,,RGYA GAR SKAD DU, SHR'I BADZRA TZAndA TZATTA GU HYA TANTRA AUTTA RA, BOD SKAD DU, DPAL RDO RJE GTUM PO THUGS GSANG BA'I RGYUD PHYI MA, DPAL RDO RJE GTUM PO LA PHYAG 'TSAL LO, ,DE NAS BRGYA BYIN LHA'I DBANG POS GSOL PA, KYEE, BCOM LDAN 'DAS NYID KYI SKU GSUNG THUGS KYI GSANG BA'I BSTAN PA DAM PA'I DBANG JI LTA BA'I GSANG BA DAM PA MDZAD DU GSOL, DE SKAD CES GSOL BA DANG, CHOS KYI DBYINGS RNAM PAR DAG PA'I NGANG LAS MA H'A TZAndA KRO
, ,DHI H'Um; ZHES GSUNGS PAS, G-YON DU KHRO MO GTUM CHEN MO, ,MTHING NAG CHEN MO 'JIGS TSUL CAN, ,DBU SKRA KHAM PA GYEN BRDZES MA, ,SPYAN DMAR SDANG MIG BGRAD PA'I TSUL, ,MCHE GTZIGS KHRO GNYER SPYAN GSUM MA, ,PHYAG G-YAS DRIL 'DZIN GTZO LA 'KHYUD, ,G-YON PA THOD KHRAG GTZO LA STOB, ,ZHABS GNYIS GTZOL DGYES TSUL 'KHRIL, ,HI HI DGYES DANG HA LA'I SGRAS, ,THAMS CAD G-YO ZHING BRLAG PAR BYED, ,DUR KHROD RGYAN LDAN ME DPUNG NANG, ,SKU LA 'KHRIL BA'I TSUL DU BZHUGS, ,DE NAS BCOM LDAN DGYES CHEN PO, ,DGYES PA'I TING 'DZIN LA GNAS PAS, ,NYID KYI MKHA' LA H'Um AOm LDAN, ,NOR BU DANG NI RDO RJER LDAN, ,RDO RJE'I RTZE MO'I SBUBS MAR PHAt, ,YUM GYI GSANG BAR PA TRA LDAN; ;PADMA DANG NI ZE 'BRUR LDAN, ,MA LAS NYI MA'I DKYIL 'KHOR LO, ,DPAL RDO RJE GTUM PO THUGS GSANG BA'I RGYUD PHYI MA LAS, YUM RNAM PAR 'PHRUL BA DANG, MKHA' GSANG RAB TU LDAN PA'I LE'U STE DANG PO'O,, ,,DE NAS LHA'I DBANG POS GSOL PA, BCOM LDAN 'DAS, BDE RDZOGS GANGS LAGS BSHAD DU GSOL ZHES ZHUS PAS, BCOM LDAN 'DAS BDE RDZOGS CHEN PO'I TING NGE 'DZIN LA SNYOMS PAR ZHUGS NAS 'KHOR LO BDE RDZOGS ZHES BYA BA BKA' STZAL PA, NYON CIG LHA YI DBANG PO MCHOG ,BDE SKYONG 'KHOR LO SUM CU
GNYIS; ;DUNG DANG KUN DA LTA BUR GNAS, ,MI SHIGS H'Um NI KHA 'OG BLTAS, ,MGRIN CHEN LONGS SPYOD 'DAB BCU DRUG ,DBUS NA GSER ZHUN LTA BU MAm, ,YA BA RA LA KHA DOG BZHI, , PHYOGS BZHI 'DAB MA BZHI NA GNAS, ,CHOS KYI 'KHOR LO 'DAB BRGYAD DE, ,H'Um MUm DBUS TE PHYOGS MTSAMS NA, ,AOm KRO DHI HA MAm LAm PAm TAm, ,SPRUL PA'I 'KHOR LO DRUG CU BZHI, ,DBUS NA AOm DKAR DE BZHIN DU'O, ,ME YI 'KHOR LO GRU GSUM RAm, ,RLUNG NI GZHU 'DRA BA DAN CAN, ,DZA NYA PHAt DANG RAm LDAN PA'O, ,DBAB DANG BSKYIL BA'I SBYOR BA YIS, ,SHIN TU SNOD LDAN DAM PA LA, ,SRIN MTHEB LCES BLANG DBUGS KYIS DRANG, ,BYIN RLABS BYAS PA'I SHES RAB MA, ,RANG LUS THABS LDAN GTAD PA DANG, ,BDE BA DANG NI BDE BA CHE, ,SHIN TU BDE CHEN BDE MCHOG YIN, ,DPAL RDO RJE GTUM PO THUGS GSANG BA'I RGYUD PHYI MA LAS, ,'KHOR LO BDE RDZOGS KYI LE'U STE GNYIS PA'O,, ,,DE NAS LHA'I DBANG POS GSOL PA, BCOM LDAN 'DAS; SEMS CAN DON DU BYIN RLABS MTHU, ,SNGAGS KYI MTHU RNAMS BKA' STZOL CIG ,CES GSOL PA, NYON CIG LHA'I DBANG PO, SNGON CHAD ZNGA LA DE BZHIN GSHEGS PA THAMS CAD KYIS GSANG BA'I MDZOD 'DZIN PAR DBANG BSKUR TE, DA LTAR NGAS KHYOD LA BSHAD PAR BYA'O, ,'DI NI, KLU THAMS CAD 'JOMS PAR BYED PA'O, ,NYI MA SA SLA LA NAm, N'A GA KUN ZHI,
, ,TZITTA MU LING NAm, BZLOG BYER, N'A GA SHIG ,N'A GA BZLOG ,N'A GA BYER, N'A GA DA HA DA HA M'A RA YA PHAt, N'A GA HA NA HA NA, M'A RA YA PHAt, GSANG BA GSANG BA'I MDZOD 'DZIN PA'I, ,SNGAGS DES KLU RNAMS BRLAG PAR BYED, ,RDZAS SU BSTAN PA 'DI LTA STE, ,RTZA BA DANG NI SKYABS SU BCAS, ,LCE POG NAG PO RGYA TSIL DANG, ,MGO GNYIS PA'I DRA MA GHA DHA, , SA YI DRI DANG RNAM LNGA'O, ,GDUG PA THAMS CAD 'JIL BAR BYED, ,SHU DAG TSIL CHEN RVA GZHOB DANG, ,DRI CHEN DRI CHU RMA BYA'I MDONGS, ,BYUG DANG BDUG PAR BYA BA'O, ,MU ZI GLA RTZI DRI CHEN DANG, ,ZHUN CHEN DRI CHU SBYAR BA RNAMS, ,LTOR BTANG GDON RNAMS RANG ZHIR 'GYUR, ,'DIS NI RANG NYID SRUNG BAR BYED, ,N'A GA SHA TI DU NA DZIBS, N'A GA TZI TA NAm, N'A GA NI RA RBUD SH'ANTIm SHA DU RTZUBS, N'A GA A'A RO LI KA SHAMS, N'A GA DUN DUN, GYEN GYEN, N'A GA SHA TI, YA YA, TSUBS TSUBS DU SHA RBUD, DPAL RDO RJE GTUM PO THUGS GSANG BA'I RGYUD PHYI MA LAS, KLU THAMS CAD BRLAG PAR BYED PA'I LE'U STE GSUM PA'O,, ,,DE NAS BCOM LDAN 'DAS 'JIG RTEN GSUM RNAM PAR 'CHING BAR BYED PA'I TING NGE 'DZIN LA SNYOMS PAR ZHUGS NAS 'JIG RTEN 'CHING BYED KYI SNGAGS GSUNGS PA, AOm AE KA YA MA, HE KA YA MA, HRI MA YA MA, SARTZA TZITTA GZER THUN BIGHN'Am ZHES GSUNGS MA THAG TU SRID PA'I RTZE MO NAS
MNAR MED PA LA THUG PA YAN CHAD SEMS RNAM PAR MYOGS TE LUS RI MO BZHIN G-YO BA MED PAR BCINGS PAR GYUR TO, ,DE NAS DPUNG RNAM PAR ZLOG PA ZHES BYA BA'I TING NGE 'DZIN LA SNYOMS PAR ZHUGS TE DPUNG ZLOG BYED KYI GSANG SNGAGS GSUNGS PA, AOm AE KA YA MA HE DU NA RAKshA HE DUN, H'Um DZA H'Um, YA MA TZITTA SHA MA, SHA TRUm STAMBHA YA NAm DHRi KA RBAD CES GSUNGS PAS 'JIG RTEN GYI KHAMS THAMS CAD 'KHRUGS SHING DREGS PA CAN THAMS CAD RDZA MKHAN GYI 'KHOR LO BSKOR BA BZHIN GYUR TE MYOS PAR GYUR TO, ,DPAL RDO RJE GTUM PO THUGS GSANG BA'I RGYUD PHYI MA LAS, 'JIG RTEN BCING ZLOG GI LE'U STE BZHI PA'O,, ,,DE NAS BCOM LDAN 'DAS KHYUNG RNAM PAR SPRO BA ZHES BYA BA'I TING NGE 'DZIN LA SNYOMS PAR ZHUGS NAS KHYUNG LAS LA GZUD PA ZHES BYA BA'I GSANG SNGAGS GSUNGS PA, GRANG TI TIG TIG ,GRA TA BRAG SHI TA TA LE HE DU H'Um PHAt, DE NAS YANG SHA TR'Um 'BA' ZHIG BA BSAD PA THUN MONG MA YIN PA'I TING NGE 'DZIN LA SNYOMS PAR ZHUGS TE RDO RJE DRAG PO THOG 'BAB CES BYA BA'I SNGAGS GSUNGS PA, AOm M'A RA nA SOD SOD, M'A RA nA BYING BYING, M'A RA nA RMUGS RMUGS, M'A RA nA HA LA HA LA, M'A RA nA DUN DUN, MYOGS MYOGS, BYING BYING THUM RI LI LI RBAD DZA DZA, N'A GA LA SOGS SHA TR'Um SBYAR, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD PHYI MA LAS, BSAD PA
, ,SNGAGS KYI LE'U STE LNGA PA'O,, ,,DE NAS YANG LHA'I DBANG POS GSOL PA, GDUG PA CAN TSAR GCAD PA'I LAS KHYAD PAR CAN BKA' STZAL DU GSOL ZHES GSOL PAS, BCOM LDAN 'DAS KHYUNG SGROL BYED GSANG BA ZHES BYA BA'I TING NGE 'DZIN LA SNYOMS PAR ZHUGS NAS RAB TU GSANG SNGAGS BKA' STZAL BA, AOm TADYA TH'A, AOm tA KI TZA TI, GURYA LA, GHYU LI, MI LI SHA SHA GHYU GHYU, SHA DA TI PI RI TI, H'Um YA H'Um YA, H'Um TU TI SV'AH'A, 'BRAS DANG SO BA NAS NAG DANG, ,AA RU RA RNAMS ZHIB BTAGS TE, ,DGU DANG BCU GCIG BSGRUB PAR BYA, ,MKHA' LDING SGO NGA SNGAGS KYIS BSKOR, ,'GRAM DU BZHAG LA BSGRUB PAR BYA, ,M'A RA nA SOD, M'A RA nA BYING BYING, M'A RA nA MUGS MUGS, M'A RA nA HA NA HA NA, M'A RA nA DU NA DU NA, HA LA HA LA, MYOS MYOS, BYING BYING, THUM RI LI LI DZA DZA, DE NAS GTOR MA DBUL BAR BYA, ,BA LIm TA KH'A HI KH'A HI, GRiHnA GRiHnA, MAH'A RAG SI PA TO, ,SA MA YA SV'AH'A, GSOL BA GDAB CING 'PHRIN LAS BCOL, ,GLA RTZI SHING KUN SHA CHEN DANG, ,LCE POG NAG PO SHA RI RA, ,BYI KU STAG GI SDER MO RNAMS, ,RAS SU BTUM NAS LUS LA BCANG, ,AOm NYI MA SA SLA LA NAm, GHU NI ZHI TZI TA GHU LI N'Am, TZITTA MU DRA ZLOG BYER, TZITTA GU LI N'Am, YA KHRA N'A GA ZLOG ,N'A GA SHIG ,N'A GA MGO LA N'Am, HA PA SA KHRE, RTAG TU STOM CHANGS GTOR MAS MCHOD, ,ZHI BAS
DUG DBYUNG BYAD KYANG DGROL, ,RTZA BA'I DKYIL 'KHOR PHYOGS BZHI RU, ,N'A GA'I GZUGS BRIS DUG CAN BZHAG ,TSON SKUD SPRUL BSGOMS BCINGS BA DE, ,SPU GRI 'BAR BAS GTUBS SHING DBYE, ,RI RAB CHEN PO'I PHYOGS BZHI NA, ,DUG BZHI LAS SKYES RIGS BZHI'I KLU, ,SA CHU ME RLUNG DUG BZHI'I BDAG ,BCINGS PA DGROL CING DUG DBYUNG PHYIR, ,DUG THUB SGRO LA KHYUNG BSAM PHYIR, DUG BYA BA RANG RANG GNAS SU GTANG, ,BDEN PA BDAR ZHING TING 'DZIN GSAL, ,DPAL RDO RJE GTUM PO THUGS GSANG BA'I RGYUD PHYI MA LAS, RAB TU GSANG BA'I LE'U STE DRUG PA'O,, ,,DE NAS BCOM LDAN 'DAS BDUD RTZI 'BYUNG BA ZHES BYA BA'I TING NGE 'DZIN LA SNYOMS PAR ZHUGS NAS BDUD RTZI MCHOG BKA' STZAL BA, RIN CHEN BUM PA TSAD LDAN LA, ,DRI YI RGYAL PO LA SOGS LNGAS, , PHYUGS LA POG NAG DUD PAS BDUG ,RTZI LDAN 'O MA 'BRAS DANG NAS, ,TIL DKAR DANG NI AA RU RA, ,BA RU RA DANG SKYU RU RA, ,MNGAR GSUM KLU SMAN SNA TSOGS DANG, ,TZANDAN LA SOGS DRIR SBYAR BA'I, ,CHU DKAR LCUG MA 'O MA CAN, ,KHA RGYAN BYAS TE MGUL BA YANG, ,DAR RAS SNGON POS BCINGS BYAS LA, ,MAndAL GTZANG MA'I STENG DU BZHAG ,LHA YI NGA RGYAL LDAN PA YIS, , DRI LCAG SBU GUR MCHU BCUGS TE, ,DBUGS MA SHOR BAR RAB TU BSNAG ,SENG LDENG PHUR PA SOR BRGYAD DANG, ,SNGAGS KYI MDA' MCHOG LA YANG BSNAG ,BUM PA LA SNGAGS 'BUM
, ,TSAR RE; ;BTON NAS SNYING RJE'I YUL LA BKRU, ,KHONG DU BTANG NA GROL BAR 'GYUR, ,DPAL RDO RJE GTUM PO THUGS GSANG BA'I RGYUD PHYI MA LAS, BDUD RTZI BUM KHRUS KYI LE'U STE BDUN PA'O,, ,,DE NAS YANG BDUD RTZI BUM PA KHROL BU LA SGRUB PA GSUNGS PA, NYON CIG LHA YI DBANG PO GTZO, ,TING 'DZIN GSANG BAR SGRUB PA NI, ,DZ'A TI PHA LA NAS SNGON MO; ;'BRAS DANG SO BA MA GI TA, ,TING 'DZIN BZHU BTUL BYAS TE BSGRUB, ,DE LA BRTAGS BYUNG PHYE MAR BSGRUB, ,BYUGS NAS DRI CHUS SKYO MAR SBYAR, ,ZHUN CHEN SBYAR TE KHONG DU BTANG, ,BUM PA'I CHU LA LCAGS SPUG BSNGAGS, ,MCHOD DANG TING 'DZIN BRTZON PAR BYA, ,BUM CHUS KHRUS BYA LDE GUS BYUG ,SKYO MA ZHU CHEN KHONG DU GTANG, ,DPAL RDO RJE GTUM PO THUGS GSANG BA'I RGYUD PHYI MA LAS BUM PA KHROL BU PHYE MA DANG, LDE GU DANG, KHONG DU GTANG BA'I LE'U STE BRGYAD PA'O,, ,,DE NAS LHA'I DBANG PO LA BKA' STZAL PA, NYON CIG LHA YI DBANG PO DAG ,GDUG PA'I DUG LA RNAM MANG YANG, ,BSDUS NA RNAM PA GNYIS YOD DE, ,MNGON SUM DUG DANG RKU DUG STE, ,RKUN THABS DUG NI BZLOG PAR DKA', ,GDUG CAN NYON MONGS GSUM LDAN TE, ,GTI MUG CHE BAS BYOL ZONG RIGS; ;'DOD CHAGS CHE BAS DBRAL BAR DKA', ,SHIN TU ZHE SDANG CHE BAS KYANG, ,DUG NI RKUN THABS DAG TU GTONG, ,DE PHYIR SLAR YANG LDOG PAR BYED, ,PHRAG DOG CHE BAS RANG RTEN LA, ,GZHAN GYIS
GCES NA GZHAN LA GNOD, ,RKUN THABS DUG GI MTSAN NYID KYANG, ,THABS SHING GDUG PA'I DUG GLOD KYANG, ,BAR BAR SKABS SU LDANG BAR BYED, ,DE ZLOG THABS NI SHIN TU'ANG DKA', ,DE YI ZLOG THABS DAM PA 'DI, ,NGAS BSTAN PA LA THE TSOM DU, ,GANG ZHIG BYED PAR GYUR BA DE, ,NAM YANG 'GRUB PAR MI 'GYUR TE, ,GRUB KYANG YAL BAR 'GYUR BA YIN, ,DE NAS LHA YI DBANG PO DAG ,THE TSOM MED PAR NGES PAR BYOS, ,TZANDAN DMAR POS GTZOR BYAS TE, ,N'A GA GE GSAR MA GHI TA, ,RGYA TSIL RGYA MTSO'I WU BA DANG, ,PHAG RGOD DAG GI SHA DAG STE, ,YANG NA RGYA TSIL MA GI TA, ,PHAG RGOD SHA DANG SBYAR BYAS TE, , LCAGS SNOD NANG DU LCAGS KYIS PHUR, ,'BUM PHRAG GSUM DU BSNYEN BYAS NAS, ,SGRUB PAS DKAR GSUM GZHAN MI RTEN, ,'O MA SO LA CHUS LUS BKRUS TE, ,NYA LA GNAS DRUG THIG LE BYA, ,MKHUR TSOS GNYIS DANG DPRAL BA DANG, ,SNYING GA LKOG MA LAG MTHIL GNYIS, ,THIG LE TSON GANG BA RE BYA, ,LTE BA PUS MO GSANG GNAS SU, ,MA GHI TA NYID 'BA' ZHIG BYUG ,THIG LE RE LA NYI SHU GCIG ,DE LTAR LO GCIG BAR DU BYA, ,GANGS RI LA NI NYI MA BZHIN, ,DPAL RDO RJE GTUM PO THUGS GSANG BA'I RGYUD PHYI MA LAS, RKUN THABS KYI DUG ZLOG PA'I LE'U STE DGU PA'O,, ,,DE NAS LHA'I DBANG POS GSOL BA, KYE MA KHRO BDAG RDO RJE 'DZIN, ,GDUG PA'I DUG GI MTSAN NYID GANG, ,BZLOG DANG MI BZLOG JI LTA BU, ,KHRO BDAG CHEN POS BSHAD DU GSOL, ,ZHES GSOL BAS, BCOM LDAN 'DAS
, ,KYIS BKA' STZAL PA, DGA' BAS NYON CIG LHA YI DBANG PO KHYOD, ,BSNYEN DANG SGRUB BRTAGS DANG GNOD PA RTOGS, ,LCAGS ZANGS MI DANG GCER BU BUM PA THOGS, , BA GLANG NYA LCI BAS ZAS SU ZA BA DANG, ,MI CHEN 'BAR DANG ZAB PA 'DZUGS PA DANG, ,BSKYED SHING 'DZUGS DANG NYI MA SHAR BA DANG, ,BZANG BA YI NI RTAGS SU SHES PAR BYA, ,NYI MA NUB DANG NAM SROS THUR LA BABS, ,BTZON DU BZUNG NAS MI THIG KHUR BSKUR DANG, ,SGRUB PO GZHAN YUL 'GRO BA NGAN PA'I RTAGS, ,LUNG PA DANG NI BSKAMS NAS CHU BYUNG DANG, ,NYA SPRUL SA RLUNG GSOD DANG 'TSOD PA DANG, ,RID DANG SKEM PA DE DAG KHRI LA 'DUG ,GCER BU SPYI BCINGS TSOGS KYIS SEMS CAN GSOD PA MTHONG, ,'JIGS PA'I CHU MIG BSKAMS DANG RTAG TU NOR BU RGYU, ,SBAL SBRUL ZAS SU ZA DANG KHYI SPYANG GSOD LA SOGS, ,BZANG BA YI NI LTAS SU YANG DAG SHES PAR BYA, ,CHU NANG CHUD DANG SPAL SBRUL LUS LA 'JUG ,DE DAG PHYI BZHIN DU NI 'BRANG BYED ZHING, ,SBRANG BU MCHU RING LA SOGS LUS LA ZA, ,BA GLANG MA HE'I TSOGS KYIS GDUNG NAS 'DED PA DANG, ,KHYI SPYANG TSOGS KYIS GZUGS DANG 'DAM DU TSUD, ,'PHAG SENG BU CHUNG LA SOGS STON PA NGAN, ,GNOD PA'I RTAGS SU GTING RING GROG PO RU, ,MI SHONG BZHIN DU PHYIN DANG SLAR MI THAR, ,RI BRAG DOG MO LUNG DANG PHU RDUGS DANG, ,LHA KHANG GNAS KHANG HRUL POR MI SHONG BZHIN, ,SGO LA 'DZUL NAS SLAR YANG
YANG MI 'THON DANG, ,CHU NGAN MTSO DANG LU MA NYA SPRUL SOGS, ,PHAG PA BA GLANG MA HE LA SOGS TE, ,SHIN TU YID DU MI 'ONG GZUGS MANG STON, ,RI GZAR MI THAR LCE SPYANG TSOGS KYIS 'DED, ,DE DAG GNOD RTAGS LUS KYIS NYAMS MYONG YANG, ,NUL BA DANG NI GLU DANG CHANG LA DGA', ,NAD DANG NYAMS LCI YAN LAG NA BA DANG, ,SHA NI 'GUL 'PHRIG SHU G-YAN SHA BKRA DANG, NGO LHOG SHA RO SKABS SU ZUG GZER CHE, ,DE DAG GNOD PA'I RTAGS SU SHES PAR BYA, ,DPAL RDO RJE GTUM PO THUGS GSANG BA'I RGYUD PHYI MA LAS, BSNYEN SGRUB KYI LTAS DANG, GNOD RTAGS BSTAN PA'I LE'U STE BCU PA'O;; ;;DE NAS LHA'I DBANG POS GSOL PA, KYE BCOM LDAN 'DAS, SEMS CAN GYI LUS LA GDUG PA'I DUG LUS LA SLEB PA'I MTSAN NYID BSHAD DU GSOL, ,DE SKAD CES GSOL PAS, BCOM LDAN 'DAS KYIS BKA' STZAL PA, SHA MTHANGS BAR DU SLEB PA'I DUG ,RTAG TU SNYING YANG MI DGA' ZHING, ,SHA RTZA ZA ZHING 'GUL DANG 'PHRIG ,RTAG TU 'PHRUG SNYING 'BOD PA DANG, , SHA YANG 'O MA'I SPRIS MA BZHIN, ,SHA MDOG ME LCE 'DRA BA'O, ,SKABS SU SHA MTHANGS BAR DAG NA, ,CHU GRANG BLUGS PA SNYAM BYED DANG, ,SHU BA BAL BLDAGS SHA BKRA'O, ,GDUG PA DUG GIS SHA LA SLEB PA NI, ,'PHRIG 'GUL ZA SPRID BER BA LTAR, ,SHA NI NAG CING DMAR LA BEM, ,DU BA MIG TU SONG BA BZHIN, ,MIG GI MTHA' MCHU YIS GANG, ,MIG KYANG ZLUM LA SMIN MA GRUGS, ,SMIN MA BYI
, ,ZHING MIG KYANG 'GUL, ,SOR MO RNAMS NI BYI MJUG 'DRA, ,RTZA DANG CHU LA ZHUGS PA NI, ,LUS LA DRI MA NGA BA 'BYUNG, ,CHU BUR DANG NI CHU RGANGS DANG, ,DE NI RTZA YI ME TOG YIN, , CHU SER MDOG NI DUNG KHU 'DRA, ,CHU SER SKO RUL MNAN PA DANG, ,KO BA RUL BA'I DRI MNAM PA'I, ,CHU SER DAG NI 'BYUNG BA YIN, ,RO STOD MI BDE BLO YANG 'DEGS, ,SPYI YI MTSAN NYID 'DI DAG DANG,, 'BYUNG BAR 'GYUR BA DAG KYANG YOD, ,ME 'OD TSA BA 'DRA BA 'ONG, ,TSER MA ZUG PA 'DRA BA 'ONG, ,LUS PO CHE LA 'BRUM PA 'ONG, ,KOR TSE SHU BA 'BYUNG BA DANG, ,RMA DANG SER KA MI 'TSO BA, ,KO RA TSE TSOR BA MED PA 'BYUNG, ,NA TSA MED PA'I SHU BA 'BYUNG, ,TSA LA 'KHUMS PA 'BYUNG BA YOD, ,LUS KYI NYAMS STOBS CHUNG BA 'BYUNG, ,GLANG SHU BA DANG SHA BKRA 'BYUNG, ,SHA RO SPAL MIG 'DRA BA 'BYUNG, , SHA SUL THAMS CAD 'GUL 'PHRIG 'BYUNG, ,DUG GIS RUS PAR SLEB GYUR NA, ,PHYI YI SHA RNAMS KUN BSKAMS TE, ,MDOG NI SNGO SKYA SHA MDANGS 'TSOR, ,GOS KYI MDANGS KYANG 'CHOR BA STE, DE NI THAR BAR MI 'GYUR YANG, ,SNGAGS DANG RDZAS DANG TING 'DZIN GYIS, ,TSE RING SKAD GSANG LUS KYANG BDE, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD PHYI MA LAS, GDUG PA'I DUG RUS PA LA SLEB PA'I MTSAN NYID BSTAN PA'I LE'U STE BCU GCIG PA'O,, ,,DE NAS LHA'I DBANG BOS GSOL BA, KYE MA BCOM LDAN 'DAS, SLAD MA'I DUS KYI 'GRO BA LA PHAN
GDAGS PA'I PHYIR RDZAS KYI KHYAD PAR BKA' STZAL DU GSOL ZHES GSOL PAS, BCOM LDAN 'DAS KYIS BKA' STZAL BA, NYON CIG LHA YI DBANG PO GTZO, ,PHYI MA'I DUS KYI SEMS CAN RNAMS, , GDUG PA'I DUG GIS NYEN PA NA, ,PHAN PA'I SBYOR BA 'DI LTA BU, ,KUN KYANG SNGAGS KYIS BSGRUB PAR BYA, ,ME 'OD 'DRA NA SPYANG DUG GTANG, ,TSER MA ZUG PA LTA BU LA, ,RA DUG DANG NI RE LCAG GO ,CHA LA 'BRUM PA 'BYUNG BA NI, ,BTZOD DANG SPANG SPOS GTANG BAR BYA, ,SHA NI KOR TSE SHU BA LA, ,RA THUG SRED DANG LONG RTOL GTANG, ,RMA DANG SER KA MI 'TSON, ,KHONG DU SGRUB PA'I MA GHI TA, ,DE NYID DRAG PO'I SNGAGS KYIS GDUL, ,KOR TSE TSOR BA MED PA LA, ,STAG SHA GSER GYI ME TOG DANG, ,RGYA TSA SBYAR TE GTANG BAR BYA, ,SHA PU THAL BA BDUD RTZIS GSO, ,MU ZI BA BLA LDONG ROS DANG, ,DRI CHU SBYAR TE BSKU BAR BYA, ,NA TSA MED PA'I SHU BA LA, ,BONG RIL TI TSA MAR DKAR BSKU, ,TSA 'KHUMS LCE POG RVA RU GZHOG ,TSA DANG ZHUN CHEN SBYAR BAR BYA, ,LUS KYI NYAMS STOBS CHUNG BA NA, ,BUM PA'I CHU DANG MA GHI TA; ;SBYAR TE BKRU ZHING BTUNG BAR BYA, ,DRI CHU ZHUN CHEN GTANG BAR BYA, ,SHA BKRA GUR GUM PHAG TSIL LO, ,GLA SHU 'DRA BA BYUNG BA NI, ,GSER GYI ME TOG MU ZI DANG, ,SNGAGS KYI BYA BA 'BAD PAR BYA, ,SHA RO SBAL MIG 'BYUNG BA DANG, ,SHA YI SUL RNAMS 'GUL BA LA, ,GLA BA MU ZI LCE MDOG NAG, SHA MTHANGS BAR GYI DUG RNAMS LA, ,SA YI DRI DANG MA GHI TA, ,SHU DAG LCE BOG RU RTA DANG, ,GU GUL NAG PO
, ,DRI MA DANG, ,RO YI RO DANG BTZAN DUG DANG, ,BYI GU GCIG SKYES MI PHAG BCUD, ,YANG NA BTZAN DUG LCE PO GA DANG, ,LDONG ROS DANG NI SA YI DRI, ,ZHUN CHEN DRI CHUS BSDUS TE BSKU; ;GU GUL SHU DAG SHING KUN DANG, ,GLA RTZI BTZAN DUG RO YI RO, ,RUS TSAN BTAGS TE ZHUN GYIS BSDU, ,RIL BU BYAS TE BSREGS NAS KYANG, ,YANG DANG YANG DU SNA BUG GDUG ,DUG CHEN KLU DANG DE LAS GRAM PA'I GDON, ,SKYE RGU 'TSE BYED GDON RNAMS GANG YIN YANG, ,BDUG PA CHEN PO'I DRI 'OD TSOR BA YIS, ,BDUG PA CAN RNAMS KLAD PA RAB TU 'GAS, ,NYI MA'I 'OD KYIS MUN PA JI BZHIN NO; ;SHA LA ZHUGS PA'I GDUG PA'I DUG RNAMS LA, ,BYUNG BA'I RDZAS RNAMS PHYI NAS BYUG ,GDUG PA CAN GYIS RTAG TU BDUG ,MA GZHI TA DANG DRI CHU GRANG MOR SBYAR, ,BKRA ZHING KHONG DU GTAN DU GTANG BAR BYA; ;NAD RNAMS 'BYANG ZHING SBU SOGS BYI BA SKYE, ,RTZA DANG CHU DAG GNAS PA'I DUG ,BYUG PA GDUG PA CHU BO'I GZHUNG BZHIN DU, ,KHONG DU GTANG BA'I RDZAS NI 'DI LTA STE, ,MA GZHI TA NI DRI YI CHUS SBYANGS TE, ,AA RU RA DANG SBYAR BA RGYUN MI GCAD, ,RTZA YI GNAS SU NAD RNAMS DVANGS SNYINGS 'BYED, ,DVANGS SNYIGS PHYED PA'I NAD NI PHYI RU 'BYUNG, ,GANGS KYI RIL NYI MA LTA BU'O, ,DUG RNAMS RUS PA DAG LA RGYAS, ,KHONG DU GTANG BA'I RDZAS NI RGYUN DU GTANG, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD PHYI MA LAS, GDUG PA'I DUG RDZAS KYIS 'DUL BA'I LE'U STE BCU GNYIS
PA'O;; ;;DE NAS YANG LHA'I DBANG POS GSOL PA, KYE BCOM LDAN 'DAS, GDUG PA CAN SHIN TU YANG TSAR GCOD PA'I THABS BKA' STZAL DU GSOL ZHES GSOL PAS, BCOM LDAN 'DAS KYIS BKA' STZAL PA, NYON CIG DBANG PO CHEN PO'I LHA, ,GDUG PA SHIN TU TSAR GCAD NA, ,SREG PA'I LAS LA SHIN TU BRTZON PAR BYA, ,THAB KHUNG GRU GSUM SOR BRGYAD PA, ,KHRAG DANG DUR KHROD SOL BAS BYUG ,DKYIL DU RDO RJE RTZE GSUM BRI, ,ZUR DU MCHOD RTEN GSUM BZHAG STE, ,DE STENG DRAG PO'I SNOD BZHAG LA, ,NANG DU GRU GSUM RTZE MO LHA'O, ,GDUG PA'I SHING YANG ZUR GSUM BRTZIG, DKYIL 'KHOR CHEN PO'I SHAR LHOR BYA, ,SHING SHUN DAG LA SHA TR'Um YANG, ,BRGYA RTZA BRGYAD BYA DUG SNA DANG, ,TSA BA GSUM DANG BONG BU'I CHU, ,RNGA MO BYA ROG BRUN YANG BSAGS, ,LHA YI TING 'DZIN MCHOD SNGAGS KYIS, ,TING 'DZIN GSAL TE LHA LA DBUL, ,SREG PA'I SNGAGS NI 'DIS BYA'O, ,SARBA BIGHNAN M'A RA YA DZVA LA RAm, STONG RTZA BRGYAD DANG BRGYA RTZA BRGYAD, ,LAN GRANGS MANG DU BYAS PA YI, ,THAL BA CHU CHEN GZHUNG LA BOR, ,THABS KHUNG 'OG MA'I THAL BA YANG, ,KHYI YI DRI CHEN TSA BA GSUM, ,BSRES TE SHA TR'Um GZUGS BYAS LA, ,N'A GA STAm BHA NAN ZHES RGYA GRAM DKYIL DU MNAN ZHES GSUNGS SO, ,DPAL RDO RJE GTUM PO THUGS GSANG BA'I RGYUD PHYI MA LAS, DREGS PA CAN SHIN TU TSAR GCAD PA SREG PA DRAG PO'I LE'U STE BCU GSUM PA'O,, ,,DE NAS YANG LHA'I DBANG POS GSOL PA, KYE
, ,BCOM LDAN 'DAS, MNAN PA'I LAS NI BGYI PA YIS, ,SHIN TU TSAR GCOD JI LTAR BGYI, ,ZHES GSOL PAS, ,BCOM LDAN 'DAS KYIS BKA' STZAL PA, LHA YI DBANG PO CHEN PO NYON, ,RUS SPAL KHOG PA KHA SBYAR DU, ,RGYA MTSO SBU BA KHRE RGOD DANG, ,N'A GA GSAR CU GANG DANG, ,DKAR GSUM SHA CHEN SHA RI RA, ,MA GHI TA YIS GTZO BYAS TE, ,RU RTA DANG SBYAR RO NYE'I SHUBS, ,RE BAS BTUMS TE SNGON DMAR DKRI, ,SNGAGS KYIS MDA' LA SUM STONG BSNGAGS, ,N'A GA STVAm BHA NAN, ,BRGYAD GSUM DBUS MA'I ZLA ZER LA, ,NUB KYI RGYA GRAM SUM MDO'AM, ,YANG NA GNOD PA'I SA PHYOGS SU, ,SHUG PA'I PHUR PAS KHRU GANG BRKO, ,DER BCUG G-YAM PA RGYA GRAM CAN, ,DE STENG MNAN PA'I RI RAB GZHAG ,DE DAG BYED TSE DMAN ZAS SPANG, ,KHA ZAS DKAR GSUM MNGAR GYIS BYA, ,SHA RUL KHRAG RUL RGYA TSOL DANG, ,SNGAGS MDA' SNGAGS DANG LDAN PA YIS, ,RANG GNAS BRTEN PA'I BAR DU GCAD, ,THOG DRAG LTA BUR SNGAGS LAS BYA, ,RTZA GCIG BAR DU GNOD MI 'GYUR; ;DPAL RDO RJE GTUM PO THUGS GSANG BA'I RGYUD PHYI MA LAS, PHYIR MI LDOG PA'I MNAN PA'I LE'U STE BCU BZHI PA'O,, ,,DE NAS LHA'I DBANG POS YANG GSOL PA, ,KYE BCOM LDAN 'DAS, GDUG PA CAN DE DAG DE NYID KHO NAR 'GRO BA LA RNAM PAR 'TSE 'AM, DE DAG GZHAN DANG GZHAN DAG GI MTHU YANG GNON PAR 'GYUR, GAL TE GZHAN DAG GI MTHUS KYANG 'GRO BA MA RUNGS
PAR BYED NA, DE JI LTAR YONGS SU BSAL BAR BGYI, ,DE SKAD CES GSOL PA DANG, BCOM LDAN 'DAS KYIS BKA' STZAL PA, NYON CIG DBANG PO CHEN PO LHA, ,PHYI MA'I DUS KYI SEMS CAN LA, ,GDUG PA'I DU GCIG ZHUGS GYUR NA, ,PHO NYA TSOGS KYIS MA RUNGS BYED, ,BTZAN DANG RGYAL PO 'GOD PO DANG, ,DNGOS GRUB 'TSE BA BYED KUN DU, ,DE DAG DE NYID SHES GYUR NA, ,DE DAG RANG GSHED RANG GIS BYED, ,R'A DZA TZITTA RBAD NAN, TZA HU RA THUMS DZA M'A RA YA RBAD NAN, ,AOm TRI TZITTA RBAD NAN, TRI TZITTA RBAD NAN, HAB SHAm TRI TZITTA RBAD NAN, ,RU TRI TZITTA RBAD NAN, ,R'A DZ'A TRI GA NAN, TZA HUR THUm DZA M'A RA YA RBAD, SDE BRGYAD SPYIR 'DUL BA NI, AOm A'A:H'Um BADZRA SARBA DUshtAm, TRIG NAN, AE HUR THUm DZA M'A RA YA RBAD, GAL TE RGYAL PO GDUG PA DAG, SHIN TU CHE BAR 'GYUR BA NA, ,KU SHA RTZVA LA BRGYA BYIN GZUGS, ,MDZE MO'I SOGS PA G-YAS PA LA; ;KHRAG CHEN GYIS BRI SNYING GAR RTZAL, ,TRI BADZRA AAm KU SHA DZA:, LCE POG GIS GDUG SNGON DMAR BCINGS, ,RTZA BA'I DKYIL 'KHOR DBUS DAG TU, ,GRU GSUM NAG POR BCUG BYAS LA, ,CLAGS KYU PHYAG RGYA BCAS LA DGUG, TRI BADZRA TRI BADZRA, YAKshA DUsht'AN BADZRA AAm KU SHA DZA KRO DHIm KROL SHA, R'A DZA THA MA NAm, R'A DZA SHA TR'Um M'A RA nA PHAt, R'A DZA AA MU KAm ,BHAKshA nI GRiHnA GRiHnA, GRiHnA M'A RA YA PHAt, PHUR PA GDAB CING LCAG GIS BRAB, ,DE NAS BSKOR BA'I 'KHOR LO BCA', ,RTZA BA'I 'KHOR LO'I LTE BA LA, ,KU SHA'I GZUGS BZHAG PHYI RTZIBS LA, ,RE MIG BCU BZHI LDAN PA LA, ,RTZIBS LA GZUGS BRIS BONG KHRAG
, ,SBYAR; ;RE MIG CHA LA BSKOR SNGAGS 'GOD, ,DU TRI PA TRI DKOR BA KHAm RBAD, YA TRI DKOR BA KHAm RBAD, YUNGS KAR KHRAG SNA DUG SNAS BRAB, ,YANG NA CHU BO'I GZHUNG LA BSKUR, ,YANG NA PHUGS RDUGS GROG POR MNAN, ,DE'I TSE ZHING LCAGS DRAG TU BSNUN,, ,,DPAL RDO RJE GTUM PO THUGS GSANG BA'I RGYUD PHYI MA LAS, DPAL RDO RJE GTUM PO THUGS GSANG BA'I RGYUD PHYI MA RDZOGS SO,, ,,RGYA GAR GYI SLOB DPON AA BA YU GA TI LA DANG, BOD KYI LOTZTSA BA BLA BAN CHOS KYI BRTZON 'GRUS KYIS ZHUS TE BSGYUR CING GTAN LA PHAB PA'O,, ,,