,,RGYA GAR SKAD DU, SHR'I BADZRA TZAndA TZITTA GU HYA TANTRA, BOD SKAD DU, DPAL RDO RJE GTUM PO THUGS GSANG BA'I RGYUD, DPAL GTUM PO PHYAG NA RDO RJE LA PHYAG 'TSAL LO, , 'DI SKAD BDAG GIS THOS PA DUS GCIG NA, 'OG MIN GYI GNAS LCANG LO CAN GYI PHO BRANG NA SKU DANG, GSUNG DANG, THUGS DANG, YON TAN DANG, 'PHRIN LAS GZIGS PA'I BDE BAR GSHEGS PA THAMS CAD CHOS KYI SKU LAS LONGS SPYOD RDZOGS PA'I SKU DANG, SPRUL PA'I SKU DANG, RDO RJE'I SKU DANG, MNGON PAR BYANG CHUB PA'I SKUS 'GRO BA'I DON MDZAD DO, ,BRJOD MED DON GYI GSUNG DANG, DGONGS PA BRDA'I GSUNG DANG, TSANGS PA DBYANGS KYI GSUNG DANG, DBYER MI BYED PA'I GSUNG DANG, RIG PA BYIN GYIS BRLABS KYI GSUNG GIS 'GRO BA'I DON MDZAD DO; ;CHOS KYI DBYINGS KYI THUGS DANG, ME LONG LTA BU'I THUGS DANG, MNYAM PA NYID KYI THUGS DANG, SO SOR KUN RTOG GI THUGS DANG, BYA BA GRUB PA'I THUGS KYIS 'GRO BA'I DON MDZAD DO,, GNAS DANG, GDAN KHRI DANG, 'KHOR DANG, 'DUL BA'I ZHING DANG, SKU 'OD ZER BSAM GYIS MI KHYAB PAS 'GRO BA'I DON MDZAD DO, RGYAS PA DANG, DBANG DANG, DRAG PO DANG, LHUN GYIS GRUB PA'I 'PHRIN LAS KYIS 'GRO BA'I DON MDZAD DO, ,DE'I TSE DE'I DUS NA BCOM LDAN 'DAS RIGS LNGA DANG RIGS GSUM LA SOGS PA'I SANGS RGYAS KYIS SEMS CAN 'DUL BA'I
, ,DUS LA BAB PAR GZIGS NAS MA CHAGS PA'I THUGS RJES RNAM PA SNA TSOGS PA'I SPRUL PAS 'GRO BA'I DON MDZAD PA'O, ,DE'I TSE NA LHA MA SRIN SHIN TU DRAGS PA DANG DREGS PA'I RU DRA ZHEN CHAGS KYI DMAN GNAS PA, NGA RGYAL GYI RI RAB LA GNAS PA, PHRAG DOG GI RLUNG SEMS LA 'TSUB PA, GTI MUG MUN PA'I G-YUNG DRUNG NA GNAS PA, DE LTA BU DAG 'DUL BA'I DUS LA BAB PAR GZIGS NAS DE BZHIN GSHEGS PA THAMS CAD THUGS GCIG TU GYUR TE MI GNAS PA'I YE SHES CHEN PO LAS RDO RJE'I RIGS DANG, BUDDHA RIGS DANG, RIN PO CHE'I RIGS DANG, PADMA'I RIGS DANG, LAS KYI RIGS SU GYUR TE, SO SO'I YUM DANG CHAS NAS BZHUGS TE THUGS 'DUS PA'I PHYIN GYIS BRLABS LAS THAMS CAD KYI RIGS KYI SANGS RGYAS SKU BEE d'URYA'I RANG BZHIN LTAR SNGO BA, SNGON PO SNANG BA, SNGO BAR GYUR PA, RIN PO CHE AINDRA NI LA LJANG GU LTA BU'I KHA DOG TU SNANG BA, LCANG LO CAN GYI CHA BYAD, PHYAG NA RDO RJE BSNAMS NAS THUGS KAR BRTAN PA BYUNG NGO, ,BYUNG BAR GYUR TO, ,DE'I MTHU DANG STOBS KYIS 'JIG RTEN NA GNAS PA'I DREGS PA CAN BTUL TE DAM LA BTAGS NAS BYANG CHUB MCHOG TU SEMS BSKYED DO, ,DPAL RDO RJE GTUM PA THAMS CAD GSANG BA'I RGYUD LAS, GLENG GZHI'I LE'U STE DANG PO'O,, ,,YANG DE'I TSAN NYON
MONGS PA LA GNAS PA'I SEMS CAN ZHI BAS MI 'DUL BAR GYUR PA DAG GNAS PA LAS RIGS LNGA'I BCOM LDAN 'DAS RNAMS KYIS GSANG BA'I BDAG PO LA BKA' BSGO BA STE, KYE GSANG SNGAGS DANG, RIG SNGAGS DANG, GZUGS SNGAGS KUN GYI BDAG PO ZHI BAS MI 'DUL BA'I SEMS CAN LA THAMS CAD KHROS PA'I TSUL GYIS GDUL BAR GYIS SHIG CES BKA' STZAL TO; ;AOm BADZRA P'A nI KRO DHA KRO DHA H'Um H'Um ZHES CHED DU BRJOD PA LAN GSUM CHED DU BRJOD PA LAS GNOD SBYIN GYI SDE DPON CHEN PO LAG NA RDO RJE SNGON PO CAN MCHE BA GTZIGS SHING 'TSAM PA, MIG MA MA DAG GI PHUNG PO LTAR 'BAR BA, DBUGS DUR KHROD KYI ME LTAR 'BAR BA, 'JIGS PA'I NGA RO BSKAL PA'I DUS MTHA' LTAR SGROG PA, LAG PA DANG RKANG PA'I KLU'I RGYAL PO NOR BU DANG NOR RGYAS KYI BUS BRGYAN PA, KLU'I RGYAL PO NAG PO DANG NYE NAG POS SE RAL KHAR BRGYAN PA, KLU'I RGYAL PO DGA' BO DANG NYE DGA' BO 'BAR BAS RNA CHA BYAS PA, SPRUL GDUG PA 'BAR BA ZA BA, BYA BZHIN RGYAS PA, SMIN MA SER NAG DPRAL BA LA BSDUS PA, GSHIN RJE'I CHA BYAD CAN, LCE GLOG LTAR 'GYUR BA, GSUS PO CHE SBRUL ZA BA, LAG PA'I THAL MO BRDABS PA'I SGRAS 'JIGS PAR BYED PA, KLU'I RGYAL PO 'DAB BZANG SKA RAGS SU BCINGS PA, AA LA LA ZHES 'JIGS PAR BYED PA, SKRAG PAR BYED PA, RGYA MTSO'I ZABS SU DPAG TSAD BRGYAD KHRI YOD
, ,PA RKANG PA'I PUS MO TZAM DU PHYIN PA, DBANG PO DANG NYI MA PHRAG PA LA KHUR BA, KLU THAMS CAD BRLAG PAR BYED PA, HA LA'I GANG RGYANGS CHEN POS DGOD PAS KUN TU 'KHRUG PAR BYED PA, KHAMS GSUM 'JIGS SHING SKRAG PAR BYED PA, KLU RNAMS 'CHI BAR BYED PA ZHIG BYUNG STE, RANG GI GZUNGS SNGAGS 'DI CHED DU BRJOD DO, ,TADYA TH'A, BHO BHO BA NA N'A GA AA DHI PA TA YE, AI DAm N'I L'AMBA RA DHA RA SHA R'I RAm, BADZVA P'A nI HRI DA YAm, YA:SA M'A TI KRA MA THA, MU KU LA AUT SA DA NAm BHA BI shDYA TI, TADYA TH'A, BUDDHA BUDDHA BI BUDDHA BI BUDDHA, M'A TI KRA MA TH'A, HA RA HA RA N'A G'A n'Am, PRA HA RA PRA HA RA N'A G'A NAm, TZTSINDA TZTSINDA G'A HRi DA Y'A NI, BHINDA BHINDA N'A GA M'ARMA NI, BHI SH'IRYANTU N'A GA SHA R'I RAm, BI SPHO tA YA N'A GA NA YA NA NI, TADYA TH'A H'Um PHAt, N'A GA BI D'A RA n'A YA PHAt, N'A GOT S'A DA N'A YA PHAt, N'I L'Am BA SA N'A YA PHAt, AA PRA TI HA TA BA LA PA R'A KRA M'A YA PHAt, KRi T'ANT'A YA PHAt, KRi T'A N+YA R'U P'A YA PHAt, RO shAn'A YA PHAt, TR'A SA M'A YA PHAt, KU BH'AndA AUD S'A DA N'A YA PHAt, PRE TA PI SH'A TZA BI N'A SHA KA R'A YA PHAt, YAKshA AA PASMA RA BI N'A SHA KA R'A YA PHAt, HA SA HA SA, DHA RA DHA RA, M'A RA YA M'A RA YA, N'A SHA YA N'A SHA YA, SARBA BIGHnA BI N'A SHA KA R'A YA PHAt, SARBA SHA TR'Um SAm GHA, BI N'A SHA KA R'A YA PHAt, N'I L'AM BA RA DHA RA BADZRA P'A nI R'A DZNY'A BA YA TI SV'AH'A, DE SKAD CES BKA' STZAL MA THAG TU DREGS PA CAN PHAL PA DAG
RI MO BZHIN G-YO BA MED PAR GYUR TE, BRGYAL RAB TU BRGYAL BA LAS PHYIR DRAN PAS SANGS NAS 'DI SKAD CES GSOL TO, ,KYE GSANG BA'I BDAG PO, KHYOD NI THUGS RJE'I MNGA' BDAG KUN GYI MGON DANG SKYABS SU GYUR BA LAGS NA, BDAG CAG GI SDUG BSNGAL 'DI LAS THAR PAR MDZAD DU ZHES GSOL TO, ,DE NAS DREGS PA CAN DE DAG DAM LA BTAGS TE DBANG BSKUR DAM TSIG PHOG NAS BYANG CHUB TU SEMS BSKYED DO, ,DPAL RDO RJE GTUM PO THAMS CAD GSANG BA'I RGYUD LAS, DREGS PA CAN PHAL PA BTUL BA'I LE'U STE GNYIS PA'O,, ,, DE NAS 'JIG RTEN GYI DREGS PA CAN DAG SHIN TU YANG DREGS PAR GYUR BA DAG 'DI LTA STE, KLU RGYAL RIGS KYI RGYAL PO RGYA MTSO ZHES BYA BA DANG, RJE'U RIGS KYI RGYAL PO KUN NAS GDUGS ZHES BYA BA DANG, BRAM ZE'I RIGS KYI RGYAL PO CHU LHA ZHES BYA BA DANG, GDOL BA'I RGYAL PO SH'I LA BU KA RA ZHES BYA BA DANG, BDUD KYI RGYAL PO SKOS RJE DRANG DKAR DANG, GZA' RGOD CHEN PO DANG, DKAR PO BUNG GI THOB TSUGS CAN DANG, BTZAN GYI RGYAL PO DMAR PO SROG LEN DANG, GSHIN RJE'I RGYAL PO DMIGS PA DANG, MA MO'I RGYAL MO MKHA' DBYINGS KYI YUM GSHIN RJE'I SRID MO PHUNG BYED [?] LA SOGS PA DANG, SHIN TU DREGS PA CAN GYIS 'JIG RTEN PHUNG BAR BYED PA DAG MA THUL BA LAS LONGS SPYOD RDZOGS PA'I SKU LNGAS, KYE GSANG BA'I BDAG PO,
, ,DREGS PA PHO MO DAG THUL BAR MA GYUR TE, THAMS CAD KYI THABS KYIS DREGS PA NYON MONGS PA 'DUL BAR BYA'O, ,ZHES BKA' STZAL TO, ,DUS GSUM GYI SANGS RGYAS THAMS CAD KYANG GSANG BA'I BDAG PO LA 'DI SKAD CES GSUNGS SO, ,'JIG RTEN GYI DREGS PA 'DI DAG 'DOD CHAGS LA GNAS PAS SEMS CAN LA RNAM PAR 'TSE'I, KUN GYI LUS DANG SROG MA RLUNGS PAR BYED PAS KHYOD KYIS THAMS CAD KHROS PA'I TSUL GYIS THUL CIG CES BSGO'O, ,PHYOGS BCU'I ZHING KHAMS RNAM PAR DAG PA NA BZHUGS PA'I SANGS RGYAS DANG, BYANG CHUB SEMS DPA' DANG, RIGS SO SOR KUN NAS 'DUS PA RNAMS KYANG GSUNG GCIG GI NGA ROS 'DI SKAD CES GSUNGS SO, ,GSANG BA'I BDAG PO, KHYOD SHIN TU KHROS PA'I TSUL STON LA MA 'PHYIS PA'I STOBS KYIS DREGS PA CAN THUL CIG CES BSGO'O, ,GZHAN YANG RIG SNGAGS DANG, GSANG SNGAGS DANG, GZUNGS SNGAGS KYI BDAG PO THAMS CAD 'DUS TE RIGS KYI BDAG PO DANG, RIGS KYI YUM DANG, RIGS KYI KHRO BO DANG, RIGS KYI SPRUL PA DANG, RIGS KYI PHO NYA MO LA SOGS PA THAMS CAD 'DUS NAS MGRIN GCIG TU BKA' STZAL PA, GSANG BA'I BDAG PO, ,GDUL BYA'I ZHING 'DI DAG ZHI BA'I CHA BYAD KYIS MI 'DUL BAS ZHE SDANG DANG, GDUG SEMS SU BCAS PA, NYON
MONGS PA RANG DGA' MAR SPYOD PA, 'DOD PA'I SKOM GYIS GDUNGS PA 'DI DAG KHYOD KYI MTHU'I STOBS KYI SHIN TU KHROS PA'I CHA BYANG STON LA MA 'PHYI BAR MYUR BAR RAB TU THUL CIG CES BKA' BSGO'O, ,DE NAS SKU MI SNANG BA YE SHES CHEN PO'I NGANG LA BZHUGS SO, ,DPAL RDO RJE GDUL PO THUGS GSANG BA'I RGYUD LAS, KHRO BOR BKA' BSGO BA'I LE'U STE GSUM PA'O,, ,, DE NAS RIGS LNGA YUM GNYIS SU MED PA'I MKHA' LAS THUGS RJE'I KHROS PA'I SA BON H'Um MTHING NAG HA LA NAG PO'I MDOG LTA BU 'OD ZER SNA TSOGS 'BAR BA, RAB TU 'BYUNG BA, KUN TU RAB TU 'BAR BA DAG BYUNG STE, DE'I BYIN GYI RLABS LAS THUGS RJE'I BYIN GYI RLABS LAS AE MTHING NAG DANG, YAm SNGON SKYA DANG, RAm KHAm DMAR NAG DANG, SUm SER NAG DANG, RAm DMAR NAG DANG, KEm DKAR SKYA DANG, SNA TSOGS PA'I BHRUm 'PHROS PAR GYUR TO, ,DE DAG GI 'PHRO 'DU LAS GRU GSUM MTHING NAG NI NAM MKHA' DANG, SNGO SKYA RLUNG ZLA GAM DANG, DMAR NAG RAKTA'I RGYA MTSO DANG, SER NAG ZHING CHEN SA GZHI DANG, DKAR SKYA KENG RUS RI RAB DANG, SNA TSOGS RIN PO CHE'I GZHAL YAS KHANG MTHING NAG RDO RJE RGYA GRAM LAS LHUN GYIS GRUB PA'I DKYIL 'KHOR DU GYUR TO, ,CHOS NYID MI 'GYUR LHUN GYIS GRUB PA'I LTE BA MTHING NAG ZLUM PO 'PHRIN LAS RNAM PA BZHIS LHUN GYIS GRUB PA'I RGYA GRAM GYI RTZE MO PHYOGS BCUR 'PHRO BA, BAR
, ,MTSAMS RIN PO CHE SNA BZHI LAS LHUN GYIS GRUB PA, GRU CHAD RIN PO CHE LJANG GUR SNANG BA, SGO BZHI RIN PO CHE SNA BZHI TSAD MED PA BZHI'I 'PHRIN LAS SU SNANG BA; SNA TSOGS KYI RGYAN RANG BZHIN DU SNANG BA RANG BYUNG BAR GYUR TO, ,DE NAS H'Um MTHING NAG KHRO BO'I SA BON DE LAS SNA TSOGS RDO RJE PHRA MO'I 'OD TSA TSA LTAR 'PHRO BA, RDO RJE PHRA MO'I 'OD ZER LAS RDO RJE LCAGS KYU PHRA MO BSAM GYIS MI KHYAB PAS 'JIG RTEN GYI DREGS PA CAN KUN DANG, SROG LA RNGAM PA'I SRIN PO PHO MO SNA TSOGS PA BKUG STE GZHAL YAS KHANG GI PHYI ROL TU SHING RTZA BA NAS BSGYEL BA BZHIN DU GYUR TE RI MO BZHIN G-YO BA MED PAR GYUR TO, ,MTHU'I BYIN GYI RLABS KYIS 'KHOR LO'I LTE DBUS SU RDO BA BSGYUR BA BZHIN DU GYUR TO; ;DE BZHIN GSHEGS PA THAMS CAD KYIS KYANG STI RA BAm ZHES BRJOD PAS SRIN PO PHO MO DRAN PA RNYED DE MDUN DU GYUR TO, ,DPAL RDO RJE GTUM PO THUGS GSANG BA'I RGYUD LAS, GZHAL YAS KHANG LHUN GYIS GRUB PA'I LE'U STE BZHI PA'O,, ,,DE NAS THUGS RJE KHROS PA'I H'Um MTHING NAG 'OD 'BAR BA LAS DE BZHIN GSHEGS PA KUN GSUNG GCIG GIS AA BHI RO shA nA H'Um ZHES GSUNGS PA LAS KHRO GNYER BSDUS SHING ZHAL BGRAD PAS DUG GSUM RTZAD NAS GCOD PA'I MCHE BA ZUR GSUM GTZIGS PA, DE LTAR
'BAR BA'I CHA BYAD DU SNANG BA ZHIG BYUNG STE, 'JIG RTEN GYI KHAMS CHEN PO GSUM G-YOS, RAB TU G-YOS, KUN TU G-YOS, KUN TU RAB TU G-YOS PAR GYUR TO, ,DPAL RDO RJE GTUM PO THAMS CAD GSANG BA'I RGYUD LAS, 'BAR BA'I KHRO BO KHROS PA'I TSUL DU BSKYED PA'I LE'U STE LNGA PA'O,, ,,DE'I TSE DE'I DUS NA DUS GSUM GYI THEG PA'I BDAG PO THAMS CAD 'DUS TE, YE SHES KYI MKHA' GSANG BA'I BUM PAS 'BAR BA'I KHRO BO DE'I LUS KUN BKRUS TE YE SHES KYI BUM PA'I CHU RGYUN GYIS DBANG BSKUR RO, ,DAG PAR 'KHRU BAR BYED PA'I NYE SHING BA DANG, SGRIB PA SBYONG ZHING KUN TU SKYOB PAR BYED PA'I PHUR MO'I THAL BA DANG, CHOS NYID KYI RTZA DANG, YE SHES KYI BCUD MAR LA SOGS PAS 'GRO BA RNAMS KYI TSUL DANG LDAN PA'I PHYIR DBANG BSKUR RO, ,YE SHES KYI KHRO BO DE LUS LA SIM ZHING RGYAS TE BDE BA SKYES PAR GYUR TO, ,DE NAS RIGS THAMS CAD KYI BDAG PO SANGS RGYAS LNGA YUM DANG BCAS PAS BDE BA LA SNYOMS PAR ZHUGS TE GNYIS SU MED PA'I MKHA' LAS YE SHES KYI YIG 'BRU KIshAm MTHING GA DANG, KIshAm DKAR MO DANG, KIshAm SER PO DANG, KIshAm DMAR PO DANG, KIshAm LJANG GU DANG, KIshAm SNA TSOGS KYI MDOG TU SNANG BA DAG THON TE GSUNG GCIG GIS SKYED SKUL GYI SNGAGS BKA' STZAL PA, H'Um AE YAm RAm KHAm SU RAm KEm BRUm, AA BHI RO shA nA H'Um, AOm NYI MA SA SLA LA N'Am GA RU dA TZA LE TZA LE
, ,H'Um PHAt, CES GSUNGS PA LAS YE SHES LAS SPRUL PA KHYUNG MTHING GA DANG, DKAR PO DANG, SER PO DANG, DMAR PO DANG, LJANG GU DANG, SO SO NAS SNA TSOGS PA 'DUS PA'I KHYUNG LUS DKAR BA, GSHOG PA SNGO BA, RVA YE SHES SPU GRI 'BAR BA, GDUG PA CAN 'DREN CING ZA BA, 'BAR BA'I KHRO BO'I THUGS RJE LA GNAS PAR GYUR TO, ,LUS KHA DOG LNGA LA MCHU GNAM LCAGS KYI RDO RJE LAS GRUB PA, GSHOG PA NAM MKHA'I MTHA' MA KHEBS PA, MIG GSER ZHUN MA BZHIN DU SNANG BA, GDUG PA'I SPRUL RIGS BZHI SO SOR ZA BA DAG SPYI GTZUG DANG, DPRAL BA DANG, RNA LTAG G-YAS G-YON DANG, DBU'I LTAG KHUNG LA SOGS PAR GNAS SO, ,RIGS SO SO PHYAG MTSAN SO SOS DBANG BSKUR TE, DE BZHIN GSHEGS PA'I RIGS KYI BDAG POS 'KHOR LO SPYI GTZUG TU BYIN TE, AOm SARBA TA TH'A GA TA K'A YA BADZRA SVA BH'A WA A'ATMA KONYAHAm, ZHES GSUNG ZHING 'KHOR LO BYIN NO, ,GSUNG GI RIGS KYI BDAG POS KYANG, A'A:SARBA TA TH'A GA TA W'A KA BADZRA SVA BH'A BA A'ATMA KONYAHAm, ZHES GSUNG ZHING CHOS KYI 'KHOR LO MGRIN PAR BZHAG GO ,THUGS KYI RIGS KYI BDAG POS KYANG, H'Um SARBA TA TH'A GA TA MA H'A TZITTA BADZRA SVA BH'A WA A'ATMA KONYAHAm, ZHES THUGS KAR RDO RJE BZHAG GO ,YON TAN GYI RIGS KYI BDAG POS KYANG, SV'A SARBA TA TH'A GA TA RATNA GU HYA AA BHI shINYTZA M'Am,
ZHES RGYA GRAM DANG LTE BAR RIN PO CHE 'BAR BA BZHIG GO ,LAS KYI RIGS KYI BDAG POS KYANG, H'A SARBA TA TH'A GA TA KARMA GU HYA AA BHI shINYTZA M'Am, YE SHES KYI KHRO CHUNG SKU CHUNG LA SPYAN CHE BA, RDO RJE DANG SDIGS MDZUB 'DZIN PA, DKAR PO DANG, DMAR PO DANG, SER PO DANG, LJANG GU DANG, MTHING GA LA SOGS TE SNA TSOGS PA'I KHRO CHUNG THON NO, ,THON PAR GYUR TO, ,DE DAG GI BYIN GYI RLABS KYIS SA CHEN PO 'DI RNAM PA DRUG TU G-YOS, RAB TU G-YOS, KUN TU G-YOS, KUN TU RAB TU G-YOS PAR GYUR TO, ,SREG PA'I BSKAL BA'I SGRA TZAM YANG GRAG PAR GYUR TO, ,DE DAG TSUR 'DUS SHING NAM MKHA' LA BABS NAS 'KHOR LO 'BAR BA'I LTE DBUS SU GNAS PA LAS DE BZHIN GSHEGS PA THAMS CAD KYI GSUNG GCIG GIS, RO shA nA YAKshA GRiHnA GRiHnA PHAt CES GSUNGS PA LAS YE SHES KYI KHRO BO SKU DUG HA LA NAG PO'I MDOG LTAR 'TSER BA, YE SHES RNGAM PA'I SPYAN GSUM BSKAL PA'I GLOG LTAR 'KHYUG CING GDUG PA NYI MA'I 'OD ZER BZHIN GANG LA BLTAS PA BRLAG NUS SHING TSA BA, SMIN MA RNGAM PA'I GLOG DRAG PO BZHIN SER NAG TU 'BAR BAS GTI MUG DANG, NYON MONGS PA'I MUN PA SEL BAR BYED PA DANG, SMA RA SER NAG LA YE SHES KYI ME 'BAR BA, NYON MONGS PA'I BAG CHAGS SREG PA, NYON MONGS PA GTI MUG 'JOMS PAR BYED PA'I GLANG PO CHE'I KO RLON GSOL BA, NYON MONGS PA'I ZHE SDANG 'DUL BA'I
, ,RTAGS SU GCAN GZAN GYI RGYAL PO STAG GI SHAM THABS BGOS PA, NYON MONGS PA PHRAG DOG 'DUL BAR BYED PA'I GZIG GI MGO BOS BRGYAN PA, NYON MONGS PA'I 'KHOR BA MA SPANGS PAS ZHING CHEN GYI G-YANG GZHI GSOL BA, SBRUL DKAR KHRAS DBU BRGYAN PA, SER KHRAS MGUR CHU BYAS PA, DMAR KHRAS PHYAG GDUB BYAS PA, LJANG KHRAS SKED BCINGS BYAS PA, NAG KHRAS ZHABS GDUB BYAS PA, DUG GSUM NGANG GIS MI SPONG BAR NYON MONGS PA'I SHA KHRAG GSOL BA, SKU DANG GSUNG DANG THUGS DANG LDAN BA'I THOD PA SKAM PO DANG, RLON PA DANG, NE PHRENG GIS SKU LA BRGYAN PA, CHOS NYID SKYE BA MED PA'I DON DANG LDAN ZHING 'KHOR BA KHRAG ZHAG DANG 'DRA BA LA THUGS RJES GZIGS PA'I PHYIR ZHAG GI ZO RIS KYIS SKU LA BRGYAN PA, THEG PA CHEN PO'I DBANG GIS THAMS CAD 'DUL BA'I PHYIR THAL CHEN GYI TSOM BUS SKU LA BRGYAN PA, CHOS NYID SKYE BA MED PA'I DON DANG LDAN ZHING DBU 'BAR BAR CHA BYAD DU SNANG STE, DBU SKRA SNGO NAG LA RAL PA'I COD PAN GYIS BSGYINGS PA, ZHABS G-YAS PA BRJID PA'I TSUL GYIS BSKUM NAS GNAS PA, ZHABS G-YON PA DRAG PO'I TSUL GYIS BGRAD NAS GNAS PA, SROG LA RNGAM PA'I SRIN PO PHO MO BRDZIS PA, PHYAG G-YAS PA NA RDO RJE RTZE LNGA RDEG PA'I TSUL DU 'DZIN PA, G-YON PA NA SDIGS PA'I MDZUB MO
'PHYAR BA DAG TU SNANG BA ZHES RGYA GRAM DANG, RAL GRI 'BAR BAS YAN LAG BZHI LA LAS KYI BYED PA POR DBANG BSKUR RO, ,DAM RDZAS BDUD RTZI RNAM PA LNGAS DBANG BSKUR NAS 'PHRIN LAS THAMS CAD KYI BYED PA POR DBANG BSKUR TE, DE YANG GNYIS SU MED PA'I ROL PAS SO, ,DPAL RDO RJE GTUM PO THEG PA GSANG BA'I RGYUD LAS, DE BZHIN GSHEGS PA THAMS CAD KYIS 'BAR BA'I KHRO BO LA DBANG BSKUR BA'I LE'U STE DRUG PA'O,, ,,DE NAS DPAL RDO RJE GTUM PO LAG NA RDO RJES SDIGS MDZUB NI, BSGRENG, RDO RJE NI, SBAR NAS 'BAR BA'I KHRO BO'I LTA BAS KUN TU BLTAS TE SPYAN NI, BZLOG ,ZHAL NI, BGRAD NAS RNGAM PA'I SGRA SKAD NI, HA HA, H'Um H'Um, AA LA LA, AAm AAm, DHI DHI, HO HO ZHES PA'I BYIN RLABS LAS PHRAG PA GNYIS RAB TU 'BAR TE RDO RJE KHRO BO DKAR BA, RNAM PAR DKAR BA DAG MTHA' YAS PA THON TO, ,DPRAL BA RNAM PAR 'BAR BA LAS KHRO BO MTHING GA SNA TSOGS PA THON TO, ,MGRIN PA RAB TU 'BAR BA LAS KHRO BO DMAR PO RNAM PAR DMAR BA DAG THON TO, ,THUGS KA RAB TU 'BAR BA LAS RDO RJE KHRO BO NAG PO RAB TU 'BAR BA SNA TSOGS PA THON TO, ,SKU LTE BA RAB TU 'BAR BA LAS KHRO BO LJANG GU RAB TU 'BAR BA DAG THON TO, ,'BAR BA'I KHRO BO DE DAG KYANG 'BAR BA, RAB TU 'BAR BA, KUN TU RAB TU 'BAR BA, ME LCE LTA BU STE, SHIN TU RNGAM PA, SHIN TU 'JIGS PA, DGOD PA'I MDOG
, ,TU SNANG BA, LOG SRED CAN DAG LA GSHE BA'I MDOG TU SNANG BA, THAMS CAD THUGS RJE CHEN POS KUN LA KHYAB PA, THUGS ZHI BA DANG, RGYAS PA DANG, DBANG DANG DRAG PO DANG, 'PHRIN LAS BZHIS SKU'I DNGOS PO SHIN TU BSGYUR TE 'GRO BA'I DON MDZAD DO, ,ZHAL NAS RNGAM PA'I SGRA SGROG PA DE DAG KUN KYANG KHRO BO'I STANG STABS DANG, MCHONG PA DANG, 'GYING PA DANG, RTZE BA DANG, SPYAN BGRAD PA DANG, MCHE BA GTZIGS PA DANG, KHRO GNYER MI BZAD PA GTZIGS PA SHIN TU MI BZAD PA'I KHRO BOR SPRUL TE RTZI MCHOG GI RGYAL PO MA GI TA'I DRIR LDAN PAS GDUG PA CAN KUN GYI SNYING RAB TU RUL PAR BYED PA DE LTA BU'I 'BAR BA'I KHRO BO DE DAG SPRUL, RAB TU SPRUL PAR GYUR TO, ,DE NAS RNGAM PA'I GSUNG GIS DRAG PO'I SNGAGS BKA' STZAL PA, AOm BADZRA TZAndA, AOm PI PU LI, AOm BADZRA TZAndA PRA BA RA N'A GA ,AOm BADZRA TZAndA MA H'A N'A GA HRi DA YA, A'A BARTE, DZVA LA DZVA LA, SARBA N'A GA HRi DA Y'A NI, A'A WARTE DZVA LI, SARBA N'A GA HRi DA Y'A NI, KI MI KI MI, N'A GA KU LA NI BI DHVAm SA NI, HA NA HA NA, SARBA N'A GA DUshtAm, HRi DA Y'A NI, DA HA DA HA, SARBA DUshtAN N'A GA BANDHA NI, PA TZA PA TZA, PA TZA YA PA TZA YA, SARBA DUshtAm N'A GA N'Am, AA KRA MA AA KRA MA, S'U TRA MA SA KA RA BI MA LI, BI KRA MA, MA H'A N'A GA TE DZA BA RE SV'AH'A, ZHES PAS DE DAG THAMS CAD YUR YUR POR GYUR TO, ,STONG GSUM GYI STONG CHEN
PO'I 'JIG RTEN GYI KHAMS RNAM PA DRUG TU G-YOS, RAB TU G-YOS, KUN TU RAB TU G-YOS PAR GYUR TO, ,DPAL RDO RJE GTUM PO THUGS GSANG BA'I RGYUD LAS, DBANG DU BSDUS PA'I LE'U STE BDUN PA'O,, ,,DE NAS DREGS PA CAN DE DAG ZIL GYIS MNAN PA'I PHYIR RDO RJE NAM MKHA' LA GSOR BAS DREGS PA CAN DE DAG SHING LO RLUNG GIS BSKYOD PA BZHIN NO,, DE NAS RNGAM PA'I GSUNG DANG, BRJID PA'I SKU LAS 'DI SKAD GSUNGS SO, ,KHRO BO'I RGYAL PO NGA NYID KYIS, ,SRID PA GSUM NA GNAS PA YANG, ,THAMS CAD MA LUS ZIL GYIS MNAN,, RIGS BZHI KLU RGYAL 'KHOR DANG BCAS, ,GZI BYIN DRAG POS MNAN PAR BYA, ,NGA NI MTHU STOBS BDAG PO STE, ,RNGAM PA'I GSUNG DANG BRJID PA'I SKU, ,PHYAG RGYA DRAG POS ZIL GYIS MNAN,, ZHES CHED DU BRJOD PA BRJOD NAS BRJID GNON GYI PHYAG RGYA ZHES BYA BA BCAS TE PHYAG SOR MO BSNOL TE MTHE BONG GNYIS DANG MTHE CHUNG GNYIS SO SOR RTZE SPRAD NAS BRKYANG NGO, ,PHYAG GI MTHIL 'KHOR LO CAN YANG THUR DU BSTAN TE SHIN TU MI BZAD PA'I SNGAGS BKA' STZAL PA, AOm BADZRA TZAndA BADZRA P'A nI H'Um H'Um, GA RU dA BHAKshE H'Um H'Um, DZEm M'A LA BA RI TZI, TZI SRI TZA H'Um PHAt, CES CHED DU BRJOD PAS DREGS PA CAN DANG KLU THAMS CAD MYOS RAB TU MYOS NAS BKA' BZHIN BGYI'O, ,ZHES GSOL TO, ,DE DAG THAMS CAD KYANG MYOS PA'I CHU DRAG PO 'THUNGS PA LTA BU'AM,
, ,SKYES BU GNYID KYIS GDUNGS PA LTA BU STE, DE DAG THAMS CAD KYIS MGRIN GCIG TU GSOL PA, KYE MA, GSANG BA'I BDAG PO BCOM LDAN 'DAS, RIG SNGAGS BDAG PO KHRO BO'I RGYAL, ,KHYOD KYI RIG SNGAGS DMOD PA YIS, ,SHIN TU MI BZAD RAB TU MYOS, ,'BANGS SU MCHI ZHING BKA' BZHIN 'TSAL, ,THUGS RJE CAN GYIS BDAG CAG LA, ,RAB TU DGONGS SHING 'BANGS SU MCHI, ,SLAD MA RNAMS LA 'TSE MI BGYID, ,CES DAM BCAS SO, ,DPAL RDO RJE GTUM PO THUGS GSANG BA'I RGYUD LAS, DREGS PA CAN ZIL GYIS MNAN PA'I LE'U STE BRGYAD PA'O,, ,,DE NAS SUM CU RTZA GSUM GYI LHA'I SDE DPON CHEN PO BRGYA BYIN ZHES BYA BA GA LA BA DER 'ONGS TE MCHOD PA'I YO BYAD RNAM PA SNA TSOGS PAS MCHOD NAS RDO RJE KHRO BO DE LA 'DI SKAD CES GSOL TO, ,KYE KHRO BO'I BDAG PO CHEN PO, ,DREGS PA GDUG PA CAN 'DI DAG NI, SHIN TU MA RUNGS PAR GYUR NA, 'DI DAG BRID NAS BSTAN PA GNAS PA'I THABS KYI SPRO BA MDZAD DU GSOL ZHES GSOL BA LAS, LHA'I DBANG PO NYON CIG ,KLU RNAMS KYI RDZAS RNAMS RDZAS SNA TSOGS PA BSAGS LA, BDAG NYID KYI LUS DAG CING GTZANG BAR BYAS LA LONGS MA SPYAD PA'I RAS DKAR PO BGOS TE MNGAR BA DANG GSUR BA'I DRI ZHIM PO DANG LDAN PA'I THIG LES LUS BYUGS LA BU RAM DANG,
SHA KHA RA DANG, SBRANG RTZI MUR BAR BYAS LA ZHAG BDUN NAM DGU'I GONG NAS KHA ZAS NGAN BA SPANG BAR BYA'O, ,LUS KYI RNAM PA LA RMA BYA'I SGRO LNGA BTZUGS TE SHES RAB CAN GYIS BYA'O, , KLU'I SMAN SNA TSOGS PA DANG 'JAM PA'I 'BRU BSRES PA'I PHYE MA MNGAR BA'I CHUS SBRUS TE RI LU SHA RTUG GI 'BRU TZAM BRGYA RTZA BRGYAD BYA'O, ,KLU SMAN RNAM PA THA DAD PA YANG BLUGS TE DKAR GSUM LA SOGS PA DANG LDAN PAR BYA'O, ,DE NAS THUGS RJE CHEN POS GZIGS TE, KLU'I RGYAL PO 'KHOR DANG BCAS, ,DGA' DANG GUS PAS SPYAN 'DREN GYI, ,BRTZE ZHING GDUNGS PAS TSUR SHOG CIG ,DGA' ZHING GUS PAS MNGAN MI SEMS, ,KUN KYANG BRTZE BAS TSUR SHOG CIG ,CES BKA' STZAL PAS DE DAG KUN GYI DBANG PO KUN KYANG SHIN TU DVANGS PAR GYUR NAS SHA RID LA SBRANG MA 'DUS PA LTA BU STE, KUN KYANG DGA' BA'I MDANGS DANG CHAS NAS GANG NA BA DER 'KHOD DO, ,SNGAGS BKA' STZAL PA, N'A GA R'A DZA SA MA YA SV'AH'A, ZHES BKA' STZAL PAS, KUN KYANG TSIM PAR GYUR TO, ,DE DAG KUN GYIS KYANG MGRIN GCIG GIS DAM TSIG GI RIM PA PHUL BA, DPA' BO CHEN PO KHRO BO'I BDAG ,KHYOD KYI BKA' LAS 'DAS GYUR NA, ,BDAG CAG RNAMS KYI MGO LUS SNYING, ,DUM BUR GAS NAS RUL BAR SHOG ,TADYA TH'A, AOm TZA t'A TZA t'A, BI TZI tU, SHA THA SHA THA, SVA TZA R'A TZI TE SV'AH'A, ZHES GSOL TO, ,DPAL RDO RJE GTUM PO THUGS GSANG BA'I
, ,RGYUD LAS, GDUG PA CAN BKA' LA BTAGS PA'I LE'U STE DGU PA'O,, ,,DE NAS YANG DBANG PO CHEN POS GSOL PA, ,KYE RDO RJE KHRO BO DAG ,DREGS PA CAN 'DI DAG SHIN TU MA RUNGS PAR GYUR NA, LA LA NI, RUS PA CHAG CING GRUGS, ,LA LA DAG NI, TSE'I 'DU BYED MTHA' LA GTUGS SU NYE, LA LA DAG NI, NAM MKHA' LDING DBU'I GTZUG TOG NA GNAS PAS LEN PA'I SDUG BSNGAL GYIS GZIR, LA LA DAG NI, KHRAG BSKAMS, LA LA DAG NI, SEN MO DANG YAN LAG CHAG ,LA LA DAG NI, GTI MUG GI GNYID LOG PAS BYANG CHUB KYI SNYING PO MI SHES, LA LA DAG NI, RTZA DANG RGYUS PA CHAD DE NAD RNAM PA SNA TSOGS KYIS GDUNGS, LA LA DAG NI, LUS KUN TSA BA'I NAD KYIS NYAM THAG ,LA LA DAG NI, RTZE SHING MING YANG MI GRAG ,LA LA DAG NI, NYON MONGS PA RGYAS TE SEMS BSKYED PA RJES SU DRAN YANG DE BZHIN GSHEGS PA'I ZHAL MI MTHONG, LA LA DAG NI ,YI DVAGS KYI KHAMS LTA BU STE KHA ZAS KYI SKAL BA DANG MI LDAN NA, 'DI DAG GSO BA'I THABS BKA' STZAL DU GSOL ZHES GSOL PA LAS, LHA'I DBANG PO DAG ,DBANG PO'I LAG PAS NI, LAG PA CHAD PA SOS PAR 'GYUR RO, ,CHU SRIN SDE MOS NI, SEN MO CHAG PA SOS PAR 'GYUR RO, ,N'A GA GE SAR GYIS NI, BYANG CHUB KYI SEMS BSKYED PA RJES SU DRAN PAR 'GYUR
RO; ;N'A GA PUshPA SA NI, KLU'I GNAS ME TOG GI NAGS TSAL DU 'GYUR RO, ,GU GUM GYI DRI CHEN POS NI, DE MA YIN PA THAMS CAD BSREGS NAS KLU'I SNA LA BSNAMS PA TZAM GYIS SNGON BYANG CHUB MCHOG TU SEMS BSKYED PA DRAN PAR 'GYUR RO, ,'BRAS YOS KYIS NI, KLU'I NAD THAMS CAD 'TSO BAR 'GYUR RO, ,THANG KA BYA RGYUS SPRU SHEL GYIS NI, RTZA RGYUD CHAD PA SOS PAR 'GYUR RO, ,GA PUR GYIS NI, RTZA BA'I NAD SOS NAS LUS KYI BCUD KUN TSIM PAR BYED DO, ,DAR LE BRGAN GYIS NI, KA RU NAS 'JIGS PA LAS SKYOB PAR BYED DO, ,MTSAN DANG, BYE TSAN DANG, GCER BU DANG, RGYAL PO'I CHAD PA DANG, SA G-YO BA DANG, GZHAN GYI RIG SNGAGS KYIS GNAS 'GUL BA DANG, PHUR BUS 'DEBS PA LAS THAR PAR BYED DO, ,MTSAL GYIS KHRAG BSKAMS PA SOS PAR BYED DO, ,DUNG GIS RUS PA CHAG PA SOS PAR BYED DO, ,RAS SKUD DMAR POS NI, ,SROG 'GAGS PA TSANGS PA'I TSE DANG LDAN PAR BYED DO, ,DKAR DANG MNGAR GYIS ZHAL ZAS RO MCHOG BRGYA DANG LDAN PAR BYED DO, ,DE DAG KUN KYANG RIN PO CHE'I BUM PA'AM, KHAM POR LTA BUR MCHU LNGA BAR BLUGS NAS SBAS NA, GANG NYAMS PA DE SOGS PAR 'GYUR RO, ,DPAL RDO RJE GTUM PO THUGS GSANG BA'I RGYUD LAS, KLU GSO BA'I LE'U STE BCU PA'O,, ,,DE NAS LHA'I DBANG POS GSOL BA, KYE RDO RJE KHRO BO CHEN PO, ,'DI DAG BSDIGS NA JI LTAR
, ,BSDIGS, ,GEGS DAG GCAD PA JI LTA BU, ,BRLAG PAR BYA BA JI LTA BU, ,RDO RJE KHRO BOS BKA' STZAL PA, ,NYON CIG DBANG PO RNAM PAR RGYAL, ,BSDIGS PA BYA BA 'DI DAG GO, SHIN TU KHROS BCAS MGO BSTOD LA, ,MKHA' LDING KA RUR SPRUL PAR BYA, ,RDO RJE KHRO BO 'TSOL BA GDON, ,PHYOGS BCUR RDO RJE SPRO BAR BYA, ,H'Um H'Um H'Um, BADZRA TZAndA AOm A'A;NA GA PRA THA PRA THA, H'Um N'A GA N'A SHA YA PHAt, CES BKA' STZAL PAS DREGS PA CAN DE DAG LUS LA BCAD THUBS KYI SDUG BSNGAL BYUNG GIS DGOS TE 'PHRAL NYID DU GDUG PA CAN DE DAG SHIN TU BRED PAR GYUR TE BKA' BZHIN DU NYAN NO, ,SHIN TU 'JIGS SNGAGS NAS BCOM LDAN 'DAS THUGS RJES GZIGS SU GSOL ZHES BKA' NYAN NO, ,DE NAS GEGS BCAD PAR 'DOD NA, ,SBYIN SREG BZHIN LAS BYA'O, ,GANG NA BDER CHAB SNYAMS LA, ,NAG PO DRE DANG LDAN PAR BYUG ,ZUR GSUM SUM BRTZEGS THUR DU BRKO, ,KHA KHYER THAMS CAD RDO RJE NAG ,DBUS SU GZHAL YAS RGYA GRAM BRI, ,SE SKYER GDUG PA'I SHING DAG LA, ,ZUR GSUM KHRU DO'I TSAD DU BRTZIG ,LOGS LA RAKTA'I TSAR TSAR GTANG, ,TSER CAN NAG PO ZUR GSUM SHIG ,BRAG NAG SKYES PA'I TSER NAG SHUG ,SOR NI 'DUN BDUN TSAD DU BYA, ,MA DU ZUR GSUM SOR GSUM TSAD, ,'BRU CHAN NAG PO RA KATARA SBYAR, ,MING BYA SBYIN SREG RAB TUS PAR, ,
BRGYA RTZA BRGYAD DE NYI SHU GCIG ,DMIGS PA CHE GE'I LING+GA NI, ,DRI MA KHRAG DAG DANG, ,SKRA DANG RKANG RJES GOS LA SOGS, ,TSOGS PAR PAGS LA AA MU KAm, DE LA DZA H'Um BAm HOS DGUG ,YI DVAGS GANG GNAS MTSON PA BLA, ,SBRUL GDUG DMIGS PA'I GZUGS SU BYA, ,GNON PAR BYED PA MTSON BYAS DZA, ,SNYING GAR BRIS LA NGA RGYAL MDUN, ,THUN BRAB GDAB SNGAGS BSKOR BCAS DBUL, ,M'A RA YA DANG BCAS PA'O, ,NAG PO'I CHAS MGO RA STAN SA, ,STOD G-YOGS SNGON PO PHU RUNG NAG ,G-YANG GZHI SRID PA'I SPYI BLUGS MGO ,DGANG BLUGS MCHOG CHEN GZAR BUS BYA, ,KHAM SKYONG ZUR GSUM RDZAS RNAMS GSAG ,MCHOD SBYIN NGA DANG MGON BYED LA'O, ,ME YI LHA YANG NGA NYID DO, ,M'A RA YA PHAt, SUm BHA NI SUm BHA H'Um, SBYIN SREG BYAS PA'I THAL BA LA, ,NGA YI GDUNG DU BSGRUB PAR BYA, ,NANG DU DGRA BO'I BRDA YANG GZHUG, YANG SENG LDENG PHUR BUS GZUNG, ,MTSAMS KYANG SNA LNGA'I TSON GYIS DBYE, ,DE NAS DE LA DMIGS PAS SO, ,AOm BADZRA TZAndA SVA BH'A BA DHARM'A DH'A TU AA, AOm BADZRA RATNA PANYTZA TRAm, AOm BADZRA AA MRi TA P'A nI SV'AH'A, AOm BADZRA A'A KO tA YA MUD KA RA BADZRA HA NA HA NA H'Um, AOm BADZRA TZAndA BADZRA BHA BA YE SV'AH'A, AOm BADZRA AAR DZE BIR DZE SV'AH'A, AOm BADZRA AA MRi TE A'A YU shE SV'AH'A, AOm BADZRA TZAndA MA H'A RO sha nA H'Um PHAt, BRUm SKA NI SKA, AOm BADZRA DHARM'A TE SV'AH'A, AOm BADZRA TZA ndA
, ,PRA MA TA NA YE SV'AH'A, TZAndA PUshPE SV'AH'A, DAG PA CHEN PO BDE BA'I MCHOG ,YE SHES RDO RJE THO BAS BRDUNG, ,DE LAS BYIN RLABS DE LA BLUGS, ,YE SHES THO BAS NYON MONGS BRDUNG, ,DMIGS PA DZA MAR DAG GIS DGUG ,MA GTUN RDO RJE RGYA GRAM NYID, ,GNAS NYID LHA YI GZHAL YAS KHANG, ,THAMS CAD LHA YI NA BZA' LDAN, ,DE GZHUG BDUD DANG NYON MONGS MNAN, ,NGA NYID DU YANG 'GYUR BAR BSAM, ,TZAndA PUshPA YE SV'AH'A, MTSAN DANG DPE BYAD RGYUN MI 'CHAD, ,DANG POR SBYOR BAS MCHOD PAR BYA, ,BA YIS BKRU BYA SPOS KYIS BYUG ,SHIN TU GTZANG BA DAG GIS PHYI, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD LAS, ,DREGS PA CAN TSAR BCAD PA'I LE'U BCU GCIG PA'O;; ,,DE NAS LHA'I DBANG POS GSOL PA, ,KYE MA GNOD 'DUL KHRO BO'I RGYAL, ,DREGS PA SRUNG BA'I THABS NI GANG, ,SRUNG THABS RNAM PA DU DANG LDAN ,GNOD 'DUL CHEN PO BKA' STZOL CIG ,NYON CIG DBANG PO KUN GYI BDAG ,SNGAGS RDZAS TING 'DZIN 'DUS PA BZHI, ,DNGOS TE DGONGS PA THAMS CAD BYED, ,RDO RJE BRAG DANG RIN CHEN TSUL, ,DUG DANG ME BZHIN MTSON CHA 'DRA, ,DUS MIN 'CHI LAS RAB TU ZLOG ,SANGS RGYAS KUN GYI MTHU DANG LDAN, ,DE 'CHAD DNGOS GRUB MCHOG CHEN 'THOB, ,NGAL DU KUN TU ZHUGS DANG MTSUNGS, ,SANGS RGYAS
KUN GYI SRAS SU DGONGS, ,GANG ZHIG GSANG SNGAGS 'DI 'CHANG BA, ,KUN GYIS NGA DANG 'DRA BAR MTHONG, ,GANG ZHIG GSANG SNGAGS 'DI 'CHANG BA, ,NGA NYID RGYUN DU DE NA GNAS, ,'JIG RTEN DU NI BDE BA 'BYUNG, ,'DAS DANG SANGS RGYAS KUN DANG MTSUNGS, ,RTZIBS BCU DBUS DANG BCU GCIG LA, ,YIG 'BRU KHYAMS BCAS BRDA BRI'O, ,CHU 'KHYAGS DAG LA YUNGS KAR RO, ,GRU CHAR LA NI SA ZHAG MO, ,GZHAN LA SRAD BU SNGON PO LA, ,MDUD PA RE LA RE RE'O, ,CHU 'AM YID NI RANG LA'O, ,SHA RI RAm DANG MA GHI TA, ,GSER DANG RMA BYA GRU PA'I SBU, ,BAL TSON SNA LNGA'I SRAD BU LA, , TZAKRA BRIS LA MGUL DANG GTZUG ,MO G-YON PHO G-YAS BSRUNG BAR BYA, ,CHUS NI YAMS DANG DUG LAS THAR, ,MAm SA DRI DANG RAKTA DANG, ,KHU BA CHU DAG SBYAR RAM BZA', ,SANGS RGYAS LNGA YI DNGOS GRUB STE, ,KUN GYIS SPYAD PAR BYA BA YIN, ,MDZE DANG RLUNG GI GNOD PA SEL, ,TSE RING LUS KYANG RGYAS PA YANG, ,BYANG CHUB DKAR DMAR MDANGS DANG LDAN, ,YAMS DANG MI GTZANG DNGOS PO SEL; ;DRI YI CHU YI YON TAN NI, ,KLAD RKANG PHO LOG GRANG BA SEL, ,SHIN TU ZAB STE GSANG BA'I MCHOG ,SKAL LDAN RTOGS PA RNAMS KYIS SPYAD PA LAS, ,SKAL MED BLO DMAN RNAMS KYIS GA LA YIN, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD LAS, ,SRUNG BA'I 'KHOR LO'I LE'U STE BCU GNYIS PA'O,, ,,DE NAS LHA'I DBANG POS 'DI SKAD CES
, ,GSOL TO, ,SLAD MA'I TSE SLAD MA'I DUS NA SEMS CAN GDUG PA CAN GYI DUG BSAL BA'I MTSAN NYID DANG, ZHUGS BSTAN DU GSOL, ,NYON CIG DBANG PO CHEN PO LEGS PAR RAB TU YID LA ZUNGS SHIG ,MTSAN NYID RNAMS NI, 'DI LTA STE, RUS PA SHA DANG PAGS PA DANG, ,RTZA DANG KHRAG DANG NANG GROL LO, ,BCUD DANG CHUS TE LUS KYI STOBS, , LUS KYI RTZI DANG MDOG DANG DBYIBS, ,REG PA CHU DANG CHU SER DANG, ,KLAD PA LHA BA LUS KUN LA, ,ZHUGS SA RNAMS NI BCO BRGYAD TE, ,'ON KYANG GCIG SOGS GRANGS KYIS BRTAG ,RUS PA LA ZHUGS PA NI, LUS SKEM PA DANG, ZUG GZER CHE BA DANG, NA THANG NGE BA DANG, THIG LER NA PA'O, ,SHA LA ZHUGS PA NI, LUS BEBS SE 'DUG PA DANG, LUS LTI SE 'DUG PA DANG, MDOG NAG PA DANG, DRI MA NGAN PA SNGAR 'ONG BA DANG, SHA RO 'BYUNG BA'O, ,PAGS PA LA ZHUGS PA NI, SHA 'PHRIG PA DANG MDOG SKYA BA'O, ,RTZA LA ZHUGS PA NI, LUS SPRING BER BA DANG, RTAGS DE NI, BZLOG DKA' BA'O, ,SBRID LUG DANG NI SPRID LCI DANG, ,TSA BA 'DZAG DANG TSA RAB DANG, ,TSA KER BA DANG TSA BRENG BA, ,LUS LA SOGS PA TSA THANG BA, ,TSA BER BA DANG YAN LAG BRAB, ,KHRAG LA ZHUGS PA NI, SNA NAS KHRAG KYANG SKABS SU 'DZAG ,TSA BER BA DANG LCI YOR BA, ,GDONG PA RTAG TU DMAR BA DANG, ,'O MA'I SPRIS MA LTAR 'ONG
NGO, ,NANG GROL LA ZHUGS PA NI, GLO SNYING MI BDE SKYUG TING NGE, ,SNYING 'DAR SNYING YANG MI DGA' STE, ,DE NA BZLOG PAR DKA' BA'O, ,BCUD LA ZHUGS PA LA BZHI STE, SA BON MI 'BYUNG MTSAN MI LDANG, ,KHU BA SKYO MA'I MDOG TU 'ONG, ,KHU BA DVANGS SNYIGS PHYED NAS 'ONG, ,CHU LA ZHUGS PA NI, GSUM STE, SBUGS CHU RGYA SKYEGS KHU LTAR 'ONG, ,SNA CHU RTAG TU SKYA BOR 'ONG, ,MIG GI CHA YANG RTA PAR 'DZAG ,DUG BA SER BU BYUNG TZAM GYIS, ,GZHAN PAS RAB TU MYUR BAR 'JIG ,LUS KYI STOBS LA ZHUGS PA NI, SGYID LUG PA DANG SKYI ZHUM PA, ,LUS KYI RGYU BA NYAL NYAL 'ONG, ,LUS KYI RTZI LA ZHUGS PA NI, RTZIL SOGS TE LUS KYI DRI, ,BYA YI PAGS BZHIN SANG GIS 'GRO, ,MDOG LA ZHUGS PA NI, LCE NI BTZOD KYI MDAG BZHIN 'ONG, ,DBYIBS LA ZHUGS PA NI, LUS KYANG GNYER CHUNG DAG GIS KHENGS, ,SOR MO BYI BA'I MJUG MA 'DRA, ,REG PA LA ZHUGS PA NI, SNA RTZE LA SOGS LAG RTZE RNAMS, ,TSA YAM TSA BER LUS GTZE BA, , G-YA' BAR 'ONG BA DAG YIN NO, ,CHU BA LA ZHUGS PA NI, ,YAN LAG RENGS SHING NA BA DANG, ,SHA 'BUR BA DANG GRANG SING SING, ,YAN LAG TSOGS RNAMS KHOL BA 'O, ,CHU SER LA ZHUGS PA NI; CHU SER LA LNGA STE, ZA KHOL KHOL, ZA TZAG TZAG ,TSA LJIBS LJIBS, LUS LA CHU LGANG YOD PA'O, ,CHU LGANG BYUNG NAS RID MI LUS, ,LUS LA 'BRUM RJES SRAN MA 'DRA'O, ,DE NI BZLOG
, ,PAR SLA BA'O, ,KLAD PA LA ZHUGS PA NI, MGO BO PHYING PHYING SKRANGS PA DANG, ,'THOM DANG BEM ME BA DAG DANG, ,SKRA RNAMS NUL GYIS BYI LA SOGS, ,LHA BA LA ZHUGS PA NI, GDONG PA TSA LAM LAM 'ONG BA DANG, GRANG SER SER 'ONG BA'O, ,DE NI, BZLOG PAR SLA BA'O, ,LUS HRIL GDONG YANG THAL SKYA'I MDOG ,DE NI BZLOG PAR DKA' BA 'O, , SHIN TU KHRO BO'I KLU RNAMS NI, ,RTAGS DANG MI LDAN THUGS KYIS 'ONG, ,BZLOG DKA' RMA TSOGS MI 'TSO RTAGS MI LDAN, ,BZLOG SLA GZHAN YANG YAN LAG PHRA BA DANG, ,SBOM DANG THUNG DANG RENGS LA SOGS, ,KLU'I MTSAN NYID DU SHES PAR BYA'O, ,BZLOG DKA' RMA TSOGS MI 'TSO RTAGS MI LDAN, ,BZLOG SLA GZHAN YANG YAN LAG PHRA BA DANG, ,SBOM LAS LAS 'BYUNG BA DAG KYANG YOD, ,DE DAG GI NI MTSAN NYID NI, ,MKHAS PAS SO SOR SHES PAR BYA'O, ,NAD GZHI LAS BYUNG SMAN SOGS DANG, ,'PHROD PA'I ZAS NI PHAN PA YIN; ;NAD RNAMS GZHAN MA YUN MI RTAG ,'DI 'DRA'I MTSAN NYID SHES PAR BYA, ,SHES NAS MYUR DU BRTZON 'GRUS KYIS, ,SNA TSOGS THABS LE MA RMONGS PAS, ,ZLOG PA'I LAS LA 'BAD PAR BYA, ,CHU YI THIGS PA PHRA MO YIS, ,DUS SU BYUNG BA RDO BA 'BIGS, ,GDUG PA'I DBANG CAN ZHA RING YANG, ,LE LO DANG BRAL RTZE GCIG SEMS, ,RGYUN DU LHA SGOM
BZLAS BRJOD KYIS, ,GDUG PA'I NAD LAS THAR PAR NGES, ,RTZOL BA CHE LA SOM NYI BRAL, ,GANG BSAMS DE LAS MI 'GRUB MED, ,'KHOR BA'I PHUNG PO SROG BCAS LA, ,MNGON SUM NYID DU MTHONG 'GYUR GYI, ,BRTZON PA DOR BAR MI BYA'O, ,CES DPAL GTUM PO CHEN POS GSUNGS SO, ,DPAL RDO RJE GTUM PO THUGS GSANG BA'I RGYUD LAS, MTSAN NYID BRTAG PA'I LE'U STE BCU GSUM PA'O,, ,,DE NAS LHA'I DBANG POS 'DI SKAD CES GSOL TO, ,BCOM LDAN 'DAS SLAD MA'I DUS DAG NA, GDUG PA CAN GYI YI DVAGS RNAMS, ,DUG RNAMS DBYUNG NA JI LTAR DBYUNG, ,MCHOD PA'I LAS RNAMS JI LTAR BYA, ,CHOS KUN BDAG POS BKA' STZOL CIG ,CES GSOL TO, ,BKA' STZAL PA, LHA'I DBANG PO NYON CIG ,MCHOD PA'I LAS DAG BYED 'DOD NI, ,GNYIS DGON GTZUG LAG CHU MIG 'GRAM, ,MTSE 'U LTENG KA KHRON PA'I STENG, ,DBYAR ZLA GSUM LA GNAS PAR BYA, ,DBYIBS LEGS RAN MDZES BYI DOR BYA; ;BA YI RNAM LNGA SBOS DANG DRI, ,THIG LE LNGA DANG LDAN PAR BYA, ,DBUS SU H'Um BRI GSAL BAR BYA, ,AOm PH'A PHO PHEE PHOm, ,'DI DAG GZHI LAS RDZOGS PAR BSKYED, ,KLU YI RGYAL PO RGYA MTSO NI, ,LUS DKAR RIN CHEN SBRUL MGO GSUM, ,LAG NA RIN CHEN SDONG BU 'O, ,KLU YI RGYAL PO KUN NAS GDUGS, ,SPRUL MGO GNYIS PA KHA DOG SER, ,RIN CHEN 'BAR BA LAG NA'O
, ,CHU LHA MGO LNGA KHA DOG DMAR, ,LAG NA PADMA 'BAR BA'O, ,KLU RGYAL SHING LA BU RA KA ,LAG NA SPRIN PHUNG KHA DOG LJANG, ,RGYAL DANG RJE DANG BRA MA ZE DMANGS, ,SO SO'I RIGS KYI RGYAL PO STE, ,SPRA TSIL ZHA NYE BAG ZAN LA, ,GZUGS SU YANG NA MDZES PAR BYA, ,SEMS CAN 'KHOR GYIS BSKOR BAR BYA, ,KLU SMAN SNA TSOGS DKAR DANG DMAR, ,TSOGS PAR BYAS LA MCHOD SBYIN BYA, ,KHAM PHOR SBU GU MCHU LNGA PAR, ,BLUGS LA KHA BCAD GNAS SU SBA, ,GSO BAR BYA BA'I LAS NI RAB, ,SPYAN DRANG GDAN DANG PHYAG SKYABS BSTOD, ,SMON LAM LA SOGS RGYA CHER BYA, ,BDEN PA BDAR ZHING BSDIG PAR BYA, ,DUG RNAMS DBYUNG BA'I LAS DAG NI, ,RAm YAm KHAm LAS BYUNG BA YI, ,'KHOR LO RNAM GSUM ME RLUNG CHU, ,SREG GTOR BKRU BYA STONG NYID KYIS, ,'KHOR LO CHEN PO GNAS PAR BYA, ,H'Um LAS GYUR PAR LDAN PAR BYA, ,BZANG SKYOB PA DANG DOGS NYES DANG, ,MNYAM DANG LDAN PAS MCHOD PA BYA, , DE NANG DE BZHENGS MTSAN NAS BRJOD, ,NYA STONG DUS MCHOD SRI ZHUS BSKOR, ,DES NI DON RNAMS 'GRUB PAR 'GYUR, ,DPAL RDO RJE GTUM PO THUGS GSANG BA'I RGYUD LAS, DUG DBYUNG ZHING MCHOD PA BSTAN PA'I LE'U STE BCU BZHI PA'O,, ,,DE NAS DE BZHIN GSHEGS PA THAMS CAD KYI BDAG POS BKA' STZAL PA, ,DUS NGAN THA MAR
GYUR PA'I TSE, ,SDIG LA MI 'DZEM MI DGE SPYOD, ,MTSAMS MED BYED CING CHOS BSKOR 'JIGS, ,MDZED DANG SHU BA G-YAN PA DANG, ,BSKAMS DANG ZHA GRUB GZHOGS PHYED NA, ,DE'I TSE NGA YI BSTAN PA 'BYUNG, ,NYON CIG DBANG PO 'KHOR GYI MCHOG ,LOG SRED GDUL DKA' GDOL PA CAN, ,ZHI BAS MI 'DUL GANG ZAG GI ,GSHED DU 'KHOR LO 'DI BSKOS SO, ,KRO DHA R'A DZA'I GZUNGS BCAS LA, ,RDO RJE RGYA GRAM MTHA' BSKOR RDO RJE'I RA, ,BRTZON 'GRUS BZHI LDAN DBUS DANG LNGA RU DE'O, ,DE LAS RGYAS PA DAG TU BSKOR 'DOD NA, ,DE LA KHYAD PAR KHYAMS DANG YI GE NI, ,BCU GCIG LDAN BYAS MTSON RE'I MING RUS GCAR, ,KHYAMS GCIG H'Um DANG MING RUS MANG NA SPRAG ,DBUS KHYAMS SNGAGS BRI MANG NA DE DANG SBRAG ,GCIG LA RDO RJE H'Um BAR MANG NA GCAR, ,RKANG PA MOS MA SHIGS NA PHO YI LAS, ,DE MA BYUNG NA PHO MO SBRAG PA'I LAS, ,BSOD NAMS CAN GYI SKAL BZANG MA THUL NA, ,SRID PA'I GTONG ZLOG 'KHOR LO DKRUGS TE BSKOR, ,RO RAS LA BRI BYA ROG 'UG PA'I SGRO, ,SMYUG GU BYAS LA GDAN NAG YIG SPON 'BRI, ,DRI DGOD SHING BSREGS BONG KHRAG BONG DUG SBYAR, ,DBUS DANG BTZON KHANG BZHI POR H'Um BAR BCAD, ,DGOS PA KUN BYED LAS RNAMS THAMS CAD KYI, ,SNGAGS 'DI PHO DANG MOR BRI BAR DU BSAD, ,AOm BADZRA TZAndA MA H'A RO shA nA H'Um PHAt, PHO DANG MOR BSKOR RABS CHAD
, ,PHO MOR GZHUG ,DBUS KYI H'Um BTAGS SRAD BU TSANGS BUG DBYUNG, ,YAKshA KHA PHAt PHYOGS BZHIR GZHAG PAR BYA, ,RDO RJE RAB TU H'Um BAR DE BAR GZHAG ,DUG SNA KHRAG SNAS GA 'U NAG POR BYUG ,GU GU RGYA TSIL TSIL CHEN RA LUG RMANG KHA NI, ,KHU BA NAG POS BYA BAR RAB TU SHIS, ,BONG GRI NAG PO'I RDOG MA DRI RGOD SHI SKRA DANG, ,YUGS SA MO YI SKRA SHAD SKUD PAS DKRI, ,YUGS SA MO YI DOR RTAS DRIL LA SBA, ,PHO MO'I THOD PA STENG 'OG RGYA GRAM BRI, ,RI RAB MNAN BYAS MTHA' GNYIS DANG PO BZHI, ,BANG RIM SNGAGS BRIS STENG DU RGYA GRAM DGAB, ,RGYA GRAM 'OG KHUNG STENG DU KHRU DO'I TSAD, ,BANG RIM BZHI LA SNGAGS 'DI SKU GSUNG THUGS, ,NGA YI RI RAB DAG TU MTSON PHYIR BRI, ,AOm LAm H'Um LAm STAm BH'A N'Am; AOm BADZRA TZAndA N'A ZHES GSUNGS SO, ,DPAL RDO RJE GTUM PO THUGS GSANG BA'I RGYUD LAS, ,DRAG PO 'KHOR LO'I LE'U STE BCO LNGA PA'O,, ,,DE'I TSE DE SKAD CES BKA' STZAL PA'I MTHUS 'JIG RTEN GYI KHAMS KYANG G-YOS, RAB TU G-YOS SO, ,'JIG RTEN GYI KHAMS THAMS CAD LA LA NI, G-YAS SU 'KHOR BA'I TSUL GYIS 'KHRUGS SO, ,LA LA NI; G-YON DU 'KHOR BA'I TSUL GYIS 'KHRUGS SO, ,LA LA NI, BLA 'OG DGYE DGU'I TSUL GYIS 'KHRUGS SO, ,LA LA NI, MTHO DMAN DANG GRUM PA'I TSUL GYIS 'KHRUGS TE,
DE DAG NA GNAS PA'I GDUG PA CAN THAMS CAD RAB TU MYOS NAS KHA NAS KHRAG NGAN SKYUGS PA DAG KYANG BSKUS TE, THAMS CAD KYANG GAN BA DER THAD DU 'DUS NAS PHYAG 'TSAL TE MGRIN GCIG TU SKAD KYIS 'DI SKAD CES GSOL TO, ,KYE MA, SNGA MA MA MTHONG KHRO BDAG 'JIGS PA'I SKU, ,RAB TU GRAGS PA YA MTSAN AE MA HO, ,THUGS RJES DGONGS SHIG BDAG CAG 'BANGS SU MCHI, ,DE LAS 'GAL NA DMYAL BAR LTUNG BAR SHOG ,CES GSOL ZHING 'KHOD DO, ,DE NAS BDUD KYI RGYAL PO SKOS KYI BDAG PO BDUD BYE BA 'BUM PHRAG DANG BCAS PAS MGRIN GCIG GIS SROG GI SNYING PO PHUL BA, BCOM LDAN 'DAS, ,BDAG CAG GI RIG PA 'DI BZHES SU GSOL, ,AOm NAG PO TRI tA TRI tA TRI LING TRA TA HA KE nA, BDAG CAG GI RIG PA 'DI GANG NA GNAS PA DER BDUD KYIS 'GAL BAR MI BGYID DO, ,GANG YID LA DGONGS PA DE GRUB PAR BGYID DO, ,PHAS BYAD SNGAGS DANG SBYOR BA BTANG BA YANG PHYIR LDOG GO ,DE NAS GZA' RGOD CHEN PO R'A HU LA 'KHOR GZA' 'BUM PHRAG DANG BCAS PAS MGRIN GCIG GIS RANG RTAGS SROG GI SNYING PO PHUL BA, SHU SHU RAKshA TSAL PA KRO DHA KRO L'I SHV RA, R'A H'U LA, TZA TI TZA TI; BDAG CAG GI RIG PA 'DI GANG NA GNAS PA DER GZA' RNAMS KYIS 'GAL BAR MI BGYID DO, ,PHAS BTANG BA YANG SLAR DE NYID LA MCHI'O, ,'DI 'DZIN PA LA CI 'TSAL BA YANG
, ,STZOL BAR BGYID DO, ,DE NAS DKAR PO DUNG GI THOR TSUGS CAN LA SOGS PA'I RGYAL PO 'KHOR 'BUM PHRAG DANG BCAS PA LHAGS NAS MGRIN GCIG GIS RANG RTAGS SROG GI SNYING PO PHUL BA, PRA MA nA PU dI DA shA AA BART'A R'A DZ'A, DHA NA RAKshA TZI TA PHYUNG TZITA R'A DZ'A PHYUNG, R'A DZ'A TZITTA GTUBS, ,BDAG GI RIG PA 'DI GANG NA GNAS PA DER YUL 'KHOR DANG DPAG TSAD DU 'GAL BAR MI BGYID DO, ,PHAS BTANG BA YANG DE NYID LA SLAR MCHI'O, ,DE NAS BTZAN DMAR PO SROG LEN BTZAN 'BUM PHRAG DU MA DANG BCAS PAS MGRIN GCIG GIS RANG RTAGS SROG GI SNYING PO PHUL BA, A'A BI SHVA R'A DZ'A TRI LIm, BDAG CAG 'KHOR DANG BCAS PA RNAMS 'DI LAS 'DA' BAR MI BGYID DO, ,PHAS BTANG BAR GYUR KYANG DE NYID LA MCHI'O, ,DE NAS GSHIN RJE'I RGYAL PO DMIGS PA ZHES BYA BA 'KHOR DANG BCAS PAS MGRIN GCIG TU RANG RTAGS SROG GI SNYING PO PHUL BA, YA MA R'A DZ'A YA MA TZITTA, BDAG GI RIG PA SPYOD PA DER BDAG GI GNOD PA MI SPOBS LAGS TE, ,GNOD PA'I RGYUN SPANGS NAS PHAS BTANG BA YANG SLAR DE NYID LA MCHI'O, ,DE NAS MA MO'I RGYAL MO MKHA' DBYINGS KYI YUM LNGA DANG, BDUD KYI GSHIN RJE'I SRID MO SRID PA'I PHUNG BYED RE MA TI LA SOGS PA MA MO'I TSOGS DPAG TU MED PA DAG GIS RANG RTAGS SROG GI SNYING PO PHUL BA, RAG MO M'A M'A
RU LU SNYING KHA RAKshA DZA B'A LAM MA BHYO BHYO, BDAG CAG GI GSANG BA'I SNGAGS 'DI SPYOD PA DER SRUNG BA DANG, BSKYAB PA BGYID DO, ,'KHOR DANG BCAS TE BKA' GZHAN BGYID DO, ,PHAS BTANG BA YANG SLAR DE NYID LA MCHI'O, ,DE NAS KLU 'KHOR DANG BCAS PAS MGRIN GCIG TU RANG RTAGS SROG GI SNYING PO PHUL BA, ,N'A GA R'A DZ'A N'A GA NI, GANG NA RIG SNGAGS KYI RGYAL PO SPYOD PA DER BDAG KLU'I GNOD PA'I RGYUN SPONG NGO, ,PHAS BTANG BA YANG SLAR DE NYID LA MCHI'O, ,ZHES SO SO NAS RANG RTAGS SROG GI SNYING PO PHUL TE DAM BCAS SO, ,DE NAS DBANG PO CHEN POS KHRO BO'I BDAG PO DE LA 'DI SKAD CES GSOL TO, ,SRID PA'I DBANG PO 'DI RNAMS KUN, ,'KHOR LOS BZLOG NA JI LTAR BZLOG ,ZLOG THABS KHYAD PAR BKA' STZOL CIG ,BKA' STZAL PA, NYON CIG LHA YI DBANG PO KHYOD, ,M'A RA YA'I TZAKRA DAG LAS, ,SO SO'I MANTRA 'KHOR BAR BRI, ,BYAD SNGAGS PHYIR BZLOG DE LA YANG, ,SA MA YA DANG BZLOG BTAGS SO, ,MCHU GSUM SNYING LPAGS MED PA'I THOD PA DANG, ,RO NYE SBAL SHUGS PHAG THOD RNAL GRI MO, ,DRI RGOD SKYUNG KA THOD CHEN NANG DAG TU, ,RAB TU DRAG TU BSKOR TE 'KHOR LO GZHUG ,'OD 'GRO 'GRUL SRANG RGYA GRAM LAM DAG TU, ,AE DONG BRU BYAS RGYA SOL MI KHYIR, ,RTA KHRAG RME KHRAG NAG POS SBYANGS LA BSKU, ,DBUS BCUG MTHA' SKOR MNAN PA'I LAS DAG BYA, ,YANG NA THUN DU SBAGS LA
, ,KHROS PAS 'PHANG, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD LAS, ,DREGS PAS SROG GI SNYING PO PHUL BA DANG, MNGON SPYOD DRAG PO'I LAS KYIS BZLOG PA'I LE'U STE BCU DRUG PA'O,, ,,DE NAS LHA'I DBANG POS GSOL BA, KYE, BSTAN PA 'JIG PA'I DUS DAG NA, ,THUN GYIS TSAR GCAD BSTAN DU GSOL; ;BKA' STZAL PA, LHA'I DBANG PO NYON CIG ,RDZAS DANG SNGAGS BCAS TING 'DZIN GSUM, ,KHROS PAS ZHE SDANG BSKYED PAR BYED, ,ZHES DANG DRAN PAS GDUG RDZAS GSAG , YUNGS KAR YUNGS NAG SKE TSE TIL, ,GZE MA SKYER BA SE BA'I TSER, ,THUN SNGAGS 'DI BZLAS BRNAGS KLA BRAB, ,AA MU KAm NI GTOR MA 'AM, ,MTSAN LDAN KA P'A LA RU GZHUG, AOm BADZRA TZAndA MA H'A RO shA nA H'Um PHAt, M'A RA YA THUN PHOB, DBANG PO LA YAm, SROG LA YAm, TZI TA LA YAm, GO RO TA NA LA YAm, GZAS PA'I MTSAN SMOS RDO RJE'I THOG TU DBAB, ,GANG DMIGS GZAS PA'I MTHU DANG RDZU 'PHRUL RNAMS, ,BDAG LA BSDU BYAS RTOG PA'I BAG CHAGS BKRU, ,SNGAGS 'DIR ROL CIG BRJOD CING BHA LING DGRIL, ,AOm BA LIm TA, BA LIm P'U DZA AARGHAm PRA T'ITZTSA HO:, BADZRA KRO DHA TZANDA, BA LIm KH'A HI KHA HI, BADZRA KRO DHA TZAndA HA HA HA, HE HE HE, BHA tA SV'AH'A, SPRUL DANG SPAL PA NYA DANG CHU SRIN SNYING, ,SHA CHEN KHRAG CHEN LONGS SPYOD RNAM PA KUN,,
SHES RAB MCHOG GI PHYAG RGYA CHER BSAMS LA, ,YAm GTOR RAm BSREG KHAm BKRUS BDUD RTZI'I MCHOG TU BSGYUR, ,AA MRi TA DAG SNGAGS 'DIS SBYANG BAR BYA, ,AOm A'A:H'Um SARBA PANYTZA AA MRi TA, BADZRA AA MRi TA H'Um HR'I TH'A, AOm MA H'A RAKTA DZVA LA RAm KHAm, KH'A HI KH'A HI, H'Um H'Um H'Um, H'A H'A H'A, PHYI NANG GSANG BA'I MCHOD PA RGYA MTSO'I TSOGS, ,DNGOS SU 'BYOR DANG YID KYIS SPRUL PA KUN, ,PHYOGS BCU'I ZHING KHAMS GANG BAR RAB DMIGS LA, ,SKYO MED DAD PAS NYIN MTSAN BRTZON PAR BYA, ,MI DMIGS MNYAM BZHAG YE SHES RAB LDAN PA, ,SKU GSUNG DUS GSUM SANGS RGYAS THAMS CAD DANG, ,SEMS DPA' SEMS MA KHRO BO KHRO MO'I TSOGS, ,MCHOD PA CHEN PO DE MNYES SBYIN BYA'I SEMS CAN TSIM, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD LAS, ,THUN DRAG MCHOD SBYIN GYI LE'U STE BCU BDUN PA'O,, ,,DE NAS LHA'I DBANG PO LA SOGS TE RI RAB DANG, ,BAR SNANG LA SOGS PA LA GNAS PA'I LHA THAMS CAD KYI ME TOG DANG, PHRENG BA DANG, SPOS DANG, PHYE MA DANG, LHA'I NA BZA' DANG, ZHAL ZAS DANG, RGYAN SNA TSOGS BA DANG, BDUG SPOS DANG, ,SIL SNYAN DANG, ,BYUG PA DANG, SGRA SNA TSOGS PA DANG, SPOS SNA TSOGS PA THOGS NAS LHAGS SO, ,'JIG RTEN PA DE DAG KYANG RANG RANG GI MCHOD PA SNA TSOGS PA THOGS NAS LHAGS TE ZHES DANG GUS PA BYAS TE THAMS CAD KYANG
, ,MGRIN GCIG GI NGA ROS GSOL PA, KHRO RGYAL SKU LA DRI MA MI MNGA' YANG, ,DKAR CHAB MNGAR CHAB SPOS KYI CHAB, ,SMAN CHAB BDUD RTZI'I CHAB LA SOGS, , KHYOD KYI SKU LA KHRUS CHAB GSOL, ,A'A HA RA H'Um, GA BUR BZANG DRUG SMAN GYI DRI, ,AA GA RU DANG DU RU SKA, ,GLA RTZI SPOS KYI DRI LA SOGS, ,'GAGS PA MED PAR SHANGS LA 'BUL, ,DHU PA P'U DZA ME GHA H'Um, RIN CHEN LNGA YI ME TOG DANG, ,CHU LAS SKYES DANG THANG LAS SKYES, ,YID KYIS SPRUL PA'I ME TOG RNAMS, ,RDO RJE 'DZIN GYI DBU LA 'BUL, ,PUshPA P'U DZA ME GHA H'Um, 'BRU YI MAR ME RTZI YI MAR, ,'DAM BU SNANG GSAL RIN CHEN SGRON, ,SPOB PA BCUD LEN SGRON MA RNAMS, ,KHRO BO GTUM PO'I SPYAN LA 'BUL, ,A'A LO KE P'U DZA ME GHA H'Um, RNAM LNGA'I SPOS DANG SMAN LNGAR SBYAR, ,RA SA YE DANG AA MRi TA, ,RDO RJE 'DZIN LA DRI MCHOG 'BUL, ,GANDHE P'U DZAME GHA H'Um, RO MCHOG BRGYA LDAN BDUD RTZI MCHOG ,BDE BAR BZHES TE DGYES PAR DGONGS, ,AA MRi T'A BHA RA H'Um, KUN TU GRAGS PA'I SGRA RNAMS MA LUS DANG, ,DAM CHOS SGRA SGROG SIL SNYAN 'BUL, ,SPHA RA nA KHAm ZHES MGRIN GCIG GIS GSOL NAS DE NYID DU SPRO BA'I TSUL GYIS GNAS PAR GYUR TO, ,DPAL RDO RJE GTUM PO THUGS GSANG BA'I RGYUD LAS, ,DREGS PA'I 'KHOR DAG GIS SRI ZHU DANG GUS PAS MCHOD PA'I LE'U STE BCO BRGYAD PA'O,, ,,
DE NAS RDO RJE KHRO BO DES DREGS PA'I 'KHOR DE DAG LA DAM TSIG CHED DU SPYAD PA 'DI BKA' STZAL TO, ,MI GNAS MTHA' LAS 'DAS PA SEMS NYID MCHOG ,SNA TSOGS CHO 'PHRUL 'BYUNG BAS KUN GYI GZHI, ,MA BCOS RANG BZHIN RKYEN GYIS BYAS PA MED, ,DE LA GNAS NA RANG DAM BSRUNG BA YIN, ,DE BZHIN GYUR KYANG 'OD 'GYED CHED DU BLANGS, ,NOR BU 'BAR BA MA MTHONG STON PA DANG, ,THUGS RJE'I BYIN GYI RLABS KYIS GDUNG BA'I NAD SEL BA, ,BDUD RTZI LTA BU'I TSIG GIS TSIM BYED PA, ,KUN GZHI'I YUL DU NUS PA'I DBANG 'BOGS SHING, ,THUGS RJES SKYOB PAR MDZAD PA'I MGON PO DANG, ,DUS GSUM SANGS RGYAS KUN BAS GNYAN PA STE, ,SNYING BZHIN SKYO MED RMI LAM NANG DU BSKUR, ,NGAG GI RDO RJE CHU BO'I RGYUN BZHIN DRANG, ,SKYO MED NYIN MTSAN DUS SU BRTZON PAR BYA, ,RDO RJE'I PHRAG PAR MI GSENG BSDAMS LA DRANGS, ,RDZUN MED TSIG GIS DAM PA DE LA BSTOD, ,BSHAD PA'I DBANG RNAMS RAB TU MA BSTAN NA, ,RDO RJE'I LCE LA BDUD RTZI 'JIG GYUR KYANG, ,GZHAN LA ZER THIGS 'GA' YANG SPRO MI BYA, ,GSANG 'OS GNYER GTAD SNGAGS DANG MTSAN RNAMS GSANG, ,DUS GSUM 'GYUR MED RDO RJE'I SKU MCHOD DE, ,NA DANG 'CHI SOGS LAS KYI RNAM SMIN DANG, ,SDUG BSNGAL MI BZAD NYAM THAG CI BYUNG YANG, ,LHAG PAR DRAN PA BSKYED DE RJES SU GZUNG, ,'GRO NYAL 'DUG ZA SPYOD
, ,LAM RNAM PA BZHIR, ,MI BRJED SHES RAB DAG GIS RJES SU GZUNG, ,SLOB DPON MTSANG DANG GSANG TSIG YI DAM LHA, ,SROG GI PHYIR YANG RTAG TU MI SPONG NGO, , BZHI PA DE BZHIN DE LA DE MI SEMS, ,DRAN PAS RJES SU DE LA GZUNG BAR BYA, ,SMIG CHU RGYUN BZHIN BRTUL ZHUGS BYA BA BSKYED, ,DE LAS 'GAL BA'I BRTUL ZHUGS RAB TU SPYAD, , RDOL ZHING ZAG 'GYUR DUG CAN SMAD PA'I SNOD, ,DE RU MU TIG BDUD RTZI MI BLUGS LTAR, ,THABS KYI SPYOD PAS RNAM DBYE SHES PAR BYA, ,DPAG TSAD KUN TU NYAMS PA RNAM PAR SPONG, , DE DAG 'GAL NA RDO RJE DMYAL BA YI, ,SDUG BSNGAL CHU BO REG CING BZOD DKA' BAR, ,DUS GSUM RNAMS DANG NGA YIS BRJOD MI NUS, ,GZHAN NAS GZHAN 'PHANG THAR BA'I DUS KYANG MED; ;MA NYAMS RGAL DKAR 'GRO BAR GDON MI ZA, ,NGA DANG DUS GSUM KUN KYANG DE LA DGONGS, ,GANG LA DMIGS PA'I 'BRAS BU CHUD MI ZA, ,PHYOGS SKYONG RNAMS KYIS DAM SKYONG DE LA SRUNG, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD LAS, SA MA YA BKOD PA'I LE'U STE BCU DGU PA'O,, ,,DE NAS 'KHOR DE DAG LA CHED DU BRJOD PA 'DI BRJOD DO, ,NYON CIG 'DUS PA'I 'KHOR RNAMS KUN, ,DON DAM DBYER MED PHYOGS CHA KUN DANG BRAL, ,MI LEN MI GNAS MI SPONG MI 'GOG CING, ,RANG BZHIN GNAS PA
DAL 'CHOS SU MED, ,RTOG PA'I GNAS MIN PHRA BA'I SPYOD YUL MIN, ,DNGOS POR MI GNAS MTSAN MA KUN DANG BRAL, ,SGRO DANG SKUR BAS DE LA DPAG MI DPOGS, ,STONG PA MA YIN THA SNYAD DE LAS 'DAS, ,MI GNAS MI RTOG RKYEN GYIS BSKYED PA MED, ,DNGOS BRAL KUN GYI MTHA' 'DAS BRJOD DU MED, ,'DI ZHES NGES PA DE LA MTSON DU MED, ,DUS GSUM BDAG PO SANGS RGYAS THAMS CAD KYI, ,YAB YUM SHUL DANG KUN GYI DNGOS PO YIN, ,SEMS CAN 'JIG RTEN KHAMS KYI RANG BZHIN DANG, ,BUDDHA 'JIG RTEN KHAMS KYI RANG BZHIN KUN, ,GCIG STE RNAM GRANGS YONGS KYIS DE LAS MED, ,GANG YANG MA 'GAGS GCIG TU NGES PA MED, ,THA SNYAD BRJOD BRAL SANGS RGYAS KUN GYI DNGOS, ,DE LTAR GROL BA RNAL 'BYOR MCHOG GI LAM, ,PHRA BA'I SGO MO RNAMS KYIS RJES DPAG DKA', ,DE LA SPRO DANG BSDU BA'I DBANG PO MED, ,GZUGS DANG KHA DOG RNAM PA GANG DU YANG, ,DE NYID MA GRUB DE LA GNYEN PO MED, ,'BYUNG BA CHEN PO NAM MKHA'I RANG BZHIN LA, ,KHU RLANGS 'JA' TSON NA BUN SPRIN LA SOGS, ,THAN BRAG LHAGS RLUNG LA SOGS GANG BYUNG YANG, ,NAM MKHA' CHEN PO DE LA G-YO BA MED, ,DANG PO BYUNG YANG DE YI NGANG LAS BYUNG, ,THA MAR ZHI YANG DE YI NGANG DU ZHI, ,DE DAG DE YI NANG DU 'UBS KYIS CHU BA, ,YANGS SO CHE 'O NAM MKHA'I KHOG PAR GNAS, ,KHAMS GSUM SEMS CAN DUS
, ,GSUM SANGS RGYAS RNAMS, ,DON DAM NGA YI RANG BZHIN NGA NYID YIN, ,KUN KYANG DGE DANG SDIG SOGS GANG BYAS KYANG, ,RANG BYUNG 'PHRUL LDAN DE LA 'PHEL 'GRIB MED; ;RANG BYUNG YE SHES RGYU RKYEN DNGOS PO MED, ,SEMS CAN SANGS RGYAS GNYIS SHES RTOG GI BU, ,DE LA DBYE DANG MING DANG YIG TSOGS MED, ,CES GSUNGS SO, ,DPAL RDO RJE GTUM PO THUGS GSANG BA'I RGYUD LAS, GZHI BYANG CHUB SNYING PO'I RGYU'I LE'U STE NYI SHU PA'O,, ,,DE NAS DREGS PA'I 'KHOR DE DAG NGO MTSAR DU GYUR NAS MGRIN GCIG GIS 'DZUM PA'I MDANGS KYIS MNGON PAR BSTOD PA, AE MA HO, ,RDO RJE SEMS DPA' SEMS DPA' CHE, ,RDO RJE 'DZIN PA KUN GYI RGYAL, ,RDO RJE RDO RJE 'DZIN PA CHE, ,RDO RJE SKU STE CHE BA PO, ,MI SHES DRI MA KUN 'JOMS PA, ,SANGS RGYAS KUN PAS SNGAR SANGS RGYAS, ,'GRO BA'I MGON LA PHYAG 'TSAL BSTOD, ,RDO RJE LUS TE LUS KYI MCHOG ,LUS RNAMS THA DAD RNAM SPRUL CING, ,LUS DMAN PA DAG 'JIGS PAR MDZAD, ,LUS KYI NGES DON GTING DPAG DKA', ,RDO RJE'I SKU LA PHYAG 'TSAL BSTOD, ,RDO RJE 'BAR BA CHER 'BAR BA, ,'BAR BA'I 'OD KYIS SDANG BA 'JOMS, , RDO RJE SHUGS TE SHUGS CHE BA, ,RDO RJE'I MTSON CHEN PHYAG 'TSAL BSTOD, ,PHYAG NA RDO RJE YE SHES CHE, ,ZHAL GYI RDO RJE SDANG BA 'BIGS, ,RDO RJE MCHE BA RNO BA CHE, ,CHE BA RGYA MTSO GSUNG CHEN
BSTOD; ;RDO RJE PADMA BYANG CHUB CHE, ,THUGS NYID SANGS RGYAS RANG BYUNG BA, ,RDO RJE RGYA CHE THUGS KYI MCHOG ,RDO RJE RNAL 'BYOR THUGS CHEN BSTOD, ,'JIGS BYED DRAG PO NAG PO CHE, ,RDO RJE 'JIG BYED SDANG BYED PA, ,SGRUB DKA' SGRUB LEGS YON TAN CHE, ,YON TAN RDO RJE MCHOG LEGS BSTOD, ,RDO RJE KHRO BO DRAG PO CHE, ,HA LA HA LA NAG PO CHE, ,RTOG PA'I DUS NGAN RNAM PAR SBYONG, , RDO RJE SEMS DPA' PHYAG 'TSAL BSTOD, ,CES MNGON PAR BSTOD DO, ,DPAL RDO RJE GTUM PO THUGS GSANG BA'I RGYUD LAS, 'KHOR GYIS MNGON PAR BSTOD PA'I LE'U STE NYI SHU RTZA GCIG PA'O,, ,,DE NAS LHA'I DBANG POS 'DI SKAD CES GSOL TO, ,KYE RDO RJE KHRO BO KHYOD, DUS NGAN BSTAN PA MI GNAS TSE 'JIG RTEN KHAMS SU CHU 'KHYAGS DBAB PA'I THABS BKA' STZAL DU GSOL, BKA' STZAL BA, NYON CIG DBANG PO CHEN PO, ,'JIG RTEN PHUNG BAR BYAN N'A GA'I CHU 'KHYAGS DBAB, GSANG BA'I LAS RAB 'DI NI RAB TU NAG ,NA MO BUDDHA YA, BADZRA TZAndA MAH'A RO shA nA H'Um PHAt, AOm BADZRA TZAndA, KI LI KI LI, TZAndA MO RA CI NA, TZAndA TZAndE, N'A GA BANDH'A YA PHAd SV'AH'A, SOR BRGYAD SENG LDENG PHUR BU GU GUL DANG, TSIL CHEN SME KHRAG BYUG CING BDUG ,RTZA GZIR SNGAGS BSHAMS GDAGS PA BCA', ,THOG MA'I GONG NANG GRANGS MED BZLAS PA'I MCHOG ,KLU GNAS BTAB NA KHYUNG GIS MI THAR 'CHING, ,
, ,PHYOGS BTAB LDOG 'GYUR ZHING BTAB 'BU SRIN ZA, ,LDUM RA RTA BRES GNAG RA RA LUG GNAS, ,BTAB NA MI SKYE RI SNYIL CHU YANG LDOG ,PHAL BA'I GRONG DANG RGYAL PO'I PHO BRANG SGOR BTAB NA, ,PHAL PA'I GRONG 'JIG RGYAL PO'I KHOR GYI MI, ,'BYER ZHING NAD KYIS THEBS 'GYUR PHYUNG NA THAR, ,N'A GA'I GNAS BTAB THAMS CAD 'CHING BAR 'GYUR; ;NAG PO GNAS SU SONG LA LAS 'DI BYA, ,BYANG BLTAS CHU MIG RNGOM DANG NGAN SKYIBS NAG ,MGO NA RDO NAG DREGS PA CHAGS PA YOD, ,GNAS DER AE NAG 'DOM BZHI RTZE MO LHO; ;DKAR NAG RDO BA GLANG DMAR RVA SKYED BYA, ,SKAM PO DUM BZHIR PHYI ROL KHRAG DUG NAG ,RA KHYI MI KHRAG BSKOL BYA TING 'DZIN BSAM, ,GA RU'I SPRUL PA MANG PO SHIN TU GCES; ;DKAR NAG DUNG BAS DRAN BSKYED DBANG DU BSDU, ,DE NAS KHYUNG BSKUL BA ZHES BYA BA 'DI GSUNGS SO, ,HR'I:, DPAG BSAM SHING LAS BZHENGS PA'I GA RU tA, ,YE SHES GSHOG PA 'BAR BA GSER GYI MIG ,RDO RJE'I MCHU SDER THOGS MED LCAGS KYU CAN, ,RI RAB RTZE NAS RGYA MTSO'I GTING DU SLEB, ,KLU RGYAL GDAN DU 'DINGS SHING KLU PHRUG ZAS SU ZA; ;KLU RNAMS BKA' LAS MA 'DA' CHU 'KHYAGS PHOB, ,BRJID GNON MANTRA MU TRAS ZIL GYIS MNAN, ,N'A GA R'A DZA PHUttA PHUTTA, STONG BZLAS BSHAMS SPREL BANDHA CHU MIG BRDAB, ,
KLU GZUGS SPRUL MGO BDUN SNGON SGYED KAR BZHAG ,MGO LA KHRAG BYUNG 'DI NYID RTZA BRGYAD BZLAS, ,N'A GA N'A GA LA KHRAG NAD MGO LA PHOB, ,N'A GA MGO LA KHRAG THUN RBAD, RTZA BRGYAD BRJOD CING THAB BYA KHRAG LHAG DANG, ,THAL 'JIM BHANDHA CHU MIG NANG DU BRDAB, ,THOG DANG SER BA JI LTAR 'DOD BZHIN 'ONG, ,N'A GA'I GZUGS NI NAG PO GEL CHAGS CHE, ,MIG NAS GLOG 'GYU KHA NAS KHRAGS RA 'BAB, ,DE LTAR BSAMS NA KLU 'KHRUG SER BA 'BEBS, ,DPAL RDO RJE GTUM PO THUGS GSANG BA'I RGYUD LAS, ,'JIG RTEN THOG SER GYI LE'U STE NYI SHU RTZA GNYIS PA'O,, ,,DE NAS YANG LHA'I DBANG POS ZHUS PA, MTHAR THUG DRAG PO'I LAS KYIS JI LTAR DBAB, ,RDZAS DANG SNGAGS BCAS DRAG PO'I SBYAR THABS GANG, ,SBA GNAS DUS TSOD MDZES PA GANG LA BGYI, ,SRUNG BA'I GO RIM BCAS PA JI LTAR LAGS, ,ZHES ZHUS PA LAS, BKA' STZAL BA, NYON CIG SKAL LDAN LHA'I DBANG PO, ,RDZAS DANG SNGAGS BCAS DRAG PO'I SBYOR PA 'DI'O, ,MDZE SHA MDZE TSIL THOD PA TSIL CHEN DUD, ,GZHOB RNAMS BLUGS TE SPRA BA'I ME DANG SPROD, ,YUGS SA'I ZHABS DRIL KHAR NAG BCINGS BYAS LA, ,CHU MIG 'GRAM SAR SENG LDENG PHUR BA GDAB, ,STON ZLA RA 'BRING GZA' RGOD RGYU DUS GTAD, ,SKYA RENGS SHAR DANG NYI PHYED NYA LA GTAD, ,RDZAS MCHOG MA PHYUNG CHU 'KHYAGS NYIN RE 'BAB, ,DE NAS KLU RNAMS
, ,KUN GYI GNYEN PO RAKTA TZA MUndI ZHES BYA BA 'DIS BSKUL BKA' STZAL TO, ,H'Um; SKU NI GNAM LCAGS 'BAR BA LA, ,DMAR SER ME YI RAL PA CAN, ,DMAR SER MI YI RAL BA CAN, ,KHAMS GSUM SRID GSUM KHA NA KHYER, ,SRID PA GSUM NI LTO NA 'PHYO, ,YA 'GAL GNAM LA MA 'GAL SA, ,NYI MA'I SMAN DANG SPYAN NAS 'CHAR, ,ZLA BA'I SKYIN TANG ZHAL NAS 'CHAR, ,RI RAB RTZE DGU PHYAG NA BSNAMS, ,MI BZAD 'BAR MA GTUM CHEN MO, ,PHYAG NA RDO RJE'I BKA' NYAN MA, ,'DUL BA'I GNYEN PO KLU 'DUL MA, ,THUGS DAM KLU YI BANDHA 'DREN, ,ZAS SU KLU YI SHA LA ZA, ,KLU YI GNAS RIS DBANG DU SDUD, ,SNGAGS BKA' STZAL PA, AOm N'A GA ZHUNG THUN, DZVA LA DZVA LA, TZTSINDA TZTSINDA, BHINDA BHINDA, PHAd PHAd SV'AH'A, LAS KYI GO CHA DRUG NI RAB TU GCES; ;LOG GNON GYI SNGAGS BKA' STZAL PA, N'A GA LI DU MA LA YA SA DO MA DHE BA KU RU H'Um H'Um, DZA:DZA:BHYO BHYO, 'KHOR LO TSUL DU LUS LA'O, ,ZHES GSUNGS SO, ,DPAL RDO RJE GTUM PO THUGS GSANG BA'I RGYUD LAS, MTHAR THUG DRAG PO'I LAS KYI LE'U STE NYI SHU RTZA GSUM PA'O,, ,,DE NAS 'KHOR DE DAG GIS ZHUS PA, BCOM LDAN NYID KYI MTSAMS BCAD JI LTAR GZUNG BAR BGYI ZHES GSOL BA DANG, BKA' STZAL PA, 'DUL BA'I TSOGS NYON CIG ,NGA'I RANG BZHIN NI, DUS GSUM GYI BDE BAR GSHEGS PAR
RTOGS PAR BYOS SHIG ,NGA'I RANG BZHIN NI, SKYA BA MED PAR RTOGS PAR BYOS SHIG ,NGA'I RANG BZHIN NI, 'GAG PA MED PAR RTOGS PAR BYOS SHIG ,NGA'I RANG BZHIN NI, STONG PA NYID DU RTOGS PAR BYOS SHIG ,NGA GANG YIN PA DE NI, GSANG BA'I BDAG PO'O, ,NGA GANG YIN PA DE NI, RDO RJE SEMS DPAR RTOGS PAR BYOS SHIG ,NGA GANG YIN PA DE NI, KHAMS GSUM RNAM PAR RGYAL BAR RTOGS PAR BYOS SHIG ,NGA GANG YIN PA DE NI, GTUM PO CHEN PO NYID DU RTOGS PAR BYOS SHIG ,NGA GANG YIN PA DE NI, CHOS SO, ,CHOS KYI PHUNG PO'O, ,ZHES BKA' STZAL PAS DE BZHIN GSHEGS PA THAMS CAD DGYES SHING DGA'O, ,DPAL RDO RJE GTUM PO THUGS GSANG BA'I RGYUD LAS, YONGS SU GTANG BA'I LE'U STE NYI SHU RTZA BZHI PA'O,, ,,RGYA GAR GYI MKHAN PO AA B'A YU GA TA'I ZHAL SNGA NAS ZHUS NAS BOD KYI LOTZTSA BA CHOS KYI BRTZON 'GRUS KYIS BSGYUR BA RDZOGS SO,,