, ,RGYA GAR SKAD DU, RATNA TRI SVA STI G'A TH'A, BOD SKAD DU, DKON MCHOG GSUM GYI BKRA SHIS KYI TSIGS SU BCAD PA, DKON MCHOG GSUM LA PHYAG 'TSAL LO, ,CHE BA'I CHE MCHOG STON MCHOG BLA NA MED, ,CHOS RJE NYI MA RGYAL BA'I BYIN RLABS KYIS, ,BDUD DANG BGEGS RIGS GNOD PA'I DGRA ZHI STE, ,RTAG TU DPAL GNAS NYIN MTSAN BKRA SHIS SHOG ,CHOS NYID BDEN PA'I CHOS MCHOG BLA NA MED, ,DAM CHOS BDUD RTZI'I BDEN PA'I BYIN RLABS KYIS, ,NYES PA'I SKYON BRAL DGE TSOGS RNAMS 'PHEL BA, ,RTAG TU DPAL GNAS NYIN MTSAN BKRA SHIS SHOG ,DGE 'DUN YON TAN RIN CHEN DPAL 'BAR BA, ,RGYAL SRAS PHAN MDZAD BDEN PA'I BYIN RLABS KYIS, ,NYON MONGS SDUG BSNGAL GDUNG BA'I DGRA ZHI STE, ,RTAG TU DPAL GNAS NYIN MTSAN BKRA SHIS SHOG ,TSANGS DANG LHA DBANG SRUNG MA'I BYIN RLABS KYIS, ,PHAN MDZAD LHA YI BKRA SHIS GNAS GYUR TE, ,BDE LEGS BSAM PA YID BZHIN 'GRUB PA DANG, ,TSE RING NAD MED BDE SKYID LDAN PAR SHOG ,DKON MCHOG GSUM GYI BKRA SHIS KYI TSIGS SU BCAD PA BCOM LDAN 'DAS KYIS KHYIM BDAG DES PA LA GSUNGS PA RDZOGS SO,, ,,RGYA GAR GYI MKHAN PO DZI NA MI TRA DANG, ZHU CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA'O,, ,,