RGYA GAR SKAD DU, SHR'I BADZRA TZAndA TZITTA GU HYA TANTRA AUTTA ROTTA RA, BOD SKAD DU, DPAL RDO RJE GA TUM PO THUGS GSANG BA'I RGYUD PHYI MA'I PHYI MA, BCOM LDAN 'DAS DPAL RDO RJE GTUM PO LA PHYAG 'TSAL LO; ;DE NAS 'KHOR DE NA GNOD SBYIN LAG NA RDO RJE GTUM PO ZHES BYA BA 'KHOD PA STAN LAS LANGS TE BUS MO G-YAS PA'I LHA NGA SA LA BTZUGS NAS MIG 'DZUM DANG BCAS PAS RANG GI SPYOD PA LAS SHIN TU SPA GONG BAR BYAS TE BCOM LDAN 'DAS LA 'DI SKAD CES GSOL TE, ,KYE BCOM LDAN 'DAS, SLAD MA'I DUS NA GDUG BCAN GYIS SEMS CAN LA RNAM PAR 'TSE ZHING RNAM PA GSUM GYIS SEMS CAN MA RUNGS PAR BGYID DE, REG PA'I DUG GIS KYANG RAB TU YANG GZIR BAR BGYID DO, ,KHA RLANGS KYI DUG GIS NI, RAB TU MYOS SHING SHIN TU YANG LCI BAR BGYID DO, ,MTHONG BA'I
DUG GIS NI, ZA ZHING 'PHRUG CING TSA BAR BYED DO, ,'PHRO BA KHA RLANGS KYI DUG CAN DANG, REG PA LUS KYI DUG RNAMS KYI GDUNG BA BSAL BA'I SLAD DU BCOM LDAN 'DAS KYIS BSHAD DU GSOL ZHES ZHUS PAS, BCOM LDAN 'DAS KYIS BKA' STZAL PA, NYON CIG GNOD SBYIN GSANG BA'I BDAG ,DUG GSUM DUG GI RTZA BA YANG, ,DUG GSUM LAS NI BYUNG BA YIN, ,RTZA BA'I DUG LA RANG BZHIN MED; ;DE NI DUG GSO SMAN GYI MCHOG ,SMAN NYID RANG 'BYUNG GZHAN LA MIN, ,DE NYID RANG DANG GZHAN LAS GROL, ,RTZA BA'I DUG LA RANG GROL NA, ,DUG GSUM LA SOGS GZHAN DU MED, ,DUG LNGA LAS 'PHROS 'BYUNG LNGA'I DUG, ,KUN RDZOG TZAM DU 'BYUNG BA 'JOMS, ,DE DAG RAB TU GZHOM PA'I PHYIR, ,RANG BZHIN RANG GROL BDUD RTZI YIS, ,RTZA BA'I DUG SOGS 'JOMS PAR BYED, ,LHA YI SKUR DANG SNGAGS KYI MTHU, ,YE SHES 'BYUNG BA CHEN PO YIS, ,LAS KYI 'BYUNG BA 'JOMS PAR BYED, ,RDZAS KYIS KYANG NI DE BZHIN NO, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD PHYI MA'I PHYI MA LAS, DUG DANG DUG 'JOMS BYED KYI LE'U STE DANG PO'O,, ,,DE NAS GNOD SBYIN GTUM POS 'DI SKAD CES GSOL TO, ,KYE BCOM LDAN 'DAS, DUG CHEN DE DAG SMIN PA LA; ;GDON PA'I LAS DAG GANG GIS BGYI, ,NAN TAN GYIS NI BKA' STZOL CIG ,CES GSOL PAS, ,BCOM LDAN 'DAS KYIS BKA' STZAL PA, BADZRA SARBA shtI TZITTA RBAD NAN, MH'A K'A LA TZITTA
, ,RBAD NAN, SARBA SHA TR'Um M'A RA YA RBAD NAN, ZHAG GRANGS NYI SHU GCIG TU BYA, ,NAM LANGS NYI MA SHAR KHA RU, ,STONG TSAR RE STE DE BZHIN DU, ,SROD DANG THO RANGS NAM GUNG LA; ;ME KHRAG GSUM DANG DUG SNA DANG, ,DRAG PO'I RDZAS RNAMS DAG GIS BRAB, ,N'A GA'I GZUGS BYAS RDZA YI NANG, ,GZUGS NAD PHU LA SNGAGS PHRENG BSKOR, ,RDZAS NANG THAL CHEN 'BRUB KHUNG DU'O, ,SNGAGS BAR RTZA BA'I 'KHOR LO YIS, ,KHA CHOD SME GOS NAG PO DGAB, ,DE NAS DRAG PO'I SBYIN SREG BYA, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD PHYI MA'I PHYI MA LAS, GDUG PA SROG GI 'KHOR LO'I LE'U STE GNYIS PA'O,, ,,DE NAS YANG GSUNGS PA, N'A GA'I GZUGS LA REG BYA NI, ,SNGAGS KYI 'BRU BZHIN SNGAGS BKOD DO; ;KLU RGYAL BZHI GZUGS MTHAR GZHAG NAS, ,GDUG PA LAS KYI 'KHOR LO BSKOR, ,DANG POR ZHI BA THA MAR DRAG ,DANG POR DRAG LA THA MAR ZHI, ,THOG MA GNYIS KA ZHI DANG DRAG ,AOm N'A GA R'A DZA SA MA YA, AA PA L'A YA TZITTA DZ'A L'A YA SA MA YA SV'A H'A, NYI SHU CIG GIS MTHAR DBYUNG NGO ZHES GSUNGS SO, ,DPAL RDO RJE GTUM PO THUGS GSANG BA'I RGYUD PHYI MA'I PHYI MA LAS, DAM TSIG SROG GI 'KHOR LO 'JAM PA DANG RTZUB BA'I SNGAGS KYI LE'U STE GSUM PA'O,, ,,DE NAS YANG GNOD SBYIN GTUM POS GSOL BA, KYE BCOM BKA' STZAL DU GSOL ZHES GSOL PAS, BCOM LDAN 'DAS KYIS BKA'
LA GNAD PA DANG, GDUG PA CAN 'DUL BA THUN MONG GI LAS BKA' STZAL DU GSOL ZHES GSOL PAS, BCOM LDAN 'DAS KYIS BKA' STZAL PA, THUN MONG PHYI RU GSAD 'DOD NA, ,'PHRIN LAS MI 'GYUR 'KHOR LO BSKOR, ,'KHOR LOR GZHUG DANG GZUGS LA GDAB, ,GSAD PA'I 'KHOR LO LTO SBYAR DU, ,GANG DMIGS GZUGS DE KHRAG TU BRI, ,SNYING GAR MING BRI LTE BA LA, ,SHVA R'I RA STE MGO BO LA, ,BANDHA BANDHA ZHES PA DGOD, ,YAN LAG BZHI LA HA NA STE, ,M'A RA YA BRAL GNYIS DANG NI MTSAN MA LA'O, ,DMIGS PA'I SA NAS ZAG PA'I RDZAS, ,BLANGS TE BONG BU'I CHUS SBRUS LA,, SHA TR'Um GZUGS BYA YIG 'BRU RNAMS, ,GNAS SU BKOD DE SNGON MAR BCING, ,DUG RDZAS GTUM PA'I RDZAS KYIS GTUM, ,BRTZON KHANG BSKUR TE THUN RNAMS DBAB, ,ZLA BA GCIG TU GNAG PAR BYA; ;BDUN BDUN BSKOR BYA BAR BAR DU, ,MCHOG PA'I LAS BYA MTSAN THUN DBAB, ,SREG DANG MNAN PAS MTHA' BRTUL BYA, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD PHYI MA'I PHYI MA LAS, 'PHRIN LAS MI 'GYUR BA'I 'KHOR LO'I LE'U STE BZHI PA'O,, ,,DE NAS GNOD SBYIN GTUM POS GSOL PA, KYE BCOM LDAN 'DAS, SLAD MA'I DUS NA GDUL DKA' BA'I GDOL PA RNAMS KYI LO TOG 'JOMS PA'I THABS BKA' STZAL DU GSOL ZHES GSOL BA DANG, BCOM LDAN 'DAS KYIS BKA' STZAL PA, LO TOG 'JOMS PA'I LAS BYA NA, ,N'A GA GZIR
, ,TE GZHOM PAR BYA, ,ZHES STOBS KYI YI GE 'BRU BZHI DANG, MI 'GYUR BA'I YI GE 'BRU GSUM GSUNGS PA, AOm H'Um BADZRA GSUNGS SO, ,SARBA DUsht'A NA, ZHES THAMS CAD DBANG DU SDUD PA SO; ;N'A GA TZITTA RBAD NAN, ,ZHES KLU'I SNYING GZER DRUG PA GSUNGS SO, ,SARBA DUsht'A NA, ZHES THAMS CAD DBANG DU SDUD PA GSUNGS SO, ,PHO SHAR SHAR PHOB, CES CHU 'KHYAGS KYI SNYING PO GSUNGS SO; ;GCIG TU DRIL ZHING BRDEGS PAR BYA, ,N'A GA'I GZUGS BCAD SNGAGS BKOD NAS, ,YUNGS KAR BRDE GCING PHUR BAS GDAB, ,MDZE THOD NANG DU KLU GZUGS GZHUG ,KHRAG CHEN BTZAN DUG GLA BA'I KHRAG ,YUNGS KAR YUNGS NAG BSNGAGS SHING BRDEG ,KLU GZUGS NI MA PA'I CHU NAS DBYUNG, ,DANG PO CHU 'PHRUL CHE BAR 'DOD, ,NYA MA THAG PA NA DBAB LAS BYA, ,BSAD CING RO RU 'DUGS PA NA, ,DUS LAS YOL TE PHEBS MI 'GYUR, ,RTAGS DANG LDAN PAR GYUR PA NI, ,BDAG NYID TING 'DZIN LDAN PA YIS, ,DRAG PO'I SNGAGS KYIS KLU GZUGS GTUM, ,RDZAS DANG THOD PA CHU MIG MNAN, ,DRAG PO RGYU BA'I DUS DANG SBYAR, ,'JIG RTEN LDOG PAR THE TSOM MED, ,CES GSUNGS SO, ,DPAL RDO RJE GTUM PO THUGS GSANG BA'I RGYUD PHYI MA'I PHYI MA LAS, CHU 'KHYAGS LO TOG 'JOMS BYED KYI LE'U STE LNGA PA'O,, ,,DE NAS DREGS PA THAMS CAD SHIN TU YANG YI RANG BAR GYUR, LJON SHING LA DUS KYI RLUNG DRAG POS BSKYOD PA BZHIN 'DAR BZHIN
DU 'KHOD DE BKA' BZHIN DU BGYID DO, ,ZHES 'DZER CING SBYAN SNGAR NA 'KHOD PA PA LAS GNOD SBYIN GTUM POS GSOL BA, GYE BCOM LDAN 'DAS, SLAD MA'I DUS KYI BSTAN PA LA GNAS PA'I SLAD DU LAS GNAD LA DBAB TU GSOL ZHES GSOL PAS, BCOM LDAN 'DAS KYIS BKA' STZAL PA, BDUD RNAMS LAS LA GZHUG PA NI, ,KHA RAG NAG PO KHRA M'A YA NRi M'A RA DZ'A NA KHU GA DZ'A, BTZAN RNAMS LAS LA GZHUG PA NI, A'A BI SHU RAG SHA TSAL PA TSAL PA AA NRi TRI DZ'A: DZA: KLI BTZAN LAS LA GZHUG PA NI, N'A GA R'A DZA SHU LA AA, TRI DZA DZA M'A RA YA NRi LO SOD, RGYAL PO LAS LA GZHUG PA NI, TRO TA NI TRO TA NI, PA TRA PA TRA, SH'U LA SH'U LA, DHA SHA DRI BA M'A RA YA NRi DZA: DZA: RBAD, KLU RNAMS LAS LA GZHUG PA NI, N'A GA GUR LING, SNYING KHRAG BAM RUL, N'A GA RA RA HE SA TANG RBAD, PHU DU MA SHI KHA LA RAG SHA RBAD, GNYAN LAS LA GZHUG PA NI, AU TA KHA KHA DA RA SING+GA GA SHA KHA LA NI DUN M'A RA NA DU NA RBAD DZA:, DE DAG GI PHYAG BRNYAN LAS LA GZUD PA NI, DZA LA DZA NRi HA NA NRI MA DU A, SNYING KHA LA NI DZA DZA DZA NI RBAD, PHU KHA LA RAG SHA RABD, LING+GA BYAD GZHUG RE BAS DRIL, ,RTA NAG THOD PAR BCU GNAS KYANG, ,NUB KYI PHYOGS KYI BRA GNAG RTZAR, ,MTHUN PA'I RDZAS DANG MING BYANG SBRAG , RTA NAG LUG NAG SNYING DAG DANG, ,LUG NAG MTHING NAG DAR GYIS BRGYAN, ,RTA NAG THOD BCUG BRAG RZAR GTANG, ,MTHUN PA'I MING BRIS DUG GIS BRAB, ,MTHING NAG DAR DRIL MDZE THOD GZHUG
, ,BA DMAR RTA DMAR SNYING DANG GZUGS, ,THOD PAR BSHOS CHA DMAR POR GZHUG ,CHU MIG BRAG GI RTZA BA MA, ,RTZE NA BRAG DMAR YOD PAR GTAD, ,MING RUS BRIS LA ZA 'OG DRIL, ,'JON MO SPRE'U'I MGO CO RU, ,RTA DANG BYA DANG LUG DKAR SNYING, ,SPYAN GZIGS DKOR 'BRU ZA 'OG DRIL, ,THOD PAR BCUG STE LHA KHANG GI ,THEM PA'I 'OG TU MNAN PAR BYA, ,SHA TR'Um SPAL NAG LTO BAR BRI, ,GLANG DMAR RA RUR BCUG LA DRIL, ,RTZI SMAN 'BRU DANG RIN PO CHE, ,BA DMAR GLANG RUR BLUGS NAS KYANG, ,N'A GA GDUG PA'I LAG TU GTAD, ,MDZO DRE'I THOD PAR MING BYANG GZHUG ,CHU RTA'I GZUGS DANG RTA SNGON SNYING, ,THOD PAR BCUG STE RGYA MTSOR BSKYUR, ,TZA RA DMAR PO'I THOD PA RU, ,SHA TR'Am MI GZUGS DAR DMAR DRIL, ,SNGON DMAR DOG PAS DAM DU BCING, ,BYA DMAR RA DMAR SNYING DANG GZUGS, ,THOD PAR BSHOS CHA DMAR PO GZHUG ,BYANG PHYOGS BRAG DMAR RTZA RU MNAN, ,SNGAGS PA'I MI DBYANG BRIS NAS KYANG, ,TZA RA SNGON MO 'GRONG PAR GZHUG ,MDZO RTOL BA GLANG DRE 'U'I YANG, ,THOD PAR BCUG STE CHU 'GRAM DANG, ,SHING GCIG RTZA RU MNAN PAR BYA, ,TING 'DZIN SNGAGS DANG RDZAS RNAMS KYIS, ,RANG GI BYA BA NAN TAN BYOS; ;ZHES GSUNGS SO, ,DPAL RDO RJE GTUM PO THUGS GSANG BA'I RGYUD PHYI MA'I PHYI MA LAS, BSTAN PAR GNOD PA CHE MA LA DBAB PA'I LE'U SNGAGS KYI PHONG BSTAN PA STE DRUG PA'O,, ,,
DE NAS GNOD SBYIN GTUM POS GSOL PA, KYE BCOM LDAN 'DAS, SLAD MA'I DUS NA GDUG PA CAN PHYAG BRNYAN BCAS PA'I SBYOR BA'I MTHU ZLOG PA'I THABS BKA' STZAL DU GSOL, DE SKAD CES GSOL PA DANG, BCOM LDAN 'DAS KYIS BKA' STZAL PA, DE NAS SBYOR BA'I MTHU BZLOG NA, ,RANG LUS SBAS TE DE DAG GI ,MIG GI 'BRAS BU GCAR BAR BYA, ,RANG LUS SPA BAR BYA BA NI, ,SKYE 'GRO MIG GI 'BRAS BU GCAR, ,NAG PO KHVA TA'I 'BRAS BU DANG, ,TZA RA ROG PO'I 'BRAS BU GNYIS, ,MIG LA BSKUS TE NOR BU BTZAL, ,RNYED NAS LUS BCANG RI KHROD 'GRIM, ,DE DAG RNYED PAR MA GYUR NA,, GSER DANG DNGUL RDO ZHA NYE'I RDO, ,SPRA TSEL DANG NI AA RU RA, ,BA RU RA DANG PI PI LING, ,PHO BA RIL RNAMS CHA BSNYAMS TE, ,BZHUS TE RDZI DANG RLANGS LA GZAB, ,DE DAG GZHAN GYI SBYOR PA YIS, ,BDAG GAM GZHAN LAS 'TSE 'GYUR NA, ,DREGS PA KUN GYI 'BRAS BU GCAR, ,LTO 'PHYE'I SHA DANG SPAL 'DRA'I SHA ,SA CHU DAG NA GNAS PA'I MI, ,GLANG MA'I SGRON SHING 'BRAS BU DANG, ,ME MA BTANG BA'I DU BA DANG, ,NYAG GCIG PO YI DRI CHEN DANG, ,SEMS MA CHAGS PA'I SHA RNAMS KUN, ,LEGS PA NAN TAN BYAS BCAS NAS, ,'JIG RTEN PA YI LHA RNAMS KYIS, ,RNAM PAR DAG BAS MTHONG MI 'GYUR, ,GDUG PA'I KLU RNAMS 'GRAS PA'I GDON, ,DE DAG 'BRAS BU GCAR BA NI, ,PHAG PHO ROG PO'I DON SNYING LNGA, ,LCE POG NAG PO GSER LUM DANG, ,THA NU'I THANG NYAMS RNYED GDUNG STE, ,LUS LA BCANGS PAR GYUR
, ,PA NA; ;SHA MIG RNAM PAR DAG PA YI, ,KLU CHEN BRGYAD KYIS BLTAS GYUR KYANG, ,MTHONG BAR 'GYUR BA MA YIN NO, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD PHYI MA'I PHYI MA LAS, LUS RNAM PAR SPA BA'I LE'U STE BDUN PA'O,, ,,DE NAS LHA'I DBANG PO DANG, GNOD SBYIN GYI DED DPON LAG NA RDO RJE GTUM PO DANG, GNOD SBYIN GYI DED DPON LAG NA RDO RJE GOS SNGON PO CAN DANG, GNOD SBYIN GYI DED DPON LAG NA RDO RJE STOBS PO CHE DANG, GNOD SBYIN GYI DED DPON LAG NA RDO RJE GSANG PA'I BDAG PO DANG, DE DAG LA SOGS PA 'DUS PA CHEN PO RNAMS RAB TU YI RANG STE LAN BRGYA STONG DU MAR MCHOD CING BSKOR NAS MNGON PAR BSTOD DO, ,DE NAS LAG NA RDO RJE BZHI LA BKA' STZAL PA, LAG NA RDO RJE BZHI PO DAG, RGYUD 'DI DAG GANG NA GNAS PAR KHYED KYANG RJES SU 'BRANGS LA RGYUD 'DI 'CHAD PA DUS GSUM DU MCHOD CING BKUR BAR GYIS SHIG, DE'I DGOS PA GANG CI YANG RUNG MA LUS PAR SGRUBS SHIG ,PHYI MA'I DUS NA AO TRE'I YUL DU RGYAS PAR 'GYUR GYI, DER SRUNG BAR BYOS SHIG CES GSUNGS NAS CHOS KYI DBYINGS RNAM PAR DAG PA LA BZHUGS SO, ,DPAL RDO RJE GTUM PO THUGS GSANG BA'I RGYUD PHYI MA'I PHYI MA LAS, YONGS SU GTAD PA'I LE'U STE BRGYAD PA'O,, ,,DPAL RDO RJE GTUM PO THUGS GSANG BA'I RGYUD PHYI MA'I PHYI MA RDZOGS SO,, ,,RGYA GAR GYI SLOB DPON AA BA
YUG TI LA DANG, BOD KYI LO TZTSA BA BLA BAN CHOS KYI BRTZON 'GRUS KYIS ZHUS TE BSGYUR CING GTAN LA PHAB PA'O,,