,,RGYA GAR SKAD DU, TZA TUR DE WI BA RI PRiTZTS'A, BOD SKAD DU, LHA MO BZHIS YONGS SU ZHUS PA; DPAL RDO RJE SEMS DPA' LA PHYAG 'TSAL LO, ,LHA MO BZHI DANG MNYAM LDAN ZHING, ,SANGS RGYAS GZUGS KYIS NYER BRGYAN PA, ,SHIN TU DGA' BA'I SBYOR CHEN LA, ,RDO RJE SEMS DPA' CHER BZHUGS TE, ,'OD ZER 'CHANG ZHING 'KHRIGS PA YI, ,GSANG CHEN CHOS KYI 'BYUNG GNAS LA, ,BYANG CHUB SEMS NI 'PHROS NAS SU, ,CHOS KYI DBYINGS GNAS ZHU MDZAD DO, ZHU BA'I DNGOS PO DE MTHONG NAS, ,LHA MO SPYAN MAS YONGS ZHUS PA, ,BCOM LDAN RDO RJE SEMS DPA' LA, ,TSIG 'DI DAG NI GSOL BA STE, ,CHOS KYI DBYINGS RNAMS 'PHRO BA NI, ,GANG LAS SKYE BAR 'GYUR PA LAGS; ;DANG PO JI LTAR 'ONG BA YIN, ,DE BZHIN PHYIR 'GRO JI LTAR LAGS, ,YAN LAG MED PA GANG DE NI, ,YAN LAG DANG BCAS 'GYUR NAS SU, ,LUS DNGOS 'GYUR BA JI LTAR LAGS, ,
, ,MIG DANG RNA BA SNA DANG NI, ,DE BZHIN LCE DANG LUS DANG YID, ,DBANG PO PHUNG PO'I DNGOS RNAMS DANG, ,KHAMS RNAMS SU NI 'JUG PA YANG, ,MA RIG BAG CHAGS SRED PA YIS, ,BCINGS PA'I NYON MONGS 'DOD CHAGS SOGS, ,RNAM PAR SHES PA SNA TSOGS PA, ,JI LTAR DNGOS SU 'DUS PA LAGS, ,DNGOS PO MED PA SGOM PA'I GZUGS, ,GZUGS SOGS SPYOD YUL MTSAN NYID RNAMS, ,RANG BZHIN MED CING DMIGS MED LA, ,DMIGS PA DANG BCAS JI LTAR LAGS, ,DE DAG NGO MTSAR CHEN PO NI, ,BDAG GI THE TSOM LHA SA BKA' STZOL, ,DE LTAR ZHUS MA THAG TU NI, ,BCOM LDAN RDO RJE SEMS DPAS GSUNGS, ,SHES RAB ZAB MO ZAD MED NI, ,NYON CIG SPYAN MA BSHAD PAR BYA, ,G-YAD DU MED CING SHES BYA MIN; ;DE BZHIN DPYAD MKHAN GYIS SHES DKA', ,SANGS RGYAS KUN GYI GSANG CHEN NI, ,NAM MKHA' NAM MKHA'I SPYOD YUL LO, ,MI SHES MUN PAS BSGRIBS PAS NA, ,NYAN THOS RNAMS KYIS SHES PA MIN, ,SPYOD YUL BAG CHAGS SHES MKHAN STE, ,RANG SANGS RGYAS SU SPRUL PAS TE, ,DE DAG KUN GYIS KYANG MI SHES, ,SHES MED SO SO'I SKYE GNAS DAG ,MA 'ONGS PA DANG 'DAS PA DANG, ,DA LTAR BYUNG BA'I DUS GSUM LA, ,BYOL SONG BAG CHAGS LAS BYUNG BA'I, ,DUD 'GRO YI DAGS SKYE BA RNAMS, ,DE KUN GYIS KYANG MI SHES TE, ,SANGS RGYAS
SPYOD YUL GSANG CHEN NO, ,SNYING PO SHIN TU SNYING PO'I MCHOG ,GANG DE KUN BDAG LA GNAS PA'I, ,SANGS RGYAS KUN GYI GSANG CHEN NI, ,LHA MO KHYOD LA BSHAD PAR BYA, ,BYANG CHUB SEMS DPA' 'OD GSAL BA, ,ZLA BA SHEL DANG MNYAM PA'I 'OD, ,DE NYID YE SHES LNGA YI DNGOS, ,YUNGS KAR CHE BA'I TSAD TZAM MO, ,DE YI DBUS SU BZHUGS PA'I LHA, ,MI GSAL GSAL BA'I GZUGS CAN TE, ,PHYED TSAD TZAM GYI PHRA MO'I MCHOG ,YID KYI DNGOS PO'I THIG LE'I GZUGS, ,RTAG TU SNYING GI DBUS GNAS PA, ,'OD ZER CHEN PO 'BAR BA CAN, ,JI SNYED DGU PA'I BAR DU NI, ,DPRAL BA LA GNAS RKANG MTHIL BAR, ,THIG LE DE KHO NAR BSDUS TE, ,LTE BA'I DBUS SU RNAM PAR GNAS, ,CHA SHAS LNGA PA TZAM YIN TE, ,BCU GNYIS KYI NI THA MA LA, ,CHA SHAS DRUG GIS MTSAN PA NYID; ;NGA RO THIG LES BRGYAN BYED PA, ,RDO RJE KHONG NAS PHYUNG NAS SU, ,SA BON SKYE GNAS DBUS BZHAG STE, ,CHOS KYI DBYINGS NI ZHU BAR BYED, ,DE NI RIM PAR BSKYED BYED NA, ,SGO DGU LA NI KUN TU 'GRO, ,KHYAB CING KHYAB GNAS 'GRO KUN LA, ,MI G-YO LA SOGS G-YO DANG BCAS, ,TSANGS SOGS LHA DANG LHA MIN GYI, ,GZHI NI DE LAS GYUR PA'O, ,GANG LAS GTZO BOR SKYED BYED PA; ;SA DANG NAM MKHA' DE ZHES GSUNGS, ,JI SNYED LUS LA GNAS PA'I BAR, ,DE YIS LAS DANG LAS MIN BYED, ,DGE DANG MI DGE BSAM PA YANG, ,BYA BA'I LAS KUN BYED PA YIN, ,SBYOR
, ,BRTAG TU DE GSUNGS TE, ,MCHOD BSGOM PAR GSUNGS PA YIN, ,GANG TSE LAS KYI LUS ZHIG NA, ,DE TSE DE YI RANG MTHU YIN, ,DE 'DRA'I LUS SU DE 'GYUR TE, ,GANG GIS G-YO DANG MI G-YO KHYAB, ,NAM MKHA' MNYAM PA NYID 'DRA BA, ,DE NI GNAS PAR SHES PAR BYA, ,BCU YI GNYIS MTHA' TSIG GI DON, ,GANG GIS RTAG TU BSGOMS BYAS NA,, DES NI DNGOS GRUB RGYAS PA YI, ,RDO RJE 'DZIN PAR BDAG NYID 'GYUR, ,SO DANG MCHU DANG RKAN DANG LCE, ,MGUL GNAS GANG LA YOD PA NI, ,GANG LA DE NI YIG 'BRU NYID, ,DE NI ZAD DANG GNAS PHYIR RO, ,BRJOD PA MED CING THE TSOM MED, ,SGRA YIG RNAM PAR SPANGS PA NI, ,RANG GI PHYI NANG DE BZHIN NYID, ,BYANG CHUB SEMS NI 'DIR GSUNGS SO, ,LHA MO BZHIS YONGS SU ZHUS PA LAS, LHA MO SPYAN MAS YONGS SU ZHUS PA'I LE'U STE DANG PO'O,, ,,DE NAS LHA MO M'A MA KYIS, ,RDO RJE CAN LA 'DI ZHUS TE, ,BYANG CHUB SEMS KYI RIM PA YIS, ,KHA SNYING LTE BA GSANG BA LA, ,'GRO DANG PHYIR 'ONG BSTAN PA NI, ,RDO RJE CHEN MOS BKA' STZAL 'TSAL, ,CHA SHAS RNAM PA DU ZHIG GSUNGS, ,GNAS KYI RNAM PA BSGYUR BA DU, ,KHA DOG RNAM PA DU ZHIG GSUNGS, ,DE BZHIN GDAN YANG JI LTAR 'TSAL, ,RDO RJE CAN GYIS BKA' STZAL PA, ,CHA SHAS BZHI DANG MNYAM LDAN ZHING, ,PADMA BZHI LA YANG DAG GNAS, ,SNYING GA'I PADMA
LA GNAS NAG ,KHA YI PADMA LA GNAS DKAR, ,NGA RO LTE BA'I PADMAR GNAS, ,GSANG BA'I PADMA NGA RO MTHAR, ,STABS KYI MTHA' RU 'GRO BYED PAS, ,THIG LE'I SBYOR BAR RAB TU GNAS, ,SNOM BYED PA DANG THOS BYED PA, ,DE TSE MTHONG BYED ZA BYED PA, ,REG PAR BYED KYANG DE KHO NAS, ,BDE DANG SDUG BSNGAL TSOR BYED PA'O, ,GANG LAS BZHANG BYED BZA' BYED PA, ,DE BZHIN TSO DE DANG DU BA,, 'BYED PA GCOD PA DE KHO NAS, ,CHO GA RNAM PA MANG PO SHES, ,RGYAL PO DON YANG BYED PAR 'GYUR, ,DBANG PHYUG DON YANG BYED PAR 'GYUR, ,BRAM ZE RGYAL PO RJE'I RIGS DANG, ,DMANGS RIGS SMAD PA'I RIGS RNAMS DANG, ,BUD MED DU MA SPRUL PAR BYED, ,DUD 'GRO YI DVAGS SKYE BA DANG, ,GZUGS CAN RNAMS DANG GZUGS MED DANG, ,DE BZHIN 'DOD PA'I SRID RNAMS LAS, , 'BYUNG BA THAMS CAD SKYED BYED PA, ,DE NYID KHO NA RDZU 'PHRUL 'PHANG GNAS, ,DE LTAR DE BZHIN NYID SHES PA, ,DAM PA'I YIG 'PHANG GNAS, ,DE LTAR DE BZHIN NYID SHES PA, ,DAM PA'I YIG 'BRU SHES PA GANG, ,DES NI GSANG CHEN SHES PAS TE, ,GANG DES BDAG NYID KUN GNAS PA, ,KHA DOG MED CING KHA DOG DMAR, ,KHA DOG DKAR DANG SER BA YI, ,THIG LE'I GZUGS SU BSGYUR BA 'DIS, ,'GRO DANG PHYIR 'ONG RNAM PAR BSTAN, ,GANG DE RIG PA RDZU 'PHRUL CHE, ,MTHA' YAS BCAS PA SNA TSOGS GZUGS, ,SKYE DANG BSDUS DANG 'JIG PA LA, ,THIG LE'I GZUGS SU RAB
, ,GNAS SO, ,GANG GIS BRGYAD KHRI RTZA BZHI'I CHOS, ,STONG PHRAG BRGYA RU SHES NA YANG, ,DE YI DE NYID MI SHES TE, ,DE DAG KUN KYANG 'BRAS MED DO, ,BCU GNYIS LNGA YI LNGA PA YANG, ,BRGYAD KYI MTHA' RU 'BYUNG BA 'DIS, ,SGRA YIG DANG PO YI GE AA, ,LNGA PA YIS NI YANG DAG BRGYAN, ,SNYING RJE CHEN PO LAS BYUNG BA, ,KHA MAR BLTAS PA'I DUR GAS BRTAGS; ;GDOD MA MTHA' MA MED PA'I LHA, ,DE NI SPYI BOR BSTAN PA YIN, ,DE DAG GSANG CHEN DAM PA YIN, ,LHA MO BDAG GIS RAB BSTAN TO, ,LHA MO BZHIS YONGS SU ZHUS PA LAS; LHA MO M'A MA K'IS ZHUS PA STE LE'U GNYIS PA'O,, ,,DE NAS LHA MO GOS DKAR MOS, ,YAN LAG KUN GYIS BTUD NAS SU, ,THAL MO SNYING GAR SBYAR BYAS TE, ,RDO RJE SEMS DPA' LA GSOL BA, ,CHOS KYI DBYINGS KYI BSDUS PA DANG, ,SKU GSUNG THUGS KYI RDO RJE YI, ,RANG BZHIN NYID NI JI LTAR LAGS, ,LHA YI DBANG PHYUG KHYOD LA ZHU, ,GANG GIS 'OD KYI GONG BUR BSDU, ,RDO RJE SEMS DPA' JI LTAR LAGS, ,GSUNGS SHIG DE NYID YIG 'BRU'I TSIG, 'DUS PA GSUNGS PA JI LTAR LAGS, ,CHU KHAMS DANG NI ME YI KHAMS, ,JI LTAR RO NI MNYAM POR 'GYUR, ,MA LAS SKYE BA GSUM TZAM DANG, ,DE BZHIN PHA LAS SKYE BA GSUM, ,DE DAG DRUG SOGS GONG BU LAS, ,JI LTAR MI RNAMS SKYE BA LAGS, ,SANGS RGYAS
GZUGS NI BDAG MI 'TSAL, ,THUB PA CHEN POS BKA' STZAL MDZOD, ,RDO RJE CAN GYIS BKA' STZAL BA, ,GSANG BA SHIN TU GSANG GYUR BA, ,NYON CIG LHA MO BSHAD PAR BYA,, SKYE GNAS DBUS SU RTZA GNYIS NI, ,G-YON DANG DE BZHIN G-YAS PA STE, ,G-YON DU BYANG CHUB SEMS ZHES BYA, ,G-YAS SU DE BZHIN RAKTA 'O, ,DE GNYIS PHRAD NAS GCIG 'GYUR BA, ,CHOS KYI DBYINGS NI 'DUS PA YIN, ,MUN PA SKU STE RDUL GSUNG GZUGS, ,THUGS KYI RANG BZHIN SNYING STOBS TE, ,RDUL NI RAKTA BYANG CHUB SEMS, ,MUN PA DE BZHIN BSKYED PA YIN, ,RDO RJE PADMA MNYAM SBYAR NAS, ,RANG BZHIN MNYAM PA'I ROR 'GYUR RO, ,DRI CHEN CHU DANG SHEL ME TOG ,DE BZHIN LNGA PA BYANG CHUB SEMS, ,BDUD RTZI LNGA DNGOS GONG BUR BSDUS, ,DE LAS RDO RJE 'DIR GSUNGS SO, ,CHA SHAS GNYIS PA DANG LDAN PA, ,DE BZHIN DGU BA YAB YIN NO, ,DE SKAD GSUNGS PA DE LA NI, ,SUM CU DANG NI BCU DANG NI, ,DE BZHIN LNGA PA'I SA BON TE, ,CHA SHAS GNYIS PA LNGA YI NI, ,DRUG GI BTAGS PA DES BYUNG BA, ,DE NI THIG LER GSUNGS PA'O, ,CHOS KYI DBYINGS KYI YI GE BRUm, ,SKYE GNAS PADMA LA GNAS PA, ,DE NYID SA BON SV'AH'A MTHA', ,'DUS PA LA NI SHES PAR BYA, ,CHU KHAMS PHA LAS SKYES ZHES BYA, ,ME YI KHAMS NI MA LAS SKYES, ,SHA DANG KHRAG DANG PAGS PA YANG, ,MA LAS SKYES PA ZHES BSHAD DO, ,TSIL DANG RKANG DANG KHU BA
, ,NI; ;PHA LAS SKYES ZHES BSHAD PA YIN, ,GONG BUR YANG DAG 'DUS PA NI, ,DE DAG TZAM DU BSHAD PA YIN, ,GZUGS DANG TSOR BA 'DU SHES DANG, ,DE BZHIN 'DU BYED RNAM SHES RNAMS, ,SANGS RGYAS DNGOS PO LNGA YI GZUGS, ,PHUNG PO ZHES BYAR BSHAD PA'O, ,LHA MO BZHIS YONGS SU ZHUS PA LAS, LHA MO GOS DKAR MOS ZHUS PA STE LE'U GSUM PA'O,, ,,DE NAS BZHAD PA'I ZHAL GYUR TE, ,LHA MO SGROL MA BCOM LDAN MAS, ,RDO RJE SEMS DPA' LA ZHUS PA, ,CHOS KYI DBYINGS KYI SGRUB PA NI, ,GSUNGS SHIG RDO RJE CAN CHEN PO,, ,,RDZAS RNAMS SGRUB PA BKA' STZAL 'TSAL, ,DE BZHIN RIG PA'I SNGAGS RNAMS KYANG, ,DKYIL 'KHOR RNAMS NI BRTAG PA DANG, ,SBYIN SREG SO SOR BYA BA DANG, ,DE BZHIN MCHOD PA'I CHO GA YANG, KHYAD PAR DU YANG BKA' STZAL 'TSAL, ,DE LTAR LHA MOS ZHUS MA THAG ,RDO RJE SEMS DPAS BKA' STZAL PA, ,CHOS KYI DBYINGS KYI SGRUB THABS NI, ,NYON CIG LHA MO BSHAD PAR BYA, ,GZUGS DANG SGRA DANG DRI DANG NI, ,DE BZHIN RO DANG REG LA SOGS, ,KHAMS BCO BRGYAD PO DE DAG KYANG, ,CHOS KYI DBYINGS ZHES BYA BA'O, ,DE DAG NYID LAS BYUNG BA NI; ;BYANG CHUB SEMS ZHES SHES PAR BYA, ,BYANG CHUB SEMS LAS DONG BU SKYES, ,GONG BU LAS KYANG YID BSKYED DO, ,YID LAS NAM MKHA'I KHAMS KYANG NI, KHAMS RNAMS DANG NI
SKYE MCHED RNAMS, ,DBANG PO PHUNG PO 'BYUNG BA RNAMS, ,DE LTAR DBYINGS SU BSDU BA STE, ,BSDU BA DE NI BSTAN BYAS PA, ,CHOS KYI DBYINGS KYI SGRUB PA YIN, ,DE BAS NAN TAN THAMS CAD KYI,, SGRUB PA YANG DAG SPYAD PAR BYA'O, ,JI LTAR GAL PO ZHES DNGOS KYIS, ,BSGRUB PAR BYA BA RAB TU BRTAG ,CHOS DBYINGS SGRUB PA BSHAD NAS SU, ,RDZAS BRGYAD YAN LAG SGRUB PA BSHAD, ,RIL BU MIG SMAN DNGOS GRUB DANG, ,SA 'OG RAL GRI'I DNGOS GRUB DANG, ,NAM MKHAR 'PHUR DANG MI SMANG DANG, ,'CHI BA MED DANG NAD 'JOMS DANG, ,MIG DANG GLANG PO CHE DANG RTA, ,GLANG DANG KHYI DANG BONG BU DANG, ,RNGA MO MA HE SBYANG KI RNAMS, ,CHA NI MNYAM PO BYA BA'O, ,MTHE BONG TSIGS TSAD TZAM DU NI, ,SHIN TU MNYAM PAR BZHAG NAS SBYAR, ,DRI CHEN CHU DANG RAKTA DANG, ,BYANG CHUB SEMS NI TSAD TZAM NI, ,SNGAGS BZLAS NAS NI SBYAR BYAS TE, ,BYIN GYIS BRLABS KYANG BYA BA 'O, ,PHYAG 'TSAL DANG NI YI GE A'A:, ,DBUS SU DE BZHIN H'Um BYAS TE, ,'BAR BA'I H'Um YIG 'BAR BYED PA; ;DGU PO DE NI RAB TU BSGRUB, ,LAN NI NYI SHU RTZA GCIG TU, ,SNGAGS BZLAS NAS NI PHYE MAR BRTAG ,YUNGS KAR LNGA YI TSAD TZAM DU, ,LNGA DANG LNGA NI 'BYOR BAR BYA, ,TSES BRGYAD DANG NI BCU BZHI LA; ;RIL BU RNAMS NI BYAS NAS SU, ,PADMA'I SNOD LA BZHAG BYAS TE, ,STONG PHRAG BRGYAR NI BZLA BAR BYA, ,MTSAMS BZHI LA NI BSGOMS BYAS NAS, ,NYIN DANG MTSAN DU BZA' BAR
, ,BYA; ;DE NI BSKAL PA'I MTHA' BAR YANG, ,DNGOS GRUB RGYAS PAR 'GRO BA STE, ,GZI BRJID MDANGS DANG STOBS BRTZON 'GRUS, ,LNGA PA LA NI SMON LAM YANG, , MNGON PAR SHES PA LNGA THOB PA, ,RIL BU CHEN PO ZOS PHYIR RO, ,RDZAS KYI SGRUB PA RNAMS RDZOGS NAS, ,RIG PA'I SNGAGS RNAMS BDAG LA STZOL, ,YI GE AE DANG BAm YIG DANG, ,LAm YIG DBUS SU YANG DAG GNAS, ,DANG PO'I MDOG NI DMAR PO STE, ,GNYIS PA YI NI MDOG DKAR BA, ,GSUM PA KHA DOG SER BA RNAMS, ,BHA GA'I DBUS SU BSGOM PAR BYA, , 'KHOR LO LTAR NI BSKOR BA NI, ,NYIN PHYED DANG NI MTSAN PHYED LA, ,RIG PA DE NI RAB 'BYOR NA, ,DE NI SKAD CIG KHO NAR 'GRUB, ,LHA MO LHA MIN BU MO DANG, ,MI YI BU MO RNAM PA BZHI, , SA YI DKYIL 'KHOR KUN TU NI, ,SNGAGS KYIS BKUG NAS SPYAD PAR BYA, ,SGOM PA DE BZHIN RIG PA'I SNGAGS, ,BDAG GIS BSHAD PA ZIN BYAS TE, ,DKYIL 'KHOR RNAMS NI BSHAD PAR BYA, ,DGA' MA SEMS KYIS RTZE GCIG NYON, ,DKYIL 'KHOR LUS ZHES GSUNGS PA STE, ,DKYIL 'KHOR BHA GAR BSTAN PA YIN, ,DKYIL 'KHOR BYANG CHUB SEMS DANG NI; ;DKYIL 'KHOR GSUM DU BRTAGS PA NI, ,BRTAGS PA RNAMS KYANG 'DUS PA STE, ,GANG DU GTZO BO SKYED PAR BYED, ,PHUNG PO RNAMS NI SANGS RGYAS GSUNGS, ,'BYUNG BA RIG
MAR BRTAGS PA'O, ,CHAGS PA LCAGS KYU KHO NA STE, ,ZHAGS PA PADMAR CHUD BYED PA, ,KHA PHRAD PA NI SGROG YIN PAR, ,SGRA BSGRAGS PA NI DRIL BUR BSHAD, ,SPOS NI DRI CHEN ZHES GSUNGS TE, ME TOG RAKTA ZHES 'DOD DO, ,MAR ME SHA RNAMS KHO NA YIN, ,DRI NI BYANG CHUB SEMS ZHES 'DOD, ,SGEG MO LING+GAR BSTAN PA STE, ,PHRENG BA BHA GA KHO NA YIN, ,DBYANGS MA DBUGS SU BSTAN PA DANG, ,GAR MKHAN MA NI RNAL 'BYOR TE, ,BCOM LDAN 'DAS KYIS BZANG POR GSUNGS, ,DE RTOGS PA NI SKAL BZANG YIN, ,RTOGS PA DE RNAMS BYAMS PA SOGS, ,DE LTAR NANG GI BDAG NYID GSUNGS, ,DKYIL 'KHOR GZHAN NI SNGON BSHAD ZIN, ,SBYIN SREG LAS NI BSHAD PAR BYA, ,NYON CIG SBYIN SREG RNAM PA BZHI, ,SBYIN SREG PHYI DANG NANG GSUNGS TE, ,PHYI NI SNGON DU BSTAN PA YIN, ,NYON CIG KHYOD KYIS NANG GI NI, ,PADMA BZHI RNAMS 'BYOR PA NI, ,LUS KYI DBUS SU NYE BAR GNAS, ,ME DANG DE BZHIN RLUNG DANG NI, ,DBANG CHEN DANG NI CHU DE BZHIN, , RLUNG GIS ME NI 'BAR BYAS TE, ,CHU YIS YONGS SU SMIN PAR BYED, ,DBANG CHEN DKYIL 'KHOR LAS BYUNG BA, ,GANG DU ME NI BSKYOD PA'O, ,RA YIG MNGON SPYOD YI GE STE, ,YA YIG DBANG GI LAS KHO NA, ,LA YIG RGYAS PAR 'GYUR BA STE, ,BA YIG ZHI BA ZHES GSUNGS SO, ,GANG ZHIG ZAS DANG BTUNG BA NI, ,DE DAG THAMS CAD CHU LA STE, ,PADMAR KshA YIG KHA MAR LTA, ,SNYING GI
, ,PADMAR BTZUD PAR BYA, ,LTE BA'I PADMAR 'GRO PHYI ROL, ,KHA SBYOR TSUL GYI SBYOR BA YIS, ,GSANG BA'I PADMAR 'GRO MA THAG ,THAL BAR MTHA' RU RNAM PAR BSTAN, , DE LTAR SBYIN SREG BDAG BSHAD PA, ,NYIN DANG MTSAN DU BYA BA STE, ,RTAG PAR RGYUN DU ZAS ZOS NA, ,TSE 'DI KHO NAR 'GRUB PAR 'GYUR, ,RGAS PA MED CING NAD KYANG MED, ,'CHI BA MED CING 'BRAS RNAMS MED, ,DE NI GLO BUR 'CHI BA MED, ,'TSE BA THAMS CAD ZAD 'GYUR ZHING, ,RMI LAM NGAN YANG ZHI BAR 'GYUR, ,BZANG PO SKAL PAR GSON PA STE, ,SEMS CAN THAMS CAD DGA' BAR SMRA, ,MTHONG BA TZAM GYIS BSKUL BYED DO, ,SBYIN SREG LAS RNAMS BSHAD BYAS NAS, ,LHA MO MCHOD PA BSTAN PAR BYA, ,DRI DANG PHRENG SOGS GOS RNAMS DANG, ,SPOS ME ZAS DANG LHA BSHOS KYIS, ,DBANG PO GNYIS NI RAB 'BYOR NAS, ,BDAG LA MCHOD PA RNAMS NI BYA, ,BDAG NI THAMS CAD SANGS RGYAS NYID, ,SANGS RGYAS KUN GYI GNAS YIN TE, ,DE BAS NAN TAN THAMS CAD KYIS, ,RNAL 'BYOR PAS NI RTAG TU MCHOD, ,GANG ZHIG 'GA' YANG BYA BA'I LAS, ,RNAL 'BYOR PA YIS MCHOD PAR BSGOM, ,ZAS DANG BTUNG BA DE BZHIN GOS,, DE BZHIN DRI DANG PHRENG KHO NAS, ,RIG MA BZHI YIS RNAM BRGYAN PA'I, ,BDAG NI LHA NYID BSAM PAR BYA, ,DE LTAR BSHAD NAS RDO RJE DE, ,CANG MI GSUNG BA'I DNGOS POR BZHUGS, ,DE NAS LHA
MO BZHI RNAMS KYIS, ,PHYAG GI THAL MO SBYAR GYUR TE, ,DGYES PAS RAB TU ZHAL BZHAD NAS, ,RAB TU DANG BA'I SEMS KYIS NI, ,RNAM PAR MI RTOG PA THOB STE, ,DANG MI GSUNG BAR BZHUGS GYUR TO, ;LHA MO BZHIS YONGS SU ZHUS PA LAS, LHA MO SGROL MAS ZHUS PA'I LE'U STE BZHI PA'O,, ,,THAMS CAD KYI GSANG BA'I MCHOG DAM PA GSANG CHEN ZHES BYA BA'I RGYUD LHA MO BZHIS YONGS SU ZHUS PA DPAL AO dYAN GYI YUL NAS BYUNG BA RNAL 'BYOR MA CHEN MO'I DE KHO NA NYID RDZOGS SO,, ,,RGYA GAR GYI MKHAN PO SMRi TI DZNY'A NA K'IRTI NYID KYIS BSGYUR CING ZHUS TE BSHAD NAS GTAN LA PHAB PA,