, ,THABS SHES SGRON MA BZHUGS, ,#, ,DUS GSUM RGYAL BAS JI LTAR THUGS CHUD PA'I, ,CHOS KYI RANG BZHIN RIG PA'I RNAL 'BYOR PAS, ,MA THOB THOB PHYIR BRTZON PAR MI BYED KYANG, ,SNYING RJE'I BYE BRAG THABS KYI SPYOD PA'ANG STON, ,JI LTAR MKHA' LA 'JA' TSON RNAM MANG YANG, ,NAM MKHA'I NGANG DU RO GCIG BYE BRAG MED, ,DE BZHIN RGYAL BA'I GZUGS SKU RNAM MANG YANG, ,YE SHES DBYINGS
, ,SU RO GCIG BYE BRAG MED, ,BDE GSHEGS SNYING PO SEMS KYI RANG BZHIN LA, ,YUN RING DUS NAS RMONGS PA'I SEMS CAN RNAMS, ,BDAG TU 'DZIN PA'I SEMS RGYUD SO SOR SNANG, ,RANG BZHIN NYID NI RGYAL BA'I CHOS SKUR GCIG ,YE SHES SGYU MAR SNANG BA'I SANGS RGYAS DANG, , LOG RTOG SGYU MAR SNANG BA'I SEMS CAN GNYIS, ,YE SHES LOG RTOG KHYAD PAR BSAM YAS KYANG, ,SGYU MA YIN PHYIR RANG BZHIN YONGS KYIS MNYAM, ,SEMS CAN SANGS RGYAS BDEN PAR TSUL GCIG CING, ,RANG GI SEMS NYID SANGS RGYAS YIN SHES NA, ,GZHAN NAS BSGRUB PAR BYA BA CI YANG MED, ,DE LTA BAS NA SPANG BAR BYA BA'ANG MED, ,'DI LTA BU YI CHOS KYI TSUL RIG NA, ,MA RIG RNAMS LA SNYING RJE YONGS KYIS SKYE, ,SNYING RJE SKYES NAS SGYU MA'I TING 'DZIN GYIS, ,PHAN 'DOGS THABS KYI SPYOD PA CIR YANG STON, ,SANGS RGYAS DGONGS PA JI LTA BA, ,SEMS KYI RANG BZHIN GNAS MED DE LTAR BSGOM, ,THUGS RJE'I 'BAD PA RAB 'BYAMS JI LTA BA, ,RNAL 'BYOR THABS KYI TING 'DZIN DE LTAR SPRUL, ,BDAG DANG BDAG GIR 'DZIN PA MED PA'I PHYIR, ,PHA ROL PHYIN DRUG DMIGS MED RDZOGS PAR LDAN, ,THABS KYI SPYOD PAS GDUL BYA KUN 'DUL YANG, ,SGYU MA'I BLO LDAN RLOM SEMS CI YANG MED, ,MA SKYES SEMS LA SEMS CAN MED PA'I PHYIR, ,NGO BO NYID KYI CHOS SKU'I NGA RGYAL 'CHANG, ,CHOS KUN SGYU MAR MNGON SUM GSAL BA'I PHYIR, ,TING 'DZIN SGYU MAS CI 'DUS DE LTAR STON, ,CHOS SKU MNYAM NYID RTOGS NAS 'GRO DON DU, ,BDE GSHEGS BYIN RLABS CIR YANG STON PA LTAR, ,BDAG NYID CHOS SKU RIG PA'I RNAL 'BYOR PAS, ,THABS KYI BYE BRAG DA NAS DE LTAR BRJOD, ,THABS DANG SHES RAB LDAN PA'I SGRON MA RDZOGS SO,, ,,SLOB DPON DPAL DBYANGS KYIS MDZAD PA'O,, ,,