,,RGYA GAR SKAD DU, SHR'I GU HYA BADZRA P'A nI AA BHI DE SHA TANTRA N'A MA, BOD SKAD DU, DPAL PHYAG NA RDO RJE GSANG BA
BSTAN PA'I RGYUD ,DPAL GSANG BA'I BDAG PO LA PHYAG 'TSA LO, ,'DI SKAD BDAG GIS THOS BA DUS GCIG NA, 'OG MIN GYI GNAS LCANG LO CAN GYI PHO BRANG NA, BCOM LDAN 'DAS DPAL CHEN PO LA, RIG SNGAGS KYI LHA TSOGS KYIS BSKOR TE BZHUGS SO, ,DE NAS DPA' MO'I DBANG PHYUG MAS 'DI SKAD CES GSOL TO, ,BCOM LDAN 'DAS GSANG BA'I BDAG PO 'DI SGRUB PA'I RNAL 'BYOR PA JI LTA BU CIG LAGS, BCOM LDAN 'DAS KYIS BKA' STZAL PA, SNYING RJER LDAN ZHING SHES RAB CHE, ,BZOD DANG LDAN ZHING BRTZON 'GRUS CHE, ,PHYI NANG GSANG BA'I DBANG THOB CING, ,BSLAB PA GSUM LA RAB TU GNAS, ,DES NI DPA' BO YANG DAG 'GRUB, ,GSANG BA BSTAN PA'I RGYUD LAS SGRUB PA PO GANG ZAG BSTAN PA'I LE'U STE DANG PO'O,, ,, YANG DPA' MOS GSOL PA, BCOM LDAN 'DAS DPA' BO 'DI BSGRUB PA'I GNAS JI LTA BU LAGS, BCOM LDAN 'DAS KYIS BKA' STZAL PA, DBEN PA NYAMS DGA' YID 'ONG BA, , BKRA SHIS DPAL 'PHEL DBANG YANG 'DZIN, ,DUR KHROD CHEN PO 'JIGS GNAS PA, ,RI GSUM RTZE'AM BRAG RI SNGO, ,KHRO BO'I CHA BYAD 'DRA BA'I GNAS, ,DE NI DPA' BO BSGRUB LA SHIS,, GSANG BA BSTAN PA'I RGYUD LAS BSGRUB PA'I GNAS BSTAN PA'I LE'U STE GNYIS PA'O,, ,,YANG DPA' MOS GSOL PA, BCOM LDAN 'DAS DPA' BO 'DI BSKYE
, ,PA'I DMIGS PA JI LTA BU LAGS, BCOM LDAN 'DAS KYIS BKA' STZAL PA, DANG PO STONG ZHING BDAG MED DO, ,SNANG ZHING SRID PA'I CHOS RNAMS KUN, ,NGO BO NYID KYIS RNAM PAR DAG ,DE LTA BU YI CHOS NYID LA, ,SANGS RGYAS SEMS CAN GNYIS MED PAS, ,MI SGOM MI RTOG SNANG LA GSAL, ,MTHA' BRAL MKHA' MNYAM DBU MA'I DON, ,SEMS KYI RANG BZHIN DE LTA BU, ,DE LTAR MA RTOGS SEMS CAN LA, ,SDUG BSNGAL KUN DANG BRAL BA YI, ,THUGS RJE PHYOGS MED BSGOM PAR BYA, ,SANGS RGYAS THAMS CAD 'BYUNG BA'I RGYU, ,RANG GIS SEMS NI YI GE H'Um, ,YI GE H'Um GI 'PHRO 'DU LAS, ,GZHAL YAS KHANG DANG LHA YI GDAN, ,LHA YI SA BON YI GE LAS, ,GO RIMS BZHIN DU BSKYED PAR BYA, ,GSANG BA BSTAN PA'I RGYUD LAS BSKYED PA'I DMIGS PA BSTAN PA'I LE'U STE GSUM PA'O,, ,,YANG DPA' MOS GSOL PA, BCOM LDAN 'DAS RIG SNGAGS KYI BDAG PO 'DI'I BSAM GYIS MI KHYAB PA'I DMIGS PA JI LTA BU LAGS, BCOM LDAN 'DAS KYIS BKA' STZAL PA, BSKYED PA'I DMIGS PA THOB NAS NI, ,SNYING GAR YE SHES SEMS DPA' BSGOM, ,YE SHES SEMS DPA'I THUGS KAR NI, ,PADMA 'DAB BZHI RGYA SRAN TZAM, ,DBUS SU NYI ZLA'I GZHAL YAS KHANG, ,GZHAL YAS KHANG GI NANG DU NI, ,AA SHAD MAR ME'I RTZE LTAR SGOM, ,DE LA DMIGS
PA THOB NAS NI, ,CI YANG BSAM PAR MI BYA STE, ,BSAM GYIS MI KHYAB DE BSAMS PAS, ,DE LA YE SHES THOB PAR 'GYUR, ,GSAL LA RTOG MED RIG PA'I SKU, ,YE SHES ZHES NI DE LA BYA'O, , GSANG BA BSTAN PA'I RGYUD LAS BSAM GYIS MI KHYAB PA'I DMIGS PA BSTAN PA'I LE'U STE BZHI PA'O,, ,,YANG DPA' MOS GSOL PA, BCOM LDAN 'DAS GSANG BA'I BDAG PO 'DI'I 'KHOR JI LTA BU LAGS, BCOM LDAN 'DAS KYIS BKA' STZAL PA, DPA' BO CHEN PO 'DI'I 'KHOR NI, ,THUGS KYI 'KHOR NI BZHI'O, ,GSUNG GI 'KHOR NI BRGYAD DO, ,SKU'I 'KHOR LNGA BRGYAR NGES SO, ,GSANG BA BSTAN PA'I RGYUD LAS 'KHOR BSTAN PA'I LE'U STE LNGA BA'O,, ,,YANG DPA' MOS GSOL PA, BCOM LDAN 'DAS DPAL CHEN PO 'DI'I RIG PA JI LTA BU LAGS, ,BCOM LDAN 'DAS KYIS BKA' STZAL PA, AOm BADZRA P'A nI H'Um H'Um PHAt PHAt SV'AH'A, AOm BADZRA KRO DHA N'I L'Am BA RA DHA RA BADZRA P'A nI H'Um H'Um PHAt PHAt SV'AH'A, AOm BADZRA P'A nI GRO DHA MA H'A TZAndA RO shA nA H'Um H'Um PHAt PHAt SV'AH'A, 'KHOR BZHI'I RIG PA PHUL BA NI, ,AOm BADZRA KRO DHA MAH'A K'A L'A YA H'Um H'Um PHAt PHAt TZITTA KRO TZI DUN DZA, AOm BADZRA KRO DHA TRI LO KYA BI DZA YA H'Um H'Um PHAt PHAt, BAm M'A RA YA TZITTA RBAD RBAD, AOm BADZRA KRO DHA N'A GA SBU GA H'Um H'Um PHAt PHAt, M'A RA YA RAKTA RDUBS RDUBS RBAD, AOm BADZRA KRO DHA KU BAR H'Um H'Um PHAt PHAt, M'A RA YA KE CHOm CHOm RBAD, DPA' BO'I 'KHOR LHA SRIN SDE
, ,BRGYAD KYI RIG PA PHUL BA, MAH'A DE BA M'A RA YA SOD SOD, MAH'A NA GA M'A RA YA SOD SOD DZA DZA:MAH'A DE WI M'A RA YA, HA NA HA NA, MAH'A MA NI M'A RA YA GTUBS GTUBS, MH'A SIDDHA M'A RA YA TIshthA TIshthA, MAH'A YAKshA M'A RA YA BHINDA BHINDA, MA H'A TRI DZA M'A RA YA KHOS KHOS, MA H'A MA NI BINDHA M'A RA YA NAN NAN, MA H'A BADZRA H'Um PHAt, 'KHOR GOS SNGON CAN LNGA BRGYA'I RIG PA PHUL BA, M'A RA YA RU DHA RU DHA H'Um H'Um PHAt PHAt, GSANG BA BSTAN PA'I RGYUD LAS RIG PA PHUL BA'I LE'U STE DRUG PA'O,, ,,YANG DPA' MOS GSOL PA, BCOM LDAN 'DAS DPA' BO 'DI'I PHRIN LAS MJUG SBYIN SREG GIS BSDU 'TSAL LAM MI 'TSAL CES GSOL PA DANG, BCOM LDAN 'DAS KYIS BKA' STZAL PA, SBYIN SREG NI RNAM PA GSUM STE, PHYI DANG NANG DANG GSANG BA GSUM, RE RE LA NI BZHI BZHIR BSTAN, ,ZHI BA DANG NI RGYAS PAR BSTAN, ,DBANG DANG DRAG PO'I SBYIN SREG GO ,GSANG BA BSTAN PA'I RGYUD LAS SBYIN SREG GI LE'U STE BDUN PA'O,, ,,BCOM LDAN 'DAS DPAL CHEN POS, DE SKAD CES BKA' STZAL PA DANG, DPA' MO'I DBANG PHYUG MA DANG, RIGS KYI LHA TSOGS RNAMS DGA' MGU YI RANGS TE, DPAL CHEN POS GSUNGS PA LA MNGON PAR BSTOD DO,, ,,DPAL PHYAG NA RDO RJE GTUM PO GSANG BA BSTAN PA'I RGYUD RDZOGS
SO,, ,,RGYA GAR GYI PAndI TA WA LA TZANDRA DANG, LO TZ'A BA GLAN CHUNG DAR MA TSUL KHRIMS KYIS BSGYUR CING ZHUS TE GTAN LA PHAB PA,,