, ,RNAL 'BYOR SPYOD BA'I LUGS NGES PA'I DON LA JI BZHIN SGOM THABS KYI SGRON MA BZHUGS, , #, ,JI BZHIN PA YI CHOS BRTZON PAR, ,CHOS LA CHOS NI MI 'JUG STE, ,JI TZAM ZAB PA'I TSIG BRJOD KYANG, ,DON DANG MTHUN PAR MI 'GYUR RO, ,SEMS NI CI LA 'ANG MI GNAS DANG, ,CI LA'ANG MI DMIGS SHES BYA BA, ,SEMS LA GNAS DMIGS SKYON SEL BA'I, ,SEMS 'DZIN
PHRA MO DE LA YOD, ,SMIG RGYU BZHIN DU SEMS MED NA, ,MI GNAS MI DMIGS BYED PA GANG, ,NAM MKHA' RANG LA'ANG MI GNAS SHES, ,BSGOM PA DON DANG LDAN MA YIN, ,DE BZHIN SKYIL KRUNG DRANG 'DUG DANG, ,LUS KYI BCOS PA THAMS CAD KYANG, ,LUS RTOG MNGON PAR ZHEN LAS BYUNG, ,LUS MED MKHA' LA BCOS SU MED, ,SGYU MA BZHIN DU LUS SHES NA, ,DRANG 'DUG SKYIL KRUNG 'CHA' BA MED, ,SPYOD LAM GSUM GYIS GNAS PA GANG, ,CHED DU BYA MED BYED PA'ANG MED, ,LUS SEMS MA SKYES GZHI MED PA, ,MKHA' LTAR BCOS PA'I KHA NA MED, ,TSAD MAR LUS SEMS 'CHOS BYED PA, ,'DZIN PA'I PHUR PA DE LA YOD, ,JI LTAR MTSAN MED NAM MKHA' NI, ,DMIGS DANG DMIGS MED RTZOL DANG BRAL, ,DE BZHIN SEMS NYID NAM MKHA' YANG, ,RANG BZHIN NYID KYIS DE LTA'O, ,LAS LA SOGS KYANG DE BZHIN TE, ,RTZOL BA MED PHYIR GANG LTAR YANG, ,GNAS PA MED DE MI GNAS NA,, MI 'GAL TZAM DU GYUR PA YIN, ,RNAL 'BYOR SPYOD PA'I LUGS NGES PA'I DON LA JI BZHIN BSGOM THABS RDZOGS SO,, ,,MAN NGAG DGUM CHUNG, GNYAN DPAL DBYANGS KYIS MDZAD PA'O,, ,,