,,RGYA GAR SKAD DU, NAM:T'A RA AE KA BI SHA TI STVO TRA GU nA HI TA S'A KA [?] BOD SKAD DU, SGROL MA LA PHYAG 'TSAL NYI SHU RTZA GCIG GI BSTOD PA PHAN YON DANG BCAS PA, RJE BTZUN MA 'PHAGS MA SGROL MA LA PHYAG 'TSAL LO, ,PHYAG 'TSAL SGROL MA MYUR MA DPA' MO, ,SPYAN NI SKAD CIG GLOG DANG 'DRA MA, ,'JIG RTEN GSUM MGON CHU SKYES ZHAL GYI, ,GE SAR BYE BA LAS NI BYUNG MA, ,PHYAG 'TSAL STON KA'I ZLA BA KUN TU, ,GANG BA BRGYA NI BRTZEGS PA'I
, ,ZHAL MA, ,SKAR MA STONG PHRAG TSOGS PA RNAMS KYIS, ,RAB TU PHYE BA'I 'OD RAB 'BAR MA, ,PHYAG 'TSAL GSER SNGO CHU NAS SKYES KYI, ,PADMAS PHYAG NI RNAM PAR BRGYAN MA, ,SBYIN PA BRTZON 'GRUS DKA' THUB ZHI BA, ,BZOD PA BSAM GTAN SPYOD YUL NYID MA, ,PHYAG 'TSAL DE BZHIN GSHEGS PA'I GTZUG TOR, ,MTHA' YAS RNAM PAR RGYAL BAR SPYOD MA, ,MA LUS PHA ROL PHYIN PA THOB PA'I, ,RGYAL BA'I SRAS KYIS SHIN TU BSTEN MA, ,PHYAG 'TSAL TUTT'A RA H'Um YI GE ,'DOD DANG PHYOGS DANG NAM MKHA' GANG MA, ,'JIG RTEN BDUN PO ZHABS KYIS MNAN TE, ,LUS PA MED PAR 'GUGS PAR NUS MA, ,PHYAG 'TSAL BRGYA BYIN ME LHA TSANGS PA, ,RLUNG LHA SNA TSOGS DBANG PHYUG MCHOD MA, ,'BYUNG PO RO LANGS DRI ZA RNAMS DANG, ,GNOD SBYIN TSOGS KYI MDUN NAS BSTOD MA, ,PHYAG 'TSAL TRAD CES BYA DANG PHAt KYIS, , PHA ROL 'KHRUL 'KHOR RAB TU 'JOMS MA, ,G-YAS BSKUM G-YON BRKYANG ZHABS KYIS MNAN TE, ,ME 'BAR 'KHRUGS PA SHIN TU 'BAR MA, ,PHYAG 'TSAL TU RE 'JIGS PA CHEN MO, ,BDUD KYI DPA' BO RNAM PAR 'JOMS MA, ,CHU SKYES ZHAL NI KHRO GNYER LDAN MDZAD, ,DGRA BO THAMS CAD MA LUS GSOD MA, ,PHYAG
'TSAL DKON MCHOG GSUM MTSON PHYAG RGYA'I, ,SOR MOS THUGS KAR RNAM PAR BRGYAN MA, ,MA LUS PHYOGS KYI 'KHOR LOS BRGYAN PA'I, ,RANG GI 'OD KYI 'KHOR LOS BRGYAN PA'I, ,RANG GI 'OD KYI TSOGS RNAMS 'KHRUG MA, ,PHYAG 'TSAL RAB TU DGA' BA BRJID PA'I, ,DBU RGYAN 'OD KYI PHRENG BA SPEL MA, ,BZHAD PA RAB BZHAD TU TUTT'A RA YIS, ,BDUD DANG 'JIG RTEN DBANG DU MDZAD MA, ,PHYAG 'TSAL SA GZHI SKYONG BA'I TSOGS RNAMS, ,THAMS CAD 'GUGS PAR NUS MA NYID MA, ,KHRO GNYER G-YO BA'I YI GE H'Um GIS, ,PHONGS PA THAMS CAD RNAM PAR SGROL MA, ,PHYAG 'TSAL ZLA BA'I DUM BUS DBU BRGYAN, ,BRGYAN PA THAMS CAD SHIN TU 'BAR MA, ,RAL PA'I KHROD NA 'OD DPAG MED LAS, ,RTAG PAR SHIN TU 'OD NI MDZAD MA, ,PHYAG 'TSAL BSKAL PA MTHA' MA'I ME LTAR, ,'BAR BA'I PHRENG BA'I DBUS NA GNAS MA, ,G-YAS BRKYANG G-YON BSKUM KUN NAS BSKOR DGAS, ,DGRA YI DPUNG NI RNAM PAR 'JOMS MA, ,PHYAG 'TSAL SA GZHI'I NGOS LA PHYAG GI ,MTHIL GYIS BSNUN CING ZHABS KYIS BRDUNG MA, ,KHRO GNYER CAN MDZAD YI GE H'Um GIS, ,RIM PA BDUN PO RNAMS NI 'GEMS MA, ,PHYAG 'TSAL BDE MA DGE MA ZHI MA, ,MYA NGAN 'DAS ZHI SPYOD YUL NYID MA, ,SV'AH'A AOm DANG YANG DAG LDAN PAS, ,SDIG
, ,PA CHEN PO 'JOMS PA NYID MA, ,PHYAG 'TSAL KUN NAS BSKOR RAB DGA' BA'I, ,DGRA YI LUS NI RAB TU 'GEMS MA, ,YI GE BCU PA'I DAG NI BKOD PA'I, ,RIG PA H'Um LAS SGRON MA NYID MA, ,PHYAG 'TSAL TU RE'I ZHABS NI BRDABS PAS, ,H'Um GI RNAM PA'I SA BON NYID MA, ,RI RAB MAN D'A RA DANG 'BIGS BYED, ,'JIG RTEN GSUM RNAMS G-YO BA NYID MA, ,PHYAG 'TSAL LHA YI MTSO YI RNAM PA'I, ,RI DVAGS RTAGS CAN PHYAG NA BSNAMS MA, ,T'A RA GNYIS BRJOD PHAt KYI YI GES, ,DUG RNAMS MA LUS PAR NI SEL MA, ,PHYAG 'TSAL LHA YI TSOGS RNAMS RGYAL PO,, LHA DANG MI 'AM CI YIS BSTEN MA, ,KUN NAS GO CHA DGA' BA'I BRJID KYIS, ,RTZOD DANG RMI LAM NGAN PA SEL MA, ,PHYAG 'TSAL NYI MA ZLA BA RGYAS PA'I, ,SPYAN GNYIS PO LA 'OD RAB GSAL MA, ,HAR GNYIS BRJOD TU TAT'A RA YIS, ,SHIN TU DRAG PO'I RIMS NAD SEL MA, ,PHYAG 'TSAL DE NYID GSUM RNAMS BKOD PAS, ,ZHI BA'I MTHU DANG YANG DAG LDAN MA, ,GDON DANG RO LANGS GNOD SBYIN TSOGS RNAMS; ;'JOMS PA TU RE RAB MCHOG NYID MA, ,RTZA BA'I SNGAGS KYI BSTOD PA 'DI DANG, ,PHYAG 'TSAL BA NI NYI SHU RTZA GCIG, ,,LHA MO LA GUS YANG DAG LNGA NI PA'I; ;BLO LDAN GANG GIS RAB DAD BRJOD PAS, ,SROD DANG THO RANGS LANGS PAR BYAS NAS, ,DRAN PAS MI 'JIGS THAMS CAD RAB STER, ,SDIG PA THAMS CAD RAB TU ZHI
BA, ,NGAN 'GRO THAMS CAD 'JOMS PA NYID DO, ,RGYAL BA BYE BA PHRAG BDUN RNAMS KYIS, ,MYUR DU DBANG NI BSKUR BAR 'GYUR LA, ,'DI LAS CHE BA NYID NI 'THOB CING, ,SANGS RGYAS GO 'PHANG MTHAR THUG DER 'GRO, ,DE YI DUG NI DRAG PO CHEN PO, ,BRTAN GNAS PA'AM GZHAN YANG 'GRO BA, ,ZOS PA DANG NI 'THUNGS PA NYID KYANG, ,DRAN PAS RAB TU SEL BA NYID THOB; ;GDON DANG RIMS DANG DUG GIS GZIR BA'I, ,SDUG BSNGAL TSOGS NI RNAM PAR SPANG STE, ,SEMS CAN GZHAN PA RNAMS LA YANG NGO, ,GNYIS GSUM BDUN DU MNGON PAR BRJOD NA, ,BU 'DOD PAS NI BU THOB 'GYUR ZHING, ,NOR 'DOD PAS NI NOR RNAMS NYID 'THOB, ,'DOD PA THAMS CAD THOB PAR 'GYUR TE, ,BGEGS RNAMS MED CING SO SOR 'JOMS 'GYUR, ,SANGS RGYAS DANG, ,BYANG CHUB SEMS DPA' THAMS CAD KYIS GSUNGS PA BCOM LDAN 'DAS MA 'PHAGS MA LHA MO SGROL MA LA YANG DAG PAR RDZOGS PA'I SANGS RGYAS KYIS BSTOD PA PHYAG 'TSAL BA NYI SHU RTZA GCIG GIS BSTOD PA SGROL MA LAS SNA TSOGS BSTAN PA'I RGYUD LAS BYUNG BA RDZOGS SO,,