RGYA GAR SKAD DU, A'ARYA N'I LAm BA RA DHA RA BADZRA P'A nI RU DRA BI TRI BI NA TANTRA N'A MA, BOD SKAD DU, 'PHAGS PA LAG NA RDO RJE GOS SNGON PO CAN DRAG PO GSUM 'DUL BA ZHES BYA BA'I RGYUD, BCOM LDAN 'DAS 'JAM PA'I RDO RJE LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS BDUD RNAM PAR 'JOMS PA BDUD KYI SDE DANG LHAN CIG TU 'OG MAN GZHAN 'PHRUL DBANG BYED KYI PHO BRANG NA THABS CIG TU BZHUGS SO, ,GNOD SBYIN GYI SDE DPON CHEN PO LAG NA RDO RJE GOS SNGON PO CAN SANGS RGYAS GANG+G'A'I KLUNG GI BYE MA SNYED KYI RJES SU GNANG BA 'DI LAG NA RDO RJES ZUNGS CIG CES BKA' STZAL TO, ,DE NAS PHYAG NA RDO RJES GSOL PA, GNOD SBYIN BYE BA STONG PHRAG
, ,BYE BA DPAG TU MED PA'I TSOGS KYIS YONGS SU BSKOR BA, MCHE BA GTZIGS PA DANG 'TSAM PA, MIG ME MDAG GI PHUNG PO 'DRA BA, DBUGS ME LCE LTAR 'BAR BA, 'JIGS PA'I NGA RO CAN, PADMA DANG CHU LHAS LAG PA DANG DPUNG PA BRGYAN PA, NOR RGYAS DANG DUNG SKYONG GIS DBU LA BRGYAN PA, SPRUL RIN PO CHE 'BAR BA'I COD PAN THOGS PA; KLU DGA' BO DANG NYE DGA' BO 'BAR BAS SNYAN CHA BYAS PA, RKANG PAS SPRUL GDUG PA 'BAR BA MNAN CING ZA BA, KLU'I RGYAL PO 'DAB BZANG SKA RAGS SU BCINGS PA, SPRUL NAG PO SE RAL KHAR THOGS PA, BZHIN RGYAS PA, SMIN MA KHRO GNYER DU BSDUS PA, YA SOS MA MCHU MNAN PA, LCE GLOG LTAR 'GYU BA, GSHIN RJE'I CHA BYAD CAN, GSUS PO CHE SPRUL ZA BA, RGYA MTSO'I ZABS SU DPAG TSAD BRGYAD KHRI YOD PAS RKANG PA'I PUS MOR PHYIN PA, DBANG PO DANG NYI MA'I STENG NA BZHUGS PA, LAG PA BRDABS PA'I SGRAS 'JIGS PAR BYED PA, AA LA LA ZHES BSGRAGS PAS SKRAG PAR BYED PA, KLU THAMS CAD BRLAG PAR BYED PA, GAD RGYANGS CHEN PO RGOD PAS KUN TU 'KHRUG PAR BYED PA, GSHIN RJE'I GZUGS CAN KHAMS GSUM 'JIGS PAR BYED PA, KLU RNAMS 'DUL BAR BYED PA DE LA PHYAG 'TSAL LO, ,ZHES BYANG CHUB SEMS DPA' PHYAG NA RDO RJES BSTOD NAS GSUNG DU GSOL ZHES
SMRAS SO, ,DE NAS NAM MKHA' DE NYID LA GZHAL YAS KHANG DANG, 'KHOR LO CHEN PO'I TING NGE 'DZIN DANG LDAN PA'I DRAG PO CHEN POS 'KHOR BSDUS NAS, PHYAG NA RDO RJE DRAG PO CHE, ,RDO RJE KHRO BO DRAG CHEN 'JOMS, ,RDO RJE GZI BRJID SNGAGS KYI GTZO, ,RDO RJE MI THUB 'JIGS BYED CHE, ,RDO RJE 'PHRIN LAS KUN DON MDZAD, ,THABS 'DUL 'KHOR LO CHE SKU LA, ,'BYUNG BA LNGA YI BDAG NYID CHE; ;MDZES LDAN 'OD ZER CAN DANG NI, ,MDANGS CAN SGRA DBYANGS RLUNG 'BYIN TE, ,SKYED BYED LAS KUN SGRUB PA LA, ,'GUGS SHING SDUD DANG SDOM ZHI MDZAD, ,MTHA' BRTUL LAS RNAMS SGRUB PA LA, ,THIG LE'I RANG BZHIN MI SHIGS LA, ,KHA SBYOR NYI ZLA'I 'PHRO 'DU LAS, ,BGEGS RIGS STONG PHRAG 'JOMS MDZAD PA, ,'KHOR LO'I BDAG PO KHYOD LA BSTOD,, SA BON RAB TU 'BAR BA YIS, ,THABS DANG SHES RAB SREG GSO MDZAD, ,BDE CHEN RAB TU GSOL MDZAD NAS, ,SDUG BSNGAL NYON MONGS 'JOMS LA 'DUD, ,AOm AA K'A RO MU KHAm SARBBA DHARM'A n'Am A'A DYA NU TMA NN'A TV'A TA AOm A'A:H'Um, ZHES BCOM LDAN 'DAS KYIS DKYIL 'KHOR GYI LHA LA BSTOD NAS 'DZUM PA MDZAD DO, ,BYANG CHUB SEMS DPA' PHYAG NA RDO RJE LA LEGS SO ZHES BYA BA BYIN NAS 'KHOR RNAMS SPROS TE, DE NAS PHYAG NA RDO RJES BCOM LDAN 'DAS, LEGS SO LEGS SO, ,DE'I PHYIR 'DI'I GSANG SNGAGS LAS THAMS CAD SGRUB PA, ,SDIG PA THAMS CAD
, ,'JOMS PA, DRAG PO GSUM 'DUL BA 'DI GSUNG DU GSOL ZHES BRJOD NAS BSKOR BA BYAS TE SPYAN SNGAR 'KHOR RNAMS DANG LHAN CIG TU 'DUG GO ,DE NAS SANGS RGYAS BCOM LDAN 'DAS GANG+G'A'I KLUNG GI BYE MA SNYED KYIS GSUNGS SHING BYIN GYIS BRLABS PA'I RIG SNGAGS 'DI GDUG PA CAN RNAMS 'DUL BA'I DON DU BRJOD PAR BYA'O, ,TADYA TH'A, BHO BHO PAm N'A GA AA DHI PA TA YE, AI DAm N'I LAMPA RA DHA RA SHA R'I RAm, BADZRA P'A nI HRi DA YAm, YA SA M'A TI KRA MA THA, M'A KU LA AUT S'A DA NAm BHA BI shYA TI, TADYA TH'A, BUDDHA BUDDHA BI BUDDHA BI BUDDHA, MA TI KRA MA THA, HA RA HA RA N'A G'A N'Am, PRA HA RA PRA HA RA N'A G'A N'Am, TZTSINDA TZTSINDA N'A GA HRi DA Y'A NI, BHIm DA BHAm DA N'A GA MARMA nI, BI SH'INTU N'A GA SHA R'I RAm, BI SPHO tA YA N'A GA NA YA N'A NI, TADYA TH'A, H'Um PHAt, N'A GA BI D'A RA n'A YA PHAt, N'A GO TA S'A DA N'A YA PHAt, N'I L'A BA SA N'A YA PHAt, AA PRI TA HA TA BA LA BA RA KRA M'A YA PHAt, KRI T'Am T'A YA PHAt, KRi T'ANTA RU P'A YA PHAt, RO shA n'A YA PHAt, TR'A SA N'A YA PHAt, KUshM'A nA dO TA S'A DA NA YA PHAt, PRE TA PI SHA TZA BI N'A SHA KA R'A YA PHAt, YAKshA AA PASMA RA BI N'A SHA KA R'A YA PHAt, HA SA HA SA, DHA RA DHA RA, M'A RA YA M'A RA YA, N'A SHA YA N'A SHA YA; SARBBA BIGHN'AN BI NA SHA KA R'A YA PHAt, SARBA SHA DZUm [?] SAm GHA BI N'A SHA KA R'A YA PHAt, N'I L'AMBA RA DHA RA BADZRA P'A nI R'A DZNY'A PA YA TI SV'AH'A, DE'I CHO GA NI, GNOD SBYIN GYI GDON GYIS ZIN PA LA
CHU LA SNGAGS BTAB STE GTOR NA BTANG BAR 'GYUR RO, ,KLU ZLOG PAR BYED NA, SMAG SHAD KYI LCUG MA'AM, BAL PO SE'U'I LCUG MAS BYA'O, [?] DVAGS DANG BRJED BYED RNAMS LA NI, SKUD PAS BYA'O, ,RIMS NAD MED PAR BYA BA DANG, GZHOGS PHYED NA BA DANG, YI GE 'CHUS PA LA NI, SKUD PA SNGON POS BYA'O, ,NOR 'DOD PA LA NI, ZHAG GCIG BSNYUNGS BAR 'DUG STE SPOS KYIS BDUGS NA, RMI LAM DU DGE BA DANG MI DGE BA'I DON THAMS CAD STON NO, ,MCHOD RTEN SKU GDUNG DANG LDAN PA'I DRUNG DU ME TOG SNGON PO LA SOGS PAS MCHOD LA SNGAGS STONG BZLAS NAS GSOL BA BTAB NA, GSER GYI DONG TSE BDUN STONG SBYIN PAR BYED DO, ,RGYAS BTAB PA 'GROL BAR 'DOD NA THAL BAS BYA'O, ,SGO LCAGS DBYE BAR 'DOD NA NYUNGS KAR GYIS BYA'O, ,'JIGS PA THAMS CAD LAS SRUNG BA LA NI, RTZI MAR SNYING PA DANG THAL BA DANG NYUNGS KAR GYIS BYA'O, ,NAD KYI 'JIGS PA THAMS CAD LA NI, SKUD PA SNGON PO LA SRUNG BA'I MDUD PA BYAS TE MGUL DU BTAGS NA; SRUNG BA'I MCHOG TU 'GYUR RO, ,BYIS PA GDON GYIS NYEN PA THAMS CAD LA NI, TSON SNA LNGA PA'I SKUD PA MGUL LA BTAGS NA, SRUNG BA'I MCHOG TU 'GYUR RO, ,CHOM RKUN ZLOG PAR 'DOD NA SAS BYA'O, ,DUG LA NI, RTZVA KU SHAS BYA BA PAR BYA'O, ,BDAG SRUNG BA LA NI, YID KYIS SAM CHUS BYA'O, ,GZHAN SRUNG BA LA NI, SKUD PA SNGON POS BYA'O, ,LAS DE DAG THAMS CAD
, ,LA SNGAGS BRJOD PA NI, GCIG GAM, GSUM MAM, LAN BCU BZHI'AM, NYI SHU RTZA GCIG GAM, BRGYA RTZA BRGYAD BZLAS NA 'GRUB PAR 'GYUR RO, ,BCOM LDAN 'DAS KYIS DE SKAD CES BKA' STZAL NAS BYANG CHUB SEMS DPA' PHYAG NA RDO RJE DANG, BDUD DPUNG DANG BCAS PA RJES SU YI RANG STE BSTAN PA LA 'KHOD DO, ,'PHAGS PA LAG NA RDO RJE GOS SNGON PO CAN DRAG PO GSUM 'DUL BA ZHES BYA BA'I RGYUD RDZOGS SO,, ,,BAL PO'I PAndI TA DE BA PU nDYA MA TI DANG, LOTZTSA BA DGE SLONG CHOS KYI BZANG POS BSGYUR BA'O,,