,,RGYA GAR SKAD DU, A'ARYA AA TZA LA KALPA TANTRA R'A DZA, BOD SKAD DU, 'PHAGS PA MI G-YO BA'I RTOG PA'I RGYUD KYI RGYAL PO, DPAL NGAG GI DBANG PHYUG RGYAL PO LA PHYAG 'TSAL LO, ,'DI SKAD BDAG GIS THOS PA DUS GCIG NA; DE NAS YANG DE'I TSE BCOM LDAN 'DAS THUB PA CHEN POS, BDUD THAMS CAD ZIL GYIS GNON PA RDO RJE ZHES BYA BA'I TING NGE 'DZIN LA SNYOMS PAR ZHUGS NAS NYID KYI SKU DANG, GSUNG DANG, THUGS RDO RJE LAS SNGAGS KYI RGYAL PO 'DI PHYUNG NGO, ,AOm A'A:H'Um, DE GSUNGS MA THAG TU TSANGS PA DANG, ,KHYAB 'JUG DANG, DBANG PHYUG CHEN PO DANG, BRGYA BYIN DANG, GZHON NU DANG, BHRIm GI RI TI DANG, TSOGS KYI BDAG PO DANG, BHEE BA SA TA DANG, DGA' BYED DBANG PHYUG DANG, NAG PO CHEN PO DANG, SRING MO CHEN MO 'PHROG BYED MA DANG,,
, ,NYI MA DANG, ZLA BA DANG, MIG DMAR DANG, LHAG PA DANG, PHUR BU DANG, SPEN PA DANG, PA BA SANGS DANG, SGRA GCAN DANG, RGYU SKAR NYI SHU RTZA BRGYAD DANG; GNOD SBYIN DANG ,SRIN PO DANG, CHU LHA DANG, GSHIN RJE DANG, ME LHA DANG, RLUNG GI LHA DANG, SA'I LHA MO DANG, DGA' BO DANG, NYE DGA' BO DANG, 'JOG PO DANG, MTHA' YAS DANG, DUNG SKYONG DANG, RIGS LDAN DANG, PADMA DANG, PADMA DANG, PADMA CHEN PO DANG, SRIN PO'I BDAG PO LANG+GA MGRIN BCU DANG, LHA'I BU DRUG KHRIL LA SOGS PAS STENG DANG, SA BLA DANG; SA 'OG PA THAMS CAD SKAD CIG DE NYID LA DPAL 'BYUNG BA'I MCHOD RTEN GYI SPO DE LA 'KHOD DO, ,DE'I TSE 'JIG RTEN GSUM GYI BDUD THAMS CAD DER LHAGS NAS BYANG CHUB CHEN PO'I BAR DU GCOD PAR RTZOM MO, ,DE RNAMS KYI THAL MO SBYAR TE MGRIN GCIG TU 'DI SKAD CES GSOL TO, ,KYEE, BCOM LDAN 'DAS, STON PA BDE BAR GSHEGS PA, BYANG CHUB KYI BAR DU GCOD PA'I BDUD KYI RIGS 'DI RNAMS ZHI BA DANG, MED PAR MDZAD DU GSOL ZHES PA DANG, DE NAS BCOM LDAN 'DAS BDUD THAMS CAD LAS MCHOG TU RGYAL BA ZHES BYA BA'I TING NGE 'DZIN LA SNYOMS PAR ZHUGS NAS GSANG SNGAGS 'DI NYID SKU DANG, GSUNG DANG, THUGS RDO RJE LAS PHYUNG NGO, ,H'Um
H'Um H'Um ZHES BRJOD MA THAG TU NYID KYI MDUN DU KHRO BO CHEN PO MI G-YO BA SKU MDOG MTHING NAG TU 'DUG PA, ZHAL STONG PHRAG STONG HA HAR BZHAD PA, ZHABS STONG PHRAG STONG BRKYANG BSKUM GYI TSUL DU BZHUGS PA, PHYAG STONG PHRAG STONG DU GDUG PA'I MTSON CHA RAL GRI DANG, RAL GRI KYOG PO DANG, CHU GRI DANG, GRI GUG DANG, SPU GRI DANG, KHA t'VAm GA DANG, RTZE GSUM PA DANG, RTZE DGU PA DANG, MDUNG DANG, 'PHEN MDUNG DANG, LDONG MDUNG DANG, MDA' DANG, MDA' STE'U KHA DANG, MDA' RTZE LNGA PA DANG, MDA' KHA BRAG PA DANG, RDO RJE RTZE GCIG PA DANG; RTZE GSUM PA DANG, RTZE DGU PA DANG, RTZE MO BCU GSUM PA DANG, STA RE DANG, DGRA STA DANG, STA LEB DANG, SO STA DANG, 'PHEN STA DANG, BZHIR STA DANG, DBYUG PA DANG, THO BA DANG; GTUN SHING DANG, 'KHOR LO DANG, PHUB DANG, MGO BO DANG, BING TI PA LA DANG, GZHU DANG, GZHU MNYEN DANG, THOD PA DANG, THOD TSAL DANG, GRI ZLUM DANG, GRI RINGS DANG, GRI LCAGS KYO DANG, ZHAGS PA DANG, RNGA YAB DANG, BA DAN DANG, ME'I PHUNG PO DANG, CHU'I SKYOGS DANG, BRAG DANG, THOD PA KHRAG GIS GANG BA DANG, PHUR PA DANG, THOD PA'I PHRENG BA DANG, ZHING DBYUG DANG, ME RI DANG, SO'I PHRENG BA DANG, DRIL BU DANG, JENG DANG, PI WANG DANG, GLING BU DANG, RDZA RNGA DANG, PA tA HA DANG, RNGA ZLUM DANG, RKED NYAG DANG, DUNG DANG, BSIL PHRENG DANG,
, ,LAG PA DANG, RKANG PA DANG, KHAB DANG, GSIL BYED DANG, NAM MKHA' LDING DANG, SBRUL ZHAGS LA SOGS PA'I MTSON CHA DU MA BZUNG NAS PHYAG LHAG MA RNAMS G-YAS NA RAL GRI PHYAR NAS G-YON PA SDIGS MDZUB PHYAR BAR MDZAD DO, ,ZHAL STONG PHRAG STONG LA 'DZUM PA DANG, BZHAD PA DANG, HA HA ZHES SGROGS PA DANG, MCHE BA GTZIGS PA DANG, SO 'DAR BA DANG, GYEN DU GDANGS PA DANG, KHRAG LDAN PA DANG, RNGAM PA DANG, ZHI BAR YANG MDZAD DO ZHAL GYI KHA DOG KYANG THA DAD DO, ,DBU SKRA NAG PO DANG, SER PO DANG, DMAR PO LA SOGS PA THA DAD DO, ,SKU STOD LA GLANG PO CHE'I KO BA GYON NAS SKU SMAD KYANG STAG GI PAGS PAS DKRIS SHING PHYAG DANG, ZHAL DANG, ZHABS KYI BYE BRAG GI RGYAN YANG THA DAD DO, ,RIN PO CHE DU MA DANG, RUS PA'I PHRENG BA DANG, SBRUL GYI CHUN PO DANG, MI MGO'I PHRENG BA DANG, MI'I PAGS PA DANG, SENG+GE'I PAGS PA DANG, MA HE'I PAGS PA LA SOGS PA THA DAD DO, ,ZHAL RE RE LA SPYAN GSUM DANG, GNYIS GNYIS DANG, RE RE'O, ,DE NAS BCOM LDAN 'DAS KYIS KHRO BO CHEN PO MI G-YO BA DE LA 'DI SKAD DU BKA' BSGO'O, ,AOm KYE MI G-YO BA, KHRO BO DRAG PO, 'JIGS BYED CHEN PO, GTUM PO CHEN PO, DPA' BO CHEN PO, BDUD KYI TSOGS THAMS CAD SONG
CIG ;CHINGS SHIG ,GTOGS SHIG ,RGYOB SHIG ,PHROL CIG ,BTUBS SHIG ,DRIL CIG ,PHUL CIG ,NON CIG ,GZIR CIG ,PHUG CIG ,TSOS SHIG ,SREGS SHIG ,PHYE MAR GYIS SHIG ,MED PAR GYIS SHIG ,KHOS SHIG ,SDOMS SHIG ,ZO ZHIG, 'THUNGS SHIG ,SDIGS SHIG ,H'Um H'Um H'Um DZA DZA DZA HAm LAm TRAm PHAt, CES GSUNGS PA DANG, KHRO BO'I RGYAL PO DE KHROS NAS H'Um ZHES BRJOD PAS ZHAL GSUM PHYAG DRUG PAR BYAS TE KLU'I TSOGS THAMS CAD MA LUS PAR ZAS TE, PHAt CES BRJOD NAS ZHAL BZHI PHYAG BZHI ZHABS KYANG BZHIR BYAS NAS LHA MA YIN THAMS CAD MED PAR BYAS SO, ,ZHAL GCIG PHYAG GNYIS PA DRANG SRONG KHROS PA'I DBYIBS LTAR BYAS NAS LHA'I GDON THAMS CAD PHAM PAR BYAS TE TSOGS KYI BDAG PO GDAN DU BYAS SO, ,GZHON NU'I CHA BYAD DU BYAS NAS PUS MO G-YAS PA'I LHA'I BU'I BDUD PHAM PAR BYAS SO, ,G-YON PAS LA BTZUGS NAS BI NA YA KA MED PAR BYAS SO, ,DE NAS YANG DAG BSHAD BYA BA, ,LHA LA SOGS PA RNAMS SDANG ZHING, ,KHROS NAS GDUG PA RNAM 'JIGS BYED, ,SNA TSOGS RAB MANG SBYOR MDZAD BA'O, ,CHOS RNAMS GANG GIS CIR MA MTHONG, ,LUS DANG SEMS DANG NGAG RNAMS DAG ,KUN RDZOB STONG PA RNAM DAG NAS, ,MI GNAS SNA TSOGS ZUNG 'JUG BDE,,
, ,'PHAGS PA MI G-YO BA'I RTOG PA'I RGYUD KYI RGYAL PO LAS, SPRUL PA RNAM PAR DAG PA'I LE'U STE DANG PO'O,, ,,DE NAS YANG DAG BSHAD BYA BA, ,BDE BAR GSHEGS RNAMS 'DUS PA'I SKU, ,SNA TSOGS LUS CAN 'JIGS PA'I GZUGS, ,NAM MKHA' GANG BA'I BSAM GTAN BYA, ,SKAD CIG BSAM GTAN MNGON RDZOGS SHING, ,SKAD CIG YI GE RNAM DGOD BYED, ,SKAD CIG LA NI GSANG SNGAGS 'DON, ,'JIGS GZUGS SKAD CIG SPRUL PA 'GYED, ,TSAR GCOD ZIL GYIS GNON MDZAD PHYIR, ,SKAD CIG KHROS SPYAN NAG PO 'BAR, ,MKHA' LA GZIGS PAS LHA RNAMS SKRAG ,SA LA GZIGS PAS KLU RNAMS SKRAG ,RGYAL BA SRAS DANG BCAS RNAMS DANG, ,BLA MA LA YANG PHYAG 'TSAL ZHING, ,RTAG TU MCHOD DE DGA' CHEN BSKYED, ,LUS NGAG YID KYI SDIG BRAL GANG, ,DKON MCHOG GSUM MCHOD BDE DON GNYER, ,SANGS RGYAS BZHUGS SHING CHOS GSUNGS PA'I, ,SMON LAM DAG PA'I BLO BSKYED BYA, ,BYANG CHUB SEMS KYANG BSKYED BYA ZHING, ,DGE BA'I PHUNG PO DUS GSUM DU, ,GZHAN GYI DON DU BSNGO BAR BYA, ,BYAMS ZHING SNYING RJE BSAM PAR BYA, ,DGA' BA'I DGE LA YID KYIS DMIGS, ,NAM MKHA' CHE MTSUNGS BLO YIS NI, ,BTANG
SNYOMS CHEN PO BSGOM PAR BYA, ,DE LTAR DAD LDAN BRTZON 'GRUS CAN, ,G-YO SGYU BRAL ZHING BLA MA BKUR, ,SNYING BRTZA LE LO MED PA YI, ,SRID PA'I SRED PA SPONG BYED PA, ,DGA' BA'I TSAL LAM NE'U GSING DANG, ,PHUG GAM LHA KHANG STONG PA'AM, ,SHING DRUNG NAGS DGON LJON RNAMS SU, ,BDE BA'I YID KYIS GNAS PAR BYED, ,DE NAS BCOM LDAN 'DAS THUB PA CHEN PO YONGS SU RDZOGS PA THAMS CAD MKHYEN PA ZHES BYA BA'I TING NGE 'DZIN LA SNYOMS PAR ZHUGS NAS RIG PA 'DI NYID KYI SKU DANG, GSUNG DANG, THUGS RDO RJE LAS PHYUNG NGO, ,NAM MKHA' DBYINGS KYI DBUS GNAS PAR, ,H'Um GI YI GE LAS SKYES PA, ,MI G-YO MGON PO RGYAL PO'I SKUR, ,RNAL 'BYOR DAG PA'I LUS BSGOM BYA, ,ZHAL GCIG PHYAG GNYIS BRJID PA'I SKU, ,LHA DANG LHA MIN BDUD TSOGS RNAMS, ,SHIN TU SKRAG PAR MDZAD PA'I PHYIR, ,G-YAS KYIS RAL GRI MKHA' LA PHYAR, ,G-YON PA SDIGS MDZUB ZHAGS PA 'DZIN,, PAD MA NYI MA'I GDAN LA NI, ,TSOGS KYI BDAG PO'I STENG GNAS PA, ,G-YON BRKYANG GAR BZHUGS STAG SHAM CAN, ,PHU: SGROGS KLU CHEN BRGYAD KYIS BRGYAN, ,DMAR SER GYEN SLA SBYAR RTZA DMAR, ,SPYAN ZLUM KHRO TSUL MCHE BA GTZIGS, ,TSONGS PA LHA DBANG KHYAB 'JUG DANG, ,DBANG PHYUG CHEN SOGS LHA RNAMS DANG, ,LHA MA YIN RNAMS SKRAG PAR
, ,BYED; ;BSKAL PA'I ME 'OD 'BAR DBUS NA, ,KHRO BO DU MA'I TSOGS DANG BCAS, ,BRTAN G-YO KHAMS GSUM MA LUS RNAMS, ,RANG GI SPRUL PAR SHES BYAS NAS, ,DE LTAR GUS BCAS YUN RING DU, ,RGYUN MI 'CHAD PAR GANG BSGOMS PAS, ,LAS DANG NYON MONGS KYIS BSLAD PA'I, ,THA MAL PA YI RNAM RTOG LDOG ,BDAG 'DOD LHA YI RNAL 'BYOR LA, ,SHIN TU YID BRTAN BYED 'GYUR NA, ,RAL GRI LA SOGS GRUB BRGYAD KYI, ,SNOD DU RNAL 'BYOR BA DE 'GYUR, ,DE NAS BCOM LDAN 'DAS THUB PA CHEN POS MI BZAD PA RDO RJE ZHES BYA BA'I TING NGE 'DZIN LA SNYOMS PAR BZHUGS NAS RIG PA 'DI NYID KYI SKU DANG, GSUNG DANG, THUGS RDO RJE LAS PHYUNG NGO, ,NAM MKHA' DBYINGS KYI DBUS GNAS BAR, ,HAm GI YI GE LAS SKYES PAR, ,DRAG CHEN KHRO BO'I RGYAL PO NI, ,SNGO NAG ZHAL GSUM PHYAG DRUG BSGOM, ,RAL GRI CHU GRA STI RE NI, ,G-YAS KYI PHYAG NA RIM BZHIN 'DZIN, ,SDIGS MDZUB 'KHOR LO KHA tV'Am NI, ,G-YON GYI PHYAG NA RIM BZHIN 'DZIN, ,SPYAN GSUM KHRO GNYER GYEN DU BSKYOD, ,DBU SKRA SMA RA GYEN 'GRENG SER, , ROL PA'I KLU YI RGYAN GYIS BRGYAN, ,THOD PA'I PHRENG BA STAG SHAM CAN, ,GLANG CHEN LPAGS BAS STOD G-YOGS BYAS, ,RUS PA'I RGYAN GYIS RAB BRGYAN CING, ,PAD MA NYI MA'I
GDAN DBUS NA, ,G-YON BRKYANG G-YAS BSKUM TSUL DU 'GYING, ,HAm PHEm NAM MKHA'I PHYOGS SGROGS PA, ,BSKAL PA'I ME LTAR GZI BRJID CHE, ,'DI LTAR SKAD CIG DRAN PA 'AM,, MI SHES TZAM GYIS 'DOD PA SGRUB, ,DE NAS BCOM LDAN 'DAS THUB PA CHEN PO 'JIG RTEN DBANG PHYUG RNAM PAR DAG PA ZHES BYA BA'I TING NGE 'DZIN LA SNYOMS PAR ZHUGS SO, ,RIG PA 'DI NYID KYI SKU DANG ,GSUNG DANG, THUGS RDO RJE LAS PHYUNG NGO, ,NAM MKHA' DBYINGS KYI DBUS GNAS PAR, ,MAm LAS SKYES PA'I MI G-YO BA, ,'JIGS BYED CHEN PO BSAM PAR BYA, ,YI DVAGS DROD KYI STENG NA 'GYING, ,ZHAL BZHI PHYAG BZHI ZHABS KYANG BZHI, ,G-YAS PA RAL GRI RDO RJE 'DZIN, ,G-YON PA SDIGS MDZUB THOD KHRAG GO ,ZHABS BZHI BDUD BZHI'I STENG NA 'GYING, ,SNA TSOGS RUS PA'I RGYAN LDAN ZHING, ,STAG GI SHAM THABS RNAM PAR BRGYAN, ,STOD DU NA RA'I LPAGS PAS BRGYAN, ,DMAR SER GYEN SKRA 'JIGS TSUL CHE, ,HA HAR BZHAD CING RTA SKAD 'TSER, ,KHRO BO DU MA'I SPRIN SPRO ZHING, ,ZHAL RNAMS GDANGS PAS MCHE BA GTZIGS, ,SPYAN BCU GNYIS PO RAB TU BGRAD, ,'JIGS PA YANG NI 'JIGS PAR BYED; ;CHAR SPRIN MDOG 'DRA ME CHEN GZI, ,THABS CHEN 'DOD PA'ANG 'DIS RDZOGS BYED, ,DE NAS YANG BCOM LDAN 'DAS THUB PA CHEN PO MI 'GYUR RDO RJE ZHES BYA BA'I TING NGE
, ,'DZIN LA SNYOMS PAR ZHUGS NAS RIG PA 'DI, NYID KYI SKU DANG, GSUNG DANG, THUGS RDO RJE LAS PHYUNG NGO, ,NAM MKHA'I DBYINGS KYI DBUS GNAS PAR, , YI GE H'Um LAS BYUNG BA YI, ,MI G-YO MGON PO GTUM PO CHE, ,BDUD RNAMS SKRAG BYED BSGOM PAR BYA, ,ZHAL GCIG PHYAG GNYIS 'JIGS PA'I SKU, ,PAD DKAR NYI MA'I STENG DKYIL NA; ;PUS MO SA LA BTZUGS NAS BZHUGS, ,PHYAG G-YAS RAL GRI 'DZIN PA STE, ,G-YON PA SDIGS MDZUB ZHAGS PA 'DZIN, ,SPYAN GNYIS DMAR LA ZLUM PA STE, ,GZHON NU KHROS PA'I CHA BYAD CAN, ,RIN CHEN RGYAN GYIS RNAM PAR BRGYAN, ,SBRUL DKAR PO YIS DO SHAL BYAS, ,STAG GI PAGS PA'I SHAM THABS CAN, ,SNA TSOGS KHRO BO RNAM PAR 'PHRO, ,BSKAL PA'I ME YI DBUS NA GNAS, ,GANG GIS NYI MA ZLA BA YI, ,MDUN DU RNAM PAR DRAN BYED NA, ,BDUD RNAMS MA LUS ZAD NAS NI, ,BDE BA CHEN PO'I LUS RNYED 'GYUR, ,AA TA SA YI ME TOG GI ;'OD LDAN BCOM LDAN LHA YIS MCHOD, ,BDAG GI SNYING NGAM SNYING DKYIL BSGOM, ,MYUR DU 'DOD PA RDZOGS PAR BYED, ,DE NAS YANG DAG BSHAD BYA BA, ,ZHAL GCIG PHYAG GNYIS DU BA'I MDOG ,YANG NA SNGON PO BEE d'UR GZI, ,BDUD RNAMS BRLAG PAR MDZAD PA'O, ,G-YON BRKYANG G-YAS BSKUM BZHUGS PA 'AM, ,YANG NA G-YON PA SA LA BTZUGS, ,
THABS TSUL RIN CHEN RGYAN GYIS BRGYAN, ,SDIG PA THAMS CAD ZAD BYED PA, ,BLO GROS PHUNG PO RGYAS PAR BYED, ,DE NAS BCOM LDAN 'DAS THUB PA CHEN PO YONGS SU RGYAS PA DPAL GYI RDO RJE ZHES PA'I TING NGE 'DZIN LA SNYOMS PAR ZHUGS NAS RIG PA 'DI, NYID KYI SKU DANG, GSUNG DANG, THUGS RDO RJE LAS BYUNG NGO, ,DAM TSIG SEMS DPA' LTA BU YI, ,YE SHES SEMS DPA' SNYING GAR BSGOM; ;'OD NI CHER 'BAR DRAG PO'I GZI, ,SHES BYA'I SGRIB LAS RNAM PAR RGYAL, ,DE YI THUGS KAR MTSAN MA STE, ,SA BON RTAG PAR DMIGS PA NI, ,LAS KYI SGRIB PA RNAM DAG RGYU,, LAS KYI LAS RNAMS SGRUB PA'I PHYIR, ,SA BON LAS NI 'OD ZER 'PHROS, ,YE SHES SEMS DPA' BKUG NAS GZHUG ,DES NI MI SHES BAG CHAGS RNAMS, ,BLO LDAN BLO LA 'JOG MI SHES, ,DE BZHIN GSHEGS PA KUN DMIGS NAS, ,SANGS RGYAS RNAMS KYIS DBANG BSKUR 'GYUR, ,SPYI BOR RANG GI RIGS BSAMS NAS, ,RIGS KYI BDAG POS DBU BRGYAN 'GYUR, ,DE LTAR DE LA BRTZON CHEN BYA, ,'DIS NI RGYAL RNAMS MNYES GYUR NAS, ,MYUR DU RGYAL BA NYID THOB 'GYUR, ,'PHAGS PA MI G-YO BA'I RTOG PA'I RGYUD KYI RGYAL PO LAS, LHA 'BYUNG BA'I LE'U STE GNYIS PA'O,, ,,DE NAS YANG DAG BSHAD BYA BA, ,DGE BYED RAS RIS BKRA SHIS KYIS, ,SDIG PA'I DRI MA RNAMS BSAL NAS, ,SGRUB PO RNAMS LA
, ,MCHOD STER BYED, ,GTZANG BYED BRAM ZE LAS RNYED DAM, ,RGYAL PO 'AM BU MO BZANG GI RAS, ,'JAM ZHING 'THAS PAR BRDUNGS BYAS TE, ,'DOD PA BZHIN DU BRI BAR BYA, ,RAMS SAM MIG SMAN KHU BA DANG, ,SMAN GSUM ME TOG GNYIS LDAN PA'I, ,KHU BA SHING SBYIN GSUM SBYAR GNAS, ,GZHAN YANG SNA TSOGS TSON GYIS BRIS, ,DE LAS KHRO BO'I RGYAL PO MI G-YO BA NI ZHAL GCIG PHYAG GNYIS PA STE, G-YAS RAL GRI, G-YON SDIGS MDZUB ZHAGS PA DANG 'BREL BA, KLUS BRGYAN PA, PADMA DANG, NYI MA DANG; TSOGS KYI BDAG PO'I STENG NA G-YON BRKYANG BAS 'GYING ZHING BSKAL PA'I ME'I NANG NA KHRO BO DU MA'I TSOGS 'PHRO BA BRI'O, ,LHA'I DBANG PHYUG MI G-YO MGON PO NI ZHAL GSUM PHYAG DRUG PA ZHAL G-YAS DKAR BA, G-YON DMAR BA, ZHAL RE RE SPYAN GSUM GSUM DANG LDAN PA'O, ,SKRA SER PO GYEN DU BRDZES BA, PHYAG G-YAS GSUM NA RAL GRI DANG, CHU GRI DANG, STA RE BSNAMS PA, G-YON GSUM NA SDIGS MDZUB DANG, 'KHOR LO DANG, KHA tV'Am GA 'DZIN PA, KLUS BRGYAN CING THOD PA'I DO SHAL CAN, STAG GI SHAM THABS DANG, GLANG PO CHE'I STOD G-YOGS DANG, ,THOD PA LNGA'I DBU RGYAN CAN, ,RUS PAS BRGYAN CING PADMA DANG, NYI MA'I STENG NA G-YON BRKYANG ZHING G-YAS BSKUM PA'I TSUL
GYIS 'GYING BA, BSKAL PA'I ME'I GZI MDANGS KYI NANG NAS KHRO BO BCU 'PHRO BA BRI'O, ,LHA MIN RGYAL PO MI G-YO BA NI ZHAL BZHI RE RE LA 'ANG SPYAN GSUM GSUM DANG LDAN PA, PHYAG BZHI'I G-YAS GNYIS NA RAL GRI DANG, RDO RJE, G-YON GNYIS NA SDIGS MDZUB DANG, THOD KHRAG CAN, ,STOD LA MI'I PAGS PA GYON ZHING, STAG GI SHAM THABS CAN, RUS PA DANG, KLUS YAN LAG BRGYAN PA, BSKAL PA'I ME 'BAR ZHING KHRO BO'I TSOGS KYI SPRIN DU MA 'PHRO BA, PADMA LA ZHABS BZHIS BDUD BZHI MNAN CING, ,SKRA SER PO GYEN DU BRDZES PA BRI'O, ,BDUD THAMS CAD 'DUL BA'I MI G-YO BA NI GTUM PO ZHAL GCIG PHYAG GNYIS RAL GRI DANG, ZHAGS PAS 'BREL BA, SKRA NAG PO'AM, SER PO GYEN DU BRDZES PA, RIN PO CHE'I COD PAN DANG, DO SHAL DANG; YAN LAG THAMS CAD BRGYAN CING STAG GI SHAM THABS CAN, SBRUL DKAR POS SE RAL KHAR THOGS PA, BSKAL PA'I TSOGS KYI ME 'BAR BA'I NANG NA KHRO BO DU MA 'KHRUG CING PADMA DANG; NYI MA LA PUS MO G-YAS PA 'THAB STANGS KYI TSUL DU BZHUGS PA 'AM, YANG NA G-YON PA GSHED PO'I TSUL DU BTZUGS SHING LHAG MA NAM MKHA' LA 'GRENG ZHING BTEG PA BRI 'O,, GANG YANG RANG 'DOD PA ZHIG DE LTAR BRIS NAS DE'I MDUN DU RANG NYID KYI 'DRA 'BAG TSON SNA TSOGS KYIS BRIS LA, RI MO MKHAN LA GO BA LEGS PAR BSKYED NAS, MDZES PA G-YON DU
, ,PHUL NAS BKRA SHIS BRJOD NAS, RANG GI GNAS KYI DBEN PA'I PHYOGS SU BZHUGS PA MNGON SUM DU MI G-YO BAR BSGRUBS TE, ME TOG LA SOGS PAS LEGS PAR MCHOD NAS, YE SHES KYI KHRO BO'I RGYAL PO 'ANG DE NYID LA BSTIM PAR BYA'O, ,GANG YANG DNGOS GRUB 'DOD PAS SPOS DANG, ME TOG DANG, SGRON MA DANG, ZHAL ZAS DANG, GOS LA SOGS PAS RGYUN DU MCHOD NA SANGS RGYAS THAMS CAD KYI GSANG SNGAGS 'GRUB PA LA GDON MI ZA'O, ,'DIR SKYE BO 'GA' NI DMAN PA STE, SKUR PA 'DEBS NA SHIN TU YANG LHUNG BAR 'GYUR BA'I PHYIR SKU DBEN PA'I SA PHYOGS SU SBA BAR BYA'O, ,ZHI RGYAS DBANG DANG BSAD PA 'AM, ,RAL GRI LA SOGS BRGYAD RNAMS DANG; ;MCHOG GI SANGS RGYAS THAMS CAD NI, ,RGYAL BA'I GZUGS BRNYAN LAS RNYED 'GYUR, ,'PHAGS PA MI G-YO BA'I RTOG PA'I RGYAL PO LAS, BRIS SKU'I LE'U STE GSUM PA'O,, ,,DE NAS YANG DAG BSHAD BYA BA, ,GSANG BA RNAM PAR DAG BYED CING, ,DNGOS GRUB MYUR PHYIR GSANG SNGAGS RNAMS, ,RIM PA DBYE BA NGO MTSAR NYON, ,BCU BZHI'I DBYANGS LAS YUM GYIS BRGYAN, ,GSAL BYED GNYIS PA'I DANG PO LA, ,GSUM PA'I LNGA PAS NYE BAR BRGYAN, ,GSUM PA'I GSUM PA DER
BZHAG GO ,LNGA PA'I LNGA PA BRGYAD PA LA, ,DBYANGS KYI GNYIS PAS MDZES PAR BYAS, ,ME DANG DBYANGS BCU GSUM PAR 'BREL, ,DROD GNYIS PA DANG DRAG MTHA' 'BREL, ,SUM CU GSUM DANG DBYANGS DRUG 'BREL, ,NYI SHU RTZA LNGA PAS BRGYAN NO, ,NYI SHU GNYIS DANG BCU GCIG 'BREL, ,DE LA NYI ZLAS RNAM BRGYAN PA 'O, ,GSANG SNGAGS RGYAL PO YI GE BCU, , STONG KHRI 'BUM MAM BYE BA BCU, ,SA YA BZLAS KYANG LHA MTHONG 'GYUR, ,SNYING PO SDIG BRAL DGA' BA STE, ,PHYOGS BCU'I SANGS RGYAS KUN GYIS BSNGAGS, ,SDUG BSNGAL ZAD BYED BDE BA CHE; ;SGRUB PA RNAMS LA SKYED BYED PA'I, ,GSANG SNGAGS DRAG PO DRAN BYED NA, ,'JIG RTEN 'DIR YANG TSE RING 'GYUR, ,SANGS RGYAS 'GYUR RO GZHAN CI SMOS, ,AOm SVA BH'A BA SHUDDHA: SARBA DHARM'A: SVA DH'A BA SHUDDHONYAHAm, GZUNG BA DAG PA YE SHES KYI SNGAGS SO, ,AOm SH'U N+YA T'A DZNY'A NA BADZRA SVA BH'A WA A'ATMA KONYAHAm, 'DZIN PA'I SEMS DAG PA YE SHES KYI SNGAGS SO, ,AOm BADZRA SHUDDH'A: SARBA DHARM'A BADZRA SHUDDHO NYAHAm, SKU BRTEN PA RDO RJE YE SHES KYI SNGAGS SO, ,AOm K'A YA B'A KTZITTA BADZRA SVA BH'A WA A'ATMA KONYAHAm, SKU GSUNG THUGS KYI YE SHES KYI SNGAGS SO, ,AOm AA TZA LA TE DZA BADZRA PUshPE, ,DH'U PA, D'I PA, GANDHE, NEE WI DYE, SA PA RI W'A RE BHYA: DZA: H'Um BAm HO: SANTI PAT'A SARBA SATV'A N'A, AI MAm BA LIm GRi HnA KHA KHA KH'A HI KH'A HI BHAKshA BHAKshA NI H'Um PHAt, MCHOD PA DANG, GTOR MA'I
, ,SNGAGS SO, ,ZHO DANG 'O MA 'BRAS CHAN DANG, S'A LU DKAR DANG TIL DKAR DANG, GRO DANG NAS DANG BRA BO DANG, SHING TOG LA SOGS RTAG PAR MCHOD, ,AOm TZAndE MAH'A RO shA nA H'Um MAndAL MA DHE A'A GATZTSA DZA YA SA MA YA STAm, SPYAN DRANG BA'I SNGAGS SO, ,AOm TZAndA MAH'A RO shA nA MA MA SHA TRUm AA MU KAm SYA SHA R'I RAm K'I LA YA H'Um PHAt, KA TI MU TA STAMBHA YA, HRi DE K'I LA YA H'Um PHAt, PA DE K'I LA SV'AH'A, PHUR BU GDAB PA'I SNGAGS SO, ,NA MA: SA MANTA K'A YA B'AKTZI TTA BADZR'A n'Am, AOm AA TZA LA K'A MA KA NA TZAndA MAH'A RO shA nA SPHO tA YA H'Um TR'Am MAm HAm, LAS LA BSKUL BA'I SNGAGS SO, ,NA MA: SA MANTA K'A YA B'AKTZITTA, BADZRA n'Am, AOm AA TZA LA K'A NATZAndA TA NA TA NA MAttA MAttA, MO tA MO tA, TAttA TAttA, HA NA HA NA, DA HA DA HA, TIshthA TIshthA, A'A BE SHA YA A'A BE SHA YA, MA H'A MANTRA BHA LA KA ,DHU NA DHU NA, TI NI TI NI, KH'A DA KH'A DA, BIGHNA NA, M'A RA M'A RA, DUshtA NA DUshtA NA, RAKshA H'Am, SARBBA NA, KU RU KU RU, KI RI KI RI, MAH'A BIGH'A BADZRA, SPHO tA YA SPHO tA YA, H'Um H'Um H'Um, TRI PA LINGTA RAm GA NA RAKTA, AOm AOm AOm, H'Um H'Um H'Um, AA TZA LE TE DZA, SPHO tA YA SPHO tA YA, H'Um H'Um, AA MANTI KA KRO DHA MA H'A BA LA, SHRO TR'A YA, MA N'A YA, MANTRA H'Am MAm, SHUDDHA TU MOKshA, DU BYA DU, BADZRA N'A MA T'Am AA PRA TI H'A TE BHYA: DZ'A L'A YA TR'A YA, AA SA HA NA, MAH'A SV'AH'A, LAS THAMS CAD KYI RJES SU 'GRO BA'I
SNGAGS SO, ,NA MA: SA MANTA K'A YA B'AKTZI TTA BADZRA n'Am, AOm TRA TRA AA MO GHA, TZAndA MAH'A RO shA nA, SPHO tA YA H'Um PHAt, TRA M'A YA TRA M'A YA H'Um TRA TA HAm MAm, AOm BA LIm TA TE DZO M'A LI NI SV'AH'A, CHO GA THAMS CAD RJES SU 'GRO BA'I SNGAGS SO, ,NA MA: SA MA NTA K'A YA B'AKTZI TTA BADZRA nAm, AOm AA MO GHA, AE HYE HI, A'A PRA TI HA TE ME AE HYE HI AA TZA LA WA TE DZA, AA NANTA KA NA, TIshthA TIshthA, TZU RU TZU RU, TA tI TA tI, TA tA TA tA, BI GHNAm, GH'A TA YA, M'A RA YA, KH'A DA YA, SPHO tA YA, TRA TA TA STAm, TZA ME NA, AA NU BAN DHA, A'A DZNY'A KU RU, AA SA HA DA, AA NA AA GRA, KA tA KA tA, MA tA MA tA, HAm HAm, AA tI BHA LA, AE HYE HI MAH'A KA RU nA, BI shA nA, NANTA, NANTA, A'A BE SHA YA, A'A BE SHA YA, AA TZA LA TE DZA, SARBA TRA AA NUTTA RE KI TZA TA, TA tA TA tA, DHARMA DHARMA, PHAt PHAt HAm, 'DI NI SRUNG BA DAM PA'I SNGAGS SO, ,KHRO BO'I RGYAL PO MI G-YO BA'I, ,GANG GIS GSANG SNGAGS RNAMS SHES NA, ,YI GE TZAM GYIS BDUD BRLAG BYED, ,MANG DU BRJOD NA SMOS CI DGOS, , 'PHAGS PA MI G-YO BA'I RTOG PA'I RGYUD KYI RGYAL PO LAS, GSANG SNGAGS RNAMS 'BYUNG BA'I LE'U STE BZHI PA'O,, ,,DE NAS YANG DAG BSHAD BYA BA, ,GSANG SNGAGS GRUB PA LAS BYUNG BA'I, ,LAS KYI SBYOR BA'I DBYE BA YIS, ,'DOD RNAMS SHIN TU 'GRUB BYED DE, ,BSAM GTAN RNAM DAG CHOS RNAM DAG ,YE SHES RNAM DAG SKU
, ,RNAM DAG ,RANG 'BYUNG RNAM DAG DON RNAM DAG ,BYA BA RNAM DAG BYED PA DAG ,SGYU MA SGYU MA'I YE SHES CHE, ,SGYU 'PHRUL LTA BU'I 'KHRUL 'KHOR DANG; ;MIG YOR SMIG RGYU'I GZUGS BRNYAN 'BREL, ,SNA TSOGS CHU BUR BZHIN G-YO BA'I, ,GANG GIS BDUD LAS RGYAL BYED PA'I, ,YUNGS KAR RGYAL PO BSGRUB PAR BYA; ;RGYAL GYI SKAR MAR BTZUGS BYAS TE, ,THOD PA DKAR PO DRI CHUS BRA NA, ,'DI NI LAS RNAMS KUN BYA'I PHYIR, ,DUS SU SRUNG ZHING BSKYED BYA STE, ,DUS SU MCHOD DANG GTOR MA BYAS, ,BAR CHAD KUN LAS RNAM RGYAL YIN, ,YANG NA GRO GA 'AM, SPRA TSIL LA SBRUL NAG PO'I GZUGS BYAS NAS GU GUL TSIL CHEN GYIS BDUG CING SNGAGS DRAG TU BRJOD DE, GANG 'DOD PA'I LUS LA BYABS NAS KHRUS BYAS TE RTZVA KU SHA'I CHUN POS 'OG NAS G-YUG CING, N'A GA R'A DZA SA MA YA DUNTI, PHU tA PHU tA PHAt CES BRJOD NA GANG LA KLU GNOD PA DE SOS PAR BYED DO, ,YANG NA GONG DU BSTAN PA'I YUNGS KAR DANG, ,GU GUL GYIS BDUG CING SNGAGS DRAG TU BRJOD NA KLU 'BROS SO, ,SLAR YANG MI LDOG GO ,'BYUNG PO LA SOGS PA'I GDON GYIS ZIN PA LA YUNGS KAR BSKYED PA LA SNGAGS MANG DU BZLAS NAS GTOR NA 'BYER RO, ,BYIS PA GSAR DU BTZAS PA SRUNG BA NI KHAM PHOR RDO RGYUS KYIS
BRIS PA BCANG NGO, ,SPRA TSIL GYI GZUGS SOR BZHI PA'I TSAD DU BYAS PA'I SNYING GAR BSGRUB BYA'I MING DANG BCAS PA'I SNGAGS BCUG LA KHA LA TSER MA BTZUGS NA BSGRUB BYA'I KHA LA TSER MA BTZUGS PAR 'GYUR RO, ,RKANG PA LA BTZUGS NA RENGS SO, ,SNYING LA BTZUGS NA DRAN PA STOR BAR BYED DO, ,MI'I RJE NGAR GYI RUS PA'I PHUR BU 'AM, LCAGS PHUR YAN LAG GANG DANG, GANG LA BTAB PA DE ZHA BA 'AM, RENGS PAR BYED DO, ,DUR KHROD KYI THAL BA LA LAN MANG DU SNGAGS NAS DGRA BO'I SGO 'OG TU BTAB NA 'BYER RO, ,G-YUL DU ZHUGS NAS RAL GRI LA BSNGAGS TE BZUNG NA RGYAL LO, ,GANG LA'ANG GTOR MA'I BYE BRAG GIS 'GRUB NGES SO, ,DUR KHROD DU PHYIN TE SNOD THOD PA LA PAD SNAL DKAR PO'I SDONG BU DANG, , TSIL CHEN GYI MAR ME BYAS LA TSES BRGYAD DAM, BCU BZHI LA SBAR BA'I DU BA MIG LA BYUGS NA GZHAN GYIS MTHONG NA DGA' BAR 'GYUR RO, ,GAL TE NYI MA 'AM, ZLA BA GZAS BZUNG BA'I TSE, MI G-YO MGON PO'I SKU KHAM PA LA BYAS NAS ME TOG SHEL PA LI KA 'AM, DAntOT PA LAS MCHOD CING SNGAGS MTSAN THOG THAG BZLAS PAS TSE LO STONG [?] BO, ,YANG ZLA BA GZAS BZUNG BA'I TSE DUM BU DRUG PA'I THOD PAR KHRAG SNA TSOGS BLUGS TE, MAndAL NAG PO'I THOG TU BZHAG NAS KHA ME LONG GIS BCAD DE, DE'I
, ,STENG DU KHAM PA LAS BYAS PA'I MI G-YO BA BZHAG STE, RANG NYID GCER BU'I LUS MA HE'I RNAM LNGAS BYUGS TE, MTSAN THOG THAG BZLAS NA SRID PA GSUM MTHONG BAR 'GYUR RO, ,YANG NYI MA ZLA BA GZAS BZUNG BA'I TSE MAndAL GRU BZHI PA BYAS NAS GRVA BZHIR RAL GRI BTZUGS LA RANG NYID GCER BU LUS THAMS CAD THAL BAS BYUGS TE MTSAN THOG THAG BZLAS NA SRID PA GSUM GSAL BAR 'GYUR RO, ,GAL TE GTER KHA DBYE BAR 'DOD PAS MI G-YO MGON PO'I SKU KHAM PA LAS BYAS LA, SMAN DRUG LA SOGS PA DRI ZHIM PO THAMS CAD DANG LHAN CIG PA'I RIN PO CHE'I SNOD KHA SBYAR DU BCUG NAS MAndAL DKAR PO'I DBUS SU KHRI'U LA BZHAG NAS, DUS GSUM DU MCHOD CING BSKOR BA BRGYA RTZA BRGYAD BYAS TE GSOL BA GTAB CING AA KA RU LA SOGS PA'I SPOS SREG CING BSTOD PA BYAS NA ZLA BA GSUM GYI RJES SU GTER RNYED NGES SO, ,GAL TE CHAR 'BEBS PAR 'DOD NA KLU YOD PA'I GNAS SU KLU'I DKYIL 'KHOR BYAS TE SBRA TSIL LAM, BAG ZAN LA DGA' BO LA SOGS PA'I GZUGS BYAS TE; KHA DOG THA DAD PAR BYAS NAS MAndAL DER BZHUGS TE DAM TSIG BA BSKYED NAS DBUS SU MI G-YO MGON PO DANG BCAS PA LA YE SHES KYI LHA BCUG
NAS; KA RA DANG, BU RAM DANG, SBRANG DANG, 'O MA LA SOGS PAS MCHOD CING RTZA BA'I SNGAGS 'BRUG LTAR BSGRAGS PAS KLU RNAMS SKRAG NAS CHAR PA'I RGYUN 'BEBS PAR BYED DO; ;GAL TE MI 'BAB NA THOD PA DUM BU GCIG PAR KLU'I GZUGS RNAMS BCUG LA GDUG PA CAN GYI MES BSRES NA CHAR SHING RTA'I PHANG LO TZAM ZHAG BDUN DU 'BENGS PA LA THE TSOM MED DO, ,'PHAGS PA MI G-YO BA'I RTOG PA'I RGYUD KYI RGYAL PO LAS, SBYOR KA PHRA MO'I LE'U STE LNGA PA'O,, ,,DE NAS YANG DAG BSHAD BYA BA, ,BSAM GTAN BRTAN LAS BYUNG BA NI, ,'KHRUL MED NYID DE GNOD RNAMS SEL, ,KHAMS GSUM RGYAL PO CHER NYON CIG ,SPRO BSDU'I RIM PA GOMS GYUR LAS, ,JI SRID 'DOD KYI DUS BAR DU, ,RANG SEMS GNAS NAS BRTAN PAR 'GYUR, ,DNGOS MED DNGOS SOGS MA LUS PA'I, ,RNAM RTOG RAB RIB KUN BSAL NAS, ,NYON MONGS NAD RNAMS MA LUS PA, , BAG CHAGS DANG BCAS GTAN BCOM NAS, ,'PHRAL DU YANG NI BROD KA SKYE, ,SPRO YANG MI DMIGS BSDU MI DMIGS, ,SKYE MED 'GAG MED TING NGE 'DZIN, ,'BYUNG MED 'GRO MED BSAM GTAN LA, ,GNAS NA YE SHES MYUR DU THOB, ,BLA MED YE SHES YON TAN DANG, ,MTHU RNAMS CHE BAR 'GYUR BA NI, ,BLA MA MNYES LAS RNYED 'GYUR BA'I, ,DE NYID BDUD
, ,RTZI BCUD KYIS LEN, ,GUS PAS RTAG PAR NYIN MTSAN DU, ,RGYUN CHAD MED PAR GOMS BYAS NA, ,MYUR DU PHYAG RGYA CHEN PO YI, ,DNGOS GRUB SNOD DU 'GYUR BA YIN, ,'BAD RTZOL BYANG CHUB YAN LAG STE, ,LE LO GNYID DANG G-YENG BA SPANG, ,SNGAGS GSAL DMIGS PA BRTAN GYUR CING, ,BSAM GTAN THON NAS 'KHRUL 'KHOR BRTZAM, ,SKAR MA RGYAL GYI NYIN PAR LA, ,GRO GA'AM YANG NA SHIN SHUN LA, ,GUR GUM GI WANG TZANDAN GYIS, ,RDO RJE RGYA GRAM MU KHYUD BCAS, ,DBUS SU MING DANG SNGAGS SPEL BRI, ,MU KHYUD LA NI RTZA SNGAGS BRI, ,RVA KUN LA NI H'Um DANG MING, ,SPEL TE G-YAS NAS BSKOR LA BRI, ,DKYIL 'KHOR DKAR PO'I DBUS SU NI, ,ME TOG DKAR PO'I STENG GZHAG NAS, ,LHA YI SKUR NI BSKYED BYAS TE, ,STONG RTZA BRGYAD DU BZLAS BYAS NAS, ,GANG ZHIG 'DOD PA'I DPUNG PA 'AM, ,LUS LA BCANGS NA SRUNG BAR BYED, ,KHAM PHOR SAR PA LA RDO RGYUS KYIS BRIS TE SGOR BCANGS NA GSAR DU BTZAS PA'I BYIS PA SRUNG NGO, ,DUR KHROD KYI RAS LA SNGAGS MING DANG BCAS PA BRIS TE SBRA TSIL GYIS GTUMS NAS DUR KHROD KYI BUM PAR BCUG NAS KHA RDO RJE RGYA GRAM GYIS BCAD DE SBAS NA MNGAL SKEMS PAR BYED DO, ,PHYUNG NAS 'O MAS
BGRUS NA SOS SO, ,GAL TE BSAD PAR 'DOD NA DKYIL 'KHOR GRU GSUM NAG POR BYAS PA'I STENG DU KHAM PA LAS BYAS PA'I MI G-YO MGON PO ZHAL GCIG PHYAG BZHI PA, G-YAS PA GNYIS NA RAL GRI DANG RDO RJE, SDIGS MDZUB DANG, THOD KHRAG G-YON NA 'CHANG PA BYAS PA, ,RGYAN THAMS CAD KYIS BRGYAN PA BZHUGS SO, ,DE NAS DRI MA DRUG DANG BAG ZAN LAS BSGRUB BYA'I GZUGS SOR BRGYAD BYAS NAS RDO RJE RGYA GRAM GYI 'KHOR LO GSAD PA'I SHAM BU DANG BCAS PA SNYING GAR BCUG STE, DE'I SKU'I ZHABS SU BZHAG NAS RANG NYID LHA'I TING NGE 'DZIN DANG LDAN PAS ZUR BZHIR MI RUS SAM, SENG LDENG NGAM, LCAGS LAS BYAS PA'I PHUR BU SOR BZHI PA BZHAG PA LA, THUN MTSAMS THAMS CAD DU BTAB PAR SHES PA BRGYAL BAR BSAM MO, ,DE'I 'OD KYIS MDUN GYI PHUR PA MI G-YO BAR BSGOMS PA'I THUGS BSKUL NAS, DE LAS KHRO BO LCAGS KYU DANG, ZHAGS PA THOGS PA GRANGS MED PA SPROS PAS, BSGRUB BYA RLUNG GI 'KHOR LO LA BZHAG NAS 'ONGS PAS SKAD CIG TZAM GYIS PHUNG PO GTOR NAS, SHES PA LING GA LA BSTIM PAR BYA'O, ,DE LTAR ZHAG NYI SHU RTZA GCIG TU BYAS PAS HOM KHUNG DU BSREG PA 'AM, MNAN PA BYAS NA DBANG PHYUG CHEN PO YANG GSOD PAR NGES NA GZHAN LTA SMOS KYANG CI DGOS, YANG NA DHA DUR
, ,DANG; KHYI KHRAG DANG, NYA'I KHRAG GIS 'KHOR LO RAL GRI RTZE MO LTAR RNO BAR BYAS NAS, LTE BA'I DBUS SU GRU GSUM MA'I NANG DU BSGRUB BYA'I MING DANG RGYUD DU BCAS PA BRIS LA, DE ZHAGS PAS BSKOR BAR BYA'O, ,RTZIBS RNAMS SU SNGAGS KYI RKANG PA BRGYAD PA BRI'O, ,MU KHYUD LA MING DANG BCAS PA'I SNYING PO BRI'O, ,DE'I RGYAB KYI MU KHYUD LA LAS THAMS CAD PA BRI'O, ,MU KHYUD GSUM PA LA RDO RJE DANG, RAL GRI SPEL NAS BRI BAR BYA'O, ,DE NAS THOD PA KHA SBYAR GYI NANG DU BCUG NAS, ZHING SKRAS BCINGS TE; BSGRUB BYA DAG ZA BA'I BSAM GTAN DANG LDAN PAS KHRO BO SHIN TU KHROS PAS KHRAG 'DREN PA'I LTA BAS BLTAS NA ZHAG NYI SHU RTZA GCIG GIS GANG LA BYAS PA DE KHRAG TU SKYUGS NAS 'CHI'O, ,DUR KHROD DU SBAS NA MTSON GYI BSKAL PA BABS NAS 'CHI'O, ,SHING GCIG GI RTZAR SBAS NA RENGS SO, ,CHU MDOR SBAS NA 'BYER RO, ,LAM RGYA GRAM DU SBAS NA SMYO'O, ,LHA RTEN ZHABS SU SBAS NA ZHA BOR 'GYUR RO, ,KLU YOD PA'I SAR SBAS NA MDZES ZIN PA LA THE TSOM MED DO, ,RANG NYID KYI NYAL BA'I ZHABS SU SBAS NA 'DOD BA'I BU MO KHUGS SO, ,CI STA RGYAL MTSAN GYI RTZE MO LA BTAGS NA DMAG KYANG RENGS SO, ,DE DAG THAMS CAD LA KHRO BO 'BAR BA DUD PA'I KHA DOG DANG LDAN PA PHYAG BZHI,
ZHABS BZHI, SPYAN GSUM DANG LDAN PAR BLTA'O, ,DUR KHROD KYI RAS LA DMAG DPON GYI MING DANG SPEL BA'I SNGAGS RDO RJE RGYA GRAM GYI LTE BAR BRIS LA MTHA' YI GE LAm BRGYAD KYIS MNAN TE, DE'I PHYI ROL TU DBANG CHEN GYI DKYIL 'KHOR LA RDO RJE RGYA GRAM BRIS LA, DE SPRA TSIL LAS BYAS PA'I TSOGS KYI BDAG PO'I SNYING GAR BCUG NAS GANG 'THAB PA'I MTSAMS SU BZHAG NA DMAG RENGS SO, ,GZHAN YANG GZA' SKAR LA BLTAS TE 'PHYAR RO, ,BSKRAD PAR 'DOD NA GRO GA'AM, RAS LA BYA ROG DANG, 'UG BA'I KHRAG GIS GONG DU GSUNGS PA'I 'KHOR LO BRIS TE, AU TZTSA tA YA SPEL BAR BYA'O, ,CHAR CHE BA'AM, SER BA BCAD PAR 'DOD NA GRO GA LA GUR GUM MAM, GI WANG GIS 'KHOR LO RTZIBS BZHI PA BYAS LA MU KHYUD GSUM PA BYAS TE, RTZIBS BZHI LA SNYING PO'I SNGAGS YI GE H'Um LA BSKOR BA BRIS LA, DBUS KYI LTE BAR YI GE Ksh'Im BRIS TE, DE LA RTZA BA'I SNGAGS G-YON BSKOR DU BRIS NAS, MU KHYUD DANG PO LA LAS THAMS CAD PA'I SNGAGS BRI'O, ,GNYIS PA LA RAL GRI'I PHRENG BA, GSUM PA LA KUN TU ME RI'O, ,DE LTAR DMIGS TE MCHOD NAS RGYAL MTSAN GYI RTZE MO LA BTAGS NA CHAR CHES PA DANG, SER BA CHAD BAR 'GYUR RO, ,YANG GSAD PAR 'DOD PAS KHAM PA'I SPAR BU LA MI G-YO BA'I SNYING PO MTSAL GYIS G-YON SKOR DU BRIS NAS DKYIL
, ,'KHOR GRU GSUM GYI NANG DU GONG DU BSTAN PA'I LING KA'I SNYING GAR MING DANG BCAS PA BCUG NAS GAN RGYAL DU STENG DU KHA GZAR TE, LAS THAMS CAD PA'I SNGAGS BZLAS SHING ZHAG BCU DRUG TU LAS BYA'O, ,DE NAS DUR KHROD KYIS LAS BYAS PA'I MCHOD RTEN KHRU GANG PA NAG PO'I BUM PA'I NANG DU RANG GIS SRUNG BA NYID BCUG NAS; MCHOD RTEN BANG RIM GSUM MAN CHAD STONG PA'I NANG DU TSVA TSVA LNGA BZHAG PAS, GRU GSUM KHA BKAB CING LHO PHYOGS SU BZHAG GO ,DES ZLA BA GNYIS NA 'CHI NGES SO; ;GAL TE GZHAN GYI RIG SNGAGS GCAD PAR 'DOD NA DBANG CHEN GYI DBUS SU TSOGS KYI BDAG PO BRIS TE ZUR THAMS CAD RDO RJE RGYA GRAM GYIS MCHAN PAR BYAS NAS; GRVA THAMS CAD LAM GYIS MTSAN PA STE, RDO RJE PHUR PAS BSGRUB BYA'I LING GA'I STENG DU MNAN NA, ZHAG BDUN GYIS RIGS SNGAGS 'CHAD DO, ,YANG NA H'Um BZHI MGO SPRAD PA'I 'KHRUL 'KHOR RO, ,DA NI TZU TZUN DHA RA'I LPAGS PA LA 'KHRUL 'KHOR RENGS PA'I SBYOR BA DANG BCAS PA 'AM, SPU LA SDONG BU BYAS SHING TSIL LA MAR ME BYAS NAS DU BA DE BZHAR NAS MIG LA BSKUS NA DGRAS MI MTHONG NGO, ,YANG DPRAL BAR THIG LE BYA STE LAG PA LA BSKUS NA GANG LA REG PA DE DBANG DU 'GYUR NGES SO, ,RKANG PA LA BSKUS
NA DPAG TSAD BRGYAR 'GRO NUS SO, ,S'A LU'I PHYE MA LA GZUGS BYAS TE PHYE MA DES BSKUS NA DGRA RENGS PAR BYED DO, ,DUR KHROD KYI THAL BA DANG BCAS PAS DGRA BO'I SGO 'AM, DPUNG LA GTOR NA NAD KYI THEBS SO, ,TZU TZUN DHA RA'I LPAGS PA LA 'KHRUL 'KHOR BRIS NAS DBUGS KYIS BRGYANGS TE SNGAGS STONG BZLAS NA DGRA DE SBOS NAS 'CHI'O, ,DE LA SNGAGS NI, TADYA TH'A, NA MASTU TE, MAH'A GA nA PA TA YE SV'AH'A, AOm GA GA nA AA DHI PA TA YE SV'AH'A, AOm GA nA PA TI PRADZNY'A PA TA YE SV'AH'A, NA MASTU TI MAH'A GA nA PA TA YE SV'AH'A, AOm KA RA KA RA tA, MA tA MA tA, D'A RA D'A RA, BI D'A RA BI D'A RA, HA NA HA NA, GRi HnA GRi HnA, DA DHA BA DA DHA BA, GA RA GA RA, BHAm DZA BHAm DZA, MO HA MO HA, DHE HI DHE HI, DH'A PA YA DH'A PA YA, DHA YA N+YA DH'A YA N+YA, SIDDHAMME PRA YATZTSA, SA MA SA MA SA MA M'A RA YA, MA TZU SMA RA YA, MA PU TRA PA TZA NA SV'AH'A, AOm KU RU KU RU SV'AH'A, AOm TU RU TU RU SV'AH'A, AOm SU RU SU RU SV'AH'A, AOm MU RU MU RU SV'AH'A, AOm SH'ANTI PUshtIm KU RU SV'AH'A, AOm GA TA BRI DHU KRi BI TA TZITTA, MA H'A BI DHA RA GAm GAS TZTSINTI, MAH'A BHA YA, PA RA KRA MA, MA H'A HA STI, MAH'A DHA KRI nI YA, PRA TZITTI Y'A MI SV'AH'A, AOm KU RU KU RU, TZU RU TZU RU, MU RU MU RU, AOm: GA: GA: GA: GA: GA: GA: GA: GA: AOm NA MO NA MA: SV'H'A, BZLAS PA'I SNGAGS, AOm BRTA GA SV'AH'A, ZHES BYA'O, ,GZHAN YANG, TSOGS KYI BDAG PO'I SBYOR BA LAS RLUNG BCING
, ,BAR 'DOD NA, GUR GUM DANG, GI WANG DANG, YUNG BA SER POS RGYAL PO'I RIS LA DBANG CHEN GYI DKYIL 'KHOR GYI DBYIBS KYI STENG DU RI RAB RDO RJE RGYA GRAM GYIS MNAN PA BRIS LA, YAm DANG, LAm RIM PA BZHIN DU BKOD NAS DE'I DBUS SU TSOGS KYI BDAG PO BYI BA LA ZHON PA, KHA DOG GSER BTZO MA LTA BU PHYAG BZHI PA; G-YAS DANG PO NA BGRANG PHRENG, G-YON DANG POR RTZE GSUM, 'OG MA GNYIS KYIS THOD PA BDUD RTZIS BKANG BA 'DZIN PA, SNA NAM MKHA' LA PHYAR NAS BLTA BA BRIS TE, DE'I SNYING GAR ZLA GAM LJANG GU'I STENG DU LAm YAm LAm BRIS LA RNAL 'BYOR PA DBANG CHEN YONGS SU RGYAS PA'I BSAM GTAN DANG LDAN PAS SNGAGS BRGYA RTZA BRGYAD BZLAS NA RLUNG BCING BA'I MCHOG YIN NO, ,YANG THOG GAM SHING GI RTZE MO LA BZHAG NA RLUNG BCING BAR BYED DO, ,DA NI TSOGS KYI BDAG PO YI, ,SNA TSOGS LAS GRUB 'DI BSHAD BYA, , RDO RJE RTZE GSUM GYIS MTSAN PA'I, ,DBANG CHEN NYIS BRTZEGS DBUS SU NI, ,ZHAL GCIG PHYAG BZHI RTZE GSUM DANG, ,BHI TI P'A LA BGRANG PHRENG DANG, ,AA SHO KI NA BZUNG BYAS TE, ,BYI BA'I STENG NA SEMS DPA' YI, ,SKYIL KRUNG GIS BZHUGS KHROS NAS NI, ,SNGON PO RIN CHEN RGYAN GYIS BRGYAN, ,BSAMS LA LA DU LA PHUG DANG, ,'O
MA ZHO DANG SPRANG DKAR DANG, ,MAR DANG CHAN DANG SRAN MA SHA ,BTZOS PA'I SHA DANG SHING THOG RNAMS, ,DUS DANG DUS SU MCHOD BYAS NA, ,GTER RNAMS 'DI YIS STER BAR BYED,, YANG NA BDAG NYID MI G-YO BA, ,ZHAL GSUM PHYAG DRUG KHROS PA'I SKU, ,RAL GRI MDA' DANG RDO RJE G-YAS, ,ZHAGS PA GZHU DANG MDUNG THUNG G-YON, ,KHAMS GSUM GANG BA'I H'Um LAS BSKYED, ,SNA TSOGS MDOG CAN KHRO BO NI, ,DU MA MTSON CHA RNAMS BZUNG BA, ,RANG LAS SPRO ZHING BSDU BYED PA'I, ,MDUN DU TSOGS KYI BDAG PO NI, ,ZHAL GCIG PHYAG GNYIS PADMA LA, ,BZHENGS TE MDA' DANG GZHU 'DZIN PA, ,BSKYED NAS BTZOS PA'I SHAS MCHOD NAS, ,BSNYEN PA STONG BYAS LAS RNAMS 'GRUB, ,YUL GYI TSA DANG SA GSUM LA, ,TSOGS BDAG DE YI GZUGS BYAS NAS, ,GNOD PA'I MING DANG LDAN BCUG NA, ,LO NYES MI NGAS PHYUG NGAS SOGS, ,GANG GI MTSAN NAS BZUNG BA DE, ,GNOD PA KUN LAS SDUNG BAR BYED, ,'PHAGS PA MI G-YO BA'I RTOG PA'I RGYUD KYI RGYAL PO LAS, 'KHRUL 'KHOR GYI LE'U STE DRUG PA'O,, ,,DE NAS YANG DAG BSHAD BYA BA, ,LAS RNAMS GRUB PA'I YAN LAG TU, ,GCES PAR GYUR PA NI SBYIN SREG GO, ,TSAL NI GNYIS TE RTZUB NGOS DANG, ,YID 'ONG RANG GI KHYIM DU SGRUB, ,SA NI LAS KYI DBYE
, ,BAS SHES, ,SKYON DANG BRAL BAS THAB BRTZIG BYA, ,RGYAR SOR TSAD NI NYI SHU BZHI, ,DE YI NGOS LA SOR BCU GNYIS, ,DPANGS NI DE YI RGYA LAS NI, , SOR BZHI CHUNG BAR BSKOR BAR BYA, ,PADMA'I DBYIBS CAN RGYAN BLTAS NAS, ,RAL GRI 'BAR BA DGOD PAR BYA, ,ZUR BZHIR RDO RJE PHYED PA BZHI, ,THAB KHUNG KHA LA RDO RJE YI, , PHRENG BA GSAL POR BSKOR BAR BYA, ,'DI NI PHRIN LAS KUN GYI 'O, ,YANG NA KHRU GANG NANG KHRU GSUM, ,RIM GSUM SUM GNYIS SOR TSAD DO, ,NANG DU RDO RJE RGYA GRAM BRI, ,GSAD PA LA NI SNGAGS PA 'O, ,TIL DANG 'BRAS DANG 'O MA DANG, ,ZHO DANG MAR DANG SBRANG RTZI DANG, ,PA LA SHA DANG PI SHING SOGS, ,ME TOG DKAR PO YOD PA STE, ,DKAR GSUM MNGAR GYIS BSRES PA RNAMS, ,ZHI BA'I LAS LA SHIN TU SHIS, ,S'A LU NAS DANG GRO DANG NI, ,RGYA RTZI CHE DANG NA GU LA, ,SARDZA GU GUL GUR GUM BCAS, ,TZAM PA ZHO GAR NYE'U SHING; ;ME TOG GSER MDOG LA SOGS RNAMS, ,RGYAS BA'I LAS LA SHIN TU SHIS, ,TZANDAN DMAR DANG GUR GUM DANG, ,BRA BO TIL DANG RGYA SRAN DANG, ,KHRE DANG CUNG RTZE SPEL BA DANG; ;BA SER MO YI BDUD RTZI LNGA, ,NA GA KHRO DANG TZANDAN DMAR, ,ME TOG DMAR PO DBANG LA SHIS, ,GSAD LA KHRAG DANG DUG YUNGS KAR, ,TSA GSUM LING KAR BCAS
PA'O; ;GOS DKAR RGYAN YANG DKAR PO STE, ,YO BYAD KUN YANG DKAR BYAS DANG, ,BSAM PA BZANG POS SHAR BLTAS PA, ,'DI NI ZHI BA'I LAS RNAMS 'GRUB, ,RGYAN GOS YO BYAD KUN SER ZHING, ,RGYAS PA'I YID BYAS BYANG DU BLTAS, ,DGA' BA'I DKYIL 'KHOR BSKOR BYAS NA, ,'DIS NI RGYAS PA'I LAS 'GRUB BYED, ,RGYAN DANG GOS DANG YO BYAD KUN, ,KHA DOG DMAR ZHING SNUM GYUR NAS, ,MYOS PA'I YID LTA BUS BLTAS NA, ,DBANG GI LAS RNAMS 'GRUB PAR BYED, ,RGYAN GOS GNAG CING YO BYAD GNAG ,RTZUB PA'I YID BLTAS KHROS PA'I SKAD, ,'BYIN CING LHO YI PHYOGS SU BLTAS, ,DRAG PO'I LAS RNAMS MYUR DU 'GRUB, ,DE LA LAS BYED PA'I DUS SU MI RUS LA BYAS PA'I PHUR PA MI [?] G-YO [?] BAR BSGOMS LA; SNGON DU BSNYEN PA SONG BAS DANG POS KHA, GNYIS PAS SNYING GA ,GSUM PAS LTA BA, BZHI BAS DPUS MO RNAMS SU DAM PAR GDAB BO, ,SBRA TSIL LAM, THAL CHEN NAM, BAG ZAN LA LING KA BYAS LA SKE TSA DANG, RE LCAG DANG, NYA'I RDOG GZHOB RNAMS BRDUNGS LA KHRAG DANG SBYAR NAS GRO GA LA RDO RJE RGYA GRAM BRIS PA'I DKYIL DU MING DANG, SNGAGS SPEL TE BRIS PA'I SNYING GAR BCUG LA, AOm TZAndA MH'A RO shA nA AA MU KA SYA STAm BHA YA, K'I LA YA H'Um PHAt CES GDAB BO, ,BSGRUB BYA'I SHES PA RLUNG GI STENG DU BZHAG LA DBUGS DANG BCAS PA DRANG
, ,NGO; ;GAL TE GSO BAR 'DOD NA PHUR BU DANG, MING BTON TE 'O MA BLUG CING, AOm TZAndA MAH'A RO shA nA CHE GE MO SH'ANTIm KU RU KU RBANTU SV'AH'A, ZHES BRJOD NA ZHAG BDUN NAS SOS PAR 'GYUR RO, ,YANG GSOD PA'I LAS BYA BAR 'DOD NA, H'Um LAS SKYES PA'I MI G-YO BA LONG BA ZHES BYA BA SHIN TU DMAR BA'I MIG GCIG YOD PA, RAL GRI DANG, ZHAGS PA CAN, ,BA DOG LJANG NAG RTZU BA CING 'KHRUG PA, RIN PO CHE'I BRAG PHUG TU GNAS PA LA DUS RTAG PAR RGYUN DU MCHOD NAS GRU GSUM THAMS CAD KYI DBUS SU BSAMS TE SHA DANG, KHRAG DANG, DUG DANG GZUGS BRNYAN RNAMS ZHAL DU BSREGS NA MYUR DU 'CHI'O, ,RENGS PAR 'DOD PAS RNGA MO'I RUS PA LA DZE TA YA DZE TA YA ZHES STONG RTZA BRGYAD DU SREG GO ,LKUGS PAR 'DOD NA RA'I SHA LA BHA TI RA BHA TA RI ZHES KHRI TSO GSUM SREG GO, ,SMYO BAR 'DOD NA KHYI SHA DANG, CHANG DANG, DUG SNA TSOGS PA LA AUTMANDO NMANGA ZHES STONG RTZA BRGYAD SREG GO ,DGRA BO'I MIG LONG BAR 'DOD PAS SKYER PA'I SHING DANG, BONG BU'I RTUG BA LA AA TA KA RA ZHES STONG RTZA BRGYAD DU SREG GO ,SHA LNGA BDUD RTZI LNGA DANG, RNGA MO'I RUS PA LA MO HA YA ZHES STONG RTZA BRGYAD BSREGS NA RMONGS PAR BYED DE, ,YUNG BA DANG, TZANDAN LA DZVA RA DA PA NA YA ZHES BRGYA RTZA BRGYAD BSREGS NA YAMS
'CHAD DO, ,SBAL PA DZI RA DANG, KHYI NAG PO'I SHA LA TZI TI DZVA LA MA PA NA YA STONG BSREGS NA MDZE 'CHAD DO, ,KHU BA DANG, KHRAG DANG, DHA DU RA LA SU TRI TSIN DAM ZHES STONG RTZA BRGYAD BSRAGS NA MNGAL BSKAMS SO, ,GTUM PO DRAG PO'I NGA RGYAL GYIS, ,DUR BA'AM GI WANG NGAM LAN TSVA 'AM, ,RGYA SKYEGS BSREGS NA YAMS NAD DANG, ,'KHRUG DANG 'JIGS DANG 'BYUNG PO LDOG ,ZHO DANG KU MU DA DANG SBRANG, ,BYA RGOD KLAD PA KHVA YI TSIL, ,'DI RNAMS BSREGS NA SMYO NAD DANG, ,LGANG DANG BU MI THON PA SEL, ,KYE, GZHAN YANG SNGAGS KYI RGYAL PO 'DIS, ,SNA TSOGS LAS RNAMS 'GRUB 'GYUR ZHING, ,BRTAN PA CHEN PO'I YE SHES NI, ,'GA' LAS MYUR DU THOB BYED CING, ,G-YO 'DOD SRED LA BLA MA SLU; ;TSIG LA SEMS SHING DON MI TSOL, ,BAG MED G-YENG DANG SER SNA DANG, ,BRKAM CHEN SNYING RJE MED PAS NI, ,BSKAL PA BRGYA DANG STONG PHRAG TU, ,BSGRUBS KYANG NAM YANG MI 'GRUB STE, ,LUS DANG NGAG DANG YID KYI SGO, ,NGAL BA LAS NI GZHAN DU MIN, ,BZA' BTUNG ZHIM PO SNA TSOGS RNAMS, ,RTAG PAR NYIN RE DUS GSUM DU, , GROGS PO KUN LA BYIN PAS KYANG, ,LAN GCIG BLA MA'I MCHOD PA YI, ,BRGYA YI CHAR YANG MI PHOD DO, ,DE NAS DE'I TSE LHA'I DBANG PO DGA' RAB DBANG PHYUG LA SOGS PA
, ,LHA'I BU DRUG KHRIS KHRO BO CHEN PO MI G-YO BA LA BSTOD PA, KYE HO, RTZE BA'I SEMS MNGA' 'ON KYANG 'KHRUGS 'DRA ZHING, ,DGA' ZHING SHIN TU DAG KYANG RA RI SNA TSOGS SPRAS, ,LHA YI KHAMS RNAMS KUN LA RAL GRI PHYAR BA'I TSE, ,LHA MIN TSOGS KUN BRGYAL ZHING RAB TU SKRAG PAR SNANG, ,SRID PA'I NYON MONGS KUN LA BSDIGS PA'I SDIGS MDZUB KYIS, ,BDUD RNAMS BRGYAL ZHING SKRAG NAS SKAD PHYUNG THAG RING 'BROS, ,YI GE PHYED PA AA HE'I KU COS LOG PA'I [?] PHYOGS SKRAG ,CHE BA YI NI SHIN TU CHE GYUR SKU MNGA' KHYOD KYI SKU, ,PHYOGS BCU'I SANGS RGYAS RNAMS KYIS SHIN TU BSNGAGS SHING BSTOD, ,KLU RNAMS KUN 'DUS PAS NI CHA SHAS LUS KYIS PHYOGS PAR BRGYAN, ,LHA DBANG BU MO RNAMS KYIS RIN CHEN SNA TSOGS RGYAN RAB GSOL, ,SPYAN BGRAD LJAGS 'DRIL STAG LPAGS 'DZIN PA KHYOD LA BSTOD, ,BSTOD PA CHEN PO DES BSTOD NAS TSANGS PA CHEN PO LA SOGS LHA TSOGS THAMS CAD BCOM LDAN 'DAS LA MNGON PAR DGA'O, ,'PHAGS PA MI G-YO BA'I RTOG PA'I RGYAL PO LAS, SBYIN SREG GI LE'U STE BDUN PA'O,, ,,'PHAGS PA MI G-YO BA'I RTOG PA'I RGYUD KYI RGYAL PO 'BUM PA LAS, DNGOS
GRUB THAMS CAD YONGS SU 'BYUNG BA ZHES BYA BA'I RTOG PA RDZOGS SO,, ,,PAndI TA AA TU LA DA SA BADZRA DANG, BOD KYI LO TZTSA BA MAR PA BANDE CHOS KYI DBANG PHYUG GRAGS PAS BSGYUR BA'O,,
,RGYA GAR SKAD DU, SHR'I T'A TVA PRA D'I PAm N'A MA MA H'A YO GI N'I TANTRA R'A DZA, BOD SKAD DU, DPAL DE KHO NA NYID KYI SGRON MA ZHES BYA BA RNAL 'BYOR CHEN MO'I RGYUD KYI RGYAL PO,
DPAL RDO RJE SEMS DPA' LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS DE BZHIN GSHEGS PA THAMS CAD KYI SKU DANG, GSUNG DANG, THUGS RDO RJE DPA' BO CHEN PO DANG DPA' MO'I DBANG PHYUG MAS YANG DAG PAR BSKOR NAS SHES RAB KYI BHA GA LA BZHUGS SO, ,DER BCOM LDAN 'DAS MA RDO RJE DBYINGS KYI DBANG PHYUG MAS LEGS DGYES CHEN PO'I ROL PAS SGEG PAS NYE BAR LONGS SPYOD PA DANG, MA MCHU'I BDUD RTZI'I BTUNG BAS BCOM LDAN 'DAS MNYES PAR BYAS TE KHA SBYOR GYI THABS KYI SBYOR BA LAS LANGS NAS RI RAB KYI NYI RDUL GYI GRANGS KYI RNAL 'BYOR MA DANG LHAN CIG PAS LAN GSUM DU BSKOR BA BYAS NAS BCOM LDAN 'DAS KYI ZHABS LA MGO BOS PHYAG 'TSAL TE 'DI SKAD CES GSOL TO, ,BCOM LDAN YE SHES ZLA BAR GRAGS, ,LTE BA'I KU MUD KHA 'BYED PA, ,GANG ZHIG BDAG GI ZHU BA KUN, ,MNGA' BDAG CHEN POS BDAG LA GSUNGS, , DPAL LDAN BLA NA MED PA'I RGYUD, ,RNAL 'BYOR MA ZHES RAB GRAGS PA, ,AE BAm MA YA LA SOGS SGRA'I, ,DON NI JI LTA BUR NI BRJOD, ,BCOM LDAN 'DAS KYIS BKA' STZAL PA, NYON CIG LHA MO SPYAN BZANG RING, ,KHYOD KYIS NGA LA GANG ZHUS PA, ,AE BAm MA YA SOGS SGRA YIS, ,KHAMS GSUM 'GRO DANG MI 'GRO BCAS, ,SHES RAB THABS KYI RANG BZHIN
, ,GYIS; ;THAMS CAD RGYAS BTAB GZHAN GYIS MIN, ,DE KHO NA NYID SGRON MAR GRAGS, ,DRI MED RDZOGS PA'I 'BRAS BU'I GZUGS, ,AE BAm MA YA DE NYID GSUM, ,THOG MAR BDAG BCAS PA DANG NI, ,RANG BZHIN BZHI YI BYE BRAG TU, ,DON DAM BAR NI SHES PAR BYA, ,THOS PA'I DON [?] ZLA BA BDE, ,DE NI NAM MKHA' BZHIN DU MCHOG ,GCIG CES BYA BA GZHAN MCHOG RAB, ,SRID DANG MYA NGAN 'DAS PA SPANGS, ,DUS NI PHYAG RGYA CHEN PO STE, ,BSKYED PA DANG NI RDZOGS DANG BRAL, ,BCOM LDAN 'DAS NI MTHA' ZHES BYA, ,RANG DGA' NYAMS SU MYONG BA'I DNGOS, ,THAMS CAD YE SHES GSUM STONG NYID, ,DE NYID DE NYID KYIS NI SPANGS, ,DE BZHIN GSHEGS PA RNAM 'BYED GRAGS, ,DANG PO'I GNAS NI RAB TU BYED, ,SKU NI DGA' BA'I GZUGS SU GRAGS, ,DBANG PO GNYIS BYUNG DANG BRAL BA, ,GSUNG NI MNGON PAR DGA' ZHES BYA, , DAM TSIG LAS BYUNG GIS NI [?] SPANGS, ,THUGS NI DGA' BRAL DGA' ZHES BYA, ,YE SHES LAS BYUNG BDE DANG BRAL, ,RDO RJE LHAN SKYES ZHES SU BSTAN, ,RANG BZHIN GYIS NI SPANGS PA 'O, ,LHA MO DPAL CHEN NYI MA SKYES, ,ZHU BA DGA' BRAL DANG BRAL LO, ,DPA' MO'I DBANG PHYUG MA BDE RTEN, ,DANG PO'I BDUD RTZI LAS SKYES SO, ,YAN LAG KUN
GYIS YANG DAG BSKOR, ,KHYAB PA SROG GI PADMA BZHIN, ,SHES RAB TSANGS PA'I SGO LNGA'I KHYIM, ,TSANGS PA'I YE SHES 'DZIN PHYIR RO, ,BHA GA DNGOS PO 'JIG PA YIS, ,YANG NA LONGS SPYOD MYONG BAS SO, ,BZHUGS PA RANG GI NGO BO LA, ,GNAS PA YANG NA GSHEGS PA 'O, ,DE LTA BU NI DON DAM PAR, ,'DI SKAD BDAG LA SOGS PAR BSHAD, ,THAMS CAD RNAL 'BYOR RGYUD DU SBAS, ,DE BZHIN RNAL 'BYOR BLA MAR YANG, ,NGES DANG DRAN DON BYE BRAG TU, ,AE BAm MA YA LA SOGS GNAS, ,RGYUD SHES PA YI DON PHYIR TE, ,GNYIS SU DBYE BA'I RGYUD RAB BSTAN, ,'BRAS BU YE SHES CHEN PO'I RO, ,RANG GIS NYAMS MYONG NGO BO NYID, ,RANG RIG NGAG GIS MI RNYED PAS, ,RTOG PA THAMS CAD RNAM PAR SPANGS, ,LHA MOS GSOL BA, BCOM LDAN YE SHES RGYAL PO NYID, ,LOG PA'I YE SHES MUN 'JOMS PA, ,DE NYID NYI SHU GNYIS BDAG NYID, ,GANG ZHIG YE SHES THIG LER GSUNGS, ,DE LA YANG NI NGES BA'I DON, ,MCHOG GI DBANG PHYUG BDAG LA GSUNGS, ,BCOM LDAN 'DAS KYIS BKA' STZAL PA, GANG ZHIG DE NYID NGES DON DU, ,ZHAL BZANG DE NI GSANG BA 'O; ;KHYOD KYI NGOR BYAS BDAG GIS BSHAD, ,DE LTA MIN NA SBAS PA 'O, ,AE BAm RNAM PA'I DBUS SU GANG ZHIG DRUG CU RTZA BZHI'I 'DAB MA'I DBYIBS KYI RTZA'I 'KHOR LO DE NI, RNAM
, ,PA DANG BCAS PA'I RNAM PAR SHES PA'O, ,DE'I NANG DU GANG DU RTZA SUM CU RTZA GNYIS KYI BDAG NYID AUTPA LA'I RNAM PA'I 'KHOR LO DE NI, MTHA' STE, DE LA GANG ZHIG ZUR BRGYAD PA'I RNAM PA'I LTE BA DE NI, SNANG BA'O, ,GANG ZHIG LTE BA'I DBUS YANGS PA DE NI, NAM MKHA'O, ,DER NI LNGA GNYIS NAS BZUNG STE BCO LNGA'I BAR GYI SA'AM; DBANG PHYUG GI MNGA' BDAG BZHUGS SO, ,DER GANG ZHIG DE KHO NA NYID GSUM GYI BDAG NYID DE NI, LAN GSUM 'BAB PA'I PHUNG PO'I RNAM PAR SHES PA SEMS DANG SEMS LAS BYUNG BA DANG MA RIG PA'I GZUGS KYIS GSUM DU DBYE BA ZUR DANG PO LA THUN TSOD GCIG GI BAR DU 'PHAR BA'O, ,GANG ZHIG SROG GI DBYIG PA DE NI, LU GU RGYUD KYI RNAM PA'I MDUD PA SUM CU RTZA GNYIS SU SBOM PA DANG PHRA BA'I THIG LE RO GCIG PA'I GZUGS KYIS DBYIG PA'I BDUD RTZI ZUR GNYIS PA LA THUN TSOD GNYIS KYI BAR DU ZHU BA'O, ,DRUG PO DE NI, BSKYED PA DANG RDZOGS PA'I GRAGS PA DGA' BA DRUG ZUR GSUM PA LA THUN TSOD GSUM GYI BAR DU 'DZAG PA'O, ,GANG ZHIG THIG LE SHAR BA DANG NUB PA DE NI, THIM PA DANG LONGS SPYOD DU GRAGS PA'I SROG DE NI, ZUR BZHI PA LA THUN TSOD BZHI'I BAR DU 'BAR BA'O, ,GANG ZHIG 'PHO BA'I SBYOR BA DE NI, STENG DANG
'OG GI 'DAB MA YOD PAR BYANG CHUB KYI SEMS 'DUS PA'I DBANG NI, ZUR LNGA PA LA THUN TSOD LNGA'I BAR DU ZHU BA'O, ,GANG ZHIG RTZA'I 'KHOR LO 'BYUNG BA DE NI, YAN LAG THAMS CAD LA BDUD RTZI RGYAS PA ZUR DRUG PA LA THUN TSOD DRUG GI BAR DU 'DZAG PA'O, ,GANG ZHIG DBANG GI RIM PA DE NI, GCIG NYID SROG GI KHA RU SROG LA 'BAB PA DANG, 'PHUR PA DANG KHYAB PA DE YANG ZUR BDUN PA LA THUN TSOD BDUN PA'I BAR DU 'BAR BA'O, ,GANG ZHIG SRUNG BA'I 'KHOR LO DE NI, MTHE'U CHUNG GI MDUD PA'I NANG DU BDUD RTZI LA BSKOR BA ZUR BRGYAD PA LA THUN TSOD BRGYAD KYI BAR DU ZHU BA'O, ,DE DAG NI, G-YON DU BSKOR BA'I SROG GI RLUNG LA ZHON PA NYI MA SKYE BA LA MTSAN MO DANG, NYI MO'I BAR DU SUM CU RTZA GNYIS KYI CHA RGYAS PAR 'GYUR RO, ,SUM CU RTZA GNYIS KYI NANG NA BCU DRUG BRAL BA'I MTSAN NYID MI GSAL BA DANG, DGA' BA'I MTSAN NYID BCU DRUG GSAL BA DE'I DON GYI PHYIR DGA' BRAL GYI DGA' BA'I MTSAN NYID A'A LI'I RANG GI NGO BO ZLA BA'O, ,PHYI DANG PHYI'I DON RNAMS KYIS NI, NANG DANG NANG GI DON GNAS PAR SHES PAR BYA'O, ,DE YANG PHYI'I TSES KYI GRANGS KYIS SO, ,NANG SROG GI RLUNG GI GRANGS KYIS SO, ,LHA MOS GSOL PA, SUM CU RTZA GNYIS KYI CHU SKYES KYI AUTPA LA'I RNAM PA LA BDE BA CHEN PO'I KUN TU SPYOD PA
, ,NGES PA'I DON GYIS GNAS PA DE MCHOG GI DBANG PHYUG GI DKA' DRIN BSKYAB TU GSOL, ,BCOM LDAN 'DAS KYIS BKA' STZAL PA, NYON CIG LHA MO SKAL LDAN MO, ,GSANG BA CHEN PO YE SHES MCHOG ,GANG ZHIG SHES PA TZAM GYIS NI, ,THAMS CAD SA YI DBANG PHYUG 'GYUR, ,GANG ZHIG SNYING PO'I SNGAGS NI NYID, ,DE NI BDAG NYID BCU DRUG BDE, ,KUN RDZOB RI BONG CAN GYI 'OD, ,DON DAM PAR NI NAM MKHA' BZHIN, ,GANG ZHIG SKU BRGYAD MCHOG SBYIN NI, ,DE NI MTSAN MO BRGYAD MCHOG GO ,LHA MO YANG NA YE SHES BRGYAD, ,MTSAN MO NYIN MO GNYIS LAS 'BYUNG, ,GANG ZHIG THIM DANG LONGS SPYOD DBANG, ,DE NI NGES PAR BSKYED RIM MO, ,LHA MO BSKYED RIM GSAL BA STE, , RIM LAS BYUNG BA'I BDE BA CHE, ,SKAL LDAN MO GANG YE SHES SKU, ,DE NI RIM SOGS YAN LAG SPANGS, ,YAN LAG BZHIR DBYE DRUG DBYE 'AM, ,BSKYED DANG RDZOGS PA'I RIM PA 'O, ,LHA MO GANG ZHIG GSANG BA'I SGRA, ,DE NI YE SHES GSUM DANG BRAL, ,YANG NA GZHAN MIN BDAG NYID GSUM, ,MTSAMS KYI YE SHES YOD PA'I PHYIR, ,LHA MO GANG ZHIG DAM TSIG NI, ,SRUNG BA LA SOGS NGES PAR RO, ,DE NI BDE BA DBUS GNAS SU, ,GZUNG BYA YANG NA GANG NANG DU, ,GANG ZHIG SBYIN SREG DON DAM PAR, ,DE NI HA ZHES
GLO BUR STE, ,CHAR YANG DBUS YOD THIG LE NI, ,GANG DU SKAD CIG GIS THIM MO, ,GANG ZHIG BSRUB DANG SRUB THABS NI, ,DE NI THOG MA'I DGA' BA SPANGS, ,LHA MO DE BZHIN THA MA'ANG MIN, ,THOG MA THA MA GNYIS DANG BRAL, ,SKAL LDAN MO GANG SNGAGS KYI BZLAS, ,DE NI SRID PA 'DAS BA'I YID, ,MYA NGAN 'DAS PA'I GNAS KYANG MIN, ,GNYIS KYI NGO BO GNYIS DANG BRAL, ,GANG ZHIG GNAS NI BRGYAD DU BSTAN, ,DE NI NYI SKYES MA RGYAS PA, ,GNAS KYI DBANG GIS SHAR BA LA, ,NYE BAS MYUR DU RGYAS PA 'O, ,GANG ZHIG DGA' BA LA SOGS RIM, ,DE NI RIM PA GNYIS SU DBYE, ,RNAM BCAS LAS NI DANG PO BA, ,RNAM BRAL BCU YI DBANG PHYUG GO ,GANG ZHIG DUR KHROD RNAM RTOG BRAL, ,DBUGS DBYUNG LA SOGS RNAM PAR SPANGS, ,BYANG CHUB KYI NI SEMS RO LA, ,RNAM PAR ZHU BA DAM TSIG PHYIR, ,LHA MO GANG ZHIG CHU YI NGOGS, ,DE NI RTOG MED MA YI MTHAR, ,YANG NA DE RU SROG GI RTZA, ,BDE BA'I CHU BO 'BAB [?] PA'I PHYIR, ,GANG ZHIG SNANG BA SOGS YE SHES, ,DE NI DGA' BA DANG LDAN YID, ,SA DANG CHU DANG 'OD KYI GZUGS, ,DE BZHIN RLUNG GI NGO BO DANG, ,GANG ZHIG DNGOS PO RTEN LA SOGS, ,DE NI BDE BA'I DANG POR RI [?] ,RANG GI RNAM PA'I BYE BRAG GAM, ,RNAM PAR DPYOD PAS NGES PAR SPYOD, ,LHA MO GANG ZHIG DUR KHROD BRGYAD, ,DE NI BDE BA LA THIM
, ,ZHES; ;RNAM PAR RTOG PA 'DZIN PA'I SKU, ,DE LA THIM ZHING THIM PA 'O, ,GANG ZHIG SHING LA SOGS PA'I DON, ,DE NI DANG PO'I BDUD RTZI RGYU, ,RTZA DE RTEN PA'I GZUGS SU GRAGS, ,THAMS CAD RNAM PA'I BDE SBYIN MA, ,GANG RLUNG DE NYID SNYING PO'I DON, ,DE NI RIN CHEN GDU BU'I BDE, ,'DZUM PA YIS NI YANG DAG PAR,, PADMA'I ZHAL DE MYONG BA 'O, ,LHA MO GANG ZHIG MDZUB LA SOGS, ,DE NI GYEN DU BZUNG BA'I RLUNG, ,YANG NA RTZA YI KUN SPYOD LAS, ,'GRO BA'I BDUD RTZI 'DZIN PA 'O, ,GANG ZHIG NYER 'GRO'I BSAM GTAN SBYOR, ,DE NI ZLA BA GYEN DU BYED, ,YANG NA TSANGS BZHI RNAM DBYE BYAS, ,RNAM PAR SHES PA LAS GSHEGS GSOL, ,GANG NYID YE SHES THIG LE NI; ;DE NI DRUG BYED GSUM DANG BRAL, ,BCU DANG LNGA YIS RNAMS NI, ,DBANG PHYUG 'PHO MED SKYE MED DO, ,GANG ZHIG BDAG GI RANG NGO MCHOG ,DE NI NGES PAR BZHI PA'I 'BRAS,, YANG NA TOR YA NYAMS SU MYONG, ,'BRAS BU'I SGRAS NI BRJOD PA 'O, ,GANG ZHIG SA YI DBANG BYED PA, ,DE NI DE NYID DRUG RANG BZHIN, ,DE NYID DRUG LAS DE NYID GSUM, ,DE NYID GSUM LAS RANG BZHIN GCIG ,GANG ZHIG DE BZHIN GSHEGS PA'I SKU, ,DE NI MYA NGAN 'DAS MTSAN NYID, ,YANG NA DGA' BA DANG NI BRAL, ,DGA' BRAL DGA' MIN RANG
NGO BO; ;LHA MO GANG ZHIG RGYUD BSTAN PA, ,DE NI BDE BA SHIN TU 'PHEL, ,BDE DANG BRAL BA'I BDE BA NI, ,YANG NA DE NYID RNYED PA 'O, ,GANG ZHIG PHYAG RGYA CHE RANG BZHIN, ,DE NI THIM SOGS YID LAS 'DAS, RANG GIS NYAMS MYONG RANG NGO BO, ,BSAM GTAN 'DZIN PA SPANGS PA 'O, ,GANG ZHIG GSANG BA DON DAM PAR, ,DE NI DGA' BA DGA' DANG BRAL, ,YANG NA NANG GI REG BYA STE; ;REG BYA DANG BRAL RTOG PA MED, ,GANG ZHIG BSKUL BA'I MCHOD PA'I DON, ,DE NI DRI MED BDE BA 'BYUNG, ,'DAS PA LAS NI YANG SKYE BA, ,SKYE BA DE LA 'PHEL BA 'O, ,LHA MO SHES RAB YE SHES GANG, ,DE NI KHA LA SNYING GAR BDE, ,KHA NI RTAG TU SHES RAB YIN, ,SNYING GA YE SHES BRJOD PA 'O, ,GANG ZHIG GSANG BA'I DKYIL 'KHOR 'KHOR, ,DE NI KHU BA 'PHO MED DGE ,YANG NA BDE CHEN RANG NGO BO, ,BDE BA'I RNAM PAR RTOG DANG BRAL, ,LHA MO TSIGS RGYAS GANG ZHIG NI, ,BYA GDONG MA DE KHONG DU CHUD, ,YANG NA TSIGS NI ZHU MED KHU, , DGA' MO RGYAS PA MCHOG YIN NO, ,'BYUNG BA BSRUNG DON GTOR MA GANG, ,DE NI SROG CHAGS BSAD PA 'O, ,BCAD PA DE NI MCHOG GIS GNAS, ,'GRO BA 'GOG PAR BYED PA 'O; ;DE DAG NI, MCHOG GI GSANG BA CHEN PO'I GSANG CHEN BCOM LDAN 'DAS MA BZHI BCU'I BDAG NYID KYI DE KHO NA NYID BDE BA CHEN PO'I RGYAL PO'I BDUD RTZI'I GTER LA
, ,NGES PA'I DON TO, ,LHA MOS GSOL PA, BZHI BCU'I BDAG NYID DE NYID NI, ,SHIN TU REG MED GZUNG BAR DKA', ,SA YI DBANG PHYUG DU TZAM ZHIG ,MCHOG GI DBANG PHYUG GIS MKHYEN LAGS, ,BCOM LDAN 'DAS KYIS BKA' STZAL PA, SNA TSOGS RNYED PA SUM CU DRUG ,BCU GCIG SA YI BDAG PO 'O, ,DGA' BA RNYED PA SUM CU BDUN, ,BCU GNYIS SA YI BDAG POR BRJOD, ,MCHOG DGA' RNYED PA SUM CU BRGYAD, ,DE NI BCU GSUM PA YI SA, ,SUM CU DGU LHAG MTHAR THUG PA; ;SA NI BCU BZHI RNYED PA 'O, ,BZHI BCU DE NI LHAN SKYES SO, ,BCO LNGA RNYED PA'I MNGA' BDAG GO ,GANG ZHIG BCU DRUG PA YI SA, ,BRJOD DU MED PA NAM MKHA' BZHIN, ,DE LA DBANG PHYUG MCHOG GI MKHA', ,THAMS CAD MKHYEN PA RNYED DKA' BA, ,ZAG MED 'PHO MED ZHI BA STE, ,SKYE MED RMAD BYUNG BAS RMAD BYUNG, ,KYE BCOM LDAN 'DAS, SUM CU RTZA GNYIS KYI BDAG NYID BDE BA CHEN PO'I BDUD RTZI'I GTER DE KHO NA NYID DE LA KUN TU SPYOD PA'I DUS NI, GANG LAGS, 'DUS PA NI, CI ZHIG LAGS, NYAMS SU MYONG BA NI, GANG LAGS, BCOM LDAN 'DAS KYIS BKA' STZAL PA, SUM CU RTZA GNYIS KYI BDAG NYID LA SUM CU RTZA GNYIS KYI CHU TSOD KYI BAR DU SROG DANG RTZOL BA'I
RLUNG GNYIS SHAR BA NI, KUN TU SPYOD PA'O, ,RTZOL BA'I RLUNG 'BYUNG BA'I DUS SU GANG ZHIG YAN LAG THAMS CAD LA KHYAB PA'I SROG DE G-YON BSKOR DU 'BYUNG BAS AUTPA LA'I RNAM PA 'DZUM ZHING NANG GI LTE BA'I SNYING PO RTZA BA'I SDONG BUS 'JUG PA'O, ,'JUG PA TZAM GYIS ZUR BRGYAD PA'I NANG NA YOD PA'I BDE BA CHEN PO'I SROG GI RGYAL PO LA GANG ZHIG RO GCIG PA'I MTSAN NYID DE NI, 'DUS PA'O, ,DE'I DUS SU GANG ZHIG BDAG DANG GZHAN GYI BYE BRAG MED PA GNYIS SU MED PA'I SPROS PA DANG BRAL BA'I YE SHES KYIS THAMS CAD GZIGS PA DE NYAMS SU MYONG BA'O, ,LHA MOS GSOL PA, GANG ZHIG NYAMS MYONG LAS RNYED DE, ,MNGA' BDAG DE NI JI LTAR LAGS, ,NYAMS SU MYONG BAS GANG RNYED PA, ,DE NYID MDOR BSDUS BKA' STZOL CIG ,BCOM LDAN 'DAS KYIS BKA' STZAL PA, DRIS PA DE NI RMAD BYUNG MCHOG ,NYON CIG LHA MO SPYAN BZANG RING, ,NYAMS SU MYONG BAS GANG RNYED PA, ,DGA' BA'I DBANG MO DE BRJOD MED, ,BLA MA'I ZHAL NAS NYAMS SU MYONG, ,DBANG BSKUR LAS NI RNYED PA 'O, ,LHA MOS GSOL PA, DBANG BSKUR BA NI DU MA ZHIG , RGYUD RGYUD NANG DU RAB TU GSAL, ,'DI RU BYE BRAG CI 'DRA BA, ,SU LA SBYIN PAR BGYI BA LAGS, ,BCOM LDAN 'DAS KYIS BKA' STZAL PA, DGA' BA'I 'BRAS BU BYE BRAG TU, ,
, ,DBANG NI RE ZHIG BZHI RU DBYE, ,DANG PO DGA' BA DANG LDAN PA, ,LAS DANG PO LA SBYIN PAR BYA, ,GNYIS PA MCHOG DGA' DANG LDAN PA, ,SNANG BA GSUM NI THOB PA LA, ,DGA' BA GSUM PA DANG LDAN PA, ,CHOS KYI SPRIN RNYED NGES PAS SO, ,KUN TU 'OD SA ZHES BYA BA, ,RNYED PA BZHI LA SBYIN PAR BYA, ,LHA MOS GSOL PA, KYE BCOM LDAN 'DAS, SNANG BA LA SOGS PA DANG, CHOS KYI SPRIN DANG KUN TU 'OD RNYED PA LA DE LTA BU'I DBANG GI RIM PA LAGS NA, SA LA SOGS PA MA RNYED PA LA JI LTAR LAGS, BCOM LDAN 'DAS KYIS BKA' STZAL PA, SA LA SOGS PA MA RNYED PA RNAMS LA THOG MAR RANG GRI NGO BOS SO, ,SA LA SOGS PA RNYED PA RNAMS LA MTHAR THUG PA'I RANG GI NGO BOS SO; ;GANG GI PHYIR ZHE NA, DE RNAMS LA BRTZON 'GRUS KYI STOBS KYIS SHIN TU BSOD NAMS KYI BYIN GYI RLABS KYIS BYA BA LA SOGS PA DANG BRAL BA'I YE SHES CHEN PO MTHONG BA TZAM GYIS THOB BO, ,JI LTAR PADMA YONGS SU SMIN PA NYI MA'I 'OD KYIS REG PA TZAM GYIS RGYAS SO, ,MA SMIN PA DE BZHIN DU MA YIN NO, ,LHA MOS GSOL PA, MA SMIN PA RNAMS LA YONGS SU SMIN PA'I DUS GANG LAGS, BCOM LDAN 'DAS KYIS BKA' STZAL PA, SBYIN SOGS BSOD NAMS BSAGS PA YIS, ,MCHOG GI
BLA MAS GTAN LA PHAB, ,SKAL LDAN MO DE SMIN PA'I DUS, ,DE LAS BLA MED BYANG CHUB NI, ,BLA MED GNAS NI THOB PA GANG, ,PHYI NAS CI YANG BSLAB MI DGOS, ,BLA MED YE SHES CHEN PO'I GNAS, ,'BAD MIN DE NI MTHONG BA 'O, ,JI LTAR NYI MA SHAR TZAM GYIS, ,SNA TSOGS GZUGS NI MTHONG BAR 'GYUR, ,DE BZHIN BLA MED 'OD KYIS NI, ,YE SHES CHEN PO MTHONG BAR 'GYUR, ,YE SHES CHEN PO SKU DANG BRAL, ,GNYIS SU MED PA NAM MKHA' BZHIN, ,LUS DANG NGAG DANG YID GZUGS MIN, ,SGRA LA SOGS PA RNAM PAR SPANGS, , DPE MED NAM MKHA' DANG BRAL BA, ,SRID DANG MYA NGAN 'DAS PA SPANGS, ,SBOM DANG PHRA LA SOGS LAS 'DAS, ,CHAR YANG THIG LE DANG BRAL BA, ,TSUL DANG TSUL TZAM MA YIN TE; ;MCHOG DANG GZHAN MCHOG GNAS LAS GROL, ,SKYE BA MED DANG 'CHI MED PA, ,RMAD BYUNG CHEN PO'I 'DU SHES SO, ,LHA MOS GSOL PA, KYE BCOM LDAN 'DAS, YE SHES CHEN PO'I DBANG PHYUG BLA NA MED PA'I YANG DAG PA'I BYANG CHUB RNYED PA LA YE SHES CHEN PO BRJOD DU MED PA'I GNAS GZHAN RNYED PA YOD DAM CI, BCOM LDAN 'DAS KYIS BKA' STZAL PA; GRANGS MED PA'I SANGS RGYAS RNAMS KYI YUM KHYOD CI LA DE LTA BUR 'DRI, BRJOD DU MED PA'I YE SHES CHEN PO KHYOD KYIS CI PHYIR MI SHES, DE LTAR YIN NA BDAG
, ,GI RANG GI NGO BO YANG DAG PAR KHYOD MI SHES SO, ,LHA MOS GSOL PA, KHYOD KYI NGO BO BDAG GIS SHES, ,'ON KYANG BDAG GIS GZHAN ZHIG ZHUS, , SEMS CAN BYANG CHUB LAS GZHAN CI, ,MCHOG GI DBANG PHYUG RNYED PA 'AM, ,BCOM LDAN 'DAS KYIS BKA' STZAL PA, BYANG CHUB RNYED LAS GZHAN CI ZHIG ,ZHAL BZANG MO DE RNYED YOD DAM, ,'ON KYANG DE LA MTHONG BA YOD, ,TSIL LA BDUD RTZI JI BZHIN NO, ,LHA MOS GSOL PA, BCOM LDAN DPA' BO'I DPA' DBANG PHYUG ,RANG BZHIN YE SHES SBYIN PA PO; ;BDAG GIS GZHAN ZHIG ZHU BA BGYID, ,DE LA BKA' DRIN BDAG LA STZOL, ,DBANG GI RIM PA'I YE SHES GANG, ,BZHI PA DE LTAR DE BZHIN NO, ,DE LA RE ZHIG JI BZHIN DON; ;RDO RJE 'DZIN PA BDAG LA GSUNGS, ,BCOM LDAN 'DAS KYIS BKA' STZAL PA, BZHI PA DE NYID NGO BOR GRAGS, ,DE LTAR YE SHES 'DUS SHES SO, ,DE BZHIN YE SHES LAS BYUNG ZHES, ,YE SHES LAS BYUNG LTE BAR BDE, ,LHA MO YE SHES KHA LA YOD, ,YE SHES LAS BYUNG SKE RU STE, ,SKE RU LONGS SPYOD NGO BOR GRAGS, ,SNYING GA RU NI DBANG ZHES BYA, , THIM PA KHA RU SHES BYA STE, ,BSKYED PA'I RIM PA YI NI PHYOGS, ,YANG NI DE BZHIN GYI NI SGRA, ,JI BZHIN SHES RAB LA SNGAR THAL, ,DE LTAR YE SHES LTA BA YIS, ,BKUG NAS RANG GI
KHA LA BKOD, ,RANG GI SNYING GA'I PAD GNAS SU, ,BYAS NAS NYID KYIS NYAMS SU MYONG, ,DE YI SKAD CIG YE SHES BDE, ,SPROS PA DANG BAL RTOG MED PA, ,SEMS KYIS THAMS CAD MTHONG NAS SU; ;NAM MKHA' BZHIN DU BSAM PAR BYA, ,DE YANG BSAM PA BOR NAS SU, ,PHYI NAS BSAM PA CI YANG MED, ,NYID NI BDE CHEN YE SHES TE, ,NAM MKHA' ZLA BA BZHIN DU MTHONG, ,LHA MO DE NI RDZOGS PA'I RIM, ,DON DAM PAR NI SHES PAR BYA, ,LHA MOS GSOL PA, BCOM LDAN YE SHES RIN CHEN NYI, ,'DOD PA THAMS CAD RAB 'GRUB PA, ,SNANG BA BZHI LA GO RIM GNAS, ,MNGA' BDAG CHEN POS BKA' STZOL CIG ,BCOM LDAN 'DAS KYIS BKA' STZAL PA, SNANG BA BZHI LA GO RIM GNAS, ,SEMS DANG SEMS BYUNG 'DU SHES SO, ,DE DAG LAS NI MA RIG 'BYUNG, ,MTSAMS KYI 'DU SHES MTSAN NYID CAN, ,NYIN MO'I RANG BZHIN SEMS LAS 'BYUNG, ,SEMS NI MTSAN MO'I NGO BO NYID, , YANG DAG 'OD NI GSUM DANG BRAL, ,LHAN SKYES [?] YE SHES MTSAN NYID DO, ,GANG TSE TSANGS PA'I TSIGS SU SEMS, ,LHA MO DE TSE NYIN MOR 'GYUR, ,GANG TSE DE LAS SROG 'PHRO BA; ;DE TSE MTSAN MO 'OG NA GNAS, ,STENG YANG MA YIN 'OG MA MIN, ,DE TSE MTSAMS SHES DRAN PAR BYA, ,DE YANG ME YI RANG BZHIN GRAGS, ,NYI MA LA NI SROG 'DZIN MA, ,GANG
, ,GIS NYI MA YOD PA NI, ,SNANG BA LAS NI SHAR DUS 'GYUR, ,SNANG BA ZLA BA ZHES PAR BSTAN, ,YONGS SU ZHU BA'I BDUD RTZI G-YO, ,LHA MO CHEN MO G-YO BA'I PHYIR, ,DGA' BRAL DGA' BAR RAB TU GRAGS, ,GANG DU CHAD PA LAS NI THIM, ,MCHOG GI DGA' BA SHAR BA'I DUS, ,DE NI SNANG BA DANG PO'I DGA', ,DE LAS MCHOG NI GSAL BAR 'GYUR, ,GSANG PHYIR SNANG BA MTSAN PAR GRAGS, ,ZHU MED G-YO MED SKA BA 'O, ,SKA BA LA NI PHRA MO'I DNGOS, ,BDE SBYIN YANG NA KUN SPYOD DO, ,KUN SPYOD LAS NI THOB PA YIN, ,ZHAL BZANG MO NI SNANG BAS SO, ,DE NI MTSAMS ZHES GRAGS PA STE, ,DBUS KYI GNAS SU YOD PA'I PHYIR, ,DBUS KYI GNAS NA YOD PA NA, ,DE PHYIR KUN TU SPYOD BYED PA'O, ,DBUS NI DNGOS PO THAMS CAD LA, ,'DUS PAR BYED PA DRAN PA 'O, ,YANG NA GANG DU MTSAN MO NI, ,MA BYUNG NYI MA NUB PA 'O, ,DE NI DBUS KYI MTSAMS ZHES GRAGS; ;RANG BZHIN DGA' BA SBYIN BYED MA, ,DE NYID SNANG BA THOB PA YIN, ,THAMS CAD SKYE BA'I RGYU YIN NO, ,GANG DU DBUS MTSAMS SKAD CIG GIS, ,BDE BA'I TSOR BA MA SHES NA; ,SKAL LDAN LHA MO DE RU NI, ,DGA' BRAL GSAL BAR 'GYUR BA'O, ,DE YI NYAMS SU MYONG SHES PA, ,SKYON NI CUNG ZAD MI BYED DO, ,MI SHES PAS NI SKAL LDAN MO, ,
RTZA BA DANG BCAS MED PAR BYED, ,RTZA BA SNANG BA ZHES BYAR DRAN, ,KHU BA'I GZUGS NI ZLA BA 'O, ,BDE BA CHEN PO'I BDUD RTZI'I GTER, ,BSRUBS LAS SKYE BA YIN PA'I PHYIR, ,LHA MO ME TOG SNANG BA MCHED, ,DMAR BA'I PHYIR NA NYI MAR BRJOD, ,BDE CHEN RNAM PAR SMIN PA'I PHYIR, ,DMAR BA'I GZUGS NI SNGAR 'GYUR RO, ,'BRAS BU THOB PA'I GRAGS PA STE, ,MTSAN DANG DPE BYAD DANG LDAN NO, ,DNGOS DANG DNGOS MIN BRAL BA'I PHYIR, ,ZHAL BZANG MTSAMS KYI YE SHES SO, ,NYIN MO SNANG BA MCHED 'KHOR GRAGS, ,MTSAN MO SNANG BA MYA NGAN 'DAS; ;SRID DANG MYA NGAN 'DAS BRAL PA, ,MTSAMS NI SNANG BA THOB PA 'O, ,DE LTA BU YI GSANG CHEN MCHOG ,GANG DU YANG NI GSAL MA BYAS, ,SKAL LDAN KHYOD KYI NGOR BYAS PAS, , YE SHES RIN CHEN GSAL BYAS SO, ,LHA MOS GSOL PA, 'BRAS BU DE NYID RIN CHEN GANG, ,MNGA' BDAG DE NI JI LTAR RNYED, ,BCOM LDAN 'DAS KYIS BKA' STZAL PA, 'BRAS BU DE NI RIN CHEN GANG, ,DE NI GNYIS SU DBYE BAR GNAS, ,MCHOG GI DGA' BA'I NGO BO GCIG ,MCHOG GI DGA' BA DANG BRAL BA, ,MCHOG DGA' NGO BOR GRAGS PA NI, ,NYAMS SU MYONG BAS RNYED PA YIN, ,MCHOG GI DGA' BA DANG BRAL BA, ,RANG LAS RAB TU GSAL BAR 'GYUR, ,SKAL LDAN MO GANG NYAMS SU MYONG, ,DE NI RDZOGS PA'I RANG BZHIN NO, ,
, ,NYAMS SU MYONG MIN RDZOGS PA NI, ,GANG DU SUS KYANG MI SHES SO, ,JI LTAR BU MO LANG TSO BAB, ,SKYES BU MED NA NAM YANG MIN, ,LEGS DGYES KYI NI BDE MYONG BA, ,LEGS DGYES DBANG MO MI SHES SO, ,GANG ZHIG BSAM PA LA SOGS KYIS, ,DE NI BSKYED PA'I MTSAN NYID DO, ,BSKYED PA DANG NI RDZOGS BRAL BA, ,DE NI 'BRAS MCHOG RANG BZHIN NO, ,DE RU GANG ZHIG SGOM PA NI, ,PHRA MO'I PHRA MO YANG DAG MCHOG ,GANG GIS BLA NA MED PA RNYED, ,'GRO BA'I MA DE YOD PA MIN, ,BLA NA MED PA'I YE SHES CHE; ;BZHI DANG BRAL BA RTAG TU SHAR, ,RTAG TU SHAR BA LAS GZHAN CI, ,GANG DU YANG NA SGOM YOD DAM, ,GAL TE GANG GIS SGOM PA DE, ,KHYAD PAR CAN DU YONGS MI SKYE; ;MI SKYE'I PHYIR NA BSAM GTAN NGAL, ,GAL TE KHYAD PAR 'ONG 'GYUR NA, ,DE NI DE NYID RANG BZHIN MIN, ,DE NYID MIN PAR THE TSOM MED, ,DE NYID MI SGOM DE NYID NI, ,SU ZHIG DE LA RNYED PAR 'DOD, ,DE NI MKHA' LA RI MO NI, ,MCHOG GI DBANG MO 'BRI BA 'O, ,LHA MOS GSOL PA, GSANG BA CHEN PO'I RGYUD 'DI NI, ,SHES PA DANG NI BSHAD PA SU, , BCOM LDAN 'DAS KYIS BKA' STZAL PA, BYANG PHYOGS SU DPAL RDO RJE'I GNAS AOOdYA NA DU RGYAL PO AINDRA BH'U TI ZHES BYA BAS SHES PA DANG, BSHAD PA DANG, SEMS CAN
LA GSAL BAR BYED DO, ,LHA MOS GSOL PA, KYE BCOM LDAN 'DAS, RGYAL PO CHEN PO AINDRA BH'U TI ZHES BYA BA DE SA DU'I DBANG PHYUG LAGS BKA' STZOL CIG ,BCOM LDAN 'DAS KYIS BKA' STZAL PA, DPAL YE SHES THIG LE'I RGYUD KYI RGYAL PO LAS GANG ZHIG NGAS BSTAN PA'I PHYAG NA RDO RJE'I RGYAL PO DE NYID AINDRA BH'U TI SPRUL PA'I SKU SA BCU'I DBANG PHYUG , YE SHES KYI SKU SA BCU BZHI'I DBANG PHYUG GO ,BCOM LDAN 'DAS KYIS DE SKAD CES BKA' STZAL PA DANG, RI RAB KYI NYI RDUL GYI GRANGS BCOM LDAN 'DAS MA DANG LHAN CIG TU STAN LAS LANGS TE LAN GSUM DU BSKOR BA BYAS NAS ZHABS LA MGO BOS PHYAG 'TSAL TE RANG RANG GI RDZU 'PHRUL GYIS SNA TSOGS PA'I MCHOD PAS MCHOD SBYIN BYAS NAS BSTONG PA, DE KHO NA NYID BDUD RTZI'I RGYA MTSO'I SNYING PO RAB TU MCHOG RGYAL GYUR CIG ,YE SHES NAM MKHA' SKYE MED GZUGS MED BRJOD MED SKU RAB RGYAL GYUR CIG ,DNGOS DANG DNGOS MIN RO GCIG NGO BO'I RMAD BYUNG DE NYID RAB GTER RGYAL GYUR CIG ,STONG NYID STONG PA NYID MIN MCHOG DANG GZHAN MCHOG 'OD KYIS GRUB PA RGYAL GYUR CIG ,DE LTA BU'I BSTOD PA'I RGYAL POS BSTOD NAS 'KHOR THAMS CAD BCOM LDAN 'DAS DANG BCAS BAR MI SNANG BAR GYUR TO, ,DPAL RNAL 'BYOR MA CHEN PO'I RGYUD KYI RGYAL PO'I RGYAL PO MCHOG CHEN PO RMAD DU BYUNG ZHING RMAD DU BYUNG BA DA
, ,KHO NA NYID KYI SGRON MA ZHES BYA BA RDZOGS SO,, ,,RGYA GAR GYI MKHAN PO CHEN PO PRA DZNY'A SHR'I GUPTAS BSGYUR CING ZHUS TE GTAN LA PHAB PA, DUS PHYIS DPAL SA SKYA'I DBEN GNAS SU BSGYUR CING ZHUS TE DAG PAR BYAS SO,