`[?], ,SDEB SBYOR MNYAM PA'I BRiTTA YI GE NYER GCIG PA RAB BYED LDAN LAS GZHUNG GIS DNGOS SU MA ZIN PA, NGO MTSAR RTOGS BYED KYI DGONGS PAS BGRANGS PA'I SPYIR GYI RNAM GRANGS SA YA GNYIS DANG DGU KHRI BDUN STONG CHIG BRGYA NGA GNYIS MCHIS PA'I NANG GSES 'BUM PHRAG LNGA DANG BZHI KHRI DRUG STONG DGU BRGYA GO BDUN PA NA YOD PA'I PR'AST'A RAS BCINGS PA'O,, *, ,SAmGHA: SHUBH'A MI TA HE TU NOTP'A D'A SHA YASARBA P'URnAm KALPA DRU MO, ,DZNY'A NA SHTZA K'A RU nA PALLA BO TPHU LLAm HI TA SOO KHYA BEE P'A KYA MMANYDZA R'I, #, ,DGE TSOGS DPAG TU MED PA'I RGYUS BSKYED BSAMS KUN RDZOGS PA'I DPAG BSAM SHING, ,MKHYEN DANG BRTZE BA'I YAL 'DAB RAB RGYAS PHAN BDE'I SNYE MA G-YUR DU ZA, ,
, ,SARBA SYA LO KARA TH'A DHI MUKT'A N'Am PA RI P'U RA nO NNAm SAm BUDDHA T'A, ,MANT'A RA BARshA PRA WE SHA Y'A DYA TRAm KU SU MA: SHUBHAm SHRE Y'A MMANGGA LAm, , *, ,'JIG RTEN KUN GYI MOS PA'I SHING RTA PHYUR BUR 'GENGS PA'I RDZOGS SANGS RGYAS, ,DENG 'DIR DGE LEGS SHIS PA'I ME TOG MAND'A RA BA CHAR DU BSNYIL,1 ,
MING TSIG YI GE TSOGS PA'I RJOD BYED LUNG GI LHUNG LHUNG SGRA SNYAN 'BYIN, ,BRJOD PAR BYA BA DON BZANG GSER GYI BYE MA 'DREN CING KHAMS GSUM GYI, ,'GRO BA'I NYON MONGS DRI MA SBYONG BYED BSIL BA DAM PA'I ZLA GZUGS KYANG, , GSAL BAR SNANG BA'I CHOS KYI RGYUN GSUM BYANG CHUB LANG TSO BRTAS PA'I BCUD, 2 ,THUB PA'I MGRIN LAS BAB PA'I BDUD RTZIS RTOGS PA'I LUS STOBS MCHOG TU RGYAS, ,BSLAB GSUM GSER GYI DRA BAS GDONG MDZES CHOS KUN RNAM 'BYED MCHE BA RNO, ,MTHA' MED 'GRO BA SRID LAS GDON PA'I G-YAR DAM KHUR NI KHYER BA PO, ,RIG DANG ZHABS LDAN 'PHAGS PA'I DGE 'DUN SA SRUNG PHRENG BA BYANG CHUB GROGS, 3 ,SNA TSOGS LAS KYI LAG PAS MA BDAR MKHYEN PA'I DKYIL 'KHOR RNAM PAR GSAL, ,GZHAN GYI 'BANGS SU BSKOS PA MIN PAR THUGS RJE'I GZIGS PA 'GRO LA 'JUG ,BCU DRUG LANG TSO DAR LA BAB KYANG RGYAL BA MA LUS SKYED PA'I YAB, ,'JAM PA'I DBYANGS NYID SKYE BAR DGE BA'I BSHES SU GSOL BA'I THAL MO SBYAR,4 ,BEEd'URYA YI RGYUD MNGAS SNYAN PAR 'KHRUL BA'I SGRA DANG BSRES PA'I GSUNG, ,YAN LAG DRUG CU RDZOGS PA'I GDANGS LAS SHES BYA THAMS CAD SNYAN PA'I GLUR, ,'DREN PA DE YIS SKYE
, ,'PHAGS SNYING GI BRTAN PA 'PHROG PA'I MTSO BYUNG MA, ,MGRIN PA PADMA'I RDZING DU 'JUG PHYIR SNYAN PA'I TSIG GI MCHOD SPRIN SPRO,5 ,RING NAS THUB PA'I BSTAN LA PHAN PA'I SMON LAM PHO NYAS BOS PA'I MGRON, ,MI BDAG CHEN PO RIGS MCHOG S'A LA'I RKANG 'THUNG PHRENG BAR BCAS PA YIS, ,SNYING STOBS BLA NAS BLA MAR 'PHAGS PAS BDE GSHEGS BKA' YI DGONGS 'GREL CHE, ,GANGS CAN BRDA RU 'GYUR RO 'TSAL RNAMS MI ZAD MA MO NYID DU BSKRUN,6 ,AE MA SNYING STOBS LDAN PA'I SNYING STOBS MCHOG GI RTZOM PA 'DI 'DRA SNGON, ,MIG GI DBANG POS LONGS SU MA SPYAD DE BZHIN RNA LUNG YANGS PO NA, ,LHUNG BA MED PA DE NI CI ZHES PHYOGS KYI DGA' MA KHENGS LDAN DAG ,PHAN TSUN 'DRI DANG LAN LDON MCHID KYI RNGA NI LHANG LHANG BRDUNG BA BZHIN,7 ,TSUL 'DI BSGRUB LA ZHING DANG DMIGS PA SBYOR BA RNAM PAR DAG PA LAS, ,BYUNG BA'I RNAM DKAR DGE BA GANG DE GAL TE GZUGS SU 'GYUR SRID NA, ,LAM GSUM KHONGS SU MI CHUD DOGS PAS 'JIG RTEN KUN GYI BYED PA POS, ,MI MJED CES SU GRAGS PA'I SNOD 'DI CHED DU YANGS PAR SPRUL
LAM SNYAM,8 ,DE LTA NA YANG BYANG CHUB MCHOG GI SA BON BSGYUR MIN DE SRID DU, ,GNAS SKABS MTHO RIS 'BRAS BU ZHIG GAM SDIG PAS KYANG NI MTHAR GTUGS BYED, ,DES NA 'KHOR GSUM DMIGS PA'I DUG MED RAB TU ZHI BA'I DBYINGS NYID DU, ,RMI LAM SGYU MA'I RTZE 'JO LA ROL MNYAM PAR 'JOG PA'I BSNGO BA BGYI,9 ,NAM MKHA'I MTHAS GTUGS PHYOGS DANG PHYOGS BRAL DANG, ,STENG 'OG DAG NA RGYA MTSO'I RDUL SNYED KYI, ,ZHING KHAMS RNAMS SU BYON DANG 'BYON 'GYUR DANG, ,DA LTAR 'TSO ZHING GZHES PA'I CHOS RNGA CHE,10 ,DE DAG RE RE LA YANG GDUNG 'TSOB KYI, ,RGYAL BA'I SRAS DANG SLOB MA BYE BA PHRAG ,BGRANG LAS 'DAS PA'I 'KHOR GYIS BSKOR BA DAG ,SMON LAM DON YOD BYED PA'I DBANG POR BLTA,11 ,GSANG GSUM MI ZAD RGYAN GYI 'KHOR LO'I MDZOD, ,BRNYES PA GANG GI YON TAN PHYOGS RE'I 'PHRIN, ,YID KYI NGOS SU GSAL BAR BRIS NAS NI, ,GRANGS MED LUS RAB BTUD PA'I PHYAG BGYI'O,12 , BLO YI BANG MDZOD PHYE BA LAS BLANGS PA'I, ,NYE BAR SPYOD PA RNAMS DANG RIN CHEN BDUN, ,'DOD YON MA TSANG MED PA'I STONG GZUGS SPRIN, ,MCHOD 'OS KUN GYI SPYAN LAM 'BYUNG GYUR CIG 13 ,CHAGS SDANG RMONGS PA'I DGRA YIS
, ,RAB BDAS PAS, ,BSLAB GSUM BCAS PA'I DBANG GI RGYAL PO DAG ,NYES LTUNG 'DAM GYI NANG DU BSKYUR BA'I DRI, ,GNYEN PO STOBS BZHIS BSHAGS PA'I CHAB KYIS 'KHRUD,14 , 'PHAGS BZHI SO SKYES BSAGS PA DGE BA'I MTSO, ,PHAN DANG BDE BA'I RLABS PHRENG G-YO BA DER, ,PHRAG DOG RDUL GYI 'TSUB MA MI 'THOR BAR, ,YI RANG 'DZUM PA'I ZLA 'OD DKAR POS BRAN,15 ,'GRO 'DUL KHA LO SGYUR BA KHYED RNAMS LA, ,SKYO ZHING DUB PA'I NONGS PA MI MNGA' YANG, ,'JIG RTEN MTHUN PAR BTANG SNYOMS MI BZHUGS PAR, ,ZAB DANG RGYA CHE'I CHOS 'KHOR BSKOR BAR BSKUL,16 ,SNA TSOGS SPROS PA'I GZHA' RIS MYA NGAN LAS, ,BRGAL BA'I DGON PAR GZHOL BAR MI MDZAD PAR, ,SNGON GYI SMON LAM LA DGONGS BSKAL BA NI, ,GRANGS MED SRID DU BZHUGS PAR GSOL BA 'DEBS,17 , DE LTAR BGYIS PA'I LEGS BYAS DE YIS BDAG ,SEMS CAN MOS PA'I MKHA' LA BGROD MKHAS PA'I, ,KUN MKHYEN CHOS KYI NYI MA MNGON GYUR NAS, ,'JIG RTEN DGE BA'I SNANG BAS 'GENGS PAR SHOG,18 ,
DE 'DRA'I BYANG CHUB 'DOD PA'I KO KI LAS, ,GZHI LAM 'BRAS BU'I DGE LEGS YID GCUGS GROGS, ,'GUGS PA'I CHED DU SNYAN PA'I MING BZUNG NAS, ,BSNGO SMON TSIG GI RGYANG GLUS 'BOD LA DGONGS,19 ,DE BZHIN GSHEGS PA RNAMS DANG BYANG CHUB SEMS, ,RKYEN GCIG RTOGS DANG NYAN THOS SO SKYE YIS, ,DUS GSUM RJES SU 'BREL PAR SGO GSUM GYIS, ,LEGS PAR SPYAD PA'I DGE TSOGS GANG YIN DANG,20 ,CHOS TSUL 'DI YI CHED DU GTONG BA'I PHYAG ,'DOD LDAN YONGS KYI DPAG BSAM MA BRKYANG BA LAS, ,MKHO DGU MA TSANG MED PA'I MCHOD SBYIN DANG, , SGO GSUM THANG RER 'BAD PA'I DGE BAR BCAS,21 ,DENG 'DIR GCIG TU BSDAMS PA'I GANGS KYI RI, ,'KHOR GSUM DMIGS PA MED PA'I 'OD PO CHES, ,ZHI BSIL DAM PA'I RGYUN DU BSGYUR BA'I KLUNG, ,BYANG CHUB MCHOG GI RGYA MTSOR RO GCIG SHOG 22 ,DE YI RTEN 'BREL SNANG BA MA 'GAGS GDANGS, ,NGO MTSAR SGYU MA'I MCHOD SPRIN BDAG CAG GI ,SMON LAM 'GRUB PA'I BDEN DBANG MCHOD PA'I 'OS, ,BZHUGS SO 'TSAL GYI SPYAN LAM 'BYUNG GYUR CIG 23 ,GANG ZHIG THOS NA SDUG BSNGAL RGYUR BCAS LAS, ,SKYOB CING MCHOG GI GO 'PHANG SBYIN PA'I CHOS, ,PHAN BDE'I GZI BYIN 'JIG RTEN GSUM GYI BLAR, ,RAB TU 'BAR ZHING YUN DU BRTAN GYUR CIG 24 ,YONGS RDZOGS BSTAN PA'I DGONGS DON MA NOR GTAM, ,SMRA BA'I BLO DANG NGAG GI BANG MDZOD DE, ,'JAM DPAL GZHON NUS BYIN PA SA SKYA BA'I, ,BSTAN PA THUB PAS BSNGAGS PA RGYAL GYUR CIG 25, THAMS CAD MKHYEN PA'I GSUNG GI TAMBU RAS, ,BSTAN LA MKHAS PA'I BYA BA BGYIS MTHA' RU, ,'TSANG RGYA 'GYUR BA'I LUNG BSTAN KUN DGA' BZANG, ,DE YI LUGS MCHOG KUN DU DAR GYUR CIG 26 ,DPAL LDAN RGYAL BA'I PHRIN LAS RGYA MTSO LAS, ,RNAM PAR 'PHRUL BA'I SMRA MCHOG NYIN MO'I MGON; ,YONGS RDZOGS CHOS KYI RGYAL SRID SKYONG BA'I SLAD, ,ZHABS PAD RDO RJE'I KHRI LA BRTAN GYUR CIG 27 ,SO SO THAR PA 'DUL BA'I GZHUNG BZHIN BCA', ,BYANG SEMS BSLAB PA MDO SDE'I LUGS SU BSHAD, ,GSANG SNGAGS RGYUD SDE ZAB MO'I DON BZHIN GDAMS, ,'CHAD MKHAS
, ,MANG POS BSTAN PA SKYONG GYUR CIG 28 ,SGRA TSAD RIG PA'I MDA' GZHU'I 'KHRUL 'KHOR GYIS, ,SMRA NGAN BDEN PA BRAL BA'I PHYOGS KUN LAS, ,RNAM RGYAL GRAGS PA'I S'I TA 'PHROG BYED PA'I, ,RTZOD MKHAS MANG PO'I LOG RTOGS CHOM GYUR CIG 29 ,SDE SNOD GSUM GYIS BRJOD PAR BYA BA'I DON, ,BCAD LHUG SPEL MA'I RJOD BYED ME NA KAS, ,SGRA DON RGYAN GYI GLING BU 'BUM BSGYUR BA'I, ,RTZOM MKHAS MANG PO'I BSTAN PA GSAL GYUR CIG 30 ,BSTAN PA'I RTZA LAG DGE 'DUN 'DUS PA'I SDES, ,BSHAD DANG SGRUB PAS SA STENG YOM YOM DU, ,BGYID PA DE LA SKRAG NAS ME TOG GZHU, ,STONG PA'I BRDZU LA ZHUGS SNYAM BYED GYUR CIG 31 ,THUB CHEN RANG GI LUNG RTOGS DAM PA'I CHOS, ,DAR ZHING RGYAS PA'I GNAS SU RAB BSNGAGS PA, ,BOD CHEN SDE BZHI DGE BCU'I 'BYOR PA CAN, ,SA PHYOGS 'DIS MTSON YANGS PA'I RGYAL KHAMS SU,32 ,BSTAN LA DGA' BA'I LHA RNAMS NAM MKHA' LA, ,DUS SU LHAGS NAS SPRIN GYI 'THOR YAB BZUNG, ,SVA STI DBYANGS SU LEN CING CHU GTZANG GI, ,AANDHA RNYIL GYI SIL MA 'BEBS GYUR CIG 33 ,DE TSE GSER LDAN DGA' MA RANG GI LUS, ,SNGO BSANGS MDZES PA'I ME TOG RGYAN DANG BCAS, ,RTZA LDUM LO 'DAB MYU GU 'BRAS BU'I TSOGS, ,SMIN PA'I DGA' STON CI YANG NGOM GYUR CIG 34 ,YANGS PA'I 'JIG RTEN KHAMS KYI LUS CAN RNAMS, ,KUN 'BYUNG LAS KYI SPRUL PA SGYU MA'I LUS, ,NYAMS DANG DUS MIN 'JIG BYED NAD KYI RIGS, ,MUN NAD SGRON ME BTEG BZHIN YAL GYUR CIG 35 ,ZAG BCAS SDUG BSNGAL NYID DU BSTAN PA'I 'PHRIN, ,LO ZLA ZHAG DUS RUNG BA MIN PA'I SKEG ,SRI DANG GZHAN GYI BYAD KHA SBOD GTOD DAG ,'BRAS BU 'BYIN PA'I NUS PA BRAL GYUR CIG 36 ,LAS DANG SMON LAM LOG PA'I CHU KLUNG GIS, ,DBANG MED BDAS TE LEGS PA'I GEGS BYED CING, ,NYES PAR SBYOR BA'I GDON BGEGS 'BYUNG PO RNAMS, ,BYAMS PA CHEN POS 'KHYUD BZHIN GNAS GYUR CIG 37 ,KHROS PAS GTZUBS PA'I MIG BSGYUR SMIN MA 'KHYOG ,KHRAG GIS BSGOS PA'I MTSON CHAR 'BEBS PA YIS, ,PHAN TSUN GCOD DANG 'BIGS PA'I MI SRUN TSOGS, ,SEMS RGYUD SNYING RJE BAS
KYANG MNYEN GYUR CIG 38 ,BKRES PA'I NYEN PAS LUS STOBS CHES DMAN ZHING, ,BZA' BTUNG MING NAS 'DZER BA'I SKAD KYIS SMON, ,RDUL GYIS G-YOGS PA'I SKRA SPU GZINGS BYED PA'I, ,BKRES PHONGS BSKAL BA MING YANG MI GNAS SHOG 39 ,PHAN TSUN BRKU DANG 'PHROG SOGS LUS MED NI; ,LAG PA'I BRDZU LA ZHUGS 'DRA'I LOG 'TSO DAG ,YONGS SU SPANGS NAS RANG RANG LONGS SPYOD KYIS, ,CHOG SHES MI ZAD GTER LA SPYOD GYUR CIG 40 ,MDZA' BAR GYUR BA'I 'GRO BA PHAN TSUN DAG ,MTHONG NA BYAMS PA CHEN POS SBREL BA'I 'DZUM, ,SO PHRENG DKAR BA'I 'OD ZER SNGON 'GRO MAS; ,MDUN NAS BSU BA BYED BZHIN GNAS GYUR CIG 41 ,'CHI BA MED PA'I TSE DANG BSOD NAMS STOBS, ,CHOS MTHUN 'BYOR BA RNAMS NI GANGGA'I RGYUN, ,DKAR PHYOGS ZLA BA NYIN MOR BYED PA'I 'OD, ,DBYAR GYI CHU GTER RNAMS SU 'GRAN PAR SHOG 42 ,RGYAL BA GNYIS PA'I CHOS KYI RGYAL SRID LA; ,MGRIN PA'I BKRA SHIS CHOS DUNG 'KHYIL PA LAS, ,'CHAD RTZOD RTZOM PA'I SGRA DBYANGS LDIR DE YI, ,BZHED PA'I DON KUN LHUN GYIS GRUB GYUR CIG 43 ,BSTAN PA DAM PA'I LHA GNAS SNYING GI STOBS, ,RMAD BYUNG PHRAG PAR 'DEGS PA'I SA 'DZIN DES, ,TSE RABS DU MA'I RING NAS SMON PA'I GNAS, ,THAMS CAD MKHYEN PA'I SA LA REG GYUR CIG 44 ,LAS DBANG GSER GYI 'KHOR LO SNGON 'GRO MAS, ,YANGS PA'I CHAB SRID RI GLING RGYA MTSOR BCAS, ,RANG DBANG BYED PA'I PHO NYA DANG PO'I 'PHRIN, ,BLA MA CHE ZHES PHYOGS KYI BU MOS SMRA,45 ,KUN DGA'I DPAL STER LUNG DANG RTOGS PA'I BSTAN, ,BLA NA 'DEGS PA'I PHRIN LAS RGYA MTSO'I GOS, ,YONGS SU KHYAB PA'I SDE BZHI LDAN PA GANG, ,'GRO BA'I BSOD NAMS KHRI 'PHANG BRTAN GYUR CIG 46 ,GANG GI BGROD BYED ZUNG GI CHU LAS SKYES, ,RAB DMAR DBANG GI RDUL PHRENG SKYUGS PA DE, ,KHENGS LDAN PHYOGS KYI SA 'DZIN BYE BA'I GTZUG ,KUN LAS RNAM PAR RGYAL BAR BRTAN GYUR CIG 47 ,'PHEL ZHING RGYAS PAR GYUR CIG 'CHI MED TSE, ,RGUD PA MED PA'I CHAB SRID MNGA' THANG DPAL, ,RNAM PAR GNON DU MED PA'I 'KHOR DANG STOBS, ,NUB PA MED PAR GRAGS PA'I YI GE RNAMS,48 ,RIGS DANG STOBS
, ,DANG DPUNG TSOGS 'BYOR PA YIS, ,KHENGS PAS DREGS PA RNAMS KYANG RANG DBANG DU, ,RTZE GCIG 'DUN PA'I DMAR MDANGS MKHUR TSOS PA, ,'PHOS PA'I MDZES PA CI YANG 'BYUNG GYUR CIG 49 ,CHOS DANG SRID KYI PHRIN LAS NAM MKHA'I MTHA', ,RTOGS PHYIR RING DU SO SNYAM BGYID PA DER, ,GEGS BYED MI DANG MI MIN GNOD PA RNAMS, ,NAM YANG 'JUG PA'I GO SKABS MA GYUR CIG 50 ,TSUL GNAS THOS BSAM BSGOM PA'I 'KHOR LO YIS, ,LUNG DANG RTOGS PA'I RGYAL SRID CHEN PO LA, ,DBANG MDZAD CHOS KYI RGYAL PO MNGON GYUR NAS, ,SA GSUM BSTAN PA'I RGYAL RNGA BRDUNG BAR SHOG 51 ,DE LTA'I BYANG CHUB SGRUB PA LA SDANG BA'I, ,SDIG PAS SNYING NAS BZUNG 'DRA'I GDUG CAN RNAMS, ,SKAD CIG GSON DU RUNG NA SRUNG MA'I TSOGS, ,DKAR PHYOGS DGA' BA'I RU MTSON CI STE SGRENG,52 ,LUGS BRGYA DPYOD PA'I BLO GROS BA KU LA, ,'JAM DPAL BYIN RLABS SGEG MO'I 'GRAM CHANG GIS, ,PHYE BA GANG DE'I SKU TSE LAS DBANG DANG, ,YON TAN RGYA MTSO'I DPAL LA SPYOD GYUR CIG ,LUS CAN YONGS KYI BSOD NAMS KHANG PA RU, ,BDE SKYID MGRON DU KHUGS PA'I 'CHI MED MGON, ,BSTAN SRID LHA YI GZHAL MED YANGS PO NA, ,MKHYEN PA'I MIG STONG 'DZUM PAR MA GYUR CIG 54 ,SA SPYOD MCHOG GI BSOD NAMS G-YAB MO YIS, ,BOS BZHIN BYON PA'I CHOS BLON CHEN PO RNAMS, ,DGE BA BCU DANG MTHUN PA'I BKA' KHRIMS KYIS, ,KHAMS GSUM 'GRO BA BDE LA DGOD GYUR CIG 55 ,CHOS SBYIN 'DI YI LAS BYED MGO 'DREN DU, ,'OS PA'I YI GE DAM PA GANG GI GTZUG ,BAB PA DE YANG SKYE NAS SKYE BA RU, ,RGYAL BA'I GSUNG RAB KUN LA DBANG 'BYOR SHOG 56 ,RTAGS GSUM SNGON RJES 'JUG DANG BYA BYED LAS, ,DUS GSUM RNAM DBYE 'BYED PA'I BLO GROS KYIS, ,BRDA DAG BYED PA RNAMS NI BYANG CHUB PAR, ,MCHOG GI BSTAN LA BYA BA BYED GYUR CIG 57 ,BZO GNAS SBYANGS PA'I MTHAR SON SKU GZUGS DANG, ,YI GE'I RIG BYED 'DRI 'DON RKO BA SOGS, ,SGO GSUM LAS KYI 'BREL THOGS THAMS CAD KYANG, ,TSOGS GNYIS RDZOGS PA'I 'BRAS BU MNGON GYUR CIG 58 ,BDAG KYANG BYANG CHUB BAR GYI SKYE BA'I PHRENG, ,RNAM GSUM
TSUL KHRIMS DAG CING LUNG RIGS DANG, ,GDAMS PA MI ZAD RIN CHEN MDZOD BZUNG NAS, ,BSTAN DANG 'GRO BA'I DON CHEN BYED GYUR CIG 59 ,YONGS RDZOGS BSTAN PA'I GLEGS BAM PHRENG BA DAG ,GANG DU BZHUGS DANG GANG GIS SPYAN 'DREN MDZAD, ,NYAN DANG KLOG DANG MCHOD SBYIN BYED PA DER, ,THOG MTHA' BAR DU DGE BA'I BDEN PAS SKYONG,60 ,MDOR NA SPYI DANG BYE BRAG 'GRO BA YI, ,MTSAN NAS SMOS DGU THAMS CAD MTHONG BA'I CHOS, ,PHYI MAR BCAS LA MI BSLU NGES PA'I SKYABS, ,DKON MCHOG GSUM DANG BRAL BAR MA GYUR CIG 61 ,MNGON PAR MTHO DANG NGES LEGS BSGRUB PA'I RTEN, , DAL BRGYAD 'BYOR PA BCU DANG MI 'BRAL ZHING, ,GANG DE 'JIG PA'I CHOS SU SHES NAS NI, ,DGE BA'I SNYING PO CAN DU BYED GYUR CIG 61 ,SRID PAR 'CHING BA'I 'KHYUD PO KHYOD NYID CES, ,BDAG DON ZHEN LA RNAM PA BRGYAS SMAD CING, ,GZHAN DON BYANG CHUB MCHOG TU SMON PA DANG, ,'JUG PA'I BSAM PA RNAM PAR DAG GYUR CIG 63 ,NYAM THAG DBUL BA'I TSOR BA DBUGS 'BYIN SLAD, ,GTONG PHOD PHYAG GI DPAG BSAM BRKYANG BA LAS, ,LAN DANG RNAM SMIN RE BA'I 'DOGS THAG GIS, ,BCING BA MED PA'I SPYIN PA MTHAR PHYIN SHOG 64 ,SRID PA'I 'DUN PAS DBEN PA GZHAN DON DU, , BYANG CHUB 'DOD PA'I MKHUR TSOS 'DZUM BSU BA'I, ,BAG YOD SDOM PA'I K'A SHI MDZES DGA' MAR, ,RNAM GSUM TSUL KHRIMS RGYAN GYIS BKLUB PAR SHOG 65 ,THOS BSAM BSGOM PA'I DKA' THUB GDUNG BA DANG, ,GSHE DANG BRDEG SOGS GZHAN GYIS GTZES PA RNAMS, ,CHU LA BRIS PA'I RI MO JI BZHIN DU, ,MA RMAS BZOD PA'I G-YAR DAM BRTAN PAR SHOG 66 ,BSREG ZA RAB TU 'BAR BA BUD SHING GIS, ,TSIM PA MED LTAR RGYAL SRIS SPYOD PA'I KHUR, ,JI TZAM LCI LA PHYIR ZHING SPRO BA YIS, ,DE LA 'JUG PA'I BRTZON 'GRUS RTZOM PAR SHOG 67 ,'GRO LA SNYING RJE SHIN TU MNYEN LDAN GYIS; ,LAN BRGYAR DKRIS NAS BDAG GI BDE DGE DANG, ,GZHAN GYI SDUG BSNGAL MNYAM DANG BRJE SEMS KYIS, ,RANG NYID GCES PA'I MGO BO GNON PAR SHOG 68 ,MTSAN RTOG TSOR MA MED PA'I ZHIG GNAS DANG, ,GNAS LUGS BRJOD BRAL RTOGS PA'I LHAG MTHONG DAG ,YA BRAL MED PA'I
, ,RTZE GCIG RNAL 'BYOR GYIS, ,BDAG TU 'DZIN PAR DRUNG NAS 'BYIN PAR SHOG 69 ,SNA TSOGS THABS LA MKHAS PA'I DPUNG TSOGS KYIS, ,CHOS KUN BDAG MED RNAM PAR 'BYED PA'I MTSON, ,GDENGS PA TZAM GYIS NYON MONGS DGRA BO CHE, ,GZHOM PA'I SHES RAB PHA ROL PHYIN PAR SHOG 70 ,PHONGS PHONGS DBUGS RAB 'BYIN PA LAG PA'I MTHIL, ,DMAR DMAR BA RTZE BA'I TSON GYIS BYUGS 'DRA LAS, ,LHUG LHUG STZAL BA'I ZANG ZHING SBYIN PA YIS, ,MANG MANG SKYE BO 'KHOR DU SDUD PAR SHOG 71 ,DE MTHONG DGA' BA'I 'DZUM DKAR YID 'ONG MAS, ,BLTAS TE CHOS DANG THAR PA'I PHAN YON DAG ,MCHID DU SNYAN PAR SMRA BAS THAMS CAD KYANG, ,DGE BA'I PHYOGS SU SPRO BA BSKYED PAR SHOG 72 ,ZHUM LA GZENGS BSTOD RGOD LA SKYO BA BSKYED, ,RMUGS PA NGO MTSAR GTAM GYIS BRID BYAS NAS, ,DON SPYOD PA YIS RANG RANG MOS PA DANG, ,'TSAM PA'I CHOS LA LEGS PAR SBYAR BAR SHOG 73 ,LAM LA ZHUGS PA'I GANG ZHAG DGE BA'I BLO, ,BRTAN LDAN BYA BA'I CHED DU RANG NYID KYANG, ,SBYIN SOGS BRTZON PA'I DON MTHUN BYA BA YIS, ,SEMS CAN YONGS SU SMIN PAR BYED PAR SHOG 74 ,BSKAL PA GRANGS MED GSUM GYI TSOGS ZUNG GI, ,RGYA MTSO BSRUBS PA'I SNYING PO SA LAM DANG, ,'BRAS BU'I YON TAN CHA RDZOGS RGYU SKAR BDAG ,MDA' LNGA'I MUN PA KUN LAS RGYAL BAR SHOG 75 ,SGRIB GNYIS ZAD PA'I 'KHOR TSOGS GRANGS MED DBUS, ,SKU GNYIS ZUNG 'JUG LONGS SPYOD RDZOGS PA'I DPAL, ,BDEN GNYIS ZUNG 'JUG 'DOMS PA'I CHOS RNGA CHE,, DON GNYIS MTHA' RU PHYIN PA MNGON GYUR CIG 76 ,ZLA BA GCIG LAS JI SNYED CHU YI SNOD, ,DE SNYED GZUGS SU 'GOG MED STON BZHIN DU, ,GANG DE NYID LAS MCHOG GI SPRUL PA'I SKU, ,'BAD MED 'JIG RTEN KUN DU SNANG BYED SHOG 77 ,GSANG GSUM YON TAN MI ZAD YID BZHIN GYI,, NOR BU BUM PA BZANG DANG DPAG BSAM LTAR, ,MCHOG DMAN PAR MA'I GDUL BYA JI SNYED KYI, ,RE BA'I SHING RTA KUN NAS 'GENGS PAR SHOG 78 ,'JIG RTEN GSUM NA MI BSLU NGES PA'I SKYABS, ,DKON MCHOG GSUM 'DRA MI SRID GTAM GYI RNGA, ,BDEN MTHA' GSAL BAS LHANG LHANG BRDUNG DE
YIS; ,BDAG GI SMON LAM SNYING POS LCI GYUR CIG 79 ,BDAG CAG MOS PA'I KHANG BZANGS YANGS PAR DAD PA'I SPOS CHUS KUN NAS BRAN PA'I GNAS 'DI RU, ,DKAR PHYOGS LHA RNAMS RIN CHEN GDUGS DANG RGYAL MTSAN THOGS NAS ME TOG SIL MAS MCHOD PA'I DBUS, ,RGYAL BA SRAS DANG BCAS PA MGRIN BSGRIGS SVA STI DZA YA SNYAN PA'I GLING BU 'BUM BSGYUR NAS, ,BSTAN PA DRI MED YUN DU GNAS SHING 'JIG RTEN BDE BA'I SHIS PA KUN GYIS SKYONG GYUR CIG 80 ,DGA' LDAN LHA YI GZHAL MED NAS 'PHOS 'DZAM BU'I GLING 'DI DAM PA'I SNYING POS LCI BA'I GLAD, ,LHUMS SU ZHUGS DANG PADMA LTAR 'KHRUNGS GZHON NU ROL RTZED MDZAD DANG BTZUN MO'I 'KHOR GYIS BSKOR, ,NGES PAR 'BYUNG DANG DKA' BA RAB SPYAD BYANG CHUB MCHOG BRNYES BDUD LAS RNAM RGYAL CHOS RAB STON, ,SA GSUM CHOS KYI SNANG BAS KHYAB PA'I BKRA SHIS DAM PAS 'DI NA SHIS PA'I 'BAB STEGS MDZOD,81 , PHYOGS BCU RAB 'BYAM MU DANG MTHA' YIS THUG PA MED PA'I ZHING NA RAB GSHEGS STOBS BCU PA'I, ,MCHU SGROS MTSO SKYES DMAR PO'I 'DAB MA 'DZUM LAS 'PHOS PA'I TSANGS DBYANGS RKANG DRUG GLU DANG BCAS, ,'GRO KHAMS MAS PAR MI 'TSAM MED PA'I ZAB DANG RGYA CHE LEGS GSUNGS SBRANG RTZI'I DGA' STON GYIS, ,RNAM GROL SROG GI KA BA TSUGS PA'I BKRA SHIS DAM PAS SKYE DGU THAMS CAD BDE GYUR CIG 82 ,DE SKAD BDAG GIS SMRAS PA'I 'BRAS BU MI BSLU NGES PAR GSUNG GI RDO RJE GRUB PA MIN, ,'CHI MED DRANG SRONG BDEN TSIG GRUB PA'I NGAG GI MTSON CHA STONG BA RNYED PA NYID KYANG MIN; ,'ON TE SNGON GYI 'JAM DPAL LA SOGS RGYAL SRAS SPYOD PA'I SMON LAM RGYA MTSO'I RJES ZHUGS NAS, ,DGE RTZA BYANG CHUB CHEN POR SMIN BYAS JI LTAR SMON PA NAM YANG DON MED MA GYUR CIG 83 ,DE LTAR THAMS CAD MKHYEN PA CHEN PO NYID MA'I GNYEN GYI BKA' LUNG SPYI DANG BYE BRAG GI DGONGS DON MA LUS PA RNAM PAR 'GREL PA'I BSTAN BCOS 'GYUR RO 'TSAL GYI CHOS SBYIN RGYUN MI 'CHAD PA'I NGO MTSAR 'PHRUL GYI PHYI MO RDZOGS LDAN BSKAL PA'I BSOD NAMS KYI SPRIN PHUNG RGYAS PAR DKRIGS PA ZHES BYA BA'I GLEGS BAM GYI PHRENG BA BRGYA PHRAG GNYIS LA BKRA SHIS PA'I RTAGS KYIS NYE BAR LHAG PA 'DI
, ,NI; BCOM LDAN 'DAS THUB PA'I DBANG PO'I MGUR GYI BUM PA BZANG PO LAS, LUNG BSTAN GYI BDUD RTZI NOD PA'I RGYAL TSAB KYI SKYES BU CHEN PO, ,MKHYEN RAB RGYAL BA NYID LAS DMIGS SU MED PA'I BDAG NYID CHEN PO DPAL RDO RJE 'CHANG KUN DGA' BZANG PO ZHES PHYOGS THAMS CAD DU YONGS SU GRAGS PA DE NYID KYI ZHABS STEGS MI 'JIGS GDONG LNGA'I DBANG PO RNAM PAR BSGYINGS PA'I KHRI 'PHANG MTHON PO GA LA BA DER, 'KHOR LOS MTSAN PA'I ZHABS ZUNG NYE BAR BKOD NAS, ,RNAM PAR DKAR BA'I PHRIN LAS KYI 'KHOR LOS 'CHI MED LAM GYI MU MTHA' GZHAL PA SNYAM BYED PA GANG GI MTSAN NAS SMOS NA MKHAN CHEN 'JAM PA'I DBYANGS BKRA SHIS LHUN GRUB GRAGS PA'I RGYAL MTSAN DPAL BZANG PO PA'I ZHAL SNGA NAS KYIS, ,YONGS RDZOGS BSTAN PA'I DGONGS 'GREL CHEN PO 'DI DAG PAR DU BRKO BA CIG BYUNG NA, RGYAL BA'I BSTAN PA RIN PO CHE 'JIG RTEN GYI KHAMS SU YUN RING POR GNAS PA'I RGYUR 'GYUR BA SOGS PHAN YON DPAG TU MED PAS SNGON DRANGS PA'I BKA' STZAL PHEBS PAR BRTEN, KUN MKHYEN BU RAM SHING BA'I RING LUGS DRI MA MED PA YONGS SU DAR BA'I YUL GRU CHEN PO NYID DU CHES CHER BSNGAGS PA RNAMS KYI NANG GSES BOD CHEN POR GRAGS PA'I SA'I STENG GI DKYIL 'KHOR PHAL CHE BA DAG ,CHOS TSUL DGE BA BCU DANG MTHUN PA'I PHRIN LAS DANG STOBS KYI 'KHOR LOS MNGA' SGYUR ZHING KHYAD PAR GNAM GYIS BSKOS PA SHAR PHYOGS GONG MA CHEN PO'I LAS LUNG GIS BOD CHEN LJONGS KYI SKYE 'GRO SPYI'I RJE BOR MNGA' GSOL BA'I SDE DGE SA SPYOD CHEN PO BSTAN PA TSE RING ZHES GRAGS PA'I RNGA GSANG PHYOGS KYI KHO RA KHOR YUG DAG TU KHYAB PA DE NYID KYIS, YA RABS DAM PA'I SPYOD TSUL BSNGAGS PAR 'OS PA RNAMS KYI NANG NAS KYANG BLA MA'I BKA' TSUL BZHIN DU BSGRUB PA DE NI CHES MCHOG TU GYUR BA'I LUNG RIGS KYI NOR BU DAM PAR THUGS LA BCANG NAS, MKHAN CHEN DAM PA'I BKA' STZAL JI LTAR PHABS PA DE LTAR BSGRUB PAR ZHAL GYIS 'CHES TE, DMAR SER ZHES PA ME SPRUL GYI LO'I ZLA TSES DGE BA NAS LAS KYI DBU TSUGS PAR MDZAD, DE NAS BRTZAMS TE SNYING STOBS RMAD DU BYUNG BA'I KHUR GYIS BYA BA 'DI
NYID KYI THOG MTHA' BAR GSUM DU 'GRUB PAR BYED PA'I BDAG PO'I RKYEN NI GONG DE'I RIGS SRAS DRI MA MED PA BOD CHEN LJONGS KYI SKYE 'GRO SPYI'I BSOD NAMS DANG DBANG THANG GI RIN CHEN PHUNG PO GCIG TU SPUNGS PA'I KHRI 'PHANG MTHON PO LA, LHA DANG MI'I MCHOD PA'I BYE BRAG BSAM GYIS MI KHYAB PA DANG BCAS PAS PHYOGS THAMS CAD LAS RNAM PAR RGYAL BAR MNGA' GSOL BA'I TSE NA CHOS DANG SRID KYI PHRIN LAS 'KHOR LO RTZIBS STONGS DANG LDAN PA PHYOGS KYI MTHAR BGROD PA CAN SDE DAG BLA MA KUN DGA' PHRIN LAS RGYA MTSO'I SDE ZHES YONGS SU GRAGS PA 'DI NYID KYI LAS DBANG DANG BSOD NAMS GZHAL DU MED PA'I GSER LDAN DGA' MA'I LTO BA YANGS PAR, ,SNGON CHAD GANG GIS BSKRUN PAR MA NUS PA'I LEGS BYAS KYI RGYA MTSO CHEN PO 'DI NYID KYI KHUR YONGS SU 'DZIN PA LA SPRO BA MCHOG GI RTZE MOR 'DZEG PAR GYUR TE, BZHED PA TSUL BZHIN DU SGRUB PA'I PHRIN LAS KYI KHA LO SGYUR ZHING, LAS BYED RNAMS KYI MGO 'DZIN PAR, PHYAG MDZOD 'GU RU BKRA SHIS DANG, GNYER PA AA ZLOS DANG, DGE SLONG TSUL KHRIMS RAB BRTAN, PAR DPON GZUNGS SKYABS RNAMS DANG, ZHUS DAG PA BDAG DANG, DE'I GROGS LDAN PA RMUGS SANGS SBYIN PA RGYA MTSO; SPO LU'I DRUNG YIG BLO GROS RGYAL MTSAN, LCAGS RA'I DGE BSHES BSTAN 'DZIN LHUN GRUB, 'DZOM THOG PA AO RGYAN BKRA SHIS RNAMS DANG BCAS TE, PHYI MO KHUNGS THUB RGYAS BSDUS CHA GSUM TZAM DANG ZHIB PAR GTUGS NAS ZHU DAG NAN CHER BGYIS NAS STOD SMAD PHYOGS KYI SMYUG 'DZIN PA BRGYAD CU KHA YAR DANG, PAR MKHAN BRGYA PHRAG LNGA TZAM BSAGS NAS, RNGA CHEN ZHES PA CHU PHO KHYI'I GNAM LO GSAR DU SHAR BA'I ZLA TSES DGE BAR, MKHAS SHING GRUB PA'I SKYES CHEN BGRANG BA LAS 'DAS PA BYON PA DANG 'BYON PA DANG 'BYON 'GYUR BA'I GDAN SA CHEN PO DPAL SDE DGE LHUN GRUB STENG GI RGYAL KHAB CHEN POR LEGS PAR GRUB PAR BGYIS PA PHYOGS THAMS CAD DU DAR ZHING RGYAS PAR GYUR CIG ,CES PA THAMS CAD MKHYEN PA CHEN PO NYI MA'I GNYEN GYI BKA' SPYI DANG BYE BRAG GI DGONG SPA MA LUS PA RNAM PAR 'GREL BA'I BSTAN BCOS 'GYUR
, ,RO 'TSAL GYI CHOS SBYIN RGYUN MI 'CHAD PA'I PHYI MO RDZOGS LDAN BSKAL BA'I BSOD NAMS KYI SPRIN PHUNG RGYAS PAR DKRIGS PA 'DI DAG YONGS SU RDZOGS PAR GRUB PA'I BSNGO BA SMON LAM GYI TSIGS SU BCAD PA GZHI LAM 'BRAS BU'I DGE LEGS YID GCUGS MDZA' BO 'GUGS PA'I RGYANG GLU ZHES BYA BAR BYANG MDOR BSDUS TZAM DANG BCAS PA 'DI NI, ZHU DAG PA BANDE TSUL KHRIMS RIN CHEN NAM, 'BYUNG DU RUNG BA'I YON TAN LA SMON PA'I THA SNYAD DU NGAG GI DBANG PO 'JIGS BRAL PHYOGS LAS RNAM PAR RGYAL BA'I LHA DBYANGS CAN SNYEMS PA'I LANG TSO'I SDE ZHES BTAGS PA'I SNYOM LAS PA DES, NAM MKHA' LDING GI 'PHUR LDING LA BUNG BA GZHON NUS 'GRAN PA BZHIN DU SMRAS PA DGE LEGS 'PHEL BAR GYUR CIG, ,,YANG SMRAS PA, LHUNG LHUNG SNYAN PA'I SGRAR BCAS 'BAB PA'I KLUNG, ,DRANG SRONG KHROS PA'I DMOD PAS MA BCINGS NA, ,SKAL LDAN SHING RTA'I RE BA RDZOGS BYED PA'I, ,LAM GSUM DRI MA SBYONG BYED DE RMAD BYUNG, ,ZHES SO, ,SARBA MANGGA LAm,, ,,
, ,RGYA GAR SKAD DU, SATZTSA KA RI YI MAm GA LA G'A TH'A, BOD SKAD DU, BDEN PA BRJOD PA'I BKRA SHIS KYI TSIGS SU BCAD PA, 'JIG RTEN MGON PO LA PHYAG 'TSAL LO, ,THUB PA CHEN PO THUGS RJE CAN, ,THAMS CAD SKYONG BA'I MGON PO DE, ,PHA ROL PHYIN PA KUN RDZOGS PA; ,RDZOGS PA'I BYANG CHUB MCHOG BRNYES PA, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,ZHI BA MYANG 'DAS 'BRAS BU NI, ,BSTEN PA LAS BYUNG RO MCHOG BRNYES, ,RNAM 'DREN BYANG CHUB SHING DRUNG DU, ,NYIN ZHAG BDUN DU BZHUGS GYUR PA, , BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,SANGS RGYAS ZHAG BDUN 'GRENGS TE BZHUGS, ,BSOD SNYOMS 'BUL BA KUN LA DGYES, ,BYANG CHUB SHING LA MI 'DZUM GZIGS, ,YANG DAG MCHOD PAS MCHOD GYUR PA, ,BDEN PA'I TSIG NI 'DI DAG GIS; ,BDAG LA RGYAL BA'I BKRA SHIS SHOG ,RNAM PAR GROL BA'I BDEN PA BRNYES, ,THUGS KYI DGONGS PA YONGS SU RDZOGS, ,RIN CHEN LAS BYAS SPRUL PA'I SAR, ,RGYAL BZHAG BDUN 'CHAG PAR MDZAD, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,RIN CHEN 'OD 'BAR GZHAL MED KHANG, ,NYAMS DGAR BCOM LDAN BZHUGS GYUR TE, ,NYIN ZHAG BDUN DU CHOS KYI DBYINGS, ,BLA NA MED LA MNYAM PAR GZHAG ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,BZHIN MDZES KHA DOG RGYAN LDAN PA'I, ,BDUD KYI BU MO 'GROGS PA SPANGS, ,N+YA GRO DHA YI SHING DRUNG DU, ,SANGS RGYAS ZHAG BDUN BZHUGS PAR GYUR, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,BTANG BZUNG GNAS SU KLU DBANG GIS, ,SKU DKRIS GDENGS KAS BSKYAB BYAS PAR, ,DPA' BO CHEN PO ZHAG BDUN BZHUGS, ,KLU DE RJES SU BZUNG BAR MDZAD, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,RING NAS BSKRUN PA'I RNAM GROL BRNYES, ,BDE BA MCHOG LA SPYOD PAR MDZAD, ,SHING GI RGYAL
PO SGROL RGYU'I DRUNG, ,BCOM LDAN ZHAG BDUN BZHUGS PAR GYUR, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,RDO LAS BYAS PA'I LHUNG BZED BZHI, ,RGYAL PO CHEN PO BZHIS PHUL BA, ,RI MO BZHI MTSAN SNOD GCIG MDZAD, ,SBRANG RTZI LDAN PA'I BSOD SNYOMS PA ZHES, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,TSANGS PAS GSOL BTAB SANGS RGYAS KYIS, ,NYAMS DGA' 'KHOR MO 'JIG GRONG DU, ,'JIGS PA MED PAR 'KHOR BZHI LA, ,CHOS KYI 'KHOR LO RAB TU BSKOR, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,RGYAL BA THUGS RJE LDAN PA YIS, ,CHOS KYI GRU NI SPRUL MDZAD DE, ,'GRO MANG BSOD NAMS LA SBYAR NAS, ,MTSO CHEN PHA ROL SGROL BAR MDZAD, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,KUN SHES KOOndIN+YA SOGS, ,DGE SLONG RGYAL BA ZAG ZAD PA, ,RGYA CHEN CHOS MCHOG BSTAN MDZAD DE, ,DE DANG DE DAG RNAM SPRO MDZAD, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,RGYAL BA LTENG RGYAS GSHEGS PA MDZAD, ,NGO MTSAR CHO 'PHRUL BSTAN MDZAD NAS, ,'OD SRUNGS LA SOGS DER DUL TE, ,THE TSOM BRAL NAS DGE SLONG GYUR, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,RGYAL BA NYAN THOS DANG BCAS PA, , YID 'ONG RGYAL PO'I KHAB GRONG GSHEGS, ,MI DBANG GZUGS CAN SNYING PO NI, ,'KHOR DANG BCAS PA LAM LA BKOD, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,DE BZHIN GSHEGS PA RGYAL PO'I KHYAB, ,YID 'ONG GRONG DU BZHUGS PA LAS, ,NYE DU CHOS KYIS BSDU BA'I PHYIR, ,SER SKYA'I GRONG DU GSHEGS PAR GYUR, ,NYE DU'I TSOGS DANG MJAL BA LAS, ,DE DAG MNGON PA'I NGA RGYAL GYUR, ,MKHYEN NAS DPA' BO CHEN PO DES, ,NYI MA BZHIN DU MKHAR 'PHAGS TE, ,SANGS RGYAS
, ,RIGS SAD CHOS BSTAN PAS, ,SNGON MED DGA' BAS BA SPU LANGS, ,MI DBANG SH'AKYA'I RIGS RNAMS KYIS, ,NGA RGYAL DER NI NYAMS PAR GYUR, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,LHAR BCAS 'JIG RTEN 'KHOR BA YI; ,RGYA MTSO LAS NI SGROL BA'I PHYIR, ,RGYAL BA MNYAN YOD GRONG KHYER NI, ,NYAMS DGA' BAR NI YUN RING BZHUGS, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,AA MRA SHING GI DRUNG DU NI, ,YA MA ZUNG GI CHO 'PHRUL DAG ,RGYAL BAS MU STEGS RNAMS LA BSTAN, ,DE DANG DE DAG PHYOGS SU BYER, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,'JIG RTEN DBANG PO ZHABS KYIS NI, ,GOM PA GNYIS KYIS LHA YUL GSHEGS, ,CHO 'PHRUL MTHAR THUG STON MDZAD PHYIR, ,MI MCHOG LHA GNAS GSHEGS PAR GYUR, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,LHA DBANG GNAS SU GSHEGS NAS NI, ,LA BA DKAR 'DRA'I RDO CHEN YANG, ,RGYAL BAS KHYE'U CHUNG DU MDZAD DE, ,RDO BA MCHOG GI STAN LA BZHUGS, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,SUM CU RTZA GSUM GRONG KHYER DU, ,RGYAL BA ZLA BA GSUM BZHUGS NAS, ,YUM LA SOGS PA'I LHA RNAMS LA, ,CHOS NI MNGON PAR BSTAN PA MDZAD; ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,LHA YUL ZLA BA GSUM BZHUGS NAS, ,NOR BU'I THEM SKAS SPRUL PA LAS, ,LHAS MCHOD BKUR STI DANG BCAS PAS, ,MI YI YUL DU BYON PAR GYUR, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,TSANGS SOGS DKAR ZHING CHAS DKAR BAS, ,YONGS SU BSKOR BA'I DE BZHIN GSHEGS, ,LHA LAS BAB PA CHEN PO YI, ,NGO MTSAR BA DAG BSTAN PA MDZAD, ,BDEN PA'I TSIG NI 'DI DAG GIS, ,BDAG LA
RGYAL BA'I BKRA SHIS SHOG ,LHA LAS BABS PA'I DUS SU NI, ,MTHU DANG YON TAN CHEN PO DAG ,MTHONG BAS SEMS CAN THAMS CAD RNAMS, ,SANGS RGYAS NYID LA BKOD SNYAM SEMS, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,GRONG KHYER GSAL LDAN SGO RU NI, ,SANGS RGYAS KYIS NI CHOS BSTAN PAS, ,SKYE BO'I TSOGS NI MANG PO RNAMS, ,CHOS NI MNGON PAR RTOGS PAR GYUR, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,GLANG PO'I DBANG PO 'DAM BU'I RI, ,MYOS PA'I SHUGS KYIS MGYOGS 'GRO BA, ,RDZOGS SANGS YID GZHUNGS SMAN GYIS NI, ,DRI MA DAG DANG BRAL BAR MDZAD, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,'JIG RTEN BKRA SHIS MI BYED PA'I, ,CHOM RKUN SOR MO'I PHRENG BA CAN, ,GNAS DANG THAG RING SPRUL MDZAD DE, ,CHU LA BYING BAR MDZAD NAS NI, ,CHOS BSTAN KUN SBYOR BRAL BAR MDZAD, ,THUB DBANG MI YI KHA LO SGYUR, ,BDEN PA'I TSIG NI 'DI DAG GIS, , BDAG LA RGYAL BA'I BKRA SHIS SHOG ,GDENGS CAN DBANG PO GZI BRJID CAN, ,DGA' BO DANG NI NYE DGA' BO, ,GDUL PHYIR NYAN THOS RDZU 'PHRUL CAN, ,GNAS BRTAN MOOD GAL GYI BU, ,THUB PA'I DBANG POS MNGAG PAR GYUR, ,BRTZE LDAN MKHAS PA'I RDZU 'PHRUL GYIS, ,NGA RGYAL SKYES PA BCOM GYUR TE, ,LEGS PAR SKYABS SU SONG BAR GYUR, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,GNOD SBYIN 'BROG GNAS RTZUB PO NI, ,SHIN TU 'DUL DKA' SANGS RGYAS KYIS, , 'DUL BAR MKHYEN NAS RGYUN ZHUGS PA'I, ,'BRAS BU MCHOG LA BKOD PAR GYUR, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,PHYOGS RNAMS KUN GYI RLUNG GIS NI, ,RI YI RGYAL PO MI G-YO LTAR, ,DE BZHIN RDZOGS PA'I SANGS RGYAS KYANG, ,
, ,'JIG RTEN CHOS BRGYAD KYIS MI G-YO, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,BSAM GYIS MI KHYAB 'OD 'PHRO BA, ,DBU YI GTZUG TOR PHA MTHA' NI, ,TSANGS PA'I 'JIG RTEN GNAS PAS KYANG, ,BLTA BAR YANG NI NUS MA LAGS, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,DAM PA'I CHOS NI STON PA'I TSE, ,SKU RGYAB PHYOGS SU GNAS PAS KYANG, ,NAM MKHA' ZLA BA NYA BA BZHIN, ,RGYAL BA'I ZHAL NI MNGON SUM MTHONG, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,TSANGS PA'I 'JIG RTEN BAR GYI YANG, ,'KHOR RNAMS LA NI 'JIGS MED PAR, ,DE RNAMS BSAM PA THUGS CHUD NAS, ,DE RNAMS SO SOR CHOS STON MDZAD, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,SKYE SOGS SDUG BSNGAL GYIS GDUNGS LA, ,SANGS RGYAS LA SOGS DKON MCHOG GSUM, ,RNAM PA KUN DU SROG DANG NI, ,SKYABS DANG GNAS DANG DPUNG GNYEN NO, ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG , BDAG LA SKYABS GZHAN YOD MA YIN, ,SANGS RGYAS BDAG GI SKYABS KYI MCHOG ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,BDAG LA SKYABS GZHAN YOD MA YIN, ,CHOS NI BDAG GI SKYABS KYI MCHOG ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,BDAG LA SKYABS GZHAN YOD MA YIN, ,DGE 'DUN BDAG GI SKYABS KYI MCHOG ,BDEN PA'I TSIG NI 'DI DAG GIS, ,BDAG LA RGYAL BA'I BKRA SHIS SHOG ,DE LTAR 'DI SKAD BDEN PA'I TSIG ,RJOD PAR BYED PA GANG YIN PA, ,NYE BAR 'TSE BA SPANGS PA DANG; ,THAR PA'I BDEN PA MNGON 'DOD PA'I, ,MI YIS KUN MKHYEN 'THOB PAR 'GYUR, ,BDEN PA BRJOD PA RGYAL BA'I BKRA SHIS KYI TSIGS SU BCAD PA RDZOGS SO,, ,,'DI NI RGYA GAR GYI DPE LAS 'GOS LO TZ'A BA DHARMA P'A LA BHA DRA ZHES BGYI BAS BSGYUR BA'O,, ,,