, ,RGYA GAR SKAD DU, SVASTI G'A TH'A, BOD SKAD DU, BDE LEGS KYI TSIGS SU BCAD PA, DKON MCHOG GSUM LA PHYAG 'TSAL LO, ,LHA GCIG NYE BAR SONG NAS SU, ,LHAS MCHOD PA LA ZHUS BYAS TE, ,SANGS RGYAS CHEN PO THUB PA CHE, ,
CI ZHIG SMRAS NA BDE LEGS GYUR, ,DES NI TSIG DE GSAN GYUR NA, ,'JIG RTEN RTZA LAG BKA' STZAL PA, ,GANG ZHIG RTAG TU RJOD BYED PA, ,NGA YI BDE LEGS 'GYUR DE NYON, ,'JIG RTEN 'DI DANG GZHAN DANG MTHO RIS NA, ,RIN CHEN RMAD BYUNG RGYA CHEN MCHOG YOD PA, ,DE NI RDZOGS PA'I SANGS RGYAS RIN CHEN LA, ,CIS KYANG GRANGS DANG BGRANG DANG CHAR MI PHOD, ,NGO MTSAR SHIN TU RMAD BYUNG DPAG MED DE, ,RDZOGS PA'I SANGS RGYAS RIN CHEN 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,ZHI 'GOG BDUD RTZI SHIN TU GYA NOM GANG, , SH'AKYA THUB PAS MNYAM GZHAG THUGS CHUD PA, ,CHOS DE DANG NI MTSUNGS PA YOD MIN TE, ,DE MNGON BYAS NA PHYIN CHAD MYA NGAN MED, ,NGO MTSAR SHIN TU RMAD BYUNG DPAG MED DE, ,DAM PA'I CHOS NI RIN CHEN 'JIG RTEN MCHOG ,JI LTAR BA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,RGYAL BAS GANG DAG GANG ZAG BRGYAD GSUNGS PA, ,DE DAG RNAMS NI SKYES BU ZUNG BZHI STE, ,SBYIN GNAS DE DAG SA STENG SHIN TU DKON, ,DE DAG RNAMS LA BYIN NA DPAG MED 'GYUR, ,NGO MTSAR SHIN TU RMAD BYUNG DPAG MED DE, ,DGE 'DUN RIN CHEN GANG ZHIG 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,DAM PA GTZO BO MCHOG SBYIN GYA NOM PA, ,'OD MCHOG DPA' BO DAM PA MCHOG GI GNAS, ,SHES RAB DAM PA MCHOG GI DAM PA MCHOG ,MCHOG MIN MCHOG MKHYEN 'DI NI BCOM LDAN GCIG ,NGO MTSAR SHIN TU RMAD BYUNG DPAG MED DE, ,RDZOGS PA'I SANGS RGYAS RIN CHEN 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,TING 'DZIN DAM PA BAR CHAD MED PA GANG, ,MTHA' YAS BLO LDAN DE BZHIN GSHEGS GSUNGS PA, ,TING 'DZIN BDE BRTAN RDO RJE DPER BYAS PA, ,TING 'DZIN DE DANG MTSUNGS PA'I TING 'DZIN MED, ,NGO MTSAR SHIN TU RMAD BYUNG DPAG MED DE, ,TING NGE 'DZIN GYI RIN CHEN 'JIG RTEN MCHOG ,JI LTAR BA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,JI LTAR SGO GTAN
, ,DAM ZHING RAB DAM STE, ,STOBS CHEN RLUNG BZHI DAG GIS MI BSKYOD PA, ,DE LTAR MKHAS PA BDEN BZHI MTHONG GNAS PA, ,'JIG RTEN SMRA BA RNAMS KYIS 'DIR MI G-YO, ,NGO MTSAR SHIN TU RMAD BYUNG DPAG MED DE, ,DGE 'DUN RIN CHEN GANG ZHIG 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,THAMS CAD ZIL GNON KUN MKHYEN THAMS CAD GZIGS, ,THAMS CAD MKHYEN PA STOBS RNAMS KUN DANG LDAN, ,KUN GYI DAM PA 'DZIN PA KUN DANG BRAL, ,BSAM PA KUN MKHYEN 'DI NI BCOM LDAN GCIG ,NGO MTSAR SHIN TU RMAD BYUNG DPAG MED DE, ,RDZOGS PA'I SANGS RGYAS RIN CHEN 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,SRID PA 'GOG CING MI G-YO 'GYUR BA MED, ,SKYON MED 'JIGS PA KUN LAS RNAM PAR GROL, SHIN TU 'GAG CING GYA NOM NGES PAR 'BYUNG, ,SHIN TU DRI MED ZHI BA BLOS MI 'PHROGS, ,NGO MTSAR SHIN TU RMAD BYUNG DPAG MED DE, ,DAM PA'I CHOS KYI RIN CHEN 'JIG RTEN MCHOG ,JI LTAR NGA'I BDE DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,SHIN TU SDUG BSNGAL STON CING BDE SBYIN PA'I, , BDEN RNAMS MTHONG STE GANG DAG BAG YOD PA, ,BDEN PA RIN CHEN RNAMS LA DOGS BRAL BA, ,DE DAG SKYE BA BRGYAD PA RNAMS MI LEN, ,NGO MTSAR SHIN TU RMAD BYUNG DPAG MED DE, ,DGE 'DUN RIN CHEN GANG ZHIG 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,DAM PA RNAMS KYI DAM PA DON DAM MKHYEN, ,MCHOG DANG MCHOG MIN MKHYEN CING DON DAM BRTZON, ,GZHAN GYIS MI 'PHROGS DAM PA THUGS CHUD RTOGS, ,SHIN TU SDUG BSNGAL RNAMS KYI DPUNG GNYEN MCHOG ,NGO MTSAR SHIN TU RMAD BYUNG DPAG MED DE, , RDZOGS PA'I SANGS RGYAS RIN CHEN 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,'DUN PA BSKYED NAS RNAL 'BYOR LDAN GYUR CING, ,GOO TAM BSTAN LA RTAG BRTZON RAB GROL ZHING, ,GZHAN GYIS MI BKRI BA DAG ZHING DER REG ,
'DI LA DE REG GRANGS SU PHYIN MI 'GYUR, ,NGO MTSAR SHIN TU RMAD BYUNG DPAG MED DE, ,DGE 'DUN RIN CHEN GANG ZHIG 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,BDEN PA MTHONG BAS BRJOD PAS BRGYA LAM NA, ,GAL TE SDIG PA 'GA' ZHIG BYAS GYUR KYANG, ,DE NI DE 'CHAB PA YI 'OS MIN TE, ,CHOS NYID 'DI NI MI G-YO GNAS PHYIR RO, ,NGO MTSAR SHIN TU RMAD BYUNG DPAG MED DE, ,DGE 'DUN RIN CHEN GANG ZHIG 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,LHA DANG BCAS PA'I 'JIG RTEN THAMS CAD NA, ,SANGS RGYAS DANG NI LHAG PA'AM MTSUNGS PA MED, ,LHA DANG MI YI STON PA BLA NA MED, ,STON PA DED DPON SMAN PA RNAMS KYI MCHOG ,NGO MTSAR SHIN TU RMAD BYUNG DPAG MED DE, ,RDZOGS PA'I SANGS RGYAS RIN CHEN 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,SO GA'I ZLA BA DANG POR THUB PA YIS, ,NAGS KHROD CHOS KYI DAM PA RAB BRNYES NAS, ,CHOS DE DANG NI LHAG PA'AM MTSUNGS PA MED, ,'DI LA DE REG GRANGS SU PHYIN MI 'GYUR, ,NGO MTSAR SHIN TU RMAD BYUNG DPAG MED DE, ,DAM PA'I CHOS KYI RIN CHEN 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIR NI SHIN TU BDE LEGS SHOG ,SDIG PA RNYID ZAD GSAR DU BYAS MED LA, ,RIMS NAD MED PAS 'JIGS MED MA NGAN BRAL, ,RTZA BA 'GAGS PAS SRID PA MI SKYED PA, ,BSTAN PA MAR ME BZHIN DU 'BAR BAR 'GYUR, ,NGO MTSAR SHIN TU RMAD BYUNG DPAG MED DE, ,DGE 'DUN RIN CHEN GANG ZHIG 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS NI SHIN TU BDE LEGS SHOG ,LHAS ZHUS PA'I BDE LEGS KYI TSIGS SU BCAD PA RDZOGS SO,, ,,
, ,RGYA GAR SKAD DU; MANGGA LA G'A TH'A, BOD SKAD DU, BKRA SHIS KYI TSIGS SU BCAD PA, DKON MCHOG GSUM LA PHYAG 'TSAL LO, ,GZHAN GYIS MI THUB RDZOGS SANGS RGYAS, ,MGON PO PHYOGS GCIG BZHUGS PA NA, ,LHA GCIG DPA' BO CHEN PO LA, ,PHYAG 'TSAL 'DI SKAD TSIG GSOL TO, , DGE BA DON DU GNYER BA NA, ,LHA DANG MI RNAMS SO SO NAS, ,BKRA SHIS DAG NI BRJOD BGYIS NA, ,BKRA SHIS DAM PA GANG ZHIG LAGS, ,BCOM LDAN 'DAS KYIS BKA' STZAL PA, ,DGE BA DON DU GNYER BA NA, ,LHA DANG MI RNAMS SO SO NAS, ,BKRA SHIS RNAMS NI RJOD BYED PA, ,DE DAG BKRA SHIS BRJOD PAR BYA, ,YUL BZANG GNAS DANG GROGS MCHOG DANG, ,SNGON CHAD BSOD NAMS BYAS PA DANG, ,SEMS NI LEGS PAR GTAD BYAS PA, ,DE NI BKRA SHIS DAM PA YIN, ,SBYIN DANG SHIN TU SMRA BA DANG, ,YANG DAG DON LA RNAM NGES DANG, ,KHRIMS LDAN RNAMS DANG MTSUNGS
, ,SBYOR BA, ,DE NI BKRA SHIS DAM PA YIN, ,BYIS PA RNAMS LA MI BRTEN DANG, ,MKHAS PA RNAMS LA BRTEN PA DANG, ,MCHOD 'OS RNAMS LA MCHOD BYED PA, ,DE NI BKRA SHIS DAM PA YIN, ,PHA MA BSNYEN BKUR BYED PA DANG, ,ZHI DANG TSANGS PAR SPYOD PA DANG, ,'BYUNG PO KUN LA SNYING BRTZE BA, ,DE NI BKRA SHIS DAM PA YIN, ,SDIG PA'I LAS LAS LDOG PA DANG, ,DGE BA'I LAS LA BRTEN PA DANG, ,BAG YOD PA DANG BRTAG MKHAS PA, ,DE NI BKRA SHIS DAM PA YIN, ,NGA RGYAL MED DANG KHENGS MED DANG, ,CHOG SHES MTHUN PAS 'TSO BA DANG, ,RTAG TU BYAS PA GZO BYED PA, ,DE NI BKRA SHIS DAM PA YIN, ,MI SMOD DE BZHIN BZOD PA DANG, ,'PHAGS PA RNAMS DANG MTHUN SBYOR BA, ,DUS SKABS SU NI CHOS NYAN PA, ,DE NI BKRA SHIS DAM PA YIN, ,LE LO MED DANG MANG THOS DANG, ,CHOS LA LEGS PAR RNAM NGES DANG, ,DE BZHIN SEMS LA RNYOG MED PA, ,DE NI BKRA SHIS DAM PA YIN; ,GANG ZHIG SEMS CAN THAMS CAD LA, ,BYAMS PA'I SEMS NI RAB BSGOM ZHING, ,DPAG TU MED DE MI 'KHRUGS PA, ,DE NI BKRA SHIS DAM PA YIN, ,GANG ZHIG 'PHAGS PA'I BDEN RNAMS LA, ,SHES RAB MIG NI RAB SBYANGS DANG, ,TSUL KHRIMS NONGS PAR MA GYUR PA, ,DE NI BKRA SHIS DAM PA YIN; ,'PHAGS PA'I BDEN PA MTHONG BA DANG, ,TSANGS PAR SPYOD PA BSGOM PA DANG, ,MYA NGAN 'DAS PA THOB 'GYUR BA, ,DE NI BKRA SHIS DAM PA YIN, ,GANG ZHIG 'DOD CHAGS ZHE SDANG DANG, ,MA RIG PA DAG RNAM SPANGS PA DANG, ,SHES PA MI 'KHRUGS SKYE 'GYUR BA, ,DE NI BKRA SHIS DAM PA YIN, , 'JIG RTEN CHOS BRGYAD KYIS BSKYOD KYANG, ,GANG GI SEMS NI MI G-YO DANG, ,DRI MED ZHI DANG MYA NGAN MED, ,DE NI BKRA SHIS DAM PA YIN, ,DE DANG 'DIR NI CI RIGS PAR, ,'DI LA BKRA SHIS 'DI DAG NI, ,MKHAS PA GANG ZHIG RJOD BYED PA, ,DE LA RTAG TU BKRA SHIS GYUR, ,BKRA SHIS KYI TSIGS SU BCAD PA RDZOGS SO,, ,,