHYE BA STE BCO LNGA BA'O,, ,,HE RU GA CHEN SGRUB PA'I THABS, ,DE NAS YANG DAG BSHAD
, ,PAR BYA; ;RNAL 'BYOR 'KHOR BAR BCINGS PA LA, ,GANG ZHIG SHES BAS MYUR GROL BA, ,PHYAG GNYIS PA LA ZHAL GCIG STE, ,KHA DOG SNGON PO PHYED GAR CAN, ,RDO RJE PHYAG TU BSGOM PAR BYA, ,GZHAN YANG THOD PA BSGOM PAR BYA, ,SPYAN GSUM SKRA NI GYEN DU 'GRENG, ,PHYAG RGYA LNGA YIS RNAM PAR BRGYAN, ,KHA tV'Am GA NI G-YON PHYOGS SU, ,PHRENG BA DAG GI RKANG PA BRGYAN, ,SA BON H'Um LAS YANG DAG BYUNG, ,YI DVAGS LA GNAS RTAG TU DGOD, ,SANGS RGYAS LNGA RU RAB SBYOR BA, ,THOD PA LNGA NI DBU LA 'O, ,COD PAN LA NI MI BSKYOD BSGOM, , HE RU KAR GRAGS BSGOM PAR BYA, ,SHAR DU CHOS KYI 'KHOR LO MA, ,SANGS RGYAS BYANG CHUB LHO RU 'O, ,'DOD PA KUN GYI 'KHRIS MA NUB, ,BYANG DU HE RU KA NYID 'DRA, ,RGYAN KUN GYIS NI RNAM BRGYAN PA'I, ,KHA DOG SNA TSOGS RNAM PAR DGOD, ,GZUGS MDZES YI DVAGS LA BZHUGS PA, ,GTI MUG THAMS CAD NYER 'JOMS BYED, ,CHOS 'KHOR AA SHAD THA'I DBYUG PA; ;DE BZHIN YID BZHIN NOR BU'I SHING, ,LHA MO RNAMS KYI PHYAG G-YAS SU, ,RDO RJE YANG NI BSGOM PAR BYA, ,CHOS KYI 'KHOR LO THAMS CAD LA, ,THOD PA'I SNOD NI G-YON PA LA; ;SPYAN MA M'A MA K'I SGROL MA, ,GOS DKAR YID DU 'ONG BA RNAMS, ,ME LA SOGS PA'I MTSAMS BZHI RU, ,'KHOR LO PHYI ROL GSHIN GSHED DO, ,SHES RAB MTHAR BYED RTA
MGRIN DANG, ,'KHYIL PAR BCAS PAR BSGOM PAR BYA, ,'KHOR LO YI NI SGO SRUNG STE, ,CHO GA'I LAS NI MTHONG BAS SO, ,GSHIN RJE GSHED NAG PO'I RGYUD LAS, HE RU KA SGRUB PA'I RIM PAR BYE BA STE BCU DRUG PA'O,, ,,RNAM PA LNGA NI BSGOMS BYAS LA, ,SANGS RGYAS GZUGS NI BSGOM PAR BYA, ,SANGS RGYAS GZUGS NI BSGOMS PA YIS, ,MKHAS PAS 'KHOR LO BSGOM PAR BYA, ,GRU BZHI YI NI SBYOR BA YIS, ,'KHOR LO BSKYED PAR BYA BA STE, ,TZA RTZI KA SOGS GLU DANG NI, ,DRUG LAS SKYES SOGS LEN PAR BYED, ,SNYING RJE KHROS PA'I DAD SGROL BZHENGS, ,KHAMS GSUM KUN GYI GTI MUG GSOL, ,DAD SGROL GSOL BAS MA BZHUGS BZHENGS, ,BDUD 'DI DAG LAS RGYAL BAR MDZOD, ,'JIG RTEN MGON PO STONG NYID CI STE BZHUGS, ,DAD SGROL 'JIG RTEN BSOD NAMS KYIS BZHUGS SHIG ,BYANG CHUB 'DOD PA'I 'JIG RTEN MGRON BOS NAS, ,KHYOD NI STONG PA NYID LA SEMS PAR BYED, ,JI LTAR SKAR MDA' 'PHO BA BZHIN, ,BYANG CHUB SEMS LA ZHUGS PAR GYUR, ,RDO RJE 'CHANG RANG NGO BO NYID, ,SNYING RJE DANG NI 'DOD CHAGS SEMS, ,DANG POR SGOM PA RNAL 'BYOR TE, ,GNYIS PA RJES KYI RNAL 'BYOR YIN, ,GSUM PA SHIN TU RNAL 'BYOR TE, ,BZHI PA RNAL 'BYOR CHEN PO 'O, ,RDO RJE SEMS DPA' RDZOGS PA YIN, ,RNAL 'BYOR YIN PAR 'DI LTAR 'DOD, ,DE NI
, ,RGYU MTHUN LHA YI SKU, ,RJES KYI RNAL 'BYOR YIN PAR GRAGS, ,'KHOR LO THAMS CAD YONGS RDZOGS PA, ,SHIN TU RNAL 'BYOR YIN PAR BSGRAGS, ,SKU DANG GSUNG DANG THUGS RNAMS DANG, ,LHA YI MIG SOGS BYIN BRLAB DANG, ,YE SHES 'KHOR LO GZHUG PA DANG, ,BDUD RTZI MYANG BA DANG NI, ,MCHOD DANG BSTOD PA CHEN PO DAG ,RNAL 'BYOR CHEN PO ZHES BYA 'O, ,SLOB DPON LA NI BRNYAS MI BYA, ,BDE GSHEGS BKA' LAS 'DA' MI BYA, ,DE BZHIN SPUN LA KHRO BA DANG, ,NYES PA BSGRAG PAR MI BYA 'O, ,BYANG CHUB SEMS KYANG GTANG MI BYA; ;BDAG GZHAN CHOS LA SMAD MI BYA, ,SEMS CAN LA NI BYAMS PA DAG ,NAM YANG GTANG BAR MI BYA 'O, ,YONGS SU MA SMIN SEMS CAN LA, ,GSANG BA DAG NI BSTAN MI BYA, ,BDAG SOGS PHUNG PO BRNYAS MI BYA, ,GRONG PA'I CHOS NI SUN MI GDON, ,GDUG LA BYAMS PA RTAG TU GTANG, ,CHOS LA TSAD NI GZHAL MI BYA, ,SEMS CAN DAD PA CAN MI BSLU, ,RTAG TU DAM TSIG BSTEN PAR BYA, ,BUD MED SHES RAB RANG BZHIN LA, ,SMOD PA NYES PA DE BZHIN NO, ,RNAL 'BYOR SLONG MOS RGYU MI BYA, ,RNAL 'BYOR SPANG BAR MI BYA STE, ,RTAG PAR RGYUN DU GSANG SNGAGS BZLA; ;RTAG TU DAM TSIG LA SOGS BSTAN, ,GAL TE BAG MED BYUNG GYUR TE, ,BLA MA DAM TSIG LA GNOD NA, ,DES NI DKYIL 'KHOR BRIS BYAS LA, ,BDE GSHEGS RNAMS LA NYES PA
BSHAGS, ,SNYING RJE CAN GYIS MI BRTAG PAR, ,DAD PAS BLA MA'I DAM TSIG SRUNG, ,NYES PA MA LUS RNAM SPANGS SEMS KYIS NI, ,BSAM GTAN LA SOGS BZLAS PA MCHOG GZHOL BAR, , BYAS LA RTAG LA BLA MA BLA MAR BYA, ,BRTAN CING DUL LA SNYING RJE GCIG TU SEMS, ,DAD DANG LHAG PA'I BSAM PAS BZOD PA 'DZIN, ,SLOB MA BLA MA LA NI GUS PA DANG, ,DAD PAS GSHIN RJE GSHED LA GUS PA LA, ,BRTUL ZHUGS LDAN PAS DE NI YONGS SBYIN BYA, ,DE NAS BCOM LDAN 'DAS DE BZHIN GSHEGS PA THAMS CAD KYI MCHOG TU DGA' BA CHEN PO'I NGO BO RDO RJE 'CHANG GI GSUNG NYE BAR THOS NAS CANG MI SMRA BAR GYUR TE, ,'DI LTA BU'I CHED DU BRJOD PA CHED DU BRJOD DO, ,BRTUL ZHUGS MTHAR THUG THOD PA CHEN PO LTAR, ,'KHRUL 'KHOR MTHAR THUG GSHIN RJE GSHED KYI RGYUD; ;RGYUD KYI MTHAR THUG PA NI 'DUS PA STE, ,BYUNG BAR MA GYUR 'BYUNG BAR MI 'GYUR RO, ,AE MA'O ZHI BA CHEN PO'I CHOS, ,AE MA'O KHRO BO 'JIGS MDZAD PA, ,AE MA'O MYA NGAN 'DAS PA'I MCHOG ,AE MA'O 'KHOR BA ZHI BA NYID, ,AE MA'O 'DI NI RAB TU MTSAR, ,NYES PA GANG DE YON TAN GYUR, ,BYANG CHUB MED CING MNGON RTOGS MED, ,DNGOS PO MA YIN BSGOM BYA MIN, ,KHAMS MA YIN ZHING RNAM SHES MIN, ,NAM MKHA'I KHAMS DANG MTSUNGS PA NYID, ,NAM MKHA' LTA BUR BDAG MED PA, ,CHOS 'DI BDE BA CHEN PO STE, ,SA YANG MA YIN CHU MIN TE, ,ME MIN RLUNG
, ,MIN NAM MKHA' MIN, ,RDO RJE SEMS DPA'I SBYOR BA YIS, ,BSKYED PA YANG NI RAB GNAS NAS, ,DNGOS PO THAMS CAD DNGOS MED BSHAD, ,DNGOS PO MED CES MA BSGRAGS PA, ,RNAL 'BYOR SBYOR BA DANG 'BREL PHYIR, ,CHAD PA MA YIN RTAG PA YIN, ,YAN LAG MED CING KHA DOG MED, ,THOG MA BAR DANG MTHA' SPANGS PA, ,DNGOS PO THAMS CAD MED PAR 'GYUR, ,MCHOG TU DGA' BA'I MTSAN NYID DO, ,DE NAS BCOM LDAN 'DAS TZARTZI KA CHEN PO LA SOGS PAS CHED DU BRJOD PA CHED DU BRJOD DO, ,BSOD NAMS SDIG PA DAG DANG MA 'BREL BAS, ,MCHOG TU DGA' BA DRI MED DAG PA YI, ,MGON PO DE BZHIN NYID KYI GTER CHEN GCIG PU DANG, ,KUN KYANG SNYING RJE'I SEMS KYIS MGON 'DI YOD, ,CHOS RNAMS NGO BO BDE BA CHEN PO'I DNGOS, ,MCHOG TU DGA' BA 'DI YI NGO BO NYID, ,DE LA GZUGS MED BSOD NAMS MED CING SDIG PA MED, ,SKYE BA DANG NI 'GAG PA DAG NI YOD PA MIN, ,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD LAS, BYANG CHUB KYI SEMS KYI RIM PAR PHYE BA STE BCU BDUN PA'O,, ,,DE NAS GTAM RGYUD BSHAD PAR BYA STE, BCOM LDAN 'DAS MNGON PAR BYANG CHUB PA'I DUS SU BCOM LDAN 'DAS THUB PA CHEN PO LA BYANG CHUB KYI BAR DU GCOD PA'I PHYIR SHIN TU 'JIGS SU RUNG
BA'I 'JIGS PA CHEN PO STON CING BDUD KYI DPUNG CHEN PO LHAGS TE, ,DE'I DUS NA BDUD CHEN PO LAS RNAM PAR RGYAL BA ZHES BYA BA'I TING NGE 'DZIN LA SNYOMS PAR ZHUGS TE, BCOM LDAN 'DAS NYID KYI SKU GSUNG THUGS RDO RJE RNAMS LAS GSHIN RJE GSHED KYI KHRO BO NGES PAR PHYUNG STE, ,NGES BAR PHYUNG NAS KYANG LAG NA RDO RJE THUB PA CHEN PO'I BKA' BZHIN BYED PA LA PHYAG NA RDO RJE KHYOD 'DI LTA BU'I GSHIN RJE GSHED KYI KHRO BO'I GZUGS SU BSGYUR TE BDUD DANG, KLU DANG, GNOD SBYIN DANG, LHA MA YIN DANG, LHA RNAMS KYANG CHOMS SHIG ,CHINGS SHIG ,RTOGS SHIG CES GSUNGS SO, ,DE'I DUS NA JI LTAR BDAG GIS BCOM LDAN 'DAS KYIS GSUNGS PA THOS TE, SKAD CIG LA BZUNG ZHING DON BZUNG STE BSDUS NAS RAB TU YID LA BYAS SO, ,ZHES GSANG BA CHEN PO'I BDAG PO CHEN PO RDO RJE RIGS KYI GTZO BO NN'A DA KU BE RA'I YAB KYIS DE SKAD CES GSUNGS SO, ,AO dYAN GYI YUL NAS YANG DAG PAR BYUNG BA, DNGOS GRUB THAMS CAD SKYED PAR BYED PA, RGYUD KYI RGYAL PO 'BUM PHRAG BDUN PA LAS PHYUNG BA GSHIN RJE GSHED NAG PO'I RGYUD LAS, LE'U BCO BRGYAD PA'O,, ,,DE BZHIN GSHEGS PA THAMS CAD KYI SKU GSUNG THUGS GSHIN RJE GSHED NAG PO'I RGYUD RDZOGS SO,, ,,RGYA GAR GYI MKHAN PO CHEN PO MKHAS PA D'I PAm KA RA SHR'I DZNY'A NA DANG, BOD KYI LOTZTSA BA DGE SLONG TSUL KHRIMS
, ,RGYAL BAS BSGYUR CING ZHUS TE GTAN LA PHAB BA, SLAD KYIS LOTZTSA BA DGE SLONG DAR MA GRAGS KYIS BCOS LA DE LAS KYANG DGE SLONG RDO RJE GRAGS KYIS BCOS SO,,