, ,RGYA GAR SKAD DU, SVA RO DA YA K'A LA YU GA PHA LA AU PA DE SHA ,BOD SKAD DU, DBYANGS 'CHAR BA'I DUS SBYOR GYI 'BRAS BU NYE BAR MKHO BA, A'A RYA MANYDZU SHRI YE NA MA:, LUG GI DUS SBYOR SHAR MA THAG TU, DGRA DANG 'THAB PA DANG DBANG BSKUR BA DANG, 'THAB RTZOD KYI LAS DANG, KHAMS LA SOGS PA LA SPA BA DANG, ,RANG DANG GZHAN 'BREL PAR BYED PA LA SOGS PA'I LAS BYA'O, ,GLANG GI DUS SBYOR SHAR BA DANG, BAG MA DANG, BRTAG PA'I LAS BYA'O, ,KHANG PA'I BYA BA DANG, RANG GI GNAS SU GZHUG PA DANG, GZHON NU MA'I GOS DANG, RGYAN LA SOGS PA BYA BA DANG, SBYIN PA'I LAS DANG, ZHING NYO BA DANG, ZHING LAS BYA'O, ,'KHRIG PA'I DUS SBYOR SHAR BA DANG, SGYU RTZAL GYI LAS DANG BZO DANG RGYAN LA SOGS PA DANG, GZHAN GYI DUS SBYOR DU BSHAD PA THAMS CAD KYANG BYA'O, ,KARKA tA'I DUS SBYOR BA BAB PA NA, RDZING BU DANG, KHRON PA'I LAS DANG, CHU BSGYUR BA DANG, RGYAS PA'I LAS DANG, GRUB PA'I LAS DANG, MTHAR THON PA'I LAS RNAMS BYA'O, ,SENG GE'I DUS SBYOR SHAR BA'I DUS SU, TSONG BYA BA DANG, SHES PAR BYA BA'I LAS DANG, TSONG PHRAN DANG, HE HA LAS DANG, MI'I BDAG POR DBANG BSKUR BA'I LAS DANG, GZHAN DANG MTHUN PAR BYA BA DANG, LUG GI DUS SBYOR DU BSHAD PA THAMS CAD KYANG BYA'O, ,BU MO'I DUS SBYOR LA SMAN GYI LAS DANG, ZAS SBYOR DANG, BZO BYA BA DANG, BRTAN PA DANG, G-YO BA'I LAS DANG, RGYAS PA'I LAS THAMS CAD BYA'O, ,SRANG GI DUS SBYOR SHAR BA'I TSE, SO NAM BYA BA DANG, TSONG DANG BRTAN PA'I LAS DANG, SGYU 'PHRUL DANG, SRANG LA SOGS PA LA GZHAL BA'I LAS BYA'O, ,SDIG PA SHAR BA'I DUS SBYOR LA, 'BEBS PA'I LAS DANG, DRAG PO'I LAS DANG, KHRAG GI LAS DANG, RGYAL PO BSNYEN BKUR BYA BA DANG, DBANG BSKUR BYA BA DANG, DPA' BO'I MTSON CHA BYA BA'I LAS DANG, BRTAN PA'I BYA BA RTZOM PA DAG BYA'O, ,GZHU'I DUS SBYOR SHAR DUS SU, GZHAN DU SOG PA DANG, RGYAS PA'I LAS DANG, BAG MA'I LAS DANG, PHYUGS KYI 'DUL SBYANG BYA BA DANG, YONGS SU BZUNG BA DANG, NAD ZAD PAR BYED PA LA SOGS
BA BYA'O, ,G-YO BA'I LAS DAG BYA'O, ,CHU SRIN GYI DUS SBYOR LA, ZHING LAS DANG, BRTAN PA BRTZAL BA'I LAS DANG, CHU'I LAS DANG, RGYU 'GRUL BYA BA DANG, BCINGS BA BKROL BA DANG, CHU BRTOL BAR BYA BA DANG, G-YOG MO GZHUG PA DANG, RKANG PA'I LAS DANG, RNGA MO'I LAS DAG BYA'O, ,BUM PA'I DUS SBYOR SHAR BA DANG, GRU BA'I LAS THAMS CAD DANG, CHU SBYIN PA DANG, BRTAN PA'I LAS DANG, SA BON BSDU BA'I LAS RNAMS BYA'O, ,NYA YI DUS SBYOR SHAR BA DANG, RIG PA RTZOM PA DANG, RGYAN 'DOGS PA DANG, BZO'I LAS DANG, SO NAM BYA BA DANG, PHYUGS KYI LAS DANG, SGYU 'PHRUL BYA BA DANG, BZA' BA DANG, BAG MA DANG, CHOS SLOB PA LA SOGS PA MKHAS PA'I LAS BYA'O, ,'PHO BA YANG DE DANG 'DRA BAR SHES PAR BYA'O, ,DUS SBYOR BRTAG PA RDZOGS SO,, ,,RGYA GAR GYI MKHAN PO SHR'I DZA YA A'A NANDA DANG, CHAG LO TZ'A BA DGE SLONG CHOS RJE DPAL GYIS BSGYUR BA'O,, ,,