, ,RGYA GAR SKAD DU, A'ARYA N'A G'ARDZU NA PRA nI DH'A NA N'A MA, BOD SKAD DU, 'PHAGS PA KLU SGRUB KYI SMON LAM ZHES BYA BA, ,DKON MCHOG GSUM LA PHYAG 'TSAL LO, ,'KHOR BAR 'KHOR TSE SKYE GNAS THAMS CAD DU, ,CHOS LA BZOD PA MA THOB BAR DU NI, ,NGAN SONG GSUM DU NAM YANG MI SKYE ZHING, ,MTHO RIS MI YI LUS SU SKYE BAR SHOG ,MTHO RIS MI YI LUS SU SKYES NAS KYANG, ,SDIG SPYOD RGYAL POR MA SKYE BLON PO DANG, ,DMAG DPON ZHAL CHE GCOD PAR BDAG MA SKYE, ,KHE BYED TIL BRDUNG CHANG 'TSONG RKUN PO DANG, ,BRAN DANG BRAN MO'I LUS SU BDAG MA SKYE, ,DGE SLONG GA NAS LA DBANG BYED BDAG PO DANG, ,GNAS BRTAN LAS BYED PA DANG NGAN KHRIMS PA, ,DGE SKOS GTZANG SBYOR BA DANG DAM BZHAG PA, ,GANG ZAG LAS BYED RNAMS SU BDAG MA SKYE, ,MTHA' 'KHOB KLA KLO'I SKYE BA'I YUL RNAMS DANG, ,GLEN LKUGS 'ON LONG PHRAG DOG CAN RNAMS DANG, ,MU STEGS LOG LTA BRAM ZE'I RIGS RNAMS DANG, ,RIGS NGAN SHAN PA'I RIGS SU BDAG MA SKYE, ,BYANG CHUB MA THOB PAR DU RTAG PAR BDAG ,DAM CHOS SPYOD PA'I LUS SU SKYE BAR SHOG ,DAM CHOS SPYOD PA'I LUS
, ,SU SKYES NAS KYANG, ,MI DGE GZHAN GYI DBANG DU MI 'GYUR ZHING, ,TSE LA NAD KYIS BAR CHAD MED PA DANG, ,SKYES MA THAG TU CHOS DANG PHRAD PAR SHOG ,SKYES MA THAG TU CHOS DANG PHRAD NAS KYANG, ,MNYAN BSAM BSGOM PAS RIG PA'I RGYUD SBYANGS NAS, , TING 'DZIN RTZE GCIG SEMS LA DBANG THOB STE, ,RNAM SHES DRUG PO YUL LA G-YENGS MA GYUR, ,LUS KYI YAN LAG RGYAS SHING SKYON MED DE, ,DBANG PO MA NYAMS RIGS MTHO BSKUR BA'I GNAS, ,SANGS RGYAS CHOS KUN RDZOGS PAR BYED PA DANG, ,GZHON NUR RAB BYUNG TSUL KHRIMS LDAN PA DANG, ,DGE BSHES MCHOG RNAMS RTAG TU BSTEN BYED CING, ,SA BCU RIM GYIS BGROD RNAMS THOGS MED DE, ,BLA MED BYANG CHUB MYUR DU THOB PAR SHOG ,BLA MED BYANG CHUB MYUR DU THOB NAS KYANG, ,RGYUD DRUG 'KHOR BA'I SEMS CAN THAMS CAD LA, ,BSDU PA RNAM BZHIS 'GRO DON BYED PAR SHOG ,SLOB DPON 'PHAGS PA KLU SGRUB KYIS MDZAD PA'I SMON LAM ZHES BYA BA RDZOGS SO,,