,,RGYA GAR SKAD DU, BADZRA SU KHA KRO DHA TANTRA R'A DZA, BOD SKAD DU, RDO RJE BDE KHROS RGYUD KYI RGYAL PO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, ,BCOM LDAN 'DAS BDUD LAS RNAM PAR RGYAL BA ZHES BYA BA 'OG MIN GYI GNAS GZHAN 'PHRUL DBANG BYED KYI PHO BRANG NA BZHUGS SO, ,DE'I TSE 'DUS PA RNAMS KYIS DANG PO SEMS DPA' CHEN PO YID CHER G-YOS TE, ,GUS PAS BKUR STI
, ,DANG, RIM GRO DANG, PHU DUD DANG, BSTI STANG DU BYAS TE, AE MA'O BYAMS MGON THUGS RJE CAN, ,'GRO BA'I SEMS CAN THAMS CAD KUN, ,ME YIS TSIG CING MTSON GYIS PHOG ,MUN PAR 'KHYAMS NAS RI YIS NON, ,RLUNG GIS KHYER BA SNYING RE RJE, ,SKYABS KYI DAM PA BKA' STZAL 'TSAL, ,ZHES ZHUS PAS, DER NI MGON POS SKU BSTAN TE, ,ZHAL GYI PADMA RAB PHYE NAS, ,SPYAN GYI GZI MA DANGS KUN LA GZIGS, ,LJAGS KYI DKYIL NAS BKA' STZAL PA, ,SKYOB PA'I DAM PA 'DI YIN GYIS, ,RDO RJE BDE DANG KHROS PA YI, ,DUM BU GSUM PA NGAS BSHAD KYIS, ,LEGS PAR NYON LA YID LA ZUNGS, ,ZHES GSUNGS SO, ,RDO RJE BDE KHROS KYI RGYUD LAS GTAM RGYUD KYI RIM PA BSTAN PA'I LE'U STE DANG PO'O,, ,,DE NAS MNGON PAR BSHAD BYA BA, ,BKRA SHIS MAndAL LEGS BYAS LA, ,TSUL DANG MTHUN PA'I BUM PA DGOD, ,DE YANG CHU GTZANG SNA BDUN BLUGS, ,GZHAN YANG SHING TOG 'BRAS BU DANG, ,MNGAR GYI RNAM PA DANG, DRI'I RNAM PA DANG, RIN PO CHE'I MCHOG DANG, 'BRU'I BYE BRAG DANG, SMAN RNAMS BLUGS SO, ,BUM PA DE'I MGRIN PA DAR SNGON POS DKRIS TE, STENG DU BLA RE PHUB LA GZHAG GO ,RDO RJE BDE KHROS KYI RGYUD LAS SGRUB RDZAS KYI LE'U STE GNYIS PA'O,, ,,DE NAS MNGON PAR BSHAD BYA BA, ,SGRUB BYED RANG RGYUD DAG PA YIS, ,BSKYED TSUL RGYAS SAM BSDUS KYANG RUNG, ,H'Um LAS PHYAG NA RDO RJE NI, ,DBU GSUM MTHING
NAG PHYAG BZHI MDZAS ,SKU NI CHE ZHING MTSUNGS PA MED, ,ZHABS KYIS RGYA MTSO'I NANG DU YANG, ,CHU SRIN SBAL PA'I STENG DU BRDZIS, ,G-YAS G-YON DANG PO'I PHYAG GNYIS KYIS, ,RDO RJE GSOR ZHING DRIL CHEN RDUNG, ,MTHA' GNYIS DRUG PA ZHAL DU 'DREN, ,DBU GSUM G-YAS DKAR RIGS LNGAS BA RGYAN, ,DBU G-YON DMAR PO SBRUL GYIS MDZES, ,ZHAL DBUS MTHING NAG LCAGS MCHU CAN, ,STENG DU MKHA' LDING TSANGS PA SPRUL, ,DPA' BO GDUG PA DPUNG PA'I RGYAN, ,RIN CHEN LHUN PO'I RI RAB LA, ,STEGS BCAS ZHUM PA MED PAR BZHUGS, ,DE LTAR LHA DANG RAB SBYAR NAS, ,DE NYID BSTAN PA'I YAN LAG GIS, ,RANG LUS TSAGS SU GZHUG PAR GYIS, ,RDO RJE BDE KHROS PA'I RGYUD LAS LHA BSGOM PA'I LE'U STE GSUM PA'O,, ,,DE NAS MNGON PAR BSHAD BYA BA, ,SGO GSUM SBYOR BA SHES PA YIS, ,GSANG BA'I SNYING PO 'BUM DU BZLAS, ,AOm BADZRA TZAndA SARBA DUshtAm TA KA HA NA, DA HA PA TZA H'Um PHAt, BCO BRGYAD SNGAGS KYI RGYAL PO 'DI, ,MA BYUNG MI 'BYUNG 'BYUNG MI 'GYUR, ,'DI BZLAS SNGON DU 'GRUB PAR 'GYUR, ,RTAG TU MTSAN MA BZANG PO 'BYUNG, ,GZHAN GYI SBYOR BA 'ONG MI 'ONG, ,RANG LA NGES PAR STON PAR 'GYUR, ,BSNYEN PA'I RIM PAS THUB MI THUB, ,'BAD PAS LEGS PAR BRTAG PAR BYA, ,DE NAS GTOR MA'I SBYIN PA NI,, AOm A'A: H'Um ZHES RGYUN DU GTANG NGO, ,RDO RJE BDE KHROS KYI RGYUD LAS GSANG BA'I SNYING PO DANG MTSAN LTAS BSTAN PA'I LE'U STE BZHI PA'O,, ,,DE NAS MNGON PAR BSHAD BYA BA, ,RTEN NI RDO RJE'I 'OD DU 'BAR
, ,BRTEN PA 'PHRO TSAD H'Um DU 'BAR, ,'BAR BA'I 'OD ZER KUN TU 'PHRO, ,'JIG RTEN MA LUS SBYANGS NAS KYANG, ,SLAR LA THIG LE NYID LA 'DUS, ,SGRA DANG BCAS TE RANG GSAL 'BAR, ,BRTAN PAR GYUR NA SPRO BSDU BYA, ,RDO RJE BDE KHROS KYI RGYUD LAS ME'I BSAM GTAN GYI LE'U STE LNGA PA'O,, ,,DE NAS MNGON PAR BSHAD BYA BA, ,MTHING GI SHOG GU SNGON PO LA,, GSER GYI 'KHOR LO BRIS PA'I STENG, ,BSRUNG BA'I SNYING PO LEGS BKOD DE, ,GANG MING RAKshA SBYAR BAR GYIS, ,DE YANG TRI YI SA YONGS BGOS TE, ,SANGS RGYAS SEMS CAN NYID LA BSTIM, ,DE NYID BUM PAR LEGS BZHUGS LA, ,MCHOD CING BZLAS BRJOD GSOL BA GDAB, ,DE NAS TSES PA'I DUS BZANG LA, ,RANG NGAM GZHAN LA BTAGS GYUR NA, ,BAR CHAD THAMS CAD NYER ZHI NAS, ,TSE DPAL BSOD NAMS RGYAS PAR 'GYUR, ,RDO RJE BDE KHROS KYI RGYUD LAS BSRUNG BA'I LE'U STE DRUG PA'O,, ,,DE NAS MNGON PAR BSHAD BYA BA, ,'GRO BA DUG GIS GDUNGS PA LA, ,GDUG PA'I DBANG CHEN LA SOGS PA, ,'TSE BA 'DI LTAR 'BYUNG BAR 'GYUR, ,MI DGA' SEMS 'PHYO 'GRO SNYING 'DOD, ,NYAM CHUNG 'THIBS DANG LTAS KYANG NGAN, ,YANG YANG NA ZHING GTAM BSNOL 'ONG, ,DE NI KLU YI GNOD PA STE, ,TSOR NAS LEGS BAR BCOS NA BZLOG ,SA SRIN MI LA 'DI LTAR GNOD, ,LUS SBRID SHA 'BRIG SHA RO 'BYUNG, ,SHA BKRA ZOR BU NGO YANG 'GYUR, ,DE YANG TSOR NAS BCOS NAS BZLOG,
SA BDAG GNOD NA 'DI LTAR 'GYUR, ,GDON YANG SHIN TU LDOG 'GYUR TE, ,NA TSA'I ZUG RDU DRAG POR 'GYUR, ,RES 'GA' BDE BA LTAR YANG BYED, ,SKABS SU THIG LE KHO NAR NA, ,DE YANG BCOS DKA' SHES PAS BZLOG ,GNYEN GYI GNOD PA 'DI YIN TE, ,SHIN TU NA TSA'I TSABS KYANG CHE, ,RKANG LAG NA 'KHUMS DRI MA LDOG ,SHA KHRAG LUD NAS MIG KYANG SLE, ,KHA YO SNA YO CHU SER ZA, ,KHA YANG MI THUB GNOD PA ZA, ,CHU BUR BYUNG NA TSANG YANG CHE, ,TSOR BAR MI CHOG BSGRIM PA GCES, ,GDON TSOGS GZHAN YANG YUN MI RTOG ,PHRA MO TZAM LA SOGS PA BZLOG ,KUN LA BSGRIMS TE BCOS NA 'TSO, ,RDO RJE BDE KHROS KYI RGYUD LAS GZHAN GYI GNOD PA BRTAG PA'I LE'U STE BDUN PA'O,, ,,DE NAS MNGON PAR BSHAD BYA BA, ,DBANG CHEN LA SOGS THAMS CAD LA, ,MCHOD DANG GTOR MAS MGU BAR BYA,, CI 'DOD PA YI RDZAS RNAMS SBYIN, ,RTEN YOD GNAS SU LEGS PAR SPA, ,SNYAN PA'I TSIG GIS BSGO BYAS LA, ,BUM PA NOR BU RIN CHEN GZHUG ,MJES PA'I DAR SNA 'BRU YI MDZOD, ,GANG GI RTEN LA SBAS GYUR NA, ,GNOD PA RAGS PA ZHI BAR 'GYUR, ,RDO RJE BDE KHROS KYI RGYUD LAS ZHI BYED MCHOD THABS KYI LE'U STE BRGYAD PA'O,, ,,DE NAS MNGON PAR BSHAD BYA BA, ,BTZAN DUG GU GUL GLA RTZI DANG, ,SHU DAG SHING KUN MU ZI DRUG ,GSANG SNGAGS BTAB STE LUS LA BYUG ,GU GUL NYA MKHRIS GLA RTZI DANG, ,SGOG PA SHU DAG DRI CHEN RNAMS, ,BDUG PA BYAS TE YANG NA BKRU,
, ,GSER G-YU BYI RU MIG MA PHUG ,BTZAN DUG RMA BYA'I MKHRIS PAR BCAS, ,BCANGS NA BSRUNG BA'I MCHOG TU 'GYUR, ,RDO RJE BDE KHROS KYI RGYUD LAS RTEN 'BREL RDZAS KYI LE'U STE DGU PA'O,, ,,RDO RJE BDE KHROS KYI RGYUD LAS DUM BU DANG PO BSTAN PA'O,, ,,DE NAS MNGON PAR BSHAD BYA BA, ,GDUG PA THAMS CAD 'DUL BA'I PHYIR, ,DRAG SNGAGS 'DI DAG BRJOD PAR BYA'O, ,AOm A'A RA nA SOD SOD, M'A R'A nA BYING BYING, M'A RA nA RMUGS RMUGS, M'A RA nA HAL HAL, M'A RA nA DUN DUN, M'A RA nA MYOS MYOS, M'A RA nA MYOS BYING THUM RIL DZA: MI TSIG SPANGS TE DRAG SNGAGS 'DI, ,DBUGS MA SHOR BAR SBUB MAS DRANGS, ,BUM PAR BSTIMS NAS RTAGS THOB NAS, ,'THUNGS SAM BKRUS NA DNGOS GRUB 'THOB, ,SNGAGS LA GANG MING SBYAR BYAS NAS, ,YUNGS KAR GDUG PA'I PHUR PA LA, ,BRJOD DE LAS LA SBYAR GYUR NA, ,GANG LA BZLAS PA BRLAG PAR 'GYUR, ,MA BSGRUBS LAN CIG BRJOD PAS KYANG, ,DNGOS GRUB THAMS CAD THOB PAR 'GYUR, ,MA BYUNG MI 'BYUNG 'BYUNG MI 'GYUR, ,RDO RJE BDE KHROS KYI RGYUD LAS DRAG SNGAGS KHROS PA'I LE'U STE BCU PA'O,, ,,DE NAS MNGON PAR BSHAD BYA BA, ,RDZAS BSAG LHA BSKYED DRAG SNGAGS BZLAS, ,DGOD PA TSANG BA'I BUM PA STE, ,MI DMIGS BAm LAS RIN PO CHE'I, ,BUM PA TSUL DANG MTHUN PAR BSAM, ,DE NAS BAm DANG LAm LAS NI, ,CHU DANG SA YI DKYIL
'KHOR BSAM, ,LHA BSGOMS KHYAD PAR BUM PA 'DZIN, ,MCHU NI RDO RJE'I SBU GU STE, ,DE NAS SNGAGS KYI 'OD ZER 'PHROS, ,PHYIR 'PHROS [?] PA MA LUS BSREG ,'OD ZER LCAGS KYI SBUB MAR DRANGS, ,BUM PAR KHRO CHU KHOL MAR 'GYUR, ,DE 'THUNGS BKRUS PAS GANG GNOD PA, ,RDUL DU BRLAG STE DAG PAR BSAM, ,BRTZAMS PA'I LAS LA THE CHE MA MED, ,RDO RJE KHROS PA'I RGYUD LAS BUM PA KHROS PA'I LE'U STE BCU GCIG PA'O,, ,,DE NAS MNGON PAR BSHAD BYA BA, ,RDZAS BSAG LHA BSGOM 'KHOR LO BSKOR, ,RO RAS BYI DUG BYA ROG SGROS, ,KHRU GANG TZAM GYIS MTSAN NYID LA,, 'CHI BAR BYED PA'I SNAG TSAL, ,'UG PA'I SGRO RTZA G-YAS PA YIS, ,DRAG SNGAGS MNYAM PA'I RE'U MIG BRI, ,DE NAS MTSAN MAR GANG DMIGS GZUGS, ,KHA DOG RIGS BZHI NYID DU BYA, ,DE SNYING DRAG SNGAGS RE RE DGOD, ,MAndAL GTZANG MA DRIS BYUG STE, ,DKAR DANG DMAR DANG SER DANG LJANG, ,RMA BYA'I SGRO YIS BRGYAN BYAS TE, ,LHA BSGOM KHYAD PAR 'KHOR LO 'DZIN, ,'KHOR LO BSKOR BA'I RIM PA NI, ,DRAG SNGAGS MNYAM PA'I 'KHOR LO BSKOR, ,SNGAGS NI, N'A GA TZAKRA M'A RA n'A H'Um PHAt, GANG BSAM 'DI LA THE TSOM MED, ,RDO RJE KHROS PA'I RGYUD LAS 'KHOR LO KHROS PA'I LE'U STE BCU GNYIS PA'O,, ,,DE NAS MNGON PAR BSHAD BYA BA, ,RDZAS BSAG LHA BSGOM PHUR PA GDAB, ,LCAGS SAM SENG LDENG DUG SHING LA, ,
, ,SNGAGS GRANGS MNYAM PA'I PHUR PA BSHAM, ,'KHOR LO'I MTHA' MA BSKOR TE DGOD, ,LHA BSGOM KHYAD PAR PHUR BU 'DZIN, ,DRAG SNGAGS BZLAS PA'I RIM PA NI, ,N'A GA BADZRA K'I L'A YA M'A RA nA H'Um PHAt, SNGAGS GRANGS MNYAM PA'I PHUR PA BSHAM, ,BRTZAM PA'I LAS LA THE TSOM MED, ,RDO RJE BDE KHROS KYI RGYUD LAS PHUR PA KHROS PA'I LE'U STE BCU GSUM PA'O,, DE NAS MNGON PAR BSHAD BYA BA, ,RDZAS BSAG LHA BSGOM SBYIN SREG BYA, ,GDUG PA'I SHING BU KHRU GANG TSAD, ,SNGAGS KYI GRANGS KYANG MNYAM PAR BYA, ,SNGON DMAR SKUD PAS RIM GSUM DKRI, ,BAR DER 'KHOR LO'I SROG RTZA GCAD, ,LAG TU GRI THOGS DRAG SNGAGS BRJOD, ,N'A GA TIKshnA CHE GE MO M'A RA YA H'Um PHAt, ,RIN PAR BGRANGS TE G-YAS GZHI'I KHUD,, BYANG SHAR MTSAMS SU RNAM PAR GZHAG ,DE NAS MAndAL DBUS NYID DU, ,HOM KHUNG BRUS TE DUG KHRAG BYUG ,NANG DU HO MA DU GZUGS PAR BYA, ,'KHOR LO GRIS GTUBS THOGS NAS NI; ;GRANGS DANG MNYAM PAR BSREG PAR BYA, ,MI DE YUGS SA'I KHYIM NAS BSLANG, ,LHA BSGOM KHYAD PAR ME DPUNG 'DZIN, ,GSANG SNGAGS BZLAS PA'I RIM PA 'DI, ,N'A GA TZITnA DZVA LA RAm, M'A RA YA PHAt, BSREGS NAS LAS BRTZAMS 'GRUB PAR 'GYUR, ,RDO RJE BDE KHROS KYI RGYUD LAS ME DPUNG KHROS PA'I LE'U STE BCU BZHI PA'O,, ,,
DE NAS MNGON PAR BSHAD BYA BA, ,RDZAS BSAG LHA BSGOM MNAN BSNGAGS BZLAS, ,CHU SRIN SRAM MAM BYI BA'I MGOR, ,BSREGS BA'I THAL BA BSDUS BYAS LA, ,GANG YIN NYID KYI SBYOR BA BCAS, LHA BSGOM KHYAD PAR RI RAB 'DZIN, ,DRAG SNGAGS BZLAS PA'I RIM PA NI, ,N'A GA STAMBHA YA N'AN, MNAN BYAS CHU SRIN KHA RU BSGOM, ,'DI BYAS GANG LA BZLAS PA BRLAG ,'DI LA THE TSOM MI BYA'O; ;RDO RJE BDE KHROS KYI RGYUD LAS RI RAB KHROS PA'I LE'U STE BCO LNGA PA'O,, ,,RDO RJE BDE KHRES KYI RGYUD LAS DUM BU GNYIS PA'O,, ,,DE NAS MNGON PAR BSHAD BYA BA, ,GLANG PO'I PAGS PAR 'BRUG BRIS NAS, ,GANG MING BCUG STE DRAG SNGAGS BZLAS, ,GNAM LCAGS 'BAB PA BZLOG PAR 'GYUR, ,'BRU YI PADMA 'DAB BRGYAD LA, ,KLU YI GZUGS RNAMS BRIS PA LA, ,BSTIM NAS DRAG SNGAGS RGYA BA GYUR NA, ,GNAM CHU DUS SU PHEBS PAR 'GYUR, ,THOD PAR AE BRIS SNGAGS KYIS BSKOR, ,GANG YIN BCUG LA BSTIMS PA LA, ,DRAG SNGAGS GANG YIN BZLAS BYAS NA, ,MYUR DU 'GRUB PAR GDON MI ZA, ,SROG CHAGS 'JIGS PAR GYUR PA LA, ,'CHI BA'I CHU YIS DRAG SNGAGS BRI, ,'JIGS BYED BKUG STE DE LA MCHOD, ,DE NYID YUNGS KAR THUM POR 'DEBS, ,GANG LA BTAGS PA BSRUNG BA'I MCHOG ,RDO RJE BDE KHROS KYI RGYUD LAS, LAS PHRA MO'I LE'U STE BCU DRUG PA'O,, ,,
, ,DE NAS DE DAG LA 'KHOR RNAMS MNGON PAR DGA' STE; BCOM LDAN 'DAS LA MCHOD CING BSTOD NAS RJES SU YI RANG BA PHUL TE MI SNANG BAR GYUR TO,, MNYAM PA CHEN PO LA BZHAG PA'O, ,RDO RJE BDE KHROS KYI RGYUD LAS RJES SU YI RANG BA'I LE'U STE BCU BDUN PA'O,, ,,RDO RJE BDE KHROS KYI RGYUD LAS DUM BU GSUM PA RDZOGS SO,, ,,MCHOG TU GSANG BA'O, ,DZNY'A NA K'A RAS BSGYUR RO,, ,,