, ,SBOS KYI SBYOR BA RE'U CHAR BYAS PA BZHUGS, *, ,DKON MCHOG GSUM LA PHYAG 'TSAL LO, ,AA KAR PA TRA TU RUS RDO DREGS SPRI YANG GLA SGANG SPRA TSIL BA LE KA, ,PRI KA SHING TSA RGYA SPOS SPANG SPOS TZAN DAN SEN MO THANG CHU KUN TUR RNAMS, ,SBYOR BA SBOS RGYAL GLA RTZI GA PUR DAG GIS GSO ZHING BDUG PA MCHOG GIS BDUG ,ME TOG ZHIM POS BSGO BGYIS DANG DRI SBYAR MCHOG TU 'DI 'GYUR LUS MCHOG MA, ,SHING TSA AA KAR BA TRA PRI KA TU RUS SPANG SPOS RGYA SPOS RDO DREGS DANG, ,KUN DU GAN DHA BA LIG THANG CHU PRI YANG SEN MO CAN DAN GLA SGANG RNAMS, ,GO RIMS BZHIN DU CHA RE BSKYED CING DRI'I SBYOR BA BRGYAD PA PHRAG GNYIS DANG, ,BZHI BA'I SBYOR BA'ANG NYI SHU LAS NI GNYIS KYIS NYUNG BAR GYIS SHIG 'DZANGS MA MO, ,AA KAR KUN TUR TU RUS GAN DHA THANG CHU PRI YANG TZAN DAN GNAS RNAMS SU, ,SUG SMEL PA MU RU RTA BYA KU RE'U MIG TZOR GZHAG BYA ZHING, ,SHING TSA'I GNAS SU GRAN TI BZHAG CING DE YI CHA LAS GSUM DU BSGYUR BYAS TE, ,DE DAG SBYOR BA RE LTAR BYAS PAS KHRUS KYI CHO GA'I SBYOR BA'I RNAM PA YIN, ,SHA TA MA RTAN MUR PI DRI LI NI DE BA N'A GE SAR, ,DRAN TSE'I GNAS SU SENG PHROM HA MAN GSUM BZHAG DRI PHYI'I SBYOR BA YIN, ,SHING TSA TA MAL PRI YANG TZAN DAN RU RTA SENG PHROM DANG NI SHU DAG DANG, ,STHE'U NA CHA DRUG LDAN PA'I RIM PA BA LANG PHRU GU LTA BUR SREG PA YIN, GA BUR SPRANG RTZI KA RA GUR KUM MA TU LUNG GA'I BDUG SPOS SBYOR BA STE, ,RGYA SKYEGS DU RU KA DANG SPRA TSIL SBYAR BA NGAG NI BDUG SPOS RENG BU YIN, ,RU RTA GE SAR SHU TI AA MRA TZO RA DAG DANG SBYAR BA BTUNG BA BSGO BA YIN, ,SPOS RGYAL SHU TI SUG SMEL AA MRA RU RTA SBYAR BA ZHAL LA BSGO BA YIN, ,AA
KAR TZAN DAN STHE'U NA GE SAR MKHAN PA SHU TI AA SMRA RU RTA DANG, ,DU RU KA DANG SBYAR BA TIL MAR DRI ZHIM BSGO BA'I SBYOR BA YIN, ,DE LTAR KHO BOS KHYOD LA PHAN BAR BYA PHYIR SNA TSOGS RNAM PAR BRTAG BYAS PA, ,BDE BAR GSHEGS PA'I PHO BRANG RKYEN DU 'OS PA'I DRI DANG BDUG PA'I SBYOR BA YIN, ,DRI SBYAR BA'I MIG MNGAS RIS KYI SBYOR BA TSIG LE'UR BYAS PA SLOB DPON KLU SGRUB KYIS MDZAD PA RDZOGS SO,,