,,RGYA GAR SKAD DU; BADZRA P'A nI N'I L'Am WA RA BI DHI DAndA TANTRA, BOD SKAD DU, LAG NA RDO RJE GOS SNGON PO CAN GYI CHO GA RDO RJE BE CAN GYI RGYUD, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, GNOD SBYIN THAMS CAD YONGS SU RGYU BA, SHIN TU DBEN PA, SHIN TU YONGS SU DAG PA NA GNOD SBYIN GYI SDE DPON CHEN PO LAG NA RDO RJE GOS SNGON PO CAN ZHES BYA BA, DUS GSUM GYI DE BZHIN GSHEGS PA THAMS CAD DKYIL 'KHOR KYI KHRO BOR DBANG BSKUR BA, MCHE BA GTZIGS PA, YID KHROS PA LTA BU, MIG ME MDAG GI PHUNG PO 'DRA BA, DBUGS ME LCE LTAR 'BAR BA, 'JIGS PA'I NGA RO CAN, LAG PA DANG RKANG PA KLU NOR RGYAS KYI BUS BRGYAN PA, KLU NAG PO SE RAL KHAR THOGS BA, KLU DGA' BO DANG NYE DGA' BOS SNYAN BRGYAN PA, SBRUL 'BAR BA RIN PO CHE'I COD PAN THOGS PA, SBRUL GDUG PA 'BAR BA ZA BA, BZHIN RGYAS PA, SMIN MA DPRAL BAR BSDUS PA, YA SOS MA MCHU
, ,MNAN PA, GSHIN RJE'I CHA BYAD CAN, LCE GLOG LTAR 'GYUR BA, SBRUL ZA BA, GSUS PA CHE BA, LAG PA BRDABS PA'I SGRAS 'JIGS PAR BYED PA, KLU'I RGYAL PO 'DAB BZANG SKA RAGS SU BCINGS PA, AA LA LA ZHES SGROG PAR BYED PA, RGYA MTSO'I ZHABS SU DPAG TSAD BRGYAD KHRI BZHI STONG YOD PAS RKANG PA'I PUS MOR PHYIN PA, DBANG PO DANG NYI MA PHRAG PA LA RAB TU KHUR BA, KLU THAMS CAD BRLAG PAR BYED PA'I GAD RGYANGS CHEN PO DGOD PAS KUN TU 'KHRUG PAR BYED PA, KLU THAMS CAD 'CHING BAR BYED BA, 'BYUNG PO THAMS CAD 'GUGS SHING 'CHING BAR MDZAD PA, SBYOR BA THAMS CAD GCOD PAR MDZAD PA, SBYOR BA THAMS CAD ZLOG PAR MDZAD PA, SBYOR BA THAMS CAD GNON PAR MDZAD PA, YON TAN THAMS CAD MA LUS PA'I BDAG NYID DE, GNOD SBYIN GYI SDE DPON CHEN PO NYI SHU RTZA BRGYAD DANG, GNOD SBYIN MTHU BO CHE THAMS CAD DANG, GNOD SBYIN DRAG PO THAMS CAD DANG, LHA THAMS CAD DANG, KLU THAMS CAD DANG, DRI ZA THAMS CAD DANG, LHA MA YIN THAMS CAD DANG, NAM MKHA'I LDING THAMS CAD DANG, MI 'AM CI THAMS CAD DANG, LTO 'PHYE CHEN PO THAMS CAD DANG, 'BYUNG PO DANG, YI DVAGS DANG, BRJE BYED LA SOGS PA DANG THABS CIG TU BZHUGS TE, 'DI LTAR NYI MA DANG, ZLA BA DANG, SKAR MA'I TSOGS LTA BUR BZHUGS SO, ,DE'I TSE SA
YANG CHER G-YOS SO, ,'BRUG GI SGRA YANG BYUNG, NYI MA DANG SKAR MA YANG MI SNANG BAR GYUR TO, ,DE NAS 'PHAGS PA LAG NA RDO RJE GOS SNGON PO CAN LA 'KHOR THAMS CAD KYIS GSOL PA, GOS SNGON PO CAN KHYOD CI, BDE GSHEGS KUN GYI SPRUL PA 'AM, ,GAL TE BSDUS PA'I SKU YIN NAM, ,LAS KYI KHRO BOR DBANG BSKUR RAM, ,BDAG CAG 'KHOR DANG BCAS PA RNAMS, ,JI LTA BU YI DUS GSUM BKA' NYAN TE, ,LAS DANG BYA BA THAMS CAD BKA' STZAL MDZOD, ,DRAG PO'I TING NGE 'DZIN NI BSTAN DU GSOL, ,ZHES GSUNGS SO, ,GLENG GZHI'I LE'U STE DANG PO'O,, ,, DE NAS LAG NA RDO RJE DRAG PO ZHES BYA BA'I TING NGE 'DZIN TU ZHUGS TE 'DI SKAD CES GSUNGS SO, ,PHYAG RGYA GSANG SNGAGS MTHU SBYOR LAS, ,KHRO BO'I RGYAL PO BSAM PAR BYA, ,KHRO BO RDO RJE'I TING 'DZIN GYIS, ,BYIN RLABS YA MTSAN SNA TSOGS LDAN, ,TING 'DZIN DE LA DBANG THOB NAS, ,LAS RNAMS SGRUB LA THOGS PA MED, ,ZHI RGYAS DBANG DANG DRAG PO DANG, ,BSAD RMONGS SNA TSOGS NGES PAR 'GRUB, ,DE NYID 'GRUB PAR GDON MI ZA, ,RANG GZHAN 'PHAGS DANG BLA MA DANG, ,SHIN TU BLA MA DAM PA YANG, ,MCHOD GNAS DNGOS GRUB MYUR DU 'BYUNG, ,GAL TE GZHAN LA PHAN 'DOGS NA; ;SKU DE SNA TSOGS SKU RU SNANG, ,SNANG BA'I SGYU MA'I SKU YIN YANG, ,GDUG PA 'DUL PHYIR RAGS PAR SNANG, ,SNA TSOGS DE NYID BSAM BRAL BA'I, ,DNGOS GZHI YANG DAG THAR PA GCIG ,
, ,LE'U GNYIS PA'O,, ,,GZHAN YANG GSANG SNGAGS SBYOR BA NI, ,DA HA SREG SOGS GSANG SNGAGS KYIS, ,THOGS MED LAS RNAMS GRUB PA YIN, ,GNYIS KYI 'OG MAS GSUM PA BRGYAN, ,RA YI MTHA' NI GSUM PA'I MTHA', ,DE LA GNYIS KYI GONG LDAN PA, ,ZUNG DANG RAB ZUNG MING DANG LDAN, ,YANG MING SKAL LDAN BSAM GTAN NI, ,LCAGS KYU'I SBYOR BA RAB TU BYA, ,AOm BADZRA P'A nI MA H'A YA K'A N'I LAm WA RA H'Um PHAt, MJUG RDZOGS GONG DANG GSUM PA'I MTHA', ,LAN GNYIS GONG BZHIN BRDEGS SNGAGS SHES, ,GSUM PA'I DANG PO GNYIS PA DANG, ,DRUG PA'I DANG PO YI GE NI, ,LAN GNYIS GONG BZHIN GTOGS BYED SNGAGS, ,GNYIS KYI DANG PO LNGA DANG POS, ,DRAG PO DGA' BA'I SA BON LDAN, ,LAN GNYIS LDAN GYUR LAS GRUB PA, ,GONG MA BZHIN DU MCHOD BYED DO, ,LE'U GSUM PA'O,, ,,DE NAS 'PHAGS PA LAG NA RDO RJE GOS SNGON BO CAN SNA TSOGS MNGON PAR GRUB PA'I TING NGE 'DZIN LA SNYOMS PAR ZHUGS TE 'DI SKAD CES GSUNGS SO, ,AOm BADZRA P'A nI MA H'A YAKshA N'I L'Am BA RA DA HA NI BADZRA H'Um PHAt, GANG ZHIG TING 'DZIN RNAL 'BYOR DE, ,NYES PA KUN LAS RAB TU THAR; ;LEGS PA'I YON TAN THAMS CAD THOB, ,'BRAS BU YANG DAG MNGON PAR 'GRUB, ,SNGAGS NI GANG YIN MING YIN TE, ,GDUL BYA'I MTHA' DANG LDAN BA LA, ,MTHA' MA LAS SNGAGS
MTHA' DANG LDAN, ,LE'U BZHI PA'O,, ,,DE NAS GOS SNGON PO CAN 'KHOR LO MNGON PAR GRUB PA'I TING NGE 'DZIN LA SNYOMS PAR ZHUGS TE 'DI SKAD CES GSUNGS SO, ,'BYUNG BZHI'I SANGS RGYAS [?] B BSGOMS NAS, ,SO SO LAS KYIS BSGOM PA NI, ,ME BRGYAD RLUNG GNYIS LDAN PAR BSAM, ,CHU BRGYAD DNGOS PO GNYIS YIN TE, ,DE BZHIN SA BRGYAD H'Um 'BRAS LDAN, ,RLUNG BRGYAD ME GNYIS LDAN PA STE, ,'BRAS BU RIM GYIS GNOD SBYIN GTZO, ,SGRUB PA SNGAGS BZHIN MNGON PAR 'GRUB, ,AE DANG SO SO'I MTHA' DANG LDAN, ,MA LA GONG MAS MNGON PAR 'GRUB,, RGYUN DU RTZA BA'I GSANG SNGAGS BZLAS, ,LE'U LNGA PA'O,, ,,DE NAS 'PHAGS PA GOS SNGON GYIS, ,LAS BCU MNGON PAR SGRUB PA NI, ,TING NGE 'DZIN LA SNYOMS ZHUGS NAS, ,LAS BCU' SBYIN SREG 'DI GSUNGS SO, ,ZHI LA SH'ANTIm KU RU STE, ,RGYAS PA PUshtIm KU RU 'O, ,DBANG LA BA SHAm KU RU 'O, ,DRAG PO M'A RA GSUM PAR LDAN, ,THAB KHUNG DBYIBS NI LAS BZHI STE, ,SHING NI RIGS DANG SBYAR BAR BYA, ,ZHI LA DKAR PO'I SHING RNAMS TE, ,RGYAS LA GSER SHING LA SOGS PA'O, ,DBANG LA SENG LDENG SHING BSREG STE, ,DRAG PO'I TSER MA CAN GYI SHING, ,GZHAN GYI TZANDAN SHING LAS BYA, ,THAB KHUNG 'DAB RGYAS DBYIBS YIN TE, BI DHVAm SA YA, AUTZTSA tI NI, MO HA YA MO HA YA, STAMBHA YA STAMBHA YA, AUD MAN, AUD MAN, A'A KARshA YA A'A KARshA YA, BA SHIm KA RA
, ,BA SHIm KA RA, RAKshA YA RAKshA YA, MO HA BHA YA, SARBA KARMA KU RU H'Um PHAt, LE'U DUG BA'O,, ,,DE NAS DPAL LDAN RDO RJE 'DZIN, ,GDUL DKA' BA NI GDUL BA'I MCHOG ,GSANG BA'I BDAG PO GOS SNGON CAN, ,DRAG PO CHEN PO RAB 'BAR BA'I, ,TING NGE 'DZIN LA SNYOMS ZHUGS NAS, ,'KHOR GYI KLU TSOGS DBANG BSDUS TE, ,NYEN RNAMS ZLOG PA'I CHO GAR GSUNGS, ,GNAS KHANG RIM PA GSUM DAG LA, ,PHYI ROL SME BSREGS DPRAL BAR BYA, ,BAR DU PHYI NANG KHRUS BYAS TE, ,MNYES PA'I LAS KYANG CI NUS BYA, ,NANG DU BUM PA'I DBANG BSKUR BAS, ,NYEN RNAMS BZLOG LA THE TSOM MED, ,KYE HO NYEN RNAMS 'DUL BA'I MCHOG ,AE MA GSANG CHEN DRAG PO CHE, ,AE MA MA RUNGS 'JIGS PA CAN, ,AE MA GSANG SNGAGS RNAL 'BYOR CHE, ,PHYAG NA RDO RJE KHYOD PHYAG 'TSAL, ,PHYOGS BRAL KHRO BO KHYOD PHYAG 'TSAL, ,LE'U BDUN PA'O,, ,,DE SKAD CES GSUNGS NAS 'KHOR THAMS CAD DGA' BA'I RJES LA 'DI SKAD CES BKA' STZAL TO, ,THAMS CAD LDAN PA'I GTOR MA LA, RAm GYIS SBYANGS NAS YAm GYIS BUS, ,KHAm GIS BKRUS TE DAG PA LA, ,BAm LAS BDUD RTZI CHU RGYUN BSKYED, ,YAm RAm DBAB PA'I SBYOR BA BYA, ,DZA YIS BKUG STE GTOR MA BSTIM, ,BSAM GTAN LHA MOS MCHOD PA DBUL, ,DE NAS 'KHOR LA 'DI SKAD BSGO, ,NGA NI KHRO BO
GOS SNGON CAN, ,SANGS RGYAS THAMS CAD 'DUS PA'I SKU, ,SANGS RGYAS KUN GYIS BYIN GYIS BRLABS, ,DBANG BSKUR MCHOG THOB NGA YI SKU, ,CI STE NGA YI DAM 'DAS NA, ,GTOR MA DUG GI RANG BZHIN GYIS, ,KHYED RNAMS THAL BA'I RDUL DU RLOG ,GAL TE DAM TSIG MA 'DAS NA, ,GTOR MA YE SHES BDUD RTZI YIS, ,KHYED KYI SGO GSUM SGRIB SBYANGS NAS, ,NGES PAR LEGS PA'I YON TAN 'THOB, ,AOm AA K'A RO MU KHAm SARBA DHARM'A n'Am, A'ADYA NUTPANAN TVAT AOm A'A: H'Um SV'AH'A, LE'U BRGYAD PA'O,, ,,DE NAS DPAL LDAN GOS SNGON CAN, ,GDUL DKA' 'DUL BA'I BDAG PO DES; ;BSAM GTAN 'KHOR LO MED PA LA, ,SNGAGS KYI NGES PA BSHAD PAR BYA, ,TADYA TH'A BHO BHO PAN N'A GA AA DHI PA TA YE, AI DAm N'I L'Am BA RA DHA RA SHAR'I RAm, BADZRA P'A nI HR'I DA YAm, YA: SA M'A TI KRA MA TH'A; MA KU LA AUT S'A DA NAm, BHA BIshYA TI, LAS THAMS CAD PA'I SNGAGS SO, ,LAS SO SO LA KLU 'DUL BA'I SNGAGS, TADYA TH'A, BUDDHA BUDDHA, BU BU DDHA BI BUDDHA MA TI KRA M'A THA, HA RA HA RA N'A G'A N'AN, BRA HA RA PRA HA RA N'A G'A N'A NA, TZTSINDA TZTSINDA, N'A GA HRI DA Y'A NI BHINDA BHINDA, N'A GA MARM'A nI BI shIRYANTU N'A GA SHA RI R'A nI, BI SPHOt YA, N'A GA NA YA NI, TADYA TH'A, H'Um PHAt, N'A GA BI D'A RA n'I YA H'Um, N'A GA AU TA S'A DA N'A YA H'Um PHAt, YI DVAGS THAMS CAD ZLOG PA NI, N'I L'Am BA SA M'A YA H'Um PHAt, AOm PRA TI HA TA BA L'A PA R'A KRAM'A YA PHAt, KRi T'ANTA YA PHAt, KRi T'ANTA R'U P'A YA PHAt, RO shA n'A YA PHAt, TR'A SAN'A YA
, ,PHAt; KUm BHAm dOTA S'A DA N'A YA PHAt, GSHIN RJE ZLOG PA'O, ,PRE TA PI SH'A TZA BI N'A SHA KA R'A YA PHAt, YI DVAGS THAMS CAD ZLOG PA'O, ,YAKshA AA BA SM'A RA BI N'A SHA KA R'A YA PHAt; GNOD SBYIN LA SOGS PA ZLOG PA'O, ,HA SA HA SA, DHA RA DHA RA, M'A RA YA M'A RA YA, N'A SHA YA N'A SHA YA, SARBA BIGHNAm BAN'I SHA KA R'A YA PHAt, BGEGS THAMS CAD ZLOG PA'O, , SARBA SHA TR'Um SAm GHA BI N'A SHA KA R'A YA PHAt, DGE 'DUN GYI DGRA 'DUL BA'O, ,NI L'Am BA RA DHA RA BADZRA P'A nI R'A DZNY'A PA YA TI SV'AH'A, RDO RJE CON DRAG PO CHE, ,RDO RJE 'JIGS PA SNGAGS KYI BDAG, RDO RJE KHRO BO BGEGS KYI GSHED, ,RDO RJE MI THUB 'JIGS PA CHE, ,RDO RJE LAS KUN GRUB PA CHE, ,RDO RJE LCAGS KYU RLUNG GI SBYOR BAS 'GRUB PAR 'GYUR, ,DE BZHIN ME YIS KYANG NI 'DUL NGO BO KHYOD PHYAG 'TSAL, ,LE'U DGU PA'O,, ,,DE NAS KLU DGUG PA'I SNGAGS BSTAN TE, ,RDO RJE LCAGS KYU RLUNG GI SBYOR BAS 'GRUB PAR 'GYUR, ,DE BZHIN ME YIS KYANG NI 'DUL BAR NUS PA YIN, ,DE LTAR NUS PHYIR DGUG PA'I SNGAGS NI BSHAD PAR BYA, ,BADZRA P'AnI MA H'A YAKshA N'I L'Am BA RA N'A GA HR'I: GRiHnA GRiHnA H'Um PHAt, A'A KARshA YA A'A KARshA YA H'Um PHAt, BSAM GTAN DRAG POS BZLAS PA BYA, ,BZLAS PA 'DI LA RAB 'BAD BYA, ,KLU RIGS DU MA THAMS CAD KUN, ,'GUGS 'GYUR 'DI LA GZHAN DU MIN, ,JI SRID 'GUGS PA'I TING
'DZIN GYIS, ,KHUGS PAR GYUR BA'I KLU RNAMS KUN, ,ZANGS GZHONG NANG DU SPYAN DRANGS TE, ,KHRO BO'I CHE BA BRJOD NAS NI, ,DAM TSIG BSRE ZHING DUG RNAMS GZHOM, ,SMAN GYI MCHOG GIS GSOS NAS NI, ,GANG GNOD PHYOGS SU GSHEGS SU GSOL, ,LE'U BCU PA'O,, ,,DE NAS GZHAN YANG BSHAD BYA STE, ,ZHI BA'I LAS KYIS MI 'DUL BA'I, ,KLU GZIR DRAG SNGAGS BSTAN PAR BYA, ,AOm BADZRA P'A n'I MA H'A YAKshA N'I L'Am BA RA N'A GA HA NA HA NA H'Um PHAt, N'A GA DA HA DA HA H'Um PHAt, N'A GA SPHOt SPHO tA H'Um PHAt, N'A GA BI SPHO tA YA BI SPHO tA YA H'Um PHAt, N'A GA GARDZA GARDZA H'Um PHAt, N'A GA BHANDI BHANDI H'Um PHAt, BSAM GTAN RDO RJE THOGS PA YIS, ,GDUL BA'I STENG NAS GDAB PAR BYA, ,'OG TU ME YI 'KHOR LO BSAM, ,ME PHUNG CHEN PO'I TING 'DZIN GYIS,, ME 'BAR GLOG CHEN DKYIL DU GZIR, ,YUNGS KAR YUNGS NAG SKE TSE YIS, ,BRDEG CING KHRO BO'I SPRUL PA SPRO, ,KHRA SPYANG LA SOGS RTZA LNGA'I GSOB, ,GCAN GZAN SNA TSOGS MCHE SDER DANG, ,MCHU SDER DBAB CING SPRUL PA SPRO, ,MYUR DU THAR PAR GDON MI ZA, ,LE'U BCU GCIG PA'O,, ,,DE NAS 'PHAGS PA GOS SNGON PO CAN GYIS NYID LA NYID KYIS MCHOD PA PHUL BA; H'Um RDO RJE BDUG PA MA, BDAG NYID DRI YIS RGYAS MDZAD MA, ,BADZRA DHU PE P'U DZO ME H'Um, H'Um RDO RJE ME TOG MA, BDAG NYID YONGS SU BKRA MDZAD MA, ,BADZRA PUshPA P'U DZA ME H'Um, H'Um RDO RJE DRI CHAB MA,
, ,BDAG NYID DNGOS PO DAG MDZAD MA, ,BADZRA GANDHE P'U DZA ME H'Um, H'Um RDO RJE MAR ME MA, BDAG NYID DKYIL 'KHOR GSAL MDZAD MA, ,BADZRA A'A LO KE P'U DZA ME H'Um, JI SRID THAMS CAD MCHOD PA CHE, ,JI SRID MCHOD PA BDE BA CHE, ,JI SRID MCHOD PA BLA NA MED, ,JI SRID MCHOD PA YANG DAG CHE, ,AE MA HO, ,LE'U BCU GNYIS PA'O,, ,,DE NAS GZHAN YANG BSHAD BYA BA, ,BCOM LDAN GSANG BA GOS SNGON CAN, ,BSDU BA THABS KYI TING 'DZIN GYIS, ,'KHOR GYI KLU RNAMS SDUD MDZAD NAS, ,ME YI 'KHOR LO SNYOMS BZHUGS CHE, ,GSANG BA ME YI SNGAGS BZLAS PAS, ,KLU RNAMS MA LUS TSIG PAR MDZAD, ,BRAL NAS DPAG TSAD GNAS SU BROS, ,SLAR BSDUS BDUD RTZI SMAN GYIS GSOS, ,LAS BCOL SO SO'I GNAS SU 'KHOD, ,DE NAS KHAMS GSUM RNAM PAR RGYAL, ,THAL MO SBYAR NAS 'DI SKAD GSOL, ,ME BRGYAD 'KHOR LO'I BDAG NYID CHE, ,RTAG TU ME YI TING 'DZIN LA, ,SNYOMS ZHUGS KHYOD NI RGYAL GYUR CIG ,BDE BA'I ROL MO ME KLONG DU, ,SREG MDZAD ME BRGYAD KHYOD PHYAG 'TSAL, ,RANG BZHIN RNAM DAG KHYOD PHYAG 'TSAL, ,CHU YI NGANG LA GNAS 'DOD NA, ,CHU BRGYAD TING 'DZIN LA GNAS TE, DE TSE 'KHOR GYIS 'DI SKAD BSTOD, ,CHU BRGYAD 'KHOR LO'I BDAG NYID CHE, ,RTAGS CHU YI DKYIL 'KHOR CAN, ,'BYUNG BA'I GTZO BO'I CHU YI BDAG, ,
CHU BRGYAD MNGA' BDAG KHYOD PHYAG 'TSAL, ,RLUNG BRGYAD TING 'DZIN LA GNAS NA, ,'THOR ZHING 'BUD PA'I BDAG NYID CHE, ,RLUNG CHEN DRAG PO RTZAL SHUGS LDAN, ,RLUNG LHA GOS SNGON KHYOD PHYAG 'TSAL; ;SA YI TING 'DZIN LA GNAS NAS, ,MI G-YO BRTAN PA'I LAS MDZAD PA, ,GSER LDAN ROL MO SNA TSOGS LDAN, ,SA BRGYAD 'KHOR LO KHYOD PHYAG 'TSAL, ,LE'U BCU GSUM PA'O,, ,, DE NAS DPAL LDAN GOS SNGON CAN, ,PHRA MO'I TING 'DZIN LA GNAS NAS, ,'KHOR GYI GNOD SBYIN MANG PO KUN, ,SHIN TU YID DGA' DAD PAS ZHUS, ,PHRA MO'I THIG LE CHEN PO YIS, ,TZIR SNANG DNGOS PO GCIG TU 'DUS, ,DE NYID MTHA' 'DAS RANG BZHIN MED, ,DE NAS DPAL LDAN GOS SNGON CAN, ,'DOD CHAGS TING 'DZIN GNAS PAS, ,'KHOR GYI GNOD SBYIN MANG PO KUN,, SDANGS DANG DUS DANG BRGYAL BA LAS, ,BSLANGS TE BLA MED DON BSTAN PAS, ,THAMS CAD 'DOD CHAGS MNGON SANGS RGYAS, ,'KHOR GYI SKU LA MNGON PAR BSTOD, ,KYE HO GSANG BDAG GO SA SNGON CAN, BLA MED RDZOGS PA'I KLONG DKYIL NA, ,'DOD CHAGS DAG PA'I BLO LDAN PAS, ,MNGON PAR SANGS RGYAS KHYOD PHYAG 'TSAL, ,LE'U BCU BZHI PA'O,, ,,DE NAS 'DUS PA'I 'KHOR RNAMS KYIS, ,'KHOR GYI GTZO LA MNGON PAR BSTOD, ,LCANG LO CAN GYI PHO BRANG NA, ,GSANG BA'I BDAG PO GOS SNGON CAN, ,YON TAN THAMS CAD SKU LA RDZOGS, ,DNGOS MED
, ,DAG PA KHYOD PHYAG 'TSAL, ,'KHOR GYI KLU TSOGS 'DUL BA'I PHYIR, ,KLU BRGYAD SKU LA RAB BRGYAN NAS, ,KLU TSOGS ZHAL DU GSOL MDZAD PA, ,KLU 'DUL BYAMS PA KHYOD PHYAG 'TSAL, ,SNA TSOGS DAG PA'I SKU MNGA' ZHING, ,RIGS DRUG SDE BRGYAD 'DUL BAR MDZAD, ,SKYON GYIS MA GOS RANG SANGS RGYAS, ,THOG MED KUN DUL PHYAG 'TSAL BSTOD, ,JI LTAR BSAM PA'I DNGOS PO KUN, ,KHYOD LAS 'BYUNG BAS MI ZAD GTER, ,SNA TSOGS YID BZHIN 'PHUL PO CHE, ,YID BZHIN NOR BU KHYOD PHYAG 'TSAL, ,NAD DANG RIMS KYI GSHED PO MDZAD, ,NOR DANG ZAS KYI BDAG PO MDZAD, ,'JIGS PA KUN LAS SKYOB PAR MDZAD, ,BLA MED SKYOB MDZAD KHYOD PHYAG 'TSAL, ,ZHES BSTOD NA RJES SU YI RANG NGO, ,LHA DANG, KLU DANG, ,GNOD SBYIN DANG, ,LHA MA YIN LA SOGS PA YANG YID DGA' BA'I MCHOD PAS KHYAB PAR GYUR TO, ,MI LA SOGS PA 'JIGS PA'I NYEN DANG LDAN PA THAMS CAD BDE BA LA BKOD DO, ,LE'U BCO LNGA PA'O,, ,,'PHAGS PA LAG NA RDO RJE GOS SNGON PO CAN GYI CHO GA RDO RJE BE CON GYI RGYUD RDZOGS SO,,