444 · GMLW-003674

DGONGS PA LUNG STON PA ZHES BYA BA'I RGYUD (Sindha Vyākaraṇa Nāma Tantra)

נושאי-מדףSubjects:

RGYUDSecret Teachings (Tantra)

נושאיםTopics:PledgesSecret Wordsthe Secret WorldCyclic LifeEmpowermentEnlightenmentFreedomHeapsQuietudethe True Nature

נמצא בfound inSecret Teachings (Tantra)

מספר טוהוקוTohoku numberToh 444 · Tantra (all)

מהדורהrecensionDerge

כותרת בסנסקריטSanskrit titleSINDHA BYA KA RA nA N'A MA TANTRA

כניעה לhomage toBCOM LDAN 'DAS DPAL RDO RJE SEMS DPA'

הפנדיטה ההודיIndian pandita@181B DHARM'A SHR'I BHA

הלוצאווה הטיבטיTibetan lotsawaDGE SLONG RIN CHEN BZANG POS

פוליוfolios105b–181a

צורהformverse

מצב תרגוםtranslationno English of the text

כיסוי המילון לכותרתdictionary coverage of the title64%

ז'אנרgenreRoot Texta tantra in verse; the closing counts twelve chapters, LE'U BCU GNYIS GSUNGS PA YIN

ישותdeityWarrior of Diamond (Vajrasattva)the homage is BCOM LDAN 'DAS DPAL RDO RJE SEMS DPA'

אנשים ומקומותpeople and places namedDharmashribhadra · Rinchen Zangpothe Indian abbot and the great editor-translator, the monk Rinchen Zangpo

רמת קושיlevelneeds a teacher

הכותרת אומתה מול הטקסטtitle verified against the textyesboth title lines present, but the head reads DGONGS PA LUNG STON PA and the closing DGONGS PA LUNG BSTAN PA — one letter apart in the same work

הקבציםThe files

KL00444_DGONGS PA LUNG STON PA ZHES BYA BA'I RGYUD (Sindha Vyākaraṇa Nāma Tantra).txt/12. RGYUD_Secret Teachings (Tantra)/VOL 5 (CA)

הטקסטThe text

טיבטיתTibetanKL00444_DGONGS PA LUNG STON PA ZHES BYA BA'I RGYUD (Sindha Vyākaraṇa Nāma Tantra).txt181,071 תוויםcharacters

105b

RGYA GAR SKAD DU, SINDHA BYA KA RA nA N'A MA TANTRA, BOD SKAD DU; DGONGS PA LUNG STON PA ZHES BYA BA'I RGYUD, BCOM LDAN 'DAS DPAL RDO RJE SEMS DPA' LA PHYAG 'TSAL LO, ,DE NYID 'DI SKAD BDAG GIS THOS, ,SHIN TU GSANG BA'I DUS GCIG NA, ,GSANG GTZO RDO RJE BCOM LDAN 'DAS, ,DAM TSIG MCHOG NI RDO RJE GSUM, ,DE BZHIN GSHEGS KUN YE SHES NI, ,YON TAN PHUN TSOGS BSAM MI KHYAB, ,YOD MED MTHA' GNYIS LAS 'DAS PAS, ,GNAS MED PA LA GNAS ZHES BYA, ,NAM MKHA' RANG BZHIN GCIG PA 'DIR, ,KUN MKHYEN YE SHES RNAM SGOM PA, ,'GRO SNYING RNAM DAG CES BYA LA, ,THUB PA CHEN PO BZHUGS PA YIN, ,MA RIG PA DANG 'DU BYED DANG, ,RNAM PAR SHES DANG MING DANG GZUGS, ,SKYE MCHED DRUG DANG REG PA DANG, ,TSOR BA DANG NI SRED PA DANG; ;NYER LEN SRID PA SKYE BA DANG, ,RGA SHI ZHES BYA RIG MA YIN, ,NGA RGYAL CHE BA'I NGA RGYAL DANG, ,NGA'O SNYAM NGA RGYAL MNGON NGA RGYAL, ,GZHAN YANG NGA RGYAL LAS NGA RGYAL, ,CUNG ZAD NGA RGYAL LOG PAR BCAS, ,'DI DAG RDO RJE MTHA' CAN MCHOG ,BYANG CHUB SEMS DPA' DE BZHIN GSHEGS, ,DE RNAMS BRJOD MI LANG BA'I GRANGS, ,BRJOD KYIS

106a

, ,LANG NYID DU GYUR, ,SANGS RGYAS ZHING NI GRANGS MED PA'I, ,RI RAB RDUL PHRAN GRANGS MNYAM PA, ,BYANG CHUB SEMS DPA' SEMS DPA' CHE, ,TIL GYI GANG BU MTSUNGS PA DANG, ,DE BZHIN GSHEGS PA RNAMS KYIS KYANG, ,NAM MKHA'I KHAMS KUN GANG BAR SNANG, ,DE NAS DPAL LDAN RNAM SNANG MDZAD, ,SKU GSUNG THUGS KYI RDO RJE CAN, ,'KHOR GYI DKYIL 'KHOR LA GZIGS NAS, ,DE NYID GSUM SKYES SKUR MDZAD DO, ,TSANGS PA KHYAB 'JUG LHA CHEN DANG, ,'DOD DANG RIG BYED DE BZHIN ZUNG, , TSANGS LHA DE BZHIN ZLA BA STE, ,PHUNG PO LA SOGS GRANGS DANG MNYAM, ,SGRA SGROG DE BZHIN DGA' BYED DANG, ,SKYA BSENG SKEM BYED THUB PA DANG, ,SNA YON DANG NI DKON MCHOG GSUM; ;DE BZHIN GSHEGS KUN GCIG PU NYID, ,DE TSE PHYUNG LA GSOL BA YI, ,GSANG SNGAGS GSUNGS PA DANG PO NYID, ,THUB CHEN BYANG CHUB SEMS TSUL DU, ,MDZAD PA GNYIS PA YIN PAR BSHAD, ,RNAM LNGA MNGON PAR BYANG CHUB PA'I, ,PHRA MO RNAL 'BYOR GSUM PA YIN, ,DBANG BSKUR BA NI RNAM PA BZHI, ,GZUGS KYI DKYIL 'KHOR NYID BZHI PA, , SRUNG BA'I BSLAB GZHI RNAM BZHI DANG, ,SPYOD PA'ANG 'DIR NI LNGA PA STE, ,DRUG PA RANG SANGS RGYAS NYID KYI, ,TING 'DZIN PHRA MO'I RNAL 'BYOR RO, ,BDUN PA DE NYID MCHOD PAR BSHAD,

106b

GSANG BA'I DBANG DU GTZO BOS MDZAD, ,PHYAG RGYAS DBANG BSKUR BRGYAD PA BSTAN, ,DAM TSIG BZHI PA DGU PA YIN, ,RNAM PA BCUR PHYE YANG DAG RTOG, BZLAS PA'I SNGAGS KYANG GSUNGS PA YIN, ,BCU GCIG MING DU BYUNG BA NA, ,PHYAG RGYAS GCIG PAR BSHAD DKYIL 'KHOR, ,BCU GNYIS PA YI BDAG NYID SKU, ,NYAN THOS BYANG CHUB STON PAR MDZAD, ,DE BZHIN RIG PA SPYOD GRUB PA, ,MNGON SHES LNGA NI BCU GSUM PA, ,BCU DANG BZHI PAR BZHI PO DANG, ,PHRENG SNGAGS BLA MA STON PAR MDZAD, ,PHYOGS DANG SKYA BSENG NYID 'GYUR BA, ,DNGOS GRUB DKYIL 'KHOR BLA MED PA'O, ,SGRA SGROG DUS DANG YANG DAG LDAN, ,DKYIL 'KHOR RDUL TSON LDAN PA 'O, ,SLOB MA DBANG BSKUR NYI ZLA DAG ,CHAGS BRAL SNA TSOGS NYID GYUR PA, , SNA TSOGS TSIG GI DON GYI BRDA, ,SNA TSOGS MING CAN MING GCIG PU, ,DE LTAR RNAM PA SNA TSOGS PA'I, ,SO SOR SDUD PA RAB TU BSTAN, ,GCIG DANG DU MA LAS GROL BA, ,YANG DAG MTHONG NAS YONGS SU SGOM, ,YONGS SU BSGOMS PAR GYUR PA'I BDAG ,RTEN 'BREL DU YANG BSTAN PAR BYA, ,DE NAS MA SKYES SBYOR BA LA, ,THUB PA RNAM PAR SNANG MDZAD CHE, , RTEN 'BREL YAN LAG BCU GNYIS PA'I, ,TING 'DZIN DE 'OG STON PAR MDZAD, ,'DOD PA'I YAN LAG 'GRO BA'I TSOGS, ,GNYIS PA THAMS CAD DE BZHIN GSHEGS, ,'DOD

107a

, ,CHAGS CHE TSUL ZHES BYA BA'I, ,TING NGE 'DZIN LA SNYOMS PAR ZHUGS, ,DE BZHIN GSHEGS KUN GTZO BO YI, ,RANG GI SKU LA ZHUGS PAR MDZAD, ,BYANG CHUB SEMS DPA' SEMS DPA' CHE, ,RGYUN DE LA NI SBYOR BAR GYUR, ,DE NAS DE BZHIN GSHEGS KUN DANG, ,DE BZHIN BYANG CHUB SEMS DPA' RNAMS, ,DE BZHIN GSHEGS BDAG MNYES BYA'I PHYIR, ,DE RNAMS ZHUGS NAS BYUNG GYUR PA, ,SROG DANG GYEN RGYU THUR SEL DANG, ,MNYAM GNAS KHYAB BYED CES BYA DANG, ,KLU DANG RUS SBAL RTZANGS PA DANG, , LHA SBYIN GZHU RGYAL ZHES BYA BA, ,'DI DAG TU NI NYID SKU MDZAD, ,BUD MED GZUGS SU SLAR SPRUL TE, ,RANG GI NGO BO JI BZHIN DU, ,DE YI SKU LAS BYUNG BAR GYUR, ,DE NYID GSUM NI MNYAM SBYOR LAS, ,RANG GI GSANG SNGAGS DE DAG SGOM, ,YAN LAG KUN LAS NGES GROL ZHING, ,SHIN TU PHRA BA NYID DU GYUR, ,DBU GOS MING LAS BYUNG BA NI, ,ZHI GNAS DANG NI LHAG MTHONG STE, ,DNGOS MED NGO BO NYID YIN PAS, ,RANG NYID KYANG NI MI SHES SO, ,'ON KYANG 'DI LTAR THUB PA LA, ,DE BZHIN GSHEGS RNAMS GSOL BA 'DEBS, ,BCOM LDAN DGONGS PA LUNG BSTAN PA, ,CHOS KYI MCHOG NI BSTAN DU GSOL, ,KHYAB BDAG KHYED NI CHOS 'DI RNAMS, ,DNGOS MED NYID NI THUGS SU CHUD, ,'GRO BA'I DON NI RAB

107b

GRUB PAS, ,YID BZHIN NOR BU LTA BUR MDZES, ,GANG ZHIG YANG DAG SHES GYUR NA, ,'JIG RTEN PA DANG RTZOD MED CING, ,DE BZHIN 'JIG RTEN 'DAS PA DANG, ,'JIG RTEN SHIN TU 'DAS DE BZHIN, ,GANG 'DI ZHI BA NYID KYI CHOS, ,ZHI GNAS SHIN TU SNGON 'GRO BA, ,BYANG CHUB SEMS DPA' THOS NA YANG, ,DE BZHIN NYID KYI BDE BA BYED, ,DE NAS SA SNYING LA SOGS PA'I; ;BYANG CHUB SEMS DPA' SEMS DPA' CHE, ,MGON PO RNAM SNANG CHEN PO LA, ,DE DAG GIS NI ZHUS GYUR PA, ,GANG SHES BLA MED BYANG CHUB NI, ,MA 'ONGS SKYE BOS THOS 'GYUR BA'I; ;GSANG SNGAGS DE NYID DON 'BYUNG BA, ,RNAL 'BYOR BCOM LDAN BSHAD DU GSOL, ,LAN GNYIS GSOL KYANG MGON PO NI, ,MI GSUNG BAR NI RNAM PAR BZHUGS, ,RDO RJE CAN GYIS DE SHES NAS, ,DE NAS SLAR YANG ZHUS PAR GYUR, ,GANG 'DI ZHI GNAS LA SOGS PA'I, ,RNAL 'BYOR ZAB MO BLA MED PA, ,DE NI 'DI LTAR BSNGAGS PAS BSNGAGS, ,'TSAL 'GYUR DE NI GTZO BOS GSUNGS, ,BYA BA DAG BYA'I RNAL 'BYOR DANG, ,RNAL 'BYOR 'BA' ZHIG PA NYID DANG, ,LUNG NI YANG DAG GANG YIN PA, ,DE NI BSTAN PAR MDZAD PA'I RIGS, , ZHUS PA'I DON NI MKHYEN NAS NI, ,BCOM LDAN RDO RJE CAN GYIS GSUNGS, ,GSANG SNGAGS TSUL NI MCHOG GYUR 'DI, ,GSANG BA KHYOD LA BSTAN PAR BYA, ,'DI SKAD CES BYA'I

108a

, ,GSANG SNGAGS CHE, ,GSANG SNGAGS KUN DON SNGAR STER BA'O, ,DER NI LNGA YI BDAG GYUR CING, ,SBYOR BA BZHI DANG BCU YI BDAG ,LNGA PA LNGA PO'I MING 'DI NI, , GSAL DANG MI GSAL DAG TU SBYAR, ,RGYA MNGON PHYOGS PA'I SBYOR BSHAD PA, ,DKYIL 'KHOR LNGA YIS BRGYAN PA YIN, ,BCU BDUN ZHES NI BSHAD PA 'DI'I, ,GSUNGS PA'I DON DE MA SHES PAS, ,SNGAGS PAS GSANG SNGAGS SBYOR BA DAG ,DE TSE JI LTAR BYED PAR 'GYUR, ,DON 'DI RTOGS PAR GYUR NAS NI, ,SNA TSOGS DON NI STON PA DANG, ,'GRO BA'I DON NI RAB SGRUB PA, ,GSANG SNGAGS RIG PA MCHOG RNAMS BYED, ,BDAG NI STONG DANG YANG DAG SBYAR, ,YI GE AA NI STENG DU GNAS, ,PHYI MA ZHES BYA GNAS BYAS LA, ,SNGAGS PAS SEMS CAN DON RNAMS BYA, ,YI GE AA GNYIS SBYOR BA GANG, ,AA SGO LAS SKYES NYID DU 'GYUR, ,STENG 'OG PHYOGS KYI RNAM PA DE, ,DNGOS PO MED PA'I NGO BO NYID, ,GANG ZHIG 'DI LAS GSUNGS PA NI, ,BSAM MI KHYAB PA'I THABS CHOS NYID, ,BDAG GIS ZHES RTOGS DE 'GYUR BA, ,THOGS MED RTOGS PA 'DI GNAS SO, ,STON PA PO DANG BSTAN DANG GNAS; ;PHRA RAB TZAM GYI NGO BO MED, ,KUN RDZOB DUS GSUM SBYOR GCIG LA, ,SNGAGS PA RNAMS KYIS THOS DE 'GYUR, ,SHIN TU GRANGS MED BSKAL PA RU, ,SANGS RGYAS

108b

RNAMS KYIS GANG MKHYEN PA, ,SNGAGS PA RNAMS KYIS DUS GCIG NA, ,SKAD CIG LA RDZOGS BYANG CHUB THOB, ,KUN MKHYEN KUN RIG THUGS CHUD PA, ,GSANG SNGAGS STON PA'I CHOS CAN TE; ;DE NYID KHO NA BCOM LDAN MCHOG ,SKU GSUNG THUGS RDO RJE LAS SKYES, ,MI RTOG NAM MKHA' JI BZHIN DE, ,GSANG SNGAGS THAMS CAD NYI MA 'DRA, ,SA LA RLUNG BZHIN SNGAGS PA NI; ;'DOD PA KUN LA NYE BAR SPYOD, ,THAMS CAD 'GYUR BA GANG GANG YIN, ,DE DE STONG PA NYID DU 'GYUR, ,DE BZHIN SBYOR BA DE MTHONG BAS, ,KUN RIG DE NI DE BZHIN GSHEGS, , DE BZHIN NYID GZUGS BRNYAN GYUR PA, ,DE NI SKU YI RDO RJER GYUR, ,'GRO BA YANG DAG TSIM PAR 'BYUNG, ,MI PHYED GSUNG GI RDO RJER GYUR, ,NAM MKHA'I GNAS KYI SBYOR BA GANG, ,BSAM MI KHYAB PAR SPRO BDAG NYID, ,DE NYID YE SHES RGYA MTSO LA, ,THUGS KYI RDO RJE YANG DAG 'BYUNG, ,SEMS CAN KUN GYI SEMS GANG YIN, ,NAM MKHA' YONGS SU BRTAGS PA STE, ,DE YANG DE RU KUN GNAS PAS, ,BUD MED CHOS GCIG PU YI GZUGS, ,SANGS RGYAS KUN GYIS GANG BRTEN PA, ,SAR GYUR DE NI BCU GSUM PA, ,DE NI BUD MED CES BSHAD DE, ,DE BAS CHOS DE BHA GA YIN, ,BYA BA LA SOGS JI SKAD BSHAD, ,DAM TSIG GSUM PO GCIG TU GYUR, ,DNGOS MED CHOS NYID GCIG PU RU, ,'DI NI DE DAG MNYAM PAR 'GYUR, ,DAM

109a

, ,TSIG SKU GSUNG THUGS DANG NI, ,TING 'DZIN DE BZHIN RGYAL BA DANG, ,SA DANG CHU DANG DE BZHIN ME, ,RLUNG DANG NAM MKHA' NYID DAG DANG, ,GZUGS DANG SGRA DANG DRI DANG RO, ,REG DANG DE BZHIN CHOS KYI DBYINGS, ,'DI RNAMS RDO RJE'I MTHA' CAN BYUNG, ,BYANG CHUB SEMS DPA' RDZU 'PHRUL CHE, ,DE LTAR BRJOD MI LANG ZHES PA, ,BRJOD MI LANG BA NYID GYUR RNAMS, ,SANGS RGYAS ZHING GI RI RAB KYI, ,RDUL PHRAN GYI NI GRANGS MNYAM PA'I, ,BYANG CHUB SEMS DPA' SEMS CHEN DANG, ,NAM MKHA' MNYAM PA'I DE BZHIN GSHEGS, ,MI BSKYOD RNAM SNANG MDZAD RIN CHEN, ,DPAG MED TSE DANG GDON MI ZA, ,'DI DAG NAM MKHA'I KHAMS MNYAM PA'I, ,RDO RJE SNYING PO DE BZHIN GSHEGS, ,DPER NA TIL 'BRU MTSUNGS PA YI, ,DE BZHIN GSHEGS PA THAMS CAD KYIS, ,NAM MKHA'I KHAMS NI YONGS KHEBS PA, ,DE RNAMS DER NI YANG DAG SNANG, ,DE NAS MGON PO RNAM SNANG MDZAD, ,DE BZHIN NYID DANG GCIG TU GYUR, ,GANG YANG DAM TSIG SNGON 'GRO DANG, ,SKU RDO RJE SOGS MING CAN GYIS, ,BYANG CHUB SEMS DPA' SEMS CHEN DANG, ,DON YOD THAMS CAD DE BZHIN GSHEGS, ,'DI RNAMS SKU YI YAN LAG GRAGS, ,ZHI GNAS BSAM MI KHYAB LAS BYUNG, ,MA SKYES GCIG PU GZIGS PA NI, ,'DOD CHAGS

109b

CHEN PO'I TSUL DU GYUR, ,'DOD CHAGS CHEN PO'I TSUL MCHOG GI GTING NGE 'DZIN LA SNYOMS ZHUGS TE, ,DE BZHIN GSHEGS PA KUN GYI TSOGS, ,DE NI NYID KYI SKU LA BCUG ,DE NI DE BZHIN GSHEGS PA KUN, ,DE NI RNAM PAR SNANG MDZAD CHE, ,'DI NYID MNYES PAR BYA BA'I PHYIR, ,NYID SKU BUD MED NYID DU MDZAD, ,DE NAS MGON PO BSAM YAS LAS, ,BUD MED GZUGS SU BYUNG BAR GYUR, ,DE NI SANGS RGYAS SPYAN 'DRA DANG, ,M'A MA K'I 'DRA SBYOR BA DANG, ,GOS DKAR MO 'DRA'I GZUGS DANG NI, ,SGROL MA'I GZUGS SU YANG DAG GNAS, ,SGRA YI NGO BO'I GZUGS CAN DANG, ,DRI YI NGO BO'I GZUGS DANG NI, ,DE BZHIN RO YI NGO BO'I GZUGS, ,REG GI NGO BO'I GZUGS CAN DANG, ,LA LA GZUGS KYI NGO BO YIS, ,DE BZHIN GSHEGS PA DE RNAMS BZHUGS, ,DE NAS TSUL GSUM DON GCIG DANG, ,MI BSKYOD PA YANG BSTAN PHYIR DANG, ,'JIG RTEN RGYANG PHAN GDUL DON DU, ,'JIG RTEN 'DAS PA'I TSUL BYUNG NGO, , GNYIS MED MNYAM PA NYID RNAL 'BYOR, ,RDO RJE BUD MED BHA GA MCHOG ,DAM TSIG CHEN PO'I DKYIL 'KHOR DU, ,DE NI MI BSKYOD YANG DAG BRI, ,ZUR BZHI PA LA SGO BZHI PA, ,SBYOR BZHI GCIG TU SBYOR BA NYID, ,DRI MA MED PAR BYIN BRLABS PA, ,KUN NAS SHIN TU GSAL BA'I GZUGS, ,SANGS RGYAS SPRIN GYIS KUN TU KHYAB, ,'BAR BA MANG PO'I RNAM PAR 'KHRUG ,GSAL BA LA

110a

, ,SOGS DKYIL 'KHOR LDAN, ,DE BZHIN GSHEGS PA KUN GYI GNAS, ,DE NAS DE NI BCOM LDAN 'DAS, ,DE BZHIN GSHEGS KUN BDAG PO 'DI, ,DKYIL 'KHOR CHEN PO'I DBUS SU YANG, ,RNAM PAR BZHAG STE BZHUGS PAR GYUR, ,MI BSKYOD RIN CHEN DPAG MED DANG, ,DON GRUB RNAM SNANG DE BZHIN GSHEGS, ,DE RNAMS BYANG CHUB SEMS RDO RJE'I, ,THUGS LA RNAM PAR BZHUGS PAR GYUR, ,DE RNAMS ZIL GYIS MNAN PA'I PHYIR, ,DE BZHIN GSHEGS PA BYANG CHUB SEMS, ,DNGOS MED NGO BOR GCIG PAR NI; ;MKHA' 'DRA RDO RJE LAS BYUNG GZIGS, ,SHES RAB TING 'DZIN GZHI GCIG PU, ,DE NI GRIB MA LTAR THUGS CHUD, ,RDO RJE'I RANG BZHIN SKUR MDZAD NAS, ,'GRO DON MNYAM DANG MI MNYAM MDZAD, ,JI LTAR MTSAMS GNAS NYI MA YIS, ,'GRO BA GNYID LOG SAD PAR BYED, ,DE BZHIN DE BZHIN GSHEGS PA KUN, ,BYANG CHUB SEMS KYIS SRUNG BAR BYED,, SKU GSUNG THUGS NI RDO RJE GCIG ,DE RNAMS SKYE BAR BZHED PA YIS, ,BYANG CHUB SEMS KYI NGO BO YIS, ,RDO RJE'I SNGAGS SU MDZAD PAR GYUR, ,RIG PA SKYES BU'I GZUGS DAG NI; ;SNGAGS KYIS BYIN RLABS BLA NA MED, ,DER NI ZHAL GSUM PA LTA BUR, ,DE BZHIN GSHEGS PA KUN GYIS GZIGS, ,DE NAS MGON PO BCOM LDAN GYIS, ,THUGS

110b

RJES BZHUGS PA LAS BYUNG STE, ,BYANG CHUB SEMS NI RAB BSKOR LA, ,LAN GSUM CHED DU BRJOD PA MDZAD, ,BSAM MI KHYAB CING DPAG MED GANG, ,DE BZHIN GSHEGS PA KUN GYI GSANG, ,RDO RJE BYANG CHUB SEMS GCIG LAS, ,SPYOD YUL DER NI GYUR PA YIN, ,DE NAS GSANG TSUL THOS PA DANG, ,DE 'OG GSANG BA'I BDAG POS NI, ,KHYAB BDAG RNAM PAR SNANG MDZAD LA, ,JI BZHIN TSUL DU DE BTUD ZHUS, ,PHUNG PO KHAMS LA SOGS PA'I CHOS, ,'DUS LA GANG ZHIG GNAS PA'I RNAMS, ,RTEN 'BREL LAS SKYES YIN PAR NI, ,KHYAD CHOS STON PAR MDZAD PAS KHUMS, ,DMAN PA'I CHOS RNAMS 'DI DAG NI, ,ZHE SDANG LA SOGS RKYEN DANG LDAN, ,'DI DAG JI LTAR BDE GSHEGS DANG, ,RDZU 'PHRUL CHEN PO RIGS MA LAGS,, BYANG CHUB SEMS DPA' SEMS CHEN DE, ,LUS LA SOGS PA JI LTAR 'GYUR, ,GANG ZHIG PHYI DUS SKYE BO YIS, ,'DI DAG 'TSAL BAR MI 'GYUR RO, ,DE NAS BCOM LDAN RDO RJE CAN, , 'OD CHEN LDAN PAS BKA' STZAL PA, ,MA 'ONGS SKYE BO MTHONG NAS NI, ,GANG ZHIG KHYOD KYIS NGA DRIS PA, ,LEGS SO LEGS SO SEMS DPA' CHE, ,GSANG BA'I BDAG PO KHYOD LEGS SO; ;SMRAS DON JI LTA JI LTA BAR, ,DE LTAR KHYOD LA LUNG BSTAN BYA, ,MA 'ONGS DUS NA MI RNAMS NI, ,'JIG RTEN RGYANG PHAN MCHOG GZHOL 'GYUR, ,LOG PAR LTA BA LA GNAS

111a

, ,TE; ;CI DGA' BAR YANG SPYOD PAR BYED, ,LA LA GLU DANG GAR LA DGA', ,DGOD DANG SGEG LA MCHOG TU GZHOL, ,DRI DANG PHRENG BA LA DGA' ZHING, ,DE BZHIN 'KHRIG PA LA DGAR 'GYUR, ,RMONGS PA LA SDANG BA DANG, ,DE BZHIN GTI MUG LA RAB GZHOL, ,LA LA DE BZHIN 'DOD CHAGS ZHEN, ,SHES PA GZHAN DAG 'DOD PAR 'GYUR; ;NYA DANG SHA DANG DE BZHIN CHANG, ,BSHANG GCI KHU BA KHRAG RNAMS NI, ,SKYES BU GLEN PA ZA BYED CING, ,MED PAR SMRA BA CHOS SU SGROG ,MA DANG SRING MO LA SOGS PA, , BGROD MIN LA NI BGROD PA DANG, ,PHA DANG MA YANG GSOD PA DANG, ,DE BZHIN SROG CHAGS GZHAN RNAMS GSOD, ,RDZUN GYI TSIG NYID SMRA BA DANG, ,KHYAD PAR DU YANG BRKU BA DANG, , GZHAN GYI CHUNG MA'I THAD 'GRO ZHING, ,SMAD PA GZHAN YANG BYED PAR 'GYUR, ,LA LA DAM CHOS SPONG BA DANG, ,DE BZHIN MTSAMS MED BYED PA STE, ,SNA TSOGS SDIG PA BYAS NAS KYANG, ,SNGAGS PA DNGOS GRUB 'DOD PAR 'GYUR, ,GZER NAD DUG DANG SBYAR BA'I DUG ,SNA TSOGS NAD NI MI BZAD PA, ,'DI RNAMS KYIS NI GZIR GYUR NAS, ,ZHI BA NYID NI 'DOD PAR 'GYUR, ,'DOR BAR BYED PA RMONGS PA DE, ,MI BZAD SDIG PA BYAS PA DANG, ,LOG PAR LTA LA MCHOG GZHOL RNAMS, ,NGAN SONG GSUM DU 'GRO BAR 'GYUR, ,

111b

DE RNAMS RJES SU GZUNG BA'I PHYIR, ,GSANG BA 'DI LTAR BSTAN PA YIN, ,GANG ZHIG YANG DAG THOB PA NYID, ,'DIR NI DE BZHIN GSHEGS PAR 'GYUR, ,GSANG BA'I BDAG PO MKHAS RNAMS KYIS, ,TSUL MCHOG 'DI NI RNYED GYUR NAS, ,DON GSAL YANG DAG RNYED PA DANG, ,DE YANG NGA RGYAL DAG TU LTUNG, ,DE RNAMS TING 'DZIN ZHI NYID DANG, ,SHES RAB NYID KYANG SHIN TU RING, ,RAB TU DGA' DANG LDAN PA YIS, ,RNAL 'BYOR PA NI BDAG NYID CES, ,MNGON PA'I NGA RGYAL LA RTAG DGA', ,SGYU DANG BCOS MA'I CHOS DANG LDAN, ,MYA NGAN 'DAS DANG GZHAN 'GRO BA; ;PHAN TSUN DAG NI SUN YANG 'BYIN, ,GSANG SNGAGS SMRA BA LA BRTEN NAS, ,GCIG LA GCIG NI RTZOD PAR 'GYUR, ,DE RNAMS BDUD KYI BYIN RLABS KYIS, ,GAL TE DNGOS GRUB PHRA THOB NA, ,DES NI MNGON PAR NGA RGYAL BAS, ,MKHAS PA SNYAM DU SHES PAR 'GYUR, ,TSOGS PA'I NANG DU RTZOD PA DANG, ,KHYI BZHIN KHA ZAS LA SPYOD 'GYUR, ,RANG LAS 'BRAS LAS BYUNG BA YI, ,PHAN PA LA NI GNOD PA BYED, ,DE RNAMS DGE DANG MI DGE RNAMS, ,BDAG CAG RNAMS KYI STOBS YIN ZER, ,MNGON SUM SANGS RGYAS 'DRA BA YI, ,SLOB DPON SMOD CING BSNYEN BKUR MED, ,SKAD CIG GCIG GIS SDANG BYED CING, ,DE LA SKAD CIG GIS RJES CHAGS, ,KHYI DANG PHAG DANG KHVA RNAMS KYI, ,SPYOD PA DAG NI STON PAR BYED, ,

112a

, ,DE RNAMS PHAN TSUN RNAM 'TSE BAR, ,MNGON PAR DGA' BAR BYED PAR 'GYUR, ,GSANG BA 'DUS PA MI SHES PAR, ,DAM TSIG LA SOGS BYED PAR 'GYUR, , GSANG BA SRUNG BAR MI BYED PAR, ,THAMS CAD DU NI STON PAR BYED, ,'JIG RTEN LA NI SMAD BYAS NAS, ,GZHAN DAG LA YANG RAB GSAL BYED, ,BDAG NYID RTZA BA MED PAR NI; ;DAM TSIG 'DAS PAR BYED PAR 'GYUR, ,SGRA BCAS SBROR LDAN GYIS BSKUL BAS, ,RANG LA RANG GI GLAGS RNYED MED, ,DE NYID YE SHES 'BYUNG BA YI, ,TING 'DZIN DE YIS SHES MI 'GYUR, ,NYES PA CUNG ZAD TZAM GYI PHYIR, ,MNGON SPYOD RAB TU BYED PAR 'GYUR, ,RNAL 'BYOR RAB SBYOR DMAN PA YI, ,SNGAGS PA RNAMS NI 'GRUB MI 'GYUR, ,PHYI ROL BSTAN BCOS LA RTAG DGA', ,DE YI SBYOR LA GCIG TU MKHAS, ,RANG GI DAM TSIG YONGS SPANGS NAS, ,LCAGS KYU MED PA BZHIN DU SPYOD, ,SNGAGS DANG PHYAG RGYA'I SBYOR BA YIS, ,DE RNAMS 'TSO BA SGRUB PAR 'GYUR, ,GANG DU RNYED PA THOB 'GYUR BAR, ,DAM PA'I CHOS NI STON PAR BYED, ,DE RNAMS YANG DAG SDUD BYED PA'I, ,GSANG BA DGONGS PAS BSHAD PA YIN, ,DAM TSIG NYAMS TE GNAS PA RNAMS, ,'DI YIS THAMS CAD DGUG PAR BYA, ,DE DAG RJES RIG MI SHES NA, ,DE RNAMS ZHI BAR GA

112b

LA 'GYUR, ,DE NAS RJES SU GZUNG DON DU, ,TSUL 'DI DAG NI GYUR PA YIN, ,DE NAS BCOM LDAN DE BZHIN GSHEGS, ,GCIG TU 'DUS PAR GYUR NAS SU, ,DE BZHIN GSHEGS KUN BDAG PO LA, ,RANG MCHOD DE NYID DAM TSIG SPRIN, ,YANG DAG 'BYUNG BAS LEGS MCHOD DE, ,PHYAG 'TSAL NAS NI 'DI SKAD GSOL, ,DE BZHIN GSHEGS PA GSANG BA MCHOG, DE BZHIN GSHEGS PA KUN BSDUS PA, ,'DUS PA GNYIS MED RNAL 'BYOR BA'I, ,NYAMS DGA' RDO RJE SNYING PO 'DI, ,DE NYID BSDUS PA RNAMS KYI MCHOG ,DE NYID BCOM LDAN BSHAD DU GSOL, ,DE NAS DE BZHIN GSHEGS KUN LA, ,BCOM LDAN 'DAS KYIS SLAR GSUNGS PA, ,GANG YANG 'DI LTAR GSOL 'DEBS PA, ,DE BZHIN GSHEGS RNAMS LEGS SO LEGS; ;'DI NI DE BZHIN GSHEGS RNAMS KYANG, ,THE TSOM SKYE BAR BYED YIN NA, ,BYANG CHUB SEMS GZHAN CI SMOS SHES, ,DE BZHIN GSHEGS RNAMS LA GSUNGS, ,DE NAS NGO MTSAR RMAD BYUNG NAS, ,THE TSOM THAMS CAD GCOD MDZAD PA'I, ,BCOM LDAN DE BZHIN GSHEGS KUN GYIS, ,BDAG PO LA NI 'DI SKAD ZHUS, ,BCOM LDAN DE BZHIN GSHEGS KUN GYIS, ,YON TAN KUN GYIS PHUL PHYUNG YANG, ,GTZO BO 'DIR NI STON MDZAD PAR, ,JI LTAR SPRO BA MNGA' MA GYUR, ,BYIN GYIS BRLAB PA'I GNAS MDZAD DE, ,DE BZHIN GSHEGS

113a

, ,YID BDE LA SOGS, ,YE SHES RGYU 'BRAS THOB PA'I PHYIR, ,DE NI YANG DAG BSHAD DU GSOL, ,DE BZHIN GSHEGS KUN BDAG PO NI, ,DE RNAMS ZHU PAR MKHYEN NAS SU; ;YE SHES SGRON MA RDO RJE GRAGS, ,TING 'DZIN ZHE SDANG RIGS 'BYUNG BA, ,GTZO BOS MI BSKYOD SNYING PO NI, ,SKU GSUNG THUGS NI DPAL LDAN PAS, ,DE NAS YANG DAG PHYUNG BA NI; ;BADZRA DHRi KA CES BYA BA'I SNGAGS, ,DE NAS 'DI NI GSUNGS TZAM GYIS, ,ZHE SDANG RIGS BYUNG LAS SKYES PA, ,DE NI RIG PA SKYES BUR 'GYUR, ,MI BSKYOD RGYA CHEN THABS KYIS SBYOR, ,ZHAL GSUM NAG DANG DKAR DANG DMAR, ,BDAG NYID CHEN PO DE ZHAL YIN, ,RDO RJE GSUM 'DIR DE BZHIN GSHEGS, ,BZHUGS PA YE SHES ZHES BYA'O, ,DE NAS DE BZHIN GSHEGS BDAG PO, ,DAM TSIG 'BYUNG RDOR ZHES BYA YI, ,TING NGE 'DZIN LA GTZO BO NI, ,SNYOMS PAR ZHUGS PA NYID DU MDZOD, ,DE NAS DZI NA DZI KA CES PA'I, ,SNYING PO DE BZHIN YANG DAG PHYUNG, ,DE NAS GSUNGS PA TZAM GYIS KYANG, ,GTI MUG RIGS BYUNG LAS SKYES PA, ,RIG BCAS SKYES BUR GYUR PA NI, ,RNAM PAR SNANG MDZAD DE BZHIN GSHEGS, ,DKAR DANG NAG DANG DMAR BCAS PA'I, ,ZHAL GYIS MDUN DU BZHUGS PAR GYUR, ,DE NAS RIN CHEN BYUNG BA YI, ,DPAL ZHES BYA BA'I TING 'DZIN

113b

LA; ;SNYOMS PAR ZHUGS NAS BDE GSHEGS KUN, ,BDE DANG YID BDER GYUR PA'I PHYIR, ,YID BZHIN NOR BU RIN CHEN RIGS, ,DE BZHIN GSHEGS KUN BDAG PO 'DI, , DE NAS RATNA DHRiKA CES BYA'I, ,SNYING PO DPAL LDAN DE TSE PHYUNG, ,DE NI PHYUNG BA TZAM GYIS NI, ,RIG DANG BCAS PA'I SKYES BUR GYUR, ,SER DANG DKAR DANG NAG PA YI, ,ZHAL DANG RIN CHEN 'BYUNG LDAN NI, ,RDO RJE GSUM GYI BDAG PO YI, ,LHO PHYOGS LOGS SU BZHUGS PAR GYUR, ,DE YANG BYANG DU GZIGS GYUR TO, ,MNYAM NYID YE SHES ZHES BYA'O, ,DA NAS BCOM LDAN BDAG PO DE, ,RDO RJE GSUM GYI DAM TSIG BDAG, 'DOD CHAGS CHEN PO LAS BYUNG BA, ,RDO RJE ZHES NI BYA BA YI, ,TING NGE 'DZIN LA SNYOMS ZHUGS TE, ,'DOD CHAGS CHEN PO'I RIGS LAS BYUNG, ,A'A RO Li KA CES BYA SNYING PO, ,RDO RJE GSUM LAS DE NAS PHYUNG, ,DE NAS PHYUNG BA TZAM GYIS NI, ,DE 'OG BCOM LDAN GTZO BO NI, ,RIG DANG BCAS PA'I SKYES BUR GYUR, ,'JIG RTEN DBANG PO 'OD DANG MTSUNGS, ,DMAR DANG DKAR DANG NAG PA'I ZHAL, ,DPAL LDAN RIGS CHEN PO YI BDAG ,DE BZHIN GSHEGS PA'I BDAG PO YI, ,NUB PHYOGS SU NI BZHUGS PAR GYUR, ,DE NAS BCOM LDAN SNA TSOGS PA, ,DON YOD DAM TSIG CES BYA BA'I, ,TING 'DZIN RDO RJE YANG DAG PHYUNG, ,GTZO

114a

, ,BO DE LA SNYOMS ZHUGS NAS, ,SNYING PO MCHOG GI MCHOG CES BYA'O, ,DAM TSIG RNAMS NI DGUG PA'I RIGS, ,SNYING PO PRA DZNY'A DHRi KA CES PA, ,RDO RJE GSUM ZHES BYA LAS BYUNG, ,DE NAS PHYUNG BA TZAM GYIS NI, ,DON YOD RDO RJE SBYOR BA YI, ,DE NYID MGON PO BCOM LDAN 'DAS, ,SKU GSUNG THUGS KYI RDO RJE CAN, ,RIG DANG BCAS PA'I SKYES BUR GYUR, ,LJANG DANG NAG DANG DKAR BA'I ZHAL, ,DE BZHIN GSHEGS PA'I BDAG PO YI, ,BYANG PHYOGS SU NI BZHUGS PAR GYUR, ,ZHE SDANG GTI MUG RIGS DANG NI; ;DE BZHIN YID BZHIN RIN CHEN DANG, ,'DOD CHAGS DAM TSIG CES BYA BA, ,'DOD DANG THAR PA RAB BSGRUBS PA'O, ,DE NAS KHYAB BDAG RDO RJE 'DZIN, ,'DOD CHAGS DAM TSIG 'BYUNG BA YI, ,TING NGE 'DZIN LA SNYOMS ZHUGS TE, ,RDO RJE 'DZIN PA BTZUN MO MCHOG, SKU GSUNG THUGS KYI RDO RJE LAS, ,DAM PA DAG NI PHYUNG BAR 'GYUR, , SANGS RGYAS KUN GYI YUM GCIG PU, ,YUM ZHES BYA BAR YANG DGE BSHAD, ,DE NI DE BZHIN GSHEGS BDAG PO, ,GANG PHYIR LHA MO BTZUN MO MCHOG ,SKU DANG GSUNG DANG THUGS LAS BYUNG, ,DVE shA RA TI ZHES BYAR GRAGS, ,RIG PA SKYES BU ZHES BYA BA'I, ,DE NI BUD MED GZUGS 'DZIN MA, ,ZHAL GSUM LTA BU'I GZUGS KYIS

114b

NI; ;ME YI PHYOGS SU RNAM PAR BZHUGS, ,DE NAS RJES MNYES RDO RJE GRAGS, ,SKU GSUNG THUGS RDO RJE LAS BYUNG, ,TING NGE 'DZIN LA SNYOMS 'JUG STE, ,RDO RJE GSUM LAS BYUNG BA NI; ;DE NI MO HA RA TI STE, ,GANG PHYIR DE BZHIN GSHEGS PA'I YANG, ,RIG PA SKYES BU BYUNG BA STE, ,ZHAL GSUM LTA BU'I RNAL 'BYOR MA, ,GNYIS MED MNYAM PA'I RNAL 'BYOR PAS; ;SANGS RGYAS KUN GYI YID 'ONG GCIG ,GSANG BA BSDUS PA'I SBYOR BA YIS, ,BDEN BRAL PHYOGS SU RNAM PAR BZHUGS, ,DE NAS RJES CHAGS RDO RJE ZHES, ,BYA BA RDO RJE GSUM LAS SKYES, ,TING NGE 'DZIN LA SNYOMS ZHUGS NAS, ,BDE BA CHEN PO PHYUNG BA NI, ,'DI LTAR R'A GA RA TI PHYUNG, ,ZHAL GSUM PA YI GZUGS CAN DE, ,GTZO BO BUD MED GZUGS 'DZIN PA, ,DE NI RIG PA SKYES BUR GYUR, ,GOS MED YE SHES LAS BYUNG BA, ,RDO RJE GSUM GYI DAM TSIG MCHOG ,DE BZHIN GSHEGS PA'I BTZUN MO STE, ,RLUNG GI PHYOGS SU RNAM PAR BZHUGS, ,DE NAS BCOM LDAN 'DAS BDAG PO, ,RDO RJE GSUM GYI DAM TSIG CAN, ,SLU BA RDO RJE ZHES BYA BA'I, ,TING NGE 'DZIN LA SNYOMS ZHUGS NAS, ,DE BZHIN GSHEGS KUN BTZUN MO MCHOG ,ZHAL GSUM LTA BU'I GZUGS CAN MA, ,BADZRA RA TI ZHES BYA BA, ,RDO RJE GSUM LAS PHYUNG BAR GYUR, ,DE NI PHYUNG MA THAG TU YANG, ,GTZO BO

115a

, ,RIG MA SKYES BUR GYUR, ,BUD MED KYI NI GZUGS 'DZIN TE, ,DBANG LDAN PHYOGS SU RNAM PAR BZHUGS, ,DE NAS BCOM LDAN MGON PO DE, ,RNAM SNANG RDO RJE LAS BYUNG BA'I, ,TING NGE 'DZIN LA SNYOMS ZHUGS TE, ,SKU GSUNG THUGS KYI RDO RJE LA, ,DKYIL 'KHOR 'DIR NI GSHIN RJE GSHED, ,KHRO BO CHEN PO PHYUNG BA DANG, ,PHYUNG NAS DE BZHIN GSHEGS PA RNAMS, ,BSNYENGS PAR BYA BAR SHAR PHYOGS BZHUGS, ,DE NAS BDAG PO BCOM LDAN 'DAS, ,DE BZHIN GSHEGS PA THAMS CAD KYI, ,MNGON BYANG RDO RJE ZHES BYA YI; ;TING NGE 'DZIN LA SNYOMS ZHUGS TE, ,KHRO BO CHEN PO PHYUNG BA NI, ,PRA DZNY'A NTA KRi TA RDO RJE CAN, ,DE NAS DPAL LDAN PHYUNG BA NI, ,RIG PA SKYES BUR YANG DAG PHYUNG, ,DKYIL 'KHOR CHEN PO'I SBYOR BA LAS, ,'OD CHEN PHUR BU'I GZUGS LTA BU, ,RDO RJE DAM TSIG BSNYENGS BYED PA, ,LHO YI SGOR NI RNAM PAR BZHUGS, ,DE NAS RIN CHEN 'BYUNG GNAS GRAGS, , TING NGE 'DZIN LA SNYOMS ZHUGS TE, ,GSUNG GI DKYIL 'KHOR KUN GYI GTZOR, ,RDO RJE GSUM LAS KHRO BO CHE, ,PADMA NTA KRi TA 'OD PO CHE, ,BDAG PO DE NAS PHYUNG BAR GYUR, ,DE NAS PHYUNG BA TZAM GYIS 'DIR, ,GTZO BO'I RIG PA SKYER BUR BCAS, ,DE BZHIN GSHEGS PA THAMS CAD KYI RANG, ,GSUNG GI TSUL DU RNAM SBRUL ZHING, ,GOS MED YE SHES BLA

115b

MED PA; ;NUB KYI SGOR NI ZHUGS PAR GYUR, ,BCOM LDAN DE NYID SNA TSOGS PA, ,THUGS KYI RDO RJE TING 'DZIN LA, ,KUN NAS SNYOMS PAR ZHUGS NAS NI, ,DE NAS GTZO BOS PHYUNG BAR GYUR; ;KHRO BO CHEN PO RNAM PHYUNG BA, ,KUN NAS BGEGS MTHAR BYED PA STE, ,THUGS KYI DKYIL 'KHOR SBYOR BA YIS, ,BYANG GI SGOR NI RNAM PAR BZHUGS, ,DE NAS DPAL LDAN RDO RJE 'DZIN; ;DKYIL 'KHOR MCHOG 'DI THOS PA DANG, ,MGON PO RNAM PAR SNANG MDZAD CHE, ,DE LA SLAR YANG ZHUS GYUR PA, ,MKHA' DANG DBYER MED SBYOR GCIG CING, ,DNGOS MED DE BZHIN GSHEGS PA RNAMS, ,DGA' BA'I MCHOG SOGS BGYIS NAS NI, ,JI LTAR DE RNAMS ZHU BAR 'GYUR, ,'DI DAG THOG MTHA' YOD MIN NA, ,'DI YI GTZO BO JI LTAR 'GYUR, , PHYOGS KYI CHA RNAMS BZHAG PA LA, ,'DI NI GANG GIS RNAM PAR SBYANG, ,GSANG BA 'DI NI MI SRID CES, ,THEG PA GSUM PO RTOG PA DANG, ,SO SO'I SKYE BO'I TSIG GIS KYANG, ,SPANG BA DAG KYANG BGYID PAR 'GYUR, ,GANG ZHIG NYAN THOS RNAMS DANG NI, ,DE BZHIN MDO SDE LAS SPANGS PA'I, ,ZHE SDANG SOGS DANG 'DOD LNGA SOGS, ,DE BZHIN GSHEGS RNAMS BSTEN MDZAD PA, ,RJES SU SPYOD DANG THUN MONG BA'I, ,BYA BA DE DAG PHYIN CI LOG ,DGA' MTHA'I SPYOD PA DE RNAMS NI, ,DE BZHIN GSHEGS DE RNAM MDZAD PA, ,TSIG GCIG LA

116a

, ,NI DPAG MED DON, ,GSANG BA DAM PA 'DI DAG NI, ,MGON PO GANG ZHIG MA 'ONGS PA'I, ,SKYE BOS JI LTAR 'TSAL BAR 'GYUR, ,DE NAS BCOM LDAN BKA' STZAL PA; ;PHYAG NA RDO RJE TSUL 'DI NI, ,DGONGS PA GSANG BA BLA MED PA, ,DRIS PA RNAMS NI BSHAD PAR BYA, ,ZHE SDANG GTI MUG DE BZHIN CHAGS, ,LUS LA SOGS PA'I PHUNG PO LNGA, , 'DI DAG BDAG MED RTOGS NAS NI, ,RDZOGS SANGS RGYAS NI TSUL GSUM GNAS, ,PHA NI ZHI GNAS YIN ZHES BYA, ,MA NI LHAG MTHONG YIN PAR BSHAD, ,DE BZHIN NYID SHES LUS SU 'GYUR, ,ZHI BA RNAL 'BYOR PA YI ZAS, ,JI LTAR BZO BOS BDER GSHEGS KYI, ,SKU YI GZUGS BRNYAN BYAS PA LTAR, ,GANG ZHIG SKU LTA BU YI SKU, ,DE BZHIN GSUNG GI RNAM PAS GSUNG, ,THUGS KYI RNAM PAS THUGS SU NI, ,ZHI GNAS LA SOGS PA LAS BYUNG, ,PHUNG PO LA SOGS CHOS RNAMS NI, ,STONG ZHING RTEN 'BREL LAS BYUNG MTHONG, ,YE SHES NYI MA SHAR BA'I GZUGS, ,ZHI LAS RNAL 'BYOR PA RNAMS BYED, ,DE BAS SKU GSUNG THUGS RDO RJE, ,GRIB MA LTA BUR BYUNG BA YIN, ,DE BZHIN PHUNG PO KHAMS LA SOGS; ;DAM TSIG GCIG LA RNAM PAR GNAS, ,DE NAS TSUL GSUM DON GCIG PA, ,ZHI GNAS LA SOGS PA LAS BYUNG, ,DE NAS RDO RJE TSUL YID 'ONG, ,GSANG

116b

BA'I BDAG PO MNYAN PAR GYIS, ,STONG PA RTEN 'BREL LAS BYUNG BAR, ,RNAL 'BYOR BA YI RDO RJE ZHES, ,NAM MKHA' MTHA' YAS RNAL 'BYOR NI, ,PHUNG PO LA SOGS CHOS BYUNG BA; ;LUS DANG NGAG SEMS KUN RTOG NI, ,PHUNG PO SOGS BYUNG 'BYUNG LAS GYUR, ,'DI DAG DNGOS MED YANG DAG SBYAR, ,DE LAS TING 'DZIN SKYE BAR 'GYUR, ,'DI DAG TING 'DZIN GNYIS MED SBYOR, ,MI PHYED RDO RJE NYID DU 'GYUR, ,ZAB DANG RGYA CHEN RTOG BYANG CHUB, ,DE RTOGS PAS NI SEMS DPAR GYUR, ,'DI DAG NAM MKHA' MTSUNGS GYUR PA, ,CHEN PO ZHES BYA SHES BYED PA'O, ,DE LA RTOGS PA MTHA' YAS PA, ,RDO RJE THEG PAR STON PA YIN, ,TING NGE 'DZIN NI DE NYID LAS, ,RDO RJE'I THEG PA BYUNG BA YIN, ,'DI LAS 'JIG RTEN 'DAS 'GYUR ZHING, ,DE BZHIN 'JIG RTEN SHIN TU 'DAS, ,DGONGS DON DE BZHIN NYID GCIG PU, ,GSANG BA 'JIG RTEN PA ZHES BSHAD, ,MA SKYES PA LAS BYUNG BA NI, , KUN RDZOB DANG NI DON DAM YIN, ,BDUD GYUR LHA YI BUR BSHAD DE, ,PHUNG PO NYON MONGS 'CHI BDAG BCAS, ,'DI LAS DNGOS MED PAS RGYAL BAS, ,RGYAL BA'I RDO RJER RNAM PAR BSHAD, ,LUS SOGS PHYI YI PHUNG POR BSHAD, ,'BYUNG DANG 'BYUNG LAS GYUR BSHAD GANG, ,BYANG CHUB SEMS DPA' SEMS DPA' CHE, ,'DI DAG RDO RJE'I RIGS CAN

117a

, ,'GYUR; ;DNGOS PO GANG DANG GANG DAG GIS, ,PHUNG PO LNGA PO BRTAGS GYUR BA, ,DE RNAMS DE BZHIN YANG DAG DMIGS, ,DE BZHIN GSHEGS PA RNAMS SU 'GYUR, ,JI LTAR ME LONG MTSUNGS GSAL BA, ,DNGOS PO KUN GYI BDAG NYID CAN, ,DER NI BDAG GIS BDAG NYID MTHONG, ,DKYIL 'KHOR MCHOG 'GYUR RNAL 'BYOR PA; ;PHUNG PO DE BZHIN GSHEGS PAR 'GYUR, ,DE BZHIN NYID LAS SPROS BYAS PA, ,CHOS KYI SKU CAN RGYAL BA YI, ,MCHOD PA CHEN POR DE 'GYUR RO, ,'DI NI SPROS DANG BSDUS PA DAG ,DE NI DGA' BAR YONGS SU GRAGS, ,SEMS CAN GANG ZHIG LONGS SPYOD CING, ,DE NI GSOL 'DEBS ZHES BSHAD DO, ,YANG DAG SHES RAB THABS GNYIS TE, , MKHA' DBYINGS DBYER MED RAB SBYOR BA, ,DE NI 'DOD CHAGS CHE TSUL 'GYUR, ,RNAL 'BYOR PA NI MNGON BZHUGS PA'O, ,RDO RJE THEG PHA RNAL 'BYOR CHER, ,BDAG NYID NGES PAR SBYOR BA GANG, ,DBANG PO THAMS CAD BDE BSKYED PA'I, ,YID BDE BA NI SKYE BAR 'GYUR, ,ZHAL GSUM RNAM THAR GSUM DU GANG, ,MTHONG ZHING DE LA PHUNG PO SOGS, ,LHA YI BDAG NYID RIG 'GYUR BA, ,DE NYID GSUM DU BSHAD PA YIN, ,DNGOS MED PA NI LAM GYI MCHOG ,MYA NGAN 'DAS PAR GNYIS MED 'JUG ,'ON KYANG SO SOR GYUR PA DE, ,CHOS KYI SKU LAS

117b

ZHE SDANG GYUR, ,BCOM LDAN BDAG PO DE NYID NI, ,DE BZHIN GSHEGS PA'I RIGS 'BYUNG ZHING, ,MYA NGAN 'DAS TSUL RDO RJE CAN, ,DE NYID DBANG PO KUN BYED PA'O, ,DAM TSIG LA SOGS 'BYUNG BA'I CHOS, ,RANG GIS RIG PAR MA GYUR KYANG, ,DER NI GNAS PA YANG DAG BSHAD, ,DE NI GTI MUG DE BZHIN SEMS, ,GANG GI JI LTAR BRTAGS CHOS KYIS, ,LONGS SPYOD RDZOGS ZHES BYA BYED PA, ,DE NI YID BZHIN RIN CHEN 'BYUNG, ,RIN CHEN CHEN PO'I RIGS KYI GTZO, ,DE NYID BCOM LDAN 'DOD CHAGS NI, ,KUN MKHYEN YE SHES LAS BYUNG BA, ,GNAS MED GNAS PA'I SBYOR GYUR PA, ,'DOD CHAGS CHEN PO'I TSUL GYI MCHOG ,JI LTAR 'DAM DBUS PADMA NI, ,DE YI NYES PAS GOS MI 'GYUR, ,DE BZHIN RNAL 'BYOR RIG PA MCHOG, 'DOD PA KUN LA NYE BAR SPYOD, 'GRO BA GCIG TU 'DOD PA KHYAB, ,DE NYID RDO RJE RIGS MCHOG YIN, ,CHOS DANG LONGS SPYOD SPRUL PA STE, ,GSUM PO DE DAG MDOR BSDUS PA'I, ,ZHE SDANG GTI MUG DE BZHIN CHAGS, ,RDO RJE DGA' BA'I MTHA' CAN GTZO, ,NGAN 'GRO GSUM 'DON PAS BUD MED, ,GCIG PU YIN YANG DU MAR GYUR, ,GSUM PO YANG DAG 'DUG GYUR PA, ,GSHIN RJE SHES RAB GYUR DE BZHIN, ,PADMA BGEGS GYUR KHRO BO STE, ,MTHAR BYED MTHA' YI MING CAN NO, ,'JUG PA LA SOGS GSUM NYID LA, ,PHUNG POR GRAGS TE DE BZHIN GSHEGS, ,SKRAG BYED GSHIN RJE GSHED KYIS KYANG, ,

118a

, ,THAMS CAD 'BYUNG BA'I DKYIL 'KHOR RO, ,RDO RJE DAM TSIG SKRAG PAR BYED, ,DE BZHIN SHES RAB MTHAR BYED GTZO, ,PADMO'ANG GSUNG ZHES BYA BAR GYUR, ,'CHI BRAL RNAL 'BYOR GRUB PA YIN, ,BGEGS MTHAR BYED KYANG THUGS KYI GTZO, ,RIGS PA'I BDAG NYID RANG BDAG PO, ,'DI LTAR RTAG SPYOD RNAL 'BYOR PA, ,GSANG BA'I LUS KYIS RNAM PAR SPYOD, ,DGONGS PA LUNG STON LA GNAS PAR, ,GANG ZHIG YID NI BZOD GYUR PA, ,DES NI DE BZHIN BYA BA DANG, ,DE NAS GSANG BA YANG DAG 'BYUNG, ,NU ZHO ZAS KYIS BU BSO BZHIN, ,SRID PA GSUM NA BCOM LDAN GTZO, ,SEMS CAN BSAM DBANG JI BZHIN DU, ,CHOS KYI BDUD RTZIS TSIM PAR MDZAD, ,CHOS DANG LONGS SPYOD SPRUL PA YIS, , SKU GSUM GCIG TU SBYOR BA LAS, ,BCOM LDAN GSANG BA DGONGS MDZAD PA, ,BDEN PA MA YIN RDZUN PA'ANG MIN, ,ZHE SDANG GTI MUG RIN CHEN DANG, ,'DOD CHAGS SNA TSOGS RIGS BYUNG BA, ,DGONGS PA'I RIGS KYI BRDAR THUR [?] PAS, ,GLENG GZHI YIN TE DANG PO'O,, ,,DE NAS DE BZHIN GSHEGS BDAG LA, ,SLAR YANG DE BZHIN GSHEGS PA KUN, LHAG PAR MCHOD PA BYAS NAS NI, ,THUB CHEN DE LA 'DI SKAD GSOL, ,DGONGS PA'I RDO RJE DAM PA NI, ,DE BZHIN GSHEGS PA KUN YE SHES, ,BYANG CHUB SEMS NI BLA MED

118b

PA; ;GSANG BA BCOM LDAN BSHAD DU GSOL, ,BCOM LDAN 'DAS KYIS DE RNAMS KYI, ,ZHU BA YANG DAG THUGS CHUD CING, ,BYANG CHUB SEMS DPA' YONGS RTOG PA, ,THUB NYID KYI NI RNAM MKHYEN PA, ,DE NAS BYANG CHUB SEMS KUN LA, ,BCOM LDAN 'DAS KYIS DE SKAD GSUNGS, ,LUS SEMS DE DANG 'DRA BA DANG, ,DE BZHIN NGAG NI TSIG BRJOD BLTA'I, ,BYANG CHUB SEMS NI BLA MED PA, ,KHYED KUN GYIS NI BSKYED PAR BYA, ,DE LTAR BYANG CHUB SEMS DPA' LA, ,STON PAS JI BZHIN STON PAR MDZAD, ,DE NAS DE BZHIN GSHEGS RNAMS KYIS, ,SKU DANG THUGS DANG DE BZHIN GSUNG, ,DE 'DRA'I TSUL DU SBYAR NAS NI, ,BYANG CHUB SEMS DPA' SEMS DPA' CHE, ,SKU GSUNG THUGS RDO RJE CAN LA, ,CHED DU BRJOD PA CHED DU BRJOD, ,AE MA KUN TU BZANG PO YI, ,RTEN CING 'BREL 'BYUNG LAS SKYES PA, ,SKYE BA MED PA'I TSUL GYIS NI, ,SKYE BA 'DIR NI RAB TU BSGRAGS, ,DE NAS DE BZHIN GSHEGS BDAG PO, ,DE BZHIN GSHEGS PA'I RDO RJE GSUM, ,DE BZHIN GSHEGS PA THAMS CAD KYI, ,MNGON RDZOGS BYANG CHUB RDO RJE YI, ,TING NGE 'DZIN LA SNYOMS ZHUGS NAS, ,DPAL LDAN BYANG CHUB SEMS 'DI GSUNGS, DNGOS PO MED PA'I DNGOS GNAS NA, ,DNGOS DANG DNGOS MED GNYI GA'ANG MIN, ,DE LTAR DNGOS PO DNGOS MED PAS, ,SGOM PA DNGOS POR YOD MA YIN, ,DE NAS DPAL LDAN RNAM

119a

, ,SNANG MDZAD, ,DE BZHIN GSHEGS PA THAMS CAD KYI, ,GNYIS MED DAM TSIG RDO RJE GRAGS, ,TING NGE 'DZIN LA SNYOMS PAR ZHUGS, ,DE BZHIN GSHEGS PA KUN GYI MCHOD , GSANG BA DGONGS PA RDO RJE CAN, ,BYANG CHUB SEMS NI THAMS CAD NAS, ,DE NI YANG DAG BKA' STZAL TO, ,DAG PA DE BZHIN GSHEGS KUN GYI, ,PHUNG PO KHAMS SOGS RNAM SPANGS SHING,, GZUNG DANG 'DZIN PA LAS GROL BA, ,CHOS BDAG MED PA'I STONG NYID CAN, ,BYANG CHUB SEMS NI 'DI GSUNGS PA, ,RTEN CING 'BREL 'BYUNG MING CAN TE, ,THOG MA MED NAS MA SKYES BDAG, RANG SEMS MNYAM PA NYID KYANG YIN, ,DE NAS MI BSKYOD DE BZHIN GSHEGS, ,KUN GYI GNYIS MED MI BZAD PA'I, ,YE SHES TING 'DZIN SNYOMS ZHUGS TE, ,BYANG CHUB SEMS NI 'DI GSUNGS SO, ,DNGOS PO 'DI DAG MA SKYES PAS, ,PHUNG POR GRAGS PA'I CHOS NYID MED, ,NAM MKHA' LTA BUR BLTA DKA' BA'I, ,BDAG MED BYANG CHUB CES BYA'O, ,DE NAS BCOM LDAN DKON MCHOG DPAL, ,BDAG MED RDO RJE ZHES BYA BA'I, ,TING NGE 'DZIN LA SNYOMS ZHUGS NAS, ,BYANG CHUB SEMS 'DI RAB TU GSUNGS, ,CHOS RNAMS THAMS CAD DNGOS MED CING, ,CHOS KYI MTSAN NYID RNAM SPANGS PA, ,BDAG MED CHOS LAS YANG DAG 'BYUNG, ,BYANG CHUB TSUL 'DI BSTAN PA'O, ,DE NAS 'OD DPAG MED MTSAN CAN, ,YE SHES 'BAR BA SGRON RDO RJE'I

119b

TING NGE 'DZIN LA SNYOMS ZHUGS TE, ,BYANG CHUB SEMS NI 'DI GSUNGS SO, ,MA SKYES PA YI CHOS RNAMS LA, ,DNGOS PO MED CING SKROM PA'ANG MED, ,NAM MKHA'I TSUL DU SBYOR BA YIS, ,DNGOS PO ZHES NI RAB TU BSHAD, ,DE NAS DE BZHIN GDON MI ZA, ,ZIL GYIS GNON PA'I RDO RJE YI, ,TING NGE 'DZIN LA SNYOMS ZHUGS TE, ,BYANG CHUB SEMS NI 'DI GSUNGS SO, ,CHOS 'DI RANG BZHIN 'OD GSAL ZHING, ,GZOD NAS DAG PAS MKHA' DANG MTSUNGS, ,BYANG CHUB MED CING MNGON RTOGS MED, ,BYANG CHUB SEMS NI YIN PAR BSHAD, ,DE NAS DPAL LDAN RDO RJE 'DZIN, ,BYANG CHUB SEMS NI THOS PA DANG, ,DGONGS PA'I DON NI RAB BSHAD PAR, ,RNAM PAR SNANG MDZAD CHE LA GSUNGS, ,DNGOS PO MED CING DMIGS MED PA, ,BYANG CHUB SEMS DPA' MKHA' DANG MTSUNGS, ,GSANG BA'I TSUL NI 'DI THOS NAS, ,DNGOS PO YI NI RTOG PA SKYE, ,LUS LA SOGS PA GSUNG SBYOR BAS, ,SEMS NI DE RNAMS SKYED PAR BYED, ,YANG DAG BYANG CHUB DU MA'I MTHAR; ;'DI LA SO SO SKYE BO SMRA, ,THUB PA'I GSUNG NI DO RNAMS LA, ,RANG GI SGRA BZHIN 'DZIN PAR BYED, ,BSAM PA'I DBANG NI JI BZHIN DU, ,'GRO BA'I DON DU BKA' STZOL CIG, DE NAS BCOM LDAN BDAG PO 'DI, ,RNAM PAR SNANG MDZAD THUB PA CHE, ,LEGS ZHES LAN GSUM GSUNGS NAS NI, ,LAG NA RDO RJE LA 'DI GSUNGS, ,RNAM PAR MI RTOG DON DE

120a

, ,NYID; ;RAB TU PHYE STE BSHAD PAR BYA, ,TSIG TU BRJOD PA DMIGS PAR BSHAD, ,BRDA DANG DON DAM PA YIN NO, ,RKYEN DANG NYAN THOS RNAMS KYIS KYANG, ,MDO DANG GSANG SDAGS SPYOD RNAMS KYIS, ,DE BZHIN GSHEGS PAS GSUNGS PA YI, ,BYANG CHUB SEMS 'DI BLA NA MED, ,DE BZHIN YANG DAG SBYOR BA 'DI, ,DGONGS PA'I GSANG BA BLA NA MED, ,GNYIS MED DAM TSIG RDO RJE DANG, ,PADMA DE LAS SKYED PAR BYED, ,TSIG TU BRJOD PA THUN MONG STE, ,SANGS RGYAS SKU NI DMIGS CAN YIN, ,GSANG SNGAGS DE NYID CES BYA BRDA, ,DE BZHIN NYID NI DON DAM PA'O, ,DANG PO GCIG NI DGU DBUS NA, ,GANG ZHIG BCU YIS MA BCINGS PA, ,DE NI BCINGS MED CES BYA STE, ,DE SHES PA NI MCHOG GI GNAS, ,DBYANGS DANG GSAL BYED YI GE STE, ,GRANGS DGU YI NI RJES 'JUG PA, ,AAS BCINGS PHAN TSUN SBYOR BA LAS, ,GANG GIS SHES TE 'GRO BA'I BLA, ,GANG ZHIG SHES PA RNAM GROL BA; ;'BRAS BU PHUN TSOGS GRUB 'DOD PA, ,DE NI DE NYID GRUB 'DOD DE, ,GZUGS MED PAS NI GZUGS SPANGS PA, ,'BYUNG BA'I MTHA' NI YANG DAG LDAN, ,CHA LA SOGS PA BCU DRUG GNAS, ,LNGA PA LNGA DANG YANG DAG LDAN, ,BZHI NI GSUM DU NGES PAR SBYAR, ,YI GE AAm BCAS RING POR BCAS, ,YON TAN SBYOR SOGS PHYIS

120b

DANG MTSUNGS, ,THUNG NGU MA LUS DAG TU 'GYUR, ,GCIG MIN DU MA MA YIN NO, ,YA YI DON GYIS GANG YANG RUNG, ,BYA BA'I DNGOS GRUB 'DOD GYUR PA, ,RA LA SOGS PA GSUM NYID KYIS, ,'GRO BA'I DON LA RAB TU 'JUG ,YI GE GANG ZHIG SNGAR BSHAD DANG, ,GANG YANG MNGON DU PHYOGS PA RNAMS, ,BUD MED SKYES PA MA NING STE; ;KHAMS LA SOGS PAR RAB TU BRTAG ,'OG NAS STENG DU BCAS PAR NI, ,SHES NAS BLOS NI NGES PAR SBYAR, ,DRUG BSHAD BZHI DANG GSUM DANG GCIG ,DNGOS MED DO BO GCIG LAS BYUNG, ,DE NI YA SOGS DON SBYAR NA, ,DUS GSUM SHES PA'ANG 'BYUNG BAR 'GYUR, ,MKHAS PAS SGYU MA MIG 'PHRUL BZHIN, ,'GRO BA RNAMS NI SGYU MTHAR BYA, ,BRJOD PA YI NI SNGAGS 'DI DAG ,DNGOS MED NGO BO LAS BYUNG BA, ,DE NI YONGS SU GYUR PA'I GZUGS, ,LHA RU NYE BAR MTSON PA GANG, ,BRDA YIS DE NYID GSUM GNAS PA, ,RANG BZHIN BZLAS PA'I MTSAN NYID DO, ,MING MED BRJOD DU MED PA STE, ,BYANG CHUB SEMS MCHOG 'DI YIN NO, ,GSUM PO DE NYID GCIG GYUR PA, ,'GRO BA MED CING 'ONG BA MED, ,'GAG MED RAB TU ZHI BA STE, ,RTAG DANG CHAD PA RNAM SPANGS PA, ,DUS GSUM MKHYEN PAS MA BYAS PA'I, ,RTOG PA NAM MKHA' DBYER MED MTSAN, ,'DI NYID KHO NA DON DAM STE, ,SO SOR RANG RIG

121a

, ,MTSAN NYID DO, ,DE 'DI SEMS CAN KUN ZHES BYA'I, ,SANGS RGYAS BYANG CHUB NGO BO NYID, ,BYANG CHUB SEMS DPA' GCIG 'BYUNG YANG, ,RTEN CING 'BREL 'BYUNG RANG BZHIN CAN, ,GANG 'DI BYANG CHUB SEMS DAG NYID, ,RNAL 'BYOR PA NI NYI 'DRAR 'GYUR, ,'DI NI RNAM RTOG KUN BRAL YANG, ,RIGS KUN LA NI 'JUG PAR 'GYUR, ,SREG DANG SKEM DANG BDE CAN DANG, ,KUN ZAR 'JUG PA'I ME BZHIN NO, ,'DI NI LHAS KYANG MCHOD BYA BAR, ,SEMS CAN KUN LA RNAM PAR GNAS, ,BYANG CHUB SEMS 'DOD BDAG NYID DE, ,'GRO BA BU GCIG BZHIN LTA ZHING,, GANG ZHIG BDAG DANG MNYAM GNAS PA, ,BYAMS PA CHEN PO DE BSKYED BYA, ,PHYIN CI MA LOG 'DI MTHONG NAS, ,BYANG CHUB SEMS NI YANG DAG 'BYUNG, ,DES NI SNYING RJE CHER GYUR NAS, ,DES NI 'KHOR BA NGES PAR 'JOMS, ,SEMS CAN KUN DANG DE BZHIN BDAG ,BYANG CHUB SEMS LA MTHONG NA, ,'ON KYANG 'GRO BA'I DON BYED BA, ,DE LAS DGA' BA SKYE BAR 'GYUR, ,'KHOR BA DNGOS PO YOD MIN LA, ,SEMS CAN RNAMS KYANG DE DANG 'DRA, ,BYANG CHUB SEMS NI MTHONG NAS NI, ,BTANG SNYOMS CHEN POR GYUR PA YIN, ,DE NAS RDO RJE 'DZIN PA YIS, ,THOS PA'I BYANG CHUB SEMS DRAN ZHING, ,SLAR YANG DE DON MTSAN NYID NI, ,RNAM PAR SNA BA MDZAD CHE LA ZHUS, ,'KHOR DANG GCIG SHOS ZHES BYA BA, ,'DI KUN BYANG CHUB SEMS YIN NA, ,JI LTAR SO SOR GYUR NAS NI, ,PHAN TSUN

121b

'GAL BAR RAB TU GNAS, ,BDAG NYID KYIS NI BDAG NYID LA, ,GNYIS SU 'GOG BYED GANG YANG MED, ,GANG ZHIG NOR BU GCIG LAS BYUNG, ,MI MTHUN PHYOGS SU JI LTAR SNANG, ,DMAN DANG BAR MA DE BZHIN MCHOG ,'KHOR BAR NYON MONGS MI ZAD PAS, ,SEMS CAN KHA CIG GZIR BA DANG, ,BYANG CHUB SEMS LA'ANG SBYAR BAR 'GYUR, ,DE LTA'I RNAM RTOG KUN RTOG PAR,, MA 'ONGS SKYE BO BGYID 'GYUR GYI, ,RTEN CING 'BREL 'BYUNG LAS BYUNG BA, ,'DI DAG 'TSAL BAR MI 'GYUR RO, ,DNGOS PO MED PA'I CHOS RNAMS LA, ,BYIS PA RNAMS NI RTZOD PAR 'GYUR, ,DE RNAMS RTZOD PA MED PA'I PHYIR, ,DGONGS PA BSHAD PAR MDZAD DU GSOL, ,DE NAS BDAG PO BCOM LDAN 'DAS, ,RDO RJE CAN LA GSANG DGONGS PA, ,SHIN TU RNYED DKA' BYANG CHUB SEMS, ,DE NI YANG DAG BKA' STZAL TO, ,PHYI MA'I MTHA' GANG STONG PA GCIG ,SNGON GYI MTHAR THUG DE BZHIN TE, ,SEMS DE MNGON DU BYAS NAS NI, ,CI DGA' BAR NI BYA BA YIN, ,SEMS NI DE YIS MA MTHONG BAS; ;LTA BA SO SOR GYUR PA YIN, ,DE BAS DE RNAMS 'KHOR BA RU, ,'GRO BA DRUG GI MING DU GYUR, ,DES NA TSANGS PA KHYAB 'JUG DANG, ,DBANG PHYUG CHE LA KUN TU BRTEN, ,ZLA BA NYI MA BYA BA YI, , KUN TU SPYOD PA DE RNAMS BYED, ,SUM CU RTZA GSUM PAR BSHAD DANG, ,DGA' LDAN GYI NI GNAS DAG DANG, ,DE BZHIN GZHAN DAG DMYAL BAR YANG, ,LTA BAS SKAD CIG DAG GIS 'GRO, ,YI

122a

, ,DVAGS SU YANG 'GRO BA DANG, ,'GRO BA SNA TSOGS DAG TU 'GRO, GANG TSE MA RIG KUN BSTEN PAS, ,BDAG NYID KYANG NI MI SHES SO, ,'DU SHES CAN DANG 'DU SHES MED, , SEMS CAN DU BRTAGS 'DI GNAS PA, ,DE RNAMS RLUNG LAS BYUNG BA STE, ,RLUNG LAS SLAR YANG 'GAG PA YIN, ,NYIN DANG MTSAN MO'I CHA YIS KYANG, ,RANG GI RNAM PAR RTOG PAR LHUNG, , DE NAS 'KHOR BAR SKRAG BZHIN DU, ,SNA TSOGS 'GRO BAR DE DAG 'GRO ,MI RTOG PA YI SEMS DE NI, ,'KHOR BA'I RGYA MTSOR GNAS GYUR KYANG, ,DE NI PHYIN CI LOG GYUR PAS, ,KHYI DANG LCE SPYANG GLANG PO DANG, ,SEMS DE LTAR YANG 'GRO BAR 'GYUR, ,DE BZHIN DU NI PHAG NYID DANG, ,MI YI RIGS NI SMYIG MKHAN DANG, ,SME SHA CAN DANG RIGS NGAN DANG, ,BZA' DANG MI BZA' BYA KUN TU, ,BYANG CHUB SEMS DE SKYE BAR 'GYUR, ,BRAM ZE LA SOGS 'JIG RTEN SHES, ,BYANG CHUB SEMS LAS 'BYUNG BAR 'GYUR, ,PHUNG SOGS DNGOS PO MED GYUR LAS, , RANG GI MYONG BA SHES PAR 'GYUR, ,DE NI 'JIG RTEN SHES ZHES BSHAD, ,'JIG RTEN PA NI BYANG CHUB SEMS, ,NYE BAR DMIGS PA'I SBYOR BA YIS, ,SANGS RGYAS SKU RU 'DI 'BYUNG STE, , SGYU MA LTA BU'I RANG BZHIN NYID, ,TSIG GIS BRJOD PA TZAM DU 'GYUR, ,DE NAS BCOM LDAN RDO RJE CAN, ,RDO RJE SNYING PO'I DON GSUNGS PA, ,'GRO BA'I BLA MA GCIG PU LA, ,PHYAG 'TSAL

122b

NAS NI SLAR GSOL PA, ,'JIG RTEN PA YI LUNG NYID NI, ,BYANG CHUB SEMS NI RAB GSUNGS NA, ,JI LTAR 'JIG RTEN LAS 'DAS PA, ,MA 'ONGS PA YIS JI LTAR RTOGS, ,LTA BA THAMS CAD RAB SPANG PHYIR, ,KHYED KYIS CHOS RNAMS STON MDZAD NA, ,JI LTAR BYANG CHUB SEMS DE NYID, ,LTA BA DE NI RAB BSTAN 'GYUR, ,DGONGS PA'I TSIG LA RMONGS PA RNAMS, ,GSUNGS PA'I DON NI MA RTOGS NAS, ,GSUNGS PA 'DI LAS GZHAN MIN ZHES, ,DE NI JI BZHIN SGRAR 'DZIN TO, ,DE NAS BCOM LDAN SNA TSOGS PAS, ,LAG NA RDO RJE LA GSUNGS PA, ,KHYED GSUNGS DGONGS PA MA RTOGS PA, ,'DRI BAR BYED PA LEGS SO LEGS, ,BYANG CHUB SEMS NI RLUNG GYUR CING, ,NAM MKHA' LA NI RNAM GNAS PA, ,SEMS CAN KUN GYI SROG GYUR GANG, , LNGA YI BDAG NYID BCU MING CAN, ,RTEN 'BREL BCU GNYIS ZHES GRAGS PA, ,NGO BO NYID RNAM GSUM DU 'GYUR, ,RLUNG ZHES BYA BA'I BYANG CHUB SEMS, ,DBANG PO KUN GYI GTZO 'DI YIN; ;JI LTAR MI MNGON PHRA BA LAS, ,RTAG TU GSAL BAR BRJOD PA YIN, ,'GRO BA YUL SOGS LAS BYED PA, ,'DIR NI DE LA BRTEN PA YIN, ,ZHI BA DANG NI RGYAS PA DANG, ,DBANG DANG DE BZHIN MNGON SPYOD RNAMS, ,DE NYID GSUM GNAS LA BRTEN NAS, ,DE KUN BYANG CHUB SEMS KYIS BYED, ,JI SRID 'JIG RTEN GDAGS PA DANG, ,DE BZHIN BTAGS PA SNA TSOGS

123a

, ,RNAMS; ;RNAM RTOG BYANG CHUB SEMS ZHES PA'I, ,RLUNG LAS RTAG TU 'BYUNG BA YIN, ,BDE SDUG LA SOGS CHES RNAMS KYI, ,SA BON LTA BUR BSHAD PA YIN, , BYANG CHUB SEMS KYI NGO BO 'DI, ,PHUNG SOGS GNYIS MED MKHA' DANG MNYAM, ,SHES RAB THABS DANG SBYOR BA YIS, ,BYANG CHUB SEMS NI 'GRO BAR 'GYUR, ,KLOG DANG BSAM GTAN RNAM SPANG PAR, ,BDAG POR BDAG NYID ZLOS PA DE, ,NYIN DANG MTSAN MO'I DBYE BA YIS, ,NYI ZLA RAB TU SBYOR BA YIS, ,DNGOS PO MED PAR 'GRO KHYAB PA, ,BYANG CHUB SEMS KYI RLUNG GCIG PU, ,DGE DANG MI DGE 'BRAS SPANGS NAS, ,NAM MKHA' 'DRA BAR 'GYUR BA YIN, ,'GRO BA'I DON NI SHES PAS KYANG, ,MING NI DE BZHIN NYID CES BYA, ,DBYANGS KYI THUNG NGU NYIN MOR BSHAD, ,RING PO MTSAN MO YIN PAR BSHAD, ,DBYANGS DANG GSAL BYED DBYE BA LAS, ,DE NYID MING LAS SBYAR BAR BYA, ,AE MA'O 'GRO BA'I BYA BA BYUNG, ,DE NYID GZHAN LAS DE NYID GSAL, ,DE LAS 'JIG RTEN PA YI BRDA, ,MYUR DU MNGON PAR SHES PAR 'GYUR, ,DE NAS GSANG BA'I BDAG POS NI, ,BYANG CHUB SEMS 'DI THOS PA DANG, ,GTZO BO RNAM SNANG CHEN PO LAS, ,KHYAB BDAG LA NI SLAR GSOL BA, ,SEMS CAN THAMS CAD SKYED PA PO, ,SNA TSOGS GZUGS CAN SEMS 'DI NI, ,DE BAS DNGOS PO MED GYUR KYANG, ,SRID PA DAG

123b

TU RAB TU GRAGS, ,BYANG CHUB SEMS NI MKHA' MNYAM PA, ,LEGS PAR RJES SU MYONG MDZAD PA, ,'GRO BA'I DON NI MDZAD PA PO, ,SKYE BO MCHOG LA DE BSTAN GSOL, ,SGRUB PA YI NI THABS TZAM ZHIG ,SHES NAS RGYUD LA RGYAB KYIS PHYOGS, ,'DI LTAR BDAG NI SLOB DPON ZHES, ,MA 'ONGS PA NA SMRA BAR 'GYUR, ,BDAG GI TSIG NI 'DI NYID DAG ,YIN ZHES SMRA ZHING BYAS PA 'JIG ,DES NI DGONGS PA'I BYANG CHUB SEMS, ,JI BZHIN DON DU MI SHES SO, ,DE BZHIN 'JIG RTEN PA RNAMS NI, ,SKAL MED CHOS KUN RNAM SPANGS LA, ,RIG PA YANG NI MI MTHONG BAS, ,DE RNAMS LA YANG GNAS MED 'GYUR, ,DE BAS BYANG CHUB SEMS BDUD RTZI, ,DE NI SMRA BAR RIGS PA YIN, ,'BREL BA'I NYI MA THOB PA NI, ,MA 'ONGS PA NA 'BYUNG BAR 'GYUR, ,DE NAS BCOM LDAN SNA TSOGS PAS, ,GRAGS LDAN RDO RJE 'DZIN PA LAS, ,BYANG CHUB SEMS KYI NGES PA'I DON, ,SLAR YANG DE NYID LA GSUNGS PA, ,NANG NA MA YIN PHYI ROL MIN, ,GNYI GA MING DU'ANG 'GYUR MA YIN, ,RTAG PA MA YIN SKAD CIG MIN, ,DE NI SO SO RANG RIG YIN, ,MI RTOG NAM MKHA' JI BZHIN DU, ,BYANG CHUB SEMS NI RDO RJE 'DZIN, , DE BZHIN GSHEGS PA 'GRO BA'I DON, ,YID BZHIN NOR BU LTA BUR 'BYUNG, ,'DAS DANG MA 'ONGS PA NYID DANG, ,DA LTAR ZHES NI BYA BA DANG, ,SANGS RGYAS SKU YANG 'BYUNG 'GYUR BA, ,

124a

, ,DON DAM GCIG NI KUN RDZOB YIN, ,RIG BYED DUS DANG ME YI SGRA, ,NYI ZLA RLUNG GI GZUGS CAN TE, ,BZHI PHYED GSUM PA DAG LAS BYUNG, ,BYANG CHUB SEMS GCIG DBYE BA NYID, ,DE NI SHES RAB THABS ZUNG 'BREL, ,DE BZHIN BDE BYED 'DZIN PA DANG, ,HA NI SO LA GNAS PA YANG, ,GNAS SKABS JI SNYED DE BZHIN DU, ,MING NI YOD PA MA YIN PA; ;DE 'DI BYANG CHUB SEMS SU 'GYUR, ,RDO RJE NANG DU ZHUGS GYUR PA, ,BSAM BYA'I SNYING PO'ANG DE NYID YIN, ,LHOD PA GNAS ZHES BYA BA NI, ,TSEG DRAG BCAS PA'I RLUNG YIN NO, , RANG NYID LHOD PAR BYED PA'I MCHOG ,DE NI SROG DBANG YID KYANG YIN, ,NGA RGYAL DANG NI DE BZHIN BLO, ,DE DANG LDAN PA BYANG CHUB SEMS, ,BZHIR GRAGS CHA LAS YANG DAG BYUNG, ,YOD MED RAB TU ZHI BA CAN, ,DNGOS PO MED PA'I SEMS 'DI NI, ,RANG RIG GCIG PU'I SPYOD YUL YIN, ,DE NYID DON NI RIG BYED PA, ,DGONGS PAS YANG DAG BSHAD PA YIN, ,DE NAS GSANG BA'I DGONGS PA 'DI, ,CHOS KYI YI GE MCHOG THOS NAS, ,BYAMS PA ZHES LA SOGS PA YI, ,BYANG CHUB SEMS DPA' SEMS DPA' CHE, ,NGO MTSAR RMAD BYUNG LEGS SKYES NAS, , CHED DU BRJOD PA CHED DU BRJOD, ,AE MA'O SANGS RGYAS AE MA'O CHOS, ,AE MA'O CHOS NI STON MDZAD PA, ,DNGOS KUN DAG PA'I DON GCIG PU, ,DAG PA DE NYID DON DAG STER, ,RNAM PAR

124b

MI RTOG MKHA' MTSUNGS BSHAD, ,BYANG CHUB SEMS LA PHYAG 'TSAL LO, ,BDAG MED CHOS LAS YANG DAG BYUNG, ,BYANG CHUB TSOGS NA RDZOGS BYED PA, ,NGO BO MED CING DMIGS SU MED, , BYANG CHUB SEMS LA PHYAG 'TSAL LO, ,KUN BZANG GCIG LAS YANG DAG BYUNG, ,DGONGS DON BYANG CHUB STER BA PO, ,BYANG CHUB SPYOD MCHOG RDO RJE MCHOG ,BYANG CHUB SEMS LA PHYAG 'TSAL LO, ,DAG PA DE BZHIN GSHEGS PA'I THUGS, ,SANGS RGYAS BYANG CHUB RAB SGRUB PA, ,RDO RJE GSUM NI RANG BZHIN GCIG ,BYANG CHUB SEMS LA PHYAG 'TSAL LO, ,DGONGS PA LUNG STON LA DAD PAR, ,GANG GANG YID NI BZONG GYUR PA, ,DAM TSIG GSUM GYI RDO RJE LAS, ,DES NI DE BZHIN BYA BA YIN, ,DE BZHIN GSHEGS PA THAMS CAD KYI, ,RDO RJE GSUM GYI GSANG BA LAS; ;YANG DAG BYANG CHUB SEMS BSHAD PA, ,LE'U GNYIS PA YIN PAR BSHAD,, ,,DE NAS DE NYID GSANG RDO RJE, ,GSUM DANG TSUL GSUM LAM GSUM MCHOG ,RNAM THAR GSUM DANG DKON MCHOG GSUM, ,DE BZHIN GSHEGS PA KUN BDAG PO, ,DE BZHIN GSHEGS PA KUN BKOD PA, ,'PHRO BA'I SPRIN GYI RDO RJE DANG, ,TING NGE 'DZIN LA SNYOMS ZHUGS TE; ;DE NAS RDO RJE 'DZIN LA GSUNGS, ,RDO RJE BKOD PA MCHOG 'DI YI, ,LE'U BRTUL ZHUGS BZANG PO NYON, ,'DI NI DE BZHIN GSHEGS PA KUN, ,PHRA MO RNAL 'BYOR DAG LA BZHUGS, ,

125a

, ,AOm NI GCIG DANG YANG DAG LDAN, ,SH'U N+YA T'A NI GNYIS PA STE, ,DZNY'A NA ZHES NI GSUM PA YIN, ,BADZRA ZHES BYA BZHI PA'O, ,SVA BH'A B'ATMA KA: LNGA PA, ,AA HAm ZHES PA DRUG PAR BRJOD, ,DE LTAR BDER GSHEGS DRUG PA NI, ,SKYE BO MCHOG LA BSTAN PA YIN, ,AOm SH'U N+YA T'A ZUNG DANG PO'O, ,DZNY'A NA BADZRA GNYIS PA YIN, ,SVA BH'A B'ATMA KONYAHAm GYUR, ,DE NYID GSUM NI 'DIR BRTAGS PA'O, ,DE NYID GSUM NI GCIG GYUR PAR, ,MI GSAL GSAL BA'I MING CAN NO, ,MKHA' DBUS SANGS RGYAS DKYIL 'KHOR NI, ,'OD ZER SPRIN GYI TSOGS CHEN PO, ,YI GE MA YI 'OD KYIS KHYAB, ,KUN NAS YONGS SU ZLUM PO'O, ,'DOD YON LNGA YIS KUN TU KHYAB, ,MCHOD PA RNAM PA LNGAS BRGYAN PA, ,MDOR NA DE LTAR BSGOMS NAS SU, ,DBUS SU GZUGS NI BSGOM PAR BYA, ,RNAM PAR SNANG MDZAD PHYAG RGYA MCHOG ,DE NYID GSUM GYI RDO RJES MTSAN, ,YANG NA RDO RJE GSUM MGON GYI, ,PHYAG RGYA YANG NI RNAM PAR BSGOM, ,MI BSKYOD PA YI PHYAG RGYA CHE, ,TSOGS NI GNYIS MED SBYOR BA DANG, ,DKON MCHOG DPAL GYI RGYA CHEN DANG, ,TSE DPAG MED PA'I 'OD BYED DANG, ,DE BZHIN DON YOD GZUGS CAN RGYA, ,SANGS RGYAS DKYIL 'KHOR DAG TU BSGOM, ,RDO RJE GSUM GCIG RDO RJE CAN, ,AINDRA N'I LA'I MDOG 'DRA BA, ,RAB 'BAR PHYAG NA RDO RJE BSNAMS, ,RNAM PAR

125b

GTZIGS PA 'JIGS 'JIGS LTA, ,DZAMBU CHU BO'I GSER 'OD 'DRA, ,SANGS RGYAS SPRIN GYIS RAB TU 'KHRIGS, ,DE NI PHYAG NA RDO RJE CHE, ,RTZE MO DGU PA RNAM PAR BSGOM, ,SHEL DANG ZLA BA'I 'OD 'DRA BA, ,THOR TSUGS COD PAN DAG GIS BRGYAN, ,RAB 'BAR LAG NA 'KHOR LO BSNAMS, ,SNA TSOGS RGYAN GYIS RNAM PAR BRGYAN, ,MRGAD TE YI 'OD 'DRA BA, ,RDO RJE 'BAR BAS RNAM PAR BRGYAN, ,'BAR ZHING 'BAR BA'I TSOGS KYIS KHYAB, ,RIN CHEN DE LA RNAM PAR BSGOM, ,'DOD CHAGS CHEN PO RDO RJE CAN, ,PADMA R'A GA'I MDOG 'DRA ZHING, ,THOR TSUGS COD PAN DAG GIS BRGYAN, ,PHYAG NA PADMA BSNAMS PAR BSGOM, ,SNA TSOGS RDO RJE GDON MI ZA, ,'OD CHEN SNA LNGA'I 'OD 'DRA BA, ,ZHI BA SANGS RGYAS DKYIL 'KHOR DU, ,PHYAG NA RAL GRI BSNAMS PAR BSGOM, ,DE LTAR RNAL 'BYOR BSHAD PA DAG ,GSANG BA'I BDAG POS THOS NAS NI, ,PHRA MO'I RNAL 'BYOR CHA DAG KYANG, ,DE BZHIN GSHEGS BDAG LA ZHUS PA, , PHUNG PO KHAMS SOGS SBYOR BA YIS, ,DE BZHIN GSHEGS PAS BKA' STZAL NA, ,MKHA' DBUS SANGS RGYAS DKYIL 'KHOR DU, ,DE RNAMS KYANG NI JI LTAR 'GYUR, ,GCIG SHOS PHYI ROL TU SGOM PA, ,DKYIL 'KHOR SANGS RGYAS MING CAN NI, ,DNGOS PO MED PA'I DNGOS PO LA, ,SGOM PA PO RNAMS JI LTAR BRTAG ,MGON PO PHRA MO'I RNAL 'BYOR 'DI, ,

126a

, ,DKYIL 'KHOR GANG ZHIG BKA' STZOL CES, ,GANG ZHIG MA 'ONGS PA RNAMS NI, ,'DI LTAR MCHOG TU'ANG SOM NYI 'TSAL, ,LAG NA RDO RJE GRAGS LDAN PA; ;PHRA MO'I RNAL 'BYOR DE NYID SKYES, ,'GRO BA GNYIS MED SBYOR BA YIS, ,PHRA BA DGONGS PAS GSUNGS PA YIN, ,RNAM LNGA MNGON PAR BYANG CHUB 'DI, ,MA 'ONGS SKYE BO'I RGYUR GYUR TE, ,CHOS NI YANG DAG SDUD 'GYUR GANG, ,JI LTA JI LTAR STON PAR BYED, ,PHUNG PO NYID NI SANGS RGYAS GYUR, ,BYANG CHUB DON GYI RKYEN LAS BYUNG, ,DE YANG DE BZHIN GSHEGS BSHAD PA, ,DE NYID GNYIS MED SBYOR BAS SO, ,STON DANG 'JOG PA PO 'DI NI, ,BLO YI DNGOS GRUB STON PA PO, ,THOG MTHA' MED PA RNAL 'BYOR NI, ,PHRA MO ZHES NI BYA BAR BRTAG ,MI GSAL GSAL BAR YANG DAG SBYOR, ,DNGOS MED NGO BO LAS SKYES PA'O, ,GZOD MA NYID NAS RAB GRUB PA, ,GCIG DANG DU MA RNAM SPANGS PA, ,RTEN 'BREL CHOS ZHES GRAGS PA STE, ,DNGOS PO THAMS CAD GCIG TU BYUNG, ,BDAG NYID 'DI 'DRAR BYAS NAS NI, ,CHOS KYI DKYIL 'KHOR YANG DAG BRI, ,DMAR DANG NAG DANG DE BZHIN SER; ;DKAR PO NYID NI MDO RU STE, ,BZHI BZHI GCIG TU SBYOR BA YANG, ,GOS DKAR LA SOGS YANG DAG BRI, ,DE RNAMS DBUS SU LHA MOR BCAS, ,ZHI SBYOR MCHOG DANG MCHOG

126b

MIN DANG, ,STENG DANG THAD KA MNYAM DANG 'OG ,JI LTAR GOS DKAR SOGS, ,ME DANG RLUNG DANG DBANG CHEN DANG, ,CHU STE SO SO'I DKYIL 'KHOR LA, ,BCO BRGYAD DAG TU YANG DAG BSHAD, DE YANG 'DI NYID DAG LA BSHAD, ,JI LTAR 'O MA KHYAD PAR NI, ,MAR GSAR GNAS PAR GYUR BA YIN, ,DE BZHIN GOS DKAR LA SOGS LA, ,ZHI BA NYID NI DE GNAS SO, ,GZUGS LA SOGS PA NANG GI CHOS, ,MTHONG BA DE NI LHAG MTHONG YIN, ,MI BSKYOD LA SOGS GRANGS JI BZHIN, ,RTOG PA DAG NI ZHI GNAS YIN, ,'DI GNYIS DNGOS PO MED PA'I BDAG ,DE BZHIN NYID NI ZHI ZHES BYA, ,DE BZHIN NYID KYI DKYIL 'KHOR DU, ,SANGS RGYAS THAMS CAD GZHUG PAR BYA, ,RNAL 'BYOR PA YI DBUGS RDUB DBYUNG, ,SBYOR BA DE NYID GCIG PA NYID, ,SHES RAB THABS LA GNAS NAS NI, ,SNGAGS KYI YAN LAG MA NYAMS BZLAS, ,BYA BA THAMS CAD NYID DU YANG, ,RNAL 'BYOR RIG PAS NYAL SOGS LA, ,MING MED BRJOD DU MED PA DANG,, DUS GSUM 'DAS PA RTAG TU BZLA, ,GOS DKAR LA SOGS BZLAS BSHAD PA, ,BRGYA PHRAG GNYIS DANG NYI SHU LNGA, ,BZHI PA LEGS PAR BSGRES PA YI, ,SBYOR BZHIS BSDUS PAS BRGYA PHRAG DGU ,DGU BRGYA DAG TU GANG BSTAN PA, ,NYI SHU RTZA BZHI'I RIM GYIS NI, ,DE NI SO SOR 'BYUNG PA LAS, ,NYI KHRI CHIG STONG DRUG BRGYA'O, ,DE 'DIR GSANG BA DGONGS PA YIS,,

127a

, ,PHRA MO'I RNAL 'BYOR BSTAN PA YIN, ,KLOG DANG BSAM GTAN MED MOD KYI, ,'ON KYANG BZLAS PA YIN PAR BSHAD, ,DE LTAR RNAM PA MANG PO YI, ,'GRO LA PHAN PA'I GSUNG THOS NAS, ,DE BZHIN GSHEGS KUN BDAG PO LA, ,RDO RJE CAN GYIS SLAR YANG ZHUS, ,GANG ZHIG BSGOMS NA MA 'ONGS 'GRO, ,THAMS CAD MI RTOG PAR 'GYUR BA, ,RDO RJE GSUM GYI SNYING PO MCHOG ,SNYING PO BCOM LDAN BSHAD DU GSOL, ,DE NYID GSUM GNYIS MED SBYOR BA, ,DE NI PHRA MO'I RDO RJE BSGOM, ,MYUR BA LA SOGS GSUM SPANGS PA'I, , RNAL 'BYOR BAR YANG BDAG CAG 'GYUR, ,DE NI BDAG RIG YID CHES SHING, ,ZHI BA NYID NI MI SHES 'GYUR, ,PHRA MO'I RNAL 'BYOR GTZO SPANGS TE, ,LOG PA'I RNAL 'BYOR KUN TU BSTEN; ;STON PA PO YI SBYOR SMRA ZHING, ,PHRA MO ZHES BYA DE NYID NI, ,MA 'ONGS DUS NA SPONG 'GYUR BA, ,DE NYID DE NI NGES PAR BYED, ,DE NAS RDO RJE 'DZIN SMRA BA'I, ,LUNG BSTAN PA NI GSAN PA DANG, ,DE BZHIN GSHEGS PA KUN BDAG PO, ,CHOS NYID NGO BO NYID CES BYA YI, ,TING NGE 'DZIN DE KUN NAS NI, ,SNYOMS PAR ZHUGS PA NYID DU MDZAD, ,DPAL LDAN SNYOMS PAR ZHUGS MDZAD NAS, ,GSANG SNGAGS 'DI NI BKA' STZAL TO, ,SKU GSUNG THUGS NI RDO RJER BSHAD, ,KHYAD PAR DU NI BYIN RLOB PA, ,GNYIS MED RDO RJE GSUM SBYOR BAS, ,DE

127b

NI YANG DAG BSHAD PAR BYA, ,AOm NI DANG POR SHES PAR BYA, ,DHARMA ZHES BYA GNYIS PA'O, ,DH'U TU ZHES BYA GSUM PAR BSHAD, ,SV'ABH'A BAR GRAGS PA BZHI PA'O, ,A'ATMA KA, ,NI LNGA PA YIN, ,AA HAm DU GYUR DRUG PAR 'DOD, ,SNGAGS 'DI BRJOD NAS DE 'OG TU, ,SGOM PA BDAG NYID CAN GYIS BSGOM, ,RIN CHEN KHA DOG SNA LNGA PA, ,YUNGS KAR GYI NI 'BRU TSAD TZAM, ,NYAMS DGA'I 'DI RAB RTZE MO RU, ,RNAL 'BYOR PA YIS RTAG PAR BSGOM, ,RIN CHEN MI G-YOR GYUR NAS SPRO, ,MI G-YOR MA GYUR SPRO MI BYA, ,SANGS RGYAS 'BAR BA'I 'OD 'DRA BA, ,MCHOG RAB SPRIN RNAMS SPRO BAR BYA; ;'KHOR LO RDO RJE SPRIN CHEN DANG, ,PADMA RAL GRI MTSON CHA MCHOG ,BYANG CHUB SEMS DPA'I SPRIN CHEN RNAMS, ,SPRO BA'I BDAG NYID CAN GYIS SPRO, ,PHRA MO'I DKYIL 'KHOR DBUS GNAS PAR, ,RDO RJE DKYIL 'KHOR BSGOM PAR BYA, ,BZLAS DANG SGOM PA'I SBYOR BA YANG, ,PADMA'I DKYIL 'KHOR DAG TU BSGOM, ,RIN CHEN LTA BU'I DKYIL 'KHOR DU, ,DNGOS LA BRTZON PAS RIN CHEN SGO, ,DKYIL 'KHOR SBYOR BA LAS BYUNG BA, ,NAM MKHA'I DKYIL 'KHOR DU BRI BYA, ,'DI DAG SANGS RGYAS RAB MCHOG GI, PHRA MO RDO RJE GSUM SGRUB PA'O, ,RDO RJE DKYIL 'KHOR LAS BYUNG BA, ,THAMS CAD MKHYEN PA'I TSUL THOB PA'O, ,DGONGS PA GSANG BA ZHES PA YI, ,LUNG STON DAM PA 'DI LA NI, ,GANG GIS SEMS NI BZOD GYUR PA, ,DE NI DE BZHIN BYED PA

128a

, ,YIN; ;DE BZHIN GSHEGS PA KUN GYI GSANG, ,RDO RJE PHRA MO DE NYID LAS, ,'DI NI RDO RJE BKOD PA'I MCHOG ,LE 'U GSUM PA NYID YIN NO,, ,,DE NAS BCOM LDAN 'DAS THAMS CAD, ,GNYIS SU MED PAR GYUR NAS NI, ,SLAR YANG RDO RJE GSUM BDAG LA, ,BSTOD PAS DE RNAMS GSOL BA 'DEBS, ,DE BZHIN GSHEGS PA THAMS CAD KYI; ;ZHI BA GNAS RNAMS MCHOG GYUR PA, ,CHOS KUN GCIG TU BDAG MED PA, ,DKYIL 'KHOR MCHOG 'DI BSHAD DU GSOL, ,YONGS SU RDZOGS PAR YANG DAG BRGYAN, ,MTSAN RNAMS KUN GYIS MTSAN PA'O, ,KUN TU BZANG PO SKU YI MCHOG ,DKYIL 'KHOR DAM PA BSHAD DU GSOL, ,YE SHES SPYOD PA'I DON LAS BYUNG, ,ZHI BA'I CHOS NI SBYONG BA PO, ,KUN TU BZANG PO GSUNG GI MCHOG ,DNGOS MCHOG DKYIL 'KHOR BSHAD DU GSOL, ,RANG BZHIN GYIS NI DRI MED DAG ,SEMS NI KUN TU BZANG PO NYID, ,SEMS CAN KUN GCIG CHE BA'I MCHOG ,DKYIL 'KHOR SNYING PO BSHAD DU GSOL, ,DE NAS STON PA BCOM LDAN 'DAS, ,KHAMS GCIG KHAMS NI GSUM PA PO, ,'JIG RTEN GSUM MCHOG RDO RJE MCHOG ,'JIG RTEN GSUM GYI STON PA PO, ,NYAMS DGA' DE BZHIN GSHEGS PA'I GNAS, ,DE BZHIN GSHEGS PA KUN DAG LA, ,THUGS DE DKYIL 'KHOR 'DRA BA STE, ,DKYIL 'KHOR DAM PA

128b

BKA' STZAL TO, ,DE NAS SEMS KYI DKYIL 'KHOR MCHOG ,RDO RJE YE SHES RAB 'DRA BA, ,SKU DANG GSUNG DANG THUGS RNAMS KYI, ,DKYIL 'KHOR RAB TU BSHAD PAR BYA, ,'DI NI GSAD PA'I BDAG NYID MCHOG ,LEGS BSGRIL DE BZHIN NYID BSTAN PA'O, ,SNA TSOGS LUNG GI MTSAN MA NI, ,MTSAN MA BZANG POR DE BSHAD DO, ,KUN RDZOB DANG NI DON DAM DAG ,GNYIS SU MED PA MDZES PA YIN, ,SHES RAB 'DI NI THIG YIN TE, ,THABS NI DE YI RJES SU 'JUG PA'O, ,SHES RAB THABS KYI THIG GCIG GIS, ,CHOS DANG LONGS SPYOD RDZOGS MCHOG NI, ,SEMS KYI DKYIL 'KHOR THIG GDAB STE, ,RTEN 'BREL YAN LAG BCU GNYIS PA, ,'PHAGS PA'I BDEN BZHI NGOS BZHIS TE, ,TSANGS BA'I GNAS BZHI GRA BZHI YIN, ,BSDU BA'I DNGOS GRAGS SGO YIN TE, RE RE'ANG BZHI YI MING CAN NO, ,CHOS KYI DE NYID DON GYI BRDA, ,'KHOR LO NANG GI DKYIL 'KHOR RO, ,MI PHYED YE SHES MTSAN MA STE, ,RDO RJE AINDRA N'I LA RGYA, ,RNAM PA LNGA YIS RAB PHYE BA'I, ,RTZE MO 'KHOR BA 'JIG BYED PA'O, ,SHAR NAS ME LONG NGO BO NI, ,'KHOR LO 'BAR BA'I 'OD KYIS BRGYAN, ,LHO RU KUN MNYAM YE SHES YIN, ,GCIG GI MING CAN RIN PO CHE, ,NUB TU SO SOR RTOG PADMA; ;PADMA R'A GA'I 'OD 'DRA BA, ,BYANG DU GONG MA'I SEMS GANG YIN, ,'GRO BA'I RNAM RTOG 'JOMS BYED PA, ,BYA BA SGRUB PA RAL GRIR 'GYUR, ,'OD 'PHRO 'BAR BA 'DRA BA'I MDOG ,SHAR

129a

, ,LHO BYAMS PA'ANG SPYAN YIN TE, ,SPRIN SNGON DANG NI MNYAM PA'I 'OD, ,LHO NUB SNYING RJE ZHES BYA BA, ,M'A MA K'I NI RIGS RDO RJE, ,NUB BYANG PADMA ZHES BYA BA, ,DGA' BA LEGS PAR GNAS PA BZHIN, ,BYANG SHAR AUTPAL LTAR SNANG BA'I, ,BTANG SNYOMS BCAS PA SNGON PO 'DRA, ,DE BZHIN SHAR SGOR SBYIN PA NI, ,THA BA MDANGS LDAN 'OD DANG BCAS, ,DE BZHIN SNYAN SMRA ZHES GRAGS PA, ,DBYIG PA 'OD BZANG RDO RJE 'BAR, ,NUB TU DON SPYOD CES BYA BA, ,RTA MGRIN GYI NI PADMA'O, ,DON MTHUN PA NI RDO RJE STE, ,RDO RJE 'KHYIL BA'I RDO RJE CAN, PHYAG RGYA DGOD PA'I MTSAN NYID DE, ,'DI NI LEGS PAR BSHAD PA YIN, ,JI LTAR DBYIBS KYIS MCHOD PA NI, ,RNAM GSUM BSGOMS PAS 'GYUR BA YIN, ,DANG POR CHEN PO YOD PA YI; ;PHYAG RGYA'I DKYIL 'KHOR YIN PAR BSHAD, ,DE LTAR MKHA' DANG MTSUNGS GYUR DANG, ,SHES NAS 'GRO LA PHAN PAR 'GYUR, ,RDO RJE GSUM DANG LHAN CIG 'BYUNG, ,DE TSE ZLA ZER PHRENG BA YI, ,SKAD CIG LA SOGS DUS DBYE BAS, ,LO GRANGS BCU DRUG PA YI MING, ,MA SKYES PAR 'BYUNG ZHI BA NI, ,BUD MED CES NI NGES PAR BSHAD, ,ZHI BA'I CHOS DANG RJES DRAN PA; ;MDANGS BZANG 'OD NI YIN PAR GSUNGS, ,RTEN 'BREL BAG CHAGS DRI YIN TE, ,YE SHES KHA PHYE ME TOG GO ,DNGOS PO MED PA RIGS YIN TE, ,KUN MKHYEN YE SHES

129b

DBUS NYID DO, ,CHOS DBYINGS NYID NI BUD MED NI, ,SHES RAB 'DI 'DRAS MNYES PAR BYAS, ,NANG NAM YIN PHYI MA YIN, ,GNYI GAR MA YIN GZHAN NAS MIN, ,GNAS MED GNAS PA'I RNA 'BYOR GYUR, ,DE BAS M'A MA K'IR BSHAD DO, ,DE YI NGO BO NYID GCIG PA, ,BYIN GYIS BRLABS PAS DE BSHAD DO, ,NAM MKHA' DANG NI GCIG TU GNAS, ,SANGS RGYAS ZHI BA'I GNAS 'GYUR, ,DE BAS YUL DU RNAM BRTAGS PA, ,BSDU BA DAG NI BSHAD BA YIN, ,YE SHES DBANG PO STONG PA GCIN, ,RNAM DAG CHOS NYID KHU BA YIN, ,THAMS CAD MKHYEN PA'I YE SHES KHRA RANG BZHIN CHOS SU YONGS BRTAGS PA, ,DE NYID LHA RNAMS ZHES BYA STE, ,DNGOS MED PA NI DBUL BA YIN, ,DE BYAS SANGS RGYAS SRAS PO RNAMS, ,KHYAD PAR DU NI MNYES PAR 'GYUR, ,GANG YANG 'JIG RTEN PAS BRTAGS PA, ,DE RNAMS JI SKAD BSHAD PA NYID, ,MI PHYED RDO RJE GSUM BSGOMS PA, ,GSAR PA NYID DU BKAL BA LEGS DANG, ,SHIN TU TSAD LDAN MDZES PA YI, ,THIG GIS MKHAS PAS THIG GDAB BO, ,BLO LDAN DKYIL 'KHOR BRTAG BYA BA, ,KHRU NI BCU GNYIS TSAD TZAM LA, ,NGOS BZHI DANG NI GRA BZHIR LDAN, ,RTA BABS KYIS NI MDZES PAR BYA, ,DE YI DBUS SU 'KHOR LO NI, ,DGONGS PAS DANG PO BSHAD PA STE, ,DE LAS LDOG PA'I TSUL GYIS NI, ,'DI NA 'JIG RTEN PA RNAMS RTOG GANG ZHIG 'JIG RTEN 'DAS LA GNAS, ,DE NI GZUNGS KYIS

130a

, ,DBANG BSKUR BA, ,DNGOS MED PA NI 'DZIN PA DAG ,YID NI RTAG TU MKHA' DANG MTSUNGS, ,DAM PA 'JIG RTEN SHIN TU 'DAS, ,'KHOR BA DANG NI GCIG SHOS SPANG LEN PA MA YIN GTONG BA MIN, ,MED PA MA YIN GNAS MA YIN, ,BLO LDAN KUN TU 'DI SHES PA, ,RNAL 'BYOR THAMS CAD RIG PA MCHOG ,THUGS KYI DKYIL 'KHOR LE'U 'DI NI, ,NGES PA'I RNAL 'BYOR PA ZHES BSHAD, ,DGONGS PA LUNG BSTAN YID 'ONG LA, ,GANG ZHIG YID NI BZOD GYUR PA, ,DE RNAMS SHES RAB THABS DAG NI, ,JI LTAR GNAS PA DE LTAR BYED,, GSANG BA'I DGONGS PA LUNG BSTAN LAS, ,DE LAS THUGS KYI DKYIL 'KHOR GYI, ,LE'U BZHI PA NYID YIN NO,, ,,DE NAS DE BZHIN GSHEGS PA MCHOG ,RDO RJE GSUNG BDAG 'GRO BA'I BLA, ,SLAR YANG RDO RJE 'DZIN PA LA, ,SNGAGS SPYOD DON GYI DE NYID ZHUS, ,SNGAGS KYI BRTUL ZHUGS SPYOD PA GCIG ,KHYAD PAR DU NI BSRUNG BSLAB PA, ,DE RNAMS KYI NI DGONGS PA'I GSUNG, ,SPYOD PA BCOM LDAN BSHAD DU GSOL, ,DE NAS BDAG PO DE BZHIN GSHEGS, ,RDO RJE 'DZIN PA DAG GI TSIG ,GSAN NAS 'GRO BA'I DON GCIG PU, ,GSUNGS PA'I DON CAN BKA' STZAL TO, ,MI RTOG DON LAS YANG DAG BYUNG, ,ZHE SDANG LA 'JUG MTSAN NYID YIN, ,DNGOS MED LA GNAS GTI MUG STE, ,'DOD CHAGS 'DOD CHAGS LAS BYUNG BA, ,'DOD

130b

CHAGS LDAN PA'I MING CAN YIN, ,THEG PA MCHOG NI BLA MED PA, ,'DOD CHAGS ZHE SDANG GTI MUG STE, ,'DI DAG RIGS SU YANG DAG BSHAD, ,DNGOS GRUB DE NI 'DI BSGRUB BO, ,RIGS RAN MYUR BAR SHES PAR BYA, ,SMYIG MKHAN DAG NI DAL BA YIN, ,MTSAMS MED BYED PA GNYI GA STE, ,GSOD PA DON GNYER SEMS PA PO, ,THEG PA CHEN PO BLA MED PA'I, ,THEG PA MCHOG 'DI 'GRUB PAR 'GYUR, ,SEMS CAN SDIG CHEN BYAS PA DANG, ,GZHAN YANG MTSAMS MED BYED PA PO, ,GANG YANG SLOB DPON SMOD PA YIS, ,BSGRUBS KYANG GRUB PAR MI 'GYUR RO, ,'DI GNYIS DAD PAS MYUR DU NI, ,ZHE SDANG DAG LA GNAS PAS GNAS, ,GANG GIS PHUNG SOGS DNGOS MED PAR, ,ZHI GNAS LAS BYUNG SEMS KYIS BYAS, ,DE NI SROG GCOD BYED PA STE, ,THEG PA MCHOG LA GNAS PA YIN, ,NANG DANG DE BZHIN PHYI ROL DAG ,RTEN 'BREL GNYIS SU STON PA NI, ,DE NI RDZUN SMRA DGA' BA STE, ,GNAS MED LA GNAS RNAL 'BYOR PA'O, ,RDZOGS SANGS RGYAS KYI YE SHES GANG, ,DE NI RDZAS SU SHES BYA STE, ,DE 'PHROG NGANG TSUL GANG YIN PA, ,GZHAN GYI NOR LA CHAGS PAR 'DOD, ,GANG ZHIG DE NYID DNGOS GCIG PA, ,DE BZHIN NYID LA RTAG SBYOR BA; ;SEMS CAN DE DE 'DOD LA DGA', ,SGRUB PA MCHOG LA DAM OPAR 'GYUR, ,DE YI STONG NYID GTI MUG LA, ,YUL NI BSHANG BA ZHES GRAGS TE, ,DBANG PO GCIG BA ZHES BYA LA,

131a

, ,DE DAG ZHI BA ZA BA YIN, ,THEG PA CHEN PO CHOS MCHOG 'DIR, ,DE DAG BSGRUB PA'I SNOD DU 'GYUR, ,DE TSE RDZUN DE 'DOD PA DANG, ,BSHANG GCI ZAS SU BYED PA PO; ;SHES RAB PHA ROL PHYIN SHES RAB, ,CHOS KYI SKU NI MA GCIG PU, ,GNYIS MED DE BZHIN NYID SBYOR BA, ,DNGOS MED CES BYA 'DOD SPYOD PA, ,LONGS SPYOD RDZOGS DANG MNYAM GANG YIN, ,DE NYID SRING MO YIN PAR 'DOD, ,RANG LHA'I RNAL 'BYOR LDAN PA YIS, ,GSANG SNGAGS LUS KYIS MNYES PAR BYA, ,BSHANG GCI ZAS SU BYED PA YI, ,SPRUL SKU'I GZUGS CAN BU MO DE, ,SGRUB PA POS NI BSGOM PAR BYA, ,MA DANG SRING MO BU MO NI, ,'DI 'DRA RNAL 'BYOR PAS MNYES BYAS, ,THEG PA MCHOG GI CHOS NYID LA, ,DE NYID 'JIG RTEN PAR BYUNG BA, ,RTOG BO; ;JI LTAR MI RTOG NAM MKHA' NI, ,KUN TU KHYAB PAR GNAS GYUR PA, ,'DI NI SGOM PA ZHES BSHAD DE, ,TING 'DZIN BSAM KHYAB CES BYA BA, ,DE NYID 'JIG RTEN PAR BYUNG BA, ,RTOG PA DGA' BA'I MING CAN NO, ,SANGS RGYAS YUM GYI YE SHES LA, ,'DOD SPYONG GOS PAR MI 'GYUR TE, ,RNAM PAR MI RTOG SBYOR GCIG GIS, ,MYUR DU SANGS RGYAS DES THOB 'GYUR, ,DE NAS BCOM LDAN 'DAS GSUNG NI, ,SGRIB KUN SEL BA LA SOGS PA'I, ,BYANG CHUB SEMS DPA' SEMS DPA' CHES, ,THOS NAS NGO MTSAR RMAD DU GYUR, ,'DI NI BDAG PO BCOM LDAN

131b

'DAS; ;DE BZHIN GSHEGS PA KUN GYI BDAG ,CI YI SLAD DU TSIG NGAN PA, ,DE BZHIN GSHEGS 'KHOR NANG DU GSUNG, ,'DOD CHAGS BRAL DANG CHAGS BCAS DANG, ,GTI MUG BRAL BA RMONGS BCAS DANG, ,ZHE SDANG BRAL BA SDANG BCAS PA'I, ,RIGS KYI DNGOS GRUB STON MDZAD CING, ,GANG GZHAN SDIG PA'I NYES PA DANG, ,'TSE BA LA SOGS YONGS SPANGS PA, ,'DI NI DE BYED SEMS CAN RNAMS, ,SNOD YIN ZHES NI THUB GSUNG NGAM, ,DE NAS MGON PO THUGS RJE CAN, ,SEMS CAN KUN LA PHAN DGYES PAS, ,DE BZHIN GSHEGS PA THAMS CAD DANG, ,BYANG CHUB SEMS DPA' LA GSUNGS PA, ,'DI NI SA KHAMS DANG MNYAM PA, ,SEMS CAN KUN 'DZIN GCIG PU PA, ,CHU KHAMS RTOG DANG BRAL BA PO, ,SNA TSOGS GSAL BAR 'GYUR BA YIN, ,BDAG PO ME YI GZUGS CAN TE, ,THAMS CAD ZA BAR NYE BAR SBYOR, ,DE BZHIN PHYI NANG BDAG NYID MCHOG ,'GRO LA GOS PA'I DRI GCIG PU, ,BCOM LDAN SNA TSOGS NAM MKHA' MTSUNGS, ,THAMS CAD SNANG ZHING ZAB MO, ,DE NYID BDAG NYID BDAG YIN PAR, ,BSGOMS NA RKANG GNYIS MCHOG TU 'GYUR, ,SNYING PO ZHES BYA SANGS RGYAS KYI, ,CHOS NYID DAG PA 'DI YIN ZHING, ,SNGAGS KYI SPYOD DON SPYOD RNAMS KYI, ,BYANG CHUB SPYOD PA'I MCHOG 'DI YIN, ,DE NAS BRJOD MI LANG ZHES PA, ,BRJOD MI LANG PA NYID GYUR PA, ,SANGS RGYAS ZHING RDUL GRANGS MNYAM DE, ,SGRIB PA THAMS

132a

, ,CAD SEL LA SOGS, ,BYANG CHUB SEMS DPA' SEMS DPA' CHE, ,KUN NAS 'JIGS SHING SKRAG GYUR NAS, ,'KHOR GYI DKYIL 'KHOR DE THAMS CAD, ,GCIG TU BRGYAL BA NYID GYUR TO, ,DE NAS GSANG DBANG RDO RJE GSUNG, ,GNYIS MED DE BZHIN GSHEGS KUN GYIS, ,BYANG CHUB SEMS DPA' BRGYAL BA RU, ,GZIGS NAS GTZO LA 'DI SKAD GSOL; ;MGON PO SGRIB KUN SEL LA SOGS, ,BYANG CHUB SEMS DPA' SEMS DPA' CHE, ,RANG BZHIN CHOS NYID JI LTA BAR, ,'DI RNAMS BSLANG BAR MDZAD DU GSOL, ,MI G-YO BA 'DI GSANG BA STE, ,ZHI BA GCIG PU BDE BA'I MCHOG ,RDZOGS PA'I BYANG CHUB THOB BYED PA, ,'DI NI DGONGS PAS GSUNGS PA YIN, ,DNGOS PO MED CING 'KHRUG PA MED, ,YID 'ONG RDO RJE TSIG GCIG PU, ,'GRO BA'I BSAM PA'I DBYE BA YIS, ,BYE BRAG MANG POR GYUR PA YIN, ,NAM MKHA' MTHA' YAS SBYOR BA YIS, ,GZUGS LA SOGS PA MTHA' YAS TE, ,DE YANG DE BZHIN GSHEGS MCHOG DANG, ,BYANG CHUB SEMS DPA' NYID DU GYUR, ,DE LAS SPRO ZHING BSDU BA DANG, ,ZHI BA NYID LAS RAB SBYOR BAS, ,YE SHES LUS CAN YE SHES CAN, , BRGYAL LO ZHES NI SHES PA NI, ,YAN LAG DBYE BA GANG DANG GANG, ,'GRO BA ZHES NI GRAGS BDAG PA, ,DE DE RANG LHA'I SBYOR BA LAS, ,DKYIL 'KHOR MCHOG NI 'BYUNG BAR 'GYUR,,

132b

DKYIL 'KHOR RANG LUS GANG YIN PA, ,DE NYID BSDUS PA 'DI LTA BU, ,'DI NI 'JIG TSOGS LUS RTOG LA, ,BYANG CHUB SEMS DPA' BRGYAL BAR GYUR, ,DES NI BDEN 'DI MA SHES PAS, , DBYANGS BCAS BRGYAL LA BSKUL BA NI, ,BYANG CHUB SEMS DPA' SEMS DPA' CHE, ,BRGYAL BA ZHES NI BSHAD PA YIN, ,DE NAS GSUNG BA RDO RJE GSUM, ,DGONGS PA'I TSIG GIS BSHAD PA DAG ,RDO RJE 'DZIN PA'I TSIG GSAN NAS, ,TING NGE 'DZIN NI MNGON DU MDZAD, ,GNYIS SU MED PA MNYAM RDO RJE, ,'GRO LA GZIGS PA ZHES BYA BA'I, ,'DI NYID GSUM YUL 'JIGS PA PO, , TING NGE 'DZIN LA SNYOMS PAR ZHUGS, ,MGON PO SNYOMS PAR ZHUGS PA YI, ,'OD GANG CHEN POR GYUR PA YIN, ,BYANG CHUB SEMS DPA' DES REG PAS, ,RANG GI STAN LA GNAS PAR GYUR, ,DE NAS DE BZHIN GSHEGS PA KUN, ,NGO MTSAR RMAD DU GYUR SPYAN DANG, ,DGYES SHING MGU BA SKYES GYUR NAS, ,CHOS KYI DBYANGS NI 'DI SKAD GSUNGS, ,AE MA'O CHOS AE MA'O CHOS, ,AE MA'O CHOS KYI DON BYUNG BA, ,BDAG MED CHOS NI YANG DAG NGAG ,CHOS KYI RGYAL PO LA PHYAG 'TSAL, ,RDO RJE GSUNG GCIG DAG PA'I DON, ,DRI MED MKHA' DANG MNYAM PA'O, ,MI 'GYUR DON LAS YANG DAG BYUNG, ,RDO RJE SKU LA PHYAG 'TSAL LO, ,THUB MCHOG GCIG PU DE BZHIN GSHEGS, ,DUS GSUM DAG GI LAM DU BYUNG, ,RDO RJE DBYINGS GCIG RDZOGS LONGS SPYOD, ,NAM MKHA'I

133a

, ,LAM GCIG PHYAG 'TSAL LO, ,SKU GSUNG THUGS NI NAM MKHA' STE, ,SPYOD PA'I MCHOG STE CHOS GCIG LDAN, ,DE NYID GSUM STON SNA TSOGS PA, ,SPYOD PA'I GNAS LA PHYAG 'TSAL LO, ,DGONGS PA LUNG BSTAN LA GNAS NAS, ,GANG ZHIG SPYOD MCHOG 'DI STON PA, ,GSANG BA YANG DAG SRUNG BA DAG ,DE NI CI DGA' BAR YANG BYED, ,DE BZHIN GSHEGS PA THAMS CAD KYI, ,DAM TSIG GSUM GYI RDO RJE MCHOG ,SNGAGS RNAMS KUN GYI DAM PA YI, ,SPYOD PA'I LE'U LNGA PA YIN,, ,,DE NAS DPAL CHEN MI BSKYOD PA, ,SKU GSUNG THUGS KYI GSANG BA CAN, ,TING NGE 'DZIN LA SNYOMS ZHUGS NAS, ,THUGS BYIN BRLAB PA ZHES BYA BA'I, ,GSANG SNGAGS 'DI NI GSUNGS PA YIN, ,AOm ZHES BYA BA DANG PO YIN, ,SARBA TA TH'A GA TA GNYIS, ,TZITTA GSUM PAR YONGS SU BRTAG ,BADZRA BZHI PA'I GONG MAR LDAN, ,SVA BH'A W'ATMA KA:LNGA PA, ,AA HAm DUS KYI MING CAN YIN, ,SKU DRUG GSUM PA'I MING CAN NO, ,DE NAS DPAL LDAN RNAM SNANG MDZAD, ,RDUL PHRA RDO RJE ZHES BYA BA'I, ,TING NGE 'DZIN LA SNYOMS ZHUGS NAS, ,SKU NI BYIN GYIS BRLAB PA GSUNG, ,AOm ZHES BYA BA TSANGS PAR BSHAD, ,SARBA TA TH'A GA TA GNYIS, ,KA YA CHAGS THOGS DBANG PHYUG STE, ,BADZRA RIG BYED YIN PAR BSGRAGS, ,SVA BH'A W'ATMA KA:'DOD LHA, ,AA HAm SKAM BYED

133b

CES BRJOD DE, ,DGONGS PA YIS NI YANG DAG BRTAGS, ,SHES RAB DBYE BAS DBYE BAR BYA, ,DE NAS TSE DPAG MED CES PA'I, ,KUN TU MI GNYIS RDO RJE CAN, ,TING NGE 'DZIN LA SNYOMS ZHUGS NAS; ;GSUNG NI BYIN GYIS RLOB PA GSUNG, ,AOm NI DANG POR BSGRAGS PA YIN, ,SARBA TA TH'A GA TA GNYIS, ,W'AKA CES BYA BA GSUM PA YIN, ,BADZRA DUS KYI MING DU 'GYUR, ,SVA BH'A W'ATMAA KA:LNGA PA, ,AA HAm ZHES PA DRUG PA STE, ,GSUM PO 'DI DAG BSHAD PA RNAMS, ,RE RE ZHING DRUG GSUM DU BSHAD, ,THUGS DANG SKU DANG DE BZHIN GSUNG, ,RIM DANG RIM PA MIN PAS GSUNGS, ,BDAG PO LAS NI GCIG PU LAS, ,RDO RJE GSUM ZHES BYA BA 'BYUNG, ,YON TAN CHOS 'DI RDO RJE GSUNG, ,DE NYID GSUM GYI DAM TSIG MCHOG ,DE BAS 'DI NI SGOM PA MCHOG ,G-YEL BA MED PAR RDZOGS PAR BYA, ,'DI BSHAD PA YI BLO LDAN PA, ,RAB MCHOG RDO RJE GSUM BYUNG BAS, ,BSGOM PA'I BDAG NYID CAN GYUR CING, ,SNGAGS KYI MTSAN NYID MTSAN MAR BYA, ,DE NAS DKON MCHOG DPAL 'DI YANG, ,SGRON MA RDO RJE ZHES BYA BA'I, ,TING NGE 'DZIN LA SNYOMS ZHUGS TE, ,DE NAS GSANG SNGAGS 'DI GSUNGS SO, ,AOm NI ZUNG GI DANG POR LDAN, ,SARBA TA TH'A GA TA ZUNG, ,DE BZHIN NYID NI YE SHES TSOGS, ,THAMS CAD ME LONG MING CAN NO, ,AA NU R'A GA SKYE MED DE, ,DE NI GSUM PA YIN PAR GSUNGS, ,RKYEN DANG NYAN THOS KYIS

134a

, ,BSHIG DKA'I, ,BADZRA YANG NI BZHI PAR GYUR, ,DNGOS MED BDAG NYID CAN YE SHES, ,SVA BH'A W'ATMA KA:ZHES BSHAD, ,YE SHES LNGA PO NYID KYI MING, ,CHOS KYI DBYINGS KYI NGO BO NYID, ,AA HAm SO SO RDZOGS LONGS SPYOD, ,DNGOS PO MED PA'I RANG BZHIN CAN, ,BDE BA CHEN PO'I MING GYUR PA, ,MTSON PA DRUG PA'I MING CAN NO, ,DNGOS MED GNAS PA'I BDAG NYID CAN, ,DE YI RJES SU MNYES BYA'I MCHOG ,DE LTA'I CHAGS PA'I DE BZHIN GSHEGS, ,MGON PO THAMS CAD MNYES PAR BYA, ,DE NAS DPAL CHEN GDON MI ZA, ,DON YOD RDO RJE ZHES BYA BA'I, ,TING NGE 'DZIN LA SNYOMS ZHUGS TE, ,DES NI GSANG SNGAGS 'DI GSUNGS SO, ,AOm ZHES BYA BA DANG POR LDAN, ,SARBA TA TH'A GA TA GNYIS, ,P'U DZA RNAM PAR THAR PA'I MING,, BADZRA SEMS NI RNAM SGOM PA, ,SVA BH'A W'ATMA KA: ZHES BSHAD, ,AA HAm PHA ROL PHYIN ZHES BYA, ,LNGA PO DRUG DANG GSUM DU BSHAD, ,GZUGS DANG SGRA DANG DRI DANG RO, ,REG BYA DANG NI CHOS KYI DBYINGS, ,DE DAG DNGOS MED GYUR BYAS PA, ,DE NI SANGS RGYAS MCHOD MCHOG YIN, ,MIG SOGS SHES LAS YANG DAG BYUNG, ,MNGON SHES LNGA YIS NYE BAR MDZES, ,MCHOD PA LNGA BSHAD 'DI RNAMS KYIS, ,MYUR DU SANGS RGYAS NYID THOB 'GYUR, ,DE NAS DPAL LDAN RDO RJE 'CHANG, ,SO SOR BYANG CHUB STON MDZAD PA, ,RDO RJE GSUM RIG GSANG DBANG PO, ,THUB PA

134b

CHEN POS YANG GSUNGS PA, ,SKU GSUNG THUGS LA DMIGS PA LA, ,GANG TSE YID NI MGU GYUR PA, ,DE NYID GSUM LA NYER SBYOR BA, ,DNGOS GRUB RAB MCHOG DE THOB 'GYUR, ,BDAG MED PAR NI SEMS DMIGS SHING, ,LUS DANG NGAG KYANG RNAM PAR BSGOM, ,MKHA' DANG MNYAM PA'I GNAS SGOM ZHING, ,SBYOR BA RNAM GSUM RDZOGS PAR BYA, ,RDO RJE DE NYID GSUM DMIGS NA,, SHIN TU PHRA BA'ANG YOD MA YIN, ,SNGAGS KYI RANG BZHIN SBYOR BA YIS, ,SGOM PA MED CING BYANG CHUB MED, ,RDO RJE GSUM GCIG MTSAN NYID DU, ,MDOR NA RNAM PAR BRTAGS NAS SU, , SNGAGS LA SBYOR BA'I TING NGE 'DZIN, ,GNAS LA GNAS MED BSGOM PAR BYA, ,DE NAS DE BZHIN GSHEGS DBANG PO'ANG, ,DE BZHIN GSHEGS PA KUN GYIS MCHOD, ,KUN MKHYEN SANGS RGYAS KUN MCHOG GIS, ,SGOM PA'I MCHOG 'DI BKA' STZAL TO, ,NAM MKHA'I DBYINGS KYI DBUS GNAS PAR, ,ZLA BA'I DKYIL 'KHOR BSGOM PAR BYA, ,SANGS RGYAS GZUGS NI RNAM BSGOMS NAS, ,PHRA MO'I RNAL 'BYOR BRTZAM PAR BYA, ,YUNGS KAR GYI NI 'BRU TSAD TZAM, ,SNA YI RTZE MO'I BDAG NYID CAN, ,RGYU DANG MI RGYUR YANG DAG LDAN, ,DE RU GNAS PAR MKHAS BAS BSAM, ,BLO LDAN YE SHES KYIS BRTAGS PA'I, ,GSANG BA'I YE SHES GNAS BSGOM MO, ,GSANG BA MCHOG CES BSHAD PA STE, ,DE NYID GSUM NI DAM TSIG MCHOG ,NAM MKHA'I

135a

, ,DBYINGS KYI DBUS GNAS PAR, ,NYI MA ZHES BYA'I DKYIL 'KHOR BSGOM, ,SANGS RGYAS SKU NI RNAM BSGOMS TE, ,DE YI STENG DU GNAS BZHAG GO ,DBANG PHYUG CHEN PO SKEM BYED DE, ,GZHI PHYED NAM MKHA'I MTSON PA DAG ,BDUD RTZI ZHES NI BRTAGS PA GANG, ,DE NI H'Um ZHES BYA BAR 'GYUR, ,NAM MKHA'I DBYINGS KYI DBUS GNAS PAR, ,'KHOR LO DKYIL 'KHOR YID 'ONG BSGOM, ,SPYAN GYI GZUGS SU YANG DAG SBYOR, ,RDO RJE PADMO GNYIS BSGOM PA'O, ,NAM MKHA'I DBYINGS KYI DBUS GNAS PAR, ,RIN CHEN DKYIL 'KHOR BSGOM PAR BYA, ,DANG PO'I SBYOR BA NAN TAN GYIS, ,DE YI STENG DU RNAM PAR BSGOM, ,NAM MKHA'I DBYINGS KYI DBUS GNAS PAR, ,'OD KYI DKYIL 'KHOR 'DI NYID BSGOM, ,SANGS RGYAS ZHI BA'I GNAS DGOD PA, ,'KHOR RNAMS KYIS NI KUN NAS BSKOR, ,AUTPAL MTHON KA'I MDOG 'DRA BA, ,RTZE MO LNGA PA 'OD PO CHE, ,NAS KYI 'BRU TZAM NAN TAN GYIS, ,RI RAB RTZE MOR RNAM PAR BSAM, ,TZA NA KA YI TSAD TZAM, ,'DAB MA BRGYAD PA GE SAR BCAS, ,SNA YI RTZE MO RI RAB RTZE, ,BYANG CHUB 'DOD PAS 'DI BSGOM BYA, ,'KHOR LO LA SOGS SGOM PA NI; ;DE YI KHYAD PAR DAG TU BRTAG ,YID 'ONG DNGOS GRUB KUN GYI GNAS, ,BYANG CHUB GNAS MCHOG BLA MED PA'O, ,SANGS RGYAS YANG DAG BYANG CHUB BZHUGS, ,MDOR NA DE NI

135b

SPRO BAR BYA, ,GANG TSE CHOS NI LEGS MTSAN PA, ,RDO RJE GCIG NI BSGOM PAR BYA, ,DE NAS DE BZHIN GSHEGS DBANG PO, ,DAG PA CHOS RNAMS KUN GYI MCHOG ,'GRO KUN DON DU STON PA POS, ,GSANG BA MCHOG NI BKA' STZAL TO, ,SKAD CIG THANG GCIG YUD TZAM DANG, ,ZLA PHYED ZLA BA LO YI DUS, ,BSKAL PA GRANGS MED GSUM PO NI, ,SKAD CIG GCIG TU MNYAM PAR BSHAD, ,ZLA BA DRUG BSHAD DE NYID YIN, ,DNGOS MED RDZOGS PAR LONGS SPYOD PA'O, ,SKAD CIG GCIG TU BSNGAGS PA STE, ,DUS GSUM LAS 'DAS YIN PAR DGONGS,, GZUGS DANG SGRA DANG ROR LDAN PA, ,RNAL 'BYOR PAS NI ZLA DRUG BSGOM, ,MCHOD CHEN DE NI BYAS NAS SU, ,GSANG BA'I DE NYID RNAM PAR BSGOM, ,YUL DANG DBANG PO SEMS PA NI, , BSHANG GCI ZAS SU BYED PA PO, ,BYAS NA DE 'DRA'I DNGOS GRUB NI, 9,BZA' BA RNAM RTOG MED PA 'O, ,DE NYID 'DI NI BLA MED PA, ,BYANG CHUB SEMS GCIG LAS BYUNG BA'O, ,RTOG MED 'DUS NI MA BYAS SHING, ,MI RTOG DON NI 'GRUB PAR 'GYUR, ,MA NI M'A MA K'IR BSHAD DE, ,SA NI MNGON PAR BYANG CHUB PA'O, ,BSAM GTAN DE NI DGA' SPYOD PA, ,SHA ZHES BYA BAR DE BSHAD DO; ;NAM MKHA' MTHA' YAS RNAL 'BYOR NI, ,SHA CHEN DE NI YIN PAR BSHAD, ,GSANG BA PA YI GO 'PHANG MCHOG ,RDO RJE GSUM NI MYUR DU 'GRUB ,DAM TSIG CHEN PO GLANG CHEN RTA, ,DE

136a

, ,BZHIN KHYI LA SOGS PA'I SHA ,PHUNG PO LA SOGS RIGS DBYE BAS, ,GANG GSUNG MNYAM PA'I GRANGS KYIS SO, ,GANG ZHIG RNAL 'BYOR GNYIS MED ZAS, ,BSAM GTAN DGA' BA'I MING GCIG PU, ,'JIG RTEN RGYANG PAN 'JIG RTEN PA, ,BZA' BA'I RANG GI NGO BOR GYUR, ,DGE BA'I BSHES GNYEN BRTAG PA DANG, ,DE BZHIN DROD GSHER LAS SKYES PA; ;'JIG RTEN 'DAS DANG 'JIG RTEN PA'I, ,'DI DAG ZAS SU KUN TU BSHAD, ,DE NAS RDO RJE GSUM DGONGS PA, ,BCOM LDAN 'DAS LAS THOS PA DANG, ,DE BZHIN GSHEGS PA KUN BDAG PO, ,LAG NA RDO RJES TSIG GSOL PA, ,NYAN THOS RNAMS KYI DAM TSIG KYANG, ,PHRA MO'I RNAL 'BYOR STON MDZAD CING, ,MGON KHYOD 'JIG RTEN PA DANG NI, ,'JIG RTEN 'DAS PA DAG KYANG GSUNGS, ,CHU DANG 'O MA GCIG 'GYUR BZHIN, ,KHYOD NI CHOS RNAMS STON PAR MDZAD, ,'JIG RTEN 'GA' LAS YANG DAG PA, ,NGANG PAS 'O MA JI BZHIN LEN,, JI LTAR SKOM PAS GDUNGS PA YI, ,SKYES BU LA LA DE BSRES 'THUNG, ,DE BZHIN 'JIG RTEN SHIN TU 'DAS, ,CHOS KYI BDUD RTZI DE RNAMS 'THUNG, ,DGONGS PAS SNGAGS KYI DE NYID DU; ;GANG ZHIG GSUM DU GSUNGS PA 'DI, ,JI LTA JI LTAR 'JIG RTEN SOGS, ,MGON PO GSAL BAR BSHAD DU GSOL, ,DE NAS DE BZHIN GSHEGS MCHOG GIS, ,GRAGS

136b

LDAN LAG NA RDO RJE LA, ,BU KHYOD LEGS SO CHER LEGS TE, ,BYE BRAG GSUM KHYOD LA BSHAD BYA, ,RKYEN DANG NYAN THOS ZHES GRAGS DANG, ,DE BZHIN MDO SDE LA SPYOD RNAMS, ,'DI DAG 'JIG RTEN PA RNAMS TE, ,BYA BA SBYOR BA'I BYA BAR GNAS, ,RNAL 'BYOR GRUB NAS 'JIG RTEN GNAS, ,'JIG RTEN 'DAS PAR GYUR PA YIN, ,DE NI TING 'DZIN RNAL 'BYOR YANG, ,DE DANG 'DRA BAR BYED MA YIN, ,GANG YANG 'JIG RTEN SHIN TU 'DAS, ,RNAM PAR MI RTOG 'JIGS MED PA, ,DE NI DE BZHIN NYID DNGOS GCIG ,'KHOR BA DANG NI GCIG SHOS SPANGS, ,BRTUL ZHUGS BZANG PO'I RNAL 'BYOR 'DIS, ,SANGS RGYAS RNAMS NI MNYES 'GYUR ZHING, ,BLO LDAN BYANG CHUB SEMS RNAMS KYIS, ,BYANG CHUB MYUR DU THOB PAR 'GYUR, ,'DOD KHAMS KYI NI DBANG PHYUG DANG, ,RNAL 'BYOR GO 'PHANG 'THOB PAR 'GYUR, ,GZI LDAN STOBS KYIS PHYUG PA DANG, ,MDANGS BZANG MTHONG NA DGA' BA DANG, ,MTHONG NGAM TSIG GIS BSKUL BA YIS,, 'JIG RTEN 'DI DAG DBANG DU BYED, ,GSANG BA 'DI NI MCHOG YIN TE, ,SANGS RGYAS BYANG CHUB DAM PA YIN, ,DE NYID SNGAGS KYI GSANG BA 'DI, ,RDO RJE GSUM LAS 'DAS PA'I MCHOG, DGONGS PA LUNG BSTAN YID 'ONG LA, ,SKYES BU GANG ZHIG GNAS GYUR PA, ,GSANG BA YANG DAG SRUNG BA PO, ,DE RNAMS CI DGAR BYED PAR 'GYUR, ,DE BZHIN GSHEGS KUN DAM PA STE, ,

137a

, ,DAM TSIG LAS NI DAM TSIG MCHOG ,RDO RJE GSUM GYIS BYIN BRLABS PA'I, ,LE'U DRUG PA YIN PAR BSHAD,, ,,DE NAS RDO RJE GSUM GSANG DBANG, ,DAM TSIG CHEN PO DE NYID GCIG ,TING 'DZIN GSANG SNGAGS SPYOD PA'I MCHOG ,MNGON RDZOGS BYANG CHUB 'DI GSUNGS SO, ,DE NYID DAM TSIG BZHI PO GANG, ,'DOD PA THAMS CAD CES TE BSHAD; ;DE RNAMS LONGS SPYOD LDAN PA YI, ,CI 'DOD PAR NI BSTEN PAR BYA, ,RANG GI LHAR NI BDAG SBYOR BAS, ,BDAG DANG GZHAN NI MCHOD PAR BYA, ,DE NI 'JIG RTEN MCHOD 'GYUR BA, ,'JIG RTEN 'DAS PA ZHI BA NYID, ,DKA' THUB MYUR BA DE YIN LA, ,SDOM PA DAM PA YIN PAR 'DOD, ,MI ZAD PA NI GNYI GA STE, ,'DOD PA'I LONGS SPYOD THAMS CAD KYANG, ,GZUGS SOGS LHA RNAMS YIN PAR 'DOD, ,DE DAG BSGOMS PA'I SBYOR BA YIS, ,SGRUB PA PO RNAMS MYUR DU 'GRUB, ,THA DAD YI GE SLONG MO YIN, ,DE 'DOD PA NI ZA BA STE,, GANG ZHIG ZLOS LA DGA' BA DE, ,DE DAG SLONG MO ZA BAR 'DOD, ,DKA' THUB DAG NI MI BYA ZHING, ,SNGOM PA MI BZAD NYID KYANG MIN, ,'DOD GSUM DE NYID LONGS SPYOD CING, ,SNGAGS KYI DE NYID MA NYAMS BZLAS, ,RDO RJE GSUM DBYE BA DE GNAS NI, ,SNGAGS RIG BYANG CHUB THOB PAR 'GYUR, ,GZHAN DU DUS MIN 'CHI BA DANG, ,SHI NAS DMYAL BAR 'GRO BAR 'GYUR, ,SANGS

137b

RGYAS BYANG CHUB SEMS DPA' DANG, ,GSANG SNGAGS SPYOD PA'I MCHOG RNAMS GANG, ,MI 'GYUR CHOS NI BRNYES PA YANG, ,RDZOGS PA'I SANGS RGYAS RKANG GNYIS MCHOG ,KUN MKHYEN YE SHES CHAGS LDAN PAS, ,'DOD PA'I YON TAN LNGA RNAMS BSTEN, ,BYANG CHUB SEMS DPA' MNYES BYA ZHING, ,BYANG CHUB PHA ROL PHYIN CHAGS BYA, ,DE LTAR GZUGS LA GSUM SHES NAS; ;MKHAS PA YIS NI MCHOD PAR BYA, ,DE NYID GTZO BO BCOM LDAN 'DAS, ,SNA TSOGS RNAM PAR SNANG MDZAD CHE, ,SGRA LA RNAM GSUM SHES BYAS NAS, ,LHA RNAMS LA NI DBUL BAR BYA, , 'DI NI BCOM LDAN SNA TSOGS PA, ,SANGS RGYAS RIN CHEN 'BYUNG GNAS GTZO, ,DRI LA RNAM GSUM SHES BYAS NAS, ,LHA RNAMS LA NI DBUL BAR BYA, ,DE NYID BCOM LDAN SNA TSOGS PA, , 'DOD CHAGS CHOS NI 'DZIN PA'I GTZO, ,DRI LA RNAM GSUM SHES BYAS NAS, ,LHA RNAMS LA NI DBUL BAR BYA, ,DE NYID DON YOD RDO RJE GRAGS, ,SNA TSOGS GTZO BO BCOM LDAN 'DAS, , REG LA RNAM GSUM SHES BYAS NAS, ,RANG GI RIGS LA DBUL BAR BYA, ,DE NYID BCOM LDAN RDO RJE CAN, ,MI BSKYOD ME LONG GZUGS CAN NO, ,NANG DANG DE BZHIN PHYI ROL DANG, ,GNYI GA RJES SU MI DMIGS PA, ,GZUGS LA RDZOGS GSUM DE YIN TE, ,LHA RNAMS LA NI DBUL BAR BYA, ,GZUGS SGRA RO LA SOGS PA LA, ,SEMS NI RTAG TU SBYAR BAR BYA, ,GSANG BA

138a

, ,BSDUS PAR GYUR PA NI, ,SNYING PO SANGS RGYAS KUN BSKYED DE, ,MKHAS PAS GZUGS SGRA LA SOGS PA, ,LHA NYID DU NI RTAG TU BSGOM, ,DE BZHIN RIGS SU SGOM PA NI; ;SGOM PAS DER NI BSGOM PAR BYA, ,NAM MKHA'I RDO RJE SBYOR BA NI, ,SANGS RGYAS RJES SU DRAN PAR BSHAD, ,SANGS RGYAS RJES DRAN SBYOR BAS KYANG, ,CHOS NI RJES SU DRAN PA BSGOM,, RDO RJE GSUM SGOM RNAL 'BYOR PAS, ,RDO RJE RJES DRAN SGOM PA 'O, ,RIGS DBYE JI SKAD BSHAD PAS KYANG, ,CHOS DANG LONGS SPYOD SPRUL SKUR BYUNG, ,RIGS NI RJES DRAN SBYOR GYUR PA, ,DE BZHIN KHRO BO RJES DRAN PA'O, ,DE NYID GSUM YONGS GYUR PA GCIG ,RDO RJE GSUM NYID MED CHOS NYID, ,LHA RNAMS RJES DRAN SBYOR BA STE, ,DE BSGOM BYANG CHUB THOB PAR 'GYUR, ,BZHI PO DAG NI RE RE BZHI, ,JI LTA JI LTAR MGU BCAS SOGS, ,DE NYID LO YI GRANGS YIN TE, ,BCU DRUG PAR NI YONGS SU BRTAG ,SANGS RGYAS KUN GYIS BSTEN PA YIN, ,BUD MED LO GRANGS BCU DRUG PA, ,GZUGS BZANG PHRA DANG MCHOD PA NI, ,DBEN PA ZHES BYAR BRTZAM PAR BYA, ,BYIN GYIS BRLABS NAS YID 'ONG BA, ,KHYAD PAR GSUM ZHES BYA BA YI, ,DE BZHIN GSHEGS PA BTZUN MO CHE, ,SPYAN SOGS NYID NI BSGOM PAR BYA, ,BSGRUB BYA DE NYID YANG DAG SBYOR, ,DBANG PO GNYIS NI MNYAM SBYOR BA'I, ,DANG POR SBYOR BA 'DI BSGOMS

138b

NA; ;SANGS RGYAS DNGOS GRUB THOB PAR 'GYUR, ,YI GE H'Um DANG DE BZHIN AOm, ,PHAt KYANG DER NI BSGOM PAR BYA, ,DE NYID GSUM TSUL GSUM BDAG NYID, ,CI RIGS PAR NI RNAM PAR SPRO, , 'OD ZER RNAM PA LNGAS KHYAB PA'I, ,RDO RJE PADMA 'DI MCHOG STE, ,GSANG DANG SNYING GA SNA RTZE RU, ,RNAL 'BYOR PAS NI 'DI BSGOM BYA, ,'BAR BCAS ZLA 'OD BZHIN DKAR BAR, ,SHES RAB DE NI RTAG TU BSGOM, ,GANG PHYIR YID NI DGAR GYUR PAS, ,DE BAS DE NANG YID 'ONG BA'O, ,GNAS MED GNAS PAR LEGS SBYOR BAS, ,BZHI MTSUNGS GCIG TU SBYOR BA RIGS, ,SANGS RGYAS RJES DRAN SBYOR LA SOGS, ,BYANG CHUB 'DOD PAS BSGOM PAR BYA, ,NYAMS DGA' SANGS RGYAS KUN GYIS BSTAN, ,BHA GA ZHI BA GCIG PU'I MING, ,RANG GI DE NYID GNYIS MED BYUNG, ,RDO RJE DE BDAG NYID DU SDOR, ,SANGS RGYAS RJES DRAN SBYOR BA STE, ,BHA GA LING+GA YIN PAR BSGRAGS, ,GZHUG PA GNYIS MED SBYOR BA STE, ,SANGS RGYAS GZUGS SU SGOM PA 'O, ,DE LAS BLO LDAN GYIS SPRO BA, ,BA SPU'I BU GA'I RTZE MOR GNAS, ,MNYAM PA MED PAS KHYAD PAR DU, ,SANGS RGYAS SPRIN RNAMS DER SPRO 'O, ,CHOS RJES DRAN PA'I SBYOR BA YANG, ,RDO RJE CHOS KYI RAB SBYOR BAS,, RDO RJE PADMA YANG DAG SBYAR, ,BHA GA'I LING+GAR BRTAG PA 'O, ,DE NAS BA SPU'I BU GA LAS, ,'BAD PAS CHOS KYI SPRIN RNAMS SPRO, ,DE NYID BSAM KUN RDZOGS BYED PA'I, ,'DI NI CHOS KYI BDAG

139a

, ,PO YIN; ;RDO RJE RJES SU DRAN PA BSGOM, ,DNGOS MED GCIG PA LA SBYOR BA, ,STONG LA RDO RJE RAB SBYOR 'GYUR, ,BHA GA LING+GA ZHES BSHAD DO, ,DE NAS BA SPU'I BU GA NAS; ;RDO RJE SPRIN RNAMS KUN TU SPRO, ,RDO RJE BYANG CHUB SEMS SGOM NYID, ,MYUR DU DNGOS GRUB 'THOB PAR 'GYUR, ,RIGS RJES DRAN PA'I SBYOR BA YIS, ,MKHAS PAS STONG NYID RDO RJE LAS; ;DE BZHIN RNAL 'BYOR PAS SPROS NA, ,RIGS KYI DNGOS GRUB 'THOB PAR 'GYUR, ,KHRO BO RJES DRAN SBYOR BA LA'ANG, ,STONG DANG RDO RJE GNYIS LDAN PA'I, ,KHRO BO'I BA SPU'I BU GA NAS; ;KHRO BO'I SPRIN RNAMS SPRO BAR BYA, ,DE NAS DPAL LDAN RDO RJE 'DZIN, ,KHYAB BDAG RNAM SNANG MDZAD CHEN LA, ,RJES DRAN SBYOR BA'I DGONGS PA NI, ,THUB PA CHE LA SLAR ZHUS PA, , THUB KHYOD KYIS NI GANG GSUNGS PA, ,BHA GA'I LING+GA'I SBYOR BA NI, ,'JIG RTEN 'DAS PA'I SBYOR 'DI LAS, ,SANGS RGYAS LA SOGS SPRO GYUR PA, ,TSUL 'DI MA 'ONGS SKYE BO LA, ,PHYI DUS KUN RMONGS SKYED PA STE, ,BDE GSHEGS RNAMS KYI BDAG POS NI, ,CI PHYIR GSUNGS ZHES DE RNAMS SMRA, ,'GRO BAS NAM MKHA' MTSAN MA CAN, ,RTEN 'BYUNG KHYOD NYID MI SHES SHING, ,DE RNAMS SHIN TU RMONGS DBYE BAS, ,JI BZHIN PAR NI RTOGS PAR BYED, ,MGON KHYOD BDE BA CHEN PO STE, ,SANGS RGYAS KUN GYI STON GCIG PU, ,SKU MED SRID GSUM

139b

BDAG NYID CAN, ,DGONGS PA GNYIS KA'I MTSAN DANG LDAN, ,DE BAS KHYOD NI CHOS KUN GYI, ,YON TAN GSUM BDAG DE NYID GSUM, ,DGONGS PA BYA BA DRI MED GSUM, ,SANGS RGYAS KYI NI BDUD RTZI 'BYUNG, ,KHYOD 'DIR BHA GA KHYAB 'JUG STE, ,LING+GA DRAG PO'I MING CAN NYID, ,KHYOD NI SA BON TSANGS LA BRTAGS, ,KHYOD NI RTEN 'BYUNG 'GRO BA 'BYUNG, ,DUS GSUM LAS 'DAS RNAL 'BYOR CHE, ,DUS DANG RTZIS SU GYUR PA NYID, ,SHES DANG SHES BYA RNAM PAR GROL, ,DE BAS KHYOD NI 'GRO BA'I BLA, ,DE NAS RDO RJE 'DZIN PA YIS, ,DE LA SOGS PA'I TSIG GSAN NAS, ,DAM TSIG RJES SU DRAN SGOM PA, ,BCOM LDAN 'DAS NI STON PAR MDZAD, ,RANG GI RDO RJE PADMAR LDAN, ,DBANG PO GNYIS NI RAB SBYOR LAS, ,RANG GI KHU BA'I THIGS SKYES PA'I; ;SANGS RGYAS RDO RJE SEMS DPA' BSGOM, ,DKYIL 'KHOR RJES SU DRAN BDAG NYID, ,DBANG PO GNYIS NYID SBYOR BA LAS, ,RANG GI TSANGS PA RTAG DRANGS TE, ,RNAL 'BYOR PAS NI DKYIL 'KHOR BYA, ,SKU RJES DRAN PA'I SBYOR BA YANG, ,SANGS RGYAS RNAMS KYI PHUNG PO LNGA, ,SANGS RGYAS DE NYID SOGS BRTAG PA, ,BDAG KYANG DE DANG 'DRA BAR RIG ,GSUNG RJES DRAN PA'I SBYOR BA LNGA, ,RDO RJE CHOS GSUNG PHUN SUM TSOGS, ,DE YI GSUNG CI 'DRA BAR 'GYUR, ,BDAG KYANG DE DANG 'DRAR CHOS 'DZIN, ,THUGS RJES DRAN PA'I SBYOR BA GANG, ,RDO RJE 'DZIN PA'I

140a

, ,THUGS DANG NI, ,KUN TU BZANG PO'I THUGS GANG YIN, ,BDAG KYANG DE DANG 'DRA BAR 'GYUR, ,SEMS CAN RJES DRAN SBYOR BA GANG, ,SEMS CAN RJES DRAN RDO RJE NYID SPYOD PA MKHA' MTSUNGS JI BZHIN DU, ,BDAG KYANG DE DANG 'DRA BAR 'GYUR, ,SNGAGS SKU RDO RJE GSUM ZHES PA, ,DE SBYOR DRAN PA SGOM PA NI, ,RDO RJE SNGAGS KYI SKU GANG YIN, ,GSUNG DANG SKU NI RNAM SGOM PA, ,DE NYID GSUM MNYAM GCIG PA NYID, ,RTAG TU GSUM 'DAS GYUR PA YI, ,SNGAGS 'DZIN MCHOG NI CI 'DRA BA, ,BDAG KYANG DE DANG 'DRA BAR 'GYUR, ,DAM TSIG RJES DRAN RNAMS KYIS NI, ,DE BAS TSANGS PAR SHIN TU DBYUNG, ,DNGOS MED GCIG TU SBYOR BA YIS, ,MKHAS PAS CHO GA BZHIN DU GSUNG, ,DE BZHIN GSHEGS MCHOG CHE BA NI, ,DNGOS MED CES BYA BSAD PA STE, ,BLO DANG LDAN PAS 'DI BSAD NA, ,DNGOS GRUB SNGAGS MCHOG THOB PAR 'GYUR, ,SHES RAB DAM TSIG SBYOR GYUR PA, ,RJES SU DRAN PA ZHES BSHAD DO, ,PHA ROL PHYIN PA ZHES GRAGS PA, ,YOD MED GNYIS DANG BRAL PA'O, ,THAMS CAD RANG BZHIN DRI MA MED, ,MA SKYES PA DANG ZAD PA MED, ,BYANG CHUB MED CING MNGON RTOGS MED, ,KHAMS MED 'BYUNG BA'ANG MED PA 'O, ,MA SKYES RJES SU SBYOR BA GANG, ,DER NI CI YANG BRJOD MIN ZHING, ,MA SKYES MING NI GCIG BU PA, ,DRAN PA DE NI YIN PAR BSHAD, ,JI LTAR NAM MKHA' 'OD GSAL BA,,

140b

MTSAN MA MED CING 'GYUR BA MED, ,RANG BZHIN MKHA' DANG 'DRAR GYUR CING, ,GNYIS MED GNYIS SU YOD MIN ZHING, ,YAN LAG BCU GNYIS SBYOR GCIG GANG, ,ZHE SDANG RDZOGS LONGS SPYOD PA'I MING, ,SANGS RGYAS KUN GYIS BSTEN GYUR CING, ,DE NI RIGS RJES DRAN ZHES BYA, ,RTEN 'BYUNG LAS SKYES RDZOGS SANGS TE, ,BUD MED LO GRANGS BCU GNYIS PA, ,BRTAN PA'I SEMS NI THOB PA LAS, ,RANG GI KHU BAS MCHOD PAR BYA, ,DNGOS MED BDAG NYID DAG PA GANG, ,DE NI DAG PAR BSHAD PA YIN, ,DE NYID KYIS NI MCHOD PAR BSNGAGS, ,SHES RAB PHA ROL PHYIN PAS 'GRO, ,'DI YIS LUS LA MCHOD PA DANG, ,KHYAD PAR DU NI DE BZHIN GSHEGS, ,RDO RJE 'DZIN BSHAD DE BZHIN THUGS, ,CHOS 'DZIN PA YI SKU GSUNG THUGS, ,SKU GSUNG THUGS NI YANG DAG GRUB, ,TSE 'DI NYID LA THOB PAR 'GYUR, ,GANG BSHAD RIGS NI DMAN BSHAD PA, ,DE LA'ANG TSUL DE GRUB PAR 'GYUR, ,DE NYID MCHOD PAR BSHAD PA NYID, ,DE BZHIN SO SOR RAB TU BRTAG ,MI PHYED RDO RJE'I SBYOR BA YANG, ,GSUNG GI DBANG BSKUR BA NYID GSAL, ,DGONGS PA LUNG BSTAN LA GNAS NAS, ,GANG ZHIG SEMS NI MA RMONGS PA, ,MKHA' LA GNAS PA'I NYI MA BZHIN, ,DE NI CI DGAR SPYOD PAR BYED, ,DE BZHIN GSHEGS PA THAMS CAD KYI, ,RDO RJE GSUM GYI GSANG BA STE, ,SNGAGS SPYOD PA NI MCHOG GYUR PA, ,LE'U BDUN PAR RAB TU

141a

, ,BSTAN;; ,,DE NAS DPAL LDAN DE BZHIN GSHEGS, ,DKON MCHOG DPAL NI 'OD CHEN PO, ,DE BZHIN GSHEGS PA THAMS CAD KYI, ,BLA MA RDO RJE GSUM GYI BDAG, MGON PO RDO RJE 'DZIN CHEN PO, ,DBANG PHYUG DBANG PHYUG DAM PA DANG, ,SANGS RGYAS KUN GYI STON PA LA, ,BSTOD PA 'DI YIS GSOL BA BTAB, ,NAM MKHA'I SPYOD PA RDO RJE MCHOG ,RDO RJE SEMS DPA' THUB PA CHE, ,THEG PA CHEN PO'I RNAM SNANG BA, ,KUN TU BZANG PO BRTUL ZHUGS BZANG, ,DNGOS KUN DNGOS PO GCIG PA'I MCHOG ,RIGS MCHOG THAMS CAD YANG DAG 'BYUNG, ,RGYAL BA'I DAM PA'I MCHOD PA'I MCHOG ,MCHOD PA'I KUN MCHOG BSHAD DU GSOL, ,'DOD CHAGS CHEN PO ZHE SDANG CHE, ,GTI MUG CHEN PO BLO GROS CHE, , THEG PA GSUM PO RAB STON CIG ,RDO RJE THEG PA STON PA PO, ,NAM MKHA' GCIG PU DNGOS PO'I MCHOG ,YE SHES RGYA MTSO BLA MA CHE, ,RDO RJE GSUM PO CHAGS MED PA, ,RGYAL GNAS MCHOD PAR BSHAD DU GSOL, ,RDO RJE GSUM PO LAM GYI MCHOG, ,THAR LAM GCIG BU STON PA PO, ,SANGS RGYAS SKAL MCHOG SHIN TU DAG, MI MCHOG MCHOD PA BSHAD DU GSOL; ;DNGOS PO KUN GCIG SHIN TU DAG ,BYANG CHUB SEMS NI RGYA MTSO CHE, ,CHOS KYI 'KHOR LO GCIG BSKOR BA, ,RTEN 'BREL YE SHES LAS BYUNG BA, ,RDO RJE GSUM GCIG RNAM

141b

DAG DON, ,SNA TSOGS SANGS RGYAS BYA BA MDZAD, ,BDAG MED MED CHOS SHIN TU DAG ,PHYAG 'TSAL RDO RJE THEG PA LA'O, ,DE NAS DE BZHIN GSHEGS BDAG PO, ,THAMS CAD NAM MKHA' MI 'GYUR CHE, ,THAMS CAD DBANG BSKUR KUN DBANG PO, ,KUN DON RIN CHEN MCHOG 'DZIN PA'ANG, ,NA CHUNG MIG YANGS BTZAL NAS NI, ,GZUGS DANG NA TSOD RNAMS KYIS BRGYAN, ,LO GRANGS NYI SHU LNGA LON PA, ,RNYED NAS MI YI SKYE GNAS BRTAG ,RNAM PAR DBEN NAM GTZANG BA YI, ,SA PHYOGS SU NI RGYAL BDAG NYID, ,ZHI BA ZHI BA'I GNAS YID 'ONG, ,BSHAD GCI CHU YIS BYUGS NAS NI, ,SANGS RGYAS BYANG CHUB RAB STER BA'O, ,RTAG TU MCHOD PA NYID BYA'O, ,DE BZHIN GSHEGS PA MCHOD PA YI, ,PHUNG PO ZHES BYA SNA TSOGS SKYES, ,RDO RJE GSUM PO MI PHYED KHAMS; ;RGYAL BA ZHES NI BYA BAR BSHAD, ,KUN MKHYEN YE SHES LANG TSO STE, ,LEN PA MI GSAL LA SBYOR LA, ,DE NYID NA CHUNG YIN PAR BRTAG ,'JIG RTEN PA RNAMS 'THOB BYED RGYA, ,'GRO BA'I DON NI RAB GRUB PA, ,GANG ZHIG DNGOS MED CES BSHAD PA, ,MTHA' SKYES BZHIN DU BRTAG PA YIN, ,GTZANG BA RNAM DAG SEMS YIN TE, ,RNAM PAR DBEN PA DNGOS MED PA, ,SA NI SPYAN ZHES BYA BA YIN, ,SA PHYOGS RGYAL BA 'BYUNG BA YIN, ,ZHI BA SNA TSOGS NGES 'BYUNG BA, ,ZHI BA'I GNAS NI MYUR LA SOGS, ,BSHAD GCI YUL DANG DBANG POR GRAGS, ,CHU NI

142a

, ,SHES RAB LA SOGS DRUG ,'DI DAG GIS GANG BYUGS GYUR PA, ,RDZOGS LONGS SPYOD PA'I 'DOD 'BYUNG BA, ,DE DAG RGYAL BA'I CHOS BSHAD PA, ,DGONGS PA SBYOR BA CHOS NYID DO, ,MCHOD PA'I YAN LAG GNYIS PA YI, ,BKOD PA'I YAN LAG MTSAN NYID BSHAD, ,'JIG RTEN SHIN TU 'DAS SPYI 'O, ,'JIG RTEN 'DAS PA'I SNYING GA RU, ,RKANG PA'I BAR DANG LTE BA DANG, ,RKED PA GSANG BA 'JIG RTEN PA, ,RGYAL SRAS RNAMS KYI BKOD PA NI, ,RIGS NI LNGA PO BYA BA YIN, ,NAM MKHA'I KHAMS KYI DBUS GNAS PAR, ,YE SHES RGYA MTSO RNAM PAR BSGOM, ,BDAG NYID ZLA BA'I NANG GNAS PAR, ,BRTUL ZHUGS CAN GYIS SNYING GAR BSGOM, ,CHU DE SBYOR BAR GYUR PA NI, ,M'A MA K'I RA NI YONGS SU BRTAG ,ZHI BA RDO RJE 'DZIN 'DOD PAS, ,BSDU BA DE YANG RAB TU BYA, ,RIN CHEN RANG BZHIN MCHOD RTEN NI, ,'OD ZER SNA TSOGS RNAMS KYIS BRGYAN, ,YE SHES RGYA MTSO DUS GSUM PA, ,GNAS DE RU NI BSAM BYA BA, ,BLO LDAN PA SPU'I BU GA LAS, ,JI LTA JI LTAR SPRO BAR BYA, ,RNAL 'BYOR RNAL 'BYOR MCHOG GZHOL BAS, ,MCHOD PA'I SPRIN NI DES SPRO BYA, ,GOS DKAR PADMAR YANG DAG DGOD, ,RNAM LNGA GCIG LA RNAL 'BYOR MA, ,ME YI SBYOR BA BSHAD PA NI, ,DE YANG MI GSAL ZHI LA GNAS, ,SGRON MAR AUTPAL NYID GYUR PA, ,RLUNG STE SBYOR BA LNGA PA'O, ,

142b

'JUG DANG GNAS DANG SKYE BA DANG, ,DE BZHIN LDANG BA'I MING CAN NO, ,DE NYID RNAM PA GSUM BYAS PAS, ,RDO RJE GSUM GYI DAM TSIG GNAS, ,DE NAS BLO LDAN GYIS DBUL BA, ,LHA RNAMS KYI YANG DNGOS MED NYID, ,DE NAS DE BZHIN GSHEGS BA MCHOG ,KHYAB BDAG RNAM SNANG CHEN PO LAS, ,ME TOG DGONGS PA THOS NAS NI, ,RDO RJE CAN GYIS THUB CHEN ZHUS, ,ME DANG RLUNG DANG DBANG CHEN DANG, ,CHU RU YONGS SU BRTAGS PA YIN, ,RE RE'ANG DANG PO SBYOR ZHES BYA, ,ME TOG DE LNGA GSUM DU BSHAD, ,BYA RGOD ME TOG ZA BA DANG, ,BUNG BA SHA ZA ZHES ZER ZHING, ,ME TOG 'DI YI DGONGS PA NI, ,MA 'ONG SKYE THOBS MI SHES SO, ,MA RTOS PAS NI DE RNAMS KYI, ,DNGOS GRUB RING DU GNAS PAR 'GYUR, ,'DI LTAR BDAG NI SKAL MIN ZHES, ,SMRA ZHING DE RNAMS BDAG NYID SMOD, ,DE LTAR BDAG NYID KYIS SMAD PAS, ,SANGS RGYAS THAMS CAD SMAD PAR 'GYUR, ,SANGS RGYAS THAMS CAD SMAD GYUR PAS, ,MI LAS 'DAS NAS GZHAN DU 'GRO, ,GTZO BO SANGS RGYAS NANG NA MIN, ,PHYI ROL NA MIN GNYI GAR MIN, ,TSOGS PA LAS NI MA YIN TE, ,RKYEN GYIS 'GRO BA DAG LA GNAS, ,DE BZHIN DE BZHIN GSHEGS SANGS RGYAS; ;LUS LA GSANG SNGAGS 'DI NYID LAS, ,GSANG SNGAGS 'GRUB PAR DKA' BA'I RGYUS, ,DES NI BDAG DANG DE DAG SMOD, ,DE RNAMS RJES SU GZUNG BA'I PHYIR, ,DGONGS PAS DE NI

143a

, ,BSHAD DU GSOL, ,RANG GI NGO BO MA 'TSAL NA, ,MKHAS PA DAG NI NYAMS PAR 'GYUR, ,DE NAS BCOM LDAN SNA TSOGS PAS, ,GSANG BA'I BDAG PO LA GSUNGS PA; ;NYIN DANG MTSAN MO DBYE BA YIS, ,ME TOG DON NI BSHAD PAR BYA, ,PADMA AUTPAL NYIN MOR BSHAD, ,DZA' TI MTSAN MO YIN ZHES BSHAD, ,LNGA YI BDAG NYID GSUM DANG GCIG, GNYIS LNGA GCIG DANG GSUM DU 'GYUR, ,DE YI THABS NI NYIN MOR BSHAD, ,MTSAN MO SHES RAB CES BSHAD DO, ,NYIN DANG MTSAN MO'I DBYE BA YIS, ,MJUG TU 'BYUNG BA NYID DU 'GYUR; ;DE GNYIS DBUS KYI SBYOR BA GANG, ,DGONGS PAS YONGS SU BRTAGS PA YIN, ,DE NI SANGS RGYAS SNYING POR 'GYUR, ,DE BAS LHA TSOGS KYIS DE MIN, ,RNAL 'BYOR PA DANG SNGAGS PA RNAMS, ,DGONGS PA'I CHOS LA RAB BRTZON BYA, ,DGONGS PA BYIN BRLABS RGYU YIS NI, ,DE RNAMS KYIS NI 'GRUB PAR 'GYUR, ,GANG ZHIG RLUNG NI BCUR GRAGS PA, ,DE NI PADMA AUTPAL MED, ,DE NYID CES GRAGS RDO RJE GSUM, ,DZ'A TI GCIG PU GSUM DU 'DOD, ,KAR NI KA DANG MA LI KA ,YUG TI K'A RA B'I RA NI, ,GO RIM BZHIN DU SPYAN SOGS TE, ,SA LA SOGS PAR 'DIR SBYAR RO, ,DNGOS MED GO 'PHANG LA BKOD PAS, ,LHA RNAMS KYI NI SKUR SBYOR BAS, ,GCIG TU SANGS RGYAS KUN MNYES PA'I, ,MCHOD PA CHEN POR DE 'GYUR RO, ,LNGA PO'I BDAG

143b

NYID YANG DAG GZHAG ,LNGA BCU DAG NI NYIS 'GYUR BYA, ,DE NYID GSUM SBYOR 'KHOR LO NI, ,DPAG TSAD BRGYA YI DKYIL 'KHOR RO, ,DER NI MKHAS PAS RTAG PAR NI, ,RIGS RNAMS RAB TU DGOD PAR BYA, ,PADMA 'KHOR LO RDO RJE DANG, ,DE BZHIN AUTPAL RTAG TU BSGOM, ,DPAG TSAD BZHI PO SBYOR GCIG PA, ,DPAG TSAD RGYA KHYON DE NYID GSUM, ,BYAMS PA LA SOGS GRU BZHIR 'GYUR, , MDZES PA PHUNG POS BRGYAN PA YIN, ,GRU BZHI DE NI RIGS SU GYUR, ,ZHI BA SBYOR BA GCIG MING CAN, ,MCHOD RTEN YE SHES SEMS RANG BZHIN, ,GSAL ZHING RANG BZHIN DRI MA MED, ,RIGS RNAMS MCHOD PHYIR DE NYID NI, ,SHES RAB CAN GYIS GNAS BSGOM MO, ,MNGON SHES LNGA YI GNAS 'DOD RNAMS, ,DE YI MCHOD PA RGYA MTSO GSAL, ,RIN CHEN YE SHES SPRO BDAG NYID, ,GOS NI BSDU BA ZHES BYA'O, ,MCHOD PA MCHOG RNAMS DE DAG GIS, ,BYANG CHUB 'DOD PAS MCHOD PAR BYA, ,SHES RAB CAN GYIS MCHOD MCHOG LAS, ,LHA RNAMS RTAG TU MNYES PAR BYA, ,SBYOR GCIG DE LAS YANG DAG BYUNG, ,RIN CHEN 'BYUNG GNAS NA CHUNG YIN, ,DGA' MGU YANG DAG LDAN PA YIN, ,DNGOS GRUB SHIN TU GRUB PA'I PHYIR, ,NGA RGYAL LA SOGS BDUN ZHES BYA, ,RIN CHEN THAMS CAD DBUL BAR BYA, ,CHOS DANG RDZOGS LONGS SPYOD LAS BYUNG, ,RIN CHEN BDUN GYI NOR DE NI, ,DES BKANG BA YI ZHING 'DI NI, ,SHES RAB THABS GCIG LAS BYUNG BA'I, ,DNGOS GRUB

144a

, ,'DOD PAS SBYIN BA'I PHYIR, ,ZHING DE NYIN RE DBUL BAR NI, ,NAM MKHA' MTHA' YAS RNAL 'BYOR PA'I, ,SBYIN PA'I PHA ROL PHYIN 'DIR 'GYUR, ,SANGS RGYAS DKYIL 'KHOR DBUS SU DE, ,PHYAG RGYA'I BDAG POR MNYAM BZHAG STE, ,'DOD CHAGS BLO LDAN SANGS RGYAS LA, ,REG PAR YANG DAG SBYOR BA DBUL, ,NAM MKHA'I DBYINGS KYI DBUS GNAS PAR, ,BKOD PA'I DKYIL 'KHOR DAM PA BSGOM, ,BDAG NYID DE BZHIN GSHEGS PA'I SKU, ,YUL DANG DBANG PO SUN 'BYIN PA, ,DNGOS MED GCIG PAR YANG DAG 'BYUNG, , YUL DANG DBANG PO ZHES BYA BA'I, ,BSHANG GCI JI LTA JI LTA BAR, ,DE NYID MCHOD PA RNAMS KYIS MCHOD, ,SKAL BZANG BZHIN NI MDZES PA YI, ,BUD MED GZUGS BZANG RNYED PA DANG, , GSANG SNGAGS YI GE'I GNAS 'GYUR BAS, ,RNAL 'BYOR MA DE BYIN BRLABS LA, ,BYAS NAS GNYIS MED SBYOR GCIG PU, ,RANG GI LUS KYI NANG DU GZHUG ,SPYAN SOGS JI LTA JI LTA BAR; ;BYIN GYIS BRLAB PA'I GNAS BKOD DE, ,MIG BZANG DAG PA'I BYA BA YI, ,RANG BYUNG KHU BA BLANGS NAS MCHOD, ,GANG ZHIG DE LTAR RTOGS PA DE, ,BLANGS PAS RDO RJE 'CHAD BAR 'GYUR, ,SA LA SOGS PA'I DKYIL 'KHOR GANG, ,SPYAN LA SOGS PAR RAB BRTAGS PA, ,DE NI 'JUG SOGS SBYOR BA YANG, ,DE NI KHU BA ZA BAR 'GYUR, ,'DI NI SNGAGS RNAMS

144b

THAMS CAD KYI, ,SKU GSUNG THUGS KYI MCHOD PA STE, ,RDO RJE YE SHES CAN GSANG GI ,GSANG SNGAGS DNGOS GRUB BYED PA'I MCHOG ,RIN CHEN KUN GYI 'BYUNG GNAS MCHOG ,DGONGS PA LUNG BSTAN LA GNAS NAS, ,GANG ZHIG SEMS NI BZOD GYUR BYA, ,DE NI JI BZHIN NYID DU'ANG BYED, ,DE BZHIN GSHEGS PA THAMS CAD KYI, ,RDO RJE GSUNG GI GSANG BA LAS, ,BSHANG GCI'I DAM TSIG CES BYA BA'I, ,LE'U BRGYAD PA YIN PAR BSHAD,, ,,DE NAS DE BZHIN GSHEGS MCHOG GTZO, ,THAMS CAD NAM MKHA' MI 'GYUR CHE, ,SANGS RGYAS DBANG BSKUR SPYOD PA'I MCHOG , GZUGS DON DBANG PHYUG DAM PA YIN, ,RDO RJE GSUM NYID LONGS SPYOD PA, ,RDO RJE MI PHYED GSUM DKYIL 'KHOR, ,SANGS RGYAS YE SHES SBYOR GCIG PA'O, ,GSANG BA NYAMS NI DGA' BAR BSHAD; ;NAM MKHA'I DBYINGS KYI DBUS GNAS PAR, ,SANGS RGYAS DKYIL 'KHOR BSGRUB PAR BYA, ,RDO RJE RTZE GCIG RDO RJE YANG, ,SGOM PA'I BDAG NYID CAN GYIS BSGOM, ,'OD 'PHRO MANG PO 'BAR BA DANG, ,'OD ZER SNA LNGAS RAB TU GANG, ,DUS GSUM SANGS RGYAS YANG DAG 'BYUNG, ,BSGOMS LA RDO RJES PHYE MAR BRLAG ,RDO RJE GSUM GCIG LONGS SPYOD NI, ,RDO RJES PHYER BRLAGS MED GYUR PA'I; ;THUGS KYI DNGOS GRUB BYED BSAM GTAN, ,BSGOMS NA MYUR DU THOB PAR 'GYUR, ,RDO RJE MCHOG CES BYA BA YI, ,RDO RJE GSANG BA 'DI LTA BU, ,RDO RJES RDO RJE 'DZIN PA NI, ,SEMS CAN

145a

, ,THAMS CAD BSAD NA NI, ,DE NI MYUR BAR MI BSKYOD PA'I, ,RGYAL BA'I SRAS SU SKYE BAR 'GYUR, ,ZHE SDANG RIGS CHEN DE NYID KYIS, ,ZHING DE 'GENGS PAR BYED PAR 'GYUR; ;DE NAS DGONGS PA CHOS GCIG PU, ,GTZO BO KUN MKHYEN THAMS CAD RIG ,DAM TSIG DE NYID GSUNGS PA YI, ,MGON LA PHYAG NA RDO RJES GSOL, ,'DI LTAR DNGOS MED MCHOG GYUR PA; ;KHYOD NI CHOS RNAMS STON MDZAD PA, ,'JIG RTEN PA DANG 'GAL TSIG GIS, ,MGON KHYOD CI PHYIR STON PAR MJED, ,GANG ZHIG DE BZHIN NYID DNGOS GCIG, ,DUS GSUM BYUNG BA'I SANGS RGYAS RNAMS, ,CHOS SKU GCIG PU LAS 'KHRUNGS PA, ,[?] RDO RJES PHYE MAR BRLAG, DE NI PHYER BRLAGS GYUR PA LAS, ,JI LTAR YANG DAG SEMS 'GRUB 'GYUR, ,CHOS SKU GCIG PU LAS BYUNG LAS, ,LHAG PA ZHES BYA GYUR NAS [?] DUS GSUM 'BYUNG BA'I SANGS RGYAS RNAMS, ,PHYE MAR BRLAG PAR JI LTAR NUS, ,PHYER BRLAG BYED PA MDANGS MED PAS, , PHYE MA NYID KYANG KHYAD PAR DU, ,SANGS RGYAS SNGAGS DON RNAL 'BYOR PA, ,NUS PA BSAM MI KHYAB LDAN LA, ,DE 'DRA BAR NI PHYER BRLAG PAR, ,SNGAGS PA GZHAN GYIS MI NUS SO, ,SEMS CAN GYIS NI SEMS CAN BZHIN, ,SANGS RGYAS SANGS RGYAS PHYER BRLAGS PAS, ,'DI GNYIS KHYAD PAR MED DO ZHES, ,MA 'ONGS SKYE BO SMRA BAR 'GYUR, ,SANGS RGYAS GCIG PU MTHAR

145b

THUG PA; ;MIN ZHES MI RNAMS NGES SMRA ZHING, ,GANG ZHIG SANGS RGYAS KYIS GSUNGS BZHIN, ,RAB TU SPONG BAR BYED PAR 'GYUR, ,THEG BZANG BSGRUBS NA 'TSANG RGYA BA, ,DGONGS PA'I BUM PA BZANG PO MCHOG ,DE NI BCOM LDAN MYUR SBYOR BAS, ,MI BSKYOD ZHING DU SKYE 'GYUR RAM, ,SEMS CAN 'KHOR BAR 'KHOR GYUR BA, ,DE TSE ZHE SDANG CHE SKYE 'AM, ,SNYING RJES GSAD PAR BYA'O ZHES, ,SNGAGS PA RNAMS NI DE MI SPONG, ,'DAS TSE STON PAR GYUR PA DANG, ,DA LTAR RJES SU STON MDZAD DANG, ,MNYES BYA MA 'ONGS SANGS RGYAS RNAMS, ,SANGS RGYAS BYANG CHUB STZOL BA'O; ;MI BSKYOD GZUGS CAN RDO RJE YIS, ,DE RNAMS JI LTAR GZHOM PAR BGYI, ,DE NYID SNA TSOGS DON LDAN TSIG ,DE RNAMS KYIS NI JI LTAR RTOGS, ,GANG ZHIG SHES PAS RGYAL SRAS RNAMS; ;DGONGS PA'I DON LA RTOG MED 'GYUR, ,MA 'ONGS SKYE BO'I DON DU NI, ,DE NYID BCOM LDAN BSHAD DU GSOL, ,DE NAS RDO RJE 'DZIN SMRA BA'I, ,'GRO LA PHAN PA'I TSIG GSAN NAS, ,DE NAS GTZO BO RDO RJE 'CHANG, ,KHYAB BDAG GIS NI SLAR GSUNGS PA, ,LEGS SO BU KHYOD CHER LEGS TE, ,KUN TU BZANG PO KHYOD LEGS SO, ,DGONGS PAS BSHAD PA'I DON DU NI, ,KHYOD KYIS NGA LA GANG DRIS PA, ,GSUNGS DON JI LTA JI LTA BAR, ,DE NI NGA YIS BSHAD PAR BYA, ,PHUNG SOGS YAN LAG GANG GYUR PA, ,SANGS RGYAS SEMS CAN RAB BRTAN ZHING, ,SNGAGS DANG PHYAG

146a

, ,RGYA'I SBYOR BA YANG, ,DBYE BA SNA TSOGS RAB TU BRTAN, ,'KHOR BA MI BSKYOD MING CAN TE, ,DE'I SNGAGS RDO RJE ZHES BYA BA, ,MI GSAL RDO RJE ZHES BSHAD DE, ,DNGOS MED GCIG PU RDO RJE NYID, ,DES BSHIG PA NI BSAD PA STE, ,SANGS RGYAS SEMS CAN KHYAD PAR DU, ,SNA NI TSOGS KYI DBANG PO YI, ,KHA NI RANG BZHIN NYID DU G-YO, ,RNAL 'BYOR PA YI LAG GYUR PA, ,'GRO BA RLUNG GI MING CAN NO, ,MI BSKYOD RDO RJE'I SPYOD PA NYID, ,LAG TU RDO RJE BZHAG NAS NI, ,DE TSE MYUR LA SOGS BYA BA, ,KLU YI RANG BZHIN SNA TSOGS NYID, ,PHUNG SOGS BRTAGS PA'I SANGS RGYAS RNAMS, ,SKU GSUNG THUGS LAS YANG DAG BYUNG, ,DE YI YAN LAG PHUNG POR BSHAD, ,DE NI PHYER GYUR BSAD PA YIN, ,'DI NI ZHE SDANG RIGS YID 'ONG, ,MI BSKYOD YE SHES RDO RJE NYID, ,DE BZHIN SKYE BA DAM PA YIN, ,DNGOS GRUB CHEN PO DES 'THOB 'GYUR, ,DE NAS DPAL LDAN BDE CHEN PO, ,YE SHES THAR PA RAB SGRUB PA, ,RANG BZHIN DAG GIS GOS MED PA, ,BYANG CHUB SPYOD PA RAB SGRUB PAS, ,PHYAG NA RDO RJE 'OD CHEN PO, ,GSANG BA GSUM GYI GTZO BO LA, ,BOS NAS YANG DAG RDZOGS SANGS RGYAS, ,SGRUB PA'I DAM TSIG DE NYID GSUNGS, ,NAM MKHA'I DBYINGS KYI DBUS GNAS PAR, ,RDO RJE DKYIL 'KHOR DAM PA LA, ,RNAM PAR SNANG MDZAD BSGOM BYA ZHING, ,SANGS RGYAS THAMS CAD RNAM PAR BSGOM, ,

146b

RIN CHEN KUN GYI SBYOR BA YIS, ,RDO RJE GZUGS NI RNAM PAR BSGOM, ,RDO RJE GSUM MNYAM SBYOR BA YIS, ,RDZAS RNAMS THAMS CAD DBROG PAR BYA, ,SHES DANG DBANG PO LDOG PAR 'GYUR, ,RNAM SMIN DNGOS PO MED PA YI, ,DE NYID DBROG PA'I RDO RJE DANG, ,SANGS RGYAS THAMS CAD RAB SGRUB PA'I, ,RIN CHEN RDO RJE MCHOG SBYOR BA, ,RGYAL BA'I SRAS SU 'GYUR BA DANG, ,NOR GYI RGYA MTSOS GANG BA YI; ;YID BZHIN NOR BU 'DRA BAR 'GYUR, ,'DI NI GTI MUG RIGS DE NYID, ,DAM TSIG YIN PAR YONGS SU BSGRAGS, ,RIGS KUN RGYA MTSO ZHES BYA STE, ,DE LAS THUB PA'I SKYES MCHOG 'GYUR; ;DE NAS BDAG PO BCOM LDAN 'DAS, ,'DOD CHAGS THAR PAR RAB 'JUG PA, ,GSANG BA DAG PA GNAS MED PA, ,DKYIL 'KHOR MCHOG NI BKA' STZAL TO, ,NAM MKHA'I DBYINGS KYI DBUS GNAS PAR, ,RIN CHEN DKYIL 'KHOR BSGOM PAR BYA, ,DPAG MED CHOS NI RNAM BSGOMS TE, ,SANGS RGYAS KUN GYIS RAB TU DGANG, ,BUD MED LTA BU'I SBYOR BA YANG, ,TING NGE 'DZIN GYI SBYOR BA YIS, ,THAMS CAD DE RU BSGOM PAR BYA, ,'DI NI RDO RJE TSUL MCHOG YIN, ,DNGOS MED BSAM PA'I SBYOR BA YIS, ,GSAL MI GSAL LA YANG DAG SBYAR, ,CHOS DANG RDZOGS LONGS SPYOD SBYOR BA, ,GSANG SNGAGS KYIS SPRUL DBANG PO GNYIS, ,SBYOR BA BZHI YI SBYOR BA YIS, ,DBANG PO GNYIS NI RAB SBYOR BA'I, ,SNYOMS ZHUGS SBYOR BA DE YIS NI, ,DE DAG THAMS CAD NYE

147a

, ,BAR SPYOD, ,SKU GSUM MI PHYED SNGAGS RNAMS KYI, ,'DI NI SGOM PA MCHOG DE YIN, ,DE NYID DAM TSIG SBYOR BA 'DI, ,'DOD CHAGS RIGS GCIG SGOM PA'O, , 'DI NI SANGS RGYAS THAMS CAD KYI, ,'DOD CHAGS CHEN PO'I TSUL MCHOG STE, ,SNGAGS PA RNAMS KYIS NYIN RE ZHING, ,RAB TU 'BAD PAS BSGOM PAR BYA, ,DE NAS GSANG DBANG RDO RJE GSUM,, RDO RJE SNGAGS DON SGRUB PA PO, ,BDAG MED YE SHES LAS BYUNG BAS, ,GSUNG NI 'DI SKAD BKA' STZAL TO, ,NAM MKHA'I DBYINGS KYI DBUS GNAS PAR, ,SANGS RGYAS DKYIL 'KHOR BSGOM PAR BYA, ,DON YOD RDO RJE RNAM BSGOMS TE, ,SANGS RGYAS THAMS CAD BSGOM PAR BYA, ,RDO RJE TSIG GI RDZUN SMRA BA, ,RGYAL BA THAMS CAD SLU BA STE, ,'DI NI SANGS RGYAS THAMS CAD KYI; ;NAM MKHA'I GSUNG NI DRI MED PA'O, ,GANG ZHIG BRDZUN DU SMRA BSHAD PA, ,RDZUN DE NYID NI DAM PA STE, ,DPA' BO GANG ZHIG SGOM BYED PA, ,DE NI RGYAL BA'I MCHOG TU 'GYUR, , GSANG PA'I YE SHES DAM PA STE, ,SANGS RGYAS DNGOS GRUB BYED BA'I MCHOG ,DAM TSIG 'GUGS PAR GANG GYUR PA'I, ,RIGS KYI DAM TSIG LA 'JUG PA'O, ,KUN TU KUN NAS 'BAB PA YIS; ;JI BZHIN DON DU DRANGS BYAS TE, ,SO SOR RTOG PA'I SBYOR BA YIS, ,DE NI DNGOS GRUB RGYA CHEN 'THOB, ,DE NAS BCOM LDAN SNA TSOGS PA, ,MI PHYED RDO RJE GSUM RGYAL BDAG ,RDO RJE'I

147b

DNGOS GRUB RAB STON PAS, ,GSUNG NI 'DI SKAD BKA' STZAL TO, ,NAM MKHA'I DBYINGS KYI DBUS GNAS PAR, ,DER NI DKYIL 'KHOR BSGOM PAR BYA, ,SANGS RGYAS SKU RU RAB BRTAGS PA'I, , DAM TSIG DE NI YANG DAG BSHAD, ,DKON MCHOG DPAL NI RAB BSGOMS TE, ,GZUGS RNAMS KUN GYIS SA 'DI GANG, ,PHUNG PO LA SOGS GRANGS MNYAM PA'I, ,SANGS RGYAS KUN GYIS THAMS CAD DU, ,RTZUB PA'I NGAG LA SOGS PA NI, ,SA RNAMS DMAN PA ZHES BYA BA'I, ,BSGOMS NA DNGOS GRUB THOB 'GYUR ZHES, ,BCOM LDAN THUB PAS DE SKAD GSUNGS, ,DE BZHIN GSHEGS PA KUN BKOD PA, ,SNA TSOGS GZUGS CAN 'OD PO CHE, ,BSAM PAS DPAL LDAN GCIG PU NYID, ,DPAG TU MED PAR GYUR BA YIN, ,DE NAS GANG ZHIG DAM TSIG SOGS, , CHOS DBYINGS RDO RJE GSUM NYID NI, ,DE BZHIN GSHEGS PA THAMS CAD KYIS, ,DAM TSIG RDO RJE DPAL LA SOGS, ,BYANG CHUB SEMS DPA' SEMS DPA' CHE, ,NGO MTSAR RMAD DU GYUR NAS NI, , TSIG LAM RDO RJE ZHES BYA 'DI, ,DE NI DE RNAMS RJOD PAR BYED, ,CI 'DI MGON PO BCOM LDAN 'DAS, ,DE BZHIN GSHEGS PA KUN GYI BDAG ,GANG ZHIG KHAMS GSUM LAS 'DAS SHING, , 'JIG RTEN THAMS CAD LAS 'DAS PA, ,DE BZHIN GSHEGS PA KUN MCHOG DANG, ,BYANG CHUB SEMS DPA'I TSOGS CHEN GYI, ,'KHOR GYI DKYIL 'KHOR DBUS SU NI, ,NGO MTSAR CHE BA'I TSIG

148a

, ,GI LAM; ;GTZO BO'I YANG DAG RDO RJE'I TSIG ,DGONGS PAS CI SLAD GANG GSUNGS ZHES, ,BRJOD KYIS MI LANG BA YI YANG, ,BRJOD MI LANG BA RNAMS KYIS GSOL, , DE NAS DE BZHIN GSHEGS KUN GYIS, ,BRJOD KYIS MI LANG BA YI YANG, ,BRJOD KYIS MI LANG GRANGS KYI NI, ,RI RAB RDUL PHRAN DANG MNYAM PA'I, ,DE BZHIN GSHEGS PA THAMS CAD DANG, ,DAM TSIG RDO RJE DPAL SOGS PA'I, ,BYANG CHUB SEMS DPA' SEMS CHEN LA, ,DNGOS MED LAS BYUNG GSAL BA GSUNGS, ,DMAN DANG SMAD PA'I 'DU SHES NI, ,RGYAL BA'I SRAS RNAMS MA SKYED CIG ,CI'I PHYIR ZHE NA DE BZHIN GSHEGS, ,'BYUNG BA GANG 'DI SPYOD MCHOG YIN, ,'DI LTAR SNGAGS KYI SPYOD MCHOG 'DI, ,RNAM PAR DAG YIN RIGS KYI BU, ,SANGS RGYAS MNYAM MED 'BYUNG 'GYUR 'DI, ,GSANG BA'I SNGAGS DON SPYOD PA NYID, ,'DI LTAR DPER NA RIGS KYI BU, ,NAM MKHA' KUN TU SONG BA STE, ,CHOS RNAMS KUN KYANG DER RTOGS SHING, ,RAB DBYE'I SBYOR BAR GYUR PA NYID, ,'DOD PA'I KHAMS NA MI GNAS SHING, ,DA NI GZUGS KYI KHAMS MI GNAS, ,DE BZHIN GZUGS MED KHAMS NA'ANG MIN, ,'BYUNG BA BZHI LA DE MI GNAS, ,RIGS KYI BU CHOS THAMS CAD KYANG, ,DE LTAR DON GYI DBANG MKHYEN NAS, ,DGONGS PA'I DBANG GIS RGYAL BA RNAMS, ,DE BZHIN GSHEGS RNAMS DGONGS NYID KYIS,,

148b

CHOS RNAMS STON PAR MDZAD PA YIN, ,DE BZHIN DU NI KHYED RNAMS KYIS, ,MDOR NA KHONG DU CHUD PAR BYA, ,YANG DAG BYANG CHUB DON RNAMS KYIS, ,NAM MKHA'I NGES TSIG SBYOR BAS NI, ,DE BZHIN GSHEGS PA'I SBYOR BA BYUNG, ,DAM TSIG RJES SU RIG PAR BYA, ,'DI LTAR DPER NA RIGS KYI BU, ,GTZUB SHING GTZUB STAN BCAS PA DANG, ,SKYES BU'I LAG PA BSKYOD PA YI, ,RKYEN LAS DU BA 'BYUNG BAR 'GYUR, ,DE NAS ME YANG 'BYUNG MOD KYI, ,GTZUB SHING LA SOGS RE RE NAS, ,'DI LTAR SO SOR BRTAGS NA GO ,ME DE GANG NA'ANG MI GNAS SO, ,BRAG CA DANG NI GZUGS BRNYAN [?] DANG, ,SGYU MA DANG NI SMIG RGYU DANG, ,DE BZHIN CHU ZLA RMI LAM STE, ,CHOS RNAMS THAMS CAD DE DANG 'DRA, ,MGON PO PI WANG SGRA LTA BU, ,RKYEN DON LAS TSIG YANG DAG BYUNG, ,DE BZHIN 'GRO 'OD GNAS PA RNAMS; ;CUNG ZAD TZAM YANG YOD MA YIN, ,GNAS MED GNAS PA'I SBYOR BA YIS, ,GNAS PA NAM MKHA'I MTSAN NYID YIN, ,DES NA KHYED KYIS RDO RJE YI, ,DAM TSIG RJES SU RIG PAR BYA, , DE LTAR CHOS RNAMS DNGOS MED CES, ,GSANG BA'I DE NYID DON MKHAS PAS, ,RNAM PAR SMIN PA LDOG BYA'I PHYIR, ,PHUNG PO DE BZHIN GSHEGS PAS GSUNGS, ,DE NAS BYANG CHUB SEMS DPA' RNAMS; ;NGO MTSAR RMAD DU BYUNG NAS NI, ,NGAM PA YIS NI MIG GDANGS TE, ,TSIG NI 'DI SKAD CES GSOL TO, ,CHOS 'DI NGO MTSAR RMAD BYUNG STE, ,NAM MKHA' DANG NI MTSUNGS PA YI, ,MI RTOG

149a

, ,RNAM PAR DAG PA YANG, ,KUN RDZOB TU NI BSHAD BAR MDZAD, ,DAM TSIG CHEN PO YANG DAG GNAS, ,DGONGS PA LUNG STON MCHOG LA NI, ,GANG ZHIG YID 'ONG BZOD GYUR PA, ,DE NI DE BZHIN SPYOD PA YIN, ,MCHOG TU NGAG PA'I DE NYID DON, ,GSANG BA CHEN PO ZHES BYA BA, ,DAM TSIG TSUL NI YANG DAG BSHAD, ,LE'U DGU PA RDZOGS PA YIN,, ,, DE NAS DE BZHIN GSHEGS PA KUN, ,RDO RJE GSUM 'BYUNG BCOM LDAN 'DAS, ,SLAR YANG DGONGS PA 'DUS NAS NI, ,BLA MA CHEN PO BCOM LDAN 'DAS, ,DAM TSIG RDO RJE DE NYID GNAS, , MNGON PAR BYANG CHUB DED DPON NYID, ,SKU DANG GSUNG THUGS GTZANG GTZO LA, ,BTUD DE DE BZHIN GSHEGS PAS GSAL, ,SNYING PO SNGAGS NI KUN BSDUS PAS, ,GSANG BA YANG DAG RDO RJE GSUM, ,DNGOS GRUB CHEN PO'I TSUL GYI MCHOG ,DE NYID BCOM LDAN BSHAD DU GSOL, ,DE BZHIN GSHEGS PA KUN YE SHES, ,SKU GSUNG THUGS KYI DNGOS GRUB STZOL, ,GSUNG GCIG DU MA'I RNAM PAR RTOG ,YANG DAG BSDUS DON DE BZHIN GSUNGS, ,DE NAS BDAG PO BCOM LDAN 'DAS, ,NYON MONGS KUN GYI RGYA MTSO GTZO, ,'BAR BA DRAG PO SPYAN YANGS PAS, ,GSUNG NI 'DI SKAD BKA' STZAL TO, ,SKU LA SOGS PA'I RDO RJE GSUM, ,SKU DANG GSUNG THUGS SGOM PA NI, ,MNYAM ZHING RNAM PAR MI RTOG PA, ,DMIGS PA MED CING GNAS MED PA'O, ,DE NAS

149b

MGON PO BCOM LDAN 'DAS, ,RANG BZHIN DAG PA'I DE BZHIN GSHEGS, ,PHA ROL PHYIN PA SNGAGS TSUL GYI, ,RDO RJE ZHES BYA'I TING 'DZIN LA, ,DPA' BO CHEN PO SNYOMS ZHUGS TE, ,DA BZHIN GSHEGS KUN LA GSUNGS PA, ,GANG PHYIR SANGS RGYAS BCOM LDAN 'DAS, ,DE BZHIN GSHEGS PA KUN 'DI NI, ,MGON PO MI BSKYOD LA SOGS PA'I, ,DE BZHIN GSHEGS PA DU MA DANG, ,RIG PA BYE BA KHRAG KHRIG NI, ,BRGYA STONG DU MA ZHES BYA DANG, ,SEMS CAN DON BYA LA ROL PAR, ,MCHOG NI DE RNAMS STON PAR MDZAD, ,PHYOGS BCU'I 'JIG RTEN KHAMS MCHOG TU, , 'DOD PA'I YON TAN LNGAR LDAN PAS, ,ROL CING DGYES PAR GYUR PA DANG, ,YONGS SU SPYOD PA YOD KYANG NI, ,SNGAGS SPYOD PA LA BRTZON RNAMS LA, ,KYE MA DPA' BO DE BZHIN GSHEGS, ,RANG GTZO GSANG SNGAGS SPYOD TSUL MCHOG ,CHOS BDAG MED PA'I RANG BZHIN CAN, ,'DI DAG RDZOGS PAR GYUR MNYAM NAS, ,SPYAN RAS KYIS NI 'TSO MI MDZAD, ,DE LTAR RNAM PAR SPYAD PA'I DON; ;GSANG SNGAGS BRTUL ZHUGS SPYOD RNAMS LA, ,YANG DAG PAR NI BYIN BRLABS PHYIR, ,DE NI STON PAR MDZAD 'DI YIN, ,DE NAS DE BZHIN GSHEGS PA MCHOG ,THUB LA PHYAG NA RDO RJE GSOL, ,MGON PO DE BZHIN GSHEGS DE RNAMS, ,SO SO SKYE BOR GYUR PA LA, ,DNGOS PO MED CING DMIGS SU MED, ,NAM MKHA'I KHAMS DANG MNYAM GYUR NAS, ,'DOD PA'I

150a

, ,YON TAN LDAR LDAN NAS, ,JI LTAR DE RNAMS ROL PAR MDZAD, ,DE RNAMS PHYOGS BCU'I 'JIG RTEN DU, ,NGES PAR GYUR BA'I 'KHOR RNAMS DANG, ,SEMS CAN DON GYI BYA BA KUN, ,'DOD PAS STON PAR MDZAD PA YIN, ,MGON PO 'DOD PA'I YON TAN RNAMS, ,SBYIN SOGS DRUG CES BYA BAR 'BYUNG, ,THAMS CAD DAG KYANG DE NYID 'BYUNG, ,PHA ROL PHYIN PAR MNYAM BZHAG NYID, ,DE LTAR PHA ROL PHYIN 'BYUNG BA'I, ,'DOD PA'I YON TAN LNGA DANG LDAN, ,'GRO BA'I DON GYI BYA BA YANG, ,'DOD PA LNGA PO 'DI YIS MDZAD, ,'DI RNAMS KYIS NI MGON PO 'DI, ,MI BSKYOD LA SOGS RGYAL BA RNAMS, ,ROL CING DGYES PAR MDZAD PA DANG, ,'GRO BA'I DON KYANG MDZAD GYUR CING, ,'JIG RTEN PA DANG 'GAL BYA RNAMS; ;DE YANG DE BZHIN MDZAD GYUR PA, ,DAG PA RDO RJE'I TSIG MCHOG 'DI, ,DE RNAMS KYIS NI RTOGS PAR 'GYUR, ,PHYAG BYAR 'OS PA'I RIGS PA NI, ,NGES PAR LDAN PA NGES PAR 'DOD; ;YOD MED LA SOGS BYED PA NI, ,NYIS 'GYUR MTSAN MA CAN DU 'GYUR, ,PHYOGS BCU LAM DU CHOS GSUNGS PA, ,GANG ZHIG 'JIG RTEN PHUNG PO LNGA, ,KHAMS LA SOGS PAR MTSON PHA GANG, ,GZUGS SOGS ZHES BYA'I MING CAN YIN, ,'DI NI YAN LAG THAMS CAD NI, ,BYA BA NYAN THOS THEG PA'O, ,DE NYID RKYEN GYI THEG PA STE, ,TSIG DE STON PAR MDZAD

150b

PA 'DI, ,GANG ZHIG RDO RJE THEG PAR GNAS, ,DE BZHIN JI BZHIN SGRA RU 'DZIN, ,SHES RAB PHA ROL PHYIN PA LA, ,NGES PAR 'BYUNG BA'I TSUL GSUM PO, ,CHOS SKU NGO BO LA SOGS PA, , MKHA' DBYANGS MTHA' YAS RNAL 'BYOR PA, ,GNAS MED GNAS PAR SBYOR BA YIS, ,'GRO BA'I SNYING DU RNAM ROL PA, ,ZHI BA GCIG LA GNAS PA'I MGON, ,'KHOR BA DANG NI GCIG SHOS SPANGS, ,SNGAGS LAS YANG DAG 'BYUNG BA DE, ,MI BSKYOD LA SOGS PAR BRTAGS RNAMS, ,DNGOS MED GNAS LA GNAS PAS NA, ,SGRUB PA PO RNAMS GZIGS MI 'GYUR, , GSANG SNGAGS RKYEN GYI SBYOR BA YIS, ,DE NI RDZOGS LONGS SPYOD GZIGS 'GYUR, ,BCOM LDAN GSANG BA GSUNGS PA 'DI, ,DON DE 'TSAL BAR MA GYUR PAS, ,RNAM RTOG DU MA'I KUN RTOG LAS, ,CHOS NYID DE YIS SHES MI 'GYUR, ,JI SKAD GSUNGS PA MI SHES PAS, ,PHYI DUS SKYE BO LA LA SMRA, ,'JIG RTEN PA RNAMS DRANG BYA'I PHYIR, ,GSANG BAR GYUR PA BSTAN DU GSOL,, DE NAS BCOM LDAN SNA TSOGS PAS, ,LAG NA RDO RJE GRAGS PA CHE, ,DGONGS PA'I DON NI RTOGS GYUR PA, ,BU KHYOD SHES RAB CHEN PO LEGS, ,GANG ZHIG SHES PAS MA 'ONGS PA'I, ,SKYE BO RNAM PAR MI RTOG 'GYUR, ,TSIG GCIG LA YANG SNA TSOGS DON, ,YANG DAG BSDUS NAS KHYOD KYIS BSHAD, ,DE NAS DAM PA BCOM LDAN 'DAS, ,BLA MA KUN MKHYEN THAMS CAD RIG ,

151a

, ,SKYES BU DAM PA DE DAG LA, ,SPYAN RAS KYIS NI 'TSO BYA'I PHYIR, ,RDO RJE GSUM GYI GSANG BA 'DI, ,DE BZHIN GSHEGS PA KUN GYI MCHOG ,SKU GSUNG THUGS KYI RDO RJE YI; ;GSANG BA YI NI MCHOG GI GNAS, ,SNYING PO SNGAGS RNAMS THAMS CAD KYI, ,BSKUL BA GCIG PU ZHES BYA BA, ,DE BZHIN GSHEGS KUN GSANG GCIG PU, ,MCHOG LAS MCHOG TU GSUNGS GYUR PA, ,SKU GSUNG THUGS KYI YANG DAG RTOGS, ,DAM TSIG LA NI DMIGS PA DANG, ,RDO RJE 'DZIN PA'I SKU GSUNG THUGS, ,DAM TSIG LA NI DMIGS PA DANG, ,CHOS 'DZIN PA YI SKU GSUNG THUGS, ,DAM TSIG LA DMIGS DE BZHIN NO, ,NYID SKU GSUNG THUGS RDO RJE LAS, ,TSIG LAM NGES PAR BRJOD PA NI, ,DE NYID SNGAGS SU YANG DAG BSDUS, ,SNA TSOGS GSUNG BA GZUGS GCIG PU, ,YI GE H'Um NI GCIG GSUNGS LA, ,DE NAS YI GE AOm GSUNGS TE, ,DE BZHIN MGON POS YI GE A'A:, ,SV'A NI DE BZHIN BZHI PA YIN, ,H'A YANG 'DOD LHAR GYUR PA STE, ,DE NI 'DI LTAR SANGS RGYAS LNGA, ,H'Um AOm A'A: SV'A DE BZHIN H'A, ,'DI NI GSUNGS PA TZAM GYIS NI, ,SANGS RGYAS SRAS DANG BCAS PA KUN; ;RAB TU 'DAR ZHING BRGYAL BAR 'GYUR, ,DE RNAMS GNYIS MED SBYOR LA GNAS, ,RDO RJE SEMS DPA' RJES SU DRAN, ,ZHI BA'I SBYOR BAR CHOS GCIG PA'I, ,RNAM PAR MI RTOG

151b

CHOS GCIG SKYES, ,DE NAS BCOM LDAN 'DAS DE YANG, ,DE BZHIN GSHEGS KUN BDAG PO YIS, ,DE YI BYIN RLABS SBYOR DON DU, ,DAM TSIG 'DI DAG BKA' STZAL TO, ,NAM MKHA'I DBYINGS KYI DBUS GNAS PAR, ,DKYIL 'KHOR BKOD PA ZHES BYA BA, ,RE RE'ANG GSUM GYI SBYOR BA YIS, ,SGOM PA'I SBYOR BA BSGOM PAR BYA, ,BYE BRAG GSUM PO GCIG BRTAGS PA'ANG,, BKOD PA MI GSAL BA NYID DO, ,ZLA BA'I DBUS GNAS YI GE H'Um, ,RANG GI GZUGS GCIG RAB TU BRTAG ,RDO RJE 'OD ZER RAB 'BAR BA, ,RNAM PAR 'PHRO BA BSAM PAR BYA, ,SANGS RGYAS RNAMS KYI SKU GSUNGS THUGS, ,SNYING LA DE YIS RNAM BSGOMS NAS, ,DPAL LDAN DE NYID SKAD CIG DER, ,RDO RJE GSUM GYI RDO RJE 'DZIN, ,RDO RJE SEMS DPA' DBANG CHEN GTZO, ,'DI NI KUN MCHOG CHEN POR SKYE, ,RANG GI SNGAGS KYIS BSKYED BYA BA, ,SNGAGS KYI CHO GA DAM PA'O, ,SNYING PO RANG GI RDO RJE SNGAGS, ,RDO RJE BSDUS PA ZHAS BSHAD DO, ,RANG SNGAGS TSUL LAS BYUNG BA 'O, ,SKYES BU'I GZUGS SU BSGOM PAR BYA, ,SBYOR BA BZHI PO SBYOR GCIG PUS, ,GNAS BZHI DAG TU DE DGOD DO, ,KHA DOG GSUM PO ZHAL GSUM LTA'I, ,DE NYID GSUM GCIG RNAM BSGOM ZHES,, BCOM LDAN 'DAS MCHOG NAM MKHA' NI, ,RDO RJE DAM TSIG GTZO BOS GSUNGS, ,DE NAS DE BZHIN GSHEGS PA MCHOG ,ZHI BA'I BDAG NYID THUB PA CHE, ,GTZO LA PHYAG NA RDO RJE YIS, ,

152a

, ,GSANG BA 'DI NI SLAR ZHUS PA, ,H'Um AOm A'A:DANG SV'AH'A ZHES, ,DE NAS 'DI NI GSUNGS GYUR BAS, ,SANGS RGYAS SRAS DANG BCAS PA KUN, ,DE NAS RAB 'DAR BRGYAL GYUR CING, ,RDO RJE SEMS DPA' RJES DRAN PA, ,THUB CHEN DE 'DIR JI LTA BUR, ,MGON PO DE NI PHYI DUS NA, ,JI SKAD GSUNGS PA MI RTOGS PA, ,GCIG PU MKHA' MNYAM SANGS RGYAS DANG, ,BYANG CHUB SEMS DPA' MTHU CHEN RNAMS, ,RAB TU 'DAR ZHING BRGYAL 'GYUR ZHES, ,BYIS PA RNAMS KYIS MI RTOGS SO, ,LAN BRGYA STONG DANG BYE BA YI, ,GRANGS DAG TU NI STON MDZAD CING, ,STON PA SNA TSOGS STON MDZAD KYANG, ,'DAR ZHING BRGYAL BAR DE MA GYUR, ,MA 'ONGS DUS NA'ANG 'BYUNG 'GYUR BA, ,MI I [?] MKHAS PA YI NGA RGYAL CAN, ,BLA MA'I LUNG NI BLANGS NAS SU; ;RTAGS NI RANG NYID 'DZIN PAR BYED, ,DE NI SNGAGS DON GSUNGS PA YI, ,MTSAN NYID GSANG 'DI MI SHES PAR, ,SNGAGS DON DE NYID MKHAS PA YIS, ,GZHAN RNAMS LA NI MI SNYAN SGROG ,'KHRUL BA CUNG ZAD TZAM MTHOR NA, ,BZHAD GAD DAG NI BYED PAR 'GYUR, ,REG NA DUG DANG MTSUNGS PA YI, ,MI DE ZHI BAR MI 'GYUR RO, ,GANG ZHIG YID NI RIN CHEN 'DRA'I, ,'GRO LA PHAN PA'I SNGAGS PA RNAMS, ,'DI NI MA 'ONGS DUS SU YANG, ,DNGOS GRUB MCHOG NI THOB PAR 'GYUR, ,DE RNAMS YANG DAG BSDU BA'I PHYIR, ,SKAD CIG RJES GSUNG GRUB DON DU, ,SBYOR

152b

BAR DGONGS PA'I BSAM PA CAN, ,BCOM LDAN 'DI NI BSHAD DU GSOL, ,DE NAS STON PA BCOM LDAN 'DAS, ,'GRO PHAN PHYAG NA RDO RJE LA, ,DE LTAR SBYAR BA YANG DAG SBYOR, ,SGOM PA'I DNGOS PO RTOGS BYED PA, ,DBANG PO NYI MA THUB PA NYID, ,GANG ZHIG PHYOGS BCUR GNAS PA RNAMS, ,SRAS BCAS SANGS RGYAS ZHES BYA BA'I, ,DE BZHIN GSHEGS PA THAMS CAD GYUR, ,PHUNG PO LA SOGS GRANGS MNYAM PA'I, ,LUS LAS SKYES TE YOD PA 'DI, ,STONG PA'I RKYEN DU SBYOR BA LAS, ,SANGS RGYAS SRAS DANG BCAS GYUR 'DOD, ,SNGAGS DE SNGAGS PA SANGS RGYAS DE, ,BDAG NYID DE SRAS YANG DAG SBYOR, ,ZHI SOGS MNYAM PA'I SBYOR BA LAS, ,ZHI BA'I BDE BA DE NAS BRTZAM, ,BDAG NYID RANG BZHIN GYIS DAG CING, ,RANG BZHIN DRI MA MED BYAS LA, ,DAL DANG MYUR DANG GNAS PA YI, ,SNA TSOGS DE GCIG DAG LA GZHUG ,YID DMAN RIM LA SOGS PAS KYANG, ,SBYOR BA DE NYID DAG LA GNAS, ,DE NAS DBANG PO MED GYUR PA, ,GANG TSE ZHI BA'I BDE GCIG PU; ;RANG BZHIN DAG PA'I SBYOR BA STE, ,DE YI CHOS NI LTA BA PO, ,DE NAS RDZOGS LONGS SPYOD PA'I SNGAGS, ,SANGS RGYAS THAMS CAD 'JAM LAS BYUNG, ,GANG PHYIR RANG NI ZLO GYUR PA, ,YI GE H'Um GI GSANG SNGAGS LNGA, ,DE TSE SNYING LAS RAB 'DAR CING, ,DBANG PO THAMS CAD BRGYAL BAR 'GYUR, ,GANG YANG PHUNG SOGS YAN LAG NI, ,SRAS BCAS SANGS RGYAS THAMS CAD DE, ,DE NYID KYI NI

153a

, ,GRANGS MNYAM PA'I, ,RNAL 'BYOR BA YI LUS RAB 'DAR, ,NYE BAR MTSON SOGS TSIG RNAMS NI, ,PHUNG PO LA SOGS BSHAD PA GANG, ,SANGS RGYAS SRAS BCAS PAR GYUR TE, ,DE NI BRGYAL ZHING 'DAR BAR 'GYUR, ,DE GNYIS LA NI SNYOMS 'JUG BA, ,SANGS RGYAS THAMS CAD SRAS DANG BCAS, ,RDO RJE SEMS DPA' NYID DRAN TE, ,DE SNGAGS BDAG NYID DNGOS LAS BYUNG, ,DE 'DIR MCHOG TU BSHAD PA YIN, ,RDO RJE GSANG BA RMAD BYUNG PA, ,PHRA MO'I SNYING GANG DBUS GNAS PAR, ,DKYIL 'KHOR RNAM PAR BSAM PA 'O, ,DE YI DBUS GNAS ZHI BA YI, ,GO 'PHANG MCHOG NI BSAM PAR BYA, ,DE H'Um ZHES BYA'I 'OD PO CHE, ,DE YONGS GYUR PA'I RDO RJE NI, ,'DI NI MCHOG GYUR RTZE LNGA PA, ,RNAL 'BYOR PA YIS RTAG TU BSGOM; ;RDO RJE LCAGS KYU'I SBYOR BA YIS, ,RDO RJE GSUM NI BSAM PAR BYA, ,DE YI SNYING GAR BSDAMS NAS NI, ,LHA RNAMS RAB TU BSKUL BAR BYA, ,'DI NI SANGS RGYAS THAMS CAD KYI, , RDO RJE THAMS CAD RAB SGRUB PA'O, ,'KHOR LO PADMA'I RIGS SOGS PA'ANG, ,ROL MO 'DI NI DAM PA STE, ,RDO RJE LCAGS KYU RNAM BSGOMS NAS, ,SNYING GA RU NI BSKUL BAR 'GYUR, ,RDO RJE YI NI TSUL MCHOG 'DI, ,ZHAG BDUN PAR DU BYAS NAS NI, ,YE SHES RDO RJE CAN GYI GSANG, ,RDO RJE GSUM PO YANG DAG SGRUB, ,PHUNG PO LA SOGS SANGS RGYAS GANG, ,DE NI DNGOS PO MED

153b

LTA BA; ;DE NYID MCHOG GI GSANG SNGAGS KYIS, ,SKRAG PA RNAM SMIN MTHONG BA LA, ,SKRAG BA MI RNAMS 'DI DAG STE, ,GSANG SNGAGS GNYIS MED SBYOR GCIG BYUNG, ,MTHONG BAS SKRAG STE MCHOG STER CING, ,'DI DAG 'DI NYID BRTAGS PA YIN, ,ZHI BA GCIG PU'I SBYOR BA LAS, ,SNGAGS LUS RDZOGS PA NYID GYUR NAS, ,YID LA MGU ZHING DGA' GYUR PA'I, ,DNGOS GRUB RGYA CHER STER BAR 'GYUR, ,PHUNG BO LA BTAGS SANGS RGYAS DANG, ,DE BZHIN BYANG CHUB SEMS DPA' RNAMS, ,SNGAGS KYIS SBYOR BA'I DON SGRUB PAS, ,RMONGS PAS 'DA' BA BYAS NAS NI, ,DE YI SROG NI DER ZAD 'GYUR, ,ZHI BA NYID KYI SBYOR GCIG LAS, ,'DI NI 'JIG RTEN 'DAS PA MCHOG ,DE LAS LDOG PA 'JIG RTEN PA'O, ,DE NAS BDAG PO BCOM LDAN 'DAS, ,'JIG RTEN GSUM GTZO STON PA PO, ,'JIG RTEN GSUM MCHOG RDO RJE GTZOS, ,GSUNG NI 'DI SKAD BKA' STZAL TO, ,GANG ZHIG SNGAGS KYI SKYES BUR BSHAD, ,RDO RJE GSUM GYI YE SHES GZUGS, , DE NI DBANG PO GNYIS SBYOR BA'I, ,GCIG PAR SGOM PA RTAG TU BYED, ,BDAG DMIGS SEMS CAN YOD MIN PA'I, ,SNGAGS KYI DBANG PO RNAM SGOM PA, ,DBANG PO GNYIS SBYOR BZANG PO STE, , DNGOS BO THAMS CAD RNAM BRTAGS PA'O, ,'DI NI SANGS RGYAS THAMS CAD KYI, ,SNGAGS KYI DAM TSIG MCHOG SGOM PA'O, ,RANG GZUGS RDO RJE YANG DAG SBYOR, ,RIG MA DBANG PHYUG BDAG

154a

, ,KYANG BSGOM, ,GNYIS MED GNYIS SU MED CHAGS PA, ,LTA BA DAM TSIG DKYIL 'KHOR RO, ,GSANG BA ZHES BYA DER SBYAR BA, ,DE NYID MNYAM PA'I BDAG NYID DO,, DE NAS STON PA BCOM LDAN 'DAS, ,THAMS CAD DBANG BSKUR DAM PA NI, ,MI PHYED RDO RJE GSUM GRUB PA, ,GSANG BA'I DGONGS PA BKA' STZAL TO, ,NAM MKHA' MTHA' YAS SBYOR BA YIS; ;PHUNG PO BDAG NYID MI DMIGS PA, ,CHOS KYI DBYINGS LA SOGS PA'I RIM, ,BUD MED DE NI RGYA CHEN 'GYUR, ,RAB TU SBYOR BA 'DI YIS NI, ,'GRO BA'I BUD MED CES BYA BA, , GSANG SNGAGS DE NYID DON GSANG NYID, ,DE NI GSANG BAR NYE BAR SPYOD, ,DER NI YID 'ONG SANGS RGYAS RNAMS, ,BYE BA GRANGS MED RDO RJE 'DZIN, ,SNGAGS RIG DAM PA SPRO 'O ZHES, , DER NI BCOM LDAN GTZO BOS GSUNGS, ,BYANG CHUB SEMS DPA' DAM TSIG NI, ,STON PA 'DIR NI BLA MA CHER, ,'JIG RTEN PA LA 'DIR BSHAD DE, ,'JIG RTEN 'DAS PA LDOG PA'O, , NAM MKHA' LTA BU'I BYANG CHUB NI, ,'DI YIS SHIN TU 'THOB PAR 'GYUR, ,BYANG CHUB SEMS KYI YON TAN MTSO, ,RDO RJE SEMS DPA' MCHOG DES 'THOB, ,DGONGS PA LUNG BSTAN GSANG BA LA, ,GANG ZHIG SEMS NI DAD GYUR PA, ,GSANG BA 'BAD DE DE YANG DAG BSRUNG, ,DE NI RTAG TU LEGS PAR BYED, ,RDO RJE GSUM GYI GSANG BA LAS, ,DE BZHIN GSHEGS PA

154b

KUN GYI YANG, ,DE NYID BSKUL BA ZHES BYA BA, ,LE'U BCU PA YIN PAR BSHAD,, ,,DE NAS STON PA BCOM LDAN 'DAS, ,RDO RJE GSUM MCHOG MCHOG GSANG BA, ,DE BZHIN GSHEGS PA KUN MCHOG GCIG, ,NYI SHU RTZA LNGA MCHOG CES BYA'I, ,TING NGE 'DZIN LA SNYOMS ZHUGS NAS, ,DE BZHIN GSHEGS KUN RDO RJE YIS, ,SNGAGS RIG SKYES BU ZHES BYA BA'I, , LE 'U 'DI NI BKA' STZAL TO, ,SNGAGS MCHOG DE NI PHYAG RGYA CHE, ,RDO RJE GSUM GYI YE SHES BSGOM, ,RTOGS DANG BRI BA 'THOB PA'I PHYIR, ,RDO RJE YE SHES DAG GIS KYANG, ,TSANGS PA LA SOGS YANG DAG BSHAD, ,YE SHES SNYING PO DAM PA STE, ,RDO RJE GSUM SOGS BSHAD GYUR PA, ,SKU YI RDO RJE 'THOB BYED PA'O, ,AA DANG ZUNG NA GSUNG RDO RJE, ,BYANG CHUB BDAG MED 'THOB BYAD PA'O, ,H'Um NI RDO RJE GSUM MTHA' NYID, ,SKU GSUNG THUGS NI 'THOB BYED PA'O, ,DE NI 'JUG PA SOGS GNAS NYID DONG, ,LDANG BA DAG TU RAB TU BSHAD, ,NYI SHU LNGA SOGS MING CAN GYI; ;SKYES BU'I GZUGS SU 'DI 'GYUR RO, ,DE BAS RE RE'ANG GSUM NYID DE, ,RDO RJE GSANG SNGAGS NYID DU GYUR, ,BRJOD MED SA BON BRGYAD PA LAS, ,DE NI NAM MKHA' LAS BRGYAL 'GYUR,, BRGYA PHYED RLUNG NI GCIG BU LA, ,DE LAS NGES BAR NYI SHU LNGA, ,SKYES BU NYID DU BYUNG BA NA, ,MGRIN BCU ZHES BYA'I MING CAN DANG, ,SGRA SGROG GSOD PA'I DGA' BYED 'GYUR, ,DE NAS TSANGS PA

155a

, ,GCIG NYID GYUR, ,TSANGS PA KHYAB 'JUG DRAG PO STE, ,'JUG BA LA SOGS RIM DU BSHAD, ,'DI DAG BSNYENGS MED DE GCIG PU, ,DE NI ZHI BA DNGOS MED NYID,, DE LAS KYANG NI YANG DAG 'BYUNG, ,LONGS SPYOD RDZOGS SKU DAM PA'O, ,DE NAS SNGAGS GCIG SPRUL PA LAS, ,'GRO BA'I DON GYI BYA BAR 'GYUR, ,MTSAMS DANG SKYE MCHED NOR LHA 'O; ;ZLA BA ZUNG GCIG RIG BYED DE, ,DE LA SOGS PA'I GRANGS GYUR RNAMS, ,DE NI RIG PA'I SKYES BUR GNAS, ,'DI RNAMS LAS GCIG BZUNG NAS NI, ,SANGS RGYAS ROL MO BSTAN PAR BYA, ,RDO RJE SEMS DPA' DE NYID 'DI, ,NAM MKHA' RDO RJE DBUS SU BSAM, ,DKYIL 'KHOR BRGYAN PA ZHES BSHAD PA, ,YI GE BHR'Um NI DES BSAM MO, ,RDO RJE SPRIN NI SPRO BSKYED PA'I, ,DE BZHIN GSHEGS PA DRUG GI SKU, ,DE DBUS GNAS BA'I RNAL 'BYOR PAR, ,SGOM PA'I BDAG NYID CAN GYIS BSGOM, ,SNGAGS RNAMS KUN GYI GTZUG TOR NI,, SNGAGS KYI SKYES BU GSANG BA PA, ,GCIG PU NYID NI BDAG POR 'GYUR, ,SNGAGS SPYOD DON NI SGRUB PA PO, ,CHOS LA 'KHOR LO GCIG 'KHOR LO MCHOG ,RGYAL DANG RMAD BYUNG CHE GTZUG TOR, ,LUS DANG RNAM PAR RGYAL DE BZHIN, ,BYA BA MCHOG TU YANG DAG BSHAD, ,SBYOR DANG BYA BA GNYIS MED BZHIN, ,SBYOR BA 'BA' ZHIG NYID LA 'DI, ,BHR'Um NI GTZUG TOR

155b

CHEN POR BSTAN, ,YE SHES RDO RJE SNYING PO 'DI, ,DUS SBYOR GCIG GI MING CAN NO, ,NAM MKHA'I KHAMS DANG MNYAM NYID LDAN, ,SNGAGS KYI SKYES BU DNGOS GRUB STZOL, ,RDO RJE'I DKYIL 'KHOR DBUS GNAS PAR, ,AOm ZHES BYA BA DE RU BSGOM, ,PHVA MO'I DKYIL 'KHOR DBUS GNAS PAR, ,YI GE A'A:NI RNAM PAR BSGOM, ,CHOS KYI DKYIL 'KHOR SBYOR BA LA'ANG, ,YI GE H'Um NI DE RU BSGOM, ,YI GE BRUm NI GNAS MING CAN, ,RDO RJE GSUM 'BYUNG BSGOM PAR BYA, ,GSANG BA'I DAM TSIG 'DI NYID DE, ,RDO RJE GSUM 'BYUNG BKA' STZAL TO, ,SNYING PO DUS GSUM SANGS RGYAS KYI, ,RDO RJE GSUM NI MNYES BYED MCHOG ,SKU DANG GSUNG THUGS THOG MA MTHA', ,AOm A'A: H'Um GI GRANGS DANG MNYAM, ,SANGS RGYAS SKU MCHOG GSUNG GI LAM, ,THUGS KYI YE SHES 'JINGS SU BYA, ,RANG NYID 'DON PA NYID DU NI, ,RE RE ZHING NI YANG DAG BSHAD, ,SNGAGS KYI SKYES BU'I SBYOR BA YANG, ,RGYU YI BDAG NYID MING CAN YIN, ,BYANG CHUB TSUL MCHOG 'DI YIN TE, ,SANGS RGYAS BYANG CHUB RAB SGRUB PA'O, ,RDO RJE YE SHES SPRUL BA STE, ,SANGS RGYAS 'BRAS BU THOB BYED PA'O, ,SNGAGS KYI RIG PA ZHES BSGRAGS PA, ,'DI NI SANGS RGYAS SKYES BU YIN, ,RDO RJE GSUM MNYAM MI PHYED PA, ,RDZOGS PA LA SOGS SGOM PA YI, ,DE BZHIN GSHEGS KUN RDO RJE NI, ,GSUM PO YE SHES RDO RJE STZOL, ,BYIN RLABS DPAL CHEN ZHES BYA BA'I,

156a

, ,DAM TSIG TING 'DZIN GYUR PA YIN, ,RNAM PAR DBEN DANG CI RIGS PA'I, ,STAN DAG LA NI SBYOR BA BZHI, ,RIG PA'I SKYES BUR YANG DAG SBYOR, ,BRTUL ZHUGS CAN GYIS KUN TU BRTZAM, ,THABS DANG SHES RAB NYI ZLA PHYED, ,THUN GCIG TU NI RAB TU BRTAG, ,DE YI PHYED NYID ZLA PHYED KYIS, ,RDO RJE GSUM NI NGES PAR 'GRUB, ,'JIG RTEN 'DAS PA'I RANG BZHIN NYID, ,'JIG RTEN PA'I YANG PHYIN CI LOG ,RDO RJE GSUM SBYOR STZOL DNGOS GRUB, ,'GRUB PAR 'GYUR BA THE TSOM MED, ,NAM MKHA'I RDO RJE DBUS GNAS PAR, ,PHRA MO'I DKYIL 'KHOR BSAM PAR BYA, ,RANG GI SNGAGS KYI DAM TSIG DUS, ,BSKYED PA YI GE AOm BSGOM BYA, ,SBYOR BA BZHI YI GTAN TSIGS GANG, ,SNYING POR YONGS SU BRTAGS PA YIN,, SNA RTZE DANG NI RTZA BA NYID, ,SPYI BO MTHA' NI DGA' LDAN GNAS, ,GCIG DANG GSUM GYI DNGOS POR 'GYUR, ,DAG PA'I GNAS KYI GRONG KHYER BA, ,PHYED PA GSUM GYI MING CAN NI, ,RIGS KYI DBYE BA RDO RJE GSUM, ,SNA YI RTZE MO SBYOR BA YIS, ,RDO RJE GSUM SBYOR BRTUL ZHUGS CAN, ,M'A MA K'I DANG GOS DKAR MO, ,SGROL MA GTOGS PA SANGS RGYAS SPYAN, ,'OD ZER LNGA YI SPRIN CHEN PO, ,RNAM PAR SNANG MDZAD GNYIS MED GNAS, ,RDO RJE RNAM SNANG DE LAS NI, ,DNGOS GRUB RGYA CHEN STZOL BAR 'GYUR, ,SANGS RGYAS SKU YI 'OD 'DRA BA, ,SKAD CIG DER

156b

'GRUB RNAL 'BYOR PA, ,YE SHES LNGA PO BSTEN NAS NI, ,RDO RJE BSKAL PA GSUM DU GNAS, ,YE SHES 'DAS DANG MA 'ONGS DANG, ,DA LTAR BYUNG BA RDO RJE GSUM, ,DE 'DIR BSKAL BAR BRTAGS GYUR PA; ;GRANGS MED CES BYA DE NYID DO, ,SKU YI GSANG BA DE NYID 'DI, ,'JIG RTEN 'DAS PA'I RIM PAR GSUNGS, ,ZHI BA'I BDE LAS SHES BYA BA, ,RANG MYONG SBYOR BA GCIG LAS DE; ;SKU YI GSANG BA MCHOG 'DI NI, ,DE BZHIN GSHEGS PA KUN GYIS GSUNGS, ,RDO RJE 'OD ZER BKOD PA YIS, ,TING 'DZIN YANG DAG BKA' STZAL TO, ,AA DANG AU NI LKOG MA'I DBUS; ;RKAN GYI STENG GI MING CAN NO, ,AI DANG TZA NI LAG G-YON NYID, ,AU DANG MU NI G-YAS PAR BRTAG ,RI DZU 'DI NI GSANG BAR DGOD, ,LI TI RKANG PA GCIG SHOS LA, ,DKYIL 'KHOR GCIG NI DE NYID DO, ,DKYIL 'KHOR LNGA LAS RGYAL GYUR PA, ,HA NI LUS SKYES GTZUG TOR DANG, ,GCOD NI GSUM PO GCOD PA CAN, ,YON TAN BZHI YI BZHI PO DE, ,LNGA PO'I LNGA PAR DE 'GYUR RO, ,NAM MKHA'I RDO RJE GCIG PHYED SBYOR, ,DE NI 'OD ZER LNGAR 'GYUR RO, ,RIG PA CHEN PO DE NYID 'DI, ,CHA ZHES BYA BAR DE YONGS BSGRAGS, ,DUS CAN BDAG NYID SBYOR DBANG PO, ,DE YI RANG SBYOR GZUGS CAN GCIG ,AA NI THABS 'GYUR SBYOR BA NI, ,DBANG PO GNYIS PO GCIG TU 'O, ,NAM MKHA'I RDO RJE DBUS GNAS PAR, ,CHOS KYI DKYIL 'KHOR

157a

, ,MCHOG BSAM PA, ,RANG SNGAGS SKYES BU BSAMS NAS NI, ,A'A: NI NGAG GI LAM DU BZHAG ,KHA DOG LNGA YIS KUN NAS NI, ,BRGYAN PA'I RDO RJE CHEN PO DAG, 'JIG RTEN DBANG PHYUG MCHOG SGOM PAS, ,DAM TSIG YE SHES BSGOM PAR BYA, ,GSUNG GI DAM TSIG SPROS PAR BSHAD, ,KHYAB BDAG MI ZAD RTAG PA STE, ,THOG MTHA' MED PA'I MTHAR THUG PA; ;ZHI BA MYA NGAN 'DAS ZHES BYA, ,CHOS KYI GSUNG LAS RNAL 'BYOR DBANG, ,RDO RJE CHOS DANG 'DRA BAR 'GYUR, ,YE SHES LNGA LDAN BSTEN NA NI, ,RDO RJE GSUM GYIS BSKAL BAR GNAS; ;GSUNG GI GSANG BA 'DI NYID NI, ,DE BZHIN GSHEGS PA KUN GYIS GSUNGS, ,DAM TSIG 'BYUNG BA ZHES BYA BA, ,TING NGE 'DZIN DU YONGS SU BSGRAGS, ,NAM MKHA' RDO RJE DBUS GNAS MCHOG ,RDO RJE'I DKYIL 'KHOR DAM PA NI, ,DER NI RANG SNGAGS SKYES BU DAG ,H'Um NI SEMS LA GNAS RDZOGS BYA, ,DAM TSIG CHEN PO DE NYID CAN, ,KHA DOG RNAM LNGA BSGOM PAR BYA, ,RDO RJE KUN DANG RGYAL BA'I GNAS, ,YE SHES RDO RJE DAG GIS BYA, ,STON PA RDO RJE'I THUGS 'DRA BA, ,YANG DAG YE SHES YON TAN MTSO, ,YE SHES LNGA LDAN BSTEN NA NI,, RDO RJE BSKAL PA GSUM DU GNAS, ,LKOG MA RKAN DANG DE NAS MCHU, ,SPYI BO SA YI MING CAN TE, ,RDO RJE GSUM THUGS GSANG BA GCIG ,DE NAS HAm LAS ZHUGS PA YIS, ,DE BZHIN

157b

GSHEGS KUN YE SHES NI, ,DAM TSIG RDO RJE ZHES BYA BA, ,RDO RJE YE SHES GCIG LAS BYUNG, ,TING 'DZIN GSANG BAR BSHAD PA YIN, ,YE SHES DKYIL 'KHOR DBUS GNAS PAR, ,RDO RJE CHEN POR BSAM NAS NI, ,LUS KUN LA NI KHAm DMIGS NA, ,RDO RJE YE SHES SKYE BAR 'GYUR, ,DNGOS PO MED DON GSAL BYED PA, ,KHAm NYID KYIS NI THAMS CAD BSHAD, ,RLUNG GI RKYEN DANG KUN SBYOR LAS, ,KHAm DU'ANG 'GRO BAR GYUR PA YIN, ,SANGS RGYAS BYANG CHUB SEMS DPA' YIS, ,YANG DANG YANG DU MCHOD PA DANG, ,RDO RJE GSUM GYI DAM TSIG GNAS, ,GNYIS MED LHUN GYI NGO BO NYID, ,SANGS RGYAS DE BZHIN NYID SBYOR BA, ,SO SO RU NI YANG DAG GNAS, ,NAM MKHA'I RDO RJE DAM TSIG CHE, ,CHOS RNAMS DES NI MI GZIGS SO, ,SANGS RGYAS KUN NI GNYIS MED DANG, ,MI SNANG 'DI YI DAM TSIG YIN, ,DNGOS PO MED PA'I GNAS THOB NA, ,SANGS RGYAS KYIS KYANG MI GZIGS SO, ,SKU GSUNG THUGS LAS YANG DAG BYUNG, ,MI SNANG RDO RJE GSUM 'DI YIN; ;DE YI BKOD PHRENG ZHES BYA BA, ,TING NGE 'DZIN NI YANG DAG GSUNGS, ,MA 'DRES PA YI CHOS BDAG NYID, ,SKU DANG LDAN PA'I 'OD PO CHE, ,RDO RJE DKYIL 'KHOR DBUS GNAS PA'I, ,RANG SNGAGS SKYES BU BSAM PAR BYA, ,HAm NI RDO RJE BZHIR BSHAD PA, ,SNYING GA RU NI YAm MDZES PA, ,RTAG TU SBYOR BAS GZHUG PA NI, ,'OD ZER RNAM PAR BSGOM PAR BYA, ,SKU GSUNG THUGS KYI LONGS

158a

, ,SPYOD NI; ;'JAM PA'I DAM TSIG RDO RJE CAN, ,SA BCUR RAB TU GNAS NA NI, ,DGONGS DON DE TSE KUN TU BYUNG, ,YE SHES NYID NI ZLA BA 'DI, ,BYANG CHUB SEMS DPA' RDO RJE CAN, ,SNANG BA CAN ZHES BYA BA YIS, ,TING NGE 'DZIN NI YANG DAG BSHAD, ,NAM MKHA'I DBYINGS KYI DBUS GNAS PAR, ,THLH'Im NI 'BAR BA'I 'OD BZANG BA, ,MTSON CHA MCHOG NI RDO RJE YIS, ,RDO RJE SKU DANG 'DRA BAR 'GYUR, ,'DI NI RDO RJE MKHA' 'DRA SBYOR, ,DAM TSIG BKOD PA'I GNAS GYUR PA, ,TING 'DZIN DAM TSIG MI SNANG BA'I, ,THLH'Im NI YANG DAG 'BYUNG BA BSHAD, , SANGS RGYAS MNGON PAR SHES GNAS PA, ,DAM TSIG TU NI YANG DAG BSHAD, ,MNGON SHES LNGA DANG 'DRA BA 'DI, ,DE NI SKYES BU MCHOG TU 'GYUR, ,SANGS RGYAS MNGON SHES MCHOG SGRUB PA; ;'DI NI DAM PA YIN PAR BSHAD, ,DE YI DNGOS GRUB THAMS CAD KYI, ,DNGOS GRUB CHEN PO SGRUB PA'I MCHOG ,NAM MKHA'I DBYINGS KYI DBUS GNAS PAR, ,SANGS RGYAS DKYIL 'KHOR DAM PA BSAM, ,SANGS RGYAS DGONGS PA'I MCHOG BSGOMS LA, ,YI GE AOm NI BSGOM PAR BYA, ,RDO RJE GSUM GYI GSANG BA 'DI, ,YI GE AOm NI MI ZAD GTZO, ,'DI NI MI PHYED SBYOR BA YIS, ,BSGOMS BAS MI BSKYOD 'DRA BAR 'GYUR, ,MI BSKYOD PA YI DAM TSIG MCHOG, DE SKU BYANG CHUB RDO RJE CAN, ,TING NGE 'DZIN DU YANG DAG BSHAD, ,DE NI SKYES BU DAM

158b

PA YIN; ;MI BSKYOD MTSUNGS PA'I SKU DANG NI, ,GSUNG THUGS RTZE GCIG 'DZIN PA LAS, ,'JIG RTEN KHAMS NI THAMS CAD DU, ,RDO RJE CAN GYIS MCHOD PAR 'GYUR, ,NAM MKHA'I DBYINGS KYI DBUS GNAS PAR, ,SANGS RGYAS DKYIL 'KHOR BRGYAN PA BSAM, ,NAM MKHA'I RDO RJE RAB BSGOMS TE, ,DE NAS RDO RJE RNAM PAR BSGOM, ,RDO RJE DAM TSIG GSUM BSGOMS PAS, ,DKON MCHOG DPAL DANG 'OD 'DRA ZHING, ,DKON MCHGO GSUM DPAL MTSUNGS PA YI, ,BCOM LDAN DKON MCHOG DPAL 'DRA ZHING, ,SKU GSUNG THUGS SBYOR RDO RJE YIS, ,YE SHES GSANG BA'I GNAS SU 'GYUR, ,TING 'DZIN DPAG MED LAS BYUNG BA, ,RDO RJE YE SHES 'DZIN DE 'GYUR, ,LONGS SPYOD DAM TSIG CES BYA BA, ,RIN CHEN RDO RJE GCIG TU 'BYUNG, ,DE NYID GSUM GSANG DGONGS PA LAS, ,RIN CHEN RDO RJE DE GNAS 'GYUR, ,NAM MKHA'I DBYINGS KYI DBUS GNAS PAR, ,SANGS RGYAS DKYIL 'KHOR BSAM PAR BYA, ,'JIG RTEN DBANG PHYUG RAB BSGOMS LA DER NI CHOS KYI AOm BSGOM MO, ,CHOS KYI AOm NI DE TSE YANG, ,RDO RJE GSUM MNYAM SBYOR BA YIS, ,RDO RJE DPAG MED 'DRA BA NI, ,BCOM LDAN DPAG MED RDO RJE CAN, ,LUS DANG NGAG SEMS RDO RJE YIS; ;DPAG MED TSE DANG 'DRA BAR 'GYUR, ,THEG PA CHEN PO LAM GYI MCHOG ,'GRO BA'I DON NI RAB SGRUB PA, ,YE SHES RGYA MTSO DPAL DANG LDAN, ,'GRO DON GCIG TU 'BYUNG BAR 'GYUR,,

159a

, ,DON YOD PA YI DAM TSIG MCHOG ,SEMS CAN DON NI SGRUB GYUR PA, ,'OD ZER YE SHES MCHOG CES BYA'I, ,TING NGE 'DZIN DU YANG DAG BSHAD, ,SEMS CAN KHAMS NI MA LUS PA'I, ,LONGS SPYOD KUN TU 'GYUR BA YI, ,NAM MKHA'I DBYINGS KYI DBUS GNAS PAR, ,SANGS RGYAS DKYIL 'KHOR DAM PA BSAM, ,DE NI RNAM SNANG RDO RJER BSHAD, , 'OD ZER DE NI RAB TU BSGOM, ,RNAM PAR RGYAL BA'I YI GE AOm, ,'OD CHEN DER NI RAB TU BSGOM, ,DE NAS 'DI NI RDO RJE GSUM, ,RNAM PAR SNANG MDZAD 'DRA BAR 'GYUR, ,DE NI BCOM LDAN MGON POS BSHAD, ,RNAM SNANG RDO RJE CAN DE YIN, ,RDO RJE GSUM GNYIS MED SBYOR LAS, ,RNAM PAR SNANG MDZAD 'DRA BA'I 'OD, ,DE NYID YE SHES RDZOGS BYANG CHUB, ,RDO RJE SKU GSUM SGRUB PA PO, ,SKU DANG GSUNG THUGS RDZOGS BYANG CHUB, ,DE LA DMIGS PA'I RDO RJE CAN, ,TING 'DZIN ZHI BA NYID SBYOR BA, ,'GRO BA'I DON NI RAB SGRUB PA'O, ,TSIG GCIG LA NI SNA TSOGS DON, ,SNGAGS KYI DE NYID GSAL GYUR PA'O, ,DE NAS DE BZHIN GSHEGS MCHOG LA, ,DE NAS GSANG BA'I BDAG PO NI, ,GSANG DGONGS RDO RJE ZHES BYA BA, ,THUB PA CHE LA SLAR YANG ZHUS, ,AOm A'A H'Um NI GSUM LA SOGS, ,BHR'Um SOGS THOG [?] MAR GNAS PA YIS, ,SKU GSUNG THUGS KYI RDO RJE CAN, ,SNGAGS KYI SKYES BUR DE 'GYUR RO, ,AOm NI RNAM SNANG RDO

159b

RJER 'GYUR, ,A'A: NI 'JIG RTEN DBANG PHYUG GTZO, ,H'Um NI RDO RJE SEMS DPAR BSHAD, ,SKYES BU RDO RJE CAN DU 'GYUR, ,BHR'Um NI GNAS KYI MCHOG TU 'GYUR, ,KHAm NI NGES PAR MI SNANG BA, ,HAm NI 'JAM DPAL YANG DAG BSHAD, ,KshAm NI RDO RJE BKOD CES BYA, ,RDO RJE SEMS DPA' RIN PO CHE, ,'JIG RTEN DBANG PHYUG DNGOS GRUB STZOL, ,DE BZHIN MGON PO RNAM SNANG MDZAD, ,AOm LA SOGS PA LNGA LAS SKYES, ,AOm A'A: H'Um NI DE NYID GSUM [?] RNAM SNANG RDO RJE CAN GYUR PA, ,SKU GSUNG THUGS KYI RDO RJE GRAGS, ,SHIN TU RNAM PAR NGES PAR BSHAD, ,GSANG SNGAGS DKYIL 'KHOR RNAL 'BYOR PA, ,LNGA PO BCO LNGAR YANG DAG BSHAD, ,KHRAG GI SBYOR BA LAS BYUNG BA, ,GSANG SNGAGS SKYES BU ZHES BYA BA, ,GSANG SNGAGS CHEN PO'I SBYOR BA YANG, ,TING 'DZIN SKYES BU DAM BA YIN; ;SNA TSOGS SNGAGS DON DE NYID 'GYUR, ,PHYAG RGYA GCIG PAR DKYIL 'KHOR TE, ,DE DAG GSANG BAR BSHAD PA NI, ,DGONGS PA GCIG LAS YANG DAG 'BYUNG, ,DGA' BA GCIG CING DGA' BA'I MING, ,DE DAG JI LTAR RTOGS PAR 'GYUR, ,MGON PO RKYEN DANG BRAL BA'I MI, ,PI WANG SGRA NI MCHIS MA LAGS, ,DE BZHIN PHYAG RGYA MED PA NI, ,GSANG SNGAGS DNGOS GRUB MI 'BYUNG NGO, ,BRDA GSUM GYI NI DE NYID 'DI, ,GANG GI DON DU RAB GSUNGS PA, ,LAG PA'I SBYOR BAS RAB BSGRUBS PA'I, ,PHYAG RGYA JI LTAR GNAS PAR MDZAD, ,SNGAGS DANG PHYAG RGYA SBYOR

160a

, ,BA NI; ;PHYAG RGYA GCIG PU'I SBYOR BA DANG, ,GSANG SNGAGS GCIG PUS MI 'GRUB CES, ,KHYOD NI CHOS RNAMS STON PAR MDZAD, ,'DIR NI SNGAGS SBYOR GCIG PU LAS, ,PHYAG RGYA BSTAN PAR MA MDZAD NA, ,GSANG SNGAGS GCIG SKYES DNGOS GRUB NI, ,'JIG RTEN PA RNAMS JI LTAR SGRUB, ,SNGAGS LA DMIGS PA'I SBYOR GYUR PA, ,LHA RNAMS KYI YANG SBYOR LAS BYUNG, ,'GRO BA'I DON NI RAB SGRUB PA, ,YID BZHIN NOR BU LTA BUR 'GYUR, ,'JIG RTEN 'DAS PA ZHES BYA DANG, ,YANG NA SHIN TU 'JIG RTEN LAS, ,MGON PO 'JIG RTEN PA RNAMS KYI, ,JI LTAR DE LA 'GRO PHAN 'GYUR, ,SPYAN DANG PA DANG GSHEGS SU GSO, ,'DIR NI JI LTAR LEGS PAR BRJOD, ,GANG GIS 'DIR NI DNGOS GRUB 'GRUB, , LHA RNAMS MNGON PHYOGS JI LTA BU, ,'DI DAG MA 'ONGS SKYES BO YIS, ,GANG ZHIG SHES NA YANG DAG PAR, ,NGES PAR RNAM RTOG MED 'GYUR BA, ,ME YI SKYES BU 'DI DAG GSUNGS, ,DE NAS MGON PO BCOM LDAN 'DAS, ,DGONGS PA'I GSANG BA DAM PA STE, ,PHYAG RGYA'I NGES PAR 'JIG RTEN PA'I, ,PHYAG NA RDO RJE LA GSUNGS SO, ,RNAM RTOG SNA TSOGS LCAGS ZHES BYA,, NYES PA GSUM TSOGS BDAG NYID LAS, ,GSANG SNGAGS SKYES BU'I SBYOR BA YIS, ,DE NI MI MCHOG DAG TU 'GYUR, ,GSER 'GYUR RTZI YI RNAM PA YIS, ,LCAGS NI GSER DU BYED PA

160b

YIN; ;DE BZHIN SNGAGS KYI DE NYID KYIS, ,MI NI BDER GSHEGS BYED PA YIN, ,NGES BYAS SBYOR BA'I GSANG SNGAGS NI, ,ZHI BDE DNGOS GRUB STER BAR 'GYUR, ,PHYAG RGYA MED PA'I SNGAGS GCIG PUS, ,SNGAGS KYI SKYES BUR 'GYUR BA YIN, ,DNGOS MED PA LAS YANG DAG SKYE, ,SNGAGS KYI SKYES BU 'BYUNG BA STE, ,'DI NI PHYAG RGYA CHEN PO STE, ,'GRO BA'I DON NI RAB SGRUB PA'O, ,SPYAN DRANG BAR NI BZHUGS PA YIS, ,MYUR BA YIS NI GSHEGS SU GSOL, ,GNAS PA YIS NI DE SGRUB PA'O, ,YID STON DNGOS GRUB DAM PA YIN, ,DE NI SKYES BU'I SBYOR BA YIS, ,PHYAG RGYA CHE DANG GCIG SGRUB LAS, ,MYUR BA LA SOGS GSUM LDAN PA, ,DE NI PHYAG RGYA YIN PAR BSHAD, ,'BAD DE BLA MAS SLOB MA YI, ,RNA BA'I DRUNG DU BSHAD PAR BYA, ,MYUR BA DANG NI 'JUG PA DANG, ,GNAS PA'I RJES SU SBYOR BA RNAMS, ,SPYAN DRANG BA DANG GSHEGS SU GSOL, ,'DI DAG PHYAG RGYAR YANG DAG GYUR, ,SGRUB PA LA NI MYUR LA SOGS, ,CI RIGS BA NI NGES PAR SBYAR; ;PHUNG PO LA SOGS CHOS RNAMS KUN, ,STONG ZHING RTEN 'BREL LAS BYUNG BA, ,MTHONG ZHING DE BZHIN SBYOR BA LAS, ,CHOS KYI SKUR NI DE GNAS 'GYUR, ,'DIR NI GSANG SNGAGS SBYOR 'GYUR MED, ,PHYAG RGYA'ANG CHOS SKU 'DI NYID YIN, ,DE LTA NA YANG 'GRO BA'I DON, ,YID BZHIN NOR BU LTA BUR BYED, ,'ON TE RDO RJE 'DZIN GANG ZHIG ,SBYOR BA GSUM DANG LDAN PA'I MI, ,

161a

, ,SPYAN DRANG BA DANG GSHEGS SU GSOL, ,DE BZHIN DU NI GNAS GYUR PA'O, ,NYE BA'I TSIG NI SPYAN DRANG BA, ,RING NAS LAG PAR RAB TU SBYOR, ,DE BZHIN GSANG SNGAGS DE NYID KYANG, ,GNYI GA LA NI YANG DAG SBYOR, ,RIGS KYI DBYE BA SBYOR BA YIS, ,PHYAG RGYA BUD MED YIN PAR BSHAD, ,SEMS KYI RKYEN SBYOR BDAG NYID NI, ,'JIG RTEN PA NI RAB TU BRTAG, RANG GI MTSAN MAR YANG DAG SBYOR, ,RIGS KYI DBYE BA'I SBYOR BA YIS, ,PHYAG RGYAS SA GSUM LA GNAS PA, ,SA 'OG KLU YI BU MO YANG, ,BRTUL ZHUGS CAN GYI SEMS KYIS DGUG, GZHUG PA'I RIM PA NYID DANG NI, ,DE RNAMS GNAS PA'I SBYOR BA NYID, ,DNGOS MED DE NYID GCIG PU YIS, ,'GRO BA THAMS CAD DGUG PAR BYA, ,GZHAN YANG GSANG BA PA YI MCHOG, SEMS KYI RKYEN NI NYID LTOS DANG, ,DNGOS MED BYANG CHUB 'THOB PA LA, ,GSANG SNGAGS MED CING PHYAG RGYA MED, ,'JIG RTEN NA NI RTOG CI RNYED, ,DUS GSUM DU NI KUN 'BYUNG BA, ,DE NI DNGOS MED SEMS GCIG LAS, ,RNAL 'BYOR PAS NI SKAD CIG RTOGS, ,BYANG CHUB KUN RDZOB MA YIN LA, ,DE LAS GZHAN DU'ANG RNYED MI 'GYUR, ,GNYI GA LAS MIN GZHAN LAS MIN, ,MUN PA'I SGRON MA MTSUNGS PAR 'GYUR, ,SEMS CAN BSAM PA'I DBANG GIS SNGAGS, ,GSANG BA 'DI NI RAB STON TE, ,DE NI SGRUB DANG BSGRUB BYA DANG, ,RNAM PAR MI RTOG BRTAGS

161b

PA 'O; ;SEMS CAN KUN GYI LONGS SPYOD DU, ,SNGAGS KYI SKYES BU RAB TU GNAS, ,NAM MKHA' MNYAM PA'I SBYOR BA NI, ,RNAM PAR DBEN PAR RAB TU BRTAG ,GSAL DANG MI GSAL YANG DAG LDAN; ;KLUNG DANG 'BAB CHU LA SOGS YIN, ,MYA NGAN 'DAS PA GNAS SBYOR BA, ,DUR KHROD LA SOGS PA YI MING, ,'DI NI SNGAGS RIGS MCHOG RNAMS KYI, ,BSAM GTAN BSDUS LAS SPYOD PA 'O, ,'JIG RTEN 'DAS PA DE NYID 'DIR, ,'JIG RTEN PA NI LDOG PA'O, ,MI BSKYOD YE SHES LA SOGS PA, ,RDO RJE NAM MKHA'I DKYIL DU BSAM, ,MNGON SHES LNGA YI SBYOR BA YIS, , SANGS RGYAS MCHOG GI GNAS SU BSGOM, ,RDO RJE MNGON SHES RDO RJE CHE, ,DAM TSIG MCHOG TU BKA' STZAL TO, ,RDO RJE CHEN PO RAB MDZES PA, ,RTZE LNGA PA LA DE BZHIN 'BAR, ,RANG BZHIN LNGA RU SBYOR BA YIS, ,MNGON SHES LNGA POR 'GYUR BA YIN, ,MNGON SHES LNGA YI TING 'DZIN LA, ,GNAS NAS BLA NA MED PA BRTAG ,GTZO BO ME STAG MANG PO 'KHRUG ,RANG SNGAGS 'KHOR LO BSGOM PAR BYA; ;RDO RJE LA NI RAB DGOD PAS, ,RDO RJE MNGON SHES SKYE BAR 'GYUR, ,NAM MKHA' RDO RJE DBUS GNAS PAR, ,'KHOR LO RDO RJE 'BAR 'OD 'DRA, ,SANGS RGYAS 'JUG PAR RAB BSGOMS NA, , SANGS RGYAS MCHOG DANG 'DRA BAR 'GYUR, ,SANGS RGYAS DKYIL 'KHOR DBUS GNAS PAR, ,LUS LA RNAM PAR SNANG MDZAD BZHAG ,SNYING GAR YI GE AOm BSAMS NAS, ,SNGAGS LA MNGON

162a

, ,SHES SGOM PAR 'GYUR, ,'GOG PA RDO RJE GYUR PA'I SEMS, ,NAM ZHIG BDAG NYID BDAG LAS SKYES, ,SANGS RGYAS KUN MCHOG 'BYUNG BA YI, ,DPAL LDAN YID BZHIN NOR BUR 'GYUR, ,SANGS RGYAS DKYIL 'KHOR DBUS GNAS PAR, ,DER NI MI BSKYOD RAB TU BSGOM, ,H'Um NI SNYING GA'I ZLA GNAS PAR, ,BSAMS LA SEMS NI DE RU BZHAG ,SANGS RGYAS DKYIL 'KHOR DBUS GNAS PAR, ,TSE DPAG MED PA RAB TU SBYOR, ,A'A NI SNYING GA'I THIG LER GNAS, ,BSAMS LA RDO RJE'ANG YANG DAG BZHAG ,'DI NI DGONGS PA'I MCHOG GI MCHOG ,RDO RJE MI PHYED GSUM SBYOR SKYES, ,'GOG PA'I DAM TSIG YE SHES TE, ,SANGS RGYAS DNGOS GRUB CHER 'BYUNG BA'O, ,NAM MKHA' RDO RJE DBUS GNAS PAR, ,SANGS RGYAS DKYIL 'KHOR BSGOM PAR BYA, ,SKU GSUNG THUGS KYI YI GE AOm, ,BSAMS NA BSKAL PA GCIG TU GNAS, ,NAM MKHA' RDO RJE DBUS GNAS PAR, ,SANGS RGYAS DKYIL 'KHOR BSGOM PAR BYA; ;LUS DANG NGAG SEMS YI GE A'A:, ,BSAMS NA BSKAL PA DAG TU GNAS, ,MKHA' DBYINGS RDO RJE DBUS GNAS PAR, ,RDO RJE DKYIL 'KHOR BSGOM PAR BYA, ,LUS DANG NGAG SEMS YI GE H'Um; ;BSAMS NA DE NI BSKAL PAR GNAS, ,BCOM LDAN BDAG PO RDO RJE GSUM, ,DAM TSIG RTOG PAS DE SKAD GSUNGS, ,DBUS MTHA' CAN GYI YI GE 'DI, ,SNGAGS KYI SKYES BU

162b

MCHOG TU 'GYUR, ,BRJOD DU MED CING MING MED LA, ,SHES DANG SHES BYA RNAM SPANGS PA'ANG, ,KUN RDZOB LA NI LEGS GNAS NA, ,TSIG GI SNGAGS SU 'DI BRJOD DO, ,RDO RJE GSUM GYI RDO RJE CAN; ;RNAL 'BYOR 'DIR 'GYUR PHYIN CHAD NI, ,GANG ZHIG KLOG GAM SEMS KYANG RUNG, ,RDO RJE YE SHES LTA BUR 'GYUR, ,JI LTAR GSANG BA'I RGYAL DBANG PO, ,DGONGS PA LUNG STON 'DI GYUR PA, , SANGS RGYAS KUN GYI DE LUNG STON, ,KHYAD PAR DU YANG BYIN GYIS RLOB, ,KLOG CING SGOM DANG LDAN PAR NI, ,BRIS NAS GANG DU 'JOG GYUR PA, ,DE NAS SANGS RGYAS THAMS CAD KYI, ,RIGS SKYES RGYAL BA'I SRAS SU 'GYUR, ,KHAMS GSUM THAMS CAD BCOM NAS NI, ,MYUR BAR DE BZHIN GSHEGS 'GYUR ZHING, ,'KHOR LOS BSGYUR BA'I BU BZHIN DU, ,BYANG CHUB MYUR DU DES 'THOB BO; ;KHAMS GSUM SKU DANG GSUNG THUGS KYI, ,SNGAGS PA'I YAN LAG GYUR PA NI, ,SANGS RGYAS 'DUS LA BRTEN PA YIS, ,DE NI DNGOS PO MED PAR 'JOMS, ,DNGOS MED GCIG PU RDZOGS LONGS SPYOD, ,PHUNG SOGS YAN LAG DON LAS BYUNG, ,BDE GSHEGS SEMS CAN SPANGS PA NI, ,SNGAGS PA SNGAGS LAS GYUR PA YIN, ,JI LTAR NAM MKHA' RANG MTSAN NYID, ,SKAD GCIG KYANG NI 'DOR MI BYED, ,DE BZHIN SANGS RGYAS THAMS CAD KYANG, ,RIGS LAS SKYES LA BYIN GYIS RLOB, ,DGONGS PA LUNG STON LA GNAS NAS, ,GSANG BA'I RIN CHEN YANG DAG BSRUNG, ,MIG GZUGS

163a

, ,RANG GI NGO BO NYID, ,SPYOD PA CI DGA' BYED PAR 'GYUR, ,DE BZHIN GSHEGS KUN YE SHES NI, ,GSANG BA'I DGONGS PA'I MING CAN TE, ,SKU DANG GSUNG THUGS GSANG BA DANG, ,GSANG SNGAGS DAM TSIG DE NYID BYUNG, ,DE NI RIG PA SKYES BU MCHOG ,BCU GCIG PAR NI YANG DAG BSHAD, ,RAS NI BRIS DANG MTSUNGS PAR 'BYUNG, ,'THOB PA'I PHYIR NI LE'UR GYUR;; ;;DE NAS DPAL LDAN RNAM SNANG MDZAD, ,SKYED PA YE SHES BLA MA GTZO, ,DE NYID DAM TSIG MCHOG GYUR PA, ,RDO RJE GSUNG GIS BKA' STZAL TO, ,MKHA' DANG MTSUNGS SHING MI RTOG LA; ;RANG BZHIN GYIS NI DAM CHOS CAN, ,DNGOS MED SHIN TU DRI MED LA, ,DAM TSIG GCIG TU GYUR KYANG NI, ,GAR DANG GLU DANG ROL MO DANG, ,DGOD DANG SGEG PAS RAB MDZES PAS, , 'JIG RTEN SANGS RGYAS GAR MKHAN GYI, ,ROL MO 'DI DAG RAB TU BSGOM, ,GZHON NUS BSGRUBS PA'I SEMS CAN NI, ,JI LTA JI LTAR STON PA BZHIN, ,GAR SOGS RTZED MOS BYANG CHUB NI; ;MYUR DU DE NYID LAS 'THOB 'GYUR, ,'DOD PA'I YON TAN LNGAR LDAN BA, ,DE YI MING NI YID LDAN PA, ,DKON MCHOG GSUM LA SKYABS SU GNAS, ,LHUN GYIS GRUB PA'I SANGS RGYAS 'GYUR, ,SEMS CAN GANG 'DI MTHONG BA DANG, ,THOS SHING REG PAR GYUR PA NI, ,DE NI AU DUM BA RA YI, ,ME TOG 'DRA BAR GYUR PA YIN, ,SEMS CAN KUN GYI GTZO BO 'DI, ,GSUNG

163b

GI RDO RJE CHOS NYID SKYES, ,GCIG DANG DU MA LAS GROL BA, ,RTEN 'BYUNG GSAL BAR BYED PA YIN, ,DE NAS GSANG BA'I BDAG MCHOG DE, ,CHOS KYI DE NYID RAB STON PA, ,THUB CHEN RNAM PAR SNANG MDZAD LA, ,THAL MO SBYAR BA BYAS NAS ZHUS, ,MGON PO DE NYID BSDUS PA LAS, ,ROL MO 'DIR NI GYUR PA DANG, ,'JIG RTEN PA DE GAR BYED PA, ,GSUNGS TE MA 'ONGS SKYE BO NI, ,CHOS DBYINGS DE NI GAR MIN NA, ,GTZO BO JI LTAR GAR BGYID LAGS, ,RMONGS PA'I 'JIG RTEN RGYANG PAN GAR, ,GSANG MTHON MYOS PAS BSKUL BA YIN, ,CHOS DBYINGS DE NI GLU MIN NA, ,GTZO BO JI LTAR GLU LEN 'GYUR, ,RMONGS PA'I 'JIG RTEN RGYANG PAN GLU, ,GSANG MTHON MYOS PAS BSKUL BA LAGS, ,CHOS DBYINGS DE NI ROL MO MIN, ,GTZO BO JI LTAR ROL MOR 'GYUR, ,'JIG RTEN RGYAD PAN RMONGS ROL MO, ,GSANG MTHON MYOS PAS BSKUL BA LAGS, ,CHOS DBYINGS DE DGOD MA LAGS NA, ,GTZO BO JI LTAR RGOD PAR 'GYUR, ,RMONGS PA'I 'JIG RTEN RGYANG PAN RGOD, , GSANG MTHON MYOS PAS BSKUL PA LAGS, ,CHOS DBYINGS DE SGEG MA LAGS NA, ,GTZO PO JI LTAR SGEG PAR 'GYUR, ,RMONGS PA'I 'JIG RTEN RGYANG PAN SGEG ,GSANG MTHON MYOS PAS BSKUL BA LAGS, ,DE LTAR RNAM PA MANG PO LA, ,GZHAN RNAMS KYANG NI SBYOR BYED CING, ,BZA' DANG MIN LAS SBYOR BA YIS, ,RNAL 'BYOR PA NI BDAG YIN SNYAM, ,RDO RJE YI NI TSIG MCHOG 'DI, ,YOD

164a

, ,MED RAB TU ZHI BA NYID, ,DE YI RANG BZHIN GCIG SBYOR BDAG ,YANG DAG MCHOG BSDUS DE NYID MCHOG ,DE NAS DE NYID YANG DAG GZUNG, ,RNAL 'BYOR RIGS MCHOG RNAL 'BYOR PA, ,DE NYID GSUM MNYAM NYID SBYOR BA, ,SANGS RGYAS KYI NI ROL MO STON, ,SNA TSOGS TSUL GYIS RNAM DGOD PAS, ,NOR CAN MING NI NYAMS LA SOGS, ,GCIG PU'ANG DPAG MED DNGOS BSHAD PA'I, ,GAR GYIS SKYE RGU DGA' BAR BYED, ,RDZOGS PA'I BYANG CHUB SOGS DNGOS GRUB, ,SNA TSOGS KHYED KYIS GSUNGS PA RNAMS, ,SEMS ZHI BA YI RNAL 'BYOR PA, ,DE RNAMS LHUN GYIS GRUB PAR 'GYUR, ,MGON PO SHES RAB 'DI SRID DU, ,THABS KYIS MCHIL BAR NYE BAR SBYOR, ,SNGAGS KYI GZAN GYI SBYOR BA YIS, ,KHYED NI 'JIG RTEN PA RNAMS 'DZIN, ,BSHAD DU ZIN KYANG MI RIG PA, ,DGONGS PA'I GSANG BA DAM PA NI, ,GZHAN RNAMS LA NI STON MDZAD PA, ,NGO BO NYID NI GZHAN MIN PA'O, ,PHYI ROL SNGAGS DON DNGOS GRUB NI, ,DE NYID DU NI TSOL MOD KYI, ,'GAL BA'I RJES 'JUG CHOS NYID CAN, ,DER YANG 'GRUB PAR 'GYUR MA YIN, ,DE RNAMS GSANG BA MI SRUNG ZHING, ,SRED PA YIS NI STON PAR BYED, ,BCOM LDAN 'DAS GSUNG GSANG BA NI, ,GSANG MCHOG TSIG GIS SGROG PAR BYED, ,KHYOD BKA' LAS 'DAS DMAN PA RNAMS, ,SNGAGS KYI NUS PA RNAM SPANGS PA, ,

164b

'JIG RTEN PA RNAMS SDANG 'GYUR ZHING, ,DE RNAMS 'GRUB PAR 'GYUR MA YIN, ,SRED PA'AM DAD PA DAG GIS KYANG, ,RKYEN DANG DE BZHIN NYAN THOS RNAMS, ,GSANG BA LA NI SMIG RGYU BZHIN,, RIGS SKYES GZHAN YANG LTUNG BAR 'GYUR, ,MGON PO DE NI DER GNAS SHING, ,NYAMS SHING BLO GROS DMAN PAR GNAS, ,DE NAS TSIG MIN GYUR PAR 'BYUNG, ,TSIG GI BDUD RTZI SBYOR BA LAS, , CHOS KYI TSUL 'DI THOS PA DANG, ,PHYI NAS 'JIGS SHING SKRAG PAR 'GYUR, ,BYANG CHUB SEMS DPA' LTUNG 'GYUR BAR, ,BDAG NYID CHE DE BYED PAR 'GYUR, ,DE BZHIN BYANG CHUB 'GYUR BA DANG, , SNGAGS PA RNAMS KYANG GSANG BA LAGS, ,SHES RAB PHA ROL PHYIN SBYOR BA, ,GSANG BA MDO SDE RNAM SMRA BA, ,GDONG G-YOGS PA YI SBYOR BA YIS, ,DE TSE TSIG GIS RIG SKYES PA, ,GSANG SNGAGS LA SOGS CHOS RNAMS LA, ,DAD PA RNAMS NI SKYED MI BYED, ,LOG PAS MKHAS PA'I NGA RGYAL NI, ,BYIS PA PHYI NAS BYED PAR 'GYUR, ,AA YI DOG PA'I RAS 'DI NI, ,SBYOR SHES RNAMS KYI 'DI MA YIN, ,DE RNAMS DAD PAS RJES 'JUG PA, ,GTAM DAG KYANG NI BYED PAR 'GYUR, ,SGYU NI G-YO YI TSUL GYIS NA, ,RGYAL PO RNAMS NI SLU BAR BYED, ,STENG DU G-YOGS PA DAG GIS NI; ;BRGYAD GNYIS PA LA TSUL DU BYED, ,DE NI MA SKYES PA YI BDAG ,RAS KYI RGYU MED PA NYID NI, ,A'A:YI DOG RAS NYID RGYAL PO'I, ,YANG DAG DNGOS GRUB BYED PA'I MCHOG ,DAM PA'I SKYE BA

165a

, ,NYID MTHONG NA, ,DE NI LONGS SPYOD LAM SKYED MIN, ,DE BAS SKYE BO MED GCIG PU, ,BYA BA'I SEMS NI RAB TU 'JUG ,DER NI MCHE BA CAN MI 'GRO ,DE LA BTZAL BA 'BA' ZHIG YIN, ,RGYAL PO DNGOS GRUB CHEN PO'I RAS, ,BAR CHAD SHIN TU MANG PO PA, ,BYA BA DE NI RNAM PAR 'JOMS, ,SGRIB PA MED PA'I RNAL 'BYOR CAN, ,DE NI TSIG DE THOS PA DANG, ,RGYAL PO'I BAR DU YID DGA' ZHING, ,DNGOS GRUB CHEN PO'I RIGS MCHOG LAS, ,SU ZHIG BDAG NI ZLOG PAR BYED, ,RAS KYI BAR CHAD BYED PA DAG ,DE LA CHAD PAS GCAD PAR BYA, ,'DI LA 'JIGS PA'I SEMS BOR LA, ,SKYE BO MED PAR KHYED KYIS NI, ,RGYAL RIGS DAG GAM RIGS BZANG NGAM, ,GANG ZHIG MI SRUN RIGS CAN RNAMS, ,DOG PA MED PA RAS 'JIG PA, ,DE DAG THAMS CAD BRLAG PAR BYA, ,DE NAS RGYAL PO SBYIN PA NI, ,RGYUD KYI SLOB DPON BDAG NYID CHE, ,RIN CHEN RIN THANG MED LNGA SOGS, ,BDE BA KUN GYI 'BRAS BU 'O, ,'DI YIS GDONG NI G-YOGS NAS SU, ,RGYAL PO 'BRAS BU LONGS SPYOD CIG ,A'A: YI DOG PA RAS DE BYIN, ,JI LTAR SKYE BZHIN RGYAL PO BYAS, ,RIN CHEN RIN THANG MED BLANGS RNAMS, ,'DI NI JI LTAR BZHAG NAS SU, ,DE NAS DE NI MI SNANG BA, ,RGYUN CAN DES NI DE TSE BYAS, ,DE LA SOGS PA'I SNA TSOGS TSIG ,RIGS SKYES PA LA DE RNAMS SMRA, ,RANG NYID 'JIGS SHING GZHAN

165b

RNAMS KYANG, ,SKRAG PAR BYED CING THE TSOM MED, ,DE NAS DE BZHIN GSHEGS BDAG PO, ,'BYIN PA STON BA MNGA' BDAG GTZO, ,PHYAG NA RDO RJE GO BYED PA, ,SNYAN PA'I GSUNG GIS BKA' STZAL PA; ;RDO RJE RDO RJE CHEN PO LEGS, ,RDO RJE THAL MO BSTAN BYAS TE, ,RDO RJE 'DI NI ZHUS GYUR PA, ,DE NYID BSDUS PA DAM PA 'O, ,RDO RJE THAL MO DE NYID 'DI, ,LUNG BSTAN BYA YI DE NYON CIG ,DE NYID GSUM DU GYUR PA DE, ,RDO RJE THAL MOR YONGS SU BRTAG ,DE NYID GSUM NI LHA GSUM STE, ,TSANGS DANG KHYAB 'JUG DBANG PHYUG CHE, ,DE RU NGA NI LHA GSUM 'GYUR, ,AOm A'A: H'Um DANG GRANGS MNYAM PA'I; ;GSANG SNGAGS 'JUG PA THAMS CAD NI, ,SNA TSOGS LUS CAN GCIG MING CAN, ,ZHI BA NYID NI GANG DU STON, ,DER NI NGA YANG GNAS PA YIN, ,DPRAL YON DE LA BZHIN MI SDUG ,DE YI SKYES BU MING LDAN MING, ,DE RNAMS LAG PA'I DBUS NAS NI, ,MTHEB SOGS JI BZHIN GRANGS SU BSHAD, ,LAG PA G-YON NI DRAG POR 'GYUR, ,G-YAS PA DE BZHIN KHYAB 'JUG STE, ,GNYIS PO SBYOR BA TSANGS PA YIN, ,DE BAS YON TAN GSUM BDAG DANG, ,RIG DANG MCHOD SBYIN SNYAN TSIG STE, ,RIG BYED DER GYUR GSUM DU BSHAD, ,SRID SRUNG ZHI BA NGA YIN TE, ,MTHAR NI 'GRO BA GNAS PA YIN, ,LAG PA GNYIS PA 'DI DAG NI, ,BZHI PO'I PHYED PHYED RNAM BRGYAD PA, ,PHYED PO'I TZAM GYI HAm MCHOG NI, ,RAB TU ZHI BAR RAB TU BSGRAGS, ,NYI MA ZLA BA MI RNAMS DER, ,SO SO

166a

, ,YONGS SU BSGRAGS PA YIN, ,YI GE PHYED TZAM MCHOG GYUR DANG, ,SHIS PA ZHI BA SKYON MED PA, ,YON TAN AOm DANG YI GE PHYED, ,AOm ZHES GSAL BAR BRJOD PA YIN,, SNA YI RTZE MO RA YANG DAG LDAN, ,GTZUG MTHA' DANG NI LAG PAR GNAS, ,NYI MA ZLA BA'I SBYOR BA LAS, ,YE SHES ME NI NGES PAR SKYE, ,LCE DANG RKAN GYI MTSAN MA NI, ,SBYOR LAS THAR PAR DE BSHAD DE, ,A'A:, 'OG TU AA DANG YANG DAG LDAN, ,DE STENG YI GE A'A:NYID DE, ,THAD KA RU NI MA BSHAD DE, ,KHYOD NI YIG PHYED ZHI BA NYID, ,YI GE AOm NI TSANGS PA STE, ,A'A:NI KHYAB 'JUG YIN PAR BSHAD, ,H'Um NI RLUNG DU GYUR PA YIN, ,DE NYID DRAG PO ZHES BYA 'O, ,ZHI BA'I PHYED PHYED CES BYA BA, ,DER NI BDAG YONGS BSGRAGS PA YIN, ,GNAS DANG 'PHO DANG SKYE BA DANG, ,GZHAN GYI LUS LAS YANG DAG 'PHO, ,YE SHES RANG NYID ME YIN TE, ,KHYAB PAR 'DZIN PA DE BZHIN NO, ,RAL GRI LA SOGS DNGOS GRUB DER, ,BYANG CHUB PHYI ROL NYID 'GRUB 'GYUR; ;GNYIS PO 'DI DAG GNAS PA YI, ,RNAM DAG 'DI DAG RAB TU BRTAG ,TSANGS PA LA SOGS PA RNAMS DER, ,MA 'ONGS PA RNAMS SGOM PAR 'GYUR, ,DE NI MTHO RIS SOGS 'GAG PAS, ,DE BZHIN 'BYUNG BA SEM PA YIN, ,RNAL 'BYOR PA RNAMS SOGS SPANGS NAS, ,GNYIS SPYAD PAR NI RNAM PAR GNAS, ,SHIN TU SBYOR GCIG GYUR SONG BAS, ,'JUG

166b

'GYUR PA NI DRAG PO YIN, ,NAM MKHA' DGAG PA'I SBYOR BA YANG, ,TSANGS PAR GZHOL BA'I BDAG NYID CAN, ,MNGAL GYI GZUGS GYUR KHYAB 'JUG STE, ,DE YI DBUS NA DBUS BZUNG BA; ;SPU YI CHA NI STONG LAS GCIG ,ZHI DE RNAM PAR MI RTOG NYID, ,THAR PA GCIG PUR DE STON BYA, ,THAR PA'I NGO BO NYID MA YIN, ,DE LTA BAS NA 'DI LOG BYA, ,ZHI BA NYID NI SGROG PA 'O, ,STON PA DE RNAMS PHYE NAS NI, ,ZHI BA'I CHOS RNAMS SMRA BAR 'GYUR, ,THABS CHEN DE BZHIN SHES RAB DAG ,'DI 'DRA MTHONG BAR MI 'GYUR RO, ,TSANGS LA SOGS PA'I LHA RNAMS KUN, ,KHYED KYI THAL MO DAG LA GNAS, ,DE RNAMS PHYAG RGYA STON BYED CING, ,SNGAGS NI BYE BA MTHA' YAS PA, ,'DI NYID DU NI NYI ZLA DANG, ,SBYIN SREG LAS CAN ME DANG NI, ,LO DANG ZLA BA'I SBYOR BA DANG, , RTAG TU 'CHAR DANG 'PHEL 'GRIB DANG, ,DE NYID GSUM GYI SBYOR SKYES 'DI, ,DE NYID GCIG PU RNAM PAR GNAS, ,ZHI BA NYID KYI SBYOR CHOS LA, ,DE YANG GCIG DANG DU MA SPANGS, ,KHYED KYI THAL MO LAS BYUNG BA, ,DE BAS DE NI 'DA' MI BYA, ,DE BZHIN GSHEGS KUN SPANGS 'GYUR BAS, ,DE NI SPANGS BAR MI BYA ZHING, ,'DI DAG DNGOS MED LA LTOS PAS, ,RNAL 'BYOR PA NI MCHOG TU 'DOD, , GZHAN DU RNAM RTOG NYID LAS NI, ,DNGOS GRUB 'BRAS BU'I SNOD MI 'GYUR, ,DE BAS THAL MO SBYOR BA 'DI, ,SEMS CAN RJES BZUNG DAM PA YIN, ,MA BSDUS PA YI SEMS CAN RNAMS, ,

167a

, ,BSDU BA'I DON DU KHYOD KYIS BYA, ,SMAD BYA 'ON PA LKUG PA DANG, ,DE BZHIN LONG BAR GYUR PA DANG, ,GANG ZHIG 'PHYE BO LA SOGS GYUR, ,DE RNAMS LA NI PHAN PHYI'O BYA; ;DE LA SOGS PA MDOR BSDUS PA, ,DE NI KHYED KYI THAL MOR GNAS, ,DE NI 'JIG RTEN 'DAS GTZOR GYUR, ,DE NYID BSDUS PA'I RGYU CAN NO, ,DE NI NANG MIN PHYI MA YIN, ,GNYIS MIN GZHAN GYI RGYU LAS MIN, ,PHYAG RGYA TSOGS PA LAS SKYES MIN, ,'JIG RTEN RKYEN LAS BYUNG BA MIN, ,RDO RJE THAL MO BSDAMS PAS NA, ,MING NI RDO RJE THAL MOR GYUR, ,SEMS CAN RNAMS KYIS RTOGS DKA' BA'I, ,SNYING PO BRTAG PAR BYA BA'I MCHOG ,PHYAG RGYA 'DI LTA BU 'DI YIN, ,PHYI NANG GNYIS KYI MING CAN NO, ,MI BSKYOD RIN CHEN DPAG MED DE, ,DNGOS GRUB RNAM SNANG DE BZHIN GSHEGS, ,'DI DAG LAG PA G-YAS PA YI, ,MTHE'U CHUNG LA SOGS RNAMS LA GNAS, ,GNYIS POR GCIG GYUR DGE 'DUN TE, ,DE 'DI SKYABS NI GSUM YIN TE, ,SANGS RGYAS CHOS DANG DGE 'DUN RNAMS, ,GCIG DANG GSUM DU BRTAGS PA YIN, ,PHAN TSUN BCINGS PA'I RDO RJE NYID, ,SHES RAB THABS KYI GNAS MCHOG YIN, ,THAL MO BCINGS PA TZAM GYIS KYANG, ,SANGS RGYAS THAMS CAD NYID THOB 'GYUR, ,SKYABS MCHOG GSUM DANG DE NYID GSUM, ,RDO RJE GSUM DANG RNAM THAR GSUM, ,ZHAL GSUM MDOG GSUM SPYAN GSUM

167b

DANG, ,LHA GSUM DANG NI KHAMS GSUM DANG, ,DUS GSUM DAM TSIG MCHOG GYUR GSUM, ,TSUL GSUM DKYIL 'KHOR GSUM DU 'GYUR, ,SBYOR BA GSUM DANG LAM GSUM STE, ,JI SRID RTOGS PAS BRJOD PA RNAMS, ,DE NI THAL MO SBYOR 'DI YIN, ,'DOD NOR YON TAN GSUM GYI MCHOG ,RIM DANG BSLAB PA STER BA DAG ,MA 'ONGS SKYE BOS 'THOB PAR 'GYUR, ,DE NYID DU NI DER 'GYUR NA, ,GCIG DANG DU MA RNAM PAR SPANGS, ,CHOS BSHAD BSHAD PA DNGOS MED PA, ,'GRO BA RKYEN GYIS YANG DAG SDUD, ,'DI NI MKHA' LTAR RANG BZHIN GCIG ,GNAS MED GNAS PA ZHES BYA BA, ,BSDU BA BYAS PAR GYUR PAS KYANG, ,SKU GSUNG DON GYI CHOS NYID DO, ,'DI NI THOG MTHA' MED PA STE, ,DNGOS PO MED CING GNAS MED PA, ,MTHA' MED ZAD PA MED PAR 'BYUNG, ,SKU GSUNG THUGS KYI RKYEN LAS NI, ,RNAM PA'I 'JUG PA'I YE SHES TE, ,DE LAS SANGS RGYAS SNYING POR GYUR, ,H'Um GIS SEMS CAN YANG DAG 'BYIN, ,SANGS RGYAS SKUR NI RAB TU BRTAG, AOm NI THAMS CAD SDUD PA STE, ,A'A:NI GNAS PA POR 'GYUR RO, ,GCIG PU RNAM GSUM DE BZHIN LNGA, ,GSAL DANG MI GSAL SBYOR BA NI, ,RTEN 'BREL CHOS NYID 'DI YIN TE, ,DE NYID KYI NI SNGAGS BSHAD PA'O, ,ZLOS NA BSAM GTAN RNAM BRAL BAR, ,DE YI LHUN GRUB 'BRAS BU STE, ,RANG BZHIN GRUB PA 'DI YIN TE, ,'DOD PA'I BZLAS PAR DE BSHAD DO, ,RNAL 'BYOR PA LA DE

168a

, ,GSAL TE, ,BYIS RNAMS DE LA PHYIN CI LOG ,RKYEN LAS BYUNG BA DE NYID GSUM, ,DNGOS PO MED BAR DE BSHAD DO, ,DE NYID BSDUS PA BSHAD PA NI, ,YID MIN PA [?] BZLAS PAR 'GYUR, ,YID STON GCIG NI MDOR BSDUS LAS, ,RINGS DANG DAL DANG GNAS PA RNAMS, ,ZHI BA'I CHOS NYID LA SKYE STE, ,NAM MKHA'I DBYINGS DANG MNYAM PAR THIM, ,DNGOS PO MED PA'I DE NYID 'DI, ,RTEN 'BYUNG CHOS ZHES BYA BA YIN, ,LONGS SPYOD RDZOGS PA'I BSDUS TE GYUR, ,SPRUL PA BSAM MI KHYAB CES DANG [?] SDUD PA PO NI GANG GYUR PA, ,DE YANG PHUL DU GYUR PA'I MING, ,RDO RJE LA SOGS YANG DAG SBYAR, ,SEMS CAN RNAMS NI DE SBYOR BYED, ,DAM TSIG LA SOGS SNGON DE NI, ,DE NYID KYIS NI RDO RJE SBYAR, ,SEMS CAN DGONGS PA'I SBYOR BA YIS; ;DE YI CHOS RNAMS STON PAR BYED, ,RNAM PA DGU PO THOG MTHA' CAN, ,SDUD PA PO RNAMS BYAS PA YIN, ,GSANG SNGAGS DE NYID GNAS DGOD PAS, ,SEMS CAN RNAMS NI DER 'JOG STE, ,GSOL BA 'DEBS DANG PHYAG 'TSAL DANG, ,'JIG RTEN RNAMS LA GSOL BA DANG, ,RDZOGS SANGS RGYAS RNAMS MNYES BYED DE, ,KHYOD KYI THAL MOR GNAS PA YIN, , GANG ZHIG SEMS CAN SANGS RGYAS GYUR, ,DE BZHIN GNYIS MED CHOS NYID CAN, ,GNAS MED GNAS PA'I SBYOR BA YIS, ,THAMS CAD SANGS RGYAS RNAMS GNAS SO, ,SNA TSOGS

168b

MTSON PA DE NYID DO, ,MTHONG BA GSAL BYED THAL MO YIN, ,DE BAS DE RNAMS MGU GYUR PA, ,CHOS KYI DE NYID RKYEN LAS SO, ,RGYU MED RANG GI DE NYID 'DI, ,KHYED KYI PHYAG RGYA'I SBYOR LAS BYUNG,, GANG ZHIG SHES PAS 'DOD 'GRUB PA'I, ,DNGOS GRUB DES NI 'THOB PAR 'GYUR, ,A'A: NYID DER NI MI GSAL BA'I, ,RGYU LAS SBYOR BAR GYUR PA YIN, ,DOG PAR DE NI YONGS BSHAD DE, ,DNGOS PO MED PAR RAS KYI MING, ,'PHAGS PA GSHIN RJE GSHED BSGOMS LA, ,GZHON NU'I GZUGS SU'ANG BSGOM PAR BYA, ,DOG PA DE YI RAS DON LAS, ,MI SNANG BA LA SOGS GRUB CING, ,YID BZHIN NOR BU 'DRA BA'I MCHOG ,'GRO BA'I DON GCIG YANG DAG BYUNG, ,A'A: YI DOG RAS MTSON PAS NI, ,'JIG RTEN PA LA DGONGS PAS BSHAD, ,'DI NI CHOS DANG RDZOGS LONGS SPYOD,, SPRUL PAS DE NI GSUM DU 'GYUR, ,BYIS PA RTOG PAR BYA BA'I PHYIR, ,DE NI RNAM PA LNGAR YANG 'GYUR, ,THA MAL BYIS PA'I CHOS RNAMS GANG, ,RNAM LNGA GCIG PA'I RNAL 'BYOR PA, ,DE YANG SHIN TU LDAN SEMS CAN, ,SEMS CAN SOGS LA RNAM PAR GNAS, ,RTAG PA LTAR NI SO SOR SNANG, ,'GRO BA DUS GSUM MTSAN NYID GCIG ,SKYE BA MED LAS SKYES PAS NA, , GCIG DANG DU MA RNAM SPANGS PA'O, ,SHES 'DOD DE TSE SNGAGS PA NI, ,'GRO BA BYIS PA DE TSE SPYOD, ,DE NAS GSANG SNGAGS GRUB 'GYUR BA, ,RNAM PAR MI RTOG GCIG SHES NYID, ,YA YI

169a

, ,SDE SOGS GNAS BYAS TE, ,SNGAGS NI NA RI BRI BAR BYA, ,RANG GI SDE BCAS GNAS DAG NI, ,YI GE AA BZHIN SNGON 'GRO BA, ,SO SO GZHAN PA'I BZHI PA NI, ,AI AU DANG NI RING POR BCAS, ,AA AEE AOO AU YA STE MTHA', ,BZHI PO DANG BCAS ZLUM POR BRI, ,BSAM GYIS MI KHYAB SBYOR LDAN PA'I, ,'GRO BA MNYAM GZHAG BSKYED PA YIN, ,'DI DAG RANG SKYES GNAS GZUGS KYI, ,CHU YI YI GER ZHUGS PAR 'GYUR, ,DE NAS GZHON NU'I GZUGS NYID KYANG, ,RNAM PAR BSGOMS PAS SKYE BAR 'GYUR, ,CHA BCAS DBANG GNAS SNGAGS PA NI, ,BLA MED DNGOS GRUB 'THOB PAR 'GYUR, ,NA GA YI NI GRANGS BZHIN DU, ,SKUD SOGS SBYOR LA GANG GNAS PA, ,NYI SHU YI NI SNGON MA YANG, ,DE NI RAS TE BZHI PA'ANG YIN,, SNGON MED CHA LUGS GZUGS GYIS NI, ,KHAMS GSUM DAG NI LTA BAR 'DOD, ,'GRO BA'I DON NI BYED GYUR PA'AM, ,MNYAM NYID YE SHES DE NYID LAS, ,YON TAN GSUM NI BRDA BYAS PA; ;YON TAN MED PA'I YON TAN MING, ,GZHON NU'I SPYOD PA'I LUS KYI MING, ,LTA BA 'DI NI BAR SKYES, ,DE NI SGO GLEGS MTHA' YIN TE, ,AE AU NGANG NI RING POR BCAS, ,YI GE GSUM BCAS THIG LER LDAN, ,TSEG DRAG MTHA' YI RING SDE CAN, ,YI GE AA NI YIG SBYOR BA'ANG, ,BCU GCIG PAR YANG GYUR PA YIN, ,DE NYID RING PO RING PO'I MTHAS, ,BCU GNYIS

169b

BA MI GRANGS SU 'GYUR, ,DE NYID YI GE AUR SBYOR LAS, ,YI GE AOm ZHES BRJOD PA YIN, ,SNGA MA'I RI MO'I SBYOR BA YIN, ,MING NI BCU BZHI PAR 'GYUR RO, ,CI STE AA LAS SNGAGS PAS NI; ;A'A: NYID DU NI BLTA BAR BYA, ,DE BZHIN A'A YI SBYOR BA LAS, ,YI GE AA NI CI 'DOD PAR, ,JI BZHIN GRANGS KYIS YANG DAG BLTA, ,RE RE'ANG AA YI SBYOR BAS BSGO, ,AI Ri Li AU'I TSOGS LAS KYANG, ,SNGAGS PA YA RA LA WA'I GZUGS, ,LKOG MA KHA DANG BAR DANG NI, ,RKAN DANG SPYI BOR GANG GNAS PA, ,GANG TSE AA KA'I SDE GRANGS LAS, ,A'A YI KHA YI RGYAB NA GNAS, ,AI TSAN PHRAG PA LAG PA DANG, ,TSIGS RNAMS LA NI DE BZHIN NO, ,DPUNG PA DANG NI LAG PA DANG, ,LAG PA G-YON PAR RAB TU BRTAG ,DPYI DANG BRLA DANG BYIN PA DANG, ,RKANG PA G-YAS G-YON DE BZHIN NO, ,GZUGS DE YI NI GRANGS MNYAM PAS, ,TA TSAN SHIN TU DNGOS GRUB STER, ,AU TSAN DE BZHIN DBUS DANG NI, ,LAG PA RU NI YONGS SU BSHAD, ,RKANG PA YANG NI RI TI'I TSAN, ,'DAS PA'I TSUL DU BZHUGS PA YIN, ,DE BZHIN NYID KYI SBYOR LDAN PA'I, ,SNGAGS PA RNAMS KYIS SHIN TU MTHONG, ,LHUN GYIS GRUB PAS DNGOS GRUB PA, ,ME TOG GIS MDZES PHRENG BA BZHIN, ,RANG RGYUD KYI NI NANG NYID DU, ,LHA MCHOG DAG NI BYA BA YIN, ,DGONGS PA LA SOGS RNAM PA KUN, ,DE NYID LAS NI BDAG 'GRUB 'GYUR, ,TSA BA'I BZHI BZHI SDE SBYOR BAS, ,

170a

, ,MKHAS PA YI NI SGO RNAMS BYA, ,KA TZA tA TA PA TSAN YANG, ,DBUS DANG SHAR LA SOGS SNGON 'GRO, ,'GRO LA PHAN PA'I 'DOD PA YANG, ,MA SPEL BAR NI MTHONG BA YIN, ,THAMS CAD KYANG NI RDZOGS YI GE ,YI GE H'A YIS MCHOD PAR BYA, ,SNA TSOGS PA NI 'BYIN BYED CING, ,'GRO BA DUS GSUM GCIG PA'I DNGOS, ,YI GE AA NI LUS SU BYA, ,LHAG MA RNAM PA DANG BCAS PA, ,MTSAMS MED LNGA YI SBYOR BA LAS, ,SNGAGS PA 'GRO BA PHAN PAR STON, ,SHA THOG MTHA' GNAS SNGAGS LAS SKYES, ,DBANG BSKUR GSUM PO SPYI LAS SKYES, ,GZUGS MED RTOGS PA'I CHOS RNAMS NI, ,SKAD CIG GCIG GIS NGES SBYOR GYUR, ,DE TSE DKYIL 'KHOR MED BYAS PA, ,'JIG RTEN PA RNAMS CHOS DGAR 'GYUR, ,AA KU HA GNAS BYANG PHYOGS GNAS, ,YOD PA NYID KYANG DUS GSUM 'DAS, ,GANG DANG GANG NAS BYUNG BA YI, ,GSANG SNGAGS BSAM GYIS MI KHYAB GSUNGS, ,DE DANG DE NI BZHUGS GYUR PA, ,RANG GI MTSAN MA GCIG SHOS NYID, ,GZUGS MED 'DI LA GNAS YOD PA, ,CHA NI GSUM ZHES BYA BAR 'GYUR, ,STENG 'OG PHYOGS KYI CHA RNAMS SU, ,DNGOS MED PA NI RNAM PAR GNAS, ,DNGOS PO GCIG GYUR MTHONG BA DANG, ,'GRO BCAS TSANGS PA 'GRO BDAG NYID, ,TSANGS PA'I GNAS PA BZHI PO LAS, ,SMON LAM LA SOGS BSGOM BYA BA'O, ,'GRO BA DON GTOGS 'DOD

170b

BA'I YON TAN GYUR RNAMS LA, ,DGYES PA'I BDE MCHOG DGA' BA'I 'DOD PA MDZOD, ,SNGON CHAD MDZAD PA'I SMON LAM RAB MCHOG DGONGS NAS NI, ,THUB PA RDO RJE'I TSIG MCHOG RNAM PAR DBYE BAR GSOL, ,NOR BU RIN CHEN DAG GIS RNAM BRGYAN SKU YI MCHOG ,'GRO BA'I DON BYED SRING MO BDAG LA BRTEN PAR MDZAD, ,LHAG PA'I SNYING RJE LAS BYUNG RAB MCHOG LDAN PA'I SKU, , BDAG NI YONGS SU BZUNG LA CHOS RNAMS DON YOD MDZOD, ,SRING MOS KYANG NI KHYAD PAR DU, ,DE LTAR BSKUL BA TZAM GYIS NI, ,DE NAS YONGS SU 'DZIN MDZAD DE, ,RIG PA'I PADMA DPAL DU MDZAD; ;SHIN TU SNYAN CING YID 'ONG DBYANGS KYIS NI, ,PHAN PAS MYUR DU 'GRO BA GNYIS MED 'DIR SNOD GYUR, ,BLA MA BDAG NI GAL TE GSON PAR MCHIS BZHED NA, ,DGA' BA LAS BYUNG CHOS DGA' BDAG LA DGYES PAR MDZOD, ,'GRO BA DANG NI 'OD DANG GNAS PA TZAM 'DI NI, ,NAM YANG LTOS PAR GYUR PA DAG GI MNGA' BA LAGS, ,KUN TU SONG BA'I BDAG NYID CAN GYI DAM TSIG STON, ,'DOD PA'I YON TAN RNAMS DANG KHYED BDAG 'DOD PA MDZOD, ,DGONGS PA'I YE SHES RDO RJE YIS, ,SANGS RGYAS YON TAN GCIG LA BZHUGS, ,BZLAS BRJOD SBYIN SREG DE BZHIN KHRUS; ;DKYIL 'KHOR YONGS SU BRTAGS PA MDZAD, ,'DOD PA MED CING CHAGS LA ZHI, ,DE YANG DON DAM DAG GYUR YIN, ,SPYOD DUS DE BZHIN ,SNGAGS PA NI, ,BZLAS BRJOD DNGOS PO MED PA YIN,

171a

, ,BSNYENGS PA YANG NI YID BZANG LDAN, ,MDA' DANG RIG BYED YON TAN DANG, ,ZUNG DANG ZLA DKYIL RNAL 'BYOR PA, ,DBYANGS KYI YI GE GZHAG BAR BYA, ,HA YI SDE TSAN [?] SDE DANG, ,BCU GNYIS PHYED PHYED DAG TU SBYAR, ,GSHIN RJE GSHED KYI GZUGS 'DI NI, ,NYI MA'I DKYIL 'KHOR DAG LA DGOD, ,DE NAS SNGAGS PA MDUN 'DUG STE, ,DGONGS BA'I DON GYIS BRTAG PAR BYA, ,PHUNG PO KHAMS LA SOGS LTA BA, ,BRDA LAS JI LTAR LUS YIN BZHIN, ,MA BYIN LEN PA BYANG CHUB SEMS, ,KUN RDZOB BSTAN PA RDZUN SMRA BA, ,PHUNG PO SROG CHAGS GYUR BA STE, ,TSANGS BA'I GNAS BZHI BUD MED YIN, ,MI SBYIN TSIG DANG RKANG PA STE, ,DE BZHIN RTEN PA NYID KYANG NI, ,DUS GSUM SBYOR BA GCIG PU RU, ,SNGAGS BA YIS NI DE BYA'O, , BSHANG BA ZHES NI YUL LA BSHAD, ,GCI BA ZHES NI DBANG PO YIN, ,DE DAG ZA BAR BSHAD PA NI, ,MA SKYES GCIG PUR MTHONG BA 'O, ,KHRAG NI PAGS BAR YANG DAG BSHAD, ,SA BON LUS ZHES BYA BA YIN, ,RKANG NI SEMS KYI KUN RTOG PA, ,ZA BA DNGOS MED GYUR PA 'O, ,SMON LAM DBANG GIS 'DI RNAMS NI, ,BI MU RA SHU PA SA 'DI, ,LHA RNAMS SBYOR BA'I CHOS NYID DU; ;BDUD RTZI ZHES NI BRJOD BA YIN, ,DGONGS PA YIS NI BSHAD PA LA, ,BYIS PA RNAMS NI YI GER RTOG, RDO RJE THEG LA GNAS KHYOD KYANG, ,CHOS NYID DE YANG MI SHES SO, ,RTOG

171b

PA KUN LAS RNAM 'DAS PAS, ,CHOS KYI DBYINGS TE MKHA' DANG MTSUNGS, ,DE 'DRA 'JIG RTEN RGYANG PAN PA, ,MTHON PO'I GSANG GIS RTOG PAR BYED, ,YI GE GANG GIS MI GANG ZHIG ,'GRO LA GSAL BAR RTOG BYED PA, ,'GRO DON GCIG PA'I SBYOR BA LAS, ,DE NYID KYIS NI DE NYID MTHONG, ,GANG ZHIG RNAM SMIN SMIN PA YIS, ,SEMS NI DNGOS GRUB LA GZHOL BA, ,RDZOGS LONGS SPYOD PA'I SKUR SBYOR LAS, ,DNGOS PO MED PA NYID DU BYUNG, ,BDAG NYID BSAM GYIS MI KHYAB GZUGS, ,KUN RDZOB DON GYI GNYEN POR 'BYUNG, ,SPRUL PA'I LUS LAS SNGAGS PAS NI; ;SGYU MA BZHIN DU STON PAR BYED, ,GSANG BA'I DGONGS PA DE NYID 'DI, ,'JAM DPAL YE SHES DAM PA 'O, ,RDO RJE GSUM GNAS SBYOR BA YIS, ,SGOM PA'I BDAG NYID CAN GYIS BSGOM,, NAM MKHAR BRTAGS PA'I RNAL 'BYOR LA, ,PHUNG PO DGON PA CHEN POR 'DOD, ,GNAS MED GNAS BA'I SBYOR BA YIS, ,DE BZHIN NYID GNAS SA PHYOGS YIN, ,LONGS SPYOD RDZOGS PA'I DPAG BSAM SHING, ,DNGOS GRUB SNA TSOGS ME TOG LDAN, ,SPRUL PA'I 'BRAS BU SHIN TU MDZES, ,YANG DAG RDZOGS PA'I BYANG CHUB RI, ,DNGOS MED DBEN PA NYAMS DGA' BA, ,RDO RJE ZHES BYA DES BSGRUB BYA, ,PHUNG SOGS YAN LAG THAMS CAD DE, ,SANGS RGYAS 'BYUNG BA DNGOS GRUB GYUR, ,SNGAGS 'DON BAR NI GANG GYUR BA, ,BSDUS BA SNGAGS NI GCIG PU PA, ,LUS SOGS

172a

, ,RDO RJE GSUM LA NI, ,RDO RJE 'JAM PA BSGOM PAR BYA, ,LUS LA SOGS PA RDO RJE GSUM, ,DE NYID GSUM NAS SPRO BAR BYA, ,RDO RJE GSUM DANG LEGS SBYOR LAS, ,'JAM PA'I RDO RJE 'DRA BAR 'GYUR, ,NAM MKHA' MTHA' YAS YANG DAG RTOG ,SEMS SBYOR BA NI DPAG TSAD YIN, ,LNGA BCU GNYIS GYUR GANG YIN PA, ,BRGYA BRGYA PA NAS MNGON PHYOGS LA; ;CI RIGS GCIG PA'I YANG DAG RTOGS, ,SNA TSOGS RDO RJE 'BAR CIG STZOL, ,DPAG TSAD BRGYA YI KHYON TZAM DU, ,'BAR BA'I RDO RJE SNANG BA YIS, ,SA LA SOGS PA BRGYAN PA NI; ;DE NI SNANG BA ZHES BSHAD DO, ,TSANGS PA DBANG PO LA SOGS LHA, ,DAD BAS DE LA PHYAG KYANG BYED, ,'DI NI MI SNANG BYED PA STE, ,TING 'DZIN 'JAM PA'I RDO RJE NYID, ,RNAM PAR SMIN PA LDOG GYUR CING, ,JI SKAD GSUNGS PA 'GRUB PAR 'GYUR, ,PHUNG PO LA SOGS GRANGS MNYAM PAR, ,MI BSKYOD LA SOGS RAB TU BRTAG ,BSHANG GCI SBYANGS LAS DER GYUR PA; ;GANG ZHIG DAM TSIG CES BYA'O, ,DAM TSIG CES BYA DE DAG MCHOG ,MI PHYED RDO RJE GSUM 'BYUNG BAS, ,DKON MCHOG GSUM NI MNYAM BYAS TE, ,BDAG MED PA YANG BSGOM PAR BYA; ;DKON MCHOG GSUM NI LCAGS GSUM YIN, ,BDAG MED CES BYA KHA YIN TE, ,GANG 'DI RNAM RTOG GCIG NYID DU, ,BCUG PA RIL BU YIN PAR 'DOD, ,SANGS RGYAS RNAMS KYIS

172b

MI BYED PA'I, ,SGOM PA SEMS KYI DAM PA'O, ,DE LTAR DE NYID SHES BSGOMS NAS, ,SKAD CIG GIS 'JAM RDO RJER 'GYUR, ,'KHOR LO 'OD 'PHRO MTSUNGS PAR 'GYUR, ,RANG GI SNGAGS KYIS RNAM BSGOMS NAS, ,SANGS RGYAS KUN GYI GNAS BSGOMS NA, ,SANGS RGYAS 'DRA BAR 'GYUR BAR BSHAD, ,SUM CU RTZA DRUG GNAS SBYOR BA'I, ,RI RAB KYI NI RDUL PHRAN RNAMS, ,DE SNYED DE YI RJES 'BRANG RNAMS, ,DAM TSIG RDO RJE ZHES BYA BA'O, ,GNAS NI LHA YI SBYOR BA STE, ,SNA NI RI RAB CES BYA'O, ,BDAG NYID CHEN PO SUM CU BDUN, ,NAM MKHAR SPRO BA BSAM MI KHYAB; ;'JAM PA'I RDO RJE BDAG PO STE, ,'DI DAG 'KHOR DU GYUR PA YIN, ,'JIG RTEN PA YI RANG NGO BO, ,PHYI YI RI RAB BRTAG PA YIN, ,DAM TSIG RDO RJE ZHES BYA BA'I, ,'KHOR LO'I TING NGE 'DZIN CES BYA, ,'KHOR LO DNGOS GRUB RNYED SLA BA, ,SKAD CIG SBYOR BAS SGRUB BA 'O, ,RDO RJE CHEN PO RANG SNGAGS KYIS, ,DKYIL 'KHOR DBUS SU RAB BSGOMS NA, ,RDO RJE KUN GYI GNAS MCHOG STE, ,THUGS KYI RDO RJE 'DRA BAR 'GYUR, ,RI RAB SUM CU RTZA DRUG GI, ,RDUL PHRAN JI SNYED YOD BA YI, ,DE SNYED BUD MED DE YI NI, ,SUM 'GYUR GNAS SU 'GYUR BA YIN, ,KHAMS GSUM GYI NI RDO RJE CHE, ,DRAG PO YIS NI PHYAG BYAS 'GYUR, ,RDO RJE DAM TSIG CES BYA BA'I, ,TING 'DZIN 'DI NI YANG DAG BSHAD, ,PADMA CHEN PO 'DAB BRGYAD PA, ,RANG SNGAGS RDO RJE LAS BYUNG BA, ,CHOS

173a

, ,RNAMS KUN GYI GNAS BSGOMS NA, ,RDO RJE CHOS DANG 'DRA BAR 'GYUR, ,SUM CU RTZA DRUG GNAS SBYOR BA'I, ,RI RAB RDUL PHRAN GRANGS SNYED KYI, ,SANGS RGYAS RDO RJE MCHOG GI NI; ;DKYIL 'KHOR LA NI BDAG NYID 'JOG ,GOS MED MNYAM NYID YE SHES KYI, ,RDO RJE PADMO GRU BCAS SBYIN, ,SO SOR RTOG PA ZHES BYA BA'I, ,TING NGE 'DZIN NI YANG DAG BSHAD, , SHIN TU GRANGS MED BSKAL PAR NI, ,GRANGS KYI MING GIS GNAS PAR NI, ,GNAS SHING SGOM PAR BYED PA YIN, ,DE YI YE SHES LNGAR LDAN PA, ,SANGS RGYAS KUN GYI DGONGS PA NI, , 'JIG RTEN PHAN PHYIR GSUNGS PA RNAMS, ,PHYOGS BCU'I SANGS RGYAS MTHA' YAS PA'I, ,YON TAN GSUM NI YONGS SU BSTEN, ,'OD ZER LNGA YI MDOG 'DRA BA'I, ,RANG SNGAGS LAS BYUNG RAL GRI NI, ,BLO LDAN LAG PAR DE BZHAG NA, ,RDO RJE RIG PA 'DZIN PAR 'GYUR, RANG GI SNGAGS KYI KHONG CHUD 'DI, ,HO HO H'Um DE KHAMS GSUM PA, ,PADMA SPANGS PA'I TSANGS PA CHER, ,RNAL 'BYOR PA DE 'GYUR BA YIN, ,KHAMS GSUM KUN GYIS CHER MCHOD CING, ,TSANGS DANG LHA MIN PHYAG BYAS PA, ,STONG GSUM MI YI MCHOG GCIG PU, ,DBANG CHEN PO YI TSANGS PAR 'GYUR, ,THUGS KYI RDO RJE MCHOG BSGOMS PAS, ,DNGOS GRUB JI LTAR 'DOD PA DAG ,SKU GSUNG THUGS KYI RDO RJE LAS, ,DE NI DE MA THAG TU 'THOB, ,RANG GI RDO

173b

RJE TING 'DZIN 'DI, ,DNGOS MED GCIG PU YANG DAG BYUNG, ,BYANG GROL LA YANG DE MI GNAS, ,RAL GRI'I KHA DANG 'DRA BAR 'GYUR, ,AOm NI RIL BU TZA NA KA'I, ,'BRU TSAD TZAM DU BSAMS NAS NI; ;DBUS SU RANG GI LHA YI GZUGS, ,BSAMS TE KHAR BCUG RNAM BSGOMS NA, ,BYANG CHUB YE SHES 'OD PO CHE, ,BLO LDAN DE MA THAG TU 'GYUR, ,DZAMBU CHU BO'I GSER MDOG GAM, ,NYI MA 'CHAR KA'I MDOG 'DRA BA'I, ,TZA NA KA YI 'BRU TSOD TZAM, ,YI GE'I DAM PA A'A: BSAM MO, ,DE YI DBUS SU LHA YI GZUGS, ,KHAR BCUG NAS NI RNAM BSGOMS NA, ,BYANG CHUB YE SHES 'OD PO CHE, ,DE NI DE MA THAG TU 'GYUR, ,DZAMBU CHU BO'I GSER MDOG DANG, ,NYI MA 'CHAR KA'I MDOG 'DRA BA'I, ,NAM MKHA'I DBUS NA GNAS PA YI, ,TZA NA KA YI 'BRU TSAD TZAM; ;YI GE H'Um NI RNAM BSAMS TE, ,DBUS SU RANG GI LHA BSAMS NAS, ,KHAR BCUG NAS NI RNAM BSAMS NA, ,RDO RJE SEMS DPA' 'OD PO CHE, ,DPAL LDAN DE MA THAG TU 'GYUR, ,DZAMBU CHU BO'I GSER MDOG DANG, ,NYI MA 'CHAR KA'I MDOG 'DRA BA'I, ,RNAM BAR SNANG MDZAD MKHA' DBYINGS KYI, ,DKYIL 'KHOR DBUS SU RAB BSGOMS LA, ,LAG TU 'KHOR LO RNAM BSGOMS NA, , 'KHOR LO'I RIG PA 'DZIN PAR 'GYUR, ,RDO RJE'I SKU MDOG SBYOR BA YANG, ,'DI NI YE SHES MCHOG SGRUB PA'O, ,'KHOR LO CHEN PO'I RIGS BSGOMS TE, ,YE SHES RDO RJE DAG GIS BYA, ,DZAMBU

174a

, ,CHU BO'I GSER MDOG GAM, ,NYI MA 'CHAR KA'I 'OD 'DRA BA'I, ,NAM MKHA'I DBYINGS KYI DBUS GNAS PAR, ,RDO RJE MI PHYED RAB BSGOMS TE, ,LAG TU RDO RJE BSGOMS NA NI, ,RDO RJE'I RIG PA 'DZIN PAR 'GYUR, ,RDO RJE MCHOG GI SGRUB PA 'DI, ,RDO RJE SKU YI SBYOR BA LAS, ,RDO RJE RIGS KYI MCHOG BSGOMS PAS, ,YE SHES RDO RJE DAG GIS BYA, , NAM MKHA'I KHAMS KYI DBUS GNAS PAR, ,RIN CHEN LA NI RIN CHEN BSGOMS, ,DE NYID LAG TU LEGS BZHAG NA, ,RIN CHEN RIG PA 'DZIN PAR 'GYUR, ,RIN CHEN MCHOG GI SGRUB PA 'DI; ;RIN CHEN SKU YI SBYOR BA LAS, ,RIN CHEN RIGS KYI MCHOG BSGOMS PA, ,YE SHES RDO RJE DAG GIS BYA, ,NAM MKHA'I DBYINGS KYI DBUS GNAS PAR, ,TSE DPAG MED PA RAB BSGOMS LA; ;LAG TU PADMA BSGOMS NA NI, ,PADMA'I RIG PA 'DZIN PAR 'GYUR, ,PADMA MCHOG GI SGRUB PA 'DI, ,PADMA'I SKUR NI SBYOR BA LAS, ,PADMA'I RIGS CHEN BSGOMS PA NI, ,YE SHES RDO RJE DAG GIS BYA; ;NAM MKHA'I DBYINGS KYI DBUS GNAS PAR, ,DON YOD MCHOG NI RAB BSGOMS LA, ,LAG TU RAL GRI RAB BSGOMS NA, ,RAL GRI'I RIG BA 'DZIN PAR 'GYUR, ,DAM TSIG MCHOG NI 'DI SGRUB PA, ,SKU YI DAM TSIG SBYOR BA LAS, ,DAM TSIG RDO RJE RIGS BSGOMS PA, ,YE SHES RDO RJE DAG GIS BYA, ,BSGRUB BYA RDO RJE'I DBYE BA YIS, ,MDUNG THUNG RDO RJE LCAGS KYU SOGS, ,

174b

SKU GSUNG THUGS KYI SGRUB PA YIS, ,BSAM GTAN NYID KYIS SGRUB PAR 'GYUR, ,DAM TSIG CHEN PO 'BYUNG BA YI, ,DAM TSIG DNGOS GRUB CES BYA BA'I, ,MI PHYED RDO RJE GSUM DBANG PHYUG ,SNA TSOGS BCOM LDAN 'DAS KYIS GSUNGS, ,SDUG BSNGAL DANG NI KUN 'BYUNG NYID, ,'GOG DANG LAM STE BZHI PO NI, ,LAM GYI BZHI MDOR YANG DAG BSHAD, ,SGRUB PA PO NI GNAS MING CAN; ;SHING GCIG DRUNG DU YANG DAG RTOG ,CHOS DANG RDZOGS LONGS SPYOD MING CAN, ,SNA TSOGS MTSAN GCIG YANG DAG DGONG, ,MTSAN MA RKYEN GYI GZUGS CAN NO, ,'BYIN DANG RNGUB PA NYID DANG NI, ,GNAS PA YIS NI NYER MDZES PA, ,YID STON PA YI MNYAM SBYOR LA, ,RAB TU ZHI BA'I ZHI GNAS SU, ,DUS GSUM RTOG PA GCIG LAS 'DAS, ,RDO RJE LCAGS KYU KHYAD PAR DANG, ,SGRUB PA PO NI RTAG TU SGRUB, ,SBYOR GSUM SNGAGS KYI SKYES BU NI, ,SBYOR GSUM RDO RJE CAN BSAMS PA, ,SKU GSUNG THUGS KYI LCAGS KYU 'O, ,SANGS RGYAS YE SHES BLO CAN GYI, ,MI GSAL GSAL BAR YANG DAG LDAN, ,DE BZHIN NYID KYI NGO BO LAS, ,'GRO BA THAMS CAD DGUG PAR BYA, ,RLUNG GI DKYIL 'KHOR MCHOG GNAS PA, ,SANGS RGYAS DGUG PA DAM PA YIN, , GNAS MED GNAS PA'I SBYOR BA YIS, ,DE NYID SNGAGS DON RNAL 'BYOR PAS, ,'GRO BA 'DOD PA'I LONGS SPYOD KYANG, ,MI GSAL SBYOR BAS SBYOR BAR BYED, ,GANG YANG DAM TSIG PHYOGS

175a

, ,RNAMS NI, ,MKHA' DBYINGS DBYE BAS GNAS PA RNAMS, ,DE NYID RDO RJE BKUG NAS NI, ,SNGAGS RIG PAS NI SPYAD PAR BYA, ,NAM MKHA'I KHAMS NI DGUG PA 'DI, ,DAM TSIG CHEN PO RDO RJE CAN, ,SNGAGS KYI DE NYID GCIG SBYOR LAS, ,LCAGS KYU DE RNAMS 'GRUB PAR 'GYUR, ,DAM TSIG RNAMS NI DGUG PA'I MCHOG ,RGYAL GNAS LCAGS KYU BSAMS NAS NI; ;RNAM PAR SNANG MDZAD 'KHOR LO CHE, ,RDO RJE PADMA LA SOGS BYA, ,ME LONG LTA BU'I SNGAGS PAS NI, ,SANGS RGYAS SKU NI RNAM PAR BSGOM, ,LAG TU SKU DANG GSUNG THUGS KYI; ;LCAGS KYU LA SOGS RAB TU BSGOM, ,DE NI SBYOR BA 'DI NYID KYIS, ,DE NYID LAS NI LHA RNAMS DGOD, ,DE NI DE MA THAG TU YANG, ,DNGOS GRUB KUN STER LAS BYED 'GYUR, , SKU DANG GSUNG THUGS THAMS CAD NI, ,MTSAN NYID GCIG PAR BSGOM PAR BYA, ,LCE YI RDO RJE SBYOR BA YIS, ,GSUNG GI RDO RJER DE MNYAM BSGOM, ,BRTUL ZHUGS CAN GYIS PHYI NANG GNYIS; ;GSANG BA'I RDO RJE MCHOG MCHOD DO, ,DNGOS MED DAM TSIG SBYOR BA YIS, ,JI LTA JI LTAR RAB SGRUB PA, ,DAM TSIG GSUM GYI RNAL 'BYOR BA'I, ,DE NI YANG DAG YIN PAR BSHAD; ;GSANG BA'I SNYING PO BSDUS PA YI, ,DNGOS GRUB KUN GYI MCHOG TU 'DOD, ,BCOM LDAN DAM TSIG CHEN PO YI, ,RNAL 'BYOR PAS NI DE SKAD GSUNGS, ,DE NAS PHYAG NA

175b

RDO RJE NI; ;GO BYED GSANG BA YANG DAG GSUNGS, ,GRANG ZHIG SHES NA RNAL 'BYOR PA'I, ,MNYAM GZHAG MCHOG NI THOB 'GYUR BA'I, ,GSANG DBANG DE NYID DAM PA YI, ,DE NI DE YIS YANG DAG BSHAD, ,RNAL 'BYOR CHEN PO GCIG BDAG NYID, ,NAM MKHA' DANG NI MNYAM BA'I GNAS, ,BYAS NA DAM TSIG YANG DAG PA, ,SHA CHEN LA NI YANG DAG SBYAR, ,DNGOS MED BA YI SHA CHEN GYI; ;DAM TSIG MCHOG LA GNAS NAS NI, ,BLO LDAN BDAG NYID SGOM BA NI, ,RDO RJE DNGOS GRUB LONGS SPYOD STER, ,RDZOGS LONGS SPYOD YUL BSHANG BA YIN, ,DE NYID YE SHES DBANG PO GCI; ;DAM TSIG 'DI DAG NYID KYIS NI, ,RIG PA 'DZIN PA'I GTZO BOR 'GYUR, ,LONGS SPYOD RDZOGS PHUNG LAS BYUNG BA, ,GLANG PO'I SHAR NI DE RAB BRTAG ,DAM TSIG GCIG TU LEGS SBYOR LAS; ;MNGON SHES LNGA DAG THOB PAR 'GYUR, ,DBANG PO GNYIS NI RTA SHA STE, ,DNGOS MED DE NYID LAS SBYOR LAS, ,DAM TSIG GCIG TU LEGS SBYOR NA, ,MI SNANG GNAS KYI MCHOG TU 'GYUR, ,DGONGS BAS GCIG SHOS BZLOG PA YIN, ,PHUNG SOGS YAN LAG GANG GYUR PA, ,DNGOS MED DE NI KHYI SHA YIN, ,DAM TSIG GCIG TU YANG DAG SBYOR, ,DNGOS GRUB THAMS CAD RAB SGRUB PA 'O, ,RDZOGS SANGS RGYAS CAN BA LANG SHA ,KHRO BO'I RGYAL PO 'GRUB PAR 'GYUR, ,DAM TSIG GCIG TU YANG DAG SBYOR, ,RDO RJE DGUG PA'I DAM PA 'O, ,'DI NI 'JIG RTEN

176a

, ,PAR GYUR LAS, ,DGONGS PAS GCIG SHOS BZLOG PA YIN, ,SHA CHEN DANG NI BSHANG GCI DANG, ,GLANG PO RTA KHYI BA LANG DAG ,MI RTOG GCIG PA'I SGRUB PA YIS DAM TSIG GCIG TU DE 'GRUB 'GYUR, ,BSTAN PAS 'DI NI SGRUB PA NI, ,SNGAGS KYI LONGS SPYOD RNAL 'BYOR PA, ,RDO RJE SBYOR BA'I GSANG BA YIS, ,SGRUB PA 'DI DANG LDAN PAR 'GYUR,, DE NI SANGS RGYAS BYIN RLOB CING, ,RNAM KUN RDO RJE CAN GSUM DANG, ,SNYING GAR YE SHES DAM TSIG DANG, ,DBU RGYAN LA NI RDO RJE 'DZIN, ,SANGS RGYAS THAMS CAD TSIM 'GYUR BA'I, ,'DI NI DAM TSIG SDOM PA'O, ,DNGOS GRUB THAMS CAD STER BA'I MCHOG ,DAM TSIG MCHOG 'DIS RAB TU BYA, ,DAM TSIG KUN GYI DAM PA STE, ,RDO RJE ZAS KYI TING 'DZIN TO, ,DE NAS 'GRO LA PHAN PA'I MGON, ,GTZO BO RNAM SNANG CHEN PO LA, ,GSANG BA'I DGONGS PA DAM PA NI, ,RDO RJE 'DZIN PAS SLAR YANG ZHUS, ,GANG ZHIG SPYI BOR BRTAGS PA NI, ,GCIG PU NYID DU GYUR PA DES, ,RI RAB SUM CU RTZA DRUG TU, ,MU STEGS RNAMS KYIS 'TSAL MI 'GYUR, ,RANG GI BSTAN BCOS BRDA YIS NI, ,PHYI ROL BA DE RNAM RTOG LA, ,TING 'DZIN BRTAGS PA 'DI DAG KYANG,, 'DI LA RANG GI NGO BO MED, ,TSANGS SGO MDZOD KYI RGYUD LAS NI, ,RI RAB GCIG DANG BCAS PAR BSHAD, ,BYIS PA MCHOG NI RMONGS BYED PA, ,GSUNG 'DI SKYE BO LTUNG BAR 'GYUR, ,DE NAS

176b

BCOM LDAN BDAG PO 'DIS, ,RDO RJE CAN LA SLAR GSUNGS PA, ,LEGS SO RDO RJE LEGS PA CHE, ,SKYES BU DAM PA KHYOD LEGS PA, ,RKYEN DANG NYAN THOS THEG PA DANG, ,'DIR NI NGA YIS GSAL BSHAD PA, ,SANGS RGYAS KYIS BSHAD YE SHES DAG ,THEG PA CHEN PO MI MTHONG NGO, ,TSAD YOD DANG NI YONGS CHAD PA'I, ,RANG GI LUS LA GANG BSHAD DE, ,YE SHES DE RNAMS DRI MED 'DOD, ,KHRON PA'I RUS SBAL ZHES BYA'O, ,NAM MKHA' DANG NI MNYAM YE SHES, ,RDO RJE THEG PA BLA MED PA, ,MCHOG SBYIN NGA NI KHYED BZHIN DU, ,RGYA CHEN DE YIS MI MTHONG NGO, ,RDO RJE THEG PA RGYA MTSO STE, ,DE YIS YANG DAG MA MTHONG BAS, ,RANG GI LUNG NI TSAD MA YIS, ,GZHAN YOD PA NI MIN ZHES SMRA, ,THEG PA CHEN LA GSANG BA RNAMS, ,SRANG LA BCAL TE DE SMRA BA, ,DE RNAMS SNGON BZHIN GSAL MIN ZHES, ,NGA YI TSIG LAS BLTAS TE SMRA, ,DE NYID RJES SU GZUNG BA'I PHYIR, ,RDZOGS SANGS RGYAS LA SGOM PA RNAMS, ,GANG GIS SHES NA RTOG MED 'GYUR, ,GSANG BA DGONGS PAS GSUNGS PA YIN, ,SNGAGS KYI DE NYID DON BYANG CHUB, ,SNA TSOGS DNGOS GRUB 'BRAS BU STER, ,DGONGS DON JI LTA JI LTA BAR, ,DE NI NGA YIS YANG DAG BSHAD, ,DAM TSIG RDO RJE LCE LA NI,, RDO RJE CAN GYIS H'Um BSAMS TE, ,RNAL 'BYOR PAS NI BDUD RTZI LNGA, ,ZOS NA RDO RJE GSUM THOB 'GYUR, ,A'A:DANG AOm GYI GSANG BA DAG ,'DI NI RDO RJE GSUM MCHOG STE, ,'DI LTA BU YI SBYOR BA

177a

, ,YIS; ;RDO RJE SEMS DPA'I 'OD CHEN 'GYUR, ,'DI NI RDO RJE'I BDUD RTZI YI, ,PHRENG 'GYUR DAM TSIG RDO RJER BSHAD, ,RDO RJE SEMS DPA' YANG DAG 'BYUNG, ,TING NGE 'DZIN NI BSHAD PA YIN, ,RDO RJE GSUM GYI DAM TSIG MCHOG ,SKU GSUNG RDO RJE CAN DU 'GYUR, ,DE NYID SEMS CAN THAMS CAD KYI, ,YID BZHIN NOR BU'I RGYA MTSO CHE, ,'JIG RTEN KHAMS NI THAMS CAD DU, ,SANGS RGYAS SKU DANG 'DRA BAR 'GYUR, ,RDO RJE DAM TSIG DNGOS GRUB MCHOG ,RDO RJE BDAG NYID DE SNANG BYED, ,GANG+G'A'I KLUNG GI BYE MA SNYED, ,SANGS RGYAS ZHING NI THAMS CAD DU, ,GRUB NAS 'DI NI DER SBYOR BA'I, ,RIG PA 'DZIN PAR DE 'GYUR RO, ,SKU YI RDO RJE BSGOM BDAG NYID, ,GRUB MCHOG DAM TSIG LA GNAS PA, ,MI SNANG GYUR PA KUN GYI MCHOG ,STONG GSUM DAG NI SNANG BAR BYED, ,LHA YI BU MO MCHOG 'PHROGS NAS, ,SANGS RGYAS RNAL 'BYOR MAR LEGS SBYOR, ,GANG+G'A'I BYE SNYED CES BYA BA'I, ,RDZOGS PA'I SANGS RGYAS MA LUS KUN, ,DPE DE DANG NI GRANGS GCIG PA, ,SANGS RGYAS DUS GSUM RNAM SPANGS PA, ,LAG TU SKYU RU RA BZHAG BZHIN, ,RDO RJE MIG GIS DE MTHONG 'GYUR, ,SANGS RGYAS ZHING NI GANG DAG TU,, SGRA GRAGS PA NI JI SNYED BA, ,RNAM PA LA GNAS MA NOR BAR, ,SKAD CIG GIS NI DE KUN THOS, ,GANG+G'A'I BYE SNYED ZHING DAG DANG, ,SKU LA SOGS PA GSUM GYIS MTSAN, ,SEMS ZHES BSHAD PA'I

177b

SGOM PA MCHOG ,SEMS CAN RNAMS KYI DE NYID RIG ,BSKAL PA GANG+G'A'I BYE SNYED DU, ,SANGS RGYAS RDO RJE MCHOG GIS 'GENGS, ,RDO RJE BSAM MI KHYAB SNGON 'GRO, ,RANG GI RNA BA SEMS BCAS BA, ,GANG+G'A'I BYE MA'I MING CAN GYI, ,GNAS KYI DNGOS PO BSHAD PA YIN, ,SANGS RGYAS RNAMS KYIS MNGON SHES GNAS, ,'DI NI YANG DAG BKA' STZAL TO, ,MNGON SHES DRUG NI DON GRUB BO, , DE NI SANGS RGYAS 'DRA BAR 'GYUR, ,GANG+G'A'I KLUNG GI BYE SNYED KYI, ,'KHOR RNAMS KYIS NI RAB MDZES PAS, ,SKU SOGS RDO RJE GSUM 'DI NI, ,'JIG RTEN KHAMS RNAMS KUN TU SPYOD, ,YID RTON BDEN GCIG BSNYEN PA STE, ,DE NYID GSUM MNYAM GNYIS MED PA, ,BRTEN TE DAM TSIG GCIG GYUR PA, ,YE SHES NYE BAR SGRUB PA'O, ,YID RTON MNYAM PA'I SBYOR BA LAS, ,SGRUB PA YI NI DAM TSIG 'GYUR, ,'BRAS BU MNGON SUM BYAS SBYOR BA, ,SGRUB PA CHEN PO BZHI PA'O, ,RKYEN DANG NYAN THOS MDO SDE BA, ,'DI DANG LDAN PA RAB TU BSNGAGS, ,SEMS LA DMIGS DANG 'DIR SBYOR BA; ;SKAD CIG GIS KYANG DE 'GRUB 'GYUR, ,BSNYEN PA'I DAM TSIG SBYOR GCIG DANG, ,NYE BAR SGRUB BAR GANG GYUR DANG, ,SGRUB PA'I DAM TSIG NYID DANG NI, ,SGRUB PA CHEN PO BZHI PA YIN,, 'DI LA YANG DAG 'JUG 'GYUR BA, ,JI LTA JI LTAR 'JIG RTEN SOGS, ,SA DANG SHING GI RIN CHEN SOGS, ,LHA NYID DU NI RAB TU BRTAG ,CHOS KYI DBYE BAS SHES PAR BYA, ,RDO RJE YE SHES

178a

, ,SGRUB PA PO, ,BSNYEN PA'I DAM TSIG YANG DAG SBYOR, ,BYANG CHUB MCHOG NI RNAM PAR BSGOM, ,GZUGS DANG SGRA DANG DE BZHIN DRI, ,RO DANG REG BYA CHOS RNAMS LA; ;DNGOS GRUB MCHOG NI RNAM DPYAD PA, ,DE NI NYE BAR SGRUB PAR 'GYUR, ,SNGAGS BDAG GANG YIN BSGOMS NAS NI, ,BSKUL BA SGRUB PAR 'GYUR BA YIN, ,RANG SNGAGS RDO RJE CAN GYI GZUGS; ;DE NI SGRUB PA CHEN POR 'DOD, ,BSNYEN PA RDO RJE BDUD RTZI DAG ,SNGAGS PAS KUN TU BRTAG PAR BYA, ,DNGOS GRUB 'DOD PAS GNAS PA NI, ,DBU RGYAN LA NI MCHOG GANG BSAM; ;'DI NI SNGAGS RNAMS THAMS CAD KYI, ,DE NYID GSUM GSANG YANG DAG 'BYUNG, ,SNGAGS KYI DE NYID DON GNYER BA'I, ,SGRUB PA POS NI DBEN PA BSTAN, ,SNA TSOGS LUNG GI YANG DAG RTOG ,SNGAGS NI DGON PA CHEN POR 'DOD, ,DE YI DPAG BSAM SHING LONGS SPYOD, ,SA PHYOGS ZHES NI YONGS SU BSGRAGS, ,MKHA' DANG MNYAM PA'I SBYOR BA NI, , RNAM PA'I DBEN PA CHEN POR BSHAD, ,RI 'OR RDZOGS PA'I SANGS RGYAS DANG, ,DE RIGS DNGOS MED LAS BYUNG BA'O, ,DE 'DRA'I DBEN PA'I MTSON PA RU, ,DER NI 'OD CHEN RNAM GNAS TE; ;GNAS MED PA YI SBYOR BA YIS, ,RTAG TU DNGOS GRUB THOB PAR 'GYUR, ,BCOM LDAN RDO RJE'I SGRUB PA NI, ,CHEN POS DE SKAD BKA' STZAL TO, ,DGON PA CHEN PO'I SA PHYOGS SOGS,

178b

'JIG RTEN PA RNAMS SMRA BA GSAL, ,BSNYEN PA SKU YI BRTUL ZHUGS MCHOG ,BLO DANG LDAN PAS RDO RJE BZHIS, ,RDO RJE GSUM GNYIS MED SBYOR BA, ,BSGOMS NA DNGOS GRUB 'THOB PAR 'GYUR; ;ME LONG ZHES BYA DGON PA CHE, ,RIN CHEN ZHES BYA DBEN PA'O, ,CHEN PO ZHES BYA 'OD DPAG MED, ,DON YOD PA NI RI 'OR YIN, ,CHU NGOGS DAG PA'I CHOS KYI CHA, ,GNAS LNGA DAG TU RAB TU BRTAG ,JI SRID DON NI SBYOR BA BZHIS, ,YI GE AOm NI SDOM PAR 'GYUR, ,JI LTAR NAM MKHA'I MTSAN NYID GCIG ,RANG GI MTSAN NYID 'DOR MI BYED, ,DE BZHIN DE NYID GSUM BZHI'I PHYED, ,YI GE AOm GCIG SDOM PA'O, ,GNAS MED GNAS PA ZHES BYA BA'I, ,AOm GCIG GIS NI 'GRO LA KHYAB, ,DE NYID MI GSAL SBYOR DBANG PO, ,GTZO BO RANG NYID ZLOG PA YIN,, LA LA GLANG PO SPANGS NAS NI, ,RJES LA DBYIBS NI TSOL BAR BYED, ,DE BZHIN MA 'ONGS SNGAGS PA NI, ,AOm LAS SDOM PA GZHAN DU 'DOD, ,GCIG GNYIS GSUM DANG BZHI DANG LNGA, ,DUS THUB DE BZHIN NOR CAN DANG, ,PHAN TSUN SBYOR GNAS BRJOD PA LA, ,BSAM MI KHYAB PA'I GRANGS SU 'GYUR, ,BCOM LDAN GCIG KYANG DU MA STE, ,TSIG TU BRJOD PA RNAM PAR SPANGS, ,BRDA TZAM DU NI AOm ZHES BYA, ,DNGOS MED SBYOR BA'I CHOS NYID YIN, ,CHOS DANG LONGS SPYOD SPRUL PA STE, ,SKU GSUM DU NI YANG DAG BSHAD, ,GSUM PO YANG DAG 'DZIN PAS NI, ,DES NA AOm NI SDOM PA

179a

, ,YIN, ,DANG PO GCIG PU MI BSKYOD DGOD, ,DE NYID SDOM PAR GYUR BA YIN, ,BRDA RU BRJOD PA SNA TSOGS PA, ,BSAMS NAS SDOM PA KUN TU BSHAD, ,MI PHYED NAM MKHA'I SBYOR BA YIS, ,BSAM DANG GDON DANG RNAM PAR BRAL, ,RTEN 'BREL RIG LAS YANG DAG 'BYUNG, ,RJES BCAS ZHES BYA DE BSGOM BYA, ,RTAG TU 'BYUNG BA'I YE SHES GZHAG ,MIG LA SOGS PA BDUN BRGYA LA, ,G-YAS DANG GCIG SHOS ZLA PHYED DE, ,SHES RAB THABS KYANG SGRUB PA'O, ,'DI DAG ZUNG GYUR ZLA BA STE, ,RDO RJE MING CAN PHYED DANG GNYIS, , DE NI SBYOR BA 'DI NYID KYIS, ,DNGOS GRUB MYUR DU THOB PAR 'GYUR, ,ZHAG NI THUB PA ZLA PHYED DANG, ,ZLA GCIG ZLA BA PHYED GNYIS PAS, ,'JIG RTEN PA YI ZHAG DBYE BAS, ,RGYA CHER NGAS NI BSHAD PA YIN, ,GSANG BA MCHOG LAS BYUNG BA NI, ,ZLA BA PHYED KYIS SGRUB PAR GSUNGS, ,DE NYID NYE BAR 'GRUB BSHAD PA'I, ,SDOM PA'I YUL NI DAM PA YIN, ,GANG TSE SHES RAB THABS YE SHES, ,DE BZHIN NYID SHES LAS BYUNG BA, ,SANGS RGYAS SKU 'DZIN DPAL DANG LDAN, ,RDO RJE MI PHYED 'OD PO CHE, ,BYANG CHUB SKAD CIG GIS SBYOR BA, ,RDO RJE SKU NI BYED PAR 'GYUR,, SROG LA SOGS DANG GRANGS MNYAM PA'I, ,BDAG MED PHYOGS BZHUGS SANGS RGYAS RNAMS, ,RDO RJE MI PHYED GSUM BSGOMS PAS, ,RDO RJE BYIN RLABS MDZAD PAR 'GYUR, ,'DAS DANG MA

179b

'ONGS SANGS RGYAS DANG, ,GANG ZHIG PHYOGS BCUR BZHUGS PA RNAMS, ,CHOS SKU MCHOG GI RNAL 'BYOR PA, ,SANGS RGYAS DE RNAMS BYIN GYIS RLOB, ,'DAS PA RNAMS NI CHOS SKU YIS,, BSAM MI KHYAB PA'I PHYOGS NA BZHUGS, ,SNGAGS PHYOGS BSAM GYIS MI KHYAB PAS, ,MA 'ONGS RNAMS KYIS BYIN GYIS RLOB, ,SANGS RGYAS GSUM LA DBYE BA NI, ,CUNG ZAD TZAM YANG YOD MA YIN,, 'ON KYANG DNGOS MED LAS BYUNG BA'I, ,SNGAGS PA RNAMS LA BYIN GYIS RLOBS, ,PHYOGS BCUR BZHUGS PA'I SANGS RGYAS RNAMS, ,MI PHYED RDO RJE GSUM BSGOMS LA, ,SKU NI JI LTA BAR 'TSAM PA,, DE LTAR BYIN GYIS RLOB PAR MDZAD, ,RIG DANG MA RIG YANG DAG LDAN, ,SROG LA SOGS TE BCU GNYIS BSHAD, ,DUS KYI NYIS 'GYUR LAM LA SOGS, ,DE NYID ZLA BA LA SOGS 'GYUR, ,ZLA BA LA SOGS GRANGS MNYAM PAS, ,NYI MA BCU GNYIS MING CAN YIN, ,KHYAB 'JUG DE NYID DBYE BA YIS, ,LAM RTZOM PA NI BRTAGS PA YIS, ,DE NYID DU NI SGRUB PA MCHOG ,SDOM PA YUL ZHES BSHAD PA YIN, ,SNGAGS DANG DNGOS MED DE BYED PA, ,MGAL ME'I 'KHOR LO BSKOR DANG MTSUNGS, ,RTOG PA LAS BYUNG DE 'DI NI, ,DNGOS MED PA NI SGOM PAS SO, ,MA 'ONGS PA YI SKYE BO NI, ,LHA YI GZUGS LA 'DUD PAR BYED, ,MIG DANG DE BZHIN RNA BA DANG, ,LCE DANG DE BZHIN LUS DAG DANG, ,PAGS PA RKANG PAR YANG DAG LDAN, ,'DZIN PA DAG NI MI NUS PA, ,LTA DANG NYAN DANG DRI DANG

180a

, ,RO; ;REG BYA RNAMS NI DNGOS MED PA, ,RANG BZHIN SEMS MED GYUR BA YI, ,'JIM GZUGS SANGS RGYAS SKU CAN TE, ,'ON KYANG 'GRO BA'I BLA MA'I SKU, ,SANGS RGYAS BYIN GYIS BYIN RLABS GYIS, ,DE BZHIN SNGAGS SBYOR BDAG NYID CAN, ,DNGOS MED RDO RJE'I SKU NYID YIN, ,SHING DANG SA DANG RIN CHEN SOGS, ,RANG GI LHA YI GZUGS BYAS LA, ,RANG GI CHOS NI SPANGS NAS SU, ,TSIG GI LAM DE STON PAR BYED, ,SKU GSUNG THUGS DANG LDAN PA MCHOG ,CHO 'PHRUL DE 'DRA GA LAS BYUNG, ,DE NAS DAD SOGS YANG DAG PAS, ,SLAR YANG DE LA GSOL 'DEBS KYANG, ,GSOL BA 'DEBS PA TZAM GYIS NI, ,DE DANG 'DRA BAR GA LA 'GYUR, ,PHYI ROL CHOS LA GANG ZHIG DGA', ,LHA RNAMS THAMS CAD SPONG BA YIN, ,DE LTAR SKU LAS SKU BYUNG BA, ,DPAL LDAN CHOS 'DI'ANG GSUM GYI LAM, ,BYIN RLABS PA DAG LONGS SPYOD NA, ,GSUNG GI RDO RJE CAN DU BYED, ,'DAS DANG MA 'ONGS SANGS RGYAS RNAMS, ,PHYOGS BCU NA NI GANG BZHUGS PA, ,BYUNG DANG 'BYUNG 'GYUR DE RNAMS NI, ,MI PHYED GSUM GYI LAM DU 'GYUR, ,YID RTON BDE BA ZHI BDAG NYID, ,DE BZHIN NYID SHES LAS BYUNG BA, ,YI GE GCIG NI GSUM DRUG 'DI, ,RANG NYID 'GRO BA'I KHAR BRJOD DO, ,DE YI BYIN GYIS BRLAB PA'I GNAS, ,RDO RJE MI PHYED RDO RJE CAN, ,GANG GZHAN SANGS RGYAS KYIS GSUNGS DANG, ,'GRO BA'I SGRAR NI

180b

'DI GYUR TE, ,DUS GSUM BZHUGS PA'I SANGS RGYAS RNAMS, ,RDO RJE MI PHYED GSUM RNAL 'BYOR, ,GSUNG GI RDO RJE MI PHYED PA, ,RDO RJE CAN MCHOG DE BYIN RLOB, ,'JUG PA GNAS PA'I SBYOR BA DANG, ,LDANG BA DANG NI YANG DAG LDAN, ,GSUNG GI RDO RJE DNGOS MED PA, ,DE NI SANGS RGYAS BYIN GYIS RLOB, ,JI LTAR 'KHOR LOS BSGYUR RGYAL NI, ,TSIG GI LAM GYIS LAS BYED 'JUG ,GSUNG BYIN RLABS PAS SNGAGS PA NI, ,DE BZHIN DON YOD NYID DU BYED, ,DER NI YANG DAG BSHAD PA 'DI, ,SGRUB PA CHEN PO ZHES BYA BA'O, ,SANGS RGYAS DE RNAMS BYIN RLOB PA, ,SDOM PA YUL NI DAM PA'O, ,RDO RJE THUGS NI 'DZIN RGYAL PO, ,DE NI BDAG LA BYIN RLOB MDZAD, ,MI PHYED RDO RJE GSUM SBYOR BAS, ,NAM MKHA'I KHAMS DANG MNYAM PA'I GNAS, ,GANG ZHIG BYUNG DANG 'BYUNG 'GYUR BA'I, ,PHYOGS BCUR BZHUGS PA'I SANGS RGYAS RNAMS, ,DE YI BYIN GYIS BRLAB PA'I GNAS, ,LAN GSUM LAS NI BYUNG BA MDZAD, ,SKU YIS STON PA'I MDZAD PA MCHOG ,RANG SANGS RGYAS NI SGOM PA YIN, ,MDO SDE BA DANG NYAN THOS KYI'ANG, ,SMRA BA SGRUB PA POR GYUR YIN, ,SEMS NI RNAL 'BYOR LDAN MCHOG GIS, ,'GRO BA'I DON NI RAB SGRUB PA'O, ,'GRO 'ONG GNAS DANG BRAL BA NI, ,RDO DANG SA DANG DBYIG BYED PA, ,LUS LA SOGS PA MTSON PA YIS, ,'ON KYANG DE NI GSUNG DU 'GYUR, ,SEMS DANG LUS DANG MI LDAN PA'I, ,DE BZHIN NYID NI 'GRO DON CAN, ,SKU GSUNG

181a

, ,THUGS KYI RDO RJE GCIG, GYUR KYANG SO SOR BSTAN PA YIN, ,SANGS RGYAS RDO RJE CHOS DAG GAM, ,DE BZHIN RDO RJE SEMS DPA'ANG RUNG, ,SKU GSUNG THUGS KYI SANGS RGYAS SOGS; ;RDO RJE GSUM PO MI PHYED BRTAG ,DE 'DAS RMONGS PA'I BDAG NYID CAN, ,SO SOR RTOG PA 'GAG PAR 'GYUR, ,SKU LA SOGS PA'I GRANGS MNYAM PAR, ,SANGS RGYAS KYANG NI GANG RTOG GYUR, ,STONG PA NYID DU SBYOR BA YANG, ,DE NI GSAL BAR THE TSOM MED, ,SNA TSOGS SBYOR GYUR SNGAGS RNAMS NI, ,GANG ZHIG STONG PAR MNGON SUM BYED, ,'DAS PA DAG NI DE THAMS CAD; ;RMONGS PA'I BDAG NYID DE 'GAG 'GYUR, ,NYAN THOS RANG SANGS RGYAS RNAMS KYI, ,BYANG CHUB BSDUS NAS BSHAD PA YIS, ,'JIG RTEN PA YI GANG BSHAD PA, ,MDOR BSDUS PA NI 'DI YIN NO, ,SANGS RGYAS YANG NA RDO RJE CHOS, ,YANG NA RDO RJE SEMS DPA'ANG RUNG, ,RMONGS PAS 'DI LAS 'DAS NA NI, ,DE NI 'GAG PAR THE TSOM MED, ,DGONGS PA LUNG BSTAN LA GNAS NAS; ;GSANG BA DAM PA YANG DAG SRUNG, ,LHUN GYIS GRUB PA'I SBYOR BA YIS, ,DNGOS GRUB MCHOG NI BSGRUB PAR BYA, ,SKU LA SOGS PA'I GSANG BA MCHOG ,RDO RJE SBYOR BA ZHES BYA BA'I,, DAM TSIG SGRUB PA'I MCHOG BSTAN PA'I, ,LE'U BCU GNYIS GSUNGS PA YIN, ,DGONGS PA LUNG BSTAN PA ZHES BYA BA'I RGYUD RDZOGS SO,, ,,RGYA GAR GYI MKHAN PO

181b

DHARM'A SHR'I BHA DANG, ZHU CHEN GYI LOTZTSA BA DGE SLONG RIN CHEN BZANG POS BSGYUR CING ZHUS TE GTAN LA PHAB PA,