[DD] #, ,RGYA GAR SKAD DU, PA D'ARTHA TZANDRA KA PRA BH'A BA TI N'A MA AAsht'Am GA HRi DA YA BRiTTI, BOD SKAD DU, YAN LAG BRGYAD PA'I SNYING PO'I RNAM PAR 'GREL PA'I TSIG GI DON GYI ZLA ZER [DD] ZHES BYA BA, DKON MCHOG GSUM LA PHYAG 'TSAL LO, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SMAN GYI BLA BEE d'URYA'I 'OD LA PHYAG 'TSAL LO, ,'PHROG BYED MI ZAD TSIG GI GTER, ,LHA YI LHA DBANG RAB BTUD DE, ,RGYAS BSHAD TSIG DON ZLA BA'I ZER, ,KUN LA PHAN GSAL BDAG GIS NI, ,DPAL LDAN SGRIB MED LHA YIS NI, ,SNYING NI RNAM PAR DRANGS PAS NA, ,BLA MA'I LUNG NI YANG DAG NYID, ,GSAL BAR RTOGS NAS BRTZAM PAR BYA, ,RIG PAS RAB ZAB GRAGS LDAN PA'I, ,DGE BA'I 'O MA'I MTSO LAS SKYES, ,ZLA BA DGA' BA ZLA BA LTAR, ,MA RTOGS TSA BA ZHI BYED YIN, ,'DOD CHAGS LA SOGS MA LUS PA YI NAD, ,RGYUN DU 'BREL BAS LUS KUN MA LUS KHYAB, ,
, ,'DOD DANG GTI MUG KHRO BA SEL BA YI, ,SMAN PA SNGON MED DE LA PHYAG 'TSAL LO, ,ZHES BYA BA LA, BSTAN BCOS RTZOM PAS NI MNGON PAR 'DOD PA'I LHA LA PHYAG BYA DGOS PA'I PHYIR TSIGS SU BCAD PA DANG PO 'DI SMOS PA YIN TE, 'DOD CHAGS LA SOGS PA'I NAD SEL SMAN PA DE LA PHYAG 'TSAL LO ZHES BYA BAR SBYAR RO, ,'DIR 'DOD CHAGS LA SOGS PA NI 'DOD CHAGS DANG ZHE SDANG LA SOGS PA YIN LA, 'DOD CHAGS LA SOGS PA DE NYID NI GNOD CING GZIR BAR BYED PAS NA NAD DE, LUS DANG SEMS GDUNG BAR BYED PA ZHES BYA BA'I DON TO, ,DE YANG GANG GI PHYIR LUS CAN RNAMS SHIN TU GZIR BAR BYED PA YIN LA, DE GANG GIS SEL BAR MDZAD PA'O, ,DE JI LTA BU ZHE NA, RGYUN DU 'BREL BA ZHES BYA BA SMOS TE, RTAG TU RJES SU 'BRANG ZHING DUS THAMS CAD DU KUN TU 'BREL LA LHAN CIG SKYES PA ZHES BYA BA'I DON DE DANG BRAL BA'I 'KHOR BA NI NAM YANG 'BYUNG BAR MI 'GYUR RO; ,LUS KUN KHYAB CES BYA BA NI LUS KYANG YIN LA KUN YANG YIN PAS NA LUS KUN ZHES BYA STE, SKYES BU DANG, PHYUGS DANG, GLANG PO DANG, RTA DANG, BA LANG DANG, BA LANG RGOD DANG, 'BU SRIN DANG, GROG SBUR
LA SOGS PA DANG 'BREL BA'I LUS MA LUS PA DE THAMS CAD LA MCHOG TU KHYAB PAR GNAS PAS NA MA LUS KHYAB CES BYA STE, RTZA BA DANG BCAS SHING SA BON DANG BCAS PA MA LUS PA LA KHYAB BA ZHES BYA BA'I DON TO, ,'DOD DANG GTI MUG KHRO BA SEL, ,ZHES BYA BA LA, 'DOD PA NI YUL RNAMS LA 'DOD CING CHAGS PA LA MNGON PAR ZHEN PA'O, ,GTI MUG NI BYA BA DANG BYA BA MA YIN PA MNGON PAR MA RTOGS SHING MI SHES PA'O, ,KHRO BA NI SEMS KYIS ZHE SDANG ZHING GANG DU YANG MNGON PAR CHAGS PA MED PA STE, GANG DE LTA BU SEL ZHING 'JOMS PAR MDZAD PA'I SMAN PA SNGON MED DE LA PHYAG 'TSAL LO ZHES BYA BA YIN TE, NGO MTSAR DU GYUR CING RMAD DU BYUNG BA'I TSUL CAN GYI SMAN PA SNGON MED DE LA PHYAG 'TSAL ZHING 'DUD PAR NI GANG GI PHYIR SMAN PA 'DI NI LHAN CIG SKYES PA'I TSUL CAN RTAG TU 'BREL LA, KHYAB PAR GNAS PA RTZA BA DANG BCAS PA GSOR MI RUNG BA'I NAD DANG MTSUNGS PA'I RNAM PA CAN, 'JIG PAR MDZAD PA YIN LA, SMAN PA GZHAN DAG NI RIMS LA SOGS PA'I NAD RNAMS MTSAN MA 'DI DAG DANG LDAN NA SEL BAR MI NUS SO, ,YANG NA GANG ZHIG GI SNGON DU GZHAN MED PA GANG YIN PA DE NI SNGON MED CES BYA'O, ,'DI SKAD STON TE, DE NYID NI DE THAMS CAD LAS THOG MAR GYUR PA YIN NO, ,GANG GI PHYIR MNGON PAR 'DOD PA'I LHA LA PHYAG BYA BA SNGON DU 'GRO BAR NI RTZOM PA LA 'JUG PA THAMS CAD RING PO MI THOGS PAR GEGS MED PA NYID DU RDZOGS SHING 'BRAS BU DANG BCAS PAR 'GYUR RO, ,DE'I PHYIR 'DOD PA'I LHA LA PHYAG BYAS NAS, DE'I 'OG TU SMAN DPYAD KYI RGYUD BYED PAS, RGYUD 'DI THAMS CAD RTZOM PA LA 'JUG PA YIN NO, ,DE BZHIN DU 'DIR YANG 'BREL PA LA SOGS PA BZHI BYA DGOS LA, TSIG NI RIM GYIS 'JUG PA YIN PAS; 'DI DAG CIG CAR BRJOD PAR MI NUS SO, ,DE BAS NA DANG POR RE ZHIG 'BREL PA BSHAD PAR BYA'O, ,DE YANG, GANG PHYIR 'BREL PA BRJOD PA YIS, ,NYAN PA PO YI 'JUG PA 'GRUB, ,DE BAS BSTAN BCOS THAMS CAD LA, ,'BREL BA DANG POR BRJOD PAR BYA, ,
, ,ZHES BSHAD PAS NA, 'BREL BA BRJOD DGOS LA, DGOS PA YANG, BSTAN BCOS DAG NI THAMS CAD DANG, ,LAS RNAMS CI YANG RUNG BA YI, ,JI SRID DGOS PA MA SMRAS PA, ,DE SRID DE NI SU ZHIG 'DZIN, ,ZHES BSHAD PA YIN NO, ,DE LA 'DIR 'BREL PA NI THABS NAD KYI MTSAN NYID DANG, THABS LAS BYUNG BA NAD NYE BAR ZHI BA'I TSE'I RIG BYED DE, DE DAG THABS DANG THABS LAS BYUNG BA'I MTSAN NYID DU 'BREL PA NI 'BREL PA'O, ,DGOS PA NI KHAMS DANG RANG BZHIN GYI BYA BA YANG STON PA NI GZHUNG 'DI'I DGOS PA YIN LA; DGOS PA'I DGOS PA NI CHOS DANG, NOR DANG 'DOD PA RDZOGS PA YIN NO, ,DE NAS TSE RING BAR 'DOD PA'I LE'U BSHAD PAR BYA'O, ,ZHES BYA BA LA, 'DIR DE NAS ZHES BYA BA'I SGRA NI BKRA SHIS PA DANG, DBANG DU BYA BA DANG, DE MA THAG PA'I DON GYI DBANG DU BYAS PA YIN TE; DE YANG, YI GE AOm DANG DE NAS SGRA, ,GNYIS PO 'DI DAG SNGON TSANGS PA'I, ,MKHUR TSOS BRTOL TE MNGON PAR BYUNG, ,DES NA 'DI GNYIS BKRA SHIS YIN, ,ZHES SMOS PA YIN LA, BKRA SHIS PA LA SOGS PA NI DE 'DON PAR BYED PA RNAMS LA BAR CHAD MED PAR RAB TU 'JUG CING, MNGON PAR 'DOD PA'I DON BSGRUB PA 'BYUNG BAR 'GYUR BA YIN NO, ,DBANG DU BYA BA NI TSE RING BAR 'DOD PA LA PHAN PA'I BSTAN BCOS KYI DBANG DU BYAS PA YIN TE, GANG 'DI NAS NYE BAR BRTZAMS TE, GZHUNG YONGS SU RDZOGS PA DE DAG THAMS CAD NI TSE RING BAR 'DOD PA RNAMS LA PHAN PA YIN NO, ,DE MA THAG PA YANG LHA LA PHYAG BYAS PA'I RJES THOGS NYID LA TSE RING BAR 'DOD PA RNAMS LA PHAN PAR BSHAD PA YIN NO, ,DE NAS ZHES BYA BA NI RGYU'I DON TE, GANG GI PHYIR 'GAL BA DANG, THE TSOM DANG BCAS PA DANG, DON MED PA DANG, ZLOS PA LA SOGS PA'I NYES PA DANG BCAS PA'I GZHUNG MANG DU YOD PA'AM, 'GRO BA'I KHONGS SU GTOGS PA'I 'JIG RTEN PA RNAMS NAD KYI ZIL GYIS NON PAR MTHONG STE, DE BAS NA TSE LA PHAN PA DANG, NAD MED PA'I 'GRO BA LA PHAN PA BSHAD PAR BYA'O, ,ZHES PA'O, ,TSE ZHES BYA BA NI 'GRO BAS NA TSE
STE; RGYUN MI 'CHAD PAR 'GRO ZHING SKAD CIG KYANG MI SDOD PA'O, ,TSE DE 'DOD PA RNAMS LA PHAN PAS NA TSE RING BAR 'DOD PA'O, ,LE'U ZHES BYA BA LA, SHES PAR BYED PAS NA LE'U STE, DE YANG YI GE BSDUS PA NI NGAG YIN LA, NGAG BSDUS PA NI RAB TU BYED PA'O, ,RAB TU BYED PA BSDUS PA NI LE'U'O, ,BSHAD PAR BYA'O ZHES BYA BA LA, SNA TSOGS SHING DU MAR PHYE BA STE, TSIG DANG, DON DANG, DRIS PA DANG, LAN TE, GZHUNG YONGS SU RDZOGS KYI BAR DU, GANG CUNG ZAD BSHAD PA DE THAMS CAD NI TSE RING BAR 'DOD PA RNAMS LA PHAN PA'I PHYIR BSHAD CING, BSTAN LA RNAM PAR DBYE BAR BYA'O ZHES BYA BA'I BAR DU'O, ,RGYUN SHES KYI BU LA SOGS PA DRANG SRONG CHEN PO RNAMS KYIS 'DI LTAR BSHAD DE ZHES BYA BA LA, RGYUN SHES LAS SKYES BAS NA RGYUN SHES KYI BU STE, 'DIS NI RIGS YONGS SU DAG PAR STON PAR 'GYUR RO, , DE BZHIN DU TSE'I RIG BYED KYI BSTAN BCOS 'DI LUNG GI TSAD MA DANG LDAN PA YANG YIN NO, ,RGYUN SHES KYI BU LA SOGS PA YANG YIN LA, DRANG SRONG CHEN PO YANG YIN PAS NA, RGYUN SHES KYI BU LA SOGS PA'I DRANG SRONG CHEN PO RNAMS TE, 'DIS NI RANG BZO BYAS PA BKAG PA YIN TE; KHO BOS NI RANG DGAR NI CUNG ZAD KYANG SMRA BAR NUS PA MA YIN NO ZHES PA'O, ,'DI LTAR ZHES BYA BA'I SGRA NI 'DI SKAD CES BYA BA'I DON TO, ,BSHAD DE ZHES BYA BA'I SGRA NI SNGON GYI DUS SU SMRA ZHING STON PA ZHES BYA BA'I DON TO, ,TSE NI RING BAR 'DOD PA YIS, ,CHOS DANG NOR DANG BDE BA BSGRUB; ,TSE YI RIG BYED LUNG BSHAD PA, ,RAB TU GUS PAR BYA BAR GYIS, ,ZHES BYA BA LA, CHOS DANG NOR GYI BDE BA TSE 'DOD PA'I SKYES BUS TSE'I RIG BYED BSTAN PA MCHOG TU GUS PAR BYA BA NI, RANG NGAM GZHAN LAS SHES TE BYA'O, ,DE LA TSE ZHES BYA BA NI 'TSO BA STE, LUS DANG DBANG POS SEMS CAN BDAG ,'DUS PA BZHI YIS 'TSO BA STE, ,RTAG PAR 'GRO ZHING RJES 'BREL BA, ,TSE YI RNAM GRANGS YIN PAR BSHAD, ,CES BYA BA YIN LA, TSE DE RIG PAR BYED PAS NA TSE'I RIG BYED DO, ,JI LTA ZHE NA, PHAN PA DANG, PHAN PA MA YIN PA DANG, BDE BA
, ,DANG; SDUG BSNGAL BA DANG, TSAD MA DANG, TSAD MA MA YIN PA NYID LAS SHES SO, ,DE YANG LUNG LAS, PHAN DANG MI PHAN BDE SDUG BSNGAL, ,DE YI TSE YIN PHAN MI PHAN, ,GANG DU TSAD DU BSHAD PA NI, ,TSE YI RIG BYED YIN PAR BSHAD, ,CES SMOS PA YIN NO, ,YANG NA GANG GIS GANG LA TSE YOD PAR 'GYUR BA DE NI TSE'I RIG BYED DE, DE YOD PAR SHES PA THOB CING, RNAM PAR DPYOD PAR 'GYUR RO, ,DE'I LUNG BSHAD PA NI TSE'I RIG BYED STON PAR BYED PA'I BSTAN BCOS TE, DE LTAR NA TSE'I RIG BYED STON PAR BYED PA'I BSTAN BCOS LA RAB TU GUS SHING 'BAD PAS GO BAR GYIS SHIG CES BYA BA'I DON TO, ,DE CI'I PHYIR ZHE NA, TSE DE NI CHOS LA SOGS PA SGRUB PAR BYED PA YIN NO, ,DE LA CHOS ZHES BYA BA NI 'JIG RTEN PA RNAMS 'DZIN CING 'TSO BAR BYED PAS NA CHOS SO, ,BLANG ZHING DON DU GNYER BAR BYA BA YIN PAS NOR RO, ,BDE BA NI SDUG BSNGAL DANG BRAL BA'O, ,DE RNAMS BSGRUB PA NI SGRUB PA'I THABS SU GYUR PA'O, ,DA NI BSTAN BCOS GCIG LAS GCIG TU BRGYUD PA YIN PAR BSTAN PA'I PHYIR, TSANGS PAS TSE YI RIG BYED DRAN, ,SKYE DGU'I BDAG LA BSHAD PA YIN, , DE YIS THA SKAR DES BRGYA BYIN, ,DES RGYUN SHES SOGS DRANG SRONG LA'O, ,DE YIS ME BZHIN 'JUG LA SOGS, ,DE RNAMS KYIS RGYUD SO SOR BYAS, ,ZHES SMOS PA YIN NO, ,DE LA TSANGS PA NI MES PO CHEN PO STE, ,DES NI TSE'I RIG BYED DRAN PA YIN TE, TSE'I RIG BYED NI RTAG PA NYID YIN PA'I PHYIR RO, ,SKYE DGU'I BDAG CES BYA BA NI MYUR BA ZHES BYA BA STE, DE LA BSHAD CING 'DZIN DU BCUG GO, ,DE YIS THA SKAR ZHES BYA BA NI SKYE DGU'I BDAG PO DES LHA'I SMAN PA THA SKAR GYI BU GNYIS LA BSHAD CING 'DZIN DU BCUG GO, ,DES BRGYA BYIN ZHES BYA BA NI THA SKAR GYI BU GNYIS KYIS, BRGYA BYIN MIG STONG LDAN 'DZIN DU BCUG GO, ,DES RGYUN SHES LA SOGS PA DRANG SRONG LA ZHES BYA BA NI, BRGYA BYIN DES RGYUN SHES KYI BU LA SOGS PA'I DRANG SRONG RNAMS 'DZIN DU BCUG STE, RGYUN SHES KYI BU NI NAB SO SKYES SO, ,SOGS PA'I
SGRAS NI THANG LA 'BAR DANG, RKANG GNYIS SPYOD DANG, MU KHYUD DANG, 'DROB SKYONG GI BU LA SOGS PAS GZUNG NGO, ,DE YIS ME BZHIN 'JUG LA SOGS, ,ZHES BYA BA NI, RGYUN SHES KYI BU LA SOGS PA'I DRANG SRONG DE RNAMS KYIS, ,DRANG SRONG ME BZHIN 'JUG LA SOGS PA LA BSHAD DE, SOGS PA'I SGRAS NI DRANG SRONG LUG DANG, RGYA SKYEGS SNA DANG, MDA'I MCHOG DANG, LAN TSVA'I LAG PA ZHES BYA BA'I BAR LA BSHAD CING 'DZIN DU BCUG GO, ,DE RNAMS KYIS RGYUD SO SOR BYAS, ,ZHES BYA BA NI, ME BZHIN 'JUG LA SOGS PA DE RNAMS KYIS KYANG SO SOR ZHES PA RE RES, RGYUD CES PA SMAN DPYAD KYI GZHUNG BYAS SHING RGYA CHER SBYAR BA YIN NO, ,DE YANG GZHUNG 'DIS TSE'I RIG BYED KYI DON 'DZIN CING SDUD PAS NA RGYUD ZHES BYA'O, ,GAL TE DRANG SRONG CHEN PO RNAMS KYIS BYAS PA'I GZHUNG RNAMS YOD BZHIN DU, RGYUD 'DI CI'I PHYIR RTZOM PAR BYED, DE LA 'BAD PA DON MED PA BSKYED PA 'BA' ZHIG TU ZAD DO ZHE NA, DE'I PHYIR SHIN TU 'THOR BA DE RNAMS LAS RIG BYED KYI DON 'DZIN CING SDUD PAS NA RGYUD CES BYA'O, , RAB CES PHAL CHER BSDUS PA NI, ,SHIN TU BSDUS MIN RGYAS MIN PAR, ,YAN LAG BRGYAD PA'I SNYING PO BYAS, ,ZHES BYA BA SMOS PA YIN TE, SHIN TU 'THOR ZHING MA 'DUS LA, TSIG MTHON DMAN CAN GYIS DON PHAN TSUN 'PHYAN PAR 'GYUR BA'I GZHUNG DE RNAMS LAS, SHIN TU ZHES PA PHAL MO CHE MANG DU BSDUS NAS, YAN LAG BRGYAD PA'I SNYING PO NGAS BYAS LA, DE YANG SHIN TU BSDUS PA'AM, SHIN TU RGYAS PA NI MA YIN NO ZHES BYA BA'I DON TO, ,TSIG GI DON NI RNAM PAR 'THOR BA'I TSIG RNAMS LAS BTUS SHING LEGS PAR BSDUS PAS BTUS PA'O, ,DE YANG GCES PA NYID LAS PHAL CHER BTUS PA YIN TE, GZHUNG GZHAN DAG TU GCES PA TZAM ZHIG BSDUS PA YIN LA, 'DI NI RAB TU GCES PA BSDUS PA YIN NO, ,SHIN TU
, ,BSDUS MIN RGYAS MIN PAR, ,ZHES BYA BA LA, BSDUS PA NI GZHUNG NYUNG DU ZHIG SBYAR BA'O, ,RGYAS PA NI GZHUNG MANG PO SBYAR BA YIN NO, ,GANG GI PHYIR SHIN TU BSDUS PA NI BLO DMAN PA RNAMS KYI DON DU MI 'GYUR LA, DE RNAMS NYID LA SHIN TU RGYA CHER BSHAD NA YANG MNYAN PA DANG, GO BA DANG NYAMS SU LEN PAR MI NUS SO, ,DE BAS NA BLO DMAN PA DANG, BAR MA DANG, MCHOG DANG LDAN PA'I SLOB MA RNAMS KYI DON DU RGYUD 'DI BYAS PA YIN NO, ,YAN LAG BRGYAD PA'I SNYING PO ZHES BYA BA NI, YAN LAG BRGYAD PO RNAMS KYI SNYING PO STE, DE NI SNYING DANG 'DRA BAS NA SNYING PO STE, SNYING PO'I SGRA NI GCES PA'I TSIG YIN TE, GCES PAR GYUR PA GTZO BOR BYAS PAS GCES PA'I DON TO, ,YAN LAG BRGYAD PO DE RNAMS KYANG GANG ZHIG YIN ZHE NA, LUS DANG BYIS PA GDON LUS STOD, ,MTSON DANG MCHE BA RGAS RO TZA, ,GSO DPYAD GANG LA GNAS PA YI, ,YAN LAG BRGYAD DU DE BSHAD DO, ,ZHES SMOS PA YIN TE, TSE'I RIG BYED CES BYA BA'I RGYUD DE'I YAN LAG RNAM PA BRGYAD NI LUS KYI YAN LAG GSO BA'I DPYAD GNAS SHING BRTEN PA'I YAN LAG BRGYAD DU DRANG SRONG RNAMS KYIS BSHAD CING BSTAN TO, ,DE LA GSO DPYAD CES BYA BA NI, NAD BSAL ZHING ZHI BAR BYAS NAS, KHAMS MNYAM PAR BYA BA'I DON GYI BYA BA'O, ,DE YANG LUNG LAS, SMAN PA LA SOGS RNAM PA BZHI, ,BSNGAGS PAS KHAMS NI 'GYUR BA LA, ,KHAMS SNYOMS PHYIR NI RAB 'JUG PA, ,GSO DPYAD CES NI BYA BAR BSHAD, ,CES 'BYUNG BA YIN NO, ,DE LA LUS KYI GSO BA NI YAN LAG THAMS CAD LA BRTEN PA'I NAD RIMS DANG, 'KHRU BA DANG, SKRANG PA DANG, KHRAG DANG, MKHRIS PA DANG, MDZE DANG, GCIN RTUG 'GAGS PA LA SOGS PA NYE BAR ZHI BAR BYA BA'I DON TO, ,BYIS PA GSO BA NI GZHON NU GSO BA NA MA'I NU ZHO'I NYES PA
SBYANG BA'I PHYIR TE, GNOD PA BYED PA'I NU ZHO LAS BYUNG BA'I NAD NYE BAR ZHI BAR BYA BA'I DON TO, ,GDON GSO BA NI LHA DANG, LHA MA YIN DANG, DRI ZA DANG, GNOD SBYIN DANG, SRIN PO DANG, YI DVAGS DANG, SHA ZA DANG, KLU LA SOGS PA'I GDON GYIS SEMS ZIN PA LA ZHI BA'I LAS DANG, GTOR MA SBYIN PA LA SOGS PA GDON NYE BAR ZHI BA'I DON DU BYA'O, ,LUS KYI STOD KYI YAN LAG GSO BA NI, NAM TSONG YAN CHAD DU GTOGS PA'I NAD KYI RNAM PAR GYUR PA STE, MIG DANG, RNA BA DANG, SNA DANG, KHA LA SOGS PA'I NAD NYE BAR ZHI BAR BYA BA'I DON DU BYA'O, ,MTSON GYIS SMAS PA GSO BA NI, RTZVA DANG, SHING DANG, RDO DANG, SA RDUL DANG, LCAGS DANG, BONG PA DANG, RUS PA DANG, SKRA DANG, SEN MO SNA TSOGS KYI RNAG 'DZAG PA DANG, RMA MI BZAD PA DANG, NANG DU NUB PA'I ZUG RNGU DBYUNG BA'I DON DU BYA'O, ,MCHE BA'I GSO BA NI, SBRUL DANG SRIN BU LA SOGS PAS ZIN PA BSAL BA DANG, DUG SNA TSOGS KYIS BCOM PA NYE BAR ZHI BA'I PHYIR BYA BA'O, ,RGAS PA LA GSO BA NI LANG TSO LA GNAS PAR BYA BA DANG, TSE DANG BLO 'PHEL BA DANG, NAD NYE BAR ZHI BA'I DON DU BYA'O, ,RO TZA BAR BYA BA'I PHYIR GSO BA NI, KHU BA CHUNG BA DANG, GDUG PA DANG, ZAD PA DANG, BSKAMS PAR GYUR PA RNAMS SA BON 'PHEL ZHING RAB TU DANG BA BSKYED PA'I PHYIR DANG, RAB TU DGA' BA BSKYED PA'I PHYIR BYA BA'O, ,DE LTAR NA YAN LAG RNAM PA BRGYAD DU BSHAD PA YIN NO, ,GANG GI DON DU GSO BAR BYA BA'I NYES PA DE BSTAN PAR BYA BA'I PHYIR, 'DI LTAR, RLUNG DANG MKHRIS PA BAD KAN YANG, ,NYES PA RNAM GSUM MDOR BSDUS YIN, ,ZHES SMRAS PA YIN TE, DE LA DANG POR RLUNG SMOS PA'I RGYU BSHAD BAR BYA STE, KHYAB DANG MYUR DU BYED PHYIR DANG, ,STOBS LDAN GZHAN DAG 'KHRUG BYED CING, ,RANG RGYUD GRUB DANG NAD MANG PHYIR, ,KUN LAS RLUNG NI STOBS LDAN YIN, ,ZHES BSHAD PA YIN NO, ,DE'I 'OG TU NI PHAL CHER RGYU 'DI DAG NYID KYIS MKHRIS PA SMOS PA YIN LA,
, ,DE BZHIN DU BAD KAN NI NUS PA CHUNG BA DANG, NAD NYUNG BA YIN PA'I PHYIR THA MAR BSTAN PA YIN NO, ,YANG ZHES BYA BA'I SGRAS NI, NYES PA GZHAN DAG KYANG YOD PA NYID DU STON PA YIN TE, NYES PA GZHAN DAG NI 'DOD CHAGS DANG, ZHE SDANG DANG GTI MUG GO, LA LA NI KHRAG KYANG YIN NO ZHES ZER RO, ,GNOD CING SUN 'BYIN PAR BYED PAS NA NYES PA'O, ,RNAM GSUM ZHES SMOS PA NI NGES PA'I DON TE, GSUM NYID YOD KYI BZHI PA NI YOD PA MA YIN NO ZHES PA STE, JI LTAR GZHUNG GZHAN LAS BSHAD PA LTA BU'O ZHES NGES PAR BYA BA YIN TE, 'DOD CHAGS DANG, ZHE SDANG DANG, GTI MUG DANG, KHRAG GCIG PUS NAD SKYED PAR NUS PA NI MA MTHONG NGO, ,DE YANG, NYES PA GZHAN LTAR KHRAG DAG NI, ,GZHAN GYI DBANG GIS NYES YOD MIN, ,'DI NI TIL MAR TSIG PA LTAR, ,NAD KYI MING DU BYAS PA YIN, , ZHES BSHAD PA DANG, DE BZHIN DU BSDUS PA LAS KYANG, KHAMS SOGS GNAS PA NYES PA LAS, ,NAD NI GANG ZHIG 'BYUNG 'GYUR BAS, ,NYE BAR GDAGS PA DE BSKYED PAR, ,BSHAD PA TSIG PA'I MAR DANG MTSUNGS, ,ZHES BSHAD PA YIN NO, ,MDOR BSDUS YIN ZHES BYA BA NI BSDUS NAS BSTAN PA'O ZHES BYA BA STE, RGYAS PAR NI RLUNG LA SOGS PA LDAN PA DANG, 'DUS PA DANG, ZAD BYED DANG, MNYAM PA DANG, RNAM PAR 'PHEL BA DANG, DE BZHIN DU SHIN TU SHAS CHE BAR YONGS SU BRTAGS PAS KYANG MTHA' YAS PAR 'GYUR RO, , DE NI RNAM GYUR MA GYUR PAS, ,LUS NI 'JOMS DANG GNAS PA YIN, ,ZHES BYA BA LA, RLUNG LA SOGS PA DE RNAMS RNAM PAR GYUR PA STE, RANG GI RANG BZHIN LAS GZHAN DU GYUR CING G-YOS PAS NI, LUS 'JOMS SHING GNOD PAR BYED LA, MA GYUR CING RANG GI RANG BZHIN DU THA MAL PAR MNYAM PAR GNAS PAS NI, LUS GNAS SHING 'TSO BAR BYED PA YIN NO, ,ZHES BYA BA'I DON TO, ,DES KHYAB GYUR KYANG SNYING GA DANG, ,LTE BA'I 'OG BAR STENG NA GNAS, ,ZHES BYA BA LA, RLUNG LA SOGS PA DE RNAMS KHYAB CING LUS MA LUS PA LA RGYU BAR GYUR
KYANG; GNAS NGES PA YOD PAR SHES PAR BYA STE, DE'I SNYING GA DANG LTE BA'I 'OG BAR STENG NA GNAS ZHES BYA BA YIN NO, ,DE'I DON NI 'DI YIN TE, SNYING GA DANG LTE BA'I 'OG MAN CHOD NI RLUNG GI GNAS YIN NO, ,DE GNYIS KYI BAR NI MKHRIS PA'I GNAS YIN NO, ,DE GNYIS KYI STENG YAN CHOD NI BAD KAN GYI GNAS YIN NO, ,NA TSOD NYIN ZHAG ZAS ZOS LA, ,DE YI MTHA' DBUS SOGS GTOGS RIM, ,ZHES BYA BA NI NYES PA DE RNAMS NA TSOD LA SOGS PA'I MTHA' MA DANG, DBUS LA SOGS PAR GTOGS PA NA RNAM PAR 'PHEL BAR 'GYUR BA YIN NO, , RIM ZHES BYA BA NI GO RIMS JI LTA BAR YIN GYI, RIM PA 'CHOL BAR NI MA YIN NO, ,DE YANG NA TSOD NI DUS SU RNAM PAR GZHAG PA'I LUS KYI GNAS SKABS GZHON NU LA SOGS PA'O, ,NYIN ZHAG NI NYIN MO DANG MTSAN MO'O, ,ZAS ZOS PA NI ZAS LA SPYOD PA'O, ,DE'I MTHA' MA DANG DBUS DANG THOG MAR GTOGS PAS NA MTHA' DBUS GTOGS ZHES BYA'O, ,DES NI 'DI SKAD STON PAR 'GYUR TE, NA TSOD KYI MTHA' RGAS PA'I DUS SU NI RLUNG 'PHEL BAR 'GYUR LA DBUS TE LANG TSO'I DUS NI MKHRIS PA 'PHEL BAR 'GYUR RO, ,DANG PO STE BYIS PA'I DUS SU BAD KAN 'PHEL BAR 'GYUR RO, ,DE BZHIN DU NYIN MO'I THA MAR NI RLUNG 'PHEL LO, ,NYI MA PHYED NA MKHRIS PA'O, ,SNGA DRO NI BAD KAN NO, ,MTSAN MO'I MTHAR NI RLUNG 'PHEL BAR 'GYUR RO, ,NAM GYI GUNG LA NI MKHRIS PA'O, ,NAM STOD NI BAD KAN NO, ,DE LA ZAS ZOS PA'I MTHA' MA LA, KHA TSA BAR BRO BAR GYUR PA'I DUS SU NI RLUNG 'PHEL BAR 'GYUR RO, ,ZAS ZOS PA'I BAR SKYUR BAR GYUR PA'I DUS SU NI MKHRIS PA'O, ,ZAS ZOS NAS DANG PO MNGAR BA'I DUS SU NI BAD KAN 'PHEL BAR 'GYUR RO, ,DES NI 'JU BA MI SNYOMS RNO, ,CHUNG DANG MNYAM PAS MNYAM PAR 'GYUR, ,ZHES BYA BA NI RLUNG LA SOGS PA DE RNAMS KYI ME'I DROD KYIS 'JU BA MI SNYOMS PA LA SOGS PA RNAM PA BZHIR 'GYUR RO, ,DE YANG RLUNG GIS NI 'JU BA MI SNYOMS PAR 'GYUR RO, ,MKHRIS PAS NI 'JU BA'I ME DROD SHIN TU RNO BAR 'GYUR RO, ,BAD KAN
, ,GYIS NI ME DROD CHUNG BAR 'GYUR RO, ,MNYAM PAS NI ME DROD MNYAM PAR 'GYUR TE, NYES PA GSUM 'PHEL 'GRIB MED PAS MNYAM PAR 'GYUR RO, ,DE LA GANG LEGS PAR ZAS ZOS KYANG YUN RING PO ZHIG NAS 'JU BA DANG, LAN 'GA' LEGS PAR MA ZOS KYANG SHIN TU MYUR BAR 'JU BA NI MI SNYOMS PA'O, ,GANG DUS THAMS CAD DU ZAS RAN PAR MA ZOS KYANG MYUR DU 'JU BA DE NI RNO BA YIN NO, ,GANG DUS THAMS CAD DU ZAS RAN PAR ZOS KYANG YUN RING MO ZHIG NAS 'JU BA DE NI CHUNG BA YIN TE, RGYU MA 'KHRUG CING LTAM LTAM POR GYUR PA'O, ,GANG RAN ZHING LEGS PAR MA ZOS KYANG BDE BAR 'JU BA NI MNYAM PA ZHES BYA'O, ,DE NI LTO BA SRA SNYI RAN, ,MNYAM PAS KYANG NI BAR MAR 'GYUR, ,ZHES BYA BA NI, RLUNG LA SOGS PA'I NYES PA DE RNAMS KYIS NI LTO BA RNAM PA BZHIR 'GYUR TE, RLUNG SHAS CHE BAS LTO BA SRA BAR 'GYUR TE, DUR BYID LA SOGS PAS KYANG 'KHRU BA DKA' BAR 'GYUR RO, ,MKHRIS PA SHAS CHE BAS LTO SNYI BAR 'GYUR TE, ZHO GA CHU DANG, 'O MAS KYANG 'KHRU NUS PAR 'GYUR RO, ,BAD KAN GYIS RAN PAR 'GYUR TE, DONG GA LA SOGS PAS KYANG 'KHRU NUS PAR 'GYUR RO, ,MNYAM PAS ZHES BYA BAS NI NYES PA GSUM MNYAM STE, DES NI BAR MAR 'GYUR ZHES BYA BA, SRA BA YANG MA YIN, SNYI BA YANG MA YIN PAR 'GYUR RO, ,SKYE BA'I DANG POR KHU KHRAG GNAS, ,DUG CAN SRIN BU'I DUG DANG MTSUNGS, , DE NI RANG BZHIN RNAM GSUM STE, ,CHUNG 'BRING CHEN PO SO SOR BLTA, ,MA LUS PA LA KHAMS MNYAM PA, ,MCHOG YIN NYES PA GNYIS 'BYUNG SMAD, ,CES BYA BA NI, RLUNG LA SOGS PA DE DAG NI RE RE ZHING RANG BZHIN GSUM DU 'GYUR TE, CHUNG NGU DANG, 'BRING DANG, CHEN PO'O, ,RANG BZHIN ZHES BYA BA NI LUS KYI RANG GI NGO BO'O, ,DE NI SKYE BA'I DANG PO'I MNGAL DU 'JUG PA'I DUS SKYE BA RTZOM ZHING MNGAL NA GNAS PA ZHES BYA BA'I DON TO, ,KHU BA NI SA BON NO, ,KHRAG NI ZLA BA'I DUS SU RGYU BAS ZLA MTSAN TE, DE LA GNAS PAS NA KHRAG
GNAS ZHES BYA'O, ,DRIS PA GANG GI TSE KHU BA DANG KHRAG LA SHAS CHER GNAS PA DE'I TSE, LUS RDZOGS PAR GA LA 'GYUR, DE LAS NYES PA GANG LHAG PAR 'GYUR BA DE NYID NI RNAM PAR 'GYUR ZHING 'JIG PA YIN NA, NYES PA LHAG PAR GNAS PA DE RANG BZHIN GYI RGYUR JI LTAR 'GYUR TE, RANG BZHIN LAS NYAMS PA YIN LA, RANG BZHIN LAS NYAMS PAR NI, RANG BZHIN GYI RGYUR NAM YANG MI 'GYUR RO, ,DE YANG 'BRAS BU NI RGYU DANG 'DRA BAR GNAS PA YIN NO ZHES RTOGS PA DAG LA DPE BSTAN PA'I PHYIR, DUG CAN SRIN BU'I DUG DANG MTSUNGS, ,ZHES BYA BA SMOS TE, DPER NA DUG CAN NI SROG 'JIG PA'I RGYU YIN YANG, DUG NI SRIN BU 'DI SKYE BA'I RANG BZHIN 'BYUNG BAR SNANG NGO, ,DE BZHIN DU 'DI DAG NI GNOD PA'I RANG BZHIN CAN YIN YANG, RANG GI TSAD LAS LHAG PA'I NYES PA KHU BA DANG KHRAG LA GNAS PAS, SKYE BA'I DANG PO LUS 'BYUNG BAR 'GYUR RO, ,DE YANG RLUNG SHAS CHE BAS NI RANG BZHIN CHUNG BAR 'GYUR RO, ,MKHRIS PA SHAS CHE BAS NI 'BRING NGO, ,BAD KAN SHAS CHE BAS NI CHEN PO'O, ,MA LUS PA STE KHAMS THAMS CAD KYI NANG NAS KHAMS GANG MNYAM PA'I RANG BZHIN DE NI MCHOG STE, THU BO DANG DAM PA YIN LA 'DI NI BZHI PA'O, ,DE YANG GANG GIS KHAMS MNYAM PAR GYUR PA DE NI KHAMS MNYAM PA STE, KHAMS KYI SGRA NI NAD GZHI'I NYES PA LA BYA'O, ,NYES PA GNYIS 'BYUNG SMAD, CES BYA BA NI GANG NYES PA GNYIS 'DRES PA LAS BYUNG BA'I RANG BZHIN GSUM NI SMAD PA YIN TE; NAD MED PA MA YIN PA'I GZHIR GYUR PA'I PHYIR RO, ,DE NI RLUNG DANG MKHRIS PA LAS BYUNG BA DANG, RLUNG DANG BAD KAN LAS BYUNG BA DANG, MKHRIS PA DANG BAD KAN LAS BYUNG BA'O, ,DE LA RLUNG NI RTZUB CING YANG, ,GRANG ZHING SRA LA PHRA ZHING G-YO, ,ZHES BYA BA LA, DE LA ZHES BYA BA NI NGES PAR GZUNG BA STE, NYES PA DE RNAMS KYI NANG NAS, RLUNG NI RTZUB PA DANG, YANG BA DANG, GRANG BA DANG, SRA BA DANG, PHRA BA STE, RTZA SBUBS PHRA MO LA 'JUG PA DANG G-YO BA STE, 'GRO BA'I NGANG TSUL CAN GCIG TU MI GNAS PA YIN NO, ,DRIS PA GZEGS GZAN
, ,LA SOGS PAS NI, RLUNG GRANG BA DANG, DRO BA YIN PAR BSHAD LA, 'DIR YANG ZUNG DU 'JUG PA'I RJES SU GNANG BAS GRANG BA DANG, DRO BA GNYIS KA MA YIN PAR 'DOD DE, DE YANG, ZUNG DU 'JUG PA RLUNG GI MCHOG ,YANG DAG SBYOR BAS DON GNYIS BYED, , NYI MA LDAN PAS SREG BYED LA, ,ZLA BAR GNAS PAS BSIL BAR BYED, ,CES BSHAD PA DE BZHIN DU, RLUNG NI ZUNG DU 'JUG PAS NA, ,BAD KAN LDAN PAS BSIL BAR 'GYUR, ,MKHRIS PA LDAN PAS TSA BA YIN, ,ZHES BSHAD PA'I PHYIR RO ZHE NA, 'DI RA LAN BRJOD PAR BYA BA STE, RLUNG GRANG BA DANG DRO BA NYID MA YIN PA NI BDEN MOD KYI, DE ZUNG DU 'JUG PA YIN YANG DE TZAM GYI DRO BAS GRANG BA'I NGO BO NYID MED PAR MI 'GYUR RO, ,RLUNG GI MTSAN NYID GRANG BA YIN PAR BSHAD PA'I DGOS PA NI 'DI YIN TE, 'DI LA DRO BAS NYE BAR ZHI BAR 'GYUR RO, ,ZHES BSTAN PA'I PHYIR DE SKAD SMOS PA YIN NO, ,MKHRIS PA SNUM BCAS RNO ZHING DRO, ,YANG ZHING DRI MNAM 'KHRU ZHING GSHER, ,ZHES BYA BA LA, SNUM BCAS ZHES PAS NI, CUNG ZAD SNUM PA STE, BCAS PA'I SGRA NI CUNG ZAD TZAM GYI DON TE, DPER NA KHA BA DANG BCAS PA'I SHA KHA RA ZHES ZER BA LTAR CUNG ZAD SNUM BAG CAN GANG YIN PA DE NI SNUM BCAS ZHES BYA'O, ,RNO BA NI KHAB KYIS 'BIGS PA LTAR MYUR DU 'BYED PA STE, DMAN PA LAS GO BZLOG PA'O, ,DRO BA NI TSA BA 'UR 'UR PO SKYED PA'O, ,DRI MNAM PA NI NYA RUL LTA BU'I DRI MNAM PA LTA BU'O, ,'KHRU BA NI BSHANG BA SLA BA'AM, STENG DANG 'OG TU KHYAB CING RGYU BA BRTAN PA YIN PA'O, ,GSHER BA NI SLA BA'O, ,BAD KAN SNUM BSIL LCI BA DANG, ,BRTUL ZHING 'JAM BRTAN 'BYAR BAG CAN, ,ZHES BYA BA NI SNUM PA'I YON TAN DANG LDAN PAS NA SNUM PA'O, ,BSIL BA NI TSA BA MED PA'O, ,LCI BA NI YANG BAR MA GYUR PA'O, , BRTUL BA NI YUN RING PO ZHIG NA LDANG BA'O, ,'JAM PA NI MI RTZUB PA'O, ,BRTAN PA NI KHYAB PA'I NGANG TSUL CAN NO, ,'BYAR BAG CAN NI MNYES PA NA SOR MO LA CHAGS SHING, 'JAM BAG NAL NAL PO LA 'TSER BAG CAN NO, ,DE LTAR NA YON TAN DE DANG LDAN PAS, YON TAN DANG YON TAN
CAN THA MI DAD PA'I NYE BAR GDAGS PAS, RLUNG LA SOGS PA'I YON TAN NYID DU BSHAD PA YIN NO, ,'DI DAG 'DRES PAR GYUR PA'I THA SNYAD GZHUNG DU BSTAN PAR BYA BA'I PHYIR MI GNYIS SMOS PA NI, DE GNYIS GSUM ZAD 'KHRUGS PA LAS, ,LDAN PA DANG NI 'DUS PA YIN, ,ZHES BYA BA YIN TE, KUN TU 'DUS PA'I RNAM PA GCIG NI LDAN PA ZHES BYA LA, GNYIS PA NI 'DUS PA ZHES BYA STE, GNYIS PA DANG GSUM PA NI GNYIS DANG GSUM ZHES BYA LA, ZAD PA DANG 'KHRUGS PA NI ZAD 'KHRUGS ZHES BYA STE, GNYIS DANG GSUM GYI ZAD PA DANG 'KHRUGS PA ZHES BYA STE, DE LTAR NA GNYIS DANG GSUM ZAD PA DANG 'KHRUGS PA DE LAS MING GNYIS 'BYUNG NGO, ,'DI SKAD STON PA YIN TE, GNYIS 'KHRUGS SHING RANG GI TSAD LAS LHAG PAR GYUR PA'AM, ZAD PAR GYUR PA LAS 'DRES PAR GYUR PA NI LDAN PA ZHES BYA LA, NYES PA GSUM PO ZAD PA'AM, 'PHEL BAR GYUR PA LAS 'DRES PAR GYUR PA NI 'DUS PA ZHES BYA'O, ,DE YAN CHAD NYES PA RNAMS SMRAS NAS, KHAMS RNAMS BSTAN PA'I PHYIR, LUS ZUNGS DANGS MA KHRAG DANG SHA ,TSIL DANG RUS RKANG KHU CHU STE, ,GNOD BYA BDUN YIN ZHES SMOS TE, BCUD KYI DANGS MA LA SOGS PA BDUN NI LUS ZUNGS ZHES BYA STE, LUS 'DZIN PAR BYED PA YIN PA'I PHYIR LUS ZUNGS SO, ,DE RNAMS KYANG GNOD BYA ZHES BYA STE, RLUNG LA SOGS PAS GNOD CING NYES PAR BYA BA'I GZHI YIN PAS GNOD BYA ZHES BYA STE, GANG GI PHYIR RLUNG LA SOGS PA NI GNOD PA'I NGO BO YIN PAS, DON DANG LDAN PA'I MING NYES PA ZHES BTAGS PA YIN LA, DES NA DE RNAMS NI GNOD PAR BYA BA LA LTOS DGOS TE, LAS MED PAR BYED PA PO LAS RTZOM PAR MI 'GYUR RO, ,DE BZHIN DU GNOD PA MED PAR DANGS MA DANG LUS ZUNGS LA SOGS PAS GNOD BYA'I MING MI 'THOB LA, DE MED PAR YANG RLUNG LA SOGS PAS GNOD PA'I MING MI 'THOB BO, ,DE BAS NA GCIG LA GCIG LTOS PA YIN PA'I PHYIR GNOD PA DANG GNOD PAR BYA BA DAG GNOD PAR BYA BA NYID DANG, GNOD PA NYID KYI MING 'THOB PA YIN NO, ,DRI MA, GCIN, BSHANG BA,
, ,RDUL LA SOGS PA'ANG YIN ZHES BYA BA'I SGRAS GNOD BYA YIN PAR STON TE, BCUD KYI DANGS MA LA SOGS PA 'BA' ZHIG GNOD BYA YIN PAR MA ZAD KYI, DRI MA LA SOGS PA DE RNAMS KYANG RLUNG LA SOGS PAS GNOD PAR BYA BA YIN NO, ,DE LTAR NA DANGS MA LA SOGS PA NI GNOD BYA DANG, LUS ZUNGS ZHES BYA BA YIN LA, DE BZHIN DU BSHANG BA DANG GCI BA LA SOGS PA YANG DRI MA ZHES BYA BA DANG, GNOD BYA ZHES BYA BA YIN NO, ,DE LTAR GNOD PA DANG, LUS ZUNGS DANG, DRI MAR BSTAN PAS LUS BSHAD PA YIN TE, DE YANG GZHUNG 'DI NYID KYI 'OG NAS, NAD DANG LUS ZUNGS DRI MA NI, ,RTAG TU LUS KYI RTZA BA YIN, ,ZHES BSHAD PA YIN NO, ,DE LTAR BSHAD PA'I LUS TE THABS 'GA' ZHIG GIS DUS THAMS CAD DU YONGS SU SRUNG BA RDZOGS PAR 'GYUR BA'I THABS DE BSTAN PA'I PHYIR, THAMS CAD MNYAM PAS 'PHEL 'GYUR ZHING, ,DE LAS BZLOG PAS GNOD PAR 'GYUR, ,ZHES BYA BA SMOS PA YIN TE, THAMS CAD CES BYA BA NI GNOD PA DANG, LUS ZUNGS DANG, DRI MA LUS LA BRTEN PA RNAMS TE, DE DAG MNYAM ZHING CHA MTSUNGS PA'I RANG BZHIN DU GYUR PAS BRTAS SHING 'PHEL BAR BYED DE, RANG GI TSAD LAS LHAG PAR GYUR LA, DE LAS BZLOG PA NI MI MNYAM PA NYID DU GNAS PA STE, DES GNOD PAR 'GYUR BA NI ZAD PAR 'GYUR ZHING 'BRI BAR 'GYUR BA'O, ,SPYI DANG KHYAD PAR LA NI RDZAS DANG YON TAN DANG, LAS KYI DBYE BAS GSUM DU 'DOD DE, DE YANG; KUN GYI RNAM KUN 'PHEL BA NI, ,RDZAS DANG YON TAN BYA BAR MTSUNGS, ,BZLOG PA YIS NI DNGOS PO RNAMS, ,DE LAS GZHAN DU 'GYUR BA YIN, ,ZHES BSHAD PA YIN NO, ,DE YANG RDZAS LA NI KHRAG NI KHRAG GIS BRTA BAR BYA'O, ,SHA NI SHAS SO, ,TSIL NI TSIL GYIS SO; ,RUS PA NI RUS PAS SO, ,RKANG NI RKANG GIS SO, ,KHU BA NI KHU BAS SO, ,DE BZHIN DU MNGAL NI PHYIS 'BYUNG BAR 'GYUR BA'I MNGAL GYIS SO, ,ZHES BSHAD PA YIN NO, ,DE LA KHRAG GIS KHRAG GO ZHES BYA BA NI GNYI GA CHU'O, ,SHA NI SHAS SO ZHES BYA BA NI SA'O, ,DE
BZHIN DU CHU'I BDAG NYID CAN GYI CHUS NI DE'I BDAG NYID CAN GYI BAD KAN 'PHEL BAR 'GYUR LA, DE BZHIN DU MAR DANG 'O MAS NI KHU BA 'PHEL BAR 'GYUR RO, ,DE BZHIN DU SMAN 'TSO BYED DANG NYE'U SHING LA SOGS PA NI ZLA BA'I BDAG NYID CAN TE, TSIM PAR BYED PAS RDZAS KYI KHYAD PAR RNAMS KYIS; LUS ZUNGS MNYAM POR BYED PA NYID DU BYA BA GCIG PA YIN PAS, LUS SNUM ZHING STOBS DANG SKYES BU NYID KYI GZI MDANGS BSKYED PA YIN NO, ,NA LE SHAM DANG, TSA BA LNGA DANG, BSE SHING GI 'BRAS BU LA SOGS PAS NI BLO DANG SHES RAB DANG, ME DROD LA SOGS PA 'PHEL BAR BYED PA YIN NO, ,YON TAN LAS NI BTZO TZA DANG, MO TSA DANG, KHA RU TSA LA SOGS PA SA'I KHAMS CAN GYI RDZAS SU BSTAN DU ZIN KYANG CHU'I BDAG NYID CAN BAD KAN 'PHEL BAR BYED DE, SNUM PA DANG, LCI BA DANG, BSIL BA LA SOGS PA'I YON TAN GYI CHA DANG MTSUNGS PA'I PHYIR RO, ,LAS KYANG RNAM PA GSUM STE, LUS DANG NGAG DANG YID KYI BYA BA'I BDAG NYID CAN NO, ,DE LA LUS KYIS NI RGYUG PA DANG, MCHONG BA DANG, RKYAL BA LA SOGS PAS NI BSKYOD PA NYID DU MTHUN PAS RLUNG 'PHEL BAR BYED DO, ,NGAG GIS NI KLOG PA DANG, SMRA BA DANG; 'DON DU 'JUG PA DANG, GLUR LEN PA RNAMS SO, ,YID KYIS NI YID KYI BYA BA STE, SEMS SHING DPYOD PA DANG, 'DOD PA DANG, MYA NGAN DANG, 'JIGS PA'O, ,DE DAG KYANG YID 'KHRUGS PAR BYED PA'I RGYUR GYUR PAS RLUNG 'PHEL BAR BYED PA YIN NO, ,DE BZHIN DU GDUNG BA BSKYED PAR MTHUN PAS NA, KHRO BA DANG PHRAG DOG LA SOGS PAS NI MKHRIS PA 'PHEL BAR BYED DO, ,GNYID LOG PA DANG, SNYOM LAS DANG, MAL STAN BDE BA LA CHAGS PAS NI BSTAN PAR MTHUN PAS BAD KAN 'PHEL BAR BYED PA YIN NO, ,KHYAD PAR DU GYUR ZHING MI MNYAM PAS NI ZAD PAR 'GYUR RO, ,DPER NA RDZAS LAS 'BRAS GA BHE DHA NI SKEM PAR BYED PA YIN LA, DE RLUNG GI BDAG NYID CAN YIN PAS SA'I BDAG NYID CAN GYI SHA LA SOGS PA ZAD PAR BYED PA YIN NO, ,DE BZHIN DU ME'I BDAG NYID CAN GYI LAN TSVAS NI BAD KAN ZAD PAR BYED DO, ,
, ,YON TAN LAS NI DPER NA SKYUR RTZA BAS NI CHU'I BDAG NYID CAN YIN PAS, BAD KAN LA DE DANG MI MTHUN PAS YANG BA DANG, RTZUB PA DANG, DRO BA DANG, RNO BA DANG, SKAM PA'I YON TAN GYIS ZAD PAR BYED DO, ,LAS LAS NI GNYID DANG, SNYOM LAS DANG, YID MI BDE BA DAG NI RLUNG KUN TU G-YO BA DANG BCAS PA YIN LA, 'DI DAG YONGS SU MI G-YO BA'I MTSAN NYID CAN YIN PAS NA 'BRI BAR BYED PA DE BZHIN DU YONGS SU G-YO BA'I TSUL CAN SEMS LAS DANG, PHAN TSUN BSKYOD PA DANG, RTZOL BA LA NI MI 'GUL BA'I MI MTHUN PA'I PHYOGS YIN PAS NA BAD KAN ZAD PAR BYED DO, ,DE LTAR NA, THAMS CAD MNYAM PAS 'PHEL 'GYUR ZHING, ,DE LAS BZLOG PAS GNOD PAR BYED, ,CES BSHAD PA YIN NO, ,RLUNG LA SOGS PA DE RNAMS GANG LAS 'PHEL BA DANG, ZAD PAR 'GYUR BA DE BSHAD PAR BYA BA'I PHYIR, RO NI MNGAR SKYUR LAN TSVA DANG, ,TSA DANG KHA DANG BSKA BA STE, ,RDZAS DRUG LA GNAS DE RNAMS KYANG, ,GO RIMS BZHIN DU STOBS CHEN YIN, ,ZHES BYA BA SMOS PA YIN TE, MNGAR BA LA SOGS PA'I RO DRUG NI LCE'I DBANG PO'I YUL YIN PAS NA RO'O, ,DE DAG KYANG 'BYUNG BA LNGA'I BDAG NYID CAN GYI RDZAS LA BRTEN PA YIN TE, GO RIMS JI LTA BA BZHIN DU MTHU STOBS CHE BA YIN TE, SNGON MA SNGON MA RNAMS STOBS THOB CING NUS PA CHE BA YIN NO, ,DE BAS NA RO THAMS CAD LA RO MNGAR BA NI LUS CAN RNAMS KYI STOBS SHIN TU 'ANG BSKYED PA YIN LA, BSKA BA NI THAMS CAD LAS STOBS BSKYED PA LA DMAN PA YIN NO, ,DE LA MNGAR BA NI BU RAM DANG, MAR LA SOGS PA RO MNGAR BA RNAMS SO, ,SKYUR BA NI SKYUR RTZI CHEN PO LA SOGS PA SHIN TU SKYUR BAR BYED PA YIN NO, ,LAN TSVA NI LCE MYANG TSA LA SOGS PA'O, ,TSA BA NI NA LE SHAM LA SOGS PA'O, ,KHA BA NI NIM PA LA SOGS PA'O, ,BSKA BA NI AA RU RA LA SOGS PA'O, ,DRUG CES BYA BA NI DRUG PO NYID DE LHAG PA'AM, CHAD PA MA YIN PA'O, ,RO DE RNAMS KYI YON TAN DANG, RO LA SOGS PA'I BYE BRAG DANG, DE BZHIN DU SBYAR ZHING 'DRES PA DANG, RO'I
RJES NYID DANG, SHIN TU MYUR BAR BRTAG PA LA SOGS PA'I DBANG GIS THA DAD PAR 'GYUR DU ZAD KYIS, 'ON KYANG DRUG PO NYID LAS 'DA' BAR MI 'GYUR RO, ,DE LAS DANG PO GSUM PO NI, ,RLUNG 'JOMS TSA SOGS BAD KAN SEL, ,BSKA DANG KHA DANG MNGAR BA NI, ,MKHRIS SEL GZHAN DAG BYED PA YIN, ,ZHES BYA BA NI, DE LA RO DE RNAMS KYI NANG NAS, DANG PO NI GSUM STE, MNGAR BA DANG, SKYUR BA DANG, LAN TSVA RNAMS NI RLUNG 'JOMS SHING ZHI BAR BYED PA YIN NO, ,GZHAN DAG TSA BA DANG, KHA BA DANG, BSKA BA GSUM PO DAG NI RLUNG DE NYID SKYED PAR BYED CING, 'KHRUGS PAR BYED PA YIN NO, ,TSA SOGS BAD KAN SEL ZHES BYA BA NI, TSA BA DANG, KHA BA DANG, BSKA BA GSUM NI BAD KAN SEL BA YIN LA, MNGAR BA DANG, SKYUR BA DANG, LAN TSVA STE GSUM PO GZHAN DAG NI BAD KAN SKYED PA YIN NO, ,BSKA BA DANG; KHA BA DANG, MNGAR BAS NI MKHRIS PA SEL BA YIN NO, ,SKYUR BA DANG, LAN TSVA DANG, TSA BA STE GZHAN DAG NI MKHRIS PA DE NYID SKYED PAR BYED PA YIN NO, ,DES NI 'DI SKAD STON PAR 'GYUR TE, MNGAR BA NI RLUNG DANG MKHRIS PA SEL ZHING BAD KAN SKYED PA YIN NO, ,SKYUR BA NI RLUNG SEL ZHING BAD KAN DANG MKHRIS PA SKYED PA YIN NO, ,LAN TSVA NI RLUNG SEL ZHING BAD KAN DANG MKHRIS PA SKYED PA YIN NO, ,TSA BA NI BAD KAN SEL ZHING RLUNG DANG MKHRIS PA SKYED PA YIN NO, ,KHA BA NI BAD KAN DANG MKHRIS PA SEL ZHING RLUNG SKYED PA YIN NO, ,BSKA BA NI BAD KAN DANG MKHRIS PA SEL ZHING RLUNG SKYED PA YIN NO, ,RO DE RNAMS KYI RTEN GYI RDZAS RNAM PA GSUM YOD PAR BSHAD PA NI, DE LTAR RDZAS NI RNAM PA GSUM, ,ZHI 'KHRUGS THA MAL GNAS LA PHAN, ,ZHES SMOS PA YIN NO, ,DE LTAR ZHES PA TSUL 'DIS RDZAS ZHI BA LA SOGS PA'I DBYE BAS RNAM PA GSUM DU 'GYUR BA YIN GYI, RNAM PA GZHAN GYIS NI GNYIS SAM, YANG NA RNAM PA DU MA NYID YIN NO ZHES SO, ,DE LTAR GYI SGRAS NI DAM PA'I DON DU BSHAD PA YIN NO, ,DE LA GNOD PA GANG 'KHRUGS PAR GYUR PA ZHI BAR GYUR PA DE NI ZHI BA STE, DPER NA TIL MAR DANG, MAR DANG, SBRANG RTZI LTA BU'O, ,DE LA
, ,TIL MAR NI SNUM PA DANG, DRO BA DANG, LCI BA DANG LDAN PAS RLUNG GI DE DANG MI MTHUN PA'I MTSAN NYID ZHI BAR BYED PA YIN LA, MAR SAR NI MNGAR BA DANG BSIL BA DANG BRTAN PA'I YON TAN DANG LDAN PAS, DE DANG MI MTHUN PA'I MTSAN NYID DANG LDAN PA'I MKHRIS PA SEL BA YIN NO, ,SBRANG RTZI NI RTZUB PA DANG, RNO BA DANG, BSKA BA DANG LDAN PAS DE DANG MI MTHUN PA'I MTSAN NYID CAN BAD KAN ZHI BAR BYED DO, ,DE LA 'KHRUGS PA NI GANG RLUNG LA SOGS PA'I GNOD PA RNAMS DANG, BCUD KYI DANGS MA LA SOGS PA'I LUS ZUNGS RNAMS DANG, GCIN LA SOGS PA'I DRI MA RNAMS 'KHRUGS PAR BYED PA NI 'KHRUGS PA'O, ,DE NI DPER NA NAS THUG DANG, BA TA LA DANG, MA SHA DANG, NYA SHA DANG, RDO GU RLON PA DANG, YUNGS KAR DANG, ZHO SAR PA DANG, PHRUM DANG, MI MTHUN PA'I KHA ZAS NYA DANG 'O MA LHAN CIG BZA' BA LTA BU LA SOGS PA'O, ,THA MAL PAR GNAS PA LA PHAN PA NI GNOD PA NAS DRI MA'I MTHAR THUG GI BAR DU RANG GI TSAD DANG LDAN PAR GNAS PA NI, MNYAM PAR 'JUG CING THA MAL BAR GNAS PA STE, DE LA PHAN PA'I RDZAS GANG YIN PA DE NI THA MAL GNAS LA PHAN ZHES BYA STE, DE NI DUS SPYAD PA LA BRTEN PA'I SKABS SU 'OG NAS BSHAD PA DANG, DE BZHIN DU ZAS KYI TSOD RAN PAR BZA' BA'I LE'U LAS BSHAD PA DANG, S'A LU RTZA SNAR DANG, DRUG CU PA DANG, NAS DANG, GRO DANG, SROG CHAGS SKAMS LA GNAS PA'I SHA DANG, 'TSO BYED KYI TSOD MA LA SOGS PA DANG, ZHO GA CHU DANG, 'O MA LA SOGS PA DANG, DE BZHIN DU GANG STOBS SKYED CING BCUD KYIS LEN PA DANG, RO TZA BAR BYED PA DANG, RNAM PA THAMS CAD DU BZA' BAR BYA BA NYID DU BSTAN PA RNAMS SO, ,DE'I NUS PA BSHAD PA NI, DE LA TSA BSIL PHUL BYUNG BAS, ,NUS BA RNAM PA GNYIS SU BSHANG, ,CES BYA BA YIN TE, DE LA ZHES PA RDZAS DE LA NUS PA RNAM PA NYI SHU YOD PA'I NANG NAS, TSA BA DANG BSIL BDAG NI PHUL DU BYUNG BA YIN PAS NUS PA ZHES BYA STE, TSE'I RIG BYED THAMS CAD LAS TSA BA DANG BSIL BA'I NUS PA GNYIS PO NYID DU BSHAD PA NI, RGYU DANG 'BRAS BU'I DON YIN NO, ,DE LA
NUS PA NI YON TAN LA BYA LA, TSA BA DANG BSIL BA PHUL DU BYUNG BA NI, TSA BA DANG BSIL BA KHYAD PAR DU 'PHAGS PA NYID DE, LA LA NI TSA BA'I NUS PAS PHUL DU BYUNG BAS TSA BA'I NUS PA'I MING THOB LA, DE BZHIN DU BSIL BA'I NUS PAS PHUL TU BYUNG ZHING, BSIL BA'I NUS PAS KHYAD PAR DU 'PHAGS PA NYID KYIS BSIL BA'I NUS PA'I MING THOB BO, ,GAL TE RDZAS RNAM PA SNA TSOGS PA YOD MOD KYI, 'ON KYANG 'GRO BA NI ME DANG ZLA BA'I BDAG NYID CAN YIN PA'I PHYIR, NUS PA'I RNAM PA GNYIS KHO NAR BSHAD DO, ,SMAN ZHU BA'I RJES BSHAD PA NI, RDZAS KYI ZHU BA RNAM GSUM STE, ,MDAR SKYUR TSA BA'I BDAG NYID CAN, ,ZHES SMOS PA YIN TE, ZHU BA NI RNAM PA GSUM STE, RDZAS THAMS CAD YONGS SU ZHU BAR GYUR PA'I DUS SU, 'BRAS BU LAS RJES SU DPAG PAR BYA STE, PHO BA'I ME DANG PHRAD PA LAS, RO RNAMS RANG GI RANG BZHIN LAS GZHAN DU 'GYUR LA, DE NI RNAM PA GSUM NYID YIN KYI, RO DRUG YOD KYANG DRUG NI MA YIN NO, ,DE LA RDZAS NI LA LA NI MNGAR BAR ZHU'I, LA LA NI SKYUR BAR ZHU, LA LA TSA BAR ZHU BA YIN NO, ,DE LA MNGAR BA DANG, LAN TSVA NI MNGAR BAR ZHU BA'O, ,SKYUR BA NI SKYUR BAR ZHU BA'O, ,TSA BA DANG, KHA BA DANG, BSKA BA NI TSA BAR RO, ,DE NI 'BRAS BU LAS RJES SU DPAG PA YIN NO, ,DE YANG, PHO BA'I ME DANG PHRAD PA LAS, ,GANG ZHIG RO NI GZHAN GYUR PA, ,RO RNAMS ZHU BA'I THA MA DAG ,DE NI ZHU BA ZHES BSHAD DO, ,ZHES 'BYUNG BA YIN NO, , DE BAS NA KHYAD PAR DU SMIN PAR GYUR PA LAS ZHU BA ZHES BYA'O, ,CUNG ZAD SMIN PA NI MA YIN NO, ,DE BZHIN DU MTHO BTZUN DRANG SRONG TZA RA KAS KYANG, RDZAS KYI RO NI 'BAB PA NA, ,LAS KYI MTHA' NI ZHU BA YIN, ,JI SRID GNAS PA YON TAN TE, ,'DUS PA LAS NI SHES PAR 'GYUR, , ZHES BSHAD PA YIN NO, ,DE LTAR NA LAS BYAS PA RJES SU DPAG PA'I TSUL GCIG PA'I GNAS SKABS PHO BA'I ME DROD DANG PHRAD PA LAS RO RNAMS RO GZHAN DU GYUR PA GANG YIN PA DE NYID NI ZHU BA ZHES BYA'O, ,GANG PHO BA ME DANG PHRAD PA TZAM GYIS RO RNAMS GNAS SKABS DU MAR 'GYUR TE, DANG PO
, ,NI MNGAR BA'O, ,DE'I RJES THOGS LA DE NYID SMIN PA NI SKYUR BA'O, ,DE LAS KYANG SMIN PA'I MTHAR THUG PA NA TSA BAR GYUR PA LA NI MI BYA'O, ,RDZAS KYI YON TAN RNAMS BSHAD PA NI, YON TAN LCI RDUL BSIL DANG SNUM, ,'JAM DANG BSKA BA MNYEN DANG BRTAN, , PHRA DANG BCAS SHING SKAM BAG CAN, ,DE BZLOG PA NI NYI SHU YIN, ,ZHES BYA BA YIN TE, DE LA RDZAS KYI YON TAN NI, LCI BA LA SOGS PA BCU YIN LA, DE LAS BZLOG PA DANG, NYI SHU YIN PAR SHES PAR BYA STE, 'DI DAG RIM GYIS BZLOG PA NI YANG BA DANG, RNO BA DANG, TSA BA DANG, RTZUB PA DANG, SLA BA DANG, SRA BA DANG, G-YO BA DANG, SBOM PA DANG, SLA BAG NAL NAL PO YIN NO, ,DE LTAR NA GO BZLOG PA NI, DE DAG YIN PAS SPYIR NYI SHUR 'GYUR RO, ,NAD KYI RGYU BSHAD PA NI, DUS DON LAS KYI SBYOR BA RNAMS, ,DMAN DANG LOG PA LHAG PA DANG, , YANG DAG SBYOR BAS NAD DANG NI, ,NAD MED RGYU GCIG YIN ZHES BYA BA YIN TE, DE LA DUS NI BSIL BA DANG, TSA BA DANG, CHAR 'BAB BA'I DUS TE GSUM MO, ,DON NI 'BYUNG BA CHEN PO'I YON TAN SGRA DANG, REG BYA DANG, GZUGS DANG, DRI DANG, RO'O, ,DE YANG LUNG LAS, DON NI SGRA SOGS YIN ZHES BYA, ,SPYOD YUL YUL DANG YON TAN YIN, ,ZHES BSHAD PA YIN NO, ,LAS NI BYA BA STE, LUS DANG NGAG DANG YID KYI KUN TU SPYOD PA'O, ,DE LTAR DUS DANG DON DANG LAS NI DUS DON LAS TE, DE RNAMS KYI SBYOR BA NI 'BREL PA'O, ,JI LTA BU ZHE NA, DMAN DANG LOG PA LHAG PA DANG, ,ZHES BYA BA DANG, DE BZHIN DU YANG DAG PA'I SBYOR BA YIN TE, GANG DUS LA SOGS PA'I SBYOR BA DMAN PA DANG, LOG PA LHAG PA STE, DE NI NAD KYI RGYU GCIG PU YIN LA, DE RNAMS NYID KYI YANG DAG PA'I SBYOR BA GANG YIN PA DE NI NAD MED PA'I RGYU GCIG PU YIN NO, ,DE LA YANG DAG PA'I SBYOR BA SMOS PA NI NAD DANG NAD MED PA'I RGYU GO RIMS BZHIN DU SHES PAR BYA BA'I PHYIR 'DI LOGS SHIG TU BSTAN PA YIN NO, ,RGYU GCIG YIN ZHES BYA BA NI RGYU GCIG PU YIN PA STE, GCIG GI SGRA NI GTZO BOR GYUR PA'I TSIG YIN NO, ,DE YANG DPER NA GZHU 'DZIN PA NI SRID SGRUB GCIG
PU YIN NO ZHES ZER BA LTA BU'O, ,DUS KYI SBYOR BA DMAN PA NI RANG GI RANG BZHIN LAS NYAMS PA'O, ,LHAG PA'I SBYOR BA NI RANG GI RANG BZHIN LAS LHAG PAR GYUR PA'O, ,LOG PA'I SBYOR BA NI RANG GI RANG BZHIN LAS PHYIN CI LOG TU BYED PA'O, ,DE YANG DPER NA DMAN BA'I BSIL BA DANG; DMAN PA'I TSA BA DANG DMAN PA'I CHAR NI DMAN PA'I SBYOR BA'O, ,DPER NA GRANG BA'I DUS KYI GNAS SKABS SU SHIN TU GRANG BA NI LHAG BA'I SBYOR BA'O, ,DPER NA LHAG PAR BSIL BA DANG, LHAG PAR TSA BA DANG, LHAG BAR CHAR 'BAB BA NI LHAG PA'I SBYOR BA STE, ,SBYOR BA 'DI GSUM NI NAD KYI RGYU YIN NO, ,MNYAM PA'I SBYOR BA NI YANG DAG PA'I SBYOR BA STE, RANG BZHIN JI LTA BA BZHIN DU GNAS PA NI NAD MED PA'I RGYU YIN NO, ,YANG DON NI DBANG PO RNAMS KYI RANG RANG GI DON DMAN PA LA SBYOR BA NI DMAN PA'I SBYOR BA'O, ,SHIN TU SBYOR BA NI LHAG PAR SBYOR BA'O, , RTZUB CING MNGON PAR MI 'DOD PA LA SOGS PA'I SBYOR BAR GYUR PA NI LOG PA'I SBYOR BA'O, ,LUS LA SOGS PA'I LAS DMAN PA LA 'JUG PA NI DMAN PA'I SBYOR BA'O, ,LHAG PAR 'JUG PA NI LHAG PA'I SBYOR BA'O, ,BSHANG GCI LA SOGS PA'I SHUGS 'GAGS PA DANG, PHYED TZAM ZA ZHING MANG DU SMRA BA LA SOGS PA DANG, 'DOD CHAGS DANG, ZHE SDANG LA SOGS PA RANG RANG GI BDAG NYID KYIS 'OG NAS BSHAD PA RNAMS NI LOG PA'I SBYOR BA'O, ,THAMS CAD KYANG MNYAM PAR 'JUG PA NI YANG DAG PA'I SBYOR BA'O, ,DE BAS NA DMAN PA LA SOGS PA'I SBYOR BA GSUM NI NAD KYI RGYU YIN NO, ,YANG DAG PA'I SBYOR BA NI NAD MED PA'I RGYU YIN NO, ,NAD DANG NAD MED PA'I ZHES GANG LA BYA ZHE NA, NAD KYI NYES PA MA SNYOMS PA YIN NO, ,NYES PA SNYOMS PA NAD MED NYID, ,CES BSHAD PA YIN NO, ,RLUNG LA SOGS PA'I NYES PA RNAMS GCIG GAM GNYIS SAM GSUM RANG GI TSAD LAS 'PHEL LAM ZAD PAR GYUR NA, NAD KYI RGYU YIN PAS NAD NYID NI MA SNYOMS PA YIN PAR BRTAG PAR BYA STE, RANG GI RANG BZHIN LAS G-YOS PAR GYUR PA YIN LA, DE BAS NA RGYU DANG 'BRAS BU THA MI DAD BA'I NYE BAR GDAGS PAS NAD CES BYA'O, ,NYES PA RNAMS
, ,SNYOMS SHING RANG GI RANG BZHIN LAS MI 'GYUR BA MNYAM PAR GYUR PA DE NI NAD MED PA NYID CES BYA STE, THA MAL BAR RANG BZHIN DU GNAS PA ZHES BYA'O, ,DE'I DBYE BA BSTAN PA NI, ,DE LA NAD NI RANG BZHIN GNAS, ,GLO BUR CHA YIS GNYIS SU BSHAD, ,CES BSHAD PA YIN NO, , DE LA ZHES PA NAD DANG NAD MED PA DE DAG LA NAD NI RANG BZHIN DU GNAS PA DANG, GLO BUR BA'I DBYE BAS GNYIS SU BSHAD DO, ,DE LA RANG BZHIN GYIS GNAS PA NI, RLUNG LA SOGS PA'I NYES PA LAS BYUNG BA'O, ,GLO BUR BA NI PHYI ROL NAS 'ONGS PA'O, ,DE YANG SLOB DPON GYIS, NYES PA GSUM LAS BYUNG BA NI, RANG BZHIN GYIS GNAS PA YIN LA, PHYI ROL GYI RGYU LAS BYUNG BA'I GLO BUR BA YIN NO, ,ZHES BSHAD PA YIN NO, ,'DI GNYIS KYI KHYAD PAR NI 'DI YIN TE, RANG BZHIN GYIS GNAS PA'I NAD RLUNG LA SOGS PA NI, DANG PO MA SNYOMS PAR GYUR NAS, PHYIS ZUG GZER BSKYED PA YIN LA, YANG GLO BUR BA NI DANG PO NYID DU ZUG GZER BSKYED NAS, DER RLUNG LA SOGS PA 'KHRUGS PAR 'GYUR RO, ,RANG BZHIN GYIS GNAS PA DANG, GLO BUR BA'I KHYAD PAR GYIS PHYE BA'I NAD 'DI GNYIS KYIS SEMS KUN TU GDUNG BA YIN PAR SHES PAR BYA'O, ,GANG GI PHYIR 'DI LTAR LUS DANG SEMS NI NAD KYI GNAS NYID DU GNAS PA YIN TE, LUS GCIG BU'AM SEMS GCIG PU NI MA YIN NO, ,DE BAS NA DE'I RJES THOGS LA 'DI SKAD CES BSHAD PA YIN TE, DE RNAMS LUS SEMS DBYE BA YIS, ,GNAS KYANG RNAM PA GNYIS YIN NO, ,ZHES BYA BA LAS YANG RANG BZHIN GYIS GNAS PA DANG, GLO BUR BA'I NAD DE RNAMS NI LUS DANG SEMS KYI DBYE BAS GNAS RNAM PA GNYIS YIN TE, RIMS DANG, KHRAG DANG, MKHRIS PA DANG, LUD BA LA SOGS PA'I GNAS NI LUS YIN LA, MYOS BA DANG, BRGYAL BA DANG, SGYID LUG PA DANG, GDON DANG, 'BYUNG PO DANG, SMYO BA DANG, DRAN PA NYAMS PA DANG, 'DOD CHAGS DANG, ZHE SDANG LA SOGS PA'I GNAS NI SEMS YIN NO, ,DE YANG 'DI LAS GNAS PAS NA GNAS SO, ,DRIS PA LUS KYI NAD SKYED PA'I RGYU NI RLUNG LA SOGS
PA'I NYES PA RAB TU 'KHRUGS PA YIN PAR BSHAD KYI, SEMS KYI NAD KYI RGYU GANG ZHIG YIN ZHE NA, DE'I PHYIR BSHAD PA NI, 'DOD CHAGS GTI MUG KYANG YID KYI, ,NYES PA GNYIS SU BSTAN PA YIN, ,ZHES BYA BA YIN TE, YID NI SEMS LA BYA LA, DE NI 'DOD CHAGS DANG GTI MUG BDE ZHING MA RIG PA LAS BYUNG BA YIN LA, 'DIR YANG GTZO BOR GYUR PAS DANG POR 'DOD CHAGS SMOS PA YIN NO, ,KYANG ZHES BYA BA'I SGRAS NI RLUNG LA SOGS PA YANG NYE BAR BSDU BA'I DON YIN TE, GANG GI PHYIR DE RNAMS KYANG SEMS LA BRTEN NAS, RNAM PAR 'GYUR BAR BYED PA YIN TE, DUS DAG TU RLUNG DANG MKHRIS PA DANG BAD KAN DANG LDAN PA DANG 'DUS PA DANG, DUG GI RGYU LAS BYUNG BA'I SMYO NAD DRUG YOD PA YIN NO, ,BSTAN PA YIN ZHES BYA BA NI TSE'I RIG BYED KYI BSTAN BCOS DAG TU TSIG GIS MDO TZAM DU BSTAN GYI, RLUNG LA SOGS PA BZHIN DU 'DOD CHAGS DANG GTI MUG GI MTSAN NYID MA LUS PAR NI MA YIN NO, ,'DIR RANG BZHIN GYIS GNAS KYI MTSAN NYID LA SOGS PAS, RLUNG LA SOGS PA'AM MA LUS PA BSHAD PA YIN GYI, 'DOD CHAGS DANG GTI MUG NI MA YIN NO, ,NAD KYIS BCOM PA'I LUS SHES PAR BYA BA'I THABS BSTAN PA NI, NAD PA BLTA DANG RIG PA DANG, ,DRIS PA YIS NI YONGS SU BRTAG ,CES BYA BA SMOS PA YIN TE, NAD YOD PAS NA NAD PA STE NAD KYIS GDUNGS PA'O, ,DE NI BLTA BA LA SOGS PAS YONGS SU BRTAG PAR BYA'O, ,DE LA BLTA BA NI MIG GIS TE, MIG SER BA LA SOGS PAS NYAM THAG PA RNAMS LA MDOG SER BA DANG, DKAR POR SNANG BA DANG, DBYIBS KYI TSAD KYIS 'PHEL 'GRIB DANG, MDANGS DANG BSHANG GCI DANG, SKYUGS PA LA SOGS PAS BRTAG PAR BYA'O, ,REG PA NI LAG PA DANG, LUS KYI REG PAS RIMS DANG, SKRAN DANG, MA ZHU BAS NYEN PA DANG, DE BZHIN DU GRANG BA DANG, TSA BA DANG, RENGS PA DANG, 'DAR BA DANG, 'JAM PA DANG, RTZUB PA LA SOGS PA REG PAS BRTAG PA DANG, DRIS PA STE GZER DANG, YI GA 'CHUS BA DANG, SLON BA DANG, LTO SRA BA DANG, SNYI BA DANG, RMI
, ,LAM DU MTHONG BA DANG, BSAM PA DANG, NA TSOD DANG, NAD KYI MGO GANG NAS ZUG PA DANG, SKAR MA DANG, MDZA' BO DANG, DGRA BO DANG, BDE BA DANG, SDUG BSNGAL LA SOGS PA DANG, NAD PA'I TSIG LAS YONGS SU BRTAG PAR BYA'O, ,NAD KYI BYE BRAG SHES PAR BYA BA'I THABS BSHAD PA NI, NAD KYI GZHI YI DANG PO'I TSUL, ,MTSAN NYID NYER BSTAN THOB PA YIN, ,ZHES BYA BA YIN TE, NAD NI NAD GZHI LA SOGS PA LNGAS YONGS SU BRTAG PAR BYA STE, NAD GZHI DANG RGYU DANG BYED BA ZHES BYA BA NI MING GI RNAM GRANGS SO, ,DE YANG NYE BA DANG RING BA'I BYE BRAG GIS RNAM PA GNYIS YIN LA, NYE BA YANG NYE BA DANG SHIN TU NYE BA'I DBYE BAS GNYIS SO, ,DE LA NYE BA NI RTZUB PA DANG, YANG BA DANG, GRANG BA LA SOGS PA'I RDZAS DANG 'DRES PAR GYUR PAS SO, ,SHIN TU NYE BA NI DPER NA RLUNG LA SOGS PA'I NYES PA RNAMS GANG DAG GI RJES THOGS NYID LA NAD 'BYUNG BAR 'GYUR BAS 'KHRUGS PAR 'GYUR RO, ,RING BA NI GANG RIMS LA SOGS PA'I DANG PO'I DUS NYID DU 'BYUNG BA STE, DPER NA PHYI ROL DU SHA BKRA LA SOGS PA 'BYUNG BA DANG, MDZE DANG GCIN NAD LA SOGS PA STE, DES NA 'DI LTA BU'I DON BSKYED PA DANG, 'DI LTA BU'I NAD KYI RGYU NYID DU NYE BAR GNAS PA YIN LA, DE LTAR BYUNG BA YIN PAS DE'I PHYIR NAD GZHI LAS NAD SHES PAR BYA'O, ,DANG PO'I TSUL NI PHYIS 'BYUNG BA'I NAD MI GSAL BA'I KHYAD PAR GNAS PA'I MTSAN NYID DE, RIMS LA SOGS PA'I NAD 'BYUNG BAR 'DOD PA NA; RLUNG LA SOGS PA'I GNOD PA'I KHYAD PAR GYIS KHYAD PAR MI SNANG BA LA, GANG GIS SNANG BAR 'GYUR ZHING CI NAS CHUNG BA NYID KYIS GANG MI GSAL ZHING RTAGS MNGON DU MA GYUR PA DE NI DANG PO'I TSUL LO, ,MTSAN NYID KYANG DANG PO'I TSUL LAS MTSAN NYID THA DAD PA STE, GANG GIS NYES PA MA LUS PA'I BYE BRAG GIS KHYAB PA'I RTAGS DANG LDAN PAR NAD GSAL BA NYID DU MTHONG ZHING SHES PA'O, ,NYER BSTEN NI BDE BA DANG, RJES SU 'BREL PA'I KHA ZAS LA SOGS PA LA SPYOD PA STE, 'DI LTA BU'I KHA ZAS LA SOGS PAS NI, 'DI'I NAD 'DI NA MA BYUNG BA 'DI LTA BUS NI DENG 'BYUNG BAR
'GYUR RO ZHES BSTAN PA LAS NAD 'DI YIN NO ZHES SHES PA'O, ,NAD DE NI GSO RA RUNG ZHING BDE BA'I RGYU YIN PAS NA BDE BA THOB PA YIN NO, ,THOB PA DANG RDZOGS PA DANG YANG DAG PAR THOB PA DANG 'ONGS PA DANG, SKYES PA ZHES BYA BA NI DON GYI RNAM GRANGS YIN NO, ,DE YANG 'DI LTA BU'I MI MTHUN PA DANG, GNAS 'DI LTA BU GNAS PA DANG, 'DI LTAR RJES SU 'GRO BA DANG, BRTAG PA 'DI DANG, LAM 'DI DANG NYES PA 'DI THOB PA YIN NO ZHES YONGS SU BRTAG PA STE, DE BAS NA THOB CING MTHAR PHYIN PA LAS, NAD 'DI YIN NO ZHES SHES PA'O, ,NYE BAR BSTAN PA LA SOGS PA'I SKABS KYI YUL DANG DUS LA SOGS PA DANG NYE BAR SBYAR DGOS TE, DE BAS NA DE GNYIS KYANG BSHAD PA NI, SA DANG LUS KYI BYE BRAG GIS, ,'DI LA YUL SA RNAM GNYIS BSHAD, ,CES BYA BA YIN TE, TSE'I RIG BYED KYI BSTAN BCOS 'DI LA YUL SA NI SLOB DPON DAG GIS RNAM PA GNYIS SU BSHAD DO, ,DE GANG ZHE NA SA'I BYE BRAG DANG LUS KYI BYE BRAG GIS SO, ,DE LA LUS KYI YUL NI MGO BO DANG LAG PA LA SOGS PA'I MTSAN NYID DANG LDAN PAR GRAGS PA'I LUS NYID DO, ,SA'I YUL BSHAD PAR BYA STE, SKAMS PHAL CHER RLUNG SKYED CING, ,RLAN CAN BAD KAN 'PHEL BA YIN, ,CHA MNYAM NYES PA MNYAM PA STE, ,SA YI PHYOGS NI GSUM DU BSHAD, ,CES BYA BA LA, ,YANG SA'I PHYOGS NI RNAM PA GSUM DU BSHAD DE, DE LA SKAM SA'I CHU DANG SHING DANG RI BO NYUNG ZAD CIG YOD PA STE, 'OG NAS BSHAD DO, ,PHAL CHER RLUNG SKYED CING ZHES BYA BA STE, DE LAS SKYES PA'I SMAN NI RTZUB PA DANG, SRA BA YIN PA DANG, RI DAGS LA SOGS PA YANG RLUNG GI SHAS CHE BA YIN NO, ,RLAN CAN NI CHU DANG, SHING MED PA DANG, RLUNG MED PA DANG, THAN PA NYUNG BA'O, ,DE NI BAD KAN 'PHEL BA YIN TE, DE LAS SKYES PA'I SMAN LA SOGS PA YANG, SNUM LA SOGS PA DANG LDAN PA YIN NO, ,CHA MNYAM PA NI MTSAN NYID GNYI GA DANG LDAN PA STE, 'DRES PA'I TSUL CAN NO, ,NYES PA MNYAM PA STE ZHES BYA BA NI RLUNG LA SOGS PA'I NYES PA NYAM PA'O, ,SMAN RNAMS KYIS YANG DAG PAR SBYAR BA'I RGYU'I DUS BSHAD PA
, ,NI; SKAD CIG LA SOGS NAD KYI SKABS, ,DUS SU SMAN NI SBYOR BAR BYED, ,CES BYA BA YIN TE, DUS NI RNAM PA GNYIS TE, SKAD CIG LA SOGS PA'I MTSAN NYID DANG, NAD GYI GNAS SKABS KYI MTSAN NYID DO, ,SMAN NI SBYAR BAR BYA ZHES BYA BA NI SMAN GYI SBYOR BA BYED DO; ,DE'I DON RDZOGS PAR BYED NUS SO ZHES PA'I DON TO, ,DE LA SKAD CIG NI GRAGS PAR ZAD DO, ,SOGS PA'I SGRAS NI THANG CIG DANG, YUD TZAM DANG, THUN GCIG DANG, NYIN ZHAG DANG, ZLA BA PHYED DANG, ZLA BA DANG, DUS DANG, LHO PHYOGS DANG, BYANG PHYOGS SU 'GRO BA DANG, LO RNAMS GZUNG BAR BYA'O, ,SKAD CIG LA SOGS PA'I DUS KYI DPER BRJOD PAR 'DI LTAR, SNGA DRO'I DUS SU SKYUG SMAN GTANG, ,NYI MA'I GUNG LA 'KHRU SMAN TE, ,NYI MA GUNG LAS CUNG ZAD YOL, ,SMAN NAS SMAN NI MKHAS PAS GTANG, ,ZHES BSHAD PA YIN NO; ,NAD KYI GNAS SKABS NI MA ZHU BA DANG, ZHU BA DANG, DAL BA DANG, BAR MA DANG, DRAG PA NYID KYI DE DANG 'TSAM PA'I SMAN GYI SBYOR BA GTANG BAR BYA'O, ,DE NI 'DI LTAR, SMYUNG BA DUGS DANG RTZA BA LNGA, ,NAS THUG TIG TA SHA KHU DANG, ,DRI MA RNAMS NI SMIN BYA BA, ,GNAS SKABS KYIS SAM RIM PAS SO, ,ZHES BYA BA DANG, DE BZHIN DU, RIMS LA THUG PA SKA BA DANG, ,MAR SAR 'O MA BKRU SMAN DAG ,NAD STOBS YOD MED BLTAS NAS NI, ,NYI MA DRUG DRUG SBYAR BAR BYA, ,ZHES BYA BA DANG, DE BZHIN DU, RIMS NI RTZE ZHIL LUS YANG LA, ,DRI MA LA SOGS G-YOS PA NA, ,RIMS BTAB YUN RING MA LON KYANG, ,DE TSE SMAN GYI SBYOR BA BYA, ,ZHES BYA BA YIN TE, GNAS SKABS 'DIR BYIN PA'I SMAN NI NAD MED PA'I DON DU 'GYUR RO, ,SMAN DE YANG RNAM PA GNYIS SU BSHAD DO, ,MDOR NA SMAN NI RNAM GNYIS TE, ,SBYANG BA DANG NI ZHI BA'O, ,ZHES BYA BA YIN TE, MDOR BSDU NA 'JIG RTEN DAG NA SMAN RNAMS YOD PA DE RNAMS DU MAR YOD DU ZIN KYANG TSUL GNYIS LAS 'DA' BAR MI BYED DE, SBYANG BA DANG ZHI BA'I MTSAN NYID RNAM PA GNYIS SU BSHAD PA YIN NO, ,DE LA SBYANG BA NI NYES PA 'KHRUGS PA PHYI ROL DU BTON
NAS NAD NYE BAR ZHI BAR BYED DO, ,ZHI BA NI GANG RANG GI GNAS NA GNAS PA NYID LA CHA MNYAM PAR BYED PAS ZHI BA YIN NO, ,SMAN BSHAD NAS DE'I YUL BSHAD PA NI, LUS LAS BYUNG BA'I NAD RNAMS KYI, ,RIM GYIS SMAN GYI DAM PA NI, ,MAS GTONG BKRU SMAN SLON SMAN DANG, ,DE BZHIN TIL MAR MAR SBRANG RTZI, ,ZHES BYA BA YIN TE, LUS LAS BYUNG BA'I NAD RLUNG LA SOGS PA RNAMS KYI RIM GYIS ZHES BYA BA GRANGS JI LTA BA'I GO RIMS GYIS BSTAN PA DANG, BSHAD PAR GYUR PAS SMAN GYI DAM PA ZHES BYA LA, SMAN GTZO BOR GYUR PA NI MAS GTONG BA NAS SLON PA'I BAR GYIS SBYANG BAR BYA BA DANG, DE BZHIN DU TIL MAR NAS SBRANG RTZI'I BAR NI ZHI BAR BYED PA'I TSUL CAN YIN NO, ,DES NA RLUNG LA NI MJUG MA NAS SBRANG RTZI DANG SMAN BSKOL BA LGANG PA NAS GTANG PAR BYA BA SMAN GYI MCHOG YIN NO, ,MKHRIS PA LA NI BKRU SMAN KHA NAS BTUNG ZHING MJUG MA'I LAS KYI MTHA' NAS DBYUNG BA SMAN GYI MCHOG YIN NO, ,BAD KAN LA NI SLON SMAN KHA NAS 'THUNGS PAS, DE NYID NAS NAD DBYUNG BA SMAN GYI MCHOG YIN TE, DE DAG NI NAD RNAMS SBYANGS PA'I TSUL GYI SMAN YIN NO, ,TIL MAR LA SOGS PA ZHI BA'I RANG BZHIN CAN GYI SMAN YIN NO, ,DE BZHIN DU ZHES BYA BA NI RIM GYIS TE RLUNG LA TIL MAR RO, ,MKHRIS PA LA NI MAR SAR RO, ,BAD KAN LA NI SBRANG RTZI SMAN GYI DAM PA STE, SMAN GYI GTZO BO YIN ZHES BYA BA'I DON TO, ,DUS LA SOGS PA'I YUL LA BRTEN PA THAMS CAD DU LUS LAS BYUNG BA'I NAD THAMS CAD KYI SMAN GYI DAM PA BSHAD ZIN KYANG, DE'I 'OG TU SEMS KYI NAD GSO BA'I MCHOG GANG ZHIG YIN ZHE NA, DE'I PHYIR BSHAD PA NI, BLO DANG BRTAN BDAG SOGS SHES PA, ,SEMS KYI NYIS PA'I SMAN MCHOG YIN, ,ZHES BYA BA YIN TE, SEMS KYI NYES PA 'DOD CHAGS DANG ZHE SDANG DANG GTI MUG DAG LA NI NAD SEL BAR BYED PA'I SMAN GYI MCHOG NI BLO DANG BRTAN PA LA SOGS PA YIN TE, DE LA BLO NI SHES RAB STE, PHYI DANG NANG GI BDAG NYID CAN GYI DNGOS PO RNAMS LA PHAN PA DANG, PHAN PA MA YIN PA'I BYE BRAG GIS CHA RNAM PAR 'BYED SHES PAR BYA'O, ,BRTAN PA NI SEMS MI 'GYUR ZHING BRTAN PA
, ,NYID DE BLO MI RGOD BA'O, ,DE YANG GONG GIS BKAG PA RNAMS LA 'JUG PAR MI BYED PA DANG, PHAN PA MA YIN PA RNAMS DANG SDUG BSNGAL LA YID ZHUM PA MED PA'O, ,BDAG NYID SHES PA NI RNAL 'BYOR GYI NGO BO NYID SHES PAS, TING NGE 'DZIN GYI DON DAM PA'I BDAG NYID SHES PA'O, ,SOGS PA'I SGRAS NI YE SHES DANG, RNAM PAR SHES PA DANG, DRAN PA DANG, YUL DANG, DUS LA SOGS PA SHES PA YONGS SU BSDU'O, ,SEMS KYI NYES PA 'BYUNG BA 'DOD PA LA SOGS PA NAD BSAL BA'I DON DU MCHOG CES BYA BA'I SGRA NI KHYAD PAR GYI TSIG TU BSTAN PA YIN NO, ,DE LTAR NA RE ZHIG 'DIS NI GSO BA MA LUS PAR BSTAN PA YIN LA, DE YANG YAN LAG BZHI DANG LDAN NA DGOS PA BYED PA YIN PAS, DE'I PHYIR BSHAD PA NI, GSO BA DAG TU BSTAN PA NI, ,SMAN PA SMAN DANG NAD G-YOG DANG, ,NAD PA YAN LAG RNAM BZHI STE, ,RE RE'ANG RNAM PA BZHI BZHI YIN, ,ZHES BYA BA YIN TE, GSO BA ZHES BYA BAS NAD NYE BAR ZHI BAR BYA BA'I MTSAN NYID KYI YAN LAG NI RNAM PA BZHI YOD PAR BSHAD LA, DE RE RE LA YANG RNAM PA BZHI BZHI YOD DE, DE LTAR NA YON TAN RNAM PA BCU DRUG YIN PAR GSO DPYAD MKHAS PA'I SMAN PA RNAMS 'DOD DO, , DE LA SMAN PA NI DE'I GTZO BO YIN PAS DANG POR BSTAN TE, DE YANG LUNG LAS, SBYOR ZHING RAB SBYOR STON PAS NA, ,'DI NI SMAN PA GTZO BO YIN, ,ZHES BSHAD PA YIN NO, ,DE BZHIN DU BSDUS PA LAS KYANG, SMAN PA YON TAN MED YAN LAG ,YON TAN LDAN YANG DON MED YIN, ,DE YI YON TAN LDAN YAN LAG ,MTSANG NA YANG NAD PA 'TSO, ,DE BAS GSO DPYAD LA DE NYID, ,RGYU YIS GTZO BO YIN ZHES BYA, ,ZHES BSHAD DO, ,SMAN NI RDZAS RNAMS SO, ,NAD G-YOG NI BSNYEN BKUR BYED PA'O, ,NAD PA NI NAD KYIS NYAM THAG PA STE, DE DAG NI SLOB DPON GYIS MDOR BSTAN PA YIN NO, ,DE RNAMS KYI YON TAN RGYAS PAR BSHAD PA NI, SMAN PA MKHAS STEGS GZHUNG DAN SHES, ,LAS RNAMS MTHONG ZHING GTZANG BA YIN, ,ZHES BYA BA YIN TE, DE LA SMAN PA'I YAN LAG BZHI NI MKHAS PA STE, LAS RNAMS LA BYANG BA'O, ,STEGS NI RANG GI MKHAN PO'I LUNG GI DON SHES
PA LAS; BSTAN BCOS KYI GZHUNG GI DON LA SHES SHING KHONG DU CHUD PA GANG YIN PA DE NI, SMAN PA MKHAS STEGS GZHUNG DON SHES, ,ZHES BYA BA YIN TE, LUD BRGYUD PA LAS BSTAN BCOS KYI DON RTOGS PA THOB BA'O, ,LAS RNAMS MTHONG ZHING ZHES BYA BA NI, GANG GIS GSO BA'I MTSAN NYID CES BYA BA'I LAS MANG PO MTHONG BA DE NI, LAS RNAMS MTHONG ZHING ZHES BYA BA STE, LAN MANG ZHING NAD PA GSOS SHING LAS GOMS PAR GYUR PA'O, ,GTZANG BA ZHES BYA BA NI LUS DANG NGAG DANG YID KYI BYA BA RNAMS LA SDIG PA'I DRI MAS MA GOS PA'O, ,SMAN YANG RNAM PA BZHI STE; DE NI, SMAN NI CHO GA MANG PO DANG, ,YON TAN MANG LDAN PHUN TSOGS 'PHROD, ,CES BYA BA STE, DE LA SMAN GANG LA CHO GA MANG PO YOD PA DE NI CHO GA MANG PO STE, BCUD DBYUNG ZHING BSKOL BA DANG, PHYE MA LA SOGS PAR BYAS PAS NA NAD RNAMS SEL NUS PA STE, LAN TSVA LTAR CHO GA GCIG YOD PA NI MA YIN TE, DE NI KHA GCIG PU'I NANG DU DGOS PA BYED PA YIN NO, ,YON TAN MANG LDAN ZHES BYA BA NI SEMS CAN SRED PA THA DAD PA DAG LA LCI BA DANG RTUL BA LA SOGS PA'I YON TAN MANG PO YOD PA DE NI YON TAN MANG LDAN NO, ,YANG NA GANG NAD DU MA DAG GI TSOGS RNAMS SEL BA'I NUS PA DANG LDAN PA'O, ,PHUN SUM TSOGS PA NI PHUN SUM TSOGS PA'I YON TAN DANG LDAN PA YIN GYI, YON TAN MA TSANG BAR GYUR PA MA YIN PA STE, SA GZHI BZANG PO LAS SKYES PA LA SOGS PA'O, ,DE YANG GZHUNG LAS, SA PHYOGS CHA MNYAM BSNGAGS PA NI, ,GZHI MNYAM SA BZANG GTZANG BA DANG, ,DUR KHROD MCHOD RTEN NYE 'KHOR DANG, ,G-YANG SA GROG MKHAR RNAMS SPANGS PA'O, ,ZHES BSHAD PA'I SA GZHI BZANG PO LAS SKYES PA LA SOGS PA'I YON TAN DANG LDAN PA'O, ,YANG NA LEGS PAR SMIN CING SBYAR BA LA SOGS PA'I YON TAN DANG LDAN PA'O, ,'PHROD PA NI SBYOR BAR 'OS PA STE, GANG GANG LA 'PHROD CING 'OS PA DE DE LA SBYAR BA'O, ,DE YANG NAD DANG, YUL PHYOGS DANG, DUS DANG, GNOD PA DANG, GNOD PAR BYA BA DANG, LUS DANG, NA TSOD DANG, STOBS LA SOGS PA SHES PAR
, ,BYAS NAS SBYOR ZHING STER BA DAG NAD PA DANG, NAD KYI TSOGS LAS DPAG STE 'PHROD CING 'OS PA DANG, PHAN PAR GYUR PA'O, ,NAD G-YOG GI YON TAN YANG RNAM PA BZHI STE, NAD G-YOG RJES BRTZE GTZANG SBRA CAN, ,SGRIM ZHING BLO DANG LDAN PA YIN, ,ZHES BYA BA YIN TE; RJES SU BRTZE BA ZHES BYA BA NI NAD PA LA BYAMS SHING DAD PA'O, ,GTZANG SBRA CAN NI LUS DANG NGAG DANG YID KYI LAS NGAN PAS MA GOS PA'O, ,SGRIM PA NI BYA BA THAMS CAD LA GSHOR ZHING BRTZON PA'O, ,BLO DANG LDAN PA NI BLO GROS KHYAD PAR CAN YOD PA STE, MKHAS SHING BYANG BA ZHES BYA BA'I DON TO, ,NAD PA'I YON TAN YANG RNAM PA BZHI STE, NAD PA PHYUG CING BSGO BA NYAN, ,SHES PAR NUS SHING SNYING STOBS LDAN, ,ZHES BYA BA YIN TE, PHYUG PA NI NOR DANG LDAN PA'O, ,BSGO BA NYAN PA NI SMAN PA'I DBANG DU GYUR CING BSGO BA NYAN PA'O, ,SHES PAR NUS ZHES BYA BA NI, CI LAS GYUR PA'I NAD KYI GZHI LA SOGS PA SHES PAR NUS PA STE, NA BA'I ZAS DANG SPYOD PA LA SOGS PA SMAN PA LA BRDA SPRAD PAR NUS SHING ZAS DANG SPYOD PAS JI LTAR GYUR PA'I LO RGYUS STON PAR NUS PA'O, ,SNYING STOBS LDAN PA NI SMAN DANG DPYAD KYI BYA BA LA SEMS ZHUM BA MED CING PHOG SNYA CHE LA BLO DANG LDAN PA'O, ,DA NI GSO SLA BA LA SOGS PA'I NAD RNAM PA BZHI'I MTSAN NYID BSHAD PA NI, SMAN KUN BZOD PAR NUS PA'I LUS, ,SKYES BU GZHON ZHING BDAG NYID THUL, ,GNAD DU MA SONG RGYU SNGAR TSUL, ,MTSAN NYID CHUNG DANG GNOD PA MED, ,GNOD BYA YUL DUS RANG BZHIN RNAMS, ,MTSUNGS MIN YAN LAG PHUN SUM TSOGS, ,GZA' NI RJES SU MTHUN PA LA, ,NYES PA LAM GCIG GSAR GSO SLA, ,ZHES BYA BA YIN TE, SMAN KUN BZOD PAR NUS PA'I LUS LA NAD SKYED PAR GYUR NA GSO SLA BA ZHES BYA BA STE, GSO BA'I THABS BDE ZHING SLA BA YIN NO; ,DE YANG GZHUNG LAS, GSO SLA BA NI THABS BDE BA, ,CUNG ZAD DUS KYIS BSGRUB TU RUNG, ,ZHES BSHAD PA YIN NO, ,DE LA, SMAN KUN BZOD PAR NUS PA'I LUS, ,ZHES BYA BA NI, GANG GIS SMAN THAMS CAD BZOD CING BSTEN PAR NUS PA STE, RNO BA DANG, BAR MA DANG, 'JAM PA'I
TSUL YUL SNA TSOGS NAS SKYES PA DANG, ZHI BAR BYA BA DANG, DE BZHIN DU SBYANG BA DANG, DUG DANG LAN TSVA LA SOGS PA BSTEN PAR BZOD PA'O, ,SKYES BU ZHES SMOS PA NI BUD MED DAG MA YIN TE, GANG GI PHYIR BUD MED DAG NI RTAG TU SDANG ZHING BLO DANG MI LDAN PA YIN PAS, JI SKAD BSHAD PA'I NAD PA YON TAN DANG MI LDAN PA YIN LA, DE NI SHIN TU GZHON SHA CAN YIN PAS, SMAN RNON PO BSTEN PAR MI BZOD PA YIN NO, ,GZHON ZHING ZHES BYA BA NI, LANG TSO LA GNAS SHING GZHON PA NYID CES BYA BA'I DON TO, ,BDAG NYID THUL ZHES BYA BA NI, BRKAM ZHING CHAGS PA MA YIN PA STE, GANG GI YUL LA MNGON PAR 'DOD PA SPANGS PAS BDAG NYID THUL BA'O, ,GNAD DU MA SONG ZHES BYA BA NI, GNAD LA MI GNAS PA STE, GNAD NI MGO DANG, SNYING GA DANG, MDOMS LA SOGS PA STE, DE RNAMS SU MA SONG ZHING, SNYING DANG LKOG MA LA SOGS PAR SHAS CHER GNOD MI NUS PA'O, , RGYU SNGAR TSUL, ,MTSAN NYID CHUNG DANG ZHES BYA BA NI, RGYU DANG SNGAR GYI TSUL MTSAN NYID DAG NI, RGYU SNGAR TSUL GYI MTSAN NYID CES BYA STE RGYU DANG SNGAR GYI TSUL DANG, MTSAN NYID DE DAG CHUNG BA GANG YIN PA DE LA DE SKAD CES BYA'O, ,DE LA RGYU NI NAD KYI GZHI'O, ,SNGAR GYI TSUL NI SNGAR DANG PO BYUNG BA'I TSUL LO, , MTSAN NYID NI RTAGS KYI TSUL TE, DE DAG CHUNG BA GANG YIN PA DE NI GSO BA SLA BA YIN NO, ,GNOD PA MED CES BYA BA NI GANG LA 'TSE ZHING GNOD PA MED PA DE NI GNOD PA MED PA ZHES BYA STE, 'DI LTAR SNGAR NAD GCIG BSKYED PA LA, DE'I 'OG TU GANG NAD GZHAN BLA BRNAN DU BYUNG BA NI, DE'I MTSAN NYID MA YIN ZHING, GTZO BO MA YIN LA, RANG GI MTSAN NYID JI LTA BZHIN MA YIN TE, NAD SNGA MA DE SEL BAR BYED PA LA GNOD PA BYED PA YIN NO, ,DE YANG LUNG LAS, NAD KYI STENG DU NAD GANG ZHIG ,PHYIS DUS DAG TU 'BYUNG BA DAG, ,GSO BA DAG LA GAGS BYED PA, ,DE NI GNOD PA ZHES BSHAD DO, ,ZHES 'BYUNG BA NI YIN TE DE MED PA LA GNOD PA MED PA ZHES BYA'O, ,GNOD BYA YUL DUS RANG BZHIN RNAMS, ,MTSUNGS MIN ZHES BYA BA LA, GNOD BYA DANG, YUL DANG, DUS DANG, RANG BZHIN RNAMS NI, GNOD BYA YUL DUS RANG BZHIN RNAMS, ,ZHES BYA STE, GANG GI DE RNAMS MTSUNGS BA MA YIN PA NI MTSUNGS
, ,MIN NO; ,DE LA DE RNAMS MTSUNGS PA MA YIN PA NI, DPER NA GNOD PAR BYA BA RKANG DANG TSIL LA SOGS PA DANG, SHIN TU RLAN CHE BA'I YUL DANG, GRANG BA'I DUS DANG, NAD PA'I RLUNG GI RANG BZHIN DE LA MKHRIS PA 'KHRUGS PAR GYUR NA GSO SLA BA YIN NO, ,GNOD PAR BYA BA MTSUNGS PA MA YIN NO, ,DPER NA BAD KAN GYI MTSAN NYID GRANG BAS KHRAG DRO BA LA GNOD PA YIN NO, ,YUL MTSUNGS PA MA YIN PA NI, DPER NA RLAN CAN SHING RTZI MOD PA'I YUL DU MKHRIS PA SKYES PA'O, ,DUS MTSUNGS PA MA YIN PA NI DPER NA STON KA'I DUS SU BAD KAN SKYES PA'O; ,RANG BZHIN MTSUNGS PA MA YIN PA NI DPER NA MKHRIS PA'I RANG BZHIN CAN LA BAD KAN GYI NAD SKYES PA LTA BU'O, ,'DIR DRIS PA, GNOD BYA DANG, YUL DANG, DUS DANG, RANG BZHIN RNAMS MTSUNGS PA MA YIN PA NI GSO BAR DKA' BA'AM, SPANG BAR BYA BA YIN GYI GSO SLA BA MA YIN TE; SGO DU MA NAS GSO BA TZAM DGOS PA YIN PA'I PHYIR TE, 'DI LTAR GNOD BYA LA SOGS PA 'DRA BA MA YIN PA DAG LA, PHAN TSUN GSO BA'I RTZOM PA GZHAN DANG GZHAN DAG KYANG BYA DGOS KYI, SGO GCIG NAS GSO BA NI GSO BA SLA BA YIN NO ZHE NA, DE'I LAN BRJOD PAR BYA STE, GNOD BYA LA SOGS PA MTSUNGS PA NI RANG BZHIN STOBS DANG LDAN PA YIN ZHING, RTZOM PA CHE BAS GSO DKA' BA'I NAD NYID 'BYUNG BAS DE GSO SLA BA MA YIN NO, ,LA LAR NI GNOD BYA LA SOGS PA MTSUNGS SU ZIN KYANG, GSO SLA BA DAG NI YOD DO, ,DE YANG GZHUNG LAS, RIMS LA YUL DUS MTSUNGS PA DANG, ,GCIN 'GAGS GNOD BYA MNYAM PA DANG, ,KHRAG GI SKRA NI RNYING PA NYID, ,GSO SLA BA YI RGYU NYID YIN, ,ZHES BSHAD PA YIN NO, ,YAN LAG PHUN SUM TSOGS ZHES BYA BA NI, SMAN LA SOGS PA YAN LAG BZHI'I PHUN SUM TSOGS PA NI 'BYOR BAR GYUR PA STE, YAN LAG BZHI PO STE YONGS SU RDZOGS PAR GYUR NA, NAD GSO SLA BAR 'GYUR BA'O, ,GZA' NI RJES SU MTHUN PA LA, ,ZHES BYA BA LA, GZA' NI NYI MA LA SOGS PA STE, DE DAG RJES SU MTHUN PA ZHES BYA BA, SKAR MA'I KHYIM RJES SU MTHUN PA NA GNAS SHING, GNAS BZANG PO
NA GNAS PAR GYUR NA YANG NAD GSO SLA BA YIN NO, ,NYES PA LAM GCIG CES BYA BA NI NYES PA DANG LAM GNYIS GCIG DANG LDAN PA NI, NYES PA LAM GCIG STE, NYES PA NI RLUNG LA SOGS PA'O, ,LAM NI GSUM STE, 'OG NAS BSHAD PA'I YAN LAG GAM, YAL GA LA SOGS PA NI PHYI DANG NANG DANG BAR GYI DBYE BAS SO, ,DES NA GANG YANG RLUNG LA SOGS PA'I NANG NAS GANG YANG RUNG BA GCIG LAS SKYES KYI, GNYIS SAM GSUM LAS MA SKYES PA DANG, DE BZHIN DU PHYI ROL LAM NANG NGAM BAR MA STE LAM GCIG LAS SKYES PA DE NI GSO SLA BA YIN NO, ,GSAR PA ZHES BYA BA NI NAD MA RNYINGS PA STE, SKYES NAS RING PO MA LON PA ZHES BYA BA'I DON TO, ,GANG GI PHYIR LO GCIG YAN CHAD 'DAS PA'I NAD NI GSO DKA' BA YIN NO, ,DE LTAR NA DE LTA BU'I NAD NI GSO SLA ZHING, GSO BA'I THABS NI SLA BA NYID YIN NO, ,GSO DKA' BA'I NAD BSHAD PA NI, NAD NI MTSON SOGS KYIS GDAB CING, ,GSO BA DKA' ZHING DE LAS 'DRES, ,ZHES BYA BA YIN TE, NAD GANG MTSON LA SOGS PAS BSGRUB CING GDAB DGOS PA DE NI, GSO DKA' ZHING BZLOG PAR DKA' BA YIN PAS, THABS MANG PO DANG YUN RING POS GSO DGOS PA YIN NO, ,DE YANG GZHUNG LAS; GSO DKA' BA LA DKA' BA DANG, ,THABS MANG YUN NI RING POS SO, ,ZHES BSHAD PA YIN NO, ,SO LA SOGS PA'I SGRAS NI NAS TSIG 'KHUS PA'I THAL BAS BSKU BA DANG, ME GDAB PA DANG, DUG GIS BSKU BA LA SOGS PAS BSDU'O, ,DE LAS 'DRES ZHES BYA BA LA, DE LAS ZHES BYA BA NI SNGAR BSHAD PA'I GSOR RUNG BA'I MTSAN MA LAS, NAD DANG 'DRES PA ZHIG BYUNG NA DE YANG GSO BAR DKA' BA YIN NO, ,DE LA DE LAS 'DRES PA'I MTSAN NYID NI SNGAR BSHAD PA'I GSO SLA BA'I MTSAN NYID LAS 'DRES SHING GNYIS SAM GSUM TSOGS PAR GNAS PA STE, DPER NA GZHON PA NA YANG BDAG NYID THUL BA DANG, DBANG PO THUL BA YIN YANG, NAD GNAD KYI GNAS SU SONG BA DANG, SMAN THAMS CAD BZOD PAR NUS PA'I LUS DANG LDAN YANG RGAS PA DANG, GAL TE GZHON DU ZIN KYANG SMAN THAMS CAD KYIS BZOD PAR MI NUS PA'O, ,DE LTAR NA PHYOGS 'DIS THAMS CAD LA BSGRE BAR BYA'O, ,GSO
, ,BA TZAM DU BYA BA BSHAD PA NI, TSE YI LHAG MA LUS PHYIR 'TSO, ,GO BZLOG PA LA GOMS PHAN NYID, ,CES BYA BA YIN TE, PHYIN CI LOG RNAM PA MANG POS BSGRUB PAR BYA BA'I GSO BA'I THABS DANG MI MTHUN PAR GYUR LA, TSE'I LHAG MA NI MA ZAD PAS, NAD KYIS GSO BAR MI NUS PA DAG LA NI KHA ZAS DANG SPYOD LAM PHAN PA DAG GIS RE ZHIG GSO ZHING 'TSO BA TZAM DU BYA'O, DE YONGS SU SPANG BAR NI MI BYA'O, ,'DI DANG YONGS SU SPANG BAR BYA BA'I NAD KYI KHYAD PAR NI 'DI TZAM ZHIG YOD DO, ,'DI LA NI TSE'I LHAG MA TZAM ZHIG YOD PAS, RE ZHIG SPANG BAR MI BYA BA YIN GYI, MTSAN NYID GZHAN THAMS CAD NI PHAL CHER MTHUN PA YIN NO, ,GO BZLOG CES BYA BA GANG ZHIG BZLOG PA YIN ZHE NA, 'DAS MA THAG PA'I RANG BZHIN GSO SLA BA LAS BZLOG PA'O, ,GOMS PA NI YANG DANG YANG DU BYA ZHING BSLAB PA STE, DE BAS NA PHAN PA'I ZAS DANG, SPYOD LAM GYIS GSO BAR BYA'O, ,DE YANG GSO BAS BDE BA CUNG ZAD CIG BSKYED CING, YANG RGYU CUNG ZAD KYIS NI 'PHEL BAR 'GYUR RO, ,DE YANG BSDUS PA LAS, BDE BA CUNG ZAD SKYES NAS NI, ,CUNG ZAD RGYU NI 'PHEL 'GYUR ZHING, ,NAD KYI LHAG MA MED MI 'GYUR, ,LAS SKYES TSE NI NGES PA YIN, ,LHUNG BA LAS NI 'JUS PA BZHIN, , NAD LA PHAN PAS GZUNG BAR BYA, ,ZHES BSHAD PA YIN NO, ,SPANG BAR BYA BA BSHAD PA NI, BCOS PA'I THABS MED NYID DU 'GYUR, ,SHIN TU PHYIN CI LOG PAR GNAS, ,'DOD DANG RMONGS DANG KHRO BAR BYED, ,'CHI LTAS SNANG ZHING DBANG PO NYAMS, ,ZHES BYA BA YIN TE, GANG LA BCOS SHING GSO BA'I THABS MED PAR GYUR PA DE NI BCOS PA'I THABS MED PA STE, SPANG BAR BYA BA ZHES BYA BA'I DON TO, ,BCOS PA'I THABS MED PA DE GANG ZHIG YIN ZHE NA, GANG SHIN TU PHYIN CI LOG LA GNAS PA ZHES BYA BA YIN NO, ,NAD GANG GSO BA TZAM GYI TSUL LAS KYANG, SHIN TU PHYIN CI LOG PAR GNAS PA STE BYA BA'I LAS KYI LAM THAMS CAD LAS 'DAS SHING, NAD RKANG DANG KHU CHU LA SOGS PA LUS ZUNGS SHIN TU GTING RING BAR ZHEN PA GNAD DANG TSIGS KYI NANG DU ZHEN PA DE NI BCOS PA'I THABS MED CING GSO BAR MI NUS PA YIN NO, ,DE BZHIN DU 'DOD PA LA SOGS PA BYED PA YANG GSOR MI RUNG BA NYID DE,
'DOD PA NI YUL RNAMS LA LHAG PAR CHAGS SHING ZHEN PA'O, ,RMONGS PA NI SEMS DANG BRAL ZHING DRAN PA NYAMS LA MI SHES PAR GYUR PA'O, ,KHROS PA NI GNAS DANG MAL LA SOGS PA GANG DU YANG MI DGA' ZHING SEMS LDOG PA'O, ,BYED PA ZHES BYA BA NI GANG DE DAG LTAR BYED PA DE YANG BCOS PA'I THABS MED PA YIN NO, ,DE BZHIN DU 'CHI LTAS SNANG ZHING DBANG PO NYAMS PA YANG SPANG BAR BYA BA YIN NO, ,DE LA 'CHI LTAS SNANG BA NI 'CHI BA'I MTSAN MA SNANG BA'O, ,DBANG PO NYAMS PA NI MIG LA SOGS PA'I DBANG PO NYAMS SHING DBANG PO 'GAGS PAR BYED PA'I NAD KYANG BCOS PA'I THABS MED PA YIN TE; MYUR DU DBANG PO 'JOMS PA YIN NO, ,DE LTAR NA DANG PO NAD YONGS SU BRTAGS LA GSO BA BRTZAM PAR BYA'O, GZHAN DU SMAN PA'I RANG GI DON LA SOGS PA NGES PAR NYAMS PAR 'GYUR RO, ,DE YANG GZHUNG LAS, DANG POR 'DI LTAR NAD BRTAGS LA, ,DE NAS LAS NI BRTZAM BYA YI, ,GZHAN DU RANG DON RIG PA DANG, ,GRAGS PA NYAMS PA NYID THOB 'GYUR, ,ZHES BSHAD PA YIN NO, ,NAD PA BCOS PA'I THABS YOD PA DAG KYANG, SPANG BAR BYA BA DAG BSHAD PA NI, SMAN PA RGYAL PO LA SDANG DANG, ,DE DANG MI MDZA' SDANG BA DANG, ,YO BYAD MI 'BYOR BREL BA DANG, ,NYAN DU MI BTUB TSE ZAD DANG, ,GTUM ZHING MYA NGAN LA MNAN 'JIGS, ,BYAS PA MI GZO SMAN BRNYAS SPANG, ,ZHES BYA BA YIN TE, NAD PA DE LTA BU NI GSOR RUNG YANG SPANG BAR BYA'O, ,SMAN PA RGYAL PO LA SDANG ZHING, ,ZHES BYA BA NI SMAN PA DAG DANG RGYAL PO STE, SA BDAG LA SDANG BA DANG, DE BZHIN DU DE DANG MI MDZA' ZHES BYA BA, SMAN PA DANG RGYAL PO LA SDANG ZHING MI MDZA' BA DE YANG SPANG BAR BYA'O, ,SDANG BA DANG ZHES BYA BA NI BDAG NYID LA SDANG ZHING DGRAR BYED PA'O, ,YO BYAD MI 'BYOR ZHES BYA BA NI YO BYAD MTSANG BA STE, GSO BA'I YAN LAG DANG MI LDAN PA'O, ,BREL BA NI BYA BA MANG BA STE, BYA BA GZHAN LA LTOS SHING, ,LAS GZHAN LA SEMS ZHEN PA'O, ,NYAN DU MI BTUB PA NI SMAN PA'I BSGO BA MI BYED PA GANG YIN PA DE YANG SPANG BAR BYA'O, ,TSE ZAD PA NI 'TSO BA YONGS SU ZAD PA'O, ,GTUM PA NI 'PHRAL DU GNOD PA BYED CING GDUG PA'I CHOS CAN NO, ,MYA NGAN LA MNAN PA NI CHUNG MA
, ,LA SOGS PA SHI BA LAS BYUNG BA'I MYA NGAN GYIS GZIR BA'O, ,'JIGS PA NI 'JIGS PA DANG BCAS PA'O, ,BYAS PA MI GZO BA NI GANG LA YANG PHAN PAR BYAS SU ZIN KYANG, GNOD PA BYED PA'O, ,SMAN PA BRNYAS PA NI BDAG NYID SMAN PA MA YIN DU ZIN KYANG, SMAN PA LTA BUR 'CHOS SHING RMONGS PAS RANG DGAR SMAN DPYAD BYED PA STE, DE YANG SPANG BAR BYA'O, ,DE LTAR LE'U DANG POR GZHUNG MA LUS PA'I DON MDOR BSDUS PA BSHAD NAS, DE'I 'OG TU BDE BLAG TU DRAN PAR BYA BA'I PHYIR, LE'U'I GRANGS KYI MDOR BSDUS PA BSHAD PA NI, DE NAS GZHAN YANG RGYUD 'DI YI; ,LE'U BSDUS PA BSHAD BYA STE, ,ZHES BYA BA YIN TE, DE NAS DE'I 'OG TU BDE BAR DRAN PAR BYA BA'I PHYIR, LE'U BSDUS PA BSHAD PAR BYA'O ZHES BYA BAR SBYAR RO, ,RGYUD CES BYA BA 'DIS TSE'I RIG BYED KYI DON 'DZIN CING SDUD PAS NA RGYUD DO, ,LE'U BSDUS PA NI LE'U RNAMS BSDUS SHING PHUNG PO GCIG TU BYED PA'O, ,DE DAG KYANG GANG ZHIG YIN ZHE NA, TSE RING NYIN RE DUS SPYOD DANG, ,NAD MED BYA DANG BTUNG BA DANG, ,ZAS SHES BYA DANG ZAS BSDAM BYA, ,ZAD TSOD SMAN DANG RO LA GNAS, ,NAD SHES BYA DANG DE'I DBYE BA, ,DE GSO BA DANG GSO THABS GNYIS, ,SBYANG SOGS SNUM CHOS KHRUS BRTA BYA, ,SMAN DUD KHAR DOR MIG BKRU DANG, ,GSO DANG DBYUNG THABS ZUG RDU MTSON, ,GTAR DPYAD ZUG RDU DBYUNG BA'I DPYAD, ,MTSON DANG THAL SMAN ME BTZA'I LAS, ,MDO GNAS LE'U SUM CU NI, ,'DI YIN, ZHES BYA BA LA, DE LTAR SNGAR BSHAD PA'I LE'U SUM CUS NI MDO'I GNAS BSHAD PA YIN TE, TSE RING BAR 'DOD PA DANG, NYIN RE DANG DUS SU SPYOD PA DANG, ZHES PA GNYIS PA'I MTSAMS SBYAR BAR BYA'O, ,DES NA TSE RING BAR 'DOD PA DANG, NYIN RE SPYOD PA DANG, DUS KYI SPYOD PA DANG, NAD MED PAR BYA BA DANG, BTUNG BA'I RDZAS SHES PAR BYA BA DANG, ZAS KYI RANG BZHIN SHES PAR BYA BA DANG, ZAS LEGS PAR BSDAMS PAR BYA BA DANG, ZAS KYI TSOD ZIN PAR BZA' BA DANG, SMAN LA SOGS PA'I RDZAS SHES PAR BYA BA DANG, RO RNAMS SHES PAR BYA BA DANG, NAD LA SOGS PA SHES PAR BYA BA DANG, NAD DE'I BYE BRAG SHES PAR BYA BA DANG, NAD GSO BA BSTAN PA DANG, GSO
THABS RNAM PA GNYIS DANG, SBYANG BA LA SOGS PA'I TSOGS BSDU BA DANG, SNUM CHOS KYI DPYAD DANG, DUGS KYI DPYAD DANG, SLON DANG KHRUS KYI DPYAD DANG, MDOMS KYI DPYAD DANG, SNA NAS GTONG BA'I SMAN DANG, SMAN GYI DUD PA'I DPYAD DANG, SMAN KHUS MKHUR BA BKANG ZHING DOR BA LA SOGS PA'I DPYAD DANG, MIG SMAN BLUGS TE MIG NAD BKRU BA'I DPYAD DANG, MIG GSO ZHING TSIM PAR BYA BA'I DPYAD DANG, SMAN GYI PHUR MA BTZO ZHING SMAN KHUS MIG BRTA BA'I CHO GA DANG, MTSON GYI DUM BU LUS LAS DBYUNG BA'I CHO GA DANG, GTAR DPYAD KYIS DBUG PA'I CHO GA DANG, MTSON GYI LAS KYI CHO GA DANG, THAL SMAN RNON PO DANG ME BTZA'I LAS KYI CHO GA'O, ,'DI DAG GIS NI RGYUD KYI DON MA LUS PA MDOR STON PA YIN PAS NA MDO'I GNAS TE RGYUD MA LUS PA'I MGO BO LTA BU YIN NO, ,DA NI, LUS KYI BRJOD BYA STE, ZHES BYA BA LA, LUS KYI ZHES BYA BA NI LUS KYI GNAS SO, ,CI ZHIG BRJOD CE NA LE'U BSDUS PA LAS, DE DAG KYANG GANG ZHE NA, MNGAL DU 'JUG DANG DE'I NAD DANG, ,YAN LAG GNAD KYI BYE BRAG DANG, ,RNAM 'GYUR BANG CHEN LAS BYUNG DRUG ,CES BYA BA YIN TE, DE LA LUS DE'I MNGAL DU 'JUG PA DANG, DE'I NAD NI MNGAL DE'I NAD DE, LUS KYI MNGAL 'JIG PA DANG, LUS KYI YAN LAG GI BYE BRAG DANG, LUS KYI GNAD KYI BYE BRAG DANG, LUS KYI RNAM PAR 'GYUR BA SHES PAR BYA BA DANG, LUS KYI BANG CHEN LA SOGS PA SHES PAR BYA BA STE, DE LTAR NA LE'U DRUG PO DE DAG NI LUS KYI GNAS YIN NO, ,DE NAS NAD GZHI'I GNAS BSHAD PA NI, ,NAD KUN 'BYUNG BA'I NAD GZHI DANG, , RIMS KHRAG DBUGS MI BDE GCONG SOGS, ,CHANG DANG GZHANG 'BRUM TSAD PA'I NAD, ,CHU 'GAGS GCIN NI SNYI BA DANG, ,KHONG 'BRAS DMU RDZING DAG DANG NI, ,SKYA RBAB MDZE NAD RLUNG GIS GZIR, ,DREG NAD DAG DANG BCU DRUG YIN, ,ZHES BYA BA YIN TE, NAD THAMS CAD KYI NAD GZHI DANG, RIMS DANG, MKHRIS PA DANG, LUD PA'I NAD GZHI DANG, DBUGS MI BDE BA'I NAD GZHI DANG, ZAD BYED LA SOGS PA'I NAD GZHI DANG, CHANG DRAGS PA LA SOGS PA'I NAD GZHI DANG, GZHANG 'BRUM GYI NAD GZHI DANG, TSAD PAS 'KHRU BA'I NAD GZHI DANG, GCIN 'GAGS PA'I NAD GZHI DANG, GCIN SNYI BA'I
, ,NAD GZHI DANG, KHONG 'BRAS DANG, SKRAN GYI NAD GZHI DANG, DMU RDZING GI NAD GZHI DANG, SKYA RBAB DANG, 'OR NAD DANG, ME DBAL LA SOGS PA'I NAD GZHI DANG, MDZE NAD DANG, SHA BKRA DANG, SRIN BU'I NAD GZHI DANG, RLUNG NAD KYI NAD GZHI DANG, DREG NAD KYI NAD GZHI STE; DE LTAR LE'U BCU DRUG NI NAD GZHI'I GNAS YIN NO, ,GSO BA BRJOD PAR BYA STE, RIMS NAD GSO DANG KHRAG DANG NI, ,LUD PA DBUGS MI BDE DANG GCONG [?], ,SLON DANG CHANG NAD GZHANG 'BRUM DANG, ,TSAD NAD PHO BA GCIN NAD GNYIS, ,KHONG 'BRAS SKRAN DANG DMU RDZING DANG, ,SKYA RBAB 'OR NAD ME DBAL DANG, ,MDZE NAD SHA BKRA RLUNG NAD DANG, ,DREG NAD GSO BA'I DPYAD RNAMS TE, ,LE'U NYI SHU GNYIS 'DI YIN, ,ZHES BYA BA YIN TE, GSO BA'I NAD LA LE'U NYI SHU RTZA GNYIS YOD PA'O, ,DE YANG GANG YIN ZHE NA, RIMS NAD GSO BA DANG, KHRAG DANG MKHRIS PA GSO BA DANG, LUD PA GSO BA DANG; DBUGS MI BDE BA GSO BA DANG, GCONG [?] CHEN PO'I NAD GSO BA DANG, RTAG TU SLON BA DANG, SNYING NAD DANG, CHANG NAD GSO BA DANG, GZHANG 'BRUM GSO BA DANG, TSAD PAS 'KHRU BA GSO BA DANG, PHO BA'I NAD GSO BA DANG, GCIN 'GAGS PA'I NAD GSO BA DANG, GCIN SNYI BA GSO BA DANG; KHONG 'BRAS 'PHEL BA GSO BA DANG, SKRAN NAD GSO BA DANG, DMU RDZING GSO BA DANG, SKYA RBAB KYI NAD GSO BA DANG, 'OR NAD GSO BA DANG, ME DPAL GSO BA DANG, MDZE NAD GSO BA DANG, SHA BKRA GSO BA DANG, SRIN NAD GSO BA DANG, RLUNG NAD GSO BA DANG, DREG NAD GSO BA'I DPYAD DE; NYI SHU RTZA GNYIS PO 'DI DAG NI GSO BA'I GNAS ZHES BYA'O, ,DE LAS GZHAN YANG CHO GA GRUB, ,SKYUG SMAN BKRU SMAN CHO GA DANG, ,DE GRUB MAS GTONG CHO GA DANG, ,MAS GTONG NYES GRUB DRUG PA NI, ,SMAN YIN, ZHES BYA BA NI 'DI YAN CHAD CHO GA GRUB PA'I GNAS YIN NO, ,SKYUG SMAN GYI CHO GA DANG; BKRU SMAN GYI CHO GA DANG, SKYUG SMAN DANG BKRU SMAN DE GRUB PAR BYA BA'I CHO GA DANG, SMAN MAS GTONG BA'I CHO GA DANG, SMAN MAS GTONG NYES PA GRUB PA'I CHO GA DANG, SMAN GYI CHO GA'O, ,DE LTAR NA LE'U DRUG NI CHO GA GRUB PA'I GNAS YIN NO, ,DE NAS PHYI MA NI, ,BYIS PA NYER SPYOD DE'I NAD DANG,
DE'I GDON 'BYUNG POR GTOGS PA GNYIS, ,SMYO DANG BRJED BYED SOGS GNYIS GNYIS, ,MIG CHU RDZI MA GRVA YI MTSAMS, ,MIG 'BRAS RAB RIB MTHONG NYAMS GSUM, ,GNYIS GNYIS KUN LA 'GRO BA YIN, ,RNA NAD SNA DANG KHA DANG MGO'I, ,RMA DANG CHAG GRUGS MTSAN PAR RDOL, ,'BRAS SOGS PHRA MO'I NAD RNAMS DANG, ,GSANG BA'I NAD NI THA DAD GNYIS, ,DUG DANG SBRUL DANG SRIN BU'I DUG ,BYI BA DANG NI BCUD KYIS LEN, ,BU MED SA BON GSO BA STE, ,LE'U BZHI BCU NYID YIN NO, ,ZHES BYA BA LA, DE NAS ZHES BYA BA LA GRUB PA'I GNAS MAN CHAD NI PHYI MA ZHES BYA BA STE, RGYUD PHYI MA YIN PAR SHES PAR BYA'O, ,BYIS PA'I NYE BAR SPYOD PA NI, ,BYIS PA'I NYE BAR SPYOD PAR BYA BA GANG YIN PA DANG, DE'I NAD DANG, DE'I GDON DANG, 'BYUNG POR GTOGS PA GNYIS TE, GDON GYI DMIGS SHES PAR BYA BA DANG, GDON NAD BSAL BAR BYA BA'O, ,SMYO BA DANG BRJED BYED LA SOGS PA LA YANG GNYIS GNYIS TE, SMYO BA'I NAD SHES PAR BYA BA DANG, SMYO NAD BSAL BA DANG, BRJED BYED KYI NAD SHES PAR BYA BA DANG, BRJED BYED KYI NAD BSAL BAR BYA BA DANG, RDZI MA DANG MIG CHU'I NAD SHES PAR BYA BA DANG, GRVA MTSAMS KYI DKAR BA DANG, GNAG PA'I NAD SHES PAR BYA BA DANG, GRVA MTSAMS KYI DKAR BA DANG, GNAG PA'I NAD BSAL BA'O, ,MIG GI 'BRAS BU'I NAD SHES PAR BYA BA DANG, RAB RIB BSAL BA DANG, MTHONG BA NYAMS PA'I NAD BSAL BA DANG, MIG NAD SNA TSOGS SHES PAR BYA BA DANG, MIG NAD SNA TSOGS BSAL BA DANG, RNA NAD SHES PAR BYA BA DANG, RNA NAD BSAL BA DANG, SNA NAD SHES PAR BYA BA DANG, SNA NAD BSAL BA DANG, KHA NAD SHES PAR BYA BA DANG, KHA NAD BSAL BA DANG, MGO NAD SHES PAR BYA BA DANG, MGO NAD BSAL BA DANG, RMA RNYING PA'I NAD SHES PAR BYA BA DANG, RMA RNYING PA'I NAD BSAL BA DANG, RMA SAR PA GSO BA DANG, RKANG LAG CHAG GRUGS SU GYUR PA GSO BA DANG, MTSAN PAR RDOL BA'I NAD GSO BA DANG, 'BRAS DANG, THOR BU DANG, RKANG BAM DANG, ZAD BYED DANG, RTZA SBUBS SHES PAR BYA BA DANG, 'BRAS DANG THOR BU LA SOGS BA'I NAD GSO BA DANG, 'BRUM BU PHRA MO'I NAD SHES PAR BYA BA DANG, 'BRUM
, ,BU PHRA MO'I DAD GSO BA DANG, GSANG BA'I GNAS KYI NAD SHES PAR BYA BA DANG, GSANG BA'I GNAS KYI NAD GSO BA DANG, DUG SNA TSOGS KYI DMIGS BRTAG PA DANG, DUG GSO BA'I CHO GA DANG, SBRUL GDUG PAS ZIN PA'I NAD GSO BA DANG, SRIN DU GDUG PAS ZIN PA'I NAD GSO BA DANG, BYI BA DANG, PHUS PA LA SOGS PAS ZIN PA'I NAD GSO BA DANG, BCUD KYIS LEN PA DANG, SA BON 'PHEL ZHING RO TZA BAR BYED PA STE, DE LTAR LE'U BZHI BCU NI RGYUD PHYI MA YIN NO, ,DE'I NAD DANG, DE'I GDON ZHES BYA BA LA, DE ZHES BYA BA NI BYIS PA LA BSNYEG PA YIN NO; ,GNYIS GNYIS ZHES BYA BA NI, MIG GI MCHU GNYIS DANG, GRVA MTSAMS GNYIS SO, ,GSUM ZHES BYA BA NI MIG 'BRAS DANG, RAB RIB DANG, MTHONG BA NYAMS PA GSUM PO NI RE RE ZHING RE RE'O, ,DE LA RAB RIB NI CUNG ZAD MI GSAL BA'O, ,MTHONG BA NYAMS PA NI SPRIN LTA BUS KHEBS PA'O; ,GNYIS GNYIS ZHES BYA BA NI, MIG NAD SNA TSOGS NAS, RMA'I BAR DU YIN PAR SHES PAR BYA'O, ,RKANG LAG CHAG GRUGS DANG, MTSAN BAR RDOL BA NI RE RE'O, ,'BRAS LA SOGS PA DANG, GSANG BA'I NAD DANG, 'BRUM BU PHRA MO'I NAD NI SO SO ZHING GNYIS GNYIS SO, ,BU MED PA NI RABS CHAD PA'I SKYES BU STE, DE'I SA BON GSO ZHING KHU BA 'PHEL BAR BYA BA NI, LE'U BZHI BCU PA YIN NO, ,DE LTAR LE'U NI BRGYA NYI SHU, ,GNAS NI DRUG TU BSHAD PA YIN, ,ZHES BYA BA LA, DE LTAR ZHES BYA BA RNAM PA 'DIS NA, LE'U BRGYA NYI SHU YOD PA YIN NO, ,GNAS DRUG CES BYA BA NI, MDO DANG, LUS DANG, NAD GZHI DANG, GSO BA DANG, CHOG GRUB PA DANG, RGYUD PHYI MA'O, ,BSHAD PA YIN ZHES BYA BA NI, BSTAN PA YIN ZHES PA'I DON TO, ,YAN LAG BRGYAD PA'I SNYING PO BSDUS PA ZHES BYA BA'I MDO'I GNAS LAS RNAM PAR 'GREL PA, TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, LE'U DANG PO'I 'GREL PA'O,, ,,DE NAS NYIN RE ZHING SPYAD PA'I LE'U BSHAD BAR BYA'O, ,ZHES BYA BA LA, DE NAS ZHES PA NI LE'U THAMS CAD LA BKRA SHIS PA'I DON YIN PA'AM, DE BZHIN DU DE MA THAG PA DANG, RTZOM PA DANG, RJES SU 'BREL PA YIN NO, ,DE NAS
ZHES BYA BA LA SOGS PA'I SGRA LE'U SNGA MAR DON BSHAD ZIN MOD KYI, BKRA SHIS BA'I DON DU SLOB DPON GYIS LE'U RE RE'I RTZOM PA LA BKRA SHIS PAR BYA BA'I PHYIR, DE NAS ZHES BYA BA'I SGRA NI SMOS PA YIN NO, ,NYI MA RE RE ZHING BYA BA'I SPYOD PA YIN PAS NA, NYIN RE ZHING SPYAD BAR BYA BA'AM, NYIN MO SPYOD PA YIN PAS NA; NYIN RE'I SPYOD PA STE, 'JIG RTEN GNYI GA LA PHAN PAR BYA BA'I ZAS DANG, SPYOD LAM GYI SPYOD PA SPYOD PAR BYED PA STE, NYI MA RE RE ZHING GANG ZHIG BYA BA'I LE'U DE BSHAD PAR BYA'O ZHES PA'O, ,TSE RING 'DOD PA'I LE'U'I RJES THOGS SU 'DI BSHAD PA'I 'BREL PA GANG ZHIG YIN ZHE NA, DE BRJOD PAR BYA STE, GANG GI PHYIR TSE RING BAR 'DOD PA'I SKYES BUS, GTZO CHER TSE LA PHAN PA GANG YIN PA DE DANG POR KUN TU BSTEN PAR BYA BA'AM, DE'I RJES LA NI PHAN BA GZHAN GANG DAG YOD PA BSTEN PAR BYA BA YIN NO, ,DE BAS NA DANG PO RE ZHIG KUN TU SPYOD PA GTZOR GZUNG BAR BYA'O, ,DE YANG GANG GI PHYIR KUN TU SPYOD PA LAS, TSE RING BA 'THOB PAR 'GYUR BAS NA KUN TU SPYOD PA YIN NO, ,GANG 'DIR MTSAN MO'I SPYOD PA DAG KYANG BSHAD MOD KYI, 'O NA KYANG GTZO BOR GYUR PAS, LE'U 'DI LAS NYIN MO'I SPYOD PA BSTAN PA YIN NO, ,DE BAS NA 'DI LA NI NYIN RE'I SPYOD PA ZHES BSHAD DO, ,GZHUNG 'DI LAS NI CHE BSKYANG BA'I RANG BZHIN CAN STON LA, DE YANG RNAM PA GNYIS TE, THA MAL PAR BDE BAR GNAS PA'I 'JUG PA DANG, NAD PA'I 'JUG PA'O, ,DE LA BKRA SHIS PA'I PHYIR DANG, SMRA BAR BYA BA NYUNG ZAD CIG YOD PA'I PHYIR DANG, NAD PA LA YANG DGOS PA'I PHYIR, THA MAL PAR BDE BAR GNAS PAR 'JUG PA NYID THOG MAR BSHAD PA YIN TE, BA DER GNAS CHE NI BSRUNG BA'I PHYIR, ,YUD TZAM TSANGS PHYIR GNAS TE LANGS, ,ZHES BYA BA LA, BDE BAR GNAS SHING NAD MED LA DGE BA DES NI, TSAD JI TZAM DU 'ONGS BA'I SROG BSRUNG BA'I PHYIR TSANGS PA'I YUD TZAM NA LDANG ZHING LANGS PAR BYA'O, ,DE LA YUD TZAM NI CHU TSOD GNYIS SO, ,TSANGS PA'I NI MYA NGAN LAS 'DAS PA LA BYA'O, ,DE'I DON DU 'DON PA LA TSANGS PA ZHES BYA'O, ,DE BYA BA DANG 'TSAM PA'I YUD TZAM NI, THUN THA MA'I CHU TSOD GNYIS SO, ,'DI NI BDE BAR GNAS PA'I DBANG DU BYAS PA YIN PAR SHES PAR
, ,BYA'O; ,LANGS NAS CI ZHIG LA BRTEN PAR BYA ZHE NA, DE'I PHYIR BSHAD PA NI, LUS KYI BYA BA RDZOGS BYAS NAS, ,DE NAS GTZANG SBRA'I CHO GA BYA, ,AARKA N+YA GRO DHA SENG LDENG, ,KA RANYDZA GA KU LA SOGS, ,BSKA DANG TSA DANG KHA BA DAG ,RTZE 'JAM NANG PAR ZAS SPYAD NAS, ,SO DANG RNYIL LA MA GNOD PAR, ,SO YI DAG BYED BCA' BAR BYA, ,ZHES BYA BA YIN TE, LUS KYI BYA BA RDZOGS BYAS NAS, ,ZHES BYA BA NI, BSHAD BA DANG, GCI BA DOR BA LA SOGS PA'I MTSAN NYID CAN TE, RNAM GRANGS GZHAN DU NA NGES PAR BYA BA'I BYA BA BYAS NAS, DE NAS DE'I 'OG TU GTZANG SBRA'I CHO GA BYAS LA, SO DAG PAR BYED BA'I SO SHING BCA' BAR BYA'O, ,DE'I NANG PAR TE THO RANGS DANG, ZAS SPYOD DE ZAS ZOS ZIN NAS BCA' LA, DE YANG RTZE MO 'JAM PA STE, PIR LTA BUR GYUR PA TZAM DU BCA' LA BYA'O, ,DE BZHIN DU BSKA BA DANG, TSA BA DANG, KHA BA'I ZHES BYA BA YIN TE, RO DE LTA BU DAG GO, ,DE YANG GANG ZHIG CE NA, AARKA ZHES BYA BA LA SOGS PA YIN NO, ,SOGS PA'I SGRAS NI, SHING SAD DZA DANG, AA RI ME DA DANG, AA BA MARGA DANG, DZ'A TI'I SHING LA SOGS PA BSDU'O, ,DE YANG SO DANG RNYIL LA MI GNOD CING, MA GTZES BAR BCA' BAR BYA'O, ,CI THAMS CAD KYIS BCA' BAR BYA BA'AM, 'ON TE 'GA' ZHIG GIS SHE NA, DE'I PHYIR BSHAD PA NI, MA ZHU SLON BRO DBUGS MI BDE, ,LUD PA LU RIMS KHA YON CAN, ,SKOM ZHING KHA SKAMS SNYING MIG RNA, ,MGO BO NA BAS 'DI MI BCA', ,SO SHING DE NI 'DI DAG GIS BCA' BAR MI BYA'O, ,GANG GIS SHE NA, MA ZHU BA STE, KHA ZAS MA ZHU BA DANG, SLON BRO ZHING SKYUGS PA DANG, DBUGS MI BDE BA LA SOGS PA, 'OG NAS BSHAD PA'I MTSAN NYID DANG LDAN PA'O, ,CAN ZHES BYA BA NI THAMS CAD LA SBYAR TE, GANG LA MA ZHU BA YOD PA DE NI MA ZHU BA CAN NO, ,DE BZHIN DU GZHAN DAG LA YANG SBYAR RO; ,KHA YO BA NI KHA'I PHYED RLUNG GIS YON POR GYUR PA'O, ,NA BA ZHES BYA BA NI SKOM PA LA SOGS PA KUN DANG SBYAR TE, DES NA SKOM DAD CAN DANG, KHA SKOMS PA'I NAD CAN DANG, SNYING NAD CAN DANG, MIG NAD CAN DANG, RNA NAD CAN DANG MGON BA DAG GIS SO SHING BCA' BDE SPANG BAR BYA'O, ,
SO SHING BCA' BA'I 'OG TU MIG SMAN BYA STE, DE'I PHYIR BSHAD PA NI, RTAG TU MIG SMAN SKYER KHAndA, ,MIG LA PHAN PAS DE PHYIR BSTEN, ,ZHES BYA BA YIN TE, RTAG PAR DUS THAMS CAD DU RGYUN DU NANG PAR DANG DGONGS KA MIG GNYIS SU SKYER KHAndA BCUG PA NI PHAN ZHING BDE BAR BYED PA YIN NO; ,DE BAS NA DE'I PHYIR DE BSTEN CING GOMS PAR BYA'O, ,CI DUS THAMS CAD DU DE NYID BSTEN PAR BYA BA YIN NAM ZHE NA, DE'I PHYIR BSHAD PA NI, DE NI ME YI RANG BZHIN TE, ,LHAG PAR BAD KAN LA 'JIGS PAS, ,MCHI MA 'DZAG PHYIR SKYER KHAndA, ,ZHAG BDUN ZHING NI BLUGS PAR BYA, , ZHES BYA BA YIN TE, GANG GI PHYIR MIG DE NI ME'I RANG BZHIN CAN NAM, TSUL CAN YIN PA'I PHYIR BAS, DE'I PHYIR DBANG PO RNAMS NI 'BYUNG BA LNGA'I BDAG NYID CAN YIN PAR PHAL CHER BSHAD LA, MIG DE NI RLUNG LA SOGS PA BAS KHYAD PAR DU BAD KAN LA LHAG PAR 'JIGS PA YIN ZHING BRTEN PA YIN LA, DE DAG PHAN TSUN MI MTHUN PA YIN LA, DE BAS NA BAD KAN DBYUNG ZHING 'DZAG PAR BYA BA'I PHYIR, ZHAG BDUN BDUN 'DAS PA DANG, SKYER KHAndA BLUGS PAR BYA ZHING BSTEN PAR BYA'O, ,DE NAS SNAR BLUGS PA LA SOGS PA BYA DGOS TE, DE'I PHYIR 'DI'I 'OG TU SNA SMAN BSHAD PA YIN NO, ,DE YANG BSDUS PA LAS, MIG SMAN SNA SMAN KHAR GZHAG DOR, ,DUD PA BRNGUB PAR BYA BA DANG, ,DU BA SO RTZI DOR BA YIS, ,RIM GYIS BAD KAN RLUNG LAS RGYAL, ,ZHES BSHAD PA YIN PAS NA 'DIR, ,DE NAS SNA SMAN MKHUR BKAD DOR, ,DUD PA SO RTZI BSTEN PAR BYA, ,ZHES PA YIN TE, DE NAS ZHES BYA BA LA MIG SMAN GYI RJES THOGS LA, SNA SMAN LA SOGS PA BSTEN PAR BYA'O, ,SNA SMAN NI SNA NAS GTANG BA'I SMAN NO, ,MKHUR BKANG DOR BA NI, SMAN GYI KHU BA BSKOL BA LA SOGS PAS MKHUR BA BKANG STE CUNG ZAD GZHAG LA DOR BA'O, ,DU BA NI 'OG NAS BSHAD PA'I MTSAN NYID CAN GYI SBYOR BA'O; ,SO RTZI TAM PO LA NI GRAGS PAR ZAD DO, ,DE DAG KYANG CI THAMS CAD KYIS BSTEN PAR BYA BA'AM, 'ON TE LA LA ZHIG GIS BSTEN PAR BYA ZHE NA, DE'I PHYIR SMRAS PA NI, SO RTZI GLO 'GRAMS MKHRIS PA KHRAG ,RTZUB PAS MIG NI NA BA DANG, ,DUG GIS BRGYAL ZHING CHANG NAD GZIR, ,LUS SKEM GYUR LA
, ,GNOD PA YIN, ,ZHES BYA BA SMOS PA YIN TE, MKHRIS PA KHRAG GIS GNOD PAR GYUR PA'AM, LUS SKEM POR GYUR PA LA, SO RTZI TAM PO LA DE GNOD PA YIN NO, ,DE LA GLO 'GRAMS PA NI GLO RDOL PA'O, ,MKHRIS PA KHRAG NI MKHRIS PA LAS GYUR PA'I KHRAG GO, ,RTZUB PA'I RGYUS GANG GI MIG GNOD CING NA BAR GYUR BA DE NI, RTZUB PAS MIG NI NA BA DANG, ,ZHES BYA'O, ,YANG NA RTZUB PAR GYUR PA DANG, MIG NA BAR GYUR PA'O, ,DUG NI KHA LKUGS PA LA SOGS PA'O, ,BRGYAL BA NI 'BOG PA'O, ,CHANG NAD KYIS GZIR BA NI CHANG GIS GNOD PAR GYUR PA STE, 'OG NAS BSHAD PA'O; ,LUS SKEMS GYUR PA NI GCONG CHEN POS THEBS PA STE, 'DI DAG LA NI GNOD PA YIN NO, ,SNAR BLUGS PA LA SOGS PA BYAS NAS, BSKU BYUG BYA BA YIN PAS NA, DE'I PHYIR SMRAS PA NI, RTAG TU BSKU BYUG SPYOD BYED NA, ,DE NI RGAS NGAL RLUNG 'JOMS YIN, ,MIG GSAL LUS RGYAS TSE 'PHEL ZHING, ,GNYID 'ONG LPAGS 'JAM BRTAS BYED YIN, ,ZHES BYA BA YIN TE, RTAG PAR DUS THAMS CAD DU BSKU BYUG LA SPYAD PAR BYA'O, ,CI'I PHYIR ZHE NA, BSKU BYUG DE NI RGAS PA DANG, NGAL BA DANG, RLUNG 'JOMS PA YIN PA DANG, DE BZHIN DU MIG GSAL ZHING DANGS PAR BYED PA DANG, LUS RGYAS SHING 'PHEL BA DANG, TSE SHIN TU 'PHEL BAR BYED PA DANG, GNYID LEGS PAR LOG PAR GYUR PA DANG, BAGS PA SHIN TU 'JAM ZHING MDOG GSAL BA NYID DANG BRTAS PA STE, BRTAN PA NYID KYIS LAS RNAMS NUS PAR BYED PA YIN NO, ,DE NI MGO DANG RNA BA DANG, ,RKANG PAR KHYAD PAR DAG TU BSTEN; ,ZHES BYA BA NI BSKU BYUG BYA STE, MGO BO LA SOGS PAS KHYAD PAR DU BSTEN ZHING GOMS PAR BYA'O, ,GANG GIS SPANG BAR BYA ZHE NA, ,BAD KAN SKYES DANG MA ZHU DANG, ,BKRU SMAN SOGS GTANG BSKU BYUG SPANG, ,ZHES BYA BA STE, BAD KAN GYIS GZIR ZHING SKYES PA LA SOGS PAS SPANG BAR BYA ZHING BSTEN PAR MI BYA'O, ,DE YANG BAD KAN SKYES PA NI, BAD KAN GYIS GZIR ZHING GNOD PAR GYUR PA STE, SKYES PA SMOS PA NI SHIN TU GZIR BAR GYUR PAR BSTAN PA'I PHYIR RO, ,MA ZHU BA NI ZAS KYI LHAG MA MA ZHU BAR GYUR PA'O, ,BKRU SMAN SOGS GTANG ZHES BYA BA NI, BKRU SMAN DANG SKYUG SMAN LA SOGS PA
BYAS PA STE, LUS SBYANGS NAS DUS YUN RING POR MA LON PAR DES BSKU BYUG BSTEN PAR MI BYA'O, ,BSKU BYUG BYAS NAS LUS KYI RTZOL BA LA BRTEN PAR BYA BA YIN PAS, DE'I PHYIR BSHAD PA NI, YANG ZHING LAS NI NUS PA DANG, ,ME YI DROD SKYED TSIL 'BRI LA, ,LUS KYI SKABS PHYED MKHREGS PA NYID; ,RTZOL BA LAS NI 'BYUNG BAR 'GYUR, ,ZHES BYA BA YIN TE, LUS DUB PAR BYED PA'I LAS LA NI, RTZOL BA ZHES BYA'O, ,DE BAS NA RTZOL BA BSTEN PA LAS NI YANG BA LA SOGS PA NYE BAR 'BYUNG BAR 'GYUR RO, ,DE LA YANG BA NI LUS KYI KHONG YANG BA NYID DO, ,LAS NUS PA NI NUS PA BRTAN PA NYID DO, ,ME'I DROD BSKYED PA NI 'JU BA'I ME DROD BSKYED PA'O, ,LUS ZUNGS KYI TSIL BRI BA NI TSIL CHUNG BAR 'GYUR BA'O, ,LUS KYI SKABS PHYED PA NI LUS KYI STOD SMAD KYI CHA PHYED PAR GNAS PA'O, ,MKHREGS PA NI LHOD CING GRIMS LA BRTEN PA STE, DE LTA BU'I LUS KYI YAN LAG GANG YIN PA DE NI; LUS KYI SKABS PHYED MKHREGS PA ZHES BYA'O, ,DE LTA BU'I RANG BZHIN CAN NYID DU 'GYUR BAS NA, LUS KYI SKABS PHYED MKHREGS PA NYID, ,CES BYA'O, ,DE KUN GYIS KYANG BYA BA 'AM 'ON TE MA YIN ZHE NA, DE'I PHYIR, RLUNG MKHRIS NAD CAN BYIS PA DANG, ,RGAS SHING 'KHOGS PAS DE SPANG BYA, , ZHES BYA BA SMOS TE RLUNG DANG MKHRIS PA'I NAD KYIS GZIR BA DANG, BYIS PA DANG, RGAN POS RTZOL BDE SPANGS SHING DOR BAR BYA'O, ,DE LA RLUNG NAD CAN NI RLUNG GI NAD KYIS NYEN PA'O, ,MKHRIS NAD CAN NI MKHRIS PAS NYEN PA'O, ,THA DAD PA SMOS PA LA NI, RLUNG DANG MKHRIS PA GNYIS KA SMOS KYANG SPANG BAR SHES PAR BYA'O, ,RGAN PO NI LO BDUN CU YAN CHAD YIN PAR SHES PAR BYA'O, ,GZHAN YANG JI LTAR BSTAN PAR BYA ZHE NA, STOBS LDAN SNUM BAG ZA BA DANG, ,GRANG BA'I DUS DANG DPYID DUS DANG, ,NUS LDAN DAG GIS DE BSTEN BYA, ,DE LAS GZHAN TSE DAL BA NYID, ,CES BYA BA LA, RTZOL BA DE YANG SKYES BU STOBS DANG LDAN PA DANG, ZAS SNUM BAG CAN ZA BA DANG, GRANG BA'I DUS TE, DGUN STOD DANG, DGUN SMAD DANG, DPYID KYI DUS DANG, NUS LDAN DAG GIS ZHES PA, JI SRID SHIN TU NUB PAR MA GYUR BA DE SRID KYI BAR DU BSTEN PAR BYA'O, ,DE LAS GZHAN TSE ZHES BYA BA NI, DE LAS DUS
, ,GZHAN PA'I TSE STE, SO GA DANG, DBYAR DANG, STON GYI TSE NI LA BA NYID DE RAN CING CUNG ZAD TZAM NYID BSTEN PAR BYA'O, ,DE BYAS CI BDER LUS DAG NI, ,KUN NAS YONGS SU MNYE BAR BYA, ,RTZOL BDE BYAS ZIN NAS NI, ,BDE BAR LUS KUN GNAS PAR BYA, ,ZHES BYA BA LA, RKANG PA NAS MGO BO'I BAR THAMS CAD DU, RKANG PA DAL GYIS YONGS SU MNYE BAR BYA'O, ,SHIN TU RTZOL DRAGS LUD BA DANG, ,SKOM DANG GCOD CAN MI DRAN MUN, ,KHRAG DANG MKHRIS RGYAS NGAL DANG DUB [?], ,RIMS DANG SLON PA 'BYUNG BAR 'GYUR, ,ZHES BYA BA NI, JI SKAD DU BSHAD PA'I TSAD LAS 'DAS SHING BRTZAL BA'I SHUGS HA CANG DRAGS PAR BSTEN PAS NI, SKOM DAD CHE BA LA SOGS PA 'BYUNG BAR 'GYUR RO, ,DE LA SKOM PA NI SKOM DAD CHE BA'O, ,GCONG CHEN PO NI ZAD BYED DO, ,MI DRAN MUN ZHES BYA BA NI, MI DRAN ZHING MUN BAR ZHUGS PA SNYOM SEMS PA'O, ,NGAL BA NI SKYO BA'O; ,DUB PA NI NA BA'O, ,RIMS DANG SLON PA NI RLUNG LAS BYUNG BA'O, ,GZHAN DAG NI GRAGS BAR ZAD DO, ,'DI'I ZHAR LA DGAG PAR BYA BA GZHAN DAG KYANG BSHAD PA NI, RTZOL BA MI NYAL LAM BUD MED, ,BAG DA DANG SMRA SOGS SHUGS 'BYIN PA, ,SENG GES GLANG PO DRANGS PA BZHIN, ,SHIN TU DRAGS PAS MA RUNG 'GYUR, ,ZHES BYA BA YIN TE, RTZOL BA LA SOGS HA CANG DRAGS PAR BSTEN CING SPYOD PAR GYUR BA'I SKYES BU NI MA RUNG BAR 'GYUR RO, ,DE NI DPER NA SENG GE RNAM PAR GNON PA DANG LDAN YANG SHIN TU STOBS CHUNG BAS, STOBS SHIN TU CHE BA'I GLANG PO CHE DRANGS SHING 'DREN PA NA, RANG NYID RKED PA 'CHAD PAR 'GYUR TE, GANG GI PHYIR SENG GE SHIN TU BRTAN PA DANG LDAN PA YIN MOD KYI, 'O NA KYANG GLANG PO CHE GNAS NAS GNAS SU DRANGS NAS KHYER BAR GA LA NUS TE, GLANG PO CHE KHYER PA NYID NA SROG DANG BRAL BAR 'GYUR RO, ,DE BZHIN DU MI YANG GZHU 'DREN PA LA SOGS PA'I RTZOL BA HA CANG DRAGS PAS MA RUNG ZHING 'JIGS PAR 'GYUR RO, ,RTZOL BA'I 'OG TU SKA BA'I RDZAS DAG GIS BYUGS SHING DRIL BAR BYA BA YIN TE, DE BAS NA DE'I YON TAN SMRAS PA NI, DRIL PHYIS BAD KAN SEL BA DANG, ,TSIL NI RAB TU ZHU BYED CING, ,YAN LAG BRTAN PAR BYED PA DANG, ,PAGS PA GSAL BAR BYED PA'I MCHOG ,
CES BYA BA YIN TE, DRIL PHYIS NI BAD KAN SEL ZHING 'JOMS PAR 'GYUR RO ZHES BYA BA NI TSIG GI LHAG MA'O, ,TSIL NI LUS ZUNGS TE, DE ZHU BAR BYED PA NI ME LTAR ZHU BAR BYED PA'O, ,YAN LAG RNAMS BRTAN PAR BYED PA NI, MGO BO DANG RKANG PA LA SOGS PA BRTAN PAR BYED CING BRTAS PAR BYED PA'O; ,DE BZHIN DU PAGS PA SHIN TU GSAL BAR BYED PA'I MCHOG KYANG YIN TE, PAGS PA GSAL ZHING DRI MA MED PAR BYED PA'I DON TO, ,DE LTAR LUS DRIL NAS KHRUS BYAS PA YIN PAS, DE'I PHYIR SMRAS PA NI, KHRUS NI DROD SKYED RO RTZA DANG, ,TSE DANG MDANGS DANG STOBS RAB SKYED, ,G-YA' DANG DRI MA NGAL DANG RDUL, ,SNYOM SKOM LUS TSA MI SHIS SEL, ,ZHES BYA BA YIN TE, KHRUS NI DROD BSKYED PA LA SOGS PA'I YON TAN DANG LDAN ZHING, G-YA' BA LA SOGS PA SEL BA YIN NO, ,DE LAS KHRUS BYAS PAS DROD BSKYED PA NI DNGOS PO'I CHOS NYID YIN TE, PHO BA'I ME DROD GANG YIN PA, ,BA SPU'I BU GA RNAMS LAS PHYI ROL DU 'BYUNG BAR BYED PA YIN LA, DE KHRUS KYIS REG PA KHYAD PAR GRANG BA'I RANG BZHIN GYIS BA SPU'I BU GA BKAG PAS DROD NANG DU ZHUGS TE, PHO BA'I ME DROD SKYED PA YIN TE, DPER NA DGUN GYI DUS SU RLUNG GRANG MO'I REG PAS, BA SPU'I BU GA BKAG PAS LUS KYI ME PHYI ROL DU MI 'BYUNG BAS, ME'I DROD RNAM PAR 'PHEL BA LTA BU YIN NO, ,RO TZA BA NI KHU BA 'PHEL BAR BYED PA'O, ,TSE NI TSE LA PHAN PA'O, ,MDANGS NI GZI MDANGS DANG LDAN BAR 'GYUR BA'O, ,STOBS NI NUS PA STE RAB TU SKYED PAR BYED PA'O, ,G-YA' BA LA SOGS PA YANG SEL BA DANG, SNYOM PA NI GNYID KYIS 'THIBS PAR GYUR PA STE, DE YANG LUNG LAS, GNYID KYIS LOG PA RNAMS KHYAD PAR DU NON PAR 'GYUR BA NI SNYOM PA'O, ,MI SHIS PA NI SDIG PA STE, DE SEL BAR BYA'O ZHES BSHAD PA YIN NO, ,CHU DRON GYIS NI LUS KYI SMAD, ,BLUGS SHING BKRUS PA STOBS SKYED YIN, ,DE NYID MGOR BLUGS KHRUS BYAS NA, ,SKRA DANG MIG GI STOBS 'PHROG YIN, ,ZHES BYA BA NI, CHU DRON GANG YIN PAS RO SMAD BKRUS SHING BLUGS PA DE NI STOBS SKYED CING, STOBS THOB PAR BYED PA YIN TE, LUS KYI SMAD DE NYID KYI RANG BZHIN DE YIN PA'I PHYIR RO, ,CHU DRON PO DE NYID KYIS MGO BOR BLUGS
, ,SHING KHRUS BYAS PA NI, SKRA DANG MIG GI STOBS 'PHROG CING GNOD PA YIN NO, ,KHRUS NI 'GRAM CHAGS MIG NAD DANG, ,RNA BA'I NAD DANG TSAD PAS 'KHRU, ,LTO SBOS CHAM PA MA ZHU DANG, ,ZOS MA THAG PA RNAMS LA SMAD, ,CES BYA BA DANG, YANG KHRUS NI 'GRAM PA'I NAD KYIS NYEN PA RNAMS LA SMAD CING SPANG BAR BYA BA YIN NO, ,'GRAM CHAGS ZHES BYA BA NI, RLUNG GI NAD DE 'OG NAS BSHAD PA'I MTSAN NYID DANG LDAN PA'O, ,SBOS PA NI RLUNG GIS LTO BA GANG ZHING SBOS PAR GYUR PA'O, ,CHAM PA NI SNA NAS 'DZAG PA'O, ,MA ZHU BA NI ZAS MI 'JU BA DANG, THOGS PA DANG; TSA BA SKYE BA'I KHYAD PAR GYIS RNAM PA GSUM YIN NO, ,KHRUS BYAS NAS ZAS LA SPYAD PAR BYA BA YIN PAS, DE'I PHYIR SMRAS PA NI, ZHU NAS PHAN ZHING RAN PAR BZA', ,BSHANG SOGS NAN GYIS BRNAG MI BYA, ,ZHES BYA BA LA SOGS PA YIN TE, KHA ZAS ZHU BA NI LEGS PAR ZHU BAR GYUR PA STE, DE'I KHA ZAS ZHU BAR GYUR PA'O, ,PHAN PA NI GNOD PA MED PA'O, ,RAN PA NI ZAS KYI TSOD ZIN PAR BZA' ZHING SPYAD PAR BYA BA'O, ,BSHANG SOGS NI BSHAD BA DANG GCI BA LA SOGS PA STE, DE NAN GYIS ZHES PA STOBS KYIS BRNAG PAR MI BYA'I YONGS SU DOR BAR BYA'O, , SHUGS MA PHYUNG BAR GZHAN MI BYA, ,GNOD LAS MI BDE BAR MA YIN, ,ZHES BYA BA NI RLUNG DANG BSHANG BA DANG GCI BA'I SHUGS 'BYUNG BAR GNAS NA, DE MI DBYUNG BAR GZHAN LA BRTZAM PAR MI BYA STE, GANG GI PHYIR SHUGS BKAG PAS NI NAD RNAMS 'BYUNG BAR 'GYUR RO, ,GNOD PA ZHES BYA STE, BSGRUB PAR BYA BA'I MTSAN NYID DANG LDAN PA'I NAD LAS MI RGYAL ZHING, DE GSO BAS BDE BAR MA BYAS PAR YANG BYA BA GZHAN MI BYA'O, ,GANG GI PHYIR GSOR RUNG BA'I NAD BTANG SNYOMS SU BYAS NA GSOR MI RUNG BA NYID DU 'GYUR RO, ,DE YANG 'DIR GZHAN DAG LAS, GSO MIN GSO BYA NYID MI 'GYUR; ,GSO BYA GSO DKA' BA NYID 'GYUR, ,GSO DPYAD LAS GZHAN LAS KYIS NI, ,NAD GZHI GNAS SKABS GZHAN DU 'GYUR, ,ZHES BYA BA YIN NO, ,SEMS CAN THAMS CAD BDE 'DOD PHYIR, ,RTZOM PA KUN LA 'JUG PAR 'DONG, ,BDE BA CHOS MED PAR MA YIN, ,DE BAS CHOS LA
BRTZON PAR BYA, ,ZHES BYA BA NI, SEMS CAN THAMS CAD DE, SROG CHAGS KUN GYI RTZOM PA'I BYA BA MA LUS PA KUN NI BDE BA 'DOD CING BSGRUB PAR BYA BA'I PHYIR BYED PAR 'DOD PA YIN NO, ,BDE BA ZHES BYA BA NI SDUG BSNGAL DANG BRAL BA'O, ,DE NI CHOS MED PAR MA YIN ZHES BYA BA NI, CHOS MED CING SPANGS LA, CHOS LAS GZHAN PAR SPYOD PA LAS 'BYUNG BAR MI 'GYUR RO, ,RGYU DE BAS NA CHOS GTZO BOR BYA ZHING CHOS LA BRTZAM PAR BYA'O, ,DES NI 'DI SKAD STON PAR 'GYUR TE, BYA BA LA SOGS PAS RTZOM PA GANG DANG GANG BYED PA DE DANG DE NI, CHOS LA BRTZAMS PAR BYAS NAS BYA'O ZHES BYA BA'I DON TO, ,MOS PAS DGE BA'I BSHES GNYEN BSTEN, ,CIG SHOS RING DU SPANG BAR BYA, ,ZHES BYA BA LA, MOS PAS ZHES BYA BA NI LUS NGAG DANG, YID KUN TU 'DUD PAS, DGE BA'I BSHES GNYEN ZHES BYA BA, MTHO RIS DANG, THAR PA'I GROGS BSHES SU GYUR CING, YE SHES LA SOGS PA STON PAR BYED PA STE, DE 'BAD PAS BSTEN CING BSNYEN BKUR DU BYA'O, ,CIG SHOS RING DU SPANG BAR BYA, ,ZHES BYA BA NI, DGE BA'I BSHES GNYEN LA LTOS PA'I CIG SHOS SDIG PA'I BYA BA BYED PA STE, DE NI SPANG BAR BYA'O, ,'TSE DANG RKU DANG 'DOD LOG SPYOD, ,PHRA MA NGAG RTZUB BRDZUN TSIG DANG, ,MI 'BREL SMRA DANG GNOD SEMS DANG, ,BRNAB SEMS LTA BA PHYIN CI LOG ,DE LTAR SDIG PA'I LAS RNAM BCU, ,LUS NGAG YID KYIS SPANG BAR BYA, ,DE LA 'TSE BA NI SROG CHAGS RNAMS 'JOMS PA STE GSOD PA'O, ,RKU BA NI GZHAN GYI RDZAS 'PHROG CING BRKU BA'O, ,'DOD PA LA LOG PAR SPYOD PA NI, BGROD PAR BYA BA MA YIN PAR SONG BA STE, DE LTAR NA LUS KYI RNAM PA GSUM MO, ,PHRA MA NI GZHAN GYI NYES PA SGROGS PAR BYED PA'O, ,NGAG RTZUB PO NI CHIG MI BZAD PAR RNO BA 'AM, GZHAN GYI GNAD LA 'BEBS PA'O; ,BRDZUN NI TSIG MI BDEN PA SMRA BA'O, ,MI 'BREL PAR SMRA BA NI, LOG PAR SMRA ZHING DGOS PA MED PAR SMRA BA STE, DE LTAR NA NGAG GI RNAM PA BZHI'O, ,GNOD SEMS NI SEMS CAN RNAMS LA RNAM PAR SDANG BA'O, ,BRNAB SEMS NI MI RIGS PAR GZHAN GYI RDZAS LA REG PA'O, ,LTA BA
, ,PHYIN CI LOG NI LOG PAR LTA BA STE, BSTAN BCOS LAS BSHAD PA'I LTA BA LAS PHYIN CI LOG TU GYUR PA MED PAR LTA BA NYID DE, SBYIN PA MED DO, ,SBYIN SREG MED DO, ,'JIG RTEN 'DI MED DO, ,'JIG RTEN PHA ROL MED DO, ,ZHES BYA BA DE LTA BU NI LTA BA PHYIN CI LOG STE; YID KYI RNAM BA GSUM MO, ,PHONGS PA NAD PA MYA NGAN GZIR, ,CI NUS PAR NI PHAN GDAGS BYA, ,ZHES BYA BA LA, PHONGS PA NI 'TSO BA'I THABS DANG BRAL BA'O, ,NAD KYIS GZIR BA NI NAD KYIS GNOD PAR GYUR PA'O, ,MYA NGAN GYIS GZIR BA NI MYA NGAN GYIS NYAM THAG PA'O, , PHAN GDAGS PA NI SBYIN PA DANG, GSO BA DANG, MYA NGAN BSAL BA DAG GIS DE LAS BZLOG CING PHAN GDAGS PAR BYA'O, ,'BU SRIN GROG SBUR DAG LA YANG, ,RANG DANG 'DRA BAR RTAG TU BLTA, ,ZHES BYA BA LA, 'BU SRIN GROG SBUR LTA BU SROG CHAGS PHRA MO RNAMS LA YANG RANG DANG 'DRA ZHING BDAG DANG MTSUNGS PAR DUS RTAG TU BLTA ZHING BSAM PAR BYA'O, ,DE YANG JI LTAR BDAG NYID BDE BA DANG SDUG BSNGAL 'DOD CING 'DOR BA LA SOGS PA DANG, SROG LA SDUG PAR 'DZIN PA DE BZHIN DU 'DI RNAMS KYANG, BDE BA DANG SDUG BSNGAL 'DOD CING 'DOR BA DANG, SROG LA SDUG PAR 'DZIN PA YOD PA NYID DE, DE BAS NA DE RNAMS LA 'TSE BA LA SOGS PA MI BYA'O, ,ZHES PA'O, ,LHA DANG DGE SLONG BRAM ZE DANG, ,SMAN PA RGAN RGYAL MGRON 'ONGS MCHOD, ,CES BYA BA NI, LHA LA SOGS PA MCHOD CING BSNYEN BKUR DU BYA'O, ,RGAN PO NI SHES PA DANG TSUL KHRIMS DANG DKA' THUB DANG, TSANGS PAR SPYOD PA DANG, BRTUL ZHUGS LA SOGS PA RNAMS LA RGAN PA'O, ,RGYAL PO NI SA BDAG GO, ,MGRON 'ONGS PA NI GLO BUR DU LHAGS SHING GSAR DU 'ONGS PA'O, ,SLONG LA RGYAB KYIS PHYOGS MI BYA, ,BRNYAS PAR MI BYA TSAR MI GCAD, ,CES BYA BA NI, SLONG BA'I MI RNAMS LA RGYAB KYIS PHYOGS SHING RE THAG CHAD PA YONGS SU SPANG BA DANG, MA GO BA LTA BU DANG, TSIG RTZUB PAR MI BYA'O, ,BRNYAS PA NI BSNYEN BKUR MED CING BZLOG PA'O, ,TSAR GCAD PA NI KHYED RNAMS KYIS CI ZHIG THOS SAM, BSLABS SAM SHES PA YIN ZHES DRIS PA'I TSUL GYIS KUN SPYOS PA'O, ,
GNOD PAR BYED BRTZON DGRA GZHAN LA'ANG, ,PHAN GDAGS PA NI GTZO CHER BYA, ,ZHES BYA BA NI, GNOD PAR BYED PA LA BRTZON ZHING MI RIGS PAR BYED PA'I DGRA BO LA YANG PHAN GDAGS PA LA GTZO CHER BRTZON PA NYID BYAS NA, DGRA BO RNAMS KYIS GANG SDANG BAR GYUR PA NYID YID LA RNAM PA THAMS CAD DU GNAS MOD KYI, 'ON KYANG GNOD PAR BYA BA NYID NI LAN 'GA' ZHIG 'GRUB PA YIN LA, GNOD PAR BYED PA DE LA NI, GNOD PAR BYED PA NYID MI BYA'O, ,PHAN PAR BYED DU GNAS NA, GNOD PA'I SEMS KYANG LDOG PAR 'GYUR BA NYID YIN NO, ,'BYOR DANG RGUD LA'ANG YID GCIG BYA, ,RGYU LA PHRAG DOG 'BRAS BU MIN, ,ZHES BYA BA LA, 'BYOR PA NI PHUN SUM TSOGS PA'O, ,RGUD PA NI DE DAG NYID DANG BRAL BA STE, DE DAG LAS YID GCIG CING SEMS MNYAM PAR BYA'I, 'BYOR PAS DREGS PAR YANG MI BYA LA, RGUD PAS ZHUM PAR YANG MI BYA'O, ,RGYU LA PHRAG DOG CES BYA BA NI; PHUN SUM TSOGS PAR BYED PA'I RGYU'I DNGOS PO LA PHRAG DOG BYA'I, 'BRAS BU GZHAN GYI PHUN SUM TSOGS PA LA NI MA YIN NO, ,DE YANG SPYOD PA DAM PA LA 'JUG PA DANG, THOS PA DANG, GTONG BA LA SOGS PA GZHAN GYI YON TAN SKYED PAR BYED PA DE'I RGYU NYID LA PHRAG DOG BYA'I, DE'I 'BRAS BU THOB PA LA NI MA YIN TE, SKYES BU NYID DU GYUR PAR MTSUNGS SU ZIN KYANG, 'DI NI 'DI LTAR YON TAN DANG LDAN PA YIN NA, BDAG 'DI LTA BU'I YON TAN GYIS BRGYAN PAR CI'I PHYIR MI BYA ZHES GANG GIS SNGON MA THOB PA'I THOS PA LA SOGS PA 'PHEL BAR 'GYUR BA DE LTA BU'I RGYU LA 'BAD BA NYID DU BYA BA YIN NO, ,DUS SU PHAN DANG RAN PAR SMRA, ,SLU BA MED CING DES PAR BYA, ,ZHES BYA BA LA, TSIG SMRA BAR BYA BA DAG NI DUS SU SHES PA GNAS SKABS LA BAB CING RUS TSOD LA BAB PAR BYA'O, ,PHAN PA NI CHOS DANG DON DANG SNYAN PA DANG LDAN PA'O, ,RAN PA NI NYUNG ZHING TSOD ZIN PA'O, ,SLU BA MED PA NI BDEN ZHING MI SLU BA'I CHOS CAN NO, ,DES PA NI MNYAN NA BDE BA STE, 'JAM PAR SMRA ZHING YID DU 'ONG LA DGA' BAR SMRA BA'O, ,BZHIN 'DZUM GSONG POR SMRA BA DANG, ,SPYOD PA BZANG ZHING SNYING RJE 'JAM, ,ZHES BYA BA LA, RANG BZHIN 'DZUM PA NI, RANG BZHIN MDZES
, ,PA STE; KHRO GNYER MED PA'O, ,GSONG POR SMRA BA NI DANG PO NYID DU SMRA BAR BYED PA'O, ,SPYOD PA BZANG BA NI RANG BZHIN BZANG BA STE, KUN TU SPYOD PA MI RTZUB PA'O, ,SNYING RJE 'JAM PA NI SNYING RJE 'JAM PA STE, SNYING BRTZE BA DANG LDAN ZHING SEMS MNYAM PA'O, ,GCIG PU BDE MIN THAMS CAD LA, ,YID MI BRTAN ZHING DOGS MI BYA, ,ZHES BYA BA LA, SKYES BUS NI BDAG GCIG BU BDE BA DANG LDAN PAR MI BYA'I, GZHAN DU NA DGE SBYONG DANG, BRAM ZE DANG, GNYEN 'DUN DANG, MDZA' BSHES DANG BRAN G-YOG LA SOGS PA RNAMS DANG LHAN CIG THUN MONG DU LONGS SPYAD PAS GNAS PAR BYA'O, ,THAMS CAD LA ZHES BYA BA LA, YUL THAMS CAD LA YID BRTAN ZHING BLO GDENG BAR MI BYA LA, YID BRTAN DU RUNG BA'I MI DANG, NYE DU DANG, MDZA' BSHES DANG, BRAN G-YOG LA SOGS PA THAMS CAD LA YANG DOGS PA DANG BCAS PAR MI BYA'O, ,SU YANG BDAG GI DGRA YIN DANG, ,BDAG NI SU YANG 'GRAS GYUR DANG, ,BRNYAS DANG BDAG LA GTZO BO NI, ,MI BYAMS ZHES NI SMRA MI BYA, ,ZHES BYA BA NI, BDAG LA DGRA BO YOD CES BYA BA NI SU LA YANG SMRA ZHING BRJOD PAR MI BYA STE, DE BRJOD NA G-YON CAN DAG GIS SHIN TU YANG 'BYED PAR 'GYUR RO, , BDAG NI SU'I DGRA YIN ZHES SKYE BO 'GA' LA YANG SMRA PAR MI BYA STE, GAL TE DE LTAR BYAS NA SHIN TU 'GRAS PAR 'GYUR RO, ,GTZO BO DANG 'BREL PA'I BRNYAS PA STE, MA BSTUN PA YANG SMRA BAR MI BYA'O, ,DE BZHIN DU GTZO BO DANG 'BREL PA'I MI BYAMS SHING BRTZE BA MED PA LA YANG SMRA BAR MI BYA'O; ,'GRO BA'I BSAM PA SHES NAS NI, ,GANG ZHIG JI LTAR YONGS MGU BA, ,DE LA DE BZHIN RJES 'JUG CING, ,GZHAN DAG DGA' BYED MDZANGS PA YIN, ,ZHES BYA BA NI, SKYE BO 'JIG RTEN PA'I SEMS KYI BSAM PA BRTAGS SHING SHES PAR BYAS LA, SHES RAB KYIS YONGS SU DPYAD NAS, RNAM PA GANG GIS SKYE BO GANG DAG YONGS SU MGU ZHING KUN TU DGA' BAR 'GYUR BA'I 'GRO BA DE LA, DE BZHIN DU RNAM PA DE NYID KYI RANG BZHIN DANG BSTUN TE GNAS SHING 'JUG PAR BYED LA, SBYIN PA DANG SNYAN PAR SMRA BA LA SOGS PAS GZHAN DAG DGA' BAR BYED PA DE NI MDZANGS SHING MKHAS
PAR GYUR PA'O, ,DBANG PO GZIR BAR MI BYA ZHING, ,'DI RAB NYAMS BDER BYA BA'ANG MIN, ,ZHES BYA BA LA, DBANG PO STE LCE LA SOGS PA KHA ZAS SHIN TU NGAN PA LA SOGS PAS GNOD CING GZIR BAR MI BYA LA, YANG DBANG PO 'DI DAG LONGS SPYOD KYI BDE BA LA 'BAD PAS BRTZAL NAS BRTEN CING RAB TU BDE BA'I NYAMS SU YANG MI BYA'O, ,TSOMS GSUM MED PA'I RTZOM PA LA, ,MI BSTEN DE DANG 'GAL MI BYA, ,ZHES BYA BA LA, TSOMS GSUM NI CHOS DANG, NOR DANG, LONGS SPYOD CES BYA BA YIN TE, BZHI BA THAR PA'I NI CHOS KYI KHONGS SU GTOGS PA YIN NO, ,DE LTA BU'I SDE TSOMS GSUM MED CING, STONG PA'I RTZOM PA STE, SPYOD PA'I 'BAD PA LA BRTEN PAR MI BYA ZHING GNAS PAR MI BYA'I, CI NAS KYANG CHOS DANG MI 'GAL BA'I BYA BA GANG YIN PA DE NI SDE TSOMS GSUM DANG MI 'GAL BA NYID DU SKYES BUS BSTEN PAR BYA'O, ,DE YANG CHOS LA KUN TU BRTEN PA NA, CI NAS KYANG NOR DANG LONGS SPYOD DANG 'GAL BAR MI 'GYUR BA DE LTAR BYA LA, NOR LA BRTEN PA NA YANG CHOS DANG 'GAL BAR MI BYA LA, LONGS SPYOD LA BRTEN PA NA YANG, NOR DANG CHOS DANG 'GAL BAR MI BYA'O, ,CHOS RNAMS KUN GYI LAM LA NI, ,DBU MA'I LAM GYI RJES 'JUG BYA, ,ZHES BYA BA LA, CHOS RNAMS KUN TE, DNGOS PO THAMS CAD LA LAM ZHES BYA BA BSGRUB CING, BYA BA'I GNAS RNAMS LA DBU MA STE, DMAN PA YANG MA YIN LA, SHIN TU MTHO BA YANG MA YIN PA DE NI RJES SU 'JUG CING SPYAD PAR BYA'O ZHES BSTAN PA YIN NO, ,SKRA SEN KHA SPU RING MI GZHAG ,SGO DGU RKANG PA DRI MED BYA, ,ZHES BYA BA NI, SKRA DANG SEN MO DANG, KHA SPU RING POR MA GYUR PAR BREGS PA STE, KHA SPU ZHES BYA BA NI KO SKO'I PHYOGS KYI SPU'O, ,SGO DGU DANG RKANG PA NI, SGO DGU DANG RKANG PA STE, DE DAG DRI MA MED PAR BYA'O, ,DE LA SGO DGU NI DRI MA'I GNAS KYI SGO RNAMS TE, MIG DANG, RNA BA DANG, SNA DANG, KHA DANG, BSHANG BA'I SGO DANG, GCI BA'I SGO LA SOGS PA'O, , RKANG PA NI RKANG PA GNYIS TE, DE RNAMS KYI DRI MA BSAL ZHING SBYANG BAR BYA'O, ,KHRUS LA DGA' ZHING DRI ZHIM BSGO, ,CHA LUGS BZANG ZHING MI 'PHYAR SPA, ,ZHES BYA BA LA, KHRUS LA DGA' BA NI RTAG TU KHRUS BYED PA'O, ,DRI ZHIM BSGO ZHES BYA BA NI, GA BUR LA SOGS PA'I DRI ZHIM PA'I RDZAS RNAMS KYIS
, ,LUS RJES SU BSGO ZHING BYUGS PA'O, ,CHAS BZANG BA NI DRI DANG BYUG PA DANG, PHRENG BA DANG, GOS DANG, RGYAN GYI RNAM PAS BRGYAN GYIS CHAS PAR BYA'O, ,MI 'PHYAR BA NI KHENGS SHING 'PHYAR CHES PA MA YIN PAR BYAS NAS, SPA ZHING MDANGS DANG LDAN PAR BYA'O, , RIN CHEN GRUB PA'I GSANG SNGAGS DANG, ,SMAN CHEN RTAG TU BCANG BAR BYA, ,ZHES BYA BA NI, RIN PO CHE NI MARKA TA DANG, PADMA R'A GA DANG, BEEd'URYA DANG, GSER SA LE SBRAM DANG, RDO RJE LA SOGS PA'O, ,GRUB PA'I GSANG SNGAGS NI, RAB TU GRUB PAR GRAGS SHING, MTHU SNGON DU SNANG BA'I GSANG SNGAGS, 'JIG RTEN PA DANG BSTAN BCOS LAS GRAGS PA'O, ,SMAN CHEN PO NI LAG SMI DANG, GU HA DANG, DZ'A TI LA DANG, SHU DAG DANG, YUNGS KAR LA SOGS PA'O, ,RIN PO CHE DANG SNGAGS DANG SMAN DE DAG NI MGO DANG MGUL DANG DPUNG PA LA BTAGS TE BCANG BAR BYA'O, ,GDUGS DKAR LHAM DANG LDAN PA NI, ,GNYA' SHING GANG TZAM BLTA ZHING 'GRO, ,ZHES BYA BA LA, GDUGS DKAR PO NI TSAD PA 'GEBS BA'I GDUGS SO, ,LHAM NI RKANG PA SKYOB PAR BYED PA STE, SKYES BUS DE GNYIS DANG LDAN PA DANG, GNYA' SHING GANG TZAM DU BLTA ZHING 'GRO BAR BYA STE, DE TZAM ZHIG TU MDUN DU BLTA'O, ,DES NI SBRUL DANG, PHYUGS DANG, BA LANG DANG, RTA DANG, RDO RTZUB MO LA SOGS PA DAG GI GNOD PAS NYE BAR MI 'GYUR RO, ,MTSAN MO DON CHEN DAG LA NI, ,DBYUG THOGS MGO DKRI GROGS LDAN BYA, ,ZHES BYA BA NI, MTSAN MO'I DUS SU NI 'GRO BAR MI BYA'O, ,GAL TE SHIN TU DON CHE ZHING BSTAN PA'I BYA BA'I LAS LA 'GRO ZHING, MTSAN MO RGYU BAS NGES PAR 'GRO BA YIN NA, DBYIG PA DANG, MGO DKRI BA DANG, GROGS DANG LDAN PAR BYAS LA 'GRO BAR BYA'O ZHES STON TE, DON GYI SHUGS KYIS NA MTSAN MO NGES PAR 'GRO STE, MI BYAR MI RUNG BA'I BYA BA MA YIN PA'I DON DU CHUNG DU DAG LA NI 'GRO BAR MI BYA'O ZHES STON TO, ,DE LA BER KA YOD PAS NA DBYIG PA CAN TE, SBRUL LA SOGS PA SKRAG PAR BYA BA'I PHYIR, DBYIG PA SGRA DANG LDAN PAR BYA BA DANG, 'GYEL BA LAS BRTEN PAR BYA BA'I PHYIR DANG, DGRA
BO BZLOG PAR BYA BA'I PHYIR BYA'O, ,MGO G-YOGS PA NI MGO PO DKRIS PA LTAR STENG NAS 'BAB PA'I BYA DANG, PHYE MA LEB DANG, 'BU SRIN LA SOGS PA LAS BSRUNG BAR BYA BA'I PHYIR RO, ,GROGS DANG LDAN PA NI RKUN PO DANG, GNOD SBYIN DANG, SRIN PO DANG, SHA ZA LA SOGS PA'I 'JIGS PA LAS BSRUNG BAR BYA BA'I PHYIR BYA'O, ,MCHOD RTEN MCHOD BYA RGYAL MTSAN DANG, ,MI SHIS GRIB MA THAL PHUB DANG, ,MI GTZANG GSEG BONG GTOR MA DANG, ,KHRUS BYAS SA NI 'GO MA MI BYA, ,ZHES BYA BA LA, MCHOD RTEN NI MCHOD RTEN NYID DAG DANG, KHYAD PAR CAN GYI LHAS GNAS BCAS PA'I ZHING GI KHYAD PAR 'JIG RTEN NA GRAGS PAR GANG GYUR PA'O, ,MCHOD BYA NI BLA MA LA SOGS PA'O, ,RGYAL MTSAN NI GTZUG LAG KHANG DANG, LHA KHANG GI NANG DU BTAGS PA MDUNG NGAM 'KHOR LO DANG LDAN PA'I BA DAN NO, ,MI SHIS PA NI BKRA MI SHIS PA'I DNGOS PO STE, DE RNAMS KYI GRIB MA 'GOM PAR MI BYA ZHING, BRDZI BAR MI BYA'O, ,THAL BA NI LCI BA LA SOGS BA TSIG PA LAS BYUNG BA'O, ,PHUB MA NI 'BRAS KYI SHUN BA'O, ,MI GTZANG BA NI BSHANG BA DANG GCI PA LA SOGS PA'O, ,GSEG MA NI RDO'I DUM GRUGS SO, ,BONG BA NI SA'I RANG BZHIN LA RDO DANG 'DRA BA'O, ,GTOR MA'I GNAS NI 'BYUNG PO LA SOGS PA LA ZAS SBYIN PA'I GNAS SO, ,KHRUS BYAS PA'I SA NI GANG DU 'GA' ZHIG GIS KHRUS BYAS PA STE, DE THAMS CAD 'GOM PAR MI BYA ZHING YONGS SU SPANG BAR BYA'O, ,CHU BOR RKYAL TE 'GRO MI BYA, ,ME TSAN PHUNG POR 'GRO MI BYA, ,ZHES BYA BA LA CHU BO STE, KLUNG GI CHU CHEN PO LA LAG PA GNYIS BRKYANG ZHING 'GRO BAR MI BYA STE, CHU SRIN DANG RUS SBAL LA SOGS PAS GNOD PAR 'GYUR BA'I 'JIGS PA YOD PA'I PHYIR RO, ,DE BZHIN DU ME'I PHUNG PO CHEN PO'I TSOGS KYI THAD DU 'GRO BAR MI BYA'O, ,THE TSOM BCAS PA'I GRU SHING LA, ,BZHON PA MI SRUN BZHIN MI 'DZEG ,CES BYA BA LA, THE TSOM DANG BCAS PA'I GRU NI CHINGS MA LHOD CING RNYINGS PAS PHA ROL DU SKYEL MI NUS SO, ,DE BZHIN DU THE TSOM DANG BCAS PA'I SHING NI, DUG LA SOGS PA'I GDUG PA YOD PA'AM, LHA LA SOGS PA GNAS
, ,PA'AM; CHAG TU NYE BA DAG TU 'DZEG PAR MI BYA ZHING, DE DAG GI STENG DU GNAS PAR MI BYA'O, ,JI LTA ZHE NA, BZHON PA MI SRUN BZHIN ZHES BYA BA YIN TE, DPER NA RTA LA SOGS PA'I BZHON PA MI SRUN PA LA BZHON DU MI RUNG BA DANG MTSUNGS SO, ,'DIS NI ZUR GYIS BZHON PA MI SRUN PA LA YANG ZHON PAR MI BYA'O ZHES STON PA YIN NO, ,SBRID PA GAD MO GLAL BAL, ,KHA NI GDANGS PAR MI BYA'O, ,ZHES BYA BA LA, SBRID PA NI SBRID PA 'BYUNG BA'O, ,GAD MO NI DGOD PA'O, ,GLA LA BA NI BYA RMYANG STE, DE LA KHA GDANGS PAR MI BYA'O ZHES PA STE, KHA MI DGAB PAR MI BYA'O, , SBRID PA LA SOGS PA 'BYUNG BA NA LAG PA'AM GOS KYIS DGAB PAR BYA'O ZHES PA'I DON TO, ,SNA NI BRUD PAR MI BYA ZHING, ,DON MED SA RIS MI BYA'O, ,ZHES BYA BA LA, SNA BRUD CING SHAS CHER GNOD PAR MI BYA STE, SHU BA DANG THOR BU LA SOGS PA'I GNOD PA SPANG BAR BYA BA'I PHYIR RO, ,DON MED CING DGOS PA 'GA' ZHIG MED PAR SA LA SOR MO LA SOGS PAS DE LA 'DRI ZHING DRUD PAR MI BYA'O ZHES BYA BA'I DON TO, ,LUS KYI YAN LAG MI GCU ZHING, ,TZOG TZOG POR YANG 'DUG MI BYA, ,ZHES BYA BA LA, LUS KYI YAN LAG LAG PA DANG RKANG PA LA SOGS PA GCU BA STE, MI MTHUN PAR BYAS NAS BYA BA'I LAS MI BYA'O, ,'DI DAG GIS NI LAG PA DANG RKANG PA'I RNAM PAR 'GYUR BA SPANG BAR BYA'O ZHES STON PA YIN TE, GZER DANG YAN LAG CHAG PAR 'GYUR BA'I NYES PA YOD PA'I PHYIR RO, ,DE BZHIN DU TZOG TZOG POR GNAS TE 'DUG PAR MI BYA STE, TZOG TZOG POR GNAS PAS YUN RING POR 'DUG NA, GZHANG 'BRUM GYI NAD 'BYUNG BAR BSHAD DO, ,LUS NGAG YID KYI SPYOD PA NI, ,SNGA NAS NGAL LAS BZLOG PAR BYA, ,ZHES BYA BA NI, LUS DANG NGAG DANG YID KYI SPYOD PA ZHES BYA BA LAS SU BYA BA NI SNGA NAS TE, NGAL BAR MA GYUR PA'I DANG PO NYID NAS BZLOG PAR BYA STE, JI TZAM GYIS SHIN TU DUB PAR MA GYUR PA DE TZAM NA BSHOL BAR BYA'O, ,DES NI 'DI SKAD STON PA YIN TE, LUS DANG NGAG DANG YID KYIS 'GRO BA DANG, BKLAGS PA DANG, SEMS PA LA SOGS PA'I LAS RNAMS NI JI SRID SHIN TU DUB PAR MA GYUR PA DE SRID KYI BAR DU BYA'O ZHES PA'I DON TO, ,PUS BSGRENG YUN RING
GNAS MI BYA, ,MTSAN MO SHING DRUNG BSTEN MI BYA, ,ZHES BYA BA NI PUS MO GYEN DU BSGRENG BA GANG YIN PA DE NI PUS BSGRENG ZHES BYA STE, GAN RKYAL DU 'DUG NAS PUS MO BRKYANG STE, YUN RING DU GNAS PAR MI BYA'O, ,DE BZHIN DU MCHAN MO SHING CHEN PO DAG TU GNAS SHING BSTEN PAR MI BYA'O, , SUM MDO MCHOD RTEN DRUNG BZHI MDO, ,LHA YI KHANG PA'ANG DE BZHIN NO, ,ZHES BYA BA LA, SUM MDO LA SOGS PAR YANG DE BZHIN DU MTSAN MO BSTEN PAR MI BYA'O, ,DE LA SUM MDO NI LAM GSUM 'DUS PA LA BYA'O, ,DE LA LA LA DAG GIS PHYOGS GANG DU, GANG ZHIG GRONG NGAM LJONGS NAS PHYIR BYUNG STE, GNAD DU GRONG NA GNAS PAR RAM, LJONGS NA GNAS PA LAS RANG DGAR 'ONGS TE, SNA TSOGS PA'I GTAM DE DANG SMRA BA'I GNAS LA BYA'O ZHES 'DOD DO, ,MCHOD RTEN GYI DRUNG NI MCHOD RTEN GYI NYE 'KHOR RO, ,GZHI MDO NI GANG DU LAM BZHI GCIG TU 'DUS PA'O, ,LHA'I KHANG PA NI LHA RNAMS KYI GNAS KYI KHANG PA'O, ,GSOD SA 'BROG STONG KHANG STONG DANG, ,DUR KHROD DU NI NYIN MO'ANG MIN, ,ZHES BYA BA NI GSOD SA LA SOGS PA NYIN MO'ANG BSTEN PAR MI BYA'O, ,DE LA GSOD SA NI RKUN PO LA SOGS PA GSOD PA'I GNAS SO, ,'BROG STONG NI DGON PA'O, , KHANG STONG NI SKYE BO MED PA'I KHANG PA'O, ,DUR KHROD NI RO BSREGS PA'I GNAS TE, 'DI DAG TU NI NYIN PAR YANG BSTEN PAR BYA BA MA YIN NA, MTSAN MO LTA SMOS KYANG CI DGOS, RNAM KUN NYI MA LA MI BLTA, ,MGO YIS KHUR NI BSKUR MI BYA, ,ZHES BYA BA LA, RNAM PA KUN TU ZHES PA RNAM PA THAMS CAD DU NYI MA LA BLTA ZHING BRTAG PAR MI BYA'O, ,DE YANG GZHAN DAG LAS, 'CHAR DANG NUB PAR 'GYUR TSE DANG, ,PHYED DUS GZUGS BRNYAN RTOG PA DANG, ,GOS KYIS BSGRIBS PAR BYAS PA LAS, ,NYI MA BLTA BAR MI BYA'O, ,ZHES BSHAD PA YIN NO, ,DE BZHIN DU MGO BO STE, SPYI BOS KHUR BSKUR BAR MI BYA ZHING, GNAS NAS GNAS SU BSKUR BAR MI BYA'O, ,SHIN TU PHRA DANG 'TSER BA DANG, ,MI GTZANG MI SDUG RGYUN MI BLTA, ,ZHES BYA BA LA, SHIN TU PHRA ZHING BLTA DKA' BA DAG LA RTAG PAR RGYUN TU BLTA ZHING BRTAG PAR MI BYA'O, ,DE BZHIN DU 'TSER BA STE, ME LA
, ,SOGS PA DANG, GZHAN YANG SHIN TU 'TSER ZHANG GZI MDANGS DANG LDAN PA LA BLTA BAR MI BYA'O, ,MI GTZANG BA NI BTZOG PAR GYUR PA STE, BSHANG GCI LA SOGS PA STE, DE LA YANG MI BLTA'O, ,MI SDUG PA NI MNGON PAR MI DGA' ZHING SDANG BAR GYUR PA LA BLTA BAR MI BYA'O, ,CHANG 'TSONG BA DANG SBYOR BA DAG ,SBYIN DANG LEN DANG SPYAD MI BYA, ,ZHES BYA BA LA, BTZONG BA ZHES BYA BA NI ZONG DU BYA'O, ,'DIS SBYOR BAR BYED PAS NA SBYOR BA STE, CHANG BYED PA'O, ,SBYIN PA NI RANG GI BYA BA LAS BZLOG CING, GZHAN DAG BSTABS PA'O, ,LEN PA NI BSTAN BCOS JI LTA BA BZHIN DU GZHAN LAS LEN PA'O, ,DE LTAR CHANG 'TSONG BA LA SOGS PA BRAM ZE DANG, DGE SBYONG DAG GIS MI BYA'O, ,MDUN GYI SER BU NYI TSAN RDUL, ,BA MO DANG NI RLUNG RTZUB DANG, ,SBRID PA SGREGS PA LUD PA ZAD, ,GNYID LOG NYAL PO GCU MI BYA, ,GANG KA'I GRIB MA RGYAL PO SDANG, ,SBRUL GDUG GCAN GZAN RVA CAN DANG, ,DUS MTSAMS RTAG TU ZAS BZA' DANG, ,BUD MED NYAL KLOG SEMS LAS DANG, ,DGRA BO NAR MAR ZAN TSOGS 'DUS, ,SMAD 'TSONG TSONG PA'I ZAS DAG DANG, ,LUS DANG MCHU DANG SEN SGRA 'BYIN, ,LAG PA SKRA NI SPRUGS PA DANG, ,CHU ME MCHOD BYA'I BAR DU 'GRO, ,RO BSREGS LA BRTEN DUD PA DANG, ,CHANG SOGS CHAGS DANG BUD MED LA, ,YID RTON RANG DBANG GYUR PA SPANG, ,ZHES BYA BA NI, MDUN GYI BSER BU LA SOGS PA SKYES BUS SPANG BAR BYA'O ZHES BYA BAR SBYAR RO, ,DE LA MDUN GYI BSER BU NI SHAR PHYOGS NAS LDANG BA'I RLUNG NGO, ,NYI TSAN NI NYI MA'I THAN PA'O, ,RLUNG NI RDUL GYI TSOGS SO, ,BA MO NI BA MO LHAGS PA'O, ,RLUNG RTZUB PA NI RLUNG DRAG PA'O, ,SGREGS PA NI RLUNG GYEN DU RGYU BA'O, ,LUD PA NI LUD BA LU BAR GYUR PA'O, ,ZAS NI ZAS LA SPYOD PA'O, ,NYAL PO NI 'KHRIG PA SPYOD PA STE, DE DAG GCUS SHING YON POR GYUR PA MI BYA BAR SPANG BAR BYA'O, ,GAD KA'I GRIB MA NI CHU BO'I 'GRAM GYI GAD KA'I GRIB MA'O, ,RGYAL PO SDANG BA NI RGYAL POS DGRA BA'O, ,SPRUL GDUG NI MCHE BA GDUG PA CAN NO, ,GCAN GZAN NI SENG GE LA SOGS PA'O, ,RVA CAN
NI MA HE LA SOGS PA'O, ,DUS MTSAMS THAMS CAD DU ZAS LA SPYOD PA LA SOGS PA YANG SPANG BAR BYA'O, ,BUD MED NI DE DANG NYAL PO BYA BA'O, ,NYAL PO NI GNYID LOG PA'O, ,KLOG PA NI GZHUNG 'DON PA'O, ,SEMS LAS NI THOS PA LA SOGS PA YANG YANG DU DRAN PAR BYA BA'O, , DGRA BO'I NAR MA'I ZAN LA SOGS PA YANG SPANG BAR BYA STE, NAR MA'I ZAS ZHES BYA BA NI, ME LHA BSTOD PA'I CHO GA LA SOGS PA'I DUS SU STER BA'I ZAN TE, MDUN NA 'DON LA SOGS PA MA GTOGS PAR GZHAN DAG GIS DE ZOS NA, SDIG PAS GOS PAR 'GYUR BAR 'DOD DE, GANG GI PHYIR MCHOD SBYIN RDZOGS KHAR DE LAS BYUNG BA'I SDIG PA ZAD PAR BYA BA'I PHYIR, NYES PA 'CHAGS PA LAS 'GO BAR 'GYUR RO ZHES ZER RO, ,TSOGS 'DUS NI SKYE BO MANG POS BSTAN PA'O, ,YUN DU TSOGS TE GTAN DU ZLOS PAR BYED PA MANG PO 'DUS PAR BYED PAS KHYAB PA'O, ,SMAD 'TSONG NI 'PHYON MA STE, DE DANG 'BREL PA'I ZAS GANG YIN PA DE YANG BZA' BAR MI BYA STE, SDIG PAS GOS PAR 'GYUR BA'I PHYIR RO, ,TSONG PA NI NOR BSGYUR MKHAN TE, DE'I ZAS KYANG SDIG PAS GOS PAR BYED PA YIN PAR 'DOD PAS BZA' BAR MI BYA'O, ,DE BZHIN DU LUS DANG, MCHU DANG SEN MO STE, YAN LAG DANG KHA DANG, LAG SKYES KYI SGRA 'BYIN PA YANG SPANG BAR BYA'O, ,DE BZHIN DU LAG PA DANG, SKRA SPRUGS SHING BSKYOD PA YANG SPANG BAR BYA'O, ,CHU ME MCHOD BYA'I BAR DU 'GRO, ,ZHES PA NI CHU DANG ME DANG MCHOD PAR BYA BA DAG GI BAR DU 'GRO ZHING, SONG BA YANG SPANG BAR BYA'O; ,MCHOD BYA NI BLA MA LA SOGS PA'O, ,RO BSREGS PA LA BRTEN PA'I DUD PA NI, MI RO BSREGS PA LAS BYUNG BA'I DUD PA YANG SPANG BAR BYA'O, ,DE BZHIN DU CHANG LA SOGS PA LA CHAGS PA STE, CHANG DANG, RGYAN PO DANG, BUD MED DANG, YUL GZHAN DAG LA CHAGS SHING YANG NAS YANG DU BSTEN PA YANG SPANG BAR BYA'O, ,DE BZHIN DU BUD MED LA YID RTON PA DANG, RANG DBANG DU BYA BA'I YUL DE SPANG BAR BYA'O, ,BLO LDAN SPYOD PA THAMS CAD LA, ,'JIG RTEN NYID NI SLOB DPON YIN, ,DE BAS 'JIG RTEN PA YI DON, ,RTOGS PAR BYED PAS DE NYID BYA, ,ZHES BYA BA LA, BLO DANG LDAN ZHING
, ,SHES RAB DANG LDAN PAS, SPYOD PA THAMS CAD DE BYA BA THAMS CAD LA, 'JIG RTEN NYID CES BYA BA, 'JIG RTEN PA DAM PA NYID SLOB DPON YIN TE, RJES SU STON PA YIN NO, ,DE BAS NA ZHES PA GTAN TSIGS DE'I PHYIR GANG PHYIR GANG 'JIG RTEN PA'I DON RTOGS PAR BYED CING, SO SOR RTOG PA SNGON DU GTONG ZHING BLANG BAR BYA BA DANG, SPANG BAR BYA BA'I TSUL GYIS LEGS PA DANG NYES PA DAG GI BYE BRAG SHES PA DAG GIS 'JIG RTEN PA DAM BDAG GI SPYOD PA DE NYID RJES SU SPYAD PAR BYA ZHING BSLAB PAR BYA'O, ,SNYING RJES BRLAN ZHING GTONG DANG LDAN; ,LUS DANG NGAG YID DUL BA DANG, ,GZHAN GYI DON LA RANG DON SEMS, ,DE DAG DAM PA'I SPYOD MTHAR THUG, ,CES BYA BA LA, SNYING RJES BRLAN PA NI SEMS CAN THAMS CAD LA SNYING BRTZE BA DANG LDAN PA NYID DE, SNYING RJES SEMS NON PA'O, ,DE BZHIN DU GTONG BA DANG LDAN PA NI; CI NUS PA DANG BSTAN BCOS JI LTA BA BZHIN DU BDAG GIR BYA BA LAS BZLOG CING GZHAN DAG LA STER BA'O, ,LUS DANG NGAG DANG SEMS NI LUS NGAG YID KYI RNAM PA'O, ,DUL BA NI NYE BAR ZHI BA'O, ,GZHAN GYI DON LA ZHES PA NI GZHAN GYI DGOS PA'O, ,RANG DON SEMS PA NI GZHAN GYI DON BLO LA SEMS PA 'DI NYID KHO BO'I RANG GI DON YIN NO ZHES DE SNYAM DU SEMS PA'O, ,DE DAG CES PA DE LTA BU NI DAM PA STE, YA RABS RNAMS KYI SPYOD PA YIN PAS NA DAM PA'I SPYOD PA'O, ,MTHAR THUG PA NI RDZOGS PA'O, ,YANG NA DAM PA YANG YIN LA SPYOD PA YANG YIN PAS DAM PA'I SPYOD PA STE, SPYOD PA MDZES PA ZHES BYA BA'I DON TO, ,DA LTAR BDAG NI NYIN MTSAN DU, ,JI LTA BUR NI GNAS 'GRO ZHES, ,RTAG TU DRAN PA NYER 'JOG PA, ,SDUG BSNGAL SNOD DU MI 'GYUR RO, ,ZHES BYA BA NI DA LTAR ZHES PA GNAS PA'I GNAS SKABS NYID NA, BDAG NI NYIN MO DANG MTSAN MO RTAG TU CI CHOS LA SOGS PA'I BYA BA DANG LDAN NAM, 'ON TE CHOS DANG MI LDAN PAR 'GRO ZHING DUS 'DAS PA YIN ZHES, DE LTAR RTAG TU DRAN PA NYE BAR 'JOG CING, DUS THAMS CAD DU YID LA BYED PA DAG NI SDUG BSNGAL GYI SNOD DU MI 'GYUR GYI, 'JIG RTEN
'DI DANG GZHAN DU KUN TU DGA' BA NYID DU 'GYUR RO, ,DE LTAR SPYOD PA MDOR BSDUS PAS, ,GANG ZHIG KUN TU SPYOD BYED PA, ,TSE DANG NAD MED DBANG PHYUG DANG, ,GRAGS PA 'JIG RTEN RTAG THOB 'GYUR, ,ZHES BYA BA LA, DE LTAR ZHES BYA BA NI RDZOGS PA'I TSIG GO, ,SPYOD PA NI KUN TU SPYOD PA'O, ,MDOR BSDUS PA NI MDO TZAM DU BSDUS TE BSHAD PA YIN PAS SO, ,DE LTA BU'I SPYOD PA DE SKYES BU GANG ZHIG KUN TU SPYOD PAR BYED PA NI, TSE LA SOGS PA THOB PAR 'GYUR RO, ,DE LA TSE NI SROG GO, ,NAD MED PA NI BDE BAR GNAS PA'O, ,DBANG PHYUG NI 'BYOR PA DANG LDAN PA'O, ,GRAGS PA NI SNYAN PAS KUN TU KHYAB PA'O, ,'JIG RTEN RTAG PA NI MI BZAD PA'I GNAS THOB CING MI 'JIGS PA'I 'DOD PA MA LUS PA THOB PAR 'GYUR RO, ,YAN LAG BRGYAD PA'I SNYING PO'I RNAM PAR 'GREL BA TSIG GI DON GYI ZLA ZER ZHES BYA BA, SLOB DPON ZLA BAL DGA' BAS RNAM PAR SBYAR BA LAS LE'U GNYIS PA'I RNAM PAR 'GREL PA'O,, ,,DE NAS DUS SU SPYAD PA'I LE'U BSHAD PAR BYA'O ZHES BYA BA LA, 'DIR THA MAL PAR BDE BAR GNAS PA'I 'JUG PA BSHAD PA'I SKABS YIN LA, DE YANG LE'U SNGA MAR NI, DUS TSIG SPYI TZAM DU BSTAN PA YIN LA, DA NI DUS KYI KHYAD PAR BSTAN PAR BYA BA'I PHYIR, LE'U 'DI RTZOM PA BYAS PA DE NYID RIGS PA YIN PA'I PHYIR RO, ,DE YANG GANG GI PHYIR ZHAG GCIG GI CHA SHAS NI, THANG CIG YIN LA, DE'I SPYOD PA YANG THANG CIG GIS NYE BAR MTSON NAS STON TE, DE NI TSANGS PHYIR THANG CIG CES BYA BA LA SOGS PA'I GZHUNG GIS BSHAD PA YIN NO, ,NYIN ZHAG CHA SHAS BSDUS PA NI ZLA PHYED DO, ,ZLA BA PHYED BSDUS PA NI ZLA BA'O, ,ZLA BA BSDUS PA NI DUS SO, ,DUS BSDUS PA NI LHO DANG BYANG DU 'GRO BA'O, ,DE LA DUS DANG DUS SU SPYAD PAR BYA BA YIN PAS DUS KYI SPYOD PA'O, ,DE NAS ZHES BYA BA LA SOGS PA GZHAN DAG GI TSIG DON SNGAR BSHAD PAR BYAS SO, ,DGUN ZLA RA BA SOGS GNYIS GNYIS, ,RIM BZHIN DUS NI DRUG TU BSHAD, ,DE NAS DGUN ZLA THA CHUNGS SOGS, ,GSUM NI BYANG DU 'GRO ZHES BYA, ,DE TSE MI RNAMS NYIN RE ZHING, ,MTHU 'PHROG PA
, ,ZHES BYA BA YIN, ,ZHES BYA BA LA, DGUN ZLA RA BA LA SOGS PA ZHES PA NI, DGUN ZLA RA BA DANG 'BRING PO LA SOGS PA'O, ,GNYIS GNYIS NI GRANG GNYIS KYIS BCAD PA NI ZLA BA BCU GNYIS SO, ,RIM NI GO RIMS JI LTA BA BZHIN DU BYA BA YIN GYI, GO RIMS 'CHOL BA NI MA YIN NO; ,DGUN ZLA THA CHUNGS SOGS ZHES BYA BA NI, DGUN SMAD DANG, DPYID DANG, SO GA DANG, DBYAR DANG, STON DANG, DGUN STOD DE, DUS DRUG TU DUS KYI RNAM PAR DBYE BA BSHAD CING BSTAN PA YIN NO, ,DE LA DUS GSUM STE, DGUN SMAD DANG, DPYID DANG, SO GA ZHES BYA BA'I DUS GSUM LA NI, NYI MA BYANG PHYOGS SU 'GRO BA YIN TE, NYI MA BYANG PHYOGS SU 'GRO BA DE NI, MTHU 'PHROG PA ZHES KYANG BYA BAR SHES PAR BYA BA'O, ,DE YANG GANG GI PHYIR DUS DE'I TSE MI RNAMS KYI MTHU DANG STOBS NYI MA RE RE ZHING 'PHROG CING 'BRI BAR BYED PA YIN NO, ,SU ZHIG 'PHROG CE NA, RANG GI RANG BZHIN YIN PA'I PHYIR, NYI MA'I 'OD ZER DAG GIS 'PHROG PAR BYED DO, ,CI'I PHYIR ZHE NA, DE TSE SHIN TU RNO ZHING TSA, ,RTZUB PA'I LAS KYI NGO BO NYID, ,NYI MA RLUNG GI ZLA BA YI, ,SA YI YON TAN ZAD PAR BYED, ,CES BYA BA LA, DUS DE'I TSE GANG GI PHYIR, SHIN TU RNO BA DANG, TSA BA DANG, RTZUB PA'I LAS KYI NGO BO NYID DE, RANG BZHIN CAN YIN PAS, NYI MA DANG RLUNG GI ZLA BA'I CHA LAS BYUNG BA'I BSIL BA'I RANG BZHIN GNAS PA'I YON TAN DE ZAD PAR BYED CING 'BRI BAR BYED DO, ,TSUL DE LTAR NA ME NI RTZUB PA'I RANG BZHIN CAN YIN PAS MTHU STOBS PHROGS TE, DE BAS NA DE'I DNGOS PO RNAMS KYI KHU BCUD RTZUB PAR 'GYUR BA YIN NO, ,'DIR NI TSA BSKA KHA BA YI, ,RO RNAMS STOBS NI CHE BA YIN, ,ZHES BYA BA NI, DUS 'DI'I TSE TSA BA LA SOGS PA'I RO RNAMS GRANGS JI LTA BA BZHIN RIM GYIS STOBS CHE BA YIN NO, ,DE LA DGUN SMAD KYI DUS SU RO CHE BA STOBS CHE BA YIN NO, ,DPYID NI BSKA BA'O, , SO GA'I NI KHA BA STOBS CHE BA'O, ,STOBS CHE BA SMOS PA NI 'DI SKAD STON PA YIN TE, DE'I TSE TSA BA LA SOGS PA'I RO 'DI DAG SKYED BAR BYED PA NI MA YIN GYI 'ON KYANG RANG GI NUS PA GSAL BAR SNANG BAR BYED PA NYID YIN NO, ,DE'I TSE STOBS CHE BAR 'GYUR BA YIN ZHING, RANG GI MTHU KHYAD PAR CAN RDZOGS
PAR BYED DO, ,DE BAS ME NI MTHU STOBS 'PHROG, ,CES BYA BA NI, GANG GI PHYIR DE LTAR SA'I ZLA BA BSIL BA'I YON TAN 'BRI BAR BYED CING, RTZUB PA'I RO 'PHEL BAR BYED LA, NYI MA RNO BAR BYED PAS 'GRO BA'I SNUM PA'I STOBS 'PHROG PAR BYED CING, RLUNG GIS KYANG CHU'I KHAMS SKEMS PA YIN NO, ,LHO PHYOGS SU NI 'GRO BA'I DUS, ,DBYAR LA SOGS PAR SLAR STOBS BSKYED, ,'DIR STOBS SLAR NI BSKYED PAS NA, ,'DIR NI BSIL BAS ZLA BA NI, ,STOBS DANG LDAN PAS NYI MA 'BRI, ,ZHES BYA BA NI, LHO PHYOGS SU 'GRO BA ZHES BYA BA NI NYI MA LHO PHYOGS SU 'GRO BA'O, , DE'I DUS NI DBYAR LA SOGS PA YIN TE, DBYAR DANG, STON DANG, DGUN STOD CES BYA BA NI GSUM MO, ,DUS DE NI SLAR BSKYED PA ZHES BYA BA DANG, BSIL ZHING ZHI BA ZHES BYA BA YIN TE, GANG GI PHYIR NYI MA'I 'OD ZER GYI STOBS 'PHROG PA'I DUS SU MI RNAMS KYI STOBS KYI BCUD 'PHROG CING ZAD PAR BYED PA STE; SLAR GTONG ZHING SKYED PAR BYED PA YIN TE, DE BAS NA 'DI NI SLAR GTONG BA YIN PAS NA, DON DANG MTHUN PA'I MING DU DUS 'DI LA SKYED PA ZHES BYA'O, ,SLAR BSKYED PA'I DUS 'DIR NI BSIL ZHING ZHI BA YIN PAS ZLA BA STOBS DANG LDAN ZHING NUS PA CHE BA YIN LA, DES NI NYI MA 'BRI BA YIN TE; DE'I TSE NYI MA'I STOBS CHUNG BAR 'GYUR BA YIN TE, 'DI'I NUS PA 'BRI BA NA, ZLA BA'I STOBS 'PHEL BAS BSIL BAR BYAS PA DANG, LHO PHYOGS SU 'GRO BA'I LAM GYI MTSAN NYID YIN PA'I PHYIR RO, ,CHAR 'BAB PA DANG RLUNG BSIL BAS, ,SA STENG TSA BA ZHI BA NA, ,'DIR NI SNUM DANG SKYUR LAN TSVA, , MNGAR BA'I RO RNAMS MTHU BSKYED DO, ,ZHES BYA BA LA, 'DIR NI ZHES PA SLAR STOBS BSKYED PA'I DUS 'DIR SNUM PA DANG, RO GSUM PO SKYUR BA DANG, LAN TSVA DANG, MNGAR BA MTHU CHE ZHING STOBS BSKYED PAS RANG GI NUS PA GSAL BAR BYED LA, 'BYUNG BA CHEN PO RNAMS CHE CHUNG GI SHAS SNYOMS PAS; RO DE RNAMS MTHU CHE BAR 'GYUR BA YIN NO, ,DE CI'I PHYIR ZHE NA, DUS BSIL BA'I PHYIR TE, CHAR GYI TSOGS 'BAB PA DANG, RLUNG BSIL ZHING GRANG BAS SA'I STENG GI TSA BA ZHI ZHING THAN PA DANG BRAL BAS MTHU SKYE BA YIN NO, ,'DIR YANG RIM PA BZHIN DU SBYAR BAR BYA STE, DBYAR NI RO SKYUR
, ,BA MTHU BSKYED PA YIN LA, STON NI LAN TSVA'O, ,DGUN STOD NI MNGAR BA'O, ,DGUN TSE CHAR DANG TSA DUS SU, ,STOBS CHUNG LHAG MA DAG LA 'BRING, ,ZHES BYA BA LA, DGUN NI GRANG BA'I DUS TE, DGUN STOD DANG DGUN SMAD CES BYA BA'O, ,CHE BA NI DE'I TSE MI RNAMS KYI MTHU STOBS MCHOG TU CHE BAR 'GYUR RO, ,'DIR DGUN ZHES SMOS PAS NI, DGUN STOD DANG DGUN SMAD GNYI GA YIN PAR SHES PAR BYA STE, DE'I TSE NI MI'I STOBS SHIN TU CHE BA YIN NO, ,CHAR DUS DANG, TSA DUS NI DBYAR DANG SO GA'I DUS TE, DE'I DUS SU MI'I STOBS CHUNG BA YIN NO, ,LHAG MA STE, STON DANG DPYID DAG LA NI, MI'I STOBS 'BRING ZHING RAN PA YIN NO, ,DE LA RE ZHIG DGUN GYI DUS KYI SPYOD PA SMRAS PA NI, STOBS LDAN GRANG BAS BKAG PA NI, DGUN GYI DUS SU ME STOBS LDAN, ,DE NI RLUNG GIS SBAR BA NA, ,ZAS NYUNG GYUR NA LUS ZUNGS SKEMS, ,DE BAS DGUN NI MNGAR SKYUR DANG, ,LAN TSVA'I RO NI BSTEN PAR BYA, ,ZHES BYA BA LA, STOBS ZHES BYA BA SKYES BU'I ME DGUN GYI DUS SU STOBS DANG LDAN PAR 'GYUR RO, ,DE YANG DGUN NI SLAR STOBS BSKYED PA'I DUS YUN RING DU BSAGS PA YIN PAS, MI'I STOBS BSTAN PAR GYUR PA YIN GYI, DANG PO RTZOM PA TZAM GYIS NI MA YIN PAS, STOBS 'PHROG PA'I DUS KYI STOBS RDZOGS PAS, DE LA GNOD PAR MI NUS SO, ,DE BAS NA DGUN NI STOBS MCHOG TU CHE BAR GRUB PA YIN NO, ,DE NYID KYIS NA DANG PO NYID DU, STOBS LDAN GRANG BAS BKAG PA NI, ,ZHES SMOS PA YIN TE; STOBS NI 'DI LTAR BYED DE, SLAR STOBS BSKYED PA'I DUS SU STOBS BSAGS PAS, DE'I TSE SKYES BU STOBS DANG LDAN PA YIN LA, STOBS DE GRANG BAS BKAG PAS MI SMIN PAR NUS PA'I STOBS DANG LDAN PAR 'GYUR RO, ,'DIR DNGOS PO'I CHOS NYID NI 'DI YIN TE, PHO BA'I ME DROD KYI TSOGS GANG YIN PA BA SPU'I BU GA RNAMS LAS PHYIR 'BYUNG BA NI GRANG BA'I REG PAS SPU'I BU GA BKAG PAS NANG DU 'DUS LA, NANG DU ZHUGS PA DES RANG GI ME'I DROD DES PHO BA'I ME DROD DE NYID MNGON PAR 'PHEL BAR BYED DO, ,PHO BA'I ME DROD 'PHEL BA DES CI ZHIG BYED CE NA, DE NI RLUNG GIS SBAR BAS
NA; ,ZAS NYUNG GYUR NA LUS ZUNGS SKEMS, ,ZHES SMOS PA YIN TE, PHO BA'I ME DROD DE RLUNG GIS SBAR ZHING BUS PAS, ZAS NYUNG BAR 'GYUR ZHING, DE'I TSE KHA ZAS LEGS PAR 'GRANGS PAR ZOS NA DANGS MA LA SOGS PA'I LUS ZUNGS RNAMS BTZOS SHING SKEMS PAR 'GYUR RO, ,DE BAS NA DGUN GYI DUS SU NI ME'I DROD BSRUNG BA'I PHYIR, KHA ZAS LEGS PAR 'GRANGS PAR BZA' BA NGES PA KHO NAR BYA DGOS TE, PHO BA'I ME DROD KYIS ZAS KYI TSOD LCI BA 'JU BAR NUS PA YIN GYI, DUS GZHAN DAG TU NA DE LTAR MA YIN NO, ,DE BAS NA ZHES PA NI RLUNG GIS PHO BA'I ME SBAR BA NA STOBS CAN YIN PA DE LAS RGYAL BAR BYA BA'I PHYIR RO, ,DGUN NI KHA BA 'BAB PA'I DUS DAG TU MNGAR BA DANG, SKYUR BA DANG, LAN TSVA'I RO BSTEN PAR BYA ZHING LONGS SPYAD PAR BYA'O, ,DE TSE MTSAN MO RING BAS NA, ,NANG PAR NYID NI BKRES PAR 'GYUR, ,NGES PAR BYA BA BYAS NAS NI, ,JI SKAD BSHAD RDZOGS DE RJES LA, ,RLUNG 'JOMS TIL MAR GYIS BYUGS SHING, ,SPYI BO'ANG TIL MAR GYIS BYUGS MNYE, ,BAG YOD PA DANG STOBS 'BYED CING, ,RKANG PAS RAN PAR MNYE BAR BYA, ,ZHES BYA BA LA, DGUN GYI DUS DE'I TSE, MTSAN MO NAM RING BAS NANG PAR TE, THO RANGS KYI DUS NYID DU BKRES SHING ZAS 'DOD PAR 'GYUR RO, ,DE BAS NA DE'I TSE NGES PAR BYA BA ZHES BYA BA, BSHANG GCI DOR NAS GTZANG SBRA'I CHO GA BYA BA DANG, SO SHING BCA' BA DANG, MKHUR BA BKANG STE DOR BA LA SOGS PA NI NYIN RE SPYAD PA'I CHO GA'I LE'U LAS JI SKAD BSHAD PA RDZOGS SHING ZIN PAR BYAS LA, DE'I RJES LA RLUNG 'JOMS SHING SEL BA'I TIL MAR GYIS RLUNG GI NAD GSO BA LAS BSTAN PA BZHIN DU BYUGS SHING MNYE BA BSTEN PAR BYA'O, ,DE BZHIN DU SPYI BO STE, MGOR TIL MAR GYIS BYUGS PA DANG, MNYE BA STE KHYAD PAR DU YAN LAG RNAMS LAG PA DAG GIS MNYE BA DANG, BAG YOD PA NI MKHAS SHING GOMS PA STE, DE DANG LHAN CIG LAG PA'I STOBS 'GYED PA'I TSUL GYIS MNYE BAR BYA'O, ,DE BZHIN DU RKANG PAS RAN PAR MNYE BA STE, RKANG PA GNYIS KYI PAGS PA DANG, SPU LA SOGS PA LA MI GNOD PAR RAN ZHING CI RIGS PAR MNYE BAR BYA'O, ,DE NAS BSKA BAS SNUM
, ,BSAL LA, ,CHO GA BZHIN DU KHRUS DAG BYA, ,GUR KUM GLA RTZI DANG BCAS PAS, ,LUS BSKUS AA KA RU YIS BDUG, ,SHA TSON KHU BA SNUM BAG DANG, ,BU RAM CHANG DANG CHANG DANGS CHANG, ,GRO DANG 'BRAS KHUR MA SHA DANG, ,'O MA BU RAM SHING BYAS BZA', , KHA ZAS GSAR DANG ZHAG TIL MAR, ,DRO 'JAM CHU YIS GTZANG SBRA BYA, ,ZHES BYA BA NI, DE LTAR LUS BKRUS PA'I 'OG TU SRAN CHUNG GI PHYE MA LA SOGS PA RDZAS BSKA BAS SNUM BSAL ZHING MED PAR BYAS LA, DE'I 'OG TU CHO GA JI LTA BA BZHIN DU ZHES PA CHO GA DANG MI 'GAL BA STE, CHU DRON POS LUS KYI SMAD BKRU BA LA SOGS PA SNGAR JI SKAD BSHAD PA BZHIN DU LUS BKRU BAR BYA'O, ,DE NAS NI GUR GUM GLA RTZI DANG BCAS PAS LUS BKRU BAR BYA'O, ,DE'I 'OG TU SKYES BU'I LUS AA KA RU'I BDUG PAS BDUG PAR BYA'O, ,SHA TSON NI SHA BZANG PO'O, ,KHU BA NI SHA KHU'O; ,SNUM CAN NI MAR LA SOGS PA DANG LDAN PA'O, ,DE LA BU RAM CHANG NI BU RAM LAS BYAS PA'I CHANG NGO, ,CHANG DANGS MA NI SHIN TU DANGS PA'I CHANG NGO, ,YANG CHANG ZHES SMOS LA NI YANG DE LAS GZHAN PA CHANG BSKA BA DAG BTUNG BA'O, ,DE BZHIN DU GRO LAS BYAS PA'I KHUR BA DANG LA DU LA SOGS PA BZA' BA DANG 'BRAS KHUR TE, 'BRAS BTAGS PA LAS BYAS PA'I CHANG NGO, ,CHANG NGAM SHA LAS BYAS PA'I BZA' BA DANG, KRi SA RA LA SOGS PA'I BZA' BA DANG, 'O MA LAS BYAS PA'I PHRUM DANG ZHO DANG CHUR BA LA SOGS PA DANG, BU RAM SHING LAS BYAS PA STE, BTUNG BA DANG, BU RAM LA SOGS PA STE, DE THAMS CAD BZA' BAR BYA'O, ,DE BZHIN DU KHA ZAS SAR PA NI GSAR THOG LAS BYAS PA'O, ,ZHAG NI TSIL MED PA'I SHA BTZOS TE TSOS PA DANG, DE'I STENG NA SNUM GANG ZHIG 'BYUNG BA DE LA NI ZHAG GI SGRAR BSHAD DO, ,DE YANG LUNG LAS, TSIL MED SHA YI SNUM GANG YIN, ,DE NI ZHAG TU YONGS SU BSGRAGS, ,ZHES BSHAD PA YIN NO, ,TIL MAR NI TIL LAS BYUNG BA YIN NO, ,DE BZHIN DU DRO 'JAM CHU NI RAN PAR BSROS PA'I CHU STE, DES KHRUS LA SOGS PA GTZANG SBRA'I BYA BA BYA'O, ,BE'U RAS SLAG PA DAR SOGS BGO
DRE'U RDOG RE'U BAL CAN GDING, ,RANG BZHIN DRO ZHING YANG BA YI, ,GOS BGOS MAL LA BRTEN PAR BYA, ,NYI MA'I 'OD LA RAN PAR 'DI [?], ,DUGS BYA LHAM NI RTAG TU BGO, ,ZHES BYA BA NI, DE'I TSE SKYES BUS MAL LA BRTEN PAR BYA'O, ,JI LTA BU ZHE NA BE'U RAS ZHES BYA BA LA SOGS PA STE; BE'U RAS NI BE'U PHRUG GAM LVA BA DMAR PO'O, ,SLAG PA NI PAGS PA'I GOS SO, ,DAR NI RGYA LAS BYUNG BA'O, ,SOGS PA NI GOS BZANG PO GZHAN DAG BSDU'O, ,DRE'U RDOG RE'U BAL CAN NI, SKYIN LA SOGS PA'I SPU LAS BYAS PA'O, ,RANG BZHIN DRO BA NI PHAL CHER SPU DANG LDAN PA'O; ,YANG BA NI PHRA BA LA SOGS PA'I YON TAN DANG LDAN PA'O, ,DE BGOS PA NI DE DAG STENG NAS BGO BA DANG, 'OG TU BTING BA'I MAL STAN LA SKYES BUS BRTEN PAR BYA'O, ,DE BZHIN DU NYI MA'I 'OD LA RAN PAR ZHES BYA BA, 'GRO BA LA SOGS PA SPANGS LA, NYI MA 'DI ZHING BSTEN PAR BYA'O; ,DE BZHIN DU DUGS TE BSRO BA LA SOGS PA'I DBYE BA RNAM PA BZHI DAG KYANG CI RIGS PAR BSTEN PAR BYA'O, ,DE BZHIN DU LHAM ZHES BYA BA DUS 'DI'I TSE RNAM PA THAMS CAD DU RTAG PAR LHAM BGO BAR BYA'O, ,CHUNG MA GZHON ZHING YID 'ONG RGYAGS, ,NU MA BRLA DANG RO SMAD RGYAS, ,GUR GUM GYIS BYUGS SPOS KYIS BDUGS, ,LUS KYI DROD KYIS GRANG SEL BA'O, ,ZHES BYA BA NI, DE'I TSE CHUNG MA GZHON ZHING DAR LA BAB PA DANG, YID DU 'ONG ZHING SNYING DU SDUG PA DANG, NU MA DANG BRLA DANG RO SMAD KYI CHA SHAS SHIN TU RGYAS PA DANG, SPOS KYIS BDUGS PA LA SOGS PAS LUS KYI DROD KYIS GRANG BA SEL NUS PA BSTEN PAR BYA'O, ,SA KHANG KHANG PA NYIS RIM BYA, ,MDAG ME'I DROD KYIS BSROS PAS NI, ,GRANG DANG RTZUB PA LAS BYUNG BA'I, ,NYES PA NAM YANG MI 'BYUNG NGO, ,ZHES BYA BA LA, SA KHANG NI GANG SA BRKOS NAS KHANG PAR BYAS PA'O, ,KHANG PA NYIS RIM NI KHANG PA'I NANG DU KHANG PAR BYAS PA'O, ,MDAG ME DAG NI DROD KYIS BSROS PA'I SOL BA MDAG MER LHAGS PAR BYAS PA'I DROD KYIS KHANG PA GANG BSROS PAR GYUR PA DER GNAS SHING SPYOD PAR BYED PA'I SKYES BU DE LA NI GRANG BA DANG RTZUB PA LAS BYUNG BA'I ZHES PA, GRANG BA DANG RTZUB PA'I DNGOS PO LAS GYUR
, ,PA'I NYES PAS GNOD PA NAM YANG 'BYUNG ZHING SKYE BAR MI 'GYUR RO, ,DA NI DGUN SMAD KYI SPYOD PA BSTAN PAR BYA BA'I PHYIR SMRAS PA NI, DGUN SMAD DUS SU LHAG PAR YANG, ,CHO GA 'DI NYID BYA BA YIN, ,DE TSE LHAG PAR GRANG BA DANG, ,STOBS 'PHROG LAS BYUNG RTZUB PA'ANG YIN, ,ZHES BYA BA LA, DGUN STOD KYI BYA BA 'DI NYID NI, ,DGUN SMAD KYI DUS SU YANG LHAG PAR TE, KHYAD PAR DU BYA'O, ,DES NA SNUM PA DANG, RO GSUM PO DGUN STOD KYI DUS SU BSTEN PAR BSHAD PA STE, DGUN SMAD KYI DUS SU SHIN TU SNUM PA BSTEN PAR BYA LA, DE BZHIN DU BSTEN PAR BYA BA BSHAD PA GZHAN GANG DAG YIN PA DE RNAMS DE'I TSE LHAG PAR SHAS CHE BAR BYAS NAS THAMS CAD BSTEN PAR BYA'O, ,DE CI'I PHYIR ZHE NA, DGUN STOD KYI DUS LAS KYANG DE'I TSE LHAG PAR GRANG BAR 'GYUR BA NI DUS KYI RANG BZHIN YIN LA, DE BZHIN DU STOBS 'PHROG PA'I DUS LAS BYUNG BA'I RTZUB PA YANG DE'I TSE 'BYUNG BA YIN NO, ,DPYID KYI DUS KYI SPYOD PA DAG BSTAN PA NI, DGUN NI BAD KAN KHONG NA SOGS, ,DPYID DUS NYI MA'I 'OD DROS PAS, ,ME YI DROD NYAMS NAD SKYED DE, ,DE BAS DE NI MYUR DU BSAL, ,RNO DANG SKYUG SMAN SNA SMAN SOGS, ,YANG DANG RTZUB PA'I KHA ZAS DANG, ,BCAG DANG LUS PHYI MNYE BA YIS, ,BAD KAN BDO BA'I NAD BSAL BYA, ,KHRUS BYAS GA BUR TZANDAN DANG, ,GUR GUM LA SOGS BSKU BAR BYA, ,ZHES BYA BA LA, DGUN ZHES PA NI GRANG BAR CHA MTHUN PAS, DGUN STOD DANG DGUN SMAD GNYI GA YIN PAR SHES PAR BYA'O; ,DE'I TSE NI BAD KAN KHONG DU SOGS SHING 'PHEL BA YIN NO, ,DE YANG GANG GI PHYIR DGUN STOD DANG, DGUN SMAD KYI DUS SU SNUM BAG LA SPYOD PA DANG, DE BZHIN DU DUS LAS BYUNG BA'I GRANG BAS 'DI LHAG PAR BSGONGS PAR GYUR BA DANG, DE DPYID KYI DUS LA BAB PA DANG, NYI MA'I 'OD ZER GYI TSA BAS GDUNGS PA DANG, GZUGS ZHU BA NYID DU GYUR NAS, CHU LTAR ME'I MI MTHUN PA'I PHYOGS SU 'GYUR RO, ,DES NA PHO BA'I ME DROD NYAMS PAR BYAS SHING BCIL NAS, NAD SKYED PAR BYED CING 'BYUNG BAR BYED DO, ,DE BAS NAD DPYID KYI DUS LA BAB MA THAG BAD KAN CHU'I TSOGS
LTAR GNAS PA DE MYUR DU ZAM PA LTA BU'I SKYUG SMAN LA SOGS PAS BAD KAN BDO BA BSAL ZHING BZLOG PAR BYA'O, ,DE'I MI MTHUN PA'I PHYOGS NI SMAN RNON PO RNAMS GTANG BA DANG, DE BZHIN DU YANG BA DANG RTZUB BIL BZAS TE, ZAS PHAL MO CHE KHA BA DANG, BSKA BA LA SOGS PA DANG LDAN PA BZA' BA DANG, DE BZHIN DU BCAG PA LA SOGS PAS BAD KAN BDO BA BSAL ZHING BZLOG NAS, DE'I 'OG TU KHRUS BYAS LA, GA BUR LA SOGS PAS LUS BKRU ZHING BYUG PAR BYA'O, ,NAS DANG GRO NI RNYING PA DANG, ,SBRANG RTZI SKAM SA'I BSREGS SHA BZA', ,AA MA'I KHU DANG SBYAR BA YI; ,KHU BA SKOM DU SBYAR BA BTUNG, ,CHUNG MA DRI ZHIM AUTPAL GYI, ,MIG DANG LDAN DANG LHAN CIG CING, ,YID NI DGA' ZHING BDER BYAS PAS, ,GROGS DANG LHAN CIG BTUNG BAR BYA, ,SKYON MED CHANG RGAN DRO 'JAM DANG, ,BU RAM RGUN CHANG SBRANG CHANG DANG, ,SGA CHU BSKOL DANG SE'U'I CHU, , SBRANG CHU 'AM GLA SGANG CHU BTUNG BYA, ,ZHES BYA BA NI, GANG NAS RNYING PA DANG, GRO RNYING PA DANG, SBRANG RTZI DANG, SROG CHAGS SKAMS NA GNAS PA'I SHA THUR MA LA BSKYON TE, BSREGS PA DE ZA BA DANG, CHANG LEGS PAR BTUNG BAR BYA'O, ,JI LTA BU ZHE NA, AA MRA'I KHU BA DANG SBYAR BA ZHES PA STE, SHING TZU TA'I KHU BA DANG SBYAR BA DE BTUNG BAR BYA'O, ,DE BZHIN DU CHUNG MA AUTPAL LTA BU'I MIG DANG LDAN PA'I MTSAN MA DANG LHAN CIG BTUNG BAR BYA'O, ,DE BZHIN DU YID DGA' ZHING DANG BAR BYA BA DANG, SEMS BDE ZHING TSIM PAR BYA BA DANG, DE BZHIN DU GROGS PO MDZA' BSHES RNAMS DANG LHAN CIG BTUNG BAR BYA'O, ,DE BZHIN DU SKYON MED PA STE, MDOG DANG, DRI DANG, RO DANG, GZUGS PHUN SUM TSOGS PA'I CHANG RGAN LA SOGS PA'I CHANG GI BYE BRAG BTUNG BAR BYA'O, ,DE LA CHANG RGAN NI GANG YUN RING DU SBYAR ZHING BSLANGS PA LA BYA'O, ,DRO 'JAM NI GANG BSKOL NAS BYAS PA DE NI DRO 'JAM MO, ,BU RAM CHANG NI BU RAM SHING GI KHU BA LAS CHANG DU BYAS PA'O, ,RGUN CHANG NI RGUN 'BRUM LAS BYAS PA'O, ,SBRANG CHANG NI SBRANG RTZI LAS BYAS PA'O, ,DE BZHIN SGA CHU BSKOL BA NI, ,BCA' SGA BSKOL BA'I BTUNG BA'O, ,SE'U'I CHU NI SE'U 'BRU BSKOL BA'I CHU'O, ,
, ,SBRANG RTZI'I CHU NI SBRANG RTZI DANG CHU SBYAR TE BTUNG BAR BYAS PA'O, ,GLA SGANG CHU NI GLA SGANG BSKOL BA'I CHU BTUNG BA'O, ,LHO PHYOGS BSER BUS BSIL BA DANG, ,MTHA' MA KUN TU CHU 'BAB LA, ,NYI MA'I 'OD NI MI SNANG DANG, ,NOR BU BCAG 'DRA'I MDANGS LDAN PA, , KHU BYUG SNYAN PA'I SGRA SGROGS SHING, ,'DOD PA'I LONGS SPYOD LDAN PA'I SA, ,SNA TSOGS ME TOG LDAN PA'I SHING, ,DRI ZHIM SKYED MOS TSAL DU NI, ,DGA' 'DUN GTAM NI SNA TSOGS PAS, ,PHYED DUS BDE BAS BDE BAR BYA, ,ZHES BYA BA LA, SKYED MOS TSAL GYI NAGS TSAL DU 'DUG LA; NYI MA PHYED KYI DUS SU BDE BA NYID KYIS DUS 'DA' BAR BYA'O, ,JI LTAR ZHE NA, DGA' 'DUN GTAM NI SNA TSOGS PA, ,ZHES BYA BA YIN TE, DGA' 'DUN NI GLU DANG ROL MO SNA TSOGS LEN PA DANG, GTAM STE SNYAN DNGAGS KYI GTAM SNA TSOGS PA BYA BAS SO, ,GANG DU ZHE NA, LHO PHYOGS BSER BUS BSIL BA DANG, ,ZHES BYA BA LA SOGS PA STE, LHO PHYOGS KYI RLUNG NI RJES SU MTHUN PAR LDANG BA'I RLUNG GANG YIN PA STE, RDUL DANG BYE MA DANG GSEG MA DANG BCAS PAR LDAN PA NI MA YIN TE, DE LTA BU'I RLUNG GIS BSIL BAR GYUR BA'I SKYED MOS TSAL DU'O, ,YANG NA LHO PHYOGS NAS LDANG BA'I RLUNG NI BSIL BA YIN PA'I PHYIR RO, ,DE BZHIN DU MTHA' MA KUN TU CHU 'BAB PA'I NGANG TSUL DANG LDAN PA'O, ,DE BZHIN DU, NYI MA'I 'OD NI MI SNANG DANG, ,ZHES PA STE, JI SRID NUB PA DE SRID KYI BAR DU NYI MA MI SNANG BA STE, DE LTAR SHIN TU STUG PA'I NAGS TSAL DER RO, ,YANG NA PHYOGS LA LA NI MI SNANG ZHING CUNG ZAD SNANG LA, LA LA NI RNAM PA THAMS CAD MI SNANG BAR GYUR PA'O, ,DE BZHIN DU, NOR BU BCAG 'DRA'I MDANGS LDAN PA, ,ZHES BYA BA STE, BEE d'URYA LA SOGS PA'I NOR BU BCAG PA LTA BU'I 'OD DANG LDAN PA GANG YIN PA DE LA DE SKAD CES BYA'O, ,DE BZHIN DU, KHU BYUG SNYAN PA'I SGRA SGROGS SHING; ZHES BYA BA STE, SKYED MOS TSAL DE LA KHU BYUG RNAMS SGRA SGROGS SHING CA CO 'DON BA DANG, DE BZHIN DU, 'DOD PA'I LONGS SPYOD LDAN PA'I SA, ,ZHES PA STE, SNA TSOGS PA'I GZUGS YID DU 'ONG BA DANG, 'DOD PA'I YUL DU MA DANG LDAN PA'I NAGS TSAL LO, ,DE BZHIN DU, SNA TSOGS ME
TOG LDAN PA'I SHING, ,ZHES BYA BA STE, SNA TSOGS SHING THA DAD PA'I STE, ME TOG DANG LDAN PA'I SHING DU MA DANG, DE BZHIN DU DRI ZHIM PA STE, YID DU 'ONG BA'I DRI 'BYUNG BA'I TSUL CAN GYI SKYED MOS TSAL DU NYI MA PHYED PA'I DUS BDE BAR BYA'O, ,LCI BSIL NYIN MO NYAL BA DANG, ,SNUM BAG MNGAR SKYUR SPANG BAR BYA, ,ZHES BYA BA NI, DE'I TSE LCIB NAS SKYUR BA'I BAR NI BAD KAN 'PHEL BAR BYED PA YIN BAS DE'I PHYIR SPANG BAR BYA'O, ,SO GA'I SPYOD PA SMRAS PA NI, ,NYI MA'I 'OD ZER RAB TSA BAS, ,SO GA 'PHROG PA 'DRA BA YIN, ,DE BAS DE TSE LAN TSVA TSA, ,SKYUR RTZOL NYI MA'I 'OD ZER SPANG, ,ZHES BYA BA LA, NYI MA NI 'OD ZER STONG LDAN NO, ,DE NI SO GA'I DUS SU TSA BAR 'GYUR TE, STOBS 'PHROG PA'I RANG BZHIN MTHAR THUG PA'I DUS YIN PA'I PHYIR RO, ,DE NI 'PHROG PA DANG 'DRA BAR STON PA YIN TE, SNGAR RNAM PAR DPYAD PA'I LAS GZHAN DAG BYA BAR RIGS PA MA YIN NO; ,DE BZHIN DU BSIL BA'I YON TAN DANG, 'GRO BA'I SNUM BA DAG KYANG 'PHROG PA 'DRA BA NYID YIN NO, ,DE BAS NA DE'I TSE LAN TSVA SNA TSOGS LA SOGS PA YANG SPANG BAR BYA STE, DE NI STOBS SEL BAR BYED PA YIN NO, ,DE TSE ZHES BYA BA 'DIS NI, 'DI SKAD STON PA YIN TE, DMAN ZHING SHES CHUNG BA'AM, LOG PAR GYUR PA'I TSE, LAN TSVA LA SOGS PA SPANG BAR MI BYA'I RANG GI MTSAN NYID JI LTA BU DANG LDAN PA DE'I TSE BYA BA YIN NO, ,DE LA TSA BA NI NA LE SHA MA LA SOGS PA'O, ,SKYUR BA NI DAR BA SKYUR BA DANG SKYUR PO LA SOGS PA'O, ,RTZOL BA NI LUS DUB PAR BYED PA'I LAS RNAMS SO, , NYI MA'I 'OD ZER NI NYI MA TSA BA'I 'OD DE DE DAG SPANG BAR BYA'O, ,DE NAS DUS DE'I TSE CI ZHIG BSTEN PAR BYA ZHE NA, DE'I PHYIR SMRAS PA NI, ZAS NI MNGAR DANG YANG BA DANG, ,SNUM BSIL SLA BA NYID BSTEN BYA, ,ZHES BYA BA NI, DE'I TSE ZAS MNGAR BA NYID YANG DANG YANG DU BSTEN ZHING GOMS PAR BYA'O, , RO GZHAN LA BSTEN PAR MI BYA'O, ,DE BAS NA NYID CES BYA BA NGES PAR BZUNG BAR BSTAN PA YIN NO, ,DE BZHIN DU ZAS YANG BA STE RANG BZHIN GYIS YANG BA DANG, TSOD ZIN PAR BZA' ZHING, YANG BAR BYA BA SNUM PA STE, MAR DANG, 'O MA LA SOGS PA DANG SBYAR BA DANG, BSIL BA STE GRANG BA NYID
, ,DANG; SLA BA STE KAN TER MA GYUR PA NYID BSTEN CING BZA' BAR BYA'O, ,RAB BSIL CHU YIS LUS BKRU ZHING, ,PHYE ZAN KHA RAR BCAS PA BZA', ,ZHES BYA BA NI, RAB TU BSIL BA'I CHUS LUS BKRU ZHING GTOR BA DANG, PHYE ZAN SLAN TE KHA RA DANG SBYAR BA LHAG CING BZA' BAR BYA'O, ,CHANG MI BTUNG STE 'THUNG NA YANG, ,NYUNG BA'AM CHU MANG BSRES LA BTUNG, ,ZHES BYA BA NI, SO GA TSA BA'I DUS SU CHANG BTUNG BAR MI BYA'O, ,GAL TE DE GTONG MI PHOD NA, NYUNG ZAD CIG GAM, CHU MANG POS BSRES LA BSLAD DE BTUNG BAR BYA'O, ,GZHAN DU DE NI KHA SKAM LHOD, ,TSA DANG RMONGS PAR BYED PA YIN, ,ZHES BYA BA NI, GZHAN DU NA CHANG DE MANG DU 'THUNGS PA'AM, CHU MANG POS MA BSLAD PAR 'THUNGS NA, KHA SKAM ZHING MCHIL MA BSKA BA DANG, LHOD PA STE LUS LHOD CING ZHIG PA SNYAM BYED PA DANG, TSA BA STE YAN LAG THAMS CAD TSA BAS 'DEBS PA DANG, RMONGS PA STE, SEMS MED PA SNYAM DU BYED PAR 'GYUR RO, ,CHANG BTUNG BAR MI BYA'O ZHES BYA BA'I SKABS 'DIR RANG BZHIN GYIS DBYE BA LA BRTEN TE SMRAS PA YIN GYI, ,YUL GCIG LA NI MA YIN NO, ,'O NA CI ZHIG YIN ZHE NA, ,THA DAD PA'I YUL GSUM STE, DES BYA BA DGAG PA NI YUL GCIG LA YIN PAS 'GAL BAR 'GYUR RO, ,DE LA RE ZHIG DUS SU SPYAD PA LA SOGS PA'I CHO GA 'DI NI KHAMS MNYAM PA BDE BAR GNAS PA LAS BRTZAMS TE, THAMS CAD NGES PAR BSHAD PA YIN NO, ,DE BAS NA KHAMS SNYOMS PA CHANG LA SRED PAS GANG CI YANG RUNG BA DE BTUNG BAR MI BYA'O, ,DE BAS KYANG MKHRIS PA'I RANG BZHIN CAN DAG GIS NI SHIN TU BTUNG BAR MI BYA'O ZHES PA 'DI NI DGAG PA'I YUL YIN NO, ,CHO GA'I DBYE BA NI RLUNG DANG, BAD KAN GYI RANG BZHIN CAN DANG, DE BZHIN DU MKHRIS PA DANG BAD KAN GYI RANG BZHIN CAN GYIS BTUNG BAR MI BYA ZHING, DE BZHIN DU RLUNG DANG MKHRIS PA'I RANG BZHIN CAN GYIS KYANG BTUNG BAR MI BYA STE, CHANG NI PHAL CHER RLUNG DANG MKHRIS PA SKYED PAR BYED PA YIN NO, ,DE YANG PHAL CHER CHANG GI NYES PA NI MKHRIS PA DANG RLUNG GI MTHAR THUG PA'I NAD SKYED PAR BYED PA LEN PAS GSUM PO DE DAG
GIS SO GA'I DUS SU CHAD DE ZAD PAR BYA BA'I PHYIR, DUS GZHAN GYI TSE NA 'THUNG BA LTAR MANG PO BTUNG BAR MI BYA'O, ,DE DANG CHA MTHUN PA NYUNG ZAD CIG BTUNG BAR BYA LA, DE BZHIN DU BAD KAN DANG, MKHRIS PA'I RANG BZHIN CAN CHANG LA SRED PA DAG GIS NI BAD KAN ZAD PAR BYA BA'I PHYIR DANG; MKHRIS PA DANG YANG MI MTHUN PA MED PAR BYA BAR 'DOD NA CHANG DE CHU MANG POS BSRES TE BTUNG BAR BYA'O, ,YANG NA GNAS SKABS KYI DBYE BA LAS, YUL GYI DBYE BA STE, GANG GIS CHANG DE 'THUNGS PAS DES SO GA'I DUS SU GNAS SKABS LA LAR NI, NYUNG ZAD CIG BTUNG BAR BYA LA, GNAS SKABS LA LAR NI CHU MANG POS BSLAD DE BTUNG BAR BYA'O, ,'BRAS CHAN KUN DA ZLA LTAR DKAR, ,SKAM SA'I SROG CHAGS SHA DAG BZA', ,ZHES BYA BA NI 'BRAS S'A LU LA SOGS PA'I 'BRAS CHAN KUN DA DANG, ZLA BA LTAR DKAR BA DE SROG CHAGS SKAM SA NA GNAS PA'I SHA DANG BCAS PAR BZA' ZHING LONGS SPYAD PAR BYA'O, ,KHU BA MI SKA ZHO DANG NI, ,BU RAM SBYAR SOGS G-YOS BYAS BTUNG, ,PHAL CHER SKYUR BA BTUNG BAR BYA, ,ZHES BYA BA LA, KHU BA NI SHA KHU STE DE BTUNG BAR BYA'O, ,MI SKA BA NI GAR PO MA YIN PA SLAN TE'O, ,DE BZHIN DU ZHO DANG BU RAM SBYAR TE; SPOD KYIS BTAB PA BTUNG BA DANG, DE BZHIN DU RGUN 'BRUM DANG, SE'U LA SOGS PA LAS G-YOS SU SBYAR BA PHAL CHER SKYUR BA BTUNG BAR BYA'O, ,SNYING PO LNGA YI BTUNG BA NI, ,KHAM PHOR SAR PA LA GNAS PA, ,CHU SHING RGYA STAR DUM BUR BSRES, ,SKYUR BCAS KHAM PHOR SNOD KYIS BTUNG, ,ZHES BYA BA NI CHU DANG, SBRANG RTZI DANG, N'AG GE SAR LA SOGS PA DANG SBYAR BA'I BTUNG BA BTUNG BAR BYA'O, ,SNYING PO LNGA NI RLUNG DANG MKHRIS PA GSO BA'I GNAS SKABS NAS BSTAN PA'I SKYO MA'I BTUNG BA RDZA BUM GSAR PA'I NANG DU BCUG CING BZHAG PA STE, 'BRANG RTZI 'BRA GO RGUN 'BRUM DANG, ,PA RU SHA KA KHA RA'I CHU, ,SNYING PO LNGA YI SKYO MA NI, ,'BRAS YOS PHYE DANG MAR BCAS BTUNG, ,ZHES KHRAG MKHRIS GSO BA'I GNAS SKABS LAS KYANG BSHAD PA YIN TE DE BTUNG BAR BYA'O, ,CHU SHING RGYA STAR DUM BUR BSRES, ,ZHES BYA BA NI, CHU SHING GI 'BRAS BU DANG,
, ,RGYA STAR GYI 'BRAS BU'I DUM BU DANG BSRE BA DANG, SKYUR BCAS ZHES BYA BA NI, SE'U DANG SKYU RU RA LA SOGS PAS RO SKYUR BAR BYAS PA'O, ,KHAM PHOR SNOD KYIS ZHES BYA BA NI, SA LAS BYAS PA'I KHAM PHOR SRAB MO CHUNG DUS BTUNG BA'O, ,CHU NI PA TA LAS BSGOS SHING, , GA PUR BCAS SHING SHIN TU BSIL, ,ZHES BYA BA LA, DE BZHIN DU CHU BTUNG BAR BYA STE, DE YANG PA TA LAS BSGOS BA ZHES PA, ,PA TA LA'I ME TOG GIS DRI ZHIM PAR BYAS PA DANG, GA PUR LA SOGS PA DANG BSRES SHING SHIN TU BSIL BAR BTUNG NGO, ,ZLA ZER LTA BU'I BZA' BA NI, ,MTSAN MO'I DUS SU BZA' BA DANG, ,ZLA BA SKAR MA LTAR DKAR BA'I, ,MA HE'I 'O MA BSIL PO BTUNG, ,ZHES BYA BA LA, ZLA ZER LTA BU'I BZA' BA ZHES BYA BA NI 'BRAS KYI KHUR BA GA PHUR DANG BCAS SHING KHONG STONG DU BYAS PA, KHA RA DKAR PO LA SOGS PA BCUG PA MTSAN MO'I DUS SU BZA' BAR BYA ZHING MA HE'I 'O MA KHA RA DKAR PO DANG BCAS PA, ZLA BA DANG SKAR MA'I 'OD KYIS BSIL BAR GYUR PA BTUNG BAR BYA'O, ,S'A LA TA LA CHEN PO NI, ,SPRIN REG TSA BA'I 'OD ZER SGRIB, ,RGUN 'BRU'I SNYE MA G-YUR ZA ZHING, ,'KHRI SHING LDAN DANG NAGS TSAL BZANG, ,DRI BZANG KHANG PA CHU YIS NI, ,BSIL KHANG LUS DANG 'TSAM BYAS PAR, ,CHAG CHAG BTAB DANG AA MRA YI, ,LDUM BU 'BRAS BU 'PHYANG BA DANG, ,CHU SHING 'DAB DANG KAL LHA RA, ,PAD RTZA PADMA AUTPA LA, ,ME TOG RGYAS PA DANG LDAN PAR, ,'JAM PA'I GNAS MAL BCAS NAS NI, ,PHYED DUS NYI MAS GDUNGS PA NA, ,NYAL BA'AM, ZHES BYA BA LA; SKYED MOS TSAL DAG TU SKYES BU'I RANG GI LUS KYI TSAD DANG MNYAM PA'I MAL DU, NYI MA PHYED KYI DUS SU NYAL BAR BYA'O ZHES BYA BAR SBYAR RO, ,SKYED MOS TSAL NI CI LTA BUR ZHE NA, S'A LA TAL CHEN PO NI, ,ZHES PA SHING SNGA LA DANG, TA LA SPRIN REG CES PA BAR SNANG DAG LA SHIN TU 'PHAGS SHING, RTZE MOS SNYOB PA LTA BUR GNAS PA GANG YIN PA DES TSA BA'I 'OD ZER ZHES PA SO GA'I NYI MA TSA BA'I 'OD ZER SKYED MOS TSAL DU 'BAB PA GANG YIN PA DE SGRIB CING 'GEBS PAR BYED PA DANG, DE BZHIN DU RGUN 'BRU'I SNYE MA STE, 'BRAS BU'I TSOGS GCIG TU 'BYAR BA NI SNYEM ZHES BYA STE, DE G-YUR
ZA ZHING 'PHYANG BA DANG, MA DU KA LA SOGS PA'I 'KHRI SHING GI YAL GA RNAMS LA 'JUS SHING 'KHRIS PA STE, DE LTA BU'I SKYED MOS TSAL DU NYAL BAR BYA'O, ,GZHAN YANG 'OD MA LA SOGS PA LAS BYAS PA'I KHANG PAR DRI BZANG PO STE, GA BUR LA SOGS PA'I DRIS BSGOS SHING, KHA BAS GRANG BAR BYAS PA'I CHUS CHAG CHAG BTAB CING, BRLAN PAR BYAS PA DANG, DE BZHIN DU LUS DANG 'TSAM PAR BYAS PA'I GNAS DE'I NYE 'KHOR NA, GOS KYI TSOGS DPYANGS PA DANG, DE BZHIN DU AA MRA'I LDUM BU BYU RU LTAR DMAR BA'I YAL GSAR PA DANG, DE'I 'BRAS BU'I TSOGS 'PHYANG BA DES KUN NAS BSKOR ZHING KHYAB PA DANG, CI SKYED MOS TSAL DER LUS KYI TSAD DANG 'TSAM PAR BYAS PA'I SPYIL BUR, MAL KHRI MED PAR BAB BAB TU NYAL BAR BYA BA'AM, 'ON TE MA YIN ZHE NA, DE'I PHYIR MAL STAN BCAS PA ZHES BYA BA SMOS PA YIN NO, ,GANG GIS BCA' ZHE NA, CHU SHING 'DAB MA LA SOGS PAS SO, ,JI LTA BU ZHE NA, 'JAM PO'O, ,DE LA CHU SHING GI 'DAB MA NI CHU SHING GI 'DAB MA'O, ,GAL LHAR NI GAN DHA SO MA GA'O, ,PADMA'I RTZA BA NI, PADMA'I RTZA BA GZHON NU'O, ,PADMA'I ME TOG NI PADMA'O, ,AUTPA LA NI AUTPA LA SNGON PO'O, ,GZHAN YANG CI LTA BU ZHE NA; ME TOG RGYAS TE ME TOG GI YAL GA DGOD PA LTA BU DANG LDAN PA GANG YIN PA DER RO, ,YANG ME TOG RGYAS PA NI, LO 'DAB KYI MTHA' MAR MA TOG CUNG ZAD RGYAS PA DANG LDAN PA DER, NYI MA PHYED KYI DUS SU NYI MAS GDUNGS PA NA NYAL BAR BYA'O, ,CHU YI KHANG PA NI, ,BUD MED BCOS GZUGS NU MA LAG ,KHA LAS AU SHIR CHU 'BAB BYA, ,ZHES BYA BA NI, YANG NA NYI MA PHYED KYI TSA BAS GDUNGS PA'I DUS SU CHU'I KHANG PAR NYAL BAR BYA'O, ,DE YANG BUD MED BCOS MA ZHES BYA BA STE, SHING LAS BUD MED KYI GZUGS BYAS LA, KHONG DU CHU DRANGS TE DE'I NU MA DANG, LAG SOR DANG, KHA LAS BU SHEL TZI DANG SBYAR BA'I CHU 'BAB PA'I DRUNG DU 'DUG CING DES REG PAR BYA'O, ,MTSAN MO YANG THOG RDO THAL BYUGS, ,ZLA BA'I 'OD KYIS BSIL BAR NYAL, ,ZHES BYA BA NI, MTSAN MO'I DUS SU KHANG BZANGS KYI STENG GI YANG THOG RDO THAL GYIS BYUGS SHING, ZLA BA'I 'OD KYIS BSIL ZHING KHYAB
, ,PAR NYAL BAR BYA'O, ,MAL STAN BDE BAR SEMS BDE ZHING, ,TZANDAN LDE GU PHRENG BA THOGS, ,RAB TU PHRA BA'I GOS BGOS SHING, ,'DOD PA'I RGYUN LAS LDAG PAR BYA, ,ZHES BYA BA NI, MAL STAN BDE BA BTING NAS KHANG BZANGS KYI STENG DU 'DUG PA NI, MTSAN MO BSNGAGS PA YIN LA, DE BZHIN DU SEMS BDE BA STE, SDUG BSNGAL GYI GDUNG BA MED PA DANG, DE BZHIN DU TZANDAN LDE GU STE, TZANDAN GYI LDE GUS LUS BYUGS PA DANG, PHRENG BA THOGS PA STE, ME TOG GI PHRENG BA RNAMS KYIS BRGYAN PA DANG, DE BZHIN DU, RAB TU PHRA BA'I GOS BGOS SHING, ,ZHES BYA BA STE, SHIN TU PHRA ZHING SRAB PA'I GOS BGOS PA DANG, DE BZHIN DU, 'DOD PA'I RGYUN LAS LDOG PAR BYA, ,ZHES BYA BA STE, BUD MED NYAL PO BYED PA SPANG ZHING 'KHRIG PA MI BYA STE, DE LTA BU DAG NI DE'I TSE PHAN PA YIN NO, ,TA LA'I BSIL YAB SPOS CHUS GDANG, ,PADMA 'DAB BRGYAD RLUNG YAB DANG, ,DAL GYIS LEGS PAR G-YOB PA DANG, ,RDZI CHAR SER BU DANG LDAN PA, ,GA PUR M'A LI KA'I PHRENG BA, ,MU TIG DO SHAL TZANDAN DKAR, ,NE TZO SHA RI KA LA SOGS, ,SGRA SNYAN YID 'ONG SGROGS PA DANG, ,CHUNG MA GDU PU PAD RTZA 'DRA, ,PADMA RGYAS PA LTA BUR MDZES, ,PADMA CAN NI 'GRO 'DRA BA, , SNYOM BSEL BAR BYED PA YIN, ,ZHES BYA BA LA, DUS 'DI'I TSE NA, TA LA'I RLUNG YAB LA SOGS PA SNYOM ZHING TSA BAS ZHUM PA SEL BAR BYED PA YIN NO, ,DE LA TA LA'I BSIL YAB SPOS CHUS BTAB PA NI, SHING TA LA'I LO MA SPOS CHUS SBANGS SHING BRLAN PAR BYAS PA'AM, YANG NA TA LA'I BSIL YAB CES BYA BA NI, RMA BYA'I 'JUG MA LA SOGS PA LAS BYAS PA'I RDUL YAB TSA BA SEL BA'I BYA BA BYED NUS PA LA BYA'O, ,PADMA'I 'DAB MA RGYAS PA NI, PADMA'I 'DAB MA DAG NYID RGYAS PA BSIL YAB TU BYAS PA DANG, RLUNG YAB CES BYA BA'I RMA BYA'I SGRO LAS BYAS PA RLUNG YAB NUS PA'I RNAM PAR BYAS PA DAG GIS TE, DE DAG DANG DAL GYIS LEGS PAR G-YOB CING, SGEG PA DANG BCAS PAS GYEN DU BTEG PA GANG YIN PA DE NI DAL GYIS LEGS PAR G-YOB BA'O, ,DE BZHIN DU RDZI CHAR SER BU DANG LDAN PAR BYES TE, RDZI CHAR DANG SER BU BSIL BA'I BYA BA BYED PA
DANG LDAN PAR G-YOB PAR BYA'O, ,DE BZHIN DU GA PUR GYIS BSGOS PA'I M'A LI KA NI, GA PUR GYI M'A LI KA STE, DE'I PHRENG BA NI, GA PUR M'A LI KA'I PHRENG BA ZHES BYA BA'AM, YANG NA M'A LI KA KHYAD PAR CAN GYI PHRENG BA LA DE SKAD CES BYA STE, DE GDAGS PA DANG, DE BZHIN DU MU TI GA DO SHAL NI MU TIG GI RGYAN CHUN 'PHYANG ZHES BYA BA STE, TZANDAN DKAR PO DANG BCAS PAR GNAS PA LA DE SKAD CES BYA'O, ,DE BZHIN DU BYIS PA YID DU 'ONG BAR SMRA BA DANG, NE TZO DANG, SHA RI KA LA SOGS PA SGRA YID DU 'ONG BAR SGROGS PA DANG, DE BZHIN DU CHUNG MA GDU BU PADMA'I RTZA BA LTAR DKAR BA THOGS SHING, PADMA'I 'DAB MA RGYAS PA LTAR BZHIN RAS SHIN TU MDZES PA DE LA 'DI LTAR BLTA BA NI, PADMA CAN NI 'GRO BA 'DRA, ,ZHES BYA STE, PADMA CAN GYI MTSO 'GRO ZHES PA LTA BUR BLTA ZHING DGA' BA BSKYED PAR BYA'O, ,DBYAR GYI SPYOD PA SMRAS PA NI, ,MTHU 'PHROG PA NI NA BA'I LUS, ,DMAN PA LAS KYANG DMAN 'GYUR TE, ,DBYAR NI GNOD PAS, ZHES BYA BA NI, DGUN SMAD NA SO GA'I BAR DUS GSUM PA NI, MTHU 'PHROG PA'I DUS SA YIN TE, MTHU 'PHROG PA'I DUS DES NA ZHING NUS PA 'BRI BA'I LUS GANG YIN PA DE NI, MTHU 'PHROG PA NA BA'I LUS SU SHES PAR BYA'O, ,DE'I ME DMAN PA LAS SNGAR DMAN ZHING ZHEN PAR GYUR PA LAS KYANG YANG DBYAR GYI NYES PA RLUNG LAS SOGS PAS 'KHRUGS SHING ZHUM PAS DMAN PA NYID DU 'GYUR RO, ,GNOD 'GYUR TE, MKHA' LA SPRIN 'DUS CHU YIS BRLAN, ,CHU THIGS BCAS PA'I RLUNG DANG NI, ,GRANG BA DRAG POR LDANG BA DANG, ,SA YI RLANGS PA SKYUR MIN DANG, ,CHU NI RNYOG PA CAN DAG GIS, ,ME DROD CHUNG BAS GNOD PAR BYED, ,CES BYA BA NI, NYES PA DE DAG GIS GNOD PAR 'GYUR ZHING, SDUG BSNGAL BSKYED PA NYID DU 'GYUR RO, ,GANG GI TSE ZHE NA, MKHA' LA SPRIN 'DUS CHU YIS BRLAN, ,ZHES BYA BA STE, CHUS RGYAS PA'I CHAR SPRIN MKHA' LA 'DUS PAR GYUR PAS, GANG CHU THIGS PHRA MO DANG BCAS PA'I RLUNG GRANG MO DRAG CING SHUGS CHE BAR LDANG BA DANG, DE BZHIN DU SA'I RLANGS PA BYUNG ZHING KHUG RNA BYUNG BA DANG, DE BZHIN DU CHU SKYUR BA'I RNAM PAR SMIN ZHING MTHU SKYED PA DANG, DE BZHIN DU CHU RNYOG PA'I BCAS SHING DRI MA
, ,YOD PA DAG GIS, ME'I DROD CHUNG BAR BYED PAS NYES PA DE 'PHEL BAR 'GYUR RO, ,PHAN TSUN GNOD PA DE LA NI, ,DRO ZHING ME YI STOBS SKYED PA, ,THUN MOR GANG YIN BSTEN PAR BYA, ,ZHES BYA BA NI, PHAN TSUN GCIG LA GCIG GNOD PAR BYED PA'I NGANG TSUL CAN GANG YIN PA DE NI PHAN TSUN GNOD PA STE, GCIG LA GCIG GNOD PAR BYED PA NI RANG GI NGO BO LAS NYAMS PAR BYED PA YIN NO, ,TSUL 'DIS NA PHAN TSUN GNOD PA DAG LA NI RLUNG LA SOGS PA'I THUN MONG GI NYES PA GSUM CHAR SEL PAR BYED PA'I BZA' BA DANG BTUNG BA DAG SMAN LA SOGS PA BSTAN CING GOMS PAR BYA'O, ,DE YANG DRO ZHING PHO BA'I ME DROD SKYED PAR BYED PA, TSA BA LNGA LA SOGS PA BSTEN PAR BYA'O, ,SBYANG BAS LUS NI DAG BYAS LA, ,ZAS NI YANG BAG KHU BA BZA', ,SKAM SA'I SROG CHAGS SHA KHU DANG, ,SBRANG RTZI CAN NI RNYING BA BTUNG, ,ZHES BYA BA NI SLON SMAN LA SOGS PAS LUS DAG PAR BYAS SHING, NAD LA SOGS PA BSAL BA LA BRTEN PAR BYA'O, ,DE BZHIN DU ZAS YANG BA STE, GSAR THOG DANG KHU BA STE SHA KHU LA SOGS PA DANG SBYAR BA BZA' BAR BYA'O, ,SKAM SA'I SROG CHAGS KYI SHA DANG KHU BA STE, SRAN MUNGGA LA SOGS PA SBYAR BA'I KHU BA'O; ,SBRANG RTZI NI SBRANG RTZI LAS BYAS PA'I CHANG GI KHYAD PAR TE, DE YANG RNYING PA STE SKYON MED BTUNG BAR BYA'O, ,DAR BA KHA RU TSAR SBYAR BA'AM, ,TSA BA LNGA YI PHYE MA CAN, ,KHRON PA'I CHU NI BSKOL BA'ANG RUNG, ,ZHES BYA BA LA, DAR BA'AM KHA RU TSA SBYAR BA NI, ,LAN TSVA KHA RU TSA ZHES PA DANG LDAN BA'O, ,DE BZHIN DU TSA BA LNGA'I PHYE MA CAN NAM, YANG NA KHRON PA'I CHU 'AM, CHAR CHU BSKOL BA BSTEN PAR BYA'O, ,CHAR CHE'I DUS SU KHA ZAS NI, ,RAB SKYUR LAN TSVA SNUM DANG BCAS, ,SKAM ZHING SBRANG RTZIR LDAN PA YANG, ,ZHES BYA BA LA, SHIN TU CHAR CHES SHING YUL RMUS PA'I DUS SU BZA' BA'I KHA ZAS NI, RAB SKYUR LAN TSVA SNUM DANG BCAS, ,ZHES BYA BA YIN TE, SHIN TU SKYUR BA DANG, LAN TSVA DANG BCAS PA'I KHA ZAS GANG YIN PA DE LA DE SKAD CES BYA'O, ,SKAM PA NI PHAL CHER SKAM PO DANG BCAS PA'O, ,SBRANG RTZIR LDAN PA NI SBRANG DANG BCAS PA'O, ,YANG BA NI RANG BZHIN GYIS
YANG BA'AM, TSOD ZIN PAR BZA' BA STE, DE LTA BU DAG BSTEN PAR BYA'O, ,DE YANG DUS 'DI'I TSE NI LUS ZUNGS RNAMS SHIN TU SLA BAR GNAS PA DE BAS NA SLA BAS NA BSRUNG BA NYID KYI, ,SBRANG RTZI'I NUS PA DER THIM PAR 'GYUR BAS, SBRANG RTZIS RLUNG SKYED MI NUS SO ZHES SMAN DPYAD KYI LUNG 'CHAD PA RNAMS ZER TE, DE YANG, RLUNG CAN RLUNG NI 'KHRUGS BYED KYANG, ,DBYAR NI SBRANG RTZI BSNGAGS PA YIN, ,ZHES SMOS PA YIN NO, ,RKANG GIS MI 'GRO DRI ZHIM BYUGS, ,RTAG TU GOS NI SPOS KYIS BDUG ,KHANG BZANGS STENG DU BA MO BSIL, ,CHAR GYI ZER SBANGS GNAS PAR BYA, , ZHES BYA BA NI DBYAR GYI DUS DE'I TSE RKANG GIS 'GRO BAR MI BYA ZHING, BAN GLANG MO LA SOGS PA'I BZHON PA BRTAN ZHING MTHO BAS 'GRO BAR BYA'O, ,DRI ZHIM BYUGS ZHES BYA BA NI, ,GA PUR DANG GUR KUM LA SOGS PAS LUS LA BYUGS PA DANG, DUS RTAG TU GOS LA SBOS KYIS BDUG PA DANG, AA KA RU LA SOGS PA'I BDUG PAS GOS LA BDUG CING BGO BAR BYA'O, ,KHANG STENG ZHES BYA BA NI KHANG THOG STE, DER BA MO LA SOGS PAS MNYEN PAR GNAS PAR BYA'O, ,KLUNG CHU DANG SBYAR SKYO MA DANG, ,NYIN GNYID RTZOL DANG NYI TSAN SPANG, ,ZHES BYA BA LA, DBYAR GYI DUS DER CHU PO RNAMS KYI CHU DANG PHYER SBYAR BA LA, MAR DANG BCAS PA MI BTUNG NGO, ,DE BZHIN DU NYIN PAR GNYID LOG PA DANG, RTZOL BA STE DRAG SHUL GYI NGAL BAG DANG, NYI TSAN TE NYI MA'I 'OD ZER SPANG ZHING DOR BAR BYA'O, ,STON GYI DUS KYI SPYOD PA SPRAS PA NI, ,DBYAR LUS BSIL BAR GYUR PA LA, , 'PHRAL DU NYI ZER GYIS GDUNGS PAS, ,CHAR 'BAB TSE NA BSAGS PA YI, ,MKHRIS PA STON NI LDANG BAR 'GYUR, ,DE BSAL PHYIR NI SMAN MAR KHA, ,BKRU SMAN BTANG DANG GTAR GA BYA, ,ZHES BYA BA NI, ,DBYAR LUS BSIL BAR GYUR CING CHAR GYIS GRANG BA'I BDAG NYID CAN DU GYUR PA LA, 'PHRAL DU ZHES PA'I MOD LA, STON GYI DUS LA BAB PAN NYI MA'I 'OD ZER TSA BA RNAMS KYIS GDUNGS SHING, DROS PAR GYUR PA'I SKYES BU LA NI CHAR 'BAB TSE NA, ZHES PA DBYAR GYI TSE NA BSAGS SHING RANG GI GNAS SU 'PHEL BAR 'GYUR BA'I MKHRIS PA STON LDANG BAR 'GYUR TE, RANG
, ,GI NUS BA LHAG PAS RANG GI GNAS NAS GNAS GZHAN DU SONG STE, SKYE BO MI SRUN BA LTAR GNOD PAR BYED PAR 'GYUR RO, ,DE BAS NA MKHRIS PA DE BSAL BAR BYA BA'I PHYIR, SMAN MAR KHA BO RU RTA DANG SBYAR BA BSTEN PA DANG, BKRU SMAN GTANG ZHING KHRUS BYA BA DANG, GTAR GA BYA STE KHRAG GDON PA LA SOGS PA BYA'O, ,KHA DANG MNGAR DANG BSKA BA DANG, ,BKRES TSE ZAS NI YANG BA BZA', ,'BRAS CHAN MUNGGA SKYU RU RA, ,SBRANG RTZI SKAM SA'I PA TO LA, ,ZHES BYA BA LA, NAM BKRES PAR GYUR PA NA, BZA' BA'I RNAM PA KHA BA DANG, MNGAR BA DANG, BSKA BA DANG, YANG BA BSTEN ZHING BZA' BAR BYA'O, ,DE BZHIN DU 'BRAS S'A LU'I CHAN DANG, MUNGGA STE, MON SRAN SNGE'U DANG, SHA KA RA DANG, SKYU RU RA DANG, SBRANG RTZI DANG, SKAM SA NAS SKYES PA'I SROG CHAGS KYI SHA DANG, PA TO LA'I TSOD MA BZA' BAR BYA'O, ,NYI MA'I ZER GYIS GDUNGS PA DANG; ,ZLA BA'I 'OD KYIS BSIL BYAS LA, ,Ri shI SHAR BAS DUG MED PA, ,NYIN MTSAN GNYI GAR SBYANG CHU BTUNG, ,DANGS PA'I DRI MED CHU ZHES PA, ,DRI MED DRI MA SEL 'GYUR BA, ,MI 'BRUG RTZUB PA MA YIN PA, ,BTUNG BA LA SOGS BDUD RTZIR MTSUNGS, ,ZHES BYA BA LA, YANG STON KA'I DUS DE'I TSE, NYIN MO NYI MA'I 'OD ZER GYIS GDUNGS SHING RNAM PA THAMS CAD DU TSA BAR GYUR BA DANG, MTSAN MO ZLA BA'I 'OD ZER GYIS BSIL ZHING GRANG PAR BYAS PA STE, DE LTAR DUS KYIS BCOS SHING SMIN PAR BYAS PA DANG, RishI SHAR BAS DUG MED PAR SHES PA, SKAR MA RishI ZHES PA SHAR BA NA DUG MED PA STE, DE SHAR BAS BAR SNANG LAS 'BAB BCING BYUNG NAS CHU BO DANG, RDZING BU LA SOGS PAR GNAS PA'I GNOD PA RNAMS STON GYI TSE DUG MED PA NYID DU BYED PAS NA DE SKAD CES BYA'O, ,KHRON PA'I CHU NI MA YIN TE, DE NI THAMS CAD DU DUG MED PA YIN NO, ,DANGS PA'I DRI MED CHU ZHES PA NI, NYI MA DANG ZLA BA DAG LA BYA STE, DE GNYIS KYIS BSTEN CING DRI MA MED LA RDUL DANG BRAL BA NI, ,DRI MA ZHES PA RLUNG LA SOGS PA SEL ZHING 'JOMS PAR 'GYUR BA YIN NO, ,MI 'BRUG CES BYA BA NI CHU MIG LTAR DE SNUM ZHING LCI BA MA YIN PAS, BAD KAN SKYED PAR MI BYED LA, 'BRUG PA MA
YIN PA NYID KYIS NA RTZUB PA YIN NO, ,BTUNG BA LA SOGS PA ZHES BYA BA NI, TZANDAN AU SHIR GA PUR DANG, ,MU TIG CHUN 'PHYANG PHRENG GOS MDZES, ,KHANG BZANGS RDO THAL GYIS DKAR ZHING, ,ZLA ZER CAN DU MTSAN GNAS BYA, ,ZIL BA THAL SMAN HA CANG 'GRANGS, ,ZHO DANG TIL MAR ZHAG NYID MTSAN, ,MI BZAD CHANG DANG NYIN PAR NYAL, MDUN GYI SER BU YONGS SU SPANG, ,DGUN DANG DBYAR NI DANG PO'I GSUM, ,DPYID NI THA MA'I RO GSUM BSTEN, ,SO GA MNGAR RAM STON KA NI, ,MNGAR DANG KHA DANG BSKA BA BSTEN, ,MDOR NA ZAS DANG SKOM DAG NI, ,STON DANG DPYID NI RTZUB PA STE, ,SO GA DBYAR MTHAR BSIL BAR BYA, ,GZHAN DAG TU NI DE LAS BZLOG ,RTAG TU RO KUN BA STEN PA LAS, ,RANG RANG DUS SU LHAG PAR BSTEN, ,DUS GNYIS THOG MTHA'I ZHAG BDUN NI, ,DUS MTSAMS YIN PAR SHES PAR BYA, ,DES NI SNGA MA'I CHO GA SPANG, , 'OG MA RIM BZHIN BSTEN PAR BYA, ,MA SPANGS NA NI NAD 'GYUR TE, ,'PHRAL DU NAD NI 'ONG BA 'GYUR, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, ,SLOB DPON ZLA BA LA DGA' BAS RNAM PAR SBYAR BA LAS, LE'U GSUM PA'I RNAM PAR 'GREL PA'O,, ,,DE NAS NAD MI 'BYUNG BAR BYA BA'I DPYAD KYI LE'U BSHAD PAR BYA'O, ,ZHES BYA BA NI, DUS SU SPYAD PAR BYA BA'I LE'U BSHAD PA'I 'OG TU, ,NAD MI 'BYUNG BAR BYA BA'I LE'U BRTZAMS PA YIN TE, DE YANG GANG GI PHYIR JI SKAD DU BSHAD PA'I DUS SU SPYAD PAR BYA BA'I CHO GA JI LTA BA BZHIN DU, ,RANG RANG GI DUS SU SBYANG CING NYAMS SU BLANG BA LA SPYOD PAR BYED DU ZIN KYANG, BSHANG PA DANG GCI BA LA SOGS PA'I SHUGS BKAG PAS, DE DANG RJES SU MTHUN PA'I NAD 'BYUNG BAR 'GYUR BA YIN LA, ,DE YANG DUS SU SPYAD PA'I CHO GA LAS GZHAN DU LOG PAR SPYAD PA DANG 'DRA BA YIN TE, DE BAS NA 'DI'I RTZOM PA BYAS PA YIN NO, ,DE LA NAD NI LUS DANG SEMS LA GNAS BA'I BYE BRAG GIS GNYIS SU BSHAD PAR BYA BA YIN LA, DE RNAMS MI 'BYUNG BAR BYA BA LE'U GANG NA YOD PA DE BSHAD PAR BYA'O ZHES PA STE, ,'DI NI THA MAL PAR NAD MED PAR GNAS PA'I DBANG DU BYAS PA YIN TE, THA
, ,MAL BAR GNAS PAR GYUR PA DES NYIN RE SPYAD BA'I LE'U LAS BSHAD PA'I BYA BA'I CHO GA NYAMS SU BLANG BAR BYA BA DANG, DE BZHIN DU DUS SU SPYAD PA'I LE'U LAS BSHAD PA RNAMS SPYAD DO, ,DE BZHIN DU NAD 'BYUNG BAR 'GYUR BA SPANG BA LA NI, ,RLUNG LA SOGS PA SHUGS BKAG PA DANG, NAN KYIS BTZIR BA LA SOGS PA YANG MI BYA BA LAS SPYAD PAR BYA BA YIN PAS NA, DE'I PHYIR SMRAS PA NI, ,PHYI'I DBUGS BSHANG GCI SBRID PA DANG, ,BKRES SKOM GNYID DANG LUD PA DBUGS, ,GLAL DANG MCHIL MA SKYUG PA DANG, ,KHU BA'I SHUGS NI DGAG MI BYA; ,ZHES BYA BA YIN TE, RLUNG LA SOGS PA'I SHUGS DGAG PAR MI BYA'O, ,NGAL DBUGS ZHES BYA BA NI, ,NGAL ZHING DUB PA LAS BYUNG BA'I DBUGS NI RAL BA'I DBUGS TE MI DGAG PA'O, ,SHUGS ZHES BYA BA NI KHU BA'I BAR DE DAG 'BYUNG BA LA, RJES SU PHYOGS PAR GNAS PA NYID NI SHUGS ZHES BYA STE, SHUGS DE DAG DANG 'BREL BA DE NAN GYIS DGAG PAR MI BYA'O, ,DE LA RLUNG NI GTZO BOR GYUR PA YIN LA, DES NA DE BKAG PA LAS BYUNG BA'I NAD NI SHIN TU BZLOG PAR DKA' BA'I NYES PA YOD PAS 'JIGS PA DANG POR BSTAN PA YIN NO, ,DE'I PHYIR SMRAS PA NI, 'PHYEN NI BKAG PAR GYUR PA YIS, ,SKRAN DANG RTUG SKAM GZER SNYOM LCI, ,'PHYEN DANG BSHANG LCI KHONG DU 'GAGS, ,MIG RTUL DROD CHUNG SNYING NAD 'GYUR, ,ZHES BYA BA NI, BSHANG SGO NAS BYUNG BA'I 'OG GI RLUNG BKAG PAS, SKRAN LA SOGS PA'I NAD 'BYUNG BAR 'GYUR RO, ,RTUG SKAM NI BSHANG BA LA SOGS PA RANG GI GNAS LAS GYEN DU 'PHAGS SHING GNOD PA BYED PA'O, ,GZER BA NI LTO KUN TU GZER BA'O, ,SNYOM ZHING LCI BA NI LUS ZHUM ZHING KHONG SBO BA'O, ,'PHYEN DANG BSHANG GCI KHONG DU 'GAGS PA NI PHYIR MI 'BYUNG BA'O, ,MIG RTUL ZHING DROD CHUNG BA NI MIG LA GNOD CING KHONG PA'I ME DROD 'BRI BA'O, ,SNYING NAD NI SNYING NAD KYIS 'DEBS PA'O, ,BSHANG 'GAGS BYIN PA'I NYVA 'GYUR ZHING, ,CHAM PAS 'DEBS SHING KLAD PA NA, ,KHAR NI MI GTZANG 'BYUNG BA DANG, ,SNGAR BSHAD NAD DU'ANG 'GYUR BA YIN, ,ZHES BYA BA NI, ,BSHANG
BA ZHES PA SLAD SA CHEN PO 'GAGS PAS BYIN PA'I NYVA 'GYUR BAR 'GYUR TE, NYVA ZHES BYA BA NI BYIN PA'I RGYAB KYI CHA'I SHA ZLUM PO GNAS PA LA BYA LA, DE GNYIS 'GYUR PA NI LDOG PA STE, LAG PA LA SOGS PAS MNYES PA LTA BUR 'GYUR BA'O, ,CHAM PA NI SNA NAS SNABS 'DZAG PA'I RLUNG NAD DO; ,KLAD PA NA BA NI MGO NA BA'O, ,DE BZHIN DU KHAR MI GTZANG BA 'BYUNG BA NI KHA NAS BSHANG BA 'BYUNG BA'O, ,SNGAR BSHAD NAD NI 'PHYEN 'GAGS PA LAS SKRAN LA SOGS PA'I NAD DU 'GYUR BAR BSHAD PA STE, DE YANG 'BYUNG BAR 'GYUR BA'O, ,GCIN 'GAGS PA YIS YAN LAG NA; ,RDE'U CHU SO PHO MTSAN NA, ,DKU YI NANG NA SNGAR GYI NAD, ,PHAL CHER 'BYUNG NGO, ,ZHES BYA BA NI GCIN 'GAGS PA LAS YAN LAG NA BA LA SOGS PA 'BYUNG BAR 'GYUR RO, ,DE LA YAN LAG NA ZHES PA NI, ,YAN LAG RNAMS BCAG PA SNYAM PA'AM, GCUS SHING BTZIR PA SNYAM DU SEMS PA'O, ,RDE'U NI GCIN SRI BA'I NAD GZHI'I SKABS NAS BSHAD PA'O, ,CHU SO LA SOGS PA'I NAD LA CHU SO NI GCIN GYI GNAS SO, ,MTSAN NI PHO MTSAN NO, ,DKU'I NANG NI BRLA PHUGS KYI MTSAMS SO, ,'DIS NI NAD 'DI DAG 'BA' ZHIG 'BYUNG BAR MA ZAD KYI, ,SNGAR 'PHYEN LA SOGS PA BKAG PA LAS BYUNG BA'I NAD SKRAN LA SOGS PA YANG GCIN 'GAGS PA LAS 'BYUNG BAR 'GYUR RO, ,PHAL CHER ZHES SMOS PAS NI SNGAR GYI NAD THAMS CAD 'BYUNG BAR 'GYUR BA NI MA YIN GYI, ,LA LA NI 'BYUNG, LA LA NI MI 'BYUNG NGO ZHES PA'I DON TE, PHAL CHER SMOS PA'I DON NI CUNG ZAD MTSANG PA NYID DU STON PA YIN NO, ,DE YANG LUNG LAS, PHAR CHER SGRA NI KHYAD PAR DON, ,CUNG ZAD MA TSANG NYID DU STON, ,ZHES 'BYUNG BA YIN NO, ,'PHYEN LA SOGS PA'I SHUGS GSUM PO DE RNAMS BKAG PA'I SMAN SPYI TZAM DU SMRAS PA NI, DE YI SMAN, ,RED BU BSKU BYUG LUS BCING DANG, ,DUGS DANG SMAN MAR MAS GTONG PA'O, ,ZHES BYA BA YIN TE, DE'I ZHES PA 'PHYEN DANG BSHANG BA DANG GCI BA 'GAGS PA LAS RNAM PAR GYUR PA'I SMAN ZHES PA, GSO BA'I THABS SU GYUR PA'I SMAN NI RENG BU LA SOGS PA YIN TE, DE LA RENG BU NI PO SON CHA DANG, KHANG PA'I DUD PA DANG, LAN TSVA LA SOGS
, ,PA LAS BYAS PA'I RENG BU STE 'OG NAS BSHAD PA YIN NO, ,BSKU BYUG NI TIL MAR LA SOGS PAS BYUG PA'O, ,LUS BCING BA NI SMAN RNAMS BSKOL BA'I CHU DANG, TIL MAR LA SOGS PAS BKANG BA'I ZANGS SAM, GZHONG PA CHEN PO ZABS RING BA'I NANG DU LUS BCING PA'O, ,DUGS NI BSRO BA LA SOGS PA RNAM PA BZHI PO 'OG NAS BSHAD PA'O, ,SMAN MAR MAS GTONG BA NI, ,SMAN DANG BSKOL BA'I TIL MAR LA SOGS PA BSHANG SGO NAS BCUG PA'O, ,'DI DAG NI GSUM CHAR LA YANG THUN MONG YIN NO, ,ZAS SKOM BSHANG BA 'GAGS PA DANG, ,BSHANG 'GAGS LAS BYUNG GLO GCONG MTSUNGS, ,ZHES BYA BA NI, GANG BSHANG BA 'GAGS PA LAS BYUNG BA'I GLO GCONG BYIN PA'I NYVA 'GYUR BA LA SOGS PA NI, ,BSHANG GCI 'GAGS PA LA PHAN PA'I ZAS DANG SKOM SBYAR BAR BYA STE, DE NI NAS THUG DANG, ZAN DRON PO DANG, MA SHA DANG, MUNGGA DANG, RGYA SNE'U'I TSOD MA MTHUG PO'I SHA DANG BCAS PA DANG, CHANG BSKA BA DANG, ZHO GA CHU DANG, 'BRAS KYI KHU LE RANG SKYUR LA SOGS PA YIN NO, ,CHU 'GAGS PA LAS MAR SAR NI, ,CHE TSAD TZAM NI RAB TU SBYAR, ,ZHES BYA BA YIN TE, GCIN 'GAGS PA LAS BYUNG BA'I NAD, YAN LAG NA BA LA SOGS PA RNAMS LA NI MAR SAR CHE TSAD TZAM SBYIN PAR BYA STE, CHE TSAD KYI SGRA NI GANG NYIN MTSAN GCIG GIS 'JU BAR 'GYUR BA'I SNUM GYI TSAD CHE BA LA BYA STE, DE YANG ZAS MA ZOS PA'I GONG DU 'AM, ZAS ZHU BA'I RJES LA SBYIN PAR BYA'O, ,DE YANG BSDUS PA LAS, MAR NI DANG POR BZA' BAR BSNGAGS, ,'JU MTHAR TSAD NI CHEN PO'ANG RUNG, ,ZHES BSHAD PA YIN PAS, SBYOR BA DE GNYIS SLAR BYA BA YIN NO, ,DE LTAR ZAS KYI SNGAR RAM, ,ZHU BA'I RJES LA BYA BA GNYI GAL CHE TSAD TZAM GYI SGRAR BSHAD DO, ,SGRIGS PA BKAG NA YI GA 'CHUS, ,LUS 'DAR SNYING DANG BRANG 'GAGS NA, ,SBO ZHING LUD LA SKYIGS BUS 'DEBS, ,DE'I SMAN SKYIGS BU DAG DANG 'DRA, ,ZHES BYA BA YIN TE, SGREGS PA BKAG PAS YI GA 'CHUS PA LA SOGS PA 'BYUNG BAR 'GYUR RO, ,DE LA YI GA
'CHUS PA NI ZAS LA MNGON PAR MI DGA' BA'O, ,LUS 'DAR BA NI MGO DANG LAG PA LA SOGS PA 'DAR BA'O, ,SNYING BRANG 'GAGS SHING NA BA NI, ,SNYING DANG BRANG GI DONG GA DAG SBUBS KYIS 'GAGS SHING RENGS BA SNYAM SEMS PA'O, ,SBO BA NI LTO BA RLUNG GIS KHENGS PA'O, ,LUD PA DANG SKYIGS BU NI RANG GI MTSAN NYID KYI SKABS SU 'OG NAS STON TO, ,DE'I ZHES PA YI GA 'CHUS PA LA SOGS PA DE RNAMS KYI SMAN TE, GSO BA'I CHO GA NI SKYIGS BU DAG DANG 'DRA ZHES BYA BA YIN TE, 'OG NAS SKYIGS BU GSO BA'I LE'U LAS BSHAD PA DANG 'DRA'O, ,SBRID BKAG MGO NA DBANG MI RNO, ,GNYE'U RENGS KHA YO 'GRAM CHAG 'GYUR, ,DUD RNON GYIS BDUG MIG SMAN DANG, ,SNA SMAN NYI MA LTA BA YIS, ,SBRID PA 'GAGS PA BSAL BYA ZHING, ,SNUM DANG DUGS KYANG BSTEN PAR BYA, ,ZHES BYA BA NI, ,SBRID PA BKAG CING BRNAGS PAS, MGO NAD LA SOGS PA 'BYUNG BAR 'GYUR RO, , MGO NA BA NI KLAD PA NA BA YIN NO, ,DBANG PO MI RNO BA NI MIG LA SOGS PA NYAM CHUNG ZHING RANG GI YUL 'DZIN PAR MI NUS PA'O, ,GNYE'U NI GNAD GNYIS 'DUS PA LA BYA LA, DE DAG RENGS PA NI 'GYUR MI SHES PAR BYAS PA'O, ,KHA YO BA NI RLUNG GIS KHA YON POR BYAS PA'O, ,'DIR SBRID PA 'GAGS PA LA DUD PA LA SOGS PAS SBRID PA DBYUNG BAR BYA'O, ,DE LA DUD RNON NI 'OG NAS BSHAD PA'O, ,MIG SMAN RNON PO NI PI PI LING LA SOGS PA SMAN RNON PO'I MIG SMAN DANG, SMAN RNON PO'I PHYE MA SNA NAS RNGUB PA'I SNA SMAN DANG, NYI MA LTA BA NI SBRID PA DBYUNG BA'I PHYIR NYI MA LA BLTA BA STE, 'DI DAG BYA BA DANG, DE LA SNUM DANG, DUGS DAG KYANG BSTEN CING GOMS PAR BYA'O, ,SKOM 'GAGS PAS NA KHA SKAMS SHING, ,YAN LAG MI BDE RNA MI GSANG, ,MGO 'KHOR MYOS SHING SNYING NAD 'BYUNG, ,DER BSIL CHO GA THAMS CAD PHAN, ,ZHES BYA BA NI, ,SKOM LAS 'GAGS SHING BRNAGS PAS KHA SKAM PA LA SOGS PA'I NAD 'BYUNG BAR 'GYUR RO, ,DE LA KHA SKAM PA NI SHAS CHER KHA SKAM PAR GYUR PA'O, ,YAN LAG MI BDE BA NI RKANG LAG NUS ZHAN CING SNYOM PA'O, ,RNA BA MI GSANG BA NI RNA BA GNYIS KYIS SGRA MI THOS PA'O, ,MGO 'KHOR BA NI 'KHOR LO LA BSKYON PA
, ,TZAM DU SEMS PA'O, ,MYOS PA NI MI DRAN PA'O, ,SNYING NAD NI SNYING GA NA BA'O, ,DER ZHES BYA BA NI NAD DE RNAMS LA'O, ,BSIL BA'I CHO GA THAMS CAD PHAN, ,ZHES BYA BA NI, ,BZA' BA DANG, BTUNG BA LA SOGS PA'I CHO GA BYA BA THAMS CAD BSIL BAR BYAS PA PHAN ZHING GNOD PA SEL BA YIN NO, ,BKRES PAS LUS ZHIG YI GA 'CHUS, ,LUS SNYOM NYAM CHUNG GZER MGO 'KHOR, ,DE LA ZAS YANG SNUM DRO DANG, ,CHUNG BA DAG NI SBYAR BAR BYA, ,ZHES BYA BA NI, SHAS CHER BKRES BA BRNAGS PA LAS, LUS ZHIG PA LA SOGS PA'I NAD 'BYUNG BAR 'GYUR RO; ,LUS ZHIG PA NI LUS BCOM PA SNYAM SEMS PA'O, ,YI GA 'CHUS PA NI YI GAR MI 'ONG BA'O, ,LUS SNYOM PA NI GZENGS DMA' BA'O, ,NYAM CHUNG BA NI SBEG PA'O, ,GZER BA NI ZUG CING NA BA'O, ,DE LA ZHES BYA BA NI NAD DE RNAMS LA'O, ,ZAS YANG BA NI 'BRAS S'A LU RTZA SNAR LA SOGS PA YANG BA LAS BYAS PA SBYIN ZHING SBYANG BA DANG, DE BZHIN DU SNUM PA STE, MAR DANG SHA LA SOGS PA DANG LDAN PA DANG, DRO BA STE TSA ZHING LEGS PAR TSOS PA DANG, CHUNG BA STE RAN CING CHUNG BA'I TSAD TZAM SBYIN NO, ,GNYID BKAG KHONG MYOS SPYI BO MIG ,LCI ZHING SNYOM LA GLAL GNYID 'ONG; ,LUS ZHIG SNYAM SEMS DE LA NI, ,GNYID LOG LUS MNYE PHAN PA YIN, ,ZHES BYA BA NI, GNYID BKAG CING BRNAGS PAS KHONG MYOS PA LA SOGS PA 'BYUNG BAR 'GYUR RO, ,KHONG MYOS PA NI MI DRAN PA SNYAM BYED PA'O, ,SPYI PO DANG MIG LCI BA NI LCID CHE BA SNYAM SEMS PA'O, , SNYOM PA NI NYAM CHUNG ZHING RMYA BA'O, ,GLAL 'ONG BA NI YAN LAG RKYONG BA DANG BCAS PA'I KHA GDANGS PA'O, ,LUS ZHIG SNYAM SEMS PA NI LUS BRDUNGS PA SNYAM SEMS PA'O, ,DE LA ZHES PA NI NAD DE RNAMS LA'O, ,GNYID LOG CES PA NI BDE BAR GNYID KYIS NGOMS PAR BYAS PA DANG, DE BZHIN DU LUS MNYE BA STE, BDE BAR BYAS NAS LUS LEGS PAR MNYES PA STE, DE DAG PHAN ZHING 'DOD PAR BYA BA YIN NO, ,LUD BA 'GAGS PAS DE 'PHEL ZHING, ,DBUGS MI BDE ZHING YI GA 'CHUS, ,SNYING NAD SKEM BYED SKYIGS BUS 'DEBS, ,DER NI LUD BSAL CHO GA BYA, ,ZHES BYA BA
NI; LUD PA 'GAGS SHING 'GAGS PAS LUD PA DE NYID 'PHEL BAR 'GYUR BA DANG, DBUGS MI BDE BA DANG, YI GA 'CHUS PA DANG, SNYING NAD 'BYUNG BAR 'GYUR BA DANG, DE BZHIN DU SKEM BYED CES BYA BA GCOD CHEN PO DANG, SKYIGS PUS 'DEBS PAR 'GYUR RO, ,DER NAD 'DI DAG LA LUD PA BSAL TE, LUD PA GSO BA'I SKABS NAS BSHAD PA'I CHO GA SHIN TU 'BAD DE BYA'O, ,NGAL DUB DBUGS NI BKAG PA LAS, ,SKRAN DANG SNYING NAD MYOS PAR 'GYUR, ,DE LA NGAL GSO BYA BA DANG, ,RLUNG SEL BYA BA'I CHO GA PHAN, ,ZHES BYA BA LA, NGAL ZHING DUB PA'I DBUGS NI RTZOL BA LA SOGS PA BSTEN PA LA, GANG 'PHRAL DU BYUNG BA'I DBUGS DE 'GAGS PA LAS, SKRAN DANG GLO SNYING GI NAD DANG, MYOS SHING MI DRAN PA 'BYUNG BAR 'GYUR LA, NAD DE RNAMS LA BDE BAR NGAL GSO ZHING RTZOL BA LA SOGS PA SPANGS LA, LUS MA BSKYOD PA DANG, DE BZHIN DU RLUNG SEL BAR BYA BA'I CHO GA RLUNG GI NAD 'JOMS PAR 'GYUR BA'I GSO BA'I RIM PA PHAN PA YIN NO, ,GLAL BKAG NA NI SBRID 'GAGS MTSUNGS, ,CHO GA THAMS CAD RLUNG 'JOMS BYA, ,ZHES BYA BA LA, GLAL 'ONG BKAG CING BRNAGS PAS, SBRID PA 'GAGS PA DANG 'DRA BA'I NAD THAMS CAD DE, KLAD PA NA BA DANG, DBANG PO MI GSAL BA LA SOGS PA 'BYUNG BAR 'GYUR RO, ,NAD DE RNAMS LA NI CHO GA THAMS CAD RLUNG 'JOMS SHING SEL BA'I CHO GA RNAMS BYA'O, ,MCHIL MA 'GAGS PAS MGO SNYING NA, ,GNYA' RENGS YI GA 'CHUS MGO 'KHOR, , SKRAN BCAS SNA CHU 'DZAG 'GYUR DER, ,GNYID LOG CHANG BTUNG GTAM SNYAN PHAN, ,ZHES BYA BA NI, ,MCHIL MA 'GAGS PA LAS MGO NA BA LA SOGS PA DANG, SKRAN DANG BCAS SHING SNA CHU 'DZAG PAR 'GYUR RO, ,MGO NA BA LA SOGS PA NI BSHAD ZIN TO, ,DE ZHES BYA BA NI NAD DE RNAMS LA GNYID LOG PA DANG, RGUN CHUNG LA SOGS PA BTUNG BA DANG, GTAM SNYAN PA STE, CHOS LA SOGS PA DANG 'BRAL CING YID DGA' BAR 'GYUR BA'I GTAM RNAMS MNYAN PA PHAN PA YIN NO, ,SKYUG BRO BRNAGS PAS ME DBAL MDZE, ,'BRAS DANG MIG NAD G-YAN PA RIMS, ,
, ,SKYA RBAB LUD PA DBUGS MI BDE, ,DANG GA RO STOD MI BDE SKRANGS, ,DER KHA BKANG DBO DUD SMYUNG GNAS, ,RTZUB ZOS DE NYID SKYUGS PA DANG, ,RTZOL DANG MYUR BAR GTAR GA GDAB, ,BKRU SMAN GTONG BA 'ANG PA SNGAGS PA YIN, ,ZHES BYA BA NI, ,SKYUGS SHING SLON BRO BA 'GAGS SHING BRNAGS PAS ME DBAL LA SOGS PA LUD PA DANG BCAS PA 'BYUNG BAR 'GYUR RO, ,DE LA ME DBAL NI NAD GZHI'I SKABS NAS BSHAD PAR BYA'O, ,MDZE NI PAGS PA'I 'GYUR PA'O, ,'BRAS NI SHA'I STENG DU 'KHOR LO DMAR POR GYUR PA'O, ,MIG NAD LA SOGS PA NI RANG RANG GI LE'U LAS BSHAD PAR BYA'O, ,RO STOD MI BDE BA NI KHA MA GTOGS PA GZHAN DAG TU SNGON PO THAL THIL 'BYUNG BA'O, ,DANG GA MI BDE BA NI SNYING GAR 'TSANG BA SNYAM BYED PA'O, ,NAD DE RNAMS LA NI KHA BKANG BA STE, SMAN BSKOL BA'I KHU BAS KHA BKANG ZHING DBO BA DANG, DUD PA RNON PO DANG, SMYUNG BAR GNAS SHING ZAN BCAD PA DANG, DE BZHIN DU ZAN RTZUB MO ZOS LA DE NYID SKYUGS PA BYAS PAS PHAN PA YIN NO, ,DE BZHIN DU RTZOL BA STE, LUS DUB PAR BYED PA'I LAS RNAMS DANG, NYUNG BA NYID DU GTAR GA GDAB CING KHRAG DBYUNG BA DANG, DE BZHIN DU BKRU SMAN BYA BA STE, AA RU RA DANG, SBRANG RTZI LA SOGS PA DANG, KHRUS BYA BA BSNGAGS SHING PHAN PA YIN NO, ,KHU BA BKAG PAS DE 'DZAG DANG, ,PHO MTSAN NA DANG 'OR NAD RIMS, ,SNYING NAD CHU 'GAGS LUS ZHIG DANG, ,RDE'U 'PHEL DANG MA NING 'GYUR, ,DE LA KHYIM BYA'I SHA DANG CHANG, ,'BRAS CHAN MAS GTONG LUS BCING DANG, , CHU SO'I NAD BSAL TIL MAR BTZOS, ,'O MA BUD MED GZHON BSTEN PHAN, ,ZHES BYA BA NI KHU BA 'BYUNG BA BKAG PA LAS KHU BA DE NYID 'DZAG CING 'BYUNG BAR 'GYUR BA DANG, PHO MTSAN NA BAR 'GYUR BA DANG, 'OR NAD DANG, RIMS NAD DANG, SNYING NAD 'BYUNG BA DANG, CHU 'GAGS PA STE, GCIN 'GAGS PAR 'GYUR BA DANG, LUS NA ZHING ZHIG PA SNYAM SEMS PA DANG, RDE'U 'PHEL BA STE GCIN 'GAGS PA'I RDE'U 'PHEL BA DANG, MA NING STE BUD MED RNAMS LA NYAL MI NUS SHING DGA' BA MED PAR 'GYUR RO, ,DE LTA BU'I NAD DE LA NI KHYIM BYA'I SHA LA SOGS PA BSTEN PAR BYA'O, ,
KHYIM BYA NI GRAGS PAR ZAD DO, ,CHANG NI DANGS MA 'AM SKA BA'O, ,'BRAS CHAN NI 'BRAS DMAR PO LA SOGS PA'I CHAN NO, ,MAS GTONG BA NI BKRU SMAN DRAG PO MAS GTONG BA'AM, 'JAM RTZI DANG, MAS GTONG BA GONG MA'I DBYE BAS RNAM PA GSUM MO, ,LUS BCING BA NI SMAN KHUS SNOD GANG BAR ZHUGS SHING DUGS BYA BA'O, ,CHU SO'I NAD BSAL BA LA NI KU SMAN DA DANG, GZE MA DANG, DONG GRA LA SOGS PA TIL MAR DANG BSKOL BA DANG, 'O MA DANG, BUD MED GZHON ZHING SDUG PA BSTEN ZHING LONGS SPYAD PA PHAN PA YIN NO, ,SHUGS NI BKAG DANG BTZIR BA YIS, , NAD NI KUN KYANG 'BYUNG BAR 'GYUR, ,SHIN TU MANG PO DE YI PHYIR, ,GSOD DPYAD MANG PO 'DIR BSHAD DO, ,ZHES BYA BA NI, SHUGS BKAG PA DANG BTZIR BA YIS NI NAD KUN KYANG ZHES PA NAD MA LUS PA DAG KYANG 'BYUNG ZHING SKYE BAR 'GYUR TE, SHUGS BKAG PA DAG TU NAD GANG ZHIG SMRAS PA DE 'BA' ZHIG 'BYUNG BA TZAM DU ZAD PA MA YIN GYI, RIMS LA SOGS PA GANG YIN PA CI YOD PA THAMS CAD SKYE BAR 'GYUR RO ZHES BYA BA NI KYANG ZHES BYA BA'I SGRA'I DON YIN NO, ,GANG YANG NAD SHIN TU MANG PO YOD PA DE'I PHYIR, GSO ZHING BCOS PA'I CHO GA'I DPYAD 'DIR BSTAN CING BSHAD PA YIN NO; ,DE LAS PHAL CHER RLUNG DU MA, ,GANG PHYIR 'KHRUGS PAR GYUR PAS NA, ,DE PHYIR DE'I ZAS SKOM DANG SMAN, ,MNYAM PAR 'GYUR BA SBYAR BAR BYA, ,ZHES BYA BA LA, DE LAS ZHES PA NI SHUGS 'GAGS PA DANG BTZIR BA LAS, ,PHAL CHER ZHES PA MANG DU, RLUNG DAG DU MAR ZHES PA RNAM PA DU MA'I TSUL GYIS RAB TU 'KHRUGS PAR 'GYUR ZHING, RNAM PAR LDANG BAR 'GYUR BA GANG YIN PA DE'I PHYIR, RLUNG DES ZAS DANG SKOM DANG SMAN MNYAM PAR 'GYUR BA ZHES PA, RLUNG SNYOMS PAR 'GYUR ZHING LAM LOG BA NA GNAS PAR RANG GI MAL LA GNAS BAR BYED CING, GNOD PA SEL BAR 'GYUR BA DE SBYAR BAR BYA ZHING SPYAD PAR BYA'O, ,'DI DANG GZHAN DU PHAN 'DOD PAS, ,'DOD CHEN PHRAG DOG ZHE SDANG DANG, ,SER SNA 'DOD CHAGS LA SOGS SHUGS, ,RTAG BKAG DBANG PO THUL BAR BYA, ,ZHES BYA BA LA, YANG SKYES BU DBANG PO THUL ZHING 'DI DANG GZHAN LA
, ,PHAN PAR 'DOD PAS, YANG 'DOD CHEN LA SOGS PA LA ZHUGS PA'I SHUGS 'DI DAG RTAG PAR DUS THAMS CAD DU DGAG PAR BYA'O, ,DE LA 'DOD CHEN NI GZHAN GYI RDZAS RNAMS LA RE ZHING 'DOD PA'O, ,PHRAG DOG NI GZHAN GYI RDZAS PHUN SUM TSOGS PA LA MI BZOD PA'O, , ZHE SDANG NI SROG CHAGS RNAMS LA RAB TU SDANG BA'O, ,SER SNA CAN SER SNA NYID DO, ,'DOD CHAGS NI BUD MED LA SOGS PA LA ZHEN PA'O, ,SOGS PA'I SGRAS NI 'JIGS PA DANG KHRO BA DANG, G-YO SGYU DANG, DREGS PA LA SOGS PA BSDU STE DE DAG GI SHUGS RNAM PAR BKAG CING DBANG PO THUL BA'I RANG BZHIN CAN NYID DU BYA'O, ,DRI MA RNAMS NI SBYANG BA'I PHYIR, ,CI BZHIN DUS SU NAN TAN BYA, ,DE NI SHIN TU SOGS GYUR NA, ,SHAS CHER 'KHRUGS PAS SROG RGYUN GCOD, ,CES BYA BA NI RLUNG DANG MKHRIS PA DANG BAD KAN DANG, BSHANG GCI LA SOGS PA'I DRI MA RNAMS SBYANG BAR BYA ZHING; RNAM PAR BSAL BAR BYA BA'I 'BAD PAS NAN TAN DU BYA'O, ,GANG GI TSE ZHE NA, JI BZHIN DUS SU ZHES BYA BA STE, DUS LAS MA YOL BAR RO, ,DE CI'I PHYIR ZHE NA, DRI MA DE RNAMS NI SHIN TU SOGS SHING RANG GI GNAS SU 'PHEL BAR GYUR NA, LAN 'GA' ZHIG NA ZAS DANG SPYOD LAM GYI TSUL GYIS 'KHRUGS PAR 'GYUR BA'I RGYU LA BRTEN NAS GANG GI TSE SHAS CHER 'KHRUGS SHING DKYEL DU GYUR PA DE'I TSE, DRI MA 'KHRUGS PAR GYUR PAS SROG GI RGYUN GCOD PAR 'GYUR ZHING TSE 'PHROG PAR BYED PAR 'GYUR RO, ,DE BAS NA DE RNAMS SBYANG BA NYID DU BYA'O, ,'DI LTAR SHIN TU BSAGS PA'I ZIL GYIS MNAN PA'I THABS KYI GTZO BO NI SBYANG BA'I PHYIR TE, GANG GI PHYIR DES SHIN TU MYUR BAR 'GYUR LA, PHAL CHER SOGS PA DAG LA NI SMYUNG BA DANG, GZHU BAR BYAS PA YUN RING POR BYAS BAS BSAL TE, SMYUNG BA DANG GZHU BAR BYAS PA DAG ,DE BSAL BA'I CHO GA'I BTZO BO DAG YIN NO, ,DE LTAR NA LA LAR NI SBYANG BA GTZO BO YIN LA, LA LAR NI SMYUNG BA DANG GZHU BA BYA BA DAG GO, ,LA LAR NI SMYUNG BA NYID NAD ZIL GYIS GNON PA'I CHO GA'I GTZO BO YIN LA, GANG GI PHYIR DE LTAR YIN PA DES NA, GZHUNG 'DI BRTZAMS PAR RIGS PA YIN NO, ,GNOD PA
SMYUNG DANG GZHU BYAS PAS, ,BSAL YANG SLAR NI LDANG SRID KYI, ,GANG ZHIG LAGS PAR SBYANGS PA DAG ,DE NI SLAR YANG 'BYUNG MI 'GYUR, ,ZHES BYA BA NI, RLUNG LA SOGS PA'I GNOD PA RNAMS SMYUNG BA BYA BA DANG, GZHU BA BYAS PAS BSAL ZHING RGYAL BAR BYAS SU ZIN KYANG, NAM ZHIG NA SLAR SDANG BA GYUR BA SRID KYI, YANG GNOD PA GANG ZHIG SLON SMAN LA SOGS PAS DAG PA 'GYUR ZHING, LEGS PAR SBYANGS PA'I GNOD PA DAG PA'I GTZANG BAS DAG PA DE RNAMS NI SLAR YANG 'BYUNG ZHING SKYE BAR MI 'GYUR TE, RTZA BA NAS BCAD PA YIN PA'I PHYIR, DE RNAMS SLAR SKYE BAR MI 'GYUR RO; ,DE PAS NA SMYUNG BAR BYAS PA DANG, GZHU BAR BYA BA BYAS SU ZIN KYANG, SBYANG BA BYA DGOS PA YIN NA, MA BYAS PA LA DE'I TSE BRTZAM PA BYA DGOS PAR LTA SMOS KYANG CI DGOS, DE LTAR SMYUNG BA DANG SMIN CING GZHU BAR BYAS PA DAG LA YANG SPYAD BA'I BRTZAM BA BYA DGOS PA YIN NO, ,SBYANG BA'I GNAS DAG LA YANG YUL DANG DUS DANG, LUS KYI STOBS LA SOGS PA LAS DPAGS TE, SMYUNG BA DANG SMIN PAR BYA BA RLUNG GIS GNOD PAR MA GYUR PA'I TSUL GYIS BRTZAM PA BYA DGOS SO, ,DUS SHES PA YIS DE PHAN CHAD, ,RIM PA BZHIN DU CI RIGS PAR, ,BCUD KYIS LEN RNAMS GRUB PA DANG, RO TZA'I SBYOR BA SBYAR BAR BYA, ,ZHES PA NI, DUS SHES PA'I MKHAS PAS SBYAR BAR BYA BA STE, DUS LA SOGS PA GANG GIS SHES PA DE NI DUS SHES PA YIN GYI, DUS TZAM NI MA YIN NO, ,DE BAS NA YUL DANG, LUS KYI STOBS DANG, ZAS DANG, KHU BCUD DANG, RANG BZHIN DANG, SNYING STOBS KYI TSUL GANG GIS SHES PA DES, DE PAN CHANG CES BYA BA SBYANG BA BYAS PA'I RJES THOGS LA, RIM PA BZHIN DU ZHES BYA BA, GO RIMS MA 'CHOL BAR THUG PA LA SOGS PA'I GO RIMS KYIS ZHAG BDUN GYI BAR DU BYAS NAS, DE'I 'OG TU LUS KYI STOBS MTHAR PHYIN PA THOB PA DANG, THA MAL PA'I KHA ZAS ZOS NAS, DE'I 'OG TU CI RIGS PAR ZHES PA, RIGS PA MI 'GAL BAR BYA BA STE, BCUD KYIS LEN 'DI NI RLUNG GI RANG BZHIN CAN NO, ,'DI NI BAD KAN GYI RANG BZHIN CAN NO, ,'DI NI BAD KAN GYI RANG BZHIN CAN NO ZHES BYA BA DANG, BCUD KYIS LEN DE YANG GRUB
, ,PA STE; GRUB PA'I DRANG SRONG DAG GIS BSHAD PA YIN GYI, RANG BZO'I CI DGA' BAS KHU BCUD DANG YON TAN DANG, NUS PA'I MTHU LAS DPAGS NAS BLO DANG LDAN PA'I SMAN BA RANG NYID KYIS, YONGS SU BRTAGS PA NI MA YIN NO, ,YANG NA GRUB PA ZHES BYA BA MANG PO'I MNGON SUM DU GYUR PAS YID CHES PA STE, TSANGS PA DANG, GNAS 'JOG DANG, RI BYI DANG 'PHO BYED KYIS SBYAR ZHING LONGS SPYOD PA DAG GO, ,RO TZA'I SBYOR BA ZHES BYA BA NI BUD MED LA PHOD PAR BYA BA GRUB PA RNAMS TE DE DAG SBYAR BAR BYA'O, ,SMAN RNAMS KYIS NI LUS SBYANGS PHAN, ,S'A LU DRUG CU PA DANG GRO, ,MUNGGA SHA DANG MAR LA SOGS, ,PHAN PA'I ZAS KYIS LUS BRTA ZHING, ,YID 'ONG DROD SKYED SMAN SBYAR BA, ,YI GA 'BYE ZHING 'JU BYED DANG, ,BSKU ZHING DRIL PHYIS KHRUS BYAS DANG, ,DRAG PO 'JAM RTZI MAS GTONG BRTA, ,ZHES BYA BA NI, SKYES BU SMAN GYIS LUS SBYANGS SHING SKYUG SMAN LA SOGS PAS LUS KYI NYAMS DMAD PA LA, LUS BRTA BAR BYA BA'I PHYIR, S'A LU RTZA SNAR LA SOGS PA'I ZAS RNAMS DANG, BSKU BA DANG BCAS PA LA SOGS PAS RIM GYIS LUS BRTA BAR BYA'I 'PHRAL DU NI MA YIN NO, ,PHAN PA ZHES BYA BA NI LUS LA PHAN PAR 'GYUR BA'O, ,YID DU 'ONG BA YANG MA YIN LA, ,DROD SKYED PA'I SMAN YANG YIN PAS NA YID 'ONG DROD SKYED SMAN TE, SGE GSHER DANG, PI PI LING DANG, NA LE SHAM DANG, SE'U 'BRU DANG, BI DZA PU RA DANG, DAR BA RNYING PA DANG, LCE MYANG TSAL SOGS PA STE, DE DANG SBYAR ZHING 'DRES PA'I KHA ZAS GANG YIN PA DE NI SBYOR BA DE LAS YIG 'BYE ZHING 'JU BAR BYED LA, ZAS 'DOD CING SMIN PAR BYED NUS PA STE BRTA BA DANG, LUS BSKU BA LA SOGS PA NI GRAGS PAR ZAD DO, ,DRAG PO NI BKRU SMAN DRAG PO MAS GTONG BA'O, ,'JAM RTZI GTONG BA NI SNUM GYI SBYOR BA MAS GTONG BA STE, DE DAG GIS BRTA BAR BYA'O, ,DES NI ME KUN STOBS LDAN ZHING, ,BLO MDOG DBANG PO DRI MA MED, ,DE BZHIN TSE RING RO TZE DANG, ,DPAL DANG GZI MDANGS THOB PAR 'GYUR, ,ZHES BYA BA NI DE LTAR RNAM PA DE DAG BYAS SHING BSHAD MA THAG BA'I BYA BA RDZOGS PA DES NA, SKYES BU DE DPAL DANG GZI MDANGS THOB PAR 'GYUR RO, ,DE BZHIN DU ME
KUN ZHES PA, LUS ZUNGS RNAMS KYI ME'I DROD KYI ME THAMS CAD DANG, 'BYUNG BA'I ME RNAMS DANG, PHO BA'I ME DROD STOBS DANG LDAN ZHING GSAL LA SMIN BAR BYED PA'I NUS PA DANG LDAN PAR 'GYUR TE, DE LTAR NA ME BCU GSUM SMIN PA'I NUS PA SKYE BAR 'GYUR RO, ,DE BZHIN DU BLO MDOG DBANG PO DRI MA MED, ,CES BYA BA STE, BLO GROS DANG, KHA DOG DANG, MIG LA SOGS PA'I DBANG PO RNAMS DRI MA MED CING DANG BAR 'GYUR BA DANG, DE BZHIN DU TSE RING BA STE, LHAG PAR 'TSO BAR 'GYUR BA DANG, DE BZHIN DU RO TZA BA ZHES PA KHU BA RNAM PAR 'PHEL BAS, BUD MED LA PHOD PAR 'GYUR BA DANG, DPAL DANG GZI MDANGS THOB PAR 'GYUR RO, ,'BYUNG PO DUG DANG RLUNG DANG ME, ,MTSON RMAS CHAG GRUGS SOGS BYUNG DANG, ,'DOD CHAGS ZHE SDANG 'JIGS SOGS GANG, ,DE NI GLO BUR NAD CES BYA, ,ZHES BYA BA NI NAD 'DI DAG NI GLO BUR BA ZHES BYA STE, DE YANG GANG 'BYUNG POS MTHONG ZHING ZIN PA DANG, DUG GIS REG CING ZIN PA DANG, GNOD PA'I RLUNG DANG, ME DANG MTSON GYIS RMAS PA DANG, RDO LA SOGS PAS YAN LAG CHAG GRUGS SU GYUR CING, NYE BAR BCOM PA LA SOGS PA LAS BYUNG BAR GYUR PA GANG YIN PA DANG, DE BZHIN DU 'DOD CHAGS DANG, ZHE SDANG DANG, 'JIGS PA DANG, KHONG KHRO BA DANG, MI BZOD PA DANG, BRKAM CHAGS LA SOGS PA YID KYI NAD DU GYUR PA GANG DAG YIN PA STE, DE DAG KYANG GLO BUR BA'I NAD CES BYA BA YIN PAR SHES PAR BYA'O, ,SHES RAB NYES PA SPONG BA DANG, ,DBANG PO NYER ZHI DRAN PA DANG, ,YUL DUS BDAG NYID SHES PA DANG, ,DAM PA'I SPYOD PA'I RJES 'JUG PA, ,LHAN CIG SKYES DANG GLO BUR NAD, ,MDOR NA MA SKYES MI 'BYUNG DANG, ,SKYES PA ZHI BAR BYA BA'I PHYIR, ,CHO GA 'DI NI BSTEN PA YIN, ,ZHES BYA BA LA, SHES RAB KYI NYES PA YIN PAS NA, SHES RAB NYES PA STE, DAM PA MA YIN PA'I SPYOD PA BYED CING, BKAG PA RNAMS LA SPYOD PA STE, LHA'I MIG DANG LDAN PA'I SLOB DPON RNAMS KYIS RNAM PAR BKAG PA'I YUL DAG STEN PAR BYED CING, BSGO ZHING BSTAN PA'I DON MI BYED PA DE LTA BU'I SHES RAB KYI NYES PA YIN TE, MDOR NA LUS DANG NGAG DANG YID
, ,KYI NYES PA SPYOD PAR BYED BA'O, ,DE SPANG PA NI MI BYED PAR GTONG ZHING SPANG PA'O, ,DBANG PO NYE BAR ZHI BA NI MIG LA SOGS PA'I DBANG PO RNAMS MI DGE BA'I RANG BZHIN CAN GYI YUL LA 'JUG PA LAS LDOG CING NYE BAR ZHI BA'AM, YANG NA SGRA LA SOGS PA'I YUL LA SHIN TU ZHEN PA LAS YANG DAG PAR SDOM PA'O, ,DRAN PA NI SNGAR RJES SU MYONG BA'I DON YID LA SEMS PA STE, DE YANG DGE BA DANG MI DGE BA'I TSUL DRAN PAR BYAS NAS, LEN PA DANG SPONG BAR BYED PA STE, NYIN DANG MTSAN DU ZHES BYA BA LA SOGS PA RTAG TU SPYOD PA'I CHO GA LAS BSHAD PA'O, ,DE BZHIN DU YUL DUS BDAG NYID RNAM PAR SHES PA ZHES BYA BA 'DI, ,CI YUL 'DI SKABS DGON DUNG CAN YIN NAM, RLAN CAN YIN NAM, 'ON TE CHA MNYAM PA YIN, CI RLUNG GI RANG BZHIN CAN NAM, 'ON TE MKHRIS PA'I RANG BZHIN CAN NAM, YANG NA BAD KAN GYI RANG BZHIN CAN YIN ZHES SHES PAR BYA BA DANG, DE BZHIN DU DUS ZHES PA STE, CI 'DI NI DGUN STOD YIN NAM, 'ON TE DGUN SMAD LA SOGS PA GZHAN DAG YIN ZHES PA DANG, 'DI NI SKAD CIG LA SOGS PA'I DUS YIN NO, ,ZHES PA DANG, 'DIR PHONGS PAR 'GYUR BA DAG KYANG GZUNG BAR BYA'O, ,BDAG CES PA NI RNAM PA GNYIS TE, NGA'I RANG BZHIN NI 'DI YIN TE, 'DI LA NI NGAS BRTEN PAR BYA'O, ,'DI LA NI BRTEN PAR MI BYA'O ZHES BYA BA LA SOGS PA BDAG NYID SHES PA NI GCIG YIN NO, ,GNYIS PA NI MYA NGAN LAS 'DAS PA'I RANG BZHIN CAN YIN ZHES PA STE, DE MED PAR 'DOD CHAGS LA SOGS PA'I NAD GZHAN DAG GIS BSAL BAR BYA BAR MI NUS PAS DE SHES PAR BYA'O, ,DAM PA'I SPYOD PA'I RJES SU 'JUG PA ZHES PA NI, DAM PA RNAMS KYI SPYOD PAR GYUR PA GANG YIN PA DE'I RJES SU 'JUG CING SLOB LA NYAMS SU LEN PA'O, ,LHAN CIG SKYES PA LA NI LUS LAS BYUNG ZHING, LHAN CIG SKYES PA'O, ,GLO BUR BA NI 'BYUNG PO LA SOGS PA DANG 'BREL PA LAS SKYES PA'O, ,DE LTA BU'I NAD KYI RNAM PAR 'GYUR BA DES MA SKYES PA RNAMS MI 'BYUNG BAR BYA BA'I PHYIR DANG, DE BZHIN DU LHAN CIG SKYES PA DANG, GLO BUR BA'I NAD SKYES PA RNAMS ZHI BAR BYA BA'I PHYIR, CHO GA 'DI NYID MDOR
BSDUS NAS SLOB DPON GYIS BSTAN CING BSHAD PA YIN NO, ,DE BAS NA, DRI MA RNAMS NI SBYANG BA'I PHYIR, ,CI BZHIN DUS SU NAN TAN BYA, ,ZHES BSTAN PA YIN NO, ,'O NA DUS GANG ZHIG YIN ZHE NA, DE'I PHYIR 'DI SMAS PA YIN TE, GRANG BA LAS BYUNG NYES TSOGS DPYID KYI TSE, ,RNAM BSAL SO GA LAS BYUNG DBYAR DUS NA, ,DBYAR BSAGS SPRIN BRAL DUS SU LEGS SBYANGS NA, ,DUS BYUNG NAD NI NAM YANG 'BYUNG MI 'GYUR, ,ZHES BYA BA LA, GRANG BA ZHES BYA BA'I SGRA NI DGUN STOD DANG, DGUN SMAD GNYI GA GZUNG NGO, ,NYES BA RNAMS KYI TSOGS YIN PAS NA NYES TSOGS TE, DE LTAR GRANG BA LAS BYUNG ZHING SKYES PA'I NYES BA'I TSOGS GANG YIN PA DE NI DPYID KYI TSE RNAM PAR BSAL ZHING BSAL BAR BYA'O, ,DE BZHIN DU SO GA'I TSO BSAGS PA LAS BYUNG BA'I NYES PA'I TSOGS NI DBYAR GYI DUS NA RNAM PAR SBYANG BAR BYA'O, ,DE BZHIN DU DBYAR BSAGS PA'I NYES PA RNAMS NI SPRIN BRAL DUS TE, STON GYI DUS SU MYUR ZHING RINGS PA GSO DPYAD KYI BSTAN BCOS LAS BYUNG BA'I CHO GA BZHIN DU LEGS PAR SBYANGS SHING RNAM PAR BSAL NA, DUS LAS BYUNG BA'I NAD SKYES BU DE LA NAM YANG 'BYUNG ZHING SKYE BAR MI 'GYUR RO, ,DPYID KYI TSE RNAM BSAL ZHES SMOS PA 'DIR NI DPYID ZLA 'BRING PO MGO ZUG PA KHO NA'I DUS SU SBYANG BAR BYA BA YIN PAR KHONG DU CHUD PAR BYA STE, DE LTAR MA BYAS NA BZLOG DKA' BA'I NYES PA YOD DE, DUS GNYIS PO 'DI LA BSAGS PA'I NYES PA'I TSOGS SBYANG BAR BYA BA'I DUS LA BAB PA DAG NI DUS GZHAN DAG LA BSDAD PA NA BSAL BAR DKA' BA YIN PA'I PHYIR RO, ,SO GA LAS BYUNG DBYAR DUS NA, ,ZHES BYA BA'I SKABS 'DIR YANG DBYAR GYI DUS RTZOM PA NYID NA YIN PAR BYA ZHING, JI SRID GRANG BA DANG, RLUNG DANG, BA MO DANG, CHAR GYI RGYUN DANG, 'DRES PA'I DUS SUM PHYIN PAR BYA BA YIN NO, ,DBYAR BSAGS SPRIN BRAL DUS ZHES BYA BA 'DIS, DUS GANG GI TSE SPRIN DANG SHIN TU BRAL ZHING, NAM MKHA' DANG BAR GYUR PA STE, STON ZLA GNYIS KYI PHYI MA'I CHA, STON ZLA THA CHUNGS YIN PAR SHES BAR BYA'I MGO RTZOM PA LA NI MI BZUNG NGO, ,DE SKAD DU GZHUNG RTZOM PAR BYED PAS KYANG, DBYAR DANG STON ZLA
, ,CHUNGS DPYID 'BRING, ,ZLA BA RIM BZHIN THUN MONG YIN, ,SO GA DBYAR DGUN LA BSAGS PA'I, ,RLUNG LA SOGS PA MYUR DU BSAL, ,ZHES BSHAD PA YIN NO, ,JI LTAR NA MI RNAMS RTAG TU NAD MED PAR 'GYUR BA DE BSTAN PA'I PHYIR SMRAS PA NI, RTAG TU PHAN PA'I ZAS DANG SPYOD LAM BSTEN, ,BRTAGS TE BYED CING YUL RNAMS LA MI CHAGS, ,GTONG LDAN SEMS SNYOMS BDEN BRTZON BZOD DANG LDAN, ,NYAMS LDAN STEN PAR BYED NA NAD MED GYUR, ,ZHES BYA BA NI YON TAN DI LTA BU DANG LDAN PA'I SKYES BU NI NAD MED CING THA MAL PAR BDE BAR GNAS PAR 'GYUR RO, ,DE YANG GANG ZHIG CE NA, GANG RTAG TU ZHES PA DUS THAMS CAD DU PHAN ZHING 'PHROD PA'I ZAS DANG, SPYOD LAM BSTEN ZHING GOMS PAR BYED BA STE, PHAN PA'I ZAS NI 'OG NAS BSHAD PA DANG, DUS SU SPYAD PA'I LE'U LAS BSHAD PAR BYA'O, ,SPYOD LAM NI LUS DANG NGAG DANG YID KYI KUN TU SPYOD PA STE, DE YANG NYIN RE BRTAG PAR SPYAD PA'I LE'U LAS BSHAD PA YIN TE, DE DAG LA BRTEN PA DANG, DE BZHIN DU BRTAGS TE BYED CING ZHES BYA BA STE, GANG DANG GANG BYED PA DE DANG DE SPANG BA DANG BLANG BAR BYA BA LEGS PAR BRTAGS SHING BYED DE, 'DI BYAS NA NI RDZOGS PAR 'GYUR LA, 'DI BYAS NA NI MI RDZOGS SHING MTHAR PHYIN PAR MI 'GYUR RO ZHES PA DE LTAR SHES PAR BYAS NAS, DGE BA BYED CING MI DGE BA SPONG BAR BYED PA DANG, DE BZHIN DU YUL RNAMS LA MI CHAGS ZHES PA STE, GZUGS DANG, SGRA DANG, DRI LA SOGS PA LA SEMS CHAGS PA MED PA DANG, GTONG LDAN ZHES PA GTONG ZHING SBYIN PAR BYED PA'I NGANG TSUL CAN DANG, SEMS SNYOMS ZHES PA SEMS CAN THAMS CAD NYE DUR GYUR CING RJES SU CHAGS PA DANG, KHONG KHRO BA MED PA DANG, BDEN BRTZON ZHES PA BDEN PA GTZO BOR LHUR BYED CING, BDEN PAR DAM 'CHA' LA, SLU BA MED PA'I TSIG PHYIN CI MA LOG PAR SMRA BA DANG, BZOD PA DANG LDAN ZHES PA STE, BZOD CING DES PA'I NGANG TSUL CAN DANG, DE BZHIN DU NYAMS LDAN STEN PAR BYED PA STE, MKHAS PA'I NGANG TSUL CAN YIN PAS NA MKHAS PA STE, 'JIG RTEN GNYI GA LA SLU BA MED CING
CHAGS PA DANG, 'TSE BA MED PA'I DNGOS PO MTHONG BA LA MKHAS PA ZHES BYA'O, ,DE YANG DRANG SRONG TZA RA KAS, GANG ZHIG DUS GSUM DRI MED PAR, ,SHES SHING RTAG TU MA NYAMS PA, ,DE MKHAS PHUL BYUNG BLO RGYAS YIN, ,DE'I TSIG THE TSOM MED CING BSTEN, ,SKYON BRAL RMONGS PA MED PA STE, , MI BDEN PAR NI JI LTAR SMRA, ,ZHES BYA BA YIN TE, MKHAS SHING LUNG DANG LDAN PA DE LA BRTEN NA NAD MED PAR 'GYUR RO, ,YAN LAG BRGYAD PA'I SNYING PO'I RNAM PAR 'GREL BA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM BAR SBYAR BA LAS, LE'U BZHI PA'I RNAM PAR 'GREL PA'O,, ,,DE NAS CHU SNA TSOGS PA LA SOGS PA'I BYE BRAG SHES BAR BYA BA'I LE'U BSHAD PAR BYA'O, ,ZHES BYA BA LA, SNGAR GONG DU RTAG TU PHAN PA'I ZAS DANG SPYOD LAM BSTEN NA, NAD MED PAR 'GYUR RO, ,ZHES BSTAN LA, PHAN PA'I ZAS DANG SPYOD LAM DE GNYIS KYANG MING TZAM ZHIG BSTAN PA YIN NO, ,DE LA SPYOD LAM NI RTZOL BA LA SOGS PA'I RANG GI NGO BO DANG, LAS KYI BYE BRAG BSHAD PAS, PHAL CHER BSHAD ZIN PA DANG, 'OG NAS KYANG STON TO, ,ZAS KYIS KYANG RANG GI NGO BO DANG, LAS DANG YON TAN DAG 'DIR CUNG ZAD KYANG MA SMOS SO, , DE BAS NA DA NI DE'I RANG GO NGO BO DANG LAS DANG YON TAN BSHAD PAR BYA BA'I PHYIR DANG, LE'U 'DI GNYIS BRTZAMS PA YIN LA, DE GNYIS LAS KYANG CHU SNA TSOGS PA GSHER BA'I RDZAS KYI BYE BRAG SHES PA NI GTZO BO YIN PAS DANG POR BSTAN PA YIN NO, ,CHU SNA TSOGS PA NI CHU RNAMS DANG, 'O MA DANG BU RAM SHING GI KHU BA DANG, TIL MAR DANG, CHANG LA SOGS PA'O, ,DE RNAMS KYI BYE BRAG SHES PAR BYA BA NI PHAN PA DANG GNOD PA NYID KYIS RO DANG NUS PA DANG, 'JU BA DANG YON TAN LA SOGS PA SHES SHING RTOGS PA'O, ,DE LA PHAN ZHING DGOS PA NI LE'U STE, DE BSHAD PAR BYA'O ZHES BYA BA'I DON TO, ,DE LA DANG POR NI CHU'I YON TAN GYI NGES PA STON PA YIN TE, DE NI THAMS CAD LA DGOS PA YIN PA'I PHYIR RO, ,DE YANG SLOB DPON GYIS, CHU NI SROG CHAGS RNAMS KYI CHOGS, ,LUS KYANG DE YI RANG BZHIN YIN, ,DE BAS SHIN TU DGAG PA YIS, ,
, ,CHU NI GANG DU'ANG BZLOG PA MED, ,CES BSHAD PA YIN NO, ,MKHA' LAS 'BAB PA'I GANG G'A'I CHU, ,'TSO BYED NGOMS BYED YI GAR 'ONG, ,TSIM BYED SEMS NI GSAL BYED LA, ,SLA ZHING RO MI GSAL LA ZHIM, ,BSIL ZHING YANG BA BDUD RTZIR MTSUNGS, , NYI ZLA RLUNG GIS REG GYUR PA, ,DE YI YUL DUS LA LTOS NAS, ,PHAL CHER PHAN DANG GNOD PA YIN, ,ZHES BYA BA NI, NAM MKHA' LAS 'BAB PA'I GANG G'A'I CHU NI, YON TAN 'DI DAG DANG LDAN PA STE, 'TSO BYED CES BYA BA MDANGS 'PHEL BAR BYED PA'O, ,NGOMS BYED NI NGAL BA SEL BAR BYED PA'O, ,DGA' BAR BYED PA NI SNYING DGA' BAR BYED PA'O, ,YANG NA SNYING LA PHAN PAR BYED PA'O, ,TSIM BYED NI BDE BA SKYED PA 'AM NAD SEL BA'O, ,BLO SAD PAR BYED PA NI SHES RAB KYI KHA 'BYED PAR BYED PA STE, GANG LA SHES RAB CI TZAM ZHIG DE LA GSAL BAR SNANG BA NYID DU DE 'THUNGS PA LAS GYUR PA'O, ,SLA BA NI SKA BA MA YIN PA'O, ,RO MI GSAL BA ZHES BYA BA NI, MNGAR BA LA SOGS PA'I RO DE LA GSAL BA MED PAS NA RO MI GSAL BA'O, ,ZHIM PA NI RO BDA' BA STE, SROG CHAGS RNAMS KYIS SHIN TU SRED PAR BYAS NAS, BTUNG BA'I DON DU 'THUNG BA ZHES BYA BA'I DON TO, ,DE YANG GANG GI PHYIR DRANG SRONG DAG GIS, BSIL ZHING GTZANG LA DGE ZHING ZHIM, ,ZHES BSHAD PA YIN NO, ,BSIL BA ZHES BYA BA NI REG PA DANG NUS PA GNYI GA SBYAR RO, ,YANG BA ZHES BYA BA NI YANG BA'I YON TAN DANG LDAN PA'O, ,DE BZHIN DU BDUD RTZIR MTSUNGS ZHES BYA BA NI BDUD RTZI'I YON TAN DANG LDAN PA STE, YON TAN DAM PA'I TSOGS DANG LDAN PA'O, ,DE LTA BU'I YON TAN DANG LDAN PA DAG KYANG NAM MKHA' STE, BAR SNANG LAS BAB CING LHUNG BA NI, NYI MA DANG, ZLA BA DANG, RLUNG GIS REG CING PHRAD PAR GYUR PA'I CHU DE YANG YUL DANG DUS LA LTOS SHING YUL DANG DUS KYI RJES SU ZHUGS PAS, YUL DANG DUS KYI YON TAN DANG 'DRES SHING BDAG GIR BYED LA, DES NA PHAL CHER SLAR ZHING PHAN PA DANG GNOD PA STE, LUS LA PHAN PAR 'GYUR BA DANG, GNOD PAR 'GYUR BAR BYED PA YIN TE, DE YANG RLAN CHE BA LA SOGS PA'I
YUL PHYOGS GZHAN 'GA' ZHIG TU 'BAB PA NA, DE YANG NAG PO'AM, DKAR PO LA SOGS PA LAS GZHAN DU 'GYUR BA DANG, DUS TE DUS DRUG LA LTOS NA PHAN PA DANG GNOD PA YIN NO, ,GANG ZHIG CHAR 'BAB DRI MA MED, ,'BRAS CHAN DNGUL PHOR NANG GNAS PA, ,MA RUL MDOG KYANG MA GYUR PA, ,GANG G'A'I CHU STE BTUNG BAR BYA, ,ZHES BYA BA NI, CHU GANG LEGS PAR CHAR DU 'BAB PAS BRLAN ZHING SPANGS PA'I S'A LU'I CHAN TE, DNGUL PHOR GYI NANG NA GNAS PA DE YANG RUL BAR MA GYUR CING, MDOG KYANG GZHAN DU MA GYUR NA, CHU DE NI GANG G'A'I CHU ZHES BYA STE, DE NI 'THUNGS NA GNOD PA MED PA YIN PAS NA BTUNG BAR BYA BA YIN NO, ,GZHAN DU MTSO CHU STON ZLA NI, ,'BRING PO MIN PAR BTUNG MI BYA, ,ZHES BYA BA NI, CHU DE SPANGS PA'I 'BRAS S'A LU'I CHAN RUL BA'AM, MDOG GZHAN DU GYUR NA, DE NI RGYA MTSO'I CHU DANG 'DRA BA YIN PAS BTUNG BAR MI BYA STE; BA TSA LA SOGS PA'I SKYON DANG 'DRES PA YIN PA'I PHYIR RO, ,CI DUS THAMS CAD DU BTUNG BAR MI BYA'AM, 'ON TE LAN 'GA' ZHIG BTUNG BAR MI BYA ZHE NA, STON ZLA 'BRING PO MIN BAR BTUNG MI BYA, ,ZHES BYA BA SMRAS PA YIN TE, STON ZLA 'BRING PO MA GTOGS PAR DUS GZHAN DAG TU DE BTUNG BAR MI BYA'O ZHES STON PA YIN TE CI'I PHYIR ZHE NA, DE'I TSE DRANG SRONG Ri shI 'CHAR BA'I DUS YIN PAS, DES MTSO DANG RDZING BU LA SOGS PAR GTOGS PA'I CHU THAMS CAD GNOD PA DAG KYANG PHAN PAR SGRUB PAR BYED PA YIN PA'I PHYIR RO, ,CHAR PA'I CHU NI SNOD BZANG BZHAG , 'GYUR BA MED PA RTAG TU BTUNG, ,ZHES BYA BA NI, CHAR PA'I CHU NI DBANG POS BAR SNANG LA CHAR DU 'BAB PA'I CHU'O, ,SNOD BZANG BZHAG CES PA NI SNOD BZANG PO BZED DE BSAGS PA'O, ,'GYUR BA MED CES BYA BA NI KHA DOG DANG RO MA NYAMS SHING 'GYUR BA MED PA STE, DE NI RTAG TU ZHES PA DUS THAMS CAD DU BTUNG ZHING SPYAD PAR BYA'O, ,DE MED NA NI THANG LA GNAS, ,BAR SNANG BA DANG RJES MTHUN YIN, ,SA PHYOGS DKAR NAG GTZANG ZHING YANGS, ,NYI 'OD RLUNG GIS PHOG PA BSNGAGS, ,ZHES BYA BA NI, DE MED NA ZHES PA BAR SNANG GI CHU BSAGS PA DE MA RNYED NA,
, ,THANG LA GNAS ZHES PA, SA LA LTENG KAR GNAS PA'I CHU NI BAR SNANG BA DANG RJES MTHUN YIN, ZHES BYA BA, BAR SNANG GI CHU DANG 'DRA BAR 'TSO BAR BYED PA LA SOGS PA'I YON TAN CHA MTHUN PAR BYED PA YIN NO, ,DE BZHIN DU SA PHYOGS KHA DOG DKAR BA DANG, GNAG PA DAG GI CHA 'DRES PA STE, PHAL CHER DKAR GNAG TU GNAG PA NA YOD PA DANG GTZANG BA STE, DAG PA DANG YANGS PA STE SA PHYOGS RGYA CHE BA NA YOD PA DE NYI MA'I 'OD DANG RLUNG GI SER BUS KUN NAS PHOG CING BSTEN PA'I CHU GANG YIN PA DE BSNGAGS PA YIN PAS BTUNG BAR BYA'O, ,LTENG KA 'DAM RDZAB NYA LCIBS DANG, ,RTZVA DANG LO MA RNYOG MA CAN, ,NYI ZLA RLUNG GIS MA PHOG PA, ,MNGON DU 'BAB DANG CHU GAR LCI, ,SBU BA SROG CHAGS CAN DANG DRO, ,GRANG CHES SO YIS MI BZOD PA, ,CHAR GANG DUS SUM BAB DANG, ,DUS KYI 'ANG DANG POR 'BAB PA GANG, ,SROG CHAGS GDUG DANG BA SOGS 'DRES, ,BSHANG GCI DUG BSRES GNOD MI BTUNG, ,ZHES BYA BA NI, LTENG KA DANG 'DAM RDZAB LA SOGS PAS RNYOG PA CAN DU GYUR PA'I CHU DE BTUNG ZHING LONGS SPYAD PAR MI BYA'O, ,DE LA 'DAM RDZAB NI 'DAM GYI RNAM PA STE, DES RNYOG PAS NAG NOG CAN DU BYAS PA'O; ,NYA LCIBS NI CHU'I NANG NYID NAS SKYES PA'O, ,RTZVA DANG LO MA NI GRAGS PAR ZAD DO, ,DES RNYOG PA CAN DU GYUR PA NI G-YOGS PA'O, ,DE BZHIN DU NYI ZLA RLUNG GIS MA PHOG PA ZHES BYA BA STE, NYI MA DANG ZLA BA'I 'OD DANG RLUNG GI ZER GYIS MA PHOG PA'O, ,DE BZHIN DU MNGON DU 'BAB PA ZHES PA STE, MDUN DU 'BAB PA DANG 'DRES SHING CHU GZHAN GYIS GANG BAR 'GYUR BA'O, ,CHU GAR NI YUN RING POR GNAS PA'I PHYIR RO, ,SLA BA MA YIN PA LAS SKA BA NYID DU GYUR PA'O, ,DE BZHIN DU LCI BA STE, YANG BA LAS KYANG LCI BAR GYUR PA'O, ,SBU BA CAN NI SBU BA YOD PA'O, , SROG CHAGS CAN NI 'BU SRIN DANG LDAN PA'O, ,DRO BA NI NYI MA LA SOGS PA'I TSA BAS GDUNGS PA'O, ,DE BZHIN DU SHIN TU GRANG CHES PAS, SO DANG REG PAR MI BZOD PA DE YANG BTUNG BAR MI BYA'O, ,DE BZHIN DU CHAR PA GANG DUS SU MA BAB PA YANG BTUNG BAR MI BYA STE, CHAR CHU YIN PA'I
PHYIR BTUNG BAR BYA BA NYID YIN YANG, CHAR 'BAB PA'I DUS SU MA BAB PA NYID KYIS NA GNOD PA YIN PA'I PHYIR BKAG PA YIN NO, ,DUS MA YIN PAR 'BAB PA BKAG PA LAS NA DUS SU 'BAB PA LAS NA BAR BYA'O ZHES GNANG BAR DON GYIS GO BAR BYA'O, ,DE BAS NA BAR SNANG LAS 'BAB PA'I CHU KHYAD PAR CAN DE NI BTUNG BAR BYA BA NYID YIN PA LAS, DE DUS SU BTUNG BAR BYA BA YIN LA, DE YANG DBYAR GYI DUS YIN TE, GANG GI TSE DBYAR NAM MKHA' LAS 'BAB PA BTUNG BAR BYA BA NYID YIN GYI, DUS GZHAN DAG TU 'BAB PA NI DUS MA YIN PAR BTUNG BAR MI BYA'O, ,CI DUS SU BAB PA THAMS CAD DU BTUNG BAR BYA BA 'AM, DUS SU BAB PA YIN DU ZIN KYANG BTUNG BAR MI BYA BA CUNG ZHIG YOD DAM ZHE NA, DE'I PHYIR DUS KYI DANG POR 'BAB PA GANG ZHES BYA BAR SMOS PA YIN TE, DUS DANG POR 'BAB PA'I CHU GANG YIN PA DE NI BTUNG BAR MI BYA'O, ,DES NA 'DI SKAD STON PA YIN TE, DBYAR GYI DUS SU 'BAB PA NI BTUNG BAR BYA LA, DE LAS KYANG DANG POR 'BAB PA NI DUS SU 'BAB PA YIN YANG BTUNG BAR MI BYA'O, ,DE BZHIN DU SROG CHAGS GDUG PA DANG, LU TA LA SOGS PA RNAMS KYI, RGYA DANG, BSHANG BA DANG, GCI BA DANG, DUG DANG 'DRES PAS RMAS PAR BYAS PA'I CHU GANG YIN PA DE BTUNG BAR MI BYA'O, ,NUB PHYOGS NAS NI RGYA MTSOR 'BAB, ,GANG YANG MYUR 'BAB RDUL MED CHU, ,DE DAG MDOR NA DGE BA YIN, ,DE LAS BZLOG PA BZANG MA YIN, ,ZHES BYA BA NI, CHU BO GANG NUB PHYOGS NAS MI 'BAB PA DANG, DE BZHIN DU MYUR BAR MI 'BAB PA DANG, RDUL MED PA MA YIN PA STE GONG MA LAS BZLOG PA DE DAG NI BZANG PO MA YIN PA STE, GNOD PAR BYED PA YIN NO ZHES BYA BA'I DON TO, ,RDO LA SHUGS DRAG RDEBS PA YIS, ,RGYUN CAN G-YENGS PA'I CHU DAG DANG, ,GANGS CAN MA LA YA LAS BYUNG; ,DGE'O, ,ZHES BYA BA LA, RDO'I TSOGS LA SHUGS DRAG POS RDEBS PAR BYED LA, DES RGYUN CHAD CING RNAM PAR 'THOR BAS G-YENGS SHING SPRUGS PA'I CHU GANG DAG YIN PA DE DAG GANGS CAN TE RI KHA BA CAN DANG, MA LA YA'I RI LAS BYUNG BA STE, DE GNYIS
, ,LAS 'THON CING 'BAB PA'I CHU BO NI DGE'O ZHES PA STE PHAN ZHING BSOD PA YIN PA'O, ,DE NI BRTAN G-YUNG NA, SRIN BU RKANG BA MA SNYING DANG NI, ,LKOG MA GLAD PA'I NAD SKYED 'GYUR, ,ZHES BYA BA NI, KHA BA CAN DANG MA LA YA'I RI LAS BYUNG BA DE NYID BRTAN ZHING G-YUNG BA STE, DAL GYIS 'BAB PA YIN NA, SRIN BU LA SOGS PA SKYED PAR 'GYUR RO, ,RKANG BA MA NI TSIL DANG SHA LA BRTEN TE, RKANG PA DAG TU RKANG PA DAG 'BYUNG BA STE, MTSAN NYID 'OG NAS BSHAD DO, ,SHAR DANG NUB KYI MTHA' LAS BYUNG, ,GZHANG 'BRUM SKYED DO; ,ZHES BYA BA NI, SHAR GYI LHO BAL GYI YUL NAS 'BAB PA DANG, NUB PHYOGS TE, STAG GZIG GI YUL NAS 'BAB PA DANG, MTHA' LAS BYUNG BA LHO NUB KYI MTSAMS KYI YUL MA LA YA LAS BYUNG ZHING 'BAB PA'I CHU BO NI, GZHANG 'BRUM ZHES BYA BA'I NAD SKYED PAR BYED DO, , DBANG CHEN 'BAB, DMU RDZING RKANG BA MA NAD SKYED 'GYUR, ,ZHES BYA BA NI, DBANG CHEN ZHES BYA BA'I RI LAS 'BAB CING RGYU BA'I CHU BO NI DMU RDZING GI NAD DANG, RKANG BAM GYI NAD SKYED PAR 'GYUR RO, ,SAD HYA BI NA DA'I RI LAS 'BAB, ,MDZE DANG SKYA RBAB KLAD NAD 'GYUR, ,ZHES BYA BA NI; RI BO SAD HYA DANG, RI BO BIN DA ZHES BYA BA'I RI GNYIS LAS 'BAB CING, DE LAS 'THON PA'I CHU BO NI MDZE DANG, SKYA RBAB KYI NAD DANG, KLAD PA'I NAD SKYED PAR 'GYUR RO, ,PA RI YAD TRA'I NAD KUN SEL, ,ZHES BYA BA NI RI BO PA RI YAD TRA ZHES BYA BA ZHIG YOD DE, DE LAS BYUNG BA'I CHU BO NI NYES PA GSUM CHAR SEL BA YIN NO, ,KHRON PA RDZING LA SOGS PA'I CHU, ,SKAM SA RLAN CAN BRAG LAS SHES, ,ZHES BYA BA NI, KHRON PA DANG, RDZING BU LA SOGS PA'I CHU YANG BA DANG, LCI BA DANG, YON TAN DANG, SKYON GNYIS KA YANG SKAM SA DANG, GSHER SA RLAN CAN DANG BRAG LAS SHES PAR BYA STE, SKAM SA LA SOGS PA'I YON TAN GYIS, DE'I KHRON PA LA SOGS PA'I CHU'I BYE BRAG SHES PAR BYA'O, ,DE YANG, KHRON PA RDZING BU MTSE'U DANG, ,MTSOR BCAS CHU MIG LA SOGS CHU, ,SKAM SA RLAN CAN BRAG LAS NI, ,YON TAN SKYON DAG
SHES PAR BYA, ,ZHES DRANG SRONG TZA RA KAS BSHAD BA DANG, BSDUS PA LAS KYANG, SKAM SA GSHER SA RI BO DANG, ,NYE LAS YANG DANG LCI BA 'BYUNG, ,ZHES BSHAD PA YIN NO, ,DES NA 'DI SKAD STON PA YIN TE, SKAM SA'I SA PHYOGS NA GNAS PA'I KHRON BA LA SOGS PA'I CHU NI YANG BA NYID YIN LA RLAN CAN GYI PHYOGS LA GNAS PA'I KHRON PA LA SOGS PA'I CHU NI LCI BA NYID YIN NO, ,RI BO'I PHYOGS NA GNAS PA'I KHRON PA LA SOGS PA'I CHU NI NYES PA SKYED PA YIN LA, BA RI YA TRA'I PHYOGS NA GNAS PA'I NI NYES PA 'JOMS PA YIN TE, THAMS CAD LA YANG 'DI BZHIN DU SBYAR BAR BYA'O, ,DROD CHUNG SKRAN YOD SKYA RBAB DANG, ,DMU RDZING TSAD 'KHRU GZHANG 'BRUM MAM, ,PHO BA'I DROD CHUNG 'OR NAD CAN, ,MI BTUNG BRNAG DKA' NYUNG ZAD BTUNG, ,ZHES BYA BA NI, DROD CHUNG BA LA SOGS PAS CHU BTUNG BAR MI BYA'O, ,GAL TE BRNAG BAR DKA' ZHING SKOM PA MI BZOD PAR GYUR NA, RANG GI RANG BZHIN DANG, YUL DANG, DUS DANG, SPYOD LAM DANG, LUS KYI TSOD LAS DPAGS TE, CUNG ZAD CIG BTUNG BAR BYA'O, ,STON KA SO GA MA GTOGS PAR, ,NAD MED MIS KYANG CUNG ZAD BTUNG, ,ZHES BYA BA NI, STON KA DANG SO GA'I DUS MA GTOGS PAR DUS GZHAN DGU NA STOD DANG, DGUN SMAD DANG, DPYID DANG, DBYAR DAG GI TSE NAD MED PA'I MIS KYANG CUNG ZAD BTUNG, ZHES BYA BA NI, NYUNG SHAS NYUNG SHAS DAG BTUNG BAR BYA'O, ,ZAS ZOS PAR MTHA' THOG MAR NI, ,CHU 'THUNGS RAN DANG SBOM SKEM 'GYUR; ,ZHES BYA BA NI, ZAS ZOS PA'I BAR DANG MTHA' MA DANG, ,THOG MAR CHU 'THUNGS NA, LUS SBOM PHRA RAN PA DANG, SBOM PA DANG, SKEM PAR 'GYUR RO, ,DES NI 'DI SKAD STON PAR 'GYUR TE, MIS ZAS ZOS PA'I BAR DU SKOM 'THUNGS NA LUS ZUNGS RAN PA STE, PHRA SBOM 'TSAM PAR 'GYUR LA, ZAS ZOS PA'I BAR MAR SKOM 'THUNGS PAS NI SBOM ZHING RAGS PAR 'GYUR LA, ZAS ZOS PA'I THOG MAR 'THUNGS PAS NI SKEMS PAR 'GYUR RO, ,DE YANG SKOM BAR DU 'THUNGS PAS LUS ZUNGS MNYAM POR SKYED CING RAN PA NYID DU BYED DO, ,MTHA' MAR 'THUNGS
, ,PAS NI MA ZHU BA'I GNAS SU BAD KAN 'PHEL BAR BYED PAS SBOM PO BYED DO, ,ZAS KYI THOG MAR 'THUNGS PAS NI ZAS KYI SHING MED PAS, PHO BA'I ME NYAMS PAR BYED DE, ME'I DROD KYIS MI MTHUN PA'I PHYOGS SU GYUR PAS, ME'I DROD 'BRI BAR BYED LA, DES NA ZAS LEGS PAR 'JU BAR MI NUS LA, ZAS MI 'JU BAS DE'I TSE, DANGS MA LA SOGS PA'I LUS ZUNGS JI LTA BA BZHIN DU RGYAS PAR MI 'GYUR LA, DE RGYAS SHING 'PHEL BAR MA GYUR PAS SKYES BU SKEM POR 'GYUR RO, ,DE SKAD DU SLOB DPON GYIS BSDUS PA LAS, ZAS KYI THOG MAR CHU 'THUNGS NA, ,ME NYAMS BYED PAS SKEMS PAR 'GYUR, ,THA MAS SBOM PO NYID BYED DE, ,DE NI MA ZHU BAD KAN RGYAS, ,BAR MA YAN LAG MNYAM ZHING SNYOMS, ,LUS ZUNGS SMIN PAS BDE BA YIN, ,ZHES BSHAD PA YIN NO, ,CHU BSIL CHANG NAD BRGYAL BA DANG, ,SKYUGS DANG NGAL DANG MGO 'KHOR DANG, ,SKOM DANG LUS TSA MKHRIS PA DANG, ,KHRAG RGYAS DUG NI SEL BYED YIN, ,ZHES BYA BA LA, CHU BSIL BDAG NI CHANG DRAGS PA'I NAD LA SOGS PA SEL ZHING 'JOMS LA ZLOG PAR BYED PA YIN NO, ,DE LA CHANG NAD NI CHANG DRAGS PA LAS GYUR PA'I NAD DO, ,DE LA NAD CES BYA BA NI, GNOD PA SOGS SHING SNYON RMONGS PAR BYED PA'O, ,BRGYAL BA NI DRAN PA STOR BA'O, ,SKYUGS PA LA SOGS PA NI GO BAR ZAD DO, ,LUS TSA BA NI ZAS DANG SPYOD LAM TSA BAS TSA BAR GYUR PA'O, , MKHRIS PA DANG KHRAG RGYAS PA DE NI DE DAG 'PHEL BA'O, ,DUG NI RGYU BA DANG, RGYU BA LAS BYUNG BA'I DBYE BAS GNYIS SO, ,SEL BYED YIN ZHES BYA BA NI, 'THUNGS PA DANG GTOR BA LA SOGS PAS 'DI DAG SEL ZHING 'JOMS PAR BYED PA'O, ,CHU TSAN DROD SKYED ZAS 'JU ZHING, , MGUL BDE LUS YANG GCIN NAD SEL, ,SKYIGS BU LTO SBOS RLUNG BAD KAN, ,RIMS SAR 'PHRAL DU ZLOG BYED CING, ,LUD PA CHAM SAR DBUGS MI BDE, ,RTZIB LOGS ZUG LA BSNGAGS PA YIN, ,ZHES BYA BA NI, CHU BSKOL ZHING TSA BAR BYAS PA DAG NI ME'I DROD
SKYED PAR BYED PA DANG, DE BZHIN DU MA ZHU BA'I NYES PA SEL BAR BYED PA DANG, MGUL PA BDE ZHING LKOG MA SBYONG LA, GDANGS SNYAN PA DANG, YANG BA'I YON TAN DANG LDAN PAS, LUS YANG BAR BYED BA DANG, GCIN NAD SEL ZHES PA GCIN GYI GNAS NI CHU SO STE, DE LA GNOD PAS KHEBS PAR GYUR PA SEL BAR BYED PA'AM, YANG NA DE NA GNAS PA'I GCIN GYI SKYON SEL BAR BYED PAS NA, GCIN NAD SEL ZHES BYA'O, ,YANG CHU BSKOL BA 'DI NI SKYIGS BU LA SOGS PA'I NAD RNAMS LA YANG BSNGAGS PA YIN TE, SKYIGS BU LA SOGS PA NI 'OG NAS BSHAD PAR BYA'O; ,CHAM SAR NI CHAM PA YANG YIN LA, SAR PA YANG YIN PAS CHAM SAR ZHES BYA STE, DE LA YANG BSNGAGS PA YIN TE, GANG GI PHYIR DROD SKYED PA DANG, ZAS 'JU BAR BYED PA YIN PAR GONG DU BSHAD PA DES NA, 'JU ZHING SMIN PAR BYED PAS NI MA ZHU BA YIN PAS DE LA BSNGAGS PA YIN NO; ,CHU NI BSKOL NAS GRANGS PA DAG ,BAD KAN MI SKYED LUS YANG ZHING, ,MKHRIS PA CAN LA PHAN PA YIN, ,DE NI ZHAG LO NA NYES GSUM SKYED, ,CES BYA BA NI, CHU BSKOL NAS BSGRANGS PA NI BAD KAN SKYED PAR MI BYED DE, MA BSKOL BA'I CHU LAS RANG BZHIN GYI YON TAN DANG LDAN PA YIN PA LAS KYANG BSKOL NAS BSGRANGS PA NA, SHIN TU YANG BA YIN LA, BSKOL NAS BSGRANGS PA DE YANG RLUNG DANG BAD KAN GYI NYES PA GANG YANG RUNG BA MKHRIS PA DANG LDAN PA LA PHAN PA YIN LA, GSUM CHAR 'DUS PA LAS BYUNG BA'I NAD LA NI GNOD PA YIN NO, DE YANG, YUL DUS LCI DANG YANG BA LAS, ,BZHI CHA GSUM CHA PHYED 'DUS PAR, ,LBU BA MED PAR BSKOL BA NI, ,SHUGS MED DRI MA MED CING PHAN, ,ZHES BSHAD PA YIN NO, ,DE LTAR YON TAN DANG LDAN ZHING, ,DE LTAR BSKOL NAS BSGRANGS BA DE NI ZHAG LON PA STE, NYIN ZHAG GCIG 'DAS PA'AM, YUN RING POR BZHAG PA DE NI, NYES GSUM SKYED CES BYA BA YIN TE, RLUNG LA SOGS PA'I NYES PA GSUM SKYED PAR BYED DO, ,DUS KYI RANG BZHIN NYID DANG, ME'I YON TAN LAS NYAMS PA DANG, SKYUR PA'I RNAM PAR 'GYUR BAS NYES PA RNAMS SKYED PA YIN NO, ,RGYA STAR CHU NI SNUM PA DANG, ,RO MNGAR RO
, ,TZA BSIL ZHING YANG, ,SKOM DANG MKHRIS PA RLUNG NAD SEL, ,DROD SKYED LGANG BA'I NAD SBYONG BYED, ,DBYAR NI CHAR CHU CHU BO'I CHU, ,MCHOG TU BZANG DANG NGAN PAR BSHAD, ,CES BYA BA NI, RGYA STAR GYI 'BRAS BU'I NANG NA GNAS PA'I CHU GTZOR GZUNG BAR BYA'O, , DE'I CHA SHAS LAS BYUNG BA GZHAN DAG NI MA YIN NO ZHES SHES PAR BYA BA'I PHYIR CHU'I SDE TSAN 'DIR BSTAN PA BYAS PA YIN LA, RGYA STAR GYI 'BRAS BU DE'I NANG GI CHU NI SNUM PA'I YON TAN DANG LDAN PAS NA, SNUM PA DANG RO MNGAR ZHING ZHIM PA DANG, RO MNGAR ZHING KHU BA 'PHEL BAR BYED PA DANG, BSIL ZHING GRANG BA'I STOBS DANG LDAN PA DANG, YANG BA LA SOGS PA DANG LDAN PA DANG, ME'I DROD SKYED PAR BYED PA DANG LGANG PA STE, GCIN GYI GNAS KYI NAD SBYONG ZHING DAG PAR BYED PA YIN NO, ,CHAR 'BAB PA STE BAR SNANG LAS 'BAB PA'I CHU DANG CHU BO'I CHU STE, DE LTAR CHAR GYI CHU DANG CHU BO'I CHU STE, DE LAS DBYAR GYI CHAR GYI CHU SHIN TU BZANG ZHING MCHOG TU GYUR PA YIN LA, CHU BO'I CHU NI DBYAR MCHOG TU NGAN ZHING SMAD PAR BYA BA YIN PAR BSHAD DO, ,CHU'I SDE TSAN NO, ,DA NI 'O MA THAMS CAD KYI SPYI'I YON TAN DANG, LAS RNAMS SMRAS PA NI 'DI YIN TE, DE YANG CI LTAR CHU NI 'TSO BAR BYED PA LA SOGS PA'I YON TAN DANG LDAN PA DE BZHIN DU, 'O MA YANG YON TAN MANG PO DANG LDAN PA YIN PAS, SDE TSAN GZHAN DAG LAS 'O MA'I SDE TSAN NYID MCHOG TU GYUR PA YIN PA DANG, GZHAN YANG GANG GI PHYIR, ZHUN MAR NI SNUM THAMS CAD KYI MCHOG YIN LA, DE'I SKYE BA'I GNAS NI 'O MA NYID YIN TE, DE BAS NA MCHOG TU GYUR PA YIN NO, ,'O MA PHAL CHER RO ZHU MNGAR, ,SNUM ZHING MDANGS SKYED LUS ZUNGS 'PHEL, ,RLUNG DANG MKHRIS SEL RO TZA BYED, ,BAD KAN SKYED CING BSIL BA YIN, ,ZHES BYA BA LA, 'O MA PHAL CHER ZHES PA NI 'O MA PHAL MO CHE'I YON TAN 'DI DAG YIN GYI, THAMS CAD KYI NI MA YIN NO, ,DE LA 'O MAR GTOGS PA THAMS CAD KYI NI RO MNGAR BA DANG ZHU BA'I RJES LA MNGAR ZHING 'JAM PA YIN PAS, DE DAG NI KHYAD PAR MED PAR RO MNGAR BA DANG ZHU BA'I RJES MNGAR BA YIN NO, ,SNUM PA'I YON TAN DANG LDAN PAS SNUM PA'O, ,GZI MDANGS
SKYED PA LA PHAN PAS NA MDANGS SKYED DE, MDANGS ZHES BYA BA LUS ZUNGS RNAMS KYI SNYING POR GYUR PA, 'OG NAS BSHAD PA'I MTSAN NYID DANG LDAN PA DE SKYED PAR BYED PA DANG, LUS ZUNGS ZHES PA DANGS MA'I BCUD LA SOGS PA 'PHEL BAR BYED PA DANG, RLUNG DANG MKHRIS SEL ZHES BYA BA, RLUNG DANG MKHRIS PA'I NAD 'JOMS PAR BYED PA DANG, RO TZA BYED CES BA KHU BA 'PHEL BAR BYED PA DANG, BAD KAN SKYED CES PA BAD KAN 'PHEL BAR BYED PA DANG, LCI BA'I YON TAN DANG LDAN PAS LCI BA DANG, BSIL ZHING GRANG BA STE, YON TAN DE DAG DANG LDAN PAS LCI BA'O, ,DE DAG NI PHAL MO CHE'I SPYI'I YON TAN YIN GYI, THAMS CAD KYI YON TAN 'DI LTA BU NI MA YIN TE, LA LA NI GZHAN DAG TU YANG MTHONG STE, DPER NA RNGA MO'I CUNG ZAD RTZUB CING TSA BA DANG, LAN TSVA BRO BA YANG BA DANG, DE BZHIN DU RA'I 'O MA YANG YANG BA DANG, LUG GI 'O MA'I NUS PA TSA BA SKYED PA DANG, RMIG PA GCIG PA'I 'O MA TSA BA'I NUS PA CAN NYID YIN NO, ,'DIR SPYI'I YON TAN BSHAD PA LAS, GANG DE DANG MI MTHUN PA'I KHYAD PAR GYI YON TAN BSHAD PA DE NI SPYI'I YON TAN DANG MI MTHUN PA NYID YIN PAR SHES PAR BYA'O, ,'ON TE CHA 'DRA BA DAG YIN NA NI, DE NYID STOBS SKYED CING GROGS SU GYUR PA YIN NO, ,'DIR KHYAD PAR DU BYA BA NI, BA YI 'O MA 'TSO BYED CING, ,BCUD KYIS LEN YIN GLO RDOL DANG, ,GLO GCONG LA PHAN YID GZHUNGS BYED, ,STOBS SKYED NU ZHO SKYED DANG 'KHRU, ,NGAL DANG MGO 'KHOR MYOS DBAL NYAMS, ,LUD PA DBUGS MI BDE BKRES SKOM, ,RIMS RNYING GCIN NI SRI BA DANG, ,KHRAG DANG MKHRIS PA SEL BA YIN, ,ZHES BYA BA NI 'DIR 'O MA'I NANG NAS GAL TE, DE BA'I 'O MA YIN NA 'TSO BAR BYED PA YIN PAS NA 'TSO BYED CING ZHES BYA STE, 'O MA THAMS CAD KYANG 'TSO BYED YIN MOD KYI, BA'I 'O MA 'DI YANG SHIN TU 'TSO BAR BYED PA YIN TE, MDANGS SKYED CING LUS ZUNGS MNYAM POR 'PHEL BAR BYED PA YIN NO, ,BCUD KYIS LEN YIN ZHES BYA BA NI, SROG YANG DAG PAR 'DZIN PAR BYED PA YIN PAS, BCUD KYIS LEN DANG 'DRA BA'I PHYIR BCUD KYIS LEN ZHES BYA STE, DE YANG BSDUS PA LAS, MAR DANG
, ,'O MA BSTEN PAS NI, ,BCUD KYIS LEN NI 'THOB PA YIN, ,GANG PHYIR 'O MA BSNGAGS PA YI, ,BCUD RNAMS KYI NI BCUD LEN YIN, ,ZHES BSHAD PA YIN NO, ,GLO RDOL DANG GCONG LA PHAN PA NI GLO DANG BRANG RDOL BA, LUS ZUNGS ZAD PAR BYED PA'I GCONG LA PHAN ZHING RJES SU MTHUN PA YIN NO, ,DE BZHIN DU BLO GROS TE, YID GZHUNGS BA LA PHAN PA YIN PAS NA, YID GZHUNGS BYED CES BYA'O, ,STOBS LA PHAN PAS NA STOBS SKYED DO, ,NU ZHO SKYED PA NI BUD MED RNAMS KYI NU ZHO 'PHEL BAR BYED PA STE, NU ZHO SNUM PA BUD MED KYI 'O MA SKYED PA'O, ,'KHRU BA NI KHONG NAS 'KHRU BA'I NGANG TSUL CAN NO, ,DE BZHIN DU NGAL BA LA SOGS PA YANG SEL BA YIN NO, ,MI BDE BA NI YID KYI GNOD PA'O, ,GZHAN DAG NI GO SLA'O, ,MA HE'I 'O MA 'JU DRAGS DANG, ,GNYID MED LA PHAN RAB LCI BSIL, ,ZHES BYA BA LA, MA HE'I 'O MA NI 'JU DRAGS PA STE ME'I DROD CHE BAS 'GRANGS MI SHES PA DANG, GNYID MED PA LA PHAN PA DANG, DE 'O MA GZHAN DAG LAS RAB TU ZHI ZHING 'JU DKA' BA DANG, BSIL ZHING GRANG BA'I YON TAN DANG LDAN PA YIN NO, ,RA NI CHU NYUNG 'THUNG ZAS RGOD, ,KHA ZHING TSA BA ZABS YANG, ,SKEM DANG RIMS DANG DBUGS MI BDE, ,KHRAG DANG MKHRIS PA TSAD NAD SEL, ,ZHES BYA BA LA, RA'I 'O MA NI, CHU NYUNG DU 'THUNG BA LA SOGS PA'I RANG BZHIN NI YIN TE, 'DIR RGYU SMOS PA NI GZHAN DAG KYANG 'DI BZHIN DU RGYU DANG LDAN PA'I DBANG GIS 'O MA YANG BA NYID DU SHES PAR BYA BA'I PHYIR SMOS PA YIN TE, 'DI LAS GO BZLOG PA'I RANG BZHIN CAN NI LCI BA YIN PAR SHUGS KYIS GO BAR BYA'O, ,CHU NYUNG DU 'THUNG BA LA SOGS PA'I RANG BZHIN NI DUS DANG YUL LA SOGS PA LA LTOS NAS BYA BA YIN NO, ,RA'I 'O MA 'DI NI SKEM PA LA SOGS PA'I NAD SKYED PA YIN TE, SKEM PA NI GCONG CHEN PO'O, ,RNGA MO'I 'O MA CUNG RTZUB DRO, ,LAN TSA BRO ZHING DROD CHE YANG, ,RLUNG DANG BAD KAN LTO SBOS SRIN, ,'OR NAD DMU RDZING GZHANG NAD SEL, ,ZHES BYA BA LA, RNGA MO'I 'O MA NI CUNG ZAD RTZUB PA DANG, CUNG ZAD DRO BA DANG, CUNG ZAD LAN TSVA BRO BA YIN ZHING, ME DROD CHE BAR SKYED BA DANG, YANG BA YIN LA, RLUNG DANG, BAD KAN DANG, LTO SBOS
PA DANG; SRIN NAD DANG, 'OR NAD DANG, DMU RDZING DANG, GZHANG 'BRUM GYI NAD LA PHAN ZHING BSNGAGS PA YIN NO, ,BUD MED NU ZHO RLUNG MKHRIS KHRAG ,SNAD BA'I MIG NAD SEL BYED DE, ,TSIM BYED MIG DANG SNAR BLUGS PHAN, ,ZHES BYA BA LA, BUD MED KYI 'O MA DE NI RLUNG DANG, MKHRIS PA DANG, KHRAG DANG; SNAD PA LAS BYUNG BA'I MIG NAD GANG YIN PA DAG SEL ZHING 'JOMS PAR BYED DO, ,JI LTAR NA DE SEL BAR BYED CE NA, TSIM BYED MIG DANG SNAR BLUGS PHAN, ,ZHES BYA BA YIN TE, TSIM PAR BYED PA LA SOGS PA'I MTSAN NYID NI, GNAS 'DI NYID KYI 'OG NAS BSHAD PA YIN TE, TSIM PAR BYA BA NI MIG BKANG BA STE, NAS SAM SRAN MA SHA'I ZAN GYI RENG BU SBOM PAR BYAS LA BSKOR TE BKANG BA'O, ,MIG TU BLUGS PA NI MIG 'BRAS KYI STENG DU BLUGS PA'O, ,SNAR BLUGS PA NI SNA NAS GTONG BA'O, ,LUG GI 'O MA SNYING GNOD TSA, ,RLUNG 'JOMS SKYIGS BU DBUGS MI BDE, , MKHRIS PA BAD KAN SKYED PA YIN, ,ZHES BYA BA LA LUG GI 'O MA NI SNYING LA GNOD PA STE, SHIN TU MI DGA' BA'AM, SNYING NAD SKYED PA'O, ,TSA BA NI NUS PA TSA BA DANG LDAN PA'O, ,RLUNG 'JOMS PA NI RLUNG GI NAD 'JIG PA'O, ,DE LA SKYIGS BU DANG DBUGS MI BDE BA DANG, MKHRIS PA DANG, BAD KAN NI SKYED PAR BYED PA YIN NO, ,BA GLANG MO YIS RAB BRTAN BYED, ,CES BYA BA NI, BA GLANG MO'I 'O MA NI RAB TU BRTAN PAR BYED PA YIN TE, LUS SHIN TU BRTAN PAR BYED PA YIN NO, ,RMIG PA GCIG PA'I 'O MA TSA, ,YAN LAG RLUNG SEL SKYUR BCAS SHING, ,LAN TSVA BRO ZHING RMONGS PAR BYED; ,CES BYA BA LA, RMIG BA GCIG PA NI, RMIG SBUBS GCIG YOD PA STE, RMIG BA LA KHA BRAG TU MA GYUR PA, RTA DANG BONG BU LA SOGS PA RNAMS LA RMIG PA GCIG PA ZHES BYA BA STE, DE DAG GI 'O MA NI TSA ZHING DRO BA'I NUS PA DANG LDAN PA YIN NO, ,YAN LAG NI KHRAG LA SOGS PA'I LUS ZUNGS RNAMS TE, DE LA GNAS PA'I RLUNG SEL ZHING 'JOMS PAR BYED PA DANG, SKYUR DANG BCAS PA DANG, LAN TSVA BRO BA NI CUNG ZAD SKYUR BA DANG, CUNG ZAD LAN TSVA BRO BA'O, ,RMONGS PAR BYED CES BYA BA NI RMONGS RMONGS POR BYED CING, LUS MI GSAL BA BEMS PO NYID DU BYED BA'AM, SHES RAB LA
, ,GNOD PAR BYED PA'O, ,YANG NA RMONGS PA NI BLUN PA NYID DU GYUR PA'O, ,ZHES LA LAS BSHAD DO, ,'O RLON BAD KAN SKYED CING LCI, ,RIGS PAR BSKOL BAS DE LAS GZHAN, ,SHIN TU BSKOL NA 'JU DKA' LCI, ,BZHOS MA THAG DRO BDUD RTZIR MTSUNGS, , ZHES BYA BA LA, 'O MA THAMS CAD MA BSKOL BA NI BAD KAN SKYED CING 'PHEL BAR BYED PA YIN TE, DRI MA DANG LDAN PAS LUS KYI MI RGYU BA YIN PAR RO, ,LCI BA NI YUN RING ZHIG NA 'JU BA STE, SA NI ZLA BA'I YON TAN GYI SHAS CHE BA YIN PAS DE LAS 'BYUNG BA'I PHYIR RO, ,RIGS PAR BSKOL NA ZHES BYA BA NI 'O MA DE NYID RLON PA LAS GO BZLOG PAR BSTAN NA DE LAS GZHAN PA STE, BAD KAN SKYED PA MA YIN LCI BA YANG MA YIN TE, BAD KAN SEL ZHING YANG BAR GYUR PA'O, ,DE LA LEGS PA NI SBYOR BA'I THABS TE, JI LTAR 'O MA'I PHYED KYI CHUS BSNAN LA BSKOL BA NI, 'O MA RLON PA BAS SHIN TU YANG BA YIN NO, ,ZHES RGYUD GZHAN NAS BSHAD PA YIN NO, ,YANG NA SHIN TU BSKOL BA MA YIN LA, CUNG ZAD BSKOL BA YANG MA YIN PA NI RIGS PA YIN TE, MI RIGS PAR BSKOL BA NI ME DANG PHRAD PA YIN DU ZIN KYANG LCI BA NYID DU 'GYUR RO, ,DE YANG GANG GI PHYIR MI RIGS PAR BSKOL ZHING, CHU MED PAR BSKOL BA LAS, CHA GCIG DANG, CHA GNYIS DANG, GSUM DANG, BZHI NAS CHA BRGYAD LUS PA'I BAR GYIS NI, GONG NAS GONG DU SNYING PO 'DUS PAR 'GYUR RO, ,DE YANG RGYUD GZHAN LAS, 'O MA CHU MED PAR BSKOL BA, GNYIS GSUM BZHI NAS BRGYAD CHA LUS; ,JI LTAR SHIN TU BSKOL BA BZHIN, ,SNYING PO LCI ZHING RAB STOBS LDAN, ,ZHES BSHAD PA YIN NO, ,DE BAS NA SHIN TU BSKOL NA 'JU DKA' ZHING RAB TU LCI BAR 'GYUR RO, BZHOS MA THAG PA'I 'O MA DRO BA NI 'PHRAL DU BZHOS PA'O, ,DE NI PHAN PA NYID KYIS NA BDUD RTZIR MTSUNGS, ZHES BYA BA STE; BDUD RTZI DANG 'DRA BA YIN NO, ,DA NI 'O MA LAS ZHOR GYUR BA LAS, GNAS SKABS DU MA NYID DU GYUR BA, MA RDZOGS PA LAS JI SKAD DU BSHAD PA'I SKYUR BA DANG, SHIN TU SKYUR BA LA SOGS PA'I TSUL GYIS ZHO MA LANGS PA DANG, LEGS PAR LANGS PA DANG, LANGS NAS THAL CHES PA NYID DU
YONGS SU GYUR PA LAS, JI LTAR ZHO'I GNAS SKABS DU MAR GYUR PA'I RANG BZHIN GYI GNAS SKABS GZHUNG RTZOM PAS SNYING LA BZHAG STE, SMRAS PA NI, ZHO NI RO DANG ZHU RJES SKYUR, ,RTUG SKEMS LCI LA RLUNG NAD SEL, ,TSIL DANG KHU CHU STOBS BAD KAN, ,KHRAG MKHRIS DROD SKYED 'OR NAD SKYED YIG 'BYED CING KHA ZAS LEN, ,GRANG BA'I RIMS DANG MI SNYOMS RIMS, ,CHAM PA GCIN 'GAGS GYUR PA DANG, ,'KHRU BA'I NAD LA RTZUB MO PHAN, ,ZHES BYA BA LA, ZHO GANG RO DANG ZHU BA'I RJES SKYUR BA NI RO DANG ZHU RJES SKYUR BA'O, ,RTUG SKEMS ZHES BYA BA NI BSHANG GCI LA SOGS PA RANG GI GNAS NAS BSKUL NAS GONG POR BYED PA LA BYA'O, ,LCI BA'I YON TAN DANG LDAN PA NI LCI BA'O, ,RLUNG GI NAD SEL BAS NA RLUNG SEL LO, ,DRO BA NI DRO BA'I NUS PA BSKYED PA'O, ,DE BZHIN DU TSIL DANG KHU CHU DANG STOBS LA SOGS PA RANG GI GNAS NAS, DE BZHIN DU YIG 'BYED CING 'GRANGS SU ZIN KYANG 'DOD PAR BYED PA YIN NO, ,DE BZHIN DU KHA ZAS LEN ZHES BYA STE, YIG 'CHUS PA LA PHAN ZHING ZAS GZHAN DAG KYANG YI GAR 'ONG BAR BYED PA'O, ,DE BZHIN GRANG BA'I RIMS DANG ZHES PA, GRANG BA LAS GYUR PA'I RIMS DANG, RIMS LDANG DUB MI SNYOMS PA LA SOGS PA DANG, CHAM PA DANG GCIN 'GAGS PAR GYUR PA DANG, 'KHRU BA'I NAD RNAMS LA PHAN PA YIN NO, ,DE LA RTZUB PA NI LEGS PAR LANGS PA'I ZHO LAS DUS 'DAS NAS, RIM GYIS SHIN TU SMIN PAR GYUR PA NI RTZUB PO YIN BA'AM, YANG NA SPRIS MA BSHUS PA'I ZHO NI RTZUB PO YIN NO, ,ZHO DRON DPYID DANG SOG DANG, , STON DUS MTSAN MO BTUNG MI BYA, ,DE NI MUNGGA'I SRAN TSOD DANG, ,SBRANG RTZI MAR DANG SHA KHA RA, ,SKYU RUNG NI MED MI BTUNG, ,RTAG TU MA YIN MA LANGS MIN, ,GZHAN DU RIMS KHRAG ME DBAL DANG, ,MDZE DANG SKYA RBAB MGO 'KHOR SKYED, ,CES BYA BA LA, ZHO DE NI DRON POR MI BTUNG BA DANG, DE BZHIN DU DPYID DANG SOG DANG, STON GYI DUS SU BTUNG BAR MI BYA'O, ,DE LTAR NA SNGAR DRON POR ZHES SMOS PA NI SO GA'I DUS YIN BAR SHES PAR BYA STE, DE'I TSE BTUNG BAR MI BYA STE, DE BZHIN DU MTSAN MO YANG BTUNG BAR MI BYA'O, ,GAL TE DE 'THUNG BAR BYED NA SRAN MUNGGA STE, MON SRAN SDE'U'I TSOD MA DANG
, ,SBYAR BA BTUNG BAR MI BYA BA DANG, DE BZHIN DU SBRANG RTZI DANG MAR DANG SBYAR BA'AM, MAR DANG SHA KHA RA DKAR PO DANG, SHA KHAR DANG MI LDAN PAR BTUNG BA DANG, SKYU RU RA MA ZOS PAR MI BTUNG NGO, ,DE BZHIN DU RTAG BAR RGYUN DU MI BTUNG BA DANG, MA LANGS MIN ZHES BYA BA STE, LEGS PAR MA CHAGS LA, GANG GI TSE 'O MA'I RANG BZHIN MA SPANGS SHING ZHOR LEGS PAR MA CHAGS PA DE'I TSE MA LANGS PA ZHES BYA STE, DE MI BTUNG NGO, ,GZHAN DU ZHES BYA BA NI SNGAR BSHAD PA'I CHO GA DANG MI LDAN ZHING DE MA SPANGS PAR, LA LA ZHIG SPYOD PAR BYED NA, DE'I TSE ZHO DES RIMS LA SOGS PA SKYED PAR 'GYUR RO, ,DAR SAR YANG LA BSKA ZHING SKYUR, ,DROD SKYED BAD KAN RLUNG DAG SEL, ,SKRAN NAD DMU RDZING GZHANG 'BRUM DANG, ,PHO NAD CHU SRI YI GA 'CHUS, ,MA CHER PA SKRAN DANG MAR MA ZHU ,SBYAR DUG SKYA RBAB NAD RNAMS SEL, ,ZHES BYA BA LA, DAR SAR ZHES BYA BA LA ZHO SRUB SHING LA SOGS PAS BSRUBS PA LAS BYUNG BA STE, SRUB SHING SNUM MED PA DANG, MAR GYI PHYED PHYUNG BA DANG, MAR MA PHYUNG BA STE, GSUM CHAR YANG YANG BA YIN LA, DE LAS RO NI BSKA BA DANG SKYUR BA YIN NO, ,DROD SKYED PA NI PHO BA'I ME DROD 'PHEL BAR BYED PA'O, ,BAD KAN RLUNG DAG SEL ZHES BYA BA NI, DE LAS GNYIS BSRUBS PA LAS BYUNG BA, DE BZHIN DU SKRAN NAD DANG DMU RDZING LA SOGS PA SEL BAR 'GYUR BA DANG, CHU SRI BA STE, GCIN SRI BA DANG MCHAR PA ZHES PA LTO BA'I G-YON LOGS NA BRTEN PA'I RNAM PA NA BA DANG, MAR MA ZHU ZHES PA MAR LHAG PAR ZOS PA'AM, MA LEGS PAR ZOS PA LAS BYUNG BA'I NAD LA NI MAR MA ZHU BA ZHES BYA'O, ,SBYAR DUG NI BCOS MA'I DUG GO, ,SKYA RBAB KYI NAD NI SKYA RBAB LAS NAD DU GYUR PA STE, NAD DE RNAMS SEL ZHING 'JOMS PA YIN NO, ,DE 'DRA ZHO GA CHU 'KHRU YANG, ,RTZA SBUBS SBYONG LA RTUG SKAMS SEL, ,ZHES BYA BA LA, DE 'DRA ZHES PA NI DAR BA SAR PA STE DE DANG ZHO GA CHU YON TAN 'DRA ZHING MTSUNGS PAR SHES PAR BYA LA, DE YANG 'KHRU BA STE CUNG ZAD KHONG 'KHRU BA DANG, YANG PA ZHES PA DAR BA SAR PA YANG YANG BA YIN MOD KYI, 'DI NI SHIN TU YANG BAS NA KHYAD PAR SMOS PA YIN NO, ,RTZA SBUBS SBYONG ZHING DAG PAR BYED PA DANG,
RTUG SKAMS 'GAGS PA SEL ZHING 'JIG PAR BYED PA YIN NO, ,ZHES BYA BA'I DON TO, ,'PHRAL GYI MAR SAR RO TZA ZHING, ,BSIL ZHING MDOG STOBS DROD SKYED BYED, ,'KHRU GCOD RLUNG MKHRIS KHRAG GZHANG 'BRUM, ,GLO GCONG KHA YON LUD PA SEL, ,ZHES BYA BA LA, 'PHRAL GYI MAR SAR ZHES PA NI BSRUBS ZIN MA THAG PHYUNG BA'I MAR SAR RO, ,RO TZA BA NI KHU BA 'PHEL BA'O, ,BSIL BA NI NUS PA BSIL BA'O, ,DE BZHIN DU MDOG DANG STOBS LA SOGS PA YANG SKYED PAR BYED PA YIN NO, ,'KHRU BA GCOD PA NI BSHANG GCI SLA BA LAS SKA BAR BYED DO, ,DE BZHIN DU RLUNG DANG MKHRIS PA'I KHRAG SEL BA YIN TE, RLUNG GI KHRAG NI RLUNG LAS GYUR PA'I KHRAG GO, ,MKHRIS PA'I KHRAG NI MKHRIS PA LAS GYUR PA'I KHRAG STE, DE DAG DANG GZHANG 'BRUM LA SOGS BSEL ZHING BSNGAGS PA YIN NO, ,ZHUN MAR BLO RNO DRAN GSAL ZHING, ,YID GZHUNGS DROD SKYED STOBS TSE 'PHEL; ,MIG DANG BYIS RGAN BU 'DOD DANG, ,MDANGS BZANGS RAB GZHON SKAD SNYAN PHAN, ,GLO RDOL SKEM DANG GCONG DANG 'BRAS, ,MTSON RMAS MES TSIG RMA LA'ANG BSNGAGS, ,RLUNG DANG MKHRIS PA DUG DANG SMYO, ,LUS SKEMS MDANGS NYAMS RIMS RNAMS SEL, ,SNUM GYI NANG NA SNUM MCHOG STE, ,BSIL ZHING NA TSOD 'JOG PA'I MCHOG ,ZHUN MAR STOBS NI STONG DANG LDAN, ,SBYOR BAS LAS NI STONG BYED 'GYUR, ,ZHES BYA BA LA, ZHUN MAR NI BLO RNO BA LA SOGS PA LA PHAN PA YIN NO, ,DE LA BLO RNO BA NI BLO GROS DANG LDAN PA STE, DNGOS PO RNAMS 'DZIN PAR NUS PA'O; ,DRAN BA NI 'DAS PA'I DNGOS PO YID LA DRAN PAR NUS PA'O, ,YID GZHUNGS PA NI DNGOS PO RNAMS BYE BRAG PHYED PA'I SHES RAB 'DZIN PAR BYED PA'O, ,DROD SKYED PA NI PHO BA'I ME DROD SKYED PA'O, ,STOBS NI NUS MTHU'O, ,TSE NI SROG DANG 'TSO BAR LDAN PA STE, DE DAG 'PHEL BAR BYED PA'O, ,MIG NI MIG NYID LA PHAN PAR BYED PA STE, ZHUN MAR NI DE DAG LA BSNGAGS PA YIN NO, ,BYIS BA NI BCU DRUG LON GYI BAR RO, ,RGAN PO NI DRUG CU YAN CHAD LON PA'O, ,BU 'DOD PA NI BU SKYE BAR 'DOD PA'O, ,MDANGS NI LUS LA GNAS PA'I MDZES SDUG PA'O, ,RAB
, ,GZHON NI LUS GZHON SHA CHAGS SHING MI RTZUB BA'O, ,SKAD SNYAN PA NI TSIG GSAL BA'O, ,PHAN ZHES PA NI DE DAG 'DOD PA LA PHAN ZHING RJES SU MTHUN PA YIN NO, ,DE BZHIN DU GLO RDOL BA LA SOGS PA RMYA ZHING SNYON RMONGS PA'I BDAG NYID CAN RNAMS LA YANG BSNGAGS TE PHAN PA YIN NO, ,LUS SKEM PA NI LUS ZUNGS ZAD PA'O, ,GZHAN DAG NI GO BAR ZAD DO, ,SNUM GYI NANG NA ZHES PA NI TIL MAR DANG ZHAG DANG, RKANG RNAMS KYI NANG NA'O, ,SNUM MCHOG STE CHES PA NI GTZO BO YIN PA'O, ,BSIL BA NI BSIL BA'I NUS PA DANG LDAN PA'O, ,NA TSOD 'JOG PA NI RGAS PA 'JOMS PA STE, GZHON NU NYID DU DUS YUN RING POR 'JOG PA'O, ,MCHOG CES BYA BA NI SHIN TU DAM PA YIN PA'O, ,STOBS STONG DANG LDAN PA NI NUS PA MTHA' YAS SHING MTHU DU MA YOD PA'O, ,DE BZHIN DU SBYOR BAS ZHES BYA BA CHO GA THA DAD PA STE BTUNG BA DANG, SNA NAS BTANG BA DANG, BSKU BA DANG, 'JAM RTZI MAS GTONG BA LA SOGS PA'I SBYOR BAS SO, ,LAS NI STONG BYED 'GYUR, ZHES BYA BA NI, BYA BA MANG PO BYED PA'I PHYIR, ,LAS MTHA' YAS PA BYED BA'O, ,MAR RNYING SMYO DANG BRJED BYED BRGYAL, ,GLAD NAD RNA MIG MNGAL NAD DANG, ,RMA RNAMS SBYONG ZHING 'TSO BYED PAS, ,NAD LAS RGYAL BYED DAM PA YIN, ,ZHES BYA BA LA, MAR RNYING BA SAR PA MA YIN PA LO MANG PO LON PA NI SMYO BA LA SOGS PA'I NAD SEL BA YIN PA DANG, DE BZHIN DU GLAD PA DANG, RNA BA DANG, MIG DANG, MNGAL GYI NAD RNAMS SEL BA YIN NO, ,SMYO BA DANG BRGYAL BA DAG NI 'OG NAS CHANG NAD KYI NAD GZHI'I SKABS NA BSHAD PAR BYA'O, ,BRJED BYED KYANG 'OG NAS BSHAD PAR BYA'O, ,RMA RNAMS SBYONG ZHING ZHES BYA BA NI RMA'I RNAG LA SOGS PA SEL BA'O, ,DE BZHIN DU 'TSOB CING 'BYOR PAR BYED PA YANG YIN TE, 'TSOB BA NI RMA DE PAGS PA GZHAN DANG MDOG MNYAM PAR BYED PA'O, ,PHRUM SAR SPRI DANG RGYA PHRUM DANG, ,CHUR BA LA SOGS STOBS SKYED CING, ,KHU BA GNYID DANG BAD KAN 'PHEL, ,RTUG SKAMS BYED LCI NYES DANG LDAN, ,ZHES BYA BA LA, PHRUM SAR ZHES BYA BA NI 'O MA DANG DAR BA LAS BYAS PA STE, GRAGS PAR
ZAD DO; ,SPRI NI BA LA SOGS PA 'BRANGS MA THAG PA'I 'O MA LAS BYAS PA'O, ,RGYA PHRUM NI 'O MA'I BTZO PHRUM AA MI TSA ZHES GRAGS PA'O, ,CHUR BA NI ZHO GA CHU LAS GDUS PA'I GONG BO'O, ,'O MA LAS GYUR PA 'DI DAG NI STOBS SKYED CING 'PHEL BAR BYED BA DANG, DE BZHIN DU KHU BA DANG, GNYID DANG; BAD KAN 'PHEL BAR BYED PA YIN NO, ,GZHAN YANG RTUG SKAMS BYED PA DANG, LCI BA DANG NYES PA DANG LDAN PA STE GNOD PA'I 'GYUR BA DAG STON PA'O, ,SOGS PA ZHES SMOS PA NI 'O MA LAS BYAS PA'I RNAM PA GZHAN GANG DAG YOD PA BSDU'O, ,BA MAR 'O MA MCHOG YIN TE, , LUG LAS BYUNG BA SMAD PA YIN, ,ZHES BYA BA LA, BA'I MAR DANG 'O MA DAG NI MCHOG YIN TE ZHES BYA BA, KUN GYI MCHOG GTZO BO YIN ZHING DAM PA YIN LA, LUG LAS BYUNG BA'I MAR DANG 'O MA NI SMAD CING MI BSNGAGS PA YIN NO, ,'O MA'I SDE TSAN NO,, ,,'O MA'I SDE TSAN GYI 'OG TU BU RAM SHING GI SDE TSAN SMOS PA'I DGOS PA NI JI LTAR 'O MA'I RO DANG, ZHU BA'I RJES MNGAR BA YIN PA DE BZHIN DU, BU RAM SHING GI KHU BA YANG RO DANG ZHU BA'I RJES MNGAR BA YIN NO, ,BU RAM SHING KHU 'KHRU LCI SNUM, ,SHA SKYE RO TZA BAD GCIN 'PHEL, ,BSIL ZHING KHRAG MKHRIS SEL BA DANG, , RO DANG ZHU RJES MNGAR BA YIN, ,ZHES BYA BA LA, BU RAM SHING LAS BYUNG BA'I KHU BA NI 'KHRU BA STE, BSHANG BA LA SOGS PA SLA BAR BYED PA DANG, LCI BA DANG, SNUM PAR BYED PA DANG, SHA SKYE BA DANG, LUS SBOM ZHING 'PHEL BAR BYED PA DANG, RO TZA ZHING KHU BA 'PHEL BA DANG, BAD KAN DANG GCIN 'PHEL BAR BYED PA DANG, BSIL BA STE NUS PA BSIL BA DANG, DE BZHIN DU KHRAG DANG MKHRIS PA SEL ZHING 'JOMS PA DANG, RO DANG ZHU BA'I RJES MNGAR ZHING BDA' BA'I YON TAN DANG LDAN PA YIN NO, ,DE TSE LA NA TSVA BRO ZHING SOS, ,BCAS NA KHAR DAG DANG 'DRA, ,ZHES BYA BA LA, BU RAM SHING DE'I RTZE MO CUNG ZAD LAN TSVA BRO ZHING, SOS BCAS SHING ZOS PA DANG, DE'I YON TAN SHA KHA RA DANG 'DRA BA YIN NO, ,RTZA BA RTZE MO 'BUS ZOS SOGS, ,BTZIR DANG DRI MAS SBAGS PA DANG, ,DUS NI CUNG ZAD LON PA LAS, ,'KHRUL 'KHOR CAN NI RNAM 'GYUR TE, ,TSA ZHING LCI LA
, ,MKHREGS PAR 'GYUR, ,ZHES BYA BA LA, RTZE MO DANG RTZA BA 'BUS ZOS PA LA SOGS PA RTZA BRTZE MO 'BUS ZOS SOGS, ,ZHES BYA BA LA, DE RNAMS BTZIR BA DANG, DE BZHIN DU DRI MAS SPAGS SHING GOS PAR GYUR PA DANG, DE BZHIN DU DUS CUNG ZAD LON PAR GYUR ZHING, DUS CUNG ZAD 'DAS PAR GYUR PA'I 'KHRUL 'KHOR GYIS BTZIR PA'I BU RAM GYI KHU BA DE NI RNAM PAR 'GYUR BAR BYED CING, GZHAN DU GYUR PA NYID DU 'GYUR TE, 'GYUR PA ZHES BYA BA NI RANG GI NGO BO LAS GZHAN DU 'GYUR BA'O, ,DES NA DE'I TSE BSIL BA YIN PA LAS, TSA BAR 'GYUR BA DANG, YANG BA LAS LCI BAR 'GYUR BA DANG, 'KHRU BA YIN PA LAS MKHREGS PAR 'GYUR BA STE, 'DI DAG NI DE'I 'GYUR BA YIN NO, ,DE LA GOD DU TSA BA ZHES SMOS PA NI GANG LA TSA BA YOD PA DE NI TSA BA STE, PHO BA'I ME DROD DANG PHRANG NAS GANG 'JU BAR GYUR PA DE NI, 'JU BA'I GNAS SKABS PHYED ZHU TZAM DU GYUR PA NA, RNAM PAR TSA ZHING MKHRIS PA SKYED PAR BYED PAS YUN RING DU GNAS KYI MYUR DU 'JU BAR MI BYED DO, ,DE NI LCI BA YIN PA'AM, DNGOS PO'I RANG GI RANG BZHIN YIN PAS NA, DE TSA BA DANG LDAN PA YIN NO, ,ZHES SMAN DPYAD KYI LUNG LA BRTEN PA RNAMS 'CHAD DO, ,DE LA KHA RA DKAR PO'I SHING, ,BSIL DANG MNGAR BAS MCHOG YIN LA, ,ZHES BYA BA LA, DE LA ZHES BYA BA NI BU RAM SHING DE RNAMS KYI NANG NAS KHA RA DKAR PO'I BU RAM SHING NI BSIL ZHING DRI MA MED PA DANG, MNGAR BAS MCHOG STE DAM PA YIN NO, ,DES NA 'DI NI PHUL DU BYUNG BA NYID YIN NO, ,DE YI 'OG MA SBUBS CAN YIN, ,ZHES BYA BA NI, KHA RA DKAR PO'I SHING DE LAS BANG SHI KA ZHES BYA BA'I BU RAM SHING SBUBS CHE BA BSIL BA LA SOGS PA'I YON TAN CHUNG BA YIN TE, BSIL BA LA SOGS PA'I YON TAN NYUNG ZAD CIG DANG LDAN ZHES BYA BA'I DON TO, ,TSIGS BRGYA PA DANG KAN TA RA, ,BAL YUL SKYES SOGS DE LAS RIM, ,CUNG ZAD TSVA BRO BSKA BA DANG, ,DRO BCAS CUNG ZAD TSA BA SKYED, ,CES BYA BA LA, TSIGS BRGYA PA LA SOGS PA'I BU RAM SHING RNAMS NI, RIM GYIS 'OG NAS 'OG TU BSIL BA LA SOGS PA'I YON TAN DMAN PA YIN TE, SBUBS CAN DE LAS YON TAN TSIGS BRGYA
PA DMAN PA YIN LA, DE BAS KYANG KAN TA RA'I SA BYA BA'I BU RAM SHING PHRA MO ZHIG YOD PA DMAN PA YIN LA, DE BAS KYANG BAL YUL GYI DMAN PA YIN TE, DE BZHIN DU GZHAN DAG LA YANG SBYAR BAR BYA'O, ,DE RNAMS KYANG CUNG ZAD LAN TSVA BRO BA DANG, CUNG ZAD BSKA BA DANG, CUNG ZAD DRO BA DANG; CUNG ZAD TSA BA SKYED PA'I NGANG TSUL CAN YIN NO, ,SBU BA CAN LCI BAD KAN SKYED, ,SOGS BYED GCIN NI SBYONG BYED YIN, ,ZHES BYA BA LA, SPU BA CAN ZHES BYA BA NI BU RAM PHRA MO DAG GI RNAM GRANGS YIN TE, DE NI LCI BA DANG, BAD KAN SKYED CING 'KHRUGS PAR BYED PA DANG, SOGS BYED CES BYA BA NYES PA GSUM SOGS SHING SDUD PAR BYED, ,CES BYA BA'I DON TO, ,DE BZHIN GCIN NI SBYONG BYED YIN, ,ZHES BYA BA NI, GCIN SBYONG ZHING DRI MA MED PAR BYED PA'AM, YANG NA GCIN MANG PO 'BYIN PAR BYED BA YIN NO, ,DKAR PO BAD KAN CHER MI SKYED, , BSHANG DANG GCI BA BDE BAR 'BYIN, ,ZHES BYA BA LA, BU RAM SKAM PO DANG PO BSKOL BA NA, ,RNYOG PA DANG BRAL BAR BYAS PA NI, BAD KAN CHER MI SKYED CES PA STE, BAD KAN CUNG ZAD TZAM ZHIG SKYED, ,CES BYA BA'I DON TE, ,DE BZHIN DU, BSHANG DANG GCI BA BDE BAR 'BYIN, ,ZHES BYA BA STE; BSHANG BA DANG GCI BA BDE BLAG TU PHYI ROL DU 'BYIN ZHING 'BYUNG BAR BYED PA YIN NO, ,DMAR NAG PHAL CHER SRIN BU KHRAG ,RKANG TSIL SHA DANG BAD KAN SKYED, ,CES PA NI, BU RAM DMAR NAG RNYOG PA CAN NI KHONG PA'I 'BU SRIN MANG DU SKYED PA LA SOGS PA BYED PA YIN NO, ,RNYING PA YID 'ONG PHAN PA YIN, ,ZHES BYA BA NI, BU RAM RNYING PA LO MANG PO LON PA NI YID DU 'ONG, ZHES BYA BA STE, YI GANG 'ONG ZHING SEMS DGA' BAR BYED PA DANG, DE BZHIN DU PHAN PA STE, LUS ZUNGS RNAMS DANG, GNOD PA RNAMS LA PHAN PA YIN NO, ,SAR BA DROD 'BRI BAD KAN SKYED, ,CES BYA BA NI; BU RAM SAR PA DAG NI BAD KAN SKYED CING ME'I DROD 'BRI BA YIN NO, ,HVAGS DANG KHAndA KHA RA DKAR, ,RIM GYIS YON TAN CHE BA STE, ,RO TZA GLO GCONG GLO RDOL DANG, ,KHRAG DANG MKHRIS PA RLUNG SEL YIN, ,ZHES BYA BA LA, HVAGS ZHES BYA BA NI BU RAM GYI DANGS MA'I SHA KHAR
, ,STE; GA LA ZHES MING DU GRAGS PA'O, ,KHAndA NI DE LAS KYANG DANGS SHING DRI MA MED PA'O, ,KHA RA DKAR PO NI DE BAS KYANG CHES DANGS SHING RNYOG PA MED PA'I KHA RA DKAR PO'O, ,DE LTAR NA RIM GYIS YON TAN CHE BA'O, ,DE DAG NI RO TZAB STE KHU BA 'PHEL BAR BYED PA DANG; GCOD DANG GLO RDOL BA LA SOGS PA LA PHAN PA YIN NO, ,YA BA KA RA TSA ZHING MNGAR, ,BSKA STE YON TAN DE DANG 'DRA, ,ZHES BYA BA NI, YA BA KA RA ZHES 'JIG RTEN NA GRAGS PA YIN GYI, GZHAN DU NA YA SH'A BA RA ZHES BYA'O, ,LA LA DAG NI BYI TSER BA'I KHU BA LAS BYED DO, ,ZHES ZER RO; ,DE'I YON TAN YANG RO TSA BA DANG, MNGAR BA DANG, BSKA BA'I RGYUS HVAGS LA SOGS PA DE DANG 'DRA ZHING MTSUNGS PA YIN NO, ,KHA RA DKAR KUN TSA DANG SKOM, ,SKYUGS BRO BRGYAL DANG KHRAG MKHRIS SEL, ,ZHES BYA BA LA, KHA RA 'DI DAG DANG KHA RA GZHAN GANG DAG YOD PA DE THAMS CAD NI TSA BA LA SOGS PA SEL ZHING 'JOMS PA YIN NO, ,BU RAM SHING GDUS KHA RA DANG, ,SBU BA CAN MCHOG THA MA YIN, ,ZHES BYA BA LA, BU RAM SHING GDUS PA NI BU RAM SHING GI KHU BA GDUS PA RNAMS KYI NANG NA KHA RA NI MCHOG YIN LA, DBU BA CAN ZHES PA BU RAM PHRA MO RNYOG PA CAN NI THA MA YIN NO, ,SBRANG RTZI MIG PHAN GCOD SKOM DANG, ,BAD KAN SKYIGS BU KHRAG MKHRIS 'JOMS, ,TSIL CHEN MDZE NAD GCIN NAD SKYUG ,LUD PA DBUGS MI BDE TSAD SEL, ,RMA SBYONG RMA 'TSO CHAG GRUGS 'BYOR, ,RLUNG NI SKYED PAR BYED PA YIN, ,RTZUB CING BSKAL MNGAR BA STE; ,SBRANG RTZI'I KHAndA DE DANG 'DRA'O, ,ZHES BYA BA LA, SBRANG RTZI DAG NI MIG LA PHAN ZHING BSOD PA YIN PA DANG, GCONG BA ZHES BYA BA'I NGANG TSUL CAN YIN PA STE, BAD KAN DANG MDUD PA LTAR 'DRIL TE GNAS PA DE, RANG GI MTSAN NYID RNO BA LAS GCOD CING 'JIG PAR BYED PA YIN PA DANG, DE BZHIN DU SKOM PA LA SOGS PA SEL ZHING 'JIG PAR BYED PA DANG, DE BZHIN DU MDZE NAD DANG GCIN NAD LA SOGS PA LA PHAN PAR BYED PA YIN NO, ,DE BZHIN DU RMA'I RNAGS PA DANG, 'DRUL BA LA SOGS PA SBYONG BAR BYED PAS NA, RMA SBYONG ZHES BYA BA LA, 'DIR 'TSO BAR BYED PAS NA RMA
'TSO STE; PAGS PA 'TSOB CING MDOG MA NYAMS PAR BYED PA'O, ,CHAG GRUGS 'BYOR PA NI 'DIS RMA GNYIS GCIG TU 'BYOR PA DANG, CHAG PA 'BYOR PAR BYED PAS NA DE SKAD CES BYA'O, ,RLUNG SKYED PAR BYED PA NI RLUNG GI NAD 'KHRUGS BAR BYED PA'O, ,DE BZHIN DU RTZUB PA DANG; RO BSKA BA DANG MNGAR BA YIN NO, ,SBRANG RTZI'I KHAndA 'ANG DE DANG 'DRA, ,ZHES BYA BA NI, SBRANG RTZI'I YON TAN JI SNYED YOD PA DE THAMS CAD SBRANG RTZI'I KHAndA'I YON TAN YANG YIN PAS NA, DE GNYIS YON TAN MTSUNGS SHING 'DRA BA YIN PAS SHES PAR BYA'O, ,TSA ZHING TSAS GDUNGS TSA BAR LDAN, ,TSA BA DES NI BSOD PAR 'GYUR, ,ZHES BYA BA NI, SBRANG RTZI DE TSA ZHING ZHES PA, ME LA SOGS PAS BSROS NA, DES MI BSOD CING 'JOMS PAR 'GYUR RO, ,DE BZHIN DU TSA GDUNGS ZHES PA, NYI TSAN LA SOGS PA TSA BAS GDUNGS PA'I SBRANG RTZIS BSOD PAR BYED DO, ,DE BZHIN DU TSA BAR LDAN ZHES BYA BA TSA BA'I DUS SAM, TSA BA'I YUL DU SBRANG RTZI ZOS NA MI BSOD BAR BYED DO, ,DE BZHIN DU TSA BA ZHES BYA BA, ME LA SOGS PAS BSKOL ZHING TSA BAR BYAS PA'I SMAN DANG LHAN CIG SBRANG RTZI ZOS NA YANG MI BSOD BAR BYED DO, ,SKYUGS SMAN SMAN MAR MAS GTONG LA, ,SBRANG RTZI DRO BA BKAG PA MED, ,CES BYA BA LA, SBRANG RTZI DRO BA DAG KYANG SKYUGS SMAN GTONG BA DANG, SMAN MAR MAS GTONG BA LA DGAG PA MED DE, GANG PHYIR DE NI MI 'JU BAR, ,MYUR DU LDOG BAR 'GYUR PHYIR RO, ,ZHES BSDUS PA LAS GTAN TSIGS BSHAD PA YIN NO, ,BU RAM SHING GI SDE TSAN NO,, ,,'BRU MAR RANG GNAS LTA BU YIN, ,DE LA TIL MAR TIL DANG MTSUNGS, ,GTZO BO RNO ZHING KHYAB PA YIN, ,PAGS PA'I NYES SEL MIG LA GNOD, ,TSA ZHING RNO LA BAD KAN SEL, ,SKEM PO DAG NI SHA SKYED CING, ,SBOM BO'I SHA 'BRI MKHREGS PAR 'ONG, ,RTUG 'GAGS SRIN BU 'JOMS PA DANG, ,SBYAR BAS NAD RNAMS THAMS CAD SEL, ,AE RAndA'I MAR TSA ZHING KHA, ,ZHU RJES MNGAR LCI 'KHRU BA YIN, ,RLIG RLUGS SKRANG RLUNG BAD KAN DANG, ,LTO NAD LDANG DU BA RIMS RNAMS SEL, ,'OR NAD SKED PA
, ,GAS PA DANG, ,LTO BA RO RGYAB NAD LA PHAN, ,AE RAndA NI DMAR PO'I MAR, ,RNO TSA DRING RAB 'BYIL 'GRENG, ,YUNGS MAR TSA DRO RNO BA DANG, ,BAD KAN RLUNG SEL KHU BA 'BRI, ,YANG ZHING KHRAG MKHRIS SKYED BYED LA, ,SHA BKRA MDZE 'BRUM RMEN BU SEL, ,BA RU RA'I MNGAR BSIL ZHING LCI, ,SKRAN SKYED RLUNG DANG MKHRIS PA SEL, ,NIM MAR RAB TU TSA MIN KHA, ,LTO SRIN MKHRIS PA BAD KAN SEL, ,ZAR MA LE BRGAN RTZI YI MAR, ,DRO ZHING PAGS NAD BAD MKHRIS SKYED, ,ZHAG DANG RKANG NI RLUNG 'JOMS SHING, ,STOBS DANG KHU CHU BAD KAN SKYED, , SHA NI RANG DNGOS RJES MTHUN LA, ,TSIL YANG DE DAG 'DRAR SHES BYA, ,TIL MAR LA SOGS PA'I SDE TSEN NO,, ,,CHANG GI SDE TSAN BRTZAMS PA'I DGOS PA NI, CHANG NI NAD MED PAR BYED PA DANG, ,ME'I DROD SKYED CING YI GA 'BYE BA LA SOGS PA'I YON TAN GYI TSOGS RNAMS DANG LDAN PA'I PHYIR BSTAN PA YIN NO, ,DE YANG TIL MAR DANG THUN MONG GI YON TAN CUNG ZAD YOD PAS, TIL MAR LA SOGS PA'I 'OG TU CHANG THAMS CAD KYI SPYI'I YON TAN SMOS PA NI, CHANG NI DROD 'BAR YIG 'BYED, ,RNO ZHING DROD SKYED KHONG BRTA DGA', ,MNGAR BCAS KHA ZHING TSA BA DANG, ,ZHU RJES SKYUR ZHING CUNG ZAD 'KHRU, ,BSKA BCAS GDONGS SNYAN NAD MED DANG, ,SPOBS SKYED MDOG 'GYUR KHONG YANG LA, ,GNYID MED PA DANG GNYID CHE LA, ,PHAN ZHING KHRAG DANG MKHRIS PA SKYED, ,RIGS 'THUNGS SKEM DANG SBOM PHAN ZHING, ,RTZUB RNO LUS SGO KHYAB CING SBYONG, ,RLUNG DANG BAD KAN SEL BA YIN; ,GZHAN DU BSTEN NA DUG DANG MTSUNGS, ,ZHES BYA BA 'DI NI CHANG THAMS CAD KYI THUN MONG GI YON TAN BRJOD PA YIN TE, DE LA CHANG NGO COG THAMS CAD NI DROD 'BAR BAR BYED CING ME'I SHAS BSKYED PAS NA DROD 'BAR RO, ,YI GA 'BYE ZHING ZAS LA SRED PA SKYE BAS NA, YI GA 'BYED CES BYA STE; 'BRAS CHAN LA SOGS PA 'DOD PA SKYED PA'O, ,RNO BA NI LUS ZUNG RNAMS SPYOD PAR BYED CING, TSIGS KYI MTSAMS 'BYOR DAM PO LHOD PAR BYED PA'O, ,DROD SKYED PA NI NUS PA DANG LDAN PA DANG, KHONG BRTA BA NI LUS RGYAS BAR BYED BA'O, ,DGA' BA NI SEMS MGU BAR BYED PA'O, ,MNGAR
BCAS KHA ZHING TSA DANG BCAS, ,ZHES BYA BA NI, RO CUNG ZAD MNGAR BA DANG, CUNG ZAD KHA BA DANG, DE BZHIN DU ZHU BA'I RJES DANG, RO CUNG ZAD SKYUR BA NYID YIN PA DANG, 'KHRU BA STE KHONG 'KHRU BAR BYED PA DANG, BSKA BCAS ZHES BYA BA, CUNG ZAD BSKA BA'I RO DANG LDAN PA'O, ,DE BZHIN DU GDANGS SNYAN PAR BYED PA'ANG YIN TE, GDANGS SNYAN PA NI TSIG GSAL ZHING GDANGS MTHO BA'O, ,NAD MED PA NI THA MAL BAR GNAS PA NYID DE, DE BYED PA DANG, SPOBS PA NI SMRA BA LAS ZHUM PA MED PAR 'GYUR BA DANG, MDOG STE MDANGS DANG LDAN LA YANG BA NYID DANG, GNYID MED PA DANG, GNYID CHE BA LA PHAN ZHING BSOD PA NI CHANG THAMS CAD MA YIN GYI, GANG BAD KAN LA SOGS PA 'PHEL BAR BYED PA NI GNYID MED PA LA PHAN TE, DPER NA 'BRU'I CHANG LA SOGS PA LTA BU'O, ,CHANG LA LA NI GNYID CHE BA LA PHAN TE, GANG BAD KAN LA SOGS PA SEL BAR BYED PA SBRANG CHANG LA SOGS PA LTA BU'O, ,YANG NA MTHU NYID KYIS CHANG THAMS CAD GNYID MED PA DANG, GNYID CHE BA LA PHAN NO, ,KHRAG DANG MKHRIS PA SKYED PA NI KHRAG DANG MKHRIS PA'I NAD SEL BAR BYED PA'O, ,RIGS 'THUNGS SKEMS DANG SBOM PHAN ZHING, ,ZHES PA NI MI SKEM PO DANG TSO ZHING SBOM PA LA PHAN ZHING BSOD PA YIN NO, ,ZHES SPYIR SMOS SU ZIN KYANG CHANG LA LA NI SKEM PA LA PHAN PA YIN LA, CHANG LA LA NI SBOM PA LA PHAN PA YIN GYI, SBOM PA LA PHAN PA DE NYID SKEM PA LA PHAN PA NI MA YIN NO, ,YANG NA ZAS LA SOGS PA DANG RAN PAR 'THUNGS PA'I DBANG GIS SAM, SBYOR BA LA SOGS PA'I DBANG GIS SAM, RDZAS KYI NUS PA'I DBANG GIS THAMS CAD KYANG SKEM PA DANG SBOM PA LA PHAN PA YIN NO, ,DE BZHIN DU RTZUB PA'I YON TAN DANG LDAN PA DANG, RNO BA NI RTZA PHRA MO RNAMS LA 'JUG PAR BYED PA'O, ,LUS KYI SGO KHYAB CING SBYONG BA NI BAD KAN DANG, RLUNG DANG, TSIL DANG, DRI MAS YONGS SU GANG BA RNAMS DRI MA MED PAR BYED PA'O, ,DE BZHIN DU DE RAN PAR 'THUNGS NA RLUNG DANG BAD KAN DAG KYANG SEL ZHING 'JOMS PA YIN NO, ,DE LA RAN PA ZHES BYA BA NI CHA MNYAM PA'I SBYOR BA STE, THUN TSOD DANG, YUL DANG DUS LA SOGS PA'I RNAM PA SHES PAR BYAS NAS, DE DANG
, ,RJES SU GANG MTHUN PA GANG 'THUNG BA DE NI, DE'I RIGS PA'AM RAN PA YIN NO, ,DE NYID KYIS NA GZHUNG LAS, DE BAS 'DI YI SBYOR BSHAD PA, ,GANG ZHIG BDER GYUR 'BA' ZHIG PHYIR, ,ZHES BSHAD PA DANG, DE BZHIN DU NUS STOBS DANG DUS DANG, YUL DANG, BDAG NYID KYI RANG BZHIN GANG YIN PA DANG, MTHUN PA'I GROGS DANG, NAD KYI TSUL DANG, NA TSOD KYI RIM PA SHES PAR BYAS NAS, DE DANG RJES SU MTHUN PAR 'THUNGS NA BDUD RTZI 'THUNGS PA DANG MTSUNGS PA YIN GYI, DE LAS GZHAN PAR RIGS PA DANG MI LDAN ZHING; RNAM PAR MA DPYAD PAR 'THUNGS NA DUG DANG MTSUNGS SHING 'DRA BA YIN NO, ,MI RIGS PAR 'THUNGS PA NI DMAN PA'AM, LOG PA'AM HA CANG MANG DU 'THUNGS PA YIN NO, ,DE YANG BSDUS PA CHEN PO LAS CHANG LA SOGS PA BSTEN PA NI BLO DANG BRTAN PA DANG, DRAN PA 'PHROG PAR BYED PA YIN NO ZHES BSHAD DO, ,CHANG SAR LCI ZHING NYES SKYED YIN, ,CHANG RNYING DE LAS GZHAN DU BYED, ,CES BYA BA LA, CHANG DE THAMS CAD LAS CHANG SAR PA NI LCI ZHING NYES PA RNAMS 'KHRUGS LA SKYED PAR BYED PA YIN NO, ,CHANG RNYINGS SHING GRUNGS MAR GYUR PA, KHA DOG DANG DRI DANG RO PHUN SUM TSOGS PA DANG LDAN PA'I CHANG THAMS CAD NI SNGAR BSHAD PA'I CHANG SAR BA DE LAS GZHAN DU BYED DE, DE YANG ZHING NYES PA SEL BAR BYED PA YIN MOD KYI, 'ON KYANG MKHRIS PA NI SKYED LA, RLUNG DANG BAD KAN NI 'JOMS PA YIN PAR SNGAR BSHAD PA YIN NO, ,TSA BA'I SPYOD PAR LDAN MI BTUNG, , SUN CING BKRES NYEN NAD PAS MIN, ,SHIN TU RNO MIN SAR PA DANG, ,LEGS PAR MA BSLANGS RNYOG CAN YIN, ,ZHES BYA BA NI, CHANG DE THAMS CAD TSA ZHING DRO BA'I KUN TU SPYOD PA DANG LDAN PA'I SKYES BUS BTUNG BAR MI BYA'O, ,DE LA SPYOD PA ZHES BYA BA NI BYA BA STE, DE YANG ZAS DANG SPYOD LAM GYI TSUL TE; ZAS TSA BA ZOS PA'I RJES DANG, SO GA LA SOGS PA TSA BA'I DUS DANG, NYI TSAN LA SOGS PAS GDUNGS SHING TSA BA'I SKYES BUS BTUNG BAR MI BYA'O, ,DE BZHIN DU CHANG GIS SUN PAS DE'I TSE, BTUNG BAR MI BYA BA DANG, DE BZHIN DU BKRES PAS NYEN ZHING ZIL GYIS MNAN PA'I
MIS MI BTUNG BA DANG, DE BZHIN DU NAD PAS BTUNG BAR MI BYA STE, DE BAS NA LUS KYI GNAS SKABS LAS DPAGS TE, CHANG MI BTUNG BA YANG YOD PAS SHES PAR BYA'O, ,DE BZHIN DU SHIN TU RNO ZHING TSA BAS MI BTUNG BA DANG, SHIN TU GZHON ZHING 'JAM PAS NI MI BTUNG BA DANG, DE BZHIN DU LEGS PAR MA BSLANGS PA STE, RGUN 'BRUM DANG, BU RAM SHING DANG, 'BRAS BU DANG, SBRANG RTZI LA SOGS PA DANG, TA KI LA SOGS PA'I RTZI NYUNG ZAD DANG SBYAR ZHING, CHANG DU LEGS PAR MA REG PA YANG BTUNG BAR MI BYA'O, ,RNYOG CAN YIN ZHES BYA BA NI RDUL DANG, 'DAM RDZAB DANG, BONG BA DANG, RDO'I GSEG MA LA SOGS PA DANG LDAN PA DANG BTUNG BAR MI BYA'O, ,'BRU CHANG SKRAN DANG DMU RDZING DANG, ,RTUG SKEM GLO GCONG SEL BA DANG, ,RLUNG 'JOMS TSIL DANG KHRAG SKYED CING, ,GCIN BDER 'BYIN DANG BAD KAN SKYED, ,CES BYA BA NI, CHANG GANG 'BRAS S'A LU BTAGS PA LAS BYAS PA, SKA ZHING DKAR BA DE'I YON TAN 'DI DAG YIN TE, CHANG DES SKRAN LA SOGS PA SEL ZHING 'JOMS PA DANG, TSIL SKYED PAR BYED PA DANG, DE BZHIN DU LCI ZHING RLUNG 'JOMS PAR BYED PA DANG, TSIL LA SOGS PA SKYED CING 'PHEL BAR BYED DO, ,CHANG DANGS YON TAN DE 'DRA BAS, ,YID 'ONG YANG ZHING RNO BA DANG, ,GZER DANG LUD PA DBUGS MI BDE, ,SKYUG BRO BSHANG 'GAGS SBOS CHAM 'JOMS, ,ZHES BYA BA NI, CHANG GI DANGS MA STENG DU BYUNG BA RNYOG PA MED PA CHU LTA BU DE LA NI DANGS MA ZHES BYA STE, DE YANG LUNG LAS, DANGS MA CHU ZHES BYA BAR BSHAD, ,'DZAG BDE DE BZHIN CHANG YIN LA, ,DE 'OG BSKA BA ZHES BYA STE, ,DE YI 'OG MA SNYIGS MAR BSHAD, ,CES 'BYUNG BA YIN NO, ,CHANG GI DANGS MA DE NI SNGA MA'I CHANG SKA BA'I YON TAN GANG YIN PA DE THAMS CAD DANGS MA 'DI YANG YIN PAS, YON TAN SNGA MA DE DANG 'DRA BAR SHES PAR BYA BA DANG, DE NI YANG YID DU 'ONG ZHING SNYING DGA' BAR BYED PA DANG, DE BZHIN DU YANG BA DANG RNO BAS BAD KAN DANG TSIL LA SOGS PA SEL BAR BYED PA DANG, GZER BA LA SOGS PA YANG 'JOMS SHING SEL BA YIN NO, ,BA RU'I CHANG NI YANG ZHING PHAN, ,SHIN TUR ROR MI 'GYUR ZHING, ,
, ,RMA DANG SKYA RBAB MDZE NAD LA, ,HA CANG GNOD PAR MI 'GYUR ZHING, ,ZHES BYA BA LA, BA RU RA LAS SBYAR BA'I CHANG NI BA RU RA'I CHANG STE, DE NI YANG BA DANG PHAN PA DANG, SHIN TU RA ROR MI 'GYUR ZHING, ,ZHES PA SHAS CHER MYOS PAR MI BYED PA DANG, DE BZHIN DU RMA DANG SKYA RBAB KYI NAD DANG, MDZE NAD DAG LA DE CHANG GZHAN LTAR HA CANG MI GNOD PA YIN NO, ,RDZAS BZHIN YON TAN RJES MTHUN CHANG, ,CHANG GI YON TAN KUN LAS LHAG ,PHO NAD SKYA RBAB MDZE GZHANG 'BRUM, ,LUS SKEM SKRANG 'OR DMU RDZING RIMS, ,SKRAN DANG SRIN NAD MCHER NAD SEL, , RO NI BSKA ZHING TSA RLUNG SKYED, ,CES BYA BA LA, RDZAS BZHIN YON TAN RJES MTHUN CHANG, ,ZHES BYA BA NI, RDZAS GANG BSKOL NAS BYAS PA'AM, MNAN NAS BYAS PA NA, DE RNAMS KYI YON TAN DE DE'I RJES SU 'GRO ZHING RJES SU 'BRANG BA STE, DE'I YON TAN DANG LDAN PAR 'GYUR RO, ,ZHES BYA BA'I DON TO; ,DE YANG CHANG GI YON TAN KUN LAS LHAG CES BYA BA YIN TE, DROD SKYED PA LA SOGS PA'I CHANG GI YON TAN THAMS CAD LAS YON TAN LHAG CING MANG BA YIN PA DANG, DE BZHIN DU PHO BA'I NAD LA SOGS PA'I GNOD PA RNAMS SEL ZHING 'JOMS PA YIN NO, ,DE'I RO NI BSKA BA DANG TSA BA YIN ZHING RLUNG SKYED PAR BYED PA YIN NO, ,RGUN CHANG NAD SBYONG SNYING LA PHAN, ,SHIN TU DRO MIN MNGAR ZHING 'KHRU, ,MKHRIS RLUNG CUNG ZAD SKYED SKYA RBAB, ,GCIN NAD GZHANG 'BRUM SRIN NAD SEL, ,ZHES BYA BA LA, RGUN 'BRUM LAS BYAS PA'I CHANG NI RGUN CHANG STE, DE NI NAD SBYONG ZHING SEL BA YIN TE, SHIN TU RNO BA YIN PAS BAD KAN LA SOGS PA SEL BA YIN NO, ,SNYING LA PHAN PA NI SNYING DGA' BAR BYED PA'O, ,SHIN TU DRO BA MA YIN PA NI CUNG ZAD DRO BA'O, ,MNGAR BA NI RO MNGAR BA'O, ,DE BZHIN DU 'KHRU BAR BYED PA DANG, MKHRIS PA DANG RLUNG CUNG ZAD SKYED PA NI, CHANG GZHAN LA LTOS NA SKYED PA YIN NO; ,DE BZHIN DU SKYA RBAB LA SOGS PA SEL BA YIN NO, ,BU RAM CHANG NI GCIN RTUG 'GAGS, ,'BYIN ZHING NGOMS LA DROD SKYED YIN, ,ZHES BYA BA LA, BU RAM LAS BYAS PA'I CHANG GI BYE BRAG GIS NI BU RAM CHANG STE, DE NI GCIN RTUG 'GAGS PA 'BYIN PA YIN TE, GCIN 'GAGS PA DANG
RTUG PA DANG 'PHYEN 'GAGS PA 'BYIN ZHING PHYI ROL DU BDE BAR BYED PA YIN NO, ,DE BZHIN DU, TSIM ZHING NGOMS PAR BYED PA DANG, ME'I DROD GSAL BAR BYED CING SKYED PAR BYED PA YIN NO, ,BU RAM SHING CHANG RLUNG MKHRIS SKYED, ,SNUM DANG BAD KAN LAS BYUNG 'JOMS, ,TSIL 'OR DMU RDZING GZHANG 'BRUM SEL, ,DE LAS KHU BA BSKOL MCHOG YIN, ,ZHES BYA BA LA, BU RAM CHANG NI BU RAM SHING GI KHU BA BSKOL BA DANG, MA BSKOL BA LAS BYUNG BA STE, DE YANG LUNG LAS, BU RAM SHING KHU'I BU RAM CHANG, ,RLON PA YIS NI NUS PA BSIL, ,BSKOL BA BSKOL MA'I CHANG ZHES BYA, , ZHES BSHAD PA YIN NO, ,BU RAM CHANG DE NI RLUNG DANG MKHRIS PA SKYED PAR BYED PA YIN LA, SNUM LAS BYUNG BA DANG, BAD KAN LAS BYUNG BA NI 'JOMS SHING SEL BAR BYED PA YIN NO, ,DE BZHIN DU TSIL DANG, 'OR NAD DANG, GZHANG 'BRUM DANG, SBOS PA SEL BA YIN NO, ,DE LAS ZHES PA BU RAM SHING LAS BYUNG BA'I CHANG GNYIS KYI NANG NAS KHU BA BSKOL BA'I CHANG NI MCHOG STE DAM PA YIN NO, ,SBRANG CHANG 'GRIB BYED RNO BA STE, ,GCIN NAD CHAM PA LUD PA SEL, ,ZHES BYA BA NI, SBRANG RTZI DANG DA TA KI LA SOGS PA SBYAR BA LAS BYAS PA'I CHANG NI SBRANG CHANG STE, DE NI 'GRIB BYED CES BYA BA TSIL LA SOGS PA 'GRIB PAR BYED CING, RNO BA LAS LUS ZUNGS RNAMS SEL BAR BYED PA YIN NO, ,DE BZHIN DU GCIN NAD DANG, CHAM PA DANG LUD PA'I NAD SEL ZHING RGYAL BAR BYED PA YIN NO, ,TSA NI KHRAG MKHRIS BAD KAN DAG ,'JU ZHING RLUNG NI SNYOMS BYED LA, ,RAB TU TSA ZHING RNO RTZUB SKYUR; ,YID 'ONG YI GA 'BYED CING 'KHRU, ,DROD SKYED REG NA BSIL BA DANG, ,SKYA RBAB SRIN SEL MIG LA GNOD, ,CES BYA BA NI, CHANG THAMS CAD PHAL CHER RO LNGA DANG LDAN PA YIN DU ZIN KYANG, DUS LAS YOL ZHING GZHAN DU GYUR PA NA, GANG GI TSE DE'I MNGAR BA LA SOGS PA'I RO BZHI YAL NAS RO SKYUR BA 'BA' ZHIG SHAS CHER 'PHEL ZHING BDO BA DE'I TSE, DE NI TSA ZHES BYA STE, DE NYID KYIS NA CHANG THAMS CAD NI ZHU BA'I RJES SKYUR BA YIN NO, ,ZHES BSTAN PA YIN NO, ,DE YANG LUNG LAS, SHIN TU SKYUR BA TSA ZHES BSHAD PA YIN NO, ,DE'I PHYIR CHANG THAMS CAD NI DUS YUN RING PO
, ,LON PA DANG, SHIN TU SKYUR BAR 'GYUR BA NI TSA ZHES BYA'O, ,ZHES SMAN DPYAD KYI LUNG LA BRTEN PA RNAMS ZER RO, ,TSA DE NI KHRAG DANG MKHRIS PA DANG BAD KAN DAG 'JU BAR BYED CING RANG GI GNAS NAS SKYOD PAR BYED DE, THA DAD PA LAS 'DRES PA YIN PAR SHES PAR BYA'O, ,DE BZHIN DU RLUNG SNYOMS PAR BYED PA YIN PAS NA, RLUNG NI SNYOMS BYED LA ZHES BYA STE, 'DIS SNYOMS PA'AM ZHI BAR BYED PA'O, ,DE YANG LAM GZHAN NA GNAS LAS BYUNG BA DRANGS NAS, RANG GI GNAS SU GNAS PAR RDZAS GANG GIS BYED PA DE NI, RLUNG 'JOMS PAR BYED PA STE, LAM LOG PA NA GNAS PA RANG GI GNAS SU 'JOG PAR BYED DO ZHES BYA BA'I DON TO, ,YANG DE NI RAB TU RNO BA DANG, RTZUB PA DANG, SKYUR BA DANG, YID DU 'ONG BA DANG, YI GA 'BYED PAR BYED PA DANG, KHONG 'KHRU BA DANG, PHO BA'I ME DROD SKYED PA DANG, REG PA BSIL BA DANG; BSKUS SHING BYUGS NA BSIL BAR BYED PA DANG, MIG LA GNOD PA YIN NO, ,BU RAM BU RAM SHING RGUN CHANG, ,TSA NI PHYI MA PHYI MA YANG, ,ZHES BYA BA NI, BU RAM LA SOGS PA'I TSA NI PHYI MA JI LTA BA BZHIN DU YANG BA YIN TE, DE YANG BU RAM CHANG GI TSA LAS BU RAM SHING GI KHU BA'I TSA YANG BA YIN LA, BU RAM SHING GI KHU BA'I TSA BAS NI CHANG GZHAN GYI TSA BA YANG BA YIN LA, CHANG THAMS CAD KYI TSA BAS NI RGUN CHANG GI TSA BA YANG BA YIN PAR SHES PAR BYA'O, ,SDONG BU RTZA BA 'BRAS SOGS LAS, ,MNAN BYAS DE DANG 'DRAR SHES BYA, ,ZHES BYA BA NI, DE LA TSA DE RNAMS NYID DANG, SDONG BU DANG; RTZA BA DANG, 'BRAS BU LA SOGS PA MNAN PA LAS BYUNG BA YANG DE DANG 'DRA BAR SHES PAR BYA'O, ,TSA SHIN TU DRO BA'I NUS PA DANG STOBS SU LDAN PA DANG 'DRA BAR SDONG BU LA SOGS PA LAS MNAN TE BYAS PA YANG DE DANG 'DRA BA'O, ,SOGS PA'I SGRAS NI SHUN PA DANG LO MA LA SOGS PA BSDU'O, , RDO GU SOGS LAS BZHUR BA GZHAN, ,DUS KYI SKYUR PO YANG ZAS LEN, ,ZHES BYA BA NI, RDO GU LA SOGS PA'I TSOD MA'I RNAM PA MNAN NAS SKYUR POR BYAS PA DE NI YANG BA DANG, ZAS LEN ZHING YI GA 'BYED PA YIN LA, DE BZHIN DU RDO GU DANG, RTZA BA DANG, 'BRAS BU LA SOGS PA'I DUS RING POR
SKYUR POR GYUR PA DANG, YANG ZHING ZAS LEN PAR BYED PA YIN NO, ,DES NA DE GNYI GA YANG YI GA 'BYED PAR BYED PA YIN NO, ,'BRAS KHU'I RANG SKYUR 'KHRU RNO TSA, ,MKHRIS PA SKYED BYED BSKUS NA BSIL, ,NGAL DANG RMYA SEL YI GA 'BYED, ,DROD SKYED CHU SO'I NAD SEL YIN, ,ZHES BYA BA LA; 'BRAS KHU'I RANG SKYUR NI 'BRAS KYI KHU LE MNAN NAS, RANG SKYUR DU GYUR PA'I BTUNG BA KANYDZI ZHES BYA BA STE, DE NI CHANG DANG, TSVA DANG, SKYUR PO DANG, CUNG ZAD SKYUR BAS SDE TSOMS 'DI'I NANG DU BSTAN PA YIN TE, JI LTAR CHANG YO BYAD BSAGS NAS NAD PA DE BZHIN DU RANG SKYUR 'DI YANG BYED PA DANG, GZHAN YANG CHU MANG BA NYID KYIS, CHANG DANG 'DRA ZHING REG PA BSIL BA YIN NO, ,DE 'KHRU BA STE, KHONG 'KHRU BA YIN NO, ,DE SKAD DU LUNG LAS, BSHANG BA LA SOGS GANG PO NI, ,'JIG PAS 'KHRU BA ZHES BSHAD DE, ,DE LAS BZLOG PA 'GAGS PA NI, , RTUG SKAM ZHES NI BYA BAR BSHAD, ,CES 'BYUNG BA YIN NO, ,RNO BA NI BAD KAN LA SOGS PA 'JIG PA'O, ,MKHRIS PA SKYED PA NI MKHRIS PA 'PHEL BAR BYED PA'O, ,BSKUS NA BSIL ZHES BYA BA NI, LUS KYI PHYI ROL NAS BSKUS NA TSA BA SEL BA'O, ,NGAL RMYA SEL ZHES BYA BA NI, RTZOL ZHING LAS SU BYED PA LA SOGS PAS ZHUM ZHING ZHAN PAR GYUR PA NI, NGAL BA SEL ZHES BYA BA LA SOGS PA MI BYED PAR LUS ZHUM ZHING NYAM CHUNG BA NI RMYA BA ZHES BYA STE, DE DAG SEL BAR BYED PAS NA, NGAL BA DANG RMYA SEL ZHES BYA'O, ,YI GA 'BYE BA NI ZAS 'DOD PA'I NGANG TSUL CAN NO, ,YI GA 'CHUS PAR BYED PA NGES PAR 'JOMS PA YIN PA'I PHYIR DROD SKYED PA'O, ,CHU SO'I NAD SEL ZHING ZHES BYA BA NI, LGANG PA'I NAD SEL ZHING 'BYIN PAR BYED PA YIN PAS NA DE SKAD CES BYA'O, ,MAS GTONG LA PHAN YID DU 'ONG, ,YANG ZHING RLUNG DANG BAD KAN 'JOMS, ,ZHES BYA BA LA, DE BZHIN DU MAS GTONG BA LA PHAN PA ZHES BYA STE, MAS GTONG BA NI RLUNG LAS GYUR PA'I NAD LA, SBU GU NAS MAR KHU LA SOGS PA BSHANG BA'I LAM NAS 'DZUD PA STE, DE NI 'OG NAS BSHAD PAR BYA'O, ,GZHAN DAG NI GO SLA'O, ,BA GCIN RA LUG MA HE DANG, ,GLANG PO RTA BONG RNGA MO'I
, ,GCIN; ,MKHRIS SKYED RTZUB CING RNO LA TSA, ,'THUNGS RJES TSA BRO RO TSA STE, ,SRIN NAD 'OR NAD DMU RDZING SPOS, ,GZER DANG SKYA RBAB BAD KAN RLUNG, ,DUG SKRAN SHA BKRA YIG 'CHUS, ,MDZE DANG GZHANG 'BRUM MYUR DU 'JOMS, ,ZHES BYA BA NI, BA GCIN LA SOGS PA'I GCIN RNAM PA BRGYAD 'DIR BSTAN PA NI DRO BA DANG RNO BA'I YON TAN MANG BAS, CHANG DANG CHA MTHUN PA YOD PA BSHAD PA YIN LA, RNAM PA DE BRGYAD CHAR YANG MKHRIS PA SKYED CES BYA BA STE, MKHRIS PA 'PHEL BAR BYED PA DANG, RTZUB PA DANG, RNO BA DANG, TSA BA YIN ZHING 'THUNGS PA'I RJES LAN TSVA BRO BA GANG YIN PA DE NI 'THUNGS RJES TSA BRO ZHES BYA STE, 'THUNGS PA DANG RO GZHAN GYI RJES LA LAN TSVA BRO BA YIN LA, DE YANG GSAL BA DANG MI GSAL BAR BSHAD DO, ,DE LA RO NI GSAL ZHES BYA, ,MI GSAL BA NI 'THUNGS RJES RO, ,MTHAR GSAL BAR YANG 'DOD PA YIN, ,ZHES BSHAD PA YIN NO; ,DE BZHIN DU RO LAS TSA BA YIN PA DANG, SRIN BU LA SOGS PA 'JOMS SHING YANG BAR 'GYUR BA YIN NO, ,DE LTAR CHU BO BU RAM SHING, ,TIL MAR CHANG GI SDE TSOMS RIM, ,GSHER PA'I RDZAS PHYOGS GCIG PA 'DI, ,RAGS RIM JI BZHIN BSTAN PA YIN, ,ZHES BSHAD PA NI, DE LTAR ZHES BYA BA BSHAD MA THAG PA'I RNAM PAS CHU DANG 'O MA LA SOGS PA GSHER BA'I RDZAS KYI SDE TSOMS KYI TSOGS KYI RIM PA'I GO RIMS BSTAN PA DANG, BSHAD PA'I TSUL JI LTA BA PHYOGS GCIG CES PA, YAN LAG GI PHYOGS GCIG GAM, CUNG ZAD TZAM BSTAN PA YIN GYI, GSHER BA'I RDZAS MTHA' DAG MA LUS PA BSTAN CING BSHAD PA NI MA YIN TE, DE DAG NI RAGS RIM JI BZHIN BSTAN PA YIN, ZHES BYA BA STE, RAGS SHING SBOM PA MA BOR BA TZAM DU RAGS RIM MTHONG BA BSTAN PA YIN GYI, ZHIB TU PHRA BA LAS RNAM PAR DPYAD PA NI MTHA' YAS PA YIN NO, ,DE BAS CUNG ZAD TZAM ZHIG KHO BOS SMRAS PA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, LE'U LNGA PA'I RNAM PAR BSHAD PA'O,, ,,DE NAS KHA ZAS KYI TSUL BRTAG CING SHES PAR BYA BA'I LE'U BSHAD PAR BYA'O, ,ZHES
BYA BA LA; 'DI'I 'GREL PA NI 'DI YIN TE, GNA' DANG PO 'JIG RTEN CHAGS PA'I DUS SU DANG PO NI CHU NYID BYUNG BA YIN LA, DE'I 'OG TU NI ZAS BYUNG NGO, ,DE'I 'OG TU NI SEMS CAN BYUNG BA YIN NO, ,DE LTAR NA 'DI'I RJES THOGS LA KHA ZAS KYI TSUL BRTAG CING SHES PAR BYA BA'I LE'U BRTZAMS PA YIN NO; ,DE LA ZAS KYI RANG BZHIN GYI TSUL NI G-YOS SU BYAS PA DANG, G-YOS SU MA BYAS PA STE, DE'I RO DANG, NUS PA DANG, ZHU BA'I RJES DANG, MTHU STOBS DANG, YON TAN LA SOGS PA DANG, DE BRTAG CING SHES PAR BYA BA NI KHONG DU BCUD PA STE, DE LA PHAN PAR BYED PA'I LE'U GANG YIN PA DE BSHAD PAR BYA'O, ,DE LA ZAS NI GANG BZA' BAR BYA BA STE, 'BRU LA SOGS PA'O, ,'BRU YANG GRAM CAN DANG, GANG BU CAN GYI DBYE BAS RNAM PA GNYIS SO, ,DE LAS KYANG GRAM CAN GTZO BO YIN PAS DANG POR BSTAN TE, DE GTZO BOR GYUR PA NI MANG DU DGOS SHING ZHES PA YIN GYI; GANG BU CAN GYI 'BRU NI SRAN TSOD LA SOGS PA NYID KYIS CUNG ZAD DGOS PA'I PHYIR GTZO BO MA YIN, DE BAS NA 'DIR SMRAS PA NI, RTZA SNAR 'BRAS CHAN KA MA LI, ,DRUG CU PA DANG BYA YIS BLANGS, ,SGRON BU'I MCHU DANG RTZE RNON DANG, ,RO DRA'I 'BRAS 'DRA DRI BZANGS DANG, ,PA TANG GA DANG GSER MDOG CAN, ,GANG GZHAN 'BRAS NI BZANG PO RNAMS, ,RO MNGAR ZHU RJES MNGAR ZHING SNUM, ,RO TZA BSHANG GCI SKA ZHING CHUNG, ,RO RJES BSKA ZHING PHAN PA DANG, ,YANG ZHING GCIN MANG BSIL BA YIN, ,ZHES BYA BA NI, 'BRAS GZHAN DAG LAS S'A LU RTZA SNAR RAKTA LI, ZHES BYA BA LA SOGS PA NI GTZO BO YIN PAS NA DANG POR SMOS PA YIN NO, ,DE LA RAKTA SHA LI NAS GSER MDOG CAN ZHES, tA PA LI ZHES BYA BA'I 'BRAS DANG, GZHAN YANG GANG DAG DE DANG 'DRA BA'I 'BRAS DKAR PO BZANG PO DE THAMS CAD NI RO MNGAR BA DANG, ZHU BA'I RJES MNGAR BA YIN PA DANG, SNUM PA DANG, RO TZA ZHING KHU BA 'PHEL BA DANG, BSHANG GCI SKA ZHING BSGONGS PA CHUNG NGUR BYED PA DANG, RO'I RJES BSKA ZHING BSKA BA'I RO DANG HA CANG MI GSAL ZHING, SHAS CHUNG BA DANG LDAN PA DANG, PHAN ZHING GNOD PA SEL BA DANG, DE BZHIN DU YANG BA'I YON TAN DANG LDAN PA DANG, GCIN MANG ZHING 'PHEL BAR
, ,BYED PA DANG, BSIL ZHING GRANG BA'I NUS PA YOD PA STE, YON TAN DE DAG DANG LDAN PA YIN NO, ,DE LA RTZE RNO NANG RTZA SNAR, ,MCHOG YIN SKOM DANG NYES GSUM SEL, ,ZHES BYA BA NI, DE LA RTZE MO RNO ZHING GRAM CAN DE RNAMS KYI NANG NA RTZA SNAR TE, RAKTA SHA LI NI MCHOG DANG DAM PA YIN LA, DE NI SKOM DAD SEL BA DANG, NYES PA GSUM SEL BAR BYED PA YIN NO, ,DE YI 'OG TU 'BRAS CHAN DMAN, ,DE'I 'OG KA MA LA DE'I 'OG ,CES BYA BA NI, RAKTA SHA LI DE'I 'OG TU NI 'BRAS CHAN TE, MA H'A SHA LI ZHES BYA BA YON TAN GYIS SNGA MA LAS DMAN PA YIN LA, MAH'A SHA LI DE'I 'OG KA MA LA NI DE BAS KYANG YON TAN CHUNG BA YIN NO, ,DE BAS KYANG DE'I 'OG MA DRUG CU PA LA SOGS PA DE RNAMS RIM GYIS, SNGA MA SNGA MA LAS PHYI MA PHYI MA YON TAN CHUNG BA YIN NO, ,NAS 'DRA HA YAN CHAR MA, ,NE SHA DA KA LA SOGS NI, ,RO MNGAR DRI ZHIM LCI LA SNUM, ,ZHU BA'I RJES GYUR BAD MKHRIS SKYED, ,BSHANG DANG GCI BA THUR DU 'BYIN, ,SNGA MA SNGA MA SMAD PA YIN, ,ZHES BYA BA NI, NAS 'DRA ZHES BYA BA YA BA KA LA SOGS PA'I 'BRAS RNAMS RO MNGAR ZHING BSIL BA DANG, DE BZHIN DU, NUS PA DRO ZHING LCI BA DANG, ,SNUM PA'I YON TAN DANG LDAN PAS SNUM PA DANG, ZHU BA'I RJES SKYUR BA NYID DU SMIN PAR 'GYUR BA DANG, BAD KAN DANG MKHRIS PA SKYED CING 'PHEL BAR BYED PA DANG, BSHANG BA DANG GCI BA THUR DU 'BYIN ZHING PHYI ROL DU 'BYUNG BAR BYED PA DANG, DE BZHIN DU SNGA MA SNGA MA STE, GANG ZHIG GANG LAS SNGA MAR GYUR ZHING, GONG MA YIN PA DE SMAD CING MCHOG MA YIN PA NYID YIN NO, ,DES NA NE SHAD LAS CHAR MA RDUL CAN DU SKYES PA SMAD PA YIN LA, CHAR MA LAS NI HA YAN SMAD PA YIN LA, DE LAS NAS 'DRA ZHES PA SMAD PA YIN TE, DE LTAR NA THAMS CAD LAS YA BA KA ZHES PA NAS 'DRA SMAD PA YIN NO, ,'BRAS NANG DRUG CU PA MCHOG STE, ,RTZA SER SHUN PA GNAG PA DAG ,SNUM ZHING 'JU SLA BRTAN ZHING MNGAR, ,NYES PA GSUM SEL BSIL RTUG 'DRIL, ,ZHES BYA BA NI, 'BRAS SHA SRI KA ZHES BYA BA DRUG CU PA NI SNUM PA'I YON TAN DANG LDAN PAS NA SNUM PA'O, ,BRTAN PA NI LUS BRTAN PAR BYED CING, DE BZHIN DU
NGAL BA DANG, DUB PA DANG, RMYA BA SEL BA YIN TE, DE NYID KYIS NA BCUD KYIS LEN DANG, RIMS LA SOGS PA DE DANG DER LUS NYAM CHUNG ZHING SBEG PA LA SBYIN PA NYID DU BSTAN PA YIN NO, ,DE NI 'BRU RNAMS KYI YON TAN GYI NANG NA MCHOG YIN LA, DE LA YANG RTZA SER BA DANG, SHUN PA GNAG PA'I DBYE BAS RNAM PA GNYIS YOD LA, DE GNYIS LAS KYANG SHUN PA GNAG PA BAS RTZA SER BA MCHOG YIN NO, ,DE LAS RIM BZHIN THUG CHEN DANG, ,SHUN GNAG RGYA SKYEGS TSIGS MA 'DRA, ,KHYIM BYA'I SGONG 'DRA 'UR PA'I MIG ,PHUG RON 'BRAS DANG SU KAR, ,'BA' RA KA DANG AUTPAL DMAR, , CIN STON SKYES DA DU RA, ,GANDHA NA DANG KUN BIN DA, ,YON TAN RIM BZHIN CHUNG SHES BYA, ,ZHES BYA BA NI, DRUG CU PA DANG, 'BRAS CHAN LA SOGS PA NAS, KUN BIN DA'I MTHAR THUG PA DAG NI GO RIMS BZHIN DU YON TAN DAG CHUNG ZHING DMAN PA NYID DU SHES PAR BYA'O, ,DE LTAR NA THUG PO CHE'I YON TAN LAS NI SHUN PA GNAG PA DRI SNA BRI HA ZHES BYA BA YON TAN CHUNG BA YIN LA, DE LAS NI RGYA SKYEGS TSIGS MA 'DRA BA YIN PAS NA, 'BRAS THAMS CAD LAS KUN BIN DA YON TAN CHUNG BA NYID YIN PAR SHES PAR BYA'O, ,'BRAS GZHAN MNGAR ZHING ZHU RJES SKYUR, ,MKHRIS PA SKYED CING LCI BA DANG, , GCIN RTUG MANG ZHING TSA BA YIN, ,PA TA LA NYID NYES GSUM SKYED, ,CES BYA BA NI, 'BRAS GZHAN ZHES BYA BA GONG DU MA BSHAD PA'I 'BRAS RNAMS NI RO MNGAR BA DANG, DE BZHIN DU ZHU RJES SKYUR ZHES PA, ZHU BA'I RJES SKYUR BAR 'GYUR BA DANG, MKHRIS BSKYED CING 'PHEL BA DANG, LCI BA DANG, RTUG PA MANG BAR 'GYUR BA DANG, TSA BA YIN ZHES BYA BA DROD SKYED PA STE, 'DIR TSA BA'I SGRA NI DROD SKYED PA LA BYA'O, ,MKHRIS PA NI MA YIN TE, GONG DU MKHRIS PA SKYED CES SMOS PA'I PHYIR RO, ,PA TA LA NYID NYES GSUM SKYED, ,CES BYA BA NI, PA TA LA ZHES BYA BA'I 'BRAS BU NI NYES PA GSUM CHAR SKYED PA YIN TE, GNOD PA GSUM SHIN TU 'KHRUGS PA YIN PAR SHES PAR BYA STE, NYES PA GSUM SKYED PA NYID KYIS NI 'DI BZA' BA BKAG PA YIN NO, ,CI TZE KHRE DANG NI BAR, ,KHRE RGOD SNE'U 'BRAS SOGS BSIL YANG, ,RTZA 'BRU DE DAG RLUNG SKYED CING, ,KHONG RTZUB BAD KAN MKHRIS PA SEL, ,
, ,ZHES BYA BA NI, CI TZE LA SOGS PA'I RTZA CAN GYI 'BRAS BU NI BSIL BA STE GRANG BA'I NUS PA YOD PA DANG, YANG BA DANG RLUNG SKYED CING 'PHEL BAR BYED PA DANG, DE BZHIN DU KHONG RTZUB CING 'KHRUGS PA DANG, BAD KAN DANG MKHRIS PA SEL ZHING 'JOMS PA YIN NO, ,DE LA KHRE NI BRTA BYED LCI, ,LUS KYI CHAG GRUGS 'BYOR BAR BYED, ,CES BYA BA NI, DE LA RTZA CAN GYI 'BRU DE RNAMS KYI NANG NAS KHRE NI LUS BRTA BAR BYED PA DANG, LCI BA DANG LUS KYI YAN LAG GI CHAG GRUGS 'BYOR CING 'TSO BAR BYED PA YIN NO, ,KHRE RGOD MCHOG TU 'KHRU GCOD CING, ,REG NA BSIL LA DUG SEL YIN, ,ZHES BYA BA NI, RTZA CAN GYI 'BRU'I NANG NAS KHRE RGOD DE, ,KO TRA BA NI SHIN TU YANG 'KHRU BA GCOD CING, SDUD PA'I NGANG TSUL DANG, REG NA BSIL BA STE, PHYI ROL DU BSKU BA LA SOGS PA LA SBYAR NA, REG NA BSIL BA NYID KYIS TSA BA SEL BAR BYED DO, ,DUG SEL ZHING 'JOMS PA YIN PAS NA, DUG SEL YIN ZHES BYA'O, ,NAS NI RTZUB BSIL LCI LA MNGAR, ,CUNG ZAD KHONG 'KHRU BSHANG RLUNG 'PHEL, ,RO TZA BRTAN BYED GCIN DANG NI, ,TSIL DANG BAD KAN MKHRIS PA SEL, ,CHAM PA LUD PA DBUGS MI BDE, ,DA RGAN LKOG NAD PAGS NAD SEL, ,ZHES BYA BA NI; NAS NI RTZUB PA'I YON TAN DANG LDAN PAS NA RTZUB PA'O, ,DE BZHIN DU LCI BA DANG, RO MNGAR BA DANG, CUNG ZAD KHONG 'KHRU BA DANG, BSHANG BA DANG, RLUNG 'PHEL ZHING SKYED PA YIN TE, DE NAS BSHANG BA ZAD PA DAG LA DRANG SRONG DAG GIS 'DI'I SBYOR BA BSHAD PA YIN NO, ,DE BZHIN DU RO TZA BA DANG LUS BRTAN PAR BYED PA DANG, GCIN DANG TSIL LA SOGS PA SEL ZHING 'JOMS PAR BYED PA YIN NO, ,NAS RGOD CUNG ZAD DMAN PA YIN, ,ZHES BYA BA NI, NAS DANG DBYIBS 'DRA BA LAS, SHIN TU PHRA BA LA NI NAS RGOD CES BYA STE, DE NI NAS KYI YON TAN LAS DMAN ZHING ZHAN PA YIN NO, , DE NI 'JIG RTEN NA NAS 'DRA ZHES MING DU GRAGS PA'O, ,SMYIG SKYES 'BRAS NAS RTZUB CING TSA, ,ZHES BYA BA NI, SMYIG MA LAS SKYES PAS NA SMYIG SKYES PA STE, 'OD MA'I 'BRAS BU'I NAS ZHES LUNG LAS BSHAD PA'O, ,SMYIG MA LAS BYUNG BA'I NAS DE NI SMYIG MA'I 'BRAS BU NAS 'DRA BA DE RTZUB PA DANG,
DA BZHIN DU TSA BA'I NUS PA DANG LDAN PA YIN NO, ,GRO NI RO TZA SNUM BSIL LCI, ,'TSO BYED RLUNG DANG MKHRIS PA SEL, ,CHAG GRUGS 'BYOR BYED MNGAR BA DANG, ,SHA MKHREGS BYED CING CUNG ZAD 'KHRU, ,ZHES PA LA, GRO NI RO TZA BA STE, BUD MED LA PHOD PAR BYED PA DANG, SNUM PA DANG BSIL BA LA SOGS PA'I YON TAN DANG LDAN PA YIN NO, ,NAN DI MU KHA RO BSKA ZHING, ,BSIL ZHING MNGAR YANG PHAN PA YIN, ,ZHES BYA BA LA, NAN DI MU KHA NI PHRAN PA STE, GRO'I RIGS SU GTOGS PA PHRA ZHING RING BA YIN TE, DE NI BSIL ZHING RO MNGAR BA DANG, BSKA BA DANG YANG BA'I YON TAN DANG LDAN ZHES GNOD PA DANG, DRI MA RNAMS LA PHAN ZHING BSOD PA YIN NO, ,GRA MA CAN GYI 'BRU SNA TSOGS KYI SDE TSAN NO,, ,,TSOD MA BYA BA'I DON DU, GRA MA CAN GYI SDE TSAN GYI 'OG TU, GANG BU CHAGS PA'I 'BRU'I SDE TSAN STON PA YIN TE, DE'I PHYIR SMRAS PA NI, MON SRAN SDE'U DKAR SRAN CHUNG SOGS, ,GANG BU CAN 'BRU RTZA SGO 'GAGS, ,RO BSKA MNGAR ZHING 'KHRU BA GCOD, ,ZHU RJES TSA LA BSIL ZHING YANG, ,TSIL DANG KHRAG DANG MKHRIS PA LA, ,BSKUS SHING BLUGS NA PHAN PA YIN, ,'DI LAS MUNGGA MCHOG RLUNG CHUNG, ,SRAN MA SHIN TU RLUNG SKYED YIN; ,ZHES BYA BA LA, MON SRAN SDE'U NI SRAN MUNGGA'O, ,MON SRAN DKAR RU NI AA DHA KA ZHES SAM, TO BA RI ZHES GRAGS PA'O, ,SOGS PA'I SGRAS NI SRAN MA LA SOGS PA YONGS SU BSDU'O, ,MON SRAN SDE'U LA SOGS PA'I GANG BU CAN GYI 'BRU DE RNAMS NI RTZA SBUBS RNAMS KYI SGO 'GAGS PAR BYED PAS NA; RTZA SGO 'GAGS PA'O, ,DE BZHIN DU RO NI MNGAR BA DANG BSKA BA YIN NO, ,'KHRU BA GCOD PA NI GANG BSHANG BA LA SOGS PA SLA BA'AM, 'BYE BA BSDUS SHING GONG POR BYED PAS NA 'KHRU BA GCOD PA YIN NO, ,DE BZHIN DU ZHU BA'I RJES TSA BA STE, PHO BA'I ME DROD DANG PHRAD PA LAS RO GZHAN DU 'GYUR BA'O, ,DE BZHIN DU BSIL ZHING YANG BA DANG, TSIL DANG KHRAG DANG MKHRIS PA'I NAD BRTAGS TE, BSKUS PA'I LUS LA KHU BA BLUGS NA PHAN ZHING BDE BAR 'GYUR RO, ,'DI LAS MUNGGA MCHOG RLUNG CHUNG, ,ZHES BYA BA NI, GANG BU CAN GYI 'BRU 'DI DAG GI NANG NA MUNGGA NI ZHES PA, MON
, ,SRAN SDE'U MCHOG STE DAM PA YIN PA DANG, DE BZHIN DU RLUNG CHUNG ZHES BYA BA STE, RLUNG CUNG ZHIG SKYED PA YIN NO, SRAN MA SHIN TU RLUNG SKYED YIN, ,ZHES BYA BA NI, SRAN MA SHIN TU SHAS CHER RLUNG SKYED BA YIN NO, ,MON SRAN DKAR PO RLUNG SKYED CING, ,RTZUB CING LCI LA BSHANG BA 'PHEL, ,ZHES BYA BA LA, MON SRAN DKAR PO RTZA MA SHA ZHES BYA BA NI, RLUNG SHAS CHER SKYED BAR BYED PA DANG, RTZUB PA DANG, LCI BA DANG, BSHANG BA CHE ZHING 'PHEL BAR BYED PA YIN NO, ,RGYA SRAN NAG TSA ZHU RJES SKYUR, ,KHU CHU'I RDE'U CHAM LUD PA, , DBUGS MI BDE RLUNG BAD GZHANG 'BRUM, ,'JOMS SHING KHRAG MKHRIS MCHOG TU SKYED, ,CES BYA BA LA, RGYA SRAN NAG PO KU LANGTHA ZHES BYA BA NI TSA BA STE, NUS PA TSA BA DANG LDAN PA DANG, ZHU RJES SKYUR BA STE, SMIN PA DANG SKYUR BA ZHES BYA BA'I DON TO, ,KHU BA LAS SKYED BA'I RDE'U NI KHU CHU'I RDE'U STE, DE LA SOGS PA 'JOMS PA DANG, DE BZHIN DU KHRAG MKHRIS MCHOG TU SHAS CHER SPYOD PAR BYED PA YIN NO, ,NIS PA BA NI RLUNG MKHRIS KHRAG ,NU ZHO GCIN 'PHEL LCI ZHING 'KHRU, ,TSA BYED MIG GNOD KHU BA 'BRI, ,BAD KAN 'OR NAD DUG RNAMS SEL, ,ZHES BYA BA LA, NIS PA BA ZHES BYA BA'I SRAN RGOD NI RLUNG DANG, KHRAG DANG, MKHRIS PA DANG, BUD MED KYI NU ZHO DANG, GCIN 'PHEL BAR BYED PA DANG, LCI BA DANG, KHONG 'KHRU BA DANG, LUS TSA BAR BYED PA DANG, DE BZHIN DU MIG LA GNOD PA DANG, KHU BA 'BRI ZHING ZAD PA DANG, BAD KAN ZAD PA DANG, 'OR NAD DANG, DUG RNAMS SEL BAR BYED BA YIN NO, ,MA SHA SNUM STOBS BAD KAN SKYED, ,BSHANG GCI MKHRIS PA 'PHEL BYED 'KHRU, ,LCI ZHING TSA LA RLUNG 'JOMS DANG, ,KHU BA 'PHEL ZHING 'BYIN PAR BYED, ,CES BYA BA LA, MA SHA ZHES BYA BA MON SRAN GRE'U NI SNUM ZHING STOBS SKYED PA LA SOGS PA'I YON TAN DANG LDAN PA DANG, DE BZHIN DU KHU BA MANG DU 'PHEL BAR BYED CING, KHU BA DE NYID MTSAN GYI LAM NAS PHYIR 'BYIN PAR BYED DO, ,KA KAN DU LA KHA SRAL PHRE'U, ,YON TAN MON SRAN GRE'U DANG 'DRA, ,ZHES BYA BA LA, KA KAN DU LA ZHES BYA BA NI, MING
'DI NYID 'JIG RTEN PA LA GRAGS PA YIN NO, ,KHA SRAL PHRE'U NI SRAN MA AADHNA [?] KU PA TA STE, SA LA 'BYING BAR SKYE BA'O, ,'BRU DE DAG GI 'BRAS BU NI MON SRAN GRE'U DANG YON TAN BAR SHES PAR BYA STE, SRAN MA MA SHA LA YON TAN GANG DAG YOD PA DE THAMS CAD DANG LDAN PA'I DON TO, , TIL 'BRU DRO ZHING PAGS PA 'JOM, ,BSIL ZHING SKRA DANG STOBS SKYED PA, ,LCI ZHING GCIN NYUNG ZHU RJES TSA, ,YID GZHUNG DROD SKYED BAD MKHRIS SKYED, ,CES BYA BA LA, TIL GYI 'BRU NI DRO BA STE, NUS PA DRO PA DANG, PAGS PA 'JAM ZHING MNYEN PAR BYED PA DANG, BSKUS NA REG PA BSIL BA DANG, SKRA SKYE BA DANG, STOBS SKYED PA DANG, DE BZHIN DU LCI BA DANG, GCIN NYUNG NGUR BYED PA DANG, DE BZHIN DU ZHU BA'I RJES TSA BA DANG, YID GZHUNGS PA DANG, ME'I DROD SKYED CING BAD KAN DANG MKHRIS PA 'PHEL ZHING SKYED PA YIN NO, ,ZAR MA SNUM MNGAR KHA ZHING DRO, ,LCI ZHING BAD KAN MKHRIS PA SKYED, ,MIG GNOD KHU SKEMS ZHU RJES TSA, ,ZHES BYA BA LA, ZAR MA'I 'BRAS BU NI SNUM PA DANG, RO MNGAR ZHING KHA BA DANG, NUS PA DRO BA DANG, LCI ZHING BAD KAN DANG MKHRIS PA SKYED PAR BYED PA DANG, DE BZHIN DU MIG LA GNOD PA DANG, KHU BA SKEMS SHING ZAD PA DANG, ZHU BA'I RJES TSA BA YIN NO, ,LE BRGAN RTZI 'BRAS DE DANG 'DRA, ,ZHES BYA BA NI, ME TOG LE BRGAN RTZI'I SA BON YANG BSHAD MA THAG PA'I ZAR MA'I YON TAN DANG NYES PA CHA MTSUNGS PA YIN PAR SHES PAR BYA'O, ,GRA MA CAN LAS NAS RGOD DANG, ,MA SHA GANG BU CAN THA TSAD, , CES BYA BA LA, SNGAR GYI GRA MA CAN RNAMS KYI THA CHAD NI NAS RGOD YIN LA, GANG BU CAN 'DI DAG GI NANG NA NI MON SRAN GRE'U STE, MA SHA THA CHAD YIN PAR SHES PAR BYA'O, ,'BRU YI GSAR THOG BAD KAN SKYED, ,LOR LON 'BRU NI YANG BA YIN, ,ZHES BYA BA NI, GRA MA CAN GYI 'BRU DANG, GANG BU CAN GYI 'BRU GSAR THOG LOR MA LON PA NI BAD KAN SKYED CING 'PHEL BAR BYED DE, RTZA SBUBS RNAMS NAS SLA ZHING 'DZAG PA LAS MNGON PAR PHYOGS PAR ZHU BA'I TSUL GYIS BAD KAN SEL BA YIN NO, ,LOR LON ZHES PA LO GCIG 'DAS PA'I 'BRU
, ,THAMS CAD NI YANG BA YIN PAS, 'BRU GSAR PA LCI BAR BSHAD DU ZIN KYANG, LCI BA NYID YIN PAR DON GYIS STON PA YIN TE, LO GCIG LON PA 'DIS LCI BA 'BA' ZHIG DANG BRAL BA YIN GYI, NUS DANG BRAL BA NI MA YIN MOD KYI, 'ON KYANG SNUM PA'I YON TAN RIM GYIS NYUNG ZAD 'BRI BA YIN GYI, DE LA RTZUB PA ZHES BYA BA'I GNAS SKABS GZHAN DU GYUR PA NI MA YIN NO, ,DE YANG RGYUD GZHAN DAG LAS, LO GCIG LON PA'I 'BRU RNAMS KUN, ,LCI BA DAG DANG BRAL 'GYUR GYI, ,DE YI NUS PA SPONG MA YIN, ,DE 'OG RIM GYIS NUS DANG BRAL; ,ZHES BSHAD PA YIN NO, ,MYUR SKYE DE BZHIN SRAN MA NI, ,SPUN MED LEGS BRNGOS TSOD MA YANG, ,ZHES BYA BA LA, MYUR SKYE ZHES BYA BA NI MYUR DU SKYE ZHING SMIN PA'I 'BRAS BU NI YANG BA YIN PA DANG, DE BZHIN DU SRAN MA ZHES PA, MON SRAN SDE'U LA SOGS PA'I GANG BU CAN GYI 'BRU RNAMS SBUN MED CES BYA BA SPUN MA MA LUS PAR BSIL ZHING SHUN PA MED PAR BYAS PA DANG, LEGS PAR BRNGOS PA'I TSOD MA'ANG YANG BA YIN NO, ,GANG BUR CHAGS PA'I 'BRU SNA TSOGS KYI SDE TSAN NO,, ,,GRA MA CAN DANG GANG BU CAN GYI 'BRU SNA TSOGS KYI SDE TSAN BSTAN PA DE DAG KYANG, ME LA BTZOS PA LA SOGS PA'I G-YOS SU BYAS PA NYID KYIS LEGS PAR DGOS PA BYED PA YIN GYI GZHAN DU NI MA YIN NO, ,DE BAS NA GRA MA CAN DANG GANG BU CAN GYI SDE TSAN GYI 'OG TU KHA ZAS KYI SDE TSAN BRTZAMS PA YIN PAS, DE'I PHYIR SMRAS PA NI, 'BRAS THUG SLA SKA GAR BA DANG, ,'BRAS CHAN RNAMS NI SNGA MA BZHIN, ,YANG NGO, ,ZHES BYA BA NI 'BRAS THUG SLAN TE LA SOGS PA NI, SNGA MA BZHIN DU YANG BA YIN PAR SHES PAR BYA STE, DES NA 'BRAS NI YANG BA YIN LA, DE LAS 'BRAS THUG GAR PO YANG BA YIN, GAR PO BAS KYANG 'BRAS THUG SKAN TE CHES YANG BA YIN LA, DE BAS KYANG 'BRAS THUG SLAN TE SHIN TU YANG BA YIN NO, ,'DIR YANG THUG PA LA SOGS PA LAS THUG PA SLAN TE MCHOG YIN PAS NA DANG POR BSTAN TE, 'DI ZAS KYI RNAM PA THAMS CAD LAS MCHOG TU GYUR PA NI, RLUNG LUGS DANG MTHUN PAR 'JUG PA LA SOGS PA'I YON TAN RNAMS 'DI NYID
LA YOD PA'I PHYIR MCHOG TU GYUR BA YIN NO, ,DE YANG, PI PI LING DANG, DONG GRA DANG, SE'U 'BRU DANG, 'BRAS YOS LA SOGS PA LAS BYAS PA'I ZAS KYI RNAM PA SHIN TU SLA BA NI, 'BRAS THUG SLAN TE ZHES BYA STE, DE YANG TZA RA KA SA, PI PI LING DANG DONG GRA DANG, ,SE'U 'BRAS YOS CHUR BCAS BSKOL, ,THUG PA SLAR SBYAR ME DROD SKYED, ,RLUNG YANG LUGS MTHUN RGYU BAR BYED, ,CES BSHAD PA YIN NO, ,'BRAS THUG SLAN TE RKYANG RKYANG PO, ,DE LAS CUNG ZAD SKA BA NI THUG PA SKA BA ZHES BYA LA, DE BAS KYANG SHIN TU SKA BA NI GAR PO ZHES BYA'O, ,DE YANG SMAN DPYAD KYI LUNG LAS, LCI DANG BRAL BAR THUG SLA YIN, ,LCI BA DANG LDAN THUG PA STE, ,LCI BA SKA BA GAR PO YIN, ,NAS THUG 'BRU NI THA DAD GNAS, ,ZHES BSHAD PA YIN NO, ,'BRAS CHAN NI 'BRAS BSKOL BA'I CHAN LA BYA LA, DE LAS SLA BA NI, DGE ZHING RLUNG NI LUGS MTHUN BYED; ,SKOM RMYA NYES PA LHAG MA 'JOMS, ,'JU ZHING LUS ZUNGS MNYAM PAR BYED, ,RTZA SBUBS MNYEN BYED RDUL BA DANG, ,ME YI DROD NI SKYED PAR BYED, ,CES BYA BA NI, DE LA THUG PA LA SOGS PA DE RNAMS KYI NANG NAS 'BRAS THUG SLAN TE NI DGE ZHING NYES PA MED CING BDE BAR GNAS PAR BYED LA, BSOD CING PHAN PA YIN NO, ,ZHES BYA BA'I DON TO, ,RLUNG NI LUGS MTHUN BYED, ,CES BYA BA NI, LAM LOG PAR ZHUGS PA RANG GI RGYU BA'I GNAS SU 'JOG PAR BYED PA DANG, MI BDE BA BDE BAR BYED DO ZHES BYA BA'I DON TO, ,DE BZHIN DU, SKOM RMYA NYES PA LHAG MA 'JOMS, ,ZHES BYA BA STE, SKOM GYIS GDUNGS PA DANG, RMYA ZHING NYAM CHUNG BA DANG, NYES PA'I LHAG MA RNAMS 'JOMS SHING SEL BA YIN TE, SKYUG SMAN BTANG BA'AM, 'KHRU SMAN BTANG BA'AM, 'JAM RTZI BTANG BA LAS NYES PA STE, NAD CUNG ZAD LUS PA GANG YIN PA DE NI NYES PA'I LHAG MA STE, SKYUG SMAN DANG, 'KHRU SMAN DANG, 'JAM RTZI BTANG BA LAS NYES PA'I LHAG MA YOD PA LA BYA BA NYID DU SHES PAR BYED PA NI 'DI NYID YIN PAR SHES PAR BYA STE, NYES PA'I LHAG MA CUNG ZAD YOD PA'I PHYIR NI SKYUG SMAN DANG, 'KHRU SMAN DANG, 'JAM RTZI MAS GTONG BAR MI BYA STE,
, ,SBYOR BA THAL CHES PA'I NYES PA'I 'JIGS PA YOD PA'I PHYIR RO, ,'JU ZHING LUS ZUNGS MNYAM PAR BYED, ,CES BYA BA NI, LUS ZUNGS SAM NYES PA RNAMS 'JU ZHING SMIN PAR BYED PAS NA 'JU ZHING ZHES BYA'O, ,DE BZHIN DU, LUS ZUNGS RNAMS DANG, RLUNG LA SOGS PA MNYAM ZHING SNYOMS PAR BYED PAS NA LUS ZUNGS MNYAM PAR BYED CES BYA'O, ,DE BZHIN DU, RTZA SBUBS MNYEN PAR BYED PA STE, RTZA'I SBUBS KYI TSOGS MNYEN ZHING 'JAM PAR BYED PA DANG, DE BZHIN DU LUS LAS RNGUL 'BYUNG BA DANG, PHO BA'I ME DROD SKYED CING ZAS RNAMS BDE BAR 'JU BAR BYED PA YIN NO, ,THUG SKA BKRES SKOM NYAM CHUNG RMYA, ,LTO NAD RIMS NAD SEL BA YIN, ,DRI MA 'GAGS LA PHAN PA STE, ,DROD SKYED NAD NI 'JU BAR BYED, ,CES BYA BA NI, THUG PA CUNG ZAD SKA BA NI BKRES NAS RIMS NAD KYI BAR SEL ZHING 'JOMS PA YIN TE; NYAM CHUNG BA NI 'TSO BA'I STOBS CHUNG BA'O, ,RMYA BA NI RID CING SKEM PA'O, ,LTO NAD NI TSAD PA'I NAD DU 'KHRU BA DANG, GZER DANG SKRAN LA SOGS PA'O, ,DRI MA 'GAGS PA LA PHAN PA NI DRI MA RNAMS BDE BAR 'BYIN PA LA PHAN ZHING SNYOMS PA'O, ,DROD SKYED PA NI 'DIS ME'I DROD 'PHEL BA'O, ,'JU BAR BYED PA NI NYES PA RNAMS 'JU ZHING SMIN PAR BYED PA'O, ,THUG GAR 'KHRU GCOD YI GAR 'ONG, ,SKEM SEL DROD SKYED RMA DANG MIG ,BKRU SMAN RJES DANG NYAM CHUNG DANG, ,SNUM 'THUNGS RJES LA PHAN PA YIN, ,ZHES BYA BA LA, THUG PA GAR BO NI 'KHRU BA GCOD PA STE, BSHANG GCI SLA BA GONG BUR BYED PA DANG, YI GAR 'ONG BA STE, YID DU 'ONG ZHING DGA' BAR BYED PA DANG, SKOM SEL ZHES BYA BA SKOM GYIS GDUNGS PA ZHI BAR BYED PA DANG, DROD SKYED CES PA ME DROD SKYED PA DANG, DE BZHIN DU RMA BYUNG BA DANG, MIG NAD CAN DANG, BKRU SMAN DANG SKYUG SMAN GYIS SBYANGS PA'I RJES LA, NYAM CHUNG ZHING SBEG PA DANG, MAR LA SOGS PA'I SNUM BAG 'THUNGS PA RNAMS LA YANG PHAN ZHING BSOD PA YIN NO, ,'BRAS CHAN LEGS BKRUS KHU BTZAGS TSOS, ,RLANGS PA DANG NI BRAL BA DANG, ,GANG YANG TSA BA'I SMAN RNAMS KYIS, ,
BSKOL BA'I 'BRAS TSOS YANG BA YIN, ,ZHES BYA BA NI, 'BRAS CHAN GANG LEGS PAR BKRUS PA STE, DAG PAR BKRUS PA DANG, DE BZHIN DU KHU BTZAGS ZHES PA STE, PHYED TZAM BTZAGS NAS KHU BA BTZAGS PA DANG, TSOS PA STE LEGS PAR TSOS PA DANG, RLANGS PA DANG BRAL BAR GYUR PA YIN NO, ,GANG YANG TSA BA'I SMAN RNAMS KYIS BSKOL BA'I 'BRAS TSOS YANG BA YIN ZHES BYA BA NI, GANG TSA BA'I SMAN RNAMS TSA BA LNGA LA SOGS PA'I CHU DANG BSKOL BA'I 'BRAS CHAN DANG, BRNGOS PAS TSOS PAR BYAS PA'I 'BRAS YOS LA SOGS PA NI YANG BA YIN NO, , DE LAS BZLOG DANG GANG ZHIG NI, ,SHA KHU 'O MA BSKOL SOGS LCI, ,ZHES BYA BA LA, 'BRAS CHAN GANG SNGAR BSHAD PA'I MTSAN NYID LAS BZLOG PA DE NI LCI BA YIN NO, ,GANG MA BKRUS PA DANG, LEGS PAR MA BTZAGS PA DANG, MA TSOS PA DANG, GRANG MO DANG, MA BRNGOS PA DANG, TSA BA'I SMAN GYI KHU BA DANG MA BSKOL BA DE NI LCI BA YIN NO, ,DE BZHIN DU 'O MA DANG, SHA KHU LA SOGS PA DE YANG LCI BA YIN NO, ,SOGS PA'I SGRAS NI TSOD MA DANG, TIL MAR DANG, MAR DANG, 'BRAS BU DANG, MA SHA DANG, TIL DANG, MON SRAN SDE'U LA SOGS PA DANG LHAN CIG BSKOL BA YANG LCI BA YIN PAR SHES PAR BYA'O, ,DE LTAR RDZAS DANG BYA SBYOR DANG, ,TSAD LA SOGS PAS KUN SHES BYA, ,ZHES BYA BA NI, DE LTAR PHYOGS 'DIS 'DIR MA SMOS PA'I G-YOS SU BYAS PA'I ZAS KYI RIGS RDZAS DANG BYA BA DANG, SBYOR BA DANG TSAD LA SOGS PAS THAMS CAD BSTAN ZHING SHES PAR BYA'O, ,DE LTAR RDZAS LAS NI DPER NA 'BRAS S'A LU DANG, DRUG CU PA DANG, MON SRAN SDE'U DAG NI RANG BZHIN GYIS YANG BA LTA BU DANG, 'O MA DANG, BU RAM SHING DANG, MON SRAN GRE'U DANG, RLAN CAN GYI SHA RNAMS RANG BZHIN GYIS LCI BA LTA BU'O, ,DES NA 'BRAS S'A LU RTZA SNAR LAS BYAS PA'I 'BRAS CHAN NI YANG BA YIN LA, 'O MA DANG BU RAM SHING LA SOGS PA LAS BYAS PA NI LCI BA YIN NO, ,BYA BA NI LAS SU BYA BA STE, LAS MNGON PAR 'DU BYED PA'O, ,DE YANG CHU DANG ME PHRAD PA'I MTHU DANG, SNOD LA SOGS PA LAS BYUNG BA'O, ,DE SKAD DU DRANG SRONG TZA RA KAS
, ,BYAS PA YIN, GANG RDZAS KYI RANG BZHIN RNAMS MNGON PAR 'DUS BYAS SHING TSOGS PA'I YON TAN LAS SKYES PA YIN LA, YON TAN DE DAG KYANG CHU DANG ME 'DUS PA DANG, BCING BA DANG, DKRUGS PA DANG, DUS DANG, YUL DANG, GNAS DANG, MTHU LA SOGS PA LAS BYUNG BA YIN NO, ,ZHES BSHAD PA YIN NO, ,SBYOR BA NI RDZAS DANG LHAN CIG SBYOR ZHING SBYOR BA'O, ,DE YANG DRANG SRONG TZA RA KAS, SBYOR BA NI RDZAS GCIG GAM, MANG PO LHAN CIG SBYOR BA STE, DE NI KHYAD PAR SKYED PAR BYED PA NI GANG GCIG MA YIN NO, ,ZHES BSHAD PA'O, ,TSAD NI SRANG TSAD DO, ,ZHO GNYIS DANG, SRANG GCIG DANG, PHUL DANG, BRE LA SOGS PA DANG, DE BZHIN DU TSAD LAS LHAG PA'I 'BRAS BU NGES PAR SHES PAR BYA'O, ,SOGS PA SMOS PA NI YUL DANG, DUS DANG RGYU'I YUL, LUS KYI YAN LAG LA SOGS PA YONGS SU BSDU'O, ,DE YANG SLON DPON GYIS, SPYOD DANG LUS KYI YAN LAG DANG, ,RANG BZHIN LUS ZUNGS BYA BA DANG, ,MTSAN MA TSAD DANG LAS SU BYAS, ,TSAD DAG 'DIR NI BRTAG PAR BYA, ,ZHES BSHAD PA YIN NO, ,'DI'I DPE'I PHYOGS GCIG BSTAN PA YANG DE NYID KYIS MDZAD PA YIN TE, SPYOD PA RLAN CAN CHU DANG MKHA', ,SKAM SAR GNAS PA SPYOD PA DANG, ,CHU SKYES RLAN CAN SKYES NYID DANG, ,CHU DANG RLAN CAN LA SPYOD GANG, ,GANG YANG LCI BA ZA BA RNAMS, ,DE DAG THAMS CAD LCI BAR BSHAD, ,SKAM SAR SPYOD CING SKAM SAR SKYES, ,YANG BA ZA BA YANG BA YIN; ,ZHES BYA BA NI GNAS KYI YUL LO, ,LUS YAN LAG LAS BRLA LCI DANG, ,DE BZHIN MGO DANG RO STOD DE, ,DPYI LAS STOD SHA LCI BA YIN, ,DE BAS KLAD PA DE BAS MGO, ,RLIG PA PAGS PA PHO MTSAN DANG, ,MJUG TO RKED PA MJUG RTZE GZHANG, ,MCHER PA RKANG DANG GZHUNGS PA NI; ,SHA LAS SHIN TU LCIR SHES BYA, ,ZHES BYA BA NI, LUS KYI YAN LAG GO, ,RANG BZHIN GYIS YANG MUNGGA DANG, ,DE BZHIN ZLA BA PHIN DZA LA, ,RANG BZHIN GYIS LCI MON SRAN GRE'U, ,DE BZHIN PHAG DANG MA HE SHA ,ZHES BYA BA STE, 'DI NI RANG BZHIN NO, ,KHRAG LA SOGS PA'I LUS
ZUNGS NI, ,'OG MA BZHIN DU LCI BA YIN, ,ZHES BYA BA NI, LUS ZUNGS SO, ,GANG ZHIG MYUR ZHING BYA BA MANG, ,LE LO CAN LAS KHYAD 'PHAGS YIN, ,ZHES BSHAD PA STE, 'DI BYA BA'O, ,PHO DANG MO YI MTSAN 'DRA LAS, ,LCI DANG YANG BAR 'GYUR BA YIN, ,ZHES BYA BA NI MTSAN MA'O, , RANG GI RIGS LAS TSAD CHE BA, ,LCI BA'O GZHAN DU YANG BA YIN, ,ZHES BYA BA NI TSAD DO, ,LAS SU BYAS LAS GO BZLOG PAR, ,LCI BA YANG BAR 'GYUR SHES BYA, ,DPER NA 'BRU LAS 'BRAS YOS BYAS, ,PHYE LAS ZAN NI BYAS DANG MTSUNGS, ,ZHES BYA BA NI, LAS SU BYAS PA'O, , LCI LAS NYUNG DU BZA' BA DANG, ,YANG BA LHAG PAR BSTEN PA NI, ,RDZAS KYI LCI DANG YANG BA DAG ,TSAD KYI RGYUR NI BSHAD PA YIN, ,TSAD NI RDZAS DANG MTSON PA DANG, ,ME YI DROD LA LTOS BYAS LAS, ,LCI LAS NYUNG ZHING SBYIN PAR BYA, ,YANG BA 'GRANGS PA NYID DU 'DOD, , CES BYA BA NI TSAD DE, DE LTAR NA 'DIR DE DAG THAMS CAD BRTAG PAR BYA BA YIN NO, ,KHU BA NYAMS BRTAS TSIM BYED CING, ,RO TZA MIG PHAN RMA LA GNOD, ,CES BYA BA LA, KHU BA NI SHA KHUL BYA STE, DE YANG SMAN DPYAD KYI LUNG LAS, KHU BA KHYAD PAR MED BSHAD PAR, ,SHA KHU YIN PAR SHES PAR BYA, ,ZHES 'BYUNG BA YIN NO, ,BSDUS PA LAS KYANG, DE LA KHU BA SHA YI YIN, ,SRAN KHU 'BRU YI 'BRAS BU DANG, ,KHA BA'O RTZA BA TIL LDE GU, ,CUNG ZAD SKYUR BA SKYUR PO YIN, ,DE NI G-YOS BYAS MA BYAS TE, ,SNUM LA SOGS DANG BRAL SHES BYA, ,ZHES BSHAD PA YIN NO, ,KHU BA DE YANG NYAMS BRTAS BYED, ,CES BYA BA STE, LUS NYAMS BRTAS SHING RAGS PAR BYED PA DANG, TSIM BYED CING ZHES PA, LUS ZUNGS RNAMS RGYAS SHING 'PHEL BAR BYED PA DANG, RO TZA ZHING KHU BA SKYED PA DANG, MIG LA PHAN ZHING BDE BAR BYED PA DANG, RMA LA GNOD PA STE RMA 'JOMS PAR BYED PA YIN NO, ,MON SRAN SDE'U SBYANGS DANG RMA, ,LKOG MA MIG NAD DAG LA PHAN, ,ZHES BYA BA LA, MON SRAN SDE'U MUNGGA ZHES BYA BA BCOS PA'I KHU BA NI, SKYUG SMAN LA SOGS PAS LUS SBYANGS PA DANG, RMA BYUNG BA DANG, LKOG MAN PA DANG,
, ,MIG NA BDAG LA PHAN ZHING BSOD PA YIN NO, ,KU LANGTHA'I KHU RLUNG DANG SKRAN, ,RO SMAD SLAR GZER GNOD PA SEL, ,ZHES BYA BA LA, RGYA SRAN KU LANGTHA'I KHU BA NI RLUNG LUGS SU 'BYUNG BAR BYED PA DANG, DE BZHIN DU SKRAN DANG, RO SMAD CHU SO'I NAD DAG SEL BAR BYED PA YIN TE, DE DAG GI MTSAN NYID NI SKRAN NI NAD GZHI LAS 'OG NAS BSHAD PAR BYA'O, ,DE BZHIN DU GZHUNG GZHAN DAG LAS KYANG, GANG ZHIG BSHANG DANG GCI BA'I GNAS, ,RO SMAD DAG TU NAD BYUNG ZHING, ,BSHANG GCI'I LAM NI 'GAG SNYAM BYED, ,DE NI RO SMAD DPYI NAD YIN; ,BSHANG LAM MDOMS LAS BYUNG BA'I NAD, ,MI MTHUN RGYU BAS GNOD BYED CING, ,SHUGS KYIS PHO BA'I GNAS SU PHYIN, ,SLAR GZER BA ZHES BYA BA YIN, ,ZHES BSHAD PA YIN NO, ,TIL TSIGS G-YOS SU SBYAR BYAS NAS, ,TSOD MA SKAM DANG MYU GU DANG, ,SKYUR POR CHANG BU BCUG PA NI, ,MI GNOD NYES SKYED RMYA BYED LCI, ,ZHES BYA BA LA, TIL GYI TSIGS MA NI TIL BTAGS PA'I LDE GU'O, ,DES G-YOS SU SBYAR BA NI TSOD MA NYID DU BYAS PA'I RNAM PAR 'GYUR BA'O, ,TSOD MA YANG YIN LA SKAM PA YANG YIN PAS NA TSOD MA SKAM MO, ,MYU GU NI 'BRAS KYI KHYI SO 'THON PA'O, ,SKYUR POR BCUG PA'I CHANG BU NI SKYUR POR CHANG BU BCUG PA LAS TSOD MA'I G-YOS SU BYAS PA'O, ,'DI DAG THAMS CAD NI MIG LA GNOD PA STE, MIG NAD SKYED PA DANG, NYES PA SKYED PA DANG, RMYA BAR BYED PA DANG, LCI BA YIN NO, ,DE LA SKYUR POR CHANG BU BCUG PA ZHES SMOS PA NI, CHANG BUR BYA BA SKAM PO RKYANG RKYANG PO STE, SHA LA SOGS PA LAS BYAS PA YIN PAR GZUNG STE, SNGAR SKYUR PO SMOS PA'I SKABS SU RDZAS GSHER BA'I RNAM PA 'DIS ZIN PAS, 'DIR LA PHUG DANG, YUNGS KAR LA SOGS PA'I TSOD MA BSKOL BA'I 'OG TU PHYIS SKE TSE'I PHYE MA BCUG PA SKYUR ZHING TSA LA SOGS PA RNO BA LA SKYUR PO'I SGRAR BSHAD PA YIN NO, ,DRI 'DZIN LUS BRTA RO TZA ZHING, ,SNUM ZHING STOBS SKYED YI GA 'BYED, ,CES BYA BA LA, DRI 'DZIN ZHES BYA BA NI ZHO DANG SPOD SBYAR NAS DKRUGS PA STE, ZHO LAG
PAS MNYES LA SHING TSA DANG, SUG SMEL DANG, GANDHA BHA DRA DANG, NA LE SHAM DANG, SHA KA RA'I PHYE MA BTAB LA RAS LAS BTZAGS PA NI DRI 'DZIN ZHES BYA STE, DE NI LUS BRTAS SHING 'PHEL BAR BYED PA DANG, RO TZA BA DANG, SNUM PA'I YON TAN DANG LDAN PA DANG, STOBS SKYED PAR BYED PA DANG, YI GA 'CHUS PA YI GA 'BYED PAR BYED PA YIN NO, ,RGUN CHU'I BTUNG BA NGAL DUB DANG, ,BKRES SEL TSIM PAR BYED CING LCI, ,RTUG SKAM GCIN MANG YI GAR 'ONG, ,DE YI YON TAN SMAN BZHIN BLTA, ,ZHES BYA BA LA, RGUN CHU'I BTUNG BA NI BTUNG BA THA DAD YOD PA DE; CHU DANG, SBRANG RTZI DANG, DRI SNA GSUM DANG, NA LE SHAM DANG, RGUN 'BRUM DANG, 'BRA GO LA SOGS PA LAS BYAS PA DAG STE, DES NI DUB PA DANG, BKRES PA DANG, SKOM PA SEL ZHING TSIM PAR BYED PA DANG LCI BA YIN NO, ,RTUG SKAM NI BSHANG BA SKA ZHING 'DRIL BA'O, , DE BZHIN DU GCIN MANG ZHING YI GAR 'ONG BA YIN NO, ,DE'I YON TAN ZHES BYA BA NI, BTUNG BA DE DRI SNA GSUM DANG, BU RAM DANG, RGUN 'BRUM LA SOGS PA SMAN DANG, RDZAS GANG DANG GANG LAS BYAS PA, RDZAS DE'I YON TAN CI YOD PA THAMS CAD BTUNG BA DE LA YOD PAR SHES PAR BYA'O, , 'BRAS YOS SKOM DAD SKYUG TSAD 'KHRU, ,GCIN MANG TSIL DANG BAD KAN SEL, ,LUD PA MKHRIS PA NYER ZHI BYED, ,DROD SKYED YANG ZHING BSIL BA YIN, ,ZHES BYA BA LA, 'BRAS YOS NI SO BA RTZE RNON LA SOGS PA LAS BYAS PA STE, DES NI SKOM DAD LA SOGS PA SEL ZHING, ZHI BAR BYED PA YIN LA, DE BZHIN DU LUD PA DANG MKHRIS PA NYE BAR ZHI BAR BYED PA DANG, PHO BA'I ME DROD SKYED PA DANG, YANG BA'I YON TAN DANG LDAN PA DANG, BSIL ZHING GRANG BA'I NUS PA SKYED PA YIN NO, ,SRUS LEB LCI ZHING STOBS SKYED LA, ,BAD KAN BSHANG BA SRA BYED YIN, ,ZHES BYA BA LA, SRUS LEB CES BYA BA NI NAS DANG 'BRAS KYI SRUS BRNGOS TE, SPUN PA MED PAR BYAS PA GTUN GYIS BRDUNGS PA LA SOGS PA NI SRUS LEB CES BYA'O, ,YANG NA SRUS BRNGOS PA NYID LA YANG BYA'O, ,YANG NA BTAGS PA'O, ,DE NI LCI BA DANG, STOBS SKYED PA DANG, BAD KAN DANG BSHANG
, ,GCI SRA ZHING SGONG BAR BYED PA YIN NO, ,NAS YOS RTUG MKHREGS RTZUB PA DANG, ,SKOM ZHING KHONG 'KHRUGS LCI BA YIN, ,ZHES BYA BA LA, NAS BRNGOS PA'I YOS DE NI RTUG PA MKHREGS SHING RTZA SBUBS 'GAGS PAR BYED PA DANG, RTZUB PA DANG SKOM DAD SKYED PA DANG; KHONG 'KHRUGS PA DANG BAD KAN LA SOGS PA DKRUG CING SEL BA DANG LCI BA YIN NO, ,NAS PHYE KHONG YANG BKRES SKOM DANG, ,NGAL DUB MIG NAD RMA LA PHAN, ,SKYE MAR BYAS PA 'THUNGS PA YIS, ,'PHRAL DU STOBS NI SKYED BYED YIN, ,ZHES BYA BA LA, NAS PHYE NI NAS LAS BYUNG BA STE, DE NI KHONG YANG BA DANG BKRES PA LA SOGS PA LA PHAN PA DANG, CHU LA SOGS PA LA SBYOR ZHING SKYO MAR BYAS TE 'THUNGS BAS, 'PHRAL DU ZHES PA DE MA THAG TU STOBS SKYED CING, LUS BRTAS PAR BYED PA YIN NO, ,CHU DANG PHYE SPEL MI BZA' ZHING, ,DUS GNYIS MTSAN MO'ANG PHRAD MED MIN, ,'GRANGS RJES MI BZA' SOS GCAD MIN, ,HA CANG 'GRANGS CHES BZA' MI BYA, ,ZHES BYA BA LA, CHU DANG PHYE SBEL ZHING BZA' BAR MI BYA STE, DANG POR PHYE 'GAMS NAS BAR DU CHU, DE NAS YANG PHYE BZA' BA DANG, YANG CHU BTUNG BA'I TSUL GYIS SPEL ZHING BZA' BAR MI BYA STE, CHU 'THUNGS NAS BAR BAR DU PHYE MI BZA' BAR BYA BA'I DON TO, ,DUS GNYIS ZHES BYA BA'I DUS GNYI GAR PHYE MI BZA' BA DANG, MTSAN MO'I DUS SU PHYE MI BZA' STE, DE NI BKRA MI SHIS PAR BSHAD DO, ,DE BZHIN DU PHRAD MED PA STE, CHU LA SOGS PA GSHER DANG MI LDAN PAR YANG BZA' BAR MI BYA STE, 'GRANGS RJES ZHES PA 'BRAS CHAN LA SOGS PAS 'GRANGS PA'I 'OG TU YANG PHYE ZAN MI BZA' BA DANG MTSAN MO'I DUS SU LAG PAR BZHAG PA'I ZAN GANG SOS GCAD CING MI BZA' BA DANG, PHYE ZAN HA CANG 'GRANGS CHES PA YANG BZA' BAR MI BYA'O, ,'BA' CHA NYAMS 'BRI RTZUB PA DANG, BSHANG MKHREGS MIG LA GNOD PA YIN, ,ZHES BYA BA NI, TIL DANG STAR GA'I 'BRAS BU LA SOGS PA BTZIR NAS MAR DANG PHRAL BA STE, DE NI NYAMS 'BRI ZHING RMYA BAR BYED PA DANG, RTZUB PA DANG BSHANG GCI MKHREGS SHING 'BYUNG DKA' BA DANG, MIG LA GNOD PA YIN NO, ,
SHA G-YOS SPOD SBYAR SNUM ZHING LCI, ,STOBS SKYED SHA 'PHEL BRTAS BYED YIN, ,ZHES BYA BA LA, SHA G-YOS SPOD DANG SBYAR BA NI BCA' SGA DANG, 'U SU DANG GO SNYOD LA SOGS PA DANG SHA BTAGS PA NI G-YOS SU SBYAR BA STE, DE YANG LUNG LAS, SHA NI RLON PA BTAGS NAS NI, ,G-YOS SU SBYAR BA SHA G-YOS TE, ,ZHES BSHAD PA YIN LA, SHA BTAGS PA DE YANG SHING KUN DANG, TSA DANG, MAR DANG, TIL MAR LA SOGS PA DANG CI RIGS PAR SBYAR ZHING BTZOS PA'O, ,DE LTA BU'I SHA G-YOS SPOD DANG SBYAR BA DE NI, SNUM PA DANG, LCI BA DANG, STOBS SKYED CING SHA 'PHEL BA DANG BRTAS PAR BYED PA YIN TE, STOBS NI NUS PA'O, ,BRTAS PA NI LUS ZUNGS RGYAS PAR BYED PA'O, ,MUNGGA G-YOS SBYAR LCI BA DANG, ,SMAN GYI CHA DANG YON TAN 'DRA, ,ZHES BYA BA LA, SRAN MUNGGA STE, SDE'U LA SOGS PA DANG SBYAR BA'I SHA'I G-YOS SU BYAS PA STE, PHRA MOR BTUS NAS BRNGOS PA NI THAMS CAD KYANG LCI BA DANG, DE BZHIN DU SMAN GYI YON TAN MTSUNGS SHING 'DRA BA STE, MUNGGA LA SOGS PA'I YON TAN GANG YIN PA DE LA G-YOS SU BYAS PA'I YANG YON TAN YOD PA YIN PAR SHES PAR BYA'O, ,KHUR BA MDAG BTZOS DOG LE DANG, ,SA SLANG DA NUR RGYA SOL BSREGS, ,KHUR BA 'DI RNAMS RIGS GCIG KYANG, ,PHYI MA PHYI MA YANG BA YIN, ,ZHES BYA BA LA, 'BRAS KYI KHUR BA MDAG MA LA SOGS PAR BTZOS PA NI RIGS GCIG PA STE, 'BRAS LA SOGS PA'I RGYU GCIG YIN NA YANG, PHYI MA PHYI MA YANG BA YIN PAR SHES SHING RTOGS PAR BYA'O, ,DE LA RIGS NI RGYU STE, 'BRAS DANG, GRO DANG, MON SRAN GRE'U LA SOGS PA STE, DE DAG NI RIGS MTHUN PA LA LTOS NAS RIGS GCIG PA ZHES BTAGS SO, ,DE NAS 'BRAS LA SOGS PA'I SKYA KHUR MDAG MAR BTZOS PAR BYAS PA NI YANG BA YIN LA, DE BAS KYANG DOG LE DANG, SLA DAR BTZOS PA CHES YANG BA DANG, DE BAS KYANG SA SLANG DU BTZOS PA RAB TU YANG ZHING, DE BAS KYANG DA NUR BTZOS PA RAB TU YANG LA, RGYA SOL LA BSREGS PA NI YANG BA'I MCHOG YIN TE, 'BRAS SAM GRO 'AM NAS LA SOGS PA GCIG LAS BYA NA YANG KHYAD PAR DU
, ,YANG NGO; ,DE LA MDAG BTZOS NI MDAG MA'I SHAS CHUNG BA LA BTZOS PA'O, ,GZHAN DAG NI RLANGS PA LA BTZOS PA'O ZHES ZER RO, ,KHA CIG NI THAL BA ME MA MUR DU 'DUG PA LA BSREGS PA YIN NO ZHES ZER RO, ,DOG LE ME 'BAR BA LA BTZUGS PA'I LCAGS SAM, SA'I SNOD LA BSREGS PA'O, ,G-YOS SU BYAS PA'I KHA ZAS KYI SDE TSAN NO,, ,,DE LA RE ZHIG G-YOS SU BYAS PA'I KHA ZAS BTZOS PA STE, DE YANG SHA DANG TSOD MA LA SOGS PA DANG LHAN CIG SBYAR ZHING, DE DANG LDAN NA LEGS PAR DGOS PA BYED PA YIN LA, ZAS NI MANG DU DGOS PA YIN PA LTAR SHA LA SOGS PA DE LTA MA YIN NO, ,DE'I SPAGS TZAM DU ZAD PA YIN NO, ,DE BAS NA G-YOS SU BYAS PA'I KHA ZAS KYI SDE TSAN GYI RJES LA, SHA DANG TSOD MA'I SDE TSAN BSTAN PA YIN NO, ,DE GNYIS LAS KYANG SHA NI ZAS DANG LHAN CIG ZOS NA NYES PA MED CING BSTEN PAR BYA BA YIN PAS, SHA'I SDE TSAN DANG POR SMOS PA YIN NO, ,SHA BA DGO BA KU RANG GA ,RKYANG DANG RI SHA RI DVAGS MA, ,RI BONG DANG SGO TZA RU SKA, ,LDANG SGO LA SOGS RI DVAGS YIN, ,ZHES BYA BA NI, SHA BA NAS LDANG SGO'I MTHAR THUG PA RNAMS NI, RI DVAGS KYI RIGS SU GTOGS PA YIN LA, SOGS PA'I SGRAS NI MJUG NAG GAM, SRING SHA TA LA SOGS PA BSDU'O, ,DE DAG NI 'JIG RTEN DU GRAGS PAR ZAD DO, ,LA BA BAR TI BAR TI KA, ,GO TZA DMAR DANG GONG MO DANG, ,SREG PA AU PA TZA KRA DANG, ,KA BIN DZA RA KU RU BA, ,BA TA KA DANG BA TI KA, ,GONG MA SREG DANG RMA BYA DANG, ,KHYIM BYA DANG NI BA RA KA, ,GO NAN TA DANG RI LA GNAS, ,SHAR BA DANG AINDRA PA, ,RI BYA 'DI DAG GZAS KHRON RKO, ,ZHES BYA BA LA, LA BA NAS RI BYA'I BAR 'DI DAG NI GZAS KHRON GYIS RKO BA ZHES BYA BA NI, GANG RKO ZHING RKO ZHING 'BRU LA SOGS PA ZA BAS NA, GZAS KHRON RKO ZHES BYA'O, ,'DI DAG ZHES BYA BA NI RNAM PA'I TSIG STE, RNAM PA DE LTA BU'I BYA GZHAN DAG KYANG YOD DO ZHES STON TO, ,SHANG SHANG TE'U DE TU HA, ,BUNG 'DRA NE TSO SHA RI KA, ,LA TVA KHU BYUG HA RI TA, ,BYI'U LA SOGS MCHUS
RKO YIN; ,ZHES BYA BA LA, SHANG SHANG TE'U NAS BYI'U'I BAR NI MCHUS RKO ZHES BYA STE, MCHUS RKO ZHING ZA BA'I DON GYIS NA MCHUS RKO ZHES BYA'O, ,SOGS PA'I SGRAS NI SHA TA PA TRA DANG, KHAN DZA RI LA SOGS PA'I BYA RNAMS BSDU'O, ,SBAL PA SBRUL DANG SKYIN GOR DANG, ,BYI THUR LA SOGS KHUNG NA GNAS, ,ZHES BYA BA LA, SBAL PA NAS BYI THUR BAR NI KHUNG NA GNAS PA YIN TE, SA'I KHUNG BU DAG NA GNAS SHING NYAL BAS NA KHUNG NA GNAS ZHES BYA'O, ,SOGS PA'I SGRAS NI SHA LA MA KA LA SOGS PA BSDU'O, ,BA LANG RTA BONG DRE'U DANG, ,STAG GZIG SENG GE DOM SPRE'U, BYI BA BYI LA SPYANG KI DANG, ,SRE MONG DANG NI DRED DAG DANG, ,WA DANG 'PHAR BA KHRA DANG NI, ,CHUN LAG KHRA LJANG BYA ROG KHYI, ,BYA RIGS KHRA SNGON BYA KU RA, ,BYA RGOD 'UG PA KA LING GA ,DUNG CAN MA DU HA LA SOGS, ,GCAN GZAN BYA DAG RTZAL MTHUS ZA, ,ZHES BYA BA LA, BA LANG NAS MA DU HA'I BAR GYI PHYUGS DANG, GCAN GZAN DANG BYA DAG NI RTZAL DANG MTHUS ZA BA ZHES BYA BA STE, MNGON MTHON DU STOBS KYIS 'PHROG CING, SHA LA SOGS PA RTZAL MTHUS ZA BAS NA, KHRON DU RKO BA DANG, MTHUS ZA BA NI KHRON DU RKO BA LA SOGS PA'I TSUL GYI BYA BA DANG LDAN BAS ZA BAS NA MING DE SKAD CES BYA STE, DE YANG DRANG SRONG TZA RA KAS, ,'THOR ZHING RNAM PAR RKO BA DANG, ,MCHU YIS RKO BAR BYED PA DANG, ,RTZAL MTHUS 'PHROG CING ZA BAS NA, ,MTHUS ZA ZHES NI DE PHYIR BYA, ,ZHES BSHAD PA YIN NO, ,SOGS PA ZHES BYA BA NI GZHAN DAG KYANG BSDU BA'O, ,PHAG RGOD RU RU MA HE SKYIN, ,RO HI TA DANG GLANG PO CHE, ,MDZO RGOD GNAG RGOD BSE DANG NI, ,SMYIG GLANG ZHES GRAGS RI DVAGS CHE, ,ZHES BYA BA LA, PHAG RGOD NAS SMYIG GLANG GI BAR NI RI DVAGS CHEN PO ZHES BYA'O, ,CHUR GNAS NGANG PA SA RA SA, ,CHU SKYAR KA RAndA BYA BLA; ,RGYA DANG KHRUNG KHRUNG NGUR PA DANG, ,SO BYA KA DAM PA SOGS YIN, ,ZHES BYA BA LA, NGANG PA NAS KA DAM PA'I BAR NI CHU LA GNAS PA YIN TE, DE DAG NI CHU LA SPYOD PA YIN PAS NA CHU LA GNAS PA'O, ,SOGS PA'I SGRAS NI MGO DMAR DANG, PADMA'I MIG DANG, SHA LA RI LA SOGS PAS
, ,BSDU'O, ,NYA RO HI TA PA TI NA, ,NYA PHYIS RUS SBAL KUM BHI RA, ,KAR TA DUNG SRAM SHAM BU KA, ,NYE LDANG BAR MA TZIN TRI KA, ,BU LU CHU SRIN NAG KHRA DANG, ,NYA BO CHE NI BYIS PA GSOD, ,DZA RI TZI LI TZI MA SOGS, ,ZHES BYA BA LA, NYA RO HI TA NAS TZI LI TZI MA'I BAR NI; CHU LAS BYUNG ZHING CHU LA GNAS SO, ,SOGS PA'I SGRAS NI RNAM PA'I DON TE, DE LTA BU DANG GZHAN DAG KYANG RNAM PA DU MA YOD DO, ,KAR KA TA NI KU LA RA ZHES BYA'O, ,SHAM BU KA NI PHYUNG BA'I DUNG ZHES BYA'O, ,'DI DAG NI RNAM GRANGS MI SHES PA DAG GIS NI YUL PHYOGS KUN TU PHYIN PA DAG LAS SHES PAR BYA STE, GANG GI PHYIR 'DIR SMOS PA'I SROG CHAGS YUL LA LAN MED PAS MI SHES PA, KHA CIG NI YUL GZHAN DAG TU GRAGS PA YOD DO, ,DE BAS NA 'DI RNAMS KYI MING GI RNAM GRANGS YUL THA DAD PA NA GRAGS PA NI RI BRAGS PA DANG, NYA PA LA SOGS PA LAS MING DU JI SKAD GRAGS PA GANG YIN PA LAS SHES PAR BYA'O, ,DE LTAR SHA NI BRGYAD DU BSHAD, ,CES BYA BA NI, DE LTAR ZHES PA BSHAD MA THAG PA'I RNAM PAS SHA BRGYAD DU ZHES PA, SHA'I RNAM GRANGS MDOR BSDU NA RNAM PA BRGYAD YOD PAR SLOB DPON GYIS BSHAD CING BSTAN PA YIN NO, ,RA LUG GZAS KYI SPYOD YUL NI, ,'DRES PAS RIGS GCIG NGES MA YIN, ,ZHES BYA BA LA, RIGS BRGYAD PO DE DAG GI NANG NAS, RA DANG LUG GI NGES PA MED PA YIN PAS NGES BA MA BSHAD DE, CI'I PHYIR ZHE NA, SPYOD YUL 'DRES PA YIN PA'I PHYIR TE, SPYOD YUL 'DRES PA NI RLAN CAN DANG, SKAM SA'I GZAS KYI SPYOD YUL 'DREN MAR GNAS PA STE, LAN 'GA' NI GCIG TU RLAN CAN NA GNAS PA, LAN 'GA' NI SKAM SAR GCIG TU GNAS PA YIN NO, ,DE LTAR NA RGYA BYA YANG DE DANG 'DRA BA YIN TE, DE YANG GNYI GA NA SPYOD PA YIN PA'I PHYIR RO, ,DE YANG DRANG SRONG TZA RA KAS, SKAM SA GSHER SAR GNAS PA'I PHYIR, ,SHIN TU LCI MNGAR TSA MIN PA'I, ,RGYA BYA'I SHA NI RLUNG LA SOGS, ,NYES PA GSUM PO SEL BA YIN, ,ZHES BSHAD PA YIN NO, ,DE LTAR NA RGYA BYA TI TI RA ZHES BYA BA NI GNYI GAR SPYOD PA YIN
DU ZIN KYANG, 'DI YUL GCIG LA NAM YANG GNAS PAR DGA' BA MA YIN PAS, GZEB TU BCUG PA MA GTOGS PAR, ,GSHER SA DANG SKAM SA GNYI GAR YANG BRTEN PA MA YIN NO, ,RA LUG KYANG CHED 'GA' NI SKAM SA CHU NYUNG BA NA 'TSO LA, CHED 'GA' NI RLAN CAN CHU MANG BA NA 'TSO STE, RANG BZHIN DES NA RA DANG LUG NI NGES PA MA YIN PA YIN NO, ,THOG MA THA MA SKAM GSHER GNAS, ,BAR MA GNYIS PO THUN MONG BSHAD, ,CES BYA BA LA, BAR MA NI GNYIS PO ZHES GNYIS PAR BSHAD PA LAS THOG MA DANG THA MAR NI SDE TSAN GSUM GSUM YIN TE; DANG PO'I SDE TSAN GSUM NI RI DVAGS DANG KHRON DU RKO BA DANG, MCHUS RKO BA GSUM NI SKAM SA LA GNAS PA YIN PAS, SKAM SAR SGRAR BRJOD LA, THA MA'I GSUM PO RI DVAGS CHEN PO DANG, CHU LA SPYOD PA DANG, NYA RNAMS NI GSHER SA NYID LA SPYOD PA YIN PAS NA GSHER SA'I SGRAR BSHAD DO, ,BAR GYI SDE TSAN GNYIS PO KHUNG NA GNAS PA DANG, RTZAL MTHUS ZA BA ZHES BYA BA GNYIS NI THUN MONG STE, GNYI GA LA SPYOD PA YIN PAR BSHAD DO, ,DE LAS SKAM SA'I SHA RTUG 'GAGS, ,BSIL BA DANG NI YANG BA YIN, ,'DUS PA MKHRIS PA SHAS CHE ZHING, ,RLUNG 'BRING BAD KAN CHUNG LA PHAN, ,ZHES BYA BA LA, DE LAS BYAS PA NI NGES PAR BZUNG BA STE, SKAM SA DANG, GSHER SA DANG, THUN MONG GI GNAS NA SPYOD PA YIN PAR BSHAD DO, ,SKAM SA'I SHA NI RTUG PA 'GAGS PAR BYED PA DANG, NUS PA BSIL BA DANG YANG BA YIN NO, ,DE BZHIN DU 'DUS PA'I NAD MKHRIS PA'I SHAS CHE ZHING RLUNG CHE CHUNG 'BRING DU GNAS PA DANG, BAD KAN SHAS CHUNG BA LA PHAN ZHING, GNOD PA 'JOMS PA YIN TE, 'DUS PA'I NAD GANG MKHRIS PA'I SHAS CHE BA DANG, RLUNG 'BRING TZAM DU GNAS PA DANG, BAD KAN CHES CHUNG BA DE LA PHAN PA YIN NO, ,RI BONG SHA NI DROD SKYED RTZUB, ,ZHU RJES TSA ZHING 'KHRU GCOD BSIL, ,ZHES BYA BA LA, SKAM SAR GNAS PA DE RNAMS KYI NANG NAS, RI BONG GI SHA NI DROD SKYED PA STE, PHO BA'I ME DROD 'PHEL BAR
, ,BYED PA DANG, DE BZHIN DU RTZUB PA DANG, ZHU RJES KYI RO TSA BA DANG, 'KHRU BA GCOD CING SDUD PA DANG, BSIL BA'I MTSAN NYID CAN YIN NO, ,BAR TA KI LA SOGS PA'I SHA ,CUNG ZAD SNUM DRO LCI BRTAS BYED, ,CES BYA BA LA, SKAM SAR GNAS PA RNAMS KYI NANG NAS, BYA BAR TA KI LA SOGS PA STE, GANG SKAM SAR GNAS PA'I BAR DE THAMS CAD NI CUNG ZAD SNUM ZHING DRO BA DANG LCI BA DANG LDAN PA YIN ZHING LUS BRTAS PAR BYED PA YIN NO, ,DE RNAMS LAS KYANG RGYA BYA'I SHA ,YID GZHUNGS DROD STOBS KHU BA 'PHEL; ,BSHANG SKEMS MDOG BZANGS RLUNG SHAS CHE, ,'DUS PA SEL BA'I DAM PA YIN, ,DE RNAMS ZHES BYA BA BAR TA KI LA SOGS PA'I NANG NAS KYANG, RGYA BYA TI TI RA'I SHA NI YID GZHUNGS PA DANG, DROD SKYE BA DANG, STOBS DANG, KHU BA 'PHEL BA DANG, BSHANG BA SKEMS SHING SDUD PA DANG, LUS KYI MDOG BZANG POR BYED PA DANG, RLUNG SHAS CHE BA'I 'DUS PA'I NAD SEL ZHING 'JOMS PA'I MCHOG DAM PA YIN NO, ,RMA BYA'I SHA NI BZANG MIN YANG, ,RNA MIG SKAD 'GAGS RGAS SRAR PHAN, ,ZHES BYA BA LA, RMA BYA'I SHA NI BZANG PO MA YIN TE, PHAN ZHING BSNGAGS PA MA YIN MOD KYI, 'ON KYANG RNA BA GNYIS LA PHAN TE, SGRA LEGS PAR THOS PAR 'GYUR BA DANG, MIG GIS LEGS PAR MTHONG BAR BYED PAS MIG LA PHAN PA DANG, GDANGS SNYAN PAS SKAD 'GAGS PA LA PHAN PA DANG, MYUR DU RGAS PA LAS BSRUNG BAS NA, RGAS PA SRA BA LA PHAN PA YIN NO, ,KHYIM BYA DE 'DRA RO TZA LA, ,GRONG GNAS LCI ZHING BAD KAN SKYED, ,CES BYA BA LA, KHYIM BYA NI RMA BYA'I SHA 'DRA BAS SHIN TU BZANG PO MA YIN MOD KYI, RNA BA LA SOGS PA LA PHAN PAR 'DRA ZHING RO TZA BA YIN NO, ,YANG NA GRONG NA GNAS PA'I KHYIM BYA STE, SKYE BO'I KHYIM NA RGYU BA GANG YIN PA DE NI LCI BA DANG, BAD KAN SKYED PAR BYED PA DANG, RO TZA BA YIN NO, ,GONG MO AU PA TZA KRAR BCAS, ,YID GZHUNGS DROD SKYED YI GAR 'ONG, ,ZHES BYA BA LA, BYA GONG MO DANG AU PA TZA KRAR BCAS PA'I SHA NI YID GZHUNGS
SHING SHES RAB SKYED PA DANG, PHO BA'I ME DROD SKYED PA DANG, YI GAR 'ONG ZHING DGA' BAR BYED PA YIN NO, ,THI BA ZHAR BA'I SHA LCI ZHING, ,TSA BRO NYES PA THAMS CAD SKYED, ,CES BYA BA LA, BYA THI BA ZHAR BA'I SHA NI LCI BA DANG TSA BRO BA STE, CUNG ZAD LAN TSVA BRO BA DANG, NYES PA GSUM PO THAMS CAD SKYED PAR BYED PA YIN NO, ,BYI'U SHA BAD KAN SKYED CING SNUM, ,RLUNG 'JOMS KHU BA RAB 'PHEL BYED, ,CES BYA BA LA, BYA BRAN BYE'U RNAMS KYI SHA NI BAD KAN SKYED PAR BYED PA DANG, DE BZHIN DU SNUM PA DANG, RLUNG 'JOMS SHING SEL BA DANG, MCHOG TU KHU BA 'PHEL BAR BYED PA YIN NO, ,SDE TSAN DE LAS PHYI MA RNAMS, ,RIM BZHIN LCI DRO SNUM ZHING MNGAR, ,GCIN MANG RO TZA STOBS SKYED CING, ,RLUNG 'JOMS BAD KAN MKHRIS PA SKYED, ,CES BYA BA LA, SKAM SAR GNAS PA'I SDE TSAN DE LAS, PHYI MA KHUNG NA GNAS PA LA SOGS PA LNGA RNAMS NI RIM PA BZHIN DU ZHES PA, GO RIMS MA 'CHOL BAR LCI BA NYID DANG, DRO BA NYID DANG, SNUM PA NYID DANG, MNGAR BA NYID DE SDE TSAN DE DAG LAS PHYI MA GANG DANG GANG YIN PA NI SNGA MA DE DANG DE LAS LCI BA LA SOGS PA NYID DANG LDAN PA YIN NO, ,DES NA KHUNG NA GNAS PA NI MTHUS ZA BA LCI BA LA SOGS PA'I YON TAN DANG LDAN PA YIN LA, MTHU RTZAL GYIS ZA BA BAS NI RI DVAGS CHEN PO'O, ,RI DVAGS CHEN PO BAS NI KHRON DU RKO BA'O, ,KHRON DU RKO BA BAS NI NYA RNAMS SO, ,DE BZHIN DU RIM GYIS GCIN MANG BA DANG, RO TZA BA DANG, STOBS SKYED PA DANG, RLUNG DANG BAD KAN 'PHEL ZHING SKYED PAR BYED PA YIN NO, ,DE LAS RI DVAGS CHEN PO'I BSIL, ,ZHES BYA BA NI, SDE TSAN LNGA PO DE RNAMS KYI NANG NAS RI DVAGS CHEN PO NI BSIL BA STE, BSIL BA'I NUS PA DANG LDAN PA YIN NO, ,RTZAL MTHUS SHA RLON ZA BA'I YANG, ,RO RJES LAN TSVA BRO ZHU RJES; ,TSA ZHING SHA NI 'PHEL BAR BYED, ,GZHANG 'BRUM RNYING PA PHO BA GRANG, ,SKEM NAD NYEN LA MCHOG TU PHAN, ,ZHES BYA BA LA, SHA RLON ZA ZHES BYA BA NI, ,SHA RLON BA GCOD CING ZA BAR BYED PAS NA SHA ZA BA'O, ,DE LA YANG RNAM PA GNYIS TE, GCAN GZAN DANG BYA'O, ,DE
, ,LAS KYANG SHA RLON PA ZA BA LA LA'I MTSAN NYID 'DI YIN NO, ,DE YANG RO RJES LAN TSVA BRO BA STE, RO GANG DAG GI RJES LA CUNG ZAD MI GSAL BAR LAN TSVA BRO BA STE, GTZO BO'I ROS ZIL GYIS MNAN PAS NA, CUNG ZAD MI GSAL BAR BRO BA'I PHYIR RO, , RJES ZHES BYA BA STE, RO'I GTZO BO THA DAD PA YOD PAR MTSON PA YIN NO, ,DE BZHIN DU ZHU RJES CHA BA STE, ZHU BA'I RJES TSA BA NYID DU SMIN PA'O, ,DE BZHIN DU SHA 'PHEL BAR BYED PA STE, SHA SKYED PAR BYED PA'O, ,DE BZHIN DU GZHANG 'BRUM RNYING PA DANG, PHO BA GRANG ZHING DROD CHUNG BA DANG, SKEM NAD KYIS NYEN PA'I MI LA MCHOG TU PHAN PA YIN NO, ,DE LA GZHANG 'BRUM RNYING PA ZHES BYA BA NI YUN RING PO LON PA'I, ,RA SHA SHIN TU BSIL MIN ZHING, ,LCI SNUM MA YIN NYES MED MIN, ,LUS DANG KHAMS NI MNYAM PAS NA, ,BAD KAN MI SKYED LUS BRTAS BYED, ,CES BYA BA LA, SHIN TU BSIL MIN ZHES BYA BA'I SGRA NI CUNG ZAD KYI DON LA SNYEGS TE, DES NA RA'I SHA NI CUNG ZAD TZAM BSIL BA DANG, CUNG ZAD TZAM SNUM PA YIN NO ZHES PA'O, ,NYES MED MIN ZHES PA MED PA'I DON NI CHUNG BA'I DON TE, DPER NA LUG SPU MED CES BYA BA 'AM, BU MO RKANG MED CES ZER BA DANG 'DRA'O, ,DES NA CUNG ZAD TZAM NYES PA YOD CING, CUNG ZAD BAD KAN SKYED PA YIN NO ZHES PA'I DON TO, ,DE BZHIN DU LUS DANG KHAMS MNYAM PAS KYANG RNAM PA THAMS CAD DU NYES PA MED PA YIN TE, MI RNAMS KYI LUS DANG, LUS ZUNGS KYI TSUL JI LTA BU YIN PA, RA'I LUS DANG KHAMS KYANG DE DANG 'DRA BA YIN TE, DE BAS NA LUS DANG LUS ZUNGS MTSUNGS SHING MNYAM PAS NA, SHA DE NI NYES PA CUNG ZAD KYANG MI SKYED PA YIN NO, ,DE BAS NA SKYES BU'I LUS DANG LUS ZUNGS MTHA' DAG DANG DE MNYAM STE, MI'I LUS ZUNGS CI 'DRA BAR YANG DE DANG 'DRA BAR DON GYIS STON PA YIN TE, 'DI SKAD BSHAD PAS NI MI'I SHA'I RANG BZHIN CI 'DRA BA YIN PA YANG BSHAD PA YIN NO, ,BAD KAN MI SKYED CES BYA BA NI RA'I SHA DE BAD KAN YIN YANG SHAS CHER SKYED PAR MI
BYED PA'O, ,LUS BRTAS PAR BYED PA NI SHA 'PHEL BAR BYED PA'O, ,LUG SHA DE LAS BZLOG PA STA, LUS BRTAS YIN PAR SHES PAR BYA, ,ZHES BYA BA LA, LUG GI SHA NI RA SHA DE LAS BZLOG PAR SHES PAR BYA STE, DES NA RA'I SHA NI SHIN TU BSIL BA MA YIN LA; 'DI NI SHIN TU BSIL BA DANG, DE NI SHIN TU LCI BA MA YIN LA, ,'DI NI SHIN TU LCI BA DANG, ,DE NI SHIN TU SNUM PA MA YIN LA, ,'DI NI SHIN TU SNUM PA DANG, ,DE NI LUS PAR BYED PA YIN LA, 'DI YANG BRTAS PAR BYED PA YIN PAS, 'DI LA NI GO BZLOG PA MED DO, ,BA LANG SHA NI LUD SKAM DANG, ,NGAL DANG TSO CHES MA SNYOMS RIMS, ,CHAM PA DANG NI SKEM PA DANG, ,RLUNG NAD GCIG PU NA BA SEL, ,ZHES BYA BA LA, BA LANG DAG GI SHA YIN PAS NA BA LANG SHA STE, DES NI LUD PA SKAM PA LA SOGS PA SEL ZHING BZLOG PA YIN NO, ,TSIG GI DON NI GO SLA'O, ,MA HE'I SHA NI LCI ZHING TSA, ,GNYID CHE BRTAN BYED SHA CHER SKYED, ,CES BYA BA LA, DE LA MA HE'I SHA NI SHIN TU LCI BA DANG, TSA BA DANG, GNYID CHE ZHING MTHUG LA BRTAN PAR BYED PA DANG, SHA SKYE BAR BYED PA YIN NO, ,PHAG RGOD SHA NI DE 'DRA ZHING, ,NGAL SEL ZAS LEN KHU STOBS SKYED, ,CES BYA BA LA, PHAG RGOD KYI SHA NI DE 'DRA ZHES PA MA HE'I SHA DANG YON TAN 'DRA BA LAS DE NI NGAL BSIL BA DANG, DE BZHIN DU, KHA ZAS LEN ZHING YI GA 'BYE BA DANG, KHU BA DANG STOBS RAB TU SKYED PAR BYED PA YIN NO, ,NYA NI MCHOG TU BAD KAN SKYED, ,CES BYA BA NI, RO HI TA DANG, PA THIN [?] LA SOGS PA'I NYA SHA NI SHIN TU YANG BAD KAN SKYED PAR BYED PA YIN NO, ,TZI LI TZI MA NYES GSUM SKYED, , CES BYA BA NI, NYA RNAMS KYI NANG NAS TZI LI TZI MA ZHES BYA BA'I NYA'I KHYAD PAR CIG YOD PA NI RLUNG LA SOGS PA'I NYES PA GSUM SKYED PA YIN NO, ,LA WA RO HI TA SKYIN GOR, ,SHA BA RANG RANG SDE TSAN MCHOG ,CES BYA BA NI, LA WA LA SOGS PA'I SHA NI RANG RANG GI SDE TSAN
, ,LAS MCHOG YIN TE, DES NA KHRON DU RKO BA'I NANG NA NI, LA BA MCHOG YIN LA, NYA RNAMS KYI MCHOG NI RO HI TA YIN, KHUNG NA GNAS PA RNAMS KYI MCHOG NI SKYIN GOR YIN, RI DVAGS KYI NANG NA SHA BA MCHOG YIN NO, ,SHA NI 'PHRAL BSAD BDAG DANG, ,DAR LA BAB PA'I BSTEN PAR BYA, ,ZHES BYA BA LA, SHA THAMS CAD NI 'PHRAL BSAD PA STE, DUS DE'I TSE NYID BSAD PA DANG, DE BZHIN DU DAG PA STE, DUG LA SOGS PA DANG, MA 'BAGS PA DANG, DAR LA BAB PA STE, RGAN PA DANG GZHON PA MA YIN GYI RANG RANG GI NA TSOD DAR LA BAB PA'O, ,DE LTA BU'I SHA DE NI PHAN BAR 'GYUR BA YIN PAS BSTEN PAR BYA BA NYID YIN NO, ,RANG SHI RID DANG SHIN TU TSO, ,NAD CHU DUG GIS SHI BA SPANG, ,ZHES BYA BA LA, SHA THAMS CAD LAS RANG NYID SHI BA SPANG BA DANG, DE BZHIN DU RID CING SBEG [?] PA DANG, SHIN TU TSIL CHE ZHING TSO DRAGS PA SPANG BA DANG, DE BZHIN DU NAD DAM CHU'AM DUG GIS SHI BA'I SHA SPANG ZHING DOR BAR BYA'O, ,PHO DANG MO YI STOD SMAD PHYED, ,LCI STE SBRUM MA'I THAMS CAD LCI, ,ZHES BYA BA LA, SROG CHAGS THAMS CAD KYI PHO DANG MO LAS GO RIMS JI LTA BA BZHIN DU PHO'I MGO BO NAS BRTZAMS TE, LTE BA'I BAR GYI LUS KYI PHYED KYI SHA LCI BA YIN LA, MO'I LTE BA MAN CHAD KYI RO SMAD KYI PHYED KYI SHA LCI BA YIN NO, ,SBRUM MAR GYUR PA'I SHA NI MA LUS PA THAMS CAD LCE BA YIN NO, ,RKANG BZHI MO YI YANG BA YIN, ,BYA RNAMS KYI NI PHO YI YANG, ,ZHES BYA BA LA RKANG BZHI STE, RI DVAGS DANG RA LUG DANG MA HE LA SOGS PA'I NANG NAS NI MO'I SHA YANG BA YIN LA, BYA RNAMS TIL BA DANG, NGANG PA DANG, RMA BYA DANG, KHYIM BYA LA SOGS PA GSHOG PA CAN RNAMS KYI SHA YANG BA YIN NO, ,MGO BO RO STOD BRANG DANG RGYAB; ,RKED PA DPYI YI LCI BA YIN, ,DE BZHIN PHO BA RGYU MA SOGS, ,GO RIMS BZHIN DU LCI BA YIN, ,ZHES BYA BA LA, MGO BO LA SOGS PA'I YAN LAG GI CHA SHAS LAS NI GO RIMS BZHIN DU ZHES PA GO RIMS 'CHOL BAR LCI BA NYID YIN PAR BSTAN TO, ,DES NA
DPYI'I SHA BAS NI RKED PA'I SHA LCI LA, RKED PA'I SHA BAS NI RGYAB KYI SHA LCI, RGYAB KYI SHA BAS NI BRANG GI SHA LCI LA, BRANG BAS NI RO STOD LCI, RO STOD KYI SHA BAS NI MGO'I SHA SHIN TU LCI BA YIN NO, ,DE BZHIN DU ZHU BA'I GNAS RGYU MA LA SOGS PA'I SHA BAS NI MA ZHU BA'I GNAS PHO BA'I SHA LCI BA YIN TE, DES ZAS ZHU BA RNAMS KYI GNAS NI ZHU BA'I GNAS TE, LTE BA MAN CHAD DO, ,ZAS MA ZHU BA'I GNAS NI MA ZHU BA'I GNAS TE, LTE BA YAN CHAD DO, ,DE YANG DRANG SRONG GIS BSHAD PA, 'GRO BA'I LTE BA NU MA BAR, ,MA ZHU BA YI GNAS SU BSHAD, ,LTE BA NAS NI CHU SO'I BAR, ,ZHU BA'I GNAS SU SHES PAR BYA, ,ZHES BSHAD PA YIN NO, ,KHRAG LA SOGS PA'I LUS ZUNGS RNAMS, ,PHYI MA PHYI MA LCI BA YIN, ,ZHES BYA BA NI; KHRAG LA SOGS PA'I LUS ZUNGS DRUG PO RNAMS PHYI MA PHYI MA LCI BA YIN PAR BSHAD DO, ,DES NA KHRAG BAS NI SHA LCI'O, ,SHA BAS NI TSIL LO, ,TSIL BAS NI RUS PA'O, ,RUS PA BAS NI RKANG NGO, ,RKANG BAS NI KHU CHU CHES LCI BA YIN NO, ,SHA LAS RLIG PA PHO MTSAN DANG, ,MKHAL MA MCHER PA GZHANG DAG LCI, ,ZHES BYA BA LA, LUS THAMS CAD LAS BYUNG BA'I SHA RNAMS LAS NI RLIG PA LA SOGS PA'I SHA SHIN TU LCI BA YIN NO, ,'DI LA RLIG PA ZHES BYA BA NI 'BRAS BU SHUBS CAN ZHES MING GI RNAM PAR GRAGS PA'O, , PHO MTSAN NI MJE'O, ,MKHAL MA NI LTO BA'I CHA LA GNAS PA'O, ,MCHER PA NI GSUS PA'I G-YON LOGS NA GNAS PA NAG PO CAN ZHES MING GI RNAM PAR GRAGS PA'O, ,GZHANG NI BSHANG BA'I LAM STE, DE DAG NI LCI BA YIN NO, ,'DIR SHA RNAMS PHO DANG MO'I KHYAD PAR DU BYAS PA DANG, RIGS GCIG PA DANG, RIGS THA DAD PA DE RNAMS KYI SPYI DANG KHYAD PAR DU GNAS PA LAS STOBS CHE CHUNG YOD PA BRTAG PAR BYA BA NI, CI RIGS PAR RANG GI BLO NYID KYIS RNAM PAR DPYAD PAR BYA'O, ,SHA'I SDE TSAN NO,, ,,
, ,SNGAR TSOD MAR BSTAN PA DE RNAMS KYI LHAG MA DE BRTZAMS PA NI 'DI DAG YIN TE, TSOD MA PA THA SHA TI DANG, ,SU SHA SU NI SHA NA DANG, ,SA TI NA DZA RGYA SNE'U SOGS, ,NYES PA GSUM 'JOMS RTUG SRI YANG, ,ZHES BYA BA LA, PA THA LA SOGS PA'I TSOD MA RNAMS NI NYES PA GSUM SEL BAR BYED PA YIN PAS, NYES PA GSUM 'JOMS ZHES BYA BA LA, DE BZHIN DU RTUG PA SRI ZHING MKHREGS PA DANG YANG BA YIN NO, ,DE LA BA THA NI MING GI RNAM GRANGS BA PA TZA LI KA ZHES BYA BA'O, ,SU NI SHA NA NI SU LA ZHES BYA BA 'DAB MA BZHI BA BTZONG GI DRI 'DRA BA ZHIG CHU'I NANG NA SKYE'O, ,SA TI NA DZA ZHES BYA BA NI DZAKshA PA NI, MING GI RNAM GRANGS BKRES BYED CES BYA BAR GRAGS PA'O, ,DE LAS SU NI SHA NA DRO, ,RO TZA ZHES BYA BA TSOD MA DE RNAMS KYI NANG NAS SU NI SHA NA NI DROD SKYED PA DANG RO TZA BAR BYED PA'O, ,RA DZAKshA PA TI, PHO BA GZHANG 'BRUM NAD SEL MCHOG ,CES BYA BA LA, PA TA LA SOGS PA DE RNAMS NANG NAR DZAKshA PA ZHES BYA BA NI PHO BA DANG GZHANG 'BRUM GYI NAD SEL BA'I MCHOG YIN NO, ,RGYA SNE'U RTUG SKAM 'JOMS PA YIN, ,ZHES BYA BA LA, TSOD MA 'DI RNAMS KYI NANG NAS RGYA SNE'U'I TSOD MA NI RTUG SKAM 'JOMS SHING 'KHRU BA YIN NO, ,MON SNE'U DME RU NYES GSUM 'JOMS, ,MDZE SEL RO TZA BCUD LEN DRO, ,'KHRU ZHING MGUL PA SNYAN PAR BYED, ,CES BYA BA LA, MON SNE'U DME RU KA KA MA TZA ZHES BYA BA NI NYES PA GSUM PO NI RLUNG DANG MKHRIS PA BAD KAN ZHES BYA BA 'JOMS PA DANG, DE BZHIN DU MDZE NAD SEL BA DANG, RO TZA ZHING KHU BA 'PHEL BA DANG, BCUD KYIS LEN DU 'GYUR ZHING TSE 'PHEL BA DANG CUNG ZAD DROD SKYED PA DANG, 'KHRU ZHING BSHANG BA SLA BAR BYED PA DANG, MGUL BA GSAL ZHING SNYAN PAR BYED PA YIN NO, ,TZANG GI RI SGYUR ME DROD SKYED, ,PHO BA GZHANG 'BRUM BAD KAN RLUNG, ,DROD CHE 'KHRU GCOD YANG BA YIN, ,ZHES BYA BA LA, TZANG GI RI NI RO SKYUR BA DANG, DE BZHIN DU PHO BA'I ME DROD SKYED PA DANG PHO BA LA SOGS PA LA PHAN PA YIN NO, ,PA TO LA DANG SA PA TA LA, ,NIM PA SHANG GASHTHA SLE TRES, ,AA BAL GU ZA RTZVA'I MYU GU,
BRI HA TI DANG B'A SHA DANG, ,TI LA PARnI KU TA LA, ,MAN DU KA'I 'DAB KAR KO TA, ,KAR BE LA BAR BA TA, ,nA TI DANG NI KA TA YA, ,GO DZI HA DANG BAR DA KA, ,BA NA TIG TA KA RI RAM, ,KU LI KA DANG NAN TI DANG, ,KU TZE LA SHAG KUN DA NI, ,KA TI LA DANG KE'U KAM, ,SHO TAM KO SHA TA KA DANG, ,KAR SHA 'JAM BSIL KHA ZHING TSA, ,BSHANG SRI RLUNG SKYED BAD MKHRIS SEL, ,ZHES BYA BA LA, PA TO LA NAS KAR SHA DANG BCAS PA'I BAR GYI TSOD MA RNAMS NI BSIL BA'I NUS PA DANG LDAN PA DANG, RO KHA BA DANG 'JU BA'I RJES TSAB DANG, BSHANG BA LA SOGS PA MKHREGS SHING SRI BA DANG, RLUNG SKYED PA DANG, BAD KAN DANG MKHRIS PA DAG SEL BAR BYED PA YIN NO, ,DE LA PA TO LA NI KHA BA ZHIG GO, ,SAB TA NI SA TA LA ZHES BYA'O, ,NIM PA NI AA RI STA'O, ,SHANG GASHTHA NI AANG KA RA BA LI GA'O, ,AA BAL GU ZA NI SO MAR DZA'O, ,RTZVA'I MYU GU NI RTZVA GZHON NU'I RTZE MO'O, ,BRI HA TI NI SING HI 'O, ,BA SHA NI BRI SHA'O, ,TIL PARnI NI RGYA SHUG GI LO MA 'AM, YANG NA TIL GYI LO MA'O, ,MAN DU KA'I 'DAB MA NI MAN DU KI ZHES BYA'O, ,KAR KA TA NI LUG GI RA 'DRA'O, ,KAR BE LA NI KA DU KA BI LA'I 'BRAS BU'O, , PAR PA TA NI LDUM BU SKRA BZANGS SO, ,nA TI KA NI SRAN MA'I SBUR RO, ,GO DZI H'A NI GLA SGANG GI LCE 'DRA BA STE, KRO SHA KA MU LA ZHES BYA'O, ,BA NA TIG TA NI BAD TSA KA'O, ,KU LI KA NI K'A K'A TIN TU KA'O, ,NAN TI NI ME TOG DZ'A TI'I SHING NGO, ,SHAG KU NAD NI KA RU KA'O, ,KA TI LA NI ME TOG DMAR BA'I PURnA RNA BA'O, ,KO SHA TA KA NI SBUBS CAN NO, ,KAR SHA NI GRAGS PAR ZAD DO, ,PA TO LA ZHIM SRIN NAD SEL, ,ZHU RJES MNGAR ZHING YI GA 'BYED, ,CES BYA BA NI, PA TO LA SOGS PA'I SDE TSAN GYI NGES PAR BZUNG BA STON TE, PA TO LA NI ZHIM ZHING TSIM PAR BYED PA DANG, SRIN NAD SEL ZHING 'JOMS PA DANG, ZHU RJES MNGAR BA STE, ZHU BA'I RJES MNGAR BA DANG, SHIN TU YI GA 'BYE BAR BYED PA YIN NO, ,BRI HA TI GNYIS MKHRIS SKYED 'KHRU, ,DROD SKYED RLUNG NI 'JOMS PA YIN, ,ZHES BYA BA LA, BRI HA TI GNYIS LA
, ,GCIG NI SBOM MO, ,BRI HA TI ZHES BYA BA YIN LA, GNYIS PA NI KAndA K'A RI ZHES BYA BA STE, MING GZHAN KSHU TA ZHES BYA'O, ,BRI HA TI GNYI GA YANG MKHRIS PA 'KHRUGS SHING SKYED PAR BYED PA DANG, DE BZHIN DU ME'I DROD SKYED PA DANG, KHONG 'KHRU BA DANG RLUNG 'JOMS SHING SEL BA YIN NO, ,BRI SHAN RLUNG DANG LUD PA 'JOMS, ,KHRAG MKHRIS SEL BA'I DAM PA YIN, ,ZHES BYA BA LA, BRI SHAN NI BA SHA KA STE, DE NI SLON ZHING SKYUG BRO BA DANG, LUD PA 'JOMS PA DANG, DE BZHIN DU KHRAG DANG MKHRIS PA SHIN TU SEL BA'I MCHOG DAM PA YIN NO, ,KA RA BEL LA KHA BA DANG, ,DROD SKYED BAD KAN SEL MCHOG YIN, ,ZHES BYA BA LA, KA RA BEL LA NI KHA BA STE, CUNG ZAD KHA BA DANG, PHO BA'I ME DROD SKYED PA DANG, DE BZHIN DU BAD KAN SEL ZHING 'JOMS PA'I MCHOG YIN NO, ,BAR TA KA'I RO TSA ZHING KHA, , MNGAR BRO BAD KAN RLUNG DAG SEL, ,LAN TSVAR BCAS PA ME DROD SKYED, ,YID 'ONG ZAS LEN MKHRIS MI SKYED, ,CES BYA BA LA, BAR TA KA ZHES BYA BA MING GZHAN BEN DANG ZHES BYA BA'I TSOD MA NI RO TSA ZHING KHA BA DANG, MNGAR BA DANG DRO BA'I NUS PA DANG LDAN PA DANG, BAD KAN DANG RLUNG 'JOMS SHING SEL BA DANG, LAN TSVAR BCAS PA STE, CUNG ZAD LAN TSVA BRO BA DANG, ME'I DROD SKYED PAR BYED PA DANG, YID DU 'ONG ZHING DGA' BAR BYED PA DANG, ZAS LEN CING YIG 'BYED PAR BYED PA YIN PA DANG, MKHRIS PA MI SKYED CES PA MKHRIS BA LA MI GNOD PA YIN NO, , KA RI RA NI SBOS BYED CING, ,RO BSKA MNGAR ZHING KHA BA YIN, ,ZHES BYA BA LA, KA RI RA'I TSOD MA NI LTO SBOS PAR BYED PA DANG, DE BZHIN DU RO BSKA BA DANG, MNGAR BA DANG KHA BA YIN NO, ,KO SHA TA KA BAL GU ZA, ,'KHRU ZHING DROD NI SKYED BYED YIN, ,ZHES BYA BA LA, KO SHA TA KA NI AA PA MARGA'O, ,BAL GU ZA NI SO MA RA DZA'O, ,DE DAG NI BSHANG GCI SLA ZHING 'KHRU BAR BYED PA DANG, DROD SKYED PAR BYED PA YIN NO, ,TAN DU LI BSIL RTZUB PA DANG, ,RO MNGAR ZHU RJES MNGAR ZHING YANG, ,CHANG NAD MKHRIS NAD DUG KHRAG SEL, ,ZHES BYA BA LA, TAN DU LI NI
BE'U LI STE, DE NI BSIL BA LA SOGS PA'I YON TAN DANG LDAN PA YIN NO, ,MUN DZA LAS BYUNG RLUNG MKHRIS SEL, ,SNUM BSIL LCI ZHING MNGAR BA DANG, ,LUS BRTAS KHU BA 'PHEL BA'I MCHOG ,CES BYA BA NI, RTZ'A MUN DZA LAS BYAS PA'I TSOD MA NI RLUNG LA SOGS PA SEL BA'I MCHOG YIN NO, ,PA LAG KYA LCI 'KHRU BAR BYED, ,CES BYA BA LA, PA LAG KYA'I TSOD MA NI LCI BA'I YON TAN DANG LDAN BAS NA KHONG 'KHRU BAR BYED PA'O, ,AU PHO DA KA CHANG NAD 'JOMS, ,ZHES BYA BA LA, AU PO DA KA RA NI PO TA KI STE DES NI CHANG GIS MYOS PA 'JOMS SHING LCI BA DANG 'KHRU BA YIN NO, ,TZU TZU PA LAG KYA 'DRA LAS, ,DE NI 'KHRU GCOD BDAG NYID CAN, ,ZHES BYA BA LA, TZU TZU'I TSOD MA'I YON TAN NI BA LAG KYA DANG 'DRA LA, DE NI YANG YON TAN 'DRA BA GCOD PA'I BDAG NYID CAN YIN GYI, KHONG 'KHRU BAR BYED PA NI MA YIN TE, LCI BA'I YON TAN TZAM MTHUN PA YIN NO, ,BI DA RI NI RLUNG MKHRIS SEL, ,GCIN MANG MNGAR ZHING BSIL BA YIN, ,'TSO BAR BYED CING LKOG NAD SEL, ,LUS BRTA RO TZA LCI BCUD LEN, ,ZHES BYA BA LA, BI DA RI NI MING GI RNAM GRANGS, SRI GA LI KHA ZHES BYA BA YIN LA, DE NI RLUNG MKHRIS SEL BA LA SOGS PA'I YON TAN BYED PA DANG, 'TSO BAR BYED PA ZHES BYA BA DANG MDANGS 'PHEL ZHING LUS ZUNGS SNYOMS PAR BYED PA DANG, LKOG NAD SEL BA LA SOGS PA'I MTSAN NYID CAN YIN NO, ,DZI BAN TI MNGAR BSIL BA DANG, ,MIG LA PHAN ZHING NYES GSUM SEL, ,ZHES BYA BA LA, DZI BAN TI'I TSOD MA NI MNGAR ZHING BSIL BA'I NUS PA LA SOGS PA DANG LDAN PA YIN NO, ,KU SMAN DBUM [?] SHA KA LING, ,KAR KA DANG NI AER BA RU, ,DA NA DIS ZHES BYA BA DANG, ,DA NA DIS DANG GA GON DANG, ,TZIN TA KA DANG TZIR BI TA, ,BAD RLUNG SKYED CING 'KHRU GCIN MANG, ,BSHAD SRI LCI ZHING ZHU RJES MNGAR, ,ZHES BYA BA LA, KU SMAN DA LA SOGS PA'I TSOD MA NI, RLUNG DANG BAD KAN GNYIS SKYED PAR BYED PA LA SOGS PA'I MTSAN NYID CAN YIN NO, ,DE LA KU SMAN DA NI PU SHA PA LA ZHES BYA BA KU BA 'DRA BA LA, NANG SA BON MANG POS GANG
, ,BA'O, ,BUM SHA NI KU BA'I SHA'O, ,KA LING KA DANG KAR KA DANG, AER BA RU DANG, LO MA SHING DAG NI GA GON GYI RNAM GRANGS YIN NO, ,'KHRI SHING 'BRAS BU'I NANG NA MCHOG ,KU SMAN DA STE RLUNG MKHRIS SEL, ,GCIN NAD SEL ZHING RO TZAR BYED, ,CES BYA BA LA; KU BA LA SOGS PA 'KHRI SHING LA BRTEN TE, SKYES PA'I 'BRAS BU RNAMS KYI MCHOG NI KU SMAN DA YIN TE, DE NI RLUNG DANG MKHRIS PA SEL BA'I DAM PA YIN PA DANG, GCIN NAD KYI RGYUN LAM SBYONG ZHING SEL BAR BYED PA DANG, RO TZA BA YIN NO, ,GA GON SHIN TU GCIN MANG ZHING, , ZHES BYA BA NI, 'KHRI SHING LA BRTEN PA'I 'BRAS BU'I NANG NA, GA GON NI MCHOG TU GCIN MANG BA YIN NO, ,KU BA SHIN TU RTZUB PA YIN, ,ZHES BYA BA NI, 'KHRI SHING LA BRTEN PA'I 'BRAS BU'I NANG NA, KU BA NI SHIN TU RTZUB PA YIN NO, ,KA LING KA DANG AER BA RU, ,TZIR BI MKHREGS GZHON MKHRIS SEL BSIL, ,SMIN BA DE LAS GZHAN DU BYED, ,'BRAS BU RNYING LUNG LAN TSVAR BCAS, ,MKHRIS SKYED BAD KAN RLUNG NAD SEL, ,YI GA 'BYE ZHING DRO YID 'ONG, ,HEN LANGS LTO SBOS SEL ZHING YANG, ,ZHES BYA BA LA, KA LING KA DANG AER BA RU DANG, TZI BI RA NI MKHREGS PA STE, BSHANG BA LA SOGS PA SRI ZHING 'BYUNG BA DKA' BAR BYED PA YIN NO, ,DE BZHIN DU GZHON PA ZHES PA MA SMIN ZHING, RO DANG NUS PA DANG SMIN PA MA RDZOGS SHING DANG PO SKYES PA'I GZHON NU NI MKHRIS PA SEL BA YIN LA, NUS PA NI BSIL BA YIN NO, ,SMIN PA NI DE LAS GZHAN DU BYED BAR SHES PAR BYA STE, MKHRIS PA SKYED PA DANG NUS PA TSA BA YIN NO, ,DES NA GZHON NU LAS GO BZLOG PAR SHES PAR BYA'O, ,'BRAS BU RNYING PA NI 'KHRI SHING LA BRTEN PA'I 'BRAS BU'I LUNG STE, GANG NA KA LING GA'AM, AER BA RU'AM, TZIR BI RA DE GSUM GYI LUNG DENGS SHING RNYINGS PAR GYUR PA SMIN PA LAS KYANG THAL BAR GYUR PA DE NI LAN TSVAR BCAS ZHES BYA BA CUNG ZAD LAN TSVA BRO BA DANG, DE BZHIN DU MKHRIS PA SKYED PA LA SOGS PA'I YON TAN DANG LDAN PA YIN NO, ,HEN LANGS SHING LTO SBOS PA NI NANG NA MDUD PAR 'CHAS PA SNYAM BYED
CING GYEN DU LDANG BA DANG, ZUG GZER DANG BCAS PAS SHING MKHAN GYI THO BA LTA BU SKYES PA SNYAM BYAD PA STE, DE NI HEN LANGS SHING LTO SBOS PA'I NAD GZHI'I SKABS NAS BSHAD PA YIN NO, ,DE YANG GZHUNG GZHAN DAG LAS, THO BA LTA BUR SRAR GYUR CING, ,GYEN DU RGYA CHER LDANG BA DANG, , RLUNG GIS LTO SBOS ZHES BYA STE, ,PHYIR 'BYUNG LAM NI 'GAGS BYED YIN, ,ZHES BSHAD PA YIN NO, ,PAD RTZA RTZA BA AUTPAL RTZA, ,KU MU AUTPAL CHU BA DANG, ,CHUS PA SHA LU KA TA DANG, ,SRING GA DANG GA SHRU KA ,KRON DZA DA NA KA LOD, ,RTZUB CING BSHAD SRI BSIL ZHING LCI, , ZHES BYA BA LA, PADMA'I RTZA LAG GI SDONG PO NAS, KA LO DA'I [?] BAR GYI TSOD MA NI RTZUB PA'I YON TAN DANG LDAN PAS NA RTZUB PA'O, ,BSHANG BA SRI BA NI 'KHRU BA LAS GO BZLOG PA'O, ,DE YANG SMAN DPYAD KYI LUNG LAS, BSHANG BA LA SOGS 'JIG BYED CING, ,GONG PO MED BYED GANG DE 'KHRU; ,DE LAS BZLOG PA BSHANG 'GAGS TE, ,DE NI SRI BA ZHES BYAR BSHAD, ,CES BSHAD PA YIN NO, ,BSIL BA NI NUS PA'O, ,LCI BA NI YON TAN YIN NO, ,PADMA'I RTZA LAG NI PADMA'I RTZA BA PHRA MO'O, ,GZHAN DAG NI PADMA'I RTZA BA'I MYU GU YIN NO ZHES ZER RO, ,PADMA'I RTZA BA DE NYID KYI SBOM PO NI PADMA'I RTZA BA'O, ,SHA LU KA NI PADMA'I RTZA BA NYID DO, ,AUTPAL DANG KU MU DA'I RTZA BA DANG, CHU BA GANG YIN PA NI KUN NAS KHYAB PAR GNAS PA'O, ,KA LO NGA [?] NI AUTPAL THUNG NGU'O, ,KRON DZA DA NA NI KA NANG LA'O, ,DE DAG NI RTZUB BA DANG BSHANG GCI 'GAGS SHING SRI BA DANG, BSIL ZHING LCI BA YIN NO, ,KA LAM PA DANG NA LI KA ,MAR SHE ZHES NI BYA BA DANG, ,KU TI NA DZA RA KU KHA, ,SENG PHROM YUNGS MA LO NI KA ,KA RU DA KA GA PE RU, ,'TSO BYED DANG NI DZUN DZU DANG, ,AE DA GA DZA DAG DANG NI, ,YAB SHA KA LCAM PA DANG, ,AA LU KA SOGS THAMS CAD DANG, ,SRAN LO SHING MNGAR LO MA DAG ,MNGAR ZHENG RTZUB LA LAN TSVA BRO, ,BAD KAN RLUNG SKYED LCI BA DANG, ,BSIL ZHING BSHAD GCI 'BYUNG SLA BYED, ,PHAL CHER ZHU NAS BSHAD GCI MKHREGS, ,TSOS SHING KHU BA LEGS BTZIR LA, ,MAR CHER BTAB BA NYES MI SKYED, ,CES BYA BA LA, KA LAM PA NAS
, ,NAGS MA'I BAR GYI TSOD MA NI RO MNGAR BA DANG, RTZUB PA'I YON TAN DANG LDAN PA DANG, CUNG ZAD LAN TSVA BRO BA DANG, BAD KAN DANG RLUNG SKYED PAR BYED PA DANG, DE BZHIN DU LCI BA LA SOGS PA'I YON TAN DANG LDAN PA DANG, PHAL ZHES PA MANG DU STE, 'DI DAG NI NANG NAS TSOD MA'I KHYAD PAR LA LA NI RANG BZHIN 'DI LTA BU MA YIN NO, ,ZHES SHES BAR BYA BA'I PHYIR SGRA SMOS PA YIN NO, ,YANG KA LAM PA LA SOGS PA'I TSOD MA DE RNAMS KYANG, TSOS SHING ZHES PA LEGS PAR TSOS PAR BYAS BA DANG, DE BZHIN DU KHU BA LEGS PAR BTZIR BA ZHES BYA BA, TSOS PAR BYAS PA'I 'OG TU LAG PAS KHU BA LEGS PAR BTZIR BA GANG YIN PA DE LA DE SKAD CES BYA'O, ,MAR CHER BTAB PA ZHES BYA BA NI SNUM SHAS CHER BTAB BA DANG LDAN PA'O, ,NYES MI SKYED CES BYA BA NI NAD KYI NYES PA RNAMS SHIN TU BSKYED PA MA YIN NO ZHES PA'I DON NO, ,'DI RNAMS KYANG MING GI RNAM GRANGS DANG, YUL YUL GYI SKAD DAG LAS SHES PAR BYA'O, ,'ON KYANG 'DIR CUNG ZAD CIG BSHAD PAR BYA STE, KA LAM BA NI RI LAS SKYES PA, KA LI KA ZHES BYA'O, ,MAR SHE NI GNAD RI ZHES BYA'O, ,KU TI NA DZA RA NI 'BRAS BU LAS TSOD MAR BYAS PA'O, ,SENG PHROM NI SHA BAR PA DA STE RO DA'O, ,LO NI KA NI KHA TZE N'A LO N'A RA ZHES GRAGS PA'O, ,KA RUD [?] KA NI 'BRAS BU PHRA MO STE, SHI TI BAR ZHES BYA'O, ,GA DE DU NI 'BRU'I BYE BRAG GCIG GO, ,'TSO BYED NI DZI BAN TI'O, ,DZUN DZU NI DZI NI 'O, ,AED GA DZA NI PU NA LA'O, ,YA BA KA NI NAS KYI NANG NAS SKYE BA KUN LAN ZHES BYA BA RGYA SNE'U'I KHYAD PAR GYI SNE'U TSOD DO, ,LCAM PA NI GRAGS PAR ZAD DO, ,AA LU KA NI RNAM PA MANG STE, AA LU KA DMAR PO DANG, AA LU KA ZLUM PO DANG, AA LU KA LJANG GU DANG, AA LU KA MNGAR PO'O, ,SRAN LO NI MON SRAN SDE'U LA SOGS PA'I 'BRUR GTOGS PA'I 'DAB MA'O, ,SHING MNGAR GYI LO MA NI LASHMA NA ZHES BYA'O, ,SENG PHROM 'DAB MA ZHES BYA GANG, ,DE NI RGYA SNE'U DANG 'DRAR 'DOD, ,CES BYA BA LA, ,SENG PHROM ZHES BYA BA TZI BA LI LO 'DAB PHRA MO YOD PA'I TSOD MA DE NI YON TAN RGYA SNE'U DANG 'DRA BAR 'DOD DE, RGYA SNE'U
DANG YON TAN GYI CHA 'DRA BA'O, ,TAR KA RI BAR NA MNGAR, ,KHA BCAS RLUNG DANG BAD KAN SEL, ,ZHES BYA BA LA, TAR KA RI ZHES BYA BA NI AAG NI MAN THA'O, ,BAR NA NI TA MA LA STE, DE GNYIS KYI TSOD MA NI MNGAR ZHING ZHIM PA DANG, KHA BCAS ZHES BYA BA CUNG ZAD KHA BRO BA DANG, RLUNG DANG BAD KAN DAG SEL BAR BYED PA YIN NO, ,PU RnA RNAM GNYIS KA LA SHA, ,CUNG ZAD TSVA BRO KHA ZHING TSA, ,DROD SKYED KHONG 'KHRU SBYAR DUG DANG, ,'OR NAD BAD KAN RLUNG NAD 'JOMS, ,ZHES BYA BA LA, PURnA RNAM GNYIS ZHES BYA BA NI, SNGON PO DANG DMAR PO'O, ,KA LA SHA KA NI AUTPA LA'I TSOD MA 'DRA BA STE, DE GSUM CAR YANG CUNG ZAD LAN TSVA BRO BA DANG, RO KHA BA DANG TSA BA YIN ZHING PHO BA'I ME DROD SKYED PA DANG, BSHANG GCI SLA ZHING 'KHRU BAR BYED PA DANG, DE BZHIN DU SBYAR BA'I DUG LA SOGS PA 'JOMS PA YIN NO, ,TZI BI RA YI MYU GU NI, ,DROD SKYED RLUNG DANG BAD SEL 'KHRU, ,ZHES BYA BA LA, TZI BI RA NI KA RANYDZA STE, MING GI RNAM GRANGS SRA KI RGYA ZHES BYA BA'O, ,DE'I MYU GU NI MYU GUR 'THON PA'O, ,DE NI ME'I DROD SKYED CING RLUNG DANG BAD KAN GNYIS SEL LA 'KHRU BAR BYED PA YIN NO, ,NYE'U SHING MYU GU KHA BA STE, ,RO TZA NYES GSUM SEL BA YIN; ,ZHES BYA BA LA, NYE'U SHING ZHES PA SHA TA PA RI'I MYU GU NI KHA BA DANG, RO TZA ZHING KHU BA 'PHEL BA DANG, NYES PA GSUM PO RLUNG DANG MKHRIS PA DANG, BAD KAN SEL ZHING 'JOMS PA YIN NO, ,SMYIG MA'I MYU GU RTZUB PA DANG, ,KHONG TSA RLUNG DANG MKHRIS PA SKYED, ,CES BYA BA LA; SMYIG MA'I MYU GU NI SMYIG MA'I KHYI SOR 'THON PA'I MYU GU STE, DE NI RTZUB PA DANG, KHONG PA TSA BAR BYED PA DANG, RLUNG DANG MKHRIS PA SKYED PAR BYED PA YIN NO, ,PA RU RA NI DROD SKYED KHA, ,MCHER PA GZHANG 'BRUM BAD RLUNG SEL, ,ZHES BYA BA LA, BA RU RA NI NYA MIG LTA BU'I SMAN MANG TSAKshI ZHES BYA BA'O, ,DE NI ME'I DROD SKYED PA DANG RO KHA BA DANG, MCHER PA LA SOGS PA'I NAD SEL BA YIN NO, ,KA SA MAR DA SRIN LUD PA, ,BAD KAN SEL ZHING ZHU BYED 'KHRU, ,ZHES BYA BA LA, KA SA MAR DA NI KA SHU NA DHI ZHES BYA BA STE, DE NI SRIN NAD DANG LUD PA DANG, BAD KAN
, ,SEL BAR BYED CING NAD RNAMS ZHU BAR BYED PA DANG, 'KHRU BAR BYED PA YIN NO, ,LE BRGAN RTZI TSOD RTZUB SKYUR TSA, ,LCI ZHING MKHRIS PA SKYED LA 'KHRU, ,YUNGS KAR TSOD MA LCI ZHING TSA, ,BSHANG DANG LCI 'GAGS NYES KUN SKYED, ,CES BYA BA LA, LE BRGAN RTZI ZHES BYA BA KU SU MA'I TSOD MA NI LCI ZHING TSA BA DANG, BSHANG BA DANG GCI BA GNYIS 'GAGS SHING SRI BAR BYED PA DANG, NYES PA GSUM PO THAMS CAD SKYED PAR BYED PA YIN NO, ,LA PHUG GZHON NU RO MI GSAL, ,CUNG ZAD TSVA BRO KHA DANG BCAS, ,GANG YIN DE NI NYES KUN SEL, ,YANG ZHING CUNG ZAD TSA BA DANG, ,SKRAN DANG LUD GCONG DBUGS MI BDE, ,RMA DANG MIG NAD LKOG NAD SEL, ,SKAD 'GAGS DROD CHUNG RTUG SKAM DANG, ,CHAM PA'I NAD NI 'JOMS PA YIN, ,ZHES BYA BA LA, LA PHUG GANG GZHON ZHING NAR MA SON LA, SKYES NAS RING PO MA LON LA, RO MI GSAL BA STE, MNGAR BA LA SOGS PA'I RO GSAL BAR MA GYUR ZHING, CUNG ZAD LAN TSVA BRO BA DANG, KHA BA DANG BCAS ZHES PA CUNG ZAD RO KHA BAG YOD PA DE'I LA PHUG DE NI NYES KUN SEL ZHES PA, NYES PA GSUM CAR SEL BA DANG, YANG BA DANG CUNG ZAD TSA ZHING DROD SKYED PA DANG, DE BZHIN DU SKRAN LA SOGS PA 'JOMS SHING SEL BA YIN NO, ,NAR SON RO DANG ZHU RJES TSA, ,DROD SKYED BYED CING NYES GSUM SKYED, ,BAD KAN SKYED LCI, ,ZHES BYA BA LA, GANG LA PHUG SBOM ZHING NAR SON LA RGAS PA DE NI RO DANG ZHU BA'I RJES TSA BA YIN PA DANG, ,DE BZHIN DU DROD SKYED PA'I NUS PA YOD PA DANG, NYES PA GSUM CAR SKYED PA DANG, MCHOG TU YANG BAD KAN SKYED CING LCI BA YIN NO, ,BTZOS PA NI, ,SNUM ZHING DE YANG RLUNG SEL YIN, ,ZHES BYA BA LA, LA PHUG CHEN PO NAR SON PA DE MAR DANG SHA LA SOGS PAR BTZOS SHING BRNGOS PA DE NI SNUM ZHING RLUNG SEL BAR BYED PA YIN NO, ,SKAM PO RLUNG DANG BAD KAN SEL, ,ZHES BYA BA NI, LA PHUG DE NAR SON PA DANG, MA SON PA GNYI G-YANG SKAM PAR GYUR PA'I TSOD MA NI RLUNG DANG BAD KAN 'JOMS SHING SEL BA YIN NO, ,RJEN PA THAMS CAD NYES SKYED YIN, ,ZHES BYA BA LA, LA PHUG DE GZHON PA DANG NAR SON
PA DANG, SKAM PO DANG RLON PA YANG RUNG STE, RJEN PA ZHES BYA BA MES BTZOS PAR MA BYAS PA THAMS CAD NI NYES SKYED YIN ZHES BYA BA NYES PA GSUM CHAR SKYED PA YIN NO, ,YUNGS MA TSA ZHING DRO BA DANG, ,BAD KAN RLUNG SEL MKHRIS PA SKYED, ,CES BYA BA NI, YUNGS MA DAG NI RO CUNG ZAD TSA BA DANG, NUS PA DRO BA DANG, BAD KAN DANG RLUNG SEL BA DANG, MKHRIS BA SKYED PA YIN NO, ,SHAN TA MU LA MKHRIS SEL ZHING, ,BSIL ZHING ZHU RJES MNGAR BA DANG, ,RO MNGAR BSKA ZHING KHA BA STE, ,BAD KAN DUG KYANG SEL BAR BSHAD, ,KU THER BYI'U RUG SHI KRU, ,SU MU KHA DANG SKE TSE DANG, ,BU SRIN DANG PHA NI DZA, ,ZIN THIG LE DANG DZAM BI RA, ,DE LA SOGS PA'I LDUM RNAMS NI, ,BSHANG GCI SRA ZHING ME DROD SKYED, ,KHONG PA TSA BYED KHA RTZUB TSA, ,YID 'ONG LUS DRO YIG [?] 'BYE, ,MIG GNOD KHU BA SRIN 'JOMS RNO, ,SKRANG BAR BYED DANG YANG BA YIN, ,CES BYA BA LA, KU THER LA SOGS PA'I LDUM RNGAD RLON PA RNAMS NI, BSHANG GCI SRA ZHING BSGONG BA'I MTSAN NYID CAN, DROD SKYED PAR BYED PA'I NUS PA YOD PA DANG, KHONG BA TSA LAM LAM POR BYED PA LA SOGS PA'I YON TAN DANG LDAN PA DANG, SKRANG BAR BYED CING RANG GI TSAD LAS LHAG PAR SKYED BA DANG YANG BA YIN NO, ,KU THER NI KA SHI RU KA ZHES BYA BA 'DAB MA CHUNG ZHING YOD PA YIN NO, ,SHI KRU NI SO BAN DZA NA'O, ,SU MU KHA NI BAN [?] TI GA [?] TA'O, ,SKE TSE NI AA SU RA'O, ,PHA NI DZA NI MA RI DZA KA'O, ,ZIN THIG LE NI KU THE RA'I DBYE BA AAR DZA KA ZHES BYA BA 'DAB MA PHRA BA ZHIG GO, ,DZAM BI RA NI LO RTZUB CES BYA BA SGYUR RTZI CHEN PO'O, ,SOGS PAS NI GZHAN DAG BSDU'O, ,LDUM NI RJEN RNGAD KYI MING GI RNAM GRANGS SO, ,BYE'U RUG SKYIGS LUD DBUGS MI BDE, ,RTZIB LOGS ZUG DUG KHA MA NAM SEL, ,ZHES BYA BA LA, KU THER LA SOGS PA'I SDE TSAN LAS, ,SU RUS BYE'U RUG PA ZHES BYA BA NI SKYIGS BU LA SOGS PA'I NAD 'JOMS BA DANG, RTZIB LOGS ZUG PA STE, RTZIB LOGS NAS GZER BA LA PHAN PA YIN NO, ,DUG NI SBYAR BA LA SOGS PA'O, ,KHA MNAM PA NI DRI MI ZHIM PA STE, DE YANG KHA ZAS LA SOGS PA DANG 'BREL BA LAS KHA DRI MI ZHIM
, ,PAR GYUR BA STE DE DAG SEL TO, ,SU MU KHA NI RAB TSA MIN, ,SBYAR DUG 'OR NAD SEL BA YIN, ,ZHES BYA BA LA, KU THE RA'I SDE TSAN GYI NANG NAS, SU MU KHA NI RAB TU TSA BA MA YIN TE, DE YANG SBYAR DUG DANG 'OR NAD SKRANG BAG TU GYUR BA SEL BA YIN NO, ,'U SU'I LO MA KHA ZHING MNGAR, ,GCIN MANG MKHRIS PA SKYED MA YIN, ,ZHES BYA BA LA, 'U SU'I LO MA NI AAR DRI KA ZHES BYA STE, DE NI KHA ZHING MNGAR BA YIN PA DANG, GCIN MANG BAR BYED PA YIN ZHING, MKHRIS PA NI SKYED PAR BYED PA MA YIN NO, ,SGOG SKYA RAB TU TSA ZHING RNO, ,ZHU RJES TSA ZHING 'KHRU BA DANG; ,ZHIM ZHING SKRA SKYED LCI RO TSA, ,SNUM ZHING DROD SKYED YIG 'BYE, ,SHA BKRA MDZE SKRAN GZHANG 'BRUM DANG, ,GCIN NAD SRI DANG BAD KAN RLUNG, ,SKYIGS BU CHAM PA DBUGS MI BDE, ,LUD PA SEL TE KHRAG MKHRIS SKYED, ,CES BYA BA LA, SGOG SKYA NI RA SA NA ZHES BYA BA STE, DE NI RAB TU SHAS CHER TSA BA DANG, RNO BA DANG DE BZHIN DU ZHU BA'I RJES KYANG RAB TU TSA BA DANG, 'KHRU BAR BYED PA DANG, ZHIM ZHING YID DU 'ONG BA DANG, SKRA 'BYI BA SKYED PA DANG, LCI ZHING YANG BA MA YIN PA DANG, RO TZA ZHING KHU BA 'PHEL BA DANG, SNUM PA'I YON TAN DANG LDAN PA DANG, DROD SKYED PA NAS LUD PA SEL BA'I BAR GYI YON TAN DANG LDAN PA DANG, KHRAG DANG MKHRIS PA SKYED CING 'PHEL BAR BYED PA YIN NO, ,KUN DONG DE LAS YON TAN DMAN, ,BAD KAN SKYED MKHRIS RAB MI SKYED, ,CES BYA BA LA, KUN DONG ZHES BYA BA NI PA LAN DA ZHES BYA BA'I SGOG PA STE, DE NI DE LAS YON TAN DMAN ZHES BYA BA, SGOG SKYA'I YON TAN LAS CHUNG ZHING DMAN PA YIN NO, ,BAD KAN SKYED BAR BYED CING MKHRIS PA NI HA CANG RAB TU SKYED PAR MI BYED DO, ,KE'U BTZOS DUGS SBYAR ZOS PA YIS, ,BAD KAN RLUNG DANG GZHANG 'BRUM SEL, ,RNO ZHING RTUG PA SRI BA DANG, ,DE NI MKHRIS CAN LA PHAN MIN, ,ZHES BYA BA LA, KE'U GTUBS SHING BTZOS TE DUGS SU SBYAR BA DANG, DE BZHIN DU KHA ZAS SU ZOS PAS NI BAD KAN LA SOGS PA SEL BAR BYED PA DANG, RNO BA DANG RTUG PA SRI ZHING MKHREGS PAR BYED PA DANG, KE'U DE NI MKHRIS PA CAN GYI SKYES BU LA PHAN ZHING BDE BAR MI
BYED DO, ,NAD DE SOS PA'I RGYUR MI 'GYUR BA YIN NO, ,SUR DROD SKYED KHA ZAS LEN, ,BAD SEL DRI MA SBYONG ZHING YANG, ,MCHOG TU GZHANG 'BRUM DAG LA PHAN, ,ZHES BYA BA LA, SU RA NA NI SDONG BU'I RNAM PA SBOM PA ZHIG STE, DE NI ME DROD SKYED PAR BYED PA DANG, KHA ZAS LEN CING YI GA 'BYE BA LA SOGS PA'I YON TAN DANG LDAN PA YIN NO, ,SBANG PHRUM SHIN TU NYES SKYED YIN, ,ZHES BYA BA LA, TSOD MA'I NANG NA SBANG PHRUM NI SHIN TU NGAN CING NYES PA THAMS CAD SKYED PA YIN NO, ,ME TOG 'DAB MA 'BRAS YAL GA ,SDONG BU RIM BZHIN LCI BA YIN, ,ZHES BYA BA LA, ME TOG LA SOGS PA'I TSOD MA DANG, LDUM BU RNAMS NI ME TOG LA SOGS PA'I RIM GYIS 'OG MA LCI BA YIN TE, ME TOG GI TSOD MA LA LTOS NA LO 'DAB KYI TSOD MA LCI BA YIN LA, DE BAS NI 'BRAS BU'I TSOD MA DANG, DE BAS KYANG YAL GA'I TSOD MA LCI BA YIN NO, ,DE BAS KYANG LDUM BU'I TSOD MA SHIN TU LCI BA YIN NO, ,LDUM GYI RNGAD RJEN PAR BZA' BA RNAMS LA YANG, RIM PA 'DI BZHIN SHES PAR BYA'O, ,TSOD MA'I RAB MCHOG 'TSO BYED YIN, ,YUNGS KAR TSOD MA THA CHAD YIN, ,ZHES BYA BA LA, BA TA LA SOGS PA TSOD MA'I SDE TSAN RNAMS KYI NANG NAS; RAB MCHOG NI 'TSO BYED CES BYA BA'I TSOD MA YIN LA, YUNGS KAR GYI LO MA'I TSOD MA NI THA MA STE KUN GYI THA CHAD YIN NO, ,TSOD RNGAD RNAMS KYI SDE TSAN NO,, ,,ZAS KYI NANG NA SHING TOG NI THA MAR BZA' BAR BYA BA YIN PA DANG, DE BZHIN DU BZA' BAR BYA BA LA DGOS PAR GYUR PA YIN PAS, 'DI DAG SMOS PA YIN TE, RGUN 'BRUM 'BRAS BU'I MCHOG YIN TE, ,RO TZA MIG PHAN BSHANG LCI SLA, ,MNGAR ZHING ZHU RJES SNUM PA DANG, ,CUNG ZAD BSKA ZHING BSIL LA LCI, ,RLUNG DANG KHRAG MKHRIS SEL BYED CING, ,KHA NANG KHA BRO CHANG NAD DANG, ,SKOM LUD TSAD RIMS DBUGS MI BDE, ,SKAD 'DZER GLO RDOL GLO GCONG SEL, ,ZHES BYA BA LA, RGUN 'BRUM NI SHING THOG RNAMS KYI NANG NA MCHOG DANG DAM PAR GYUR PA YIN LA, DE NI RO TZA BA DANG, MIG LA PHAN PA LA SOGS PA'I YON TAN DANG LDAN PA YIN TE, TSIG GI DON NI GO SLA'O, ,BAL PO SE'U MNGAR MKHRIS RGYAS
, ,DANG; ,NYES PA GSUM PO SEL BA YIN, ,ZHES BYA BA LA, BAL PO SE'U RO MNGAR BA DE NI MKHRIS PA RGYAS SHING, SHAS CHER 'PHEL BA DANG, RLUNG LA SOGS PA'I NYES PA GSUM CAR LA YANG PHAN PA YIN NO, ,SKYUR BA MKHRIS SKYED MIN CUNG DRO, ,RLUNG DANG BAD KAN 'JOMS PAR BYED, ,CES BYA BA LA, BAL PO SE'U SKYUR BA GANG YIN PA DE NI SKYUR BA NYID KYIS NA, MKHRIS PA SKYED PAR BYED PA YIN MOD KYI, MKHRIS SKYED MIN ZHES BYA BA 'DIS DE BKAG PA YIN NO, ,CUNG DRO ZHES PA NI SHIN TU TSA BA MA YIN GYI CUNG ZAD DRO BA'I DON TO, ,DE YANG RLUNG DANG BAD KAN GNYIS NI 'JOMS PAR BYED PA YIN NO, ,SE'U KUN KYANG YID 'ONG SNUM, ,YANG ZHING BSHANG SRA DROD ZAS LEN, ,ZHES BYA BA LA, SE'U KUN KYANG ZHES PA MNGAR PO DANG, SKYUR PO DANG, MNGAR SKYUR 'DREN MA THAMS CAD KYANG YID DU 'ONG ZHING, DGA' BAR BYED PA DANG; SNUM PA DANG, YANG BA'I YON TAN DANG LDAN PA DANG, BSHANG BA SRA ZHING MKHREGS PA DANG, PHO BA'I ME DROD SKYED PA DANG, 'BRAS CHAN LA SOGS PA'I ZAS LEN CING YI GA 'BYED PA YIN NO, ,MO TZA 'BRA GO PA NAS, ,RGYA STAR PA RU SHA KA DANG, ,AA MRA TA LA KASMA 'BRAS, , RA DZA DA NA MA DU'I 'BRAS, ,RGYA SHUG SO BI RA AANG KOL, ,PHAL GU SLES MA TA'I 'BRAS BU, ,TA MAL BI SHU STAR GA'I 'BRAS, ,MYU GU LA DANG RGYA KHAM DANG, ,AA RU MA NA PI YAL 'BRAS, ,BRTAS BYED LCI ZHING BSIL BA YIN, ,LUS TSA GLO RDOL GLO GCONG SEL, ,KHRAG DANG MKHRIS PA SNYOMS PAR BYED, ,ZHU RJES MNGAR ZHING SNUM PA DANG, ,BSHANG SRI BAD KAN KHU BA 'PHEL, ,ZHES BYA BA LA, SHING TOG MO TZA NAS, PI LA YA'I BAR GYI 'BRAS BU RNAMS NI BRTAS PAR BYED PA STE, SHA RGYAS PAR BYED PA DANG, DE BZHIN DU LCI BA DANG, BSIL BA'I YON TAN DANG LDAN PA YIN ZHING, LUS TSA BA DANG GLO RDOL BA DANG, GCONG SEL BA YIN NO, ,DE LA GLO RDOL BA NI BRANG GI PHYOGS NAS KHRAG 'BYUNG ZHING RDOL BA'O, ,GLO GCONG NI LUS ZUNGS ZAD PA STE, SKEM NAD DANG, GCONG CHEN PO ZHES MING GI RNAM PAR GRAGS PA'O, ,DE YANG
SMAN DPYAD KYI LUNG LAS, GLO GCONG ZAD BYED SKEM NAD DANG, ,NAD KYI RGYAL PO ZHES KYANG BYA, ,ZHES BYA BA BSHAD PA YIN NO, ,GZHAN DAG NI GO BAR ZAD DO, ,SHING THOG LA SOGS MO TZA NI CHU SHING GI 'BRAS BU'O, ,RA DZA DA NA NI BAR NA BRI YA ZHES BYA'O, ,TA LA'I 'BRAS BU MKHRIS SKYED 'KHRU; ,ZHES BYA BA NI, MO TZA LA SOGS PA'I SHING THOG RNAMS KYI NANG NAS, TA LA'I 'BRAS BU NI MKHRIS PA SKYED CING 'PHEL BAR BYED PA DANG KHONG 'KHRU BA YIN NO, ,KASHMA RGYA 'BRAS BSIL BA DANG, ,BSHANG GCI 'GAGS PA SEL BYED CING, ,SKRA SKYED YID GZHUNGS BCUD LEN 'GYUR, , ZHES BYA BA LA, SHING KASHMA RGYA'I 'BRAS BU NI BSIL BA'I NUS PA DANG LDAN PA NAS, BCUD LEN GYI BYA BA BYED PAR 'GYUR BA'I BAR GYI YON TAN DANG LDAN PAR 'GYUR BA YIN NO, ,PA TA MA SOGS DRO BA DANG, ,BAD KAN MKHRIS PA SKYED BYED 'KHRU, ,SNUM ZHING MCHOG TU RLUNG SKYED BYED, ,CES BYA BA LA, PA TA MA LA SOGS PA NAS, PI LA YA'I BAR GYI SHING THOG NI DRO BA'I NUS PA DANG LDAN PA DANG, DE BZHIN DU BAD KAN DANG MKHRIS PA SKYED CING, KHONG 'KHRU LA SNUM PA DANG, MCHOG TU SHAS CHER RLUNG 'PHEL BAR BYED PA YIN NO, ,PI LA YA'I 'BRAS TSA BA MIN, ,ZHES BYA BA LA, PI LA YA'I 'BRAS BU'I SHING THOG NI TSA BA MIN ZHES BYA BA STE, BSIL BA'I NUS PA CAN YIN NO ZHES BYA BA'I DON TO, ,PI LA YA YI TSI GU MNGAR, ,RO TZA MKHRIS PA RLUNG NAD SEL, ,ZHES BYA BA LA, PI LA YA'I 'BRAS BU'I NANG GI TSI GU NI RO MNGAR BA LA SOGS PA'I YON TAN DANG LDAN PA'O; ,RGYA SHUG TSI GU'I YON TAN NI, ,DE 'DRA SKOM SLON LUD PA SEL, ,ZHES BYA BA NI, RGYA SHUG NANG GI TSI GU'I YON TAN NI, PI LA YA'I 'BRAS BU'I YON TAN DANG LDAN PA LAS, DE LAS LHAG PA'I YON TAN SKOM NAD DANG, SLON BRO BA DANG, LUD PA SEL BAR BYED PA YIN NO, , BIL 'BRAS SMIN PA 'JU DKA' ZHING, ,NYES SKYED 'PHYEN NI DRI NGA BYED, ,CES BYA BA LA, BIL BA'I 'BRAS BU SMIN PAR GYUR PA NI 'JU DKA' BA STE, YONGS SU 'DU ZHING SMIN PAR DKA' BA STE, NYES PA GSUM SKYED PA DANG, 'PHYEN GYI DRI NGA ZHING MNAM PAR BYED PA YIN NO, ,MA SMIN
, ,DROD SKYED BAD RLUNG SEL, ,ZHES BYA BA LA, BIL BA'I 'BRAS BU DE MA SMIN PA, MING GI RNAM PAR BIL BA'I GA GON ZHES GRAGS PA SMIN PAR GYUR PA GANG YIN PA DE NI ME'I DROD SKYED PA DANG, DE BZHIN DU BAD KAN DANG RLUNG SEL BA YIN NO, ,DE DAG GNYI GA 'KHRU BA GCOD, ,CES BYA BA LA, BIL BA'I 'BRAS BU SMIN PA DANG, MA SMIN PA DE GNYI GA YANG 'KHRU BA GCOD PA STE, BSHANG BA SDUD PA'I MTSAN NYID CAN YIN NO, ,MA SMIN KA PID MGUL NAD DANG, ,NYES PA KUN SKYED, CES BYA BA LA, KA PI TA MA SMIN PA NI, MGUL NAD SKYED CING SKAD GSANG NYAMS PAR BYED PA DANG, NYES PA KUN SKYED CES BYA BA, NAD GZHI GSUM CAR SKYED PAR BYED PA YIN NO, ,SMIN PA NI, ,NYES 'JOMS SKYIGS BU SLON BRO SEL, ,ZHES BYA BA LA, KA PI TA SMIN PA NI NYES 'JOMS ZHES PA NYES PA GSUM CAR SEL BA DANG, DE BZHIN DU SKYIGS BU DANG, SLON BRO BA'I NAD SEL BA YIN NO, ,KUN KYANG 'KHRU GCOD DUG 'JOMS YIN, ,ZHES BYA BA LA, KA PI TA SMIN PA DANG, MA SMIN PA THAMS CAD 'KHRU BA GCOD PA'I MCHOG TU GYUR PA DANG, DUG 'JOMS SHING SEL BAR BYED PA YIN NO, ,'DZAM BU'I SHING TOG BSHANG GCI SRI, ,BSIL ZHING SHIN TU RLUNG SKYED YIN, ,BSHANG DANG GCI BA GCOD BYED CING, ,LKOG MA LA GNOD BAD MKHRIS SEL, ,ZHES BYA BA LA, SHING 'DZAM BU'I SHING TOG NI BSHANG GCI SRI ZHING, RGYUN 'GOG PAR BYED PA DANG, LCI BA LA SOGS PA'I YON TAN DANG LDAN PA DANG, BAD KAN DANG MKHRIS PA SEL BA'I BAR GYI MTSAN NYID DANG LDAN PA YIN NO, ,AA MRA'I 'BRAS BU MA SMIN RLUNG, ,KHRAG MKHRIS SKYED BYED RUS CHAGS PA, ,BAD KAN MKHRIS SKYED MIN RLUNG SKYED, ,LCI MNGAR BAD KAN KHU BA 'PHEL, ,ZHES BYA BA LA, AA MRA'I SHING TOG MA SMIN PA GZHON NU NI RLUNG DANG MKHRIS PA DANG BAD KAN DAG SKYED PAR BYED PA STE, RLUNG LAS GYUR PA'I KHRAG DANG MKHRIS PA LAS GYUR PA'I KHRAG SKYED PAR BYED DO ZHES BYA BA'I DON NO, ,RUS PA CHAGS PA NI TSI GU'I RUS BA SKYES PA STE, RUS PA CHAGS PA'I AA MRA DE NI BAD KAN DANG MKHRIS PA SKYED PA YIN
NO; ,AA MRA'I 'BRAS BU DE SMIN ZHING NAR SON PA NI RLUNG SEL BA DANG LCI BA DANG, RO MNGAR BA DANG, BAD KAN DANG KHU BA 'PHEL BAR BYED PA YIN NO, ,BRiKshA AAMLA RTZUB BSHANG SRI, ,LCI TSA BAD KAN RLUNG DAG 'JOMS, ,ZHES BYA BA LA, BRiKshA AAMLA NI, TIN TI LI KAM STE, DE NI RTZUB PA DANG, BSHAD BA SRI ZHING BSGONG BA DANG, LCI BA DANG, NUS PA TSA BA DANG, BAD KAN DANG RLUNG DAG 'JOMS SHING SEL BAR BYED PA YIN NO, ,SHA MYA TSA LCI SKRA GNOD RTZUB, ,CES BYA BA LA, SHING SHA MYA'I 'BRAS BU NI NUS PA TSA BA DANG, RANG BZHIN LCI BA DANG, SKRA LA GNOD CING 'BYI BAR BYED PA DANG, RTZUB PAR GYUR PA YIN NO, ,PI LU'I 'BRAS BU MKHRIS PA SKYED, ,BAD KAN RLUNG NAD SEL ZHING 'KHRU, ,MTSER BA GZHANG 'BRUM SKRAN SRIN SEL, ,ZHES BYA BA LA, SHING PI LU'I 'BRAS BU NI MKHRIS PA SKYED PAR BYED PA DANG, BAD KAN LA SOGS PA SEL BA'I MTSAN NYID LNGA DANG LDAN PA YIN NO, ,PI LU MNGAR ZHING KHA BA GANG, ,SHIN TU TSA MIN NYES GSUM 'JOMS, ,ZHES BYA BA LA, PI LU'I 'BRAS BU GANG MNGAR BA DANG, CUNG ZAD KHA BA DE NI SHIN TU TSA MIN ZHES PA STE, CUNG ZAD TZAM DRO ZHING TSA BA'I NUS PA DANG LDAN PA ZHES BYA BA'I DON TE, DE NI RLUNG LA SOGS PA'I NYES PA GSUM 'JOMS SHING SEL BA YIN NO, ,BA LU SHUN KHA TSA ZHING SNUM, ,RLUNG NAD SEL BAR BYED PA YIN, ,ZHES BYA BA LA, BA LU NI MA DU LUNG GA ZHES BYA BA STE, MING GI RNAM GRANGS BI DZA BU RA ZHES BYA'O, ,DE'I SHUN PA ZHES BYA BA NI STENG GI SHUN LPAGS KYI RO NI KHA ZHING TSA BA YIN PA DANG, DE BZHIN DU SNUM ZHING RLUNG NAD SEL BAR BYED PA YIN NO, ,BA LUNG 'BRAS SHAS BRTAS BYED MNGAR, ,RLUNG DANG MKHRIS PA SEL ZHING LCI, ,ZHES BYA BA LA, BA LUNG DE'I 'BRAS BU'I SHA ZHES PA, 'BRAS BU'I PAGS PA'I NANG RIM PAGS PA DANG 'BREL TE NYE BAR GNAS PA DE NI BRTAS PAR BYED PA STE, LUS NYAMS BRTAS SHING RGYAS PAR BYED PA DANG, RO MNGAR BA YIN TE, DE NI RLUNG DANG MKHRIS PA SEL BA DANG LCI BA YIN NO, ,DE YI RKANG YANG SKYIGS LUD PA, ,DBUGS MI BDE DANG CHANG NAD SEL, ,KHA SKAM RLUNG
, ,DANG BAD KAN DANG, ,RTUG SRA SKYUGS BRO YI GA 'CHUS, ,SKRAN DANG GZHANG 'BRUM GZER NAD DANG, ,ME DROD CHUNG BA NYID SEL TO, ,ZHES BYA BA LA, BA LUNG DE'I RKANG STE, NANG NA GNAS PA'I SNYING PO SKYUR BA GANG YIN PA DE NI YANG BA YIN LA, DES KYANG SKYIGS BU LA SOGS PA'I NANG NAS DROD CHUNG BA'I BAR SEL ZHING 'JOMS PA YIN NO, ,NA RANG GA 'BRAS MNGAR CUNG SKYUR, ,YI GAR 'ONG ZHING KHA ZAS LEN, ,LCI ZHING RLUNG NI RAB SKYED PA'I, ,YON TAN LDAN PAR SHES PAR BYA, ,ZHES BYA BA NI, SKYUR RTZI CHUNG NGU'I 'BRAS BU NI RO MNGAR ZHING CUNG ZAD SKYUR BA YIN NO, ,DE NI YI GAR 'ONG BA LA SOGS PA'I YON TAN DANG LDAN PAR SHES PAR BYA'O, ,BSE SHING 'BRAS BU'I SHUN PA SHA ,KHONG BRTAS BYED CING MNGAR LA BSIL, ,ZHES BYA BA LA, BSE SHING GI 'BRAS BU BA LA TA KA ZHES BYA BA STE, MING GI RNAM GRANGS AA RU KAR ZHES BYA BA DE NI SHUN PA DANG, NANG GI SHA NI KHONG BRTAS SHING LUS RGYAS PAR BYED PA DANG, RO MNGAR ZHING ZHIM PA DANG, BSIL BA'I YON TAN DANG LDAN PA YIN NO, ,DE'I RUS ME MNYAM YID GZHUNGS BYED, ,BAD KAN RLUNG NI SEL BA'I MCHOG ,CES BYA BA LA, BSE SHING GI 'BRAS BU DE'I RUS PA STE, TSI GU NI RNO BAS ME DANG MNYAM PA DANG, PHYI ROL DU BSKUS NA CHU BUR 'BYUNG BAR BYED PAS NA, ME DANG MNYAM PA ZHES BYA BA YIN LA, DE BZHIN DU NANG DU BTANG BA'I SMAN DANG SBYAR BA LAS KYANG, MYUR DU ZAS 'JU BAR BYED CING DROD MCHOG TU SKYED PAR BYED PAS TZI TRA KA DANG MTSUNGS PA YIN TE ME DANG MNYAM ZHES BYA'O, ,LA LA NI RNO BA DANG TSA BA DANG ME LTAR CHU BUR 'BYIN PAR BYED PAS ME DANG MNYAM PA YIN PAR 'DOD DO, ,GZHAN DAG NI ME DANG MNYAM PA ZHES BYA BA, TZI TRA KA DANG MNYAM PAR YON TAN DANG NYES PA SKYED PAR BYED PAS TZI TRA KA DANG MTSUNGS PA YIN NO, ,ZHES ZER MOD KYI, DE NI RIGS PA MA YIN TE, TZI TRA KA'I STOBS ME DANG MNYAM, ,ZHES BYA BA'I SKABS SU TSUL JI LTAR BSHAD PAR BYA STE, 'DIR NI ME NYID DANG MNYAM PAR DPER SBYAR BAR RIGS KYI, BSE SHING GI RUS PA DANG MI SBYAR RO, ,YID GZHUNGS BYED CES BYA BA NI, BLO RNO BA LA PHAN PA STE SHES
RAB THOB PAR BYED PA'O, ,DE BZHIN DU BAD KAN RLUNG NI SEL ZHES BYA BA STE, BAD KAN DANG RLUNG SEL ZHING 'JOMS PAR BYED LA, DE YANG MCHOG TU ZHES SHIN TU SEL BAR BYED PA'O, ,KU SHU RNAM GNYIS LCI BA STE, ,MNGAR SKYUR BSIL DANG TSA BA YIN, ,YIG 'BYE ZHING ME RAB 'BRI, ,ZHES BYA BA LA, KU SHU NI CO'U STE, DE YANG RNAM PA GNYIS ZHES BYA BA MNGAR BA DANG SKYUR BA RNAM PA GNYIS YOD DO, ,DE GNYI GA YANG LCI BA YIN LA, DE GNYIS LAS GO RIMS BZHIN DU MNGAR BA NI BSIL BA YIN LA, SKYUR BA NI TSA BA'I NUS PA DANG LDAN PA YIN NO, ,DE BZHIN DU YI GA 'BYE BAR BYED CING ME'I DROD RAB TU 'BRI BAR BYED PA YIN NO, ,KHAM SHA YIG 'BYED CING MNGAR, ,SMIN PA MYUR DU 'JU BAR 'GYUR, ,SHIN TU TSA MIN LCI NYES SKYED, ,CES BYA BA LA, KHAM SHA'I DBYE BA NI RNAM PA BZHI STE, DE YANG SMAN DPYAD KYI LUNG LAS, KHAM SHA DANG NI KHAM RGOD DANG, , TZI LI SOGS DANG RGYA KHAM STE, ,DE NI RIGS KYI KHYAD PAR GYIS, ,KHAM BU RNAM PA BZHIR SHES BYA, ,ZHES BSHAD PA YIN NO, ,DE BZHI CHAR YANG YI GA 'BYED CING ZAS LEN PAR BYED PA DANG, RO MNGAR BA DANG, SHIN TU SMIN CING TSOS NAS NI MYUR DU 'JU BAR 'GYUR BA YIN NO, , SHIN TU TSA MIN ZHES BYA BA NI, CUNG ZAD TZAM NUS PA TSA BA DANG, DE BZHIN DU SHIN TU LCI BA DANG, SHIN TU NYES PA SKYED PA YIN TE, CUNG ZAD LCI BA DANG, CUNG ZAD NYES PA SKYED PA'O, ,RGUN 'BRUM PA RU SHA KA DANG, ,KAR MAR DANG BTZOS RLON SKYUR, ,MKHRIS PA BAD KAN SKYED CING 'KHRU, ,LCI ZHING NUS TSA RLUNG 'JOMS SO, ,ZHES BYA BA LA, RGUN 'BRUM DANG, PA RU SHA KA DANG, KA RA MAR DANG BTZOS PA RLON PA STE, SKAM PO MA YIN PA DANG, MA SMIN CING SKYUR BAR 'GYUR BA NI MKHRIS PA DANG BAD KAN 'PHEL ZHING SKYED PAR BYED PA DANG, KHONG 'KHRU BA DANG LCI BA DANG, RLUNG 'JOMS SHING SEL BA DANG, NUS PA'I STOBS TSA BA YIN NO, ,RGYA SHUG SKYUR THUNG LI GU TSE, ,AA MRA KA TA DE BZHIN NO, ,ZHES BYA BA LA, SNGAR BSHAD PA BZHIN DU RGYA SHUG NI KHAM BU'I 'BRAS BU DAG DANG CHA 'DRA BA YIN TE, RGYA SHUG SKYUR PO NI
, ,AAMLA GO LA'O, ,RGYA SHUG THUNG NGU NI KAR KAN DU'O, ,DE BZHIN NO ZHES BYA BA NI 'BRAS BU DE DAG RLON ZHING SKYUR BAR GYUR PAS NI SNGA MA DANG 'DRA BAR MKHRIS PA DANG BAD KAN SKYED CING 'KHRU BA DANG, LCI ZHING NUS PA TSA LA RLUNG 'JOMS PA YIN NO, ,AE RA BA TI TU DA DANG, , MRI GA LIN DA DZAM BIR BCAS, ,SMIN DANG KA RA YAR TA SKAM, ,MKHRIS PA SHIN TU SKYED BYED MIN, ,ZHES BYA BA LA, AE RA BA TI DANG, TUD DANG, MRI GA LIN DA DANG, DZAM BI RA SMIN PA DAG NI MKHRIS PA SHIN TU SKYED PA MA YIN LA, DE BZHIN DU KAR YAR SKAM PO YANG MKHRIS PA SHIN TU SKYED PAR BYED PA MA YIN TE, MKHRIS PA CUNG ZAD SKYED PAR BYED DO ZHES DON GYIS STON PA YIN NO, ,AE RA BA TI NI BA RANG GA'O, ,DZAM BI RA NI DAN DA SHA THA'O, ,AAMLI KA DANG RGYA SHUG SKYUR, ,SKAM PO DROD SKYED 'KHRU BA DANG, ,SKOM DAD LA DANG RMYA BA SEL, ,YANG ZHING RLUNG DANG BAD KAN 'JOMS, ,ZHES BYA BA LA, AAMLI KA NI TZU KRI KA'O, ,RGYA SHUG SKYUR PO NI KO LI KA'O, ,'BRAS BU DE GNYIS BSKAMS PAR GYUR PA NI ME'I DROD SKYED PA DANG, BSHAD GCI SLA ZHING 'KHRU BA DANG, SKOM DAD DANG NGAL BA DANG RMYA BA SEL BA DANG, DE BZHIN DU YANG BA DANG, RLUNG DANG BAD KAN DAG KYANG 'JOMS SHING SEL BA YIN NO, ,DE LAS 'BRAS BU KUN THA CHAD, ,LI GU TZE STE NAD KUN SLONG, ,ZHES BYA BA LA, 'BRAS BU'I SDE TSAN RNAMS LA 'BRAS BU DE RNAMS GYI THA CHAD CES PA, THA MA NI LI GU TZE ZHES BYA BA YIN TE, DES NI NAD KUN SLONG ZHES PA NYES PA GSUM PO MTHA' DAG SKYED PAR BYED PA YIN NO, ,KHA BA ME DANG RLUNG GNOD NYEN, ,SBRUL GYI KHA CHU SOGS PAS PHOG ,SRIN BUS ZOS DANG CHU NANG LHUNG, ,SA NGAN DUS MIN SKYES PA DANG, ,'BRU GZHAN 'DRES SHING MTHU NYAMS DANG, ,SHIN TU RNYING GYUR 'BRU SPANG BYA, ,ZHES BYA BA LA, 'BRU KHA BA LA SOGS PAS NYEN CING NYAMS PA RNAMS SPANG BAR BYA STE, GNOD PAS NYEN PA'I SGRA NI KUN LA SBYAR BAR BYA STE, DES NA KHA BA'I GNOD PAS NYEN PA DANG, DE BZHIN DU MAS TSIG PA'I GNOD PAS NYEN PA'AM, THAN PAS KHYER BA DANG, RLUNG GIS GNOD PA STE, 'BRU LA
GNOD PA RLUNG RTZUB MOS NYEN PA DANG, DE BZHIN DU SBRUL LA SOGS PA'I KHA CHUS PHOG PA LA SOGS PA'I SGRAS NI RO BSREGS PA'I DRIS PHOG PA DANG, BSHANG BA DANG GCI BAS PHOG PA BSDU'O, ,SRIN BUS ZOS PA NI 'BU SRIN RNAMS KYIS ZOS BA'O, ,CHU NANG LHUNG BA STE, CHU'I NANG DU NUB PA DANG, SA NGAN PA STE, MI MTHUN PA'I SAR SKYES PA STE, DE YANG 'BRU GANG DANG GANG DU SKYE BAR 'OS PA'I SA DE MA YIN PA GZHAN DAG TU SKYES PA NI MI MTHUN PAR SKYES BA'O, ,DUS MA YIN BAR SKYES BA NI SMIN PA'I DUS SU MA PHYIN PA STE, 'BRU GANG DUS GANG SKYES PAR GRAGS PA DE LAS GZHAN PA'I DUS DAG TU SKYES PA ZHES BYA BA'I DON TE, DE'I MTSAN NYID NI RO LA SOGS PA YONGS SU MA RDZOGS PAS GNOD PA YIN NO, ,'BRU GZHAN LDAN ZHING ZHES BYA BA NI RIGS MI MTHUN PA GZHAN DAG DANG 'DRES BAR GYUR PA STE, DPER NA 'BRAS RAKTA SHA LI RTZA SNAR NI 'BRAS YA BA KA ZHES BYA BA NAS 'DRA DANG 'DRES NA GNOD PA YIN NO, ,DE BZHIN DU MON SRAN SDE'U MUNGGA NI MON SRAN GRE'U MA SHA DANG MI MTHUN PA YIN NO, ,DE BZHIN DU GRA MA CAN YANG GRAM CAN GYI RIS MI MTHUN PA DANG 'DRES PA DANG, GONG BU CAN YANG GONG BU CAN GYI RIS MI MTHUN PA DANG 'DRES PA SPANG BAR BYA'O, ,LA LA DAG NI 'BRU GRA MA CAN NI 'BRU GANG BU CAN DANG MI MTHUN PA YIN NO ZHES ZER RO, ,DE BZHIN DU GZHAN DAG NI SAR BA DANG RNYING PA 'DRES PA DAG NI 'BRU GZHAN 'DRES PA YIN NO ZHES ZER RO, ,DE BZHIN DU MTHU NYAMS SHING SHIN TU RNYING PA STE, LO MANG POR LON PA NYID KYIS SHIN TU RNYING PAR GYUR PAS MTHU NYAMS SHING NUS PA ZAD PA'I 'BRU SPANG BAR BYA'O, ,DE YANG RGYUD GZHAN DAG LAS, LO GCIG LON NA 'BRU THAMS CAD, ,LCI BA NYID NI SPONG GYUR GYI, ,DE YI NUS PA 'DOR MA YIN, ,DE NAS RIM GYIS 'DOR BAR 'GYUR, ,ZHES BSHAD PA YIN NO, ,DES NA MTHU NYAMS SHING SHIN TU RNYING PAR GYUR PA'I 'BRU YIN NO, ,TSOD MA'ANG DE BZHIN RTZUB PAR NI, ,G-YOS BA DAG DANG MI SNYI DANG, ,RO NI SMIN PAR MA GYUR DANG, ,LA PHUG MA GTOGS SKAM PO DANG, ,ZHES BYA BA LA, TSOD MA'ANG DE BZHIN ZHES PA KHA BA LA SOGS PAS NYEN PA SPANG BAR BYA'O, ,
, ,DE BZHIN DU RTZUB POS BTZOS PA STE, RTZUB PA NYID DU BTZOS PA NI RTZUB POR G-YOS PA'AM, YANG NA RTZUB PO STE DAR BA DANG ZHO GA CHU DANG SKYUR PO LA SOGS PA DANG, G-YOS PA NI RTZUB POR G-YOS PA'O, ,MI SNYI BA NI SRA BA STE, RANG BZHIN GYIS SRA BA'AM, G-YOS SU BYAS PAS SRA BA'O, ,DE BZHIN DU RO SMIN PAR GYUR PA STE, RO'I RANG BZHIN YONGS SU RDZOGS PAR MA GYUR PA'O, ,DE BZHIN DU LA PHUG MA GTOGS PA SKAM PO SPANG BAR BYA'O, ,GANG GI PHYIR LA PHUG SKAM PO BZA' BAR BYA BA SNGAR BSHAD PA'I PHYIR RO, ,'BRAS BU'ANG PHAL CHER DE BZHIN TE; ,BIL BA MA GTOGS RLON PA SPANG, ,ZHES BYA BA LA, 'BRAS BU SHING THOG KYANG PHAL CHER MANG DU DE BZHIN TE, JI LTAR 'BRU KHA BA LA SOGS PAS NYEN CING SNAD PA DANG, 'BUS ZOS PA DANG, CHUR LHUNG BA DANG, SA NGAN PA LAS SKYES PA DANG, DUS MA YIN PAR SKYES PA DANG; RO MA SMIN PA DANG, SKAM PO SPANG BAR BYA BA YIN NO, ,PHAL CHER ZHES SMOS PAS NI 'BRU GZHAN DANG 'DRES PA DANG RTZUB MOR G-YOS PA LA SOGS PA DANG, 'DIR MI SBYAR BA DANG, RGUN 'BRUM LA SOGS PAS NI SKAM PO YANG SBYOR BA DAG LA DGOS SHING SKYON MED PAR SNANG BAS, DE DAG MA GTOGS PAR SHES PAR BYA BA'I PHYIR PHAL CHER SMOS PA YIN NO, ,DE BZHIN DU SHING TOG THAMS CAD KYANG RLON PA STE, SMIN PAR MA GYUR PA SPANG BAR BYA'O, ,DE LA BIL BA NI MA GTOGS TE, DE'I MA SMIN PA'I SBYOR BA'I YON TAN CHEN PO DAG DRANG SRONG GIS BSHAD PA YIN NO; ,'DIR GZHAN DAG THAMS CAD NI CI RIGS PAR SNGA MA BZHIN DU SBYAR BAR BYA'O, ,ZAS KYI TSUL SHES PAR BYA BA 'DIR 'BRU DANG SHA DANG TSOD MA DANG SHING TOG 'BRAS BUR GRAGS PA DANG, MA GRAGS PA RNAMS KYI MING MA SMRAS PA DE DAG NI YUL MANG PO MTHONG ZHING THA SNYAD LA MKHAS PA RNAMS LAS SHES PAR BYA'O, ,'BRAS BU'I SDE TSAN NO,, ,,DA NI LAN TSVA LA SOGS PA DAG ZAS KYI G-YOS LA DGOS PA DANG, SMAN DANG ZAS KYI SBYOR BA LA SOGS PA GANG YIN PA DE BRJOD PAR BYA STE, LAN TSVA KUN KYANG BAD KAN SKYED, ,PHRA ZHING BSHANG GCI 'BYIN LA
'JAM; ,RLUNG 'JOMS 'JU BYED TSA ZHING RNO, ,YI GA 'BYED CING BAD MKHRIS SKYED, ,CES BYA BA LA, LAN TSVA THAMS CAD NI SPYIR BAD KAN SKYED CING RTZA SBUBS KYI RGYUN LAS CHU RNAMS 'DZAG PAR BYED PA YIN PAS, KUN KYANG BAD KAN SKYED PA YIN NO, ,DE SMAN DPYAD KYI RGYUD LAS, RANG GI NUS PA SNYING GAR NI, ,SONG STE RNAM PAR SDUD BYED CING, ,RNO BAS RNAM PAR GCOD BYED LA, X ,TSA BAS MYUR DU 'DZAG PAR BYED PA YIN PAS, KUN KYANG BAD KAN SKYED PA YIN NO, ,DE SMAN GYI RGYUD LAS ZHES BSHAD PA YIN NO, ,PHRA BA NI RTZA SBUBS PHRA MO LA ZHUGS PAR BYED PA YIN PA'I PHYIR RO, ,BSHANG GCI 'BYIN PA NI DRI MA SEL ZHING 'KHRU BAR BYED PA'O, ,'JAM PA NI RANG BZHIN MNYEN PA'O, ,RLUNG 'JOMS PA NI RLUNG NAD SEL BA'O, ,'JU BAR BYED PA NI ZAS LA SOGS PA SMIN PAR BYED PA'O, ,TSA BA NI TSA BA'I NUS PA DANG LDAN PA'O, ,RNO BA NI LUS ZUNGS 'BIGS PA'O; ,YIG 'BYE BA NI ZAS LEN PA'O, ,BAD KAN DANG MKHRIS PA SKYED PA NI DE GNYIS 'PHEL BAR BYED PA'O, ,DE LA LCE MYANG TSA MNGAR BCAS, ,RO TZA YID 'ONG NYES GSUM SEL, ,YANG ZHING TSA LA MIG LA PHAN, ,TSA BA MI SKYED ME DROD SKYED, ,CES BYA BA LA, DE LA ZHES BYA BA NI NGES PAR GZUNG BA STE, LAN TSVA DE THAMS CAD KYI NANG NAS, LAN TSVA LCE MYANG TSA NI YANG BA STE, CUNG ZAD MNGAR BA DANG, RO TZA ZHING SA BON 'PHEL BAR BYED PA DANG, YID DU 'ONG ZHING SNYING DGA' BAR BYED PA DANG, RLUNG LA SOGS PA GSUM SEL BAR BYED PA LA SOGS PA'I YON TAN DANG LDAN PA YIN NO, ,RTZAL RU TSA YANG YID 'ONG ZHING, ,SGREGS PA SBYONG ZHING DRI ZHIM LA, ,ZHU RJES TSA ZHING BSHANG SRI SEL, ,DROD SKYED YI GA 'BYED BYED YIN, ,ZHES BYA BA LA, RTZAL RU TSA NI SE'U BAR TZA LA STE, MING GI RNAM GRANGS GZHAN YANG RU TZA KA ZHES BYA'O, ,DE NI YANG ZHING YID DU 'ONG BA DANG, SGREGS PA'I DRI MI ZHIM PA SBYONG BA LA SOGS PA'I YON TAN DANG LDAN PA YIN NO, ,KHA RU TSA NI STOD BAD KAN, ,SMAD KYI RLUNG 'BYIN DROD SKYED LA, ,BSHANG 'GAGS LTO SBOS RTUG SKAM DANG, ,GZER ZUG LUS LCI SEL BA YIN, ,ZHES BYA BA LA, KHA RU TSA
, ,'DI NI BI DA LO NU STE, KHA RU TSA BCOS MA YIN PAR SHES PAR BYA'O, ,DE NI STOD KYI BAD KAN 'DREN PAR BYED PA DANG, SMAD KYI RLUNG 'BYIN PAR BYED PA YIN NO, ,LUGS SU 'BYUNG BAR BYED PA YIN ZHING DROD SKYED PA LA SOGS PA'I YON TAN DANG LDAN PA YIN NO, ,RGYA MTSO'I LAN TSVA ZHU RJES MNGAR, ,LCI ZHING BAD KAN RNAMS 'PHEL BYED, ,CES BYA BA LA, RGYA MTSO'I LAN TSVA NI ZHU BA'I RJES MNGAR BA DANG, LCI ZHING KHYAD PAR DU BAD KAN 'PHEL BAR BYED PA YIN NO, ,BKOD MA'I LAN TSVA CUNG ZAD KHA, ,TSA DANG BA TSA RNO BYED GSHER, ,ZHES BYA BA LA, BKOD MA'I LAN TSVA NI SA LAS SKYES PA'I LAN TSVA STE, DE NI CUNG ZAD TSA BA NI, CUNG ZAD BA TSA'I ZHAD BRO BA DANG, RNO BA'I YON TAN DANG LDAN PA DANG, SLA ZHING GSHER BAR BYED LA BAD KAN DANG MKHRIS PA LA SOGS PA GNAS NAS SGUL BAR BYED PAS NA GSHER BAR BYED PA YIN NO, ,KHA RU TSA NAG YON TAN DRI, ,MA GTOGS YON TAN BI DAR MTSUNGS, ,ZHES BYA BA LA, KHA RU TSA NAG PO NI DRI MA GTOGS PA YON TAN GZHAN BI DA KHA RU TSA DANG MTSUNGS SHING MNYAM STE, 'DI GNYIS KYI KHYAD PAR NI DRI TZAM DU ZAD DO, ,MTSO TSA YANG STE, ZHES BYA BA NI LAN TSVA MTSO TSA ZHES BYA BA NI RO MA KA STE, DE NI YANG BA'I YON TAN DANG LDAN PAS NA YANG BA YIN NO, ,SA SKAM TSA, ,BAD KAN SKYED CING 'JU DKA' LCI, ,ZHES BYA BA LA, SA SKAM GYI TSA NI SA RUL CAN GYI PHYOGS NAS BYUNG BA'I TSA STE, DE NI BA TSA BRO ZHING BAD KAN SKYED PAR BYED CING 'JU DKA' BA DANG; LCI BA YIN NO, ,LAN TSVA RNAMS KYI SBYOR BA LA, ,RGYAM TSA LA SOGS RAB TU SBYAR, ,ZHES BYA BA LA, LCE MYANG TSA LA SOGS PA'I LAN TSVA RNAMS KYI NANG NAS GCIG GAM GNYIS SAM MANG PO BRNGOS PA'I PHYE MA DANG, LA DU DANG, SMAN MAR DANG, TIL MAR LA SOGS PA'I SBYOR BA DE DANG DE LA RGYAM TSA LA SOGS PA RAB TU SBYAR BAR BYA'O, ,DES NA 'DI SKAD STON PA YIN TE, GANG DU KHYAD PAR MED PAR LAN TSVA GCIG SMOS PA DE NI RGYAM TSA 'AM LCE MYANG TSA SBYAR BAR BYA'O, ,GANG DU GNYIS SMOS PA DE NI RGYAM TSA DANG RTZAL RU TSA'O, ,GANG DU GSUM
SMOS PA DER NI, RGYAM TSA DANG RTZAL RU TSA DANG, KHA RU TSA NAG PO SBYAR BAR BYA'O, ,GANG DU BZHI SMOS PA DER NI, LCE MYANG TSA DANG RTZAL RU TSA DANG, KHA RU TSA DANG KHA RU TSA NAG PO'O, ,GONG DU LNGA SMOS PA DER NI, LCE MYANG TSA DANG RTZAL RU TSA DANG, KHA RU TSA DANG KHA RU TSA NAG PO DANG, RGYA MTSO'I TSA SBYAR BAR BYA'O, ,DE BZHIN DU BKOD MA'I LAN TSVA LA SOGS PA YANG SBYAR RO, ,NAS TSIG 'KHUS PA'I LAN TSVA NI, ,SKRAN DANG SNYING NAD SKYA RBAB DANG, ,PHO BA MCHER PA LKOG NAD DANG, ,LUD PA GZHANG 'BRUM DBUGS MI BDE, ,LTO SBOS BAD KAN SEL BA YIN, , ZHES BYA BA LA, LAN TSVA'I NANG NAS NAS TSIG 'KHUS PA'I THAL BA'I LAN TSVA NI, SKRAN NAS BAD KAN GYI BAR SEL ZHING 'JOMS PA YIN NO, ,SARDZI KA SOGS THAL TSA KUN, ,RAB RNO TSA ZHING SRIN SEL YANG, ,KHRAG MKHRIS SKYED BYED SMIN BYED LA, ,GCOD CING MI ZHIM RNAM PAR 'BYED, ,NAS TSIG 'KHUS TSA KHA BAS NA, ,MDOG MDANGS KHU BA SKRA MIG GNOD, ,CES BYA BA LA, SARDZI KA LA SOGS PA'I THAL BA'I TSA KHU NI RAB TU RNO BA DANG, TSA BA'I NUS BA DANG LDAN PA DANG, SRIN BU'I NAD SEL BA DANG, YANG BA DANG, KHRAG DANG MKHRIS PA SKYED PA SMIN PAR BYED PA DANG, BAD KAN LA SOGS PA GCOD PAR BYED PA DANG, DE BZHIN DU MI ZHIM PA STE, SNYING MI DGA' BAR MI BYED PA DANG RNAM PAR 'BYED PA STE, 'BRUM BU DANG, PHOL MIG LA SOGS PA 'BYED CING 'GAGS PAR BYED PA DANG, LAN TSVA BRO ZHING KHA BAS MDOG MDANGS DANG KHU BA LA SOGS PA LA GNOD PA YIN NO, ,SHING KUN RLUNG DANG BAD KAN SEL, ,GZER 'JOMS MKHRIS PA SKYED BYED DE, ,ZHU RJES RO TSA YI GA 'BYED, ,DROD SKYED ZAS 'JU YANG BA YIN, ,ZHES BYA BA LA, SHING KUN NI RTZI BO CHE STE, DE NI RLUNG DANG BAD KAN SEL ZHING GZER NAD 'JOMS PA DANG, DE BZHIN DU MKHRIS PA SKYED PAR BYED PA DANG, ZHU BA'I RJES MNGAR ZHING RO TSA BA DANG, YI GA 'BYED PA DANG, DROD SKYED PA DANG, ZAS MA ZHU BA 'JU BA DANG, YANG BA'I YON TAN DANG LDAN PA YIN NO, ,AA RU RA BSKA ZHU RJES MNGAR, ,
, ,RTZUB CING LAN TSVA'I RO MED YANG, ,DROD CHE ZAS 'JU YID GZHUNGS BYED, ,NA TSOD LA 'JOG DAM PA YIN, ,DRO ZHING 'KHRU LA TSE LA PHAN, ,BLO DANG DBANG GSAL STOBS RAB SKYED, ,MDZE DANG BZHIN LUS MDOG MI SDUG ,SKAD 'GAGS RIMS RNYING MI BZAD RIMS, ,GLAD PA MIG NAD SKYA RBAB DANG, ,MIG SER PHO BA'I NAD RNAMS DANG, ,SKEM BCAS 'OR NAD GCIN NAD DANG, ,TSAD 'KHRU RMONGS BAG MYOS SLON SRIN, ,MCHIL MANG LUD PA DBUGS MI BDE, ,GZHANG 'BRUM MCHER PA LTO SPOS DUG ,GSUM 'PHEL RGYUN 'GAGS SKRAN DANG NI, ,DA RGAN NA DANG YI GA 'CHUS, ,RLUNG DANG BAD KAN LAS GYUR NAD, ,DE DANG DE NI SEL BYED YIN, ,ZHES BYA BA LA, AA RU RA NI RO RAB TU BSKA BA YIN LA, ZHU BA'I RJES MNGAR BA YIN ZHING, RTZUB PA'I YON TAN DANG LDAN PAS RTZUB PA YIN LA, LAN TSVA'I RO MED PA NI LAN TSVA'I RO DANG BRAL BA STE, RO LNGA DANG LDAN PA ZHES BYA BA'I DON TO, ,SNGAR BSKA BA ZHES SMOS PA NI, DE SHAS CHE BAR BSTAN PA'I PHYIR YIN NO, ,DE LTAR NA AA RU RA NI MNGAR BA DANG, SKYUR BA DANG, KHA BA DANG, TSA BA DANG, BSKA BA STE, RO LNGA DANG LDAN PA YIN PAR SHES PAR BYA'O, ,DE YANG BA LA SOGS PA'I YON TAN DANG LDAN PA YIN TE, NA TSOD LA 'JOG PA NI GZHON NU MA YIN PA DAG KYANG RGAS PA LAS BZLOG NAS MCHOG TU GZHON PA LA 'JOG PA YIN PA DANG, BLO ZHES BYA BA 'PHRAL GYI DON 'DZIN PAR NUS PA DANG, MIG LA SOGS PA'I DBANG PO GSAL BAR BYED CING, DE RNAMS KYI STOBS RANG GI YUL LA 'JUG PAR NUS PA RAB TU BSKYED PA YIN NO, ,DE BZHIN DU DE NI MDZE NAS YI GA 'CHUS PA'I BAR GYI NAD DANG, RLUNG DANG BAD KAN LAS GYUR PA'I NAD GZHAN GANG DAG YOD PA DE DANG DE THAMS CAD SEL BAR BYED PA YIN NO, , RIMS RNYING PA NI YUN RING DU LON PA'O, ,MI BZAD PA'I RIMS NI RTAG PA'I RIMS LA SOGS PA RNAM PA BZHI'O, ,GZHAN DAG NI GO BAR ZAD DO, ,SKYU RU RA YANG DE 'DRA BSIL, ,RO SKYUR BAD MKHRIS SEL DE LAS, ,ZHES BYA BA LA, SKYU RU RA YANG, AA RU RA DANG 'DRA BAR SHES PAR
BYA'O; ,AA RU RA'I YON TAN BSHAD MA THAG PA GANG YIN PA DE THAMS CAD SKYU RU RA LA YANG YOD DE 'DRA BA ZHES BYA BA LA, 'DIR NUS BA NI DE DANG MI MTHUN TE, DE NI DRO BA YIN LA, SKYU RU RA NI BSIL BA'I NUS PA DANG LDAN PA YIN NO, ,YON TAN GZHAN LAN TSVA MI BRO ZHING ZHU RJES MNGAR BA DANG; RO LNGA DANG LDAN PA LA SOGS PA DANG, BAD KAN DANG MKHRIS PA LAS BYUNG BA'I NAD DE DANG DE 'JOMS PAR BYED PA NI 'DRA BA YIN PAR SHES LA, SKYUR BA'I RO NI SHAS CHE BA YIN NO, ,YON TAN CUNG DMAN BA RUR, ,ZHU RJES TSA MNGAR SKRA MIG PHAN, ,ZHES BYA BA LA, BA RU RA NI AA RU RA RA'I YON TAN DE LAS CUNG ZAD CIG DMAN ZHING CHUNG BA YIN LA, DE NI AA RU RA DANG YON TAN LAS THUN MONG YIN YANG, BA RU RA NUS PA BSIL BA YIN TE, DE RTZOM PA'I 'BYUNG BA CHEN PO DE LTA BU'I RNAM PAR ZHUGS PA YIN PA'I PHYIR RO, ,DE NI ZHU BA'I RJES TSA BA DANG, RO MNGAR BA'I SHAS CHE BA DANG, SKRA LA PHAN PA DANG, MIG LA PHAN PA YIN NO, ,'BRAS BU GSUM PO 'DI DAG NI, ,BCUD KYIS LEN MCHOG MIG NAD SEL, ,RMA 'TSO LPAGS NAD RMA RED DANG, ,TSIL CHES GCIN SNYI BAD KHRAG SEL, ,ZHES BYA BA LA, AA RU RA DANG SKYU RU RA DANG BA RU RA ZHES BYA BA DANG GSUM MO, ,'BRAS BU GSUM ZHES LEGS BSHAD PA, ,'BRAS BU GSUM PO DE SHES BYA, ,ZHES 'BYUNG BA DANG, GZHAN DAG LAS KYANG, 'BRAS BU'I MCHOG NI RNAM GSUM MO, ,'BRAS BU'I DAM PA GSUM ZHES BSHAD PA YIN NO, ,'BRAS BU GSUM PO DE DAG NYID NI BCUD KYIS LEN PA'I MCHOG CES BYA BA STE, BCUD KYIS LEN RNAMS KYI NANG NA DAM PA YIN PA'O, ,MIG NAD SEL BA NI MIG GI NAD RNAMS 'JOMS PA'O, ,RMA 'TSO BA NI RMA 'BYOR CING SLAR 'TSO BAR BYED PA'O, ,LPAGS NAD NI MDZE NAD MED PA LA DANG, SKRAN NAD LA SOGS PA'O, ,RMA RED PA NI RMA LAS KHRAG LA SOGS PA 'DZAG PA'O, ,TSIL CHES PA NI LUS ZUNGS KYI TSIL LHAG PA'O, ,GCIN SNYI BA NI CHU SO'I NAD DO, ,BAD KAN DANG KHRAG NI DNGOS SU ZAD DE, DE DAG SEL ZHING 'JOMS PAR BYED PA YIN NO, ,SHING TSA SUG SMEL BHA DRA
, ,GSUM, ,GSER BCAS BA DRI BZANGS BZHI, ,ZHES BYA BA 'DI NI, BSDUS PA'I TSIG YIN PA LAS MING TZAM BSTAN PA'I PHYIR, 'GA' ZHIG GIS 'DIR BCUG PA YIN TE, SHING TSA DANG, SUG SMEL DANG, GANDHA BHA DRA GSUM NI DRI BZANGS GSUM ZHES BYA BA LA, GSUM PO 'DI RNAMS KYI STENG DU N'A GA GE SAR GYIS BSNAN PA NI DRI BZANGS BZHI ZHES BYA BA'O, ,'DI DAG NI MING TZAM BSTAN PA YIN GYI, YON TAN NI 'DIR MA BSTAN TE GZHAN LAS NI MING TZAM BTUS PAR ZAD DO, ,NA LE SHAM NI MKHRIS SKYED RNO, ,RTZUB CING DROD SKYED YI GA 'BYED, ,RO DANG ZHU RJES DAG KYANG TSA, ,BAD KAN 'JOMS SHING YANG BA YIN, ,ZHES BYA BA LA, NA LE SHAM NI MKHRIS PA 'PHEL BAR BYED PA YIN PAS NA MKHRIS PA SKYED CES BYA'O, ,DE BZHIN DU RNO ZHING RTZUB PA LA SOGS PA'I YON TAN DANG LDAN PA YIN NO, ,PI PI LING RLON BAD SKYED MNGAR, ,BSIL ZHING LCI BA SNUM PA YIN, ,ZHES BYA BA LA, PI PI LING RLON PA NI BAD KAN SKYED PAR BYED CING RO MNGAR BA DANG, NUS PA BSIL BA DANG, LCI ZHING SNUM PA'I YON TAN DANG LDAN PA YIN NO, ,SKAM PO DE LAS BZLOG PA YIN, ,SNUM ZHING RO TZA RO TSA LA, , ZHU RJES MNGAR ZHING BAD RLUNG DANG, ,LUD PA DBUGS MI BDE SEL 'KHRU, ,DE GNYIS BCUD LEN MA GTOGS PA, ,GZHAN LA SHAS CHER SBYAR MI BYA, ,ZHES BYA BA LA, PI PI LING DE SKAM PO YIN NA NI, PI PI LING RLON PA DE LAS YON TAN GO BZLOG PA YIN TE, DE LAS GO BZLOG PA NI RLON PA NI BAD KAN SKYED PA DANG, MNGAR BA DANG LCI BA YIN LA, 'DI NI BAD KAN SEL BA DANG, KHA BA DANG, NUS PA BSIL BA DANG YANG BA YIN NO, ,DE'I KHYAD PAR GZHAN YANG, SKAM PO NI RO TZA ZHING KHU BA 'PHEL BA DANG, ZHU BA'I RJES MNGAR BA DANG, DE BZHIN DU BAD KAN DANG, RLUNG DANG BAD KAN DANG, DBUGS MI BDE BSEL BAR BYED CING KHONG 'KHRU BA YIN TE, DE LTA BU'I PI PI LING DE NI BCUD KYIS LEN GYI CHO GA MA GTOGS PAR GZHAN LA ZHES PA, NAD MED PAR GNAS PA DANG, NAD PA DAG GSO BA'I SKABS LA SHAS CHER SBYAR BAR
MI BYA'O, ,DONG GRA DROD SKYED RO TZA DANG, ,'KHRU GCOD YID 'ONG MKHREGS PA SEL, ,YI GA 'BYE YANG ZHU RJES MNGAR, ,KHONG SNUM DROD CHE BAD RLUNG SEL, ,ZHES BYA BA LA, DONG GRA NI LI DONG GRA STE, MING GI RNAM GRANGS BI SHVA BI ZHES GRAGS PA'O, ,DE NI DROD SKYED PA LA SOGS PA'I YON TAN DANG LDAN PA YIN TE, TSIG GI DON NI GO BAR ZAD DO, ,SGE'U GSHER DE 'DRA, ZHES BYA BA NI, SGE'U GSHER ZHES BYA BA DONG GRA RLON PA NI DONG GRA DE NYID DANG YON TAN 'DRA BA YIN PAR SHES PAR BYA'O, ,DE DAG NI, ,TSA BA GSUM STE SHA SBOM DANG, ,ME DROD NYAMS DANG DBUGS MI BDE, ,LUD PA RKANG BAM CHAM PA 'JOMS, ,ZHES BYA BA LA, SNGAR BSHAD MA THAG PA'I PI PI LING DANG, NA LE SHAM DANG, DONG GRA STE GSUM PO 'DI DAG NI TSA BA GSUM ZHES BYA BAR SHES PAR BYA'O, ,DE NI SHA SBOM PA NAS CHAM PA'I BAR 'JOMS PAR BYED DO, ,DBYI MONG PI PI LING RTZA BA, ,NAL SHAM YON TAN CUNG ZAD CHUNG, ,ZHES BYA BA LA, DBYI MONG DANG PI PI LING GI RTZA BA NI NA LE SHAM GYI YON TAN LAS CUNG ZAD CIG GIS CHUNG BA YIN PAR SHES PAR BYA'O, ,TZI TRA KA STOBS ME DANG MNYAM, ,'OR NAD GZHANG 'BRUM SRIN MDZE SEL, ,ZHES BYA BA LA; TZI TRA KA NI KRU TRUG TRES ZHES BYA BA STE, DE NI STOBS ME DANG MNYAM PA YIN TE, ME DANG BYA BA'I LAS MTSUNGS TE, DE NI SHIN TU TSA ZHING DRO BAS ZAS MYUR DU 'JU BAR BYED DO ZHES BYA BA'I DON TO, ,DPER NA PHYI ROL GYI MES ZANGS NA GNAS PA'I CHU DANG 'BRAS ME LCE 'BAR BA DANG LDAN PA'I MDAG MAS SMIN PAR BYED PA YIN LA, DE BZHIN DU TZI TRA KA DANG LDAN PA NI ME'I DROD SKYED PA'I SGO NAS 'JU BAR BYED PA'I LAS KYIS, DE NYID ME DANG 'DRA BAR 'GYUR BA YIN NO, ,DE YANG 'OR NAD DANG, GZHANG 'BRUM DANG, SRIN NAD DANG, MDZE NAD SEL BAR BYED DO, ,'DI RNAMS LAS NI NA LE SHAM, ,MA GTOGS TSA BA LNGA ZHES BSHAD, ,SKRAN CHEN DMU RDZING LTO SBOS DANG, ,GZER 'JOMS DROD NI SKYED PA'I MCHOG ,CES BYA BA LA, BSHAD MA THAG PA'I PI PI LING DANG, PI PI LING M'U LA DANG, DBYI MONG DANG, TZITRA KA DANG, LI DONG GRA STE,
, ,'DI RNAMS LA NI TSA BA LNGA ZHES BYA BA'I MING GIS MING DU BTAGS PA YIN NO, ,NA LE SHAM MA GTOGS ZHES BYA BA NI 'DIR NA LE SHAM MI BGRANG BA STE, GANG GI PHYIR PI PI LING LA SOGS PA'I NANG NA, NA LE SHAM YANG BGRANG MOD KYI, 'DIR TSA BA LNGA LA MA GTOGS PAS DE BKAR BA YIN NO, ,TSA BA LNGA PO DE NI SKRAN LA SOGS PA 'JOMS PA DANG, DE BZHIN DU SHIN TU DROD SKYED PA'I MCHOG YIN NO, ,BI LA PA KASMA TAR KA RI, ,PA TA LA DANG DUN DU KA ,RTZA CHEN LNGA PO BSKA KHA DRO, ,RLUNG DANG BAD KAN SEL BYED YIN, ,ZHES BYA BA LA, BIL BA NI MING GI RNAM GRANGS SU SHI RI PHAL ZHES BYA'O, ,KASHMA RGYA NI SHI MI PARnI 'O, ,TAR KA RI NI AAG NI MAN THA'O, ,PA TA LA NI BA SAN TA DU TI'O, ,DUN DU KA NI SO NA KA STE, DE RNAMS KYI RTZA BA NI RTZA BA CHEN PO LNGA ZHES BYA BAR SHES PAR BYA STE, DE NI RO BSKA ZHING KHA BA YIN LA, NUS PA NI DRO BA YIN, YON TAN NI RLUNG DANG BAD KAN SEL BAR BYED PA YIN NO, ,AANG SHU MA TI BRI HA TI, ,GNYIS GNYIS GZE RTZA CHUNG LNGAR BSHAD, ,ZHU RJES RO MNGAR HA CANG NI, ,BSIL DANG TSA MIN NYES KUN SEL, ,ZHES BYA BA LA, AANG SHU MA TI GNYIS NI SA LA PARnI DANG, KRishnA PARnI'O, ,BRI HA TI GNYIS LAS BRI HA TI GCIG NI KAndA K'A RI STE, MING GI RNAM GRANGS GZHAN YANG KshU TRA ZHES BYA'O, ,BRI HA TI GNYIS PA NI SBOM PO STE, MING GI RNAM GRANGS GZHAN YANG SING HI ZHES BYA BA'O, ,GZE MA NI MING GI RNAM GRANGS KHYI'I MCHE BA ZHES BYA BA STE, DE RNAMS KYI RTZA BA NI RTZA BA CHUNG DU LNGA ZHES BSHAD LA, DE YANG ZHU BA'I RJES DANG RO MNGAR BA YIN LA, DE BZHIN DU HA CANG BSIL BA DANG, TSA BA MA YIN PA STE, CUNG ZAD TSA BA LA CUNG ZAD BSIL BAS THUN MONG GI CHA MNYAM PA STE, DPER NA MI'I SENG GE ZHES BYA BA LTA BU'O, ,DE BZHIN DU RLUNG LA SOGS PA'I NAD RNAMS 'JOMS PAS NA NAD KUN SEL ZHES BYA'O, ,RTZA BA CHEN PO DANG CHUNG DU GNYIS BSDUS PA LA NI RTZA BA BCU PA ZHES BYA STE, DE YANG LUNG LAS, RTZA BA CHUNG DANG CHEN PO LNGA, ,RTZA BA BCU PA ZHES BYAR BSHAD, ,CES 'BYUNG BA YIN NO, ,BAL PURnA AE RAndA, ,
SU PYA PARnI RNAM GNYIS RTZA, ,'BRING YIN BAD KAN RLUNG 'JOMS YIN, ,SHIN TU MKHRIS PA MI SKYED 'KHRU, ,ZHES BYA BA LA, BA LA NI MING GI RNAM GRANGS BA DHO DA RI ZHES BYA BA'O, ,PURnA RNA BA NI BAR SHA BHU ZHES BYA BA'O, ,AE RAndA NI SOR LNGA PA ZHES BYA BA'O, ,SU PYA PARnI GNYIS NI MUNGGA PARnI DANG, MA SHA PARnI STE, DE RNAMS KYI RTZA BA LNGA NI RTZA BA 'BRING PO YIN TE, DE NI BAD KAN DANG RLUNG 'JOMS PAR BYED PA DANG, SHIN TU MKHRIS PA MI SKYED CES BYA BA, MKHRIS PA CUNG ZAD SKYED PA DANG, KHONG 'KHRU BAR BYED PA YIN PAR SHES PAR BYA'O, ,NYE'U SHING KA KO LA 'TSO BYED, ,DZI BA KA DANG RI SHAR BSHAD, ,'TSO BYED CES BYA MIG LA PHAN, ,RO TZA RLUNG DANG MKHRIS PA SEL, ,ZHES BYA BA LA, NYE'U SHING NI AA BHI RU'O, ,KA KO LA NI BI RA'O, ,'TSO BYED NI DZI BAN TI SU MA GA LA ZHES BYA BA'O, ,DZI BA KA NI KUR TZA SHING SHI'O, ,RI SHA BA NI BI SHA NI STE, RTZA BA LNGA PO DE DAG NI 'TSO BYED KYI RTZA BA LNGA ZHES BYA BAR SHES PAR BYA'O, ,DE NI MIG GNYIS LA PHAN PA YIN PAS NA, MIG LA PHAN PA ZHES BYA LA, DE BZHIN DU RO TZA BA DANG, RLUNG DANG MKHRIS PA SEL BA YIN NO, ,'JAG MA KU SHA 'BRAS BUR SHING, ,'DAM RTZA RTZAR BSHAD LNGA MKHRIS SEL, ,ZHES BYA BA LA, 'JAG MA DANG KU SHA GNYIS KA RIGS GCIG PA LA SOGS PA DANG, PHRA BA'I KHYAD PAR GYIS GNYIS SU BSHAD PA YIN NO, ,KU SHA NI YANG 'JAG MA CAN GYI RTZA'I KHYAD PAR RO, ,'BRAS NI GRA MA CAN GYI SDE TSAN LAS BSHAD PA'I RAKTA SHA LI LA SOGS PA'O, ,BU RAM SHING DANG 'DAM BU NI GRAGS PAR ZAD DO, ,DE RNAMS KYI RTZA BA NI RTZA BA LNGA ZHES BYA BA'I RTZA BA LNGA PA YIN LA, DE NI MKHRIS PA 'BA' ZHIG SEL BAR BYED PA YIN NO, ,GRA MA GANG BU G-YOS SBYAR ZAS, ,SHA DANG TSOD MA SHING TOG SMAN, ,ZAS CHA CUNG ZAD TSAN GDUS 'DI, ,RTAG TU DGOS PA YOD PAR SMRAS, ,ZHES BYA BA LA, BZA' BAR BYA BA YIN PAS NA ZAS TE, DE NI GRAM CAN DANG, GANG BU CAN DANG, G-YOS SU SBYAR BA DANG, SHA DANG, TSOD MA DANG, SHING TOG DANG, SMAN SNA TSOGS DANG, TSOD MA SNA TSOGS TSOD MA LA DGOS
, ,PA'I RDZAS CUNG ZAD YOD PA DE DAG KYANG ZAS DANG 'DRA BAR NAD SEL BAR GNAS PA DANG, NAD PA RNAMS KHAMS SNYOMS PAR BYA BA'I PHYIR SBYAR BAR BYA BA YIN ZHING SKYON MED PA NYID LA RTAG TU DGOS PAS 'DIR BSHAD CING SMRAS PA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, LE'U DRUG PA'I RNAM PAR 'GREL PA'O,, ,,DE NAS KHA ZAS BSRUNG BA'I LE'U BSHAD PAR BYA'O ZHES BYA BA LA, DE NAS ZHES BYA BA NI 'DAS MA THAG PA STE, ZAS DANG SKOM PHAN PA DANG, GNOD PA'I DBYE BAS PHYE STE, BSHAD PA DE LA YANG DUG LA SOGS PA DANG 'BAGS PA'AM, MI MTHUN PA ZOS PA DAG DGAG PAR BYA BA YIN PAS, DE'I RJES THOGS LA 'DI BRTZAMS PA YIN NO, ,DE LA BZA' BAR BYA BA YIN PAS NA ZAS SO, ,DE BSRUNG BA NI DUG LA SOGS PA DANG MA 'DRES PAR YONGS SU BSRUNG ZHING BSDAM PA'O, ,DE'I LE'U GONG DU BSTAN PA'I LE'U DE YANG NYE BAR GDAGS PAS DE SKAD CES BYA'O, ,DE LTAR NA ZAS DANG SKOM LA SOGS PAS SPAGS PA DANG MI MTHUN PA'I KHA ZAS LE'U GANG DU DGAG PAR BYED PA'I LE'U DE BRTZAM PAR BYA STE, GANG GI PHYIR YON TAN DANG LDAN PA'I ZAS DANG SKOM NI SROG 'DZIN PAR BYED PA YIN PAS, SROG DANG 'DRA BA DE NYID DUG LA SOGS PA DANG NYE BAR BCOM PA DANG, DE BZHIN DU MI MTHUN PAR GYUR PA NI GSOD PAR GYUR PA NYID YIN TE, DE BAS NA ZAS KYI TSUL SHES PA'I LE'U RJES THOGS LA 'DI BRTZAMS PA YIN LA, RGYAL PO'I PHO BRANG NYE 'KHOR DU, ,SROG 'TSO'I SLOB DPON GZHAG PAR BYA, ,DE LTAR BYAS PAS THAMS CAD DU, ,THAMS CAD LAS NI BSRUNG BAR 'GYUR, ,ZHES BYA BA LA, RGYAL PO NI SA BDAG GO, ,PHO BRANG NYE 'KHOR NI RGYAL PO'I BZHUGS GNAS DANG, 'DAB NYE BAR RO, ,SROG 'TSO'I SLOB DPON NI SMAN PA STE, SMAN PA RNAMS KYI MCHOG TU GYUR PA'O, ,DE GZHAG PAR BYA ZHES PA, PHO BRANG NYE BA KHO NAR GZHAG PAR BYA ZHING GNAS PAR BYA BA STE, DER DE'I KHANG PA ZHES BYA BA'I DON TO, ,DE
LTAR BYAS PAS ZHES PA DE LTAR NYE BAR BSTEN PAR GYUR PAS, SMAN PA DE THAMS CAD DU ZHES PA DUS THAMS CAD DU, THAMS CAD LA ZHES PA ZAS DANG SKOM LA SOGS PA RNAMS LA BSRUNG ZHING SDOM PAR 'GYUR RO ZHES BYA BA'I DON NO, ,KHYAD PAR DU NI SA BDAG GI ,ZAS SKOM DUG LAS BSRUNG BAR BYA, ,CHOS LA SOGS DANG GANG 'BREL PA'I, ,'BYOR BDE DE LA RAG LAS SO, ,ZHES BYA BA LA, KHYAD PAR DU ZHES BYA BA RAB TU 'BAD PAS SA BDAG STE, RGYAL PO'I ZAS LA SOGS PA BSRUNG ZHING BSDAM PAR BYA'O, ,ZAS DANG SKOM ZHES BYA BA NI NYE BAR MTSON PA TZAM DU ZAD DO, ,DES NA RGYAL PO'I LONGS SPYOD DU DGOS PA'I NA BZA' DANG, GZIMS MAL DANG, DRI DANG, PHRENG BA DANG, RIN PO CHE LA SOGS PA DAG KYANG DUG LAS BSRUNG BAR BYA STE, DE CI'I PHYIR ZHE NA, CHOS SPYAD PA DANG, SOGS PA ZHES BYA BA NOR DANG, 'DOD PA DANG THAR PA RNAMS DANG GANG 'BREL ZHING RGYUR GYUR PA'I SKYE DGU DANG, BDAG NYID KYI 'BYOR PA DANG, BDE BA NI RGYAL PO DE LA RAG LAS SHING DE'I KHA NA LUS PA YIN NO, ,DE LA 'BYOR PA NI LONGS SPYOD MA THOB PA RNAMS THOB PAR BYED PA'O, ,THOB PA RNAMS YONGS SU BSRUNG BA NI BDE BA STE, DE GNYI GA YANG RGYAL PO DE LA RAG LUS PA YIN NO, ,DE BAS NA DE'I GNOD PA BSRUNG BAR BYA DGOS SO, ,DE DAG KYANG JI LTAR SHES SHING BSRUNG BAR BYA ZHE NA, 'BRAS CHAN DUG BCAS GSHER BAG KYANG, ,SKAM BAG CAN NI 'DRA BAR 'GYUR, ,YUN RING TSOS PAR GYUR PA DANG, ,TSOS PA'ANG ZHAG LON LTA BUR 'GYUR, ,RLANGS PA RMA BYA'I MGRIN 'DRA ZHING, ,KHONG MYOS BRGYAL DANG LUS RDUL SKYED, ,DRI DANG MDOG SOGS NYAMS PAR 'GYUR, ,RUL ZHING RMA BYA'I SGRO LTAR 'TSER, ,ZHES BYA BA LA, 'BRAS CHAN NI 'BRAS BTZOS PA'I CHAN TE, DE DUG DANG BCAS SHING DUG GIS SBAGS PAR GYUR NA, GSHER BAG DAG KYANG SKAM BAG CAN 'DRA BAR 'GYUR TE, RLAN BAG MED CING BCANG DU MI 'DOD PAR 'GYUR RO, ,DE BZHIN DU TSOS DKA' BAR 'GYUR TE, DUS RING MOS TSOS PAR 'GYUR BA DANG, DE TSOS PAR GYUR NAS KYANG 'PHRAL
, ,DU ZHAG LON PA LTA BUR 'GYUR TE, NYIN ZHAG GCIG 'DAS PA LTAR RLANGS PA MED CING BSDUR MI 'DOD PAR 'GYUR RO, ,DE BZHIN DU DE'I RLANGS PA RMA BYA'I MGRIN PA 'DRA BAR KHA DOG SNA TSOGS PAR 'GYUR BAS NA, RLANGS PA RMA BYA'I MGRIN PA 'DRA ZHES BYA'O, , DE ZOS PAR GYUR NAS KYANG, KHONG MYOS PA DANG, BRGYAL BA DANG, LUS RDUL BA SKYED PAR 'GYUR TE, KHONG MYOS PA NI SEMS MED PA'O, ,BRGYAL BA NI 'DU SHES NYAMS PA'O, ,LUS RDUL BA NI BAD KAN 'THON PA'O, ,YANG 'BRAS CHAN DE DRI DANG MDOG SOGS ZHES PA'I DRI DANG; KHA DOG DANG, RO DANG, REG PA RANG GI JI LTA BA NYID NYAMS SHING 'JIG PAR 'GYUR RO, ,DE BZHIN DU RUL CING ZHES PA, RAB TU 'DRUL BAR 'GYUR RO ZHES BYA BA'I DON TO, ,DE BZHIN DU RMA BYA'I SGRO LTAR 'TSER BA ZHES BYA STE, RMA BYA'I MJUG SGRO'I RTZE MO LTA BU'AM, CHU NANG DU TIL MAR GYI THIGS PA BOR BA LTAR SNGO DMAR 'TSER BAR 'GYUR RO, ,TSOD MA MYUR DU SKAM PA DANG, ,BSKOL BA MDOG NI GNAG 'GYUR ZHING, ,DER GZUGS CHUNG BA'AM CHE BA'AM, ,MI SDUG PA'AM MI SNANG 'GYUR, ,SBUB STENG BYUNG RI MO MTSAMS, ,KHA CHU 'DRA DANG CHU BUR 'BYUNG, ,ZHES BYA BA LA, TSOD MA ZHES BYA BA NI SRAN TSOD LA SOGS PA STE, DE LA DUG YOD NA MYUR DU SKAM PAR 'GYUR BA DANG, DE BZHIN DU BSKOL BA NI MDOG GNAG CING DRI MA CAN DU 'GRO BA DANG, DER ZHES PA TSOD MA BSKOL BA DER RANG GI GZUGS KYI RANG BZHIN LAS CHUNG ZHING ZHAN PA'AM, CHE ZHING LHAG PA'AM, MI SDUG PA STE, RANG BZHIN GZHAN DU SNANG BAR 'GYUR RO, ,YANG NA DER RANG GI RNAM PA NYID SNANG BAR MI 'GYUR RO, ,YANG TSOD MA BSKOL BA DER SBU BA LA SOGS PA 'BYUNG BA LAS KYANG SHES PAR BYA STE, DE LA SBU BA NI SBU BA'I RNAM PAR 'BUR DU CHAS SHING 'BYUNG STE, DE'I NANG NA RI MO SNA TSOGS PA DAG SNANG BA'AM, MTSAMS 'BYE ZHING 'CHAD PA LTA BUR SNANG BA DANG, KHA CHU 'DRA BAR NA LA NAL POR 'BYUNG BA DANG, CHU BUR DAG JI LTAR CHU'I NANG NA SNANG BA DANG 'DRA STE, DE DAG DER 'BYUNG BAR 'GYUR TE, BTUNG BA MNGAR
SKYUR TSOD MA DANG, ,SHA DAG MTSAMS 'BYED RO DANG BRAL, ,ZHES BYA BA LA, BTUNG BA NI RGUN 'BRUM LA SOGS PA LA SNGAR SBYAR BA PHAL CHER MDOG DMAR POR SNANG ZHING MNGAR BA DANG SKYUR BA STE, YANG BTUNG BA'I BYE BRAG BA LA BO'I SE'U LA SOGS PA LAS BYAS PA'I RO SKYUR BA DANG, TSOD MA STE, SHU SHA DANG, PA THA LA SOGS PA DANG, SHA BTZOS PA DAG STE, BTUNG BA MANG PO MDOG CAN LA SOGS PA DE THAMS CAD DUG DANG BCAS PAR GYUR NA, MTSAMS 'BYE BA DANG, RO DANG BRAL BAR 'GYUR TE, RO DRUG PO DAG MI SNANG ZHING GSAL BAR MI RNYED PAR 'GYUR TE, DE LTAR NA RO DANG BRAL BA STE RO MI ZHIM PA DANG, PHYIN CI LOG GI RO DANG LDAN PAR 'GYUR BA'I DON NO, ,SHA KHU RI MO SNGOR SNANG ZHING, ,'O MA ZANGS MDOG ZHO DRI MA, ,DAR BA LA NI SER DANG GNAG ,MAR KHU CHU DANG 'DRA BAR SNANG, ,CHANG DANG CHU GNAG SBRANG RTZI LA, ,LJANG SNANG TIL MAR DAG LA DMAR, ,ZHES BYA BA LA, SHA KHU NI SHA LAS BYAS PA'I KHU BA STE, DE DUG GIS SBAGS PAR GYUR PA NA, DBUS NA RI MO SNGON POR SNANG BAR 'GYUR RO, ,'O MA LA DUG GIS SBAGS NA, NANG NA ZANGS KYI MDOG LTA BUR SNANG BAR 'GYUR RO, ,ZHO LA DUG YOD NA RI MO DRI MA CAN SNANG BAR 'GYUR RO, ,DAR BA LA DUG YOD NA NI RI MO SER PO DANG NAG PO SNANG BAR 'GYUR RO, ,MAR DUG DANG 'DRES NA NI RI MO CHU DANG 'DRA BAR SNANG BAR 'GYUR RO, ,CHANG DANG CHU LA DUG YOD NA GNAG CING SNAG TSA LTAR SNANG BAR 'GYUR RO, ,SBRANG RTZI LA DUG YOD NA NI LJANG GUR SNANG ZHING MDOG SDO BSANGS SU SNANG BAR 'GYUR RO, ,TIL MAR LA DUG YOD NA NI RI MOD MAR ZHING ZANGS LTAR SNANG BAR 'GYUR RO, ,SHING TOG MA SMIN SMIN PAR SNANG, ,SMIN PA DAG NI YONGS SU 'DRUL, ,ZHES BYA BA NI, SHING TOG MA SMIN PA LA DUG GIS SBAGS PA NI; SMIN PA LTA BUR SNANG BAR 'GYUR LA, SHING TOG SMIN PA RNAMS LA DUG GIS SBAGS PA NI YONGS SU 'DRUL ZHING RUL BAR 'GYUR RO, ,KHA ZAS RLON DANG SKAM PA DAG ,RNYINGS SHING MDOG NI NYAMS PAR 'GYUR, ,ZHES BYA BA LA, KHA ZAS RLON PA NI DUG GIS SBAGS NA NI
, ,RNYINGS PAR 'GYUR LA, KHA ZAS SKAM PO DAG LA DUG GIS SBAGS NA NI MDOG NYAMS SHING KHA DOG DANG BRAL BAR 'GYUR TE, 'DIR TSIG GNYIS GO RIMS BZHIN SBYAR BAR BYA'O, ,SNYI BA DANG NI SRA BA DAG ,REG PA GO NI BZLOG PAR 'GYUR, ,ZHES BYA BA LA, RDZAS SNYI BA RNAMS DANG, DE BZHIN DU SRA BA DAG LA DUG GIS SBAGS NA, REG BA GO BZLOG PAR 'GYUR TE, SNYI BA NI SRA BAR 'GYUR, SRA BA NI SNYI BAR 'GYUR TE, 'DI NI REG PA'I GO BZLOG PA'O, ,ME TOG PHRENG RTZE LO MA GAS, ,RNYID CING DRI NI MI ZHIM 'GYUR, , ZHES BYA BA LA, GAL TE ME TOG GI PHRENG BA LA DUG YOD NA NI DE'I RTZE MO GAS SHING ZAD PA DANG, RNYID CING KUN TU DENGS PAR 'GYUR BA DANG, DRI MI ZHIM PA STE DRI ZHIM PO DANG BRAL NAS, DRI MNAM PA GZHAN DAG 'BYUNG BAR 'GYUR RO, ,GOS LA NAG PO TAL TIL DANG, ,SPU RNAMS 'THUL ZHING KHA TSAR 'CHAD, ,CES BYA BA LA, STENG NAS BGO BA DANG 'OG TU GDING BA LA SOGS PA'I GOS RNAMS LA DUG GIS BSGOS PA NA NI RI MO DRI MA CAN TAL TIL DAG SNANG BA DANG, GOS KYI SPU RNAMS RNAM PAR 'THUL ZHING CHAD PA DANG, KHA TSAR GCAD CING LHUNG BAR 'GYUR RO, , GSER DNGUL MU TIG SHING DANG RDO, ,RIN CHEN SOGS LA DRI MA CHAGS, ,GZI MDANGS REG PA 'OD NYAMS 'GYUR, ,ZHES BYA BA LA, GSER DNGUL GYI KHAMS KYI RANG BZHIN CAN GYI RIN PO CHE RNAMS TE, 'DI DANG GZHAN YANG BSDU'O, ,MU TIG NI MU TIG GI RDO GU'O, ,SHING DANG RDO NI DNGOS SU ZAD DO, ,RIN CHEN NI BEE d'URYA DANG, RDO RJE LA SOGS PA STE, GSER DNGUL LA SOGS PA 'DI RNAMS LA DUG GIS SBAGS NA DRI MA CHAGS PA STE, ,'DAM GYIS BSKUS PA 'DRA BAR 'GYUR BA DANG, DE BZHIN DU GSER DNGUL LA SOGS PA 'DI RNAMS NYID KYI GZI MDANGS DANG, REG PA DANG 'OD NYAMS SHING MED PAR 'GYUR RO, ,SA YI SNOD NI MDOG BCAS BYED, ,CES BYA BA LA, SA'I SNOD CES BYA BA KHAM PHOR LA SOGS PA LAS BYAS PA'I SNOD RNAMS NI MDOG MED PA DAG KYANG, MDOG DANG BCAS SHING GZIM DANGS CAN DU 'GYUR RO, ,
DUG STER KHA NI SNGO BSKAMS LA, ,GNONG BAG GI SA NI PHYOGS SU BLTA, ,RDUL ZHING 'DAR LA SKRAG PA DANG, ,'JIGS SHING 'GROS 'KHYOR GLA LA BA DANG, ,ZHES BYA BA LA, DUG STER ZHING SBYIN PAR BYED PAS NA DUG STER TE, DUG SBYOR BA'I MI'O, ,DE'I KHA NI SNGO BSKAMS LA ZHES BYA BA; DE'I KHA SNGO ZHING BSKAMS PAR GYUR PA DANG, DE BZHIN DU GNOD BAG GIS ZHES BYA BA NGO TSA BA DANG BCAS PA LTA BUR G-YER BAG MED PA DANG, PHYOGS KUN TU BLTA ZHING RTOG PAR BYED PA DANG, DE BZHIN DU LUS TSA LA RDUL ZHING 'DAR BAG DANG LDAN LA, RANG GI NYES PA'I DOGS PAS SKRAG PA STE, KHONG SKYO BA DANG, 'JIGS PA STE BRED PA DANG BCAS PA DANG, 'GROS 'KHYOR BA STE, RDEG 'CHOS SHING 'TSO BA DANG, DE BZHIN DU GLAL ZHING KHA GDANGS PAR BYED PAR 'GYUR RO, ,DUG LDAN ZAS NI MES BSREGS NA, ,ME LCE GCIG 'KHYIL ME STAG RGAL; ,DU BA RMA BYA'I MGRIN 'DRAR 'GYUR, ,ME LCE MI 'BAR 'BAR YANG MNAN, ,SBRANG MAS ZOS NA 'CHI BAR 'GYUR, ,BYA ROG GIS ZOS SKA DA ZHAN 'GYUR, ,'DI NI NI TSO DA RU HA, ,RI SKEGS KYIS MTHONG CA CO 'BYIN, ,DANG PAS ZOS NA RDEG 'CHOS LA, ,SHANG SHANG TE'U NA BAR 'GYUR, ,SREG PA MIG NI MI CHAGS BYED, ,KHRUNG KHRUNG DAG NI 'DZUR BAR 'GYUR, ,PHUG RON KHU BYUG BYA GA GA DANG, ,DUR PAS ZOS NA 'CHI BAR 'GYUR, ,BYI LA SKYO ZHING 'DOR BAR 'GYUR, ,SPRE'U MI GTZANG 'DOR BAR BYED, ,RMA BYAS DE MTHONG DGA' BAR BYED, , DUG GI DPAL NI NYAMS PAR 'GYUR, ,DE LTAR ZAS NI DUG LDAN BAR, ,SHES SHING LCI NAS DE YIS NI, ,SROG CHAGS PHRA MO YAN CHAD LA'ANG, ,GNOD PAR 'GYUR BAR 'BAD DE DOR, ,REG NA G-YA' ZHING TSA LA NA, ,RIMS 'DEBS 'BRUM 'BYUNG TSOR BA CHUNG, ,SEN MO SPU 'BYUNG LUS SKRANG STE, ,DE LA DUG NI RNAM 'JIG PA'I, ,TZANDAN SHUG PA PU SHEL TZE, ,SO MA'I SHUN BCAS BAL BU'I 'DAB, ,RU RTA SLE TRES AA KA RU'I, ,CHUS BKRUS BLUGS SHING BSKU BAR BYA, ,KHAR CHUD NAS NI MCHIL SNABS MANG, ,LCE MCHU SBRID CING BEM POR
, ,BYED; ,LUS TSA NA ZHING SO BRTZE LA, ,RO MI TSOR ZHING 'GRAMS SO 'THAMS, ,DE LA DUG KUN 'JOMS SMAN DANG, ,AUR SHI SOGS KHUS KHUR BKANG DBO, ,MA ZHU'I GNAS BABS RDUL BA DANG, ,BRGYAL ZHING LTO SBOS MYOS MGO 'KHOR, ,BA SPU LDANG ZHING SKYUG LUS TSA, ,MIG NI GSAL ZHING SNYING MI DRAN, ,YAN LAG THIG LES KHYAB PAR 'GYUR, ,ZHU BA'I GNAS SU PHYIN NA YANG, ,KHA DOG SNA TSOGS SKYUG PA DANG, ,GCIN MANG RAB TU 'KHRU BAR 'GYUR, ,RMYA SNYOM SKOM ZHING MDOG SKYA LA, ,GSUS PA CHE ZHING NYAMS STOBS ZAD, ,DE GNYIS SLON DANG KHRUS BYAS NAS, ,SER GNYIS BU RAM GI RI KAR, ,SEN DU BA RI NIS PA BA, ,BA SHIS KA DANG TSIGS BRGYA PA, ,TAN DU LI YA'I RTZA BA DANG, ,BYA GAG SGO NGA BAL GU ZA, ,SNAR GTONG MIG SMAN BLUD BYA BA, ,DUG ZHI'I PHYIR NI SBYAR BAR BYA; ,ZHES BYA BA LA, DE GNYIS ZHES PA MA ZHU BA DANG, ZHU BA'I GNAS DAG SLON DANG KHRUS BYA BA STE, SLON SMAN GYIS MA ZHU BA'I GNAS NAS SLON CAN DE DRANGS PA DANG, 'KHRU SMAN GYIS 'DU BA'I GNAS NAS KHRUS BYA ZHING BTON NAS, DE LTAR LEGS PAR SBYANG BA'I LUS LA SER PO GNYIS LA SOGS PA NAS, SNA NAS BTANG ZHING MIG SMAN KHU BA DANG, BLUD PA'I BAR GYI SBYOR BA DUG ZHI BAR BYA BA'I PHYIR SBYAR BAR BYA'O, ,DE LA SER PO GNYIS ZHES BYA BA NI YUNG BA DANG SKYER PA STE, SER PO RNAM PA GNYIS SO, ,BU RAM NI BU RAM SHING LAS BYUNG BA'I BU RAM DKAR PO'O, ,GI RI KAR NI GA TA BI'O, ,SEN DU BI RA NI SHVE TA PUshPE'O, ,NIS PA BA NI GANG BU CAN GYI 'BRU'I KHYAD PAR ZHIG GO, ,BA SHIS KA NI HE GU BA TRA'O, ,TAN DU LI YA NI ME GANDHA STE, DE'I RTZA BA'O, ,BYA GAG GI SGO NGA NI KHYIM BYA'I SGO NGA'O, ,AA BAL GU ZA NI SO MA RA DZA STE; RDZAS DE RNAMS CHA SNYOMS LA LDE GUR BYAS TE SNA NAS GTANG BA DANG, MIG SMAN DU BSKU BA DANG, BLUD CING SBYIN PAR BYA BA DAG DUG ZHI BAR BYA BA'I PHYIR BYA'O, ,DUG 'THUNGS PA DAG STENG DANG NI, ,DE BZHIN 'OG NI SBYANGS GYUR NAS, ,DUS SU ZANGS BZANG BDAR PHYE MA, ,
SBRANG RTZIR BCAS PA SNYING SPYOD SBYIN, ,ZHES BYA BA LA, DUG 'THUNGS PA'I SKYES BU DE, SLON SMAN DANG KHRUS SMAN GYIS STENG STE RO STOD DANG, 'OG STE RO SMAD SBYANGS SHING DAG PAR GYUR NAS, RIGS SHING 'TSAM PA'I GNAS SKABS KYI DUS SU ZANGS MA BZANG PO LEGS PAR BDAR BA'I PHYE MA ZHIB MO SBRANG RTZI DANG SBRANG RTZIR BCAS PA'I LDE GU DE SNYING NA YOD PA'I NAD SBYONG BAR BYED PA LA SBYIN PAR BYA'O, ,SNYING NAD SBYANGS NAS GSER PHYE NI, ,ZHIB MO ZHO GCIG SBYIN BYAS NA, ,ZHES BYA BA LA, DE LTAR ZANGS MA'I PHYE MA'I LDE GU SBYIN ZHING, SNYING NAD SBYANGS PAR GYUR NAS, DE'I 'OG TU GSER GYI PHYE MA ZHIB MOR BYAS BA SRANG GCIG GI BZHI CHA SBYIN PAR BYA'O, ,PADMO'I 'DAB MAR CHU BZHIN DU, ,GSER GYI SA YAN LAG LA MI CHAGS, ,TSE YANG RING DU 'PHEL BAR 'GYUR, ,ZHES BYA BA LA, GANG GI PHYIR GSER 'THUNGS PAR GYUR PAS DUG ZOS PA'I YAN LAG RNAMS LA DUG DE CHAGS SHING ZHEN PAR MI 'GYUR TE, DPER NA PADMA'I 'DAB MAR CHU CHAGS PAR MI 'GYUR BA DE BZHIN DU, DE LA CHAGS PAR MI 'GYUR BA DANG, DE BZHIN DU GSER 'THUNGS PAR GYUR PA DAG NI TSE RING ZHING 'PHEL BAR 'GYUR BA NYID KYANG 'THOB PAR 'GYUR RO, ,SBYAR DUG LA YANG CHO GA 'DI'O, ,ZHES BYA BA LA, BSHAD MA THAG PA'I DUG ZHI BAR BYA BA'I CHO GA 'DI NI 'OG NAS BSHAD PA'I SBYAR DUG LA BYA BAR DRANG SRONG GIS BSHAD DO, ,SBYAR BA'I DUG NI DUG SBYAR MA'O, ,SBYAR DUG DANG LDAN PA'I ZAS SKOM DAG NI DUS PHYIS ZHIG NAS GSOD PAR BYED PA YIN PAS GTZO BO MA YIN LA, DE LTAR GTZO BO MA YIN PA NYID KYIS NA 'DI'I CHO GA'I DPYAD DU BYA BA PHYIS BSTAN PA YIN NO, ,DE BZHIN DU ZAS KYI PHUNG PO YON TAN MCHOG DANG LDAN BA DAG KYANG G-YOS SU BYA ZHING SBYAR BA DANG, TSAD DANG DUS LA SOGS PA'I DBANG GIS KHA ZAS MI 'PHROD PAR GYUR PA NI, SDUG BSNGAL SKYED PAR BYED PAS SBYAR BA'I DUG DANG 'DRA STE, 'PHRAL DANG DUG PHYI NAS GSOD PAR 'GYUR RO, ,DE BAS NA 'DIR SMRAS PA NI, KHA ZAS DAG KYANG MI MTHUN ZOS, ,SBYAR DUG 'DRA BAR SHES PAR
, ,BYA; ,ZHES BYA BA YIN TE, KHA ZAS KYANG G-YOS SU BYAS KYANG SBYAR BA DANG, TSAD PA DANG, YUL DANG, DUS LA SOGS PAS MI MTHUN PAR GYUR PA ZOS PA NI, SBYAR BA'I DUG DANG 'DRES PAR SHES PAR BYA ZHING KHONG DU CHUD PAR BYA'O, ,RLAN CAN SHA DANG MON SRAN GRE'U, ,SBRANG RTZI'O MA MYU GU CAN, ,PADMA'I RTZA BA LA PHUG SKAM, ,BU RAM DANG BCAS MI 'PHROD YIN, ,ZHES BYA BA LA, RLAN CAN GYI SHA NI RI DGAS CHEN PO DANG, CHU LA SPYOD PA DANG, CHU LA GNAS PA ZHES BYA BA'I SDE TSAN GSUM DU BSTAN PA STE, DE DANG MON SRAN GRE'U ZHES BYA BA, SRAN MA DANG, SBRANG RTZI DANG, 'O MA DANG, MYU GU CAN DANG, PADMA'I RTZA BA DANG, DE LA SOGS PA MI 'PHROD PA'I ZAS GANG YIN PA DES NI, DE'I GNOD PA'I KHYAD PAR 'DIR MA BSTAN KYANG, DRANG SRONG TZA RA KAS JI SKAD BSTAN PA'I MA NING LA SOGS PA'I 'GYUR BA SKYED CING, DES 'PHRAL TAM, DUS PHYIS SROG 'JOMS PAR BYED PA YIN NO, ,MI 'PHROD PA'I 'BRAS BU TZA RA KAS BSHAD PA NI, 'O PA DANG, LONG BA DANG, 'DAR BAG DANG, RMONGS BAG DANG, LKUGS PA DANG, DRAN PA MED PA DANG, RMUGS PA RNAMS KYI RTZA BA YIN PA'AM, YANG NA 'CHI BAR 'GYUR BA NYID YIN NO, ,ZHES BSHAD PA YIN TE, DE DAG NI 'DRES PA'I SBYOR BA'I MI 'PHROD PA YIN NO, ,KHYAD PAR DU NI 'O MA NYA, ,NYA RNAMS LAS KYANG TZI LI TZIM [?], ,ZHES BYA BA LA, KHYAD PAR DU ZHES BYA BA NI LHAG PAR RO, , NYA NI RO HI TA LA SOGS PA STE, RLAN CAN GZHAN DAG NA YOD PA'ANG RUNG STE, DE NI 'O MA DANG LHAN CIG ZOS NA MI 'PHROD PA YIN NO, ,DE BZHIN DU NYA RNAMS KYI NANG NAS KYANG, TZI LI TZI MA ZHES BYA BA'I NYA 'O MA DANG LHAN CIG MI 'PHROD PA YIN TE, 'DI GNYI GA YANG RO MNGAR BA DANG, ZHU BA'I RJES MNGAR BA DANG, BAD KAN SKYED LA DRO BA DANG, BSIL BAR BYED PA'I TSUL GYIS NUS PA MI MTHUN PA YIN LA, NUS PA MI MTHUN PAS NA KHRAG 'KHRUG PAR BYED PA YIN LA, BAD KAN SKYED PAR BYED CING RGYU BA'I LAM 'GAG PAR BYED PA YIN NO, ,DE LAS KYANG NYA TZI LI TZI
MA NI CUNG ZAD ZLUM ZHING MDOG DMAR POR SNANG LA, PHAL CHER SA LA RGYU BAS, GAL TE 'O MA DANG LHAN CIG ZOS NA GDON MI ZA BAR KHRAG LAS BYUNG BA'AM, RTUG 'GAGS LAS BYUNG BA'I NAD GANG YANG RUNG BA 'BYUNG BAR 'GYUR RO ZHES DRANG SRONG TZA RA KA SA BSHAD DO, ,'O MA LHAN CIG SKYUR KUN NI, ,MI 'PHROD SHING TOG DE BZHIN NO, ,ZHES BYA BA LA, 'O MA DANG LHAN CIG SKYUR THAMS CAD MI 'PHROD DO, ,'DIR KUN GYI SGRA SMOS PAS SKYUR BA LA SOGS PA RDZAS GSHER BA THAMS CAD BSDU BA DANG, DE BZHIN DU SMAN SKYUR BA DANG, CHU'I RTZA BA LA SOGS PA DE THAMS CAD 'O MA DANG LHAN CIG MI 'PHROD PA YIN NO ZHES NGES PAR SHES PAR BYA'O, ,'DIR LHAN CIG CES SMOS PA NI, DON LHAG PAR BSTAN PAR BYA BA'I PHYIR TE, 'O MA 'THUNGS NA ZAS GZHAN GYIS BAR BCAD DU ZIN CING, PHO BAR JI SRID GNAS PAR 'GYUR BA DE SRID KYI BAR DU, SKYUR PO LA SOGS PA RDZAS SKYUR BA GANG YIN BZA' BAR MI BYA STE, LHAG PA'I DON 'DI LHAN CIG CES BYA BA'I SGRA LAS SHES PAR BYA'O, ,DE YANG BSDUS PA LAS, GSHER BA DANG BSKA BA'I RDZAS THAMS CAD NI 'O MA DANG LHAN CIG GAM, DE'I RJES LA MI 'PHROD PA YIN NO ZHES BSHAD PA YIN NO, ,SHING THOG NI DE BZHIN NO ZHES BYA BAR 'DIR 'O MA DANG LHAN CIG MI 'PHROD DO ZHES BYA BAR SBYAR TE, SKYUR BA RNAMS 'O MA DANG MI 'PHROD PA 'BA' ZHIG TU MA ZAD DO, ,SHING TOG KYANG MI 'PHROD DE, DON GYIS NA SHING TOG STAR KA'I 'BRAS BU LA SOGS PA SKYUR BA MA YIN PA DAG KYANG, STAR KA'I 'BRAS BU LA SOGS PA PHAL CHER LHAN CIG MI 'PHROD DO ZHES BYA BA NI DE BZHIN NO ZHES BYA BA'I DON YIN NO, ,DE YANG DRANG SRONG TZA RA KAS AA MRA'I 'BRAS BU DANG, AA MRA TA KA DANG, BA LUNG DANG, LI KU RTZE DANG, KA RA MAR TA DANG, CHU SHING GI 'BRAS BU DANG, SKYUR RTZI CHEN PO DANG, RGYA SHUG GI 'BRAS BU DANG, KO SHA AA MRA DANG, 'DZAM BU'I 'BRAS BU DANG, BIL BA'I RKANG DANG, TIG TI LI KA DANG, KU SHU DANG, STAR KA'I 'BRAS BU DANG, PA NA SA DANG, RGYA STAR GYI 'BRAS BU DANG, BAL PO SE'U DANG, SKYU RU RAL SOGS PA DE LTAR BU DANG, GZHAN DAG DANG, SKYUR BA'I
, ,RDZAS SKAM PO DANG, GSHER BA THAMS CAD 'O MA DANG LHAN CIG MI 'PHROD PA YIN NO ZHES BSHAD PA YIN NO, ,DE BZHIN RGYA SRAN KHRE DAG DANG, ,BA LA KU MU TA MI 'PHROD, ,CES BYA BA LA, DE BZHIN DU RGYA SRAN KU LA DA THA LA SOGS BA YANG 'O MA DA BA LHAN CIG MI 'PHROD PA YIN NO, ,LA PHUG LA SOGS SDO RNGAD NI, ,ZOS NAS 'O MA SPANG BAR BYA, ,ZHES BYA BA LA, LA PHUG LA SOGS PA'I SNGO RNGAD RJEN PA ZOS NAS 'O MA SPANG BAR BYA'O, ,LA SOGS PA'I SGRAS NI, SKU THI RA DANG, SHI KRU DANG, BYE'U RUG PA LA SOGS PA BSDU'O, ,DE YANG DRANG SRONG TZA RA KAS, MDZE'I NAD DU 'GYUR BA'I 'JIGS PAS, LA PHUG DANG, YUNGS KAR GYI LO MA DANG, SGOG SKYA DANG, GRI NA GANDHA DANG, ZIN THIG LE SU MU KHA DANG, SU RA LA SOGS PA'I SGRAS ZOS NAS, 'O MA BTUNG BAR MI BYA'O ZHES BSHAD PA YIN NO, ,SNGO RNGAD CES SMOS PA NI LA PHUG GI KHYAD PAR LA BYA BAR BSTAN TE, 'DI LTAR SMOS PA LAS NA 'DI NI RJEN PAR YANG BZAR RUNG BAR BSTAN PA YIN LA, SNGAR TSOD MA'I SDE TSAN GYI NANG DU 'DI SMOS PAS NI, TSOD MA NYID DU BYAR RUNG BAR STON PA YIN NO, ,DE LTAR NA RJEN PA ZOS NAS 'O MA MI BTUNG BA YIN GYI, TSOD MAR BYAS PA MA YIN TE, LEGS PAR BTZOS NAS KHU BA BTZIR BA DANG, SNUM LA SOGS PAS BRNGOS TE, TSOD MAR G-YOS SU BYAS PA'I RJES LA 'O MA MI BTUNG BA NI MA YIN NO, ,PHAG RGOD BYI DUR SHA MI BZA', KHYIM BYA BRI SHA TA ZHOR MIN, ,ZHES BYA BA LA, PHAG RGOD KYI SHA DANG, BYI DUR SHA LHAN CIG MI BZA' BA DANG, DE BZHIN DU KHYIM BYA DANG, PRI SHA TA'I SHA ZHO DANG LHAN CIG MI BZA'O, ,SHA RLON MKHRIS PA DAG DANG NI, ,LA PHUG MA SHA'I TSOD MAR MIN, ,ZHES BYA BA LA, SHA RLON PA MKHRIS PA DAG DANG LHAN CIG MI BZA' BA DANG, DE BZHIN DU LA PHUG MA SHA'I TSOD MA DANG LHAN CIG MI BZA'O, ,LE BRGAN RTZI TSOD LUG SHAR MIN, ,MYU GU'I TSOD MA BAD RTZAR MIN, ,ZHES BYA BA LA, LE BRGAN RTZI'I TSOD MA DANG, LUG SHA LHAN CIG MI BZA' BA DANG, DE BZHIN DU 'BRU'I MYU GU SKYES PA'I TSOD MA DANG, PADMA'I RTZA BA LHAN CIG BZA' BAR MI BYA'O, ,
MA SHA'I SRAN TSOD BUR MA ZHO, ,MAR 'O LI KU RTZE'I 'BRAS MIN, ,ZHES BYA BA LA, MA SHA'I SRAN TSOD DANG, BUR MA MAM, ZHO 'AM MAR RAM 'O MA'AM, LI KU RTZE'I 'BRAS BU LHAN CIG BZA' BAR MI BYA'O, ,CHU SHING 'BRAS BU DANG BAR MIN, ,TA LA'I 'BRAS BU ZHOR MI 'PHROD, ,CES BYA BA LA, CHU SHING GI 'BRAS BU DAR BAR MI BZA' BA'AM, TA LA'I 'BRAS BU ZHO DANG LHAN CIG MI 'PHROD PAS MI BZA'O, ,TSA BA GNYIS PO BUR MA DANG, ,SBRANG RTZI KA KA MA TZIR MIN, ,ZHES BYA BA LA, KA KA MA TZI TSA BA GNYIS PO PI PI LING DANG, NA LE SHAM DANG, LHAN CIG SBRANG RTZI'AM BU RAM DANG LDAN PAR MI BZA'O, ,DE NI NYA BTZOS PA'I SNOD DANG, ,DONG GRA BTZOS PAR G-YOS PA MIN, ,ZHES BYA BA LA, KA KA MA TZI DE NYI NYA BTZOS PA'I SNOD DU G-YOS SU BYAS PA'ANG MI BZA'O, ,KA MA TA NI SNOD GZHAN DU, ,BTZOS NAS NYIN MTSAN LON MI BZA', , ZHES BYA BA LA, KA MA TA NI, KA KA MA TZI STE, DE SNOD GZHAN DAG TU BTZOS NAS NYIN MTSAN LON ZHING ZHAG 'DAS PA DAG BZA' BAR MI BYA'O, ,DE LA MI BZA' ZHES BYA BA 'DI NI, 'DI YAN CHAD KUN LA SBYAR BAR MI BYA'O, ,NYA BRNGOS PA YI SNUM LA NI, ,PI PI LING BRNGOS SPANG BAR BYA; ,ZHES BYA BA LA, NYA BRNGOS PA'I SNUM LA BRNGOS PA'I PI PI LING SPANG BAR BYA STE, NYA GANG DU BRNGOS PA DER BRNGO BA YANG SPANG BAR BYA'O, ,MAR SAR 'KHAR SNOD ZHAG BCU LON, ,GO BYE'I 'BRAS BU DROR MI BZA', ,ZHES BYA BA LA, MAR SAR 'KHAR BA'I SNOD DU ZHAG BCU LON PA SPANG BAR BYA'O, ,DE BZHIN DU GO BYE'I 'BRAS BU LA TA KA BZA' BA DANG, BTUNG BAR DRO BA DAG SMAN PAS SPANG BAR BYA'O, ,BA SA SREG SHAR MI 'PHROD CING, ,DAR BAR KAM BI LA BTZOS MIN, ,ZHES BYA BA LA, BA SA ZHES BYA BA'I SHA SREG SHAR BYA BAR MI 'PHROD PAS BZA' BAR MI BYA'O, ,DE BZHIN DU KA MA BI LA ZHES BYA BA STE, MING GI RNAM GRANGS YAN LAG DMAR ZHES BYA BA DE DAR BAR BTZOS TE BZA' BA MI 'PHROD PA YIN NO, ,'O THUG DANG NI KRI SAR, ,CHANG DANG LHAN CIG MI 'PHROD SPANG, ,ZHES BYA BA LA, 'O THUG DANG, KRI SA RA DANG, CHANG LHAN
, ,CIG MI 'PHROD PAS SPANG BAR BYA'O, ,DE LA 'O THUG NI 'BRAS CHAN 'O MA'I NANG DU BTZOS TE SPOD KYIS BTAB PA NI 'O THUG GO, ,KRI SA RA NI TIL DANG, SRAN MUNGGA DANG, MA SHAL SOGS PA G-YOG PA'I THUG PA'O, ,CHANG NI 'BRAS BTAGS PA LA SOGS PA LAS MNAN NAS BYAS PA'O, ,DE RNAMS LHAN CIG TU BZA' ZHING LONGS SPYAD BAR MI BYA'O, ,SBRANG RTZI MAR SAR ZHAG TIL MAR, ,CHU RNAMS GNYIS GNYIS GSUM GSUM MAM, ,CHA MNYAM LHAN CIG ZOS PA DAG ,PHAN TSUN DAG NI MI MTHUN NO, ,ZHES BYA BA LA, SBRANG RTZI LA SOGS PA'I RDZAS LDAN NI GNYIS GNYIS SAM, GSUM DU ZHES BYA BA GSUM GSUM MAM, CHA MNYAM ZHES BYA BA GCIG TU CHA MNYAM PAR BYA STE, BZA' BA NI PHAN TSUN MI 'PHROD PA YIN NO, ,DE YANG GNYIS GNYIS NI DPER NA, MAR SAR DANG SBRANG TZI'AM, MAR SAR DANG ZHAG GAM, MAR SAR DANG TIL MAR RAM, SBRANG RTZI DANG CHU'O, ,GSUM GSUM NI DPER NA, SBRANG RTZI DANG MAR SAR DANG, TIL MAR DU BZA' BA'O, ,CHA MNYAM PA NI SBRANG RTZI DANG, MAR SAR DANG, ZHAG DANG, TIL MAR DANG, CHU RNAMS LA BSRES TE LHAN CIG ZOS PA STE, DE DAG NI MI 'PHROD PA YIN NO, ,MAR SBRANG CHA NI MI MNYAM YANG, ,CHAR PA'I CHU NI 'THUNGS NA GNOD, ,CES BYA BA LA, MAR DANG SBRANG RTZI CHA MI MNYAM PAR GYUR KYANG, CHAR PA'I CHU DANG LHAN CIG 'THUNGS NA MI 'PHROD PAR 'GYUR RO, ,SBRANG RTZI PADMA'I SA BON DANG, SBRANG RTZI 'BRU CHANG KHA RAR MIN, , ZHES BYA BA LA, SBRANG RTZI DANG PADMA'I SA BON LHAN CIG SBYAR TE BZA' BA LANG MI 'PHROD PA YIN NO, ,DE BZHIN DU SBRANG RTZI DANG, 'BRU CHANG ZHES BYA BA, 'BRU LAS MNAN PA'I CHANG DANG, SHA KHAR LAS BYAS PA'I CHANG MI 'PHROD CING GNOD PA SKYED PA YIN PAS, RLUNG SHIN TU SKYED PAR BYED PA YIN NO, ,'O THUG RJES LA SKYO MAR MIN, ,SHA MO YUNGS MAR BRNGOS MI 'PHROD, ,CES BYA BA LA, 'O THUG NI 'O MA LA 'BRAS BTZOS PA'I THUG PA'O, ,DE NI SKYO MA DANG MI 'PHROD PA YIN TE, SKYO MA DE NI BAD KAN SKYED PAR BYED PA YIN TE, SKYO MA ZHES BYA BA LA PHYE DANG MAR SBYAR
BA CHU DANG SBYAR LA HA CANG SLA BA 'AM, HA CANG SKA BAR MA GYUR BA LA BYA'O, ,SHA MO NI GDUGS LTA BUR SKYES BA'I TSOD MA'I KHYAD PAR RO, ,DE NI YUNGS MAR BRNGOS TE BZA' BA MI 'PHROD PA YIN TE, SHIN TU MKHRIS BA SKYED PA YIN NO, ,AU BO TA KA TIL TSIGS LA, ,BTZOS PA 'KHRU PAR BYED PA YIN, ,ZHES BYA BA LA, AU PO TA KA NI LI SA ZHES BYA BA'I TSOD MA STE, DE TIL GYI TSIGS MA DANG BTZOS SHING G-YOS PA NI 'KHRU BAR BYED PA STE, TSAD PAS 'KHRU BAR BYED PA YIN NO, ,BYA GAG SHA NI CHANG DANGS DANG, ,KU LA MA SHA'I THUG MI 'PHROD, ,CES BYA BA LA, BYA GAG NI BYA BA LA GA ZHES BYA STE, DE'I SHA CHANG DANGS MA BA RU RA ZHES BYA BA DANG, KU LA MA SHA THA'I THUG PA DANG LHAN CIG MI 'PHROD DE, KU LA MA NI MON SRAN SDE'U DANG SRAN CHUNG LA SOGS PA BTZOS NAS, SHING KUN LA SOGS PA'I SPOD BTAB PA'I THUG PA'O, ,DE NYID PHAG RGOD TSIL LA BRNGOS, ,SROG NI 'PHRAL DU 'JOMS PAR BYED, ,CES BYA BA LA, BYA GAG GI SHA DE NYID PHAG RGOD KYI TSIL DANG BRNGOS PA NI, SROG 'PHRAL DU 'JOMS PAR BYED PA YIN TE, DE'I MOD LA GSOD PAR 'GYUR RO ZHES PA'I DON TO, ,DE BZHIN SREG PA RMA BYA DANG, ,LA BA KA PIN [?] DZA LA SRAM, ,AE RAndA YI ME LA NI, ,AE RAndA'I MAR BRNGOS MI 'PHROD, ,CES BYA BA LA, DE BZHIN DU SREG PA LA SOGS PA'I SHA ,AE RAndA'I ME LA BTZOS SHING DE BZHIN DU AE RAndA'I MAR DANG BSRES SHING BRNGOS PA NI MI 'PHROD DE, SNGA MA DANG 'DRA BAR SROG 'PHRAL DU 'JOMS BAR BYED BA YIN NO, ,HA RID DRA SHA SKYER PA YI, ,THUR MA DAG LA BSKYON NAS NI, ,SKYER PA'I ME LA BSREGS GYUR PA, ,'PHRAL DU SROG NI 'JOMS PAR BYED, ,CES BYA BA LA, DE BZHIN DU BYA HA RID DRA'I SHA SKYER PA'I THUR MA LA BSKYON ZHING BTZUGS NAS DE BZHIN DU SHING SKYER PA BUS PA'I ME LA BSREGS SHING TSOS PAR BYAS PA NI 'PHRAL DU SROG 'JOMS PAR BYED DE, DUG DANG 'DRA BAR MYUR DU SROG 'PHROG CING SROG DANG BRAL BAR BYED DO ZHES BYA BA'I DON TO, ,DE NYID THAL BA RDUL GYIS GOS, ,SBRANG RTZIR BCAS BA 'PHROD MA YIN, ,ZHES BYA BA LA, BYA HA RI TA'I SHA DE
, ,NYID THAL BA DANG RDUL GYIS GOS SHING NYAMS PAR GYUR PA DANG, SBRANG RTZI DANG BCAS PA NI 'PHROD PA MA YIN TE, 'PHRAL DU GSOD PAR BYED PA YIN NO, ,DE BZHIN DU MI MTHUN PA GZHAN DAG STE, GRANG BA DANG, DRO BA DANG, SAR PA DANG, RNYING PA DANG, BTZOS PA DANG; MA BTZOS PA DAG NI RLUNG DANG, BAD KAN DANG MI MTHUN PA'I SMAN RNAMS NI, BAD KAN GYI KHAMS DANG MI 'PHROD PAR GYUR PA YIN NO, ,LA LA NI PHAN TSUN GCIG LA GCIG MI 'PHROD PA YIN LA, KHA CIG NI SBYOR BA'I DBANG GIS PHRAD PA LAS MI 'PHROD PA YIN ZHING, GZHAN DAG NI G-YOS SU BYA BA LA SOGS PA'I DBANG GIS MI 'PHROD PA YIN LA, YANG GZHAN DAG NI DUS DANG YUL DANG TSAD LA SOGS PAS MI 'PHROD PA YIN PA DANG, DE BZHIN DU RANG BZHIN GYIS MI 'PHROD PA YANG YOD DE, GZHUNG TZOM PAR BYED PAS, BSDUS PA LAS BSHAD PA, RDZAS MTHU DANG LDAN PA DAG NI YON TAN PHAN TSUN MI MNYAM PA NYID KYIS G-YOS SU BYA BA LA SOGS PA'I DBANG GIS MI 'PHROD PAR 'GYUR TE, 'O MA NI RGYA SRAN KU LANGTHA DANG MI 'PHROD LA, PA NA SA NI NYA DANG MI 'PHROD CING, MAR DRON PO DANG, SBRANG RTZI DANG, ZHO DRON POR MI 'PHROD PA DANG, TSA SGO CAN GYI CHU DANG PHYER BSRES TE MTSAN MO BZA' BA MI 'PHROD PA DANG, DE BZHIN DU CHU GZHAN DAG DANG NAS 'DRA MI 'PHROD PA LTA BU'O, ,GANG YANG NYES PA MA SBYANGS PA, ,MDOR NA DE NI MI 'PHROD YIN, ,ZHES BYA BA LA, GANG YANG RUNG BA'I KHA ZAS LAS BYUNG BA'I NYES PA KHRUS DANG, SLON LA SOGS PAS MA SBYANGS PAR DE NI MDOR NA ZHES PA, MDOR BSDUS NA MI 'PHROD PA YIN PAS BSTEN PAR MI BYA'O, ,NYES 'DI SBYANG BAR 'DOD PA'AM, ,YANG NA DE DANG MI MTHUN PA'I, ,RDZAS DE NYID KYIS DANG PO NI, ,LUS NI MNGON PAR SBYANG BAR BYA, ,ZHES BYA BA LA, ZAS MI 'PHROD PA LAS BYUNG BA'I NYES PA 'DIR NI SBYANG BA ZHES BYA BA, SLON DANG KHRUS LA SOGS PA'I TSUL BYA BA NI 'DOD CING BSNGAGS PAR BYA BA YIN NO, ,YANG NA DE DANG MI MTHUN PA'I RDZAS KYI SMAN GYIS ZHI BAR BYA BA 'DOD PA YIN TE, MI 'PHROD PA'I KHA ZAS DE'I GNYEN POR GYUR PA'I SMAN YON TAN GO BZLOG PA DES ZHI BAR BYA BA
NI; YUL DANG DUS LA LTOS NAS BYA BA NYID YIN NO, ,YANG NA GANG PHAN PAR 'GYUR BA'I SMAN DANG, ZAS KYI RDZAS DE NYID KYIS DANG PO KHO NAR LUS MNGON PAR SBYANG ZHING PHAN PA'I DPYAD DU BYA BA STE, MDOR NA DANG PO NYID NAS ZAS PHAN PA NYID BZA' BAR BYA ZHING BSTEN BAR BYA'O ZHES BYA BA'I DON TO, , DE YANG DRANG SRONG TZA RA KAS, MI 'PHROD ZAS ZOS LAS GYUR NA, ,SLON DANG KHRUS KYIS SBYANG BYA ZHING, ,RNAM PAR BSAL NAS ZHI BA'AM, ,DANG POR 'PHROD PA BSTEN PAS SO, ,ZHES BSHAD PA YIN NO, ,RTZOL CAN SNUM BSTEN DROD CHE DANG, ,DAR LA BA BCING NYAMS STOBS LDAN, , GOMS PAR ZOS DANG CUNG ZAD ZOS, ,MI 'PHROD GYUR KYANG GNOD MI 'GYUR, ,ZHES BYA BA LA, GANG LA RTZOL ZHING LAS SU BYA BA YOD BA DE NI RTZOL BCAS TE, RTZOL BA CAN DES NI ZAS DANG BTUNG BA DANG, SMAN MI 'PHROD PA BSTEN KYANG NAD DU MI 'GYUR RO, ,DE BZHIN DU SNUM SHAS CHER BSTEN PA DANG, PHO BA'I ME DROD CHE BA DAG DANG, DAR LA BAB CING NA TSOD BDE BA DANG, DE BZHIN DU NYAMS STOBS DANG LDAN ZHING SHIN TU BSNGAGS PAR BYA BA'I STOBS YOD PA DES MI 'PHROD PA DAG ZOS KYANG NAD DU MI 'GYUR BA DANG, DE BZHIN DU GOMS PAR BYAS SHING RTAG TU ZOS PA DANG, CUNG ZAD CUNG ZAD ZOS PA DAG GIS KYANG NAD DU MI 'GYUR TE, ZAS DANG SKOM LA SOGS PA MI 'PHROD CING MI MTHUN PAR 'GYUR BA YIN YANG SKYES BU DE LA GNOD PA'I NAD DU MI 'GYUR GYI, NAD MED PA NYID DU GNAS PAR 'GYUR RO, ,DRIS PA GANG MI 'PHROD BA'I ZAS SKOM ZOS PA NA GOMS PA'AM, NYUNG ZAD CIG BSTEN PA'I RGYUS DUS DANG YUL LA LTOS NAS, GOMS PAS LUS LA GNOD PA MED CING BDE BAR 'GYUR BA DE MOD LA SPANG BAR BYA BA'AM, 'ON TE RIM GYIS SPANG, DE BZHIN DU GANG LUS LA PHAN ZHING 'PHROD PA DAG KYANG MOD LA CIG CAR BSTAN PAR BYA BA'AM DE LTA MA YIN, DE GNYIS KYIS RIM PA SPANG BA DANG, BLANG BA'I TSUL BSTAN PA SMRAS PA NI, MI 'PHROD CHA YIS GOMS BYA'AM, ,CHA YI CHA YIS YONGS SU SPANGS, ,PHAN PA'ANG DE BZHIN BSTEN BYA STE, ,'DI DAG GNYIS GSUM GYIS CHOD BYA, ,ZHES BYA BA LA, GANG MI 'PHROD CING
, ,PHAN PA MA YIN PA BSTEN CING GOMS PAR BYA BA DE YANG, CHA YIS GOMS PAR BYA ZHES BYA BA RANG GI TSAD LAS DE'I BZHI CHAS SPANG BAR BYA'O, ,YANG NA SHIN TU SHAS CHER ZOS PA NI, CHA'I YANG CHA SHAS SU BGOS PA STE, BCU DRUG CHAR YANG SPANG BAR BYA'O, ,'AM ZHES BYA BA NI MI 'PHROD PA YIN KYANG, GNOD PA MED PA DAG MOD LA SPANGS PAS LUS LA GNOD BAR 'GYUR BA MTHONG BAS BSTAN BCOS RTZOM PAS 'AM GYI SGRA SMOS PA YIN NO, ,DE LTAR SPANGS NAS PHAN ZHING 'PHROD PA DAG KYANG DE BZHIN DU RIM PA DE NYID KYIS BSTEN PAR BYA STE, 'PHROG PA DAG KYANG BZHI CHA 'AM BZHI CHA'I BZHI CHAS BSTEN BAR BYA'O, ,DE LTAR MI 'PHROD PA CHA YIS SPANG BA STE RIM PA LA LTOS PA MED PAR DOR BAR BYA BA'AM, 'ON TE LTOS PA DANG BCAS PAS DOR BAR BYA ZHE NA, 'DI DAG GNYIS GSUM GYIS CHOD BYA, ,ZHES SMRAS PA YIN TE, SNGAR BSHAD PA 'DI DAG NI ZHAG GNYIS SAM GSUM GYIS MI 'PHROD PA'I NYE BAR MTSON PA THAMS CAD MED PAR 'GYUR BAS, BAR DU CHOD PAR BYAS LA MI 'PHROD PA DE BZHI CHA'AM, BCU DRUG CHAS SPANG BAR BYA'O, ,DE BZHIN DU PHAN PA DAG KYANG ZHAG GNYIS DANG GSUM GYIS PHAN PA MA LUS PA NYE BAR 'PHEL BAR 'GYUR BAR, BAR GYIS CHOD PAR BYAS LA BZHI CHA'AM, BCU DRUG CHAS NGES PAR BSTEN CING GOMS PAR BYA'O, ,'DIR DON NI 'DI YIN TE, MI 'PHROD PA GOMS PAR 'GYUR BA'I CHA GCIG SPANGS LA, MI 'PHROD PA SUM CHA'I NANG DU 'PHROD PA GCIG BCUG LA BZA'O, ,DE NAS NYI MA GNYIS PA LA, MI 'PHROD PA'I GOMS PA'I CHA BZA' BAR BYA'O, ,DE LTAR NA MI 'PHROD BA'I CHA GCIG GIS CHOD PA YIN NO, ,NYI MA GNYIS PA DANG GSUM PA DANG BZHI PA LA YANG MI 'PHROD PA'I CHA GSUM DANG 'PHROD PA'I CHA GCIG BSRES TE BZA' BAR BYA'O, ,NYI MA LNGA BA LA NI YANG THAMS CAD MI 'PHROD PA BZA'O, ,DE LTAR NA MI 'PHROD PA GNYIS KYIS CHOD PA YIN NO, ,ZHAG DRUG PA DANG, BDUN PA LA MI 'PHROD PA'I CHA GSUM DANG, 'PHROD PA'I CHA GCIG BZA' BAR BYA'O, ,ZHAG DGU PA LA NI THAMS CAD MI 'PHROD PA'O, ,DE LTAR NA MI 'PHROD PA CHA GSUM
GYIS CHOD PA YIN NO, ,DE BZHIN DU MI 'PHROD PA'I CHA GCIG 'BRI ZHING DE NYID PHAN PA'I CHA BCUG PA LTAR YANG NYI MA BCUS MI 'PHROD PA'I CHA GNYIS BCUG PAR BYA'O, ,YANG DE BZHIN DU ZHAG BCUS SNGA MA BZHIN DU MI 'PHROD PA'I CHA GSUM GYIS CHOD PA YIN NO, ,DE BZHIN DU MI 'PHROD PA'I CHA BZHI PA YANG ZHAG BCUS SPANGS LA, 'PHROD PA'I CHA GSUM GZHUG PAR BYA'O, ,DE LTAR NA ZHAG BCUS SPANG BA DANG, BLANG BA GOMS PAR BYAS PA YIN NO, ,GZHAN DAG NI 'DI LAS GZHAN DU 'CHAD DE, NYI MA DANG PO LA MI 'PHROD PA LAS CHA GCIG SPANGS LA, 'PHROD PA LAS CHA GCIG BCUG LA DE NAS ZHAG GCIG BSDAD PAR BYA'O, ,DE NAS NYI MA GNYIS PA LA MI 'PHROD PA THAMS CAD BZA' BAR BYA STE, DE LTAR NA GCIG GNYIS CHOD PAR GYUR PA'O, ,DE NAS NYI MA GSUM PA LA MI 'PHROD PA'I CHA GNYIS BSTEN PAR BYA'O, ,DE NAS NYI MA BZHI PA LA THAMS CAD MI 'PHROD PA BZA' BA DANG, DE BZHIN DU ZHAG LNGA PA LA YANG THAMS CAD MI 'PHROD PA BZA' BAR BYA'O, ,DE LTAR NA NYI MA GNYIS KYIS CHOD PA YIN NO, ,ZHAG DRUG PA LA MI 'PHROD PA LAS CHA GCIG 'PHROD PA LAS CHA GSUM BZA' BAR BYA'O, ,DE NAS BDUN PA DANG BRGYAD PA DANG; DGU PA'I NYIN ZHAG LA THAMS CAD MI 'PHROD PA BZA' BAR BYA STE, DE LTAR GSUM GYIS CHOD PA'O, ,DE NAS ZHAG BDUN PA LA MI 'PHROD PA'O, ,DE NAS ZHAG BCU GCIG PA LA 'PHROD PA LAS CHA GSUM MI 'PHROD PA LAS CHA GCIG BZA' BAR BYA'O, ,DE'I 'OG TU NYI MA BCU GNYIS PA LA THAMS CAD 'PHROD PAR BZA' BAR BYA'O, ,DE LTAR ZHAG GIS CHOD PAR BYAS NAS, ZHAG BCU GSUM PA LA 'PHROD PA'I CHA GNYIS DANG MI 'PHROD PA'I CHA GNYIS BZA' BAR BYA'O, ,DE NAS ZHAG BCU BZHI PA DANG, BCO LNGA BA LA 'PHROD PA 'BA' ZHIG BZA' BAR BYA'O, ,DE LTAR NA NYIN ZHAG GNYIS GNYIS KYIS CHOD PAR GYUR BA YIN NO, ,DE NAS NYI MA BCU DRUG PA LAS 'PHROD PA LAS GSUM DANG, MI 'PHROD PA LAS CHA GCIG BZA' BAR BYA'O, ,DE NAS ZHAG BCU BDUN PA DANG, BCO BRGYAD PA DANG, BCU DGU BA'I GRANGS KYIS BCAD PA'I NYIN ZHAG LA THAMS CAD KYANG
, ,'PHROD CING PHAN PAR 'GYUR BA BZA' BAR BYA'O, ,DE LTAR NYIN ZHAG GSUM GYIS CHOD PA YIN NO, ,DE'I 'OG TU ZHAG NYI SHU PA NAS BTZAMS TE, CHA BZHI PO THAMS CAD KYANG PHAN ZHING 'PHROD PA LAS BZA' BAR BYA'O ZHES ZER RO, ,LA LA 'DI SKAD 'CHAD DE, KHA ZAS GNOD PA GOMS PA'I CHA GCIG BOR LA, GNOD PA'I KHA ZAS CHA GSUM GYI NANG DU PHAN PA'I CHA GCIG BCUG LA, JI SRID GOMS PAR GYUR PA DE SRID KYI BAR DU BSTEN PAR BYA'O, ,DE LTAR NA GNOD PA NI GCIG GIS CHOD PA YIN LA, PHAN PA'I ZAS NI GSUM GYIS CHOD PA YIN ZHING, GANG GI PHYIR GNOD PA'I CHA LAS NI CHA GCIG BOR BA YIN LA, PHAN PA LAS KYANG CHA GSUM BOR NAS, CHA GCIG BCUG PA YIN PA'I PHYIR RO, ,DE BZHIN DU CHA GNYIS KYI SA CHOD PA NI GNOD PA DANG, PHAN PA GNYIS LAS CHA GNYIS DOR TE CHA GNYIS GNYIS BSRES LA, JI SRID GOMS PAR GYUR PA DE SRID KYI BAR DU BSTEN PAR BYA'O, ,DE'I 'OG TU CHA GSUM GYIS CHOD PA STE, GNOD PA'I CHA GSUM DOR LA, CHA GCIG PA STE PHAN PA'I CHA GSUM GYI NANG DU BSRES TE, JI SRID GOMS PAR GYUR PA DE SRID KYI BAR DU GOMS PAR BYA'O, ,DE'I 'OG TU PHAN PA'I ZAS DANG SMAN CHA BZHIR RDZOGS PA BSTEN PAR BYA'O ZHES ZE RO, ,DE BAS NA DRANG SRONG TZA RA KAS KYANG, DE PHYIR GNOD PA'ANG GOMS BYAS PA, ,RIM GYIS YONGS SU SPANG BAR BYA, ,BSTEN PAS PHAN PAR GYUR PA YANG, ,RIM GYIS RNAM PAR 'PHEL BAR BYA, ,GNOD PA'I CHA GCIG DOR BYA BA, ,PHAN PA'ANG CHA GCIG DOR BYA BA, ,NYIN ZHAG BCO LNGA NYI SHUS BYAS, ,DE PHAN CHAD NI CHA RES BYA, ,ZHES BSHAD PA YIN NO, ,GZHUNG RTZOM PAR BYED PAS YAN LAG BRGYAD PA LA 'JUG PA LAS KYANG, GNOD PA'I ZAS NI GOMS GYUR PA'AM, ,SPYOD PA'I CHA YIS DOR BAR BYA, ,PHAN PA'ANG CHA YIS BSTEN BYA STE, ,ZHAG GCIG GNYIS GSUM GYIS CHOD BYA, ,ZHES BSHAD PA YIN NO, ,SKYON NI RIM GYIS 'GRIB PA DANG, ,YON TAN RIM GYIS 'PHEL 'GYUR NA, ,SLAR SKYE BAR NI MI 'GYUR ZHING, ,G-YO BA MED PA DAG TU
'GYUR; ,ZHES BYA BA'AM, DES NI MI 'PHROD CING GNOD PA SKYED PAR BYED PA YANG GONG DU BSHAD MA THAG PA'I RIM GYIS 'GRIB CING ZAD PAR 'GYUR LA, YON TAN TE BDE BSKYED BAR GYUR PA YANG RIM GYIS 'PHEL BAR GYUR PA NYID NI GRANGS JI LTA BA BZHIN DU NYES PA RNAMS SLAR ZHING PHYIS 'BYUNG BAR MI 'GYUR ZHING, YON TAN G-YO BA MED PAR 'GYUR RO, ,MI 'PHROD PA YANG SPANGS GYUR DANG, ,'PHROD PA GOMS PAR GYUR PA NYID, ,'PHRAL DU SPANGS DANG MA BSTEN PAS, ,NYES PA RNAMS NI 'BYUNG BAR 'GYUR, ,ZHES BYA BA LA, DE LTAR GONG DU BSHAD PA'I RIM GYIS MI 'PHROD PA GOMS PAR GYUR PA SPANGS PAR GYUR CING, 'PHROD PA ZA BA GOMS PA BSTEN PAR 'GYUR BA NYID NI NYES PAR MI 'GYUR GYI GZHAN DU NA 'PHRAL DU STE, DE MA THAG PA 'ONG BAR GYUR PAS NI 'DI GNYIS LAS NYES PA 'BYUNG BAR 'GYUR RO, ,MI 'PHROD PA YANG SPANGS GYUR DANG, ,ZHES BYA BA 'DIR 'PHRAL DU ZHES BYA BA SBYAR BAR BYA STE, MI 'PHROD PAR GYUR PA YANG, 'PHRAL DU SPANGS PAR GYUR PA DANG, DE BZHIN DU 'PHROD PA 'PHRAL DU GOMS PAR GYUR PA NYID LAS NI SNGAR BSHAD PA'I TSUL LAS GO BZLOG PA YIN PAS, DE LTA BU'I SPANGS PA DANG BSTEN PA LAS NI NYES PA STE NAD RNAMS 'BYUNG BAR 'GYUR RO, ,GNOD PA GNOD BYA'I BDAG NYID CAN, ,SHIN TU NYES PAR GYUR PA LA, ,PHAN MED GNOD PAR BYED PA NI, ,MKHAS PAS PHYIR ZHING BYA MI RIGS, ,ZHES BYA BA STE, GNOD PA PO STE RLUNG DANG, MKHRIS PA DANG, BAD KAN DANG, GNOD BYA STE, LUS ZUNGS LA GNOD PA'I BDAG NYID CAN RANG BZHIN CAN DE SHIN TU NYE BAR GYUR CING, LUS LA GNOD PAR GYUR PA LA, PHAN MED CES BYA BA RJES SU MI MTHUN PAR GYUR PA'I BYED PAR, BYED PA NYID GNOD CING GDUG BAR BYED PA NI MKHAS SHING BDAG NYID SHAS PAS PHYIR ZHING YANG NAS YANG DU BYA BA MI RIGS SO, ,DE LTAR NA MKHAS PAS NYES PA STE, NAD RNAMS SPANGS SHING BSAL NAS NI, NAD SLAR SKYE BAR MI 'GYUR LA YON TAN RIM GYIS 'PHEL ZHING BSAGS PA'I 'PHROD PA BSTEN PAS NI G-YO BA MED DE, RTAG TU NAD
, ,MED PAR BYED PAR 'GYUR RO, ,ZAS DANG MA LA STAN 'DOD PA SPYOD, ,RAN ZHING RIGS PAR SBYAR BA YIS, ,KHANG KHYIM 'CHOS PA LTA BUR NI, ,RTAG TU LUS NI GZUNG BAR BYA, ,ZHES BYA BA LA, ZAS DANG MAL STAN DANG, 'DOD PA SPYOD BA RAN ZHING RIGS PAR 'GAL BA MED PAR SBYAR BAR BYA BA STE, RIGS PA NI BSTAN BCOS LAS BSHAD BA'I CHO GA STE, CHO GA DE SBYAR BA'I DES PAS DUS RTAG TU LUS GZUNG BAR BYA ZHING 'DI RNAMS KYIS GNAS PAR BYA'O, ,DE YANG KHANG KHYIM LTA BU 'CHOS SHING BRTAN PAR BYA BA'I TSUL LTA BUR BYA BA STE; DPER NA KHANG PA KA BA BRTAN POS BRTEN PA LTAR LUS KYI KHANG PA 'DI YANG, SNGON GYI LAS KYI RTZA BA CAN KA BAS BRTEN PAR GYUR PA LA, NYE BA'I KA BA LTA BU'I ZAS DANG, MAL STAN DANG, 'DOD PA LA SPYOD PA RIGS PA DANG LDAN PAS BRTEN PAR BYA'O, ,DE LAS ZAS NI BSHAD ZIN CING, ,DE DANG DER NI BSHAD PAR BYA, ,ZHES BYA BA LA, DE LA NYE BA'I KA BA LTA BU'I NANG NAS ZAS NI BSHAD ZIN TE, CHU SNA TSOGS PA LA SOGS PA'I TSUL SHES PAR BYA LA, ZAS KYI TSUL SHES PAR BYA BA DANG, DUS SU SPYOD PA'I LE'U SNGAR BSHAD ZIN LA DE BZHIN DU 'OG NAS KYANG ZAS KYI 'OG TU SKOM BTUNG BA'I TSUL RIMS LA SOGS PA LA JI LTAR BYA BA DANG, ZAS KYI TSOD ZIN PAR BYA BA LA SOGS PA'I SKABS NAS DE DANG DER BSHAD PAR BYA'O, ,MAL STAN DANG 'DOD PA LA SPYOD PA NI LE'U 'DI LAS BSHAD PAR BYA'O, ,BDE SDUG SBOM SKEM STOBS CHE CHUNG, ,BUD MED LA PHOD MI PHOD DANG, ,SHES DANG MI SHES 'TSO DANG 'CHI, ,GNYID LA RAG NI LUS PA YIN, ,ZHES BYA BA LA, BDE BA DANG SDUG BSNGAL BA LA SOGS PA NI GNYID LA RAG LUS PA YIN TE, GNYID LEGS PAR LOG PAS NI BDE BA DANG; SBOM ZHING RGYAS PA DANG, STOBS DANG BUD MED LA PHOD PA DANG, SHES PA DANG, 'TSO BA 'PHEL ZHING 'BYUNG BA YIN LA, GNYID NYES PAR BSTEN PAS NI SDUG BSNGAL DANG, SKEM PA DANG, STOBS CHUNG BA DANG, BUD MED LA MI PHOD PA DANG, MI SHES PA DANG,
'CHI BA NYID DU 'GYUR BAS DE LA RAG LAS BA ZHES BYA'O, ,DE LA BDE BA NI NAD MED PA'O, ,SDUG BSNGAL BA NI LUS ZUNGS MI SNYOMS PA'O, ,SBOM PA NI LUS ZUNGS RGYAS PAS SHA CHE BA'O, ,SKEM PA NI LUS ZUNGS ZAD BA'O, ,BUD MED LA PHOD PA NI RO TZA BA'I SGO NAS DE DGA' BAR NUS PA'O, ,DE LA MI PHOD PA NI KHU BA ZAD PA'I SGO NAS MA NING LTA BUR GYUR PA'O, ,SHES PA NI RTOGS PA DANG LDAN PA'O, ,MI SHES PA NI RNAM PAR RMONGS PA NYID DO, ,'TSO BA NI SROG DANG LDAN PA'O, ,'CHI BA NI SROG DANG BRAL BA'O, ,DUS MIN HA CANG THAL CHES DANG; ,GNYID NI KUN TU 'GEGS PA DAG ,BDE DANG TSE NI NYAMS BYED DE, ,DUS MTSAN GNYIS PA LTA BU YIN, ,ZHES BYA BA LA, GNYID NI DUS MIN ZHES BYA BA LA, BSTAN BCOS LAS BKAG PA'I DUS SU BSTEN PA DANG, DE BZHIN DU HA CANG THAL CHES PAR BSTEN PA DANG, KUN NAS KUN TU BKAG CING MA 'DRES PAS NI BDE BA DANG TSE NYAMS SHING 'JIG PAR BYED PAR 'GYUR RO, ,DE LA BDE BA NI NANG DANG BRAL BA'I MTSAN NYID CAN NO, ,TSE NI 'TSO BA DANG LDAN PA STE, DE GNYIS NYAMS SHING 'JIG PAR BYED PA'O, ,DE NI DPER NA DUS MTSAN ZHES BYA BAS 'CHI BA'I DUS KYI MTSAN MO LA BAB PA NI BDE BA DANG CHE NYAMS PAR BYED PA YIN NO, ,DE BZHIN DU 'DI NI DUS MTSAN SNGON CHAD MED PA GNYIS PA LTA BU YIN TE, BDE BA DANG TSE NYAMS PAR BYED PA 'DI GNYIS CHOS MTHUN PA YIN PA'I PHYIR RO, ,MTSAN MO GNYID NI MA LOG RTZUB, ,NYIN MO GNYID LOG SNUM LCIR 'GYUR, ,TZOG PHUR 'DUG STE YUR BA DAG ,MIG RTZUB BAD KAN MED PAR 'GYUR, ,ZHES BYA BA LA, GANG MTSAN MO GNYID MA LOG BA DE NI RTZUB PA YIN LA, GANG NYIN MO GNYID LOG PA DE NI SNUM ZHING LCI BAR GYUR PA YIN TE, GNYID KYIS MA LOG PA'I DBANG PO THAMS CAD NI BYA BA LA PHYOGS SHING RTZOL BA'I MTSAN NYID CAN YIN PAS, BYA BA MA RDZOGS PA'I TSUL GYIS NA BAD KAN DANG, TSIL LA SOGS PA ZHI ZHING RANG BZHIN DU GNAS PA'I NGO BO 'GRIB PAS RTZUB PA'I YON TAN 'BYUNG BAR MI RIGS SU ZIN KYANG RTZUB PA
, ,YIN PAR SGRO BTAGS NAS SMRAS PA YIN GYI, YANG DAG PAR RTZUB PA NI MA YIN NO, ,DE YANG DPER NA YUR BA LA SOGS PA NI GNYID MA LOG PA'I SNGON DU, BAD KAN DANG TSIL LA SOGS PA RANG GI RGYU LAS BYUNG BA YIN DU ZIN KYANG, SKYES BU GNYID KYIS MA LOG PA LA; DE'I BAD KAN DANG TSIL LA SOGS PA ZAD PAR SNANG GI 'PHEL BAR MI 'GYUR TE, DE BAS NA GNYID KYIS MA LOG PA LA RTZUB PA ZHES BSHAD DO, ,GNYID LOG PA LA YANG DBANG PO THAMS CAD KYI BYA BA 'GAGS PA NI MTSAN NYID CAN, BYA BA ZIN BA LTA BU 'DI LA SNUM PA'I YON TAN DANG 'BREL PA MED PA MA YIN MOD KYI, 'ON KYANG SNUM PA LTA BUR SGRO BTAGS NAS BSHAD PA YIN TE, GANG GI PHYIR DE'I TSE RANG BZHIN ZHI BAR GYUR PAS, BAD KAN DANG TSIL LA SOGS PA RANG GI RGYU NYID KYIS BSHANG GCI LA SOGS PA MNGON PAR 'PHEL BAR BYED DE, DBANG PO THAMS CAD KYI BYA BA LAS LDOG PA YIN PA'I PHYIR GNYID MA LOG PA LTAR ZAD PAR BYED PA NI MA YIN GYI, GNYID LOG PA'I SNGAR NI BAD KAN DANG TSIL LA SOGS PA'I THA MAL PAR ZHI BAR GNAS PA'I NGO BO RANG GI LUS LA GNAS PHAR GTOGS PA CUNG ZAD GNYID KYIS LOG PA LTA BUR MI SNANG STE; DE BAS NA GNYID KYIS LOG PA LA SNUM PAR BSHAD PA YIN GYI, YANG DAG PAR NI MA YIN TE, 'DI'I BYA BA'I MTSAN NYID NI 'DI TZAM DU ZAD PA'I PHYIR RO, ,TZOG PUR 'DUG STE GANG YUR ZHING CUNG ZAD GNYID LOG PA DE NI RTZUB PA DANG, BAD KAN MED PAR 'GYUR BA YIN TE, SHIN TU GNYID MED PA MA YIN PA'I PHYIR, RLUNG SKYED CING 'KHRUGS PA YANG MA YIN NO, ,BAD KAN YANG SKYED PA MA YIN NO, ,SO GA RLUNG 'PHEL STOBS 'PHROG DUS, ,RTZUB CING MTSAN MO THUNG BAS NA, ,NYIN PAR GNYID PHAN, ZHES BYA BA LA, SO GA'I DUS SU NYIN PAR GNYID LOG PA PHAN NO ZHES BYA BAR SBYAR RO, ,CI'I PHYIR ZHE NA, RGYU GSUM SMRAS PA YIN TE, RLUNG 'PHEL BA'I DUS YIN TE, SO GA BSAGS BA'I RLUNG DBYAR GYI DUS NA LDANG BAR 'DOD PA'I PHYIR DANG, STOBS 'PHROG BA'I DUS BYUNG BA'I RTZUB PA YIN PAS SOG RTZUB PA'I PHYIR
DANG; DE BZHIN DU DE'I TSE MTSAN MO THUNG BAR GYUR BAS NA, NYIN PAR GNYID LOG PA PHAN PA YIN NO, ,GZHAN DAG TU, DE NI BAD KAN MKHRIS PA SKYED, ,CES BYA BA LA, SO GA LAS GZHAN BAR DBYAR LA SOGS BA'I DUS SU NI NYIN MO'I GNYID DE NI BAD KAN DANG MKHRIS PA GNYIS SKYED PA YIN NO, ,SMRA MANG BZHON DANG LAM GYIS DU BA, ,RA RO BUD MED BSTEN KHUR LAS, ,KHROS DANG MYA NGAN 'JIGS PAS DUB, ,SKYIGS BU DBUGS MI BDE TSAD 'KHRU, ,RGAN DANG BYIS BA NYAMS STOBS ZAD, ,GLO RDOL SKEM DANG GZER GYIS GNOD, ,ZAS MA ZHU DANG BCOM DANG SMYO, ,NYIN PAR GNYID LOG RIGS MA GTOGS, ,ZHES BYA BA LA, SMRA MANG NAS 'JIGS PA'I BAR DU DUB BA'I SGRA SO SOR ZHING SBYAR BAR BYA STE, DE DAG GIS DUB PA DANG SKYIGS BU LA SOGS PAS DUB PAR SBYAR RO, ,DE LA SMRA BA MANG BA NI KLOG PA LA SOGS PA'O, ,BZHON PA NI RTA LA SOGS PAS BSKYOD PA'O, ,LAM GYIS DUB PA NI LAM DU ZHUGS PA'O, ,RA RO BA NIR RO BAS NYEN PAS DUB PA'O, ,BUD MED KYIS DUB PA NI 'KHRIG PAS DUB PA'O, ,KHUR GYIS DUB PA NI KHUR BAS LUS NYON MONGS PAS DUB PA'O, ,LAS NI LUS DUB PAR BYED PA'I RTZOL BA RNAMS SO, ,DE LTAR NA SMRA BA MANG BA LA SOGS PAS DUB PA DANG, GZHAN YANG SKYIGS BU LA SOGS PAS BTAB PA MA GTOGS PAR GZHAN DAG NYIN PAR GNYID LOG PA NI, BAD KAN DANG MKHRIS PA SKYED PAR BYED PA YIN LA, TSUL 'DI DAG DANG LDAN PA DAG GIS NI, DUS THAMS CAD DU NYIN PAR GNYID LOG PAR MI BYA'O, ,ZAS MA ZHU PA NI RNAM PA LNGA STE, RING DU THOGS PA DANG, KHONG TSA BA DANG, BSHANG BA 'GAGS PA DANG, SHIN TU THOGS PA DANG, BCUD KYI LHAG MA LUS PA'O, ,BCOM PA NI RAL GRIL SOGS PA'I MTSON GYIS LUS BCOM ZHING BTAGS PA'O, ,SMYO BA NI GDON DANG BRJED BYED LA SOGS BAS KHAMS MI MNYAM PAR BYAS NAS DRAN PA MED PA'O, ,NYIN PAR GNYID LOG PAR RIGS PA NI, SNGAR GOMS SHING 'O BAS PA'I RANG BZHIN YOD PA STE, DE DAG THAMS CAD MA GTOGS PAR GZHAN GYIS DUS THAMS
, ,CAD DU SPANG BAR BYA'O, ,'DI DAG DE BZHIN LUS ZUNGS SNYOMS, ,BAD KAN SKYES SHING LUS BRTAS 'GYUR, ,ZHES BYA BA LA, SMRA BA MANG BA LA SOGS PAS DUB PA DE DAG GIS SNGAR BSHAD PA'I TSUL DE BZHIN DU BSTEN PAR GYUR NA, DE LUS ZUNGS ZHES BYA BA DANGS MA LA SOGS PA DANG, BAD KAN LA SOGS PA LUS 'DZIN PAR BYED PA SNYOMS PA STE, LHAG PA DANG 'BRI BA MED PAR CHA SNYOMS PAR 'GYUR BA DANG, DE BZHIN DU BAD KAN DANG, LAG NGAR DANG, BRLA LA SOGS PA'I LUS KYI YAN LAG RNAMS SKYES SHING BRTAS PAR 'GYUR BA'O; ,TSIL CHE BAD KAN MANG DANG SNUM, ,RTAG ZA NYIN PAR GNYID MA LOG ,CES BYA BA LA, MI GANG TSIL CHE ZHING BAD KAN MANG BA DANG, DE BZHIN DU SNUM BAG RTAG TU ZA BA DAG NI, NYIN PAR GNYID MA LOG CES BYA BA STE, DUS THAMS CAD DU YANG NYIN PAR GNYID LOG PAR MI BYA'O; ,DUG GIS PHOG DANG LKOG NAD CAN, ,MTSAN MO NAM YANG GNYID MA LOG ,CES BYA BA LA, DUG GIS PHOG CING NYEN PA'I NAD BA DANG, LKOG MA'I NAD YOD PA'I LKOG NAD CAN DE GNYI GAS KYANG MTSAN MO'I DUS SU NAM YANG GNYID LOG PAR MI BYA'O, ,DUS MIN GNYID LOG RMONGS BAG DANG, ,RIMS SKYED RMUGS SHING CHAM PAS 'DEBS, ,MGO NA SKRANG ZHING SLON SGYID SKYUR, ,RTZA YI RGYUN 'GAGS ME DROD NYAMS, ,ZHES BYA BA LA, DUS MA YIN PAR GNYID KYIS LOG PA NI SNGAR BKAG PA'I DUS SMOS BA DAG TU NYIN MO GNYID LOG PA LAS NI RMONGS BAG LA SOGS PA 'BYUNG BAR 'GYUR RO, ,DE LA RMONGS BAG NI GANG BYAS PA RNAMS MI DRAN PA'O, ,RMUGS PA NI SEMS MI GSAL BA'O, ,SGYID SKYUR BA NI MER MER POR BYED PA'O, ,RTZA'I RGYUN 'GAGS PA NI RTZA SBUBS 'GAGS SHING LEGS PAR MI RGYU BA'O, ,DE LA SMYUNG DANG SLON SMAN DANG, ,RDUL DBYUNG SNA SMAN GTANG BA DANG, ,ZHES BYA BA LA, DUS MA YIN PAR GNYID LOG PA NAS BYUNG BA'I RMONGS BAG LA SOGS PA LA SMYUNG BA NAS SMAN SNA NAS GTONG ZHING SBYIN PAR BYA'O, ,GNYID CHES GYUR LA SKYUG SMAN RNO, ,MIG SMAN RNO DANG SNA SMAN DANG, ,
SMYUNG BA SEMS LAS BUD MED BSTEN, ,MYA NGAN 'JIGS DANG KHROS PA SBYAR, ,ZHES BYA BA LA, SHIN TU GNYID CHES PA LAS GYUR PA'I NAD LA SKYUG SMAN RNON PO BTANG BAL SOGS PA NAS KHROS PA'I BAR SBYAR BAR BYA'O, ,DE LA SKYUG SMAN NI SLON SMAN GTANG BA'O, ,DE YANG SMAN RNON PO SBYAR TE BYA BA YIN PAS RNON PO ZHES BYA'O, ,DE BZHIN DU MIG SMAN YANG RO TSA BA DANG, LAN TSVA DANG, SKYUR BA'I SMAN LAS SBYAR BA'I RNO BA NYID DO, ,SNA NAS GTANG BA'I SMAN NI SNA SMAN NO, ,SMYUNG BA NI ZAS BCAD PA'O, ,SEMS LAS NI DNGOS PO RNAMS YID LA DRAN PA'O; ,BUD MED BSTEN PA NI 'KHRIG PA'O, ,MYA NGAN NI SDUG BSNGAL BAR GNAS PA'O, ,'JIGS PA NI SKRAG PA'O, ,KHROS PA NI 'KHRUGS PA'O, ,'DI DAG NYID KYIS GNYID DRAGS PA, ,'JIG CING BAD KAN RAB ZAD BYED, ,CES BYA BA LA, 'DI DAG NYID KYIS GNYID DRAGS PA, ,'JIG CING BAD KAN RAB ZAD BYED, ,CES BYA BA LA, 'DI DAG NYID KYIS ZHES BYA BA; BSHAD MA THAG BA'I SKYUG SMAN RNON PO BTANG BA LA SOGS PAS GNYID KYIS DRAGS PA YANG ZHING 'JIG LA, DE BZHIN DU BAD KAN RAB TU ZAD PAR BYED PAS KYANG GNYID MED PAR 'GYUR RO, ,GNYID YAR BA YIS YAN LAG SNYOM, ,GLAD PA LCI ZHING GLAL [?] 'ONG LA, , MI GSAL NA ZHING MGO 'KHOR LA, ,ZAS MI 'JU RMYA RLUNG SKYES NAD, ,CES BYA BA LA, GNYID YAR BA ZHES BYA BA GNYID MED BAR GYUR PA LAS, YAN LAG SNYOM PA LA SOGS PA 'BYUNG BAR 'GYUR RO, ,DE LA YAN LAG SNYOM PA NI YAN LAG BRDUNGS PA SNYAM SEMS PA'O; ,GLAD PA LCI BA NI MGO LCI BA'O, ,RLUNG SKYES NAD NI 'DI DAG DANG, RJES SU MTHUN PA'I NAD MANG PO 'BYUNG BA'O, ,GZHAN NI GO BAR ZAD DO, ,DE BAS MTSAN MO DUS BZHIN DU, ,CI BDER GNYID NI LOG PAR BYA, ,ZHES BYA BA LA, RGYU DE BAS NA MTSAN MO'I DUS SU DUS BZHIN DU ZHES BYA'O, ,GNYID LOG PA'I DUS CI TZAM YIN PA DE TZAM DU CI BDER ZHES BYA BA, BDE BAR GYUR PA NYID DU GNYID LOG PAR BYA ZHING GOMS PAS BSTEN PAR BYA'O, ,MA GOMS GNYID KYI SA MA LOG NA, ,NANG BAR MA ZOS PHYED GNYID LOG ,CES BYA BA LA,
, ,MA GOMS SHING GNYID KYIS MA LOG PAR 'OS PA MA YIN BDAG GNYID MA LOG NA, NANG PAR NYIN MO'I DUS SU ZAN MA ZOS BAR DE'I PHYED GNYID KYIS LOG PAR BYA'O, ,DES NI 'DI SKAD STON PA YIN TE, CI SRID GNYID LOG PAR RIGS PA'I DUS DE SRID DU GNYID MA LOG NA, MTSAN MO CI TZAM GNYID MA LOG PA DE TZAM GNYID LOG PA NI MA YIN MOD KYI, DE'I PHYED TZAM GNYID LOG PAR BYA STE, GANG MTSAN MO THUN GNYIS GNYID MA LOG NA, DE NYIN MO NANG PAR GYI DUS SU THUN GCIG GNYID LOG PAR BYA'O, ,GNYID YANG GYUR NA 'O MA DANG, , CHANG DANG SHA KHU ZHO RNAMS BTUNG, ,LUS BSKU DRIL DANG KHRUS BYA ZHING, ,MGO BSKU RNA BA MIG DAG BYA, ,ZHES BYA BA LA, GNYID YAR BA'AM, SHIN TU SRA BAR GYUR NA, 'O MA BTUNG BA LA SOGS PA NAS, RNA BA DANG MIG DAG PA'I BAR DU CI RIGS PAR BYA'O, ,MGO BSKU BA DANG, RNA BA DANG, MIG DAG PA NI SNUM GYIS BYA'O, ,NA CHUNG LAG DAR GYIS 'KHYUD DANG, ,SEMS BDE BYA BA ZIN PA DANG, ,YID DANG RJES MTHUN YUL LDAN PA, ,JI 'DOD GNYID 'ONG BDE BAR SKYED, ,CES BYA BA LA, BUD MED NA CHUNG GZHON NUS 'KHYUD BA LA SOGS PA DANG, DE BZHIN DU SEMS BDE BA STE, YID DGA' BA DANG LDAN PA DANG, BYA BA ZIN TE, GANG BYA BA'I DNGOS BO DE BYAS ZIN PAR GYUR BA DANG, DE BZHIN DU GZUGS DANG, SGRA DANG, DRI DANG, RO DANG, REG BYA YID DANG RJES SU MTHUN ZHING YID DU 'ONG BA DANG LDAN PAR GYUR PA STE, 'DI DAG GIS NI JI LTAR DGA' BA BZHIN DU GNYID 'ONG ZHING DES BDE BA RAB TU SKYED PAR 'GYUR RO, ,NYAL PO'I BDE LA SEMS MA CHAGS, ,TSANGS PAR SPYOD PA LA DGA' BA, ,CHOG SHES PA YIS MGU BA'I GNYID, ,RANG GI DUS LAS 'DA' MI BYED, ,CES BYA BA LA, SKYES BU GANG GRONG YUL GYI BDE BA 'KHRIG PA LA SOGS PA LA MA CHAGS PA, TSANGS PAR SPYOD BA LA DGA' BA, CHOG SHES BAS MGU BAR GYUR BA'I GNYID NI RANG GI DUS LAS LDOG CING 'DA' BAR MI BYED KYI, RANG GI DUS NYID DU 'ONG BO ZHES BYA BA'I DON TO, ,DE BA GRONG GI BDE BA NI BUD MED
LA CHAGS PA DANG, ZAS SKEM ZHIM PO LA ZHEN PA STE, DE RNAMS LA GANG SEMS ZHEN PAR MA GYUR BA'O, ,TSANGS PAR SPYOD PA NI BUD MED DANG 'DUS PA MED PA STE, DE LA DGA' BA DANG, CHOG SHES PA NI, BYA BA THAMS CAD LA RA BA DANG BCAS BA MED PA STE, YON TAN DES MGU ZHING TSIM PAR GYUR PA NYID NI RANG GI DUS MTSAN MO JI TZAM LOG PAR BYA BA DE LAS 'DA' BAR MI BYED DO, ,NYAL PO'I CHOS NI SPANG BYA BA, ,BKAN MIN ZLA MTSAN LDAN PA DANG, ,YID DU MI 'ONG MI SDUG SPYOD, ,MNGAL NI SKYON GYIS KHYAB PA DANG, ,RAB SBOM SKEM DANG BCAS PA DANG, ,SBRUM MA GZHAN GYI BUD MED DANG, ,RIGS GZHAN SKYE GNAS MI MTHUN DANG, ,BLA MA LHA DANG RGYAL PO'I GNAS, ,MCHOD RTEN DUR KHROD GSOD GNAS DANG, ,BSTI SA LAM GYI BZHI MDO CHU, ,DUS TSIGS NYIN MO YAN LAG MIN, ,SNYING GA MGO BOR BRDEG SPANG BYA, ,ZHES BYA BA LA, GRONG GI CHOS NI 'KHRIG PA'I CHOS TE, MING GI RNAM GRANGS GZHAN YANG SKYES PA DANG, BUD MED KYI KUN TU SBYOR BA ZHES BYA BA YIN NO, ,DE DAG LAS SPANG BAR BYA BA 'DI DAG YOD DE, BKAN MIN ZHES BYA BA NI, BKAN PA MA YIN PA SPANG BA STE, DON GYIS NA BKAN TE BSTEN PAR STON PA YIN NO, ,ZLA MTSAN LDAN PA ZHES BYA BA NI ZLA MTSAN RGYU NAS DANG PO'I ZHAG GSUM SPANG BAR BYA'O, ,DE BZHIN DU YID DU MI 'ONG BA STE, SNYING DU MI SDUG PA YANG SPANG BAR BYA'O, ,DE BZHIN DU MI SDUG SPYOD PA STE, DANG TSUL NGAN CING MI RIGS PA DANG LDAN PA SPANG BAR BYA'O, ,DE BZHIN DU GANG GI MNGAL SKYON GYIS KHYAB CING GNOD PA DE SPANG BAR BYA'O, ,DE BZHIN DU RAB TU SBOM ZHING SHA CHE BA YANG SPANG BAR BYA'O, ,DE BZHIN DU SHIN TU SKEM ZHING, SHA DANG TSIL DANG, KHRAG ZAD PA YANG SPANG BAR BYA'O, ,BTZAS PA DANG ZHES BTZAS MA THAG PA DANG, BUD MED SBRUM MA YANG SPANG BAR BYA'O, ,DE BZHIN DU GZHAN GYIS BDAG GIR BZUNG BA'I BUD MED KYANG SPANG BAR BYA'O, ,DE BZHIN DU RIGS GZHAN TE, RAB TU BYUNG BA'AM, RIGS SHIN TU MTHO BA DAG KYANG SPANG BAR BYA'O, ,DE BZHIN DU SKYE GNAS MI MTHUN PA STE, RTA LA SOGS PA SKYE GNAS THA DAD PA
, ,LA SPYAD PA YANG SPANG BAR BYA'O, ,DE BZHIN DU GRONG GI CHOS LA 'JUG PA NA, BLA MA DANG, LHA DANG, RGYAL PO'I GNAS SPANG BAR BYA STE, GNAS DE DAG TU 'KHRIG BA MI BYA'O ZHES BYA BA'I DON TO, ,DE BZHIN DU MCHOD RTEN LA SOGS BA'I GNAS DAG TU YANG 'KHRIG PA'I BYA BA SPANG BAR BYA BA STE, DE LA MCHOD RTEN NI DE BZHIN GSHEGS PA'I MCHOD RTEN NO, ,'JIG RTEN PA DAG NI GRONG GI PHYI ROL NA YOD PA'I SHING CHEN PO LHA LA SOGS PAS GNAS BCAS PA LA BYA BAR 'DOD DO, ,DUR KHROD NI SHI BA'I RO BSREGS BA'I GNAS SO, ,GSOD GNAS NI RGYAL PO'I CHAD PAS GCOD CING GSOD PA'I GNAS SO, ,BSTI SA NI GRONG KHYER GYI PHA ROL GYIS PHYOGS KYI KHYAD BAR RO, ,BZHI MDO NI LAM GYI BZHI MDO'O, ,CHU NI CHU'I NANG STE, DE DAG TU 'KHRIG PA SPYAD PAR MI BYA'O, ,DUS TSIGS NI TSES BZHI DANG, TSES DRUG DANG, TSES BRGYAD DANG, NYA DANG, DGU STONG LA SOGS PA 'JIG RTEN PA'I CHOS LUGS LAS BKAG BA'I NYIN ZHAG RNAMS TE, DE DAG GI TSE YANG SPANG BAR BYA'O, ,DE BZHIN DU NYIN MO SPYAD PA YANG SPANG BAR BYA'O, ,YAN LAG MIN ZHES BYA BA LA, 'KHRIG PA SPYAD PA'I YAN LAG DANG, 'TSAM PA NI MNGAL GYI SGO YIN PA LAS, DE MA YIN PA YAN LAG GI GNAS SU MI RUNG BA, KHA DANG BSHANG BA'I LAM LA SOGS PAR YANG SPYAD PAR MI BYA'O, ,DE BZHIN DU SNYING GA DANG, MGO BOR BRDEG PAR BYAS NAS 'KHRIG BA BYA BA YANG SPANG BAR BYA'O, ,SPANG BA ZHES PA NI KUN LA SBYAR BAR BYA'O, ,'GRANGS CHES LTOGS DANG BRTAN BRAL DANG, ,YAN LAG MI BDER GNAS DANG SKOM, ,BYIS BA RGAN DANG SHUGS GZHAN NYEN, ,NAD PA YIS KYANG 'KHRIG PA SPANG, ,ZHES BYA BA LA, 'GRANGS CHES SHING GSUD PAR ZOS PA DANG LTOGS SHING BKRES PAS NYEN PA DANG; BRTAN ZHING YID RTON PA DANG BRAL BA DANG, YAN LAG MI BDE BAR GNAS SHING LUS NYA MANG [?] BAR GNAS PA DANG, SKOM PAS NYEN PA DANG, BYIS PA STE LO BCU DRUG PA MAN CHAD DANG, RGAN PO BDUN CU YAN CHAD LON PA DANG, SHUGS GZHAN GYIS NYEN PA STE, BSHANG BA
DANG GCI BA LA SOGS PA'I SHUGS KYI SA NYEN CING GZIR BA DANG, NAD BA STE RIMS LA SOGS PA'I NAD KYIS GTZES BA STE, DE DAG THAMS CAD KYIS KYANG 'KHRIG PA SPYAD PA SPANG BAR BYA'O, ,DE YANG BSDUS PA LAS, TSE 'DOD SKYES BA BUD MED KYIS, ,BCU DRUG LON PA TSUN CHAD DANG; ,BDUN CU LON PA PHAN CHAD NI, ,KUN SBYAR BYA BAR MI RIGS SO, ,RAB GZHON MA RDZOGS LUS ZUNGS KUN, ,BUD MED LA NI ZAD 'GYUR TE, ,LTENG KA CHUNG DU'I CHU BZHIN DU, ,MOD LA NYE BAR BSKAM PAR 'GYUR, ,DPER NA SHING NI SKAMS GYUR ZHING, ,'BUS ZOS RNAM PAR DENGS PA NI, ,REG NA MYUR DU 'JIG PAR 'GYUR, ,RGAN PO BUD MED BSTEN DE BZHIN, ,SHUGS BKAG GYUR PA DAG GIS KYANG, ,GCIN NAD RDE'U 'PHEL BA DANG, ,RAB RIB LA SOGS NAD SKYED CING, ,DBANG PO BCOM PA THOB PAR 'GYUR, ,ZHES BSHAD PA YIN NO, , DGUN DUS RO TZA BYAS DRAGS TSE, ,'DOD PAS 'DOD PA BSTEN PAR BYA, ,DPYID STON ZHAG NI GNYIS GNYIS NAS, ,SO GA DBYAR TSE ZLA PHYED CING, ,ZHES BYA BA LA, DGUN DUS ZHES BYA BA NI GRANG BA'I DUS TE, DGUN STOD DANG DGUN SMAD DO, ,DE'I TSE SKYES BU TZA BA'I CHOG BYAS SHING DRAGS PA BDO BAR GYUR PA'I TSE, 'DOD PAS ZHES PA CI DGA' BAR 'DOD PA BSTEN PAR BYA'O, ,DE LA RO TZA BAR BYA BA'I SBYOR BA NI KHU BA 'PHEL BAR BYA STE, 'O MA DANG, MAR DANG, SHA KHU LA SOGS PA 'OG NAS BSHAD BA BZHIN DU BYAS SHING NGOMS BAR GYUR BA'O, ,DE BZHIN DU DPYID DANG SON NI ZHAG GNYIS GNYIS NAS RO TZA BAR BYAS PAS NGOMS PA DANG, 'DOD PA BSTEN PAR BYA'O, ,SO GA DANG DBYAR GYI TSE NI, RO TZA BA BYAS NAS ZLA BA PHYED CING 'DOD PA BSTEN PAR BYA'O, ,GZHAN BUD MED LA ZHUGS NA, ,MGO 'KHOR NGAL DANG BLA MA THU NYAMS, ,STOBS DANG LUS ZUNGS DBANG PA NYAMS, ,DUS MIN 'CHI BAR BYED PA YIN, ,ZHES BYA BA LA, GZHAN DU ZHES BYA BA JI SKAD DU BSHAD BA LAS GO BZLOG PAS BUD MED LA ZHUGS SHING 'DOD PA SPYOD PA'I SKYES BU DE NI MGO 'KHOR BA LA SOGS PA'I NAD 'BYUNG BAR 'GYUR RO, ,DE LA MGO 'KHOR BA NI MI BDE BAR
, ,GNAS SHING 'KHOR BA'O, ,NGAL BA NI DUB PA'O, ,BLA'I MTHU NYAMS BA NI MAL DU 'JUG CING 'GRO MI NUS BA'AM, SHA DANG KHRAG ZAD PA'O, ,DE BZHIN DU STOBS NYAMS PA DANG, LUS ZUNGS NYAMS PA DANG, DBANG PO NYAMS PAR 'GYUR BA DANG, DUS MIN 'CHI BAR BYED PA NI SHIN TU BUD MED LA BSTEN PAS DUS MA YIN PAR 'CHI BAR YANG 'GYUR BA YIN NO, ,BUD MED DAG LA LEGS BSDAMS NA, ,DRAN DANG YID GZHUNGS NAD MED TSE, ,DBANG PO BRTAS SHING GRAGS STOBS RNAMS, ,LHAG PAR 'PHEL ZHING RGAS SRAR 'GYUR, ,ZHES BYA BA LA, BUD MED DAG BSTEN PA LEGS BAR BSDAMS SHING BSRUNG BA'I SKYES BU NI, DRAN PA LA SOGS PA 'PHEL BAR 'GYUR RO, ,DE LA DRAN PA NI 'DAS PA'I DON MA BRJED PA'O, ,YID GZHUNGS PA NI RNAM PAR DPYOD NUS BA'I SHES RAB BO, ,NAD MED PA NI BDE BAR GNAS PA'O; ,TSE NI SROG GO, ,DBANG PO NI MIG LA SOGS PA'O, ,BRTAS PA NI LUS RGYAS BA'O, ,GRAGS PA NI SNYAN PA'O, ,STOBS NI LUS KYI NUS PA STE, DE DAG LHAG PAR 'PHEL ZHING RGYAS PAR GYUR PA DANG, DE BZHIN DU RGAS SRA BAR 'GYUR BA STE, SKRA DGAR MED PA LA SOGS PAR 'GYUR RO, ,KHRUS DANG BYUG PA RLUNG BSIL KHAR LA SOGS BZA', ,CHU BSIL 'O MA SHA KHU SRAN TSOD CHANG DANGS 'THUNGS, ,NYAL PO DGA' BYAS 'DOD DANG BRAL 'GYUR RJES LA BSTEN, ,DE 'DRAS DE YI LUS MDANGS STOBS SLAR SKYE BAR 'GYUR, ,ZHES BYA BA LA, SNGAR BSTAN PA'I BUD MED BSTEN PA'I RJES LA CHAGS PA DANG BRAL BA'I SKYES BUS KHRUS LA SOGS PA BSTEN PAR BYA'O, ,DE LA BYUG BA NI TZANDAN LA SOGS PA RDZAS DRI BZANG POS LUS BYUGS SHING KHA DOG BSGYUR BA'O, ,RLUNG BSIL BA NI RLUNG GRANG MO'O, ,KHA RA LA SOGS PA NI BZA' BA'I KHYAD PAR TE, DE DAG BZA' BA'O, ,CHU BSIL BA NI CHU GRANG MO'O, ,SRAN TSOD NI 'BRU LAS BYAS PA'O, ,CHANG DANGS MA NI CHANG GI SNYING PO'O, ,DE DAG THAMS CAD NI 'DOD PA SPYOD PA'I DGA' BA BYAS NAS, 'DOD CHAGS DANG BRAL BAR GYUR PA'I RJES TE, 'OG TU BSTEN CING LONGS SPYAD PAR BYA'O, ,DE
LTAR BYAS PAR GYUR BAS SKYES BU DE'I LUS KYI MDANGS DANG STOBS SLAR SKYE BAR 'GYUR RO, ,DE YANG BUD MED DANG 'PHRAD PAS 'PHRAL DU LUS KYI STOBS 'BRI BAR GYUR KYANG, 'DI LTAR BRTA ZHING TSIM PAR BYAS PAS DE'I KHU BA DANG STOBS 'PHEL BA NYID DU 'GYUR BA'I DON TO, ,SMAN PA THOS SPYOD PHUN TSOGS LDAN ZHING LAS MKHAS SNYING RJE CAN, ,GAGS DANG GNOD MED LUS SRUNG BYED BA NYE BAR GZHAG BYAS NAS, ,RGYAL PO RANG GI DGE BA'I 'BRAS BU'I LONGS SPYOD BA DER SPYOD CING, ,NAD MED MTHU DANG GZI BRJID GRAGS PA YUN RING 'PHEL BAR 'GYUR, ,ZHES BYA BA LA, SMAN PA ZHES BYA BA NI SMAN DPYAD KYI YAN LAG LA MKHAS PA STE, DE YANG THOS PA DANG SPYOD PA PHUN SUM TSOGS PA DANG LDAN PA STE, RTOG PA DANG TSUL PHUN SUM TSOGS PA'I YON TAN DANG LDAN PA'O, ,LAS LA MKHAS BA NI GSO BA LA MKHAS SHING BYANG BA'O, ,SNYING RJE CAN NI RJES SU BRTZE BA DANG LDAN PA'O, ,GAGS DANG GNOD PA MED PA NI MI MTHUN PA MED CING BAR CHAD KYIS GNOD PAR BYED BA MED PA'O, ,LUS SRUNG BYED BA NI RGYAL PO'I SKU 'TSO BAR BYED PA STE, DE LTA BU NYE BAR GZHAG CING, LUS BSRUNG DU BCUG NA, RGYAL PO STE SA BDAG GRAGS BA 'PHEL BA'I BAR DU 'GYUR RO, , DE YANG RANG GI DGE BA'I BSOD NAMS SU BYA BA'I LAS TE, DE'I 'BRAS BU NI LONGS SPYOD CHEN PO LA SOGS PA DANG LDAN PAS BDE BAR NYE BAR LONGS SPYOD PA YIN LA, DE GANG ZHIG SPYOD PAR BYED PA DE NI, DE SKAD BYA STE, DE LA YUN RING DU SPYOD PAR 'GYUR BA DANG, NAD MED CING LUS BDE BAR GNAS PA DANG, MTHU STE LONGS SPYOD KYI 'BYOR BA RNAMS DANG, GZI BRJID CES PA LUS KYI GZI MDANGS DANG GRAGS PA STE, SNYAN PAS KHYAB PA YUN RING DU RGYA CHER 'PHEL ZHING RGYAS PAR 'GYUR RO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA; SLOB DPON ZLA BA LA DGA' BAS RNAM PAR SBYAR BA LAS, LE'U BDUN PA'I RNAM PAR 'GREL PA'O,, ,,DE NAS KHA ZAS KYI TSOD RAN PAR BZA' BA'I LE'U BSHAD PAR BYA'O ZHES BYA BA LA, DE NAS ZHES BYA BA NI 'DAS MA THAG PA STE, SNGAR BRTZAMS PA'I KHA ZAS BSRUNGS
, ,PA'I RJES THOGS LA, KHA ZAS KYI TSOD RAN PAR BZA' BAR BRTZAMS PA YIN TE, GANG GI PHYIR YON TAN DANG LDAN PA'I ZAS KYANG YIN LA, DUG LA SOGS PA DANG 'DRES PAR MA GYUR DU ZIN KYANG TSAD LAS LHAG PA'O, ,TSAD LAS SHIN TU CHUNG BAR ZOS NA SROG NYE BAR 'JOMS PAR 'GYUR LA, DE NYID RAN PAR ZOS PA NI SROG CHAGS RNAMS KYI SROG NYID YIN NO, ,KHA ZAS NI BZA' BAR BYA BA RNAMS SO, ,TSOD RAN PA NI TSAD DANG LDAN PA'O, ,TSOD RAN PAR BZA' BA NI TSAD DANG LDAN PAR BZA' ZHING SPYAD PA'O, ,DE LA PHAN ZHING DGOS PA BYED PA'I GZHUNG LA NI LE'U ZHES BYA STE, DE BSHAD CING RNAM PAR PHYE BA BSTAN PAR BYA'O, ,DUS KUN TU NI TSOD ZIN BZA', ,DE NI ME DROD SKYED BYED YIN, ,ZHES BYA BA LA, SKYES BU NAD MED PA'AM, NAD DANG LDAN PA YANG RUNG STE, DES DUS KUN TU ZHES PA DUS THAMS CAD DU ZAS TSOD ZIN CING, TSAD DANG LDAN PA BZA' BAR BYA'O, ,DE CI'I PHYIR ZHE NA, GANG TSAD DANG LDAN PAR ZA BA LA 'JUG PA DE NI ME'I DROD SKYED PA YIN TE, RANG GI BYA BA SMIN PA'I LAS BYED PAR NUS PA YIN NO, ,DE NI TSOD RAN PAR BZA' ZHING TSOD ZIN PAR ZA BA DANG, TSOD ZIN PAR BTUNG BA DANG, TSOD ZIN PAR BLDAG PAR BYA'O; ,ZHES BLTA BAR BYA'O, ,TSOD RAN PA'I MTSAN NYID NI SLOB DPON GYIS 'DI LTAR BSHAD DE, TSAD KYANG ME'I DROD KYI STOBS DANG, ZAS KYI DNGOS PO LA LTOS PAR BYA DGOS TE, ZAS KYIS LTO BAR GNOD PA MI SKYED PA DANG, SNYING GAR THOGS PAR MI BYED PA DANG, RTZIB LOGS GNYIS SU ZUG CING GNOD PAR MI BYED PA DANG, PHO BA SHIN TU MI LCI BA DANG, DBANG PO TSIM ZHING BRTAS PAR BYED PA DANG, BKRES PA DANG, SKOM PA DANG BRAL BA DANG, GNAS DANG, STAN DANG, MAL DANG, 'GRO BA DANG, DBUGS 'BYIN PA DANG, DBUGS RNGUB PA DANG, GTAM ZER BA NA BDE BAR GNAS PA DANG, DGONGS KA DANG, NANG PAR BDE BAR YONGS SU ZHU BA DANG, STOBS DANG KHA DOG NYE BAR 'PHEL BAR BYED PA STE, 'DI DAG NI TSAD DANG LDAN PA'I MTSAN NYID YIN NO, ,'DI DAG GIS KYANG TSAD DANG LDAN ZHING TSOD ZIN PA GTZO BO YIN TE, SE 'BRU DANG,
SKYUR PO LA SOGS PA'I RDZAS ME'I DROD SKYED PAR BYED PA'I RANG BZHIN CAN DE TSAD DANG LDAN PAR ZOS NA ME'I DROD SKYED PAR 'GYUR GYI, TSAD DANG MI LDAN PAS NI MA YIN NO, ,LCI ZHING RANG BZHIN G-YUNG BA'I RDZAS 'O MA DANG BU RAM SHING LA SOGS PA LTA SMOS KYANG CI DGOS TE, DE BAS NA, RDZAS NI LCI BA'AM YANG BA'ANG RUNG, ,CHAD LA LTOS PAR BYA BA YIN, ,ZHES BYA BA LA, RDZAS LCI BA NI BU RAM SHING DANG, 'O MA DANG, 'BRU DANG, MON SRAN GRE'U DANG, RLAN CAN GYI SHA RNAMS SO, ,YANG BA NI CHAR GYI CHU DANG, RAKTA SHA LI ZHES BYA BA LA 'BRAS RTZA SNAR DANG, DRUG CU PA DANG, MON SRAN SDE'U DANG, BYA LA WA'I SHA RNAMS TE, DE GNYI GA LA YANG TSAD LA LTOS PAR BYA BA YIN TE, DE RNAMS NI DE LA RAG LUS PAR GYUR PA YIN NO ZHES BYA BA'I DON TO, ,RDZAS LCI BA'AM, YANG BA DE DAG ZA ZHING SPYAD PA NA, ZAS KYI TSUL LA GOMS PAR BYA BA CHA 'DRA BAR RTAG TU BZA' BAR BYA BA'AM, YANG NA LCI BA NI TSAD LAS GZHAN DU BYA LA, YANG BA LA NI TSAD GZHAN LAS ZHES SOM NYIR GYUR PA DE'I PHYIR SMRAS PA NI, LCI BA LAS NI PHYED 'GRANGS BYA, ,YANG BA LAS NI RAB 'GRANGS MIN, ,ZHES BYA BA LA, KHA ZAS LCI ZHING 'JU DKA' BA LAS NI PHYED 'GRANGS TZAM DU BZA' BA DANG KHA ZAS YANG BA CHAR CHU DANG, S'A LU RTZA SNAR LA SOGS PA LAS NI, RAB TU 'GRANGS BAR MI BZA'I, GZHAN DU NA RAN CING BDE BAR GNAS PA TZAM GYIS 'GRANGS PAR BYA DGOS TE, GANG GI PHYIR ME DANG RLUNG DAG GIS YON TAN MANG PO YANG BA LA NI, CHA MNYAM PAR GNAS PAS ME'I DROD SKYED PAR BYED PA YIN LA, TSOD MA ZIN PAR NYES PAR ZOS SU ZIN KYANG NYES PA CUNG ZAD SKYED PA YIN NO, ,RDZAS LCI BA LA NI SLA BA DANG CHU'I YON TAN MANG DU GNAS PAS ME'I MI MTHUN PAR GYUR CING, THUN MONG GI YON TAN GZHAN YOD PAS ME'I DROD 'BRI BAR BYED PA YIN NO, ,BDE BLAG 'JU BA DE TZAM LA, ,TSOD ZIN ZHES NI BSHAD PA YIN, ,ZHES BYA BA LA, TSAD YONGS SU CHAD PA STE, TSAD JI TZAM ZAS ZOS NA BDE BLAG TU GCOD PA MED PAR ZHU ZHING DENGS PAR 'GYUR BA DE TZAM GYI TSOD LA NI TSOD ZIN PA YIN NO ZHES BSHAD
, ,CING BSTAN PA YIN NO, ,ZAS TSOD MA ZIN CHUNG GYUR NA, ,STOBS DANG GZI MDANGS 'PHEL MI 'GYUR, ,RLUNG GI NAD NI THAMS CAD KYI, ,RGYU NYID DU NI 'GYUR BA YIN, ,ZHES BYA BA LA, KHA ZAS KYI TSOD MA ZIN CING, TSAD LAS CHUNG ZHING DMAN PAR GYUR PA ZOS NA STOBS SU YANG MI 'GYUR, GZI MDANGS SU YANG MI 'GYUR, LUS 'PHEL ZHING RGYAS PAR MI 'GYUR BA DANG, DE BZHIN DU RLUNG LAS GYUR PA'I NAD MA LUS PA THAMS CAD KYI RGYU NYID DE, BSKYED PA'I RGYUR 'GYUR ZHING 'BYIN PAR BYED DO ZHES BYA BA'I DON TO, ,TSAD LAS SHIN TU CHES PA YANG, ,NYES PA THAMS CAD MYUR DU SKYED, ,CES BYA BA LA, TSAD LAS SHIN TU CHES PA NI ZAS LHAG PAR MANG PO ZOS PA STE, DES NI NYES PA GSUM PO THAMS CAD MYUR ZHING RINGS PAR SKYED PAR BYED CING RAB TU G-YO BAR BYED DO, ,MA ZHU'I ZAS NI MI BZAD PA, , DE YIS RLUNG SOGS GZIR GYUR PAS, ,CIG CAR RNAM PAR 'KHRUG 'GYUR ZHING, ,DE NYID DU NI ZHUGS GYUR NAS, ,RTZA SGO 'GAGS SHING BE'U SNABS SKYED, ,STENG DANG 'OG GI LAM DAG TU, ,BSKYOD PAS GSUD CING ZUG BYED PA, ,BRKAM CHAGS CAN LA 'PHRAL SKYED BYED; ,CES BYA BA LA, ZAS MA ZHU ZHING LHAG PAR ZOS PA MI BZAD CING GNOD PAR GYUR PAS DES RLUNG SOGS ZHES PA, RLUNG DANG MKHRIS PA DANG BAD KAN 'KHRUG CING G-YO BAR GYUR PAS CIG CAR DE RNAMS DUS GCIG TU 'KHRUG CING LDANG BAR BYED PAS NA, RTZA SGO 'GAGS SHING ZHES PA, RTZA SBUBS 'GAGS PAR BYAS PAS, BE'U SNABS ZHU BA ZHES BYA BA'I NAD SKYED PAR 'GYUR RO, ,CI ZHIG BYAS NAS DE SKYED CE NA, ,DE NYID DU NI ZHUGS GYUR NAS, ,ZHES PA STE, ZAS MA ZHU BA DE NYID KYIS NANG DU RLUNG LA SOGS PA ZHUGS SHING DE DANG GCIG TU GYUR CING 'DRES PAR GYUR NAS BE'U SNABS KYI NAD SKYED PAR BYED PA YIN NO, ,DE BZHIN DU ZAS MA ZHU ZHING 'DUG PA DE NYID DU ZHUGS NAS, STENG DANG 'OG GI LAM DAG TU BSKYOD CING, BLA 'OG TU DRI MA DANG, ZAS LA SOGS PA PHYI ROL DU 'DREN CING 'PHO BAR BYED PAS NA, DE NYID KYI
RGYUS GSUD PA'I ZUG GZER DRAG PO SKYED PAR BYED PA YIN NO, ,SU ZHIG LA ZHE NA, BRKAM CHAGS CAN LA ZHES BYA BA STE, BZA' BTUNG LA CHAGS SHING LTO 'DUN CAN TE, SEMS MA BSDAMS PA DAG LA GNOD PA 'DI LTA BU 'PHRAL DU SKYED CING 'BYUNG BAR 'GYUR RO ZHES BYA BA'I DON TO, , DE YANG, PHAL CHER SHES RAB NYES PA YIS, ,NAD KYI TSOGS NI SKYE BAR 'GYUR, ,ZAS LA BRKAM BA'I MI RNAMS LA, ,KHYAD PAR DU NI GSUD PA 'BYUNG, ,ZHES BSHAD PA YIN NO, ,DE LAS RLUNG LAS GZER MGO 'KHOR, ,KHONG SBOS 'DAR ZHING RENGS SOGS 'GYUR, , MKHRIS PA LAS NI 'KHRU RIMS 'DEBS, ,KHONG TSA SKOM ZHING KHA SOGS 'GYUR, ,BAD KAN SLON ZHING YAN LAG LCI, ,TSIG THOGS MCHIL MA MANG BAR 'GYUR, ,ZHES BYA BA LA, DE LA MA ZHU BA LA RLUNG LA SOGS PA'I NAD GZHI ZHES BYA BA LAS NAD 'DI DAG 'GYUR TE, DE LAS KYANG RLUNG LAS GYUR PA'I MA ZHU BA'I KHONG PA GZER BA DANG, MGO 'KHOR ZHING LCI BA DANG, KHONG SBOS PA LA SOGS BAR 'GYUR RO, ,MKHRIS PA DANG 'DRES PA'I MA ZHU BA LAS NI 'KHRU BA LA SOGS PA'I NAD SKYE BAR 'GYUR RO, ,BAD KAN GYI SHAS CHE BA LAS NI SLON ZHING SKYUGS PA DANG; YAN LAG LCI BA DANG, TSIG THOGS PA DANG, TSIG 'BYIN MI NUS PA LA SOGS PAR 'GYUR RO, ,MA ZHU BA BE'U SNABS CAN DANG GSUD CING GZER ZUG CAN GYI MTSAN NYID BSDUS BA LAS, MING DON DANG LDAN PA BSHAD PA NI, ZAS NI 'JU BAR MA GYUR LA, , RTING DANG 'OG TU MI 'GRO BAR, ,MA ZHU'I GNAS SU BE'U SNABS 'GYUR, ,DES NI BE'U SNABS CAN ZHES BSHAD, ,RLUNG LA SOGS BA RAB 'KHRUGS PAS, ,GZER ZUG SNA TSOGS KYIS ZUG CING, ,KHAB KYIS LUS NI 'BIGS PA LTAR, ,RNO BAR ZUG PAS GSUD GZER YIN, ,ZHES PA'O, ,KHYAD PAR DU NI NYAM CHUNG ZHING, ,ME DROD ZHAN DANG SHUGS BKAG PA'I, ,ZAS NI RLUNG GIS BKAG PA DANG, ,BAD KAN GYIS NI BAR BKAG PA'I, ,NYES PA BE SNABS DKRUGS PAS NA, ,ZUG RNGU ZUG PA LTA BUR GNAS, ,'KHRU DANG SLON
, ,PAR MI BYED PAR, ,GZER LA SOGS PA MI BZAD PA, ,BE SNABS DE YIN, ZHES BYA BA NI, KHYAD PAR DU ZHES PA MCHOG TU YANG SKYES BU SHIN TU NYAM CHUNG ZHING SBEG PAR GYUR PA DANG, DE BZHIN DU ME DROD ZHAN PA STE, BAD KAN MANG POS PHO BA'I ME DROD NYAMS PAR GYUR PA DANG, SHUGS BKAG PAS ZHES BYA BA, 'PHYEN DANG BSHANG BA DANG, GCI BA'I SHUGS BKAG PAR GYUR PA'I SKYES BU'I ZAS NI RLUNG GI NAD KYIS LAM NYE BAR BKAG PAR BYAS PA DANG, DE BZHIN DU BAD KAN GYIS BAR DU ZHES PA DBUS SU LAM BKAG PA'I RGYUS NI, ZAS DE BE'U SNABS SU GYUR CING, PHYI ROL DU 'BYUNG BAR 'GYUR LA, 'JU BA'I SGO MED PAR GYUR PA'I NYES PA BE'U SNABS SU BYAS NAS DKRUGS SHING RNAM PAR BSKYOD PAS MA ZHU BA'I BE'U SNABS TE, ZUG RNGU ZUG PA LTA BU NYID DU KUN DU GNAS SHING, GZER BA DANG KHONG PA DANG, YAN LAG SNYOM ZHING ZUG PA LA SOGS PA'I NAD RNAM PA MANG PO'I SPYI'I RGYUR GYUR PAS ZAS DE MAR 'KHRU BA DANG, YAR SLON PAR MI BYED PAS DE MA GTOGS PAR, JI SKAD DU BSHAD PA'I RLUNG LA SOGS PA'I NAD MI BZAD CING BRNAG PAR DKA' BA GANG YIN PA NI BE'U SNABS SU GYUR NAS SKYED PAR BYED PAS NA; NAD DE LA MA ZHU BA BE'U SNABS ZHES BYA'O, ,NYES RAB GDUG ,BE SNABS MI BZAD KYIS SBUBS BKAG ,RTZIB LOGS KUN TU DRANG POR 'GRO, ,SHING BZHIN RENGS PAR GYUR NA NI, ,MA ZHU SHING 'DRA ZHES BYA STE, ,MYUR DU GSOD BYED DE SPANG BYA, ,ZHES BYA BA LA, RLUNG LA SOGS PA'I NYES PA SHIN TU GDUG PA STE, SHAS CHER GNOD PAR GYUR PA DANG, BE'U SNABS MI BZAD PA RNAMS KYIS SBUBS BKAG PA STE, MA ZHU BA'I BE'U SNABS MI BZAD CING GDUG PAS RTZA SBUBS KYI KHONG STONG PAR BKAG CING GO SKABS KYI BAR CHAD PAS RLUNG LA SOGS PA RNAMS RTZIB LOGS KUN TU THAD KAR PHAN TSUN 'GRO ZHING, DRANG POR 'GRO BAS KHYAB PAR GYUR PAS NA, LAN 'GA' SKYES BU DE'I LUS SHING BZHIN DU RENGS SHING DBYIG PA BSGRENG BA LTAR GYUR NA, LUS G-YO BAR MA NUS PAR BYED PAR GYUR NA NI, DE'I NAD DE'I MING MA ZHU BA SHING
'DRA ZHES BYA STE, DES NI MYUR DU GSOD CING 'CHI BAR BYED PAS GSOR MI RUNG BA STE, DE SPANG ZHING DOR BAR BYA STE, DE NI ZUG THABS SHING 'DRA BA'I MA ZHU BA ZHES BYA'O, ,MI 'PHROD LHAG ZA MA ZHU BAR, ,ZAD BYED MA ZHU DUG GI NI, ,MTSAN NYID CAN DE MI BZAD PA, ,DUG GI MING CAN GANG YIN DE, ,DUG GI TSUL CAN MYUR GSOD BYED, ,GSO DPYAD BYA BAR DKA' BAS SPANG, ,ZHES BYA BA LA, MI 'PHROD PA NI ZAS BSRUNG BA'I LE'U'I SKABS SU BSHAD PA, RLAN CAN GYI SHA LA SOGS PA DANG, 'O MA LA SOGS PA LHAN CIG BZA' BA MA 'PHROD PA LA SOGS PA YIN NO; ,LHAG PAR ZA BA NI ZAS KYIS 'GRANGS PA'I STENG DU YANG ZA BA'O, ,MA ZHU BAR ZA BA NI, SNGAR DE ZHAG GI ZAN MA ZHU BAR GANG ZA BAR BYED PA'O, ,DE LTAR NA MI 'PHROD PAR ZA BA DANG, LHAG PAR ZA BA DANG, MA ZHU BAR ZA BA'I SKYES BU DE NI DUG GI MTSAN NYID CAN TE, MA ZHU BA'I NYES BA DUG GI MTSAN MA CAN GYI MA ZHU BA DANG, MI BZAD PA SHIN TU GSOR MI RUNG BA DUG GI MING CAN TE, DUG DANG MTSAN MA 'DRA BA YIN PA'I PHYIR DUG GI TSUL CAN TE, DUG DANG TSUL 'DRA BA DANG, MYUR DU GSOD BAR BYED PA DANG, GSO ZHING BCOS PAR BYA BA'I DPYAD BYA BAR DKA' BAS SPANG ZHING DOR BAR BYA'O, ,DE YANG GANG GI PHYIR MA ZHU BA NI BYA BA DRO BAS GSO DGOS NA, DE DUG GI DBANG GIS MI 'PHROD, DUG NI BSIL BAS GSO BAR BYA BA YIN PA'I PHYIR, DUG LA NI GSO BA BSAL BA PHAN LA, DE NI MA ZHU BA'I BE'U SNABS LA MI 'PHROD PA STE, MA ZHU BA NI DRO BA'I BYA BA'I RIM PAS GSO DGOS PA YIN NO, ,DE BAS NA MTSAN NYID GNYI GA DANG LDAN PA'I MA ZHU BA'I DUG GI MING CAN DES NI GSOD PAR BYED PA YIN PAS SPANG ZHING DOR BAR BYA BA KHO NA YIN NO, ,DE NAS MA ZHU'I BE'U SNABS 'GYUR, ,GSOR RUNG SHU DAG RGYAM TSA DANG, ,PO SON CHA BCUG CHU DRON NI, ,'THUNGS PAS SKYUG BCUG ,CES BYA BA LA, DE NAS ZHES BYA BA NI, BKRA SHIS PA'I DON TE, MA ZHU BA'I BE'U SNABS LA SOGS PA NI SHIN TU MI BZAD CING, GSOD PAR BYA BA YIN PA LAS, MA ZHU BE'U SNABS SU GYUR PA GANG GSOR RUNG ZHING, BCOS
, ,PA'I THABS YOD PA'I MA ZHU BA DE NI MYUR DU SKYUG TU GZHUG CING SLON BAR BYA'O, ,CI ZHIG GIS SLON DU GZHUG CE NA, SHU DAG DANG, RGYAM TSA DANG, PO SON CHA BSKOL BA'I CHU DRON PO 'THUNGS BAS SKYUG TU GZHUG GO, ,DE NAS NI, DUGS DANG MAS GTONG RENG BU DAG ,DRI MA RLUNG DAG LEGS RGYU SBYAR, ,ZHES BYA BA LA, DE NAS ZHES BYA BA SKYUG SMAN BTANG STE, SLON PA'I RJES NYID LA MA ZHU BAS NYEN PA LA DUGS BYA BA STE, MA ZHU BA BE'U SNABS CAN GYIS NYEN PA LA DUGS KYI LE'U LAS BSHAD PA'I DUGS RNAMS CI RIGS SU BYA BA DANG; DE BZHIN DU MAS GTONG BA'I RENG BU STE, PO SON CHA DANG, KHANG PA'I DUD PA DANG, LAN TSVA LA SOGS PA LAS BYAS PA, DRI MA DANG RLUNG DAG LEGS PAR RGYU BAR BYED PA STE, BSHANG BA DANG GCI BA DAG PHYIR 'BYUNG BA'I RLUNG RANG GI GNAS SU 'JOG PAR BYED CING PHYIR 'BYIN PAR BYED PA SBYAR ZHING GTONG BAR BYA STE, DE YANG GANG GI PHYIR, 'PHRAL DU LEGS PAR DAG PA NI, ,GNOD PA DE NI ZHI BAR 'GYUR, ,ZHES BSHAD PA YIN NO, ,YAN LAG 'KHUMS PAR GYUR PA LA, ,SHIN TU DUGS BYA DKRI BAR BYA, ,ZHES BYA BA LA, LAG NGAR LA SOGS PA'I YAN LAG 'JAS PA 'DRA BAR GYUR CING, YON POR 'KHUMS PA DAG LA, SHIN TU DUGS BYAS NAS 'JAM PA NYID DU GYUR PA DANG, BAL GOS LA SOGS PAS DKRI BAR BYA'O, ,GSUD NAD SHIN TU 'PHEL BA DANG, ,RTING PAR ME BTZA' GDAB PAR BSNGAGS, ,ZHES BYA BA LA; MA ZHU BA GZER THABS CAN SHIN TU 'PHEL ZHING STOBS CAN DU GYUR PA LA, RKANG PA'I RGYAB KYI CHA LONG MO'I 'OG ,RTING PA ZHES BYA BA DE GNYIS SU LCAGS KYI THUR MA LA SOGS PAS ME BTZA' BTAB PA NI BSNGAGS PA YIN NO, ,DE NI DE'I NYIN SMYUNG BAR GZHAG ,KHRUS BTANG LTA BUR NYE BAR SPYAD, ,CES BYA BA LA, MA ZHU BA BA'U SNABS DANG GSUD PAS NYEN PA'I SKYES BU DE DE LTAR BYAS BAS, SLON DANG KHRUS KYIS DAG PAR GYUR PA DE'I RJES LA DE'I NYIN PAR SMYUNG BAR BZHAG CING ZAS BCAD PA DANG, KHRUS BTANG LTA BUR 'BRAS THUG SLAN TE DANG, SKA
BA LA SOGS PA'I SBYOR BAS RIM GYIS GSO BAR BYA'O, ,CI'I PHYIR MA ZHU BA'I BE'U SNABS GSOR RUNG BA LA SKYUG SMAN LA SOGS PA BYA BA BSTAN GYI, GZER 'JOMS BAR BYED PA'I SMAN SHING KUN LA SOGS PA MA BSTAN PA DANG, GSUD PA GSOR RUNG BA LA RTING BAR ME BTZA' BSTAN GYI; SLON DANG KHRUS KYIS GZER 'JOMS PAR BYED PA DANG, 'JU BAR BYED PA'I SMAN LA SOGS PA MA BSTAN ZHES BYA BA RTOG PAR BYED PA DAG DGAG PA'I PHYIR SMRAS PA NI, MA ZHU MI BZAD NYEN GYUR KYANG, ,GZER 'JOMS SMAN NI BTUNG MI BYA, BE'U SNABS MA ZHU ME DROD NYAMS, , NAD KYI SMAN NI 'JU MI NUS, ,DE YIS NAD PA 'PHRAL DU NI, ,THU ZHING 'CHI BA DAG TU 'GYUR, ,ZHES BYA BA LA, MA ZHU BAS NI SMAN BTUNG BAR MI BYA'O, ,ZHES TSIG SBYAR BAR BYA'O, ,ZAS ZHU ZHING SMIN PAR MA NUS PAS MA ZHU BA STE, ZAS ZHUM NUS PA DES MI BZAD PAS NYEN PAR GYUR CING, SHIN TU GZER ZUG PA DANG LDAN PAR GYUR KYANG, GZER 'JOMS PA'I SMAN SHING KUN CAN GSUM PA LA SOGS PAR BTUNG BAR MI BYA'O, ,DE CI'I PHYIR ZHE NA, BE'U SNABS MA ZHU BAS ME DROD NYAMS SHING MA ZHU BA'I NYES PAS BCOM PA'I ME'I DROD DES NI MA ZHU BA'I NAD KYIS, SMAN DANG ZAS KYI RIGS 'JU ZHING SMIN PAR BYA BAR MI NUS SO, ,DES NA SMAN DANG ZAS DANG NYES PA 'DI DAG GIS MA ZHU BAS NYEN PA'I NAD BA 'PHRAL DU DE'I MOD LA THU ZHING GNOD PA'I KHYAD PAR 'PHEL ZHING SMAN GYI SBYOR BA NYID KYIS 'CHI BA DAG NYID DU 'GYUR RO, ,KHA ZAS ZHU NAS LTO BA NI, ,RTZUB SRAR GYUR LA SMAN DAG KYANG, ,NYES PA'I LHAG MA SBYANG PHYIR DANG, ,PHO BA'I ME NI BSKYED PHYIR GTANG, ,ZHES BYA BA LA, SKYES BU'I KHA ZAS ZHU ZHING SMIN PAR GYUR DU ZIN KYANG, LTO BA RTZUB CING SRA BAR GYUR PA STE, PHO BA REM REM POR GYUR PA LA, NYES PA'I LHAG MA ZHU ZHING SBYANG BA'I PHYIR DANG, PHO BA'I ME DROD BSKYED PAR BYA BA'I PHYIR, SMAN GTANG BAR BYA ZHING SBYANG BAR BYA'O, ,MA ZHU'I 'GYUR BA ZHI BA DAG ,NYAMS SMAD PAR NI BYAS LAS 'GYUR, ,ZHES BYA BA LA, MA ZHU BA'I 'GYUR BA ZHES PA ZAS MA ZHU BA'I NYES PA
, ,LAS BYUNG BA'I BE'U SNABS DANG, SNYOM PA DANG, GZER BA LA SOGS PA RNAMS LA ZHI BA DAG NI NYAMS DMAD PA, SMYUNG BA DANG ZHI BAR BYAS PA DANG, DUGS DAG BYAS BA LAS DE NYE BAR ZHI ZHING NYAMS DMAS PA 'BYUNG BAR 'GYUR RO, ,DE GSUM NYES PA RNAM GSUM NI, ,BRTAGS NAS RAB TU SBYANG BAR BYA, ,ZHES BYA BA LA, NYAMS SMAD PAR BYA BA DE NI SMYUNG BA DANG, ZHU BAR BYAS PA DANG, DUGS BYA BA RNAM PA GSUM YOD PA DE NYES PA RNAM GSUM NI ZHES PA, CHUNG NGU DANG, BAR MA DANG, CHEN PO'I TSUL BRTAGS SHING RIM PA 'DIS, CHUNG NGU LA SOGS PA'I NYES PA'I DBYE BAS SO SOR BRTAGS SHING DPYAD NAS RAB TU SBYANG BAR BYA'O, ,DE LA CHUNG LA SMYUNG BA PHAN, ,'BRING LA SMYUNG DANG GZHU BYA BA, ,CHEN PO LA NI SBYANG BA STE, ,DE YIS DRI MA RTZA NAS 'BYIN, ,ZHES BYA BA LA, DE LA ZHES PA NYES PA RNAM PA GSUM PO LA, CHUNG NGU LA NI SMYUNG BAR GNAS PA NYAMS DMAD PA PHAN ZHING RJES SU MTHUN PA YIN TE, DES KYANG ME DANG RLUNG 'PHEL BAR BYAS PAS DPER NA RLUNG DANG THAN PAS CHU'I TSOGS NYUNG ZHIG GI GNAS SKEMS PAR BYED PA BZHIN DU, 'DI LA PHAN PAR 'GYUR BA YIN NO, ,'BRING LA ZHES PA NYES PA'I STOBS 'BRING TZAM DU GYUR PA LAN NI SMYUNG BA ZHES BYA BA ZAS BCAD PA DANG, DE BZHIN DU GZHU BA ZHES BYA BA SHU DAG DANG, PU SHEL TZE LA SOGS PAS PHAN PA YIN TE, DE GNYIS NI NYES PA 'BRING PO 'JOMS TE, DPER NA CHU'I TSOGS HA CANG MI CHE BA LA THAL BA DANG; SA RDUL DAG DANG 'DRES PA'I RLUNG DANG THAN PAS CHU'I TSOGS HA CANG MI CHE BA SKEMS PAR BYED PA DANG 'DRA'O, ,CHE LA ZHES PA NYES PA MANG PO STOBS DANG LDAN PA DAG LA NI SBYANG BA STE, KHRUS DANG SLON LA SOGS PA'I TSUL GYIS NYAMS SMAD PAR BYA BA PHAN PA YIN TE, GANG GI PHYIR SKYUG SMAN LA SOGS PA SBYANGS PAS DE YIS DRI MA ZHES PA RLUNG DANG, MKHRIS PA DANG, BAD KAN DANG, BSHANG BA DANG, GCI BA LA SOGS PA RTZA BA NAS 'BYIN CING GCOD PAR 'GYUR TE, DPER NA 'DAM BU'I ZHING CHU MED PA DAG TU NI 'BRAS LA SOGS PA SKYE BAR MI 'GYUR BA DANG
'DRA'O, ,DE BAS NA NYAMS MTHOS PA'I MA ZHU BA LAS BYUNG BA LA NI NYAMS DMAD BA MA BYAS PAR ZHI BAR 'GYUR BA MA YIN LA, NYAMS DMAD BAR GYUR BA LAS BYUNG BA LA YANG NYAMS BRTA BA BYAS PAR ZHI BAR 'GYUR BA MA YIN NO, ,DE BZHIN NAD GZHAN DAG LA YANG, ,RANG NAD GZHI LAS GO BZLOG PAS, ,GSO BA, ZHES BYA BA LA, DE BZHIN DU CHUNG NGU LA SOGS PA'I RIM PA 'DIS, RIMS LA SOGS PA'I NAD GZHAN DAG LA YANG RANG GI NAD GZHI LAS GO BZLOG PA ZHES PA, RANG GI NAD KYI RGYU DANG MI MTHUN PA'I SMAN GYIS GSO BAR BYA ZHING BZLOG PAR BYA'O, ,DE YANG RANG GI NAD GZHI YIN PAS NA, RANG GI NAD GZHI STE, RANG GI RGYU GANG YIN PA'O, ,DE LAS GO BZLOG PA NI DE DANG MI MTHUN PA STE, DPER NA TSIM ZHING BRTAS PAR BYAS PA LAS BYUNG BA'I NAD LA NYAMS DMAD BAR BYA BA DANG, NYAMS DMAD BA LAS BYUNG BA'I NAD DE LAS BZLOG PA NI BRTAN PAR BYA BA YIN PA DANG, DE BZHIN DU LCI BA DANG, SNUM PA DANG, GRANG BA LA SOGS PA LAS BYUNG BA'I NAD LA DE DANG MI MTHUN PA YANG BA DANG, RTZUB PA DANG, DRO BAR BYA BA DANG, YANG BA DANG, RTZUB PA DANG, DRO BA LAS BYUNG BA'I NAD LA DE DANG MI MTHUN PA LCI BA DANG, SNUM PA DANG, BSIL BAR BYA BA LA SOGS PA LTA BU'O, ,DE LAS RJES 'BREL YOD, ,RGYU LAS GO BZLOG RNAM SPANG BA, ,SMAN PAS CI LTA CI LTA BAR, ,NAD LAS GO BZLOG SBYAR BA'AM, ,ZHES BYA BA LA, NAD KYI RGYU LAS GO BZLOG PA'I SMAN BYAS SU ZIN CING, NYES PA STOBS DANG LDAN, NAD DANG RJES SU 'BREL BA YOD CING, SHIN TU ZHEN PAR GYUR PA LA NI RGYU LAS BZLOG PA STE, NAD GZHI DANG, RJES SU MI MTHUN PA'I SMAN SPANGS SHING DOR, SMAN PAS JI LTAR RIGS SHING 'OS PA'I SMAN NAD LAS GO BZLOG PA'I SMAN DE SBYAR BAR BYA ZHING SBYIN PAR BYA STE, DPER NA RIMS LA GLA SGANG DANG, PAR BA TA DANG, NAS THUG SLA BA SBYIN PA DANG, GCIN NAD LA SER PO RNAM GNYIS DANG, NAS ZAN LA SOGS PA SBYIN PA DANG, MKHRIS PA GYEN DU 'BYUNG BA LA KHRUS SMAN GYIS 'OG NAS GDON PAR BYA'O, ,
, ,DE BZHIN DU NAD LAS GO BZLOG PA'I GSO DPYAD KYI BCOS PA'I THABS KYI GTZO BO RNAM PA GNYIS DANG, LAS RNAM LNGA DU BA SNA NAS GTANG BA DANG, MIG SMAN LA SOGS PA DANG BCAS PA LA SOGS PA BYA BA STE, DPER NA GLA SGANG DANG PAR PA TA MKHRIS PA SEL BAR BYED PA YIN DU ZIN KYANG, RIMS 'JOMS PAR BYED PA DE LTAR MKHRIS PA LAS BYUNG BA'I NAD GZHAN LA NI MA YIN NO, ,DPER NA SKYER PA NI TSIL DANG, BAD KAN SEL BAR BYED PA YIN DU ZIN KYANG, GTZO CHER GCIN NAD 'JOMS PAR BYED PA DE LTAR TSIL DANG BAD KAN LAS BYUNG BA'I NAD GZHAN DAG LA NI DE LTA MA YIN NO, ,'DI DAG KYANG 'OG NAS SLOB DPON GYIS RGYA CHER BSTAN PA YIN NO, ,DE'I DON BYED PA SBYOR BAR BYA, ,ZHES BYA BA NI, RGYU DANG NAD KYI GO BZLOG PA DE'I DON BYED PA STE, 'DI NI RGYU DANG NAD KYI GO BZLOG PA'I DON BYED PA'I TSUL CAN YOD PAS NA DON BYED PA STE, DE'I DON NI NAD KYI GZHI LAS GO BZLOG PA DANG, NAD LA GO BZLOG PA DAG LA, GO MA BZLOG PAR GYUR PA'I LAS DE'I DON BYED PA SBYOR BAR BYA STE, DPER NA SKYUG BRO BA LA SLON SMAN BTANG BA'AM, TSAD PAS 'KHRU BA LA KHRUS BYA BA'AM, CHANG NAD LA CHANG SBYIN PA'AM, MES TSIG PA LA MES BSROD PA 'AM, ZHI BA DANG, RGYAS PA'I LAS BYA BA STE, 'DI DAG NI BSDUS PA LAS RGYAS PAR BSHAD DO, ,DON GNYIS KAS BYED PA LHA RNAMS LA YANG BRTEN CING, SMAN GYI SBYOR BA YANG BYED PA DANG, SKYUG BRO BA LA SLON SMAN DANG, TSAD PAS 'KHRU BA LA DRI MA SBYANG BA DANG, CHANG GI NAD LA CHANG BLUD PA DANG, MES TSIG PA LA ME LA BSROD PA DANG, MKHRIS PA NANG DU ZHEN PA'AM, LAM LOG PAR SONG BA LA DUGS BYA BA DANG, KHA BA DANG SKYUR BA DANG BSKA BA'I RO LA BRTEN CING DRO BA DANG, GRANG BA'I SPYOD LAM GYIS GNAS PAS PHYI ROL DU GDON CING, RANG GI LAM NAS RGYU BAR BYA BA DANG, BAD KAN NANG DU ZHEN CING RENGS PAR GYUR PA LA, PHYI ROL NAS BSIL BA'I NYE BAR SPYOD PA LA GNAS PAS, DE'I GNOD PA NANG DU ZHUGS NAS, BAD KAN GZHU BAR BYA STE, DE LTA BU'I GO BZLOG PA'I DON BYED DO, ,NYES
SMIN ME DROD SKYES GYUR NAS, ,NYAMS BRTA SNUM GYIS BYUGS PA DANG, ,BTUNG DANG 'JAM RTZI SOGS RIGS SBYAR, ,ZHES BYA BA LA, NYES PA RNAMS SMIN CING ZHU BAR GYUR PA NI, MA ZHU BA'I BE'U SNABS DANG, GSUD PA LA SOGS PAS NYEN PA DE MA ZHU BA'I NYES PA DANG BRAL BAR GYUR CING, NYES PA SMIN NAS SMYUNG BA LA SOGS PA BYAS PAS, PHO BA'I ME DROD KYANG SKYES SHING 'PHEL BAR GYUR NAS NYAMS BRTA BAR BYA BA'I PHYIR, TIL MAR LA SOGS PA'I SNUM GYIS BYUG PA DANG, SMAN MAR BTUNG BA DANG, 'JAM RTZI MAS GTONG BA DAG RIGS PAR ZHES BYA BA YUL DANG DUS LA SOGS PA'I CHA LAS BRTAGS TE, CHO GA BZHIN DU SBYAR BAR BYA BA NI PHAN PA YIN NO, ,SOGS PA'I SGRAS NI BCUD KYIS LEN PA DANG, RO TZA BA'I CHO GA DAG BSDU'O, ,'JAM RTZI MAS GTONG BA'I DBYE BA YANG DANG POR SBYANG BA LA SOGS PA'I SGO NAS RNAM PA GSUM YOD DE, DE DAG KYANG NAD DANG, SMAN LA SOGS PA'I GNAS SKABS KYI TSUL LAS BRTAGS NAS, SMAN PAS 'DI DAG RIGS PAR SBYAR BAR BYA'O, ,BAD KAN MA ZHU'I BE'U SNABS TE, ,DE NI MIG DANG MKHUR BA SKRANG, ,SGREGS PA ZOS MA THAG 'DRA 'BYUNG, ,MCHIL MA MANG ZHING NYES G-YO LCI, ,ZHES BYA BA LA, BAD KAN 'PHEL BA LAS, MA ZHU BAR GYUR PA GANG YIN PA DE NI BE'U SNABS ZHES BYA STE, DE LA BAD KAN GYI MA ZHU BA'I MTSAN NYID NI 'DI YIN TE, MIG DANG MKHUR BA SKRANGS PA STE, MKHUR BA DANG MIG GI KHUNG BUR GTOGS PA SKRANG BAR 'GYUR RO, ,DE BZHIN DU SGREGS PA ZOS MA THAG PA'I 'DRA BA 'BYUNG STE, MA SMIN PA 'BYUNG BAR 'GYUR BA DANG, MCHIL MA SHIN TU MANG ZHING BAD KAN 'BYUNG BA DANG NYES PA RNAMS SMIN, RANG GI GNAS NAS G-YO BA DANG, BAD KAN GYEN DU 'BYUNG BAR 'GYUR BA DANG LCI BAR 'GYUR RO, ,RLUNG LAS RENGS BAG GZER BA DANG, ,BSHANG GCI 'GAGS SHING SBOS DROD NYAMS, ,ZHES BYA BA LA, RLUNG LAS GYUR PA'I MA ZHU BA GANG YIN PA DE NI, MING RENGS BAG CES BYA STE, DE NI GZER ZHING 'JUG PA DANG, BSHANG BA DANG, GCI BA 'GAGS
, ,SHING THOGS PA DANG, SBOS SHING GSUS PA RGYAS PA DANG, ME'I DROD NYAMS PA DANG YAN LAG SNYOM PAR BYED PAR 'GYUR RO, ,MKHRIS LAS KHONG TSA SGOM MGO 'KHOR, ,RMONGS BAG SGREGS PA SKYUR ZHING TSA, ,ZHES BYA BA LA, MKHRIS PA LAS GYUR PA'I MA ZHU BA GANG YIN PA DE NI KHONG TSA BA ZHES BYA STE, DE NI SKOM DAD CHE BA DANG MGO 'KHOR BA DANG, RMONGS BAG CAN SGREGS PA SKYUR BA DANG, LUS TSA BA DANG LDAN PAR 'GYUR RO, ,MA ZHU BE'U SNABS SMYUNG BA BYA, ,RENGS BAG LA NI DUGS RAB BYA, ,TSA BA'I MA ZHU SKYUG SMAN DAG , BTANG BA'AM GNAS SKABS GANG PHAN BYA, ,ZHES BYA BA LA, BAD KAN LAS BYUNG BA'I MA ZHU BA BE'U SNABS LA NI SMYUNG BA STE ZAN GCOD PAR BYA'O, ,RENGS BAG STE RLUNG LAS GYUR PA'I MA ZHU BA NI DUGS RAB BYA BA STE SHAS CHER DUGS BYA'O, ,TSA BA STE MKHRIS PA LAS GYUR PA'I MA ZHU BA LA NI SKYUG SMAN GTANG BAR BYA'O, ,YANG NA GNAS SKABS JI LTA BA BZHIN DU GSUM PO DAG CI RIGS PAR BYA'O, ,MA ZHU'I BE SNABS LCI BA NA, ,RTZA SBUBS THIM LAS YUN RINGS CAN, ,BAD KAN RLUNG NI 'DRES MTSAN MA, ,DE DANG MNYAM PAR BSGRUB PAR BYA, ,ZHES BYA BA LA; MA ZHU BA'I BE'U SNABS LCI BAR GYUR PA RTZA SBUBS SU THIM ZHING ZHEN PAR GYUR BA LAS YUN RINGS CAN ZHES BYA BA'I MA ZHU BA'I KHYAD PAR 'BYUNG BAR 'GYUR RO, ,BAD KAN DANG RLUNG 'DRES SHING RJES SU 'BREL BAR 'GYUR BA LAS BYUNG BA'I MA ZHU BA BE'U SNABS CAN GYI MTSAN MA MIG SKRANG BA LA SOGS PA DANG LDAN PA GANG YIN PA DE LA NI, MA ZHU BA DE DANG MNYAM ZHING MTSUNGS PAR SGRUB CING GSO BAR BYA BA STE, DE LTAR NA DE NI SMYUNG BAS BSGRUB PAR BYA BA YIN NO, ,DANGS MA LUS LAS ZAS DAD CHUNG, ,SNYING NA SGREGS PA MNAM PAR 'GYUR, ,ZHES BYA BA LA, ZAS KYI DANGS MA'I LHAG MA MA LUS PA YONGS SU MA ZHU BAR GYUR PA LAS NI ZAS DAD CHUNG BA STE, ZAS LA MI DGA' BA DANG, SNYING NA ZHING SGREGS PA MNAM PAR 'GYUR RO, ,'DI LA CUNG ZAD GNYID LOG BYA, ,ZHES BYA BA LA, DANGS MA'I LHAG MA MA ZHU BA 'DI LA NI CUNG ZAD CES
PA; DUS CUNG ZAD CIG GNYID LOG PAR BYA'O, ,MA ZHU KUN GYIS NYIN PAR NI, ,ZAS MA ZOS PAR GNYID LOG LA, ,BKRES GYUR YANG LAS RAN PAR BZA', ,ZHES BYA BA LA, MA ZHU BAR GYUR PA'I SKYES BU KUN GYIS NI, PE SNABS LA SOGS PA'I DBYE BAS RNAM PA BZHI DANG LDAN PAR GYUR PA KUN GYIS KYANG, ZAS MA ZOS PAR NYIN PAR GNYID LOG PAR BYA LA, DE NAS DE BKRES PAR GYUR CING ZAS LA 'DOD PA SKYES PAR GYUR NAS, 'BRAS LA SOGS PA LAS BYAS PA'I ZAS YANG BA LAS RAN PAR ZHES BYA BA TSOD ZIN PAR NYUNG ZAD BZA' BAR BYA'O, ,MA ZHU SPYI YI MTSAN MA NI, ,RNAM PAR 'GAGS SAM SHAS CHER 'BYUNG, ,NA ZHING RLUNG NI MI GSAL RGYU, ,MKHREGS SHING LUS LCI MGO BO 'KHOR, ,ZHES BYA BA LA, MA ZHU BA SPYI'I MTSAN MA'AM, RTAGS SU GYUR PA NI, BSHANG BA DANG GCI BA DANG, 'PHYEN LA SOGS PA SRA ZHING RNAM PAR 'GAGS PAR GYUR PA'AM, YANG NA BSHANG GCI LA SOGS PA SHAS CHER 'BYUNG BAR 'GYUR BA DANG, NA ZHING RMYA BAR 'GYUR BA DANG, RLUNG MI GSAL BAR RGYU ZHING SHES PAR DKA' BA 'BYUNG BAR 'GYUR BA DANG, BSHANG BA MKHREGS PA DANG, LUS LCI BA DANG, MGO BO BSKOR BA LTA BUR 'KHOR BAR 'GYUR BA STE, 'DI DAG NI MA ZHU BA BZHI CHAR GYI THUN MONG GI MTSAN NYID YIN NO, ,ZAS TSOD LHAG PAR GYUR PA NYID, ,GCIG PU MA ZHUR MA ZAD KYI, ,MI 'DOD GAGS BYED TSIG MA TSOS, ,LCI DANG RTZUB DANG MI GTZANG GRANG, ,KHONG TSA SKOM DAD CHU MANG DANG, ,BSRES PA'I ZAS NI 'JU MI 'GYUR, ,MYA NGAN KHRO DANG BKRES PA YIS, ,NYE BAR GDUNGS SHING ZAS MI 'JU, ,ZHES BYA BA LA, ZAS KYI TSOD LHAG PAR GYUR PAR ZOS PA GCIG PU MA ZHU BAR GYUR PAR MA ZAD KYI, MI 'DOD BZHIN DU ZOS PA DANG, 'GAG PAR BYED PA STE, RTZA SGO'I SBUBS KYI GAGS BYED PA DANG, TSIG PA STE BTZOS PA THAL DRAGS PA DANG, MA TSOS PA STE LEGS PAR TSOS SHING SMIN PAR MA GYUR BA DANG, LCI BA DANG 'JU DKA' BA DANG, RTZUB STE SNUM MED PA DANG, MI GTZANG BA STE MA DAG PA DANG, GRANG BA STE KHENGS PA DANG, TSA BA
, ,STE LUS KYI KHONG TSA BAR BYED PA DANG, SKAM PA STE PHAL CHER SRA BA DANG, CHU MANG BA STE, CHU MANG PO DANG BSRES PA'I ZAS 'DI DAG NI 'JU BAR MI 'GYUR ZHING YONGS SU DENGS PAR MI 'GYUR GYI, BE'U SNABS KYI NYES PA 'BA' ZHIG SKYED PAR 'GYUR RO, ,GZHAN YANG GANG MYA NGAN LA SOGS PAS GZIR BAR ZOS PA DE YANG MI MTHUN PA YIN TE, MYA NGAN NI MYA NGAN GYIS GDUNGS PA'O, ,KHRO BA NI SEMS 'KHRUGS PA'O, ,BKRES PA NI BRU BA TSA BAS GDUNGS PA STE, DE LTA BU MA ZOS PA DE YANG 'JU BAR MI 'GYUR GYI, MA ZHU BA'I BE'U SNABS KYI NYES PAR 'GYUR RO, ,PHAN DANG MI PHAN BSRES PA DANG, ,ZOS PA MNYAM ZA YIN PAR 'DOD, ,CES BYA BA LA, PHAN PA DANG MI PHAN PA DANG, 'PHROD PA DANG MI 'PHROD PA GCIG TU BSRES NAS ZOS PA NI, MNYAM PA'I ZAS ZA BA YIN PAR SLOB DPON RNAMS 'DOD DO, ,'GRANGS RJES SLAR YANG ZA GYUR BA, ,LHAG PAR ZA BA YIN ZHES BYA, ,ZHES BYA BA LA, KHA ZAS 'GRANGS BAR ZOS SHING LONGS SPYAD NAS DE'I STENG DU SLAR YANG BZA' BA ZA BAR GYUR PA GANG YIN PA DE NI LHAG PAR ZA BA ZHES BYA BAR SHES PAR BYA'O, ,DUS MIN CHE BA'AM CHUNG ZOS PA, ,MI MNYAM PAR NI ZA BA YIN, ,ZHES BYA BA LA, DUS MA YIN PA NI ZAS KYI DUS LA MA BAB PA'AM, DUS LAS YOL BAR ZA BA'O, ,CHE BA NI GANG LHAG PAR ZOS PA'O, ,CHUNG BA NI TSAD LAS CHUNG ZHING DMAN PAR ZOS PA STE, DE DAG NI MI MNYAM PAR ZA BA YIN PAR SHES PAR BYA'O, , GSUM PO 'DIS KYANG GSOD PA'AM, ,MI BZAD NAD KYIS 'DEBS PAR BYED, ,CES BYA BA LA, MNYAM PAR ZA BA DANG MI MNYAM PAR ZA BA STE, GSUM PO 'DI DAG GIS KYANG GSOD CING 'CHING BAR BYED PA'AM MI BZAD CING GSO DKA' BA'I NAD KYIS 'DEBS PAR BYED CING SKYED PAR BYED DO, ,DUS SU GOMS SHING GTZANG LA PHAN, ,SNUM DRO YANG DANG MA YENGS DANG, ,RO DRUG LDAN ZHING MNGAR BAG CHE, ,SHIN TU MYUR MIN DAL BAR MIN, ,KHRUS BYAS BKRES SHING DBEN PAR GNAS, ,KHA GDONG LAG PA RKANG PA BKRUS, ,LHA DANG YI DAGS
RJED CING SBYIN, ,BLA MA BYIS PA MGRON MCHOD BYAS, ,DUD 'GRO RNAMS KYANG RAB BRTAGS TE, ,BDAG NYID LEGS PAR BRTAGS NAS NI, ,MA SMAD SMRA 'AM YID 'ONG SMRA, ,SKYE BO GTZANG ZHING GUS PAS STOBS, ,YID 'ONG GNYEN DANG LHAN CIG BZA', ,ZHES BYA BA LA; ZAS NI DUS SU BZA' ZHING LONGS SPYAD PAR BYA'O, ,ZHES BYA BAR SBYAR RO, ,DE YANG DUS NI BSHANG DANG GCI BSAL ZHES BYA BA LA SOGS PA'I GZHUNG GIS 'OG NAS BSHAD PA YIN NO, ,DUS YOL NAS ZOS PA DE NI RLUNG GIS BKAG NAS SHIN TU DKA' BAS 'JU BAR 'GYUR BA DANG, ZAS LEN CING YI GAR 'ONG BA 'GAG BAR 'GYUR RO, ,GOMS PA ZHES BYA BA 'DI NI, BDAG NYID KYIS GOMS SHING BSTEN PAR GYUR NA 'PHROD PAR GYUR PA YIN GYI, DE LAS BZLOG PA MI 'DOD CING GNOD PA NI MA YIN NO, ,GTZANG BA NI GANG LAS 'ONGS SHING CI LTAR G-YOS PA SHES PA'O, ,PHAN PA NI ZAS KYI RIGS GANG GIS KHAMS SNYOMS PA MNYAM PA YIN DU 'JOG PAR BYED CING, MA SNYOMS PA RNAMS SNYOMS PAR BYED PA'O, ,DE LAS BZLOG PA NI MI PHAN PA'O, ,ZAS SNUM PA DANG, DRO BA DANG, YANG BAS NI ME'I DROD SKYED PAR BYED DE, CUNG ZAD DRO BAS NI LUS SBYONG ZHING LUS ZUNGS 'KHRUG PAR MI BYED PA DANG, MYUR DU 'JU BAR BYED PA DANG, LAM MA YIN BAR ZHUGS PA RNAMS BZLOG CING LUGS SU 'JOG PAR BYED DO, ,SNUM PA NI DBANG PO RNAMS BRTAN PAR BYED PA DANG, LUS BRTAS SHING 'PHEL BA DANG; RGAS SRA BA DANG, STOBS SKYED PA DANG, KHA DOG DANG BAR BYED PA YIN NO, ,YANG BA NI ZAS KYI RANG BZHIN GYIS GNOD PA MED PAR 'JU BAR 'GYUR LA, MA ZHU NA YANG GNOD PA CHEN PO MED PA YIN NO, ,YANG DRO BAS NI YIG 'BYE BAR BYED PA DANG, BAD KAN 'JIG PAR BYED PA YIN NO, ,MA YENGS PA YID LA GTOD PA STE, YID GZHAN DU YENGS PA'AM, SHIN TU MYUR BAR ZA BA'AM, SMRA BZHIN NAM, DGOD BZHIN DU ZA NA, SNUM MDANGS MI SKYED PA DANG, RMYA BA DANG, GNAS SU MA CHAD PA DANG, YON TAN DANG SKYON MI RTOG PAR 'GYUR
, ,RO; ,RO DRUG LDAN ZHING ZHES BYA BA NI MNGAR BA DANG, SKYUR BA DANG, LAN TSVA DANG, KHA BA DANG, TSA BA DANG, BSKA BA'I RO DANG LDAN PA'O, ,MNGAR BAG CHE ZHES BYA BA NI, PHAL CHER MNGAR BA'I SHAS MANG BA'O, ,SHIN TU DAL CHES BAR BZA' BA NI NGOMS SHING CHOG SHES BAR DKA' BA DANG, MANG DU ZA BAR 'GYUR BA DANG, ZAS KYI BAG 'GRANGS BAR 'GYUR BA DANG, 'JU DKA' BAR 'GYUR RO, ,KHRUS BYAS PA NI GTZANG SBRA'I CHO GA BYAS PA'O, ,BKRES PA NI BRU BA TSA BA DANG LDAN PA'O, ,DBEN PAR GNAS PA SKYE BO MANG POS MA BSKOR BA'O, ,KHA GDONG LAG PA RKANG PA GANG DANG GANG GIS BKRUS SHING DAG PAR BYAS PA'O, ,DE BZHIN DU LHA RNAMS MCHOD CING RJED PA DANG, YI DAGS LA SBYIN PAR BYA BA DANG, BLA MA DANG, BYIS PA DANG, MGRON DU BOS PA'AM, GLO BUR DU 'ONGS PA LA MCHOD CING SBYIN PAR BYA BA DANG, KHYI LA SOGS PA LA YANG SBYIN ZHING, PHYUGS LA SOGS PA'I DUD 'GRO RNAMS KYANG RAB TU BRTAGS SHING, RTZVA LA SOGS PA SBYIN LA, ,BDAG NYID LEGS PAR BRTAGS NAS NI, ,ZHES BYA BA LA, NGA'I 'DI NI GOMS SHING BSTEN PA YIN NO ZHES PA DANG, RTAG TU BAG YOD PAS GNAS PA DANG, MA SMAD PA STE ZAS LA DPYAS MI BRJOD PA DANG, MI SMRA BA DANG, YID DU 'ONG ZHING RJES SU MTHUN PA CUNG ZAD CIG SMRA BA DANG, SKYE BO GTZANG ZHING GUS PAS STOBS SHING BYIN PA'AM, G-YOS SU BYAS PA DE YID DU 'ONG ZHING SNYING DU SDUG PA'I GNYEN DANG LHAN CIG BZA' BAR BYA'O, ,ZAS NI RTZA DANG SKRA SPU SOGS, ,'DRES SHING KHONG DU SLAR BSROS DANG, ,TSOD MA ZAS NGAN MANG BA DANG, ,TSA CHES LAN TSVA MANG BA SPANG, ,PHRUM DANG ZHO DANG PHRUM SKAM DANG, ,BA TSA TSVA DANG LA PHUG RJEN, ,PHAG RGOD LUG DANG BA LANG NYA, ,MA HE'I SHA DANG RID DANG SKAM, ,MA SHA CHU LDUM NIS SHA PA, ,BAD RTZA 'BRAS KHUR MYU GUR GYUR, ,TSOD MA SKAM DANG NAS 'DRA DANG, ,BU RAM PHRA MO BZA' MI BYA, ,ZHES BYA BA LA, PHRUM NAS BU RAM PHRA MO'I BAR DU BZA' BAR MI BYA'O, ,BZA' MI BYA ZHES BYA BA 'DIS NI 'DI SKAD STON PA
YIN TE, PHRUM DANG CHANG LA SOGS PA RTAG TU GOMS PAR RGYUN DU BZA' BA BKAG PA YIN GYI, 'DI DAG LAN 'GA' YANG BZAR MI RUNG BAR BKAG PA NI MA YIN NO, ,DE LA PHRUM NI BA'I 'O MA LA SOGS PA LAS BYAS PA'O, ,BA TSA NI YA BAKshAR LA SOGS PA'O, ,TSA NI CHANG THAMS CAD SHIN TU SKYUR BAR SONG BA'O, ,LA PHUG RJEN PA NI LA PHUG RGAN PO'O, ,SHA ZHES BYA BA NI RID PA LA SOGS PA KUN DANG SBYAR RO, ,RID PA NI PAGS PA DANG RUS PA TZAM LUS PA'O, ,SKAM PA NI RLAN MED PA'O, ,NIS PA NI GANG BU CAN GYI 'BRU'I BYE BRAG GCIG GO, ,CHU LDUM NI AUTPA LA LA SOGS PA'I SDONG BU'I TSOD MA'O, ,'BRAS KHUR NI S'A LU LA SOGS PA BTAGS PA LAS BYAS PA'I KHUR BA'O, ,MYU GUR GYUR PA NI 'BRAS LA SOGS PA'I KHYI SO 'THON PA'O, ,YA BA KA NI GRA MA CAN GYI 'BRU'I BYE BRAG GO, ,BU RAM PHRA MO NI BU RAM GYI KHYAD PAR CHUNG NGU ZHIG GO, , S'A LU'I 'BRAS DANG GRO DANG NAS, ,DRUG CU BA DANG SKAM SA'I SHA ,AA RU SKYU RU RGUN 'BRUM DANG, ,MUNGGA KHA RA PA TO LA, ,ZHUN MAR CHAR CHU 'O MA DANG, ,SBRANG RTZI SE'U 'BRU RGYAM TSA BZA', ,MIG DANG STOBS PHYIR MTSAN MO NI, ,'BRAS GSUM SBRANG RTZI MAR SAR BZA', ,MI NAR 'JOG PAR BYED GANG DANG, ,NAD SEL BYED PA GANG YIN BSTEN, ,ZHES BYA BA LA, RAKTA SHA LI LA SOGS PA DANG, S'A LU'I 'BRAS CHAN LA SOGS PA DANG, SKAM SA'I SHA RTAG TU BZA' BAR BYA'O, ,DE BZHIN DU MIG LA PHAN PA DANG, LUS KYI STOBS BSKYED PAR BYA BA'I PHYIR, MTSAN MO'I DUS SU 'BRAS BU GSUM DANG, SBRANG RTZI DANG MAR SAR DU SBYAR BA BZA' BAR BYA'O, ,GZHAN YANG SMAN GYI RIGS GANG SMOS SU ZIN KYANG, SMIN PAR BYED CING BDE BAR 'JU BAR BYED PA GANG YIN PA DANG, SMAN GANG NAD SEL ZHING 'JOMS PAR BYED PA DE YANG BSTEN CING BZA' BAR BYA'O, ,BAD RTZA BUR SHING TZO TZA DANG, ,MO TZA AA MRA'I 'BRAS BU DANG, ,LA DU KHUR BA BU RAM CAN, ,ZAS NI LCI ZHING SNUM PA DANG, ,MANG ZHING 'JU DKA' BRTAN PA RNAMS, ,DANG PO NYID DU BZA' BAR BYA, ,ZHES BYA BA LA, PADMA'I RTZA BA LA
, ,SOGS PA NI ZAS KYI DANG POR THOG MA NYID DU BZA' BAR BYA'O, ,TZO TZA NI RGYA STAR GYI 'BRAS BU'O, ,MO TZA NI CHU SHING GI 'BRAS BU'O, ,KHUR BA BU RAM CAN NI BZA' BA'I KHYAD PAR RO, ,'JU DKA' BA NI RO RTUL BA'O, ,BRTAN PA NI BRTAN POR GNAS PA STE, DE DAG THOG MAR BZA' BAR BYA'O, ,DE LAS BZLOG PA THA MAR BZA', ,BAR DU SKYUR TSA LAN TSVA CAN, ,ZHES BYA BA LA, SNGAR BSHAD PA DE LAS GO BZLOG PA NI, YANG BA DANG, RTZUB PA DANG, TSA BA DANG, RNO BA DANG, G-YO BA'I RANG BZHIN CAN GYI SMAN RNAMS KHA BA DANG, TSA BA DANG, BSKA BA'I MTSAN NYID CAN ZAS KYI THA MA RDZOGS PA'I DUS SU BZA' BAR BYA'O, ,ZAS KYI BAR DU NI SKYUR BA DANG, TSA BA DANG, SNGAR LAN TSVA CAN BZA' BAR BYA'O, ,LTO YI CHA GNYIS ZAS KYIS TE, ,CHA GCIG SKOM GYIS DGANG BAR BYA, ,RLUNG LA SOGS PA'I GNAS SU NI, ,CHA BZHI BAR NI LHAG MAR GZHAG ,CES BYA BA LA, LTO'I CHA GNYIS NI ZAS KYIS DGANG BAR BYA'O, ,LTO'I CHA GCIG NI SKOM STE BTUNG BAS DGANG BAR BYA'O, ,RLUNG LA SOGS PA'I NYES PA RNAMS KYI GNAS DANG RTEN DU NI LTO'I BZHI PA LHAG MAR GZHAG CING LUS PAR BYA'O, ,'DI NI RNAM PA THAMS CAD DU BYA BA MA YIN TE, DE YANG GZHUNG LAS, RLUNG ME'I SHAS CHUNG NAD MED DANG, ,RGYAL PO'I BDE BA'I BDAG NYID LA, ,RIM 'DI RTAG TU SBYAR BYA YI, ,GZHAN DAG LA NI NGES PA MED, ,CES BSHAD PA YIN NO, ,DE LTAR ZAS ZOS ZIN NAS, DE'I RJES LA SKOM BTUNG BAR BYA BA YIN PAS NA, DE'I PHYIR SMRAS PA NI, ZOS RJES SKOM NI BSIL BA'I CHU, ,NAS DANG BAG PHYE'I G-YOS BYAS ZOS, ,ZHO CHANG DUG 'BAGS SBRANG RTZI LA, ,CHU BSIL RJES SU 'THUNGS NA PHAN, ,ZHES BYA BA LA, ZAS ZOS PA'I RJES LA SKOM DU BTUNG BA NI CHU NYID BZANG BA YIN TE, RO THAMS CAD KYI SKYE GNAS YIN PA'I PHYIR DANG, SEMS CAN THAMS CAD KYI THUN MONG GI LONGS SPYOD YIN PA'I PHYIR DANG, 'TSO BAR BYED PA LA SOGS PA'I YON TAN DANG LDAN PA'I PHYIR RO, ,DE YANG KHYAD PAR NI BSIL ZHING GRANG BA'I YON TAN DANG
LDAN PA'O, ,DE YANG GANG DANG RJES SU MTHUN ZHE NA, NAS DANG BAG PHYE LAS G-YOS SU BYAS PA ZOS PA DANG, ZHO DANG, CHANG DANG, DUG DANG, SBRANG RTZI ZOS PA'I RJES LA 'THUNGS NA PHAN ZHING BDE BAR 'GYUR BA YIN NO, ,MI 'JU 'GAGS LA CHU DRON GTANG, ,TSOD MA MUNGGA'I GNOD PA LA, ,ZHO GA CHU DANG DAR BA DANG, ,RANG SKYUR RTZAB MO BTUNG BAR BYA, ,ZHES BYA BA LA, GANG ZAS MI 'JU BA DANG, BSHANG GCI 'GAGS PA LA NI CHU BSKOL DRON MO BTUNG BAR BYA BA LA, TSOD MA DAG DANG, MUNGGA ZOS PA LAS GNOD PAR GYUR PA'I NAD LA NI ZHO GA CHU DANG, DAR BA DANG, 'BRAS KHU MNAN PA'I RANG SKYUR GYI RTZAB MO BTUNG BAR BYA'O, ,SKEM PO RGYAS PHYIR CHANG BTUNG STE, ,ZHES BYA BA LA, MI SKEM ZHING SHA CHUNG BA DAG LA, LUS RGYAS SHING LUS ZUNGS 'PHEL BAR BYA BA'I PHYIR, SKOM DU CHANG BTUNG BA PHAN PA YIN NO, ,SBOM POS SBRANG RTZI'I CHU BTUNG NGO, ,ZHES BYA BA LA, MI SBOM ZHING SHA CHE BA DAG SKEM POR BYA BA'I PHYIR, SKOM DU SBRANG RTZI'I CHU BTUNG BA STE, SBRANG RTZI DANG CHU SBYAR BA'I SKOM BTUNG BAR BYA'O, ,GCONG CHEN NAD LA SHA KHU BTUNG, ,ZHES BYA BA LA, GCONG ZHES BYA BA ZAD BYED KYI GLO GCONG CHEN PO NA BA LA SHA KHU BTUNG BAR BYA'O, ,DROD CHUNG SHA ZOS CHANG BTUNG BYA, ,ZHES BYA BA LA, ME DROD CHUNG ZHING SHA ZOS PAS NI SKOM DU CHANG BTUNG BAR BYA'O, ,NAD DANG SMAN SOGS SBRUM BUD MED, ,ZAN BCAD DKA' THUB LAS RNAMS KYIS, ,SKEM DANG BYIS PA RGAN PO LA; ,'O MA BDUD RTZI LTA BUR PHAN, ,ZHES BYA BA LA, NAD PA LA SOGS PA NYAM CHUNG ZHING RMYA BAR GYUR PA'I MI DANG, SKEM PA DANG, BYIS PA DANG, RGAN PO DAG LA SKOM DU 'O MA BTUNG BA NI BDUD RTZI LTA BUR PHAN PAR BYED PA YIN NO, ,MDOR NA ZOS RJES BTUNG BA NI, ,GANG ZHIG ZAS DANG YON TAN GYIS, ,MI MTHUN MI 'PHROD MED GYUR PA, ,DE NI RNAM PA KUN TU BSNGAGS, ,ZHES BYA BA LA, MDOR BSDU NA ZAS KYI RJES LA SKOM DU BTUNG BAR BYA BA NI GANG ZHIG ZAS DANG MI 'DRA ZHING, DE DANG RANG BZHIN MI MTHUN PAR GYUR PA DE NI, DUS RNAM PA KUN TU
, ,BSNGAGS SHING PHAN BAR 'GYUR BA YIN LA, DE YANG MI 'PHROD PA MED PAR GYUR PA'O, ,DE YANG DPER NA SNUM PA LA RTZUB PA DANG, RTZUB PA LA SNUM PA DANG, GRANG BA LA DRO BA DANG, DRO BA LA GRANG BA DANG, MNGAR BA LA SKYUR BA DANG, SKYUR BA LA MNGAR BA DANG, MNGAR BA LA KHA BA DANG, KHA BA LA MNGAR BA'O, ,DE LTA NA NI 'O MA LAS G-YOS BYAS PA'I ZAS DANG, 'O MA LAS GYUR PA RNAMS LA SKOM DU RANG SGYUR GYI RTZA BA MO LA SOGS PA BTUNG BAR BYA DGOS TE, ZAS KYI YON TAN LAS YON TAN MI MTHUN PA MED PA YIN PA'I PHYIR RO ZHE NA, DE'I PHYIR MI 'PHROD PA MED PA MI BYA BA'I TSIG SMOS PA YIN TE, RTZAB MO RANG SKYUR LA SOGS PA SKYUR BA GANG YIN PA DE NI 'O MA LA SOGS PA DANG YON TAN MI MTHUN PAR GYUR PA YIN DU ZIN KYANG, DE NI MI 'PHROD PA YIN TE, 'O MA DANG SKYUR LHAN CIG BZA' BA NI MI 'PHROD PA YIN NO, ,ZHES SNGAR BSTAN PA'I PHYIR RO, ,DE BAS NA GANG ZAS DANG SKOM YON TAN MI MTHUN ZHING, MTSAN NYID THA DAD KYANG MI 'PHROD PA MED PAR GYUR BA BTUNG BA DE MCHOG TU BSNGAGS BA YIN NO, ,DA NI SKOM 'THUNGS PA'I YON TAN SMRAS PA NI, ZAS RJES SKOM 'THUNGS NGOMS DANG KHYAB, ,STOBS 'PHEL LUS NI BRTAN BYED LA, ,ZAS SDUD SNYI BAR 'GYUR BA DANG, ,'DRUL ZHING RNAM PAR 'JU BAR 'GYUR, ,ZHES BYA BA LA, ZAS KYI RJES SKOM 'THUNGS PA NI NGOMS SHING TSIM PAR BYED PA DANG, LUS KHYAB CING RDZOGS PAR BYED PA DANG, GZI MA DANGS 'PHEL ZHING BRTAS BAR BYED PA DANG; DE BZHIN DU LUS BRTAN PAR BYED PA DANG, YAN LAG BRTAN ZHING MKHREGS PAR BYED PA DANG, DE BZHIN DU ZAS KYI TSOGS SDUD CING GCIG TU GNAS BAR BYED LA SGONG BAR BYED DO, ,SNYI BAR BYED PA NI ZAS BSDUS PA DE LHOD CING SNYI BAR BYED PA DANG, ZAS DE NYID 'DRUL BAR BYED CING SLA BAR BYED BA DANG, DE BZHIN DU RNAM PAR 'JU ZHING BDE BAR 'JU BAR BYED PAR 'GYUR RO, ,DE NI NAM TSONG YAN CHAD NAD, ,DBUGS LUD GLO RDOL CHAM PA DANG, ,GLU LEN SMRA MANG LA CHAGS DANG, ,SKAD 'GAGS PA LA GNOD PA YIN, ,ZHES BYA BA LA, SKOM 'THUNGS BA DE NI,
NAM TSONG YAN CHAD KYI NAD LA GNOD PA YIN NO, ,DE LA NAM TSONG NI MCHAN KHUNG DANG, DPUNG PA G-YAS G-YON GYI BAR MTSAMS LA NAM TSONG ZHES BYA STE, DE YANG LUNG LAS, NAM TSONG MGO DANG SKE BA'I RTEN, ,MGO 'DZIN ZHES KYANG BSHAD PA YIN, ,ZHES 'BYUNG BA YIN NO, ,DE LTAR NA DE YAN CHAD KYI YAN LAG GI NAD LA GNOD PA YIN NO, ,DE BZHIN DU DBUGS MI BDE BA DANG, LUD PA MANG BA DANG, GLO RDOL BA DANG, CHAM PAS BTAB PA LA YANG GNOD PA YIN NO, ,DE BZHIN DU GLU LEN PA DANG, SMRA BA MANG PO LA CHAGS SHING YANG DANG YANG DU SLON PA DANG, SKAD 'GAGS PA LA YANG GNOD PA YIN TE, DE RNAMS KYIS MA ZHU BA'I GNAS LA GNOD BAR GYUR NAS, LKOG MAR GYUR PA'I ZAS LAS BYUNG BA'I SNUM DANG 'DRES TE, SLON PA LA SOGS PA'I NAD SKYED PAR 'GYUR BA YIN NO, ,LUS LAS RNAG 'DZAG GCIN NAD MIG ,LKOG NAD RMA YI NAD KYIS NYEN, ,SKOM SPANG, ZHES BYA BA LA, GANG GI LUS LA MDZE LA SOGS PAS NYEN CING RNAG 'DZAG BAR GYUR PA DANG, DE BZHIN DU GCIN NAD DE, LGANG PA'I NAD YOD PA DANG, MIG NA BA DANG, LKOG MA'I NAD NA BA DANG, RMA'I NAD KYIS NYEN CING GNOD PAR GYUR PA STE, DE DAG THAMS CAD KYIS SKOM SPANG ZHING DOR BAR BYA'O, ,KUN GYIS SKOM 'THUNGS NAS, ,MANG SMRA LAM ZHUGS NYAL BA SPANG, ,ZHES BYA BA LA, KUN GYIS ZHES BYA BA NAD MED PA'AM, NAD DANG LDAN PA'I MI THAMS CAD KYIS KYANG SKOM 'THUNGS BAR GYUR PA'I RJES THOGS LA MANG DU SMRA ZHING 'DON PA DANG, LAM DU ZHUGS SHING 'GRO BA DANG, NYAL ZHING GNYID LOG PA STE, DUS DE'I TSE NYID 'PHRAL DU BYA BA DAG SPANG ZHING DOR BAR BYA'O, ,ZAS ZOS NAS NI NYI TSAN ME, ,RTA ZHON RKYAL DANG 'DEGS BA SPANG, ,ZHES BYA BA LA, ZAS ZOS PA'I RJES THOGS NYID LA NYI TSAN LA SOGS PA SPANG BAR BYA STE, NYI TSAN NI NYI MA'I THAN BAS GDUNGS PA'O, ,ME NI ME TSA BA LA 'DES PAR GYUR PA'O, ,BZHON PA NI RTA LA SOGS PAS 'GRO BA'O, ,RKYAL BA NI MTSO LA SOGS BAR RKYAL BA'O, ,'DEGS PA NI GUR LA SOGS PA YUL GZHAN DU BSKYOD
, ,PA STE DE SPANG BAR BYA'O, ,ZAS DANG SKOM YON TAN DANG LDAN PA DANG, TSOD ZIN PAR BYAS SU ZIN KYANG DUS MA YIN PAR ZOS PA DANG 'THUNGS PAS LUS LA GNOD PAR BYED PA YIN NO, ,DE BAS NA BSHANG BA DANG, GCI BA BSAL ZHES BYA BA LA SOGS PA'I TSIGS SU BCAD PAS DE'I DUS SMRAS PA YIN TE, BSHANG DANG GCI BSAL SNYING LA DRI MED NYES PA LAM MIN BAR MI 'GRO, ,SGREGS PA DAG CING BRU BA TSA GYUR THUR GYI RLUNG NI THA MAL RGYU, ,DE BZHIN ME YI DROD BDO DBANG PO GSAL ZHING LUS KYANG RAB TU YANG, ,ZAS KYI TSOD RAN CHO GAR SBYAR BZHIN ZA BA DE NI DUS SU 'DOD, ,CES BYA BA LA, BSHANG BA DANG GCI BA LEGS PAR BSAL ZHING BTANG BA DANG, SNYING LA DRI MA MED PA STE, SEMS DANGS SHING NYAM NGA BA MED PA DANG, NYES PA STE RLUNG LA SOGS BA LAM MA YIN PA DAG TU LOG PAR MI 'GRO ZHING, RANG GI GNAS NA GNAS PA DANG, SGREGS PA DAG CING DRI MA MNAM PA MED PA DANG, BRU BA TSA BAR GYUR CING BKRES PAS ZA 'DOD PAR GYUR PA DANG, THUR GYI RLUNG THA MAL PAR RGYU BA STE, THUR DU 'BYUNG BA'I RLUNG LUGS BZHIN 'BYUNG BA DANG, DE BZHIN DU PHO BA'I ME DROD BDO ZHING SHAS CHE BA DANG, DBANG PO GSAL ZHING RANG GI BYA BA RNAMS LA 'JUG PA GSAL BA DANG, DE BZHIN DU RANG GI LUS KYANG RAB TU YANG BAR GYUR CING BYA BA LA THOGS PA MED PAR GYUR PA NI, ZAS KYI TSOD RAN PA'I CHO GAR SBYAR BA JI SKAD BSHAD PA DE BZHIN DU ZA BA DE NI ZAS LA SPYOD PA'I DUS YIN BAR SLOB DPON DAG 'DOD CING BZHED PA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, LE'U BRGYAD PA'I RNAM PAR 'GREL PA'O,, ,,DE NAS SMAN LA SOGS PA RNAMS KYI BYE BRAG SHES PAR BYA BA'I LE'U BSHAD BAR BYA'O; ,ZHES BYA BA LA, DE NAS ZHES BYA BA NI SNGAR BSHAD PA'I RJES THOGS LA STE, ZAS KYI TSOD ZIN PAR BZA' BA'I RJES LA, SMAN LA SOGS PA RNAMS KYI BYE BRAG SHES PAR BYA BA'I LE'U BSHAD PAR BYA'O, ,DE LA SMAN LA SOGS BA ZHES SMOS PA LA SOGS PA'I SGRAS NI NUS
PA DANG 'JU BA LA SOGS PA BSDU'O, ,DE RNAMS BYE BRAG SHES BAR BYA BA NI, MTSAN NYID KHONG DU CHUD PAR BYA STE, DE SHES PAR 'GYUR BA LA PHAN PA'I LE'U BSHAD PAR BYA'O ZHES PA'O, ,DE GANG GI PHYIR ZAS DANG SKOM 'DI DAG NI ZAS DANG, RO DANG, NUS PA DANG, 'JU BA LA SOGS PA YONGS SU BRTAGS NAS SBYAR BAR BYA'I GZHAN DU NI MA YIN NO, ,DE LA SMAN NA MA RDZAS NI RO LA SOGS PA LAS MCHOG TU GYUR PA YIN PAS DANG POR BSTAN PA YIN TE, SMAN RNAMS NYID KYI RO LA SOGS, ,DE NI DE LA BRTEN PAS MCHOG ,CES BYA BA LA, SMAN RNAM GNYIS RO DANG NUS PA LA SOGS PA RNAMS KYI NANG NA MCHOG YIN TE, CI'I PHYIR ZHE NA, RO LA SOGS PA DE RNAMS NI SMAN DE LA BRTEN CING GNAS PA YIN GYI, RO LA SOGS PA 'BA' ZHIG TSIG SKYAR GNAS PA NI MA YIN TE, DE BAS NA DE NI MCHOG YIN NO, ,DE YANG 'BYUNG LNGA'I BDAG NYID CAN, ,ZHES BYA BA LA, SMAN DE YANG 'BRAS BU'I RANG BZHIN RGYU BA DANG MI RGYU BA LA SOGS PA'I TSUL DU GNAS PA GANG YIN PA DE NI 'BYUNG BA LNGA'I BDAG NYID CAN TE, 'BYUNG BA CHEN PO RNAM PA LNGA LAS SHES PAR BYA STE, NAM MKHA' LA SOGS PA RGYU'I RDZAS RNAMS NI MA YIN TE, NAM MKHA' LA SOGS PA RGYU'I RDZAS KYI 'BYUNG BA CHEN PO LNGA'I BDAG NYID CAN DU GYUR PA NI SO SOR RANG NYID THOB BA'I DON DU GNAS BAS 'DI NI NAM MKHA' ZHES BYA BA'I 'BYUNG BA CHEN PO'O, ,'DI NI SA'I 'BYUNG BA CHEN PO ZHES SMRA BAR NUS PA MA YIN GYI, SA LA SOGS PA 'BYUNG BA RNAMS NI 'BYUNG BA CHEN PO LNGA'I BDAG NYID CAN YIN PAS NA, DE'I SGRAS BSTAN PA YIN NO, ,DE BAS NA 'BYUNG BA LNGA'I BDAG NYID CAN DANG GCIG PA MA YIN NO, ,DE NYE BAR DMIGS PA RNAM PA LNGAS ZHES BYA STE, DE LA DE'I DRI'I SHAS CHE BA GANG YIN PA DE NI SA'I YIN LA, RO'I SHAS CHE BA GANG YIN PA DE NI CHU'I YIN NO, ,GZUGS KYI YON TAN SHAS CHE BA DE NI ME'I YON TAN NO, ,REG PA'I YON TAN SHAS CHE BA GANG YIN PA DE NI RLUNG GI YIN NO, ,SGRA'I YON TAN SHAS CHE BA GANG YIN PA DE NI NAM MKHA' YIN TE, GANG DANG DE NI RTAG TU 'BREL BA YIN PA'I PHYIR, GANG
, ,ZHES BYA BA'I TSIG 'DI MA SMOS SU ZIN KYANG, BSTAN PA NYID YIN PAR SHES PAR BYA'O, ,GAL TE SMAN DE 'BYUNG BA CHEN PO LDAS SKYED PA YIN NA, DE 'BYUNG BA CHEN PO GANG GIS JI LTAR BYAS NAS BSKYED PA YIN, DE'I PHYIR SMRAS PA NI, SA LA BRTEN TE SKYE BA YIN, , ZHES BYA BA YIN TE, SA BRTEN PA'I GNAS SU BYAS NAS SKYE BA YIN NO, ,DE LTAR NAS ZHES BYA BA'I 'BYUNG BA CHEN POS RTEN DU BYAS PA'I DGOS PA BYAS PAS NA, DES BSKYED CING BSKRUN PA YIN NO ZHES BSHAD DO, ,DE BZHIN DU DE NI ME'I SKYE GNAS ZHES BYA BA CHU'I SKYE GNAS SU GYUR CING, SKYED PAR BYED PA'I RGYU BYED PAS NA, SMAN GYI SKYE GNAS NI CHU'I YIN TE, DE LTAR CHU ZHES BYA BA'I 'BYUNG BA CHEN POS RO DANG LDAN PAR SKYE GNAS KYI DGOS BA BYAS PAS DES DE SKYED PA ZHES BYA'O, ,CHU NI SKYE GNAS ME DANG RLUNG, ,NAM MKHA' RNAMS NI TSOGS PA LAS, ,DE SKYES GYUR DANG KHYAD PAR BYUNG, , ZHES BYA BA LA, SMAN DE SKYES SHING BYUNG BAR GYUR PA DANG, RDZOGS PAR 'THON PA DE NI ME DANG RLUNG DANG NAM MKHA' RNAMS KYI TSOGS PA LAS SKYES BAR GYUR PA YIN TE, TSOGS BAS RGYU DANG 'BRAS BU'I TSUL GYIS SKYED DE, DES NA DPER NA ME NI SMIN PAR BYED PA NYID KYIS DGOS PA BYED LA, RLUNG NI G-YO 'GUL GYIS SO, ,NAM MKHA' NI GO 'BYED PA'I TSUL GYIS SO, ,DE SKYES PAR GYUR BA ME DANG RLUNG DANG NAM MKHA' RNAMS KYI TSOGS PA LAS DE SKYES PAR GYUR PA 'BA' ZHIG TU MA ZAD KYI GANG KHYAD PAR DU GZHAN RNAMS TSUL THA DAD CING, RANG BZHIN DU MA GYUR PA'I BAR DE RNAMS KYANG ME DANG RLUNG DANG NAM MKHA' DE RNAMS KYI TSOGS BA LAS BYUNG BA YIN NO, ,GAL TE DE LTAR SMAN THAMS CAD DANG 'BYUNG BA CHEN PO LNGA CHAR GYIS BSKYED PA YIN NA, 'DI NI SA'I 'O, ,'DI NI CHU'I'O ZHES MING CI'I PHYIR DOGS SHEN, DE'I PHYIR SMRAS PA NI, MING NI SHAS CHE LAS GYUR YIN, , ZHES BYA BA YIN TE, RDZAS GANG LA 'DI DAG THAMS CAD RGYUR GYUR PA YIN YANG, GANG GANG GI SHAS CHE ZHING MANG BAR GYUR PA DES, DE NYID KYI MING DU BTAGS PA YIN TE, SA'I SHAS CHE BA LAS SKYES PA NI SA'I MING CAN YIN LA, CHU'I SHAS CHE BA LAS SKYES PA NI CHU'I'O, ,DE LTAR NA SMAN
THAMS CAD NI 'BYUNG BA CHEN PO LNGA'I BDAG NYID CAN YIN NO, ,DE BAS 'BYUNG BA 'DUS PA LAS, ,'BYUNG BAS SMAN NI RO GCIG MIN, ,ZHES BYA BA LA, GANG PHYIR 'BYUNG BA CHEN PO'I TSOGS PA RNAMS LAS SMAN RNAMS 'BYUNG ZHING SKYE BA YIN PA DE BAS NA, SMAN RNAMS NI RO GCIG KHO NAR MI 'GYUR TE, RO MANG ZHING THA DAD PA YIN NO, ,ZHES BYA BA'I DON TO, ,'DIR 'DI LTAR GANG RO'I RGYU NI 'BYUNG BA CHEN PO GCIG PO CHU NYID YIN NO, ,'BYUNG BA CHEN PO GZHAN DAG NI MA YIN TE, DE DAG NI RO MED PA YIN NO, ,'BRAS BU NI RGYU DANG CHA 'DRA BAR 'BYUNG BA YIN PAS, GZHAN LAS RO 'BYUNG BAR MI RIGS SO ZHES BRGAL ZHING BRTAG PAR MI BYA STE, GANG GI PHYIR 'BYUNG BA 'DUS PA LAS 'BYUNG ZHES BYA BA 'DI SKAD STON PA YIN TE, CI LTAR SMAN 'BYUNG BA CHEN PO 'DUS PA LAS SMAN 'BYUNG BA DE BZHIN DU, SMAN LA BRTEN PA'I RO THA DAD PAR GYUR PA DAG KYANG, 'BYUNG BA 'DUS PA NYID LAS SKYE BA YIN GYI, YON TAN GZHAN LTAR SMAN LA LTOS PA NI MA YIN NO, ,DE BAS NA 'BYUNG BA CHEN PO 'DUS PA NYID RO 'BYUNG BAR BYED PA YIN GYI, 'BYUNG BA CHEN PO KHA DOG LA SOGS PA LTA BUR RDZAS GCIG PU LA RAG LUS PA NI MA YIN NO, ,DE LTAR NA RO NI 'BYUNG BA CHEN PO 'DUS PA LAS 'BYUNG GI ,GCIG LAS MA YIN TE, SMAN LA BRTEN PA'I RO RNAMS KYI RGYU RNAMS 'BYUNG BA CHEN PO 'DUS PA YIN NO, ,LA LA NI YANG 'BYUNG BA GNYIS SHAS CHE BA LAS SMAN MNGAR BA LA SOGS PA'I RO GSAL BAR 'GYUR TE, DE YANG RO THA DAD PA SHES PAR BYA BA'I LE'U LAS, MNGAR BA LA SOGS RO SKYE BA, ,SA CHU ME SA CHU DANG ME, ,ZHES BYA BA LA SOGS PA 'BYUNG BA YIN NO, ,DE LTAR NA RO THAMS CAD NI 'BYUNG BA 'DUS PA LAS 'BYUNG LA, DE LA MANG ZHING SHAS CHE BA LAS NI 'DI NI SMAN MNGAR BA'O, ,'DI NI SKYUR BA LA SOGS PA'I SMAN RNAMS SO ZHES BYA BAR GNAS KYI, MNGAR BA'I SMAN DE LA SKYUR BA LA SOGS PA'I ZHAD DU GYUR PA MED PA NI MA YIN NO, ,MYANGS PAR GYUR PA DANG NUS PA'I DBANG GIS RDZAS RNAMS LA PHAN TSUN DU RO DU MA SNANG LA, CHU NI RO MI GSAL BA YIN TE, RO DRUG CAR DANG LDAN YANG MI GSAL ZHING MI MNGON PA YIN NO, ,
, ,DE LTAR NA 'BYUNG BA 'DUS PA LAS SMAN 'BYUNG BA'I RGYU YIN PA DE BZHIN DU MNGAR BA LA SOGS BA RO RNAMS KYI YANG RGYU YIN PAS, RO THAMS CAD NI 'BYUNG BA 'DUS PA LAS BYUNG BA YIN ZHING RO GSAL BA MANG BO BSHAD BA YIN NO, ,DE PHYIR NAD KYANG NYES GCIG MIN, , ZHES BYA BA NI, GANG GI PHYIR SMAN RO SNA TSOGS PA YIN PA'I PHYIR NYID KYIS NA NAD NI GCIG PU MA YIN NO ZHES BSTAN TE, DE LA NAD NI NAD KYI TSOGS RNAMS SO, ,NYES PA NI RLUNG LA SOGS PA'O, ,DE YANG RO LA BRTEN LA RO YANG SMAN LA BRTEN TE, SMAN NI 'BYUNG BA CHEN BO'I BDAG NYID CAN YIN PAS RO SNA TSOGS PA NYID LA DE DANG PHRAD PA LAS RLUNG LA SOGS PA SKYED PAR 'GYUR BA YIN LA, DE RNAMS BSKYED PA LAS NI NAD DU 'GYUR BA YIN TE, DE'I PHYIR NAD KYANG NYES PA GCIG DANG LDAN PA MA YIN TE, NYES PA GSUM CAR LDAN PA MA YIN NO ZHES BYA BA'I DON TO, ,'DIR YANG MANG PO NYID YIN NO ZHES SHUGS KYIS SBYAR BAR BYA STE, 'DI NI RLUNG GI RIMS SO, ,'DI NI MKHRIS PA'I RIMS SO, ,ZHES BYA BA LA SOGS PA LTA BU'O, ,DE LA 'DIR RO NI GANG, RO RJES NI GANG ZHE NA, DE'I PHYIR SMRAS PA NI, DE LA GSAL BAR RO ZHES BSHAD, ,MI GSAL RO RJES MTHA' MAR NI, ,CUNG ZAD GSAL BA DAG TU 'ANG 'DOD, ,CES BYA BA LA, 'BYUNG BA CHEN PO LNGA LAS GYUR PA'I SMAN, RO THAMS CAD KYI GNAS SU GYUR PA DE LA, MNGAR BA LA SOGS BA'I RO GANG GSAL ZHING NGES PA NYID KYI TSUL DU SHES PAR 'GYUR BA DE LA NI RO ZHES BYA BAR BSHAD DE, 'DI NI MNGAR BA NYID DO, ,'DI NI SKYUR BA NYID DO ZHES BYA'O, ,RO'I RJES NI MI GSAL BA LA BYA STE, SKYU RU RA LA SOGS PA GANG ZA BA NA, LCES GSAL BA NYID DU MA RTOGS PA DE NI RO RJES ZHES BYA'O, ,DE NI THA MAR ZHABS SU CUNG ZAD CES NYUNG SHAS CIG RO DANG BCAS PA GSAL BA DAG TU'ANG 'DOD BA YIN NO, ,DRIS PA, MNGAR BA LA SOGS PA'I RO LA LCI BA LA SOGS PA'I YON TAN DANG LDAN PAR SMRA BAR MI RIGS TE, GANG GI PHYIR MNGAR BA LA SOGS PA'I RO RNAMS NI YON TAN NYID YIN LA, LCI BA LA SOGS PA YANG DE BZHIN DU YON TAN YIN TE, DES
NA LCI BA LA SOGS PA'I YON TAN RNAMS KYI GNAS MNGAR BA LA SOGS PA'I YON TAN BSHAD PAR NI MI RIGS TE, GANG GI PHYIR BYE BRAG BDAG GIS YON TAN LA NI YON TAN MED BA ZHES BSHAD PA'I PHYIR RO ZHE NA, DE'I PHYIR SMRAS PA NI, SMAN GYI YON TAN LCI SOGS DANG, ,RO NI SA LA SOGS BRTEN PAS, ,MTSUNGS PAR SPYOD BAR NYER GDAGS PAS, ,RO LAS MING DU BTAGS BA YIN, ,ZHES BYA BA LA, RO'I GNAS LA SOGS PA LA YANG DAG PAR NA SMAN GYI YON TAN LCI BA LA SOGS PA YANG GANG YIN PAR NI 'BRAS BU LAS DPAG BAR BYA'O, ,DES NA SMAN GYI YON TAN LCI BA YIN LA, LCI BA DE BSTAN PA'I RO YANG YON TAN LCI BA YIN PAR MTSUNGS SHING THUN MONG DU SPYOD PA YIN TE, LHAN CIG SPYOD BAS NA MTSUNGS PAR SPYOD PA ZHES BYA'O, ,NYE BAR GDAGS PA NI CHA 'DRA BAR SPYOD PA STE, GZHAN GYI CHOS DANG MTSUNGS PAR BSGRE'O, ,DE LTAR NA MTSUNGS PAR SPYOD PA'I NYE BAR GDAGS PAS CHA 'DRA BAS LCI BA LA SOGS PA'I YON TAN NI, RO LA SOGS PA LA YON TAN YOD BAR BTAGS PA YIN GYI, YANG DAG PAR ROL SOGS PA'I YON TAN YOD PA NI MA YIN NO, ,DE BAS NA RO GTZO BOR GYUR PA LAS MING DU SGROS BTAGS PA YIN NO, ,DE LA SA'I SMAN LCI DANG SBOM, ,SRA ZHING DRI YI SHAS RAB CHE, ,LCI ZHING BRTAN DANG 'DUS PA DANG, ,NYE BAR 'PHEL BAR BYED PA YIN, ,ZHES BYA BA LA, DE LA ZHES BA DE RNAMS KYI NANG NAS SA'I RANG BZHIN CAN GYI SMAN NI LCI BA LA SOGS PA'I YON TAN DANG LDAN PA DANG DRI ZHES BYA BA'I YON TAN GYI SHAS RAB TU CHE BA YIN TE, SA'I RANG BZHIN CAN GYI SMAN DE'I LUS NI, LUS LA SOGS PAR BYED PA YIN NO, ,DE LA LCI BA NI 'JU DKA' ZHING LCI BAR GYUR PA NYID DO, ,BRTAN BA NI LUS BRTAS BAR BYED PA'O, ,'DUS PA NI YAN LAG MKHREGS SHING SRA BA'O, ,NYE BAR 'PHEL BA NI LUS ZUNGS RNAMS RGYAS BAR BYED PA'O, ,CHU YI GSHER DANG LCI BSIL SNUM, ,RTUL ZHING BSKA LA RO SHAS CHE, ,'JAM ZHING BAD KAN 'DRA BA LA, ,'DRUL ZHING TSIM BYED SDUD BAR BYED, ,CES BYA BA LA, CHU'I RANG BZHIN CAN GYI SMAN NI GSHER PA LA SOGS BA'I YON TAN DANG LDAN PA DANG, RO'I YON
, ,TAN GYI SHAS CHE BA YIN NO, ,DE LUS LA SBYAR NA LUS 'JAM ZHING SNUM BAR BYED PA DANG, RTZA SBUBS GSHER ZHING BAD KAN 'DRA BA 'DZAG PA DANG, ZAS 'DRUL ZHING MYAGS PA DANG, SEMS TSIM ZHING NGOMS PAR BYED PA DANG, TSIGS DANG RKANG LAG SDUD CING 'BYOR PAR BYED PA YIN NO, ,ME YI RTZUB RNO TSA ZHING SKAM, ,PHRA ZHING GZUGS KYI YON TAN CHE, ,TSA ZHING 'BAR LA MDOG SKYED CING, ,GSAL ZHING SMIN PA'I BDAG NYID CAN, ,ZHES BYA BA LA, ME'I RANG BZHIN CAN GYI SMAN NI RTZUB PA LA SOGS BA'I YON TAN DANG LDAN ZHING, DE NI GZUGS KYI YON TAN GYI SHAS CHE BA YIN NO, ,DE ZOS SHING SPYAD NA LUS TSA BAR BYED PA DANG, MDANGS 'BAR BAR 'GYUR BA DANG, LUS KYI MDOG SKYED PA DANG, GSAL ZHING SNANG BA DANG LDAN PA DANG, ZAS SMIN CING 'JU BAR BYED PA'I YON TAN CAN YIN NO, ,RLUNG GI RTZUB CING KHYAB LA YANG, , REG PA'I YON TAN SHAS CHE YIN, ,RTZUB CING YANG LA DRI MA SEL, ,RNAM DPYOD NA BAR BYED PA YIN, ,ZHES BYA BA LA, RLUNG GI RANG BZHIN GYI SMAN NI, RTZUB PA LA SOGS PA'I YON TAN DANG LDAN PA DANG, REG PA'I YON TAN GYI SHAS CHE BA YIN LA, DE LUS LA BRTEN NA RTZUB PA DANG, YANG BA DANG, DRI MA SEL BA LA SOGS PA'I YON TAN GYI LAS BYED PA YIN NO, ,NAM MKHA'I PHRA ZHING DANGS LA YANG, ,SGRA YI YON TAN SHAS CHE STE, ,KHONG STONG YANG BAR BYED PA YIN, ,ZHES BYA BA LA, NAM MKHA'I BDAG NYID CAN GYI SMAN NI PHRA BA LA SOGS PA'I YON TAN DANG LDAN PA DANG, SGRA'I YON TAN SHAS CHE BA YIN NO, ,DE LUS KYIS BSTEN NA KHONG STONG STE, NANG STONG PAR BYED PA DANG, YANG BAR BYED PA YIN NO, ,DRIS PA, RLUNG DANG NAM MKHA'I NI GZUGS MED PA YIN PAS DE'I BDAG NYID CAN GYI RDZAS YOD PAR GA LA 'GYUR ZHES PA LA, NYES PA 'DI YOD PA MA YIN TE, SMAN GANG LA RTZUB PA DANG, KHONG STONG GI LAS BYED PA MANG DU SNANG LA, DER NI RLUNG DANG NAM MKHA'I BDAG NYID CAN DU NYE BAR GDAGS PAS MING DU BTAGS PA YIN TE, DPER NA DAD PA DANG, TSUL KHRIMS DANG, THOS PA DANG, GTONG BA LA SOGS PA'I LAS BYED PA MTHONG NAS, SKYES
BU DAM PA DAG LA 'DI NI LHA YIN NO ZHES NYE BAR 'DOGS PAR BYED PA DANG 'DRA'O, ,DE LTAR 'GRO NA DON DANG NI, ,SBYOR BA SNA TSOGS DBANG GIS NI, ,SMAN MIN CI YANG YOD MA YIN, ,ZHES BYA BA LA, DE LTAR 'BYUNG BA CHEN PO LAS BYUNG BA 'DIS NA, SMAN LCI BA LA SOGS PA'I YON TAN DANG LDAN PAS, 'GRO BA STE 'KHOR BA'I GNAS 'DI, SMAN MA YIN PAR GYUR PA'I RDZAS CI YANG YOD PA MA YIN TE, GZHAN DU NA THAMS CAD NAD SEL BAR BYED PA'I DGOS PA BYED PAS SMAN NYID YIN NO, ,DE YANG JI LTAR GYEN DU NYES PA SEL BAR BYED NUS PA'I DGOS PA DE'I DON BYED PAR NUS PA DAG GIS STOD DU NYES PA SEL TE, ME DANG RLUNG GI SHAS CHE BA'I SMAN GANG YIN PA DAG PHAL CHER DE BYED PAR NUS PA YIN TE, RLUNG NI 'PHAR BAR BYED PA DANG, ME NI RING DU 'BAR BAR BYED PA YIN PA'I PHYIR, DE BAS NA RO STOD KYI NAD BSAL BA'I DON GYI DBANG GIS ME DANG RLUNG SHAS CHE BA'I SMAN GANG YIN PA DE RNAMS DE'I SMAN YIN NO, ,'OG GI NYES PA SEL BAR NUS PA'I SMAN NI DON DE SGRUB PAR BYED NUS PA DANG, CHU SHAS CHE BA'I SMAN GANG YIN PA DAG PHAL CHER NI DE'I NUS PA DANG LDAN PA YIN TE, SA NI LCI BA NYID DANG, DRI DANG RO NI CHU'I RANG BZHIN YIN TE; DE LTAR NA 'OG GI NAD SEL BA'I RGYU'I DBANG GIS SA DANG CHU'I SHAS CHE BA'I RDZAS GANG YIN PA DE, DE'I SMAN GYI ME DANG RLUNG GI MA YIN LA, STOD KYI NYES PA SEL BA NI SA DANG CHU'I SHAS CHE BA DAG MA YIN NO, ,DE LTAR NA RGYU'I DON GYI DBANG GIS RDZAS LA 'GA' ZHIG SMAN DU 'GYUR BA YIN GYI, THAMS CAD THAM CAD DU NI MA YIN NO, ,DE BZHIN DU SBYAR BA'I DBANG GIS KYANG RDZAS LA LA DAG LA LAR SMAN DU 'GYUR BA YIN GYI, SBYOR BA GCIG GIS NAD THAMS CAD LA SMAN DU 'GYUR BA MA YIN MOD KYI, 'ON KYANG SBYOR BA'I DBANG KHA CIG GIS NAD KHA CIG LA SMAN DU 'GYUR BA YIN TE, 'DI LTAR PO SON CHA LA SOGS PA'I SMAN SBYOR BA'I KHYAD PAR GZHAN DAG GIS SNGA MA LAS LHAG PAR 'GYUR BA YIN LA, GZHAN DAG GIS KYANG GZHAN DU 'GYUR GYI GCIG GIS THAMS CAD BYED PA NI MA YIN NO, ,DE BAS NA SBYOR BA'I DBANG GIS KYANG RDZAS
, ,THAMS CAD SMAN YIN NO, ,DE LA SMAN GYI GYEN DU 'GRO, ,PHAL CHER ME DANG RLUNG SHAS CHE, ,ZHES BYA BA DE LA, SMAN GYI RIGS DE RNAMS KYI NANG NAS, GYEN DU 'GRO ZHING STENG DU RGYU BA'I SMAN SLON PAR BYED BA NI PHAL CHER ZHES PA MANG DU ME DANG RLUNG GI SHAS CHE BA STE, ME DANG RLUNG GI BDAG NYID CAN YIN TE, DE YANG GANG GI PHYIR GYEN DU 'GRO BAS ME YIN PA DANG, YANG BAS RLUNG YIN PAR SHES PAR BYA'O, ,THUR DU 'GRO BA PHAL CHER NI, ,SA CHU'I YON TAN SHAS CHER YIN, ,ZHES BYA BA LA, SMAN THUR DU 'GRO ZHING 'OG TU RGYU BAS 'KHRU BAR BYED PA'I NGANG TSUL CAN GANG YIN PA DE NI, SA DANG CHU'I SHAS CHE BA YIN TE, DE GNYIS NIS LCI BA DANG, CHU GZHOL PHYOGS SU 'GRO BA YIN PA'I PHYIR RO, ,DE LTAR SMAN NO, ,ZHES BYA BA LA, DE LTAR ZHES BYA BA'I SGRA NI YONGS SU RDZOGS PA LA BYA STE, SMAN GYI PHYIR SMRA BAR BYA BA GANG DAG YOD PA DE THAMS CAD RDZOGS SO ZHES BYA BA'I DON TO, ,CHA 'DRES PA'I BDAG NYID CAN GYI SMAN DANG, STENG DANG 'OG GI NYES PA CHA MNYAM PAR SEL BA'I SMAN NI, SNGAR SO SOR BSTAN PA'I DON GYI SHUGS KYIS SHES PAR 'GYUR BA'I PHYIR, GZHUNG MNGAS PAR 'GYUR BA'I DOGS PAS, RGYUD GZHAN DAG LTAR 'DIR MA BSTAN PA YIN NO, ,DE LTAR SMAN BSTAN NAS DE LA BRTEN PA'I RO MNGAR BA LA SOGS PA GANG YIN PA DE DAG RE ZHIG BSTAN PAR BYA STE, DE NI, RO'I BYE BRAG ,'DI YI 'OG NAS STON PA YIN, ,ZHES BYA BA YIN TE, RO'I BYE BRAG DRUG CU RTZA GSUM GYI GRANGS SU NGES PAR CHAD PAR 'DI'I 'OG NAS ZHES PA, RO THA DAD PA ZHES BYA BA'I LE'U LAS GZHUNG RTZOM PAR BYED PAS STON CING 'CHAD PAR 'GYUR TE, 'DIR NI BSHAD PAR BYA BA MANG DU YOD PAS MA SMRAS PA YIN NO, ,DA NI SMAN GYI NUS PA BSHAD PA RTZOM PAR BYED DE, DE NI, SMAN MTHU LA LAS BSHAD PA NI, ,LCI SNUM BSIL DANG 'JAM PA DANG, ,YANG RTZUB TSA DANG RNO BA STE, ,DE LTAR RNAM PA BRGYAD DU 'DOD, ,CES BYA BA LA, SMAN GYI MTHU NI THAMS CAD DU THOGS BA DANG, GTUGS PA MED PAR 'GRO BA YIN PAS SMAN GANG LA YON TAN GYI RIGS GANG CUNG ZAD YOD PA DE
THAMS CAD LA MTHU 'AM NUS PA ZHES BYA'O, ,DE LA SLOB DBON GZHAN DAG GIS BSHAD PA NI, SMAN GYI MTHU NI LCI BA LA SOGS PA'I YON TAN GYI DBYE BA RNAM PA BRGYAD DU 'CHAD DE, DE LTAR RNAM PA 'DIS NI GRANGS KYI RNAM PA BRGYAD YIN BAR SLOB DPON DAG 'DOD CING 'CHAD GYI, RNAM PA GZHAN GYIS NI RNAM GRANGS KYI NGES PA GZHAN DU 'DOD DO, ,SMAN MTHU TZA RA KAS BSHAD PA, ,GANG GIS BYA BA GANG BYED PA, ,MTHU MIN CI YANG MI BYED KYI, ,DE DAG THAMS CAD MTHU YIS BYED, ,CES BYA BA LA, DRANG SRONG TZA RA KAS SMAN GYI MTHU 'AM, NUS PA BSHAD CING BSTAN PA NI, DNGOS PO GANG GIS BYED PA, GANG LA ZHUGS SHING BYA BA, GANG ZHIG BYED CING RDZOGS PAR GYUR PA'I DNGOS PO'I RANG BZHIN TE, DE'I MTHU YIN NO ZHES MTHO BTZUN DRANG SRONG TZA RA KAS BSHAD DO, ,MTHU GANG GIS BYAS PA GANG BYED PA ZHES BYA BA'I TSIG GIS NA, NUS PA NI MTHU YIN ZHING RO YANG MTHU YIN LA, DE BZHIN DU SMAN LA BRTEN PA'I YON TAN LCI BA LA SOGS PA GANG CI YANG RUNG BA DE THAMS CAD NI, SMAN DE'I MTHU ZHES BYA STE, NUS PA NYID LAS MA 'DAS PA MTHU BYUNG BA YIN NO, ,SPYIR NI SMAN DE'I MTHU LA SLOB DPON RNAMS THA DAD PAR 'DOD DE, SLOB DPON LA LAS NI LCI BA LA SOGS PA'I YON TAN BRGYAD LA MTHU YIN PAR 'DOD DE, DE RNAMS NI KHYAD PAR CAN NYID LA MTHUR 'DOD KYI, NUS PA PHRA MO TZAM LA NI MI 'DOD DO, ,GAL TE NUS PA PHRA MO TZAM LA MTHUR 'DOD NA NI, LCI BA LA SOGS PA'I YON TAN BRGYAD PO'I CHA PHRA MO'I DNGOS PO THAMS CAD LA YOD PAR 'GYUR BAS MI RIGS PA YIN NO, ,DE'I KHYAD PAR CAN GYI NUS PA DANG LDAN PA'I LCI BA LA SOGS PA'I YON TAN BRGYAD LA MTHU ZHES BYA BA'I MING MTHONG BA YIN NO, ,DES NA YON TAN NI BRGYAD PO DE DAG YIN NO, ,DE YANG GANG GI SBYOR BA BYED PAS BYED, RDZAS DE'I NUS PA YIN ZHES BYA BA YIN NO, ,DE LTAR NA DRANG SRONG TZA RA KAS 'DOD KYI SMAN GANG LA YON TAN GYI RIGS GANG DAG YOD PA DE THAMS CAD SMAN DE'I MTHU DANG BRAL ZHING, MTHU MA YIN PAS NA DNGOS PO'I RIGS DES BYA BA CI YANG MI BYED DE, BYA BA GANG ZHIG KYANG RDZOGS PAR MI NUS SO, ,DES
, ,NA BYA BA DE DAG THAMS CAD MTHUS BYED CING NUS PA RDZOGS PAR BYED PA YIN NO, ,GAL TE DE LTAR BYA BA THAMS CAD MTHU YIN NA, CI'I PHYIR LCI BA LA SOGS PA'I YON TAN BRGYAD PO NYID LA MTHU ZHES BYA, RO LA SOGS PA'I YON TAN DAG LA MTHU ZHES CI'I PHYIR MI BYA, DE DAG GIS KYANG BYA BA DE NI BYED PA NYID YIN NO ZHE NA, DE'I PHYIR SMRAS PA NI, DES NA LCI LA SOGS PA NYID, ,NUS PA'I KHYAD PAR LDAN PA DANG, ,YON TAN MA LUS SNYING POR NI, ,GYUR PAS MTHU ZHES BSHAD PA DAG ,DON DANG MTHUN PAR BTAGS PA YIN, ,ZHES BYA BA LA, DES NA SLOB DPON DRANG SRONG TZA RA KAS LCI BA LA SOGS PA BRGYAD PO NYID NI NUS PA'I KHYAD PAR DANG LDAN PA YIN ZHING, YON TAN MA LUS PA'I SNYING POR GYUR PA YIN PAS, MTHU ZHES BSHAD CING NUS PA ZHES MING DU BTAGS PA DE NI GZHUNG DANG DON MTHUN ZHING LDAN PAR MING DU BTAGS PA YIN NO; ,DE LA NUS PA'I KHYAD PAR DANG LDAN PA NI YON TAN LHAG PA NYID DE PHUL DU BYUNG BA'I NUS PA'O, ,YON TAN MA LUS PA'I SNYING PO NI YON TAN MTHA' DAG GI DAM BAR GYUR PA'O, ,THA SNYAD NI 'JIG RTEN PA DANG, BSTAN BCOS KYI BRTAGS PA RNAMS SO, ,DE LAS KYANG 'DI RNAMS NI THA SNYAD GTZO BO YIN NO, ,DE YANG 'JIG RTEN PA RNAMS 'DI SKAD SMRA BA DAG THOS SHING MTHONG STE, 'DI NI LCI BA'O, ,'DI NI YANG BA'O, ,'DI'I YON TAN NI 'DI LTA BU'O ZHES ZER BA DE BZHIN DU BSTAN BCOS LAS, GCES PA MANG DU YOD NA YANG, ,THA SNYAD GTZO BO NYID KYIS YIN, ,ZHES BYA BA LA SOGS PA SMOS PA YIN NO, ,GZHAN YANG GCES PA MANG DU SMOS ZHES BYA BA YIN TE, LCI BA LA SOGS BA DE NI GCES PAR MANG DU SMOS PA YIN GYI, RO LA SOGS PA RNAMS NI DE LTA MA YIN PA DANG, DE BZHIN DU GTZO BO NYID DU SMOS PA YANG YIN TE, ROL SOGS PA'I YON TAN LAS DE RNAMS MCHOG TU BZUNG BAR 'OG NAS BSHAD DE, BAD KAN LA SOGS PA'I NAD KYI RANG BZHIN BRTAG PA NA, RANG RANG GI YON TAN LCI BA LA SOGS PA YOD PAR BSTAN PA DANG, BAD KAN LCI ZHING BSIL LA SNUM, ,ZHES BSHAD KYI MNGAR BAR MA BSHAD PA DANG, MKHRIS PA SNUM BCAS
BSIL ZHING TSA, ,ZHES BSHAD KYI YANG BAR MA BSHAD PA YIN NO, ,DE BAS GO NI BZLOG PA'I PHYIR, ,DE NI RO LA SOGS PA LA, ,SRID DU ZIN KYANG MA BSHAD DE, ,DE BAS LCI LA SOGS PA YIN, ,ZHES BYA BA LA, DE BAS DE LTAR BSTAN PA'I RGYU 'DIS NA YON TAN MA LUS PA'I SNYING POR GYUR PA LA SOGS PA LAS, GANG GO BZLOG PAR GYUR PA'I RO LA SOGS PA ZHES PA STE, RO DANG 'JU BA LA SOGS PA'I YON TAN GZHAN DAG LA DE SRID KYANG ZHES BYA BA, MTHU ZHES BYA BA DE YOD DU ZIN KYANG, GTZO BOR MA GYUR PAS MTHU ZHES DE LA MA BSHAD PA YIN NO, ,DE BAS NI LCI PA LA SOGS PA NYID MTHU NYID KYI, RO LA SOGS PA NI MA YIN NO, ,GZHAN DAG TSA DANG BSIL NYID GNYIS, ,STOBS YIN ZHES KYANG STON PAR BYED, ,CES BYA BA LA, SLOB DPON GZHAN DAG NI SMAN GYI TSA BA DANG BSIL BA GNYIS LA MTHU GNYIS ZHES BYA'O ZHES STON TO, ,NYID CES BYA BA NI NGES PAR GZUNG BA'O, ,DE YANG RDZAS GANG GIS BYA BA GANG BYED PA STE DE'I MTHU ZHES BYA'I, LCI BA LA SOGS PA'I YON TAN BRGYAD NI MTHU MA YIN NO, ,DE YANG TSA BA DANG BSIL BA'I MTSAN NYID CAN GYI MTHU GNYIS PO 'DIR SNGAR BSHAD PA'I STOBS LNGAR MA 'DUS PA THAMS CAD 'DUS PA YIN PA'I PHYIR RO, ,'DIR DE'I GTAN TSIGS SMRAS PA NI, SMAN NI SNA TSOGS BDAG NYID CAN, ,NYI MA ZLA BA'I STOBS CAN YIN, ,'GRO 'DI GSAL DANG MI GSAL LAS, ,NAM YANG 'DA' BAR MI 'GYUR RO, ,ZHES BYA BA LA, GANG 'DI 'GRO BA NA SMAN RNAMS NI NGO BO NYID GCIG KYANG SNA TSOGS PA'I BDAG NYID DU SNANG LA, DE YANG NYI MA DANG, ZLA BA NYID NI STOBS CHE BA YIN PAS NA, DE'I RANG BZHIN LAS 'DA' BAR MI BYED DO, ,DE'I BDAG NYID CAN YIN PA'I PHYIR RO, ,DE LA RE ZHIG RDZAS 'DI DAG SNA TSOGS DAG KYANG NYI MA DANG ZLA BA'I RANG BZHIN LAS 'DA' BAR MI BYED CE NA, DE'I DPE BSTAN PA'I PHYIR 'OG MA 'DI SMOS BA YIN TE, CI LTAR 'GRO BA 'DI DAG NI GSAL BA DANG MI GSAL BAR SNANG BA'I CHOS LAS NAM YANG 'DA' BAR MI 'GYUR RO, ,DE BZHIN DU RGYU BA DANG MI RGYU BA'I TSUL GYIS SNA TSOGS PA'I BDAG NYID CAN DU GNAS BA DAG
, ,KYANG; ZLA BA DANG NYI MA'I RANG BZHIN LAS 'DA' BAR MI BYED DE, DE LTAR NA SMAN LA LA NI NYI MA'I RANG BZHIN CAN YIN LA, SMAN LA LA NI ZLA BA'I RANG BZHIN CAN YIN NO, ,DE BAS NA LA LA NI TSA BA'I MTHU YIN LA, LA LA NI GRANG BA'I MTHU CAN YIN NO, ,DE LA TSA BA MGO 'KHOR SKOM, ,RMYA RNGUL TSA ZHING MYUR 'JU BYED, ,RLUNG DANG BAD KAN ZHI BAR BYED, ,CES BYA BA LA, DE LA ZHES BYA BA NI TSA BA DANG BSIL BA'I MTHU GNYIS KYI NANG NA, SMAN TSA BA'I MTHU CAN NI MGO 'KHOR BA LA SOGS PA BYED DO, ,MYUR 'JU BYED CES BYA BA NI ZAS MYUR BA NYID DU 'JU BAR BYED DO, , RLUNG DANG BAD KAN GNYIS ZHI BAR BYED PA NI, RLUNG NAD DANG BAD KAN GYI NAD SEL BAR BYED PA'O, ,BSIL BA DAG NI TSIM BYED CING, ,'TSO DANG RENGS PAR BYED PA DANG, ,KHRAG DANG MKHRIS PA RAB DANG BYED, ,CES BYA BA LA, SMAN BSIL ZHING STOBS GRANG BA DANG LDAN PA NI TSIM PAR BYED PA LA SOGS PA DANG, KHRAG DANG MKHRIS PA RAB TU DANG BAR BYED DO, ,DE LA TSIM PA NI BDE BA SKYED PAR BYED PA'O, ,'TSO BA NI GZI MDANGS 'PHEL BAR BYED PA'O, ,RENGS PAR BYED PA NI LUS SHING BZHIN RENGS PAR BYED PA'O, ,KHRAG DANG MKHRIS PA RAB TU DANG BA NI DE DAG GSAL ZHING RNYOG PA MED PAR BYED PA'O, ,DA NI PHO BA'I ZHES BYA BA LA SOGS PA TSIGS SU BCAD PA'I RDZAS 'JU BA SMRAS PA YIN TE, PHO BA'I ME DANG PHRAD PA LAS, ,GANG ZHIG RO GZHAN BYUNG GYUR BA'I, ,RO RNAMS KYI NI MTHAR ZHU BA, ,DE NI ZHU BA ZHES BSHAD DO, ,ZHES BYA BA LA, PHO BA'I ME DANG SMAN PHRAD CING 'DUS PA LAS GANG RO GZHAN DU 'GYUR BA STE, MNGAR BA LA SOGS PA'I RO GZHAN DAG TU BYUNG BAR GYUR PA ZAS KYI LAS KYI MTHAR THUG PA NA, MNGAR BA DANG, SKYUR BA DANG, TSA BA'I RO RNAMS KYI ZHU BA'I THA MAR GANG ZHIG ZHU ZHING SMIN PAR GYUR PA DE NI ZHU BA ZHES BYA'O, ,ZHES DRANG SRONG DAG GIS BSHAD DO, ,JI LTAR MNGAR BA'I RO ZOS PA NA, DANG BA'I RO'I KHYAD PAR 'BYUNG BAR GYUR PA DE NI BSTAN BCOS SHES PA DAG GIS ZHU BA YIN NO ZHES BSHAD DO, ,DE NYID KYI PHYIR SMRAS PA NI, MNGAR DANG LAN TSVA ZHU RJES MNGAR, ,SKYUR PA'I ZHU RJES SKYUR BA YIN, ,KHA DANG TSA DANG
BSKA BA RNAMS, ,ZHU RJES PHAL CHER KHA BA YIN, ,ZHES BYA BA LA, MNGAR BA NI RO ZHIM PA'O, ,LAN TSVA NI TSVA RNAMS TA, DE GNYIS NI ZHU BA'I RJES MNGAR BA'O, ,RO SKYUR BA ZOS PA'I RJES KYANG SKYUR BA NYID YIN NO, ,RO KHA BA DANG TSA BA DANG BSKA BA RNAMS NI PHAL CHER KHA BAR 'JU BA YIN NO, , DE LA PHAL CHER ZHES SMOS PA NI, KHA CIG TU 'DIR SMOS PA DANG MI MTHUN PA YOD DE, 'BRUL GNAS PA'I RO MNGAR BA NI ZHU BA'I RJES SKYUR BAR 'GYUR LA, DES NI 'BRU NI RO MNGAR YANG ZHU RJES SKYUR BA YIN BAS, MKHRIS PA SKYED CING LCI BA YIN NO, ,DE BZHIN DU AA RU RA DANG, BCA' SGA DANG, SGE'U GSHER DANG, PI PI LING LA SOGS PA LA YANG SBYAR BAR BYA'O, ,DE YANG BSDUS BA LAS, 'BRU NI MNGAR DANG SKYUR BA NYID, ,DE BZHIN SE'U SKYUR YANG MNGAR, ,TIL MAR KHA BAR GYUR PA DANG, ,PI PI LING YANG BSKA BAR 'GYUR, ,ZHES BSHAD PA YIN NO, ,DE LTAR NA 'BRU NI MNGAR DU ZIN KYANG ZHU BA'I RJES SKYUR BAR 'GYUR BA DANG, SE'U SKYUR YANG MNGAR BAR 'JU BA DANG, TIL MAR SKYUR DU ZIN KYANG KHA BAR 'JU BA DANG, PI PI LING TSA YANG ZHU RJES BSKA BAR 'GYUR BA YIN NO, ,DES NA 'DI LTAR MI MTHUN PA DAG KYANG YOD PAS PHAL CHER ZHES SMOS PA YIN NO, ,RO DANG ZHU RJES 'BRAS BU MNYAM, ,ZHES BYA BA LA, RO ZHES PA LCE'I YUL DU GYUR BA MNGAR BA DANG, SKYUR BA LA SOGS PA DANG, ZHU BA'I RJES 'DI NI 'BRAS BU YIN PAS MNYAM ZHING MTSUNGS PA YIN TE, 'DI NI MNGAR BA'I RO MYANGS PA NA LUS TSIM PAR BYED PA LA SOGS PA GANG BYED PA DE NI ME TOG LTA BU YIN TE; RO MNGAR BA DE ZHU BA DANG, DE MTSUNGS PA YIN LA, GANG GZHAN RO ZHIM PA LA SOGS PA'I BYA BA BYED PA DE NI, RO MNGAR BA DE'I 'BRAS BU YIN PAS THAMS CAD DU MTHUN PA YIN NO, ,RO MNGAR BA'I LAS NI 'JU BRTUL BA DANG, LUS ZUNGS RGYAS PA LA SOGS PA'I LAS BYED PA YIN NO, , DE LA SMAN NI BZANG DANG NGAN, ,LA LA RO YIS LAS BYED LA, ,GZHAN DAG 'JU BAR BYED PA YIN, ,YON TAN GZHAN DANG NUS PA DANG, ,MTHU YIS LA LA BYED PA YIN, ,ZHES BYA BA LA, DE LA ZHES BYA BA NI NGES PAR GZUNG BA STE, SMAN DANG, RO DANG, NUS PA DANG, MTHU STOBS
, ,KYI NANG NAS, SMAN BZANG DANG NGAN ZHES BYA BA NI YOD PA DANG MED PA'I LAS SMAN LA NI RO YIS BYED PA DANG, BSKA BA DANG BCAS PAS BAD KAN ZHI BAR BYED CING, NUS BA BSIL BAR BYED BAS RLUNG SKYED PAR BYED DO, ,RLAN CAN GYI SHA'I CHU NI NUS PA DRO BA YIN PAS MKHRIS PA SKYED PAR BYED DO, ,DE BZHIN DU TIL MAR NI ZHU RJES KHA BA NYID KYIS BSHANG GCI SKYED LA, RANG SKYUR YANG RTZUB CING DRO BA YIN PA DANG BIL BA'I RKANG NI RTZUB PAS MKHRIS PA SKYED PA DANG, SKYU RU RA NI NUS PA BSIL BA DANG, ZHU RJES MNGAR BAS BAD KAN SKYED PA DANG, AANG ZHING RTZUB KYANG RLUNG MI SKYED PA DANG, LAN TSVA LCE MYANG TSA NI ZHU RJES MNGAR PAS MKHRIS PA SEL ZHING YANG BAD KAN LA PHAN PA DANG, PU SHEL TZE DANG, BCA' SKA NI SNUM BA DANG, DRO BA DANG, ZHU RJES MNGAR BAS RLUNG SEL BA DANG, PI PI LING YANG DE DANG 'DRA BAS, RLUNG SEL BA DANG, SGOG SKYA DANG KUN DONG DAG NI SNUM PA DANG, TSA BA DANG, LCI BAS RLUNG SEL BAR BYED LA, DE DAG NI SNUM PA DANG, LCI BAS BAD KAN SKYED PAR BYED PA YIN NO, ,LA PHUG SGONG PO YANG ZHU RJES MNGAR BAS BAD KAN SKYED DO, ,BRI HA TI DANG, KAndA KA RI DANG, BYI SHA LA NI NUS PA TSA BAS MKHRIS PA SKYED PAR BYED PA DANG, SHA NI NUS PA DRO BAS RLUNG SEL ZHING MKHRIS PA SKYED PA DANG, KU LANGTHA NI RO BSKA YANG ZHU RJES BSIL BAS RLUNG SEL ZHING MKHRIS PA SKYED PA YIN NO, ,DE LTAR NA DE DAG NI PHYOGS GCIG TZAM GYI DPER BSTAN PA YIN NO, ,SMAN GYI RO SOGS GANG DANG GANG, ,STOBS LDAN NYID KYIS GNAS BYED DE, ,SHIN TU ZIL GNON DE DANG DE, ,SGRUB BYED RGYU NI NYID DU GNAS, ,ZHES BYA BA LA, SMAN GYI RIS SU GTOGS BA'I RO DANG, NUS PA DANG, 'JU BA DANG MTHU GANG DANG GANG YIN PA DE DAG GI NANG NAS, STOBS DANG LDAN PA NYID KYIS SMAN LA GNAS PAR BYED PA DE NI; SMAN GYI RIGS DE SHIN TU ZIL GYIS MNAN CING STOBS CHUNG BA GZHAN DAG PHAM PAR BYAS NAS, GNAS BDE DANG DE NI BYA BA GANG SGRUB PAR BYED PA DE DAG NI, RGYU NYID DU GNAS PAR 'GYUR ZHING, BSGRUB PAR BYA BA NYID SGRUB PAR BYED PA YIN NO, ,DE YANG ROS NI 'DI BYAS SO, ,NUS
PAS NI 'DI BYAS SO, ,STOBS KYIS NI 'DI BYAS SO, ,ZHES BYA BA LTA BU'O, ,DON 'DI NYID KYIS DPER BRJOD PA, BSDUS PA LAS SPROS TE BSHAD PA 'DIR BSTAN PA YIN LA, ,GANG 'DI LTAR RO LA SOGS PA'I RIGS SU GTOGS PAS RO GZHAN DAG LA STOBS DANG LDAN PAR GNAS SHIG DE DANG DE NYID DU ZIL GYIS MNAN NAS SGRUB PA'I RGYU NYID DU BYED KYI, RANG DANG GZHAN GYI STOBS LA GNAS PA DANG, STOBS DANG LDAN PA DANG, STOBS CHUNG BA DANG, GNYI GA'I TSUL GYIS RANG RANG GI LAS BYED PA YIN PAS NA, DE'I PHYIR 'DI BSTAN PAR BYA BA SMRAS PA NI, YON TAN MI 'PHROD SBYAR BA NI, ,MANG POS NYUNG DU ZIL GYIS GNON, ,ZHES BYA BA YIN TE, GANG GI PHYIR YON TAN MI 'PHROD PA DAG SBYAR ZHING BSRES PA NI, MANG PO STOBS DANG LDAN PAS, STOBS CHUNG DU ZIL GYIS GNON CING RGYAL BAR BYED DO, ,YON TAN MI 'PHROD CES BYA BA 'DIR NI, RDZAS MI 'PHROD PA'I SBYOR BA LA BYA'O, ,YON TAN MI 'PHROD PA NYID DU NI SMRA BAR RIGS PA MA YIN NO, ,DE YANG DRANG SRONG TZA RA KAS BSHAD PA, SBYOR BA NI RDZAS GNYIS SAM RDZAS MANG PO SBYAR BA YIN LA, DE YANG MI 'PHROD PA NI GNYIS TE, RANG BZHIN MI 'PHROD PA DANG, 'BRAS BU MI 'PHROD PA'O, , RANG BZHIN MI 'PHROD PA NI, DPER NA SMAN YANG PA DANG, LCI BA SBYAR BA DANG, CHAB DANG BSIL BA SBYAR BA LA SOGS PA'O, ,'BRAS BU MI 'PHROD PA NI, DPER NA RLUNG GI NAD BSAL BA'I PHYIR, ,SMAN RTZUB PA DANG, RO LHAN CIG SBYAR BA DANG, DE BZHIN DU BSIL BA DANG, DRO BA DANG LHAN CIG SBYAR BA LA SOGS PA'O, ,DE LTAR NA RANG BZHIN GYIS YON TAN MI 'PHROD PA'I SMAN GYI SBYOR BA DANG, DE BZHIN DU 'BRAS BU MI 'PHROD PA'I SMAN GYI SBYOR BA PHAN TSUN RIGS MI MTHUN PA'I SBYOR BA DE NI, GANG ZAS KYI RIGS NYUNG DU RDZAS KYI RIGS MANG POS ZIL GYIS MNAN NAS; DE NYID DU RGYU NYID DU SGRUB PAR BYED PAR GNAS PAR MTHONG NGO, ,DE YANG DPER NA SBRANG RTZI NI MNGAR DU ZIN KYANG BAD KAN ZHI BAR BYED DO, ,RO MNGAR BA NI BAD KAN SKYED PAR BYED PA YIN YANG, SBRANG RTZI BAD KAN ZHI BAR BYED PA NI MI MTHUN PA MI 'PHROD PA'I YON TAN DANG LDAN PA'I PHYIR RO, ,DE
, ,LTAR NA RIGS MTHUN PA'I MTSAN NYID SBYOR BA LAS KYANG GANG ZHIG GANG GIS ZIL GYIS MNAN NAS, RANG RGYUD DU GRUB PA YIN PAR SOM NYIR GYUR PA DE DGAG PAR BYA BA'I PHYIR 'DIR SMRAS PA NI, RO DANG 'JU BA'I MTHU DAG NI, ,DE YI STOBS KYIS ZIL GYIS GNON, ,ZHES BYA BA YIN TE, RO DANG NUS PA DANG 'JU BA DANG, STOBS RNAMS NI CI LTAR LHAN CIG SBYAR ZHING NUS PA MNYAM PA YIN DU ZIN KYANG RANG BZHIN GYIS 'JU BAS NI RO ZIL GYIS MNAN TE DE'I NUS PA MED PAR BYAS NAS, RANG GI BYA BA BSTAN PA'I SGO NAS, DE'I NUS PA ZIL GYIS MNAN NAS, RANG GI NUS PA GSAL BAR STON TO, ,DE BZHIN DU RO DANG 'JU BA DE GNYIS KYANG MTHUS ZIL GYIS GNON LA, MTHU DE RNAMS KYI STOBS KYIS ZIL GYIS GNON PA YIN NO, ,RO SOGS DE LTAR STOBS NI MNYAM, ,MA BCOS PA NI STOBS DANG LDAN, ,ZHES BYA BA NI, RO DANG 'JU BA DANG MTHU DANG STOBS RNAMS NI, DE LTAR ZHES PA RNAM PA 'DIS STOBS MNYAM ZHING MTSUNGS PA YIN LA, DE'I STOBS NI RO LA SOGS PA LA DMIGS NAS MA BCOS PA GANG YIN PA DE NI STOBS DANG LDAN PAR BSHAD DE, RDZAS GANG GI RO MNGAR BA DE JI SKAD BSHAD PA BZHIN DU 'JU BA MNGAR BA DANG LDAN PA DANG; DE BZHIN DU NUS PA BSIL BA DANG LDAN PA NI STOBS CHE BA YIN LA, DE BZHIN DU RO SKYUR BA JI SKAD BSHAD PA'I ZHU RJES SKYUR BA DANG LDAN ZHING, DE BZHIN DU TSA BA'I NUS PA DANG LDAN PA DANG, DE BZHIN DU RO TSA BA DANG JI SKAD BSHAD PA'I 'JU BA'I TSA BA DANG LDAN ZHING DRO BA'I NUS PA DANG LDAN PA DANG, DE BZHIN DU 'O MA DANG CHANG DANG, NA LE SHAM LA SOGS PA LAS 'O MA NI RO MNGAR LA 'JU BA DANG NUS PA BSIL BA DANG, CHANG NI SKYUR LA 'JU BA DANG NUS PA DRO PA DANG, NA LE SHAM NI RO TSA LA 'JU BA DANG NUS PA DRO BA SKYED PA DANG, SMAN DE DAG NI RO DANG 'JU BA DANG NUS PA DANG STOBS MNYAM PA SAM BCOS PA'I STOBS DANG LDAN PA ZHES BYA BA YIN PAR SHES PAR BYA'O, ,KHO BO CAG GIS RO DANG 'JU BA DANG NUS PA'I RANG BZHIN CI LTA BU YIN PA DES NI LAS LA RJES SU DPAG PAS SHES PAS NI, MTHU ZHES BYA BA NI RANG BZHIN SHES PAR DKA' BAS DE MI SHES PAS THE TSOM DU GYUR NA MTHU NI GANG ZHIG YIN, GANG LAS NI RJES SU
DPAG PAR BYA ZHE NA, 'DIR SMRAS PA NI, RO SOGS MNYAM BA'I LAS GANG NI, ,KHYAD 'PHAGS DE NI MTHU LAS SKYES, ,ZHES BYA BA YIN TE, RO LA SOGS PA MNYAM ZHING MTSUNGS PA NYID KYIS LAS GANG KHYAD PAR DU 'PHAGS PA SMAN GANG LA SNANG BA DE NI MTHU LAS SKYES BA YIN BAR SHES PAR BYA'O; ,RJES SU DPAG PA DES NA MTHU ZHES BYA BA SHES PAR BYA STE, 'DI NI RDZAS KYI MTHU YIN NO, ,DE YANG SMAN GNYIS RO MTSUNGS PA DANG NUS PA MNYAM DU ZIN KYANG DE LA SMAN GCIG LAS GZHAN BYED LA CIG SHOS KYANG LAS GZHAN BYED PA NYID YIN TE, DES NI STOBS KYIS STOBS YOD PA NYID DU SHES PAR BYA'O, ,DE LTAR NA SMAN RE RE'I 'JUG BA DANG LDOG PA'I MTSAN NYID CAN GYI CHOS RANG GI RANG BZHIN DNGOS PO RKYEN TSOGS PA LAS BYUNG BA NGES PAR BYED PA'I MTSAN NYID CAN DE NI MTHU ZHES BYA STE, DNGOS PO GZHAN GYI MTHU NI MA YIN NO, ,DAN TI DANG NI TZI TRA KA ,RO SOGS MTSUNGS KYANG DAN TI 'KHRU, ,SHING MNGAR RGUN 'BRUM 'DRA YANG 'KHRU, ,'O MA MAR 'DRA MAR DROD SKYED, ,CES BYA BA LA, DE LTAR NA SMAN DAN TI DANG, TZI TRA KA NI RO DANG NUS PA'I ZHU RJES MTSUNGS TE, TZI TRA KA LA RO DANG NUS PA DANG 'JU BA'I RJES GANG DAG YOD PA DE DAG DAN TI LA YOD DU ZIN KYANG, DAN TI NI DAN TI RANG NYID KYI MTSAN NYID KYIS 'KHRU BAR BYED PA YIN GYI, TZI TRA KA NI MA YIN TE, DE LTA BU'I KHYAD PAR GYI CHOS LA MTHU ZHES BYA'O, ,DE BZHIN DU MNGAR BA DANG, RGUN 'BRUM RO MNGAR BA LA SOGS PAR MTHUN DU ZIN KYANG RGUN 'BRUM 'KHRU BAR BYED KYI SHING MNGAR NI MA YIN NO, ,DE BZHIN DU 'O MA DANG, MAR LA SOGS PA MTSUNGS SU ZIN KYANG 'O MA NI 'O MAR GYUR PAS DROD MI SKYED KYI, MAR GYIS DROD SKYED DO, ,DE BZHIN DU THAMS CAD KYANG MTHU LAS GYUR BA YIN NO ZHES BYA BAR SBYAR RO, ,'DI LTAR RE ZHIG DNGOS PO THAMS CAD LA YANG SPYI DANG KHYAD PAR GYIS KHYAB PA YIN PAS, DE'I PHYIR BSTAN BCOS BYED PAS SMAS PA NI, DE LTAR SMAN LA SOGS PA YI, ,SPYI YI LAS TE DE YANG NI, ,ZHES BYA BA YIN TE, DE LTAR ZHES BYA BA'I SGRA NI YONGS SU RDZOGS BA'I TSIG GAM RNAM BA'I DON NO, ,DE YANG SMAN LA SOGS PA'I
, ,RO DANG 'JU BA DANG NUS PA DANG MTHU SPYI'I LAS RDZOGS PA YIN GYI KHYAD PAR NI MA YIN TE, DE RTZOM BAR BYED PA'I 'BYUNG BA CHEN PO SPYI'I LAS BYUNG BA NA SPYI'I RKYEN SPYI'I RGYU LAS BYUNG BA ZHES BYA BA'I BAR DU'O, ,YANG NA RNAM PA'I DON TE, RNAM PA 'DIS SMAN LA SOGS PA SPYI'I LAS NYID BSHAD KYI KHYAD PAR GYI NI MA YIN TE, 'BYUNG BA CHEN PO DAG GI SMAN LA BRTEN PA'I RO DANG MTHU LA SOGS PA JI LTAR BSKYED PA SPYI'I RGYU BSTAN PA DE BZHIN DU DE'I LAS KYANG SPYI TZAM DU BSTAN TO, ,ZHES BYA BA'I DON TO, ,DE LA SMAN LA SOGS PA'I SPYI'I LAS BSHAD NAS KHYAD PAR GYI DBYE BAS SMAN DE RNAMS RE RE ZHING LAS GZHAN DANG GZHAN BYED PA'I TSUL SMRAS PA NI, SNA TSOGS RKYEN GYI DBYE BA YIS, ,SMAN DBYE THA DAD GYUR PA YIN, ,ZHES BYA BA LA, SPYIR BSHAD BA'I SMAN GYI RO DANG 'JU BA DANG NUS PA LA SOGS PA'I LAS DE YANG THA DAD PAR 'GYUR BA YIN ZHING, BYE BRAG TU 'GYUR BA YIN NO, ,GANG GIS THA DAD PAR 'GYUR ZHE NA, SNA TSOGS PA'I RKYEN GYI DBYE BA THA DAD PAR 'GYUR BA YIN TE, SNA TSOGS PA'I RKYEN NI RNAM PA THA DAD PA'I TSUL DU GNAS PA'I 'BYUNG BA CHEN PO RNAMS LA BYA LA, DE YANG SEMS CAN THA DAD PA RNAMS KYIS SNGON DGE BA DANG MI DGE BA BYAS PA'I LAS LAS BYUNG BA'I 'BYUNG BA CHEN PO DE RNAMS SNA TSOGS SHING THA DAD PA DE LTA BUR YONGS SU 'GYUR BA'I RKYEN SNA TSOGS PA RNAMS KYIS BSKYED PA'I SMAN DE RNAMS KYI DBYE BA NI KHYAD PAR TE, KHYAD PAR GYI DBYE BA DES SPYIR BSHAD PA'I SMAN RNAMS LAS KYI DBYE BA THA DAD PAR 'GYUR ZHING DU MA NYID DU GNAS PA YIN LA, ,ROL SOGS BA YANG LA BRTEN PA YIN PAS DE RNAMS KYI LAS KYANG SMAN GYI DBYE BAS THA DAD PAR 'GYUR BA YIN NO, ,DE LTAR SMAN RNAM PA GNYIS PO LAS, LA LA NI RTZOM PAR BYED PA'I RKYEN GYIS MTSUNGS PAR SKYED PA YIN LA, LA LA NI NUS PA SKYED PA'I RKYEN GYIS MTSUNGS PAR SKYED PA YIN PAS RKYEN SNA TSOGS NYID DU GNAS PA YIN TE, DE DAG GI PHYOGS GCIG GI DPE BSTAN PAR BYA BA'I PHYIR SMRAS PA NI, GRO DANG NAS NI MNGAR BA DANG, ,LCI LAS RLUNG 'JOMS SKYED PA YIN, ,NYA DRO'O MA BSIL BA DANG, ,SENG GE KHA YI PHAG MA
YIN; ,ZHES BYA BA LA, GRO DANG NAS DAG NI RO MNGAR BA DANG YON TAN LCI BA DANG LDAN PA YIN DU ZIN KYANG, GRO NI RLUNG 'JOMS PAR BYED LA, NAS NI RLUNG SKYED BAR BYED PA NI RKYEN SNA TSOGS LAS BYUNG BA NYID YIN PA'I PHYIR RO, ,DE BZHIN DU RKYEN SNA TSOGS PA LAS BYUNG BAS, NYA NI RO MNGAR DU ZIN KYANG NUS PA DRO BA YIN GYI GRANG BA MA YIN LA, 'O MA NI MNGAR DU ZIN KYANG ZHU RJES NUS PA BSIL BA YIN GYI DRO BA MA YIN NO, ,DE BZHIN DU RKYEN SNA TSOGS PA LAS BYUNG BA'I PHYIR, SENG GE'I SHA NI MNGAR DU ZIN KYANG ZHU RJES LA SOGS BA KHA BA YIN LA, PHAG GI SHA NI MNGAR BA YIN BA LAS, ZHU RJES LA SOGS PA YANG MNGAR BA NYID YIN NO, ,DE LTAR NA THAMS CAD KYANG RKYEN SNA TSOGS LAS BYUNG BA'I PHYIR, RO DANG, ZHU RJES DANG, NUS PA THA DAD YIN PAR DPES RIM PA BZHIN DU BSTAN PA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, LE'U DGU PA'I RNAM PAR 'GREL PA'O,, ,,DE NAS RO THA DAD PA SHES PAR BYA BA'I LE'U BSHAD PAR BYA'O ZHES BYA BA LA, SMAN LA SOGS PA RNAMS KYI BYE BRAG SHES PAR BYA BA'I LE'U BSHAD PA'I 'OG TU, RO THA DAD PA SHES PAR BYA BA'I LE'U BSHAD PAR BYA STE, RO RNAMS NI SMAN LA BRTEN PA YIN PA'I PHYIR RO, ,DE YANG, SMAN RNAMS NYID KYI RO LA SOGS, ,DE NI DE LA BRTEN PAS MCHOG ,CES SNGAR BSHAD PA'I PHYIR TE, SMAN MED PAR ROL SOGS PA NYE BAR DMIGS PAR MI 'GYUR RO, ,DE BAS NA DANG POR SMAN BSHAD NAS DE'I 'OG TU BRTEN PA PO'I RO'I BYE BRAG SHES PA BSTAN PA BRTZAMS PA YIN NO, ,DE LA RO RNAMS KYI THA DAD PA NI RO'I KHYAD PAR TE DE SHES PAR BYA BA LA PHAN PA'I LE'U GANG YIN PA DE BSHAD PAR BYA ZHING BSTAN PAR BYA'O ZHES PA'O, ,DE LA RO NI RE ZHIG CHU'I RANG BZHIN DANG; DANG PO MI GSAL BA YIN PA LA, DE NI DUS RNAM PA DRUG DANG LDAN PA YIN PA'I PHYIR DANG, 'BYUNG BA CHEN PO'I YON TAN SHAS CHE CHUNG GI DBANG GIS BYUNG BA DANG MI MNYAM ZHING, TSIG PA LAS MNGAR BA LA SOGS PA'I DBYE BA RNAM PA DRUG TU 'GYUR RO, ,DE LTAR CHU SMOS PAS NI,
, ,RO DAG CHU'I RNAM PAR 'GYUR BA YIN PAR SHES BA SA LA SOGS PA NI, LHAN CIG BYED PA'I TSUL GYIS DGOS PA BYED PA YIN TE, DE BAS NA TSOGS PA NI YANG DAG BAR NA RO'I BYED PA PO YIN NO, ,DES NA 'BYUNG BA CHEN PO SHAS CHE BA'I KHYAD PAR LAS RO 'BYUNG BA'I TSUL SMRAS PA NI, MNGAR BA LA SOGS RO SKYE BA, ,SA CHU ME SA CHU DANG ME, ,MKHA' RLUNG ME RLUNG SA DANG RLUNG, ,GNYIS GNYIS SHAS CHE LAS RIM 'BYUNG, ,ZHES BYA BA LA, RO MNGAR BA DANG SKYUR BA LA SOGS BA DRUG PO RNAMS NI SKYE ZHING 'BYUNG BA NI 'BYUNG BA GNYIS GNYIS SHAS CHE ZHING LHAG PA LAS GO RIMS JI LTA BA BZHIN DU BSTAN PA DANG BSHAD PA'I TSUL GYIS 'BYUNG STE, 'BYUNG BA GNYIS GNYIS GANG LA SHAS CHE BAR GYUR PA DE LAS 'BYUNG BA'O, ,DE LAS 'BYUNG BA CHEN PO GANG DAG RO GANG ZHIG RTZOM PA LAS LHAG PAR GYUR PA YIN ZHE NA, DE DAG GRANGS JI LTA BA BZHIN DU SMRAS PA NI, SA CHU ZHES BYA BA LA SOGS PA STE, SA CHU ZHES PA SA DANG CHU'I 'BYUNG BA SHAS CHE BA LAS NI, RO MNGAR BA 'BYUNG LA ME SA ZHES BYA BA ME DANG SA'I SHAS CHE BA LAS NI SKYUR BA 'BYUNG NGO, ,CHU DANG ME ZHES BYA BA 'BYUNG BA, CHU DANG ME'I SHAS CHE BA LAS NI LAN TSVA'I RO 'BYUNG NGO, ,MKHA' RLUNG ZHES BYA BA NAM MKHA' DANG RLUNG SHAS CHE BA LAS NI RO KHA BA 'BYUNG NGO, ,ME RLUNG ZHES BYA BA ME DANG RLUNG SHAS CHE BA LAS NI RO TSA BA 'BYUNG NGO, ,SA RLUNG ZHES BYA BA 'BYUNG BAS DANG RLUNG GI SHAS CHE BA LAS NI RO BSKA BA 'BYUNG NGO, ,DE LTA NA GNYIS GNYIS LAS 'BYUNG BA YIN NO, ,SHAS CHE ZHES SMOS PAS NA RO THAMS CAD KYANG 'BYUNG BA LAS GYUR PA YIN PAR STON TO, ,DES NA TSOGS PA LAS BYUNG BA YIN YANG SHAS CHE BA'I SHAS RDZOGS PAR BYAS PA YIN TE, GANG DU GANG ZHIG SHAS CHE BA STE DER RO'I KHYAD PAR GZHAN BSKYED PA YIN NO, ,DE LTAR NA SHAS CHE BA'I DBANG GIS NA RO MNGAR BA NI 'BYUNG PA THAMS CAD KYIS BSKYED DU ZIN KYANG, SA DANG CHU LAS BYUNG BA YIN ZHES BSHAD PA YIN NO, ,DE BZHIN DU LHAG MA RNAMS LA YANG SBYAR BAR BYA'O, ,DA NI MNGAR BA LA SOGS PA 'BYUNG BA RNAMS KYI MTSAN NYID DANG LAS BSTAN PA'I PHYIR SMRAS PA NI, DE LAS RO NI MNGAR BA DAG ,GANG ZHIG
MYANGS PA'I TSE NA NI, ,KHA LA CHAGS SHING LUS KYANG NI, ,TSIM BYED DBANG PO RAB DANG BYED, ,GROG MA LA SOGS DGA' BA YIN, ,ZHES BYA BA LA, RO DRUG BO DE DAG GI NANG NAS RO MNGAR BDAG TU SHES PAR BYA BA NI GANG ZHIG MYANGS SHING LCE DANG PHRAD BAR GYUR BA NA, KHA LA CHAGS SHING 'BYAR BAG CAN DU GYUR PA DANG, DE BZHIN DU LUS KYANG TSIM ZHING BDE BAR BYED PA DANG, DBANG PO RNAMS RAB TU DANG ZHING DGA' BAR BYAD PA DANG, DE BZHIN DU GROG MA LA SOGS SROG CHAGS PHRA MO RNAMS KYANG DGA' ZHING SRED PAR BYED PA YIN NO, ,SKYUR BA KHA NAS CHU 'DZAG CING, ,SO BRTZE SPU NI LDANG BA DANG, ,MIG DANG SMIN MA 'DZUM PAR BYED, ,CES BYA BA LA, RO SKUR BA NI MYANGS PA'I TSE KHA NAS CHU 'DZAG CING, GSHER BA 'DU BA DANG, DE BZHIN DU SO BRTZE BA DANG, SPU LDANG BAR BYED BA DANG, MIG GNYIS DANG SMIN MA GNYIS 'DZUM ZHING SDUD PAR BYED PA YIN NO, , LAN TSVA KHAR NI MCHIL MA 'DU, ,MKHUR BA GRE BA TSA BAR BYED, ,CES BYA BA LA, RO LAN TSVA NI LCES MYANGS PA NA KHAR MCHIL MA 'DU ZHING 'DZAG PA DANG MKHUR BA DANG GRE BA TSA BAR BYED PA YIN NO, ,KHA BA KHA YI DRI MA SPYOD, ,LCE NI 'JOMS PAR BYED PA YIN, ,ZHES BYA BA LA, RO KHA BA NI MYANGS PAR GYUR PA NA, KHA'I DRI MA SBYONG [?] ZHING DAG PAR BYED DE, LJAN LJIN SEL BA YIN ZHING LCE 'JOMS TE, RO GZHAN 'DZIN PAR BYED PA'I NUS PA 'JIG PAR BYED PA STE, RANG GI LAS KYI NUS PA NYE BAR 'JOMS PAR BYED DO ZHES BYA BA'I DON TO, ,TSA BA LCE RTZE SKYO BYED CING, ,TZAG TZAG BYED PAR 'GYUR BA DANG, ,KHA MIG SNA LAS 'DZAG BYED CING, ,MKHUR BA SREG BAR BYED PA YIN, ,ZHES BYA BA LA, RO TSA BA NI LCE LA MYANGS PA'I LCE'I RTZE MO SKYO BAR BYED CING NA BAR BYED PA STE, LCE BEM BEM POR BYED DO ZHES BYA BA'I DON TO, ,TZAG TZAG BYED PAR 'GYUR ZHES BYA BA NI, ME LCE LA REG PA LTAR LAM LAM POR BYED PA'AM, SKE TSO'I LDE GUS BSKUS PA LTAR TSA BA TZAG TZAG POR BYED PAR 'GYUR RO, ,DE BZHIN DU KHA DANG MI SHA DANG SNA LAS CHU 'DZAG PAR BYED PA DANG, MKHUR BA ME LCES PHOG PA LTAR SREG PAR BYED PA YIN NO, ,BSKA BAS LCE NI BEM POR
, ,BYED; ,GRE BA RTZA SBU BAS 'GAGS PAR BYED, ,CES BYA BA LA, RO BSKA BA NI LCES MYANGS PA NA LCE BEM BEM POR BYED DO, ,RO JI LTA BA BZHIN DU TSOR BAR GYUR PA LAS NYAMS BAR BYED PA DANG, DE BZHIN DU GRE BA DANG RTZA'I SBUBS 'GAGS PAR BYED PAR 'GYUR RO, , RO YI TSUL NI DE DAG STE, ,ZHES BYA BA LA, RO RNAMS KYI MTSAN NYID BSHAD NAS DE DAG GI RANG BZHIN NYID KYI DON GYI MJUG BSDU BA'I TSIG TU SLOB DPON GYIS SMRAS PA YIN TE, MNGAR BA LA SOGS PA'I RO'I TSUL NI SNGAR BSHAD PA'I RNAM BA DE LTA BU'I MTSAN NYID CAN YIN PAR SHES PAR BYA'O ZHES BYA BA'I DON TO, ,LAS NI RO MNGAR BA DAG GIS, ,SKYES NAS 'PHROD PAR BYED PA DANG, ,LUS ZUNGS MTHU STOBS RAB SKYED CING, ,BYIS PA RGAN PO GLO RDOL SKEM, ,MDOG MDANGS SKRA DANG DBANG PO BZANG, ,LUS BRTAS SKAD 'GAGS PHAN ZHING LCI, ,NU ZHO SKYED CING RMA 'BYOR BYED, ,TSE RING 'TSO BYED SNUM PA DANG, ,RLUNG DANG MKHRIS PA DUG RNAMS SEL, ,HA CANG DRAGS NA TSIL BCAS DANG, ,BAD KAN LAS BYUNG NAD SKYED CING, ,LUS SBOM DROD 'BRI CHANG NAD DANG, ,GCIN NAD LBA BA RME NA SOGS SKYED, ,CES BYA BA LA, RO MNGAR BA BSTEN CING SPYAD NA LAS 'DI DAG BYED DO, ,DE YANG SKYES NAS 'PHROD PAR BYED PA STE, SKYES PA NAS BRTZAMS TE 'PHROD CING RJES SU MTHUN PA YIN PA'I PHYIR, BCUD KYI DANGS MA LA SOGS PA'I LUS ZUNGS RNAMS KYI MTHU STOBS RAB TU SKYED PAR BYED PA STE, NUS PA KHYAD BAR CAN DANG LDAN PA'I STOBS BSKYED PAR 'GYUR RO ZHES BYA BA'I DON TO, ,DE BZHIN DU RTAG TU BYIS PA DANG RGAN PO GLO RGOL BA DANG SKEM BA DANG MDOG MDANGS DANG, SKRA DANG DBANG PO RNAMS LA BZANG ZHING BSNGAGS PAR BYED PA YIN NO, ,DE BZHIN DU LUS BRTAS PAR BYED PA DANG SKAD 'GAGS PA'I LKOG MA LA PHAN PA DANG BUD MED KYI NU ZHO SKYED PA DANG, RMA DANG RUS PA CHAG BA 'BYOR ZHING 'TSO BAR BYED BA DANG, TSE RING BAR BYED PA DANG, 'TSO BAR BYED CING MDANGS SKYED BA DANG, SNUM PA'I YON TAN DANG LDAN PA DANG, DE BZHIN DU RLUNG DANG MKHRIS PA'I NAD DANG DUG LAS GYUR PA'I NAD RNAMS SEL BAR BYED PA
YIN NO; ,YANG RO MNGAR BA DE HA CANG DRAGS SHING SHAS CHER BSTEN PAR GYUR NA, TSIL DANG BAD KAN LAS BYUNG BA'I NAD RNAMS SKYED CING 'PHEL BAR BYED PA DANG, LUS SBOM BA LA SOGS BAR BYED PA DANG, CHANG NAD NI 'OG NAS BSHAD DO, ,DE LA SOGS BA SKYED PAR 'GYUR RO, ,SKYUR BA ME DROD SKYED BYED SNUM, ,ZHIM ZHING 'JU BYED YI GA 'BYED, ,DRO BA'I NUS SKYED REG PA BSIL, ,TSIM BYED 'DRUL BYED YANG BA STE, ,BAD KAN KHRAG MKHRIS RGYAS PAR BYED, ,RLUNG 'GAGS RGYU BAR BYED PA YIN, ,DE NI SHIN TU BSTEN DRAGS NA, ,LUS LHOD RAB RIB MGO 'KHOR DANG; ;G-YAN PA SKYA RBAB ME DBAL DANG, ,'OR NAD THOR BU SKOM RIMS SKYED, ,CES BYA BA LA, RO SKYUR BA BSTEN CING SPYAD NA, KHONG PA'I ME DROD SKYED CING 'PHEL BAR BYED PA DANG, DE BZHIN DU SNUM PA DANG, ZHIM ZHING SEMS DGA' BAR BYED PA DANG, KHA ZAS 'JU ZHING SMIN PAR BYED PA DANG, YI GA 'BYED CING ZAS LEN PA DANG, DE BZHIN DU DRO BA'I NUS PA SKYED PA DANG, BSKUS NA REG PA KHA BA LTAR BSIL BA DANG, TSIM BAR BYED PA DANG, KHA ZAS 'DRUL ZHING SLA BAR BYED PA DANG, DE BZHIN DU YANG BA DANG, BAD KAN DANG MKHRIS PA DANG, KHRAG RGYAS PAR BYAD PA DANG, DE BZHIN DU RLUNG LAM 'GAGS SHING 'KHYIL BA DAG BDE BAR RGYU BAR BYED CING 'BYUNG BAR BYED PA YIN NO, ,RO SKYUR BA DE NI SHIN TU BSTEN DRAGS SHING SHAS CHER ZOS NA LUS LHOD CING MI MKHREGS PAR BYED PA DANG, DE BZHIN DU RAB RIB LA SOGS PA'I NAD SKYED PAR 'GYUR RO, ,LAN TSVA SRA DANG 'KHYIL BA DANG, ,'GAGS PA 'BYIN CING DROD SKYED BYED, ,SNUM DANG DUGS KYIS RDUL ZHING RNO, ,YI GA 'BYED CING GCOD 'BYED BYED, ,DE NI DRAGS PAS RLUNG KHRAG DANG, ,SKRA 'BYI SKRA DKAR GNYER MA DANG, ,SKOM MDZE DUG DANG ME DBAL RNAMS, ,SKYED CING STOBS NI 'DRI [?] BAR BYED, ,CES BYA BA LA, RO LAN TSVA CAN BSTEN CING LONGS SPYAD NA, SRA BA 'BYIN PAR BYED PA DANG, 'KHYIL BA 'BYIN PAR BYED PA DANG, 'GAGS PA 'BYIN PAR BYED PA YIN NO, ,DE LA SRA BA NI RENGS SHING 'GYUR MI SHAS BA'O, ,'KHYIL BA NI BSHANG BA LA SOGS
, ,PA'I TSOGS PA 'KHYIL ZHING 'BYUNG DU MI BTUB PA'O, ,'GAGS PA NI RTZA SBUBS RNAMS 'GAGS PA STE, DE DAG 'BYIN CING SEL BAR BYED PA YIN NO, ,DE BZHIN DU DROD SKYED DE ME'I SHAS 'PHEL BAR BYED PA DANG, SNUM PA DANG, DUGS KYIS RDUL 'BYIN PAR BYED PA DANG, RNO ZHING 'JUG PA MYUR BA DANG, YI GA 'BYED CING ZAS 'DOD PA DANG, GCOD CING KHA GNYIS SU BYED PA DANG, 'BYED PAR BYED PA YIN NO, ,LAN TSVA'I RO DE DRAGS SHING SHAS CHER BSTEN PAS RLUNG DANG KHRAG GI NAD DANG, DE BZHIN DU SKRA 'BYI ZHING SPYI THER DU 'GYUR BA DANG, RGAS SRA BA'I MTSAN MA SKRA DKAR BA DANG, GNYER MA ZHES PA PAGS PA 'DUS PA DAG BYED PA DANG, DE BZHIN DU SKOM DAD LA SOGS PA SKYED PAR BYED CING, STOBS 'BRI ZHING 'JIG PAR BYED PA YIN NO, ,KHA BA RANG NYID ZHIM MIN ZHING, ,YI GA 'CHUS DANG SRIN SKOM DUG , MDZE DANG BRGYAL DANG RIMS SLON BRO, ,TSA DANG MKHRIS PA BAD KAN 'JOMS, ,'DRUL DANG TSIL DANG ZHAG DANG RKANG, ,BSHANG DANG GCI BA SKEMS PA DANG, ,YANG ZHING YID GZHUNGS BSIL ZHING RTZUB, ,NU MA'I NAD DANG SKAD 'GAGS SEL, ,DE NI SHIN TU DRAGS GYUR NAS, ,LUS ZUNGS ZAD CING RLUNG NAD SKYED, ,CES BYA BA LA, RO KHA BA NI RANG NYID ZHIM PA MA YIN ZHING YI GA 'BYED PAR BYED BA YIN LA, RANG NYID YI GAR MI 'ONG BA YIN NO, ,DE BZHIN YI GA 'CHUS PA NAS BAD KAN GYI BAR DU 'JOMS PAR BYED BA YIN NO, ,DE BZHIN 'DRUL BA LA SOGS BZHU ZHING GSHER BA'I TSUL CAN DAG SKEM PAR BYED PA DANG, DE BZHIN DU BA ZHIN YANG BA DANG, YID GZHUNGS SHING SHES RAB 'PHEL BA DANG, BSIL ZHING GRANG BA'I NUS PA SKYED PA DANG, DE BZHIN DU RTZUB PA DANG, BUD MED KYI NU MA'I NAD DANG, SKAD 'GAGS PA'I LKOG MA'I NAD SEL ZHING 'JOMS PA YIN NO, ,RO KHA BA DE SHIN TU DRAGS PAR BSTEN CING GOMS PAR GYUR NA, LUS ZUNGS DANGS MA LA SOGS PA ZAD CING 'BYE BA DANG, RLUNG LAS GYUR BA'I NAD RNAMS SKYED CING 'BYIN PA YIN NO, ,TSA BAS LKOG NAD 'GAGS PA DANG, ,MDZE DANG MA ZHU 'OR NAD SEL, ,
RMA 'JIG BYED CING SNUM PA DANG, ,TSIL DANG 'DRUL BAG SKEMS PAR BYED, ,DROD SKYED 'JU ZHING YI GA 'BYED, ,SBYONG ZHING ZAS NI 'JIG PAR BYED, ,'CHING BA GCOD CING RTZA SBUBS DAG ,RNAM PAR 'BYED CING BAD KAN SEL, ,DE NI SHIN TU DRAGS GYUR BAS, ,SKOM SKYED KHU BA STOBS ZAD CING, ,BRGYAL ZHING LUS 'KHUMS 'DAR BA DANG, ,RKED PA RGYA BA SOGS NA BAR BYED, ,CES BYA BA LA, RO TSA BAS NI LKOG MA'I NAD LA SOGS PA SEL BAR BYED DO, LKOG NAD NI LKOG MA'I PHYOGS SU BYUNG BA'I NAD DO, ,'GAGS PA NI BRANG 'GAGS SHING BAD KAN GYIS RGYAS PA LAS BYUNG BA'I NAD LA BYA'O, ,LA LA NI GRANG BA'I 'DAR NAD LA AU DAR DU ZHES BYA'O ZHES ZER RO, ,GZHAN DAG NI GRANG PA'I DUS SU KHYAD PAR DU, GRANG BA CHU YI REG PA LAS, ,LKOG MAR SKRANGS PAR GYUR PA'I NAD, ,GAG BA ZHES BYA BAD KAN 'BYUNG, ,ZHES BSHAD DO; ,MA ZHU BA NI MA ZHU BA BE'U SNABS CAN NO, ,RMA 'JIG PAR BYED PA NI, RMA SHIN TU MTHO BA'I SKRANGS BAG CAN 'DZUM ZHING 'BRI BAR BYED PA'O, ,YANG RMA 'BYOR BA DAG GI GAGS BYED PA'O, ,DE BZHIN DU SNUM PA DANG, TSIL LA SOGS PA SKEMS SHING 'BRI BAR BYED PA DANG, ME'I DROD SKYED CING 'PHEL BA DANG, MA ZHU BA ZHU BAR BYED PA DANG, KHA ZAS YI GA 'BYED PAR BYED PA DANG, RTZA SBUBS SBYONG BA DANG, ZAS 'JIG BAR BYED PA DANG, 'CHING BA GCOD PA STE, RNO BAS LHU TSIGS KYI 'CHING BA DAM PO LHOD BAR BYED BA DANG, RTZA SBUBS KYI KHA RNAM BAR 'BYED PA DANG, BAD KAN SEL ZHING 'JOMS PA YIN NO, ,TSA BA DE SHIN TU DRAGS PAR BSTEN CING ZOS PAS NI SKOM DAD SKYED PA LA SOGS PA BYED PA YIN NO, ,BRGYAL BA NI RMONGS BAR GYUR PA'O, ,LUS 'KHUMS BA NI YAN LAG 'JAS BA LTAR GYUR BA'O, ,DE BZHIN DU 'DAR BA DANG, RKED PA DANG RGYAB NA BA STE, DE DAG TU GZER BA LA SOGS PA MI BZAD PAS 'DEBS PA DANG, SOGS PA'I SGRAS NI RKANG BA DANG, RTZIB LOGS NA BAR BYED PA YIN NO, ,BSKA BAS MKHRIS BA BAD KAN SEL, ,LCI ZHING KHRAG NAD RNAM BAR SBYONG, ,SKEM ZHING RMA 'TSO BSIL BA DANG, ,'DRUL
, ,DANG TSIL NI RNAM BAR SKEMS, ,BE'U SNABS 'KHYIL CING SRI BAR BYED, ,RTZUB CING PAGS MDOG RAB DANG BYED, ,DE NI SHIN TU BSTEN DRAGS NA, ,BSHAD 'GAGS LTO SBOS SNYING NAD DANG, ,SKOM DANG SKEM ZHING SKYES MTHU NYAMS, ,RTZA SGO 'GAGS SHING DRI MA SRI, ,ZHES BYA BA, RO BA SKA BA BSTEN CING SPYAD PAS NI, MKHRIS PHA BAD KAN SEL ZHING 'JOMS PAR BYED PA DANG, LCI PA'I YON TAN DANG LDAN PA DANG, KHRAG GI NAD RNAM PAR SBYONG PA SOGS PA BYED BA DANG, BE'U SNABS 'KHYIL ZHING THOGS BA DANG, BSHAD BA SRI BAR BYED PA DANG, DE BZHIN DU SHIN TU RTZUB PA DANG, PAGS PA'I MDOG RAB TU DANGS ZHING MDOG GSAL BAR BYED PA YIN NO, ,RO BSKA BA DE BSTEN PA DRAGS SHING SHAS CHER ZOS NA BSHANG BA 'GAG PA LA SOGS PA SKYED PAR BYED PA DANG, SKYES BU'I MTHU NYAMS SHING KHU BA ZAD PAR 'GYUR BA DANG; DRI MA SRI BA STE, GCIN DANG PHYI SA 'GAGS PAR 'GYUR BA YIN NO, ,MNGAR BA LA SOGS PA'I RDZAS KYI SDE TSAN SMRAS PA NI, ZHUN MAR BU RAM STAR GA GSER, ,MO TZA TZO TZA PA RU SHA ,NYE'U SHING RA MNYE BA NAS, ,RA DZA DAN BA LA GSUM, ,ME DA GNYIS DANG PARnI BZHI, , 'TSO BYED DZI BA RI SHO BA, ,SHING MNGAR MA DU KA PIM BI, ,SHRA BA NI GNYIS BI DA RI, ,CU GANG KIshAR SHU KU LA, ,SA HA 'O CAN GASHMA RI, ,'O MA BU RAM SHING GZE MA, ,RGUN 'BRUM SBRANG SOGS MNGAR BA'I SDE, ,ZHES BYA BA LA, ZHUN MAR NAS RGUN 'BRU'I BAR GYI SDE TSAN NI RDZAS MNGAR BA STE, SMAN MNGAR PO YIN NO ZHES BYA BA'I DON TO, ,DE LA MO TZA NI CHU SHING GI 'BRAS BU'O, ,TZO TZA NI RGYA SKYEGS GYI 'BRAS BU'O, ,NYE'U SHING NI AA BI RU'O, ,RA MNYE BA NAS NI BI RA'O, ,RA DZA DAN NI BA NA YA BRI YA'O, ,BAL GSUM NI BAL DANG, AA TI BAL DANG, N'A GAB LA'O, ,ME DA GNYIS NI MED DANG, MA H'A ME DA'O, ,PARnI BZHI NI SAL PARnI DANG, KRishnA PARnI DANG, MUNGGA PARnI DANG, MA SHA PARnI'O, ,'TSO BYED NI DZI BAN TI'O, ,DZI BA KA NI KUR TZA SHIR SHA'O, ,RI SHO BA NI BI LA BAR DHA'O, ,MA DU KA NI MA DU KA'I ME TOG GO, ,
BIM BI NI TUN TA KE RI'O, ,SHRA BA GNYIS NI, SHRI BA NI DANG, MA H'A SHRI BA'O, ,BI DA RI NI KAshI DA RI'O, ,CU GANG NI TU KA KAshI RA'O, ,KAshIR SHU KU LA NI, KAshI RA KA LO LI'O, ,MAH'A GNYIS NI MA H'A SA HA DANG, KshU DAS HA'O, ,'O MA CAN NI 'O MA YOD BA'I PHYIR 'O MA LA SOGS PA'O, , KASHMA RI NI KAD PA LA'O, ,GZHAN NI GO BAR ZAD DO, ,SKYUR BA SKYU RU AAMIL KA ,BA LUNG DANG NI STAR BU DANG, ,SE'U 'BRU RDUL DANG DAR BA DANG, ,TSA DANG KU SHU AA MRA DANG, ,AAMAL TA KA BHA BYA DANG, ,KAR MA RDA KA BID THA'O, ,ZHES BYA BA LA, SKYUR RA NAS KA BID THA'I BAR GYI SDE TSAN 'DI NI SMAN SKYUR BA'I SDE TSAN YIN NO, ,AAMLI KA NI TZU KRI KA'O, ,BA LUNG NI PI ZA PU RA'O, ,GZHAN NI GO BAR ZAD DO, ,TSA MCHOG RTZAL RU KHA RU TSA, ,BID RGYA MTSO BKOD PA'I TSA, ,MTSO TSA SKAM TSA RO NYE DANG, ,KAshA RA LAN TSVA'I SDE TSAN YIN, ,ZHES BYA BA LA, TSA MCHOG NAS LAN TSVA'I BAR NI, TSA'I SDE TSAN GYI SMAN GYI ,TSOGS SO, ,TSA MCHOG NI RGYAM TSA DANG, LCE MYANG TSA'O, ,RTZAL RU TSA NI SO BAR TZA LA STE, MING GI RNAM GRANGS RU TZIK ZHES BYA'O; ,KHA RU TSA NI TSA NAG PO'O, ,BID NI KHA RU TSA NAG PO DRI MI ZHIM PA'O, ,RGYA MTSO'I TSA NIS MU TRA LA WA NA'O, ,RO NYE ZHES BYA BA NI ZHA NYE NAG PO'O, ,KAshA RIN SARDZI KA DANG, YA BAKshA LA SOGS PA'O, ,KHA BA KYI LCE PA TO LA, ,TZANDAN AUR SHI BA LE KA ,CI SKRIGS NIM PA PU TZE SHEL, ,RGYA SPOS AA KAR BA TZAK ,NAG TA MAL SER PO GNYIS, ,GLA SGANG MUR BA BA SHA KA; ,AA PA MARGA PO SON CHA, ,'KHAR LCAGS SLE TRES BYI TSER BA, ,RTZA BA CHE LNGA BYA GRI GNYIS, ,BONG NGA SHU DAG BI SHAL, ,ZHES BYA BA LA, KYI LCE BA NAS BI SHA LA'I BAR GYI SDE TSAN 'DI NI SMAN KHA BA'I SDE TSOMS SO, ,CI SKRIGS NI KA RI TA TIG TA'O, ,NAG TA MA LA NI KA RANYDZA'O, , SER PO GNYIS NI YUNG BA DANG SKYER BA'O, ,BA SHA KA NI AANG TA RU SHA KA'O, ,BYI TSER BA NI DUR LA BA'O, ,RTZA BA CHEN PO LNGA NI, BIL BA DANG KA KAshA RI LA SOGS PA'O, ,BYA GRI NI BRI HA TI DANG, KAndA KA RI'O, ,TSA BA SHING KUN NA LE SHAM, ,BYI DANG GA DANG TSA BA LNGA, ,KU THER SOGS
, ,LDUM RNGAD SNGO, ,MKHRIS BA GCIN DANG GO BYE YIN, ,ZHES BYA BA LA, SHING KUN NAS GO BYE'I BAR GYI SDE TSAN 'DI NI, SMAN TSA BA'I SDE TSAN YIN NO ZHES BYA BA'I DON TO, ,TSA BA LNGA NI BI BI LING DANG, PI PI LING M'U LA DANG, DBYI MONG DANG, TZI TRA KA DANG, BCA' SGA'O; ,KU THE RA SOGS LDUM RNGAD SNGO ZHES BYA BA NI TSOD MA'I NANG NAS LDUM GYI SNGO RNGAD KU THE RA DANG, SHI KRU DANG, BYI'U RUG PA LA SOGS PA'O, ,MKHRIS PA NI RI DAGS DANG BYA LA SOGS PA'I MKHRIS PA'O, ,GCIN NI BA LANG DANG RA LUG LA SOGS PA'I GCIN RNAM PA BRGYAD DO, ,GO BYE BA NI PA LA KA ZHES BYA BA BSE SHING 'BRAS BU'O, ,BSKA TSAN AA RU BA RU RA, ,SBRANG RTZI SENG LDENG SHI RI SHA ,KA DAM AU DUMB'A RA DANG, ,MU TIG BYI RU AAN TZAN BTZAG ,KA BID TA GZHON KHAR DZU RA, ,PAD TZA PADMA AUTPA LA'O, ,ZHES BYA BA LA, AA RU RA NAS AUTPA LA'I BAR GYI SDE TSAN 'DI NI RO BSKA BA'I SMAN GYI TSOGS SO, ,AAN TZAN NI LIG BU MIG DANG DNGUL RDO'O, ,BTZAG NI SU BAR NA GI RI STE, BTZAG YUG SNAM MO, ,KA BID THA GZHON ZHES BYA BA NI BA LI KA BID THA GZHON NU'O, ,KHAR DZU RA ZHES BYA BA NI KA BID THA RLON PA DANG, KHAR DZU RA MA SMIN PA'O, ,'BRAS RNYING NAS RNYING GRO RNYING DANG, ,MUNGGA SBRANG RTZI SHA KHA RA, ,SKAM SA'I SHA RNAMS MA GTOGS PA'I, ,MNGAR BA PHAL CHER BAD KAN SKYED, ,CES BYA BA LA, MAR LA SOGS PA'I SMAN RO MNGAR 'PHAL MO CHE DE DAG NI, BAD KAN SKYED CING 'PHEL BAR BYED PA YIN MOD KYI, 'BRAS RNYING PA DANG, NAS RNYING PA DANG, GRO RNYING PA DANG, SRAN MUNGGA STE, MON SRAN SDE'U DANG, SBRANG RTZI DANG, SHA KHA RA DANG, SKAM SA'I SHA RNAMS NI MA GTOGS TE, 'DI DAG MNGAR YANG BAD KAN MI SKYED KYI, DE LAS GZHAN PA'I MNGAR BA PHAL CHER BAD KAN SKYED BA YIN NO, ,SKYU RU SI 'BRUM GTOGS BA'I, ,SKYUR BA PHAL CHER MKHRIS PA SKYED, ,CES BYA BA LA, GANG SKYUR BA'I SMAN PHAL CHER ZHES BA MANG DU STE, MA DU LUNG GA LA SOGS PA GANG YIN BDE THAMS CAD MKHRIS PA SKYED CING 'PHEL BAR BYED PA YIN MOD KYI, RGYAM TSA LCE MYANG
TSA MA GTOGS, ,LAN TSVA PHAL CHER MIG LA GNOD, ,CES BYA BA LA, RGYAM TSA DANG, LCE MYANG TSA NI MIG LA PHAN NO ZHES DON GYI SHUGS KYIS STON PA YIN NO, ,SLE TRES BA TO LA BCA' SGA, ,SGOG SKYA PI PI LING MA GTOGS, ,KHA DANG TSA BA PHAL CHER NI, ,RO TZA 'DRI ZHING RLUNG SKYED YIN, , ZHES BYA BA LA, SMAN KHA BA DANG TSA BA THAMS CAD LAS PHAL CHER TE RO TZA ZHING KHU BA 'PHEL BA LA GNOD CING 'BRI BAR BYED BA DANG, DE BZHIN DU RLUNG SKYED PAR BYED PA YIN MOD KYI, GZHAN DU NA SMAN KHA BA'I NANG NA SLE TRES DANG, PA TO LA MA GTOGS PA, SMAN TSA BA RNAMS KYI NANG NA BCA' SGA DANG; SGOG SKYA DANG, PI PI LING STE, GSUM MA GTOGS PA SMAN KHA BA DANG, TSA BA GZHAN DAG NI RO TZA BA 'BRI ZHING RLUNG SKYED PA YIN ZHING, LNGA PO DE DAG NI RO TZA BAR BYED BA YIN LA, RLUNG 'JOMS PA YIN NO, ,BSKA LAS AA RU RA MA GTOGS, ,PHAL CHER BSIL ZHING SRI BAR BYED, ,CES BYA BA LA, SMAN BSKA BA SHI RI SHA LA SOGS PA THAMS CAD LAS PHAL CHER TE, MANG DU BSIL BA'I NUS PA DANG LDAN ZHING, BSHANG BA LA SOGS PA SRI BAR BYED BA YIN MOD KYI, AA RU RA MA GTOGS TE, DE NI NUS PA DRO ZHING 'KHRU BAR BYED PA YIN NO, ,RO TSA SKYUR DANG LAN TSVA RNAMS, ,GO RIMS BZHIN DU DRO NUS LDAN, ,ZHES BYA BA LA, RO TSA BA DANG, SKYUR BA DANG, LAN TSVA RNAMS NI GO RIMS BZHIN TE, RIM PA MA 'CHOL BAR TSA BA'I NUS PA DANG LDAN PA YIN TE, DE YANG TSA BA NI TSA ZHING DRO BA YIN LA, SKYUR BA NI RAB TU TSA BA YIN TE, LAN TSVA NI MCHOG TU DRO BA'I NUS PA DANG LDAN PA YIN NO, ,KHA DANG BSKA DANG MNGAR BA RNAMS, ,DE BZHIN DU NI BSIL BA NYID, ,CES BYA BA LA, RO KHA BA DANG BSKA BA DANG MNGAR BA RNAMS NI DE BZHIN DU ZHES PA, GO RIMS SNGA MA BZHIN DU BSIL BA'I NUS PA DANG LDAN PA YIN GYI KHA BA NI BSIL BA YIN LA, BSKA BA NI RAB TU BSIL BA YIN, MNGAR BA NI MCHOG TU BSIL BA YIN NO, ,KHA DANG TSA DANG BSKA BA RNAMS, ,DE BZHIN RTZUB CING DRI MA SRI, ,ZHES BYA BA LA, RO KHA BA DANG, TSA BA DANG, BSKA BA RNAMS NI DE BZHIN DU ZHES PA GO RIMS JI LTA BA BZHIN DU RTZUB CING DRI MA
, ,SRI BAR BYED PA YIN TE, KHA BA NI RTZUB PA DANG DRI MA SRI BAR BYED PA YIN LA, TSA BA NI RAB TU RTZUB CING RAB TU DRI MA SRI BA YIN TE, BSKA BA NI SHIN TU RTZUB CING DRI MA SRI BA YIN NO, ,LAN TSVA SKYUR MNGAR SNUM BA DANG, ,BSHANG GCI THUR GYI DBUGS 'BYIN BYED, , CES BYA BA LA, RO LAN TSVA DANG, SKYUR BA DANG, MNGAR BA RNAMS NI SNUM PA DANG, BSHANG GCI DANG THUR GYI DBUGS 'BYIN CING 'DON PAR BYED PA YIN LA, GO RIMS BZHIN ZHES BYA BA 'DIR YANG SBYAR BAR BYA STE, LAN TSVA NI SNUM PA DANG, BSHANG GCI DANG PHYI ROL GYI DBUGS 'BYIN PAR BYED PA YIN LA, SKYUR BA NI RAB TU SNUM PA DANG, BSHANG BA DANG GCI BA DANG PHYI ROL GYI DBUGS RAB TU 'BYIN PAR BYED PA YIN NO, ,MNGAR BA NI SHIN TU SNUM PA DANG, BSHANG BA DANG GCI BA DANG PHYI ROL GYI DBUGS SHIN TU 'BYIN BAR BYED PA YIN NO, ,LAN TSVA LAS BSKA DE BAS KYANG, ,MNGAR BA MCHOG TU LCI BA YIN, ,ZHES BYA BA LA, RO LAN TSVA LAS NI RO BSKA BA LCI BA YIN LA, DE BAS KYANG ZHES BYA BA, RO BSKA BA BAS KYANG RO MNGAR BA MCHOG TU LCI BA YIN NO ZHES BYA BA'I DON NO, ,SKYUR LAS TSA DANG DE BAS KYANG, ,KHA BA DAG NI YANG BA YIN; ,ZHES BYA BA LA, RO SKYUR BA NI YANG BA YIN LA, DE BAS KYANG TSA BA YANG BA YIN ZHING RO TSA BA DE LAS KYANG KHA BA DAG YANG BA YIN NO, ,RO RNAMS KYI DBYE BA BSHAD PA NI, RO RNAMS KYIS NI DBYE BA LAS, ,SBYOR BA LNGA BCU RTZA BDUN DANG, ,BRTAG PA DRUG CU RTZA GSUM DU; ,RAGS RIM JI BZHIN PHYE BA YIN, ,ZHES BYA BA LA, RO RNAMS KYI GZHI BO SMAN GYI SBYOR BA BYAS PA LAS 'OG NAS BSHAD PA'I TSUL DU PHAN TSUN 'DRES PA'I SBYOR BA BYAS SHING RNAM PAR PHYE BA LAS SBYOR BA LNGA BCU RTZA BDUN THA DAD PAR BYA BA YIN PA DANG, YANG 'DI RNAMS LA BRTAG PA DRUG CU RTZA GSUM DU PHYE BA YIN NO, ,JI LTAR BYAS NAS RO RNAMS KYI SBYOR BA LNGA BCU RTZA BDUN DANG, BRTAG PA DRUG CU BYAS PA YIN ZHE NA, RAGS RIM JI BZHIN ZHES BYA BA YIN TE, RAGS PA'I GO RIMS LA LTOS SHING MTSON NAS, RO GSAL BAR MYANG BA'I TSUL DANG, ,
RJES SU MTHUN PAR BYAS PA YIN GYI, RO PHRA MO YAN CHAD RAB DANG MCHOG GI DBYE BA LAS NI RO MTHA' YAS PA YIN PAS, PHRA MO RNAMS KYI DBANG DU BYAS BA NI MA YIN NO, ,DE YANG JI TZAM ZHIG LUS LAS DGOS PA YOD PA DE TZAM GYI RAGS RIM JI LTA BA BZHIN DU PHYE ZHING GRANGS SU CHAD PAR BYAS PA YIN NO, ,SBYOR BA NYID RO GNYIS LA SOGS PA'I DBYE BAS BSHAD PA NI, DE LNGA RE RE PHRI BA LAS, ,LNGAR GYUR BA NI RO GNYIS PA, ,ZHES BYA BA LA, RO GNYIS SBYAR BA NI GNYIS PA STE, RO'I GZHI SMAN DANG 'BREL PA'I SBYOR BA GNYIS PA DE LA RO LNGA PO DE DAG GI SBYOR BA BYAS PA LAS 'GYUR TE, JI LTAR 'GYUR ZHE NA, RE RE PHRI BA LAS GYUR TE, MNGAR BA PHRI BA'I SKYUR BA LA SOGS PA DANG, SKYUR BA PHRI BA'I LAN TSVA LA SOGS PA DANG, KHA BA PHRI BA'I TSA BA DANG BSKA BA GNYIS DANG, TSA BA PHRI BA'I BSKA BA'O, ,DE LTAR NA MNGAR BA LA SOGS PA'I RO RE RE PHUL BA'I RO LNGA NI SBYOR BA'I DON DU 'GRO BAR BYED PA YIN NO, ,SKYUR BA LA SOGS PA NI SBYOR BAR BYED PA YIN TE, DE YANG 'DI LTA STE, MNGAR BA DANG SKYUR BAR SBYAR BA DANG, MNGAR BA DANG LAN TSVA SBYAR BA DANG, MNGAR BA DANG KHA BA SBYAR BA DANG, MNGAR BA DANG TSA BA SBYAR BA DANG, MNGAR BA DANG BSKA BA SBYAR BAR BYA STE, DE LTAR NA MNGAR BA DBYE BA RNAM PA LNGAR 'GYUR RO, ,SKYUR BA'I GNYIS PA NI MNGAR BA LA LTOS NAS RE RE PHRI BAR GYUR NA, DBYE BA RNAM PA GSUM DU 'GYUR BA NI 'DI LTA STE, LAN TSVA DANG KHA BAR SBYAR BA DANG, LAN TSVA DANG TSA BAR SBYAR BA DANG, LAN TSVA DANG BSKA BAR SBYAR BA STE, DE LTAR NA LAN TSVA'I GSUM PAR 'GYUR RO, ,KHA BA'I GNYIS PA NI LAN TSVA LA LTOS NAS, RE RE PHRI BAR GYUR NA DBYE BA RNAM PA GNYIS SU 'GYUR BA NI 'DI LTA STE, KHA BA DANG TSA BAR SBYAR BA DANG, KHA BA DANG BSKA BAR SBYAR BAR BYA'O, ,TSA BA DANG KHA BA LA LTOS NAS GCIG PHRI BAR GYUR NA, DBYE BA RNAM PA GCIG TU 'GYUR TE, TSA BA DANG BSKA BAR SBYAR BAR BYA'O, ,DE LTAR NA GNYIS PA DE DAG DBYE BA RNAM PA BCO LNGAR 'GYUR RO, ,GSUM PA MNGAR BCU SKYUR DRUG STE, ,LAN TSVA GSUM STE KHA BA GCIG ,BZHI PA LA NI MNGAR PO
, ,BCU; ,SKYUR PA BZHI PO LAN TSVA GCIG ,CES BYA BA LA, GSUM PA MNGAR BCU ZHES BYA BA LA, SMAN GYI RO GSUM PA LA, RO MNGAR BA DBYE BA RNAM PA BCUR 'GYUR TE, DE YANG 'DI LTAR MNGAR BA DANG, SKYUR BA DANG, LAN TSVAR SBYAR BA DANG, MNGAR BA DANG SKYUR BA DANG KHA BAR SBYAR BA DANG, MNGAR BA DANG SKYUR BA DANG TSA BAR SBYAR BA DANG, MNGAR BA DANG SKYUR BA DANG BSKA BAR SBYAR BA DANG, MNGAR BA DANG LAN TSVA DANG KHA BAR SBYAR BA DANG, MNGAR BA DANG LAN TSVA DANG TSA BAR SBYAR BA DANG, MNGAR BA DANG LAN TSVA DANG BSKA BAR SBYAR BA DANG; ,MNGAR BA DANG KHA BA DANG TSA BAR SBYAR BA DANG, MNGAR BA DANG KHA BA DANG BSKA BAR SBYAR BA DANG, MNGAR BA DANG TSA BA DANG BSKA BAR SBYAR BA STE, DE LTAR NA BCU'O, ,SKYUR DRUG STE ZHES BYA BA NI, RO SKYUR BA GSUM PA'I DBYE BA DRUG TU 'GYUR BA NI 'DI LTA STE, SKYUR BA DANG LAN TSVA DANG KHA BAR SBYAR BA DANG, SKYUR BA DANG LAN TSVA DANG TSA BAR SBYAR BA DANG, SKYUR BA DANG LAN TSVA DANG BSKA BAR SBYAR BA DANG, SKYUR BA DANG KHA BA DANG TSA BAR SBYAR BA DANG, SKYUR BA DANG KHA BA DANG BSKA BAR SBYAR BA DANG, SKYUR BA DANG TSA BA DANG BSKA BAR SBYAR BA STE, DE LTAR NA DRUG GO, , LAN TSVA GSUM ZHES BYA BA NI, LAN TSVA'I GSUM PA NI DBYE BA RNAM PA GSUM DU GYUR PA NI 'DI LTA STE, LAN TSVA DANG KHA BA DANG TSA BAR SBYAR BA DANG, LAN TSVA DANG KHA BA DANG BSKA BAR SBYAR BA DANG, LAN TSVA DANG TSA BA DANG BSKA BAR SBYAR BA STE, DE LTAR NA DBYE BA RNAM PA GSUM DU 'GYUR RO, , KHA BA GCIG PU NYID CES BYA BA NI RO KHA BA NI KHA BA DANG TSA BA DANG, BSKA BAR SBYAR BA STE, DBYE BA GCIG PU NYID DU 'GYUR RO, ,DE LTAR NA GSUM PA NYI SHUR 'GYUR RO, ,BZHI PA LA NI MNGAR PO BCU ZHES BYA BA NI, BZHI PA LA NI ZHES BYA BA DBYE BA BZHI PA CAN LA RO MNGAR BA DBYE BA BCUR 'GYUR RO, ,DE YANG 'DI LTA STE, MNGAR BA DANG SKYUR BA DANG, LAN TSVA DANG KHA BAR SBYAR BA DANG, MNGAR BA DANG SKYUR BA DANG LAN TSVA DANG TSA BAR SBYAR BA DANG, MNGAR BA DANG SKYUR BA DANG LAN TSVA DANG BSKA BAR SBYAR BA DANG, MNGAR BA DANG SKYUR BA DANG KHA BA DANG TSA BAR SBYAR BA
DANG; MNGAR BA DANG SKYUR BA DANG KHA BA DANG LAN TSVAR SBYAR BA DANG, MNGAR BA DANG SKYUR BA DANG KHA BA DANG BSKA BAR SBYAR BA DANG, MNGAR BA DANG SKYUR BA DANG TSA BA DANG BSKA BAR SBYAR BA DANG, MNGAR BA DANG SKYUR BA DANG KHA BA DANG BSKA BAR SBYAR BA DANG, MNGAR BA DANG LAN TSVA DANG TSA BA DANG BSKA BAR SBYAR BA DANG, MNGAR BA DANG LAN TSVA DANG KHA BA DANG BSKA BAR SBYAR BA STE, DE LTAR NA DBYE BA RNAM PAR BCUR 'GYUR RO, ,SKYUR BA BZHI PO ZHES BYA BA NI, SKYUR BA BZHI PO DBYE BA BZHIR 'GYUR BA NI 'DI LTA STE, SKYUR BA DANG, LAN TSVA DANG KHA BA DANG TSA BAR SBYAR BA DANG, SKYUR BA DANG LAN TSVA DANG KHA BA DANG BSKA BAR SBYAR BA DANG, SKYUR BA DANG LAN TSVA DANG TSA BA DANG BSKA BAR SBYAR BA DANG, SKYUR BA DANG KHA BA DANG TSA BA DANG BSKA BAR SBYAR BA STE DE LTAR NA DBYE BA RNAM PA BZHIR 'GYUR RO, ,LAN TSVA SNA GCIG CES BYA BA NI, RO LAN TSVA'I BZHI PA NI, DBYE BA GCIG TU 'GYUR TE; LAN TSVA DANG TSA BA DANG KHA BA DANG BSKA BAR SBYAR RO, ,DE LTAR NA DBYE BA RNAM PA BCO LNGAR 'GYUR RO, ,LNGA PA LA NI SKYUR GCIG PU, ,MNGAR BA LNGA LA BSTEN PA YIN, ,ZHES BYA BA NI, DBYE BA RNAM PA LNGA NI, RO SKYUR BA'I DBYE BA GCIG PU BSTEN PA NI 'DI LTA STE, SKYUR BA DANG; LAN TSVA DANG, KHA BA DANG, TSA BA DANG BSKA BAR SBYAR BAR BYA'O, ,LNGA PA LA RO MNGAR BA NI DBYE BA LNGA BSTEN CING GNAS PA YIN TE, 'DI LTAR MNGAR BA DANG SKYUR BA DANG LAN TSVA DANG KHA BA DANG TSA BAR SBYAR BA DANG, MNGAR BA DANG SKYUR BA DANG LAN TSVA DANG KHA BA DANG BSKA BAR SBYAR BA DANG; MNGAR BA DANG LAN TSVA DANG KHA BA DANG TSA BA DANG BSKA BAR SBYAR BA DANG, MNGAR BA DANG SKYUR BA DANG KHA BA DANG TSA BA DANG BSKA BAR SBYAR BA DANG, MNGAR BA DANG SKYUR BA DANG LAN TSVA DANG TSA BA DANG BSKA BAR SBYAR BA STE, DE LTAR RNAM PA LNGA DANG, SNGA MA DANG BCAS PA LNGA PA DBYE BA DRUG TU 'GYUR RO, ,SMAN NI RO DRUG GCIG PU YIN, ,ZHES BYA BA NI, SMAN NI RO DRUG CES BYA BA GCIG BUR 'GYUR BA YIN TE, MNGAR BA DANG SKYUR BA DANG, LAN TSVA DANG, KHA BA DANG, TSA BA DANG, BSKA BA STE, SPYIR GCIG BU KHO NAR 'DUS SHING GCIG TU 'GYUR
, ,BA YIN NO, ,DE LTAR NA SBYOR BA NI LNGA BCU RTZA BDUN DU 'GYUR BA YIN NO, ,MA 'DRES BA NI RO DRUG 'GYUR, ,ZHES BYA BA LA, MA 'DRES PA NI GCIG DANG GNYIS LA SOGS PA'I SBYOR BA DANG 'BREL TE, GCIG PU NYID DU NI RO DRUG TU 'GYUR TE, MNGAR BA DANG, SKYUR BA DANG, LAN TSVA DANG, KHA BA DANG, TSA BA DANG, BSKA BA'O, ,DE RNAMS BYE BRAG GI CHOGS NYE BAR SBYAR BA YIN LA, BYE BRAG DE NI SNUM GYI CHO GA LA DRUG CU RTZA GSUM DU 'GYUR TE, DE YANG RO DBYE BA DE GNYIS GCIG PU GNYIS, DRUG CU RTZA GSUM DAG TU BRTAG ,SNUM GYIS GZHAN DAG ZIL MNAN CING, ,NYUNG BA NYID KYI RIM LAS BSHAD, ,CES 'BYUNG BA YIN NO, ,DBYE BA DE DAG BYE BRAG DRAN PAR BYA BA'I PHYIR TSIGS SU BCAD PAR BSDUS TE SMRAS PA NI, LNGA PA DRUG DANG RO NI THA DAD DRUG ,BZHI PA GNYIS PA RNAM PA BCO LNGA YIN, ,DBYE BA GSUM PA NYI SHU GCIG NYID DE, ,SMAN NI RO DRUG DE LTAR DRUG CU GSUM, ,ZHES BYA BA LA, RO LNGA'I SBYOR BA DU YOD CE NA, DRUG CES BYA BA STE, LNGA PA LA NI SKYUR GCIG PU, ,MNGAR BA LNGA NI BSTAN PA YIN, ,ZHES BSHAD PAS NI, DE LTAR LNGA PA LA NI SBYOR BA'I DBYE BA DRUG YIN NO, ,RO THA DAD DRUG CES BYA BA NI MA 'DRES PA'I NGO BO NYID LAS NI MNGAR BA DANG, SKYUR BA DANG, LAN TSVA DANG, TSA BA DANG, BSKA BA STE, RO DRUG GI DBYE BAR 'GYUR RO, ,BZHI PA GNYIS PA RNAM PA BCO LNGA YIN, ,ZHES BYA BA NI, BZHI PA DANG GNYIS PA'I DBYE BA NI RNAM PA BCO LNGA STE, DE LTAR NA BZHI BA DANG, GNYIS PA'I RNAM BA PHYE BA'I RO NI DBYE BA RNAM BA SUM CUR 'GYUR RO, ,DE YANG, ,BZHI PA LA NI MNGAR BO BCU, ,SKYUR BA BZHI BO LAN TSA GCIG ,CES SMOS PA'I PHYIR BCO LNGA YIN NO, ,DBYE BA GSUM PA NYI SHU ZHES BYA BA NI, DBYE BA RNAM PA GSUM GYIS PHYE BA'I RO RNAMS NI, DBYE BA NI RNAM PA NYI SHUR 'GYUR TE, GSUM PA MNGAR BCU SKYUR DRUG STE, ,LAN TSVA GSUM STE KHA BA GCIG ,CES BYA BA YIN PAS NA NYI SHU'O, ,GCIG NYID DE, SMAN NI RO DRUG CES BYA BA NI, SMAN NI
RO DRUG GCIG PU YIN, ,ZHES BYA BA'O, ,DE LTAR DRUG CU RTZA GSUM ZHES BYA BA NI RO RNAMS KYI DBYE BA DRUG CU RTZA GSUM YOD BA'O, ,DE DAG KYANG GONG DU GRANGS LNGA BCU RTZA BDUN DU CHAD PA'I BCOS MAR YONGS SU DBYE BA'I SBYOR BA DANG BCAS PAR BSHAD PA DANG, MA BCOS PA'I RO DRUG STE, RO DRUG CUR RO RNAMS DBYE BAR BSHAD BA GANG YIN PA DE NI DGOS PA'I DBANG DU BYAS PA LAS, MTSON CING LUS LA DGOS PA'I YUL DU RIGS PA NYID LAS, RAGS RIM JI LTA BA BZHIN DU PHYE ZHING BSHAD PA YIN GYI, PHRA BA RNAMS KYI SBYOR BA BRTZIS PA'I TSUL 'DI TZAM DU ZAD PA YANG MA YIN LA, DBYE BA YANG DRUG CU RTZA GSUM DU ZAD PA MA YIN TE, GANG GI PHYIR PHRA ZHING RAB TU PHRA BAR BRTAG PA DANG, DE BZHIN DU RAB DANG MCHOG TU BRTAG PA'I DBANG DANG, DE BZHIN RO DANG RO RJES KYI DGOS PA'I DBANG LAS NI, 'DI RNAMS KYI DBYE BA GRANGS MED PA YIN PAS NA, 'DI DAG BSTAN PAR BYA BA'I PHYIR SMRAS PA NI, DE RNAMS RO DANG RO RJES RO'I DBYE BA, ,RAB DANG RAB MCHOG DAG TU BRAGS PA LAS, ,RTZIS LAS 'DAS PAR BYUNG BAR GYUR BA NI, ,NAD DANG SMAN GYI DBANG LAS NYE BAR SBYAR, ,ZHES BYA BA LA, DRUG CU RTZA GSUM GYI GRANGS KYI DBYE BAS PHYE BA DE RNAMS NI RTZIS LAS 'DAS PA YIN TE, SHIN TU MANG BA'I PHYIR BRTZI BAR MI NUS BAR 'GYUR ZHING SKYES PAR GYUR BA YIN NO, ,DE CI LTA ZHE NA, RO DANG RJES KYI DBYE BA LAS TE, DE BAS 'BYUNG BA 'DUS PA LAS, ,BYUNG BAS SMAN RNAMS RO GCIG MIN, ,ZHES BYA BA SMOS PA YIN TE, RO DANG RJES DE GNYIS KYANG 'DI LTAR MNGAR BA'I RJES NI SKYUR BA LA SOGS PA YIN LA, SKYUR BA'I RJES NI MNGAR BA LA SOGS PA YIN PA DANG, DE BZHIN DU SKYUR BA NI LAN TSVA'I LA SOGS PA'O, ,LAN TSVA NI KHA BA LA SOGS PA STE, DE RNAMS ZHES BYA BA'I TSIG GIS THAMS CAD LA SNYEGS SU ZIN KYANG, LNGA BCU RTZA BDUN BO NYID LA CI RIGS PAR RO DANG RO RJES KYI DBYE BA BYAS NA GRANGS MED PAR 'GYUR LA, RO DRUG PO 'BA' ZHIG LA RAB DANG RAB MCHOG LA SOGS PA'I BRTAG
, ,PA LAS GRANGS MED BAR 'GYUR BA LTA SU ZHIG 'GOG ,DE GNYIS KYIS NA RAB DANG, RAB MCHOG DAG TU BRTAG PA LAS ZHES SMOS PA YIN TE, RO SBYAR BA DANG, MA SBYAR BA'I DBYE BA MCHOG DANG, RAB MCHOG DAG TU BRTAG PA NI 'DI LTAR MNGAR BA DANG, RAB TU MNGAR BA DANG, RAB MCHOG TU MNGAR BA DANG, CUNG ZAD MNGAR BA DANG, CUNG ZAD RAB TU MNGAR BA DANG, CUNG ZAD RAB MCHOG TU MNGAR BA STE, DE BZHIN DU GZHAN DAG LA YANG SBYAR BAR BYA'O, ,YANG RO'I DBYE BA DE RNAMS NAD KYI SMAN GYI DBANG GIS NYE BAR SBYAR BAR BYA STE, DE LA NAD NI RLUNG LA SOGS PA'O, ,SMAN NI AA RU RA LA SOGS PA'O, ,NAD DANG SMAN GYI MNGAR BA NI DE'I CHED DAM, DBANG DU BYAS PA'AM, DE LA LTOS PA STE, DE'I DBANG DU BYAS PA LAS YONGS SU BRTAGS TE SBYAR BAR BYA'O, ,BAB BAB TU 'CHOL BAR BYA BA NI MA YIN NO ZHES BYA BA'I DON TO, ,NAD DANG SMAN ZHES SMOS PA NI NYE BAR MTSON BA TZAM YIN PAR SHES PAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DBON ZLA BA LA DGA' BAS RNAM PAR SBYAR BA LAS, LE'U BCU PA'I RNAM PAR 'GREL PA'O;, ,,DE NAS NAD LA SOGS PA'I TSUL SHES PAR BYA BA'I LE'U BSHAD PAR BYA'O ZHES BYA BA NI, DE'I RJES THOGS LA NAD LA SOGS PA SHES PAR BYA BA BRTZAM PAR BYA'O, ,GANG GI PHYIR RO RNAMS KYIS DBYE BA DRUG CU RTZA GSUM GYIS PHYE BA DE DAG KYANG NAD KYI SMAN GYI DBANG DU SBYAR BAR BYA BA YIN PAR BSHAD LA, DE LTA BAS NA NAD LAS RJES SU DPAGS TE SBYAR BAR BYA'I, BAB BAB TU 'CHOL BAR BYA BA NI MA YIN NO, ,DE BAS NA NAD DE RNAMS NI RANG GI LAS KYI MTSAN NYID JI LTA BA NYID LAS RJES SU DPAGS TE SHES PAR BYA DGOS TE, DE SHES PAR BYA BA'I PHYIR NA LE'U 'DI BRTZAMS PA YIN NO, ,'DIR NAD RNAMS GZHI MED PAR NI JI LTAR YANG SHES PAR MI NUS LA, DE BAS NA NAD DE RNAMS KYI GZHIR GYUR PA, LUS ZUNGS DANG DRI MA RNAMS GANG YIN PA DE SHES PAR BYA DGOS PAS NA, NAD SHES PAR BYA BA 'BA' ZHIG TU MA
ZAD KYI ZHES BYA BAR NGES PAR GNAS SO, ,DE LTAR NA NAD LA SOGS PA SHES PAR BYA BA DE LA PHAN PA'I LE'U BSHAD PAR BYA ZHING BSTAN PAR BYA'O ZHES BYA BA'I DON TO, ,NAD DANG LUS ZUNGS DRI MA RNAMS, ,RTAG TU LUS KYI RTZA BA YIN, ,ZHES BYA BA LA, NAD DANG LUS ZUNGS DANG DRI MA RNAMS NI, NAD DANG LUS ZUNGS DANG DRI MA RNAMS TE, DE NI RTAG PAR DUS THAMS CAD DU LUS KYI RTZA BAR GYUR PA YIN TE, LUS NI DE LAS BYUNG BA YIN PA'I PHYIR, RTZA BA DANG 'DRA BAS NA RTZA BA STE, RGYU'I GTZO BO ZHES BYA BA'I DON TO, ,DE RLUNG DBUGS 'BYUNG DBUGS RNGUB DANG, , BSKYOD DANG LAS SPYOD SHUGS 'BYIN DANG, ,LUS ZUNGS LEGS PAR RGYU BA DANG, ,DBANG PO RNAMS NI GSAL BA DAG ,MI GNOD PA NI RJES 'DZIN YIN, ,ZHES BYA BA LA, LUS DE NI RLUNG MI GNOD CING, DBUGS 'BYUNG BA LA SOGS PAS MNYAM PAR GNAS NA LUS RJES SU 'DZIN CING RTEN PAR BYED PA YIN NO, ,DE LA DBUGS 'BYUNG BA NI GYEN DU DBUGS 'BYIN CING GTONG BA'O, ,DBUGS RNGUB BA NI DBUGS SDUD CING THUR DU 'JUG PA'O, ,BSKYOD PA NI DBUGS SU BYA BA THAMS CAD LA BRTZON ZHING RTZOL BA'O, ,LAS LA SPYOD PA NI LUS DANG NGAG DANG YID KYI LAS LA SPYOD CING 'JUG PA'O, ,SHUGS 'BYIN PA NI BSHANG BA DANG, GCI BA DANG RLUNG PHYI ROL TU 'BYIN PA'O, ,LUS ZUNGS LEGS PAR RGYU BA ZHES PA NI, LUS ZUNGS KYI SGRAS NI DANGS MA LA SOGS PA DANG, MKHRIS PA DANG BAD KAN DAG GZUNG NGO, , DE RNAMS LEGS PAR RGYU BA NI MNYAM PAR GNAS SHING 'JUG PA'O, ,DE LA MNYAM PAR RGYU BA'I GNAS SKABS NYID KYIS DE RNAMS RLUNG NYID MI GNOD PAR 'GYUR BA'I RGYU NYID YIN TE, GANG GI PHYIR RNAM PAR 'THOR ZHING 'KHRUGS PA SDUD CING BZHI BAR BYED PA YIN PA'I PHYIR RO, ,DE BZHIN DU DBANG PO RNAMS GSAL BA STE, MIG LA SOGS PA'I DBANG PO YUL 'DZIN PA LA GSAL BAR GNAS PA STE, YON TAN DE DAG DANG LDAN NA MI GNOD CING RJES SU 'DZIN PA YIN NO, ,MKHRIS PA 'JU DROD MTHONG BYED DANG, BKRES SKOM ZAS LEN MDANGS YID GZHUNGS, ,
, ,BLO LDAN DPA' SNYING LUS 'JAM PAS, ,ZHES BYA BA LA, DE MKHRIS PAR 'GYUR BA MED CING 'JU BA LA SOGS PAS RJES SU 'DZIN CING RTEN PAR BYED PA YIN NO, ,DE LA 'JU BA NI ZAS SMIN CING 'JU BA'O, ,DROD NI ME'I SHAS SO, ,MTHONG BA NI GZUGS 'DZIN PAR NUS PA'O, ,BKRES PA NI ZAS 'DOD PA'O, ,SKOM PA NI 'THUNG 'DOD PA'O, ,ZAS LEN PA NI YI GA 'BYED CING NYE BAR LONGS SPYOD PAR 'DOD PA'O, ,MDANGS NI BZHIN MDOG GSAL ZHING GZI MDANGS CHE BA'O, ,YID GZHUNGS PA NI SHES RAB DANG LDAN PA'O, ,BLO DANG LDAN PA NI BLO GROS DANG LDAN PA'O, ,DPA' SNYING NI SEMS KYIS RTUL PHOD PA YIN TE, BRTAN ZHING MI G-YO BA'O, ,LUS 'JAM BA NI LUS KYI SHA MDANGS 'JAM ZHING MNYEN PA STE, DE DAG GIS LUS KYI RTEN BYED DO, ,BAD KAN BRTAN ZHING SNUM NYID DANG, ,TSIGS 'BREL BZOD LA SOGS PAS SO, ,ZHES BYA BA LA, DE LA BAD KAN NI MI 'GYUR ZHING BRTAN PA LA SOGS PA DANG LDAN PA, LUS RJES SU 'DZIN PAR BYED DO, ,BRTAN PA NI MI G-YO BA NYID DO, ,SNUM PA NYID NI LUS SNUM PAR GYUR PA NYID DO, ,TSIGS 'BREL PA NI LHU TSIGS KYI BAR DE RNAM PAR 'BREL ZHING DAM DU GNAS PA'O, ,BZOD PA NI GNOD PA LA MI 'KHRUGS PA STE, DE DAG LA SOGS PAS PHAN PA'I LAS BYED PA YIN NO, ,LUS ZUNGS LAS GTZO GO RIMS BZHIN, ,TSIM BYED 'TSO BYED G-YOGS PA DANG, ,SNUM DANG BRTAN DANG 'GENGS PA DANG, ,MNGAL NI SKYED BYED YIN PAR BSHAD, ,CES BYA BA LA, BCUD KYI DANGS MA LA SOGS PA, LUS ZUNGS BDUN PO RNAMS KYI MCHOG DANG, GTZO BO BDUN NI GO RIMS JI LTA BA BZHIN DU TSIM PAR BYED PA LA SOGS PA YIN PAR SLOB DPON DAG GIS BSHAD CING BSTAN TO, ,DE LA TSIM PAR BYED PA NI LUS ZUNGS TSIM ZHING SEMS DGA' BAR BYED PA NI DANGS MA'I BCUD KYI LAS KYI MCHOG YIN NO, ,'TSO BAR BYED CING SROG 'DZIN PAR BYED PA NI KHRAG GI LAS SO, ,LUS KYI RUS PA G-YOGS SHING KHEBS PAR BYED PA NI SHA'I LAS SO, ,LUS SNUM ZHING BCUD CAN DU BYED PA NI TSIL GYI
LAS SO, ,LUS BRTAN ZHING MKHRANG POR BSGRENG BA NI RUS PA'I LAS YIN TE, GZHAN DU NA LUS LA RUS PA MED NA SHA'I GRONG BU NYID DU 'GYUR RO, ,RUS PA'I RKANG SBUBS 'GENGS PA NI RKANG GI LAS SO, ,MNGAL SKYED CING 'BYUNG BAR BYED PA NI KHU BA'I LAS KYI MCHOG YIN PAR BSHAD DO; ,BRTAN PAR BYED PA BSHANG BA YIN, ,'DRUL DANG 'BYIN PA GCIN GYI YIN, ,BA SPU BRTAN PA RDUL GYI YIN, ,ZHES BYA BA LA, LUS BRTAN CING 'BYIN PAR BYED PA NI, ,BSHANG PA'I LAS KYI GTZO BO YIN NO, ,ZAS 'DRUL ZHING MYAGS PA DANG, PHYI ROL DU 'BYIN ZHING 'DON PA NI, GCIN GYI LAS KYI GTZO BO YIN NO, ,SKRA DANG BA SPU BRTAN PAR 'DZIN PAR BYED PA NI, RDUL GYI LAS KYI GTZO BO YIN NO, ,RLUNG NI 'PHEL BAR GYUR PA YIS, ,SKEM DANG MDOG GNAG DROD BAG DGA', ,'DAR DANG LTO SBOS BSHANG BA SRI, , STOBS DANG GNYID DANG DBANG PO NYAMS, ,SMRA MANG MGO 'KHOR ZHUM PAR BYED, ,CES BYA BA LA, RLUNG GI NAD 'PHEL ZHING SKYES PAR GYUR PAS SKEM PA LA SOGS BSKYED PAR BYED DO, ,DE LA SKEM PA NI KHRAG LA SOGS PA ZAD PAS SKEM ZHING NYAM CHUNG BA'O, ,MDOG NAG PA NI KHA DOG NYAMS PA'O, ,DROD BAG LA DGA' BA NI DRO BA MNGON PAR 'DOD PA'O, ,'DAR BA NI G-YO ZHING 'GUL BA'O, ,LTO SBOS PA NI GSUD PA RGYAS PA'O, ,BSHANG BA SRI BA NI BSHANG GCI 'GAGS PA'O, ,STOBS LA SOGS PA NYAMS PA NI DE DAG DANG BRAL BA'O, ,SMRA MANG BA NI MA 'BREL BAR MANG DU SMRA BA'O, ,MGO 'KHOR BA NI LUS MAL NA MI GNAS SHING 'KHOR BA'O, ,ZHUM PA NI SEMS MI DGA' ZHING GDUNG BAR BYED PA'O, ,MKHRIS PA BSHANG GCI PAGS MIG SER, ,BKRES SKOM LUS TSA GNYID CHUNG BYED, ,CES BYA BA LA, MKHRIS PA 'PHEL ZHING RGYAS PAR GYUR NA, BSHANG BA LA SOGS PA SER POR BYED PA STE, BSHANG BA DANG GCI BA SRIB DANG, PAGS PA DANG, MIG GI MDOG KHA DOG SER POR 'GYUR BAR BYED PA DANG, DE BZHIN DU BKRES PA DANG, SKOM PA DANG, LUS TSA BA DANG GNYID CHUNG BA NYID DU BYED PAR
, ,'GYUR RO, ,BAD KAN DROD NYAMS MCHIL MA MANG, ,KHONG SNYOM LCI DANG SHA MDOG DKAR, ,LUS GRANG YAN LAG LHOD PA DANG, ,LUD PA DBUGS MI BDE GNYID CHE, ,DANGS MA'ANG BAD KAN DANG 'DRA LA, ,ZHES BYA BA LA, BAD KAN 'PHEL BAS ME DROD NYAMS PA LA SOGS PA BYED DO, ,DE LA DROD NYAMS PA NI PHO BA'I ME DROD NYAMS PA'O, ,MCHIL MA MANG BA NI MCHIL MA LHAG PAR 'BYUNG BA'O, ,KHONG SNYOM PA NI SPRO BA CHUNG ZHING SGYID LUG PA'O, ,LCI BA NI LUS KYI YAN LAG LCI BA NYID DO, ,SHA MDOG DKAR BA NI LUS KYI MDOG DKAR ZHING SKYA BA NYID DO, ,DE BZHIN DU LUS GRANG BA NAS GNYID CHE BA'I BAR YANG SKYED PA YIN NO, ,DANGS MA'ANG BAD KAN DANG 'DRA LA, ,ZHES BYA BA LA, BCUD KYI DANGS MA 'PHEL BAR GYUR NA, DROD NYAMS PA NAS GNYID CHE BA'I BAR BAD KAN DANG 'DRA BAR SKYED PAR BYED PA'O, , KHRAG 'PHEL ME DBAL KHONG 'BRAS MCHER, ,MDZE DANG RLUNG KHRAG MKHRIS PA KHRAG ,SKRAN DANG RNYIL NAD MIG SER DANG, ,BSKYOD DKA' DROD NYAMS RMONGS BAG DANG, ,MIG DANG GCIN PAGS DMAR BAR 'GYUR, ,ZHES BYA BA LA, KHRAG 'PHEL BA LAS NI ME DBAL LA SOGS NAD SKYED PAR 'GYUR RO, ,RLUNG KHRAG NI RLUNG DANG KHRAG 'DRES PA LAS GYUR PA'I NAD DO, ,MKHRIS PA DANG KHRAG NI MKHRIS PA DANG KHRAG 'DRES PA'O, ,RNYIL NAD NI SO'I SHA LAS KHRAG LAS GYUR PA'I SHA LHAG SKYE BA'AM SKRANG BA'O, ,BSKYOD DKA' BA NI RKANG LAG LCI BA LA BYA'O, , YANG NA BYANG GYA ZHES PA GDONG LA DMAR PO TAL TIL BYUNG BA'I PAGS NAD LA BYA'O, ,GZHAN DAG NI GO BAR ZAD DO, ,SHA 'PHEL WA BA RMEN BUM DUD, ,MKHUR TSOS BRANG LTO BRLA SBOM ZHING, ,MGUL SOGS LHAG PAR SHA YANG CHE, ,ZHES BYA BA LA, SHA 'PHEL BA LAS NI WA [?] BAL SOGS PA SKYED PAR BYED DO, ,DE BZHIN DU MKHUR TSOS DANG, BRANG DANG, LTO BA DANG, BRLA SBOM PA NYID DU 'GYUR BA DANG, MGUL PA LA SOGS PAR LHAG PAR SHA CHE BAR 'GYUR BA STE, SHA'I STENG DU SHA SKYES PA LTA BUR 'GYUR RO, ,TSIL 'PHEL DE 'DRA DE
BZHIN NGAL, ,CUNG ZAD BSKYOD KYANG DBUGS RGOD CING, ,RKUB TSOS NU MA GSUS 'PHYANG 'GYUR, ,ZHES BYA BA LA, TSIL 'PHEL BA NI SHA 'PHEL BA DE DANG 'DRA BAR WA BA LA SOGS PA SKYED BAR 'GYUR BA DANG, DE BZHIN DU NGAL BA DANG, CUNG ZAD BSKYOD CING G-YO BA DAG LA YANG DBUGS RGOD PAR 'GYUR BA DANG, RKUB TSOS DANG NU MA DANG GSUS PA DAG KYANG SBOM ZHING RGYAS PA NYID KYIS 'PHYANG BAR 'GYUR RO, ,RUS 'PHEL RUS LHAG SO LHAG 'GYUR, ,ZHES BYA BA LA, RUS PA 'PHEL BAS NI RUS PA'I STENG DU RUS PA SKYE BA DANG, DE BZHIN DU SO'I STENG DU SO 'BYUNG BAR 'GYUR RO, ,RKANG 'PHEL LUS LCI MIG RTZA G-YUNG, ,TSIGS KYI MGO BO SBOM PA DANG, ,TSIGS LA THOR BU GSO DKA' 'BYUNG, ,ZHES BYA BA LA, RKANG 'PHEL NAS NI LUS LCI BA DANG, MIG RTZA G-YUNG ZHING ZHAN PAR BYED PA DANG, TSIGS MDUD KYI MGO BO RNAMS SBOM ZHING CHE BAR 'GYUR BA DANG, TSIGS LA THOR BU G-YO ZHING MI BZAD PA 'BYUNG BAR 'GYUR RO, ,KHU 'PHEL BUD MED LA RAB GDU, ,KHU BA'I RDE'U DAG TU 'GYUR, ,ZHES BYA BA LA, KHU BA 'PHEL ZHING RGYAS PA NI BUD MED LA RAB TU GDU ZHING CHAGS PA CHE BAR 'GYUR BA DANG, KHU BA LAS BYUNG BA'I RDE'U DAG CHAGS PAR 'GYUR RO, ,BSHANG 'PHEL LTO SBOS RGYU 'KHRUG CING, ,LUS LCI LTO BA NA BAR BYED, ,CES BYA BA LA, BSHANG BA 'PHEL BAR 'GYUR BA NI, LTO BA STE KHONG SBOS SHING GANG BA DANG, RGYU MA 'KHRUG CING KRUG KRUG ZER BA DANG, LUS LCI ZHING BSKYOD DKA' BA DANG, LTO BA NA ZHING ZUG GZER SKYED PAR BYED PA YIN NO, ,GCIN 'PHEL CHU SOR ZUG CING NA, ,GCIS KYANG MA GCIS SNYAM SEMS 'GYUR, ,ZHES BYA BA LA, GCIN 'PHEL BAR GYUR PA NI CHU SOR ZUG CING LHAG PAR NA BA DANG, DE BZHIN DU GCIS SHING BTANG DU ZIN KYANG MA GCIS PA SNYAM SEMS PAR 'GYUR BA STE, YONGS SU 'DOR BA SNYAM SEMS PAR 'GYUR TE, YANG DANG YANG 'ONG BAS NA GCIS SO SNYAM DU SEMS PAR BYED PAR 'GYUR RO, ,RDUL 'PHEL RDUL CHE DRI MI
, ,ZHIM; ,G-YAN PA NYID KYANG SKYED CES BYA, ,ZHES BYA BA LA, RDUL CHEN NANG DU 'PHEL BAS RDUL RAB TU CHE BAR 'GYUR BA DANG, LUS DRI MI ZHIM PA NYID DU BYED DO, ,G-YAN PA NYID KYANG SKYED CING 'BYUNG BAR BYED PA YIN PAR SHES PAR BYA'O, ,MIG RDUL LA SOGS DRI MA RNAMS, ,MANG BAS LCI LA SOGS PAR BYED, ,CES BYA BA LA, MIG RDUL NI MIG GI DRI MA'O, ,SOGS PA'I SGRAS NI RNA BA LA SOGS PA'I DRI MA RNAMS KYANG BSDU BAR BYA'O, ,DE LTAR NA MIG RDUL LA SOGS PA'I DRI MA RNAMS MANG ZHING 'PHEL BAS LCI ZHING MANG DU 'BYUNG BA DANG, DE BZHIN DU SOGS PA ZHES SMOS PAS G-YA' BA DANG, 'DRUL BA LA SOGS PAR BYED PA BSDU'O, ,DE DAG KYANG ZAD CING 'BRI BAR 'GYUR BA'I MTSAN NYID NI, RLUNG ZAD MTSAN MA LUS MI BDE, ,SMRA NYUNG RTZOL BA CHUNG BAR 'GYUR, ,DRAN PA MI GSAL BAD KAN 'PHEL, ,SNGAR BSHAD PA YI NAD RNAMS 'BYUNG, ,ZHES BYA BA LA, RLUNG ZAD CING 'BRI BAR 'GYUR BA'I MTSAN MA NI LUS MI BDE ZHING SGYID SNYOM PA DANG, SMRA BA NYUNG ZHING GCOM CHUNG BA DANG, RTZOL ZHING LUS KYI LAS SU BYED PA DAG KYANG CHUNG ZHING ZHAN PA DANG, DRAN PA MI GSAL BA STE, RIG CING TSOR BA CHUNG BA DANG DE BZHIN DU BAD KAN 'PHEL BAR GYUR PA'I SKABS SU SNGAR BSHAD PA'I NAD DROD NYAMS PA DANG, MCHIL MA MANG BA LA SOGS PA RNAMS 'BYUNG BAR 'GYUR RO, ,MKHRIS ZAD DROD NYAMS GRANG BA DANG, ,MDOG NYAMS BYED DE, ZHES BYA BA LA, MKHRIS PA ZAD PA'I MTSAN MA NI ME'I DROD NYAMS SHING RTUL BA DANG, LUS GRANG ZHING BSIL BAG TU 'GYUR BA DANG, MDOG MDANGS NYAMS PAR BYED PAR 'GYUR RO, ,BAD KAN ZAD, ,MGO 'KHOR BAD KAN GNAS STONGS SHING, ,SNYING 'DAR TSIGS NI LHOD PAR 'GYUR, ,ZHES BYA BA LA, BAD KAN ZAD PA'I MTSAN MA NI MGO 'KHOR BA STE, LUS DANG SEMS MAL LA MI GNAS PA DANG, BAD KAN GYI GNAS SNA LA SOGS PA STONGS SHING BSKAMS PA DANG, SNYING 'DAR ZHING G-YO LA 'DZAG PA DANG, TSIGS KYI TSOGS RNAMS
LHOD CING SHIG SHIG POR 'GYUR BA YIN NO, ,CUNG ZAD RTZUB NGAL SKAM PA DANG, ,NA ZHING SGRA CHER MI BZOD 'GYUR, ,ZHES BYA BA LA, BCUD DAM DANGS MA ZAD PA'I MTSAN MA NI, LUS RTZUB PA NYID DANG, NGA LA ZHING DUB PA DANG, KHA SKAM PA DANG, NA ZHING NYAM CHUNG BA DANG, SGRA CHER GRAGS PA MI BZOD CING, TSIG SMRAS BRNAG DKA' BAR 'GYUR RO, ,KHRAG ZAD SKYUR DANG BSIL LA DGA', ,RTZA LHOD PAGS PA RTZUB PAR 'GYUR, ,ZHES BYA BA LA, KHRAG ZAD PA'I MTSAN MA NI RO SKYUR BA DANG, REG PA BSIL BA LA MNGON PAR DGA' ZHING 'DOD PA DANG; RTZA LHOD CING RNYING BA DANG, LUS KYI PAGS PA RTZUB PAR 'GYUR RO, ,SHA ZAD DBANG NYAMS MIG MKHUR BA'I, ,RUS SKAMS LHU TSIGS NA BAR 'GYUR, ,ZHES BYA BA LA, SHA ZAD PA'I MTSAN MA NI DBANG PO NYAMS SHING RANG GI YUL 'DZIN PAR MI NUS PA DANG, MIG DANG MKHUR BA'I RUS PA SKAMS SHING SHA ZAD PA DANG, LHU TSIGS RNAMS NA ZHING BCAG PA SNYAM SEMS PAR 'GYUR RO, ,TSIL ZAD GNYID CHE DPYI RKED MNGON, ,MCHER BA CHE DANG LUS SKEMS 'GYUR, ,ZHES BYA BA LA, TSIL ZAD PA'I MTSAN MA NI DPYI DANG RKED PA MNGON ZHING TSOR BA CHUNG BA DANG, MCHER PA CHE ZHING 'PHEL BA DANG, LUS SKEMS SHING RID PAR 'GYUR RO, ,RUS ZAD RUS ZUG SO DANG NI, ,SEN MO SKRA LA SOGS PA 'BYUNG, ,ZHES BYA BA LA, RUS PA ZAD PA'I MTSAN MA NI RUS PA NYID ZUG CING NA BA DANG, DE BZHIN DU SO DANG SEN MO DANG; SKRA LA SOGS PA 'BYUNG ZHING 'BYI BAR 'GYUR RO, ,RKANG ZAD RKANG SBUBS STONG PA DANG, MGO 'KHOR RAB RIB CAN DU 'GYUR, ,ZHES BYA BA LA, RKANG ZAD PA'I MTSAN MA NI RKANG GI RUS PA'I SBUBS KHONG STONG DU 'DUG PA DANG DE BZHIN DU MGO 'KHOR BA DANG, RAB RIB CAN DU 'GYUR ZHING MUN PAR 'THOMS PAR 'GYUR RO, ,KHU BZAD PAS RING NAS 'BYUNG, ,YANG NA KHU BA KHRAG NYID 'BYUNG, ,RLIG PA SHIN TU NA BA DANG, ,PHO MTSAN TSIG PA SNYAM DU SEMS, ,ZHES BYA BA LA, KHU BZAD PA'I MTSAN MA NI, KHU BA RING ZHING 'GOR
, ,NAS 'BYUNG BA DANG, YANG NA KHU BA KHRAG NYID DU 'BYUNG BAR 'GYUR BA DANG, RLIG PA DE 'BRAS BU SBUBS CAN SHIN TU NA ZHING 'JUG PA DANG, PHO MTSAN TSIG CING DU BA 'THUL BA SNYAM DU SEMS PAR 'GYUR RO, ,BSHANG ZAD RLUNG NI RGYU MA'I NANG, ,SGRA BCAS 'KHYIL BA LTA BUR BYED, ,LTO BAR RGYU ZHING GYEN DU 'GRO, ,SNYING GA RTZIB LOGS MI BZAD NA, ,ZHES BYA BA LA, BSHANG BA ZAD PA'I MTSAN MA NI RLUNG RGYU MA'I NANG NA RGYU BA SGRA DANG BCAS SHING 'KHYIL BA LTA BUR YAN MAN DU RGYU BA DANG DE BZHIN DU LTO BAR GYEN DU RGYU ZHING 'GRO BAS NA BAR BYED PA; SNYING GA DANG RTZIB LOGS GNYIS SU MI BZAD PAR NA ZHING GZER BAR BYED PA YIN NO, ,GCIN ZAD GCIN NI NYUNG SRI DANG, ,MDOG 'GYUR BA'AM KHRAG BCAS NYID, ,CES BYA BA LA, GCIN ZAD PA'I MTSAN MA NI GCIN ZAD CING CUNG ZAD 'BYUNG BA DANG, SRI ZHING NA BAR 'BYUNG BA DANG; MDOG 'GYUR BA DANG, KHRAG DANG BCAS PA NYID DU 'GYUR RO, ,RDUL ZAD SPU 'BYI SPU 'GRENGS LA, ,PAGS PA RNAMS NI 'GAS PAR 'GYUR, ,ZHES BYA BA LA, RDUL ZAD PA'I MTSAN MA NI SPU 'BYI ZHING LHUNG BA DANG, BA SPU'I BU GA 'DZUMS SHING 'GRENGS PA DANG, PAGS PA RNAMS 'GAS SHING 'GYES PAR 'GYUR BA YIN NO, ,DRI MA SHIN TU PHRA BA RNAMS, ,ZAD PAS BRTAG DKA' DRI MA YI, ,RANG GNAS BSKAMS DANG NA BA DANG, ,STONG DANG YANG BA LAS SHES BYA, ,ZHES BYA BA LA, MIG RDUL LA SOGS PA'I DRI MA SHIN TU PHRA BA RNAMS ZAD PA'I MTSAN MA NI BRTAG PAR DKA' STE, DE BAS NA DRI MA RNAMS KYI RANG GI GNAS SKABS LA SOGS PA LAS SHES SHING RTOGS PAR BYA'O, ,DRI MA RNAMS KYI RANG GI GNAS YIN PAS NA DRI MA'I RANG GNAS TE, MIG LA SOGS PA DE RNAMS BSKAMS PA DANG, NA BA DANG STONG PA DANG, YANG BA LAS ZAD PA BRTAG PAR DKA' BA'I DRI MA DE RNAMS KYI ZAD PA SHES PAR BYA'O, ,DE LTAR NAD DANG LUS ZUNGS DANG, DRI MA RNAMS KYI ZAD PA DANG 'PHEL BA RGYA CHER BSHAD NAS, MDOR BSDUS NAS SMRAS PA NI, NAD SOGS RANG NYID JI LTA BA'I, ,YON TAN 'DI NI BZLOG PA DAG ,ZAD
PA DANG NI 'PHEL 'GYUR LAS, ,'PHEL 'BRI SMAN PAS SHES PAR BYA, ,ZHES BYA BA LA, JI LTAR SHES PAR BYA ZHE NA, RANG NYID KYI MTSAN NYID JI LTA BA'I GO BZLOG PA ZAD PA LAS NI 'PHEL BAR SHES PAR BYA LA, RANG NYID KYI YON TAN GO BZLOG PA 'PHEL BAR 'GYUR BA LAS NI 'BRI BAR SHES PAR BYA STE, NAD LA SOGS PA'I NAM MTSAN NYID LAS GO BZLOG PAR 'GYUR BA'I MTSAN NYID DO, ,DE JI LTAR RLUNG GI NAD KYI YON TAN LAS GO BZLOG PA NI SNUM PA LA SOGS PA'O, ,MKHRIS PA'I NI BSIL BA LA SOGS PA'O, ,BAD KAN GYI NI RTZUB PA LA SOGS PA'O, ,DE RNAMS LAS GO BZLOG PA ZAD CING; BRI BA LAS NI NAD 'PHEL BAR SHES PAR BYA LA, DE RNAMS KYI LAS KYANG GO BZLOG PA'I MTSAN NYID 'PHEL ZHING LHAG PAR GYUR BA LAS NI, 'BRI ZHING ZAD PAR 'GYUR BAR SHES PAR BYA'O, ,DRI MA THOGS LAS 'PHEL BA STE, ,SHIN TU 'BYUNG LAS ZAD SHES BYA, ,ZHES BYA BA LA; BSHANG BA DANG GCI BA LA SOGS PA'I DRI MA RNAMS THOGS SHING 'BYUNG BAR MI BYED PA LAS NI 'PHEL BAR SHES PAR BYA LA, SHIN TU 'BYUNG ZHING LHAG PAR PHYIR 'BYUNG BA LAS NI ZAD PAR SHES PAR BYA STE, SNGAR BSHAD BA 'BA' ZHIG TU MA ZAD KYI, TSUL 'DIS KYANG SHES PAR BYA'O; ,DRI MA RNAMS 'PHEL BA DANG, ZAD PA GNYI GA YANG NAD SKYED PAR BYED PA YIN LA, DE LA YANG GANG ZHIG ZAD PAR 'GYUR BA DE 'PHEL BA BAS CHES LHAG PAR 'PHEL TE GNOD PA'I RGYUR 'GYUR BA YIN TE, DE BAS NA, LUS NI DRI MAS BRTEN PAS NA, ,'PHEL BAS ZAD PA GNOD PA YIN; ,ZHES BYA BA LA, LUS TE PHUNG PO 'DI NI DRI MAS BRTEN CING GROGS SU BYAS PA YIN PAS DRI MA RNAMS 'PHEL ZHING LHAG PAR GYUR PAS ZAD CING 'GRIB PAR GYUR PAS CHES LHAG PAR GNOD PAR BYED PA YIN NO, ,NAD LA SOGS PA'I DNGOS PO DE RNAMS LAS GANG ZHIG GZHI GANG LA BRTEN ZHE NA, DE'I PHYIR SMRAS PA NI, DE LA RLUNG NI RUS PAR GNAS, ,MKHRIS PA RDUL DANG KHRAG LA GNAS, ,BAD KAN LHAG MA GNAS, ZHES BYA BA LA, DE LA RLUNG LA SOGS PA DE RNAMS KYI NANG NAS RLUNG NI RUS PA LA BRTEN ZHING GNAS LA, MKHRIS PA NI RDUL DANG KHRAG LA GNAS
, ,SO; ,BAD KAN NI LHAG MA LA GNAS PA STE, RUS PA DANG, RDUL DANG, KHRAG NI GNAS PA PO DANG LDAN PAS, DE MA GTOGS PA LHAG MA DANGS MA DANG, SHA DANG, TSIL DANG, RKANG DANG, KHU CHU DANG, BSHANG BA DANG GCI BA LA SOGS PA GZHAN DAG LA GNAS TE, DE DAG LA GNAS PA PO MED PAS LHAG MA ZHES BYA BA LA, DANGS MA LA SOGS PA LHAG MA DE RNAMS LA BAD KAN BRTEN ZHING GNAS PA YIN NO, ,DES 'DI, ,PHAN TSUN RTEN DANG BRTEN PA YIN, ,'PHEL DANG ZAD PAR BYED PA'I SMAN, ,GCIG GI GANG YIN GZHAN GYI'ANG DE, ,ZHES BYA BA LA; GANG TSUL DE LTA BU DES NA NAD DRI MA RNAMS GNAS DANG GNAS PA PO 'PHEL BAR BYED PA YIN LA, GANG BRTEN CING ZAD PAR BYED PA NA BRTEN PA PO'I YANG ZAD PAR BYED PA YIN PAS NA GCIG GI SMAN GANG YIN PA GZHAN GYI YANG DE NYID YIN NO, ,DE LTA NA NI GANG RLUNG GI GNAS RUS PA 'PHEL BA'I SMAN DES NI, DANG PO RLUNG YANG 'PHEL BAR BYED LA, RUS PA ZAD PAR BYED PA'I SMAN DES NI RLUNG YANG ZAD PAR BYED PAR 'GYUR RO ZHE NA, RUS PA RLUNG GNYIS LA 'DI MIN, ,ZHES BYA BA YIN TE, RUS PA DANG RLUNG GNYIS MA 'PHEL BA DANG, ZAD PAR BYED PA'I SMAN 'DI LTAR MI SBYOR RO ZHES SHUGS KYIS SBYAR BAR BYA'O, ,PHAL CHER BRTAS PAS 'PHEL BAR 'GYUR, ,BAD KAN RJES MTHUN DE YI PHYIR, ,DE LAS BZLOG PAS ZAD PA YIN, RLUNG DANG RJES MTHUN, ,ZHES BYA BA LA, GANG GI PHYIR NAD DANG LUS ZUNGS 'DI RNAMS NI PHAL CHER BRTAS PAR BYAS SHING TSIM PAR BYAS PAS 'PHEL ZHING SKYE BAR 'GYUR LA, 'PHEL BA DE YANG BAD KAN DANG RJES SU MTHUN PA YIN NO, ,PHAL CHER ZHES SMOS PA NI GZHAN DAG TU NI KHA CIG 'DI LTAR MA YIN PA YANG YOD DO ZHES STON PA YIN NO, ,DE LTAR BRTAN PA LAS 'PHEL BAR 'GYUR PA'I RGYU DE'I PHYIR BRTEN PA PO'I TSUL CAN DANG NAD DANG LUS ZUNGS 'DI DAG ZAD PAR BYA BA NI DE LAS BZLOG PA STE, NYAMS SMAD PA MING GI RNAM GRANGS SU SMYUNG BAR BYA BA ZHES BYA BAS ZAD PAR 'GYUR BA YIN NO, ,DE LTAR NA, GANG YANG RUS PA 'PHEL BAR BYED PA'I SMAN SNUM PA DANG MNGAR BA LA SOGS PA DE NI RLUNG ZAD PAR BYED
PA YIN NO, ,GANG RLUNG 'PHEL BAR 'GYUR BA'I SMAN RTZUB PA DANG, KHA BA LA SOGS PA DE NI NYAMS SMAD PAR BYED PA, SMYUNG BA'I RJES SU MTHUN PAS NI RUS BZAD PAR BYED PA YIN NO, ,DE BAS NA RUS PA RLUNG GNYIS LA 'DI YIN ZHES SMOS TE, BSTAN BCOS BYED PAS PHAL MO CHE'I DBANG DU MDZAD NAS SMRAS PA NI, 'PHEL DANG ZAD PA 'BYUNG 'GYUR BA'I, ,SMYUNG DANG BRTA BAR BYA BA YIS, ,NAD NI RIM GYIS GSO BAR BYA, ,RLUNG MA GTOGS TE, ,ZHES BYA BA YIN TE, GANG GI PHYIR DE LTAR BLTA BA'I TSUL LAS NI 'PHEL BAR 'GYUR LA, NYAMS SMAD PA'I TSUL LAS NI ZAD PAR 'GYUR BA DES NA NAD KYI 'PHEL BA DANG ZAD PA 'BYUNG BAR 'GYUR BA'I SMYUNG BA DANG BRTA BAR BYA BA DAG GIS NAD KYI RNAM PA RIM GYIS GSO BAR BYA ZHING BSGRUB PAR BYA'O, ,DE YANG 'PHEL BA LAS GYUR PA'I NAD LA SMYUNG BA DANG NYAMS SMAD PAS GSO BAR BYA LA, ZAD PA LAS GYUR PA'I NAD LA NI BRTA ZHING TSIM PAR BYA BAS, BSGRUB PAR BYA'O, ,DE LTA NA NI RLUNG GSO BAR BYA BA DAG LA RLUNG 'PHEL BA LAS GYUR PA'I NAD LA NI SMYUNG BAR BYA BAS GSO DGOS LA, RLUNG ZAD PA LAS BYUNG BA'I NAD LA BRTA BAR BYA DGOS PAR 'GYUR RO ZHES RTOGS PAR GYUR PAS, DE'I PHYIR SMRAS PA NI, RLUNG MA GTOGS TE ZHES BYA BA YIN TE, GSO BA'I RIM PA DE LA RLUNG NI MA GTOGS TE, 'DI LAS GZHAN DU BYA BA YIN NO, ,DE SKYES LA, ,DE NYID BZLOG THABS SBYAR BAR BYA, ZHES BYA BA LA, RLUNG DE LAS SKYES PA'I NAD RNAMS LA NI DE NYID CES BYA BA SMYUNG BA DANG, BRTA BAR BYA BA DAG GI BZLOG PA'I THABS KYIS GSO BAR BYA BA STE, 'PHEL BA NI BRTA BAR BYA BA DANG, ZAD PA LA NI SMYUNG BAR BYA BAS GSO BAR BYA'O, ,KHYAD PAR DU NI BRAG SKYES NAD, ,GTAR GA BKRU SMAN DAG GIS SO, ,ZHES BYA BA LA, NAD KYI GSO BA LA YANG KHYAD PAR DU BYA BA NI KHRAG SKYES SHING 'PHEL BA LAS NAD DU GYUR PA LAS, GTAR GA BYA ZHING KHRAG DBYUNG BA DANG, BKRU SMAN BTANG BDAG GIS GSO ZHING BSGRUB PAR BYA'O, ,SHA CHER SKYES LAS BYUNG BA'I NAD, ,GTAR GA ME BTZA' THAL SMAN SBYAR, ,ZHES BYA BA LA, SHA CHER SKYES SHING SBOM PA LAS BYUNG BA'I NAD LA NI GTAR GA BYA BA DANG ME BTZA' GDAB PA DANG, THAL SMAN RNON PO SBYAR BA LA SOGS PAS
, ,GSO BAR BYA'O, ,TSIL CHES SBOM SKEMS GSO BAR BYA, ,ZHES BYA BA LA, TSIL CHES SHING 'PHEL BA LAS BYUNG BA'I NAD LA NI, SBOM PA GSO BA'I CHO GA RNAM PA GNYIS BSHAD PA'I TSUL GYIS GSO BAR BYA LA, TSIL ZAD PA LAS BYUNG BA'I NAD LA NI SKEM PO GSO BA'I CHO GA RNAM PA GNYIS KYIS GSO BAR BYA'O, ,RUS PA ZAD PA LAS BYUNG LA, ,MAR DANG 'O MA KHA RAR SBYAR, ,DE BZHIN 'JAM RTZI GTANG BAS GSO, ,ZHES BYA BA LA, RUS PA ZAD PA LAS BYUNG BA'I NAD LA NI, SMAN RO KHA BA DANG SBYAR BA'I 'O MA LA SOGS PAS GSO BA DANG, DE BZHIN DU 'JAM RTZI MAS GTONG BAS GSO BAR BYA'O, ,BSHANG BA 'PHEL LA 'KHRU BAS GSO, ,ZHES BYA BA LA, BSHANG BA 'PHEL BA LAS BYUNG BA'I NAD LA NI DRAG TU 'KHRU BA'I CHO GAS GSO'O, ,BSHANG BA ZAD LAS BYUNG BA'I NAD, ,RA LUG NANG KHROL ZAN DRON DANG, ,SBYAR THUG MA SHA GNYIS SOGS SBYIN, , ZHES BYA BA LA, BSHANG BA ZAD PA LAS BYUNG BA'I NAD LA NI, RA DANG LUG GI NANG KHROL RGYU MA LA SOGS PA G-YOS SU BYAS PA DANG, ZAN DRON DANG, SBYOR THUG DANG, MA SHA GNYIS PO STE MON SRAN SDE'U DANG, MON SRAN DKAR PO GNYIS SBYIN PA DANG, SOGS PA'I SGRAS RGYA SNE'U'I TSOD MA DANG; ZHO GA CHU DANG, RTZAB MO RANG SKYUR LA SOGS PA SBYIN PA BSDU'O, ,GCIN 'PHEL GYUR LA GCIN 'BRI BA, ,GCIN ZAD LAS BYUNG GCIN SNYI GSO, ,ZHES BYA BA LA, GCIN MANG BA LAS BYUNG BA'I NAD LA NI, GCIN 'BRI BA'I GSO BA'I CHO GAS GSO BAR BYA'O, ,GCIN ZAD PA LAS BYUNG BA'I NAD LA NI, GCIN SNYI BA GSO BA'I CHO GAS GSO BAR BYA'O, ,RNGUL MI 'BYUNG LA RTZOL DANG BSKU, ,RNGUL 'BYUNG CHO GAS GSO BAR BYA, ,ZHES BYA BA LA, RNGUL ZAD PA LAS BYUNG BA'I NAD LA NI, RTZOL BA LA SOGS PAS RNGUL DBYUNG BA'I CHO GAS GSO BAR BYA'O, ,LUS KYI ME DROD RANG GNAS 'DUG ,CHA SHAS LUS ZUNGS RNAMS LA BRTEN, ,DE RNAMS 'BRI ZHING RAB 'BAR BAS, ,LUS ZUNGS 'PHEL DANG ZAD PAR 'GYUR, ,ZHES BYA BA LA, ,LUS KYI ME DROD CES BYA BA, PHO BA'I ME DROD YIN LA, RANG GNAS SU 'DUG CES BYA BA, RANG GI GNAS ZHU BA'I
GNAS KYI BAR NA 'DUG PA DE'I CHA SHAS GANG YIN PA RNAMS LUS ZUNGS LA BRTEN CING GNAS PA'I CHA DE RNAMS 'BRI ZHING NYAMS DMAS PAS DANGS MA LA SOGS PA'I LUS ZUNGS RNAMS 'PHEL BAR 'GYUR LA, CHA SHAS DE RNAMS NYID RAB TU 'BAR ZHING STOBS CHE BAR GYUR BAS NI LUS ZUNGS RNAMS ZAD PAR 'GYUR RO, ,LUS ZUNGS DANG PO PHYI MA NI, ,RGYAS BYED ZAD PA'ANG DE BZHIN NO, ,ZHES BYA BA LA, LUS ZUNGS KYI DANG PO DANGS MA ZHES BYA BA RGYAS PAR GYUR NA DE'I PHYI MA KHRAG CES BYA BA'I LUS ZUNGS RGYAS PAR BYED LA, LUS ZUNGS KYI DANGS MA ZAD NA PHYI MA KHRAG KYANG DE BZHIN DU ZAD PAR 'GYUR RO, ,NAD DANG, LUS ZUNGS DANG, DRI MA DANG, DRI MA RNAMS KYI GNAS LA GNOD PA'I RIM PA DANG, NAD 'BYUNG BA'I RIM PA SMRAS PA NI, NYES 'KHRUGS PAS NI LUS ZUNGS NYEN, ,GNYI GAS DRI MA LA GNOD BYED, ,'OG NA GNYIS TE MGO BOR BDUN, ,BU GA DANG NI RNGUL 'BYUNG BA'I; ,DRI MA'I GNAS NI DRI MA STE, ,RANG RANG GNAS SU NAD SKYED 'GYUR, ,ZHES BYA BA LA, NYES PA NI RLUNG LA SOGS PA STE, DE RNAMS 'KHRUGS PA NI RANG GI RGYU RNAMS KYIS LDANG ZHING G-YOS SO, ,DES NA LUS ZUNGS BYA BA DANGS MA LA SOGS PA LA NYEN CING GNOD PAR 'GYUR RO, ,NYES PA DANG LUS ZUNGS DE GNYIS KA 'KHRUGS SHING G-YOS PAS NI DRI MA LA GNOD PAR BYED LA, GNOD PA DANG LDAN PA NI DRI MA DES NI DRI MA'I GNAS LA GNOD PA SKYED PAR 'GYUR NA, DRI MA'I GNAS DE DAG GANG YIN ZHE NA, DE'I PHYIR SMRAS PA NI, 'OG NA GNYIS TE BSHANG BA'I LAM DANG GCI BA'I LAM MO, ,MGO BOR NI DRI MA'I GNAS BDUN TE, MIG GNYIS DANG RNA BA'I BU GA GNYIS DANG, SNA'I BU GA GNYIS DANG, LKOG MA'I BU GA GCIG STE, BU GA NI BU GA'I KHUNG BU RNAMS DANG, DE BZHIN DU RNGUL 'BYUNG BAR BYED PA STE, LUS THAMS CAD DU GTOGS PA'I BA SPU'I BU GA RNAMS TE, DE THAMS CAD KYANG DRI MA'I GNAS YIN LA, DE RNAMS NI GNOD PA CAN GYI DRI MAS GNOD PA SKYED DO, ,DE BAS NA LUS ZUNGS DANG DRI MA'I GNAS DE RNAMS SU RANG RANG GI GNAS PA DE RNAMS SU RANG GI NAD SKYED CING 'BYUNG BAR 'GYUR RO, ,DE YANG LUS ZUNGS RNAMS LA NYES BAS GNOD PA SKYED LA, DRI MA'I
, ,GNAS RNAMS SU NI DRI MAS GNOD PA BSKYED NAS RANG RANG JI LTA BA'I NAD RNAMS 'BYUNG BAR 'GYUR RO, ,DE LTAR NYES PA DANG LUS ZUNGS DANG DRI MA RNAMS RANG GI LAS NYID LA SOGS PA'I KHYAD PAR GYIS BSHAD NAS, DA NI NYES PA DANG LUS ZUNGS DANG DRI MA RNAMS KYI RTZA BA, LUS 'DI'I NYES PA DANG LUS ZUNGS DANG DRI MA RNAMS ZAD DAM MA ZAD PAR GYUR KYANG SROG DANG BCAS PAR ZAD PAR GYUR LA, DE 'PHEL BAS SROG DANG BCAS PA 'PHEL BAR 'GYUR BA'I LUS GNAS PA'I RGYU'I GTZO BO DE SMRAS PA NI, LUS ZUNGS KHU BA'I MTHAR THUG PA'I, ,NANG NAS GZI CAN MDANGS MCHOG YIN; ,SNYING LA GNAS KYANG KHYAB PA DANG, ,LUS NI BRTAN PAR GNAS PA YIN, ,GANG ZHIG 'JIG NA DES 'JIG LA, ,GANG ZHIG GNAS NA GNAS GYUR PA, ,GANG LA DNGOS RNAMS SNA TSOGS PA, ,LUS LA BRTEN PA 'BYUNG BA YIN, ,ZHES BYA BA LA, LUS ZUNGS DANGS MA NAS KHU BA'I MTHAR THUG PA RNAMS KYI NANG NA GZI CAN MDANGS NI MCHOG YIN TE, SHIN TU SNYING POR GYUR PA YIN LA, DE NI MDANGS ZHES BYA BAR SLOB DPON GYIS BSHAD DO, ,DE BZHIN DU SNYING GA LA GNAS SU ZIN KYANG LUS MA LUS PAR KHYAB PA YIN NO, ,DE YANG RNAM PA GNYIS SU BSHAD DE, THIG LE DRUG PA'I TSAD DANG KHYAB PAR BYED DE, ,DE NI LUS THAMS CAD LA KHYAB PAR BYED CING THIG LE DRUG PA KHA DOG DKAR PO DANG, DMAR PO LTA BU DANG, CUNG ZAD SER POR SNANG BA KHYAD PAR DU SNYING LA GNAS PA YIN NO, ,DE YANG LUS NI BRTAN PAR GNAS PA YIN ZHES BYA BA STE, DE NI LUS BRTAN PAR GNAS PA DANG, DE BSRUNG ZHING GNAS PAR BYED PA YIN TE, DE LUS GNAS SHING 'JOG PAR BYED PA YIN NO, ,GZHAN YANG GANG ZHIG 'JIG CING MED PAR GYUR NA, NGES PAR GDON MI ZA BAR 'JIG PAR 'GYUR LA, DE BZHIN DU MDANGS GANG ZHIG GNAS SHING YOD PAR GYUR NA, SKYES BU DE GNAS SHING 'TSO BAR 'GYUR BA DANG, DE BZHIN DU MDANGS GANG LAS DNGOS PO'I NGO BO RNAMS RNAM PA DU MAR 'BYUNG ZHING SNANG BAR 'GYUR LA, LUS LA SOGS PA SNA TSOGS PAR 'BYUNG BAR 'GYUR ZHING BRTEN PA DE NI MDANGS ZHES BYA'O, ,DE YANG BSDUS PA LAS, 'BYUNG BA KUN GYI MDANGS GANG YIN, ,GZI CAN DE NI MCHOG TU BSHAD, ,DE
NI ZLA BA'I RANG BZHIN DAG ,DMAR ZHING CUNG ZHIG SER DANG BCAS, ,DANG PO MNGAL GYI SNYING PO GANG, ,GANG DE MNGAL GYI DANGS MAR GNAS, ,SNYING NI CHAGS PAR GYUR PA NA, ,GANG ZHIG SNGON CHAD BRTEN GYUR CING, ,LUS KYI DANGS MA SNUM DAG DANG, ,SROG NI GANG LA BRTEN GYUR LA, ,GANG ZHIG 'JIGS PAS 'JIG 'GYUR ZHING, ,GANG GIS LUS CAN 'TSO BYED LA, ,SNYING LA GNAS KYANG KHYAB GYUR GANG, ,DE NI SROG GI GNAS MCHOG YIN, ,ZHES BSHAD PA YIN NO, ,MDANGS NI SEMS 'KHRUGS BKRES SEMS LAS, ,MYA NGAN NGAL LA SOGS PAS ZAD, ,CES BYA BA LA, MDANGS DE NI SEMS BYUNG 'KHRUGS PA LA SOGS PAS ZAD PAR 'GYUR TE SEMS 'KHRUGS PA NI KHROS PA'O, ,BKRES PA NI SHIN TU MI BZAD PAR BRUB TSA BA'O, ,SEMS LAS NI YUL RNAM PA DU MA LA DPYOD PA'O, ,MYA NGAN NI SEMS KYI SDUG BSNGAL LO, ,NGAL BA NI LUS NYON MONGS PA'O, ,SOGS PA'I SGRAS NI 'JIG PA LA SOGS PA BSDU'O, ,DE ZAD SDANGS SHING LUS RID LA, ,YANG YANG SEMS SHING DBANG PO NYAMS, ,GZI NYAMS RTZUB DANG YID MI DGA', ,NYAM CHUNG BAR NI 'GYUR BA YIN, ,ZHES BYA BA LA, MDANGS DE ZAD CING NYAMS PAR GYUR NA MI SDANGS PA STE, GLO BUR DU SKRAG PA DANG BCAS PAR 'GYUR; DE BZHIN DU LUS RID CING ME STOBS CHUNG BA DANG, YANG DANG YANG DU SEMS SHING DPYOD PA LA BRTZON PAR GYUR PA DANG, DBANG PO THAMS CAD NYAMS SHING SDUG BSNGAL LA, MYO MYO POR NUS PA CHUNG BAR 'GYUR BA DANG, GZI BYIN NYAMS SHING SKYA BO 'OD 'OD POR 'GYUR BA DANG, RTZUB PA STE PAGS PA LA SOGS PA SNUM MED PA DANG, YID MI DGA' ZHING SEMS KYI MDUD PA'I SHAS CHE BAR 'GYUR BA DANG, NYAM CHUNG BA STE LUS ZUNGS RNAMS ZAD CING 'BRI BAR 'GYUR BA YIN NO, ,'TSO BYED SMAN DANG 'O MA DANG, ,SHA KHU LA SOGS DE'I SMAN YIN, ,ZHES BYA BA LA, MDANGS ZAD PA DE'I SMAN NI DZI BAN TI DANG, NYE'U SHING LA SOGS PA 'TSO BYED KYI SMAN RNAMS DANG, DE BZHIN DU 'O MA DANG, SHA'I KHU BA DANG, SOGS PA'I SGRAS BRTAS PAR BYED PA'I SMAN RGUN 'BRUM LA SOGS PA'I SMAN MNGAR BA'I SDE TSAN LAS BSTAN PA RNAMS BSDUS TE, DE DAG KYANG DE'I SMAN YIN NO, ,'O MA YANG 'TSO BYED
, ,YIN PAS, 'TSO BYED KYI SMAN GYI SDE TSAN GYI NANG DU GTOGS NA, CI'I PHYIR LOGS SHIG TU SMOS SHE NA, 'O MA NI DER SMAN GYI MCHOG YIN PAS KHYAD PAR DU SMOS PA YIN NO, ,ZAD PA DANG 'PHEL BA DAG NI SMAN MDOR BSDUS TE SMRAS PA NI, ZAS GANG MI 'DOD GANG ZHIG SLONG, ,DE LA MI 'PHROD 'PHROD PA NI, ,SPANG DANG SBYIN PAR BYA BA DAG ,DE DANG DES 'PHEL ZAD PAR 'GYUR, ,ZHES BYA BA LA, BZA' BAR BYA BA'I ZAS GANG SKYES BU MI 'DOD CING 'GRANGS PA DANG, YANG ZAS GANG ZHIG SLONG ZHING 'DOD PAR BYED PA DE DANG DE LA ZAS MI 'PHROD PA DANG ZHE 'GRANGS PA NI, SPANG ZHING MI BZA' BA DANG; 'PHROD PA DANG YID LA 'DOD PA NI SBYIN ZHING BZA' BAR BYA BA GANG YIN PA DE DANG DE NI NAD 'PHEL BA DANG NAD ZAD PAR 'GYUR RO, ,DE YANG 'DOD CING SLONG BA'I ZAS DE MI 'PHROD PA MED PAR GYUR NA BZA' BAR BYA'I GZHAN DU NI MA YIN NO, ,NYES PA PHYIN CI LOG PA DANG, ,MTHUN PAS SRED PA SKYED BYED DE, , PHAL CHER 'PHEL DANG ZAD PA DAG ,MI MKHAS PA YIS MI SHES SO, ,ZHES BYA BA LA, GANG GI PHYIR RLUNG LA SOGS PA'I NYES PA DAG NI PHYIN CI LOG TU GYUR PA'I ZAS KYIS YUL DE LA SRED CING DGA' BA SKYED PAR BYED LA, DE YANG PHAL CHER TE THAMS CAD DU MA YIN NO, ,ZAD PA NI ZAS KYI RIS SU GTOGS PA DANG CHA 'DRA ZHING MTHUN PA'I YON TAN GYIS YUL DE SRED PA SKYED PAR BYED DE, JI SRID RLUNG 'PHEL BA NI, ZAS SNUM PA DANG, SKYUR BA DANG, MNGAR BA LA DGA' BA SKYED PAR BYED PA'O, ,MKHRIS PA 'PHEL BAS GRANG BA DANG BSIL BA'O, ,BAD KAN 'PHEL BA NI KHA BA DANG RTZUB PA LA SRED PA SKYED PAR BYED DO, , DE LA ZAD PA LA RLUNG ZAD PAS SNUM PA DANG LAN TSVA'O, ,MKHRIS PA ZAD PAS NI SKYUR BA LA SOGS PA'O, ,BAD KAN ZAD PAS NI ZAS SNUM PA DANG, MNGAR BA LA SOGS PA LA DGA' BA SKYED PAR BYED PA NI DNGOS PO'I RANG BZHIN NAM CHOS NYID YIN NO, ,DE LTA BU'I NYES PA'I RANG BZHIN NI SMAN PA MI MKHAS SHING; SHES RAB CHUNG BAS MI SHES SHING YUL DE'I RANG BZHIN SHES PA DE LA MI SKYE'O, ,ZHES BYA BA'I DON TO, ,YANG MTSAN NYID GZHAN DAG MDOR BSDUS TE SMRAS PA NI, CI BZHIN STOBS DANG RANG JI BZHIN, ,'PHEL NA NYES PA RGYAS PAR 'GYUR, ,ZAD PAS RANG BZHIN 'DOR BAR 'GYUR, ,MNYAM NA
RANG GI LAS RNAMS BYED, ,CES BYA BA LA, NAD DANG NYES PA RNAMS KYI STOBS CI LTA BA DANG, RANG GI RANG BZHIN CI LTA BA LAS TSAD LAS 'PHEL BAR GYUR NA NI, NYES PA RGYAS SHING SKYE BAR 'GYUR LA, DE BZHIN DU ZAD PA STE RANG GI STOBS JI LTA BA DANG, RANG GI MTSAN NYID CHEN PO DANG 'BRING DANG CHUNG NGU CI LTA BA DANG, RANG GI RANG BZHIN RTZUB PA DANG, DRO BA DANG SNUM PA LA SOGS PA'I RANG BZHIN CI LTA BA ZAD PA LAS NI NAD DE RNAMS RANG GI MTSAN NYID 'DOR ZHING SPONG BAR 'GYUR RO, ,GANG GI TSE NYES PA DE RNAMS MNYAM PA STE 'PHEL BA YANG MED LA ZAD PA YANG MED PA DE'I TSE NI RANG GI TSAD DANG LDAN PAR GNAS PA YIN TE, DE'I TSE NA NI MNYAM ZHING MI 'GYUR BAR GNAS PA NYID KYIS NA, RANG GI LAS NAD LA SOGS PA'I TSUL SHES PAR BYA BA LAS BSHAD PA, DBUGS RNGUB PA DANG DBUGS DBYUNG BA LA SOGS PA'I LAS DE RNAMS BYED CING SKYED PA YIN NO, ,MTSAN NYID DES NA DE RNAMS MNYAM ZHING 'GYUR BA MED PAR SHES PAR BYA'O, ,NYES PA ZAD PA RNAMS NI LUS LA NYES PA CI YANG SKYED PAR MI BYED DE, MI LDANG BA'I PHYIR DANG, NUS PA ZAD PA'I PHYIR DANG, CI YANG MI BYED PA YIN PA'I PHYIR NYES PA CI YANG SKYED PAR MI BYED DO SNYAM DU SEMS NAS, SMAN PA DAG NYES PA ZAD PA 'PHEL BA'I PHYIR, BZA' BA DAG STER BAR BYED PA LA SBYOR BAR BYED PA NI NAM YANG MA GYUR CIG SNYAM NAS SMRAS PA NI, GANG ZHIG MNYAM PAS LUS 'DI 'PHEL BAR BYED, ,NYES PA DE NYID MI MNYAM GSOD PAR BYED, ,DE BAS ZAD PA'ANG 'PHEL BA LTA BU NI, ,PHAN PA'I SPYOD PA NYID KYIS BSRUNG BAR BYA, ,ZHES BYA BA NI, NYES PA GANG ZHIG MNYAM ZHING SNYOMS PAR GYUR PAS LUS 'PHEL BAR BYED PA'I DON DU 'GYUR TE RANG GI TSAD DANG LDAN PAR GNAS PA NI LUS MNYAM PA'I RGYUR 'GYUR RO, ,NYES PA DE NYID MI MNYAM ZHING RANG GI TSAD LAS LHAG PA'AM CHAD PAR GYUR NA LUS GSOD PAR 'GYUR RO, ,GANG GI PHYIR NYES PA MNYAM PA NI LUS 'PHEL BA'I RGYU YIN LA; MI MNYAM PA NI LUS GSOD PA'I RGYU YIN PA DE BAS NA, NYES PA RNAMS ZAD KYANG 'PHEL BA BZHIN DU PHAN PA'I SPYOD PAS BSRUNG BAR BYA STE, JI LTAR 'DI RNAMS 'PHEL NAS NAD LDANG ZHING GNOD PAR 'GYUR BAS NA, KHYAD PAR DU MI 'PHEL BA'I PHYIR SRUNG BAR BYED PA BZHIN DU ZAD PA LAS KYANG
, ,RJES SU MTHUN ZHING PHAN PA'I SPYOD PA NYID KYIS KYANG BSRUNG ZHING BSKYANG BAR BYA'O, ,YAN LAG BRGYAD PA'I SNYING PO'I RNAM PAR 'GREL BA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, LE'U BCU GCIG PA'I RNAM PAR 'GREL PA'O,, ,,DE NAS NAD KYI DBYE BA SHES PAR BYA BA'I LE'U BSHAD PAR BYA'O ZHES BYA BA LA, SNGAR NAD LA SOGS PA'I TSUL SHES PAR BYA BA BSHAD MOD KYI, NAD RNAMS NI THA DAD PAR 'BYUNG BA YIN PAS, DE'I PHYIR NAD KYI DBYE BA SHES PAR BYA BA MED PAR NAD MA LUS PA'I TSUL SHES PAR 'GYUR BA BSHAD PA MA YIN PAS DE'I PHYIR NAD LA SOGS PA'I TSUL SHES PAR BYA BA'I 'OG TU NAD KYI DBYE BA SHES PAR BYA BA'I LE'U BSHAD PA YIN NO, ,DE LA NAD RNAMS KYI DBYE BA NI NAD KYI DBYE BA STE, GNAS DANG MING DANG, DBYE BA LA SOGS PA'I RAB TU DBYE BAS SHES PAR BYA ZHING RTOGS PAR BYA BA STE, DE LA PHAN PA'I GZHUNG NI NAD KYI DBYE BA SHES PAR BYA STE, DE'I LE'U BSHAD CING BSTAN PAR BYA'O ZHES PA'O, ,DE LA RE ZHIG RLUNG LA SOGS PA LUS LA GNAS PA'I DBYE BA'I NGES PAR BRTAG PA SMRAS PA NI, ZHU BA'I GNAS DANG RKED PA DPYI, ,RNA BA RUS PA REG DBANG PO, ,RLUNG GNAS YIN TE DE LAS KYANG, ,ZHU BA'I GNAS SU KHYAD PAR GNAS, ,ZHES BYA BA LA, RLUNG GI GNAS NI ZHU BA'I GNAS LA SOGS PA YIN TE, LTE BA'I 'OG NAS RKED PA DANG, DPYI DANG, RNA BA DANG, RUS PA DANG, REG PA'I DBANG PO STE, PAGS PA RNAMS YIN LA, DE RNAMS KYI NANG NAS KYANG ZHU BA'I GNAS NI RLUNG GI KHYAD PAR GYI GNAS YIN TE, ZAS 'JU BA RNAMS GANG NA GNAS SHING BRTEN PA DE NI LHAG PAR RLUNG GI GNAS YIN NO, ,MKHRIS GNAS LTE BA PHO BA RDUL, ,CHU SER DANGS MA KHRAG DANG NI, ,MIG DANG PAGS PA DAG YIN TE, ,DE LAS LTE BA KHYAD PAR GNAS, ,ZHES BYA BA LA, MKHRIS PA'I GNAS NI LTE BA LA SOGS PA YIN TE, PHO BA NI LTE BA YAN CHAD KYI MA ZHU BA'I GNAS SPYI LA BYA'O, ,CHU SER NI PAGS PA'I SHA MDANGS NA CHUR GNAS TE 'DUG PA LA BYA STE, PAGS PA PHRUGS PA LAS CHU'I RNAM PAR BYUNG BAR SNANG BA'O, ,DANGS MA DANG KHRAG NI LUS ZUNGS DANG PO
DANG GNYIS PA'O, ,MIG NI MIG GI DBANG PO'O, ,PAGS PA NI REG PA'I DBANG PO STE, DE NI RLUNG GNAS YIN PAR BSTAN MOD KYI, MKHRIS PA'I YANG DE NYID YIN TE, RLUNG GI GROGS YIN PA'I PHYIR RO, ,'DIR GNAS DE DAG LAS KYANG LTE BA NI KHYAD PAR GYI GNAS YIN NO, ,BAD KAN BRANG DANG MGUL PA MGO, ,GLO BA RUS TSIGS MA ZHU'I GNAS, ,DANGS MA TSIL DANG SNA LCER GNAS, ,BRANG NI KHYAD PAR DAG GI GNAS, ,ZHES BYA BA LA, BAD KAN GYI GNAS NI BRANG LA SOGS PA YIN NO, ,DE LA BRANG NI THOD KHA'I GNAS SO, ,MGUL BA NI LKOG MA'O, ,MGO BO NI SPYI BO'O, , GLO BA NI KHONG PA'I NANG CHA STE, LUS KYI YAN LAG GI DBYE BA LAS 'OG NAS BSHAD DO, ,RUS TSIGS NI TSIGS KYI MDUD PA'O, ,PHO BA'I GNAS NI LTE BA YAN CHAD DO, ,DANGS MA LA SOGS PA NI GO BAR ZAD DO, ,'DIR GNAS 'DI RNAMS KYI NANG NA BRANG NI BAD KAN GYI KHYAD PAR GYI GNAS SO, , RLUNG NI SROG SOGS DBYE BA YIS, ,LNGA YI BDAG NYID, CES BYA BA LA, RLUNG GCIG PU G-YO BA'I BDAG NYID CAN, GCIG PU NI SROG DANG, STOD DU RGYU BA DANG, KHYAB BYED DANG, ME DANG MNYAM DU GNAS PA DANG, THUR DU SEL BA ZHES BYA BA RNAM PA LNGA'I BDAG NYID CAN DU GNAS PA LA SOGS PA'I DBYE BAS 'GYUR RO, ,'DIR SROG NI, SPYIR GNAS BRANG DANG GRE BAR RGYU, ,BLO DANG DBANG PO SEMS 'DZIN BYED, ,MCHIL 'DOR SBRID 'BYUNG SGREGS PA 'DON, ,DBUGS RNGUB ZAS NI MID PAR BYED, ,CES BYA BA LA, 'DIR LNGA PO 'DI DAG GI NANG NAS SROG CES BYA BA'I RLUNG NI SPYI BOR GNAS SHING MGO LA BRTEN PA DANG, BRANG DANG GRE BAR RGYU ZHING 'GRO BA DANG, BLO DANG DBANG PO DANG SEMS 'DZIN PAR BYED PA DANG, MCHIL MA LA SOGS PA 'DOR ZHING 'BYIN PAR BYED DO, ,MCHIL MA NI KHA NAS BAD KAN 'BYUNG BA'O, ,DBUGS RNGUB PA NI DBUGS NANG DU SDUD PA'O, ,GYEN RGYU'I GNAS NI BRANG YIN TE, ,SNA DANG LCE DANG LKOG MAR RGYU, ,TSIG 'BYIN 'BAD RTZOL MDANGS DANG NI, ,STOBS DANG KHA DOG DRAN LAS BYED, ,CES BYA BA LA, RLUNG GYEN DU RGYU BA'I GNAS NI BRANG YIN TE, DER BRTEN NAS SNA LA SOGS PA GSUM DU RGYU BAR BYED DO, ,DE'I DBYE BA NI TSIG 'BYIN PA
, ,LA SOGS PA YIN TE, 'BAD RTZOL NI BYA BA LA BRTZON PA'O, ,MDANGS NI GZI MDANGS DANG LDAN PA'O, ,STOBS NI NUS PA'O, ,KHA DOG NI DKAR PO LA SOGS PA'I DBYE BAS PHYE BA'O, ,DRAN PA NI 'DAS PA'I DON MA BRJED PA'O, ,KHYAB BYED SNYING GNAS LUS KUN LA, , MA LUS KHYAB CING RAB TU MGYOGS, ,'GRO DANG 'DEGS DANG 'JOG PA DANG, ,MIG 'BYED 'DZUMS PA LA SOGS PA, ,LUS CAN BYA BA PHAL CHER NI, ,DE LA RAG NI LUS PA YIN, ,ZHES BYA BA LA, RLUNG KHYAB BYED CES BYA BA NI SNYING LA GNAS TE, LUS KUN MA LUS PAR KHYAB CING RGYU BA YIN LA, RAB TU MGYOGS PA STE MYUR DU 'GRO ZHING SHAS CHER MGYOGS PA YIN NO, ,DE'I LAS NI 'GRO BA LA SOGS PA'I LUS CAN TE, SEMS CAN GYI BYA BA THAMS CAD LAS PHAL CHER TE, MANG DU RLUNG DE LAS RAG LAS SHING LTOS PA YIN NO, ,DE YANG 'GRO BA NI YUL NAS YUL GZHAN DU 'GRO BA LA SOGS PA'O, ,'DEGS PA NI GYEN DU 'DREN PA'O, ,'JOG PA NI YAN LAG SMAD DE 'JOG PA'O, ,MIG 'BYED PA NI MIG GI RDZI MA GNYIS 'BYED PA'O, ,'DZUMS PA NI DE NYID 'DZUMS PA'O, ,MNYAM GNAS ME DROD NYE BAR GNAS, ,NANG KHROL KUN TU RGYU BA YIN, ,BYA BA ZAS LEN 'JU BA DANG, ,DANGS SNYIGS 'BYED CING 'DOR BAR BYED, ,CES BYA BA LA, RLUNG ME DANG MNYAM DU GNAS PA ZHES BYA BA NI, PHO BA'I ME DROD DANG NYE BAR GNAS TE, NANG GROL GYI NANG NA MA ZHU BA'I GNAS ZHES BYA BA DER BRTEN NAS NANG GROL DU RGYU ZHING SPYOD PA YIN LA, DE'I LAS KYI BYE BRAG NI ZAS LEN CING 'DZIN PA DANG DE BZHIN DU 'JU ZHING SMIN PAR BYED PA DANG DANGS SNYIGS 'BYED CING BYE BRAG 'BYED PA DANG PHYI ROL DU 'DOR ZHING 'BYIN PAR BYED PA YIN NO, ,THUR SEL GZHANG GNAS 'DONG MO DANG, ,LGANG PA PHO MTSAN BRLA NANG RGYU, ,BYA BA KHU BA BZLA MTSAN DANG, ,BSHANG GCI MNGAL NAS 'BYIN PAR BYED, ,CES BYA BA LA, RLUNG THUR DU SEL BA ZHES BYA BA NI GZHANG NA GNAS PA STE, RKED PA'I 'OG NA 'DUG PA DANG, DE BZHIN DU 'DONG MO ZHES BYA BA MJUG TO'I NANG LA SOGS PA'I GNAS NA RGYU BA DANG, LGANG PA DANG PHO MTSAN DANG BRLA'I NANG NA RGYU BA YIN NO, ,BYA BA'I LAS
NI KHU BA DANG ZLA MTSAN 'BYIN PA LA SOGS PA YIN NO, ,MKHRIS PA'I RANG BZHIN LNGA, ZHES BYA BA LA, MKHRIS PA'I RANG BZHIN NI RNAM PA LNGA STE, 'JU BYED DANG, DMAR SGYUR DANG, SGRUB BYED DANG, MTHONG BYED DANG, MDOG GSAL LO, ,DE LA, ,ZHU DANG MA ZHU'I BAR NA GNAS, , 'BYUNG LNGA'I BDAG NYID CAN GYIS NI, ,GANG ME'I YON TAN SHAS CHE BAS, ,GSHER NYID SKEMS BYED 'JU LA SOGS, ,LAS KYI ME YI SGRAR BSHAD DO, ,ZAS NI 'JU DANG DE BZHIN DU, ,DANGS MA SNYIGS MA 'BYED PAR BYED, ,DER GNAS BZHIN DU MKHRIS PA NI, ,LHAG MA RNAMS KYI GROGS BYED PAS, ,STOBS SKYED PA YIS BYED 'GYUR BA, ,DE NI 'JU BYED CES BSHAD DO, ,ZHES BYA BA LA, DE LA ZHES BYA BA LNGA PO DE RNAMS KYI NANG NAS, MKHRIS PA 'JU BYED CES BYA BA NI ZHU BA'I GNAS DANG MA ZHU BA'I GNAS KYI BAR NA GNAS SHING BRTEN LA, DE YANG 'BYUNG BA CHEN PO LNGA'I BDAG NYID CAN DU GYUR PA YIN GYIS KYANG GANG GI PHYIR ME'I YON TAN GYI SHAS CHE ZHING BDO BAS GSHER BA NYID SKEMS PAR BYED PA YIN ZHING, ZLA BA'I YON TAN ZAD PAR BYAS PAS GSHER BA NYID SKEMS PA YIN TE, DES NA 'JU BA LA SOGS PA'I LAS KYIS TE 'JU BA DANG SREG PA LA SOGS PA'I BYA BA'I LAS KYIS ME'I SGRAR BSHAD CING MING 'THOB PA YIN NO, ,DE BZHIN DU ZAS RNAM PA BZHI 'JU BAR BYED PA YIN NO, ,ZAS ZHU BAR GYUR PA RNAMS KYI DANGS MA DANG SNYIGS MA 'BYED BAR BYED CING BYE BRAG TU THA DAD PAR BYED PA DANG ZHU BA DANG MA ZHU BA'I BAR DER GNAS BZHIN DU MKHRIS PA DMAR SGYUR LA SOGS PA BZHI PO GROGS BYED CING STOBS BYED LA, STOBS SKYED PA STE NUS PA SKYED PAR BYED PAR 'GYUR TE, MKHRIS PA DE NI 'JU BAR BYED CES BSHAD DO, ,MKHRIS PA MA ZHU'I GNAS LA BRTEN, ,DANGS MDOG SGYUR BAS DMAR SGYUR YIN, ,ZHES BYA BA LA, DMAR SGYUR ZHES BYA BA'I MKHRIS PA NI MA ZHU BA'I GNAS LA BRTEN CING GNAS NAS, LUS ZUNGS DANGS MA ZHES BYA BA KHRAG GI RANG BZHIN DU MDOG SGYUR BAR BYED PAS, DMAR POR BYED PA'I PHYIR DMAR SGYUR ZHES BYA BA'I SGRAR BSHAD PA YIN NO, ,MKHRIS PA SGRUB BYED SNYING LA GNAS, ,BLO DANG YID GZHUNGS NGA RGYAL SOGS, ,MNGON 'DOD DON NI SGRUB BYED PAS, ,ZHES BYA BA LA, MKHRIS PA SGRUB BYED
, ,CES BYA BA SNYING LA GNAS SHING BRTEN PA GANG YIN PA DE NI BLO LA SOGS PA'I RGYUR GYUR PAS MNGON PAR 'DOD PA'I DON RDZOGS PAR BYED CING, PHYI'I DON RNAMS 'DZIN CING DRAN PAR BYED PA LA SOGS PA'I TSUL GYIS SGRUB PAR BYED PAS NA DE NI SGRUB BYED CES BYA'O, ,BLO DANG YID GZHUNGS PA NI PHAN TSUN KHYAD PAR YOD PAR SHES PAR BYA STE, DA LTAR BYUNG BA'I DUS SU DON GANG LA YID THE TSOM DU GYUR PA'I DON DE LA TSIG 'DI'I DON NI 'DI YIN NO, ,ZHES GANG NGES PA SKYED PA DE NI BLO ZHES BYA LA, YID GZHUNGS PA NI BLO'I KHYAD PAR YIN NO, ,MIG LA GNAS TE GZUGS MTHONG BYED, , MTHONG BYED CES BSHAD, CES BYA BA LA, MIG GI DBANG PO LA GNAS PA'I MKHRIS PA NI, MIG 'BRAS KYI NANG NA GNAS NAS GZUGS MTHONG BAR BYED PAS NA MTHONG BYED CES BSHAD DO, ,GZUGS 'DZIN PA DE NI DE LA RAG LAS PA YIN PA'I PHYIR RO, ,MDOG GSAL NI, ,PAGS MDOG GSAL BYED PAGS PAR GNAS, ,ZHES BYA BA LA, MKHRIS PA MDOG GSAL NI PAGS PA MDOG GSAL ZHING DANG BAR BYED PAS NA MDOG GSAL ZHES BYA LA, DE'I GNAS NI PAGS PAR GNAS SO, ,DES NA BSKU BA LA SOGS PA 'JU ZHING SMIN PAR BYED DO, ,'JU BAR MA GYUR PA'I SMAN GYIS NI RANG GI BYA BA MI BYED DO, ,BAD KAN RNAM LNGA ZHES BYA BA NI, RTEN BYED DANG, MYAGS BYED DANG, MYONG BYED DANG, BRTAS BYED DANG, 'BYOR BYED DANG, DBYE BA RNAM PA LNGA'O, ,BAD KAN RNAM LNGA BRANG GNAS PA, ,RANG GI STOBS KYIS SUM MDO DANG, ,SNYING DANG ZAS KYI MTHU DANG NI, ,DE NYID LA GNAS CHU'I LAS BYED, ,BAD KAN LHAG MA'I GNAS GYUR PA'I, ,RTEN NI GANG PHYIR BYED GYUR PAS, ,DE PHYIR RTEN BYED CES BSHAD DO, ,ZHES BYA BA LA, YANG BAD KAN DE LAS, BRANG LA GNAS PA DE RANG GI STOBS SAM, NUS PAS SUM MDO ZHES BYA BA DPUNG PA GNYIS DANG, GNYA' BA 'DUS PA'I MDO RANG GI NUS PAS RTEN PAR BYED CING, RANG GI BYA BA'I NUS PA SKYED PAR BYED PAS NA RTEN BYED CES BYA'O, ,DE BZHIN DU SNYING GAR ZAS ZOS PA'I MTHU DANGS MA'I TSUL GYIS RTEN PAR BYED PA RANG GI STOBS KYIS GNAS PA DANG, DE BZHIN DU BRANG DE NYID LA GNAS NAS, CHU'I
LAS BYED CING CHU'I BYA BA NGOMS PA DANG, 'GENGS PA ZHES BYED PAS, BAD KAN LHAG MA RNAM PA BZHI'I GNAS SU GYUR CING RTEN BYED DE, GANG GI PHYIR RGYU DE LTAR BYED PAR GYUR PAS, DE'I PHYIR BAD KAN RTEN BYED CES MING DU BSHAD DO, ,GANG ZHIG MA ZHU'I GNAS LA GNAS, ,DE NI ZAS TSOGS 'DRUL BYED PAS, ,MYAGS BYED CES NI BYA BA YIN, ,ZHES BYA BA LA, BAD KAN DE NYID GANG MA ZHU BA'I GNAS LA GNAS SHING, DES ZAS KYI TSOGS TE, ZAS KYI PHUNG PO 'DRUL BAR BYED CING, MDAG MDAG POR BYED PAS NA, MING MYAGS BYED CES BYA BA YIN NO, ,MYONG BYED LCE GNAS RO TSOR BYED; ,CES BYA BA LA, BAD KAN MYONG BYED NI LCER GNAS NAS RO LEGS PAR TSOR BAR BYED CING, SHES PAR BYED PAS MYONG BYED CES BYA'O, ,BRTAS BYED MGOR GNAS DBANG PO NI, ,TSIM PAR BYED DE, ,ZHES BYA BA LA, BAD KAN BRTAS BYED NI MGO BOR GNAS NAS, MIG LA SOGS PA'I DBANG PO RNAMS TSIM PAR BYED CING BRTAS PAR BYED PAS NA, MING BRTAS BYED CES BYA'O, ,'BYOR BYED NI, TSIGS LA GNAS NAS 'BYOR BAR BYED, ,CES BYA BA LA, BAD KAN 'BYOR BYED CES BYA BA YAN LAG GI TSIGS LA GNAS NAS TSIGS RNAMS 'BYOR BAR BYED PAS NA, 'BYOR BYED CES BYA'O, ,DE LTAR NA NAD RNAMS KYI GNAS DANG LAS RNAMS RNAM PAR PHYE STE BSHAD NAS NYE BAR BSDU BA'I PHYIR SMRAS PA NI, DE LTAR NAD NI PHAL MO CHE, ,MI 'GYUR BDAG NYID CAN KHYAB KYANG, ,GNAS YIN PAR NI SHES BYA STE, ,LAS RNAMS KYANG NI THA DAD YIN, ,ZHES BYA BA YIN TE, BSHAD MA THAG PA'I TSUL DE LTAR RLUNG LA SOGS PA'I NAD PHAL MO CHE MANG PO MI 'GYUR BA'I BDAG NYID CAN TE, BSTAN BCOS LAS JI SKAD BSHAD PA'I RANG GI TSAD DANG LDAN PAR GNAS SHING, MI MNYAM PA MED PAR GYUR PA DAG NI LUS KUN MA LUS PAR KHYAB CING RGYU BA YIN YANG, RANG RANG GI GNAS DE DAG YIN PAR SHES PAR BYA ZHING LONG DU CHUD PAR BYA'O, ,GNAS 'BA' ZHIG TU MA ZAD KYI, DE RNAMS KYI LAS RNAMS KYANG SO SO THA DAD PA YIN PAR SHES PAR BYA'O, ,RLUNG LA SOGS PA DE DAG RE RE ZHING RNAM PA LNGAR PHYE BA YIN MOD KYI, 'ON KYANG RTZUB PA DANG, SNUM PA NYID KYI RANG
, ,GI MTSAN NYID 'DOR BAR BYED PA YIN PAS NA, DE'I PHYIR RDZAS LA BRTEN PA'I YON TAN MNYAM PAS NI, NAD DE RNAMS KYI SOGS PA DANG 'PHEL BAR 'GYUR BA YIN, DE RNAMS KYI RANG GI MTSAN NYID DANG MI MTHUN PA'I YON TAN RDZAS LA BRTEN PAS NI ZHI BAR GYUR BA YIN NA; 'DIR GZHAN DAG LA LTOS SHING RAG LAS PA NI CUNG ZAD KYANG MED DE, THAMS CAD KYANG YON TAN MNYAM PAS NI 'PHEL BAR 'GYUR LA, MI MTHUN PAS NI ZHI BAR BYED PA YIN NO SNYAM DU SEMS PA LA, DE'I PHYIR GZHUNG RTZOM PAR BYED PAS 'DI SKAD CES SMRAS PA NI, RTZUB SOGS DRO BAR LDAN PA NI, ,RLUNG NI SOGS PAR 'GYUR BA YIN, ,GRANG BAS LDANG BYED SNUM LA SOGS, ,YON TAN DRO LDAN ZHI BYED 'GYUR, ,ZHES BYA BA YIN TE, RTZUB PA LA SOGS PA'I YON TAN NI RTZUB PA DANG, BSIL BAR BYED PA DANG, PHRA BA DANG G-YO BA DAG NI YON TAN DRO BA DANG LDAN ZHING, RLUNG GI GNYEN POR GYUR CING DE DANG MI MTHUN PA'I YON TAN DANG LDAN NA RLUNG NAD SOGS SHING 'PHEL BAR 'GYUR BA YIN TE, RLUNG GI YON TAN GYI SPYI'I MTSAN NYID TZAM DANG LDAN PA'I RTZUB PA LA SOGS PA DAG NI, RLUNG SOGS SHING 'PHEL BA'I RGYUR GYUR PA YIN MOD KYI, 'ON KYANG DE GCIG PUR MA ZAD DE, YON TAN DRO BA RLUNG GI GNYEN POR 'GYUR BA DANG LDAN PA'I RTZUB PA LA SOGS PA DE DAG KYANG RLUNG SOGS PAR BYED DO, ,YANG RTZUB PA LA SOGS PA'I RLUNG GI YON TAN DE DAG RLUNG DANG LDAN PAR GRANG BA'I YON TAN DANG LDAN PA NI RANG GI RJES SU MTHUN PA YIN PAS NA, RLUNG LDANG BAR BYED PA YIN NO, ,SNUM PA LA SOGS PA'I YON TAN DE, SNUM PA DANG, LCI BA DANG, PHRA BA DANG, SBOM PA DANG, BRTAN PA DAG DRO BA'I YON TAN DANG LDAN NA RLUNG RAB TU ZHI BAR BYED DO, ,RNO SOGS BSIL BA DANG LDAN PAS, ,MKHRIS PA SOGS BAR BYED 'GYUR LA, ,DRO BAS LDANG ZHING RO RTUL SOGS, ,BSIL BAR LDAN PAS ZHI BAR 'GYUR, ,ZHES BYA BA LA, RNO BA LA SOGS PA'I YON TAN NI RNO BA DANG, YANG BA DANG, DRI NGA BA DANG, 'KHRU BA DANG, SLA BA STE, MKHRIS PA'I YON TAN CHA MNYAM PA DAG NI BSIL BA'I YON TAN MKHRIS PA'I MI MTHUN PHYOGS DANG
LDAN PAS, MKHRIS PA'I NAD SOGS SHING 'PHEL BAR 'GYUR LA, RNO BA LA SOGS PA'I YON TAN MKHRIS PA'I YON TAN GYI CHA DANG MNYAM PA DE NYID MKHRIS PA'I YON TAN DANG RJES SU MTHUN PA DRO BA'I YON TAN DANG LDAN PAS LDANG ZHING 'KHRUGS PAR BYED DO, ,DE RO RTUL BA LA SOGS PA'I YON TAN TE, RO RTUL BA DANG, LCI BA DANG, RTZUB PA DANG, BRTAN PA DANG, BSKA BA DANG, DANG BA'I MTSAN NYID MKHRIS PA'I YON TAN GYI MI MTHUN PA'I PHYOGS SU GYUR PA BSIL BA ZHES PA YANG MKHRIS PA'I GNYEN POR GYUR BA DANG LDAN PAS ZHI BAR BYED PAR 'GYUR RO, ,SNUM SOGS GRANG DANG LDAN PA YIS, ,BAD KAN SOGS PAR BYED 'GYUR LA, ,DRO BAS LDANG 'GYUR DE NYID NI, ,RTZUB SOGS YON TAN GYIS ZHIR 'GYUR, ,ZHES BYA BA LA, SNUM PA'I YON TAN NI LCI BA DANG, RTUL BA DANG, 'JAM PA DANG, BRTAN PA STE, BAD KAN GYI YON TAN DANG CHA MNYAM PA DAG ,GRANG DANG LDAN PA YIS, ZHES BYA BA BAD KAN GYI YON TAN GRANG BA DANG LDAN PAR GYUR NA, BAD KAN SOGS PAR BYED PAR 'GYUR TE, BAD KAN NI SNUM PA LA SOGS PA'I YON TAN DAG NI DE'I YON TAN DANG CHA MTHUN PA YIN PAS, DE TZAM GYIS GANG LA YANG MI LTOS PAR SOGS PAR BYED PA MA YIN GYI, GZHAN DU NI GRANG BA'I YON TAN LHAG PAR GYUR PA LA LTOS NA GRANG BA LHAG PAR SHAS CHE BA'I YON TAN DE DANG LDAN NA, SNUM PA LA SOGS PA BAD KAN 'PHEL ZHING SOGS PAR BYED DO, ,DE YANG 'DIR SNUM PA LA SOGS PA'I BAD KAN GYI YON TAN RNAMS GRANG ZHING BSIL BAS BSDUS PAR BSHAD PA NI GRANG BAS BSGONGS SHING 'KHYAGS PAR BYAS PAS SOGS PA NYID DU 'GYUR BA YIN LA, DRO BA LA SOGS PA BAD KAN GYI YON TAN DANG CHA MTHUN PA 'DI DAG NYID DRO BA'I YON TAN GYI GNYEN POR GYUR PA DANG LDAN PAS, BAD KAN ZHU BAR BYAS PA'I SGO NAS LDANG BAR 'GYUR BA YIN NO, ,DE NYID NI ZHES PA DRO BA'I YON TAN BAD KAN GYI GNYEN POR GYUR PA DE NYID, RTZUB SOGS YON TAN GYIS ZHES PA, RTZUB PA DANG, YANG BA DANG, RNO BA DANG, MKHRANG BA DANG, G-YO BA STE, BAD KAN GYI
, ,YON TAN GYI GNYEN POR GYUR PA DANG LDAN PAS ZHI BAR BYED PAR 'GYUR RO, ,DE LA DNGOS PO RNAMS KYI CHOS NYID DANG, RANG BZHIN NI 'DI YIN TE, GAL TE RTZUB PA LA SOGS PA 'BA' ZHIG NYID RLUNG GI YON TAN DANG CHA MTHUN PA TZAM GYIS RLUNG LHAG PAR 'PHEL BAR GYUR NA NI, DE'I TSE DE RNAMS LA RLUNG GI YON TAN GYI GNYEN POR 'GYUR BA, DRO BA ZHES BYA BA MED PAS RTZUB PA LA SOGS PA RNAMS RLUNG LDANG ZHING 'KHRUGS PA'I GNAS SKABS SKYED KYI, SOGS PAR NI MI BYED LA, YANG GANG GI TSE YON TAN DRO BA'I NUS PA DANG 'BREL BAS RTZUB PA DE RNAMS NUS PA ZHAN PAR GYUR PA'I PHYIR SOGS PA'I GNAS SKABS SKYED KYI, LDANG BA'I GNAS SKABS NI MI BYED DE, NUS PA ZHAN PA YIN PA'I PHYIR RO, ,MKHRIS PA LA RNO BA LA SOGS PA 'BA' ZHIG GI GNYEN PO BSIL BA'I YON TAN MED PAR NI LDANG BA'I GNAS SKABS SKYED KYI, SOGS PA'I GNAS SKABS SU MI BYED DE, RIGS PA SNGA MA'I TSUL GYIS SO, ,BAD KAN LA YANG SNUM PA LA SOGS PA'I YON TAN DANG CHA MTHUN PAR GYUR PA YIN DU ZIN KYANG, GRANG BA'I YON TAN GYI SHAS LHAG PAR CHE BA DANG LDAN PAS BAD KAN 'KHYAGS SHING BSGONGS PA'I TSUL SKYED PAR BYED PAS SO, ,SOGS PA'I GNAS SKABS NYID BYED KYI, 'DI'I LDANG BA'I GNAS SKABS NI MI BYED DO, ,DE YANG DE'I GNYEN POR GYUR PA GRANG BA'I YON TAN DANG LDAN PA'I SNUM PA LA SOGS PAS BAD KAN 'DI'I GZUGS ZHU BAR BYAS NAS, LDANG BA'I GNAS SKABS SKYED PAR BYED NUS KYI, ZHU BAR BYED PA'I RANG BZHIN CAN YIN PA'I PHYIR SOGS PAR BYED PA'I GNAS SKABS NI BYED MI NUS SO, ,DE LTAR RLUNG LA SOGS PA DANG LDAN PA CI LTA BA NYID YON TAN JI LTA BA LAS BYUNG BA DE LTAR BSTAN NAS, DA NI SOGS PA DANG 'PHEL BA JI LTA BA NYID DU 'KHRUL PA DAG BSAL BA'I PHYIR GZHUNG RTZOM PAR BYED PAS, RANG GI MTSAN
NYID BSHAD PA'I 'OG TU SMRAS PA NI, RANG GNAS NYID DU 'PHEL SOGS YIN, ,DKYEL GYUR RGYU LAS 'KHRUGS PA DANG, ,MI MTHUN PA YI YON TAN 'DOD, ,CES BYA BA YIN NO, ,GANG NYES PA RNAMS RANG RANG GI GNAS SU 'PHEL BAR 'GYUR BA YIN, ZHES BYA BA 'DIS NI SOGS PA BSHAD CING BSTAN PA YIN NO, ,DKYEL GYUR RGYU LAS 'KHRUGS PA DANG, ,ZHES BYA BA LA, DE BZHIN DU PHYIN CI LOG PA'I YON TAN 'DOD, CES BYA BAS NI RGYU BSTAN PA YIN NO, ,DE LTAR NA GANG GI TSE RLUNG LA SOGS PAR 'GYUR BA DE'I TSE RTZUB BA LA SOGS PA'I YON TAN DANG CHA MTHUN PA RNAMS, DKYEL DU GYUR PA'I RGYU LAS 'KHRUGS PAR 'GYUR LA, DE DANG MI MTHUN PA'I YON TAN SNUM PA LA SOGS PA 'DOD CING, MNGON PAR DGA' BA LAS 'DI'I RJES SU DPAG PAR BYA'O, , DES NA 'DI SKAD STON PAR 'GYUR TE, RANG GI GNAS TE NAD RANG NYID KYI GNAS SU GANG 'PHEL BAR GYUR PA DE NI SOGS PA YIN LA, NAD RNAMS SOGS PAR GYUR NAS DKYEL DU GYUR PA'I RGYU LAS NI 'KHRUGS SHING G-YOS PAR GYUR PA DANG, DE DANG MI MTHUN PA'I YON TAN SNUM PA LA SOGS PA 'DOD PA SKYES PAR 'GYUR RO, ,LDANG BA LOG PA'I LAM ZHUGS NYID, ,RANG GI RTAGS NI STON PA DANG, ,BDE MED NAD NI 'BYUNG 'GYUR BA'O, ,ZHES BYA BA LA, YANG LDANG BA NI 'PHEL ZHING LHAG PAR GYUR BA LAS, NAD RNAMS RANG GI GNAS LAS GNAS GZHAN DU 'GRO BA STE, RANG GI GNAS SPANGS NAS, LOG PA'I LAM GZHAN DU ZHUGS PAR 'GYUR TE, LDANG BA LOG PA'I LAM ZHUGS NYID, ,CES BYA BA 'DIS NI NAD LDANG BA STON PA YIN NO, ,GZHAN DU NA 'PHEL BA TZAM GYI RANG BZHIN DU MTHUN PAS NA TSUL GCIG PA NYID DU 'GYUR RO, ,DES NA SOGS PA NI RANG GI GNAS NYID DU NAD GANG 'PHEL BAR MA GYUR PA LA BYA LA, LDANG BA'I KHYAD PAR NI SOGS PA'I RGYU'I TSOGS LAS GZHAN DU GYUR BA STE, RANG GI GNAS YONGS SU SPANGS NAS NAD RNAMS LAM GZHAN DU ZHUGS PA GANG YIN PA DE LA LDANG BA ZHES BYA'O, ,
, ,DE BAS NA, RTZUB SOGS DRO BAR LDAN PAS NI, ,ZHES BYA BA LA SOGS PAS SNGAR BSTAN PA NYID KYIS SOGS PA'I RGYU NI GZHAN YIN LA, LDANG BA'I RGYU YANG GZHAN YIN PAR BSHAD PA 'DI NI NGES PA YIN NO, ,DE BZHIN DU, RANG GI RTAGS NI STON PA DANG, ,ZHES BYA BA STE, NAD KYI MTSAN NYID JI LTA JI LTA BAR BYUNG BA DE LTA DE LTAR NAD RNAMS 'BYUNG ZHING LDANG BAR 'DOD LA, SPYIR LUS DANG SEMS ZIL GYIS GNON PAR BYED PA NYID LA, BDE BA MED [?] PA ZHES BYA'O, ,DE BZHIN DU NAD NI 'BYUNG 'GYUR BA'O ZHES BYA BA 'DIS NI RJES SU DBOG PAR BYED PA'I RGYU STON PAR BYED PA'O, ,DE LTAR NA RGYU LA SOGS PA RE RE 'BA' ZHIG LAS NAD RNAMS LDANG BAR RJES SU DPAG PAR NUS PA MA YIN TE, MI MTHUN ZHING CHA MI 'DRA BA NYID YIN PA'I PHYIR RO, ,YANG NYES PA THAMS CAD NI RANG GI TSAD LAS LHAG KYANG LAM DE NYID NA GNAS NAS NAD SKYED PAR BYED PAR MA ZAD PAS, NAD GANG 'BYUNG BA LAS DE'I RJES SU DPAG PAR BYA'O, ,DE YANG GANG GI PHYIR NAD RANG GI TSAD LAS CHUNG BAR GYUR KYANG, NAD STOBS CAN GZHAN ZIL GYIS GNON PA DANG, RANG GI GNAS SPANGS TE LOG PA'I LAM DU GYUR NAS, RANG GI NAD JI LTA BA NYID SHAS CHER SKYED PAR BYED DO, ,DE BAS NA MTSAN NYID GSUM PO 'DI DAG NI, NAD RNAMS YONGS SU SHES PAR BYA BA'I PHYIR SMRAS PA YIN GYI LHAG PAR SMRAS PAS CI ZHIG BYA, RANG GNAS GNAS PA MNYAM NYID DANG, ,NAD RNAMS MA BYUNG ZHI BA YIN, ,ZHES BYA BA LA, 'DIR TSIG 'DI NI BSDUS PA LAS BYUNG BA YIN PAR SHES PAR BYA'O, ,DE LA NAD RNAMS RANG GI GNAS NA GNAS PA MNYAM PA NYID GANG YIN PA DE NI ZHI BA YIN NO, ,DE BZHIN DU NAD RNAMS KYI RNAM PAR GYUR BA MA BYUNG ZHING MA SKYES PA'I MTSAN NYID DES KYANG ZHI BAR RJES SU DPAG PAR BYA'O, ,NAD RNAMS SOGS PA DANG LDANG BA DANG, ZHI BA'I MTSAN NYID BSHAD NAS, ,DA NI RLUNG LA SOGS PA DUS GANG DANG GANG GI TSE NA SOGS PA DANG LDANG BA DANG, ZHI BAR 'GYUR BA BSTAN PA'I PHYIR SMRAS PA NI, SOGS DANG LDANG DANG RAB ZHIB, ,RLUNG NI SOG SOGS GSUM TSE, ,MKHRIS PA DBYAR LA SOGS PAR TO, ,BAD KAN DGUN SMAD SOGS PAR RE, ,ZHES BYA BA YIN TE,
GONG DU BSTAN PA'I NAD SOGS PA DANG LDANG BA DANG, RAB TU ZHI BAR 'GYUR BA DAG RLUNG LA SOGS PA RE RE DANG SBYAR BA LAS, RLUNG NI SO GA SOGS GSUM TSE, ,ZHES BYA BA NI, SO GA'I DUS SU SOGS PAR 'GYUR LA, DBYAR GYI TSE LDANG BAR 'GYUR ZHING, STAN NI RAB TU ZHI BAR 'GYUR RO, , MKHRIS PA NI DBYAR LA SOGS PA'I DUS GSUM DU SOGS PA DANG LDANG BA DANG ZHI BAR 'GYUR TE, DBYAR NI SOGS PAR 'GYUR RO, ,STON NI LDANG NGO, ,DGUN NI ZHI BAR 'GYUR RO, ,BAD KAN NI DGUN SMAD LA SOGS PA'I DUS GSUM DU SOGS PA DANG LDANG BA DANG, RAB TU ZHI BAR 'GYUR TE, DE LA DGUN SMAD NI SOGS PAR 'GYUR RO, ,DPYID NI LDANG BAR 'GYUR RO, ,SO GA NI RAB TU ZHI BAR 'GYUR RO, ,ZHES PA RLUNG 'DI NI SO GA SOGS PAR MI 'THAD KYI, ,LDANG BA'I DUS YIN NO, ,DE YANG CI'I PHYIR ZHE NA, DE'I TSE YANG ZHING RTZUB PA'I DUS YIN PAS, SMAN PHAL CHER YANG DE DANG RJES SU MTHUN PA YIN PA'I PHYIR RO, ,DE BZHIN DU DBYAR YANG MKHRIS PA SOGS PAR MI 'THAD DE, CHU RNAMS SKYUR BA NYID DU ZHU BAR BYED PA DANG, DE BZHIN DU SMAN RNAMS KYANG SKYUR BA SMIN PAS MKHRIS PA LDANG BA'I DUS YIN NO, ,DE BZHIN DU BAD KAN YANG DGUN SOGS PAR MI 'THAD DE, CHU RNAMS SNUM PA DANG, SMAN RNAMS KYANG SNUM PA NYID YIN LA, DUS KYANG GRANG BA NYID KYIS NA, DE'I TSE LDANG BAR 'GYUR GYI, SOGS PAR MI 'GYUR RO ZHE NA DE'I PHYIR SMRAS PA NI, YANG DANG RTZUB PA LA SOGS PA'I, ,SMAN DANG LUS KYANG DE MTSUNGS PAS; ,SO GA RLUNG NI SOGS 'GYUR GYI, ,DRO BA'I DUS KYIS LDANG MI 'GYUR, ,ZHES BYA BA YIN TE, SOGS PA STE SO GA'I DUS SU YANG BA DANG, RTZUB PA LA SOGS PA'I SMAN RNAMS DANG, LUS KYANG DE BZHIN DU YANG BA DANG, RTZUB PA LA SOGS PA YIN PA DANG, DUS KYANG YANG BA DANG RTZUB PA YIN PAS, RLUNG YANG DUS KYI RANG BZHIN GYIS YANG BA DANG RTZUB PA NYID YIN TE, DE BAS NA YON TAN CHA MTSUNGS PA NYID KYIS RLUNG LDANG BAR RIGS MOD KYI, SO GA'I TSE RLUNG SOGS PAR 'GYUR GYI, LDANG BAR MI 'GYUR, DE GANG GIS SHE NA, DRO BA'I DUS KYIS LDANG MI 'GYUR, ,ZHES BYA BA
, ,'DIS BKAG PAR GYUR PA YIN TE, DRO BA NYID KYIS NA RGYU SNGA MA NYAM CHUNG BAR BYAS PA YIN PA'I PHYIR LDANG BAR MI 'GYUR GYI SOGS PA NYID DU 'GYUR RO, ,CHU RNAMS 'JU BA SKYUR BA DANG, ,SMAN YANG DE DANG 'DRA BA YIN, ,MKHRIS PA SOGS KYI DUS KYI NI, ,GRANG BA NYID KYIS LDANG MI 'GYUR, ,ZHES BYA BA LA, DBYAR CHU RNAMS KYIS 'JU BA SKYUR BAR 'GYUR BA DANG, DE BZHIN DU SMAN YANG DE DANG 'DRA BAR 'GYUR BA'I RNAM PA YIN PAS, MKHRIS PA DE YANG DE DANG 'DRA BAR SOGS PAR 'GYUR GYI, LDANG BAR NI MI 'GYUR TE, CI'I PHYIR ZHE NA, DBYAR SMAD KYI TSE GRANG BA YIN BAS NA LDANG BAR MI 'GYUR TE, GRANG BA NI DRO BA'I MI MTHUN PA'I PHYOGS YIN PAS GRANG BA 'DIS LDANG BA'I GNAS BYED PA YIN NO, ,CHU DANG SMAN NI BSIL BA DANG, ,SNUM PAS DUS NI MTSUNGS GYUR KYANG, ,DGUN SMAD BAD KAN SOGS 'GYUR GYI, , BSGONGS PAS LDANG BAR MI 'GYUR RO, ,ZHES BYA BA LA, DGUN SMAD NI CHU DANG SMAN BSIL BA DANG, SNUM PA DANG, DUS KYANG BSIL BA DANG SNUM PA YIN PA'I PHYIR, BAD KAN DANG DUS LA SOGS PA MTSUNGS SHING 'DRA BA YIN DU ZIN KYANG, DUS KYI RANG BZHIN GYIS LDANG BAR MI 'GYUR GYI; SOGS PA KHO NAR 'GYUR RO, ,DE CI'I PHYIR ZHE NA, GRANG BAS BSGONGS SHING MAR 'KHYAGS PA LTAR GYUR BAS LDANG BAR MI 'GYUR TE, BSGONGS PA ZHES BYA BA 'DI NYID KYIS BKAG PA YIN NO, ,DE LTAR DUS KYI RANG BZHIN 'DI, ,ZHES BYA BA LA, GANG BSAGS PA LA SOGS PA SO GA LA SOGS PA'I TSE 'BYUNG BA BSHAD PA DE NI DUS KYI RANG BZHIN LA BRTEN NAS BSHAD PA YIN TE, DE YANG, SO GA LA SOGS SBYOR MTSUNGS KYANG, ,ZHES BYA STE, RLUNG LA SOGS PA'I RGYU BSHAD PA YIN NO, ,CI NAD RNAMS SOGS PA LA, SOGS PA'I RGYU DUS 'BA' ZHIG TU ZAD DAM, GZHAN DAG KYANG YOD CE NA, DE'I PHYIR SMRAS PA NI, ZAS LA SOGS PA'I DBANG GIS NI, ,DUS LA BAB PAR MA GYUR KYANG, ,'PHRAL DU SOGS PA LA SOGS 'GYUR, ,ZHES BYA BA LA, ZAS LA SOGS PA'I DBANG GIS TE, ZAS DANG SKOM LA SOGS PA'I NUS PA DANG, SOGS PA ZHES BYA BA SLON SMAN DANG,
'KHRU SMAN DANG, 'JAM RTZI MAS GTONG BA DANG, DUB PA LA SOGS PA'I DBANG GIS KYANG RLUNG LA SOGS PA'I NAD SOGS PA DANG, LDANG BA DANG, RAB TU ZHI BAR 'GYUR RO, ,DE YANG RGYU DE DAG GIS DUS DE DAG LA PHYIN CING SKABS LA BAB PAR MA GYUR KYANG, DE DAG LA LTOS PA MED PAR 'PHRAL DU STE, DE'I MOD LA SOGS PA'I DUS LA SDOD PA MED PAR ZAS LA SOGS PA DE'I DBANG GIS SOGS PA LA SOGS PAR 'GYUR RO, ,YANG NA SOGS PA'I DUS SU NAD LA SOGS PAR MI 'GYUR GYI ZAS LA SOGS PA NYID LAS 'GYUR RO, ,NAD NI LDANG GYUR 'PHRAL DU LUS; ,MGO NAS RKANG GI BAR DU KHYAB, ,LDOG 'GYUR CHU YI RGYUN BZHIN DU, ,CUNG ZHIG CUNG ZHIG DAG GIS ZHI, ,ZHES BYA BA LA, NAD NI LUS NYON MONGS PAR BYED PA STE, RLUNG DANG MKHRIS PA DANG BAD KAN LA SOGS PA'O, ,DE LDANG BAR GYUR PA NI 'KHRUGS PAR GYUR BA STE, DE'I TSE NI 'PHRAL DU ZHES PA MOD LA LUS KYI MGO NAS RKANG GI BAR DU MA LUS PAR KHYAB CING GNOD PAR 'GYUR RO, ,NAD DE NYID LUS LAS LDOG PAR GYUR CING, GSO BAS ZHI BAR BYAS PA NA, CUNG ZHIG CUNG ZHIG GIS ZHI BAR 'GYUR TE, DE YANG, DPER NA CHU YI RGYUN BZHIN DU, ,ZHES BYA BA STE, DPER NA CHU'I RGYUN SKYE BA DANG, DE'I TSOGS KYIS ZAM PA YANG KHYER NAS, MOD LA KUN TU KHYAB CING 'GRO BAR BYED LA, CHU'I RGYUN DE 'BRI BA NA, GNAS DE LAS RIM GYIS CUNG ZAD CUNG ZAD KYIS LDOG CING 'BRI BAR 'GYUR RO, ,DE BZHIN DU NAD RNAMS KYANG LDANG BAR GYUR NA, NYES PA THAMS CAD SKYED PAR 'GYUR GYI, 'BRI BA'I TSE NA NI DE LTA MA YIN NO, ,NAD THAMS CAD LA RNAM PAR 'GYUR BA RE RE ZHING NAD GZHI DANG GSO BA'I MTSAN NYID MTHA' YAS BSTAN PAR MI NUS PAS DE'I PHYIR DE BSAL BA LA YANG 'BAD PAR MI BYED DO SNYAM DU DOGS PA'I PHYIR 'DIR SMRAS PA NI, NAD 'KHRUGS SNA TSOGS TSUL CAN NI, ,GRANGS MED PAR NI GYUR BA'I LUS, ,THAMS CAD NYE BAR GZIR GYUR PA, ,DE RGYU TSUL DANG BSGRUB PA DAG, ,RE RE NAS NI BSTAN MI NUS, ,DE BAS SPYI YI BRJOD PA YIN, ,ZHES BYA BA YIN TE, RLUNG LA SOGS PA'I NAD 'KHRUGS PAR GYUR CING, RNAM PAR LDANG BAR GYUR NA SNA
, ,TSOGS PA'I TSUL CAN DU 'BYUNG BA'I NAD RNAM PA THA DAD PA'I MTSAN NYID CAN GRANGS MED CING, BRTZI BA LAS 'DAS PAS LUS THAMS CAD NYE BAR GZIR ZHING GDUNGS PAR GYUR TE, LUS SDUG BSNGAL BAR BYED DO ZHES BYA BA'I DON TO, ,DE BAS NA DE DAG GI RGYU'I TSUL GYIS 'BYIN PAR BYED PA DAG GI MTSAN NYID DANG, BSGRUB CING GSO BAR BYA BA DAG GI RE RE NAS ZHES PA, NAD KYI TSUL SO SO NAS MING GIS BSTAN PAR MI NUS TE, NAD 'DI'I RGYU NI 'DI YIN NO, ,'DI'I MTSAN NYID NI 'DI YIN NO, ,GSO BA NI 'DI LTAR BYA'O ZHES BSTAN PAR SHIN TU DKA' STE, DE BAS NA SPYI'I BRJOD PA YIN TE, SPYIR KHYAB PA'I TSIG GANG YIN PA DE NYID BSHAD CING BRJOD PA YIN NO, ,DE NYID KYANG GANG ZHE NA, NAD RNAMS DAG NI THAMS CAD KYI, ,NYES PA'I RGYU NI GCIG PU NYID, ,CES BYA BA YIN TE, 'DI LTAR NAD THAMS CAD KYI RGYU NI NYES PA NYID GCIG PU RGYUR GYUR PA YIN TE, RGYU YANG YIN LA GCIG PU NYID KYANG YIN TE, GTZO BO'I RGYUR GYUR PA'AM, YANG NA THAMS CAD KYI SPYI'I MTSUNGS PA'I RGYU YIN PAS NA RGYU GCIG PU STE, THUN MONG GI RGYU ZHES BYA BA'I DON TO, ,NYID CES BYA BA NI NGES PAR GZUNG BA'I PHYIR SMOS PA YIN TE; NAD KYI RGYU NI GCIG PU NYID YIN GYI, DNGOS PO'I RIGS GZHAN DAG NI MA YIN TE, THUN MONG MA YIN PA'I PHYIR RO, ,DON 'DI'I DPE BSTAN PAR BYA BA'I PHYIR TSIG TU SMRAS PA NI, DPER NA BYA NI LDING GYUR PA, ,NYIN RANGS KUN TU SONG GYUR KYANG, ,RANG GI GRIB MA DANG MI 'BRAL, ,'GRO KUN DE DANG 'DRA BA YIN, ,ZHES BYA BA YIN TE, DPER NA KHRA LA SOGS PA'I BYA RNAMS LDING BAR GYUR PA NA NYIN RANGS TE, NYIN THOG THAG KUN SONG ZHING LDING BAR GYUR KYANG, RANG GI GRIB MA DANG 'BRAL BAR MI 'GYUR ZHING, GRIB MA DE DANG BRAL BAR SKAD CIG KYANG MI SNANG STE, 'GRO BA'I NAD KYI TSUL YANG DE DANG 'DRA'O, ,YANG DON 'DI'I DPE GZHAN DAG BSTAN PA'I PHYIR, SMRAS PA NI, YANG NA JI LTAR MA LUS PA'I, ,'GRO BA MI 'DRA SNA TSOGS 'DI, ,YON TAN GSUM DANG MI 'BRAL LO, ,ZHES BYA BA YIN TE, DPE'I RNAM PA GZHAN YANG MA LUS PA'I 'GRO BA RANG BZHIN MI
'DRA BA, MNGAL NAS SKYES PA LA SOGS PA'I DBYE BAS THA DAD PA'AM, RGYU BA DANG MI RGYU BA LA SOGS PA'I DBYE BAS PHYE BA SNA TSOGS SHING RIGS THA DAD PA 'DI DAG KYANG, YON TAN GSUM PO SNYING STOBS DANG, RDUL DANG MUN PA'I TSUL DANG MI 'BRAL ZHING DE LAS MI 'DA' STE, YON TAN GSUM PO 'DI DAG DANG NAM YANG 'BRAL BAR MI 'GYUR RO, ,DE BZHIN RANG KHAMS MA SNYOMS PA'I, ,RGYU YANG GNAS SKABS THAMS CAD DU, ,NAD RIGS NYES PA GSUM MI 'BRAL, ,ZHES BYA BA LA, DPE DE BZHIN DU RANG KHAMS MA SNYOMS PA'I RGYU YANG DUS DANG GNAS SKABS THAMS CAD DU NAD KYI RIGS SU BSHAD PA, NYES PA GSUM PO DANG NAM YANG MI 'BRAL LO, ,DE YANG RLUNG LA SOGS PA'I KHAMS 'DI RNAMS NI LUS 'DZIN PAR BYED PA YIN DU ZIN KYANG GAL TE KHAMS MA SNYOMS PAR GYUR NA DE YANG NAD KYI RGYU YIN PA'I PHYIR RO, ,NAD DANG DRI MA'I TSUL GYIS MA SNYOMS PA MED PAR YANG, NAD KYI RGYUR 'GYUR BAR BSHAD PA'I PHYIR, 'DIR YANG ZHES BYA BA'I SGRA KHYAD PAR DU SMRAS PA YIN NO, ,DE RNAMS KYIS NI LDANG BA'I RGYU, ,DBANG DON MI 'TSAM PHRAD PA DANG, ,DUS DANG NYES PA'I LAS RNAMS SO, ,ZHES BYA BA LA, RLUNG LA SOGS PA DE RNAMS KYI LDANG ZHING 'KHRUGS PAR BYAD PA'I RGYU NI, MIG LA SOGS PA'I DBANG PO'I DON MI MTHUN ZHING 'TSAM PA MA YIN PA DANG, PHRAD CING 'BREL PA DANG, DUS MI 'DRA BA STE, GRANG BA DANG, DRO BA DANG, CHAR LA SOGS PA DANG, DE BZHIN DU LAS NYES PAR SPYAD PA TSE SNGA MA 'AM, 'DIR LUS DANG NGAG DANG, YID RNAM PA GSUM GYI LAS MI DGE BA BYAS PA DE THAMS CAD NI RLUNG LA SOGS PA 'KHRUGS SHING LDANG BA'I RGYU YIN NO, ,DE YANG DMAN LHAG LOG SBYAR BAS, ,DBYE BA RNAM PA GSUM DU 'GYUR, ,ZHES BYA BA LA, GANG RLUNG LA SOGS PA 'DI DAG GI RGYU'I TSUL SNGAR RNAM PAR DBYE BA BYAS SU ZIN KYANG, YANG DE DMAN PA DANG, LHAG PA DANG, LOG PA'I SBYOR BAS DBYE BA RNAM PA GSUM DU 'GYUR TE, SNGA MA DE DAG RE RE ZHING YANG GSUM DU 'GYUR BA YIN NO, ,DBANG DON RANG YUL CHUNG NGU'AM, ,MI SBYOR BA
, ,NI DMAN PA STE, ,SHAS CHER GTAD PA LHAG SBYOR BA, ,ZHES BYA BA LA, GANG MIG LA SOGS PA'I DBANG PO RNAMS GZUGS LA SOGS PA'I YUL RNAMS LA RANG GI YUL CHUNG NGU LA SBYOR BA 'AM, RANG GI YUL LA MI SBYOR ZHING MA TSANG BA DE NI DMAN PA'I SBYOR BA ZHES BYA'O, , YANG RANG GI YUL SHAS CHER GTAD CING BSTEN DRAGS PA NI LHAG PA'I SBYOR BA ZHES BYA'O, ,RAB PHRA'I 'OD DANG 'JIGS PA DANG, ,SHIN TU NYE DANG SHIN TU RING, ,YID DU MI 'ONG MI SDUG PA'I, ,GZUGS LA MIG NI LTA BYED PA, ,LOG SBYOR DE NI MI ZAD YIN, ,ZHES BYA BA LA, LOG PA'I SBYOR BA NI RANG RANG GI DBANG PO'I YUL RAB TU PHRA BA'I 'OD MIG GI DBANG POS LTA ZHING BRTAG PAR BYED PA DE NI RANG GI YUL LA LOG PAR SBYOR BA YIN NO, ,DE BZHIN DU SHIN TU 'JIGS PA'I GZUGS LA LTA BA LA SOGS PA RJES SU MI MTHUN ZHING GNOD PA SKYED PAR BYED PA DAG KYANG LOG PA'I SBYOR BA YIN TE, DE DAG NI SHIN TU MI BZAD CING 'JIGS PA YIN NO, ,DE BZHIN RAB GRAG RUL LA SOGS, ,DBANG DON JI BZHIN SHES PAR BYA, ,ZHES BYA BA LA, PHYOGS 'DIR BSDU BA NI DBANG PO'I DON RAB TU MTHONG BA DANG, RUL PA LA SOGS PA YANG LOG PA'I SBYOR BA'I RANG BZHIN CAN YIN PAR JI LTA BA BZHIN DU SHES PAR BYA'O, ,DE YANG JI LTAR MYA NGAN SKYED PA LA SOGS PA'I SGRA MI SDUG PA DRAG PO RNA BA'I DBANG POS THOS PA NI LOG PA'I SBYOR BAR 'GYUR RO, ,GANG GI TSE RUL ZHING ZHIGS PAR GYUR CING, MI GTZANG BA MYAGS PA LA SOGS PA'I DRI MI SDUG PA SNA'I DBANG POS TSOR BA NA, RANG GI YUL DRI ZHES BYA BA 'DI SNA'I DBANG PO'I LOG PA'I SBYOR BA YIN NO, ,SOGS PA'I SGRAS NI, LCE'I YUL LAN TSVA SHAS CHER BRO BA LA SOGS PA DANG, DE BZHIN DU REG BYA'I YUL SHIN TU TSA BA DANG, SHIN TU GRANG BA LA SOGS PA NI RANG GI YUL LOG BA'I SBYOR BA YIN PAR BSTAN TE, DE DAG NI NAD RNAMS LDANG BA'I RGYU YIN PAR BSHAD DO, ,DE DAG THAMS CAD NI DRANG SRONG TZA RA KAS GSAL BA KHO NAR BSHAD DE, ,DE YANG RANG GI NAS PAS SHAS CHER LTA BA NI LHAG PAR SBYOR BA'O, ,PHYIS MI MTHONG BAR GYUR PA NI DMAN PA'I SBYOR BA'O, ,
PHRA BA DANG, SHIN TU THAG NYE BA DANG, SHIN TU THAG RING BA DANG, DRAG CING MI BZAD PA DANG, 'JIGS PA DANG, ZHE 'GRAS PA DANG, MI SDUG PA DANG, SKRAG PAR BYED PA LA SOGS PA'I GZUGS MTHONG BA NI LOG PA'I SBYOR BA'O, ,DE BZHIN DU RNGA BO CHE DRAG TU BRDUNGS PA LA SOGS PA'I SGRA GSANG MTHO BA LA LHAG PAR GTAD DE MNYAN PA NI LHAG PA'I SBYOR BA'O, ,THAMS CAD DU MI THOS PA NI DMAN PA'I SBYOR BA'O, ,SGRA RTZUB PA DANG, SDUG PA DANG BRAL BA DANG, 'DAR BA'I SGRA DANG 'JIGS PA'I SGRA THOS PA NI LOG PA'I SBYOR BA'O, ,DE BZHIN DU 'DZAG CING RUL BA'I DRI SHIN TU RNO ZHING DRAG PA SHAS CHER BSNOMS PA NI LOG PA'I SBYOR BA'O, ,RNAM PA THAMS CAD DU MA BSNOMS PA NI DMAN PA'I SBYOR BA'O, ,RUL BA LA SNOM PA LA SOGS PA 'DI NI LOG PA'I SBYOR BA'O, ,YANG KHRUS LA SOGS PA'I TSA BA DANG, GRANG CHES PA BSTEN PA DANG, GO RIMS 'CHOL BAR BSTEN PA DANG, GNOD PA DANG MI GTZANG BA LA SOGS PA NI LOG PA'I SBYOR BA'O, ,DUS KYANG GRANG DANG TSA BA DANG, ,CHAR DUS DBYE BAS GSUM DU 'DOD, ,CES BYA BA LA, DE BZHIN DU DUS KYANG GRANG BA DANG, TSA BA LA SOGS PA'I DBYE BAS RNAM PA GSUM YIN TE, DE LA GRANG BA NI DGU NA STONG DANG, DGUN SMAD CES BYA BA'O, ,TSA BA NI SO GA'O, ,DBYAR NI CHAR GYI DUS SO, ,DE'I DMAN PA'I SBYOR BA DANG, LHAG PA'I SBYOR BA DANG, LOG PA'I SBYOR BA BSTAN PA'I PHYIR, DE DMAN GRANG SOGS CHUNG BA DANG, ,LHAG SBYOR SHIN TU CHE MTSAN NYID, ,RANG GI MTSAN NYID PHYIN CI LOG ,LOG PA'I SBYOR BA YIN PAR BSHAD, ,CES BYA BA LA, DE BZHIN DU GRANG BA DANG, TSA BA DANG, CHAR GYI DUS DANG, DGUN DANG, SO GA DANG, DBYAR ZHES BYA BA'I MTSAN NYID CAN, SNGAR JI TZAM GYI TSAD DU BSTAN PA DE LAS GANG CUNG ZHIG SHIN TU DMAN PAR SNANG BA DE NYID NI DUS DANG MI SBYOR BA YIN PAS NA, CHUNG BA 'AM, DMAN PA'I SBYOR BA ZHES BYA'O, ,LHAG PA'I SBYOR BA NI GANG GSUM PO DE DAG RANG GI TSAD LAS KYANG CHES LHAG PAR STON PA, DE NI LHAG PA'I SBYOR BA ZHES BYA'O, ,LOG PA'I SBYOR BA NI RANG GI MTSAN NYID LAS PHYIN CI LOG
, ,PA STE; JI LTAR DGUN GYI DUS SU DRO BA DANG, SO GA'I DUS SU GRANG BA DANG, DBYAR GYI DUS SU CHAR MI 'BAB PA'O, ,LAS KYANG DBYE BA RNAM PA GSUM DU BSHAD DE, SMRAS PA NI, LUS NGAG YID KYI DBYE BA YIS, ,LAS KYANG RNAM PA GSUM DU BSHAD, , CES BYA BA LA, LAS ZHES BYA BA NI SBYOR BA'I RGYU YANG LUS DANG NGAG DANG YID KYI DBYE BAS RNAM PA GSUM DU BSHAD DO, ,LUS LA SOGS PA'I LAS DMAN LA, ,'JUG PA DMAN PA'I MING CAN YIN, ,ZHES BYA BA LA, LUS KYI LAS DANG, NGAG GI LAS DANG, DE BZHIN DU YID KYI LAS RNAMS KYANG, RANG GI YUL DAG LA GANG DMAN PAR 'JUG PA DE NI DMAN PA'I SBYOR BA YIN NO, ,BRTUN NGAS 'JUG PA LHAG SBYOR BA'O, ,ZHES BYA BA NI, LUS DANG NGAG DANG YID KYI LAS RNAMS LA GANG RUNG BRTAN NGAS SHING DRAG TU SBYOR BA DE NI LHAG PA'I SBYOR BA YIN NO, ,SHUGS BKAG PA DANG BTZIR BA DANG, ,MI BZAD LUS KYI LAS RNAMS DANG, ,GCUS DANG RDEG 'CHOS GOM 'KHYOR SOGS, ,LDANG BZHIN SMRA BAR BYED PA DANG, ,'DOD CHAGS ZHE SDANG 'JIGS SOGS DANG, ,SROG GCOD LA SOGS LAS RNAMS DANG, ,RNAM BCU DE YANG SMAD PA YIN, ,'DI DANG GZHAN DU BYAS PA RNAMS, ,DE DAG MA LUS LOG SBYOR YIN, ,ZHES BYA BA LA, LOG PA'I SBYOR BA NI SHUGS BKAG PA NAS BRTZAMS TE, RDEG 'CHOS SHING GOM PA 'KHYOR BA LA SOGS PA'I BAR GYIS LAS GANG YIN PA DE LTA BU LA 'JUG PA GANG YIN PA DE NI LUS KYI LOG PA'I SBYOR BA'O, ,DE LA SHUGS BKAG PA NI RGYU BA BRNAGS PA'O, ,SHUGS BTZIR BA NI KHA NANG DU BLTAS PAR GYUR PA PHYIR PHYOGS PAR BYAS PA'O, ,MI BZAD LUS KYI LAS RNAMS DANG, ,ZHES BYA BA NI, 'DIR MI BZAD PA'I SGRA NI TSIG KUN DANG SBYAR BAR BYA'O, ,SOGS PA'I SGRA NI 'GRO BA LA SOGS PA BSDU'O, ,LDAD BZHIN SMRA BAR BYED PA NI GANG PHYED MID TZAM NA SMRA BA STE, 'DI DAG NI NGAG GI LAS TE, RAB TU DRAG PA LA BYA'I NGAL BA LA NI MA YIN NO, ,'DOD CHAGS DANG ZHE SDANG LA SOGS PA GANG YIN PA DE DAG NI YID KYI LAS YIN TE, GANG YUL DE
LTA BU LA 'JUG PA DE NI YID KYI LOG PAR SBYOR BA'O, ,DE DAG THAMS CAD KYANG TSE 'DIR BYAS SHING SPYAD PA 'AM, SKYE BA GZHAN DAG TU BYAS KYANG RUNG STE, ,DE RNAMS THAMS CAD LOG PA'I SBYOR BA YIN PAR SHES PAR BYA'O, ,'DI DAG NAD KYI RGYU YIN NO, ,ZHES BYA BA LA, GSUM GSUM DU BRTAGS PA NI NAD KYI RGYU LAS LDANG BAR BYED BA'I GZHI YIN NO, ,LDANG GYUR DE NI MTHA' YAS TE, ,SNA TSOGS NAD NI BYED PAR 'GYUR, ,YAN LAG NANG GROL LHU TSIGS BRTEN, ,YAN LAG KHRAG SOGS PAGS PA YIN, ,ZHES BYA BA LA, NAD KYI GZHI DE DAG LAS NAD DE RNAMS LDANG ZHING 'KHRUGS PAR GYUR PA DE NI GANG ZHIG MTHA' YAS PA YIN TE, RNAM PA THA DAD PA'I TSUL GYI NAD KYIS 'DEBS SHING SKYES PA YIN NO, ,GANG DU SKYE ZHE NA, YAN LAG RNAMS DANG, DE BZHIN DU NANG GROL DANG, LHU TSIGS DANG, GNAD RNAMS SU SKYE'O, , YAN LAG KHRAG SOGS PAGS PA YIN, ,ZHES BYA BA NI, DE LA YAN LAG NI KHRAG LA SOGS PA'I LUS ZUNGS PAGS PA'I MTHAR THUG PA LA BYA'O, ,DE NI PHYI ROL NAD GNAS TE, ,ZHES BYA BA LA, DE DAG NI PHYI ROL GYI NAD RNAMS KYI GNAS DANG RTEN YIN PAR BSHAD DO, ,DE BRTEN MA ZHU YAN LAG NA, ,LBA BA BE'U SNABS 'BRUM PA SOGS, ,GZHANG 'BRUM SKRAN DANG 'OR NAD SOGS, ,DE DAG PHYI ROL NAD CES BYA, ,ZHES BYA BA LA, GANG GI PHYI ROL GYI NAD YAN LAG KHRAG LA SOGS PA'I LUS ZUNGS KYI GNAS SU GYUR PA YIN LA, DE BAS NA DE LA BRTEN TE MA ZHU BA DANG, YAN LAG NA BA LA SOGS PA 'BYUNG BAR 'GYUR BA DANG, DE BZHIN DU PHYI ROL GYI NAD GZHANG 'BRUM LA SOGS PA'I NAD RNAMS KYANG 'BYUNG BAR 'GYUR RO, ,NANG NAD RTZA SBUBS CHEN PO DANG, ,MA ZHU ZHU BA'I GNAS LA BRTEN, ,ZHES BYA BA LA, YANG NA NANG GI NAD CES BYA BA NI LTO BA DANG DE BZHIN DU RTZA SBUBS CHEN PO RNAMS DANG, MA ZHU BA DANG ZHU BA'I GNAS LA BRTEN PA RNAMS SO, ,GNAS DE LAS NI SKYUG TSAD 'KHRU, ,DMU RDZING LUD BA DBUGS MI BDE, ,NANG GI CHA YI GZHANG 'BRUM SKRANG, ,SKRAN DANG ME DBAL KHONG 'BRUM PA, ,ZHES BYA BA LA, NANG
, ,GROL GYI GNAS DE LA NI SKYUG PA DANG, TSAD PAS 'KHRU BA LA SOGS PA'I NAD RNAMS 'BYUNG BAR 'GYUR RO, ,DE BZHIN DU NANG GI CHA'I GZHANG 'BRUM DANG, SKRAN LA SOGS PA 'BYUNG BAR 'GYUR TE, DE LTAR NA GZHANG 'BRUM LA SOGS PA NI PHYI DANG NANG GI CHA'I DBYE BAS RNAM PA GNYIS YIN NO, ,MGO BO SNYING DANG CHU SO SOGS, ,RUS PA'I TSIGS NAD GNAD YIN NO, ,ZHES BYA BA LA, 'DI DAG NI GNAD CES BYA STE, MGO BO DANG, SNYING DANG, CHU SO LA SOGS PA'I NAD DANG, RUS PA'I TSIGS TE, 'DIR TSIGS NI RUS PA'I TSIGS LA BYA'O, ,SHA DANG RGYUS PA DANG, RTZA LA SOGS PA GNYIS 'DUS PA'I TSIGS GZHAN DAG LA NI MI BYA'O, ,DE BAS NA 'DIR RUS PA'I TSIGS NGES PAR GZUNG BA YIN NO, ,DE 'BREL RTZA DANG CHU BA DANG, CHU BA CHE SOGS BAR MA YIN, ,DE LA NAD LAM DER GNAS PA; ,GCONG CHEN GZHOGS PHYED MJING KHA YO, ,GLAD NAD SOGS DANG TSIGS RUS DANG, ,DPYI YI GZER DANG GNOD NAD SOGS, ,ZHES BYA BA LA, DE RNAMS DANG 'BREL PA YIN PAS NA, DE 'BREL TE, GNAD DE RNAMS DANG, DE BZHIN DU RUS PA'I TSIGS RNAMS DANG 'BREL PA'I LAM BAR MA ZHES BYA BA DE LA, NAD GCONG CHEN PO LA SOGS PA GNAS PA YIN NO, ,DE BZHIN DU GLAD NAD LA SOGS PA'I NAD DANG, TSIGS PA DANG, RUS PA DANG DPYI'I GZER DANG, GNOD NAD LA SOGS PA YANG DER GNAS SO, ,'BYIN KHYAB ZUG DANG SNYOM PA DANG, LUS TSA NAD GZER BYE BA DANG, ,'BYAR ZHING CHAG SNYAM RKANG LAG 'KHUMS, ,BSGONGS DANG BRTZE DANG SKOM BYED DANG, ,'DAR DANG RTZUB DANG KHONG STONG DANG, ,SKEM DANG 'GUL DANG DKRIS SNYAM DANG, ,RENGS DANG RO BSKA BRO BA'O, ,MDOG NI GNAG GAM DMAR BA DAG ,RLUNG GI LAS YIN, ZHES BYA BA LA, RLUNG 'KHRUGS PAR GYUR BA LAS 'BYIN PA SNYAM BYED PA'I LAS BYED PAR 'GYUR RO, ,DE LA 'BYIN PA NI MIG LA SOGS PA'I YAN LAG THUR DU LHUNG BA SNYAM SEMS PAR BYED PA'O, ,LUS KUN TU KHYAB CING 'DREN PAR BYED PA'O, ,ZUG PA NI YAN LAG RDEG
PA SNYAM SEMS PA'O, ,SNYOM PA NI LUS KUN DKRIS PA SNYAM SEMS PA'O, ,LUS TSA BA NI LUS BSREGS PA SNYAM SEMS PA'O, ,NAD NI TSOR BA DRAG PO'O, ,GZER BA NI KHAB KYIS PHUG PA BZHIN DU BYED PA'O, ,BYE BA NI 'GYES PA SNYAM SEMS PA'O, ,'BYAR BA NI BSHANG BA LA SOGS PA GNAS LAS MI 'GUL BAR BYED PA'O, ,CHAG PA SNYAM SEMS PA NI YAN LAG CHAG PA LTAR ZUG CING NA BA'O, ,YAN LAG 'KHUMS PA NI YAN LAG 'JA' ZHING 'KHUMS PAR BYED PA'O, ,BSGONGS PA NI THA DAD BAR 'DUG LA GCIG TU BSDUS PA'O, ,BRTZE BA NI LUS DANG SPU'I TSOGS RNAMS BRTZE BA'O, ,SKOM PAR BYED PA NI SKOM GYIS GDUNGS PA'O, ,'DAR BA NI YAN LAG G-YO ZHING 'GUL BA'O, ,RTZUB PA NI REG NA MI BDE BAR RTZUB PA'O, ,KHONG STONG PA NI NAD STONG PA'O, ,SKEMS PA NI LUS SKEMS BAG TU GYUR BA'O, ,'GUL BA NI CUNG ZAD G-YO BA'O, , DKRIS PA SNYAM BYED PA NI YAN LAG BCINGS PA SNYAM SEMS PA'O, ,RENGS PA NI LUS DANG YAN LAG RNAMS SHING LTAR RENGS PA'O, ,RO BSKA BA NI RO GZHAN DAG KYANG BSKA BA'I ROR TSOR BA'O, ,MDOG GNAG PA NI PHAL CHER LUS DRI MA CAN DU 'DUG PA'AM, DE BZHIN DU PHAL CHER DMAR BAG TU SNANG BA STE, 'DI DAG NI RLUNG GI LAS YIN NO, ,MKHRIS PA'I LAS, LUS TSA MDOG DMAR DRO SMIN BYED, ,RDUL DANG RNAG DANG 'DZAG RMA RED, ,'DRUL DANG BRGYAL ZHING MYOS PA DAG ,KHA'I RO KHA DANG SKYUR BA DANG, ,MDOG SKYA DMAR RTZA MA YIN PA'O, ,ZHES BYA BA NI, MKHRIS PA LDANG BAR GYUR NA DE'I LAS NI LUS TSA BA LA SOGS PA BYED PAR 'GYUR RO, ,DE LA LUS TSA BA NI GANG LUS THAMS CAD LA SHIN TU MI BZAD PA'I TSA BA 'BYUNG BAR 'GYUR BA DE LA TSAB NI SGRAR BSHAD DO, ,MDOG DMAR BA NI LUS DANG YAN LAG SHAS CHER DMAR BA'O, ,DRO BA NI LUS DANG YAN LAG TSA BA'O; ,SMIN PAR BYED PA NI LUS KYI YAN LAG GI PHYOGS GCIG 'DRUL ZHING SMIN PA'O, ,RDUL BA NI RLAN DANG LDAN PA NYID DO, ,RNAGS PA NI LUS 'DRUL ZHING SMIN PA'O, ,'DZAG PA NI RNAG LA SOGS PA 'DZAG PA'O, ,RMA RED PA NI RMA ZHIG CING MNAM PA'O, ,'DRUL BA NI LUS DANG YAN LAG
, 'DRUL ZHING MYAGS PA'O, ,BRGYAL BA NI SEMS MED CING MI DRAN PA'O, ,MYOS PA NI CHANG GIS MYOS PA'I NAD LTA BU'O, ,KHA'I RO NI KHA BA DANG SKYUR BA DAG TU TSOR BAR 'GYUR RO, ,LUS KYI MDOG NI SKYA ZHING RTZA DMAR BA MA YIN PA STE, GZHAN DU NA SNGO BA DANG, SER BA LA SOGS PA'I DBYE BAS PHYE BAR SNANG NGO, ,BAD KAN LAS NI MKHRANG ZHING SNUM, ,G-YA' ZHING KHONG GRANG LCI BA DANG, ,TSIGS DAM SHA RGYAS RMONGS BAG DANG, ,SKRANG ZHING GNYID CHE ZAS MI 'JU, ,MDOG DKAR KHA RO LAN TSVA MNGAR, ,LAS KYI MTHA' LA 'DAM RING NGO, ,ZHES BYA BA LA, BAD KAN LDANG BAR 'GYUR BA'I LAS NI MKHRANG BA DANG SNUM PA LA SOGS PA BYED BAR 'GYUR RO, ,DE LA MKHRANG BA NI LUS KYI YAN LAG DANG NYING LAG RNAMS SRA BA NYID DO, ,SNUM PA NI PAGS PA LA SOGS PA SNUM BAG TU GNAS PA'O, ,G-YA' BA NI LUS KYI PAGS PA G-YA' BA'O, ,KHONG GRANG BA NI LUS KYI YAN LAG RNAMS BSIL BAG TU GNAS PA'O, ,LCI BA NI LUS ZUNGS RNAMS LCI BA NYID DO, ,TSIGS DAM PA NI RTZA SBUBS RNAMS 'GAGS PA'O, ,SHA RGYAS PA NI LUS KYI SHA CHE BA STE, BAD KAN CAN DAG GI KHA DANG LKOG MA LA SOGS PA'I LUS KYI SHA RGYAS PA'AM 'GAGS PA'O, , RMONGS BAG NI YUL RNAMS LA DBANG PO MI GSAL BA NYID DO, ,GZHAN DAG NI YUR BA NYID DO, ,ZHES ZER RO, ,SKRANG BA NI 'OR BAG TU 'DUG PA'O, ,GNYID CHE BA NI GNYID STUG PA'O, ,ZAS MI 'JU BA NI PHO BA'I ME DROD MI SNYOMS SHING 'JU BAR MI NUS PA'O, ,LUS KYI MDOG NI DKAR ZHING SKYA RBAB RBAB POR SNANG BA'O, ,KHA'I RO NI LAN TSVA DANG, MNGAR BAG TU BRO BAR 'GYUR RO, ,LAS KYI MTHA' LA 'DAM ZHING RING BA NI NAD YUN RING PO NAS 'BYANG BA'AM, YUN RING ZHIG NAS 'CHI BAR BYED DO, ,DE LTAR JI SKAD BSHAD PA YI, ,MTSAN NYID KYIS NI NAD KUN KHYAB, ,CES BYA BA LA, DE LTAR ZHES BYA BA NI YONGS SU RDZOGS PA'I TSIG GAM, DE LTA BU'I RNAM PA'I DON YIN TE, RDZOGS PA NI NAD RNAMS KYI MTSAN NYID GANG GIS, NAD GANG YIN PAR SHES PAR 'GYUR BA'O, ,JI LTA BU ZHE NA, NAD KUN KHYAB BYED CES BYA BA STE, NAD MA LUS PA KHYAB PA'I NGANG TSUL GANG YIN PA NAD KUN
KHYAB PA'O, ,DE NI MA YENGS BLTA SOGS PAS, ,YANG DAG PAR NI SHES PAR BYA, ,NAD KYI GNAS SKABS DBYE SHES PAS, ,NAD BA SKAD CIG RE RER BLTA, ,ZHES BYA BA LA, DE LTAR NAD KYI MTSAN NYID KUN LA KHYAB PA JI SKAD BSHAD PA'I NAD KYI MTSAN NYID DE NI MA YENGS PA STE, 'BAD PA DANG LDAN ZHING SEMS GZHAN DU MA YENGS PA'I SMAN PA LA SOGS PA BRTZON PA DANG LDAN PAS, BLTA BA LA SOGS PAS ZHES PA BLTA BA DANG, MYANG BA DANG DRIS PAS YANG DAG PAR SHES PAR BYA ZHING RTOGS PAR BYA'O, ,DE LA BLTA BA'I MDOG DANG, GNAS DANG, TSAD DANG, MCHIL SNABS DANG, BSHANG GCI DANG, SKYUGS PA LA SOGS PA LA BLTA BA STE, SOGS PA'I SGRAS NI RNA BA'I SGRA DANG, RGYU MA KRUG KRUG ZER BA DANG, SOR TSIGS LA SOGS PA GCOG PA THOS PA LAS SHES PAR BYA'O, ,SNUM PA NI LUS DANG BSHANG BA DANG RMA LA SOGS PA'I DRI BRTAG PAR BYA'O, , REG PA NI GRANG BA DANG, DRO BA DANG 'JAM PA DANG RTZUB PA DANG, 'GUL PA'I REG BYA SHES PAR BYA'O, ,KHA'I RO NI DRIS PA LAS SHES PAR BYA'O, ,DE BZHIN DU SKYUG SLA BA DANG, SKYUG DKA' BA DANG, LTO BA SRA BA DANG, SNYI BA DANG, RMI LAM DU CI MTHONG BA DANG, GANG LA MNGON PAR DGA' BA DANG; NAD GANG GI TSE NAS ZHUGS PA DANG, SKYES PA'I SKAR MA DANG, MDZA' BA DANG, MI MDZA' BA DANG, BDE BA DANG SDUG BSNGAL LA SOGS PA DRI BAR BYA'O, ,'DI DAG NI PHYOGS GCIG TZAM BSTAN PA YIN PAR SHES PAR BYA'O, ,DE BZHIN DU RJES SU DPAG PA LAS KYANG SHES PAR BYA'O, ,RE ZHIG PHYIR 'BYUNG ZHING RGYU BA LAS LUS KYI BCUD DANG, RO NYAMS PA SHES PAR BYA'O, ,SBRANG BU 'DU BA LAS NI MNGAR BAR RO, ,DE BZHIN DU PHO BA'I DROD NI 'JU BA LAS SO, ,STOBS NI RTZOL BA'I NUS PA LAS SHES PAR BYA'O, ,NAD KYI MTSAN MA MNGON PA DAG NI BSAL BA'I SRED PA DANG MI SRED BA LAS SO, ,NAD KYI TSAD NI SPYOD PA'I KHYAD PAR LAS SO, ,TSE ZAD PA NI 'CHI LTAS LAS SO, ,RANG BZHIN DANG, SNYING STOBS DANG, SPRO BA DANG, GOMS PA NI RTAG TU 'GROGS PA LAS SHES PAR BYA'O, ,DE YANG TZA RA KAS, SHES PA'I SGRON MA'I SNANG BA YIS, ,
, ,NAD PA'I NAD KYI BDAG NYID NI, ,MA SHES BAR DU SBYOR SHES GANG, ,DE NI NAD RNAMS GSO MI BYED, ,CES BSHAD PA YIN NO, ,CI SMAN GANG LA LA ZHIG CI LTAR RUNG BA TZAM ZHIG DE'I MTSAN NYID DANG LDAN PA YIN NAM ZHE NA, DE THAMS CAD MA YIN TE, GZHAN DU NA NAD KYI GNAS SKABS KYI DBYE BA SHES PA DANG, DE BZHIN DU NAD LA SKAD CIG RE RE ZHING LTA BA DAG SMAN PA YIN TE, SKAD CIG SKAD CIG CING GNAS SKABS THAMS CAD DU YANG DANG YANG DU RGYUN MI 'CHAD PAR LTA ZHING, RTOGS PAR BYED PA'I SMAN PA DE LTA BU NI NAD KYI GNAS SKABS KYI DBYE BA SHES PA YIN TE, DE LTAR NA NAD PA SKAD CIG RE RE YANG BLTAS PAS DE RNAMS SKYE BAR 'GYUR BA YIN NO, ,DE BAS NA DE NI, GOMS PAS NGES PAR THO BA 'GYUR TE, ,LAS RNAMS 'GRUB PA GSAL BYED YIN, ,ZHES BSHAD PA YIN TE, GOMS PA NI GSO BA'I LAS LA YANG DANG YANG DU 'JUG PAR NGES PAR SHES PAR GSO BA SHES PA'I NGES PA RNYED PAR 'GYUR GYI, GSO BA'I BSTAN BCOS KHONG DU CHUD PA 'BA' ZHIG TZAM GYIS NI MA YIN TE, JI LTA BU'I NGES PA ZHE NA, LAS RNAMS 'GRUB PA GSAL BYED YIN, ,ZHES BYA BA STE, LAS THAMS CAD 'GRUB PAR BYED PA YIN PAS NA LAS 'GRUB PA STE, DE GSAL BAR BYED PA NI SNANG BAR BYED PA'O, ,'DI NYID KYI DPE BSTAN PA'I PHYIR, RIN CHEN LA SOGS BZANG NGAN SHES, ,BSTAN BCOS 'BA' ZHIG LAS MI 'BYUNG, ,ZHES BSHAD PA NI, MARGAD LA SOGS PA 'DI DAG GI BZANG NGAN SHES PA GANG YIN PA NI GOMS PA KHO NA RGYU'I GTZO BO YIN TE, DES 'DI NI BZANG PO'O, ,'DI NI NGAN PA'O ZHES RTOGS PAR 'GYUR TE, 'DIR NI RIN PO CHE BRTAG PA'I BSTAN BCOS YOD DU ZIN KYANG, DE SHES PAR 'GYUR BA'I BSTAN BCOS 'BA' ZHIG LAS MI 'BYUNG STE, DE NI RIN PO CHE MANG PO LAN MANG DU MTHONG BA'I GOMS PA LAS 'DI NI RIN PO CHE BZANG PO YIN NO, ,'DI NI MA YIN NO ZHES SHES PA SKYE BAR 'GYUR RO, ,DE BZHIN DU GANG ZHIG SMAN DPYAD KYI BSTAN BCOS SHES SHING KHONG DU CHUD PA DANG, DE BZHIN DU LAS LA GOMS SHING BYA BA'I SMAN PA DES NAD RAB TU ZHI BA'I LAS BYED NA, SROG
CHAGS RNAMS KYI SROG STER BAR BYED PA YIN GYI, LAS LA GOMS SHING BYANG BAR MA BYAS PAR, GSO BA'I BSTAN BCOS SHES PA 'BA' ZHIG GIS NI MA YIN TE, THOS PA MED PAR GOMS PA 'BA' ZHIG GIS KYANG MA YIN NO, ,DE BAS NA 'BA' ZHIG CES BYA BA'I SGRA SMOS PA YIN TE, 'DI LA NI GNYI GA DGOS PA YIN NO, ,NAD NI 'DI LTAR RNAM GSUM STE, ,LA LA TSE 'DI'I NYES LAS BYUNG, ,LA LA SNGON GYI NYES LAS BYUNG, ,GZHAN DAG DE GNYIS 'DRES LAS BYUNG, ,ZHES BYA BA LA, NAD PA LA LA NI TSE 'DI'I NYES PA ZHES PA MTHONG BA'I CHOS KYI NYES PA STE, NAD KYI RGYU LA NYES PA ZHES BYA'O, ,DE BZHIN DU LA LA NI SNGON GYI NYES PA LAS BYUNG STE, BDAG NYID KYIS SNGON LAS MI DGE BA BYAS PA'I, NYES PA BYAS PA'I RNAM PAR SMIN PA LAS BYUNG BA YIN NO, ,GZHAN DAG LA LA NI GNYIS 'DRES SHING 'DUS PA LAS BYUNG STE, DE LTAR MTHONG BA'I CHOS KYI TSE 'DI'I NYES PA DANG, SNGON GYI NYES PA DANG, DE BZHIN DU 'DUS PA STE, GSUM YOD PA STE, DE LTAR NA NAD RNAM PA GSUM YIN PAR SHES PAR BYA'O, ,YANG 'DI RNAMS KYI MTSAN NYID GO RIMS JI LTA BA'I DBANG DU BYAS NAS SMRAS PA NI, NYES 'BYUNG NAD GZHI JI BZHIN PAR, ,ZHES BYA BA LA SOGS PA YIN TE, BSHAD PA'I NAD GZHI DE DANG DE NYID YIN GYI TSE 'DI'I NYES PA LAS BYUNG BA DE NYID NI RLUNG DANG, MKHRIS PA DANG BAD KAN LAS BYUNG BA YIN LA, DE LA NI NAD GZHI JI LTA BA BZHIN DU SHES PAR BYA ZHING, NAD GZHI MA 'CHOL BAS NAD GANG YIN PA LDANG BA'I NAD GZHI GANG DANG GANG YIN PA, NAD NI NAD GZHI GZHAN LAS MI 'BYUNG GI, RANG GI NYES PA KHO NA LAS BYUNG BA DE NI TSE 'DI'I NYES PA LAS BYUNG BA YIN PAR SHES PAR BYA'O, ,LAS SKYES RGYU NI MED PA YIN, ,ZHES BYA BA NI, GANG RGYU ZHES PA NAD GZHI MED PAR NYES PA GANG YANG RUNG BA ZHIG LAS BYUNG BA 'DI NI LAS LAS BYUNG BA'I NAD YIN NO, ,ZHES NGES PAR SHES PAR BYA STE, NAD GZHI JI LTA BA'I NYES PA LAS BYUNG BA MA YIN PA'I PHYIR RO, ,RGYU CHUNG BA LA DKYEL CHE'I NAD, ,NYES DANG LAS LAS BYUNG BA YIN, ,ZHES BYA BA LA, NAD GANG RGYU CHUNG NGU ZHIG LAS DKYEL SHIN TU CHE BAR SNANG BA DE NI NAD GZHI JI LTA BA'I NYES PA LAS BYUNG BA YIN DU ZIN KYANG, NAD DE NGES PANG NAD
, ,GZHI'I NGES PA DANG, LAS KYI NYES PA GNYIS LAS BYUNG BA YIN PAR NGES PAR SHES PAR BYA'O, ,DE NI NAD RNAM PA GSUM PO 'DI DAG GI GSO BA SMRAS PA NI, DANG PO MI MTHUN BZA' BA YIN, ,LAS SKYES LAS NI ZAD PA STE, ,ZHES BYA BA YIN TE, DANG PO BSHAD PAS NA DANG PO STE, GANG NAD GZHI'I NYES PA 'BA' ZHIG LAS BYUNG BA LA, JI SKAD DU BSHAD PA'I RLUNG LA SOGS PA'I MI MTHUN PA'I GNYEN POR GYUR PA, ZOS PA LAS ZAD CING DENGS PAR 'GYUR RO, ,ZHES TSIG SBYAR BAR BYA'O, ,LAS LAS SKYES PA NI MI DGE BA'I LAS DE NYID BYANG ZHING ZAD PA LAS NAD ZAD PAR 'GYUR RO, ,GNYI GA LAS BYUNG NYES DANG LAS, ,ZAD PAS ZAD PAR 'GYUR BA YIN, ,ZHES BYA BA YANG, TSE GNYI GA'I NYES PA DANG LAS LAS BYUNG BA'I NAD NI RGYU'I NYES PA DANG, NAD KYI RGYU'I LAS ZAD CING 'JIG PAS NAD DE MED PAR 'GYUR BA YIN NO, ,DE LTAR RE ZHIG NAD RNAM PA GSUM DU BSTAN NAS, YANG DBYE BA GNYIS KYI DBANG DU BYAS NAS SMRAS PA NI, NAD NI RANG RGYUD GZHAN RGYUD LAS, ,GNYIS 'GYUR, ZHES BYA BA YIN TE, NAD NI RANG GI RGYUD DANG GZHAN GYI RGYUD KYI RNAM PA DAG LAS GNYIS SU 'GYUR TE, DE LA RANG GI RGYUD NI GTZO BO STE, GZHAN GYI DBANG DU MA GYUR PA ZHES BYA BA DANG DON GCIG GO, ,GZHAN GYI RGYUD NI 'KHOR GZHAN YOD PA DANG, GTZO BO YIN PA DANG, RJES SU 'BRANG BA MA YIN ZHES BYA BA MING GI RNAM GRANGS YIN TE, MTHA' MA'ANG GNYIS YIN TE, ,SNGAR SKYES SNGA MA'I TSUL DU BSHAD, ,PHYI SKYES PA NI BLA BRNAN YIN, ZHES BYA BA LA, MTHA' MA NI GZHAN RGYUD CAN TE, MTHA' MAR BSTAN PAS NA MTHA' MAR TE, GZHAN GYI RJES SU 'BRANG BA'O, ,DE YANG RNAM PA GNYIS YIN TE, SNGAR SKYES PA NI GCIG GO, ,GNYIS PA NI PHYI NAS SKYES PA'O, ,DE LAS GANG SNGON DU SKYES SHING SNGAR BYUR BA DE NI NAD RNAMS KYI SNGAR SKYES PA'I NAD KYI TSUL DU BSHAD DO, ,GANG PHYIS 'BYUNG ZHING NAD KYI RJES SU 'BRANG BA NI NAD KYI BLA BRNAN ZHES BYA BA YIN NO, ,RANG GNAS CI BZHIN GNAS PA NI, ,RANG RGYUD CAN DE MTSAN NYID GSAL, ,ZHES BYA BA LA, GANG YANG RGYUD DU SGRUB CING RANG NYID GTZO BOR GYUR PA DE NI MTSAN NYID GSAL BA YIN TE
DE NI RANG GI GNAS NA GNAS SHING MTSAN NYID GSAL LA, JI LTA BA BZHIN DU MNGON PA NYID YIN TE, DE NI SHES PAR SLA BA YIN NO, ,GZHAN DAG DE LAS GO BZLOG PA, ,ZHES BYA BA LA, GANG DE LAS GZHAN PA SNGA MA'I TSUL DANG DE BZHIN DU BLA BRNAN ZHES BYA BA'I NAD DE NI RANG RGYUD CAN GYI NAD DE LAS GO BZLOG PA STE, RANG BZHIN GO BZLOG PA YIN PAS, RANG GI GNAS NA JI BZHIN DU GNAS PA LTAR MTSAN NYID GSAL BA MA YIN LA, GZHAN GYI DBANG DU GYUR BAS NA, ,GZHAN RGYUD CAN ZHES BYA BA'O, ,CIN DA 'BA' ZHIG RANG RGYUD DANG GZHAN RGYUD KYIS PHYE BA'I RANG GI MTSAN NYID JI SKAD DU BSTAN PA BZHIN DU SHES PAR BYA 'AM, 'ON TE GZHAN DAG KYANG DE LTAR SHES PAR BYA ZHE NA, DE'I PHYIR SMRAS PA, DRI MA 'ANG DE BZHIN SHES BAR GYIS, ,ZHES BYA BA STE, NAD 'BA' ZHIG RANG RGYUD DANG GZHAN RGYUD CAN DU SHES PAR BYA BA 'BA' ZHIG TU MA ZAD KYI, DRI MA'I BAR YANG RLUNG DANG MKHRIS PA DANG BAD KAN GYI RANG RGYUD DANG GZHAN RGYUD CAN DU SHES PAR BYA'O, ,DE NI NAD RE LDANG BA NA, ,MA YENGS PAS NI SHES BYA STE, ,ZHES BYA BA LA, NAD DE RANG GI GNAS JI LTA BA BZHIN DU GNAS PAS NYE BAR GNAS PA'I RANG BZHIN SHES PAR BYA STE, NAD RE RE LDANG ZHING RNAM PAR G-YOS BA NA SMAN PAS MA YENGS SHING DE LA GTAD PA'I SEMS BSDUS PAS LUNG DANG, MNGON SUM DU RJES SU DPAG PAS SHES PAR BYA'I GZHAN DU SEMS PAS NI MA YIN NO, ,DE LA NAD RANG RGYUD CAN GYI RANG GI SKYE BA'I MTSAN NYID DANG, RJES SU MTHUN PA'I SMAN LA SOGS PAS BDE BAR GSO BA NI, DE'I MTSAN NYID KYI DON BSHAD PA YIN TE, DE BAS NA DE NYID DE'I NYE BAR ZHI BA'I THABS YIN NO, ,GZHAN RGYUD KYI NAD RNAMS ZHI BAR BYED PA'I THABS GANG ZHIG YIN ZHE NA, DE'I PHYIR SMRAS PA, DE RNAMS GTZO BO ZHI BYAS PAS, ,ZHI 'GYUR, ZHES BYA BA STE, GZHAN RGYUD CAN GYI NAD DE RNAMS NI GTZO BO MA YIN PAS GTZO BO RANG RGYUD CAN ZHI ZHING GSO BA BYAS PAS, ZHI BAR 'GYUR GYI, LOGS SHIG TU GSO BAS GSO DGOS PA NI MA YIN NO, ,ZHI BAR MA GYUR NA, ,DE BZHIN PHYI NAS GSO BAR BYA, ,ZHES BYA BA LA, GAL TE GTZO BO'I NAD GSOS KYANG GTZO 'O MA YIN PA'I BLA BRNAN RANG RGYUD CAN MA YIN PA ZHI
, ,BAR MA GYUR NA DE'I TSE NAD BLA BRNAN DE YANG SNGA MA GSOS PA'I RJES LA GSO BAR BYA'I, DE BTANG SNYOMS SU MI BZHAG STE DE NI GSOR MI RUNG BA MA YIN PA'I PHYIR RO, ,'ON TE BLA BRNAN STOBS CHE NA, MYUR GSO, ,ZHES BYA BA LA, GAL TE NAD GZHAN DBANG CAN BLA BRNAN ZHES BYA BA TSABS CHE ZHING STOBS DANG LDAN NA, DE'I TSE BLA BRNAN LAS BYUNG BA'I NAD TSABS PO CHE DE MYUR BA KHO NAR DANG POR GSO BAR BYA'I, PHYIS NI MA YIN NO ZHES BYA BA'I DON TO, ,DE NAD KYIS GZIR BA, LUS LA SHAS CHER GNOD BYED YIN, ,ZHES BYA BA LA, GANG GI PHYIR NAD BLA BRNAN DE NI SNGAR NAD KYIS GZIR BA'I SKYES BU'I LUS LA BLA BRNAN SHAS CHER GNOD PAR BYED PA YIN TE, BLA BRNAN PHYIS 'BYUNG BA YIN DU ZIN KYANG, NAD KYIS NYON MONGS PA'I LAS LAS 'BYUNG BAS SHIN TU GNOD PAR BYED PA YIN TE, DPER NA GCIN 'GAGS PA LA THOR BU 'BYUNG BA LA SOGS PA LTA BU'O, ,DE LTAR NA GZHAN DBANG GI NAD GTZO BO MA YIN PA STOBS ZHAN PA NI RANG DBANG CAN GYI NAD GSOS PAS ZHI BAR 'GYUR LA, GZHAN DBANG CAN STOBS CHE ZHING NAD TSABS CHE BA NI PHYIS 'BYUNG BA YIN YANG BLA BRNAN DE SNGA MA GSOS PAS ZHI BAR MI 'GYUR TE, DE MA GSOS NA TSABS CHE BA NYID YIN PA'I PHYIR RO, ,DE LTAR NA NAD KYI MTSAN NYID SHES PAR BYAS NAS, GANG NAD MA LUS PA'I RNAM PAR 'GYUR BA THAMS CAD KYI MING NAS BZUNG BA'I TSUL DU BSDUS TE BSTAN MOD KYI, MING MED PA'I NAD DAG KYANG SNANG BAS DE DAG GSO BAR BYA STE, GANG GI PHYIR NAD GZHI MED PAR NAD KYI RNAM PAR 'GYUR BA YOD MI SRID DO, ,DE BAS NA 'DIR SMRAS PA, NAD LA RNAM PAR MI MKHAS ZHES, ,NGO TSA NAM YANG MA BYED CIG ,NAD KYI 'GYUR BA THAMS CAD KYI, ,MING GI NGES BSTAN YOD MA YIN, ,ZHES BYA BA LA, NAD LA RNAM PAR MI MKHAS PA NI SMAN PAS NAD KYI MING MI SHES PA STE, DES NGO TSA BAR MI BYA STE, BDAG NI NAD RNAMS KYI MING MI SHES PA'O, ,ZHES NGO TSA BA NYID DU MA BYED CIG PA'O, ,CI'I PHYIR ZHE NA, NAD KYI 'GYUR BA THAMS CAD DE, NAD MA LUS PA RNAMS KYI MING GI NGES PA 'DI DANG 'DI YIN ZHES PA BSTAN PAR GNAS PA YIN NO, ,NYES PA DE NYID 'KHRUGS NAS NI, ,KHYAD PAR DU NI LDANG GYUR NAS,
GNAS GZHAN DAG TU SONG NAS NI, ,NAD NI MANG POR BYED PAR 'GYUR, ,DE BAS NAD KYI RANG BZHIN NI, ,RANG GNAS GZHAN DU 'PHOS PA DANG, ,RGYU YI KHYAD PAR SHES BYAS LA, ,SMAN DPYAD KYIS GSO MYUR DU BYA, ,ZHES BYA BA LA, GANG GI PHYIR RLUNG LA SOGS PA'I NYES PA GANG YANG RUNG BA CIG PO DE NYID 'KHRUGS SHING RNAM PAR LDANG BA'I KHYAD PAR GYIS GNAS GZHAN DANG GZHAN DAG TU SONG ZHING PHYIN NAS RANG GI GNAS SPANGS TE, GZHAN GYI GNAS DE DANG DER SONG BA DANG, NAD KYI RNAM PAR 'GYUR BA'I RGYU RLUNG LA SOGS PA YIN PAR MI SHES PAS NI NAD DE GSO BAR MI BYA'O, ,DE BZHIN DU GZHAN DAG KYANG SHES NAS RLUNG LA SOGS PA DE RNAMS 'KHRUGS PA'I RGYU'I NAD GZHI'I KHYAD PAR SHES PAR BYAS LA, NAD RNAMS SMAN DPYAD KYIS GSO ZHING ZHI BA MYUR ZHING RINGS PA NYID DU BYA'I, NAD RNAMS MI SHES PAR NI NAD DE GSO BAR MI BYA'O, ,GAL TE RGYU DANG RANG BZHIN DAG THA DAD PA MA YIN MOD KYI, 'ON KYANG 'DI DAG GI RANG GI MTSAN NYID KYI 'JUG PA NI NGES PAR KHYAD PAR YOD PAR SHES PAR BYA STE, GANG GIS RLUNG LA SOGS PA KHYAD PAR DU BYED PA DE NI DE'I RANG BZHIN YIN LA, RTZUB PA LA SOGS PAS LDANG BAR BYED PA DE NI RGYU ZHES BYA'I, RTZUB PA LA SOGS PA LA RANG BZHIN ZHES MI BYA STE, RING BA'I RGYU YIN PA'I PHYIR RO, ,CI DE TZAM ZHIG LAS SU BYA BA NYAMS SU BLANGS NAS, SMAN PA DAG GSO BAR BYED NA NYES PA MED PAR 'GYUR BA YIN NAM, 'ON TE GZHAN 'GA' ZHIG LA YANG LTOS PAR BYA DGOS SHE NA, DE'I PHYIR SMRAS PA NI, GNOD BYA YUL DANG NYAMS STOBS DUS, , ME DROD RANG BZHIN NA TSOD DANG, ,SNYING STOBS GOMS DANG ZAS RNAMS KYIS, ,GNAS SKABS RNAM PA THA DAD PA, ,'DI DAG PHRA MO YAN CHAD BRTAG ,NAD DANG SMAN GYI TSUL BRTAGS PAS, ,GANG ZHIG GSO BA LA 'JUG PA, ,DE NI NAM YANG 'KHRUL MI 'GYUR, ,ZHES BYA BA YIN TE; 'DI DAG GI MTSAMS SBYOR MA BYAS PAS GNOD BYA LA SOGS PA RE RE ZHING RANG RGYUD DU SO SOR MA LUS PAR BRTAGS LA, JI LTA BA BZHIN DU SHES PAR BYA BA DANG, DE BZHIN DU NAD KYANG SHES PAR BYA BA DANG, GNOD BYA LA SOGS PA DE DANG DE RNAMS PHRA BA DANG, PHRA BA'I YANG PHRA BA DANG
, ,SHIN TU PHRA ZHING SHES PAR DKA' BA YAN CHAD KYI GNAS SKABS LEGS PAR BRTAGS PA'I TSUL SNA TSOGS PA DANG, NAD DANG SMAN GYI TSUL BRTAG CING YONGS SU SHES PAR BYA BAS NGES PAR BYAS NAS, SMAN PA GANG ZHIG GSO ZHING NAD BSAL BA LA 'JUG PA DE NI DUS NAM YANG GSO BA DANG, SMAN GYI SBYOR BA DE LA 'KHRUL ZHING NYES PA DANG LDAN PAR MI 'GYUR TE, 'DOD PA'I DON RDZOGS PAR BYED PAR 'GYUR RO ZHES BYA BA'I DON TE, YUL DE LA SOGS PAR SGRUB PAR MI 'GYUR RO, ,DE LA GNOD BYA NI LUS ZUNGS DANG DRI MA RNAMS SO, ,YUL NI SA PHYOGS KYI YUL DANG LUS KYI YUL LO; ,DE YANG SKAMS DANG, RLAN CAN DANG, GNYI GA 'DRES PA'I DBYE BAS PHYE BA'O, ,NYAMS STOBS NI RNAM PA GSUM STE, LHAN CIG SKYES BA DANG, DUS KYIS SKYES BA DANG, SBYOR BAS SKYES PA'O, ,DUS NI RNAM PA GSUM STE, GRANG BA DANG, TSA BA DANG, CHAR GYI DUS SO, ,ME DROD NI RNAM PA BZHI STE, SNYOMS PA DANG, MA SNYOMS PA DANG, DRAG PA DANG, ZHAN PA'O, ,RANG BZHIN NI BDUN TE, NAD GZHI RE RE DANG, GNYIS GNYIS DANG, CHA MNYAM PA'O, ,NA TSOD NI GSUM STE, BYIS PA DANG, DAR LA BAB PA DANG, RGAN PO'O, ,SNYING STOBS NI RNAM PA GSUM STE, SNYING STOBS DANG, RDUL DANG, MUN PA'I DBYE BAS SO, ,GOMS PA NI GSUM STE, MCHOG DANG, BAR MA DANG, THA MA'I DBYE BAS SO, ,ZAS NI RNAM PA GNYIS TE, PHAN PA DANG, GNOD PA NYID KYIS SO, ,DE LTA BU'I GNAS SKABS RNAM PA BCU SO SOR BRTAGS PAS BRTAG PA DANG, DE BZHIN DU BCU PO 'DI DAG NYID KYIS PHRA MO STE, SHIN TU SHES PAR DKA' BA'I GNAS SKABS YAN CHAD BRTAGS PAS SHES PAR BYAS NA DE GSO BA LA NAM YANG 'KHRUL BAR MI 'GYUR GYI, GAL TE GNAS SKABS DE DAG SMAN PAS MA BRTAGS PAR BYED NA NI NAD PA GSOD PAR 'GYUR BA YIN NO, ,NAD DKYEL CHE 'AM CHUNG BA DAG ,PHOG SNYA LUS NYAMS CHE CHUNG LAS, ,GNOD PAR BYED PA SNANG GYUR BAS, ,DE LA'ANG MA YENGS NYID DU BYA, ,ZHES BYA BA LA, PHOG SNYA CHE BA DANG LUS KYI NYAMS CHE BA LA, DANG POR NAD DKYEL CHE ZHING STOBS DANG LDAN PA BYUNG DU ZIN KYANG STOBS CHUNG BA LTA BUR SHES PAR BYA STE, CI'I PHYIR ZHE NA, SNYING STOBS DANG, LUS KYI NYAMS GNYIS SHIN TU CHE BA YIN PA'I PHYIR RO, ,DE BZHIN PHOG SNYA CHUNG BA DANG, LUS KYI NYAMS SHIN TU CHUNG BA LA, NAD YANG BA NYID BYUNG DU
ZIN KYANG CHE BA LTA BUR SHES PAR BYA STE, SNYING STOBS DANG LUS KYI NYAM CHUNG BA NYID YIN PA'I PHYIR RO, ,DE LTAR PHOG SNYA DANG, LUS KYI NYAMS CHE BA DANG, CHUNG BA LAS NAD KYI DKYEL CHE BA 'AM CHUNG BA GNOD PAR BYED PA GZHAN DANG GZHAN DU SNANG BAR 'GYUR GYI, NAD KYI MTSAN NYID JI LTA BA BZHIN DU MA YIN NO, ,'ANG ZHES PA'I SGRAS NI NAD KYI DKYEL CHE CHUNG GCIG KHO NAR SNANG BA NI MA YIN NO, ,DE BAS NA NAD KYI GNAS SKABS 'DIR DANG POR NAD GZHI NAS BZUNG STE, GNAS SKABS KUN LA SMAN PAS MA YENGS PA NYID DU BYA DGOS SO ZHES BYA BA'I DON TO, ,SMAN PA NGAN PAS NAD RNAMS NI, ,LCI BA YANG BAR YONGS RTOG CING, ,NAD NYUNG DAG TU BRTAGS PA YIS, , GSO BA LOG PA DAG TU 'GYUR, ,ZHES BYA BA LA, SMAN PA NGAN CING MI SHES PA DE NI NAD KYI DBYIBS TZAM MTHONG BA LAS NAD LCI BA YANG BA LTA BUR RTOG CING NGES PAR BYED DO, ,NAD NYUNG BAR BRTAGS PAS NAD KYI TSAD CHUNG BAR NGES PAR BYAS PA'I PHYIR GSO BA LOG PAR BYED BAR 'GYUR LA, NAD CHUNG NGU DAG NAD CHE BA, NAD TSA BAS LCI BA NYES PA LTAR BYED DE, DE LTAR NA NAD YANG BA NI LCI BA LTA BUR NYES PA MANG BAR RTOG LA, LCI BA NI YANG BA LTA BUR RTOG PAS NAD CHUNG NGU LA NAD LCI BA LA 'OS PA'I SMAN STER BAR BYED LA, NAD LCI BA LA NI NAD YANG BA LA 'OS PA'I SMAN STER BAS GSO BA LOG PA DAG TU 'GYUR RO, ,DE BAS CHUNG BA'AM STOBS CHUNG BA, , DKYEL CHEN NAD LA RAB TU SBYOR, ,SBYAR BA CHUNG NGUR SBYAR BA YIS, ,NAD NI SHIN TU SLONG BA YIN, ,ZHES BYA BA LA, GANG GI PHYIR DE LTAR BYED PA DE BAS NA TSAD CHUNG BAS CHUNG BA'AM, STOBS CHUNG BA'AM, NAD KYI DKYEL CHUNG BAR BRTAGS PAS NAD DKYEL CHEN PO STOBS DANG LDAN PA LA SMAN DE RAB TU SBYOR ZHING STER BAR BYED BAS SBYAR BA CHUNG NGUR SBYAR ZHING BTANG BAS NAD DE SHIN TU SLONG ZHING DKRUGS PAS SLAR THU BAR BYED PAR 'GYUR RO, ,SBYOR BA'ANG LHAG PAR SBYOR BA DANG, ,LOG PAR SBYOR BAS PHYIN CI LOG ,DRI MA 'BYUNG BAR MA ZAD KYI, ,LUS KYANG SHIN TU MA RUNGS 'GYUR, ,ZHES BYA BA LA, SBYONG BAR BYED PA NA NAD SHAS CHE BAR BRTAGS BAS LHAG BAR SHAS CHE BA'I SBYOR BA BYED PA DANG, LOG PAR SBYOR BA STE, NAD CHUNG NGU LA PHYIN CI LOG TU SBYONG BA LA SBYOR BAR BYED PA'O, ,CI'I PHYIR PHYIN CI LOG YIN ZHE NA, RANG BZHIN CHUNG ZHING STOBS CHUNG BA LAS TSAD CHE BA DANG STOBS CHE BA'I SBYOR BA LA SBYOR BA NI, LHAG PAR SBYOR BA YIN PAS DES DRI MA 'BA' ZHIG 'BYUNG ZHING ZAD
, ,PAR 'GYUR BAR MA ZAD KYI, LUS KYANG SHIN TU 'JIG CING MA RUNGS PA NYID DU 'GYUR RO, ,DE BAS RTAG TU BRTZON PA DANG, ,THAMS CAD KUN TU LEGS BRTAGS NAS, ,CI NAS NAD MED BRTAN GYUR PA, ,DE LTAR SMAN DPYAD SBYAR BAR GYIS, ,ZHES BYA BA LA, GANG GI PHYIR TSUL DE LTAR NAD RNAMS KYI MTSAN NYID RTOGS PA SHES PAR DKA' BA YIN PA'I RGYU DE BAS NA SMAN PA SHES RAB DANG LDAN PAS, BRTZON ZHING 'BAD PA DANG LDAN PAS DNGOS PO THAMS CAD DUS KUN TU GNOD BYA LA SOGS PA'I DNGOS PO RNAMS LA LEGS PAR DPYAD CING BRTAGS NAS, RNAM PA THAMS CAD DU NI CI NAS KYANG TSE'I RIG BYED KYI RJES SU 'BRANG BA'AM DE'I BSTAN BCOS LAS BSHAD PA BZHIN DU BYAS LA, NAD MED PA BSTAN PAR BYA BA'I PHYIR SMAN DPYAD DAG MKHAS SHING GSAL BAS SBYANG BAR BYA STE, RNAM PA DE LTA BUS NAD DANG LUS ZUNGS LA SOGS PA DANG, RJES SU MTHUN PA'I RNAM PA GANG GIS SMAN DE BYIN PA NA NAD MED PA NYID DU 'GYUR BA DE LTAR BYA'O, ,SNGAR NYES PA DANG DE NYID NAD THAMS CAD KYI RGYU YIN PAR BSHAD NAS DE'I 'OG TU NAD DE RNAMS GNOD PAR BYA BA LA SOGS PA'I RNAM PAR BRTAGS NAS BSHAD PA YIN NO, ,DE BAS NA 'DIR SMRAS PA NI, DE NAS GZHAN YANG NAD RNAMS NI, ,'PHEL ZAD DBYE BAS BSHAD BYA STE, ,ZHES BYA BA LA SOGS PA YIN TE, DE NAS DE'I RJES THOGS LA NAD DE RNAMS KYI DBYE BA BSHAD CING BSTAN PAR BYA'O, ,CI LTAR DBYE BAS CI BYA ZHE NA, 'PHEL ZAD DBYE BAS ZHES BYA BA STE, 'PHEL BA DANG ZAD PA NI 'PHEL ZAD DE, DE GNYIS KYI DBYE BA'I KHYAD PAR DE LAS BSHAD CING BSTAN PAR BYA'O, ,THA DAD PA LAS GSUM ZHES BYA, ,LDAN GSUM DE YANG DE DGU YIN, ,MNYAM PAR 'PHEL BAS GSUM NYID DE, ,GCIG RAB LHAG LAS DRUG TU 'GYUR, ,MA LUS PA LAS BCU GSUM YIN, ,GNYIS GCIG LHAG PA LAS DRUG STE, ,MTSUNGS LAS GCIG YIN RAB DANG NI, ,RAB MCHOG BRTAGS PA LAS DRUG YIN, ,DE LTAR NYI SHU RTZA LNGA NI, ,'PHEL BA'O ZAD PA'ANG DE SNYED YIN, ,DE DAG RE RE 'PHEL MNYAM ZAD, ,DRUG STE SLAR YANG DE DAG NI, ,GCIG ZAD GNYIS GNYIS 'PHEL BA NI, ,GO BZLOG BCAS LAS DRUG TU 'GYUR, ,DBYE BA DRUG CU GNYIS SU BSTAN, ,DRUG CU GSUM PA BDER GNAS RGYU, ,ZHES BYA BA LA, RLUNG LA SOGS PA GSUM PO DE DAG SO SO THA DAD PA LAS GSUM YIN LA, RANG
GI TSAD LAS LHAG PA GSUM GSUM DU 'GYUR BAS DGUR SHES PAR BYA'O, ,DE YANG RLUNG 'PHEL BA DANG, MKHRIS PA 'PHEL BA DANG, BAD KAN 'PHEL BA DANG, DE LTAR NA NAD KYI DBYE BA RNAM PA GSUM DU SHES PAR BYA BA DANG, LDAN PA DANG, 'DUS PA DANG, DE GNYIS DANG GSUM ZAD PA LAS 'KHRUGS PA LAS 'GYUR LA, 'DUS PA NI NYES PA 'DUS PA LAS 'GYUR RO, ,DE LA RE ZHIG LDAN PA NI GSUM STE, RLUNG DANG, MKHRIS PA DANG, RLUNG DANG BAD KAN DANG, MKHRIS PA DANG BAD KAN NO, ,LDAN PA DER RNAM PA GSUM DU GZHAG PA'I NAD KYI DBYE BA RANG GI TSAD LAS LHAG PAR GYUR BA DE LA SHES PAR BYA'O ZHES 'DI THAMS CAD LA SBYAR BAR BYA'O, ,JI LTA ZHE NA, DE LA RE ZHIG LDAN PA'I NAD KYI DBYE BA GSUM PO NYID 'PHEL BA LAS, GCIG NI RLUNG DANG MKHRIS PAR LDAN PA LHAG PAR GYUR BAS PHYE BA'O, ,GNYIS PA NI BAD KAN GYI LDAN PA LHAG PAR GYUR BAS PHYE BA'O, ,GSUM PA NI MKHRIS PA DANG BAD KAN GYI LDAN PA LHAG PAR GYUR PAS PHYE BA STE, DE LTAR NA LDAN PA'I DBYE BA GSUM DU SHES PAR BYA'O, ,SHIN TU LHAG PAR GCIG DRUG 'GYUR, ,ZHES BYA BA LA NI LDAN PA LA GNAS PA'I NAD 'DI DAG LAS NAD GCIG SHIN TU LHAG CING KHYAD PAR DU 'PHEL BAS LDAN PA'I DBYE BA DRUG TU 'GYUR BAR SHES PAR BYA STE, RLUNG 'PHEL BA DANG, MKHRIS PA MCHOG TU 'PHEL BA DANG, MKHRIS PA 'PHEL BA DANG, RLUNG MCHOG TU 'PHEL BA DANG, RLUNG 'PHEL BA DANG, BAD KAN MCHOG TU 'PHEL BA DANG, BAD KAN 'PHEL BA DANG, RLUNG MCHOG TU 'PHEL BA DANG, BAD KAN 'PHEL BA DANG, MKHRIS PA MCHOG TU 'PHEL BA DANG, MKHRIS PA 'PHEL BA DANG, BAD KAN MCHOG TU 'PHEL BA STE, DE LTAR NA 'PHEL BA SHAS CHE CHUNG 'DRES PA LAS LDAN PA DRUG TU 'GYUR RO, ,MA LUS PA LAS BCU GSUM YIN, ,ZHES BYA BA NI NAD GSUM PO DE DAG MA LUS PA 'DUS PA LAS 'DUS PA'I NAD BCU GSUM DU 'GYUR BAR SHES PAR BYA STE, JI LTA ZHE NA, LHAG PA YIS KYANG DRUG GNYIS GCIG, CES BYA BA STE, GNYIS DANG GCIG NI GNYIS GCIG STE, DE RNAMS KYI LHAG PA YIN PAS NA, LHAG PA YIS NI GNYIS GCIG STE, GNYIS DANG GCIG GIS LHAG PA STE 'PHEL BAR GYUR PAS NAD GNYIS LHAG PA DANG GCIG LHAG PA LAS 'DI DAG TU 'GYUR TE, DE YANG RLUNG 'PHEL BA DANG, MKHRIS PA DANG, BAD KAN GNYIS MCHOG
, ,TU 'PHEL BA DANG, MKHRIS PA 'PHEL BA DANG, RLUNG DANG BAD KAN MCHOG TU 'PHEL BA DANG, BAD KAN 'PHEL BA DANG, MKHRIS PA DANG RLUNG MCHOG TU 'PHEL BA DANG, RLUNG DANG MKHRIS PA 'PHEL BA DANG, BAD KAN MCHOG TU 'PHEL BA DANG, MKHRIS PA DANG BAD KAN 'PHEL BA DANG, RLUNG MCHOG TU 'PHEL BA DANG, RLUNG DANG BAD KAN 'PHEL BA DANG, MKHRIS PA MCHOG TU 'PHEL BA STE, DE LTAR 'DUS PA DRUG GI RNAM PAR DBYE BAS GNYIS DANG GCIG LHAG PA YIN PAR SHES PAR BYA'O, ,LHAG PA MTSUNGS PAS GCIG YIN LA, ,'DUS PA'I NAD GCIG PU'I DBYE BA MTSUNGS PA'I LHAG PA'I NYES PAS SHES PAR BYA'O, ,DE YANG GANG LHAG PA'I NYES PA MTSUNGS SHING MNYAM PAR BYAS NAS, DE 'DUS PA'I NAD KYI DBYE BA GCIG YIN PAR SHES PAR BYA'O, ,RAB DANG RAB MCHOG BRTAGS PAS DRUG ,DE YANG RAB MCHOG GI DBYE BAS 'DUS PA'I NAD DE RNAM PAR BRTAG PA'I DBYIBS 'PHEL BA'I TSUL LAS 'DUS PA'I DBYE BA DRUG TU SHES PAR BYA STE, RLUNG 'PHEL BA DANG, MKHRIS PA RAB TU 'PHEL BA DANG, BAD KAN MCHOG TU 'PHEL BA 'DUS PA DANG, MKHRIS PA 'PHEL BA DANG, BAD KAN RAB TU 'PHEL BA DANG, RLUNG MCHOG TU 'PHEL BA 'DUS PA DANG, BAD KAN 'PHEL BA DANG, MKHRIS PA RAB TU 'PHEL BA DANG, RLUNG RAB MCHOG TU 'PHEL BA 'DUS PA DANG, RLUNG 'PHEL BA DANG, BAD KAN RAB TU 'PHEL BA DANG, MKHRIS PA RAB MCHOG TU 'PHEL BA 'DUS PA DANG, MKHRIS PA 'PHEL BA DANG, BAD KAN RAB TU 'PHEL BA DANG, RLUNG RAB MCHOG TU 'PHEL BA 'DUS PA DANG, BAD KAN 'PHEL BA DANG, RLUNG RAB TU 'PHEL BA DANG, MKHRIS PA RAB MCHOG TU 'PHEL BA 'DUS PA STE, DE LTAR DRUG GO, ,DE LTAR NYI SHU RTZA LNGA NI 'PHEL BA'O ZHES BYA BA NI NAD 'DI DAG NI NAD KYI DBYE BA SHES PAR BYA STE, DE LTAR JI SKAD DU BSHAD PA'I RNAM PA DE DAG GIS NAD KYI GRANGS NYI SHU RTZA LNGAR NGES PA NYID DU SHES PAR BYA'O, ,ZAD PA'ANG DE SNYED YIN, ZHES BYA BA LA, NAD DE RNAMS ZAD CING BRI BAR GYUR BA'I GNAS SKABS SU YANG GRANGS DE SNYED KHO NA YIN TE, NAD KYI DBYE BA'ANG NYI SHU RTZA LNGAR 'GYUR BAR SHES PAR BYA'O, ,DE YANG NAD GZHI GSUM PO SO SOR ZAD PA LAS GSUM DU 'GYUR TE, RLUNG ZAD PA DANG, MKHRIS PA ZAD PA DANG, BAD KAN ZAD PA STE, DE LTAR NAD KYI DBYE BA GSUM DU SHES PAR BYA'O, ,NAD ZAD PA GANG YIN PA 'DI DAG GI LDAN PA NI DGUR SHES PAR BYA STE, JI LTA ZHE
NA, GSUM PO DE NYID ZAD PAR MNYAM PA LA LTOS PA'I ZAD PA LHAG PAR SHAS CHE BA STE, RLUNG ZAD PA DANG, MKHRIS PA RAB TU ZAD PA'I LDAN PA DANG, MKHRIS PA ZAD PA DANG, RLUNG RAB TU ZAD PA'I LDAN PA DANG, RLUNG ZAD PA DANG, BAD KAN RAB TU ZAD PA'I LDAN BA DANG, BAD KAN ZAD PA DANG, MKHRIS PA RAB TU ZAD PA'I LDAN PA DANG, MKHRIS PA ZAD PA DANG, BAD KAN RAB TU ZAD PA'I LDAN PA DANG, BAD KAN ZAD PA DANG, RLUNG RAB TU ZAD PA'I LDAN PA STE, DE LTAR NAD RAB TU ZAD PA'I LDAN PA LAS BYUNG BA'I DBYE BA DRUG TU SHES PAR BYA'O, ,NAD GZHI ZAD PA'I 'DUS PA LAS NAD KYI DBYE BA BCU GSUM DU 'GYUR BAR SHES PAR BYA STE, JI LTA ZHE NA, GNYIS DANG GCIG LHAG PAR SHAS CHE BA DRUG STE, NAD GNYIS LHAG PAR SHAS CHE BAR SHIN TU ZAD PA DANG, DE BZHIN DU NAD GZHI GCIG LHAG PAR SHAS CHE BAR SHIN TU ZAD PA'I RNAM GRANGS LAS 'DUS PA'I NAD DRUG TU 'GYUR BAR SHES PAR BYA STE, DE YANG 'DI LTAR RLUNG ZAD PA DANG, MKHRIS PA DANG, BAD KAN RAB TU ZAD PA'I 'DUS PA DANG, MKHRIS PA ZAD PA DANG, RLUNG DANG BAD KAN RAB TU ZAD PA'I 'DUS PA DANG, BAD KAN ZAD PA DANG, MKHRIS PA DANG RLUNG RAB TU ZAD PA'I 'DUS PA DANG, RLUNG DANG MKHRIS PA ZAD PA DANG, BAD KAN RAB TU ZAD PA'I 'DUS PA DANG, MKHRIS PA DANG BAD KAN ZAD PA DANG, RLUNG RAB TU ZAD PA'I 'DUS PA DANG, RLUNG DANG BAD KAN ZAD PA DANG, MKHRIS PA RAB TU ZAD PA'I 'DUS PA STE, DRUG DANG, RLUNG DANG MKHRIS PA DANG, BAD KAN ZAD PA'I 'DUS PA GCIG GO, ,DE DAG MCHOG RAB TU BRTAGS PA'I DBYE BAS NAD KYI DBYE BA DRUG TU 'GYUR TE, RLUNG ZAD PA DANG, MKHRIS PA RAB TU ZAD PA DANG, BAD KAN MCHOG TU RAB TU ZAD PA'I 'DUS PA DANG, MKHRIS PA ZAD PA DANG, RLUNG RAB TU ZAD PA DANG, BAD KAN MCHOG RAB TU ZAD PA'I 'DUS PA DANG, BAD KAN ZAD PA DANG, MKHRIS PA RAB TU ZAD PA DANG, RLUNG MCHOG RAB TU ZAD PA'I 'DUS PA DANG, RLUNG ZAD PA DANG, BAD KAN RAB TU ZAD PA DANG, MKHRIS PA MCHOG RAB TU ZAD PA'I 'DUS PA DANG, MKHRIS PA ZAD PA DANG, BAD KAN RAB TU ZAD PA DANG, RLUNG MCHOG RAB TU ZAD PA'I 'DUS PA DANG, BAD KAN ZAD PA DANG, RLUNG RAB TU ZAD PA DANG, MKHRIS PA MCHOG RAB TU ZAD PA'I 'DUS PA STE, DRUG GO, ,DE LTAR NA SPYIR NAD GZHI ZAD PA LAS GYUR PA'I NAD KYANG NYI SHU RTZA LNGA YOD PAR SHES PAR BYA'O, ,DE DAG RE RE 'PHEL MNYAM
, ,ZAD, ,DRUG STE, ZHES BYA BA LA NAD KYI DBYE BA DE RNAMS 'OG NAS BSHAD PA'I NAD KYI DBYE BA'I MING 'DIS NAD DRUG TU 'GYUR TE, DE YANG 'PHEL BA DANG, MNYAM PA DANG ZAD PA DAG NI 'PHEL ZAD CES BYA STE, RLUNG LA SOGS PA GANG YANG RUNG BA RE RE ZHING 'PHEL BA DANG MNYAM PA DANG ZAD PA LAS DRUG TU 'GYUR TE, 'DI LTAR RLUNG 'PHEL BA DANG, MKHRIS PA MNYAM PA DANG, BAD KAN ZAD PA'I NAD DANG, MKHRIS PA 'PHEL BA DANG, RLUNG MNYAM PA DANG, BAD KAN ZAD PA'I NAD DANG, BAD KAN 'PHEL BA DANG, MKHRIS PA MNYAM PA DANG, RLUNG ZAD PA'I NAD DANG, RLUNG 'PHEL BA DANG, BAD KAN MNYAM PA DANG, MKHRIS PA ZAD PA'I NAD DANG, MKHRIS PA 'PHEL BA DANG, BAD KAN MNYAM PA DANG, RLUNG ZAD PA'I NAD DANG, BAD KAN 'PHEL BA DANG, RLUNG MNYAM PA DANG, MKHRIS PA ZAD PA'I NAD DE, DE LTAR NA RE RE ZHING 'PHEL BA DANG, MNYAM PA DANG ZAD PA LAS DRUG GO, ,SLAR YANG DE DAG NI, ,GCIG ZAD GNYIS GNYIS 'PHEL BA NI, ,GO BZLOG BCAS LAS DRUG TU 'GYUR, ,ZHES BYA BA LA, YANG NAD KYI DBYE BA DRUG PO DE RNAMS LAS, GCIG GI ZAD PA NI GCIG ZAD CES BYA LA, GNYIS GNYIS KYI 'PHEL BA YOD PA LAS NI GNYIS 'PHEL ZHES BYA BA LA, DE GO BZLOG DANG BCAS PA NI GANG LA GO BZLOG PA YOD PA DE LA DE SKAD CES BYA STE, YANG NAD KYI DBYE BA DRUG PO DE RNAMS LAS, GCIG ZAD PA DANG GNYIS 'PHEL BA DES BSNAN NA DRUG GO, ,DE YANG 'DI LTAR RLUNG DANG MKHRIS PA DANG, BAD KAN 'PHEL BA'I NAD DANG, MKHRIS PA ZAD PA DANG, RLUNG DANG BAD KAN 'PHEL BA'I NAD DANG, BAD KAN ZAD PA DANG, RLUNG DANG MKHRIS PA 'PHEL BA'I NAD DANG, DE BZHIN DU GNYI GA 'PHEL BA'I NAD TSUL GYIS NAD KYI DBYE BA DRUG STE, DE YANG GNYIS GNYIS ZAD PA RE RE LA 'PHEL BA DANG BCAS PAS 'GYUR BA NI, 'DI LTAR RLUNG DANG MKHRIS PA ZAD PA DANG, BAD KAN 'PHEL BA'I NAD DANG, RLUNG DANG BAD KAN ZAD PA DANG, MKHRIS PA 'PHEL BA'I NAD DANG, MKHRIS PA DANG BAD KAN ZAD PA DANG, RLUNG 'PHEL BA'I NAD DE, DE LTAR TSUL GNYIS 'PHEL BA'I RNAM PAS NAD KYI DBYE BA RNAM PA DRUG YIN LA, DE RNAMS KYI RAB DANG MCHOG RAB KYI DBYE BAS BRTZI BA PHRA MO NI MTHA' YAS PA YIN PAR SHES
PAR BYA'O, ,DBYE BA DRUG CU GNYIS SU BSTAN, ,DRUG CU GSUM PA BDER GNAS RGYU, ,ZHES BYA BA LA, DE LTAR RLUNG LA SOGS PA NAD GZHI'I DBYE BAS, SPYIR DRUG CU RTZA GNYIS SU BSTAN CING BSHAD BA'AM, DRUG CU RTZA GSUM DU BSTAN TO, ,DE CI'I PHYIR ZHE NA, ,BDER GNAS RGYU ZHES BYA BA STE, , BDE BA'I RGYUR GYUR BA NYID KYI PHYIR RO, ,DE BZHIN 'DI DAG DANGS MA KHRAG SOGS 'DRES PA LAS, ,NAD NI ZAD DANG MNYAM DANG 'PHEL BA'I DBYE BA YIS, ,RAB DANG RAB MCHOG DAG LA MTHA' LAS NYID 'GYUR BAR, ,RANG BZHIN CI 'DRA MA YENGS YID KYIS SHES PAR GYIS, ,ZHES BYA BA LA, NAD KYI DBYE BA 'DI DAG DANG, DANGS MA LA SOGS PA 'DRES SHING 'DUS PA DANG, DE BZHIN DU ZAD PA DANG, MNYAM PA DANG, RNAM PAR 'PHEL BA'I DBYE BAS RAB DANG RAB MCHOG TU SBYAR BA LAS MTHA' YAS PA NYID DU 'GYUR BA NYID, RANG BZHIN CI 'DRA BA YIN PA SMAN PAS MA YENGS SHING GZHAN DU G-YENG BA MED PAR SEMS DER GTOD PAS SHES SHING RTOGS PAR GYIS SHIG PA'O, ,DE LA DANGS MA LA RLUNG DANG MKHRIS PA DANG BAD KAN RE RE ZHING 'KHRUGS PA LAS DBYE BA GSUM DU 'GYUR TE, THA DAD PA LAS GSUM SHES BYA, ,ZHES BYA BA'I TSUL GYIS SO, ,DANGS MA LDAN PA BYUNG NA, RLUNG LA SOGS PA 'PHEL BA LAS DER CHA MNYAM PA'AM, LHAG PA LAS SNGA MA BZHIN DU DGUR SHES PAR BYA STE, DE LTAR THAMS CAD SNGA MA LAS RJES SU DPAG PAR BYA'O, ,'DIR 'DI LTAR RLUNG DANG MKHRIS PA DANG BAD KAN GYI NUS PA MI MTHUN PA YOD DU ZIN KYANG, SEMS CAN GYI NANG GI MI DGE BA LA SOGS PA'I DBANG GIS GNOD PA SKYED CING 'DUS PA'I NAD BYED CING, GCIG LA GCIG NYE BAR ZHI BA CI'I PHYIR MI BYED CES BRTAG PAR MI BYA STE 'DI DAG GI RANG BZHIN NYID YIN PA'I PHYIR DANG, 'BYUNG BA CHEN PO LTAR GCIG GIS GCIG ZIL GYIS GNON PA YIN YANG, RDZAS DANG RO SOGS PA'I BYA BA LHAG CING RTZOM PA DANG 'DRA'O, ,DE BAS NA 'DI DAG GI RANG BZHIN NI MI 'GYUR BA NYID YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS RNAM PAR SBYAR BA LAS, LE'U BCU GNYIS PA'I RNAM PAR 'GREL PA'O,, ,,
, ,DE NAS NAD GSO BA'I THABS KYI LE'U BSHAD PAR BYA'O ZHES BYA BA LA, DE LA RE ZHIG DBYE BA DE DAG SHES PA'I 'BRAS BU NI GANG SMAN RNAMS DANG NAD RNAMS GSO BA DE SHES PAS NAD GSAL BAR DAG PAR NUS PA NYID YIN PAS, DE'I 'OG TU NAD GSO BA'I THABS KYI LE'U'I DBANG DU BYAS NAS, DE DRAN PAR BYA BA'I PHYIR, 'DIR NAD GSO BA'I THABS LA DGOS PA'I SNUM LA SOGS PA'I MING GANG YIN PA STON PA DE BSHAD PAR BYA'O, ,DE LA RLUNG NI THAMS CAD KYI GTZO BO YIN PAS, RLUNG NAD GSO BA SNUM DANG NI, ,ZHES BYA BA LA SOGS PA'I TSIGS SU BCAD PA GSUM GYIS, RLUNG NAD GSO BA'I THABS SMRAS PA YIN TE, RLUNG 'KHRUGS SHING LDANG BAR GYUR NA, SNUM NAS 'JAM RTZI BTANG BA'I BAR GSO BA'I THABS YIN TE, RLUNG DE LA GSO BA THAMS CAD KYI NANG NA GSO BA'I MCHOG NI SNUM YIN LA, DE YANG RNAM PA DU MA YOD DO, ,DE'I 'OG TU DUGS BYA'O, ,DE YANG GANG GI PHYIR RLUNG NI ZAS DANG SKOM DANG SMAN RTZUB PA DANG, GRANG BAS CI LTAR MYUR DU 'KHRUGS PAR 'GYUR BA DE LTAR YANG BA LA SOGS PA'I YON TAN DANG LDAN PA'AM, YON TAN MNYAM PAS 'KHRUGS PAR MI 'GYUR RO, ,DE BAS NA RLUNG 'KHRUGS PAR GYUR PA LA NI GSO BA'I THABS GZHAN DAG LAS DANG POR SNUM PA DANG, DUGS KYI RNAM PA DU MAS DE ZHI BAR BYA BA'I DON DU BYA'I, GSO BA GZHAN DAG NI DE LTA MA YIN NO, ,RLUNG NAD GSO BA SNUM DANG NI, ,DUGS DANG SBYANG BA 'JAM RTZI DANG, ,MNGAR SKYUR LAN TSVA BRO BA YI, ,ZAS DANG BSKU ZHING MNYE BA DANG, , DKRI SNUM SMAN CHU BLUGS PA DANG, ,GRO CHANG 'BRAS CHANG BU RAM CHANG, ,ZHES BYA BA LA, DE LA RLUNG NAD GSO BA LA NI SNUM CHOS DANG, DUGS BYAS NAS SBYANG BA BYA LA, DE YANG 'JAM PAS BYA'I, RNO ZHING DRAG PAS NI MI BYA STE, RNO BA NI RLUNG SKYED PAR BYED PA YIN PAS BKAG PA YIN NO, ,DE BZHIN DU BZA' BAR BYA BA'I ZAS KYANG MNGAR BA DANG, SKYUR BA DANG, LAN TSVA DANG, RNO BAS BYA'I, RO GZHAN BZA' BAR MI BYA'O, ,BSKU ZHING MNYE BA ZHES BYA BA NI BSKU BA SNGON DU BYAS PA MNYE BAR BYA DGOS PAS NA BSKU ZHING MNYE BA'O, ,DKRI BA NI YAN LAG RAS LA SOGS PAS DKRI BA'O, ,SNUM 'JAM PA'I RTZA
LA SOGS PA BRDEG PA STE, GSO BA'I THABS 'DI NI RLUNG NAD CAN KHA YO BA LA SOGS PA LA BYA'I, GZHOGS PHYED NA BA LA SOGS PA'I RLUNG NAD LA NI MI BYA'O, ,SMAN CHU BLUGS PA NI RLUNG SEL BA'I SMAN BSKOL BA DANG, SNUM DANG 'O MA LA SOGS PA'I CHUS BLUGS PA'O, ,GRO DANG 'BRAS LAS BYAS PA'I CHANG NI GRO DANG 'BRAS CHANG NGO, ,BU RAM CHANG NI BU RAM CHANG LAS BYAS PA STE SBYAR BA'I CHANG NGO, ,SNUM DRO 'JAM RTZI GTANG BA NI, ,'JAM RTZI NGES PA BDE DGA' DANG, ,ZHES PA LA, RTZUB PA DANG GRANG BA BKAG PA YIN NO, ,'JAM RTZI SMOS BA NI NGES PAR 'JAM RTZI BYA DGOS PA'O, , 'JAM RTZI NGES PA ZHES BYA BA NI, LAS DANG DUS DANG SBYOR BA LAS 'JAM RTZI LNGA BCU RTZA GSUM BYA BA NI 'JAM RTZI NGES PA'O, ,BDE DGA' NI MYA NGAN LA SOGS PA BLO 'KHRUGS PAR BYED PA'I DNGOS PO SPANGS LA YID DU 'ONG BA'I YUL BSTEN PA'I BDE BAS GNAS PA'O, ,SKYE GNAS DU MA'I SNUM DAG NI, ,ZHES BYA BA NI, SEMS MED PA DANG SEMS YOD PA'I DBYE BAS PHYE BA'O, ,DE YANG, ,DROD CHE 'JU BAR BYED G-YOS SBYAR, ,KHYAD PAR DU NI SHA TSON DANG, ,TIL MAR DANG SBYAR 'JAM RTZI BYA, ,ZHES BYA BA LA, SMAN DROD CHE ZHING 'JU BAR BYED PA DANG, LHAN CIG BTZOS SHING G-YOS SU SBYAR BA'O; ;YANG RLUNG DE 'KHRUGS PAR GYUR PA LA GSO BA THAMS CAD KYI NANG NA, KHYAD PAR MCHOG TU GYUR PA NI, SHA TSON PO'I KHU BA STOBS SKYED PAR BYED NUS PA STE SHA KHU DANG, DE BZHIN DU TIL MAR DANG SBYAR BA'I 'JAM RTZI GTANG BA GSO BA'I THABS NI MCHOG YIN NO, ,MKHRIS PA MAR SAR BLUD PA DANG, , MNGAR ZHING BSIL BA'I 'KHRU SMAN DANG, ,MNGAR DANG KHA DANG BSKA BA YI, ,ZAS DANG SMAN NI SBYIN PA DANG, ,DRI BZANG BSIL ZHING YID 'ONG BA'I, ,DRI NI NYE BAR BSTEN PA DANG, ,MGUL DU DO SHAL SE MO DO, ,NOR BU BRANG DU GDAGS PAR BYA, ,GA PUR TZANDAN AU SHI RA'I, ,PHYUG PAS SKAD CIG RE RE BSKU, , SROD LA RDO THAL CAN ZLA ZER, ,YID 'ONG GLU DANG SER BSIL BSTEN, ,BAG PHEBS MDZA' BO BDE BA DANG, ,ZHES BYA BA LA, SOGS PA'I SGRAS TSIGS SU BCAD PA DRUG GIS NI MKHRIS PA 'KHRUGS PAR GYUR NA MAR SAR BLUD PA LA SOGS PAS GSO BAR BYA BA DANG, DE BZHIN DU MNGAR BA DANG, BSIL
, ,BA'I NUS PA DANG LDAN PA'I SMAN GYI BKRU SMAN BTANG BAS NAD THUR DU DBYUNG BA NI GSO BA'I THABS YIN NO, ,DE BZHIN DU KHA ZAS KYANG MNGAR BA DANG KHA BA DANG BSKA BA'I BZA' BA DANG, SMAN YANG MNGAR BA DANG KHA BA DANG BSKA BA NYID KYIS SBYIN BAR BYA'O, ,DE BZHIN DU DRI BZANG ZHING BSIL BA DANG, YID DU 'ONG BA'I TZANDAN LA SOGS PA'I DRI NYE BAR BSTEN PAS GSO BA DANG, DE BZHIN DU MGUL DU RGYAN GYI RNAM PA GSER LA SOGS PA LAS BYAS PA'I DO SHAL SE MO DO GDAGS PA DANG, DE BZHIN DU MU TIG GI DO SHAL BRANG DU 'PHYANG BAR GDAGS PAR BYA BA DANG, DE BZHIN DU NOR BU STE BEE d'U RYA DANG, PADMA R'A GA DANG, CHU SHEL DANG, TSON SHEL LA SOGS PA'I CHUN 'PHYANG BRANG DU GDAGS PA NI MKHRIS PA GSO BA'I THABS YIN NO, ,DE BZHIN DU GA BUR DANG TZANDAN DANG, AU SHI RA'I BYUG PAS, SKAD CIG MA RE RE ZHING BSKU BA NI MKHRIS PA GSO BA'I THABS YIN NO, ,DE BZHIN DU SROD LA STE, MTSAN MO'I DANG PO'I CHA LA RDO THAL CAN TE, RDO THAL DKAR POS BYUGS PA'I KHYIM DU 'DUG STE, ZLA BA'I 'OD ZER BSTEN CING YID DU 'ONG ZHING RNAR SNYAN PA'I GLU DANG, SER BU BSIL BA BSTEN PA YANG MKHRIS PA GSO BA'I THABS YIN NO, ,DE BZHIN DU BAG PHEBS SHING NYAMS RANGS SU GNAS PA'I MDZA' BO'I BDE BA CHA LUGS DANG SPYOD PA MTHUN PA YID TSIM PAR BYED PA DANG DE BZHIN DU, BU LA GZHON SKAD NYAMS RANGS SMRA, ,CHUNG MA YID MTHUN LAS BYED CING, ,SDUG CING YON TAN RNAMS KYIS BRGYAN, ,KHANG PA NYIS RIM CHU BSIL BLUGS, ,SKYED MOS TSAL RDZING BZANG PO NI, ,RGYA CHE DANG NI STEGS BCAS PA, ,CHUS BRLAN BYE MA BSIL BA DANG, ,SPYIL BU LUS TSAD SHING KHEBS DANG, ,CHU 'GRAM PADMAR BCAS PA NI, ,BDER GNAS KHYAD PAR 'O MA DANG, ,MAR SAR BZA' DANG BKRU SMAN BYA, ,ZHES PA GANG BU CHUNG BA DANG, ,MI GSAL ZHING GSANG DMA' BAR SMRA ZHING DGA' BAS GNAS PA DANG, DE BZHIN DU CHUNG MA YID DANG MTHUN PA'I LAS BYED PA DANG, SDUG CING YID DU 'ONG BA DANG, YON TAN GYI NGANG TSUL BZANG PO'I SPYOD PAS BRGYAN PA DANG, 'GROGS PA NI MKHRIS PA GSO BA'I THABS YIN NO, ,KHANG PA YANG NYIS RIM DU BYAS SHING
BSIL BA DANG, CHU RGYUN BSIL BA'I RGYUN 'BAB PA BLUGS PA DANG, SKYED MOS TSAL RDZING BU BZANG PO DANG LDAN PAR GNAS PA YANG MKHRIS PA LA PHAN NO, ,DE BZHIN DU RGYA CHE ZHING YANGS PA'I STEGS DANG BCAS PA CHU DANGS BAS BRLAN ZHING GSHER BA'I BYE MA BSIL BAR BYED PAR GNAS PAS MKHRIS PA LA PHAN NO, ,YANG CHU 'GRAM DER SPYIL BU LUS KYI TSAD TZAM 'OD MA LA SOGS PA LAS BYAS PA DANG, SHING BZANG PO SKYE BA DANG, CHU'I 'GRAM NA PADMA DANG BCAS PA GANG YIN PA DE LTA BUR GNAS PA DANG, DE BZHIN DU BDE BAR GNAS PA STE, LUS DANG SEMS DGA' BAR BYED PA DE DAG NI MKHRIS PA GSO BA'I THABS YIN NO, ,KHYAD PAR DU NI 'O MA DANG MAR GSAR BZA' BA DANG, BKRU SMAN BTANG BA NI MCHOG THAMS CAD KYI NANG NAS GSO BA'I MCHOG YIN NO, ,BAD KAN CHO GAR LDAN PA YI, ,SKYUGS SMAN BKRU SMAN RNON PO BTANG, ,ZAS NI RTZUB CHUNG RNO ZHING DRO, ,TSA ZHING KHA DANG BSKA BA BZA', ,CHANG NI YUN RING LON PA BTUNG, ,RTZE DGA' DANG NI GNYID MI LOG ,RTZOL BA'I TSUL NI SNA TSOGS DANG, ,SEMS LAS RTZUB PAS MNYE BA DANG, ,KHYAD PAR SMAN KHU SKYUGS SMAN BTANG, ,SBRANG RTZI TSIL 'JOMS SMAN BSTEN BYA, ,SMYUNG BA DUD BDUG MKHUR BKANG DBO; ;BDE BA MED GNYID BDE PHYIR BYA, ,ZHES BYA BA LA SOGS PA TSIGS SU BCAD PA GSUM GYIS BAD KAN GYI RGYU SOGS PA DANG, DE BZHIN DU 'PHEL BAS NAD SKYED PAR NUS PA DAG LA SKYUGS SMAN LA SOGS PAS GSO BAR BYA'O, ,DE LA SKYUGS SMAN NI NAD GYEN DU DRANG BA'O, ,DE YANG CHO GA DANG LDAN PAR BYA BA STE, GSO DPYAD KYI BSTAN BCOS LAS JI SKAD BSHAD PA'I CHO GAS GTANG BAR BYA ZHING SBYAR BAR BYA LA, DE YANG RNO BAS BYA DGOS TE, SMAN RNO BA LAS SBYAR BA BTANG NGO, ,DE BZHIN DU BKRU SMAN YANG RNON POS BKRU BA NI BAD KAN GSO BA'I THABS YIN NO, ,DE BZHIN DU ZAS TE 'BRAS CHAN LA SOGS PA RTZUB PA DANG, CHUNG BA DANG, RNO BA DANG, DRO BA DANG, RO TSA BA DANG, KHA BA DANG, BSKA BA BZA' BAR BYA'O, ,DE BZHIN DU CHANG DUS YUN RING POR LON PA BTUNG BA YANG BAD KAN LA PHAN NO, ,DE BZHIN DU RTZE BA DANG DGA' BA STE YID LA 'DOD PA'I DGA' BA LA BRTEN CING BUD MED LA
, ,BRTEN PA DANG, GNYID MI LOG PA STE, MEL TZE'I TSUL DU GNAS PA YANG BAD KAN GSO BA'I THABS YIN NO, ,DE BZHIN DU RTZOL BA'I TSUL SNA TSOGS SHING RNAM PA THA DAD DU LUS DUB PAR BYED PA LAG STOBS 'GYED PA DANG, RTA 'DUL BA LA SOGS PA YANG BAD KAN GSO BA'I THABS YIN NO, ,DE BZHIN DU SEMS LAS TE DNGOS PO RJES SU DRAN ZHING DPYOD PA DANG, DE BZHIN DU RTZUB PA DANG, PHAL CHER RDZAS RTZUB BAS MNYE BA YANG BAD KAN GSO BA'I THABS YIN NO, ,DE LA BAD KAN GYI GSO BA THAMS CAD LAS KHYAD PAR DU PHAN PA'I THABS NI SMAN KHU DANG SKYUGS SMAN GTANG BA YIN NO, ,SMAN KHU NI 'BRU'I KHU BA LAS BYAS PA'O, ,TSIL 'JOMS PA'I SMAN NI GU GUL LA SOGS PA'O, ,SMYUNG BA NI ZAS BCAD PA'O, ,DUD PA NI 'OG NAS BSHAD PA'I MTSAN NYID CAN NO, ,MKHUR BA DGANG ZHING DBO BA NI SMAN KHUS BA BKANG ZHING DBO BA'O, ,BDE BA MED PA NI BDE BA NYID 'GEGS PA STE, BDE BA DANG MI LDAN PA'AM, SDUG BSNGAL BA'I TSUL CAN GYIS LUS DANG SEMS KYI LAS SHIN TU BSTEN PAS GANG SDUG BSNGAL SKYE BAR 'GYUR BA DE NI BDE BA MED PA STE, DE NI BAD KAN GYI BDE BA SKYED PAR BYED PA'I PHYIR BDE BA'I DON RDZOGS PAR 'GYUR RO, ,NAD RNAMS SO SOR GSO BA DAG ,NAD LAS DPAGS TE BSHAD PA YIN, ,LDAN PA DANG NI 'DUS PA DAG, ,DE NI SO SO'I TSUL GYIS BRTAG ,CES BYA BA LA, GANG GIS GSO BA GANG YIN PA NAD RNAMS SO SO'I MTSAN NYID LAS DBAGS TE BSHAD PA DE NYID NI, RIM PA JI LTA BA BZHIN DU BYA LA, LDAN PA DANG 'DUS PA'I NAD DAG LA NI SO SO'I TSUL JI LTA BA LAS BRTAG PAR BYA STE, DPER NA RLUNG DANG MKHRIS PA'I NAD LDAN PA LA, RLUNG DANG MKHRIS PA GSO BA'I THABS 'DREN MA BRTAG PAR BYA LA, DE BZHIN DU RLUNG DANG BAD KAN GYI LDAN PA YANG RLUNG DANG BAD KAN 'DREN MA'I GSO BA'I THABS BRTAG PAR BYA'O, ,MKHRIS PA DANG BAD KAN GYI LDAN PA YANG MKHRIS PA DANG BAD KAN GYI GSO BA'I THABS 'DREN MA BRTAG PAR BYA'O, ,DE BZHIN DU 'DUS PA LA YANG GSO BA GSUM CI RIGS PAR DUS GCIG TU BRTAG PAR BYA'O, ,YANG LDAN PA GSUM PO 'DI DAG LA SGO GZHAN DAG NAS
GSO BA'I THABS BSGRE BA GSAL BAR BYA BA'I PHYIR SMRAS PA NI, RLUNG NI ZUNG DU 'JUG PAS NA, ,RLUNG MKHRIS PHAL CHER SO GA'I BYA, ,BAD KAN RLUNG LA DPYID KYI BYA, ,BAD KAN MKHRIS LA STON GYI BYA, ,ZHES BYA BA LA, RLUNG DANG MKHRIS PA'I TSUL LA NI PHAL CHER SO GA'I CHO GA BYA STE, SO GA'I DUS KYI CHO GA DUS SU SPYAD PA'I LE'U LAS BSHAD PA'I SNUM PA DANG, BSIL BA'I CHO GA SBYAR BAR BYA'O, ,DE BZHIN DU BAD KAN DANG, RLUNG GI LDAN PA LA NI DPYID KYI ZHES BYA BA, DPYID KYI SPYOD PA'I CHO GA DRO BA DANG, RTZUB PA ZHES BYA BA'I CHO GA SBYAR BAR BYA'O, ,DRIS PA SO GA'I TSE NI PHAL CHER BSIL BA'I CHO GA BSHAD LA, DPYID KYI DUS SU SPYAD PA'I LE'U LAS BSHAD PA'I SNUM PA DANG, RLUNG SKYE BA CHES MTHUN PA STE, GSO BAR JI LTAR RIGS TE, RLUNG GI RANG GI MTSAN NYID NI GRANG BA DANG RTZUB PA YIN PA'I PHYIR RO ZHE NA, RLUNG NI ZUNG DU 'JUG PAS NA ZHES SMOS PA YIN NO, ,GANG GI PHYIR RLUNG NI ZUNG DU 'JUG PA YIN PAS, GANG GIS 'DRES SHING LDAN PAR GYUR PA DE NYID KYI SBYOR BA'I 'JUG PA GCIG PA NYID KYIS NA, BAD KAN DANG MKHRIS PA CHA 'DRES PAS GSO BA DE LA PHAN PA YIN NO, ,ZHES BYA BA'I DON TO, ,DE YANG GZHUNG LAS, ZUNG DU 'JUG PA RLUNG GI MCHOG ,YANG DAG 'DRES PAS GNYIS BDAG CAN, ,ME DANG LDAN PAS SREG PAR BYED, ,ZLA BA LDAN PAS BSIL BAR BYED, ,CES BSHAD PA YIN NO, ,DE LTAR NA RANG GI MTSAN NYID KYI GNAS SKABS NA ZUNG DU 'JUG PA NYID DU BYA BAR RIGS SO, ,DE BAS NA RLUNG MKHRIS PA DANG LHAN CIG GNAS SU ZIN KYANG, MKHRIS PA'I GSO BA BYAR RUNG STE, DE GNYIS ZUNG DU 'JUG PA YIN PA'I PHYIR RO, ,DE BZHIN DU BAD KAN DANG LHAN CIG GNAS PA YANG BAD KAN GYI GSO BAS GSO BAR BYAR RUNG NGO, ,BAD KAN DANG MKHRIS PAR LDAN PA'I LDAN PA LA NI STON GYI ZHES BYA BA STON GYI DUS SU BYA BA'I SPYOD PA BSHAD PA DAG GIS GSO BAR BYA'O; ;DA NI GSO BA'I THABS KYI DUS SMRAS PA NI, NAD NI DKYEL SOGS DUS SU BSAL, ,LDANG NA GZHAN GNOD MED PAR GSO, ,THAMS CAD LDAN NA TSABS CHE BA, ,NAD GZHAN GNOD PA MED PAR GSO, ,ZHES BYA BA LA, RLUNG DANG MKHRIS PA DANG BAD KAN ZHES BYA BA'I NAD NI DKYEL SOGS
, ,PA'I DUS NYID KYI GNAS SKABS NA BSAL ZHING GSO BAR BYA'I, LDANG BAR GYUR PA'I DUS KYI BAR DU BSDAD BAR MI BYA'O, ,GANG GI TSE SOGS PA'I DUS SU BTANG SNYOMS SU BYAS PAS LDANG BAR GYUR PA DE'I TSE NAD DE LDANG BAS NA NAD GZHAN LA GNOD CING LDANG BAR 'GYUR BA MED PA'I TSUL GYIS GSO BAR BYA'O, ,DE NI 'DI SKAD STON PA STE, NAD DE LDANG BA NA DE DANG MI MTHUN PA'I KHA ZAS LA SOGS BA DANG, DE DANG CHA 'DRA BAS NA NAD GZHAN DAG CI NAS SLONG BAR MI 'GYUR BA DE LTA BUR GSO BAR BYA'O, ,YANG GANG GI TSE NAD THAMS CAD DUS GCIG TU LANGS NA DE'I TSE TSABS CHE BA'I NAD STOBS DANG LDAN PA LDANG BAR 'GYUR BA STE, DANG POR GSO BAR BYA LA, DE YANG NAD GZHAN LA GNOD PA MED PAR GSO BA STE, CUNG ZAD LDANG BA'I NAD DAG LA MI GNOD CING MI MTHUN PA MED PA'I TSUL GYIS GSO BAR BYA LA, GAL TE MNYAM PAR 'KHRUS NA, RLUNG STOBS DANG LDAN PA MA YIN LA CHA MNYAM PAR GYUR PA LAS GANG GANG ZHIG LAS RANG BZHIN GYIS 'PHEL BAR 'GYUR BA DE TSABS CHE BA YIN PAS, NAD GZHAN DAG LA GNOD PA MED PA'I TSUL NYID KYIS GSO BAR BYA'O, ,NAD NI SBYONG BAS ZHI BYA BA, ,GANG GZHAN LDANG BAR BYED PA DAG ,DE NI DAG MIN GZHAN DAG NI, ,LDANG BAR MI 'GYUR RNAM DAG YIN, ,ZHES BYA BA LA, NAD ZHI BAR BYA BA'I SBYOR BA SMAN DANG KHA ZAS LA SOGS PA SBYOR BA'I TSUL GANG GIS NAD GCIG ZHI BAR BYAS NAS GZHAN GNYIS PA LDANG BAR BYED PA'I SBYOR BA DE NI RNAM PAR DAG PA MA YIN TE, BZANG PO MA YIN LA, GANG GCIG ZHI BAR BYAS NAS GZHAN DAG LDANG BAR MI BYED PA DE NI DAG PA DAM PA YIN TE, CI'I PHYIR ZHE NA, GNOD PA MED PA'I BYA BA BZANG PO BYED PA'I PHYIR RO, ,RTZOL DRAGS TSA BA RNO BA DANG, ,GNOD PAR 'GYUR BA SPYAD PAS KYANG, ,KHONG PA YAN LAG RUS PA DANG, ,GNAD DU RLUNG NI 'JUG PAR 'GYUR, ,DE BZHIN DE LA RTZA SGO NI, ,RNAM PAR SBYANGS PAS 'BYUNG BAR 'GYUR, ,SMIN BYAS RLUNG NI TSAR BCAD PAS, ,KHONG PA'I NANG DU 'DU BAR 'GYUR, ,ZHES BYA BA LA, RTZOL PA DRAGS PA NI LUS LA SOGS PA LA GNOD PAR 'GYUR BA'I LAS DRAGS PA DANG, TSA BA RNO BA'I ME CHEN PO LA BRTEN PA DANG,
GNOD PAR 'GYUR ZHING LOG PA'I LAS SPYAD PA LAS KYANG, KHONG PA STE ZAS ZHU BA DANG MA ZHU BA'I GNAS ZHES BYA BA LA, YAN LAG DANG RUS PA DANG GNAD DU RLUNG LA SOGS PA'I NAD MYUR DU 'JUG PAR 'GYUR RO, ,DE LA YAN LAG NI KHRAG LA SOGS PA'I LUS ZUNGS RNAMS DANG PAGS PA'O, , RUS PA NI RUS PA'I TSIGS RNAMS SO, ,GNAD NI SNYING DANG MGO BO LA SOGS PA STE, DE DAG TU RLUNG MYUR BA'I BDAG CAN YIN PAS NA NAD 'JUG CING LDANG BAR BYED DO, ,DE BZHIN DU YAN LAG DANG RUS PA DANG, GNAD RNAMS LA YANG KHONG PA'I NANG DU ZHUGS PAR 'GYUR TE, CI'I PHYIR ZHE NA, RTZA RNAMS KYI SGO GANG YIN PA DE RNAM PAR SBYANGS PAS RNAM PAR DAG PA'I PHYIR, DE KHONG PAR 'BYUNG BAR 'GYUR BA DANG, DKYEL SOGS SHING 'PHEL BAS 'BYUNG BAR 'GYUR BA DANG, DE BZHIN DU 'DZAGS SHING ZHU BA STE, LAN TSVA DANG 'O MA LA SOGS PA 'DZAG PAR 'GYUR BA'I ZAS ZOS PAS 'BYUNG BAR 'GYUR BA DANG, DE BZHIN DU SMIN PA STE, SMIN PAR BYA BA LA SOGS PA STE, MA ZHU BA MED PAR BYAS PAS KHONG BA'I NANG DU ZHUGS PAR 'GYUR RO, ,ZHES BYA BAR SBYAR BA DANG, DE BZHIN DU RLUNG 'THOR BA DANG, SDUD PAR BYED PA TSAR BCAD CING ZHU BAR BYED PA KHONG PA'I NANG DU NAD DE 'DU ZHING 'BYUNG BAR 'GYUR BA YIN NO, ,DER GNAS NAS KYANG RGYU DAG LA, ,SDOD CING RING DU THOGS PA YIN, ,DE NI DUS SOGS STOBS THOB NAS, ,GZHAN LA BRTEN KYANG LDANG BAR BYED, ,CES BYA BA LA, KHONG BA'I NANG DER GNAS NAS NAD DE LHAN CIG BYED PA'I RGYU DAG DANG MA PHRAD NA SDOD CING RING DU THOGS TE, RANG GI SHUGS 'BYIN PAR BYED DE, DE LDANG BA'I RGYU GANG YIN TSE MA TSANG BAS NAD SKYED PA'I NUS PA DANG MI LDAN BA TSE 'GYUR BA'I RGYU GZHAN DAG LA SDOD CING RGYU MANG PO LA BZHES PAS NA DE LDANG BAS NA 'GOR PA YIN NO, ,DE NAS DE DUS DANG GNOD BYA DANG, YUL DANG RANG BZHIN GYIS STOBS KYI NUS PA THOB CING SKYES NAS LDAN PAR BYED DO, ,DE'I TSE GZHAN DAG LA BRTEN KYANG ZHES BYA BA LA, PHA ROL PO DAG LA BRTEN KYANG GNAS KYANG RGYU'I TSOGS BRNYED NA LDANG BAR 'GYUR RO, ,DE LA GNAS GZHAN GNAS PA NI, ,DE NYID STOBS NI MED NYID LA, ,GSO BAR BYA BA RANG GI NI, ,
, ,STOBS KYIS GZHAN ZIL GNON BYED NA'O, ,ZHES BYA BA LA DE LA NAD RNAMS LANGS NAS GZHAN DAG NA GNAS PA'I TSE DE NYID GSO BAR BYA'O, ,ZHES BYA BAR SBYAR RO, ,DE LA ZHES BYA BA NI, NGES PAR BZUNG BA STE, NAD DE RNAMS KYI NANG NA GZHAN NA GNAS PA DE NYID CES PA DE DANG 'BREL BA'I BLA THABS SU ZHUGS PA DANG, 'BREL PA DE NI GZHAN GYI GNAS NA GNAS PA'O, ,DE YANG JI LTA BU ZHE NA, STOBS NI MED CES BYA BA STE, SNGA NA YOD PA'I NAD STOBS CHUNG BA GZHAN DAG LA GNAS PA'I BLA BRNAN LA GSO BA BYA'I, NAD SNGA MA STOBS DANG LDAN PA LA, BLA THABS SU BYUNG BA LA BLA BRNAN DANG PO GSO BA NA NGES PAR BZUNG BA STE, GNAS GZHAN DANG 'BREL PA DE NYID BLA BRNAN DU GYUR PA YIN NO, ,YANG NA SNGA MA STOBS CHUNG BA GZHAN DAG LA GNAS PA DANG LDAN PA LA GNAS NA CI ZHIG BYA ZHE NA, RANG GI NI, STOBS KYIS GZHAN ZIL GNON BYED NA'O, ,ZHES BYA BA YIN TE, RANG NYID GZHAN GYI GNAS NA GNAS PA NA GSO BA BYA'I, GZHAN GYI GNAS DANG 'BREL BA'I NI MA YIN TE, JI LTA BU ZHE NA, STOBS KYI RANG GI NUS PAS NAD GZHAN ZIL GYIS GNON CING RGYAL BAR NUS PA DE GSO BAR BYA STE, GANG STOBS DANG LDAN PA GSO BA'I DON NO, ,CI GSO BA'I NGES PAR 'DIR ZAD DAM, RNAM PA GZHAN DAG KYANG 'DI LA YOD CE NA, DE'I PHYIR SMRAS PA NI, BLA BRNAN NAD NI ZHI BYAS NA, ,RANG GNAS GNAS PA GSO MI DGOS, ,ZHES BYA BA STE, NAD BSAL BA'I CHO GA JI SKAD BSHAD PAS BLA BRNAN NAD STOBS CHUNG BA YIN NO, ,ZHI BAR BYA ZHING RNAM PAR BSAL NA RANG GI GNAS NA GNAS PA YANG GSO MI DGOS TE, BLA BRNAN STOBS CAN LA NI RANG GI GSO BA DANG 'DRA BAR GSO DGOS SO, ,DES NA GZHAN GYI GNAS SU SONG BA'I NAD NI STOBS CHUNG BA YIN YANG DE NYID GSO BAR BYA'O, ,YANG NA RANG GI GNAS NA GNAS PA'I NAD GSOS NAS, DE'I 'OG TU BLA BRNAN GSOR YANG RUNG NGO, ,STOBS DANG LDAN PA'I NAD GZHAN GYI GNAS NA GNAS PA LA NI RANG GI DANG 'DRA BAR GSO BAR BYA'O, ,DA NI GZHAN GYI RTZIB LOGS SU 'GRO BA'I NAD RNAMS LA MCHOG TU GSO BAR BYA BA BSTAN PA'I PHYIR SMRAS PA NI, PHAL CHER RTZIB LOGS 'GRO BA'I NAD, ,NAD PA YUN RING NYON MONGS BYED, ,
LUS ME'I STOBS NI SHES PA YIS, ,DE LA RINGS THABS DAG MI BYA, ,DE NI SBYOR BAS ZHI BA'AM, ,KHONG DU BDE BAR BSDU BAR BYA, ,KHONG DU 'DUS PAR SHES NAS NI, ,JI LTAR NYE BA BZHIN DU BSAL, ,ZHES BYA BA YIN TE, PHAL CHER ZHES PA MANG DU RTZI BA LOGS SU 'GRO ZHING RTZIB LOGS G-YAS G-YON NA RGYU BA'I NAD RLUNG LA SOGS PA NI NAD PA SDUG BSNGAL BA DANG LDAN PA YUN RING ZHING DUS RING DU NYON MONGS SHING SDUG BSNGAL BAR BYED DO, ,NAD RTZI BA LOGS SU 'GRO BA DE RNAMS LA DE NI LUS KYI ME STOBS SHES SHING RTOGS PA'I SMAN BAS NAD DE LAS MYUR BA RINGS THABS SU DE'I GSO BA DAG MI BYA'O, ,'O NA CI ZHIG BYA ZHE NA, NAD SBYOR BAR SHES PA RIGS PA DANG LDAN BAS ZHI BAR BYA BA'AM, KHONG PA'I NANG DU BDE BAR BSDU ZHING NANG DU CHUD PAR BYAS LA, DE'I 'OG TU GZOD GSO'O, ,DE YANG NAD DE KHONG DU 'DUS SHING CHUD PAR SHES NAS RTZI BA LOGS SU 'GRO BA'I NAD DE NANG DU BSDUS NAS, SNA'AM KHA'AM BSHANG BA'I SGO LA SOGS PA NAD GANG DANG NYE BA'I LAM DE NAS SKYUG SMAN LA SOGS PAS BSAL BAR BYA ZHING PHYIR GDON BAR BYA'O, ,RLUNG LA SOGS PA'I DRI MA RTZE MA ZHIL ZHING ME ZHU BA'I BUG 'GAGS PA LA SOGS PA'I SPYI'I MTSAN NYID BSTAN PA'I PHYIR SMRAS PA NI, BU GA 'BYUNG 'GAGS STOBS NYAMS SHING, ,LCI ZHING RLUNG NI KHUNG DU 'KHRUL, ,KHONG SNYOM MI 'JU MCHIL MA MANG, ,BSHANG GCI SRI DUB ZAS MI LEN, ,NAD RTZE MA ZHIL SPYI YI RTAGS, ,RTZE ZHIL DE LAS BZLOG PA YIN, ,ZHES BYA BA LA, BUG 'BYUNG BA 'GAGS PA NI, ,NAD GYEN DU MI 'BYUNG BA'O, ,STOBS NYAMS PA NI STOBS BCOM PA'O, ,LCI BA NI LUS DANG YAN LAG LCI BA'O, ,RLUNG KHUNG DU 'KHRUL BA NI RLUNG GSAL BAR MI RGYU BA'O, ,KHONG SNYOM PA NI SPRO BA CHUNG PA'O, ,MI 'JU BA NI ZAS 'JU BAR MI BYED PA'O, ,MCHIL MA MANG BA NI MCHIL SNA BAS 'DZAG PA'O, ,BSHANG GCI SRI BA NI BSHANG BA LA SOGS PA 'GAGS PA'O, ,DUB PA NI NYAMS BRI BA'O, ,ZAS BA BRI BA NI ZAS LA SRED PA MED PA'O, ,DE LTA BU'I RTAGS RNAMS NI, NAD RTZE MA ZHI LA ZHING GTING MA PHYIN PA'I SPYI BI RTAGS YIN NO, ,RTZE ZHIL DE LAS BZLOG PA YIN, ,ZHES BYA BA NI, RTZE BCIL
, ,ZHING NAD ZHI BA'I RTAGS NI BSHAD MA THAG PA'I LAS GO BZLOG PA STE, DE YANG RTZA SBUBS DAG PA DANG STOBS SKYE BA DANG, YANG BA NYID DANG, RLUNG LUGS SU 'BYUNG BA DANG, KHONG SNYOM PA MED PA DANG, ZAS 'JU BA DANG MCHIL MA NYUNG BA DANG, DRI MA RNAMS BDE BAR 'BYUNG BA DANG, ZAS YI GAR 'ONG BA DANG, SPRO BA DANG LDAN PA STE, 'DI DAG NI NAD MED PA'I MTSAN NYID YIN NO, ,YANG MA ZHU BA'I MTSAN NYID CI ZHIG DANG LDAN NA, RLUNG LA SOGS PA LAM ZHU BA'AM, NAD KYI LHAG MA DANG BCAS BA ZHES BYA ZHE NA, DE'I PHYIR SMRAS PA NI, KHONG PA'I DROD STOBS CHUNG NYID KYIS; ;LUS ZUNGS DANG PO MI 'JU BA, ,NAD NI PHO BAR ZHUGS PA DAG ,DANGS MA MA ZHU YIN PAR BSHAD, ,CES BYA BA LA SOGS PA YIN TE, LUS ZUNGS KYI DANG PO DANG, DANGS MA CHEN PO ZHES BYA BA STE KHONG PA'I DROD CHUNG BA NYID KYIS 'JU ZHING SMIN PAR MA GYUR BA RLUNG LA SOGS PA'I NAD DANG 'DRES PA RANG GI GNAS PHO BAR ZHUGS PA GNOD PAR 'GYUR PA DE NI DANGS MA MA SMIN CING MA ZHU BA YIN NO, ,ZHES LA LA DAG 'DOD DO, ,GZHAN DAG NAD NYID RAB 'KHRUGS PA, ,RAB GDUG PHAN TSUN 'DO MA LAS BYUNG, ,KO DRA BA YI DUG BZHIN DU, ,NAD TSABS CHEN PO 'BYUNG BAR BSHAD, ,CES BYA BA LA, SLOB DPON GZHAN DAG NI MA ZHU BA'I 'BYUNG BA'I TSUL DU 'DOD DE, RLUNG LA SOGS PA'I NAD NYID RAB TU 'KHRUGS SHING SHIN TU SOGS PA LAS DUS PHYIS ZHIG NA KHA ZAS MANG BA RAB TU GDUG PA PHAN TSUN GCIG LA GCIG 'DOM ZHING 'DRES PAR GYUR PA NYID LAS MA ZHU BA 'BYUNG BAR 'DOD DE, DE YANG DPER NA KO DRA ZHES BYA BA'I 'BRU LAS DUS DANG YUL GYI RGYU LA LTOS NA DUG TU 'GYUR BAR BSHAD DO, ,DES NA 'DI SKAD STON PAR 'GYUR TE, DPER NA KO DRA BA NYID DUG TU 'GYUR BA BZHIN DU NAD RNAMS KYANG TSABS CHEN POR 'KHRUGS PA LAS RANG NYID CHA LAS MA ZHU BA 'BYUNG BAR 'GYUR RO, ,DE BAS NA LUS LA SOGS PA LAS MA ZHU BA'I DON GZHAN DAG YIN PAR SHES PAR BYA BA'I PHYIR SMRAS PA NI, NAD TSABS DE DANG 'DRES PA DANG, ,GNOD PA GNOD BYA GNOD 'GYUR DANG, ,NAD GZHAN GANG DAG DE LAS BYUNG, ,MA ZHU BA DANG BCAS PAR BSHAD, ,CES BYA BA LA, JI SKAD BSHAD PA'I MA ZHU BA DE DANG,
RLUNG LA SOGS PA'I NAD 'DRES SHING, GCIG TU GYUR PA LA MA ZHU BA DANG BCAS PA ZHES BSHAD DO, ,DE BZHIN DU GNOD BYA STE DANGS MA LA SOGS PA'I LUS ZUNGS RNAMS DANG BSHANG PA LA SOGS PA'I DRI MA DE RNAMS DANG MA ZHU BA DE NYID KYIS GNOD PAR GYUR PA LA MA ZHU BA DANG BCAS PA ZHES BYA'O, ,DE BZHIN DU NAD GZHAN GANG DAG RLUNG KHONG DU 'KHYIL PA LA SOGS PA DE LAS BYUNG BA DE RNAMS NI NAD MA ZHU BA DANG BCAS PAR BSHAD DO, ,CI DE DAG BKRU SMAN DANG SKYUG SMAN LA SOGS BAS MOD LA 'BYUNG BAR BYA'AM, 'ON TE BSAL BAR MI BYA ZHE NA, DE'I PHYIR SMRAS PA NI, DE NI LUS KUN ZHUGS GYUR PA, ,NAD NANG ZHUGS TE RTZE MA BCIL, ,MA SMIN DBYUNG BAR MI BYA STE, ,MA SMIN SHING THOG KHU BAR MTSUNGS, ,ZHES BYA BA LA, MA ZHU BA DANG 'DRES SHING LHAN CIG GNAS PA'I NAD DE, LUS KUN TU KHYAB CING MGO NAS RKANG PA'I BAR DU ZHUGS PAS KHYAB PAR BYAS PA, NAD NANG DU ZHUGS PA RTZA DANG RGYUS PA PHRA MO YAN CHAD GYI TSIGS LA KHYAB CING ZHUGS PA DANGS MA LA SOGS PA'I LUS ZUNGS LA ZHEN CING DBYUNG DKA' BA, GNAS LAS MA 'GUL BA DE, SMIN CING SNYI BAR MA BYAS PAR SLON SMAN LA SOGS PAS DBYUNG BAR MI BYA STE, DE NI SMIN PA'I CHO GA MA BYAS PAR PHYUNG NA GNOD PA CHEN PO NYID DU 'GYUR RO, ,'DI NYID DPES BSTAN PAR BYA BA'I PHYIR, MA SMIN SHING TOG KHU BAR MTSUNGS, ,ZHES BYA BA SMOS PA YIN TE, MTSUNGS ZHES BYA BA'I SGRA NI 'DRA BA'I DON TE, DPER NA MA DU LUNG KA DANG, SKYU RU RA DANG RGUN 'BRUM SOGS PA'I SHING TOG MA SMIN CING MA TSOS PA LAS, KHUR BA BTZIR BA NA KHU BA THAMS CAD 'BYUNG BAR MI NUS KYI, 'BRAS BU NYID RLAG PAR 'GYUR TE, DUS LA MA BAB PA'I PHYIR RO, ,DE NYID KYIS NA DPE BSTAN PA'I DON GSAL BAR BSHAD PA'I PHYIR SMRAS PA NI, DE NI DBYUNG BAR DKA' BAS NA, ,RTEN NI 'JIG PAR BYED PAR 'GYUR, ,ZHES BYA BA YIN TE, GANG GI PHYIR NAD MA SMIN PA DE GNOD PAR BYED CING, LUS KUN LA
, ,KHYAB PA LUS ZUNGS LA ZHEN ZHING 'DRES PAS SMIN PA'I CHO GA MA BYAS PAR DBYUNG DKA' BA YIN TE, DES NA RTEN ZHES BYA BA LUS NYID 'JIG CING NYAMS PAR BYED PAR 'GYUR TE, SHIN TU DKA' BAS CUNG ZAD TZAM YANG DBYUNG BAR MI NUS PA YIN NO, ,DE DAG GI SMAN CI ZHIG YIN PA BSTAN PA'I PHYIR SMRAS PA NI, DE NI SMIN DANG DROD SKYES SNUM, ,DUGS BYA RTZE BCIL DE BSIL BA, ,JI LTAR NYE DANG STOBS JI BZHIN, ,SBYANG BA'I DUS SU BSAL BAR BYA, ,ZHES BYA BA LA, NYES PA DE SMIN PA LA SOGS PA BYA STE, NAD RNAMS SMIN CING ZHU BAR BYED PAS NI SMIN BAS TE, DE'I PHYIR SMRAS BA MA SMIN PA LUS ZUNGS LA ZHEN BA DBYUNG BAR DKA' BA STE, SMIN BA LA SOGS PA'I RIM GYIS GNAS PAR BYA LA, DE'I 'OG JI LTAR NYE BA DANG STOBS JI LTA BA BZHIN DU SBYANG BA'I DUS LA BAB PA DANG, SBYANG BA'I SMAN GYIS BSAL BAR BYA'O, ,DE LA JI LTAR NYE BA NI NAD GANG LAM GANG DANG NYE BA, NAD DE LAM DE NYID NAS BSAL BAR BYA'O, ,DE YANG MA ZHU BA'I GNAS LA GNAS PA NI SKYUG SMAN GYIS BSAL BAR BYA'O, ,ZHU BA'I GNAS LA GNAS PA NI MAS GTONG BAS BSAL BAR BYA'O, ,MGO BO LA GNAS PA NI SNA NAS BTANG BAS SO, ,STOBS JI LTA BA BZHIN ZHES BYA BA STOBS DANG NAD TSABS SHIN TU CHE BA NI, SMAN RNO BA DANG TSAD CHE BAS BSAL BAR BYA'O, ,STOBS 'BRING TZAM NI 'BRING TZAM GYIS SO, ,STOBS CHUNG BA NI 'JAM POS SO, ,DE DAG NYID BSAL BAR BYA BA'I PHYIR SMRAS PA NI, KHA NAS RIGS PAR SMAN BTANG BAS, ,MA ZHU'I GNAS LAS NAD MYUR BSAL, ,NAM TSONG YAN CHAD SNA SMAN GYIS, ,ZHU BA'I GNAS YOD MAS GTONG BSAL, ,ZHES BYA BA YIN TE, KHA NAS CI RIGS PAR SMAN BTANG BAS MA ZHU BA'I GNAS LAS NAD MYUR DU BSAL ZHING GDON PAR BYA'O, ,NAM TSONG YAN CHAD KYI NAD NI SNA NAS SMAN BTANG BAS BSAL BAR BYA'O, ,ZHU BA'I GNAS LTE BA MAN CHAD NA GNAS PA DAG NI MAS GTONG BA STE, BSHANG SGO NAS SMAN BTANG BAS NAD MYUR DU BSAL BAR BYA'O, ,NAD 'BYUNG BAR RTZOM PA'I MA SMIN PAR NI RANG NYID 'BYUNG YANG DGAG PAR MI BYA STE, KHRAG MKHRIS DANG TSAD PAR 'KHRU BA
DANG POR 'BYUNG BA NA, DGAG PAR MI BYA STE, DE NI NAD DU MA'I RGYUR 'GYUR RO, ,ZHES BSTAN PA'I PHYIR, STENG NGAM 'OG TU 'BYUNG BAR RTZOM, ,NAD NI RANG NYID 'BYUNG BAS NA, ,SMAN GYIS NAD NI MI DGAG STE, ,BKAG NA DE NYID NAD SKYED 'GYUR, ,ZHES BYA BA LA, STENG GI LAM KHA DANG SNA ZHES BYA BA LA, 'OG GI LAM BSHANG SGO DANG GCI SGO LAS NAD RNAMS 'BYUNG BAR RTZOM ZHING PHYIR PHYOGS PAR SMRAS NAS 'THAGS PA MA SMIN PAR GYUR BA DE, RANG NYID 'BAD MI DGOS BAR 'BYUNG ZHING 'BAD PAS NA, SMAN GYIS GCAD PA'I TSUL GYIS NAD DE MI GZHAG CING DGAG PAR MI BYA'O, ,DE YANG GANG GI PHYIR SMIN PA'I NAD RANG NYID 'BYUNG BAR RTZOM PA STE, NAN GYIS BKAG NA DE NYID NAD SKYE BA'I RGYUR 'GYUR RO, ,DE BAS DANG POR NAD 'BYUNG LA, ,BSDAD DE PHAN PA BZA' BAR BYA, ,ZHES BYA BA LA, DE BAS RGYU DE'I PHYIR DANG POR NAD 'BYUNG BA LA NAN GYIS BKAG BA NI SHUGS BKAG PA'I RGYUR 'GYUR BAS SMAN GYIS MI BZLOG PAR BTANG SNYOMS SU BYA ZHING BSDAD PAR BYA'O, ,GANG GIS SHE NA, PHAN PA BZA' ZHES BYA BA STE, NAD BZAS SU MTHUN PA'I KHA ZAS PHAN ZHING BSOD PA BZA' ZHING LONGS SPYAD BAR BYA'I, DER NI DGAG PAR YANG MI BYA LA, SBYA [?] DBANG [?] YANG MI BYA STE, RANG NYID 'BYUNG BA YIN PA'I PHYIR, BTANG SNYOMS SU SDOD PA NYID 'DIR SMAN YIN NO, ,'KHYIL LA SMIN PA DE DANG DES, ,SMIN BYAS DE BZHIN BSAL BAR BYA, ,ZHES BYA BA LA, MA SMIN PA'I NAD DE 'KHYIL ZHING 'GAGS NA, SMIN PAR BYED PA'I SMAN DE DANG DES SMIN PAR BYAS SHING DBYUNG DU RUNG BAR BYA BA NAS, DE BZHIN DU SNGAR JI SKAD BSTAN PA'I LAM NAS 'BYUNG ZHING BSAL BAR BYA'O, ,SNGAR NAD KYI DKYEL SOGS DUS SU BSAL ZHES SMOS NA, DE CI LTAR BSAL BAR BYA ZHE NA, DE'I PHYIR SMRAS PA NI, DBYAR STON THA CHUNGS DPYID ZLA 'BRING, ,THUN MONG DUS SU RIM BZHIN DU, ,SO GA DBYAR DANG DGUN BSAGS PA'I, ,RLUNG SOGS NAD NI MYUR DU BSAL, ,ZHES BYA BA LA SOGS PA YIN TE, SOG LA SOGS PA DUS GSUM NI GSO BAR BYA BA BSAGS PAR 'GYUR BA'I NAD NI DBYAR ZLA THA CHUNGS DANG, STON ZLA
, ,THA CHUNGS DANG, DPYID ZLA 'BRING PO DAG THUN MONG GI DUS YIN PAS, RIM BZHIN DU BSAL BAR BYA STE, SO GA'I DUS SU BSAGS PA'I RLUNG DBYAR ZLA THA CHUNGS LA BSAL BAR BYA'O, ,DBYAR BSAGS PA'I MKHRIS PA STON ZLA THA CHUNGS LA BSAL BAR BYA'O, ,DGUN BSAGS PA'I BAD KAN DPYID ZLA 'BRING PO LA BSAL BAR BYA'O, ,SO GA DBYAR DANG DGUN GYI TSE, ,RAB TSA CHAR DANG GRANG BA'I DUS, ,ZHES BYA BA LA, GANG GI PHYIR SO GA DANG DBYAR DANG DGUN GYI TSE NI RIM PA BZHIN DU RAB TU TSA BA DANG, CHAR 'BAB PA DANG GRANG BA'I DUS YIN NO, , DE LA RAB TU TSA BA NI SO GA'I DUS SO, ,RAB TU CHAR PA 'BAB PA NI DBYAR GYI DUS SO, ,RAB TU GRANG BA NI DGUN GYI DUS SO, ,DE RNAMS DUS MTSUNGS THUN MONG STE, ,DE TSE NAD NI MI BZAD BSAL, ,ZHES BYA BA LA RAB TU TSA BA DANG, CHAR 'BAB PA DANG, GRANG BA'I DUS SO GA DANG DGUN ZHES BYA BA, DRO BA DANG CHAR 'BAB PA CHA MNYAM PA'I DUS DE'I TSE, RLUNG LA SOGS PA'I NAD MI BZAD CING GNOD PA BSAL ZHING SBYANG BAR BYA'O, ,THA MAL BDER GNAS DBANG BYAS KYI, ,NAD PA NAD KYI DBANG DU NI, ,GRANG TSA CHAR GYI DUS DAG GI ,GNYEN PO CI BZHIN BYAS NAS NI, , SBYOR BA'I DUS SU BAB PA NA, ,BYA BA DUS LA MI SDOD DO, ,ZHES BYA BA LA, NGAS DE LTAR BSHAD PA NI, THA MAL PAR BDE BAR GNAS PA'I DBANG DU BYAS SHING, DE LA DMIGS NAS THUN MONG GI NYIN ZHAG RNAMS LA, SLON SMAN LA SOGS PA BTANG BA BSHANG BA YIN GYI, NAD PA'I DBANG DU BYAS NAS SMRAS PA NI MA YIN TE, DE'I NAD NI GNOD PAR BYED DRAGS PA YIN PAS BTANG SNYOMS SU GZHAG STE, GSOR RUNG BA YANG GSOR MI RUNG BAR 'GYUR RO, ,DE LA NAD PA LA NI NAD SKYED PAR GYUR PA'I NAD KYI DBANG DU BYAS NAS, NAD DANG RJES SU MTHUN PAR GRANG BA DANG TSA BA DANG, CHAR GYI DUS DAG GI GNYEN PO JI LTA BA BZHIN DU BCOS MA MA YIN PA LEGS PAR BYA ZHING DUS KYI YON TAN JI LTA BA LAS GO BZLOG PA DANG, SBYOR BA DANG LAS BYA BA DANG, TSAD BRTAGS PAS SMAN GYI LAS NYE BAR SBYAR ZHING, MA YENGS PA KHO NAR NYE BAR
SBYANG BAR BYA'O, ,DE YANG GNYEN PO JI LTA BA BZHIN DU BYA BA STE, GRANG BA DANG DRO BA DANG, DROL GRANG BAR BYA BA DANG, SBYOR BA'I DUS TE, NAD KYI DBANG GIS GSO BAR BYA BA'I DUS SU BAB PA NA, BYA BA'I DUS DE LA MI BSDAD KYI, DUS LAS MI 'DA' BAR BYA'O, ,SMAN NI ZAS MA ZOS SNGON DANG, ,DBUS DANG MTHA' DANG KHAM GYI BAR, ,ZAS BAR TZEG BU ZAS BCAS DANG, ,ZAS MNAN MTSAN MO BTUNG BA'O, ,ZHES BYA BA LA, SMAN DUS SKABS BCUR SBYAR ZHING GTANG BAR BYA'O, ,DE LA ZAS MA ZOS PA NI GANG DU SMAN GCIG BU DGOS PA DE LA NI ZAS MA ZOS PA ZHES BYA'O, ,SNGON DANG ZHES PA NI ZAS ZA BA'I SNGON DU SMAN ZOS NA, DE'I RJES THOGS NYID LA'O, ,DBUS NI GANG ZAS KYI BAR DU'O, ,THA MA NI ZAS ZOS PA'I RJES THOGS LA'O, ,KHAM GYI BAR ZHES BYA BA NI SMAN GYI KHAM ZAS DANG 'DRES MAR BZA' BA'O, , ZAS BAR DU ZHES BYA BA NI GANG ZAS KYI BAR BAR DU BZA' BA'O, ,TZEG BU NI YANG YANG SKAD CIG RE RE ZHING ZAS ZOS PA'AM, MA ZOS PA'I SKABS SU ZA BA'O, ,ZAS BCAS NI ZAS DANG LHAN CIG BCOS PA'AM, PHYIS BSRES TE BZA' BA'O, ,ZAS MNAN NI KHA SBYAR GYI TSUL DU SNGAR SMAN ZOS NAS BAR DU ZAN ZA BA STE, PHYIS KYANG SMAN GYIS MNAN PA'O, ,BAD KAN BDO 'DAS NAD PA NI, ,NYAMS STOBS LDAN LAM ZOS GTANG, ,ZHES BYA BA LA, BAD KAN GYI SHAS CHE ZHING BDO BA'I DUS 'DAS SHING BAD KAN LDANG BA'I DUS TSOD YOL BA'I NAD DANG, NAD PA NYAMS STOBS DANG LDAN PA LA, ZAS MA ZOS PA'I SNGAR ZAS MED PAR GTANG BAR BYA'O, ,THUR SEL RLUNG LA ZAS SNGAR GTANG, ,MNYAM GNAS LDANG LA BAR DU YIN, ,ZHES BYA BA LA, THUR DU SEL BA ZHES BYA BA'I RLUNG GI NAD LDANG BAR GYUR NA, ZAS KYI DANG PO NYID DU SMAN BTANG LA, DE'I RJES THOGS KHO NA LA ZAS BZA' BAR BYA'O, ,RLUNG ME DANG LHAN CIG GNAS BA ZHES BYA BA LDANG BAR 'GYUR LA, ZAS KYI BAR DU SMAN BZA' BAR BYA STE, ZAS KYI PHYED ZOS PA DANG, BAR DU SMAN ZOS PA DANG, DE'I 'OG TU ZAS LHAG MA RNAMS BZA' BAR BYA'O, ,KHYAB BYED NANG PAR ZAS
, ,ZA'I MTHA', ,GYEN RGYU'I RLUNG LA DGONGS KA'O, ,ZHES BYA BA LA, RLUNG KHYAB BYED CES BYA BA LDANG BAR GYUR PA NA, NANG PAR NA SNGA DRO ZAS ZA BA'I MTHA' MA RDZOGS KAR SMAN GTANG BAR BYA'O, ,GYEN DU RGYU BA ZHES BYA BA LA, DGONGS KA'I ZAS BZA' PA'I MTHA' MAR SMAN BZA' BAR BYA'O, ,SROG CES BYA BA'I RLUNG LDANG LA, ,KHAM GYI BAR DANG ZAS BAR BZA', ,ZHES BYA BA LA, SROG CES BYA BA'I RLUNG LDANG ZHING, 'KHRUGS PA LA KHAM GYI BAR DANG, DE BZHIN DU ZAS KYI BAR TE, DBUS SU SMAN BZA' BAR BYA STE, YANG KHAM SPAG CING BZA' BAR BYA'O, ,BZA' BA'I BAR BAR DU BZA' BA'O, ,DUG DANG SKYUG LUD DBUGS MI BDE, ,SKOM DAD SKYE LA TZEG BU'O, ,ZHES BYA BA LA, DUG 'THUNGS PA DANG SKYUGS PA DANG, LUD PA DANG DBUGS MI BDE BA DANG, SKOM DAD SKYE BA LA TZEG BUR YANG YANG BZA' BZAS ZOS SAM, MA ZOS PA'I SKABS SU BYA'O, ,YI GA 'CHUS LA SNA TSOGS ZAS, ,SMAN DANG ZAS BCAS SBYAR BAR BYA, ,ZHES BYA BA LA, BAD KAN GYI SHAS CHE BA ZAS MI 'DOD PA LA, SMAN SBYIN PAR BYA BA NI, SNA TSOGS PA'I ZAS DU MA DAG DANG, LHAN CIG SMAN SBYIN PAR BYA BA YIN PAS NA, ZAS DANG BCAS PAR SBYAR BAR BYA'O, ,SKYIGS BU LUS 'DAR LAG 'DAR DANG, ,ZAS NYUNG ZA LA MNAN PA GTANG, ,ZHES BYA BA LA, SKYIGS BU LA SOGS PA'I NAD RNAMS DANG, ZAS NYUNG DU ZA BA LA SMAN GYI MNAN PA GTANG BAR BYA STE, SMAN GYIS MNAN PA ZHES BYA BA NI GANG ZAS KYI SNGON DANG PHYI NAS SMAN BTANG LA, GANG GIS ZAS DE ZA MA TOG GI NANG DU BCUG PA LTAR SMAN GYIS STENG 'OG NAS BTAB STE, GNAS PA DE LA MNAN PA ZHES BYA'O, ,NAM TSONG YAN CHAD NAD LA NI, ,MTSAN MO'I DUS SU BTANG BA BSNGAGS, ,ZHES BYA BA LA, NAM TSONG YAN CHAD KYI NAD MIG DANG GDONG 'GYUR BA LA SOGS PA'I NAD LA MTSAN MO NYAL KHAR SMAN BTANG BA RAB TU BSNGAGS SHING MCHOG TU 'DOD PAR BYA BA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS
RNAM PAR SBYAR BA LAS LE'U BCU GSUM PA'I RNAM PAR 'GREL PA'O,, ,,DE NAS GSO BA'I THABS RNAM PA GNYIS BSTAN PA'I LE'U BSHAD PAR BYA'O, ,ZHES BYA BA LA, RLUNG LA SOGS PA'I NAD RNAMS KYI GSO BA'I THABS SNUM CHOS BYA BA LA SOGS PA RNAM PA DU MA ZHIG BSHAD PA YIN TE, RNAM PA DU MA ZHIG YOD DU ZIN KYANG NYAMS BRTA BA DANG, NYAMS SMAD PA'I TSUL RNAM PA GNYIS LAS MI 'DA' BA YIN NO, ,DE BAS NA DE'I 'OG TU GSO BA RNAM PA GNYIS KYI LE'U BRTZAMS PA YIN LA, GSO BA RNAM PA GNYIS PO DE STON CING GANG DU GSO BA GNYIS PO DE'I NGES PA BSTAN PA'I LE'U LA NI GSO BA'I THABS GNYIS BSTAN PA'I LE'U ZHES BYA STE, DE BSHAD PAR BYA'O, ,ZHES PA'O, ,GSO BA GNYIS PA'I RIGS PA BSTAN PAR BYA BA'I PHYIR, GSO BA RNAM PA GNYIS YIN PHYIR, ,GSO THABS RNAM PA GNYIS SU 'DOD, ,CES BYA BA YIN TE, GSO BA RNAM PA GNYIS KHO NA STE, GCIG NI NYAMS BRTA BA'I TSUL GYIS GSO BA'O, ,GNYIS PA NI NYAMS SMAD PA'I TSUL GYIS GSO BAR BYA BA YIN TE, GANG GI PHYIR GSO BAR BYA BA'I NAD DAM, YANG NA DE LDAN PA'I SKYES BU NI NYAMS BRTA BAS GSO BAR BYA BA'AM, NYAMS SMAD PAS GSO BAR BYA BA YIN GYI, DE LAS GZHAN PA'I PHYOGS GSUM PO YOD PA MA YIN NO, ,DE BAS NA GSO BA'I THABS NI RNAM PA GNYIS KHO NA YIN LA, GSO BA DANG NAD GSO BA'I THABS DANG BYA BA'I RIM BA ZHES BYA BA NI DON GCIG YIN NO, ,DRANG SRONG TZA RA KA'I GZHUNG LA BRTEN PA GZHAN DAG NI GSO BA'I THABS SMYUNG BA LA SOGS PA BZHIR 'DOD MOD KYI, SMYUNG BA LA SOGS BA NI 'DI NYID KYI NANG DU 'DUS PA YIN NO, ,KHO NA ZHES BYA BA NI NGES PAR BZUNG BA STE, DE NYID KYI PHYIR SMRAS PA NI, DE GCIG BRTA BAR BYA BA YIN, ,GNYIS PA NYAMS NI SMAD PA'O, ,ZHES BYA BA YIN TE, GSO BA DE GNYIS LAS GSO BA GCIG NI NYAMS BRTA BA'I TSUL YIN LA, ,GNYIS PA NI NYAMS BTZAG PA YIN NO, ,DE DAG RGYAS BYA SMYUNG BA ZHES, ,RNAM GRANGS DAG TU BSHAD PA YIN, ,ZHES BYA BA LA, NYAMS BRTA BA DANG, NYAMS SMAD PA DE DAG NI GO RIMS BZHIN DU RGYAS PAR BYA BA
, ,DANG; SMYUNG BA ZHES BYA BA'I SGRAS MING GI RNAM GRANGS DAG TU BSHAD CING BSTAN PA DAG LUNG SHES BA DAG GIS BYAS PA YIN TE, DE DAG GI DKYIL MING GI RNAM GRANGS BSTAN PA TZAM DU ZAD DE, ZHES BYA BA'I DON TO, ,LUS SHA RGYAS PHYIR RGYAS BYA STE, ,YANG BA NYID PHYIR SMYUNG BAR BYA, ,ZHES BYA BA NI, DE LA RGYAS PAR BYA BA NI LUS KYI SHA 'PHEL ZHING RGYAS PAR BYA BA'I DON BYED PA STE, DPER NA SHA DANG 'O MA LA SOGS PA LTA BU'O, ,GANG LUS KYI YANG ZHING SRAB PA NYID DU GANG GIS BYED PA DE NI SMYUNG BAR BYA BA ZHES BYA BA'O, ,DE DAG KYANG CI LTA BU'I BDAG NYID CAN YIN ZHE NA, DE'I PHYIR SMRAS PA NI, DE NI PHAL CHER SA CHU DANG, ,CIG SHOS LAS NI GYUR PA YIN, ,ZHES BYA BA YIN TE, RGYAS PAR BYA BA DANG SMYUNG BA DE GNYIS NI, SA DANG CHU DANG CIG SHOS LAS NI GYUR PA YIN TE, DE YANG SA DANG BCAS PA'I CHU YIN NAS CHU'O, ,DES NI 'DI SKAD STON TE, SA DANG CHU'I RANG BZHIN CAN GYI RDZAS NI RGYAS PAR BYED PA YIN TE, DE GNYIS KYI NGO BO NYID DE YIN PA'I PHYIR RO, ,SMYUNG BA NI DE LAS GZHAN PA CIG SHOS TE, GANG CIG SHOS SHE NA, 'DIR DE'I SKABS YIN PAS, SA DANG CHU LAS CIG SHOS ME DANG RLUNG DANG NAM MKHA'I BDAG NYID CAN YIN NO, ,PHAL CHER ZHES SMOS PAS NI SHIN TU RGYAS PAR BYED PA NI SA DANG CHU YIN LA, SHIN TU SMYUNG BAR BYED PA NI CIG SHOS ME DANG RLUNG DANG NAM MKHA' YIN PAS NA DE SKAD CES BYA'O, ,ME DANG RLUNG DANG NAM MKHA' LA RGYAS SHING 'PHEL BAR 'GYUR BA YE MED PA MA YIN LA, SA DANG CHU LA YANG SMYUNG BA YE MED PA MA YIN TE, SMAN RNAMS NI 'BYUNG BA LNGA'I BDAG NYID CAN YIN PA'I PHYIR RO, ,SBREL GZHIR GNAS PA YANG SRID DO, ,LAS GANG SNUM DANG DGAG PA DANG, ,DUGS DANG KHONG RTZUB BYA BA STE, ,'BYUNG BA DE YANG GNYIS YIN PHYIR, ,GNYIS LAS 'DA' BAR MI BYED DO, ,ZHES BYA BA LA, GSO BA'I THABS MED DU SMRAS PA DAG YOD PA'I PHYIR, 'DIR SMRAS PA YIN TE, 'DI NYID KYIS LAS SNUM PAG LA SOGS PA BZHI PO BSHAD PA GANG YIN PA, 'DI'I
LAS YIN GYI, BRTA BAR BYA BA DANG NYAMS SMAD PAR BYA BA LTAR SNUM LA SOGS PA BZHI PO 'DI DAG DON THA DAD PA MA YIN NO, ,'BYUNG BA'I LAS BZHI PO DE DAG KYANG BRTA BA DANG NYAMS SMAD PA GNYIS KYI TSUL CAN YIN PA'I PHYIR GNYIS PO DE LAS 'DA' BAR MI BYED DO, 'BYUNG BA RNAMS BRTA BA DANG NYAMS SMAD PA'I RANG BZHIN GNYIS KYI RNAM PA GNYIS YIN PA'I PHYIR DANG, DE BZHIN DU ME DANG ZLA BA'I RANG BZHIN RNAM PA GNYIS DANG LDAN PA YIN PAS, DE LAS RGYAS PA'AM, 'PHEL BA DANG, SMYUNG BA GNYIS LAS 'DA' BAR MI BYED DO, ,DE YANG SNUM DANG BSDAM PAR BYA BA'I ZLA BA'I RANG BZHIN PAS BRTA PA'I SDE TSOMS SU GTOGS LA, RTZUB PA DANG DUGS BYA BA NI ME'I RANG BZHIN CAN YIN PAS SMYUNG BAR GTOGS TE, DES NAS LA SOGS PA'I 'BYUNG BA RNAMS BRTA BA DANG NYAMS SMAD PA'I TSUL CAN YIN NO, ,DA NI DE GNYIS KYI SO SO'I DBYE BA SMRAS PA NI, DE LA'ANG SBYANG DANG ZHI BYA BA, ,RNAM PA GNYIS PO SMYUNG BA YIN, ,ZHES BYA BA LA, DE LA ZHES BYA BA NI NGES PAR GZUNG BA STE, NYAMS BRTA BA DANG NYAMS SMAD PA ZHES BYA BA MING GI RNAM GRANGS RNAM PA GZHAN DU NA, RGYAS PAR BYA BA DANG, SMYUNG BA ZHES BYA BA LA GANG 'DI SMYUNG BA'AM, NYAMS SMAD PA ZHES BYA BA DE NI RNAM PA GNYIS TE, SBYANG PA DANG ZHI BA ZHES BYA BA YIN TE, DE LAS LHAG PA'I SMYUNG BA YOD PA MA YIN NO, ,YANG NA RNAM PA 'DI LTA BU'I TSUL GYIS RNAM PA GNYIS PA NI SMYUNG BA YIN TE, GZHAN DU NA 'OG NAS BSHAD PA'I TSUL GYIS RNAM PA BCU GNYIS SU 'GYUR RO, ,DE LAS RANG GI MTSAN NYID DANG DE BZHIN DU DE'I DBYE BA BSTAN PA'I PHYIR SMRAS PA NI, ,GANG ZHIG NAD NI PHYIR 'BYIN PA, ,SBYANG YIN DE NI RNAM LNGA STE, ,MAS GTONG SKYUG SMAN LUS NAD BKRU, ,MGO YI NAD BKRU GTAR GAS DBYUNG, ,ZHES BYA BA YIN TE; SMAN GANG NANG NA YOD PA'I NAD PHYIR 'BYIN PAR BYED PA NI SBYANG BA ZHES BYA BA LA, SBYANG BA DE YANG MAS GTONG BA LA SOGS PA'I DBYE BA RNAM PA LNGA YIN NO, ,DE LA MAS GTONG BA NI BSHAD PA'I SGO NAS, SMAN DANG MAR LA SOGS PA BSKOL TE GTONG BA'O, ,SKYUG SMAN
, ,NI NAD RNAMS GYEN DU DRANG BA'O, ,LUS KYI NAD BKRU BA NI NAD THUR DU DBYUNG BA'O, ,MGO BO'I NAD BKRU BA NI LUS KYI PHYOGS GCIG MGO BO ZHES BYA BA GCIG PU'I NAD SMAN SNA NAS BTANG BAS GYEN DU DRANG BA NI MGO BO'I NAD BKRU BA'O, ,GTAR GSAD DBYUNG BA NI KHRAG RTZA'I SGO LA SOGS PA LAS PHYIR GDON PA'O, ,DE NI ZHI BA'I MTSAN NYID DANG, DE BZHIN DU DBYE BA BSHAD PA'I PHYIR 'DI SMRAS PA YIN TE, GANG ZHIG NAD NI MI SBYONG DANG, ,SNYOMS GNAS GLONGS PA MA YIN DANG, ,MA SNYOMS SNYOMS PAR BYED PA DAG ,ZHI BA YIN TE DE RNAMS BDUN, ,SMIN DANG DROD SKYED BKRES SKOM DANG, ,RTZOL BCAG NYI TSAN SER BU BSIL, ,ZHES BYA BA LA, SMAN GANG ZHIG GIS RLUNG LA SOGS PA'I NAD MI SBYONG ZHING, NAD NA GNAS PA PHYI ROL TU MA BTON PA DANG, DE BZHIN DU SNYOMS PAR GNAS SHING CHA MNYAM PAR RANG GI TSAD DU GNAS LA GLONGS PA MA YIN ZHING RANG GI GNAS NAS MI BSGUL BA DANG, DE BZHIN DU MA SNYOMS PA STE, RANG GI TSAD LAS LHAG PA'AM, MTSANG BA'I TSUL DU GNAS PA DAG SNYOMS PAR BYED CING, RANG GI TSAD DANG LDAN PA BYED PA'I SMAN DE NI ZHI BA ZHES BYA BA YIN LA, ZHI BA DE NI SMIN PA NYID LA SOGS PA'I DBYE BAS RNAM PA BDUN YIN NO, ,DE LA SMIN PA NI SMIN PAR BYED PAS NA SMIN PA STE, PHO BA'I ME DROD KYIS 'JU BA'I BYA BA RDZOGS PAR BYED CING, DE SMIN CING 'JU BA'I NUS PA LHAG PAR SKYED PAR BYED PA'I SMAN GANG YIN PA'AM, BYA BA GANG YIN PA LA SMIN PA ZHES BYA BA STE, DPER NA TIG TA LA SOGS PA LTA BU'AM, SMYUNG BA BYA'O, ,DROD SKYED CES BYA BA 'DIS DROD SKYED PAR BYED PA STE, DPER NA TSA BA GSUM DANG, TSA BA LNGA LA SOGS PA'I SMAN GANG GIS ME'I DROD SHIN TU 'PHEL BAR BYED PAS, ZAS 'JU BAR BYED PA DE'I NUS PA LHAG PAR NYE BAR 'PHEL BAR BYED PA DE LA DROD SKYED CES BYA'O, ,DE YANG LEGS THOS KYIS, MA SMIN PA NI SMIN BYED CING, ,MNYAM GNAS DE NI ZHI BA YIN, ,DROD SKYED ME DROD SHIN TU SKYED, ,CHED 'GA' SMIN BYED YANG NA MIN, ,ZHES BSHAD PA YIN NO, ,
GZHAN DAG NI GO BAR ZAD DO, ,DA NI RGYAS PA'AM BRTA BAR BYA BA BSHAD DE, BRTA BA DAG NI RLUNG DANG NI, ,RLUNG BCAS MKHRIS PA ZHI BYED YIN, ,ZHES BYA BA LA, NI ZHES BYA BA NI KHYAD PAR BYED PA YIN PA'I DON TE, BRTA BA NI SMYUNG BA LAS TSUL 'DIS KHYAD PAR DU BYA BA YIN TE, BRTA BAR BYED PA 'O MA LA SOGS PA YANG SBYOR ZHING 'KHRU BAR BYED MOD KYI, SBYOR BA NI NYAMS DMOD PA'I BDAG NYID CAN YIN PAS DE LAS KYANG RLUNG 'BA' ZHIG GAM, MKHRIS PA DANG BCAS PA LDANG BAR BYED DE, DPER NA SMYUNG BA LAS AA RU RA LA SOGS PA'I SBYOR BA BYED PA'I SMAN GYIS LDANG BAR BYED PA YIN PAS, DE'I PHYIR BRTA BA'I KHYAD PAR STON TE, BRTA BA'I RDZAS 'O MA LA SOGS PA'I SBYOR BA'AM ZHI BA NI, RLUNG 'BA' ZHIG GAM MKHRIS PA DANG BCAS PA ZHI BAR BYED KYI, SMYUNG BA'I SBYOR BA LTAR NAD SKYED BAR NI MI BYED DO, ,DE LTAR NA SMYUNG BA LAS BRTA BA'AM, RGYAS PAR BYA BA KHYAD PAR DU 'PHAGS PA YIN, DES NA BRTA BA DAG NI RLUNG DAG STE, MKHRIS PA DANG BCAS PA ZHI BAR BYED PA YIN GYI, LDANG BAR BYED PA NYID MA YIN NO, ,NYID CES BYA BA NI NGES PA'I DON TE, RLUNG 'BA' ZHIG DANG, DE BZHIN DU DE NYID MKHRIS PA DANG BCAS PA DAG GI YIN GYI, MKHRIS PA 'BA' ZHIG GAM, BAD KAN MKHRIS PA DANG BCAS PA'AM, 'DUS PA'I NAD DAG LA BRTEN BA DE ZHI BAR BYED PA MA YIN NO, ,DE LTAR NA BRTA BA'I NYES PA'I YUL DES ZHI BA YIN PAR NGES PA YIN NO, ,DA NI BRTA BAR BYA BA'I DNGOS PO GANG DANG GANG YIN PA BRTA BAR BYA BA'I PHYIR 'DI SMRA BA YIN TE, BRTA BYA NAD DANG SMAN DANG CHANG, ,BUD MED MYA NGAN GYIS NYAM CHUNG, ,KHUR DANG LAM GYIS GLO RDOL DANG, ,LUS RTZUB NYAMS DMA' RLUNG SHAS CHE, ,SBRUM MA BU BTZAS BYIS PA RGAN, ,SO GA'I DUS DANG GZHAN YANG BRTA, ,ZHES BYA BA LA, 'DI DAG LA NYAM CHUNG BA ZHES BYA BA'I SGRA KUN LA SBYAR BAR BYA STE, DES NA NAD KYIS NYAM CHUNG BA DANG, SMAN 'THUNGS PAS NYAM CHUNG BA DANG, BUD MED LA BRTEN PAS NYAM CHUNG BA DANG, MYA NGAN GYIS NYAM CHUNG BA STE, DE DAG BRTA BAR BYA'O, ,DE BZHIN DU RTAG TU KHUR GYIS DUB PA
, ,DANG; RTAG TU LAM GYIS DUB PA DANG, GLO RDOL BA DANG, GCANG CHEN PO DANG, LUS RTZUB PA DANG, NYAMS DMA' BA DANG, RLUNG GI SHAS CHE BA DANG, SBRUM MA DANG, BU BTZAS PA DANG, BYIS PA DANG, RGAN PO DAG KYANG RTAG TU BRTA PA'I CHO GA DAG KYANG BYA'O, ,DE BZHIN DU SO GA'I DUS DANG, GZHAN YANG ZHES PA 'DIR MA BSTAN PA'I GSO BAR 'OS PA NAD PA'AM, THA MAL PA'I GNAS SKABS THAMS CAD BRTA BAR BYA BA DANG, YANG DE BZHIN DU SO GA'I DUS DE'I TSE, NAD KYIS NYAM CHUNG BA LA SOGS PA LHAG PAR YANG GSO BAR BYA'O, ,DE LA GANG GIS BRTA ZHE NA, DE'I PHYIR SMRAS PA NI, SHA DANG 'O MA KHA RA DKAR, ,MAR SAR MNGAR BAG MAS GTONG DANG, ,GNYID LOG NYAL BDE BSKU BYUG DANG, ,KHRUS DANG BDER GNAS NYAMS DGA' BRTA, ,ZHES BYA BA SMRAS PA YIN TE, DE LA SHA NI SNGAR BSHAD PA RNAM PA BRGYAD DO, ,'O MA YANG DE BZHIN NO, ,KHA RA DKAR PO NI SHA KHA RA DAG GO, ,MAR SAR NI MAR RO, ,MNGAR BAG KYANG YIN LA MAS GTONG BA YANG YIN PAS NA MNGAR BAG MAS GTONG STE DES BRTA BA'O, ,GNYID LOG PA'I BDE BA NI NYAL BA'I BDE BA STE, GNYI GA LA YANG BDE BA'I SGRA SBYAR RO, ,BSKU BYUG NI LUS TIL MAR LA SOGS PAS BSKU BA'O, ,KHRUS NI LUS CHU DRON POS BKRU BA'O, ,BDE BAR GNAS PA NI SEMS DGA' BA'O, ,NYAMS DGA' BA NI MGU BA NAS DGA' BA STE YID DGA' BA'O, ,DA NI SMYUNG BA STON TE, GCIN SNYI MA ZHU SNUM RAB ZOS, ,RIMS BTAB BRLA RENGS MDZE NAD CAN, ,SHU BA KHONG 'BRAS MCHER PA NA, ,KLAD NAD LKOG NAD MIG NAD DANG, ,SBOM PO DGUN DANG GZHAN DAG KYANG, ,RTAG TU SMYUNG BA BYA BA YIN, ,ZHES BYA BA LA, GCIN SNYI BA DANG, MA ZHU BA LA SOGS PA'I NAD YOD PA LA RTAG TU SMYUNG BA BYA'O, ,DE BZHIN DU DGUN DANG, GZHAN MA BSTAN PA NAD KYI 'GYUR BA GZHAN DAG LA YANG BYA STE, STOBS RDZOGS PA YIN PA DANG, BAD KAN LA SOGS PA'I 'JIGS PAS SMYUNG BA BYA STE, GZHAN DAG KYANG ZHES BYA BA 'DIS NAD PA LA BYA BA YIN GYI, GZHAN DU NA BDE BAR GNAS PA'I TSE NI DGUN STOD DANG,
DGUN SMAN BRTA BA'I CHO GA KHYAD PAR DANG BCAS PA SMRAS PA YIN NO, ,DA NI SBYANG BA'I YUL LAS BRTZAMS TE SMRAS PA NI, DE LA SBYANG BYA SHAS CHE SBOM, ,STOBS LDAN MKHRIS PA BAD KAN RGYAS, ,ZHES BYA BA YIN TE, DE LA SBYANG BAR BYA BA NI SHAS CHE ZHING SBOM PA DANG, STOBS DANG LDAN PA DANG; MKHRIS PA DANG, BAD KAN RGYAS PA STE, NYAMS SMAD PAR BYA BA DE RNAMS KYI NANG NAS, MTSAN NYID GSUM PHO 'DI DAG DANG LDAN PA'I MI, SBYANG BA RNAM PA LNGA PO SKYUG SMAN LA SOGS PAS CI RIGS PAR SBYANG ZHING NYAMS SMAD PAR BYA'O, ,MA ZHU'I NAD DANG RIMS DANG SKYUG ,TSAD PAS 'KHRU DANG SNYING NAD CAN, ,LUS LCI SGREGS MANG BSHAD GCI 'GAGS, ,YI GA 'CHUS SOGS KYIS NA BA, ,'BRING TZAM SBOM SOGS PHAL CHER NI, ,DANG POR SMIN DANG DROD BSKYED BYA, ,ZHES BYA BA LA, MA ZHU BA DANG, RIMS LA SOGS PA'I NAD KYIS NYEN PA'I NAD PA SHA 'BRING TZAM DU SBOM PAR GYUR PA DAG LA PHAL CHER ZHES PA MING DU SMIN PA DANG, DROD SKYED PA NI SMYUNG BA'I RNAM PAS SMYUNG BAR BYA'O, ,SOGS PA'I SGRAS NI 'DIR STOBS DANG MKHRIS PA DANG BAD KAN DAG BSDU'O, ,DANG POR NI THOG MAR TE, SNGAR SMIN PA DANG, DROD BSKYED BSKYED PAS SMYUNG BA BYA LA, DE'I 'OG TU CI RIGS PA'I SMYUNG BA BYA'O, ,PHAL CHER ZHES SMOS PA NI, NAD DANG LUS KYI NYAMS STOBS LA SOGS PA RNAMS LAS BRTA'I THAMS CAD DU 'DI LTAR BYA BA MA YIN NO ZHES STON, NAD NI 'DI DAG GIS NYAM THAG ,SBOM DANG STOBS SOGS CHUNG BA LA, ,BKRES DANG SKOM PAS TSAR BCAD DO, ,ZHES BYA BA NI, SNGAR BSHAD MA THAG PA'I NAD RIMS LA SOGS PA 'DI DAG NYID KYIS NYAM THAG CING GNOD PAR 'GYUR BA'I MI SHA'I SBOM TSAD DANG, STOBS LA SOGS PA CHUNG BA STE, SHA CHE BA'I SHAS CHUNG ZHING STOBS ZHAN PA BAD KAN MKHRIS PA DANG LDAN PA DAG LA NI, BKRES PA DANG SKOM PAS TSAR BCAD PA STE, LTOGS PA DANG SKOM PAS NYEN PAR BYA BA'I SHUGS KYI SMYUNG BA'I RNAM PAS NYAMS SMAD PAR BYA'O, ,ZHES BYA BA'I DON TO, ,NAD KYIS NYAM THAG STOBS 'BRING BRTAN, ,SER BU TSA RTZOL GYIS SMAD NA, ,NYAM CHUNG MI BRTA SMOS CI
, ,DGOS, ,ZHES BYA BA LA, NAD KYIS GZIR ZHING NYAM THAG PA'I MI STOBS CHE CHUNG GNYI GA MA YIN PA, RAN PA 'BRING TZAM YOD PA NUS PA BRTAN ZHING CHE BA'I MI LA NI SER BU BSIL BA DANG, NYI TSAN DANG, RTZOL BA DE DAG SHAS CHER BSTEN PAS DE NYAMS SMAD PAR BYA ZHING SMYUNG BA BYA'O, ,ZHES BYA BAR NGES PAR GNAS NAS, NYAMS STOBS CHUNG ZHING NAD CUNG ZAD KYIS KHYAB PA'I MI LTA SMOS KYANG CI DGOS ZHES PA'I DON TO, ,BRTA BAR BYAS PA GANG YIN PA 'DI DAG DANG NYAMS SMAD CING SMYUNG BAR BYA BA GANG YIN PA 'DI DAG LAS GANG YANG BRTA BAR BYA BA LA, DE LA NI SMYUNG BAS MI GSOL, NYAMS SMAD PAR BYA BA LA NI BRTA BAS MI GSO ZHES BSTAN LA DE LTAR NA RIMS LA SOGS PA SMYUNG BAS GSO BA'I NAD NI, BRTA BAR BYA BAR GYUR BAS THE TSOM DU 'GYUR TE, CI BRTA BAR BYA BAR 'OS PA'I MI SMYUNG BAS GSO BA'I NAD KYIS NYAM THAG NA, SMYUNG BAS GSO BA LA 'JUG PAR BYA'AM, 'ON TE BRTA BAR BYA BA YIN PA SMYUNG BA'I NAD YOD KYANG, SKYES BU DE BRTA BAR BYA ZHES THE TSOM DU GYUR BA 'DI LA, DE BSAL BA'I PHYIR 'DIR SMRAS PA YIN TE, NYAMS SMAD BYA BA BRTA MI BYA, ,ZHES BYA BA YIN TE, SKYES BU NYAMS SMAD CING SMYUNG BA BYA BA NI NAM YANG BRTA BAR MI BYA STE, CI'I PHYIR ZHE NA, BRTA BAR BYA BAS GSO BA'I NAD KYIS NYAM THAG PA'I MI LA SLAR NAD SKYED PA'I 'JIGS PA YOD PA'I PHYIR RO, ,BRTA BYA NYAMS SMAD 'JAM POS BYA, ,ZHES BYA BA NI, GANG YANG BRTA BAR BYA BA'I SKYES BU DE, SMYUNG BAR BYA BA'I NAD KYIS NYAM THAG NA, NYAMS SMAD PA 'JAM POS BYA ZHING, SMYUNG BA'I RNAM PA 'JAM POS BYAS NA, NYAMS SMAD PA DE LA NAD LDANG BAR MI 'GYUR RO, ,DE DAG NI BRTA BAR BYA BA DAG TSAD CHE BA DANG BAR MA DANG CHUNG BA'I ZAS SKOM GYI TSAD DE DAG GI DON SHES PAR BYA BA'I PHYIR, DE SKAD BSHAD PA YIN NO, ,YANG NA YUL DANG STOBS SOGS LAS, ,RIGS PAS DE NI NYE BAR SPYAD, ,CES BYA BA NI, SMYUNG BAR BYA BA BRTA BAR MI BYA BA DANG, BRTA BAR BYA BA NYAMS SMAD PA 'JAM POS BYA BA NI THAMS CAD DU NGES PA YIN MOD KYI, 'ON KYANG GZHAN GYI NI YANG NA YUL DANG STOBS LA SOGS PA
LAS RIGS PA'I SBYOR BAS BRTA BAR BYA BA SMYUNG BA'I NAD KYIS NYAM THAG PA DE'I GSO BA NYE BAR SPYAD PAR BYA'O, ,SOGS PA'I SGRAS NI LUS ZUNGS LA SOGS PA'I STOBS LAS KYANG NYE BAR BYED LA, DE BZHIN DU BRTA BAR BYA BA YANG NYAMS SMAD PA 'JAM POS BYA BA YIN PAS, CHED 'GA' NYAMS BRTA PA DANG NYAMS SMAD PA 'DREN MA'I MTSAN NYID KYIS GSO BAS NAD GSO BA LA NYE BAR SPYAD PAR BYA STE, 'DIR BRTA BAR BYA BA LA NYAMS SMAD PA 'JAM POS GSO DGOS PAR NGES PA KHO NA NI MA YIN TE, GZHAN DU NA YUL DANG DUS KYI DBANG DANG RIGS PA'I SBYOR BA'I DBANG GIS GSO BAS KYANG DE LA NYE BAR SPYAD PAR BYAR RUNG BA YIN NO, ,BRTA BAR BYA BA LAS CI ZHIG 'BYUNG BAR 'GYUR ZHE NA, DE'I PHYIR SMRAS PA NI, BRTA BAS STOBS NI 'PHEL BA DANG, ,DE YIS BSGRUB BYA'I NAD ZAD 'GYUR, ,ZHES BYA BA YIN TE, SKYES BU BRTA BAR BYAS PAR GYUR NA, STOBS DANG NUS PA SKYE BAR 'GYUR BA DANG, DE BZHIN DU LUS ZUNGS LA SOGS PA 'PHEL ZHING RGYAS PAR 'GYUR BA DANG, DE BZHIN DU DES BSGRUB CING GSO BAR BYA BA'I NAD ZAD PAR 'GYUR RO, ,DE YIS ZHES BYA BA NI BRTA BA LA SNYEGS TE, BRTA BAR BYA BAS GSO ZHING BSGRUB PAR BYA BA'I NAD KYIS NYAM THAG PA LA SOGS PA GANG YIN PA DE RNAMS 'JIG CING MED PAR 'GYUR RO, ,SKYES BU SMYUNG BAR BYAS PA DAG LA MTSAN NYID CI ZHIG 'BYUNG BAR 'GYUR ZHE NA, DE'I PHYIR SMRAS PA NI, SMYUNG BAS DBANG GSAL DRI MA RNAMS, ,MI SRI KHONG YANG YI GA 'BYE, ,BKRES DANG SKOM PA LHAN CIG 'BYUNG, ,DANG GA SNYING DANG SGREGS PA DAG ,NAD KYI RTZE ZHIL SPRO BA CHE, ,SNYOM BAG MED PA DAG TU 'GYUR, ,ZHES BYA BA YIN TE, SKYES BU SMYUNG BA BYAS SHING NYAMS SMAD PAR GYUR NA DBANG PO GSAL BA STE, DBANG PO'I TSOGS DAG CING GSAL BAR 'GYUR BA DANG DE BZHIN DU BSHANG BA DANG GCI BA LA SOGS PA'I DRI MA RNAMS MI SRI ZHING BDE BAR 'BYUNG BAR 'GYUR BA DANG, DE BZHIN DU KHONG YANG NI LUS BSKYOD PA YANG BA NYID DANG, YI GA 'BYE BA STE ZAS LEN CING 'DOD PA DANG, DE BZHIN DU BKRES PA DANG SKOM PA LHAN CIG TU DUS GCIG
, ,GI TSE 'BYUNG ZHING SKYE BAR 'GYUR BA DANG, DE BZHIN DU DANG GA 'AM, LKOG MA DAG PAR 'GYUR BA DANG, SNYING DAG PAR 'GYUR BA DANG, SGREGS PA DAG CING MNAM PA MED PAR 'GYUR BA DANG, DE BZHIN DU SMYONG BAR BYA BAS GSO DGOS PA'I NAD RTZE ZHIL ZHING SNYI BAR 'GYUR BA DANG, DE BZHIN DU SPRO BA CHE STE BYA BA RNAMS LA BRTZON ZHING 'BAD NUS PAR 'GYUR BA DANG, DE BZHIN DU SNYOM BAG DANG, SGYID ZHAN PA MED PA DAG SKYE BAR 'GYUR RO, ,DE DAG NYID HA CANG THAL CHES PAR TSAD LAS LHAG PAR BYAS PA'I NYES PA SMRAS PA NI, DE DAG TSAD LA SOGS PA DANG; ;MI LDAN STEN PAR BYED PA DAG ,RAB SBOM RAB TU SKEM SOGS 'GYUR, ,DE YANG SMAN BCAS BSHAD PA YIN, ,TSUL NI SHIN TU BRTA BA DANG, ,NYAMS SMAD DE NYID LAS SHES BYA, ,ZHES BYA BA YIN TE, BRTA BA DANG NYAMS PA DE DAG TSAD LA SOGS PA DANG MI LDAN PAR BSTEN PA STE; TSAD LAS LHAG PAR BSTEN CING SPYOD PA DAG NI GO RIMS BZHIN DU RAB TU SBOM PA LA SOGS PA DANG, RAB TU SKEM PA LA SOGS PA BYED BAR 'GYUR TE, DE YANG YUL DANG DUS LA SOGS BA LA MA LTOS PAR BRTA BA HA CANG SHAS CHE BAR BSTEN PAS NI SHIN TU SBOM ZHING TSO DRAGS PA LA SOGS PA SKYED PAR BYED PAR 'GYUR RO, ,SMYUNG BA YANG DE BZHIN DU BYAS NA SHIN TU SKEM PA LA SOGS PA SKYED BAR BYED PAR 'GYUR RO, ,DE YANG ZHES PA SHIN TU TSO BA DANG, SHIN TU SKEM PA LA SOGS PA DE RNAMS DANG DE GNYIS KYI SMAN GANG DANG GANG YIN PA DE DAG KYANG LE'U 'DIR BSHAD PA YIN NO, , DE BZHIN DU TSUL DE'I MTSAN NYID SHIN TU BRTA BA DANG NYAMS SMAD PA DE GNYIS LAS GO RIMS BZHIN DU SHES SHING RTOGS PAR BYA'O, ,DE LAS SHIN TU BRTA DRAGS PA SMAN DANG BCAS PA SMRAS PA NI, SHIN TU TSO CHES 'BRUM GCIN SNYI, ,RIMS DANG DMU RDZING MTSAN BAR RDOL, ,LUS RMONGS GCIN SRI BE'U SNABS CHAGS, ,MDZE LA SOGS PA MI BZAD 'BYUNG, ,ZHES BYA BA LA SOGS PA YIN TE, BRTA BA HA CANG DRAGS PAR BSTEN NA SHIN TU TSO CHES PA NAS, MDZE LA SOGS PA'I BAR DU SKYED PAR BYED DO, ,SHIN TU TSO CHES PA'I MTSAN NYID, ,DRANG SRONG TZA RA KAS MDZAD PA, ,
SHA DANG TSIL RAB 'PHEL BA YIS, ,NU MA GSUS PA MJUG MA 'PHYANG, ,DGOS MED 'PHEL BAR RTZOM PA YI, ,MI NI SHIN TU TSO, ZHES BYA BA YIN NO, ,'BRUM BU NI 'BRAS KYI PHRENG BA'O, ,GCIN SNYI BA LA SOGS PA NI 'OG NAS BSHAD PA'O, ,DE RNAMS KYI NI SMAN SMRAS PA NI, ,DE LA TSIL DANG RLUNG BAD KAN, ,SEL BAR BYED PA THAMS CAD PHAN, ,DZU RNA KHRE RGOD KU LANGTHA, ,NAS DANG SRAN CHUNG MON SRAN SDE'U, ,DAR BA DAR RNYING ZHO GA CHU, ,SEMS LAS BYA DANG MI NYAL BYA, ,ZHES BYA BA LA SOGS PA YIN TE, DE LA ZHES PA TSO CHES PA LA SOGS PA DE RNAMS LA, TSIL DANG RLUNG DANG BAD KAN SEL BAR BYED PA'I ZAS DANG SMAN DANG SPYOD LAM THAMS CAD PHAN PA YIN TE, DZUR NA DANG, KHRE RGOD DANG, RGYA SRAN KU LANGTHA DANG, NAS NI BZA' BA'I PHYIR BSTEN TO, ,MON SREN SDE'U NI TSOD MA'I DON DU BYA'O, ,SRAN CHUNG DANG DAR BA DANG DAR RNYING DANG, ZHO GA CHU NI BTUNG BA'I DON DU BYA'O, ,SEMS LAS DANG MI NYAL BA NI SPYOD LAM GYI DON DU'O, ,SBYANG BA NI TSIL DANG BAD KAN LA SOGS PA DAG PAR BYA BA'I PHYIR RO, ,SBRANG RTZI 'BRAS BU GSUM PA'AM, ,SLE TRES GLA SGANG AA RU RA, ,ZHES BYA BA NI, SHIN TU TSO BA LA SOGS PA DE RNAMS LA SKYES BUS 'BRAS BU GSUM GYI PHYE MA, SBRANG RTZI DANG SBYAR BA BZA' BA'AM, YANG NA SLE TRES DANG SBRANG RTZIR SBYAR BA BZA' BA'AM, YANG NA GLA SGANG DANG SBRANG RTZIR SBYAR BA BZA' BAR BYA'O, ,SKYER KHAndA DANG RTZA BA NI, ,CHEN PO LNGA DANG GU GUL DANG, ,BRAG ZHUN GYI NI SBYOR BA DANG, ,AAG NI MAN THA'I KHU BCAS PHAN, , ZHES BYA BA NI, SHIN TU TSO CHES PA DE LA SKYER KHAndA'I SBYOR BA PHAN NO, ,DE BZHIN DU BIL BA'I RTZA BA LA SOGS PA, RTZA BA CHEN PO LNGA'I SBYOR BA PHAN NO, ,DE BZHIN DU GU GUL GYI SBYOR BA DANG, BRAG ZHUN GYI SBYOR BA AAG NI MAN THA ZHES BYA BA, TA KHA RA'I KHU BA DANG BCAS PA YANG PHAN PA YIN NO, , NAS TSIG 'KHUS THAL BYI DANG GA ,BCA' SGA LCAGS PHYE SBRANG RTZI DANG, ,NAS DANG SKYU RU'I PHYE MA YI, ,SBYOR BAS SHIN TU TSO NAD SEL, ,ZHES BYA BA NI, NAS TSIG 'KHUS PA'I THAL BA LA SOGS PA'I SBYOR BA 'DI SBRANG RTZI DANG SBYAR TE, BLDAGS NA SHIN TU SBOM ZHING CHO CHES PA'I NAD SEL BAR
, ,BYED DO, ,NAS TSIG 'KHUS PA'I THAL BA NI YA BAKshA RA'O, ,LCAGS PHYE NI LCAGS NAG PO'I PHYE MA'O, ,GZHAN DAG NI GRAGS PAR ZAD DO, ,TSA GSUM 'BRAS GSUM BU TZE SHEL, ,SHI KRU BYI DANG PO STHI RA, ,SHING KUN GO SNYOD KHA RU TSA, ,LA LA PHUD DANG 'U SU DANG, ,KRU TRUG TRES DANG SER PO GNYIS, ,BRI HA GNYIS DANG CHU RTZI MO, ,HA PU SHA DANG PA THA DANG, ,KE PU KA YI RTZA BA STE, ,'DI RNAMS PHYE MA MAR SBRANG RTZI, ,TIL MAR DAG NI CHA SNYOMS PA, ,NAS PHYE'I CHA NI BCU DRUG BSKYED, ,SBYAR BA 'THUNGS NA DE 'JOMS SO, ,SHIN TU SHAS CHE'I BDAG NYID KUN, , GZHAN YANG DE 'DRA'I NAD RNAMS DANG, ,SNYING NAD MIG SER SHA BKRA DANG, ,LUD DBUGS MI BDE LKOG NAD SEL, ,BLO DANG YID GZHUNGS SEMS DRAN BYED, ,ZAS 'JU PHO BA'I DROD KYANG SKYED, ,CES BYA BA NI, 'DIR TSA BA GSUM DANG 'BRAS BU GSUM LA SOGS PA'I SMAN NYI SHU RTZA BZHI BSHAD PA 'DI RNAMS MA LUS PA'I PHYE MA DANG, SBRANG RTZI DANG MAR DANG TIL MAR CHA MNYAM PAR BYA'O, ,DE NAS PHYE MA CHA GCIG ,CHA GNYIS LA SBRANG RTZI, CHA GSUM PA MAR, CHA BZHI PA TIL MAR, NAS PHYE PHYE MA LA LTOS PA'I BCU DRUG 'GYUR BYA'O, ,DE LA 'DI SKAD STON PA YIN TE, TSA BA GSUM LA SOGS PA'I PHYE MA SRANG GCIG ,SBRANG RTZI DANG MAR DANG TIL MAR SRANG RE RE, NAS KYI PHYE MA SRANG BCU DRUG 'GYUR DU BYA BA'I DON NO, ,DE LA TSA BA GSUM NI PI PI LING DANG NA LE SHAM DANG BCA' SGA ZHES BYA'O, ,'BRAS BU GSUM NI AA RU RA DANG, SKYU RU RA DANG, BA RU RA 'O, ,PU SHEL TZE NI KA TU KA'O, ,SHI KRU NI SO BAN DZA NA'O, ,STHI RA NI SA LA PARnI'O, ,KHA RU TSA NI SOO BAR TSA LA'O, ,GO SNYOD NI TZA RA KA'O, ,'U SU NI 'U SU'I 'BRAS BU'O, ,SER PO GNYIS NI YUNG BA DANG SKYER PA'O, ,BRI HA TI GNYIS NI KAndA KA RI DANG, BRI HA TI'O, ,HA PU SHA NI BRA MO SHA ZHES BYA BA 'DAB MA SNGO BA ZHIG GO, ,KE PU KA'I RTZA BA NI CHU'I PI PI LING GI RTZA BA STE, DE DAG THAMS CAD KYI PHYE MA RDZAS GSHER BA DANG BSRES TE 'THUNGS NA SHIN TU TSO CHES PA LA SOGS PA'I NAD THAMS CAD SEL BAR BYED CING, DE BZHIN DU BRTAS PA LAS BYUNG BA'I NAD DE DANG TSUL MTHUN PA SEL BAR BYED PA DANG,
DE BZHIN DU SNYING NAD LA SOGS PA SEL BAR BYED PA DANG, DE BZHIN DU BLO DANG YID GZHUNGS PA DANG DRAN PA GSAL BAR BYED PA DANG, DE BZHIN DU PHO BA'I DROD SKYED CING, ME DROD NYAMS PA 'PHEL BAR BYED PA YIN NO, ,SHIN TU NYAMS SMAD CING SMYUNG BA DRAGS BA LAS NAD DU 'GYUR BAR BSHAD PA NI; SMYUNG DRAGS RAB SKEM MGO 'KHOR LUD, ,SKOM DAD CHE ZHING YI GA 'CHUS, ,SNUM DROD GNYID MIG RNA BA NYAMS, ,KHU BA GZI MDANGS SKAD GSANG ZAD, ,CHU SO SNYING KLAD BYIN PA BRLA, ,DKU DO RTZIB LOGS NA RIMS 'DEBS, ,TSIG MANG STOD DU RLUNG NAD 'JUG ,RMYA ZHING SKYUG BRO RUS TSIGS NA, ,BSHANG GCI SRI BA LA SOGS PA, ,SMYUNG BA DRAGS LAS 'BYUNG BAR 'GYUR, ,ZHES BYA BA YIN TE, SHIN TU SMYUNG BA DRAG CING, NYAMS SMAD PA DRAGS CHES BA LAS, SKEM BA LA SOGS BA 'BYUNG BAR 'GYUR RO, ,DE LA RAB TU SKEM PA NI SHIN TU SKEMS SHING LUS ZUNGS ZAD PA NYID DO, ,MGO 'KHOR BA NI 'KHOR LO LA BSKYON PA LTAR 'KHOR BAS NA MGO 'KHOR BA'O, ,LUD BA NI LUNG PA MANG BA'O, ,SKOM DAD CHE BA NI SKOM NAD KYIS GDUNGS PA'O, ,YI GA 'CHUS PA NI ZAS LA MNGON PAR MI DGA' BA'O, ,SNUM LA SOGS PA BRGYAD NI ZAD PA ZHES BYA BA SBYAR TE, DES NA SNUM ZAD PA DANG, ME DROD ZAD PA NAS SKAD GDANGS KYI GSANG ZAD PA'I BAR DU'O, ,RIMS KYIS 'DEBS PA NI RIMS NAD 'BYUNG BA'O, ,TSIG MANG BZHI 'BREL BA MED PA'I TSIG MANG DU SMRA BA'O, ,STOD DU RLUNG 'JUG PA NI RO STOD DU RLUNG ZHUGS PA'O, ,RMYA BA NI LUS KYI NYAMS STOBS CHUNG BA'O, ,SKYUG BRO BA NI ZAS LA SOGS PA MI 'DOD BA'O, ,RUS TSIGS NA BA NI RUS PA RNAMS DANG DE BZHIN DU TSIGS RNAMS BCAG CING GRUM PA SNYAM DU SEMS SHING NA BA'O, ,BSHANG GCI SRI BA LA SOGS PA ZHES BYA BA LA SOGS PA'I SGRAS NI RLUNG LAS BYUNG BA'I NAD SNA TSOGS BA BSDU'O, ,RAB TU TSO BAS SKEM NYID MCHOG ,SHIN TU TSO DRAGS PA YI SMAN, ,SHIN TU TSIL CHES ME RLUNG SEL, ,BRTA DANG NYAMS SMAD YOD MA YIN, ,ZHES BYA BA NI, SKEM PA ZHES BYA BA 'DI NAD CHEN PO YIN MOD KYI 'ON KYANG RAB TU TSO ZHING SBOM PA BAS SKEM
, ,PA MCHOG YIN TE, 'DIR SHIN TU TSO BA LAS SKEM PA MCHOG YIN NO, ,ZHES BYA BA 'DI LA SHIN TU TSOB BAS SHIN TU SKEM PA MCHOG YIN PA LA BYA'I, CUNG ZAD SBOM PA LAS CUNG ZAD SKEM PA MCHOG MA YIN NO, ,DE YANG GANG GI PHYIR SHIN TU TSO ZHING SBOM CHES PA DANG; SHIN TU SKEM PA NYID SMYUNG BA DANG BRTA BAS GSO BAR BYA BA NYID BSTAN GYI, SBOM PO DANG SKEM PO THA MAL TZAM NI MA YIN NO, ,CI'I PHYIR SBOM PO BAS SKEM PO MCHOG NYID YIN PA'I RIGS PA 'DIR SMRAS PA NI, SHIN TU CHO DRAGS PA'I SMAN ZHES BYA BA LA SOGS PA NI MA YIN TE, TSIL CHES BA DANG, SHIN TU ME DROD CHES PA DANG, RLUNG 'PHEL BA GANG YIN PA DE LTA BU YOD PA MA YIN NO, ,SHIN TU TSIL CHES PA DANG ME DROD DANG RLUNG SEL BA'I SMAN DE LTA BU SHIN TU TSO CHES BA'I BRTA BA DANG NYAMS SMAD PAR NUS PA MA YIN NO, ,DE LA SBOM PO'I BRTA BA'I SMAN GYIS SBOM PO BZLOG PA'AM, NYAMS SMAD PAR NUS PA MA YIN TE, GANG GI PHYIR BRTA ZHING 'PHEL BAR BYED PA NI SHA LA SOGS PAS BYED LA, DES NI TSIL 'PHEL BAR BYED DE, BRTA BA'I RANG BZHIN YIN PA'I PHYIR TSIL KHO NA SOGS PAR BYED DO, ,NYAMS SMAD PA'I SMAN KHRE RGOD LA SOGS PA GANG YIN PA 'DI NI NYAMS SMAD PA'I RANG BZHIN CAN YIN PA'I PHYIR RLUNG 'PHEL BAR BYED DO, ,DE NI 'DI SKAD STON PA YIN TE, GAL TE SHIN TU SBOM CHES PA LA BRTA BA'I SMAN BYIN NA NI, DES TSIL DANG ME DROD 'PHEL BAR BYED CING RLUNG 'GRIB PAR BYED DO, ,'ON TE NYAMS SMAD PA SMYUNG BA BYAS NA DES TSIL ZAD PAR BYED KYI RLUNG DANG ME DROD LA GNOD PAR MI BYED DO, ,DE BAS NA SHIN TU TSO CHES PA LA BRTA BA YANG BYA DKA' LA, NYAMS SMAD PAR YANG NUS PA MA YIN NO, ,ZHES BYA BA NI RIGS PA YIN TE, SHIN TU CHO CHES PA LA GANG TSIL ZAD PAR BYA BA DANG, ME DROD SEL BA DANG; RLUNG SEL BA DE LA PHAN PA YIN NA, DE LTA BU MA YIN NO, ,GANG ZHIG MNGAR DANG SNUM BAG BZA', ,BSOD BDE DAG GIS SKEM PA SEL, ,DE LAS SHIN TU BZLOG PA DAG ,NGES PAR BSTEN PAS SBOM NYID SEL, ,ZHES PA 'DI NI SKEM PA MCHOG YIN PA'I GTAN
TSIGS GZHAN DAG BSTAN PA YIN TE, SKEM PA NYID NI GANG GI PHYIR ZAS MNGAR BAG LA SOGS PAS BDE ZHING DGA' BA MED PAS ZHI BAR 'GYUR BAS, DE'I PHYIR SBOM PO BAS SKEM PO NYID MCHOG YIN GYI SBOM PO NI DE LTA MA YIN TE, GANG GI PHYIR SBOM PO NYID SKEM PAR BYAS PA'I GSO BA'I THABS LAS SHIN TU GO BZLOG PA'I TSUL BSTEN PAS ZLOG PAR BYED DE, SHIN TU GO BZLOG PA NI PHAL CHER KHA BA DANG, TSA BA DANG, BSKA BA DANG, ZAS SKOM DANG SMAN RTZUB MO BSTEN NA, GDOD SHIN TU TSO CHES PA'I SBOM PO SEL TE, TSIL ZAD PA'I RGYU RNAMS KYIS DE 'BYUNG GI ZAS DANG SKOM LA SOGS PA MNGAR ZHING SNUM PAG ZOS TE, BSOD CING TSIM PAR BYED PAS NI MA YIN NO, ,DE LTAR NA SBOM PA DANG SKEM PA 'DI GNYIS NAD DU MNYAM PA YIN DU ZIN KYANG, SBOM POR GYUR PA NI GSO DKA' BA YIN PAS NA YUN RING 'GOR BA'I PHYIR SKEM PO NYID MCHOG YIN NO, ,SKEM PO DE'I SMAN CI LTA BU YIN ZHE NA, DE'I PHYIR SMRAS PA NI, DE LA BZA' BTUNG SMAN RNAMS NI, ,BRTA BAR BYED PA THAMS CAD SBYAR, ,ZHES BYA BA LA SOGS PA YIN TE, SKYES BU SKEM PO DE LA BZA' BA DANG BTUNG BA DANG SMAN DU 'BRAS DRUG CU'I CHAN DANG SHA DANG 'O MA DANG, BU RAM SHING GI KHU BA LA SOGS PA DANG, TSO BAR BYED PA DANG, BRTA BAR BYED PA'I SMAN GYI RIGS THAMS CAD BRTA BA'I DON DU SBYAR BAR BYA'O, ,SEMS LAS MED DANG DGA' BA DANG, ,NGES PAR BRTA BAR BYA BA DANG, ,GNYID CHER LOG PAS SKEM PA YANG, , PHAG DANG 'DRA BAR LUS RGYAS 'GYUR, ,ZHES BYA BA LA, SEMS LAS MED PA NI MYA NGAN GYIS GDUNG BA MED PA'AM, BYA BA'I RIGS GANG YIN PA GANG YANG YID LA DPYOD PA MED PA'O, ,DGA' BA NI NYAMS BAG TU GNAS PA'O, ,NGES PAR BRTA BAR BYA BA NI SHIN TU TSIM PAR BYA BA DANG, DE BZHIN DU LEGS PAR GNYID LOG CING NYAL BAS, SKEM PO DAG RNAM PA THAMS CAD DU SHA RGYAS PAR 'GYUR RO, ,DE YANG DPER NA PHAG DANG 'DRA BA STE, SKEM PO'I GNAS SKABS SU SHA RGYAS PA'I RGYU GZHAN PAS GNYID CHER LOG PA RGYU'I GTZO BO YIN PAR BSTAN PAR
, ,BYA BA'I PHYIR DPE PHAG PA DANG SBYAR BA YIN NO, ,DE LTAR SEMS LAS MED PA DANG, DGA' BA DANG SHIN TU BRTA BA DANG, LEGS BAR GNYID LOG PAS LUS ZUNGS THAMS CAD 'PHEL ZHING RGYAS PAR 'GYUR RO, ,LUS NI BRTAS SHING TSO BYED PA, ,SHA DANG 'DRA BA GANG YANG MED, ,SHA MI ZA LA SHA ZA'I SHAS, ,LUS NI MCHOG TU BRTAS BYED YIN, ,ZHES BYA BA LA, GANG GI LUS BRTAS SHING TSO BAR BYED PA 'DI LA ZAS GANG ZHIG ZOS SHING LONGS SPYAD PA NA, SHA DANG 'DRA BAR LUS PA RTAS SHING TSO BAR BYED PA'I KHA ZAS KYI RIGS GANG YANG YOD PA MA YIN NO, ,DE LAS KHYAD PAR DU SHA ZA RNAMS KYI SHA NI SHAS SKYED CING 'PHEL BAR BYED PA YIN BAS, SHIN TU YANG LUS BRTAS SHING 'PHEL BAR BYED PA YIN NO, ,SBOM PO DANG SKEM BO DE GNYIS KYI GSO BA'I THABS MDOR BSTAN PA'I PHYIR SMRAS PA NI, SBOM LA NYAMS SMAD LCI BAS BYA, ,DE LAS BZLOG PA SGE MA LA PHAN, ,ZHES BYA BA YIN TE, MI SBOM PO LA NI NYAMS SMAD PA'I LCIBS BYA STE, DPER NA SBRANG RTZI DANG SRID GA TA ZHES BYA BA'I 'BRAS BU DANG, PADMA'I RTZA BA DANG SDONG BU LA SOGS PA STE, DE DAG NI RTZUB PA YIN PA'I PHYIR TSIL ZA BAR BYED PA DANG; LCI BAS MYUR DU MI 'JU BA'I PHYIR RO, ,SBOM PO LA NI YANG BA'I NYAMS SMAD PAS YANG SBOM PO PHAN TE, DPER NA RGYA SRAN KU LAD THA DANG, KHRE RGOD LA SOGS PA PHAN BA LTA BU'O, ,DE LAS BZLOG PA SKEM LA PHAN, ,ZHES BYA BA NI, GANG SNGA MA DE LAS BZLOG PA'I YANG BA DANG; DE BZHIN DU BRTA BA DE NI SKEM BO LA PHAN TE, DPER NA 'BRAS DRUG CU PA'I CHAN DANG, RI DAGS SHA BKRA DANG, RI BONG LA SOGS PA'I SHA LTA BU STE, DE YANG GANG GI PHYIR SHIN TU SKEM PA LA NI ZAS DANG SKOM DANG SMAN GCIG PA DAG GIS ME DROD 'BRI BAR BYED PAS DE BRTAS PAR BYED PA'I RDZAS YIN DU ZIN KYANG DE MI 'JU BAS SLAR NYAMS SMOD CING SKEM PO NYID DU BYED PAR 'GYUR RO, ,NAS DANG GRO NI GNYI GA LA, ,DE LA 'OS PAR BYED PAS BRTAG ,CES BYA BA LA, SBOM PO DANG SKEM PO DE GNYIS KA LA 'OS SHING 'TSAM PAR BYA ZHING SBYAR BA DANG, G-YOS SU BYAS
PA'I NYE BAR BRTAG PAR BYAS BA GANG YIN PA DE NI, DE LA 'OS PAS BRTAG CES BYA'O, ,DE NI 'DI SKAD STON PA YIN TE, GANG GI PHYIR SBOM PO LA NAS DANG GRO STER BA NA, DE'I TSE SBOM BO LA 'OS SHING 'TSAM BA'I NYAMS SMAD PA'I BYA BAS BYA LA, GANG GI TSE NAS DANG GRO DE NYID SKEM BO LA STER NA DE'I TSE SKEM PO LA 'OS SHING 'TSAM PA'I BRTA BA BYA BA'I TSUL GYIS BRTAG PAR BYA'O, ,'DI NI 'DI LTAR DOGS BA SKYED PAR MI BYA'O, ,JI LTAR NYES BA RNAMS KYI NAD KYI RGYU MTHA' LAS BA LAS NAD KYANG MTHA' YAS PA JI LTA BA BZHIN DU GSO BA YANG MTHA' YAS, NYAMS BRTA BA DANG NYAMS SMAD PA'I GSO BA'I THABS KYANG SBYOR BA RAB DANG RAB MCHOG GI DBYE BAS MTHA' YAS BAR RIGS NA, CI'I PHYIR GSO BA'I THABS GNYIS KHO NAR ZAD CES PHYIR RGOL BA DAG YOD PAS, DE'I PHYIR GZHUNG RTZOM PAR BYED PAS 'DIR SMRAS PA NI, NAD KYI DBYE BA THA DAD KYI, ,GCOD 'KHRU LA SOGS DBYE BA YIS, ,NAD LTAR THA DAD GYUR KYANG NI, ,GSO BA GNYIS LAS YOD MA YIN, ,ZHES BYA BA YIN TE, NAD RNAMS ZAD PA DANG, GNAS PA DANG, STENG DANG 'OG DANG RTZIB LOGS LA SOGS PAR THAD KAR 'GRO BA LA SOGS BA'I MCHAN NYID KYIS RNAM PAR DBYE NA, MTHA' YAS PA YOD DU ZIN KYANG, GSO BA NI RNAM PA GNYIS LAS LHAG PAR DBYE BA MED DO, ,DE BZHIN DU GCAD BAR BYA BA LA SOGS PA'I DBYE BAR PHYE BA LAS KYANG THA DAD PAR 'GYUR TE, 'DI NI GCAD BA'I GSO BA'O, ,'DI NI RAB TU GCAD PA'O, ,'DI NI RAB MCHOG TU GCAD PA'O, ,'DI NI RAB TU 'KHRU BA'O, ,'DI NI RAB MCHOG TU 'KHRU BA'O, ,SOGS PAS NI SNUM DANG RTZUB PA LA SOGS PA YIN NA, JI LTAR NA DE MTHA' YAS PA YIN DU ZIN KYANG, DE RNAMS DBYE BA MED PA YIN ZHE NA, NANG LTAR THA DAD GYUR KYANG NI, ZHES BYA BA STE, DPER NA NAD GZHI LA SOGS PA'I DBANG GIS KYANG, RIMS LA SOGS PA'I NAD RNAMS THA DAD PAR 'GYUR BA YIN KYANG GSO BA NI, BRTA BA DANG NYAMS SMAD BA'I TSUL GNYIS KYIS BSGRUB PAR BYA BA YIN PAS NA, MTSAN NYID DE GNYIS LAS DBYE BA YOD PA MA YIN
, ,TE; LAN 'GA' DE RNAMS BRTA BAR BYA BAS GSO DGOS PAR 'GYUR RO, ,LA LA NI NYAMS 'BRI BAS GSO BAR BYA DGOS KYI DE MA GTOGS PA GSO BA'I PHUNG PO GSUM PA NI YOD PA MA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GYI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS LE'U BCU BZHI PA'I RNAM PAR 'GREL PA'O,, ,,DE NAS SBYANG BA LA SOGS PA'I SMAN GYI SDE TSAN SNA TSOGS 'DUS PA'I LE'U BSHAD PAR BYA'O, ,ZHES BYA BA LA, JI LTAR 'DIR GSO BA SNA TSOGS YOD DU ZIN KYANG, TSUL GNYIS LAS LHAG PAR MED PA DE BZHIN DU, SMAN RNAMS TSUL THA DAD PA YOD DU ZIN KYANG, SBYANG BA DANG ZHA BA'I TSUL GNYIS LAS 'DA' BAR MI BYED DO, ,DE BAS NA GSO BA'I TSUL RNAM BA GNYIS KYI 'OG TU SBYANG BA LA SOGS PA NI SMAN GYI SDE TSAN GYI LE'U BRTZAMS PA YIN NO, ,SBYANG BA LA SOGS PA'I TSUL CAN GYI SMAN DU BSTAN PA'I SDE TSAN GANG YIN PA DE NI SBYANG BA LA SOGS PA'I SMAN GYI SDE TSAN NO, ,SDE TSAN SNA TSOGS PA 'DUS PA NI DNGOS PO PHAN TSUN 'THOR BA GCIG TU BSDUS PA DE'I LE'U BSHAD PAR BYA'O, ,ZHES PA'O, ,SBYONG BA'I SKYUG SMAN LA SOGS PA'I DBYE BA PHYI MA MCHOG TU GYUR PA'I LAS RNAM BA LNGA YOD PA LAS, DANG POR RE ZHIG SKYUG SMAN GYI SDE TSAN GYI GTZO BO BSHAD PAR BYA BA'I PHYIR 'DI SMRAS PA YIN TE, PO SON CHA DANG SHING MNGAR DANG, ,KU BA KHA BO NI MA PA DANG, ,BIM PA GA GON PI SHA LA, ,DUG MO NYUNG DANG MUR BA DANG, ,DE BA DA LI BYI DANG BA, ,LCAM PA TZI TRA KRU TRUG TRES, ,KO SHA PA TI KA RANYDZA, ,PI PI LING DANG RGYAM TSA DANG, ,SHU DAG SUG SMAL YUNGS KAR TE, ,'DI DAG SKYUG PA'I SMAN GYI SDE, ,ZHES BYA BA NI, BO SON CHA LA SOGS PA'I SMAN NI SLON ZHING SKYUG PA LA DGOS PA YIN NO, ,DE LA PO SON CHA NI MA NA PHA LA'O, ,SHING MNGAR NI MA DU YANG SHI'O, ,KU BA KHA BO NI KA TU KA AA PA BU'O, ,NIM PA NI AA RI STAG KA'O, ,BIM PA NI DZA MU TA KA'O, ,BYI TANG GA NI MING GI RNAM GRANGS GZHAN YANG 'BRAS BU MANG PO ZHES BYA'O, ,GA
GON NI TRI DU SU KHA BA'O, ,BI LA SHA NI GO BA AA KshA STE, BA LANG GI MIG LTA BU'O, ,DUG MO NYUNG NI BAD TZA KA'O, ,MUR BA NI MA DUR SA STE, KHU BA MANG RA BA ZHIG GO, ,DE BA DA LI NI DZI MUR KA'O, ,BYI DANG GA NI SRIN BU GSOD BA'O, ,LCAM PA NI BI TANG SO'O, ,TZI TRA NI TRA BA NA TRI'O, , KRU TRUG TRES NI TZI TRA KA'O, ,KO SHA PA NI GNYIS TE, GCIG NI RA TZA KO SHA BA TI'O, ,GNYIS PA NI KA DU KA KO SHA TA KI'O, ,KA RANYDZA NI PU TI KAR NYDZA 'O, ,PI PI LING NI KAR NA'O, ,YUNGS KAR NI YUNGS KAR DKAR BO'O, ,DA NA TI DANG NI TI PID TA, ,'BRAS BU GSUM DANG BI SHA LA, ,SHANG KI NI DANG SNU HA DANG, ,SENG PHROM DONG GA NI LI NI, ,KHRON BU DANG NI KAM PI LYA, ,'O MA BA GCIN 'KHRU BAR BYED, ,CES BYA BA LA SOGS PA'I SMAN RNAMS NI 'KHRU BA'I SDE TSAN YIN NO, ,DE LA DAN TI NI KU MA BA'O, ,TRI BI DA TA NI KU MA BA'O, ,BI SHA LA NI GO B'A KshI'O, ,SHING KHI NI SHING KHA PUS PA'O, ,SNU HA NI BU TA'O, ,NI LI NI N'I LA PUS PA STE, ME TOG SNGON PO CAN NO, ,SENG PHROM NI DRO TRA'O, ,DONG GA NI SHA MA MYA KA'O, ,KHRON BU NI SU BAR NA KSHI RA'O, ,KA MA BI LYA NI RA DZA NA GA STE, TSON SHING NGO, ,'O MA NI 'O MA RNAMS SO, ,BA GCIN NI DNGOS SU ZAD DO, ,PO SON CHA DANG DUG MO NYUNG, ,RU RTA DE BA DA LI DANG, ,SHING MNGAR SHU DAG RTZAB BCU, ,THANG SHING RA SNA LA LA PHUD, ,SHA TA PUshBA PA TA LA, ,RGYA SRAN NAG PO SBRANG RTZI DANG, ,RGYAM TSA LCE TSA SHING NYE RO, ,'DI DAG MAS GTONG BKRU SMAN TE, ,ZHES BYA BA LA, PO SON CHA LA SOGS PA NI MAS GTONG BA'I BKRU SMAN GYI SDE TSAN YIN NO, ,DE BA DA LI NI DZI MU DKA'O, ,GZHAN NI GO BAR ZAD DO, ,RTZA BA BCU NI RTZA BA LNGA BA CHE CHUNG GNYIS SO, ,SHA TA PU shPA NI MI BI'O, ,AA PA MA RGA BYI DANG GA ,TSA BA GSUM DANG SKYER BA'I RTZA, ,SU RAL DANG SHI RI SHA, ,BRI HANG SHI KRU'I SA BON DANG, ,SENG LDENG MA DU KA'I SNYING PO, ,RGYAM TSA DNGUL RDO PHA BONG DREG ,SUG SMEL GNYIS DANG GO SNYOD SBOM, ,MGO BO'I NAD SBYONG BYED PA YIN, ,ZHES BYA BA LA, AA BA MARGA LA SOGS PA'I RDZAS KYI SDE TSAN NI MGO BO'I NAD SBYONG BAR BYED PA YIN NO, ,AA PA MARGA SRA DAG BUS PA'O, ,TSA BA GSUM
, ,NI PI PI LING DANG, NA LE SHAM DANG, BCA' SGA DANG GSUM BSRES PA'O, ,SKYER BA'I RTZA BA NI DA DU HA RID TA'O, ,SU RAL NI SU LAG GRA NA'O, ,SHI RI SHA'I SA BON DANG PRI HA'I SA BON DANG, SHI KRU'I SA BON NO, ,SA BON GYI SGRA SUM CHAR SBYAR RO, ,MA DU KA'I SNYING PO NI MA DU KA'I ME TOG MCHOG TU GYUR PA LA BYA'O, ,DNGUL RDO NI KU SHAR PA AANYDZA NA'O, ,SUG SMEL GNYIS NI SUG SMEL PHRA MO DANG SBOM PO'O, ,GO SNYOD SBOM PO NI 'PHRA THI KA'O, ,THANG SHING RGYA SPOS RU RTA DANG, ,RTZA BA BCU DANG BA LA GNYIS, ,BI RA TA RA'I SMAN SDER GTOGS, , BI DA RI SOGS RLUNG NAD SEL, ,ZHES BYA BA LA, THANG SHING LA SOGS PA'I SMAN RNAMS NI RLUNG 'JOMS PAR BYED BA YIN NO, ,RGYA SPOS NI NIshthA'O, ,RU RTA NI KUshthA'O, ,BA LA GNYIS NI BA LA DANG AA TIB LA'O, ,PI RA TA LA SOGS PA'I SDE TSAN DANG BID RA LA SOGS PA'I SDE TSAN NI BSHAD DO; ;SDE TSAN DE GNYIS RLUNG SEL BAR BYED BA YIN NO, ,D'UR BA DANG NI BYI TSER BA, ,NIM PA BA SHA KA'I LO MA, ,KHA SRAL PHRE'U 'OL MA SE, ,NYE'U SHING PA ZHES BYA DANG, ,SHI TA PA KI PRI YANG KU, ,N+YA GRO DHA SOGS SHUG PA SOGS, ,STHIR RNAM GNYIS PADMA'I ZE, ,BAN N+YA THAL TRES SOGS MKHRIS SEL, ,ZHES BYA BA LA, D'UR BAL SOGS PA'I SDE TSAN NI MKHRIS PA 'JOMS SHING SEL BAR BYED DO, ,DE LA D'UR BA NI SHA DHA LA'O, ,BYI TSER BA NI BA SHA KA'O, ,NIM PA NI NI MA PA'O, ,LO MA NI BA SHA KA'I'O, ,KHA SRAL NI AAD MA KU BA TA'O, ,'OL MA SA [?] NI DGUN TE'O, ,NYE'U SHING NI SHATA BARnI'O, ,SHI TA PA KI NI SHING KHA NA DE'O, ,PRI YANG KU [?] NI GANDHA PRI YANG KU'O, ,N+YA GRO DHA LA SOGS PA DANG, SHUG PA LA SOGS PA DANG, THAL TRES LA SOGS PA'I SDE TSAN NI 'OG NAS STON TE, STHIR RNAM GNYIS NI SA LA PARnI DANG, KRishnA PARnI'O, , PADMA NI KA MA LA'O, ,BAN N+YA NI KUN NA TA'O, ,DONG GA SOGS DANG AA RGA SOGS, ,MUNGGA SOGS DANG PO SON SOGS, ,BYE'U RUG PA GLA SGANG SOGS, ,DUG MO NYUNG SOGS BAD KAN SEL, ,ZHES BYA BA LA, DONG GA LA SOGS PA'I SDE TSAN BDUN PO NI BAD KAN SEL ZHING 'JOMS
PAR BYED PA YIN NO, ,DZI BAN TI DANG RAM NYE BA, ,ME DAM H'A ME DA DANG, ,MUNGGA MA SHA PARnI DANG, ,LDUM BU ZANGS RTZI BA DANG NI, ,DZI BA KA DANG SHING MNGAR TE, ,SDE 'DI 'TSO BYED CES BYA YIN, ,ZHES BYA BA LA, DZI BAN NI DZI BA'O, ,RA MNYE BA NI GNYIS TE, KA KO LI DANG, KshI RA KA KO LA'O, ,ME DA DANG MA H'A ME DA NI ME DA GNYIS SO, ,MUNGGA DANG MA SHA PARnI NI MUNGGA PARnI DANG, MA SHA PARnI'O, ,ZANGS RTZIB NI RI SHA PA'O, ,DZI BA KA NI SMAN 'TSO BYED KUR RTZA SHI SHA'O ZHES BYA BA'O, ,BI DA RI DANG AE RAndA, ,PRISHTZI KHA LI PURnA RNA, ,DE BA HA SA DE BA DANG, ,PARnI GNYIS DANG KHA SRAL DANG, ,'TSO BYED LNGA DANG RTZA CHUNG LNGA, ,THAL TRES DANG NI LCANG MA DANG, ,HANG SA BA TI ZHES BYA RNAMS, ,BI DA RI SOGS 'DI SNYING PHAN, ,NYAM CHUNG RLUNG DANG MKHRIS PA SEL, ,LUS SKEM SKRAN TSIGS LA NA LAG NA, ,DBUGS MI BDE DANG LUD PA LU, ,SEL BAR BYED PA'I SDE TSAN YIN, ,ZHES BYA BA LA, BI DA RI DANG SOGS PA'I SDE TSAN 'DI NI SNYING GI NAD LA PHAN ZHING YID DU 'ONG BA DANG, NYAMS BRTAS SHING SHA SKYED BA DANG, DE BZHIN DU RLUNG DANG MKHRIS BA LA SOGS PA SEL BAR BYED BA DANG, LUS SKEM ZHING ZAD BYED LA SOGS PA SEL BAR BYED PA YIN NO; ;DE LA BI DA RI NI SHING PI DA RI'O, ,AE RAndA NI SOR LNGA BA ZHES BYA'O, ,PRISHTZI KHA LA NI AAshthA DU KA'O, ,PURnA RNA PA NI BRA SHI BA'O, ,PARnI GNYIS NI MA SHA PARnI DANG, MUNGGA PARnI'O, ,'TSO BYED SNA LNGA DANG, RTZAB CHUNG DU LNGA LA, 'TSO BYED CES BYA BA'I RTZA BA LNGA LA NI, NYE'U SHING DANG, RAM NYE BA DANG, DZI BAN TI DANG, DZI BA KA DANG, ZANGS RTZI BA'O, ,RTZA BA CHUNG NGU LNGA NI SAPTA PARnI DANG, KRishnA PARnI DANG, BRI HA TI DANG, KAndA KA RI DANG, GZE MA'O, ,THAL TRES NI SHA RI BA'O, ,HANG SA PA TI TRI BA DANG STE RKANG GSUM BA'O, ,THAL TRES DANG NI PU TZE SHEL, ,TANG PA LA DANG NI MA DU KA ,TZANDAN DKAR DANG DMAR BA DANG, ,SHING MNGAR BA RU SHA KA RNAMS, ,TSAD BA MKHRIS BA KHRAG RGYAS DANG, ,SKOM DAD RIMS KYIS BTAB BA SEL, ,ZHES BYA BA LA, THAL TRES LA SOGS BA'I SDE TSAN 'DIS NI TSAD PA LA SOGS PA SEL ZHING 'JOMS PAR BYED BA YIN NO, ,
, ,TANG BA LA NI KA SMA RI'O, ,MA DU KA NI MA DU KA PUshPA'O, ,PA RU SHA KA NI MRI DU PA BA STE, 'BRAS BU CHUNG NGU 'JAM PA ZHIG GO, ,SHUG PA BUndA R'I KA DANG, ,BRiTTI RiTTI CU GANG DANG, ,SRING GI SLE TRES 'TSO BYED BCU, ,NU ZHO SKYED BYED RLUNG MKHRIS SEL, ,NYAM CHUNG TSIM BYED BRTAS BYED LA, ,'TSO BYED RO TZA NYID DU BYED, ,CES BYA BA LA, SHUG PA LA SOGS PA'I SMAN GYI SDE TSAN NO, ,NU ZHO SKYED PA LA SOGS PA BYED DO, ,NU ZHO NI BUD MED 'PHEL BAR BYED BA'O, ,DE BZHIN DU RLUNG DANG MKHRIS PA'I NAD SEL BA DANG, NYAM CHUNG BA RNAMS TSIM PAR BYED BAS NA TSIM BYED DO, ,MDANGS SKYED PA NI, 'PHEL ZHING RGYAS PAR BYED PA STE, NYAMS STOBS SKYED PA'O, ,'TSO BAR BYED PAS NA 'TSO BYED DO, ,RO TZA BAR BYED PA NI KHU BA 'PHEL BAR BYED PA'O, ,SHUG BA NI PADMA KA STE, MING GI RNAM GRANGS GZHAN DU NA HE MA PADMA ZHES BYA BA'O, , PUndA R'I KA NI PRA PUndA R'I KA'O, ,BRi TTI NI SHRA BA NA SHI RA'O, ,RiTTI NI TU SHI'O, ,CU GANG NI BANG SHA RE TZA NA'O, ,SRING GI NI KAR KA SRING GI'O, ,SLE TRES NI GU RU TZI'O, ,'TSO BYED BCU NI DZI BA NA TI'O, ,RAM NYE BA LA SOGS BA SNGAR BSHAD PA RNAMS SO, ,PA RU SHA DANG 'BRAS BU GSUM, ,RGUN 'BRUM DANG NI KAD PA LA, ,KA TA KA'I 'BRAS RA DZA DAN, ,SE'U 'BRU BAR DA DU RNAMS, ,SKOM DAD CHE DANG GCIN SRI DANG, ,RLUNG GI NAD RNAMS SEL BYED YIN, ,ZHES BYA BA LA, PA RU SHA LA SOGS PA'I SDE TSAN NI SKOM DAD CHE BA DANG, GCIN SRI BA'I NAD DANG, RLUNG NAD RNAMS SEL ZHING 'JOMS PA YIN NO, ,RGUN 'BRU NI GO TAN NI RGUN 'BRU'O, ,KAD PA LA NI MAL BAD KA'O, ,KA TA KA'I 'BRUS BU NI SHING TA KA'I 'BRAS BU'O, ,RA DZA DA NA NI RA DZA DA NA'O, ,SE 'BRU NI GO'O, ,BA RA DA DU NI KHA RA BA TRA STE, LO MA RTZUB PA'I SHING LO ZHIG GO, ,AA NYDZA NA DANG PHA LI NI, ,SPANG SPOS PADMA AUTPAL, ,SKYER KHAndA DANG SUG SMEL DANG, ,SHING MNGAR N'A GA GSER BCAS, ,DUG DANG NANG GI TSA BA DANG, ,MKHRIS PA RGYAS PA SEL BAR BYED, ,CES BYA BA LA, AANYDZA NA LA SOGS PA'I SDE TSAN NI, DUG DANG NANG GI TSA BA DANG MKHRIS PA RGYAS PA SEL BAR BYED DO, ,DE LA AANYDZA NA NI RNAM
PA GNYIS TE, LIG BU MIG DANG DNGUL RDO'O, ,PHA LI NI GANDHA PRI YANG KU'O, ,SPANG SPOS NI NAL DA NA'O, ,AUTPA LA NI RNAM PA GNYIS TE SNGON PO DANG DMAR PO'O, ,PA TOL DANG BU TZE SHEL, ,TZANDAN DKAR PO MUR BA DANG, ,SLE TRES SKRA LOR BCAS BDAG ,BAD KAN MKHRIS PA MDZE DANG RIMS, ,DUG DANG SKYUG BRO YI GA 'CHUS, ,MIG SER GYI NI NAD RNAMS 'JOMS, ,ZHES BYA BA LA, PA TO LA LA SOGS PA'I SDE TSAN 'DIS NI, BAD KAN DANG MKHRIS PA LA SOGS BA 'JOMS PAR BYED DO, ,PU TZE SHEL NI KA RU KA RO HI NA'O, ,MUR BA NI MANG DU SRA BA'O, ,SLE TRES DANG NI SHUG PA DANG, ,NA MI PA 'U SU'I 'BRAS BU DANG, ,TZANDAN DMAR PO ZHES BYA RNAMS, ,MKHRIS BA DANG NI BAD KAN DANG, ,RIMS NAD SKYUG BRO LUS TSA DANG, ,SKOM DANG CHE SEL ME DROD SKYED, ,CES BYA BA LA, SLE TRES LA SOGS BA'I SDE TSAN 'DI NI MKHRIS PA DANG BAD KAN LA SOGS PA RNAMS SEL BAR BYED LA, ME'I DROD SKYED PAR BYED DO, ,DONG GA LA SOGS PA'I SDE TSAN 'DI NI, SLON BRO BA LA SOGS PA NAS GCIN NAD RMA RED PA'I BAR DU SBYONG ZHING SEL BAR BYED DO, ,DANG GA DANG NI DUG MO NYUNG, ,KA KA TI GA TA BA TA LI, ,NI MA BA SLE TRES D'UR BA DANG, ,MUR BA BE DANG KA TA DANG, , PA THA CI SKRIGS SHE RGYA KA ,KA RANYDZA GNYIS PA TO LA, ,LO MA BDUN BKRU TRUG TRES, ,SU shA BYI TA BO SON CHA, ,SA HA RA DZA ZHES BYA DANG, ,RGYA SHUG GI NI 'BRAS BU RNAMS, ,DE NI SLON BRO MDZE NAD DANG, ,DUG DANG RIMS DANG BAD KAN DANG, ,G-YAN PA DANG NI GCIN SNYI DANG, ,RMA RED PA RNAMS SBYONG BAR BYED, ,CES BYA BA LA, DONG GA LA SOGS PA'I SDE TSAN 'DI NI SLON BRO BA LA SOGS PA NAS, GCIN DANG RMA RED BA'I BAR DU SBYONG ZHING SEL BAR BYED DO, ,DONG GA NI SHA MYA GA'O, ,KA KA TIG TA NI SHA RANG GAshthA'O, ,PA TA LA NI KRI SNA BRI TA'O, ,MUR BA NI MA DUS RA'O, ,BE TANG KA TA NI SRUNG BA BI SHI STE, ,SHING LO MA CAN ZHIG GO ,CI SKRIGS NI KI RI TI GA TA STE, BU NI MA BA'O, ,SHE RGYA KA NI HA SA KA RA'O, ,KA RANYDZA GNYIS LAS GCIG NI PU TI NA KA RANYDZA STE, MING GI RNAM GRANGS GZHAN YANG CI RI BI LA BA ZHES BYA BA'O, ,KA RANYDZA GNYIS BA NI MING GI RNAM GRANGS SU NAN TA MA LA
, ,ZHES BYA'O, ,LO MA BDUN PA NI SA BHA PARnI'O, ,KRU TRUG TRES NI TZI TRA KA'O, ,SU SHA BYI SI TI YA BA LI ZHES BYA'O, ,PO SON CHA NI MA DANG NA LA LA'O, ,SA HA RA DZA NI N'I LA BUS PA STE, ME TOG SNGON PO CAN ZHIG GO, RGYA SHUG PA'I 'BRAS BU NI KUN TA ZHES BYA'O, ,AA SA NA DANG TI NI SHA ,STAG PA SHVE TA BA HA DANG, ,KA TA RA DANG SENG LDENG DANG, ,BAN DA DANG NI SHING SHA PA, ,AA DZA SRING GA TZANDAN NA GSUM, ,TA LA AA KAR PA LA SHA ,SA LA KHAR BA TRA DANG, ,DHA BA KA LING KA SPRO TOG ,TSA GA KARnA BAD TSA KA ,THAR MA ZHES NI BYA BA STE, ,AA SA NA SOGS DE RNAMS KYIS, ,SHA BKRA MDZE NAD BAD KAN DANG, ,SRIN NAD SKYA RBAB GCIN SNYI DANG, ,TSO CHES NAD NI SEL BAR BYED, ,CES BYA BA LA, AA SA NA LA SOGS PA'I SDE TSAN 'DI NI TSAD BA LA SOGS PA SEL ZHING 'JOMS PA YIN NO, ,DE LA AA SA NI BA TA SA LA'O, ,TI NI SHA NI SHING YAN DA NA'O, ,SHVE TA BA HA NI AA DZU NA'O, ,KA TA RA NI SENG LDENG DANG 'DRA BA LA SNGON PO CAN ZHIG GO, ,BAN DA NI SHI RI SHA'O, ,SHIR SHA PA NI KRIS SNAR RA'O, ,AA DZA SRING GA NI MI SHI SRING GA STE, RA THUG GI RVA 'DRA BA'O, ,TZANDAN GSUM NI DKAR PO DANG, DMAR PO DANG, SER PO'O, ,TA LA NI SHING GI KHYAD PAR TE DVA TRA DZA ZHES BYA BA'O, ,AA GAR DZA NI DZONG [?] GA GA'O, ,PA LA SHA NI SHING SHA KA'O, ,SA LA NI SHING MTHON PO ZHIG GO, ,KHA RA PA TRA NI SHA KA ZHES BYA BA'I SHING GI KHYAD PAR ZHIG GO, ,DHA BA NI NRI HAD TA RU ZHES BYA BA, SHING CHEN PO ZHIG GO, ,KA LING KA NI AIN TRA YA BA'O, , SPRO TOG NI BU GA'O, ,TSA GA KARnA NA RI SKYES KYI RNA BA 'DRA BA ZHIG GO, ,THA RAM NI AA SHAR NA'O, ,BA RA NA SHE RGYA KA GNYIS, ,NYE SHING TZI TRA MO RA TA, ,BIL BA AANYDZA SRING GI DANG, ,BRI HA TI NI RNAM GNYIS DANG, ,KA RANYDZA GNYIS DZA YA GNYIS, ,SHI KRU KU SHA RU RTA'O, ,BAR NA SOGS BAD KAN TSIL, ,ME DROD CHUNG DANG RLUNG NAD 'KHYIMS, ,KLAD PA LA BRTEN NAD SEL ZHING, ,SKRAN DANG KHONG 'BRAS 'JOMS PA YIN, ,ZHES BYA BA LA, BAR NA LA SOGS PA'I SDE TSAN 'DI NI BAD KAN LA SOGS PA NAS KHONG 'BRAS KYI BAR DU 'JOMS SHING SEL BAR BYED PA YIN NO, ,
RLUNG NAD 'KHYIMS PA NI, TSIL GYIS G-YOGS PA'I RLUNG NGO, ,BA RA NI NI SHING TA MA LA'O, ,SHE RGYA KA GNYIS NI SER PO DANG DMAR PO'O, ,MDOG GIS PHYE BA'I SU HA RA TZA GNYIS SO, ,MA RA TA NI KshI RA MO RA TA'O, ,BIL BA NI SHING PHA LA'O, ,BRI HA TI RNAM PA GNYIS NI BRI HA TI DANG KARndA KA RI'O KA RANYDZA GNYIS NI BU TI KA RANYDZA DANG, NAG MA BA'O, ,DZA YA GNYIS NI, ,AA GA NI MANTHA GNYIS SO, ,SHI KRU NI SO BAN DZA NA'O, ,KU SHA NI D'URA PA'O, ,RU TZA NI RU TZA KA RA'O, ,RU SHA KA SHING KUN SPANGS MA, ,RGYAM TSA BRAG ZHUN NAG TSUR GNYIS, ,GCIN SRI RDE'US 'GAGS PA DANG, SKRAN DANG TSIL CHES BAD KAN SEL, ,ZHES BYA BA LA, RU SHA KAR LA SOGS PA'I SDE TSAN 'DI NI, GCIN SRI BA DANG, RDE'US 'GAGS BA LA SOGS PA SEL BA YIN NO, ,RU SHA KA SHI NI BRI KA KA'O, ,SPANGS MA NI RNAM PA GNYIS TE, KAR KA RAM DU RMA BYA'I MGRIN PA 'DRA BA MA Y'U RA GRi BA'O, ,RGYAM TSA NI TSA MCHOG GO, ,BRAG ZHUN NI SHEL DZA DU'O, ,NAG TSUR GNYIS LAS GCIG NI BAN SU KA SI ZHES BYA BA SA RUL DANG 'DAR BA'O, ,GNYIS PA NI BUS BAS KA SI SA ZHES BYA BA'O, ,BE LAN TAR AA RA NI, ,SPRA TOG BRI SHA SRU SRU'I RTZA, ,AI KA TA DANG GZE MA DANG, , SA HA RA DZA BA NA DANG, ,KA SHA BRi KshA DA NI DANG, ,'DAM BU KU SHA RNAM GNYIS DANG, ,KUN THA DANG NI KHA SRAL DANG, ,BAL BU KA DANG MOR TA, ,KU RU TA DANG KA RAM PA, ,LCAM PA ZHES BYA SMAN SDE 'DI, ,BE LAN TA RA LA SOGS PA, ,RLUNG LAS GYUR PA'I NAD 'JOMS SHING, ,RDE'U'I PHRE'U YOD PA DANG, ,GCIN SRI BA YIN DA RNAMS SEL, ,ZHES BYA BA LA, BE LAN TAR LA SOGS PA'I SDE TSAN 'DI NI RLUNG LAS GYUR CING, RLUNG LAS SKYES PA'I NAD RNAMS 'JOMS PA DANG, CHU SO'I RDE'U LA SOGS BA SEL ZHING 'JOMS SO, ,DE LA RDE'U PHRE'U NI RLUNG GIS KHRAG BSKAMS PA LAS DUM BU BYAS PA LAS RDE'U PHRE'U ZHES BYA'O, ,GCIN SRIB NI GCIN NAD PHYI NANG GZHI LAS BSHAD DO, ,BE LAN TA RA NI BI RA TA RA'O, ,AA RA NI AA NA MA THA'O, ,SPRA TOG NI AI SHA RAM LI KI 'AM, BU GAN ZHES BYA BA ME TOG SBOM BO CAN NO, ,BRI SHA NI BA SHA KA'O, ,
, ,SRU SU'I RTZA BA NI AE MA DE BA'O, ,AA GA TA NI SMYUG PA TRA'O, ,SA HA RA DZA NI SER PO'O, ,KA SHA NI SHE TA TZA MA RA STE, ME TOG RDA YAB LTA BU YOD PA'I 'JAG MA SER PO'I RIGS SO, ,BRI KshA DA NI NI BAD KAN ZHES BYA BA SHING LAS SHING GI NAD KYI SHING LO PHRE'U GZHAN SKYES PA'O, ,'DAM BU NI NA LA STE NANG KHONG STONG NGO, ,KUN SHA RNAM PA GNYIS NI 'JAG MA'I SBOM PO DANG, PHRA MO RNAM PA'I DBYE BAS PHYE BA'O, ,KUN THA NI RTZA BA BCA' SGA 'DRA BA YOD PA'O, ,KHA SRAL NI KUN TU SRI STE KA PI KA CHU'O, ,BAL BU KA NI SO NA KA'O, ,MOR TA NI SHING TI PAR GO'O, ,KA RAM PA NI AAG NI MA PA'I MCHOG GO, ,LCAM PA NI PAR THA'O, ,SENG PHROM SHA BA RA RO TRA, ,PA LA SHA DANG DZHIN DZI NI, ,THANG SHING KAD PA LA RASNA, ,KA DAM PA DANG CHU SHING DANG, ,AE LA BA LU AA SHO KA ,PA RI PE LA MO TZA KA ,'DI NI SENG PHROM SOGS ZHES BYA, ,TSIL CHES BAD KAN SEL BA'I SDE, ,MNGAL NAD 'JOMS SHING 'KHRU BA GCOD, ,MDOG BZANG DUG NAD SEL BYED YIN, ,ZHES BYA BA LA, SENG PHROM LA SOGS PA'I SDE TSAN 'DI NI, TSIL CHES PA DANG, BAD KAN GYI NAD SEL BA DANG, MNGAL NAD 'JOMS SHING 'KHRU BA GCOD PA'I TSUL CAN DANG, MDOG BZANG ZHING GSAL BAR BYED PA DANG, DE BZHIN DU DUG SEL BAR BYED PA YIN NO, ,DE LA SENG PHROM ZHES BYA BA RI DRA BA RNAM PA GNYIS YOD DE, GCIG NI PA TI KA RI TRA'O, ,GNYIS PA SHA BA RA RI TRA'O, ,PA LA SHA NI KENG SU KA'O, ,DZHIN DZIN GRI TA MANYDZA RI STE, YAR KHA MAR ZHIG GO, , THANG SHING NI SAR LA TE SHING DRANG PO TZI TRA ZHES BYA'O, ,RA SNA NI PA NI AA MA PA NGAN PA'O, ,CHU SHING NI RAM PA STE NANG STONG PA'O, ,AE LA BA LU KA NI HA RI BA LU KA STE, MING GZHAN YANG AE LE YA'O, ,AA SHO KA NI MING MYA NGAN MED PA'O, ,PA RI PE LA NI KU TA NAN DA'O, ,MO TZA NI SA LA KA'O, ,AAR KA DANG NI AA RAL GA ,N'A GA DAN TI BI SHA LYE, ,GA BRAR [?] SNA BRI SHA LA, ,AA BA MA RGA KA RANYDZA, ,KA KA DA RI KA RANYDZA, ,GI RI KAR GNYIS AIm GU DANG, ,AA RKAL SOGS SDE TSAN 'DI, ,BAD KAN TSIL CHES DUG RNAMS SEL, ,SRIN NAD DANG NI MDZE NAD 'JOMS, ,KHYAD PAR DU NI RMAL PHAN, ,
ZHES BYA BA LA, AARKA LA SOGS PA'I SDE TSAN 'DI NI BAD KAN DANG, TSIL CHES PA DANG, DUG RNAMS SEL BAR BYED PA DANG, SRIN BU DANG MDZE NAD 'JOMS PAR BYED PA DANG, KHYAD PAR MCHOG TU RMA RNAMS LA PHAN ZHING SBYONG BAR BYED PA YIN NO, ,AAR KA NI RTAG TU ME TOG 'BYUNG BA STE MING GI RNAM GRANGS SU RU PI KA ZHES BYA'O, ,AA RAL KA NI SHVE TA KU SU MA STE ME TOG DKAR PO YOD PA'O, ,N'A GA DAN TI NI SHA TA GAN DHA STE ME TOG DKAR PO DRIL BU LTA BU YOD BA'O, ,BI SHA LYE NI LAG LA BSHOL LTA BU'O, ,GA BRA NI GA BAR GYI'O, ,BI SHA LA NI AA STA DU MA'O, ,MING GZHAN NI SAR BA TA SHI KA ZHES BYA'O, ,AA PA MARGA NI PRA DUG PUS PA'O, ,KA RANYDZA NI PRA GRI RGYA'O, ,KA KA DA RI NI PO TA TE LA'O, ,KA RANYDZA NI GNYIS, KA RANYDZA KAR PO STE, MING GI RNAM GRANGS GZHAN YANG NAG TAM LA ZHES BYA'O, ,GI RI KAR NI GNYIS LAS GCIG NI KI NI HI GI RI KAR NI ZHES BYA'O, , GNYIS BA NI TA KA BYI ZHES BYA BA'I GIR GI GAR GI DKAR PO CHE BA'O, ,SLOB DPON GZHAN DAG NI KAR NI GNYIS PA KU MA RI ZHES BYA BA YIN NO ZER RO, ,AING GU TA NI DKA' THUB PA'I SHING NGO, ,BYI RUG RNAM GNYIS KU THER, ,KA LA MA LA BYI DANG GA ,KHA RA PA TRA KAD PA LA, ,BRI SHA KARnI SHA KUN TI, , SKE TSE KA PID THA'I LO MA, ,GA BRA MON SNE'U KA MU KA ,RKANG MAR BI SHA MUshthI DANG, ,BU SRIN DANG 'BAM PO'O, ,BYE RUG PA LA SOGS PA'I SDE, ,BAD KAN TSIL CHES SRIN NAD SEL, ,CHAM PA YIG 'CHUS LUD PA, ,DBUGS MI BDE 'JOMS RMA RED SBYONG, ,ZHES BYA BA LA, BYI'U RUG PA LA SOGS PA'I SDE TSAN 'DI NI BAD KAN TSIL CHES PA DANG, SRIN NAD 'JOMS PAR BYED PA DANG, DE BZHIN DU CHAM PA LA SOGS BA 'JOMS PA DANG, RMA RED PA SBYONG ZHING DAG PAR BYED PA YIN NO, ,BYE'U RUG PA RNAM PA GNYIS NI SER PO DANG NAG PO'I DBYE BAS PHYE BA'O, ,KU THE RA NI KA KA MA TZI TA'O, ,KA MU GA NI NI DI KAN DA STE, MING GI RNAM GRANGS GZHAN AA TI MUG TA KA ZHES BYA'O, ,RKANG MAR NI AA LAM BU SA'O, ,BAG SHA MUG TI NI KE SHA MUshthI STI'O, ,BU SRIN NI GU HA BI NA DZA GA STE SA BON MI MNGON BA'O, ,'BAM PO NI 'BU TA GE SHI'O, ,MU SKA [?] KA DANG
, ,SNU HA DANG, ,'BRAS BU GSUM DANG TZI TRA KA ,PA LA SHA DANG DHA BA DANG, ,SHING SHA PA ZHES BYA BA RNAMS, ,SKRAN DANG GCIN NAD RDE'U CHAGS, ,SKYA RBAB DANG NI TSIL CHES NAD, ,BAD KAN RGYAS DANG KHU BA YI, ,NAD RNAMS SEL BAR BYED PA YIN, ,ZHES BYA BA LA, MU SKA KA LA SOGS PA'I SDE TSAN 'DI NI, SKRAN LA SOGS PA NUS KHU BA'I NAD KYI BAR DU SEL ZHING 'JOMS BAR BYED PA YIN NO, ,DE LA MU SKA KA NI SHING MONG SHA KA ZHES BYA BA'O, ,SNU HA NI SUDHA STE SHR'I KHAndA'I SHING NGO, ,BA LA SHA NI BRA MA TA RU'O, ,DHA BA NI SHING SHA PA'I MING GI RNAM GRANGS MAL DA LA PA HA ZHES BYA BA ZLUM PA ZHIG GO, ,DUG MO NYUNG DANG MUR BA DANG, ,BAR GI DANG NI BU TZE SHEL, ,NA LE SHA MA DANG BONG NGA DKAR, ,CHU SGOG SUG SMEL PA THA DANG, ,YUNGS KAR ZIR AU RA LU, ,AA ZA MO DANG PO SON CHA, ,SHU DAG ZIR NAG PO DANG, ,SHING KUN DANG NI BYI DANG GA ,PA SHU GANDHA TSA BA LNGA, ,RLUNG DANG BAD KAN TSIL CHES DANG, ,CHAM BA SKRAN DANG RIMS DANG GZER, ,GZHANG 'BRUM GYI NI NANG RNAMS SEL, ,ZHES BYA BA LA, DUG MO NYUNG LA SOGS PA'I SDE TSAN DU GTOGS PA'I SDE 'DI NI RLUNG NAD DANG, BAD KAN LA SOGS PA NAS GZHANG 'BRUM GYI BAR 'JOMS SHING SEL BAR BYED PA YIN NO, ,DUG MO NYUNG NI RNAM GRANGS PA BAD KA ZHES PA'O, ,CHU SGOG NI GAN DI RI'O, ,AU RA LU NI GA KA TANG KA STE MA H'A NI MA BA'O, ,SHU DAG NI TSIGS DRUG BA'O, ,PA [?] SHUG NADHA NI SRA TI MI RU RA'O, ,TSA BA LNGA NI PI PI LING DANG, PI PI LING GI RTZA BA DANG, DBYI MONG DANG, TZI TRA KA DANG, BCA' SGA'O, ,SHU DAG GLA SGANG THANG SHING DANG, ,DONG GRA BONG NGA AA RU RA, ,SER PO GNYIS DANG SHING MNGAR DANG, ,KRishnA PARnI DUG MO YUNGS, ,SHU DAG YUNG BA LA SOGS SDE, ,BE'U SNABS TSAD PAS 'KHRU SMIN GCOD, ,TSIL CHES BAD KAN RGYAS RLUNG 'KHYIL, ,NU MA'I NAD RNAMS SEL BAR BYED, ,CES BYA BA LA, SHU DAG LA SOGS PA'I SDE TSAN 'DI NI, BE SNABS TSAD BAS 'KHRU BA SMIN PAR BYED DO, ,TSIL CHES PA DANG BAD KAN RGYAS PA LA SOGS PA SEL BAR BYED DO, ,SMAN RNAMS NI GO BAR ZAD DO, ,DRI YANG KU DANG RA GAN DUD, ,LIG PU MIG DANG STANG ZIL DANG, ,
LCIM RTZA PADMA SAR DANG, ,BTZOD DANG YA BA SHA KA DANG, ,SHAL MA LI DANG DE'I KHU BA, ,SA MANG GA DANG BU NA MA, ,TZANDAN DA TA KA'I ME TOG ,AA MA BSHA DANG SHING MNGAR DANG, ,NA MA KA RA TU NI SHING, ,RGYA SKYEGS SHING DANG KAD TSUR, ,SENG PHROM BIL RKANG DA TA KI ,PADMA'I GSER KA TANG KA, , PRI YANG AAM PASHTHA SDE GNYIS, ,ZHU BA'I TSAD PA'I 'KHRU BA SEL, ,'BYOR BYED MKHRIS PA DAG LA PHAN, ,RMA YANG 'TSO BAR BYED PA YIN, ,ZHES BYA BA LA, PRI YANG KU DANG, AA MA SHA'I SDE TSAN 'DI GNYIS NI, ZHU BA'I TSAD BAS 'KHRU BA SEL BA STE, MA ZHU BA'I BE SNABS MED PA'I 'KHRU BA 'JOMS PAR BYED PA DANG, DE BZHIN DU 'BYOR BAR BYED DE, RMA 'TSO BA'I TSAD PAS 'KHRU BA GCOD PA DANG MKHRIS PA LA PHAN ZHING SPA LA PHAN ZHING BDE BAR BYED PA DANG, DE BZHIN DU RMA YANG 'TSO ZHING 'BYOR PA LA PHAN PAR BYED PA YIN NO, ,DE YANG PRI YANG KU NI GAN DHA PRI YANG KU STE, DE'I ME TOG GO, , LCIM RTZA NI PADMA RTZA RA'O, ,PADMA GE SAR NI PADMA'I KI NA DZA GA'O, ,BTZOD NI MAN DZI SHTHA'O, ,YAB SHA KA NI AA NAN TA'O, ,SHAL MA LI NI MAN DU MA'O, ,DE'I KHU BA NI SHAL MA'I KHU BA STE, DE LA MO THA RAS ZHES KYANG BYA'O, ,SAM [?] GA NI NA MA KAR DANG RAKTA M'U LA ZHES BYA BA LA, RTZAB DMAR BA'O, , BU NA MA NI RAKTA GE SAR RO, ,DA TA KI NI MA DA HE TU STE TSANG RTZI'O, ,AAM BA SHA NI BA HU M'U LA KA STE, RTZA BA MANG PO'O, ,NA MA KA RA NI SA MANG GA'O, ,TU NI SHING NI NAN TI BRi KshA'O, ,KAD TSUR NI HA RI ZHES BYA BA 'DAB MA PHRA BA ZHIG GO ,KA HANG KA NI AA RU LA KA'O, ,GLA SGANG SHU DAG KRU TRUG TRES, , SER PO GNYIS DANG KHA BA GNYIS, ,GO BYE BA THA 'BRAS BU GSUM, ,BONG NGA DKAR NAG RU RTA DANG, ,SUG SMEL DANG NI SHU DAG RNAMS, ,NU ZHO MNGAL NAD DRI MA SEL, ,ZHES BYA BA LA, GLA SGANG LA SOGS PA'I SDE TSAN DU BYAS PA NI, NU ZHO'I NAD BUD MED KYI NU ZHO'I SKYON DANG DE BZHIN DU MNGAL GYI NAD RNAMS DANG DRI MA STE, 'PHYEN DANG BSHANG GCI LA SOGS PA'I NAD SMIN CING SEL BAR BYED PA YIN NO, ,KHA BA GNYIS LAS GCIG NI BU TZE SHEL LO, ,GNYIS PA KA KA TIG TA'O, ,GZHAN NI GO BAR ZAD DO, ,N+YA GRO DHA DANG AA SHVADTHA, ,AU DUMB'A RA SENG PHROM GNYIS, ,'DZAM
, ,BU GNYIS DANG AARDZU NA, ,KA PI TA DANG KAD BA LA, ,PLAKSHA AA MRA LCANG MA DANG, ,PI LA YA DANG PA LA SHA ,NAN TI RGYA SHUG KA DAM PA, ,BI DA SHING MNGAR MA DU KA ,N+YA GRO DHA SOGS SDE TSAN 'DI, ,RMA 'TSO 'KHRU GCOD CHAG GRUGS 'BYOR, ,TSIL CHES KHRAG MKHRIS SKOM DAD CHE, ,MNGAL GYI NAD RNAMS SEL BAR BYED, ,CES BYA BA LA, N+YA GRO DHA LA SOGS PA'I SDE TSAN 'DI NI, RMA 'TSO ZHING 'BYOR BAR BYED PA DANG, 'KHRU BA GCOD PA DANG, RKANG LAG GI CHAG GRUGS 'BYOR BAR BYED PA DANG, TSIL CHES PA DANG KHRAG MKHRIS LA SOGS PA'I NAD SEL BAR BYED PA YIN NO, ,N+YA GRO DHA NI BA SHI BA DA'O, ,AA SHVANGTHA [?] NI BI BA LA'O, ,AU DUMB'AR NI SA DANG PHA ROL LA'O, ,'DZAM BU GNYIS LAS GCIG NI RA DZA 'DZAM BU STE, 'BRAS BU CHE BA ZHIG GO, ,GNYIS PA NI KA 'DZAM BU'O, ,AARDZU NA NI KU KU BA'O, ,KA PI TA NI BA RA DA'O, , KAD PA LA NI SOM BA LA KA'O, ,PLAG SHA NI GAR SHA GAN DA'O, ,AA MRA NI TZU TA'O, ,LCANG MA NI BAN DZU LA'O, ,BI YA LA NI KHA RA KAN DA'O, ,DE BZHIN DU PA LA SHA NI KING SHU KA'O, ,SHING NAN TI NI DU NI SHING NGO, ,RGYA SHUG NI BA DI RA'O, ,BI DA RA LA NI TIN DU KHI'O, ,GZHAN DAG NA RE DIRGA [?] NA KHA YIN NO ZHES ZER RO, ,MA DU KA NI MA DU PUshPA'O, ,AE LA GNYIS DANG TU RU KA ,RU RTA GANDHA PRI YANG KU, ,SPANG SPOS BA LA BYA MA KA ,SPRI KA TZO RA TZO TZA DANG, ,SHING TSA GANDHA BHA DRA DANG, ,RGYA SPOS PO LA STHE NE YA, ,RGYA MTSO SPU BA CHU SRIN SEN, ,THANG SHING DANG NI AA KA RU, ,GUR GUM SHI RI BA SA KA ,TZANDAN GU GUL LCE POG DKAR, ,BU NA MA DANG KUN DU RU, ,N'A GA GE SAR ZHES BYA'O, ,AE LA SOGS SDE RLUNG BAD KAN, ,DUG RNAMS SEL ZHING MDOG GSAL BYED, ,G-YAN PA THOR BU'I NAD RNAMS DANG, ,SHA BKRA BAS LDAG SEL BAR BYED, ,CES BYA BA LA, AE LA LA SOGS PA'I SDE TSAN 'DI NI, RLUNG DANG BAD KAN DANG DUG RNAMS SEL BAR BYED BA DANG, DE BZHIN DU MDOG GSAL ZHING DANG BAR BYED BA DANG, G-YAN PA LA SOGS PA SEL BAR BYED PA YIN NO, ,AE LA GNYIS NI SUG SMEL ZHES BYA BA, AE LA PHRA MO DANG, AE LA SBOM PA'O, ,
TU RU KA NI SI LA RA SA'O, ,GANDHA BRI YANG KU NI PHA NI'O, ,BYA MA KA NI DE BA DA DHA'O, ,SPRI KA NI DA BA LI STE, 'BU SUG HANG NGO, ,TZO RA KA NI BAN DHA THIG KHA NA STE TZA RO'O, ,TZO TZA NI SA NI TA KA RU STE, MING GI RNAM GRANGS NA TA ZHES BYA'O, ,BO LA NI DZA KI BA KA'O, ,RGYA MTSO SBU BA NI BYA GRA NA GA STE, SA MUN TRA NA DZA LA ZHES BYA'O, ,THANG SHING NI THANG SHING RING PO'I THANG CHU'O, ,TZANDAN NI PU SHU NA'O, ,GU GUL NI MA HI SHA GHA'O, ,POG DKAR PO NI SARDZA RA SA STE, LHA'I SPOS ZHES KYANG BYA'O, ,BU NA MA NI RAKTA KE SA RA'O, ,KUN DU RU NI KHA BUR RA'O, ,SHA MA DAN TI DRA BAN TI, ,KU TA RA NAN [?] KRA MU KA ,SHANG GI NI DANG SA TA LA, ,KHRON BU DANG NI GA BA KshI, ,SU DHA KshI RA KAM BI LYA, ,SLE TRES DONG GA KA RANYDZA, ,BAshtA AAN TRA SHI KRU DANG, ,AA MRA SHING RO TSA'I 'BRAS BU, ,DUR BYID LA SOGS SDE TSAN 'DI, ,SKRAN DANG DUG DANG YI GA 'CHUS, ,BAD KAN DANG NI SNYING NAD DANG, ,GCIN SRI BA YI NAD RNAMS SEL, ,ZHES BYA BA LA, SHAM LA SOGS PA'I SDE TSAN 'DI NI SKRAN LA SOGS PA'I NAD RNAMS 'JOMS SHING SEL BAR BYED PA YIN NO, ,DE LA SHA MA NI DUR BYID KYI BYE BRAG STE, BA LI NA TI ZHES BYA'O, ,DAN TI NI MU KA LA'O, ,DRA BAN TI NI MU SHA KA RA NI'O, ,KU TA RA NI BOD STANG STE, DUR BYED CES SO, ,KRA MU KA NI GLA GOR ZHO SHA'O, ,SHANG GI NI NI YA BA TIG TA'O, ,SA TA LA NI TZAR MAS DANG ZHES BYA'O, ,KHRON BU NI TIG TA DUG DHA GA STE, 'O MA KHA BRO BA YOD PA'O, ,GA BAKSHA NI BI SHA LA'O, ,SU DHA KshI RA NI SU DA'O, ,KAM BI LYA NI RA DZA NA KHO'O, , KA RANYDZA NI PU TI KA RANYDZA'O, ,BAshtA AA NA TRA NI BI SHA GANDHI'O, ,SHI KRU NI BA HA LA'O, ,SHING RO TSA NI PI LU STE DE'I 'BRAS BU'O, ,DE LTAR SUM CU RTZA GSUM BSHAD, ,SDE TSAN DE DAG MA RNYED NA, ,DE DANG CHA MTSUNGS GZHAN YANG SBYAR, ,MI 'DRA'I SBYOR BA SPANG BAR BYA, ,DE LTAR ZHES BYA BA'I SGRA NI RDZOGS PA'I DON NAM RNAM PA'I DON NO, ,DE LA RDZOGS PA NI SDE TSAN SUM CU RTZA GSUM RDZOGS PA'O, ,RNAM PA'I DON NI RNAM PA 'DIS SDE TSAN SUM CU RTZA GSUM YIN GYI, YANG RNAM PA GZHAN DU NA SMAN GYI DBYE BA LA LTOS NA, SDE TSAN MTHA' YAS PA YIN NO, ,DE DAG LAS SBYOR BA
, ,DANG RJES SU MTHUN PA GANG YIN PA GZHAN DE DANG DE DAG GI MA SMOS SU ZIN KYANG GZHUG BAR BYA LA, GANG GZHAN SBYOR BA DANG MI MTHUN PA DE DAG NI SMOS SU ZIN KYANG GDON PAR BYA'O, ,DE BZHIN DU SDE TSAN YANG GZHAN DAG DE DANG MTSUNGS PA STE, RO DANG NUS PA DANG, 'JU BA'I TSUL DE DAG MNYAM PA'I SMAN GZHAN DAG SBYAR ZHING BSRE BAR BYA'O, ,CI MDOR BYA BA BSTAN PA NI 'DI TZAM KHO NAR ZAD DAM, 'ON TE DER BYA BA GZHAN 'GA' ZHIG KYANG YOD CE NA, DE'I PHYIR SMRAS PA NI, MI 'DRA BA'I SBYOR BA SPANG BAR BYA BA YIN TE, RDZAS GANG SBYOR BA DANG MI MTHUN ZHING CHA MI 'DRA BA STE, SPANGS SHING DOR BAR BYA'O, ,SDE TSAN DE DAG GNOD DANG GNAD BYA SOGS LTOS TE, ,CHO GA BSKOL DANG SNUM DANG BSDAMS PA LA SOGS LDAN, ,BTUD DANG SNAR GTONG MAS GTONG DANG NI PHYI ROL DU, ,BSKU ZHING BYUGS PAS SHIN TU GSO DKA'I NAD KUN 'JOMS, , ZHES BYA BA LA, DON GYI SHUGS KYIS NA NAD LA SOGS PA LA LTOS PA STE, SBYOR BA DANG RJES SU MTHUN ZHING CHA 'DRA BA NI GZHUG PAR BYA'O, ,ZHES STON PA YIN NO, ,DE BAS NA NAD LA SOGS PA LA LTOS BAS SDE TSAN MA LUS PA GSO BAR GTOGS PA'I NAD RAB TU ZHI BAR BYA BA'I PHYIR SMAN SBYIN PAR BYA LA, GAL TE SDE TSAN GYI SMAN MA LUS PA RNYED NA KUN SBYIN PAR BYA'O, ,GAL TE MA RNYED NA DE LAS SMAN GCIG GAM GNYIS SAM GSUM MA MA BZHI'AM LNGA 'AM MANG PO'AM, JI TZAM 'BYOR PA SBYIN PAR BYA'I 'DIR SDE TSAN LAS SMOS PA'I SMAN MA LUS PA MED DU MI RUNG BA NI MA YIN NO, ,DE YANG SMAN DPYAD KYI GZHUNG GZHAN LAS, DON GYI DBYE BA LA LTOS NA, ,PHAN PA'I SDE TSAN SBYAR BYA LA, ,RE RE 'AM BSRES BA MA LUS PA, ,SDE TSAN SO SOR BSDU BAR BYA, ,ZHES SMOS PA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS LE'U BCVA LNGA BA'I RNAM PAR 'GREL PA'O,, ,,DE NAS SNUM GYI CHO GA DPYAD PAR BYA BA'I LE'U BSHAD PAR BYA'O, ,ZHES BYA BA LA, SBYAR BA LA SOGS PA'I SMAN GYI SDE TSAN GYI RJES LA, SNUM GYI
CHO GA BYA BA'I LE'U BRTZAMS PA NI GANG GI PHYIR SKYUG SMAN LA SOGS PAS SBYOR BA NA, SNUM DANG DUGS BYAS NA SLAR GNOD PAR 'GYUR BAS, DE'I 'OG TU 'DI BSHAD PA YIN NO, ,DE LA SNUM NI ZHUN MAR DANG, TIL MAR DANG, TSIL DANG RKANG LA SOGS PA'O, ,DE'I CHO GA NI BYA BA'I LAS KYI CHO GA STE, DE'I LE'U GANG DU BSHAD, DE'I SMAN GYI CHO GAR BYA BA'I LE'U STE, DE BSHAD PAR BYA'O ZHES BYA BA'O, ,SNUM BYED SMAN RNAMS PHAL CHER NI, ,LCI ZHING BSIL LA KHONG 'KHRU SNUM, ,RDUL DANG BRAL LA MNYEN ZHING BRLAN, ,DE LAS BZLOG PA RTZUB BYED YIN, , ZHES BYA BA'I PHYIR BSTAN PA 'DI NI GZHUNG RTZOM PAR BYED PA DANG, RTZUB PAR BYED PA'I SMAN RNAMS KYI MTSAN NYID MDOR BSDUS NAS BSHAD PA YIN NO, ,SMAN GANG CI YANG RUNG BA LCI BA LA SOGS PA'I YON TAN DANG LDAN PA DE DAG NI SNUM PAR BYED PA DANG LDAN PA DE NI YIN LA, YON TAN DE LAS GO BZLOG PA YANG BA DANG, DRO BA DANG, BSHANG BA SRI BA DANG, RTZUB PA DANG, RNO BA DANG, SBOM PA DANG, SRA BA DANG, BSKA BA DANG, MANG BA'I YON TAN DANG LDAN PA DE NI RTZUB PAR BYED PA YIN NO, ,PHAL CHER ZHES SMOS PA NI SNUM PAR BYED PA DANG, RTZUB PAR BYED PA GNYIS KA LA YANG SBYAR BAR BYA STE, DE LA GO RIMS 'CHOL BA DAG KYANG YOD PAR BSTAN PA'I PHYIR RO, ,DE YANG DPER NA RA'I 'O MA NI YANG NAS YANG DU SNUM PAR BYED PA YIN NO, ,DE BZHIN DU TIL MAR NI SNUM PAR BYED PA YIN NO, ,DE BZHIN DU MON SRAN DKAR PO NI, LCI BA'I YON TAN DANG LDAN YANG YANG BAR BYED PA YIN NO, ,ZHUN MAR RKANG DANG TSIL TIL MAR, ,SNUM RNAMS KYI NI MCHOG RAB 'DOD, ,CES BYA BA LA, ZHUN MAR LA SOGS BA BZHI BO NI, SNUM THAMS CAD KYI NANG NAS MCHOG RAB BAM, GTZO BO YIN BAR SMAN BA MKHAS PA RNAMS 'DOD DO, ,RANG GI LAS MYUR DU SGRUB BAR BYED PA YIN PA'I PHYIR RO, ,DE DAG LAS KYANG ZHUN MAR NI, ,SBYOR RJES 'JUG PAS MCHOG YIN NO, ,ZHES BYA BA LA, BZHI PO DE DAG GI NANG NAS KYANG ZHUN MAR NI MCHOG YIN TE, CI'I PHYIR ZHE NA, SBYOR RJES 'JUG PA ZHES BYA BA STE, SMAN DANG SBYAR BA DE'I RJES SU 'JUG CING MTHUN
, ,PAS DE'I PHYIR ZHUN MAR NI SNUM THAMS CAD KYI MCHOG YIN GYI TIL MAR NI MA YIN NO, ,DE YANG RGYU MNYAM DU ZIN KYANG ZHUN MAR NI BU RAM LA SOGS PA RDZAS KYI YON TAN DRO BA YOD PA DANG SBYAR DU ZIN KYANG, RANG GI MTSAN NYID KYIS BSIL BA MDOR BSTAN PAS SBYOR BA'I SMAN GYI RJES SU MTHUN PAR 'JUG GI ,TIL MAR NI DE LTA MA YIN NO, ,DE NI TZANDAN LA SOGS PA SMAN GYI NUS MTHU BSIL BA DANG LDAN PAR SBYAR NA YANG, RANG GI YON TAN DRO BA DE RNAMS THAMS CAD DU 'DOR BAR MI 'GYUR LA, DE MI 'DOR BAS NA KHRAG DANG MKHRIS PA DANG, ME DBAL LA SOGS PA LA YANG GNOD PAR BYED PA YIN NO, ,DE DAG SNGON BZHIN MKHRIS PA SEL, ,PHYI MA BZHIN DU CIG SHOS SEL, ,ZHES BYA BA LA, SNUM SNGA MA GANG YIN PA NI, SNGON BZHIN ZHES BYA BA LA, GANG ZHIG LA GANG LAS 'OG MAR GYUR PA NI PHYI MA BZHIN ZHES BYA BA LA, PHYI MA LA LTOS PA NI SNGA MA YIN NO, ,SNGA MA LA LTOS PA NI PHYI MA YIN NO, ,DE BAS NA 'DI SKAD DU, BSTAN PA'I ZHUN MAR LA SOGS PA'I SNUM BZHI PO DE DAG LAS, TSIL DANG RKANG MAR ZHUN MAR ZHES BYA BA NI SNGON BZHIN TIL MAR ZHES BYA BA'I SNUM NI MA YIN TE, DE LAS GONG MAR GYUR PA MED PA'I PHYIR DANG, 'DI GANG ZHIG LA LTOS NAS SNGA MAS BDAG NYID SGRUB PA'I PHYIR PHYI MA YANG YOD PA MA YIN PA'I PHYIR RO, ,DE BZHIN DU SNUM BZHI PO DE DAG LAS RKANG DANG TSIL DANG TIL MAR ZHES BYA BA LA SNUM GSUM PO KHO NA PHYI MA BZHI DANG SBYOR TE, ZHUN MAR ZHES BYA BA'I SNUM LA PHYI MA YOD PA MA YIN NO, ,DE BAS NA SNGA MA BZHIN DU MKHRIS BA SEL BA YIN PAS TSIL DANG RKANG DANG ZHUN MAR NI MKHRIS PA SEL BAR BYED PA YIN NO, ,DE LAS KYANG TSIL NI MKHRIS PA SEL BAR BYED PA YIN NO, ,RKANG NI RAB TU MKHRIS PA SEL BAR BYED PA'O, ,ZHUN MAR NI RAB MCHOG MKHRIS BA SEL BAR BYED PA'O, ,PHYI MA BZHIN DU CIG SHOS SEL, , ZHES BYA BA NAS, CIG SHOS NI RLUNG DANG BAD KAN GNYIS TE, DE DAG SNUM GSUM PO RKANG DANG TSIL DANG TIL MAR GYIS RIM BZHIN SEL BAR BYED PA YIN TE, RKANG NI RLUNG DANG BAD KAN SEL BAR BYED PA YIN NO, ,TSIL GYIS RLUNG DANG BAD KAN RAB TU SEL BA'O, ,TIL MAR GYIS RLUNG
DANG BAD KAN RAB MCHOG TU SEL BAR BYED PA YIN NO, ,MAR BAS TIL MAR LCI DE BAS, ,TSIL DE TSIL BAS RKANG LCI'O, ,ZHES BYA BA NI, 'DI DAG 'JU DKA' BA'I RIM PA YIN TE, DE YANG MTHO BTZUN DPAL 'PHEL GYIS BYAS BA'I GCES PA BTUS PA LAS, ZHUN MAR BAS NI TIL MAR LCI BA YIN LA, TIL BAS NI TSIL LCI ZHING 'JU DKA' BA YIN NO, ,TSIL BAS NI RKANG 'JU DKA' BA YIN NO ZHES BSHAD PA YIN NO, ,SNUM RNAMS KYI MING DANG MING CAN GYI 'BREL PA BSTAN PAR BYA BA'I PHYIR SMRAS PA NI, DE LAS GNYIS DANG GSUM DANG BZHI, ,ZUNG DANG GSUM PA CHE ZHES BYA; ;ZHES BYA BA YIN TE, SNUM GNYIS PO MAR DANG TIL MAR NI ZUNG ZHES BYA BA'I SNUM YIN NO, ,ZHUN MAR DANG TIL MAR DANG, TSIL GSUM GSUM PA ZHES BYA'O, ,DE GSUM RKANG DANG BCAS PA BZHI BO ZHES BYA'O, ,DUGS BYA SBYANG BYA CHANG BUD MED, ,RTZOL CHAGS SEMS LAS CHE BA DANG; ;RGAN PO BYIS PA STOBS CHUNG SBEG ,RTZUB DANG KHRAG DANG KHU BA ZAD, ,RLUNG NAD KYIS NYEN RAB RAB DANG, ,SHIN TU DBYE DKA' LA SNUM BYA, ,ZHES BYA BA LA, DUGS BYA BAR 'OS PA NI DUGS BYA BA'O, ,LEGS BAR SBYANG BAR 'OS PA NI SBYANG BAR BYA'O, ,CHANG DANG BUD MED DANG RTZOL BA RNAMS LA CHAGS PA DANG, DE BZHIN DU SEMS LAS CHE BA DANG, RGAN BO DANG BYIS PA DANG, STOBS CHUNG BA DANG SBEG PA DANG, RTZUB BA DANG, GANG KHRAG DANG KHU BA ZAD BA DANG, DE BZHIN DU RLUNG NAD KYIS RAB TU NYEN ZHING GDUNGS PA DANG, DE BZHIN DU YANG RLUNG LAS RAB RIB DANG, MIG NAD SHIN TU DBYE DKA' ZHING, MIG DKA' BAS DBYE DGOS PA GANG YIN PA STE, DE DAG LA SNUM GYI LAS BYA'O, ,SHIN TU DROD CHUNG RAB DROD CHE, ,SHIN TU SBOM DANG RID PA DANG, ,BRLA RENGS TSAD 'KHRU MA ZHU DANG, ,LKOG NAD DBYIG DUG DMU RDZING DANG, ,BRGYAL SKYUGS BAD KAN YI GA 'CHUS, ,SKOM DANG CHANG NAD KYIS NYEN DANG, ,DUS MIN BU SKYES SNA SMAN DANG, ,MAS GTONG BKRU SMAN BYAS LA MIN, ,ZHES BYA BA NI, SHIN TU DROD CHUNG BA LA SOGS PA LA SNUM GYI CHO GA MI BYA'O, ,ZHES BYA BAR SBYAR RO, ,DE DROD SHIN TU CHE BA LA SNUM GYI CHO GA BYAS NA ME DROD SHIN
, ,TU 'PHEL DRAGS PAR 'GYUR RO, ,SHIN TU SBOM PA LA YANG ME DROD DANG TSIL CHER 'PHEL BAR 'GYUR RO, ,RID PAS NI 'JU MI NUS PAR 'GYUR RO, ,BRLA RENGS LA SOGS PAS NYEN PA ZHES BYA BAR SBYAR TE, DUS MA YIN BAR BU SKYES PA YANG SNUM GYI CHO GA MI BYA STE, ZLA BA MA TSANG BAR BU SKYES NA 'DIR SBYOR BA'I STOBS YIN DU ZIN KYANG, SNUM GYI CHO GA MA BYAS PAR SBYAR BA'I CHO GA BYA'O, ,ZHES STON PA YIN NO, ,DUS MA YIN PAR BU SKYES PA YANG SNUM GYI CHO GA MI BYA STE, ZLA BA MA TSANG BAR DU SKYES PA YANG SNUM GYI CHO GA MI BYA'O, ,DE BZHIN DU SNA SMAN LA SOGS PA LAS GSUM PO BYAS PA'I SKABS SU YANG SNUM BCOS KYI CHO GA MI BYA'O, ,DE LA BLO DRAN YID GZHUNGS SOGS, ,'DOD PA RNAMS LA ZHUN MAR BSNGAGS, ,ZHES BYA BA NI, DE LA SNUM RNAMS KYI NANG NAS BLO GROS LA SOGS PA 'DOD CING DON DU GNYER BA'I SKYES BUS SNUM BSTEN PA'I SKABS LA BAB PAS NA, ZHUN MAR BTUNG BA BSNGAGS SHING 'DOD PAR BYA BA YIN TE, DE'I NUS PA DE YIN PA'I PHYIR RO, ,DE LA BLO NI BLO GROS SO, ,DRAN PA NI SNGON NYAMS SU MYONG BA DRAN PA'O, ,YID GZHUNGS PA NI SHES PA STE, GZHUNG 'DZIN PAR NUS PA DANG LDAN PA'O, ,SOGS PA'I SGRAS NI SKAD GDANGS MDOG LA SOGS PA BLTA'O, ,RMEN BU BAD KAN SRIN BU DANG, ,TSIL CHES RLUNG NAD YOD PA DANG, ,LUS YANG MKHRANG 'DOD LTO SRAB PA'I, ,LUS CAN RNAMS LA TIL MAR PHAN, ,ZHES BYA BA LA, RTZA NAD LA SOGS PA'I NAD RNAMS DANG, DE BZHIN DU BAD KAN DANG, TSIL CHES PA DANG, RLUNG NAD CAN GYI SKYES BU DANG, DE BZHIN DU LUS YANG BAR 'DOD BA DANG, MKHRANG BAR 'DOD BA DANG, DE BZHIN DU SRAB PA'I LUS CAN RNAMS LA TIL MAR PHAN NO, ,ZHES BYA BAR SBYAR RO, ,RLUNG DANG NYI TSAN LAM BUD MED, ,KHUR DANG RTZOL BAS LUS ZUNGS ZAD, , RTZUB NYON MONGS BZOD ME DROD RNO, ,RTZA SGO RLUNG 'GAGS LHAG MA PHAN, ,ZHES BYA BA LA, RLUNG DANG NYI TSAN LA SOGS BAS LUS ZUNGS ZAD BAR 'GYUR BA'I SKYES BU GANG YIN PA DANG, DE BZHIN DU LUS RTZUB PA LA SOGS PA LA, SNUM LHAG MA RKANG DANG TSIL BU GNYIS PHAN ZHING BSNGAGS PA
YIN NO, ,NYON MONGS BZOD CES BYA BA'I SGRAS, NYON MONGS SHING DKA' BA BSTEN MI BZOD PAS NI ZHUN MAR DANG TIL MAR BSTEN PAR MI BYA'O, ,ZHES BKAR BA YIN NO, ,ME DROD NI RNO BA'I SNUM SNGA MA DAG GIS, RKANG DANG TSIL SBYIN PA DANG, DGAR BA'I TSIG YIN NO, ,RLUNG GIS RTZA SGO KUN 'GAGS SHING CHOD PA 'DI LTA BU LA TSIL ZOS NA PHAN NO, ,DE LA TSIL NI LHAG PAR RUS PA'I TSIGS KHA BYE BA DANG, RUS PA CHAG PA DANG, GNOD SNANG PA DANG, LTO BA'I NANG GROL NA BA DANG, MES TSIG PA DANG, LUS SMAS TE RMA BYUNG BA DANG, RKANG LAG GI TSIGS BUR BA DANG, MO MTSAN NA BA DANG, RNA BA NA BA DANG, KLAD PA NA BA DANG, 'DI LTA BU LA YANG TSIL PHAN NO, ,ZHES BYA BAR SBYAR NA YANG TSIL MCHOG TU YANG PHAN PA YIN NO, ,DA NI DUS GANG ZHIG BTANG BA BSNGAGS PA BSTAN PA'I PHYIR SMRAS PA NI, TIL MAR DBYAR PHAN ZHUN MAR NI, ,DBYAR MTHA' DE BZHIN DPYID KYANG BSNGAGS, ,ZHES BYA BA LA, 'DIR DBYAR ZHES SMOS KYANG DBYAR SMOS PA'I DUS TSIGS THOG MA LA BYA STE, DE NAS DBYAR ZLA 'BRING PO'O ZHES BYA BA'I SKABS SU SBYONG BA BYED NA, TIL MAR BSNGAGS PA YIN NO, ,DBYAR MTHA' ZHES SMOS KYANG, CHAR 'BAB PA'I MTHA' RDZOGS PA STON ZLA THA CHUNGS LA, DE'I TSE SNUM BYA BA'I DON DU ZHUN MAR BSNGAGS PA YIN NO, , GZHAN ZHES BYA BA RKANG DANG TSIL ZHES BYA BA'I SNUM NI DPYID ZLA 'BRING PO'I SKABS SU SBYONG BAR BYED PA NA SNUM GYI SBYOR BA BSNGAGS PA YIN NO, ,'DI DAG NI NAD MED PA'AM, NAD PA GANG YANG RUNG BA SBYONG BA BYED PA'I GNAS SKABS BYA BA'I PHYIR GZHUNG 'DI BRTZAMS PA YIN NO, ,NAD MED CING THA MAL PAR GNAS PA DAG GIS JI SKAD BSHAD PA'I DUS TSIGS KYI CHO GA RJES SU DPYAD ZIN KYANG DUS LAS BYUNG BA'I NAD BSAGS PA DAG YOD SRID PAR DE'I 'OG TU DE LAS NAD BSAGS PA GZHI 'KHRUGS PAR 'GYUR LA, NAD 'KHRUGS PAS NAD 'BYUNG BAR 'GYUR BA YIN TE, DE BAS NA TSE'I RIG BYED KYI DE KHO NA SHES PA'I DRANG SRONG RNAMS KYIS RANG BZHIN GYIS BYAS PA'I RGYUD SO SOR BDE BAR GNAS PA DAG GIS SBYANG BA DAG BYA BA NYID DU BSTAN PA YIN NO, ,DE BZHIN DU GRANG BA LAS BYUNG BA'I NAD BSAGS PA NI DPYID KYI TSE SBYANG BA BSHAD PA 'DIS CHO GA LHAG MA YOD PA'I GZHUNG GIS SBYAR BA YIN NO, ,BKRU SMAN LA SOGS
, ,PA'I SBYONG BA RNAMS KYANG SNUM DANG DUGS KYI CHO GA BYA BA SNGON DU 'GRO BAS BYA BA YIN GYI GZHAN DU MA YIN NO, ,DE'I PHYIR GRANG BA LAS BYUNG BA'I NAD BSAGS PA NI DPYID KYI DUS SU GDON CING, GRANG BA NA SNUM DANG DUGS BYA BA DANG, DE'I TSE TIL MAR BKAG PA YIN NO, ,DE BZHIN DU DBYAR 'DAS PA NA, DBYAR BSAGS PA'I NAD 'BYIN PA NAD DANG POR SNUM DANG DUGS NGES PAR BYA DGOS LA, DER YANG SNUM THAMS CAD KYIS SNUM GYI CHO GA BYED DE, DE YIN PA'I PHYIR KUN GYI BYED PA DAG SRID MOD KYI, DER GNAS MOD KYIS MI BYA'O, ,ZHUN MAR GYI SNUM GYI CHO GA BYA STE, 'DI NI NAD MED PA'I YUL LA BYAS BA'I NGES BA YIN NO, ,NAD BA'I GNAS SKABS SBYANG BAR BYAS PA GSO BA'I NAD KYIS NYEN PA LA TIL MAR GYIS GSO DGOS PA'I NAD YIN TE, DE DANG MI 'TSAM DU ZIN KYANG, DBYAR SBYANG BA'I LAS BYED PA NA, TIL MAR NYID KYIS SNUM GYI CHO GA BYA'O, ,SNUM GZHAN GYIS NI MA YIN NO, ,DE BZHIN DU GZHAN DAG KYANG NAD KYI TSUL DANG SBYAR TE, RANG NYID KYI RJES SU DPAG PAR BYA'O, ,'DIR 'DI LTAR DBYAR TIL MAR GTANG NGO, ,DBYAR GYI MTHA' NI ZHAG DANG TSIL BU GTANG NGO, ,ZHES BYA BA'I TSUL GYIS NGES BA BZHAG PA NI GZHAN LA YANG CUNG ZAD LTOS PA YIN PAS, NAD DE'I PHYIR SMRAS PA NI, THUN MONG DUS LA SNUM RNAMS NI, ,NYIN MO NYI MA GSAL TSE BSNGAGS, ,ZHES BYA BA YIN TE, THUN MONG DU SHIN TU TSAB MA YIN TE, GRANG BA MA YIN PA'I GNAS SKABS BAR MAR SNUM GYI CHO GA BYED PA NA, DE'I TSE SBYANG BA'I SNGON DU TIL MAR LA SOGS PA SNUM GYI CHO GA 'DI'I DON DU SBYONG BA DE YANG NYIN PAR BYA'O, ,MTSAN MO NE MA YIN NO, ,DE BZHIN DU NYI MA GSAL BA STE, NAM MKHA' LTAR DRI MA MED CING SPRIN GYIS NYI MA'I ZER MA BSGRIBS PA'I TSEN BYA BA YIN NO, ,DE LTAR NA DUS DE RNAMS SU NAD BSAGS PA NGES PAR 'JOMS BA'I CHO GA BSHAD PA YIN NO, ,DBYAR LA SOGS PA MA GTOGS PA DUS GZHAN DAG TU NAD KYI DBANG GIS BSKYUR TE, BYA DGOS PA'I SBYANG BAS BYA BA YIN DU ZIN KYANG BYA BA'I MTSAN NYID DU 'GYUR TE DE BZHIN DU NYI MA GSAL BA STE, NAM MKHA' LTAR GANG GI PHYIR DE SBYONG BA'I 'OG TU SNUM GYI CHO GA KHYA DGOS LA, DE LA YANG SNUM GYI NGES BA BSHAD PAS NA SNUM GZHAN GYI DGOS PA BZHIN BYED BAR MI NUS PA DE LA JI LTAR BYA, BDE BA BSTEN BAR BYA BA SMRAS PA NI, RINGS LA DGUN YANG TIL MAR GTANG, ,TSA BA'I DUS SU'ANG MAR TSAN GTANG, ,ZHES BYA BA LA, NAD KYI GSO BA'I RIM THABS SU BYA DGOS SHING
SBYANG BAS GSO DGOS PA'I NAD LA DGUN STOD DGUN SMAD KYI TSE YANG SBYANG BA'I DON DU TIL MAR GTANG BAR BYA'O, ,YANG ZHES BYA BA'I SGRAS NI TIL MAR DBYAR 'BA' ZHIG GI TSE GTANG BAR MA ZAD DO, ,ZHES NGES PAR GZHAG PA YIN NO, ,DE BZHIN DU RINGS PAR GSO DGOS PA YIN NA, GANG GI TSE SO GA'I TSE SBYONG BA BYED PA DE'I TSE SBYANG BA'I SNGON DU SNUM GYI CHO GAR GTANG BA'O, ,YANG ZHES BYA BA'I SGRAS RI TIL MAR MTHA' 'BA' ZHIG TU ZHUN MAR GTANG BAR MA ZAD KYI DUS 'DI'I TSE NA YANG GTANG BA YIN NO, ,SNUM THAMS CAD NYIN MO GTANG BA YIN MOD KYI, MTSAN MO YANG RING THABS LA GTANG DU RUNG NGO, ,MKHRIS PA RLUNG DANG MKHRIS PAR BCAS, ,LDAN PA LA YANG MTSAN MO NYID, ,CES BYA BA LA, TSA BA'I DUS SU MAR SNUM GYI CHO GA SBYONG BA'I SNGAR MTSAN MO GTANG DU RUNG BAS NGES PA 'BA' ZHIG TU MA ZAD KYI 'DI YANG NGES PA YIN TE, MKHRIS PA'I NAD YIN TE, DE DANG 'BYUNG BA'I NAD DANG, DE BZHIN DU RLUNG 'KHRUGS PA'I NAD DANG, DE LAS BYUNG BA'I NAD SNUM GYIS GSO BAR BYA LA, DE ZHI BAR BYA BA'I PHYIR TSA BA'I DUS SU SMAN DANG SBYAR BA'AM MA SBYAR BA ZHUN MAR SBYIN PAR BYA'O, ,NYIN MO MA YIN PA LA TIL MAR DANG, RKANG DANG TSIL SBYIN PAR BYA'O, ,DE BZHIN DU MKHRIS PA DANG BCAS PA'I LDAN PA LA MTSAN MOR SBYIN BAR BYA STE, DE YANG LDAN PA'I GNYIS PO MKHRIS PA SHAS CHE BA'I RLUNG MKHRIS KYI LDAN PA DANG, MKHRIS PA DANG BAD KAN DU LDAN PA'AM, DE LAS BYUNG BA'I NAD SNUM GYIS GSO BAR BYA LA, DE ZHI BAR BYA BA'I PHYIR ZHUN MAR KHO NA MTSAN MO GTANG BAR BYA'I TIL MAR LA SOGS PA'I SNUM GZHAN YANG MI GTANG LA, NYIN MO YANG GTANG BAR MI BYA'O, ,MKHRIS PA DANG RLUNG ZHES SMOS PA 'DIS NI NAD KYI MTSAN NYID NYE BAR MTSON PA'I DON SHES PAR BYA'O, ,MTSAN MO LAS GZHAN RLUNG BAD KAN, ,NYIN MOR SBYAR BAS MKHRIS NAD 'GYUR, ,ZHES BYA BA LA, 'DI'I DON NI 'DI YIN TE, ZHUN MAR DANG TIL MAR GNYIS BTANG BA DE BZHIN DU GRANG BA'I DUS SU ZHUN MAR BTANG NA RLUNG DANG BAD KAN GYI SKYON DU 'GYUR RO, ,DE BZHIN DU TSA BA'I DUS SU TIL MAR NYIN MO BTANG NA MKHRIS PA'I NANG DU 'GYUR RO, ,RKANG DANG TSIL NI GRANG BA'I DUS DANG DRO BA'I DUS GNYI GAR RINGS PA'I DUS BYUNG BA DAG LA SBYANG BA'I SNGON DU SNUM GYI CHO GA BYA BAR GZHUNG RTZOM BAS MA BSHAD DE, DE GNYIS NI TSA BA DANG BSIL BA'I NUS PA DANG GNYI GA YOD PAS, DE LA BSIL BA'I YON TAN 'BA' ZHIG
, ,MED DE GZHAN LA RAG LAS PA YIN PA'I PHYIR DANG DE BZHIN DU SHA DANG RJES SU MTHUN PA YIN NO ZHES BSHAD DO, ,DE YANG SMAN DPYAD KYI LUNG LAS, SEMS CAN TSA GRANG CI 'DRA BA, ,RKANG DANG TSIL BU 'DRA BAR BSHAD, ,CES 'BYUNG BA YIN NO, ,DE LTAR SNUM GYIS GTANG BA'I DUS GANG DANG GANG YIN PA NGES PAR BSHAD NAS, DA NI SNUM DE JI LTAR BTANG BA DE BSTAN PAR BYA BA'I PHYIR SMRAS PA, BZA' SOGS ZAS DANG MAS GTONG DANG, ,SNA NAS GTANG BSKU MKHUR BKANG DBO, ,MGO BSKU RNA MIG DGANG BA YI, ,SNUM NI RIGS PAR DPYAD PAR BYA, ,ZHES BYA BA LA, SNUM RIGS PAR DPYAD PAR BYA ZHE NA, BZA' SOGS ZAS DANG ZHES BYA BA LA SOGS PA STE, 'BRAS KHUR LA SOGS PA TSOD MA LA SOGS PA LHAN CIG MID PA DANG, LHAN CIG BZA' BA DANG, DE BZHIN DU MAS GTONG BA GSUM PO BKRU SMAN DRAG PO MAS GTONG BA NI RU HA DANG, BKRU SMAN 'JAM PO MAS GTONG BA DANG, 'JAM RTZI MAS GTONG BA STE GSUM DANG, SNA NAS GTANG BA DANG, LUS BSKU BA DANG, MKHUR BA DGANG ZHING DPO BA DANG, RNA BA DGANG BA DANG, MIG DGANG BA STE, 'DI DAG 'OG NAS BSHAD PA'I MTSAN NYID CAN RIGS PA ZHES BYA BA SBYOR BA'I THABS LA SOGS PA'I MTSAN NYID DANG LDAN BAR DUS KYIS BYA BA BSAM PA DANG, LUS KYI TSAD DANG, NAD KYI TSUL LA DPAGS NAS, RAN CING 'TSAM PAR NYE BAR DPYAD PAR BYA'O, ,DE BZHIN DU, RO YI DBYE BA RE RE YIS, ,DRUG CU RTZA BZHI RNAM PAR BRTAG ,CES BYA BA STE, RO'I DBYE BAR RE RE DBRI BA LA SOGS PA'I GZHUNG BSTAN NAS, DRUG CU RTZA GSUM GYI GRANGS SU CHAD PA DANG, LHAN CIG SNUM SBYAR BA DANG, DE BZHIN DU RE RE BTANG ZHING PHRAD MED PAR SNUM 'BA' ZHIG BTANG BA LAS, DRUG CU RTZA BZHI RNAM PAR BRTAG CING DPYAD PAR BYA'O, ,DE LTAR RO'I DBYE BA RE RE LAS SNUM PA RNAM PAR DPYAD NA DRUG CU RTZA BZHIR 'GYUR BAR BSHAD PA NA, DGOS PA CI ZHIG GI PHYIR DPYAD PA 'DI BSHAD CE NA, DE'I PHYIR RIGS PAS GNYIS SMRAS PA NI, SNUM NI GZHAN GYIS ZIL GNON CING, ,CHUNG DU DGOS PAS RIM PA BSHAD, ,CES BYA BA LA, SNUM ZHING
CHUNG NGU DGOS PA'I PHYIR DANG, DE BZHIN DU GZHAN GYI ZIL GYIS GNON CING ZAS LA SOGS PA MANG POS ZIL GYIS MNAN PA DANG, DE BZHIN DU RO'I DBYE BAS KYANG ZIL GYIS MNAN TE, DE LTAR ZIL GYIS GNON BAS NA, DE'I PHYIR DE RNAMS NI DE RNAM PAR BRTAG PA ZHES BYA'O, ,DE BAS NA ZHUN MAR 'BA' ZHIG BTUNG BA LA NI RNAM PAR DPYAD MI DGOS PAR BSHAD DE, DE'I PHYIR SMRAS PA NI, JI SKAD BSHAD PA'I RGYU MED PAS, ,DANGS MA BTUNG LA DPYAD MI DGOS, ,SNUM GYI LAS NI MYUR 'GRUB PAS, ,SNUM DE'I CHO GA MCHOG YIN NO, ,ZHES BYA BA LA, JI SKAD BSHAD PA'I RGYU MED PA NI SNGAR JI SKAD BSTAN PA'I RGYU MED PA'I PHYIR DANG, MANG DU DGOS PA'I PHYIR 'DI LA DPYAD MI DGOS LA, DE BAS NA SNUM GYI CHO GA DANGS MA BTUNG BA DE LTA BU DE NI MCHOG YIN TE, RNAM PAR DPYAD DGOS PA LAS KHYAD PAR YOD PA'I PHYIR RO, ,CI'I PHYIR ZHE NA, SNUM GYI LAS NI MYUR 'GRUB PA, ,ZHES BYA BA YIN TE, SNUM GYI BYA BA MYUR ZHING RINGS PAR RDZOGS PAR BYED CING SNUM GYIS GSO BA'I NAD ZHI BAR BYED PA YIN PAS MCHOG YIN NO, ,DANGS MA BTUNG BA DE SNUM GYI CHO GAR GTONG BA'I TSAD CHUNG DU DANG, BAR MA DANG, CHEN POR BSHAD PA NI PHO BA'I ME DROD KYIS 'JU BA LAS RJES SU DPAG PA LAS SHES PAR BYA DGOS PA'I PHYIR, 'DIR SMRAS PA YIN TE, GANG ZHIG THUN NI GNYIS DANG BZHI, ,BRGYAD KYIS RIM BZHIN 'JU 'GYUR BA, ,TSAD CHUNG 'BRING DANG CHE BA STE, ,DE LAS CHUNG DU BZA' BA MCHOG ,CES BYA BA LA, SNUM DE BZA' BA'I ZAS NI CHUNG DANG 'BRING DANG CHEN PO GSUM DU 'GYUR TE, TSAD GANG ZHIG GIS THUN GNYIS KYIS 'JU BAR 'GYUR BA DE NI CHUNG DU YIN LA GANG THUN BZHIS RJES SU 'JU BAR GYUR PA DE NI BAR MA ZHES BYA'O, ,GANG ZHIG THUN BRGYAD KYIS 'JU BA DE NI CHEN PO ZHES BYA'O, ,DE LTAR TSAD CHUNG DU DANG 'BRING DANG CHEN PO DE RNAMS LAS GANG ZHIG TSAD CHUNG DU DE NI MCHOG YIN TE, SBYOR BA THAMS CAD DANG 'TSAM BA YIN PA'I PHYIR RO, ,DE YANG TSAD CHUNG DU DE NI TSAD CHUNG BA GTANG DGOS PA LA NYE BAR SBYAR BA NA SKYON MED PA YIN LA, DE BZHIN DU TSAD 'BRING DANG CHEN PO GTANG DGOS PA
, ,LA BTANG DU ZIN KYANG SKYON MED PA NYID YIN NO, ,DE NYID KYIS NA GZHUNG RTZOM PAR BYED PAS, NAD LA SOGS PA BRTAGS NAS NI, ,THOG MAR SHIN TU CHUNG DU BZA', ,ZHES SMRAS PA YIN TE, NAD PA'I TSUL DANG YUL DANG, DUS LA SOGS PA BRTAGS SHING DPYAD NAS THOG MAR TE, DANG POR KHO NAR THAMS CAD DU TSAD NI SHIN TU CHUNG DU BZA' BAR BYA ZHING LONGS SPYAD PAR BYA'O, ,DES NA 'DI SKAD STON TE, NAD DANG YUL LA SOGS PA LAS BRTAGS NAS TSAD SHIN TU CHUNG BA NI TSAD BZHI PAR BRTAG PAR BYA STE, GANG GI PHYIR SKYES BU'I PHO BA'I ME'I TSAD MA SHES PAR SNUM MANG DU BYIN NA DE MI 'JU ZHING SROG KYANG 'DOR BAR 'GYUR BA SRID PA YIN NO, ,DA NI SNUM GYI TSAD GSUM PO DE DAG GTANG BA'I DUS DANG, GTANG BA'I GNAS BSTAN PAR BYA BA'I PHYIR SMRAS PA NI, SNGA DE'I ZAS NI ZHU NYID DANG, ,SBYANG PHYIR DANGS MA MANG DU BTUNG, ,ZHES BYA BA YIN TE, SNGA DE ZHAG GI ZAS ZHU BA TZAM NYID KYI DUS DE NYID DE, ZAS NI ZHU BKRES PAS NI NYEN PA'I SKABS SU SBYANG BA'I PHYIR, SNUM MANG DU GTANG BA NYID LA ZHUN MAR DANGS MA 'BA' ZHIG BTUNG BAR BSNGAGS PAS NA, DE'I PHYIR 'DI NYID CES BYA BA'I SGRA NGES PAR BZUNG BA'I DON DU SMRAS PA YIN NO, ,SNGA DE ZHAG GI ZAN ZHU BA NYID NA ZHES PAS CHAD KYI LTOGS PA DANG BTUNG BAR BYA BA YIN TE, DE NI GANG GI PHYIR MYUR BA NYID DU 'JU BAR BYED DE, SBYANG BA MA BYAS PAR ME'I DROD SHIN TU SHAS CHE BA YIN BA'I PHYIR RO, ,DE YANG DRANG SRONG TZA RA KAS, LTO BA RLUNG GI SHAS CHE ZHING, ,RTZOL BA CHE BA'I DANG TSUL CAN, ,ME DROD CHE BA'I SMAN RNAMS NI, ,MI 'KHRU NYID LA MYUR DU 'JU, ,ZHES BSHAD PA YIN NO, ,DA NI ZHI BAR BYA BA'I SNUM GYI CHO GA SMRAS PA NI, ZHI BYA LTOGS BCAS ZAS MED PAR, ,'BRING TSAD TZAM NI BSNGAGS PA YIN, ,ZHES BYA BA YIN TE, ZHI BAR BYA BA LA SNUM ZAS MA ZOS PAR LTOGS PA DANG BCAS PA'I SKABS SU GTANG BA BSNGAGS PA YIN LA, DE YANG 'BRING TSAD TZAM STE, THUN BZHIS 'JU BA BSNGAGS SHING PHAN PA YIN TE, DE YANG ZAS MED PA DANG STE, ZAS GANG DANG YANG MA BSRES PAR GCIG PU GTANG BA
BSNGAGS PA YIN NO, ,BRTA BA'I SNUM GYI CHO GA SMRAS PA NI, BRTA BA SHA DANG SHA KHU SOGS, ,DE YANG 'BRAS CHAN NYUNG BCAS PA, ,BYIS PA RGAN PO SKOM GYIS GDUNGS, ,SNUM 'GRAS CHANG DAD CHE BA DANG, ,BUD MED SNUM NI RTAG BSTEN DANG, ,DROD CHUNG BDE DANG DKA' MI BZOD, ,LTO SNYI NAD DKYIL CHUNG TSA DUS, ,NYAM CHUNG BA LA BSNGAGS PA YIN, ,ZHES BYA BA LA, BRTA BA'I SNUM GYI CHO GA NI SHA DANG SHA KHU LA SOGS PA DANG LHAN CIG GTANG BA BSNGAGS SO, ,SHA KHU LA SOGS PA'I SGRAS NI BZA' BA DANG SHA KHUR LA SOGS PA BSDU'O, ,DA YANG 'BRAS CHAN DANG BCAS PA STE, BZA' BA DANG BCAS BAR BYA'I, GANG SBYANG BA ZHI BA ZHES BYA BA'I SNUM GYI CHO GA GNYIS SO, ,SNGAR BSHAD PA DAG NI ZAS DANG BCAS BAR MI BYA STE, GNYI GA YANG ZAS KYI DUS SU BZA' BA BKAG BA YIN NO, ,DE YANG NYUNG DU STE CHUNG DU YIN PA LA YANG DE NI BYIS PA DANG RGAN PO LA SOGS PA LA YANG PHAN PA YIN NO, ,DE BZHIN DU SKOM GYIS GDUNGS SHING SKOM DANG CHE BA DANG, GANG SNUM DANG 'GRAS SHING SNUM LA MI DGA' BA DANG, CHANG DANG CHE ZHING RTAG TU CHANG 'THUNGS PA DANG, DE BZHIN DU RTAG TU BUD MED BSTEN PA DANG, RTAG PAR SNUM BSTEN PA DANG, PHO BA'I ME DROD CHUNG BA DANG, BDE ZHING SKYID DE 'DUG PA DANG, DKA' BA MI BZOD CING SDUG BSNGAL BSTEN PAR MI NUS PA DANG, LTO BA SNYI BA DANG, NAD DKYEL CHUNG BA DANG, TSA BA'I DUS TE SO GA'I DUS DANG, NYAM CHUNG BA STE, LUNG ZUNGS ZAD PA RNAMS TE, DE THAMS CAD LA BRTA BA'I SNUM BSAGS SHING PHAN PA YIN NO, ,DANG BO BAR DANG ZAS RJES ZOS, ,LUS KYI SMAD BAR STONG LAS BYUNG, ,NAD RNAMS SEL ZHING LUS KYI STOBS, ,SKYED BA'I RIM BZHIN BYED PA YIN, ,ZHES BYA BA LA, BRTA BA ZHES BYA BA'I SNUM CHUNG DU ZAS KYI DANG POR BTANG NA LUS KYI RO SMAD LAS BYUNG BA'I NAD RNAMS SEL BAR 'GYUR RO, ,ZAS KYI BAR DU BTANG NA LUS KYI BAR GYI NAD SEL TO, ,ZAS KYI RJES LA BTANG NA RO STOD LAS BYUNG BA'I NAD RNAMS SEL BAR BYED DO, ,DES NA RIM BA BZHIN TE, GO RIMS MA 'CHOL LUS ZHES BYA BAR RO STOD DANG RO SMAD KYI STOBS SKYED PA
, ,YIN NO, ,DES NA ZAS KYI DANG POR BTANG NA RO SMAD DU GTOGS LA, RKED PA LA SOGS PA'I LUS KYI STOBS SKYED PAR BYED BA YIN NO, ,ZAS KYI BAR DU BTANG NA LUS KYI BAR MA LTO BA DANG SNYING GA LA SOGS PA'I STOBS SKYED PAR BYED PA YIN NO, ,ZAS KYI RJES LA BTANG NA NAM TSONG YAN CHAD KYI LUS PO LA SOGS PA'I STOBS SKYED PA YIN NO, ,DA NI SNUM 'THUNG BA'I RJES LA BTUNG BA'I CHO GA BSTAN PAR BYA BA'I PHYIR SMRAS PA NI, DE NI LEGS PAR SMIN PHYIR DANG, ,KHAR CHAGS PA NI PHYI PA'I PHYIR, ,SNUM DAG 'THUNGS RJES CHU TSAN BTUNG, ,AE RAN BA LA TA KAR MIN, ,ZHES BYA BA LA, SNUM DANGS MA 'THUNGS PA'I RJES LA BDE BAR 'JU BAR BYA BA'I PHYIR SMRAS PA NI, DE BZHIN TE, DE'I KHAR CHAGS PA DAG MA GOS SHING DAG PAR BYA BA'I PHYIR CHU TSAN BTUNG BAR BYA'O, ,SNUM DANGS MA BTUNG BA THAMS CAD LA CHU TSAN BTUNG BAR BYA BA'AM, 'ON TE 'GA' ZHIG LA BTUNG BAR BYA ZHE NA, AE RAN BA LA TA KAR MIN ZHES SMRAS PA YIN TE, AE RAndA DANG BA LA TA KA'I SNUM 'THUNGS PA'I SKABS SU NI, CHU TSAN BTUNG BAR MI BYA STE, 'DI GNYIS NI NUS PA CHUNG BA DANG LDAN PA'I PHYIR, DE DAG GI GNOD PA SKYED PA YIN NO, ,ZHU 'AM MA ZHU'I DOGS SKYE NA, ,SLAR YANG CHU TSAN BTUNG BAR BYA, ,DES NI SGREGS PA DAG 'GYUR ZHING, ,DE LAS KHONG YANG YI GAR 'ONG, ,ZHES BYA BA LA, SNUM DANGS MA 'THUNGS BA'I TSE, ZHU'AM MA ZHU BA'I DOGS PA SKYES SHING YID GNYIS SU GYUR NA, SLAR ZHING YANG CHU TSAN BTUNG BAR BYA STE, CHU TSAN DE DANG DES NI SGREGS PA DAG CING MNAM PA MED PAR 'GYUR BA DANG, DE YANG DE LAS LUS KHONG YANG BAR 'GYUR BA DANG, DE BZHIN DU YI GAR 'ONG BA STE, ZAS LA 'DOD PA SKYE BAR 'GYUR RO, ,NANG BAR 'THUNG NGAM 'THUNGS BA DANG, ,'THUNGS BAR GYUR TSE KHA ZAS RAN, ,GSHER DROD BAD KAN MI SKYED DANG, ,SHIN TU SNUM MIN 'DRES MIN BZA', ,ZHES BYA BA LA, SNUM 'THUNGS PA'I SKYES BU DES KHA ZAS BZA' BAR BYA BA LA, DE YANG JI LTA BU ZHE NA, PHAL CHER GSHER ZHING RLAN BAG YOD PA DANG, DRO BA'I BAD KAN MI SKYE BA DANG, SHIN TU SNUM PA MA YIN PA STE, CUNG
ZAD SNUM PA DANG 'DRES PA MA YIN PA STE, ZAS GNOD PA DANG 'DREN MAR MA YIN PA BZA' BAR BYA'O, ,DE YANG CI ZHIG BYED PA'I TSE ZHE NA NANG PAR TE, PHYED DE NYIN NA 'THUNG BAR RTOG PA'AM, YANG DE BZHIN DU NYIN ZHAG DE NYID KYIS 'THUNG BA DANG, DE BZHIN DU DANG POR GANG GIS SNUM 'THUNGS PA DE'I TSE, KHA ZAS 'DI LTAR BZA' BA'O, ,KHA LAG CHU TSAN GYIS BKRU ZHING, ,BUD MED MI BSTEN MTSAN MO NYAL, ,SHUGS DGAG DRAG SHUL LAS RNAMS DANG, ,KHRO DANG MYA NGAN NYI TSAN GRANG, ,SER BU'I KHAR 'DUG RTA ZHON 'GRO, ,MANG SMRA RAB MTHO'I STAN LA 'DUG ,SNGAS NI RAB MTHO RAB DMA' DANG, ,NYIN NYAL DUD RDUL GNAS PA SPANGS, ,GANG GIS NYIN MO 'THUNGS GYUR PA, ,DE LTAR GZHAN LA SPANG BAR BYA, ,ZHES BYA BA LA, SNUM 'THUNGS PA'I SKYES BUS KHA LAG BKRU BA LA SOGS PA, CHU'I BYA BA CHU DRON PES BYA BA DANG, BUD MED BSTEN CING NYAL BO SPANG BAR BYA BA DANG, DE BZHIN DU MTSAN MO NYAL ZHING BDE BAR GNYID LOG PAR BYA BA DANG, DE BZHIN DU BSHANG GCI LA SOGS PA SHUGS MI DGAG PA DANG, DE BZHIN DU DRAG SHUL GYI LAS RNAMS DANG KHRO BA NAS DUD PA DANG RDUL GYI NANG DU 'DUG PA'I BAR DU SPANG BAR BYA'O, ,DE LA DRAG SHUL GYI LAS NI DUS NUB PAR BYED PA'I DU MA'O, ,RAB MTHO STAN GCIG MTHON PO LA GCIG PU YUN RING DU MI 'DUG PA'O, ,MAL DANG MGO BO'I RTEN DU GYUR PA NI SNGAS ZHES BYA BA STE, DE YANG RAB TU MTHO BA DANG RAB TU DMA' BA SPANG BAR BYA'O, ,NYIN PAR NYAL BA NI NYIN MO GNYID LOG PA STE, DE YANG SPANG BAR BYA'O, ,DUD PA NI GRAGS PAR ZAD DO, ,RDUL NI RDUL KHROD DE, DER GNAS BAR MI BYA'O, ,DE BAS NA SNUM GYI CHO GA BYED PA NA, DE THAMS CAD SPANG BAR BYA'O, ,DE YANG SANG GI NYIN MO STE, NYIN ZHAG GANG LA SKYES BU SNUM 'THUNGS PAR GYUR PA DES, DE SRID KYI NYIN ZHAG GZHAN LA 'ANG GONG DU SMOS PA'I THAMS CAD SPANG BAR BYA'O, ,RIM 'DI LAS RNAMS THAMS CAD DANG, ,NAD ZAD BA LA SPYAD PAR BYA, ,ZHES BYA BA LA, BSHAD MA THAG PA'I CHU TSAN BTUNG BA LA SOGS PA'I LAS KYI RIM PA BZHIN 'DI NI SNUM GYI CHO GA DANG, DUGS DANG SNOD
, ,LA SOGS PA NAS ME BTZA' DANG, THAL SMAN RNON PO GTANG BA'I BAR DU, DE BZHIN DU NAD KYIS NYAM CHUNG BAR GYUR PA LA YANG BYA STE, SNUM GYI CHO GA 'BA' ZHIG LA 'DI BYA BAR MA ZAD DO, ,ZHI BA'I SNUM GYI NYER SPYAD NI, ,BKRU SMAN BTANG BA LTA BUR BYA, ,ZHES BYA BA LA, ZHI BAR BYA BA'I SNUM BTANG BA'I NYE BAR SPYAD PA ZAS LA SOGS PA'I RIM PA NI BKRU SMAN BTANG BA LTA BU STE, BKRU SMAN BTANG BA NA THUG PA LA SOGS PA BYA BA GANG DAG YOD PA DE DAG THAMS CAD ZHI BAR BYA BA'I SNUM BYAS PA'I SNUM DE ZHU BA'I SKYES BU LA YANG BYA'O, ,LTO SNYI ZHUN MAR ZHAG GSUM BTUNG, ,LTO SRA BA YIS ZHAG BDUN BTUNG, ,YANG NA JI SRID SNUM PAR BTUNG, ,DE PHAN CHAD NI GOMS BAR 'GYUR, ,ZHES BYA BA LA, SKYES BU LTO SNYI BAS ZHUN MAR DANGS MA ZHAG GSUM BTUNG BAR BYA LA, MI LTO SRA BAS NI ZHAG BDUN GYIS BTUNG NGO, ,YANG NA GNYIS PO 'DI DAG KHO NA NGES PA MED DE, SKYES BU KHONG SNUM PAR GYUR PA NYID 'DI'I TSAD NGES PA YIN NO, ,DES NA DUS JI SRID KYIS LEGS PAR KHONG SNUM PA'I SKYES BUR GYUR PA DE SRID PAR BTUNG BAR BYA'O, ,ZHES BYA BA'I DON NO, ,DE LTAR LEGS PAR SNUM PA'I MTSAN NYID DU GYUR PHAN CHAD SNUM DANGS MA BTUNG PA NI GOMS PAR 'GYUR GYI, SBYOR BA'I BYA BA MI BYED DO ZHES BYA BA'I DON NO, ,RLUNG NI BDER RGYU ME DROD 'BAR, ,BSHANG BA SNUM ZHING MI SRI LA, ,SNUM MI 'DOD CING SNYOM 'GYUR LA, ,SNUM LEGS YIN TE RTZUB GO BZLOG ,CES BYA BA LA, SKYES BU LEGS PAR SNUM GYIS ZHEN PAR GYUR PA NI RLUNG RGYU ZHING LUGS BZHIN 'BYUNG BA DANG, PHO BA'I ME DROD 'BAR ZHING BDE BA DANG, BSHANG BA SNUM PAR 'GYUR GYI RTZUB PA MA YIN PA LA, DE BZHIN DU MI SRI BA STE, PHAL CHER SNYI ZHING BRLAN PAR GYUR PA DANG, DE BZHIN DU SDUM STEN PAR BYED PA'I SKYES BU, SNUM MI 'DOD CING SNUM LA ZHEN PAR MI DGA' BAR 'GYUR BA DANG, DE BZHIN DU SNYI ZHING SNYI BAG TU GYUR PA STE, DE DAG THAMS CAD NI SNUM GYIS LEGS PAR ZHEN PA'I MTSAN NYID YIN NO, ,SKYES BU SNUM MED CING RTZUB BAR GYUR PA NI DE LAS GO BZLOG PA STE, JI SKAD BSHAD PA'I MTSAN NYID
LAS BZLOG PAR 'GYUR RO, ,DE YANG RLUNG MI BDE BAR RGYU BA DANG, ME DROD CHUNG BA DANG, BSHANG BA RTZUB PA DANG, BSGONGS PA DANG, SNUM LA 'DOD PA SKYE BAR 'GYUR ZHING, SNYOM PAR MI 'GYUR RO, ,SNUM DRAGS PA YIS SKYA BA DANG, ,SNA DANG KHA RKUB LAS 'DZAG 'GYUR, , ZHES BYA BA LA, SKYES BU SNUM HA CANG DRAGS PAR GYUR PA NI, SKYA BO BSENG BSENG POR 'GYUR BA DANG, SNA NAS 'DZAG PA DANG, RKUB NAS 'DZAG PAR 'GYUR RO, ,TSAD DANG MI LDAN DUS MIN GNOD, ,ZAS DANG SPYOD LAM LOG PA YIS, ,SNUM CHOS BYED SKRANG GZHANG 'BRUM DANG, , KHONG RMYA RENGS SHING SEMS MYOS DANG, ,G-YAN PA MDZE DANG RIMS SKYUG GZER, ,LTO SBOS MGO 'KHOR LA SOGS 'GYUR, ,ZHES BYA BA LA, SNUM THAMS CAD TSAD DANG MI LDAN PAR ZOS PA DANG, DE BZHIN DU DUS MA YIN PAR ZOS PA DANG, GNOD PA STE GANG ZHIG LA GNOD PAR 'GYUR BA DE ZOS PA DANG, DE BZHIN DU ZAS DANG SPYOD LAM LOG PA DANG LDAN PAS SPYAD NA SKRANG BA LA SOGS PA'I NAD SKYE BAR 'GYUR RO, ,DE YANG TSAD NI CHUNG DU DANG 'BRING DANG CHEN PO STE, GSUM PO DE DAG NAD LUS ZUNGS LA LTOS TE GTONG BAR MI BYED PA DE NI TSAD DANG MI LDAN PA'O, ,DUS MA YIN PAR GTONG BA DE NI DPER NA DGUN GYI TSE MAR GTONG BA DANG, MTSAN MO GTONG BA DANG, SO GA TIL MAR GTONG BA DANG, NYIN BAR GTONG BA LTA BU'O, ,GNOD PA NI DPER NA BAD KAN GYI NAD LA MAR GTONG BA DANG, MKHRIS PA'I NAD LA TIL MAR GTONG BA DANG, ZAS NI KHA ZAS TSAD DANG MI LDAN PAR GANG BSHAD BA DE LOG PAR 'GYUR ZHING, PHYIN CI LOG GIS TSE SPYOD PAR BYED PA DE'I TSE SKYON DU 'GYUR RO, ,SPYOD LAM NI CHU'I BYA BA CHU TSAN GYI BYA BA LA SOGS PA BSHAD PA STE, DE LOG PAR SPYOD PA DE DANG MI MTHUN BAR SPYOD PA STE, DE DAG GIS SKRANG PA LA SOGS PA'I NAD SKYED PAR 'GYUR RO, ,DE LA BKRES SKOM SKYUG SMAN DUGS, ,ZAS SKOM SMAN NI RTZUB PA DANG, ,DAR BA CHANG RNYING TSOD MA DANG, ,'BRU RGOD CI TZE KHRE RGOD DANG, ,SBRANG RTZI 'BRAS GSUM PI PI LING, ,BA GCIN GU GUL AA RU RA, ,NAD DMIGS SO SO JI BZHIN DU, ,
, ,SNUM LAS NAD GYUR BCOS THABS YIN, ,ZHES BYA BA LA, SNUM GYI CHO GA LAS GYUR CING, SNUM GYI CHO GA LAS NYAMS PAS NAD DU GYUR PA DE LA DPYAD DU BYA BA NI BKRES SKOM LA SOGS PAS GSO ZHING BCOS PAR BYA'O, ,DE LA BKRES PA NI LTOGS PAR BYA STE, ZAS ZA BA LA SOGS PA'O, ,SKOM PA NI SKOM GYIS GDUNGS PA STE, TSAR BCAD PA'O, ,SKYUG SMAN NI SLON BTANG BA'O, ,DUGS NI 'OG NAS BSHAD PA'O, ,DE BZHIN DU KHA ZAS RTZUB MO ZA BA DANG, SKOM RTZUB PA BTUNG BA DANG, SMAN RTZUB PA BSTEN PA DANG, DAR BA RAB TU SKA BA DANG, DAR BA RNYING PA DANG, CHANG RNYING PA DANG, TSOD MA STE, RTZA BA DANG 'BRAS BU LAS BYAS PA'I TSOD MA'I RNAM PA DANG, 'BRU RGOD DANG, 'BRAS BU'I BYE BRAG AUTPAL ZHES BYA BA DANG, CI TZE STE, RTZA 'BRU'I BYE BRAG DANG, KHRE RGOD STE GA TRA PA ZHES BYA BA DANG, DE BZHIN DU SBRANG LA SOGS PA'I SMAN RNAMS NAD DMIGS SO SO JI LTA BA BZHIN NAD GANG GI SMAN GANG YIN PA DE DE LA SBYIN PAR BYA'O, ,RTZUB PA DAG NI SMYUNG BYAS DANG, ,SHIN TU BYAS DANG 'DRA BA YIN, ,ZHES BYA BA LA, LEGS PAR RTZUB PAR GYUR PA DANG, LHAG PAR RTZUB PAR GYUR PA DAG NI SMYUNG BA DRAGS PA'I MTSAN NYID DANG 'DRA BAR SHES PAR BYA STE, JI LTAR LEGS PAR SMYUNG BAR BYAS PA'I MTSAN NYID GANG YIN PA DE NI LEGS PAR RTZUB CHOS BYAS PA'I MTSAN NYID DANG 'DRA BAR SHES PAR BYA, DE BZHIN DU SHIN TU SMYUNG BAR BYAS PA'I MTSAN NYID DANG 'DRA BAR SHES PAR BYA BA STE, SLON DRO SKOM SA LAS BYUNG SNUM, ,SHA KHU BTUNG ZHING DUGS SPYAD BYA, ,KHRUS BYED PA 'AM SKYUG SMAN GTANG, ,SNUM BYAS ZHAG GSUM GNAS PAR BYA, ,NYIN ZHAG GZHAN PA GCIG CIG NI, ,DE BSKYED PA YIS BAD KAN SKYED, ,CES BYA BA LA, SLON ZHING DRO BA DANG SKAMS LAS BYUNG BA YANG YIN, SNUM PA YANG YIN PAS, SLON DRO SKAM SA LAS BYUNG SNUM, ,ZHES BYA BA STE, SLON ZHING DRO BA DANG, SKAM SA'I SROG CHAGS KYI SHA LAS G-YOS PA'I SHA KHU BTUNG BA DANG, DUGS KYI BYA BA KUN TU SPYAD CING GNAS PAR BYED PA DANG, SNUM GYI CHO GA BYAS PAS ZHAG GSUM GNAS
PAR BYAS NAS, DE'I 'OG TU NYI MA BZHI PA LA KHRUS BYA'O, ,SKYUG SMAN YANG NYIN RE BZHIN DU BYA STE, DANG POR SNUM GYI CHO GA BYAS LA, DE'I 'OG TU SKAM SA'I SHA RLON ZHING DRO BA LAS BYUNG BA'I SNUM GYI SHA KHU 'THUNGS NAS, DUGS BYED CING ZHAG GCIG GNAS PAR BYAS LA, NYIN DE LAS GZHAN PA NYIN ZHAG GNYIS PA LAS BAD KAN SKYED CING 'PHEL BAR BYA BA'O, ,GANG GIS SHE NA, DE SKYED PA YIS ZHES BYA BA STE, BAD KAN DE SKYED PAR BYED PA'O, ,'O MA DANG NYA LA SOGS PAS BAD KAN BSKYED LA, DE'I 'OG TU SKYUG SMAN GTANG NGO, ,SHA CHE TSIL CHE BAD KAN MANG, , ME YI 'JU DROD MI SNYOMS DANG, ,SNUM LA GOMS PA'I SNUM BYA RNAMS, ,DE NI SNGON DU RTZUB CHOS BYA, ,DE NAS SNUM BYAS SBYANGS GYUR NA, ,DE LA SNUM NAD MI 'BYUNG NGO, ,SNUM LA GOMS PAR GYUR PAS NA, ,DRI MA 'THON PAR NUS PA YIN, ,ZHES BYA BA LA, SHA CHE BA NI MI SHA RGYAS SHING SBOM PA'O, ,TSIL CHE BA NI TSIL GYIS RGYAS SHING TSO BA'O, ,BAD KAN CHE BA NI BAD KAN MANG BA'O, ,ME'I 'JU DROD MI SNYOMS PA NI PHO BA'I ME DROD KYIS 'JU BA MI SNYOMS PA'O, ,SNUM LA SOGS BA NI RTAG TU SNUM ZA BA STE, DE LTA BU'I SNUM CHOS GTANG BAR BYA BA GANG YIN PA DE NI SNGON DU STE, THOG MAR RTZUB PA NI ZAS DANG SMAN GYIS RTZUB CHOS BYA LA, DE NAS DE LTAR RTZUB CHOS BYAS PA'I 'OG TU, SNUM CHOS BYAS LA SBYANGS PAR GYUR NA, SHA CHE BA LA SOGS BA DE LA SNUM MI 'BYUNG NGO, ,DE BZHIN DU SHA CHE BA LA SOGS PA RTZUB CHOS BYAS LA, DE'I 'OG TU SNUM BTANG NA, ,SNUM LA GOMS PAR GYUR PAS NA, ,DRI MA 'THON ZHING SBYOR BAR NUS PA YIN NO, ,BYIS PA RGAN PO LA SOGS PA, ,SNUM SPANG BAR NI MI NUS LA, ,SKYO BAR MI BYED SBYOR BA 'DIS, ,'PHRAL DU SNUM NI SBYAR BAR BYA, ,ZHES BYA BA LA, SNUM CHOS BYAD PA'I BYIS PA DANG, RGAN BO LA SOGS PA SNGAR SNUM CHOS KYI CHOGS BRTA BAR BYA BAR BSHAD PA RNAMS SNUM CHOS SPANG BAR MI NUS BA DE LTA BU LA SNUM GYI CHO GA BYA BA'I PHYIR, DE SKYE ZHING BSTAN BAR MI 'GYUR BA'I SBYOR BA 'DIS 'PHRAL DU DE LA SNUM GYI CHO GA SBYAR BAR BYA'O, ,DE YANG GANG YIN ZHE NA, DE LA MAR BRNGOS SHA KHU DANG, ,MAR BRNGOS PA YI THUG PA DANG, ,TIL PHYE SNUM
, ,BCAS BU RAM CHUR; ,BCAS DANG KRI SA RA DANG NI, ,'O THUG MAR MANG DRO BA'AM, ,BUR MA ZHO DANG BCAS BA 'AM, ,THUG PA SNUM NI BZHI PA LA, ,LNGA BA 'BRAS DANG LDAN PAR BYA, ,BDUN PA DE DAG 'PHRAL SNUM BYA, ,ZHES BYA BA LA, BYIS PA DANG RGAN PO LA SOGS PA RNAMS LA MAR BRNGOS PA'I SHA KHU LA SOGS PA'I SBYOR BA BDUN PO 'DI DAG NI 'PHRAL GYI SNUM GYI CHO GAR 'GYUR RO, ,DE LA SHA MANG PO MAR DANG BRNGOS PA DE'I KHU BA NI SBYOR BAG YIN NO, ,YANG MAR MANG PO DANG BRNGOS SHING BTZOS PA'I THUG PA BYAS PA NI SBYOR BA GNYIS PA YIN NO, ,DE BZHIN DU TIL GYI PHYE MA SNUM DANG BCAS BA DANG, BU RAM CHU DANG BCAS PAR SBYAR BA NI GSUM PA YIN NO, ,'DIR SNUM NI MAR LA SOGS PA'O, ,BU RAM CHUNG DU NI BU RAM PHRA MO'O, ,DE BZHIN DU KRI SA RA ZHES BYA BA NI TIL DANG 'BRAS LA SOGS PA LAS BYAS PA'I THUG PA GAR THUG 'DRA BA LA SNUM GYI BU RAM CHUNG NGU BTAB PA NI BZHI PA'O, ,YANG NA 'O MA NI THUG PA STE, 'O MA DANG BTZOS PA'I THUG PA ZHUN MAR MANG PO BCUG PA DRO BA STE LNGA PA'O, ,YANG BU RAM ZHO DANG BCAS PA'I RIN NI DRUG PA'O, ,YANG NA THUG SNA LNGA PA ZHES BYA BA SNUM BZHI PO ZHUN MAR DANG TIL MAR DANG RKANG DANG TSIL DANG, SRANG GNYIS DANG LDAN PA YIN PAS NA DE'I THUG PA NI BDUN PA'O, ,SBYOR BA 'DI DAG NI 'PHRAL DU SNUM GYI BYA BA BYED CING SKYO BA DANG SUN PAR MI BYED PA YIN NO, ,SNUM RNAMS LAN TSVA CHER BTAB PA, ,DE NI BAD KAN SKYED RTZUB MIN, ,PHRA ZHING DROL LUS KHYAB BYED, ,CES BYA BA LA, DE BZHIN DU SNUM BZHI PO ZHUN MAR DANG TIL MAR DANG RKANG DANG TSIL ZHES BYA BA LAN TSVA CHER BTAB PA NI, 'PHRAL DU SNUM PAR BYED PA YIN TE, CI'I PHYIR ZHE NA, LAN TSVA BTAB PA DE NI BAD KAN SKYE ZHING 'DZAG PA'I RANG BZHIN CAN YIN PA DANG, DE RTZUB PA MA YIN ZHING SNUM PA DANG PHRA BA STE, PHRA MO RNAMS LA 'JUG CING KHYAB PAR BYED PA DANG, DRO ZHING TSA BA'I NUS PA DANG LDAN PA DANG, LUS KHYAB PAR BYED PA STE, LUS MA LUS PAR KHYAB NAS SMIN CING 'JU BA'I DON BYED PA YIN PAS, LAN TSVA CHER BTAB PA'I SNUM NI 'PHRAL DU SNUM CHOS SU 'GYUR RO, ,MDZE DANG SKRAN
NAD GCIN SNYI LA, ,BU RAM BCAS BZA' 'O MA SHA ,TIL DANG MA SHA CHANG DANG ZHO, ,SNUM BYA'I DON DU MI BYA'O, ,ZHES BYA BA LA, MDZE NAD LA SOGS PA YOD PA LA SNUM GYI CHO GAR BZA' BA BUR MA DANG BCAS PA 'DI DAG BTANG ZHING SBYIN PAR MI BYA'O, ,DE LTAR SNUM GYI CHOGS CI ZHIG BYA ZHE NA; 'BRAS GSUM PI PI LING GU GUL, ,AA RUR LA SOGS BSKOL LA, ,DE DAG SNUM LA JI BZHIN DU, ,GNOD PA MED PAR SBYAR BAR BYA, ,ZHES BYA BA LA, GONG DU SMOS PA'I MDZE NAD LA SOGS PA DE DAG LA SNUM 'BRAS BU GSUM DANG, PI PI LING DANG, GU GUL DANG, AA RU RA LA SOGS PA NAD DANG JI LTAR 'TSAM PA BZHIN DU GNOD PA MED CING MI 'PHROD PA MED PAR LEGS PAR SBYAR ZHING GTANG BAR BYA'O, ,NAD KYIS NYAM CHUNG GYUR PA LA, ,LUS DROD STOBS SKYED NUS PA GTANG, ,ZHES BYA BA LA, NAD KYIS NYAM CHUNG ZHING SBEG PA'I MI LA, SNUM GYI CHO GA LUS KYI ME DROD SKYED PAR NUS PA'I SMAN GTANG BAR BYA'O, ,DE YANG LUS ME DROD NI LUS DRO BA STE, DE GNYIS SKYED PAR NUS PA'I SNUM DE GTANG BA STE, LUS KYI STOBS SKYED PAR NUS PA NI RGYAS SHING 'PHEL BAR 'GYUR RO, ,DROD KYI STOBS SKYED PAR NUS PA NI PHO BA'I ME DROD SKYED PAR BYED PA'O, ,SKYES BU SNUM LA BRTEN PAR BYED PA RNAMS, ,NANG GI DROD 'BAR KHONG PA DAG PA DANG, ,LUS ZUNGS 'PHRAL BRTA STOBS DANG MDOG BZANG LDAN, ,DBANG BRTAN RGAS SRA LO BRGYA THUB PAR 'GYUR, ,ZHES BYA BA LA, LUS KYI STOBS DANG PHO BA'I ME DROD SKYED PAR BYED PA'I SNUM LA BRTAN PA'I SKYES BU DAG GI LUS LA 'BYUNG BA'I YON TAN NI, NANG GI ME DROD KYIS LUS THAMS CAD LA KHYAB PAR 'BAR BA DANG, KHONG PA'I NANG GI NAD SKYED PAR BYED PA'I SNYIGS MA SOGS DAG PAR 'GYUR BA DANG, LUS KYI ZUNGS DANG STOBS GSAR DU RGYAS SHING 'PHEL BAR 'GYUR BA DANG, KHA DOG BZANG ZHING YID DU 'ONG BAR 'GYUR BA DANG, DBANG PO BRTAN PA STE, MIG LA SOGS PA'I DBANG PO RANG GI BYA BA BYED BAR NUS SHING, GSAL BAR 'GYUR BA DANG, RGAS SRA ZHING SKRA DKAR MED PAR 'GYUR BA DANG, LO BRGYA 'TSO ZHING GNAS PAS NA, LO BRGYA THUB BA STE, SNUM LA BRTEN PA'I SKYES BU LA
, ,YON TAN 'BYUNG BAR DRANG SRONG RNAMS KYIS BSHAD CING BSTAN PA'O, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS LE'U BCU DRUG PA'I RNAM PAR 'GREL PA'O,, ,, DE NAS DUGS KYI CHO GA'I LE'U BSHAD PAR BYA'O, ,ZHES BYA BA LA, DUGS NI PHAL CHER DANG POR SNUM CHOS BYAS NAS 'DIR BYA DGOS PAS NA, DE'I PHYIR SNUM GYI CHO GA'I 'OG TU DUGS KYI CHO GA'I LE'U BSHAD CING BSTAN PA YIN NO, ,DE YANG DRANG SRONG TZAR KAS, ,DUGS KYIS GSO BAR BYA BA'I NAD, ,RLUNG DANG BAD KAN BDAG NYID CAN, ,SNUM GYI DNGOS SU 'GRO BA YI, ,DUGS KYIS RAB TU ZHI BAR 'GYUR, ,ZHES BSHAD PA YIN NO, ,DUGS KYI CHO GA NI LAS SU BYA BA NYID DE, DE'I TSUL GYI LE'U YIN PAS NA DUGS KYI LE'U'O, ,DE LA DUGS KYI CHO GA NI DBYE BA'I DBANG DU BYAS NAS SMRAS PA NI, DUGS BSRO BCING DANG THA MAL PA, ,CHU DUGS DBYE BAS RNAM PA BZHI, ,ZHES BYA BA YIN TE, BSRO BA DANG, BCING BA DANG, THA MAL PA STE, CHU DUGS ZHES BYA BAR MTSAMS SBYAR BAR BYA'O, ,DES NA DUGS NI BSRO BA LA SOGS PA'I DBYE BAS ME'I LUMS RNAM PA BZHIR 'GYUR RO, ,BSRO BA GOS DANG LCAGS DANG NI, ,LAG MTHIL LA SOGS MER BSROS BSRO, ,ZHES BYA BA LA, BSRO BA'I DUGS NI GOS LA SOGS PA ME LA BSROS PAS BSRO BAR BYA STE, GOS NI BGO BA'I GOS BAL LA SOGS PA LA BYA'O, ,LCAGS NI LCAGS KYI SPYAD THONG LCAGS LTA BU LA SOGS PA'O, ,LAG MTHIL NI LAG PA'I MTHIL LO, ,SOGS PA'I SGRAS NI BUM PA DANG, KHAR BA'I SNOD LA SOGS PA BSDU'O, ,BCING BA SHU DAG SBANG MA DANG, ,THANG SHING SHA TA PUshPA DANG, ,'BRU KUN DRI RNAMS RA SNA DANG, ,AE RAndA'I RTZA SHA DAG DANG, ,SNUM BAG TSA DANG DAR BA DANG, ,'O MAS SBRUS SHING TSA CHER BTAB, ,RLUNG LAS BYUNG BA 'BA' ZHIG SEL, ,BAD KAN 'DRES LA BYE'U RUG SOGS, ,MKHRIS PA 'DRES LA SHUG SOGS KYIS, ,GLAN PA ZHES BYA YANG DANG YANG, ,DKRI BA SNUM ZHING NUS PA DRO, ,SPU
'JAM LPAGS RUL MIN PAS DKRI, ,MA RNYED RLUNG 'JOMS LO MA DANG, ,DAR DANG SNAM BU RAS KYIS DKRI ,MTSAN MO DKRIS PA NYIN MO 'GROL, ,NYIN PAR DKRIS PA MTSAN MO 'GROL, ,ZHES BYA BA LA, BCING BA'I DUGS NI SHU DAG DANG, SBANG MA LA SOGS PA SNUM LA SOGS PA DANG SBRUS SHING BSRES PA DANG, DE BZHIN DU LAN TSVA CHER BTAB CING LAN TSVA LHAG PAR MANG DU BTAB PA DAG RLUNG LAS BYUNG BA'I NAD 'BA' ZHIG STE, NAD GZHAN DANG MA 'DRES PA'I RLUNG NAD SEL LO, ,BAD KAN DANG 'DRES PA'I RLUNG LA NI BYE'U RUG PA LA SOGS PA PHU RAS RNAM GNYIS DANG, KU THE RA LA SOGS PA'I SDE TSAN DU BSHAD PA DAG GIS BYA'O, ,DE BZHIN DU MKHRIS PA DANG 'DRES PA'I RLUNG NI SHUG LA SOGS KYIS ZHES BYA BA LA, PADMA DANG PHRA PHRAN KA LA SOGS PA'I SDE TSAN DU BSHAD PAS SO, ,SNUM BAG TSA DANG DAR BA DANG, ,'O MAS SBRUS SHING TSA CHES BTAB, , CES BYA BA NI, GSUM CHAR DANG SBYAR BAR BYA STE, DKRI BA GSUM PO DE DAG RIM PA BZHIN DU SBYAR BAR BYA'O, ,DE NI GLAN PA ZHES KYANG BYA STE, DES YANG DANG YANG DU DUGS BYA'O, ,GZHAN DAG LAS KYANG, NYAMS RE BA SOGS RLUNG 'JOMS BCAS, ,SGYUR DANG GSHER BA'I RDZAS KUN LDAN, ,RLAN CAN SHA DANG LEGS PAR BTZOS, ,SNUM KUN DANG NI YANG DAG LDAN, ,DRO 'JAM LAN TSVA SHAS CHER DRO, ,GLAN PA ZHES NI BSHAD PA YIN, ,ZHES BYA BA 'BYUNG BA YIN NO, ,DKRI BA DANG NI DKRIS SHING BCINGS PA NA DKRIS PA ZHES BYA STE, BCINGS PA LA ZHES BYA BA'I DON TO, ,DE BAS NA MANG DU BYUGS LA SNUM PA DANG NUS PA DRO BA DANG, SPU 'JAM PA'I PAGS PA RUL PA MA YIN PAS DKRI BAR BYA'O, ,DE MA RNYED CING MED PAR GYUR NA, RLUNG 'JOMS SHING NUS PA DANG LDAN PA'I RTZVA SHING GSO MA LA SOGS PA'I LO MAS BCINGS SHING YAN LAG DKRI BA STE, MTSAN MO DKRIS NA NYIN PAR 'GROL BAR BYA STE, DE NI TSA BA MED PA'I PHYIR BYA'O, ,NYIN MO DKRI ZHING BCING BYAS PA NI MTSAN MO 'GROL BAR BYA'O, ,LA LAR NI YUL DANG NAD KYI DBANG GIS YAN LAG CHAG PA LA SOGS PA NYIN ZHAG GNYIS
, ,SAM, GSUM GZHAG PAR BYA BA YANG YOD DE, SBANG MA NI CHANG GI SNYIGS MA'O, ,'BRU KUN NI GRA MA DANG, GANG BU CAN GYI SDE TSAN LAS BSHAD PA'O, ,DRI RNAMS NI SPANG SPOS DANG, RURTA DANG AA RU RA LA SOGS PA'O, ,AE RAndA NI RTZA BA'O, ,SHA NI RLAN GYI SHA LAS TSO KHU ZHIB MOR BRDUNGS PA'O, ,SNUM BAG NI TIL MAR LA SOGS PA'O, ,GZHAN DAG NI GO BAR ZAD DO, ,THA MAL PA NI KHUR BA DANG, ,BONG BA GYO MO RDO SA PHYE, ,GSO MA'I LO MA 'BRU RNAMS DANG, ,LCI RIL PHYE MA PHUB MA RNAMS, ,THABS RNAMS DU MAS LEGS BSROS PA, ,YUL DANG DUS LAS DPAGS TE SBYAR, ,ZHES BYA BA LA, THA MAL BA ZHES BYA BA'I DUGS NI, BAL DANG KHUR BA LA SOGS PAS BYA STE, DE YANG NAS DANG MON SRAN GRE 'U DANG, TIL LA SOGS PA BTAB NAS SBRUS TE BTZOS NAS KHUR BA LTA BUR BYAS NAS, DUGS SU BYA BA'I THABS LA SBYAR BA GANG YIN PA DE NI KHUR BA'I DUGS ZHES BYA'O, ,BONG BA DANG GYO MO DANG, RDOB MER BSREGS PA LA ME'I MDOG CAN DU BYAS LA, CHU 'AM SHAM PO'I NANG DU NUB PAR BYAS LA RLON PA DE GOS RIM GCIG GIS DKRIS PAS DUGS BYA'O, ,GSO MA'I LO MA DANG 'BRU RNAMS PA LANG LA SOGS PA'I LCI BA DANG, RIL MA DANG PHYE MA DANG, PHUB MA RNAMS CHU SKYOR MO DANG BSKOL LA, GOS KYI NANG DU BCUG PAS DUGS BYA'O, ,THABS RNAMS DU MAS LEGS BSROS PA, ,ZHES BYA BA NI, RDZA MA DANG SBU GU DANG RDZA SKYOGS DANG, SLA NGA LA SOGS PA'I THABS KYIS LEGS PAR BSROS PA'I KHU BA LA SOGS PA'I DUGS RNAMS YUL DANG DUS LAS DPAGS NAS SBYAR BAR BYA STE, YUL NI SA'I YUL PHYOGS DANG, LUS KYI YAN LAG GI TSOGS SO, ,DUS NI SKAD CIG LA SOGS PA'I MTSAN NYID DANG, NAD PA'I GNAS SKABS KYI MTSAN NYID DO, , DE LAS DPAGS PA NI DE'I DBANG DU BYAS TE, DUGS KYI SBYOR BA 'DI BYA'O, ,DE YANG LUS KYI YUL NI DPER NA, RLUNG NI MA ZHU'I GNAS ZHUGS DANG, ,ZHES BYA BA LA SOGS PA'O, ,SA'I YUL LAS DPAGS PA NI, YUL RLAN CAN DU DUGS BYA DGOS PA DE LTAR SKAM SAR YIN NO, ,
DUS LAS NI DPER NA DGUN GYI DUGS GZHAN DAG BYA DGOS LA, SO GAR GZHAN DAG BYA'O, ,NAD PA LAS NI DPER NA DUGS LA LA NI MKHRIS PA DANG 'DRES PA'I RLUNG LA SOGS PA'O, ,LA LA NI BAD KAN DANG 'DRES PA'I RLUNG LA DGOS LA, LA LA NI RLUNG 'BA' ZHIG LA DGOS PA'O, ,'BRU RNAMS NI 'BRU'I RIGS LO MA DKRUGS SHING BCOM PA'O, ,CHU DUGS SHI KRU BAR NA, ,AE RAndA DANG KA RANYDZA, ,BYE'U RUG PA DANG AARDZA KA ,SHI RI SHA DANG BA SHA KA, ,'OD MA AARGA MA LA TI, ,LA BA SHA KA'I LO MA BKRU ,SHU DAG LA SOGS SMAN RNAMS DANG, ,GSHER SA CHUR GNAS SHA RNAMS DANG, , RTZA BCU NAD DMIGS JI BZHIN DU, ,SO SO 'AM LHAN CIG SBYAR NA NI, ,SNUM LDAN CHANG DANG TSVA DANG NI, ,'O MA CHU SOGS KYIS BTZOS LA, ,BUM PA'AM SBU GU RING PO NI, ,BKANG LA NAD KYIS NYAM THAG PA'I, ,LUS NI GOS KYIS DKRIS NAS SU, ,CI BDE BAR NI SNUM CHU BLUGS, ,LUS LA RLUNG NAD ZHUGS GYUR PA, ,DE NYID KYIS 'DIR BKANG SNOD DU, ,NAD PA ZHUGS TE GNAS NA NI, ,GCIN SRI GZHANG 'BRUM SOGS NAD SEL, ,ZHES BYA BA LA, SHI KRU NAS BRTZAMS TE, YAB SHA KA'I BAR GYI SDE TSAN DE RNAMS LAS, LO MA RNAMS BKRU ZHING MNYES LA, DE RNAMS DANG DE BZHIN DU SHU DAG LA SOGS PA'I SMAN SNGAR BSHAD PA RNAMS DANG, DE BZHIN DU GSHER SA DANG CHUN GNAS PA'I RO HI TA PA THI NA LA SOGS PA'I NYA DANG, DE BZHIN DU RTZA BA BCU PA ZHES NAD KYI DMIGS JI LTA BA BZHIN DU SO SO 'AM LHAN CIG BTANG BA STE, SO SO RE RE NAS GTANG BA'AM, MA LUS PA LHAN CIG SBYAR ZHING BSRES NAS NAD DMIGS JI LTA BA BZHIN DU, DE DANG RJES SU MTHUN PAR SBYAR BAR BYA'O ZHES BYA BA'I BAR DU'O, ,DE BZHIN DU SNUM DANG LDAN BA STE SNUM YOD PA'O, ,'DI YANG NAD LAS DPAGS PA DANG SBYAR BAR BYA STE, MAR LA SOGS PA NAD GANG DANG GANG LA PHAN PA'I SNUM DE DANG DE DAG DANG LDAN BAR BYA BA DANG, DE BZHIN DU DE DANG MNYAM PA'I CHANG LA SOGS PA DANG BTZOS PA NAD DMIGS JI LTA BU LAS DPAGS TE, BLUGS PA'I CHU DE BUM BA MCHU PHRA MO BTOD BA'I MCHUS BLUGS
, ,PAR BYA STE, SPU GU NI RING PO KHA GYEN DU BLTAS PA'I NANG DU BCUG STE, BKANG LA NAD KYIS NYAM THAG PA STE, GZER LA SOGS PAS NYON MONGS PAR GYUR PA'I LUS GOS KYIS DKRIS LA, SNUM ZHING RLUNG 'JOMS PA'I SMAN BSKOL BA BLUGS PAR BYA STE, DE YANG BDE BA STE, CI BDE BA LA REG PAR GYUR PA'I TSUL DU BYA STE, 'DIR LAN 'GA' CUNG ZAD DRO BAS BYA'O, ,LAN 'GA' NI SHIN TU DRO BAS BYA'O, ,DE BLUGS PA NI CHU'I RGYUN GYI KHYAD PAR GANG ZHIG GIS RGYUN MI 'CHAD PAR BLUGS SHING CHU LA SOGS PA'I GSHER RDZAS 'DZAG PAR 'GYUR BAS NA BLUGS PA ZHES BYA'O, ,CHU'I DUGS NI RNAM PA GNYIS TE, RGYUN BLUGS PA DANG CHU LA BCING BA'O, ,DE LTAR BLUGS PA BSHAD ZIN NAS, DA NI CHU LA BCING BA BSHAD PA'I PHYIR, LUS LA ZHES BYA BA LA SOGS PA BSHAD PA YIN TE, NAD PA LUS KYI YAN LAG THAMS CAD LA RLUNG NAD ZHUGS SHING RLUNG GI BDAG , DE NYID KYIS ZHES BYA BA SNGAR BSHAD PA'I SMAN TSO SNOD CHEN PO BKANG LA, BKANG BA'I SNOD DER NAD PA BCUG STE, SNYING GA LA SOGS PA BSRUNG BZHIN GNAS PAR BYA'O, ,SNOD CES SMOS PA NI SPYI MING TZAM DU NYE BAR MTSON PA TZAM STE, ZANGS CHEN PO'AM, GZHONG PA RING PO CHEN PO SMAN CHUS BKANG BA'I NANG DU 'JUG CING BCINGS TE GNAS PAR BYA'O, ,DE BZHIN DU GZHANG 'BRUM DANG, GCIN SRI BA LA SOGS PA LUS KYI PHYOGS GCIG NA BAR GYUR PA LA NI NAD LA SOGS TSUL LAS DPAGS TE SBYAR BAR BYA'O, ,RLUNG MED PHYI NANG SNUM BCAS SHING, ,ZAS 'JU'I DUS SU DUGS DPYAD BYA, ,NAD DANG NAD PA YUL DUS KYI, ,DBANG LAS CHUNG 'BRING CHEN POR BYA, ,ZHES BYA BA LA, RLUNG MED PA'I SA PHYOGS SU SKYES BU'I LUS PHYI NANG SNUM DANG BCAS PAR BYAS LA, KHA ZAS SMAN DANG ZHU ZIN PAR GYUR BA'I DUS SU DUGS DPYAD PAR BYA LA, DUGS DE YANG NAD LA SOGS PA'I DBANG GIS CHUNG NGU LA SOGS BA'I TSAD GSUM DU 'GYUR RO, ,DE YANG CHUNG NGU DANG 'BRING DANG CHEN PO GSUM DU 'GYUR LA, DE BZHIN DU NAD PA YANG STOBS LA SOGS PA LA CHUNG NGU DANG 'BRING DANG CHEN PO YOD DE, YUL RLAN CAN DANG, SKAM SA 'DREN MA GSUM YOD DO, ,
LUS KYI GNAS MGO DANG PHRAG PA DANG, LTO BA DANG, BYIN BA LA SOGS PA'I DBYE BAS PHYE BA YIN NO, ,DUS NI DRO BA DANG, GRANG BA DANG, 'DRES MA'I DBYE BAS PHYE BA YIN NO, ,DBANG LAS ZHES BYA BA NI DE DAG GTZO BOR BYAS PA YIN NO, ,BAD KAN GYIS NYEN RTZUB DUGS BYA, ,BAD KAN RLUNG LA RTZUB SNUM BYA, ,ZHES BYA BA LA, BAD KAN GYIS NYEN CING BAD KAN SHAS CHE BA'I SKYES BUS DUGS RTZUB MO BYA'O, ,DE BZHIN DU SKYES BU RLUNG LAS GYUR CING BAD KAN YANG YOD PA DAG GIS DUGS GZHAN LTAR DANG POR SNUM CHOS BYA ZHING, BAD KAN DANG RLUNG YOD PAS RTZUB PA DANG, SNUM PA 'DREN MA'I DUGS SBYAR BAR BYA'O, ,RLUNG NI MA ZHU'I GNAS ZHUGS DANG, ,BAD KAN ZHU BA'I GNAS BRTEN LA, ,GNAS KYI DBANG GIS RTZUB DUGS DANG, ,DE BZHIN SNUM SNGAR 'GRO DUGS BYA, ,ZHES BYA BA LA, RLUNG MA ZHU'I GNAS SU ZHUGS LA GNAS PA'I NAD LA NI RTZUB PA SNGON DU 'GRO BA'I DUGS SPYAD PAR BYA'O, ,DE BZHIN DU BAD KAN ZHU BA'I GNAS LA GNAS SHING BRTEN PA LA NI SNUM SNGON DU 'GRO BA'I DUGS BYA STE, DE DAG NI GNAS KYI DBANG GIS TSUL DE LTAR BYA DGOS PA YIN NO, ,STA ZUR DAG DANG MIG DANG SNYING, ,RLIG PAR NYUNG NGU 'AM BYA BA MIN, ,ZHES BYA BA LA, STA ZUR ZHES BYA BA LUS KYI PHYOGS GCIG BRLA DANG, DPYI LA BRTEN PA'I NAD LA DUGS NYUNG DU BYA'O, ,DE BZHIN DU MIG DANG SNYING GA DANG RLIG PAR NI SHIN TU CHUNG BA'I DUGS BYA'O, ,YANG NA BYA BA MIN ZHES BYA BA STE, GNAS DE DAG TU YE MI BYA'O, ,DUGS KYIS GRANG DANG ZUG GZER BRAL, ,YAN LAG MNYEN PAR GYUR BA DANG, ,DAL GYIS MNYES LA KHRUS BYAS LA, ,DE NAS SNUM GYI CHO GA BSTEN, ,ZHES BYA BA LA, DUGS KYIS SKYES BU'I GRANG BA DANG, ZUG GZER BRAL BAS SKYES BU'I LUS LEGS PAR BRLAN ZHING MNYEN PAR 'GYUR BA DANG, DE BZHIN DU YAN LAG MNYEN ZHING 'JAM PAR 'GYUR BA DANG, DAL GYIS DANG POR MNYES LA DE'I 'OG TU KHRUS BYA BA DE DANG PO LAG PAS YAN LAG MNYES LA CHU DRON POS KHRUS BYAS NAS, DE'I 'OG TU SNUM CHOS KYI SKABS NAS BSHAD PA'I CHO GA BSTEN CING SPYAD PAR BYA BA DANG,
, ,SPANG BAR BYA BA RNAMS DOR BAR BYA'O, ,DE DAG KYANG SNUM GYI CHO GA'I SKABS SU ZAS DANG SPYOD LAM BSTAN PA BZHIN DU BYA BA DANG, THAL SMAN RNON PO DANG, ME BTZA' BTANG BA DANG, MES TSIG PA LA TSA BA ZHI BAR BYA BA DANG, TSAD BAS 'KHRU BA DANG, SLON PA LA DE BCAD PA DANG, MI DRAN CING MYOS PA LA SLAR DRAN PAR BYA BA'I CHO GA BYA'O, ,DE BZHIN DU CHU TSAN GYI NYE BAR SPYOD PA LA SOGS PA SPANG BAR BYA'O, ,DUGS DRAGS PA YIS KHRAG MKHRIS 'KHRUGS, ,BRGYAL SKOM SKAD 'GAGS YAN LAG 'JUMS, ,MGO 'KHOR TSIGS NA RIMS 'DEBS SHING, ,TSI GU DMAR PO TAL TIL SNANG, ,LUMS KYIS SKYUG BRO BAR 'GYUR TE, ,ZHES BYA BA LA, DUGS DRAGS SHING SHAS CHER BSTEN PAS KHRAG MKHRIS 'KHRUGS PA LA SOGS PA 'BYUNG BAR 'GYUR RO, ,BRGYAL BA NI DRAN PA'O, ,SKAD DANG YAN LAG 'JUMS PA NI, SKAD GDANGS DMA' ZHING RMYA BA'O, ,MGO 'KHOR BA NI LAM MI GNAS PA'O, ,LHU TSIGS NA BA NI LHU TSIGS NA BA'O, ,TSI GU DMAR PO TAL TIL SNANG BAR GYUR PA NI, DE LTA BU 'BYUNG BAR 'GYUR BA STE, DER NI ZHI BA'I SMAN GYIS GSO, ,DUGS DANG THAL SMAN ME BTZA' DANG, ,TSAD 'KHRU SKYUG BRO BRGYAL NAD GSO, ,ZHES BYA BA LA, DUGS DRAGS PA LAS BYUNG BA'I NAD KHRAG DANG MKHRIS PA 'KHRUGS PA LA SOGS BA ZHI BAR BYA ZHING RTZE GZHIL BA'I SMAN BYA BA DANG BCOS SBYAR BAR BYA'O, ,DUGS ZHES BYA BA LA SOGS PA 'DI'I SKABS SU ZHAR LA BSHAD PA YIN TE, DE DAG KYANG TSUL 'DI NYID LA BRTEN NAS DUGS GZHI LA BA LA SOGS PA'I SMAN BYA STE, DUGS GZHIL BA'I SMAN BYA BA DANG, THAL SMAN RNON PO BTAB PA LA DE'I TSA BZHI BAR BYA BA'I PHYIR SMAN GTANG BA DANG, ME BTZA' LA DE'I TSA BZHI BAR BYA BA'I PHYIR SMAN GTANG BA DANG, TSAD PAS 'KHRU BA LA TSAD PAS 'KHRU BA GCOD CING SMIN PA'I SMAN GTANG BA DANG, SKYUG BRO BA LA DE ZHI BA'I SMAN DANG, BRGYAL BA LA 'DU SHES RNYED BAR BYA BA'I THABS KYIS GSO'O, ,DUGS NI PHAL CHER LCI DRO RNO, ,DE LAS GZHAN PA'I ZHI BYED YIN, ,GSHER
ZHING BRTAN 'KHRU SNUM PA DANG, ,RTZU BCING SRA BA DUGS SMAN YIN, ,'JAM DANG RTZUB DANG ZHI 'BYAR BAG ,GSHER BAG DE NI SEL BYED YIN, ,MDOR NA PHAL CHER KHA BA DANG, ,BSKA DANG MNGAR BA DE SMAN YIN, ,ZHES BYA BA LA, 'DIS DUGS DE BZHI BAR BYA BA'I CHO GA SPYIR BSHAD PA YIN TE, SMAN GANG LCI BA DRO BA DANG RNO BA DE THAMS CAD NI DUGS KYI SMAN YIN LA, PHAL CHER ZHES SMOS BA NI, LA LA RNAM PAR 'GYUR BA DAG KYANG YOD PAR BSTAN PA YIN NO, ,DE LAS GZHAN PA GO BZLOG PA DANG, YANG BA DANG, BSIL BA DANG, RTUL BA NI ZHI ZHING RTZE 'JIL BAR BYED PA'I SMAN YIN NO, ,DE BZHIN DU GSHER BA LA SOGS PA DANG LDAN PA'I SMAN RNAMS NI DUGS KYI SMAN YIN LA 'JAM BA LA SOGS PA DANG LDAN PA'I SMAN NI ZHI BAR BYED PA YIN NO, ,DE BZHIN DU MDOR BSDU NA SMAN GANG CUNG ZAD KHA BA DANG BSKA BA DANG, MNGAR BA RNAMS NI DE RTZE GZHIL BAR BYED CING ZHI BAR BYED PA'I SMAN YIN NO, ,'DI GNYIS KYI MTSAN NYID DRANG SRONG TZAR KAS BSHAD PA DE NI, ZHI BYED LCI ZHING DRO BA 'JOMS, ,LUMS PHYED RDUL NI 'BYIN BYED CING, ,GSO BA'I RDZAS DAG GANG YIN PA, ,RTZE 'JIL ZHI BAR BYED BA YIN, ,ZHES 'BYUNG BA YIN NO, ,ZHI ZHING RTZE BCIL STOBS THOB GYUR, ,JI SKAD BSHAD PA'I NAD RNAMS ZAD, ,CES BYA BA STE, SKYES BU NAD ZHI ZHING RTZE BCIL BAS, STOBS THOB PAR GYUR NA, NAD DE RTZE ZHIL ZHING DUGS DRAGS PA'I SKYON MED PAR 'GYUR BA YIN LA, DE BZHIN DU DUGS DRAGS PA LAS BYUNG BA'I NAD KHRAG DANG MKHRIS PA 'KHRUGS PA LA SOGS PA JI SKAD BSHAD PA'I NAD RNAMS ZAD NA, NAD ZHI BA BCOS PA LEGS PA YIN PAR SHES PAR BYA'O, ,BCIL DRAGS PAGS PA RTZA 'KHUMS SHING, ,'DAR SNYING KHA 'GRAM NAD DU 'GYUR, ,RKANG MCHU LAG PA PAGS NAG 'GYUR, ,BCIL DRAGS PA YIN NAD DU BSHAD, ,CES BYA BA YIN TE, DUGS PA'I NAD HA CANG BCOS DRAGS TE THAL CHES PA LAS NAD DU 'GYUR BA NI PAGS PA DANG RTZA 'KHUMS PA LA SOGS PA YIN PAR BSHAD DO, ,DE YANG BCING ZHING BCOS DRAGS PA PAGS PA DANG
, ,RTZA 'KHUMS SHING LUS PO NYID 'DAR ZHING G-YO BA DANG, SNYING GA DANG, KHA DANG 'GRAM BA RNAMS 'GAGS SHING RENGS BA'I NAD DU 'GYUR TE, TSIG MI THON PA DANG, RKANG PA DANG, MCHU DANG, LAG PA DANG, PAGS PA'I MDOG NAG POR 'GYUR BA STE, DE LTA BU NI SHIN TU RTZE BCIL ZHING DRAGS PA'I NAD YIN PAR SHES PAR BYA'O, ,SHIN TU SBOM DANG RTZUB PA DANG, ,NYAM CHUNG BRGYAL BAR GYUR PA DANG, ,DUGS DRAGS BCOS DGOS GLO RDOL DANG, ,SKEM DANG CHANG NAD KYIS BTAB DANG, ,RAB RIB DMU RDZING SHU BA MCHED, ,MDZE NAD 'OR NAD RLUNG MKHRIS DANG, ,'O MA ZHO DANG MAR SBRANG RTZI, ,'THUNGS DANG BKRU SMAN BTANG BA DANG, ,LUS NAD TSIGS DANG GZHANG NAD YOD, ,KHRO DANG MYA NGAN 'JIGS PAS NYEN, ,BKRES SKOM MIG SER SKYA RBAB DANG, ,GCIN NAD MKHRIS NAD ZLA MTSAN 'DZAG, SBRUM DANG BU SKYES DUGS MI BYA, ,NAD TSABS CHEN 'JAM POR BYA, ,ZHES BYA BA LA, SHIN TU SBOM PA DANG, RTZUB PA DANG, BU BTZAS PA'I BAR DU DUGS BYA BAR MI RUNG NGO, ,DE LA NYAM CHUNG BA NI STOBS CHUNG BA'O, ,DUGS DRAGS TE BCOS DGOS PA NI RTZE BCIL BAR 'OS PA'O, ,CHANG NAD KYIS BTAB PA NI CHANG DRAGS PA'I NAD NA BA'O, ,RLUNG MKHRIS NI RLUNG DANG MKHRIS PA'I LDAN PA STE, DE DAG LA DUGS MI BYA'O, ,DE BZHIN DU 'O MA LA SOGS PA 'THUNGS PA LA YANG DUGS MI BYA'O, ,DE BZHIN DU BKRU SMAN 'THUNGS PA LA YANG DUGS MI BYA'O, ,GZHANG NAD YOD BA NI GZHANG NAD LA SOGS PA LA YANG MI BYA'O, ,DE BZHIN DU KHRO BAS NYEN PA DANG, MYA NGAN GYIS NYEN PA DANG, 'JIGS PAS NYEN PA DE DAG LA YANG DUGS BYAR MI RUNG NGO, ,DE BZHIN DU GCIN NAD DANG MKHRIS PA'I NAD DANG, ZLA MTSAN 'DZAG BA DANG, SBRUM MA DANG, BU SKYES PA LA SOGS PA LA YANG DUGS BYAR MI RUNG NGO, ,GAL TE DE DAG LA GSUNG PA LA SOGS PA'I NAD TSABS CHE BA BYUNG STE, MI BYAR MI RUNG NA, 'JAM POR SBYAR BA'I DUGS DANG LUMS MI DRAG PA 'JAM BO BYA'O, ,LUD PA CHAM BA DBUGS
MI BDE, ,SKYIGS BU LTO SBOS BSHANG 'GAGS DANG, ,SKAD 'GAGS RLUNG GI NAD RNAMS DANG, ,BAD KAN PE SNABS 'KHYIL ZHING LCI, ,LUS RENGS RKED PA RTZIB LOGS DANG, ,SGUR DANG LTO NAD 'GRAMS NAD DANG, ,RLIG NAD SKRANGS DANG DA RGAN DANG, ,RTZOL DANG RLUNG NAD KYIS ZUG DANG, ,GCIN 'GAGS THOR BU RMEN BU DANG, ,KHU BA BKAG DANG RLUNG 'KHYIMS LA, ,DE YI SMAN GYI DBYE BA YIS, ,DUGS NI SO SO JI BZHIN BYA, ,ZHES BYA BA LA, LUD PA DANG CHAM PA DANG RLUNG 'KHYIMS BA'I BAR LA, DE'I SMAN JI LTA BAS LEGS PAR DUGS BYA STE, LA LAR NI SPRO BAS SO, ,LA LAR NI BCINGS PAS SO, ,LA LAR NI THA MAL PA ZHES BYA BAS SO, ,LA LAR NI CHU'I DUGS BYA BA DANG, DE BZHIN DU DE LA PHAN BA'I RANG GI SMAN GYI DBYE BA'I CHA SO SO GANG LA PHAN PA'I DBYE BA'O GNAS RANG RANG GI NAD KYI GNAS SKABS SU BSHAD PA'I SMAN GYI DUGS SO SOR BYA'O, ,DE'I NI 'DI SKAD STON PA YIN TE, GANG GI TSE LUD PA LA DUGS BYA DGOS PA DE'I TSE, LUD PA'I SMAN DU BSHAD PAS DUGS BYA'O, ,DE BZHIN DU CHAM PA DANG, DBUGS MI BDE BA LA SOGS PA LA YANG RANG RANG GI SMAN GYIS DUGS BYA'O, ,ZHES BYA BAR SBYAR RO, ,DA RGAN DANG, RTZOL BA DANG, RLUNG NAD KYIS ZUG PA NI 'OG NAS BSHAD PA'I RLUNG NAD KYI NAD GZHI LAS MTSAN NYID STON TO, ,KHU BA 'GAGS PA NI KHU CHU BKAG PA'O, ,RLUNG 'KHYIMS PA NI TSIL GYIS BAR BKAG PA'O, ,DUGS PHAN ME YIS BSRO MIN PA, ,RLUNG NAD TSIL DANG BAD KAN CAN, ,RLUNG MED KHANG PAR RTZOL BA DANG, ,GOS LCI BA DANG 'JIGS PA DANG, ,DKRI DANG STOBS 'GYED KHRO BA DANG, ,CHANG MANG BKRES DANG NYI TSAN GZHAG ,CES BYA BA LA, TSIL DANG BAD KAN GYIS G-YOGS PA'I RLUNG LA NI MES MI BSRO BAR BYA BA PHAN PA YIN TE, DE'I THABS NI RLUNG MED PA'I KHANG PAR 'DUG LA, RTZOL BA DE LUS DUB PAR BYA BA DANG, GOS LCI BA KHUR DU LONGS PA BGO BA DANG, DE BZHIN DU 'JIGS PA DANG, DE BZHIN DU SNGAR BSHAD PA'I DKRI BA DANG, STOBS 'GYED
, ,PA STE LAG PAR STOBS 'GYED PA LA SOGS PA DANG, KHROS 'KHRUGS PA DANG, CHANG MANG PO BTUNG BA DANG, BKRES SHING LTOGS PAS NYEN PA DANG, DE BZHIN DU NYI MA TSA BA LA GZHAG PA STE, 'DI DAG BYA'O, ,NAD GANG NANG KHROL GNAS DANG LUS ZUNGS DANG, ,RTZAR SONG RKANG LAG RUS PA'I NANG SONG BA'I, ,NAD DE DUGS KYIS BSRUNG BAR BYAS NAS NI, ,KHONG DU BSDUS LA SBYANG BAS DPYIS DBYUNG BYA, ,ZHES BYA BA LA, RLUNG LA SOGS PA KHONG BAR GNAS SHING NANG KHROL NA 'DUG PA'AM, KHRAG LA SOGS PA LUS ZUNGS LA GNAS PA RNAMS DANG DE BZHIN GANG RTZA RNAMS SU KHYAB CING ZHEN PA DANG, DE BZHIN DU RKANG LAG GI NANG DU SONG BA STE, LAG PA LA SOGS PA'I RUS PA LA ZHEN PA'I NAD DE DAG THAMS CAD GNAS DE DAG LAS BSHAD MA THAG PA'I SNUM DANG DUGS KYIS BSRUNG BAR BYAS SHING, 'DZAG TU RUNG BA LTA BU BYAS LA, DE NAS JI SKAD BSHAD PA'I DUGS BZHI POS JI LTA JI LTA BZHIN DU BSRUNG ZHING BZHU NAS, RKANG LAG LA SOGS PA NAS KHONG PA'I NANG DU BSDUS LA, DE'I 'OG TU 'OG NAS BSHAD PA'I BKRU SMAN GYIS DPYIS DBYUNG ZHING BTON NAS, GDON PAS PHYIR DBYUNG BAR BYA'O, ,RKANG LAG GI NANG DU SONG ZHES BYA BA NI DE GNAS PA'I NAD NI SHIN TU DUGS BYA BAR 'OS PA YIN NO, ,ZHES BSTAN PA YIN NO, ,YANG NA LUS ZUNGS SU GTOGS PA'I NAD GANG 'PHEL NAS, KHONG PA NAS LUS ZUNGS SU SONG BA DANG RKANG LAG LA GNAS NA LDANG BAR GYUR PA YIN PAS NA, 'DIR RKANG LAG DANG RUS PAR GNAS PA NI GTZO BOR BZUNG BA'I DON SMOS PA YIN NO, ,DE BAS NA DUGS KYIS NAD RNAMS BSRUNG BA BYAS LA, KHONG PA'I NANG DU BSDU DGOS PA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS LE'U BCU BDUN PA'I RNAM PAR 'GREL PA'O,, ,,DE NAS SKYUG SMAN DANG BKRU SMAN GTANG BA'I CHO GA'I LE'U BSHAD PAR BYA'O, ,ZHES BYA BA LA, DUGS KYI CHO GA'I
'OG TU SKYUG SMAN DANG BKRU SMAN GYI CHO GA'I LE'U BRTZAMS PA NI GANG GI PHYIR, NAD DE DUGS KYIS BSRUNG BA BYAS NAS NI, ,KHONG DU BSDUS LA SBYAR BAS DPYIS DBYUNG BYA, ,ZHES 'DAS MA THAG PAR BSHAD PA GANG YIN PA DE, SPYAD PA'I RANG BZHIN JI LTA BU YIN PAS BSTAN PAR BYA BA'I PHYIR BSHAD PA YIN TE, SKYUG SMAN NI STOD KYI NAD BSAL BA'I THABS YIN LA, BKRU SMAN NI SMAD KYI NAD BSAL BA YIN TE, DE GNYIS KYI CHO GA NI DE DAG GI NAD LAS SU RUNG BAR BYA BA YIN TE, DE TSANGS PA LA SOGS PAS GANG DU DRAN PA'I CHO GA NI, SKYUG SMAN DANG BKRU SMAN LA SOGS PA'I CHO GA ZHES BYA STE, DE DAG BSHAD CING BSTAN PAR BYA BA'O ZHES PA'O, ,BAD KAN NAD DAM 'DRES PA YI, ,BAD KAN RGYAS LA SKYUG SMAN GTANG, ,DE BZHIN MKHRIS PA BKRU SMAN BYA, ,ZHES BYA BA LA, BAD KAN 'BA' ZHIG GI NAD LA SKYUG SMAN GTANG BAR BYA'O, ,YANG NA LDAN PA STE, 'DRES PAR GYUR PA'I BAD KAN LA RGYAS PAR ZHES BYA BA BAD KAN GYI SHAS CHE BA'I NAD DANG MKHRIS PA 'DRES PA'I NAD LDAN BA'AM, BAD KAN DANG RLUNG 'DRES PA'I LDAN BA BAD KAN SHAS CHE BA LA SKYUG SMAN GTANG BAR BYA'O, ,DE BZHIN MKHRIS PA SKYUG SMAN GTANG, ,ZHES BYA BA LA, DE DANG 'DRA BAS NA DE BZHIN TE, BAD KAN DE DAG TSUL MTHUN PAR BYA'O, ,DE YANG JI LTAR BAD KAN 'BA' ZHIG LA SKYUG SMAN BYA BA YIN PA'AM, BAD KAN SHAS CHE BA'I LDAN BA'I NAD LA SKYUG SMAN BYA BA DE BZHIN DU MKHRIS PA 'BA' ZHIG LA BKRU SMAN GTANG BA'AM, 'DRES PA'I NAD MKHRIS PA SHAS CHE BA, MKHRIS PA DANG BAD KAN 'DRES PA'I NAD DAM, MKHRIS PA DANG RLUNG 'DRES PA'I NAD LA BKRU SMAN BYA'O, ,RGYAS PA ZHES SMOS PAS NI DE 'BA' ZHIG BOD PA'AM, RANG GI GNAS SAM GNAS GZHAN DU ZHUGS PA'I BAD KAN NI SKYUG SMAN BYA LA, MKHRIS PA LA NI BKRU SMAN BYA'O, ,RIMS SAR TSAD 'KHRU THUR DU NI, ,MKHRIS PA KHRAG 'KHRU GLO GCONG DANG, ,MDZE DANG GCIN NAD 'BRUM THOR BU, ,RKANG BAM MI DRAN LUD PA CAN, ,DBUGS MI BDE SNYING 'PHAR 'BRAS
, ,MCHED, ,NU MA'I NAD DANG RO STOD NAD, ,KHYAD PAR DU NI SKYUG SMAN BYA, ,ZHES BYA BA LA, RIMS SAR PA DANG TSAD PAS 'KHRU BA LA SOGS PA NAS RO STOD KYI NAD KYI BAR DAG LA KHYAD PAR RAM MCHOG TU SKYUG SMAN GTANG BAR BYA STE, DES NAD 'DI RNAMS CHU DANG BRAL BA'I 'BRAS LTAR MCHOG TU ZAD CING DENGS PAR 'GYUR RO, ,DE LA RIMS SAR PA NI DANG POR BYUNG BA'I RIMS SO, ,THUR DU KHRAG DANG MKHRIS PA 'KHRU BA NI KHRAG MKHRIS KYI 'BYUNG BA'O, ,THOR BU NI 'BRAS KYI PHRENG BA'O, ,RKANG BAM NI RKANG PA'I NAD DO, ,SKYUG SMAN MI GTANG SBRUM KHONG RTZUB, ,BKRES DANG RTAG TU SDUG BSNGAL BA, ,BYIS PA RGAN SKEM SBOM SNYING NA, ,GLO SKAM SMRAS DANG NYAM CHUNG DANG, ,RTAG TU SLON DANG MCHER PA NA, ,RAB RIB LTO NA SRIN BU YOD, ,RLUNG KHRAG 'DRES MAR GYEN DU 'BYUNG, ,SO NAMS GTONG SKAD 'DZER DANG, ,GCIN SRI DMU RDZING SKRAN CAN DANG, ,SLON DKA' DROD CHE GZHANG 'BRUM CAN, ,RTUG SKAM MGO 'KHOR RTZIB LOGS SRA, ,RTZIB LOGS ZUG DANG RLUNG CAN NO, ,ZHES BYA BA LA, SBRUM MA LA SOGS PA NAS RLUNG NAD CAN GYI BAR DAG LA SKYUG SMAN MI GTANG NGO, ,DE LA KHONG RTZUB PA LA SKYUG SMAN BTANG NA, RLUNG GIS YAN LAG LA GNOD PAR 'GYUR TE, PHAL CHER KHA ZAS LA SOGS PA RTZUB MO BSTEN PAS RLUNG NAD SKYED PA'I PHYIR STOBS ZAD PAR 'GYUR RO, ,DE BZHIN DU BKRES PA DAG LA SKYUG SMAN BTANG NA ME'I STOBS KYIS STOBS ZAD PAR 'GYUR RO, ,RTAG TU SDUG BSNGAL BA NI, KHUR DANG RTAG TU SDUG BYED PA'I DUB PAS STOBS ZAD PAR 'GYUR RO, ,DE BZHIN DU BZHON PAS DUB CING NYAM CHUNG BA DAG LA YANG STOBS PHRIN SHIN TU KHRAG SKYE BAR 'GYUR RO, ,BYIS PA LA SOGS PAS NI SMAN GYI STOBS MI BZOD PA'I PHYIR, LUS KYI STOBS ZAD PAS NANG GI KHONG PA SKEM ZHING GCONG DU 'GYUR BA'I SKYON YOD PA YIN NO, ,NA BA NI SNYING NAD KYIS NYEN PA LA BYAS NA SNYING NAD LA GNOD PAR 'GYUR RO, ,RTAG TU SLON PA NI STOD DU RGYU BA'I RLUNG GIS GYEN DU BTEG PAS DE DRAGS NA SROG ZAD PAR 'GYUR RO, ,LTO NA SRIN BU YOD PA NI
SNGAR BKRU BA MA BYAS NA, SRIN BU SHIN TU MANG BA'I PHYIR MA LUS PA 'BYUNG BAS, SNYING SHIN TU GTZES PAS SLON PA DRAGS PAR 'BYUNG BAR 'GYUR RO, ,RLUNG LA SOGS BA GYEN DU 'BYUNG BA NI 'OG TU GSAL BAR GYUR PAS GYEN DU DRANGS PAS SKYON DU 'GYUR RO, ,SLON DKA' BA NI KHONG PA 'GAGS SHING SLON DKA' BA LAS SHAS CHER DRANGS NA KHONG PA'I NAD THAMS CAD SLONGS SHING DKRUGS PAS, ME DBAL DANG RMONGS BAG DANG, MI DRAN PA LA SOGS PA'I NANG 'BYUNG BAR 'GYUR RO, ,RTUG SKAM LA SOGS PAS NYEN PA RNAMS DANG, RTZIB LOGS ZUG PA LA SOGS PA NI RANG RANG GI NAD 'PHEL BA DANG, 'CHI BA DAG TU 'ANG 'GYUR RO, ,CI RNAM PA THAMS CAD DU SBRUM MA LA SOGS PA LA SKYUG SMAN GTANG BAR MI BYA 'AM, 'ON TE GNAS SKABS LA LAR SKYUG SMAN BYA ZHE NA, DE'I PHYIR SMRAS PA NI, DE DAG DUG 'THUNGS MA ZHU DANG, ,MI 'PHROD ZAS ZOS MA GTOGS SO, ,ZHES BYA BA YIN TE, SBRUM MA LA SOGS PA DE DAG GIS GAL TE DUG DANG SBYAR BA'I DUG 'THUNGS SAM, ZAS MA ZHU BA STE GSUD DAM, MI 'PHROD PA'I ZAS ZOS BAR GYUR NA NI MA GTOGS TE, 'DI DAG NI MYUR DU GSOD PAR BYED PA YIN PAS NA, DUG 'THUNGS PA LA SOGS PA'I GNAS SKABS 'DI LTA BU MA GTOGS BA GNAS SKABS GZHAN DU SKYUG SMAN MI GTANG GI, RKYEN 'DI DAG BYUNG NA DER SKYUG SMAN 'JAM PO GTANG BAR BYA'O, ,RTAG TU SLON PA YAN CHAD DANG, PHAL CHER MA ZHU'I RIMS DAG KYANG, ,MA ZHU BA NI THAMS CAD LA, ,DUD PAS BDUG PA'I LAS KUN SPANGS, ,ZHES BYA BA LA, 'DIR RTAG TU SLON ZHING RGYUN DU SKYUGS PA'I SKYES BU DANG, GANG SNGAR SKYUG SMAN GTANG DU MI RUNG BAR BSTAN PA SBRUM MA NAS, NYAM CHUNG BA'I BAR DE THAMS CAD SPANG ZHING DOR BAR BYA'O, ,'DI DAG DUD PAS BDUG PA'I BAR GYI LAS KUN SPANG BAR BYA BAR MA ZAD KYI, MA ZHU BA'I RIMS KYI BAR DAG LA'ANG SPANG BAR BYA STE, RIMS SAR PA LA NI NAD 'KHYIMS PAR 'GYUR BA'I NYES PA YOD BA'I PHYIR RO, ,DE BZHIN DU MA ZHU BA'I
, ,NAD THAMS CAD LA YANG SGYUG SMAN GYI RJES LA LAS KUN TE, BKRU SMAN DANG, MAS GTONG BA DANG, SNA NAS GTANG BA DANG, DUD PAS BDUGS PA DANG, MKHUR BA BKANG ZHING DBO BA DANG, MIG SMAN DANG, SMIN PAR BYA BA'I BAR GYI LAS SPANG BAR BYA STE, MA ZHU BA'I BE'U SNABS KYI 'JIGS PA NYID KYIS SO, ,BKRU SMAN GYIS GSO SKRAN GZHANG 'BRUM, ,'BRUM BU MIG SER GZHOGS PHYED LCI, ,RIMS RNYING DMU RDZING DBYIG DUG DANG, ,SKYUG DANG MCHER NAD SKYA RBAB DANG, ,LONG NAD RAB RIB SNGON POR GYUR, ,MCHI 'DZAG ZHU BA'I GNAS NA ZUG ,MNGAL DANG KHU BA'I GNAS KYI NAD, ,KHONG NAD GTOGS DANG SRIN NAD RMA, ,DREG NAD NAM TSONG YAN CHAD NAD, ,GCIN SRI BSHANG BA 'GAGS PA DANG, ,SLON BYA MDZE GCIN NAD SOGS YIN, ,ZHES BYA BA LA, SKRAN LA SOGS PA NAS RTUG PA 'GAGS PA'I BAR GYI NAD RNAMS DANG, DE BZHIN DU SLON PAR BYA BA'I NAD LAS, MDZE NAD DANG GCIN NAD NAS RO STOD KYI NAD RNAMS KYI BAR BKRU SMAN GYIS GSO ZHING SBYANG BAR BYA BA YIN TE, 'DI DAG LA BKRU SMAN BYAS PAS MCHOG TU 'BYANG ZHING 'JIG PAR 'GYUR RO, , KHRUS MI BYA BA RIMS SAR DANG, ,DROD CHUNG KHRAG MKHRIS THUR DU 'BYUNG, ,RMAS DANG GZHANG NAD TSAD PAS 'KHRU, ,KHONG DU MTSON LUS LTO SRA DANG, ,SNUM CHES PA DANG SKEM CHES PA'O, ,ZHES BYA BA LA, RIMS SAR BA NAS SKEM CHES PA'I BAR LA NI KHRUS BYAR MI RUNG NGO, , DE LA RIMS SAR PA YIN DU ZIN KYANG, NAD MA SMIN PA LA KHRUS MI BYA STE, DES NAD SLAR SKYED PA'I PHYIR RO, ,GZHANG NAD PA NI BSHANG SGO SOGS LA GNOD PA'I NAD SKYED PAR 'GYUR BA'I PHYIR RO, ,TSAD BAS 'KHRU BA DANG KHRAG MKHRIS THUR DU DBYUNG BA GNYIS LA KHRUS BYAS SHIN TU 'KHRU DRAGS PAS MA RUNGS PAR 'GYUR RO, ,DROD CHUNG BA LA SOGS PA NI SMAN GYI SHUGS MI BZOD CING BSTEN MI NUS PA YIN NO, ,CHANG NAD KYIS NYEN PA LA KHRUS MI BYA STE, DES RLUNG GIS SROG LA GCOD PAR BYED PA'I PHYIR RO, ,LONG KHA'I GNAS SU RLUNG BSAGS PAS
PHAN TSUN RGYU BA NA NANG DU LTO SBOS PA SKYED PAR BYED DO, ,KHONG DU MTSON LUS PA YANG DER RLUNG BRTEN PAS SROG LA GNOD PAR 'GYUR RO, ,LTO SRA BA NI SMAN BDO BAS NAD PHYIR PHYIN PAR MA NUS PA DANG, SNYING GAR GZER BA DANG, RTZIB LOGS SU ZUG PA DANG, SPO BA DANG, SLON PA DANG, BRGYAL BA DANG, RMYA BA SKYED DE, SROG MA RUNGS PAR BYED DO, ,SNUM CHES PA LA KHRUS BYAS NA YANG HA CANG DRAGS PAR 'GYUR RO, ,SKEM CHES BA 'DIR NAD GCONG CHEN PO LA BYA STE, GCONG CHEN POS NYEN PA NI LUS ZUNGS ZAD BAS DRI MA'I STOBS KYIS GNAS PA YIN PA LAS, DE PHYUNG NAS LUS KYANG 'JIG PAR 'GYUR RO, ,SBRUM MA LA SOGS PA LA KHRUS BYAS NA YANG NYES PA SNGAR BSHAD PA LTAR 'GYUR RO, ,DE NAS THUN MONG DUS SU NI, ,CHO GA BZHIN DU SNUM GYIS NYEN, ,NYA DANG MA SHA TIL SOGS KYIS, ,NANG BAR SLON BYA'I BAD KAN SKYED, ,MTSAN MO GNYID LOG ZAS LEGS ZHU, ,SNGA DRO'I DANG POR BKRA SHIS BYAS, ,ZAS MA ZOS PA'AM CUNG ZAD SNUM, ,THUG PA ZHUN MAR LDAN PA BTUNG, ,BYIS PA RGAN PO NYAMS STOBS CHUNG, ,SMAN STOBS CHUNG BA NAD DBANG LAS, ,CHANG 'O BU RAM SHING SHA KHU, , NAD DMIGS JI SKAD BSHAD PA BZHIN, ,SBRANG RTZI RGYAM TSA DANG LDAN PA, ,SMAN TSAD LTO BA LAS DPAGS TE, ,SMAN LA SNGAGS NI MNGON BZLAS LA, ,LKOG MAR PHYIN PA'I BAR DU BLUD, ,TSANGS PA SKYE DGU'I BDAG DANG THA SKAR BU, ,DRAG PO DBANG PO NYI ZLA SA ME RLUNG, ,DRANG SRONG RNAMS KYI TSOGS DANG BCAS PA DANG, ,'BYUNG PO'I TSOGS KYIS KHYOD NI BSRUNG BAR SHOG ,DRANG SRONG RNAMS KYI BCUD KYIS LEN PA DANG, ,LHA RNAMS KYI NI BDUD RTZI LTA BU DANG, ,KLU MCHOG RNAMS KYI BDUD RTZI LTA BUR NI, ,KHYOD LA SMAN 'DI NYE BAR GNAS GYUR CIG , AOm NA MO BHA GA BA TE, BHEE shA DZYA GU RU BEE d'U RYA PRA BHA R'A DZ'A YA, TA TH'A GA T'A YA, AARHA TE, SAm MYAK SAM BUD DH'A YA, TADYA TH'A, AOm BHEE shA DZYE BHEE shA DZYO MA H'A BHEE shA DZYE, R'A DZA SA MUNGGA TE SV'A H'A, SHAR DU KHA BLTAS 'THUNG DU GZHUG ,CES BYA BA LA, DE NAS ZHES BYA BA NI BKRA SHIS
, ,PA'I DON DU SMOS PA YIN NO, ,THUN MONG GI DUS SU NI DBYAR ZLA THA CHUNGS DANG, DPYID ZLA 'BRING PO'O, ,CHO GA BZHIN DU BYA BA NI BYA BA'I RIM PA DANG MTHUN PAR SNUM GYIS ZHE NA CING BRLAN PAR BYAS LA, NANG PAR TE DE LAS GZHAN PA'I NYI MA LA, SKYUG SMAN GTANG BAR BYA BA'I SKYES BU NUB GCIG SNUM GYI CHO GA SPYAD LA, TSAD DANG LDAN PA'I SMAN DE BTUNG BA NI SMAN PA NUB TU KHA BLTAS LA NAD PA SHAR DU KHA BSTAN TE, SNGAGS NI MNGON PAR BZLAS LA 'THUNG DU GZHUG GO CES BYA BAR SBYAR RO, ,SKYUG PAR BYA BA JI LTA BU LA BLUD CE NA, BAD KAN GLONG PA STE, BAD KAN SKYED PA DE RANG GI GNAS NAS GSO BAR BYA'O, ,GANG GIS SHE NA, MON SRAN GRE'U DANG TIL LA SOGS PAS SO, ,SOGS PA SMOS PA NI 'O MA DANG, ZHO DANG, TIL GYI 'BA' CHA LA SOGS PA'I KHA ZAS KYI BYE BRAG RNAMS KYIS SO, ,MTSAN MO GNYID LOG PA NI MTSAN MO BDE BAR GNYID LOG PAS GNAS PA'O, ,RANG GI ZAS LEGS PAR ZHU BA NI KHA ZAS BDE MOR ZHU BAR GYUR PA'O, SNGO DRO NI NYI MA'I CHA DANG PO'O, ,BKRA SHIS BYA BA NI BYIN RLOB CING DGE BA STON PAR BYED PA'O, ,DE BZHIN DU ZAS MA ZOS PA NI KHA ZAS LONGS SPYAD PA MA BYAS PA'O, ,YANG CUNG ZAD SNUM PA NI SNUM GYI BYA BA CUNG ZAD BYAS PA'O, ,THUG PA NI NAS THUG GO, ,DE ZHUN MAR CUNG ZAD BTAB LA BTUNG BAR BYA'O, ,DE BZHIN DU BYIS BA DANG RGAN PA LA SOGS PA RNAMS NI NAD KYI DBANG LAS CHANG LA SOGS PA LKOG MAR PHYIN GYI BAR DU 'THUNG DU BCUG LA; NAD DMIGS JI SKAD BSHAD CING GANG LA JI LTAR 'OS PA BZHIN DU SBRANG RTZI DANG RGYAM TSA DAG DANG LDAN ZHING BSRES LA, SMAN GYI TSAN LTO SRA SNYI RAB 'BRING THA MA'I TSAD LAS DPAGS TE, LTO SNYI BA LA SMAN 'JAM PO'AM TSAD CHUNG BA'I SMAN SBYIN NO, ,'BRING LA 'BRING NGO, ,SRA BA NI CHE BA DANG CHE BA'O, ,SMAN LA SNGAGS KYIS MNGON PAR BZLA BA NI, DGE SLONG BRAM ZE RNAMS KYI SHIS PAR BRJOD PAR BYA BA'I TSIG RNAMS DANG, DE BZHIN DU TSANGS PA STE SKYE DGU'I BDAG DANG ZHES BYA BA LA SOGS
PA'I TSIGS SU BCAD PA DANG, SNGAGS BZLA BAR BYA'O, ,DE LA TSANGS PA DANG SKYE DGU'I BDAG PO MYUR DU ZHES BYA BA DANG, THA SKAR GYI BU GNYIS DANG, DRAG PO LHA CHEN PO DANG, DBANG PO STE BRGYA BYIN DANG, SA'I LHA DANG, NYI MA DANG, ZLA BA DANG, ME LHA DANG, RLUNG LHA STE TSANGS PA LA SOGS PA DE DAG GIS KHYED LA BSRUNG ZHING SKYOB PAR SHOG SHIG PA'O, ,'DI DAG 'BA' ZHIG TU MA ZAD KYI DRANG SRONG ZHES BYA BA RGYUN SHES LA SOGS PA SMAN GYI TSOGS DANG BCAS PA STE, SMAN GYI GNAS YUL LAM SMAN GYI TSOGS DU MA DANG BCAS PA RNAMS DANG, DE BZHIN DU 'BYUNG PO'I TSOGS TE LHA MA YIN DANG, NAM MKHA' LDING DANG MI'AM CI LA SOGS PA 'BYUNG PO MTHU BO CHE RNAMS KYIS BSRUNG BAR SHOG SHIG PA'O, ,YANG KHYED LA SMAN 'DI LTA BUR NYE BAR GNAS PAR GYUR CIG PA STE, DRANG SRONG RNAMS KYI BCUD LEN DANG, ZHES BYA BA DRANG SRONG 'PHO BA ZHES BYA BA LA SOGS PAS BCUD KYIS LEN DU BYAS PA'I SMAN GYI TSOGS LTA BU DANG, BRGYA BYIN LA SOGS PA LHA RNAMS KYI BDUD RTZI LTA BU DANG, KLU YANG YIN LA MCHOG KYANG YIN PAS NA, KLU MCHOG STE MTHA' YAS DANG NOR RGYAS DANG RIGS LDAN LA SOGS PA RNAMS KYI STE, KLU RNAMS KYI BDUD RTZI RNYED PAR SLA BA MA YIN PAS KLU MCHOG CES SMOS PA YIN TE, KLU RNAMS KYI BDUD RTZI NI LHA'I BAS CUNG ZAD DMAN PA YIN TE, DE DANG KHYED KYI SMAN 'DI 'DRA BA NYID DU GNAS PAR GYUR CIG PA'O, , 'THUNGS NAS DE LA SEMS DMIGS TE, ,YUD TZAM BSDAD LA DANG GAR 'KHYIL, ,MCHIL MA DE LAS SLON DU GZHUG ,MA GNOD PAR NI SOR MOS SAM, ,YANG NA CHU BA 'JAM BO YIS, ,LKOG MA LCE'U CHUNG MA SNAD BYA, ,SKYUG MI BRO BAR MI DRANG NGO, ,'BYUNG BAR LDOG PA SLON PAR BYA, ,PUS MO DANG MNYAM STAN LA GNAS, ,ZHES BYAB LA, SMAN 'THUNGS ZIN NAS, DE LA SEMS SHING ZHES PA SLON BRO BA'I SEMS BSKYED LA, YUD TZAM ZHES PA CHU TSOD GNYIS KYI BAR DU BSDAD CING 'DUG LA DANG GAR 'KHYIL BA DANG, RDUL 'BYUNG
, ,BAS NAD ZHI BAR 'GYUR BA DANG, BA SPU LDANG BAS GNAS LAS BSKYOD PAR 'GYUR BA DANG, KHONG PA CUNG ZAD SPO ZHING 'KHRUGS PAS LTOR RGYU BA DANG, RIM GYIS SNYING GANG ZUG CING DANG GA 'KHYIL BA DANG, SNYING 'PHAR BA DANG, MCHIL MA MANG PO KHAR 'BYUNG BA DAG GIS NAD DE GYEN DU MNGON PAR SHES PA'I BAR DU YUD TZAM BSDAD NAS SLON DU GZHUG GO, ,GANG LA DANG GA 'KHYIL BA DANG MCHIL MA MANG BA 'BYUNG BAR 'GYUR BA DE NI DANG GAR 'KHYIL BA DANG, MCHIL MA MANG BA ZHES BYA LA, DE LTAR GYUR NAS DE SLON DU GZHUG GO, ,JI LTAR SLON PAR BYA ZHE NA, MA GNOD PAR SOR MO GNYIS KYIS SLON ZHING DRANG BA STE, SHIN TU RTZOL BA DRAG POS MI BYA'O, ,YANG NA CHU BA 'JAM POS BYA STE, AUTPAL SNGON PO LA SOGS PA'I CHU SDONG ZLUM PA 'JAM ZHING MNYEN PAS BYA'O, ,LKOG MA LCE CHUNG MA SNAD PAR, , ZHES BYA BA NI, DE DAG LA GNOD PA MED PAR RO, ,DE BZHIN DU SKYUG MI BRO ZHING 'BYUNG BAR MI LDOG PA'I TSE DRANG ZHING SLON PAR MI BYA'O, ,SKYUG BRO ZHING 'BYUNG BAR LDOG PA NA SLON ZHING SKYUG PAR BYA'O, ,SKYES BU SLON ZHING SKYUG BRO BA'I TSE, PUS MO DANG MNYAM PA'I STAN MTHON PO LA GNAS PAR GYUR PAS SKYUG TU GZHUG GO, ,DE NI SLON TSE GLO GNYIS DANG, ,DPRAL BA DAG LA BRTEN PAR BYA, ,DE BZHIN LTE BA BTZIR BA DANG, ,RGYAB NAS GYEN DU MNYE BAR BYA, ,ZHES BYA BA LA, MI DE SLON ZHING SKYUGS PAR GYUR PA NA, GLO GNYIS TE RTZIB LOGS GNYIS DANG, DE BZHIN DU DPUNG PA NAS GZUNG ZHING BRTEN PAR BYA'O, ,DE BZHIN LTE BA BTZIR BAR BYA BA DANG RGYAB NAS GYEN DU BTZIR THABS KYIS PHUL ZHING LAG PA GYEN DU BLTAS PAS MNYE BAR BYA'O, ,DE LTAR BAD KAN RNO DROD KHA, ,MKHRIS PA MNGAR DANG BSIL BAS SLON, ,RLUNG 'DRES BAD KAN SNUM PA DANG, ,SKYUR DANG LAN TSVA DAG GIS SLON, ,JI SRID BAD KAN RGYUN CHAD PA'AM, ,MKHRIS PA SNANG GI BAR DU SKYUG ,CES BYA BA LA, TSUL DE LTAR BAD KAN NI SMAN RNO BA DANG DRO BA DANG KHA BAS SLON ZHING SKYUG TU GZHUG GO, ,DE BZHIN DU MKHRIS PA DANG BAD KAN
RGYAS PA 'DRES PA'I NAD LA, SMAN MNGAR BA DANG BSIL BA'I NUS PA DANG LDAN PAS SLON DU GZHUG GO, ,DE BZHIN DU RLUNG NAD 'DRES SHING 'DUS PA'I BAD KAN RGYAS PA LA NI SMAN SNUM PA DANG, SKYUR BA DANG, LAN TSVA'I SHAS CHE BA DAG GIS SLON DU GZHUG GO, ,DE SLON PA NI JI SRID BAD KAN ZAD CING RGYUN CHAD PA'AM, MKHRIS PA SNANG GI BAR DU SKYUG CING DRANG BAR BYA'O, ,SHUGS DAL PI PI LING SKYU RU, ,YUNGS KAR RGYAM TSA'I CHU DAG GIS, ,YANG DANG YANG NI SLON DU GZHUG ,CES BYA BA LA, SKYES BU SLON PA'I SHUGS DAL ZHING, BABS CHUNG BAR GYUR NA, PI PI LING DANG YUNGS KAR BTAGS PA'I LDE GU DANG, RGYAM TSA'I CHU DAG BLUD LA, DE YANG DANG YANG DU SLON ZHING SKYUG TU GZHUG GO, ,DER NI SLON PAR MA GYUR PA'AM, ,SDOD PA DANG BCAS SLON PA'AM, ,SMAN NI 'BA' ZHIG BYUNG GYUR NA, ,SBYOR NYES DE NI MCHIL MA MANG, ,G-YAN PA THOR BU RIM SOGS 'BYUNG, ,ZHES BYA BA LA, SKYUG PA'I GNAS SKABS DER SLON PA'I SHUGS CI'ANG 'BYUNG BAR MA GYUR PA'AM, YANG NA SDOD PA'I GAGS DANG BCAS PAR SLON PA'AM, SMAN 'BA' ZHIG BYUNG BAR GYUR ZHING NAD MA PHYIN PA SMAN NYI TSE SKYUGS PAR GYUR NA, 'DI NI SKYUG SMAN GYI SBYOR BA NYES SHING MA RUNGS PA YIN TE, SBYOR BA NYES PA DES MCHIL MA MANG BA LA SOGS PA 'BYUNG BAR 'GYUR RO, ,MCHIL MA NI BAD KAN MCHIL SNA BAS MANG DU 'DZAG PA'O, ,SOGS PA ZHES SMOS PA NI YI GAR MI 'ONG BA DANG, LUS LCI BA DANG TSIGS NA BA DANG, RMYA ZHING SNYOM PA DANG ZUG CING GZER BA DANG, SPU LANGS PA LA SOGS PA 'BYUNG BA BSDU'O, ,BDER SKYUG BAD KAN MKHRIS PA DANG, ,RLUNG NI RIM GYIS 'BYUNG BAR 'GYUR, ,SBYOR BA LEGS PA YIN, ,ZHES BYA BA LA, SKYUG SMAN GYI SBYOR BA LEGS PA'I MTSAN MA YANG BDE BAR SKYUG CING GZER BA DANG, BAD KAN LA SOGS PA RIM GYIS 'BYUNG BAR 'GYUR BA STE, BAD KAN SLON PA MED PAR 'BYUNG BA DANG, DE'I 'OG TU MKHRIS PA, DE'I 'OG TU RLUNG RIM BZHIN DU 'BYUNG BA DANG,
, ,DE BZHIN DU ZUG GZER CHEN PO MED PA DANG, YID DGA' ZHING GSANG BAG LA SOGS PA 'BYUNG BAR 'GYUR RO, ,SKYUG SMAN GYI SBYOR BA LEGS PA YIN NO, ,SBYOR BA DRAGS PAS, ,LBU BA TSON CAN KHRAG 'DRAR SNANG, ,SLON NAS KHONG RMYA LUS TSA DANG, ,LKOG SKAM MGO 'KHOR MIG MI MTHONG, ,RLUNG NAD MI BZAD LDANG 'GYUR ZHING, ,SROG GI KHRAG 'BYUNG 'CHI BAR 'GYUR, ,ZHES BYA BA LA, SKYUG SMAN GYI SBYOR BA DRAGS PAR GYUR PA YANG, SLON PA'I SKYUGS PA LBU BA DANG, MDOG TSON CAN RMA BYA'I MJUG SGRO LTAR KHA DOG SNA TSOGS PA SNANG BA DANG, KHRAG LTA BUR SKYUG PAR 'GYUR BAS NA, LBU BA TSON CAN KHRAG 'DRAR SNANG, ,ZHES BYA'O, ,DE BZHIN DU SLON NAS KHONG RMYA ZHING SHIN DU NYAM CHUNG BA DANG, DE BZHIN DU YAN LAG THAMS CAD TSA BA 'UR 'UR POR GYUR PA DANG, LKOG MA SKAM ZHING GRE BA ZHUM PA DANG, MGO 'KHOR BA DANG, MIG GIS MI MTHONG ZHING MUN PA LTA BUR SNANG BA DANG, RLUNG NAD MI BZAD PA STE, KHA YO BA DANG, RNA BA GZER BA DANG, TSIG THOGS PA DANG, LCE 'KHUMS PA DANG, MIG 'GYUR BA DANG, 'GRAM PA 'THAMS PA DANG, DRAN PA MED PA DANG, GNYID YAR BA LA SOGS PA'I NAD MI BZAD PA DANG LDAN PAR 'GYUR RO, ,YANG NA SROG CES BYA BA'I KHRAG 'OG NAS BSHAD PA'I MTSAN NYID CAN, SLON NYES PA'I NAD DE 'BYUNG BAS 'CHI BAR 'GYUR RO, ,SBYOR BA LEGS PAS SLON PA NI, ,YUD TZAM NGAL BSO DUD PA GSUM, ,GANG YANG RUNG BAS BDUG PA DANG, ,DE'I 'OG SNUM GYI SPYOD PA BSTEN, ,ZHES BYA BA LA, SKYES BU SBYOR BA LEGS PAS SLON PAR GYUR NA RKANG PA DANG LAG PA DANG GDONG DANG MIG LEGS PAR DAG PAR BYAS SHING PHYIS LA, YUD TZAM ZHIG LA NGAL GSO ZHING DUB PA BSAL LA, RDZA YANG LA SOGS PAS DBUGS BYUNG ZHING SEMS GSO BA BYAS NAS, DE'I 'OG TU GSO BA BDUG PA GSUM PO BDUG PA'I CHO GA LAS 'OG NAS BSHAD PA RNON PO DANG BAR MA DANG, 'JAM PA'I DBYE BAS PHYE
BA'I GANG YANG RUNG BA DE'I NUS PA DANG SBYAR TE, CI RIGS PAR RNO BA DANG BAR MA DANG 'JAM PA DANG GSUM LAS GCIG GIS BDUG PAR BYA'O, ,DE NAS DE'I 'OG TU SNUM GYI CHO GA'I SPYOD PA'I, KHA LAG CHU DRON GYIS BKRU ZHING, ZHES BYA BA LA SOGS PA BSTAN CING BSLAB PAR BYA'O, ,DE NAS DGONGS KA'AM NAD PAR NI, ,BKRES TSE CHU TSAN GYIS BKRUS LA, ,S'A LU RTZA SNAR 'BRAS KYI NI, ,THUG PA LA SOGS RIM BZHIN BSTEN, ,ZHES BYA BA LA, DE NAS SLON ZIN PA DANG, DGONGS KA STE NYI MA NUB NAS SAM, YANG NA DE PHYI DE ZHAG GI NANG PAR THO RANGS KYI SLON GYIS GLONGS PA'I LUS ZUNGS RNAMS RANG GI GNAS SU LEGS PAR GNAS PAR BYA BA'I PHYIR, SNGAR SLON PAS BKRES SHING BRU BA TSA BAR GYUR NA CHU DRON POS KHRUS BYAS SHING GTZANG SBRA BYAS LA, S'A LU RTZA SNAR GYI 'BRAS KYI THUG PA LA SOGS PA 'OG NAS BSHAD PA'I RIM PA 'DI BSTEN CING SPYAD PAR BYA'O, ,DE LA THUG PA LA SOGS PA'I RIM PA LA BSTEN PA 'BA' ZHIG TU MA ZAD KYI, 'BRAS RAKTA SHA LI ZHES BYA BA LA SOGS PA BTZOS PA'I 'BRAS CHAN SNUM DANG LAN TSVA DANG KHA BA SHAS CHUNG BA DANG, DE'I 'TSAL NAN PHAL CHER DE DANG RJES SU MTHUN PA BTUNG BAR BYA STE, ME'I DROD KYI STOBS LAS DPAGS TE, DGONGS KA'AM NANG PAR LTOGS PAR GYUR PA'I DUS SU CHO GA 'DI SPYAD PAR BYA'O, ,THUG PA GAR PO G-YOS SU MA BYAS PA'I, ,YU SHA SHA KHU GSUM DANG GNYIS DANG GCIG ,MCHOG DANG BAR MA THA MA'I SBYANG BAS SBYANGS, ,MI YIS ZAS KYI DUS SU RIM BZHIN SPYAD, ,CES BYA BA LA, THUG PA NI 'BRAS THUG RKYANG BA LA CUNG ZAD SKA BA'O, ,DE BAS KYANG SKA ZHING THUR MA LA CHAGS PA NI THUG PA GAR PO'O, ,G-YOS SU BYAS PA'I YU SHA NI BCA' SGA DANG PI PI LING DANG, SE 'BRU DANG GO SNYOD DANG SHING KUN LA SOGS PA MA BTAB PAR MON SRAN SDE'U MUNGGA ZHES BYA BA LA SOGS PA LA BSKOL BA'I KHU BA'O, ,SRAN MUNGGA LA SOGS PA DE NYID BSKOL BA'I KHU BA LA BCA' SGA LA SOGS PA BTAB PA NI G-YOS SU BYAS PA'I KHU BA'O, ,
, ,SHA KHU NI SHA DAG GI KHU BA G-YOS SU BYAS PA'O, ,'DIR BYAS PA NI, DER NI SHA LAS KHU BA STE, 'BRU LAS KHU BA 'BRAS BU LAS, ,KHA LO RTZA BA TIL TSIGS SKYUR, ,PHAL CHER SKAM PA LA ZHES BYA, ,DE DAG SNUM SOGS LDAN DANG MED, ,G-YOS BYAS MA BYAS YIN ZHES BYA, ,ZHES 'BYUNG BA YIN NO, ,THUG PA RKYANG RKYANG PO LA SOGS PA RNAM PA LNGA PO DE DAG RIM BZHIN DU GRANGS JI LTA BA BZHIN DU GO RIMS MA 'CHOL BAR GSUM DANG GNYIS DANG GCIG TU BYAS NAS, ZAS KYI DUS SU MCHOG DANG BAR MA DANG THA MA'I SBYANG BAS SBYANG BAR MI BYA STE, SKYES BUS SPYAD CING BSTEN PAR BYA'O, ,MCHOG DANG BAR MA DANG THA MA'I SBYANG BA DE DAG GIS SBYANGS SHING NAD BSAL BA'I MIS ZAS KYI DUS GSUM POR THUG PA RKYANG RKYANG PO NAS SHA KHU BA'I RIM PA BZHIN DU SO SOR SPYAD PAR BYA'O, ,DE YANG THUG PA GSUM PO NAM SHA KHU'I BAR DU TSE TSAD DE, MCHOG TU SBYANG BA BYAS PA LA GSUM STE, ZAS KYI DUS SU GSUM BSTEN PA DANG, SBYANG BA 'BRING GIS SBYONG BA LA GNYIS TE, ZAS KYI DUS GNYIS GNYIS TE BSTEN PA DANG, DE BZHIN DU SBYANG BA THAMS SBYANG BA LA GCIG STE, ZAS KYI DUS THUG PA NAS SHA KHU'I BAR DU RE RE SPYAD PAS BSTEN PAR BYA'O, ,DE LA NYI MA DANG PO'I DGONGS KA THUG PA BTUNG BAR BYA'O, ,NYI MA GNYIS PA LA ZAS KYI DUS GNYIS SU THUG PA NYID BTUNG BAR BYAS TE, DE LTAR ZAS KYI DUS GSUM DU THUG PA SPYAD PA YIN NO, ,NYI MA GSUM PA LA ZAS KYI DUS GNYIS SU THUG PA GAR PO SPYAD PAR BYA'O, ,DE YANG SLA BA MA YIN PA THUR MA LA BDE BLAG TU CHAGS PA BZA' BAR BYA STE, DE LTAR NA ZAS KYI DUS GSUM DU THUG PA GAR PO LONGS SPYOD PA YIN NO, ,NYI MA BZHI PA'I DGONGS KA'I ZAS KYI DUS GCIG TU G-YOS SU MA BYAS PA'I KHU BA LONGS SPYAD PAR BYA'O, ,DE YANG NYI MA LNGA PA'I ZAS KYI DUS GNYIS SU G-YOS SU MA BYAS PA'I KHU BA NYID BTUNG BAR BYA STE, DE LTAR NA G-YOS SU MA BYAS PA'I KHU BA ZAS KYI DUS GSUM DU SPYAD PA YIN NO, ,ZHAG DRUG PA LA ZAS KYI DUS GNYIS SU G-YOS SU
BYAS PA'I KHU BA BSTEN PAR BYA'O, ,NYI MA BDUN PA'I NANG PAR GYI ZAS GCIG LA G-YOS SU BYAS PA'I KHU BA ZAS KYI DUS GSUM DU SPYAD PAR BYA'O, ,ZHAG BDUN PA'I DGONGS KA ZAS KYI DUS GCIG TU SHA KHU DANG NYE BAR LONGS SPYAD PAR BYA'O, ,ZHAG BRGYAD PA'I ZAS KYI BAR DUS GNYIS SU SHA KHU DANG BSTEN PAR BYA STE, DE LTAR SHA KHU ZAS KYI DUS GSUM DU BSTAN PA YIN NO, ,'DI NI SBYANG BAR GYI THUG PA RKYANG RKYANG PO NAS SHA KHU'I BAR SPYAD PA'I RIM PA YIN NO, ,DE BZHIN DU SBYANG BA CHE BAS SBYANGS PAS ZAS KYI DUS GNYIS SU THUG PA LA SOGS PA SPYAD PAR BYA'O, ,NYI MA BZHI PA'I NANG PAR YANG G-YOS SU MA BYAS PA NYID DO, ,DE'I DGONGS KA NI G-YOS SU BYAS PA'I KHU BA STE, LNGA PA'I NANG PAR YANG G-YOS SU BYAS PA DANG SPYAD PAR BYA'O, ,DE'I DGONGS KA NI SHA KHU STE, NYI MA DRUG PA'I NANG PAR YANG SHA KHU DANG SPYAD PAR BYA'O, ,DE'I DGONGS KA PHAN CHAD NI ZAS NAR MAR BZA' BAR BYA'O, ,DE BZHIN DU SBYANG BA THA MAS SBYANGS PAS ZAS KYI DUS GCIG TU THUG PA RKYANG RKYANG PO LA SOGS PA SPYAD PAR BYA STE, NYIN ZHAG DANG PO'I DGONGS KA THUG PA RKYANG RKYANG PO SPYAD PAR BYA'O, ,NYI MA GNYIS PA'I NANG PAR THUG PA GAR PO DGONGS KA G-YOS SU MA BYAS PA'I SHA NYI MA GSUM PA'I NANG BAR G-YOS SU BYA BA'I KHU BA, DGONGS KA SHA KHU DE PHAN CHAD NI ZAS NAR MA THAMS CAD SPYAD LA RAG GO, ,THUG PA RKYANG RKYANG PO LA SOGS PA'I RIM PAS CI ZHIG BYED CE NA, DE'I PHYIR SMRAS PA NI, ,DPER NA ME CHUNG RTZVA DANG LCI SOGS KYIS, ,RNAM PAR SBAR NAS RIM GYIS MCHED PA NA, ,CHE ZHING BRTAN LA THAMS CAD MCHED PAR NUS, ,SBYANGS PA'I NAD MED THUG SOGS KYIS DE BZHIN, ,ZHES BYA BA YIN TE, DPER NA ME SHING MED CING PHRA BA CUNG ZAD CIG GNAS PAR GYUR PA NI, RTZVA DANG LCI BA LA SOGS PA PHRA ZHING ZHIB MOR RNAM PAR SBAR ZHING 'BUD PA NA, RIM GYIS MCHED PAR GYUR PA NA CHEN POR 'GYUR BA DANG, DE BZHIN DU BRTAN ZHING MI SOD PAR 'GYUR BA DANG, THAMS CAD MCHED PAR NUS PA
, ,STE; DNGOS PO SRA ZHING LCI BA'I ZAS KYI RIGS RNAMS KYANG SMIN PA DANG TSOS PAR NUS PAR 'GYUR RO, ,DE BZHIN DU SBYANGS PAR GYUR PA'I PHO BA'I NANG GI ME SBYANGS PAS NYAM CHUNG ZHING STOBS ZHAN PA THUG PA RKYANG RKYANG PO LA SOGS PAS GSOS PAR GYUR PA NI RIM GYIS CHE BA DANG BRTAN PA DANG, 'JU ZHING SMIN PAR BYED NUS PAR 'GYUR RO, ,DE LA SBYANG BA GSUM PO DE GANG ZHIG YIN PA MI SHES SO ZHE NA, DE'I PHYIR SMRAS PA NI, SLON TSAD CHUNG DANG 'BRING DANG CHEN PO NI, ,BZHI DANG DRUG DANG LAN BRGYAD SLON PAR 'DOD, ,DE GNYIS BCU DANG NYIS LDAB SUM LDAB 'KHRU, ,BRE GANG DE BZHIN NYIS LDAB BZHI LDAB 'GYUR, ,SKYUG SMAN MTHAR MKHRIS BKRU SMAN LAS BYED DANG, ,BAD KAN MTHAR BYUNG 'KHRU BA MCHOG TU BSHAD, ,CES BYA BA LA SOGS PA'I TSAD CHUNG NGU DANG 'BRING DANG CHEN PO GO RIMS JI LTA BA BZHIN DU SLON SHUGS BZHI DANG, DRUG DANG BRGYAD SLON PA DAG TSE'I RIG BYED DRAN PAR BYED PA DAG MNGON BAR 'DOD CING STON PA YIN NO, ,DE LA SLON PA CHUNG TSAD NI LAN BZHI SLON PA YIN PAR 'DOD DO, ,SLON TSAD 'BRING NI LAN DRUG SLON PA'O, ,SLON PA CHE TSAD NI LAN BRGYAD SLON PA'O, , 'BYUNG BA'I SHUGS DE NYID BCU DANG NYIS LDAB DANG, SUM LDAB NI 'KHRU BA'I TSAD CHUNG NGU DANG, 'BRING DANG CHEN PO YIN PAR DRANG SRONG NYID 'DOD DO, ,DE LA 'KHRU BA CHUNG BA'I TSAD NI LAN BCU 'KHRU BA'O, ,'KHRU BA'I 'BRING TSAD NI, BCU GNYIS LDAB STE LAN NYI SHU 'KHRU BAR 'DOD DO, ,'KHRU BA CHE TSAD NI BCU'I SUM LDAB SUM CU YIN PAR 'DOD DO, ,DE LTAR NA SKYUG SMAN DANG BKRU SMAN GNYIS KYI 'BYUNG BA'I GRANGS KYI TSAD CHUNG NGU DANG CHEN PO BSHAD PA YIN NO, ,BRE LA SOGS PA'I TSAD KYIS GZHAL BA'I TSAD CHUNG NGU DANG, 'BRING DANG, CHEN PO SMRAS PA NI BRE GANG LA SOGS PA YIN TE, 'KHRU BA'I TSAD CHUNG NGU DANG 'BRING DANG CHEN PO NI RIM BZHIN DU BRE GANG DANG, DE NYID KYIS NYIS LDAB DANG, DE NYID KYIS BZHI LDAB YIN NO, ,ZHES BYA BAR SBYAR RO, ,DES NA 'KHRU BA CHUNG TSAD NI BRE GANG NGO, ,'BRING NI BRE DO'O, ,
CHEN PO NI BRE BZHI YIN NO, ,SLOB DPON GZHAN DAG NI, SKYUG SMAN GYI MCHOG NI MKHRIS PA 'BYUNG BA'I MTHAR THUG PA YIN PAR 'DOD DO, ,SKYUG SMAN GANG GI MTHAR MKHRIS PA 'BYUNG BA DE NI, SKYUG SMAN MTHAR NI MKHRIS PA'O, ,ZHES BYA'O, ,BKRU SMAN GYI TSAD BRE GANG DU YONGS SU CHUNG BA LAS PHYED DO, ,DES NA SLON PA'I CHUNG TSAD NI BRE PHYED DO, ,'BRING NI BRE GANG NGO, ,CHE TSAD NI BRE DO'O, ,DE BZHIN DU BAD KAN MTHA' MAR BYUNG BA'I 'KHRU BA'I TSAD NI MCHOG YIN NO, ,ZHES SROG BSRUNG BA'I SLOB DPON DAG GIS BSHAD DO, ,'KHRU BA GNYIS GSUM BSHAD DANG BCAS MI GTOGS, ,'KHRU BA GZHAL TE SLON PA 'THUNGS MA GTOGS, ,ZHES BYA BA LA, 'BRING NI BRE GANG NGO, ,'KHRU BA'I SHUGS GNYIS SAM GSUM LA NI 'KHRU BA'I GSUM ZHES BYA BA LA, DE BSHANG BA DANG BCAS PAR 'BYUNG BAS NA, BSHANG BCAS TE 'KHRU BA DE GTOGS SHING TSAD DU BGRANG BAR MI RTZI ZHING 'KHRU BA'I TSAD LA LA GZHAL ZHING BRTZIS LA 'KHRU BA'I GRANGS SU BSTAN PA GANG YIN PA LAS DE MI RTZI STE, DE'I 'OG TU DNGOS PO'I RIGS GZHAN DE MED PA 'KHRU BA'I SHUGS KYI DBANG GIS BSHAD BA'I SGO NAS 'BYUNG BA DE NYID DE'I 'OG TU BRE LA SOGS PA'I CHAD KYIS GZHAL BAR BYA'O, ,DE BZHIN DU SLON ZHING SKYUGS PA'I LUS LA SLON PA'I PHYIR, SKYUG SMAN CHU LA SOGS PA RDZAS GSHER BA DANG BSRES TE 'THUNGS PA GANG YIN PA KHA NAS SLON TE BYUNG BA DE SKAD DU BSHAD PA'I GRANGS SU MI RTZI'O, ,DE'I 'OG TU DNGOS PO GZHAN DAG SLON PA'I SHUGS KYIS KHA'I SGO NAS BYUNG BA DE NYID PHAN CHAD GZHAL ZHING BRTZI BAR BYA'O, ,DE NAS SLON PA DE LA NI, ,SLAR YANG SNUM DANG DUGS BYAS TE, ,BAD KAN DUS 'DAS LTO SHES NAS, ,LEGS PAR BKRU SMAN GTANG BAR BYA, ,ZHES BYA BA LA, DE NAS ZHES BYA BA NI, BKRA SHIS PA'I DON NAM, DE MA THAG PA'I DON TE, DE NAS DE'I 'OG TU SLON PA'I SKYES BU DE SLAR YANG ZHES BYA BA PHYIS YANG SNUM DANG DUGS BYAS SHING BDE BAR GNAS PA SNGAR BSHAD PA'I CHOGS BYAS LA, BAD KAN GYI DUS 'DAS PA DANG LTO NA KHA ZAS
, ,MED PAR SHES SHING RTOGS NAS SMAN GYI TSAD JI LTAR 'OS PA LAS LEGS PAR BKRU SMAN BTANG ZHING 'THUNG DU BCUG LA, 'KHRU BAR BYA'O, ,MKHRIS PA MANG ZHING LTO SNYI LA, ,'O MAS KYANG NI 'KHRU BAR BYED, ,RLUNG SHAS CHE ZHING LTO SRAN, ,DUR BYID SOGS KYIS KYANG 'KHRU DKA', ,ZHES BYA BA LA, DE LA MKHRIS PA MANG ZHING LTO SNYI BA GANG YIN BA DE NI 'O MAS KYANG 'KHRU BAR BYED DO, ,'DIR 'O MA SMOS PA NI NYE BAR MTSON PA TZAM DU ZAD DO, ,DES NA BU RAM SHING GI KHU BA DANG DAR BA SKYUR PO DANG, ZHO GA CHU DANG, BU RAM DANG, KRI SAR DANG, ZHUN MAR DANG, CHANG DANG, CHU TSAN DANG, PI LU DANG, RGUN 'BRUM DANG, GLA GOR ZHO SHA LA SOGS PAS KYANG 'KHRU BAR BYED DO, ,DE LA RLUNG SHAS CHE ZHING LTO SRA LA 'KHRU BAR DKA' BA NI DUR BYID DANG 'BRAS BU GSUM DANG, NIM PA DANG, NI LI NI DANG, DA NA DA'I 'BRAS BU LA SOGS PAS KYANG 'KHRU BAR DKA' ZHING RTZOL BA CHEN POS GDONG 'KHRU BA YIN NO, ,BKRU SMAN MKHRIS LA MNGAR DANG BSKA, ,BAD KAN LA NI KHA BAS BYA, ,RLUNG LA SNUM DRO LAN TSVA CAN, ,ZHES BYA BA LA, MKHRIS PA'I NAD KYI YUL LA NI BKRU SMAN MNGAR BA DANG, BSKA BA BTANG NA BKRU BA LA BSNGAGS SO ZHES BYA BA NI TSIG GI LHAG MA'O, ,DE BZHIN DU BAD KAN ZHES BYA BA LA MKHRIS PA RGYAS PA DANG 'DRES PA'I BAD KAN LA NI SMAN KHA BAS BKRU BA BSNGAGS PA YIN NO, ,RLUNG DANG MKHRIS PA 'DRES PA LA NI SMAN SNUM PA DANG, DRO BA DANG, LAN TSVA CAN GYI BKRU SMAN GYIS BKRU BA BSNGAGS PA YIN NO, ,MI 'KHRU NA NI CHU TSAN BLUD, ,LAG PA BSROS PAS DE YI NI, ,LTO BA LEGS PAR DUGS BYA'O, ,ZHES BYA BA LA, SBYANG BA'I SMAN GYIS 'KHRU BAR MA GYUR NA, SMAN GYI NUS PA BSKYED PAR BYA BA'I PHYIR, CHU TSAN BLUD PA DANG, DE BZHIN DU SKYES BU LAG PA BSROS PAS DE'I LTO BA LEGS PAR DUGS BYA ZHING BSRO BAR BYA'O, ,MA 'KHRUS DE ZHAG LDANG ZAS ZOS, ,NYI MA GNYIS PAR SLAR YANG BTUNG, ,ZHES BYA BA LA, SMAN DES CUNG ZHIG 'KHRU BA'I NAD BDE MOR MA PHYIN NA MAL NAS
LANGS LA, PHYI ROL GYI SAR DRI MA GDON PA'I PHYIR 'GRO BAR BYAS LA, DE NAS DE ZHAG GCIG ZAN ZOS LA, NYI MA GNYIS PA ZHES BYA BA PHYI DE NYIN YANG 'KHRU BAR BYA BA'I PHYIR YANG SMAN BTUNG BAR BYA'O, ,LTO BA RAB SRA SNUM DAG NI, ,ZHAG BCU'I BAR DU YANG BTUNG BAS, , SLAR YANG SNUM DANG DUGS KYIS NI, ,LUS SBYANGS NAS NI BKRU SMAN GYI, ,SBYOR BA LEGS PAR BRTAGS PA DANG, ,SNGAR GYI NYES PA DRAN PAR BYA, ,ZHES BYA BA LA, GANG GI SNUM GYIS ZHEN PAR MA GYUR CING MA BSLAN BAS RAB TU SRA BA ZHIG NA, ZHAG BCU'I BAR DU SLAR YANG SNUM GYI CHO GA BYAS LA, LUS NYE BAR SBYANG ZHING SNUM GYI DUGS KYIS BTZOS NAS BKRU SMAN GYI SBYOR BA NAD LA SOGS PA'I TSUL LA LEGS PAR BRTAGS TE BYA BA DANG, DE BZHIN DU SNGAR GYI NYES PA CI YANG DRAN ZHING NGOS ZIN PAR BYAS LA, MA YENGS PAR BKRU SMAN BTUNG BAR BYA'O, ,BKRU SMAN GYI SBYOR BA NYES PA'I MTSAN NYID NI, SNYING DANG LTO NA YI GA 'CHUS, ,BAD KAN MKHRIS PA GLONGS PA DANG, ,G-YAN PA LUS TSA THOR BU DANG, ,CHAM PAS 'DEBS SHING BA SHANG RLUNG 'GAGS, ,SBYOR BA NYES PA'I MTSAN NYID YIN, ,ZHES BYA BA YIN TE, BKRU SMAN BTANG BA MA LEGS NA, SNYING DANG LTO BA NA ZHING MI DGA' BAR 'GYUR BA DANG, YI GA 'CHUS PA STE ZAS LA 'DOD PA MED PA DANG, DE BZHIN DU BAD KAN DANG MKHRIS PA GLONGS SHING BSKYOD PAR 'GYUR BA DANG, LUS G-YA' ZHING LUS TSA BA SNA TSOGS KYIS 'DEBS PA DANG, YAN LAG DANG NYID LAG TU THOR BU 'BYUNG BA DANG, CHAM PAS 'DEBS PA DANG, DE BZHIN DU BSHAD BA THUR DU 'BYUNG BA'I RLUNG 'GAGS PAR 'GYUR BA NI SBYOR BA NYES PA'I MTSAN NYID YIN PAR BSHAD DO, ,SBYOR LEGS JI SKAD BSHAD GO BZLOG ,CES BYA BA LA, BKRU SMAN GYI SBYOR BA LEGS NA JI SKAD BSHAD PA'I MTSAN NYID SNYING DANG LTO BA NA BA LA SOGS PA LAS GO BZLOG PA STE, SNYING DANG LTO BA DAG CING SANG BAG TU 'GYUR BA DANG, ZAS YI GAR 'ONG BA LA SOGS
, ,PAR 'GYUR RO, ,BSHANG BA MKHRIS PA BAD KAN RLUNG, ,RIM GYIS 'KHRU ZHING 'BYUNG BA NA, ,BAD KAN MKHRIS PA MED CHU 'KHRU, ,SKYA ZHING GNAG DANG KHRAG DANG BCAS, ,YANG NA SHA BKRUS LTA BU'AM, ,TSIL GYI DUM BU 'DRA NYID DAM, ,GZHANG 'BYUNG SKOM DAD CHE BA DANG, ,MGO 'KHOR MIG NI PHUGS SU BROS, ,BKRU SMAN DRAGS LAS 'BYUNG BA YIN, ,DE BZHIN SKYUG SMAN DRAGS NAD 'GYUR, ,ZHES BYA BA LA, SKYES BU SHIN TU 'KHRU DRAGS PA LA, GNOD PA 'DI DAG 'BYUNG BAR 'GYUR TE, BSHANG BA LA SOGS PA 'BYUNG BA NA, BAD KAN DANG MKHRIS PA NI MED PA'I DRI MA'I CHU 'BA' ZHIG 'BYUNG BA DANG, DE BZHIN DU SKYA ZHING DKAR BA DANG, GNAG CING SNAG TSA 'DRA BA DANG, KHRAG DANG BCAS PA STE, YANG NA SHA BKRUS PA LTA BU STE, BKRUS PA'I SHA 'DRA BA DANG, DE BZHIN DU TSIL GYI DUM BU DANG 'DRA ZHING MTSUNGS PA DANG, DE BZHIN DU GZHANG 'BYUNG ZHING 'THON PA DANG, DE BZHIN DU SKOM DAD CHE ZHING SKOM PAS GDUNGS PA DANG, MGO 'KHOR BA DANG, DE BZHIN DU MIG PHUGS SU BROS SHING RKONGS SU ZHUGS PA STE, 'DI DAG NI SHIN TU 'KHRU DRAGS PA LAS 'BYUNG BAR 'GYUR RO, ,DE BZHIN DU SKYUG SMAN DRAGS PA'I NAD KYI TSUL SNGAR BSHAD PA LTAR YANG 'BYUNG BAR 'GYUR TE, LUS SKEM ZHING RMYA BA DANG, LUS KYI KHONG TSA BA DANG, LKOG MA BSKAMS PA DANG, MIG GIS MI MTHONG NAS 'CHI BA'I BAR DU 'BYUNG BAR 'GYUR RO, ,LEGS PAR 'KHRUS PA DE LA NI, ,DUD PAS BDUG PA MA GTOGS PA'I, ,CHO GA SKYUG SMAN DANG MTSUNGS PAS, ,DE NAS SLON DANG 'DRA BAR BYA, ,ZAS LA RIM GYIS SPYAD NAS NI, ,DE 'OG NAR MA'I KHA ZAS BSTEN, ,ZHES BYA BA LA, LEGS PAR 'KHRU ZHING KHRUS KYI SBYOR BA JI SKAD DU BSHAD PA LTAR 'KHRU BA'I SKYES BU DE LA DUD PAS BDUG PA'I CHO GA MA GTOGS PA, CHO GA GZHAN SKYUG SMAN GYI SKABS SU BSHAD BA DANG MTSUNGS SHING 'DRA BAR NYE BAR SBYAR BAR BYA STE, 'DIR KHYAD PAR NI DUD PAS BDUG PA
'BA' ZHIG MA GTOGS PA SNGAR BSHAD PA THAMS CAD BYA'O, ,DE NAS DE'I 'OG TU SLON DANG 'DRA BAR BYA BA STE, JI LTAR SLON PA'I SKABS SU BSHAD PA BZHIN DU RIM PA NYID KYIS KHRUS BTANG BA'I 'OG TU THUG PA RKYANG RKYANG PO LA SOGS PA SBYIN PA'I KHA ZAS KYI CHO GA RIM GYIS SPYAD CING BSTEN NAS, DE'I 'OG TU NAR MA'I KHA ZAS MIN PA'I DBANG DU BYAS NAS BSHAD PA'I ZAS KYI CHO GA BSTEN PAR SPYAD PAR BYA'O, ,SMAN 'THUNGS ME DROD CHUNG BA DANG, ,MA DAG NAD KYIS RMYA BA DANG, ,ZHU PA'I MTSAN MA MA MTHONG NA, ,DE YI NYIN PAR SMYUNG BYAS LA, , SNUM DANG DUGS DANG SMAN RNAMS KYIS, ,GLONGS PA'I NAD KYIS NYEN MI 'GYUR, ,ZHES BYA BA LA, SKYES BU SMAN 'THUNGS SHING SPYAD NAS, ME'I DROD CHUNG ZHING ME'I STOBS CHUNG BA DANG, MA DAG PA STE, NAD MA PHYIN LA LEGS PAR SBYANGS PA'I MTSAN NYID MA SKYES PA DANG, NAD KYIS RMYA BA STE, NAD KYI DUGS SMAN RNAMS KYIS NYAM CHUNG BA DANG, ZHU BA'I MTSAN MA MTHONG STE, SMAN LEGS PAR ZHU BA'I RTAGS MI SNANG NA, SNUM DANG DUGS LA SOGS PAS GLONGS PA'I NAD KYIS GNOD PAR MI 'GYUR TE, DE YANG NAD GANG SNUM GYIS GLONGS SHING BSKYOD PA DANG DUGS KYIS GLONGS SHING BSKYOD PA DANG, SMAN GYIS GLONGS PA'I DBANG GIS NAD BSKYOD PA DE SMYUNG BA BYAS NAS DES NYEN ZHING GNOD PAR MI 'GYUR RO, ,SBYANGS DANG KHRAG NI DBYUNG BA DANG, ,SNUM CHO GA LA SBYAR SMYUNG BA YIS, ,ME DROD ZHEN PA NYID 'GYUR TE, ,DE BAS THUG SOGS RIM GYIS SPYAD, ,CES BYA BA LA, SLON DANG KHRUS LA SOGS PAS SBYANGS PA LA SOGS PAS PHO BA'I MI DROD ZHEN ZHING STOBS CHUNG BAR 'GYUR BA YIN TE, DE BAS NA THUG PA LA SOGS PA RIM GYIS SPYOD CING BSTAN PAR BYA'O, ,DE LA SBYANGS PA NI SKYUG SMAN BTANG BA DANG, BKRU SMAN BTANG BAS NAD PHYIN PAR BYAS PA'O, ,KHRAG DBYUNG BA NI GTAR GA LA SOGS PAS KHRAG DBYUNG NGO, ,SNUM GYI CHO GA LA SBYAR BA NI SNUM GYI CHO GA BSTAN PA'O, ,SMYUNG BA NI ZAS BCAD PA'O, ,DE YANG SMAN DPYAD
, ,KYI LUNG LAS SMYUNG BA KHYAD PAR MED PAS BSHAD PAR ZHES 'BYUNG BA YIN NO, ,BAD KAN MKHRIS PA 'BRI ZHING CHUNG, ,CHANG 'THUNG SA RLUNG DANG MKHRIS PA CHE, ,DE LA THUG PA MI BLUD KYI, ,BRTA BA LA SOGS RIM PA PHAN, ,ZHES BYA BA LA, GANG GI BAD KAN DANG MKHRIS PA CHUNG ZHING PHRI BAS CHUNG BAR GYUR PA DE NI BAD KAN MKHRIS PA BRI ZHING CHUNG BA ZHES BYA'O, ,DE BZHIN DU GANG CHANG 'THUNG BA LA GOMS PA DE NI CHANG 'THUNGS PA'O, ,DE BZHIN DU RANG BZHIN GYIS RLUNG DANG MKHRIS PA'I SHAS CHE BA DE LA THUG PA MI BLUD KYI, GSUM PO DE DAG LA BRTA BA LA SOGS PA'I RIM PA PHAN TE, ZAS KYI DANG POR BRTA BA'I CHO GA 'BRAS BU'I YOS KYI PHYE LAS BYAS PA'I SKYO MA SBYIN PAR BYA STE, THUG PA'I SKABS SU BRTA BAR BYED PA'I 'BRAS KYI SKYOM SBYAR BAR BYA'O ZHES BYA BA'I DON TO, ,SKYUG SMAN MA ZHU BAR NAD 'BYIN, , BKRU SMAN ZHU NAS 'BYIN PA YIN, ,DE YI PHYIR NA SKYUG SMAN DAG ,ZHU BA LA NI BSDAD MI DGOS, ,ZHES BYA BA LA, SKYUG SMAN BTANG NA NI MA ZHU BA'I NAD 'BYIN PAR BYED DO, ,BKRU SMAN ZHU ZHING SMIN NAS NAD 'BYIN CING SEL BAR BYED DE, DE'I PHYIR SKYUG SMAN DAG BTANG NAS ZHU BA LA BSDAD MI DGOS TE GANG YUD TZAM BSDAD PA MA BYUNG NA YANG MYUR BA NYID DU SLON ZHING DRANG BAR BYA'O, ,STENG DANG 'OG TU 'BYUNG RIGS PAS, ,GANG TSE PHYIN CI LOG GYUR NA, ,DE TSE SKYUGS LA RKANG PAR NI, ,CHU DRON DAG GIS BLUGS PAR BYA, ,LUS KYI STONG NI CHU GRANG BLUGS, ,'KHRU BA LA NI DE LAS BZLOG ,CES BYA BA'I TSIGS SU BCAD PA 'DI NI, YAN LAG BRGYAD PA BSDUS PA LAS, LA LA ZHIG GIS 'DIR BCUG PA YIN NO, ,DE'I DON NI 'DI YIN TE, SKYUG SMAN GYIS STENG DU 'BYUNG BA DANG, BKRU SMAN GYIS 'OG TU 'BYUNG BA'I RIGS PA LAS, GANG GI TSE RGYU 'GA' ZHIG GIS PHYIN CI LOG TU GYUR TE, RKYEN DES SKYUG SMAN BTANG BA NA, 'KHRU BAR GYUR PA DANG, BKRU SMAN BTANG BA NA SLON PAR GYUR PA DE'I TSE, 'KHRU BA LAS PHYIN CI LOG TU GYUR TE, SLON PAR GYUR PA NI, CHU DRON PO RKANG
PAR BLUGS LA, CHU GRANG MO RO STOD DU BLUGS PAR BYA'O, ,GANG GI TSE 'KHRU SMAN PHYIN CI LOG TU GYUR PA LAS GO BZLOG PA'I DPYAD BYA STE, RKANG PAR CHU GRANG MO BLUGS PAR BYA LA, RO STOD DU CHU DRON MO BLUGS PAR BYA'O, ,GANG ZHIG NYAM CHUNG NAD MANG DANG, ,NAD SMIN PA YIS RANG NYID NI, ,'KHRU BAR BYED LA 'KHRU BA NI, ,KHA ZAS BYIN LA DER 'KHRUR GZHUG ,CES BYA BA LA, GANG ZHIG NYAM CHUNG BA LA SOGS PA DANG, NAD SMIN TE RANG NYID 'KHRU BA DE LA NI KHA ZAS KYIS 'KHRUR GZHUG GI ,'KHRU BA'I SMAN SBYIN PAR MI BYA'O, ,SNGAR SBYANGS PAS NI NYAM CHUNG DANG, ,NAD KYI DKYEL CHUNG LUS ZAD NI, ,LTO YI SRA SNYI MI SHES LA, ,SMAN NI 'JAM ZHING CHUNG NGU BLUD, ,DE MANG 'THUNGS PA MCHOG YIN GYI, ,GZHAN DU DGOS PAR BCAS MI RUNG, ,ZHES BYA BA LA, SLAR SBYANG BA BYAS PA LUS NYAM CHUNG BAR GYUR PA DANG, DE BZHIN DU NAD KYI DKYEL CHUNG BA DANG, LUS KYI SHA ZAD CING SBEG PA DANG, DE BZHIN DU LTO SRA SNYI'I BYE BRAG MI SHES PA DAG LA, SMAN 'JAM ZHING CHUNG BA BLUD PAR BYA STE, GANG GI PHYIR SMAN DE DGOS PA LA LTOS NAS LAN MANG DU 'THUNGS PA NI MCHOG YIN GYI GZHAN DU NA LAN CIG MANG DU BLUD PA DGOS PA DANG BCAS PAS NI MI RUNG STE, SBYOR BA NYES PA'I SKYON YOD PA'I PHYIR RO, ,NYAM CHUNG BA NI NAD MANG PO, ,G-YOS GYUR CUNG ZAD CUNG ZAD CIG ,SMAN NI 'JAM POS LAN MANG ZHIG ,DE NI NYUNG 'GYUR ZHI BAR BYA, ,MA BSAL DE NI YUN RING DU, ,NYON MONGS PA'AM GSOD PAR 'GYUR, ,ZHES BYA BA LA, SKYES BU NYAM CHUNG BA'I NAD MANG PO G-YOS PAR GYUR BA NI, CUNG ZAD CUNG ZAD CIG SMAN 'JAM POS YANG DANG YANG DU BSAL BAR BYAS NAS, NYAM CHUNG BA'I NAD G-YOS PAR GYUR PA DE NYUNG DUR GYUR PAS MA BTON PAR ZHI BAR BYAS PAS ZHI BAR BYA STE, GANG GI PHYIR ZHE NA, MANG PO DE DAG G-YOS PA NYUNG DU NAS BSAL ZHING ZHI BAR BYAS NA, NAD DE YUN RING DU NYON MONGS SHING, SDUG BSNGAL BAR 'GYUR BA'AM, GSOD CING 'JOMS PA
, ,NYID DU BYED PAR 'GYUR RO, ,ME DROD CHUNG DANG LTO SRA LA, ,THAL SMAN RGYAM TSA MAR BCAS PAS, ,ME YI DROD NI BSKYED NAS SU, ,RLUNG DANG BAD KAN BSAL BAR BYA, ,ZHES BYA BA LA, DE BZHIN DU SKYES BU ME DROD CHUNG BAR GYUR PA SBYANG BA'I SKABS LA BAB NA THAL SMAN RNON PO DANG BCAS PA'I MAR JI SKAD BSHAD PAS PHO BA'I ME DROD BSKYED NAS SBYANG BA BYA'O, ,DE BZHIN DU SRA BA LA RGYAM TSA DANG MAR DANG BCAS PAS RLUNG DANG BAD KAN BSAL LA SBYANG BAR BYA'O, ,RTZUB CING RLUNG MANG LTO SRA DANG, ,RTAG TU RTZOL BA'I TSUL CAN DANG, ,ME DROD RAB TU CHE LA SMAN, ,MI 'KHRU BAR NI ZHU BAR 'GYUR, ,DE LA SNGAR NI 'JAM RTZI GTANG, ,DE NAS SNUM PA'I BKRU SMAN BYA, ,SMAN NI RNON PO'I RENG BU YIS, ,BSHANG BA CUNG ZAD DBYUNG BAR BYA, ,DRI MA LEGS PAR 'KHRUS NAS NI, ,SNUM 'KHRU BDE BAR 'BYUNG BAR 'GYUR, , ZHES BYA BA LA, SKYES BU RTZUB PA LA SOGS PA DANG LDAN PA DANG, DE BZHIN DU ME DROD RAB TU CHE ZHING SMAN DE 'KHRU BA'I SMAN MI 'KHRU BA'I BYA BA MI BYED PA NYID DU ZHU ZHING DENGS BAR 'GYUR RO, ,DE BAS DE'I 'OG TU SNUM PA'I BKRU SMAN NI, NI'I NI'I MAR LA SOGS PA LAS BTANG BA SBYIN PAR BYA'O, ,YANG NA MI DE LTA BU DE LA SMAN RNON PO'I RENG BU BYAS PAS BSHANG BA CUNG ZAD CES PA NYUNG SHAS CIG PHYUNG LA, DE'I 'OG TU BKRU SMAN GTANG NGO, ,DE YANG GANG GI PHYIR RENG BU MAS GTONG BAS, SMAN GYIS BSHANG BA LA SOGS PA PHYUNG BA'I 'OG TU BKRU SMAN SNUM PO BTANG NA 'KHRU BA BDE BAR 'GYUR RO, ,DUG GIS PHO GA DANG THOR BU BYUNG, ,MDZE NAD 'OR NAD ME DPAL DANG, ,MIG SER SKYA RBAB ZA GUS NYEN, ,HA CANG SNUM CHES SBYANG MI BYA, ,KUN LA BKRU SMAN SNUM BAG BTANG, ,SNUM GYIS ZHEN LA RTZUB PA BTANG, , ZHES BYA BA LA, DUG GIS PHOG PA NAS GCIN NAD ZA GUS NYEN PA'I BAR GYI NAD PA LA SNUM HA CANG CHEN PO SBYIN PAR MI BYA'I, NYAMS LAS DPAGS LA, SNUM CUNG ZAD BYIN TE, GANG LA JI LTAR 'TSAM PA'I BKRU SMAN PHAL CHER RTZUB PAS KHRUS BYA'O, ,
DUG GIS PHOG PA LA SOGS PA 'DIR SMOS PA MA GTOGS PA GZHAN KUN TE, THAMS CAD LA BKRU SMAN SNUM BAG CAN AE RAndA'I MAR LA SOGS PA'AM, YANG NA BKRU SMAN DANG BSKOL BAS SBYANG BAR BYA'O, ,JI LTA BU LA SNUM GYI KHRUS SMAN DES SBYANG ZHE NA, 'DAS MA THAG PA'I SNUM GYIS BSGO BAR BSTAN PAS RTZUB PAS BSGOS SHING YUN RING POR RDZAS RTZUB POS LUS BSKYED PA ZHES BYA BA'I BAR DE LA, SNUM PA'I BKRU SMAN BTANG NGO, ,DE LA YANG RTZUB PA'I KHRUS SMAN DU DUR BYID LA SOGS PA'I SNUM GYIS BSGOS PA'I ME YUN DU SNUM GYIS BSKYED PA LA GTANG NGO, ,SKYUG SMAN LA SOGS LAS RNAMS LA, ,SLAR YANG BAR SKABS BAR SKABS SU, ,SNUM DANG DUGS KYI CHO GA BYA, ,SNUM RJES LA NI STOBS BSKYED BYA, ,LUS LAS NAD RNAMS BSAL BA NI, ,GOS KYI DRI MA 'KHRU DANG MTSUNGS, ,ZHES BYA BA LA, SKYUG SMAN LA SOGS PA'I LAS RNAMS BYED PA NA, BAR SKABS BAR SKABS TE, MDO MDOR SNUM DANG DUGS KYI CHO GA BYA STE, SKYUG SMAN BTANG NAS DE'I ZHAG KHA CIG 'DAS PA'I SKABS SU SNUM DANG DUGS BYAS LA; DE'I 'OG TU KHRUS BYA'O, ,DE LTAR KHRUS BYAS NAS YANG 'DUS TE 'DAS PA DANG, SNUM DANG DUGS BYAS LA, DE'I 'OG TU MAS GTONG BAR BYA'O, ,DE NAS BAR SKABS SU SNUM DANG DUGS BYAS LA, DE'I 'OG TU MGO NAD KYI SBYANG BA BYA'O, ,DE LTAR MGO'I NAD SBYANG BA SNA SMAN LA SOGS PA BYAS NAS, SNUM 'BA' ZHIG STOBS BSKYED PA'I PHYIR GTANG BAR BYA STE, SKYUG SMAN LA SOGS PAS STOBS BRI BA GANG YIN PA DE BSKYED PAR BYA BA'I PHYIR DE SBYIN PAR BYA STE, GANG GI PHYIR DRI MA DANG BCAS PA'I LUS NAD DANG 'DRES PAR GYUR PA LAS, NAD DE BSAL ZHING GDON PAR BYA STE, DE LTAR NA LUS BSRUNG BAR 'GYUR RO, ,JI LTAR NAD KYI DRI MA DBYUNG ZHE NA, GOS DANG MTSUNGS PAR TE, DPER NA DRI DANG BCAS PA'I GOS LA DRI MA MED DE SPANG BA LA SOGS
, ,PA'I RNAM PAS 'KHRUD PAR BYED PA DE BZHIN DU SNUM DANG DUGS LA SOGS PAS NAD KYI DRI MA SLONG BA'I THABS KYIS NAD SLONGS LA, DE'I RJES LA NAD DBYUNG BAR BYA'O, ,SNUM DANG DUGS DAG MA BYAS PAR, ,GANG ZHIG SBYANG BA'I LAS BYED PA, ,SHING SKAM 'GUGS PAR BYED PA LTAR, , DE YI LUS NI MA RUNGS 'GYUR, ,ZHES BYA BA LA, GANG SNUM DANG DUGS DAG MANG PO BYAS SHING MA BSTEN PAR GANG ZHIG SBYANG BA'I LAS SKYUG SMAN DANG, BKRU SMAN LA SOGS PA BYED PAR GYUR BA DAG NI, NAD DES LUS 'JIG CING MA RUNGS PAR 'GYUR BA STE, DPER NA SHING SKAM PO 'GUGS SHING SGUR POR BYED PA CHAG PA DANG 'DRA'O, ,SBYANG BA LEGS PAR NYE BAR BSTAN PAS NI, ,BLO GROS GSAL ZHING DBANG PO STOBS DANG LDAN, ,LUS ZUNGS BRTAN ZHING KHONG PA'I ME DROD 'BAR, ,NA TSOD DAG KYANG RING DU 'JOG PAR BYED, ,CES BYA BA LA, SBYANG BA ZHES BYA BA SKYUG SMAN LA SOGS PA NAS SNA LA SOGS PA MGO BO SBYANG BA'I BAR LEGS PAR CHO GA JI LTA BA BZHIN DU YANG DAG PAR BYAS PAS NYE BAR BSTEN ZHING KUN TU SPYAD PAS BLO GROS TE, SHES RAB GSAL ZHING RNO BAR 'GYUR BA DANG, DE BZHIN DU MIG LA SOGS PA DBANG PO RNAMS KYI STOBS RANG RANG GI YUL LA LEGS PAR 'JUG NUS PA DANG; DE BZHIN DU LUS ZUNGS TE DANGS MA LA SOGS PA BRTAN ZHING SRA BA DANG, DE BZHIN DU KHONG PA'I ME DROD 'BAR BA'I SHING NYID DU BYED PA DANG, DE BZHIN DU NA TSOD DE LUS KYI NA TSOD GZHON PA DAG TU'ANG YUN RING DU 'JOG PAR BYED CING GNAS PAR BYED DE, BYED CES BYA BA THAMS CAD DANG SBYAR BAR BYA'O, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLON DPON ZLA BA LA DGA' BAS RNAM PAR SBYAR BA LAS LE'U BCVA BRGYAD PA'I RNAM PAR 'GREL PA'O,, ,,DE NAS MAS GTONG BA'I CHO GA'I LE'U BSHAD PAR BYA'O, ,ZHES BYA BA LA, 'DI BRTZAMS PA'I DGOS PA NI BAD KAN BSAL BA'I PHYIR SKYUG SMAN BSHAD PA YIN LA, MKHRIS PA BSAL BA'I PHYIR NI BKRU SMAN BSHAD PA YIN LA, GNAS SKABS 'DIR RLUNG BSAL BA'I PHYIR, MAS GTONG BA BSHAD PA'I SKABS YIN TE, DE BAS NA DE YONGS SU SHES PAR BYA BA'I PHYIR,
LE'U 'DI BRTZAMS PA YIN NO, ,BSHANG SGO NAS GTONG BA LAS SU BYA BA YIN PAS NA, MAS GTONG BA'I CHO GA STE, CHO GA NI CHO GAR BYA BA 'DI LTAR BYA'O, ,ZHES BYA BA'I TSUL GYI LE'U STE, DE BSHAD PAR BYA'O ZHES BYA BA NI BSTAN PAR BYA'O ZHES PA'O, ,RLUNG SHAS CHE BA'I NAD RNAMS SAM, ,RLUNG LA MAS GTONG BSNGAGS PA STE, ,DE NI GSO BA THAMS CAD KYI, ,MCHOG STE DE YANG RNAM PA GSUM, ,BKRU DRAGS 'JAM RTZI MAS GTONG NGO, ,ZHES BYA BA LA, NAD THAMS CAD KYI NANG NA RLUNG GI SHAS CHE ZHING RLUNG NAD BDO BA'AM, RLUNG LA ZHES PA RLUNG 'BA' ZHIG LDANG BA LA YANG MAS GTONG BA DE NYID KYIS GSO BA DANG, DE BZHIN DU 'JAM RTZI ZHES BYA BA SNUM GYI 'JAM RTZI MAS GTONG BA 'DOD CING BSNGAGS PA YIN NO, ,DE NI GSO BA STE, RLUNG GI NAD GSO BA THAMS CAD KYI NANG NA MCHOG STE, DAM PA NYID DO, ,CI'I PHYIR ZHE NA, MYUR DU BDE BA 'PHEL BA LA SOGS PA'I RGYUR GYUR PA'I PHYIR RO, , MAS GTONG BA DE YANG RNAM PA GSUM STE, MAS GTONG BA DRAG PO NI RU HA ZHES BYA BA DANG, MAS GTONG BA AA NU BA SA STE, 'JAM RTZI DANG MAS GTONG BA GONG MA STE, AUD DA RA TI ZHES BYA BA'O, ,DE LA NI RU HA NI NGES PAR 'DON PA STE, NAD MA LUS PA 'BYIN PAR BYED PA'O, ,AA NU BA SA NI RJES SU GNAS PAR BYED PA STE, BKRU SMAN DRAG POS NAD RNAMS RANG GI GNAS LAS BSKYOD CING GLONGS PA GANG YIN PA DE DAG GANG GI RJES SU STE DE'I 'OG TU RANG GI GNAS SU GNAS SHING BDE BAR 'JOG PAR BYED PA DE NI AA NU BA SA STE 'JAM RTZI'O, ,MAS GTONG BA GONG MA NI BSHANG BA'I SGO LA SOGS PA'I MAR GYUR PA PHO BA'I DBANG PO ZHES BYA BA DE NAS SAM, DER GTONG BAR BYED BA DE NI AUD TA RA BA TI STE, MAS GTONG BA GONG MA ZHES BYA'O, ,DE YIS GSO BYA SKRA NA DANG NI, ,LTO SBOS DREG NAD MCHER BA DANG, ,'KHRU BA 'BA' ZHIG GZER NAD DANG, ,RIMS RNYING BYING DANG CHAM PA DANG, ,KHU BA RLUNG DANG DRI MA 'GAGS, ,RLIG RLUGS RDE'U NAD ZLA MTSAN 'JIG ,RLUNG GI NAD NI MI BZAD GSO, ,ZHES BYA BA LA, BKRU SMAN DRAG PO DES GSO BAR BYA BA NI, SKRAN LA SOGS PA NAS RLUNG GI NAD MI BZAD PA'I BAR DU GSO ZHING BTZO BAR BYA'O, ,DREG NAD NI RLUNG DANG KHRAG 'DRES PA LAS GYUR PA'I RKANG NAD DO, ,'KHRU BA 'BA'
, ,ZHIG NI BE'U SNABS LA SOGS PA DANG, MA 'DRES PAR 'KHRU BA'O, ,RIMS RNYING PA NI YUN RING DU LON PA'I RIMS BYING BAG TU 'DUG PA'O, ,KHU BA DANG RLUNG DANG DRI MA 'GAGS PA NI DE DAG THOGS PA'O, ,RLIG RLUGS NI DE 'PHEL CHES PA'O, ,ZLA MTSAN 'JIG PA NI ZLA MTSAN MED PA'O, ,RLUNG GI NAD MI BZAD PA NI GSO BAR DKA' BA'I RLUNG NAD DO, ,BKRU DRAGS MI BYA SNUM DRAGS DANG, ,GLO RDOL SHIN TU SKEM PA DANG, ,BE'U SNABS 'KHRU DANG SLON BRO DANG, ,SBYANG BYAS SNA SMAN GTONG BA DANG, ,DBUGS MI BDE LUD CHAM GZHANG 'BRUM, ,SKYIGS BU LTO SBOS ME DROD CHUNG, ,GZHANG SKRANGS KHA ZAS ZOS ZIN DANG, ,LTO 'GAGS BU GA CHU YOD DANG, ,MDZE DANG GCIN NAD SBRANG MDOG DANG, ,SBRUM MA ZLA BDUN YAN CHAD DO, ,ZHES BYA BA LA, BKRU SMAN DRAG PO GTANG DU MI RUNG BA NI SNUM SHIN TU DRAGS PA LA SOGS PA NAS SBRUM MA DANG, ZLA BA BRGYAD PA'I MGO ZUG PA'I BAR DU'O, ,SHIN TU SKEM PA NI HA CANG SBEG CHES PA'O, ,BE'U SNA BAS 'KHRU BA NI MA ZHU BA BE'U SNABS DANG BCAS PAR 'KHRU BA'O, ,SLON BRO BA NI SKYUG PA DAG DANG LDAN PA'O, , SBYANG BA BYAS PA NI 'KHRU SMAN DANG SKYUG SMAN BTANG PA'O, ,SNA SMAN BTANG BA NI SNA NAS SMAN GYI SBYOR BA BYAS PA'O, ,GZHANG SKRANGS PA NI BSHANG BA'I LAM SKRANGS PA DANG LDAN PA'O, ,KHA ZAS ZOS ZIN PA NI ZAS LA KHONGS SPYOD PA'O, ,DE BZHIN DU LTO 'GAGS PA DANG, LTO NA BU GA YOD PA DANG, LTO NA CHU MANG PO YOD PA DANG, GCIN NAD SBRANG MDOG NI SBRANG RTZI'I MDOG LTA BU'I GCIN NAD KYIS NYEN PA'O, ,DE LA SNUM DRAGS PA LA BKRU SMAN DRAG PO MAS GTONG NA, BSDUS SHING BSRUL BA'I NAD SLONGS PAS DMU RDZING CHAGS PA DANG, SKRANGS PA'AM, BRGYAL BAR BYED PAR 'GYUR RO, ,GLO RDOL BA DANG SHIN TU SKEM PA LA NI, DES LUS SHIN TU DKRUGS SHING SLONGS BAS ZUG GZER DRAG PO MYUR DU SKYED PAR 'GYUR RO, ,SLON DANG KHRUS BYAS PA LA NI LUS STONG PA STE DE SKEMS PAR ME LTAR BSREG PAR
'GYUR RO, ,SNA SMAN BTANG BA LA NI STENG GI RTZA SGO SHIN TU PHYE BAS GNOD PA BYED PAR 'GYUR RO, ,RTAG TU SLON PA LA SOGS PA NI RLUNG GIS BKRU SMAN DRAG PO GYEN DU 'DREN PAR 'GYUR RO, ,GZHANG 'BRUM YOD PA LA NI RGYU MA'I LAM 'GAGS PAS THUR DU RGYUR MI STER BA'I PHYIR SROG LA GNOD PAR 'GYUR RO, ,ZAS ZOS ZIN PA'I PHYIR LA NI RANG NAD 'PHEL ZHING MA ZHU BA LA SOGS PA LAS 'CHI BAR 'GYUR RO, ,LTO SBOS PA DANG LTO 'GAGS PA LA SOGS PA NI RLUNG GIS SHAS CHER 'GAGS PAS 'CHI BAR 'GYUR RO, ,SBRUM MA'I NYES PA NI SNGAR BSHAD PA YIN NO, ,BKRU DRAG BYA NYID 'JAM RTZI BYA, ,KHYAD PAR DU NI ME DROD CHE, ,RTZUB DANG RLUNG NAD GCIG PUS NYEN, ,ZHES BYA BA LA, GANG LA BKRU SMAN DRAG PO GTANG BAR BYA BA DE NYID LA, 'JAM RTZI BYA STE, DE DAG NYID LA SNUM GYI CHO GA MAS GTONG BAR BYA'O, ,DE LAS KYANG KHYAD PAR DU ME DROD CHE ZHING KHONG PA'I DROD CHE BA DANG, DE BZHIN DU KHONG RTZUB PA DANG, RLUNG NAD GCIG PUS NYEN CING NAD GZHAN DANG MA 'DRES PA'I RLUNG NAD KYIS GZIR ZHING GNOD PA LA 'JAM RTZI BYA'O, ,'JAM RTZI MI BYA BA'ANG DE NYID DO, ,DE BZHIN SKYA RBAB MIG SER DANG, ,TSIL CHE CHAM BTAB ZAS [?] MA ZOS, ,BSHANG BA 'KHRU BAR BYED PA DANG, ,LTO LCI LTO NAD BAD KAN CAN, ,MCHIL MA MANG DANG SHIN TU SBOM, ,LTO NA SRIN YOD RLUNG 'KHYIMS DANG, ,DUG DAG 'THUNGS DANG 'BRUM BUS BTAB, ,RKANG BAM LKOG MA'I LBA BA CAN, ,ZHES BYA BA LA, 'JAM RTZI MI BYA BA'I YUL YANG, GANG SNGAR BKRU SMAN DRAG PO BYAR MI RUNG BAR BSHAD PA DE NYID YIN NO, ,GZHAN DE BZHIN DU 'JAM RTZI BYAR MI RUNG BA NI, SKYA RBAB DANG MI GSER LA SOGS PAS BTAB PA DAG LA YANG BYAR MI RUNG NGO, ,RLUNG 'KHYIMS PA NI TSIL GYI NANG DU ZHEN PA'I RLUNG NGO, ,'BRUM BU NI 'BRAS KYI PHRENG BA'O, ,DE GNYIS SBU GU GSER SOGS DANG, ,SHING RUS 'OD MA LAS BYAS PA, ,BA LANG MJUG 'DRA BUG RDOL MED, ,'JAM ZHING DRANG LA KHA ZLUM PA, ,ZHES BYA BA LA, BKRU SMAN
, ,DRAG PO MAS GTONG BA DANG, 'JAM RTZI BTANG BA DE GNYIS KYI SBU GU NI 'DI LTAR BYA STE, GSER LA SOGS PA ZHES BYA BA GSER DANG DNGUL DANG ZANGS DANG ZHA NYE DANG, RO NYE LAS BYAS PA'O, ,DE BZHIN DU DBYIBS NI BA LANG GI MJUG MA LTAR RIM GYIS PHRA BA'O, ,BUG RDOL MED PA NI SPEL MED PA'O, ,'JAM PA NI RTZUB PA MED PA'O, ,DRANG BA NI MA YO BA'O, ,KHA ZLUM PA NI RTZE MO MI RNO BA'O, ,LO GCIG MA LON PAR SOR LNGA, ,LO TSAD LO BDUN PA YI BAR, ,TSAD NI SOR DRUG YIN PAR BSHAD, , LO BDUN PA YI BDUN NYID DE, ,BCU GNYIS PA LA SOR BRGYAD BYA, ,BCU DRUG YAN CHAD SOR DGU STE, ,NYI SHU YAN CHOD SOR BCU GNYIS, ,LO GZHAN DAG LA NA TSOD DANG, ,STOBS DANG LUS TSAD BRTAGS NAS NI, ,TSAD NI MNGON PAR BSKYED PAR BYA, ,ZHES BYA BA LA, BYIS PA LO GCIG MA LON PA LA GTONG BA'I SBU GU NI SRID SOR LNGA BYA'O, ,LO TSANG STE LO GCIG LON PA'I BYIS PA NAS LO BDUN PA'I BAR GYI BYIS PA'I GCE'U'I TSAD NI SOR DRUG PA BYA BA YIN PAR BSHAD DO, ,DE NAS BYIS PA LO DRUG LON PA LA GCE'U SOR DRUG PA BYA'O, , LO BDUN RDZOGS PA'I TSE NI SOR BDUN PA NYID BYA'O, ,LO BCU GNYIS LON PA LA NI GCE'U SOR BRGYAD PA BYA'O, ,LO BCU DRUG LON PA NAS LO BCU DGU LON PA'I BAR LA GCE'U SOR DGU PA BYA'O, ,LO NYI SHU LON PA PHAN CHAD NI GCE'U SOR BCU GNYIS PA BYA LA, YANG LO GZHAN DE DAG GI TSE NA STOBS DANG LUS KYI TSAD BRTAGS NAS GCE'U'I TSAD MNGON BAR SKYED CING 'PHEL BAR BYA'O, ,DE YANG LO GCIG MA LON PA LA GCE'U'I TSAD SOR LNGA BYA BAR BSHAD LA, DE RDZOGS NAS LO BCU DRUG LON PA'I BAR LA SOR DRUG BYA BAR BSHAD PAS, DE'I LO GZHAN DAG LA NI TSOD GANG YIN PA DANG, DE BZHIN DU STOBS DANG LUS KYI TSAD DE BRTAGS TE BAR SKABS DER NA TSOD LA SOGS BA SKYE BA BZHIN DU GCE'U YANG BSKYED PAR BYA'O, ,DE BZHIN DU LO GZHAN DAG NI NA TSOD KYI BAR GYI LO LA YANG BSGRE BAR BYA'O, ,RTZA BA
RANG GI MTHE BONG MNYAM, ,RTZE MO MTHE'U CHUNG TSAD DU BYA, ,ZHES BYA BA LA, GCE'U'I RTZA BA'I GNAS SU RANG GI MTHE BO'I TSAD CES PA, NAD PA'I MTHE BONG DANG SBOM GYI TSAD MNYAM PAR BYA'O, ,RTZE MO STE GCE'U'I KHA'I PHYOGS NAD PA'I MTHE'U CHUNG DANG SBOM MNYAM PAR BYA'O, ,LO GCIG LON SOR NAS GZUNG STE, ,DE YI PHYED PHYED KYIS BSKYED BYA, ,GANG ZHIG RTZA BA'I BU GA'I TSAD, ,SOR MO GSUM RTZE SHONG BA MCHOG ,MUNGGA MA SHA SRAN MA BTZOS, ,RGYA SHUG 'BRAS SHONG RIM BZHIN BYA, ,ZHES BYA BA LA, NA TSOD JI SKAD BSTAN PA'I RIM PAS GCE'U'I TSAD BSTAN PA'I RIM PA LAS MA 'CHOL BAR BYAS, BYIS PA LO GCIG LON ZHING TSANG BA'I SOR TSAD NAS BZUNG STE, DE'I PHYED PHYED BSKYED PAR BYA ZHING, JI SRID DU BU GSOR GSUM PAR GYUR PA DE SRID KYI BAR DU BSKYED PAR BYA STE, DE NI BU GA'I CHE TSAD STE MCHOG YIN PAS NA, DE LAS KYANG LHAG PAR MI BYA STE, LO GCIG MA LON PA LA NI RTZA BA'I BU GA SOR GCIG PAS CHUNG BAR BYA'O, ,RTZE MO YANG SRAN MUNGGA SHONG BA BAS CUNG ZAD CHUNG BAR BYA, DE'I PHYED PHYED CES BYA BA LA, DE YI ZHES BYA BA NI SOR TSAD LA SNYEGS LA, DES NA SOR GYI PHYED PHYED KYIS BSKYED CING, 'PHEL BAR BYA BA NI, JI SRID RTZA BA'I BU GAR SOR GSUM SHONG BAR GYUR PA DE SRID KYI BAR DU BSKYED PAR BYA'O, ,RTZE MO'I BU GA NI LO GCIG LON PA'I GCE'U'I BU GA SRAN MUNGGA STE, MON SRAN SDE'U SHONG BA NAS RGYA SHUG GI BAR DU RIM BZHIN DU BSKYED PAR BYA'O, ,MCHOG CES BYA BA NI 'DIR YANG SBYAR BAR BYA STE, GANG RGYA SHUG GI 'BRAS BU SHONG BA'I TSAD DU BYAS PA'I GCE'U'I BU GA NI CHE TSAD YIN PAS DE LAS LHAG PAR NI MI BYA'O, ,DE BAS NA LO GCIG LON PA NAS LO DRUG PA'I BAR GYI GCE'U'I RTZE MO'I BU GA'I TSAD NI MUNGGA SHONG BA TZAM BYA'O, ,LO BDUN PA NAS LO BCU GCIG PA'I BAR GYI GCE'U'I BU GA NI MA SHA SHONG BA'O, ,LO BCU GNYIS PA NAS BCVA LNGA'I BAR GYI NI SRAN MA SKAM PO SHONG BA'O, ,
, ,LO BCU DRUG PA NAS BCU DGU PA'I BAR DU NI SRAN MA BTZOS BA SHONG BA'O, ,NYI SHU LON PA YAN CHAD NI GCE'U'I BU GA NI RGYA SHUG GI 'BRAS BU CHUNG DU SHONG BA TZAM BYA'O, ,RTZA BA'I BU GA'I TSAD KYI NI, ,MTHAR NI BU GA 'GEGS PAR BYA, , ZHES BYA BA LA, MTHAR ZHES BYA BA RTZE MOR RTZA BA'I BU GA'I TSAD JI LTA BA LAS DE'I GAG PA 'KHOR LO LTA BU GANG SHING BSGRUB PAR BYA'O, ,RTZE MOR KHA BKAG CES BYA BA NI GCE'U DE'I RTZE MO'I KHA RAS BAL LA SOGS PA'I SDONG BU LTA BUS KHA BKAB STE, RLUNG LA SOGS PA NANG DU ZHUGS PA DGAG PA'I PHYIR DE LTAR BYA'O, ,GCE RTZA RANG GI SOR GNYIS KYIS, ,CHOD PAR 'GAG PA GNYIS PA BYA, ,ZHES BYA BA LA, DE BZHIN DU GCE'U DE'I RTZA BA'I PHYOGS SU RANG GI ZHES PA NAD PA BDAG NYID KYI SOR GNYIS KYIS CHOD PAR 'GAG PA GNYIS PA BYA STE, DE LA RKYAL BU GDAGS SHING BCING DGOS PA'I PHYIR RO, ,DER NI RKYAL BU GDAGS BYA BA, ,RA LUG MA HE LA SOGS PA'I, ,LGANG PA LEGS MNYES SRA BA DANG, ,DMAR BTZOS BU GA THAG THUG MED, ,DRI NGA RTZA RIS MED SRAB PAR, ,SMAN NI LEGS PAR BLUGS BYAS LA, ,SRAD BUS DAM PAR BCING BAR BYA, ,ZHES BYA BA LA, GAG PA GNYIS KYI BAR DU LUG LA SOGS PA'I LGANG BA'I RKYAL BU LEGS PAR MNYES PA DANG, DE BZHIN DU SRA BA STE MA GAS PA DANG DMAR POR BTZOS TE TSON GZHAN GYI KHA DOG MED PA THAG THUG MED CING MDUD PA CHAGS PA MED CING RUL BA LA SOGS PA'I DRI NGA BA MED PA RTZA'I RI MO MED PAS SRAB STE MTHUG BA MA YIN PA, DE LTA BUR SMAN BDE BAR BLUGS SHING GZHAG LA, SRAD BU SRA BAS LEGS PAR DAM [?] DU BCING BAR BYA'O, ,LGANG MED RKYAL PA'I DPUNG PA'AM, ,BYIN PA'I LPAGS SAM RAS STUG BZANG, ,ZHES BYA BA LA, GONG DU SMOS PA LTA BU'I LGANG PA MED NA RKYAL PA'I DPUNG PA BCAD PA'AM, BYIN PA'I PAGS PA LEGS PAR MNYES
PA DE LA BCING ZHING GDAGS PAR BYA'O, ,YANG NA RAS STUG CING BZANG LA BU GA MED PA SPRA TSIL LA SOGS PAS BSKUS LA, CHU THUB BA LAS SMAN BLUGS PA'I SNOD BYA'O, ,NI RU HA TSAD DANG PO NI, ,LO GCIG PA LA SRANG GCIG MCHOG ,JI SRID SRANG NI BCU GNYIS BAR, ,LO RE SRANG RES BSKYED PAR BYA, ,BCU GNYIS PA NAS BCVA BRGYAD BAR, ,DE YANG BDUN CU'I BAR TSAD 'DI, ,DE PHAN SRANG TSAD NYI SHU NYID, ,CES BYA BA LA, NI RU HA STE BKRU SMAN DRAG PO MAS GTOD BA'I TSAD NI LO GCIG LON PA LA SRANG GCIG MCHOG STE, CHE TSAD YIN NO, ,LO GCIG MA LON PA SRANG GCIG TU CUNG ZAD MA LONGS PA TSAD YIN NO, ,DE PHAN CHAD LO RE RE ZHING SRANG RE RES BSKYED DE, LO BCU GNYIS PA'I BAR LA SRANG BCU GNYIS GTANG BA'I BAR DU BSKYED PAR BYA'O, ,NI RU HA SRANG BCU GNYIS BYAS PA DE PHAN TSAD KYI LO RE BZHIN SRANG GNYIS BSKYED PAR BYA'O, ,LO BCU GNYIS LON PA NAS, BCU BDUN LON PA'I BAR LA BYA'O, ,BCVA BRGYAD PA NI SRANG NYI SHU RTZA BZHI CHE TSAD YIN TE, DE YANG NI RU HA TSAD 'DI NI LO BCU BDUN LON PA'I BAR GYI TSAD YIN NO, ,LO BDUN CU LON PA PHAN CHAD KYI NI SRANG NYI SHU NYID CHE TSAD YIN NO, ,ZHES BYA BA NI 'DIR NGES PAR BZUNG BA'I DON NO, ,CHE TSAD SRANG NYI SHU KHO NA YIN GYI DE LAS LHAG PA MI BYA'O, ,ZHES BYA BA'I DON NO, ,BKRU SMAN DRAG TSAD JI LTA BA, , DE YI BZHI CHA 'JAM RTZI'I TSAD, ,CES BYA BA LA, BKRU SMAN DRAG PO NI RU HA'I TSAD NI TSOD GANG DANG GANG LAS JI LTAR YIN PA DE DANG DE'I BZHI CHA 'JAM RTZI ZHES BYA BA, SNUM GYI CHO GA MAS GTONG BA'I TSAD YIN NO, ,DE YANG LO DANG PO LA NI RU HA'I TSAD SRANG GCIG YIN LA, TSAD DE'I BZHI CHA ZHO GNYIS LA NI 'JAM RTZI LO GCIG PA LA GTANG BA'I TSAD YIN NO, ,DE BZHIN DU BCU GNYIS PA LA SRANG BCU GNYIS NI RU HA'I TSAD YIN PA LAS, DE'I BZHI CHA SRANG GSUM 'JAM RTZI'I TSAD DO, ,DE BZHIN DU LO BCVA BRGYAD LON
, ,PA'I TSAD NYI SHU RTZA BZHI YIN LA, DE'I BZHI CHA NI SRANG DRUG STE, DE BZHIN DU THAMS CAD LA YANG SBYAR BAR BYA'O, ,BKRU SMAN DRAG BYA SNUM DUGS BYA, ,SBYANG BYAS NAS KYANG STOBS THOB PA, ,'JAM RTZI GTANG BAR 'OS PA NAS, ,THOG MA NYID DU 'JAM RTZI GTANG, ,ZHES BYA BA LA, NI RU HA ZHES BYA BA BKRU SMAN DRAG PO GTANG BAR BYA ZHING 'OS PA STE, SNUM DANG DUGS BYA BA STE, DANG PO SNUM GYI CHO GA BYAS LA, DE'I 'OG TU DUGS BYA'O, ,DE BZHIN DU SBYANG BAR BYA BA STE, BKRU SMAN DANG, SKYUG SMAN BYAS NAS KYANG SLAR STOBS THOB CING, NYAMS STOBS BRTAGS PA DAG 'JAM RTZI GTANG BAR 'OS SHING RIGS PAR SHES NAS, DANG PO THOG MA KHO NAR BKRU SMAN DRAG PO MAS GTONG BA'I 'JAM RTZI GTANG BAR BYA'O, ,DGUN DPYID NYIN PAR BTANG DE LAS, ,GZHAN DU MTSAN BTANG LA LA 'DOD, ,CES BYA BA LA, DGUN ZHES BYA BA GRANG BA'I DUS SPYIR GRANG BA STE, DGUN STOD DANG DGUN SMAD KYI DUS SU 'JAM RTZI NYIN PAR GTANG BAR BYA'O, ,DE LAS GZHAN DU ZHES PA GONG MA LAS GZHAN PA'I DUS SO GA DANG, DBYAR DANG STON KA MTSAN MO'I DUS SU 'JAM RTZI GTANG BAR BYA'O, ,ZHES SROG 'TSO BA'I SLOB DPON LA LA 'DOD DO, ,SKU BYUG KHRUS BYAS SNGON THANG LAS, ,BZHI GSUM PHAN ZHING YANG BA DANG, ,SNUM DANG RTZUB CHES MA YIN BZA', ,KHU BA LA SOGS ZOS RJES BTUNG, , BCAGS LA BSHANG GCI BSAL NAS NI, ,MAL DU BDE BAR GNAS BYAS LA, ,MTHO DMAN MED PAR MGO SMAD DE, ,GLO G-YON GYIS NI PHAB NAS SU, ,RKANG PA G-YAS PA BKUG NAS NI, ,RKANG PA G-YON PA BRKYANG BAR BYA, ,ZHES BYA BA LA, DANG PO BSKU BYUG BYAS LA; DE'I 'OG TU KHRUS BYA BA YIN PAS NA, NAD PA DE BSKU BYUG DANG KHRUS BYA'O, ,DE NAS SNGON BSTEN ZHING GOMS PA'I THA MA LA BZHI CHA GSUM STE, NAR MAR BZA' BA'I THANG LAS BZHI CHA PHRI LA, BZA' BA NI YANG BA DANG, HA CANG RTZUB CHES PA DANG,
SNUM CHES PA MA YIN PA, SNUM RTZUB RAN PA PHAN ZHING GNOD PA MED PA'I ZAS BZA' BAR BYA'O, ,DE'I 'OG TU 'TSAL NAN BTUNG BA NI MUNGGA'I KHU BA LA SOGS PA GNOD PA MED CING RJES SU MTHUN PA BTUNG BAR BYA'O, ,DE BZHIN DU BCAGS PA STE, CUNG ZAD CIG PHAN TSUN BCAGS PA DANG, BSHANG BA DANG, GCI BA LEGS PAR BSIL ZHING DOR BA DANG, DE BZHIN DU RLUNG MED PA'I KHANG PA'I NANG DU MAL BDE BA SHIN TU MTHO BA DANG, SHIN TU DMA' BA MA YIN PA MGO SMAD PA STE, RKANG PA'I PHYOGS CUNG MTHO BAR GLO G-YON PA LEGS PAR PHAB LA, RKANG PA G-YAS PA BKUG NAS RKANG PA G-YON PA LEGS PAR BRKYANG BA'I TSUL DE LTAR GNAS PAR BYAS LA, DE NAS DE LA GCE'U GZHAG PAR BYA'O, ,DE YANG JI LTA ZHEN, DE NAS DE LA GCE'U KHA DANG, ,GZHANG SGO SNUM GYIS BSKUS NAS NI, ,GCE'U LGANG PA'I DBUGS BTON LA, ,KHA BCINGS LAG PA MI 'DAR BAR, ,RGYAB KYI PHYOGS SU 'DUG NAS NI, ,SHIN TU MYUR DANG DAL MIN DANG, ,HA CANG SHUGS DRAG DAL MIN PAR, ,RAN PAR LAN CIG KHO NAR BTZIR, , RLUNG NI LHAG PAR GNAS PA NA, ,LHAG MA CUNG ZAD LUS PAR BYA, ,ZHES BYA BA LA, DE NAS DE'I 'OG TU SKYES BU DE LA GCE'U GZHUG PA'I THABS NI, GCE'U KHA STE RTZE MO SNUM GYIS BSKU BA DANG, GZHANG ZHES BYA BA BSHANG BA'I LAM YANG SNUM GYIS BSKUS TE; DBUGS BTON ZHES PA LGANG PA'I NANG GI DBUGS BTON LA, GCE'U'I KHA BCINGS SHING BSDAMS NAS, LAG PA MI 'DAR ZHING BRDABS BAG TU MA GYUR PAS RGYAB KYI PHYOGS NAS DE LA MNGON PAR PHYOGS PAR 'DUG STE GTANG BAR BYA'O, ,DE'I 'OG TU SHIN TU MYUR BA DANG, SHIN TU BUL BA DANG, DAM PA MA YIN PA DANG, HA CANG SHUGS DRAG PA DANG, HA CANG DAL BAR MA YIN PAR LAN CIG KHO NAR BTZIR BAR BYA'O, ,YANG NAS YANG DU NI MA YIN NO, ,DE YANG LGANG PA DE'I ZHABS NA
, ,SMAN GYI LHAG MA CUNG ZAD LUS PAR BYA'I, RNAM PA THAMS CAD NAS THAMS CAD DU BTZIR BAR MI BYA'O, ,DE CI'I PHYIR ZHE NA, SMAN GYI LHAG MAR RLUNG YOD PA'I PHYIR RO, ,DE YANG, LGANG PA DE'I ZHABS SMAN GYI LHAG ,MA LUS PAR NI BLUGS BA YIS, ,RLUNG ZHUGS NAS NI RNAM 'KHRUGS PAS, ,GZER DANG NAD RNAMS SKYED PAR 'GYUR, ,ZHES BSHAD PA YIN NO, ,BTANG NAS LUS NI GAN RGYAL GZHAG ,RKUB TZOS LAG PAS BRDAB PAR BYA, ,RTING PAS MJUG TZOS BRDUNG BYA ZHING, ,RTING PA BTEG LA LAN GSUM GSIG ,CES BYA BA LA, 'JAM RTZI BTANG NAS DE'I LUS GAN RKYAL DU BZHAG LA, 'JAM RTZI BTANG BA DE'I RKUB TZOS LAG PAS BRDAB PAR BYA ZHING BSNUN PAR BYA'O, ,DE BZHIN DU NAD PA'I RTING PA GNYIS KYIS MJUG TZOS BRDUNG ZHING BRDEG PAR BYA'O, ,DE BZHIN DU MAL NAS RTING PA YAR BTEG STE, LAN GSUM GYI BAR DU GSIG CING GYEN DU DRANG BAR BYA'O, ,DE NAS LUS NI BRKYANG NAS NI, ,SNGAS DANG BCAS PA'I RTING PAR NI, ,KHU TSUR GYIS BRDUNGS LUS KYANG NI, ,SNUM GYIS BSKUS LA MNYE BAR BYA, ,TSOR BAS NYEN PAS SNUM DAG NI, ,MYUR DU PHYIR 'BYUNG MI BYED DO, ,GAL TE MYUR DU PHYIR BYUNG NA, ,PHAN MI BYED PAS GZHAN DAG GTANG, ,ZHES BYA BA LA, DE NAS DE'I 'OG TU NAD PA'I LUS BRKYANG BAR 'GYUR BA DANG, DE BZHIN DU SNGAS BCUG PA LA RTING PAR KHU TSUR GYIS BRDUNGS LA, YAN LAG SNUM GYIS BYUGS NAS MNYE BAR BYA STE, GANG GI PHYIR TSOR BA MI BDE BAS NYEN PAS MAS GTONG BA'I SNUM STE, MYUR BA KHO NAR PHYIR 'BYUNG ZHING 'DZAG PAR MI BYED DO, ,GAL TE MYUR DU PHYIR 'BYUNG ZHING LDOG PAR GYUR NA, 'JAM RTZI GNYIS PA SBYAR ZHING GTANG BAR BYA STE, GANG GI PHYIR SNUM NANG DU CHAGS NA, NAD PA'I RLUNG LA SOGS PA'I NAD SEL BA'I BYA BA BYED PAR 'GYUR BAS, DE MYUR DU BYUNG NA BYA BA DE MI BYED PA'I PHYIR, GZHAN DAG GIS BSNAN
DGOS SO, ,ME DROD CHE ZHING SNUM BYUNG NA, ,DGONGS KA KHA ZAS YANG BA SBYIN, ,ZHES BYA BA LA, ME DROD SHIN TU CHE ZHING SNUM PHYIR BYUNG BAR GYUR NA, DGONGS KA STE NYIN PAR GYI MTHAR KHA ZAS YANG MO DAG SBYIN PAR BYA'O, ,DBYUNG BA'I DUS KYI DAM PA NI, ,THUN GSUM YIN TE DE PHAN CHAD, ,NYIN MTSAN GCIG NI BSDAD NAS SU, ,DE YI 'OG TU RENG BU YIS, ,SNUM DBYUNG PHYIR NI 'BAD BYA BA, ,MAS GTONG BA NI RNON PO BYA, ,ZHES BYA BA LA, 'JAM RTZI DBYUNG BA'I DUS KYI DAM PA'AM, MCHOG NI THUN GSUM YIN TE, DE PHAN CHAD CES BYA BA'I 'OG TU NYIN MTSAN GCIG 'DAS KYI BAR DU BYUNG BAR MA GYUR NA, NYIN MTSAN GCIG GI BAR DU BSDAD NAS, DE'I 'OG TU RENG BU SBYAR BAS 'JAM RTZI SNUM DBYUNG BAR BYA BA'I PHYIR, SMAN PAS 'BAD PAR BYA BA'AM, MAS GTONG BA'I SMAN RNON PO BYA BA LA 'BAD PAR BYA'O, ,SHIN TU RTZUB PAS MA BYUNG ZHING, ,SNYOM BAG LA SOGS NAD MED NA, ,BTANG SNYOMS SU NI GZHAG PAR BYA, ,ZHES BYA BA LA, SHIN TU LUS KYI KHONG RTZUB PA'I PHYIR, SNUM MA BYUNG ZHING SLAR 'DZAG PAR MA GYUR LA, GAL TE SNYOM BAG GAM, RMONGS BAG LA SOGS PA'I NAD KYI NYES PA YANG MED NA BTANG SNYOMS SU GZHAG PAR BYA'O, ,DE BYUNG BA LA 'BAD PAR MI BYA'O, ,DE NAS MTSAN 'DAS NANG PAR NI, ,BCA' SGA 'U SU BSKOL CHU 'AM, ,YANG NA CHU TSAN 'BA' ZHIG BTUNG, ,ZHES BYA BA LA, DE NAS DE'I 'OG TU MTSAN MO BDE BAR GNAS PAS 'DAS PAR BYAS LA, NANG PAR GYI DUS SU BCA' SGA DANG 'U SU BSKOL BA'I CHU TSAN DRO 'JAM TZAM BTANG BA'AM, YANG NA CHU BSKOL BA TSAN TE 'BA' ZHIG BTUNG BAR BYA STE, DE'I SNUM GYI LHAG MA ZHU BA DANG, RLUNG DANG, BAD KAN ZHU BA'I PHYED BYA BA YIN NO, ,'JAM RTZI BTANG NAS NYIN GSUM MAM, ,NYIN LNGA LON NAS SLAR BTANG BA 'AM, ,JI SRID SNUM NI 'JU 'GYUR BA'AM, ,YANG NA RLUNG NI SHAS CHE DANG, ,RTAG TU RTZOL BYED ME DROD CHE, ,KHONG RTZUB PA LA NYIN RE BTANG, ,ZHES BYA BA LA, DE LTAR 'JAM RTZI BTANG NAS MI DE NYI MA GSUM MAM,
, ,NYI MA LNGA NAS SLAR YANG 'JAM RTZI GTANG BAR BYA'O, ,YANG NA DUS JI SRID CIG GIS SNUM DE BDE BAR 'JU BAR 'GYUR BA DE'I TSAD KYIS BTANG NGO, ,YANG NYIN RE YANG BTANG DU RUNG STE, DE NYID KYIS NA RLUNG SHAS CHE BA LA SOGS PA YIN TE, RLUNG GI SHAS CHE ZHING RLUNG NAD BDO BA DANG, DE BZHIN DU RTAG TU RTZOL BA BYED PA STE, RGYUN MI 'CHAD PAR LAS SU BYA BA'I RTZOL BA DRAG PA BYED PA DANG, DE BZHIN DU ME DROD CHE BA DANG, SKYES BU KHONG SHIN TU RTZUB PA LA NYIN RE STE ZHAG RE RGYUN MI 'CHAD PAR GTANG BAR BYA'O, ,DE LTAR SNUM NI GSUM MAM BZHIS, ,SNUM GYUR RTZA SGO SBYANG BA'I PHYIR, ,MAS GTONG KHRUS KYIS SBYANG BA DANG, ,SNUM MED LUS NI SNUM GYUR GTANG, ,ZHES BYA BA LA, DE LTAR RIM PA 'DIS NAD LA SOGS TSUL LA DPAGS TE, 'JAM RTZI'I SNUM GSUM MAM BZHIS SKYES BU'I LUS KYI SNUM GYUR NAS RTZA SGO SBYANG BA'I PHYIR ZHES PA RTZA SNUM GYI RGYU BA RNAM PAR DAG PAR BYA BA'I PHYIR, NI RU HA STE BKRU SMAN DRAG PO DANG, SBYANG ZHING ZHI BAR BYA BA DANG, RLUNG SHAS CHE BAS LUS SNUM MED PAR GYUR PA'I LUS LA SNUM PAR BYA ZHING KHONG BRTA BAR BYA BA'I PHYIR SNUM GYI CHO GA GTANG BAR BYA'O, ,NYI MA GSUM MAM NYIN LNGA NA, , TSES GRANGS BZANG ZHING DGE BA LA, ,NYIN PHYED CUNG ZAD YOL BA'I TSE, ,GTOR MA BKRA SHIS CHO GA BYA, ,SNUM BSKU DUGS BYA BSHANG GCI NI, ,BSAL ZHING SHIN TU BKRES MIN LA, ,SKYES BU'I NAD DMIGS SMAN LA SOGS, ,'BAD DE SHES PAR BYAS NAS NI, ,SMAN PAS DE LA MKHAS PA NI, ,MANG DANG LHAN CIG MAS GTONG SBYAR, ,ZHES BYA BA LA, DE NAS 'JAM RTZI MAS GTONG BA'I NYI MA GSUM MAM NYI MA LNGA NA BYA BA BSGRUB CING BSNGAGS PA'I TSES GRANGS DANG, BYED PA DANG, THANG CIG DANG, RGYU SKAR BZANG PO DANG, NYIN DGE BA LA NYI MA'I PHYED CUNG ZAD YOL ZHING 'DAS PA'I TSE GTOR MA DANG BKRA SHIS KYI CHO GA DAG JI LTA BA BZHIN DU BYAS SHING SHIS PA BRJOD PA DANG, BDE LEGS LA SOGS PA DGE SBYONG DANG BRAM ZES BYAS NAS, SMAN BKRU SMAN DRAG PO MAS GTONG ZHING BRTZAM PAR BYA STE, DE YANG DE LA MKHAS SHING MAS GTONG BA'I CHO GA'I SBYOR BA LA MKHAS
BA'I SMAN PA MANG PO DANG LHAN CIG GROS BYA BA DANG, SKYES BU NAD PA'I NAD KYI DMIGS LA SOGS PA YANG SHES PAR BYAS LA, LUS SNUM GYIS BSKU BAR BYA BA DANG, DE BZHIN DU DUGS BYA BA DANG, BSHANG BA DANG GCI BA BSAL ZHING DOR BA DANG, SHIN TU BKRES PAS MA YIN ZHING LTOGS PAS NYEN PA MA YIN PA DANG, DE BZHIN DU NAD DMIGS DANG SMAN LA SOGS PA 'BAD CING BTZAL BAS SHES SHING RTOGS PAR BYAS NAS SMAN PAS MAS GTONG BA'I CHO GA LA SBYAR ZHING BRTAG PAR BYA'O, ,SMAN GYI SRANG NI NYI SHU DANG, ,PO SON CHA BRGYAD LHAN CIG BSKOL, ,ZHES BYA BA LA, RTZA BA BCU PA LA SOGS PA'I SMAN SRANG NYI SHU 'OG NAS MAS GTONG BA'I CHO GA'I SKABS NAS SMOS PA BSKOL BA DANG, DE BZHIN DU PO SON CHA'I 'BRAS BU BRGYAD LHAN CIG BSKOL BAR BYA STE, PO SON CHA BRGYAD LA NI SRANG GCIG TZAM YOD DO, ,DE LTAR NA SMAN SRANG NYI SHU RTZA GCIG DANG, SMAN GYI BCU DRUG 'GYUR GYI CHU DANG SBYANGS LA DE LEGS PAR BSKOL BAR BYA'O, ,DE NAS CHA LUGS DANG BSKOL BA'I SMAN CHU DE, BRGYAD CU RTZA BZHI 'BYUNG BAR 'GYUR RO, ,BSKOL BA DE YI BZHI CHA YI, ,SMAN MAR RLUNG LA RJES SU SBYAR, ,MKHRIS PA BDE BAR GNAS DRUG CHA, ,BAD KAN SHAS CHER BRGYAD CHA GCIG ,CES BYA BA LA, DE LTAR BSKOL BA DE LAS SNUM GYI MAR BZHI CHA GCIG RLUNG GI NAD LA RJES SU SBYAR ZHING GTANG BAR BYA'O, ,MKHRIS PA'I NAD LA NI BSKOL BA DE LAS SNGA MA'I TSAD LAS DRUG CHA STE, SRANG BCU BZHI GTANG BAR BYA'O, ,DE BZHIN DU BDE BAR GNAS SHING THA MAL PAR 'DUG PA LA YANG DRUG CHA NYID GTANG BAR BYA'O, ,BAD KAN SHAS CHE ZHING RGYAS PA'I NAD LA NI DE'I BRGYAD CHA STE, SRANG BCU GTANG BAR BYA'O, ,YANG NA KUN LA SMAN GYI NI, ,BRGYAD CHA GCIG GAM, ZHES BYA BA LA, SBYAR BAR BYA'O ZHES BYA BA 'DIR YANG SBYAR BAR BYA STE, KUN LA ZHES BYA BA RLUNG DANG MKHRIS PA DANG, DE BZHIN DU BAD KAN TE BDE BAR GNAS PA LA SMAN GYI BRGYAD CHA GCIG STE, BSKOL BA'I GANG BRGYAD CHA GCIG TU GYUR PA SRANG BCU THAMS CAD LA SBYIN PAR BYA'O, ,CI NAS KYANG, ,MAS GTONG SKA [?] SLAR MI 'GYUR BYA, ,ZHES BYA BA LA, YANG NA THAMS CAD DU SMAN BSKOL BA'I
, ,BRGYAD CHA GCIG SBYIN PA YIN NO, ,GZHAN DU SMAN GYI PHYE MA 'AM, LDE GU'I CHA LAS MAS GTONG BA'I SMAN SHIN TU SKA ZHING 'BYAR BA YANG MA YIN LA, SHIN TU SLA ZHING 'DZAG CHES PAR YANG MI 'GYUR BA DE LTAR SBYAR BAR BYA'O, ,BU RAM DAG NI SRANG GCIG DANG, ,ZHES BYA BA LA, RLUNG DANG MKHRIS PA DANG, BAD KAN DANG, BDE BAR GNAS PA'I MAS GTONG BA THAMS CAD LA, BU RAM SRANG GCIG GZHUG PAR BYA STE SMOS PA NI, DE LAS YID CHES PA'AM, CHUNG BA YANG RUNG BA'I DON NO, ,RIGS PAS SBRANG RTZI RGYAM TSA SOGS, ,LHAG MA, ZHES BYA BA LA, RJES SBYAR BA DANG KUN LA ZHES BYA BA LA 'DIR YANG SBYAR BAR BYA STE, DE LA RIGS PA NI SBYOR BA STE, BYA BA'I THABS YIN NO, ,DE LTA BU'I RIGS PA DANG LDAN PAS SBRANG RTZI DANG RGYAM TSA 'AM, LCE MYANG TSA LA SOGS PA LHAG MA GANG YIN PA BKRU SMAN DRAG PA'I YAN LAG TU GYUR PA TSAD MA BSTAN PA DE THAMS CAD LA SBYAR ZHING GTANG BAR BYA'O, ,SOGS PA'I SGRAS NI SBRANG RTZI DANG RGYAM TSA LAS GZHAN PA ZHO GA CHU DANG, RANG SKYUR GYI RTZAB MO DANG, 'O MA DANG, BA GCIN LA SOGS PA BKRU SMAN DRAG PO MAS GTONG BA'I SDE TSAN DU GTOGS PA GZHAN DAG KYANG BSDU'O, ,DE KUN SNOD GCIG BLUGS, BUM PAR CHU BSKOL RLANGS PA YIS, ,BSRO ZHING GZAR BUS DKRUGS NAS NI, ,RKYAL BU'I NANG BLUGS MJUG MAR NI, ,GTONG TSE SHIN TU TSA GRANG MIN, ,SHIN TU SNUM MIN RTZUB PA MIN, ,SHIN TU RNO MIN 'JAM PA MIN, ,SHIN TU SKA MIN SLA BA'ANG MIN, ,SHIN TU MANG NYUNG TSAD MED PA'AM, ,TSA CHE SKYUR BA'ANG DE DANG 'DRA, , ZHES BYA BA LA, GONG DU SMOS PA DE THAMS CAD MA LUS PA SNOD GCIG TU BLUGS LA, BUM PAR BSKOL PA'I RLANGS PAS BSRO ZHING TSA BAR BYA BA DANG, DE BZHIN DU GZAR BU'AM SKYABS KUN DKRUGS SHING BSKYOS PAR LUG DANG, MA HE LA SOGS PA'I LGANG PA LAS BYAS PA'I RKYAL BU'I NANG DU BLUGS LA SMAN DE MAS GTONG BA'I DON DU MJUG MA NAS GTONG ZHING 'JUD PAR BYED PA'I TSE, SHIN TU TSA BA MA YIN PA DANG, SHIN TU GRANG PA MA YIN PA DANG, DE BZHIN DU SHIN TU RTZUB PA MA YIN PA DANG, DE BZHIN DU BA GCIN DANG, YUNGS KAR LA SOGS PA SHAS CHE BA SHIN
TU RNO BA MA YIN PA DANG, 'O MA MANG PO GTONG BAS SHIN TU 'JAM PA MA YIN PA DANG, DE BZHIN DU SHIN TU SKA BA MA YIN PA DANG, SHIN TU SLA BA MA YIN PA DANG, SHIN TU MANG BA MA YIN PA DANG, TSAD LAS SHIN TU NYUNG BA MA YIN PA DANG, DE BZHIN DU SHIN TU TSA MED PA'AM, CHE BAR YANG MI BYA BA DANG; DE BZHIN DU KAN DZI RANG SKYUR LA SOGS PA SKYUR BA MED PA'AM, DE SHAS CHE BA'AM, DE DANG 'DRA STE, MI BYA'O ZHES BYA BA'I DON NO, ,DE LA MKHAS PA GZHAN SMRAS PA, ,SNUM DANG SBRANG RTZI GNYIS SO SOR, ,SRANG NI GSUM GSUM BYAS NAS NI, ,RGYAM TSA DAG NI ZHO GNYIS DANG, ,NAD MED LA BTANG SMAN SRANG GNYIS, ,KHU BA'I SMAN NI LHAG MA KUN, ,SRANG BCU YONGS SU SBYAR BAR BYA, ,ZHES BYA BA LA, MAS GTONG BA'I CHO GA LA MKHAS PA'I SMAN PA GZHAN DAG GIS NI, MAS GTONG BA'I CHO GA GZHAN DAG 'CHAD CING STON TE, TIL MAR LA SOGS PA'I SNUM DANG, DE BZHIN DU SBRANG RTZI DAG NI TSAD SRANG GSUM GSUM DU SO SOR BYA BA STE, SNUM SRANG GSUM DANG DE BZHIN DU SBRANG RTZI SRANG GSUM DANG, DE BZHIN DU RGYAM TSA ZHO GNYIS SBYAR BA 'DI NI NAD MED PA STE, BDE BAR GNAS PA LA GTANG BA YIN NO, ,ZHES SMRAS SO, ,DE BZHIN DU SMAN SRANG GNYIS DANG, KU BA BSKOL BA'I SMAN LHAG MA SRANG BCUR YONGS SU SBYAR BAR BYA'O, ,DE LTAR NA SPYIR SRANG BCVA BRGYAD MAS GTONG BA'I TSAD YIN PAR 'DOD DO, ,SBRANG RTZI RGYAM TSA SNUM RNAMS DANG, ,SMAN PHYE KHU BA'I RIM PA NI, ,MAS GTONG RGYAL PAR BCUG BYAS TE, ,'DI NI SBYOR BA'I CHO GAR BSHAD, ,CES BYA BA LA SOGS PA'I SMAN GYI KHU BA RIM GYIS BCOS SHING SBYANG STE, DANG PO SBRANG RTZI SBYAR ZHING GZHUG PAR BYA'O, ,DE NAS NI RGYAM TSA'O, ,DE NAS NI SNUM MO, ,DE NAS NI SMAN GYI PHYE MA'O, ,DE NAS NI SMAN GYI KHU BA GZHUG PAR BYA STE, GANG GI PHYIR SMAN DRAG PO MAS GTONG BA'I SBYOR BA 'DI NI SBYOR BA'I CHO GA GCIG TU BSRES PA YIN NO ZHES DRANG SRONG DAG GIS BSHAD DO, ,GAN RKYAL BZHAG NAS BTANG MA THAG ,SNGAS KYIS BRTEN TE MAS GTONG LA, ,YID NI GZHAN DU MA YENGS PAS, ,ZHES BYA BA LA, GAN RKYAL DU BZHAG NAS SNGAS KYIS BRTEN TE, BKRU SMAN DRAG PO MAS GTONG MA THAG
, ,'DAS PA'I DUS GZHAN GANG DU YANG MA YENGS PAS MAS GTONG BA DRAG PO'I NUS PA LUS LA KHYAB PA'I PHYIR, NI RU HA DE LA MA YENGS PAR BYA STE, GANG 'DI NGA LA BKRU SMAN DRAG PO MAS GTONG BA JI TZAM NA SLAR 'BYUNG BAR 'GYUR ZHIG GU ZHES BSAM PAR BYA'O, ,'KHRU BA TZOG BUS GTANG BAR BYA, , ZHES BYA BA LA, DE'I RJES THOGS LA 'KHRU BA 'BYUNG BAR 'GYUR ZHING BKRU SMAN DRAG POS PHYIR 'BYUNG BAR NYE BAR PHYOGS PAR GYUR NA, TZOG BUS 'DUG LA, KHU DRAG PO'I SHUGS BTANG ZHING DOR BAR BYA'O, ,'ONG DUS DAM PA YUD TZAM STE, ,DE LAS GZHAN DU 'CHI BYED YIN, ,ZHES BYA BA LA, BKRU SMAN DRAG PO MAS GTONG BA DE PHYIR 'ONG ZHING 'BYUNG BA'I DUS KYI DAM BA 'AM MCHOG NI YUD TZAM STE, CHU TSOD GNYIS KYI NANG YIN PA LAS, DE LAS GZHAN ZHING 'DAS PA'I DUS SU SDOD PAR BYED NA, NI RU HA SA 'CHI BAR 'GYUR BAR BYED PA YIN NO, ,DE LA BCOS PA'I THABS GYUR SNUM, ,THAL SMAN PA GCIN KHU SKYUR SBYAR, ,MYUR BAS SNUM RNO DRO BA YI, ,MAS GTONG GZHAN DAG GTANG BAR BYA, ,YANG NA SMAN GYI RENG BU DANG, ,BTANG ZHING DUGS LA SOGS PA BYA, ,ZHES BYA BA LA, BKRU SMAN DRAG PO MAS GTONG BA DE PHYIR 'ONG BAR GYUR BA LA BCOS SHING GSO BA'I THABS NI MYUR ZHING RINGS PAR MAS GTONG BA SNGA MA LAS GZHAN PA SNUM PA DANG RNO BA DANG, DRO BA'I MTSAN NYID CAN DANG, DE BZHIN DU THUR DU 'BYIN PAR BYED BA'I SNUM DANG, THAL SMAN RNON PO DANG, BA GCIN LA SOGS PA DANG SBYAR BA DAG KYANG GTANG BAR BYA'O, ,YANG NA DE MYUR DU 'KHRU BA'I PHYIR SMAN GYI RED BU MYUR DU GZHUG BAR BYA'O, ,DE LA SMAN GYI RENG BU NI PO SON CHA'I 'BRAS BU LAS BYAS PA'O, ,DE BZHIN DU SDANGS SHING SKRAG PAR BYA BA DANG, DUGS LA SOGS PA'I RNAM PA YANG MYUR DU DBYUNG BAR BYA BA'I PHYIR RO, ,RANG NYID 'ONG BAR GYUR NA NI, ,MAS GTONG GNYIS PA BTANG BA'AM, ,LAN GSUM LAN BZHI'I BAR DU STE, ,JI SRID LEGS PAR GYUR PAR GTANG, ,ZHES BYA BA LA, DE RANG NYID 'ONG ZHING MAS GTONG BA GCIG 'ONG BAR GYUR NA, MAS GTONG BA GNYIS PA DANG, DE BZHIN DU LAN GSUM PA'AM, LAN BZHI BA'I BAR DU YANG GTANG BAR BYA'O, ,YANG JI SRID LEGS PAR 'KHRU BAR 'GYUR BA'I
BAR DU GTANG STE, GRANGS NGES PAR CHAD PA MED DE, MAS GTONG BA DE DAG TZAM DU MA ZAD KYI, BKRU SMAN DRAG PO LEGS PAR 'BYUNG BA'I MTSAN NYID BSKYED PAR BYA BA'I PHYIR MANG PO YANG GTANG BAR BYA BA YIN NO, ,DE YI SBYOR LEGS BKRU SMAN DANG, ,'DRA BAR SHES BYA, ZHES BYA BA LA, BKRU SMAN DRAG PO MAS GTONG BA DE'I RJES LA BKRU SMAN GYI SBYOR BA LEGS PA DANG, SBYOR BA NYES PA LA SOGS PA'I MTSAN NYID JI LTA BA BZHIN DU BKRU SMAN DRAG PO MAS GTONG BA'I SBYOR BA 'DI LA YANG DE DANG 'DRA BAR SHES PAR BYA'O, ,SBYOR BA NYES PA LAS SNYING DANG LTO BA MA DAG PA DANG, YI GA 'CHUS PA LA SOGS PA YIN LA, SBYOR BA LEGS PA LAS JI SKAD BSHAD PA'I SKYON MED PA'O, ,SBYOR BA DRAGS PA NI BAD KAN DANG, MKHRIS PA DANG BSHANG GCI SKYED PA LA SOGS PA'I MTSAN NYID CAN NO, ,SBYOR LEGS NA, ,CHU DRON 'JAM POS BKRUS NAS NI, ,SHA KHU 'BRAS CHAN CUNG ZAD SBYIN, ,ZHES BYA BA LA, YANG DAG PA'I SBYOR BA'AM, SBYOR BA LEGS PAR GYUR NA, SKYES BU DE CUNG ZAD DRO BAS BKRUS LA SKAM SA'I SHA'I KHU BA DANG 'BRAS CHAN NYUNG ZAD CIG SBYIN PAR BYA'O, ,MAS GTONG DRAG PO'I NAD RNAMS KYI, ,DRI MA BSKYOD BAR BYUNG GYUR BA, ,DE NI CHU DRON GYIS BKRU DANG, ,KHA ZAS TSUL BZHIN ZOS PAS 'BYANG, ,ZHES BYA BA LA, SKYES BU BKRU SMAN DRAG PO MAS GTONG BA'I NAD RNAMS KYI DRI MAS BSKYOD CING 'BYUNG BAR BYA'O, ,NAD DE CHU DRON PO 'JAM POS BKRU BA DANG, DE BZHIN DU KHA ZAS TSUL BZHIN DU ZOS PAS BYANG ZHING DAG PAR 'GYUR RO, ,GAL TE RLUNG GIS NYAM THAG NA, ,SLAR YANG 'PHRAL DU 'JAM RTZI GTANG, ,ZHES BYA BA LA, GAL TE RLUNG GI NAD KYIS NYAM THAG CING GNOD PAR GYUR NA, SLAR YANG 'PHRAL DU DUS DE'I TSE NYID 'JAM RTZI GTANG BAR BYA STE, SNUM GYI JI LTA BU BZHIN DU GSO ZHING BCOS PA NYID DU BYA'O, ,DE NI LEGS DANG MA LEGS DANG, ,DRAGS PA SNUM 'THUNGS 'DRAR SHES BYA, ,ZHES BYA BA LA, 'JAM RTZI'I SBYOR BA LEGS PA DANG, MA LEGS PA DANG, DRAGS PA RNAM PA GSUM, SNUM 'THUNGS PA DANG TSUL 'DRA BAR 'GYUR TE, DE YANG 'DI LTAR, RLUNG NI BDE RGYU ME DROD 'BAR, ,BSHANG BA SNUM ZHING MI SRIL, ,SNUM MI 'DOD CING SNYOMS GYUR BA, ,SNUM LEGS YIN TE RTZUB MO BZLOG ,SNUM DRAGS PA YIS SKYA RBAB DANG, ,SNA DANG KHA RKUB LAS 'DZAG
, ,'GYUR, ,ZHES BYA BA LA, 'DI DAG GI SBYOR BA LEGS PA DANG, MA LEGS PA DANG, DRAGS PAR GYUR PA YIN NO, ,GANG ZHIG DUS NI CUNG ZAD GNAS, ,BSHANG DANG BCAS PAR 'BYUNG 'GYUR ZHING, ,THUR DU DBUGS DANG SNUM LHAN CIG ,'BYUNG 'GYUR 'JAM RTZI LEGS PA YIN, ,ZHES BYA BA LA, SNUM GANG ZHIG DUS CUNG ZAD CIG GNAS NAS BSHANG BA DANG BCAS PAR LHAN CIG 'BYUNG BAR 'GYUR ZHING DE BZHIN DU DBUGS KYI RGYU BA LEGS PAR 'BYUNG BAR 'GYUR NA, 'JAM RTZI'I SBYOR BA LEGS PA YIN NO, ,BAD KAN LA NI MAS GTONG BA'I, ,'JAM RTZI GCIG GAM GSUM GTANG BYA, ,MKHRIS PA LA NI LNGA 'AM BDUN, ,RLUNG LA DGU 'AM BCU GCIG GTANG, ,ZHES BYA BA LA, BAD KAN GYI NAD LA NI MAS GTONG BA'I SNUM GYI 'JAM RTZI GCIG GAM GSUM ZHIG GTANG BAR BYA'O, ,MKHRIS BA'I NAD LA NI 'JAM RTZI LNGA 'AM BDUN GTANG BAR BYA'O, ,RLUNG LAS GYUR BA'I NAD LA NI DGU 'AM BCU GCIG GTANG BAR BYA'O, ,SLAR YANG DE LAS ZUNG MIN PA, ,MAS GTONG RJES LA BYA BA YIN, ,ZHES BYA BA LA, BAD KAN SHAS CHE BA'I NAD LA GCIG GAM GSUM BTANG BAS SBYOR BA LEGS PA'I MTSAN NYID MA BYUNG NA YANG MAS GTONG BA DE'I RJES LA BYA LA, DE YANG ZUNG MA THEM PAR BYA STE, GCIG DANG GSUM DANG LNGA DANG BDUN DANG DGU DANG, BCU GCIG LA SOGS PA NI ZUNG MA YIN NO, ,GNYIS DANG BZHI DANG DRUG DANG BRGYAD LA SOGS PA NI ZUNG STE, ZUNG MA YIN PA ZHES BYA BA LA SOGS LA SBYAR BAR BYA'O, ,DE LTAR 'JAM RTZI BTANG BA'I RJES LA SBYOR BA LEGS PAR GYUR NA YANG MAS GTONG BA'I CHO GA BYA'O, , BAD MKHRIS RLUNG LA RIM BZHIN ZAS, ,YU SHA 'O MA SHA KHU GTANG, ,ZHES BYA BA LA, BAD KAN GYI NAD DANG LDAN PA LA NI, DE'I ZAS YU SHA STE SRAN MUNGGA'I KHU BA LA SOGS PA G-YOS BYAS BA DANG LHAN CIG GTANG BAR BYA'O, ,MKHRIS PA'I NAD YOD PA LA NI ZAS 'O MA DANG LHAN CIG GTANG BAR BYA'O, , RLUNG GI NAD YOD PA LA NI ZAS SHA KHU DANG LHAN CIG GTANG BAR BYA'O, ,RLUNG 'JOMS SMAN NI LEGS BSKOL BA, ,DUR BYID RGYAM TSAR BCAS PAR BYA, ,SNUM MNGAR SKYUR SHA KHU DRON SBYAR, ,MAS GTONG GCIG NI RLUNG LA PHAN, ,ZHES BYA BA LA, RLUNG NAD LA NI MAS GTONG GCIG TU BSHAD, DE YANG
RLUNG 'JOMS PA'I SMAN NI PI DA RI LA SOGS PA LEGS PAR BSKOL BA LAS BYAS PA DUR BYID DANG, RGYAM TSA GNYIS KYI LDE GU DANG BCAS SHING SBYAR BA DANG, DE BZHIN DU TIL MAR LA SOGS PA'I SNUM DANG LDAN PA DANG, DE BZHIN DU SMAN MNGAR BA DANG SKYUR BA DANG LDAN PA DANG, DE BZHIN DU SHA KHU DRON PO DANG SBYAR BA'I MAS GTONG BAS RLUNG SEL BAR BYED PA YIN NO, ,N+YA GRO DHA SOGS SDE TSAN BSKOL, ,SHUG SOGS KHA RA DKAR DANG BCAS, ,MNGAR BSIL BU RAM SHING KHU MAR, ,'O MA SBRANG RTZIR BCAS MKHRIS SEL, ,ZHES BYA BA LA, MKHRIS PA'I NAD LA NI MAS GTONG BA GNYIS TE, N+YA GRO DHA LA SOGS PA'I SDE TSAN BSKOL BA DANG, SHUG PA LA SOGS PA'I SDE TSAN KHAR DKAR PO'I LDE GU DANG BCAS PA LA DE BZHIN DU MNGAR BA DANG BSIL BA DANG, BU RAM SHING GI KHU BA DANG MAR DANG, 'O MA DANG SBRANG RTZI DANG BCAS PA GNYIS KYIS MKHRIS PA SEL BAR BYED PA YIN NO, ,DONG GA LA SOGS BSKOL BA DANG, ,DUG MO NYUNG SOGS BCAS PA GSUM, ,RTZUB DANG SBRANG RTZI BA GCIN BCAS, ,RNO ZHING DRO KHA BAD KAN SEL, ,ZHES BYA BA LA, BAD KAN GYI SKABS SU MAS GTONG BA GSUM YOD DE, DONG GA BSKOL BA'I DUG MO YUNGS LA SOGS PA'I LDE GU DANG BCAS PA GSUM LA, DE BZHIN DU RTZUB PA DANG SBRANG RTZI DANG BA GCIN DANG BCAS PA RNO BA DANG, KHA BA'I SMAN RNAMS SO, ,GSUM PO 'DUS PA'I NAD LA YANG, ,GANG PHYIR RIM BZHIN SEL BA YIN, ,ZHES BYA BA LA, 'DUS PA'I NAD LA NI MAS GTONG BA GSUM NYID DU BSHAD DE, SNGAR BSHAD PA'I RLUNG DANG MKHRIS PA DANG BAD KAN SEL BA'I GSUM PO NYID YIN PAR BSTAN NO, ,DE YANG GANG GI PHYIR MAS GTONG BA RNAMS KYIS RLUNG DANG MKHRIS PA DANG BAD KAN RIM BZHIN DU SEL ZHING 'JOMS TE, DE LA MAS GTONG BA GCIG BTANG BAS NI RLUNG SEL TE, GNYIS PAS NI MKHRIS PA'O, ,GSUM PAS NI BAD KAN NO, , GSUM PO DE LAS GZHAN PA YI, ,MAS GTONG GSO ZHES GZHAN MI 'DOD, ,GANG PHYIR SLAR YANG SBYIN BYA YI, ,NYES PA BZHI PO YOD MA YIN, ,ZHES BYA BA LA, MAS GTONG BA GSUM PO DE DAG LAS GZHAN PA'I MAS GTONG BA BZHI BAR NI GSO BA SHES SHING SMAN DPYAD KYI LUNG LA
, ,MKHAS PA'I SROG 'TSO BA'I SLOB DPON GZHAN DAG MI 'DOD CING KHAS LEN PAR MI BYED DE, GANG GI PHYIR SNGAR BSHAD PA'I NAD DMIGS GSUM LA MAS GTONG BA GRANGS JI LTA BA BZHIN YIN PA'AM, SLAR YANG GANG ZHIG GSO BAR BYA BA'I SBYIN PA'I NYES PA'AM, NAD BZHI PA YOD PA MA YIN PA'I PHYIR RO, ,NAD BSKYOD DAG PAR BYED PA DANG, ,ZHI BAR BYA BA'I RIM PA YIS, ,MAS GTONG GSUM PO NYID BRTAG CES, ,DE SKAD GZHAN DAG SMRA BA YIN, ,ZHES BYA BA LA, SMAN PA GZHAN DAG NI MAS GTONG BA GSUM PO NYID DU BRTAG PAR BYA'O, ,ZHES DE SKAD SMRA BA YIN TE, MAS GTONG BA GCIG NI NAD RNAMS BSKYOD PA LA BRTAG CING SBYAR BAR BYA'O, ,GNYIS PA NI NAD RNAMS DAG PAR BYED PA YIN NO, ,GSUM PA NI NAD RNAMS ZHI BAR BYED PA YIN NO, ,DE LTAR NAD BSKYOD CING BSDU BA DANG, NAD SBYONG ZHING DAG PAR BYED PA DANG, NAD RNAMS ZHI BAR BYED PAS NA ZHI BA STE, DE LTAR GSUM YIN NO ZHES ZER RO, ,NAD DANG SMAN SOGS STOBS LAS NI, ,'DI DAG THAMS CAD TSAD MAS GZHAL, ,ZHES BYA BA LA, SLOB DPON LA LA NI GZHUNG TSAD MA CAN YIN LA, LA LA'I GZHUNG TSAD MA MED PA NI MA YIN TE, GZHAN DU NA THAMS CAD TSAD MAS GZHAL BA YIN NO, ,JI LTA ZHE NA, NAD DANG NAD SMAN SOGS LAS NI, ,ZHES BYA BA STE, NAD KYI STOBS LA SMAN GYI STOBS LAS DPAGS PA YIN TE, SOGS PA'I SGRAS NI YUL DANG DUS DANG LUS KYI STOBS DANG LUS TSAD DANG KHA ZAS DANG GOMS PA DANG SNYING STOBS DANG, RANG BZHIN GYI STOBS KYI NUS PA LAS DPAGS PA YIN TE, GZHUNG 'DI NI KUN LA KHA BSKANG DGOS PA'I LHAG MA YIN PAR SHES PAR BYA'O, ,GANG GSO BA SHES PA'I SLOB DPON MAS GTONG BA GZHAN DU 'DOD PA DE THAMS CAD KYI GZHUNG YANG 'DI NYID YIN GYI GZHAN NI MA YIN NO, ,BKRU SMAN DRAG BTANG LEGS MTSAN MA, ,MA MTHONG BAR DU 'PHRO MI BCAD, ,CES BYA BA LA, JI SRID BKRU SMAN DRAG PO BTANG BA'I MTSAN MA LEGS PAR MA MTHONG ZHING, MA BYUNG BA DE SRID KYI BAR DU NI RU HA BTANG BA'I 'PHRO BCAD PAR MI BYA STE, DE NA JI SRID MTSAN MA LEGS PAR MTHONG BAR GYUR
PA DE SRID KYI BAR DU BKRU SMAN DRAG PO GTANG BAR BYA'O, ,ZHES STON PA YIN NO, ,'DI DAG NI NYE BAR MTSON PA TZAM STE, 'JAM RTZI GTONG BA'I TSE NA YANG JI SRID 'JAM RTZI LEGS PAR GYUR BA'I MTSAN MA MA BYUNG BA DE SRID KYI BAR DU MAS GTONG BA 'PHRO MI BCAD KYI, DE BYUNG GI BAR DU 'JAM RTZI GTANG BAR BYA'O, ,GANG NYE BAR MTSON PA TZAM DU GZHAN PA 'DI 'JAM RTZI LA YANG BYA BA'I PHYIR, GZHUNG RTZOM PAR BYED PAS 'DIR YAN LAG BRGYAD PA BSDUS PA LAS 'DI SKAD SMRAS PA YIN TE, DANG POR SNUM GCIG THA MAR LNGA, ,BKRU SMAN DRAG PO BCU GNYIS TE, ,'JAM RTZIR BCAS PA MAS GTONG BA'I, ,LAS NI SUM CUR BSHAD PA YIN, ,ZHES BYA BA LA, BKRU SMAN DRAG PO MAS GTONG BA GNYIS PA DANG BZHI PA DANG DRUG PA DANG, BRGYAD PA DANG, BCU PA DANG BCU GNYIS PA DANG, BCU BZHI PA DANG, BCU DRUG PA DANG, BCVA BRGYAD PA DANG, NYI SHU PA DANG, NYI SHU RTZA GNYIS PA DANG, NYI SHU RTZA BZHI BZHES BYA BA DANG, DE BZHIN DU BKRU SMAN DRAG PO MAS GTONG BA BCU GNYIS TE, GSUM PA DANG, LNGA PA DANG, BDUN PA DANG, DGU PA DANG, BCU GCIG PA DANG, BCU GSUM PA DANG, BCO LNGA PA DANG, BCU BDUN PA DANG, BCU DGU PA DANG, NYI SHU RTZA GCIG PA DANG, NYI SHU RTZA GSUM PA DANG, NYI SHU RTZA LNGA PA ZHES BYA BA DANG, 'JAM RTZIR BCAS PA ZHES BYA BA STE, CHO GA 'DIS NI MAS GTONG BA'I LAS SUM CUR BSHAD PA YIN NO, ,DUS NI BCO LNGA 'DIR GCIG NI, ,THOG MA'I SNUM STE THA MAR GSUM, ,DUGS DANG MAS GTONG LNGA PAR BSHAD, ,CES BYA BA LA, MAS GTONG BA'I DUS NI BCVA LNGA STE, JI LTA ZHE NA; THOG MAR TE DANG PO SNUM GYI GCIG DANG, MTHA' MA SNUM GYI LAN GSUM STE, BCU GSUM PA DANG, BCU BZHI PA, BCVA LNGA PA DANG, DE BZHIN DU SMAN DRUG STE, GNYIS PA DANG, BZHI PA DANG, DRUG PA DANG, BRGYAD PA DANG, BCU PA DANG, BCU GNYIS PA ZHES BYA BA DANG, JI LTA BU ZHE NA, MAS GTONG BA'I 'JAM RTZI LNGA STE, GSUM PA DANG, LNGA PA DANG, BDUN PA DANG, DGU PA DANG, BCU GCIG PA ZHES BYA BAS BAR DU BCAD CING CHOD PA'I BKRU SMAN DRAG PO MAS GTONG BA STE, DE LTAR NA MAS GTONG BA'I DUS BCVA LNGA YIN NO, ,MAS GTONG SBYOR 'DIR BRGYAD YIN TE, ,NI RU HA DANG SNUM
, ,GSUM DANG, ,THOG MA THA MA GNYI GA'O, ,ZHES BYA BA LA, MAS GTONG BA'I SBYOR BA 'DIR BRGYAD YIN TE, SBYOR BA 'DI THOG MA DANG THA MA GNYI GA STE, DANG PO DANG BRGYAD BA ZHES BYA BA'I SNUM GYI LAS DANG, NI RU HA GSUM STE, GNYIS PA DANG, BZHI PA DANG, DRUG PA DANG, SNUM GSUM STE, GSUM PA DANG, LNGA PA DANG, BDUN PA ZHES BYA BA STE, DE LTAR NA SPYIR BRGYAD NI SBYOR BA YIN NO, ,'JAM RTZI'AM BKRU SMAN MAS GTONG DRAG ,GCIG PU LHAG PAR BSTEN MI BYA, ,'JAM RTZIS NAD GLONGS ME DROD 'JOMS, ,NI RU HAS RLUNG SKYED 'JIGS YOD, ,DE BAS SNUM RJES BKRU DRAG GTANG, ,KHRUS DRAG BTANG NAS 'JAM RTZI BYA, ,DE LTAR RIM PAS SNUM SBYANG BYA, ,MAS GTONG LAS NI NYES GSUM SEL, ,ZHES BYA BA LA, DE LTAR NA NI RU HA STE BKRU SMAN DRAG PO MAS GTONG BA'I THOG MAR 'JAM RTZI BYA LA, DE'I 'OG TU BKRU SMAN DRAG PO MAS GTANG BAR BYA LA, DE'I 'OG TU 'JAM RTZI'I RGYUN MI 'CHAD PAR NI RU HA GCIG PU BSTEN PAR MI BYA ZHING, 'JAM RTZI 'BA' ZHIG RGYUN MI 'CHAD PAR HA CANG DRAGS PAR MI BYA ZHING, BSTEN PAR MI BYA STE, GANG GI PHYIR 'JAM RTZI RGYUN DU BSTEN DRAGS PAS NI, NAD GLONGS PAS KHAMS 'KHRUGS PAR 'GYUR BA DANG, DE BZHIN DU ME'I DROD 'JOMS PAS PHO BA'I ME DROD KYIS ZAS 'JU MI NUS PAR 'GYUR RO, ,DE BZHIN DU NI RU HA BSTEN DRAGS PAS RLUNG NAD SKYED PAR BYED DO, ,RLUNG GI NAD LDANG BA'I 'JIGS PA YOD DO ZHES BYA BA'I DON NO, ,DE BAS NA BKRU SMAN DRAG PO MAS GTONG BAR BYA BA'I SKYES BU LA NI, 'JAM RTZI GSUM GYI SBYOR BA MAS GTONG BAR BYA LA, GANG 'JAM RTZI BYA BA DE LA NI BKRU SMAN DRAG PO GTANG BAR BYA DGOS TE, NAD GLONGS PA DANG ME DROD 'JOMS PA DES BSAL BAR BYA BA'I PHYIR RO, ,DE LTAR NA RIGS PA 'DI'I RIM PAS SNUM GYI MAS GTANG BA BYAS PA DANG, DE'I 'OG TU NI RU HA BYA LA, DE LTA BU'I SBYANG BA BYAS NAS, MAS GTONG BA'I LAS DES NAD GZHI GSUM GYI NYES PA SEL BAR 'GYUR RO, ,SNUM GYI TSAD NI CHUNG DU YI, ,TSAD DANG DE NI MNYAM BYAS PA'I, ,SNUM TSAD 'JAM RTZI'I TSAD DU BSHAD, ,DE NI BYIS RGAN LAM DANG KHUR, ,BUD MED RTZOL ZHEN PAS DU BA DANG, ,RLUNG
NAD KYIS GZHOM ME DROD CHUNG, ,RGYAL PO PHYUG PO LA BDE BA, ,YIN PAS RTAG TU BSTEN PAR BYA, ,NAD 'JOMS YANG BA MED PA DANG, ,STOBS SKYED BSHANG PA BDE BAR 'BYUNG, ,ZHES BYA BA LA, SNUM LAS ZHUN MAR 'BA' ZHIG BTUNG BA'I CHUNG DU THUN GNYIS KYIS 'JU BAR 'GYUR BA'I MTSAN NYID CAN GYI TSAD DANG MNYAM PAR BYAS PA'I SNUM GYI TSAD, 'JAM RTZI'I TSAD DU BSHAD DE, DE NI 'JAM RTZI'I CHUNG TSAD CES BYA BA LA TSAD DE NI BYIS PA DANG RGAN PO LA SOGS PAS DUS RTAG TU RGYUN MI 'CHAD PAR BSTEN CING GOMS PAR BYA'O, ,DE BSTEN CING GOMS PAR BYED PA NI NAD MED PAR BYED PA DANG, BDE BA YIN PAS BYIS PA LA SOGS PA LA YANG GTONG DU RUNG BAS GOMS PAR SPYAD PAR BYA'O, ,DE BZHIN DU NAD 'JOMS PA STE, RLUNG DANG MKHRIS PA DANG BAD KAN YANG 'JOMS SHING SEL BAR BYED DO, ,DE BZHIN DU YANG 'DI NI YANG BA MED PAR BYED PA DANG, KHA LAG CHU DRON GYIS BKRU ZHING, ,ZHES BYA BA LA SOGS PA'I GZHUNG GIS SNGAR BSHAD PA'I 'DAM GA MI DGOS PA YIN LA, DE NYID KYIS NA BYIS PA LA SOGS PA LA BDE BA'I BDAG NYID CAN YIN NO, ,DE BZHIN DU STOBS SKYED PAR BYED PA YIN TE, NUS PA SKYED PA YIN NO, ,DE BZHIN DU BSHANG BA BDE BAR 'BYUNG BAR BYED PA YIN NO, ,GANG ZHIG BTANG BAS BSHANG BA BDE BLAG TU 'BYUNG BAR BYED PA DE LA DE SKAD CES BYA'O, ,MAS GTONG BUD MED RO SMAD KYI, ,MNGAL DANG MO MTSAN NAD RNAMS LA, ,BKRUS DRAGS GNYIS GSUM GYIS DAG PAR, ,MAS GTONG GONG MAS GTONG BAR BYA, ,ZHES BYA BA LA, 'DIR MAS GTONG BA'I LUS KYI YAN LAG GI PHYOGS GCIG 'BAB PA'I PHYOGS NAS GTANG BA STE, DE NI GCIN SRI BA LA SOGS PA'I NAD GANG DAG YOD PA'I SKYES PA DANG, BUD MED DANG MA NING GI MTSAN NAS GTANG BA GONG MA GTANG BAR BYA'O, ,DE DAG THAMS CAD KYANG LAN GNYIS SAM LAN GSUM DU BKRU SMAN DRAG PO MAS GTONG BAS DAG CING SKYON BSAL BA LA, MAS GTONG BA GONG MA GTANG BAR BYA'O, ,DE YI GCE'U NAD PA YI, ,SOR TSAD BCU GNYIS TSAD DU BYA, ,SNUM ZHING BA LAD MJUG MA 'DRA, ,RTZA BA DBUS SU GAG PA GDAGS, ,RTZE MO YUNGS KAR SHONG
, ,BA TZAM, ,'JAM PA GSER LA SOGS LAS BYAS, ,KUN DA SRI ZHING SO MAN, ,ME TOG RTZE MO LTAR ZLUM PHRA, ,ZHES BYA BA LA, DE'I ZHES BYA BA NI, 'DAS MA THAG PA'I MAS GTONG BA GONG MA LA SNYEGS TE, DE'I GCE'U NI NAD PA GANG YIN PA'I TSAD KYIS GZHAL LA, DE YANG SOR BCU GNYIS SU BYA'O, ,DE BZHIN DU ZLUM PA DANG, BA LANG GI MJUG MA LTAR RTZE MO RIM GYIS PHRA BA DANG, DE BZHIN DU RTZA BA DANG, DBUS TE BAR DU GAG PA GDAGS PAR BYA STE, 'DIR GAG PA GCIG NI DBUS SU BYA, DE YANG TSAD [?] NANG DU NUB PA'I TSAD LAS THAL BAR GAGS BYED NUS PA TZAM LA, GNYIS PA RTZA BAR GNAS PAR BYA BA NI RKYAL BU LA GDAGS PA LA SOGS PA YIN NO, ,YANG DE BZHIN DU DE'I RTZE MO'I BU GA'I TSAD YUNGS KAR SHONG BA TZAM LA BYA'O, ,'JAM BAG NI RTZUB BAG MED PA'O, ,GSER LA SOGS PA LAS BYAS PA NI MAS GTONG BA DAG GI TSE RGYU DANG MTSUNGS PAR BYA'O, , DE BZHIN DU ME TOG KUN DA LA SOGS PA'I RTZE MO KHA MA PHYE BA LTAR BYIN GYIS PHRA ZHING ZLUM PA'O, ,GANG LA ME TOG DANG 'BRAS BU CHAGS PA'I DE'I RTZA BA PHRA MO STE DE LA BYA'O, ,DE YI RKYAL BU 'JAM ZHING YANG, ,ZHES BYA BA LA, MAS GTONG BA GONG MA DE'I RKYAL BU NI, RA SKYES LA SOGS PA'I LGANG PA 'JAM ZHING MNYEN LA YANG ZHING CHUNG NGU GDAGS PAR BYA'O, ,TSAD SRANG PHYED DAM GANG RIGS BYA, ,ZHES BYA BA LA, 'JAM RTZI GONG MA DE'I TSAD NI SNUM GTONG BA NA SRANG PHYED BYA BA'AM GANG RIGS PAR BYA BA STE, NAD LA SOGS PA'I TSAD LAS DPAGS NAS JI LTAR 'OS PA BYA BA STE, DES NA NAD KYI TSOD LAS DPAGS TE, SRANG PHYED PAS CHUNG BAR YANG BYA'O ZHES BYA BA'I DON NO, ,DE NAS KHRUS BYAS ZAN ZOS LA, ,'JAM RTZI GTONG BA'I CHO GA BYA, ,KHRI STEGS BUS MNYAM 'JAM PA LA, ,DRANG ZHING BDE BAR 'DUG NAS NI, ,PHO MTSAN BTEG CING DRANG BAR BYA, , SBUBS SBYANG PHYIR NI THUR MA NI, ,'JAM PA RIM GYIS GZHUG PAR BYA, ,DE DAG PHO MTSAN DANG 'TSAM PA, ,'BRAS BU'I MTHAR THUG PAR BTANG BA, ,MI 'DAR 'JAM RTZI GTONG LTAR BYA, ,BTZIR TE BTANG LA SNUM RJES BYA, ,'JAM RTZI'I RIM PA BZHIN DU BYA, ,ZHES BYA BA LA, DE NAS DE'I 'OG
TU LEGS PAR KHRUS BYAS SHING ZAN RAN PAR ZOS PA'I SKYES BU DE'I PHO MTSAN DU DANG POR THUR MA PHRA MO BCUG LA, DE'I 'OG TU GCE'U GZHUG PAR BYA'O, ,'JAM RTZI GTONG BA'I CHOGS BYA BA STE, SNGAR BSHAD PA'I MAS GTONG BA'I CHOGS BYA BA'O, ,DE BZHIN DU KHRI'I STEGS PUS MO DANG DPANGS MNYAM ZHING 'JAM PA'I STENG DU, DRANG ZHING LUS MA YO BAR BDE BAR 'DUG PA DE BZHIN DU PHO MTSAN DGA' BAS BTEG CING LDANG BAR BYAS LA, DRANG ZHING MA YO BAR BYAS NAS GCI BA'I LAM GYI SBUBS DAG PAR BYA BA'I PHYIR THUR MA 'JAM PO RIM GYIS DAL BAR GZHUG PAR BYA'I, CIG CAR GZHUG PAR MI BYA'O, ,DE NAS THUR MA DES PHO MTSAN GYI SBUBS DAG PAR BYAS PA'I RJES LA, PHO MTSAN DANG 'TSAM PA'I GCE'U 'BRAS BU'I MTHAR THUG PA'I BAR DU GTANG BAR BYA LA, DE YANG LAG BA MI 'DAR BAR MJUG MAR 'JAM RTZI GTONG BA DANG TSUL 'DRA BAR BYAS LA BTZIR BA DANG, BTANG BA DANG SNUM GYI RJES LA BYA BA DAG NI, 'JAM RTZI'I RIM PA JI LTA BA BZHIN DU BYA BA 'DI LA PHAN PA YIN NO, ,DE YI RIM PA 'DI YIN TE, ,BTANG NAS LUS NI GAN RKYAL GZHAG ,RKUB TZOS [?] LAG PAS BRDAB PAR BYA, ,ZHES BYA BA LA SOGS PA YIN NO, ,MAS GTONG CHO GA 'DI YIS NI, ,GSUM MAM BZHI YI BAR DU GTANG, ,ZHES BYA BA LA, JI SKAD BSHAD PA'I CHO GA 'DIS MAS GTONG BA'I CHO GA GONG MA LAN GSUM BZHI'I BAR DU GTANG BAR BYA'O, ,LHAG MA 'JAM RTZI JI LTA BAR, ,'DI LA THAMS CAD SBYAR BAR BYA'O, ,ZHES BYA BA LA, CHO GA THAMS CAD 'JAM RTZI DANG 'DRA BAR BYA BA STE, SBYOR BA LEGS PA DANG SBYOR BA MA LEGS PA DANG, SBYOR BA DRAGS PA DANG, DE BZHIN DU DE'I GNOD PA BSAL BA'I SMAN LA SOGS PA GANG DAG YIN PA 'DI LA YANG SBYAR BAR BYA ZHING SHES PAR BYAS LA BRTAG PAR BYA'O, ,BUD MED ZLA MTSAN DUS SU NI, ,MANG LA BYE BA LAS CHAGS BAR 'GYUR, ,DE PHYIR DE TSE GTANG BAR BYA, ,RAB NA DUS MIN PAR YANG GTANG, ,MO MTSAN NYAMS DANG GZER BA DANG, ,MNGAL KHRAG RTAG TU 'BYUNG GTANG PA, ,ZHES BYA BA LA, BUD MED ZLA MTSAN 'DZAG PA'I
, ,DUS SU 'JAM RTZI GONG MA GTANG BAR BYA'O, ,ZLA MTSAN DANG PO 'DZAG PA NAS ZHAG BCU GNYIS KYI BAR DU BUD MED KYI ZLA MTSAN GYI DUS YIN TE, DUS DE'I BAR DU DE'I MAS GTONG BA'I LAS BYA'O, ,CI'I PHYIR ZHE NA, DUS DE'I TSE MAS GTONG BA GONG MA NAS SNUM GTANG BA GANG YIN PA DE MNGAL BYE BAS DER CHAGS PAR 'GYUR ZHING LEN PAR 'GYUR TE, DE'I TSE BUD MED GYI MNGAL GYI KHA BYE NAS GNAS PA YIN NO, ,DE JI LTAR DE'I TSE MNGAL CHAGS PAR 'GYUR BA DE BZHIN DU MAS GTONG PA YANG DE'I TSE CHAGS GYI GZHAN GYI TSE NI MA YIN NO, ,DE YANG GZHUNG LAS DPER NA NYI MA NUB GYUR NA DUS MA YIN TE, ZLA MTSAN RGYU BA'I DUS MA YIN YANG MAS GTONG BA GONG MA GTANG BAR BYA'O, ,MO MTSAN NYAMS PAR GYUR BA LA SOGS PA LA YANG GTANG BAR BYA STE, MO MTSAN NYAMS PA LAS NI GNAS DE LAS 'CHUGS SHING ZHIG PA'O, ,DE BZHIN DU MNGAL NA BA STE, MNGAL GYI NAD RNAMS MANG PO 'BYUNG BA DANG, DE BZHIN DU MO MTSAN GZER ZHING ZUG PA DANG, DE BZHIN DU MNGAL NAS RTAG TU KHRAG 'DZAG CING, KHA DOG SNA TSOGS PA'I KHRAG DUS RING POR 'DZAG PA'I NAD NI, MNGAL KHRAG RTAG TU 'BYUNG BA STE, DE LA YANG GTANG BAR BYA'O, , GCE'U SOR BCU RTZE MO YI, ,BUG MUNGGA SHONG SOR BZHI, ,MNGAL GYI GNAS SU GTANG BAR BYA, ,SOR GNYIS GCIN 'BAB LAM DU GTANG, ,GCIN 'GAGS PA YI NAD RNAMS LA, ,BU MO RNAMS LA SOR GCIG GTANG, ,ZHES BYA BA LA, MNGAL CHAGS SU RUNG BA'I BUD MED THAMS CAD DANG, CHAGS SU MI RUNG BA'I BU MO GZHON NU'I MAS GTONG BA'I GONG MA'I GCE'U TSAD NI SPYIR SOR BCU BYA'O, ,GCIN 'GAGS PA'I NAD YOD PA'I BU MO SHIN TU CHUNG DU RNAMS LA GCIN 'BAB PA'I LAM DU SOR GCIG GTANG BAR BYA ZHING GZHUG PAR BYA'O, ,'BRING TSAD SRANG NI GCIG PA STE, ,BU MO RNAMS LA SRANG PHYED NYID, ,CES BYA BA LA, BUD MED RNAMS KYI MAS GTONG GONG MA'I 'BRING TSAD NI SRANG PHYED BYA'O, ,BU MO RNAMS TE BU MO CHUNG DU RNAMS KYI 'BRING TSAD NI SRANG PHYED NYID YIN NO, ,MAL DU GAN RKYAL 'DUG NAS NI, ,BRLA NI LEGS
PAR BSKUM NAS SU, ,PUS MO BRTOD DE NYIN ZHAG NI, ,GCIG LA LAN GSUM LAN BZHI BTANG, ,DE LTAR MAS GTONG ZHAG GSUM LA, ,SNUM GYI TSAD NI BSKYED PAR BYA, ,DE NAS ZHAG GSUM NGAL BSO NAS, ,SLAR YANG ZHAG GSUM GTONG BAR BYA, ,ZHES BYA BA LA, BUD MED DE MAL DU GAN RKYAL DU BYAS TE, 'DUG CING GNAS PA DANG, DE BZHIN DU BRLA LEGS PAR BSKUM PA DANG, PUS MO LEGS PAR BRTOD DE, DE LA NYIN ZHAG GCIG LA LAN GSUM MAM LAN BZHI'I BAR DU MAS GTONG BA GONG MA BYA'O, ,DE BZHIN DU ZHAG GNYIS SAM GSUM GYI RIM GYIS CI RIGS PAR NYIN RE ZHING SNUM CHAD BSKYED PAR BYA'O, ,DE NAS ZHAG GSUM NGAL BSO ZHING 'PHRO BCAD LA, SLAR YANG CHO GA 'DI NYID KYIS ZHAG GSUM GTONG BAR BYA'O, ,SKYUG SMAN BYAS ZLA PHYED BKRU SMAN, ,DE NAS ZLA PHYED NAS BKRU DRAG ,BKRUS DRAG 'PHRAL LA 'JAM RTZI GTANG, ,KHRUS BTANG ZHAG BDUN NAS 'JAM RTZI, ,ZHES BYA BA LA, SNGON DU SKYUG SMAN BYAS NAS ZLA BA PHYED 'DAS PA DANG, BKRU SMAN BYA'O, ,DE NAS BKRU SMAN BTANG BA'I ZLA BA PHYED NAS BKRU SMAN DRAG PO GTANG BAR BYA'O, ,BKRU SMAN DRAG PO MAS GTONG BA BYA STE, 'PHRAL DE RING POR MI THOGS PAR 'JAM RTZI BTANG NGO, ,BKRU SMAN BTANG NAS ZHAG BDUN LON NAS 'JAM RTZI GTANG BAR BYA STE, DE LTAR NA BKRU SMAN BTANG BA DANG, NI RU HA GTONG BA'I BAR DU 'JIM RTZI GTANG NGO, ,ZHES BYA BA'I DON NO, ,DPER NA LE BRGAN SOGS BTZOS PA'I, , GOS NI CHU LAS TSOS LEN LTAR, ,DE BZHIN BANGS PAR BYAS LUS LA, ,MAS GTONG BAS NI NAD RNAMS 'BYIN, ,ZHES BYA BA LA, DPER NA LE BRGAN RTZI LA SOGS PA DANG BSRES PA'I CHU LA SOGS DER RAS TSOS LEN PAR BYED CING CHU 'DOR BAR BYED PA DE BZHIN DU LUS SNUM LA SOGS PAS BANGS PAR BYAS PA LAS MAS GTONG BAS NA NAD KYI GNOD PA RNAMS SEL ZHING 'BYIN BAR BYED CING LUS GNOD PA MED PA LA SBYOR BAR BYED DO, ,LUS KYI YAN LAG NANG GROL DAG TU SONG NAD DANG, ,GNAD DANG LUS STOD YAN LAG KUN KHYAB NAS, ,GANG ZHIG
, ,YOD PA DE LAS SKYE BA'I RGYU, ,RLUNG MA GTOGS PA GZHAN DAG YOD MA YIN, ,ZHES BYA BA LA, LUS KYI YAN LAG NA KHRAG LA SOGS PA'I LUS ZUNGS RNAMS NAS, PAGS PA'I BAR DANG, DE BZHIN DU LAG NGAR LA SOGS PA'I LUS KYI YAN LAG NANG GROL MA GTOGS PA KUN LA BYA'O, ,DE BZHIN DU NANG GROL GYI PHYOGS THAMS CAD DU KHYAB CING SONG BA'I NAD DAG DANG, DE BZHIN DU GNAD DANG LUS KYI STOD NA GNAS PA'I NAD PA'I YAN LAG DNGOS SU NA LUS KYI STOD YAN LAG GI GNAD THAMS CAD LA KHYAB CING GNAS PA'I NAD GANG DAG YOD PA'I NAD DE RNAMS SKYE BA'I RGYU 'AM, 'BYUNG BA'I RLUNG MA GTOGS PA GZHAN GANG YOD PA MA YIN TE, NAD KYI RGYU GNYIS PA MED DO ZHES BYA BA'I DON NO, ,CI'I PHYIR ZHE NA, DE'I PHYIR SMRAS PA NI, BSHANG DANG BAD KAN MKHRIS SOGS NAD SOGS PA, GANG PHYIR 'THOR ZHING SDUD PAR BYED PA YIN, ,DE NI RAB 'PHEL GYUR LA ZHI BYA'I PHYIR, ,'JAM RTZI MA GTOGS SMAN GZHAN GANG YANG MED, ,DE BAS GSO BA MA LUS LAS MA BTANG, ,GSO BA'I PHYED YIN ZHES NI LA LA 'DOD, ,DE BZHIN NAD RNYING GLO BUR SKYED BYED LA, ,GTAR GA KHRAG DBYUNG SMAN NYID 'GYUR BA YIN, ,RNAM PA DE GNYIS BYED PA NA, ,'THOR ZHING SDUD PAR BYED PA YIN, ,ZHES BYA BA LA, BSHANG BA DANG BAD KAN MKHRIS PA LA SOGS PA GANG YIN PA DE NI, BSHANG BA DANG BAD KAN MKHRIS PA LA SOGS TE, SOGS PA SMOS PA NI, LUS KYI TSAD GTOGS PA DANGS MA LA SOGS PA'O, ,DE DAG NYID KYIS NI LUS DRI MA CAN DU BYED PAS NA NAD DO, ,DE RNAMS LA SOGS PA NI BSHANG BA LA SOGS PA 'PHEL BAR BYED PA YIN TE, GANG GI PHYIR 'THOR ZHING RGYAS BAR BYED LA, NAD RNYING PA'I TSIGS SU GNAS PA PHAN TSUN 'THOR ZHING 'BYED PAR BYED PA DANG, SDUD BAR YANG BYED DE, PHAN TSUN 'THOR TE GNAS PA RNAMS PHUNG PO GCIG TU BYED PA'O, ,DE LTA BU'I RLUNG DE RAB TU 'PHEL ZHING RNAM PAR 'KHRUGS PA LDANG BAR
GYUR PA ZHI ZHING BSAL BAR BYA BA'I PHYIR DPYAD BYA NA, 'JAM RTZI LA SOGS PA MAS GTONG BA MA GTOGS PA'I SMAN GZHAN DAG YOD PA MA YIN NO, ,SNUM DANG DUGS GZHAN DAG YOD NA YANG NUS PA CHUNG BA YIN NO, ,GANG GI PHYIR 'JAM RTZI YON TAN DE LTA BU YOD BA DE BAS NA, RGYU DE'I PHYIR GSO BA MA LUS SHING MTHA' DAG LAS MAS GTONG BA NI GSO BA 'AM NAD BCOS PA'I THABS KYI PHYED YIN NO ZHES BSHAD DE, CI'I PHYIR ZHE NA, BSHANG BA DANG, GCI BA DANG, BAD KAN DANG, MKHRIS PA DAG GTAR GA BYA BA'I NAD RNAMS KYANG RTZA BA NAS 'BYIN TO, ,DE BAS NA DE LAS BRTZAMS TE, NAD MA LUS PA DANG RLUNG GI NAD RNAMS THAMS CAD MAS GTONG BAS GSO ZHING BCOS PAR BYA'O, ,ZHES BYA BA'I DON NO, ,DE'I PHYIR TSE'I RIG BYED SHES PA'I SROG 'TSO BA'I SLOB DPON GZHAN DAG NI GSO BA RI THABS MA LUS PA MAS GTONG BAR 'DUG PAS KHAS 'CHE'O, ,LA LA DAG NI MAS GTONG BA'I GSO BA'I PHYIR YIN NO, ,ZHES ZER RO, ,DE BZHIN DU GTAR GAS KHRAG DBYUNG BA YANG, NAD RNYING PA DANG GLO BUR BAS BTAB PA'I NAD RNAMS LA GTAR GAS DBYUNG BA'I GSO BA'I PHYED DAM, GSO BA MA LUS PAR GYUR PA YIN NO, ,ZHES ZER RO, ,DE BZHIN DU RNYING GZHI GNAS PA DANG, GLO BUR BA GSAR DU BYUNG BA DAG LA NI NAD RNYING GLO BUR BA ZHES BYA STE, DE DAG SKYED PAR BYED PA YIN PAS NA SKYED BYED DE, KHRAG LA BYA LA DE RAB TU ZHI ZHING BSAL BA LA NI GTAR GAS KHRAG DBYUNG ZHING KHRAG 'DON PA NYID SMAN DU 'GYUR BA YIN PAS NA KHRAG LAS GYUR PA'I NAD KYI GSO BA'I PHYED DAM, GSO BA RANGS PA NI GTAR GAS KHRAG DBYUNG BA YIN NO, ,ZHES BYA BA NI SDUD PAR BYED PA STE, MAS GTONG BA 'BA' ZHIG GSO BA YIN PAR MA ZAD DE, GTAR GAS KHRAG DBYUNG BA YANG GSO BA PHYED DAM, MA LUS PA YIN NO, ,ZHES BYA BA'I DON NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS LE'U BCU DGU PA'I RNAM PAR 'GREL BA'O,, ,,
, ,DE NAS SMAN SNA NAS GTANG BA'I CHO GA'I LE'U BSHAD PAR BYA'O, ,'DI BRTZAMS PA'I 'GREL BA 'DI YIN TE, GANG GI PHYIR SKYUG SMAN LA SOGS PAS LUS KYI NANG NA YOD PA'I NAD JI LTAR SEL BAR BYED PA DE BZHIN DU SNA NAS GTANG PA'I SMAN YANG SNA'I SGO NAS BTANG BAS LUS KYI NANG NA SONG BA'I NAD DE PHYIR 'BYIN PAR BYED DE, DES SKYUG SMAN LA SOGS PA BZHI PO NAD PHYIR 'BYIN PAR BYED PA YIN PA DE BZHIN DU SNA NAS GTANG BA ZHES BYA BA'I LNGA PA YANG DAG PA'I BYA BA BYED PA YIN NO, ,YANG NA LUS NI YAN LAG THAMS CAD LA KHYAB PA YIN PAS DE GSO BA SNGAR BSHAD PA YIN LA, DE NI THUR MAS BCOS PA'I RGYUD KYI LE'U STON PA YIN LA, DE LAS 'DIR NI SNA NAS GTONG BAR BYED PA'I SMAN YIN PAS NA SNA SMAN TE, SNA NAS SMAN GTANG BA DANG SNA'I LAS DANG SMAN SNA NAS GTANG BA ZHES BYA BA'I MING 'THOB PA YIN NO, ,DE'I CHO GA NI 'DI LTAR BYA'O ZHES BYA BA'I TSUL TE, DE'I LE'U BSHAD PAR BYA'O ZHES BYA BA'I DON NO, ,NAM TSONG YAN CHAD NAD RNAMS LA, ,LHAG PAR SNA NAS GTANG BA PHAN, ,SNA NI GLAD PA'I SGO YIN TE, ,DES NA DE NAS NAD DE 'JOMS, ,ZHES BYA BA LA, NAM TSONG YAN CHAD KYI NAD RLUNG DANG MKHRIS PA DANG BAD KAN LAS GYUR PA GANG DAG YOD PA'I YUL DE THAMS CAD LA LHAG PA 'AM KHYAD PAR DU SNA NAS GTANG BA PHAN PA YIN NO, ,YANG DER SKYUG SMAN LA SOGS PA'I THABS MED PA MA YIN MOD KYI KHYAD PAR RAM LHAG PAR SNA NAS GTANG BA MCHOG TU GYUR BA YIN NO, ,DE CI'I PHYIR ZHE NA, SNA NI GLAD PA'AM MGO BO'I SGO NAS 'JUG PA'I GNAS DE'I RGYU DES NA SNA NAS GTANG BZHES PA'I LAM DE NAS SMAN BA STEN CING BTANG NA, RNA BA'I GSANG GI BAR DU PHYIN NAS, GLAD PA DANG, RNA BA DANG, LKOG MA LA SOGS PA'I RTZA'I SGO RNAMS KHYAB PAS, NAM TSOD YAN CHAD KYI NAD MA LUS PA DE 'JOMS TE, MGOR KHYAB PA'I NAD SEL BA YIN NO, ,DE NI RNAM PA GSUM STE, BKRU BA DANG BRTA BA DANG ZHI BAR BYED PA'O, ,DE LAS KYANG BKRU BA NI, ,BKRU SMAN GLAD PA'I NAD RNAMS DANG, BLONG BAG LKOG NAD MCHI MA 'DZAG ,SKRANG DANG THOR BU SRIN RMEN BU, ,MDZE SMYO CHAM PAS BTAB LA GTANG, ,ZHES BYA
BA LA; BKRU SMAN SNA NAS BTANG BA NI GLAD PA'I NAD LA SOGS PA LA GTANG BAR BYA'O, ,BKRU SMAN NI MGO BO'I NAD BKRU ZHING SBYANG BA'I SMAN NO, ,BLONG BAG NI SEMS MI GSAL BA'O, ,MCHI MA 'DZAG PA NI MIG NAS RDZI BOR 'BYUNG BA LA SOGS PA'O, ,SRIN BUS SPYI BO DANG MTSUL BAR KHYAB BA'O, , CHAM PA NI SNA'I NAD DO, ,BRTA BA RLUNG LAS BYUNG GZER DANG, ,GLAD PA PHYED NA SKAD 'GAGS DANG, ,SNA DANG KHA SKAM TSIG MI THON, ,MIG DBYE DPUNG PA BSKYOD DKA' GTANG, ,ZHES BYA BA LA, SNA NAS BTANG BA'I SMAN BRTA BAR BYA BA GANG YIN PA NI, RLUNG LAS BYUNG BA'I MGO BO'I GZER NAD RNAMS DANG, DE BZHIN DU NYI MA PHYED KYI BAR DU GLAD PA NA BA DANG, SKAD 'GAGS SHING NYAMS PA DANG, DE BZHIN DU KHA DANG SNA SKAM PA DANG, TSIG MI THON ZHING SKAD BRDA SPROD MI NUS PA DANG, MIG DBYE BAR DKA' BA'I MIG NAD DANG, DE BZHIN DU RLUNG GI NAD DPUNG PA BSKYOD PAR DKA' BA DAG LA BTANG ZHING SBYAR BAR BYA'O, ,ZHI BA MIG SNGON GDONG LPAGS NAD, ,SKRA YI SKYON MIG DMAR LA GTANG, ,ZHES BYA BA LA, SNA NAS GTANG BA ZHI BAR BYED PA GANG YIN PA DE NI, 'OG NAS RGYUD PHYI MA LAS BSHAD PA'I MIG GI NAD SNGON POR GYUR PA LA SOGS PA'I NAD LA YANG GTANG BAR BYA'O, ,DANG POR RANG SBYOR JI LTA'I SNUM, ,SMAN GYI LDE GU SOGS BSKOL DANG, ,SHING MNGAR RGYAM TSA CHANG RNYING SOGS, ,CI RIGS PAR NI BSKOL LA GTANG, ,ZHES BYA BA LA, SNA NAS GTANG BAR BSHAD PA'I SMAN DANG PO NI RANG GI SBYOR BA JI LTA BA GANG DANG 'PHROD CING 'TSAM PA'I SNUM RNON PO YUNGS MAR LA SOGS PA DANG CI RIGS PAR BSKOL ZHING MGO BO'I BKRU SMAN RNAMS DANG CI RIGS PAR BSKOL BA DANG, DE BZHIN DU SMAN PHYE DANG SMAN KHU LA SOGS PA MGO BO'I BKRU SMAN LAS 'BREL PA LAS CI RIGS PAR SLA BA DANG ZHIB PA DANG, LDE GUR BSRES SHING SBYAR BA DANG, DE BZHIN DU SHING MNGAR DANG RGYAM TSVA DANG, CHANG RNYING LA SOGS PA DANG SBYAR TE, BSKOL BA GTANG BAR BYA'O, ,BRTA BA 'U SU'I KHU BA DANG, ,SHA KHU KHRAG DANG THANG CHU SBYAR, ,ZHES BYA BA LA, SNA NAS GTANG BA'I SMAN BRTA BAR BYED PA NI 'U SU'I KHU BA DE BZHIN DU SHA KHU DANG KHRAG
, ,DANG DE BZHIN DU KHA PU RA ZHES BYA BA'I THANG CHU DANG SBYAR LA GTANG BAR BYA'O, ,'ANG ZHES BYA BA SBYOR BA'I SGRAS NI RANG SBYOR BA JI LTA BA'I SNUM MNGAR BA DANG, SNUM PA'I SMAN LA BTZOS PA BRTA BA'I SMAN SNA NAS GTANG BA LAS SBYAR BAR BYA'O, ,ZHES BYA BA'I DON TO, ,ZHI BA SNGA MA 'O MA DANG, ,CHU DANG BCAS PA SBYAR BAR BYA, ,ZHES BYA BA LA, SNA NAS GTANG BA'I SMAN ZHI BA NI SNGA MA ZHES BYA BA'I SNGAR BSHAD PA'I RANG GI SBYOR BA JI LTA BA'I SNUM DANG, RANG GI SMAN GANG DAG YIN PA'I KHU BA LA SOGS PA DANG, DE BZHIN DU 'O MA DANG CHU DANG BCAS PA SBYAR BAR BYA'O, , TSAD CAN DANG NI TSAD PHRAN TE, ,'DI YI SNUM TSAD RNAM PA GNYIS, ,ZHES BYA BA LA, SNA NAS GTANG BA'I SMAN GSUM BO 'DI LA SNUM GYI SMAN MAR GTANG BA'I KHYAD PAR GYI TSAD NI, TSAD KYI DBYE BA LAS RNAM PA GNYIS TE, TSAD CAN DANG, TSAD MED DO, ,LDE GU LA SOGS BTZIR BA YI, ,RNO DE SPYI BO'I BKRU SMAN YIN, ,ZHES BYA BA LA, LDE GU DANG SMAN BSKOL BA'I KHU BA LA SOGS PA SBYAR BA'I SMAN RAS BAL GYI YE'U LA SOGS PAS GTONG BA DE NI BTZIR BA ZHES BYA'O, ,GZHAN DAG NA RE LDE GUR BYAS PA'I SMAN BTZOS PA LAS KHU BA BTZIR TE, 'DZAG PAR BYAS PA LAS BYA'O, ,ZHES ZER RO, ,BTZIR BA DE SMAN RNON PO'I LDE GU BSKOL BA LA SOGS PAS BTANG BA NI SPYI BO'I BKRU SMAN ZHES BYA'O, ,PHYE MA BUD PA'I BKRU SMAN TE, ,SBU GU SOR DRUG KHA GNYIS PA, ,NANG NA SMAN DANG BCAS PA DAG ,KHA YI DBUGS KYIS BUS TE GTANG, ,DES NI MGO NAD MANG PO YANG, ,PHYE MA YIN BAS 'BYIN PAR BYED, ,CES BYA BA LA, 'KHRU BAR 'GYUR BA'I SMAN LAS SBYAR BA'I PHYE MA NI BUD PAR BYA BA YIN PAS NA BUD PA'I BKRU SMAN ZHES BYA STE, PHYE MA DE KHA'I RLUNG GIS BUS LA SNA NAS GTANG BAR BYA'O, ,GANG GIS BTANG ZHE NA, SBU GU SOR DRUG YOD PA KHA GNYIS YOD PA DANG, DE BZHIN DU NAD NA SMAN DANG BCAS SHING SMAN PHYE MA BLUGS BA DE KHA'I DBUGS KYIS BUS TE GTANG NGO, ,BUD PA'I BKRU SMAN DES NI MGO BO'I BAD KAN LAS BYUNG BA MANG PO YANG PHYI NAS 'BYIN CING, NANG NAS PHYIR 'DON PAR BYED DO, ,MDZUB MO'I TSIGS NI GNYIS PA'I BAR, ,SMYUGS PA PHYIR PHYUNG GYUR PA LAS, ,
THIGS PA BCU 'AM BRGYAD DAM DRUG ,JI SRID 'DZAG PAR GYUR PA DAG ,SNA NAS GTONG TSAD CHE 'BRING CHUNG, ,RIM PA DE NYID KYIS SHES BYA, ,LDE GU LA SOGS THIGS PA NI, ,GNYIS KYIS PHRI STE GTANG BAR BYA, ,ZHES BYA BA LA, MDZUB MO NI MTHE BONG LA NYE BA'I SOR MO STE, DE'I TSIGS GNYIS KYI BAR DU, DANG PO SMYUGS SHING SPYINGS LA PHYIR PHYUNG STE, BTEG PAR GYUR PA LAS THIGS PA'I TSAD JI TZAM ZHIG 'BYUNG BAR 'GYUR BA DE LA THIGS PA ZHES BYA LA, THIGS PA DE LAS SNUM GYI TSAD CHE CHUNG DU BYA BA NI THIGS PA BCU NI CHE TSAD YIN LA, THIGS PA BRGYAD NI 'BRING TSAD LA, THIGS PA DRUG NI CHUNG TSAD DO, ,TSAD 'DI DAG NYID LAS CHE DANG 'BRING DANG CHUNG DU NI RIM GYIS THIGS PA GNYIS KYIS CHUNG ZHING PHRA BA'I LDE GU LA SOGS PA'I SMAN GYI KHU BA SNAR BLUGS PA YIN PAR SHES PAR BYA'O, ,CHU DANG CHANG DANG SBYAR DUG MAR, ,'THUNG BA 'AM 'THUNG BAR 'DOD PA DANG, ,KHA ZAS 'DOD DANG MGO BKRUS DANG, ,'KHRU BAR 'DOD DANG GTAR GA BYAS, ,CHAM SAR SHUGS 'ONGS KYIS GZIR DANG, ,BU BTZAS LUNG PA DBUGS MI BDE, ,SBYANG BYAS MAS GTONG CHO GA BYAS, ,DE BZHIN DUS MIN YUL RMUGS LA, ,SNA SMAN GTANG BAR MI BYA STE, ,TSABS CHE'I NAD SOGS MA GTOGS SO, ,ZHES BYA BA LA, SMAN SNA NAS BYAR MI RUNG BA NI CHU DANG CHANG DANG DUG DANG MAR 'THUNGS PA NAS, MAS GTONG BA'I CHO GA BYAS PA'I BAR DANG, DE BZHIN DUS MA YIN PA'I YUL RMUGS PA LA GTANG BAR MI BYA STE, DUS MA YIN PA'I YUL RMUGS PA NI DBYAR MA GTOGS PA'I DUS GZHAN GYI CHO, YUL RMUGS SHING RLUNG DANG GRANG LHAGS DANG CHAR 'BAB PAR 'KHRIGS PA'I NYIN MO NI DUS MIN YUL RMUGS ZHES BYA'O, ,CI DE DAG GI TSE RNAM BA THAMS CAD DU GTANG BAR MI BYA 'AM ZHES RTOGS NA, DE'I PHYIR SMRAS PA NI, TSABS CHEN NAD SOGS MA GTOGS SO, ,ZHES BYA BA YIN NO, ,DE GSO BAR BYED PA'I NAD TSABS PO CHEM GTOGS TE, NAD TSABS CHE BA'I TSE NA NI CHU DANG CHANG DANG DUG DANG MAR LA SOGS PA 'THUNGS SU ZIN KYANG GTANG BAR BYA'O, ,ZHES BYA BAR SBYAR RO, ,DES NA DUS
, ,GANG GI TSE SNA NAS BTANG BAS SMIN PAR BYA ZHE NA, ,DE NAS SNA NAS SMAN BTANG BA, ,BAD KAN NANG PAR MKHRIS NYIN PHYED, ,RLUNG CAN PHYI 'PHRED MTSAN MO GTANG, ,ZHES BYA BA LA, 'DIR DE NAS ZHES BYA BA'I SGRA NI, BKRA SHIS PA STON PAR BYED PA YIN PAR SBYAR RO, ,DE LA SNA SMAN GTANG BA'I DUS NI BAD KAN NAM, BAD KAN LAS GYUR PA'I NAD NI BAD KAN GYI DUS NANG PAR GYI TSE NYID SNA NAS GTANG BA'I SMAN GTANG BAR BYA'O, ,MKHRIS PA 'KHRUGS SAM DE [?] LAS BYUNG BA'I NAD RNAMS LA MKHRIS PA'I DUS NYI MA PHYED KYI TSE GTANG BAR BYA'O, ,RLUNG GI NAD DAM, DE LAS BYUNG BA'I NAD RNAMS LA RLUNG LDANG BA'I DUS PHYI 'PHRED DE, PHYI DRO DANG MTSAN MO'I DUS SU SMAN SNA NAS GTANG BAR BYA'O, ,NAD MED PA LA STON KA DANG, ,DPYID KYI TSE NA SNGA DRO GTANG, ,DGUN NI PHYED DUS SO GA'I TSE, ,PHYI 'PHRED DBYAR NI NYI DRON BCAS, , ZHES BYA BA LA, NAD MED CING THA MAL PAR GNAS PA LA NI STON KA DANG DPYID KA'I TSE SNGA DRO STE, NYI MA'I SNGA DRO'I CHA LA GTANG BAR BYA'O, ,NAD MED PAR GNAS PA LA DGUN GYI TSE STE, DGUN STOD DANG, DGUN SMAD GRANG BA'I DUS SU NI, NYI MA PHYED LA SMAN SNA NAS GTANG BAR BYA'O, ,DE BZHIN DU SO GA'I TSE NI PHYI 'PHRED DE PHYI DRO'I DUS SU NI SMAN SNA NAS GTANG BAR BYA'O, ,DE BZHIN DU DBYAR GYI NYI MA DRON PO DANG BCAS PA'I SKABS SU NAD MED PA LA SNA NAS GTANG BAR BYA'O, ,GLAD PA RLUNG NAD KYIS THEBS DANG, ,SKYIGS BUS BTAB DANG MGO 'DAR DANG; ,GNYE'U RENGS SKAD NI 'GAGS PA LA, ,NYIN RE NANG PAR DGONGS KA GTANG, ,ZHES BYA BA LA, GLAD PAR RLUNG NAD ZHUGS SHING MGO BO RLUNG GI NAD KYIS THEBS PA DANG, DE BZHIN DU MGO 'DAR ZHING 'DAR BA ZHES BYA BA'I RLUNG GI MGO NAD DANG, GNYE'U RENGS SHING 'GYUR MI SHES PA DANG, SKAD 'GAGS SHING SKAD GDANGS NYAMS PA LA, NYIN RE ZHING NANG PAR DGONGS KA STE, SNGA DRO DANG PHYI DRO SNA NAS SMAN GTANG BAR BYA'O, ,GZHAN LA NYIN RES BAR BCAD LA, ,NYI MA BDUN DU DE SPYAD BYA, ,ZHES BYA BA LA, GLAD PA GANG NAD KYIS THEBS PA DANG,
SKAD 'GAGS SHING SKAD LA SOGS PA'I NAD MA GTOGS PA GZHAN DAG LA NI, NYIN RE ZHING SNA NAS GTANG BA'I SMAN MI BYA'O, GZHAN DU NA NYIN RE RES BAR BCAD PA STE, NYI MA RE RES BAR BCAD CING THAG CHOD PAR BYAS LA, SMAN GTANG BAR BYA STE, TSUL 'DI LTA BUS SNA NAS GTANG BA'I SMAN ZHAG BDUN GYI BAR DU GTANG BAR BYA ZHING SPYAD PAR BYA'O, ,RTAG TU BYA BA'I LAS BYAS NAS, ,DANG POR MGO SNUM BSKU DUGS BYAS, ,RLUNG MED MAL DU GNAS NAS NI, ,NAM TSONG YAN CHAD DUGS KYANG BYA, ,DE NAS GAN RKYAL LUS DRANG BRKYANG, ,RKANG PA LAG PA LEGS BRKYANG LA, ,RKANG PA CUNG ZAD BSTOD NAS SU, ,MGO BO YID TZAM SMAD PAR BYA, ,SNA BUG GCIG NI RAB BKAG LA, ,RIM GYIS YONGS SU BLUGS BYA BA, ,SMAN NI CHU DRON GYIS BSROS LA, ,SBU GU 'AM RAS BAL GYIS BLUGS BYA, ,ZHES BYA BA LA, DE NAS SNA NAS GTANG BA LA 'OS PA'I SKYES BUS, RTAG TU BYA BA LA SOGS BSHANG BA DANG GCI BA DANG POR BYAS LA, YANG DANG POR MGO BO SNUM GYIS BSKUS LA, DE'I 'OG TU MGO BO'I DUGS RAN PA TZAM BYAS PA DANG, DE BZHIN DU RLUNG MED PA'I GNAS SU MAL BTING BA LA GNAS SHING 'DUG NAS, NAM TSONG YAN CHAD DUGS KYANG BYAS LA, DE NAS DE'I 'OG TU GAN RKYAL DU 'DUG STE, LUS DRANG ZHING MA YO BAR BRKYANG LA, RKANG PA DANG LAG PA YANG LEGS PAR BRKYANG BAR GYUR PA DANG, SNA NAS SMAN GTANG BAR BYA'O, ,YANG DE BZHIN DU DE'I RKANG PA CUNG ZAD BSTOD DE, GANG GI RKANG PA MTHO BAR GYUR PA DE LTA BUR KHRI LA SOGS PA BCA' BAR BYA'O, ,DE NYID KYIS NA MGO BO YANG YID TZAM SMAD PAR GYUR PA DANG, SNA KHUNG GCIG BKAG CING BCAD LA, SNA KHUNG GNYIS PA GDANGS SHING PHYE STE, GNAS PA LA SNA NAS GTANG BA'I SMAN BLUGS PAR BYA'O, ,DE BZHIN DU SNA KHUNG GNYIS PAR YANG RIM GYIS SNA SMAN SBU GU MCHU CAN NAM, SRIN BAL GYI YE'US BLUGS PAR BYA'O, ,BLUGS NAS RKANG MTHIL PHRAG PA DANG, ,LAG PA RNA BA LA SOGS MNYE, ,RIM GYIS BRNGUBS LA GLO GNYIS SU, ,MCHIL MDOR BA DE NAS NI, ,SMAN NI ZAD PAR GYUR GYI BAR, ,
, ,LAN GNYIS LAN GSUM SNAR BTANG SPYAD, ,CES BYA BA LA, DER SMAN BLUGS PA DANG, RKANG MTHIL DANG PHRAG PA DANG, LAG PA DANG RNA BA LA MNYE BAR BYA ZHING, DE NAS DE'I 'OG TU RIM GYIS BRNGUBS LA, BLO G-YAS G-YON GNYIS SU MCHIL MA DOR BAR BYA'O, ,DE NAS SNA G-YAS NAS BCUG PA'I SMAN BRNGUBS PA'I MCHIL MA G-YON LOGS SU DOR BAR BYA LA, G-YON GYI NI G-YAS SU'O, ,DE LTAR 'DIS SMAN SNA NAS GTANG BA LA LAN GNYIS LAN GSUM DU SPYAD PAR BYA'O, ,GAL TE BRGYAL GYUR BSIL BA'I CHUS, ,MGO BO MA GTOGS GTOR BAR BYA, ,ZHES BYA BA LA, SMAN SNA NAS GTONG BA NA, GAL TE BRGYAL ZHING MI DRAN PAR GYUR TE, SMAN GYI STOBS MA GOMS PAS BRGYAL BAR GYUR TE, MGO BO MA GTOGS PAR GZHAN DU CHU BSIL BAS KYANG GTOR BAR BYA'O, , BKRU SMAN 'OG TU SNUM DAG NI, ,NAD SOGS TSUL LAS DPAGS TE GTANG, ,ZHES BYA BA LA, SNA SMAN BTANG BA'I BKRU SMAN BYAS PA'I 'OG TU, SNA NAS GTANG BA SNUM BA GTANG BAR BYA'I, RTZUB PA NI MA YIN LA, DE YANG NAD LA SOGS PA'I TSUL LAS DPAGS SHING SHES PAR BYAS LA, DE DANG RJES SU MTHUN PA'I SMAN TIL MAR LA SOGS PA GANG YANG RUNG BA GTANG BAR BYA'O, ,SNA SMAN BTANG MTHAR GAN RKYAL DU, ,GRANGS BRGYAR DE LA BSDAD PAR BYA, ,DUD PAS BRNGUBS LA CHU DRON 'JAM, ,GRE BA MTSUL PA DAG PHYIR BYA, ,ZHES BYA BA LA, SKYES BU SNA NAS SMAN BYAS SHING BTANG ZIN NAS, MTHAR GAN RKYAL DU GRANGS BRGYA RDZOGS KYI BAR DU BSDAD PAR BYA'O, ,DE'I 'OG TU PHAN PAR BYED CING RJES SU MTHUN PA'I YON TAN DANG LDAN PA'I DUD PA BRNGUBS LA, CHU CUNG ZAD DRO BA 'JAM PO MKHUR BAR BCANG BGRE BA DANG MTSUL PA DAG PA'I PHYIR RO, ,SNUM BTANG LEGS GYUR DBUGS BDE RGYU, ,GNYID LOG SAD DE DBANG PO GSAL, ,ZHES BYA BA LA, DE LA SPYIR SNUM BTANG BA LEGS PAR GYUR NA DBUGS BDE BAR 'BYIN PA SNGON DU 'GRO BAS DBUGS RGYU BA DANG, DE BZHIN DU BDE BAR GNYID LOG CING BDE
BAR SAD PA DANG, DBANG PO RNAMS BDE ZHING RNAM PAR GSAL BAR 'GYUR RO, ,NYES PAS MGO RTZUB MI 'GYUR SKAM, ,SNA DANG KHA SKAM GLAD STONG SNYAM, ,ZHES BYA BA LA, SNUM GYI SNA SMAN NYES PAS MGO RTZUB CING MI 'GYUR BAR HAR HAR POR 'DUG PAR 'GYUR BA DANG, SKAM PA DANG, DE BZHIN DU SNA DANG KHA SKAM PAR 'GYUR BA DANG, GLAD PA STONG PA SNYAM SEMS PAR 'GYUR RO, ,SNUM DRAGS G-YAN DANG LCI BA NYID, ,MCHIL MANG CHAM 'DEBS YI GA 'CHUS, ,ZHES BYA BA LA, SPYI BOR SNA NAS SNUM BTANG DRAGS PAR GYUR NA, SHIN TU G-YA' BAR 'GYUR BA DANG, MGO LCI BA NYID DANG, MCHIL MA DANG SNABS MANG BA DANG, CHAM PAS 'DEBS SHING YI GA 'CHUS PAR 'GYUR RO, ,LEGS BKRUS MIG GSAL YANG BA DANG, ,KHA DANG SKAD NI DAG PAR 'GYUR, ,'KHRUS NYES NAD NI 'PHEL BAR 'GYUR, ,BKRUS DRAGS KHONG NI RMYA BAR 'GYUR, ,ZHES BYA BA LA, MGO BO'I BKRU SMAN LEGS SHING SBYOR BA PHYIN CI MA LOG PAR GYUR NA, MIG GSAL ZHING YANG BA DANG, KHA DANG SKAD GDANGS DAG CING GSAL BAR 'GYUR RO, ,MGO DE'I BKRU SMAN NYES SHING MA LEGS PAR GYUR NA, NAD KYI DKYEL 'PHEL ZHING SLAR SOGS PAR 'GYUR RO, ,MGO BO'I KHRUS SHIN TU DRAGS PAR GYUR NA, KHONG RMYA ZHING NYAM CHUNG BAR 'GYUR RO, ,TSAD CHUNG GLO RDOL RID PA DANG, ,BYIS PA RGAN PO SKYID PAR GNAS, ,DUS MIN CHAR 'BAB PAR YANG GTANG, ,ZHES BYA BA LA, SNA NAS GTANG BA'I SMAN TSAD CHUNG NGU NI, GLO RDOL BA LA SOGS PA LA YANG GTANG BAR BYA LA, DE BZHIN DU DUS MA YIN PAR YUL RMUGS PA LA YANG GTANG DU RUNG NGO, ,DE LA GLO RDOL BA NI GLO NAS KHRAG BYUNG BA'AM, BRANG GI SHA ZAD PA'O, ,RID PA NI MI RO SKAM PO LTAR SKEM PA'O, ,BYIS PA NI LO BCU DRUG MAN CHAD DO, ,RGAN PO NI BDUN CU YAN CHAD LON PA'O, ,SKYID PAR GNAS PA NI RTAG TU BDE ZHING GZHON SHA CAN DU GNAS PA'O, ,DE NI CHAM PAS DRAG BTAB DANG, ,CHANG 'THUNGS RNA BA 'ON PA DANG, ,GLAD RGYAS SRIN BU ZHUGS PA DANG, ,NAD BSDUS PHYIR NI MA PHYUNG LA, TSAD CHUNG BA
, ,NI GTANG MI BYA, ,ZHES BYA BA LA, SNA NAS GTANG BA'I SMAN TSAD CHUNG NGU DE NI CHAM PA DRAG POS BTAB PA DANG, DE BZHIN DU CHANG 'THUNGS PA STE, GANG GIS DUS DE NYID KYI TSE 'THUNGS PA DANG, DE BZHIN DU RNA BA 'ON ZHING SGRA 'DZIN PA LA ZHEN PA DANG, DE BZHIN DU GLAD RGYAS LA SRIN BU ZHUGS PA DANG, DE BZHIN DU NAD MANG PO KHONG DU BSDUS PA'AM, SPYIR NAD MANG BAR GYUR PA DANG, NAD BSDUS NAS PHYIR MA BYUNG BAR GYUR PA LA YANG GTANG BAR MI BYA STE, GANG GI PHYIR TSAD CHEN PO NAS CHUNG BA NI DMAN PA NYID YIN PA'I PHYIR NUS PA CHUNG BA YIN NO, , NYIN MCHAN ZAS ZOS SLON GNYID NYAL, ,MTHA' DANG BUD MED LAM NGAL DUB, ,MGO BSKUS MKHUR BKANG DBO BA'I RJES, ,BSHANG GCI MIG SMAN BTANG RJES DANG, ,SO SHING GI RJES DGOD PA YI, ,RJES LA THIGS PA GNYIS PA GTANG, ,LNGA YIS DBANG PO'I BU GA DAG, ,GSUM GYIS RIM BZHIN NGAL BA SEL, ,LNGA BOS MIG NI GSAL BAR BYED, ,SO BRTAN RLUNG NAD ZHI BAR 'GYUR, ,ZHES BYA BA LA, TSAD CHUNG NGU BTANG BA'I DUS NI BCVA LNGA PA 'DI DAG STE, MTSAN MO ZAS ZOS PA'I RJES LA SOGS PA LA GTANG BAR BYA LA, TSAD CHUNG NGU 'DI NI THIGS PA GNYIS TE, LAN GNYIS THIGS PA'I TSAD YIN LA, DE YANG DANG PO'I LNGA'I MTHA' MAR BTANG NA BU GA RNAMS SBYANGS SHING DAG PAR BYED DE, DE YANG MTSAN MO'I MTHA' DANG, ZAS ZOS PA'I MTHA' DANG, SLON PA'I MTHA' DANG, NYIN PAR NYAL BA'I MTHAR BTANG NA DBANG PO'I BU GA RNAMS GSAL ZHING DAG PAR 'GYUR RO, ,GSUM GYIS RIM BZHIN NGAL BA SEL, ,ZHES BYA BA LA NI, BUD MED KYIS DUB PA'I MTHA' DANG LAM GYIS DUB PA'I MTHA' DANG, NGAL CHAD PA'I MTHA' STE, MTHA' GSUM POR BTANG NA NGAL BA DE GSUM SEL BAR 'GYUR RO, ,LNGA BTANG MIG NI GSAL BAR 'GYUR, ,ZHES BYA BA LA, MGO BKRUS PA'I RJES DANG, MKHUR BA BKANG NAS PHO BA'I RJES DANG, BSHANG BA BTANG BA'I RJES DANG, GCI BA BTANG BA'I RJES DANG, MIG SMAN BTANG BA'I RJES LA BTANG NA MIG GSAL ZHING
STOBS DANG LDAN PAR 'GYUR RO, ,SO SHING ZOS PA'I RJES LA BTANG NA SO BRTAN PAR 'GYUR RO, ,DGOD PA'I RJES LA THIGS PA GNYIS BTANG NA RLUNG ZHI BAR 'GYUR RO, ,SNA SMAN LO BDUN MA LON DANG, ,BRGYAD CU 'DAS LA GTANG MI BYA, ,BCO BRGYAD MA LON DUD MI BDUG , MKHUR BKANG LNGA MA LON LA MIN, ,LO BCU MA LON SBYANG MI GTANG, ,BDUN CU 'DAS LA 'ANG MI BYA'O, ,SKYES NAS RGAS PA'I BAR DU NI, ,TSAD CHUNG MAS GTONG LTA BUR BSNGAGS, ,DE NI RTAG TU BSTEN GYUR NA, ,TSAD CHE BA LTAR YON TAN SKYED, ,'DI LA BDAM PA GANG YANG MED, , GNOD LAS TSAD CHEN LTAR 'JIGS MED, ,CES BYA BA LA, SMAN SNA NAS GTANG BA NI, BYIS PA LO BDUN MA LON PA DANG, LO BRGYAD CU YAN CHAD 'DAS PA'I NAD PA LA GTANG BAR MI BYA'O, ,BCO BRGYAD MA LON DUD MI BDUG ,CES BYA BA NI, MI LO BCO BRGYAD MA LON PA MAN CHAD NI DUD PAS BDUG PA'I SMAN GTANG BAR MI BYA'O, ,DE BZHIN DU MKHUR BA BKANG NAS DBO BA'I SMAN YANG LO LNGA MA LON PA MAN CHAD LA GTANG BAR MI BYA'O, ,DE BZHIN DU LO BCU MA LON PA LA BKRU SMAN GYIS SBYANG BA MI BYA'O, ,DE BZHIN DU LO BDUN CU YAN CHAD 'DAS PA'I NA TSOD DANG LDAN PA LA SBYANG BA MI BYA'O, ,DGAG PA 'DI BKRU SMAN BTANG BA'I SKABS YIN PAR SHES PAR BYA'O, ,SKYUG SMAN NI MA YIN TE BYIS PA NI PHAL CHER 'O MA DANG MAR ZA BAS BAD KAN LAS BYUNG BA'I NAD YOD PAS NA NAD THAMS CAD BKRU SMAN BSNGAGS PA MA YIN NO ZHES BSHAD PA'I PHYIR RO, ,YANG TSAD RAB TU CHUNG BA THIGS PA GNYIS PA NI 'DI NI SKYES NAS ZHES BYA BA BYIS PA LO GCIG MA LON PA NAS, 'CHI BA NAS RGAS PA'I MTHAR THUG PA'I BAR LA TSAD CHUNG NGU BSTEN PA BSNGAGS PA YIN TE, DE YANG JI LTAR MAS GTONG BA SKYES NAS RGAS PA'I BAR DU GTANG DU RUNG ZHING BSNGAGS PA YIN PA DANG 'DRA BAR TSAD CHUNG NGU 'DI BSNGAGS PA YIN NO, ,TSAD CHUNG NGU DE RTAG TU BSTEN CING RGYUN DU GOMS PAR BYAS NA, THUN TSAD CHE BA DANG 'DRA BAR YON TAN SKYED PAR BYED PA YIN TE, DE BAS NA SKYES NAS RGAS KYI BAR DU BSNGAGS PA YIN NO, ,SNA NAS GTANG
, ,BA'I SMAN CHUNG NGU 'DI LA NI SNGAR GYI TSAD DU BSTAN PA'I CHE 'BRING CHUNG GSUM LTAR BDAM PA YOD PA MA YIN TE, SNUM GYI CHO GA'I SKABS NAS BSHAD PA'I CHO GA LTA BU BSTEN CING BSRUNG MI DGOS SO, ,YANG TSAD CHEN PO BTANG BA LAS GNOD PA 'BYUNG BA'I 'JIGS BA YOD PA LTAR 'DI LTAR 'DI LA DE LTA BU'I GNOD PA'I 'JIGS PA 'BYUNG BAR MI 'GYUR RO, ,SNA SMAN DON DU TIL MAR NYID, ,RTAG TU BSTEN PA BSNGAGS PA YIN, ,MGO NI BAD KAN GNAS YIN PHYIR, ,SNUM GZHAN BDER GNAS LA MI BSNGAGS, ,ZHES BYA BA LA, BDE BAR NAD MED PAR GNAS PA'I SKABS SU SNA NAS GTANG BA'I SMAN GYI DON DU TIL MAR NYID BSNGAGS PA YIN GYI, MAR LA SOGS PA'I SNUM GZHAN RTAG TU BSTEN PA BSNGAGS PA MA YIN NO, ,DE CI'I PHYIR ZHE NA, MGO BO NI BAD KAN GYI GNAS YIN PA'I PHYIR SNUM GZHAN MI BSNGAGS KYI TIL MAR NI BAD KAN SEL BA YIN BAS; DE'I PHYIR SNUM GZHAN MAR LA SOGS PA NAD MED PA'I SKABS SU GTANG BA BSNGAGS PA MA YIN NO, ,MYUR BYED RING ZHIG BYED PA DANG, ,YON TAN CHE DANG CHUNG BYED PA'I, ,KHYAD PAR TSAD CHEN TSAD CHUNG DANG, ,GAL TE MED PAR GYUR NA NI, ,GANG ZHIG SPANG BCAS GNOD BCAS PA'I; ,TSAD CHEN DAG NI SU ZHIG STON, ,SNUM DANGS BTUNG BA RTAG BSHAD DU, ,SPYIL BU RLUNG DANG TSAD PAR GNAS, ,'JAM RTZI TSAD CAN MAS GTONG TSAD, ,DE DANG 'DRA BAR RNAM PAR BSTAN, ,ZHES BYA BA LA, 'DI NI YAN LAG BRGYAD PA BSDUS PA LAS GZHUNG RTZOM PAR BYED PAS BSHAD PA, 'DIR LA LA ZHIG GIS BCUG PA YIN MOD KYI, 'ON KYANG 'DIR BSHAD PAR BYA STE, GAL TE TSAD CHE BA SNGAR RNAM PA GSUM DU BSTEN PA DANG, TSAD CHUNG NGU THIGS PA GNYIS PA DE DAG LA KHYAD PAR MED PAR GYUR NA, SPANG BAR BYA ZHING NYES DMIGS DANG BCAS PA'I TSAD CHEN POS NAD PA GSO BAR GLEN PA SU ZHIG BYED DE, TSAD CHUNG 'DIS CHOG MOD, ,DES NA 'DI GNYIS LA YON TAN GYI KHYAD PAR CI YOD CE NA, DE'I PHYIR MYUR BYED CES BYA BA LA SOGS PA SMRAS PA YIN TE, TSAD CHE BA DANG CHUNG BA GNYIS NI, GNYIS PA KHYAD PAR GRANGS JI LTA BA BZHIN DU
MYUR DU BYED PA DANG, RING ZHIG NA BYED PA DANG, YON TAN CHE BA DANG, CHUNG BAR BYED PA'I KHYAD PAR MCHOG STE THA MA DAG YOD PA MA YIN TE, DE YANG CHE TSAD GSUM PO NI SNUM GYI LAS LA SOGS PA MYUR DU BYED PA YIN NO, ,DE BZHIN DU 'DI NYID YON TAN SHAS CHE BAR BYED PA YIN, DE BZHIN DU CHUNG ZHING DMAN PAR YANG BYED PA STE, DE LTA BU'I YON TAN GYI KHYAD PAR YOD PA LA BRTEN NAS, TSAD CHEN POR BSHAD PA GSUM PA NI SPANG BA DANG BCAS SHING GNOD PA DANG BCAS SU ZIN KYANG, TSAD CHEN PO DAG BYA BA KHO NA STON PA YIN TE, DE BZHIN DU SKABS KYIS GZHAN DAG KYANG BSHAD PA YIN TE, SNUM DANGS MA BTUNG BA NI SPANG BAR BYA BA DANG BCAS SHING, MI MTHUN PA'I SKABS GNOD PA'I SKABS SPANG BA MED PA MA YIN YANG, 'ON KYANG ZHUN MAR LA SOGS PA'I SNUM DANGS MA BSTEN PAR BSHAD PA NI MYUR DU BYED PA DANG, YON TAN CHE BA'I PHYIR RO, ,DE BZHIN DU SPYIL BUR GNAS NAS BCUD KYIS LEN NYE BAR BSTEN PA DANG, DE BZHIN DU RLUNG DANG, TSAD PAR GNAS NAS RLUNG DANG NYI TSAN GYI CHO GAS BCUD KYIS LEN BSTEN PAR BYED PA DE GNYIS LA KHYAD PAR MED PAR GYUR NA SPYIL BUR GNAS PA'I CHO GA SPANG BA DANG, GNOD PA DANG BCAS PA SU ZHIG STON PAR BYED NA, GANG GI PHYIR SPYIL BU LA GNAS PA NI MYUR BAR BYED PA DANG, YON TAN CHE BA YIN LA, RLUNG DANG TSAD PAR GNAS PA NI RING ZHIG NA BYED PA DANG, YON TAN CHUNG BA YIN TE, TSAD 'DI GNYIS KYI KHYAD PAR YANG DE DANG 'DRA'O, ,DE BZHIN DU 'JAM RTZE MAS GTONG BA'I TSAD KYANG DE DANG 'DRA BAR BSHAD PA YIN TE, DES NA 'JAM RTZI MAS GTONG BA NI MYUR DU BYED PA DANG, YON TAN CHE BA YIN LA, 'JAM RTZI TSAD SHIN TU CHUNG BA'I MAS GTONG BA NI RING ZHIG NA BYED PA DANG, YON TAN CHUNG BA YIN NA, DE BAS NA KHYAD PAR 'DI GNYIS LA BRTEN NAS 'JAM RTZI TSAD DANG LDAN PA DAG NI SPANG BAR BYA BA DANG, GNOD PA DANG BCAS SU ZIN KYANG BSHAD PA YIN GYI, MAS GTONG BA CHUNG NGU CHUNG NGUS BYED PA GCIG BUM BSHAD DE, 'DI GNYIS NI 'BRAS BU KHYAD PAR YOD PA YIN NO, ,DZA LA SGRON SHING RDZI BAN TI, ,
, ,GLA SGANG SHING TSA PU SHEL TZI, ,GO BI TZANDAN SKYER PA'I RTZA, ,SHING MNGAR GLA BA AA KA RU, ,NYE'U SHING BIL BA PUndA R'I, ,AUTPAL MUR PARnI GNYIS, ,BRI HA TI GNYIS BYI DANG GA ,GANDHA BHA DRA SUG SMEL DANG, ,HA RE nU KA PADMA YI, ,GE SAR DANG NI BA LA STE, , SMAN NI 'DI RNAMS CHA SNYOMS LA, ,CHAR PA'I CHUS NI BSKOL BAR BYA, ,TIL MAR LAS NI SMAN GYI KHU, ,BCU 'GYUR LHAG BYAS DE LAS NI, ,TIL MAR CHU DANG BSKOL BYA BA, ,LAN BCU NYID NI BSKOL NAS NI, ,TSOS PA YI NI BCU CHA LA, ,DE MNYAM RA YI 'O MA BLUGS, ,SNAR BTANG TIL MAR YON TAN CHE, ,THIGS PHRAN ZHES BYA 'DI BSTEN BYA, ,ZHES BYA BA LA, DZA LA ZHES BYA BA NI RTZVA SMAN BA LA KA'O, ,DZI BAN TI NI GRAGS PAR ZAD DO, ,GO BI NI SHI RI BA'O, ,GLA BA NI BA RI PE LA'O, ,NYE'U SHING NI SHA TA PA RI'O, ,PUndA R'I NI PRA PUndA R'I KA'O, ,AUTPA LA NI AUTPA LA SNGON PO'O, ,MU RA NI GAN DMU RA'O, ,PARnI GNYIS NI SA LA PARnI DANG, KRishnA PARnI'O, ,BRI HA TI GNYIS NI BRI HA TI DANG, KAndA KA RI'O, ,HA RE nU KA NI RE nU KA'O, ,PADMA'I GE SAR NI PADMA'I SNYING PO'I GE SAR RO, ,BA LA NI GRAGS PAR ZAD DO, ,SMAN 'DI RNAMS LEGS PAR CHA SNYOMS LA, DE'I BRGYAD 'GYUR GYI CHAR PA'I CHU DANG BSKOL BA JI SRID TIL MAR GYI BCU 'GYUR LUS PAR 'GYUR GYI BAR DU BSKOL BAR BYA'O, ,DE LTAR SMAN GYI KHU BA TIL MAR GYI BCU 'GYUR LUS PAR BYAS LA, DE'I 'OG TU BSKOL BA'I CHU TIL MAR GYI BCU 'GYUR YOD PA LA, DE LA TIL MAR CHA GCIG DANG, LAN BCU'I BAR DU BSKOL BAR BYA'O, LHAG PA 'AM MA TSANG BA MA YIN NO, ,'DI NYID CES BYA BA NGES PAR GZUNG BA SMOS PA YIN NO, ,DE LA TIL MAR CHOS PA'I TSAD NI CI NAS SMAN BSKOL BA'I CHU DE BCU CHA RE RE DANG SO SOR BSKOL BAS RDZOGS KYI BAR DU BSKOL NAS, TIL MAR DE TSOS PAR GYUR PA DE LTAR BYA'O, ,TSOS PA BCU CHA DE DANG MNYAM PA'I RA'I 'O MA BLUGS PAR BYA STE, GANG DANG MNYAM ZHE NA, TIL MAR DANG BSKOL BA'I CHU DANG MNYAM PAR BYA'O, ,DE YANG 'DI SKAD STON PA YIN TE, DZA LA DANG SGRON SHING LA SOGS PA'I SMAN CHA MNYAM SRANG SUM
CU RTZA GNYIS PA PHRAG BRGYA STE, SUM STONG NYIS BRGYA BSKOL LA BSKOL BA'I SMAN KHU LHAG MA SRANG SUM CU NYI SHU LUS PAR BYAS TE, DE'I BCU CHA SMAN KHU SRANG SUM CU RTZA GNYIS DANG, TIL MAR SRANG SUM CU RTZA GNYIS BSKOL BAR BYA'O, ,DE BZHIN DU BSKOL BA BCU PO'I SKABS SU TIL MAR DANG MAR DANG MNYAM PA'I RA'I 'O MA SRANG SUM CU RTZA GNYIS GZHUG PAR BYA'O, ,SNA NAS GTANG BA'I TIL MAR 'DI NI YON TAN CHE ZHING BSTEN PAR BYA BA YIN PAR DRANG SRONG RNAMS KYIS BSHAD LA, 'DI'I MING NI THIGS PHRAN ZHES BYA STE, MGO BO'I CHA'I RTZA PHRAN RNAMS SU THIGS PA PHRA MOS NANG DU 'JUG PAR NUS PA'I PHYIR, TIL MAR 'DI LA THIGS PHRAN GYI TIL MAR ZHES DON DANG LDAN PA'I MING BTAGS PA YIN NO, ,SNA NAS GTANG BA'I SMAN BSTEN PAS, ,PHRAG PA MGRIN PA DPUNG MGO NI, ,MKHREGS SHING MTHO LA PAGS MDOG GSAL, ,DBANG BRTAN SKRA DKAR MED PAR 'GYUR, ,ZHES BYA BA LA, DE LTAR BSTAN PA'I SNA NAS GTANG BA'I SMAN BSTEN CING GOMS PAR BYAS PAS NI, SKYES BU DE PHRAG PA DANG, MGRIN PA DANG DPUNG MGO MTHO ZHING SRA LA MKHREGS PAR 'GYUR BA DANG, PAGS PA'I MDOG GSAL ZHING DANGS PAR 'GYUR BA DANG, DE BZHIN DU MIG LA SOGS PA'I DBANG PO BRTAN ZHING YUL 'DZIN PAR NUS PA DANG, SKRA DKAR MED CING RGAS SRA BA NYID DU 'GYUR BA KHO NA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, LE'U NYI SHU PA'I RNAM PAR 'GREL BA'O,, ,,DE NAS SMAN GYI DUD PA GTANG BA'I CHO GA'I LE'U BSHAD PAR BYA'O, ,ZHES BYA BA LA, 'DI BRTZAMS PA'I 'GREL BA NI 'DI YIN TE, SNGAR BSHAD PA'I SMAN SNA NAS GTANG BA'I RJES LA, DUD PA BRNGUBS TE, MKHUR BA BKANG NAS DBO BAR BYA'O, ,ZHES SNGAR BSHAD PAS NA, DUD PA DE'I CHO GA 'DI DANG 'DI LTAR BYA'O ZHES BYA BA'I TSUL GYIS LE'U BSHAD PA YIN NO, ,NAM TSONG YAN CHAD BAD RLUNG LAS, ,BYUNG BA'I NAD RNAMS MI SKYE DANG, ,SKYES PA RNAMS NI
, ,BSAL BA'I PHYIR, ,MKHAS PAS RTAG TU DUD PA BRNGUB, ,CES BYA BA LA, NAM TSONG YAN CHAD KYI BAD KAN LAS BYUNG BA'I NAD DANG, RLUNG LAS BYUNG BA'I NAD DANG, DE BZHIN DU BAD KAN DANG RLUNG LAS BYUNG BA'I NAD RNAMS MI 'BYUNG BA'I PHYIR DANG, DE BZHIN DU SKYES SHING BYUNG BA RNAMS BSAL ZHING GZHOM BAR BYA BA'I PHYIR SKYES BU MKHAS PA BDAG LA PHAN PAR 'DOD PAS RTAG PAR DUS THAMS CAD DU DUD PA'I SMAN BRNGUB CING BTUNG BAR BYA'O, ,DE NI 'JAM DANG BAR MA RNO, ,RLUNG DANG BAD RLUNG BAD KAN LA, ,ZHES BYA BA LA, DUD PA DE NI 'JAM BA DANG BAR MA DANG, RNO BA'I DBYE BAS RNAM PA GSUM YOD DO, ,DE LAS 'JAM ZHING SNUM PA NI, BAD KAN CUNG ZAD DANG LDAN PA'I RLUNG NAD LA GTANG BAR BYA'O, ,BAR PA NI RLUNG DANG BAD KAN 'DRES PA'I CHA MNYAM PA LA GTANG BAR BYA'O, ,RNON PO NI BAD KAN LA BTANG BAR BYA'O, ,DE LA 'JAM PA NI BRTAS PAR BYED PA DANG, SNUM PA DANG, 'JAM PA ZHES BYA BA RNAM GRANGS YIN NO, ,BAR MA NI ZHI BAR BYED PA DANG, SBYOR BA CAN ZHES BYA BA RNAM GRANGS YIN NO, ,RNO BA NI SBYOR BA DANG BKRU BA ZHES BYA BA RNAM GRANGS YIN NO, ,GTANG NGO MKHRIS KHRAG GIS NYEN DANG, , KHRUS BTANG DMU RDZING ZA KHU DANG, ,RAB RIB SBOS DANG STOD RLUNG NAD, ,LKOG NAD MAS GTONG BYAS PA DANG, ,NYA DANG CHANG DANG 'O MA ZHO, ,SBRANG RTZI MAR DANG DUG 'THUNGS SOGS, ,MGO NAD SKYA RBAB NAD CAN NI, ,MTSAN GNYID MA LOG LA MI GTANG, ,ZHES BYA BA LA, DUD PA DE NI MKHRIS PA DANG KHRAG GI NAD KYIS NYEN PA DANG, BKRU SMAN BTANG BA LA SOGS PA LA GTANG BAR MI BYA'O, ,STOD KYI RLUNG NAD NI RO STOD KYI RLUNG NAD DO, ,LKOG NAD NI LKOG MA 'GAGS PA LA SOGS PA'O, ,NYA DANG CHANG 'THUNGS PA LA SOGS PA MTSAN MO GNYID KYIS MA LOG PA LA DU BA'I SMAN GTANG BAR MI BYA'O, ,GAL TE DUD PA CHER BRNGUB SA NA, ,KHRAG DANG MKHRIS 'PHEL 'ON LONG DANG, ,SKOM DANG BRGYAL DANG RMONGS PAR BYED, ,DER NI BSIL BA'I CHO GA PHAN, ,ZHES BYA BA LA, DUD PA GSUM PO DUS MA YIN PAR BRNGUBS PA DANG, BKAG PA'I GNAS
LA BRNGUBS PA DANG, SBYOR BA NONGS PAS BRNGUBS PA DANG, ,CHER BRNGUBS SHING LHAG PAR BRNGUBS PA NI, KHRAG DANG MKHRIS PA 'PHEL BAR 'GYUR BA DANG, DE BZHIN DU 'ON BA STE RNA BA'I DBANG PO LA GNOD PAR 'GYUR BA DANG, MIG LONG ZHING MTHONG BA NYAMS PA DANG, SKOM PA DANG, DE BZHIN DU BRGYAL ZHING 'BOG PA DANG, RMONGS SHING MYOS PAR BYED DO, ,KHRAG DANG MKHRIS PA 'PHEL BA LA SOGS PA DER NI BSIL BA'I CHO GA STE, SMAN KHA NAS BTANG BA DANG, MIG BSKU BA DANG, MIG SMAN DANG, CHUS GTOR BA DANG, ZAS DANG SKOM PA'I CHO GA THAMS CAD BSIL BAR BYAS PAS PHAN NO, ,BKRES SBRID GLAL DANG BSHANG GCI BSAL, ,BUD MED BSTEN DANG GTAR GA BTAB, ,DGOD DANG SO SHING BCAS PA YI, ,MTHAR NI DUD PA 'JAM PO GTANG, ,ZHES BYA BA LA SOGS PA BRGYAD KYI MTHAR, DUD PA 'JAM PO RNGUB CING GTANG BAR BYA'O, ,DUS 'DI DAG NAS MTSAN ZAS ZOS, ,SNA SMAN RJES LA BAR MA BRNGUB, ,CES BYA BA LA, DUS BRGYAD PO 'DI DAG NYID KYI TSE DANG MTSAN MO'I MTHA' DANG ZAS ZOS PA'I MTHA' DANG, SNA SMAN BTANG BA'I RJES LA DUD PA BAR MA BRNGUB TU RUNG STE, DUD PA 'JAM PO GTANG BA'I DUS BRGYAD DANG MTSAN MO'I MTHA' LA SOGS PAR DU BA BRNGUB PAR BYA'O, ,GNYID LOG SNA SMAN MIG SMAN KHRUS, ,SLON PA'I RJES LA RNON POS BKRU, ,ZHES BYA BA LA, GNYID LOG PA LA SOGS PA'I RJES LA SMAN RNON POS MGO BO BKRUS PA'I DUD PA BRNGUB PAR BYA'O; ,MAS GTONG GCE'U 'DRAR BYAS PA YI, ,DUD GCE'U SBUBS GSUM DRANG POR BYA, ,RTZA BA MTHEB SHONG RTZE MO NI, ,RGYA SHUG SHONG BA'I TSANG DU BYA, ,ZHES BYA BA LA, DU BA BRNGUB BA'I GCE'U NI, MAS GTONG BA'I GCE'U'I RGYU DANG 'DRA BAR BYA LA, DE BZHIN DU SBUBS GSUM PO STE, NANG GI KHONG SBUBS DANG KHA GSUM PAR BYA BA DANG, DRANG ZHING YA YO MED PAR BYA BA DANG, DE BZHIN DU RTZA BA'I SBOM MTHE BO SHONG BA TZAM BYA BA DANG, RTZE MO'I BU GA RGYA SHUG GI 'BRAS BU SHONG BAR BYA'O, ,DE YI TSAD NI RNGUB BYED PA'I, ,SOR NI NYI SHU SUM CU GNYIS, ,
, ,BZHI BCU RNO DANG BAR MA DANG, ,'JAM PO LA NI RIM BZHIN BYA, ,ZHES BYA BA LA, RNON PO LA SOGS PA'I DU BA GSUM LA, DE'I GCE'U'I TSAD NI RIM PA BZHIN, DU BA RNON PO GTONG BA LA RNGUB PAR BYED PA'I NAD PA'I SOR NYI SHU RTZA BZHI BYA'O, ,BAR MA LA SOGS SUM CU RTZA GNYIS SO, ,'JAM PO LA NI RIM BZHIN BYA, DE LTAR GCE'U RING POS NI THAG RING PO NAS 'JUG PA'I GCE'U'I SBUBS NAS, PHRA MO RIM GYI SA GZHUG PAS KHYAB CING BDE BAR BYED PAR 'GYUR RO, ,DRANG POR 'DUG CING DE LA SEMS, ,KHA GDANGS NAS NI LAN GSUM BRNGUB, ,SNA KHUNG RE RE BKAG NAS NI, ,SNAR NI DUD PA BRNGUB PAR BYA, ,ZHES BYA BA LA, DUD PA GTONG BA'I TSE DRANG POR 'DUG CING, MA YO BAR GNAS PAR BYA BA DANG, DE BZHIN DU DE LA SEMS PA STE, DUD PA BRNGUB PA LA SOGS PA LA MA YENGS PA DANG, DE BZHIN DU KHA GDANGS SHING MCHU DANG SO PHYE NAS DU BA LAN GSUM BRNGUB CING BTANG LA, SNA KHUNG YA GCIG BKAG NAS SNA KHUNG GCIG NAS DUD PA BRNGUB PA'O, ,DE BZHIN DU SNA KHUNG GNYIS RE RE NAS BKAG CING LAN GSUM BRNGUB PAR BYA'O, ,MGO DANG SNAR GTOGS NAD BSKYOD PA, , DANG POR SNA NAS BRNGUB PAR BYA, ,BSKYOD PA'I DON DU KHA NAS BRNGUB, ,GRE BAR GTOGS PA DE LAS BZLOG ,CES BYA BA LA, MGO DANG SNAR GTOGS PA'I NAD BSKYOD CING BSDUS LA, RANG NYID BSKYOD PA'I NAD LA NI, DANG POR TE THOG MAR SNA NAS BRNGUBS LA, PHYIS KHA [?] NAS BRNGUB PAR BYA'O, ,GRE BA'I NAD LA NI DE LAS BZLOG PA'I TSUL GYIS BRNGUB PAR BYA STE, GRE BA'I NAD BSKYOD CING GLONGS PA LA NI DANG POR KHA NAS DUD PA BRNGUBS LA, PHYIS SNA NAS BRNGUB PAR BYA'O, ,GRE BA'I NAD MA BSKYOD CING MA BSDUS PA NI, DE BSKYOD PAR BYA BA'I PHYIR DANG PO SNA NAS DUD PA BRNGUBS LA, PHYIS KHA NAS BRNGUB PAR BYA'O, ,DU BA KHA NYID NAS SLON GYI, ,SNAR SLON MIG LA GNOD PAR BYED, ,CES BYA BA LA, SNA NAS BRNGUB PA'I DUD PA DANG, KHA NAS BRNGUB PA'I DUD PA NI GNYI GA YANG KHA NYID NAS SLON PHYIR GDON PAR BYA'I MIG LA 'JIGS PA YOD PA'I PHYIR SNA
NAS SLON PAR MI BYA'O, ,DUD PA BRNGUB DANG 'BYIN PA YIS, ,LAN NI GSUM GSUM BRNGUB PAR BYA, ,ZHES BYA BA LA, DU BA BRNGUB PA NI LAN GSUM GSUM BRNGUB PA DANG, 'BYIN PA'I TSUL GYIS BRNGUB PAR BYA'O, ,'JAM PO NYIN GCIG LAN GCIG GTANG, ,BAR MA LAN GNYIS SBYOR BA NI, , LAN GSUM LAN BZHI GTANG BAR BYA, ,ZHES BYA BA LA, DU BA 'JAM PO NI NYI MA RANGS PA LA RANG GI GTANG BAR BYA BA'I NAD RNAMS LA LAN CIG GTANG BAR BYA'O, ,DE BZHIN DU SBYOR BA'I DUD BA RNON PO NI NYIN GCIG LA RANG GI GTANG BAR BYA BA'I NAD RNAMS LA LAN GSUM MAM BZHI GTANG BAR BYA'O; ,DER SMAN GU GUL AA KA RU, ,GLA SKRANG RDO DREG STHO NE YA, ,SPANG SPOS AU SHIR BA LA KA ,SHING TSA KO NA TI SHING MNGAR DANG, ,BIL RKANG AE LA BA LU KA ,POG [?] DKAR SHI RI PE STA KA ,BYA MA KA GLA BA SBRA TSIL, ,POG NAG GUR GUM MA SHA DANG, ,KUN TU RU DANG NAS DANG TIL; ,SNUM BCAS 'BRAS BU SNYING PO DANG, ,TSIL DANG RKANG DANG ZHAG DANG MAR, ,ZHES BYA BA LA, DE LA SMAN GYI DU BA GSUM PO DE DAG GI NANG NAS DU BA 'JAM PO'I SMAN 'PHROD NI, GU GUL NAS MAR GYI BAR YIN NO, ,RDO DREG NI SHEL LA YANG STE, PHA BONG GI DRAG PA'O, ,YANG NA BRAG ZHUN LA BYA'O, ,STHO NE YA NI TE LA PA TO KA'O, ,SPANG SPOS NI NA LA KA'O, ,KON TI NI TA RE NU KA'O, ,BIL BA'I RKANG NI BI LA BA'I NANG NGO, ,AE LA BA LU KA NI HI RI BA LU KA'O, ,SHI RI BE STA KA NI SHI RI BE STA KA STE, THANG SHING GI THANG CHU'O, ,POG DKAR PO NI SARDZA RA SA'O, , BYA MA KA NI DA BA DHAG DHA'O, ,GLA BA NI MAN BYA MA'O, ,POG NAG PO NI SA LA KI'O, ,MA SHA NI MON SRAN GRE'U'O, ,SNUM DANG BCAS PA'I 'BRAS BU NI STAR GA'I 'BRAS BU LA SOGS PA'O, ,DE BZHIN DU SNYING PO NI SHING S'A LA DANG, AA KA RU DANG, THANG SHING DANG, SHING SHA PA LA SOGS PA'I SNYING PO'I KHU BA'I SNUM MO, ,YANG DE BZHIN DU TSIL DANG RKANG DANG ZHAG DANG MAR DANG SBYAR BA LAS DUD PA'I SMAN BYA'O, ,ZHI BA POG NAG RGYA SKYEGS DANG, ,RGUN 'BRUM PADMA AUTPA LA, ,N+YA GRO DHA DANG AA SHVADTHA, ,AU DUMB'AR BLAG SHA DANG, ,SENG PHROM SHUN PA KA RA DANG, ,
, ,SHING MNGAR KLU SHING SHUG PA GCOD, ,DRI LAS RGYA SPOS RU RTA BSKOL, ,ZHES BYA BA LA, ZHI BAR BYED PA'I DU BA'I SMAN NI POG NAG PO DANG, RGYA SKYEGS LA SOGS PA LA BYA STE, N+YA GRO DHA LA SOGS PA SHING LNGA'I SHUN LPAGS LAS SBYAR RO, ,KLU SHING GI SHUN LPAGS NI N'A GA GE SAR GYI SHING GI SHUN PA'O, ,SHUG PA NI HE MA PADMA KHA'O, ,BTZOD NI MAN DZI TA'O, ,DRI'I RDZAS RNAMS LAS RGYA SPOS DANG, RU RTA BSKOL BA MA GTOGS PAR BYAS PA'I DRI'I RDZAS THAMS CAD DO, ,RNON PO DZO TI SMA TI DANG, ,SKYER PA DANG NI RTZA BA BCU, ,LDONG ROS BA BLA RGYA SKYEGS DANG, ,GI RI GAR DKAR 'BRAS BU GSUM, ,DRI YI SMAN LA RO RNO BA'I, ,MGO BO'I BKRU SMAN SDE TSAN NO, ,ZHES BYA BA LA, DU BA'I SMAN RNON PO LA, DZO TI LA SOGS PA'I SMAN RNAMS YIN TE, DZO TI SMA TI NI GRANG GU NI KA'O, ,RTZA BA BCU NI RTZA BA LNGA PA CHE CHUNG GNYIS SO, ,DRI'I SMAN RO RNO BA NI RU RTA LA SOGS PA'I DRI RNO BA'I RDZAS SO, ,MGO BO'I BKRU SMAN GYI SDE NI AU SHI RA DANG, AA PA MARGA DANG, TSA ZA GSUM LA SOGS PA'I SMAN SNGAR SMAN GYI SDE TSAN DU BSHAD PA'O, ,DE DAG ZHAG GCIG CHUR SBANGS LA, ,DU BA'I SMAN RNAMS BTAGS NAS NI, ,THUR MA SOR NI BCU GNYIS LA, ,LAN LNGA'I BAR DU BYUG PAR BYA, ,GDAR BU MTHE BO TZAM SBOM LA, ,NAS KYI DBYIBS DANG 'DRA BAR BYA, ,ZHES BYA BA LA, SMAN DE DAG SBYAR BA NI, DE DAG NYID ZHAG GCIG CHUR BCUG STE SBANGS LA, DU BA'I SMAN RNAMS CHU THAGS SU LEGS PAR BTAGS LA 'DAM BU LA SOGS PA'I THUR MA SOR BCU GNYIS PA LA ZHO GNYIS GNYIS TZAM GYI LDE GUS LAN LNGA'I BAR DU BYUG PAR BYA STE, DE YANG GRIB MA LA SKAM ZHING LAN LNGA'I BAR DU BYUGS LA, GDAR BU DE SBOM MTHE BO TZAM DU GYUR GYI BAR DU BSNAN CING, DE BZHIN DU NAS KYI DBYIBS DANG 'DRA BAR GYUR PAR BYA'O, ,GRIB MAR SKAM ZHING KHONG STONG MED, ,SNUM GYIS JI BZHIN BSKUS BYAS LA, ,BRNGUB PHYIR ME YIS BSREGS NAS NI, ,DU BA'I GCE'U DANG SBYAR BYA, ,ZHES BYA BA LA, GDAR BU DE LTAR GRIB MA LA BSKAMS PA STE KHONG
STONG MED PAR BYAS LA, SNUM GANG JI LTAR 'PHROD PA MAR LA SOGS PAS JI LTA BA BZHIN DU BSKUS LA, DUD PA BRNGUB PA'I PHYIR MES BSREGS LA, DU BA'I GCE'U'I SBU GU DANG SBYAR BAR BYA'O, ,KHAM PHOR KHA SBYAR BU GAR NI, ,GCE'U SOR BCU'AM SOR BRGYAD PA, , BCUG NAS KHA NAS DUD PA NI, ,LUD PA CAN GYIS BRNGUB PAR BYA, ,ZHES BYA BA LA, KHAM PHOR SBYAR MA NI, KHAM PHOR GNYIS KHA SBYAR BA STE, DE LA BU GA DER 'OD MA LA SOGS PA'I GCE'U SOR BRGYAD PA'AM, SOR BCU PA BCUG LA LUD PA CAN GYI SKYES BUS BRNGUB PAR BYA'O, ,'DI SKAD STON TE, LUD PA 'JOMS PAR BYED PA'I SMAN GYI PHYE MA'AM, RI LU ME MDAG DU BA MED PA RGYUN RING BA 'BAR BZHIN PA LTA BUR KHAM PHOR LEGS PAR BZHAG PA BKANG LA, KHAM PHOR GNYIS PA ZHABS SU BU GA ZLUM PO BTOD PAS BKAB LA, DER GCE'U BTZUGS TE, KHA NYID DU DU BA BRNGUB PAR BYA LA, DE BRANG DU PHYIN PA DANG, KHA NAS SLAR BTON CING SLON PAR BYA'O, ,DU BA ZHIN YANG, SMAN BCUG CING BRDUNGS LA, NAD DE BYANG BA LA LUS YANG BAR 'GYUR GYI BAR DU GTANG NGO, ,DUD PA BRNGUBS LA LUD PA DBUGS MI BDE, , SKAD 'GAGS RNAG DANG DRI MI ZHIM GDONG SKYA, ,SKRA SKYON RNA MIG 'DZAG G-YA' RMONGS BAG DANG, ,SNYOM DANG SKYIGS BU CHAM PA'I NAD MI 'BYUNG, ,ZHES BYA BA LA, SKYES BU DUD PA BRNGUB PA'I CHO GA LA BRTEN PAR BYED PA LA, LUD PA DANG DBUGS MI BDE BA LA SOGS PA'I NAD RNAMS 'BYUNG BAR MI 'GYUR RO, ,RNAG NI SNA NAS 'DZAG PA'O, ,DRI MI ZHIM PA NI KHA NAS SO, ,SKYA BA NI GDONG SKYA ZHING KHYEM CHAGS PA'O, ,SKRA'I SKYON NI SPYI THER DANG, MDOG 'GYUR BA LA SOGS PA'O, ,'DZAG PA NI GSUM CHAR DANG SBYAR BAR BYA STE, RNA BA NAS 'DZAG PA DANG, MIG NAS 'DZAG PA DANG, KHA NAS 'DZAG PA'O, ,SNYOM PA NI GNYID KYIS MYOS PA LTAR YUL 'DZIN MI NUS PA'O, ,GZHAN DAG NI GRAGS PAR ZAD DO, ,NAD DE DAG 'BYUNG BAR MI 'GYUR BA'O, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI
, ,DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, LE'U NYI SHU RTZA GCIG PA'I RNAM PAR 'GREL PA'O,, ,,DE NAS SMAN GYI KHU BAS MKHUR BA DGANG BA LA SOGS PA'I CHO GA'I LE'U BSHAD PAR BYA'O, , ZHES BYA BA LA, 'DI BRTZAMS PA'I DGOS PA NI SNA NAS BTANG BA'I RJES LA, THOG MAR DUD PA BRNGUB PAR BYA LA, DE'I 'OG TU CHU DRON GYIS MKHUR BA BKANG BAR BYA'O ZHES BSHAD PA YIN PAS NA, DE GNYIS KYI 'OG TU 'DI BRTZAMS PA YIN NO, ,SMAN GYI KHU BAS MKHUR BA BKANG BA NI KHA BKANG BA STE, DE LA SOGS PA GANG YIN PA NI, MKHUR BA BKANG BA LA SOGS PA ZHES SMAN MUR BA DANG, GDONG BKRU BA DANG, SPYI BOR SNUM GYIS BYUG PA DANG, RNA BA BKANG BA BSDU'O, ,DE RNAMS KYI CHO GA NI 'DI LTAR BYA'O ZHES BYA BA'I TSUL TE, DE LA LE'U BSHAD PAR BYA'O ZHES PA'O, ,MKHUR BKANG RNAM PA BZHI YIN TE, ,SNUM DANG ZHI BYED SBYONG RMA 'TSO BA, ,CES BYA BA LA, SMAN GYI KHU BAS MKHUR BA BKANG BA NI RNAM PA BZHI YIN TE, SNUM ZHING 'JAM PA DANG, ZHI BAR BYED PA DANG, SBYONG ZHING 'KHRU BAR BYED PA DANG, RMA 'TSOB PAR BYED PA'O, ,DE DAG GI MING NI RNAM GRANGS GZHAN DU NA 'JOMS PAR BYED PA DANG, RTZE 'JIL BAR BYED PA DANG, DAG CING GSAL BAR BYED PA DANG, 'BYOR BAR BYED PA ZHES BYA'O, ,DE LAS GSUM NI RLUNG LA SOGS, ,GSUM GTANG THA MA RMA LA PHAN, ,ZHES BYA BA LA, MKHUR BA BKANG BA BZHIN NANG NAS DANG PO'I MKHUR BA BKANG BA GSUM NI RLUNG DANG MKHRIS PA DANG BAD KAN GYI NAD LA RIM BZHIN DU GTANG BAR BYA STE, SNUM GYI SMAN GYI KHU BAS MKHUR BA BKANG BA NI, RLUNG LA GTANG BAR BYA'O, ,ZHI BAR BYED PA'I SMAN GYI KHU BA NI MKHRIS PA LA GTANG BAR BYA'O, ,SBYONG BAR BYED PA'I SMAN GYI KHU BA NI BAD KAN LA GTANG BAR BYA'O, ,THA MA'I SMAN KHUS KHA BKANG LA, RMA 'TSO BA ZHES BYA BA'I RMA LA PHAN PA YIN TE, KHA'I NANG NA GNAS PA'I RMA'I NAD SEL BAR BYED DO, ,'DIR SMAN MNGAR SKYUR LAN TSVA DANG, ,
TSA DANG SNUM NI BSKOL BA YIN, ,ZHI BYED KHA BSKA MNGAR SMAN BSKOL, ,SBYANG BA KHA DANG TSA DANG SKYUR, ,RMA 'TSO BYED PA KHA BA DANG, ,BSKA BA'I SMAN NI BSKOL BAR BYA, ,ZHES BYA BA LA, 'DIR MKHUR BA BKANG BA NI, SMAN MNGAR BA DANG, SKYUR BA DANG, LAN TSA DANG, TSA BA RNAMS SNUM DANG BSKOL ZHING BTZOS PA'O, ,ZHI BAR BYED PA'I MKHUR BA BKANG BA NI SMAN KHA BA DANG, BSKA BA DANG, MNGAR BA BSKOL BA'I KHU BA 'AM LDE GU GTANG BAR BYA'O, ,SBYONG BA'I MKHUR BA BKANG BA NI, SMAN KHA BA DANG, TSA BA DANG SKYUR BA BSKOL BA'AM, LDE GU GTANG BAR BYA'O, ,RMA 'TSO BA'I MKHUR BA BKANG BA NI SMAN KHA BA DANG BSKA BA RNAMS BSKOL BA 'AM, LDE GUS BYA'O, ,DE LA SNUM DANG 'O MA DANG, ,SBRANG RTZI CHU DANG TSVA DANG CHANG, ,BA GCIN 'BRU YI KHU BA RNAMS, ,SMAN NI JI LTA JI LTA DANG, ,LDE GUR BYAS PA 'AM BSKOL BA NI, , JI TZAM BZOD PA RNAM PAR SBYAR, ,ZHES BYA BA LA, 'DI DAG NI SMAN KHUS MKHUR BA BKANG BA SPYI'I CHO GA YIN TE, DE LAS KYANG SNUM ZHES BYA BA SHA KHU DANG TIL GYI LDE GU'I CHU DANG 'O MA NI SNUM GYIS MKHUR BA BKANG BA YIN NO, ,SBRANG RTZI DANG CHU DANG 'O MA DANG MAR NI ZHI BAR BYED PA'I MKHUR BA BKANG BA YIN NO, ,TSVA DANG CHANG DANG 'BRU'I KHU BA SKYUR PO NI, SBYONG BA'I MKHUR BA BKANG BA YIN NO, ,SBRANG RTZI'I CHU DANG 'O MA NI RMA 'TSOB BA'I MKHUR BA BKANG BA YIN NO, ,JI LTA JI LTA BA ZHES BYA BA NI, SNGAR BSHAD PA'I SMAN GYI LDE GU DANG SBYAR BA'AM, YANG NA BSKOL BA'AM, CI TZAM BZOD PA RNAM PAR SBYAR BAR BYA STE, DE LA RLUNG LA NI DRON PO'O, ,MKHRIS PA LA NI GRANG MO'O, ,BAD KAN LA NI RAB TU TSA BA'O, ,SO BRTZE SO NI 'GUL BA DANG, ,RLUNG LAS GYUR BA'I KHA NAD LA, ,DRO 'JAM TZAM MAM BSIL BA YI, ,TIL CHUS MKHUR BA BKANG BA PHAN, ,ZHES BYA BA LA, TIL GYI LDE GU DANG BSRES PA'I CHU NI TI LA GYI LDE GU'I CHU STE, DE DRO 'JAM TZAM MAM BSIL BAS MKHUR BA BKANG BA NI, SO BRTZE BA DANG SO 'GUL BA'I NAD 'OG NAS BSHAD PA DAG DANG, KHA'I
, ,NAD RLUNG LAS GYUR CING RLUNG SHAS CHE BA LA PHAN PA YIN NO, ,RTAG TU MKHUR BA BKANG STE 'JOG ,TIL MAR DAG GAM SHA KHU BSNGAGS, ,ZHES BYA BA LA, 'DI NI BSDUS PA LAS BYUNG BA YIN TE, RTAG TU ZHES BYA BA DUS THAMS CAD DU NAD MED PAR GNAS PA'I SKABS SU MKHUR PA BKANG STE 'JOG PA'I SMAN DU TIL MAR SHA KHU BSNGAGS SHING PHAN PA YIN NO, ,KHA DROD CHE TSA TSOS PA DANG, ,'PHRAL DU RMA NI BYUNG BA DANG, ,DUG DANG THAL SMAN MES TSIG LA, ,ZHUN MAR DAG GAM 'O MAS DGANG, ,ZHES BYA BA LA, KHA'I NAD SMIN CING TSOS PA LA DROD CHE ZHING TSA BA DANG LDAN PA DANG, DE BZHIN DU KHA'I RMA 'PHRAL DU BYUNG ZHING GLO BUR GYIS THEBS PA DANG, DE BZHIN DU KHAR DUG GIS PHOG PA DANG, DE BZHIN DU THAL SMAN RNON PO DANG, ME DE DAG GIS TSIG PAR GYUR PA LA, ZHUN MAR RAM 'O MAS MKHUR BA BKANG LA GZHAG PAR BYA'O, ,SBRANG RTZI MKHUR BKANG BYAS PAS NI, ,KHA YI DRI MA SBYONG BYED CING, ,KHA YI RMA NI 'TSO BA BYED YIN, ,KHA TSA SKOM DAD RAB ZHI BYED, ,CES BYA BA LA, SBRANG RTZIS MKHUR BA BKANG BAS NI, KHA'I DRI MA SBYONG ZHING DAG PAR BYED PA DANG, DE BZHIN DU KHA'I NANG GI RMA 'TSOB PAR BYED CING 'BYOR BAR BYED PA DANG, DE BZHIN DU KHA TSA BA DANG SKOM DAD RAB TU ZHI BAR BYED PA'O, ,RO MI TSOR DANG DRI MA CHE, ,KHA MNAM 'BRAS RTZABS BKANG BAS SEL, ,ZHES BYA BA LA, 'BRAS KYI RTZAB MO NI 'BRAS BU RANG SKYUR KAN DZI ZHES BYA BA STE, DES KHA BKANG BA 'JOG PAS DRI MI ZHIM PA MNAM PA DANG, DRI MA DANG LJAN LJIN GYIS GOS PA DANG, RO MI TSOR ZHING MI GSAL BA SEL BAR BYED PA YIN NO, ,DE NYID CUNG ZAD TSA BCAS BSIL, ,KHA SKAMS SEL BA'I DAM PA YIN, ,ZHES BYA BA LA, 'BRAS BU'I RANG RTZABS DE NYID CUNG ZAD TSA DANG BCAS SHING BSIL BA KHA SKAMS PA SEL BA'I DAM PA 'AM MCHOG YIN NO, ,THAL SMAN RNON KHUS MKHUR BKANG BA, ,BAD KAN SOGS PA MYUR DU SEL, ,ZHES BYA BA LA, THAL SMAN RNON PO'I CHU NI THAL SMAN RNON PO SBANGS PA'I DANGS MA STE, ,
DES KHA BKANG NAS 'JOG PAS NI, BAD KAN SOGS SHING SDUD PA MYUR ZHING RINGS PAR SEL BAR BYED DO, ,CHU TSAN DRO 'JAM MKHUR BKANG BAS, ,KHA NI YANG ZHING BDE BAR BYED, ,CES BYA BA LA, CHU TSAN DRO 'JAM RAN PA TZAM GYIS MKHUR BA BKANG BA 'JOG PAS NI, KHA YANG ZHING BDE BAR BYED DE, RLUNG DANG BAD KAN SEL ZHING SBYOR BAR BYED DO ZHES BYA BA'I DON TO, ,RLUNG MED NYI TSAN BCAS PAR NI, ,PHRAG PA MJING BAR DUGS BYAS MNYE, ,MKHUR BA BKANG NAS GDONG PA NI, ,CUNG ZAD BTEG STE JI SRID NA, ,BAD KAN GYIS NI KHA GANG BA'ANG, ,SNA MIG 'DZAG PA'I BAR DU GZHAG ,CES BYA BA LA, MKHUR BA BKANG BA GTANG BA NA, RLUNG MED CING SER BUS MA PHOG PA NYI TSAN NAM ME DANG BCAS PA'I GNAS SU 'DUG LA, PHRAG PA DANG MJING PA MNYES SHING DUGS BYAS LA, MKHUR BA BKANG NAS GDONG PA CUNG ZAD BTEG STE, JI SRID CIG NA BAD KAN GYI MCHIL SNABS KYIS GANG BAR GYUR PA'AM, SNA NAS SNABS 'DZAG PAR GYUR GYI BAR DU GZHAG PAR BYA STE, DON DE NI JI SRID MKHUR BA BKANG BA LEGS PA'I MTSAN MA DU BA BRNGUBS PA DANG 'DRA BA 'BYUNG BAR GYUR GYI BAR DU LAN LNGA'AM BDUN GYI BAR BYA'O, ,DE'I MTSAN NYID NI BSDUS PA LAS RANG GI DON GYI BYA BA BYED PA DANG, MI BYED PA LAS SHES PAR BYA BA STON TO, ,RO MI TSOR BA DANG, YI GA 'CHUS PA DANG, MCHIL SNABS MANG BA DANG, KHAR CHAGS PA LAS NI SBYOR BA NYES PAR BYA'O, ,KHA SKAM PA DANG KHA'I NANG TSOS SHING SMIN PA DANG, RMYA BA DANG, YI GA 'CHUS PA DANG, SNYING 'DZAG PA DANG, SKAD GDANGS NYAMS PA LAS NI MKHUR BA'I SBYOR BA DRAGS PAR BYA'O, ,ZHES BSHAD DO, ,DE RNAMS KYI GSO BA YANG RANG RANG GI JI LTA BA BZHIN DU BYA'O, ,KHA BKANG MI SBO BZHAG MKHUR BKANG, ,GZHAN DU KHAR BRNGUB PAR 'GYUR RO, ,ZHES BYA BA LA, KHA'I NANG SNUM DANG 'O MA BSKOL BA LA SOGS PAS YONGS SU BKANG NAS G-YAS G-YON DU MI SBO BAR BZHAG PA DE NI MKHUR BA BKANG BA ZHES BYA LA, GZHAN DU KHAR BRNGUB
, ,PA ZHES BYA STE, SMAN BSKOL BAS KHA CUNG ZAD MA GANG BAR BKANG LA, MKHUR BA DANG LKOG MA SPO ZHING DKRUGS PA NI, KHAR BRNGUB PA'AM 'GRAM PA SPO BA'I KHYAD PAR YIN NO, ,KHAR BRNGUBS PA YIS KHYAD PAR GSO BA NI, ,GNYE'U RENGS MGO MIG RNA NAD KHA NAD DANG, ,MCHIL MANG GRE NAD SNYING GA SRA BA DANG, ,SNYING 'PHAR SNYOM DANG CHAM PA YI GA 'CHUS, ,ZHES BYA BA LA, MKHUR BA BKANG BA'I DBYE BA KHAR BRNGUB PA ZHE'AM, MKHUR BA SPO BA ZHES BYA BAS KHYAD PAR DU GSO ZHING DPYAD DU BYA BA'I NAD NI GNYE'U RENGS LA, SOGS PA YIN TE, DES DE GSO BAR NUS PA YIN NO, ,DE LA GNYE'U RENGS NI NAD KYIS TSIGS CHU BA GNYIS RENGS PA LA BYA'O, ,GZHAN DAG NI GO BAR ZAD DO, ,MYUR BA 'AM GZHIBS PA'I CHO GA NI, ,MKHUR BKANG BSHAD PA'I SMAN RNAMS KYI, ,LDE GU SMAN KHU PHYE MA STE, ,KHAR MUR BYA BA RNAM GSUM YIN, ,DE NI BAD KAN NAD LA GTANG, ,ZHES BYA BA LA, MUR BAR BYA BA NI GSUM STE, LDE GU DANG SMAN KHU DANG PHYE MA'O, ,DE LA LDE GU NI SMAN RLON PA BTAGS PA'I ZHIB MO BYAS PA LA BYA'O, ,SMAN KHU NI LDE GU'I SMAN RLON PA DE DAG RTZOM PA DANG LDE GU SKA MO BYAS PA BLDAG PAR BYA BA LTA BU'I KHU BA'I SBYOR BA LA BYA'O, ,PHYE MA NI SKAM PO NYID BTAGS PA'O, ,DE GSUM CHAR YANG BAD KAN GYI NAD MCHIL MA MANG BA DANG, SKYUG LDAD BYED PA DANG, LKOG MA'I NAD LA SOGS PA LA CI RIGS PAR GTANG BAR BYA'O, ,GANG GIS SHES SHEN MKHUR BA BKANG BA BSHAD PA'I SMAN LAS DE DAG SBYAR BAR BYA'O, ,GDONG BSKUS GSUM STE NAD SEL DANG, ,DUG SEL KHA DOG BZANG BYED PA'O, ,ZHES BYA BA LA, GDONG BSKU BA NI RNAM PA GSUM STE, NAD SEL ZHES BYA BA RLUNG DANG MKHRIS PA DANG, BAD KAN GYI NAD 'JOMS PAR BYED PA DANG, DUG SEL BA ZHES BYA BA DUG 'JOMS PA DANG KHA DOG BZANG BAR BYED PA STE, MDOG MDZES PAR BYED PA'O, ,DE DROD BAD KAN RLUNG LA BSNGAGS, ,LHAG MA LA NI RAB BSIL BA, ,ZHES BYA BA LA,
GDONG BSKU BA DE LA DRO BA'I RLUNG DANG BAD KAN GYI NAD LA BSNGAGS PA YIN NO, ,RLUNG DANG BAD KAN ZHES SMOS PA NI, SPYI DANG KHYAD PAR DAG YIN PAR SHES PAR BYA STE, DES NA RLUNG DANG BAD KAN SO SO LA YANG DRO BAR BYA LA, RLUNG DANG BAD KAN 'DRES PA LA YANG DRO BA NYID BYA'O, ,DE LAS LHAG MA MKHRIS PA SEL BA DANG, DUG SEL BA DANG, KHA DOG BZANG BAR BYED PA GSUM LA NI, GDONG BSKU BA SHIN TU BSIL BA BSNGAGS PA YIN NO, ,DE YI TSAD DPANGS SOR BZHI CHA, ,SUM CHA PHYED DE RNAM PA GSUM, ,ZHES BYA BA LA, GDONG BSKU BA DE'I TSAD NI RNAM PA GSUM STE, DPANGS SU SOR GYI BZHI CHA DANG, SUM CHA DANG, PHYED DO, ,DE LTAR NA DPANGS SAM MTHUG SOR BZHI CHA'I CHUNG TSAD DO, ,DPANGS SU SOR GYI SUM CHA NI GDONG BSKU BA'I 'BRING TSAD DO, ,DPANGS SU SOR GYI PHYED NI GDONG BSKU BA'I CHE TSAD DO, ,MA BSKAMS BAR DU DE GZHAG GI, ,BSKAMS NA PAGS PA LA GNOD 'GYUR, ,ZHES BYA BA LA, GDONG BSKU BA DE JI SRID MA BSKAMS KYI BAR DU GZHAG PAR BYA'I, BSKAMS NAS NI BTANG SNYOMS SU MI GZHAG STE, GANG GI PHYIR DE BSKAMS NA PAGS PA LA GNOD CING MA RUNG BAR BYED DO, , DE NI SBANGS NAS BKRU BAR BYA, ,DE YI RJES LA BSKU BYUG BYA, ,ZHES BYA BA LA, GDONG BSKUS PA DE BSKAMS MA THAG SBANGS LA BKRU ZHING PHYI BAR BYA'O, ,DE'I RJES LA NI MAR LA SOGS PAS BSKUS LA DRIL BAR BYA'O, ,NYIN PAR GNYID LOG MANG SMRA KHRO, ,ME TSAN NYI TSAN MYA NGAN SPANG, ,ZHES BYA BA LA, GDONG BSKU BA BYAS NAS NYIN PAR GNYID LOG PA DANG, KHA DON LA SOGS PA MANG DU SMRA BA DANG, ME TSAN DANG NYI TSAN GYIS GDUNGS PA DANG, KHROS SHING 'KHRUGS PA DANG, MYA NGAN DANG YID MI BDE BAR GYUR PA SPANG ZHING DOR BAR BYA'O, ,DE NI CHAM PA SNA SMAN GTANG, ,MA ZHU 'GRAM 'THAMS YI GA 'CHUS, ,MTSAN GNYID MA LOG LA MI GTANG, ,ZHES BYA BA LA, GDONG BSKU BA DE CHAM PAS BTAB PA DANG, SNA SMAN BTANG BA DANG, ZAS MA ZHU BA DANG, 'GRAM PA 'THAMS PA'I RLUNG NAD DANG, MTSAN
, ,MO GNYID KYIS MA LOG PA DAG LA GTANG DU MI RUNG NGO, ,DE NI LEGS PAR SPYAD PA YIS, ,DUS MIN SKRA DKAR PO KHABS DANG, ,GNYER MA RAB RIB MIG SNGO SEL, ,ZHES BYA BA LA, GDONG BSKU BA DE LEGS PAR SPYAD CING, PHYIN CI MA LOG PAR BTANG BAS DUS MA YIN PA'I SKRA DKAR BYUNG BA LA SOGS PA 'JOMS SHING SEL BAR BYED DO, ,DUS MA YIN PA'I SKRA DKAR NI NA TSONG YOD BZHIN DU SKRA DKAR BYUNG BA'O, ,RGYA SHUG SNYING PO BA SHA'I RTZA, ,SENG PHROM YUNGS KAR DKAR PO RNAMS, ,SING HI'I RTZA BA TIL NAG DANG, ,SKYER PA'I SHUN PA RME'U RNAMS, ,'JAG RTZA TZANDAN AUR SHIR, ,SHING SHA SHA TA PUshPA 'BRAS, ,KU MU DA AUTPAL KA LA HA, ,D'UR BA SHING MNGAR TZANDAN RNAMS, ,KA LI YA KA AU SHIR TI, ,SPANG SPOS RGYA SPOS SHUG PA RNAMS, ,DA LIS KUN DRA PUndA R'I, ,SHING MNGAR RGYA SPOS AA KA RU, ,DE LTAR TSIGS BCAD PHYED KYIS BSHAD, ,BSKU BA DGUN STOD SOGS DRUG SBYAR, ,ZHES BYA BA LA, DE LTAR RGYA SHUG GI SNYING PO LA SOGS PA BSHAD MA THAG PA'I RNAM PAS TSIGS BCAD PHYED KYIS BSHAD PA'I SMAN GYIS GDONG BSKU BA DGUN STOD LA SOGS PA'I DUS DRUG PO STE, DGUN STOD DANG, DGUN SMAD DANG, DPYID DANG, SO GA DANG, DBYAR DANG, STON ZHES BYA BA'I DUS RNAMS DANG, RIM BZHIN DU SBYAR BAR BYA'O, ,RGYA SHUG GI SNYING PO NI RGYA SHUG PAR DA'I [?] TSI GU'O, ,BA SHA'I RTZA BA NI BA SHA KA'I RTZA BA'O, ,SENG PHROM NI DRANG SRONG DKAR PO'O, ,YUNGS KAR DKAR PO NI DNGOS SU ZAD DE, DE RNAMS NI DGUN STOD KYI GDONG BSKU BA'I SMAN NO, ,SING HI'I RTZA BA NI BRI HA TI'I RTZA BA'O, ,TIL NI NAG PO LAS BYA'I DKAR PO LAS MI BYA'O, ,SKYER PA'I SHUN PA DANG RME'U NI SBUN PA MED PA'I NAS SO, ,GZHAN DAG NI DGUN SMAD KYI GDONG BSKU BA'I SMAN NO, ,GZHAN DAG LA YANG DE BZHIN DU SBYAR RO, ,'BRAS NI 'BRAS S'A LU'O, ,AUTPAL NI AUTPAL SNGON PO'O, ,KA LA HA RI NI GAN DHA SO
MA'O; ,DA LIS NID LIS KYI LO MA'O, ,KUN DRA NI KA PI KHI TA PA KA TSUL LO, ,PUndA R'I NI PUndA R'I KA'O, ,GDONG BSKU BA LA GOMS PA RNAMS, ,MTHONG BA BRTAN PAR 'GYUR BA DANG, ,GDONG NI YONGS SU MI RNYING LA, ,'JAM ZHING PADMA 'DRA BAR 'GYUR, ,ZHES BYA BA LA, GDONG BSKU ZHING BYUG PA LA GOMS SHING RTAG TU BSTEN PA RNAMS NI MIG GIS MTHONG ZHING BLTA BA BRTAN ZHING MI NYAMS PAR 'GYUR BA DANG, GDONG YONGS SU MI RNYING LA MDANGS YAL BAR MI 'GYUR BA DANG, DE BZHIN DU 'JAM ZHING RTZUB BAG MED PA DANG, PADMA 'DRA BAR 'GYUR RO, , BSKU DANG BLUGS DANG RAS BAL CAN, ,PAGS PAS G-YOGS DANG RNAM PA BZHI, ,DE NI SPYI BO'I TIL MAR TE, ,PHYI BZHIN DU NI YON TAN CHE, ,ZHES BYA BA LA, SPYI BOR TIL MAR BYUGS PA LA SOGS PA DBYE BAS RNAM PA BZHI YOD DO, ,BSKU BA NI GDONG BSKU ZHING BYUG PA'O, ,BLUGS PA NI STENG NAS BLUGS PA'O, ,RAS BAL CAN NI RAS BAL CAN SRAN KHUNG LTAR ZLUM PO CHUNG NGU BYAS TE, SPYI BOR GLAN PA'O, ,PAGS PAS G-YOGS PA NI 'DI NYID KYI 'OG NAS BSHAD PA'O, ,DE DAG NI SPYI BO'I TIL MAR ZHES BYA STE, PHYI MA PHYI MA BZHIN DU YON TAN CHE BA YIN NO, ,DE LA BSKU BA NI YO TAN CAN YIN NO, ,DE BAS KYANG BLUGS PA YON TAN CHE BA YIN NO, ,DE BAS KYANG RAS BAL CAN YON TAN CHE BA YIN NO, ,THAMS CAD LAS MGO BO PAGS PAS DKRI BA YON TAN RAB MCHOG TU CHE BA YIN NO, , SPYI BO'I TIL MAR ZHES BYA BA NI NYE BAR MTSON PA TZAM DU ZAD DO, ,DE BAS NA ZHUN MAR GYIS BSKUS PA YANG PHYI MA BZHIN DU YON TAN CHE BAR SHES PAR BYA'O, ,DE LA BYUG PA RTZUB PA DANG, ,G-YA' DANG DRI MA CAN LA SBYAR, ,ZHES BYA BA LA, BYUG PA LA SOGS PA RNAMS KYI NANG NAS BYUG PA NI LUS RTZUB PA LA SOGS PA LA SBYAR BAR BYA'O, ,BLUGS PA GLOG PA GLAD GZER DANG, ,TSA DANG RMA SMIN RNAGS LA GTANG, ,ZHES BYA BA LA, SNUM BLUGS PA LA SOGS PA NI GLOG PA'I NAD RNAMS LA SBYAR BAR BYA'O, ,RAS BAL SNUM CAN SKRA 'BYI DANG,
, ,GZA' ZHUGS MIG NI RENGS LA GTANG, ,ZHES BYA BA LA, RAS BAL SNUM CAN NI SKRA 'BYI BA LA SOGS PA DANG, DE BZHIN DU MIG RENGS PA STE, MIG HAR HAR POR 'DUG CING 'DZUMS MI SHES PA LA SBYAR BAR BYA'O, ,PAGS BCINGS MGO BO TSOR BA MED, ,KHA YO GNYID NI YAR BA DANG, ,KHA DANG SNA SKAM RAB RIB DANG, ,MI BZAD MGO NAD DAG LA SBYAR, ,ZHES BYA BA LA, PAGS PAS G-YOGS NAS BCINGS PA NI MGO BO TSOR BA MED PA LA SOGS PA LA SBYAR BAR BYA'O, ,DE YI CHO GA 'DUG PA LA, ,KHRI'U PUS MNYAM 'JAM PA LA, ,LUS BKRUS BSKU ZHING DUGS BYAS LA, ,DGONGS KA BA 'AM MA HE YI, ,PAGS PA MGO BO DANG MNYAM LA, ,RGYAR NI SOR NI BCU GNYIS PA, ,RNA BA'I MTHAR THUG BAR BCING BA, ,DBRAL BA GOS KYIS DKRIS PA NI, ,GOS SA MA LAN BUS BCINGS BYAS LA, ,MA SHA'I LDE GUS BSKU BAR BYA, ,ZHES BYA BA LA, MGO BO PAGS PAS G-YOGS TE, BCING BA'I CHO GA NI 'DI LTAR BYA BA STE, SKYES BU 'DUG PAR BYA BA LA, MGO PAGS PAS DKRI BAR BYA'O, ,DE YANG JI LTA BU LA 'DUG CE NA, ,KHRI'U'I DPANGS SU PUS MO DANG MNYAM PA RGYA BRTEN 'JAM ZHING 'BOL BA LA, DANG PO KHRUS BYAS NAS DE'I 'OG TU BSKUS LA DUGS BYAS NAS DGONGS KA STE, NYI MA NUB PA'I TSE BA LANG NGAM MA HE'I PAGS PA MTHA' 'KHOR BA MNYAM PA, RGYAR SOR BCU GNYIS PA RNA BA'I MTHAR THUG PAR BCINGS LA, DE YANG DPRAL BA GOS KYIS DKRIS SHING LAN BUS KYANG BCINGS LA, YANG SRAN MA SHA'I LDE GUS BSKU ZHING BYUG PAR BYA'O, ,DE NAS NAD DMIGS CI 'DRA LA, ,SNUM BSKOL BA NI DRO 'JAM TZAM, ,DE NI SPYI BO MAN CHAD NAS, ,SKRA DRUNG SOR GCIG NUB TZAM BLUGS, ,KHA DANG SNAM TSUL PHYIN PAR GZHAG ,DE NI RLUNG SOGS NAD RNAMS LA, ,STONG PHRAG BCU DANG BRGYAD DRUG GZHAG ,NAD MED PA LA STONG PHRAG GCIG ,MAR BSAL PHRAG PA LA SOGS MNYE, ,DE LTAR ZHAG BDUN BLUGS PAR BYA, ,ZHES BYA BA LA, DE NAS MGO BO PAGS PAS
G-YOGS PA'I 'OG TU NAD DMIGS KYI RNAM PA CI 'DRA BA DANG SBYAR LA, SNUM BZHI PO LAS CI RIGS PAR BSKOL BA DRO 'JAM STE, CUNG ZAD DRO BA DE NI SPYI BO MAN CHAD NAS SKRA DRUNG GI BAR DU SOR GCIG TZAM NUB PA'I TSAD TZAM GYI BAR DU BLUGS PAR BYA'O, ,YANG SNUM DE BZHAG PA'I TSAD NI, KHA'I NAD DANG SNA'I MTSUL PAR PHYIN CING GSHER 'DZAG PA'I BAR DU GZHAG PAR BYA'O, ,YANG SNUM DE RLUNG LAS GYUR PA'I NAD RNAMS LA SE GO LA BSKOR ZHING GTOGS PA'I TSAD STONG PHRAG BCU STE, KHRI'I BAR DU GZHAG PAR BYA'O, ,MKHRIS PA LAS GYUR PA LA NI BRGYAD STONG GI BAR DU GZHAG PAR BYA'O, ,BAD KAN GYI NAD LA NI DRUG STONG GI BAR DU GZHAG PAR BYA'O, ,NAD MED CING THA MAL PAR GNAS PA LA NI STONG PHRAG GCIG GI BAR DU GZHAG PAR BYA'O, ,DE NAS DE'I 'OG TU MAR ZAGS SU BCUG LA, PHRAG PA LA SOGS PA MNYE BAR BYA STE, PHRAG PA DANG MGO BO DANG GNYA' BA DANG LTAG PA DANG, DPRAL BA LA SOGS PA DAL BUS MNYE BAR BYA'O, ,DE LTAR SNUM GYI DAM PA STE ZHAG BDUN GYI BAR DU BLUGS PAR BYA'O, ,RNA BAR BKANG BAR BLUGS TE GZHAG ,RNA BA'I RTZA BA MNYE BAR BYA, ,NAD RTZE ZHIL KYI BAR BYA ZHING, ,RNA BA SE GOL BRGYA PAR GZHAG ,CES BYA BA LA, RNA BA NA BAR GYUR PA LA NI SNUM RNA BA GANG BAR BLUGS LA BZHAG NAS, RNA BA'I RTZA BA MNYE BAR BYA STE, DE YANG SE GOL GRANGS BRGYA'I BAR DU GZHAG PAR BYA ZHING, NAD DE RTZE ZHIL GYI BAR DU RNA BA BKANG BA'I SNUM BYA'O, ,PUS MO G-YAS PA'I LHA NGA NI, ,LAG RTZES BSKOR BA'I BAR DAG DANG, ,MIG 'BYED 'DZUMS DANG MNYAM PA YI, ,YUN NI GRANGS KYI TSAD DU BSHAD, ,CES BYA BA LA, GRANGS SU GZUNG BA'I TSAD NI, PUS MO G-YAS PA'I LHA NGA LAG PA'I SOR MO'I RTZE MOS KUN NAS BSKOR BA'I BAR DANG, DE BZHIN DU MIG GNYIS 'BYED PA DANG 'DZUMS PA'I DUS DANG MNYAM PA'I DUS KYI YUN NI, GRANGS KYI TSAD YIN PAR MKHAS PA RNAMS KYIS BSHAD DO, ,SPYI BOR TIL MAR SBYAR BA BSKUS PAS NI, ,SKRA DKAR DMAR SER SKRA 'BYI GZA' ZHUGS DANG, ,
, ,MGO BO'I RLUNG NAD SEL ZHING DBANG PO GSAL, ,SKAD GDANGS 'GRAM PA MGO BO'I STOBS SKYED BYED, ,CES BYA BA LA, TIL MAR SPYI BOR BLUGS SHING BSKUS PAS NI, SKRA DKAR BA DANG, SKRA DMAR SER DU 'DUG PA DANG, SKRA 'BYI BA DANG, GZA' ZHUGS SHING SKRA KHA GYES PA DANG, MGO BO'I RLUNG GI NAD SEL ZHING 'JOMS PAR 'GYUR RO, ,DE BZHIN DU MIG LA SOGS PA'I DBANG PO RNAMS GSAL ZHING RANG GI YUL 'DZIN PAR NUS PA DANG, DE BZHIN DU SKAD GDANGS DANG, 'GRAM PA DANG, MGO BO'I STOBS SKYED CING 'PHEL BAR BYED PA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS; LE'U NYI SHU GNYIS PA'I RNAM PAR 'GREL PA'O,, ,,DE NAS SMAN GYI THIGS PA MIG TU BLUGS PA DANG, SMAN GYIS MIG BSKU BA'I CHO GA'I LE'U BSHAD PAR BYA'O, ,ZHES BYA BA LA, 'DI BRTZAMS PA'I 'GREL PA NI 'DI YIN TE, ,GANG GI PHYIR BSHAD MA THAG PA'I SPYI BO'I TIL MAR GYIS NI DBANG PO RNAMS GSAL BAR BYED PAR BSHAD LA, DBANG PO THAMS CAD KYI NANG NAS DBANG PO'I GTZO BO NI MIG YIN PAS, DE'I PHYIR DE BSRUNG BA'I DON DU DE'I 'OG TU LE'U 'DI BRTZAMS PA YIN NO, ,MIG GI SMAN GYI THIGS PA GANG ZHIG BLUGS PAS MIG GI SKYON KUN 'DZAG PAR 'GYUR BAS, MIG GI SMAN GYI THIGS PA MIG LA BSKU BA ZHES BYA BA STE, DE'I 'OG TU CHO GA NI 'DI LTAR BYA'O, ,ZHES PA'I LAS KYI TSUL TE, CHO GA DE BSHAD PAR BYA'O, ,MIG NAD DAG NI THAMS CAD LA, ,DANG POR SMAN THIGS BLUGS PAS NI, ,ZUG NA G-YA' DRUD MCHI MA 'DZAG ,MIG TSA MIG DMAR RNAMS LA PHAN, ,ZHES BYA BA LA, ,MIG GI NAD MA LUS PA THAMS CAD LA, DANG PO THOG MA KHO NAR MIG SMAN THIGS PA LA SOGS
PA BLUGS NAS, MCHI MA 'DZAG CING KHRUS BYA BA PHAN NO, ,DE YANG MIG RDOL LA THUG PA LTAR NA BA DANG, ZUG CING NA BA LA SOGS PA SEL BAR BYED PA YIN NO, ,DE YANG ZUG PA NI RGYUN DU GZER ZHING NA BA'O, ,NA BA NI SNA TSOGS PA'I TSUL GYIS NA BA'O, , G-YA' BA NI MIG SHAS CHER G-YA' BA'O, ,DRUD PA NI MIG MCHU GNYIS PHAN TSUN REG PA NA MIG LA DRUD PA SNYAM BYED CING NA BA'O, ,MCHI MA 'DZAG PA NI RGYUN DU MIG CHU 'DZAG PA'O, ,TSA BA NI CHA 'UR 'UR BOR BYED PA'O, ,MIG DMAR BA NI MIG DMAR PO SLE SLE BOR 'DUG PA STE, 'DI RNAMS LA MIG BKRU BA'I SMAN BLUGS PAS PHAN PA YIN NO, ,RLUNG LA DRON PO BAD DRO 'JAM, ,KHRAG MKHRIS LA NI DE BSIL BSNGAGS, ,ZHES BYA BA LA, MIG SMAN GYI THIGS PA DE RLUNG GI NAD LA DRON PO STE, DRO BA'I BAG TU BYAS PA PHAN NO, , BAD KAN GYI NAD LA NI DRO 'JAM STE, CUNG ZAD DRO BA PHAN PA YIN NO, ,KHRAG DANG MKHRIS PA LAS GYUR PA'I MIG NAD LA NI, SMAN GYI THIGS PA BSIL BA PHAN PA YIN NO, ,RLUNG MED GNAS SU 'DUG NAS NI, ,LAG PA G-YON PAS MIG PHYE LA, ,NYA PHYIS NANG SBYAR RAS BAL NI, ,BSNYAD PA'I THIGS PA BLUGS BYA BA, ,SOR GNYIS TZAM DPANGS LAS MIG GRVA, ,THIGS PA BCU 'AM BCU GNYIS BLUGS, ,ZHES BYA BA LA, SKYES BUS RLUNG MED PA'I GNAS SU 'DUG NAS SMAN PA'I LAG PA G-YON PAS DE'I MIG LEGS PAR PHYE LA LAG PA G-YAS PA NYA PHYIS KYI NANG DU SMAN SBYAR BA RAS BAL YE'U BSNYAD PAS, CUNG ZAD 'PHYANG BAR BYAS LA THIGS PA BLUGS PAR BYA BA NI SOR GNYIS TZAM GYI DPANGS LAS MIG GRVA SNA DANG, NYE BA'I MIG GI ZUR NAS THIGS PA BCU 'AM BCU GNYIS BLUGS PAR BYA STE, DE LAS RNAM PA GZHAN DU BYAS NA MIG DMAR BA LA SOGS PA'I NAD SKYED PAR 'GYUR RO, ,DE NAS GOS 'JAM DAG GIS PHYI, ,RLUNG DANG BAD KAN CAN DAG LA, ,GOS 'JAM GZHAN NI CHU DRON LA, ,SBANGS PAS DUGS NI 'JAM PO BYA, ,ZHES BYA BA LA, DE LTAR
, ,MIG TU BLUGS PA'I RJES LA, GOS 'JAM ZHING REG NA BDE BAS MIG PHYI ZHING SBYANG BAR BYA'O, DE'I 'OG TU GOS 'JAM POS PHYI BA LAS GZHAN PA DAG CHU DRON LA SBANGS BAS MIG 'JAM TZAM DU DUGS BYA'O, ,DE YANG CHU DANG BAD KAN DAG LA ZHES BYA BA RLUNG NAD DANG BAD KAN GYI NAD YOD PA LA DUGS BYA'O, ,MKHRIS PA 'AM KHRAG CAN LA NI, DE LTAR DUGS BYAR MI RUNG STE, DA GNYIS LA NI SBYANG ZHING PHYE BA TZAM BYA'O, DUGS MI BYA'O, ,MIG SMAN BLUGS PA RAB TSA RNOS, ,NA ZHING MIG DMAR RTUL BAR 'GYUR, ,SHIN TU GRANG BAS ZUG PA DANG, ,'DZUMS MI SHES DANG NA BAR 'GYUR, ,DRAGS PAS MIG MCHU DMAR DANG DRUD, ,RTZUB CING MIG NI 'BYED DKAR 'GYUR, ,SHIN TU CHUNG BAS NAD DKYEL SKYED, ,MA PHO BAS NI THU BAR BYED, ,CES BYA BA LA, MIG TU SMAN GYI THIGS PA BLUGS PA RAB TU TSA BA DANG, RNON POS BLUGS PAS NI NA ZHING ZUG PAR 'GYUR BA DANG, MIG DMAR BAR 'GYUR BA DANG, MIG RTUL ZHING MI GSAL BAR 'GYUR RO, ,GAL TE MIG TU BLUGS PA'I SMAN SHIN TU BSIL ZHING GRANG BA BLUGS NA, MIG GI NAD RAB TU ZUG CING RDOL LA THUG PA SNYAM PA 'BYUNG BAR 'GYUR BA DANG, 'DZUMS MI SHES SHING RENGS BAG HAR HAR POR GNAS PA DANG, NA BA STE RGYUN MI 'CHAD PAR ZUG CING NA BAR 'GYUR RO, ,MIG SMAN GYI THIGS PA MANG POR BLUGS TE DRAGS PAS NI MIG MCHU DMAR ZHING 'BYAR BAG DANG, RNYOG MA CAN GYI MDOG CAN DU BYED DO, ,DE BZHIN DU MIG MCHU PHAN TSUN DU DRUD PA DANG, DE BZHIN DU MIG SHIN TU DBYE DKA' BAR 'GYUR RO, ,MIG SMAN BLUGS PA SHIN TU CHUNG ZHING CHUNG DU MA PHYIN PAS NI, NAD KYI DKYEL SKYED CING 'PHEL BAR 'GYUR GYI; NAD DE ZHI BAR BYED MI NUS SO, ,MIG GI SMAN MA BTZAGS SHING GOS KYI TSAGS LAS MA GTON PA'AM, MIG TU BLUGS PA SLAR MA PHO BAS NI, SLAR THU BAR BYED CING MCHI MA 'DZAG PA DANG, MIG ZUG PA DANG, MIG RNYOG PA CAN DU 'GYUR RO, ,BSKUS
LAGS NAD RTZA SNA SUL DANG, ,KHA YI SBUBS SU SMAN GYIS KHYAB, ,SPYI BOR GTOGS PA'I NAD KYI NI, ,DRI MA DPYIS NI 'BYIN PAR BYED, ,CES BYA BA LA, MIG TU BLUGS PA'I SMAN LEGS PAR BLUGS NA, NAD KYI RTZA RNAMS DANG, SNA'I SUL RNAMS DANG, KHA'I SBUBS NA YOD PA'I RTZA RNAMS SU KHYAB CING PHYIN PAR 'GYUR BAS, SPYI BOR GTOGS SHING MGO KHYAB PAR BYED PA DRI MA STE, NAD RNAMS SEL ZHING 'BYIN PAR BYED DO, ,BZLOG PAR NUS SO ZHES BYA BA'I DON TO, ,DE NAS LUS SBYANG MIG SMAN BSKU, ,MIG TZAM LA NI GNAS GYUR PA, ,CUNG ZAD SKRANGS DANG SHIN TU G-YA', ,RNGU MA CHAGS PAS SMIN SHES SHING, ,CUNG ZAD DRUD DMAR MCHI MA 'DZAG ,MIG RNGU STUG LA GTANG BAR BYA, ,BAD KAN DANG NI KHRAG MKHRIS DANG, ,MCHOG TU RLUNG GIS GZIR LA BSKU, ,ZHES BYA BA LA, DE NAS MIG SMAN GYI THIGS PA BLUGS PA'I 'OG TU LUS SBYANGS SHING SKYUG SMAN LA SOGS PAS NAD BSAL NAS, MIG SMAN GYIS BSKU BA NI MIG TZAM BRTEN CING GNAS PAR GYUR PA'I NAD GANG YIN PA DE SMIN CING CUNG ZAD RNYING PAR GYUR PA'I MTSAN MA 'BYUNG BA'I MIG SMAN BSKU BAR BYA'O, ,SMIN PA DE CUNG ZAD SKRANGS PA DANG, DE BZHIN DU SHIN TU G-YA' BA DANG, MIG GI RNGU MA CHAGS PAR GYUR PA LAS SMIN PA YIN PAR SHES SHING RTOGS PA DANG, DE BZHIN DU CUNG ZAD DRUD PA SNYAM PA DANG, DMAR BA DANG MCHI MA 'DZAG PA STE, MIG GANG SHAS CHUNG BAR DRUD PA SNYAM BYED CING MCHI MA 'DZAG PA DANG, MIG RNGU STUG CING CHE BA CHAGS PA LA MIG BSKU ZHING BYUG PAR BYA'O, ,YANG DE BZHIN DU BAD KAN DANG KHRAG DANG, MKHRIS PAS NYEN CING GNOD PA'I MIG NAD LA GTANG BAR BYA'O, ,DE BZHIN DU MCHOG GAM KHYAD PAR DU NI RLUNG NAD KYIS NYEN PA DAG LA MIG SMAN BSKU ZHING BYUG PA GTANG BAR BYA'O, ,MIG SMAN PHYI DANG RMA GSO DANG, ,GSAL BAR MTHONG STE RNAM PA GSUM, ,ZHES BYA BA LA, BSKU ZHING BYUG PA'I MIG SMAN DE YANG RNAM PA GSUM STE, GCIG NI PHYI ZHING
, ,BSAL BA'O, ,GNYIS PA NI RMA 'TSOB CING GSO BA'O, ,GSUM PA NI MIG GSAL BAR BYED PA'O, ,DE YANG PHYI BA NI LING TOG LA SOGS PA'I MIG NAD KYI RIGS MIG GI MTSON SPYAD KYIS BYI ZHING BDAR BA LTAR BYED PAS NA PHYI BA'O, ,YANG NA MIG SMAN SHIN TU RNO BAS NAD KYI KHAMS 'BRU ZHING 'BYIN PAS NA BSAL BA ZHES BYA BA'O, ,RMA GSO BA NI GANG GIS 'TSOB CING 'BYOR BAR BYED PAS NA RMA GSO BA'O, ,GSAL BAR MTHONG BA NI GSAL ZHING DRI MA MED PAR MTHONG BAR BYED DO, ,DE LA BYI BA'I MIG SMAN NI, , BSKA DANG SKYUR DANG TSA DANG KHA, ,RMA GSO SMAN NI KHA BA STE, ,GSAL SMAN MNGAR DANG BSIL BA YIN, ,ZHES BYA BA LA, MIG SMAN DE RNAMS KYI NANG NAS, PHYI BA'I MIG SMAN NI BSKA BA LA SOGS PA'I RO BZHI LAS SBYAR BA'I MIG SMAN NI, LING TOG DANG SPRIN GYIS G-YOGS PA LA SBYAR RO, ,RMA GSO BA'I MIG SMAN NI RO KHA BA DAG LAS SBYAR TE, DE NI MCHI MA LA SOGS PA LA GTANG NGO, ,MIG GSAL BA'I SMAN NI RO MNGAR BA DANG BSIL BA YIN TE, DE NI MIG SNAD PA DANG NAD MED PAR GNAS PA'I SKABS SU GTANG BAR BYA'O, , THUR MA SOR BCU'I DBUS PHRA LA, ,RTZE MO SRI SHING KHA 'BUS 'DRA, ,PHYI BA'I THUR MA ZANGS KYI BSNGAGS, ,RMA GSO LCAGS NAG BYAS SOR TZAM, ,BZANG PO GSAL BAR BYED PA NI, ,GSER DANG DNGUL LAS BYAS PA BSNGAGS, ,ZHES BYA BA LA, MIG SMAN BSKU BA'I THUR MA NI, SRID SOR MO BCU'I TSAD LA DBUS KYI PHYOGS PHRA BA, RTZE MO GNYIS SRI SHING SI ME TOG KHA 'BUS BA 'DRA BAR CUNG ZAD SBOM ZHING, THUR MA DE PHYI BA'I DPYAD DU NI ZANGS MA LAS BYAS PA BSNGAGS SO, ,RMA GSO BA'I THUR MA NI LCAGS NAG PO LAS BYAS PA, MDZUB SOR TZAM GYI SRID YOD PA BZANG ZHING BSNGAGS SO, ,GSAL BAR BYED PA'I MIG SMAN BSKU BA'I THUR MA NI GSER DANG, DNGUL LAS BYAS PA BZANG BA YIN NO, ,GDAR BU KHU BA PHYE MAS TE, ,MIG SMAN RNAM GSUM NYID DU BRTAG ,DE NI MIG NAD LCI 'BRING
DANG; ,YANG BA LA NI RIM BZHIN SBYAR, ,ZHES BYA BA LA, MIG SMAN SBYAR BA'I THABS NI RNAM PA GSUM KHO NA STE, GDAR BU DANG KHU BA DANG PHYE MA'O, ,DE LA GSHER GYIS SBRUS SHING BTAGS NAS, RENG BUR BYAS PA NI GDAR BU ZHES BYA BA'I SGRAR BRJOD DE, ,KHU BA NI SMAN KHU BSKOL BA LAS SKAN TER GYUR PA LAS BYAS PA'O, ,SMAN SKAM POR BTAGS PA'I MIG SMAN NI PHYE MA'O ZHES BYA'O, ,MIG SMAN DE DAG KYANG SNGA MA BZHIN DU STOBS CHE BA YIN TE, DE BAS NA NAD SHIN TU STOBS DANG LDAN PA LA NI RENG BU GTANG BAR BYA'O, ,MIG NAD TSABS 'BRING TZAM LA NI KHU BA GTANG BAR BYA'O, ,MIG NAD YANG ZHING STOBS DANG LDAN PA LA NI PHYE MA GTANG BAR BYA'O, ,DE LTAR RIM BZHIN DU SBYAR BAR BYA'O, ,MTSAN MO NYAL DANG NYI MA'I GUNG, ,ZOS 'THUNGS NYI MA TSA BA YIS, ,MIG GI NAD NI 'PHEL BA DANG, ,DKYEL NI SKYE DANG 'KHRUGS PAR 'GYUR, ,DE BAS DE ZHI PHYIR NA DGONGS, ,NYI MA SPRIN BRAL DUS SU BSKU, ,ZHES BYA BA LA, MTSAN MO NYAL BAS NAD 'PHEL ZHING SKYE BAR 'GYUR BA DANG, DE BZHIN DU NYI MA'I GUNG LA ZAS ZOS SHING SKOM 'THUNGS BAS DKYEL SKYE ZHING GYEN DU 'PHEL BAR BYED PA DANG, DE BZHIN DU NYI MA GUNG LA YANG, NYI MA TSA BA'I ZER GYIS MIG NAD MYUR DU 'KHRUGS SHING G-YO BAR 'GYUR TE, DE BAS NA DE ZHI BAR BYA BA'I PHYIR TE, DE NUB MO'I NAD KYI SKYON ZHI BAR BYA BA'I PHYIR, NANG PAR GTANG BAR BYA LA, DE BZHIN DU NYI MA GUNG GI SKYON ZOS PA DANG, 'THUNGS PA DANG, NYI MA TSA BAS DKYEL SKYE ZHING GNOD PA DANG 'KHRUGS PAR 'GYUR BA'I NYES PA SPANG BA'I PHYIR DGONGS KA BSKU'O, ,YANG NA PHYI 'PHRED KYI DUS SPRIN DANG BRAL ZHING YUL RMUS PA MED PA'I SKABS SU BSKU'O, ,GZHAN DAG SMRA BA NYIN PAR NI, ,MIG SMAN RNON PO GTANG MI BYA, ,BKRUS PAS NYAM CHUNG GYUR PA'I MIG ,NYI MAR BLTAS NA GNOD PAR 'GYUR, ,ZHES BYA BA LA, YANG SLOB DPON GZHAN DAG 'DI SKAD ZER TE,
, ,NYIN PAR GYI DUS SU MIG SMAN RNON PO BTANG ZHING BSKU BAR MI BYA STE, CI'I PHYIR ZHE NA, MIG SMAN RNON POS BSKUS PAS BKRUS SHING 'DZAG PAR BYAS PAS, NYAM CHUNG ZHING STOBS ZHAN PA'I MIG GIS NYI MAR BLTAS NA GNOD PAR 'GYUR ZHING NYAM CHUNG BAR 'GYUR RO, ,MTSAN MO GNYID NI LOG PA DANG, ,ZLA DUS YIN PAS BRTAS 'GYUR TE, ,MIG NI ME YI RANG BZHIN PAS, ,BSIL BAS GNOD MED BRTAN PAR 'GYUR, ,ZHES BYA BA LA, YANG SLOB DPON DE NI MTSAN MO'I DUS SU MIG SMAN RNON PO GTANG BAR BYA'O, ,ZHES ZER TE, CI'I PHYIR ZHE NA, MTSAN MO GNYID KYIS LOG CING NYAL BA NI, ZLA BA'I RANG BZHIN YIN PA DANG, DUS KYANG ZLA BA'I DUS YIN PAS BRTAS SHING TSIM PAR 'GYUR BA NYID KYIS, MIG NI ME'I RANG BZHIN BSIL BAS BRTAN PAR 'GYUR ZHING STOBS RNYED PAR 'GYUR RO, ,MIG NAD BAD KAN SHAS CHE BA'AM, ,PHYI ZHING BSAL BAR BYA BA LA, ,RAB TSA MIN PA'I NYIN PAR YANG, ,MIG SMAN RNON PO BLUGS PAR 'DOD, ,CES BYA BA LA, GAL TE BAD KAN GYI MIG NAD SHIN TU SHAS CHE ZHING BDO BA DANG, DE BZHIN DU PHYI ZHING BSAL BAR BYA BA'I MIG GZER RAM LING TOG LA SOGS PA NYIN MO YANG DES GSO BAR BYA BA'I NAD LA MIG SMAN GTANG DU RUNG LA, DE YANG NYI MA SHIN TU MI TSA BA LA, MIG SMAN RNON PO DAG KYANG BLUGS SU RUNG BAR 'DOD CING KHAS LEN PA YIN NO, ,DRIS PA MIG NI ME'I RANG BZHIN YIN LA, MIG SMAN RNON PO YANG ME'I RANG BZHIN CAN YIN PAS, NYI MA TSA BA DANG CHOS MTHUN PA YIN NA, 'DI LA 'GAL BA CI YOD CE NA, DE'I PHYIR SMRAS PA NI, LCAGS NI RDO LAS 'BYUNG BA YIN, ,RNO BA DE NYID LAS BYUNG YANG, ,DE NYID KYIS NI GNOD BYED NUS, ,MIG GI RANG BZHIN DE DANG 'DRA, ,ZHES BYA BA YIN TE, JI LTAR LCAGS RNAMS NI RDO'I KHAMS RNAMS LAS BYUNG ZHING SKYES PA YIN LA, GANG YANG LCAGS DE NYID RNO BA NYID KYANG RDO DE NYID LAS BYUNG BA YIN MOD KYI, GANG
LCAGS DE'I RNO BA NYID LA GNOD CING 'JIG PAR BYED PA 'AM, YANG NA RNAM PA THAMS CAD NAS THAMS CAD DU MED PAR BYED PA NI RDO DE NYID LAS BYUNG ZHING GZHAN LAS MA YIN NO, ,DE BZHIN DU MIG GI MTHONG BA'I RANG BZHIN DU ME'I KHAMS LAS BYUNG LA, DE NYID KYIS NA RNO BA'I PHYIR DE NYID KYIS GNOD PAR BYED DE, CUNG ZAD TZAM MTHONG BA 'AM, RNAM PA THAMS CAD DU MI MTHONG BAR 'GYUR RO, ,DGUN TSE MTSAN MO MIG SMAN NI, ,RNON PO PHAN PA MA YIN TE, ,'DZAG MI 'GYUR BAS MIG RENGS DANG, ,G-YA' DANG MI GSAL LA SOGS SKYED; ,CES BYA BA LA, DGUN GYI TSE, MTSAN MO YANG MIG SMAN SHIN TU RNO BA PHAN ZHING BDE BAR BYED PA MA YIN TE, CI'I PHYIR ZHE NA, DUS DE'I TSE MIG SMAN RNON PO BTANG YANG GRANG BA'I NYES PAS MIG LAS MCHI MA LA SOGS PA'I NAD 'BYIN CING 'DZAG PAR BYED MI NUS TE, SLAR ZHING MIG SMAN DES MIG RENGS SHING HAR BAG TU 'DUG PA DANG, G-YA' BA DANG, MIG MI GSAL BA LA SOGS PA SKYED PAR 'GYUR RO, ,SOGS PA'I SGRAS NI SKRANG BA DANG, MIG RDUL CHAGS PA DANG, MIG DMAR BA LA SOGS PA SKYED PAR 'GYUR RO, ,MIG SMAN MI GTANG 'JIGS DANG SLON, ,KHRUS BTANG ZAS ZOS SHUGS KYIS NYEN, KHROS DANG RIMS BTAB MIG PHYIR BYUNG, ,GLAD NAD MYA NGAN GNYID MA LOG ,NYI MA MA MTHONG MGO BKRUS DANG, ,CHANG 'THUNGS DU BA BRNGUBS PA DANG, ,KHA ZAS MA ZHU NYI TSAN GDUNGS, ,NYIN NYAL SKOM PA LA MI GTANG, ZHES BYA BA LA, SKYES BU 'JIGS SHING SDANGS PAR GYUR PA LA, MIG SMAN GTANG DU MI RUNG NGO, ,DE BZHIN DU SLON ZHING SKYUG PA DANG, BKRU SMAN BTANG ZIN PA DANG, ZAS ZOS SHING 'GRANGS MA THAG DANG, BSHANG BA DANG GCI BA LA SOGS PA'I SHUGS KYIS NYEN PA DANG, KHRO ZHING RNGAM PA DANG, RIMS KYIS BTAB PA DANG, MIG PHYIR BYUNG ZHING GLO BA DANG, GLAD NAD KYIS GZER BA DANG, MYA NGAN DANG BCAS PA DANG, MTSAN MO GNYID MA LOG PA DANG, MGO BKRUS SHING
, ,GSHER BA DANG, DE BZHIN DU CHU 'THUNGS SHING DU BA BRNGUBS PA DANG, DE BZHIN KHA ZAS MA ZHU BA DANG, NYI TSAN GYIS GDUNGS PA DANG, NYIN PAR NYAL ZHING GNYID LOG PA DANG, SKOM GYIS NYEN PA LA MI GTANG NGO ZHES MI GTANG BA KUN LA SBYAR BAR BYA'O, ,MIG SMAN RAB RNO 'JAM DANG NYUNG, ,MANG SLA SKA DANG RTZUB PA DANG, ,SHIN TU BSIL DANG TSA BA YI, ,MIG SMAN BSKU BAR MI BYA'O, ,ZHES BYA BA LA, RAB TU RNO BA NI RO TSA BA DANG, SKYUR BA DANG, LAN TSVA LAS SBYAR BAR MI BYA'O, ,DE BZHIN DU RAB TU 'JAM PA NI RO MNGAR BA NYI TSE LAS BYAS PA'O, ,NYUNG BA CHUNG CHES PA'O, ,MANG BA NI CHES DRAGS PA'O, ,DE BZHIN DU SHIN TU SLA BA DANG, SHIN TU SKA BA DANG, SHIN TU RTZUB CING REG NA MI BDE BA DANG, DE BZHIN DU SHIN TU BSIL BA DANG, SHIN TU TSA BA'I MIG SMAN BTANG ZHING SBYAR BAR MI BYA'O, ,DES NA MIG NI MA PHYE BAR, ,DAL GYIS NANG DU KHYAB PAR BYA, ,ZHES BYA BA LA, DES NA DE'I 'OG TU MIG SMAN NANG DU ZHUGS SHING KHYAB PAR BYA BA'I PHYIR, MIG GI 'BRAS BU DAL GYIS BSKYOD CING BSGUL LA, SMAN GYIS KHYAB PAR BYA'O, ,CI ZHIG BYAS NAS SHE NA, MA PHYE BAR ZHES BYA STE, MIG MA DBYE BAR MIG 'BRAS NAD DU BSGUL BAR BYA'O, ,MIG SMAN BYUGS NAS MIG MCHU NI, ,CUNG ZAD BSKYOD LA MIG SMAN NI, ,RNON POS MYUR DU KHYAB 'GYUR BAS, ,DBYE DANG 'DZUMS PAR MI BYA'O, ,MIG MCHU GNYIS NI BSDAM PA DANG, ,BKRU BA DAG NI MI BYA'O, ,ZHES BYA BA LA, MIG SMAN MIG TU BCUG GAM, BYUGS NAS MIG GI MCHU CUNG ZAD TZAM DAL BUS BSKYOD PAR GYUR NA, MIG SMAN RNON POS MYUR DU KHYAB PAR GYUR BAS 'PHRAL DU DE'I MOD LA MIG SMAN BCUG MA THAG MIG DBYE BA DANG BTZUMS PAR MI BYA'O, ,DE BZHIN DU DE'I MOD LA MIG SMAN GNYIS BSDAM ZHING BTZIR BAR YANG MI BYA LA, 'PHRAL DU MIG BKRU BAR YANG MI BYA'O, ,GANG TSE MIG SMAN GYIS BSKUS PA'I, ,SMAN GYI RTZOL BA
ZHI GYUR NA, ,NAD KYI DMIGS DANG MTHUN PA YI, ,CHU YIS DE TSE BKRU BAR BYA, ,ZHES BYA BA LA, GANG GI TSE MIG GI SMAN BSKUS PA'AM BYUGS PA'I RJES LA, SMAN GYI NUS PA'I MTHU RTZOM PA ZHI BAR GYUR LA, TSA BA LA SOGS PA MED PAR GYUR CING, DE NYID KYIS NA BDE BAR GYUR BA DE'I TSE, NAD KYI DMIGS DANG MTHUN PA'I CHU BSIL BA DANG, DRO BA DANG, BAR MA'I RANG BZHIN CAN LA SOGS PAS CI BDER BKRU BAR BYA'O, ,DE NAS GOS 'JAM BCAS PA YI, ,MTHE BO DANG NI MDZUB MO GNYIS, ,MIG NI CI RAN PHYE STE PHYI, ,G-YON PAS G-YAS PA PHYI BAR BYA, ,GZHAN DU MIG SMAN BLUGS PA YIS, ,MIG MCHU KHYAB PAS NAD SKYED 'GYUR, ,ZHES BYA BA LA, DE NAS DE LTAR BKRUS PA'I RJES LA G-YAS PA'I MTHEB MOS GOS 'JAM PO DANG BCAS, MIG G-YON PA'I MIG MCHU GONG MA BZUNG LA CI RAN TZAM DU PHYI ZHING BSAL BAR BYA'O, ,G-YON PA'I MTHE BO GONG DANG BCAS PAS NI, G-YAS PA'I MIG MCHU GONG MA BZUNG NAS PHYI BAR BYA'O, ,DE LAS GZHAN DU MIG SMAN BLUGS PA'I RJES LA SBYANG ZHING PHYI BA MA BYAS NA MIG SMAN BLUGS PAS NAD KYIS MIG MCHUR KHYAB CING PHYIN PAS, NAD KYI GNOD PA SKYED PAR 'GYUR RO, ,DE BAS NA MIG SMAN BTANG BA'I RJES LA, MIG MCHU BKRU BA DANG PHYI BAR BYA'O, ,SMAN GYIS G-YA' BA'AM RTUL GYUR NA, ,RNON PO'I DUD PA BRNGUB PAR BYA, ,ZHES BYA BA LA, MIG SMAN BCUG NAS MIG G-YA' BA'AM RTUL BAR GYUR NA, MIG SMAN RNON PO'I DU BA BRNGUB PAR BYA'O, ,MIG SMAN RNON POS TSA GYUR NA, ,SLAR 'CHOS MIG SMAN BSIL BYED GZHUG ,CES BYA BA LA, MIG SMAN RNON PO BYUGS PAS MIG RAB TU TSA BAR GYUR NA, TSA BA DE NYE BAR ZHI BAR BYA BA'I PHYIR BSIL ZHING GRANG BA'I PHYE MA'I MIG SMAN GZHUG PAR BYA'O, ,MIG SMAN DE NI SLAR 'CHOS SHING BSAL BAR BYED PAS NA, MIG SMAN SLAR 'CHOS PA ZHES BYA BA'O, ,YAN LAG BRGYAD PA'I SNYING PO BSDUS PA'I RNAM PAR 'GREL PA, TSIG
, ,GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, LE'U NYI SHU GSUM PA'I RNAM PAR 'GREL PA'O,, ,,DE NAS MIG BRTA BA'I CHO GA DANG, MIG SMAN GYI THUR MA BSREG CING BTZOS PA'I KHU BA MIG TU BLUGS PA'I CHO GA'I LE'U BSHAD PAR BYA'O, ,ZHES BYA BA LA, 'DI BRTZAMS PA'I 'GREL PA NI 'DI YIN TE, MIG SMAN RNON POS TSA BAR GYUR NA SLAR 'CHOS PA'I MIG SMAN GYI PHYE MA BSIL BA GZHUG PAR BYA'O, ,ZHES BSHAD PAS MIG BRTA ZHING TSIM PAR BYA BA YANG PHAL CHER DE DANG 'DRA BAR 'DIR BSHAD PA YIN NO, ,DE LA MIG BRTA BA DANG, BSREG CING BTZO BA'I CHO GA GZHUNG GANG DU STON PAR BYED PA'I LE'U BSHAD CING BSTAN PAR BYA'O ZHES BYA'O, ,MIG 'DZUMS MI SHES RENGS BAG DANG, ,SKAM DANG RTZUB DANG SNAD PA DANG, ,RLUNG MKHRIS NAD GYUR ZHUM BAG DANG, ,RDZI MA BYI ZHING G-YOGS PAR MTHONG, ,DBYE DKA' RTZA NI BRTZE BA DANG, ,MIG NI BRTZE 'GYUR MI MTHONG DANG, ,DMAR ZHING MCHI 'DZAG GLAD PHYED NA, ,RLUNG NAD KUN 'GRO LING TOG CAN, ,MIG NAD RTZE ZHIL MCHI MA 'DZAG ,NA ZHING DMAR LA MIG RDU [?] CHAGS, ,THUN MONG DUS SU NANG PAR RAM, ,DGONGS KA GAN RKYAL NYAL NAS NI, ,LUS DANG MGO SBYANG RLUNG MED PA'I, ,GNAS SU BRTA BA'I SMAN GTANG NGO, ,ZHES BYA BA LA, MIG NA ZHING 'DZUMS MI SHES PA DAG LA MIG BRTA BA'I SMAN BLUGS PAR BYA'O, , RENGS BAG NI BSKYOD CING 'GUL MI SHES PA'O, ,SKAM PA NI YONGS SU BSKAMS PA'O, ,RTZUB PA NI SNUM PA'I MDANGS KYI YON TAN DANG BRAL BA'O, ,SNANG BA NI 'BRAS BU MNGON PAR SNANG BA'O, ,RLUNG DANG MKHRIS PA'I NAD NI DE GNYIS LAS GYUR PA'I NAD KYIS NYEN PA'O; ,ZHUM BAG NI RLUNG GI DBANG GIS MIG YON POR GYUR BA'O, ,RDZIM BYI BA NI MIG GONG GI RDZI MA RNAMS NAD KYIS BYI BAR GYUR BA DANG, DE BZHIN DU G-YOGS PAR MTHONG BA NI, SPRIN GYIS G-YOGS PA DANG 'DRA BAR MI GSAL BAR MTHONG BA 'AM, YANG NA SNGON DMAR
DU MAR MTHONG BA STE, DE LA BRTA BA'I SMAN GTANG BAR BYA'O, ,DE BZHIN DBYE DKA' BA LA SOGS PAS NYEN CING NA BA LA SOGS PA MIG NAD RNAMS DANG YANG MIG NAD LA SOGS PA RTZE ZHIL ZHING CUNG ZAD BRI BA DANG, YANG DUS GANG THUN MONG DU GYUR CING, GRANG DRO RAN PA DANG, DPYID DANG STON GYI DUS DE'I TSE NA YANG NANG PAR TA NAM LANGS PA DANG, DGONGS KA STE NYI MA NUB PA'I DUS SU SKYES BU GAN RKYAL DU NYAL NAS SNGAR LUS DANG MGO BO SBYANGS SHING BKRU SMAN BTANG ZHING SBYAR BA LA, RLUNG MED PA'I GNAS SU BRTA BA'I MIG ,SMAN GTANG BAR BYA'O, NAS SAM MA SHA'I RJEN ZAN GYIS, ,MIG SBUBS MTHA' SKOR MNYAM PA NI, ,DPANGS SU SOR GNYIS BRTAN BYAS LA, ,NAD DMIGS JI BZHIN SMAN BSKOL BA, ,ZHUN MAR CHU TSAN LA BSROS TE, ,MIG NI BTZUMS PAR BLUGS PAR BYA, ,ZHES BYA BA LA, NAS KYI RJEN PHYE SBRUS PA LAS, SMAN MI 'PHO BA'I RTEN BYAS LA, ZHUN MAR MIG TU BLUGS PAR BYA'O, ,BSKOR BA DE YANG MIG SBUBS KYI PHYI ROL NAS BSKOR BAR BYAS, DE YANG MNYAM ZHING SNYOMS PAR BYA'I, MI MNYAM PAR NI MI BYA BA DANG, DPANGS KYI TSAD SOR GNYIS SU BYA BA DANG, DE BZHIN DU BRTAN PA STE GAS MED PAR BYAS LA, DE'I 'OG TU BSKOR BA DER NAD DMIGS JI BZHIN ZHES BYA BA RLUNG LA SOGS PA'I NAD GANG LAS GYUR PA SEL BA'I SMAN DANG BSKOL ZHING BTZOS PA'I ZHUN MAR CHU TSA BA LA BSROS SHING BZHUS TE DRO GRANG RAN PAR BYAS PA'I ZHUN MAR DE MIG BTZUMS PAR BLUGS PAR BYA'O, ,MTSAN MO MI MTHONG RLUNG RAB RIB, ,DBYE DKA' SOGS LA TSIL ZHUN BLUGS, ,RDZI MA'I RTZE NUB PAR BKANG LA, ,DE NAS BSKYOD CING DBYE BA NI, ,DE NI DAL GYIS BYED DU GZHUG ,TSAD BGRANG BYA BA, ZHES BYA BA LA, MTSAN MO MI MTHONG BA LA SOGS PA'I MIG NAD KYIS BTAB PA LA RANG RANG GI SMAN GANG YIN PA DANG, BTZOS PA'I TSUL GYI ZHUN MAR SNGA MA LTAR BSRO BA BLUGS PAR BYA'O, ,DE LA RDZI MA'I RTZE MO NUB PAR GYUR KYI BAR DANG, SMIN MA'I SPUR PHYIN GYI BAR DU DGANG
, ,BAR BYA'O, ,DE NAS BLUGS ZIN PA'I RJES LA, MIG BSKYOD CING DBYE BA SKYES BU DE DAL GYIS BAGS KYIS BYED DU GZHUG LA, DE'I GRANGS KYI TSAD BGRANG ZHING GZUNG BAR BYA'O, ,DE LA NI, MIG MCHU MIG 'GRAM DKAR NAG NAD, ,GRANGS BRGYA SUM BRGYA LNGA BRGYA DANG, ,BRGYA PHRAG BDUN DANG BRGYAD RIM BZHIN, ,DKRUGS DANG RLUNG LA GRANGS STONG STE, ,MKHRIS PA NAD MED LA DRUG BRGYA, ,BAD KAN LA NI LNGA BRGYA GZHAG ,CES BYA BA LA, DE LA GRANGS BGRANG BA'I TSUL NI, MIG MCHU'I NAD LA GRANGS BRGYA'I TSAD KYI BAR DU GZHAG PAR BYA'O, ,MIG 'GRAM GYI NAD LA NI GRANGS SUM BRGYA'I BAR DU GZHAG GO ,MIG GI 'BRAS BU DKAR PO'I CHA LA NAD YOD PA LA NI GRANGS BDUN BRGYA'I BAR DU GZHAG PAR BYA'O, ,NAG PO MTHONG BA'I CHA LA NAD YOD PA LA GRANGS BRGYAD BRGYA'I BAR DU GZHAG PAR BYA, DE BZHIN DU MIG DKRUGS PA SNYAM SEMS PA DANG RLUNG GI NAD LA NI GRANGS STONG GI BAR DU GZHAG GO ,MKHRIS PA'I NAD DANG NAD MED CING THA MAL BAR GNAS PA'I SKABS SU BTANG BA LA NI GRANGS DRUG BRGYA'I BAR DU GZHAG PAR BYA'O, ,BAD KAN GYI NAD LA NI GRANGS LNGA BRGYA'I BAR DU GZHAG PAR BYA'O, ,DE NAS MIG 'GRAM 'DZAG SGO BYA, ,SMAN MAR SNOD DU GZAGS PAR BYA, ,DUD PA BRNGUBS NAS NAM MKHA' DANG, ,GZUGS 'TSER BA NI LTA MI BYA, ,ZHES BYA BA LA, GRANGS BGRANG BA RDZOGS PA DE'I RJES LA BRTA BA'I SNUM BLUGS PA GANG YIN PA DE, DBO ZHING GZAGS PAR BYA'O, ,DE YANG JI LTAR ZHEN MIG 'GRAM RNA BA DANG NYE BA'I PHYOGS SU MIG ZUR GYI 'DZAG PA'I SGO'I BU GA BYAS LA SMAN MAR SNOD BZED PAR BYA'O, ,DES NA DE'I 'OG TU SNUM GYIS GLONGS PA'I BAD KAN ZHI BAR BYA BA'I PHYIR DU BA BRNGUB PAR BYA'O, ,DE NAS DE'I MOD LA NAM MKHA' LA MI LTA BA DANG, ME DANG NYI MA LA SOGS PA GZUGS 'TSER BA LA BLTA BAR MI BYA'O, ,DE LTAR RLUNG LA NYIN RE BYA, ,MKHRIS PAR NYIN RE'I BAR DU GCOD, ,BAD KAN BDER GNAS GNYIS PAR BCAD, ,
TSIM PAR 'GYUR GYI BAR DU GTANG, ,ZHES BYA BA LA, DE LTAR BSHAD PA RNAMS RLUNG GI NAD DANG LDAN PA LA NI NYIN RE LA BTANG LA, TSIM PAR 'GYUR GYI BAR DU MI GCAD PAR BYA'O, ,MKHRIS PA LAS GYUR PA'I MIG NAD LA NI, TSUL 'DI NYID KYIS NYI MA GCIG GI BAR DU BCAD CING NYIN RES CHOD PAR BYAS LA GTANG NGO, ,BAD KAN DANG BDE BAR GNAS PA'I SKABS SU NI NYI MA GNYIS GNYIS KYI BAR DU BCAD CING GTANG STE, TSIM PAR 'GYUR GYI BAR DU GTANG, ,ZHES PA NI THAMS CAD LA GTANG NGO, ,TSIM PAS GSAL BAR MTHONG NUS SHING, ,BDE ZHING MIG YANG DRI MA MED, ,MA TSIM PA LAS GO BZLOG YIN, ,TSIM DRAGS BAD KAN NAD SKYED 'GYUR, ,ZHES BYA BA LA, MIG LEGS PAR TSIM ZHING BRTAS PAR GYUR NA DNGOS PO GSAL BAR MTHONG BAR NUS PA DANG, DE BZHIN DU BDE ZHING NAD MED PA DANG, YANG BAG DANG LEGS PAR BRTAS PAR BYAS PAS MIG RANG BZHIN GYIS DRI MA MED CING DAG LA, RAB RIB LA SOGS PA'I NYES PA DANG BRAL BAR 'GYUR, GAL TE YANG TSIM PAR MA GYUR NA, BSHAD MA THAG PA'I LEGS PAR TSIM PA'I MTSAN NYID LA SOGS PA BSAL BAR MI NUS PAS NA DRI MA DANG BCAS PA'I BAR DU 'GYUR RO, ,TSIM DRAGS SHING BRTAS PAR BYAS DRAGS NA, BAD KAN LAS BYUNG BA'I NAD RNAMS BSKYED CING 'BYUNG BAR 'GYUR RO, ,DE NI LUS KYI SNUM 'THUNGS LTAR, ,MI GSAL MTHONG BA NYAM CHUNG 'GYUR, ,DE BAS BRTA BA'I RJES LA NI, ,MTHONG BA'I STOBS NI SKYED BYED PA, ,SNGAR BSHAD PA YI MIG NAD LA, ,PHUR MA BTZOS PA SBYAR BAR BYA, ,ZHES BYA BA LA, TSIM PAR BYAS PA'I MIG NI MTHONG BA'I STOBS ZHAN PAR 'GYUR TE, DPER NA LUS KYI KHONG DU SNUM 'THUNGS PA NA, NYAM CHUNG ZHING CUNG ZAD BRGYAL, STOBS CHUNG BA DANG 'DRA BAR MIG SMAN 'THUNGS PAS KYANG STOBS CHUNG ZHING MI GSAL BAR 'GYUR RO, ,DE BAS NA MIG BRTA TSIM PAR BYAS PA'I RJES LA MTHONG BA'I STOBS GSAL BAR BYED PA DANG, SKYED PAR NUS PA'I MIG SMAN PHUR MA BTZOS PA'I KHU BA MIG GNYIS SU BLUGS PAR BYA ZHING
, ,SBYAR BAR BYA'O, ,DE YANG SNGAR BSHAD PA'I MIG NAD MIG DBYE BAR DKA' BA LA SOGS PA LA PHUR MA BTZOS PA'I KHU BA GTANG BAR BYA'O, ,DE NI RLUNG LA SNUM CAN TE, ,BAD KAN BCAS TE PHYI BA PHAN, ,MTHONG NYAMS RLUNG DANG MKHRIS BCAS DANG; ,KHRAG MKHRIS BDER GNAS LA GSAL BYED, ,CES BYA BA LA, MIG SMAN BTZOS PA'I KHU BA DE NI RLUNG LAS GYUR PA'I MIG NAD LA SNUM CAN GTANG BAR BYA'O, ,DE BZHIN DU BAD KAN DANG BCAS PA'I RLUNG LA NI PHYI BA'I MIG SMAN PHAN PA YIN NO, ,MTHONG BA NYAMS SHING MIG MI GSAL BA DANG, RLUNG DANG MKHRIS PAR BCAS PA DANG, KHRAG DANG MKHRIS PA'I NAD DANG, BDE BAR GNAS SHING NAD MED PA'I SKABS LA NI GSAL BAR BYED PA'I MIG SMAN GYI PHUR MA BTZOS PA'I THIGS PA MIG TU BLUGS PAR BYA'O, ,KHUNG GNAS MTHUS TSOL RLAN CAN GYI, ,TSIL DANG RKANG DANG ZHAG SHA RLON, ,'O MA DAG DANG BTAGS PA DANG, ,'TSO BYED DAG DANG SBYAR BA'I SNUM, ,ZHES BYA BA LA, KHUNG NA GNAS PA NI SA LA BRTEN CING PHUG NA GNAS PA STE, SRA MA DANG PHYI BA LA SOGS PA'O, ,MTHUS TSOL BA NI BYA RGOD DANG, KHRA LA SOGS PA'O, ,RLAN CAN LA GNAS PA NI NGANG PA DANG CHU SKYAR LA SOGS PA STE, DE RNAMS KYI TSIL DANG, DE BZHIN DU RKANG DANG ZHAG DANG, DE BZHIN DU SHA RLON PA RNAMS 'O MA DANG LHAN CIG TU BTAGS PA DANG, DE BZHIN DU SMAN 'TSO BYED LA SOGS PA DAG 'O MA DANG BTAGS SHING SBYAR BA'I SNUM GYI KHU BA RNAMS MIG TU BLUGS PA'I SMAN KHU'I THIGS PA'I DON DU BRTAG PAR BYA'O, ,RI DAGS BYA YI MCHER PA SHA, ,MU TIG LCAGS ZANGS RGYAM TSA DUNG, ,RGYA MTSO'I LBU BA LIG BU MIG ,BA BLA ZHO GA CHUR SBYAR BYA, ,ZHES BYA BA LA, RI DAGS NI SHA BKRA LA SOGS PA'O, ,BYA NI LA BA LA SOGS PA STE, DE RNAMS KYI MCHER PA DANG, SHA RLON PA DANG, DE BZHIN DU MU TIG DANG, LCAGS KYI PHYE MA DANG, ZANGS KYI PHYE MA DANG, RGYAM TSA DANG, LCE MYANG TSA DANG, DUNG
DANG; LIG BU MIG STE, SO TAN DZA NA DANG, RGYA MTSO'I LBU BA DANG, BA BLA STE, 'DI RNAMS ZHO GA CHU DANG BTAGS LA BLUGS PA'I MIG SMAN PHYI ZHING BSAL BA'I DON DU BRTAG PAR BYA'O, ,RI DAGS BYA YI MCHER PA RKANG, ,LTO TSIL RGYU MA SNYING DANG SHA, ,MNGAR BAG MAR BCAS NU ZHOR SBYAR, ,BTAGS PA GSAL BAR BYED PA YIN, ,ZHES BYA BA LA, RI DAGS DANG BYA NI SNGAR BSHAD PAR ZAD DE, DE RNAMS KYI MCHER PA LA SOGS PA DANG, DE BZHIN DU SMAN MNGAR BAG 'TSO BYED LA SOGS PA DANG BCAS PA RNAMS NU ZHO ZHES BYA BA BUD MED KYI NU ZHO DANG SBYAR ZHING BTAGS PA'I SMAN GYI PHUR MA BTZOS PA'I KHU BA NI MIG GSAL BAR BYED PA ZHES BYA BA'I DON NO, ,SHA DANG SMAN GYI LDE GU NI, ,GONG BU SRANG GCIG SO SOR BYAS, ,AE RAn N+YA GRO DHA PADMA'I, ,LO MA SNUM POS RIM BZHIN DU, ,DKRIS LA 'JIM PAS BYUGS NAS NI, , DA BA DGON PA'I LCI BA'I ME, ,'BAR BAR YONGS SU BSREG PAR BYA, ,TSOS NAS DE YI KHU BA BTZIR, ,MIG TU BRTA BA'I SMAN LTAR BLUGS, ,ZHES BYA BA LA, SNGAR BSHAD PA'I SHA DANG, SMAN GYIS SO SOR SRANG RE RE TZAM ZHIG BYAS LA, SMAN DANG SHA'I LDE GU'I GONG BU GCIG TU BSRES SHING BSDUS PA'I GONG BU AE RAndA DANG, N+YA GRO DHA DANG, PADMA'I LO MAS DKRIS PAR BYAS TE, DE YANG SNUM GYIS SNUM BTZOS PA'I AE RAndA'I LO MAS DKRI BAR BYA'O, ,DE BZHIN DU PHYI ZHING BSAL BA'I SMAN GYI PHUR MA BTZO BA NI, N+YA GRO DHA'I 'DAB MAS DKRI BAR BYA'O, ,DE BZHIN DU GSAL BAR BYED PA'I SMAN GYI PHUR MA NI PADMA'I LO MAS DKRI BAR BYA'O, ,DE LTAR DKRIS PA'I 'OG TU 'JIM PAS BYUGS TE, SHING DA BA DANG, DGON PA'I LCI BA'I ME GANG RNYED PA SBAR BAS JI SRID DU ME MDOG LTAR SNANG GI BAR DU BTZOS LA, DE LTAR TSOS PAR SHES NAS KHU BA DE BTZIR TE, MIG TU BRTA BA'I SMAN GYI KHU BA BLUGS PAR BYA STE, JI LTAR MIG BRTA BA'I SMAN MIG TU LDUGS PA NA, NAS DANG MON SRAN GRE'U'I RJEN ZAN GYIS BSKOR NAS LDUGS PA DE BZHIN DU SMAN GYI PHUR MA BTZOS SHING BSREGS PA'I KHU BA BLUGS
, ,NAS MIG DAL BUS BSKYOD PAR BYA'O, ,PHYI DANG SNUM DANG BSAL BA LA, ,BRGYA PHRAG GCIG GNYIS GSUM CAR GZHAG ,DANG PO DRO 'JAM PHYI BSIL BLUGS, ,DE GNYIS RJES LA DUD PA BRNGUB, ,DES NI SBYAR BA BRTA DANG MTSUNGS, ZHES BYA BA LA, PHYI BA'I SMAN GYI THIGS PA MIG TU BLUGS PA NA, TSAD KYI GRANGS BRGYA'I BAR DU GZHAG PAR BYA'O, ,SNUM GYI PHUR MA BTZOS PA LA NI, NYIS BRGYA'I BAR DU GZHAG PAR BYA'O, ,BSAL BAR BYA BA'I SMAN BTZOS PA'I THIGS PA BLUGS PA NI GSUM BRGYA'I BAR DU GZHAG PAR BYA'O; ,DANG PO ZHES BYA BA SNGAR BSTAN PA'I PHYI BA DANG, SNUM PAR BYA BA GNYIS LA NI DRO 'JAM ZHES BYA BA, CUNG ZAD TZAM DRO BA MIG TU BLUGS PAR BYA STE, PHYI MA STE THA MA BSAL BAR BYA BA'I SMAN GYI THIGS PA BSIL ZHING GRANG BA BLUGS PAR BYA'O, ,DE GNYIS ZHES BYA BA PHYI BA DANG SNUM PAR BYA BA'I MIG SMAN BTANG BA'I RDZAS DE MTHAR DUD PA BRNGUB PAR BYA'I GSUM PA GSAL BAR BYED PA'I SMAN BLUGS PA LA NI MA YIN NO, ,YANG SMAN GYI PHUR MA BTZOS PA'I THIGS PA MIG TU BLUGS PA GSUM PO'I SKABS DER SBYOR BA STE, LEGS PA DANG MA LEGS PA DANG DRAGS PA'I SBYOR BA GSUM NI BRTA BA'I SBYOR BA BSHAD PA DANG 'DRA ZHING MTSUNGS SO, ,ZHES BYA BA'I DON DE GSAL BAR MTHONG BA NAS BAD KAN GYI NAD DU GYUR BA'I BAR DU GONG MA BZHIN DU SHES PAR BYA'O, ,BRTA DANG PHUR BTZOS THIGS PA BLUGS, ,SNA SMAN MI BYA LA MI GTANG, ZHES BYA BA LA, BRTA BA DANG SMAN GYI THIGS PA GNYIS KA YANG SNA SMAN GTANG DU MI RUNG BA'I SKYES BU LA GTANG BAR MI BYA'O, ,JI SRID DUS NI SMAN GTANG BA, ,DE YI GNYIS 'GYUR 'PHROD PA BZA', ,ZHES BYA BA LA, BRTA BA DANG MIG SMAN GYI THIGS PA BLUGS PA 'DI GNYIS KA DUS JI LTAR TE, NYIN ZHAG GI GRANGS SU SMAN BTANG BA'I NYIN ZHAG DE NYIS 'GYUR GYI DUS KYI BAR DU 'PHROD PA BZA' ZHING, PHAN PA'I ZAS DANG SPYOD LAM BSTEN PAR BYA'O, ,ME TOG DZ'A TI MA LI KAS, ,MIG BCINGS MTSAN MO GNAS PAR BYA'O, ,ZHES BYA BA LA, ME
TOG DZ'A TI NI SO MA NA'O, ,MA LI KA NI ME TOG BRTZEGS MA CAN TE, ME TOG DES SKYES BU'I MIG BCINGS TE MTSAN MO GNAS PAR BYA'O, ,SNA SMAN MIG SMAN BRTA BA LA SOGS PAS, ,MIG MTHU SKYED PHYIR KUN TU 'BAD PAR BYA, ,MTHONG BA NYAMS NA 'GRO BA SNA TSOGS PA'ANG, ,MUN PA'I RANG BZHIN TSUL GCIG NYID DU 'GYUR, ,ZHES BYA BA LA, KUN TU'AM, RNAM PA THAMS CAD DU MIG GI MTHU SKYED CING MIG BSRUNG BAR BYA BA'I PHYIR, 'BAD CING BRTZON PAR BYA'O, ,GANG GIS SHE NA SNA SMAN LA SOGS PA STE, SMAN SNA NAS GTANG BA DANG, MIG SMAN BSKU BA DANG, BRTA BA DANG, SMAN GYI PHUR MA BSREGS PA'I KHU BA MIG TU BLUGS PA LA SOGS PAS MTHU BSKYED PAR BYA'O, ,CI'I PHYIR ZHE NA, 'DI LTAR MTHONG BA NYAMS SHING GSAL BAR LTA BA DANG BRAL NA, 'GRO BA SNA TSOGS PA TSUL THA DAD PA 'DI DAG KYANG MUN PA'I RANG BZHIN DU GYUR PAS TSUL GCIG PA NYID DU 'GYUR BA STE, MUN NAG GI RANG BZHIN DU THA DAD CING RAB RIB KYI MUN PAS KHEBS PAS SNANG BA'I TSUL DANG BRAL ZHING BYE BRAG TU SHES PA MED PAR 'GYUR RO, ,YAN LAG BRGYAD PA'I SNYING PO BSDUS PA'I RNAM PAR 'GREL PA, TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, LE'U NYI SHU RTZA BZHI BA'I RNAM PAR 'GREL PA'O,, ,,DE NAS CHA SPYAD KYI CHO GA'I LE'U BSHAD PAR BYA'O, ,ZHES BYA BA LA, 'DI BRTZAMS PA'I DGOS PA NI 'DI YIN TE, SMAN MAS GTONG BA NAS, MIG SMAN GYI BAR GYI RANG RANG GI CHA SPYAD GANG DAG YIN PA BSHAD NAS, DE'I 'OG TU ZUG RNGU DBYUNG BA LA SOGS PA'I CHA SPYAD SNA TSOGS PA GANG DAG DGOS PA DE BSTAN PAR BYA BA'I PHYIR, DE'I 'OG TU 'DI BRTZAMS PA YIN LA, DE'I CHO GA GANG DAG YIN PA BSTAN PA SMAN PA NI, ZUG RNGU RNAM PA SNA TSOGS DANG, ,LUS NI SNA TSOGS GNOD BYED PA, ,'BYIN PA'I THABS SU GANG GYUR PA, ,SPYAD YIN DE BZHIN GZHANG 'BRUM DANG, ,MTSAN BAR RDOL SOGS LTA BA DANG, ,
, ,GTZAGS BU THAL SMAN ME BTAB PA'I, ,YAN LAG LHAG MA BSRUNG PHYIR DANG, ,MAS GTONG LA SOGS SPYAD MA GTOGS, ,BUM BU KU BAR DANG NI, ,'DZAM BU'I MCHU LA SOGS SPYAD YIN, ,ZHES BYA BA LA, SKYES BU'I LUS LA GNOD PAR BYED PA'I ZUG RNGU NI, MTSON GYI DUM BU NANG DU LUS PA RNAM PA SNA TSOGS SHING DBYIBS DANG LAS DU MAR GYUR PA DANG, DE BZHIN DU LUS KYI PHYOGS RNAM PA SNA TSOGS PA RNAMS SU GNOD PAR BYED CING KHONG DU ZUG PAS LUS KYI PHYOGS DU MA DANG, NAD RNAM PA SNA TSOGS SKYES PAS GNOD PAR BYED CING, NYE BAR 'JOMS PAR BYED PA RNAMS 'DZIN CING LUS KYI PHYOGS KYI NANG NA GNAS PA RNAMS 'DREN PAR BYED PA'I THABS SU GYUR BA GANG YIN PA DE LA NI CHA SPYAD CES BYA LA, DE 'BA' ZHIG TU MA ZAD KYI GZHANG 'BRUM DANG, MTSAN PAR RDOL BA LA SOGS PA'I NAD TSOL ZHING RTOGS PAR BYED PA DANG, MTSON DU DE BZHIN DU GTZAGS PU DANG, THAL SMAN RNON PO DANG, ME BTZA' GDAB PAR BYA BA'I NAD DE GZHANG 'BRUM DANG MTSAN PAR RDOL BA'I NAD KYIS NYEN PA BLTA BA'I SPYAD DANG, GTZAGS BU DANG THAL SMAN RNON PO DANG ME GDAB PAR BYA BA'I RIGS PAR GTOGS PA YAN LAG LHAG MA NAD KYI GNOD PAS NYEN PA DE BSRUNG ZHING BSKYANG BAR BYA BA'I PHYIR DANG, DE BZHIN DU MAS GTONG BA LA SOGS PA'I LAS RNAMS KYI SPYAD MA GTOGS PA GNAS SKABS GZHAN DAG TU DGOS PA'I CHA SPYAD BUM BU DANG KU BA DANG, RNGABS RVA DANG, 'DZAM BU'I MCHU 'DRA BA LA SOGS PA'I CHA SPYAD KYI DNGOS PO THAMS CAD NI CHA SPYAD CES BYA BA YIN NO, ,'DZAM BU'I MCHU NI THAL SMAN 'JU BAR BYED PA'O, ,SPYAD DE DAG NI 'DZIN CING SDUD PAS ZUG RNGU LA SOGS PA GANG GIS 'BYIN PAR BYED PA DE LA CHA SPYAD CES BYA'O, ,GANG PHYIR CHA SPYAD CHO GA BZHIN, ,SNA TSOGS TSUL DU BRDUNG BYA BA, ,BLO YIS RNAM DPYAD BYA BA NI, ,RAGS RIM TZAM ZHIG BSTAN PA YIN, ,ZHES BYA BA LA, GANG GI PHYIR ZUG RNGU 'BYIN PA LA SOGS PA'I CHA SPYAD, LUS KYI CHO GA GANG JI LTAR
DGOS PA BZHIN DU SNA TSOGS PA'I TSUL DBYIBS DU MAR NA BA DANG, MI'I LUS LA PHAN PAR BYED NUS PA'I TSUL SNA TSOGS PAR BRDUNG BAR BYAS LA, DE YANG LUS KYI TSUL LAS BLOS RNAM PAR DPYAD LA BRTAGS NAS CI RIGS PAR BRDUNG BAR BYA BA YIN LA, DE DAG LAS KHO BOS NI RAGS RIM TZAM ZHIG STE, MDO TZAM ZHIG BSTAN PA YIN GYI, DE DAG NI GRANGS 'DI TZAM ZHIG BYA'O ZHES TSAD NGES PAR BSTAN PA MA YIN NO, ,SENG GE KANG KA DOM BYA ROG, ,RI DAGS BYA SOGS PA 'DRA BA'I, ,MCHU CAN CHA SPYAD BYAS NAS NI, DE YI MING YANG GDAGS PAR BYA, ,PHAL CHER LCAGS KYI RGYU LAS NI, ,SRID DU SOR NI BCO BRGYAD BYA, ,SKAM PA SBREL BA'I MTSAMS SU NI, ,SRAN CHUNG LTA BU'I GZER BTAB PA, ,RTZA BA LCAGS KYU LTAR BKUG PA'I, ,CHA BYAD BDE LEGS YIN ZHES BYA, ,RTZE MO G-YUNG DRUNG LTA BU'O, , ZHES BYA BA LA, SENG GE DANG DOM LA SOGS PA RI DAGS DANG BYA RNAMS KYI MCHU DANG 'DRA ZHING MTSUNGS PA'I CHA BYAD BYAS LA CHA SPYAD DE DAG KYANG DE'I MING GDAGS PAR BYA STE, GANG GI MCHU DANG GANG 'DRA BA DE LA DE'I MING GDAGS PAR BYA STE, DPER NA KANG GA'I MCHU DANG, BYA ROG GI MCHU LTA BU ZHES BYA BA LA SOGS PA'O, ,DE DAG KYANG PHAL CHER RAM MANG LCAGS KYI RGYU LAS BYA LA, TSAD NI PHAL CHER SOR BCO BRGYAD PAR BYA'O, ,SKAM PA DE DAG GI SBREL BA'I MTSAMS KHA'I 'OG TU SRAN CHUNG LTA BU STE, RTZE MO SRAN CHUNG LTAR ZLUM PO'I GZER BU LEGS PAR BTAB LA, DE BZHIN DU RTZA BA DE LAG PAS GZUNG BA'I PHYOGS SU LCAGS KYU LTA BUR BKUG CING 'KHYOG PAR BYA BA'I CHA SPYAD DE NI MING BDE LEGS ZHES BYA BA YIN TE, RTZE MO G-YUNG DRUNG LTA BU BYA'O, ,DE NI BRTAN POR RUS ZUG PA'I, ,ZUG RNGU 'BYIN LA SBYAR BAR BYA, ,ZHES BYA BA LA, BDE LEGS ZHES BYA BA'I CHA SPYAD BRTAN ZHING MI 'JIGS PAS RUS PAR ZUG RNGU GANG YIN PA DE 'BYIN CING DBYUNG BA LA SBYAR BAR BYA'O, ,GZER BTAB RTZE MO GYES PA DANG, ,SKAM PA YIN TE SOR BCU DRUG ,DE NI PAGS PA RTZA RGYUS SHAR, ,ZHEN PA'I ZUG RNGU 'BYIN LA SBYAR, ,ZHES BYA BA LA,
, ,SKAM PA NI GNYIS BYA STE, DE LAS GCIG NI RTZE MO'I PHYOGS SU GZER BU BTAB CING BSDAM PA DANG BCAS PA'O, ,GNYIS PA NI RTZE MO GYES SHING RTZE MO GZER BUS MA BTAB LA, KHAM BSDAMS PA'O, ,SKAM PA DE GNYI GA YANG SRID SOR BCU DRUG BYA'O, , DE GNYIS NI PAGS PA LA SOGS PAR NUB CING ZHEN PA'I ZUG RNGU DE DBYUNG ZHING 'DREN PA LA SBYAR ZHING GTANG BAR BSTAN NO, ,SKAM PA SOR DRUG ZUG RNGU PHRA, ,RDZI MA MA RUNG 'BYIN LA SBYAR, ,ZHES BYA BA LA, SKAM BA DE LAS GZHAN PA SRID SOR DRUG YOD PA KHA GYES PA NYID DU BYA LA, DES NA ZUG RNGU PHRA BA STE, MIG GI RMA LA SOGS PAR GTOGS PA DANG, DE BZHIN DU RDZI MA MA RUNG BA STE, MIG GI RMA'I NANG DU ZHUGS PA 'BYIN PA LA SBYAR RO, ,SO PHRA DRANG ZHING RTZA BA NI, ,GDU BUS BRGYAN PA MU TZA TI, ,DES RMA GTING DU ZUG RNGU PA DANG, ,MIG MDZER GTING DU LUS LA SBYAR; ,ZHES BYA BA LA, CHA SPYAD GANG SO PHRA MO BTOD PA BYAS PA DE YANG DRANG ZHING RTZE MO GNYIS DRANG POR BYA'O, ,DE'I TSAD MA SMOS PAS 'DAS MA THAG PA'I SOR DRUG NYID YIN PAR SHES PAR BYA'O, ,DE'I RTZA BA NI LAG PAS GZUNG BA'I PHYOGS DER GDU BUS BRGYAN PA ZHES BYA BA DAM DU BSDAM PA'I PHYIR LCAGS KYI KHYUD MOS GDU BU LTA BUR BRGYAN PA ZHES BYA'O, ,DE'I MING NI MU TZA TI ZHES BYA LA, DES RMA GTING DU ZUG PA DANG DE BZHIN DU MIG MDZER GTING DU LUS TE GDON PA LA SBYAR BAR BYA'O, ,BZHI PO DE DAG NI CHA SPYAD SKAM PA ZHES BYA BA YIN NO, ,NYA MGO 'DRA BA SOR BCU GNYIS, ,CHA SPYAD GNYIS PA GCIG PA BYA, ,NYA MGO LTA BU ZHES BSHAD DE, ,RNA KHUNG ZUG RNGU 'BYIN LA SBYAR, ,ZHES BYA BA LA, DRANG SRONG GI CHA SPYAD NYA MGO LTA BU NI GNYIS YOD PAR BSHAD DE, DE GNYI GA YANG NYA MGO DANG 'DRA ZHING SOR BCU GNYIS PA YIN LA, DE YANG NYA MGO'I LKOG MA 'DRA BAS NA, NYA MGO'I MGUL BA LTA BU ZHES BYA BA'I DON NO, ,DE LA NYA MGO GNYIS 'DRA BA YOD PA DANG, GCIG 'DRA BA YOD PA STE, DES NA GCIG NI RTA'I MGUL PA LTA BU GNYIS DANG LDAN PA'O, ,GNYIS PA NI NYA'I MGUL PA LTA BU GCIG DANG LDAN PA'O, ,DE GNYI GAS
KYANG RNA KHUNG NA GNAS PA'I ZUG RNGU 'BYIN PA'I LAS LA SBYAR BAR BYA STE, DE NA GNAS PA'I ZUG RNGU DE GNYIS KYIS DBYUNG BAR BYA'O, ,CHA SPYAD SBU GU CAN SMRAS PA NI, CHA SPYAD SBU GU CAN KHONG STONG, ,RTZE MO GCIG GAM MANG PO BYA, ,DES NI BU GA'I ZUG RNGU DANG, ,NAD YOD BLTA DANG DBYUNG BA DANG, ,BYA BA BLA BA BYA PHYIR DANG, ,DGANG BAR BYA BA'I DON DU BYA, ,DE YI ZHENG DANG SBOM SRID TSAD, ,BU GU'I TSAD LAS DPAG PAR BYA, ,ZHES BYA BA LA, CHA SPYAD SBU GU CAN NI NANG KHONG STONG DU BYAS LA RTZE MO KHA GCIG PA 'AM, KHA MANG PO PA DGOS PA DU MA'I DBANG LAS BYAS LA, DES NI GRE BA LA SOGS PA BU GA NA GNAS PA'I ZUG RNGU RNAMS DANG, DE NA GNAS PA'I NAD YOD PA DAG BLTA BAR BYA BA'I PHYIR DANG, DE BZHIN DU BYA BA STE, ZUG RNGU DBYUNG BA DANG GTZAGS BU GDAB PA DANG, THAL SMAN DANG ME BTZA' GDAB PA LA SOGS PA'I LAS KYI BYA BA BLA BAR BYA BA'I PHYIR DANG, DE BZHIN DU DGANG BAR BYA BA'I PHYIR BYA STE, DE'I ZHENG STE SBOM DANG, SRID DE DPANGS KYI TSAD NI BU GA'I TSAD LAS, ZHES BYA BA LA, GANG GI BU GA GANG DU BTOD PA DE'I TSAD LAS DPAGS NAS CI RIGS PAR BYA'O, DE YANG ZHES BYA BA LA, LOGS GCIG NAS GCIG TU PHYIN PA'I TSAD LA BYA LA, SBOM NI 'KHYUD PA'I TSAD YONGS SU CHAD PA LA BYA'O, ,SRID NI DPANGS TE, SNGAR BSHAD PA'I CHA SPYAD LAS RING BAR BYA'O, ,SRID DU SOR BCU SBOM SOR LNGA, ,GRE BA'I ZUG RNGU RTOG BYED YIN, ,RTZE MO LNGA PA BU GA CAN, ,RTZE MO BZHI LA SPYI MDUD BYA, ,CHA SPYAD THUR MA GNYIS PA NI, ,BU GA GSUM PA DE'I TSAD BYA, ,CHA SPYAD BYA BA RANG GI DBYIBS, ,SBOM DANG MCHU YI TSAD MNYAM PA'I, ,SBU GU DE 'DRA GZHAN DAG KYANG, ,CHA SPYAD SHES PAR BYED DU GZHUG ,CES BYA BA LA, CHA SPYAD SBU GU CAN BYA'O, ,ZHES BYA BAR SBYAR RO, ,DE'I TSAD DANG SRID DU SOR BCU BYA LA, DE NYID KYIS NA DE'I SBOM GYI TSAD SOR LNGA PAR BYA'O, ,'DIS RTOG CING BLTA BAR BYED PA YIN PAS NA RTOG PAR BYED PA STE, GRE BA'I NANG DU ZUG RNGU BLTA BAR BYA BA'I DON DU BYA'O, ,YANG NA SBU GU GZHAN
, ,RTZE MO LNGA PA'I SBU GU LA YANG DE LTA BU NI RTZE MO BZHI PA'I SPYIR BSDU BAR BYA STE, MDA' LA SOGS PA NANG DU ZHUGS PA BRTAG PA'I PHYIR THUR MA RTZE MO CAN BTOD PA NI THUR MA ZHES BYA'O, ,DE BZHIN DU CHA SPYAD THUR MA RTZE MO GNYIS PA NI SBU GU CAN BU GA GSUM PA CAN BYA STE, DE YANG SNGA MA'I TSAD DU BYA'O, ,CHA SPYAD PA RANG GI DE'I DBYIBS DANG SBOM PA DANG MCHU'I TSAD DANG MNYAM PA'I SBU GU BYA LA, YANG SBU GU DE DANG 'DRA BA NA, STONG PA RTZE MO GNYIS PA DANG, RTZE MO MANG PO YOD PA GZHAN DAG KYANG ZUG RNGU BLTA ZHING BRTAG PAR BYA BA'I PHYIR CHA SPYAD LA MKHAS PA GZHAN DAG BYED DU GZHUG GO, ,RTZE MO PADMA'I SNYING PO 'DRA, ,SRID DU SOR NI BCU GNYIS PA, ,BZHI CHA KHONG STONG BYAS SBU GU, ,ZUG RNGU 'BYIN PA YIN PAR BSHAD, ,CES BYA BA LA, ZUG RNGU 'BYIN PA'I CHA BYAD MI 'GUL BA'I ZUG RNGU DBYUNG BAR BYA BA'I PHYIR, ,RTZE MO MGO BO'I PHYOGS PADMA'I SNYING PO KAR NI KA'I DBYIBS 'DRA ZHING MTSUNGS PA TSAD SRID DU SOR BCU GNYIS YOD PA BZHI CHA KHONG STONG YOD PA STE, SOR GSUM GYI BAR KHONG STONG DU BYAS PA DE NI ZUG RNGU 'BYIN PA YIN PAR 'DOD DO, ,GZHANG 'BRUM CHA SPYAD PA YIN, ,NU SOR 'DRA BA SOR BZHI PA; ,SKYES PA'I SOR LNGAS 'KHYUD PA STE, ,BUD MED SOR DRUG GIS 'KHYUD BYA, ,NAD PA LTA BA LA BU GA GNYIS, ,LAS LA BUG GCIG PA BYA, ,DBUS KYI BU GA SOR GSUM PA, ,MTHE BO SHONG BA TZAM DU BYA, ,DE STENG RTZE MO ZLUM PO NI, ,DNGANGS SU SOR NI PHYED PA BYA; ,ZHES BYA BA LA, GZHANG 'BRUM 'TSOS PA'I CHA SPYAD NI, BA'I NU SOR DANG DBYIBS 'DRA BA BYAS LA, SRID SOR BZHI YOD PA, SKYES PA LA STONG PA'I SBOM SOR LNGAS 'KHYUD PA BYAS LA, BUD MED KYI GZHANG 'BRUM GSO BA'I CHA SPYAD NI SOR DRUG GIS 'KHYUD PA'I SBOM YOD PAR BYA'O; ,NAD BLTA BA NI GZHANG 'BRUM GYI NAD RTOG PA'O, ,BU GA GNYIS NI NGOS GNYI GA LA BU GA YOD PAR BYAS PA'O, ,DE BZHIN DU GZHANG 'BRUM DANG BCAS PA DANG, THAL SMAN RNON PO GTONG BA'I LAS RNAMS KYI CHA SPYAD NI, SNGA MA LTA BU LA BU GA GCIG PAR BYA'O, ,DE LTA NA MNGON DU BLTA BA'I
PHYIR NI BU GA GNYIS PAS BYA, GTZAGS PA DANG, THAL SMAN DANG, ME BTZA' GDAB PAR MI 'GYUR BAR BYA BA'I PHYIR NI BU GA GCIG PAR BYA'O, ,CHA SPYAD 'DI'I DBUS KYI BU GA NI SRID DU SOR GSUM PAR BYA'O, ,MTHE BO'I LTO SHONG BA STE, RGYAR MTHE BO'I LTO DANG ZHENG MNYAM PAR BYA'O; ,YANG BU GA DE'I RTZE 'AM STENG MA NI DBYIBS 'DRA BA LA, DPANGS SOR PHYED YOD PA, SOR TSAD DU BSTAN PA DE'I STENG DU LHAG MA SOR PHYED YOD PAR LTE BAR ZLUM PO SOR PHYED BYA BA'I DON NO, ,KHAR DKROL DE 'DRA'I BU GA MED, ,CHA SPYAD GZHANG 'BRUM BTZIR LA SBYAR, ,ZHES BYA BA LA, KHAR DKROL LTA BU ZHES BYA BA'I CHA SPYAD NI BU GA'I RNAM PA BSHAD MA THAG PA'I GZHANG 'BRUM GYI RNAM PA 'DRA BA LA, BU GA MED PA STE, NGOS GNYIS SU BU GA BTOD PA MED PA'O, ,DE LTA BU'I CHA SPYAD NI GZHANG 'BRUM GYI NAD BTZIR BA'I DON DU BYA'O, ,MCHAN PAR RDOL LA RNAM KUN DU, ,BU GA YAN CHAD BSAL BAR BYA, ,ZHES BYA BA LA, MTSAN PAR RDOL BA'I NAD GSO BA'I CHA SPYAD NI RNAM PA THAMS CAD NAS THAMS CAD DU BU GA YAN CHAD KYI LTE BA DE BSAL ZHING MED PAR BYA STE, CHA SPYAD 'DI LAS NI DBUS MA'I LTE BA MED PAR BYA BA'I DON NO, ,SNA YI SHU BA'I 'BRUM PA LA, ,BU GA GCIG PA SOR GNYIS BYA, ,ZHENG DU MDZUB MO'I TSAD TZAM LA, ,MTSAN PAR RDOL GYI SPYAD 'DAR BYA, ,SOR MO BSRUNG PHYIR BSO 'AM, ,SHING GIS SHU BAS NI SOR BZHI BYA, ,BA YI NU 'DRA BU GA GNYIS, ,DE YI KHA NI DBYE BAR BYA, ,ZHES BYA BA LA, SNA'I NANG GI 'BRUM PA BSAL ZHING GCAD PA'I CHA SPYAD NI, BU GA GCIG PA BYA LA, DPANGS SU SOR GNYIS PA, ZHENG GI TSAD MDZUB MO TZAM LA MTSAN MAR RDOL GYI CHA SPYAD DANG 'DRA BAR DBUS MA'I LTE BA MED PAR BYA'O, ,DE STONG PAR BYED PA NA SMAN PA'I SOR MO BSKUM ZHING GNOD PA MED PAR BYA BA'I PHYIR BA SO LAS BYAS PA'AM, SHING LAS BYAS PA'I SHUBS DPANGS SU SOR BZHI YOD PA, BU GA GNYIS PA YOD PAR BYAS LA, CHA SPYAD DE'I RNAM PA NI BA'I NU MA 'DRA BAR BYA'O, ,YANG CHA SPYAD DE'I KHA BYE ZHING GYES PAR BYAS LA, MKHRIG MAR SRANG
, ,BUS DAM DU BCING BAR BYA'O, ,MO MTSAN RMA BRTAG DBUS SU NI, ,KHONG STONG SOR NI BCU DRUG PA, ,PHYOGS BZHIR GDU BUS BCING BAR BYA, ,RTZE MO PADMA KHA ZLUM 'DRA, ,THUR MA BZHI NI MNAN PA YI, ,RTZA BA BSDAMS NA KHA DBYE BYA, ,ZHES BYA BA LA, MO MTSAN NAM MNGAL DU RMA BYUNG BA BRTAG CING BLTA BA'I CHA SPYAD NI DBUS KHONG STONG DU BYAS PA SRID SOR BCU DRUG YOD PAR GDU BU 'DRA BA'I KHYUD KYIS BCINGS PA'I PHYOGS BZHIR THUR MA BZHI YOD PAR BYA ZHING, SBRUL PA'I 'DRA BAS BCINGS PA DANG, DE BZHIN DU PADMA KHA ZLUM PA'AM MA PHYE BA 'DRA BA'I RTZE MO YOD PA THUR MA BZHI YOD PA'I LAG PAS GZUNG BA'I PHYOGS SU BSDAMS SHING BTZIR NA KHA 'BYE ZHING GYES PAR 'GYUR BAR BYA'O, CHA SPYAD 'JAM RTZI'I SBU BAS 'DRA LA, ,RTZA BA MTHEB SHONG RTZE SRAN SHONG, ,RTZE MO GAG PA MED PA LA, ,RTZA BAR PAGS 'JAM RKYAL BU BCING, ,RMA YI PHU GA NI 'CHAS PA DANG, ,RMA BKRU BA LA SBYAR BAR BYA, ,ZHES BYA BA LA, CHA SPYAD SRID DU SOR DRUG YOD PA GNYIS BYA STE, BU GA CAN GYI RTZA BSKU BA'I PHYIR DANG, BKRU BA'I PHYIR DGOS SO, ,JI LTA BU ZHE NA, 'JAM RTZI'I SBU GU 'DRA BA STE, 'JAM RTZI'I SBU GU DANG CHA 'DRA ZHING MTSUNGS PA GANG YIN PA DE NI, 'JAM RTZI'I SBU GU 'DRA BA'O, ,DE'I BU GA NI RTZA BA MTHE BO SHONG BA TZAM LA RTZE MO SRAN MA SHONG BA TZAM RTZE MO'I CHA LA GAG PA MED PA BYAS LA, RTZA BA'I GNAS SU PAGS PA 'JAM PO'I RKYAL BU SNUM DANG 'KHRUD PA'I SMAN GYI SNOD KYI RKYAL BU BCINGS PA DE LTA BU'I CHA SPYAD DAG GIS RMA'I PHUG 'CHAS PA DANG, RMA BKRU BA LA SBYAR ZHING DPYAD DU BYA'O, ,'OD MA'I SBU GU'AM SGRO RTZA NI, ,'DRA BA KHA GNYIS DMU RDZING SPYAD, ,CES BYA BA LA, DMU RDZING GI NAD GSO BA'I SBU GU BA GNYIS PA 'OD MA LA SOGS PA LAS BYA BA 'AM, SGRO RTZA STE RMA BYA LA SOGS PA'I SGRO'I RTZA BA LAS SBU GU CHU GZAGS PA'I DON DU KHA GNYIS PA BYA'O, ,DUD PA MAS GTONG LA SOGS SPYAD, ,RANG RANG GI NI SKABS SU SMRAS, ,ZHES BYA BA LA, DUD PA GTANG BA'I CHA SPYAD NI, ,SMAN GYI DUD PA SNA NAS BRNGUB PA'I SKABS SU BSHAD PA YIN LA, 'JAM
RTZI'I CHA SPYAD NI MAS GTONG BA'I SKABS SU BSHAD PA YIN NO, ,STZOGS PA NI MTSAN MA LA SOGS PAR BSHAD DE, CHA SPYAD DE DAG RANG RANG GI LE'U BSHAD PA'I SKABS SU SMRAS ZIN PA DE LAS SHES PAR BYA'O, ,RNGABS RVA KHA ZHENG SOR GSUM PA, ,DPANGS SU SOR BRGYAD PA'AM BCU, ,RTZE MO'I BU GA YUNGS KAR SHONG, ,LEGS BKAB NU SOR DBYIBS 'DRA BYA, ,ZHES BYA BA LA, RNGABS RVA'I TSAD NI KHA ZHENG DU SOR GSUM PA STE, SOR MO GSUM GSHIBS PA'O, ,DE YANG NU ZHO'I NAD LA SOGS PA GZHIB PA'I PHYIR BYA STE, DE'I DPANGS KYI TSAD NI SOR BRGYAD PA 'AM, SOR BCU PA BYAS LA, RTZE MO STE RVA'I RTZE PHYOGS KYI BU GA NI YUNGS KAR SHONG BA TZAM DU BYA LA, DE BZHIN DU GNAS DE LEGS PAR G-YOGS PA STE, PAGS PA SRAB MO LA SOGS PAS KHA BKAG CING G-YOGS PA'O, ,DE BZHIN DU DBYIBS NI NU SOR GYI TSUL DU BYIN GYIS PHRA BAR BYA'O, ,KU BA SRID DU SOR BCU GNYIS, ,KHYUNG KHOR SOR NI BCO BRGYAD PA, ,KHA ZLUM SOR NI GSUM MAM BZHI, ,NANG 'BAR BAD KAN KHRAG 'DREN BYED, ,CES BYA BA LA, KU BA NI SRID DAM DPANGS SU SOR BCU GNYIS YOD PA LA, KHYUD 'KHOR GYI KHA ZHENG ZLUM POR BSKOR BA NI SOR BCO BRGYAD KYIS 'KHOR BAR BYA LA, DE BZHIN DU BDE PHYOGS KYI KHA NI ZLUM PO LA SOR GSUM MAM BZHI BA BYA STE, DE LTAR NA KHA ZLUM PO LA SOR GSUM PA 'AM SOR BZHI PA ZLUM PO KHA PHYOGS SU BYA BA DANG, DE BZHIN DU NANG NA 'BAR BA STE, DE'I NANG DU GRO GA 'AM 'JAG MA 'AM, RTZA BAL BA DZA 'AM, RAS BAL 'BAR BA BCUG PA GLAN PA BCUG PA NI BAD KAN 'KHRUGS PA'AM, KHRAG NAD CAN 'DREN CING 'BYIN PAR BYED PA YIN PAS NA, DE'I PHYIR BAD KAN 'DREN BYED CES BYA'O, ,DE BZHIN BUM PA DE 'DRA BA, ,GLAN PAS SKRAN YANG 'JU BAR BYED, ,CES BYA BA LA, BUM PAS SNGAGS 'DEBS PA YANG KU BA DANG 'DRA BAR BYA BA STE, SRID SOR BCU GNYIS LA, KHYUD 'KHOR SOR BRGYAD PA KHA ZLUM ZHING, SOR GSUM PA 'AM SOR BZHI YOD PA NANG NA GRO GA 'AM, RTZA 'JAG GAM SOG MA'I ME 'BAR BA DANG BCAS PA DE GLAN PA NI, SKRAN 'JU BAR BYED CING 'BRI
, ,BAR BYED PA YIN NO, ,YANG ZHES BYA BA'I SGRAS NI SNGAR BSHAD PA'I KU BA DANG 'DRA BAS BAD KAN DANG KHRAG 'DREN PAR BYED DO ZHES BYA BA'I DON NO, ,THUR MA ZHES BYA'I CHA SPYAD NI, ,LAS DANG DBYIBS NI SNA TSOGS PA, ,CI RIGS PA YI TSAD LDAN BYA, ,ZHES BYA BA LA, CHA SPYAD KYI RNAM PA THUR MA ZHES BYA BA NI LAS SNA TSOGS BYED PA DANG, DE BZHIN DU DBYIBS KYI KHYAD PAR RING THUNG LA SOGS PA SNA TSOGS PAR GNAS PA NI CI RIGS PA'I TSAD DANG LDAN PAR BYA STE, SBOM DANG RING THUNG GANG DU GTONG BA DE YANG 'TSAM PAR BYA'O, ,DE LA RMA TSOL LAS LA GNYIS, , SRIN BU GAN DU PA TA'I DBYIBS, ,ZHES BYA BA LA, THUR MA'I CHA SPYAD DE RNAMS KYI NANG NAS THUR MA GNYIS PO SRIN BU GAN DU PA TA'I DBYIBS LTAR 'DUG PA GNYIS NI, RMA TSOL GYI LAS LA SBYAR BAR BYA STE, RMA DANG BU GA'I GTING BTZAL ZHING BRTAG PA LA SBYAR RO, ,SRIN BU GAN DU PA TA ZHES BYA BA NI, CHAR 'BAB PA'I RJES THOGS LA SRIN BU DMAR PO RING PO THUR MA PHRA MO LTA BU ZHIG 'BYUNG BA LA BYA STE, MING GI RNAM GRANGS GZHAN DU MI TA LA ZHES BYA'O, ,BU GA'I NANG GI ZUG RNGU 'BYIN, ,KHA NI SRAN CHUNG PHYE 'DRA GNYIS, ,SOR BRGYAD PA DANG DGU PA'I TSAD, ,CES BYA BA LA; YANG DE BZHIN DU THUR MA'I CHA SPYAD GNYIS PO KHA SRAN CHUNG PHYE BA 'DRA BA STE, RTZE MO SRAN CHUNG BKAS PA 'DRA BAR GYUR PAR BYA LA, DE YANG GRE BA LA SOGS PA BU GA'I NANG GI ZUG RNGU DBYUNG ZHING 'BYIN PA'I DON DU SBYAR RO, ,TSAD NI SOR BRGYAD PA DANG DGU PA BYA STE, DE LA GCIG GI TSAD NI SRID SOR BRGYAD YOD PAR BYA LA, GNYIS PA'I TSAD NI SOR DGU PAR BYA'O, ,THUR MA DRUG STE DE LAS GNYIS, ,SOR NI BCU DRUG BCU GNYIS PA, ,THAL SMAN GTONG BA SBRUL KHA 'DRA, ,GNYIS PO BCU GNYIS SOR BCU PA, ,ZHES BYA BA LA, YANG PHUR PA 'DRA BA'I THUR MA DRUG BYA'O ZHES BYA BA NI TSIG GI LHAG MA'O, ,DE LAS GNYIS NI TSAD SOR BCU DRUG PA DANG BCU GNYIS PAR BYA'O, ,DE YANG THAL SMAN LA SOGS PA GTONG ZHING BSKU BA LA NI SBRUL GYI KHA 'DRA BAR BYA BA STE, GNYI GA YANG SBRUL GYI KHA 'DRA BA'I DBYIBS BYAS PA DE'I TSAD NI, GCIG NI BCU
GNYIS PA BYA LA, GCIG NI BCU PA BYA BA'O, ,BSKUL SPYAD KHA NI MDA' LTONG 'DRA, ,'BYIN PA'I CHA SPYAD LCAGS KYU'I DBYIBS, ,ZHES BYA BA LA, THUR MA DE LA ZUG RNGU BSKUL BA'I CHA SPYAD KYI KHA NI, YANG MDA'I LTONG 'DRA BAR BYA LA, YANG PHUR BA 'DRA BA'I THUR MA'I ZUG RNGU 'BYIN PA'I DON DU CHA SPYAD LCAGS KYU'I DBYIBS LTAR RTZE MO CUNG ZAD GUG PAR BYA'O, ,THUR MA RTZE MO GUG PA NI, MNGAL GYI PHUR PA ZHES BYA STE, ,SRID DU SOR BRGYAD BYAS PA DES, ,BUD MED MNGAL DU BU SHI DBYUNG, ,ZHES BYA BA LA, THUR MA PHUR PA LTA BU RTZE MO SGU BOR GUG PA NI, MING MNGAL GYI PHUR PA ZHES BYA STE; DE YANG TSAD SRID DU SOR BRGYAD PA BYAS LA, MNGAL GYI PHUR PA DES BUD MED MNGAL DU BU SHI BA'I RO, ,RDO DANG BONG BA LTA BU DE SBRUM MA'I LUS LAS DBYUNG ZHING GDON PAR BYA'O, ,RDE'U 'BYIN CHA SPYAD SBRUL MGO YI, ,GDENGS KA 'DRA LA RTZE GUG PA'O, ,ZHES BYA BA LA, CHU SO'I NAD RDE'U 'BYIN PA'I CHA SPYAD NI SBRUL MGO LTA BU STE, RTZE MO SBRUL MGO'I YA THOD 'DRA BA LA RTZE MO GUG PA BYA'O, ,MDA' LTONG 'DRA BAR SOR BZHI PA, ,SO DBYUNG BA LA SBYAR BAR BYA, ,ZHES BYA BA LA, CHA SPYAD DBYIBS MDA' LTONG 'DRA BAR BYAS PA DE YANG SOR BZHI PA MTHA' MA SBOM ZHING ZLUM PA BYA STE, DE NI SO DBYUNG BA LA SBYAR BAR BYA'O, ,RTZE MO RAS BAL GYIS DKRIS PA'I, ,PHYI BSAL THUR MA DRUG BYA'O, ,ZHES BYA BA LA, THUR MA DRUG BYAS LA, DE THAMS CAD KYI RTZE MO'I CHA RAS BAL GYIS DKRIS SHING G-YOGS PA BYAS LA, DES RMA RNAGS PA DANG THAL SMAN LA SOGS PA SBYANG BA'I BYA BA BYA'O, , GZHANG GI NYE RING NANG LA GNYIS, ,SOR BCU PA DANG BCU GNYIS PA, ,ZHES BYA BA LA, THUR MA SOR BCU PA DANG BCU GNYIS BYAS LA, DE NI GZHANG GI NANG PHYI BA LA SBYAR BAR BYA'O, ,SNA YI SOR DRUG BDUN PA GNYIS, ,RNA BA'I SOR BRGYAD DGU PA GNYIS, ,ZHES BYA BA LA, ,YANG THUR MA SOR DRUG PA DANG, BDUN PA GNYIS BYAS LA, DE NI SNA DANG KHA'I NAD KYI LJAN LJIN NYE BA DANG RING BA NA YOD PA PHYI BA'I DON DU BYA'O, ,YANG DE BZHIN DU THUR MA SOR BRGYAD PA DANG, ,DGU PA GNYIS BYAS LA, RNA BA'I RMA DANG 'TSAM PA DES THAL SMAN LA SOGS PA PHYI BA DANG, BYUG PA BYA LA,
, ,DE YANG NYE BA DANG RING BAR GNAS PA'I BYE BRAG GNYIS BYA BA YIN TE, DE LTAR NA THUR MA DRUG PA'I DBYE BA SMRAS PA YIN NO, ,RNA BA BSAL LA AA SHVAD THA'I, ,RTZE 'AM BLUGS GZAR KHA 'DRA BYA, ,ZHES BYA BA LA, RNA BA BSAL ZHING SBYANG BA'I CHA SPYAD NI RTZE MO SHING AA SHVAD THA'I LO MA 'DRA BA'AM, DE BZHIN DU RTZE MO BLUGS GZAR GYI KHA DANG 'DRA BAR BYA'O, ,THUR MA 'DZAM BU'I THOR TO 'DRA, ,THAL SMAN ME BTZA' SO SOR GSUM, ,RIM GYIS PHRA SBOM SBYAR BAR BYA, ,ZHES BYA BA LA, THUR MA SHING 'DZAM BU'I THOR TO 'DRA BAR, SOR GSUM GSUM BYA STE, DE LTAR NA THAL SMAN RNON PO'I THUR MA 'DZAM BU'I MCHU 'DRA BA'I RTZE MO CAN GSUM BYA LA, DE BZHIN DU ME BTZA'I LAS LA YANG GSUM PO STE, DE DAG PHRA BA DANG, SBOM PA'I DBYE BAS SBYAR BAR BYA'O, ,RGYU MA'I LAS LA THUR MA NI, ,'KHAR BA 'DRA ZHING DBUS ZLUM PA, ,RTZA BA ZLA BA PHYED 'DRA BYA, ,ZHES BYA BA LA, RGYU MA'I GNAS SU GTONG BA'I THUR MA NI, RGYU MA'I NAD KYI KHYAD PAR LA SBYAR BAR BYA STE, RTZA BA'I PHYOGS ZLA BA PHYED PA DANG 'DRA BAR SNUM BAG TU 'DUG PA LA DBUS SU ZLUM PA RTZE MO THUR MAR BYAS SHING ZLUM PA SBYAR BAR BYA'O, ,RGYA SHUG TSI GU BKAS 'DRA BA, ,SNA YI THOR TO 'BRUM SREG BYED, ,CES BYA BA LA, THUR MA RTZE MO RGYA SHUG GI RTZE MO BKAS PA 'DRA BA NI, SNA'I NANG DU THOR BU DANG 'BRUM BU SREG PA YIN NO, ,SOR BRGYAD PA LA RTZE MO LJON, ,GSUM PA THAL SMAN SMAN RIM LA, ,MTHE'U CHUNG GUNG MO SRIN LAG GI, ,SEN MO LTA BU'I SO BYAS PA'O, ,ZHES BYA BA LA, THUR MA GSUM SRID DU SOR BRGYAD YOD PA RTZE MO LJON SHING GZAR BU 'DRA BA BYAS PA NI THAL SMAN GYI LAS TE THAL SMAN KSHA RA SBYAR BA DANG, SMAN GYI RIM PA STE, DUG LA SOGS PA BSKU BA LA MTHE'U CHUNG DANG, GUNG MO DANG SRIN LAG GI SEN MO LTA BU'I DBYIBS PA'I SO 'AM RTZE MO BYA'O, ,PHO MTSAN SBYANG DANG MIG SMAN SOGS, ,CHA SPYAD RANG RANG LE'UR BSHAD, ,CES BYA BA LA, PHO MTSAN SBYANG BA LA SOGS CHA SPYAD NI RANG RANG GI LE'UR SNGAR BSHAD ZIN PA YIN NO, ,NYE BA'I CHA SPYAD KHAB LONG DANG, ,THAG PA RAS DANG
THO BA DANG, 'BRENG BU RGYU MA LCE RTA RNGA, ,YAL GA SEN MO KHA SO DANG, ,DUS DANG SMIN DANG LAG RKANG DANG, ,'JIGS DANG DGA' BA DE'I BYA BA'I, ,BYE BRAG THABS NI SHES PA'O, ,MKHAS PAS BLO YIS DPYAD PAR BYA, ,ZHES BYA BA LA, CHA SPYAD DANG 'DRA ZHING DE'I BYA BA RDZOGS PAR BYED NUS PA, RDO KHAB LEN LA SOGS PA NYE BA'I CHA SPYAD CES BYA'O, ,KHAB LEN NI NOR BU'I BYE BRAG GO, ,THAG PA NI MUNYDZA LA SOGS PA LAS BYAS PA'O, ,GOS NI RAS KYI RNAM PA'O, ,THO BA NI SHING LAS BYAS PA'I SBOM PO 'AM THUNG BA'O, ,'BRENG BU NI PAGS PA LAS BYAS PA'O, ,RGYU MA DANG LCE NI DNGOS SU ZAD DO, ,RTA RNGA NI RTA'I RNGA MA 'AM RNGOG MA'O, ,YAL GA NI SHING GI'O, ,DUS NI SKAD CIG MA LA SOGS PA NYE BAR MTSON PA'O, ,SMIN PA NI TSOS PA'O, ,DGA' BA NI SEMS RANGS PA STE, ,DBYE BA NI DE'I LAS LA NYE BAR SBYOR BA YIN LA; BYA BA'I THABS DES CHA SPYAD KYI LAS RDZOGS PAR BYED PA'I THABS SHES SHING SBYOR BA'I BYE BRAG LA MKHAS PA'I SMAN PAS CHA SPYAD GANG LA 'OS PA DE LA SBYAR BAR BYA ZHING, DES BLOS LEGS PAR BRTAGS SHING DPYAD LA SBYAR BA'O, ,DE YANG SLOB DPON GYIS BSDUS PA LAS, 'DI DAG LUS NI THAMS CAD DAM, ,LUS KYI YAN LAG BSKYOD DANG 'GYUR BA DANG, ,TSIGS DANG NANG GROL RTZA BO CHE, ,CI RIGS PAR NI SBYAR BAR BYA, ,ZHES BYA BA YIN NO, ,CHA SPYAD BRDUNG BSRUB DGANG DANG RGYUN SRANG DAG BYA DANG, ,THAL SMAN GDAB DANG MTSON DBYUNG BCING DANG BTZIR BA DANG, ,GZHIB DANG SMAD DANG BSTOD [?] DANG BSKYOD DANG BCAG PA DANG, ,BZLOG DANG DRANG POR BYA BA CHA SPYAD LAS RNAMS YIN, ,ZHES BYA BA LA, BRDUNG BA LA SOGS PA NI CHA SPYAD KYI LAS YIN TE, BRDUNG BA NI BSNUN CING BRDEG PA'O, ,BSRUB PA NI MDAS BTZUGS SHING DKRUGS PAS BSRUB PA ZHES BYA'O, , DGANG BA NI 'DIS DGANG BAR BYAS PA'O, ,RGYUN SRANG DAG PAR BYA BA NI BU GA RNAMS DANG GRE BA LA SOGS PA'I SBUBS RNAMS MA DAG PA DAG PAR BYED CING BRDEG PA'O, ,GDAB PA NI THAL SMAN RNON PO LA SOGS PA BSKU BA'I KHYAD PAR RO, ,MTSON DBYUNG BA NI ZUG RNGU LA SOGS PA
, ,'BYIN CING 'DREN PA'O, ,BCING BA NI CHAG GRUGS LA SOGS PA 'DIS SDOM PAR BYED PA'O, ,BTZIR BA NI 'DIS RNAG LA SOGS PA 'BYIN PAR BYED PA'O, ,GZHIB PA NI CHA SPYAD GANG GIS KHRAG DANG CHU SER LA SOGS PA BRNGUB PA'O, ,SMAD PA NI CHA SPYAD GANG GIS YAN LAG LA SOGS PA'I PHYOGS SMOD PA'O, ,BSTOD PA NI CHA SPYAD GANG GIS 'DEBS SHING MTHO BAR BYED PA'O, ,BSKYOD PA NI G-YO BAR BYED PA STE, MI 'GUL BA G-YO ZHING 'GUL BAR BYED PA'O, ,BCAG BA NI DNGOS PO GCIG DU MAR BYED PA'O, ,BZLOG PA NI CHA SPYAD GANG GIS GZHAN DU BZLOG CING BSGYUR BA'O, ,DRANG POR BYA BA NI YON POR GNAS PA'I DNGOS PO BSAL ZHING RNAL DU GNAS PAR BYED PA'O, ,DE LTAR NA BRDUNG BA LA SOGS PAR BSTAN PA GANG YIN PA DE DAG NI MDOR NA, CHA SPYAD KYI LAS RNAMS YIN PAR SHES PAR BYA STE, LEGS PAR ZUG CING 'BYIN PAR BYED PA DANG, ,GZUNG BYA BLANGS NAS 'BYIN PAR BYED PHYIR DANG, YAN LAG KUN LA GNOD PA MED PAS NA, ,CHA SPYAD KUN GYI MCHOG NI KANG KA'I MCHU, ,ZHES BYA BA LA, GONG DU SMOS PA NI CHA SPYAD THAMS CAD KYI NANG NA, KANG KA'I MCHU LTA BU'I CHA SPYAD NI, GTZO BO YIN TE, CI'I PHYIR ZHE NA, DE LEGS PAR ZUG CING KUN DU BSKOR DU 'DOD PA DANG, DE BZHIN DU GZUNG BAR BYA BA'I ZUG RNGU BDE BLAG TU ZIN CING BLANGS NAS KYANG ZUG RNGU 'BYIN CING 'DON PAR BYED PA'I PHYIR DANG, ZUG TU DBYUNG BAR BYA BA'I LUS KYI YAN LAG KUN LA GNOD PA MED CING LAS DE BDE BLAG TU SGRUB PAR BYED PA YIN PAS NA, DE'I PHYIR CHA SPYAD THAMS CAD KYI MCHOG NI KANG KA'I MCHU LTA BU YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA, TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, ,LE'U NYI SHU RTZA LNGA PA'I RNAM PAR 'GREL PA'O,, ,,DE NAS GTAR SPYAD KYI LE'U BSHAD PAR BYA'O, ,ZHES BYA BA LA, 'DI BRTZAMS PA'I DGOS PA NI 'DI YIN TE, CHA SPYAD PHAL CHER NI LCAGS LAS BYED PA YIN LA,
'DI PHAL CHER LCAGS LAS BYED PA'AM, LAS KYI RNAM PA RIS MTHUN PA'I PHYIR TE, DE'I 'OG TU 'DI BRTZAMS PA YIN NO, ,MGAR BA MKHAS BAS CHO GA BZHIN, ,BRDUNGS PA'I GTAR SPYAD NYI SHU DRUG ,SPU NI CHOD PAR NUS PA DAG, ,PHAL CHER SOR NI DRUG PA BYA, ,GZUGS LEGS SO NI LEGS PA DANG, ,GZUNG BAR BDE BA NYID DU BYA, ,YA YO MED CING 'THAR LEGS PA, ,SHING TU RNO BA'I LCAGS LAS BYAS, ,RTZE MO SHIN TU LEGS BRDUNGS PA, ,AUTPAL SNGON PO'I MDOG 'DRA BA, ,RANG MING RJES SU MTHUN GZUGS NI, ,RTAG TU NYE BAR GZHAG PAR BYA, , RTZE MO RE RE DAG LA YANG, ,RANG TSOD SOR PHYED GNYIS DANG BZHI, ,PHAL CHER GNYIS DANG GSUM DU BYA, ,DE GNAS KHYAD PAR DAG LA SBYAR, ,ZHES BYA BA LA, GTZAGS BU NYI SHU RTZA DRUG BYA BA YIN LA, DE YANG GANG GIS BYA ZHE NA, MGAR BA MKHAS PAS, ZHES BYA BA STE, BYA BA LA MKHAS SHING BYANG BAR GYUR PA'I LCAGS MGAR GYIS BRDUNGS SHING RDZOGS PAR BYA'O, ,CI LTAR BYA ZHE NA, CHO GA BZHIN TE, TSAD LA SOGS PA'I RNAM PA JI SKAD BSHAD PA BZHIN DU BRDUNG BA'O, ,RNO TSAD JI TZAM ZHE NA, SPU NI CHOD PAR NUS PA DAG ,CES BYA BA STE, GANG GIS SPU CHOD PA'I LAS BYED NUS PA TZAM DU BYA BA'O, ,TSAD CI TZAM DU BYA ZHE NA, PHAL CHER ZHES PA MANG DU SRID SOR DRUG PHAR BYAS PA DANG, GZUGS LEGS SHING JI SKAD BSHAD PA'I RNAM PAR DBYIBS DANG LDAN PA DANG, DE BZHIN DU SO LEGS PA STE, RNO ZHING SNYOMS PA DANG, DE BZHIN DU GZUNG BAR BYA BA BDE BA NYID DE BZUNG BA'I PHYOGS BDE BLAG TU GZUNG BAR BYA BA DANG, DE BZHIN DU YA YO MED PA STE, SO SNYOMS SHING RNGA RNGO MED PA DANG, DE BZHIN 'THAR LEGS SHING BRDUNG BA ZHAG PA DANG, SHIN TU RNO BA'I LCAGS LAS BYAS PA GANG YIN PA DE LAS BRDUNGS PA DANG, DE BZHIN DU RTZE MO SHIN TU LEGS PAR BRDUNGS PA STE, LCAGS LEGS PAR BSKOL BA THO BAS MA GAS PAR BRDUNG ZHING KHYAD PAR DU RTZE MO'I GNAS BRDUNG ZHAG PAR BYAS PA DANG, DE BZHIN DU AUTPAL SNGON PO'I MDOG 'DRA ZHING 'JAM PA DANG, DE BZHIN DU RANG GI MING DANG RJES SU MTHUN PA'I GZUGS
, ,SAM; DBYIBS YOD PA GTZAGS BU'I KHA 'BRAS 'DRA BAR BYAS PA LA NI, GTZAGS BU 'BRAS KYI KHA 'AM, 'BRAS KYI RTZE MO ZHES BTAGS PA LTA BA LA SOGS PA'O, ,DE BZHIN DU RTAG TU STE, DUS THAMS CAD DU CHA SPYAD DANG GTZAGS BU DE DAG NYE BAR GZHAG PAR BYA ZHING STA GON DU BYA BA DANG, DE BZHIN DU RANG GI TSAD DE, GTZAGS BU DE'I SRID KYI TSAD LAS RTZE MO 'AM, KHA CHA PHYED KYI TSAD DANG, LA LA BZHI TSAD DU BYA BA DANG, DE DAG KYANG PHAL CHER GRANGS GNYIS DANG GSUM DU BYA BA LA YANG GTZAGS BU DE DAG GNAS KYI KHYAD PAR DANG, NAD KYI KHYAD PAR LA SBYAR BAR BYA'O, ,DE LAS DKYIL 'KHOR 'DRA BA'I RTZE, ,MDZUB SEN NANG GI DBYIBS 'DRAR BYA, ,DE NI RNYIL SKYES LKOG MA YI, ,SHA LHAG LA SOGS BZHAR BCAD SBYAR, ,ZHES BYA BA LA, GTZAGS BU DE RNAMS KYI NANG NAS GTZAGS BU DKYIL 'KHOR 'DRA ZHES BYA BA'I RTZE MO KHA'I DBYIBS MDZUB MO'I NANG GI DBYIBS DANG 'DRA BAR BYA BA LA, DE NI RNYIL GYI LHAG MA SKYES PA LA SOGS PA PHYI ZHING BZHAR BA DANG, SHA LHAG BCAD PA LA SBYAR BAR BYA'O, ,'PHEL GTZAGS SPU GRI'I DBYIBS LTA BU, ,GCOD DANG DRAL DANG 'BYIN LA SBYAR, ,RTZE DRANG SKRANGS NAD MTHO BA DANG, ,ZAB PA LA SBYAR DE LAS GZHAN, ,LTAG PA RING ZHING RTZE GUG PA, ,SO THUNG NAD TSUL JI BZHIN SBYAR, ,ZHES BYA BA LA, GTZAGS BU 'PHEL GTZAGS ZHES BYA BA'I GZUGS NI SPU GRI'I DBYIBS LTA BU STE, DE NI GCOD PA STE GSHAGS PA DANG 'BYIN PA STE RMEN BU DANG, ,THOR BU LA SOGS PA GDON PA LA SBYAR RO, ,DE LAS KYANG RTZE MO DRANG PO STE SO'I GNAS DRANG POR 'DUG PA NI, SKRANGS NAD MTHON POR 'DUG PA DANG, RNGAMS STUG CING ZAB BA LA SBYAR RO, ,RTZE MO DRANG PO DE LAS GZHAN PA STE, DE DANG MI MTHUN PA LTAG PA'AM, RGYAB RING ZHING RTZE MO GUG PA SO 'AM KHA ZHENG THUNG BA DAG NI NAD KYI TSUL JI LTA BA BZHIN BYA ZHING, LUS KYI GNAS KYI DBANG LAS MTSON LA SKRANGS PA HA CANG MTHO BA YANG MA YIN LA, HA CANG ZAB CING DMA' BA YANG MA YIN PA MNYAM POR GNAS PA LA SBYAR BAR BYA'O, ,AUTPA LA DANG
SO PHYED KYIS, ,DRAL DANG DE BZHIN GCAD PAR BYA, ,ZHES BYA BA LA, AUTPA LA'I 'DAB MA 'DRA BA DANG, SO PHYED LHAG TZAM YOD PA'I GTZAGS BU GNYIS NI, DRAL BA STE GSHAGS PA DANG, GCAD PA STE DUM BUR DBYE BA LA SBYAR BAR BYA'O, ,SBRUL KHA RTZE SOR PHYED RNA BA, , SNA YI THOR BU BCAD LA SBYAR, ,ZHES BYA BA LA, GTZAGS BU SBRUL GYI KHA ZHES BYA BA RTZE MO STE GTZAGS BU'I 'BRAS BU'I PHYOGS TSAD SOR PHYED YOD PA DE NI SNA DANG RNA BA LA THOR BU 'AM, 'BRUM CHEN BYUNG BA GCAD PA LA SBYAR BAR BYA'O, ,RMA TSOL 'JAM PO RTA BLA BA'I, ,MGO BO 'DRA GZHAL BRTAG PAR BYA, ,ZHES BYA BA LA, RMA'I LAM KUN TSOL ZHING RTOG PAR BYED PA GANG YIN PA DE LA NI RMA TSOL ZHES BYA LA, DES NI THAG RING POR SONG BA'I RMA'I PHUG DANG, SBUBS TSOL BA'I SKABS SU SBYAR BAR BYA'O, ,DE YANG 'JAM RTZI RTZUB BAG MED PA DANG SRIN BU RTA BLA BA ZHES BYA BA GAN DU PA TA'I MGO BO 'DRA BA DAG GIS GZHAL ZHING BRTAG PAR BYA'O, ,DE LAS GZHAN PA KHAB RTZE 'DRA, ,RTZE BUG CAN NI DBUG LA SBYAR, ,ZHES BYA BA LA, SNGA MA DE LAS GZHAN PA'I RMA TSOL GNYIS PA KHAB KYI RTZE MO 'DRA ZHING, RTZE MO RNO BA BU GA'AM MIG YOD PA DAG NI DBUG CING BRTOL BA LA SBYAR BAR BYA'O, ,LJANG PA'I LO 'DRA 'BIGS LA SBYAR, ,ZHES BYA BA LA, LJANG PA'I LO MA DANG DBYIBS 'DRA BA'I GTZUGS BU NI 'BIGS PA LA STE, RTZA DBUG PA'I LAS BYA'O, ,SHA RI'I MCHU 'DRA MDA' BUG NI, ,KHA 'DRA RTZE GSUM KHRAG GZAGS LA, ,ZHES BYA BA LA, GTZAGS BU BYA SHA RI KA'I MCHU 'DRA BA DANG, MDA' BUG NI KHA 'DRA BA DANG, RTZE GSUM PA 'AM, PIR KHA BSDUS PA 'DRA BA NI KHRAG GZAGS 'BYIN PAS GSO BAR BYA BA'I NAD LA SBYAR RO, ,'JAG RTZE AA TA'I MCHU 'DRA BA, , 'BRAS BU SOR GNYIS KHRAG 'BYIN LA, ,ZHES BYA BA LA, GTZAGS BU 'JAG MA'I RTZE MO 'DRA BA DANG, AA TA'I MCHU 'DRA BA GNYIS BYA BA LA, DES KHRAG GZAGS PA'I NAD LA SBYAR LA, GNYIS PA DE DAG LA 'BRAS BU'AM, RTZE MO NI SOR GNYIS KYI TSAD DU BYA'O, ,
, ,DE 'DRA'I SO NI NANG DU BLTA, ,GTZAGS 'BRAS ZLA BA KHAM PA 'DRA, ,SOR NI PHYED DANG GNYIS YOD BYA, ,ZHES BYA BA LA, DE GNYIS DANG DBYIBS 'DRA BAS NA DE 'DRA STE, KHYAD PAR NI SO NANG DU BLTA BA DAG TU KHRAG GZAGS PA LA SNGA MA BZHIN DU SBYAR BAR BYA LA, GTZAGS BU KHA NANG DU BLTAS PA DE'I GTZAGS 'BRAS KHA NI ZLA BA KHAM PA STE, ZLA BA PHYED PA 'DRA ZHING KHA ZHENG SOR PHYED DANG GNYIS PAR BYA'O, ,RTZE MO 'BRAS DANG 'DRA BA LA, ,SOR NI PHYED DANG GNYIS YOD DAG ,DE NI RTZA LTO'I NAD LA SBYAR, ,ZHES BYA BA LA, RTZE MO STE GTZAGS 'BRAS PHYOGS 'DRA BA DE BZHIN DU TSAD SOR PHYED DANG GNYIS YOD PA DE NI RTZA DBUG PA DANG LTO BA'I NAD LA SBYAR BAR BYA'O, ,STA RE'I DPANGS 'DRA BA LANG SO, ,'DRA BA'I GTZAGS 'BRAS SOR PHYED PA, ,DE YI YU BA GYEN BSTAN LA, ,RUS PA'I STENG GNAS RTZA LA GDAB, ,CES BYA BA LA, DPANGS DANG SRID STA RE YU BA CAN 'DRA ZHING GTZAGS BU'I RTZE MO 'AM, KHA SOR PHYED YOD PA'I GTZAGS BU DES RUS PA'I STENG NA GNAS PA'I RTZA LA GDAB CING DBUG PAR BYA'O, ,CI LTA ZHE NA, 'DEBS PA'I TSE YU BA GYEN DU BSTAN LA RTZA DBUG PAR BYA'O, ,ZANGS MA'I THUR MA RTZE GNYIS PA, ,RTZE MO ME TOG KHA 'BUS 'DRA, ,DE YIS MTHONG NYAMS MIG SPRIS DBUG ,CES BYA BA LA, MTHONG BA NYAMS PA'I MI GNAD SPRIS YOD PA DE DBUG CING BSAL BAR BYA BA'I PHYIR, ZANGS LAS BYAS PA'I THUR MA RTZE MO GNYIS BA STE, YA TOG MA TOG GNYIS KA RTZE MO YOD PA RTZE MO ME TOG KHA 'BUS PA 'DRA BAR BYA STE, DES MTHONG BA NYAMS SHING SGRIB PA MED PA'I MIG SPRIS DBUG BAR BYA'O, ,RGYA 'DRA'I GTZAGS BU BYA BA NI, ,SOR GDUB 'DRA LA KHA BYUNG BA, ,GTZAGS 'BRAS RGYAR NI SOR PHYED PA'I, ,RIGS PAS 'PHEL GTZAGS LTA BU 'AM, ,DKYIL 'KHOR LTA BU'I RTZE 'DRAR BYA, ,DE NI MDZUB MO'I THOR TO LA, ,GDAGS SU RUNG BA'I RGYA 'DRA BYA, ,SRAD BUS BRTOD LA GRE BA'I NANG, ,NAD RNAMS GCAD DANG DRAL LA SBYAR, ,ZHES BYA BA LA, RGYA 'DRA BA'I GTZAGS BU BYA BA NI MTSAN NYID 'DI LTAR BYA STE, SOR GDUB 'DRA
BAR BYAS PA NYID LAS KHA BTOD PA 'AM, BYUNG BA 'AM, DE BZHIN DU GTZAGS 'BRAS DE'I KHA PHYOGS SU RGYA SOR PHYED YOD PA, RIGS PAS ZHES PA MTSON GYI LAS BYA BA DANG 'TSAM PAR BYAS PA DANG, DBYIBS 'PHEL GTZAGS LTA BU 'AM, DKYIL 'KHOR LTA BU'I GTZAGS BU DANG, RTZE MO 'DRA BA BYAS LA, DE YANG MDZUB MO'I THOR TO STE, TSIGS DANG PO LA GDAGS SU RUNG BA'I RAN PA'I SOR GDUB LTA BU'I RNAM PA DE LTA BUR BYA'O, ,DE YANG SKUD PA DMAR POS BTAGS TE, MKHRIG MA'I GNAS SU GDAGS PAR BYA LA, DE NAS DE'I 'OG TU GRE BA'I NANG DU GZHUG CING, DE'I NANG GI NAD RNAMS GCAD PA DANG DRAL BAR BYA'O, ,GRE BA'I SHA LHAG THOR GTZUG 'DZIN, ,LCAGS KYU RTZE MO LEGS GUG BYA, ,ZHES BYA BA LA, GRE BA'I NAD KYI SHA LHAG DANG THOR BU DANG 'BRAS LA SOGS PA SLA ZHING GZUNG BA'I PHYIR, LCAGS KYI RTZE MO LCAGS KYU LTA BU LA BYA ZHING RTZE MO SHIN TU GUG PAR BYA'O, ,RUS PA GCOD PA'I SOG LE NI, ,SRID DU SOR BCU ZHENG SOR GNYIS, ,SO RNAMS PHRA ZHING RAB TU RNO, ,YU BA CHANG ZUNGS LEGS PAR BYA, ,ZHES BYA BA LA, RUS PA GCOD PA'I MTSON NI, SOG LE ZHES BYA BAS BYA LA, DE'I TSAD NI SRID KYI DPANGS SU SOR BCU ZHENG DU SOR GNYIS YOD PA BYAS LA, DE YANG SO RNAMS RAB TU PHRA ZHING RNO LA RTZUB PAR BYA BA DANG, YU BA'I CHANG ZUNGS LEGS SHING MDZES PAR BYA'O, ,RMA YI CHU RGYUS SKRA GCAD PA'I, ,CHAN PA CHAN PA 'DRA BAR BYA, , ZHES BYA BA LA, GTZAGS SPYAD KYI RNAM PA CHAN PA ZHES BYA BA NI, RMA'I CHU RGYUS DANG SKRA GCAD PA'I DON DU BYA LA, DE YANG CHAN PA 'DRA BA STE, CHA GSUM 'OG TU DGUG PAR BYA LA, LHAG MA CHA BZHI PA SO SOR BYA'O, ,SO YO SO DRANG KHA GNYIS PA'I, ,SEN MO'I 'DREG SPYAD SOR DGU PA, ,ZUG RDU PHRA DBYUNG GCAD PA DANG, ,DRAL DANG DBUG DANG PHYI BAR BYA, ,ZHES BYA BA LA, GTZAGS SPYAD KHAB SREGS SU YOD PA DANG KHA 'DRA BA STE, KHA GNYIS YOD PAR BYA LA, DE NI SEN MO 'DREG PA'I GTZAGS SPYAD CES BYA STE, DE'I SRID NI SOR DGU PAR BYA'O, ,DES
, ,KYANG ZUG RDU PHRA MO ZUG PA DBYUNG BA DANG, SEN MO LA SOGS PA GCAD PA DANG DRAL BA DANG, DBUG PA DANG, PHYI BAR SBYAR BAR BYA'O, ,ZUR BZHI PA LA SOR GCIG PA, ,DBYIBS NI KUN TU GCIG 'DRA BA, ,SO PHYI BA YI GTZAGS SPYAD DES, ,SO YI DREG PA PHYI BAR BYA, ,ZHES BYA BA LA, PHYI BZHES BYA BA'I GTZAGS SPYAD ZUR BZHI PA, SO GCIG PAR BYAS PA LA DBYIBS KYI RNAM PA KUN TU 'BREL ZHING GCIG 'DRA BAR BYA LA, DE LTA BU'I SO PHYI BA'I GTZAGS SPYAD DE SO'I DREG PA DANG, SO LA SKYON BYUNG BA PHYI ZHING BSAL BAR BYA'O, ,KHAB NI MGO ZLUM MIG ZABS CHE, ,MKHRANG PA GSUM BYA, ZHES BYA BA LA, KHAB GSUM PO MGO ZLUM ZHING 'JAM PA DANG, SKUD PA 'JUG PA'I PHYOGS KYI MIG ZABS CHE BA DANG, MKHRANG ZHING SRAB PA BYA'O, ,DE LAS NI, ,SHA CHE BA YI PHYOGS SU NI, ,ZUR GSUM SRID DU SOR GSUM PAS, , ZHES BYA BA LA, RMA BTZEM PA LA GSUM PO DE DAG GI NANG NAS SHA CHE BA'I PHYOGS KYI RMA BTZEM PA LA NI ZUR GSUM PA YOD, SRID SOR GSUM PAS BYA'O, ,SHA CHUNG BA DANG RUS TSIGS NA, ,RMA YOD PA LA SRID SOR GNYIS, ,ZHES BYA BA LA, RMA SHA CHUNG BA'I PHYOGS DANG RUS PA DANG; TSIGS LA RMA YOD PA BTZEM PA LA NI KHAB SRID DU SOR GNYIS PA BYA'O, ,ZHU DANG MA ZHU'I GNAS NAD RMA'I, ,KHAB RTZE 'BRAS DBYIBS GZHU LTAR SGU, ,SRID DU SOR NI PHYED DANG GSUM, ,ZHES BYA BA LA, KHAB GSUM PA NI KHAB RTZE 'BRAS 'DRA ZHING GZHU LTAR SGUR PO LA SOR PHYED DANG GSUM YOD PAR BYA STE, DES NI ZHU BA'I GNAS DANG, MA ZHU BA'I GNAS NA RMA YOD PA DANG, GNAS RNAMS NA RMA YOD PA LA BCOM BAR BYA'O, ,ZHES SBYAR BAR BYA'O, ,KHAB NI BDUN NAM BRGYAD KUN KYANG, ,ZLUM PO SOR NI LEGS SBAMS LA, ,KHRI GCIG LA BTZUGS PIR 'DRA BA, ,BRTZAN SNGON GDONG NAD THIG LE NAG ,SKRA 'BYI BA LA GTZAGS PAR BYA, ,ZHES BYA BA LA, KHAB NI BDUN NAM BRGYAD KUN KYANG ZLAM POR BYAS LA, TSAD SOR BZHI PA DE LEGS PAR SBAMS SHING BSDUS LA KHRI'U 'AM, GZHI GCIG LA BTZUGS TE, PIR 'DRA BAR
BYA ZHING LEGS PAR BCING BAR BYA STE, GTZAGS SPYAD 'DI NI KHAB KYI PIR ZHES BYA STE, DE NI BRTZAN SNGON PO BYUNG BA DANG, GDONG GI NAD THIG LE NAG PO CHAGS PA DANG, SKRA 'BYI BA'I NAD LA GTZAGS PAR BYA'O, ,KHAB BRGYAD ZLUM PO SOR PHYED PA, ,GCIG TU SBAMS LA GZAR BU 'DRA, ,LAG PA GNYIS KYIS BTZUGS NAS NI, ,DE YIS SNA YI KHRAG DBYUNG NGO, ,ZHES BYA BA LA, TSAL PA KHRE'U PHYOGS BRGYAD DU GNAS PA DANG LDAN PA'I DBYIBS ZLUM PO TSAD SOR PHYED PA GCIG TU SBAMS PA GZAR BU 'DRA BA BYAS LA, GZAR BU DES LAG PA GNYIS DANG GTZAGS BUR GYUR PA LAS, SNA'I KHRAG DBYUNG ZHING GDON BAR BYA'O, ,RNA SHAL DBUG PA'I SMYUNG BU NI, ,YU THI KA NI KHA 'BUS 'DRA, ,ZHES BYA BA LA, RNA SHAL DBUG CING 'BIGS PA'I CHA SPYAD SMYUNG BU NI, ME TOG YU TI KA KHAB 'DRA BAR BYAS PA'O, ,SMYUNG BU SOR NI PHYED PAR BYA, ,DE YI TSAD DBUG DE YAN CHAD, ,ZUR BZHI BYAS PA DE YIS NI, ,SKRANGS SMIN MA SMIN DOGS LA DBUG ,RNA DRUNG SHA NI STUG PO DBUG ,CES BYA BA LA, SMYUD [?] BU ZHES BYA BA NI, GTZAGS SPYAD KHA ZLUM PO SOR PHYED YOD PA, DE'I TSAD DU DBUG CING GZHUG PAR BYA LA; ZLUM PO SOR PHYED PA DE YAN CHAD NI DBYIBS ZUR BZHI PAR BYA'I ZLUM POR MI BYA'O, ,DE LTA BU GTZAGS SPYAD DES NI, SKRANGS PA 'DI SMIN PA YIN NAM, MA SMIN PA YIN ZHES DOGS SHING SOM NYIR GYUR PA LA DBUG PAR BYA'O, ,GZHAN YANG DES RNA DRUNG GI SNA SHAL STUG PO YOD PA DAG DBUG PAR BYA'O, ,SMYUNG BU KHA NI SBOM PO LA, ,SUM CHA SBU GU YOD BYAS LA, ,SOR GSUM PA YIS RNA BA DBUG ,CES BYA BA LA, YANG RNA SHAL MTHUG PO YOD PA LA, SMYUNG BU 'AM KHAB SBOM POS DBUG PA BSNGAGS PA YIN, DE YANG SUM CHA'I TSAD TZAM DU BU GA YOD PAR BYAS LA, SRID SOR GSUM PA KHONG STONG GIS DBUG PAR BYA'O, ,PADMA THAL SMAN ME BTZA' DANG, ,MCHING BU RDO DUM SEN MO SOGS, ,LCAGS MING GTAR SPYAD PHRA MO STE, ,DE YANG DE BZHIN SBYAR BAR BYA, ,CHA SPYAD 'KHRUL 'KHOR SOGS PAS KYANG, ,MKHO BA NAD KYI DMIGS
, ,DANG SBYAR, ,ZHES BYA BA LA, PADMA DANG THAL SMAN LA SOGS PA NI MKHO BA'I CHA SPYAD YIN LA, SOGS PA NI KUR BIN DANG, SHING GI YAL GA DANG, PHYUGS KYI RMIG PA DANG, LO 'DAB RTZUB MO DANG, RGYA MTSO'I LBU BA DANG, LCI BA SKAM PO LA SOGS PA BSDU'O, , DE DAG GI LCAGS MA YIN PA'I GTAR SPYAD PHRA MO STE, DE YANG BLOS SNGA MA BZHIN DU 'OG NAS BSHAD PA'I TSUL GYIS SBYAR BAR BYA'O, ,YANG 'DI BZHIN DU CHA SPYAD GZHAN DAG 'KHRUL 'KHOR LA SOGS PAS KYANG NYE BAR SBYAR BAR BYA'O, ,DE BZHIN DU MKHO BA'I CHA SPYAD GZHAN DAG KYANG NAD KYI DMIGS LAS DPAGS TE SBYAR BAR BYA'O, ,'DREN DANG 'BYIN DANG DRAL DANG 'DRUB, ,DMIGS TSOL PHYI BSAL ZHAL ZHAL GDAB, ,GTZAGS BCAD GSHEGS DBUG BTZUGS PA DANG, ,GZUNG BSREG DE YIS BYA BA YIN, ,ZHES BYA BA LA, 'DREN PA DANG 'BYIN PA ZHES BYA BA NAS, SREG PA'I BAR BYA, RE RE ZHING SMOS PA NI, GTZAGS SPYAD DE BYA BA'I LAS YIN NO, ,GCAD DANG DRAL DANG PHYI BA'I PHYIR, ,SPYAD KYI GTZAGS 'BRAS RTZA BA'I BAR, ,MDZUB MO GUNG MO MTHE BO YIS, ,MA YENGS PA DANG LEGS PAR GZUNG, , ZHES BYA BA LA, GTZAGS SPYAD GCAD PA'I DON DANG, DRAL BA'I DON DANG, PHYE BA'I DON GYI BYA BA BYED PA'I PHYIR, DES LAS BYED PA NA GTZAGS SPYAD DE RNAMS KYI GTZAGS 'BRAS DANG, RTZA BA'I BAR NAS LAS DE DAG BYA BA'I PHYIR GZUNG BA NI, DER MDZUB MO DANG, GUNG MO DANG, MTHE BO STE, SOR MO GSUM GYIS GZUNG BAR BYA'I, LAG PA THAMS CAD KYIS MI GZUNG NGO, ,'DZIN PA NA YANG BLO GZHAN DU MA YENGS PA DANG, NOR PA MED PAR LEGS PAR GZUNG BAR BYA'O, ,GTAR GA GDAB PHYIR RTZE MO'I DRUNG, ,MDZUB MO DANG NI MTHE BOS GZUNG, , ZHES BYA BA LA, GTAR GA GDAB CING KHRAG GZAGS PA'I DON DU NI, GTZAGS BU'I RTZE MO DRUD MTSAMS NAS MDZUB MO DANG MTHE BOS GZUNG BAR BYA'O, ,'BRAS 'DRA BA YI YU BA NI, ,CHANG BAR BCUG STE RTZE MOS GDAB, ,CES BYA BA LA, GTZAGS BU 'BRAS KYI DBYIBS
'DRA BA'I YU BA ZLUM PO CHANG BAR BCUG STE, RTZE MO STE KHA'I PHYOGS NAS GZUNG STE GDAB PAR BYA'O, ,DBYUNG DON YUB [?] NAS BZUNG BYA, ,ZHES BYA BA LA, ZUG RNGU LA SOGS PA 'BYIN PA'I DON GYI CHA SPYAD NI YU BA STE, RTZA BA'I PHYOGS NAS BZUNG ZHING GDON PAR BYA'O, , CHA SPYAD SNGAR SMOS PA RNAMS KYANG DE BZHIN DU SHES PAR BYA'O, ,GZHAN DAG BYA BA GANG BDER BYA, ,ZHES BYA BA LA, GTZAGS SPYAD GZHAN DAG NI, BYA BA LA JI LTAR BDE BA BZHIN DU CI RIGS PAR BYA'O, ,GTAR SPYAD SNA TSOGS DAG GI SNOD, ,GSO RAS BAL SNAM MEN TRI 'AM, ,PAGS 'JAM DU GU LA LAS BYAS, ,RAB TU STUG PA ZHENG SOR DGU, ,SRID DU SOR NI BCU GNYIS PA, ,BAL GYIS BAR GCAD SPYAD BCUG LA, ,LEGS PAR GZHAG STE DRUB PA DANG, ,THUR MAS KHA NI BRGYU BAR BYA, ,ZHES BYA BA LA, GONG DU SMOS PA'I GTAR SPYAD SNA TSOGS DAG GI SNOD GSO RAS SAM BAL GOS SAM, MEN TRI LA SOGS PAS BYAS PA'AM, PAGS PA 'JAM PO 'AM, DU GU LA LAS BYAS PA, RAB TU STUG PA MKHREGS PA DANG, ZHENG SOR DGU STE, NGOS GCIG NAS GCIG TU SOR DGU PA YOD PA, SRID SOR BCU GNYIS PA, DE BZHIN DU BAL GYIS GTZAGS SPYAD KYI BAR DU BAR GCAD CING, BCUG LA MA 'DRES PAR LEGS PAR GZHUG STE, DRUB PA DANG, DE BZHIN DU SNOD KYI KHA'I BU GA THUR MAS LEGS PAR BRGYU BAR BYA ZHING KHA SBYAR BA DANG, BCAS PA DE BSAG CING BSDU BAR BYA'O; ,SRIN BU PAD BA BDER GNAS PA, ,KHRAG DBYUNG PHYIR NI SBYAR BAR BYA, ,ZHES BYA BA LA, SRIN BU PAD BA ZHES BYA BA, CHU NA GNAS PA'I 'BU'I RIGS DZA LU KA NI, SKYES BU BDE BAR GNAS PA DAG KHRAG DBYUNG BA'I PHYIR SBYAR BAR BYA'O, ,CHU NANG NYA DANG SBAL SOGS DANG; ,MI RO'I DRI MA RNAMS LAS BYUNG, ,DMAR DANG DKAR DANG SHIN TU GNAG ,MI SRUN SBOM DANG 'BYIL BA DANG, ,'JA' TSON DANG 'DRA RO STOD BKRA, ,SPU YOD DE RNAMS DUG CAN YIN, ,SPANG BYA DES NI KHRAG GZHI BAS NA, ,G-YA' RNAG 'JAG RIMS MGO 'KHOR
, ,SKYED; ,DE LA DUG KHRAG MKHRIS GSO BYA, ,ZHES BYA BA LA, SRIN BU PAD [?] PA CHU NANG LAS BYUNG BA DANG, NYA DANG SBAL PA LA SOGS PA DANG, MI RO DANG DRI MA RNAMS LAS BYUNG BA, KHA DOG DMAR BA DANG, SHIN TU GNAG PA DANG, MI SRUN ZHING RANG BZHIN G-YO BA DANG, ,SBOM ZHING LUS CHE BA DANG, BSIL BA DANG, 'JA' TSON DANG 'DRA BAR KHA DOG SNA TSOGS YOD PA DANG, RO STOD BKRA ZHING RA RIS 'DUG PA DANG, SPU YOD PA DE THAMS CAD DUG CAN YIN PAS SPANG BAR BYA'I, ,GTAR GA GDAB PA'I DON DU MI SBYAR RO, ,CI'I PHYIR ZHE NA, DES KHRAG GZHIBS NAS G-YA' BA LA SOGS PA SKYE BAR 'GYUR LA, G-YA' BA LA SOGS PA SKYES PA DE LA NI, DUG DANG KHRAG DANG MKHRIS PA'I GSO BA BYA'O, ,CHU MDOG RNAM PAR GSAL BA DANG, ,DUG MED NYA LCIBS MED LAS BYUNG, ,RTZA SNAR RO STOD SNGO BKRA ZLUM; ,RGYAB NI NGUR SMRIG 'DRA LUS PHRA, ,LTO NI CUNG ZAD SER BA BZANG, ,ZHES BYA BA LA, CHU'I MDOG RNAM PAR GSAL ZHING DANG BA LAS BYUNG BA DANG, DUG MED CING NYA LCIBS MED PA LAS BYUNG BA DANG, MDOG CUNG ZAD RTZA SNAR SNGO [?] BAG TU 'DUG PA DANG, RO STOD SNGO [?] BKRAR 'DUG PA DANG, DBYIBS ZLUM PA DANG, RGYAB NGUR SMRIG LTAR SER BA DANG, LUS PHRA ZHING SRAB PA DANG, LTO CUNG ZAD SER POR GNAS PA GANG YIN PA DE THAMS CAD BZANG STE DUG MED PA YIN NO, ,DE YANG LEGS PAR MA SKYUGS DANG, ,RTAG TU 'THUNG DU BCUG PA DAG; ,CHU NANG ZHUGS TE NUB PA NI, ,KHRAG GIS MYOS PA YIN PAS SPANG, ,ZHES BYA BA LA, DUG MED PA'I SRIN BU DE NAD KHRAG 'THUNGS NAS LEGS PAR MA SKYUGS PA DANG, CHU'I NANG DU PHYIN TE NUB PA NI KHRAG GIS MYOS PA ZHES BYA BA YIN PAS DE YANG SPANG BAR BYA'O, , DE NAS CIG SHOS SKYER PA BTAGS, ,CHUR SBYAR BA YI NANG DU GZHUG ,KAN DZI'AM DAR BA'I NANG DU GZHUG ,SLAR YANG CHUR NI DBUGS PHYUNG NAS, ,MAR RAM SA ZHAG NU ZHO'AM, ,KHRAG GI THIGS PAS BSKUS 'THUNG GZHUG ,CES BYA BA LA, DE NAS SRIN BU DUG
MED PA SKYER PA BTAGS PA'I PHYE MA DANG CHUR SBYAR BA'I NANG DU BCUG PA 'AM, RTZAB MO RANG SKYUR RAM, DAR BA'I NANG DU BCUG LA, DE NAS SLAR YANG CHUR BCUG PAS DBUGS PHYUNG LA 'THUNG DU GZHUG STE, DE YANG MAR LA SOGS PA BSKUS PAR 'THUNG DU GZHUG SE, 'THUNG TSE RO STOD MTHOR GYUR NA, ,RAS MA SRAB MOS G-YOGS PAR BYA, ,ZHES BYA BA LA, SRIN BU DE RO STOD BTEG STE 'THUNG NA, GOS SRAB MOS G-YOGS PAR BYA'O, ,KHRAG NI BZANG NGAN 'DRES PA LAS, ,PAD PA DANG POR NAD KHRAG NI, ,'THUNG STE NGANG PAS 'O MA DANG; ,'DRES CHU'I 'O MA LEN DANG MTSUNGS, ,ZHES BYA BA LA, SRIN BU PAD PA DES NI BZANG PO DANG, NGAN PA 'DRES PA LAS NAD KHRAG 'JIBS TE, DE DPER NA CHU DANG 'O MA 'DRES PA LAS NGANG PAS NI 'O MA LEN BA DANG 'DRA'O, ,SO YIS 'DEBS PA'AM G-YA' GYUR NA; ,DE NI SLAR DBYUNG SKYUG TU GZHUG ,RGYAM TSA TIL MAR GYIS KHA BSKU, ,PHYE MA 'JAM POS RGYAB TU GTOR, ,ZHES BYA BA LA, SRIN BU PAD PAS 'JIBS PA NA, SOS 'DEBS PA 'AM G-YA' BAR GYUR NA, NAD MED PA'I KHRAG BSRUNG BA'I 'BU DE GDON PAR BYA'O; ,BTON NAS KYANG KHRAG SKYUG TU GZHUG GO, ,DE BZHIN DU RGYAM TSA DANG, TIL MAR SBYAR BAS KHA BSKU BAR BYA'O, ,DE BZHIN DU PHYE MA 'JAM POS KYANG GTOR BAR BYA ZHING, MJUG MA NAS YAR BTZIR TE SLON DU GZHUG PAR BYA'O, ,SLAR YANG ZHAG BDUN BAR DU NI; KHRAG MYOS BSRUNGS LA 'THUNG MI GZHUG ,CES BYA BA LA, DE LTAR SNGAR BYAS NAS ZHAG BDUN GYI BAR DU 'JIB TU MI GZHUG GO, ,SRIN BU PAD PA LEGS SKYUGS NA, ,SNGON BZHIN KHONG GRIMS BRTAN PAR 'GYUR, ,DRAGS NA DAL ZHING SNYOM 'CHI 'GYUR, ,SKYUGS MA LEGS NA RENGS MYOS 'GYUR, ,ZHES BYA BA LA, ,SRIN PU PAD PA SKYUGS LEGS NA KHRAG MA 'THUNGS PA'I SNGON BZHIN DU KHONG GRIMS SHING BRTAN PAR 'GYUR RO, ,DE SKYUGS DRAGS NA LUS SNYOM PA'AM 'CHI BAR 'GYUR RO, ,SKYUGS MA LEGS NA NI RENGS SHING MYOS PAR
, ,'GYUR RO, ,BUM PA CHU DANG SA BLUGS PA, ,GZHAN DANG GZHAN DU GZHAG PAR BYA, ,KHA CHU RUL BAG SBYANG PHYIR BYA, ,GZHAN DU DUG DANG BCAS PAR 'GYUR, ,ZHES BYA BA LA, PAD BA DE NI BUM PA DANG, CHU DANG SA GTZANG MA BLUGS PA, DE LTA BU MI MTHUN PA GZHAN DANG GZHAN DAG TU GZHAG PAR BYA STE, DE KHA CHU DANG RUL BAG SPANG BA'I PHYIR YIN NO, ,DE LTAR MA BYAS NA NI RGYU DES DUG CAN DU 'GYUR RO, ,MA DAG PA 'AM KHRAG MA DBYUNG, ,SKYER PA BU RAM SBRANG RTZIS BSKU, ,ZHES BYA BA LA, KHRAG MA DAG PAR GYUR NA SRIN BU DE BSKYED LA, SKYER PA LA SOGS PAS BSKU BAR BYA'O, ,LAN BRGYAR DKRUGS MAR RAS BAL GYI, ,YE'U SA BYUGS LA SMAN BSIL BSKU, ,ZHES BYA BA LA, KHRAG GZHIBS ZIN NAS MAR LAN BRGYAR DKRUGS SHING BZHUS PA, ,RAS BAL GYI YE'US BSKU BA DANG, SMAN BSIL BAG GIS BSKU BAR BYA'O, ,NAD KYI KHRAG DANG BRAL GYUR NA, ,'PHRAL DU RTZA DMAR NAD MED 'GYUR, ,ZHES BYA BA LA, NAD KHRAG MA LUS PAR PHYIN PAR GYUR PA DANG, DE'I MOD LA RTZA DMAR BA DANG, NAD DU GYUR PA ZHI BAR 'GYUR RO, ,MA DAG GNAS NAS BSKYOD GYUR PA, ,RMA YI GNAS SU 'DUG PA'I KHRAG ,ZHAG LON NA NI RNAG PAR 'GYUR, ,DE BAS DE NI SLAR DBYUNG NGO, ,ZHES BYA BA LA, KHRAG MA DAG CING NAD DANG BCAS PA RANG RANG GI GNAS NAS BSKYOD CING 'PHOS TE RMA'I GNAS SU 'DUG PA NI MTSAN MO 'DAS SHING ZHAG LON NA RNAG PAR 'GYUR RO, ,DE BAS NA KHRAG DE SLAR DBYUNG BAR BYA ZHING BSAL BAR BYA'O, ,MKHRIS RGYAS KHRAG GI NAD LA NI, ,KU BA BUM PA SBYAR MI BYA, ,DE GNYIS ME DANG BAS PA YIN, ,RLUNG DANG BAD KAN LA SBYAR BYA, ,ZHES BYA BA LA, MKHRIS PA RGYAS SHING SHAS CHE BA LAS BYUNG BA'I KHRAG GI NAD LA NI, KHRAG DE DBYUNG BA'I PHYIR SNGAR BSHAD PA'I KU BA DANG, BUM PA GLAN CING SBYAR BAS KHRAG DBYUNG BAR MI BYA STE, GANG GI PHYIR GNYIS PA DE DAG NI NANG NA ME DANG BCAS PA YIN PA'I PHYIR, KHRAG GI SKYE GNAS MKHRIS PA
DANG; NUS PA MTHUN PAS GNOD PA YIN NO, ,RLUNG DANG BAD KAN SHAS CHE BA'I NAD LA NI, KU BA DANG BUM PA SBYAR BAS KHRAG DBYUNG BAR BYA STE, DE GNYIS KYI GNYEN POR GYUR BA YIN PA'I PHYIR RO, ,BAD KAN LAS GYUR NAD KHRAG NI, ,SKA BAS RNGABS RVAS GZHIB MI BYA, , RLUNG DANG MKHRIS PA LAS GYUR KHRAG ,RNGABS RAS GZHIBS TE DBYUNG BAR BYA, ,ZHES BYA BA LA, BAD KAN LAS GYUR BA'I NAD KHRAG NI, ,SKA ZHING LCI BAG CAN YIN PAS, ,RNGABS RVAS GZHIB CING DBYUNG BAR MI BYA LA, RLUNG DANG MKHRIS BA LAS GYUR PA'I KHRAG NI SLA BA YIN PAS RNGABS RAS GZHIB CING DBYUNG BAR BYA'O, ,LUS KYI GONG DU SRAD BU 'AM, ,RAS KYIS DAM DU BCINGS NAS NI, ,CHU BA TSIGS RUS GNAD RNAMS NI, ,DOR TE ZHAL ZHAL GDAB PAR BYA, ,GYEN DU DBYUNG BA'I THABS KYIS NI, ,THUR DU 'BAB PAR GDAB PAR BYA, ,ZAB DANG NYE DANG 'PHRED MI GDAB, ,BTAB PA'I GNAS SU 'ANG GDAB MI BYA, ,ZHES BYA BA LA, ZHAL ZHAL GDAB PAR BYA BA'I LUS KYI GONG PHYOGS SU SRAD BU 'AM, RAS GANG YANG RUNG BAS DAM DU BCINGS NAS CHU BAL SOGS PA DOR ZHING SPANGS NAS GTZAGS BUS ZHAL ZHAL GDAB PAR BYA LA, DE YANG GYEN DUD BYUNG ZHING GDAB PA'I THABS KYIS KHRAG THUR DU 'BAB PAR GDAB PAR BYA'O, ,DE BZHIN DU NANG DU ZAB PAR YANG MI BYA STE, NYE ZHING BAR MTSAMS MED PAR YANG MI GDAB, 'PHRED 'GROS KYIS KYANG MI GDAB PO, ,DE BZHIN DU GTZAGS BU BTAB ZIN PA'I GNAS SU GNYIS PA GDAB PAR YANG MI BYA'O, ,ZHAL ZHAL BYA BA PHYOGS GCIG 'DUS, ,RTZA MDUD SRIN BUS KHRAG DBYUNG ZHING, ,BEM BEM POR GYUR RVA SOGS GDAB, ,NAD KHRAG LUS KHYAB GTAR GA GDAB, ,CES BYA BA LA, PHYOGS GCIG TU 'DUS PA'I KHRAG NI, ZHAL ZHAL GDAB PAS DBYUNG BAR BYA'O, ,DE BZHIN DU RTZA MDUD DAM, RMEN BUR 'DUS PA'I KHRAG NI SRIN BU PAD BAS DBYUNG BAR BYA'O, DE BZHIN DU KHRAG GI KHRAG BEM BEM POR GYUR CING TSOR BA MED PA NI RTZA SOGS TE, RNGABS RVA DANG, KU BA DANG, BUM PA DAG GIS NAD DMIGS JI BZHIN DU
, ,DBYUNG BAR BYA'O, ,DE BZHIN DU NAD KHRAG GIS LUS KUN TU KHYAB PAR GYUR PA DE NI GTAR GA GDAB PAS DBYUNG BAR BYA'O, ,KHRAG NAD 'DUS PA ZHAL ZHAL BYA, ,GTING NA YOD PA BAD PAS DBYUNG, ,LPAGS GNAS KU BUM RNGABS RVAS DBYUNG, ,LUS KHYAB KHRAG LA GTAR GA NYID, ,CES BYA BA LA, KHRAG NAD 'DUS SHING GONG POR 'DRIL BA LA NI, ZHAL ZHAL GDAB PAR 'OS PA YIN NO, ,DE BZHIN DU KHRAG GTING NA YOD CING NANG DU ZHEN PA DAG NI SRIN BU BAD PAS DBYUNG BAR BYA'O, ,KHRAG PAGS PAR GNAS SHING RGYAS PAR GYUR PA NI, KU BA DANG, BUM PA DANG, RNGABS RVAS DBYUNG BAR BYA'O, ,LUS THAMS CAD KHYAB CING RGYAS PA'I NAD KHRAG NI GTAR GA'I THABS NYID KYIS DBYUNG BAR BYA'O, ,RLUNG SOGS GNAS LA RNGABS RVA DANG, ,PAD BA KU BAS RIM BZHIN DBYUNG, ,ZHES BYA BA LA, RLUNG LA SOGS PA'I NAD KYI GNAS LA GNAS PA'I KHRAG DE NI GNAS DE LAS RNGABS RVA LA SOGS PA THABS GSUM GYIS KHRAG DBYUNG BAR BYA STE, DES NI RLUNG GI GNAS KYI KHRAG NI RNGABS RVAS DBYUNG BAR BYA'O, ,MKHRIS PA'I GNAS KYI KHRAG NI SRIN BU BAD PAS DBYUNG BAR BYA'O, ,BAD KAN KYI GNAS KYI KHRAG NI KU BAS DBYUNG BAR BYA'O, ,KHRAG PHYUNG BSIL BSKUS LA SOGS PAS, ,RLUNG NI RNAM PAR 'KHRUGS GYUR TE, ,RMA NA G-YA' ZHING SKRANGS GYUR NA, ,DE LA ZHUN MAR DRON POS BSKU, ,ZHES BYA BA LA, SKYES BU'I LUS LAS KHRAG DBYUNG ZHING BTON PAR GYUR PA DAG LA NI, BSIL BA'I SMAN GYI LDE GUS BSKU BA DANG, BLUGS PA LA SOGS PAS RLUNG RNAM PAR 'KHRUGS PAR GYUR TE, RMA NA BA DANG, G-YA' BDE LA ZHUN MAR DRON POS BSKU ZHIB BYUG PAR BYA'O, ,YAN LAG BRGYAD PA'I SNYING PO BSDUS PA'I RNAM PAR 'GREL PA, TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS DES PAR SBYAR BA LAS, LE'U NYI SHU RTZA DRUG PA'I RNAM PAR 'GREL PA'O,, ,,DE NAS GTAR GA GDAB PA'I CHO GA'I LE'U BSHAD PAR BYA'O, ,ZHES BYA BA LA, 'DI BRTZAMS PA'I DGOS
PA NI 'DI YIN TE, LUS KHYAB PA'I KHRAG LA GTAR GA GDAB PAR BYA'O, ,ZHES SNGAR BSHAD PAS NI, DE'I 'OG TU 'DI BRTZAMS PA YIN TE, RTZA RNAMS DBUG CING GDAB PA'I LAS NI GTAR GA GDAB PA STE, DE'I CHO GA 'DI DANG 'DI LTAR BYA'O, ,ZHES BYA BA NI LAS KYI TSUL YIN TE, DE'I LE'U BSHAD PAR BYA'O, ,CUNG ZAD MNGAR ZHING TSVA BRO LA, ,GRANG DANG TSA MIN SKA BA MIN, ,PADMA LHAM BU CHU GSHER DANG, ,BTZOD DANG RI BOD KHRAG LTAR DMAR, ,DAG CING DMAR BAR 'BYUNG BA NI, ,DE NYID KYIS NI LUS GNAS BYED, ,CES BYA BA LA, KHRAG DAG CING NAD MED PA NI, CUNG ZAD RO MNGAR BA DANG, CUNG ZAD RO LAN TSVA BRO BA DANG, DE BZHIN DU GRANG BA DANG, TSA BA GNYI GA MA YIN PA TSA GRANG SNYOMS PAR GNAS TE ZLA BA DANG, ME'I RANG BZHIN GNYI GA'I YON TAN DANG LDAN PA DANG, DE BZHIN DU SKA BA MA YIN ZHING, BDE BLAG TU 'DZAG PA DANG, DE BZHIN DU PADMA DANG, SRIN BU ME KHYER LA SOGS PA LTAR DMAR ZHING DANG BAR 'BYUNG BA NI SKYON MED PA YIN LA, NAD MED PA'I KHRAG DE NYID KYIS NI LUS GNAS SHING 'JUG PAR 'GYUR BA YIN NO, ,DE NI PHAL CHER BAD MKHRIS KYI, ,NAD KYIS 'KHRUGS PAS, ZHES BYA BA LA, KHRAG DMAR ZHING DANGS PA DE NI PHAL CHER TE MANG DU BAD KAN DANG MKHRIS PA SKYED PAR BYED PA'I KHA ZAS DANG, SPYOD LAM DANG SMAN GYIS NAD 'KHRUGS PAR 'GYUR ZHING LDANG BAR BYED PA YIN NO, , PHAL CHER ZHES SMOS PAS NI LAN 'GA' NI RLUNG GIS KYANG LDANG BAR BYED PA YIN NO, ,GNOD SKYED PA, ,ME DPAL 'BRAS DANG MCHER NAD DANG, ,SKRAN DANG ME DROD 'BRI DANG RIMS, ,KHA DANG MIG DANG MGO NAD DANG, ,MYOS DANG SKOM DANG TSA BRO DANG, ,MDZE NAD DREG NAD MKHRIS KHRAG DANG, SGREGS PA SKYUR ZHING MGO 'KHOR BYED, ,CES BYA BA LA, DE'I 'OG TU NAD KHRAG DES GNOD PA SKYED PAR BYED PA NI, ME DBAL LA SOGS SKYED PAR BYED PA YIN NO, ,KHA LA SOGS PA GSUM NI, ,NAD CES BYA BA DANG SBYAR RO, ,DREG NAD NI
, ,RLUNG DANG KHRAG 'DRES BA'O, ,BSIL DRO SNUM DANG RTZUB SOGS DANG, ,NAD GANG GSOS PAR GYUR BA NA, ,LEGS PAR 'CHOS BAR MA GYUR BA, ,DE NI KHRAG 'KHRUGS LAS GYUR YIN, ,ZHES BYA BA LA, BSIL BA DANG DRO BA DANG SNUM PA DANG, RTZUB PA DANG, LCI BA DANG, YANG BA LA SOGS PA'I THABS SMAN DPYAD LAS JI LTAR 'BYUNG BA BZHIN DU RLUNG DANG MKHRIS PA DANG BAD KAN GYI NAD GANG SOS SHING BCOS PAR GYUR PA NA, LEGS PAR 'CHOS PAR MA GYUR CING NYE BAR MA ZHIN NAD DE NI KHRAG 'KHRUGS LAS GYUR BA YIN PAR SHES PAR BYA STE, ME DBAL LA SOGS PA SNGAR BSHAD PA 'BA' ZHIG TU MA ZAD DO, ,KHRAG BDOR GYUR PA DE LAS NI, ,GTAR GA GDAB PAS DBYUNG BAR BYA, ,ZHES BYA BA LA, SNGAR BSHAD PA'I NAD KHRAG BDO BAR GYUR PA DE LAS KHRAG DBYUNG BAR BYA BA'I PHYIR, GTAR GA GDAB PAR BYA'O, ,DE YANG BCU DRUG MA LON DANG, ,BDUN CU 'DAS LA KHRAG MI DBYUNG, ,NYAM CHUNG DUGS DRAGS DUGS MA BYAS, ,RLUNG GI NAD KYIS NYEN PA DANG, SBRUM MA BU BTZAS ZAN MA ZHU, ,KHRAG MKHRIS LUD PA DBUGS MI BDE, ,TSAD 'KHRU RIMS DANG SKYUGS PA DANG, ,SKYA RBAB YAN LAG KUN SKRANGS DANG, ,SNUM 'THUNGS PA LA SBYOR BA DANG, ,DE BZHIN LAS LNGA BYAS LA MIN, ,ZHES BYA BA LA, GTAR GA GDAB PA DE LA BYIS PA LO BCU DRUG MA LON PA DANG, RGAN PO LO BDUN CU 'DAS PA DAG LA GTAR GAS KHRAG DBYUNG ZHING GDON PAR MI BYA'O, ,DE BZHIN DU NYAM CHUNG ZHING KHONG RTZUB PA DANG, DUGS DRAGS PA DANG, DUGS MA BYAS PA NAS SNAM 'THUNGS PA SBYOR BA'I SKYES BU'I BAR DANG, DE BZHIN DU LAS LNGA PO SKYUGS SMAN DANG, BKRU SMAN DRAG PO DANG MAS GTONG BA DANG, 'JAM RTZI DANG, MGO BO'I BKRU SMAN BTANG BA STE, LAS LNGA PO BYAS PA LA GTAR GA GDAB PAR MI BYA'O, ,MA BSDAMS GTAR GA MI GDAB CING, ,YON PO 'AM MI SNANG LA MI GDAB, ,TSABS CHEN NAD NI MA GTOGS PA, ,GRANG LA TSA CHAR RLUNG DUS MIN, ,ZHES BYA BA LA, CHINGS MAS MA BSDAMS PA GTAR GA GDAB PAR MI BYA'O, ,DE
BZHIN DU YON POR BYA BA'AM, RTZA MI SNANG BAR YANG GTAR GA GDAB PAR MI BYA'O, ,NAD TSABS CHE BA DES GSO BAR BYA BA BSHOL DU MED PA MA GTOGS PA, GZHAN DAG GRANG BA DANG, TSA BA DANG, CHAR DANG RLUNG GI DUS SU GDAB PAR MI BYA STE, NAD TSABS CHE BA LA NI DE DAG GI TSE YANG BYA BAR 'BYUNG NGO, ,MGO DANG MIG GI NAD RNAMS LA, ,DPRAL BA'I RTZA LA GTAR BA'AM, ,MIG 'GRAM SNA DRUNG RTZA LA GDAB, ,CES BYA BA LA, MGO DANG MIG GI NAD RNAMS LA NI, DPRAL BA'I STENG NA YOD PA'I RTZA 'AM, MIG 'GRAM MAM, SNA DRUNG NA YOD PA'I RTZA LA GDAB PAR BYA'O, ,RNA BA'I NAD LA RNA BA'I RTZA, ,ZHES BYA BA LA, RNA BA'I NAD RNAMS LA NI RNA BA DANG NYE BAR GNAS PA'I RTZA LA GDAB PAR BYA'O, ,SNA YIN DA LA SNA RTZER RO, ,ZHES BYA BA LA, SNA'I NAD RNAMS LA NI SNA'I RTZE MO'I CHA LA GNAS PA'I RTZA LA GDAB PAR BYA'O, ,CHAM PA SNA DANG DPRAL RTZAR GDAB, ,CES BYA BA LA, CHAM PA'I NAD LA LAN 'GA' NI SNA RTZAR GDAB NA PHAN NO, ,LAN 'GA' NI DPRAL RTZA'O, ,LAN 'GA' NI GNYI GA GDAB PAR BYA'O, ,KHA NAD RNAMS LA LCE DANG NI, ,MCHU DANG RKAN GYI RTZAR GDAB PO, ,CES BYA BA LA, KHA'I NAD RNAMS LA NI LCE LA BRTEN PA'I RTZA DANG, DE BZHIN DU MCHU DANG RKAN GYI RTZA LA GDAB NA PHAN NO, ,NAM TSONG YAN CHAD RTZA MDUD 'GUL, ,RNA BA MUR 'GRAM SPYIR GNAS GDAB, ,CES BYA BA LA, NAM TSONG YAN CHAD KYI NAD RTZA MDUD DANG, RMEN BU LA SOGS PA'I NAD LA RNA BA LA BRTEN PA'I RTZA DANG, MUR 'GRAM DANG SPYI BOR GNAS PA'I RTZA LA GDAB PAR BYA'O, ,SMYO BYED MIG 'GRAM BRANG DPRAL RTZA, ,ZHES BYA BA LA, SMYO BYED KYI NAD LA NI MIG 'GRAM RTZA DANG, BRANG GI RTZA DANG, DPRAL BA'I RTZA LA GTAR GA BYA'O, ,BRJED BYED 'GRAM PA'I MTSAMS SU GDAB, ,CES BYA BA LA, BRJED BYED KYI NAD LA 'GRAM PA GNYIS KYI MTSAMS NA YOD PA'I RTZA LA GDAB PO, ,YANG NA KUN LA SMIN MTSAMS GDAB, ,CES BYA BA LA, SNGAR BSHAD PA'I NAD MGO DANG MIG LA SOGS PA'I NAD MA LUS BA KUN LA, SMIN MTSAMS KYI BAR NA YOD PA'I RTZA GANG YIN PA DE LA GDAB PAR BYA'O, ,'BRAS DANG
, ,RTZIB LOGS ZUG PA LA, ,RTZIB LOGS NU MA'I BAR RTZA GDAB, ,CES BYA BA LA, 'BRAS MCHED PA'I NAD DANG, RTZIB LOGS GNYIS SU ZUG CING GZER BA'I NAD LA RTZIB LOGS DANG, NU MA'I BAR NA YOD PA'I RTZAR GDAB PAR BYA'O, ,NYIN GSUM PA LA PHRAG MTSAMS GDAB, ,NYIN BZHI PA LA LTAG PA'I 'OG ,CES BYA BA LA, RIMS NYIN GSUM PA LA PHRAG PA GNYIS KYI BAR MTSAMS KYI NANG GI RTZAR GDAB PAR BYA'O, ,RIMS NYIN BZHI PA LA NI LTAG PA'I 'OG NA GNAS PA'I RTZA GANG RUNG BAR GDAB PAR BYA'O, ,'KHRU BA GZER DANG LDAN PA LA; ,MJUG TO'I GONG MA SOR GNYIS BAR, ,ZHES BYA BA LA, TSAD PAS 'KHRU BAS NYE BAR GTZES SHING GZER DANG LDAN PA DAG LA MJUG TO'I RTZA MJUG MA SOR GNYIS GONG DU GZHAL BAR GDAB PAR BYA'O, ,KHU BA'I MTSAN NAD PHO MTSAN RTZA, ,ZHES BYA BA LA, KHU BA 'GAGS PA LA SOGS PA'I NAD DANG PHO MTSAN NYID KYI NAD LA NI, PHO MTSAN LA BRTEN BA'I RTZA LA GTAR GA BYA'O, ,LKOG MA'I LBA BAR BRLA RTZAR GDAB, ,ZHES BYA BA LA, LKOG MAR LBA BA SKYE BA'I NAD LA BRLA'I RTZA BAR GNAS PA'I RTZA LA GTAR GA BYA'O, ,GZUGS 'KHUMS PUS MTHIL 'OG GAM NI, ,GONG GI SOR BZHI PA LA GDAB, ,CES BYA BA RLUNG GI NAD GZUGS 'KHUMS SHING 'JAS PA LA NI, PUS MO'I MTHIL GYI 'OG DANG, GONG DU SOR BZHI GZHAL BAR GDAB PAR BYA'O, ,'BRAS KYI PHRENG BAR BYIN PA'I NYVA'I, ,'OG TU SOR GNYIS PAR GDAB PO, ,ZHES BYA BA LA, 'BRAS KYI PHRENG BA'I NAD LA NI, BYIN BA'I NYA GNAD CES BYA BA'I 'OG SOR GNYIS GZHAL BAR GTAR GA GDAB PO, ,RKUB TSOS PUS MO'I LHA NGA'I STENG, ,NAD LA LONG MO'I LTAG SOR BZHIR, ,ZHES BYA BA LA, RKUB TSOS KYI RLUNG NAD DAM; PUS MO'I LHANG STENG GI NAD LA LONG MO LTAG TU SOR BZHI BCAL BAR GTAR GA BYA'O, ,RKANG TSA 'THENG DANG SBRID PA DANG, ,RTING RDOL RLUNG NAD MDZER PA DANG, ,RKANG SOR SNAGS SU CHAD PA LA, ,RGYA TSIGS LAS GONG SOR GNYIS GDAB, ,CES BYA BA LA, RLUNG GI NAD RKANG PA TSA BA ZHES BYA
BA DANG, RKANG PA SBRID PA DANG, RTING PA RDOL BA RLUNG NAD KYI MDZER PA DANG, RKANG PA'I SOR MO SNAGS SU CHAD PA ZHES BYA BA'I KHRAG LAS GYUR PA'I SOR MO'I NAD RNAMS LA, RGYA TSIGS LAS GONG DU SOR GNYIS GZHAL BAR GDAB PAR BYA'O, ,'KHUMS LA RKANG 'KHUMS LTA BUR GDAG, CES BYA BA LA, RLUNG NAD LA BUMS PA BYI SHA TZE, ,ZHES BYA BA LA, PUS MO'I GONG SOR BZHI PAR GDAB PAR BYA'O, ,JI SKAD BSHAD PA MA MNGON NA, ,GNAD MA GTOGS PAR GAR NYE BA'I, ,PHYOGS GZHAN DAG TU GTAR GA GDAB, ,CES BYA BA LA, GONG DU JI SKAD BSHAD PA'I RTZA RNAMS MNGON PAR MA GYUR NA, NAD 'PHEL BAR 'GYUR BA'I DBANG GIS NAD PA LA GTAR GA RINGS PAR BYA DGOS NA, GNAD MA GTOGS SHING GNAD LA MA PHOG BAR, NAD GANG DANG GDAB PA BA NYE ZHING 'BREL BA'I PHYOGS GZHAN DAG GI RTZA BSHAD PA DAG KYANG MNGON NA GDAB PAR BYA'O; ,DE NAS LUS SNUM GTAR GA YI, ,YO BYAD KUN BSAGS STOBS DANG LDAN, ,BKRA SHIS BYAS SHING KHA ZAS NI, ,SNUM ZOS KHU BA 'THUNGS PA DANG, ,ME DANG NYI TSAN GYIS DUGS BYAS, ,PUS MNYAM MTHO BA'I STAN LA 'DUG ,SKRA RTZA RAS NI 'JAM POS BCINGS, , PUS MO'I LHA DAR GRU MO GZUGS, ,KHU TSUR NANG DU GLOD BCUG PAS, ,MGUL BA DAM DU BTZIR BAR BYA, ,SO BSDAMS LUD PA DANG, ,MKHUR BA GNYIS NI BUD PAR BYA, ,ZHES BYA BA LA, DE NAS ZHES BYA BA'I DON NI, BKRA SHIS BA'I DON YIN PAR SHES PAR BYA'O, ,GTAR GA BYA BA'I SKYES BU SNUM GYIS ZHEN PAR BYA BA DANG, SMAN PAS GTAR BA LA DGOS PA'I YO BYAD KUN BSAG CING NYER BSDOGS SU BYA BA DANG, DE BZHIN DU STOBS DANG LDAN ZHING NYAM CHUNG BA LA MA YIN PA DANG, DGE SLONG DANG BRAM ZE BKRA SHIS DANG BDE LEGS BRJOD PA DANG, DE BZHIN DU KHA ZAS SNUM ZHING SHA KHU LA SOGS PA DANG LDAN PA BYIN PA DANG, DE BZHIN DU ME TSAN DANG, NYI TSAN GYIS DUGS BYA BA DANG, PUS MO DANG MNYAM PA TZAM GYI MTHO BA'I STAN LA 'DUG PA DANG DE BZHIN DU SKRA'I RTZA BA RAS KYI TSAL PA 'JAM POS BCINGS SHING BSDAMS PA DANG, DE
, ,BZHIN DU PUS MO GNYIS KYI LHA NGAR GRU MO BRTAN PO BTZUGS NAS, RANG GI KHU TSUR NANG DU GOS KYI GLOD BCUG PAS, MGUL PA'I NGOS GNYIS NAS DAM DU BTZIR BAR BYA BA DANG, DE BZHIN DU SO BSDAMS SHING BTZIR LA MKHUR BA GNYIS SU DE GNAS PAR BYA'O, , DE LA RGYAB NAS BTZIR BA DANG, ,GOS KYIS DKRIS SHING MDZUB MO NI, ,G-YON PA LKOG MAR BCUG NAS SU, ,NANG DU LEGS PAR GZHUG PAR BYA, ,ZHES BYA BA LA, NAD PA DE LA SKYES BU GZHAN GYIS RGYAB NAS BTZIR ZHING BSDAMS PA DANG, GOS KYIS DKRIS PA LTAG PAR BCUG NAS; LKOG MA DANG GOS KYI BAR DU LAG PA G-YON PA'I MDZUB MO BCUG NAS DBUGS DGAG PA LA MI GNOD PAS DE BSDAM PAR BYA'O, ,'DI NI NANG DU KHA BLTAS RTZA, ,MA GTOGS BSDAM PA'I CHO GA YIN, ,ZHES BYA BA LA, BSDAM PA'I CHO GAR BSHAD PA GANG YIN PA DE NI RTZA KHA PHYI ROL DU BLTAS PA BSDAM PA'I CHO GA YIN GYI, KHA NANG DU BLTAS PA'I RTZA BSDAM PA'I CHO GAR BSHAD PA NI MA YIN NO, ,KHA NANG DU BLTAS PA'I RTZA BSDAM PA NI, ,LCE BTEG BZLOG STE SOS MNAN LA, ,ZHES 'OG NAS BSHAD PA YIN NO, ,DE 'OG SMAN PA'I MTHE PO LAS, ,GUNG MO BTANG BAR GYUR PA YIS, ,RTZA BYUNG MNGON LA GDAB BYAS NAS, ,REG PA'AM MTHE BOS MNAN BYAS LA, ,LAG PA G-YON PAS BZUNG PA YI, ,GTZAGS BU STA RES DBUS SU GDAB, ,GTZAGS BU'I KHA PHYOGS MI YO GTANG, ,DE BZHIN GDAB PA'AM BTZIR BA YI, , BEM RTOL BRDABS LA KHRAG DBYUNG NGO, ,ZHES BYA BA LA, DE LTAR BYAS PA'I 'OG TU SMAN PAS MTHE PO'I SOR MO LAS GUNG MO BTANG BAR GYUR BAS RTZA LA GDAB PAR BYA'O, ,RTZA DE BYUNG ZHING G-YO BAR GYUR PA REG PAS SHES PAR BYA BA'AM, MTHE BOS MNAN PAS SHES PAR BYA'O, ,DE'I 'OG TU GTZAGS BU STA RE LTA BUS RTZA'I DBUS MTSAN MA BTAB LA, LAG PA G-YON PAS GZUNG BA'I GTZAGS BU STA RE LTAR YU BA GYEN DU BSTAN TE, LAG PA 'DAR BA MED BAR BYAS LA, SNGA MA BZHIN DU MTHE BO LAS GUNG MO BTONG BA'I BEM RTOL BRDABS PAS KHRAG DBYUNG BAR BYA BA'AM,
MTHE BO'I LTOS MNAN TE GTAR GA GDAB PAR BYA'O, ,SNA DRUNG GI NI RTZAR GDAB PA, ,RTZE MO MTHE BOS BTEG NAS NI, ,GTZAGS RTZE 'BRAS 'DRA GDAB PAR BYA, ,ZHES BYA BA LA, SNA DANG NYE BA NA GNAS PA'I RTZAR GDAB PA NA, SNA'I RTZE MO MTHE BOS BTEG NAS GTZAGS BU RTZE MO 'BRAS 'DRA BAS GDAB PAR BYA'O, ,LCE BTEG BZLOG STE SOS MNAN LA, ,LCE 'OG RTZAR NI GDAB PAR BYA, ,ZHES BYA BA LA, LCE BTEG CING BZLOG PA'I STE, RKAN GYI THOG TU BSDUS LA, SOS RNAM PAR MNAN NAS, LCE'I 'OG GI RTZA LA GTAR GA GDAB PAR BYA'O, ,NU MA YAN CHAD BSDAMS NAS NI, ,MGUL PAR GNAS PA'I RTZAR GDAB PO, ,ZHES BYA BA LA, NU MA YAN CHAD RAS KYIS LEGS PAR BSDAMS NAS MGUL PAR GNAS PA'I RTZAR GDAB CING GTAR GA BYA'O, ,LAG PA GNYIS SU RDO BCANGS TE, ,LAG PA PUS MOR BRTEN TE BCANGS, ,MCHAN KHUNG MAN CHAD MNYES NAS NI, ,GONG DU BCINGS LA LTO RTZAR GDAB, ,CES BYA BA LA, LAG PA GNYIS KYI NANG DU RDO BA BCANGS PA DE LTA BU'I LAG PA BUS MOR BRTEN TE BRKYANG BA DANG, DE BZHIN DU MCHAN KHUNG MAN CHAD LEGS PAR MNYES TE, LAG PA DE'I 'OG TU BCINGS LA LTO RTZAR GDAB PAR BYA'O, ,LAG NGAR RTZA NI BDER 'DUG STE, ,GDAB PA'I SOR BZHI GONG GI NI, ,PHYOGS SU RAS KYIS DAM BCINGS LA, ,MTHE BO CHANG BAR BCUG NAS NI, ,LAG DAR BRKYANG LAG DAB PAR BYA, ,ZHES BYA BA LA, LAG DAR GNYIS KYI RTZAR GDAB PA NI, DANG PO BDE BAR 'DUG STE, GAR GDAB BA'I SA SOR BZHI'I GONG DU RAS KYIS DAM POR BCINGS LA, MTHE BO CHANG PAR BCUG NAS SOR MO RNAMS KYIS BSDAMS TE, LAG NGAR LEGS PAR BRKYANG LA GDAB PAR BYA'O, ,RTZIB LOGS RTZA NI DPUNG PA GNYIS, ,THUR DU DPYANGS TE GDAB PAR BYA, ,ZHES BYA BA LA, RTZIB LOGS GNYIS SU GTAR GA GDAB PA, DANG POR NAD BA'I DPUNG PA GNYIS THUR DU DBYANGS LA GDAB BAR BYA'O, ,PHO MTSAN RTZA NI BTEG STE GDAB, ,CES BYA BA LA, PHO MTSAN KYI RTZA NI BTEG CING LAS SU RUD BAR BYAS NAS
, ,GDAB PAR BYA'O, ,BYIN RTZA PUS MO MA BKUG PAR, ,ZHES BYA BA LA, BYIN PA'I RTZA NI BUS MO MA BKUG PAR BRKYANG STE GDAB PAR BYA'O, ,RKANG PA LEGS BZHAG PUS MO LA, ,'OG TU LAG PA GNYIS KYIS NI, ,LONG MO'I BAR DU DAM BTZIR LA, ,RKANG PA DE STENG GNYIS PA NI, ,CUNG ZAD BKUG STE BZHAG PA YIS, ,MNAN LA DE NAS LAG PA LTAR, ,RTZAR GDAB, CES BYA BA LA, RKANG PA'I RTZAR GDAB PA'I THABS NI, DE YANG RKANG PA LEGS PAR BZHAG LA, BUS MO'I TSIGS KYI 'OG TU, LAG PA GNYIS KYIS DAM DU LONG MO'I BAR DU BTZIR LA, RKANG PA DE'I STENG DU RKANG PA GNYIS CUNG ZAD BKUG STE BZHAG LA, CUNG ZAD TZAM MNAN NAS SNGAR LAG PA'I RTZAR 'DEBS PA BZHIN DU GTAR GA GDAB PA'I 'OG TU SOR BZHI TZAM GYI RAS LA SOGS PAS DAM DU BSDAMS LA RTZAR GDAB PAR BYA'O, ,DE LTAR MA SMOS PA'I, GZHAN DGAL YANG GDAB BYA LA, ,THABS SHES GTZAGS SPYAD DE DANG DES, ,PHYOGS NI DE DANG DE RU GDAB, ,CES BYA BA LA, DE LTAR RNAM PA DE DAG GIS RTZAR GDAB PA'I GNAS MA SMOS PA'I PHYOGS GZHAN DAG LA YANG GDAB PAR BYA BA YIN PAS NA, THABS SHES SHING RTOGS PA'I SMAN PAS, GTZAGS SPYAD DE DANG DE RANG GI BLOS LEGS PAR DBAGS LA GNAS KYI PHYOGS DE DANG DER GDAB PAR BYA'O, ,SHA CHE BA YI PHYOGS SU 'DEBS, ,'BRAS 'DRA 'BRAS KYI SRID TZAM GDAB, ,RUS PA'I STENG RTZA STA RE 'DRAS, ,NAS KYI PHYED TZAM GDAB PAR BYA, ,ZHES BYA BA LA, SHA CHE BA'I PHYOGS SU 'BRAS 'DRA BA'I GTZAGS BUS 'DEBS PAR BYED NA, GTZAGS BU DBYIBS 'BRAS 'DRA ZHING 'BRAS KYI TSAD TZAM GDAB PAR BYA'O, ,RUS PA'I STENG RTZA LA 'DEBS NA STA RE 'DRA BA'I GTZAGS BUS NANG DU NAS KYI PHYED TZAM NUB PAR GDAB PAR BYA'O, ,GTAR GA GDAB PA THAMS CAD LA YANG KHA SBUB PAS SHIN TU GTING RING BAR MI BYA BA DANG, DRANG ZHING MA 'CHOL BA DANG, SNYOMS SHING GNOD PA MED PAR RTZA DBUS SU GTZAGS BUS MYUR DU GDAB PAR BYA'O, ,LEGS PAR BTAB NAS
KHRAG GZAGS TE, ,CHINGS MA BKROL NAS GZAGS MI BYA, ,ZHES BYA BA LA, DE LTAR GTAR LEGS PAR BTAB NAS KHRAG GI RGYUN GZAGS PAR BYA'I, ,CHINGS MA BKROL NAS NI KHRAG GI RGYUN YANG GZAGS PAR MI BYA'O, ,DE YANG BSDUS PA LAS, LAN CIG BTAB PAS KHRAG GI RGYUN, ,GANG ZHIG 'DZAG PAR GYUR PA NA, ,YUD TZAM BSDAMS PA BYAS PA NI, ,DE NI LEGS PAR BTAB CES BYA, ,ZHES BSHAD PA YIN NO, ,BTAB MA LEGS PAS DUS CUNG ZAD, ,NYUNG ZAD 'BYUNG BA TIL PHYE GDAB, ,CES BYA BA LA, GTAR GA BTAB PA MA LEGS TE, NYES PAR GYUR PAS DUS CUNG ZAD CIG KHRAG GI RGYUN NYUNG ZAD 'BYUNG BAR 'GYUR TE, DE LA TIL ZHIB TU BTAGS PA'I PHYE MA RTZA'I SGOR GDAB PAR BYA'O, ,GDAB DRAGS SGRA DANG BCAS PAR NI, ,'BYUNG ZHING BCAD KYANG DKAR BAR 'GYUR, ,ZHES BYA BA LA, GTAR GA BTAB PA MED PA'AM, DRAGS PA'I KHRAG GI RGYUN SGRA DANG BCAS PAR 'GYUR LA, RGYUN 'BYUNG BA DE GCAD CING DGAG PA YANG SHIN TU DKA' BAR 'GYUR RO, ,DANG NGA DANG 'BOG PAR 'GYUR BA DANG, CHINGS LHOD MTSON RTUL 'GRANGS DRAGS DANG, NYAM CHUNG SHUGS NYEN DUGS MA BYAS; ,KHRAG MI 'BYUNG BA'I RGYU YIN NO, ,ZHES BYA BA LA, LEGS PAR BTAB TU ZIN KYANG, DNGANG BA DANG 'BOG CING BRGYAL BAR 'GYUR BA NI, KHRAG GI RGYUN MI 'BYUNG BA'I RGYU YIN NO, ,DE LA DNGANG BA NI SKRAG PA'O, ,'BOG PA NI BRGYAL ZHING MUN PAR ZHUGS PA LTA BUR GYUR PA'O, , CHINGS MA LHOD PA NI DAM DU MA BSDAMS PA'O, ,MTSON RTUL BA NI RTZE MO RTUL LA LAM CHAG PA'O, ,'GRANGS DRAGS PA NI ZAS BSTEN DRAGS PA'O, ,NYAM CHUNG PA NI RID PA'O, ,SHUGS KYIS NYEN PA NI BSHANG GCI 'BYUNG LA KHAD PA'O, ,DUGS MA BYAS PA NI LEGS PAR MA BSROS BA'O; ,KHRAG NI LEGS PAR MA BYUNG NA, ,BYI DANG TSA GSUM SKYER PA DANG, ,RGYA SPOS RGYAM TSA KHYIM DUNG BCAS, ,TIL MAR BTAGS LA RMA LA BSKU, ,ZHES BYA BA LA, KHRAG LEGS PAR MA BYUNG ZHING GTAR GNYES PAR GYUR NA, BYI DANG GA DANG TSA BA GSUM LA SOGS PA BTAGS
, ,PAS RTZA'I SGO BSKU BAR BYA STE, DES NI LEGS PAR 'BYUNG BAR 'GYUR RO, ,KHRAG NI LEGS BYUNG TIL MAR DANG, ,RGYAM TSA SBYAR LA DRO 'JAM BSKU, ,ZHES BYA BA LA, KHRAG LEGS PAR 'BYUNG ZHING RGYU BAR GYUR NA, BAD KAN DANG RLUNG NYE BAR ZHI ZHING KHRAG GCAD PAR BYA BA'I PHYIR TIL MAR DANG RGYAM TSAR SBYAR LA, DRO 'JAM TZAM GYIS RMA'I SGO BSKU BAR BYA'O, ,LEB RGAN RTZI LAS TSON SER LTAR, ,DANG POR NAD KHRAG 'BYUNG BAR 'GYUR, ,ZHES BYA BA LA, GTAR GA BTAB BA NI KHRAG BZANG NGAN 'DRES PA LA, DANG POR NAD DANG BCAS PA'I KHRAG DBYUNG ZHING 'BAB PAR GYUR TE, DPER NA LEB [?] RGAN RTZI'I TSON SER PO DANG DMAR PO 'DRES BAR GYUR BA LA, GOS 'TSOD PA NA DANG PO SER PO 'BYUNG BAR 'GYUR BA DANG 'DRA'O, ,LEGS PAR 'BYUNG NA RANG NYID 'CHAD, ,KHRAG BZANG BYUNG NA 'ANG DBYUNG MI BYA, ,ZHES BYA BA LA, LEGS PAR BTAB STE 'BYUNG BA RANG NYID 'CHAD PAR 'GYUR LA DE LTAR RANG CHAD NAS DBYUNG BAR MI BYA'O, ,DE BZHIN DU KHRAG BZANG PO NAD MED PAR GYUR NAS KYANG DBYUNG BAR MI BYA STE, KHRAG NI SROG GI RTEN YIN BA'I PHYIR RO, ,BRGYAL GYUR NA NI CHINGS MA DGROL, ,RLUNG YAB KYIS G-YAB SLAR KHRAG DBYUNG, ,SLAR 'BOG GYUR NA NYI MA NI, ,GNYIS PA 'AM GSUM PA DAG LA GDAB, ,CES BYA BA LA, GANG ZHIG KHRAG GZAGS NAS BRGYAL BAR GYUR NA, GTAR GA'I CHINGS MA DE BKROL LA, RLUNG YAB KYIS RLUNG G-YABS TE, BRGYAL BA DE BSANGS TE, DE'I 'OG TU SLAR KHRAG DBYUNG BAR BYA'O, ,DE LTAR BYAS KYANG SLAR 'BOG PAR GYUR NA, DE TSE BCAD LA NYI MA GNYIS PA'AM, GSUM PA'I TSE GTAR GA GDAB CING NAD KHRAG DBYUNG BAR BYA'O, ,RLUNG KHRAG GNAG CING DMAR LA RTZUB, ,SHUGS DRAG GSAL ZHING LBU PA CAN, ,MKHRIS KHRAG SER LA RTZA GNAG MAN MA, ,SPYI BAG DRO ZHING TSON CAN YIN, ,BAD KAN KHRAG NI 'JAM ZHING SKYA, ,RGYUN CAN 'BYAR ZHING SKA BA YIN, ,'DRES PA'I MTSAN MA 'DREN MA YIN, ,NYES GSUM DRI MA RNYOG MA CAN, ,ZHES BYA BA LA, DE LA RLUNG GI NAD LAS NI KHRAG MDOG GNAG PA LA
SOGS PA 'BYUNG BAR 'GYUR TE, GNAG PA NI NAG NO GA CAN LA CUNG ZAD TZAM SNGO BA'O, ,DMAR BA NI RTZA DMAR ZHING 'TSER BA'O, ,RTZUB PA NI SNUM BAG MED PA'O, ,SHUGS DRAG PO NI SHUGS KYIS 'BYUNG BA'O, ,MDOG GSAL BA NI GSAL BA'O, ,LBU BA CAN NI LBU BA DANG BCAS PA'O, ,DE BZHIN DU MKHRIS PA LAS GYUR PA'I KHRAG NI MDOG SER BA DANG, GNAG PAR GYUR PA DANG, MNAM ZHING DRING BA DANG, SPYI BAG STE TSA BAS 'THAS SHING MKHRANG PAG TU 'GAS PA DANG, DRO ZHING TSA BA 'UR 'UR POR 'DUG PA DANG, TSON CAN TE RMA BYA'I MJUG SGRO LTAR SNANG BA YIN NO, ,BAD KAN LAS GYUR PA'I NAD KHRAG LA NI 'JAM ZHING SNUM PA DANG, MDOG SKYA BA DANG, RGYUN CAN NAL NAL PO KHA 'DRA BAR SNANG BA DANG, 'BYAR ZHING SLA BAG MED PA DANG, SKA ZHING 'DRIL BA YIN NO, ,'DRES PA NI NAD GZHI GNYIS KYI LDAN PA LAS GYUR PA'I KHRAG STE, DE NI 'DREN MA STE, GANG DANG GANG 'DRES PA DE GNYI GA'I MTSAN MA DANG 'DRES PA ZHES BYA'O, ,NAD GZHI'I NYES PA GSUM CHAR 'DUS PA'I KHRAG GANG YIN PA DE NI DRI MA CAN TE, DANG BAG MED PA DANG, RNYOG PA DANG LDAN ZHING NAG NOG GI SHAS CHE BA YIN NO, ,KHRAG DAN PA NI NYAMS CHE LA, , TSAD LAS LHAG PAR DBYUNG MI BYA, ,KHRAG PHYUNG DRAGS NA 'CHI BA 'AM, ,RLUNG NAD MI BZAD 'BYUNG BAR 'GYUR, ,ZHES BYA BA LA, SKYES BU NYAMS CHE BA ZHIG YIN NA YANG, KHRAG NGAN PA'AM, NAD KHRAG TSAD DE SRANG BCU DRUG PAS DBYUNG BAR MI BYA STE, CI'I PHYIR ZHE NA, KHRAG DBYUNG ZHING GZAGS PA DRAGS NA MYUR DU 'CHI BAR 'GYUR BA'AM, YANG NA RLUNG NAD SHIN TU GSO DKA' BA 'BYUNG BAR 'GYUR RO, ,DE LA BSKU BYUG 'O MA KHU, ,KHRAG BCUD BLUD PA SMAN YIN NO, ,ZHES BYA BA LA, KHRAG BTON DRAGS PA DE LA SMAN NI, BSKU BYUG BYA BA DANG, 'O MA DANG SHA KHU BLUD PA DANG, RI DAGS DANG RA LUG LA SOGS PA'I KHRAG BTON TE BLUD PAR BYA'O, ,KHRAG PHYUNG NAS NI CHINGS MA DAG ,DAL GYIS BKROL LA CHU BA SIL GYIS, ,BKRUS LA TIL MAR GYIS BYUGS PA'I, ,GOS 'JAM GYIS NI RMA KHA DKRI, ,ZHES BYA BA LA, KHRAG DBYUNG
, ,ZHING GZAGS NAS CHINGS MA DAL GYIS KLONG DE BKROL LA, CHU BSIL BAS KHRAG RJES BKRUS LA, ,RTZA'I SGO TIL MAR GYIS BYUGS PA'I GOS 'JAM POS RMA KHA G-YOGS LA, DE'I 'OG TU BCING BAR BYA'O, ,KHRAG NAD YOD NA PHYI 'PHRED DAM, ,PHYI DE NYIN PAR SLAR YANG DBYUNG, ,SHIN TU GNOD PA'I KHRAG ZLA PHYED, ,SNUM GYIS BRTAS PA'I LUS LAS DBYUNG, ,ZHES BYA BA LA, KHRAG MA DAG CING NAD YOD PAR GYUR NA, PHYI 'PHRED KYIS SLAR YANG DBYUNG BAR BYA'O, ,YANG NA PHYI DE NYIN DE, NYI MA GNYIS PAR BSKYAR BAR BYA'O, ,SHIN TU GNOD PA'I KHRAG YOD NA ZLA BA PHYED NAS SNUM GYIS BRTA ZHING ZHEN PAR BYA BA'I LUS LAS DBYUNG BAR BYA'O, ,KHRAG NGAN CUNG ZAD LUS KYANG NI, ,NAD NI LHAG PAR MI BSKYED PAS, ,DE PHYIR LHAG MA YOD GYUR YANG, ,GZHAG GI SHAS CHER MI DBYUNG NGO, ,ZHES BYA BA LA, GANG GI PHYIR KHRAG NAD CAN NGAN PA CUNG ZAD LUS PAR GYUR KYANG, DE LAS BYUNG BA'I NAD LHAG PAR MI BSKYED CING BYA BA LA RGAL TE, GNAS GZHAN DU MI 'GRO BAS DE'I PHYIR LHAG MA CUNG ZAD YOD DU ZIN KYANG SHAS CHER MI 'BYUNG GI ,LHAG MA DANG BCAS PAR GZHAG STE, ,KHRAG NI SROG GI RTEN YIN PA'I PHYIR RO, ,DE YANG DRANG SRONG LEGS MTHONG GIS, ,MKHAS PAS NAD BCAS KHRAG KYANG NI, ,LHAG MA CUNG ZAD YOD BYA YI, ,LHAG PAR DBYUNG BAR MI BYA STE, ,LHAG MA ZHI BAS BSAL BAR BYA, ,NAD KHRAG LHAG MA CUNG ZAD LUS, ,NAD NI SHAS CHER MI SKYED DE, DE BAS LHAG MAR BCAS GZHAG GI ,SBYOR BA DRAGS PA MI BYA'O, ,ZHES BSHAD PA YIN NO, ,LHAG MA RDABS [?] RU STZOGS GDAB PA'AM, ,YANG NA SPYOD BSIL KHRAG MKHRIS BSAL, ,SBYANG DANG SKAM PA'I BYE BRAG NI, ,GSO BAS DE NI DANG BAR BYA, ,ZHES BYA BA LA, NAD KHRAG LHAG MA LUS PA DE, RNGA BAS RVA GDAB PA LA SOGS PAS BSAL BAR BYA BA 'AM, YANG NA SPYOD LAM BSIL BA STE, CHU BSIL BA BLUGS PA LA SOGS PAS KHRAG DANG MKHRIS BA BSAL ZHING GSO PA'I THABS DANG ZAS DANG SMAN SNUM PA DANG, MNGAR BA BSTEN PA DANG SBYANG
BA STE; SLON DANG KHRUS KYI TSUL DANG, SKAM PA STE, SMYUNG BAR GNAS PA LA SOGS PA'I BYE BRAG GI GSO BAS DANG BAR BYA ZHING BSAL BAR BYA'O, ,NAD KHRAG RAB RGYAS MA GYUR PA'AM, ,DE 'DRA'I THABS KYIS GSO BAR BYA, ,ZHES BYA BA LA, NAD KHRAG SHIN TU RGYAS SHING RAB TU GYUR PA LA'ANG, SPYOD LAM BSIL BAR BYA BA LA SOGS PA DE DAG GIS GSO BAR BYA ZHING DANG BAR BYA'O, ,NAD KHRAG RGYAS BAR GYUR PA LA NI GTAR GA GDAB PA LA SOGS PA KHRAG DBYUNG BA'I THABS KYIS DBYUNG BAR BYA'O, ,KHRAG GI RGYUN NI MCHOD NA, ,GCAD PA'I SBYOR BA MYUR BAR BYA; ,ZHES BYA BA LA, KHRAG GI RGYUN BYUNG BA MCHOD CING BDE BAR GNAS PAR MA GYUR NA, GCAD PA'I SBYOR BA MYUR ZHING RINGS PAR BYA'O, ,SENG PHROM RMA SHING PRI YANG KU, ,MA SHA SHING MNGAR YUG SNAM BTZAG ,GYO DU MA ZAR MA SNAG TSA DANG, ,'O MA CAN SHING SHUN LO MA, , BTAGS PA'I PHYEM RMA KHAR GDAB, ,SHUG SOGS CHU GRANG SBYAR LA BLUD, ,CES BYA BA LA, DE LTAR KHRAG GCAD PAR BYA BA'I PHYIR, SENG PHROM LA SOGS PA'I PHYE MA RMA'I SGOR GDAB PA DANG, SHUG PA LA SOGS PA'I SDE TSAN DANG SBYAR BA'I CHU GRANG BLUD BAR BYA'O, ,'O MA CAN GYI SHING NI N+YA GRO DHA DANG, ,AA SHVADTHA LA SOGS PA'I SHUN PA DANG LO MA'O, ,GZHAN NI GO BAR ZAD DO, ,YANG NA RTZA BTAB DE GONG GI ,RTZA DE NYID LA GTAR GA GDAB, ,YANG NA THUR MA BSREGS PA YIS, ,RMA KHA MYUR DU BSREG PAR BYA, ,ZHES BYA BA LA, GCAD PA'I SBYOR BA GZHAN YANG SNGAR BCAD PA'I RTZA DE NYID KYI GONG ROL DU GTAR GA GDAB PAR BYA'O, ,YANG RNAM PA THAMS CAD DU KHRAG CHOD BAR MA GYUR NA, THUR MA MER BSREGS PAS RMA KHA MYUR DU BSREG PAR BYA'O, ,BCING BA NYES PAS LA MA LOG LA GNAS TE, ,NAD NI RGYAS PAS KHRAG NI 'KHRUGS GYUR PA, ,RANG GI GNAS SU SLAR PHYIN MA GYUR PA, ,DE SRID ZAS DANG SPYOD LAM PHAN PA BSTEN, ,ZHES BYA BA LA, GTAR GA'I BCING BA NYES SHING MA LEGS BA RLUNG DANG MKHRIS BA DANG BAD KAN GYI NAD GANG RANG GI GNAS NAS RGAL TE, LAM LOG PAR GNAS BAS NA KHRAG TU GYUR PA DE RANG GI GNAS SU PHYIN PAR MA
, ,GYUR CING, RANG GI LAM GNAS PAR MA GYUR PA DE SRID KYI BAR DU ZAS DANG SPYOD LAM LA SOGS PA PHAN ZHING GNOD PA MED PA LA BRTEN PAR BYA'O, ,LUS DANG NGAG DANG YID KYI SPYOD PA LA 'DIR SPYOD LAM ZHES BYA'O, ,SHIN TU TSA GRANG MA YIN YANG DROD BSKYED, ,KHRAG SEL BYED PA'I BZA' DANG BTUNG BA PHAN, ,DE TSE LUS DANG KHRAG BDER MI GNAS PAS, ,KHYAD PAR DU NI ME LAS BSRUNG BAR BYA, ,ZHES BYA BA LA, KHRAG DBYUNG ZHING GZAGS NAS ZAS DANG SKOM SHIN TU TSA BA DANG, SHIN TU GRANG BA NA GNOD PA YIN TE, SHIN TU TSA NA NI SLAR KHRAG BSKYED PAR 'GYUR LA, SHIN TU GRANG BA NI ME DROD NYAMS PAR BYED PA YIN TE, DE BAS NA GNYI GA MA YIN PA BSTEN PA DANG, DE BZHIN DU RANG BZHIN GYIS G-YOS SU BYAS PA'I BZA' BTUNG DANG, PHO BA'I ME'I DROD BSKYED PA'I ZAS SKOM YANG SBYIN PAR BYA STE, GANG GI PHYIR DE'I TSE LUS LA BDE BAR MI GNAS PAS YANG DE NI MKHRIS PA'I GNAS YIN LA, MKHRIS PA NI MES BSKYED DE, DE'I PHYIR KHYAD PAR DU ME LAS BSRUNG BAR BYA ZHING RNAM PA DU MAS BSKYANG BAR BYA'O, ,MDOG DANG DBANG PO GSAL ZHING DBANG PO YUL, ,'DOD CING ZAS 'JU SHUGS KYANG BDE BAR 'JU, , BDE DANG LDAN ZHING STOBS RGYAS PHUN SUM TSOGS, ,MI YI NAD KHRAG DAG PA YIN PAR BSHAD, ,CES BYA BA LA, SKYES BU 'DI LTA BU NAD KHRAG MED PA YIN PAR DRANG SRONG RNAMS KYIS BSHAD CING BSTAN TO, ,DE YANG SKYES BU DE'I LUS KYI MDOG DANG, DBANG PO RNAMS GSAL ZHING DANG BA'I BDAG NYID CAN YIN PA DANG, DE NYID NI DBANG PO'I YUL 'DOD CING YUL LA DGA' BA DANG, ZAS 'JU BA NI PHO BA'I ME DROD LA BYA LA, DE'I SHUGS NI NUS PA LA BYA STE, ZAS 'JU BA DE THOGS PA MED PA DANG, ZIL GYIS MI NON PAR BDE BAR 'BYUNG BA DANG, DE BZHIN DU BDE BA DANG LDAN PA STE, NAD MED PA DANG LDAN PA DANG, DE BZHIN DU STOBS DANG LUS RGYAS PA PHUN SUM TSOGS PA DANG LDAN PA'I MI NI NAD KHRAG YONGS SU DAG PA YIN NO ZHES BSHAD DO, ,YAN LAG BRGYAD PA'I SNYONG PO BSDUS PA'I RNAM PAR 'GREL PA, TSIG GI DON GYI ZLA ZER ZHES BYA
BA; SLOB DPON ZLA BA LA DGA' BAS NYE BAR SBYAR BA LAS, LE'U NYI SHU RTZA BDUN PA'I RNAM PAR 'GREL PA'O,, ,,DE NAS ZUG RDU DBYUNG BA'I CHO GA'I LE'U BSHAD PAR BYA'O, ,ZHES BYA BA LA, 'DI BRTZAMS PA'I 'BREL PA NI 'DI YIN TE, NAD KHRAG TU GYUR PA GANG YIN PA, DE NI GTAR GA GDAB PA'I THABS KYIS DBYUNG DGOS PAS GONG DU BSHAD PAS NA DE'I 'OG TU KHONG DU MTSON LUS PA ZUG RDU ZHES BYA BA YANG DBYUNG DGOS PAS DE'I 'OG TU 'DI BRTZAMS PA YIN NO, ,ZUG RNGU'I BGROD PA RNAM LNGA STE, ,YO DRANG THAD KA STENG DANG 'OG ,CES BYA BA LA, ZUG RDU STE MTSON LUS PA'I BGROD PA'I LAM NI, YO BA LA SOGS PA'I RNAM PAS RNAM PA LNGA YOD PAR SHES PAR BYA'O, ,KHA GNAG SKRANGS DANG NAD DANG BCAS, ,YANG DANG YANG DU KHRAG 'DZAG LA, ,RMA YI NYE 'KHOR MTHO ZHING GLO, ,CHU BUR LTA BU'I THOR BU 'BYUNG, ,SHA NI 'JAM GYUR LUS MDOR NA, ,KHONG NA ZUG RNGU YOD SHES BYA, ,ZHES BYA BA LA, KHONG PA'I NANG NA MTSON YOD PA'I MTSAN NYID NI, MDOR NA 'DI LTAR SHES PAR BYA ZHING KHONG DU CHUD PAR BYA'O, ,JI LTA BU ZHE NA, RMA'I SGO BA GNAG CING DRI MA CAN DANG, DE BZHIN DU RMA SKRANG ZHING NA BA DANG BCAS PA DANG, DE BZHIN DU YANG DANG YANG 'DZAG CING 'BYUNG BA DANG, DE BZHIN DU RMA'I NYE 'KHOR DPANGS SU MTHO ZHING GLO BA DANG, CHU'I CHU BUR LTA BUR THOR BU 'BYUNG BA DANG, DE BZHIN DU SHA MDANGS 'JAM ZHING SHA SNYI BAR GYUR PA YIN NO, ,KHYAD PAR DU NI PAGS PAR NA, ,MTSON LUS MDOG NYAMS SRAB DANG, ,SKRANGS PAR 'GYUR RO, ,ZHES BYA BA LA, KHYAD PAR RAM BYE BRAG TU PAGS PA'I NANG DU MTSON LUS PA NI PAGS PA'I MDOG MI SDUG PAR 'GYUR PA DANG, SRA ZHING MKHRANG BAG TU GNAS PA DANG, CHUR SKRANGS PAR 'GYUR RO, ,SHAR GNAS PA, ,NAD DANG SKRANGS PA LHAG PAR 'PHEL, ,BTZIR BAR MI BZOD SMIN PA DANG, ,RMA YI SGO NI 'DRUB MI SHES, ,ZHES BYA BA LA, SHA'I DUM BU LUS PA, SHA LA GNAS PA NI LHAG PAR NA ZHING SKRANGS PA'I TSABS LHAG PAR 'PHEL BA DANG, BTZIR ZHING MNAN PAR MI BZOD PA DANG, MTSON GANG NAG NAS
, ,PA DER SMIN ZHING RNAGS PA DANG, ZUG RDU ZUG PA'I RMA'I KHA 'DRU BCING 'TSO MI SHES PA YIN NO, ,NYA YI NANG ZUG SHAR ZUG DANG, ,'DRA LAS SKRANGS BAG MED PA YIN, ,ZHES BYA BA LA, BYIN PA LA SOGS PA'I NYA'I NANG DU GNAS PA'I ZUG RNGU'I MTSAN NYID NI SHA LA ZUG PA DANG 'DRA BA LAS SKRANGS BAG MED DE, DE MA GTOGS PA YIN NO, ,DE LA LUS PA NYA ZHES BYA BA'I SHA LNGA BRGYA YOD PAR 'OG NAS BSHAD DE, SHA'I CHAR GTOGS PA ZLA BA ZLA BA TSES PA LA SOGS PA'I DBYIBS CAN LA NYA ZHES BYA'O, ,CHU BA 'DRI BA'I NANG LUS PA'I, , CHU BA LAS NI DBYUNG DKA' ZHING, ,BSGUL DKA' BSKYOD TSE RENGS SHING NA, ,ZHES BYA BA LA, CHU BA'I DRA BA'I NANG DU MTSON LUS PA NI, CHU BA LAS DBYUNG BAR DKA' BA DANG, BSGUL BAR DKA' ZHING NA BA DANG, BSKYOD PA'I TSE LHAG PAR MI BZOD PA DANG, SHING LTAR RENGS SHING 'JAS PA DANG, NA BA LHANG LHANG POR BYED PA YIN TE, ZUG RNGU 'DI NI LHAG PAR 'BYUNG DKA' PAR 'GYUR RO, ,RTZA LA BRTEN PA RTZA SKRANGS 'GYUR, ,ZHES BYA BA LA, ZUG RDU RTZAR GNAS PA NI RTZA SKRANGS SHING SPOM BAG TU 'GYUR PA'O, ,BU GA'I SBUBS GNAS SBUBS KYIS NI; ,RANG GI LAS DANG YON TAN NYAMS, ,ZHES BYA BA LA, BU GAR GNAS PA'I ZUG RNGU NI RANG GI GNAS DANG, YON TAN LAS NYAMS PAR 'GYUR RO, ,DE YANG BU GA'I SBU BAS NI DBUGS DANG, LUS ZUNGS DANG, DRI MA DANG CHU RNAMS RGYU BA'I GNAS BCU GSUM MO; ,DE DAG RANG GI LAS DANG, DE BZHIN DU YON TAN NYAMS SHING 'JIG PAR 'GYUR RO, ,RTZA CHEN GNAS PA DBUGS DANG KHRAG ,LBU BA CAN DU 'BYUNG 'GYUR ZHING, ,SGRA DANG BCAS PAR 'BYUNG BA DANG, ,SNYING DANG YAN LAG NA BCAS 'GYUR, ,ZHES BYA LA; RTZA CHEN PO SBUBS CAN DU GNAS PA'I ZUG RNGU NI, SBUBS DANG KHRAG 'DRES PA LBU BA CAN DU 'BYUNG BAR 'GYUR PA DANG, DBUGS DANG RLUNG DE SGRA DANG BCAS PAR 'GYUR BA DANG, SNYING GA NA ZHING MER MER POR SEMS PA DANG, YAN LAG NA ZHING SNYOM PA DANG BCAS PAR 'GYUR
RO; ,RUS TSIGS BOG RER MTSON LUS PA, ,RUS BRTZE TSABS CHER NA BAR 'GYUR, ,ZHES BYA BA LA, RUS PA'I TSIGS KYI BOG RER MTSON GYI DUM BU LUS PA NI RUS PA SHIN TU BRTZE ZHING ZUG PA DANG, BSKYOD CING BSGUL BA NA SHAS CHEN POR NA BAR 'GYUR RO, ,RUS GNAS NAD MANG SKRANG BAR BYED, ,CES BYA BA LA, MTSON GYI ZUG RDU RUS PA'I NANG NA GNAS PA NI, NAD MANG PO SNA TSOGS PA SKYED PAR BYED DE, PHAL CHER CHAG PA DANG, GRUM PA DANG, 'DAR BA DANG, GNOD CING ZUG PAR 'GYUR BA DANG, DE BZHIN DU SKRANG PAR BYED PAR YANG 'GYUR RO, ,TSIGS LA GNAS PA DE DANG 'DRA, ,BSKYOD PAR DKA' BA DAG TU 'GYUR, ,ZHES BYA BA LA, TSIGS LA GNAS PA'I ZUG RDU NI RUS PAR GNAS PA DANG 'DRA BAR 'GYUR BA DANG, DE BZHIN DU BSKYOD PAR DKA' ZHING BSGUL MI BZOD PAR 'GYUR RO, ,NANG GROL NANG YOD 'KHRUGS PA DANG, ,SPO ZHING KHA ZAS NGAN SKYUGS GCIN, ,RMA YI KHAR NI 'BYUNG BAR 'GYUR, ,ZHES BYA BA LA, NANG GROL GYI NANG DU LUS PA'I MTSON NI, 'KHRUG CING RGYU MA'I SGRA KRUG KRUG ZER BA DANG, SPOS SHING DBUGS KYIS RGYAS PA DANG, DE BZHIN DU KHA ZAS DANG, NGAN SKYUGS DANG, GCIN RMA'I KHAR 'BYUNG ZHING SNANG BAR 'GYUR RO, ,GNAD KYI NANG DU MTSON LUS PA, ,GNAD ZUG MTSAN NYID LAS SHES BYA, ,ZHES BYA BA LA, GNAD RNAMS KYI NANG DU MTSON LUS PA'I ZUG RNGU NI GNAD DU ZUG CING BSNUN PA'I MTSAN NYID GANG DAG BSHAD PA DE'I TSUL LAS SHES PAR BYA'O, ,PAGS PA LA SOGS RANG RANG GI ,JI LTAR 'DZAG LAS SHES PAR BYA, ,ZHES BYA BA LA, PAGS PA LA SOGS PA NAS GNAS KYI NANG DU MTSON GYI DUM BU LUS PA DAG SNGAR BSTAN PA'I MTSAN NYID DE DAG LAS SHES PAR BYA BA 'BA' ZHIG TU MA ZAD KYI RANG RANG GI GNAS LAS JI LTAR 'DZAG PA LAS KYANG ZUG RNGU YOD BAR SHES PAR BYA'O, ,SKYON MED LUS KYI RMA 'TSO STE, ,DE NI GNOD PA MED PAR GNAS, ,NAD 'KHRUGS SNAD
, ,PA LA SOGS KYIS, ,GONGS [?] NAS SLAR YANG GNOD PA SKYED, ,CES BYA BA LA, SKYES BU LUS LA NAD KYI SKYON MED PA'I ZUG RNGU DE RJES MTHUN PAR GNAS PA DAG GI RMA YANG 'TSO BAR BYED CING GNOD PA MED PAR 'GYUR MOD KYI, RMA 'TSO ZIN NAS KYANG NAD GZHI 'KHRUGS PA DANG, SNAD PA DANG, RTZOL BAS BSKYOD PA LA SOGS PA'I DBANG GIS GLONGS PA DANG, SLAR YANG LUS LA GNOD PA SKYED CING NAD DU 'GYUR BA YIN NO, ,GANG YANG RUNG BAR BAGS PA NYAMS, ,BSKU DANG MNYE DANG DUGS BYAS NAS, ,MDOG DMAR NA ZHING TSA LA 'KHRUG ,YANG NA GANG DU MAR BZHAG 'JU, ,LDE GUS BYUGS PA MYUR DU BSKA MAS, ,GNAS DER ZUG RDU BCAS SHES BYA, ,ZHES BYA BA LA, ZUG RNGU PAGS PA'I NANG DU ZUG CING MI MNGON PAR 'GYUR BA NI LUS KYI PHYOGS GANG DU ZUG PAR PAGS PA NYAMS PA DANG, BSKU BA LA SOGS PA BYAS PAS NI MDOG DMAR PA DANG, NA ZHING ZUG PA DANG, TSA BA DANG 'KHRUG CING BSKYOD PA NA NA BAR 'GYUR TE, DE LTA BU'I GNAS DE NI, ZUG RNGU DANG BCAS PA YIN PAR SHES PAR BYA'O, ,YANG NA PAGS PA'I PHYOGS GANG DU NA SAR MAR BZHAG NA MYUR DU 'JU BAR 'GYUR PA 'AM, LDE GUS BYUGS PA MYUR DU BSKAMS PAR GYUR NA, GNAS DE YANG ZUG RDU DANG BCAS PAR SHES PAR BYA'O, ,SHAR LUS SBYANG BA BYAS PA YIS, ,SKEM BYAS LHONGS [?] GYUR BSGUL BA DANG, ,BTZAN DMAR SOGS KYIS SHES PAR BYA, ,ZHES BYA BA LA, ZUG RDU SHA'I NANG DU LUS PA MI SNANG BAR GYUR PA NI SBYANG BA BYA BA STE, SLON SMAN DANG BKRU SMAN LA SOGS PA BYAS PAS LUS BSKAM ZHING SBEG PAR BYAS LA, SKEMS PAR BYAS PA DES LHONGS SHING YANG BAG TU GYUR PA DANG BSKUL BA DANG, BTZAN DMAR BO YOD PA DANG, NA BA LA SOGS PA'I ZUG RNGU YOD PAR SHES PAR BYA'O, ,NYA DANG RUS TSIGS NANG GROL GYI, ,ZUG RNGU'ANG DE BZHIN SHES PAR BYA, ,ZHES BYA BA LA, NYA DANG RUS PA'I TSIGS LA GNAS PA DANG, NANG GROL NA GNAS PA'I ZUG RNGU NI SLON SMAN LA SOGS PA'I SBYANG BAS SKEMS POR BYAS TE, LHONGS PAR GYUR PA
PA DANG, BSGUL PA DANG, BTZAN PA LA SOGS PAS NA BAR GYUR PA GANG NA YOD PA DE NA ZUG RDU YOD PAR SHES PAR BYA'O, ,SHA LA ZUG RNGU DANG 'DRA BAR SHES PAR BYA STE, RUS PA ZUG RNGUS MA RUNGS 'GYUR, ,RUS PA BSKU DANG DUGS BYA ZHING, ,MNYE DANG BTZIR LAS SHES PAR BYA; ,ZHES BYA BA LA, RUS PA'I NANG DU LUS PA'I MTSON MI MNGON PAR GYUR PA NI, RUS PA MA RUNGS SHING MDOG NYAMS PA DANG, RUS PA BSKU BA LA SOGS PA BYA BA NA GNOD PA YOD PA LAS SHES PAR BYA'O, ,RUS TSIGS GNAS PA RUS 'DRA DANG, ,BRKYANG DANG BSKUM PAS SHES PAR BYA, ,ZHES BYA BA LA, RUS PA'I TSIGS LA GNAS PA'I ZUG RDU MI MNGON PA NI, RUS PA DANG 'DRA BAR BSKU BA DANG, DUGS BYA BA LA SOGS PAS SHES PAR BYA BA DANG, BRKYANG BA DANG, BSKUM BA'I BSGUL BSKYOD LAS SHES PAR BYA'O, ,CHU BA RTZA DANG RTZA CHEN SBUBS, ,ZUG RNGU MI MNYAM LA MA 'GRO DANG, ,SHING RTA CHAG PA'I RTA DANG NI, ,LDAN PAR NAD PA BSKYON NAS SU, ,MYUR DU DRANGS NAS DE NAS NI, ,BSKYOD PAS ZUG RDU SHES PAR BYA, ,ZHES BYA BA LA, CHU BA LA SOGS PAR NU BCING MI MNGON PA'I ZUG RNGU NI, MI MNYAM PA'I LAM NI LAM MTHO DMA' CAN DU SHING RTA 'KHOR LO CHAG PA, RTAS DRANGS PA LA BSKYOD NAS DE'I 'OG TU MYUR DU DRANGS TE, GNAS GZHAN DU BSKYOD PAS, DE NAS BSKYOD PA DES RTZA DMAR BA DANG, RTZA BA LA SOGS PA NAS, ZUG RNGU GANG NA YOD PA SHES PAR BYA ZHING BRTAG PAR BYA'O, , GNAD ZUG LOGS SHIG MA BSHAD DE, ,DE RNAMS SHA SOGS LA GNAS YIN, ,ZHES BYA BA LA, GNAD DU ZUG CING MI SNANG BAR GYUR PA'I ZUG RDU'I MTSAN NYID NI LOGS SHIG TU MA BSHAD DE, DE RNAMS NI SHA LA SOGS PA NYID LA GNAS PAR SNGAR BSHAD PAS LOGS SHIG TU DGAR MED DO, ,SBYIR NI ZUG RNGUR BCAS BSKYOD PA'I, ,BYA BAS NAD BCAS LAS SHES BYA, ,ZHES BYA BA LA, SBYIR NA LUS KYI PHYOGS GANG NA ZUG RDU YOD CING NANG NA MTSON LUS PA DANG BCAS PA NI BSKYOD PA'I BYA BAS SHES LA GLANG PO CHE'I RGYAB DANG, RTA LA BSKYON
, ,PA DANG, SHING LA 'DZEG PA DANG, RTA RGYUG PA DANG, MYUR BA DANG, MDA' 'PHEN PA DANG, GLAL DANG, SBRID PA DANG, SGREGS PA DANG, LUD PA LU BA DANG, MCHIL MA DRAG TU 'DOR BA DANG, DGOD PA DANG, DBUGS RNGUB PA DANG, 'BYUNG BA DANG NA BA DANG BCAS PA LAS SHES PAR BYA'O, ,MDOR NA ZLUM DANG GYES PA DANG, ,ZUR BZHI PA DANG ZUR GSUM PA'I, ,RMA YI DBYIBS LAS ZUG RDU NI, ,MI MNGON RNAM PAR SHES PAR BYA, ,ZHES BYA BA LA, MDOR BSDU NA, MI MNGON PA'I ZUG RDU BRTAG CES BYA BA'I THABS NI, RMA'I KHA ZLUM PA DANG, GYES SHING NGOS GNYIS THA DAD PAR BYE BA DANG, ZUR BZHIR GNAS PA DANG, ZUR GSUM PAR GNAS PA'I RMA'I DBYIBS LAS ZUG RNGU'I DBYIBS DANG, RNAM PAR MI MNGON PA DAG SHES PAR BYA ZHING RTOGS PAR BYA'O, ,DE RNAMS DBYUNG BA'I THABS GYUR GNYIS, PHYIR DRANG BA DANG MDUN NAS DRANG, ,ZHES BYA BA LA, ZUG RNGU STE THAMS CAD DBYUNG BA'I THABS NI GNYIS KHO NA STE, PHYIR DRANG BA DANG MDUN NAS DRANG BA'O, ,RTZE NAS DRANG DANG RTZA NAS DRANG, ,DE LAS BZLOG PAS DBYUNG BAR BYA, ,ZHES BYA BA LA, DE GNYIS LAS BZLOG PA'I THABS YIN PAS NA, GO BZLOG PA'I TSUL GYIS DBYUNG BAR BYA'O, ,DE BAS NA SNA NAS DRANG BA DANG RTZE MO NAS DRANG BA'I THABS GNYIS KYIS DRANG BAR BYA BA YIN TE, MDUN NAS DRANG BA NI RTZA BA NAS DRANG BAR BYA'O, ,DE YANG DE BZHIN DU THUR DU ZUG PA'I ZUG RNGU'I RTZE NAS DRANG BAR BYA LA, GYEN DU ZUG PA NI RTZA BA NAS DRANG BAR BYA'O, ,DE LTAR NA GCIG LA GCIG BCOS PA'I THABS KYIS ZUG RNGU DBYUNG BAR BYA STE, ,DBYUNG SLA GANG NA YOD DRAL TE, ,DE NAS THAD KAR DRANG BAR BYA, ,ZHES BYA BA LA, MTSON 'PHRED DU ZUG PA DAG NI, LUS KYI PHYOGS GANG NA YOD PAR DRAL TE, DBYUNG SLA BAR BYA LA DE NAS GNAS DE LAS THAD KAR DRANG ZHING, DE DBYUNG BAR BYA'O, ,MTSON NI BRANG DANG MCHAN KHUNG DANG, BRLA DRUNG RTZIB LOGS ZUG PA DANG, ,MDUN DRANG RTZE MO MNGON GCAD
BYA; ,KHA ZHENG CHE DRANG MI BYA DANG, ,ZHES BYA BA LA, ZUG RNGU BRANG NA GNAS SHING ZUG PA DANG, DE BZHIN DU MCHAN KHUNG DANG, BRLA DRUNG NA GNAS PA DANG, RTZIB LOGS SU ZUG PA RNAMS STOBS KYIS DBYUNG BAR BYA'O, ,DE BZHIN DU MDUN NAS DRANG BAR MI BYA'I PHYIR DRANG BAR BYA BA DANG, RTZE MO 'BUR 'BUR POR PHYIR MNGON PA DANG, KHA GCAD PAR BYA BA DANG, KHA ZHENG CHE BA GANG YIN PA DE NI STOBS KYIS DRANG BAR MI BYA'O, ,ZUG RNGUR MA GYUR MDE'U DANG, ,MI MNGON GNOD MED PA MI DBYUNG, ,ZHES BYA BA LA, ZUG RNGUR MA GYUR CING GNAD DU MA ZHEN LA; GDEG PA DANG, BDAR BA DANG, BZHAG PA STE GNAD GSUM DU ZHUGS PA'AM, MTSON MI MNGON ZHING MI SNANG YANG GNOD PA MED DE, SKRANG BA DANG NA BA DANG RNAGS PA MED PAR GYUR NA, ZUG RDU DE DBYUNG BAR MI BYA'O, ,DE NAS LAG PAS ZIN GYUR NA, LAG PA GNYIS KYIS DRANG BAR BYA, ,ZHES BYA BA LA, DE NAS ZHES BYA BA NI BKRA SHIS PA'I DON TE ZUG RNGU'I RNAM PA LAG PAS ZIN CING GZUNG DU RUNG BA NI, LAG PA GNYIS KYIS DRANG ZHING GZUNG BAR BYA'O, ,SNANG GZHAN SENG GE CHU SRIN DANG, ,PAR MI TA KA'I MCHU YIS DRANG, ,ZHES BYA BA LA, ZUG RNGU GANG SNANG BAR YANG GYUR CING SNGA MA LAS GZHAN PA STE, LAG PAS ZIN PAR MA GYUR PA DAG NI, SENG GE'I MCHU 'DRA BA LA SOGS PA'I CHA SPYAD KYIS DRANG BAR BYA'O, ,MI MNGON RMA YI DBYIBS LAS NI, ,GAL TE DBYUNG BAR NUS GYUR PA, ,KANG KA BRING GA KHRUNG KHRUNG DANG, , BYA ROG SHAR BYA'I MCHUS DRANG, ,ZHES BYA BA LA, GANG ZUG RNGU NYID NI MI MNGON LA, RMA BYA'I DBYIBS LAS LUS GANG NA GANG GNAS PA'I PHYOGS DE LAS GAL TE DBYUNG DU RUNG ZHING NUS PA YIN NA LUS KYI PHYOGS DE LAS KANG KA LA SOGS PA'I MCHU 'DRA BA'I CHA SPYAD KYIS DRANG BAR BYA'O, , PAGS SOGS LA GNAS SKAM PAS DRANG, ,KHONG STONG NANG NAS NYA MGOS DBYUNG, ,ZHES BYA BA LA, PAGS PA LA SOGS PAR GNAS PA'I ZUG RNGU NI, SKAM PA 'DRA BA'I CHA SPYAD GNYIS POS DRANG BAR BYA'O, ,SOGS PA'I SGRAS NI SHAL SOGS PA BSDU'O, ,GANG KHONG STONG GI
, ,SBUBS CAN GYI NANG GI PAGS PA LA GNAS PA NI, NYA MGO LTA BU'I CHA SPYAD KYIS DBYUNG BAR BYA'O, ,SBU GUR GNAS PA 'DAM BU 'DRAS, ,ZHES BYA BA LA, BU GA'I PHYOGS SU GNAS PA'I ZUG RNGU NI 'DAM BU 'DRA BA'I CHA SPYAD KYIS DBYUNG BAR BYA'O, , LHAG MA GZHAN GYIS CI RIGS DRANG, ,ZHES BYA BA LA, ZUG RNGU LHAG MA SNGA MA DE DAG GIS DBYUNG BAR MI NUS PA DE DAG NI CHA SPYAD GZHAN 'DIR SMOS PA DANG, MA SMOS PA'I THUR MA LA SOGS PAS CI RIGS PAR DRANG BAR BYA STE, GANG ZHIG GANG DANG 'TSAM PA DES DE DBYUNG BAR BYA'O, ,YANG NA DANG POR MTSON GYIS DRAL, ,ZHES BYA BA LA, DE LTA NA YANG RANG DRANG BAR MA NUS NA GTZAGS SPYAD KYIS DRANG POR DRAL ZHING SHA LA SOGS PA BCAD DE, DE'I 'OG TU DBYUNG BAR BYA'O, ,DE NAS RMA YI KHRAG BSAL BA, ,BYAS LA MAR GYIS DUGS BYA ZHING, ,BCINGS TE SPYOD PA BSTEN PAR BYA, ,ZHES BYA BA LA, DE NAS DE'I 'OG TU LUS KYI PHYOGS LA ZUG RNGU PHYUNG ZIN PA DANG, RMA'I KHA'I KHRAG BSAL ZHING PHYIS LA MAR GYIS RMA LEGS PAR DUGS BYA ZHING BCINGS TE, DE'I 'OG TU SPYOD PA SNGAR SNUM GYI CHO GA'I SKABS SU BSHAD PA'I KHA ZAS DANG, SPYOD LAM DAG BSTEN PAR BYA'O, ,RTZA DANG CHU BAR MTSON LUS PA, ,THUR MAS BSKYOD DE DBYUNG BAR BYA, ,ZHES BYA BA LA, RTZA DANG CHU BAR ZHEN CING CHAGS PA'I MTSON LUS PA'I ZUG RNGU NI, DANG POR THUR MAS BSKYOD CING BSKUL LA, DE'I 'OG TU DBYUNG BAR BYA'O, ,SNYING GAR GNAS PA'I ZUG RNGU NI, ,CHU GRANG GTOR BAS SDANGS BYAS LA, ,GNAS GZHAN PHYIN CING 'PHAGS GYUR NA, ,CI RIGS PAR NI DBYUNG BAR BYA, ,ZHES BYA BA LA, SNYING GA'I PHYOGS SU GNAS PA'I MTSON GYI ZUG RDU NI DANG POR CHU GRANG MO GTOR ZHING BTAB PAS SDANGS SHING SKRAG PAR BYAS LA, SDANGS PAS DE GNAS GZHAN DU 'CHUGS SHING, 'PHAGS PAR GYUR NA CI RIGS PAR DBYUNG BAR BYA STE, CHA SPYAD GANG 'TSAM PAS DBYUNG NGO ZHES BYA BA'I DON TO, ,RMA YI SGO NAS DBYUNG DKA' BA, ,GZHAN DAG LA YANG DE BZHIN
BYA; ,ZHES BYA BA LA, MTSON DANG PO GANG DU ZUG PA'I RMA'I SGO NAS DBYUNG ZHING GDON BAR DKA' BA GZHAN DAG LA YANG ZUG RNGU DE GNAS GZHAN DU BSKYOD LA DRAL TE, DBYUNG BAR BYA'O, ,RUS PAR ZUG LA RKANG PA NI, ,GNYIS KYIS MNAN LA DRANG BAR BYA, ,ZHES BYA BA LA, ZUG RDU GANG ZHIG RUS PAR ZUG PAR GYUR PA'I MI ZUG RNGU CAN DE RKANG PA GNYIS KYIS MNAN LA, ZUG RNGU DE CHA SPYAD KYIS DRANG ZHING GDON BAR BYA'O, ,DE LTAR MA NUS STOBS CHE BA'I, ,G-YOG GIS DAM DU BZUNG STE DBYUNG, ,ZHES BYA BA LA, DE LTAR RNAM PA DES ZUG RNGU DBYUNG BA MA NUS NA SHIN TU STOBS CHE ZHING NUS PA DANG LDAN PA'I G-YOG BSGO BA BZHIN DU BYED PAS CHA SPYAD KYIS SHIN TU DAM DU BZUNG STE DBYUNG BAR BYA'O, ,'ON KYANG MA NUS MDE'U'I RTZA, ,BKUG LA GZHU RGYUD DAM BTAGS LA, ,RTA SRAB KYI NI KHA LCAGS MTHAR, ,MA YENGS PA YIS DAM BTAGS TE, ,YAN LAG LNGA PO LEGS BSDAMS NAS, ,RTA NI LCAG GIS GZHUS NAS SU, ,BRDEG CING MGO BO BTEG NAS NI, ,SHUGS KYIS CI BZHIN BSTOD NAS NI, ,DE LTAR ZUG RNGU DBYUNG BA'AM, ,ZHES BYA BA LA, DE LTA NA YANG ZUG RNGU DBYUNG BAR MA NUS NA, MDE'U'I RTZA BA DAM DU BKUG LA, GZHU RGYUD KYI PHYOGS GCIG LA DAM DU BTAGS SHING BCINGS TE, GZHU RGYUD KYI PHYOGS GCIG RTA SRAB KYI KHA LCAGS KYI YANG MIG LA SMAN PAS GZHAN DU MA YENGS PAR DAM DU BTAGS TE, RTA'I YAN LAG LNGA PO LEGS PAR BSDAMS SHING DUL BAR BYAS SHING DE'I 'OG TU RTA LCAG GIS GZHUS NA, CI NAS KYANG MGO DRAG TU BTEG PA'I SHUGS KYIS ZUG RNGU 'BYIN PAR NUS PA DE LTAR BYA'O, ,YANG NA SHING GI YAL GAR GDAGS, ,ZHES BYA BA LA, YANG NA RNAM PA GONG MA LTAR GZHU RGYUD KYI RTZE MO GCIG MDE'U LA BRTOD DE, RTZE MO GCIG SHING GI YAL GA BTUD PA LA BRTOD DE, BTANG BAS ZUG RNGU DBYUNG BAR BYA'O, ,MDE'U RTZA PHRA BAR SRAD BU DAG ,BTAGS TE ZUG RNGU DBYUNG BAR BYA, ,ZHES BYA BA LA, ZUG RNGU GANG GIS MDE'U RTZA BA PHRA ZHING CHAD PAR
, ,GYUR DU DOGS PA YIN NA SRANG BU PHRA MO BTAGS TE DBYUNG BAR BYA'O, ,RMA SKRANGS MDE'U RTZA MI SNANG NA, ,SKRANGS PA LEGS PAR BTZIR NAS DBYUNG, ,ZHES BYA BA LA, RMA YI KHA SKRANGS PAS ZUG RNGU'I MDE'U RTZA BA MI SNANG BAR GYUR NA, SKRANGS PA DE LEGS PAR BTZIR ZHING MNAN NAS DBYUNG BAR BYA'O, ,DONG BU THO BAS BRDUNGS PA YIS, ,MTHO ZHING SNANG BAR GYUR NA DBYUNG, ,ZHES BYA BA LA, ZUG RNGU MTHO ZHING 'PHAGS PAR SNANG BAR GYUR NA CHA SPYAD DONG BU ZHES BYA BA THO BAS BRDUNG PAS DBYUNG BAR BYA'O, ,LAM MA YIN PAR BYUNG BA GANG, , DE NYID KYIS NI RMAR DBYUNG BYA, ,ZHES BYA BA LA, THO BA DE NYID KYIS ZUG RNGU BSKYOD LA, LAM MA YIN PA LAS RANG GI RGYU BA'I LAM RMA'I SGO DANG NYE BAR DRANGS LA, DE'I 'OG TU LAM JI LTA BA LAS DBYUNG BAR BYA'O, ,MDE'U ZUR BCUM STE DBYUNG BA 'AM, ,DONG BU'I KHA YIS DBYUNG BAR BYA, , ZHES BYA BA LA, MDE'U ZUG RNGU'I ZUR CAN NAM RNA BA CAN YOD NA RNA BA DE BCUM ZHING BSDUS LA, LHOD PAR BYAS TE, DBYUNG BA'AM DONG BU'I KHAS LEGS PAR DBYUNG BAR BYA'O, ,RNA BA MED CING RMA KHA DBYE, ,DRANG 'DUG KHAB LONG BSTAN PAS DBYUNG, ,ZHES BYA BA LA, ZUG RNGU'I MDE'U RNA BA MED PA DANG, RMA KHA BYE ZHING PHYE BA DANG, DRANG POR 'DUG CING THAD KAR GNAS PA DAG NI, KHAB LONG ZHES BYA BA'I NOR BU'I KHYAD PAR BSTEN PAS DBYUNG BAR BYA'O, ,ZHU BA'I GNAS SONG ZUG RNGU NI, BKRU SMAN NYID KYIS DBYUNG BAR BYA, ,ZHES BYA BA LA, ZHU BA'I GNAS LONG KHA CHANG KYI NANG DU ZHUGS PA'I ZUG RNGU PHRA MO NI BKRU SMAN BTANG BA NYID KYIS DBYUNG BAR BYA'O, ,RLUNG GNOD DUG DANG NU ZHO DANG, ,KHRAG DANG CHUS GNOD GZHIBS PAS BSAL, ,ZHES BYA BA LA, RLUNG GNOD PA BSKYED PA LA SOGS PA DAG NI ZUG RNGU DANG 'DRA BAR LUS LA GNOD PAR BYED PA YIN LA, DE NI GZHIBS PAS BSAL ZHING GDON PAR BYA'O, ,GRE BA'I NANG ZHUGS ZUG RNGU LA, ,SKUD PA GRE BAR GZHUG BYA STE, ,PADMA'I RTZA BAR SKUD PA GDAGS, ,PAD RTZA ZUG RNGU LHAN CIG DRANG, ,ZHES BYA BA LA, GRE BA'I SBUBS KYI NANG DU ZUG CING DER ZHUGS
PA'I ZUG RNGU NI, SRIN BAL LA SOGS PA'I SKUD PA GZHUG PAR BYA LA, DE YANG PADMA'I RTZA BA LA SKUD BA BTAGS TE BTANG LA DE'I 'OG TU PADMA'I RTZA BA DANG ZUG RNGU LHAN CIG DRANG BAR BYA'O, ,LCAGS BSREGS MIG CHUR BCUG PA YI, ,LCAGS THUR BRTAN POR BYAS NAS NI, ,RGYA SKYEGS CAN NAM RGYA SKYEGS MED, ,RGYA SKYEGS KYIS BSGOS ZUG RNGU DBYUNG, ,ZHES BYA BA LA, ZUG RNGU RGYA SKYEGS CAN DAG GRE BA'I SBUBS LAS GDON PA'I THABS NI, CHA SPYAD SBUBS CAN GRE BAR BCUG LA, GRE BA'I TSIGS PA BSRUNG BAR BYA BA'I PHYIR, CHU BSIL MO LCAGS BSREGS PA'I THUR MA LA BLUGS PAS DE GDON PAR BYA'O, ,RGYA SKYEGS MED PA'I ZUG RNGU YANG LCAGS BSREGS PA'I THUR MA'I RTZE RGYA SKYEGS KYIS BSGOS PA'I SMYIG MA'AM, DONG BUR BCUG STE CHUS BTAB PAS DBYUNG BAR BYA'O, ,SKRA SHAD 'DZINGS PA 'THUNGS PA DANG, ,GSHER BAS TSER MA ZUG PA GDON, ,'PHRAL DU SRAD BU THOGS PA YIS, ,SLON PAR BYA'O DES CIG SHOS, ,ZHES BYA BA LA, SKRA'I TSOGS BSDUS PA'I GONG BU NI SKRA SHAD 'DZINGS PA ZHES BYA LA DE 'THUNGS PA DANG, GSHER BA'I RTZVAS CHU LA SOGS PA'I TSER MA STE, NYA RUS SAM, GZHAN YANG DE LTA BU'I RUS PA'I ZUG RNGU DBYUNG ZHING GDON PAR BYA'O, ,DE YANG 'PHRAL DU STE, DE'I MOD SRAD BU LA ZUG RNGU THOGS PAR GYUR PAS DE SLON PAR BYA ZHING, SRAD BU'I PHYOGS GCIG TU ZUG RNGU 'BYAR BA DE DRANG BAR BYA'O, ,YANG TSER MA DES NI CIG SHOS TE, SKRA SHAD DE DRANG BAR BYA STE, SRAD BU BTAGS SHING GSHER BAG 'THUNGS PAS SLON PAR BYA'O, ,KHA SNAR DRANG BAR MA NUS NA, GZHAN DU THUR DU MID PAR BYA, ,ZHES BYA BA LA, GAL TE KHA SNAR GYEN DU ZUG RNGU DRANG BAR MA NUS NA, GZHAN DU NA THUR DU MID CING NANG DU DRANG BAR BYA'O, ,ZHES BYA BA'I DON TO, , ZAS KYIS BRNANGS PA'I ZUG RNGU NI, ,CHU BTUNG PHRAG PAR BRDEGS PAS GZHUG ,CES BYA BA LA, ZAS KYIS BRNANGS SHING LKOG MAR CHAGS PA'I KHA ZAS NYID NI ZUG RNGU 'BYED BSAD PAS ZUG RNGU ZHES BYA LA, DE NI CHU BTUNG BAR PHRAG PAR KHU TSUR BRDEG PAS NANG DU ZHUGS PAR BYA'O, ,
, ,MIG GI RMA YI ZUG RNGU PHRA, DAR RAM BAL LAM CHU YIS BSAL, ,ZHES BYA BA LA, MIG GI RMA'I ZUG RNGU PHRA MO NI, DAR LA SOGS PA GSUM GYIS BSAL ZHING GDON PAR BYA'O, ,MI NI CHUS GANG KHA SBUB STE, ,SPRUGS PA 'AM BRKYANG LA BTZIR SLON BA'AM, , THAL KHUNG BRKOS TE MI YI NI, ,SKE YI BAR DU NUB PAR GZHUG ,CES BYA BA LA, MI CHUS KHYER BA'AM, ,CHUR LHUNG PA'I TSE NANG DU CHUS GANG BAR GYUR NA, KHA SBUB STE LEGS PAR SPRUGS PA'AM, DE BZHIN DU YANG KHA SPUB STE BRKYANG LA BTZIR BA 'AM, SLON SMAN GYIS SKYUG TU GZHUG GO, ,RNA BA CHUS GANG LAG PA YIS, ,MNYES LA TIL MAR RGYUN BLUGS LA, ,RNA BA THUR DU BSTAN NAS NI, ,BRDABS PA'AM YANG NA BRNGUB PAR BYA, ,ZHES BYA BA LA, RNA BA CHUS GANG BAR GYUR NA, LAG PAS LEGS PAR MNYES LA, TIL MAR GYI RGYUN BLUGS PA DANG, DE BZHIN DU RNA BA THUR DU BSTAN NAS LAG PAS BRDABS PA'AM, BRNGUB CING GZHIB PAR BYA'O, ,RNA BA'I NANG DU 'BU ZHUGS NA, ,RNA BA TSVA CHUS BKANG BA'AM, ,TSVA CHU DRO 'JAM NYID KYIS DGANG, ,SHI NAS 'BU RO DBYUNG THABS BYA, ,ZHES BYA BA LA, RNA BA'I BU GA'I NANG DU RKANG BRGYAD PA LA SOGS PA'I 'BU ZHUGS NA RNA BA CHU TSAN GYI CHUS DGANG PA'AM, TSVA CHU DRO 'JAM DAG GIS KYANG DGANG BAR BYA STE, DON DU TSVA CHU'AM, TSVA CHU DRO 'JAM DU BSROS PAS RNA BA DGANG BAR BYA'O, ,GAL TE 'BU RO DBYUNG BA'I THABS RNA SPABS BSAL BA LA SOGS PA'I CHO GA 'OG NAS SMOS PA DAG BYA'O, ,RGYA SKYEGS CAN DANG GSER DNGUL SOGS, ,'BYUNG KHUNGS LAS BYUNG YUN RINGS GNAS, ,MTSON NI PHAL CHER LUS KYI ME, ,DROD KYIS 'JU BAR BYED PA YIN, ,ZHES BYA BA LA, ZUG RNGU RGYA SKYEGS CAN DANG, GSER DNGUL GYI RANG BZHIN CAN LA SOGS PA 'BYUNG KHUNGS LAS BYUNG BA'I MTSON NI, LUS KYI ME DROD KYIS 'JU BAR NUS PAS YUN RING DU GNAS NA, MTSON DE DAG 'JU BAR 'GYUR BA YIN NO, ,SA DANG 'OD MA SHING RVA RUS, ,SO DANG SKRA DANG RDO BA 'JU, ,ZHES BYA BA LA, SA LA SOGS PA'I
ZUG RNGU DAG KYANG LUS KYI ME DROD KYIS 'JU BAR NUS PA YIN NO, ,RVA DANG 'OD TSAL LCAGS TA LA, ,SHING TSAL ZUG RNGU RING POS KYANG, ,PHAL CHER DE DAG TSOS 'GYUR LA, ,KHRAG DANG SHA YIS TSOS PAR BYED, ,CES BYA BA LA, RVA'I ZUG RNGU DANG 'OD MA'I ZUG RNGU DANG SHING GI ZUG RNGU PHAL CHE BA DAG KYANG LUS KYI MES TSOS SHING 'DRUL BAR 'GYUR RO, ,DE DAG KYANG SHA DANG KHRAG GIS TSOS SHING 'JU BAR BYED DO, ,ZUG RNGU SHA YI GTING DU ZUG ,PHYOGS DE TSA BA 'AM MED GYUR NA, ,DE NAS DE NI SNANG BYA'I PHYIR, ,MNYE DUGS SBYANG DANG SHA 'BRI BRTA, ,SMAN RNON BCINGS DANG ZAS SKOM SBYIN, , MTSON GYIS GDAB CING GTZAGS PA YIS, ,SMIN PAR BYAS NAS RMA DBRAL DANG, ,BTZAL DANG PHYE BAS ZUG RNGU DBYUNG, ,ZHES BYA BA LA, ZUG RNGU'I RNAM PA SHA'I GTING DU ZUG CING NANG DU ZUG PA NI LUS KYI YAN LAG GI PHYOGS DE TSA ZHING TSOS PAR 'GYUR TE, DER GNAS PA'I ZUG RNGU STE MNYE BA LA SOGS PA'I THABS KYIS SMIN PAR BYAS NAS DBYUNG BAR MI BYA'O, ,MNYE BA NI LAG PAS MNYE BA'O, ,BKRU SNAN DANG SLON SMAN LA SOGS PAS SBYANG BA DANG, SMYUNG BA LA SOGS PAS SHA DBRI BA DANG, SHA DBRI THABS LA SOGS PAS BRTA BA DANG, SMAN TSA ZHING RNO BAS BCING BA DANG, ZAS SKOM RNON PO SBYIN PA DANG, MTSON GYIS BTAB CING GTZAGS PAS SNANG BAR BYAS NAS DANG PO THABS DE BZHIN DU DE DAG GIS SMIN PAR BYAS LA, DE'I 'OG TU RMA 'DRAL BA DANG, CHU TSOL GYIS BTZAL BA DANG, DBYE ZHING GSHAGS PAS ZUG RNGU DE DBYUNG BAR BYA'O, ,ZUG RNGU'I GNAS DANG CHA SPYAD KYI, ,TSUL NI MANG POS LEGS BRTAGS TE, ,BLO LDAN THABS NI DE DANG DES, ,SHES PAR BYAS LA ZUG RNGU DBYUNG, ,ZHES BYA BA LA, ZUG RNGU DE RVA DANG 'OD MA LA SOGS PA GNAS TE, ZUG PA'I GNAS PAGS PA DANG, SHA LA SOGS PA DANG CHA SPYAD CES CHA SPYAD BKRA SHIS LA SOGS PA DE RNAMS KYI TSUL MANG PO 'AM, RNAM PA SNA TSOGS PAS LEGS PAR BRTAGS TE SHES PAR BYAS LA BLO DANG LDAN PA'I MKHAS PAS 'DIR BSHAD PA DANG, MA BSHAD PA'I THABS DANG DE'I BYE BRAG SHES PAR BYAS LA, ZUG RNGU'I RNAM PA YANG JI LTAR GNAS PA SHES PAR BYA
, ,BA DANG, DE BZHIN DU DE DANG DE NYID KYIS DBYUNG ZHING GDON PAR BYA'O, ,YAN LAG BRGYAD PA'I SNYING PO BSDUS PA'I RNAM PAR 'GREL PA, TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, ,LE'U NYI SHU RTZA BRGYAD PA'I RNAM PAR 'GREL PA'O,, ,,DE NAS GTAR GA GDAB PA'I LAS KYI CHO GA'I LE'U BSHAD PAR BYA'O, ,ZHES BYA BA LA, 'DIR BSHAD PA NI 'DI YIN TE, ZUG RNGU LA LA NI DPRAL NAS DBYUNG BAR BYA'O, ,ZHES GONG DU BSHAD PAS DE'I PHYIR DE'I 'OG TU 'DI BRTZAMS PA YIN NO; ,GTZAGS SPYAD KYIS GTAR GA GDAB CING RMA'I LAS SU BYA BA BYED PAS NA GTAR GA GDAB PA'I LAS TE, DE'I CHO GA NI 'DI DANG 'DI LTAR BYA'O, ,ZHES BYA BA'I TSUL TE DE BSHAD PAR BYA'O, ,RMA NI PHAL CHER DANG PO NI, ,SKRANGS DANG SMIN LAS 'BYUNG BAR 'GYUR, , DE BAS DE NYID GSO BYA STE, ,DE BSIL BYUG BLUGS KHRAG DBYUNG DANG, ,LEGS PAR SBYANG BA LA SOGS PA, ,SMIN PAR 'GYUR LAS 'BAD DE BSRUNG, ,ZHES BYA BA LA, RMA'I MTSAN NYID PHAL CHER MANG DU DANG PO SKRANGS SHING SMIN PA LAS RMA 'BYUNG BAR 'GYUR RO, , DE BAS NA SKRANGS PA DE NYID GSO ZHING ZHI BAR BYA BA DANG, SMIN PAR 'GYUR BA LAS BSRUNG BAR BYA STE; CI NAS KYANG SKRANGS PA DE SMIN CING RNAGS PAR MI 'GYUR BA DE LTAR 'BAD PA DANG LDAN PAS BSRUNG BAR BYA'O, ,DE JI LTAR BSRUNG BAR BYA ZHE NA, DE NI BSIL DANG ZHES BYA BA LA SOGS PA STE, SKRANGS PA DE TZANDAN GYI LDE GU LA SOGS PA BSIL SMAN GYIS BYUG PA DANG, BSIL SMAN LA SOGS PA'I CHU'I RGYUN BLUGS PA DANG, DE BZHIN DU GTAR GA GDAB CING KHRAG DBYUNG BA DANG, SKYUGS SMAN DANG BKRU SMAN LA SOGS PA BTANG BAS LEGS PAR SBYANG BAR BYAS LA, RLUNG LA SOGS PA'I NAD DMIGS JI LTA BA DANG MTHUN PA'I GSO DPYAD KYIS SMIN CING RNAGS PAR GYUR PA LAS BSRUNG BAR BYA'O, ,THOR BU MA SMIN SKRANGS DROD CHUNG, ,MDOG 'DRA SRA ZHING BRTAN PAR GNAS, ,ZHES BYA BA LA, THOR BU 'AM SKRANGS
PA'I TSABS CHUNG BA DANG, DROD DAM TSA BAR SHAS CHUNG BA DANG, DE BZHIN MDOG NI 'DRA BA STE, PAGS PA'I MDOG MA NYAMS SHING MNYAM PA DANG, SRA ZHING MNYEN BAG MED PA DANG, BRTAN ZHING MI YO BAR GNAS PA YIN NO, ,SMIN TSE MDOG NI 'GYUR BA DANG, , DMAR ZHING RKYAL BU'I DBYIBS LTAR 'DUG ,GAS PA LTA BU'I NAD BCAS DANG, ,YAN LAG SNYOM ZHING GLAL BCAS DANG, ,LUS GRUGS 'KHRUGS TSA YI GA 'CHUS, ,RIMS 'DEBS SKOM DAD GNYID MED DANG, ,MAR 'KHYAGS BZHAG NA 'JU BA DANG, ,RMA LTAR REG NA MI BZOD DO, ,ZHES BYA BA LA, SKRANGS PAR GYUR PA DE SMIN PAR BYED PA'I TSE NI, MDOG 'GYUR ZHING PAGS PA'I MDOG DANG MI 'DRA BA DANG, DE BZHIN DU MDOG RTZA DMAR DANG, RKYAL BU'I DBYIBS LTAR 'DUG STE, RLUNG GIS KHENGS SHING MI 'GYUR BAR GNAS PAS NA RKYAL PA BUS PA LTA BUR 'DUG PA DANG DE BZHIN DU GAS PA LTA BU STE, BCAG PA 'AM BKAS PA LTA BU'I TSUL DANG LDAN PA DANG, NAD DANG BCAS PA DE KHAB KYIS GTZAGS PA SNYAM DU SEMS PA DANG, DE BZHIN DU YAN LAG THAMS CAD GLAL 'BYUNG BA DANG BCAS PAR GNAS PAS LUS GRUGS SHING DKRUM PA LTA BUR SEMS PA DANG DE BZHIN DU LUS 'KHRUGS PA LA SOGS PA DANG LDAN BA STE, 'KHRUGS PA NI TSIG BRJOD PAR MI NUS PA'I NAD KYI TSOR BA RANG GI NYAMS KYIS MYONG BA'I TSUL DU MA DANG LDAN PA'I KHAMS 'KHRUGS PA'I NAD 'BYUNG BA'O, ,TSA BA NI LUS DANG YAN LAG THAMS CAD MI BZAD PAR TSA BA'O, ,YI GA 'CHUS PA NI ZAS LA 'DOD PA MED CING, MNGON PAR MI DGA' BAR 'GYUR BA DANG, RIMS KYIS 'DEBS PA DANG, SKOM DAD KYIS GDUNGS PA DANG, GNYID MED CING YER BA STE, DE DAG DANG LDAN PAR 'GYUR BA DANG, DE BZHIN DU MAR 'KHYAGS SHING 'THAS PAR GYUR PA DE'I STENG DU BZHAG NA 'JU BAR 'GYUR BA DANG, DE BZHIN DU RMA BYUNG BA LTAR SKRANGS PA SMIN PAR BYED PA DE'I TSE, REG NA MI BZOD PA YIN NO, ,SMIN GYUR NA BA'I SHUGS CHUNG ZHING, ,RNYID CING SKYA LA
, ,GNYER MA 'DU, ,MTHA' MA 'JUM ZHING DBUS SU MTHO, ,G-YA' DANG SKRANGS PA LA SOGS CHUNG, ,RKYAL PA YI NI CHU LTA BUR, ,REG NA RNAG NI PHAN TSUN RGYU, ,ZHES BYA BA LA, SKRANGS PA DE SMIN CING RNAGS PAR GYUR NA NA BA'I SHUGS CHUNG BA STE, NAD KYI RTZOM PA SHAS CHUNG BA DANG, DE BZHIN DU RNYING CING SNYI BA DANG, MDOG SKYA ZHING DKAR BA DANG, GNYER MA'I TSOGS 'DU BA DANG, DE BZHIN DU MTHA' MA THOG THAG 'JUM ZHING DMA' LA DBUS MA'I PHYOGS MTHO ZHING 'PHAGS PAR 'GYUR BA DANG, DE BZHIN DU G-YA' BA DANG, SPANGS PA LA SOGS PA CHUNG ZHING ZHI BA DANG, RKYAL PA'I NANG DU CHU BLUGS PA LTAR GNAS SHING, REG CING MNAN NA RNAG GI TSOGS PHAN TSUN RGYU ZHING 'KHRUGS BA YIN NO, ,RLUNG MIN MIN MKHRIS MIN TSA, ,MED DE BAD KAN MED MI SKRANG, ,KHRAG MED DMAR BAR MI 'GYUR TE, ,DE BAS NAD KHRAG DANG BCAS SMIN, ,ZHES BYA BA LA, SMIN CING RNAGS PA DE LA RLUNG MA YIN ZHING, RLUNG NAD MED PA NI, NA ZHING ZUG PAR MI 'GYUR LA, MKHRIS PA MA YIN PAR NI TSA ZHING DROD BAG MI 'BYUNG ZHING, BAD KAN MED PAS NI SKRANGS PA 'BYUNG BAR MI 'GYUR LA, KHRAG MED DMAR PAR NI MI 'GYUR TE, DE BAS NA RGYU DE'I PHYIR NA ZHES PA RLUNG DANG MKHRIS PA DANG, BAD KAN DANG KHRAG DANG BCAS NA, SKRANGS SHING SMIN PAR 'GYUR RO, ,SMIN PA THAL DRAGS KHONG STONG DANG, ,NAD KYIS ZOS PAS BAGS PA SRAB, ,GNYER MA 'JUM ZHING MDOG GNAG LA, ,BA SPU RNAMS NI 'BYI BAR 'GYUR, ,ZHES BYA BA LA, SKRANGS SMIN ZIN NAS THAL DRAGS SHING DUS SHIN TU 'DAS PA NI, SKRANGS PA'I GNAS NA KHONG STONG DU 'GYUR BA NAD LAS BYUNG BA'I RNAG GIS ZOS SHING ZAD PAR BYAS PA DANG, PAGS PA SRAB CING RDOL BAR NYE BA DANG, GNYER MA 'JUM ZHING PAGS PA 'DUS PA DANG, MDOG GNAG CING DRI MA CAN DU GNAS PA DANG, BA SPU RNAMS KYI TSOGS 'BYI ZHING 'BYUNG BAR MI 'GYUR BA YIN NO, ,BAD KAN SHAS CHE'I SKRANGS PA NI, ,SMIN
BA GTING RING KHRAG GIS GANG, ,DE BAS SMIN RTAGS GSAL MA YIN, ,SKRANGS PA GANG DU BSIL GYUR CING, ,PAGS MDOG MI 'GYUR NAD TSABS CHUNG, ,RDO LTAR REG NA SRA BA YIN, ,MKHAS PAS THE TSOM MED PAR DE, ,KHRAG GI SMIN PA ZHES BSHAD BYA, ,ZHES BYA BA LA, YANG BAD KAN LAS BYUNG BA'I SKRANGS BA LA NI, SMIN PA GTING RING ZHING ZAB PAS BRTAG PAR DKA' BA DANG, KHRAG GIS GANG BAR GYUR PA YIN TE, DE BAS NA DE'I SMIN PA'I RTAGS SAM, MTSAN MA NI GSAL BA MA YIN TE, SHES PAR DKA' BA YIN NO, , YANG SKRANGS PA'I RNAM PA GANG DU SKRANGS BAG BSIL ZHING REG NA GRANG BAR GYUR LA, PAG PA'I MDOG KYANG GZHAN DU MA 'GYUR TE, CHA 'DRA BA DANG, NAD TSABS CHUNG BA DANG, RDO LTAR REG NA SRA ZHING MKHRANG BAG TU GNAS PA GANG YIN PA DE NI MKHAS PAS THE TSOM DANG DOGS PA MED BA NYID DU KHRAG LAS GYUR PA'I RMA SMIN NO ZHES BSHAD CING THE TSOM MED PA NYID DU BYA'O, ,SNYING STOBS NYAM CHUNG BYIS PA DANG, ,THOR BU SMIN PA'I TSABS CHE BA'AM, ,GNAD DANG RUS TSIGS LA SOGS PAR, ,'BYUNG BA MA GTOGS GZHAN DAG DRAL, ,ZHES BYA BA LA, SNYING STOBS CHUNG ZHING PHOG SNYA ZHAN PA DANG, DE BZHIN DU NYAM CHUNG BA DANG, BYIS PA LTA BU MTSON GDAB MI BZOD PA DANG, SMIN PA'I TSABS CHE ZHING THAL DRAGS PA DANG, DE BZHIN DU GNAD DANG RUS TSIGS LA GNAS PA'I SKRANGS PA LA NI, RNO BA DANG TSA BA'I SMAN GYIS BRTOL ZHING DRAL BAR BYA'O, ,DE YANG 'DI NYID KYI RGYUD PHYI MA LAS, GU GUL ZAR MA BA LAS SO, ,KHRON BU DANG NI PHUG RON RTUG ,THAL SMAN 'PHROD DANG THAL SMAN RNO, ,SKRANGS PA SMIN GYUR BRTOL BAR BYA, ,ZHES BYA BA BSHAD PA YIN NO, ,GZHAN ZHES BYA BA SKRANGS PA'I RNAM PA GONG DU SMOS PA MA GTOGS PA GZHAN DAG NI GTZAGS BUS DRAL BA NYID DU BYA'O, ,MA SMIN BRTOL NA RTZA RGYUS LA, ,GNOD CING KHRAG NI MANG DU 'BYUNG, ,NAD TSABS RAB 'PHEL RMA GYES PA'AM, ,RMA 'BYUNG THOR BU 'BYUNG BAR 'GYUR, ,ZHES BYA BA LA, SKRANGS
, ,PA MA SMIN PA BRTOL ZHING DRAL NA, ,RTZA DANG RGYUS PA LA GNOD CING MA RUNGS PAR 'GYUR BA DANG, DE BZHIN DU KHRAG GI TSOGS MANG DU 'BYUNG ZHING 'BAB PA DANG, DE BZHIN DU NAD TSABS RAB TU 'PHEL ZHING TSOR BAR 'GYUR BA DANG, RMA'I KHA GYES SHING BYE BAR 'GYUR BA BA'AM; YANG NA RMA RDOL BA LAS BYUNG BA'I THOR BU'AM, ME DBAL GYI NAD DU 'GYUR RO, ,RNAG NI NANG DU GNAS GYUR PA, ,'PHEL BAS RTZA RGYUS SHA DANG NI, ,KHRAG RNAMS MYUR DU SREG BYED DE, ,RTZVA SKAM LA NI ME DANG MTSUNGS, ,ZHES BYA BA LA, SKRANGS PA DE SMIN PA THAL DRAGS KYANG, DRAL ZHING BRTOL BA MA BYAS PAR NANG DU GNAS PAR GYUR PA RNAM PAR 'PHEL BAR 'GYUR BAS RTZA LA SOGS PA BSREG CING ZA BAR BYED DE, DPER NA ME MCHED PAS RTZVA'I TSOGS BSREGS PA DANG 'DRA'O, ,GANG ZHIG MA SMIN BRTOL BA DANG, ,GANG ZHIG SMIN KYANG BTANG SNYOMS 'JOG ,KHYAD PAR MI SHES DE DAG NI, ,SME SHA CAN 'DRAR SHES PAR BYA, ,ZHES BYA BA LA, SMAN PA GANG GIS SKRANGS PA MA SMIN PA DAG KYANG MI SHES PA'I DBANG GIS BRTOL ZHING DRAL BAR BYED LA YANG SMAN PA GANG ZHIG SKRANGS PA DE SMIN ZIN KYANG MI SHES PA NYID KYIS BTANG SNYOMS SU 'JOG CING BRTOL BAR MI BYED PA NYID DE, DE GNYI GA YANG KHYAD PAR MI SHES SHING MA BRTAGS PAR BYED PA YIN PAS SME SHA CAN TE, KHYI SHA ZA BA'I RIGS NGAN DANG 'DRA BAR DMAD PAR BYA BA YIN NO, ,RMA BRTOL BA YI DANG POR NI, ,KHA ZAS PHAN BA SBYIN PAR BYA, ,TSOR BA MI BZAD BZED [?] 'GYUR PAS, ,CHANG 'THUNG PA LA CHANG BLUD BYA, ,ZAS ZOS PAS NI MI BRGYAL ZHING, ,NANG DU MTSON BTAB TSOR MI 'GYUR, ,ZHES BYA BA LA, RMA BRTOL ZHING GTZAGS BU 'DEBS PA'I LAS BYED PA'I DANG POR RE ZHIG 'DI DAG MA BYAS PA'I MTSON GYI LAS MI BYA STE, DE YANG THOG MA KHO NAR NAD PA DE'I STOBS BSKYED PA'I PHYIR, KHA ZAS PHAN ZHING MNGON PAR DGA' BA SBYIN PA DANG, YANG MTSON GYIS BTAB PA'I TSOR BA MI BZAD PA DRAG PO DE BZOD PAR 'GYUR BAS, CHANG 'THUNG BA ZHIG YIN NA CHANG RNYING PA BLUD PAR BYA'O, ,DE LTAR NA DAS ZAN ZOS SHING
LONGS SPYAD PAS NI BRGYAL ZHING 'BOG PAR MI 'GYUR LA, DE BZHIN DU CHANG RNYING PA RNON PO 'THUNGS PAS NI NANG DU MTSON GYIS BTAB CING BRTOL BA TSOR BAR MI 'GYUR ZHING, DE'I SDUG BSNGAL BA RNAGS NUS PAR 'GYUR RO, ,RUM DU BU SHI RDE'U CHAGS DANG, ,KHA NAD DMU RDZING CAN MA GTOGS, ,ZHES BYA BA LA, NAD PA RUM DU BU SHI BA LA SOGS PA NI MA GTOGS TE, BUD MED RUM DU BU SHI BA DANG, GCIN NAD RJE 'US 'GAGS PA DANG, KHA'I NAD RNAMS YOD PA DANG, LTO DA MU RDZING CAN LA MTSON GDAB PAR MI BYA'O, ,DE NAS YO BYAD KUN BSAGS TE; ,NAD PA SHAR DU KHA BSTAN LA, ,SMAN PA MNGON PHYOGS BSDAMS NAS NI, ,GNAD SOGS MA GTOGS GTZAGS BUS GDAB, ,SHA SHUGS RJES MTHUN SHIN TU RNO, ,GTZAGS BU RNAG PHYIN BAR DU GDAB, ,DE NI CIG CAR GDAB BAR BYA, ,ZHES BYA BA LA, DE NAS ZHES BYA BA NI, BKRA SHIS PA'I DON DU SMOS PA YIN TE, YO BYAD KUN BSAGS TE ZHES BYA BA NI, DE'I TSE DGOS PA'I YO BYAD THAMS CAD BSAGS PA STE, CHA SPYAD RNAMS DANG, GTZAGS SPYAD RNAMS DANG, THAL SMAN DANG, 'DZUM BU'I MA MCHU DANG, RAS BAL DANG, CHU 'AM RAS BAL SPANGS PA'I GOS KYI DUM BU DANG, LO MA DANG, SRAD BU DANG, BAGS PA DANG, SBRANG RTZI DANG, SNUM DANG, SKA BA'I LDE GU DANG, TIL GYI LDE GU DANG, LDUGS PA'I SMAN DANG, CHU'I BUM PA DANG, CHU TSAN DANG, CHU DRON DANG, ZAS DANG, BSIL YAB LA SOGS PA RMA LA DGOS PA'I YO BYAD THAMS CAD BSAG CING NYER BSDOGS SU BYA'O, ,DE NAS NAD PA KHA SHAR DU BSTAN TE, SMAN PA DE LA MNGON PAR PHYOGS SHING BLTAS NAS, LEGS PAR BSDAMS TE, GTZAGS DU MYUR DU GDAB PAR BYA'O, ,DE YANG NAD LA SOGS PAR GDAB PA STE, GNAD DANG, RTZA DANG, CHU BA DANG, RUS PA'I TSIGS DANG, RTZA BO CHE RNAMS SPANG BAR BYA'O, ,DE YANG SHA SHUGS DANG RJES SU MTHUN PAR BYAS LA, SHIN TU RNO BA'I GTZAGS BU GDAB PA NI, RNAG PHYIN ZHING SNANG BAR GYUR GYI BAR DU BTANG LA, DE YANG CIG CAR TE, LAN CIG
, ,KHO NA GDAB PAR BYA'O, ,SMIN PA CHEN PO YOD KYANG NI, ,RMA ZHENG SOR GNYIS DRAL BA'AM, ,SOR GNYIS PA'I ZABS SOR GSUM GDAB, ,CES BYA BA LA, SMIN PA SHIN TU CHE BA LA NI, RMA ZHING SOR GNYIS GDAB PAR BYA BA'AM, SOR GNYIS PA'I BAR RAM ZABS BRTAGS LA SOR GSUM PAR GDAB PAR BYA'O, ,MDZUB MO CHU BA SPU DAG GIS, ,GNAS PHYOGS JI BZHIN BRTAGS PA'AM, ,RMA TSOL GYIS NI LEGS BTZAL ZHING, ,KUN TU LEGS PAR BRTAG PAR BYA, ,ZHES BYA BA LA, RMA TSOL GYIS KUN TU LEGS PAR BTZAL ZHING BRTAGS LA BYA BA'AM, MDZUB MO LA SOGS PAS GNAS DANG PHYOGS GANG NA JI LTAR YOD PA LEGS PAR BRTAG CING BTZAL BAR BYA STE, RMA'I KHA BYE ZHING GYES PA'I PHYOGS SU MDZUB MO G-YON PAS BRTAG PAR BYAS LA, KHA SHIN TU BYE BA NI MA YIN LA, SHA'I GTING ZAB PA DAG NI, RMA TSOL GYI THUR MAS LEGS PAR BTZAL BAR BYA LA, GZHAN DAG LA NI SMYUG MA'I SBU GU'AM, PADMA'I CHU BA LA SOGS PAS BRTAG PAR BYA LA, KHA SHIN TU ZLUM PA LA NI PHAG GI SBUS BRTAG CING BTZAL NAS RMA BTOD PAR BYA'O, ,GANG NAS GANG DU 'GRO 'GYUR BA, ,GANG DU MTHO BA SHES BYAS LA, , DE DANG DER NI RMA BTOD DE, ,LEGS PHYE PHUG NI MED PAR BYA, ,CHU DANG ZHENG DU CI NAS KYANG, ,NAD NI GNAS PAR MI 'GYUR BYA, ,ZHES BYA BA LA, LUS KYI PHYOGS GANG DU RMA TSOL 'GRO BAR 'GYUR BA'I LUS KYI PHYOGS DER RMA BTOD PAR BYA'O, ,YANG NA GANG DU SKRANG BA'I PHYOGS MTHO BAR SNANG BAS SHES PAR BYAS LA, PHYOGS DE DANG DER RMA BTOD PAR BYA'O, ,DE YANG LEGS PAR PHYE BA STE, LOGS PHAN TSUN GYI BYE BRAG LEGS PAR SHES SHING, PHYED PAR 'GYUR BAR BTOD PA DANG, DE BZHIN DU PHUGS 'CHAS PA STE, RNAG LA SOGS PA BRTEN PA'I GNAS MED PAR 'GYUR BA DANG, DE BZHIN DU CHU STE SRID DANG, ZHENG STE RGYAR CI NAS KYANG RNAG LA SOGS PA'I NAD GNAS PAR MI 'GYUR ZHING, CHAGS PAR MI 'GYUR BA'I MTSAN NYID DANG LDAN BA STE DE LTAR BYA'O, ,SMAN PA DPA' BRTAN LAS LA MYUR, ,MTSON RNO MI RTUL MI 'DAR LA, ,KUN TU RMONGS PAR MA GYUR PA, ,GTZAGS BUS
'DEBS PA'I LAS LA BSNGAGS, ,ZHES BYA BA LA, SMAN PA DPA' BA LA SOGS PA DANG LDAN PA NI, SMAN DPYAD KYI MTSON GYI LAS BYED PA LA BSDAGS [?] SHING 'DOD PAR BYA BA YIN NO, ,DE LA DPA' BA NI RTUL PHOD PA'O, ,BRTAN PA NI BAG TSA BA MED CING MI 'GYUR BA'O, ,LAS LA MYUR BA NI LAG BZO BAS GTZAGS BU'I LAS MYUR DU BYED PA'O, ,MTSON RNO BA NI LEGS PAR BDAR BA DANG, KHA SNYOMS SHING LEGS PA'O, ,MI RTUL BA NI LAS CHUD MI 'DZA' BA'O, ,MI 'DAR BA NI LAG PA MI 'DAR BA'O, ,KUN TU MA RMONGS PA NI BYA BA'I MKHAS PA'O, ,GYEN DU GCAD RTZA 'PHRAL SMIN RTZA, ,RNYIL DANG SKE RTZA LTO SPOS DANG, ,MCHAN KHUNG DANG NI MIG SBUBS MCHU, ,MKHUR TSOS BRLA DRUNG CHU SO RTZA'O, ,ZHES BYA BA LA, DPRAL BA LA SOGS PA'I RTZA NI GTZAGS BU KHA DRANG POR BSTAN TE GYEN DU GDAB PAR BYA'O, ,GZHAN DAG GYEN DU BCAD NA NI, ,RTZA DANG CHU BA MA RUNGS 'GYUR, ,ZHES BYA BA LA, PHYOGS GZHAN DAG TU RTZA GYEN DU BCAD NA, RTZA DANG CHU BA MA RUNGS PAR 'GYUR RO, ,GTZAGS BUS BTAB NAS NAD PA NI, ,TSIG SNYAN CHU NI BSIL PA YIS, ,DBUGS BYUNG NAS NI DE'I 'OG RMA, ,SOR MOS KUN NAS BTZIR BA DANG, ,SKA BA'I CHU YIS LEGS BKRU ZHING, ,SMAN CHUR BCUG PA'I GOS KYIS PHYI, ,GU GUL YUNGS KAR AA KA RU, ,SHING KUN KA RA RGYAM TSA DANG, ,SHU DAG NIM PA'I LO MA NI, ,MAR DU SBYAR BAS BDUG PAR BYA, ,ZHES BYA BA LA, GTZAGS BU BTAB ZIN KYANG DE'I 'OG TU NAD PA LA DE'I TSE SMRA BAR 'OS PA'I TSIG SNYAN PA BRJOD PA DANG, DE BZHIN DU CHU BSIL BA GTOR BA LA SOGS PAS DBUGS PHYUNG NAS, DE'I 'OG TU RNAG LA SOGS PA'I SKYON BSAL BAR BYA BA'I PHYIR RMA DE SOR MOS KUN NAS BCING BAR BYA'O, ,DE'I 'OG TU NAD DMIGS JI LTAR 'TSAM PA'I SMAN CHU SKA BA LA SOGS PAS LEGS PAR BKRU ZHING SBYANGS NAS, DE'I RJES LA RAS LA SOGS PA'I GOS KYIS CHU LEGS PAR BSAL ZHING, DE NAS RMA DE GU GUL NAS NIM PA'I LO MA'I BAR GYI SMAN MAR DANG SBRUS SHING SBYAR BA'I BDUG PAS BDUG PAR BYA'O, ,TIL GYI LDE GU MAR SBRANG RTZI, ,RANG GI SMAN NI JI LTA BAS, ,BYUGS SHING
, ,DE NAS RMA TSANGS GZHUG ,DE NYID KYIS NI DE G-YOGS LA, ,MAR DANG PHYER SBRUS BSKU BA DANG, ,DE'I 'OG KOG TZE STUG PO NI, ,GZHAG STE SHIN TU MA YENGS PAS, ,GOS KYIS LEGS PAR BCINGS BYAS TE, ,GLO DANG G-YAS DANG G-YON DAG GAM, ,STENG DANG 'OG TU MA SONG BYA, ,ZHES BYA BA LA, DE NAS DE'I 'OG TU RMA'I NANG DU GRO MDE'U TSUL DU RAS GTZANG MA'I RMA TSANGS SU BYAS PA DANG, RAS BAL LA SOGS PA'I SDONG BU RMA'I NANG DU GZHUG TU RUNG BA BCUG LA, DE'I 'OG TU NAD DMIGS JI LTA BA'I SMAN GYI LDE GU BYUG CING BSKU BAR BYA BA DANG, DE BZHIN DU TIL GYI LDE GU DANG, MAR DANG, SBRANG RTZI BSKU ZHING TIL GYI LDE GU DANG MAR DANG SBRANG RTZI DE NYID KYIS, RMA'I NANG NA GNAS PA'I RMA TSANGS RMAR BCUG PA'I RAS DUM LA SOGS PA DE NYID KYIS G-YOGS PAR BYA'O, ,DE 'BA' ZHIG GIS DE G-YOGS PAR MA ZAD KYI, SNOD KYI NANG DU PHYE DANG MAR DANG CHUR SBRUS SHING LAG PA'I RTZE MOS MNYES PA'I ZAN GYIS KYANG G-YOGS PAR BYA'O, ,DE'I 'OG RMA'I THO SKOR GYI STENG DU GOS RIM PA MANG PO LAS BYAS PA MTHUG PO GZHAG PA, SHIN TU MA YENGS PAS GOS KYI DUM BUS LEGS PAR BCING ZHING DKRI BAR BYA LA, DE YANG GLO G-YAS SAM G-YON DU MA 'PHYUGS PAR BYA BA DANG, RMA'I STENG NGAM DBUS SU MA SONG BAR DRANG ZHING YA YO MED PAR RMA DKRI ZHING BCING BAR BYA'O, ,RMA TSANGS KOG TZE DKRIS MAR BCAS, ,PHRA ZHING SRA LA GTZANG BA LA, ,SPOS KYIS BDUGS SHING 'JAM LA MNYEN, ,KHAM KHUM MED CING RMA LA PHAN, ,ZHES BYA BA LA, GONG DU SMOS PA'I RMA TSANGS NANG DU GZHUG PA'I RAS DANG, KOG TZE DANG, DKRI BA'I RAS NI SRA ZHING MI 'CHAD PA DANG, GTZANG ZHING BKRUS PA LAS BYAS LA, DE YANG GU GUL LA SOGS PA'I SROS KYIS BDUG PA DANG, 'JAM ZHING REG NA BDE BA DANG, MNYEN ZHING 'JAR BA DANG, KHAM KHUM MED CING BLTA BA TSIGS DANG BRAL BA'I RMA LA PHAN BA DE LTA BU DAG BYA'O, ,BCINGS NAS DE YI 'OG TU STE, ,GNOD PA BZLOG PHYIR BSRUNG BAR BYA, ,DE RNAMS LA NI GTOR MA SBYIN, ,LAG SMI GU HA AA TI GU HA, ,SPANG SPOS PRA MA TZA RI NI, ,TSA TRA AA TI TSA TRA DANG, ,D'U RA BA SHU DAG
YUNGS KAR DAG ,RTAG TU DE YI SPYI BOR GDAGS, ,ZHES BYA BA LA, RMA BCING BA'I BAR GYI LAS DE DAG BYAS NAS, DE'I 'OG TU NAD PA DE DAG LA GDON LA SOGS PA'I GNOD PA BZLOG PA'I PHYIR BSRUNG BAR BYA'O, ,YANG GNOD SBYIN LA SOGS PA DE RNAMS LA GTOR MA'I KHA ZAS CI RIGS PAR SBYIN PA DANG, RTAG PAR DUS THAMS CAD DU SMAN 'DI DAG SPYI BOR GDAGS PAR BYA STE, LAG SMI ZHES BYA BA SHA MI DANG, GU HA ZHES BYA BA KRishnA PA RnI DANG, AA TI GU HA ZHES BYA BAS LA PA RnI DANG, SPANG SPOS ZHES BYA BA MAN JI STE, MING GI RNAM GRANGS DZ'A TIL ZHES BYA BA DANG, PRA MA TZA RI ZHES BYA BA BRA MA AAshtI KA ZHES BYA BA'I SHING DANG, SHU DAG STE SMAN PA TZA DANG, TSA TRA ZHES PA SHA TA PUshPA DANG, AA TI TSA TRA ZHES BYA BA BI SHA NI KI DANG, D'UR BA DANG, YUNGS KAR RNAMS GDAGS PAR BYA'O, ,DE NAS SNUM GYI CHO GAR BSHAD, NYIN RE'I KUN SPYOD BSHAD PA BSTAN, ,ZHES BYA BA DE'I 'OG TU SKYES BU DMAN MA DE LA SNUM GYI BSHAD PA ZHES PA SNUM BTUNG BA'I CHO GA'I SKABS SU BSHAD PA, KHA LA CHU DRON GYIS KUN TU SPYOD PA BYA BA LA SOGS PA DANG, NYIN RE ZHING SPYAD PAR BYA BA'I LE'U'I SKABS SU BSHAD PA'I KUN TU SPYOD PA STON CING BSGO BAR BYA'O, ,NYIN PAR GNYID LOG RMA G-YA' ZHING, , KHA DMAR NA SKRANGS RNAG 'KHYIMS 'GYUR, ,ZHES BYA BA LA, SMAN MA SMIN PAR GNYID LOG PA NI RMA G-YA' BA DANG, NA BA DANG, SKRANGS PA DANG, RNAG 'KHYIMS PAR BYED PAR 'GYUR RO, ,BUD MED DRAN NA MA REG PA'AM, ,MTHONG BAS KHU BA BYUNG GYUR NA, ,MA PHRAD NA YANG 'KHREG [?] PA LAS; ,BYUNG BA'I SKYON NI 'THOB PAR 'GYUR, ,ZHES BYA BA LA, BUD MED DANG MA PHRAD DU ZIN KYANG, DE DRAN PA LA SOGS PA NYID KYIS KHU BA BYUNG BAR GYUR NA, 'KHRIG PA LAS BYUNG BA'I SKYON RMA BYE BA LA SOGS PA 'BYUNG ZHING 'THOB PAR 'GYUR RO, ,KHA ZAS DAG NI GANG GOMS LAS, , NAS DANG GRO DANG DRUG CU PA, ,SRAN CHUNG MUD GA TU BA RI, ,NI SHAN NA GA DZI WAN TI, ,LA PHUG GZHON NU BAR TA KA ,RGYA SNE'U TAN DU LI YA KA ,KA RA BE LA KAR KO TA, ,KA TU KA LA BTOL, ,RGYAM TSA SE 'BRU SKYU RU RA, ,CHU BSKOL BA NI BSGRANGS PA DANG, ,'BRAS RNYING CHANG DANG SNUM
, ,NYUNG ZAD, ,ZOS RJES CHU TSAN BTUNG BA DANG, SKAM SA'I SHA NI ZOS GYUR NA, ,RMA NI MYUR DU 'TSO BAR 'GYUR, ,ZHES BYA BA LA, NAD PA SMAN MA DE RJES SU MTHUN ZHING GOMS PA'I KHA ZAS ZOS PAS MYUR ZHING RINGS PAR RMA 'TSO ZHING BDE BAR GNAS PAR 'GYUR RO, ,DE LA NAS LA SOGS PA NI BZA' BA'I DON DU'O, ,SRAN CHUNG LA SOGS PA NI SRAN KHU YU SHA DANG TSOD MA'I DON DU SBYAR RO, ,TU BA RI NI SRAN MA AA RU KA'O, ,NI SHA NA NI KA DANG, DZI BA NA TI LA SOGS PA NI TSOD MA'I DON DU'O, ,RGYAM TSA DANG SE 'BRU LA SOGS PA SPOS KYI DON DU'O, ,CHU BSKOL BA BSGRANGS PA NI BTUNG BA'I DON DU'O, ,'BRAS RNYING BA NI LO GCIG MA LON PA'I 'BRAS DE'I CHAN NO, ,SNUM CAN NI SNUM CUNG ZAD YOD PA'O, ,DE'I RJES LA 'TSAL NAN NI CHU TSAN BTUNG BAR BYA'O, ,DE BZHIN DU SKAM SA'I SHA 'UR BYA LA SOGS PA'I SHA BZA' BA STE, DE DAG GIS RMA MYUR DU 'TSO ZHING 'BYANG BAR 'GYUR RO, ,DUS SU RAN PAR BZA' BA DANG, ,PHAN PA ZOS NA BDE 'JU 'GYUR, ,ZHES BYA BA LA, DE LTAR RJES SU MTHUN PA'I KHA ZAS JI LTAR 'OS PA'I DUS SU RAN ZHING 'TSAM PAR BZA' PA DANG, PHAN PA ZOS NA BA DE BLAG TU 'JU ZHING SMIN PAR 'GYUR RO, ,MA ZHU BA YIS RLUNG LA SOGS, ,LDANG ZHING NAD NI STOBS CHEN 'GYUR, ,DE LAS SKRANGS DANG RNAGS BA DANG, ,TSA DANG SPOS PAR 'GYUR BA YIN, ,ZHES BYA BA LA, KHA ZAS MA ZHU ZHING SMIN PAR MA GYUR BA LAS NI, RLUNG LA SOGS PA LDANG ZHING STOBS DANG LDAN PA NAD TSABS CHEN POR 'GYUR RO, ,DE LDANG BA DE LAS RMA SKRANGS PA DANG NA BA LA SOGS PAS NAD PA NYEN PAR 'GYUR RO, ,'BRU SAR TIL DANG MA SHA DANG, ,CHANG DANG RLAN CAN LAS BYUNG SHA, ,'O MA BUR MA SHING LAS GYUR, ,SKYUR DANG LAN TSVA TSA BA DANG, ,GZHAN GANG 'KHRU BA GCOD BYED DANG, ,TSA DANG BSIL DANG LCI BA YANG, , ZHES BYA BA LA, 'BRU SAR PA LA SOGS PA'I SDE TSAN RMA YOD PA'I SKYES BUS SPANG BAR BYA'O, ,DE BZHIN DU CHANG DANG SROG CHAGS GSHER SAR GNAS PA'I SHA DANG, 'O MA LAS GYUR BA DANG, ZHO DANG, DAR BA DANG, PHRUM DANG, THUD LA SOGS PA DANG BU RAM SHING LAS GYUR PA STE, BU RAM PHRA MO
LA SOGS PA DANG, SKYUR DANG, LAN TSVA DANG, TSA BA'I BZA' BTUNG DANG, GZHAN YANG GANG DAG 'KHRU BA GCOD CING 'GAGS PAR BYED PA DANG, TSA BA'I SHAS CHE BA DANG, BSIL BA DANG, GRANG BA DANG, LCI BAD DAG KYANG SPANG ZHING DOR BAR BYA'O, ,'BRUS RA LA SOGS SDE TSAN 'DI, ,RMA DANG LDAN PA'I NAD KUN SKYED, ,CES BYA BA LA, BSHAD MA THAG PA'I 'BRU SAR PA LA SOGS PA'I SDE TSAN 'DI NI RMA DANG LDAN PA'I SKYES BU DMAN PA'I NAD KUN SKYED PA STE, NAD GZHI GSUM CHAR SKYED PA'AM, RMA RED CING 'DRUL BA LA SOGS PA NAD SKYED PAR BYED PA YIN NO, ,CHANG NI RNO BA TSE RTZUB 'GYUR, , RMA LA MYUR DU GNOD PAR BYED, ,CES BYA BA LA, 'BRU SAR PA LA SOGS PA'I SDE TSAN 'DI NI BSHAD MA THAG PAR CHANG SPANG BAR BYA BA NYID YIN PAR BSTAN ZIN PA LAS, 'DIR YANG CHANG SPANG BAR BSTAN PA NI SHIN TU NYES PA CHE BA'I PHYIR YANG SMOS PA YIN TE, 'BRU SAR BA LA SOGS PA ZOS PAS RMA LA GNOD PAR 'GYUR MOD KYI, DE BAS KYANG CHANG NI RNO BA DANG, TSA BA DANG, RTZUB PA DANG, SKYUR BA YIN PAS DE LA GNOD PA'I RANG BZHIN CAN YIN PA'I PHYIR RMA LA SHIN TU MYUR BAR GNOD PAR BYED KYI, GZHAN DAG NI DE LTA MA YIN NO, ,YANG CHANG KHYAD PAR CAN RNO BA DANG, RTZUB PA DANG, SKYUR BA GANG YIN PA DE NYID NI RMA LA SHIN TU MYUR BAR GNOD PAR BYED PA YIN GYI, SNUM PA LA SOGS PA'I YON TAN DANG LDAN PA GZHAN DAG NI DE LTA MA YIN NO, ,DE YANG RGYUD GZHAN LAS, PHAL CHER SNUM BCAS MNGAR BA DANG, SHIN TU RNO DANG RTZUB MA YIN, ,DANGS SHING BTUNG BAR SLA BA DAG ,RGUN CHANG DAG LAS DE MCHOG YIN, ,ZHES BSHAD PA YIN NO, ,DE BAS NA CHANG SNUM PA LA SOGS PA'I YON TAN DANG LDAN PA NI, DMAN MA LAN 'GA' ZHIG NYUNG ZHING BYIN PA NI RMA LA GNOD PAR MI 'GYUR GYI, CHANG RNO BA DANG TSA BA LA SOGS PA'I YON TAN DANG LDAN PA 'DI NI SHIN TU GNOD PA YIN NO, ,ZHES BSHAD PAR BYA BA'I PHYIR, 'DIR YANG SMOS PA YIN NO, ,BAL AUR SHI RAS G-YAB CING, ,'DI NI BSKYOD PAR MI BYA LA, ,DRAG SHUL MI GZUGS 'PHRUG MI BYA, ,BSKYOD PA'I TSE NA BAG BYA'O, ,ZHES BYA BA LA, RMA DE SMAN PA LA KA DANG, AU RA SHI RAS G-YAB PA DANG, RMA 'DI BSKYOD CING
, ,BSKUL BAR MI BYA BA DANG, DRAG SHUL DU GZUGS SHING BRDEG PAR MI BYA BA DANG, SEN MO LA SOGS PAS 'PHRUG PAR MI BYA'O, ,YANG DE BZHIN DU BSKYOD CING BSKUL BA'I TSE NA YANG BYA BA THAMS CAD DU RMA LEGS PAR BSRUNG ZHING BAG BYA'O, ,MDZA' DANG BRAM ZE RGAN SOGS KYI, ,GTAM NI YID LA DGA' BA MNYAN, ,NAD LAS THAR BA'I RE BCAS PAS, ,RMA NI MYUR DU 'TSO BAR 'GYUR, ,ZHES BYA BA LA, GROGS MDZA' BA DANG, BRAM ZE DANG, RGAN PO LA SOGS PA'I GTAM YID LA DGA' BA DAG MNYAN PA DANG, NAD LAS MYUR DU THAR BAR 'GYUR RO; ,ZHES RE BA DANG BCAS SHING DGA' BAS RMA MYUR DU 'TSO BAS 'BYANG BAR 'GYUR RO, ,NYIN GSUM LON TSE RMA YI TSAS, ,SLAR YANG BKRU SOGS [?] LAS RNAMS NI, ,SNGA MA BZHIN BYA, ZHES BYA BA LA, DE LTAR BYAS NA NYI MA GSUM LON PA'I TSE SLAR YANG RMA'I LAS SNGA MA BZHIN DU BYA STE, GONG GI BSHAD PA DANG MTHUN PAR BYA'I, CHO GA JI LTA BA BZHIN DU BYA'O, ,DE BZHIN DU, NYIN ZHAG GNYIS PAR MI BYA'O, ,TSABS CHER NA ZHING MI 'BYAR LA, ,RMA NI YUN RING ZHIG NA 'TSO, ,ZHES BYA BA LA, SNGA MA BZHIN DU NYI MA GNYIS PA LA RMA BKROL ZHING BKRU BA LA SOGS PA'I LAS MI BYA STE, DE LTAR BYAS NA RMA TSABS CHER NA ZHING, MI BZAD PAR NA BA DANG, RMA MI 'BYAR ZHING RMEN BU SKYE BA DANG, RMA YUN RING DU ZHIG NA 'TSO ZHING 'DRUB PAR 'GYUR RO, ,RMA TSANGS SAM NI LDE GUS GLAN, ,SNUM CHES RTZUB CHES DAM PA DANG, ,LHOD DRAGS BZHAG NYES MI BYA STE, ,ZHES BYA BA LA, RMA'I NANG DU ZHUGS PA'I RMA TSANGS RAS LA SOGS PA'I GOS KYI DUM BU RMA'I NANG DU GZHUG TU RUNG BA DE SNUM CHES PA DANG, RTZUB CHES PA DANG, DE BZHIN DU DAM ZHING DRAG TU BCING BA DANG, LHOD DRAGS PA DANG, BZHAG NYES PA DAG MI BYA'O, ,DE BZHIN DU SMAN GYI LDE GUS RMA GLAN PA YANG, SNUM CHES PA DANG DAM CHES PA DANG, LHOD CHES PA DANG, BZHAG NYES PAR MI BYA'O, ,SNUM CHES RMA NI RED PAR 'GYUR, ,RTZUB CHES SHA CHAD SHIN TU NA, ,GAS SHING KHRAG NI 'BYUNG BAR 'GYUR, ,DAM DANG LHOD DRAGS BZHAG NYES PAS, ,RMA YE KHA
NI 'DRUD PAR 'GYUR, ,ZHES BYA BA LA, SNUM SHIN TU DRAGS SHING SHAS CHE NA RMA RED PAR 'GYUR ZHING RNAG DANG CHU SER 'PHEL BAR 'GYUR RO, ,DE BZHIN DU RTZUB CHES PA NI SHA BCAD PA DANG, SHIN TU NA BAR 'GYUR BA DANG, DE BZHIN DU PAGS PA GAS PA DANG, KHRAG 'BAB CING 'BYUNG BAR 'GYUR RO, ,DE BZHIN DU RMA TSANGS DANG LDE GU SHIN TU DAM PA DANG, SHIN TU LHOD DRAGS PA DANG, BZHAG NYES PAS NI, RMA'I KHA PHAN TSUN 'DRUD CING 'DAR BA DANG THUG PAR 'GYUR RO, ,RMA NI RNAG BCAS SKRANGS SHING MTHO, ,RGYU BCAS RNAG PHUGS 'CHAS PA DAG ,RMA TSANGS 'JAM PO NANG GNAS PA, RMA YI SKYON NI DAG PAR BYED, ,CES BYA BA LA, RMA GANG RNAG DANG BCAS PAR GNAS PA DANG, DE BZHIN DU SKRANGS SHING MTHO BAR GNAS PA DANG, RGYU BA DANG BCAS PA STE, SHA LA SOGS PA RNAG GIS ZOS PAS BU GA'I RNAM PA RING DU 'GRO BA LAS, RGYU DANG BCAS PA ZHES BSHAD DO, ,RNAG NI PHUGS NANG NA 'CHAS SHING 'THUMS PA YOD PA NI RNAG PHUGS 'CHAS PA STE, DE LTA BU'I RMA GANG YIN PA DAG ,RMA TSANGS 'JAM PO NANG NA GNAS SHING BCUG PAS RMA'I SKYON DE DAG DAG CING SBYONG BAR BYED PAS DE'I PHYIR, DE'I RMA'I NANG DU GZHUG PAR BYA'O, ,SKRANGS PA HA CANG MA SMIN BRTOL, ,SMIN ZHING RNAGS PAR 'GYUR BA SPYAD, ,PHAN PA'I SMAN DANG ZAS SBYIN DKRI, ,SHIN TU RMAR MI GNOD PAS GSO, ,ZHES BYA BA LA, SKRANGS PA HA CANG MA SMIN PA LA LEGS BAR MA BRTAGS PAR GAL TE SKRANGS PA DE MTSON GYIS BRTOL BAR GYUR NA, SMIN CING RNAGS PA'I THABS KYIS YANG DAG PAR GSO BAR BYA STE, DE YANG PHAL CHER LAN TSVA DANG, SKYUR BA DANG, TSA BA DANG, DRO BA'I LDE GU'I SMAN RNAMS DANG, DE BZHIN DU ZAS SMIN CING RNAGS PAR 'GYUR BA'I BZA' BA DANG, DE BZHIN DU SMIN PAR 'GYUR BA'I LO MA LA SOGS PA DAG GIS GSO BAR BYA LA, DE DAG KYANG RMA LA SHIN TU MI GNOD PAR BYA BA STE, LAN 'GA' RMA SMIN PAR BYA BA'I PHYIR, RMA LA CUNG ZAD GNOD PA BTANG DU ZIN KYANG SKYON DU MI 'GYUR BA NI YOD DO, ,SNAD PA'I RMA NI GSAR DU BYUNG, ,RAL ZHING KHA BYE 'PHRAL
, ,DU BTZEM, ,RMEN BU CHEN PO BKAS PA DANG, ,RNA SHAL BU GA CHAD PA BTZEM, ,ZHES BYA BA LA, RMA DE'I MOD KHO NA LA MTSON GYIS DRAL ZHING SNAD PA LAS BYUNG BA RAL ZHING KHA BYE BA DANG, DE BZHIN DU RMEN BU CHEN PO BAGS PA LAS BYUNG BA DANG, DE BZHIN RNA SHAL GYI BU GA CHAD PA'ANG BTZEM PAR BYA'O, ,MGO DANG MIG PHUGS SNA DANG MCHU, ,MKHUR TSOS RNA BA DPUNG PA BRLA, ,MGUL PA DPRAL BA RLIG PA DPYI, ,PHO MTSAN GZHANG DANG LTO BA SOGS, ,PHUGS RING BA NA GNAS RNAMS DANG, ,SHA CHE MI 'GUL MA YIN DANG, ,CHU SO MCHAN KHUNG LA SOGS DANG, ,SHA CHUNG MGUL PA'I RMA DAG DANG, ,DBUGS DBYUNG ZUG RNGU YOD PA DANG, ,THAL SMAN DUG MED TSIG MI BTZEM [?], ,ZHES BYA BA LA, MGO BO DANG MIG PHUGS LA SOGS PAR GNAS PA'I RMA BCOM PAR MI BYA'O, ,DE BZHIN DU SO DANG, MCHAN KHUNG LA SOGS PA'I LUS KYI GNAS KYI RMA BTZEM PAR MI BYA'O, , DE BZHIN DU SHA CHUNG BA DANG, MGUL PA'I RMA DAG KYANG BTZEM PAR MI BYA'O, ,DE BZHIN DU DBUGS RGYU ZHING RGYU BA DANG, NANG NA ZUG RNGU YOD PA'I RMA YANG BTZEM PAR MI BYA'O, ,DE BZHIN DU THAL SMAN DANG, DUG DANG MES TSIG BA'I RMA YANG BTZEM PAR MI BYA'O, ,BTZEM PA RUS DUM KHRAG SKAM DANG; ,RTZA DANG SPU RNAMS BSAL NAS NI, ,SHA CHAD DUM BU 'PHYANG BA YANG, ,RANG GI GNAS SU GLAN PA DANG, ,RUS TSIGS BCUG CING KHRAG GZAGS LA, ,SKUD PA SHING SHUN RGYUS PAS BTZEM, ,ZHES BYA BA LA, BTZEM PAR BYA BA NI RUS TSIGS GSUM DU GNAS LAS GOMS PA GANG YIN PA DANG, KHRAG SKAM PO LA SOGS BA LAG PAS BSAL ZHING BTON LA, DE BZHIN DU SHA CHAD MTSON GYIS DBRAL TE DUM BUR 'PHYANG BDE YANG RANG GI GNAS SU GLAN ZHING SBYAR BA DANG, DE BZHIN DU RUS PA DANG TSIGS LA SOGS PA BYUNG ZHING 'BUR BA SLAR GZHUG PA DANG, KHRAG GI RGYUN GZAGS SHING SPYAD LA, CI RIGS PAR RAS KYI SKUD PA'AM, SHING SHUN AA SMAN TA KA DANG MUR BA DANG, GSO MA LA SOGS PA'I SKUD PA 'JAM PO'AM, RGYAS PA LAS BYAS PA'I SKUD PAS LEGS PAR BTZEM PAR BYA'O, ,SRUBS NI NYE BA'AM RING MI BYA, ,BLANG BA CHE BA'AM CHUNG MI BYA, ,
ZHES BYA BA LA, DE LTAR BTZEM PA NA, RMA LAS HA CANG NYE BA'AM, THAG RING BA NAS BTZEM PAR MI BYA'O, ,DE BZHIN DU RMA'I GNAS LAS SRUBS KYI BLANG BA KHAM CHUNG BAR MI BYA'O, ,DE NAS SPRO BSRING BYAS NAS MTHAR, ,RMA NI SBRANG RTZI MAR SBYAR DANG, ,SKYER PA ZAR MA'I DUD PA DANG, ,'BRAS BU GSUM DANG SA LA KI ,SENG PHROM MNGAR DANG SNUM BCAS PAS, ,BSKUS LA BCING SOGS SNGON BZHIN BYA, ,ZHES BYA BA LA, DE LTAR BTZEM PA'I RJES THOGS LA, NAD PA SPRO BA SRING ZHING DBUGS PHYUNG STE, DE NAS DE'I 'OG TU RMA KHA SBRANG RTZI DANG MAR SBYAR BA'I SKYER BA DANG, ZAR MA LA SOGS PA'I LDE GU BYUG CING BSKU BA DANG, DE'I 'OG TU BCING BA DANG, DUD PAS BDUG PA LA SOGS PA SNGA MA BZHIN DU SBYAR BAR BYA'O, ,RMA KHA KHRAG NI MED GYUR GANG, ,DE NI CUNG ZAD BRUD BYAS TE, ,RMA 'BYOR BA NYID KHRAG YIN PAS, ,PHYUNG STE LEGS PAR DRUB PAR BYA, ,ZHES BYA BA LA, RMA GANG ZHIG KHA'I PHYOGS NA KHRAG MED PAR GYUR PA DE NI CUNG ZAD TZAM BRUD CING, MTSON GYIS GTZES LA KHRAG DBYUNG BA DANG BTZEM BAR BYA STE, CI'I PHYIR ZHE NA, RMA 'DI 'BYOR ZHING 'TSO BAR BYED PA NI KHRAG NYID YIN PAS NA, DE PHYUNG STE DRUB BAR BYA STE, DE LA BCING BA YUL LA SOGS, ,BRTAGS NAS NGES PAR SBYAR BAR BYA, ,ZHES BYA BA LA, 'DIS RMA BCING ZHING DKRI BAR BYA BA YIN PAS NA BCING BA STE, DE NI YUL LA SOGS PA ZHES PA, YUL DANG NAD GZHI DANG LUS ZUNGS LA SOGS PA LA BRTAGS NAS, RANG GI BLOS LEGS PAR SBYAR BAR BYA'O, , BAL GOS PAGS BA DAR GSUM DRO, ,ZAR MA'I RAS NI BSIL BA YIN, ,ZHES BYA BA LA, BAL GYI GOS YIN PAS NA BAL GOS TE, SNAM BU DANG LA BA'O, ,BAGS PA'I RNAM PA 'JAM ZHING DRO PA'O; ,DAR NI ZAB DAR TE, BCING BA GSUM PO 'DI DAG NI NUS PA DRO BA YIN NO, ,ZAR MA'I RAS DANG GSOR SA NI BSIL BA YIN NO, ,DRO GRANG RAN PA SHING BAL 'DAB, ,RAS BAL RGYUS PA SHING SHUN YIN, ,ZHES BYA BA LA, DRO BA DANG GRANG BA GNYIS KA'I RANG BZHIN RAN PA NI SHING BAL 'DAB MA DANG, RAS BAL
, ,DANG RGYUS PA DANG, SHING SHUN LAS BYAS PA'I CHINGS MA STE, RGYU DE DAG LAS SKUD PA'I TSUL DU BYAS PA'I RNAM PAS DKRIS PA'O, ,ZANGS LCAGS ZHA NYE RO NYE YIS, ,BAD KAN TSIL CHES RMA LA GLAN, ,CHAG THUR SHING BYANG PAGS PA DANG, ,SHING SHUN SMYIG TSAL SOGS PAS BCING, ,ZHES BYA BA LA, BAD KAN DANG TSIL CHES PA'I RMA LA NI, ZANGS MA DANG LCAGS LA SOGS PA GLAN ZHING BCING BAR BYA'O, ,RKANG LAG GI RUS PA CHAG GRUGS SU GYUR PA LA NI, SHING BYANG LA SOGS PAS BCING BAR BYA'O, ,DBYIBS NI RANG MING MTHUN PA YI, ,CHINGS MA BCVA LNGA RNAMS BYA STE, ,SHUBS DANG BKRA SHIS LHOD PAR BCING, ,MTHAR CHAGS BCING DANG ZLUM POR BCING, ,MDA' LCAGS KHRI DANG DAM BCING DANG, ,SGYE'U BLA RE LKOG SHAL DANG, ,'UR MTHIL ZUNG GLAN ZLUM PA DANG, ,YAN LAG LNGA PA ZHES BYA SBYAR, ,ZHES BYA BA NI, DBYIBS KYI RNAM PA RANG GI MING JI SKAD BTAGS PA DANG, RJES SU MTHUN PA'I CHINGS MA SGYE'U DANG, BKRA SHIS NAS YAN LAG LNGA'I BAR BCVA LNGA PO DE DAG BCING BA'I DON DU SBYAR BAR BYA'O, ,DE DAG KYANG SHUBS NI MDZUB SHUBS 'DRA BA STE, SOR MO'I TSIGS GSUM PA LA SBYAR BAR BYA'O, ,BKRA SHIS NI G-YUNG DRUNG LTA BU ZUR BZHI PA STE, RUS PA'I TSIGS DANG, SMIN MA DANG, NU MA'I BAR DANG, MCHAN KHUNG DANG, RNA BAR GLAN BAR BYA'O, ,LHOD PAR BYA BA NI, RTZVA LA SOGS PA LAS LHAS BAR BYA STE, DE DAG NI MGUL BA DANG, PHO MTSAN LA SOGS PA LA RMA BYUNG BA LA GLAN BAR BYA'O, ,MTHAR CHAGS SU BCING BA NI RAS BAL LA SOGS BA ZHENG CHUNG LA RING BA STE, DE NI MING GI GRAR SBYAR PAR BYA'O, ,ZLUM POR BCING BA NI SRAD BU STE, DE NI YAN LAG THAMS CAD BCING BA LA SBYAR BAR BYA'O, ,MDA' LCAGS NI GANG RING POR BYAS PA STE, DE YANG LAG NGAR LA SOGS PA LA SBYAR BAR
BYA'O, ,KHRI NI KHRI RKANG BZHI PAR BYAS PA STE, DE NI 'GRAM PA DANG MUR 'GRAM DANG MKHUR TSOS SNAD PA LA SBYAR RO, ,DAM DU BCING BA NI KHYAD PAR DU 'DUG MI SHES PAR BCING BA STE, DE NI LTO BA DANG BRLA'I RGYAB TU GLAN ZHING BCING BAR BYA'O, ,SGYE'U NI SO RTZI LA SOGS PA'I 'JUD PA'I SGYE'U PHRAN TE, DE NI SOR MO DANG PHO MTSAN GYI RTZA LA NAD YOD PA DANG, GCIN NAD ZA KHU CAN LA SBYAR BAR BYA'O, ,BLA RE NI NYI TSAN LA SOGS PA'I GNOD PA BZLOG PA'I PHYIR, RAS BAL LA SOGS PAS KHEBS PA LTA BU STE, PHO MTSAN SKRANGS PA LA SOGS PA LA SBYAR BAR BYA'O, ,BA LANG GI LKOG MA LTA BU NI, LKOG MAR LKOG SHAL LTAR 'PHYANG BA STE, DE NI LUS KYI YAN LAG 'PHYANG BA LAS GYUR BAR SBYAR BAR BYA'O, ,'UR MTHIL LTA BU NI ZHING PA RNAMS BYA SKROD PA'I PHYIR, 'UR RDO 'PHEN PA'I RDO'I GNAS SU BYED PA 'UR MTHIL ZHES BYA'O, DE NI RNA DANG CHU DANG KO SKO NAD PA LA SBYAR ZHING BCING BAR BYA'O, ,ZUR DU GLAN PA NI GANG DU BYANG GCIG DBUS SU SKABS BTOD DE, RMA GNYI GA 'DAB CHAGS SU BCING DU RUNG BA'O, ,DE NI RMA GNYIS 'DAB CHAGS SU BYUNG BA LA GLAN PAR BYA'O, ,ZLUM PO ZHES BYA BA NI DKYIL 'KHOR LTAR ZLUM POR BYAS PA STE, DE NI YAN LAG ZLUM BOR SNANG CING CHAG PA LA GLAN PAR BYA'O, ,YAN LAG LNGA PA NI, SHING BYANG LA SOGS PA GANG YAN LAG BZHI PO YOD CING GYEN DU DBYUNG PA BYA STE, DE NI NAM TSONG YAN CHAD SNAD PA LA SBYAR BAR BYA'O, ,DE LAS GANG ZHIG GANG LEGS 'BYOR, ,DE NI DE RU LEGS PAR SBYAR, ,ZHES BYA BA LA, BCING BA DE DAG GI NANG NAS, CHING MA GANG ZHIG LUS KYI PHYOGS GANG DANG LEGS PAR 'BYOR ZHING 'BYAR LA 'TSAM PA'I CHINGS MA SHUGS LA SOGS PA DE DAG NI, LUS KYI PHYOGS DE RU LEGS PAR SBYAR ZHING BCING BAR BYA'O, ,BRLA DANG MJUG TZOS MCHAN KHUNG DANG, ,CHU SO SPYI BOR DAM DU BCING, ,ZHES BYA BA LA, BRLA DANG MJUG TZOS LA SOGS PA NI LUS KYI
, ,PHYOGS SU RMA BYUNG BA LA NI DAM ZHING SRA BAR BCING BAR BYA'O, ,LHOD PAR BCING BAR MI BYA'O, ,LAG NGAR GDONG DANG RNA BA DANG, ,RGYA BA DANG RTZI BA LOGS MGUL PA LTO, ,PHO MTSAN RLIG PA RAN PAR BCING, ,ZHES BYA BA LA, LAG NGAR LA SOGS PA'I LUS KYI PHYOGS SU NI BCING BA DAM LHOD RAN PAR BYA LA, DE BZHIN DU PHO MTSAN DANG RLIG PA YANG RAN PA TZAM DU BCING BAR BYA'O, ,MIG DANG TSIGS SU LHOD BAR BCING, ,ZHES BYA BA LA, MIG GI PHYOGS DANG RUS PA'I TSIGS RNAMS SU CHINGS MA LHOD PAR BCING NGO, ,LHOD BCINGS RMA NI BAD KAN DANG, ,RLUNG SHAS CHE LA RAN PAR BCING, ,ZHES BYA BA LA, LHOD BAR BCING BA MIG DANG TSIGS LA RMA BAD KAN DANG RLUNG GI SHAS CHE BA YOD NA LHOD PAR NA TZAM DU BCING NGO, ,RAN ZHING GNAS SU DAM DU BCING, , DAM ZHING SHIN TU DAM PAR BCING, ,ZHES BYA BA LA, RAN PAR BCING PA'I GNAS LAG NGAR LA SOGS PAR, BAD KAN DANG RLUNG GI SHAS CHE BA'I RMA YOD NA, RAN PAR MI BCING GI DAM DU BCING BAR BYA'O, ,DAM DU BCING BA'I GNAS BRLA DANG MJUG TZOS LA SOGS PA'I RMA BAD KAN DANG RLUNG LAS BYUNG BA YIN NA, SHIN TU SHAS CHER DAM DU BCING BAR BYA'O, ,DGU NA DANG DE BZHIN DPYID KYI TSE, ,ZHAG NI GSUM GSUM DAG NAS DGROL, ,ZHES BYA BA LA, BAD KAN DANG RLUNG GI SHAS CHE BA'I RMA DE GNYIS LAS DGUN ZHES BYA BA DGUN STOD DANG DGUN SMAD, DE BZHIN DU DPYID KYI TSE STE, ZLA BA DRUG LA NI ZHAG GSUM NAS DGROL ZHING BCING BAR BYA'O, ,KHRAG MKHRIS SHAS CHE'I RMA DAG NI, ,DAM BCING GNAS SU RAN PAR BCING, ,RAN BCING GNAS SU LHOD PAR BCING, ,LHOD BCING GNAS SU BCING MI BYA, ,ZHES BYA BA LA, KHRAG DANG MKHRIS PA SHAS CHE BA'I RMA LA NI DAM DU BCING BA'I GNAS BRLA LA SOGS PAR DAM DU MI BCING RAN BAR BCING BAR BYA'O, ,RAN PAR BCING BA'I GNAS LAG NGAR LA SOGS PAR NI LHOD PAR BCING BAR BYA'O, ,LHOD PAR
BCING BA'I GNAS MIG DANG TSIGS SU KHRAG DANG MKHRIS PA SHAS CHE BA'I RMA BYUNG NA DE BCING BAR MI BYA'O, ,DE GNYIS SO GA STON GYI TSE, ,SNGA DRO PHYI DRO DGROL BAR BYA, ,ZHES BYA BA LA, KHRAG DANG MKHRIS PA LAS BYUNG BA'I RMA DE GNYIS LA SO GA DANG STON KA'I TSE NI NYIN RE ZHING SNGA DRO DANG PHYI DRO'I DUS SU DGROL ZHING BCING BAR BYA'O, ,MA BCINGS SHA SBRANG SBRANG BU DANG, ,LHAGS PA SER BU SOGS PAS GNOD, ,RMA RED GYUR CING DER SNUM DANG, ,SMAN NI YUN RINGS GNAS MI 'GYUR, ,SBYANG PA'AM 'TSO BAR DKA' BA DANG, ,'TSO BA KYANG MDOG NI MI SDUG 'GYUR, ,ZHES BYA BA LA, RMA MA BCINGS NA SHA SBRANG LA SOGS PAS GTZES PAR 'GYUR ZHING, DE DANG REG PA'I DBANG GIS 'TSE BA LA SOGS KYIS GNOD PAR 'GYUR BA DANG, DE BZHIN DU RMA DE BCING BA MED PAR SNUM GYIS BSKUS NA YANG SMAN DE YANG YUN RING DU GNAS PAR MI 'GYUR ZHING, SMAN GYI LDE GU LA SOGS PA BSKUS PA YANG YUN RING POR MI THOGS PAR BSKAMS PA'AM LUD PAR GYUR PA'AM, DE BZHIN DU LEGS BAR BCOS SU ZIN KYANG RMA 'TSO ZHING 'DRUB BAR DKA' BA DANG, GAL TE 'TSO ZHING 'DRUB KYANG SHA MDOG MI SDUG PAR 'GYUR RO, ,BCINGS NA CHAG CING PHYE MAR 'GYUR, ,'PHRES SAM 'BUR GYUR DRAL GYUR TAM, ,RTZA DANG RGYUS PA CHAD GYUR KYANG, ,RMA NI MYUR DU BDE BAR 'TSO, ,LDANG DANG NYAL BA LA SOGS PA'I, ,SPYOD LAM KUN LA GNOD PA MED, ,CES BYA BA LA, RMA LEGS PAR BCINGS SHING BSDAMS PAS NI, CHAG CING PHYE MAR GRUGS PA'AM, 'PHRES SHING GNAS PA LAS 'PHYUGS PA'AM, ,'BUR ZHING MTHO BA'AM, DRAL ZHING GAS PAR GYUR PA'AM, RTZA DANG RGYUS PA CHAD PAR GYUR KYANG, RMA BDE BLAG TU MYUR DU 'TSO BAR 'GYUR RO, ,DE BZHIN DU LDANG BA DANG MAL NA NYAL BA LA SOGS PA'I SPYOD LAM KUN LA YANG GNOD PA MED PAR 'GYUR RO, ,RMA KHA SKYES MTHO MI MNYAM DANG, ,SRA ZHING RAB NA 'TSO BAR DKA', ,
, ,'JAM ZHING MNYAM LA NA BA MED, ,RMA NI MYUR DU DAG CING 'TSO, ,ZHES BYA BA LA, RMA GANG KHA CHER SKYES SHING MTHO BA'I ZLUM PO YOD PA DANG, MTHO DMAN MI MNYAM PA DANG, SRA ZHING MNYEN BAG MED BA DANG, RAB TU NA ZHING TSOR BA DRAG PA DANG LDAN PA'I RMA DE LTA BU NI 'TSO ZHING 'BYANG BAR DKA' BA YIN NO, ,RMA GANG 'JAM ZHING MNYEN PA DANG, NA BA MED PA NI MYUR DU DAG CING 'TSO BAR 'GYUR RO, ,RMA NI YUN RING SHA CHUNG DANG, ,RTZUB PAS 'BYOR BAR MA GYUR NA, ,NAD GZHI DUS TSIGS JI BZHIN DU; ,SMAN DANG LO MAS DGAB PAR BYA, ,MA RNYINGS GZHON ZHING BU GA MED, ,KUN NAS LEGS PAR KHEBS BA DANG, ,PHYIS SHING MI RTZUB LO MA NI, ,'O MA CAN SHING STAG PA DANG, ,AARDZU NA DANG KA DAM BA'I, ,LO MA YIS NI G-YOGS PAR BYA, ,ZHES BYA BA LA; RMA YUN RING ZHING DUS RING PO LON TE, RNYINGS PA DANG, SHA CHUNG ZHING ZAD PA DANG, RTZUB PAR GYUR BA'I RGYUS 'BYOR ZHING 'TSO BAR MA GYUR NA, NAD GZHI JI LTA BA'I TSUL DANG MTHUN PA DANG, DUS TSIGS DANG JI LTAR MTHUN PA BZHIN DU RMA'I SMAN LDE GU DANG, SNUM LA SOGS PA RMA LA PHAN PAR BYED PA DAG BSKU BAR BYA BA DANG, SHING 'O MA CAN LA SOGS PA'I LO MAS DAG BCING GSO BAR BYA STE, DE YANG 'DI LTAR RLUNG LAS GYUR PA'I RMA GRANG BA'I DUS SU SNUM PA DANG DRO BAS GSO BA DANG MKHRIS PA SHAS CHE BA'I RMA DANG, DE BZHIN DU DRO PA'I DUS SU NI BSIL BAR GSO BA DANG, BAD KAN SHAS CHE BA'I RMA DANG, GRANG BA DANG DRO BA'I DUS SU NI PHAL CHER RTZUB PA DANG, GRANG BAS GSO BAR BYA STE, 'GRES 'DIS THAMS CAD LA SBYAR BAR BYA'O, ,DE BZHIN DU LO MA RNYINGS SHING DENGS PA MA YIN PA DANG, GZHON ZHING GSAR PA DANG, BUG RDOL MED PA DANG, DE BZHIN DU KUN NAS THAMS CAD DU LEGS PAR KHEBS SHING LEGS PAR GZHAG PA, PHYIS SHING DRI MA MED PAR BKRUS PA DANG, MI RTZUB CING SRA BA MA YIN PA'I LO MA'I MA CAN GYI SHING LA SOGS PA LAS BYUNG BAS LEGS
PAR G-YOGS PAR BYA'O, ,MDZE DANG ME YIS TSIG PA DANG, ,'BUS ZOS GCIN NAD SBRANG RTZI 'DRA, ,BYI BA SBRUL GYI DUG DANG NI, ,THA LA SMAN RNO DANG DUG GIS PHOG ,RMA NI BCING BAR MI BYA ZHING, ,SHA 'DRUL GZHAN KHAR MI BZAD RNAGS, ,'DRUL SHING TSA DANG NA BCAS PAR, ,SKRANGS SKAMS ME DBAL MI BCING NGO, ,ZHES BYA BA LA, MI MDZES BTAB PA DANG, DE BZHIN DU MES TSIG PA'I RMA BCING BAR MI BYA'O, ,DE BZHIN DU 'BUS ZOS PA'I RMA NAS DUG GIS PHOG BA'I RMA YANG BCING BAR MI BYA'O, ,DE BZHIN DU SHA RUL ZHING 'DRUL BA NAS ME DBAL GYI BAR GYI RMA YANG BCING BAR MI BYA'O, ,RMA GANG LEGS PAR MA BSRUNGS PAR, ,SBRANG MA SRIN BU 'JUG BYED DE, ,DE YIS ZOS PAS NA BA DANG, ,SKRANG DANG RNAG KHRAG 'DZAG PAR BYED, ,CES BYA BA LA, RMA GANG ZHIG LEGS PAR MA BSRUNGS SHING, ,MA BTZAS PAS 'JUG PA LA SOGS PA'I GNOD PA 'BYUNG NGO, ,DENG NI BKRU DANG DAG PAR NI, ,BYE'U RUG LA SOGS SDE TSAN SBYAR, ,ZHES BYA BA LA, ,'BU ZHUGS PA'I RMA DER NI BYE'U RUG PA LA SOGS PA'I SDE TSAN SBYAR BAS BSKU ZHING SBYAR BA DANG DAG STE BSKRAD PAR BYA'O, , SAB TA PARnI KA RANYDZA, ,AAR KA DANG NI NIM PA DANG, ,RVA TSA DANG NI SHING TSA RNAMS, ,BA GCIN DANG NI BTAGS BA YI, ,LDE GU DE LA BSKU BA DANG, ,THAL SMAN CHU NI BLUGS PAS PHAN, ,ZHES BYA BA LA, YANG RMA DER SAB TA PARnI LA SOGS PA DANG, BA GCIN BTAGS PA'I LDE GU BSKU BAR BYA'O, ,DE BZHIN DU THAL SMAN RNON BO'I CHU BLUGS PA YANG PHAN PA YIN NO, ,YANG NA SHA RLON GYIS G-YOGS LA, ,DE NI MYUR DU DBYUNG BAR BYA, ,ZHES BYA BA LA, YANG NA RMA DE SHA RLON RMA'I TSANG DANG DBYIBS 'DRA BA'I SHA'I DUM BUS BKAG CING G-YOGS LA, 'BU DE DE LA CHAGS PA NA MYUR ZHING RINGS BAR GDON PAR BYA'O, ,'DI NI NANG NA SKYON BCAS PAS, ,MYUR DU 'TSO BA BAR MI BYA STE, ,DE NI GNOD PA CHUNG DUS KYANG, ,SLAR ZHING 'GRAMS PAR BYED PA YIN, ,ZHES BYA BA LA, RMA 'DI NI NANG NA SKYON DANG BCAS SHING RNAG SA
, ,LA SOGS PAS KHYAB PAS SMAN PAS RINGS SHING MYUR BAR 'DRUBS SHING 'BYAR BAR BYA BA'I PHYIR, 'TSOB PA'I SMAN BSKU BAR MI BYA STE, GANG GI PHYIR SMAN DE NA NGAN GNOD PA DANG BCAS PAS RMA DE 'TSO ZHING 'BYAR YANG SLA ZHING 'GRAMS PA DANG 'JIG PAR 'GYUR BA YIN NO, ,'TSOB PAR GYUR KYANG MA ZHU DANG, ,DRAG SHUL BUD MED BSTEN SOGS SPANG, ,ZHES BYA BA LA, RMA 'TSOB CING 'BYOR BAR GYUR KYANG NAD PA DES MA ZHU BA DANG DRAG SHUL LA SOGS PA SPANG NGO, ,ZLA BA DRUG GAM BDUN GYI BAR, ,CHO GA 'BAD PAS BSRUNG BAR BYA, ,ZHES BYA BA LA, MA ZHU BA DANG, BUD MED DANG PHRAD PA LA SOGS PA'I CHOG 'DI NI RMA 'TSOB NAS ZLA BA DRUG GAM BDUN GYI BAR DU BSRUNG ZHING BSDAM PAR BYA'O, ,GNAS SKABS DE DANG DER NI BYUNG GYUR TSE, ,NAD GZHI LA SOGS STOBS KYIS RJES 'BRANGS TE, ,PHYI MA NAS BSHAD RGYA CHER LEGS BRTAGS LA, ,THABS NI DE DANG DE YIS 'BAD DE GSO, ,ZHES BYA BA LA, RMA'I GNAS SKABS GSAL BAR MA BSTAN PA'I TSUL DANG MING GANG DAG YIN BA DE DAG BYUNG ZHING SKYES PAR GYUR PA NA, SMAN PAS RLUNG LA SOGS PA'I NAD GZHI LA SOGS PA'I STOBS KYIS RJES SU 'BRANGS NAS, 'DI NYID KYI RGYUD PHYI MA NAS RGYA CHER BSHAD PA DE LEGS PAR BRTAGS SHING DPYAD LA, RMA DE GSO BA'I THABS DE DANG DES 'BAD PA DANG LDAN PAS GSO BAR BYA'O, , BLOS GZHUNG LA MA BRTAGS PA'I RANG DGA' DANG, 'BAD PA MED PA'I SGYID ZHAN PAS NI MI BYA'O, ,YAN LAG BRGYAD PA'I SNYING PO BSDUS PA'I RNAM PAR 'GREL PA, TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NYE BAR SBYAR BA LAS, LE'U NYI SHU RTZA DGU PA'I RNAM PAR 'GREL PA'O,, ,,
, ,DE NAS THAL SMAN RNON PO DANG ME BTZA' GDAB PA'I CHO GA'I LE'U BSHAD PAR BYA'O ZHES BYA BA LA, 'DI BSHAD PA'I 'BREL PA NI 'DI YIN TE, JI LTAR GTZAGS BUS DBUG PA DANG, GSHAGS PA LA SOGS [DD] PA'I LAS BYED PA DANG 'DRA BAR ME BTZA' GDAB PA DANG, THAL SMAN GNYIS KYANG RANG GI YUL LA SBYAR NA GCAD PA DANG DBUG PA LA SOGS PA'I LAS BYED PAS NA DE'I 'OG TU 'DI SMOS PA YIN NO, ,THAL SMAN RNON PO GTANG BA DANG, ME BTZA' GDAB PA'I LAS KYI SBYANG BA YIN PAS NA, THAL SMAN RNON PO DANG, ME BTZA' GDAB PA'I LAS KYI CHO GA CES BYA STE, DE BSHAD PAR BYA'O, ,GTZAGS SPYAD LCAGS SPYAD RJES 'DRA BA, ,MANG PO KUN LAS THAL SMAN MCHOG, DKA' BA RNAMS SU'ANG GCAD PA'AM, ,DBUG PA LA SOGS BYED PAR 'GYUR, ,GTZAGS BUS GDAB PAR DKA' BA YANG, ,DE YIS BSGRUB PAR RUNG BA DANG, ,SHIN TU GSO DKA'I NAD RNAMS LA, ,GANG ZHIG BTUNG DU RUNG BA'ANG YIN, ,ZHES BYA BA LA, DE LA GTZAGS SPYAD NI RTZE MO DKYIL 'KHOR 'DRA BA LA SOGS PA'O, ,GTZAGS SPYAD DANG RJES SU 'DRA BA NI SRIN BU PAD PA LA SOGS PA STE, DE DAG THAMS CAD KYI NANG NA MCHOG NI THAL SMAN YIN NO, ,CI'I
, ,PHYIR DE MCHOG YIN NA, GANG GI PHYIR LUS KYI PHYOGS DKA' ZHING DOGS PA'I GNAS RNAMS SU YANG GCAD PA DANG, DBUG PA LA SOGS PA'I LAS BYED PAR 'GYUR BA DANG, DE BZHIN DU SNA'I THOR BU LA SOGS PA GTZAGS BU GDAB PAR DKA' ZHING DOGS PA RNAMS SU YANG GDAB PAR DKA' ZHING BSGRUB TU MI RUNG BA YANG THAL SMAN DES BSGRUB TU RUNG ZHING RMA LA SOGS PA'I NAD MANG PO YANG GSO BAR RUNG BA DANG, DE BZHIN DU SHIN TU GSO DKA' BA'I NAD SKRAN DANG LTO SBOS PA LA SOGS PA RNAMS LA YANG BTANG DU MI RUNG ZHING, GANG BTUNG DU RUNG BA YANG YIN NO, ,DE NI GZHANG 'BRUM ME DROD NYAMS, ,RDE'U 'GAGS SBYAR DUG SKRAN SOGS BTUNG, ,ZHES BYA BA LA, THAL SMAN RNON PO DE NI GZHANG 'BRUM GYI NAD DANG, PHO BA'I ME DROD NYAMS PA DANG, RDE'US 'GAGS PA DANG, SBYAR DUG DANG SKRAN LA SOGS PA LA BTUNG DU RUNG BA YIN NO, ,SME BA SHA BKRA SNA THOR DANG, ,PHYI ROL GZHANG 'BRUM TSOR MED MDZE, ,THOR BU 'BRUM PHRAN MTSAN BAR RDOL, ,RMA LOG SOGS LA BYUG PAR BYA, ,ZHES BYA BA LA, THAL SMAN RNON PO DE NI SME BA DANG SHA BKRA LA SOGS PA LA PHYI ROL NAS BYUG CING BSKU BAR BYA'O, ,SOGS PA ZHES SMOS PAS NI DE BSGRUB PAR BYA BA'I NAD GZHAN DAG LA YANG BSKUR RUNG BA'I DON TO, ,KHRAG MKHRIS RLUNG CAN NAD STOBS CHUNG, ,RIMS DANG TSAD 'KHRU SNYING KLAD NAD, ,SKYA RBAB YI GA 'CHUS PA DANG, ,RAB RIB CAN DANG SLON KHRUS BTANG, ,LUS KUN KHYAB PA'I 'OR NAD DANG, ,'JIGS DANG SBRUM MA ZLA MTSAN 'DZAG ,PHO MTSAN MO MTSAN SKRANGS PA DANG, ,BYIS PA RGAN PO ZAS MA ZHU, ,RTZA BO CHE DANG RUS TSIGS GNAD, ,RUS PA GZHON NU CHU BA RTZA, ,LTO SRUBS MGUL BA LTE BA DANG, ,SHA SRAB PHYOGS DANG RLIG PA DANG, , PHO MTSAN BU GA SEN MO PHRAG ,MIG MCHU MA GTOGS MIG NAD RNAMS, ,TSA GRANG CHAR DANG YUL RMUS TSE, ,GNYIS KA GTANG BAR MI BYA'O, ,ZHES BYA BA LA, THAL SMAN RNON PO BTUNG BA DANG, BSKU BA GNYIS KA YANG MI BYA BA'I NAD DMIGS NI, KHRAG NAD CAN DANG MKHRIS PA'I NAD
CAN DANG, RLUNG NAD CAN DANG STOBS CHUNG BA DANG, RIMS DANG TSAD PAS 'KHRU BA DANG, SNYING NAD NA BA DANG, KLAD NAD NA BA DANG, SKYA RBAB KYI NAD CAN DANG, YI GA 'CHUS PA DANG, MIG NAD RAB RIB CAN DANG, SLON SMAN DANG BKRU SMAN GTANG BA DANG, LUS DANG YAN LAG THAMS CAD SKRANGS PA DANG, 'JIGS PAS NYEN PA DANG, SBRUM MA DANG, ZLA MTSAN 'JAG PA DANG, PHO MTSAN DANG MO MTSAN SKRANGS PA'I RGYUD PHYI MA LAS GSANG BA'I NAD BRTAGS PA'I SKABS NAS BSHAD PA LTA BU DANG, BYIS PA GZHON CHES PA DANG, RGAN PO NA TSOD 'DAS PA DANG, DE BZHIN DU RTZA BO CHE LA SOGS PA DANG, SHA SRAB PA'I PHYOGS DANG, RLIG PA LA SOGS PA'I PHYOGS DANG, DE BZHIN DU MIG GNYIS SU MIG MCHU'I NAD MA GTOGS PA MIG NAD GZHAN RNAMS DANG, SO GA TSA BA'I TSE DANG, DGUN GRANG BA'I TSE DANG, DBYAR CHAR 'BAB PA'I TSE DANG; CHAR 'BAB CING YUL RMUS PA'I DUS SU GZHAN GYI TSE THAL SMAN RNON PO BTUNG BA DANG, BTANG BA GNYIS KA MI BYA'O, ,MU KA KA NA SHA MYA KA ,CHU SHING BA RI BA TRA KA ,AA SHVA KARnA 'DZAM BU'I SHING, ,PA LA SHA DANG AA PO TA, ,AIN DRI BRiKshA AARGA DANG, ,NAG TA MA LA MUKTI KA; ,SRING SHING AA PA MARGA DANG, ,KA KA DZA KA TZI TRA KA, ,AAG NI MAN TA TIL BCA' SGA, ,RLON SHING RTZA BA LA SOGS BCAS, ,DUM BUR YONGS SU GTUBS PA DANG, ,KO SHA TA KA RNAM BZHI DANG, ,NAS KYI SOG MA GRA MA RNAMS, ,RLUNG MED GNAS SU BSAGS NAS DE, ,RDO LEB STENG DU SO SOR BZHAG ,MU KA KA YI PHUNG PO DANG, ,RDO THAL RDO NI BCUG PAR BYA, ,DE NAS TIL GYI SDONG BUS BSREG ,CES BYA BA LA, SHING MU KA NAG PO LA SOGS PA BTUS TE, DUM BUR YONGS SU GTUBS LA, RLUNG MED PA'I GNAS SU BSOGS NAS, RDO LEB KYI STENG DU PHUNG POR SO SOR BZHAG PA DANG, KO SHA TA KA RNAM PA BZHI DANG, NAS KYI SOG MA DANG GRA MA RNAMS KYANG RDO LEB KYI STENG DU SO SOR BZHAG PA DANG, DE BZHIN DU MU KA'I PHUNG PO DANG, RDO THAL GYI RDE'U PHRA MO BCUG NAS, TIL GYI SDONG BUS BSREG CING SBYANG BAR BYA'O, ,TSIG NAS ME NI SHI BA DANG, ,
, ,RDO THAL THAL BA LOGS SHIG DBYE, ,THAL BA GZHAN DAG BRE GANG STE, ,MU KA'I THAL LHAG BLANGS NAS NI, ,SO SOR PHYE STE CHU DANG GCIN, ,SRANG STONG DAG DANG BSRES NAS BZHU, ,TSAGS NI BZANG POS DE BTZAGS LA, ,JI SRID 'BYAR BAG DMAR ZHING DANGS; ,RNO BAR GYUR GYI BAR DU NI, ,THAL BA'I DANGS MA DE BLANGS LA, ,LCAGS SNOD BZANG POR BSKOL ZHING DKRUGS, ,ZHES BYA BA LA, GONG DU SMOS PA'I RDZAS DE DAG TSIG PAR GYUR NAS ME SHI BA DANG RDO THAL BSREGS PA DANG, THAL BA LOGS SHIG TU SO SOR PHYE STE LOGS SHIG BZHAG NAS, THAL BA GZHAN TE, THAL BA BRE GANG MU KA KA'I THAL BA DE LHAG MAR BLANGS PAR BYA STE, SHA MYA KA LA SOGS PA'I THAL BA CHA MNYAM PAR BYA LA, MU GA NI CHA GNYIS SU BYAS NAS SO SOR DBYE STE, CHU DANG THAL BA LA SOGS PA GCIN SRANG STONG DANG BSRES LA DKRUGS TE, RAS CHEN PO'I TSAGS BZANG POS DE BTZAGS LA BZHU BAR BYA'O, ,JI SRID KYI BAR DU BZHU BAR BYA ZHE NA, DUS JI SRID NA THAL SMAN GYI RGYUN 'BYAR BAG DANG, DMAR BA DANG DANGS BA DANG, RNO BAR GYUR PA DE SRID KYI BAR DU BZHUS LA, THAL BA'I DANGS MA DE BLANGS NAS THAL PA'I TSIGS MA BOR TE, LCAGS SAM ZANGS KYI SNOD BZANG POR SMAN MAR BTZO BA'I TSUL DU BSKOL ZHING GZAR BUS DKRUGS SHING BTZO BAR BYA'O, ,DE NAS 'TSOD PAR BYED PA DER, ,RDO THAL BSREGS RDO'I DUM BU DANG, ,NYA PHYIS KshI RA PA KA DANG, ,DUNG GI LTE BA LCAGS SNOD GZHUG ,ME MDOG CAN DU LAN MANG BYA, ,THAL SMAN CHA NI PHUL GANG DANG, ,ME BSAD DE NYID DANG BTAGS LA, ,LDE GU DER NI GZHUG PAR BYA, ,ZHES BYA BA LA, THAL BA'I CHU'I DANGS MA DE 'TSOD PAR BYED PA DER MU KA KA DANG BSRES LA BSREGS PA'I RDO THAL GYI DUM BU DANG, NYA PHYIS DANG, RKshI RAB KA ZHES BYA BA RDE'U KE RU DANG, DUNG GI LTE BA LCAGS SNOD DU BCUG PA ME'I MDOG LTAR DMAR BAR YANG DANG YANG DU BYAS LA, THAL SMAN GYI CHA PHUL GANG DER BCUG STE, ME BSAD NAS THAL BA'I CHU DE NYID DANG DE ZHIB TU BTAGS LA, LDE GU DE THAL CHU DE'I NANG DU GZHUG PAR BYA'O, ,
KHYIM BYA RMA BYA BYA RGOD DANG, ,KANG KA PHUG RON RTUG PA DANG, ,BYA DANG RKANG BZHI'I MKHRIS PA DANG, ,BA BLA LDONG ROS LAN TSVA RNAMS, ,ZHIB BTAGS BCUG BYA, ZHES BYA BA LA, DE DAG GI LDE GU 'BA' ZHIG GZHUG PAR MA ZAD KYI, KHYIM BYA LA SOGS PA'I RTUG PA LA SOGS PA ZHIB TU BTAGS LA GZHUG PAR BYA'O, ,LAN TSA NI LCE MYANG TSVA LA SOGS PA'O, ,DE NAS NI, ,GZAR BUS DE YANG KUN TU DKRUGS, ,ZHES BYA BA LA, DE LTAR LDE GU BCUG PA'I RJES LA, GZAR BUS THAL CHU'I KHU BA DE KUN TU DKRUGS SHING BSKYOD PAR BYA'O, ,GANG TSE LBU BA BCAS PAR KHOL, ,CHU BUR SBOM SKA LDE GU 'DRA, ,DE TSE PHAB LA GRANGS PA DANG, ,LCAGS SNOD BCUG STE NAS NANG GZHUG ,'DI NI THAL SMAN 'BRING PO YIN, ,ZHES BYA BA LA, DUS GANG GI TSE THAL SMAN DE LBU BA DANG BCAS PAR KHOL ZHING CHU BUR DANG BCAS PA DANG, SLA BAG LAS SKA ZHING LDE GU 'DRA BAR GYUR LA, GZAR BU LA CHAGS PA DE'I TSE THAB LAS PHAB LA, GRANGS PA DANG, LCAGS KYI SNOD DU BCUG STE, NAS KYI NANG DU LEGS PAR SBA ZHING GZHUG PAR BYA STE, 'DI NI THAL SMAN 'BRING PO ZHES BYA'O, ,'JAM PO MA BTAGS BAR BCUG LA, , GSUR LA SLAR NI GDON PAR BYA, ,ZHES BYA BA LA, THAL SMAN 'JAM PO NI RDO THAL GYI THAL BA DANG, RDE'U LA SOGS PA MA BTAGS PAR BSREGS PA LA THAL CHUR DE BCUG CING GSUR LA, DE'I 'OG TU SLAR PHYIR GDON PAR BYA'O, ,RNON POR SNGA MA BZHIN BCUG LA, ,LANGKA LINGKA DANTI DANG, ,SHU DAG BONG NGA TZI TRA KA ,SVARTZA KA DANG KHRON BU DANG, ,SHING KUN KA RANYDZA'I LO MA, ,TA LA'I LO MA KHA RU TSA'I, ,PHYE BCUG ,CES BYA BA LA, THAL SMAN RNON PO SBYAR BA LA NI SNGAR BSHAD PA'I THAL SMAN 'BRING PO SBYAR BA BZHIN DU LDE GU'I SBYOR BA BCUG PA DANG, DE BZHIN DU LANGKA LINGKA NAS, KHA RU TSA'I BAR ZHIB TU BTAGS PA'I PHYE MA GZHUG PAR BYA'O, ,ZHAG BDUN DE BZHAG BYA, ZHES BYA BA LA, THAL SMAN DE GSUM CHAR YANG ZHAG BDUN BZHAG LA, DE'I 'OG TU GTANG BAR BYA'O, ,RNON PO DE NI RLUNG BAD KAN, ,TSIL SKYES THOR BU SOGS LA
, ,GTANG; ,ZHES BYA BA LA, THAL SMAN RNON PO DE NI RLUNG BAD KAN DANG, TSIL LAS SKYES PA'I THOR BU BA DANG, GZHANG 'BRUM LA SOGS PA LA GTANG BAR BYA'O, ,'DI NYID NAD TSABS 'BRING LA 'BRING, ,ZHES BYA BA LA, THAL SMAN 'BRING PO NI THOR BU LA SOGS PA 'DI DAG NYID KYI NAD TSABS 'BRING TZAM DU GYUR CING SHIN TU 'PHEL BA MA YIN PA LA GTANG BAR BYA'O, ,'JAM PO KHRAG MKHRIS GZHANG 'BRUM LA'O, ,ZHES BYA BA LA, THAL SMAN 'JAM PO NI KHRAG DANG MKHRIS PA LAS BYUNG BA'I GZHANG 'BRUM LA GTANG BAR BYA'O, ,MTHU SKYED PHYIR NI 'O MA CHU, ,THAL SMAN CHU NI SLAR YANG GZHUG ,CES BYA BA LA, THAL SMAN DE MTHU DANG NUS PA BSKYED PA'I PHYIR, SKAS PAR GYUR BA 'O MA DANG CHU DANG THAL SMAN BTZAGS PA'I CHU SLAR YANG GZHUG PAR BYA'O, ,SHIN TU RNO MIN 'JAM DANG MNYEN, ,'BYAR BAG SNA RNO DKAR BA DANG, ,RTZE CAN BDE BAR 'JIL BA DANG, ,MI 'DZAG BYUGS NA NAD MI CHE, ,THAL SMAN YON TAN BCU DANG LDAN, ,GTZAGS BU ME BTZA'I LAS KYANG BYED, ,CES BYA BA LA, THAL SMAN NI SHIN TU RNO BA MA YIN PA LA SOGS PA YON TAN BCU DANG LDAN TE, DE LAS KYANG SNA RNO BA NI MYUR DU KHYAB CING 'GRO BAR BYED PA'O; ,RTZE CAN NI STENG NAS BRTZEGS PA'AM RVA CAN LTA BUR GNAS PA'O, ,DE BDE BAR 'JIL BA NI RANG SKYUR LA SOGS PA'I KHU BA SKYUR POS MYUR DU TSA BA 'JIL ZHING BSIL BAR BYED PA'O, ,MI 'DZAG PA NI 'DZAG BAG MED PA'O, ,GZHAN YANG GTZAGS BU'I LAS BCAD PA DANG, DBUG PA DANG; DRAL BA DANG, PHYI BA LA SOGS PA YANG BYED LA, DE BZHIN DU MI BTAB PAS ZHI ZHING GSO DGOS PA'I NAD KYANG ZHI BAR BYED PAS NA, GTZAGS BU DANG ME BTZA'I LAS KYANG BYED PA YIN NO, ,DKRUGS PAS GZHIBS PA LTA BU DANG, ,LUS NI BTZIR BA LTA BU DANG, ,NAD KYI RJES 'GRO SNYEGS PAS NA, ,RTZA BA NAS NI 'BYIN PAR BYED, ,LAS BYAS NAD DANG BRAL NAS KYANG, ,RANG NYID NYE BAR ZHI BAR 'GYUR, ,ZHES BYA BA LA, THAL SMAN BSKU BA NI KUN TU DKRUGS SHING RLANGS PAS GZHIBS PA LTA BU DANG, DE BZHIN DU LUS BTZIR BA LTA BU DANG, THAMS CAD DU NAD
KYI RJES SU 'GRO ZHING SNYEGS PAS DES GSO BAR BYA BA'I NAD RNAMS RTZA BA NAS 'BYIN PAR BYED PA DANG, DE BZHIN DU NAD BSIL BA'I LAS TSA BA LA SOGS PA BYAS NAS, NAD DANG BRAL BA'I 'OG TU RANG NYID NYE BAR ZHI ZHING TSA BA MED PAR 'GYUR RO, ,THAL SMAN GYIS NI GSO BA'I NAD, ,MTSON BCAD BRUD PA'AM GTAR GA BYA, ,THAL SMAN THUR MA GOS KYIS NI, ,DKRIS PA BSGOS TE GLAN NAS SU, ,GRANGS BRGYA'I BAR DU BSDAD NAS PHYI, ,ZHES BYA BA LA, THAL SMAN GYIS GSO ZHING BCOS PA'I NAD NI MTSON GYIS BCAD CING GNYIS SU PHYE BA DANG, MTSON GYIS BRUD CING BDAR BA DANG, GTAR GA BYAS PA'I RMA DAG LA THAL SMAN GYI THUR MA GOS KYI DUM BU BKRUS SHING SPANGS PAS DKRIS PAR THAL SMAN BSGOS TE, GLAN ZHING BYUGS LA DE'I 'OG TU GRANGS BRGYA'I BAR DU BSDAD DE PHYI BAR BYA'O, ,DE LA GZHANG 'BRUM BSKUS GOS KYIS, ,G-YOGS TE LAG PAS DGAB PAR BYA, ,ZHES BYA BA LA, DE LA GZHANG 'BRUM THAL SMAN GYIS GSO BAR BYA LA, THAL SMAN BSKUS LA, GOS KYIS G-YOGS TE, RANG GI LAG PAS DGAB BA'I CHA SPYAD BYA'O, ,DE YANG GRANGS BRGYA'I BAR DU GZHUG BAR BYA'O, ,MIG MCHU'I NAD LA MIG MCHU BZLOG ,MIG 'BRAS NAG POR RAS BAL GYIS, ,BKAB STE LEGS PAR BYUG PAR BYA, ,ZHES BYA BA LA, MIG MCHU'I NANG DU NAD DBYUNG BA LA, MIG MCHU GYEN DU BZLOG STE, MIG 'BRAS NAG PO RAS BAL GYIS BKAB LA, THAL SMAN LEGS PAR BYUG PAR BYA'O, ,THAL SMAN PAD LO TZAM SRAB BSKU, ,ZHES BYA BA LA, MIG CHU DER BSKU BA DE YANG THAL SMAN PADMA'I LO MA TZAM DU SRAB TU BSKU'I, MTHUG PAR NI MA YIN NO, ,SNA YI BU GA'I THOR BU NI, ,NYI MA LA BLTAS 'DUG PA LA, ,SNA RTZE LEGS PAR BTEG NAS NI, ,GRANGS NI LNGA BCU'I BAR DU GZHAG ,CES BYA BA LA, SNA'I NANG DU THOR BU BYUNG BA LA THAL SMAN BTANG BA'I THABS NI, NYI MA LA KHA BLTAS TE 'DUG TU BCUG LA, DE'I SNA RTZE MO LEGS PAR BTEG CING BZLOG LA BSKUS TE GRANGS KYI TSAD LNGA BCU'I BAR DU GZHAG PAR BYA'O, ,RNA BA'I THOR BU LA DE BZHIN, ,ZHES
, ,BYA BA LA, RNA BAR THOR BU BYUNG BA LA YANG THAL SMAN BSKUS NAS SNGA MA BZHIN DU GRANGS LNGA BCU'I BAR DU GZHAG PAR BYA'O, ,THAL SMAN BSKUS PA'I 'OG TU NI, ,PHYIS LA LEGS NYES RTOGS BYA STE, ,LEGS TSIG MAR DANG SBRANG RTZI BSKU, ,'O MA RANG SKYUR ZHO GA CHUS; ,DBAL BSAD DE NAS MAR BCAS PA'I, ,MNGAR DANG BSIL BAS BYUG PAR BYA, ,ZHES BYA BA LA, DE LTAR THAL SMAN BSKUS PA'I 'OG TU THUR MA'I CHA SPYAD KYIS PHYIS LA, LEGS PAR TSIG PA'AM, NYES PAR TSIG PA RTOGS PAR BYAS LA, LEGS PAR TSIG NA MAR SAR DANG SBRANG RTZI SBYAR BAS BSKU BAR BYA BA DANG, 'O MA DANG SBANG RTZABS RANG SKYUR DANG ZHO GA CHUS DBAL BSAD CING GRANG BA BSKYED LA, DE'I 'OG TU ZHUN MAR DANG BCAS PA'I SMAN MNGAR BA DANG 'JAM PAS BYUG PAR BYA'O, ,BZA' BTUNG BAD KAN SKYED PA DANG, ,BSRUL BA'I PHYIR NI SBYIN PAR BYA, ,ZHES BYA BA LA, THAL SMAN DE LA BAD KAN SKYED PAR BYED PA'I BZA' BTUNG DAG BSRUL ZHING RNAM PAR BYANG BA'I PHYIR SBYIN PAR BYA'O, ,GAL TE RTZA BA BRTAN GYUR PAS, ,THAL SMAN GYIS BSREGS MI 'DRUL NA, ,'U SU SKYUR SNYIGS SHING MNGAR DANG, ,TIL GYI LDE GUS DE TSE BSKU, , ZHES BYA BA LA, GAL TE THAL SMAN BSKUS PA'I NAD RTZA BA BRTAN PAR GYUR PAS THAL SMAN GYIS BSREGS SHING, ZAS BAD KAN CAN ZOS KYANG 'DRUL BAR MI BYED NA, DE'I 'OG TU 'U SU DANG, SKYUR GYI SNYIGS MA DANG, SHING MNGAR DANG, TIL BTAGS PA'I PHYE MA'I LDE GUS NAD KYI GNAS DE BSKU BAR BYA'O, ,'DIR SKYUR SNYIGS NI 'BRAS KHU'I RTZAB MO SKYUR PO'I SNYIGS MA'AM, CHANG GI SNYIGS MA LA BYA'O, ,TIL GYI LDE GU SHING MNGAR BCAS, ,MAR GYIS BSKUS NA RMA 'TSO BYED, ,CES BYA BA LA, TIL GYI LDE GU NI TIL CHU THAGS SU BYAS PA'O, ,SHING MNGAR DANG BCAS PA NI DE DANG LHAN CIG BTAGS PA'O, ,MAR GYIS BSKUS PA NI DE GNYIS KYANG MAR DANG BSKUS PA STE, DES NI THAL SMAN GYIS TSIG PA'I RMA 'TSO BAR BYED DO, ,SMIN PA 'DZAM BU LTAR KUN GNAG ,LEGS TSOS, ZHES BYA BA LA, SMIN CING TSOS PAR GYUR PA NI, SHING 'DZAM BU'I 'BRAS BU LTAR
KUN TU GNAG PA NI LEGS PAR TSOS PA YIN NO, ,DE LAS GO BZLOG PA, DMAR ZHING NA BA G-YA' SOGS BYED, ,BSREGS NYES YIN TE DE SLAR BSREG ,CES BYA BA LA, LEGS PAR TSOS PA'I MTSAN NYID DE LAS GO BZLOG PA'I 'DZAM BU'I 'BRAS BU SMIN PA LTA BUR MA GYUR PA DANG, THAMS CAD TSIG PAR MA GYUR PA DE NI BSREGS NYES PA YIN LA, DE BZHIN DU DMAR ZHING NA BA LA SOGS PA YANG BSREGS NYES SHING MA TSIG BA YIN PAS, DE NI SLAR YANG BSREG DGOS TE, DER THAL SMAN BSKU BA BSNAN PAR BYA'O, ,BSREGS DRAGS KHRAG NI 'DZAG PA DANG, ,BRGYAL ZHING TSA DANG RIMS SOGS 'GYUR, ,ZHES BYA BA LA, NAD KYI GNAS KYI LUS KYI PHYOGS BSREGS DRAGS NAS, DE LAS KHRAG 'DZAG PAR GYUR BA DANG, BRGYAL BA LA SOGS PA 'BYUNG BAR 'GYUR RO, ,SOGS PA SMOS PAS NI NA BA DANG, DMAR BA DANG, SKRANGS PA DANG, RNAG CING 'DRUL BA DANG, ME DPAL LA SOGS PA BSDU'O, ,GZHANG KHAR BSREGS DRAGS KHYAD PAR DU, ,'GAGS PA'AM SHAS CHER 'BYUNG BAR 'GYUR, ,KHU BA ZAD PAR 'GYUR BA'AM, ,GZHANG KHA 'BYUNG BAS 'CHI BAR 'GYUR, ,ZHES BYA BA LA, GZHANG 'BRUM BSREGS PA'I GZHANG KHAR BSREGS DRAGS PAS NI KHYAD PAR BSHAD BA DANG, GCI BA 'GAGS PA'AM, DE GNYIS SHAS CHER 'BYUNG BAR 'GYUR BA'AM, KHU BA ZAD CING GZHANG KHA 'BYUNG BAR 'GYUR BAS NGES PAR GDON MI ZA BAR 'CHI BAR 'GYUR RO, ,SNAR DRAGS SNA YI MTSUL PAR NI, ,NYAMS PA'AM YANG NA YO BA'AM, ,YUL NI 'DZIN MI NUS PAR 'GYUR, ,ZHES BYA BA NI, SNAR THAL SMAN GYIS BSREGS DRAGS PAS NI SNA'I TSUL BA NYAMS SHING 'JIG PA DANG, DE BZHIN DU SNA YO BAR 'GYUR BA DANG, DE BZHIN DU SNA'I YUL DRI 'DZIN PAR MI NUS SHING TSOR BA MED PAR 'GYUR RO, ,RNA BA STZOGS BA'ANG DE DANG 'DRA, ,ZHES BYA BA LA, DE DANG 'DRA BAS NA DE 'DRA STE THAL SMAN GYIS BSREGS PA'I SNA LTAR RNA BA LA SOGS PA THAL SMAN GYIS TSIG PA LA YANG RANG RANG GI YUL 'DZIN MI NUS PAR 'GYUR RO, ,SOGS PA NI LCE DANG BAGS PA LA SOGS PA BSDU'O, ,'DIR NI MCHOG TU SKYUR BA BLUGS, ,SHING
, ,MNGAR MAR DANG TIL BTAGS BYUG ,RLUNG DANG MKHRIS PA SEL BA DANG, ,BSIL BA'I SPYOD PA THAMS CAD PHAN, ,ZHES BYA BA LA, TSIG DRAGS PA 'DIR NI MCHOG GAM KHYAD PAR DU SKYUR RTZABS LA SOGS PA'I KHU BA SKYUR BA BLUGS PA DANG, SHING MNGAR DANG MAR DANG TIL BTAGS PAS BYUGS PA DANG, BZA' BTUNG LA SOGS PA RLUNG DANG MKHRIS PA SEL BA DANG BSIL BAR BYA BA'I SPYOD PA THAMS CAD PHAN NO, ,SKYUR BA'I REG PA BSIL BAS NA, ,THAL SMAN DE DANG 'DRES GYUR NA, ,DE YIS MYUR DU MNGAR 'GYUR BAS, ,SKYUR BAS TSA BA SHIN TU 'JIL, , ZHES BYA BA LA, GANG GI PHYIR SKYUR BA NI REG PA BSIL ZHING GRANG BA YIN PAS NA, THAL SMAN DE DANG 'DRES SHING 'BREL PAR GYUR NA, RGYU DE'I DBANG GIS TSA BA DANG, LAN TSVA'I SHAS MANG PO DANG BRAL NAS MYUR DU MNGAR BA NYID DU 'GYUR BAS NA, DE'I PHYIR SKYUR BA'I DNGOS PO RTZAB MO'I DANGS MA LA SOGS PAS TSA BA SHIN TU 'JIL BAR 'GYUR GYI, 'O MA LA SOGS PA MNGAR BAS NI DE LTA MA YIN NO, ,DE YANG BSDUS PA LAS, THAL SMAN RO NI SKYUR DANG PHRAD, ,SKAD CIG GIS NI MNGAR BAR 'GYUR, ,ZHES BSHAD PA YIN NO, ,ME BTZA' THAL SMAN LAS MCHOG STE, ,DES BSREGS PAS NI SLAR MI 'BYUNG, ,SMAN DANG THAL SMAN MTSON SPYAD KYIS, ,MA GRUB PA YANG GRUB PAR BYED, ,CES BYA BA LA, ME BTZA' BTAB PA NI THAL SMAN PAS KYANG MCHOG STE, DES BSREGS PA'I GZHANG 'BRUM LA SOGS PA SLAR MI 'BYUNG BA DANG, DE BZHIN DU SMAN LA SOGS PAS GSO BA MA GRUB PA YANG DES 'GRUB PAR BYED PA YIN PAS NA, DE'I PHYIR MCHOG YIN NO, ,PAGS PA SHA DANG RTZA RGYUS DANG, ,TSIGS DANG RUS SOGS DE LA GDAB, ,CES BYA BA LA, ME BTZA' DE YANG PAGS PA LA SOGS PA BSREG PA'I PHYIR GDAB PAR BYA'O, ,SME BA MDZE NAD KLAD NAD DANG, ,MGO BO'I GZHOGS PHYED NA SOGS LA, ,LPAGS BSREGS RAS BAL BA LANG SO, ,ME SHEL MDA' SMYUG SOGS ME GDAB, ,CES BYA BA LA, DE LA PAGS PA BSREGS PA LA SOGS PA RAS BAL DANG, BA LANG GI SO LA SOGS PAS ME BTZA' GDAB PAR BYA'O, ,SME BA LA SOGS PA'I NAD 'DI DAG NI RGYUD PHYI MA LAS
SHES PAR BYA'O, ,GZHANG 'BRUM RMEN BU MTSAN BAR RDOL, ,BU GA RMA LONGS LA SOGS LA, ,SHA BSREG SPRA TSIL MAR BSREGS DANG, ,BU RAM 'DZAM BU'I CHU YIS BSREG ,CES BYA BA LA, GZHANG 'BRUM LA SOGS PA'I NAD RNAMS LA NI, SPRA TSIL LA SOGS PAS SHA BSREG PAR BYA ZHING, 'DI DAG SO SO CI RIGS PAR BSREG PAR BYA'O, ,PAGS PA 'BYAR DANG KHRAG MA CHOD, ,THIG LE GNAG SOGS LPAGS NAD NA, ,DE DAG NYID KYI RTZA BSREG GO, ,ZHES BYA BA LA, PAGS PA 'BYAR BA LA SOGS PA LA NI RTZA BSREG PAR BYA'O, ,BSREG MIN THAL SMAN BKAG PA DANG, ,NANG NA MTSON LUS RMA CHEN 'BYUNG, ,KHRAG GZAGS PA DANG LTO DRAL BA'O, ,ZHES BYA BA LA, BSREG PAR MI BYA BA NI SNGAR THAL SMAN BTANG BA BKAG PA STE, DES 'JIG PA DANG, SBRUM MA LA SOGS PA DANG, DE BZHIN DU NANG NA MTSON GYI ZUG RNGU LUS PA MA PHYUNG BA DANG, RMA CHEN PO BYUNG BA DANG; DE BZHIN DU NANG DU KHRAG GZAGS PA DANG, LTO BA DRAL ZHING GAS PA DAG LA ME BTZA' MI BYA'O, ,LEGS BSREGS MAR DANG SBRANG RTZIS BSKU, ,SNUM DANG BSIL BAS BYUG PAR BYA, ,ZHES BYA BA LA, NAD KYI GNAS LEGS PAR BSREGS PA NI, BA MAR DANG SBRANG RTZI GNYIS KYIS BSKUS NAS, DE'I 'OG TU MAR DANG SHING MNGAR LA SOGS PA'I LDE GUS BSKU ZHING BYUG PAR BYA'O, ,LEGS PA'I MTSAN MA KHRAG MI 'BYUNG, ,SGRA CAN CHU BUR PHRE'U 'BYUNG, ,TA LA'I 'BRAS SMIN THI BA 'DRA, ,NA BA CHUNG ZHING 'TSO BA SLA, ,ZHES BYA BA LA, ME BTZA' LEGS PA'I GNAS KYI MTSAN MA 'AM RTAGS NI KHRAG MI 'BYUNG ZHING CHOD PA DANG, GNAS TE SGRA CAN DU GNAS SHING CHU BUR GYI PHRE'U 'BYUNG BA STE, KHRAG LAS CHU LTA BU 'BYUNG BA DANG, TA LA'I 'BRAS BU SMIN PA'AM, BYA THI BA'I MDOG 'DRA BA DANG, NA BA'I TSABS CHUNG ZHING RMA 'TSO BA SLA BA YIN NO, ,BAG MED PAS BSREGS THAMS CAD DANG, ,BSREGS NYES BSREGS NI DRAGS PA DANG, ,MA TSOS MTSAN NYID BCAS DANG BZHI, ,ZHES BYA BA LA, BAG MED CING MA DPYAD PAR BSREGS PA DANG, BSREGS NYES BA DANG, DE BZHIN DU BSREGS DRAGS PA DANG, MTSOS SHING LEGS PAR MA TSIG PA'I MTSAN
, ,NYID DANG BCAS PA STE, RNAM PA BZHI YIN NO, ,MA TSOS LPAGS MDOG MI SDUG TSA, ,CHU BUR 'BYUNG BAR MI 'GYUR BA'O, ,ZHES BYA BA LA, MTSOS PA'I MTSAN MA NI PAGS PA'I MDOG MI SDUG PAR 'GYUR BA DANG, SHIN TU TSA BA DANG, CHU BUR PHRA MO 'BYUNG BAR MI 'GYUR BA YIN NO, ,BSREGS NYES CHU BUR CHE RAB TSA, ,ZHES BYA BA LA, BSREGS PA NYES PAS NI CHU BUR SHIN TU CHE BA DANG BCAS PA DANG, MI BZAD PAR RAB TU TSA BA YIN NO, ,BSREGS DRAGS PAS NI SHA 'PHYANG DANG, ,PAGS PA 'KHUMS SHING RAB TU TSA, ,DUD PA 'KHYIMS PA LTA BU DANG; ,RTZA SOGS 'KHUMS SHING SKOM DAD BRGYAL, ,RMA YI GTING ZAB 'CHI BAR 'GYUR, ,ZHES BYA BA LA, SHIN TU BSREGS DRAGS PAS NI SHA 'PHYANG BA LA SOGS PAR 'BYUNG BAR 'GYUR TE, RTZA LA SOGS PA RAB TU 'KHUMS PA DANG, DUD PA 'KHYIMS SHING 'DUG PA LTA BU DANG, RTZA LA SOGS PA 'KHUMS SHING NYAMS PA DANG, SKOM DAD SKYE BA DANG, RMA'I GTING ZAB CING PHUGS RING BA DANG, 'CHI BA NYID DU YANG 'GYUR RO, ,MA TSOS PA NI ME PHRAD CING, ,TSA BA'I SMAN NI GTANG BAR BYA, ,KHRAG SKA SHIN TU NA BAR 'GYUR, ,ZAGS PAR GYUR NA NAD TSABS CHUNG, ,ZHES BYA BA LA, MA TSOS PA LA MER PHRAD CING GDUNG BAR BYA BA DANG, TSA BA'I SMAN GYI LDE GU LA SOGS PA KHRAG ZHU BA'I PHYIR BSKU BAR BYA STE, GANG GI PHYIR KHRAG SHIN TU BSKU ZHING 'THAS PAR GYUR NA NA BAR 'GYUR LA, ZAGS SHING ZHU BAR 'GYUR, NAD TSABS CHUNG ZHING ZHU BAR 'GYUR RO, ,BSREGS NYES BSIL DANG DRO BA'I SMAN, ,DANG POR BTANG NA DE 'OG BSIL, ,ZHES BYA BA LA, BSREGS NYES PAR GYUR PA LA NI DRO BA DANG BSIL BA'I SMAN RIM GYIS SBYAR BAR BYA STE, DANG POR DRO BA'I SMAN BSKUS LA, DE'I 'OG TU BSIL BA'I SMAN BSKU BAR BYA'O, ,BSREGS LEGS NA NI CU GANG DANG, ,BLAG SHA TZANDAN BTZAG YUG SNAM, ,SLE TRES BCAS PA MNGAR BCAS BSKU, ,DE'I 'OG MKHRIS ME DBAL LTAR SPYAD, ,CES BYA BA LA, BSREGS PA LEGS PAR GYUR NA NI, CU GANG LA SOGS PA NAS, SLE TRES KYI BAR GYI SMAN BTAGS PA MAR DANG BCAS PA DANG POR BSKU BAR BYA'O, ,DE NAS DE'I 'OG TU
MKHRIS PA DANG ME DBAL GSO BA LTAR SPYAD CING BSTEN PAR BYA'O, ,BSREGS DRAGS MKHRIS PA ME DBAL GYI, ,CHO GA THAMS CAD MYUR DU SPYAD, ,CES BYA BA LA, BSREGS DRAGS PA LA NI BZA' BTUNG DANG, SMAN GYI LDE GU BYUG PA LA SOGS PA'I CHO GA MKHRIS PA DANG, ME DBAL GSO BA'I CHO GA DANG 'DRA BAR THAMS CAD MYUR ZHING RINGS PAR SPYAD PAR BYA'O, ,SNUM GYIS SHIN TU BSREGS DRAGS PA, ,DER NI RTZUB PA'I CHO GA'ANG BYA, ,ZHES BYA BA LA, SNUM GYIS BSREGS DRAGS PA LA NI BZA' BTUNG LA SOGS PA'I CHO GA THAMS CAD RTZUB PA'I BAG BYA'O, ,'ANG ZHES BYA BA'I SGRAS NI DE SMAN RTZUB PA BSKU BA 'BA' ZHIG TU MA ZAD KYI, GONG DU BSHAD PA RNAMS KYANG CI RIGS PAR SBYAR BAR BYA'O ZHES BYA BA'I DON NO, ,SNYING PO'I GSANG BA LTA BU NI, ,GNAS 'DIR RDZOGS PAR BYAS PA YIN, ,ZHES BYA BA LA, GSANG BA'I SMAN DPYAD KYI RGYUD DON GYIS GSANG ZHING SPA BA STE, DE LTA BU'I GNAS SO; ,GANG GI GNAS SHE NA, SNYING PO'I GNAS TE, TSO'I RIG BYED YAN LAG BRGYAD KYI SNYING PO LTA BU STE, JI LTAR, LUS MA LUS PA'I SNYING PO'ANG, ,ZHES BYA BA LA, SNYING PO YIN PA DANG 'DRA BAS NA RGYUD MA LUS PA'I DE KHO NA NYID DU GYUR PA'O, ,DE LTA BUR 'DIR RDZOGS PAR BYAS SHING MTHAR PHYIN PAR BYAS PA YIN NO ZHES BYA'O, ,'DIR DON PHRA BA MDOR BSHAD KYI, ,RGYA CHER KUN TU BSTAN PA YIN, ,ZHES BYA BA LA, GANG GI PHYIR GNAS 'DIR DON PHRA BA MDO TZAM DU BSTAN ZHING BLO RNON PO DANG LDAN PA RNAMS LA DON GYI MDO GCES PA 'DIR BSHAD KYI, RGYA CHER NI RGYUD KUN TU SPROS SHING BSTAN PA YIN NO, , DE BAS NA GNAS 'DIR NI GNAS THAMS CAD DANG RGYUD KYI MGO LTA BU YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL BA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NYE BAR SBYAR BA LAS, MDO'I GNAS LE'U SUM CU PA'I RNAM PAR 'GREL PA'O,, ,,MDO'I GNAS KYI 'OG TU LUS KYI GNAS BRTZAMS PA'I 'BREL PA NI 'DI YIN TE, MDO'I GNAS RDZOGS KHAR 'DIR DON PHRA BA MDOR BSHAD KYI, RGYA CHER KUN TU BSHAD PA NI GANG 'DIR DON PHRA BA BLO ZHIB PA'I SKYES BUS RTOGS PAR BYA BA NI, GZHUNG NYUNG DON MANG PO ZHIG MDO TZAM DU BSTAN PA YIN GYI,
, ,MA LUS PAR THAMS CAD BSTAN PA NI MA YIN NO, ,DE BAS NA SMAN DPYAD KYI RGYUD MA LUS PA'I DON GYI MDO GCES PA TZAM ZHIG STON PAS NA, DE NI MDO'I GNAS YIN LA, DON DE NYID 'DIR RGYUD MA LUS PAR RGYA CHER SPROS PA YIN PAS NA, DE'I PHYIR MDO'I GNAS KYI 'OG TU LUS GNAS BRTZAMS PA YIN NO, ,DE NAS LUS KYI RUM DU ZHUGS PA'I GNAS DANG PO BSHAD PAR BYA'O, ,ZHES BYA BA LA, LUS KYI DBANG DU BYAS NAS BRTZAMS PA'I GZHUNG LA NI, LUS KYI RUM DU ZHUGS PA ZHES BYA STE, RUM DU ZHUGS PA NI BYIS PA MNGAL DU CHAGS PA STE, GANG GI MNGAL DU BU CHAGS PAR 'GYUR BA'O, ,DE NAS ZHES BYA BA LA SOGS PA NI SNGA MA BZHIN DU BSHAD PAR BYA'O, ,SNGON GYI DRANG SRONG CHEN PO RGYUN SHES KYI BU LA SOGS PAS 'DI SKAD CES BSHAD DO, ,ZHES BYA BA LA YANG SNGA MA BZHIN DU BSHAD PAR BYA'O, ,KHU KHRAG SKYON MED PAR SEMS CAN, ,RANG LAS NYON MONGS KYIS BSKUL NAS, ,TSOGS PAS MNGAL DU CHAGS 'GYUR TE, ,GTZUB SHING LAS NI ME 'BYUNG MTSUNGS, ,ZHES BYA BA LA, KHU BA NI KHU CHU'O, ,KHRAG NI DUS TSIGS SU BYUNG BAS ZLA MTSAN ZHES BYA BA'I KHRAG GO, ,KHU KHRAG DE GNYIS SKYON MED PA'I RLUNG LA SOGS PA'I NAD KYI NYES PA MED PA STE, DE LTA BU DER SEMS CAN ZHES BYA BA SRID PA BAR MA DAG MNGAL DU CHAGS PAR 'GYUR RO, ,DE YANG RANG GI LAS DGE BA'AM MI DGE BA RANG GIS BYAS PA'AM, MA RIG PA LA SOGS PA'I NYON MONGS PA RNAMS KYIS BSKUL ZHING DRANGS NAS DE DAG GI TSOGS PA LA LTOS SHING, DE'I NUS PA'I DBANG GIS SEMS CAN DE MNGAL DU CHAGS SHING ZHUGS PAR 'GYUR RO, ,DE YANG JI LTAR GTZUB SHING LAS ME 'BYUNG BA NI GTZUB SHING GTZUB GTAN DANG, GTZUBS PA'I RTZOL BA'I TSOGS PA DANG LDAN PA LAS ME 'BYUNG BAR 'GYUR BA DANG MTSUNGS PA 'DI DAG KYANG TSOGS PA LAS BYUNG BA YIN PAR STON TO, ,MNGAL DER GNAS SHING 'PHEL BA'I RGYU GANG ZHIG YIN ZHES SMRAS PA NI, SA BON BDAG NYID 'BYUNG BA CHE, ,PHRA MO SEMS KYI RJES 'GRO DANG, ,MA YI KHA ZAS DANGS MA LAS, ,RIM GYIS MNGAL DU RNAM PAR 'PHEL, ,ZHES BYA BA LA, SA BON GYI BDAG NYID DU GYUR CING MNGAL SKYED
PA'I BDAG NYID CAN KHU BA DANG KHRAG GI GZUGS YONGS SU GYUR PA'I 'BYUNG BA CHEN PO NAM MKHA' LA SOGS PA DANG, DE BZHIN DU PHRA ZHING DBANG PO LAS 'DAS PA RNAL 'BYOR PA'I SPYOD YUL DU GYUR PA, SEMS KYI RJES SU ZHI ZHING 'BRANG BA RNAMS DANG, DE BZHIN DU MA'I KHA ZAS KYI DANGS MA'I BDAG NYID DU YONGS SU GYUR PA LAS, RIM GYIS SEMS CAN DE MNGAL DU RNAM PAR 'PHEL ZHING RGYAS PAR 'GYUR TE NUR NUR PO DANG, MER MER PO DANG, NAR NAR BO LA SOGS PA'I GNAS SKABS 'BYUNG BAR 'GYUR BA'O, ,DRIS PA, SEMS CAN 'DI MNGAL DU ZHUGS PA NI MNGON SUM DU MI SNANG NAS NYE BAR DMIGS SU MED DO ZHES RTOGS PA LA, DE'I PHYIR 'DI SMRAS PA YIN TE, JI LTAR NYI MA'I ZER GYI ME, ,ME SHEL DANG NI PHRAD GYUR PA'I, ,SHING LA 'GRO BAR MI SNANG STE, ,SEMS CAN MNGAL GNAS DE DANG 'DRA, ,ZHES BYA BA LA, DPER NA NYI MA'I 'OD ZER DANG 'BREL BA'I ME NI ME SHEL ZHES BYA BA'I NOR BU DANG 'PHRAD CING, 'OD DES BSGRIBS NAS ME SHEL LA GNAS PA'I SHING LA MCHED MOD KYI, DER 'GRO ZHING ZHUGS PAR 'GYUR BA MI SNANG NGO, ,DE BZHIN DU SRID PA BAR MA'I SEMS CAN MNGAL GYI GNAS SU 'GRO BA MNGON SUM DU MI SNANG YANG DER 'JUG PA YIN NO, ,DRIS PA, SEMS CAN RANG BZHIN GCIG PA NYID LAS SKYE BA DAG LUS KYI RNAM PA DU MAR JI LTAR SNANG DU RUNG ZHES RTOGS PAR BYED PA DAG GI PHYIR, GZHUNG RTZOM PAR BYED PAS 'DI SMRAS PA YIN TE, RGYU YI RJES SU 'GRO BAS NA, ,'BRAS BU DE DANG SKAL MNYAM NYID, ,SEMS CAN SKYE GNAS SNA TSOGS 'DZIN, ,ZANGS MA LA SOGS BZHU DANG MTSUNGS, ,ZHES BYA BA LA, RGYU'AM BYED PA'I RJES SU 'BRANG BA YIN PAS NA RGYU'I RJES SU 'GRO ZHES BYA BA STE, RGYU'I RANG BZHIN SPANGS SHING LTOS PA MED PAR 'BRAS BU 'GYUR BA NI MA YIN NO, ,DE BAS NA RGYU'I RJES SU 'BRANG BA'I PHYIR 'BRAS BU NI DE DANG 'DRA, RGYU DE DANG SKAL BA MNYAM PA NYID YIN TE, 'BYUNG BA CHEN PO LA SOGS PA RNAM PA GANG DAG YIN PA DE DANG DE DAG SKAL BA MNYAM ZHING CHA 'DRA BA NYID YIN TE, SKAL BA MNYAM PA DANG CHA 'DRA BA ZHES BYA BA NI TSIG GI RNAM GRANGS YIN NO, ,GTAN TSIGS KYIS SAM RGYU DES NA SEMS CAN NI 'BYUNG BA CHEN
, ,PO LA SOGS PA RGYU'I RJES SU 'GRO BAS, RANG BZHIN GCIG PA NYID LAS SKYE GNAS SNA TSOGS PA'I TSUL CAN GYIS SKYE BA'I RNAM PA'I GZUGS BRNYAN GYI KHYAD PAR 'DZIN CING 'JOG PA YIN NO, ,DE YANG DPER NA ZANGS LA SOGS PA DNGOS PO'I RIGS MES BZHU ZHING KHU BAR BYAS PA ZHU BA'I RNAM PA'I TSUL GCIG PA DAG KYANG, SPRA TSIL LA SOGS PA LAS BZO BYAS PA'I MI LA SOGS PA'I GZUGS SU BYAS PA DER BLUGS NAS, GZHI'I RNAM PA CI 'DRA BA DE DANG DE'I GZUGS SU SNANG ZHING 'BYUNG BAR 'GYUR RO, ,DE BZHIN DU SEMS CAN RNAMS KYANG SKYE GNAS DU MAR SONG ZHING GNAS PA LAS, DE'I GZUGS KYI RNAM PA 'DZIN PAR 'GYUR RO, ,DE BAS KHU BA MANG BA LAS, ,PHAL CHER SKYES PAR SKYE 'GYUR LA, ,ZLA MTSAN MANG LAS BUD MED DE, ,DE GNYIS MNYAM PAS MA NING 'GYUR, ,ZHES BYA BA LA, SNGAR BSHAD CING BRTAGS PA'I RGYU DES NA; PHA'I KHU CHU MANG ZHING SHAS CHE BA LAS NI, SKYES PAR SKYE BAR 'GYUR GYI, BUD MED DU MA YIN NO, ,DE BZHIN DU MA'I KHRAG MANG BA LAS NI BUD MED DU SKYE BAR 'GYUR GYI PHOR MI SKYE'O, ,KHU BA DANG KHRAG DE GNYIS CHA MNYAM ZHING MTSUNGS PA LAS NI MA NING DU SKYE BAR 'GYUR BA'AM, MTSAN GNYIS PAR SKYE BAR 'GYUR RO, ,PHAL CHER ZHES SMOS PA NI, RKYEN GZHAN GYIS GZHAN DU YANG 'GYUR BA SRID PA'O, ,MNGAL DU SEMS CAN DU MA CHAGS PAR 'GYUR BA DE'I RGYU CI ZHIG YIN PA BSTAN PAR BYA BA'I PHYIR SMRAS PA NI, KHU KHRAG RLUNG GIS MANG DU PHYE, ,JI LTA BA LAS MTSE MAR 'GYUR, ,ZHES BYA BA LA, PHA MA'I KHU KHRAG RLUNG GIS MANG DU PHYE ZHING DU MAR BYAS PA LAS, RANG GI MTSAN NYID JI LTA BA BZHIN MTSE MA SKYE BAR 'GYUR BA YIN NO, ,DE YANG KHU BA MANG BA'I KHU KHRAG GYES PA LAS NI PHO'I MTSE MAR 'GYUR BA YIN LA, ZLA MTSAN SHAS CHE BA'I KHU KHRAG GYES PA LAS NI MO'I MTSE MAR 'GYUR BA YIN NO, ,DE BZHIN DU KHU KHRAG CHA MNYAM PA DU MAR GYES PA LAS NI MA NING GI MTSE MAR 'GYUR BA YIN NO, ,DE LTAR NA LAN 'GA' NI PHOR SKYE BAR 'GYUR LA, LAN 'GA' NI MOR SKYE, LAN 'GA' NI MA NING DU SKYE, LAN 'GA' NI BUD MED DANG MA NING GNYIS SU CIG CAR SKYE BAR 'GYUR RO, ,
DE DAG JI LTAR SKYE ZHE NA, SKYE GNAS MI MTHUN GZUGS MI SDUG ,GNOD PA'I DRI MAS SKYE BAR 'GYUR, ,ZHES BYA BA LA, SKYE GNAS RIGS MI MTHUN PA DANG, GZUGS MI SDUG PA DAG TU NI RLUNG LA SOGS PAS KHU KHRAG GI DRI MA DE DAG GNOD CING MA RUNGS PAR BYAS PA LAS SKYE BAR 'GYUR TE; DE LA SKYE GNAS MI MTHUN PA NI SBRUL DANG BYI LA LA SOGS PA'I GZUGS SU SKYE BA'O, ,MI SDUG PA NI ZHAR BA DANG SGUR PO DANG ZHA BO DANG 'THENG BO DANG 'ON BA DANG LONG BA DANG MI'U THUNG BA LA SOGS PA'O, ,BUD MED ZLA BA RE RE'I KHRAG ,DANGS MA LAS BYUNG ZHAG GSUM 'DZAG ,LO NI BCU GNYIS YAN CHAD NAS, ,LNGA BCU'I BAR 'DZAG DE NAS ZAD, ,CES BYA BA LA, BUD MED DAG NI ZLA BA RE RE ZHING ZLA MTSAN GYI KHRAG ZAS KYI DANGS MA LAS BYUNG BA ZHAG GSUM GSUM MNGAL GYI SGO NAS 'DZAG CING 'BYUNG BAR 'GYUR RO, ,DE YANG 'BYUNG BA'I DUS NI DANG POR LO BCU GNYIS YAN CHAD NAS 'BYUNG BAR 'GYUR LA, DE NAS LO LNGA BCU LON PA DANG KHRAG DE ZAD CING MED PAR 'GYUR RO, ,BUD MED LO NI BCU DRUG LON, ,SKYES PA NYI SHU LON DANG 'DUS, ,MNGAL GNAS LAM DANG KHU BA KHRAG ,RLUNG DANG SEMS NI DAG GYUR PA'I, ,BU NI STOBS DANG LDAN PA SKYE, ,ZHES BYA BA LA, BUD MED GANG LO BCU DRUG LON PA'I NA TSOD DANG LDAN PA DANG, SKYES PA LO NYI SHU LON PA DAG 'DUS PA'I KHU BA KHRAG LAS GYUR PA DANG, DE BZHIN DU MNGAL GYI GNAS DAG CING SKYON MED PA DANG, BU 'BYUNG BA'I LAM RLUNG LA SOGS PAS GNOD PAR MA GYUR PA DANG; DE BZHIN DU PHA MA'I KHU KHRAG LA SKYON MED CING DAG PA DANG, DE BZHIN DU RLUNG DAG CING SBYANGS PAS MA BKAG PA DANG, DE BZHIN DU SEMS CAN DAG CING DANG LA SKYON MED PAR GYUR PA LAS BYUNG BA'I BU NI STOBS DANG LDAN ZHING BRTZON PA PHUN SUM TSOGS PA SKYE ZHING BTZAS PAR 'GYUR RO, ,DE LAS LO NI MA TSANG BA'I, ,NAD CAN TSE THUNG SKAL NGAN PA'I, ,BU CHAGS PA'AM CHAGS MI 'GYUR, ,ZHES BYA BA LA, DE LAS SKYES PA DANG BUD MED GNYIS NA TSOD KYI TSAD BSTAN PA DE MA TSANG BA STE, BUD MED LO BCO LNGA LON PA DANG, SKYES PA LO BCU DGU LON PA DAG GI BU NI NAD BU CAN DANG, TSE THUNG BA
, ,DANG; SKAL BA NGAN ZHING BKRA MI SHIS PA'I BU CHAGS PAR 'GYUR BA'AM, YANG NA RNAM PA THAMS CAD DU BU CHAGS PAR MI 'GYUR RO, ,RLUNG SOGS RUL DANG MDUD PA CAN, ,DRI MA SKYON DANG LDAN BSHAD PA'I, ,KHU KHRAG SA BON BYED MI NUS, ,ZHES BYA BA LA, RLUNG LA SOGS PA'I NAD KYIS MA RUNG ZHING GNOD PAR BYAS PA'I KHU KHRAG NI SA BON GYI BYA BA BYED MI NUS SO, ,MNGAL DU CHAGS PA ZHES BYA BA'I 'BRAS BU SKYED PA'I RGYUR MI 'GYUR RO ZHES BYA BA'I DON NO, ,'DI DAG GI DBYE BA SMRAS PA NI, RANG GI MTSAN MA SKYON BYUNG BSHAD, ,KHRAG GIS RUL ZHING BAD KAN DANG, ,RLUNG GIS MDUD PA CAN 'DRAR 'GYUR, ,KHRAG DANG MKHRIS PAS RNAG 'DRA LA, ,RLUNG DANG MKHRIS PAS ZAD PAR 'GYUR, ,ZHES BYA BA LA, RLUNG LA SOGS PA RANG RANG GI MTSAN MA'AM RTAGS SO SOR NGES PA'I TSUL MA 'DRES PA STE, DE LA RLUNG GI MTSAN MA NI RTZUB PA DANG, GNAG PA DANG, DMAR BA LA SOGS PA'O, ,MKHRIS PA'I MTSAN MA NI DRI MNAM PA DANG, SER BA DANG, DKAR BA LA SOGS PA'O, ,BAD KAN GYI MTSAN MA NI SNUM PA DANG, SKYA BA DANG, 'BYAR BAG LA SOGS PA'O, ,DE LTAR NA RANG RANG GI MTSAN NYID JI LTA BA LAS KHU BA DANG, KHRAG RLUNG LA SOGS PA'I SKYON LAS BYUNG PAR SHES PAR BYA'O, ,YANG KHRAG GI SKYON GYIS NI KHU BA DANG KHRAG MI RO LTAR MYAGS SHING DRI MA MNAM PAR SHES PAR BYA'O, ,BAD KAN DANG RLUNG GI SKYON GYIS NI MDUD PA CHAGS PA DANG 'DRA BAR SNANG ZHING KHU KHRAG CHAD PA'I DUM BUR SNANG BAR SHES PAR BYA'O, ,KHRAG DANG MKHRIS PA SHAS CHE BA LAS GYUR PA'I KHU BA DANG KHRAG NI RNAG DANG 'DRA BA DANG, SHIN TU MNAM PAR SHES PAR BYA'O, ,RLUNG DANG MKHRIS PA 'DRES PA'I LDAN PA SHAS CHE BA LAS GYUR PA NI, DE DAG NYID KYI SKABS LAS KHU KHRAG ZAD CING MED PA NYID DU SHES PAR BYA'O, , 'DI DAG GSO DKA' NYES GSUM LDAN, ,BSHANG GCI 'DRA BA GSOR MI RUNG, ,ZHES BYA BA LA, GONG DU SMOS PA'I RLUNG LA SOGS PA'I SKYON DANG LDAN PA'I KHU KHRAG NI SHIN TU GSO BA DKA' BA YIN PAR SHES PAR BYA LA, DE DAG LAS KYANG RLUNG DANG, MKHRIS PA DANG, BAD KAN GSUM CAR
GYI MTSAN NYID DANG LDAN PA LA BSHANG GCI 'DRA BA NI GSOR MI RUNG STE, BCOS PAR MI NUS PA YIN NO, ,GSOR RUNG BA DAG GI PHYIR BCOS PA'I THABS SMRAS PA NI, RLUNG LA SOGS PAS GNOD GYUR PA, ,RANG GI SMAN GYIS GSO BAR BYA, ,ZHES BYA BA LA, RANG DANG RJES SU MTHUN PA'I SMAN NI RLUNG 'KHRUGS PAR GYUR PA LA, DE ZHI BA'I THABS NI, SNUM PA DANG, DRO BA DANG, SKYUR BA DANG, LAN TSVA RNAMS YIN NO, ,MKHRIS PA'I NI BSIL BA DANG, MNGAR BA DANG, KHA BA DANG, BSKA BA LA SOGS PA YIN NO, ,BAD KAN GYI RTZUB PA DANG, KHA BA DANG, TSA BA LA SOGS PA YIN NO, ,DES NA RLUNG NAD LDAN PA'I KHU BA DANG, KHRAG LA NI RLUNG ZHI BA'I SMAN BYA'O, ,MKHRIS PA'I NAD DANG LDAN PA'I KHU BA DANG KHRAG LA NI MKHRIS PA ZHI BA'I SMAN BYA'O, ,BAD KAN GYI NAD DANG LDAN PA'I KHRAG LA NI BAD KAN SEL BA'I SMAN BYA'O, ,RUL LA DA TA KI'I ME TOG ,SENG LDENG SE'U 'BRU AARDZU NA, ,MAR DANG BSKOL BA BLUD PA'AM, ,AA SAN SOGS BSKOL BA BLUD, ,CES BYA BA LA, RUL ZHING MI RO LTAR MNAM PA'I KHU BA DANG KHRAG LA NI, DA TA KI'I ME TOG LA SOGS PA'I SMAN BSKOL BA'I SMAN MAR NAD PA LA BLUD PAR BYA'O, ,YANG NA AA SA NA LA SOGS PA'I SDE TSAN DU BSTAN PA'I SMAN DANG BSKOL BA'I MAR BLUD PAR BYA'O, ,KHU KHRAG MDUD 'DRA PA LA SHA'I, ,THAL BA SRU SRU'I RTZA BAS PHAN, ,ZHES BYA BA NI, KHU BA DANG KHRAG MDUD PA 'DRA BA LA NI, BA LA SHA'I THAL BA DANG, SRU SRU'I RTZA BA DANG BSKOL BA'I MAR NAD PA LA BLUD PAR BYA'O, ,PA LA SHA'I THAL BA NI SHING PA LA SHA THAL SMAN DU BYAS PA'O, ,SRU SRU'I RTZA BA NI AASMA BE DE STE BRAG 'BIGS ZHES BYA'O, ,RNAG 'DRA PA RU SHA KA DANG, N+YA GRO DHA SOGS BSKOL NAS BLUD, ,CES BYA BA LA, KHU BA DANG KHRAG RNAG 'DRA BA LA NI, PA RU SHA KA LA SOGS PA DANG, N+YA GRO DHA LA SOGS PA'I SDE TSAN GNYIS PO'I SMAN GANG YIN PA DE DAG DANG BSKOL BA'I MAR BLUD PAR BYA'O, ,KHU BA ZAD LA RO TZA'I DPYAD, ,CES BYA BA LA, KHU BA ZAD PA NI RO TZA ZHING KHU BA'I DPYAD KYI LAS BYA'O, ,BSHANG 'DRA SLON KHRUS SHING KUN DANG, ,BU SHEL TZI TRA KA BSKOL BLUD, ,CES BYA BA LA, KHU BA BSHANG BA GCI BA
, ,'DRA BA 'BYUNG BA'I SKYES BU LA NI SLON KHRUS KYIS SBYANG BA DANG, SHING KUN LA SOGS PA BSKOL BA'I MAR BLUD PAR BYA'O, ,PU SHEL TZI NI AU SHI RA'O, ,TZI TRA KRA KRU TRUG TRES SO; ,ZLA MTSAN MDUD 'DRA BA THA DANG, ,TSA GSUM DUG MO YUNGS BSKOL BLUD, ,CES BYA BA LA, BUD MED KYI ZLA MTSAN MDUD PA'AM RMEN BU 'DRA BA LA NI, SMAN PA THA LA SOGS PA BSKOL BA'I CHU BLUD PAR BYA'O, ,ZLA MTSAN RUL DANG RNAG 'DRA LA, ,TZANDAN BLUD BYA, ZHES BYA BA LA, BUD MED KYI ZLA MTSAN MI RO LTAR RUL BA DANG, RNAG 'DRA BA LA NI TZANDAN BSKOL BA'I CHU BLUD PAR BYA STE, 'DIR GSHER BA'I RDZAS KYI KHYAD PAR GANG DANG BTUNG BA DNGOS SU MA SMOS PAS SPYIR BSHAD PA LA SNYEGS PA YIN PA'I PHYIR, CHU DANG BTUNG BA YIN PAR SHES PAR BYA'O, ,PHYIS BSHAD PA'I, GSANG BA'I NAD GSOR BSHAD KUN DANG, ,'JAM RTZIR BCAS PA GANG YIN BYA, ,ZHES BYA BA LA, 'DIR 'DI DAG 'BA' ZHIG BYA BAR MA ZAD KYI, 'OG NAS PHO MTSAN DANG MO MTSAN ZHES BYA BA'I NAD GSO BAR BSHAD PA DE THAMS CAD DANG 'JAM RTZI DANG BCAS PA RNAMS KYANG NAD PA'I TSUL LAS CI RIGS PAR SBYAR ZHING GTANG BAR BYA'O, ,KHU BA DKAR ZHING LCI BA DANG, ,DMAR DANG BSKA DANG MANG BA DANG, , MAR DANG SBRANG RTZI TIL MAR 'DRA, ,MNGAL DU LEGS CHAGS, ZHES BYA BA LA, KHU CHU GANG DKAR PO LA SOGS PA'I YON TAN DANG LDAN PA DE NI MNGAL DU LEGS PAR CHAGS SHING 'DZIN PA'I RGYU YIN PAR SHES PAR BYA STE, DKAR BA NAS TIL MAR 'DRA BA'I BAR 'DI DAG NI KHU BA'I KHYAD PAR YIN PAR SHES PAR BYA'O, ,ZLA MTSAN YANG, RGYA SKYEGS KHU BA RI BONG KHRAG ,'DRA ZHING BKRUS NA DAG 'GYUR BZANG, ,ZHES BYA BA LA, ZLA MTSAN GYI KHRAG KYANG KHYAD PAR 'DI DAG DANG LDAN NA MNGAL ZHIG BZANG DU CHAGS TE, RGYA SKYEGS BTZOS PA'I KHU BA 'DRA BA DANG, RI BONG GI KHRAG LTAR DMAR BA DANG; GANG GOS LA CHAGS SHING ZHEN PA BKRUS NA DAG CING DMAR BA MED PAR 'GYUR BA STE MNGAL DU CHAGS PA BZANG BA'I RGYU YIN NO, ,KHU KHRAG SKYON MED NAD MED CING, ,PHAN TSUN DU NI CHAGS BA DANG, ,RO TZA SNUM GYIS BRTAS PA DANG, ,SBYANG BA BYAS SHING 'JAM RTZI BTANG, ,ZHES BYA BA LA, SKYES
PA DANG, BUD MED GANG GI KHU BA DANG, KHRAG DAG CING SKYON MED PA DANG, NAD MED PA DANG LDAN ZHING BDE BAR GNAS PA DANG, PHAN TSUN GCIG LA GCIG RJES SU CHAGS SHING ZHEN PA DANG LDAN PA DANG, DE BZHIN DU RO TZA BAR BYED PA'I ZAS DANG SMAN SHA DANG, MAR DANG, DGE BA'I SMAN MAR LA SOGS PA'I SNUM GYIS BRTA BAR BYA BA DANG, SLON SMAN DANG BKRU SMAN GYIS SBYANG BA BYAS PA DANG, 'JAM RTZI BTANG ZHING BRTAS KYANG MNGAL DU LEGS PA'I RGYUR 'GYUR RO, ,MCHOG TU SKYES PA 'O MA MAR, ,MNGAR BA'I SMAN GYIS BRTA BAR BYA, ,BUD MED TIL MAR SHA DAG NI, ,MKHRIS PA SKYED PA NYE BAR SPYAD, ,CES BYA BA LA, MCHOG GAM KHYAD PAR DU SKYES PA LA NI MAR DANG 'O MA SMAN MNGAR BA DANG BSKOL BA BLUD CING GSO BAR BYA STE, MNGAR BA NI 'TSO BYED KYI SDE TSAN DANG RGUN 'BRUM LA SOGS PA'O, ,BUD MED LA NI MCHOG TU TIL MAR DANG SHA DANG, MKHRIS PA SKYED PA'I SMAN DANG KHA ZAS SROG CHAGS RLAN CAN NA GNAS PA'I SHA LA SOGS PA SBYIN PAR BYA'O, ,BUD MED NYAM CHUNG BZHIN RAS DANG, ,NU MA RKED PA 'GUL BA DANG, ,MIG DANG DKU G-YO SKYES PA 'DOD, ,ZLA MTSAN LDAN PAR SHES PAR BYA, ,ZHES BYA BA LA, BUD MED GANG SBEG CING NYAM CHUNG BA'I RGYU MED PAR NYAM CHUNG BAR SNANG BA DANG, BZHIN RAS DANG ZHING DRI MA MED PA DANG, NU MA DANG RKED PA 'GUL ZHING G-YO BA DANG, MIG DANG DKU G-YO ZHING 'GUL BA LTAR SNANG BA DANG, SKYES PA DANG PHRAD CING BSTEN PAR 'DOD PA GANG YIN PA STE, JI SKAD BSHAD PA'I MTSAN NYID DE DAG DANG LDAN PA'I BUD MED DE NI ZLA MTSAN CAN YIN PAR SHES PAR BYA'O, ,DPER NA NYI MA NUB PA NA, ,PADMA'I KHA NI ZUM PAR 'GYUR, ,DE BZHIN ZLA MTSAN DUS 'DAS PA'I, ,MNGAL NI KHU BA LEN MI 'GYUR, ,ZHES BYA BA LA, DPER NA NYI MA 'CHAR BA NAS BRTZAMS TE, NYI MA'I 'OD KYIS KHA BYE BAR BYAS PA'I PADMA NI NYI MA NUB PA'I RJES LA KHA ZUM BAR 'GYUR ZHING, KHA MA BYE BA'I MTSAN NYID CAN DU 'GYUR RO, ,DE BZHIN DU BUD MED KYANG ZLA MTSAN 'DZAG PA NAS, NYIN ZHAG BCU GNYIS KYI BAR DU MNGAL GYI KHA BYE BAR 'GYUR LA, DE PHAN CHAD NI KHA ZUM PAR 'GYUR BAS, YANG KHA BYE STE, KHU BA LEN ZHING CHAGS PAR MI 'GYUR RO, ,
, ,ZLA BA GCIG TU BSAGS PA'I KHRAG ,RTZA CHEN GNYIS LAS DUS SU NI, ,CUNG ZAD GNAG CING DRI BRAL BA, ,RLUNG GIS MNGAL GYI SGO RU 'BYIN, ,ZHES BYA BA LA, ZLA BA GCIG GI BAR DU KHA ZAS KYI BCUD LA SOGS PAS 'PHEL BAR BYAS PA'I KHRAG GANG YIN PA STE, RTZA CHEN PO GNYIS LAS ZLA MTSAN 'DZAG PA'I DUS SU RLUNG GIS MNGAL GYI SGO RU 'DREN ZHING 'BYIN PAR BYED PA DE YANG KHA DOG CUNG ZAD GNAG PA DANG, DRI DANG BRAL BA STE DRING BA MED PA YIN NO, ,DE NAS ZLA MTSAN MTHONG NYID NAS, ,ZHAG GSUM BAR DU SEMS DGE BSAM, ,RGYAN DANG KHRUS NI SPANG BA DANG, ,KU SHA'I STAN LA NYAL BA DANG, ,NAS THUG 'O MAR BTZOS NYUNG ZAD, ,BLUD CING LTO SBYANG NYAMS SMAD BYA, ,LO MA'AM RDZA SKYOGS LEGS PAR NI, ,BZA' ZHING 'KHRIG PA SPANG BAR BYA, ,ZHES BYA BA LA, DE LTAR ZLA MTSAN BYUNG BA DE'I 'OG TU BUD MED DES SEMS LA DGE BA BSAM ZHING SEMS MA 'KHRUGS PAR BYA BA DANG, GDU BU DANG DO SHAL LA SOGS PAS BRGYAN PA DANG, KHRUS BYAS SHING GTZANG SBRAR SPYOD PA DE GNYIS DANG BRAL ZHING SPANG BA LA, RTZVA KU SHA BTING BA'I STAN GANG YIN PA DE LA NYAL BAR BYA BA DANG, NAS THUG 'O MA DANG BTZOS PA'I KHA ZAS NYUNG ZAD CIG LO MA'AM RDZA SKYOGS GTZANG MAR LEGS PAR BZA' ZHING SPYAD PA DANG, LTO SBYANG ZHING NYAMS SMAD PAR BYA BA'I PHYIR BYA'O, ,DE BZHIN DU DE'I TSE 'KHRIG PA SPANG ZHING SKYES PA BSTEN PA DOR BAR BYA'O, ,DE NAS ZHAG NI BZHI PA LA, ,KHRUS BYAS GOS PHRENG DKAR ZHING GTZANG, ,PHA DANG 'DRA BA'I BU 'DOD CING, ,MDUN DU KHYO NI BLTA BAR BYA, ,ZHES BYA BA LA, ZLA MTSAN BYUNG NAS ZHAG GSUM 'DAS TE ZHAG BZHI PA LA BAB PA DANG, KHRUS BYAS SHING GTZANG SBRA SPYAD NAS, GOS DKAR PO BGOS LA PHRENG BA GDAGS PA DANG, GTZANG SBRA DANG LDAN PAS PHA DANG 'DRA BA'I BU 'DOD CING, BDAG NYID KYI MDUN DU KHYO GNAS PA LA BLTA BAR BYA'O, ,ZLA MTSAN ZHAG NI BCU GNYIS DUS, ,DE LAS DANG PO'I ZHAG GSUM DANG, ,BCU GCIG PA SMAD, CES BYA BA LA, ZLA MTSAN SNANG BA NAS ZHAG BCU GNYIS KYI BAR DU NI DUS TE, ZLA MTSAN 'DZIN PA'I DUS YIN LA, ZHAG BCU GNYIS PO DE DAG LAS DANG PO'I ZHAG
GSUM NI SMAD CING SPANG BAR BYA BA YIN PAS, DE'I TSE 'KHRIG PA'I BYA BA MI BYA'O, ,DE BZHIN DU ZHAG BCU GCIG PA YANG SMAD PAR BYA BA YIN NO, ,TSES ZUNG LA, BUR 'GYUR GZHAN DU BU MOR 'GYUR, ,ZHES BYA BA LA, TSES BZHI DANG, TSES DRUG DANG, TSES BRGYAD DANG, TSES BCU DANG; TSES BCU GNYIS DAG NI BU PHOR SKYE BAR 'GYUR LA, DE LAS GZHAN PA TSES LNGA DANG, TSES BDUN DANG, TSES DGU DANG, TSES BCU GCIG GIS NYE BAR MTSON PA DAG TU NI BU MOR SKYE BAR 'GYUR RO, ,DE NAS BU PHYIR SLOB DPON GYIS, ,CHO GA CHO GA BZHIN BYAS LA, ,ZHES BYA BA LA, DE NAS DE'I 'OG TU BU SKYE BAR BYA BA'I PHYIR, SLOB DPON DE'I CHO GA SHES PA BRAM ZE SRID SRUNG GI RIG BYED SHES PAS BU SKYE BA'I CHO GA LAS SHES PA BZHIN DU BYA LA, DE YANG SRID SRUNG GI RIG BYED KYI CHO GA NI BRAM ZE LA SOGS PA'I RIGS GSUM GYIS BYA'O, ,DMANGS RIGS PHYAG 'TSAL LA BRTZON PAS, , SNGAGS KYIS BYA BA MED PAR BYA, ,ZHES BYA BA LA, DMANGS RIGS KYI BUD MED KYI BU 'DOD PA'I DON DU CHO GA NI PHYAG 'TSAL BA LA BRTZON ZHING GTZO BOR BYAS PAS BYA LA, DE YANG BRAM ZE'I GSANG TSIG GI SNGAGS MI BRJOD PAR SNGAGS KYIS BYA BA MED PA'I RIG BYED LA SMOS PA'I CHO GA BYA'O, ,DE LTAR 'DOD SPYOD DON LDAN ZHING, ,YID LA 'DOD PA'I BU SKYED 'GYUR, ,ZHES BYA BA LA, DE LTAR JI SKAD DU BSHAD PA'I CHO GA BYAS PA'I 'OG TU DUS LA BAB PAR 'DOD PA SPYOD CING, 'KHRIG PA LA SBYOR BA NI DON MED PAR MI 'GYUR TE, MNGAL GYI 'BRAS BU DON YOD PAR 'GYUR BA DANG, DE BZHIN DU YANG YID LA 'DOD PA BZHIN DU BU DANG BU MO GANG ZHIG LA DGA' BA DE MNGAL DU CHAGS PAR 'GYUR RO, ,BU 'DOD BZA' BRAN DBEN PAR NI, ,'DOD SPYAD BYA ZHES DAM PA SMRA, ,ZHES BYA BA LA, GANG GI PHYIR DAM PA NGO TSA SHES PA DAG GIS NI BU SKYE BAR 'DOD PA'I PHYIR BZA' BRAN TE, SKYES PA DANG BUD MED DAG DBEN ZHING GCIG TU GNAS PAR 'DOD PA SPYAD PAR BYA BA NI MCHOG YIN NO ZHES SMRA STE, 'KHRIG PA'I BDE BA TZAM LA CHAGS PA'I SGO NAS BAB COL DU 'DOD PA SPYOD DE, BU 'DOD PA TZAM MA YIN NO, ,GZHAN DU NA BU BZANG PO NYID BSKYED PAR BYA BA'I DON DU BYA'O ZHES BYA BA'I DON NO, ,
, ,GZHAN DU RIGS BZANG DAG LAS KYANG, ,BU NGAN RIGS BSREG ME 'DRAR 'GYUR, ,ZHES BYA BA LA, DE LAS GZHAN PAR TSUL DANG MI MTHUN PAR BYAS PA'I DBANG GIS NI, MNGAL DU CHAGS PA'I PHO'AM MO GANG DAG YIN PA'I RIGS SHIN TU BZANG PO MTHU RTZAL LA SOGS PA DU MA DANG LDAN PA'I RIGS BZANG PO LAS SKYES PA YIN DU ZIN KYANG BU SHIN TU NGAN PAR 'GYUR TE, DE'I RIGS BSREG ME 'DRAR 'GYUR ZHES BYA BA MTHONG BA DANG MA MTHONG BA'I RIGS DANG YON TAN MA LUS PA 'JIG PAR BYED PA'I RGYUR 'GYUR BA'I ME LTAR BSREG PA'I PHYIR RIGS KYI ME ZHES BYA'O, ,JI LTA BA YI BA 'DOD PA, ,DE YI TSUL DU DE YIS SPYAD, ,YUL DE'I SKYE BO'I SPYOD PA DANG, ,DE YI YO BYAD LA BSAM BYA, ,ZHES BYA BA LA, GANG BZA' BRAN DE GNYIS BU DANG BU MO JI LTAR 'DOD CING YID LA DGA' BA DE'I GZUGS DANG SPYOD PA DANG, YID LA GANG 'DOD PA DE 'DRA BA'I KHA DOG DANG DBYIBS DANG TSAD YID LA BSAM PAS SPYAD PAR BYA BA DANG, DE BZHIN DU YUL GANG NA SKYES BU GANG BDEN PAR SMRA BA DANG, G-YO MED PA DANG, GTONG BA DANG, SNYING RJE DANG LDAN ZHING SBYIN GNAS SU GYUR PA'AM, DPA' ZHING RTUL PHOD PA'I RANG BZHIN DE YID LA BSAM ZHING MNGON DU BYA BA STE, 'DIR RIGS DANG RJES SU MTHUN PA'I LAS JI LTA BA'I TSUL GYI SPYOD PA DANG, DE'I YO BYAD DANG, 'KHOR BRAN PHO DANG BRAN MO DANG, RTA DANG BA LANG LA SOGS PA DANG, NOR BU DANG, 'BRU DANG, GOS DANG, RGYAN RIN PO CHE DANG, SHING RTA DANG, KHYIM DANG, SKYED MOS TSAL DANG, PI WANG DANG, GLING BU DANG, RDZA RNGA DANG, RNGA BO CHE DANG, GLU DANG, ROL MO DANG, MAL KHRI DANG, STAN LA SOGS PA YID LA BSAMS PAS SHES PAR BYA'O, ,LAS MTHAR SKYES PAS ZHUN MAR DANG, ,'O MA 'BRAS CHAN BCAS BA BZA', ,SKAR MKHAN LUNG GIS MAL KHRIR NI, ,SKYES PA DANG PO RKANG G-YAS KYIS, ,'DZAG BYA BUD MED G-YON GYIS 'DZEG ,DE YI G-YAS LOGS DAG TU NYAL, ,TIL MAR MON SRAN GRE'U SBYAR BZA', ,ZHES BYA BA LA, BU SKYE BAR BYA BA'I CHO GA LAS BYAS ZIN PA'I MTHAR SKYES PAS NI ZHUN MAR DANG 'O MA DANG 'BRAS CHAN DU BCAS BA BZA' ZHING LONGS SPYAD NAS BUD MED LAS SNGAR MAL KHRIR RKANG PA G-YAS
PA SNGON DU 'DOR BAR 'DZEG PAR BYAS LA, DE YANG SKAR MKHAN GYI LUNG GIS TE SKAR MKHAN GYIS SKAD CIG MA DAG LA BZANG ZHING SHIS PAR BSTAN PA DE LA 'DZEG PAR BYAS LA, DE'I 'OG TU BUD MED RKANG PA G-YON PA SNGON DU 'GRO BAS 'DZEG LA, SKYES PA KHRI LA 'DZEG PA DE'I G-YAS LOGS SU GNAS PAR BYA'O, ,DE LA KHYAD PAR DU NI BUD MED KYIS SNGAR TIL MAR DANG BCAS PA'I MON SRAN GRE'U STE, SRAN MA MA SHA LHAG PAR BZA' BAR BYA'O, ,DER NI SNGAGS KYI TSIG BRJOD BYA, ,A'A H'I RA SI, AU LU RA SI, SARBA TA:PRA TIshthA SADDHI TVA DHAN DU, BI TRA TA TVA DA DAN DU, BRAHMA BRTZA SVA BH'A BA ZHES BYA'O, ,TSANGS PA PHUR BU KHYAB 'JUG DANG, ,NYI ZLA THA SKAR BU GNYIS DANG, ,LEGS LDAN MDZA' BO CHU LHA RNAMS, ,BDAG LA DPA' BA'I BU STZOL CIG ,CES BYA BA LA, MAL KHRIR 'DZEG PA'I DUS DER RIG BYED LAS BYUNG BA'I SNGAGS KYI TSIG A'A H'I RA SI, ZHES BYA BA LA SOGS PA BRJOD CING, GSOL BA GDAB PA'I TSIG TSANGS PA LA SOGS PA'I LHA RNAMS KYIS BDAG LA DPA' ZHING RTUL PHOD PA'I BU SNYING STOBS DANG LDAN PA STZOL CIG ,CES KYANG BRJOD PAR BYA'O, ,DE NAS PHAN TSUN SPRO BSKYED DE, ,DGA' DANG BCAS PAS GNAS PAR BYA, ,ZHES BYA BA LA, DE'I RJES LA KHYO SHUG PHAN TSUN GCIG LA GCIG SPRO BSKYED CING YID MGU BAR BYA BA DANG, DGA' BA DANG BCAS SHING 'KHRIG PA'I CHOS DANG LDAN PAS GNAS PAR BYA'O, ,BUD MED DER SEMS GAN RKYAL GNAS, ,YAN LAG LEGS PAR GNAS 'DUG BYA, ,DE LTAR NYES PA RANG GNAS 'DUG ,SA BON LEGS PAR 'DZIN PAR 'GYUR, ,ZHES BYA BA LA, BUD MED DNGOS PO DE LA YID GTOD PA LA SOGS PA'I TSUL GYIS MGO DANG LAG NGAR LA SOGS PA'I YAN LAG LEGS PAR GNAS PAR BYA BA LA 'DUG PAR BYAS TE, GANG GI PHYIR RNAM PA DE LTAR GNAS PA DE'I RLUNG LA SOGS PA'I NAD KYI NYES PA MA 'KHRUGS PAR THA MAL PAR GNAS PAS BU'I SA BON DE LEGS PAR 'DZIN ZHING GNAS PAR 'GYUR RO, ,'PHRAL DU MNGAL CHAGS MTSAN MA NI, ,MNGAL DU SA BON 'DZIN PA DANG, ,'DOD NGOMS LCI DANG G-YO BA DANG, ,KHRAG DANG KHU BA RJES 'DRES DANG, ,SNYING 'PHAR BA DANG SNYOM PA DANG, ,SKOM DANG RMYA
, ,DANG BA SPU LDANG, ,ZHES BYA BA LA, BUD MED GANG 'PHRAL DU MNGAL CHAGS SHING DUS DE'I TSE BU CHAGS PA'I MTSAN MA NI 'DI DAG YIN TE, MNGAL DER BYA BA BYA BA'I GZHIR GYUR BAR SA BON ZHES PA BYED PAR GYUR PA'I KHU BA DE 'DZIN ZHING CHAGS BAR GYUR PA DANG, 'DOD PAS NGOMS SHING CHOG SHES PAR 'GYUR BA DANG, LUS KYI KHONG LCI BA DANG, KHU BA DANG KHRAG RJES SU 'DRES SHING PHAN TSUN 'BREL BA DANG, SNYING CUNG ZAD 'PHAR ZHING 'GUL BA DANG, GNYID KYIS NON PA BZHIN DU DBANG PO RNAMS YUL 'DZIN PAR MI NUS SHING SNYOM PA DANG, SKOM GYIS NYEN PA DANG, RMYA ZHING DUB PA DANG, SPU LDANG ZHING DGA' BAS BA SPU'I KHUNG BU GYES PAR 'GYUR BA YIN NO, ,ZLA BA DANG POR MI GSAL ZHAG ,BDUN NAS NUR NUR PO RU 'GYUR, ,'DIR NI MNGAL GYI BU SKYES PA, ,GSAL BAR MA GYUR GONG DU BYA, ,ZHES BYA BA LA, DANG PO ZLA BA GCIG GI ZHAG BDUN NI MNGAL NA GNAS PA DE MI GSAL ZHING NGES PAR MI MNGON PAR 'GYUR LA, ZHAG BDUN PO DE DAG 'DAS NAS NUR NUR POR PHAL CHER SKA SLA 'DRES PA'I TSUL DU ZLA BA GCIG GI BAR DU GNAS PA YIN NO, ,DE LTAR MNGAL GYI GNAS GSAL BAR MA GYUR PA'I GONG DU ZLA BA DANG PO 'DI LTAR MNGAL GYI BU SKYED PA'I CHO GA JI LTAR MNGON PAR 'DOD PA BZHIN DU 'OG NAS BSHAD PA LTAR BYA'O, ,SKYES BU BYED PA 'DI STOBS LDAN, ,LAS KYANG ZIL GYIS GNON PAR NUS, ,ZHES BYA BA LA, GANG GI PHYIR BU SKYES PA'I SKYES BU BYED PA'I RTZOL BA 'DI NI SHIN TU STOBS DANG LDAN PA YIN PAS DE DANG MI MTHUN PA'I THA MAL PA'I LAS TE, ZIL GYIS MNAN NAS LDANG BAR MI NUS PAR BYAS TE GNAS PA YIN NO, ,BU SKYES PA'I CHO GA NI 'DI YIN TE, SKAR MA RGYAL SKYES BU YI GZUGS, ,GSER RAM DNGUL LAM LCAGS LAS BYAS, ,ME MDOG 'GYUR BSREGS 'O MAR BCUG ,DE NI SNYIM GANG BLUD PAR BYA, ,ZHES BYA BA LA, SKAR MA RGYAL LA BAB PA'I DUS SU SKYES PA'I GZUGS BRNYAN CHUNG DU ZHIG GSER DNGUL GYI RGYU LAS BYAS PA'AM, LCAGS NAG PO LAS BYAS LA, DE MER LEGS PAR BSREGS LA, ME'I MDOG CAN DMAR POR BYAS LA, GZUGS BRNYAN DE 'O MAR BCUG CING GSUR LA, GSUR
BA'I 'O MA SNYIM PA GANG STE SRANG BZHI'I TSAD TZAM BLUD PAR BYA'O, ,YANG NA GO RA DAN DA DANG, ,AA BA MARGA DZI BA KA ,ZANGS RTZI BA DANG SHERYA KA ,GCIG GAM GNYIS SAM GSUM ZHIG GAM, ,THAMS CAD CHU LA BTAGS PA NI, ,SKAR MA RGYAL LA BAB TSE BLUD, ,CES BYA BA LA, GO RA DAN DA LA SOGS PA SMAN SNA RE RE'AM GNYIS GNYIS GCIG TU BYA BA 'AM, GSUM GSUM MAM BZHI BZHI GCIG TU BSRES PA'AM, YANG NA THAMS CAD BSREGS LA CHU DANG BTAGS TE LDE GUR BYAS NAS SKAR MA RGYAL LA BAB PA'I TSE BTUNG BAR BYA'O, ,BRI HA TI NI DKAR PO'I RTZA, ,'O MAR BTAB PA RANG NYID KYIS; ,BU 'DOD SNA KHUNG G-YAS PAR BLUGS, ,BU MO 'DOD NA G-YON PAR BLUGS, ,ZHES BYA BA LA, SMAN BRI HA TI DKAR PO'I RTZA BA 'O MA DANG LDE GUR SBYAR LA, BUD MED RANG NYID KYIS BU 'DOD NA NI, DE'I THIGS PA SNA KHUNG G-YAS PAR BLUGS PAR BYA'O, ,BU MO 'DOD NA NI G-YON PAR BLUGS PAR BYA'O, ,LAG SMA NA'I RTZA 'O MAR SBYAR, ,BU SKYED GNAS PA RAB STER BYED, ,DE BZHIN N+YA GRO'I MYU GU BRGYAD, ,SBYAR BA SNA'AM KHA NAS BTUNG, ,ZHES BYA BA LA, SMAN LAG SMA NA'I RTZA BA'I 'O MA DANG LDE GUR SBYAR LA 'THUNGS NA BU SKYE BAR BYED PA DANG, SNGAR SKYES PA LEGS PAR GNAS PA RAB TU STER ZHING BSKYED PA YIN PA DE BZHIN DU SHING N+YA GRO DHA'I MYU GU SKYES PAR GYUR PA BRGYAD DANG SBYAR BA'I 'O MA'I LDE GU YANG SKYED PA DANG GNAS PAR BYED PA YIN PAS SNAR BLUGS PA DANG KHA NAS BTUNG BAR BYA'O, ,'TSO BYED KYI NI SMAN SDE RNAMS, ,PHYI DANG NANG NAS NYE BAR SBYAR, ,ZHES BYA BA LA, 'TSO BYED KYI SMAN DZI BAN TI DANG, RA MNYE BA LA SOGS PA BCU PO KHRUS DANG DRIL PHYIS LA SOGS PA PHYI ROL NAS BTANG BA DANG, BZA' BA DANG BTUNG BA LA SOGS PA NANG NAS BTANG ZHING NYE BAR SBYAR BAR BYA'O, ,MNGAL 'DZIN YID 'ONG PHAN PA YI, ,KHYO DANG 'KHOR GYIS BSNYEN BKUR BYA, ,ZHES BYA BA LA, MNGAL 'DZIN BA'I BUD MED LA SDUG CING PHAN PAR 'DZIN BA KHYO DANG G-YOG 'KHOR DAG KYANG YID DU 'ONG ZHING PHAN PAR BYED PA NYID KYIS BSNYEN BKUR GYI LAS DE DANG RJES SU MTHUN PAR BYAS NA, MNGAL DE LEGS PAR 'PHEL ZHING RGYAS PAR 'GYUR RO, ,MAR SAR ZHUN MAR 'O MA RNAMS, ,RTAG
, ,TU DE LA BLUD PAR BYA, ,ZHES BYA BA LA, YANG MNGAL 'DZIN PA'I BUD MED DE LA MAR SAR LA SOGS PA RTAG TU BLUD PAS KYANG BSNYEN BKUR BYA'O, ,NYAL PO DRAGS DANG RTZOL DRAGS DANG, ,KHUR DANG GOS NI LCI BA DANG, ,NYIN NYAL NUB MO GNYID MA LOG ,STAN SRAB TZOG PUR 'DUG PA DANG, ,MYA NGAN KHRO DANG 'JIGS DANG SKYO, ,SHUGS DANG SRED PA DGAG PA DANG, ,SMYUNG BA LAM 'GRO RNO DANG TSA, ,LCI DANG BSHANG 'GAGS ZAN ZA DANG, ,GOS DMAR GYON DANG G-YANG SA DANG, ,KHRON LTA SHA ZA CHANG 'THUNG DANG, ,GAN RKYAL NYAL DANG BUD MED DANG, ,MI 'DOD GANG YIN DE KUN SPANG, ,ZHES BYA BA LA, YANG MNGAL 'DZIN PA'I BUD MED KYIS 'KHRIG PA SPYAD DRAGS PA LA SOGS PA SPANG BAR BYA'O, ,'DIR SMOS PA 'DI DAG 'BA' ZHIG SPANG BAR MA ZAD KYI, ZAS DANG SPYOD LAM LA SOGS PA'I DNGOS PO GANG SNGAR MANG DU BU TSA SKYE MYONG BA'I BUD MED MI 'DOD CING GNOD PAR 'GYUR BA RNAMS SAM, DUS DE'I TSE BYA BA LA MKHAS PA'I BUD MED MI 'DOD CING GNOD PAR 'GYUR BAS DE SPANG ZHING DOR BAR BYA'O, ,'DI DAG GI TSIG GI DON NI GO BAR ZAD DO, ,DE BZHIN GTAR GA GDAB SLON KHRUS, ,MAS GTONG ZLA BRGYAD BAR MI BYA, ,ZHES BYA BA LA, DE DAG 'BA' ZHIG TU MA ZAD KYI, GTAR GA GDAB CING KHRAG DBYUNG BAR BYA BA DANG, SLON DANG KHRUS KYIS SBYANG BAR BYA BA DANG, NI RU HA LA SOGS PA'I MAS GTONG BA GSUM PO DAG KYANG ZLA BA BRGYAD KYI BAR DU MI BYA'O, ,'DI DAG GIS NI MNGAL 'JIG PA'AM, ,DKU SKAMS PA'AM 'CHI BAR 'GYUR; ,ZHES BYA BA LA, DE LTAR SNGAR BSTAN PA NYAL PO DRAGS PA LA SOGS PA DAG SBRUM MAS BYAS SU ZIN NA, RGYU DES 'BRAS BU LUS CHAD PA BZHIN DU MNGAL MA SMIN PAR MNGAL 'JIG PAR 'GYUR RO, ,YANG NA DKU SKAMS SHING MNGAL DU GNAS PA 'PHEL MI NUS PAR 'GYUR BA'AM, YANG NA MNGAL NA GNAS PA'I SEMS CAN DE 'CHI ZHING SROG DANG BRAL BAR 'GYUR RO, ,RLUNG NI SKYED PAR BYED PAS MNGAL, ,SGUR PO 'ON LONG MI'U THUNG 'GYUR, ,MKHRIS PA CAN GYIS SPYI TZER SER, ,BAD KAN SHA BKRA SKYA RBAB 'GYUR, ,ZHES BYA BA LA, ZAS DANG SPYOD LAM RLUNG SKYED PAR BYED
PA BSTEN PAS NI MNGAL NA GNAS PA'I SEMS CAN DE SGUR PO DANG, LONG BA DANG, 'ON PA DANG, MI'U THUNG DU 'GYUR RO, ,ZAS DANG SPYOD LAM MKHRIS PA SKYED PAR BYED PA BSTEN PAS NI MNGAL NA GNAS PA NI SPYI CER RAM SKRA SER BA LA SOGS PAR 'GYUR RO, ,ZAS DANG SPYOD LAM DANG SMAN BAD KAN CAN BSTEN PAS NI MNGAL NA GNAS PA DE SHA BKRA CAN NAM, SKYA RBAB CAN DU 'GYUR RO, ,NAD GZHAN 'JAM ZHING BDE BA DANG, ,RNON PO MA YIN SMAN GYIS GSO, ,ZHES BYA BA LA, SBRUM MA DE LA NAD GANG ZHIG BYUNG BAR GYUR BA NI 'JAM ZHING BDE BAR GYUR PA'O, ,MAR DANG, 'O MA DANG, SHA KHA RA DANG, RGUN 'BRUM LA SOGS PA DANG, SMAN GYI RNAM PA RNON PO MA YIN PA DONG GA LA SOGS PAS GSO ZHING NAD BSAL BAR BYA'O, ,NUR NUR PO LAS ZLA GNYIS PAR, ,GOR GOR MER MER NAR NAR BO'O, ,DE LAS PHO MO MA NING RIM, ,ZHES BYA BA LA, MNGAL CHAGS NAS ZLA BA GNYIS PA LA NUR NUR PO DE LAS GOR GOR PO'AM, MER MER PO'AM, NAR NAR POR GYUR LA, GOR GOR PO LA SOGS PA DE DAG LAS RIM GYIS PHO DANG MO DANG MA NING DU 'GYUR TE, DE LAS GOR GOR PO LAS NI SKYES PAR 'GYUR RO, ,MER MER PO LAS NI MOR 'GYUR LA, NAR NAR PO LAS NI SKYES PA YANG MA YIN BUD MED KYANG MA YIN PA'I MA NING DU 'GYUR RO, ,DE NAS GSAL 'GYUR MTSAN MA NI, ,RID CING DKU NI LCI BA DANG, ,BRGYAL SKYUGS YI GA 'CHUS PA DANG, ,GLAL DANG MCHIL MANG SNYOM BAG DANG, ,SPU YI PHRENG BA GSAL BA DANG, ,SKYUR LA DGA' ZHING NU MA RGYAS, ,NU ZHOR BCAS SHING RTZE MO GNAG ,RKANG PA SKRANGS SHING KHA ZAS TSA, ,SRED PA SNA TSOGS NYID DU 'GYUR, ,ZHES BYA BA LA, DE NAS ZLA BA GNYIS PA DE LA NI SBRUM MA DE'I MNGAL NA GNAS PA'I MTSAN MA GSAL PO 'BYUNG BAR 'GYUR TE, 'DI LTAR RID CING SPEGS BA'AM, DGU'AM LTO BA LCI BA'AM BRGYAL ZHING 'BOG PA DANG, SKYUG CING SLON PA DANG, YI GA 'CHUS SHING ZAS LA MNGON PAR MI DGA' BA DANG, YAN LAG 'GYUR BA DANG BCAS PA'I GLAL BA DANG, MCHIL SNABS MANG BA DANG, YAN LAG SNYOM ZHING RMYA BA DANG, SPU'I PHRENG BA BRANG LA GNAS PA GSAL ZHING KHA GYES PA DANG,
, ,SKYUR BAG LA DGA' ZHING 'DOD PA DANG, NU MA RGYAS PAR 'GYUR BA DANG, DE BZHIN DU 'O MA CUNG ZAD BCAS SHING NU TOG GI RTZE MO NAG POR 'GYUR BA DANG, RKANG PA GNYIS CUNG ZAD SKRANGS PA DANG, KHA ZAS ZOS PA TSA ZHING SKYUR BAR 'GYUR BA DANG, DE BZHIN DU SRID PA MCHOG DANG THA MA SKYE ZHING PHAN PA DANG, GNOD PA'I YUL DU MI 'DOD PA NYID DU 'GYUR RO, ,'DI YI SNYING NI MA LAS SKYES, ,MA YI SNYING YANG DE DANG NI, ,'BREL PAS DE PHYIR SBRUM MA NI, ,SRED PA DGAG PAR MI BYA'O, ,DE LA GNOD PAR 'GYUR BA YANG, ,PHAN DANG BSRES TE CUNG ZAD SBYIN, ,SRED PA BKAG NA MNGAL GYI BU, ,MI SDUG PA'AM 'JIG PAR 'GYUR, ,ZHES BYA BA LA, ,GANG GI PHYIR MNGAL NA GNAS PA 'DI'I SNYING NGAM SEMS KYI GNAS DE NI MA LAS SKYES PA YIN LA, DE NAS MNGAL NA GNAS PA DE'I SNYING MA'I SNYING DANG RJES SU 'BREL ZHING 'BYOR BA'I CHA YOD PA YIN NO, , DE'I PHYIR RGYU DES NA SBRUM MA DAG GANG LA SRED CING 'DOD PA DGAG CING YID LA RE BA RDZOGS PAR MI BYA BAR BRNYAS THABS SU GZHAG PAR MI BYA'O, ,DE BAS SBRUM MA DE ZAS LA SOGS PA GNOD PAR 'GYUR BA ZHIG GIS 'DOD PAR GYUR NA YANG GNOD PAR 'GYUR BA DE PHAN PAR 'GYUR BA'I ZAS MANG PO DANG BSRES TE, GNOD PA DE CHES MANG BAR BYAS LA, CUNG ZAD TZAM BYIN PAS 'DOD PA BSKANG BAR BYA'O, ,GAL TE DE LTA MA YIN TE, SRED PA BKAG NA MNGAL GYI BU DE GZUGS MI SDUG PA'AM, GNAS SKABS GZHAN DU 'GYUR BA'AM, 'JIG CING GNAS LAS 'PHO BA NYID DU 'GYUR RO, ,ZLA BA GSUM PAR DE YI LUS, ,MGO BO DPYI GNYIS DPUNG PA GNYIS, ,YAN LAG LNGA NI GSAL DOD 'GYUR, ,YAN LAG PHRA MO RNAMS KYANG 'BYUNG, ,MGO BO SOGS DANG CHA MNYAM DU, ,BDE DANG SDUG BSNGAL SHES PA 'BYUNG, ,ZHES BYA BA LA, MNGAL CHAGS PA'I ZLA BA GSUM PA LA NI DE'I LUS YAN LAG LNGA GSAL BAR DOD PAR 'GYUR TE, MGO BO NI YAN LAG GCIG GO, ,DE BZHIN DU DPUNG PA GNYIS DANG, DPYI GNYIS DANG DE LTAR YAN LAG LNGA DOD PAR 'GYUR RO, ,DE BZHIN DU YAN LAG PHRA MO RNAMS KYANG RIM GYIS 'BYUNG BAR 'GYUR ZHING,
MGO LA SOGS PA RNAMS DANG CHA MNYAM ZHING MTSUNGS PA NYID DU SHES PA DANG, SDUG BSNGAL SHES PA YANG DE'I TSE 'BYUNG BAR 'GYUR RO, ,MNGAL GNAS LTE BA MA YI NI, ,SNYING GI RTZA DANG 'BREL BA'I PHYIR, ,DE YIS DE NI 'PHEL 'GYUR TE, ,ZHING GI YUR BA DAG DANG MTSUNGS, ,ZHES BYA BA LA, MNGAL NA GNAS PA'I SEMS CAN DANG, MA'I SNYING GI RTZA DANG LAS KYI DBANG GIS 'BREL BAR GNAS TE, DE'I PHYIR RTZA RGYUN DE NAS MNGAL NA GNAS PA'I LUS 'PHEL ZHING RGYAS PAR 'GYUR TE, DPER NA 'BRAS LA SOGS PA'I ZHING YUR BA NAS CHU DRANGS TE, DES ZHING GI LO TOG 'PHEL ZHING RGYAS PAR 'GYUR BA DANG 'DRA'O, ,BZHI PAR YAN LAG GSAL DOD 'GYUR, ,LNGA PAR SEMS NI GSAL BAR 'GYUR, ,ZHES BYA BA LA, ZLA BA BZHI'I SKABS SU MNGAL NA GNAS PA'I SEMS CAN DE'I YAN LAG THAMS CAD MI GSAL BA LAS GSAL BAR DOD PAR 'GYUR, ZLA BA LNGA PAR NI SEMS GSAL BA MA YIN PA DE SNGAR BAS CHES GSAL BAR 'GYUR RO, ,DRUG PAR CHU BA RTZA DANG SPU, ,SEN MO PAGS PA MDOG STOBS 'GYUR, ,BDUN PAR DNGOS PO THAMS CAD KYI, ,YAN LAG KUN NI RDZOGS PAR 'GYUR, ,ZHES BYA BA LA, ZLA BA BDUN PAR NI RNAM PA THAMS CAD NAS THAMS CAD DU YAN LAG THAMS CAD RDZOGS SHING 'PHEL BA KHO NAR 'GYUR RO, ,MNGAL GNAS NAD KYIS NYER GZIR NA, ,DE TSE SNYING DANG 'BREL BA'I PHYIR, ,G-YA' DANG TSA BAR BYED PA DANG, ,LPAGS GAS RMA PHRAN 'BYUNG BAR 'GYUR, ,ZHES BYA BA LA, MNGAL NA GNAS PA'I SEMS CAN RLUNG LA SOGS PA'I NAD KYIS GZIR NA DE'I TSE MA'I SNYING DANG DE 'BREL BA YIN PA'I PHYIR NAD DE YANG 'BYUNG STE, MNGAL G-YA' BA DANG TSA BAR BYED PA DANG, PAGS PA'I RMA PHRA MO 'DRA BA PAGS PA CUNG ZAD GAS PA'I NAD BRLA DANG NU MA DANG BRANG LA SOGS PAR 'BYUNG BAR 'GYUR RO, ,DE BZHIN DU RKANG PA DANG LAG PA'I MTHIL DANG, MCHAN KHUNG LA SOGS PA TSA BAR BYED PAR 'GYUR RO, ,DER NI MAR SAR RGYA SHUG CHU, ,MNGAR BA'I SMAN SDE BSKOL BA PHAN, ,ZHES BYA BA LA, DE LTA BU'I G-YA' BA LA SOGS PA'I NAD ZHI BAR BYA BA'I PHYIR MAR SAR DANG, RGYA SHUG BSKOL BA'AM, MNGAR BA'I SMAN GYI SDE TSAN 'TSO BYED LA SOGS
, ,PA'AM; RGUN 'BRUM LA SOGS PA'I SMAN LDE GUR BYAS PA DANG, MAR BSKOL BA PHYI ROL NAS BSKU ZHING NANG NAS BTUNG BA LA SOGS PA PHAN PA YIN NO, ,LAN TSVA NYUNG ZHING SNUM BAG CAN, ,YANG ZHING MNGAR BA'I KHA ZAS BZA', ,ZHES BYA BA LA, YANG DER KHA ZAS NI LAN TSVA NYUNG ZHIG BTAB PA DANG, SNUM BAG DANG BCAS PA DANG, TSAD DANG RANG BZHIN GYIS YANG BA DANG, MNGAR BAG GI KHA ZAS BZA' BA PHAN NO, ,TZANDAN PU SHEL TZE'I LDE GUS, ,BRANG DANG NU MA LTO LA BSKU, ,ZHES BYA BA LA, TZANDAN DANG AU SHI RA CHU 'THAGS SU BTAGS PA'I LDE GU SLA BAS BRANG LA SOGS PA BSKU BAR BYA'O, ,'BRAS BU GSUM PA'AM AE NE YA, ,SHA BKRA RI BONG KHRAG SBYAR BSKU, ,ZHES BYA BA LA, YANG NA 'BRAS BU GSUM PO LDE GUR BYAS PA'AM, ,RI DAGS AE NE YA DANG, SHA BKRA DANG, RI BONG GI KHRAG DANG LHAN CIG BTAGS PAS BRANG DANG NU MA DANG LTO BA LA SOGS PA LA BSKU BAR BYA'O, ,KA RA B'I RA'I LO MA DANG, ,TIL MAR BSKOL BAS BSKUS TE MNYE, ,PA TO LA DANG NIM PA BTZOD, ,BYE'U RUG GIS KYANG BSKU BAR BYA, ,ZHES BYA BA LA, YANG KA RA B'I RA DANG LHAN CIG BSKOL BA'I TIL MAR BSKUS LA LEGS PAR MNYE BAR BYA'O, , DE BZHIN DU PA TO LA LA SOGS PA'I SMAN DANG BSKOL BA'I TIL MAR GYIS KYANG BSKU ZHING MNYE BAR BYA'O, ,SKYER PA SHING MNGAR CHU YIS NI, ,BKRU DANG BSKU BA BSTEN PAR BYA, ,ZHES BYA BA LA, DE BZHIN DU SKYER PA DANG SHING MNGAR BSKOL BA'I CHUS BKRU BA DANG DRIL PHYIS LA SOGS PA BYA'O, ,ZLA BA BRGYAD PAR MA DANG BU, ,THANG RE RIM GYIS GZI MDANGS 'PHO, ,DE YIS DE GNYIS ZHUM DGAR 'GYUR, ,BYIS MDANGS MA LA MI GNAS PAS, ,DE TSE BTZAS NA MI 'TSO LA, ,BUD MED THE TZOM BCAS SKABS 'GYUR, ,ZHES BYA BA LA, ,ZLA BA BRGYAD PA'I TSOGS LA BAB PA DANG, MA DANG MNGAL NA GNAS PA'I BU GNYIS THANG RE YANG DANG YANG DU RIM GYIS LUS ZUNGS THAMS CAD KYI DANGS MA'I BCUD PHAN TSUN 'PHOS TE, PHYED 'GA' NI MA LA 'PHO, PHYED 'GA' NI BU LA 'PHO'O, ,DE LTAR MDANGS 'PHO BA DES MA DANG BU GNYIS KYI LUS ZHUM PA DANG DGA' BAR 'GYUR TE, GANG
GI TSE MDANGS DE MNGAL GYI BU LA 'GYUR NA DE'I TSE MNGAL NA GNAS PA NI DGA' ZHING MDANGS CAN DU 'GYUR LA, SBRUM MA NI LUS ZHUM PAR 'GYUR RO, ,GANG GI TSE DANGS MA DE LA MNGAL 'PHOS PA DE'I TSE MA NI DGA' BAR 'GYUR LA, BU NI ZHUM PAR 'GYUR RO, ,YANG DUS DE'I CHO BYIS PA BCAS NA'ANG MI 'TSO'O, ,CI'I PHYIR ZHE NA, BYIS PA'I MDANGS MA'I MNGAL NA MI GNAS SHING BRTAN POR MA GYUR PA'I PHYIR RO, ,DE LTAR 'PHOS PA DE'I TSE BTZAS NA BUD MED KYI SROG NI THE TZOM DANG BCAS PAR 'GYUR TE, 'TSO BAR 'GYUR BA'ANG SRID PA'I DON NO, ,'DIR NI 'O MA CAN BLUD CING, ,MNGAR BA'I SMAN DANG BSKOL BA YI, ,MAR GYI 'JAM RTZI GTANG BYA ZHING, ,PHYI SA RNYING PA DAG BYA'I PHYIR, ,LA PHUG SKAM DANG RGYA SHUG SKYUR, ,BSKA BA DANG NI BSKOL BA BSNGAGS, ,SHA TA PUshPA'I LDE GU NI, ,RGYAM TSA TIL MAR 'JAM RTZI GTANG, ,ZHES BYA BA LA, ZLA BA BRGYAD PA'I SKABS 'DIR SBRUM MA LA 'O MA DANG BSKOL BA'I NAS THUG BLUD PAR BYA'O, ,YANG ZLA BA BRGYAD PA'I SKABS 'DIR 'TSO BYED LA SOGS PA'I SDE TSAN DU GTOGS PA SMAN MNGAR BA'I LDE GU DANG BSKOL BA'I MAR GYI 'JAM RTZI GTANG BAR BYA'O, ,YANG ZLA BA BRGYAD PA'I SKABS 'DIR PHYI SA RNYING PA DAG BAR BYA BA'I PHYIR LA PHUG SKAM PO DANG, RGYA SHUG SKYUR PO DANG, SMAN BSKA BA DANG BSKOL BA'I MAR GYI 'JAM RTZI'AM, SHA TA PUshPA'I LDE GU RGYAM TSA DANG TIL MAR DU BCAS PA'I 'JAM RTZI GTANG BA BSNGAGS PA YIN NO, ,DE TSE ZHAG GCIG 'DAS PA NA'ANG, ,DUS SU BTZAS YIN DE PHAN CHAD, ,RLUNG GIS DKUR NI BKAG GYUR NA, ,LO YI BAR DU GNOD PA BYED, ,CES BYA BA LA, ZLA BA BRGYAD PA DE 'DAS NAS ZHAG GCIG LON PHAN CHAD KYANG BTZAS PA'I DUS YIN PAS, DE YANG BTZAS PA NI DUS SU BTZAS PA ZHES BYA LA, DE PHAN CHAD LO GCIG GI BAR DU RLUNG GIS MNGAL GYI GNAS SU BKAG CING 'BYUNG DU MI STER NA, GNOD PA'I NAD SKYED PAR BYED PA YIN NO, ,ZLA DGU LON NA SNUM BCAS PA'I, ,'BRAS CHAN SHA KHU BLUD PAR SNGAGS, ,SNUM MANG NAS THUG SBYIN PA'AM, ,SNGAR BSHAD PA YI 'JAM RTZI GTANG, ,ZHES BYA BA LA, SBRUM MA DE ZLA BA DGU BA LA BAB PA'I TSE, SHA LA SOGS
, ,PA'I SNUM DANG BCAS PA 'BRAS CHAN DANG MAR DANG SHA KHU BLUD NA PHAN ZHING BSNGAGS PA'AM, NAS THUG MAR MANG PO BTAB PA BYIN NA PHAN PA'AM, DE BZHIN BSHAD MA THAG PA'I SMAN MNGAR BA DANG BSKOL BA'I MAR GYI 'JAM RTZI GTANG BAR BYA'O, ,DE NYID LA BCUG LAS BAL NI, ,MTSAN MAR RTAG TU GZHUG PAR BYA, ,ZHES BYA BA LA, 'JAM RTZI SBYAR BA'I MAR DE NYID LA BCUG CING SPANGS PA'I RAS BAL GYI YE'U YANG SBRUM MA DE'I MO MTSAN DU GZHUG PAR BYA STE, DES NI RLUNG GI NAD SEL BAR 'GYUR RO, ,RLUNG 'JOMS LO MA BSKOL BA'I CHU, ,BSGRANGS PAS NYIN RE BKRUS PA PHAN, ,ZHES BYA BA LA, RLUNG 'JOMS PAR BYED PA'I SMAN SRO MA LA SOGS PA'I LO MA BRDUNGS PA BSKOL BA'I CHU BTZAGS PA BSGRANGS PAS NYIN RE ZHING BKRUS NA YANG SBRUM MA LA'ANG PHAN PA YIN NO, ,ZLA DGU PHAN CHAD LUS LA NI, ,SNUM MED PAR NI MI GZHAG GO, , ZHES BYA BA LA, SBRUM MA ZLA BA DGU PA LA BAB PA NAS BTZAS KYI BAR DU RTAG TU SNUM GYIS LUS LA BSKU BAR BYA ZHING, SNUM MED PAR GZHAG PAR MI BYA'O, ,NU ZHO G-YAS PA SNGAR BYUNG ZHING, ,G-YAS LOGS LA NI BRTEN PA DANG, ,'DRI TSIG SKYES PA'I MING CAN SMRA, ,DGA' ZHING RMI LAM SKYES PA MTHONG, ,DKU NI G-YAS PA MTHO BA DANG, ,MNGAL YANG KUN NAS ZLUM PA DAG ,BU SKYE, ZHES BYA BA LA, BUD MED GANG GI NU MA G-YAS PA'I NU ZHO SNGAR BYUNG BA DE LA NI BU SKYE BAR 'GYUR RO, ,DE BZHIN DU G-YAS LOGS LA BRTEN CING GNAS PA'AM, G-YAS NAS 'GRO BA RMI BA LA SOGS PA RMI BA DANG 'DRA BA'I TSIG SKYES PA'I MING CAN GYI DNGOS PO SMRA BA LA DGA' BA DANG, RMI LAM DU SKYES PA DANG GLANG PO CHE LA SOGS PA MTHONG BA DANG, DE BZHIN DU DKU G-YAS LOGS MTHO ZHING CHE BA DANG, DE BZHIN DU MNGAL KUN NAS ZLUM PAR GNAS NA BU SKYE BAR 'GYUR RO; ,GZHAN DU BU MOR 'GYUR, ,GANG YANG SKYES PA PHRAD 'DOD DANG, ,GLU GAR ROL MO LA DGA' DANG, ,DRI DANG PHRENG CHAGS BU MO SKYE, ,ZHES BYA BA LA, BU SKYE BA'I MTSAN NYID DANG MI MTHUN PA DE NI, GZHAN DU ZHES BYA BA LA, DE YANG DNGOS SU NU MA G-YON PA NAS DANG PO ZHO BYUNG BA LA
SOGS PA NI BU MO SKYE BA'I MTSAN NYID YIN NO, ,DE BZHIN DU GZHAN YANG SBRUM MA GANG SKYES PA DANG PHRAD CING 'DOD PA SPYOD CING LHAG PAR DGA' BA DANG, GAR LA SOGS PA LA DGA' BA DE YANG BU MO SKYE BAR 'GYUR RO, ,DE 'DRES PAS NI MA NING 'GYUR, ,DKU YI DBUS NI MTHO BA YIN, , ZHES BYA BA LA, DE ZHES BYA BA NI SKYES PA DANG BU MO SKYE BA'I MTSAN NYID GNYI GA LA SNYEGS TE, MTSAN NYID DE NYID 'DRES PA DANG LDAN PA'I BU NI MA NING DU BTZAS PAR 'GYUR RO, ,MA NING DE MNGAL NA GNAS PA'I TSE MA'I DKU'I PHYOGS SU DBUS MA MTHO ZHING CHE BAR 'GYUR RO, ,MTSE MA LOGS GNYIS MTHO BAS NA, ,LTE BA DMA' BAR 'DUG PA YIN, ,ZHES BYA BA LA, MTSE MA STE MNGAL NA GNAS PA'I SEMS CAN GNYIS SKYE BAR 'GYUR BA'I MTSAN NYID NI LOGS GNYIS MTHO BAS LTE BA'I PHYOGS DMA' ZHING LUNG PA LTAR 'DUG PA YIN NO, ,DGU PA'I DANG PO NAS BRTZAMS TE, ,SA PHYOGS SHIS SHING YO BYAD NI, ,PHUN TSOGS LDAN PA'I DGE BA'I ZHAG ,DE NI BTZAS KHYIM ZHUGS PAR BYA, ,ZHES BYA BA LA, ZLA BA DGU PA'I TSIGS KYI DANG PO NAS BRTZAMS TE, SBRUM MA DE BTZAS PA'I KHYIM GYI GNAS SU GNAS PAR BYA LA, KHYIM DE YANG DANG POR SA PHYOGS SHIS PA'I KHYIM PA'I DPYAD KYI CHO GA SHES PAS LEGS PAR BRTAGS PAR BRTZIGS PA DANG, YO BYAD DGOS PA GANG DAG YIN PA DE PHUN SUM TSOGS PA DANG LDAN PAR DGE BA'I ZHAG STE, GZA' DANG RGYU SKAR DANG BYED PA BZANG PO'I ZHAG LA DE KHANG PA DER GZHUG PAR BYA'O, ,DER NI BUD MED BTZA' MYONG BAS; ,BSKOR TE BTZA' BA'I DUS PAR BSDAD, ,CES BYA BA LA, GNAS DER BUD MED SBRUM MA DE SNGAR LAN MANG DU BTZA' MYONG ZHING, DE'I BYA BA LA MKHAS PA'I BUD MED RNAMS KYIS KUN NAS BSKOR TE GNAS LA BSDAD PAR BYA'O, ,DENG NGAM SANG NI BU BTZAS RTAGS, ,SNYOM ZHING DKU DANG MIG LHOD DUB, , SMAD DU LCI ZHING YI GA 'CHUS, ,MCHIL MA MANG ZHING GCIN MANG 'BYUNG, ,BRLA DANG RKED PA LTO DANG RGYAB, ,SNYING DANG CHU SO BRLA RTZA NA, ,MTSAN BYE NA ZHING ZUG BA DANG, ,'GUL ZHING 'DZAG PAR 'GYUR BA YIN, ,ZHES BYA BA LA, DE LTAR GNAS PA LAS DENG NGAM SANG BU BTZAS PAR 'GYUR BA
, ,DANG SHIN TU NYE BA'I RTAGS NI, SBRUM MA DE SNYOM ZHING RMYA LA DGA' BA CHUNG BA DANG, DKU DANG MIG LHOD CING RANG GI GNAS LAS 'GUL ZHING BSKYOD PA LTA BUR 'GYUR BA DANG, DRAG SHUL GYIS NGAL BA'I RGYU MED PAR DUB PAR 'GYUR BA DANG, LUS KYI RO SMAD LCI ZHING 'DEGS PAR DKA' BA DANG, YI GA 'CHUS SHING ZAS MI 'DOD PA DANG, BAD KAN DANG MCHIL MA KHA NAS 'DZAG PA MANG BA DANG, GCIN MANG PO 'BYUNG BAR 'GYUR BA DANG, DE BZHIN DU BRLA LA SOGS PA'I LAS KYI PHYOGS SU NA ZHING ZUG PA DANG, MTSAN BKAS PA LTAR 'BYED PA DANG, RGYUN MI 'CHAD PAR DE NA ZHING SKYE BA NYID LTAR ZUG PA DANG, MNGAL GYI SGO 'GUL BA DANG, BE'U SNABS DANG KHRAG LA SOGS PA 'DZAG PAR 'GYUR BA YIN NO, ,RANG DBANG MED 'GYUR RJES SU NI, ,DE 'OG MNGAL GYI CHU 'DZAG 'GYUR, ,ZHES BYA BA LA, LUS SNYOM PA NAS MTSAN 'BYE BA'I BAR RANG DBANG MED PAR 'GYUR BA'I NAD DU MA BYUNG BA'I RJES LA, DE'I 'OG TU MNGAL GYI CHU 'DZAG CING 'BYUNG BAR 'GYUR BA YIN NO, ,DE NAS MNGAL NAS LAS BYUNG RTZOM, ,BKRA SHIS BSRUNG BA'I CHO GA BYA, ,LAG PAR 'BRAS BU SKYES MING GZHAG ,LEGS BSKUS CHU NI DRON MO BLUGS, ,MAR DANG BCAS PA'I THUG PA BLUD, ,DE 'OG SA LA MAL BCAS 'DUG, ,BRLA GNYIS BKUG STE GAN RKYAL GNAS, ,YAN LAG YANG DANG YANG DU BSKU, ,LTE BA MAN CHAD MNYE BYA ZHING, ,GLAL DANG 'CHAG PA BYED DU GZHUG ,CES BYA BA LA, 'DIR DE NAS ZHES BYA BA'I SGRA NI BKRA SHIS PA'I DON DU GZUNG NGO; ,MNGAL NAS BYUNG BAR RTZOM PA NI, ,'BYUNG BA'I DUS DANG NYE BA'O, ,BKRA SHIS PA'I BSRUNG BA BYA BA NI, DPUNG PA LA SOGS PAR SRUNG SKUD GDAGS SHING BKRA SHIS PA'I CHO GA BYA BA DANG, LAG PAR 'BRAS BU SKYES PA'I MING DANG LDAN PA STAR GA DANG GLA GOR ZHO SHA LA SOGS PA GZHAG PA DANG, SNUM GYIS LEGS PAR BSKU BA DANG, RO SMAD DU CHU DRON PO BLUGS PA DANG, DE BZHIN DU MAR DANG BCAS PA'I NAS THUG BLUD PAR BYA'O, ,DE NAS DE'I 'OG TU SA LA MAL BCAS PAR 'DUG LA, BRLA GNYIS BKUG CING BSKUS LA GAN RKYAL DU GNAS PAR BYA BA DANG,
DE BZHIN DU RLUNG LDANG ZHING 'KHRUGS PA'I 'JIGS PA YOD PAS, DE YANG DANG YANG DU MNYE ZHING SNUM GYIS BSKU BAR BYA'O, ,LTE BA MAN CHAD BDE BAR MNYE BAR BYA BA DANG, GLAL DANG 'CHAG PA DAG KYANG BDE BAR BYED DU GZHUG GO, ,DE LTAS MNGAL GNAS THUR DU 'BYUNG, ,DE RTAGS SNYING GA LAS 'PHOS NAS, ,MNGAL GNAS LTO BAR ZHUGS NAS SU, ,CHU SO'I STENG NA GNAS PAR 'GYUR, ,ZHES BYA BA LA, LAS SU BYA BAR BSHAD PA 'DAS MA THAG PA DE LTA BUS MNGAL NA GNAS PA'I SEMS CAN DE STENG NAS THUR DU 'BYUNG ZHING 'GRO BA DANG, SNYING GA LAS 'PHOS TE CHU SO'I STENG DU GNAS PAR BYED DO, ,DE'I MTSAN NYID RTAGS NI SNYING GNAS 'PHOS SHING GNAS DE BOR NAS MNGAL NA GNAS PA DE LTO BAR ZHUGS TE RIM GYIS BABS NAS, CHU SO ZHES BYA BA LGANG PA'I THAD KAR GNAS PAR 'GYUR RO, ,DE NAS DBANG MED NAD LDANG STE, ,MYUR DU KHRI LA GZHAG PAR BYA; ,ZHES BYA BA LA, DE NAS BTZAS PA'I DUS SU BYUNG BA'I DBANG MED PA'I NAD DU MA DANG LDAN PA DE LA GONG MA DE DAG BYAS PA'I RJES LA SBRUM MA DE MYUR BA NYID DU KHRI'I STENG DU GZHAG PAR BYA'O, ,DE 'OG MNGAL GNAS LEGS BTZIR NAS, ,DE YIS MTSAN NI DBYE BAR BYA, ,ZHES BYA BA LA, DE NAS DE'I 'OG TU MNGAL NAS GNAS PA DE RIM GYIS THUR DU BTZIR NAS, DE'I MTSAN MO SNUM DANG SMAN BSKU BA LA SOGS PAS BYA BA NYID DU BSGRUB PAR BYA'O, ,DANG POR DAL GYIS BTZIR BYA ZHING, ,BTZAS KAR DRAG TU BTZIR BAR BYA, ,ZHES BYA BA LA, DANG POR MNGAL NA GNAS PA DE DAL BUS RIM GYIS BTZIR BAR BYA ZHING MNGAL NA GNAS PA DE 'BYUNG KHAR NI SHIN TU DRAGS PAR BTZIR BAR BYA'O, ,DE YANG MTSAN GYI SGOR PHYIN PAR GYUR PA NAS BTZAS KYI BAR DU SHIN TU BTZIR BAR BYA'O, ,DE NAS BU SKYE'I SGRA DANG NI, ,CHU DANG RLUNG GIS DGA' BA SKYED, ,BTZAS PA'I NAD KYIS GZIR PA YIS, ,SROG BRAL 'DRA BA SLAR GSO BYA, ,ZHES BYA BA LA, SBRUM MA DE BU 'BYIN PAR BYED PA NA BU SKYE BA'I SGRA YANG DANG YANG DU BRJOD PAR BYA STE, SKAL BA CAN GYI BU SKYES SO SKYES SO ZHES YANG DANG YANG DU SMRA BA LTA BU DANG, DE BZHIN DU CHU GRANG MO GTOR BA DANG, RLUNG YAB KYIS G-YAB
, ,BDAG GIS DE LA DGA' BA SKYED LA, BTZAS PAR GYUR PA'I NAD KYIS GZIR CING NYON MONGS PAR SROG DANG BRAL BA 'DRA BAR SNANG BA DE SLAR GSO ZHING DBUGS DBYUNG BAR BYA'O, ,MNGAL DU THOGS NA SBRUL NAG PO'I, ,PAGS PAS MO MTSAN BDUG PAR BYA, ,ZHES BYA BA LA, BU BTZAS PA NA MNGAL DU THOGS SHING 'BYUNG DKA' BAR GYUR BA NA, SBRUL NAG PO'I PAGS PA MER BSREGS PAS MO MTSAN BDUG PAR BYA'O, ,BYA RNU'I ME TOG RTZA BA'AM, ,LCAM PA'AM YANG NA BYI SHA LYA, ,RKANG BA'AM LAG PAR GDAGS PAR BYA, ,ZHES BYA BA LA, DE BZHIN DU MNGAL NAS BU MA THON PA LA, BU WARnA PUshPA ZHES BYA BA BYA RNU'I RTZA BA DANG, ME TOG DANG, LCAM PA DANG, BYI SHA LCAGS ZHES BYA BA GANG YANG RUNG BA RKANG PA'AM LAG PAR GDAGS SHING BCING BAR BYA'O, ,SHA MA DBYUNG BA'I PHYIR YANG NI, ,DE DAG NYID BYA DE NAS BTEG ,DPUNG PA GNYIS NAS BZUNG STE SBRUG ,RTING PAS MJUG TO BRDEG PA DANG, ,RKUB TSOS DAM DU BTZIR BAR BYA, ,SKRA YIS LKOG MA RKAN REG BYA, ,SNU HA'I 'O MA SPYI BOR BLUGS, ,ZHES BYA BA LA, BU MA PHYIN PA LA BYA BA'I CHO GA GANG YIN PA DE NYID NI, SHA MA THOGS TE MA PHYIN PA LA YANG DE DBYUNG BAR BYA BA'I PHYIR DE DAG NYID BYA BA DANG, GZHAN YANG BU BTZAS PA'I BUD MED DE DAL GYIS BTEG LA, DPUNG PA GNYIS NAS BZUNG STE SPRUG CING BSIG PAR BYA BA DANG, DE BZHIN DU RTING PAS BU BTZAS PA'I MJUG TOR BRDEG CING BSNUN PA DANG, DE BZHIN DU RKUB TSOS GNYIS NAS BZUNG STE DAM DU BTZIR ZHING MNAN PAR BYA'O; ,DE BZHIN DU BCAS PA'I SKRA'I TSOMS KYI LAN BU GCIG DRANGS TE, RNA BA DANG RKAN LA REG CING BYUG PAR BYA BA DANG, DE BZHIN DU SPYI BOR SHING SNU HA'I 'O MA BLUGS PAR BYA'O, ,STAG PA KU BA LANG+GA LI, ,SBRUL LPAGS RU RTA YUNGS KAR RNAMS, ,RE RE'AM GNYIS SAM MA LUS PAS; ,MO MTSAN BYUG PA'AM BDUG PAR BYA, ,ZHES BYA BA LA, STAG PA LA SOGS PA'I SMAN SNA RE RE'AM GNYIS GNYIS SAM THAMS CAD DANG BSRES PA CHU BTAGS SU BYAS PAS BYUG PAR BYA BA'AM, DE DAG ME LA BSREGS PA'I DUD PAS BDUG PAR BYA'O, ,KU BA NI KHA BO'O, ,LANG+GA LI NI BYI SHA LYA'O, ,
RU RTA'AM BAL BU'I LDE GU NI, ,CHANG DANGS DANG NI BLUD PAR BYA, ,KU LANGTHA'AM BAL BA DZA, ,CHANG RNYING DAG LA BTAB STE BLUD, ,CES BYA BA LA, RU RTA DANG BAL BU'I LO MA CHU 'THAGS SU BTAGS PA'I LDE GU CHANG GI DANGS MA DANG BSRES TE BUD MED DE LA BLUD NA YANG SHAM PHYIN PAR 'GYUR RO, ,YANG NA LDE GU DE NYID RGYA SRAN KU LANGTHA BTZOS PA'I KHU BA'AM BAL BA DZA'I KHU BA RNYING PA'I NANG DU BTAB STE BLUD NA YANG SHA MA PHYIN PAR 'GYUR RO, ,SHU TI YUNGS KAR ZIR DANG, ,SHI KRU TIG SNA KRU TRUG TRES, ,SHING KUN RU RTA PO SON CHA, ,'O MA BA GCIN YUNGS MAR DANG, ,BSKOL BA BSHANG BA'I SGO'AM NI, ,MO MTSAN NAS NI 'JAM RTZI BTANG, ,ZHES BYA BA LA, SHU TI STE SHA TA PUshPA LA SOGS PA'I SMAN RNAMS LDE GUR BTAGS PA DANG, 'O MA DANG BA GCIN GNYIS KA DANG, SMAN LDE GUR BYAS PA LA YUNGS MAR DANG BSKOL BA'I SMAN MAR DE BSHANG BA'I SGO'AM, MO MTSAN NAS 'JAM RTZI BTANG NA YANG SHA MA PHYIN PAR 'GYUR RO, ,SHU TI CHU DAG RU RTA DANG, ,YUNGS KAR PI PI LING LDE GU; ,SNUM DANG LAN TSVAR BCAS PA YI, ,MAS GTONG SHA MA MYUR DU 'BYIN, ,ZHES BYA BA LA, YANG SHU TI LA SOGS PA SMAN LDE GUR BYAS PA SNUM DANG LAN TSVA DANG BCAS PA'I SMAN GYI NI RU HA MAS GTONG NA YANG SHA MA MYUR DU 'BYIN PAR BYED PA YIN NO, ,DER THOGS RGYU NI RLUNG YIN TE, , DE BCOM SHA MA MYUR DU 'BYUNG, ,ZHES BYA BA LA, GANG GI PHYIR SHA MA DE THOGS SHING MA PHYIN PA'I RGYU NI RLUNG YIN LA, DE BAS NA RLUNG DE SMAN DANG SNUM GYI CHO GA LA SOGS PAS BCOM NAS SHA MA MYUR DU 'BYUNG BAR 'GYUR TE, DE BAS RLUNG GZHOM PA'I PHYIR 'JAM RTZI GTANG BAR BYA'O, ,YANG NA LAG BKRUS SEN MO BREGS, ,MKHAS PA YIS NI DRANGS TE DBYUNG, ,ZHES BYA BA LA, YANG NA SHA MA DE'I BYA BA LA MKHAS PA'I BUD MED LAG PA SNUM GYIS BSKUS SHING SOR MO LEGS PAR BREGS PAS MNGAL GYI SGO NAS DRANGS TE DBYUNG BAR BYA'O, ,SHA MA BYUNG NA MO MTSAN DANG, ,YAN LAG TIL MAR GYIS BYUGS MNYE, ,ZHES BYA BA LA, THABS DE DAG GIS SHA MA PHYIN PAR BYAS PA'I 'OG TU MO MTSAN TIL MAR GYIS BSKUS TE MNYE BA DANG, YAN LAG RNAMS KYANG TIL MAR GYIS BSKU ZHING MNYE BAR BYA'O, ,MNGAL NAD GZER NI CHU SO MGO, ,LTO BA GZER LA THAL SMAN
, ,NI; ,RNON PO ZHIB TU BTAGS PA DAG ,MAR RAM CHU TSAN SBYAR BA BLUD, ,CES BYA BA LA, BU BTZAS PA'I TSE SKYE BA'I MNGAL NAD MGO DANG CHU SO DANG LTO BAR GZER BA'I BDAG NYID CAN, MA KA LA ZHES BYA BA LA, THAL SMAN RNON PO ZHIB TU BTAGS PA MAR RAM CHU TSAN DANG SBYAR TE DE BLUD PAR BYA'O, ,'U SU BSKOL CHU BU RAM DANG, ,TSA GSUM DRI BZANGS GSUM BTAB BLUD, ,CES BYA BA LA, YANG NA 'U SU BSKOL BA'I CHU LA BU RAM DANG TSA BA GSUM DANG STE, PI PI LING DANG, NA LE SHAM DANG, BCA' SGA DANG, DRI BZANG GSUM PO SHING TSA DANG, GAN DHA BHA DRA DANG, SUG SMEL BTAB PA BLUD PAR BYA STE, DE YANG TSA BA GSUM DANG DRI BZANGS GSUM ZHO GNYIS, BU RAM ZHO GNYIS SBYAR BA GTANG BAR BYA'O, ,ZHES SMAN PA RGAN PO DAG ZER RO, ,DE NAS BYIS PA'I NYER SPYOD KYIS, ,BYIS PA MA MAS SKYONG DU GZHUG ,CES BYA BA LA, DE NAS DE'I 'OG TU DE LAS GZHAN PA'I BUD MED MA MAR BYAS PA LA BYIS PA SKYES MA THAG GTAD DE, DES KYANG BYIS PA GSO BA'I NYE BAR SPYOD PA'I CHO GA DAG GIS BSKYANG ZHING GSO BAR BYA'O, ,BU BTZAS BKRES YOD TIL MAR DANG, ,MAR LAS TSAD CHEN BLUD BYA BA, ,TSA BA LNGA'I PHYE RAN BTAB SBYIN, ,DE 'OG BU RAM CHU DRON NAM, , RLUNG 'JOMS SMAN BSKOL CHU BLUD DE, ,DES NI RLUNG NAD LDANG MI 'GYUR, ,KHRAG NGAN DAG KYANG DAG PAR BYED, ,RIM 'DI ZHAG NI GNYIS GSUM BYA, ,ZHES BYA BA LA, DE LTAR BU BTZAS PA'I BUD MED DE BKRES SHING BRU BA TSA BA YOD PAR GYUR NA, TIL MAR RAM MAR GANG DANG 'PHROD CING GOMS PA LAS, SNGAR SNUM GYI SKABS BSHAD PA'I TSAD CHEN PO GANG NYIN ZHAG GCIG GI THUN BRGYAD KYIS 'JU BAR 'GYUR BA DE BLUD PAR BYA'O, ,DE YANG TSA BA LNGA'I PHYE MA RAN TZAM BTAB PA SBYIN PAR BYA LA, DE'I 'OG TU BU RAM DANG CHU BSKOL BA BLUD PA'AM, RLUNG 'JOMS PA'I SMAN RTZA BA BCU PA LA SOGS PA DANG, BSKOL BA'I CHU BLUD PAR BYA'O, ,RNAM PA DE LTA BU'I CHO GA BYAS PA DES NI RLUNG NAD LDANG ZHING 'KHRUGS PAR MI 'GYUR BA DANG, DE BZHIN DU KHRAG NGAN PA DANG BCAS PA DAG KYANG DAG CING MED PAR BYED BAR GYUR TE, RIM PA 'DIS NI ZHAG GNYIS SAM GSUM GYI BAR DU BYA BA YIN NO, ,SNUM MI 'PHROD LA CHO GA 'DI, ,SNUM MED
PAR NI BSTEN PAR BYA, ,ZHES BYA BA LA, SNUM GYI CHO GA DANG MI 'PHROD PA'AM, BSTEN PAR MI NUS PA LA, TSA BA LNGA LA SOGS PA'I CHO GA BSHAD MA THAG PA 'DI SNUM DANG MA SBYAR BAR SMAN GYI CHO GA 'BA' ZHIG BSTEN ZHING GOMS PAR BYA'O, ,'THUNGS NAS LTO BA TIL MAR DANG, ,MAR BSKUS NAS NI GOS KYIS DKRI, ,ZHES BYA BA LA, BU BTZAS PA DES SMAN GYI SBYOR BA DE 'THUNGS ZIN PA DANG, DE'I LTO BA MAR DANG TIL MAR GYIS BSKU BYUG BYAS LA, DE'I 'OG TU GOS KYIS DKRI BAR BYA STE, DE LTA BUS NI RLUNG GI NAD KYIS SKABS MI RNYED PA'I PHYIR KHONG BAR GNOD PA SKYED PAR MI 'GYUR RO, , ZHU NAS KHRUS BYAS THUG PA NI, ,SNGAR BSHAD SMAN DANG BSKOL BA BLUD, ,CES BYA BA LA, SNUM ZHU ZIN PA DANG, CHU DRON POS KHRUS BYAS LA, NAS THUG SNGAR BSHAD PA'I SMAN TSA BA LA RLUNG 'JOMS PA'I SMAN GZHAN DAG DANG BSKOL BA BLUD PAR BYA'O, ,ZHAG GSUM PHAN CHAD BI DA RI, , LA SOGS SMAN SDE'I KHU BAR BSKOL, ,NAS THUG PHAN ZHING SNUM MANG BA'AM, ,GOMS PA'I DBANG LAS 'O THUG BLUD, ,ZHAG BDUN PHAN CHAD DE LA NI, ,RIM GYIS BRTA BA'I CHO GA PHAN, ,ZHES BYA BA LA, ZHAG GSUM 'DAS PA'I RJES LA YANG BTZAS PA DE LA RIM GYIS ZAS KYI CHA BSTEN PAR BYA'I, MOD LA THA MAL PA LA MI DBAB STE, DE YANG DE LA KHA ZAS DANG SMAN BRTA BAR BYED PA DAG SBYIN ZHING, BI DA RI LA SOGS PA'I SDE TSAN DANG BSKOL BA'I NAS THUG GAM, 'O THUG SHIN TU SNUM MANG PO BTAB PA BLUD LA, DE YANG GOMS PA'I DBANG LAS NAS THUG GAM, 'BRAS KYI 'O THUG GANG YANG RUNG BA BLUD PAR BYA'O, ,ZHAG NI BCU GNYIS MA LON PAR, ,SHA NI SBYIN PAR MI BYA'O, ,ZHES BYA BA LA, ZHAG BCU GNYIS MA RDZOGS KYI BAR DU BU BTZAS PA'I BUD MED LA SMAN PAS SHA SBYIN PAR MI BYA'O, ,ZHAG BCU GNYIS 'DAS PA'I 'OG TU NI SROG CHAGS SKAM SA NA GNAS PA'I SHA KHU LA SOGS PA ME DROD KYI TSAD LAS LTOS TE RIM GYIS SBYIN PAR BYA'O, ,MNGAL DU 'PHEL DANG BTZAS PA'I NAD, ,GSHER DANG KHRAG 'DZAG BTZIR BA YIS, ,NAD DE GSO DKA' YIN PA'I PHYIR, ,BTZAS TSE 'BAD DE RIM GRO BYA, ,ZHES BYA BA LA, 'DIR BU BCAS
, ,PA'I BUD MED NI SHIN TU 'BAD PA DANG LDAN PAS RIM GRO BYA ZHING GSO DGOS TE, GANG GI PHYIR MNGAL DU 'PHEL BAS LUS ZUNGS ZAD CING, LHOD PAR BYAS PA NYID DANG, DE BZHIN DU BTZAS PA'I NAD 'DREN CING 'BYIN PAR BYED PA'I NAD DANG, GSHER BAG DANG, KHRAG 'DZAG PA DANG, DE BZHIN DU PAGS PA LA SOGS PA BTZIR ZHING MNYES PAS BU BTZAS PA'I BUD MED KYI LUS NI KHYAD PAR DU YANG GSOG DANG KHONG STONG LTA BU YIN PAS, BTZAS PA'I NAD NI SHIN TU GSO ZHING BTZAS PAR DKA' BA'AM, GSOR MI RUNG BA LTA BU YIN PAS, DE'I PHYIR JI SKAD DU BSHAD PA'I CHOGS 'BAD DE GSO ZHING RIM GRO BYA'O, ,DE LTAR ZLA BA PHYED DANG GNYIS, ,KHA ZAS BSDAMS SOGS DANG BRAL NAS, ,BTZAS PA'I MING DANG BRAL BA'AM, ,ZLA MTSAN BYUNG BAR GYUR BAR DU'O, ,ZHES BYA BA LA, RNAM PA DE DAG GIS BTZAS PA'I DUS DE 'DAS PAR GYUR PA DANG, RIM GYIS ZLA BA PHYED DANG GNYIS LON PA'I 'OG TU KHA ZAS MI MTHUN PA BSDAMS PA LA SOGS PA DANG BRAL ZHING SPANGS NAS BTZAS PA'I MING MED PAR 'GYUR TE, BU BTZAS PA ZHES BYA BA'I MING DANG BRAL BAR 'DOD DO, ,YANG DRANG SRONG LA LA DAG NI YANG ZLA MTSAN BYUNG ZHING MTSAN NAS 'DZAG PAR GYUR GYI BAR DU BUD MED BTZAS PA ZHES BYA LA, DE PHAN CHAD DE'I MING MED DO ZHES ZER RO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NYE BAR SBYAR BA LAS, LUS KYI GNAS LE'U DANG PO'I RNAM PAR 'GREL PA'O,, ,,DE NAS LUS KYI RUM DU ZHUGS PA'I NAD KYI BYE BRAG BSHAD PAR BYA'O, ,ZHES BYA BA LA, 'DI BRTZAMS PA'I 'GREL PA NI 'DI YIN TE, BYIS PA RUM DU CHAGS SU ZIN KYANG SPANG BAR BYA BA'I ZAS DANG SPYOD LAM DANG SMAN GANG YIN PA SBRUM MAS BSTEN NAS, DES MNGAL GYI GNAS NA GNAS PA LA NAD 'BYUNG BA'AM 'CHI BAR 'GYUR BA YIN PAS NA, DE GSO BAR BYA BA'I PHYIR 'DI BRTZAMS PA YIN NO, ,SBRUM MAS SPANG BAR BYA BA DAG ,BSTEN PA'AM NAD KYI DBANG LAS NI, ,ZLA MTSAN BYUNG BA'AM GZER ZHING NA, ,PHYI NANG SNUM DANG BSIL THABS BYA, ,ZHES BYA BA LA, BUD MED SBRUM MAS SPANG BAR BYA BA'I
DNGOS PO NYAL PO BSTEN DRAGS PA DANG, NGAL DUB LA SOGS PA BSTEN PA'AM, NAD KYI DBANG LAS ZLA MTSAN BYUNG ZHING KHRAG 'DZAG PAR 'GYUR BA'AM, YANG NA CHU SO'I NGOS GNYIS DANG, MJUG DO DANG MO MTSAN GYI SGO LA SOGS PAR GZER ZHING NA BAR GYUR NA, DE'I TSE LUS KYI PHYI NANG SNUM ZHING BSIL BA'I THABS SU BYA STE, ZAS DANG SKOM DANG BSKU BA LA SOGS PAS SNUM PA DANG BSIL BA'I BAG SBYAR BAR BYA'O, ,AU SHIR PADMA TZANDAN DANG, ,'O MA CAN SHING SHUN PA YI, ,LDE GUR MAR NI BSKU BA DANG, ,RAS BAL SPANGS PA BSHANG SGO DANG, ,MO MTSAN GNYIS SU THEM BUR GZHUG ,CES BYA BA LA, AU SHI RAL SOGS PA'I SMAN RNAMS LDE GUR BYAS PAS BYUGS SHING SHIN TU SPANGS PAR BYAS PA'I RAS BAL GYI THEM BU BSHANG SGO DANG MO MTSAN GNYIS SU GZHUG CING NYE BAR GZHAG PAR BYA'O, ,TSIG GI DON NI GO BAR ZAD DO, ,LAN BRGYAR BKRUS PA'I MAR GYIS NI, ,BSKU BA'AM BUD MED DE YI LUS, ,AU SHIR LA SOGS CHU NANG GZHUG ,CES BYA BA LA, LAN BRGYAR ZHES BYA BA'I SGRA NI LAN MANG DU BYA BA'I SGRA NYE BAR MTSON PA YIN PAR SHES PAR BYA STE, DE YANG CHU'I NANG DU LAG PAS YANG DANG YANG DU MNYES PA'I MAR GYIS BUD MED KYI LUS BSKU ZHING BYUG PA DANG, DE'I CHU DE AU SHI RAL SOGS PA'I CHUR DE GZHUG CING LUS NUB PAR BYA'O, ,KHA RA SBRANG RTZI KU MU TA, ,PADMA AUTPAL GE SAR NI, ,'O MA'I MAR SBYAR KA SHE RU, ,SHRiNG GA TA KA SBYIN PAR BYA, ,ZHES BYA BA LA, 'O MA BSRUBS PA LAS BYUNG BA'I MAR NI 'O MA'I MAR TE, KHA RA DANG SBRANG RTZI LA SOGS PA DANG LDE GUR BYAS LA BZA' BAR BYA BA DANG, DE BZHIN DU SMAN SHRiNG GA TA KA DANG, KA SHE RU DAG DANG BZA' BAR SBYIN PAR BYA'O, ,GANDHA PRI YANG KU DANG NI, ,CHU SKYES RNAMS KYI RTZA BA DANG, ,AU DUMW'A RA GZHON NU DANG, ,LDAN PA'I 'O MA SKOM DU BLUD, ,CES BYA BA LA, DE BZHIN DU GANDHA PRI YANG KU LA SOGS PA'I SMAN GYI LDE GU'AM, PHYE MA 'O MAR BCUG PA'AM, PRI YANG KU LA SOGS PA DANG LHAN CIG BSKOL BA'I 'O MA BLUD PAR BYA STE, CHU SKYES KYI RTZA BA NI AUTPA LA SNGON PO LA SOGS PA'I RTZA BA'O, ,AU DUMW'A RA GZHON NU NI AU DUMW'A RA'I 'BRAS BU MA SMIN PA CHUNG BA'O, ,S'A LU'I RTZA BA KA KO LA, ,BA LA GNYIS
, ,DANG SHING MNGAR DANG, ,BU RAM SHING DANG BSKOL BA YI, ,'O MA S'A LU RTZA SNAR CHAN, ,SBRANG RTZI KHA RAR BCAS PA NI, ,SKOM SA'I SHA KHU LDAN PAR BZA', ,ZHES BYA BA LA, S'A LU'I RTZA BA LA SOGS PA'I SMAN 'O MA'I NANG DU BTZOS PA'I 'O MA DANG 'BRAS S'A LU'I RTZA SNAR GYI CHAN SBAG CING BZA' BAR BYA'O, ,BA LA GNYIS NI BA LA DANG, AA TI BA LA'O, ,YANG NA NUS PA BSIL BA DANG LDAN PA SBRANG RTZI DANG, KHA RA DANG BCAS PA'I S'A LU RTZA SNAR GYI CHAN SKAM SA'I SHA KHU DANG LDAN PA CUNG ZAD BZA' BAR BYA'O, ,KHRUS SMAN MA GTOGS KHRAG MKHRIS KYI, ,GSO DPYAD BSHAD PA THAMS CAD BYA, ,ZHES BYA BA LA, KHRUS SMAN GYI SBYOR BA MA GTOGS PA KHRAG DANG MKHRIS PA GSO BA'I DPYAD DU BSHAD PA'I BYA BA PHYI NANG NAS BYA BA GANG YIN PA THAMS CAD BYA STE, DE NAS BKRU SMAN BTANG BA DANG, SLON SMAN BTANG BA MA GTOGS PA KHRAG GSO BA'I CHO GA THAMS CAD BYA'O, , ZLA GSUM MA TSANG BAR DU NI, ,KHRAG DGAG PHYIR NI 'BAD PAR BYA, ,ZHES BYA BA LA, ZLA MTSAN BYUNG BA DE LA ZLA BA GSUM MA TSANG GI BAR DU KHRAG DGAG PA'I CHO GA GONG DU SMOS PA DE DAG 'BAD PAS BYA STE, DE'I TSE SHIN TU SNYI ZHING SNYING PO MED PA'I PHYIR, DE'I TSE PHAL CHER MNGAL DU MI 'CHAGS PAR 'GYUR RO, ,BE'U SNABS LDAN PA'ANG DGAG PAR BYA, ,ZHES BYA BA LA, DE BZHIN DU BE'U SNABS DANG LDAN PA LA YANG DGAG PA'I CHO GA BYA STE, 'DIR ZLA BA GSUM RDZOGS PA YAN CHAD MNGAL DU LEGS PAR CHAGS PA YIN PAS DGAG PA'I TSUL GYIS GSO BAR BYA'O, ,'DI'I GSO BA NI MI MTHUN BA YIN TE, BE'U SNABS KYI GSO BA NI RTZUB PA DANG, RNO BA DANG, KHA BA LA SOGS PA YIN MOD KYI, DE KHRAG GI GSO BA DANG MI MTHUN LA, KHRAG GI GSO BA MNGAR BA DANG, BSIL BA LA SOGS PA BSTEN PA NI BE'U SNABS DANG MI MTHUN PA YIN PAS, DE'I KHYAD PAR GYI GSO BA SMRAS PA NI, DER NI BSEL PHAN RTZUB PA DANG, ,SMYUNG DANG GLA SGANG AU SHI RA, ,SLE TRES 'U SU AA RA LA, ,BYI TSER DANG NI PAR PA TA, ,TZANDAN PA LA BONG NGA DKAR, ,BSKOL BA'I CHU NI BLUD BAR BYA, ,RTZVA 'BRU LAS G-YOS ZAS SBYIN DANG, ,MUNGGA SOGS KHUS BE'U SNABS NI, ,BSAL LA SNUM SOGS SNGON BZHIN GTANG, ,ZHES
BYA BA YIN TE, BE'U SNABS RIGS KYI NAD BE'U SNABS CAN DE LA NI ZAS DANG SKOM LA SOGS PA BSIL BA BSKU ZHING BTUNG BAS PHAN PA DANG, DE YANG RTZUB STE RNO BA DANG BSKA BA LA SOGS PA DANG LDAN PA DANG, DE BZHIN DU SMYUNG BAR GNAS SHING ZAN BCAD PA DANG, DE BZHIN DU GLA SGANG LA SOGS PA'I SMAN DANG BSKOL BA'I CHU BLUD PA PHAN PA YIN PAS DE BSKOL BA'I CHU BLUD PAR BYA'O ZHES BYA BA YIN NO, ,AA RA LA NI KA TANG GA'O, ,GZHAN DAG NI GO BAR ZAD DO, ,RTZVA 'BRU NI CI TZE DANG KHRE LA SOGS PA STE, DE DAG GI CHAN MUNGGA LA SOGS PA'I KHU BA DANG SBAGS PA SBYIN PAR BYA'O, ,SOGS PA'I SGRAS NI SRAN MA TZA NA KA DANG, SRAN CHUNG DANG, SRAN MA LA SOGS PA'I GONG BU'I 'BRU RNAMS KYI KHU BA BSDU'O, ,DE LTAR BE'U SNABS BSAL ZHING MED PAR BYAS NAS, SNGA MA BZHIN DU SNUM DANG DRO BA LA SOGS PA PHYI DANG NANG NAS GTANG BAR BYA'O, ,MNGAL NI RNAM PAR 'JIG GYUR NA, ,MNGAL NANG DAG PAR BYA PHYIR DANG, ,NAD KYIS GZIR BA MI DRAN PHYIR, ,CHANG RNO CI NUS BTUNG BAR BYA, ,ZHES BYA BA LA, MNGAL MA SMIN PAR 'JIG CING ZAGS PAR GYUR NA, CHANG GANG YANG RUNG BA LAS CHANG RNON PO BTUNG BAR BYA LA, DE YANG CI TZAM NUS SHING YOG PA BTUNG BAR BYA'O, ,CI'I PHYIR BTUNG ZHE NA, MNGAL GYI NANG NAS NYES PA DAG CING SBYANG BAR BYA BA'I PHYIR DANG, NAD KYIS GZIR BA MI DRAN CING BRNAGS NUS PA'I PHYIR RO, ,DE NAS RTZA BA LNGA PO NI, ,CHUNG NGU'I THUG PA RTZUB DE BLUD, ,CES BYA BA LA, DE LTAR CHANG 'THUNGS PA'I RJES LA, RTZA BA CHUNG NGU LNGA PO BRI HA TI LA SOGS PA DANG BSKOL BA'I THUG PA RTZUB CING SNUM MED PA'I NAS THUG BLUD PAR BYA'O, ,CHANG MI 'THUNG LA THUG PA NI, ,TSA BA LNGA DANG BSKOL BA DANG, ,BIL BA LA SOGS LNGA DANG BSKOL, ,TIL DANG RTZA 'BRU'I CHAN SBYIN BYA, ,ZHES BYA BA LA, GANG CHANG 'THUNG BAR MI BYED PA'I BUD MED DE MNGAL 'JIG PAR GYUR NA, TSA BA LNGA'I LDE GU DANG SBYAR TE BSKOL BA DANG, BIL BA LA SOGS PA RTZA BA CHEN PO LNGA BSKOL BA'I KHU BA DANG BCAS PA'I TIL DANG, RTZVA 'BRU'I CHAN SBYIN PAR BYA'O, ,ZLA BA DANG MNYAM NYIN ZHAG RIM, ,MNGAL 'JIG PA LA THUG SOGS SBYIN, ,ZHES BYA BA LA, MNGAL 'JIG PA'I BUD MED LA, ZLA BA DU
, ,LON NAS MNGAL 'JIG PAR GYUR PA'I GRANGS DANG NYIN ZHAG GI GRANGS SU SBYAR TE, ZHAG DE SRID KYI BAR DU THUG PA LA SOGS PA SBYIN PA'I CHO GA BYA'O, ,YANG ZHING SNUM DANG LAN TSVA MED, ,DROD SKYED LDAN LA PHAN PA YIN, ,ZHES BYA BA LA, THUG PA DE YANG RDZAS RANG BZHIN GYIS YANG BA DANG, TSAD CHUNG BAR BYAS PA YANG BAR BYA BA DANG, SNUM BAG DANG LAN TSVA MED PA DANG, DROD SKYED PA'I SMAN TSA BA LNGA DANG, NA LE SHAM LA SOGS PA BTAB PA DAG DE LA PHAN PA YIN NO, ,NAD DANG LUS ZUNGS LJAN LJIN NI, ,BSKAM PHYIR CHO GA 'DI BYA'O, ,ZHES BYA BA LA, GONG DU BSHAD PA'I CHO GA BYAS PA 'DI NI RLUNG LA SOGS PA'I NAD RNAMS DAG CING SBYANG BAR BYA BA'I PHYIR DANG, DE BZHIN DU MNGAL GYI LJAN LJIN BSNYOM PAR BYA BA'I PHYIR BYA BA YIN NO, ,DE PHAN CHAD ZAS SNUM 'JAM RTZI, ,STOBS SKYED DROD SKYED 'TSO BYED SBYIN, ,ZHES BYA BA LA, CHO GA DE DAG BYAS PA'I 'OG TU KHA ZAS SNUM BAG DANG, NI RU HA SNUM CAN DANG, 'JAM RTZI DANG STOBS LA SOGS PA SKYED PA 'TSO BYED KYI SDE TSAN DANG 'O MA LA SOGS PA SBYIN PAR BYA'O, ,SNYING POR LDAN PAS CHER SKYES LA, ,MO MTSAN NAS NI KHRAG 'DZAG PAS, ,MNGAL DU SKYE BAR MI NUS LA, ,LTO NA 'GUL DANG BCAS PAR GNAS, ,DE NI SO NA GNAS ZHES BYA, ,DES NI LTO BA RGYAS MI 'GYUR, ,ZHES BYA BA LA, MNGAL NA GNAS PA GANG SNYING PO DANG LDAN ZHING DNGOS PO THAMS CAD KYI STOBS THOB LA RGYAS SHING CHER SKYES PA GYUR PA NA, SBRUM MAS SPANG BAR BYA BA MA SPANGS PAS MO MTSAN NAS KHRAG 'DZAG CING ZLA MTSAN BYUNG BAR GYUR NA, CHER SKYES ZHING 'PHEL BAR MI NUS PA LTO BA NAS 'GUL ZHING G-YO BA DANG BCAS PAS GNAS PAR 'GYUR LA, DE LTA BU'I MNGAL DE NI SO NA GNAS PA ZHES BYA'O ZHES DRANG SRONG RNAMS KYIS BSHAD DE, RGYU DES NA SBRUM MA LTO RGYAS SHING 'PHEL BAR 'GYUR RO, ,MYA NGAN SMYUNG DANG RTZUB SOGS SAM, , YANG NA MNGAL NAS KHRAG 'DZAG PAS, ,MNGAL DU SKYE BAR MA NUS LA, ,RLUNG 'KHRUGS SKEM ZHING SKAMS GYUR PA'I, ,MNGAL DE KLU YI LTO ZHES BYA, ,'DIR NI LTO BA RGYAS GYUR KYANG, ,'GRIB CING RING ZHIG LON NA 'PHAR, ,ZHES BYA BA LA, MYA NGAN LA SOGS PA RLUNG NAD LDANG BAR GYUR
PA'I RGYUS RLUNG NAD 'KHRUGS SHING LDANG BAR GYUR PA'AM, YANG NA MNGAL NAS KHRAG SHAS CHER 'DZAG PAS KYANG RLUNG NAD 'KHRUGS SHING SKYE BAR 'GYUR TE, DES NI MNGAL NA GNAS PA DE SKEM ZHING NYAM CHUNG BA'AM, YANG NA BSKAMS PAR GYUR PAS YONGS SU 'GRIB PAR 'GYUR TE, DE LTA BU'I MNGAL GYI GNAS SKABS DE NI KLU'I LTO ZHES BYA BAR BSHAD LA, KLU'I LTO ZHES BYA BA DE NANG NA GNAS NA LTO'AM KLU RGYAS PA LAS 'GRIB PAR 'GYUR BA DANG, DE'I TSE 'PHAR ZHING 'GUL BA YUN RING ZHIG NA CUNG ZAD 'PHAR BAR 'GYUR RO, ,DE GNYIS BRTA DANG RLUNG 'JOMS SMAN, ,MNGAR BA DAG DANG BSKOL BA YI, ,MAR DANG 'O MA TSIM SBYIN ZHING, ,SKYES MA THAG BA'I SHA SBYIN BYA, ,DE GNYIS KYIS NI TSIM BYA'I PHYIR, ,KHYOGS DANG BZHON PAR BSKYON TE BSKUL, ,ZHES BYA BA LA, SO NA GNAS PA DANG, KLU'I LTO ZHES BYA BA'I MNGAL GYI GNAS SKABS RNAM PA DE GNYIS LA MAR DANG 'O MAS TSIM ZHING NGOMS PAR BYAS LA, DE YANG RO TZA BAR BYED PA DANG RLUNG 'JOMS PAR BYED PA'I SMAN MNGAR BA RNAMS DANG BSKOL ZHING BTZOS PA SBYIN PAR BYA BA DANG, DE BZHIN DU MNGAL DE RGYAS PAR BYA BA'I PHYIR, RE'U LA SOGS PA BTZAS MA THAG PA'I SHA'AM, DE BZHIN DU MAR LA SOGS PA DE GNYIS KYIS TSIM ZHING NGOMS PAR BYA BA'I PHYIR, KHYOGS DANG, RTA DANG, GLANG PO LA SOGS PA'I BZHON PA LA BSKYON TE, SBRUM MA DE SHUGS KYIS DRANGS LA, RGYUN MI 'CHAD PAR BSKUL BAR BYA'O, ,SNGON PO ZHES BYA MI 'GUL LA, ,KHRA DANG BA LANG NYA SHA DANG, ,SGRA SGROGS BYA DANG RMA BYA YI, ,SHA KHU MAR NI MANG PO DANG, ,MON SRAN GRE'U DAG DANG NI, ,LA PHUG DAG GI KHU BA BLUD, ,CES BYA BA LA, MNGAL GYI GNAS NA, GNAS SKABS NANG NA MI 'GUL BA LA NI SNGON PO ZHES BYA STE, DE LA NI KHRA LA SOGS PA'I SHA KHU ZHUN MAR MANG PO BTAB PA DANG, DE BZHIN DU MON SRAN GRE'U DANG LA PHUG BSKOL BA'I KHU BA LA MAR MANG PO BTAB PA BLUD PAR BYA'O, ,BIL BA GZHON NU MA SHA TIL, ,PHYE DANG 'O MA SBYAR BA BLUD, ,CES BYA BA LA, YANG NA BIL BA GZHON NU LA SOGS PA THAMS CAD GCIG TU BYAS LA, 'O MA DANG SBYAR LA BLUD PAR BYA'O, ,BIL BA GZHON NU NI BIL BA'I 'BRAS BU
, ,MA SMIN PA GZHON NU LA BYA'O, ,TSIL BCAS SHA DANG SBRANG CHANG SBYIN, ,RKED PA BSKU BA BSTEN PAR BYA, ,ZHES BYA BA LA, PHYUGS GZHON BA'I TSIL DANG BCAS PA'AM, SBRANG RTZI'I CHANG NGAM, RGUN CHANG BYIN PAR BYA'O, ,DE BZHIN DU LTE BA'I GNAS SU TIL MAR GYIS BSKU ZHING BYUG PA YANG RGYUN DU BSTEN PAR BYA'O, ,'DIR RKED PA ZHES BYA BA NI NYE BAR MTSON PA TZAM DU ZAD DE, DE BAS NA CHU SO DANG BRLA DANG RTZIB LOGS DANG RGYAB THAMS CAD DU YANG BSKU BAR BYA'O, ,DE NI RTAG TU DGA' BSKYED, ,DE 'DRAS MNGAL NI 'PHEL BAR BYED, ,CES BYA BA LA, YANG SBRUM MA DE LUS THAMS CAD DU SKAD CIG MA RE RE ZHING CI NAS KYANG SEMS MGU ZHING DGA' BA SKYE BAR 'GYUR BA DE LTAR BYA STE, TSUL DE LTAR BYAS PAS NI MNGAL DE 'PHEL ZHING RGYAS PAR 'GYUR RO, ,RGYAS PA GZHAN DU LO TSANG NAS, ,DKA' BAS BTZAS PA'AM SKYE MI 'GYUR, ,ZHES BYA BA LA, MNGAL RGYAS PA DE JI SRID DU BSHAD PA LAS GO BZLOG PA'I TSUL DU BSTEN PAS NI, LO TSANG BAR GYUR NAS DKA' ZHING SDUG BSNGAL BA DANG BCAS PAS MNGAL GYI SGO NAS SKYE ZHING 'BYUNG BAR 'GYUR BA'AM, YANG NA SKYE BAR MI 'GYUR BAR MNGAL DE NYID DU GNAS PAR 'GYUR RO, ,SBRUM MA RTUG PA 'GAGS GYUR NA, ,SNUM MAM MTHUN PA'I 'JAM RTZI YIS, ,MYUR BA KHO NAR GSO BAR BYA, ,GZHAN DU SBRUM MA BU BTZAS 'CHI, ,ZHES BYA BA LA, GAL TE SBRUM MA RTUG PA 'GAGS PA'I NAD KYIS BTAB NA, SNUM GYI SBYOR BAS MYUR DU GSO BAR BYA BA DANG, DE BZHIN DU RJES SU MTHUN PA'I 'JAM RTZI GONG DU SMOS PA BTANG BAS GSO BAR BYA STE, GZHAN DU DE LTAR MA BYAS NA SBRUM MA BU DANG BCAS PA 'CHI BAR 'GYUR RO, ,MNGAL DU NAD RAB BSAGS PAS SAM, ,MI MTHUN PA'AM GNOD GZHAN GYIS, ,NANG DU SHIN LTO GRANG ZHIG, ,RENGS DANG SBO DANG NAD TSABS CHE, ,MNGAL MI 'GUL DANG MGO 'KHOR SKOM, ,DBUGS 'BYIN DGA' ZHING DUB PA DANG, ,DGA' BA MED CING MI 'GYUR DANG, ,DBANG MED NANG NI MANG PO 'BYUNG, ,ZHES BYA BA LA, MNGAL GYI GNAS SU RLUNG LA SOGS PA'I NAD RNAMS RAB TU BSAGS SHING NYE BAR 'PHEL BA'I NAD SHIN TU SOGS PA DE LAS MNGAL GYI GNAS SU ZHI BAR 'GYUR BA'AM, DE BZHIN DU MI MTHUN PA'I STE, JI SKAD
BSHAD PA'I NYAL PO DRAGS PA LA SOGS PA'AM, GNOD PA'I RKYEN GZHAN RANG BZHIN GYIS GNOD PA DANG, DUS KYIS GNOD PA DANG, TSAD CHES PA'I GNOD PA LAS GZHAN DAG BSTEN PA'AM, YANG NA SNGON GYI LAS NYE BAR BSAGS PA'AM, MI DGE BA MA DANG BUS BYAS PAS MNGAL GYI NANG DU SHI BA'I DUS BYED PAR GYUR NA, SBRUM MA'I LTO GRANG ZHING DROD MED PA DANG, RENGS SHING 'GYUR MI SHES PA DANG, SBO ZHING RKYAL PA DBUGS KYIS GANG BA LTAR GNAS PA DANG, NAD TSABS CHE ZHING TSOR BA DRAG POS GZIR BA DANG, DE BZHIN DU MNGAL GYI NANG NA G-YO ZHING 'GUL BA MED PAR GNAS PA DANG, MGO 'KHOR ZHING NA BA DANG, SKOM DAD CHE BA 'BYUNG BAR 'GYUR BA DANG, DE BZHIN DU SBRUM MA DE DBUGS GYEN DU 'BYIN PA DKA' ZHING THOGS PA DANG, NGAL ZHING DUB PA DANG, DGA' BA MED CING SEMS GDUNG BA LA GNAS PA DANG, MNGAL LA SOGS PA LA MNGON PAR MI DGA' BA DANG, MI 'GYUR ZHING GNAS LAS 'PHOS PA LTAR 'GYUR BA DANG, DE BZHIN DU DBANG MED PA'I NAD BU BTZAS PA'I TSE 'BYUNG BA LTA BU DU MA ZHIG 'BYUNG BAR 'GYUR RO, ,DE LA CHU DRON BLUGS PA DANG, ,BU RAM SPANG MA LAN TSVAR BCAS, ,BTAGS BAS MO MTSAN BSKU BA DANG, ,SHAL MA LI DANG ZAR MA YI, , KHU BA MAR DANG LDE GUR BYAS, ,NANG DU YANG DANG YANG DU GZHUG ,SNGAGS DANG SHA MA 'BYIN SBYOR BYA, ,ZHES BYA BA LA, NANG DU BU SHI BA'I BUD MED DE LA CHU DRON PO CUNG ZAD KYIS MTSAN GYI THOG KOR DU BLUGS PA DANG, BU RAM DANG SPANG MA DANG LAN TSVAR BCAS PA BTAGS PA'I LDE GUS MO MTSAN LA BSKU BAR BYA BA DANG, DE BZHIN DU SHAL MA LI DANG, ZAR MA'I KHU BA GZHUG PAR BYA STE, 'DIR SHAL MA LI LI KHU BA ZHES BYA BA NI, MO TZA RA SA'I KHU BA LA BYA STE, KHU BA DE MAR DANG LHAN CIG BTAGS PA'I LDE GUR BYAS PAS MNGAL GYI NANG BU YANG DANG YANG DU RGYUN MI 'CHAD PAR GZHUG CING DGANG BAR BYA'O, , GAL TE BU SHIM BYUNG NA, ,DE NAS SMAN PAS RGYAL PO LA, ,ZHUS LA DE 'BAD MYUR DU DANG BYUNG, ,SHAL MA LI NI THANG CHU MAR, ,BCAS PAS LAG PA MO MTSAN BSKU, ,ZHES BYA BA LA, GAL TE DE LTAR NA YANG BU SHING MNGAL NAS MA BYUNG NA, SRID SRUNG GI RIG BYED LA SOGS PA'I SNGAGS DANG, DE
, ,BZHIN DU SHA MA 'BYIN PA'I SKABS SU BSHAD PA'I SBYOR BA BSTEN PA DANG, LANG GU LI SOGS PAS BDUG CING BYUG PA LA SOGS PA BYA'O, ,GAL TE DE LTAR BYAS KYANG BU SHI BA MA BYUNG NA, DE NAS DE'I 'OG TU SMAN PAS RGYAL PO LA 'DI LTAR BYA BA, 'DI LTA BUS NI MNGAL DU BU SHI BA'I BUD MED NGES PAR 'CHI BAR 'GYUR NA JI LTAR BGYI ZHES ZHUS LA, DE'I BKA' LUNG MNYAN PAR BGYI STE, RANG GI CHAD PA'I GNOD PA SPANG BA'I PHYIR DE LTAR BYAS NAS, DE'I 'OG TU SMAN PA DES SHIN TU 'BAD PA DANG BCAS PA DANG, DE LA MKHAS PA'I GROGS PO DANG BCAS PAS MNGAL NA GNAS PA DE MYUR DU DBYUNG BAR BYA STE, DE YANG SHAL MA LI'I THANG CHU MAR DANG BCAS PAS SMAN PA'I LAG PA DANG, DE'I MO MTSAN BSKU ZHING BYUG PAR BYA'O, ,LAG PAS DBYUNG NUS DE NYID KYI, ,ZHES BYA BA LA, GAL TE MNGAL DU SHI BA DE LAG PAS DBYUNG BAR NUS PA YIN NA, DE'I TSE LAG PA NYID KYIS MYUR DU DBYUNG BAR BYAS TE, ,LUS NI LEGS PAR MI GNAS NA, ,GCUS SHING BSGYUR DANG BZLOG PA DANG, ,BTZIR DANG 'DEGS GZHAG LA SOGS KYIS, ,LUGS DANG MTHUN PAR DRANGS NAS NI, ,MNGAL GYI SGOR NI DRANG POR DRANG, ,ZHES BYA BA LA, MNGAL NA GNAS PA'I LUS LEGS PAR MI GNAS TE, DBYUNG BA BDE BAR MI 'DUG NA GCUS SHING BSGYUR BA LA SOGS PAS 'BYUNG BA'I SGO CI LTA BA BZHIN DU LEGS PAR GZHAG NAS, MNGAL GYI SGOR PHYOGS PAR BYAS NAS DRANG POR 'DUG PA DANG DRANG BAR BYA'O, ,DE YANG GCUS SHING BSGYUR BA NI, BRLA NAS PHAN TSUN GCUS SHING BSGYUR BA DANG, DE BZHIN DU STENG DU BZLOG PA DANG, KUN NAS BTZIR BA DANG, KHYAD PAR BRDEG CING GZHUG PA DANG, SOGS PA ZHES BYA BAS THABS GZHAN DAG KYANG BLOS LEGS PAR BRTAGS LA DRANG BAR BYA'O, ,GANG ZHIG RKANG LAG MGO BO NI, ,YON POR MNGAL DU GNAS GYUR DANG, ,RKANG PA GCIG NI MTSAN DU BYUNG, ,GNYIS PA BSHANG SGOR CHUD YON PO, ,DE NI 'GAGS PA ZHES BYA STE, ,MTSON GYIS BCAD PAR 'OS PA YIN, ,ZHES BYA BA LA, MNGAL DU SHI BA GANG YIN PA DE RKANG PA DANG LAG PA DANG MGO BO KUN KYANG CHA MNYAM PAR YON PO NYID DU GNAS PAR
GYUR PA DANG, DE BZHIN DU MNGAL DU SHI BA GANG RKANG PA GCIG NI MO MTSAN DU BYUNG LA, RKANG PA GNYIS PA BSHANG BA'I SGOR BYUNG BAR GYUR PA'I YON PO DE NI 'GAGS PA ZHES BYA STE, MNGAL DU THOGS TSABS CHE BA YIN PAS DE DAG LAG PAS DBYUNG BAR MI NUS KYIS, ,DE NI GTZAGS SPYAD KYI MTSON GYIS BCAD NAS DBYUNG BAR 'OS PA YIN NO, ,LAS DER DKYIL 'KHOR SOR GDUB CAN, ,GTZAGS BU GNYIS NI BSNGAGS PA YIN, ,ZHES BYA BA LA, MNGAL DU SHI BA DE DBYUNG BA'I GTZAGS BU'I RTZE MO DKYIL 'KHOR LTA BU DANG, SOR GDUB CES BYA BA BSNGAGS PA YIN GYI, 'PHEL GTZAGS LA SOGS PAS MI BYA'O, ,'PHEL GTZAGS RTZE MO RNO BAS NI, ,MNGAL DU GTANG BAR MI BYA'O, ,ZHES BYA BA LA, GANG GI PHYIR 'PHEL GTZAGS NI RTZE MO RNO ZHING 'DZUG PA YIN PAS NA, DE'I MNGAL GYI NANG DU DES GCAD PA'I LAS BYAR MI RUNG NGO, ,DANG POR MGO PO'I THOD PA NI, , PHYE LA RNAM PAR DBYUNG BAR BYA, ,DE NAS MCHAN KHUNG BRANG KOS KO ,RKAN GYI PHYOGS NI GANG RUNG BAR, ,GTAD DE MNGAL GYI LCAGS KYU NI, ,BRTAN PO DAG GIS MKHAS PAS DRANG, ,MGO BO MA PHYE MIG SBUBS DANG, ,MKHUR TSOS NAS KYANG DRANG BYA ZHING, ,PHRAG PA THOGS NA DPUNG BAR BCAD; ,CES BYA BA LA, DE 'BYIN PA NA DANG PO STE THOG MA KHO NAR MGO BO'I THOD PAR GTZAGS SPYAD KYIS PHYE ZHING DBRAL LA, MGO BO DE MNGAL GYI LCAGS KYUS DBYUNG BAR BYA'O, ,MGO MA GTUBS SHING MA PHYE BA NI RANGS PA DBYUNG BAR BYA STE, DE BZHIN DU DE YANG MCHAN KHUNG NGAM, BRANG NGAM KOS KO'AM, RKANG YI PHYOGS GANG YANG RUNG BAR GTAD CING LAS KYI BYA BA LA MKHAS PA'I SMAN PAS MNGAL GYI LCAGS KYU DE NYID BRTAN ZHING MI 'GYUR BA DAG GIS DRANG BAR BYA'O, ,DE BZHIN DU MGO MA PHYE BA DAG LA MIG SBUBS GNYIS DANG, MKHUR TSOS GNYIS NAS KYANG MNGAL GYI LCAGS KYU DE NYID KYIS DRANG BAR BYA'O, ,GAL TE DE PHRAG PAR THOGS NA PHRAG PA'I PHYOGS KYI DPUNG BA BCAD LA DE DBYUNG BAR BYA'O, ,LTO BA RLUNG GIS SBOS GYUR BA, ,NANG GROL DBRAL TAM RGYU MA NI, ,PHYI ROL DU NI BTON TE DBYUNG, ,ZHES BYA BA LA, MNGAL DU SHI BA DE LTO BA RLUNG GIS GANG ZHING SBOS
, ,PAR GYUR TE, RKYAL BA DBUGS KYIS GANG BA LTAR 'DUG NA, SHI BA DE'I LTO SBOS PA DBRAL TE DBYUNG BAR BYA BA'AM, RGYU MA PHYI ROL DU BTON LA LHOD CING SNYI BAR GYUR PA DANG DBYUNG BAR BYA'O, ,RKED PAR THOGS NA DE BZHIN DU, ,DE YI RUS TSIGS DBYE BAR BYA, ,ZHES BYA BA LA; MNGAL DU SHI BA DE RKED PAR THOGS TE MA THON NA RO SMAD KYI LHU TSIGS SNGA MA BZHIN DU BCAD CING PHYE LA DBYUNG BAR BYA'O, ,RLUNG GI DBANG GIS YAN LAG GANG, ,MNGAL DU THOGS PA DE DANG DE, ,DUM BUR GTUBS LA LEGS PHYUNG STE, ,'BAD DE BUD MED BSRUNG BAR BYA, ,ZHES BYA BA LA, RLUNG GI DBANG GIS MNGAL DU SHI BA DE'I YAN LAG GANG DANG GANG CHAGS SHING THOGS PAR GYUR PA DE DANG DE GTZAGS SPYAD KYIS DUM BUR GTUBS LA LEGS PAR DBYUNG BAR BYA'I, MA BRTAGS PAR BCOL DU MI BYA'O, ,DE BZHIN DU MNGAL DU BU SHI BA DE'I MA BUD MED NI 'BAD DE GNOD PA MED PAR BYA'O, ,RLUNG NI RNAM PAR 'KHRUGS GYUR PAS, ,MNGAL GYI GNAS SKABS SNA TSOGS BYED, ,DE PHYIR DE NI MKHAS PA YIS, ,GNAS SKABS DAG NI BLTAS TE SPYAD, ,CES BYA BA LA, GANG GI PHYIR RLUNG RNAM PAR 'KHRUGS SHING LDANG BAR BYED PA NA MNGAL GYI GNAS SKABS SNA TSOGS SHING DU MA DAG SKYED PAR BYED PA YIN PA, DE'I PHYIR RLUNG GIS GNAS SKABS DU MAR BYED PA DE SMAN PA MKHAS SHING SHES RAB DANG LDAN PA DAG GIS DE'I GNAS SKABS DANG SBYAR TE, 'DIR MA SMOS PA DAG KYANG RIG PAS BRTAGS TE SPYAD PAR BYA'O, ,MA DANG LHAN CIG 'CHI 'GYUR BAS, ,GSON PO MNGAL DU GCAD MI BYA, ,'CHI BAR 'GYUR BA DAG LA NI, ,YUD TZAM BTANG SNYOMS GZHAG MI BYA, ,ZHES BYA BA LA, GNAS SKABS 'GA' ZHIG TU TSUL 'GA' ZHIG LAS BRTAGS TE, 'DI NI NANG DU SHI BA YIN NO SNYAM NAS, MA SHI BZHIN DU GSON PO LA MNGAL DU GCAD PAR MI BYA STE, CI'I PHYIR ZHE NA, DE LTAR BYAS NA DE MA DANG LHAN CIG 'CHI BAR 'GYUR BA'I SKYON YOD PA'I PHYIR RO, ,YANG SBRUM MA MNGAL NA GNAS PA SHI BAR NGES PAR RTOGS PA DAG LA NI, YUD TZAM SKAD CIG MA GCIG TZAM MAM, MIG BTZUMS TZAM GYI BAR DU YANG BTANG SNYOMS SU GZHAG CING DOR BAR MI BYA'O, ,DE LA NI MYUR BA NYID DU GSO BA'I TSO
GA BYA'O, ,MO MTSAN 'GAGS DANG NYAMS PA DANG, ,GZER NAD DBUGS KYIS NYAM THAG DANG, ,SGREGS PA MNAM DANG LUS GRANG BA'I, ,MNGAL DU BU SHI BUD MED SPANG, ,ZHES BYA BA LA, MNGAL DU BU SHI BA GANG MO MTSAN 'GAGS SHING 'DUS PA'AM, DE BZHIN DU DE'I MTSAN NYAMS SHING RANG GI GNAS LAS CHAGS PA'AM, GZER NAD MGO BO DANG, CHU SO DANG LTO BA GZER BA'I MTSAN NYID CAN DANG, DBUGS BRTZEGS PAS NYAM THAG PA DANG, SGREGS PA MNAM ZHING RUL BA DANG, LUS GRANG ZHING DROD YAL BA STE, DE LTA BU'I MNGAL DU BU SHI BA'I BUD MED YONGS SU SPANG BAR BYA'O, ,DE NAS SHA MA MA THON NA, ,SMAN PAS SNGON BZHIN GDON PAR BYA, ,ZHES BYA BA LA, DE LTAR MNGAL DU BU SHI BA BYUNG BA'I 'OG TU SHA MA THOGS SHING MA THON PAR GYUR NA, SMAN PAS SNGAR SHA MA DBYUNG BA'I CHO GA JI SKAD BSHAD PA LTA BUS DBYUNG ZHING GDON PAR BYA'O, , DE LTAR ZUG RNGU PHYUNG NAS NI, ,CHU DRON GYIS NI BKRU BAR BYA, ,ZHES BYA BA LA, SNGAR BSHAD PA'I RNAM PA DE DAG GIS ZUG RNGU PHYUNG ZHING MNGAL DU BU SHI BA THON NAS CHU DRO 'JAM TZAM BLUGS SHING DE BKRU BAR BYA'O, ,LUS LA SNUM GYIS BYUGS PA DANG, ,MTSAN DU RAS BAL SNUM CAN GZHUG , DES NI MO MTSAN 'JAM 'GYUR ZHING, ,DE YIS GZER BA ZHI BAR 'GYUR, ,ZHES BYA BA LA, DE LTAR CHU DRON POS BKRUS PA'I 'OG TU BUD MED KYI LUS LA SNUM GYIS BYUGS PA DANG, MNGAL GYI MO MTSAN DU RAS BAL SNUM CAN GZHUG PAR BYA STE, RAS BAL SNUM CAN DES MO MTSAN DE 'JAM ZHING MNYEN PAR 'GYUR BA DANG, DE BZHIN DU DE'I GZER ZHING NA BA'I BAG GANG DANG GANG YOD PA ZHI ZHING MED PAR 'GYUR RO, ,LA LA PHUD DANG BONG NGA DKAR, ,RA SNA SHING KUN SUG SMEL DANG, ,TSA BA LNGA YI PHYE MA SNUM, ,SBYAR BA'AM LDE GU CHU BSKOL BLUD, ,CES BYA BA LA, BUD MED MNGAL DU BU SHI BA BTON PA DE LA LA LA PHUD LA SOGS PA'I PHYE MA SNUM DANG SBYAR BA BLUD PA'AM, YANG DE DAG NYID BTAGS PA'I LDE GU CHU DANG BSKOL BA'AM, YANG NA SMAN DE DAG CHAM CHOM BRDUNGS TE BSKOL BA BLUD PAR BYA'O, ,DE YANG RANG BZHIN DANG GOMS PA LA SOGS PA'I DBANG GIS MAR DANG SBYAR BAR
, ,CI RIGS PA SBYIN PAR BYA'O, ,DE BZHIN NAD RNAMS 'DZAG PA DANG, ,TSOR BA ZHI PHYIR ZHAG GSUM NI, ,PU TZE SHEL DANG BONG NGA DKAR, ,BA SHA KA YI SHUN PA DANG, ,SHING KUN TE DZO BA TI RNAMS, ,BTAGS PA'I PHYE MA'AM BSKOL BA BLUD, ,CES BYA BA LA, SNGA MA BZHIN DU KHRAG LA SOGS PA'I NAD RNAMS 'DZAG PAR BYA BA'I PHYIR DANG, DE BZHIN DU NAD KYI TSOR BA ZHI BAR BYA BA'I PHYIR, MNGAL DU SHI BA'I RO BZHIN ZHAG GSUM GYI BAR DU PU TZE SHEL DANG BONG NGA DKAR PO LA SOGS PA'I SMAN RNAMS PHYE MAR BTAGS PA'AM LDE GUR BYAS PA'AM, BSKOL BA SNUM DANG BCAS PA BLUD PAR BYA'O, ,DE NAS ZHAG BDUN BAR DU NI, ,SNUM NYID NYE BAR BTUNG BAR BYA, ,ZHES BYA BA LA, DE NAS DE LTAR ZHAG GSUM 'DAS PA DANG, ZHAG BDUN GYI BAR DU SNUM NYID BTUNG BAR BYA'I, SMAN RTZUB PA GZHAN DAG NI BTUNG BAR MI BYA'O, ,DGONGS KA CHANG NI RNYING PA DANG, , DE BZHIN LEGS SBYAR CHANG BTUNG BYA, ,ZHES BYA BA LA, DE BZHIN DU DGONGS KA NI CHANG RNYING PA BZANG PO DANG, SMAN BSKOL BA LAS BYAS PA'I CHANG GI RNAM PA BTUNG BAR BYA'O, ,SHIR SHA KA KU BAR BSKOL SBANGS, ,RAS BAL MO MTSAN NANG DU GZHUG ,CES BYA BA LA, SHI RI SHA LA SOGS PA BSKOL BAR BCUG PA'I RAS BAL DAG KYANG MO MTSAN GYI NANG DU GZHUG PAR BYA'O, ,BLA BRNAN GZHAN DAG GANG BYUNG BA, ,DE LA RANG GI GSO BAS GSO, ,ZHES BYA BA LA, MNGAL DU BU SHI BA BTON PA DAG LA RIMS LA SOGS PA BLA BRNAN GYI NAD GZHAN GANG 'BYUNG BAR 'GYUR BA DE LA RANG RANG GI GSO BA GANG DAG YIN PA DES GSO BAR BYA'O, ,RLUNG 'JOMS SMAN NI 'O MAR BSKOL, ,ZHAG BCU'I BAR DU BZA' BA PHAN, ,ZHES BYA BA LA, RLUNG 'JOMS PA'I SMAN RTZA BA BCU PA LA SOGS PA 'O MAR BSKOL BA DAG ZHAG BCU'I BAR DU BZA' ZHING BTUNG BA PHAN PA YIN TE, 'DI NI GONG MA'I ZHAG BCU 'DAS NAS ZHAG BCU GNYIS BA YIN PAR SHES PAR BYA'O, ,ZHAG BCU'I BAR DU SHA KHU BTUNG, ,ZHES BYA BA LA, YANG BUD MED DE LA ZHAG BCU PA GSUM PA LA NI SHA KHU BTUNG ZHING SBAGS TE BZA' BA PHAN PA YIN NO, ,DE PHAN CHAD NI YANG ZHING PHAN, ,NYUNG DU BZA' ZHING SNUM BSKU DUGS, ,BA LA'I TIL
MAR LA SOGS BSTEN, ,ZHES BYA BA LA, DE LTAR ZLA BA GCIG 'DAS PA DANG, DE'I 'OG TU BUD MED YANG ZHING PHAN PA'I ZAS NYUNG SHAS BZA' BA DANG, BA LA'I TIL MAR LA SOGS PA'I SNUM GYIS BSKU BA 'OG NAS BSHAD PA BSTEN CING GOMS PAR BYA'O, ,ZLA BA BZHI LON PHAN CHAD DE, ,DE NI RIM GYIS CI BDER SPYAD, ,CES BYA BA LA, DE LTAR ZLA BA BZHI LON PHAN CHAD DE ZLA BA LNGA PA MAN CHAD RIM GYIS KHA ZAS DANG SPYOD LAM LA SOGS PA BSDAM PA MED CING CI BDER GNAS PA LA BSTEN PAR BYA'O, ,BA LA'I RTZA BA'I KHU BA NI, ,CHU DRUG 'O MA DE MNYAM DANG, ,NAS DANG RGYA SHUG KU LANGTHA, , RTZA BA BCU PA'I CHA GCIG DRUG ,BSKOL BA'I CHA NI CHAR BYAS PA'I, ,TIL MAR CHA NI BCU BZHI DANG, ,MED GNYIS DANG THANG SHING BTZOD, ,RAM NYE BA GNYIS TZANDAN DANG, ,THAL TRES RU RTA DZI BA KA, ,RGYA SPOS RGYAM TSA ZANGS RTZIB, ,GLA SGANG RDO DREG SHU DAG DANG, ,PURnA RNA BA AA GA RU, ,AA SHVA GANDHA NYE'U SHING DANG, ,KshI RA KU SHU SHING MNGAR DANG, ,BA LA RA SA SHU TI DANG, ,PARnI GNYIS DANG SUG SMEL DANG, ,SHING TSA GANDHA BHA DRA RNAMS, ,ZHIB TU BTAGS PA'I LDE GU DANG, ,TIL MAR ME CHUNG LA BSKOL BA, ,RLUNG NAD THAMS CAD SEL BA'I MCHOG ,BU BTZAS BYIS PA RUS PA GNAD, ,SNAD DANG SKEM LA BSNGAGS PA YIN, ,RIMS SKRAN GDON DANG SMYO BYED DANG, ,GCIN NAD RGYU MA SKYES PA SEL, ,THANG LA 'BAR GYIS MNGAL GYI NI, ,NAD RNAMS SEL BA'I MCHOG TU BSNGAGS, ,ZHES BYA BA LA, SMAN PA LA NI RTZA BA YIN PAS NA BA LA'I RTZA BA STE, DE BSKOL BA'I KHU BA CHA DRUG GZHUG PAR BYA'O, ,DE BZHIN DU 'O MA YANG DE DANG MNYAM PA STE, CHA DRUG NYID GZHUG PAR BYA'O, ,NAS LA SOGS PA GSUM PO NI BZHI PA RTZA BA BCU BZHI PA'I CHA GCIG GZHUG PAR BYA'O, ,DE LTAR CHA BCU GSUM DU 'GYUR RO, ,TIL MAR NI CHA BCU BZHI GZHUG BAR BYA STE, GANG GI TSE TIL MAR SRANG BCU DRUG BSKOL BA DE'I TSE, BA LA'I RTZA BA BSKOL BA'I KHU BA SRANG NYI SHU RTZA BZHI GZHUG BAR BYA LA, NAS LA SOGS PA'I SMAN BZHI'I KHU BA NI SRANG BZHI GZHUG PAR BYA'O, ,CHU SRANG BZHI BRGYA BZHI BCU RTZA BRGYAD DANG BSKOL LA DE'I BZHI CHA LUS PAR BYAS PA DANG, SRANG BRGYA RTZA BCU
, ,GNYIS SU 'GYUR RO, ,ME DA GNYIS LA SOGS PA'I SMAN RNAMS KYI LDE GU NI SMAN SNA RE RE YANG ZHO RE RE DANG NAM PHYED SRAN MA GCIG GI LNGA CHA GZHUG PAR BYA'O, ,MED GNYIS NI MED DANG MA H'A ME DA'O, ,RAM NYE BA GNYIS NI KA KO LA DANG KshI RA KA KO LI ZHES BYA BA STE, RAM NYE BA 'O MA YOD PA DANG, 'O MA MED PA'I DBYE BAS PHYE BA'O, ,PARnI GNYIS NI MA SHA PARnI DANG MUNGGA PARnI'O, ,GZHAN DAG NI GO BAR ZAD DO, ,DE LTAR SMAN DE RNAMS ZHIB TU BTAGS LA, ME CHUNG DUS BTZOS SHING BSKOL BA NI RLUNG NAD THAMS CAD SEL BA'I MCHOG YIN NO, ,DE BZHIN DU BTZAS PA'I NAD LA SOGS PA LA YANG PHAN ZHING BDE BAR BYED PA YIN, RIMS DANG SKRAN LA SOGS PA YANG SEL ZHING 'JOMS PA YIN NO, ,BA LA LA SOGS PA DANG BSKOL BA'I TIL MAR 'DI NI MNGAL GYI NAD THAMS CAD SEL BA'I MCHOG YIN PAR SMAN PA'I GTZO BO DRANG SRONG THANG LA 'BAR GYIS BSHAD CING BSNGAGS PA YIN NO, ,MA NI SHI TSE CHU SOR NI; ,MNGAL GNAS GAL TE DKUR 'PHAR NA, ,DE NI SKYE BA'I DUS YIN PAS, ,DBRAL TE BYIS BA MYUR DU DBYUNG, ,ZHES BYA BA LA, MNGAL NA GNAS PA'I BU SKYE BA'I DUS SU GAL TE MA SHI BA'I DUS BYED PAR GYUR NA, DE DBUGS CHAD PA'I SKABS SU CHU SO DANG DKU'I PHYOGS SHIN TU 'PHAR ZHING G-YO BAR GYUR NA, BU DE GSON ZHING BTZAS PA'I DUS LA BAB PA YIN PAS, CHU SO'I PHYOGS LEGS PAR DBRAL TE DBYUNG BAR BYA LA, DE YANG GANG GI TSE ZHE NA, SKYE BA'I DUS LA BAB PA'I TSE NA DE LTAR BYA'I GZHAN DU MA YIN NO, ,SHI RI KA YI SA BON DANG, ,PA YA SYA DANG THANG SHING BZHI, ,TIL NAG SRU SRU'I RTZA BA DANG, BTZOD DANG NYE'U SHING ZHES BYA BA BZHI, ,BRI SHA DANG NI PA YA SYA, ,AUTPAL THAL TRES BRI YANG KU, ,BYI TSER THAL TRES RA SNA DANG, ,PADMA TZA RI SHING MNGAR DANG, ,BRI HA TI GNYIS TANG PAL DANG, ,'O SHING MYU GU SHUN PA DMAR, ,KRishnA PARnI BA LA DANG, ,SHI KRU GZE MA SLE TRES DANG, ,SHRING GA TARGA RGUN PAD RTZA, ,SHING MNGAR KHA RA KA SHE RU, ,TSIGS BCAD PHYED KYIS RDZOGS BSHAD PA'I, ,BDUN PA 'DI DAG 'O MAR SBYAR, ,ZLA BA BDUN LA RIM BZHIN DU, ,MNGAL 'DZAG PA LA GTANG BAR BYA, ,ZHES BYA BA LA,
SHING MNGAR LA SOGS PAS NYE BAR MTSON PA'I SBYOR BA BDUN PO TSIGS SU BCAD PA PHYED PHYED KYIS RDZOGS PAR BYAS PA'I SDE TSAN RIM BZHIN DU BSHAD BA DAG NI ZLA BA BDUN PA LA GO RIMS BZHIN DU MNGAL 'DZAG PAR GYUR PA LA DE BSRUNG BA'I PHYIR BTANG ZHING SBYIN PAR BYA'O, ,DE DAG KYANG CI BSTEN NA DANG PO SHING MNGAR DANG SHI RI KA ZHES BYA BA'I SA BON DANG, PA YA SYA DANG THANG SHING ZHES BYA BA BZHI PO DE DAG NI ZLA BA DANG PO MNGAL 'DZAG PA LA SBYAR BAR BYA'O, ,TIL NAG PO LA SOGS PA SMAN BZHI PO NI ZLA BA GNYIS PAR RO, ,BRI SHA TA NI LA SOGS PA SMAN LNGA PO NI ZLA BA GSUM PAR RO, ,BYI TSER LA SOGS PA SMAN SNA LNGA NI ZLA BA BZHI PA LA'O, ,BRI HA TI LA SOGS PA NI ZLA BA LNGA PA LA'O, ,KRIshnA PARnI LA SOGS PA SMAN SNA LNGA NI ZLA BA DRUG PA LA'O, ,SHING GA TARGA LA SOGS PA NI ZLA BA BDUN PA LA SBYIN PAR BYA'O, ,SRU SRU'I RTZA BA NI AA MAN TE, LO MA GNYIS BRTZEGS LTA BU YOD PA YIN NO, ,BRI SHA DA NI NI PHAN DA KA STE, SHING GANG YANG RUNG BA LA NAD THABS SU DE DANG MI MTHUN PA'I SHING PHRE'U SKYES PA'O, ,THAL TRES NI SHA RI BA NAG PO'O, ,BYI TSER NI YANG BA SHA KA'O, ,PADMA TZA RI NI CHU RTZA'O, ,BRI HA TI GNYIS NI KAndA KA RI DANG BRI HA TI'O, ,TANG PA LA NI KASMA RI'O, ,'O MA CAN GYI SHING NI N+YA GRO DHA LA SOGS PA STE, DE'I MYU GU DANG SHUN PA'O, ,SHI KRU NI SA BHAN DZA'O, ,GZHAN DAG NI GO BAR ZAD DO, ,KA PID THA DANG BIL BA DANG, ,BRI HA TI DANG BU RAM DANG, ,KAndA KA RI PA TO LA'I, ,RTZA BA BSKOL BAR BYAS PA DANG, ,DE BZHIN 'O MA SHA RNAMS NI, ,ZLA BA BRGYAD PA'I TSE NA GTANG, ,ZHES BYA BA LA, SMAN KA PID THA LA SOGS PA DRUG PO'I RTZA BA BSKOL BA'I 'O MA ZLA BA BRGYAD PA'I MNGAL 'DZAG PA LA GTANG BAR BYA'O, ,DGU PAR THAL TRES AE RAn DANG, ,PA YA SYA DANG SHING MNGAR GTANG, ,ZLA BA BCU PAR PA YA SYA, ,'O MA DANG NI BSKOL BA BLUD, ,CES BYA BA LA, ZLA BA DGU PA'I TSE NI, THAL TRES LA SOGS PA'I SMAN 'O MA DANG BSKOL BA MNGAL 'DZAG PA LA GTANG BAR BYA'O, ,ZLA BA BCU PA LA NI SMAN PA YA SYA DANG 'O MAR BSKOL BA MNGAL 'DZAG BA LA SBYIN PAR BYA'O, ,YANG NA SHING MNGAR DONG GRA DANG, ,THANG SHING 'O MAR BCAS PA SBYIN, ,ZHES BYA BA LA, YANG NA ZLA BA BCU PA'I SKABS SU MNGAL 'DZAG PA LA NI SHING
, ,MNGAR LA SOGS PA'I SMAN 'DI DAG 'O MA DANG BSKOL BA SBYIN PAR BYA'O, ,BUD MED MNGAL DU RLUNG GIS KHRAG BSGONGS TE, ,GNAS PA DE NI MNGAL CHAGS CHA 'DRA BAS, ,BU CHAGS YIN ZHES MI MKHAS PA DAG SMRA, ,SMAN KHA RNO DROS KHRAG NI 'BA' ZHIG ZAGS, , BLUN POS MNGAL GNAS 'BYUNG POS ZOS ZHES ZER, ,MDANGS 'PHROG YIN PHYIR DE LUS MNGON SUM DU, ,'PHROG PAR MI SNANG BA 'AM 'BYUNG PO NI, ,GZHUNG 'DOR MA NI BTANG SNYOMS 'JOG MI BYED, ,CES BYA BA LA, ZLA BA RE RE ZHING 'DZAG PAR 'OS PA'I ZLA MTSAN RLUNG GIS NANG DU BSGONGS TE GNAS PA STE, MI MKHAS PA'I BLUN PO DAG DE NI MNGAL DU BU CHAGS PA YIN NO ZHES SMRA STE DE NI 'KHRUL BA YIN NO, ,'KHRUL PA DE'I RTZA BA YANG CI ZHIG YIN ZHE NA, MNGAL DU CHAGS PA DANG CHA 'DRA BA YIN TE, BU CHAGS PA'I TSUL DANG RANG BZHIN MTHUN TE, NU MAR 'O MA 'BYUNG BA DANG, MCHU DANG NU MA'I RTZE MO GNAG PA DANG, MIG SKYA BA DANG, BRGYAL BA DANG, SNYING 'PHAR ZHING DANG GA MER MER POR BYED PA DANG, 'DOD PA SKYE BA DANG, RKANG PA GNYIS SKRANGS PA DANG, SPU CUNG ZAD GYES PA LA SOGS PA MNGAL DU BU CHAGS PA'I MTSAN NYID DANG CHA 'DRA BAS SHA MA LA SOGS PA MED PAR SMAN RNON PO LA SOGS PA'I DBANG GIS KHRAG 'BA' ZHIG 'DZAG CING BYUNG BA NA, DE'I TSE MNGAL GYI GNAS SKABS LA MI MKHAS PA'I BLUN PO DAG MNGAL NA GNAS PA 'DI MI MA YIN PA'I 'BYUNG POS ZOS PA YIN NO ZHES ZER MOD KYI DE NI MA YIN NO, ,CI'I PHYIR ZHE NA, GANG GI PHYIR 'BYUNG PO DE DAG NI MDANGS 'PHROG CING MDANGS ZA BA YIN PA'I PHYIR, DE DAG NI LUS MNGON SUM DU 'PHROG PAR MI SNANG BA YIN NO, ,YANG NA 'BYUNG PO DE DAG THOG MA MED PA NAS GNAS PA'I GZHUNG LUGS SPONG NA, MNGAL GYI MA NYID BTANG SNYOMS SU MI 'JOG GI MA NYID 'CHI BAR 'GYUR BA YIN TE, DE NYID KYI LUS CHE ZHING RAGS PA YIN PA'I PHYIR RO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NYE BAS SBYAR BA LAS, LUS KYI GNAS KYI LE'U GNYIS PA'I RNAM PAR 'GREL BA'O,, ,,DE NAS LUS KYI YAN LAG GI BYE BRAG BSTAN PA BSHAD PAR BYA'O, ,
ZHES BYA BA LA, 'DI BRTZAMS PA'I 'BREL PA NI 'DI YIN TE, LE'U GONG MAR NI RUM DU ZHUGS PA'I NAD KYI BYE BRAG BSHAD PA YIN PAS NA, MNGAL GYI GNAS SKABS DE'I LUS KYI YAN LAG DANG NYING LAG GI RNAM PAR DBYE BA BRTZAMS PA'I PHYIR 'DI BSTAN PA YIN NO, ,DE LA YAN LAG NI LUS MA LUS PA LA BYA LA, DE'I BYE BRAG CHA DBYE BA'AM, YAN LAG DANG NYING LAG LA SOGS PA THA DAD PAR DBYE STE BSTAN PA DE BSHAD PAR BYA'O, ,MDOR NA YAN LAG RNAM DRUG STE, ,MGO DANG KHOG PA DPUNG PA GNYIS, ,BRLA GNYIS YIN TE DE'I NYING LAG ,MIG SNYING LAG PA RKANG LA SOGS, ZHES BYA BA LA, 'DIR MDOR BSDU NA YAN LAG GI CHA'I TSOGS NI MGO BO LA SOGS PA RNAM PA DRUG STE, MGO BO NI SPYI BO'I, ,KHOG PA NI BYANG KHOG LA SOGS PA LUS KYI CHA STE, YAN LAG LNGA PO 'DI DAG GI GANG DBUS NA GNAS PA'O, ,YANG DE BZHIN DU DPUNG PA GNYIS DANG, BRLA GNYIS TE DE LTAR RNAM PA DRUG GO, ,YAN LAG DRUG PO DE DAG GI NYING LAG NI MIG DANG SNYING LA SOGS PA STE, DE LA MIG NI MGO BO'I NYING LAG GO, ,SNYING NI NANG GI'O, ,LAG PA NI DPUNG PA'I NYING LAG GO, ,RKANG PA NI BRLA'I NYING LAG GO, ,SOGS PA'I SGRA NI RNA BA DANG, LTE BA DANG, GRU MO DANG, PUS MO LA SOGS PA BSDU'O, ,SGRA DANG REG BYA GZUGS RO DRI, ,GO RIMS BZHIN DU NAM MKHA' RLUNG, ,ME CHU SA YI YON TAN YIN, ,YON TAN RE RES PHYI MA SKYED, ,CES BYA BA LA, SGRA LA SOGS PA LNGA NI GO RIMS JI LTA BA BZHIN DU NAM MKHA' LA SOGS PA LNGA'I YON TAN YIN PAR SHES PAR BYA STE, DE LA NIM MKHA'I YON TAN NI SGRA'O, ,RLUNG GI YON TAN NI REG BYA'O, ,ME'I YON TAN NI GZUGS SO, ,CHU'I YON TAN NI RO'O, ,SA'I YON TAN NI DRI'O, ,YON TAN RES PHYI MA SKYED PA'I TSUL NI, SGRA LA SOGS PA'I YON TAN JI SKAD BSHAD PA RE RE LAS PHYI MA RLUNG LA SOGS PA 'BYUNG BA CHEN PO BZHI YON TAN RE RES BSKYED PAR BYA STE, DES NA NAM MKHA'I NI SGRA'I YON TAN 'BA' ZHIG DANG LDAN NO, ,RLUNG NI SGRA DANG REG BYA'I YON TAN GNYIS DANG LDAN NO, ,ME NI SGRA DANG REG BYA DANG GZUGS KYI YON TAN GSUM DANG LDAN NO, ,CHU NI SGRA DANG REG BYA DANG, GZUGS DANG
, ,RO'I YON TAN BZHI DANG LDAN NO, ,SA NI SGRA DANG REG BYA DANG, GZUGS DANG RO DANG DRI STE YON TAN LNGA DANG LDAN NO, ,DE LA MKHA' LAS LUS BU GA ,RNA BA SGRA DANG KHONG STONG NYID, ,CES BYA BA LA, DE LA 'BYUNG BA CHEN PO LNGA PO DAG GI NANG NAS LUS 'DI LA NAM MKHA' LAS NI, LUS KYI BU GA KHONG STONG RNAMS DANG, RNA BA'I DBANG PO'I GNAS DANG, SGRA 'BYUNG BAR 'GYUR BA DANG, NANG GI KHONG STONG DU GNAS PA 'BYUNG BAR 'GYUR RO, ,RLUNG LAS REG PA LPAGS DBUGS 'BYIN, ,ZHES BYA BA LA, LUS 'DI LA RLUNG LAS NI REG BYA DANG, PAGS PA DANG DBUGS 'BYIN PAR 'BYUNG BAR 'GYUR TE, REG BYA NI REG BYA'I YON TAN NO, ,PAGS PA NI REG BYA'I DBANG PO STE, DBUGS 'BYIN PA NI GYEN DU DBUGS 'BYIN PA'O, ,ME LAS MIG DANG GZUGS 'JU NYID, ,CES BYA BA LA, LUS 'DI LA ME LAS NI MTHONG BAR BYED PA'I RANG BZHIN CAN MIG GI DBANG PO DANG, GZUGS ZHES BYA BA'I YON TAN DANG, SMAN 'JU ZHING SMIN PAR BYED PA NYID 'BYUNG NGO, ,CHU LAS LCE DANG RO DANG GSHER, ,ZHES BYA BA LA, LUS 'DI LA CHU LAS NI LCE ZHES BYA BA RO 'DZIN PAR BYED PA'I DBANG PO DANG, RO ZHES BYA BA'I YON TAN DANG, GSHER ZHING RLAN PAR BYED PA'I YON TAN 'BYUNG NGO, ,SA LAS SNA DRI RUS PA YIN, ,ZHES BYA BA LA, LUS 'DI LA SA LAS NI SNA'I DBANG PO DANG DRI ZHES BYA BA'I YON TAN DANG RUS PA'I TSOGS 'BYUNG BA YIN NO, ,'DIR NI MA LAS SKYES 'JAM KHRAG ,SHA DANG RKANG DANG GZHANG KHA SOGS, ,ZHES BYA BA LA, LUS 'DI LA GANG DAG 'JAM PA'I DNGOS PO YOD PA SHA DANG KHRAG LA SOGS PA DE DAG NI MA'I CHA LAS BYUNG ZHING SKYES PA YIN NO, ,SOGS PA ZHES SMOS PA NI SNYING DANG MA ZHU BA'I GNAS DANG MKHAL MA DANG MCHER PA LA SOGS PA BSDU'O, ,PHA SKYES BRTAN DANG KHU CHU DANG, ,RTZA BO CHE RUS SKRA SOGS YIN, ZHES BYA BA LA, LUS 'DI PHA LAS SKYES SHING 'BYUNG BA NI GANG BRTAN PA NI SRA BA'I DNGOS PO RNAMS KHU BA 'PHEL BA LAS BYUNG BA RTZA BO CHE DANG RUS PA DANG SKRA LA SOGS PA YIN LA, DE BZHIN DU KHU BA 'PHEL BA YANG PHA LAS BYUNG BA YIN NO, ,SEMS LAS SEMS BYUNG DBANG PO RNAMS, ,SKYE GNAS
SNA TSOGS RNAMS KYANG 'BYUNG, ,ZHES BYA BA LA, BDAG NYID KYI SEMS KYI RANG BZHIN LAS NI, SEMS LAS BYUNG BA DANG, MIG LA SOGS PA'I DBANG PO RNAMS DANG, DE BZHIN DU MI DANG RTA DANG BA LANG LA SOGS PA SKYE GNAS DU MA DE DANG DE RNAMS SU SKYE ZHING 'BYUNG BAR 'GYUR BA YIN NO, , GOMS PA LAS BYUNG NAD MED TSE, ,LE LO MED STOBS GZI MDANGS YIN, ,ZHES BYA BA LA, LUS 'DI LA GOMS PA'I MTHU LAS 'BYUNG BA'I YON TAN NI, TSE GNAS SHING 'TSO BA DANG, NAD MED CING KHAMS SNYOMS PA DANG, DE BZHIN DU LE LO MED PA STE, BYA BA THAMS CAD LA BRTZON ZHING SEMS SPRO BA DANG, GZI MDANGS DANG KHA DOG PHUN SUM TSOGS PA'I MDANGS DANG LDAN PA DANG, STOBS DANG NUS PA PHUN SUM TSOGS PA YIN NO, ,DANGS MA LAS BYUNG LUS SKYED DANG, ,GNAS DANG 'PHEL DANG MI BRKAM NYID, ,CES BYA BA LA, LUS 'DI LA DANGS MA LAS BYUNG BA'I LUS MA LUS PA SKYE ZHING 'BYUNG LA RGYAS PAR 'GYUR BA DANG, DE BZHIN DU TSE'I RGYUN GNAS SHING 'DUG PA DANG, DE BZHIN DU LUS 'PHEL ZHING CHU DANG ZHENG DU 'PHEL BA DANG, MI BRKAM PA STE DNGOS PO RNAMS LA MNGON PAR MA CHAGS PAR GYUR PA YIN NO, ,SNYING STOBS CAN GTZANG YOD PAR LTA, ,CHOS DKAR LA DGA' BLO GROS LDAN, ,ZHES BYA BA LA, SNYING STOBS CAN GYI RANG BZHIN LAS BYUNG BA NI GTZANG MA STE, LUS DANG NGAG DANG YID DAG CING SKYON MED PA DANG, YOD PAR LTA BA STE, 'JIG RTEN PHA ROL DANG, 'PHAGS PA DANG, DES GSUNGS BA'I CHOS YOD PA DANG, CHOS DANG CHOS MA YIN PA YOD PAR 'DZIN PAR 'GYUR BA DANG, DKAR PO'I CHOS SBYIN PA LA SOGS PA'I MTSAN NYID SKYON MED PA LA MNGON PAR DGA' BA DANG, BLO GROS TE SHES RAB DANG LDAN PAR 'GYUR BA YIN NO, ,RDUL CAN MANG DU SMRA BA DANG, ,NGA RGYAL TSUL 'CHOS KHRO PHRAG DOG ,CES BYA BA LA, LUS 'DI LA RDUL LAM ZHE SDANG GI RANG BZHIN LAS NI, MANG DU SMRA ZHING TSIG 'KHYAL BA'I RANG BZHIN CAN DANG, NGA RGYAL TE BDAG TU MNGON PAR RLOM PA DANG, TSUL 'CHOS SHING GTZANG SBRA LA SOGS PA SPYOD PA LTAR STON PA'AM, MED BZHIN DU CHOS LA SOGS PA YOD PA LTAR 'CHOS PA'O, ,KHRO BA NI SEMS 'KHRUGS SHING
, ,ZHE SDANG BA'O, ,MANG DU SMRA BA DANG PHRAG DOG NI GZHAN GYI YON TAN PHUN SUM TSOGS PA LA MI BZOD PA'O, ,MUN PA 'JIGS DANG MI SHES DANG, ,GNYID DANG LE LO SKYO BA'O, ,ZHES BYA BA LA, LUS 'DI LA MUN PA'AM, GTI MUG GI RANG BZHIN LAS NI 'JIGS SHING SKRAG PA DANG, MI SHES SHING RMONGS PA DANG, GNYID CHE ZHING STUG PA DANG, LE LO STE BYA BA RNAMS LA SEMS MNGON PAR MI SPRO BA DANG, SEMS SKYO ZHING MYA NGAN DANG SDUG BSNGAL GYI SHAS CHE BA DAG 'BYUNG BAR 'GYUR BA YIN NO, ,DE LTAR 'BYUNG BA'I RANG BZHIN LUS, ,ZHES BYA BA LA, DE LTAR GZHUNG 'DI DAG GIS LUS 'BYUNG BA'I RANG BZHIN CAN YIN PAR BSTAN TO, ,DE LA KHRAG SKYES LPAGS RIM BDUN, ,'O MA LAS NI SPRIS MA BZHIN, ,SMIN PA'I TSE NA 'BYUNG BAR 'GYUR, ,ZHES BYA BA LA, DE LA LUS 'DI LAS KHRAG LAS PAGS PA RIM PA BDUN 'BYUNG BAR 'GYUR TE, DE YANG DPER NA 'O MA BSKOL BA LAS STENG DU SPRIS MA CHAGS PA DANG 'DRA BAR LUS ZUNGS RNAM PA BDUN GYI DROD KYIS KHRAG SMIN PAR BYAS PA NA PAGS PA RIM PA BDUN DU 'BYUNG BAR 'GYUR RO, ,LUS ZUNGS GNAS NI NANG GSHER GYI, ,RANG GI DROD KYIS SMIN PA DANG, , BAD KAN RGYUS PA SHA MAS G-YOGS, ,CHAR BSHAD SHING GI SNYING PO 'DRA, ,ZHES BYA BA LA, PAGS PA'I RIM PA BDUN PO DE DAG NI LUS ZUNGS BDUN GYI GNAS DANG RTEN YIN LA DE RNAMS KYI NANG NA GSHER ZHING RLAN PA YOD PAS NI LUS ZUNGS GNAS KYI NANG GSHER BA ZHES BYA STE, DE RANG RANG GI DROD BDUN GYIS SMIN CING TSOS PAR BYAS PA YIN PAS NA DE NI BAD KAN DANG RGYUS PA DANG SHA MAS G-YOGS PA YIN LA, G-YOGS PA'I GSHER RAM RLAN DE NI CHA ZHES BYA BAS NA CHAR BSHAD CES BYA STE, DE YANG SHING GI SNYING PO DANG 'DRA BAR DANGS MA RNAMS KYI SNYING PO YIN TE; SHING GI DBUS NA PHRA ZHING SRA BA'I CHA YOD PA DE LA SNYING PO ZHES BYA STE, DE YANG MTSUNGS SHING 'DRA BA YIN TE, LUS ZUNGS RNAMS KYI SNYING PO'I LHAG MA NI SHIN TU PHRA BA YIN PAS CHA ZHES BYA'O, ,DES NA LUS ZUNGS KYI GNAS KYI NANG GSHER BA'I TSUL LAS CHA RNAM PA BDUN YIN NO
ZHES BYA BA NI TSIG GI LHAG MA'O, ,BDUN PO DE DAG GNAS BDUN TE, ,DANG PO KHRAG YIN GNAS RIM BZHIN, ,BAD KAN MA ZHU MKHRIS ZHU BA, ,RLUNG DANG GCIN GYI GNAS SU BSHAD, ,CES BYA BA LA, LUS 'DI LA KHRAG LA SOGS PA BDUN PO GZHI'AM, GNAS RNAM PA BDUN YOD DE, DE LA DANG PO KHRAG GI GZHI NI GCIG YIN LA, DE LAS GZHAN PA'I GNAS GANG YIN PA DE DAG NI BAD KAN LA SOGS PA'I GNAS YIN PAR BSHAD DO, ,DE YANG 'DI LTAR BAD KAN GYI GNAS DANG, MA ZHU'I GNAS DANG, MKHRIS PA'I GNAS DANG, RLUNG GI GNAS DANG, ZHU BA'I GNAS DANG, GCIN GYI GNAS DANG BDUN NO, ,BUD MED MNGAL LA GNAS BRGYAD DE, ,MKHRIS PA ZHU BA'I GNAS PAR GNAS, ,ZHES BYA BA LA, BUD MED RNAMS KYI MNGAL 'DZIN PA'I GNAS NI BRGYAD YIN TE, DE MKHRIS PA'I GNAS DANG ZHU BA'I BAR GYI GNAS NA GNAS SO, ,'DI LA NANG GROL YAN LAG GNAS, , SNYING GLO MCHIN MKHRIS MCHER MKHAL MA, ,PHO BGROD PA RGYU MA DANG, ,GNYE MA LONG KHA LGANG PA'O, ,ZHES BYA BA LA, GNAS 'DI DAG LA NANG GI GNAS YAN LAG TU GNAS SHING 'BREL PA NI SNYING ZHES BYA BA, PADMA'I SBUBS 'DRA BA NANG KHONG STONG KHA THUR DU BLTAS PA STE, SEMS KYI KHYAD PAR GYI GNAS YIN NO, ,DE'I G-YON LOGS NA GLO BA DANG MCHIN PA ZHES BYA BA YOD LA, DE'I G-YAS ROL NA NI MCHER PA ZHES BYA BA DANG GLO BA YOD DO, ,LGANG PA NI GCIN GYI GNAS SO, ,SROG GI GNAS NI RNAM BCU STE, ,MGO DANG LCE YI RTZA BA DANG, ,LKOG MA KHRAG DANG SNYING LTE BA, ,CHU SO KHU CHU DANG DANGS GZHANG, ,ZHES BYA BA LA, SROG GI GNAS SAM 'TSO BA'I GZHI NI MGO BO LA SOGS PA RNAM PA BCU STE, MGO BO NI SPYI BO'O, ,LCE'I RTZA BA NI LCE GONG DU CHAGS SHING GNAS PA'O, ,LKOG MA DANG KHRAG DANG SNYING DANG LTE BA DANG CHU SO DANG KHU CHU DANG DANGS MA DANG GZHANG STE DE LTAR RNAM PA BCU'O, ,LUS LA RTZA DRA CHU BA CHE, ,RE RE BCU DRUG YOD PAR BSHAD, ,CES BYA BA LA, LUS LA RTZA'I DRA BA DANG CHU BA BCU DRUG YOD PAR BSTAN CING BSHAD DO, ,DE YANG DRA BA LTA BUR GNAS PAS NA RTZA'I DRA BA STE DE RNAMS LA SHA DANG CHU BA DANG RUS PA SKYES PA BZHI PO RE RES KYANG 'DIR LONG MO DANG, MKHRIG MAR
, ,PHAN TSUN 'DRES SHING DRA BA 'AM SKAR KHUNG DRA BA CAN DANG 'DRA BAR GNAS PA YIN NO, ,CHU BA CHEN PO BCU DRUG NI, ,DE LAS RKANG PA DANG LAG PA GNYIS GNYIS TE BRGYAD DANG, ,RGYAB DANG MGRIN PAR BZHI STE BRGYAD DANG BCU DRUG GO, ,DE YANG CHU BA CHEN PO CHE ZHING ZLUM PA LA CHU BA CHEN PO ZHES BYA'O, ,PIR 'DRA DRUG DANG, ,ZHES BYA BA LA, RKANG PA GNYIS DANG LAG PA GNYIS DANG RKED PA DANG PHO MTSAN TE DRUG LA PIR 'DRA BA'I RTZA RGYUS YOD PA'O, ,SRUBS 'DRA BDUN, ,PHO MTSAN LCE DANG MGO LA BRTEN, ,DE DAG GTZAGS BUS GDAB MI RUNG, ,ZHES BYA BA LA; 'DI LA SRUBS 'DRA BA'I RTZA BA'I GNAS NI BDUN YOD DE, DE LAS LNGA NI MGO LA BRTEN LA, LCE DANG PHO MTSAN LA RE RE BRTEN PA STE, DE LTAR BDUN PO THAMS CAD GTZAGS BUS GDAB TU MI RUNG BAS DER MTSON GYI LAS MI BYA'O, ,SHA YI THAG PA RNAM PA BZHI, ,ZHES BYA BA LA, LUS 'DI LTA BU'I SHA RNAM PA BZHI YOD DE, RGYAB KYI SGAL TSIGS KYI NGOS GNYIS NA SHA'I SBREL MTSAMS SU GYUR BA YOD DE, DE LAS KYANG GNYIS NI PHYI ROL NA GNAS LA GNYIS NI NANG NA GNAS PA YIN NO, ,RUS PA'I TSOGS 'DUS BCU BZHI YOD, ,CES BYA BA LA, LUS 'DI LA RUS PA'I TSOGS 'DUS SHING 'DUS SHING PHRAD PA NI BCU BZHI YOD DE, DE DAG KYANG 'DI LTAR LONG MO DANG PUS MO DANG BRLA RTZA DANG MKHRIG MA DANG GRU MO DANG DPUNG MGO'I BAR GNYIS GNYIS DANG, MJUG DO DANG MGO BO RNAMS SU RE RE YIN NO, ,MTSAMS NI DGU PHRAG GNYIS YOD LA, ,ZHES BYA BA LA, LUS 'DI LA SBREL MTSAMS DGU PHRAG GNYIS TE BCO BRGYAD YOD DO, ,DE YANG MGO BO LA LNGA, MJUG DOL GCIG ,LONG MO GNYIS LA GNYIS, BRLA GNYIS SU GNYIS, PUS MO GNYIS LA GNYIS, GRU MO GNYIS SU GNYIS, DPUNG MGO GNYIS NA GNYIS SO, ,SO DANG SEN MOR BCAS PAR YI; ,RUS PA SUM BRGYA DRUG CU YIN, ,ZHES BYA BA LA, LUS 'DI LA RUS PA SUM BRGYA DRUG CU YOD DE, DE YANG YAN LAG LA RUS PA BRGYA BZHI BCU, KHOG PA LA RUS PA BRGYA NYI SHU, MGO BO LA RUS PA BRGYA STE, DE LTAR SUM BRGYA DRUG CU YOD PA YANG SO DANG SEN MO DANG BCAS PA BGRANGS
PA YIN GYI LUS 'BA' ZHIG GI NI MA YIN NO, ,THANG LA 'BAR NI SUM BRGYAR 'DOD, ,CES BYA BA LA, DRANG SRONG THANG LA 'BAR GYIS NI LUS 'DI LA RUS PA SUM BRGYAR YOD BAR 'DOD DO, ,TSIGS NI NYIS BRGYA RTZA BCUR 'DOD, ,CES BYA BA LA, LUS 'DI LA RUS PA'I TSIGS NI NYIS BRGYA DANG BCU YOD DO, ,DE DAG LAS NI YAN LAG LA NI RUS PA'I TSIGS DRUG CU RTZA BRGYAD YOD LA, KHOG PA LA LNGA BCU RTZA DGU, NAM TSONG YAN LA BRGYAD CU RTZA GSUM MO, ,RGYUN SHES BUS NI TSIGS KYI GRANGS, ,NYIS STONG DAG NI YOD BAR 'DOD, ,CES BYA BA LA, DRANG SRONG RGYUN SHES KYI BUS NI RUS PA'I TSIGS KYI GRANGS NYIS STONG YOD BAR 'DOD CING STON GYIS NYIS BRGYA RTZA BCU NI MA YIN NO ZHES BSHAD, DE'I BZHED KYIS RUS PA DANG RGYUS PA DANG SHA'I MTSAMS DANG BCAS PAR GRANGS NI SPYIR NYIS STONG YOD PAR 'DOD PA YIN NO, ,RGYUS PA DGU BRGYA, ZHES PA LUS 'DI LA RGYUS PA DGU BRGYA YOD DE; DE YANG YAN LAG RNAMS LA SUM BRGYA, KHOG PA LA SUM BRGYA, NAM TSONG YAN CHAD DU SUM BRGYA'O, ,SKYES PA LA, SHA NI SPAR TSAD LNGA BRGYA YOD, ,CES BYA BA LA, SKYES PA LA SHA SPAR TSAD LNGA BRGYA YOD DO, ,DE LAS KYANG YAN LAG LA NI SHA MTSAMS BZHI BRGYA YOD LA, KHOG PA LA DRUG CU, NAM TSONG YAN TSAD BZHI BCU YOD PAR 'DOD DO, BUD MED KYI NI NU MA DANG, ,MO MTSAN LA GNAS NYI SHU LHAG ,CES BYA BA LA, BUD MED LA NI SHA'I SPAR TSAD NYI SHU LHAG PAR 'DOD DO, ,DE LAS KYANG NU MA LA BCU YOD LA, BCU NI MO MTSAN MNGAL LA YOD DO, ,RTZA CHEN RTZA BA SNYING LA GNAS, ,DE DAG KUN GYIS LUS LA KHYAB, ,DANGS MA'I BDAG NYID MDANGS SU GYUR, ,DE NI PHRA BA KUN DANG 'BREL, ,RTZA BA SBOM ZHING RTZE RAB PHRA, ,LO MA'I RTZA LTAR GYES PA YIN, ,GYES PA DE LAS RTZA PHRAN NI, ,BDUN BRGYA DAG TU GYUR BA YIN, ,ZHES BYA BA LA, SNYING GAR GNAS PAS NA SNYING GNAS TE, RTZA'I GTZO BO'AM, RTZA BA BCU PO SNYING LA GNAS PA YIN, DE LAS GYES PA YIN PAS LUS THAMS CAD KHYAB CING DANGS MA'I RANG BZHIN DU KHA ZAS SMIN PAR 'GYUR PA LAS, DE'I SNYING POR GYUR BA MDANGS ZHES BYA BAR 'GYUR BA YIN NO, ,DE BZHIN DU LUS KYI BYA BA THAMS CAD DE DANG 'BREL PA YIN NO, ,DE YANG
, ,RTZA BA SPOM ZHING CHE LA RTZE MO NI RAB TU PHRA ZHING SHIN TU PHRA MOR GYES PA YIN NO, ,DE YANG LO MA'I RTZA BA LTAR GYES PA YIN TE, ,SOR GNYIS DANG SOR GCIG DANG SOR PHYED DANG NAS DANG NAS KYI PHYED TZAM DU GYES SHING LO MA'I 'DAB MA GYES PA LTAR 'DRA BAR GNAS SHING DU MAR GYES PA YIN NO, , DE BAS NA RTZA PHRAN DE RNAMS NI BDUN BRGYA YOD PA YIN NO, ,DE LA YAN LAG RE RE ZHING, ,BRGYAD BRGYAD DER NI GNAS PA YIN, ,ZHES BYA BA LA, DES NA YAN LAG BZHI BZHI BRGYAD YOD DO, ,YAN LAG RE RE ZHING RTZA BRGYAD BRGYAD YOD DO, ,ZHES BYA BA'I DON NO, ,DE LA DBUG BAR MI BYA BA, , RTZA YI DRA BA 'DZIN ZHES BYA, ,NANG NA GNAS PA'I GSUM PO YIN, ,ZHES BYA BA LA, RTZA BRGYAD PO DE DAG GI NANG NAS DRA BA 'DZIN PA ZHES BYA BA'I RTZA'I DRA BA GONG DU BSHAD PA DE DAG 'DZIN PA'I RTEN LA GTZAGS PUS GDAB PAR MI BYA STE, DE LTA BU'I RTZA DANG NANG NA GNAS PA'I RTZA GSUM STE, RTZA BZHI PO MTSON GYIS GDAB CING GTZAGS BUS DBUG TU MI RUNG NGO, ,DE BZHIN DU GNYIS PA LA BRLA DANG DPUNG PA'I RTZA GNYIS DBUG TU MI RUNG BA YIN NO, ,RKED PAR BCU DRUG PHRAG GNYIS TE, ,DE LAS BRLA'I RTZAR GNYIS GNYIS DANG, ,RKED PA'I GNAD RNAMS GNYIS GNYIS TE, ,DE BRGYAD GTZAGS BUS GDAB MI BYA, ,ZHES BYA BA LA, RKED PA'I GNAS DANG RTZA BCU DRUG PHRAG GNYIS TE SUM CU RTZA GNYIS YOD PA LA, RTZA DE DAG GI NANG NAS BRLA'I RTZA GNYIS GNYIS DANG, RKED PA GZHON NU RTZA GNYIS GNYIS TE GNAD KYI RTZA BRGYAD PO DE DAG LA GTZAGS BUS GDAB TU MI RUNG BAS NA MTSON GYI LAS MI BYA'O, ,ZHES BYA BA'I DON NO, ,RTZIB LOGS GNYIS LA RTZA BCU DRUG ,DE LAS GYEN 'GRO ZHES BYA SPANG, ,ZHES BYA BA LA, RTZIB LOGS GNYIS GNYIS LA RTZA BCU DRUG YOD PA LAS, DE LAS GYEN DU 'GRO BA'I RTZIB LOGS KYI MTSAMS NA GNAS PA ZHES BYA BA LA GTZAGS BUS GDAB TU MI RUNG NGO, ,RGYAB TU RTZA NI NYI SHU BZHI, ,SGAL TSIGS KYI NI NGOS GNYIS NA, ,DE LAS GNYIS GNYIS GYEN 'GRO BA, ,MTSON GYIS GDAB PAR MI BYA'O, ,ZHES BYA BA LA, RGYAB NA GNAS PA'I RTZA NYI SHU RTZA BZHI YOD PA DE LAS SGAL TSIGS KYI NGOS GNYIS NA RTZA GNYIS GNYIS YOD
PA GYEN DU 'GRO BA'I RTZA BZHI NI GTZAGS BUS GDAB TU MI RUNG NGO, ,RGYAB BZHIN LTO NA GNAS RTZA DE, ,PHO MTSAN STENG NA GNAS PA DANG, ,SPU YI PHRENG BA'I NGOS GNYIS RTZA, ,GNYIS GNYIS MTSON GYIS MI GDAB BO, ,ZHES BYA BA LA, RGYAB KYI SGAL TSIGS KYI RTZA DANG 'DRA BAR LTO LA NYI SHU RTZA BZHI YOD DE, RTZA DE DAG GI NANG NA PHO MTSAN GYI STENG NA GNAS PA'I RTZA DANG, SPU'I PHRENG BA'I NGOS GNYIS NA GNAS PA'I RTZA GNYIS GNYIS MTSON GYIS GDAB PAR MI BYA'O, ,BRANG LA GNAS PA BZHI BCU LAS, ,BCU BZHI DBUG PAR MI BYA STE, ,NU 'JING DE YI RTZA BA DANG, ,SNYING GA DAG NI SO SOR GNYIS, ,GNOD BRAL GNAD NI GNYIS PA DANG, ,MI GSAL ZHES BYA GNYIS KYI GNYIS, ,ZHES BYA BA LA, BRANG LA RTZA BZHI BCU GNAS TE, DE RNAMS KYI NANG NAS RTZA BCU BZHI GANG YOD PA DE DAG TU DBUG CING DBRAL BAR MI BYA'O, ,DE YANG GANG DAG CE NA, NU MA'I RTZE MO'I RTZA GNYIS DANG, SNYING GA'I RTZA GNYIS DANG, GNOD BRAL ZHES BYA BA'I GNAD DANG, MI GSAL ZHES BYA BA'I GNAD DANG RE RE LA YANG GNYIS GNYIS TE DE LTAR BCU BZHI'O, ,MGRIN PA LTAG PA 'DRA BA LAS, ,SNGON PO MJING PA LTAG PA DANG, ,'GAL BA DANG NI MA MO BRGYAD, ,BCU DRUG YONGS SU SPANG BAR BYA, ,ZHES BYA BA LA, MGRIN PA NA LTAG PA DANG 'DRA BAR NYI SHU RTZA BZHI YOD DE, DE LAS SNGON PO ZHES BYA BA'I GNAD KYI RTZA GNYIS DANG, MJING PA'I RTZA GNYIS DANG LTAG PA'I RTZA GNYIS DANG, 'GAL PA ZHES BYA BA'I GNAD KYI RTZA GNYIS DANG, MA MO ZHES BYA BA BRGYAD DE; DE LTAR RTZA BCU DRUG PO GTZAGS BUS MI GDAB PAR SPANG BAR BYA'O, ,'GRAM PA BCU DRUG DE LAS GNYIS, ,MTSAMS NI 'BREL BAR BYED PA SPANG, ,ZHES BYA BA LA, 'GRAM PA GNYIS LA RTZA BCU DRUG PO YOD DE, DE LAS MTSAMS 'BREL BAR BYED PA'I RTZA GNYIS GTZAGS BUS MI GDAB PAR SPANG BAR BYA'O, ,LCE YANG 'GRAM PA DANG 'DRA STE, ,'OG GI RO TSOR BYED GNYIS DANG, ,TSIG 'BYIN BYED PA GNYIS PO SPANG, ,ZHES BYA BA LA, LCE LA YANG 'GRAM PA DANG 'DRA BAR RTZA BCU DRUG YOD DE, RTZA DE RNAMS KYI NANG NAS LCE'I 'OG GI RTZA RO TSOR BAR BYED PA GNYIS DANG,
, ,DE BZHIN DU TSIG 'BYIN PAR BYED PA'I RTZA GNYIS YOD DE, BZHI PO DE DAG GCAGS BUS MI GDAB PAR SPANG BAR BYA'O, ,SNA YI RTZA NI NYI SHU BZHI, ,DE LAS DRI TSOR BYAD GNYIS DANG, ,RKAN DU 'GRO BA'I RTZA GCIG SPANG, ,ZHES BYA BA LA, SNA'I RTZA NYI SHU RTZA BZHI YOD DE, DE LAS SNA'I GNYIS NI DRI TSOR ZHING SNOM PAR BYED PAS RTZA DE GNYIS DBUG PAR MI BYA'O, ,DE BZHIN DU SNA'I RTZA RKAN DU 'GRO BA GCIG YOD PA DE YANG GTZAGS BUS MI GDAB PA STE, DE LTAR GSUM SPANG BAR BYA'O, ,MIG GNYIS KYI NI LNGA BCU DRUG ,'BYED DANG 'DZUMS PA'I LAS BYED PA, ,GNYIS GNYIS DANG NI MIG 'GRAM GNYIS, ,DRUG PO DE DAG SPANG BAR BYA'O, ,ZHES BYA BA LA, MIG GNYIS LA RTZA LNGA BCU RTZA DRUG YOD DE, DE RNAMS LAS MIG 'DZUMS PA DANG 'BYED PAR BYED PA'I RTZA GNYIS GNYIS DANG, DE BZHIN DU MIG 'GRAM GYI RTZA GNYIS TE, DE LTAR DRUG PO DE DAG GTZAGS BUS MI GDAB STE SPANG BAR BYA'O, ,MIG DANG SNAR GNAS DPRAL BA LA, ,BRTEN PA'I RTZA NI DRUG CU LAS, ,GZHAG PA GCIG DANG GTZUG GI GNYIS, ,SKRA MTSAMS GNAS PA'I RTZA BZHI STE, ,BDUN PO DE DAG MTSON GDAB SPANG, ,ZHES BYA BA LA, MIG DANG SNAR GNAS SHING BRTEN PA'I RTZA DPRAL BAR 'DUS PA BCU DRUG YOD DE, RTZA DE RNAMS KYI NANG NAS GZHAG PA ZHES BYA BA GNAD KYI RTZA GCIG DANG GTZUG 'KHYIL BA'I GNAD KYI RTZA GNYIS DANG, DE BZHIN DU SKRA MTSAMS KYI RTZA BZHI STE BDUN PO DE DAG LA GTZAGS BUS GDAB PAR MI BYA'O, ,RNA BAR BCU DRUG DE LAS 'DIR, ,SGRA THOS BYED PA'I RTZA GNYIS SPANG, ,ZHES BYA BA LA, RNA BA LA RTZA BCU DRUG YOD DE, DE DAG LAS SGRA THOS PAR BYED PA'I RTZA GNYIS PO LA MTSON GYIS MI GDAB BO, ,DE NYID LAS NI MUR 'GRAM GYI, ,MTSAMS SU 'GRO BA GNYIS PO SPANG, ,ZHES BYA BA LA, RNA BA LA BRTEN PA'I RTZA BCU DRUG PO DE LAS MUR 'GRAM GYI MTSAMS SU 'GRO BA'I RTZA GNYIS PO LA MTSON GYIS MI GDAB BO, ,SPYI BOR BCU GNYIS DE LAS NI, ,GYEN 'GRO SKRA MTSAMS BDAG PO LAS, ,SO SO'I RE RE SPANG BAR BYA, ,ZHES BYA BA LA, SPYI BOR GNAS PA'I RTZA BCU GNYIS YOD DE, DE DAG LAS KYANG GYEN DU 'GRO
BA'AM 'DEGS PA ZHES BYA BA'I GNAD GNYIS KYI RTZA RE RE DANG, SKRA MTSAMS KYI RTZA LNGA PO RE RE DANG, BDAG PO ZHES BYA BA'I GNAD KYI RTZA GCIG STE, DE LTAR MGO BO'I RTZA LA GTZAGS BUS GDAB TU MI RUNG NGO, ,SPANG ZHING DOR BAR BYA'O, ,DE LTAR YAN LAG RE RE'I RTZA'I, ,DBYE BA DBUG MIN SHES PHYIR BSHAD, ,CES BYA BA LA, RNAM PA DE LTAR NA YAN LAG RE RE'I RTZA'I DBYE BA DBUG TU MI RUNG BA DANG RUNG BA SHES PAR BYA BA'I PHYIR SO SO'I DBYE BA BSHAD PA YIN NO, ,DE LAS LUS LA DBUG MI RUNG, ,MA LUS DGU BCU RTZA BRGYAD YOD, ,DOG DANG RTZA MDUD SHIN TU PHRA, ,YO DANG TSIGS LA GNAS MI DBUG ,CES BYA BA LA, LUS KYI YAN LAG LA DBUG TU MI RUNG ZHING GTZAGS BUS GDAB PAR MI BYA BA'I PHYIR, MA LUS PA MTHA' DAG BSDU BA LA RTZA DGU BCU RTZA BRGYAD YOD DO, ,DE LTAR RNAM PA DE DAG GIS DBUG TU MI RUNG BA DE DAG 'BA' ZHIG TU MA ZAD KYI RTZA GANG DOG CING GCIG LA GCIG 'BREL BA DANG, RTZA MDUD CHAGS PA'I GNAS DANG, SHIN TU PHRA BA DANG CHUNG BA DANG, YA YOR GNAS PA DANG, DE BZHIN DU RUS PA'I TSIGS LA GNAS SHING BRTEN PA GANG YIN PA DE DAG DBUG CING GTZAGS BUS GDAB PAR MI BYA'O, ,RTZA NI BDUN BRGYA DE RNAMS LAS, ,BZHI CHAR PHRAG NI SO SOR RGYU, ,RLUNG DANG MKHRIS PA BAD KAN KHRAG ,NAD MED KHRAG NI DE LTAR GNAS, ,DE NI LUS LA PHAN 'DOGS TE, ,GZHAN DU GNOD PA SKYED PAR 'GYUR, ,ZHES BYA BA LA, RTZA BDUN BRGYA YOD PA DE RNAMS LAS RANG RANG GI BZHI CHA STE BRGYA BDUN CU RTZA LNGAR RLUNG RE RES MKHRIS PA'I RANG BZHIN CAN GYI KHRAG DANG NAD MED PA'I KHRAG SO SOR RGYU BA YIN NO, ,DE LTAR RLUNG LA SOGS PA'I NAD GNAS SHING SNYOMS PAR 'JUG PA'I NI LUS LA PHAN 'DOGS SHING GNAS PAR BYED PA YIN LA, GZHAN DU STE GO RIMS 'CHOL ZHING 'KHRUGS PAR GNAS NA LUS LA GNOD PA SKYED CING NAD DU 'GYUR BA YIN NO, ,DE LA GNAG DANG DMAR DANG PHRA, ,SKAD CIG RE RE GANG ZHING STONGS, ,MGUL BA RLUNG GI KHRAG RTZA YIN, ,ZHES BYA BA LA, RTZA DE DAG GI NANG NAS RTZA'I MDOG GNAG PA DANG, DMAR BAR GNAS PA DANG, PHRA BA DANG, SKAD CIG RE RE ZHING GANG
, ,ZHING STONGS PA STE, RLUNG NI G-YO BA'I MTSAN NYID CAN YIN PAS NA LAN 'GA' NI GANG ZHING RGYAS PAR SNANG LA, LAN 'GA' NI STONG ZHING KHONG STONG GI TSUL DU SKAD CIG RE RER 'GYUR BA DANG, DE BZHIN DU RTZA GANG SHIN TU 'GUL ZHING 'PHAR BA GANG YIN PA DE NI RLUNG GI KHRAG RGYU BA'I RTZA YIN NO, ,REG TSE TSA ZHING MYUR DU RGYU, ,MDOG SNGO SER POR 'DUG PA NI, ,MKHRIS PA'I KHRAG RTZA'I MTSAN MA YIN, ,ZHES BYA BA LA, MKHRIS PA'I KHRAG RGYU BA'I RTZA YIN PA DE NI REG NA TSA BA 'UR 'UR POR 'DUG PA YIN GYI GRANG BAR GNAS PA MA YIN PA DANG, ,DE BZHIN DU MYUR DU RGYU ZHING 'BAB PA DANG, DE BZHIN DU MDOG SNGON PO'AM, SER POR 'DUG PA YIN NO, ,DKAR SNUM BRTAN GRANG BAD KAN RTZA, ,ZHES BYA BA LA, BAD KAN GYI KHRAG RGYU BA'I RTZA NI 'DI LTAR GNAS TE, KHA DOG DKAR BA DANG, MDANGS SNUM PA DANG, RGYU BA BRTAN ZHING 'GYUR BA MED PA DANG, REG NA GRANG BA YIN NO, , 'DRES PA'I MTSAN NYID 'DREN MA YIN, ,ZHES BYA BA LA, LDAN PA'I NAD DANG 'DUS PA'I NAD KYI RTZA'I MTSAN NYID NI 'DREN MAR RGYU BA YIN TE, RLUNG DANG BAD KAN 'DRES PA'AM, RLUNG DANG MKHRIS PA 'DRES PA 'AM, ,MKHRIS PA DANG BAD KAN 'DRES PA'AM, GSUM CHAR 'DUS PA LAS GYUR PA'I MTSAN NYID NI RANG RANG GI MTSAN MA 'DREN MAR SNANG BA YIN NO, ,MI MNGON MNYAM GNAS SNUM PA DANG, ,MDOG DMAR KHRAG RTZA NAD MED YIN, ,ZHES BYA BA LA, RTZA MI MNGON ZHING NANG DU NUB PA DANG, MNYAM ZHING SNYOMS PAR GNAS PA DANG, RTZUB CING SNUM BAG MED PA DANG, KHRAG GI MDOG DMAR BA'I RTZA NI NAD MED PA'I KHRAG RGYU BA YIN NO, ,RTZA BO CHE NI NYI SHU BZHI, ,LTE BA LA NI BRTEN PA YIN, ,DE RNAMS KYIS BSOR LTE BA NI, ,'KHOR LO'I LTE BA RTZIBS BSKOR MTSUNGS, ,DES NI STENG 'OG THAD KA RU, ,LUS 'DI RJES SU 'DZIN PA YIN, ,ZHES BYA BA LA, LUS LA RTZA BO CHE NYI SHU RTZA BZHI YOD PA GANG YIN PA DE NI LTE BA LA BRTEN CING GNAS PA YIN LA, DE YANG DE RNAMS KYIS LTE BA YONGS SU BSKOR BAR GNAS TE, JI LTAR SHING RTA'I LTE BA GANG YIN PA DE RTZIBS KYIS KUN NAS BSKOR CING GNAS PA DANG MTSUNGS PA YIN NO, ,DE LTA BU'I RTZA BO CHE DES NI LUS KYI STENG DANG 'OG DANG THAD KA DAG TU GYES
PAS PHUNG PO NI RJES SU 'DZIN CING 'TSO BAR BYED PA YIN TE, RTZA BO CHE DE DAG KYANG KUN DGA' RA BA'I CHU 'DREN PA'I WA LTA BU'AM ZHING GI YUR BA LTA BU YIN NO, ,RTZA BO CHE DE DAG LAS BCU NI STENG DU 'GRO BA YIN LA, BCU NI 'OG TU 'GRO BA YIN, BZHI NI THAD KAR 'GRO BA YIN NO, ,BU GA SNA DANG RNA BA GNYIS, , MIG GNYIS KHA RKUB PHO MTSAN NO, ,ZHES BYA BA LA, SKYES PA LA NI BU GA DGU YOD DE, SNA'I BU GA GNYIS DANG, RNA BA GNYIS DANG, MIG GNYIS DANG, KHA DANG, RKUB DANG, PHO MTSAN GYI BU GA'O, ,BUD MED NU MA GNYIS KHRAG SGO, ,GSUM GYIS LHAG PAR GYUR PA YIN, ,ZHES BYA BA LA, BUD MED RNAMS NI SNGA MA LAS LHAG PAR GYUR PA'I BU GA GSUM YOD DE NU MA GNYIS KYI BU GA DANG, ZLA MTSAN RGYU BA'I BU GA'O, ,NANG GI SROG GI GNAS GYUR PA'I, ,BU GA BCU GSUM YOD PAR BSHAD, ,SROG DANG LUS ZUNGS DRI MCHU, ,ZAS RGYU, ZHES BYA BA LA, DE BZHIN DU NANG GI BU GA SNGA MA LAS GZHAN PA SROG LA SOGS PA'I GNAS SU GYUR PA'I BU GA BCU GSUM YOD DE, DE LA SROG CES BYA BA'I RLUNG NI SROG GI GNAS SU RGYU'O, ,LUS ZUNGS RGYU BA RNAMS SU NI DANGS MA LA SOGS PA'I LUS ZUNGS RGYU'O, ,DRI MA RGYU BA'I GNAS SU BSHANG BA DANG GCI BA DANG RDUL RGYU'O, ,CHU RGYU BA'I GNAS SU NI CHU 'THUNGS PA RGYU'O, ,ZAS RGYU BA'I GNAS SU NI ZAS ZOS PA RNAMS RGYU STE, DE LTAR NA RNAM PA BCU GSUM YIN NO, ,ZAS RGYU MI MTHUN BSTAN PA YIN, ,DE LA GNOD PAS NAD SKYED LA, ,SKYON MED DAG PAS BDE BAR BYED, ,CES BYA BA LA, BU GA DE DAG ZAS DANG SPYOD LAM MI MTHUN ZHING PHAN PA MA YIN BA BSTEN PAS DE LA GNOD PAR GYUR CING 'KHRUGS PAR BYAS PA LAS NAD RNAMS SKYED PAR 'GYUR LA SKYON MED CING DAG PA'I ZAS DANG SPYOD LAM BSTEN PAS GNOD PA MED NA BDE BA NYID DU 'GYUR ZHING NAD MED PA SKYED BAR BYED DO, ,RANG GI LUS ZUNGS MDOG MNYAM ZHING, ,ZLUM DANG SBOM DANG PHRA BA DANG, ,BU GA'I DBYIBS KYI RING PO STE, ,LO MA'I RTZA 'PHROS LTA BU YIN, ,ZHES BYA BA LA, RANG GI LUS ZUNGS KYI GZHIR GYUR PA'I BU GA GANG BA STE NAD PA'I LUS ZUNGS DE DANG MDOG MNYAM ZHING MTSUNGS PA YIN TE, DES NA DANGS MA RGYU BA'I BU GA NI LUS ZUNGS KYI DANGS MA BU GA DANG KHA DOG MTSUNGS PA YIN PA
, ,LA SOGS PA LTA BU'O, ,BU GA DE DAG THAMS CAD LAS BU GA LA LA NI ZLUM PO YIN LA, BU GA LA LA NI SBOM PA YIN LA, LA LA NI PHRA ZHING CHUNG BA YIN TE, BU GA DE DAG THAMS CAD KYI DBYIBS NI RING POR GNAS SHING, RTZA SBUBS DE DAG KYANG LO MA'I RTZA RGYUS KYI RI MO DANG MTHUN PA'I RING THUNG DU MAR GYES PA YIN NO, ,ZAS DANG SPYOD LAM DAG GIS GANG, ,NAD KYI MTHU DANG MNYAM GYUR DANG, ,GANG YANG LUS ZUNGS MI MNYAM STE, ,BU GA'I RGYUN LA GNOD BYED YIN, ,ZHES BYA BA LA, BZA' BA DANG BTUNG BA LA SOGS PA'I MTSAN NYID CAN GYI ZAS GANG RLUNG LA SOGS PA'I NAD KYI MTHU RTZUB BA LA SOGS PA DANG MNYAM ZHING MTSUNGS PAR GYUR PA GANG YIN PA DE NI BU GA RNAMS 'GAGS SHING GNOD PAR 'GYUR BA'I RGYU YIN NO, ,SPYOD LAM NI LUS DANG NGAG DANG YID KYI SPYOD PA'I MTSAN NYID GANG YIN PA STE, DE YANG NAD KYI MTHU DANG CHA MNYAM PAR GYUR NA BU GA RNAMS LA GNOD CING 'GAGS PA'I RGYU YIN NO, ,DE BZHIN DU LUS ZUNGS BDUN PO ZAS DANG SPYOD LAM LA SOGS PA DE'I MTHU DANG NUS PA MI MNYAM ZHING YON TAN THA DAD PAR GYUR PA GANG YIN PA DE DAG KYANG BU GA'I RGYUN LA GNOD CING 'GAGS PA'I RGYU YIN NO, ,MANG DU 'BYUNG BA'AM 'GAGS PA'AM, ,RTZA NI MDUD PA CHAGS PA'AM, ,LAM GZHAN DAG TU 'GRO BA NI, ,BU GA'I RGYU 'KHRUGS MTSAN NYID YIN, ,ZHES BYA BA LA, BU GA LA MANG DU BYUNG BA NI JI LTAR GCIN 'BAB PA'I BU GA LAS GCIN SNYI BA'I NAD LTAR MANG DU BYUNG BA NA, 'GAGS PA NI MI 'BYUNG BA'AM CUNG ZAD BYUNG BA STE GCIN SRI BA'I NAD LTA BU'O, ,DE BZHIN DU BSHANG BA 'BYUNG BA'I BU GA LAS TSAD PA 'KHRU BA LTAR BSHANG GCI LHAG PAR 'KHRU BA NI MANG DU 'BYUNG BA'O, ,'GAGS PA NI BSHANG BA CUNG ZAD BYUNG BA'AM, YANG NA RTUG 'GAGS KYI NAD LTAR THAMS CAD NAS THAMS CAD DU 'BYUNG BAR MI 'GYUR BA DE NI BU GA'I RGYU 'KHRUGS SHING GNOD PA DANG LDAN PA'I MTSAN NYID YIN TE DE BZHIN GZHAN DAG LA YANG SBYAR BAR BYA'O, ,DE BZHIN DU RTZA LA MDUD PA CHAGS PAR GYUR PA DANG, DE BZHIN DU LAM GZHAN DU 'GRO BA STE, RANG GI RGYU'I 'AM MA SPANGS NAS LAM GZHAN DU 'GRO BA DE YANG BU GA LA
GNOD PA YOD CING 'KHRUGS PA'I MTSAN NYID YIN NO, ,PADMA'I RTZA BA PHRA MO LAS, ,RING DU RGYU BAR BYED PA LTAR, ,GANG GIS DANGS MA NYER 'PHEL BA, ,LUS KYI SGO NI BU GA YIN, ,ZHES BYA BA LA, JI LTAR PADMA'I RTZA BA'I SBUBS SHIN TU PHRA BA'I BU GA LAS RING DU RGYU BAR BYED CING THAMS CAD LA KHYAB PAR BYED PA DE BZHIN DU BU GA'I SGO GANG NAS LUS 'DI LA DANGS MA NYE BAR SOGS SHING 'PHEL BAR 'GYUR BA'I SGO NAS GANG LUS MA LUS PA KHYAB PAR BYED PA DE NI BU GA ZHES BYA'O, ,BU GA RNAMS NI BRTOL GYUR NA, ,'DAR MYOS LTO SBOS LKUGS DANG RIMS, ,SLA DANG GZER DANG BSHANG GCI 'GAGS, ,YANG NA 'CHI BA NYID DU 'GYUR, ,ZHES BYA BA LA, BU GA BRTOL ZHING PHYUNG BAR GYUR NAS 'DAR BA LA SOGS PA 'BYUNG BAR 'GYUR BA'AM, YANG NA 'CHI ZHING DUS BYED PA NYID DU 'GYUR RO, ,DE LA 'DAR BA NI LUS G-YO ZHING 'GUL BA'O, ,MYOS PA NI SEMS STOR BA'O, ,LTO SPOS PA NI DBUGS KYIS KHENGS PA'O, ,DE BAS SMAN PAS BU GA BRTOL, ,RE THAG BCAD DE GSO BAR BYA'O, ,'PHRAL DU RMA BYUNG CHO GA YIS, ,'BAD DE ZUG RNGU DBYUNG BAR BYA, ,ZHES BYA BA LA, DE LTAR SROG DANG BRAL BA'I NYES PA DE BAS NA SMAN PA DAG GIS BU GA BRTOL BA'I NAD PA LA RE THAG BCAD CING BZLOG STE BYA BA 'DIS NI NGES PAR 'CHI BA YIN TE ZHES SMRA LA, MTSON GYIS ZUG RNGU DE PHYUNG NAS 'BAD DE GSO BAR BYA'O, ,DE YANG JI LTAR DBYUNG ZHE NA, 'PHRAL DU ZUG RNGU DBYUNG BA'I CHO GA SNGAR BSHAD PA LTAR DBYUNG BAR BYA'O, ,ZAS 'JU BYED PA MKHRIS PA NI, ,'JU BYED YIN ZHES SNGAR BSHAD DO, , ZHES BYA BA LA, ZAS 'JU BAR BYED PA NI MKHRIS PA LNGA'I KHYAD PAR 'JU BAR BYED PA ZHES BYA BA'I MKHRIS PA YIN NO ZHES SNGAR NAD KYI BYE BRAG SHES PAR BYA BA'I LE'U LAS BSHAD PA YIN NO, ,NAD DANG LUS ZUNGS DRI MA YI, ,DROD YIN ZHES NI RGYUN SHES ZER, ,ZHES BYA BA LA, DRANG SRONG RGYUN SHES KYI BUS NI NAD DANG LUS ZUNGS DANG DRI MA RNAMS KYI DROD DE RLUNG LA SOGS PA'I NAD RNAMS DANG, DANGS MA LA SOGS PA'I LUS ZUNGS RNAMS DANG, BSHANG GCI ZHES BYA BA'I DRI MA DE RNAMS KYI DROD NI ME DROD DE, NAD DANG LUS ZUNGS DANG DRI MA DANG 'DUS BA LAS BYUNG BA'I NANG GI ME DROD JI SKAD DU BSTAN PA'I MES
, ,LAS BYED PA YIN NO, ,ZHES ZER RO, ,DE NI ZAS KYI GNAS YIN ZHING, ,'DZIN CING 'DZIN BYED CES BSTAN TO, ,ZHES BYA BA LA, 'JU BAR BYED PA ZHES BYA BA'I MKHRIS PA DANG, ME DROD NI ZAS KYI GNAS YIN ZHING, ZAS DE NYID 'DZIN CING CHAGS PAR BYED PAS NA 'DZIN PAR BYED PA'O; ,ZHES BSHAD DO, ,DE NYID THANG LA 'BAR GZHUNG GIS, ,MKHRIS PA 'DZIN PA'I CHA RU BSHAD, ,CES BYA BA LA, 'DZIN PA DE NYID NI, DRANG SRONG THANG LA 'BAR GYIS GZHUNG NGAM PHYOGS KYIS DE MKHRIS PA 'DZIN PA'I CHA YIN NO, ,ZHES BSHAD DO, ,TSE DANG NAD MED BRTZON GZI MDANGS, , LUS ZUNGS ME DROD STOBS 'PHEL BYED, ,ZHU BA'I GNAS KYI SGOR ZHUGS PA, ,ZAS KYI LAM GYI SGO GTAN YIN, ,ZHES BYA BA LA, 'DZIN PA DE NYID ZHU BA'I GNAS KYI SGO NA 'DUG PAR GYUR NA TSE 'PHEL BAR BYED PA DANG, NAD MED PA LA SOGS PA 'PHEL BAR BYED PA YIN NO, ,DE BZHIN DU ZAS KYI LAM ZHU BA'I GNAS KYI NANG DU 'GRO BA'I GNAS BYED PA YIN TE SGO BYED PA'I GAGS BYED PA NI SGO GTAN YIN PA DANG 'DRA BAR 'DIR YANG ZHU BA'I GNAS KYI SGOR 'DUG STE MA ZHU BA'I GNAS DANG ZHU BA'I GNAS KYI BAR DU GNAS NAS DES KYANG ME'I DROD NANG DU SKYED PAS MA ZHU BA'I GNAS SU 'GRO BAR BDOG PA'I ZAS STOBS KYIS BKAG NAS MKHRIS PA'I ME DROD KYIS SMIN CING SKEM PAR BYED DO, ,DE NI STOBS LDAN ZOS BA RNAMS, ,ZHU NAS THUR DU 'DREN PAR BYED, ,STOBS ZHAN GYUR NA KHA ZAS NI, ,MA SMIN NYID DU 'BYUNG BAR BYED, ,CES BYA BA LA, 'DZIN PAR BYED PA ZHES BYA BA STE STOBS DANG LDAN PAR GYUR NA KHA ZAS ZOS PA RNAMS MA ZHU BA'I GNAS SU BKAG CING STOBS KYIS BKAG NAS SMIN CING ZHU BAR BYAS TE, DE'I 'OG TU ZAS DE DRI MA'I RNAM PAR ZHU BA'I GNAS SU 'DREN PAR BYED LA, DE NI STOBS DANG LDAN PA LAS GYUR GYI STOBS GZHAN LAS NI MA YIN NO, ,GAL TE 'DZIN PA ZHES BYA BA STE; STOBS ZHAN CING NYAM CHUNG BAR GYUR BA LA, NAD KYIS NYEN PA YIN NA, KHA ZAS MA ZHU ZHING MA SMIN PA NYID DU 'BYUNG ZHING DOR BAR BYED DO, ,'DZIN BYED STOBS NI ME DROD DE, ,DE YANG 'DZIN BYED STOBS CAN YIN, ,DE BAS ME DROD NYAMS GYUR NA, ,'DZIN BYED NAD NI SKYED PAR BYED, ,
CES BYA BA LA, 'DZIN BYED DE'I STOBS NI 'JU BAR BYED PA ZHES BYA BA'I ME DROD YIN LA ME DROD DE'I STOBS KYANG 'DZIN BYED YIN TE, DE LTAR NA GRUB PA DANG, BDE BA'I SBYOR BA GCIG GIS DE GNYIS LUS GNAS BAR BYED PA YIN NO, ,RGYU DE BAS NA KHONG BA'I ME DROD NYAMS SHING BRI BAR GYUR NA 'DZIN PA ZHES BYA BA DE NAD 'BYUNG BAR BYED PA'I RGYUR 'GYUR RO, ,ZAS GANG LUS KYI LUS ZUNGS MDANGS, ,STOBS DANG KHA DOG SOGS RGYAS BYED, ,DER RGYU KHA ZAS ME DROD NI, ,MI 'JU DANGS MA SOGS MI 'GYUR, ,ZHES BYA BA LA, GANG ZAS 'DI ZOS SHING BSTEN PAS LUS DANG LUS ZUNGS LA SOGS PA RGYAS SHING 'PHEL BAR BYED PA DE'I RGYU NI ME DROD KHO NA YIN TE, GANG GI PHYIR KHA ZAS MA ZHU BA LAS NI DANGS MA DANG KHRAG LA SOGS PAR MI 'GYUR TE, DE BAS NA LUS DANG LUS ZUNGS LA SOGS PA RGYAS PAR BYED PA LA NI THAMS CAD DU ME'I DROD KYIS 'JU BA'I BYA BA RDZOGS PAR BYA BA'I PHYIR ME DROD KHO NA RGYU'I GTZO BO YIN NO, ,ZAS NI DUS SU ZOS GYUR PA, ,LTO BAR SROG GI RLUNG GIS DRANGS, ,SKOM GYIS GONG BOR RNAM PAR DBYE, ,SNUM GYIS MNYEN PAR BYAS PA YIN, ,ME MNYAM GNAS KYIS BUS NAS NI, ,MA ZHU'I GNAS NAS RNAM SMIN BYED, ,PHYI YI SNOD GNAS 'BRAS CHU LTAR, ,LTO BA'I ME YIS ZHU BAR BYED, ,CES BYA BA LA, ZAS SU ZA BA'I KHA ZAS DUS SU BSTEN, ,BSHANG BA DANG NI GCI BA BSAL, ,DAG ZHES BYA BA LA SOGS PA'I GZHUNG GIS BSTAN PA'I TSUL DU LONGS SPYOD PAR 'GYUR NA, LTO'I GNAS SU SROG CES BYA BA'I RLUNG GIS DRANGS SHING BCUG NAS SKOM GYI RNAM PA GSHER BA'I RDZAS CHU DANG 'O MA DANG CHANG LA SOGS PA GONG POR GNAS PA CHE ZHING BSHIG PAR 'GYUR BA DANG, SNUM GYI RDZAS MAR LA SOGS PAS MNYEN ZHING 'JAM PA NYID DU BYAS PA YIN PA LA, DE BZHIN DU MA ZHU BA'I GNAS NA 'DUG PA NA SMIN CING 'JUG PAR BYED PA YIN LA, DE YANG ME DANG MNYAM DU GNAS PA ZHES BYA BA'I RLUNG GIS DE MNYAM PAR SPAR ZHING BUS NAS SMIN CING 'JU BAR BYED BA YIN NO, ,DE YANG JI LTAR PHYI'I MES SNOD KYI NANG NA GNAS PA'I SA DANG CHU 'TSOD CING SMIN PAR BYED BA DANG 'DRA BAR LTO BA'I MES KYANG SMIN CING ZHU BAR BYED PA YIN NO, ,DANG BOR RO DRUG ZAS KYANG NI, ,MNGAR BA NYID DU
, ,GYUR NAS NI, ,LBU BA CAN GYUR BAD KAN 'GYUR, ,ZHES BYA BA LA, KHA ZAS RO DRUG PO DE DAG KYANG DANG PO'I GNAS SKABS LA BAB PA'I TSE, LTO BA'I ME DROD KYIS 'JU BAR BYED PAS NA, KHA ZAS RO DRUG CAR ZOS SU ZIN KYANG RO MNGAR BA NYID DU GYUR CING MNGAR BA'I RANG BZHIN GYIS BAD KAN GYI NAD BSLANGS SHING DE'I MTSAN NYID CAN DU 'GYUR BA DANG, LBU BA CAN LBU BA 'DRA BA NYID DU 'GYUR RO, ,ZHU BA'I GNAS NAS 'PHO BA NA, ,RNAM PAR TSA BAS SKYUR NYID 'GYUR, ,MKHRIS GYUR, ,ZHES BYA BA LA, DANG PO'I GNAS SKABS 'DAS NAS GNAS SKABS BAR MA LA BAB PA'I TSE, LTO BA ME'I DROD KYIS SMIN PAR BYED CING 'JU BAR BYED PAS NA, RNAM PAR TSA BAS SKYUR BA NYID DU GYUR PAS MKHRIS PAR 'GYUR TE, DE CI'I PHYIR ZHE NA, ZAS DE ZHU BA'I GNAS NAS 'PHO BA NA MKHRIS PA BSKYED PA YIN PA'I PHYIR RO, ,'PHOS PA'I RJES LA NI, ME DROD KYIS SKAMS ZHU BA DANG, ,KHA ZHING GONG BUR GYUR RLUNG SKYED; ,CES BYA BA LA, ZAS DE MA ZHU BA'I GNAS NAS ZHU BA'I GNAS SU 'PHOS SHING ZHU BA'I GNAS SU PHYIN PA DANG, KHONG PA'I ME DROD KYIS SKAMS PA DANG, RO KHA BA DANG GONG BUR BSDUS PAR GYUR PA NA, GNAS SKABS GSUM PAR SRA BAR GYUR PA YIN TE, DE'I TSE NA RLUNG SKYED PAR 'GYUR BA YIN NO; ,SA DANG CHU DANG ME DANG RLUNG, ,NAM MKHAR BCAS PA'I DROD LNGA POS, ,RANG RANG YON TAN ZAS LNGA PO, ,SA SOGS KYIS SMIN DE 'OG TU, ,DE DAG RANG RANG JI BZHIN RGYAS, ,SMIN 'BYUNG YON TAN THA DAD YIN, ,SA RU GTOGS PAS SA NYID DANG, ,LHAG MAS LUS GTOGS LHAG MA RGYAS, ,ZHES BYA BA LA SOGS PA'I ME DROD RLUNG DANG BCAS PAR GNAS PA'I DROD LNGA PO DAG GIS ZAS KYI YON TAN LNGA PO LCI BA LA SOGS BA RANG RANG GI YON TAN LA SOGS PA RJES SU MCHED CING SMIN PAR BYED LA, DE'I 'OG TU SA LA SOGS PA DE DAG RANG RANG GI YON TAN GANG YIN PA LUS LA JI LTAR GNAS PA BZHIN DU GNAS SHING 'PHEL BAR BYED DO, ,DE YANG SO SO NAS THA DAD PA BYED PA YIN, DE YANG SA RU GTOGS PA'I 'BYUNG BA CHEN POS LUS LA GTOGS PA'I SA'I YON TAN RGYAS SHING 'PHEL BAR BYED PA YIN LA, LHAG MA SA'I YON TAN LAS GZHAN PA ME DANG CHU DANG RLUNG DANG NAM MKHA' RNAMS KYIS KYANG SA'I YON
TAN LAS MA GTOGS PA LHAG MA RANG RANG GI YON TAN RNAMS LUS LA GNAS PA RGYAS SHING 'PHEL BAR BYED PA YIN NO, ,ZAS DE ZHU BA'I TSIGS MA DANG, ,DANGS MA ZHES BYA GNYIS SU 'GYUR, ,ZHES BYA BA LA, ZAS DE ZHU BA'I TSE RNAM PA GNYIS SU 'GYUR TE, TSIGS MA'I TSUL CAN DANG, DANGS MA'I TSUL CAN NO, ,DE LAS ZAS KYI TSIGS MA SLA, ,GCIN 'GYUR SKA BA BSHANG BAR 'GYUR, ,ZHES BYA BA LA, DE LA TSIGS MA DANG DANGS MA DE NYID LAS ZAS KYI TSIGS MA'I DANGS MAR GYUR PA DE NI GCIN YIN PAR SHES PAR BYA LA, TSIGS MA'I SKABS GONG BUR GYUR PA GANG YIN PA DE NI BSHANG BA YIN PAR SHES PAR BYA'O, ,DANGS MA LUS ZUNGS RANG RANG GI, ,ME DROD KYIS SMIN RNAM BDUN 'GYUR, ,ZHES BYA BA LA, ZAS KYI DANGS MA BCUD DU GYUR PA'I DANGS PA'I BDAG NYID CAN GANG YIN PA DE LUS ZUNGS RANG GI ME DROD KYIS YANG SMIN CING TSOS PAR BYAS BA NA RNAM PA BDUN DU 'GYUR RO, , DANGS MA LAS KHRAG DE LAS SHA ,SHA LAS TSIL TE DE LAS RUS, ,RUS RKANG DE LAS KHU BA YIN, ,KHU BA LAS NI MNGAL GNAS 'GYUR, ,ZHES BYA BA LA, LUS ZUNGS KYI DANG PO DANGS MA LAS NI KHRAG TU 'GYUR RO, ,KHRAG DE LAS NI SHA RU 'GYUR LA, SHA LAS NI TSIL DU 'GYUR RO, ,TSIL LAS NI RUS PA'O; ,RUS PA LAS NI RKANG DU 'GYUR RO, ,RKANG LAS NI KHU CHUR 'GYUR RO, ,KHU CHU LAS NI MNGAL DU GNAS SHING BU CHAGS PA'I RGYUR 'GYUR RO, ,LUS ZUNGS TSIGS MA RIM BZHIN DU, ,BAD MKHRIS BU GA'I DRI MA DANG, ,RDUL DANG SEN MO BA SPU DANG, ,MIG LPAGS BSHANG SNUM DANGS MA YIN, , ZHES BYA BA LA, DE LAS LUS ZUNGS KYI NANG NA DANGS MA'I TSIGS MA NI BAD KAN NO, ,KHRAG GI TSIGS MA NI MKHRIS PA'O, ,SHA'I TSIGS MA NI BU GA STE, RNA BA DANG MIG DANG SNA DANG KHA DANG BA SPU'I BU GA DANG, BSHANG SGO DANG MTSAN GYI NANG NAS GANG DAG 'BYUNG BA RNAMS SO, ,TSIL GYI TSIGS MA NI GANG LUS KYI NANG NAS RDUL 'BYUNG BA'O, ,RUS PA'I TSIGS MA NI SEN MO DANG BA SPU'O, ,RKANG GI TSIGS MA NI MIG DANG PAGS PA DANG BSHANG BA'I YUL SNUM PA'O, ,KHU CHU'I TSIGS MA NI LUS ZUNGS THAMS CAD KYI MDANGS SU GYUR PA'O, ,DE LTAR NA RIM PA BZHIN DU SBYAR BA YIN TE, TSIGS MA
, ,ZHES BYA BA NI DRI MA LA BYA BA'I DON NO, ,DE LTAR LUS ZUNGS SMIN PA LAS, ,DANGS MA TSIGS MA GNYIS SU 'GYUR, ,ZHES BYA BA LA, JI SKAD DU BSHAD PA'I DANGS MA SOGS PA'I LUS ZUNGS RNAMS NI ME DROD KYIS SMIN PAR BYAS PA LAS, DANGS MA DANG SNYIGS MA STE, GNYIS SU 'GYUR ZHING RNAM PA GNYIS KHO NAR GNAS PA YIN NO, ,LUS ZUNGS SNUM NI GCIG LA GCIG ,PHAN TSUN NYE BAR BRTEN PA YIN, ,ZHES BYA BA LA, LUS ZUNGS RNAMS KYI SNUM NI DANGS MA'I SNYING PO STE, LUS ZUNGS KYI SNYING PO DE GCIG LAS GCIG TU BRGYUD CING ZAS KYI RO BCUD KYIS TSIM ZHING BRTEN PAR BYAS PA LAS RGYUN MI 'CHAD CING 'BREL TE GNAS PA GANG YIN PA DE NI PHAN TSUN NYE BAR BRTEN PA LAS SKYES PA YIN TE, LUS ZUNGS 'DI DAG PHAN TSUN GCIG LA GCIG BRTEN CING 'DAB 'BYOR PA DE LAS LUS ZUNGS KYI SNUM GCIG NAS GCIG TU BRGYUD BA 'BYUNG BAR 'GYUR RO, ,ZAS 'JU DANGS MA SOGS RIM GYIS, ,KHU CHUR GYUR PA LA LA NI, ,NYIN ZHAG GCIG 'DOD GZHAN DAG NI, ,ZHAG DRUG KHA CIG ZLA GCIG 'DOD, ,CES BYA BA LA, ZAS DANG PO ZHU NAS DANGS MA LA SOGS PA'I DNGOS PO YONGS SU GYUR PA'I MTSAN NYID KYIS KHU CHU NYID DU GYUR PA NI, SMAN PA LA LA NYIN ZHAG GCIG GIS 'GYUR BAR 'DOD LA, SMAN PA GZHAN DAG NI ZHAG DRUG GIS KHU CHU DAG TU 'GYUR RO, ,ZHES ZER RO, ,YANG SROG 'TSO BA'I SLOB DPON KHA CIG ZAS ZHU NAS DANGS MA LA SOGS PA RIM GYIS ZLA BA GCIG GIS KHU CHUR 'GYUR BAR 'DOD DO, , LUS KYI ZUNGS NI ZAS KYI RGYUN, ,'KHOR LO LTA BUR YONGS SU 'KHOR, ,ZHES BYA BA LA, LUS ZUNGS RNAMS KYI ZAS YIN PAS NA LUS ZUNGS KYI ZAS TE, LUS ZUNGS RNAMS NI LUS ZUNGS KYI ZAS YIN NO, ,ZHES BSHAD PA'I PHYIR RO, ,DE LTAR NA LUS ZUNGS RNAMS KYI RTEN DU NI LUS ZUNGS RNAMS GNAS PA YIN LA, DE RNAMS KYI RGYU BA'I RGYUN NI 'KHOR LO'I TSUL LTAR RGYUN MI 'CHAD PAR 'KHOR BA YIN ZHING ZAS LA BRTEN PAS BRTAS PAR 'GYUR BA'I PHYIR RO, ,RO TZA LA SOGS MTHU YIS NI, ,'PHRAL DU KHU BA LA SOGS SKYED, ,CES BYA BA LA, 'O MA DANG SHA KHU LA SOGS BA RO TZA BAR BYED PA'I KHA ZAS
DANG DE BZHIN DU SOGS ZHES SMOS PAS DUG DANG SBYAR DUG RAB TU ZHI BA LA SOGS PAS 'PHRAL DU STE, DE'I MOD LA DE'I KHU BA LA SOGS PA SKYED DO, ,PHAL CHER SMAN GZHAN NYIN ZHAG NI, ,GCIG GIS LAS RNAMS BYED PA YIN, ,ZHES BYA BA LA, PHAL CHER ZHES BYA BA RO TZA BA LA SOGS PA MA GTOGS PA'I SMAN GZHAN PHYE MA DANG BU RAM LA SOGS PA, SMIN PA LA SOGS PA'I BYA BA BYED PA DAG NI, PHAL CHER NYIN ZHAG GCIG NI RANG GI LAS BYED PA YIN NO, ,KHYAB BYED KYIS DANGS LUS ZUNGS RNAMS, ,'THOR BAR BYED PA'I LAS KYIS NI, ,CIG CAR RGYUN MI 'CHAD KUN TU, ,LUS LA RTAG TU RNAM PAR 'THOR, ,ZHES BYA BA LA, RLUNG KHYAB BYED KYIS DANGS MA DANG, LUS ZUNGS RNAMS LA 'THOR ZHING KHYAB PAR BYED PA YIN LA, 'THOR ZHING KHYAB PAR BYED PA'I LAS DE DANG 'TSAM PA'I RANG BZHIN DU GRUB PA GANG YIN PA DES CIG CAR RGYUN MI 'CHAD CING BAR CHAD MED PAR LUS LA RTAG TU RNAM PAR 'THOR ZHING KHYAB PAR BYED PA YIN NO, ,GTOR TSE BU GA'I SKYON GYIS NI, ,DANGS MA GONG DU CHAGS GYUR TE, ,DER NI GNOD PA SKYED BYED DE, ,MKHA' LA SPRIN CHAGS CHAR 'BAB MTSUNGS, ,ZHES BYA BA LA, DANGS MA'I ZAS RAB TU SGRUB BOR BYED PA ZHES BYA BA STE, KHYAB BYED KYIS GTOR BA'I TSE BU GA NAD KYIS 'KHRUGS PA'I SKYON GYIS DANGS MA'I PHYOGS GANG DU CHAGS SHING GNAS PAR GYUR PA'I LUS KYI PHYOGS DER GNOD PA BYED CING NAD SKYED PAR BYED DO, ,DE YANG JI LTAR NAM MKHA'I BAR SNANG LA SPRIN CHAGS PAR GYUR NA, DE LAS CHAR BAB PAR 'GYUR BA DANG MTSUNGS SO, ,NAD KYANG MA SNYOMS GYUR PA LAS, ,PHYOGS GCIG 'DUS NA LDANG BAR 'GYUR, ,ZHES BYA BA LA, RLUNG LA SOGS PA'I NAD RNAMS KYANG TSUL DE BZHIN DU MA SNYOMS PAR GYUR PA LAS PHYOGS GCIG TU 'DUS NA GNAS KYI SKYON GYIS NAD SKYED PAR 'GYUR RO, ,DE LTAR 'BYUNG BA LUS ZUNGS ME'I, ,LAS NI YONGS SU BSHAD PA YIN; ,ZHES BYA BA LA, DE LTAR BSHAD PA'I RIM PAS ME'I LAS BSHAD CING BSTAN PA YIN, DE YANG ZAS 'JU ZHING SMIN PA'I LAS DANG DE BZHIN DU 'BYUNG BA CHEN PO LNGA DANG DE BZHIN DU LUS ZUNGS KYI ME BSHAD PA YIN TE, ZAS KYI ME NI, ZAS NI DUS SU ZOS GYUR BA, ,ZHES BYA BA LA SOGS PAS
, ,LTO BA'I ME'I LAS BSHAD PA YIN NO, ,SA DANG CHU DANG ME DANG RLUNG, ,ZHES BYA BA LA SOGS PA NI, 'BYUNG BA LNGA'I LAS BSHAD PA YIN NO, ,DANGS MA LUS ZUNGS RANG RANG GIS, ,ZHES BYA BA NI, LUS ZUNGS KYI ME'I LAS BSHAD PA YIN NO, ,SMIN BYED KUN LA ZAS 'JU BA'I, , ME NI LHAG PA YIN PAR 'DOD, ,CES BYA BA LA, SMIN PAR BYED PA ME'I DROD THAMS CAD KYI NANG NAS ZAS 'JU BAR BYED PA'I PHO BA'I ME DROD GANG YIN PA DE NI LHAG CING MCHOG TU GYUR PAR 'DOD PA YIN NO, ,DE NI RTZA BA DE 'PHEL 'PHEL, ,ZAD GYUR ZAD PA'I BDAG NYID 'GYUR, ,ZHES BYA BA LA, GANG GI PHYIR ZAS 'JU BA'I ME DROD DE NI RTZA BA YIN TE, 'PHEL BAR GYUR NA, ME DROD GZHAN DAG KYANG 'PHEL BAR 'GYUR LA, ZAS KYI ME DROD DE ZAD PAR GYUR NA 'BYUNG BA LNGA DANG LUS ZUNGS KYI ME DROD KYANG ZAS KYI BDAG NYID CAN DU 'GYUR RO, ,DE BAS RIGS PAS CHO GA BZHIN, ,ZAS SKOM RIGS SHING PHAN PA YIN, ,DE 'BAD PAS BSRUNG GNAS GYUR NA, ,TSE DANG STOBS NI GNAS PAR 'GYUR, ,ZHES BYA BA LA, DE LTAR RTZA BA YIN PA'I RGYU YIN PA DE BAS NA, ZAS 'JU BAR BYED PA'I ME DROD DE RIGS SHING PHAN PA'I CHO GA BZHIN DU ZAS DANG SKOM GYI BUD SHING RJES SU MTHUN PAR BSRUNG ZHING BSKYANG BA LA 'BAD PA DANG LDAN BAR BYA'O, ,CI'I PHYIR ZHE NA, ZAS 'JU BA'I PHO BA'I ME GNAS PAR GYUR NA TSE GNAS PAR 'GYUR BA DANG, LUS KYI STOBS GNAS PAR 'GYUR BA YIN NO, ,MNYAM GNAS RANG GNAS 'DUG NA MNYAM, ,MNYAM LAS GZHAN 'GRO DROD MI SNYOMS, ,MKHRIS PA SHAS CHER RNO BAR 'GYUR, ,BAD KAN GYIS GNOD ME DROD CHUNG, ,ZHES BYA BA LA, ME DANG MNYAM DU GNAS PA ZHES BYA BA'I RLUNG RANG GI GNAS SU 'DUG LA, ME'I DROD KYANG MNYAM ZHING SNYOMS PAR 'GYUR LA, LAM GZHAN DU 'GRO ZHING RANG GI GNAS NA 'DUG NA ME'I DROD MI SNYOMS SHING CHA MI SNYOMS PAR 'GYUR RO; ,ME DANG MNYAM DU GNAS PA DE BAD KAN GYI SHAS KYIS MNAN CING GNOD PAR GYUR NA, ME DROD CHUNG BAR 'GYUR RO, ,ME DROD MNYAM DANG MI MNYAM RNO, ,CHUNG DANG DE LTAR RNAM BZHI YIN, ,ZHES BYA BA LA, ME'I DROD KYI STOBS KYI DBYE BA NI CHA MNYAM PA DANG, CHA MI MNYAM PA DANG, RNO BA DANG CHUNG
BA STE RNAM PA BZHIR 'GYUR BA YIN NO, ,GANG ZHIG ZAS NI LEGS ZOS PA, ,LEGS PAR 'JU 'DI MNYAM PA YIN, ,ZHES BYA BA LA, DA LA ME SHAS MNYAM PA NI ZAS KYI TSOD LA SOGS PA LEGS PAR BRTAGS TE, ZOS BA DE LEGS PAR 'JU BAR 'GYUR BA YIN NO, ,LEGS PAR MA ZOS MYUR 'JU BA'AM, ,LEGS ZOS RING ZHING 'JU MI MNYAM, ,ZHES BYA BA LA, ME DROD MI MNYAM ZHING MI SNYOMS PA NI, ZAS KYI CHO GA'I TSUL BZHIN DU LEGS PAR MA ZOS KYANG MYUR DU 'JU BA'AM LEGS PAR ZOS SU ZIN KYANG RING ZHIG NA 'JU BAR GYUR PA YIN NO, ,ZAS NI LEGS PAR MA ZOS KYANG, ,MYUR 'JU ME DROD RNON PO YIN, ,ZHES BYA BA LA, ME'I DROD RNON PO'I MTSAN NYID NI, TSAD LA SOGS PA DANG LDAN PAR LEGS PAR MA ZOS SU ZIN KYANG MYUR DU 'JU BAR BYED PA YIN TE, DE NYID 'PHEL BAR GYUR NA, ME DROD DRAGS CHES PAR 'GYUR RO, ,ZAS NI LEGS PAR ZOS GYUR KYANG, ,RING NAS 'JU ZHING KHA SKAM DANG, ,SBO DANG RGYU MA 'KHRUGS PA DANG, ,LCI BA ME DROD CHUNG BA YIN, ,ZHES BYA BA LA, ME DROD CHUNG BA NI ZAS KYI CHO GA LEGS PAR ZOS SU ZIN KYANG KHA SGAM PA LA SOGS PAR BYED NAS RING ZHIG NA GDOD 'JU BAR BYED PA YIN NO, ,RGYU MA 'KHRUGS PA NI SGRA MI GSAL BAR KRUG KRUG ZER BA'O, , LCI BA NI LUS KYI KHONG LCI ZHING SNYOM PA'O, ,ME DROD NYAMS NA 'CHI 'GYUR ZHING, ,SKYON MED NA NI YUN RING 'TSO, ,MA SNYOMS NAD NI SKYE 'GYUR BAS, ,DE'I PHYIR ME DROD GTZO BO YIN, ,ZHES BYA BA LA, GONG DU SMOS PA'I ME DROD NYAMS SHING MED PAR GYUR NA NI, 'CHI ZHING SROG 'DOR BAR 'GYUR LA, SKYON MED CING NAD KYI NYES PA DANG MA 'DRES NA YUN RING DU 'TSO ZHING TSE GNAS PAR 'GYUR RO, ,ME'I DROD CHE CHUNG MA SNYOMS PAR GYUR NA NI NAD RNAMS SKYED PAR 'GYUR LA, DE BAS NA ME'I DROD NI LUS GNAS PA YIN NO, ,ZHES BSHAD DO, ,LUS STOBS LHAN CIG SKYES PA DANG, ,DUS SKYES RIGS PA LAS BYUG GSUM, ,ZHES BYA BA LA, LUS KYI STOBS KYI TSUL NI RNAM PA GSUM STE, LHAN CIG SKYES PA DANG, DUS KYI DBANG GIS SKYES PA DANG, RIGS PA'I SBYOR BA LAS SKYES PA'O, ,DE LA LUS SEMS LAS BYUNG BA, ,RANG BZHIN LHAN CIG SKYES PA'I STOBS, ,ZHES BYA BA LA, STOBS DE DAG GI
, ,NANG NAS LUS DANG SEMS LAS BYUNG BA'I STOBS RANG BZHIN GYIS GNAS PA'AM, THA MAL PAR GNAS PA GANG YIN PA DE NI LHAN CIG SKYAS PA'I STOBS ZHES BYA'O, ,NA TSOD DUS TSIGS LAS BYUNG BA, ,DUS SKYES YIN TE, ZHES BYA BA LA, NA TSOD BYIS PA DANG DAR LA BAB PA LA SOGS PA'I DBYE BAS PHYE BA'I DBANG LAS BYUNG ZHING NA TSOD JI LTA BA'I TSUL MA SKYES PA DANG, DGUN LA SOGS PA'I DUS LAS BYUNG ZHING SKYED PA'I DUS LAS BSKYED PA STE, DE GNYIS NI DUS LAS SKYES PA'I STOBS ZHES BYA'O, ,RIGS PA LAS, BYUNG BA SPYOD LAM ZAS GYIS BSKYED; ,DE BZHIN GZI BSKYED SBYOR LAS BYUNG, ,ZHES BYA BA LA, DE LA RIGS PA LAS BYUNG BA'I STOBS SPYOD LAM ZHES PA LUS DANG NGAG DANG YID KYIS BYAS PA'I SPYOD LAM RNAM PA SNA TSOGS PA DANG, DE BZHIN DU ZAS KYI RNAM PA BZA' BA DANG, BTUNG BA DANG, BLDAG PA DANG, MYANG BA LA SOGS PA RNAM PA DU MA STE, DE GNYIS LAS BYUNG BA NI RIGS PA LAS BYUNG BA ZHES BYA'O, ,DE YANG RIGS PA NI 'DI DANG 'DI LTAR BYA'O, ,ZHES BYA BA'I CHO GA'I TSUL NGES PA STE, DE LAS BYUNG BA'O, ,DE BZHIN DU GZI MDANGS BSKYED PA'I SBYOR BA LAS BYUNG BA DE YANG RIGS PA LAS BYUNG BA YIN TE, GZI MDANGS BSKYED PA'I SBYOR BA NI PHAL CHER BCUD KYIS LEN PA DANG, RO TZA BA'I SBYOR BA YIN PAS, DE GNYIS LAS SKYES PAS NA GZI MDANGS BSKYED PA'I SBYOR BA LAS BYUNG BA ZHES BYA'O, ,YUL PHYOGS SHING RI CHU NYUNG LA, ,SKAMS NAD NYUNG SKYED BYED YIN, ,RLAN CAN DE LAS BZLOG PA YIN, , CHA MNYAM THUN MONG YIN PAR BSHAD, ,CES BYA BA NI, SKAM SA'I YUL PHYOGS SHING DANG RI DANG CHU NYUNG ZHING SHAS CHUNG BA GANG YIN PA DE NI NAD NYUNG BA SKYED CING NAD MED PA'I RGYU YIN LA, YUL SA RLAN CAN DAG NI SKAMS LAS GO BZLOG PA YIN TE, SHING DANG RI DANG CHU MANG BA DE NAD SKYED PA YIN NO; ,DE GNYI GA'I CHA MNYAM PA NI THUN MONG YIN TE, GNYI GA'I CHA YOD PA'I PHYIR RO, ,RKANG DANG TSIL DANG ZHAG DANG GCIN, ,MKHRIS PA BAD KAN PHYI SA KHRAG ,DANGS MA CHU RNAMS LUS GNAS PA'I, ,SNYIM PA RE RES BSKYED PAR BYA, ,ZHES BYA BA LA, LUS DANG RKANG NAS CHU'I BAR DAG GANG
YOD PA NI SNYIM PA RE RES BSKYED PAR BYA STE, DE'ANG, RKANG NI SNYIM PA GCIG GO, ,TSIL NI SNYIM PA GNYIS SO, ,ZHAG NI SNYIM PA GSUM MO, ,GCIN NI SNYIM PA BZHI'O, ,MKHRIS PA NI SNYIM PA LNGA'O, ,BAD KAN NI DRUG GO, ,PHYIS NI BDUN NO, ,KHRAG NI BRGYAD DO, ,DANGS MA NI DGU'O, , CHU NI SNYIM PA BCU'O, ,MDANGS DANG KLAD RGYAS KHU CHU NI, ,RE RE 'ANG RANG GI KHYOR GANG YIN, ,ZHES BYA BA LA, DANGS MA LA SOGS PA GSUM PO NI RE RE ZHING YANG RANG GI KHYOR TSAD KYI KHYOR RE RE YOD PAR SLOB DPON DAG GIS BSHAD DO, ,BUD MED NU ZHO SNYIM DO DANG, ,ZLA MTSAN SNYIM PA BZHI YOD DO, ,ZHES BYA BA LA, BUD MED RNAMS LA NU ZHO NI RANG GI TSAD KYI SNYIM DO YOD LA, ZLA MTSAN GYI KHRAG NI SNYIM PA BZHI YOD PA YIN NO, ,'DI LTAR SNYIM PA DANG KHYOR BA ZHES SMOS PA NI, RANG RANG GI LAG PA'I TSAD KYI CHE CHUNG LA BYA'I, SRANG TSAD KYI YI GE LAS SMOS PA LTAR SRANG BZHI DANG SRANG GNYIS LA MI BYA STE, 'DIR RANG GI ZHES SMOS PA'I PHYIR RO, ,DE LA SNYIM PA NI LAG PA GNYIS SBYAR BA LAS BYUNG BA'O, ,KHYOR BA NI LAG PA GCIG SKYOR TE BZHAG PA'O, ,LUS ZUNGS MNYAM NAS TSAD 'DI YIN, ,DE LAS 'PHEL DANG ZAD CES BYA, ,ZHES BYA BA LA, GONG DU BSHAD PA'I TSUL 'DI NI, SKYES BU LUS ZUNGS CHA MNYAM PAR GNAS PA LAS TSAD DU BYA BA YIN PAS, TSAD DE LA 'PHEL BA DANG ZAD PAR GYUR PAR SHES SHING RTOGS PAR BYA'O, ,KHU CHU KHRAG DANG SBRUM MA'I ZAS, ,SPYOD LAM MNGAL GNAS DUS TSIGS NAS, ,GANG ZHIG NYES PA LHAG GYUR DES, ,RANG BZHIN RNAM PA BDUN DU BSHAD; ,CES BYA BA LA, KHU BA DANG, KHRAG DANG, SBRUM MA'I ZAS DANG, SPYOD LAM MNGAL GYI GNAS DANG, DUS TSIGS DE RNAMS LAS GANG ZHIG NAD KYIS NYEN PA'I DBANG GIS TSAD LAS LHAG PAR GYUR PA DES, KHU CHU LA SOGS PAR GNAS PA'I RANG BZHIN RNAM PA BDUN BSHAD DE, RLUNG GI RANG BZHIN DANG, MKHRIS PA'I RANG BZHIN DANG, BAD KAN GYI RANG BZHIN DANG, RLUNG DANG MKHRIS PA'I RANG BZHIN DANG, RLUNG DANG MKHRIS PA DANG BAD KAN GYI RANG BZHIN TE DE LTAR BDUN NO, ,KHYAB DANG MYUR BAR BYED PHYIR DANG, ,STOBS LDAN PA DANG GZHAN LDANG BYED, ,RANG DBANG CAN DANG NAD MANG PHYIR, ,NAD
, ,LAS PHAL CHER RLUNG STOBS CAN, ,ZHES BYA BA LA, RLUNG NAD KYI RANG BZHIN NI KHYAB CING KUN TU 'GRO BA DANG, MYUR ZHING RENGS BAR NAD SKYED PA DANG, STOBS DANG LDAN ZHING MTHU CHE BA DANG, MKHRIS PA DANG BAD KAN GYI NAD LDANG BAR BYED PA DANG, BSHANG GCI LA SOGS PA 'DREN PAR BYED PA DANG, RANG DBANG CAN RANG RGYUD DU GNAS PA DANG, DE BZHIN DU NAD MANG BA STE, RLUNG NAD BRGYAD CU SKYED PA'I PHYIR NAD GZHI GSUM CHA LAS KYANG RLUNG NAD NI PHAL CHER ZHES SMOS PA NI KHYAD PAR DU BYAS PA'I TSIG SMOS PA YIN NO, ,DE NYID KYIS NA RLUNG GIS BSKYOD PA'I MI RNAMS NI, NAD KYI BDAG NYID RDUL CAN SKRA BSHOR PAGS PA GAS, ,GRANG LHAGS MI BZOD BRTAN DRAN BLO GROS SPYOD MDZAD SRED, ,BLTA DANG 'GRO BA G-YO ZHING SMRA BA SHIN TU MANG, ,ZHES BYA BA LA, RGYU DE NYID KYIS NI RLUNG GI NAD KYIS BSKYOD PA'I MI RLUNG GIS KHU CHU DANG KHRAG LA SOGS PA BSKYOD PAR 'GYUR BA'I MI RNAMS NI, NAD KYI BDAG NYID CAN DU GNAS PA DANG, RDUL GYIS GTOR BA LTA BUR SKRA DANG LUS LA SOGS PAR GNAS PA DANG, DE BZHIN DU GRANG LHAGS MI BZOD CING DRO BAR 'DOD PA DANG, DE BZHIN DU BRTEN PA NAS 'GRO BA'I BAR SHIN TU G-YO ZHING BRTEN PA MA YIN TE, BRTAN PA NI SRAN THUB PA'O, ,DRAN PA NI MI BRJED PA'O; ,BLO GROS NI SHES RAB BO, ,SPYOD PA NI RTZOM PA'O, ,MDZA' LA SRED PA NI YID GCUGS PAR DGA' BA'O, ,BLTA BA NI MTHONG BA'O, ,'GRO BA NI KUN TU 'PHYAN PA STE, DE DAG G-YO ZHING MI BRTAN PA'O, ,DE BZHIN DU SHIN TU MANG DU SMRA ZHING SMRA BA LA DGA' BA YIN NO, ,BAD KAN NOR NYUNG TSE THUNG GNYID SRAB DANG, ,GCOM CHUNG TSIG THOGS G-YO ZHING SKAD 'DZER DANG, ,CHAD LTA MANG DU ZA ZHING SGEG DANG BCAS, ,GLU DANG DGOD DANG RNGON LAS 'THAB LA DGA', ,ZHES BYA BA LA, GZHAN YANG RLUNG CAN GYI MI'I MTSAN NYID NI BAD KAN DANG NOR NYUNG BA LA SOGS PA YIN TE, GCOM CHUNG BA NI TSIG PHRA BA'O, ,TSIG THOGS PA NI PHYED LUS PA'O, ,G-YO BA NI MI BRTAN PA'O, ,SKAD 'DZER BA NI SKAD GSANG NYAMS PA'O, ,CHAD PAR LTA BA NI MED PAR LTA BA'I GZHUNG LA DGA' BA'O, ,MANG DU ZA BA NI LTO CHE BA'O, ,SGEG PA DANG BCAS PA NI BSGYINGS TSUL DANG BCAS PA
DANG GLU DANG DGOD PA'O, ,RNGON PA'I LAS RI DAGS SHOR BA DANG 'THAB PA LA DGA' BA RNAMS DANG LDAN PA YIN NO, ,MNGAR SKYUR KHA DANG TSA BA'I RO GOMS SRED, ,LUS SKEM DBYIBS RENG 'GRO TSE SGRA DANG BCAS, ,MI BRTAN DBANG PO MI THUL DAM PA MIN, ,BUD MED MI CHAGS BU MANG SKYE MI 'GYUR; ,ZHES BYA BA LA, RLUNG GI RANG BZHIN CAN GYI BU GANG YIN PA DE NI RO MNGAR BA LA SOGS PA'I GOMS PAR SRED PA DANG, LUS SKEM ZHING DBYIBS RING BA DANG, 'GRO ZHING RGYU BA'I TSE TSIGS SGRA 'KHROL BA DANG BCAS PA STE, 'GRO ZHING 'CHAGS MI BRTAN ZHING G-YO BA DANG, DBANG PO MI THUL ZHING ZHI BA'I SPYOD PA MED PA DANG, DAM PA'I SPYOD PA MED CING 'PHAGS PA MA YIN PA DANG, BUD MED RNAMS LA MNGON PAR MI DGA' ZHING RJES SU CHAGS PAR MI 'GYUR BA DANG, BU TSA MANG PO SKYE ZHING 'PHEL BAR MI 'GYUR BA YIN NO, ,DE YI MIG NI RTZUB CING RDUL GYIS GANG, ,ZLUM ZHING MI MDZES 'CHI BA LTA BU DANG, ,PHYE GDANGS GNYID LOG LTA BUR SNANG BA YIN, ,DE NI SHING DANG RI 'DZEG MKHA' 'PHUR RMI, ,ZHES BYA BA LA, RLUNG GI RANG BZHIN GYI SKYES BU MIG RTZUB CING SNUM PA MED PA DANG, RDUL GYIS GANG ZHING PHYAG DAR GTOR BA LTAR SNANG BA LA, MIG GI DBYIBS ZLUM PA DANG, MI MDZES SHING BLTA NA MI SDUG PA DANG, 'CHI BA'I MIG DANG MTSUNGS SHING 'DRA BA DANG, PHYE ZHING GDANGS PAR GYUR BA DANG, GNYID KYIS LOG PA 'DRA BAR SNANG BA YIN NO, ,DE BZHIN DU RMI LAM GYI NANG DU SHING CHEN PO LA 'DZEG PA DANG, RI LA 'DZEG PA DANG, NAM MKHA' LA 'PHUR BA RMI BA YIN NO, ,SKAL NGAN SER SNA CHE ZHING KHENGS PA DANG, ,RKU ZHING BYIN SNYING RTZA RINGS BCAS PA DANG, ,KHYI DANG WA DANG BYA RGOD RNGA MO KHRAG ,BYI BA'I MTSAN NYID LDAN MI RLUNG CAN YIN, ,ZHES BYA BA LA, RLUNG GI MTSAN NYID CAN GYI MI NI SKAL BA NGAN CING BKRA MI SHIS PA DANG, SER SNA CHE BA DANG, KHENGS PA DANG; LOG PAR RLOM PA DANG, RKU 'PHROG LA DGA' BA DANG BYIN SNYING GI RGYAB KYI RTZA MTHO ZHING RTZE MO 'KHYIL ZHING, BYIN PA'I NYVA GLO ZHING MTHO BA YIN NO, ,DE BZHIN DU KHYI DANG, WA DANG, RNGA MO DANG, BYA RGOD DANG, KHRA DANG, BYI BA'I MTSAN NYID DANG LDAN ZHING DE DAG GI RANG BZHIN CAN GYI GZUGS DANG RO DANG SPYOD
, ,PA RJES SU MTHUN PA GANG DAG YIN PA DANG LDAN TE, DE LTA BU'I MI NI RLUNG GI RANG BZHIN CAN YIN PAR SHES PAR BYA'O, ,MKHRIS PA ME 'DRA ME LAS BYUNG YIN PHYIR, ,MKHRIS PA RGYAS PA SKOM DANG BKRES SHAS CHE, ,MDOG SER LUS TSA RKANG LAG GDONG YANG DMAR, ,SKRA SER SPU NYUNG DPA' ZHING NGA RGYAL CHE, ,ZHES BYA BA LA, DRANG SRONG THANG LA 'BAR GYI GZHUNG GIS MKHRIS PA RANG NYID ME DANG 'DRA STE, SMIN PA LA SOGS PA'I LAS BYED PAS MA'I SGRAR BSHAD DO, ,ME'I RANG BZHIN CAN GYI MTSAN NYID YIN PA'AM, ME DROD KYI GZHI YIN PAR GYUR PA'I PHYIR RO, , DE LAS BYUNG BA NI TSIGS MA'I RANG BZHIN CAN GYI KHRAG NI MKHRIS PA YIN LA, DE'I PHYIR MKHRIS PA DE RGYAS SHING 'PHEL BAR 'GYUR BA'I SROG CHAGS RNAMS NI SKOM PA DANG BKRES PA'I SHAS CHE BA DANG LUS KYANG MDOG SER BA DANG, LUS TSA BA 'UR 'UR POR GNAS PA DANG, RKANG PA DANG LAG PA DANG GDONG GI KHA DOG DMAR BA DANG, SKRA DMAR SER DU GNAS PA DANG, SPU'I TSOGS 'BYI ZHING NYUNG BA DANG, DPA' ZHING RTUL PHOD PA DANG, NGA RGYAL CHE ZHING KHENGS PA DANG BCAS PA DANG LDAN PA YIN NO, ,PHRENG BA BYUG PA RGYAN LA LHAG PAR DGA', ,SPYOD BZANG GTZANG SBRA CHE ZHING MNYES GSHIN LA, ,'BYOR DANG RTUL PHOD BLO GROS STOBS DANG LDAN, ,'JIG RTEN DGRA BO 'ANG SKYABS 'ONGS SKYOB PAR BYED, ,CES BYA BA LA, MKHRIS BA CAN GYI MI NI, PHRENG BA LA SOGS PA LA MNGON PAR DGA' BA YIN TE, PHRENG BA NI ME TOG GI PHRENG BA LA SOGS PA'O, ,BYUG BA NI DRI ZHIM POS BSKUS PA'O, ,RGYAN NI MU TIG GI PHRENG BA LA SOGS PAS BRGYAN CING BZHAG PA'O, ,SPYOD PA BZANG PO NI BYED SPYOD MDZES PA'O, ,GTZANG SBRA CHE BA NI LUS DANG NGAG DANG YID SKYON MED PA'O, ,MNYES GSHIN PA NI BRAN G-YOG LA SOGS PA LA BYAMS PA'O, ,'BYOR PA NI LONGS SPYOD PHUN SUM TSOGS PA'O, ,RTUL PHOD PA NI NYAMS KYIS MI LCOGS BA DAG KYANG BYED PAR SPRO BA'O, ,BLO GROS KYI STOBS NI SHES RAB KYI NUS PA STE, DE DAG DANG LDAN PAR 'GYUR BA'O, ,DE BZHIN DU 'JIGS SHING SKRAG PAS NYEN PA'I DGRA BO DAG KYANG SKYABS SU 'ONGS SHING 'DUD PAR BYED PAS NA, SKYOB CING GNOD PA LAS SRUNG BAR BYED PA YIN NO, ,YID
GZHUNGS TSIGS KYI MTSAMS DANG SHA NI RAB TU LHOD, ,BUD MED MI DGA' KHU BA DANG NI 'DOD PA CHUNG, ,GNYER MA'I TSOGS DANG SKRA DKAR MIG SNGO'I GNAS GYUR LA, ,ZAS NI MNGAR DANG BSKA DANG KHA BSIL ZA BAR DGA', ,ZHES BYA BA LA, YANG MKHRIS PA'I RANG BZHIN CAN GYI MI NI YID GZHUNGS SHING BLO DANG LDAN PA DANG, RUS PA'I TSIGS KYI 'BREL MTSAMS SHA'I TSIGS LHOD CING GRIMS BAG MED PA DANG, BUD MED RNAMS DE LA DGA' BAR MI 'GYUR BA DANG, KHU BA'I SHAS CHUNG BA DANG, 'DOD PA CHUNG ZHING 'KHRIG PA LA MNGON PAR MI GDU BA DANG, PHAGS PA'I TSOGS GNYER MA MANG BA DANG, SKRA DKAR LHAGS PA DANG, MIG SNGO BA'I NAD RNAMS SU 'GYUR ZHING DE DAG DANG LDAN PAR 'GYUR BA DANG, KHA ZAS KYANG MNGAR BA LA SOGS PA'I RO DANG LDAN PA LA SRED CING DGA' BA LA LONGS SPYOD PAR 'GYUR BA YIN NO, ,THAN PA MI BZOD RDUL ZHING DRI NGA LA, ,BSHANG GCI BZA' BTUNG KHRO DANG PHRAG DOG MANG, ,RMI LAM DONG KA BA LA SHA'I ME TOG ,GLOG 'GYU PHYOGS TSIG SKAR MDA' NYI ME MTHONG, ,ZHES BYA BA LA, GZHAN YANG MKHRIS PA CAN GYI MTSAN NYID NI, TSAD PA MI BZOD CING BSTEN MI NUS PA DANG, RTAG TU RDUL 'BYUNG BA DANG, LUS DRI NGA ZHING MNAM PA DANG; DE BZHIN DU BSHANG GCI LA SOGS PA MANG ZHING SHAS CHE BA DANG, GNYID LOG PA'I RMI LAM GYI NANG NA DONG KA'I SHING DANG, DE BZHIN DU PA LA SHA'I ME TOG DANG, DE BZHIN DU GLOG 'GYU BA DANG, PHYOGS TSIG PA DANG, SKAR MDA' LHUNG BA DANG, NYI MA 'CHAR BA DANG, ME CHEN PO 'BAR BA MTHONG BA YIN NO, ,'DI YI LUS PHRA MIG SER G-YO BA DANG, ,RDZI MA SRAB CING NYUNG ZHING GRANG LA DGA', ,KHRO DANG CHANG DANG NYI MA'I 'OD ZER GYIS, ,MIG NI MYUR BAR DMAR POR 'GYUR BA YIN, ,ZHES BYA BA LA, MKHRIS PA DANG LDAN PA'I SKYES BU 'DI'I MIG DBYIBS PHRA BA DANG, MIG SER SKYAR GNAS PA DANG, RNAM PAR G-YO ZHING DGOD PA DANG, DE BZHIN DU MIG GI RDZI MA'I PHYOGS SRAB CING GRANGS NYUNG BA DANG, GRANG ZHING BSIL BA LA MNGON PAR DGA' BA DANG, KHRO ZHING 'KHRUGS PA DANG CHANG 'THUNGS PA DANG, NYI MA'I 'OD ZER GYIS PHOG NA DE'I MIG MYUR DU DMAR ZHING SNGO BAR
, ,'GYUR BA YIN NO, ,TSE NI RAN ZHING STOBS NI 'BRING BA DANG, ,MKHAS SHING SDUG BSNGAL DAG LA SRAN CHUNG 'GYUR, ,STAG DANG DRED DANG SBRE'U BYI LA DANG, ,GNOD SBYIN RANG BZHIN LDAN PA MKHRIS CAN YIN, ,ZHES BYA BA LA, YANG DE NI TSE'I TSAD RAN CING 'BRING TZAM DU GNAS PA DANG, STOBS SHIN TU CHE BA MA YIN GYI 'BRING TZAM DU GNAS PA DANG, MKHAS SHING BLO DANG LDAN PA DANG, SDUG BSNGAL SRAN CHUNG ZHING NYON MONGS PA LA BZOD PAR MI NUS SHING 'JIGS PA DANG BCAS PA YIN NO, ,GZHAN YANG STAG LA SOGS PA'I GZUGS DANG SKAD KYI NGA RO DANG, SPYOD PA DANG RJES SU MTHUN PAR BYED PA NI MKHRIS PA'I RANG BZHIN CAN GYI MI YIN PAR SHES PAR BYA'O, ,BAD KAN BSIL BAS BAD KAN CAN BSIL ZHING, ,RUS TSIGS MI MNGON SNUM ZHING SHA RUS 'BREL, ,BKRES SKOM NYON MONGS SDUG BSNGAL THAN PA BZOD, ,BLO LDAN SNYING STOBS CHE ZHING DAM BCA' BRTAN, ,ZHES BYA BA LA, GANG GI PHYIR BAD KAN GYI RANG BZHIN BSIL BA YIN PA'I PHYIR, BAD KAN CAN GYI RANG BZHIN SKYES BU YANG BSIL ZHING KHONG DRANG BA YIN TE, GANG GI PHYIR NA 'BRAS BU RNAMS NI RGYU DANG RJES SU MTHUN PAR 'BYUNG BA YIN PA'I PHYIR RO, ,DE BZHIN DU BAD KAN CAN GYI SKYES BU RUS PA'I TSOGS MI MNGON PAR BAGS PA'I MDOG SNUM BA DANG, SHA RUS PHAN TSUN 'BREL CING GCIG LA GCIG 'BYOR PAR GNAS PA DANG, DE BZHIN DU BKRES PA LA SOGS PA'I SDUG BSNGAL RNAMS BZOD CING SRAN THUB PA DANG, BLO DANG LDAN ZHING SHES RAB CHE BA DANG SNYING STOBS KYI RANG BZHIN SHAS CHE BA DANG, DAM BCA' BA BRTAN ZHING MI 'GYUR BA YIN NO; ,PRI YANG KU DANG D'UR BA 'DAM BU'I MDOG ,TSON DANG GI WANG PADMA GSER MDOG CAN, ,LAG NGAR RING ZHING BRANG NI YANGS LA RGYAS, ,DPRAL BA'I DBYES CHE SKRA NI MTHUG CING GNAG ,CES BYA BA LA, YANG BAD KAN CAN GYI MI BRI YANG KU LA SOGS PA'I MDOG DANG LDAN PAR 'GYUR TE, LA LA NI PRI YANG KU LTA BU'I MDOG CAN YIN NO, ,LA LA NI D'UR BA LTA BU'I MDOG CAN NAS, LA LA NI GSER GYI MDOG DANG 'DRA BA'I BAR DU 'GYUR BA YIN NO, ,DE YANG DE BZHIN DU LAG NGAR RING ZHING PUS MO'I BAR DU PHYIN PA DANG, BRANG PEL CHE ZHING YANGS LA SHA RGYAS PA DANG, DPRAL BA'I DBYES CHE ZHING YANGS PA DANG,
SKRA'I TSOGS MTHUG CING MDOG GNAG PAR GNAS PA YIN NO, ,LUS 'JAM SNYOMS SHING YAN LAG MDZES PA DANG, ,MDANGS CHE KHU BCUD BU TSA G-YOG 'KHOR MANG, ,CHOS LDAN TSIG RTZUB NAM YANG SMRA MI BYED, ,DGRA LA ZHE SDANG 'DAM RING SA KHO NA 'DZIN BYED, ,CES BYA BA LA, YANG LUS KYI SHA MDANGS 'JAM ZHING MNYEN PA DANG, YAN LAG GI TSOGS SNYOMS PA DANG, YAN LAG DBYES SHING MDZES PA DANG, MDANGS CHE ZHING MANG BA DANG, 'KHRIG PA LA DGA' ZHING KHU CHU'I BCUD CHE BA DANG, BRANG PHEL CHE ZHING YANGS LA SHAS RGYAS PA DANG, DE BZHIN DU BU TSA DANG 'KHOR G-YOG MANG ZHING 'PHEL BA DANG, CHOS DANG LDAN ZHING CHOS LA DGA' BA DANG, TSIG RTZUB CING ZHE LA PHOG PA'I TSIG NAM YANG MI SMRA BA DANG, DE BZHIN DU DGRA BO LA ZHE SDANG GI 'DAM RINGS SHING RGYUN DU 'JOG BA KHO NA DU 'DZIN CING YID LA 'JOG PA YIN NO, ,GLANG PO'I MCHOG DREGS BCAS PA LTA BUR 'GRO, ,RGYA MTSO 'BRUG DANG RNGA SGRA SENG GE YI, ,SGRA LDAN DRANG DANG BRTZON 'GRUS DUL BAR LDAN, ,BYIS PA'I TSE NA'ANG DU DANG SKOM SHAS CHUNG, ,ZHES BYA BA LA, GLANG PO CHE'I MCHOG DAM PA DAG DREGS PA DANG BCAS SHING RA RO BA LTA BU'I 'GROS DANG LDAN PAR 'GRO BA DANG, DE BZHIN DU SGRA'I SKAD GSANG RGYA MTSO DANG 'BRUG SKRA LA SOGS PA LTA BU ZAB PA DANG LDAN PA DANG, DRAN ZHING BRJED PA MED PA'I NUS PA DANG LDAN PA DANG, BRTZON 'GRUS KYI 'BAD PAS BYA BA RNAMS SGRUB PAR BYED PA DANG, ZHI ZHING DBANG PO BSDAMS PA LA SOGS PA'I DUL BA DANG LDAN PA DANG BYIS PA'I GNAS NYID NA YANG DU PA'I SHAS CHUNG BA DANG, DE BZHIN DU SKOM ZHING ZAS LA GDU BA'I SHAS CHUNG BA YIN NO, ,ZAS NI KHA BA SKA TSA DANG DRO ZHING RTZUB, ,NYUNG DU ZOS KYANG DE NI STOBS DANG LDAN, ,MIG NI MTHA' DMAR SNUM ZHING DKYUS RING YANGS, ,DKAR NAG RAB GSAL RDZI MA SNYOMS DANG LDAN, ,ZHES BYA BA LA, BAD KAN GYI RANG BZHIN CAN GYI SKYES BU DES KHA ZAS KYI RNAM PA KHA ZHING BSKA BA LA SOGS PA STOBS 'BRI BAR BYED PA DANG, TSAD CHUNG ZHING NYUNG ZHIG ZOS PAR GYUR KYANG DE STOBS DANG LDAN PAR 'GYUR GYI, STOBS 'BRI BAR MI 'GYUR BA DANG, DE'I MIG MTHA' DMAR BA LA SOGS PA'I MTSAN NYID DANG LDAN PA YIN NO, ,SMRA DANG KHRO DANG BZA' BTUNG
, ,SPYOD PA NYUNG, ,TSE RING NOR MANG RING LTA TSIG 'JAM SMRA, ,DAD CING BLO ZAB LTA CHE BZOD DANG LDAN, ,RANG BZHIN BZANG ZHING GNYID CHE LAS MTHA' RING, ,ZHES BYA BA LA, SMRA BA'I TSIG NYUNG BA DANG, 'KHRUG PA'I SHAS CHUNG BA DANG, BZA' BA DANG BTUNG BA CHUNG DU ZA ZHING 'THUNG PA DANG, SPYOD PA STE LUS KYI BYA BA NYUNG BA DANG, TSE RING BAR GNAS PA DANG, NOR MANG ZHING LONGS SPYOD CHE BA DANG, RING DU LTA BA STE PHYIS 'BYUNG BAR 'GYUR PA'I DON GYI LEGS NYES RNAM PAR DPYOD DE 'DI LTAR BYAS NA LAS KYI MTHA' NGES PAR 'DIR 'GYUR RO, ,ZHES DPYOD PA DANG LDAN PA DANG, TSIG SNYAN CING 'JAM PAR SMRA BA'AM, GTONG BA DANG LDAN BA STE, GTONG LDAN SNYAN SMRA SHES PAR BYA, ,ZHES BSHAD PA'I PHYIR RO, ,YANG DE BZHIN DU SBYIN PA LA SOGS PA DAD PA DANG LDAN PA DANG, BLO ZAB CING GTING RING BA STE, DE YANG, GANG GIS SEMS DGA' SPYOD PA DANG, ,KHRO DANG MYA NGAN 'JIGS PA YI, ,GNAS SKABS SHES PAR MI 'GYUR BA, ,DE NI ZAB PA YIN ZHES BYA, ,ZHES BSHAD PA DANG LDAN PA'O, ,DE BZHIN DU LTA BA CHE BA STE, DON CHE BA LA GTZOR 'DZIN PA DANG, BZOD PA DANG LDAN PA DANG, 'KHRUG PA MED PA DANG, RANG BZHIN BZANG ZHING DAM PA'I SPYOD PA DANG LDAN PA DANG, SDIG PA LA MNGON PAR MI DGA' BA DANG, GNYID CHE ZHING STUG PA DANG, LAS KYI MTHA' RING ZHING YUN RING POR RDZOGS PAR BYED PA'O, ,BYAS GZO DRANG MKHAS SKAL BZANG NGO TSAR LDAN, ,BLA MA LA GUS MDZA' BSHES DAG LA BRTEN, ,RMI LAM PADMA BYA YI PHRENG BAR BCAS, ,CHU YI GNAS DANG SPRIN YANG MTHONG BA YIN, ,ZHES BYA BA LA, PHAN PA BYAS PA SHES SHING BYAS PA GZO BA DANG, BSAM PA DRANG ZHING G-YO CHUNG BA DANG, MKHAS SHING BYE BRAG PHYED PA DANG, SKAL BA BZANG ZHING GZUGS BZANG BA DANG, NGO TSA DANG LDAN ZHING 'DZEM PA DANG BCAS PA DANG, BLA MA LA GUS SHING LUS 'DUD PAR 'DOD PA DANG, MDZA' BSHES LA NGO BRTAN ZHING DUS THAMS CAD DU BYAMS PAS GNAS KYI NAM YANG DE'I YID DANG 'GAL BAR MI BYED LA BYAMS PA BSTEN PA DANG, GNYID KYIS LOG PA'I RMI LAM GYI NANG DU YANG ME TOG PADMA DANG BYA'I PHRENG BA'I TSOGS KYIS BSKOR BA DANG BCAS PA'I CHU'I GNAS MTSO LA SOGS PA
MTHONG BA DANG SPRIN GYI TSOGS 'DUS PA DAG MTHONG BA YIN NO, ,TSANGS PA DRAG PO DBANG PHYUG CHU LHA DANG, ,NAM MKHA' LDING DANG NGANG PA GLANG PO MCHOG ,DE BZHIN SENG GE DANG NI KHYU MCHOG DANG, ,BAD KAN CAN NI RANG BZHIN 'DRAR SHES BYA, ,ZHES BYA BA LA, BAD KAN GYI RANG BZHIN CAN GYI MI NI SPYOD PA'I RANG BZHIN TSANGS PA LA SOGS PA DANG 'DRA ZHING MTSUNGS PA YIN PAR SHES PAR BYA'O, ,GLANG PO CHE'I MCHOG NI SA SRUNG NGO, ,RANG BZHIN GNYIS DANG KUN LAS 'BYUNG, ,GNYIS GNYIS KUN GYI YON TAN BSKYED, ,CES BYA BA LA, NAD GZHI GNYIS PO RLUNG DANG, MKHRIS PA DANG, BAD KAN DANG, MKHRIS PA'AM, BAD KAN BYUNG PA'I RANG BZHIN NI GNYIS 'DREN MA DANG LDAN PA YIN LA, DE NI RANG BZHIN GSUM YIN PAR SHES PAR BYA'O, ,RANG BZHIN BZHI PA NI THAMS CAD LAS SKYES PA YIN NO, ,DE LTAR NA, YON TAN GNYIS PA LAS BYUNG BA DE DANG RJES SU MTHUN PA'I RANG BZHIN BSKYED PA YIN NO, ,GTZANG SBRA YOD PAR SMRA TSOGS KYI, ,YON TAN GYIS NI DE LDAN BSHAD, ,CES BYA BA RNAMS DE DAG GIS NA RLUNG LA SOGS PA'I RANG BZHIN RE RE DANG GNYIS GNYIS DANG, KUN LAS BYUNG BA NI GTZANG SBRA DANG YOD PAR SMRA BA LA SOGS PA'I SNYING STOBS LA SOGS PA'I YON TAN GYIS RANG RANG GI MTSAN NYID DANG LDAN PAR BSHAD CING BSTAN PA YIN NO, ,DE YANG GTZANG SBRA DANG YOD PAR SMRA BA LA SOGS PAS NI SNYING STOBS DANG LDAN PA YIN NO, ,MANG DU SMRA BA LA SOGS PAS NI RDUL DANG LDAN PAR BSHAD DO, ,'JIG PA LA SOGS PAS NI MUN PA DANG LDAN PAR BSHAD DO, ,DE LTAR SO SOR BSHAD PA DANG RANG BZHIN GNYIS DANG LDAN PAS NI GNYIS KA DANG LDAN PA DANG, RANG BZHIN THAMS CAD KYIS NI THAMS CAD DANG LDAN PAR STON TO, ,DE LTAR NA SEMS SNYING STOBS LA SOGS PA'I YON TAN GYI RANG BZHIN BDUN BSTAN PA YIN NO, ,NA TSOD BCU DRUG BAR BYIS PA, ,DE LAS LUS ZUNGS DBANG PO GZI, ,'PHEL 'GYUR BDUN CU'I BAR BAR MA, ,ZAD PA PHAN CHAD RGAN PO YIN, ,ZHES BYA BA LA, DUS KYIS BYAS SHING DE LAS BYUNG BA'I LUS KYI GNAS SKABS LA NI NA TSOD CES BYA LA, DE YANG BYIS PA DANG, BAR MA DANG, RGAN
, ,PO'I DBYE BAS RNAM PA GSUM YIN PA LAS, SKYES NAS LO BCU DRUG LON PA'I BAR DU BYIS PA YIN LA, BYIS PA'I NA TSOD DE LA NI, DANGS MA LA SOGS PA'I LUS ZUNGS RNAMS DANG, MIG LA SOGS PA'I DBANG PO RNAMS DANG, DE BZHIN DU MDANGS RNAMS 'PHEL ZHING RGYAS BAR 'GYUR BA YIN NO, ,LO BCU BDUN LON PA NAS LO BDUN CU'I BAR DU NI NA TSOD BAR MA STE, GNAS SKABS DER LUS ZUNGS LA SOGS PA SHAS CHER 'PHEL BA DANG 'BRI BA GNYIS KAR MI 'GYUR RO, ,BDUN CU RTZA GCIG YAN CHAD NAS JI SRID 'TSO'I BAR DU RGAN PO YIN NO, ,NA TSOD DE'I SKABS SU NI LUS ZUNGS LA SOGS PA RIM GYIS ZAD CING 'BRI BA YIN TE, BYIS PA DANG BAR MA'I NA TSOD SMOS PA LAS NI GSUM PA 'DI DON GYIS STON PA YIN NO, ,RANG RANG KHRU NI PHYED DANG BZHI, ,LUS NI TSE RING BDE BA'I SNOD, ,CES BYA BA LA, SKYES BU RANG RANG GI KHRU'I TSAD KYI PHYED DANG BZHI NI SKYES BU'I TSAD YIN PAS DE DANG LDAN PA'I LUS NI TSE RING BA DANG BDE BA'I SNOD YIN PAS DER SROG GI DBANG PO DANG, NAD MED PAR LEGS PAR GNAS PAR 'GYUR RO, ,SPU MED GNAG DANG SHIN TU SBOM, ,RING PO NYID NI MI MTHUN BCAS, ,SMAD PA BRGYAD DANG RANG NYID LDAN, ,GANG YIN DE NI SNOD MI NA 'GYUR, ,ZHES BYA BA LA, GANG GI LUS LA RANG BZHIN GYIS SBU MED PA LA SOGS PA SMAD PAR BYA BA BRGYAD DANG RANG NYID LDAN PA DE NI TSE RING BA DANG BDE BA'I SNOD DU MI 'GYUR RO, ,SMAD PA BRGYAD NI SHIN TU SBU MED PA DANG, SHIN TU SBU MANG BA DANG, GNAG CHES PA DANG, DKAR CHES PA DANG, SHIN TU SBOM PA DANG, SHIN TU PHRA BA DANG, RING CHES PA DANG, THUNG CHES PA DANG, RNAM PA BRGYAD DO, ,SKRA NI RAB SNUM 'JAM PA DANG, ,PHRA ZHING RTZA BA MA 'DRES BRTAN, ,ZHES BYA BA LA, SKYES BU'I SKRA KHA DOG GI MDANGS SNUM PA DANG, 'JAM ZHING MI BSHOR BA DANG, PHRA ZHING MI SBOM PA DANG, RTZA BA MA 'DRES SHING BU GA RE RE NAS SKYES PA DANG, BRTAN ZHING MI 'BYI BA BSNGAGS PA YIN NO, ,DPRAL BA MTHO ZHING MUR 'GRAM 'BYAR, ,ZLA BA KHA MA PA 'DRA BA BZANG, ,ZHES BYA BA LA, DPRAL BA NI DPANGS MTHO ZHING DPRAL MTSAMS 'BYES PA DANG, MUR 'GRAM 'BYAR ZHING LEGS PAR GNAS PA DANG, DE BZHIN DU ZLA BA KHAM PA STE,
ZLA BA PHYED PA'I DBYIBS 'DRA BA BZANG NGO, ,RNA BA RGYAB PHYOGS RGYA CHE MDZES, ,RNA SHAL CHE ZHING SHA YIS RGYAS, ,ZHES BYA BA LA, RNA BA'I RGYAB KYI PHYOGS RGYA CHE ZHING MDZES PA DANG, RNA SHAL CHE ZHING SHA RGYAS PA BZANG NGO, ,MIG NI DKAR NAG 'BYES PA DANG, ,RDZI MA MTHUG CING SNYOMS PA BZANG, , ZHES BYA BA LA, MIG GI MTSAN NYID NI MIG 'BRAS DKAR NAG 'BYES PA DANG, RDZI MA'I TSOGS MTHUG CING SNYOMS PA DANG LDAN PA BZANG NGO, ,SNA YI RTZE MO DBUGS CHER 'BYUNG, ,SHA RGYAS DRANG ZHING SNYOMS PA BZANG, ,ZHES BYA BA LA, SNA NI MTHO ZHING LEGS PA DANG, DBUGS CHEN PO 'BYUNG ZHING RGYU BA RUNG BA DANG, SHA RGYAS SHING MA ZHUM PA DANG, DRANG ZHING YA YO MED PA DANG, SNYOMS SHING MTHON DMAN MED PA BZANG NGO, ,MCHU NI DMAR ZHING MA 'PHYANGS PA, ,ZHES BYA BA LA, MCHU BIM PA LTAR DMAR BA DANG, 'PHYANG ZHING PHYI ROL DU LDOG PA MED PA BZANG NGO, ,'GRAM PA YANGS SHING MI 'BUR BZANG, ,ZHES BYA BA LA, SKYES BU'I 'GRAM PA GNYIS NI YANGS SHING RGYA CHE BA DANG 'BAR 'BUR MED PA BZANG NGO, KHA CHE, ,ZHES BYA BA NI, KHA'I ZHENG NI CHE BA BZANG NGO, ,SO YI TSAGS DAM LA, SNUM ZHING 'JAM LA DKAR ZHING SNYOMS, ,ZHES BYA BA LA, SO TSAGS DAM ZHING LEGS PAR GNAS PA DANG, MDANGS SNUM PA DANG, 'JAM ZHING SNUM BAG MED PA DANG, DKAR ZHING RNYOG PA MED PA DANG, SNYOMS SHING MTHO DMAN MED PA BZANG NGO, ,LCE NI DMAR ZHING YANGS LA SRAB, ,CES BYA BA LA, LCE NI KHA DOG ZANGS BZHIN DMAR BA DANG, YANGS SHING RING BA DANG, SRAB CING 'JAM BA'O, ,KO SKO CHE ZHING SHA YIS RGYAS, ,ZHES BYA BA LA, KO SKO'I DBYIBS NI LHUN CHE ZHING SHAS LEGS PAR RGYAS PA BZANG NGO, ,MGRIN PA THUNG ZHING SHA RGYAS ZLUM, ,ZHES BYA BA LA, DE LA MGRIN PA NI MGO BO'I RTEN TE, MTSAMS THUNG ZHING HA CANG MI RING BA DANG; SHAS LEGS PAR RGYAS PA DANG, ZLUM ZHING BUM PA'I MGUL PA LTAR GNAS PA BZANG NGO, ,PHRAG PA MTHO ZHING SHA YIS RGYAS, ,ZHES BYA BA LA, PHRAG PA'I DPANGS MTHO BA DANG, SHAS LEGS PAR RGYAS PA BZANG NGO, ,LTO BA ZUM ZHING LTE BA NI, ,ZAB CING MTHO LA G-YAS SU 'KHYIL, ,
, ,ZHES BYA BA LA, LTO BA'I DBYIBS CUNG ZAD ZLUM PA DANG, LTE BA ZAB CING DMA' BA DANG, KUN NAS MDZES PAR MTHO BA DANG, G-YAS SU 'KHYIL PA BSNGAGS SO, ,RKANG PA LAG PA LEGS GNAS SHING, ,SEN MO 'JAM ZHING MTHO LA DMAR, ,SNUM ZHING KUN DMAR SHA RGYAS PA, ,SEN MO RING ZLUM BUG MED, ,CES BYA BA LA, RKANG PA DANG LAG PA'I PHYOGS NI SA LA LEGS PAR GNAS SHING MTHIL MNYAM PAR GNAS PA DANG, SEN MO 'JAM ZHING MNYEN LA CUNG ZAD MTHO ZHING DMAR BA DANG, MDANGS SNUM PA DANG, KUN NAS DMAR LA SHA RGYAS PAR 'GYUR BA DANG, SEN MO'I DBYIBS RING ZHING ZLUM PA DANG, PHAN TSUN 'BYOR ZHING BU GA MED PA BSNGAGS SO, ,RGYAB ZHENG CHE ZHING SGAL TSIGS NUB, ,CES BYA BA LA, RGYAB NI ZHING SHIN TU CHE ZHING SGAL TSIGS RNAMS NANG DU NUB PA LTA BU BZANG NGO, ,TSIGS MTSAMS MI MNGON DAM PA DANG, ,ZHES BYA BA LA, TSIGS RNAMS KYI MTSAMS PHYIR MI 'BUR ZHING MI MNGON PA DANG, DAM ZHING BRTAN PAR RUS PA'I TSIGS THAMS CAD GNAS PA BZANG NGO, ,TSIGS GSANG MTHO ZHING BRTAN PA DANG, ,ZHES BYA BA LA, TSIGS KYI GSANG MTHO ZHING RING DU 'GRO BA DANG, BRTAN ZHING ZHUM BAG MED PA BZANG NGO, ,MDOG SNUM KHA DOG BRTAN PAR GNAS, ,ZHES BYA BYA LA, LUS KYI MDOG MDANGS SNUM ZHING KHA DOG MI 'GYUR BAR GNAS PA BZANG NGO, ,RANG BZHIN GYIS 'BYUNG SNYING STOBS CAN, ,PHONGS PA'I TSE NA'ANG ZHUM PA MED, ,CES BYA BA LA, RANG BZHIN GYIS 'BYUNG ZHING RKYEN GYIS BSKYED PA MA YIN PAS NA RANG BZHIN GYIS 'BYUNG BA STE, DE LTA BU'I SNYING STOBS DANG, SPYOD PA BRTAN ZHING MI 'GYUR BA DANG, DE NYID KYIS NA PHONGS SHING RGUD PAR GYUR PA'I TSE NA YANG ZHUM ZHING MI DGA' BA MED PA BZANG NGO, ,'ANG ZHES SMOS PA NI PHONGS PA'I TSE NA ZHUM PA MED PA 'BA' ZHIG TU MA ZAD KYI 'BYOR PA DANG LDAN PA'I TSE NA YANG KHENGS PA MED PA BSNGAGS SO ZHES PA'I DON TO, ,MNGAL NAS BRTZAMS TE NAD MED PA, ,GONG NAS GONG DU ZHING BZANG LA, ,SHES DANG YE SHES RGYA CHER NI, ,'PHEL ZHING RIM GYIS DGE BAR 'GYUR, ,ZHES BYA BA LA, DANG PO MNGAL DU
ZHUGS SHING SKYES PA NAS BRTZAMS TE, GNAS PA'I SKABS SU NAD KYI SKYON MED PA'I RGYU GONG NAS GONG DU 'PHEL ZHING GNAS PA'I ZHING BZANG PO LA BRTEN CING DE BZHIN DU, RTZOL BA LA SOGS PAS RIM GYIS BSKYED PA'I LUS NI DGE BAR 'GYUR BA YIN TE, DE LA SHES PA NI 'JIG RTEN PA'I BYA BA CUNG ZAD CIG SHES PA LA MKHAS PA'O, ,YE SHES NI BSTAN BCOS LA MKHAS PAR BYAS PA LA SOGS PA LAS SKYES PA DON DAM PA'I YE SHES RTOGS PA'I BAR TE, DE DAG KYANG RGYA CHER 'PHEL ZHING RGYAS PAR 'GYUR RO, ,DE LTAR YON TAN KUN LDAN PA'I, ,LUS NI STON BRGYA'I BAR DAG TU, ,TSE DANG DBANG PHYUG 'DOD PA YI, , DNGOS PO THAMS CAD RAB TU GNAS, ,ZHES BYA BA LA, DE LTAR BSHAD MA THAG PA'I RNAM PA YON TAN THAMS CAD DANG LDAN PA'I LUS NI STON BRGYAR GNAS SHING LO BRGYAR 'TSO BA DANG, DE BZHIN DU DBANG PHYUG GI 'BYOR BA DANG LDAN PA DANG, DE BZHIN DU 'DOD CING YID DU 'ONG BA'I DNGOS PO THAMS CAD RAB TU GNAS PA DANG, YUN RING POR GNAS PAR 'GYUR RO, ,PAGS PA KHRAG TSOGS SNYING STOBS PAR, ,BRGYAD PO PHYI MA BZHIN DU MCHOG ,STOBS DANG TSAD DANG SHES PA'I PHYIR, ,LUS CAN RNAMS KYI SNYING POR BSHAD, ,CES BYA BA LA, PAGS PA DANG SHA DANG KHRAG DANG TSIL DANG RUS PA DANG RKANG DANG KHU CHU DANG SNYING STOBS ZHES BYA BA'I BAR GYI BRGYAD PO NI PHYI MA BZHIN DU MCHOG YIN PAR BSHAD PA LA, DE YANG STOBS DANG TSAD JI TZAM PA SHES PAR BYA BA'I PHYIR LUS CAN RNAMS KYI SNYING PO BRGYAD PO DE DAG BSHAD PA YIN NO, ,SNYING PO KUN DANG LDAN PA YI, ,MCHOG TU BKUR BAR BYA BAR 'GYUR, ,RTZOM PA KUN LA'ANG RE BCAS DANG, ,BZOD LDAN BLO BZANG BRTAN PAR 'GYUR, ,ZHES BYA BA LA, DE LTAR GONG DU SMOS PA'I SNYING PO BRGYAD PO THAMS CAD DANG LDAN PA'I SKYES BU NI MCHOG TU BKUR ZHING BLA MAR BYA BA NYID DU 'GYUR BA DANG, DE BZHIN DU JI LTAR MNGON PAR 'DOD PA'I BYA BA'I LAS KYI RTZOM PA THAMS CAD LA RE BA DANG BCAS PAR 'GYUR BA STE, BYA BA'I LAS 'DI DANG 'DI DAG BYAS PAS NGES PAR 'DI DAG 'BYUNG BAR 'GYUR RO, ,ZHES RE BA DANG BCAS PAR 'GYUR BA DANG, DE BZHIN DU BZOD PA DANG LDAN PA STE LUS DANG SEMS KYI SDUG BSNGAL GYIS DE ZIL GYIS GNON PAR 'GYUR ZHING ZHUM PAR MI 'GYUR BA DANG, DE BZHIN DU BLO GROS BZANG ZHING
, ,SHES RAB DAM PAR 'GYUR BA DANG DE BZHIN DU BYA BA RNAMS LA BRTAN ZHING MI G-YO BAR 'GYUR RO, ,DREGS DANG ZHUM PA MED PA NI, ,BDE DANG SDUG BSNGAL BSTEN 'GYUR LA, ,SNYING STOBS CAN YIN RDUL CAN KHENGS, ,MUN PA CAN NI DE LTAR MIN, ,ZHES BYA BA LA, SKYES BU GA SNYING STOBS DANG LDAN PA NI, SNYING STOBS KYI SHAS CHE BA NI BDE BA LA SPYOD PA NA YANG DREGS SHING NGA RGYAL MED PAS BDE BA LA BRTEN PA YIN LA, SDUG BSNGAL NYAMS SU MYONG BA NA YANG ZHUM ZHING GDUNG BA MED PAR DE NYAMS SU MYONG ZHING BSTEN PAR BYED PA YIN NO, ,SKYES BU RDUL CAN ZHE SDANG GI SHAS CHE BA DAG NI, BDE BA MYONG BA NA YANG KHENGS SHING DREGS PAS BSTEN LA, SDUG BSNGAL YANG NGA RGYAL GYIS BSTEN PA YIN TE, BDAG NYID 'BA' ZHIG GZHAN DANG THUN MONG MA YIN PA'I BDE BA NYAMS SU MYONG BA YIN NO, ,ZHES SEMS PA DANG RTAG TU NGA RGYAL BAS KHENGS PA SEMS LA GNOD PA'I PHYIR BDAG 'BA' ZHIG GIS SDUG BSNGAL MI BZAD PA 'DI LTA BU NYAMS SU MYONG BA YANG BZOD PAR NUS SO ZHES KHENGS PAR BYED PA BSTEN PA'O, ,SKYES BU MUN PA'AM GTI MUG GI SHAS CHE BA DAG NI, BDE BA YANG DE LTAR BSTEN PAR MI BYED LA, SDUG BSNGAL YANG DE LTAR BSTEN PAR MI BYED DE, SHIN TU RMONGS PA'I PHYIR, DE BDE BA MYONG BA NA YANG BDE BA MYONG BAR MI SEMS LA, SDUG BSNGAL MYONG NA YANG SDUG BSNGAL MYONG BAR MI SEMS LA, GTI MUG PA'I PHYIR DE'I RGYU BSGRUB PA LA YANG BDE BA DANG SDUG BSNGAL DU 'DZIN PAR MI BYED DO ZHES BYA BA'I DON TO, ,YANG NA MUN PA CAN NI DREGS PA DANG ZHUM PA DANG BCAS PAS BDE BA DANG SDUG BSNGAL LA BSTEN PAR BYED DE, BDE BA MYONG NA YANG DREGS PA'I SHAS CHE LA; SDUG BSNGAL MYANG NA YANG ZHUM PA'I SHAS CHE BA YIN NO, ,SBYIN DANG TSUL KHRIMS SNYING BRTZE LDAN, ,TSANGS PAR SPYOD DANG BYAS PA GZO, ,BYAMS LDAN BCUD KYIS LEN BSTEN PA, ,TSE DANG BSOD NAMS 'PHEL BA'I SDE, ,ZHES BYA BA LA, SBYIN PA DANG TSUL KHRIMS LA SOGS PA SDE TSAN 'DI NI TSE DANG BSOD NAMS 'PHEL BAR BYED PA YIN TE, DE YANG SBYIN PA NI GSER LA SOGS PA'I DNGOS PO CI NUS PAR GTONG BA'O, ,TSUL KHRIMS NI NYES PA SDOM PA'I BDAG NYID DO, ,SNYING BRTZE BA NI SEMS CAN RNAMS LA SNYING RJE BA DANG LDAN PA'O, ,BDEN PA NI BRDZUN MED PA'O, ,TSANGS PAR SPYOD PA NI MYA NGAN
'DAS PA THOB PA'I DON DU SPYOD PA'O, ,'KHRIG PA'I CHOS SBANG BA'O, ,BYAS PA GZO BA NI PHAN DU BYAS PA SHES SHING DRIN DU GZO BA'O, ,BYAMS PA DANG LDAN PA NI SEMS CAN THAMS CAD BDAG DANG 'DRA BAR BDE BA DANG LDAN PAR BYED PA'O, ,BCUD KYIS LEN NI TSANGS PA DANG 'PHROG BYED DANG GNAS 'JOG LA SOGS PAS BSHAD PA'I TSUL BCUD KYIS LEN GYI LE'U LAS BSHAD PA LTA BU STE, SBYIN PA LA SOGS PA 'DI DAG LA BRTEN CING GOMS PAR BYAS NA LA LA NI BSOD NAMS 'PHEL BAR BYED PA YIN, LA LA NI GNYIS KA 'PHEL BAR BYED PA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, LUS KYI GNAS KYI LE'U GSUM PA'I RNAM PAR 'GREL PA'O,, ,,DE NAS LUS KYI GNAD KYI BYE BRAG BSHAD PAR BYA'O, ,ZHES BYA BA LA, YAN LAG GI BYE BRAG BSTEN PA'I 'OG TU GNAD KYI BYE BRAG BRTZAMS PA NI, GNAD RNAMS KYANG YAN LAG LA BRTEN PA YIN PA'I PHYIR 'DI BRTZAMS PA YIN NO, ,DE YANG GNAD RNAMS KYI KHYAD PAR DBYE BA NI BYE BRAG BSTAN PA STE GONG DU BSTAN PA DE BSHAD PAR BYA'O ZHES PA'O, ,GNAD NI BRGYA LAS BDUN LHAG PA, ,ZHES BYA BA LA, LUS 'DIR GNAD NI BRGYA RTZA BDUN YOD PAS NA BRGYA LAS BDUN LHAG BA ZHES BYA'O, , DE LAS BCU GCIG BRLA DANG NI, ,DE BZHIN LAG NGAR GNYIS SO SOR, ,LTO BA LA GSUM BRANG LA DGU, ,RGYAB LA BCU BZHI NAM TSONG NI, ,YAN CHAD SUM CU RTZA BDUN YOD, ,CES BYA BA LA, GNAD DE RNAMS BRLA GNYIS DANG, DE BZHIN LAG NGAR GNYIS KA SO SOR GNAD BCU GCIG GNAS PA YIN NO; ,LTO BA LA GNAD GSUM DANG, BRANG LA DGU DANG, RGYAB LA BCU BZHI DANG, NAM TSONG YAN CHAD DU GNAD SUM CU RTZA BDUN YOD DO, ,ZHES BYA BA NI TSIG GI LHAG MA'O, ,RKANG PA'I MTHIL NAS GUNG MO YI, ,THAD KA YI NI MTHIL 'PHROG BA'I, ,GNAD YOD CES NI RNAM PAR BSHAD, ,DE PHUG GNAD KYIS 'CHI BAR 'GYUR, ,ZHES BYA BA LA, RKANG PA'I MTHIL GYI DBUS NA GUNG MO'I SOR MO'I THAD KA NA, MTHIL 'PHROG PA ZHES BYA BA'I GNAD YOD DO ZHES SNGON GYI SLOB DPON RNAMS KYI BSHAD DO, ,GNAD DE PHUG CING BRTOL NA GZER BA LA SOGS PA'I NAD DE 'CHI ZHING LUS DANG 'BRAL BAR 'GYUR BA
, ,YIN NO, ,MTHEB SOR DBUS NA RGYA TSIGS TE, ,DE PHUG BSKYOD PA'I GNAD KYIS 'CHI, ,ZHES BYA BA LA, RKANG PA'I MTHE BONG SEN MO'I DBUS NA RGYA TSIGS ZHES BYA BA'I GNAD YOD DE, ,DE PHUG NA BSKYOD PA ZHES BYA BA'I RLUNG GI GNAD KYIS 'CHI BAR BYED DO, ,DE GONG SOR GNYIS SHES PAR BYA, ,RKANG PA 'KHOR ZHING 'DAR BAR BYED, ,CES BYA BA NI, RGYA TSIGS KYI GONG NAS SOR GNYIS KYIS CHOD PAR PIR ZHES BYA BA'I GNAD YOD DO, ,DE BCAD DAM PHUG NA RKANG PA 'KHOR ZHING G-YO LA 'DAR BAR BYED DO, ,LONG MO'I TSIGS 'OG PIR MGO STE, ,DE BCAD SKRANG DANG NAD SKYED BYED; ,CES BYA BA LA, LONG MO'I TSIGS KYI 'OG NA PIR GYI MGO 'DRA BA DANG PO'I 'OG NA PIR GYI MGO DRANGS PA ZHES BYA BA'I GNAD YOD DO, ,DE PHUG CING BCAD NA SKRANG PA DANG NAD SKYED PAR BYED DO, ,BYIN PA RKANG PA GNYIS KYI BAR, ,LONG MO'I GNAD RENGS BEM POR BYED, ,CES BYA BA LA, BYIN PA DANG RKANG PA GNYIS KYI BAR MTSAMS NA LONG MO ZHES BYA BA'I GNAD PHUG NA NA ZHING GZER BA DANG, BRLA ZUG RENGS PA BEM POR 'GYUR ZHING TSOR BA MED PAR 'GYUR RO, ,BYIN PA'I NANG NA NYVA ZHES PA, ,KHRAG ZAD PA YIS 'CHI BAR BYED, ,CES BYA BA LA, BYIN PA'I NANG NA RTING PA YAN CHAD SOR BCU GZHAL BA NA, BYIN NYVA ZHES BYA BA'I GNAD YOD DO, ,DE PHUG NA KHRAG ZAD PA'I NAD KYIS 'CHI BAR 'GYUR RO, ,BYIN PA BRLA MTSAMS PUS MO STE, ,DE PHUG GSON YANG 'THENG POR 'GYUR, ,ZHES BYA BA LA, BYIN PA DANG BRLA GNYIS 'DUS PA'I MTSAMS NA PUS MO ZHES BYA BA'I GNAD YOD DE, DE PHUG NA SKYES BU GSON ZHING SROG DANG MA BRAL NA YANG 'THENG PO NYID DU 'GYUR RO, ,PUS GONG SOR GSUM PAR GNYAN GONG, ,DE PHUG BRLA RENGS SKRANG BAR BYED, ,CES BYA BA LA, PUS MO'I GONG DU SOR GSUM GZHAL BA'I GNAS NA GNYAN GONG ZHES BYA BA'I GNAD YOD DE, DE PHUG NA BRLA RENGS PA DANG SKRANG BAR BYED PA YIN NO, , BRLA NANG BRLA DBANG ZHES BYA BA, ,DE PHUG KHRAG ZAGS BRLA SKAM 'GYUR, ,ZHES BYA BA LA, BRLA'I NANG NA BRLA DBANG ZHES BYA BA'I GNAD YOD DE, DE PHUG CING GTZES PA NA KHRAG GZAGS SHING ZAD PAS BRLA SKAM PAR BYED PAR 'GYUR RO, ,BRLA RTZA MIG DMAR ZHES BYA BA, ,KHRAG ZAD PAS NI GZHOGS PHYED
'JOMS, ,ZHES BYA BA LA, BRLA'I STENG DANG CHU SO'I MTSAMS NA MIG DMAR ZHES BYA BA'I GNAD YOD DE, DE PHUG NA KHRAG ZAD PAS LUS KYI GZHOGS PHYED 'JOMS SHING ZAD PAR BYED DO, ,BRLA RTZA RLIG PA'I BAR GYI GNAD, ,LJON SHING ZHES BYA MA NING BYED, ,CES BYA BA LA, RLIG PA DANG BRLA'I BAR NA LJON SHING ZHES BYA BA'I GNAD YOD DE, DE PHUG NA MA NING STE, BU TSA MED PA'AM BUD MED LA SPYOD PA'I NUS PA MED PAR 'GYUR RO, ,DE DAG BRLA'I'O, ,ZHES BYA BA LA, DE DAG CES BYA BA NI RDZOGS PA'I TSIG SE BRLA RTZA MAN CHAD NA GNAD JI SNYED YOD BA RDZOGS PAR BYAS SHING BSTAN ZIN TO ZHES BYA BA'O, ,DBUNG DE BZHIN, , ZHES BYA BA LA, DPUNG PA GNYIS KYI BAR GYI GNAD RNAMS KYANG GRANGS DE SNYED YOD PAS NA, DE BZHIN ZHES BYA BA LA, DE'I KHYAD PAR 'DI YIN TE, ,MKHRIG MA 'DI NI LONG MOR MTSUNGS, ,GRU MO BYIN 'DRA DE GNYIS PHUG ,CES BYA BA LA, RKANG PA DANG BYIN PA'I MTSAMS SU NI LONG MO ZHES BYA BA'I GNAD YOD PAR BSHAD LA, DE LAG PA'I SKABS SU LAG PA LAG DAR GYI MTSAMS KYI GNAD NI MKHRIG MA ZHES PA'O, ,DE BZHIN DU GRU MO DANG LAG DAR GYI MTSAMS KYI DPUNG PA'I DBUS KYI PHYOGS KYI GNAS NI GRU MO ZHES BYA'O, ,DE LTAR MKHRIG MA DANG GRU MO'I GNAD GNYIS PHUG NA SGUR ZHING ZHA BO NYID DU 'GYUR RO, , ZHA BO LJON SHING 'DRA BA NI, ,MCHAN KHUNG NANG NA MCHAN KHUNG 'DZIN, ,DE PHUG ZHA BO NYID DU 'GYUR, ,ZHES BYA BA LA, SNGAR GYI JI LTAR LJON SHING ZHES BYA BA'I GNAD LA, RLIG PA DANG BRLA RTZA'I BAR NA 'DUG PA DANG 'DRA BAR MCHAN KHUNG GI DBUS NAS DPUNG MGO'I BAR NA MCHAN KHUNG 'DZIN PA ZHES BYA BA'I GNAD YOD DE, GNAD DE PHUG NA LAG NGAR ZHA ZHING SGUR BA NYID DU 'GYUR RO, ,DE LTAR NA DE DAG GIS YAN LAG GI GNAD RNAMS SMRAS PA YIN NO, ,LONG KHA'I GNAD NI GZHANG ZHES BYA, ,DE PHUG GZHANG RLUNG GIS 'PHRAL GSOD, ,CES BYA BA LA, LONG KHA RGYU MA SBOM PO ZHES BYA BA DANG 'BREL PA NI GZHANG KHA ZHES BYA STE, DE PHUG NA BSHANG BA DANG RLUNG NGAM 'PHYEN 'BYUNG ZHING ZAGS PAS 'PHRAL DU DE'I MOD LA 'CHI BAR 'GYUR RO, ,LGANG PA GZHU LTAR YO BA YI, ,CHU SO'I GNAD NI SHA KHRAG NYUNG, ,DBUS NA KHA CIG THUR DU LTA, ,RKED PA'I DBUS NA SROG 'PHRAL 'JOMS, ,RDE'U
, ,'BYIN RMA PHUG GNAS MA GTOGS, ,DE YANG NGOS GNYIS PHUG STE 'DRA, ,GCIN 'DZAG GNAS DANG GCIG TU PHUG ,RMA NI 'TSO BAR SHIN TU DKA', ,ZHES BYA BA LA, LGANG BA'I GCIN GYI GNAS TE, DE NA GZHU'I DBYIBS LTAR YO BA'I GNAD CHU SO ZHES BYA BA LA, SHA DANG KHRAG NYUNG ZHING SHAS CHUNG BAR GNAS PA, DBUS NA KHA GCIG YOD PA KHA THUR DU BLTAS PA RKED PA'I DBUS NA YOD DE, DE PHUG NA SROG 'PHRAL DU DE'I MOD LA 'JIG CING 'JIG PAR BYED DE GCIN NAD RDE'US 'GAGS PA 'BYIN BA'I RMA GANG ZHIG BYED PA DE MA GTOGS TE, RDE'U 'BYIN PA'I RMA'I SKABS DER YANG NGOS GNYIS SU PHUG CING BRTOL NA SNGA MA DANG 'DRA BAR 'PHRAL DU 'CHI BAR 'GYUR RO, ,CHU SO'I PHYOGS GCIG TU PHUG NA GCIN 'DZAG PA'I RMAR 'GYUR TE, DE YANG 'TSOB CING 'BYOR PA NI SHIN TU DKA' BA YIN NO, ,LUS NI ZHU DANG MA ZHU'I GNAS, ,DBUS LA LTE BA RTZA KUN GYI, ,RTEN YIN DE YANG 'PHRAL GSOD BYED, ,CES BYA BA LA, LUS KYI DBUS SU ZHU BA DANG MA ZHU BA'I GNAS NA LTE BA ZHES BYA BA'I BAR GYI GNAD YOD DE, DE YANG RTZA THAMS CAD KYI RTEN DANG GNAS YIN LA, DE PHUG PAR GYUR NA YANG 'PHRAL DU GSOD CING SROG DANG 'BRAL BAR BYED PA YIN NO, ,MA ZHU BA YI GNAS SGOR GYUR, ,'DOD CHAGS SOGS GNAS SNYING ZHES BYA, ,BRANG DANG NU MA LTO DBUS GNAS, ,ZHES BYA BA LA, MA ZHU BA'I GNAS KYI SGOR GYUR PA 'DOD CHAGS ZHE SDANG GTI MUG GI GNAS SU GYUR PA SNYING ZHES BYA BA'I GNAD YOD DE, DE YANG BRANG DANG NU MA DANG LTO BA'I DBUS NA GNAS PA YIN TE, DE PHUG NA YANG 'PHRAL DU 'CHI BA YIN NO, ,NU 'JING NU MA'I RTZA ZHES BYA, ,STENG 'OG SOR GNYIS NU MA'I GNAD, ,DE PHUG BAD KAN KHRAG GIS NI, ,RIM GYIS LTO 'GENGS 'JIG PAR BYED, ,CES BYA BA LA, NU 'JING DANG, NU MA'I RTZA ZHES BYA BA'I GNAD GNYIS, NU MA GNYIS KYI GONG 'OG NA YOD DE, NU MA GNYIS KYI GONG GI SOR GNYIS DANG, ,NU MA GNYIS KYI RTZA BA'I SOR GNYIS KYI ZABS NA YOD LA, NU 'JING DANG NU MA'I RTZA'I GNAD DE NYID PHUG PA'I MI NI KHRAG DANG BAD KAN GYIS LTO 'GENGS NAS 'CHI BAR BYED DE, DE YANG RIM BZHIN KHENGS PA, NU 'JING GI GNAD PHUG PA NI BAD KAN DANG KHRAG GIS,
LTO GANG STE 'CHI LA, NU MA'I RTZA PHUG PAS NI KHRAG GIS KHENGS TE 'CHI BAR 'GYUR RO, ,RENGS BRAL BRANG GI NGOS GNYIS NA, ,RTZA SBUBS GNYIS PO RLUNG RGYU BA, ,DE PHUG KHOG BA KHRAG GIS KHENGS, ,LUD PA DBUGS MI BDE BAS 'CHI, ,ZHES BYA BA LA, RENGS PA DANG BRAL BA ZHES BYA BA'I GNAD KYI BYE BRAG BRANG GI NGOS GNYIS NA RTZA SBUBS GNYIS PO NI RLUNG RGYU BAR BYED PA YOD LA, DE PHUG CING BRTOL NA KHONG BA KHRAG GIS BKANG NAS LUD PA DANG DBUGS MI BDE BA'I NAD KYIS 'CHI BAR 'GYUR RO, ,RGYAB KYI SGAL TSIGS BRANG GI BAR, ,DE NYID KYI NI NGOS GNYIS NA, ,PHRAG PA GNYIS KYI 'OG NA NI, ,MIG GSAL ZHES BYA'I GNAD GNYIS YOD, ,DE NYID PHUG PAS KHONG PA NI, ,KHRAG KHENGS RNAG STE 'CHI BAR 'GYUR, ,ZHES BYA BA LA, RGYAB KYI SGAL TSIGS DANG MDUN GYI BRANG GI BAR TE, NANG RGYAB DANG BRANG BAR DE NYID KYI NGOS KYI NANG NA PHRAG BA'I MGO LOGS MI GSAL BA ZHES BYA BA GNAD GNYIS YOD PAR SHES PAR BYA STE, DE NYID PHUG NA KHONG PA'I BYANG KHOG KHRAG GIS KHENGS SHING, KHRAG DE NYID RNAG TU GYUR NAS 'CHI BA'I DUS BYED PAR 'GYUR RO, ,SGAL TSIGS KYI NI NGOS GNYIS NA, ,RKED PA'I CHA GNYIS GNAS PA DANG, ,RKUB CHOS LTAG GNAS SGAL TSIGS BRTEN, ,RKED PA CAN DANG GZHON NUR BSHAD, ,DE SNAD KHRAG ZAD SKYA RBAB DANG, ,GZUGS NYAMS PAS NI 'CHI BAR 'GYUR, ,ZHES BYA BA LA, RGYAB KYI SGAL TSIGS KYI NGOS G-YAS G-YON GNYIS NA RKED PA'I DBYI ZUR GYI CHA GNYIS NA GNAS PA DANG, RKUB TSOS KYI LTAG NA GNAS PA'I SGAL TSIGS RUS PA LA BRTEN CING GNAS PA DANG, RKED PA CAN NA GZHON NU ZHES BYA BA'I GNAD GNYIS YOD DO, ,GNAD DE GNYIS SNAD CING PHUG NA KHRAG ZAD PAS SKYA BO BSENG BSENG POR 'GYUR ZHING, GZUGS DANG GZI MDANGS ZAD PAS KHA DOG MI SDUG PAS 'CHI BAR 'GYUR RO, ,RGYAB KYI SGAL TSIGS NGOS GNYIS KYI, ,RKED PA'I MTSAMS NI GANG YIN PA, ,RO SMAD KYI NI RGYAB PHYOGS NA, ,KHUNG BU ZHES BYA'I GNAD GNYIS YOD, ,DE SNAD BSKYOD PA NYAMS PA DANG, ,RO SMAD TSOR BA MED PAR 'GYUR, ,ZHES BYA BA LA, RGYAB KYI SGAL TSIGS NGOS GNYIS NI RKED BA'I MTSAMS RO SMAD KYI PHYI ROL GYI RGYAB KYI CHA NA KHUNG BU ZHES BYA BA'I GNAD
, ,GNYIS YOD DE, DE GNYIS SNAD CING NYAMS PAS LUS KYI RO SMAD KYI BSKYOD CING 'GUL BA NYAMS PA DANG, RO SMAD LA TSOR BA MED CING BEM BEM POR 'GYUR RO, ,GANG ZHIG RTZIB LOGS GNYIS DANG 'BREL, ,STA ZUR RTZE MO GNYIS STENG GI, ,GNAS NI G-YOGS BAR GYUR PA DANG, ,RO SMAD GZHON NU'I RUS PAR GNAS, ,DE SNAD RO SMAD SKRANGS PA DANG, ,NYAM CHUNG 'CHI BA NYID DU 'GYUR, ,ZHES BYA BA LA, GNAD GANG ZHIG RTZIB LOGS GNYIS KYI GNAD DANG 'BREL ZHING RTZIB LOGS KYI BAR DANG 'DAB 'BYOR BA DANG, STA ZUR GYI RTZE MO GNYIS KYI STENG GI GNAS GANG YIN PA DE G-YOGS SHING BSGRIBS PAR GYUR PA NI, GNAD RO SMAD CES BYA STE, DE YANG GZHON NU ZHES BYA BA'I GNAD KYI RUS BAR GNAS PA YIN LA, GNAD DE DAG PHUG CING SNAD PAS NI, LUS KYI RO SMAD KYI CHA SKRANG PA DANG, NYAM CHUNG ZHING STOBS ZHAN PA NYID DU GYUR NAS, DE'I 'OG TU 'CHI BA KHO NAR 'GYUR RO, ,RTZIB LOGS GNYIS KYI NANG DANG 'BREL, ,RKED PA'I NGOS GNYIS DBUS GANG GNAS, ,THAD KA DANG NI GYEN GNAS PA, ,RTZIB LOGS MTSAMS TE DE PHUG NA, ,KHONG PA KHRAG GIS GANG BA DANG, ,LUS DANG BRAL BA NYID DU 'GYUR, ,ZHES BYA BA LA, RTZIB LOGS GNYIS KYI NANG GROL DANG 'BREL CING 'DAB 'BYOR PA, RKED PA'I NGOS GNYIS KYI DBUS NA THAD KA DANG GYEN DU GNAS PA'I GNAD GNYIS NI DRANG SRONG RNAMS KYIS RTZIB LOGS KYI MTSAMS ZHES BSHAD DE, DE GNYIS PHUG CING SNAD PAR GYUR NA, KHONG PA KHRAG GIS GANG NAS LUS DANG BRAL TE 'CHI BA NYID DU 'GYUR RO; ,NU MA GNYIS KYI THAD KA'I CHA, ,RGYAB KYI SGAL TSIGS LA BRTEN PA, ,RTZA CHEN ZHES BYA DE PHUG NA, ,KHRAG ZAD NAS NI 'CHI BAR 'GYUR, ,ZHES BYA BA LA, NU MA GNYIS KYI RTZA'I THAD KA'I CHA NI RGYAB KYI SGAL TSIGS LA BRTEN CING GNAS PA'I GNAD NI RTZA BO CHE ZHES BYA STE, DE PHUG NA KHRAG ZAD NAS 'PHRAL DU 'CHI BAR 'GYUR RO, ,DPUNG MGO GNYIS DANG 'BREL BA YI, ,SGAL TSIGS KYI NI NGOS GNYIS NA, ,PHRAG PA GNYIS KYI SOG PA STE, ,DE SNAD BSKAMS SHING TSOR BRAL 'GYUR, ,ZHES BYA BA LA, DPUNG MGO GNYIS DANG 'BREL BA'I GNAS LA, SGAL TSIGS KYI NGOS GNYIS
DANG YANG 'BREL PA NI, SOG PA ZHES BYA BA DE LA BRTEN PA'I GNAD YOD DO, ,DE SNAD PAS NI LAG NGAR BSKAMS PA DANG, TSOR BA DANG BRAL BAR 'GYUR RO, ,MGRIN PA GNYIS KYI NGOS GNYIS RTZA, ,DPUNG MGO DANG NI MGRIN PA'I BAR, ,PHRAG PA PHRAG PA LA BRTEN GNAD, ,DA PHUG LAG NGAR BYA BA NYAMS; ,ZHES BYA BA LA, MGRIN PA GNYIS KYI NGOS GNYIS KYI MTSAMS GNYIS NA DPUNG PA DANG, MGO BO DANG MGRIN PA'I BAR NA GNAS PA'I GNAD PHRAG PA ZHES BYA BA YOD DE, DE YANG PHRAG PA LA BRTEN CING GNAS LA, DE LTA BU DE PHUG NA LAG NGAR GYI BYA BA NYAMS SHING 'JAS TE, BRKYANG BA BA DANG BSKUM PA'I BYA BA BYED MI NUS PAR 'GYUR RO, ,SROL GANG GI NI NGOS GNYIS NA, ,'GRAM PA LA NI BRTEN PA'I RTZA, ,BZHI STE DE LA SNGON PO GNYIS, ,GNYIS PA'ANG MJING PA'I GNAD DU BSHAD, ,DE PHUG SKAD 'GAGS MI SDUG DANG, ,LCE YIS RO NI MI TSOR 'GYUR, ,ZHES BYA BA LA, SROL GONG GI NGOS G-YAS G-YON GNYIS NA 'GRAM PA LA BRTEN CING GNAS PA'I RTZA BZHI YOD DE, RTZA DE DAG GI NANG NAS RTZA GNYIS NI SNGON PO ZHES BYA BA'I GNAD YIN LA, GNYIS NI MJING PA'I GNAD YIN PAR BSHAD DO, ,DE PHUG CING BCAD NA SKAD 'GAGS PA LA SOGS PAR 'GYUR RO, ,DE LA SKAD 'GAGS PA NI SKAD THAMS CAD NAS THAMS CAD DU 'GAGS PAR 'GYUR RO, ,YANG NA MI SDUG PA STE SKAD GZHAN DU 'GYUR BA DANG, RO MI TSOR ZHING LCE BEM BEM POR 'GYUR RO, ,LKOG MA'I SBUBS KYI NGOS GNYIS NAS, ,LCE DANG SNAR NI 'GRO BA'I RTZA, ,SO SOR BZHI BZHI YOD MA MO, ,DE BCAD 'PHRAL DU SROG 'JOMS SO, ,ZHES BYA BA LA, LKOG MA'I SBUBS KYI G-YAS G-YON GNYIS NAS LCER 'GRO ZHING RGYU BA'I RTZA DANG, DE BZHIN DU SNAR 'GRO ZHING RGYU BA'I RTZA SO SO ZHING BZHI BZHI YOD DE, DE NI MA MO ZHES BYA BA'I GNAD YIN TE, DE PHUG NA SKAD CIG MA DE NYID LA 'PHRAL DU SROG 'JOMS SHING 'CHI BAR 'GYUR RO, ,MGO BO SKE MTSAMS LTAG PA STE, ,DE PHUG MGO BO LDEM POR 'GYUR, ,ZHES BYA BA LA, MGO BO DANG SKE'I MTSAMS NA LTAG PA ZHES BYA BA'I GNAD GNYIS TSIGS MTSAMS KYI NGOS GNYIS NA GNAS TE, DE PHUG NA MGO BO LDEM ZHING 'DAR BAR
, ,'GYUR RO, ,RNA BA GNYIS 'OG LCONG BA NI, ,RNA RTZA ZHES BYA 'ON PAR 'GYUR, ,ZHES BYA BA LA, RNA BA GNYIS KYI 'OG NA LCONG ZHING DMA' BA NA RNA RTZA ZHES BYA BA'I GNAD YOD DE, DE GNYIS PHUG NA SGRA THOS BA 'JOMS SHING 'ON BAR 'GYUR RO, ,SNA YI BU GA GNYIS DANG NI, ,SNA YI LAM 'GRO MGRIN NANG GNAS, ,SBRUL MGO ZHES BYA DE BCAD NA, ,DRI MI TSOR BAR BYED PAR 'GYUR, ,ZHES BYA BA LA, SPRUL MGO ZHES BYA BA'I GNAD KYI BYE BRAG SNA'I BU GA'I GNAS G-YAS G-YON GNYIS DANG, SNA'I BU GA'I LAM DU 'GRO BA DANG, DE BZHIN DU MGRIN PA'I NANG NA GNAS SHING BRTEN PAR BYED DE, DE'I MING NI SBRUL MGO CAN ZHES BYA BA STE, DE BCAD NA DRI MI TSOR ZHING SNA'I DBANG PO NYAMS PAR BYED DO, ,MIG GNYIS KYI NI PHYI ROL MTSAMS, ,SMIN MA SKYES PA'I MTHA' YI 'OG ,MIG ZUR SMIN STENG DMA' BAR GNAS, , 'KHYIL PA PHUG PAS LONG BAR 'GYUR, ,ZHES BYA BA LA, MIG GNYIS KYI PHYI ROL MUR 'GRAM GYI PHYOGS KYI MTSAMS SMIN MA SKYES PA'I RGYUN CHAD PA'I MTHA' 'OG NAS MIG ZUR ZHES BYA BA'I RTZA'I GNAD YOD DO, ,DE BZHIN DU SMIN MA'I STENG NA DMA' ZHING LCONG BA LA 'KHYIL PA ZHES BYA BA'I GNAD YOD DE, MIG ZUR DANG 'KHYIL PA ZHES BYA BA NI GNAD BZHI PO DE DAG PHUG NA SKYES BU LONG BAR 'GYUR RO, ,RNA MCHAN DPRAL BA'I MTHA' NA NI, ,MUR 'GRAM ZHES BYA 'PHRAL 'CHI BYED, ,CES BYA BA LA, RNA BA'I MCHAN DANG DPRAL BA'I MTHA' BAR NA MUR 'GRAM ZHES BYA BA'I GNAD GNYIS YOD DE; DE PHUG NA SKYES BU DE 'PHRAL LA 'CHI ZHING MYUR DU DUS BYED PAR 'GYUR RO, ,MUR 'GRAM GNYIS STENG SKRA MTSAMS NA, ,GDEG PA ZHES BYA GZHAG BYA YANG, ,SMIN MTSAMS BAR GNAS GSUM CHAR LA'ANG, ,ZUG RNGU DAG NI MA PHYUNG ZHING, ,SMIN NAS RANG NYID BYUNG NA 'TSO, ,PHYUNG NA 'PHRAL DU 'CHI BAR 'GYUR, ,ZHES BYA BA LA, MUR 'GRAM GNYIS KYI STENG MA LTAG SKRA MTSAMS KYI STENG NA GDEG PA ZHES BYA BA'I GNAD YOD LA, YANG GZHAG PAR BYA BA'I GNAD NI SMIN MTSAMS KYI BAR NA YOD DE, GDEG PA GNYIS PO DANG LDAN PA STE, GNAD GSUM CHAR LA
MTSON GYI ZUG RNGUS ZUG NA, DE MA PHYUNG BAR DUS GZHAN ZHIG NA SMIN NAS RANG NYID BYUNG BAR GYUR NA 'TSO BAR 'GYUR GYI ZUG DE PHYUNG NA SKYES BU DE 'PHRAL DU 'CHI BAR 'GYUR RO, ,LCE MIG SNA DANG RNA BA YI, ,BU GA BZHI NI 'DUS BA DAG ,RKAN DANG SGO RU KHA BZHI STE, ,BU GA'I GNAD NI DE RNAMS KYI; ,GNAD NI SUM MDO RIS ZHES BYA, ,DE BCAD SROG NI 'PHRAL DU 'DOR, ,ZHES BYA BA LA, LCE DANG MIG DANG SNA DANG RNA BA'I BU GA STE, RTZA SGO BZHI PO 'DU ZHING 'PHRAD PAR GYUR BA DAG ,RKAN GYI PHYOGS SU KHA BZHI PAR GNAS PA DANG, DE BZHIN DU BU GA DANG 'BREL BA'I GNAD NI SUM MDO RIS ZHES BYA STE, GNAD DE RNAMS BCAD NA SKYES BU'I SROG 'PHRAL DU 'DOR BAR 'GYUR RO, ,THOD PA YI NI MTSAMS LNGA PO, ,THAD KA GYEN 'GRO MTSAMS KYI MTHA', ,DE SNAD PAS NI MGO 'KHOR DANG, ,SMYO ZHING DRAN PA NYAMS TE 'CHI, ,ZHES BYA BA LA, MGO BO'I THOD PA'I MTSAMS LNGA PO NI, MTSAMS KYI MTHA' ZHES BYA BA'I GNAD YOD DE, DE THAD KA DANG GYEN DU 'GRO BAS GNAS PA YIN LA, MTSAMS KYI MTHA'I GNAD DE RNAMS SNAD BAS NI MGO 'KHOR BA DANG, SMYO ZHING DRAN PA NYAMS PA'I NAD KYIS SKYES BU 'CHI BAR 'GYUR RO, ,SPYI BO'I STENG NA GTZUG 'KHYIL BA'I, ,RTZA DANG LDAN SBUBS 'DUS PA NA, ,SPU 'KHYIL BDAG PO ZHES BYA BA'I, ,GNAD KYIS SROG NI 'JIG PAR BYED, ,CES BYA BA LA, MGO BO'I STENG GI GTZUG RTZA 'KHYIL PA'I MTSAMS 'DUS PA SPU 'KHYIL BA'I GNAS KYI GNAD NI MING BDAG PO ZHES BYA STE, GNAD DE BCOM PA NA SROG 'PHRAL DU 'JIG CING 'DOR BAR 'GYUR RO; ,GANG DU MNAN NA SHIN TU 'GUL, ,RAB NA DE NI GNAD CES BYA, ,ZHES BYA BA LA, 'DI NI YANG GNAD RNAMS KYI SPYI'I MTSAN NYID BSTAN PA YIN TE, LUS KYI PHYOGS GANG DU MNAN NA SHIN TU 'GUL ZHING 'PHAR BA DANG, YANG DE BZHIN DU MNAN PAR GYUR NA MI BZOD PAR NA BA DE NI GNAD YIN PAR SHES PAR BYA'O, ,SHA RGYUS RUS PA RTZA CHEN DANG, ,RTZA DANG TSIGS NI 'DUS PA RU, ,GNAD CES BYA STE DES NA DER, ,SROG NI LHAG PAR GNAS PA YIN, ,ZHES BYA BA LA, SHA LA SOGS PA NAS TSIGS KYI BAR RANG RANG GI RIGS MTHUN PA LA LTOS PA 'DUS SHING PHRAD PAR GYUR PA DE NI GNAD CES
, ,BYA STE, DE NI NA ZHING MI BDE BAR BYED PA YIN NO, ,RGYU DES NA GNAD RNAMS SU SROG LHAG PAR GNAS PA YIN PAS DER GNOD PA BYAS PAS SROG LA LHAG PAR GNOD PA YIN NO, ,MANG DU RNAM PAR BSTAN MOD KYI, ,GNAD NI RNAM PA DRUG TU BSTAN, ,ZHES BYA BA LA, GNAD GRANGS MANG DU BSTAN MOD KYI SHA LA SOGS PA LA GNAS PA'I RNAM PA 'DIS GNAD KYI GRANGS NI RNAM PA DRUG KHO NAR BSTAN PA YIN NO, ,SROG GI GNAS SU THUN MONG PAS, ,GNAD NI GCIG TU GNAS PA'ANG YIN, ,ZHES BYA BA LA, YANG NA GNAD NI DRUG TU YANG RNAM PAR MI DBYE'I, GZHAN DU NA SROG GI GNAS YIN PA'I MTSAN NYID DU GCIG PA'AM, THUN MONG YIN PAS GNAD NI GCIG KHO NAR BSTAN GYI, DRUG TU RNAM PAR MI GZHAG GO, ,SHAR GTOGS BCU STE BYIN LAG NYVA, ,MTHIL 'PHROG NU 'JING NU RTZA'O, ,ZHES BYA BA LA, GNAD LA SHA'I RIGS SU GTOGS PA'I GNAD NI BCU STE, DE GANG ZHE NA, BYIN SNYING DANG LAG NGAR GYI SHA'I GNAD DBANG PO'I CHU SO ZHES BYA BA BZHI DANG, MTHIL 'PHROG PA ZHES BYA BA BZHI DANG, NU 'JING DANG NU RTZE GNYIS TE BCU YIN NO, ,RUS PA'I GNAD BRGYAD MUR 'GRAM DANG, ,RKED PA CAN DANG GZHON NU DANG, ,RO SMAD DANG NI SOG PA'O, , ZHES BYA BA LA, RUS PA LA GNAD BRGYAD YOD DE, MUR 'GRAM GYI GNAD GNYIS DANG, RKED PA CAN DANG GZHON NU ZHES BYA BA GNYIS DANG, RO SMAD CES BYA BA GNYIS DANG, SOG PA ZHES BYA BA GNYIS TE BRGYAD YOD DO, ,RGYUS BA'I GNAD NI NYI SHU GSUM, ,GNYAN GONG ZHES BYA'I PIR DANG NI, , PIR MGO MIG ZUR RGYA TSIGS DANG, ,PHRAG PA GZHAG DANG CHU SO YI, ,ZHES BYA BA LA, RGYUS BA'I GNAD NI NYI SHU RTZA GSUM STE, GNYAN GONG GI GNAD BZHI DANG, GRU MO'I GONG GNYIS KYI PIR ZHES BYA BA BZHI DANG, PIR MGO ZHES BYA BA BZHI DANG, MIG ZUR GYI GNAD GNYIS DANG, RGYA TSIGS BZHI DANG, PHRAG PA GNYIS DANG, GZHAG CES BYA BA GNYIS DANG, CHU SO ZHES BYA BA STE NYI SHU RTZA GSUM MO, ,RTZA CHEN GNAD NI RNAM DGU STE, ,GZHANG DANG RENGS BRAL RNA RTZA DANG, ,SUM MDO RIS ZHES BSHAD PA YIN, ,ZHES BYA BA LA, RTZA CHEN PO'I GNAD NI RNAM PA DGU YOD PAR BSHAD DE, GZHANG
ZHES BYA BA GCIG DANG, RENGS BRAL ZHES BYA BA'I GNAD DANG GNYIS, RNA RTZA ZHES BYA BA'I GNAD GNYIS DANG, SUM MDO RIS ZHES BSHAD PA BZHI STE DGU'O, ,RTZA LAG NAS GNAD SUM CU BDUN, ,RTZA CHEN GNYIS DANG MA MO SNGO, ,'GRAM PA MCHAN KHUNG 'DZIN SBRUL MGO, ,LJON SHING SNYING DANG LTE BA DANG, ,RTZIB LOGS MTSAMS DANG NU MA'I 'OG ,MI GSAL GZHAG DANG BRLA DBANG DANG, ,DMAR PO ZHES BYA BZHI BO'O, ,ZHES BYA BA LA, RTZA LA GNAS PA'I GNAD KYI BYE BRAG NI SUM CU RTZA BDUN YOD DE, RTZA BO CHE GNYIS DANG, MA MO BRGYAD DANG, SNGON PO GNYIS DANG, 'GRAM PA'I RTZA GNYIS DANG, MCHAN KHUNG 'DZIN PA'I GNAD GNYIS DANG, SBRUL MGO GNYIS DANG, LJON SHING GNYIS DANG, SNYING GI GNYIS DANG, LTE BA'I GCIG DANG, RTZIB LOGS MTSAMS KYI GNYIS DANG, NU MA'I 'OG GI GNYIS DANG, MI GSAL BA ZHES BYA BA GNYIS DANG, GZHAG PA GNYIS DANG, BRLA DBANG GNYIS DANG, DMAR PO ZHES BYA BA BZHI'O, ,TSIGS LA NYI SHU 'KHYIL BA DANG, ,MKHRIG MA GNYIS DANG KHUNG BU DANG, ,MTSAMS MTHA' GRU MO LONG MO DANG, ,LTAG PA PUS MO BDAG PO'O, ,ZHES BYA BA LA, TSIGS LA GNAS PA'I GNAD NI NYI SHU STE 'KHYIL PA ZHES BYA PA'I GNAD GNYIS DANG, MKHRIG MA GNYIS DANG, KHUNG BU ZHES BYA BA GNYIS DANG, MTSAMS KYI MTHA' ZHES BYA BA LNGA DANG, GRU MO'I GNAD GNYIS DANG, LONG MO GNYIS DANG, LTAG PA'I GNYIS DANG, PUS MO'I GNYIS DANG, BDAG PO ZHES BYA BA GCIG STE NYI SHU'O, ,GZHAN DAG GZHANG SHA'I GNAD CES ZER, ,MCHAN KHUNG 'DZIN DANG LJON SHING DANG, ,RGYUS PA LA BRTEN RNA RTZA DANG, ,SUM MDO RIS DANG RENGS BRAL DANG, ,MIG 'GRAM RTZA NI GNAD YIN TE, ,RTZA CHEN GNAS PAR DE MA BSHAD, ,CES BYA BA LA, SLOB DPON GZHAN DAG NI GZHANG GI GNAD NI SHA'I NANG DU GTOGS PAS RTZA BO CHE'I GNAD MA YIN NO ZHES ZER RO, ,DE BZHIN DU MCHAN KHUNG 'DZIN BA DANG, LJON SHING ZHES BYA BA'I GNAD BZHI BO NI RGYUS PA LA BRTEN PA'I GNAD YIN GYI, RTZA LA GNAS PA'I GNAD MA YIN NO, ,ZHES ZER RO, ,DE BZHIN DU RNA RTZA YANG RTZA LA GNAS PA YIN GYI RTZA BO CHE LA GNAS PA MA YIN NO, ,
, ,SUM MDO RIS KYI GNAD BZHI DANG, RENGS BRAL ZHES BYA BA'I GNAD GNYIS DANG, MIG 'GRAM GYI GNAD GNYIS PO DAG NI RTZA'I GNAD YIN GYI RTZA BO CHE DANG RGYUS PA'I GNAD MA YIN NO, ,ZHES ZER RO, ,DE BAS NA DE DAG NI RTZA BO CHE LA GNAS PAR MA BSHAD DO, ,SHA YI GNAD BCAD KHRAG RGYUN 'DZAG ,SHA BKRUS 'DRAR 'GYUR SLA BA DANG, ,SKYA ZHING DBANG PO NYAMS PA DANG, ,MYUR DU 'CHI BA NYID DU 'GYUR, ,ZHES BYA BA LA, SHAR GTOGS SHING GNAS PA'I KHRAG GI RGYUN 'DZAG PA SHA BKRUS PA LTA BUR GYUR PA DANG, SLA ZHING RKYANG RKYANG POR GYUR PA DANG, MDOG SKYA BA DANG, DBANG PO'I TSOGS NYAMS PA DANG, MYUR DU 'CHI BA KHO NAR 'GYUR RO, ,RUS GNAS GNAD BCAD RKANG BCAS NA, ,SLA DANG BAR BAR CHAD CING 'DZAG ,CES BYA BA LA, RUS PA LA GNAS PA'I GNAD BCAD NA RKANG DANG BCAS PA'I KHRAG 'DZAG PA DANG, SHIN TU NA BA DANG, SLA ZHING DANGS PA DANG, BAR BAR DU RGYUN CHAD CING 'DZAG PAR 'GYUR RO, ,RGYUS PA'I GNAD BCAD NA ZHING 'KHRUG ,BRKYANG BSKUM MI SHES GNOD PAR 'GYUR, ,'GRO DANG STAN GNAS NUS PA CHUNG, ,DBANG PO NYAMS PA'AM 'CHI BAR 'GYUR, ,ZHES BYA BA LA, RGYUS PAR GNAS PA'I GNAD BCAD NA, NA ZHING KUN TU SHAS CHER 'KHRUGS PA DANG, BRKYANG BA DANG BSKUM MI SHES PA'I RLUNG NAD KYI GNOD PA 'BYUNG BAR 'GYUR RO, ,DE BZHIN DU 'GRO BA LA SOGS PA LA YANG NUS PA CHUNG BAR 'GYUR TE, 'GRO BA NI 'GRO ZHING BSKYOD PA'O, ,GNAS PA NI SNGON PA'AM STAN LA 'DUG PA STE, DE DAG MI NUS PAR GYUR PA'AM, YANG NA DBANG PO NYAMS SHING MI GSAL BA'AM, SROG DANG BRAL BAR 'GYUR RO, ,RTZA CHEN GNAD BCAD LBU BA DANG, ,SGRA BCAS 'BYUNG ZHING DRAN NYAMS 'GYUR, ,ZHES BYA BA LA, RTZA BO CHE LA GNAS PA'I GNAD BCAD NA KHRAG LBU BA DANG SGRA DANG BCAS PA 'BYUNG ZHING DRAN BA NYAMS PAR 'GYUR RO, ,RTZA YI GNAD BCAD KHRAG SKA ZHING, ,RGYUN MI 'CHAD PAR MANG DU 'BYUNG, ,DE ZAD MGO 'KHOR DBUGS MI BDE, ,SKOM RMONGS SKYIGS BUS 'DEBS PAS 'CHI, ,ZHES BYA BA LA, RTZA LA GNAS PA'I GNAD BCAD NA KHRAG SKA BAR 'BYUNG BA DANG, RGYUN MI 'CHAD PAR 'BYUNG BA DANG,
MANG DU 'BYUNG BAR 'GYUR LA, DES NA KHRAG DE ZAD PAS MGO 'KHOR BA LA SOGS PAS 'CHI BAR BYED PAR 'GYUR RO, ,LUS NI GRA MA LTA BUS KHYAB, ,'TSOB KYANG SGUR PO'AM 'THING POR 'GYUR, ,ZHES BYA BA LA, SKYES BU DE'I LUS NAS KYI GRA MA LTA BUS KHYAB PAR SNANG BA DANG, RMA DE 'TSOB CING 'BYOR PAR GYUR NA YANG LUS SGUR BA DANG YAN LAG 'JAS SHING 'THENG POR 'GYUR RO, ,TSIGS GNAD STOBS DANG SPYOD PA NYAMS, ,LUS SKEM TSIGS NI SKRANG BAR 'GYUR, ,ZHES BYA BA LA, TSIGS LA GNAS PA'I GNAD BCAD NA STOBS ZAD BA DANG, LUS KYI G-YO 'GUL GYI SPYOD PA NYAMS PA DANG, LUS KUN SKEM ZHING SBEG PA DANG, TSIGS KYI TSOGS RNAMS SKRANG BAR 'GYUR RO, ,LTE BA MUR 'GRAM BDAG PO GZHANG, ,SNYING DANG CHU SO SUM MDO RIS, ,MA MO BRGYAD DANG BCAS DGU PO, ,'PHRAL DU SROG NI GCOD PAR BYED, ,DE RNAMS 'PHRAL DU MI 'CHI YANG, ,ZHAG BDUN GYIS NI NGES PAR 'CHI, ,ZHES BYA BA LA, LTE BA DANG MUR 'GRAM LA SOGS PA'I GNAD BCU DGU PHUG CING BCAD NA 'PHRAL DU DE'I MOD LA 'CHI ZHING GSOD PAR BYED LA, GAL TE TSE'I LHAG MA YOD NA YANG ZHABS BDUN GYIS NGES PAR 'CHI'O, ,DE LAS LHAG PAR NI NGES PAR MI 'TSO'O, , RENGS BRAL MTHIL 'PHROG RTZIB LOGS MTSAMS, ,RKED PA CAN GZHON MTSAMS KYI MTHA', ,MUR RTZA DBANG PO CHU SO'I GNAD, ,RGYAB TSIGS MI GSAL RTZA CHEN DANG, ,RO SMAD NU 'JING SUM CU GSUM, ,ZLA BA'AM ZLA PHYED SON NAS NI, ,DUS GZHAN DU NI 'CHI BAR BYED, ,CES BYA BA LA, RENGS BRAL LA SOGS PA'I GNAD SUM CU RTZA GSUM PHUG CING, SNAD PA NI 'PHRAL DU 'CHI BAR MI BYED NA YANG ZLA BA PHYED DAM ZLA BA GCIG GIS 'CHI BAR 'GYUR RO, ,BRDEG DANG GZHAG PA ZHES BYA GSUM, ,DER NI ZUG RNGU BYUNG GYUR NA, ,RLUNG GIS SHA DANG TSIL RKANG DANG, ,KLAD RGYAS DAG NI SKEMS PAR BYED, ,MTSON PHYUNG LUD PA DBUGS MI BDE, ,'BYUNG ZHING SROG NI 'JOMS PAR BYED, ,CES BYA BA LA, BRDEG PA ZHES BYA BA'I GNAD GNYIS DANG GZHAG PA ZHES BYA BA STE, GSUM PO DE DAG TU MTSON GYIS ZUG RNGU ZUG PA PHYUNG NA 'CHI BAR 'GYUR GYI, ,ZUG RNGU MA PHYUNG BAR NI MYUR DU 'CHI BAR
, ,MI 'GYUR RO, ,CI'I PHYIR ZUG RNGU PHYUNG BAS 'CHI ZHES BYA, DE ZUG RNGU PHYUNG YANG RLUNG BYUNG STE, DES LUD PA DANG DBUGS MI BDE BA BSKYED NAS SROG 'JOMS PAR 'GYUR LA, CI ZHIG BYAS NAS 'JOMS SHE NA, SHA LA SOGS BA BSKAMS PAS GSOD PAR BYED DO, ,SBRUL MGO MIG ZUR RNA RTZA DANG, ,SNGON PO 'GRAM GNAS LTAG PA'I GNAD, ,PHRAG PA'AM PHRAG SOGS 'KHYIL PA DANG, ,LJON SHING BRLA DBANG KHUNG BU DANG, ,MIG DMAR BUS MO'I GNAD DANG BCAS, ,MCHAN 'DZIN PIR 'DRA GRU MO'I GNAD, ,DE LTAR GNAD NI BZHI BCU BZHIS, ,RKANG LAG 'JAS PAR BYED 'GYUR RAM, ,GAL TE TSABS CHER SNAD GYUR NA, ,DES NI SROG KYANG 'JOMS PAR BYED, ,CES BYA BA LA, SBRUL MGO LA SOGS PA'I GNAD BZHI BCU RTZA BZHI SNAD PAS NI, RKANG LAG 'JAS SHING 'PHYE BO LA SOGS PA'I GNOD PA SKYED PAR 'GYUR LA, GAL TE DE DAG BSOD NAMS MA YIN PA LA SOGS PA'I DBANG GIS SNAD TSABS CHEN SROG 'JOMS SHING 'CHI BA NYID DU 'GYUR RO, ,PIR MGO 'DRA DANG LONG MO DANG, ,MKHRIG MA'I GNAD BRGYAD NAD TSABS SKYED, ,CES BYA BA LA, PIR MGO 'DRA BA LA SOGS PA'I GNAD BRGYAD PO PHUG PAS NI SHIN TU NANG TSABS CHEN PO SKYED PAR 'GYUR BA YIN NO, ,DE LAS LJON SHING MCHAN KHUNG 'DZIN, ,BRLA DANG PIR MGO LTA BU STE, ,BCU GNYIS SOR GCIG TSAD YIN NO, ,ZHES BYA BA LA, GNAD DE RNAMS LAS LJON SHING LA SOGS PA GNAD BCU GNYIS KYI TSAD NI RANG GI SOR TSAD KYI SOR GCIG GI TSAD DU GNAS PA YIN NO, , MKHRIG MA DANG NI LONG MO DANG, ,NU MA'I RTZA BA SOR GNYIS TSAD, ,CES BYA BA LA, GNAD DE RNAMS LA MKHRIG MA'I GNAD GNYIS DANG, LONG MO'I GNAD GNYIS DANG, NU MA'I GNAD GNYIS TE, GNAD DRUG PO DE DAG GI TSAD NI SOR GNYIS SU GNAD PA YIN NO, ,PUS MO GRU MO SOR GSUM TSAD; ,CES BYA BA LA, PUS MO'I GNAD GNYIS DANG, GRU MO'I GNAD GNYIS TE, BZHI PO'I TSAD NI SOR GSUM YIN NO, ,GZHANG DANG CHU SO LTE BA SNYING, ,SNGON PO MTSAMS MTHA' MA MO DANG, ,PIR 'DRA SUM MDO RIS 'GRAM PA, ,GNAD NI NYI SHU RTZA DGU'I TSAD, ,RANG GI LAG MTHIL
TSAD YIN NO, ,ZHES BYA BA LA, GZHANG KHA LA SOGS PA'I GNAD KYI KHYAD PAR NYI SHU RTZA DGU RANG GI LAG MTHIL TZAM GYI TSAD DU GNAS PA YIN NO, ,LHAG MA GNAD NI LNGA BCU DRUG ,SOR PHYED KYI NI TSAD DU 'DOD, ,CES BYA BA LA, DE LTAR TSAD BSHAD PA'I GNAD KYI LHAG MA TSAD MA BSHAD PA DAG NI LHAG MA YIN LA, DE DAG NI GRANGS LNGA BCU RTZA DRUG YOD DE, DE DAG GI TSAD NI RANG GI SOR PHYED YOD PAR 'DOD DO, ,GZHAN DAG GNAD DE TIL 'BRU STE, ,'BRAS TZAM GYI NI TSAD DU 'DOD, ,CES BYA BA LA, SMAN PA GZHAN DAG NI GNAD DE DAG TIL 'BRU TZAM GYI TSAD DU GNAS PAR 'DOD LA, GZHAN DAG NI 'BRAS TZAM GYI TSAD DU YOD DO, ,ZHES 'DOD DO, ,RTZA BZHIR BSHAD PA GANG YIN PA, ,LUS KUN BRTAS PAR BYED BA RNAMS, ,DE NI GNAD LA GNAS PA YIN, ,ZHES BYA BA LA, SNGAR GANG RTZA BZHI POR RLUNG DANG MKHRIS PA DANG BAD KAN 'DRES PA DANG, NAD MED PA STE RTZA BZHI PO GRANGS BDUN BRGYA YOD PAR SNGAR BSHAD LA, GANG YIN PA DES NI LUS MA LUS PA THAMS CAD LA BRTAS SHING TSIM PAR BYED PA YIN TE, DE DAG THAMS CAD KYANG GNAD LA GNAS SHING BRTAN PA YIN NO, ,DES NA DE PHUG KHRAG DRAG 'BYUNG, ,LUS ZUNGS RNAMS NI ZAD PA'I PHYIR, , RLUNG 'PHEL NAD NI MI BZAD 'DEBS, ,RLUNG GIS MKHRIS PA RGYAS PAR BYED, ,MKHRIS PA RGYAS PAR GYUR BAS NA, ,SKOM DANG MGO 'KHOR SKAM DANG MYOS, ,ZHES BYA BA LA, GANG GI PHYIR RTZA THAMS CAD GNAD LA GNAS PA YIN PA'I RGYU DES NA, RTZA DE PHUG CING KHRAG DRAG TU PHYUNG ZHING SHAS CHER BRTEN NA DES NA LUS ZUNGS BDUN PO RNAMS ZAD PAR BYED PAR 'GYUR LA, LUS ZUNGS DE ZAD PAS RLUNG NAD SKYE ZHING 'PHEL BA'I GNAS SKABS SU GYUR NAS MI BZAD PA'I NAD KYIS 'DEBS SHING NA BA DANG, GZER BA LA SOGS PA'I TSOR BA DE SKYE ZHING 'DEBS LA, YANG RLUNG DE MKHRIS PA'I TSOGS KYI NAD RGYAS SHING 'PHEL BAR BYED PAR 'GYUR RO, ,MKHRIS PA DES RGYAS SHING BDO BAR 'GYUR RO, ,SKOM DAD DANG MGO 'KHOR BA DANG, KHA SKAMS PA DANG, MYOS PA'I NAD SKYE BAR 'GYUR RO, ,LUS RNGUL TSIGS 'BYE LUS LHOD DANG, ,DE NI GSHIN RJE'I DBANG DU 'GRO, ,ZHES BYA BA LA, DES NA GNAD DU
, ,PHUG CING SNAD PA'I SKYES BU DE LUS RDUL ZHING TSIGS 'BYE BA DANG, LUS LHOD CING SHIG SHIG POR GYUR BAS, DE GSHIN RJE'I DBANG DU 'GRO ZHING 'CHI BAR 'GYUR RO, ,GNAD GCOD NA NI MYUR BA RU, ,LUS KYI TSIGS NI CHOD 'GYUR TE, ,TSIGS KYI PHYOGS SU BCAD PAS NA, ,RTZA NI 'KHUMS PAR BYED PA YIN, ,ZHES BYA BA LA, GNAD GCOD CING SNAD PAR GYUR BA NA MYUR BA NYID DU LUS KYI RKANG PA DANG LAG PA LA SOGS PA'I TSIGS CHOD CING SNAD BAR 'GYUR, CI'I PHYIR ZHE NA, TSIGS KYI PHYOGS SU BCAD PA'I PHYIR, RTZA THAMS CAD KYANG 'KHUMS SHING GCOD PAR BYED PA YIN NO DE LA SROG CHAGS RNAMS KYI SROG ,KHRAG GNAS NA NI GNAS PA YIN, ,ZHES BYA BA LA, DE LA SROG CHAGS RNAMS KYI SROG NI SHAS CHER KHRAG LA GNAS PA'I PHYIR, DE'I NANG NA GNAS ZHING SKYON MED NA NI, SROG DE YANG GNAS PAR 'GYUR BA YIN NO, ,DE BAS GNAD MIN LEGS PHOG NI, ,NGES PAR 'CHI BAR MI 'GYUR RO, ,ZHES BYA BA LA, GANG GI PHYIR GNAD DE PHUG CING CHOD PAS NI SROG CHAGS 'CHI BAR BYED PA YIN GYI, GZHAN DU SNAD CING RMA BYUNG BA TZAM GYIS NI 'CHI BAR MI 'GYUR RO, ,DE BAS NA GNAD MA YIN PAR LOG PAR PHOG CING SNAD PAR GYUR NA, MDA' BRGYA PHOG KYANG 'CHI BAR MI 'GYUR BA'I GNAD NI YOD PA KHO NA YIN NO, ,'GA' ZHIG SMAN PA'I YON TAN DANG, ,PHYOGS GCIG TU NI PHOG PA YIS, ,'TSO BAR GYUR YANG DE YI NI, ,DBANG PO MA TSANG NYID DU 'GYUR, ,ZHES BYA BA LA, GANG GI PHYIR SROG CHAGS 'GA' ZHIG GNAD DU PHOG BA YOD NA, YANG SMAN PA MKHAS PAS BCOS BA'I YON TAN NAM, GNAD KYI PHYOGS GCIG GI MTHAR PHOG PAS GNAD DU PHOG KYANG 'TSO BAR 'GYUR MOD KYI, 'ON KYANG DE'I DBANG PO MTSANG ZHING ZHA BO'AM 'THENG PO NYID DU 'GYUR BA YIN NO, ,DE BAS 'BAD DE GNAD DU NI, ,THAL SMAN ME BTZA' LA SOGS SPANG, ,ZHES BYA BA LA; GANG GI PHYIR GNAD LA PHOG CING SNAD PA NI GNOD BA DANG BCAS SHING SROG LA GNOD PA BYED BA YIN BA DE BAS NA THAL SMAN RNON PO DANG, ME BTZA' GDAB BA LA SOGS PA YANG GNAD DU MI BYA BAR SPANG BAR BYA'O, ,SOGS PA SMOS PAS NI BSE SHING GI 'BRAS BU DANG, KA PID THA'I KHU BA LA
SOGS PA DAG 'BAD DE GNAD DU MA PHOG PAR SPANG ZHING DOR BAR BYA'O, ,GNANG DU PHOG NA CHUNG NGUS KYANG, ,PHAL CHER SHIN TU GNOD PA YIN, ,ZHES BYA BA LA, GANG GI PHYIR GNAD DU PHOG NA TSABS CHUNG DUS KYANG PHAL CHER ZHES BA MANG DU SHIN TU GNOD CING SDUG BSNGAL BAR BYED PA YIN NO, , DE BZHIN GNAD LA BRTEN PA'I NAD, ,RAB TU 'BAD PAS GSO BAR BYA, ,ZHES BYA BA LA, GNAD DU PHOG CING SNAD PA LA 'BA' ZHIG GIS GNOD PA SKYED PAR MA ZAD KYI, GNAD RNAMS KYANG GNAD RNAMS LA BRTEN CING GNAS PAR GYUR NA, MTSON GYIS PHOG BA DANG 'DRA BAR GNOD PA SKYED PA YIN PAS, DE NI SHIN TU 'BAD CING BRTZON PAS GSO DGOS PA'AM, 'BAD PAS GSOS KYANG 'TSO BA DKA' BA YIN PAR STON TO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS; LUS KYI GNAD KYI LE'U BZHI PA'I RNAM PAR 'GREL PA'O,, ,,DE LA LUS KYI 'GYUR BA'I BYE BRAG SHES PAR BYA BA'I LE'U BSHAD PAR BYA'O, ,ZHES BYA BA LA, GNAD KYI BYE BRAG SHES PAR BYAS PA'I 'OG TU 'DI BRTZAMS PA'I DGOS PA NI 'DI YIN TE, 'CHI BAR BYED PA'I RGYU YIN PA'I PHYIR GNAD CES BYA BA LA, 'CHI BA DE YANG RANG BZHIN SNGA MA LAS 'GYUR BA'I MTSAN NYID 'CHI LTAS KYI RNAM PAR 'GRO BA RNAMS SNGAR GNAS PAS NA, 'DIR SMOS PA YIN NO, ,LUS KYI 'GYUR BA NI RANG BZHIN SNGA MA LAS GZHAN DU 'GYUR BA STE, DE'I BYE BRAG GAM KHYAD PAR SHES SHING RTOGS PAR BYA NA, GANG NA YOD PA DE BSHAD PAR BYA'O, ,ZHES PA'O, ,'GYUR BA DE JI LTA BU YIN ZHE NA, DE'I PHYIR SMRAS PA NI, JI LTAR 'BRAS BU ME TOG DANG, ,ME YI DU BA CHAR GYI SPRIN, ,PHYIS 'BYUNG MTSAN MA YIN PA LTAR, ,DE BZHIN 'CHI LTAS LAS NGES 'CHI, ,ZHES BYA BA LA, TSUL JI LTAR 'BRAS BU 'BYUNG BAR 'GYUR BA'I SNGON DU ME TOG 'BYUNG BA DANG, ME 'BYUNG BA'I SNGON DU DU BA 'BYUNG BA DANG, CHAR 'BAB PA'I DUS SU SPRIN 'DUS PA DAG NI RGYU SNGAR BYUNG BA 'BRAS BU PHYIS 'BYUNG BA'I MTSAN MA YIN PA LTAR, TSUL DE BZHIN DU RANG BZHIN LAS GZHAN DU 'GYUR BA LAS 'CHI BAR SHES PAR
, ,'GYUR BA'I LTAS SAM MTSAN MA YIN PAS, DE LAS PHYIS NGES PAR 'CHI BAR 'GYUR BAR STON PA YIN NO, ,'CHI LTAS MED NA MI 'CHI LA, ,'CHI LTAS SNANG NA 'TSO MI 'GYUR, ,ZHES BYA BA LA, GANG LA SNGAR 'CHI BAR 'GYUR BA'I MTSAN MA'I LTAS MED NA, LTAS KYIS MTSON PA'I 'CHI BAR YANG MED PAS MI 'CHI LA, DE BZHIN DU 'CHI LTAS SNANG BA LAS KYANG 'TSO BAR 'GYUR BA MA YIN NO, ,'CHI LTAS 'CHI LTAS MIN ZHES PA, ,MI MKHAS 'CHI LTAS MED MIN SHES, ,ZHES BYA BA LA, YANG DAG PAR NA GANG 'CHI LTAS NYID DU STON PAR 'OS PAS DE LA YANG 'CHI LTAS MA YIN PAR SHES LA, 'CHI LTAS MED PA DAG LA YANG 'CHI LTAS MED PA MI SHES TE, CI'I PHYIR ZHE NA, MI MKHAS SHING 'CHI LTAS DANG 'CHI LTAS MA YIN PA SHES PA LA MA BYANG BAS, 'CHI LTAS YOD MED MI SHES PA YIN NO, ,LA LA RTEN DANG BRTEN PA PO'I, ,KHYAD PAR GYIS DE GNYIS SU 'DOD, ,NAD KYI TSUL NI MANG PO LAS, ,'CHI LTAS TSUL DU 'BYUNG BAR 'GYUR, ,NAD ZHI NA NI ZHI 'GYUR LA, ,BRTAN PAR GNAS NA 'CHI BAR 'GYUR, ,ZHES BYA BA LA, YANG SMAN PA GZHAN DAG NI 'CHI LTAS DE RTEN GYI LUS DANG, BRTEN PA'I NAD LA SOGS PA KHYAD PAR GYIS TE; RNAM PA GNYIS SU 'DOD LA, DE YANG RLUNG LA SOGS PA'I NAD KYI TSUL RNAM PA MANG PO LAS 'CHI LTAS GYI TSUL DU SNANG ZHING 'BYUNG BAR 'GYUR BDE DAG LAS RLUNG LA SOGS PA'I NAD ZHI BAR 'GYUR NA, DE LAS BYUNG BA MTSAN MA YANG ZHI BAR 'GYUR LA MA ZHI BAR BRTAN PAR GNAS PA NI, DE NGES PAR 'CHI BA NYID DU 'GYUR BAS 'CHI LTAS ZHES BYA'O, ,ZHES ZER RO, ,GZUGS DANG DBANG PO SKAD DANG MDOG ,GZUGS BRNYAN BYA BA SOGS PA DANG, ,DNGOS PO DAG NI GZHAN LA YANG, ,THA MAL PA LAS RGYU MED PAR, ,GZHAN DU GYUR GANG MDOR GANG NI, ,'CHI LTAS YIN PAR DE SHES BYA, ,ZHES BYA BA LA, GZUGS NI KHA DOG DANG DBYI BAS KYI RNAM PA'O, ,DBANG PO NI MIG LA SOGS PA'O, ,SKAD NI NGA RO'O, ,MDOG NI 'BYUNG BA CHEN PO LNGA'I RANG BZHIN RNAM PA LNGA'O, ,GZUGS BRNYAN NI NYI MA DANG CHU DANG ME LONG LA SOGS PAR GANG ZHIG SNANG BA'I GZUGS DANG MTHUN
PAR BYUNG BA'O, ,BYA BA NI, LUS DANG NGAG DANG YID KYI LAS SU BYA BA'I RNAM PA MANG PO'O, ,SOGS PA ZHES BYA BA NI LUS SU GTOGS PA'I DNGOS PO GZHAN DAG KYANG BSKU'O, ,DE LTAR NA GZUGS LA SOGS PA'I DNGOS POR GTOGS PA DE DAG DANG, 'DIR SMOS PA'I RNAM PA GZHAN DAG STE, , BLO DANG DRAN PA DANG RANG BZHIN BRTAN PA LA SOGS PA'I SEMS KYI SPYOD PA DAG THA MA LA PA STE, RANG BZHIN DU GNAS PA LAS RGYU MED PA STE 'GYUR PA'I RGYU YANG MED BZHIN DU GLO BUR GZHAN DU 'GYUR ZHING SNANG BA MDOR BSDU NA, DE LTA BU GANG YIN PA DE NI 'CHI LTAS YIN PA SHES PAR BYA'I, ,RGYU GANG YANG RUNG BA LAS GZHAN DU GYUR PA NI 'CHI LTAS SU NI GZUNG NGO, ,SKRA DANG BA SPU MA BSKUS PAR, ,SNUM GYIS BSKUS LTAR GANG SNANG DANG, ,ZHES BYA BA LA, 'GRO BA GANG ZHIG SKRA DANG SPU RNAMS MA BSKUS PAR BSKUS SHING BYUGS PA LTAR SNANG BA DE YANG, DUS KYIS BSKUS SHING 'CHI BAR 'GYUR BA YIN NO, ,GANG ZHIG MIG NI RAB G-YO DANG, ,MI 'GYUR PHYIR BYUNG KHUNG BUR ZHUGS, ,YO DANG BGRAD DANG 'DZUMS PA DANG, ,BCUM ZHING SMIN MA SMAD PA DANG, ,'KHRUL DANG MTHONG BA NYAMS PA DANG, ,SRE MO'I MIG LTAR BLTA BA DANG, ,THI BA 'DRA DANG MGAL ME 'DRA, ,MCHI MA 'DZAG CING RDZI MA 'KHRUGS, ,ZHES BYA BA LA, DE BZHIN DU MI GANG ZHIG MIG RAB TU G-YO ZHING 'GUL BA DANG, YANG NA MI 'GYUR ZHING HAR HAR POR 'DUG PA DANG, YANG NA PHYIR 'BYUNG ZHING GLO BA DANG, YANG NA MIG 'BRAS KHONG DU ZHUGS SHING GTING DU SONG BAR SNANG BA DANG, YO ZHING MA SNYOMS PAR SNANG BA DANG, LHAG PAR BGRAD CING GDANGS PA DANG, DE BZHIN DU SHAS CHER 'DZUMS SHING MI 'BYED PA DANG, SMIN MA BCUM ZHING 'DUS PA 'GYUR BA'AM, KHYAD PAR DU SMAD CING DMA' BAR GYUR PA DANG, YANG DE BZHIN DU 'KHRUL PAR MTHONG ZHING LOG PAR MTHONG BA DANG, MTHONG BA NYAMS SHING RTUL BA DANG, DE BZHIN DU SRE MO'I MIG LTAR BLTA BA DANG, THI BA'I MDOG LTAR SNANG BA DANG, MGAL ME'I 'KHOR LO BSKOR BA LTA BUR SNANG BA DANG, RGYU MED PAR MCHI MA 'DZAG CING 'BYUNG BA DANG, DE BZHIN DU RDZI MA 'KHRUGS SHING G-YO BAR 'GYUR BA STE, DE DAG KYANG NAD LA
, ,SOGS PA'I RGYU MED PAR SNANG BA NI 'CHI LTAS YIN NO, ,SNA NI SHIN TU GDANGS PA DANG, ,ZHOM DANG 'BRUM PHRAN GYIS KHYAB DANG, ,SKRANG DANG GAS DANG RNYID PA DANG, ,ZHES BYA BA LA, DE BZHIN DU GANG ZHIG GI SNA RGYU MED PAR GLO BUR DU GDANGS SHING YANGS PAR SNANG BA'AM; YANG NA ZHOM ZHING 'DUS PAR 'GYUR, 'BRUM PHRAN RNAMS KYIS KYANG KHYAB CING GANG BA DANG, SKRANG ZHING RGYAS PAR 'GYUR BA DANG, GAS SHING PAGS PA ZHIG PA LTAR SNANG BA DANG, RNYID CING SKAMS PA YANG 'CHI LTAS YIN NO, ,GANG GI MA MCHU 'PHYANG BA DANG, ,YA MCHU GYEN DU BRDZES PA DANG, ,GNYI GA 'DZAM BU SMIN 'DRAR SNANG, ,ZHES BYA BA LA, SKYES BU GANG ZHIG MA MCHU THUR DU 'PHYANGS PA DANG, YA MCHU GYEN DU BRDZES SHING LDOG PAR 'GYUR BA'AM, YANG NA MCHU GNYIS GA 'DZAM BU SMIN PA LTAR KHA DOG NAG POR SNANG BA YANG 'CHI LTAS SO, ,SO NAG GSEG MAR BCAS PA DANG, ,DMAR ZHING SO ZHO NAG NOG CAN, ,GLO BUR RGYU NI 'BYUNG BA DANG, ,ZHES BYA BA LA, GANG ZHIG SO GNAG PAR GYUR BA DANG, GSEG MAR BCAS PA STE, RDO'I GSEG MA PHRA MO LTA BU BYUNG BA DANG, YANG NA DMAR ZHING ZANGS LTAR SNANG BA GLO BUR DU SO ZHO CHAGS PA'AM, 'DAM GYIS BSKUS PA LTAR NAG NOG TU GYUR PA'AM, GLO BUR RGYU MED PAR 'KHRUL ZHING 'BYUNG BA YANG 'CHI LTAS SO, ,LCE NI YO DANG RTAG TU 'BYIN, ,SKRANG DANG SKAMS DANG LCI DANG GNAG ,GOS DANG RTZUB DANG TSOR BA MED, ,CES BYA BA LA, GANG GI LCE GLO BUR DU YON POR GYUR PA DANG, RTAG TU PHYIR 'BYIN PA DANG, SKRANG ZHING SPO BA DANG, SKAMS SHING RING PA DANG, LCI ZHING MTHUG PA DANG, KHA DOG GNAG PA DANG, LJAN LJIN GYIS GOS PA DANG BCAS PA DANG, RTZUB CING TSER MAS KHYAB PA LTAR GNAS PA DANG, TSOR BA MED CING BEM POR GYUR PA YANG 'CHI LTAS SO, ,MJING PAS MGO NI MI THEG DANG, ,RANG GI LTAG RGYA BA KHUR LTAR LCI, ,'GRAM PAS KHA NA GNAS PA YI, ,KHA ZAS BLDAD PAR MI NUS PA, ,ZHES BYA BA LA, MJING PA NI SKE BA STE, DES MGO BO MI THEG CING BRTEN PAR MI NUS PA DANG, GANG RANG GI LTAG PA RGYAB KHUR LTAR SHIN TU LCI BAR SEMS PA DANG, GANG GI 'GRAM
PAS KHA ZAS BLDAD CING MING PAR MI NUS PA DE YANG 'CHI LTAS YIN NO, ,GANG ZHIG RGYU MED PAR YAN LAG ,SHIN TU LCI BA'AM SHIN TU YANG, ,ZHES BYA BA LA, SKYES BU GANG ZHIG NAD LA SOGS PA'I RGYU MED PAR BRLA DANG DPUNG PA LA SOGS PA'I YAN LAG SHIN TU LCI BA'AM, YANG NA LAN 'GA' ZHIG TU YANG BAR SEMS PA YANG 'CHI LTAS SO, ,DUG DANG SNAD PA MED PA YANG, ,BU GA RNAMS LAS KHRAG 'BYUNG DANG, ,ZHES BYA BA LA, YANG SKYES BU GANG DUG 'THUNGS PA'AM LUS LA SNAD PA MED PAR GYUR NA, MIG LA SOGS PA'I BU GA RNAMS LAS KHRAG 'BYUNG BA YANG 'CHI LTAS YIN NO, , GANG ZHIG PHO MTSAN NUB PA DANG, ,RLIG PA RAB TU 'PHYANG BA DANG, ,ZHES BYA BA LA, GANG GI PHO MTSAN NUB CING GYEN DU BRDZES PA DANG, RLIG PA THUR DU 'PHYANG BA'ANG 'CHI LTAS SO, ,DE LAS GO BZLOG GYUR PA RNAMS, ,THAMS CAD 'CHI BDAG DBANG DU 'GYUR, ,ZHES BYA BA LA, SKYES BU GANG GI PHO MTSAN DANG RLIG PA DE LAS GO BZLOG PA STE, PHO MTSAN 'PHYANG BAR GYUR LA, RLIG PA NUB PAR GYUR PA YANG 'CHI LTAS SO, ,DE LTAR NA, SKRA DANG BA SPU MA BSKUS PAR, ,ZHES BYA BA NAS, DE LAS GO BZLOG GYUR PA RNAMS, ,ZHES BYA BA'I GZHUNG GIS BSTAN PA'I MTSAN MA DE DAG DANG LDAN PA THAMS CAD KYANG 'CHI BDAG GI DBANG DU 'GYUR ZHING 'CHI BA'I LTAS YIN NO, ,ZHES THAMS CAD DU SBYAR BAR BYA'O, ,GANG GI RTZA RIS SNGON MED PAR, ,ZLA BA TSES PA LTA BU NI, ,DPRAL BA'AM CHU SO'I STENG NA GNAS, ,DE NI ZLA DRUG LAS MI 'TSO, ,ZHES BYA BA LA, SKYES BU GANG ZHIG NAD MED BAR GNAS BA LAS RTZA RIS SNGON MED PA'I SAR PA SNGA NA MI GNAS PA, ZLA BA TSES PA LTA BU'I YON PO DPRAL BA'AM CHU SO'I STENG NA GNAS PAR GYUR NA SKYES BU DE ZLA BA DRUG LAS MI 'TSO ZHING 'CHI BA'I DUS BYED PAR 'GYUR RO, ,LUS CAN GANG GI LUS LA CHU, ,PADMA'I 'DAB MA LTA BUR NI, ,RKYAL TSE CHU LA MI CHAGS PA, ,DE NI ZLA BA DRUG NA 'CHI, ,ZHES BYA BA LA, LUS CAN DE MI GANG RKYAL ZHING CHU'I NANG NA ZHUGS PA KHRUS BYED PA NA, DE'I LUS LA CHU PADMA'I 'DAB MA LA CHU GTOR BA'I TSUL DU, CHU DE 'DRIL ZHING CHAGS PAR MA GYUR PA DE YANG ZLA BA DRUG NAS 'CHI BA YIN NO,
, ,SPYI BO DU BA'AM SNUM BCAS SNANG, ,DE NI ZLA BA GCIG NAS 'CHI, ,ZHES BYA BA LA, SKYES BU GANG GI SPYI BOR DU BA LTA BU'AM, SNUM DANG BCAS PA LTA BUR RGYU MED PAR SNANG NA, DE NI ZLA BA GCIG NAS NGES PAR 'CHI BAR 'GYUR RO, ,SPYI PO'AM SMIN MTSAMS GSAR DU NI, ,MTSAMS BYE BA'AM GTZUG 'KHYIL SNANG, ,NAD MED ZHAG NI DRUG GIS 'CHI, ,NAD PA ZHAG GSUM NAS 'CHI 'GYUR, ,ZHES BYA BA LA, SPYI PO STE MGO BO'AM, SMIN MTSAMS KYI GNAS SU GSAR DU MTSAMS BYE ZHING GYES PA LTAR SNANG BA'AM, GTZUG 'KHYIL BA LTA BUR SNANG BA STE, MTSAMS BYE BA NI RI MO DRANG PO'O, ,GTZUG 'KHYIL BA RI MO ZLUM POR 'KHOR BA'O, ,DE LTA BU SNANG NA NAD MED CING BDE BAR GNAS PA NI ZHAG DRUG GIS 'CHI LA, NAD PA ZHIG YIN NA NI ZHAG GSUM NAS 'CHI BAR 'GYUR RO, ,LCE GNAG KHA NI MNAM PA DANG, ,MIG G-YAS PHUGS SU BROS PA'AM, ,BYA NI MGO LA BABS PA DAG ,GANG YIN DE NI YONGS SU SPANGS, ,ZHES BYA BA LA, GANG ZHIG GI LCE'I MDOG GNAG PA DANG, KHA'I DRI MNAM PA DANG BCAS PA DANG, MIG G-YAS PHUGS SU BROS SHING KHUNG BUR ZHUGS PA DANG, YANG NA MGO LA BYA BABS SHING 'DUG PA GANG YIN PA DE NI GSO BAR MI BYA ZHING SPANG BAR BYA'O, ,GANG ZHIG KHRUS BYAS BYUGS PA DANG, ,LUS KUN GSHER BAR GNAS BZHIN DU, ,SNYING GA BZHIN DU MYUR BAR SKAMS, ,DE NI ZLA PHYED LAS MI 'TSO, ,ZHES BYA BA LA, SKYES BU GANG ZHIG DANG POR KHRUS BYAS SHING DE'I 'OG TU BYUG PAS BYUGS PA NA LUS THAMS CAD GSHER DANG RLAN DANG BCAS PAR GNAS BZHIN DU SNYING GA'I PHYOGS CHER MYUR DU SKAMS PAR GYUR NA, MI DE ZLA BA PHYED LAS MI 'TSO'O, ,GLO BUR DU NI LUS KUN MDOG ,CIG CAR THAMS PA LAS NYAMS, ,DE BZHIN DU NI SOGS PA DANG, ,RTZUB DANG SNUM 'GYUR 'CHI BA YIN, ,ZHES BYA BA LA, GLO BUR DU RGYU MED PAR LUS KYI MDOG THAMS CAD CIG CAR DUS GCIG TU THA MAL PA LAS NYAMS TE, GZHAN DU GYUR PA STE, THA MAL PA'I MDOG NI DKAR BA DANG GNAG PA LA SOGS PAS YONGS SU MYUR BA'I MDOG SNGO BA DMAR BA LA SOGS PAR GYUR PA DANG, DE BZHIN DU
LUS THAMS CAD DAM, DE'I YAN LAG LA NAD LA SOGS PA DANG RTZUB PA DANG, SNUM PAR GYUR CING GRANG BA DANG DRO BA LA SOGS PA CIG CAR BYUNG BAR GYUR NA YANG 'CHI BAR 'GYUR BA YIN NO, ,GANG GI SOR MO DRANG BA NA, ,SGRA MI 'BYUNG BA DE MI 'CHO, ,ZHES BYA BA LA, SKYES BU GANG ZHIG GI SOR MO'I PHYOGS LA DRANG BA'AM MNAN PAR GYUR PA NA, SGRA MI 'BYUNG BA DE YANG 'CHI LTAS YIN PAS MI 'CHO'O, ,DE BZHIN LUD PA SPRID SOGS LA, ,GANG ZHIG SNGON MED SGRA 'BYUNG BA'AM, ,ZHES BYA BA LA, MI GANG GI LUD PA LU BA DANG SPRID PA 'BYUNG BA DANG, GCIN GTOR BA LA SOGS PA'I SKABS SU SNGON MED CING THA MAL PA'I RANG BZHIN LAS 'DAS PA'I SGRA BYUNG NA DE YANG MI 'TSO'I, ,DBUGS 'BYIN THUNG BA'AM RING BA'AM, ,DRI MNAM PA'AM DRI ZHIM 'GYUR,, ZHES BYA BA LA, MI GANG ZHIG DBUGS 'BYIN PA NI SHIN TU THUNG BA'AM, SHIN TU RING BAR 'GYUR PA DANG, GLO BUR DU DRI MNAM PA DANG, DRI ZHIM PAR GYUR NA YANG MI 'TSO'O, ,LUS NI KHRUS BYAS MA BYAS RUNG, ,MI MA YIN PA'I DRI BYUNG BA'AM, ,GOS RMA DRI MAR BYUNG NA YANG, ,DE NAS LO GCIG NAS 'CHI 'GYUR, ,ZHES BYA BA LA, SKYES BU GANG GIS KHRUS BYAS KYANG RUNG MA BYAS KYANG RUNG, MI MA YIN PA'I DRI STE, MI'I SPYOD YUL LAS 'DAS PA'I DRI MI ZHIM PA'AM, DRI NGA BA YID DU 'ONG BA'AM MI 'ONG BA 'BYUNG BAR 'GYUR PA DANG, GANG GI GOS LA RMA'AM DRI MA LA MI MA YIN PA'I DRI BYUNG NA DE NI LO GCIG NAS 'CHI BAR 'GYUR PA YIN NO, ,GANG ZHIG SHIG DANG SPRANG MA SOGS, ,DRI ZHIM PAS NI 'DU BA'AM, DRI NGA BA YIS SPONG GYUR NA, ,DE NI LO GCIG LAS MI 'TSO, ,ZHES BYA BA LA, MI GANG ZHIG LA SHIG DANG SPRANG MA LA SOGS PA DRI ZHIM PO BRO BAS 'DU SHING 'PHUNGS PAR GYUR PA'AM, YANG NA DRI NGA BA'I DBANG GIS SPANG ZHING LUS 'DOR BAR 'GYUR BA DE YANG LO GCIG LAS MI 'TSO'O, ,GANG ZHIG RTAG TU LUS TSA BA, ,GRANG BA NYID DU SNANG BA DANG, ,BSIL BA SHIN TU TSA BAR SNANG, ,RGYU MED PAR NI RDUL DANG RENGS, ,ZHES BYA BA LA, YANG SKYES BU GANG ZHIG RGYU MED PAR RTAG TU LUS TSA BA 'UR 'UR POR 'DUG PA'AM, RTAG TU GRANG ZHING BSIL BAR SNANG BA DANG, LUS BSIL BA NYID LA YANG SHIN TU TSA BA DANG, DE BZHIN DU
, ,RGYU MED PAR SHAS CHER RDUL BA DANG, GRANG ZHING RENGS PA DE YANG LO GCIG LAS MI 'TSO'O, ,GANG ZHIG GRANG BA'I CHU BUR 'BYUNG, ,LUS GRANG BA LAS TSA BA SKYE, ,GRANG GDUNGS THAN LA MI DGA' BA, ,DE NI GSHIN RJE'I DBANG GYUR YIN, ,ZHES BYA BA LA, SKYES BU GANG LUS GRANG BAR GYUR KYANG, CHU BUR 'BYUNG BA'AM, LUS GRANG BA LAS TSA BA SKYES PA DANG, GRANG BAS GDUNGS KYANG TSA BA'I THAN PA LA MI DGA' NA, DE NI GSHIN RJE'I DBANG DU GYUR CING 'CHI BA YIN NO, ,GANG GI SNYING GA DRO GYUR LA, ,LTO BA SHIN TU GRANG GYUR CING, ,BSHANG BA 'KHRU ZHING SKOM DAD CHE, ,DE NI RO DANG 'DRA BA YIN, ,ZHES BYA BA LA, SKYES BU GANG GI SNYING GA DRO ZHING TSA BAR GYUR KYANG, LTO BA SHIN TU GRANG BAR GYUR PA DANG, BSHANG BA SLA ZHING 'KHRU BA DANG, SKOM DAD CHE ZHING SKOM PAS GDUNGS PA DE YANG GSON BZHIN DU RO DANG 'DRA STE 'CHI BA YIN PAR SHES PAR BYA'O, ,BSHANG DANG GCI BA MCHIL SNABS DANG, ,KHU CHU CHU NANG NUB GYUR PA'AM, ,MCHIL MA KHA DOG SNA TSOGS DANG, ,GANG YIN PA DE ZLA GCIG 'CHI, ,ZHES BYA BA LA, SROG CHAGS GANG GI BSHANG BA LA SOGS PA CHU'I NANG DU NUB CING 'OG TU 'GRO BA'AM, GANG GI MCHIL MA KHA DOG MANG ZHING SNA TSOGS PAR SNANG NA, DE YANG ZLA BA GCIG GIS 'CHI BAR 'GYUR RO, ,SA NI NAM MKHAR MTHONG BA DANG, ,NAM MKHA' SAR NI MTHONG GYUR DANG, ,ZHES BYA BA LA, SKYES BU GANG GIS SRA ZHING STUG PA'I SA NI NAM MKHA'I BAR SNANG DU GYUR PAR MTHONG BA DANG, NAM MKHA' YANG SA'I RNAM PA LTAR GZUGS CAN DU MTHONG BA GANG YANG RUNG BA DE NI 'CHI BAR 'GYUR RO, ,ZHES THOG MA DANG THAMS CAD LA SBYAR BAR BYA'O, ,GZUGS MED GZUGS CAN LTA BU DANG, ,GZUGS CAN GZUGS MED LTA BUR MTHONG, ,ZHES BYA BA LA, DNGOS PO GANG GZUGS MED CING BLTAR MED PA DE GZUGS CAN SNANG BA LTAR MTHONG BA DANG, GZUGS CAN GYI RNAM PA LA LA GZUGS MED PA LTAR GNAS PAR MTHONG ZHING 'KHRUL PA DE YANG 'CHI BAR 'GYUR RO, ,DE BZHIN 'OD CHEN 'OD MED MTHONG, ,DKAR PO GNAG DANG YOD PA MED, ,CES BYA BA LA, YANG DE BZHIN DU ME LA SOGS PA'I
'OD CAN GANG YIN PA 'OD MED PAR MTHONG BA DANG, DKAR PO NI NAG POR MTHONG LA, NAG PO NI DKAR POR MTHONG BA DANG, YOD PA NI MED PAR MTHONG LA, MED PA NI YOD PAR MTHONG BA DE YANG 'CHI BAR 'GYUR RO, ,MIG NAD MED PAR ZLA BA NI, ,GZUGS MNGAR RI MED MTHONG DANG, ,ZHES BYA BA LA, MIG LA NAD KYI SKYON MED BZHIN DU ZLA BA GZUGS DU MAR MTHONG, RA RI MED PA STE RI BONG GI MTSAN MA MED PA MTHONG NA DE YANG 'CHI BAR 'GYUR RO, ,GNYID MA LOG PA DRI ZA SRIN, ,YI DAGS GZHAN YANG DE 'DRA ZHING, ,GZUGS MI SDUG PAR MTHONG GYUR PA, ,GANG YIN DE NI 'CHI BAR 'GYUR, , ZHES BYA BA LA, SKYES BU GNYID KYIS MA LOG PAR DRI ZA LA SOGS PA DANG, GZHAN YANG DE 'DRA STE MI'AM CI DANG, SHA ZA LA SOGS PA DANG, GZUGS MI SDUG PA 'DIR MA SMOS SU ZIN KYANG, SKYE GNAS THA DAD PA PHYE BA'I MI MA YIN PA DE MTHONG BAR GYUR PA GANG YIN PA DE YANG 'CHI ZHING DUS BYED PAR 'GYUR RO, ,SME BDUN DANG NI NYER GNAS PA'I, ,SKAR MA SGRIB BYED MA MTHONG DANG, ,DGU TSIGS GUNG TSUGS MA MTHONG BA, ,DE NI LO GCIG MI 'TSO'I, ,ZHES BYA BA LA, SKYES BU GANG SKAR MA SME BDUN DANG NYE BAR GNAS PA'I SKAR MA SGRIB BYED CES BYA BA CHUNG DU ZHIG MA MTHONG BA DANG, DE BZHIN DU DGU TSIGS ZHES BYA BA NAM MKHA'I GANG G'A ZHES GRAGS PA DANG, SKAR MA GUNG TSUGS MA MTHONG BA DE NI LO GCIG MI 'TSO STE LO 'KHOR BAR MI 'GYUR RO, ,'BRUG SGRA CHU BO'I SGRA DANG NI, ,GLING BU PI WAm RNGA YI SGRA, ,SGRA GZHAN MED PAR THOS PA'AM, ,YOD PA YANG THOS PAR MA GYUR DANG, , ZHES BYA BA LA, 'BRUG SGRA NAS RNGA'I SGRA'I BAR GYI SGRA RNAMS DANG, SGRA GZHAN GANG YIN PA DAG MI GZHAN PA DAG YOD KYANG MA THOS PAS DE THOS PA DANG, DE BZHIN DU 'BRUG SGRA LA SOGS PA SGRA RNAMS DANG, SGRA CHE BA GZHAN DAG GRAG PAR GYUR BA GZHAN YOD DU ZIN KYANG MI THOS PA STE, DE LTA BU DE NI 'CHI BAR 'GYUR RO, ,ZHES 'OG NAS SMOS PA'I TSIG DANG SBYAR RO, ,RNA BA'I BU GA BKAG PA YIS, ,'UR 'UR PO YI SGRA MI THOS, ,ZHES BYA BA LA, GANG ZHIG RNA BA'I BU GA SOR MOS BKAG PA NA, 'UR 'UR PO'I SGRA ME 'BAR BA'I SGRA DANG 'DRA BA DE MI THOS PA YANG 'CHI BAR 'GYUR RO, ,DE BZHIN DRI DANG
, ,RO DANG REG ,GANG ZHIG LOG PAR SHES PA DANG, ,ZHES BYA BA LA, YANG DE BZHIN DU DRI LA SOGS PA PHYIN CI LOG TU SHES PA STE, DRI ZHIM PA NI DRI NGA BAR 'DZIN LA, DRI NGA BA NI DRI ZHIM PAR 'DZIN PA'AM, DE BZHIN DU RO MNGAR BA YIN YANG, KHA BA LA SOGS PA GANG YANG RUNG BAR 'DZIN PA'AM, KHA BA MNGAR BA LA SOGS PA GANG YANG RUNG BAR TSOR BA'AM, DE BZHIN DU REG BYA YANG 'JAM PA NI RTZUB PAR SHES LA, GRANG BA NI TSA BAR SHES PA DANG, DE LAS GO BZLOG PAR SHES PA'I 'KHRUL PA DANG LDAN PA DE YANG 'CHI BAR 'GYUR RO, ,YANG NA YONG YE MI TSOR DANG, ,ZHES BYA BA LA, YANG RNAM PA THAMS CAD NAS THAMS CAD DU DRI LA SOGS PA MI TSOR ZHING YONG YE MI SHES PA DE YANG 'CHI BAR 'GYUR RO, ,ME MAR SHI BA'I DRI MI TSOR, ,ZHES BYA BA LA, SKYES BU GANG ZHIG ME MAR SHI BAR GYUR BA'I DRI SNA'I DBANG POS MI TSOR BA DE YANG 'CHI BA'I LTAS SO, ,CHO GA BZHIN BYAS NAD SKYES LA, ,CHO GA LOG PAS BDER GNAS DANG, ,ZHES BYA BA LA, MI GANG LA SMAN DPYAD KYI GZHUNG LAS BYUNG BA'I CHO GA BZHIN DU GSO BAR BYAS KYANG, NAD SKYED CING THU BAR 'GYUR BA DANG YANG GANG ZHIG SMAN DPYAD KYI CHO GA LTAR MA BYAS BAR SBYOR BA LOG PAR BSTEN DU ZIN KYANG BDE BAR GNAS PA LTAR BYED BA DE 'CHI BAR 'GYUR RO, ,GANG GI LUS NI RDUL G-YOGS 'DRA, ,LUS LA SNAD PAR MI TSOR DANG, ,ZHES BYA BA LA, SKYES BU GANG ZHIG LUS RDUL GYIS G-YOGS SHING PHYAG DAR GYIS KHEBS PA LTAR RDUL CAN GNAS BA DE YANG MI 'TSO'O, ,YANG GANG GI LUS LA MTSON GYIS SNAD CING BCAD KYANG TSOR BA MED PA DE YANG 'CHI BAR 'GYUR BA YIN NO, ,DKA' THUB DRAG DANG CHO GA NI, ,SNGON 'GRO'I RNAL 'BYOR MED PA RU, ,DBANG PO LAS 'DAS SHES PA SKYES, ,DE RNAMS 'CHI BAR SHES PAR BYA, ,ZHES BYA BA LA, DKA' THUB DRAG PO'I SBYOR BA MED PAR DBANG PO LAS 'DAS SHING MI SHES PA'I YUL MA YIN PA LHA YUL LA SOGS PA NA YOD CING SHES PA'I SHES PA SKYE BA DANG, YANG DE BZHIN DU BSTAN BCOS JI LTA BA'I YANG DAG PA'I MAN NGAG CHO GA SNGON DU 'GRO BA'I SEMS NANG DU BSDUS PA'I RNAL 'BYOR SEMS RTZE GCIG PA MED PAR DBANG PO LAS 'DAS BA'I SHES BA SKYE BA DE YANG 'CHI BAR 'GYUR BA'I LTAS YIN NO, ,SKAD 'GAGS
DMAN ZHING MI GSAL DANG, ,GANG ZHIG SKAD NI 'DZER GYUR DANG, ,SMRA 'DOD PA NI 'PHRAL DU NI, ,BRJED 'GYUR DE NI MI 'TSO'O, ,ZHES BYA BA LA, SKYES BU GANG GLO BUR DU RANG BZHIN GYIS SKAD 'GAGS NAS DMAN ZHING ZHUM PA DANG LDAN PA DANG, MI GSAL ZHING BRDA SPROD MA NUS PAR GYUR NA DE MI 'TSO 'O, ,YANG DE BZHIN DU SKAD 'GYUR ZHING 'DZER BA DANG, GANG SMRA BAR 'DOD PA NI RGYU MED PAR 'PHRAL DU BRJED PAR 'GYUR ZHING, CI YANG SMRA BAR MI NUS PA DE YANG MI 'TSO'O, ,SKAD GSANG SHIN TU NYAM CHUNG 'GYUR, ,MDOG DANG STOBS NI NYAMS PA DANG, ,RGYU MED PAR NI NAD 'PHEL BAR, ,SNANG BA DAG KYANG 'CHI BAR 'GYUR, ,ZHES BYA BA LA, YANG GANG ZHIG SMRA BA'I SKAD GSANG DMA' BAR 'GYUR BA DANG, DE BZHIN MDOG DANG STOBS NYAMS SHING BRI BA DANG, ZAS DANG SPYOD LAM LA SOGS PA'I NAD SKYE BA'I RGYU MED PAR NAD 'PHEL ZHING RGYAS PAR 'GYUR BAR SNANG BA DAG KYANG MI 'TSO STE 'CHI BAR 'GYUR RO, ,SKAD GSANG NYAMS PAR GYUR BA DANG, ,BDAG NYID 'CHI BAR SMRA BA STE, ,DE 'DRA'I SGRA NI THOS PA DAG ,RING DU YONGS SU SPANG BAR BYA, ,ZHES BYA BA LA, RANG BZHIN GYIS SKAD GSANG NYAMS TE, SKAD KYI GSANG GZHAN DU GYUR PA DANG, BDAG NYID 'CHI BAR SMRA BA STE, KHO BO NI 'CHI'O 'CHI'O ZHES RTAG TU SMRA BA DANG, YANG DE LTA BU'I SGRA THOS PA DANG, KHYED 'CHI'O KHYED NI 'CHI'O; ,ZHES GZHAN SMRA BA DAG THOS PA'I SKYES BU DE 'CHI BAR 'GYUR BAS RING DU SPANG BAR BYA'I GSO BAR MI BYA'O, ,LUS KYI DBYIBS DANG TSAD DANG NI, ,MDOG GAM GZI MDANGS GANG DAG GI, ,GZUGS BRNYAN 'GYUR BA'I RMI LAM DU, ,MTHONG NA DER NI 'CHI BAR 'GYUR, ,ZHES BYA BA LA, LUS KYI DBYIBS NI RING THUNG LA SOGS PA STE, DE DAG RANG GI MTSAN NYID DANG MI LDAN PAR MTHONG BA DANG, TSAD NI CHU ZHENG LA SOGS PA'O, ,MDOG NI SNGO BSANGS LA SOGS PA'O, ,GZI MDANGS NI KHA DOG DE NYID 'BYES PAR BYED CING RING NAS GSAL BAR SNANG PA'O, ,DE LTAR SKYES BU'I DBYIBS LA SOGS PA'I RNAM PA DE DAG GI GZUGS GZHAN DU 'GYUR ZHING MI MTHUN PAR SNANG BA RMI LAM GYI GNAS SKABS SU MTHONG NA YANG SKYES BU DE 'CHI BAR 'GYUR BA YIN NA, GNYID KYIS MA LOG PA'I GNAS SKABS SU MTHONG BA LTA SMOS KYANG CI DGOS, NYI MA ME LONG CHU SOGS LA, ,GANG ZHIG DBYIBS DANG TSAD DANG NI, ,LUS KYI RNAM PA SNANG GYUR PA, ,GZUGS
, ,BRNYAN ZHES NI DE LA BSHAD, ,CES BYA BA LA, GANG GI LUS LA NYI MA DANG, ME LONG DANG CHU LA SOGS PA LUS KYI DBYIBS DANG TSAD KYI RNAM PA GZUGS BRNYAN GYI GZUGS CAN DU 'BYUNG BAR 'GYUR BA LA NI GZUGS BRNYAN ZHES BYA'O, ,MDOG DANG GZI MDANGS LA BRTEN GANG, ,LUS GTOGS GZUGS BRNYAN LTA BU YIN, ,ZHES BYA BA LA, GANG GI MDOG DANG GZI MDANGS KYI RNAM PA LA BRTEN CING GNAS PA GANG YIN PA DE NI LUS SU GTOGS PA NYID KYI GZUGS BRNYAN LTAR LOGS SHIG NA SNANG BA NI MA YIN NO, ,GANG GI GZUGS BRNYAN BCAD PA DANG, ,GYES DANG LHAG DANG 'KHRUGS PA DANG, ,MGO MED MGO GNYIS YON PO DANG, ,MI SDUG GZHAN DU GYUR SNANG BA, ,MTSAN NYID LAS BYUNG MA YIN NA, ,DE NI TSE ZAD YIN ZHES BYA, ,ZHES BYA BA LA, SKYES BU GANG ZHIG GI GZUGS BRNYAN BCAD CING DU MA BU GNYIS SU BYAS PA LTA BUR SNANG BA DANG, DE BZHIN DU GYES SHING BKAS BA LTA BU DANG, DE BZHIN DU LHAG PA STE TSAD LAS CHE BA DANG, 'KHRUGS PA STE RNAM PAR G-YO ZHING KUN TU 'KHRUGS PA'I RANG BZHIN CAN DANG, MGO MED CING BCAD PA LTA BUR SNANG BA DANG, MGO GNYIS YOD PA DANG, MGO BO YON POR SNANG PA DANG, YANG NA MDOG MI SDUG PA'I RNAM PA GZHAN DANG GZHAN DU SNANG BA'AM, 'DIR BSHAD PA LAS GZHAN PA STE, RTA DANG GLANG PO DANG BA LONG DANG BONG BU LA SOGS PA DANG 'DRA BA'I GZUGS SU NYI MA DANG ME LONG DANG CHU LA SOGS PAR SNANG NA, SKYES BU DE NI TSE ZAD PA YIN PAR SHES PAR BYA'O, ,DE YANG GZUGS BRNYAN TE, DE'I MTSAN NYID DANG RANG BZHIN NAM, BCOS PA'I RGYU LA SOGS PA LAS BYUNG BA MA YIN PAR DE LTAR SNANG BA 'CHI LTAS YIN PAR SHES PAR BYA'O, ,GANG GI MIG GI RGYAL MOR NI, ,GZUGS BRNYAN SNANG BAR MA GYUR DANG, ,ZHES BYA BA LA, MI GANG GI MIG GI RGYAL MO ZHES 'JIG RTEN NA GRAGS PA'I MIG GI DBANG PO DANG BAR GZHAN GYI GZUGS SNANG BAR MA GYUR NA, DE YANG TSE ZAD PA YIN PAR SHES PAR BYA'O, ,NAM MKHA' LA SOGS LNGA PO YI, ,GZUGS BRNYAN RNAM PA SNA TSOGS LNGA, ,ZHES BYA BA LA, NAM MKHA' LA SOGS PA'I 'BYUNG BA CHEN PO LNGA LA, GZUGS BRNYAN DBYIBS DANG KHA DOG GI RNAM PA SNA TSOGS PA YOD DO, ,NAM MKHA' DANGS SHING SNGO BA DANG, ,SNUM BCAS MDOG DANG BCAS PA YIN, ,ZHES BYA BA LA, DE
LA NAM MKHA'I GZUGS BRNYAN NAM, MDANGS NI DANGS SHING DRI MA MED PA DANG KHA DOG SNGO BA DANG, SNUM PA DANG BCAS SHING RTZUB BAG MED PA DANG, MDOG DANG BCAS SHING MDANGS DANG LDAN PA NYID YIN NO, ,RLUNG LAS RDUL CAN DMAR DANG GNAG ,THAL MDOG RTZUB CING MDOG NYAMS YIN, ,ZHES BYA BA LA, RLUNG GI GZUGS BRNYAN LA PHYAG DAR GYIS GTOR BA LTAR RDUL CAN DU GYUR PA DANG, KHA DOG DMAR PA DANG, KHA DOG GNAG PA DANG, THAL BA'I MDOG TU SNANG BA DANG, RTZUB CING MDOG MDANGS NYAMS PA YIN NO, ,ME YI DMAR ZHING DANGS PAR SNANG, ,MDANGS LDAN BLTA NA SDUG PA YIN, ,ZHES BYA BA LA, ME'I GZUGS BRNYAN MDANGS NI DMAR ZHING DANGS PAR SNANG ZHING, GSER BTZO MA LTA BU MDANGS DANG LDAN ZHING DMAR BA DANG, BLTA NA SDUG CING MDZES PA YIN NO, ,CHU SKYES BEE d'URYA 'DRAR SNANG, ,DAG CING RAB SNUM BDE BA YIN, ,ZHES BYA BA LA, CHU LAS SKYES BU'I GZUGS BRNYAN NI BEE d'URYA LTAR SNANG ZHING SNGO BA DANG, DAG CING DRI MA MED PA DANG, ,SNUM PA'I MDANGS DANG LDAN PA DANG, ,BDE ZHING NAD MED PAR SKYED PA YIN NO, ,SA YI BRTAN SNUM DAG PA DANG, ,MTHUG CING DKAR DANG SNGO BSANGS YIN, ,ZHES BYA BA LA, SA'I GZUGS BRNYAN BRTAN ZHING MI 'GYUR BA DANG, MDOG MDANGS SNUM PA DANG, DAG CING DRI MA MED PA DANG, MTHUG CING GSAL BA DANG, KHA DOG DKAR BA DANG, SNGO BA LA SOGS SU GNAS PA YIN NO, ,RLUNG NI NAD 'CHI SDUG BSNGAL SKYED, ,CES BYA BA LA, DE DAG GI NANG NAS RLUNG GI GZUGS BRNYAN NI NAD RNAMS SKYED PA DANG, 'CHI BA DANG SDUG BSNGAL ZHING NYON MONGS PA CHEN PO SKYED PA YIN NO, ,GZHAN DAG BDE BA SKYED PA YIN, , ZHES BYA BA LA, GZUGS BRNYAN NAM MDOG MDANGS DE LAS GZHAN PA'I PHYI MA BZHI PO NI BDE BA SKYED CING DGE BA STON PA DANG, NAD MED PA SKYED PA YIN NO, ,ME YIS THAMS CAD MDOG CAN TE, ,DE NI RNAM PA BDUN DU BSHAD, ,DMAR DANG SER DKAR NAG PO DANG, ,LJANG NAG SKYU DANG GNAG PA'O, ,ZHES BYA BA LA, MDOG CAN THAMS CAD NI ME'I RANG BZHIN LAS BYUNG BA YIN PAR BSHAD DE, DE YANG DMAR DANG SER BA LA SOGS PA'I KHA DOG GI DBYE BAS RNAM PA BDUN YIN NO, ,DE RNAMS LAS NI GANG GSAL 'GYUR, ,SNUM DANG DRI MA MED DE DGE, ,DRI MA CAN DANG RTZUB PA DANG, ,ZHUM PA SDUG BSNGAL SKYED PA YIN, ,ZHES BYA BA LA, MDOG MDANGS
, ,DE RNAMS KYI NANG NAS GANG ZHIG SNANG ZHING GSAL BAR 'GYUR BA DANG, MDANGS SNUM PA DANG, DRI MA MED CING NAG NOG DANG BRAL BA DE NI DGE ZHING BDE BA SKYED PA YIN, DRI MA CAN DANG KHA DOG RTZUB PA DANG, ZHUM ZHING RGYAS PA MA YIN PA RNAMS NI MI DGE STE, SDUG BSNGAL SKYED PAR BYED PA YIN NO, , MDANGS KYI MDOG NI ZIL GYIS GNON, ,'OD NI KHA DOG GSAL BYED YIN, ,ZHES BYA BA LA, MDOG DANG MDANGS KYI KHYAD PAR NI 'DI YIN TE, MDANGS KYI KHA DOG GI RNAM PA NAG PO DANG, DKAR PO LA SOGS PA ZIL GYIS MNAN NAS DER GNAS PA YIN LA, 'OD KYI RNAM PA NI LUS KYI KHA DOG GSAL SHING CHE BAR GYUR PA YIN NO, ,MDANGS KYIS NYE BAR SNANG BA YIN, ,'DI NI RING NAS SNANG BA YIN, ,ZHES BYA BA LA, GZI MDANGS KYI RNAM PA GANG NYE BAR SNANG BA YIN LA, 'BYUNG BA LNGA'I 'OD NI THAG RING PO NAS SNANG BA STE, DE'I KHYAD PAR NI DE YIN NO, ,GANG ZHIG MDANGS DANG KHA DOG GI, ,MTSAN MA'I KHYAD PAR MED MIN TE, ,MI RNAMS MTSAN MA BZANG NGAN 'BYUNG, ,DUS SU MDANGS LA BRTEN PA YIN, ,ZHES BYA BA LA, MI RNAMS LA NI MDANGS MED PA DANG, KHA DOG GI KHYAD PAR 'GA' YANG MED PA MA YIN TE, THAMS CAD KYANG MDANGS KYANG MDOG DANG BCAS PA YIN PAS DE DANG BRAL BA MA YIN NO, ,DES NA MI RNAMS KYI MTSAN MA'AM, LTAS BZANG PO DANG NGAN PA 'BYUNG BA'I DUS SU MDANGS LA BRTEN CING GNAS NAS DE'I KHYAD PAR STON CING GSAL BAR BYED DO, ,GANG ZHIG RKANG PA 'DRUD PA DANG, ,PHRAG PA G-YO BAS 'GRO BA DANG, ,ZHES BYA BA LA, SKYES BU GANG ZHIG RKANG PAS SA LA DRUD CING 'GRO BA DANG, DE BZHIN PHRAG PA G-YO ZHING 'GUL BAS 'GRO BA DE YANG 'CHI BDAG GI DBANG DU 'GRO BA YIN NO, ,GANG ZHIG PHAN ZAS MANG ZOS KYANG, ,RTAG TU STOBS NI NYAMS 'GYUR DANG, ,ZHES BYA BA LA, GANG ZHIG GIS PHAN ZHING RJES SU MTHUN PA'I ZAS MANG ZHING LHAG PAR ZOS SU ZIN KYANG RGYUN MI 'CHAD PAR STOBS NYAMS SHING 'BRI BAR 'GYUR BA YANG 'CHI LTAS YIN NO, ,GANG ZHIG NYUNG ZOS BSHANG GCI MANG, ,MANG ZOS BSHANG GCI NYUNG BA DANG, ,ZHES BYA BA LA, YANG GANG ZHIG ZAS NYUNG BA ZOS KYANG BSHANG BA DANG GCI BA MANG ZHING 'BYUNG BA DANG, DE LAS GO BZLOG PA DAG KYANG 'CHI LTAS YIN NO, ,NYUNG ZOS BAD KAN GYIS NYEN CING, ,DBUGS RING 'BYIN CING SA LA
'GRE; ,ZHES BYA BA LA, GANG ZHIG ZAS NYUNG DU ZOS KYANG, BAD KAN GYIS NYEN CING GZIR BA DANG, DBUGS MI BDE PA RING BOR 'BYIN CING SA LA 'GRE LDOG NA YANG 'CHI LTAS YIN NO, ,GANG ZHIG DBUGS RING PHYUNG NAS NI, ,THUNG NGU RNGUBS TE SHUGS 'BYIN DANG, ,ZHES BYA BA LA, YANG GANG ZHIG DBUGS GYEN DU 'BYIN PA RING DU PHYUNG NAS, DE'I 'OG TU THUNG NGU RNGUBS TE SHUGS 'BYIN CING SDUG BSNGAL BAR BYED PA YANG 'CHI LTAS SO, ,THUNG NGU 'BYIN CING BSNUN PA LTAR, ,SHIN TU 'DAR BAR BYED PA DANG, ,ZHES BYA BA LA, GANG ZHIG DBUGS KYI RGYUN THUNG NGU 'BYIN CING, DE'I 'OG TU BSNUN PA LTAR SHIN TU 'GUL ZHING 'DAR BAR BYED PA YANG 'CHI LTAS YIN NO, ,GANG ZHIG LAG NGAR BSKUM NAS NI, ,MGO NI DKA' BAS 'DEGS PA DANG, ,ZHES BYA BA LA, YANG GANG ZHIG LAG NGAR BSKUM NAS MGO BO SHIN TU DKA' BAS 'DEGS SHING BSKYOD PA YANG 'CHI BAR 'GYUR RO, ,GANG ZHIG DPRAL BA LAS RDUL 'DZAG ,TSIGS MTSAMS LHOD PAR GYUR PA DANG, ,ZHES BYA BA LA, YANG GANG ZHIG DPRAL BA'I PHYOGS NAS RGYU MED PAR RDUL 'DZAG PA DANG RUS PA'I TSIGS KYI BOG RE LHOD PAR BYED PA YANG DE BZHIN NO, ,NYAMS CHE BA'AM NYAM CHUNG GYUR PA GANG, ,LDONG BA'I TSE NA MI DRAN 'GYUR, ,ZHES BYA BA LA, GANG ZHIG NYAMS STOBS DANG LDAN NAM, ,NYAM CHUNG BAR GYUR KYANG RUNG STE, MAL NAS LDANG BA'I SKABS SU MI DRAN ZHING MYONG BAR 'GYUR BA YANG DE BZHIN NO, ,GANG ZHIG GAN RKYAL NYAL NAS NI, ,RKANG PA RNAM PAR BSKYOD PA DANG, ,ZHES BYA BA LA, GANG ZHIG GLO GNYIS MI 'BEBS PAR GAN RKYAL DU NYAL ZHING RKANG PA RNAM PAR BSKYOD CING 'GUL BAR BYED BA YANG 'CHI LTAS SO, ,RTZIG PA MAL STAN LA SOGS PAR, ,GANG ZHIG RTAG TU SNYES PA DANG, ,ZHES BYA BA LA, GANG ZHIG NYAM CHUNG BAS RTZIG PA LA SOGS PAR RTAG TU SNYES PA YANG DE BZHIN NO, ,RGYU MED PAR DGOD MYOS TSUL GYIS, ,MCHU LAS LDAGS PAR BYED BA DANG, ,ZHES BYA BA LA, DGOD PA LA SOGS PA'I RGYU MED PAR SHAS CHER DGOD PA DANG, MYOS SHING MI DRAN PA'I TSUL GYIS MCHU LDAGS PAR BYED PA YANG 'CHI LTAS SO, ,YA MCHU LDAGS PAR BYED PA DANG, ,SGRA BCAS PAR YANG GANG BYED PA, ,ZHES BYA BA LA, LCES YA MCHU LDAGS PAR BYED PA DANG, KHA NAS SGRA SNA TSOGS 'BYIN PA YANG 'CHI LTAS SO, ,LUS MDOG NAG PO SER PO DANG, ,DMAR PO'I GZUGS
, ,BRNYAN SNANG BA DANG, ,ZHES BYA BA LA, YANG MI GANG GI MDOG NAG PO LA SOGS PA'I GZUGS BRNYAN DU SNANG BA YANG GSHIN RJE'I DBANG DU 'GRO BA YIN NO, ,SMAN PA SMAN DANG KHA ZAS DANG, ,BLA MA MDZA' BSHES LA SDANG GANG, ,'DI DAG THAMS CAD GSHIN RJE YI, ,DBANG GYUR YIN PAR SHES PAR BYA'O, ,ZHES BYA BA LA, YANG SKYES BU GANG ZHIG SMAN LA SOGS PA LA ZHE SDANG BA GANG YIN PA DANG, SNGAR BSHAD PA THAMS CAD KYANG GSHIN RJE'I DBANG DU GYUR CING 'CHI BA YIN PAR SHES SHING RTOGS PAR BYA'O, ,GANG ZHIG DROD CHUNG SEMS G-YENGS DANG, ,RTAG TU MDANGS NGAN YID MI BDE, ,ZHES BYA BA LA, YANG MI GANG KHONG PA'I ME DROD CHUNG ZHING ZHAN PA DANG, SEMS G-YENGS SHING RTAG TU 'KHRUGS PA DANG, MDOG MDANGS NGAN PA DANG, YID MI BDE ZHING MYA NGAN GYIS NON PA DE YANG MING 'TSO'O, ,GANG ZHIG GTOR MA BYA ROG LA, ,BYIN YANG ZA BAR MI BYED DANG, ,ZHES BYA BA LA, YANG MI GANG ZHIG GI PHYIR DE'I MING NAS SMOS TE GTOR MA BYIN ZHING GTOR MA BYA ROG LA SOGS PAS MTHONG NAS ZA BAR MI BYED PA DE YANG GSHIN RJE'I KHYIM DU 'GRO BAR 'GYUR RO, ,GANG ZHIG RGYU MED YID GZHUNGS DANG, ,MDZES SHING LUS RGYAS DPAL THOB BA'AM, ,DE LAS NYAMS PAR GYUR PA DAG ,DE NI GSHIN RJE'I KHYIM DU 'JUG ,CES BYA BA LA, YID GZHUNGS PA LA SOGS PA'I RGYU BCUD KYIS LEN PA LA SOGS PA MED PAR YID GZHUNGS SHING BLO RNO BA DANG, MDOG MDZES PA DANG, LUS KYI SHA RGYAS PA DANG, DPAL GYI 'BYOR PA GLO BUR DU THOB BAR GYUR BA'AM, YANG NA YID GZHUNGS PA LA SOGS PA SNGA NA YOD PA LAS, RGYU MED PAR GLO BUR DU NYAMS PAR 'GYUR BA DAG KYANG YOD DE, , DE DAG NI GSHIN RJE'I KHYIM DU 'JUG CING 'GRO BA'I LTAS YIN NO, ,THA MAL BA'AM NAD PA YIS, ,GANG GI YON TAN SKYON RANG BZHIN, ,SNGA LAS GZHAN DU 'GYUR BAR SNANG, ,DE NI ZLA DRUG LAS MI 'TSO, ,ZHES BYA BA LA, SKYES BU THA MAL BAR GNAS SHING, NAD MED PA'AM NAD PA YANG RUNG STE, SNYING STOBS LA SOGS PA'I YON TAN GYI RANG BZHIN DANG, RLUNG LA SOGS PA'I SKYON GYI RANG BZHIN SNGA MA LAS GZHAN DU 'GYUR TE, RANG GI RANG BZHIN SPANGS NAS DNGOS PO GZHAN DU GYUR NA SKYES BU DE YANG ZLA BA DRUG LAS MI 'TSO'O, ,DAD DANG TSUL KHRIMS DRAN DANG SBYIN, ,BLO GROS STOBS NI RGYU MED BAR, ,'DI DRUG LAS NI LDOG GYUR BA, ,ZLA BA DRUG NAS 'CHI
BAR 'GYUR; ,ZHES BYA BA LA, YANG GANG ZHIG DAD PA LA SOGS PA'I CHOS DRUG LAS RGYU MED PAR LDOG PAR GYUR PA YANG 'CHI BAR 'GYUR RO, ,DE LA DAD PA NI LHA LA SOGS PA LA YID DANG ZHING MNYES PAR BYED PA'O, ,TSUL KHRIMS NI SDOM PA'I MTSAN NYID DO, ,DRAN PA NI 'DAS PA'I DNGOS PO MI BRJED PA'O, ,SBYIN PA NI GTONG BA'I DANG TSUL CAN NO, ,BLO NI SHES RAB BO, ,STOBS NI LUS KYI NUS PA'O, ,'GRO DANG TSEG NI SMYO BA 'DRA, ,'DAR RMONGS ZLA BA GCIG NA 'CHI, ,SKRA BYI BA NA TSOR BA MED, ,ZHAG DRUG NAS NI 'CHI BAR 'GYUR, ,ZHES BYA BA LA, GANG GI 'GRO BA'I TSUL DANG, SMAR BA'I TSIG SMYON PA LTA BUR 'CHOL BAR SPYOD PA DANG, LUS 'DAR ZHING SEMS RMONGS PAR GYUR PA DAG NI ZLA BA GCIG NAS 'CHI BAR 'GYUR RO, ,YANG DE BZHIN DU SKRA BYI ZHING BREGS BA NA TSOR BA MED PAR 'GYUR BA'I MI YANG ZHAG DRUG NAS 'CHI BAR 'GYUR RO, ,GANG ZHIG LKOG NAD MED PA RU, ,MID PAR KHA ZAS MI CHUD DANG, ,ZHES BYA BA LA, YANG MI GANG ZHIG LKOG MA'I NAD GANG YANG MED PAR ZAS MA TSUD CING THOGS PA DE YANG 'CHI LTAS YIN NO, ,BRAN G-YOG LOG PAR BYED GYUR PA, ,DE NI 'CHI BA DANG 'DRAR BSHAD, ,CES BYA BA LA, YANG MI GANG ZHIG GI BRAN G-YOG GAM BSNYEN BKUR BA LOG PAR BYED CING RGYU MED PAR MI MTHUN BAR BYED PA DE 'CHI LTAS YIN TE, 'CHI BA DANG 'DRA BAR SHES PAR BYA'O, ,GANG ZHIG RTAG TU GNYID LOG PA'AM, ,GNYID MED DE YANG MI 'TSO'O, ,ZHES BYA BA LA, YANG SKYES BU GANG ZHIG NYIN MTSAN RTAG PAR GNYID LOG BA'AM, GNYID MED PA DE YANG MI 'TSO'O, ,MCHI MAS GDONG NI KHEBS PA DANG, ,RKANG PA SHIN TU RDUL BA DANG, ,MIG NI MI SDUG PAR SNANG BA, ,GSHIN RJE'I GNAS SU 'GRO BAR 'GYUR, ,ZHES BYA BA LA, GANG ZHIG RGYU MED PAR MCHI MAS GDONG KHEBS PAR DU BA DANG, DE BZHIN DU RKANG PA SHAS CHER RDUL BA DANG, DE BZHIN DU MIG MI SDUG CING RNYOG BA CAN DU SNANG BA DE YANG GSHIN RJE'I GNAS SU 'GRO BAR 'GYUR BA'I MTSAN MA YIN NO, , SNGON CHAD DGA' BA'I DNGOS LA GANG, ,DGA' MI 'GYUR BA DE MI 'TSO, ,ZHES BYA BA LA, GANG GZUGS LA SOGS PA'I DNGOS PO LA SNGON CHAD DGA' ZHING RTZED MO NYAMS SU MYANG BA LAS DNGOS PO DE NYID LA 'PHRAL DU MI DGA' BAR 'BYUNG BA DE YANG MI 'TSO'O, ,GANG ZHIG 'PHRAL DU 'GYUR BA YI, ,MTSAN NYID THAMS
, ,CAD SNANG BA DANG, 'PHRAL DU LDOG PAR 'GYUR BA DAG ,DE NI MOD LA 'CHI BAR 'GYUR, ,ZHES BYA BA LA, YANG MI GANG ZHIG RGYU MED PAR 'PHRAL DU GLO BUR 'GYUR BA'I MTSAN NYID RIMS LA SOGS PA MTSAN NYID BA'AM, YANG DE LTA BUR 'GYUR BA DAG BCOS SHING ZHI BA'I RGYU MED PAR LDOG CING ZHI BAR 'GYUR NA SKYES BU DE NI RING PO MI THOGS PAR DE'I MOD LA 'CHI BAR 'GYUR RO, ,RIMS NI STOBS DANG LDAN PA DANG, ,GTING DU ZHEN CING YUN RING DANG, ,BLA BCAS MGO 'KHOR DBUGS MI BDE, ,RID CING SKRANGS DANG ME DROD NYAMS, ,TSIG MI GSAL ZHING THOGS PA DANG, ,MIG DMAR SNYING NI GZER BA DANG, ,SNGA DRO LUD PA SKAM PO 'BYUNG, ,PHYI DRO DE LAS GZHAN DU 'GYUR, ,BAD KAN LUD PAR BCAS PA DANG, ,STOBS DANG SHA NI ZAD NAS 'CHI, ,ZHES BYA BA LA, RIMS KYI NAD NI STOBS DANG LDAN PA LA SOGS PA'I MTSAN NYID DANG LDAN NAS SKYES BU 'CHI BAR 'GYUR RO, ,DE YANG STOBS DANG LDAN PA'I NAD TSABS CHE BA'O, ,GTING DU ZHEN PA NI LUS ZUNGS THAMS CAD KYI NANG DU PHYIN PAS GTING RING BA'I MTSAN NYID CAN NO, ,YUN RING BA'I DUS LON PA'O, ,BLA BA NI 'BREL BA MED PA'I TSIG MANG DU SMRA BA DE DANG BCAS PA'O, ,DE BZHIN MGO 'KHOR BA DANG, DBUGS MI BDE BA DANG BCAS PA DANG, RID CING LUS ZUNGS ZAD PA DANG, SKRANGS PA DANG, ME DROD NYAMS SHING BRI BA DANG, TSIG MI GSAL ZHING BRDA SPROD MI NUS PA DANG, TSIG THOGS SHING MI THON PA DANG, MIG DMAR BA DANG, SNYING GA NA ZHING GZER BA'I RIMS DE LTA BUS NI NAD PA 'CHI BAR 'GYUR RO, ,DE BZHIN DU RIMS KYIS THEBS PA'I GANG ZHIG SNGA DRO LUD PA SKAM PO 'BYUNG BA'AM, PHYI DRO DE LAS GZHAN PA'I BAD KAN GYI BDAG NYID CAN GYI LUD PA 'BYUNG BA DANG, SHA ZAD PAR 'GYUR BAS NAD PA DE 'CHI BAR BYED PA YIN NO, ,KHRAG DANG MKHRIS PA SHIN TU DMAR, ,YANG NA GNAG PA'AM MTSON CAN NAM, ,DMAR DANG SER DANG LJANG MDOG DANG, ,KHRAG GI GZUGS NI RAB TU SNANG, ,BA SPU'I BU GA NAS 'DZAG PA, ,LKOG MA SNYING GAR GOS PA DANG, ,GOS LA MA CHAGS DRI NGA BA, ,SHUGS 'BYUNG SHIN TU MANG BAR 'BYUNG, ,RGAN PO SKYA RBAB RIMS THABS SKYUG ,LUD PA SKRANG DANG TSAD 'KHRU GSOD, ,CES BYA BA LA, KHRAG DANG
MKHRIS PA'I NAD NI TSUL 'DI 'DRA NA SKYES BU GSOD PAR BYED DO, ,SHIN TU DMAR BA NI SHAS CHER DMAR BA'O, ,YANG NA SHIN TU GNAG PA DANG, ,TSON CAN DE DAG KHA DOG SNA TSOGS PAR SNANG ZHING 'JA' LTAR SNANG BA DANG, ZANGS LTAR DMAR BA LA SOGS PA'I GZUGS SU KHRAG GI MDOG LTAR SNANG NA 'CHI BAR 'GYUR BA'AM, ,GSOD PAR BYED PA YIN NO, ,YANG DE BZHIN DU BA SPU'I BU GA RNAMS LAS 'DZAG CING 'BYUNG BA DANG LKOG MA DANG SNYING GA DANG KHA'I PHYOGS SU CIG CAR GOS SHING CHAGS PA DANG, DE BZHIN DU KHRAG MKHRIS PA GANG GOS LA CHAGS BA DANG, DE BZHIN DU MI 'DOD PA DANG, DE BZHIN DU SHIN TU DRI MNAM ZHING MI ZHIM PA DANG, DE BZHIN DU SHUGS KYIS 'BYUNG ZHING 'CHAD NAS KYANG 'BYUNG BA DANG, SHIN TU MANG DU 'BYUNG NA YANG GSOD PAR BYED DO, ,DE BZHIN DU RGAS SHING NA TSOD YAL BA DANG, SKYA RBAB DANG RIMS KYIS BTAB CING SKYUG PA DANG, LUD PA LU ZHING GRANG BA DANG, TSAD PAS 'KHRU BA'I BLA BRNAN DANG LDAN YANG GSOD PAR 'GYUR RO, ,LUD PA DBUGS MI BDE RIMS SKYUGS, ,SKOM DANG TSAD 'KHRU 'OR NAD CAN, ,ZHES BYA BA LA, LUD PA LU BA DANG DBUGS MI BDE BAS THEBS PA'I SKYES BU NI RIMS LA SOGS PA DANG LDAN NA DE 'CHI BAR 'GYUR RO; ,GCONG CHEN SBOS DANG RTZIB LOGS GZER, ,KHRAG SKYUGS PHRAG PA TSA NA 'CHI, ,ZHES BYA BA LA, GCONG CHEN POS THEBS PA'I NAD PA NI, ,SBOS PA LA SOGS PA DANG LDAN NA 'CHI BAR 'GYUR RO, ,SKYUGS PA SHUGS DANG LDAN PA DANG, ,BSHANG GCI DRI YOD TSON CAN DANG, ,LUD PA BSHANG NAG KHRAG DANG BCAS, ,DBUGS MI BDE YUN RING NA 'CHI, ,ZHES BYA BA LA, SKYUGS PA'I NAD KYIS BTAB PA'I SKYES BU NI, SKYUGS PA'I SHUGS DRAG PO LA SOGS PA DANG LDAN ZHING YUN RING DU GNAS PA YIN NA 'CHI BAR BYED DO, ,SKOM DAD NAD GZHAN GYIS NYAMS DMAD, ,LCE 'BYUNG DRAN PA STOR NA 'CHI, ,ZHES BYA BA LA, SKOM DAD CAN GYI NAD PA NI GZHAN GYIS NYAMS DMAD PA RIMS LA SOGS PAS SHIN TU RMYA BAR BYA BA DANG, LCE PHYIR 'BYIN CING SDUD MI SHES PA DANG, DRAN PA STOR ZHING BRGYAL BA DANG BCAS NA 'CHI BAR 'GYUR RO, ,CHANG NAD SHIN TU GRANG BAS NYEN, ,SHA ZAD
, ,TIL MAR GDONG BSKUS 'DRA, ,ZHES BYA BA LA, CHANG NAD KYIS BTAB PA'I MI NI SHIN TU GRANG BAS NYEN CING LHAGS PAS GDUNGS PA, SHA ZAD CING STOBS 'BRI BA DANG, TIL MAR GYIS GDONG BSKUS PA 'DRA NA 'CHI'O, ,GZHANG 'BRUM RKANG LAG LTA BA DANG, ,BSHANG SGO RLIG PA'I KHA SKRANGS DANG, ,SNYING GA RTZIB LOGS YAN LAG NA, ,SLON BRO GZHANG RNAMS RIMS KYIS 'DEBS, ,ZHES BYA BA LA, GZHANG 'BRUM GYIS BTAB PA'I MI NI RKANG PA DANG LAG PA LA SOGS PA SKRANGS PA DANG, SNYING GA NA BA LA SOGS PA'I MTSAN NYID DANG LDAN NA 'CHI'O, ,TSAD 'KHRU MCHER BA'I DUM BU DANG, ,SHA BKRUS PA'AM SNUM NAG DANG, ,TIL MAR 'O MA MAR 'DRA YANG, ,ZHO DANG RKANG ZHAG CHANG SNYING DANG, ,KLAD PA SNAG TSA 'DRA BA DANG, ,SHA BRDUNGS CHU DANG SBRANG RTZI DANG, ,RAB DMAR GNAG DANG SNUM BAG DANG, ,RNAG 'DRA SKA SLA GNAG DANG BCAS, ,LUS ZUNGS SNA TSOGS 'BYUNG BA DANG, ,BSHANG BA MED PA'AM CHE BA'AM, ,'BYAR BAG SBRANG MA LTA BU DANG, ,RI MO CAN DANG TSON CAN DANG, ,GZHANG GI GNYER MA PHYIR 'BYUNG DANG, ,SGRA GCAN RUS TSIGS GZER BA DANG, ,BSHANG SGO BYE ZHING STOBS ZAD DANG, ,ZAS NI MA NYAMS 'BYUNG BA DANG, , SKOM BCAS RIMS DANG SKYUGS PA DANG, ,LUS TSA LTO SBOS RGYUN 'KHRU 'CHI, ,ZHES BYA BA LA, TSAD BAR 'KHRU BA NI, MCHER PA'I DUM BU LTA BU NAS, RGYUN DU 'KHRU BA'I BAR GYI MTSAN NYID DANG LDAN NA SKYES BU DE NI 'CHI ZHING GSOD PAR BYED DO, ,'DI DAG GI TSIG GI DON NI GO SLA'O, ,RDE'U 'GAGS RLIG PA SKRANGS PA DANG, ,GCIN 'GAGS NAD KYIS NYAM THAG GSOD, ,CES BYA BA LA, GCIN NAD RDE'U 'GAGS PA'I NAD NI RLIG PA SKRANGS PA LA SOGS PA'I MTSAN NYID DANG LDAN NA, SKYES BU GSOD PAR BYED DO, ,GCIN SNYI SKOM DAD TSA 'BRUM BCAS, ,SHA RUL TSAD PAR 'KHRU BAS 'CHI, ,ZHES BYA BA LA, GCIN SNYI BA LA SOGS PA'I NAD NI SKOM DAD LA SOGS PA DANG BCAS NA NAD PA 'CHI BAR 'GYUR RO, ,THOR BU'I NAD NI SNYING GA RGYAB, ,NU MA PHRAG PA SPYI BOR BYUNG, ,TSIGS DANG RKANG PA LAG LA GNAS, ,ZHES BYA BA LA, THOR BU'I NAD NI GNAD DANG SNYING
GA LA SOGS PAR BYUNG NA 'CHI'O, ,GCIN SRI NAD CAN STOBS CHUNG DANG, SHA RNAMS THAMS CAD 'DRUL PA DANG, ,SKOM DAD TSA SMYOS RIMS BTAB 'CHI, ,ME DPAL GNAD NI 'GAGS PA DANG, ,SKYIGS BU MGO 'KHOR DBUGS MI BDE, ,ZHES BYA BA LA, GCIN SRI BA'I NAD NI STOBS CHUNG BA LA SOGS PA DANG LDAN NA 'CHI'O, ,SKRAN NI RGYA CHE KUN NAS ZLUM, ,SRA ZHING RUS SBAL LTAR MTHO DANG, ,RTZA MNGON RIMS BTAB SKYUGS PA DANG, ,SKYIGS BU LTO SBOS ZUG GZER BCAS, ,LUD PA CHAM PA SNYING 'PHAR DANG, ,TSAD 'KHRU SKRANG DANG DBUGS MI BDE, ,ZHES BYA BA LA, SKRAN NI RGYA CHER GNAS SHING, KHYON CHE BA DANG, KUN NAS ZLUM ZHING KHA ZHENG CHE BA DANG, RDO LTAR SRA BA DANG, RUS SBAL LTAR RGYAB MTHO BA DANG, RTZAS KHYAB CING MNGON PA DANG, RIMS KYIS BTAB PA LA SOGS PA DANG LDAN NA 'CHI BAR 'GYUR RO, ,DMU RDZING BSHANG GCI 'GAGS PA DANG, ,DBUGS MI BDE SKRANG SKYIGS BU DANG, ,RIMS MGO 'KHOR BRGYAL SLON CING 'KHRU, ,NYAM CHUNG MI NI GSOD 'GYUR ZHING, ,MIG SKRANG BA DANG MCHAN KHUD DANG, ,PAGS BA RUL ZHING SRAB PA DANG, ,BKRU SMAN GYIS BKRUS LTO SBOS SHING, ,YANG DANG YANG DU 'PHEL BA 'CHI, ,ZHES BYA BA LA, DMU RDZING CAN NI BSHANG GCI 'GAGS PA DANG LDAN ZHING NYAM CHUNG BA YIN NA GSOD PAR 'GYUR BA YANG DE BZHIN DU GZHAN MIG SKRANG PA LA SOGS PA DANG LDAN NA 'CHI BAR 'GYUR BA YIN NO, ,SKYA RBAB SKRANG DANG BCAS PA DANG, ,MIG DANG SEN MO SER POR SNANG, ,SNYOMS TSA YIG 'CHUS DANG SLON, ,BRGYAL DANG LTO SBOS TSAD 'KHRU 'CHI, ,ZHES BYA BA LA, SKYA RBAB KYI NAD NI SKRANGS PA LA SOGS PA DANG BCAS PA YIN NA, NAD PA GSOD CING 'CHI BA YIN NO, ,SKRANGS NAD BLA BRNAN SNA TSOGS LDAN, ,SKYES PA RKANG GNYIS DANG PO SKRANGS, ,BUD MED MGO NAS SKRANGS NA 'CHI, ,GNYI GA MTSAN DANG MCHAN KHUNG SKRANGS; ,ZHES BYA BA LA, SKRANGS NAD NI RIMS NAD DANG DBUGS MI BDE BA LA SOGS PA'I BLA BRNAN SNA TSOGS PA DANG LDAN PA DANG, RKANG PA GNYIS SU DANG POR SKRANGS PA NA SKYES PA 'CHI LA, BUD MED KYI MGO NA ZUG STE SKRANGS NA 'CHI'O, ,SKYES PA DANG BUD MED GNYI GA YANG PHO MTSAN NAM MO
, ,MTSAN NAM MCHAN KHUNG DU SKRANGS NA 'CHI'O, ,RI MOR BCAS 'DZAG SKYUGS PA DANG, ,RIMS DANG TSAD 'KHRU DBUGS MI BDE, ,ZHES BYA BA LA, YANG NAD DE NAD GZHI SNA TSOGS PA DANG LDAN PA'I RI MO DANG BCAS PA DANG, NAD GZHI JI LTA BA BZHIN DU 'DZAG PA DANG; SKYUG PA LA SOGS PA BCAS PA'I SKRANGS NAD KYIS KYANG GSOD BAR 'GYUR RO, ,SKRANGS PA'I THA MAR RIMS TSAD 'KHRU, ,DE GNYIS ZAD MTHAR SKRANGS PA DANG, ,LUS CAN NYAM CHUNG GYUR BA DAG ,SKRANGS PAR GYUR NA 'CHI BAR 'GYUR, ,ZHES BYA BA LA, SKRANGS PA'I NAD MTHA' MA'AM RJES LA GANG LA RIMS SAM TSAD PAR 'KHRU BA 'BYUNG BAR 'GYUR BA'AM, YANG RIMS DANG TSAD PAR 'KHRU BA ZAD PA'I MTHAR SKRANGS BAR GYUR PA STE, DE LTA BU'I SKRANGS PA DANG, RIMS DANG TSAD PAR 'KHRU BAR BCAS PA NI 'CHI BAR 'GYUR RO, ,DE LAS KYANG KHYAD PAR DU NYAM CHUNG BAR 'GYUR BA DAG SKRANGS NAS 'CHI BAR 'GYUR RO, ,GANG ZHIG SKRANGS PA RKANG PAR GNAS, ,BYIN PA'I NYVAR NI PHYIN PA DANG, ,DPYI YI BAR DU GNOD GYUR PA, ,DE NI SMAN PAS SPANG BAR BYA, ,ZHES BYA BA LA, SKYES BU GANG GI SKRANGS PA RKANG PAR GNAS PA DE BYIN PA'I NYA ZHES BYA BA BYIN PA'I RGYAB KYI TSAR PHYIN NAS DE BSKYOD PAR BYAS PA DANG, DPYI'I BAR DU GNOD CING NYAM THAG PAR BYED PA DE LTA BU'I NAD PA SMAN PAS SPANG ZHING DOR BAR BYA'O, ,GANG GI GDONG LAG RKANG PA NI, ,LHAG PAR SKAMS PAR GYUR PA 'AM, ,LUS MA GTOGS 'DI SHAS CHER SKRANGS, ,DE NI ZLA BA GCIG NA 'CHI, ,ZHES BYA BA LA, NAD PA GANG GI GDONG DANG LAG PA DANG, RKANG PA RNAMS LHAG PAR BSKAMS SHING SHA BRI BAR GYUR BA'AM, LUS MA GTOGS PAR GDONG LA SOGS PA 'DIR SHAS CHER SKRANGS PAR GYUR NA, DE NI ZLA BA GCIG NAS 'CHI BAR 'GYUR BA YIN NO, ,ME DBAL LUD PA KHA DOG NYAMS, ,RIMS BRGYAL YAN LAG BCAG SNYAM SEMS, ,MGO 'KHOR KHA SKAMS SNYING GA NA, ,LUS SNYOM TSAD PAR 'KHRU LDAN SPANG, ,ZHES BYA BA LA, ME DBAL GYI NAD LA NI BLA BRNAN LUD PA LA SOGS PA DANG LDAN NA 'CHI BAR 'GYUR BAS DE SPANG BAR BYA'O, ,MDZE NI YAN LAG
'DRUL BA DANG, ,MIG DMAR SKAD NI 'GAGS PA DANG, ,DROD NYAMS SRIN BU RNAMS KYIS GTZES, ,SKOM DAD TSAD BAS 'KHRU LDAN 'CHI, ,ZHES BYA BA LA, MDZE'I NAD NI YAN LAG 'DRUL ZHING 'CHAD PA NAS, TSAD PAS 'KHRU BA'I BAR DANG LDAN NA 'CHI BAR 'GYUR RO, ,RLUNG NAD PAGS PAS TSOR MED BYED, ,LUS 'DAR SKRANG DANG NAD KYIS GZIR, ,ZHES BYA BA LA, RLUNG NAD NI PAGS PAS TSOR BA MED CING BEM POR 'GYUR BA DANG, TSIGS KYI MTSAMS BYE ZHING LHOD PA DANG, LUS 'DAR BA LA SOGS BA'I NAD KYIS GZIR NA SPANG BAR BYA'O, ,DREG NAD RMONGS SHING BRGYAL BA DANG, ,MYOS DANG GNYID CHE RIMS MGO RENGS, ,YI GA 'CHUS DANG DBUGS MI BDE, ,'KHUMS SHING CHU BUR RUL BA 'DRA, ,ZHES BYA BA LA, RLUNG DANG KHRAG TU 'DRES PA'I DREG NAD NI, RMONGS PA LA SOGS PA DANG LDAN NA 'CHI BAR 'GYUR RO, ,MGO NAD YIG 'CHUS DBUGS MI BDE, ,RMONGS BAG 'KHRU ZHING SKOM MGO 'KHOR, ,SKAD 'GAGS LUS ZUNGS ME DROD ZAD, ,LUS NYAM CHUNG NAD KUN GSOD BYED, ,CES BYA BA LA SOGS PA'I NAD THAMS CAD NI MGO'I NAD LA SOGS PAS LUS NYAM CHUNG BAR GYUR PA'I NAD PA GSOD CING 'JOMS PAR BYED DO, ,RLUNG GI NAD DANG BRJED BYED DANG, ,MDZE NAD KHRAG NI DMU RDZING GCONG, ,SKRAN CAN GCIN NAD LDAN PA YIS, ,SHA ZAD NAD TSABS CHUNG YANG SPANG, ,ZHES BYA BA LA, RLUNG GI NAD LA SOGS PAS SHA ZAD CING LUS SHIN TU NYAM CHUNG NA 'PHRAL DU NAD TSABS CHUNG BA LTAR SNANG YANG DE MI 'TSO BAS SPANG BAR BYA'O, ,SHA DANG STOBS NI SHIN TU ZAD, ,NAD 'PHEL YI GA 'CHUS PA DAG ,NAD PA GANG LA SNANG 'GYUR TE, ,ZLA BA PHYED DANG GNYIS NA 'CHI, ,ZHES BYA BA LA, NAD PA GANG ZHIG LUS KYI SHA DANG STOBS SHIN TU ZAD PAR GYUR CING, NAD RAB TU 'PHEL BA DANG, YIG 'CHUS BA'I MTSAN NYID NAD PA GANG ZHIG LA SNANG BAR GYUR PA DE NI ZLA BA PHYED DANG GNYIS NAS NGES PAR 'CHI BAR 'GYUR RO, ,RLUNG NAD GTUN 'DRA 'PHEL 'GYUR ZHING, ,MI BZAD SNYING GAR GNAS PA DANG, ,SKOM DAD KYIS NI YONGS GDUNGS PA, ,'PHRAL DU SROG NI 'PHROG PAR BYED, ,CES BYA BA LA, RLUNG NAD RDO 'AM LCAGS KYI GTUN 'DRA BA 'PHEL ZHING RGYAS PAR GYUR PA
, ,DANG; BRNAG MI BZOD PAR NA BA SNYING GAR GNAS SHING BRTEN PA DANG, SKOM DAD KYIS YONGS SU GDUNGS SHING KHYAB PAR BYED PA NI 'PHRAL DU DE'I MOD LA SROG 'PHROG PAR BYED PA YIN NO, ,RLUNG NAD NYA NI LHOD BYED CING, ,SNA NI YON POR 'CHUS BYED BA, ,GANG GI 'GRAM PA ZAD PAR SNANG, , 'PHRAL DU SROG NI 'PHROG PA YIN, ,ZHES BYA BA LA, YANG RLUNG NAD KYIS BYIN PA'I NYVA LHOD PAR BYED PA DANG, SNA YON POR BYED CING 'CHUS PAR BYED PA'AM, YANG NA 'GRAM PA ZAD CING BZHOG PA LTAR SNANG BAR BYED PA YANG NAD PA'I SROG 'PHRAL DU 'PHROG CING NYAM CHUNG BAS 'CHI BAR BYED PA YIN NO, , RLUNG NAD LTE BA GZHANG KHAR SONG, ,YANG NA BRLA PHRAG GNYIS NA GNAS, ,ZHES BYA BA LA, YANG DE BZHIN DU RLUNG GI NAD LTE BA DANG GZHANG GI BAR DU SONG ZHING GNAS PA'AM, YANG NA BRLA PHRAG GAM CHU SOR GNAS PA YANG 'PHRAL DU SROG 'PHROG PAR BYED PA YIN NO, ,STOBS LDAN RLUNG NI NYAM CHUNG BA, , GZHANG DANG SNYING GAR GNAS BYED PA'AM, ,ZHES BYA BA LA, STOBS DANG LDAN PA'I RLUNG GI NAD KYIS MI NYAM CHUNG BA'I GZHANG DANG SNYING GAR GNAS PAR BYED CING 'DZIN PAR BYED PA YANG 'PHRAL DU GSOD PAR BYED PA YIN NO, ,DRI MA CHU SO'I LTAG LTE BA, ,BKAG STE NAD NI SKYED PA DANG, ,ZHES BYA BA LA, RLUNG GIS BSHANG GCI DRI MA BKAG PA DANG, CHU SO'I LTAG DANG LTE BA BKAG STE, NAD SKYED PAR BYED PA YANG 'PHRAL DU SROG 'PHROG PAR BYED PA YIN NO, ,CHU SOR GZER BAR BYED 'GYUR LA, ,SKOM DAD 'KHRU BAR BYED PA DANG, ,ZHES BYA BA LA, YANG CHU SOR RLUNG DRAG TU GZER BAR BYED PA DANG, SKOM DAD CHE ZHING DRAG TU 'KHRU BAR BYED PA DE YANG DE DANG 'DRA'O, ,CHU SO BSHANG SGOR GNAS NAS NI, ,RLUNG NI DBUGS MI BDE SKYED DANG, ,ZHES BYA BA LA, YANG NA RLUNG NAD CHU SO BSHANG SGOR GNAS NAS DBUGS MI BDE BA'I NAD SKYED PAR BYED PA DAG KYANG 'PHRAL DU SROG 'PHROG PAR BYED PA YIN NO, ,RTZIB MA'I RTZE MO 'DEGS BYED CING, ,SNYING GAR RLUNG NI BRTEN PA DANG, ,MIG BGRAD 'GYUR BA MED BYED DANG, ,'PHRAL DU SROG NI 'PHROG PAR BYED, ,CES BYA BA LA, YANG RLUNG NAD RTZIB MA'I RTZE MO 'DEGS SHING 'GYED PAR BYED PA DANG, DE BZHIN SNYING GAR BRTEN CING GNAS PA DANG, MIG BGRAD CING PHAN TSUN 'GYUR BA MED PAR BYED PA DAG KYANG DE'I MOD LA 'PHRAL DU SROG 'PHROG
PAR BYED PA YIN NO, ,'PHRAL DU RIMS DANG TSA BAS BTAB, ,SKOM DAD BRGYAL DANG STOBS ZAD DANG, ,TSIGS MTSAMS BRAL BAR GYUR PA RNAMS, ,NYE BAR 'CHI BAR 'GYUR BA YIN, ,ZHES BYA BA LA, 'PHRAL DU GLO BUR DU RIMS DANG TSA BA LA SOGS PA SKYE BAR 'GYUR BA YANG 'CHI BAR 'GYUR BA'I LTAS YIN NO, ,NAD PAR GANG GI GDONG BA LAS RDUL NI SHAS CHER BYUNG GYUR CING, ,KHAR CHAGS RIMS KYIS GDUNGS PA RNAMS, ,DE YANG 'TSO BAR DKA' BA YIN, ,ZHES BYA BA LA, NANG PAR BA LANG GZAS LA 'GYED BA'I DUS SU GANG GI GDONG LAS RDUL SHAS CHER MI ZAD BAR 'BYUNG ZHING 'DZAG PAR 'GYUR BA DANG KHAR DRI MA SHAS CHER CHAGS PA'I RIMS KYI GDUNGS PA DE NI 'TSO BAR DKA' BA YIN NO, ,GANG GI LUS LA 'BRUM PHRAN NI, ,BYI RU'I MDOG 'DRA SNANG GYUR PA, ,BYUNG NAS MYUR DU MI SNANG 'GYUR, ,DE NI RING POR MI THOGS 'CHI, ,ZHES BYA BA LA, YANG MI GANG GI LUS LA 'BRUM BU PHRA MO BYI RU'I MDOG LTAR DMAR BAR SNANG BAR GYUR PA DANG, YANG GANG GI LUS LA 'BRUM PHRAN BYUNG NAS DE MA THAG TU MI SNANG BAR GYUR NA DE YANG 'CHI BAR 'GYUR RO, ,'BRUM PA SRAN CHUNG BSHUS 'DRA ZHING, ,DE BZHIN BYI RU'I MDOG 'DRA LA, ,NANG DU KHA BLTA TSAD 'BRUM 'DRA, ,'BRUM BUS LUS NI 'JIG BYED YIN, ,ZHES BYA BA LA, 'BRUM PA SRAN CHUNG PAGS PA BSHUS PA LTAR DMAR BA DANG, BYI RU'I MDOG LTAR DMAR BA DANG KHA NANG DU BLTAS PA 'BUR BA DANG, TSAD 'BRUM GYI RNAM PA SHIN TU PHRA BAR GNAS PA DES KYANG LUS 'JIG PAR BYED PA YIN NO, ,MIG SER GDONG SER RGYAS PA DANG, ,MUR 'GRAM GNYIS KYI SHA ZAD LA, ,SKRAG CING LUS NI TSA BA DAG ,GANG YIN DE NI SPANG BAR BYA, ,ZHES BYA BA LA, MIG GI PHYOGS SER ZHING GDONG YANG SER LA SKRANGS TE RGYAS PA LTAR SNANG BA DANG, MUR 'GRAM GYI PHYOGS KYI SHA LHAG PAR ZAD PA DANG, SKRAG CING 'JIGS PA DANG, LUS TSA BA SHAS CHE BA'I NAD PA GANG YIN PA DE YANG SPANG BAR BYA'O, ,RGYU MED PHRUGS PA DAG LAS RMA, ,'PHEL ZHING MCHED PAR BYED PA DANG, ,ZHES BYA BA LA, RGYU MED CING GLO BUR DU PAGS PA PHRUGS PA TZAM LAS RMA BYUNG BAR GYUR LA, DE YANG 'PHEL ZHING MCHED PAR BYED PA DE YANG SPANG BAR BYA'O, ,RLUNG SKYES GANG ZHIG NA BA MED, ,MKHRIS PA LAS GYUR TSA BA MED, ,BAD KAN LAS GYUR RNAG MED DANG, ,GANG ZHIG NAD SKYE ZUG GZER MED, ,PHYE MAS KHYAB DANG RNYING PAR SNANG, ,GANG DU GLO BUR DAG TU NI, ,RGYAL MTSAN MDUNG LA SOGS GZUGS SNANG, ,RMA DE THAMS
, ,CAD SPANG BAR BYA, ,ZHES BYA BA LA, YANG RMA GANG ZHIG RLUNG LAS GYUR PA YIN DU ZIN KYANG NA ZHING ZUG MED PA DE YANG SPANG BAR BYA'O, ,DE BZHIN DU MKHRIS PA LAS GYUR PA YIN YANG DE'I RANG BZHIN TSAB MED PA DANG, BAD KAN LAS GYUR PA YIN YANG 'DRUL ZHING RNAG PA MED PA DANG, NAD KYI GNAS SU BYUNG YANG ZUG CING LHANG LHANG POR NA BA MED PA DANG, YANG RMA GANG PHYE MAS GTOR BA MED PA PHYE MAS KHYAB PA LTAR SNANG BA DANG, RNYING ZHING RENGS PA LTAR SNANG BA DANG, YANG RMA GANG GLO BUR DU RGYU MED PAR RGYAL MTSAN DANG MDUNG RTZE GSUM PA DANG, DGRA STA LA SOGS PA'I GZUGS SU SNANG BAR GYUR PA STE, DE LTA BU'I RMA THAMS CAD GSOR MI RUNG BAS SPANG BAR BYA'O, ,MTSAN BAR RDOL NI BSHANG GCI RLUNG, ,'BYUNG ZHING SRIN BUS GTZES PA DANG, ,PUS MO PHAN TSUN 'BYER BA DANG, ,RKANG PA BTEG NAS LTUNG GYUR DANG, ,YANG DANG YANG DU KHA BSGYUR BA'I, ,NAD PA DE NI 'TSO MI 'GYUR, ,ZHES BYA BA LA, MTSAN BAR RDOL BA'I NAD KYIS BTAB PA'I MI, BSHANG BA DANG GCI BA DANG 'PHYEN MANG DU 'BYUNG BA DANG, SRIN BUS SHIN TU GTZES PA DANG, PUS MOS PUS MO BCER ZHING BSKYOD PA DANG, RKANG PA BTEG NAS SA LA LTUNG BAR 'GYUR BA DANG, DE BZHIN DU KHA YANG DANG YANG DU BSGYUR BA'I NAD PA DE 'TSO BAR MI 'GYUR RO, ,SO YIS SEN MO'I RTZE GCOD CING, ,SEN MOS SKRA DANG RTZA GCOD DANG, ,ZHES BYA BA LA, SO YIS SEN MO'I RTZE MO GCOD CING ZA BAR BYED PA DANG, NAD PA SEN MOS SKRA'AM RTZA RNAMS GCOD PAR BYED PA YANG MI 'TSO'O, ,SA LA SHING BUS 'DRI BA DANG, ,BONG BAS BONG BA BRDEG PA DANG, ,ZHES BYA BA LA, YANG NAD PA GANG SA LA SHING BUS YI GE 'DRI BA DANG, DE BZHIN DU BONG BAS BONG BA BRDEG CING BSNUN PA DE YANG MI 'TSO'O, ,SPU LDANG GCIN NI SKA BA DANG, ,LUD PA SKAMS SHING RIMS KYIS 'DEBS, ,ZHES BYA BA LA, YANG NAD PA GANG RGYU MED PAR SPU LDANG BA DANG, GCIN SKA BA DANG, LUD PA SHAS CHER SKAMS PA DE YANG MI 'TSO'O, ,SKAD CIG DGOD CING SBYUGS GLU LEN, ,MAL STAN RKANG PAS BRDEG PA DANG, ,SKAD CIG RE RES BU GA SOL, ,NAD PA GANG YIN DE MI 'TSO, ,ZHES BYA BA LA, SKAD CIG SKAD CIG CING DGOD PA DANG, SKAD CIG RE RER SBYUGS GLU LEN PA DANG, ,SKAD CIG MA RE RE ZHING MAL STAN LA RKANG PAS BRDEG PA DANG, DE BZHIN DU SKAD CIG
MA RE RE LA SNA DANG RNA BA DANG KHA LA SOGS PA'I BU GA SOL BA'I NAD PA GANG YIN PA DE YANG MI 'TSO'O, ,GDONG LA SME BA NGO KHABS DANG, ,MDZER SKYES SO SEN THIG LE CHAGS, ,LTO BAR SNA TSOGS RTZA SNANG BA, ,GLO BUR BYUNG BA DE MI 'TSO, ,ZHES BYA BA LA, YANG NAD PA GANG ZHIG GDONG LA GLO BUR RAM 'PHRAL DU SNA BA LA SOGS PA SKYES SAM DE BZHIN DU SO DANG SEN MOR THIG LE LTA BUR DKAR PO CHAGS PA GLO BUR DU BYUNG BA DANG, LTO LA DBYIBS DANG KHA DOG SNA TSOGS PA'I RTZA SNGON CHAD MED PA DU MA SNANG BAR 'GYUR BA GLO BUR DU BYUNG BA'I NAD PA DE MI 'TSO STE 'CHI LTAS YIN NO, ,ZHES BYA BA'I DON NO, ,GYEN DU DBUGS RTZEG DROD YAL ZHING, , BRLA PHRAG GNYIS SU GZER GYIS NYEN, ,DPAL DANG RNAM PAR BRAL GYUR PA, ,BLO DANG LDAN PAS YONGS SU SPANG, ,ZHES BYA BA LA, YANG NAD PA GANG GYEN DU DBUGS MI 'BYUNG BA YANG DANG YANG DU RTZEG PA'AM, DROD YAL ZHING BRAL BA DANG, BRLA RTZA GNYIS SU GZER GYIS NYEN CING NA BA DANG, DPAL GYI 'BYOR BA DANG BRAL BAR GYUR PA'I NAD PA DE NI SMAN PA BLO DANG LDAN PAS SPANG BAR BYA'O, ,GANG GI NAD NI 'PHEL 'GYUR DANG, ,RANG BZHIN YONGS SU NYAMS PA NI, ,GANG LA 'PHRAL DU 'BYUNG 'GYUR BA'I, ,DE NI MOD LA 'CHI BAR 'GYUR, ,ZHES BYA BA LA, SKYES BU GANG GI NAD SHAS CHER 'PHEL BAR 'GYUR BA DANG, ,RANG BZHIN RNAL MA LAS YONGS SU NYAMS SHING BRI BA 'PHRAL DU GLO BUR DU BYUNG NA DE YANG 'CHI LTAS YIN NO, ,SMAN PAS NAD PA GANG ZHIG LA, ,SMAN GYI BYA BA BYAS GYUR PA, ,'BAD KYANG SOS PAR MA GYUR NA, ,DE YI SROG NI RNYED PAR DKA', ,ZHES BYA BA LA, SMAN PAS NAD PA GANG YANG RUNG BA ZHIG LA, SMAN MAR LA SOGS PA'I SMAN GYI BYA BA BYAS SHING SBYOR BA BYAS PA 'BAD CING SGRIM PA STE BYAS PAR GYUR KYANG SOS PAR MA GYUR NA, DE'I SROG GAM 'TSO BA RNYED PAR DKA' STE 'CHI BA YIN NO, ,MKHAS SHING MANG DU GRUB PA DANG, ,CHO GA BZHIN DU BYIN GYUR KYANG, ,SMAN GYI BYA BA MA GRUB GANG, ,DE LA GSO BA'I THABS MED DO, ,ZHES BYA BA LA, SMAN GYI SBYOR BA LA MKHAS SHING RO DANG NUS PA DANG 'JU BA'I KHYAD PAR LA SOGS PA LA BYANG ZHING LAN MANG DU SBYAR BAR GRUB STE, ,BYA BA BYAS PA YANG YIN LA, DE BZHIN DU SMAN DPYAD KYI BSTAN BCOS LAS BYUNG BA'I CHO GA BZHIN DU, DUS DANG YUL DANG TSAD LA SOGS PA LEGS PAR BRTAGS TE, NAD PA LA BYIN ZHING SBYOR BA BYAS SU ZIN KYANG SMAN GYI BYA BA NAD BSAL BA'I LAS
, ,MA GRUB PA GANG YIN BA DE LA NI NAD GSO BA'I THABS MED PA YIN PAR SHES PAR BYA'O, ,GANG GI SMAN NI SBYOR BA'I TSE, ,RGYU MED PAR NI PHYIN CI LOG ,MDOG DANG RO SOGS LOG GYUR NA, ,NAD MED YIN YANG DE MI 'TSO, ,ZHES BYA BA LA, NAD PA GANG GIS SMAN MAR DANG, PHYE MA DANG, LDE GU LA SOGS PA SBYOR BA DANG, 'BRAS CHAN LA SOGS PA KHA ZAS G-YO BA NA, RGYU MED PAR PHYIN CI LOG TU GYUR CING, GLO BUR DU KHA DOG DANG RO LA SOGS PAR RANG BZHIN GZHAN DU GYUR NA, DES NAD MED CING BDE BAR GNAS PA YANG MI 'TSO'O, ,GANG GI GNAS SU SHING BCAS ME, ,RLUNG MED PAR NI SHI GYUR DANG, ,NAD PA GANG GI KHYIM DU NI, , SNOD NI SHIN TU MANG PO DAG ,CHAG GAM LHUNG BAR GYUR PA NA, ,DE YI SROG NI RNYED PAR DKA', ,ZHES BYA BA LA, YANG NAD PA GANG GI GNAS SU ME SHING DANG BCAS PAR YANG GNAS NAS 'BAR LA, RLUNG YANG MED PAR GYUR LA GLO BUR DU CHU BLUGS PA LTAR SHI BAR GYUR PA DANG, YANG NAD PA GANG GI KHYIM DU SNOD SPYAD SHIN TU MANG PO YANG DANG YANG DU LHUNG BAR GYUR PA'AM, GANG GI KHYIM DU SNOD LAG PA NAS YANG DANG YANG DU LHUNG BAR GYUR BA NA, DE'I SROG KYANG RNYED PAR 'GYUR BA MA YIN NO, ,MI GANG NYAM CHUNG GYUR PA YANG, ,GLO BUR SOS PAR SNANG GYUR PA, ,DE YI SROG KYANG MA NGES PA, ,YIN PAR RGYUN SHES BUS BSHAD DO, ,ZHES BYA BA LA, YANG NAD PA GANG SHIN TU NYAM CHUNG ZHING STOBS DANG MI LDAN PA GLO BUR DU RGYU MED PAR SOS SHING, NAD MED PA LTAR SNANG BA DE'I SROG KYANG MA NGES PA YIN NO, ,ZHES RGYUN SHES KYI BUS BSHAD PA YIN NO, ,NYE DU MDZA' BO RNAMS KYIS NI, ,DRIS KYANG MNYAN PAR MI BYA LA, ,SMAN PAS SMRA BAR MI BYA ZHING, ,DE YI GSO BA'ANG KHAS MI BLANG; ,ZHES BYA BA LA, NAD PA'I NYE DU DANG DGA' BSHES PA RNAMS KYIS NAD PA DE 'TSO BA 'AM 'CHI ZHES DRIS KYANG, 'CHI LTAS KYIS MTSON PA'I 'CHI BA DE NI MNYAN PAR MI BYA ZHING, YID GDUNG BAR BYED PA'I RGYU YIN PAS SMAN PA DES 'DI NI 'CHI BAR 'GYUR ZHES SMRA BAR MI BYA BA, TSE ZAD PA'I NAD DE GSO DPYAD KYIS GSO ZHING BCOS PA KHAS BLANG BAR YANG MI BYA STE, DE LTA BU'I NAD PA SMAN PAS BCOS SU ZIN KYANG NGAL BA DON MED 'GYUR RO, ,GSHIN RJE'I PHO NYA SHA ZA SOGS, ,GZHAN GYIS NYE BAR BSTEN PA GANG, ,SMAN GYIS STOBS NI 'JOMS PAS NA, ,DE PHYIR DE NI YONGS SU SPANG, ,ZHES BYA BA LA, GANG GI PHYIR TSE ZAD PA LA NI, GSHIN
RJE'I PHO NYA LA SOGS PAS NYE BAR BSTEN CING GNAS PA YIN PAS DE'I PHYIR NAD PA DE YONGS SU SPANG BAR BYA'O, ,'O NA DES NYES BA CI ZHIG BYED CE NA, SHA ZA DANG SRIN PO LA SOGS PA DE DAG NI BCUD KYIS LEN PA LA SOGS PA'I SMAN GYIS STOBS NAD MED PA 'JOMS SHING MED PAR BYED PAS, NAD RNAMS JI LTA JI LTA BA BZHIN DU ZHI BAR BYED PA'I THABS GZHAN DU BYED PAS SBYOR BA MI 'GRUB PA'I PHYIR SPANG BAR BYA'O, ,TSE YI RIG BYED 'BRAS BU KUN, ,TSE SHES PA LA GNAS PA YIN, ,DE BAS 'CHI LTAS RNAM PA KUN, ,SMAN PAS 'BAD DE SHES PAR BYA, ,ZHES BYA BA LA, TSE'I RIG BYED KYI 'BRAS BU NI NAD MED PAS BYED PA LA SOGS PA'I TSUL TE, DE LTA BU MA LUS PA KUN TSE SHES PA'I SMAN PA RNAMS LA GNAS SHING RGYUD LA YOD PA YIN PAS DE BAS NA 'CHI LTAS KYI RNAM PA THAMS CAD DE NAD MED PAR GNAS PA DANG, NAD PA'I MTSAN MA GANG DAG YIN PA KUN SMAN PAS 'BAD PAR LDAN PAS SHES PAR BYA'O, ,DE YANG TSE'I RIG BYED KYI 'BRAS BU NI 'DI DAG YIN TE, GANG TSE GNAS PA'I TSAD SHES PA DANG, DE'I TSE SRUNG ZHING BSKYANGS PA YIN PAS DE GNYIS KA YANG SHES PAR BYA DGOS SO, ,TSE DANG BSOD NAMS GNYI GA ZAD, ,DE GNYIS ZAD PAR MA GYUR KYANG, ,YANG BA NI MA SPANGS PAS, ,SROG CHAGS RNAMS NI 'CHI BAR 'GYUR, ,ZHES BYA BA LA, 'DI LTAR TSE ZAD CING 'CHI BAR 'GYUR BA NI, YANG DAG PA'I DON MTHONG BA'I DRANG SRONG CHEN PO RNAMS KYIS RGYU RNAM PA BZHI BSHAD DE, TSE ZAD PA ZHES BYA BA RANG GI LAS NYE BAR BSAGS PA'I TSE GNAS PA'I TSE TSAD ZAD CING MTHAR THUG PA DANG, DE BZHIN DU BSOD NAMS ZAD PA STE, SNGON CHAD LEGS PAR SPYAD PAR BYAS PA'I 'BRAS BU ZAD PAR GYUR PA DANG, GNYI GA ZAD PA DE BSHAD MA THAG PA'I TSE DANG BSOD NAMS GNYIS KA ZAD PA DANG, YANG DE BZHIN GNYIS KA MA ZAD CING GNAS PA YIN DU ZIN KYANG, YA NGA BA MTSON DANG DUG LA SOGS PA MA SPANGS SHING CHU DANG G-YANG SA LA SOGS PAR LHUNG BA STE, BZHI PO DE DAG GIS SROG CHAGS RNAMS 'CHI ZHING SROG DANG BRAL BAR BSHAD LA, DE LAS GO BZLOG PA TSE DANG BSOD NAMS LA SOGS PA MI ZAD PA YANG BA SPANG BAS NI 'TSO BAR 'GYUR BA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, LUS KYI GNAS LE'U LNGA PA'I RNAM PAR 'GREL PA'O,, ,,
, ,DE NAS LUS KYI GNAS KYI PHO NYA LA SOGS PA BSHAD PAR BYA'O, ,ZHES BYA BA LA, 'DI BRTZAMS PA'I 'BREL PA NI 'DI YIN TE, NAD PA LA BRTEN PA'I 'CHI LTAS KYI MTSAN NYID BSHAD NAS, PHO NYA 'AM BANG CHEN LA SOGS PA'I RIGS KYI TSUL DRIS BA LAS SMAN PA CHAS PA LA SOGS PA'I TSE NAD PA LA DGE BA DANG, MI DGE BA'I MTSAN MA STON PA YIN PAS NA DE'I 'OG TU 'DI BRTZAM PA YIN NO, ,PHO NYA NI GZHAN GYIS BSGO BA BYED PA'I MNGAG GZHUG PA LA SOGS PA SMOS PAS NI, SMAN PA DANG PHRAD PA'I TSUL DAG DANG, YID KYIS RTOGS PA DANG CHAS PA DANG LAM DU ZHUGS PA DANG, KHYIM DU 'JUG PA'I SKABS KYI MTSAN MA BZANG NGAN MTHONG BA DANG, RMI LAM MTHONG BA BSDU BAR BYA STE, DE LTA BU SHES PAR BYA BA LA PHAN 'DOGS SHING DGOS BA'I DON DE BSHAD PAR BYA'O, ,ZHES BYA BA'I DON NO, ,YA MTSAN CAN DANG DGE SBYONG DANG, ,RIGS MTHUN PAS NI GRUB PAR 'GYUR, ,DE LAS GO BZLOG PHO NYA NI, ,LAS NI 'GRUB MIN RTAGS SU 'GYUR, ,ZHES BYA BA LA, YA MCHAN CAN NI BRTUL ZHUGS KYI BYE BRAG LA GNAS PA'I PHYI ROL PA'O, ,DGE SBYONG NI RAB TU BYUNG ZHING TSANGS PAR SPYOD PA'O, ,RIGS MTHUN PA NI RIGS 'DRA BA STE, DE LTA BU'I PHO NYA 'ONGS PAR GYUR NA, GSO BA'I LAS 'GRUB PAR 'GYUR BA YIN NO, ,DE LAS GO BZLOG PA STE, YA MTSAN CAN LA SOGS PA'I PHO NYA DE LAS GO BZLOG PAR RIGS MI MTHUN PA YIN NA GSO BA'I LAS MI 'GRUB CING DON MED PA'I MTSAN MA YIN NO, ,DMAN DANG 'JIGS RENGS DNGANGS PA DANG, ,RTZUB DANG BKRA MI SHIS SMRA DANG, ,MTSON CHA DBYUG THOGS MGO REG DANG, ,MA NING SMA RA RAL PA CAN, ,BKRA MI SHIS PA'I MING DANG LDAN, ,SDIG LAS BUD MED DRI MA CAN, ,MANG PO NAD PA MI SDUG DANG, ,PHRENG BA BYUG PA DMAR POS BRGYAN, ,TIL MAR 'DAM BSKUS GOS RNYING DANG, ,MDOG NGAN RLAN CAN GOS GCIG GYON, ,BONG BU RNGA MO MA HE ZHON, ,SHING DANG BONG BA NYID PA DANG, ,RING NAS 'BOD PA'I PHO NYA 'ONGS, ,SMAN PAS YONGS SU SPANG BAR BYA, ,ZHES BYA BA LA, PHO NYA
RIGS MTHUN PA YIN DU ZIN KYANG, 'DI LTAR DMAN PA DANG, 'JIGS PA LA SOGS PA'I KHYAD PAR GYIS PHYE BA YIN NA SMAN PA 'GRO BAR MI BYA STE, DE DAG GSO BA DON MED PAR 'GYUR BA'I LAS YIN NO, ,DE LA DMAN PA NI ZHUM ZHING SGYID LUG PA DANG BCAS PA'O, ,'JIGS PA NI SKRAG PA'O, ,RENGS PA NI DRAG PA'O, ,SDANGS PA NI SBRUL LA SOGS PAS SDANGS SHING BRED PA'O, ,RTZUB CING ZHES BYA BA NI SNYING RJE MED PAR SMRA BA'O, ,BKRA MI SHIS PAR SMRA BA NI YID DU 'ONG BA'I TSIG MI SHES PAR SMRA BA'O, ,MTSON CHA THOGS PA NI DGRA CHA THOGS PA'O, ,DBYUG PA THOGS PA NI DBYUG PA 'CHANG BA'O, ,MGO REG NI SKRA BREGS PA'O, ,MA NING NI BU TSA MED PA'O, ,SMA RA DANG RAL PA CAN NI SMA RA 'PHYANG BA DANG, RAL PA SKRA 'PHYANG BA DANG LDAN PA'O, ,BKRA MI SHIS PA'I MING DANG LDAN PA NI SDIG CING MI SHIS PA'I MING CAN NO, ,SDIG PA'I LAS CAN NI NGES PAR SPYOD PA'I LAS BYED PA'O, ,BUD MED NI MO RIGS SO, ,DRI MA CAN NI GOS DRI MA CAN GYON PA'O, ,MANG PO NI CIG CAR DU MA 'ONGS PA'O, ,NAD PA NI NAD KYIS NYAM THAG PA'O, ,MI SDUG PA NI YAN LAG MI MDZES PA'O, ,PHRENG BA DANG BYUG PA DMAR POS BRGYAN PA NI, ME TOG DMAR PO'I PHRENG BA DANG BYUG PA DMAR POS LUS BRGYAN PA'O, ,TIL MAR 'DAM BSKUS NI, TIL MAR GYI LDE GU 'DAM 'DRA BAS LUS LA BYUGS PA'O, ,GOS RNYING PA NI DENGS PA'O, ,MDOG NGAN PA NI MDOG NGAN PA'O, ,RLAN CAN NI CHUS BANGS PA'O, , GOS GCIG GYON PA NI, STOD G-YOGS SAM SMAD G-YOGS GCIG GYON PA'O, ,BONG BU DANG RNGA MO DANG MA HE ZHON PA NI DE LA ZHON TE 'ONGS PA'O, ,SHING DANG BONG PA LA SOGS PA NYID CING 'JIG PA DANG, DE BZHIN THAG RING PO NAS 'BOD CING KU CO 'DON PA'I PHO NYA 'ONGS NA YANG SMAN PA 'GRO BAR MI BYA'O, ,DE SPANG ZHING DOR BAR BYA'O, ,BKRA MI SHIS PA SEMS DANG SMRA, ,GCER BU GCOD DANG 'JIG PA DANG, ,MTSUN GTOR ME LA SREG PA DANG, ,'CHI BA RNAMS LA STER BA DANG, ,SAR NYAL SKRA BSHIG SKUD PA DANG, ,NGU DANG MA BSDAMS GNAS SKABS SU, ,SMAN
, ,PA GNAS TSE PHO NYA 'ONGS, ,MI NI 'CHI BAR STON PA YIN, ,ZHES BYA BA LA, SMAN PA LA PHO NYA 'ONGS PA'I TSE, BKRA MI SHIS PA'I DNGOS PO YID LA SEMS SAM, KHA NAS SMRA BA'AM, GCER BUR 'DUG CING GOS MED PAR 'DUG PA DANG, RTZA LA SOGS PA GCOD PA'I SKABS SU'AM, BONG BA LA SOGS PA 'JIG PA'I SKABS SU 'AM, MTSUN GTOR ME LA SREG CING GNAS PA 'AM, YANG 'CHI BA RNAMS LA MTSUN GTOR STER CING GTOR LA SKABS SU SA LA NYAL ZHING GNAS PA DANG, SKRA BSHIG CING BKROL BA DANG, MAR GYIS LUS BSKUD CING BYUGS PA'AM, NGU ZHING MYA NGAN BYED PA 'AM, MA BSDAMS SHING MI GTZANG BAR GNAS PA'I SKABS SU PHO NYA 'ONGS PAR GYUR NA, NAD PA 'CHI ZHING SROG 'DOR BA STON PA'I LTAS YIN NO, ,NAD DANG MTSAN NYID MTSUNGS PA YI, ,YUL LAM DUS SU SMAN PA GNAS; ,BANG CHEN 'BOD DU 'ONGS MTHONG NA, ,NAD PA DE NI GSO MI BYA, ,ZHES BYA BA LA, NAD PA GANG RIMS LA SOGS PA DAG NA BA DANG, YON TAN NAM MTSAN NYID 'DRA ZHING MTSUNGS PA'I YUL LAM DUS TE, DE LTA BU'I YUL LAM DE'I DUS SU SMAN PA GNAS SHING 'DUG PA NA, BANG CHEN PHO NYA SMAN PA LA 'BOD CING SBRON DU 'ONGS PA MTHONG NA NAD DE SMAN PAS BCOS SHING GSO BAR MI BYA'O, ,NAD PA DANG YUL DUS MTSUNGS PA'I TSUL 'DI LTAR BAD KAN LAS BYUNG BA'I RIMS LA SOGS PA NAD KYIS BTAB PAS PHO NYA SMAN PA CHU MANG ZHING RLAN GYI YUL NA GNAS PA 'AM, NANG PAR GYI SKABS SU PHO NYA 'ONGS NA MI SHIS PA YIN NO, ,MKHRIS PA'I NAD LA ME LA SOGS PA'I TSA BA'I YUL DANG, NYI MA PHYED KYI DUS SU PHO NYA 'ONGS NA MI SHIS PA YIN NO, ,RLUNG GI NAD LA NI RTZUB PA DANG, GRANG BA DANG, RDO DANG, BYE MA DANG; GSHAG MA LA SOGS PA'I PHYOGS SU DGONGS KA PHO NYA 'ONGS NA MI SHIS PA YIN NO, ,LTE BA KHA DANG SNA REG DANG, ,SKRA DANG SPU DANG SEN MO SO, ,MTSAN RGYAB NU MA MGRIN PA DANG, ,LTO DANG SRIN LAG DAG DANG NI, ,RAS BAL PHUB MA ZHA NYE RTZA, ,RUS PA GTUN BRDUNG PHYAGS
MA RDO; ,ZHABS MA GOS KYI MTHA' MA DANG, ,THAL BA SOL BA KHA TSAR SOGS, ,THAG PA GTUN DANG ZHAGS PA SRANG, ,GZHAN YANG THOG GI ZHAGS PA THOGS, ,PHO NYA DE 'DRA MNGON DU MTHONG, ,'CHI BA DAG TU STON PA YIN, ,ZHES BYA BA LA, YANG PHO NYA DE'I MTSAN NYID 'DI DAG DANG LDAN PA YANG MI SHIS SHING 'CHI BA'I MTSAN MA YIN PAR STON TE, DE NA DE'I TSE PHO NYA GANG DAG 'ONG BA LTE BA LA SOGS PAR REG PA DE NI MI SHIS PA YIN PAS DE YANG SPANG BAR BYA'O, ,DE BZHIN MTSAN PHYED NYI MA'I GUNG, ,THUN MTSAMS DANG NI DUS TSIGS DANG, ,TSES DRUG TSES BZHI TSES DGU DANG, ,SGRA GCAN MJUG RINGS 'CHAR DUS SOGS, ,BRA NYE SMIN DRUG SKAG CHU STOD, ,GRE DANG KHRUMS STOD SNUBS DANG NI, ,GANG DU PHO NYA NAD PA YI, ,MTSAN NYID LA NI BRTEN PA'I TSIG ,MI DGE SMRA DANG MI SHIS MTHONG, ,DER NI SMAN PA 'GRO MI BYA, ,ZHES BYA BA LA; YANG DE BZHIN DU SMAN PA NAD PA'I GAM DU 'GRO BA NA, MTSAN PHYED LA SOGS PA'I DUS DANG, TSES DRUG LA SOGS PA'I TSES GRANGS GSUM DANG, SGRA GCAN DANG MJUG RINGS 'CHAR PA'I DUS DANG, SOGS PA ZHES SMOS PAS NYI MA DANG, ZLA BA GZAS ZIN PAR MTHONG BA'I DUS DANG BRA NYE LA SOGS PA'I SKAR MA LA BAB PA'I NYIN ZHAG LA SMAN PA 'GRO BAR MI BYA'O, ,YANG GNAS GANG DU PHO NYA 'ONGS PA DE NAD PA'I MTSAN NYID DAM RANG BZHIN LA BRTEN PA'I TSIG GZUGS DANG SGRA LA SOGS PA MI SHIS PA'I RNAM PAR SMRA BA DANG, MI SHIS PA MTHONG BAR GYUR NA, SMAN PAS NAD PA GSO BA'I PHYIR 'GRO BAR MI BYA'O, ,DBANG PO MA TSANG MI RO 'AM, ,MI RUS KYIS NI BRGYAN PA 'AM, ,CHAD DANG TSIG DANG NYAMS CHAG DANG, ,DE YI TSIG TU SMRA BA 'AM, ,RO NI TSA DANG DRAG PA'AM, ,DRI NI SHAS CHER RUL BA 'AM, , REG BYA RGYA CHER MI BZAD DANG, ,GANG YANG DE 'DRA GZHAN DAG NI, ,DE KUN MDUN DU SMRA BA 'AM, ,YANG NA DE SKAD SMRA BA'I TSE, ,PHO NYA 'ONGS PAR MTHONG NA NI, ,NAD PA DE NI GSO MI BYA, ,ZHES BYA BA LA, YANG DBANG PO MA TSANG BA LA SOGS PA'I TSIG MI SHIS PA 'DI DAG GAM,
, ,GZHAN YANG 'DI DANG CHA 'DRA BA DAG DANG, KYI HUD KYI HUD CES BYA BA LA SOGS PA 'OG NAS BSHAD PA'I TSIG DAG GAM, MDOR NA NAD PA LA BRTEN PA'I TSIG MI SHIS PA STON PAR BYED PA, BRDZUN DU SMRA ZHING 'ONGS PAR RAM, ,YANG NA NAD PA'I TSIG GLENG SLONG BA'I SKABS MI SHES PAR ZER BA'I TSE, PHO NYA 'ONGS SHING DE NYID KYI TSE BANG CHEN LHAGS NA, BANG CHEN BDAG PO NAD PA GSO BAR MI BYA'O, ,DE LA 'DIR DBANG PO MA TSANG BA NI MIG LA SOGS PA DBANG PO GANG YANG RUNG BA NYAMS PA STE, ,ZHAR BA DANG ZHA BO LA SOGS PA'O, ,MI RO NI MI SHI BA'O, ,MI RUS KYIS BRGYAN PA NI MI RUS DANG, DE'I KHRAG DANG GOS LA SOGS PAS BRGYAN PA'O, ,CHAD PA NI THAG PA LA SOGS CHAD PA'O, ,TSIG PA NI GOS LA SOGS PA'O, ,NYAMS SHING CHAG PA NI SNOD SPYAD LA SOGS PA'O, ,DE'I TSIG TU SMRA BA NI, CHAD DO CHAG GO, ,NYAMS SO ZHES BYA BA LA SOGS PA SMRA BA'O, ,RO TSA BA NI NA LE SHAM LA SOGS PA'O, ,RUL BA NI MI RO LA SOGS PA'I DRI'O, ,DE BZHIN DU REG BYA NI RGYA CHE ZHING YANGS PA'O, ,MI BZAD CING BZOD PAR DKA' BA DANG, GZHAN YANG DE DANG CHA 'DRA BA'I TSIG DAG SMRA NA DE GSO BAR MI BYA'O, ,KYI HUD KYI HUD TSO NGES 'DEBS, ,'O DOD DMOD MO 'GYEL SBRID SGRA, ,GOS DANG GDUGS DANG LHAM 'JIG DANG, ,SDUG BSNGAL BA DAG MTHONG BA DANG, ,SHING CHEN RGYAL MTSAN GANG BA'I SNOD, ,CHU NANG 'BYING BAR MTHONG BA DANG, ,GSOD SOGS YID DU MI 'ONG SMRA, ,THAL BA PHYAG DAR GYIS GTOR DANG, ,BYI LA SRAM DANG SBRUL DANG NI, ,SPRE 'US LAM NI BCAD PA DANG, ,'BAR BA'I PHYOGS SU RI DAGS BYA, ,GDUG PA SGRA NI SGROGS PA DANG, ,'BRU GNAG BU RAM DAR BA DANG, ,LAN TSVA CHANG RNYING PAGS PA DANG, ,YUNGS KAR ZHAG DANG 'BRU MAR DANG, ,RTZVA DANG 'DAM BU BUD SHING DANG, ,MA NING MI SRU NA SME SHA CAN, ,RGYA DAG DANG NI RNYI RNAMS DANG, ,SLON DANG BSHANG BA GTONG BA DANG, ,RNAG DANG MTSAN MA NGAN PA MTHONG, ,SNYING PO MED DANG 'KHRIG PA SPYOD, ,RAS
BA LA SOGS DANG DGRA BO MTHONG, ,MAL STAN DANG NI KHYOGS LA SOGS, ,KHA SPUB TU NI GNAS PAR MTHONG, ,NAD PA DAG DANG GZHAN DAG DANG, ,SNOD SOGS NGAN MTHONG MI SHIS SO, ,ZHES BYA BA LA, SMAN PA 'GRO BA'I TSE, KYI HUD CES BYA BA LA SOGS PA THOS SHING MTHONG NA 'ANG MI SHIS PA YIN NO, ,DE YANG KYI HUD KYI HUD CES ZER CING DU BA NI, KYI HUD KYI HUD KYI NGA RO 'DON PA STE, 'O DOD 'BOD PA'I MI SNYAN PA ZER BA 'AM, CE SPYANG LA SOGS PA'I SGRA'O, ,DMOD MO NI RMO MO 'DEBS PA STE, DE DAG GI SGRA THOS PA DANG, YANG 'GYEL ZHING CHAG PA DANG, SBRID PA'I SGRA THOS PA DANG, GOS LA SOGS PA RAL CING 'JIG PA DANG, DE BZHIN DU SDUG BSNGAL ZHING PHONGS PAR GNAS PA MTHONG BA DANG, DE BZHIN DU SHING CHEN PO DANG, RGYAL MTSAN LA SOGS PA DANG, 'BRU LA SOGS PAS GANG BA'I SNOD CHU'I NANG DU NUB CING 'BYING BAR MTHONG BA DANG, DE BZHIN DU BSAD PA LA SOGS PA'I CHO GA YID DU MI 'ONG ZHING BKRA MI SHIS PAR SMRA BA STE, GSAD DO BCOM MO LHUNG NGO ZHIG GO TSIG GO ZHES BYA BA LA SOGS PA'I TSIG GSANG MTHON POR SMRA BA DANG, DE BZHIN DU SMAN PA LAM DU 'GRO BA NA, THAL BA DANG PHYAG DAR LA SOGS PAS GTOR CING GOS PA DANG, YANG SMAN PA LAM DU 'GRO BA NA, BYI LA LA SOGS PAS LAM BCAD PA DANG, YANG DE BZHIN DU 'BAR BA'I PHYOGS TE NYI MA PHYOGS GANG NA GNAS PA'I PHYOGS DE NA RI DAGS DANG, BYA DANG, STAG DANG, KHRA LA SOGS PA GDUG PA SGRA SGROGS NA, DE YANG BKRA MI SHIS PA YIN NO, ,YANG SMAN PA LAM DU 'GRO BA 'AM, NAD PA'I KHYIM DU 'JUG PA NA, 'BRU NAG PO LA SOGS PA MTHONG BA YANG BKRA MI SHIS PA STON PAR BYED PA YIN PAS, RAS LA SOGS PA NI, RAS BAL PHUB MA ZHA NYE RTZA, ,ZHES BYA BA LA SOGS PA PHO NYA BA 'ONGS PA'I SKABS SU BSDU STE, DE DAG NI MTHONG NA YANG MI SHIS PA YIN NO, ,DGRA BO MTHONG BA NI 'DIR DE'I SKABS SU YIN PAS SMAN PA'I DGRA BO BZUNG STE DE MTHONG BA YANG MI SHIS SO, ,YANG DE BZHIN DU MAL STAN KHA SBUBS PA LA
, ,SOGS PA MTHONG BA YANG MI SHIS PA YIN PAS, MTSAN MA DE DAG MTHONG NA YANG GSO BA'I LAS MI BRTZAM MO, ,SKYES BU'I MING CAN BYA G-YON NAS, ,BUD MED MING CAN G-YAS 'DUG BZANG, ,ZHES BYA BA LA, 'DI DAG NI LTAS BZANG PO STE, BYA SKYES PA'I MING CAN DANG PA DANG, TI TI RA DANG, PAR PA TA KA LA SOGS PA STE, DE NI G-YON PHYOGS NA GNAS SHING SKAD SGROGS PA BZANG LA, BUD MED KYI MING CAN SHA RI BA DANG, ,LJON MO LA SOGS PA NI G-YAS NA 'DUG CING SGRA 'BYIN PA BZANG NGO, ,BYA DANG RI DAGS G-YAS SKOR BZANG, ,KHYI DANG WA NI DE LTA MIN, ,ZHES BYA BA LA, BYA DANG RI DAGS RNAMS NI G-YON NAS G-YAS SU BSKOR TE 'GRO BA BZANG STE, BYA NI TZA SHA DANG KHU BYUG LA SOGS PA'O, ,RI DAGS NI SPRA LA SOGS PA'O, ,KHYI DANG WA NI DE LTAR 'GRO BA BSNGAGS PA MA YIN TE, GZHAN DU G-YAS NAS G-YON DU BSKOR TE 'GRO BA BZANG NGO, ,RI DAGS RNAMS NI ZUNG MIN SHIS, ,ZHES BYA BA LA, RI DAGS RNAMS NI ZUNG DU MI THEM PA GCIG DANG GSUM DANG LNGA DANG BDUN LA SOGS PA 'GRO BA BZANG NGO, ,TZO SHA BYA RGOD KHANYDZA RI, ,NE'U LE DANG RMA BYA RNAMS, ,MTHONG BA RTAG TU SHIS PA YIN, ,ZHES BYA BA LA, TZO SHA DANG BYA RGOD LA SOGS PA MTHONG BA NI, RTAG TU SHIS SHING BSNGAGS PA YIN NO, ,'UG PA BYI LA SBRUL MTHONG BA, ,RNAM PA KUN TU SHIS MA YIN, ,ZHES BYA BA LA, 'UG PA LA SOGS PA MTHONG BA NI RNAM PA KUN TU STE, THAMS CAD NAS THAMS CAD DU DGE BA MA YIN NO, ,GO DA DANG NI RI BONG SBRUL, ,DZA BA KA NI MING THOS DGE ,MTHONG DANG SGRA SGROGS MA YIN NO, ,ZHES BYA BA LA, YANG 'GRO BA'I TSE SROG CHAGS GO DA LA SOGS PA'I MING SGROGS PA THOS PA NI, DGE BA YIN GYI, MTHONG BA DANG SGRA SGROGS PA THOS PA NI DGE BA MA YIN NO, ,DRED DANG SPRE'U DE LAS BZLOG ,CES BYA BA LA, DRED DANG SPRE'U DAG NI GONG MA DE LAS BZLOG PA STE, MTHONG BA DANG SGRA SGROGS PA THOS PA NI DGE BA YIN GYI, MI SGROGS PA THOS PA NI DGE BA MA YIN NO, ,
DPRAL BA'I PHYOGS SU 'JA' TSON MTHONG, ,MI SHIS RGYAB TU MTHONG NA SHIS, ,ZHES BYA BA LA, 'JA' TSON DPRAL BA'I PHYOGS KYI DRANG THAD NA MDUN NA GNAS PA NI MI SHIS PA YIN LA, MDUN DU PHYOGS PA MA GTOGS PA RGYAB TU GNAS SHING 'CHAR BA NI DGE ZHING SHIS PA YIN NO; ,ME YIS GANG BA'I SNOD DAG NI, ,CHAG DANG KHONG STONG GNAS PA DANG, ,ZHES BYA BA LA, LAM DU 'GRO BA NA MES GANG BA'I SNOD LHUNG ZHING CHAG PAR GYUR PA'AM, KHONG STONG DU GNAS NA NI MI SHIS PA YIN NO, ,NAD PA 'CHI 'GYUR KHYIM DU NI, ,SMAN PA 'JUG PAR BYED PA'I TSE, ,ZHO SOGS BKRA SHIS 'OG NAS BSHAD, ,GANG BA'I SNOD PHYIR BYUNG MTHONG DANG, ,ZHES BYA BA LA, NAD PA 'CHI BAR 'GYUR ZHING NYE BAR SROG DANG 'BRAL BAR 'GYUR BA'I KHYIM DU SMAN PA 'JUG PAR BYED PA NA, DUS DE NYID KYI NAD PA'I KHYIM NAS ZHO DANG 'BRU LA SOGS PAS GANG BA'I SNOD 'OG NAS 'BYUNG BA'I BKRA SHIS KYI RDZAS GANG YANG RUNG BA PHYIR 'BYUNG BAR MTHONG NA YANG MI SHIS PA YIN NO, ,PHO NYA LA SOGS MI SHIS MTHONG, ,DE LTA'I NAD PA SPANG BAR BYA, ,DE LAS GZHAN PAR SNYING RJE'I RGYUD, ,DAG PAS 'BAD DE GSO BAR BYA'O, ,ZHES BYA BA LA, PHO NYA LA SOGS PA JI SKAD SMOS PA LTA BU BKRA MI SHIS PA MTHONG NA NAD PA DE SMAN PAS SPANG BAR BYA ZHING GSO BAR MI BYA'O, ,DE LAS GZHAN PA PHO NYA LA SOGS PA BKRA SHIS PA'I RNAM PA MTHONG NA, SMAN PAS SNYING BRTZE ZHING PHAN PAR 'DOD PAS, SEMS KYI RGYUD DAG CING SKYON MED PAR BYA STE, MA YENGS SHING 'BAD PAS NAD DE GSO BAR BYA'O, ,ZHO 'BRU BU RAM SHING DANG KHRE, ,SBRANG RTZI ZHUN MAR PRI YANG KU, ,NAS THUG DNGUL RDO BUM PA DANG, ,DRIL BU MAR ME CHU SKYES DANG, ,D'UR BA NYA DANG SHA RLON DANG, ,'BRAS YOS 'BRAS BU KHA ZAS DANG, ,BUM PA RIN PO CHE YIS GANG, ,BU MO GZHON DANG SHING RTA DANG, ,MI NI GO 'PHANG MTHO BA DANG, ,LHA RNAMS DANG NI RGYAL PO DANG, ,GOS DKAR GYON DANG ME TOG DKAR, ,KHYIM DANG RNGA YAB RTA DKAR MTHONG, ,DAM PA BRAM ZE GTZUG TOR DUNG, ,RTA BABS DANG NI G-YUNG DRUNG DANG, SA NI BRKOS
, ,PAR GYUR PA DANG, ,ME NI RAB TU 'BAR BA DANG, ,BZA' BTUNG YID DU 'ONG BA DANG, ,MI YIS SHING RTA LEGS GANG DANG, ,BA NI BE'U DANG BCAS PA 'AM, ,RGOD MA BUD MED BU BTZAS DANG, ,SHANG SHANG TE'U SHA BKRA DANG, ,DANG PA KHU BYUG RMA BYA DANG, ,SA RA SA NI SGRA SNYAN SGROGS, ,DE BZHIN PHYUGS GCIG BTAGS PA DANG, ,GDU BU ME LONG YUNGS KAR DANG, ,GI WANG RNAMS NI MTHONG BA DANG, ,BYUG PA DRI ZHIM GYIS BYUGS DANG, ,KHU BA DKAR ZHING MNGAR BA DANG, ,KHYU MCHOG DE BZHIN BA LANG RNAMS, ,RJES SU MTHUN PA'I SGRA SGROGS DANG, ,RI DAGS BYA DANG MI RNAMS NI, ,YID 'ONG SGRA SNYAN SMRA BA YI, ,GDUGS DANG RGYAL MTSAN BA DAN BSGRENG, ,MNGON PAR BSTOD PAR BYED PA DANG, ,RDZA RNGA DUNG DANG RNGA BO CHE, ,SGRA DANG BKRA SHIS SGRA SGROGS PA, ,BRAM ZE RIG BYED 'DON PA DANG, ,BDE BA'I RLUNG NI RJES MTHUN RGYU, ,LAM DANG KHYIM DU 'JUG TSE YOD, ,NAD SOS MTSAN NYID YIN ZHES BYA, ,ZHES BYA BA LA, ZHO LA SOGS PA'I BKRA SHIS KYI RDZAS MTHONG BA DANG REG PA DANG, MIS THOGS PA DAG LAM DU 'GRO ZHING RGYU BA DAG KHYIM GYI NANG DU 'GRO BA YOD NA, NAD PA DE NAD SOS PA'I MTSAN NYID YIN PAR SHES PAR BYA'O, ,'BRU NI NAS LA BYA'O, ,LA LA NI 'BRAS LA BYA'O, ,ZHES ZER RO, ,BU RAM SHING NI PON DA LA SOGS PA SBOM PHRAS PHYE BA'O, ,KHRE NI 'BRU'I KHYAD PAR RO, ,CHU SKYES NI PADMA LA SOGS PA'O, ,NYA DANG SHA NI GNYI GA RLON PA'O, , KHA ZAS NI ZAS GANG YANG RUNG BA'O, ,RIN PO CHE NI BEE d'URYA LA SOGS PA'O, ,MI GO 'PHANG MTHO BA NI SHES RAB DANG, THOS PA DANG, GTONG BA DANG, DPA' RTZAL DANG, RGYAL POS BKUR BA LA SOGS PA'O, ,NYIN RE ZHING 'PHEL ZHING RGYAS PA'I SKYES BU MTHONG NA YANG SHIS PA YIN NO, ,DE BZHIN DU LHA'I SKU GZUGS MTHONG BA DANG, RGYAL PO MTHONG BA DANG, GOS DKAR PO GON PA DANG, SU MA NA LA SOGS PA'I ME TOG DKAR PO MTHONG BA YANG SHIS PA YIN NO, ,DAM PA NI CHOS DANG LDAN PA'I SKYES BU'O, ,GTZUG TOR NI MGO LA SOGS PA'O, ,
RTA BABS NI LHA'I KHANG PA LA SOGS PA'I MDUN DU SHING RGYAN CAN BSGRENG BA'O, ,G-YUNG DRUNG NI BKRA SHIS ZHES BYA BA'I MTSAN MA'O, ,SHING RTA LEGS PAR GANG BA NI BKRA SHIS PAR GNAS PA'O, ,PHYUGS GCIG BTAGS PA NI RA LA SOGS PA'I PHYUGS GCIG BRTOD PA'O, , GDU BU NI RGYAN GYI DAM PA'O, ,KHYU MCHOG DANG BA LANG RNAMS RJES SU MTHUN PA'I SGRA SGROGS PA NI, KHROS SHING 'KHRUGS PA'I SGRA MA YIN PA'I SGRA 'DON PA'O, ,YANG DE BZHIN DU RI DAGS LA SOGS PA YID DU 'ONG BA'I SKAD SGROGS PA NI BKRA SHIS PAR SMRA BA'O, ,GDUGS LA SOGS PA BSGRENG BA NI GYEN DU GDEGS PA'O, ,BA DAN NI RNAM PAR RGYAL BA'I BA DAN NO, ,DE BZHIN DU MNGON PAR BSTOD PA NI GANG RGYAL PO LA SOGS PA'I 'KHOR GYI TSOGS BKRA SHIS SMRA BA LA SOGS PA'O, ,RGYAL BAR GYUR CIG RGYAL BAR GYUR CIG CES BYA BA LA SOGS PA SMRA BA'I SGRA DANG, RDZA RNGA LA SOGS PA'I SGRA GRAG PA DANG, DE BZHIN DU BRAM ZE RIG BYED 'DON PA'I SGRA GRAG PA DANG, DE BZHIN DU RLUNG RTZUB CING RDUL CAN MA YIN PA BDE BA DANG LDAN ZHING RJES SU MTHUN PAR RGYU ZHING LDANG BA STE, DE DAG THAMS CAD MTHONG BA DANG, REG PA DANG, SMRA BA'I SGRA SGROGS PA BKRA MI SHIS PA'I RNAM PA BSAL ZHING SPANGS NAS, NAD SOS PA LA SOGS PA'I YON TAN GYI MCHOG STON PA YIN NO, ,TSIG GI DON GZHAN DAG NI GO BAR ZAD DO, ,DE LTAR PHO NYA DGE BSHAD NAS, DE 'OG RMI LAM BSHAD BYA STE, ,ZHES BYA BA LA; DE LTAR ZHES BYA BA'I SGRA NI RDZOGS PA'I TSIG GO, ,PHO NYA NI YA MTSAN CAN LA SOGS PA'I PHO NYA'O, ,ZHO LA SOGS PA NI LTAS DGE BA STE, DE DAG BSHAD NAS, DE'I 'OG TU RMI LAM GYI MTSAN MA DGE BA DANG, MI DGE BA STON PAR BYED PA BSHAD PAR BYA'O, ,ZHES BYA BA'I DON NO, ,RMI LAM SHI BA'I MI RNAMS DANG, ,LHAN CIG CHANG 'THUNG KHYIS DRANGS GANG, ,MI DE RIMS KYI GZUGS CAN GYI, ,'CHI BDAG GIS NI MYUR KHYER 'GYUR, ,ZHES BYA BA LA, MI GANG ZHIG LEGS PAR GNYID KYIS LOG PA'I RMI LAM DU SNGON CHAD SHI BA'I MI RNAMS
, ,DANG LHAN CIG TU CHANG 'THUNG ZHING KHYIS DRANGS SHING DRUD PAR RMIS PA'I MI GANG YIN PA DE NI, RING PO MI THOGS PAR RIMS GYI GZUGS CAN GYI 'CHI BDAG GIS KHYER ZHING DBANG DU 'GYUR RO, ,LUS DANG GOS DANG PHRENG BA DMAR, ,BUD MED RGOD PAS DRANGS RMIS GANG; ,DE NI KHRAG MKHRIS DAG GIS 'CHI, ,ZHES BYA BA LA, YANG MI GANG ZHIG LUS KYI MDOG DMAR BA DANG, PHRENG BA DMAR ZHING BUD MED RGOD PAS DBANG MED PAR DRANGS PAR RMIS NA MI DE NI KHRAG DANG MKHRIS PA'I 'CHI BDAG GIS KHYER BAR 'GYUR RO, ,MA HE RTA PHAG BONG BU DANG, ,RNGA MO ZHON TE LHO PHYOGS 'GRO, ,DE NI GCONG CHEN NAD KYIS 'CHI, ,ZHES BYA BA LA, YANG MI GANG ZHIG MA HE LA SOGS PA GANG YANG RUNG BA LA ZHON TE LHO PHYOGS GSHIN RJE'I GNAS SU 'GRO NA, DE NI GCONG CHEN PO'I NAD KYIS 'CHI BAR 'GYUR RO, ,LCUG MA TSER CAN 'OD MA'AM, ,TA LA SNYING GAR SKYES PA RMI, ,GANG YIN DE NI SKRAN GYIS 'CHI, ,ZHES BYA BA LA, YANG MI GANG LCUG MA TSER MA CAN SNYING GAR SKYES PA RMI BA'AM, 'OD MA'AM, TA LA'I SHING SNYING GAR SKYES PA RMI NA SKRAN GYI GZUGS CAN GYI 'CHI BDAG GIS 'CHI BAR 'GYUR RO, , GANG ZHIG ME NI MI 'BAR LA, ,SBYIN SREG BYED CING MAR GYIS BSKUS, ,GCER BUR 'DUG DANG PADMA NI, ,SNYING GAR BYUNG RMI MDZE YIS 'CHI, ,ZHES BYA BA LA, YANG MI GANG ZHIG ME MI 'BAR BA STE, ME LCE MED PA LA SBYIN SREG BYED PAR RMI BA DANG, MAR GYIS LUS BSKUS SHING GCER BUR 'DUG LA, PADMA SNYING GA NAS BYUNG ZHING SKYE BAR RMIS NA, DE MDZE NAD KYIS 'CHI BA'I DUS BYED PAR 'GYUR RO, ,GANG ZHIG SME SHA CAN LHAN CIG ,SNUM MANG 'THUNG BAR RMI BA DE, ,GCIN NAD KYIS NI 'CHI BAR 'GYUR, ,ZHES BYA BA LA, YANG MI GANG ZHIG RIGS NGAN SME SHA CAN GYI RIGS DANG LHAN CIG MAR DANG, TIL MAR LA SOGS PA'I SNUM MANG PO 'THUNG BAR RMIS NA, DE GCIN NAD KYI GZUGS CAN GYI 'CHI BDAG GIS KHYER ZHING DBANG DU BYAS PAR 'GYUR RO, ,SRIN PO LHAN CIG GAR BYED CING, ,CHU LA BYING RMI SMYO BYED 'DZIN, ,ZHES BYA BA LA,
YANG MI GANG ZHIG SRIN PO RNAMS DANG LHAN CIG GAR GYI BYA BA BYED CING CHU LA NUB PA RMIS NA, SMYO BYED KYI GZUGS CAN GYI 'CHI BDAG GIS KHYER BAR 'GYUR RO, ,RA RO GAR BYED SHI BA YI, ,MIS KHYER RMI BA BRJED BYED 'DZIN, ,ZHES BYA BA LA, YANG GANG ZHIG RMI LAM GYI NANG DU RA RO ZHING GAR BYED LA 'CHI BA'I MIS KHYER ZHING KHRID PAR RMI BA DE BRJED BYED KYI GDON GYIS BZUNG NAS 'CHI BAR 'GYUR RO, ,BONG BU RNGA MO BYI LA SPRE'U, ,SENG GE STAG DANG KHVA DAG DANG, ,WA 'AM MI RO LA ZHON RMIS, ,DE NI 'CHI BDAG KHAR SONG YIN, ,ZHES BYA BA LA, YANG MI GANG ZHIG RMI LAM DU BONG BU LA SOGS PA LA ZHON PA RMIS PA DE NI 'CHI BDAG GI KHA'I NANG DU SON CING CHUD PA YIN NO, ,SNUM KHUR SHA KHU LI ZOS RMIS, ,SAD NAS DE 'DRA SLON GYUR PA, ,GANG YIN DE NI 'TSO MI 'GYUR, ,ZHES BYA BA LA, YANG DAG GI RMI LAM DU SNUM KHUR LA SOGS PA ZOS PA RMIS NAS, SAD PA'I 'OG TU SNUM KHUR LA SOGS PA DE 'DRA SLON PAR GYUR NA DE 'CHI BAR 'GYUR RO, ,NYI ZLA GZAS ZIN RMIS MIG NA, ,NYI MA ZLA BA LTUNG BA YI, ,RMI LAM MTHONG NA LONG BAR 'GYUR, ,ZHES BYA BA LA, YANG GANG GI RMI LAM DU NYI MA DANG ZLA BA GZAS BZUNG ZHING DMAR BA RMIS NA, DE MIG NAD KYIS BTAB PAR 'GYUR RO, ,YANG NYI MA DANG ZLA BA DE NYID SA LA LHUNG BA RMI LAM DU MTHONG BAR 'GYUR NA, DE GTAN DU LONG BAR 'GYUR ZHING MTHONG BA NYAMS PAR 'GYUR RO, ,SPYI BOR 'OD MA'I LCUG SOGS SKYES, ,DE BZHIN BYA ROG TSANG 'CHA' DANG; ,MGO BO CHAD PAR RMIS PA DANG, ,KHVA DANG BYA ROG SOGS KYIS BSKOR, ,ZHES BYA BA LA, GANG DAG GI RMI LAM DU 'OD MA LA SOGS PA'I SHING GI LCUG MA SKYES PA NAS, BYA ROG DANG 'UG PA LA SOGS PA'I SROG CHAGS KYIS BSKOR BA'I BAR DE DAG KYANG MI 'TSO'O, ,DE BZHIN YI DAGS SHA ZA MA, ,BYAD MA SME SHA CAN GYIS BSKOR, ,ZHES BYA BA LA, DE BZHIN DU YI DAGS NAS SME SHA CAN GYIS BSKOR BA RMI BA YANG MI 'TSO'O, ,'OD MA'I TSAL DANG TSER MA DANG, ,RTZVA YI TSANG TSING NANG DU CHUD, ,CES BYA BA LA, 'OD MA'I TSAL LA SOGS PA'I TSANG TSING SHIN TU
, ,STUG PA'I NANG DU CHUD CING NYAM THAG PAR RMIS PA YANG MI 'TSO'O, ,G-YANG SAR LHUNG DANG DUR KHROD NYAL, ,PHYAG DAR THAL BA'I NANG DU LHUNG, ,ZHES BYA BA LA, G-YANG SA'I KHROD DU LHUNG BA DANG, DUR KHROD DANG DUR SA'I NANG DU NYAL BAR RMIS PA DANG, PHYAG DAR RAM THAL BA'I PHUNG PO'I NANG DU LHUNG BAR RMIS PA DE YANG MI 'TSO'O, ,CHU DANG 'DAM LA SOGS PAR NUB, ,CHU RGYUN GYIS NI MYUR DU KHYER, ,ZHES BYA BA LA, YANG MI GANG ZHIG CHU LA SOGS PA'I NANG DU NUB CING BYING BA'AM, CHU RGYUN 'BAB PA'I SHUGS KYIS MYUR DU KHYER BAR RMI NA DE YANG MI 'TSO'O, ,GLU GAR DANG NI ROL MO DANG, ,GOS DANG PHRENG BA DMAR PO 'CHANG, ,ZHES BYA BA LA, NAD PA'I RMI LAM DU GLU LEN PA LA SOGS PA RMI ZHING GOS LA SOGS PA DMAR PO 'CHANG BA YANG MI SHIS TE 'CHI BAR 'GYUR BA YIN NO, ,LUS 'PHEL NA TSOD RGAS PA DANG, ,BAG MA LEN ZHING KHA SPU 'DREG ,CES BYA BA LA, YANG RMI LAM DU LUS KYI YAN LAG 'PHEL BA DANG, NA TSOD RGAS PA DANG, BAG MA LEN CING 'DUS PA DANG, SKRA DANG KHA SPU 'DREG PA RMI BA YANG MI SHIS PA YIN NO, ,ZAS BTZOS SNUM ZA CHANG 'THUNGS DANG; ,SKYUGS DANG 'KHRU BA RMI BA DANG, ,ZHES BYA BA LA, YANG DE BZHIN DU KHA ZAS BTZOS PA DANG, SNUM BAG ZA BA DANG, CHANG MANG PO 'THUNGS PA DANG, SKYUGS PA DANG, 'KHRU BA RMI BA YANG MI SHIS PA YIN NO, ,LCAGS DANG GSER DAG RNYED PA DANG, ,BTZONG DANG RTZOD LAS PHAM PA DANG, ,ZHES BYA BA LA, RMI LAM DU LCAGS DANG GSER GNYIS RNYED PA DANG, BTZONG BA DANG, RTZOD CING 'THAB PA LAS PHAM PAR 'GYUR BA RMI NA YANG MI DGE'O, ,MCHIL LHAM GNYIS NI STOR BA DANG, ,RKANG PAGS LHUNG BA RMI BA DANG, ,ZHES BYA BA LA, LHAM MAM MCHIL LHAM GNYIS STOR BA RMIS PA'AM, DE BZHIN DU RKANG PA GNYIS KYI PAGS PA SA LA LTUNG BAR RMI BA YANG MI DGE BA YIN NO, ,SHIN TU DGA' DANG RAB KHROS PA'I, ,SHI BA'I GNYEN GYIS SPYOS PA DANG, ,ZHES BYA BA LA, RMI LAM DU SHIN TU DGA' ZHING RANGS PA DANG, RAB TU
KHROS SHING 'KHRUGS PA'I SNGON CHAD SHI BA'I NYE DU PHA MA LA SOGS PAS YID SPYOS PA RMIS PA YANG MI DGE'O, ,MAR ME GZA' DANG SKRAR MA DANG, ,SO MIG LHA YI GZUGS RNAMS NI, ,LHUNG BA 'AM 'JIG PA RMIS PA 'AM, ,RI BO RAL BAR GYUR PA DANG, ,ZHES BYA BA LA, RMI LAM GYI NANG DU MAR ME LA SOGS PA LHUNG ZHING 'GYEL BA 'AM, 'JIG CING BRLAG PAR RMIS PA YANG SHIN TU MI DGE BA YIN NO, ,DE BZHIN DU RI BO RAL ZHING 'JIG PA RMIS PA YANG MI SHIS PA YIN NO, ,NAGS TSAL 'BAR BA'I NANG DANG NI, ,SDIG CAN KHYIM DU 'JUG PA DANG, , RO BSREGS PA DANG MUN PAR ZHUGS, ,MA YI MNGAL DU ZHUGS PA DANG, ,ZHES BYA BA LA, NAGS TSAL ME TOG 'BAR BA'I NANG DU 'JUG PA DANG, DE BZHIN DU RKUN PO LA SOGS PA SDIG CAN GYI KHYIM DU 'JUG PA DANG, DE BZHIN DU RO BSREGS PA'I GNAS DANG, MUN PAR ZHUGS SHING CHUD PA DANG, MA'I MNGAL DU SLAR ZHUGS SHING GNAS PAR RMIS PA YANG RMI LAM MI DGE BA YIN NO, ,BRAG DANG KHANG PAR SAR LHUNG DANG, ,DE BZHIN NYA YIS MID PA DANG, ,ZHES BYA BA LA, BRAG GI RTZE DANG KHANG PA BRTZEGS MA DANG, GZHAN YANG DE LTA BU'I GNAS MTHON PO NAS LHUNG BA RMIS PA DANG, DE BZHIN DU NYAS MED CING ZOS PA RMIS PA YANG SHIS PA MA YIN NO, ,CHOS GOS GYON PA'I MI SRUN DANG, ,GCER BU DBYUG PA THOGS PA DANG, ,MIG DMAR KHA DOG GNAG PA NI, ,MTHONG BA GANG YANG SHIS MA YIN, , ZHES BYA BA LA, CHOS GOS TSON CAN GYON PA DANG, GZUGS SHIN TU MI SDUG PA DANG, MI SRUN PAR STON PA DANG, GCER BU GOS MED PA DANG, LAG NA DBYUG PA THOGS PA DANG, SKYES BU MIG DMAR ZHING KHA DOG SHIN TU GNAG PA'I GZUGS RMI LAM DU MTHONG BA STE, DE DAG NI NAM YANG BKRA SHIS SHING DGE BAR 'GYUR BA MA YIN NO, ,BUD MED SDIG CAN GDONG GNAG DANG, ,SKRA DANG SEN MO NU MA RING, ,GOS DANG PHRENG BA DMAR PO THOGS, ,RMIS PA DUS MTSAN YIN PAR 'DOD, ,CES BYA BA LA, RMI LAM GYI NANG DU BUD MED SDIG CAN MI SRUN PA'I
, ,BZHIN RAS CAN SNAG TSA LTAR GNAG PA, SKRA DANG SEN MO DANG NU MA RING ZHING 'PHYANG BA, GOS LA SOGS PA DMAR PO GYON ZHING THOGS PA RMI LAM DU RMIS PA NI DUS MTSAN TE, DE NI GSHIN RJE'I 'KHOR DUS MTSAN ZHES BYA BA YIN PAR SLOB DPON DAG 'DOD DO; ,NAD NI STOBS DANG LDAN PA YIS, ,YID 'JUG BU GA BKAG PA'I PHYIR, ,MI BZAD RMI LAM MTHONG 'GYUR TE, ,NAD PA 'CHI BAR 'GYUR BA YIN, ,NAD MED THE TSOM BCAS GYUR ZHING, ,'GA' ZHIG THAR BAR 'GYUR BA YIN, ,ZHES BYA BA LA, RLUNG DANG MKHRIS PA DANG BAD KAN GYI NAD KYI DRI MA STOBS DANG LDAN ZHING SHIN TU SHAS CHE BAR GYUR PAS, YID CHES PAR BYA BA SEMS GANG DU 'JUG CING RGYU BA'I BU GA'I RGYUN SRANG NAD KYIS BKAG CING, GANG GI PHYIR MI BZAD CING GNOD PA BYED LA, BKRA MI SHIS PAR 'GYUR BA'I RMI LAM MTHONG BAR 'GYUR LA, DE LTA BU GANG ZHIG MTHONG BA DE NAD KYIS NYAM THAG PA'I NAD PA NI 'CHI BAR 'GYUR LA, GANG ZHIG NAD MED CING THA MAL PAR GNAS PAS RMI LAM DE LTA BU MTHONG BAR GYUR NA, DUS GZHAN ZHIG NA NAD KYIS BTAB NAS 'CHI BA 'AM 'TSO BA GTOL MED PA'I THE TSOM DANG BCAS PAR 'GYUR LA; DE LAS KYANG 'GA' ZHIG RMI LAM NGAN PA ZHI BAR 'GYUR BA'I RGYU BSTEN PA'I SHUGS KYIS 'CHI BA LAS THAR BAR 'GYUR ZHING 'TSO BAR 'GYUR BA YIN NO, ,MTHONG DANG THOS DANG NYAMS MYONG DANG, ,GSOL BA BTAB DANG BRTAGS PA DANG, ,'BYUNG BAR 'GYUR DANG NAD LAS BYUNG; ,RMI LAM RNAM PA BDUN DU BSHAD, ,CES BYA BA LA, RMI LAM GYI DBYE BA NI MTHONG BA LA SOGS PA'I RNAM PAS RNAM PA BDUN DU YOD DO, ,DE LA MTHONG BA'I RMI LAM NI GNYID KYIS MA LOG PA'I GNAS SKABS SU MIG GIS MTHONG ZHING NYAMS SU MYONG BA DE RMI LAM GYI GNAS SKABS SU DE 'DRA BA'I RNAM PAR RMIS PA MTHONG BA'O, ,THOS PA NI RNA BA'I DBANG POS SGRA TZAM DU THOS PA'O, ,NYAMS SU MYONG BA NI RIG PA'I TSUL GYIS NYAMS SU MYONG BA'O, ,GSOL BA BTAB PA NI, DON DU GNYER ZHING YID LA 'DOD PA'I DON GSOL BA BTAB PA'O, ,
BRTAGS PA YID KYIS JI LTAR 'DOD PA BZHIN DU BRTAGS SHING YID LA BYED PA'O, ,'BYUNG BAR 'GYUR BA NI PHYIS NGES PAR 'BYUNG BAR 'GYUR BA'O, ,NAD LAS BYUNG BA NI RLUNG DANG, MKHRIS PA DANG BAD KAN LAS BYUNG BAR GYUR PA'O, ,DE LAS DANG PO'I LNGA PO DANG; ,RANG GI RANG BZHIN NYIN MO BRJED, ,SHIN TU RING THUNG 'BRAS BU MED, ,CHA 'DRES PA YI RANG BZHIN CAN, ,ZHES BYA BA LA, RMI LAM DE DAG GI NANG NAS, DANG PO'I RMI LAM LNGA PO MTHONG BA LA SOGS PA LNGA NI 'BRAS BU MED CING MI BDEN PA YIN NO, ,DE BZHIN DU RANG GI RANG BZHIN GYI NAD GZHI LAS BYUNG BA DANG, RJES SU MTHUN PA DE YANG 'BRAS BU MED PA YIN TE, RLUNG GI RANG BZHIN CAN LA RLUNG GI RANG BZHIN DANG MTHUN PA RMIS PA'I RMI LAM DANG, MKHRIS PA'I RANG BZHIN CAN LA MKHRIS PA DANG RJES SU MTHUN PA'I RMI LAM NAS, CHA 'DRES PA'I RANG BZHIN CAN LA, CHA 'DRES PA'I RANG BZHIN CAN GYI RMI LAM RMIS PA YANG DON MED PA YIN NO, ,DE BZHIN DU NYIN MO RMIS PA YANG RMIS NAS BRJED PA DANG, SHIN TU YUN RING PA DANG, SHIN TU YUN THUNG BA YANG 'BRAS BU MED PA YIN NO, ,MTSAN STOD RMI LAM 'BRAS BU RING, ,MTHONG BA CHUNG NGU BYED PA YIN, ,ZHES BYA BA LA, MTSAN STOD PHYED PA YAN CHAD RMI LAM RMIS PA NI DE'I 'BRAS BU THAG RING BA YIN LA, MTHONG BA DE YANG SHAS CHUNG ZHING MTHONG BA ZHAN PA YIN NO, ,NANG PAR MTHONG DANG GNYID MA LOG ,MI MTHUN GTAM GYIS BAR MA CHOD, ,DE YI NYIN PAR 'BRAS CHEN 'GYUR, ,ZHES BYA BA LA, NANG PAR BA LANG GZAS LA GTONG BA'I TSE, RMI LAM MTHONG BA DE NI, DE'I NYIN PAR NYID 'BRAS BU CHEN PO MTHONG BA YIN NO, ,YANG RMI LAM DE MTHONG NAS GNYID KYIS MA LOG CING RMI LAM GZHAN GYIS BAR MA CHOD PA DANG, DE BZHIN DU DE DANG MI MTHUN PA'I TSIG GIS CHOD PAR MA GYUR NA, DE DE'I NYIN PAR MTHONG ZHING 'BRAS BU DANG YANG BCAS PA YIN NO, ,SBYIN DANG SBYIN SREG LA SOGS KYIS, ,RMI LAM 'BRAS BU CHUNG BAR 'GYUR, ,ZHES BYA BA LA, GAL TE RMI LAM NGAN PA ZHIG RMIS NA
, ,DE'I RJES LA DE ZHI BAR BYA BA'I PHYIR SBYIN SREG LA SOGS PA BYAS NA, RMI LAM NGAN PA DE 'BRAS BU CHUNG BAR 'GYUR RO, ,SOGS PA SMOS PAS NI BRTUL ZHUGS DANG GTZANG SBRA DANG SEMS NANG DU 'DU ZHING BSAM GTAN LA MNYAM PAR 'JOG PA DANG, TING NGE 'DZIN DANG, BKRA SHIS KYI CHO GA BYAS PA LA SOGS PA BSDU'O, ,GANG ZHIG RMI LAM NGAN MTHONG NAS, ,SLAR YANG GNAS SKABS DE NYID DU, ,RMI LAM BZANG PO MTHONG GYUR NA, ,'BRAS BU BZANG PO NYID THOB 'GYUR, ,ZHES BYA BA LA, GANG ZHIG GIS RMI LAM NGAN ZHING MI DGE BA MTHONG ZHING RMIS NAS YANG GNAS SKABS DE NYID DU RMI LAM NGAN PA'I RJES LA RMI LAM BZANG ZHING DGE BAR GYUR PA MTHONG NA, SKYES BU DES 'BRAS BU BZANG PO NYID 'THOB PAR 'GYUR GYI, RMI LAM NGAN PA'I DBANG DU MI 'GYUR RO, ,LHA DANG BRAM ZE KHYU MCHOG DANG, ,BA LANG RGYAL PO MDZA' BSHES GSON, ,SKYES BU DAM PA GRAGS LDAN DANG, ,ME 'BAR BA DANG DANGS PA'I MTSO, ,BU MO KHYE'U SER BA DANG, ,GOS DKAR GYON ZHING MDANGS DANG LDAN, ,SKYES BUS BZA' DANG LUS 'BAR DANG, ,KHRAG GIS LUS KUN BYUGS PA DAG ,GANG GIS MTHONG BAR GYUR PA DANG, ,ZHES BYA BA LA, LHA LA SOGS PA'I RMI LAM BZANG PO 'DI LTA BU GANG GIS MTHONG BA DE TSE RING BA LA SOGS PA'I YON TAN THOB PAR 'GYUR RO, ,LHA NI BRGYA BYIN DANG CHU LHA LA SOGS PA'O, ,MDZA' BSHES NI MDZA' BO STE DE YANG GSON PO'O, ,SKYES BU DAM PA NI CHOS DANG LDAN PA'I NGANG TSUL CAN NO, ,GRAGS LDAN NI SNYAN PAS KUN TU KHYAB PA'I MI'O, ,ME 'BAR BA NI SHING MANG PO DANG BCAS SHING 'BAR BA'O, ,DANGS PA'I MTSO NI RNYOG PA MED PA'I MTSO'O, ,BU MO DANG KHYE'U NI NA TSOD DANG PO LA GNAS PA STE, DE YANG KHA DOG SER BA DANG, GOS DKAR PO GYON ZHING MDANGS DANG LDAN ZHING GZUGS BZANG BA'O, ,SKYES BU ZA BA NI MI'I ZAS ZA BA'O, ,LUS 'BAR BA NI LUS ME'I PHUNG PO LTAR 'BAR BA'O, ,KHRAG GIS LUS KUN BSGOS PA NI KHRAG GIS BSGOS SHING BYUGS PA STE, DE LTA BU'I RNAM PA GANG GIS RMI LAM DU MTHONG BA DE NI DGE BA YIN NO, ,GDUGS
DANG SHA RLON ME LONG DUG ,SNA MA DKAR POS GOS PA DANG, ,MI GTZANG GIS BYUGS 'BRAS BU RNYED, ,CES BYA BA LA, YANG SKYES BU GANG ZHIG RMI LAM GYI NANG DU GDUGS LA SOGS PA RNYED PA RMIS PA DES KYANG TSE RING BA LA SOGS PA THOB BAR 'GYUR RO, ,DUG NI HA LA HA LA 'AM BTZAN DUG LA SOGS PA'O, ,SNA MA'I ME TOG DKAR PO NI BAR BAR NA KHA DOG RNAM PA BZHI DANG LDAN PA'O, ,MI GTZANG BAS BYUGS PA NI BSHANG BAS LUS LA BYUGS PA'O, ,'BRAS BU NI AA MRA'I SHING THOG DANG, SKYU RU RA DANG, STARGA'I 'BRAS BU LA SOGS PA'O, , RI BO KHANG BZANGS 'BRAS BCAS SHING, ,'DZEG DANG SENG GE GLANG CHEN RMI, ,RTA DANG BA LANG DAG LA ZHON, ,ZHES BYA BA LA, RMI LAM DU RI BOR 'DZEG PA LA SOGS PA RMIS PA YANG BDE BA THOB PAR 'GYUR RO, ,RI BO NI BRAG RI'O, ,KHANG BZANGS NI KHANG PA BRTZEGS PA'I STENG NGO, ,'BRAS BU DANG BCAS PA'I SHING NI SHING TOG PHUN SUM TSOGS PA DANG LDAN PA STE, DE DAG LA 'DZEG PA DANG, CHU BO MTSO BRAN RGYA MTSO BRGAL, ,ZHES BYA BA LA, YANG MI GANG ZHIG RMI LAM DU CHU BO LA SOGS PA LAS BRGAL ZHING THAR BAR RMIS PA DE YANG BDE BA THOB PAR 'GYUR RO, ,SHAR DANG BYANG DU 'GRO BA DANG, ,BGROD MIN 'GRO DANG SHI BA DANG, ,ZHES BYA BA LA, YANG MI GANG SHAR RAM BYANG GI LAM DU RMI LAM DU 'GRO BA RMI BA DANG, BGROD MIN 'GRO BA STE, RANG DANG RIS MI MTHUN PA'AM, GDOL PA LA SOGS PA SPYOD PA RMIS PA DANG; BDAG NYID SHI BAR RMI BA DE YANG TSE RING BA LA SOGS PA THOB PAR 'GYUR RO, ,NYAM NGA LAS THAR LHA RNAMS DANG, ,PHA MAS MNGON PAR BSTOD PA DANG, ,NGU DANG LHUNG LAS LDANG BA DANG, ,DGRA BO PHAM PAR BYAS PA NI, ,GANG RMIS TSE RING NAD MED DANG, ,NOR MANG PO NI RNYED PAR 'GYUR, ,ZHES BYA BA LA, YANG GANG ZHIG NYAM NGA ZHING DGOS PA'I GNAS LAS THAR ZHING BYUNG BA DANG, DE BZHIN DU LHA DANG PHAM LA SOGS PAS RMI LAM GYI NANG DU BSTOD PA DANG BKUR BA RMI BA DANG, YANG GANG ZHIG NGU ZHING MCHI MA 'BYIN PA DANG, DE BZHIN DU SA LA LHUNG ZHING 'GYEL BA
, ,LAS LDANG BA DANG, DE BZHIN DU SDANG BAR SEMS PA'I DGRA BO PHAM PAR BYAS PA'I RMI LAM SKYES BU GANG ZHIG RMIS PAR BYAS PA DE TSE STE SROG GNAS PA DANG, NAD MED PA STE BDE BAR GNAS PA DANG, NOR DANG 'BYOR PA MANG PO RNYED CING THOB PAR 'GYUR RO, , DE BZHIN NAD PA'I G-YOG 'KHOR NI, ,BKRA SHIS CHO GA PHUN SUM TSOGS, ,DAD LDAN RJES SU MTHUN PA DANG, ,NOR MANG BSDUS PAR GYUR PA DANG, ,SNYING STOBS MTSAN NYID DANG LDAN ZHING, ,SMAN PA BRAM ZE SOGS LA GUS, ,GSO DPYAD RNAMS LA SKYO BA MED, ,DE NI NAD MED 'GYUR MTSAN NYID, ,CES BYA BA LA, YANG DE BZHIN DU NYE DU DANG CHUNG MA DANG BRAN LA SOGS PA'I G-YOG 'KHOR YON TAN DANG LDAN PA DANG, BKRA SHIS SHING DAM PA'I SPYOD PA'I CHO GA'I RJES SU MTHUN PA'I YON TAN PHUN SUM TSOGS PA DANG LDAN PA DANG, NAD PA DAD PA DANG LDAN PAS SMAN DPYAD BYAS PAS NGA'I NAD LEGS PAR SOS SO ZHES YID CHES PA DANG LDAN PA DANG, DE BZHIN DU SMAN PA'I MAN NGAG DANG RJES SU MTHUN PAR BYED CING GUS PA DANG, DE BZHIN DU NOR MANG DU BSDUS SHING YO BYAD PHUN SUM TSOGS PA DANG LDAN PA DANG, SNYING STOBS KYI MTSAN NYID GTZANG SBRA DANG YOD PAR LTA BA LA SOGS PA DANG LDAN PA DANG, DE BZHIN DU SMAN PA DANG BRAM ZE LA SOGS PA LA GUS SHING 'DUD PA DANG, DE BZHIN DU GSO DPYAD KYI SBYOR BA SMAN BTUNG BA LA SOGS PA LA SKYO ZHING SGYID LUG PA MED PA STE, 'KHOR DANG RANG GI YON TAN DE LTA BU DANG LDAN PA GANG YIN PA DE NI NAD MED CING BDE BA NYID DU 'GYUR BA'I MTSAN NYID DAM RTAGS YIN NO, ,RTAG TU SHIS PA SDUD PA DANG, ,BKRA MI SHIS PA RNAM PAR SPANG, ,'DI DAG DE NYID MTHONG BA YI, ,DRANG SRONG RNAMS KYIS SHIS PAR BSHAD, ,CES BYA BA LA, YANG DUS RTAG TU BKRA SHIS PAR 'GYUR BA'I DNGOS PO SDUD CING NYE BAR BSAGS PA DANG, BKRA MI SHIS PA'I DNGOS PO NYE BAR SPYOD PA'I MTSAN NYID THAMS CAD NYE BAR SPONG ZHING 'DOR BAR 'GYUR BA STE, SDUD PA DANG SPANG BA 'DI DAG NI DE KHO NA NYID MTHONG ZHING MNGON PAR SHES PA LNGA DANG LDAN PA'I DRANG
SRONG RNAMS KYIS BKRA SHIS SHING DGE BAR 'GYUR BAR BSHAD PA DES KYANG NAD MED PA'I MTSAN NYID DU BSHAD DO, ,DE LTAR 'DI NI SKYE DANG 'CHI, ,MTSAN NYID GANG PHYIR BSHAD PAS NA, ,DE PHYIR LUS KYI GNAS YIN PAS, ,'DI NI LUS KYI GNAS SU BSHAD, ,CES BYA BA LA, DE LTAR ZHES BYA BA'I SGRA NI RDZOGS PA STE, LUS KYI GNAS 'DIR LUS DE'I SKYE BA DANG 'CHI BA'I MTSAN NYID GANG YIN PA GANG GI PHYIR BSHAD CING BSTAN PA NAS, RGYU DE'I PHYIR LUS KYI GNAS KYI SKYE BA DANG 'CHI BA YIN PAS, GNAS 'DI NI LUS KYI GNAS YIN NO ZHES BSHAD CING BSTAN PA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, LUS KYI GNAS KYI LE'U DRUG PA'I RNAM PAR 'GREL PA'O,, ,,LUS KYI GNAS TE GNAS GNYIS PA'I 'GREL PA RDZOGS SO,, ,,DE NAS NAD THAMS CAD KYI NAD GZHI BSHAD PAR BYA'O, ,ZHES BYA BA LA, 'DI BRTZAMS PA'I DGOS PA NI 'DI YIN TE, GONG DU NI LUS THAMS CAD BSHAD PA YIN LA, DE LA RIMS LA SOGS PA'I NAD THAMS CAD 'BYUNG BAR 'GYUR BAS, DE RNAM PAR 'JIG PAS NAD GZHI'I GNAS BSHAD PA YIN NO, ,DE NAS ZHES BYA BA NI SNGAR BSHAD ZIN TO, ,NAD KYANG YIN LA THAMS CAD KYANG YIN PAS NAD THAMS CAD DO, ,RGYU GANG GIS NGES PAR 'BYIN ZHING BSKYED LA 'BYUNG BAR 'GYUR BA NI NAD GZHI STE, DE LTAR NA NAD THAMS CAD 'BYUNG BAR BYED PA'I RGYU GANG YIN PA DE BSHAD PAR BYA'O ZHES PA'O, ,DE YANG RGYUN SHES KYI BU LA SOGS PA DRANG SRONG CHEN PO RNAMS KYIS 'DI SKAD CES BSHAD DO, ,ZHES BYA BA LA SOGS PA'I SKRAS KYANG, NAD DANG SDIG PA RIMS GNOD BYED, ,'GYUR BYED SDUG BSNGAL MA ZHU'I SKYON, ,ZAD BYED 'TSO DKA' MKHUN GNOD SKYED, ,MING GI RNAM GRANGS SGRAS BSHAD DO, ,ZHES BYA BA LA, NAD LA SOGS PA'I SGRA NI GCIG GIS GCIG BSHAD PA'I RNAM GRANGS TSIG DON
, ,GCIG STON PAR BYED PA YIN TE, CI'I PHYIR NAD CES BYA ZHE NA, SDIG PA LA SOGS PA'I MING GI RNAM PAS SDUG BSNGAL BA LA SOGS PA'I DON GYIS NA NAD CES BYA'O, ,NAD GZHI SNGAR BYUNG TSUL DANG NI, ,DE BZHIN TSUL PHYED GOMS BYED DANG, ,DKYIL GYUR SHES PAR BYED PA STE, ,NAD NI RNAM PA LNGAR SHES BYA, ,ZHES BYA BA LA, NAD RNAMS KYI TSUL NI NAD GZHI LAS DKYIL DU GYUR PA'I BAR DU RNAM PA LNGAR SHES SHING RTOGS PAR BYA'O, ,DE DAG GI TSUL YANG JI LTA BU ZHE NA, GZHI DANG RGYU DANG SKYE MCHED DANG, ,RKYEN DANG SLONG BAR BYED PA'I RGYU, ,RNAM GRANGS KYIS NI NAD GZHIR BSHAD, ,CES BYA BA LA SOGS PA'I RNAM GRANGS KYI SGRA 'DI DAG GIS DANG PO NAD GZHI'I MTSAN NYID DRANG SRONG CHEN PO RNAMS KYIS BSHAD CING BSTAN PA YIN NO, ,GANG GIS SNGAR BYUNG TSUL SHES PAS, ,NAD NI 'BYUNG BAR 'DOD 'GYUR LA, , BYE BRAG PHYED PAR MA GYUR PA, ,NAD KYI TSUL NI JI BZHIN PAR, ,CHUNG PHYIR MTSAN NYID MI GSAL BA'O, ,ZHES BYA BA LA, SNGAR BYUNG BA'I TSUL LAM, RTAGS GANG GIS NAD KYI GZHI SNGAR BYUNG BA'I TSUL SHES SHING RTOGS PAR 'GYUR BA NI NAD 'BYUNG ZHING PHYIS MI LDANG BAR NI 'DOD PAR 'GYUR LA, NAD RLUNG LA SOGS PA'I NAD KYI BYE BRAG PHYED CING GSAL BAR MA GYUR LA, RIMS LA SOGS PA'I NAD KYI TSUL PHYIS JI LTA BAR 'BYUNG BA'I MTSAN NYID JI LTA BA BZHIN DU DE'I RTAGS DANG MTSAN NYID MI GSAL ZHING MNGON DU MI SNANG BA DE NI SNGAR BYUNG BA'I TSUL ZHES BYA'O; ,DE NYID GSAL BA NYID GYUR PA, ,TSUL PHYED PA ZHES BYA BAR BSHAD, ,CES BYA BA LA, SNGAR BYUNG BA'I TSUL DE NYID GSAL ZHING BYE BRAG PHYED PAR GYUR PA LA NI NAD KYI TSUL PHYED PA ZHES BYA BAR BSHAD DO, ,DBYIBS DANG GSAL MNGON RTAGS DANG NI, ,MTSAN NYID MTSAN MA RNAMS YIN NO, ,ZHES BYA BA LA, NAD KYI TSUL PHYED PA DE'I MING GI RNAM GRANGS SGRA'I TSUL GZHAN GYIS BSTAN PA NI, ,DBYIBS DANG GSAL BA LA SOGS PA'O, ,RGYU DANG NAD DANG MI MTHUN ZHING, ,MI MTHUN PA YI DON BYED PA'I, ,SMAN DANG ZAS DANG SPYOD LAM RNAMS, ,NYE BAR
BSGYUR BAS BDE GYUR PA, ,NYAMS BRTAS BYED PAR SHES BYA STE, ,DE NI GOMS PA ZHES BYAR BSHAD, ,CES BYA BA LA, GOMS SHING BRTEN PAR BYED PAS NA GOMS PA STE, NYE BAR BSGYUR BA GANG GIS LUS BDE BAR 'GYUR BA DE LA DRANG SRONG RNAMS KYIS GOMS PA ZHES BYA BAR BSHAD DO, ,GANG GIS NYE BAR BSGYUR BA GOMS PA ZHE NA, SMAN LA SOGS PA STE, SMAN NI AA RU RA DANG, SLE TRES LA SOGS PA'O, ,ZAS NI S'A LU RTZA SNAR LA SOGS PA'O, ,SPYOD LAM NI LUS DANG NGAG DANG YID KYI NYE BAR SPYOD PA'I KHYAD PAR TE RTZOL BA DANG, GNYID MA LOG PA DANG, GLU DANG KHA TON 'DON PA DANG, BSAM GTAN LA SOGS PA DANG LDAN PA'O, ,DE DAG KYANG NAD KYI RGYU DANG NAD DANG MI MTHUN PA'I DON BYED CING, NAD GZHIR 'GYUR BA'I TSUL LAS GO BZLOG PA DANG, DE BZHIN DU NAD KYI RGYU DE DAG DANG MI MTHUN PA'I DON BYED PA'O; ,NAD KYI RGYU DANG MI MTHUN PAR BSTEN PA LA, RGYU DANG MI MTHUN PA NI DPER NA RTAS PAR BYED PA LAS BYUNG BA'I NAD LAS NYAMS DMAD PA DANG, NYAMS DMAD PA LAS BYUNG BA LA RTAS PAR BYED PA DANG, RTZUB PA LAS BYUNG BA SNUM PA DANG, SNUM PA LAS BYUNG BA LA RTZUB PAR BYA BA DANG, SPYOD LAM MI MTHUN PA NI, GNYID LOG PA LAS BYUNG BA LA GNYID MA LOG PAR BYA BA DANG, GNYID MA LOG PA LAS BYUNG BA LA GNYID LOG PAR BYA BA DANG, 'DUG PA LAS BYUNG BA LA BRTZAL BAR BYA BA DANG, BRTZAL BA LAS BYUNG BA LA 'DUG PAR BYA BA STE, DE DAG LA SOGS PA NI RGYU DANG MI MTHUN PA'O, ,NAD DANG MI MTHUN PA NI DPER NA, RIMS NAD LA GLA SGANG DANG PAR PA TA LA SOGS PA SBYIN PA DANG, GCIN NAD LA SKYER PA DANG NAS THUG LA SOGS PA SBYIN PA LTA BU DANG, SPYOD LAM NI SNUM GYI CHO GA'I SKABS SU BSHAD PA DANG 'DRA BAR THAMS CAD GO BZLOG PA'O, ,MI MTHUN PA'I BYED PA NI DPER NA CHANG LAS BYUNG BA'I NAD LA CHANG NYID BYIN NA, CHANG LAS BYUNG BA'I NAD NYE BAR ZHI BAR 'GYUR ZHING SMAN DU 'GYUR BA DANG, ZAS NI DPER NA TSAD PA 'KHRU BA'I NAD LA, NAS DANG MA SHA DANG RGYA SNE'U LA SOGS PA BYIN PAS
, ,ZHI BAR 'GYUR BA DANG, SPYOD LAM NI DPER NA MES TSIG PA LA MES BSRO BA NYID PHAN PA LTA BU DANG, GZHAN YANG DPER NA SKYUGS PA'I NAD LA SKYUG SMAN BTANG BA DANG, KHA ZAS KYANG DE 'BYIN PAR BYED PAS S'A LU LA SOGS PA BYIN PA DANG, SPYOD LAM NI SOR MO DANG AUTPA LA'I CHU LA SOGS PAS SLON DU GZHUG PA LTA BU DE LA NI NYE BAR BSGYUR BAS BDE BAR 'GYUR BA'I GOMS PA ZHES BYA STE, GANG GI PHYIR DE NYID GOMS PA NI NAD ZHI BAR BYED PAS NA GOMS PA ZHES BYA'O, ,DE LAS BZLOG PA'I MA GOMS NAD, ,MI 'PHROD NAD CES BYA BA'O, ,ZHES BYA BA LA, GONG MA DE LAS BZLOG PA MA GTOGS PA STE, GOMS PA'I MTSAN NYID JI SKAD DU BSTAN PA'I NYE BAR BSGYUR BA DE DANG MI MTHUN PA DANG, SMAN LA SOGS PA BSTEN PAS SDUG BSNGAL THOB PAR 'GYUR ZHING BDE BA LAS NYAMS PAR BYED PA DE LA NI MI 'PHROD PA ZHES BYA STE, DE NYID NI MA GOMS PA'I NAD CES BYA'O, ,GANG GIS NAD NI DKYEL GYUR PAS, ,JI BZHIN RJES SU 'PHEL 'GYUR ZHING, ,NAD RNAMS RDZOGS SHING MNGON GYUR PA, ,SKYES SHING 'ONGS PA DKYEL GYUR YIN, ,ZHES BYA BA LA, RNAM PA GANG GIS RLUNG LA SOGS PA'I NAD DKYEL DU GYUR CING SOGS PA DANG, JI LTA BA BZHIN DU RJES SU 'PHEL ZHING SHAS CHER SKYI BAR 'GYUR BAS NAD KYI TSUL LAM DBYIBS KYI KHYAD PAR SO SOR SKYES SHING NAD RNAMS RDZOGS PAR GYUR NAS, MNGON DU GYUR PA DE LA NI DKYEL SKYES PA ZHES BYA'O, ,YANG DE NYID NI SKYES SHING 'ONGS PA ZHES KYANG BYA STE, DE NYID MTHAR PHYIN PA YIN PA'I PHYIR RO, ,DE NI GRANGS BRTAG GTZO BO DANG, ,STOBS DANG DUS KYIS PHYE BA YIN, ,ZHES BYA BA LA, DKYEL SKYES PA NI GRANGS LA SOGS PA'I DBYE BAS RNAM PA LNGAR GYUR PA YIN NO, ,GRANGS NI JI LTAR 'DI NYID LAS, ,RIM NI BRGYAD DU BSHAD PA YIN, ,ZHES BYA BA LA, DBYE BA DE YANG JI LTAR NA NAD GZHI BSTAN PA 'DI NYID LAS RIM RNAM PA BRGYAD YOD PAR BSHAD PA LTA BU NI RE ZHIG GRANGS KYI RNAM PA BSHAD PA YIN TE, DE YANG DE BZHIN DU KHRAG DANG MKHRIS PA NI RNAM PA GSUM DANG,
LUD PA NI RNAM PA LNGA'O ZHES BYA BA LA SOGS PA NI GRANGS YIN PAR SHES PAR BYA'O, ,NAD RNAMS SPYIR NI BSDUS BA LAS, ,CHA SHAS DBYE BA BRTAG PA YIN, ,ZHES BYA BA LA, RLUNG LA SOGS PA'I NAD THA MI DAD PA SPYIR GCIG TU BSDUS PA LAS CHA SHAS SU DBYE ZHING CHA RE RE BGOS PA NI BRTAG PA ZHES BYA'O, ,RANG DBANG GZHAN DBANG GNYIS LAS NI, ,NAD RNAMS GTZO BOR BSHAD PA YIN, ,ZHES BYA BA LA, RANG DANG GZHAN GYI DBANG DU ZHES BYA BA RJES SU 'BREL PA YOD PA DANG, RJES SU 'BREL PA MED PA'I TSUL RNAM PA GNYIS LAS NAD RNAMS LA GTZO BOR GYUR PA ZHES BSHAD PA YIN NO, ,RGYU SOGS MA LUS PHYOGS GCIG LAS, ,STOBS NI CHE CHUNG SHES PAR BYA, ,ZHES BYA BA LA, NAD KYI RGYU NI NAD GZHI SNGAR BYUNG BA'I TSUL DANG, TSUL PHYED PA DANG, GOMS PA RNAMS MA LUS PA 'AM, PHYOGS GCIG LAS STOBS CHE CHUNG GI BYE BRAG TU 'GYUR BAR SHES PAR BYA STE, NAD GZHI LA SOGS PA BZHI PO DE DAG LAS MA LUS PA'I KHYAD PAR THA DAD PAR 'GYUR RO, ,NAD RE RE ZHING BSTAN BCOS RTZOM PAR BYED PAS NAD KYI RGYUR BSHAD PA GANG YIN PA DE RNAM PA THAMS CAD NAS THAMS CAD DU MA LUS PAR NAD SKYED PAR BYED PA'I YAN LAG TU GYUR PA YIN NAM, 'ON TE PHYOGS GCIG GIS KYANG NAD SKYED PAR 'GYUR, DE BZHIN DU MTSAN NYID KYANG RNAM PA THAMS CAD DU RDZOGS PA YIN NAM, MA RDZOGS PA YOD CES RTOGS NA, DE'I PHYIR SMRAS PA NI, NYIN MTSAN DUS DANG ZAS ZOS CHAS, ,NYES PA JI BZHIN NAD KYI DUS, ,ZHES BYA BA LA, NYIN MO DANG MTSAN MO DANG DUS DANG ZAS ZOS PA NI NYIN MTSAN DUS DANG ZAS ZOS PA ZHES BYA STE, DE RNAMS KYI CHA NI CHA SHAS TE, DES NYES PA JI LTAR 'BYUNG BA NI NAD KYI DUS YIN PAR SHES PAR BYA STE, DE LTAR NA DUS KYI KHYAD PAR GYIS PHYE BA YIN NO, ,DE LTAR NAD GZHI'I DON BSHAD NAS, ,ZHES BYA BA LA, DE LTAR MDOR BSDUS PA'I RNAM PA 'DIS NAD GZHI ZHES BYA BA'I TSIG GI DON BSHAD CING BSTAN PA YIN NO, ,DE NI RGYAS PAR BSHAD PAR BYA, ,ZHES BYA BA LA, NAD GZHI'I DON DE 'OG NAS GZHUNG
, ,RTZOM PAR BYED PAS RGYA CHER STON CING 'CHAD PA YIN NO, ,NAD RNAMS KUN GYI NAD GZHI NI, ,NAD NI 'KHRUGS PAR GYUR PA YIN, ,ZHES BYA BA LA, GNOD PAR GYUR PA'I NAD MA LUS PA KUN GYI RGYU 'AM GZHI NI RLUNG DANG MKHRIS PA DANG BAD KAN TE, NAD KYI SKYON GSUM PO 'KHRUGS SHING G-YOS PAR GYUR PA LAS LDANG ZHING 'BYUNG BAR 'GYUR BA YIN NO, ,DE NI GNOD 'GYUR SNA TSOGS PA, ,BSTEN PAS LDANG BAR 'GYUR BAR BSHAD, ,CES BYA BA LA, DE RNAMS LDANG BA'I RGYU NI ZAS DANG SPYOD LAM LA SOGS PA GNOD PAR 'GYUR BA RNAM PA SNA TSOGS PA BSTEN PAS RLUNG LA SOGS PA'I NAD LDANG ZHING 'BYUNG BAR 'GYUR RO, ,GSUM PO'I SBYOR BA RNAM PA GSUM, ,GNOD 'GYUR SNGAR NI BSHAD PA YIN, ,ZHES BYA BA LA, RLUNG DANG MKHRIS PA DANG BAD KAN GSUM PO'I SBYOR BA RNAM PA GSUM PO CHUNG BA DANG, LOG PA DANG, DRAG PA'I MTSAN NYID GNOD PAR 'GYUR BA SNGAR MDO'I GNAS KYI SKABS SU BSHAD PA YIN NO, ,KHA DANG TSA DANG BSKA CUNG ZAD, ,RTZUB DANG BCUD MED SRA BA DANG, ,BKAG DANG NAN GYIS BTZIR BA DANG, ,MTSAN MO MI NYAL SKAD CHER SMRA, ,SBYANGS PA'I SBYOR DRAGS MYA NGAN 'JIGS, ,SEMS LAS DRAG SHUL BUD MED DRAGS, ,SO GA NYIN MTSAN ZAS ZHU'I RJES, ,RLUNG GI NAD NI LDANG BAR 'GYUR, ,ZHES BYA BA LA, DE LA RLUNG GI NAD NI KHA BA DANG TSA BA LA SOGS PAS LDANG ZHING 'KHRUGS PAR 'GYUR RO, ,CHUNG DU ZA BA NI CUNG ZAD ZA'O, ,BCUD MED PAR ZA BA NI BRNGA ZHING BTU BA'I DUS LAS YOL BA'I 'BRU GANG YIN PA DE NI BCUD MED PA ZHES BYA STE, DE YANG LUNG LAS, 'BRU NI MA SMIN THAL CHES PA, ,BCUD MED ZAS NI YIN ZHES BYA, ,ZHES BSHAD PA YIN NO, ,BKAG PA NI BSHANG GCI LA SOGS PA 'BYUNG BA'I SHUGS BKAG PA'O; ,NAN GYIS BTZIR BA NI DE RNAMS MI 'BYUNG BZHIN DU BTZIR BA'O, ,MTSAN MO MI NYAL BA NI MTSAN MO GNYID MA LOG PA'O, ,SKAD CHER SMRA BA NI GSANG CHE ZHING NGA RO CHEN PO DANG SMRA BA'O, ,SBYANGS PA'I SBYOR BA DRAGS PA NI SLON SMAN LA SOGS PA'I SBYOR BA DRAGS PA'O, ,MYA NGAN NI
YID GDUNG BA STE, DE DAG LA SOGS PAS RLUNG NAD LDANG BAR 'GYUR RO, ,DE YANG DUS NI SO GA'I RJES TE DBYAR GYI DUS DANG, DE BZHIN DU NYIN MO'I RJES TE DGONGS KA DANG, MTSAN MO'I RJES TE THO RANGS DANG, ZAS ZHU BA'I RJES TE KHA ZAS ZHU ZIN PA'I RJES LA RLUNG GI NAD LDANG ZHING 'KHRUGS PAR BYED DO, ,MKHRIS PA TSA DANG SKYUR DANG RNO, ,LAN TSVA BRO DANG LUS TSA DANG, ,STON KA NYIN PHYED MTSAN PHYED DANG, ,TSA BA'I DUS SU LDANG BAR 'GYUR, ,ZHES BYA BA LA, MKHRIS PA SMAN TSA BA DANG SKYUR BA LA SOGS PAS LDANG ZHING 'KHRUGS PAR 'GYUR RO, , TSA BA'I DUS SU NI KHA ZAS TSA ZHING SMIN TE SKYUR POR GYUR PA'I SKABS LA BYA'O, ,MNGAR SKYUR LAN TSVA SNUM PA DANG, ,LCI DANG BAD KAN SKYED BSIL DANG, ,'DUG DANG BDE DANG GNYID MA ZHU, ,NYIN PAR GNYID LOG BRTAS DRAGS DANG, ,SLON SOGS SBYOR BA NYES PA DANG, ,ZOS MA THAG DANG DPYID KYI DUS, ,SNGA DRO MTSAN STOD BAD KAN LDANG, ,ZHES BYA BA LA, BAD KAN GYI NAD NI RO MNGAR BA LA SOGS PAS LDANG ZHING 'KHRUGS PAR BYED PAR 'GYUR RO, ,'DUG BZHIN PA NI LAS KYI BYA BA SPANGS TE GNAS PA'O, ,SLON PA LA SOGS PA'I SBYOR BA NYES PA NI LOG PAR 'GYUR RO, ,ZOS MA THAG PA NI ZAS ZOS NAS MNGAR POR GYUR PA'I SKABS DANG, DPYID LA SOGS PA'I DUS SU YANG BAD KAN LDANG ZHING 'KHRUGS PAR 'GYUR RO, ,'DRES PA LA NI LDAN PA YIN, ,ZHES BYA BA LA, SNGAR BSHAD PA'I RGYU DE DAG CHA 'DRES PAR GYUR PA LAS LDAN PA STE, RLUNG DANG MKHRIS PA BAD KAN LA SOGS PA 'DREN MA LDANG BA YIN NO, ,THAMS CAD BSTEN LAS 'DUS PAR 'GYUR, ,ZHES BYA BA LA, SNGAR BSHAD PA'I RGYU KHAB DANG TSA BA DANG MNGAR BA LA SOGS PA THAMS CAD MA LUS PAR BSTEN PA LAS RLUNG DANG BAD KAN DANG MKHRIS PA GSUM 'DUS PA'I NAD LDANG BAR 'GYUR RO, ,DE BZHIN GZHAN YANG 'DRES MAR ZOS, ,MA ZHU MA SNYOMS MI 'PHROD DANG, ,LHAG PAR ZOS PA LA SOGS DANG, ,CHANG DANG BTUNG BA NYES PA DANG, ,TSOD MA SKAM DANG LA PHUG RJEN, ,TIL TSIGS SA ZHAG SO BA'I CHANG, ,
, ,SHA RUL SHA SKAM SHA RID RNAMS, ,DE DANG DE YIS NYES GSUM SKYED, ,DE BZHIN KHA ZAS SBOS PA DANG, ,DUS TSIGS LOG PA BDUN GYI RLUNG, ,GDON ZHUGS DUG DANG DBYIG DUG ZOS, ,BE'U SNABS NAD 'KHRUGS RI RTZAR GNAS, ,BTZAS SKAR LA NI GZA' ZHUGS DANG, ,LOG PAR SBYOR BA THAMS CAD DANG, ,SDIG PA'I LAS LA BRTEN PA DANG, ,BUD MED BU BTZAS LOG PAR BYUNG, ,GSO BA LOG PAR BYAS LAS LDANG, ,ZHES BYA BA LA, YANG DE BZHIN DU SNGAR BSHAD PA DE DAG BSTEN CING SPYAD PA LAS 'DUS PA'I NAD LDANG BAR 'GYUR BAR MA ZAD KYI, 'DREN MAR ZOS PA LA SOGS PA 'DI DAG GIS KYANG 'DUS PA'I NAD LDANG BAR 'GYUR RO, ,ZOS PA NI TSIG KUN DANG SBYAR TE 'DREN MAR ZA BA NI 'PHROD PA DANG MI 'PHROD PA DANG GNOD PA CAN DRI MA CAN ZOS PA'O, ,MA ZHU BA NI KHA ZAS SNGA MA MA ZHU BAR ZOS PA'O, , MI SNYOMS PAR ZA BA NI ZAS KYI DUS LA BAB PA'AM, DUS LAS MA YOL BA'AM, TSAD LAS LHAG PA'AM, TSAD LAS CHUNG DU ZOS PA'AM, MI 'PHROD PA NI RI BONG GI SHA DANG LA BUG RLON PA DUS GCIG ZOS PA'AM, NYA DANG 'O MA LHAN CIG ZOS PA LA SOGS PA'O, ,ZAS LHAG PAR ZA BA NI 'GRANGS SHING ZOS PA'I RJES LA ZOS PA'O, ,NYES PA'I CHANG NI KHA DOG DANG BRI DANG RO LA SOGS PA'I NYES PA STE, PHAL CHER RUL ZHING DRI MI ZHIM PA LA SOGS PA'O, ,DE BZHIN DU BTUNG BA'I RNAM PA GZHAN YANG RUL ZHING KHA DOG LA SOGS PA'I NYES PA DANG LDAN PA'O, , TSOD MA SKAM PO NI RGYA SNE'U LA SOGS PA'I TSOD MA SKAM PO'O, ,TIL TSIGS NI TIL GYI 'BA' TSA'O, ,SA ZHAG DANG SO BA'I CHANG NI SA DANG SO BA 'DRES PA LAS CHANG DU BYAS PA'O, ,YANG SHA'I RNAM PA RUL ZHING ZHIG PA DANG, SKAM ZHING KHU BCUD MED PA DANG, RID PA STE RUS PA DANG RTZA RGYUS TZAM LUS PA ZOS PA DANG, GZHAN YANG 'DIR MA SMOS SU ZIN KYANG DE LTA BU NAD SKYED PAR BYED PA'I RNAM PA 'DI DAG DANG CHA 'DRA BA DAG GIS KYANG NGES PAR GSUM 'DUS PA ZHES BYA BA'I NAD SKYED PAR 'GYUR RO, ,DE BZHIN DU KHA ZAS SPOS PA STE SNGAR GANG LA GOMS
PA'I KHA ZAS SPANGS NAS GZHAN ZOS PA'O, ,DE BZHIN DU DUS TSIGS LOG PA NI DMAN PA DANG LOG PA'I SBYOR BA DANG LDAN NO, ,MDUN GYI RLUNG NI MDUN PHYOGS NAS LDANG BA'I RLUNG NGAM SHAR NAS LDANG BA'I RLUNG NGO, ,DE BZHIN DU GDON ZHUGS PA NI LHA DANG LHA MA YIN DANG DRI ZA LA SOGS PA'I GDON LUS LA ZHUGS SHING KUN TU 'DZIN PA'O, ,YANG DE BZHIN DU DUG DANG DBYIG DUG STE, MA SBYAR BA DANG SBYAR BA'I DUG ZOS PA'O, ,DE BZHIN DU MA ZHU BA'I BE'U SNABS KYI NAD 'KHRUGS SHING LDANG BA DANG, RI'I RTZAR GNAS SHING 'DUG PA DANG, BTZAS PA'I TSE SKAR MA GANG BAB PA LA NYI MA LA SOGS PA'I GZA' ZHUGS SHING GNOD PAR BYAS PA DANG, DE BZHIN DU KHA ZAS LOG PAR ZOS PA LA SOGS PA LOG PA'I SBYOR BA SNA TSOGS BSTEN PA DANG, SDIG PA'I LAS SROG GCOD PA DANG, RKUB LA SOGS PA LA BSTEN ZHING SPYOD PA DANG, BUD MED BU BTZAS PA'I DUS SU LOG PAR BYUNG BA LA SOGS PA'I SDUG BSNGAL GYIS NYEN PA DANG, DE BZHIN DU GSO BA LOG PAR BYAS SHING LEGS PAR MA BCOS PA DAG LAS KYANG NAD DU 'GYUR RO, ,DE LTAR SO SO'I NAD LDANG BAS, ,NAD KYI GNAS SU 'GRO BYED PA, ,RTZA SBUBS RNAMS SU PHYIN PA DANG, ,NAD RNAMS LUS LA MYUR DU SKYED, ,CES BYA BA LA, DE LTAR GONG DU BSHAD PA'I RNAM PAS NAD SO SO THA DAD PAR LDANG ZHING 'KHRUGS PAS RLUNG LA SOGS PA'I NAD RNAMS LUS LA MYUR DU SKYED CING 'BYUNG BAR 'GYUR RO, ,CI ZHIG BYAS PAS NAD SKYED CE NA, NAD KYI GNAS GANG YANG RUNG BAR 'GRO BAR BYED PA'I NAD DES RTZA'I SBUBS BCUD RGYU BA'I SAR SONG ZHING PHYIN NAS, GNOD PA SKYED PA'I RGYUR 'GYUR TE, DNGOS SU NA NAD KYI GNAS BCUD RGYU BAR BYED PA'I RTZAR GNOD PA DE DAG ZHUGS PAS NAD LDANG BAR BYED PA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, NAD GZHI'I GNAS KYI LE'U DANG PO'I RNAM PAR 'GREL PA'O,, ,,
, ,DE NAS RIMS NAD KYI NAD GZHI BSHAD PAR BYA'O, ,ZHES BYA BA LA, NAD THAMS CAD KYI NAD GZHI BSHAD PA'I 'OG TU RIMS KYI NAD GZHI BSHAD PA'I DGOS PA NI, RIMS DE NAD KYI GTZO BO YIN PA'I PHYIR TE, NAD RNAMS KYI GTZO BO NI RIMS YIN NO ZHES BSHAD PAS SO, ,RIMS NI NAD BDAG SDIG CAN DANG, ,'CHI BDAG MDANGS ZA 'CHI BYED YIN, ,KHROS PAS MYUR BA'I MCHOD SBYIN BRLAG ,DRAG PO DPRAL BA'I MIG LAS BYUNG, ,SKYE DANG 'CHI TSE RMONGS BYED PA, ,MI 'PHROD SNA TSOGS BSTEN LAS BYUNG, ,MI BZAD MING NI SNA TSOGS PAS; ,SKYE GNAS DU MA RNAMS LA GNAS, ,ZHES BYA BA LA, RIMS DE NI NAD KYI BDAG PO STE, NAD THAMS CAD KYI RGYAL PO 'AM GTZO BO YIN NO, ,SDIG CAN NI SDIG PA'I RANG BZHIN CAN NO, ,'CHI BDAG NI SROG CHAGS THAMS CAD 'CHI BA LA SBYOR BA'O, ,MDANGS ZA BA NI LUS LA YOD PA'I MDANGS ZA ZHING SPYOD PA'O, ,'CHI BAR BYED PA NI SROG CHAGS RNAMS ZAD CING MTHAR PHYIN PAR BYED PA'O, ,KHROS PA NI LHA CHEN PO KHROS PA'I BA LAS BYUNG BA'O, ,MYUR BA'I MCHOD SBYIN BRLAG PA NI SKYE DGU'I BDAG PO MYUR BA ZHES BYA BA'I MCHOD SBYIN BRLAG CING 'JIG PAR BYED PA'O, ,DE YANG LHA CHEN PO DRAG PO'I MIG GSUM PA LAS BYUNG BAS, KHROS PA'I DPRAL BA'I MIG LAS BYUNG ZHES BYA'O, ,SKYE DANG 'CHI ZHES BYA BA NI BCAS PA NA 'CHI BA'I DUS BYED PA'I TSE STE, DE DAG GI SKABS SU RMONGS PAR BYED CING DANG PO SKYES PA RJOD PAR BYED PA YIN NO, ,DE BZHIN DU KHA ZAS DANG SPYOD LAM LA SOGS PA MI 'PHROD PA SNA TSOGS BSTEN PA LAS BYUNG BA YIN LA, YANG DE NI MI BZAD CING BRNAG PAR DKA' BA YIN ZHING NAD KYI MING SNA TSOGS PA LA SOGS PA'I TSUL GYIS RTA DANG GLANG PO LA SOGS PA SKYE GNAS DU MA THA DAD PA RNAMS KYI LUS LA GNAS TE, GLANG PO CHE'I LUS LA NI SMIN MA 'DZIN PA ZHES BYA LA, RTA'I LUS LA NI SO SO'I ZHES BYA BA DANG, LUG GI LUS LA NI TAL BA ZHES BYA BA LA SOGS PA'I MING GIS GNAS PA YIN NO, ,DE NI NAD RNAMS SO SOR 'DRES, ,'DUS
DANG GLO BUR LAS BRGYAD 'GYUR, ,ZHES BYA BA LA, RIMS DE NI RNAM PA BRGYAD DU 'GYUR TE, DE YANG RLUNG DANG MKHRIS PA DANG BAD KAN SO SO DANG, DE BZHIN DU 'DRES PA STE, GNYIS GNYIS 'DRES PA'I LDAN PA DANG, NAD GZHI GSUM CHAR 'DUS SHING TSOGS PA DANG, DE BZHIN DU GLO BUR GYI RIMS NI BRGYAD PA YIN NO, ,DE LTAR NAD GZHI SO SO'I GSUM DANG, 'DRES PA'I GSUM DANG, 'DUS PA'I GCIG DANG, GLO BUR BA'I GCIG STE BRGYAD DU 'GYUR RO, ,DE LA NAD RNAMS RANG RANG NI, ,RGYU LAS 'KHRUGS TE LDANG BA YIS, ,MA ZHU'I GNAS SU ZHUGS GYUR PA, ,LHAN CIG GNAS NAS RTZA SGO BKAG ,ZHU BA'I GNAS NAS ME DROD NI, ,PHYI ROL DU NI 'BYIN PAR BYED, ,DE DANG LHAN CIG MNGON KHYAB NAS, ,LUS KUN TSA BAR BYED PA YIN, ,YAN LAG SHIN TU TSA BYED PAR, ,RIMS NI DE YIS SKYED PAR BYED, ,CES BYA BA LA, DE LA NAD GZHI RNAMS NI NYES PA 'DI DANG 'DI DAG BYED CING RIMS SKYED CING 'BYUNG BAR BYED DO, ,DE YANG RANG RANG GI RGYU JI SKAD BSHAD PA LAS RNAM PAR 'KHRUGS SHING G-YOS PAR GYUR PA LAS LDANG ZHING NAD 'BYUNG BAR 'GYUR BA NA, RGYU DES MA ZHU BA'I GNAS SU SONG NAS, MA ZHU BA LUS ZUNGS KYI DANG PO DANGS MA ZHES BYA BA MAS SBYIN PA'I NANG DU ZHUGS NAS DE LHAN CIG GNAS TE, DANGS MA DANG RDUL RGYU BAR BYED PA'I RTZA SGO RNAMS KYI KHA BKAG CING BCAD NAS, ZHU BA'I GNAS LTE BA'I PHYOGS NAS KHOD PA'I ME DROD GANG DAG YIN PA DE PHYI ROL DU 'BYIN PAR BYED CING PHYUNG NAS ME'I DROD DE DANG LHAN CIG TU MNGON PAR RGYU ZHING KHYAB PAR BYAS NAS, LUS MA LUS PA KUN TSA BAS KHYAB PAR BYED CING, KUN TU GDUNG LA LUS SHIN TU DRO ZHING TSA BA NYID DU BYED PAR 'GYUR RO, ,DES NA YAN LAG RNAMS KYANG SHIN TU TSA BAR BYED CING LUS DANG YAN LAG THAMS CAD NAS CHER TSA BA BSKYED PA'I RIMS SU NAD KYI DRI MA DES SKYED PAR BYED CING DKYEL RDZOGS PAR BYED PA YIN NO, ,RTZA SGO BKAG PAS DE 'OG TU, ,RDUL NI MANG DU MI 'BYUNG NGO, ,ZHES BYA BA LA, NAD DES RTZA'I SGO BKAG CING GAGS BYAS PA'I PHYIR, DE'I
, ,'OG GAM RJES LA LUS TSA, YANG, RDUL, PHYI ROL DU MANG DU MI 'BYUNG NGO, ,DE YI SNGON TSUL SGYID ZHAN DANG, ,NYAMS MI DGA' ZHING LUS LCI LA, ,RO MI TSOR ZHING YI GA 'CHUS, ,GLAL 'BYUNG MIG 'KHRUGS MCHI MAR BCAS, ,YAN LAG NA ZHING 'JU STOBS CHUNG, ,NYAM CHUNG GNYID NI CHE BA DANG, ,SPU LDANG BYA RMYANG BYED 'DOD DANG, ,BYIN PA'I NYVA NA LUS SNYOM DANG, ,PHAN PAR BSTAN PA MI BZOD KHRO, ,SKYUR DANG TSA DANG DROD LA SRED, ,KHA ZAS MNGAR BA LA MI DGA', ,BYIS PA LA SDANG SKOM DAD CHE, ,SGRA ME GRANG LHAGS RLUNG DANG CHU; ,GRIB MA NYIN MTSAN RGYU MED PAR, ,DGA' DANG MI DGA' DAG TU BYED, ,DE RJES RIMS NI GSAL BAR 'GYUR, ,ZHES BYA BA LA, RIMS DE'I SNGON DU 'BYUNG BA'I TSUL NI MI GSAL BA'I RTAGS TE, DE DAG KYANG GANG ZHE NA, NGAL ZHING SGYID NGAN PAR 'GYUR BA DANG, NYAMS MI DGA' BA STE STAN DANG GNAS LA SOGS PA DANG, GCIG TU SEMS MNGON PAR DGA' BA MED CING SEMS SO NA MI GNAS PA DANG, LUS KHONG LCI ZHING GDEGS PAR DKA' BA SNYAM DU SEMS PA DANG, KHAS RO MI TSOR ZHING BEM POR GYUR PA DANG, KHA ZAS YI GAR MI 'ONG ZHING SRED PA MED PA DANG, GLAL ZHING KHA GDANGS PA DANG, MIG 'KHRUGS SHING MI SDUG LA MCHI MA 'BYUNG BA DANG BCAS PA DANG, YAN LAG NA BA STE YAN LAG RNAMS GCUS PA SNYAM DU SEMS PA DANG, BRDUNGS PA'AM BSDAMS PA SNYAM DU SEMS PA DANG, KHA ZAS 'JU BA'I STOBS CHUNG ZHING 'JU MI NUS PA DANG, NYAMS STOBS CHUNG ZHING NUS PA ZHAN PA DANG, GNYID CHE ZHING BYING BA DANG, BA SPU RNAMS LDANG ZHING BSHOR BA DANG, DE BZHIN DU YAN LAG RNAMS BSKYOD PA LA SOGS PA'I BYA RMYANG BYED 'DOD PA DANG, BYIN PA GNYIS KYI NYVA BTZIR BA LTAR NA BA DANG, LUS SNYOM ZHING LCI BA DANG, ZAS DANG SPYOD LAM LA SOGS PA PHAN PAR BSTAN PA'I GDAMS PA MI BZOD CING KHRO BA DANG, RO SKYUR BA DANG, TSA BA LA SOGS PA'I BYE BRAG LA DGA' BA DANG, KHA ZAS MNGAR PO LA SOGS PA RNAMS
LA MI DGA' ZHING 'DOD PA MED PA DANG, DE BZHIN DU BYIS PA NU ZHO 'THUNGS PA SKYE BO MA LUS PA'I YID DGE BAR BYED PA DAG LA YANG KHRO ZHING 'KHRUGS PA DANG, DE BZHIN DU SKOM DAD CHE ZHING SKOM DAD KYIS SHIN TU GDUNGS PA DANG, DE BZHIN DU SGRA LA SOGS PA'I YUL RNAMS LA RGYU MED CING DGOS PA MED PAR CHED 'GA' NI DGA' BAR 'GYUR BA DANG, CHED 'GA' NI MI DGA' BAR BYED DE, LAN 'GA' NYAN BAR 'DOD NA YANG ZHE SDANG BAR BYED LA, LAN 'GA' NI 'DOD PA SKYED PAR BYED PA DANG, ME LA SOGS PA LA YANG RGYU MED PAR CHED 'GA' BSTEN PAR DGA' LA, CHED 'GA' NI BSTEN PAR MI DGA' STE, DE LTA BU'I MTSAN NYID BYUNG NA, DE'I RJES LA RIMS KYI MTSAN NYID GSAL ZHING DKYEL SKYES PA NYID DU 'GYUR RO, ,RIMS THEBS 'BYANG NYE'I TSE NAD TSABS, ,CHUNG ZHING TSA BA MI SNYOMS LA, ,YAN LAG DE DANG DER 'PHO ZHING, ,NA BA DE DANG DER G-YO 'GYUR, ,RKANG PA BEM PO RENGS PA DANG, ,BYIN SNYING NA ZHING NGAL BA DANG, ,TSIGS RNAMS BYE BA LTA BUR SEMS, ,BRLA DANG RKED PA NA BA DANG, ,RGYAB NI BRDUNGS PA LTA BUR SEMS, ,LTO BA BTZIR BA SNYAM SEMS DANG, ,RUS PA BCAD PA SNYAM PA DANG, ,RTZIB MA LHAG PAR NA BA DANG, ,SNYING NI BTZIR SNYAM SEMS SHING ZUG ,BRANG DU BTZUGS PA LTA BUR GZER, ,PHRAG PA BRDUNGS SNYAM DPUNG PA NI, ,BCOM SNYAM SEMS SHING SGROG RUS NA, ,'GRAM PAS KHA ZAS BLDAD MI NUS, ,GLAL 'BYUNG RNA BA SGRA DANG BCAS, , MUR 'GRAM ZUG CING MGO BO NA, ,LCE YIS RO NI MI TSOR RAM, ,YANG NA KHA BSKA BRO BAR 'GYUR, ,DRI MA RNAMS NI SRI BA DANG, ,LPAGS MIG KHA DANG SEN MO DANG, ,BSHANG SOGS RTZUB CING DMAR BA DANG, ,MCHIL MANG YIG 'CHUS SRED CHUNG, ,ZAS MI 'JU ZHING RDUL MI 'BYUNG; ,GNYID YAR MCHU DANG GRE BA SKAM, ,SKOM DAD CHE ZHING LUD PA SKAM, ,LUD PA LU ZHING SKYUGS PA SKAM, ,SEMS ZHUM LUS KYI BA SPU LDANG, ,PAGS PA SO DAG BRTZE BA DANG, ,RKANG LAG 'DAR ZHING SBRID PA THOGS, ,MGO 'KHOR TSIG NI BLA BA DANG, ,DROD BAG LA DGA'
, ,BYA RMYANG BYED, ,RLUNG GI RIMS SU SHES PAR BYA, ,ZHES BYA BA LA, RLUNG GI RIMS KYIS BTAB PA'I MTSAN MA'AM RTAGS NI 'DI DAG YIN TE, RIMS KYIS THEBS PA NI DANG PO MGO ZUG PA STE, TSA BA LA SOGS PA 'BYUNG BAR MGO RTZOM PA'O, ,'BYANG DU NYE BA NI 'BREL ZHING 'BYANG BAR BSKYOD PA'O, ,NAD TSABS NI NAD KYI TSUL SNA TSOGS PA'O, ,CHUNG BA NI SHUGS DAL BA'O, ,MI SNYOMS PA NI RIMS KYIS THEBS PA LA SOGS PA'O, ,DE DAG GI TSUL MI SNYOMS SHING RNAM PA THA DAD PAR GNAS PA'O, ,YANG NA DE DAG MGO LA SOGS PA'I YAN LAG DE DANG DER RNAM PAR TSOR BAR 'GYUR ZHING, 'OG NAS BSHAD PA'I NAD KYI TSOR BA DE DANG DE DAG RNAM PAR G-YO ZHING MAL GCIG NA MI GNAS PAR 'GYUR RO, ,RKANG PA BEM PO NI TSOR BA MED CING SEMS DANG BRAL BA LTAR GNAS PA'O, ,RENGS PA NI LUS SHING LTAR RENGS SHING GYONG PA'O, ,BYIN SNYING NA BA NI BTZIR BA SNYAM PA'AM, BRUD PA SNYAM SEMS PA'O, ,NGAL BA NI DUB PA'O, ,TSIGS RNAMS BYE BA LTA BUR SEMS PA NI, GNYIS SU GSHAGS PA LTAR SEMS PA'O, ,BRLAN BA NI RANG GI BYA BA MI NUS SHING ZHUM PA'O, ,RKED PA NA BA NI MNAN PA 'AM ZAGS PA SNYAM SEMS PA'O, ,RGYAB BRDUNGS PA SNYAM SEMS PA NI GRUGS PA SNYAM SEMS PA'AM, PHYIR BTAGS PA SNYAM DU SEMS PA'O, ,LTO BA BTZIR BA SNYAM SEMS PA NI LAG PAS BTZIR ZHING MNAN PA LTAR SEMS PA'O; ,RUS PA BCAD PA LTAR SEMS PA NI MTSON GYIS BCAD PA LTAR TSA ZHING NA BA'O, ,DE LAS KYANG KHYAD PAR DU RTZIB LOGS SU GTOGS PA'I RUS PA BCAD PA SNYAM SEMS SHING LHAG PAR NA BA DANG, SNYING GA BTZIR ZHING BSDAMS PA LTA BUR SEMS SHING NANG DU ZHUGS PA'I TSUL GYIS NA BA DANG, BRANG DU LCAG YU BTZUGS PA LTA BUR SEMS ZHING GZER BA DANG, YANG GZER BA DE NYID KYIS PHRAG PA'I PHYOGS KHYAB CING NA BA DANG, DPUNG PA'I PHYOGS THO BAS BCOM PA LTA BUR SEMS SHING NA BA DANG, SGROG RUS KYI PHYOGS SU TIL BTZIR BA'I
'KHRUL 'KHOR GYIS BTZIR BA LTAR SEMS SHING NA BA DANG, 'GRAM PAS KHA ZAS BLDAD MI NUS SHING NYAM CHUNG BA DANG, KHA GDANGS PA DANG BCAS PA'I GLAL DANG BYA RMYANG BYED PA DANG, RNA BA 'BOD PA LTA BU'I SGRA DANG BCAS PA DANG, MUR 'GRAM GNYIS SU KHAB KYIS GTZAGS PA LTAR NA BA DANG, MGO BO'I PHYOGS GZER ZHING NA BA DANG, LCES RO MI TSOR BA STE LCES RO'I KHYAD PAR MI SHES PA DANG, YANG DE BZHIN DU KHAR RO BSKA BA'I BAG TU ZA BA DANG, BSHANG BA DANG, GCI BA DANG, RDUL LA SOGS PA'I DRI MA RNAMS SRI BA DANG, PAGS PA LA SOGS PA'I KHA DOG DMAR ZHING RTZUB PAR 'GYUR BA DANG, MCHIL MA MANG ZHING BAD KAN 'DZAG PA DANG, YI GA 'CHUS SHING ZAS LA SOGS PA'I BLO MI SKYE BA DANG, SRED PA CHUNG BA STE ZAS LA SOGS PA LA LHAG PAR DGA' BA MED PA DANG, KHA ZAS MI 'JU BA STE, ZOS PA'I ZAS KYANG MI 'JU BA'I STOBS CHUNG BA DANG, RDUL MI 'BYUNG BA'I PHYI ROL DU MI THON PA DANG, GNYID YAR BA LA SOGS PA'I MTSAN NYID DANG LDAN PAR 'GYUR BA DANG, LUD PA NAS, SKYUGS PA'I BAR SKAM ZHING KHA ZAS LA SOGS PA MI 'BYUNG BA DANG, SEMS ZHUM ZHING SDUG BSNGAL BAS YID ZHUM PA DANG, LUS KYI BA SPU LDANG ZHING BSHOR BA DANG, PAGS PA DANG SO GTZAGS PA SNYAM SEMS SHING BRTZE BA DANG, RKANG LAG 'DAR ZHING 'GUL BA DANG, SBRID PA THOGS SHING MI THON PA DANG, MGO 'KHOR ZHING 'KHOR LO BSKOR BA LTAR SEMS PA DANG, TSIG BLA BA STE 'BREL PA MED PA'I TSIG MANG DU SMRA BA DANG, DROD BAG LA DGA' BA STE ME DANG NYI TSAN BSTEN 'DOD PA DANG, BYA RMYANG BYED PA STE YAN LAG BRKYANG ZHING SDUD 'DOD PA RNAMS 'BYUNG BAR 'GYUR BA STE, DE DAG NI RLUNG LAS GYUR PA'I RIMS NAD KYI MTSAN MA YIN PAR SHES PAR BYA'O, ,LUS KUN CIG CAR KHYAB PA DANG, ,BLA ZHING KHA'I RO KHA BA DANG, ,BSIL 'DOD KHA SNAR THOR BU 'BYUNG, ,MGO 'KHOR BRGYAL MYOS SNYING MI DGA', ,BSHANG SLA MKHRIS PA SLON PA DANG, ,MCHIL MA KHRAG
, ,BCAS SGREGS PA SKYUR, ,THOR BU DMAR PO 'BYUNG BA DANG, ,PAGS PA LA SOGS SER RTZA SNGO, ,RDUL 'BYUNG DBUGS NI MNAM PA DANG, ,SKOM DANG RAB CHE MKHRIS PA'I RIMS, ,ZHES BYA BA LA, MKHRIS PA LAS GYUR PA'I RIMS KYI MTSAN MA NI; LUS KUN CIG CAR KHYAB PA DANG, ,ZHES BYA BA LA, MGO LA SOGS PA'I YAN LAG DANG, LUS KUN TSA BA LA SOGS PA'I 'UR 'UR POS CIG CAR DUS GCIG TU KHYAB STE NA BA DANG, DE BZHIN DU BLA ZHING TSIG 'CHOL BA DANG, KHA'I NANG KHA BA BRO BAR 'GYUR PA DANG, BSIL BA 'DOD CING GRANG BA LA DGA' BA DANG, KHA DANG SNA'I NANG NA THOR BU 'BYUNG ZHING SHU BA SMIN PA DANG, BRGYAL ZHING 'BOGS PA DANG, MYOS PA STE 'OG NAS CHANG NAD KYI SKABS SU BSHAD PA LTA BU'I MYOS PA DANG LDAN PA DANG, SEMS MI DGA' BA STE BLO MAL NA MI GNAS SHING 'PHYO BA DANG, BSHANG BA SLA ZHING 'KHRU BA DANG, MKHRIS PA SLON ZHING SKYUGS PA DANG, KHA NAS MCHIL MA KHRAG DANG BCAS PA 'BYUNG BA DANG, SGREGS PA RO SKYUR POR 'BYUNG BA DANG, THOR BU 'AM 'BRUM PHRAN DMAR PO TAL TIL 'BYUNG BAR 'GYUR BA DANG, PAGS PA DANG LCE DANG GDONG DANG GCIN GYI MDOG SER ZHING RTZA SNGO BA DANG, LUS RDUL 'BYUNG ZHING TSA BA DANG, DBUGS 'BYUNG BA'I DRI MNAM ZHING RUL BA DANG, SKOM DAD KYI SHAS SHIN TU CHE BA 'BYUNG STE, MTSAN NYID 'DI DAG DANG LDAN PA NI MKHRIS PA'I RIMS YIN NO, ,LHAG PAR YI GA 'CHUS SHING RMONGS, ,BU GA 'GAGS SHING RIMS SHUGS DAL, ,MCHIL MANG KHA NANG MNGAR BA BRO, ,DANG GA LCI ZHING DBUGS MI BDE, ,CHAM BTAB SNYING NA SKYUG PA 'BYUNG, ,LUD PA LUS RENGS LPAGS SOGS SKYA, ,YAN LAG THOR BU GRANG MO 'BYUNG, ,SNYOM ZHING LUS 'DAR BAD KAN RIMS, ,ZHES BYA BA LA, RIMS THAMS CAD LAS BAD KAN GYI RIMS KYI MTSAN NYID NI LHAG PAR RAM KHYAD PAR DU YI GA 'CHUS PAR 'GYUR BA DANG, SEMS RMONGS BAG TU 'GYUR ZHING BYING BA DANG, BU GA'I
TSOGS 'GAGS SHING DRI MA RNAMS 'BYUNG BA THOGS PA DANG, RIMS KYI SHUGS DAL ZHING NAD TSABS CHUNG BA DANG, MCHIL MA MANG ZHING LJAN LJIN CHE BA DANG, KHA NANG RO MNGAR BA BRO BA DANG, SNYING GA LCI ZHING DANG GA MER MER POR 'DUG PA DANG, DBUGS MI BDE BA DANG, CHAM BAS BTAB CING SNA CHU 'DZAG PA DANG, SNYING NA ZHING 'KHYIL PA DANG, SKYUG PA 'BYUNG ZHING BOD PA DANG, LUD PA LU BA DANG, LUS KYI YAN LAG RENGS PAR 'GYUR BA DANG, PAGS PA LA SOGS PA STE, PAGS PA DANG, SEN MO DANG, GDONG DANG, LCE DANG, BSHANG BA DANG, GCI BA RNAMS SKYA ZHING DKAR BA DANG, MGO DANG LAG NGAR LA SOGS PA'I YAN LAG RNAMS THOR BU 'AM 'BRUM BU BAD KAN GYI RANG BZHIN CAN GRANG MO 'BYUNG BA DANG, SNYOM PA STE GNYID KYIS NON PA LTAR YUL RNAMS NGES PAR 'DZIN PAR MI NUS PA DANG, LUS 'DAR BA STE GRANG LHAGS KYIS LUS KYI KHONG 'DAR BAR GYUR PA'O, ,DE YANG, CHU BSIL DAG GIS REG PA DANG, ,KHYAD PAR DU NI DGUN DUS SU, ,GRANG BAS NYEN TE SKRANG 'GYUR BA, ,BAD KAN LAS BYUNG LUS 'DAR YIN, ,ZHES BSHAD PA YIN TE, MTSAN NYID DE DAG DANG LDAN PA NI BAD KAN GYI RIMS YIN NO, ,RANG GI DUS SU THAMS CAD NI, ,'BYUNG ZHING 'PHEL BA NYID 'GYUR BA, ,NAD GZHIR BSHAD PA'I MI MTHUN BSTEN, ,BSGYUR BAS BDE BAR BYED PA YIN, ,ZHES BYA BA LA, RIMS NAD RANG RANG GI DUS NYIN MO DANG MTSAN MO DANG, ZAS ZOS PA'I SKABS DANG 'BREL PA'I DUS DER RANG RANG GI MTSAN NYID JI LTA BA BZHIN DU RIMS THAMS CAD 'BYUNG ZHING SKYE BA DANG, 'PHEL ZHING RGYAS PA NYID DU 'GYUR BA DANG, NAD GZHI NYID DU BSHAD PA'I MKHRIS PA'I RIMS LA TSA BA LA SOGS PA MI MTHUN PA BSTEN PAS NI SDUG BSNGAL SKYED PAR BYED PA YIN LA, DE BSGYUR ZHING BDE BA DANG 'BREL PAR BYAS PAS NI BDE BAR BYED PA YIN NO, ,RANG RANG MTSAN MA 'DRES PA NI, ,LDAN PA'I RIMS YIN, ZHES BYA BA LA, SNGAR SMOS PA'I RANG RANG GI MTSAN MA 'DRES PAR GYUR PA LAS NI DE'I
, ,MTSAN MA LDAN PA'I RIMS TE, NAD GNYIS GNYIS LAS BYUNG BA YIN PAR SHES PAR BYA'O, ,DE NAS RLUNG DANG MKHRIS PA'I RIMS KYI MTSAN MA 'DRES PA DANG MA 'DRES PA DANG LDAN PA NI RLUNG DANG MKHRIS PA DANG LDAN PA'I RIMS YIN PAR SHES PAR BYA'O, , RLUNG DANG BAD KAN GYI MTSAN MA GNYIS KA DANG LDAN PA NI RLUNG DANG BAD KAN GYI LDAN PA'I RIMS YIN LA, MKHRIS PA DANG BAD KAN GNYIS KA'I MTSAN MA DANG LDAN PA NI MKHRIS PA DANG BAD KAN DANG LDAN PA'I RIMS YIN PAR SHES PAR BYA'O, ,GZHAN YANG NI, MGO NA BRGYAL SLON LUS TSA RMONGS BAG 'GYUR, ,GRE BA KHA SKAM MI DGA' RUS TSIGS NA, ,GNYID MED MGO 'KHOR SPU LDANG SKOM DAD CHE, ,KHA GLAL TSIG MANG RLUNG MKHRIS 'DRES PA'I RIMS, ,ZHES BYA BA LA, GZHAN YANG ZHES BYA BA NI BSDU BA STE, RLUNG DANG MKHRIS PA GNYIS 'DRES PA'I MTSAN NYID NI MGO NA BA LA SOGS PA YANG YIN NO, ,ZHES BYA BA'I DON NO, ,MGO NA BA NI MGO LHANG LHANG POR NA ZHING ZUG PA'O, ,BRGYAL BA NI MI DRAN PA'O, ,SLON PA NI SKYUG PA'O, ,LUS TSA BA NI YAN LAG TSA BA 'UR 'UR POR 'DUG PA'O, ,RMONGS BAG NI SEMS RMONGS PA'O, ,GRE BA NANG KHA SKAM PA NI RLAN MED PA'O, ,RUS TSIGS NA BA NI BRDUNGS PA SNYAM DU SEMS PA'O, ,TSIG MANG BA NI BLA BA'O, ,TSA MED YI GA 'CHUS SHING KLAD TSIGS NA, ,CHAM PA LUD PA DBUGS MI BDE BSHANG SRI, ,KHONG BSIL RMONGS BAG RAB RIB MGO 'KHOR RMYA, ,BAD KAN RLUNG 'DRES RIMS KYI MTSAN MA YIN, ,ZHES BYA BA LA, GZHAN YANG BAD KAN RLUNG 'DRES PA LAS BYUNG BA'I LDAN PA'I RIMS KYI MTSAN NYID NI, TSA BA ME LA SOGS PA YANG YIN PAR SHES PAR BYA STE, TSA BA MED PA NI RIMS KYI TSA BA'I GDUNG BA CHUNG BA'O; ,GZHAN DAG NI GO BAR ZAD DO, ,LUS RDUL RENGS DANG TSA BA SIL SOR MI GNAS, ,SKOM DAD LUD PA BAD KAN MKHRIS BAG 'BYUNG, ,RMONGS BAG RMYA DANG KHA BRO KHAR DRI CHAGS, ,BAD KAN MKHRIS PA 'DRES PA'I RIMS KYI RTAGS, ,ZHES BYA BA LA, GZHAN YANG BAD
KAN DANG MKHRIS PA LAS BYUNG BA LDAN PA'I RIMS KYI MTSAN MA NI, LUS RDUL BA DANG KHONG RENGS PA LA SOGS PA LAS SHES PAR BYA'O, ,RENGS PA NI YAN LAG RENGS PA'O, ,TSA BA DANG BSIL BA DUS LA MI GNAS PA YAN LAG GRANG ZHING LAN 'GA' TSA STE RGYUD GCIG TU MI GNAS PA'O, ,KHAR DRI MA CHAGS PA NI LJAN LJIN GYIS GOS PA'O, ,KUN LAS 'BYUNG BA RTAGS KUN LDAN, ,'DIR YANG THANG RE TSA BA DANG, ,DE BZHIN GRANG DANG NYIN MO NI, ,GNYID CHE MTSAN MO GNYID MED BYUNG BA'AM, ,RTAG PAR GNYID 'ONG BA'AM YANG NA YANG, , RDUL CHER 'BYUNG BA'AM RDUL MI 'BYUNG, ,GLU DANG GAR DANG DGOD SOGS PA, ,SPYOD PA NGAN PA LA 'JUG CING, ,MIG DMAR MCHI MA 'DZAG DANG BCAS, ,ZHUM ZHING RDZI MA 'KHRUGS PAR SNANG, ,BYIN SNYING RTZIB LOGS NA BA DANG, ,MGO BO RUS TSIGS NA MGO 'KHOR, , RNA BA SGRA DANG NAD BCAS DANG, ,MGUL PA GRA MAS GANG SNYAM SEMS, ,LCE RTZUB KUN NAS BSREGS LTAR SNANG, ,LUS LCI TSIGS NI 'BYE SNYAM SEMS, ,MCHIL MAR KHRAG MKHRIS BAD KAN 'BYUNG, ,MGO BO G-YO ZHING SKOM DAD CHE, ,THOR BU 'BRUM PHRAN MTHA' 'KHOR BA, ,DMAR ZHING GNAG PA 'BYUNG BAR 'GYUR, ,SNYING NA BSHANG GCI SRI BA 'AM, ,YANG NA NYUNG BA'AM RAB MANG 'BYUNG, ,KHA NANG SNUM ZHING NYAMS STOBS CHUNG, ,GCOM CHUNG 'GYUR ZHING BLA BA DANG, ,NAD SMIN DKA' ZHING RMUGS PA DANG, ,RGYUN DU GRE BA 'DZER BA NI, ,'DUS PA'I RIMS TE MNGON RMUGS BYED, ,DE NI MDANGS 'PHROG CES KYANG BSHAD, ,CES BYA BA LA, NAD GZHI THAMS CAD LAS BYUNG BA YIN PAS NA KUN LAS BYUNG STE, DE NI RLUNG DANG MKHRIS PA DANG BAD KAN GYI RIMS KYI MTSAN NYID DU BSHAD PA THAMS CAD DANG LDAN PA YIN LA, 'DUS PA LAS GYUR PA'I RIMS 'DIR MTSAN NYID GZHAN YANG SKAD CIG GAM, THANG CIG RE RE ZHING YANG DANG YANG DU LUS TSA BAR 'GYUR BA DANG, DE BZHIN DU THANG CIG RE RE ZHING GRANG BAR 'GYUR BA DANG, NYIN MO NI GNYID CHER
, ,'ONG ZHING SHAS CHER 'THIBS PAR 'GYUR BA DANG, MTSAN MO NI GNYID MED CING YAR BAR 'GYUR BA'AM, YANG NA NYIN MTSAN RTAG PAR RGYUN DU GNYID 'ONG BA'AM, NYIN MTSAN RTAG PAR GNYID MED PAR 'GYUR BA'AM, YANG DE BZHIN DU RDUL SHAS CHER 'BYUNG ZHING MANG DU 'DZAG LA, CUNG ZAD TZAM GYI RDUL YANG MI 'BYUNG BAR 'GYUR BA DANG, GLU LA SOGS PA'I SPYOD PA NGAN CING DMAN PA LA 'JUG PAR DGA' BA DANG, MIG KHA DOG DMAR BA DANG, MCHI MA'I RGYUN 'DZAG PA DANG BCAS SHING MI SDUG PAR SNANG BA DANG, ZHUM ZHING YO BA DANG, RDZI MA 'KHRUGS SHING MIG GI SPU G-YOS PAR SNANG BA DANG, BYIN SNYING LA SOGS PA NA BA DANG, RNA BAR SGRA DRAG PA DANG BCAS NAS NA ZHING GZER BA DANG, MGUL PA STE GRE BA GRA MA'I TSOGS KYIS GANG ZHING KHYAB PA SNYAM DU SEMS PA DANG, LCE TSER MA LTAR RTZUB PA DANG, KUN NAS BSREGS SHING TSIG PA LTAR SNANG BA DANG, LUS KYI KHONG LCI BA DANG, YAN LAG GI TSOGS BYE ZHING ZHIG PA SNYAM DU SEMS PA DANG, MCHIL MAR KHRAG DANG MKHRIS PA DANG BAD KAN GYI RNAM PAR 'BYUNG BA DANG; MGO BO G-YO ZHING 'DAR BA THOR BU DANG 'BRUM PHRAN MGO BO 'AM PAGS PA MTHA' 'KHOR BA ZLUM PO 'BYUNG ZHING, DE YANG MDOG NAG PA DANG DMAR BAR 'BYUNG BAR 'GYUR BA DANG, SNYING NA ZHING GZER BA DANG, BSHANG GCI LA SOGS PA'I DRI MA RNAMS SRI ZHING MI 'BYUNG BA'AM, YANG NA NYUNG ZHING CUNG ZAD 'BYUNG BA'AM, SHIN TU MANG ZHING SHAS CHER 'BYUNG BAR 'GYUR BA DANG, KHA'I NANG SNUM ZHING 'BYIL BA DANG, NYAMS STOBS CHUNG ZHING ZAD PA DANG, GCOM CHUNG ZHING DMA' BA DANG, BLA ZHING TSIG 'CHOL PA MANG DU SMRA BA DANG, NAD SMIN PAR DKA' ZHING YUN RINGS NAS 'BYANG BA DANG, SHAS CHER RMUGS PA DANG RGYUN MI CHAD PAR RTAG TU GRE BA 'DZER ZHING SGRA MI GSAL BA NGAR NGAR PO 'BYUNG BA STE, MTSAN NYID DE DAG DANG LDAN PA NI 'DUS PA'I RIMS ZHES BSHAD PA STE, DE NYID LA NI MING
GI RNAM GRANGS SU MNGON PAR RMUGS PAR BYED PA DANG, MDANGS 'PHROG PAR BYED PA ZHES BSHAD CING BTAGS PA YIN NO, ,NAD KYIS BKAG CING ME DROD NYAMS, ,MTSAN MA THAMS CAD RDZOGS GYUR PA, ,GSOR MI RUNG STE DE LAS GZHAN, ,GSO DKA' 'AM DBANG PO MA TSANG 'GYUR, ,ZHES BYA BA LA, RLUNG DANG MKHRIS PA DANG BAD KAN DANG BSHANG BA DANG GCI BA LA SOGS PA'I NAD KYI SKYON GYIS 'BYUNG BA'I RGYUN BKAG CING ME DROD NYAMS PAR GYUR PA DANG, DE BZHIN DU JI SKAD SMOS PA'I MTSAN NYID THAMS CAD RDZOGS PAR GYUR NA GSOR MI RUNG STE, GSO BAR MI NUS PA YIN NO, ,DE LAS GZHAN PA 'DUS PA'I RIMS DE NAD KYI TSABS CHUNG ZHING MTSAN NYID MA RDZOGS NA, DE GSO DKA' BAR 'GYUR BA'AM, DBANG PO MA TSANG BA STE LUS NGAG GI LAS KYI RTEN NYAMS PAR 'GYUR RO, ,GZHAN YANG 'DUS PA LAS BYUNG BA, ,GANG DU MKHRIS PA LOGS SHIG GNAS, ,PAGS PA'AM NANG GROL TSA BA DAG ,'DEBS PA'AM TSA BA SNGA PHYIS 'BYUNG, ,ZHES BYA BA LA, 'DUS PA LAS GYUR PA'I RIMS SNGA MA LAS MTSAN NYID GZHAN DU 'BYUNG BAR GYUR PA STE, 'DUS PA'I RIMS GANG LAS MKHRIS PA LOGS SHIG NA GNAS SHING, LAN 'GA' NI PAGS PAR GNAS PA 'AM, LAN 'GA' NI NANG GROL NA GNAS NAS TSA BA SKYED PAR BYED PA SNGAR BYUNG BA'AM, PHYIS 'BYUNG BA'I MTSAN NYID CAN NI GSO DKA' BA YIN NO, ,DE BZHIN BAD KAN RLUNG GRANG BA, ,ZHES BYA BA LA, YANG DE BZHIN DU RLUNG DANG BAD KAN LOGS SHIG TU THA DAD PAR GNAS SHING SNGA PHYIR GRANG BAR BYED PA NI GSO DKA' BA MA YIN NO, ,DE GNYIS TSA SNGA GSO DKA' YIN, ,ZHES BYA BA LA, 'DUS PA'I NAD DE GNYIS LAS TSA BA SNGA BA'I NAD NI GSO DKA' ZHING BCOS PAR DKA' BA YIN NO, ,GRANG SNGA DER NI MKHRIS PA YIS, ,BAD KAN GSHER BA SKAM PA DANG, ,GRANG BA ZHI BYAS KHA SKYUR BRGYAL, ,MYOS DANG SKOM DAD SKYE BAR 'GYUR, ,ZHES BYA BA LA, GRANG BA SNGAR BYUNG BA'I 'DUS PA'I RIMS DER NI MKHRIS
, ,PA'I TSA BAS BAD KAN GYI GSHER BAG SKAM PAR GYUR PA DANG, SKYUR BA LA SOGS PA'I 'GYUR BA BZHIR 'BYUNG BAR 'GYUR LA, DE BZHIN DU GRANG BA ZHI BAS KYANG BZHI PO DE DAG NYID SKYE BAR 'GYUR RO, ,TSA BA SNGA MA DE RJES LA, ,RMUGS SLON MCHIL MANG KHONG SNYOM 'GYUR, ,ZHES BYA BA LA, DANG PO TSA BA SKYE BAR 'GYUR BA'I 'DUS PA'I RIMS LA TSA BA DE'I RJES LA RMUGS PA LA SOGS PA 'BYUNG BAR 'GYUR RO, ,GLO BUR DRAG SHUL LAS BYUNG DANG, ,MNGON ZIN BYAD BYAS DMOD BYUNG BZHI, ,ZHES BYA BA LA, RIMS BRGYAD PO GLO BUR BA ZHES BYA BA LA NI DRAG SHUL LAS BYUNG BA DANG, MNGON PAR ZIN PA DANG, BYAD BYAS PA DANG, DMOD PA LAS BYUNG BA'I DBYE BAS RNAM PA BZHI YOD DO, ,DE LA SMAS BCAD MES TSIG SOGS, ,NGAL BA DRAG SHUL LAS BYUNG YIN, , ZHES BYA BA LA, GLO BUR BA'I RIMS KYIS DRAG SHUL LAS BYUNG BA ZHES BYA BA 'DIR MTSO NA GYIS SMAS SHING BCAD PA LA SOGS PA LAS RIMS 'BYUNG BAR 'GYUR BA DANG, DE BZHIN DU NGAL ZHING LAM GYIS DUB PA LAS BYUNG BA'I LUS NYON MONGS PA LAS DRAG SHUL LAS BYUNG BA'I NAD 'BYUNG BAR 'GYUR RO, ,DER NI PHAL CHER RLUNG NAD KYIS, ,KHRAG NI GNOD CING 'KHRUGS BYAS PAS, ,NA BCAS MDOG NYAMS SKRANG DANG BCAS, ,ZUG GZER BCAS PA'I RIMS SKYED 'GYUR, ,ZHES BYA BA LA, DRAG SHUL LAS BYUNG BA'I RIMS DER PHAL CHER RAM MANG DU RLUNG GI NAD KYI DBANG GIS KHRAG LA GNOD PAR BYAS SHING RNAM PAR 'KHRUGS PAR 'GYUR BA LAS NA BA SOGS PA DANG BCAS PA'I RIMS SKYE BAR 'GYUR RO, ,GDON ZHUGS SMAN GYI DRI DANG DUG ,KHROS 'JIGS MYA NGAN GDON LAS BYUNG, ,MNGON PAR ZIN LAS BYUNG RIMS YIN, ,ZHES BYA BA LA, GDON ZHUGS PA LA SOGS PA LAS BYUNG BA'I RIMS NI MNGON PAR ZIN PA'AM, GZHAN GYIS BYAS PA'I RGYU LAS BYUNG BA'I RIMS YIN NO, ,GDON NI LHA LA SOGS PA'I 'OG NAS BSHAD PA RNAMS SO, ,'DIR GDON RGYU MED
DGOD CING DU, ,ZHES BYA BA LA, RIMS KYI GNAS SKABS 'DIR LHA DANG LHA MA YIN LA SOGS PA'I GDON GYIS NI RGYU MED PAR GLO BUR DU CHED 'GA' NI DGOD PA DANG, CHED 'GA' NI DU BAR 'GYUR RO, ,SMAN GYI DRI SKYES BRGYAL BA DANG, ,SBRID PA KLAD NAD SKRANGS PAR 'GYUR; ,ZHES BYA BA LA, SMAN GYI DRI LAS SKYES PA'I GLO BUR BA'I RIMS NI BRGYAL BA LA SOGS PA'I MTSAN NYID CAN DU 'BYUNG BAR 'GYUR RO, ,DUG LAS BRGYAL DANG TSAD PAR 'KHRU, ,MDOG NAG LUS TSA SNYING NAD 'BYUNG, ,ZHES BYA BA LA, 'DIR DUG LAS BYUNG BA'I RIMS NI BRGYAL BA LA SOGS PA'I MTSAN NYID CAN 'BYUNG BAR 'GYUR RO, ,KHROS PAS LUS 'DAR KLAD NAD 'GYUR, ,ZHES BYA BA LA, SHIN TU KHROS PA LAS NI LUS 'DAR ZHING G-YO BA DANG, DE BZHIN DU KLAD NAD 'BYUNG BAR 'GYUR RO, ,MYA NGAN 'JIGS LAS BLA BAR 'GYUR, ,ZHES BYA BA LA, MYA NGAN 'JIGS PA LAS BYUNG BA'I RIMS NI BLA ZHING BAB COL MANG DU SMRA BAR 'GYUR RO, ,'DOD LAS MGO 'KHOR YID 'CHUS TSA, ,NGO TSA GNYID BLO BRTAN NYAMS 'GYUR, ,ZHES BYA BA LA, 'DOD PAS GDUNGS PA LAS SKYES PA'I RIMS MGO 'KHOR BA DANG, YI GA 'CHUS PA DANG, LUS DANG SNYING GA TSA BAR 'GYUR BA DANG, DE BZHIN DU DO TSA SHES PA DANG, GNYID DANG, BLO GROS DANG, BRTAN ZHING MI 'GYUR BA DE DAG NYAMS SHING ZAD PAR 'GYUR RO, ,GDON LA SOGS PA 'DUS PA'I RIMS, ,'JIG TSOGS GSUM NI RLUNG GI RIMS, ,KHROS PAS MKHRIS PA LDANG BAR 'GYUR, ,ZHES BYA BA LA, GDON DANG SMAN DANG DUG LAS BYUNG BA'I RIMS GSUM GYIS NI NYES PA GSUM 'DUS PA'I RIMS SU 'GYUR RO, ,'JIGS PA DANG MYA NGAN DANG 'DOD PA GSUM LAS BYUNG BA'I RIMS KYIS NI RLUNG 'KHRUGS PA'I RIMS SU 'GYUR RO, ,KHROS PA LAS BYUNG BA'I RIMS KYIS NI MKHRIS PA LDANG ZHING 'KHRUGS PAR 'GYUR RO, ,DMOD PA BYAD BYAS LAS BYUNG GANG, ,'DUS PA'I RIMS NI MI BZAD PA, ,DE NI SHIN
, ,TU BZOD DKAR BSHAD, ,CES BYA BA LA, DMOD PA DANG BYAD BYAS PA LAS BYUNG BA'I RIMS GANG YIN PA 'DUS PA'I RIMS MI BZOD CING RNO BA DANG, SHIN TU BZOD PAR DKA' ZHING BRNAG MI NUS PAR 'GYUR RO ZHES SMAN DPYAD KYI GZHUNG RTZOM PA'I DANG SRONG RNAMS KYIS BSHAD PA'AM, BDAG GI SLOB DPON LA SOGS KYIS BSHAD DO, ,CES PA'O, ,DE LA BYAD BYAS SNGAGS KYIS NI, ,SBYIN SREG BYAS PA BZHIN DU BYAS, ,THOG MAR SEMS 'BAB DE 'OG LUS, ,DE NAS THOR BU MGO 'KHOR SKOM, ,TSA BCAS BRGYAL BAS ZIN GYUR PA'I, ,RIMS NI NYIN RE BZHIN DU 'PHEL, ,ZHES BYA BA LA, 'DI DAG GI NANG NAS BYAD BYAS PA'I SNGAGS NI SRID SRUNG GI RIG BYED LA SOGS PA LAS BSHAD PA'I BRAM ZE'I NGAN SNGAGS LA SOGS SO, ,SBYIN SREG BYAS SHING SREGS SHIG SREGS SHIG CES SMRA BZHIN DU ME LA BSREG RDZAS 'DZUD PA NA, GANG LA BYAS PA DE THOG MA KHO NAR DE'I SEMS LA 'BAB CING TSA BA NYAMS SU MYONG BAR BYED LA, DE'I 'OG TU NI LUS TSA BAR BYED CING TSA BA'I RIMS KYIS 'DEBS LA, DE NAS THOR BU DANG, MGO 'KHOR BA LA SOGS PAS ZIN ZHING RIMS DE NI NYIN GCIG BZHIN DU 'PHEL ZHING RGYAS PAR 'GYUR RO, ,DE LTAR RIMS NI BRGYAD DU BSHAD, ,CES BYA BA LA, DE LTAR RNAM PA DE DAG GIS NAD GZHI DANG GLO BUR BA LAS BYUNG BA'I DBYE BAS RIMS NI GRANGS BRGYAD YOD PAR TSE'I RIG BYED LA MKHAS PA RNAMS KYIS BSHAD CING BSTAN PA YIN NO, ,DE DAG MDOR NA RNAM GNYIS TE, ,LUS DANG SEMS KYI RIMS DANG NI, ,GRANG DANG TSA DANG PHYI NANG GNAS, ,RANG BZHIN DANG NI GYUR PA DANG, ,GSOR RUNG GSOR MI RUNG BA DANG, ,SMIN DANG MA SMIN ZHES BYA'O, ,ZHES BYA BA LA, YANG RIMS 'DI NI RNAM PA GNYIS YOD DE, LUS KYI RIMS DANG SEMS KYI RIMS ZHES BYA BA GNYIS DANG, GRANG BA DANG TSA BA GNYIS DANG, PHYI ROL NA GNAS PA DANG, NANG NA GNAS PA ZHES BYA BA GNYIS DANG, RANG BZHIN DANG GZHAN DU GYUR PA ZHES BYA BA GNYIS DANG, GSOR RUNG
BA DANG GSOR MI RUNG BA ZHES BYA BA GNYIS DANG, SMIN PA DANG MA SMIN PA ZHES BYA BA GNYIS SO, ,LUS RIMS THOG MAR LUS TSA BYED, ,SEMS KYI DANG POR SNYING TSA 'GYUR, ,ZHES BYA BA LA, LUS KYI RIMS NI THOG MAR TE, DANG POR LUS TSA BAR BYED LA, DE'I 'OG TU NI SNYING TSA BAR 'GYUR RO, ,SEMS KYI RIMS KYIS NI DANG POR SNYING TSA BAR BYED LA, DE'I 'OG TU NI LUS TSA BAR BYED DO, ,RLUNG DANG BAD KAN CIG CAR NI, ,'BYUNG TSE GRANG BA'I RIMS SU 'GYUR, ,MKHRIS PA DANG LDAN TSA BA STE, ,'DRES PAS 'DRES PA'O, ,ZHES BYA BA LA, RLUNG NI ZUNG DU 'JUG PA YIN PAS BAD KAN DANG LHAN CIG TU GNAS SHING CIG CAR 'BYUNG BA'I DUS NA NI GRANG BA'I RIMS SU 'GYUR LA, DE BZHIN DU MKHRIS PA DANG RLUNG DU 'JUG CING MKHRIS PA DANG LDAN PA'I TSE NA NI TSA BA'I RIMS SU 'GYUR RO, ,'DRES PA STE BAD KAN DANG MKHRIS PA GNYI GA DANG RLUNG 'DRES PA'I TSE NA NI RLUNG DE ZUNG DU 'JUG PA YIN LA CHED 'GA' TSA BAR 'GYUR RO, ,CHED 'GA' GRANG BAR 'GYUR RO, ,NANG GNAS PA, RIMS NAD DKYEL NI BSKYED 'GYUR NAS, ,NANG NA NA ZHING BSHANG GCI SRI, ,ZHES BYA BA LA, NANG NA GNAS PA'I RIMS NI NANG DU CHUD CING BRTEN PA YIN PAS NAD KYI DKYEL BSKYED CING 'PHEL BAR 'GYUR NAS, NANG DE NYID NA MI BZAD PAR NA BA DANG, BSHANG BA LA SOGS PA'I DRI MA SRI BAR 'GYUR RO, ,PHYI ROL RIMS NI TSA BA DANG, ,PHYI ROL GNAS PA GSO BAR SLA, ,ZHES BYA BA LA, PHYI ROL GYI RIMS NI TSA BA'I DNGOS PO YANG PHYI ROL NA GNAS PA YIN GYI, NANG NA GNAS PA MA YIN LA, DE NYID NI GSO BAR SLA ZHING BCOS PAR SLA BA YIN NO, ,TSIG 'DIS NI NANG NA GNAS PA'I RIMS NI DON GYI SHUGS KYIS GSO DGA' BA YIN NO ZHES STON TO; ,DBYAR DANG STON DANG DPYID DUS SU, ,RLUNG SOGS RIM 'BYUNG RANG BZHIN RIMS, ,ZHES BYA BA LA, DBYAR LA SOGS PA'I DUS GSUM DU RIM PA JI LTA BA BZHIN DU RLUNG LA SOGS PA RIM BZHIN DU 'BYUNG BA NI RANG BZHIN GYI RIMS ZHES BYA STE, DBYAR GYI DUS SU
, ,NI RLUNG GI RIMS YIN NO, ,STON NI MKHRIS PA'O, ,DPYID NI BAD KAN GYI'O, ,GZHAN DU GYUR PA DE GSO DKA', ,PHAL CHER RLUNG NI RANG BZHIN RIMS, ,YIN YANG GSO BAR DKA' BA YIN, ,ZHES BYA BA LA, DE LTAR BSHAD PA LAS RNAM PA GZHAN PA DE NI 'GYUR BA'I RIMS ZHES BYA STE, DE YANG DNGOS SU NA DUS TSIGS RNAMS SU RIM BZHIN DU MA BYUNG BA STE, DPER NA DBYAR GYI TSE MKHRIS PA DANG BAD KAN LAS BYUNG BA DANG, STON GYI TSE RLUNG DANG BAD KAN LAS BYUNG BA DANG, DPYID KYI DUS SU RLUNG DANG MKHRIS PA LAS 'BYUNG BAR 'GYUR BA'AM, DE BZHIN DU DUS TSIGS THAMS CAD DU YANG RLUNG LAS GYUR PA'I ZHES BYA BA RANG BZHIN LAS GZHAN DU GYUR PA'I RIMS DE DAG NI GSO BAR DKA' BA YIN PAS, DE LAS PHAL CHER RLUNG LAS GYUR PA'I RIMS NI RANG BZHIN GYI RIMS YIN YANG GSO DKA' BA YIN NA; DE LAS GZHAN DU GYUR PA'I RIMS LTA SMOS KYANG CI DGOS, PHAL CHER ZHES PA NI MA LUS PAR DE LTAR MA YIN PA'I DON TE, LA LAR NI BSOD NAMS KYI DBANG GIS RLUNG LAS GYUR PA YIN YANG GSO SLA BA NI YOD DO ZHES BYA BA'I DON TO, ,DBYAR DUS RLUNG NAD LDANG GYUR NA, ,MKHRIS PA BAD KAN LDAN RIMS 'GYUR, ,ZHES BYA BA LA, GANG GI TSE DBYAR GYI DUS SU RLUNG NAD LDANG ZHING 'KHRUGS PAR GYUR NAS RIMS SKYED PAR BYED PA DE'I TSE, MKHRIS PA DANG BAD KAN DANG LDAN PA'I RIMS SU 'GYUR GYI, DE DANG MI LDAN PA MA YIN TE, DE'I TSE RIMS DE RLUNG LAS GYUR PA YIN DU ZIN KYANG MKHRIS PA DANG BAD KAN DANG LDAN PAS MNGON PAR LDANG BAR 'GYUR RO ZHES BYA BA'I DON NO, ,STON KA MKHRIS PAS NAD SLONG STE, ,BAD KAN DE YI GROGS BYED 'GYUR, ,DER NI SMYUNG BA BYAS GYUR KYANG, ,GNOD PAR 'GYUR BA MA YIN NO, ,ZHES BYA BA LA, STON KA'I DUS SU MKHRIS PA 'KHRUGS NAS RIMS SKYED PAR BYED LA, RIMS SKYED PAR RTZOM PA'I MKHRIS PA DE'I STOBS SAM GROGS SKYED PA NI BAD KAN YIN PAS, DES GROGS BYAS NAS SKYE BAR 'GYUR TE, RIMS NI MA ZHU BA'I GNAS LA
BRTEN NAS 'BYUNG BA'I PHYIR RO, ,DES GNAS SKABS DER NI BAD KAN DANG MKHRIS PA GNYIS NI SMYUNG BAR BYAS PAS GSO BAR BYA ZHING BCOS DGOS PA YIN PAS NA, GNAS SKABS 'DIR SMYUNG BA BYAS PA LAS GNOD CING NAD DU 'GYUR BA'I 'JIGS PA YOD PA YIN NO, ,BAD KAN DPYID LDANG DE YANG NI, ,DE RJES RLUNG DANG MKHRIS PA 'BYUNG, ,ZHES BYA BA LA, DPYID KYI DUS SU NI BAD KAN 'KHRUGS SHING LDANG NAS RIMS SKYED PAR BYED PA YIN LA, BAD KAN YANG DE'I RJES LA RLUNG DANG MKHRIS PA GNYIS GROGS BYED CING STOBS SKYED PAR 'GYUR RO, , NYAMS STOBS CHE ZHING NAD TSABS CHUNG, ,BLA BRNAN MED RIMS GSO BAR SLA, ,ZHES BYA BA LA, SKYES BU LANG TSO PHUN SUM TSOGS PA LA SOGS PA NYAMS STOBS CHE BA DANG, DE BZHIN DU NAD TSABS KYI DKYEL CHUNG BA DANG, LUD PA DANG DBUGS MI BDE BA'I BLA BRNAN MED PA'I RIMS NAD GANG YIN PA DE NI MYUR DU BDE BAR BYA BAR NUS PAS NA GSO SLA BA YIN NO, ,RNAM KUN 'GYUR BA ZHES BYA BAR, ,GSOR MI RUNG BAR SNGAR BSHAD DO, ,ZHES BYA BA LA, YONG YE RNAM PA THAMS CAD DU LUS KYI 'GYUR BA SHES PAR BYA BA'I LUS KYI GNAS SU GSOR MI RUNG BA'I MTSAN NYID CAN GYI RIMS SNGAR BSHAD DE, RIMS NI TSABS CHE ZHES BYA BA LA SOGS PA'I TSIG SNGAR BSHAD PA YIN NO, ,RIMS KYI NAD TSABS CHE ZHING TSA, ,KHONG RMYA NYAM CHUNG GCIN MANG DANG, ,BSHANG SRI KHA ZAS MI 'JU LA, ,BKRES CHUNG MA SMIN RIMS MTSAN NYID, ,CES BYA BA LA, RIMS MA SMIN PA'I MTSAN NYID 'DI DAG YIN TE, RIMS KYI NAD TSABS GNAD DANG TSIGS LA SOGS PA NA BA'I TSABS CHE ZHING, DE BZHIN DU KHONG SHIN TU RMYA ZHING NYAM CHUNG BA YIN TE, STOBS DANG SROG PAR BCAS PA GCIN MANG DU 'BYUNG BA DANG, BSHANG GCI SRI ZHING MI 'BYUNG BA DANG, KHA ZAS 'JU BAR MI BYED PA DANG, BKRES PA MED CING ZAS MI 'DOD PA STE, 'DI DAG NI RIMS MA SMIN PA'I MTSAN NYID YIN PAR SHES PAR BYA'O, ,RIMS SHUGS STOBS CHE SKOM DAD CHE, ,BLA ZHING MGO 'KHOR
, ,DBUGS MI BDE, ,BSHANG GCI BDER 'BYUNG NAD BSKYOD PA, ,SMIN PAR 'GYUR BA'I MTSAN MA YIN, ,ZHES BYA BA LA, RIMS SMIN PA'I NYE BA'I MTSAN MA NI RIMS KYI SHUGS DRAG CING STOBS CHE BA DANG, DE NYID KYIS NA SKOM DAD CHE BA DANG, BLA ZHING TSIG 'KHYAL PA DANG, BSHANG GCI BDE BAR 'BYUNG ZHING MI SRI BA DANG, NAD BSKYOD CING BSLONGS PA LTAR SNANG BA YIN NO, ,MA SMIN GO BZLOG MTSAN NYID DANG, ,ZHAG BDUN SMYUNG BYAS LAS SMIN BSHAD, ,CES BYA BA LA, RIMS SMIN CING NAD MED PA'I MTSAN NYID NI RIMS NAD TSABS CHE BA LA SOGS PA GO BZLOG PA LAS SHES PAR BYA STE, RIMS NAD KYI TSABS CHUNG BA BRI BA DANG, KHONG RMYA ZHING NYAM CHUNG BA DANG, GCIN NYUNG BA DANG, BSHANG BA BDE BAR 'BYUNG BA LA SOGS PA DE NI RIMS MA ZHU BA MED PA'I MTSAN NYID YIN LA; DE BZHIN DU ZHAG BDUN GYI BAR DU SMYUNG BA BYAS PA LAS RIMS DE SMIN TE SMIN ZHING 'JU BA NYID DU 'GYUR BAR SHES PAR BYA'O, ,DE YANG DRANG SRONG TZA RA KAS, LUS ZUNGS KUN GNAS NAD RNAMS NI, ,ZHAG BDUN GYIS NI SMIN PAR 'GYUR, ,RIMS NAD PHAL CHER NAD RNAMS NI, ,SMYUNG BYAS SMIN PA YIN ZHES BSHAD, ,CES BSHAD PA YIN NO, ,RIMS NI NAD KYI DUS DANG NI, ,STOBS CHUNG CHE LAS RNAM LNGAR BSHAD, ,PHAL CHER 'DUS PAR GYUR PA YI, ,RIMS SU MANG DU 'GYUR BAR BSHAD, ,RGYUN DANG RTAG PA NYIN GCIG PA, , NYIN GSUM PA DANG NYIN BZHI PA'O, ,ZHES BYA BA LA, RIMS NAD KYI GRANGS NI 'OG NAS BSHAD PA'I RGYUN LA SOGS PA'I RNAM PA LNGA YOD DO ZHES DRANG SRONG CHEN PO RNAMS KYIS BSHAD DO, ,DE GANG LAS JI LTAR ZHE NA, DUS DANG YUL DANG STOBS CHE CHUNG LAS GYUR TE, RLUNG LA SOGS PA'I RIMS NAD STOBS CHE BA DANG STOBS CHUNG BA'I DBANG DANG, YANG DE BZHIN DU RIMS NAD 'BYUNG BA'I NAD GZHI 'KHRUGS PA'I DUS DANG, YUL STOBS CHUNG BA DANG STOBS CHE BA'I DBANG GIS SAM, YANG NA NAD RNAMS KYI DUS YIN PAS NA NAD KYI DUS TE, NYIN
MO DANG MTSAN MO DANG DUS TSIGS DANG ZAS ZOS PA'I CHA DE'I STOBS CHE CHUNG LAS NAD ZAD PA DANG, 'PHEL BA'I RGYUR 'GYUR BA YIN LA, DE YANG RNAM LNGAR BSHAD DO, ,DE LAS KYANG 'DUS PA'I RIMS NI PHAL CHER RAM, MANG DU NAD GZHI GSUM 'DUS PA LAS PHAL CHER 'DUS PA'I RIMS SU 'GYUR BAR BSHAD DO, ,PHAL CHER ZHES SMOS PA NI RNAM PAR 'GYUR BA YOD PA'I DON TE, DE YANG GZHUNG GZHAN LAS, RLUNG LAS PHAL CHER RTAG PAR 'GYUR, ,MKHRIS LAS PHAL CHER NYIN GSUM PA, ,PHAL CHER BAD KAN LAS NYIN GCIG , 'DUS PA LAS NI BZHI PA YIN, ,ZHES BSHAD PA YIN NO, ,RGYUN DANG ZHES BYA BA LA SOGS PAS NI LNGA PO'I MING BSTAN PA YIN NO, ,LUS ZUNGS BSHANG GCI RGYU BA YI, ,BU GA NAD KYIS KHYAB BYAS PAS, ,LUS KUN TSA BAR GYUR NAS NI, ,GNOD BYA SOGS DANG MNYAM PAR 'PHEL, ,STOBS CHE LUS LCI RKANG LAG RENGS, ,KHYAD PAR DU NI DANGS MAR GNAS, ,GNYEN POS BCOS DKA' BZOD PAR DKA', ,RGYUN GYI RIMS SU 'GYUR BA YIN, ,ZHES BYA BA LA, RLUNG LA SOGS PA'I NAD 'KHRUGS PAS NA SHIN TU BZOD PAR DKA' BA'I RGYUN GYI RIMS SU 'GYUR ZHING SKYED PAR BYED DO, ,DE YANG LUS ZUNGS LA SOGS PAR RGYU ZHING 'GRO BAR BYED PA'I BU GA RNAMS NANG KYIS KHYAB PAR BYAS SHING KUN TU PHYIN PAR BYAS LA, DER NAD DE LUS MA LUS PA KUN DU RIMS KYI TSA BAS TSA BAR 'GYUR ZHING TSA BA'I GDUNG BAS GZIR BAR BYAS PA DANG, DE BZHIN DU GNOD PAR BYA BA DANGS MA DANG, DUS TSIGS DANG, YUL DANG, RANG BZHIN DE DANG CHA MNYAM PAR 'PHEL ZHING RGYAS PAR BYAS PA STE, GNOD BYA NI LUS ZUNGS BDUN DANG DRI MA RNAMS SO, ,DUS TSIGS NI DBYAR KA LA SOGS PA'O, ,YUL NI RLAN LA SOGS PA'O, ,RANG BZHIN NI BDUN NO, ,DE YANG STOBS CHE BA STE NUS PA DANG LDAN PA DUS YUN RID PO LA SOGS PA DANG, DE BZHIN DU LCI ZHING BRNAG DKA' LA, LUS KYIS MI THEGS PA SNYAM DU SEMS PA DANG, YAN LAG
, ,RNAMS RENGS SHING BSKYOD MI NUS PA DANG, KHYAD PAR DU YANG LHAG PAR DANGS MA ZHES BYA BA'I LUS ZUNGS LA GNAS PA'I GNYEN POS BCOS PAR DKA' ZHING GSO BA'I THABS CIS KYANG BZLOG TU MED PA STE, GNOD BYA LA SOGS PA DANG CHA MNYAM PA'I PHYIR RO, ,YANG DE BZHIN DU BZOD PAR RAB TU DKA' BA STE, SDUG BSNGAL ZHING BRNAG PAR MI NUS PA'I RIMS LA NI RGYUN GYI RIMS ZHES BYA STE, DE LTA BUR 'GYUR BA YIN NO, ,DE YI DROD KYIS DRI MA DANG, ,LUS ZUNGS MYUR DU ZAD PAR BYED, ,DE 'OG RNAM KUN LUS ZUNGS SOGS, ,DAG PA'AM MA DAG RIMS KYIS NI, ,RLUNG DANG MKHRIS PA BAD KAN ZHAG ,BDUN NAM BCU'AM BCU GNYIS GNAS, ,PHAL CHER MTSAMS LAS MI 'DA' BAR, ,'TSO BA'AM 'CHI BA DAG TU BYED, ,CES BYA BA LA, RIMS DE'I DROD KYI TSA BAS DRI MA STE BSHANG BA LA SOGS PA DANG, DANGS MA LA SOGS PA'I LUS ZUNGS RNAMS KYI NANG DU ZHUGS PA'I RGYUS RIMS DES DRI MA RNAMS ZAD PAR BYED PA'AM, LUS ZUNGS RNAMS KYANG ZAD PAR BYAS NAS DE'I 'OG TU RNAM PA KUN DU STE, THAMS CAD KYI THAMS CAD DU LUS ZUNGS BSHANG BA DANG GCI BA DANG BCAS PA DAG STE, RIMS KYI TSA BAS DRI MA MED PAR BYAS PA'AM, YANG NA YAN LAG 'GA' LUS ZUNGS LA SOGS PA MA DAG CING LJAN LJIN DANG BCAS PA'I RIMS KYIS GRANGS JI LTA BA BZHIN DU RLUNG LA SOGS PA'I NAD GZHI LAS ZHAG BDUN NAM BCU'AM BCU GNYIS KYI BAR DU PHAL CHER GNAS PA'I MTSAMS SAM, DUS KYI NGES PA LAS NI MI 'DA' BAR RJES SU GNAS TE, CI'I PHYIR ZHE NA, DUS DE TZAM GYI NANG DU 'CHI BA'AM, RIMS KYIS GTONG BAR 'GYUR BA'AM, 'CHI ZHING GSOD PAR 'GYUR TE, NYIN ZHAG 'DI TZAM GYIS GTONG BA'AM GSOD PAR 'GYUR RO, ,DE YANG GANG RLUNG SHAS CHE BA LAS BYUNG BA DE NI PHAL CHER ZHAG BDUN GYIS GTONG BA'AM 'CHI BAR 'GYUR RO, ,DE BZHIN DU MKHRIS PA SHAS CHE BA LAS BYUNG BA NI ZHAG BCUS SO, ,
BAD KAN SHAS CHE BA LAS BYUNG BA NI BCU GNYIS KYIS BYE BRAG PHYED PAR 'GYUR BA NI RIMS KYIS SBYAR BA'I DON NO, ,DE SKAD ME BZHIN 'JUG GIS BSHAD, ,CES BYA BA LA, DE LTA BU DE NI SMAN DPYAD KYI GZHUNG RTZOM PAR BYED PA DRANG SRONG ME BZHIN 'JUG CES BYA BAS BSHAD PA'I GZHUNG YIN NO, ,LJANG SNGON GYIS NI BSHAD PA'I GZHUNG, ,BDUN PA NYIS BLDAB GYUR PA YIN, ,DE BZHIN DGU DANG BCU GCIG BLDAB, ,'DI NI NAD GZHI GSUM GYI TSIG ,'TSO DANG 'CHI BAR BYED PA YIN, ,ZHES BYA BA LA, DRANG SRONG LJANG SNGON ZHES BYA BAS BSHAD PA'I GZHUNG NI 'OG NAS BSHAD PA'I TSUL 'DIR STON PA YIN TE, BDUN PA NI NYIS BLDAB TU BRTZI STE, RLUNG GI RIMS KYIS ZHAG BCU BZHI NA DANGS MA LA SOGS PA DANG MA DAG PA GANG YIN PA YANG RUNG STE, RNAM PA THAMS CAD DU ZHAG BCU BZHIS 'TSO BA'AM 'CHI BAR 'GYUR BA BYE BRAG PHYED PAR 'GYUR BA YIN NO, ,GNYIS PA NI ZHAG DGU PA STE, DE YANG NYIS BLDAB TU BRTZIS LA ZHAG BCVA BRGYAD DU BYA STE, MKHRIS PA SHAS CHE BA'I RIMS NI ZHAG BCVA BRGYAD KYIS 'TSO BA'AM, 'CHI BA'I BYE BRAG PHYED PAR 'GYUR RO, ,DE BZHIN DU GSUM PA NI ZHAG BCU GCIG PA YIN TE, 'DI NYIS BLDAB TU BYAS PAS ZHAG NYI SHU RTZA GNYIS KYIS BAD KAN GYI SHAS CHE BA'I RIMS KYI BYE BRAG PHYED PAR 'GYUR TE, 'DI DAG NI NAD GZHI GSUM LAS BYUNG BA'I RIMS KYI DUS TSIGS KYI BYE BRAG RNAM PAR GZHAG PA YIN NO, , RIMS DUS DAG DANG MA DAG LAS, ,YUN RING DUS SU GNAS PA YIN, ,ZHES BYA BA LA, DE LA DAG PA'I NAD DANG BSHANG BA DANG GCI BA LEGS PAR SMIN PA RTZE ZHIL ZHING MA SMIN PA'I SKYON MED PA YIN LA, DE LAS GO BZLOG PA NI MA SMIN PA YIN TE, DAG PA DANG MA DAG PA DE GNYIS CHA 'DRES PA LAS NI DUS YUN RING MO ZHIG TU GNAS SHING SNGAR BSHAD PA'I DUS LAS YUN RING DU GNAS TE, GANG GI TSE LUS ZUNGS KYI DANGS MA LA LA NI DAG CING SMIN, LA LA NI MA DAG CING MA SMIN PAR 'GYUR NA, DE'I TSE RGYUN GYI RIMS 'BYANG ZHING 'DOR
, ,BAR MI 'GYUR GYI, YUN RING DU GNAS PA KHO NAR 'GYUR RO, ,NAD RTZE ZHIL BA NYAM CHUNG DANG, ,KHA ZAS MI 'PHROD SOGS BSTEN PAS, ,NAD DKYEL CHUNG YANG GNOD BYA SOGS, ,BRTEN TE STOBS CHE NYID GYUR LAS, ,GNYEN POR BCAS SHING 'PHEL 'BRI GNAS, ,MI BZAD PA NI NYID DU 'GYUR, ,ZHES BYA BA LA, NAD KYI RTZE ZHIL ZHING NAD LAS THAR BA'I SKYES BU NYAM CHUNG ZHING LUS RID PAR GYUR PA DANG, KHA ZAS MI 'PHROD PA LA SOGS PA BSTEN PA STE, ZAS DANG SKOM DANG SMAN DANG SPYOD LAM MI MTHUN ZHING MI 'PHROD PA BSTEN PA'I RGYUS RLUNG LA SOGS PA'I NAD GANG YANG RUNG BA DKYEL CHUNG ZHING STOBS SHIN TU ZHAN PA YIN YANG MI BZAD PA'I RIMS RGYUN GYI RIMS LA SOGS PAR 'GYUR RO, ,DE YANG TSA BA MI BZOD PA LA SOGS PA'I TSUL GYIS 'DEBS PA NA MI BZAD PA'I RIMS ZHES BYA'O, ,DE YANG JI LTAR 'GYUR ZHE NA, GNOD BYA LA SOGS PA GANG YANG RUNG BA LA BRTEN ZHING GNAS PA STE, LAN 'GA' NI GNOD BYA LA SOGS PAS KHRAG LA SOGS PA GANG YANG RUNG BA BRTEN LA, LAN 'GA' NI NYIN MTSAN LA SOGS PA'I DUS LA BRTEN LA, LAN 'GA' NI RLUNG LA SOGS PA'I RANG BZHIN LA BRTEN TE, DE NI TSABS CHEN POR 'GYUR BA'I STOBS DANG, NUS PA THOB PAR 'GYUR RO, ,DE YANG GNYEN PO DANG BCAS PA YIN ZHING BCOS PA'I THABS YOD PA MA YIN LA, YANG DE NI 'PHEL BA DANG 'BRI BA GNYIS PO LA BRTEN ZHING GNAS PA YIN NO, ,DE RNAMS KYIS NI NAD KYI STOBS, ,RANG GI DUS SU RIMS STOBS SKYED, ,CES BYA BA LA, NYAM CHUNG BA LA SOGS PA DE RNAMS KYI RANG GI DUS NYIN MTSAN DANG, DUS KYI CHA NI MTSAN NYID CAN DU RIMS KYI STOBS SKYED CING 'PHEL BAR 'GYUR BA YIN NO, ,SLAR YANG DE DAG BCOS THABS NI, ,STOBS CHE CHUNG LAS LDOG PAR BYED, ,CES BYA BA LA, MI BZAD PA'I RIMS KYI RTZOM PA DE SLAR LDOG CING RANG GI BYA BA 'GAG PAR 'GYUR BA NI BCOS THABS KYI
STOBS CHE CHUNG LAS LDOG PAR 'GYUR TE, BCOS THABS NI GNYEN PO STE LUS ZUNGS DANG DUS LA SOGS PA CHA MI MNYAM PA NI GNYEN PO'AM, BCOS THABS KYI STOBS YIN LA, DE STOBS CHUNG BAR BYAS PA NI NUS PA ZAD PAR BYAS PA STE, RGYU DES LDOG PAR 'GYUR RO, , NAD ZAD RIMS NI PHRAR GYUR PA, ,BCUD LA SOGS PA NYID LA THIM, ,ZHES BYA BA LA, NAD ZAD PA NI NAD KYI NUS PA NI BRI BAR GYUR LA, RIMS NI PHRA ZHING SHES PAR DKA' BAR GNAS PA NI DANGS MA LA SOGS PA'I LUS ZUNGS NYID LA THIM ZHING MI SNANG BAR 'GYUR RO, ,THIM PAS LUS RID SHA MDOG NYAMS, ,RMONGS BAG LA SOGS DE YIS SKYED, ,CES BYA BA LA, RIMS DE LUS ZUNGS LA THIM PAS NI LUS RID PA LA SOGS PA'I MTSAN NYID SKYED CING 'BYUNG BAR BYED DO, ,NYE ZHING KHA NI BYE BA'I PHYIR, ,DANGS MA RGYU BA'I RTZA SGO NAS, ,LUS KUN MYUR DU KHYAB PA NI, ,NAD KYIS SKYE BAR BYED PA YIN, ,DES NA RGYUN DU RTAG RIMS 'GYUR, ,ZHES BYA BA LA, RTZA SGO BAR GANG NYE BAR GNAS SHING KHA BYE BAR GYUR PA NYID KYI PHYIR, DANGS MA RGYU BA'I RTZA'I SGO RNAMS LAS RLUNG LA SOGS PA'I NAD GANG YANG RUNG BAS LUS KUN KHYAB CING PHYIN PAR BYAS NAS, NAD DES LUS THAMS CAD KHYAB PA'I PHYIR, RGYU DES RIMS DE RTAG CING RGYUN MI 'CHAD PAR 'BYUNG BAR 'GYUR BA YIN LA, DE YANG TSA BA LA SOGS PA'I RGYUN MA CHAD PAR RGYUN DU 'BYUNG BAS NA, RGYUN GYI RIMS 'GYUR BA YIN NO, ,DE LAS BZLOG PA TSUL MI 'DRA, ,MI SNYOMS RTZOL BA MI MNYAM PA, ,BYA BA'I DUS MIN MNYAM YUN RING, ,ZHES BYA BA LA, DE LAS BZLOG PA NI SNGA MA RGYUN GYI RIMS DE LAS BZLOG PA STE, TSA BA'I RGYUN BAR BAR DU CHAD PA LA SOGS PA'I TSUL MI 'DRA BA BZHI LAS RTAG PA'I RIMS SU GZHAG STE, TSUL MI MTHUN PA NI RING ZHING SHIN TU RING BA DANG, KHA BYE ZHING SHIN TU BYE BA DANG, DANGS MAS BCUD RTZA'I SBUBS SU NAD KYIS LUS MA LUS PA LA MYUR DU KHYAB PAR MI BYED PA STE, TSUL DE DAG GI RGYUN DE DAG
, ,GIS RTAG PA LA SOGS PA'I RIMS KYI MTSAN NYID RNAM PAR GZHAG PA YIN NO, ,DE YANG RTAG PA LA SOGS PA'I RIMS DE DAG NI CHA MI SNYOMS PA YIN TE, RGYU GANG GIS MI SNYOMS PA YIN ZHE NA, RTZOM PA MI SNYOMS PA'I PHYIR TE, DUS KYI 'GYUR BA MI MNYAM PA'I PHYIR RO, ,RTZOM PA MI MNYAM PA DE YANG MKHRIS PA DANG RLUNG GNYIS SPYI NAS 'DZIN PA ZHES BYA BA LA SOGS PA SMOS PA LTA BU DANG, BYA BA MI MNYAM PA NI, SHA DANG TSIL GYI NUS PA DRO, ,ZHES BYA BA LA SOGS PA LTA BU'O, ,DUS MI MNYAM PA NI RIMS KYIS 'DEBS PA'I NYIN ZHAG STE, DE NI NYIN MTSAN LAN GNYIS LDANG, ,GZHAN DAG NYIN RE LAN RE YIN, ,ZHES BYA BA LA SOGS PA DE YANG LAN 'GA' NI NYIN MO LNGA DANG, LAN 'GA' NI MTSAN MO, LAN 'GA' NI NYI MA PHYED, LAN 'GA' NI DGONGS KA LDANG BAR 'GYUR RO, ,DE BZHIN DU NI YUN RING DU 'BREL PA CAN YANG YIN PAS NA YUN RING STE, DUS YUN RING ZHIG TU GNAS PA ZHES BYA BA'I DON TO, ,PHAL CHER NAD NI KHRAG LA BRTEN, ,RTAG PA'I RIMS NI BYED PAR 'GYUR, ,DE YANG NYIN MTSAN LAN GNYIS LDANG, ,ZHES BYA BA LA, PHAL CHER ZHES BYA BA MANG DU RLUNG LA SOGS PA'I NAD GANG YANG RUNG BA KHRAG LA BRTEN CING GNAS NAS RTAG PA'I RIMS SKYED CING 'BYUNG BAR BYED PAR 'GYUR LA, DE YANG NYIN MTSAN GCIG GI NANG DU LAN GNYIS LDANG BAR 'GYUR TE, 'DIR NYIN PAR LAN GNYIS LDANG LA MTSAN MO LAN CIG LDANG NGO ZHES BYA BA'I NGES PA YOD PA MA YIN LA, GZHAN DU LAN 'GA' NI NYIN GCIG LA LAN GNYIS LDANG BAR 'GYUR LA, LAN 'GA' NI NYIN MTSAN GNYIS LA RE RE LDANG BAR 'GYUR RO, ,NYIN GCIG NYIN RE LAN RE LDANG, ,DE NI SHA YI RTZA LA BRTEN, , ZHES BYA BA LA, RIMS NYIN GCIG PA NI NYIN ZHAG GCIG GI NANG DU LAN RE RE ZHIG LDANG BAR 'GYUR LA, NYIN GCIG PA'I RIMS DE NI SHA'I BCUD KYI DANGS MA RGYU BA'I RTZA LA BRTEN CING GNAS PA YIN NO, ,GSUM PA TSIL GYI RTZA LA GNAS, ,ZHES BYA BA LA, RIMS
NYIN GSUM PA'I NAD NI TSIL GYI RTZA'I NAD LA GNAS PAS RIMS NYIN GSUM PA SKYED PAR BYED DO, ,MKHRIS PA RLUNG GNYIS SPYI NAS 'DZIN, ,BAD KAN MKHRIS GYUR SUM MDO NA, ,RLUNG DANG BAD KAN RGYAB NAS 'DZIN, ,DE NI ZHAG GCIG GIS CHOD YIN, ,ZHES BYA BA LA, RIMS NYIN GSUM PA LAS GYUR PA YIN DU ZIN KYANG, MKHRIS PA DANG RLUNG GNYIS SHAS CHE BA NI SPYI BO STE MGO NAS 'DZIN PA YIN LA, BAD KAN DANG MKHRIS PA SHAS CHE NA NI SUM MDO ZHES BYA BA DPUNG PA GNYIS DANG, GNYA' BA 'DUS PA'I MTSAMS SUN ZHING DE NAS ZUG PAR 'GYUR RO; ,RLUNG DANG BAD KAN SHAS CHE NA NI RGYAB NAS NA ZHING DE NAS 'DZIN PA YIN NO, ,YANG RIMS NYIN GSUM PA DE NI ZHAG GCIG GIS CHOD PA YIN NO, ,NYIN BZHI PA'I RIMS NAS TSIL DANG, ,RKANG DANG NUS PA'I NANG NA GNAS, ,GZHAN DAG TSIL NYID LA GNAS ZER, , DE YI NUS PA BSTAN PA NI, ,BAD KAN GYIS NI BYIN GNYIS NA, ,RLUNG GIS KLAD PA NA BAR BYED, ,RUS RKANG GNYIS KAR ZHUGS PA YIN, ,NYIN BZHI PA NI GO BZLOG PA'O, ,NYIN GSUM PAS NI NYIN GNYIS NA, ,NYIN GCIG NA BAR MI BYED DO, ,ZHES BYA BA LA, RIMS NYIN BZHI PA'I MTSAN NYID NI RLUNG LA SOGS PA'I NAD RKANG DANG RUS PA GANG YANG RUNG BA'I GNAS SU 'DUG CING BRTEN NAS NAD 'BYUNG BAR 'GYUR TE, LAN 'GA' NI RKANG LA GNAS NAS NAD SKYED DO, ,LAN 'GA' NI RUS PA LA GNAS NAS NAD SKYED PA YIN NO, ,YANG SMAN PA GZHAN DAG NI NYIN BZHI PA'I RIMS KYI GNAS KYANG NYIN GSUM PA DANG 'DRA BAR TSIL NYID LA GNAS NAS LDANG NGO ZHES ZER RO, ,RIMS NYIN BZHI PA DE'I NUS MTHU NI RNAM PA GNYIS YOD PAR BSTAN TE, GANG GI TSE BAD KAN GYI SHAS CHE BA DE'I TSE NA DANG PO BYIN PA GNYIS NAS ZUG CING NA BAR 'GYUR LA, DE RLUNG GI SHAS CHE BA YIN NA NI DANG POR KLAD PA NA BAR BYED PA YIN NO, ,DE YANG RES 'GA' NI RUS PA LA GNAS LA, RES 'GA' NI RKANG LA ZHEN CING GNAS PA YIN NO, ,RES 'GA' NI RUS PA DANG RKANG GNYIS KA LA ZHUGS TE, ,
, ,GNAS PA YIN LA, GNYI GAR ZHUGS PA DE'I MTSAN NYID NI NYIN BZHI PA GCIG LA GO BZLOG PA YIN NO, ,DE YANG NYI MA GNYIS KYI BAR DU RGYUN MI 'CHAD PA NAS DE'I 'OG TU NYIN GCIG NA BAR BYED LA, DE LTAR NYIN GCIG NA BA MED NAS YANG NYI MA GNYIS KYI BAR DU NA BAR BYED PA YIN NO, ,'DIS NI MTSAN NYID GCIG BSTAN PA YIN LA, DE LAS GO BZLOG PA'I RNAM PA GZHAN PA NI NYIN GCIG RIMS NAD DE THU NAS NYI MA GNYIS KYI BAR DU CUNG ZAD BYA STE, NYI MA GSUM PA LA YANG THU BAR BYED PA'I RIMS KYIS NA BA YIN TE, DE NI GNYIS PA'O, ,NAD RNAMS KYI NI STOBS CHE CHUNG, ,ZAS DANG SPYOD PA LAS 'BYUNG ZHING, ,DE BZHIN RIMS RNAMS 'BYUNG BA NI, ,YID DANG LAS LAS SKYE BAR 'GYUR, ,ZHES BYA BA LA, YANG DUS DE'I TSE RLUNG LA SOGS PA'I NAD RNAMS KYI STOBS SAM MTHU CHE CHUNG LAS 'BYUNG BA DANG, ZAS DANG SPYOD LAM LA SOGS PA LAS RIMS NAD DU 'GYUR LA, DE BZHIN DU YID KYI STOBS CHE CHUNG DANG, LAS SNGON CHAD SPYOD PA'I STOBS CHE CHUNG LAS RIMS RNAMS SKYE BAR 'GYUR LA, DE YANG LAN 'GA' NI RTAG PA'I RIMS SU 'GYUR RO, ,LAN 'GA' NI NYIN GCIG PA DANG, NYIN GSUM PA DANG, NYIN BZHI PA DANG, DE LAS GO BZLOG PA DAG TU YANG 'GYUR LA, CHED 'GA' NI NYIN BZHI PAR GYUR NAS, NYIN GSUM PA DANG NYIN GCIG PA LA SOGS PAR 'GYUR RO, , NAD KYIS LUS ZUNGS DKRUGS GYUR PA, ,NAD SOS NYI TSE ZHU BAR 'GYUR, ,DE TSE NAD PA DBUGS DRAG RNGUL, ,MKHUN ZHING SLON BYED 'GRE BA DANG, ,LUS 'DAR TSIG MANG TSA BA DANG, ,LUS GRANG BZHIN MDOG NYAMS PA DANG, ,DRAN STOR RIMS KYI SHUGS KYIS GZER, ,KHROS PA'I TSUL GYIS LTA BA DANG, ,BSHANG BA NAD DANG SGRAR BCAS PA, ,SLA BA SHUGS DRAG 'BYUNG BA YIN, ,ZHES BYA BA LA, SOGS PA'I NAD GANG YANG RUNG BAS DANGS MA LA SOGS PA'I LUS ZUNGS DKRUGS SHING GLOGS PAR GYUR PA'I RIMS DE NAD
SOS PA DANG, NYE BA'I TSE NA LUS ZUNGS DE NYID LA THIM ZHING ZHU BAR 'GYUR RO, ,DE NAS NAD DE ZHU BA'I DBANG GIS DE'I TSE NAD PA DE LA DBUGS KYI RNGAM PA CUNG ZAD DRAG TU 'BYUNG ZHING RNGUL TE BA SPU'I BU GA RNAMS NAS CHU 'DZAG PA DANG, DE BZHIN DU MKHUN ZHING SGRA MI GSAL BAR 'DON ZHING SLON PA STE, BAD KAN DANG MKHRIS PA LA SOGS PA SKYUGS PAR BYED PA DANG, DE BZHIN DU MAL LAM SA'I STENG DU 'GRE ZHING LUS 'GYUR BA DANG, LUS 'DAR ZHING G-YO BA DANG, TSIG MAR POR SMRA BA STE, DGOS PA YOD PA DE DGOS PA'I TSIG MANG DU SMRA BA DANG, LUS TSA BA DANG GRANG BA'I RNAM PA DUS GCIG TU SMRA BAR 'GYUR BA DANG, MDOG NYAMS SHING GZI MDANGS MED PA DANG, DRAN PA STOR ZHING 'DU SHES MI GSAL BA DANG, DE BZHIN DU RIMS KYI SHUGS KYIS GZIR ZHING RIMS NAD KYI SHUGS LHAG PAR SKYE BA LTAR BYED PA DANG, KHROS SHING 'KHRUGS PA LTA BU'I TSUL DU SDANG MIG GIS LTA BAR BYED PA DANG, DE BZHIN DU BSHANG BA YANG RLUNG LA SOGS PA'I NAD DANG RLUNG GI SGRA DANG BCAS PA SLA BAG TU SHUGS SU 'BYUNG BAR 'GYUR BA YIN NO, ,LUS KYI YANG ZHING RMYA DANG RMONGS BAG TSA BA MED, ,KHA NA THOR BU 'BYUNG DANG DBANG PO BRTAS SHING BDE, ,YID NI SOR GNAS RNGUL SBRID BDER 'BYUNG YI GA 'BYED, ,MGO BO G-YA' BA RIMS NAD BYANG BA'I MTSAN MA YIN, ,ZHES BYA BA LA, MTSAN MA DE DAG GI RJES LA RIMS NAD BYANG BA NYID DU 'GYUR BA'I MTSAN MA NI LUS YANG BAR 'GYUR ZHING, KHONG LCI BA'I BAG MED PA DANG LUS RMYA BA DANG, ,RMONGS BAG DANG TSA BA MED PA STE, RMYA ZHING NYAM CHUNG BA DANG, RMONGS BAG GIS 'DU SHES STOR BA DANG, TSA ZHING RNO BAR GYUR PA'I RNAM PA DANG BRAL BAR 'GYUR RO, ,DE BZHIN DU KHA'I NANG DU THOR BU SMIN PA PHRA MO 'BYUNG BA DANG, MIG LA SOGS PA'I DBANG PO RNAMS BRTAS SHING RANG GI LAS KYI BYA BA BDE BLAG TU BYED PAR NUS PA DANG, LUS BDE ZHING NAD KYI TSOR BA MED PA DANG, YID SO LA GNAS PA DANG, SEMS KYI RANG BZHIN SNGON CHAD SNYING
, ,STOBS CAN LA SOGS PA GANG GI SHAS CHE BA DE DE BZHIN DU LDAN PAR 'GYUR BA DANG, DE BZHIN DU RNGUL DANG SBRID PA BDE BLAG TU THON ZHING 'BYUNG BA DANG, DE BZHIN DU BKRES SHING ZAS LA 'DOD PA SKYE BA'I YI GA 'BYED PA 'BYUNG BAR 'GYUR BA DANG, MGO BO G-YA' ZHING PHRUGS 'DOD PA SKYE BAR 'GYUR TE, 'DI DAG NI RIMS BYANG BA'I RTAGS SAM MTSAN MA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS; NAD GZHI'I GNAS KYI LE'U GNYIS PA'I RNAM PAR 'GREL PA'O,, ,,DE NAS KHRAG DANG MKHRIS PA DANG LUD PA'I NAD GZHI BSHAD PAR BYA'O, ,ZHES BYA BA LA, RIMS KYI TSA BA LAS KHRAG MKHRIS SKYE BAR 'GYUR BAR BSHAD PAS, DE'I PHYIR DE MYUR DU GSOD PA YIN PAS, RIMS KYI NAD GZHI'I LE'U'I 'OG TU KHRAG DANG MKHRIS PA'I NAD GZHI BRTZAMS PA YIN NO, ,LUD PA YANG KHRAG DANG MKHRIS PA DANG 'DRA BAR GNOD PA MYUR DU SKYED PA YIN PAS DE YANG LE'U 'DIR BSHAD PA YIN NO, ,RAB DRO RAB RNO TSA DANG SKYUR, ,LAN TSVA LA SOGS TSA BA DANG, ,KHRE RGOD AUTPA LA YI ZAS, ,DE BCAS SHIN TU BSTEN DRAGS DANG, ,MKHRIS PA CAN GYI MKHRIS NAD NI, ,GSHER DANG KHRAG RGYAS NAD DU 'GYUR, ,DE NI PHAN TSUN 'DRES GYUR PAS, ,LUS KUN KHYAB PAR BYED PAR 'GYUR, , ZHES BYA BA LA, ZAS DANG SPYOD LAM SHIN TU DRO ZHING TSA BA'I SHAS CHE BA DANG RAB TU RNO ZHING DRAGS PA DANG, SKYUR BA'I RO SHAS CHER BSTEN PA DANG, LAN TSVA'I RO LA SOGS PA RO RNO BA SHAS CHER BSTEN PA DANG, TSA BAG LA GNAS PA DANG, DE BZHIN DU KHRE RGOD LA SOGS PA'I ZAS BSTEN PAR DRAGS SHING SHAS CHE BA DANG, YANG DE BZHIN DU TSA ZHING RNO BA LA SOGS PA MKHRIS PA SKYED PA'I KHA ZAS SKOM TSAD LAS LHAG PAR BSTEN ZHING ZOS PAS MKHRIS PA'I NAD GSHER BA DANG, KHRAG GI NAD RGYAS SHING LDANG BAR 'GYUR LA, KHRAG DANG MKHRIS PA
DE GNYIS PHAN TSUN GCIG LA GCIG 'DRES SHING GCIG PUR GYUR PA DANG, KHRAG GI MDOG CAN NYID DU GYUR NAS LUS MGO NAS RKANG GI BAR DU MA LUS PAR KUN KHYAB CING BYER BAR 'GYUR BA YIN NO, ,MKHRIS PA KHRAG LAS GYUR PA DANG, ,'DRES DANG GNOD BYA LAS DANG GCIG ,MDOG DANG DRI NI RJES MTHUN PAS, ,KHRAG GI MING DU BSTAN PA YIN, ,ZHES BYA BA LA, MKHRIS PA GANG YIN PA STE KHRAG GI MING DU BSTAN TE, KHRAG DANG MKHRIS PA GSO BA LA, KHRAG NI THUR SONG ZHES BYA BA LA SOGS PA SMOS PA TSUL GYIS DE'I MING DU 'GYUR BA YIN TE, GANG GI PHYIR MKHRIS PA NI KHRAG LAS GYUR PA YIN ZHING KHRAG LAS SKYES PA YIN NO, ,DE YANG GZHUNG 'DI NYID LAS, BAD MKHRIS DRI MA BU GA RU, ,RNGUL DANG SEN MO BA SPU DANG, ,SNUM DANG MIG DANG PAGS PA TSIL, ,RIM BZHIN LUS ZUNGS DRI MA YIN, ,ZHES SMOS PA YIN PAS NA, DE'I PHYIR KHRAG GI SNYIGS MA NI MKHRIS PA YIN LA, DE BZHIN DU 'DRES PA STE, GCIG LA GCIG CHA 'DRES PA'I GNAD DANG, DE BZHIN DU GNOD BYA LAS KYANG 'BYUNG STE, GANG GI PHYIR KHRAG NI MKHRIS PA NYID KYIS MYUR DU GNOD PAR 'GYUR LA, DE BZHIN DU KHRAG GIS MKHRIS PA LA GNOD PAR 'GYUR BA YIN TE, DE LA GNAS PA'I PHYIR RO, ,DE YANG GZHUNG 'DI NYID LAS, 'PHEL DANG ZAD PAR BYA BA'I SMAN, ,GCIG GI GANG YIN PA DE GZHAN YIN, ,ZHES BSHAD PA YIN NO, ,MDOG DANG DRI YANG DE GNYIS RJES SU MTHUN PA YIN TE, MKHRIS PA DE NI KHA DOG DANG DRI YANG KHRAG DANG RJES SU MTHUN PAS DE'I PHYIR, MKHRIS PA YANG DRI DANG KHA DOG KHRAG DANG MTSUNGS PAS KHRAG GI MING DU BSTAN ZHING BSHAD PA YIN NO, ,DE NI KHRAG GNAS MCHIN PA DANG, ,MCHER PA LAS NI 'BYUNG BAR 'GYUR, ,ZHES BYA BA LA, KHRAG DANG MKHRIS PA DE GNYIS NI KHRAG GI GNAS TE, KHRAG DANG MKHRIS PA RGYU BA'I RTZA SBUBS NAS 'BYUNG BAR 'GYUR BA DANG, DE BZHIN DU MCHIN PA DANG MCHER PA YANG KHRAG GI GNAS YIN PAS DE GNYIS LAS 'BYUNG BAR 'GYUR RO, ,MGO BO LCI ZHING YI GA
, ,'CHUS; ,BSIL 'DOD SGREGS PA DUD CAN SKYUR, ,SKYUG CING SKYUGS MDOG BTZOG PAR SNANG, ,LUD PA DBUGS MI BDE MGO 'KHOR, ,KHONG SNYOM KHRAG DMAR NYA DRI BRO, ,KHA DRI MI ZHIM SKAD 'GAGS LA, ,MIG LA SOGS PA'I KHA DOG NI, , DMAR DANG LJANG DANG SER POR SNANG, ,RMI LAM DU YANG KHA DOG DE, ,'DIR NI MTHONG BAR 'GYUR BA YIN, ,ZHES BYA BA LA, KHRAG DANG MKHRIS PA'I NAD 'DI PHYIS 'BYUNG BAR GYUR NA, NAD KYI SNGAR BYUNG BA'I TSUL MGO BO LCI BA LA SOGS PA 'BYUNG BAR 'GYUR RO, ,MGO BO LCI BA NI DANG PO MGO BO MI THEGS PA SNYAM SEMS PA'O, ,SGREGS PA DU BA CAN NI SGREGS PA DU BA LTAR DKU BA 'BYUNG BA'O, ,SKYUR BA NI SGREGS PA'I RO SKYUR BAG TU 'BYUNG BA'O, ,SKYUG PA NI SLON PA'O, ,SKYUGS PA'I MDOG BTZOG PA NI KHA DOG MI SDUG PA DANG, DRI NGA BA DANG, RO MI ZHIM PAR SNANG BA'O, ,GZHAN NI GO BAR ZAD DO, ,KHRAG DE NYA DMAR PO RO HI TA ZHES BYA BA'I DRI LTAR SHIN TU DRI MNAM PA'AM, KHRAG NYID KYI MDOG DMAR LA DRI NGA BAR SNANG BA DANG, KHA'I DRI MI ZHIM ZHING MNAM PA SNGAR BYUNG BA'I TSUL LAS DE SHES PAR BYA'O; ,DE BZHIN DU SKAD 'GAGS SHING SUBS PA DANG, DE BZHIN DU MIG DANG PAGS PA DANG, GDONG DANG, LCE DANG, BSHANG BA DANG, GCIN LA SOGS PA KHA DOG DMAR BA DANG, DUD PA LTAR LJANG BA DANG, SER POR SNANG BA LAS SHES PAR BYA LA, YANG DE BZHIN DU RMI LAM GYI NANG DU YANG KHA DOG DMAR PO DANG, LJANG GU DANG, SER POR MTHONG BAR 'GYUR BA YIN NO, ,STOD DU SNA MIG RNA BA KHA, ,SMAD DU BSHANG SGO PHO MO'I MTSAN, ,BA SPU'I BU GA KUN LAS KYANG, ,KHRAG RAB RGYAS PA 'BYUNG BAR 'GYUR, ,ZHES BYA BA LA, KHRAG DANG MKHRIS PA'I NAD DE STOD DU SNA DANG MIG DANG RNA BA DANG KHA'I SGO BDUN NAS 'BYUNG BAR 'GYUR BA DANG, SMAD DU BSHANG SGO DANG PHO MTSAN DANG MO MTSAN TE BU GA GSUM LAS 'BYUNG BAR 'GYUR LA, DE BZHIN DU BA SPU'I BU GA MA LUS PA KUN LAS KYANG 'BYUNG STE, RDUL 'BYUNG
BA'I RTZA SGO THAMS CAD LAS KYANG 'BYUNG BA STE, KHRAG RGYAS PA 'BYUNG BAR 'GYUR BA'I SGO NI DE DAG YIN NO, STOD KYI BAD KAN YIN GSO SLA, ,DE NI BKRU SMAN BTANG BAS GSO, ,SMAN MANG YOD CING MKHRIS PA YI, ,SMAN GYI MCHOG NI BKRU SMAN YIN, ,ZLA LA YOD PA'I BAD KAN YANG, ,DER NI DE YIS SBYANGS BYAS 'GYUR, ,DE LA SMAN NI MNGAR DANG BSKA, ,BAD KAN DAG LA PHAN BA LA, ,GANG GTOGS DANG GIS BAD KAN SEL, ,KHA DANG BSKA BA SMOS CI DGOS, ,ZHES BYA BA LA, STOD KYI CHAR BYUNG BA'I BAD KAN DANG MKHRIS PA GANG YIN PA DE NI BAD KAN RGYAS PA LAS GYUR PA YIN PA'I PHYIR, GSO SLA ZHING BCOS PAR SLA BA YIN LA, DE YANG BKRU SMAN BTANG BAS LAM BSGYUR TE GSO DGOS PA YIN NO, ,DE BZHIN DU SMAN YANG MANG DU YOD PA STE, SMAN RO MNGAR BA DANG KHA BA DANG BSKA BA RNAMS PHAN PA'I PHYIR RO, ,YANG STOD DU BYUNG BA'I KHRAG MKHRIS LA MKHRIS PA'I NAD LA PHAN PA'I SMAN BYA BA NI SMAN GYI MCHOG YIN TE, STOD DU BYUNG BA'I KHRAG DANG MKHRIS PA'I ZLA LA BAD KAN YOD BA DE BKRU SMAN BYAS PAS GANG YIN PA DE SBYANG ZHING DAG PAR 'GYUR RO, ,BAD KAN SBYANGS SHING DAG PA'I SKYES BU DE LA SMAN MNGAR BA RNAMS KYI KHU BA LA SOGS PA RNAMS KYANG BAD KAN LA PHAN PA YIN TE, DON DU BAD KAN GNOD PA'I MNGAR RAM, BAD KAN LA PHAN PAR GYUR NA BAD KAN 'BA' ZHIG YOD PA DE LA RANG BZHIN GYIS BAD KAN SEL BAR BYED PA'I SMAN KHA BA DANG BSKA BA DAG BYIN NA PHAN PAR 'GYUR ZHING BSNGAGS PA YIN PA LTA SMOS KYANG CI DGOS, THUR DU 'BYUNG BA'I RLUNG YIN PHYIR, ,DE NI SKYUG SMAN BTANG BAS GSO, ,MKHRIS PA'I SMAN NI NYUNG BA YIN, ,SGYUG SMAN MKHRIS PA'I SMAN MCHOG YIN, ,ZLA LA YOD PA'I RLUNG NAD KYANG, , DE NI DE YIS ZHI MI 'GYUR, ,DE LA RO NI MNGAR BSKOL BA, ,'BA' ZHIG PHAN PAR 'GYUR BA YIN, ,ZHES BYA BA LA, THUR DU 'BYUNG ZHING RO SMAD KYI LAM NAS 'BAB PA'I KHRAG DANG MKHRIS PA NI RLUNG NAD SHAS CHE BA LAS BYUNG BA'I PHYIR, DE GSO BA TZAM DU BYAS PA LAS GTAN BSAL
, BAR DKA' BA YIN LA, DE YANG SKYUG SMAN BTANG BAS GSO ZHING SLON DU 'BYUNG BA NI DE'I GSO BA YIN NO, ,KHRAG DANG MKHRIS PA DE NI SMAN SHIN TU NYUNG BA YIN ZHING MNGAR BA 'BA' ZHIG GIS GSO DGOS PA YIN LA, LAM BSGYUR BA'I SKYUG SMAN GTANG BA DE NI MKHRIS PA'I SMAN GYI MCHOG KYANG MA YIN LA, ZLA LA YOD PA'I RLUNG NAD GZHAN DBANG DU BYED PA DE YANG SKYUG SMAN GYIS ZHI BAR MI 'GYUR LA, 'OG TU 'BAB BA'I KHRAG DANG MKHRIS PA DE LA NI SMAN RO MNGAR BA KHO NA BSKOL BA LA SOGS PA PHAN PA YIN GYI, KHA BA'I SMAN KHU BA LA SOGS PA NI MA YIN TE, DE RNAMS KYIS RLUNG SKYED PA YIN PA'I PHYIR RO, ,BAD KAN RLUNG NI 'DRES PA'I NAD, ,GNYI GAR 'BYUNG BA GSO DKA' STE, ,BZLOG PA'I THABS NI MED PHYIR DANG, ,SMAN YANG YOD PA MA YIN NO, ,ZHES BYA BA LA, KHRAG DANG MKHRIS PA DANG BAD KAN DANG 'DRES PA'I NAD LAS BYUNG BAR GYUR NAS LUS KYI STOD DANG LUS KYI SMAD GNYIS KA LAS 'BYUNG BA DE NI SHIN TU BCOS PAR DKA' BA YIN TE, CI'I PHYIR ZHE NA, BZLOG PAR MI NUS PA YIN TE, DE'I PHYIR NAD KYI LAM BZLOG CING BSGYUR NAS BCOS PA'I THABS MED PA'I PHYIR DANG, DE BZHIN DU DE LTA BU'I NAD DANG 'TSAM ZHING GNYI GA LAS MI 'BYUNG BA'I SMAN YOD PA MA YIN PAS, GSOR MI RUNG BA YIN NO, ,'DI LAS BZLOG PAR BYA BA'I THABS, ,SBYANG BA'ANG YOD PA MA YIN TE, ,SBYANGS PAS BZLOG PAR BYA BA DAG ,SMAN PAS KHRAG MKHRIS GSO BA YIN, ,ZHES BYA BA LA, GANG GI PHYIR KHRAG DANG MKHRIS PA'I NAD RGYAS TE BYUNG BA 'DI LA SMYUNG BA BYA BA SMAN DPYAD KYI THABS YIN NA, SBYANG BA DE NI GANG ZHIG BTANG NA GNYI GNAS 'BYUNG BA'I KHRAG MKHRIS BAD KAN DANG RLUNG 'DRES PAR GYUR BA DE DUS GCIG TU 'AM GZHAN DU KHRID CING SEL BAR BYED PA DE LTA BU'I BZLOG PAR BYA BA'I THABS SU GYUR PA'I SBYANG BA GANG YANG YOD PA MA YIN LA, KHRAG DANG MKHRIS PA'I NAD LA NI SBYANGS BAS MI MTHUN PAR BZLOG CING LAM BSGYUR BA NYID
KYIS SMAN PAS BCOS DGOS NA, LAM GNYIS NAS 'BYUNG BA 'DI NI BZLOG PAR NUS PA MA YIN TE, GANG GI PHYIR THUR DU 'BAB PA LAS LTOS TE, SKYUG SMAN BTANG NA NI STOD DU 'BYUNG BA BZLOG PAR MI 'GYUR LA, STOD DU 'BYUNG BA LAS LTOS TE BKRU SMAN BTANG NA NI THUR DU 'BYUNG BA MI BZLOG PAS BCOS PA'I THABS MED PA YIN NO, ;MKHRIS PA NYE BAR ZHI BA YANG, ,'DI LAS YONG YE YOD MA YIN, ,'DRES PAR GYUR PA'I NAD LA NI, ,THAMS CAD SEL BA'I ZHI BYA PHAN, ,ZHES BYA BA LA, 'DI LA SBYANG BA NYE BAR ZHI BAR BYA BA'I THABS RNAM PA THAMS CAD DU MED PA DE BZHIN DU ZHI BAR BYA BA'I THABS KYANG YOD PA MA YIN TE, GAL TE STOD DU BYUNG BA'I BAD KAN DANG 'BREL PA LA PHAN PAR 'GYUR BA KHA BA DANG BSKA BA LA SOGS PA'I SMAN BTANG NA NI, DE RLUNG LA GNOD PAS THUR DU 'BYUNG BA 'PHEL BAR 'GYUR LA, GANG SMAD DU BYUNG BA'I RLUNG LAS GYUR PA LA PHA PA SMAN MNGAR BA BYIN NA NI, DE BAD KAN LA GNOD PAS STOD DU 'BYUNG BA 'PHEL BAR 'GYUR RO, ,DE BAS NA LAM GNYIS KA NAS 'BYUNG BA'I KHRAG MKHRIS 'DI LA NI SBYANG BA DANG 'DRA BAR ZHI BAR BYA BA'I THABS KYANG YONG YE RNAM PA THAMS CAD DU YOD PA MA YIN NO, ,DE YANG GANG GI PHYIR NAD 'DRES PAR GYUR CING PHYOGS GCIG TU GNAS LA BYA BA CIG RTZOM PAR 'GYUR BA'I NAD LA NI THAMS CAD SEL BA STE, NAD GZHI GSUM CHAR SEL BA'I ZHI BAR BYA BAS PHAN PA YIN NA, STOD SMAD KYI LAM GNYIS KA NAS 'BYUNG BA'I KHRAG DANG MKHRIS PA LA NI NAD GZHI GSUM CHAR SEL BAR 'GYUR BA'I SMAN YOD PA MA YIN TE, NAD GZHI GSUM THA DAD PAR GNAS PA YIN PA'I PHYIR RO, ,DE LA NAD DANG RJES MTHUN PA'I, ,GTAR GA BTAB STE BRTAG PAR BYA, , ZHES BYA BA LA, KHRAG DANG MKHRIS PA'I NAD DE LA NI GTAR GA BTAB STE KHRAG PHYUNG LA, KHRAG 'DI NI RLUNG 'KHRUGS PA YIN NO, ,'DI NI MKHRIS PA 'KHRUGS PA YIN NO, ,'DI NI MKHRIS PA 'KHRUGS PA YIN NO, ,'DI NI BAD KAN 'KHRUGS PA'O, ,'DI NI 'DRES PA'AM LDAN PA 'KHRUGS PA'O, ,'DI NI 'DUS
, ,PA LAS GYUR PA YIN NO, ,ZHES GTAR GAS BTON PA'I KHRAG NYID LA BRTAG PAR BYA STE, RLUNG KHRAG GNAG DANG DMAR DANG RTZUB, ,CES BYA BA LA SOGS PAS NI RLUNG LAS GYUR PA DANG, MKHRIS KHRAG SER LA RTZA GNAG MNAM, ,ZHES BYA BA LA SOGS PAS NI MKHRIS PA LAS GYUR PA DANG, BAD KAN KHRAG NI 'JAM LA SKYA, ,ZHES BYA BA LA SOGS PAS NI BAD KAN LAS GYUR PA NAS, NYES GSUM DRI MA RNYOG PA CAN, ,ZHES BYA BA'I BAR GYIS 'DRES PA DANG 'DUS PA LAS GYUR BAR SHES PAR BYA'O, ,BLA BRNAN BYUNG BAR GYUR PA DAG ,'GYUR BAR SHES LAS RTOGS PAR BYA, ,ZHES BYA BA LA, KHRAG DANG MKHRIS PA DE BLA BRNAN BYUNG BAR GYUR PA DAG NI LUS KYI 'GYUR BA'I BYE BRAG SHES PAR BYA BA'I LE'U LAS, KHRAG DANG MKHRIS PA SHIN TU DMAR, ,YANG NA GNAG PA'AM 'TSO BA'AM, , ZHES BYA BA LA SOGS PA LAS RTOGS PAR BYA'O, ,DE LA LUD PA MYUR GNOD BYED, ,DE PHYIR DE NYID BSHAD PAR BYA, ,ZHES BYA BA LA, NAD DE RNAMS KYI NANG NAS LUD PA NI GNOD PA MYUR DU SKYED CING KHYAD PAR DU MI BDE BAR BYED PA YIN PAS, DE'I PHYIR LUD PA DE'I MTSAN NYID GANG DAG YIN PA BSHAD PAR BYA'O, ,LUD PA RLUNG MKHRIS BAD KAN DANG, ,GLO RDOL GLO GCONG LA LNGAR BSHAD, ,CES BYA BA LA, LUD PA NI RLUNG LAS GYUR PA LA SOGS PA'I DBYE BAS RNAM PA LNGA YOD DO ZHES LHA'I MIG DANG LDAN PA'I DRANG SRONG CHEN PO RNAMS KYIS BSHAD DO, ,THAMS CAD MA GSOS ZAD BYED 'GYUR, ,PHYI MA BZHIN DU STOBS CHEN YIN, ,ZHES BYA BA LA, LUD PA DE DAG THAMS CAD MA GSOS SHING BTANG SNYOMS SU BZHAG NA MTHAR ZAD BYED KYI GLO GCONG CHEN POR 'GYUR BA'AM, MTHAR 'CHI BA NYID DU 'GYUR LA; LUD PA DE RNAMS KYANG PHYI MA BZHIN DU STOBS CHE STE, RLUNG GI LUD PA BAS NI MKHRIS PA'I LUD PA STOBS CHE LA, DE BAS NI BAD KAN LUD PA STOBS CHE, DE BAS NI GLO RDOL BA'I LUD PA STOBS CHE, DE BAS NI GLO GCONG ZAD BYED KYI LUD BA STOBS CHE ZHING SHUGS
DRAG PA YIN NO, ,DE RNAMS 'BYUNG BAR 'GYUR BA'I RTAGS, ,GRE BA G-YA' ZHING YI GA 'CHUS, ,GRE NANG GRA MAS GANG SNYAM SEMS, ,ZHES BYA BA LA, LUD PA DE RNAMS PHYIS 'BYUNG BAR 'GYUR ZHING SKYE BA LA SOGS PA'I RTAGS SAM MTSAN MA NI GRE BA G-YA' ZHING YI GA 'CHUS PAR 'GYUR BA DANG, GRE BA'I NANG THAMS CAD NAS KYI GRA MAS GANG BA SNYAM DU SEMS SHING RTZUB PAR 'GYUR RO, ,DE LA THUR RGYU'I RLUNG GNOD 'GYUR, ,STOD DU SONG STE BRANG DU PHYIN, ,DE TSE MGUL PA'I NANG DU ZHEN, ,MGO BO'I RTZA RNAMS BKANG NAS NI, ,DE NAS YAN LAG 'DEGS PA LTAR, ,G-YENGS BYED MIG RDOL TZAM DU NA, ,RGYAB BRANG RTZIB LOGS NA ZHING ZUG ,KHA RU 'BYUNG ZHING RGYU BA NA, ,LUD PA SNOD CHAG 'DRA'I SGRA 'BYUNG, ,ZHES BYA BA LA, DE LA LUD PA THAMS CAD LA THUR DU RGYU BA'I RLUNG GNOD PA DANG BCAS SHING THUR DU 'BYUNG DU MA STER BAS DE STOD DU SONG STE BRANG DU PHYIN PAR GYUR PA LA, DE'I TSE DES SHUGS BRGAL BA LAS MGUL PA YAN CHAD KYI BAR ZHEN CING GNAS NAS, MGO BO'I RTZA SGO RNAMS NAS ZHUGS TE, GNAS DE DAG BKANG ZHING KHYAB PAR BYED LA, DE NAS DE'I 'OG TU LUS KYI YAN LAG RNAMS GYEN DU BSKYOD CING 'DEGS PA LTAR BYED PAS RNAM PAR G-YENGS PAR BYED LA, DE BZHIN DU MIG GNYIS PHYUNG ZHING RDOL BA TZAM DU NA BA DANG RGYAB DANG BRANG DANG RTZIB LOGS KYI PHYOGS RNAMS KYANG NA ZHING ZUG PA DANG BCAS PAS RLUNG DE KHA'I SGOR RGYU ZHING 'BYUNG BAR BYED DE, ,DE'I TSE LUD PA SNOD CHAG PA'I SGRA 'BYUNG ZHING KHAR SOGS BCAG PA'I SGRA DANG BCAS PA 'DRA BAR 'BYUNG BAR 'GYUR RO, ,NAD GZHI'I DBYE BAS NAD KYANG NI, ,THA DAD SHUGS DANG BCAS PA YIN, ,NAD GANG SGRA NI MI SNYOMS PA, , DE LAS LUD PA 'BYUNG BA YIN, ,ZHES BYA BA LA, NAD GZHI'I RGYU'I BYE BRAG DBYE BAS RGYU THA DAD PA'I PHYIR LUD PA'I NAD KYANG RNAM PA THA DAD CING RLUNG DE SHUGS SAM STOBS DANG BCAS PA YIN LA, DES NA LUD PA'I NAD GANG YIN PA'I SGRA YANG MI SNYOMS SHING SGRA CHE BA
, ,LA SOGS PAS LUD PA DE 'BYUNG BA YIN NO, ,DE NI 'DI SKAD STON PA YIN TE, DE LA RLUNG NI RANG BZHIN GYI SHUGS DANG BCAS PA YIN LA, SHUGS DE YANG RGYU SNA TSOGS PA'I DBANG GIS CHE BA'AM CHUNG BAR 'GYUR LA, GANG DE DANG PHRAD PA'I SGRA DE YANG RGYU'I KHYAD PAR GYI DBANG GIS GNOD PA SNA TSOGS PA SKYED PAR 'GYUR RO, ,RLUNG NAD SKYED PA RLUNG 'KHRUGS PA, ,BRANG DANG GRE BA KHA SKAM ZHING, ,SNYING BRANG RTZIB LOGS KLAD PA GZER, ,RMONGS BAG KHONG 'KHRUGS SGAD 'GAGS SHING, ,LUD PA SKAM PO 'BYUNG BYED CING, ,NA BA'I SHUGS DRAG SGRA CHER 'BYUNG, ,LUS KUN BRTZE BCAS BAD KAN SKAM, ,'THON PAR DKA' ZHING NYUNG DU 'BYUNG, ,ZHES BYA BA LA, RLUNG NAD SKYED PAR BYED PA'I KHA ZAS DANG SPYOD LAM RTZUB CING GRANG BA LA SOGS PA BSTEN PA DANG, LAM DANG BUD MED LA SOGS PAS DUB PA DAG GIS RLUNG NAD DE 'KHRUGS SHING LDANG BAR GYUR NA, BRANG DANG GRE BA DANG KHA SHIN TU SKAM PAR BYED PA DANG, SNYING GA LA SOGS PAR GZER BAR BYED PA DANG, LUD PA SKAM PO BAD KAN DANG MCHIL SNABS MED PAR 'BYUNG BAR BYED PA DANG, DE BZHIN DU TSA BA'I TSABS CHE BA DANG, SHUGS 'BYUNG BA DRAG PO DANG, SGRA CHEN PO 'BYUNG BA DANG BCAS PA YIN NO, ,YANG LUD PA DE NI LUS DANG YAN LAG BRTZE BA DANG BCAS PA DANG, BAD KAN NAM MCHIL SNABS NANG NAS 'THON PA SHIN TU DKA' BA 'BYUNG ZHING NYUNG ZHIG 'BYUNG BA YIN NO, ,MKHRIS PAS MIG DANG BAD KAN SER, ,KHA NANG KHA ZHING RIMS MGO 'KHOR, ,KHRAG MKHRIS SLON ZHING SKOM DAD CHE, ,SKAD 'GAGS DUD 'DRA SKYUR BA DANG, ,LUD PA'I SHUGS KYI RGYUN 'BYUNG BA, ,SKAR MDA' 'PHRO BA LTA BUR SNANG, ,ZHES BYA BA LA, LUD PA MKHRIS PA LAS GYUR PA LAS NI MIG SER BA DANG, BAD KAN 'BYUNG BA SER PAR 'BYUNG BA DANG, DE BZHIN DU KHA'I NANG KHAB KHRO BA DANG, RIMS LA SOGS PA 'BYUNG BAR 'GYUR RO, ,
YANG LUD PA DUD PA 'DRA BA 'BYUNG ZHING DRI SKYUR BA 'BYUNG BA DANG, LUD PA 'BYUNG BA'I SHUGS KYI RGYUN RTAG TU 'BYUNG ZHING SKAR MDA'I TSOGS 'PHRO BA LTAR MTHONG BAR 'GYUR BA'AM, RMA BYA'I SGRO LTAR KHA DOG SNA TSOGS SNANG BAR 'GYUR RO, ,BAD KAN LAS BRANG NAD TSABS CHUNG, ,MGO LCI SNYING GA GANG SNYAM SEMS, ,GRE BAR BSKUS 'DRA SNYOM PAR BYED, ,CHAM 'DEBS ZAS SKYUG YI GA 'CHUS, ,SPU BRTZE LUD PA SKAM PA DANG, ,SNUM ZHING DKAR BA 'BYUNG BAR 'GYUR, ,ZHES BYA BA LA, BAD KAN LAS GYUR PA'I LUD PA'I MTSAN NYID NI BRANG DU ZUG CING NA BA DANG, NA BA'I TSABS CHUNG BA DANG, MGO BO LCI ZHING BEM BEM POR 'DUG PA DANG, SNYING GA MER MER POR GANG BA SNYAM DU SEMS PA DANG, GRE BAR CHAGS SHING 'DAM PA BSKUS PA SNYAM DU SEMS PA DANG, LUS DANG YAN LAG SNYOM ZHING LCI BA DANG, CHAM PAS 'DEBS PA DANG, KHA ZAS SKYUG CING SLON PA DANG, SPU BSHOR ZHING BRTZE BA DANG, LUD PA SKAM PA DANG, SNUM PA DANG, DKAR BAR 'BYUNG BA NI BAD KAN GYI MTSAN NYID YIN NO, ,STOBS 'GYED LA SOGS DRAG SHUL RNAMS, ,MI NUS BZHIN BYAS DE DANG DES, ,RLUNG GIS BRANG NANG GLO DRAL LA, ,MKHRIS PA RJES 'BRANGS DKYEL GYUR PA, ,'KHRUGS TE LUD PA LU BAR BYED, ,DE NI BAD KAN KHRAG BCAS DANG, ,SER ZHING GNAG LA SKAM PA DANG, ,RIL RIL BOR MNAM MANG DU 'BYUNG, ,'BYUNG TSE GRE BA NA BA DANG, ,BRANG NI DRAL BA SNYAM DU SEMS, ,KHAB NI RNON POS PHUG SNYAM SEMS, ,GZER GYIS 'DEBS PAR BYED PA DANG, ,TSIGS 'BYE RIMS DANG DBUGS MI BDE, ,SKAD 'GAGS LUS 'DAR SKOM DAD CHE, ,PHUG RON LTA BUR MKHUN 'BYIN TO, ,RTZIB LOGS GZER 'GYUR DE NAS NI, ,RIM GYIS STOBS DANG ME DROD DANG, ,NUS PA NYAMS NI 'BRI BAR 'GYUR, ,ZAD BYED KYIS GCIN KHRAG DANG BCAS, ,RGYAB DANG RKANG PA NA BAR 'GYUR, ,ZHES BYA BA LA, STOBS 'GYED PA NI LAG STOBS 'GYED CING RTZAL BSKYOD PA LA SOGS
, ,PA'O; ,LA SOGS PA ZHES SMOS PA NI, BUD MED BSTEN DRAGS PA DANG, KHUR DANG LAS KYIS DUB PA DANG, GLANG PO CHE DANG RTA 'DUL BA LA SOGS PA'I DRAG SHUL RNAMS MI NUS BZHIN DU BYAS PA DAG BSDU'O, ,DE LTAR STOBS 'GYED PA LA SOGS PA'I DRAG SHUL MI NUS BZHIN DU NAN GYIS RTZOM PAR BYED, ,BSTEN PAR BYAS PA'I RGYU RNAM PA MANG PO DE DANG DES RLUNG 'KHRUGS PAS BRANG GI NANG GI GLO 'BRAL ZHING, ,MKHRIS PA RJES SU 'BRANGS PA ZLA LA YOD NA DE STOBS SKYE ZHING DKYEL DU GYUR PAS LUD PA LU BAR BYED PA YIN NO, ,DE NAS LUD PA DES BAD KAN KHRAG DANG BCAS PA DANG, KHA DOG SER BA DANG, RTZA GNAG PA DANG, SKAM ZHING LJAN LJIN MED PA DANG, RIL RIL POR GNAS LA MNAM PA DAG MANG DU 'BYUNG ZHING SLON LA 'BYUNG BA'I TSE GRE BA'I NANG NA ZHING GZER BA DANG BCAS PA'O, ,BRANG GI PHYOGS DBRAL ZHING GSHAGS PA SNYAM DU SEMS PA DANG, YANG BRANG DE NYID KHAB RNON POS PHUG CING GTZAGS PA SNYAM DU SEMS PA DANG, GZER GYIS 'DEBS PA DANG; JI LTA BU'I TSUL DU 'BYUNG ZHE NA, TSIGS BYE BA SNYAM DU SEMS PA LA SOGS PA'I GNOD PA DANG BCAS PAR 'GYUR BA DANG, YANG DE BZHIN DU PHUG RON LTAR SGRA MI GSAL BA'I TSIG TU MKHUN ZHING 'BYIN PA DANG, RTZIB LOGS KYI PHYOGS GZER BA DANG BCAS PAR 'GYUR RO, ,DE NAS DE'I 'OG TU LUD PA CAN GYI SKYES BU DES DUS KYI RIM GYIS LUS KYI STOBS LA SOGS PA 'BRI BAR 'GYUR RO, ,DE LA STOBS NI KHU CHU'O, ,ME DROD NI ZAS 'JU ZHING SMIN PAR BYED PA'I PHO BA'I ME DROD DO, ,NUS PA NI NYAMS STOBS SO, DE ZAD CING NYAMS PAS CIR 'GYUR ZHE NA, GCIN KHRAG DANG BCAS PAR 'GYUR BA DANG, RGYAB DANG RKANG PA MI BZAD PAR NA BAR 'GYUR RO, ,GTZO BO RLUNG NI 'KHRUGS PA YIS, ,LUS ZUNG ZAD BYED NAD RGYAL PO, ,GLO GCONG GI NI GNAS BYED CING, ,LUD PA LU
ZHING BAD KAN BYUNG, ,RNAG 'DRA MNAM ZHING SER BA DANG, ,RUL ZHING RTZA SNGO DMAR BA DANG, RTZIB LOGS BTON PA LTAR SEMS SHING, ,SNYING NI LHUNG BA SNYAM DU BYED, ,RGYU MED DRO DANG GRANG BA 'DOD, ,ZAS MANG ZA ZHING NYAMS STOBS ZAD, ,BZHIN NI SNUM ZHING DANG BAR SNANG, ,MIG NI MDANGS LDAN BLTA SDUG 'GYUR, ,DE NAS DE LAS ZAD BYED 'GYUR, ,THAMS CAD 'BYUNG BAR 'GYUR BA YIN, ,ZHES BYA BA LA, GLO GCONG DANG LDAN PA'I SKYES BU LA NI RLUNG GTZO BOR GYUR PAS, 'OG NAS BSHAD PA'I GLO GCONG GI NAD KYI RGYU RNAMS KYIS 'KHRUGS SHING LDANG BAR 'GYUR LA, DES LUS ZUNGS RNAMS ZAD PAR BYAS NAS, NAD KYI RGYAL PO ZAD BYED DAM, ,GLO GCONG ZHES BYA BA'I GNAS GZHIR BYUNG LA, RGYU DES NA LUD PA LU BAR 'GYUR RO, ,DES NA SKYES BU DE BAD KAN 'BYUNG ZHING SLON PAR PHAL CHER RNAG LA SOGS PA'I MTSAN NYID DANG LDAN PAR 'BYUNG BAR 'GYUR RO, ,RTZIB LOGS BTON PA LTAR SEMS PA NI GNAS DE DAG BSGUL ZHING PHYUNG BA SNYAM DU SEMS PAR 'GYUR RO, ,YANG DE BZHIN DU GLO GCONG GI LUD PA DE SNYING LA GNAS NAS LHUNG ZHING 'BYUNG BA SNYAM BYED PA DANG, RGYU MED PAR GLO BUR DU TSA BA DANG GRANG BA 'DOD CING BSTEN PAS DGA' BAR BYED DE, GRANG BAS NYEN PA MED PAR DRO BA 'DOD PA DANG, TSA BAS NYEN PA MED PAR GRANG ZHING BSIL BA 'DOD PAR 'GYUR BA DANG, KHA ZAS MANG DU ZOS SU ZIN KYANG NYAMS STOBS 'BRI ZHING CHUNG BAR 'GYUR BA DANG, BZHIN RAS SNUM ZHING CUNG ZAD DANG BA DANG LDAN PAR 'GYUR BA DANG, MIG MDANGS DANG LDAN ZHING BLTA NA SDUG PA MTHONG NA DGA' BAR 'GYUR RO, ,DE NAS DE'I 'OG TU LUD PA CAN GYI SKYES BU DE LA ZAD BYED KYI TSUL THAMS CAD DE GCONG CHEN PO'I MTSAN NYID MA LUS PAR 'BYUNG BAR 'GYUR RO, ,DE LTAR GLO RDOL LAS BYUNG LUD, ,NYAM CHUNG LUS NI 'JIG BYED DE, ,STOBS LDAN GSO BA TZAM DU RUNG, ,GLO GCONG LAS BYUNG DE DANG 'DRA, ,ZHES BYA BA LA, SNGAR BSHAD PA'I MTSAN NYID DE LTAR NA GLO RDOL BA LAS BYUNG BA'I LUD PA 'DIS NI
, ,SKYES BU NYAM CHUNG ZHING STOBS ZAD PA'I LUS 'JIG CING 'JOMS PAR BYED PA YIN LA, SKYES BU STOBS DANG LDAN PA LA NI RE ZHIG GSO BA TZAM DU RUNG BA YIN NO, ,GLO GCONG LAS BYUNG BA'I LUD PA YANG GLO RDOL GYI LUD PA DANG TSUL 'DRA BA YIN NO; ,DE GNYIS GSAR BYUNG MGON LDAN 'GRUB, ,CES BYA BA LA, GLO RDOL BA DANG GLO GCONG LAS BYUNG BA'I LUD PA DE GNYIS GSAR DU BYUNG ZHING NAD KYIS BTAB NAS RING PO MA LON PAR YANG YIN NO, ,MGON DANG LDAN PA DE GSO BA'I YAN LAG BZHI CAR DANG LDAN PAS LEGS PAR GSOS NA 'GRUB CING 'TSOR RUNG BA YIN NO, ,NAD GZHI THA DAD GSUM GSOR RUNG, ,ZHES BYA BA LA, LUD PA DE DAG GI NANG NAS NAD GZHI THA DAD PA'I LUD PA RLUNG DANG MKHRIS PA BAD KAN LAS BYUNG BA NI GSOR RUNG BA YIN NO, ,GNYIS 'DRES KUN KYANG RGAN PO NI, ,NA TSOD ZAD BTAB 'TSO BA TZAM, ,ZHES BYA BA LA, NAD GZHI GNYIS 'DRES PA LAS BYUNG BA'I LUD PA GANG YIN PA DE NI GSO BA TZAM DU BYAR RUNG BA YIN LA, YANG LUD PA GSOR RUNG BAR BSHAD LA, NAD GZHI THA DAD PA LAS BYUNG BA DAG KYANG MI RGAN PA LAS BYUNG ZHING, NA TSOD DENGS SHING ZAD PA LA BTAB NA RE ZHIG GSO BA TZAM DU BYAR RUNG BA YIN NO, ,LUD PA YAL BAR BOR BA LAS, ,DBUGS MI BDE DANG ZAD BYED SLON, ,SKAD 'GAGS LA SOGS NAD 'BYUNG 'GYUR, ,DE PHYIR DE NI MYUR DU GSO, , ZHES BYA BA LA, GANG GI PHYIR LUD PA YAL BAR BOR ZHING MA BCOS PA LAS DBUGS MI BDE BA LA SOGS PA'I NAD 'BYUNG BAR 'GYUR BAS, DE'I PHYIR LUD PA GSAR PA DE MYUR DU GSO ZHING SMAN DPYAD KYIS BCOS PAR BYA'O, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, NAD GZHI'I GNAS KYI LE'U GSUM PA'I RNAM PAR 'GREL PA'O,, ,,DE NAS DBUGS MI BDE BA DANG SKYIGS BUS BTAB PA'I NAD GZHI
BSHAD PAR BYA'O, ,ZHES BYA BA LA, 'DI BRTZAMS PA'I 'BREL PA NI 'DI YIN TE, DBUGS MI BDE BA NI LUD PA LAS 'BYUNG STE, 'DI NYID LAS LUD PA 'PHEL BA LAS DBUGS MI BDE BA 'BYUNG BAR GZHUNG RTZOM PAS BSHAD PA YIN NO, ,DE BAS NA 'DI'I 'OG TU DBUGS MI BDE BA'I NAD GZHI BSHAD PA YIN LA, SKYIGS BU YANG DE'I RKYEN GYIS 'BYUNG BAS DBUGS MI BDE BA'I ZHAR LA SKYIGS BU YANG BSHAD PA YIN TE, LUD PA 'PHEL BA'AM SNGAR NAD GZHI, ,'KHRUGS LAS DBUGS MI BDE 'BYUNG 'GYUR, ,MA ZHU TSAD 'KHRU SLON DUG 'THUNGS, ,SKYA RBAB RIMS BTAB LAS KYANG 'BYUNG, ,ZHES BYA BA LA, LUD PA 'PHEL BA NI LUD PA SHAS CHER RGYAS PA STE, DE LAS DBUGS MI BDE BA 'BYUNG BAR 'GYUR RO, ,YANG NA NAD THAMS CAD KYI NAD GZHI BSHAD PA'I SKABS SU SNGAR BSHAD PA'I NAD GZHI KHA BA DANG, TSA BA DANG DRO BA'I BAG ZOS PA LAS NAD GZHI 'KHRUGS PAS DBUGS MI BDE BA 'BYUNG BAR 'GYUR RO, ,DE BZHIN DU MA ZHU BA LA SOGS PA'I NAD KYIS BTAB PA LAS DBUGS MI BDE BA 'BYUNG BAR 'GYUR RO, ,PHRAN TSEGS MUN CAN CHAD PA DANG, ,CHEN PO GYEN 'BYUNG RNAM PA LNGA, ,ZHES BYA BA LA, DBUGS MI BDE BA NI PHRAN TSEGS LA SOGS PA'I DBYE BAS RNAM PA LNGA YOD DO, ,BAD KAN GYIS NI RGYU LAM BKAG ,RLUNG NI SNA TSOGS KHYAB PAR GNAS, ,SROG DANG ZAS SKOM RGYU BA'I LAM, ,SBU GU NAD KYIS BKAG PAS NA; ,MA ZHU'I GNAS NAS 'BYUNG BA'I DBUGS, ,BRANG GNAS DBUGS MI BDE BAR BYED, ,CES BYA BA LA, RLUNG GANG BAD KAN GYI RGYU BA'I LAM GYI SGO BKAG NAS, RLUNG DE SNA TSOGS PAR THAMS CAD DU KHYAB STE GNAS NAS LDANG BAR 'GYUR LA, YANG RLUNG DE SROG LA SOGS PA RGYU BA'I LAM GYI BU GA NAD KYIS 'KHRUGS PAR BYAS PAS MA ZHU BA'I GNAS NAS BYUNG BA'I DBUGS GANG YIN PA DE BRANG NA GNAS SHING BRTEN NAS DBUGS MI BDE BAR BYED PA YIN NO, ,DE YI SNGON TSUL SNYING RTZIB LOGS, ,GZER ZHING SROG RLUNG MI MTHUN RGYU, ,SPOS DANG MUR
, ,'GRAM NA BA YIN, ,ZHES BYA BA LA, DE'I SNGON TSUL NI DBUGS DE SNGAR BYUNG BA'I NAD KYI TSUL LAM RTAGS NI SNYING LA SOGS PA GZER BA DANG, SROG CES BYA BA'I RLUNG MI MTHUN PA RGYU ZHING PHYIN CI LOG TU 'GRO BA DANG, LTO SBOS PA DANG MUR 'GRAM GNYIS SUN ZHING ZUG PAR 'GYUR RO, ,DES NI DRAG SHUL 'GRANGS DRAGS PAS, ,BSKYOD PA'I RNGAM BA PHRAN TSEGS 'GYUR, ,DE NI RANG NYID ZHI BAR 'GYUR, ,ZHES BYA BA LA, DE LA DBUGS MI BDE BA RNAMS KYI NANG NAS PHRAN TSEGS NI DRAG SHUL LA SOGS PAS BSKYOD PA'I RLUNG LAS 'BYUNG BAR 'GYUR RO, ,DE LA DRAG SHUL NI LUS DUB PAR BYED PA'I LAS KHUR 'DEGS PA LA SOGS PA'O, ,'GRANGS DRAGS PA NI TSAD LAS LHAG PAR MANG DU ZOS PA'O, ,DE DAG GIS BSKYOD PA NI LDANG BAR BYED PA STE, DE LTA BU'I RNGAM PA NI PHRAN TSEGS YIN LA, CHUNG NGU PHRAN TSEGS DE NI GSO BA'I SMAN DPYAD BYA MI DGOS PAR DUS CUNG ZAD CIG NGAL BSO BA TZAM GYIS RANG NYID NYE BAR ZHI BAR 'GYUR RO, ,RLUNG GIS RTZA SBUBS LOG RGYU BYED, ,BAD KAN SLONGS PAR GYUR NAS NI, ,KLAD PA MGUL PA'I NAD SONG STE, ,BRANG DANG RTZIB LOGS NA BAR BYED, ,LUD PA'I NGAR SGRA 'DZER MI DRAN, ,CHAM PA MI BZAD YI GA 'CHUS, ,MI BZAD SHUGS NI SKYED BYED CING, ,DBUGS MI BDE BA DE'I SHUGS KYIS, ,SROG LA GNOD 'GYUR LUD PA'I MTHAR, ,SKAD CIG BDE BAR BYED PA YIN, ,NYAL TSE SHIN TU MI BDE LA, ,'DUG NA CUNG ZAD BDE BAR 'GYUR, ,MIG GDANGS DPRAL BA'I PHYOGS NAS NI, ,RDUL 'DZAG SHIN TU NA BAS NYEN, ,KHA SKAM DBUGS NI BSTUD MAR 'BYUNG, ,DRO BA 'DOD CING 'DAR DANG BCAS, ,CHAR 'BAB GRANG DANG SER BUS PHOG ,BAD KAN SKYED PAS RNAM PAR 'PHEL, ,MUN CAN DE NI 'TSO BYA TZAM, ,NYAMS LDAN GSAR DU BTAB GSO BLA, ,ZHES BYA BA LA, RLUNG GIS MI MTHUN PA RGYU ZHING RTZA'I SBUBS SU LOG PAR RGYU BAR BYED, DES BAD KAN SLONGS SHING STOD DU BSKYOD PAR 'GYUR BA DANG, KLAD PA DANG
MGUL BA'I NANG DU SONG ZHING KUN TU KHYAB STE, BRANG DANG RTZIB LOGS NA ZHING GZER BAR BYED NAS LUD PA LA SOGS PA'I SHUGS MI BZAD PA SKYED PAR BYED DO, ,DBUGS MI BDE PA YANG SHUGS MI BZAD PAS SROG LA GNOD CING 'TSE BAR BYED DE, GANG GI SROG CES BYA BA'I RLUNG LA GNOD CING GZER BAR BYED PA DE NI SROG LA GNOD PA'I DBUGS MI BDE BA ZHES BYA'O, ,YANG NA SROG NI 'TSO BA'I DBANG PO'AM STOBS LA BYA LA, DE DBUGS MI BDE BA'I SHUGS KYIS GNOD PAR BYAS PAS SDUG BSNGAL BAR 'GYUR RO, ,LUD PA'I MTHA' NI BAD KAN DANG, SNABS LA SOGS PA 'DOR BA'I MTHAR SKAD CIG GAM THANG CIG TZAM GYI BAR DU BDE BAR GNAS PAR BYED PA YIN NO, ,YANG DE NI MAL NA GNAS SHING NYAL BA'I TSE SHIN TU MI BDE ZHING SDUG BSNGAL BAS DBUGS 'BYIN PAR BYED PA YIN LA, DE NAS LANGS TE TZOG TZOG PO LA SOGS PA'I TSUL DU 'DUG NA CUNG ZAD BDE ZHING SHUGS NGAL BA YIN NO, ,MIG GDANGS PA NI GYEN DU BLTA BA'O, ,DPRAL BA'I PHYOGS NAS RDUL 'DZAG PA NI RDUL 'BYUNG ZHING DRI MA RLAN CAN DU 'DZAG PA'O, ,SHIN TU NA BAS NYEN PAS NI BRNAG PAR DKA' BA'I NAD KYIS NYAM THAG PAR 'GYUR RO, ,KHA SKAM PA NI KHYAD PAR DU KHA SKAM ZHING RLAN MED PA'O, ,YANG DE BZHIN DU DBUGS BSTUD MAR 'BYUNG ZHING YANG YANG DU RTZEG MAR 'GYUR BA DANG, DRO BA'I BAG YID LA 'DOD CING BSTEN PAR DGA' BA DANG LUS 'DAR BA DANG BCAS PA YIN NO; ,YANG DBUGS MI BDE BA DE NI CHAR MI 'BAB PA LA SOGS PA BAD KAN SKYED PA'I KHA ZAS DANG SPYOD LAM GYIS RNAM PAR 'PHEL ZHING DKYEL SKYE BAR 'GYUR RO, ,MUN PA CAN GYI DBUGS MI BDE BA DE NI GSO BAR BYA BA TZAM YIN LA, DE NYAMS STOBS DANG LDAN PA'I SKYES BU DE LA GSAR DU BTAB PA YIN NA NI GSO BLA BA YIN NO, ,RIMS DANG BRGYAL LAS BYUNG GRANG BA'I, ,SMAN GYIS ZHI STE RAB MUN CAN, ,ZHES BYA BA LA, DBUGS MI BDE BA MUN PA CAN ZHES BYA BA DE NYID GANG GI TSE RIMS DANG BRGYAL BA LAS BYUNG BAR GYUR PA DE'I TSE GRANG ZHING BSIL
, ,BA'I SMAN DANG BZAS KYIS DE ZHI ZHING BSAL BAR GYUR PA DE'I TSE, DE LA RAB TU MUN PA CAN ZHES BYA'O, ,DBUGS CHAD DBUGS 'BYIN RGYUN CHAD BA'I, ,GNAD GCOD NAD KYIS GZIR BAR BYED, ,RDUL BCAS BRGYAL DANG SPOS DANG BCAS, ,LGANG PA TSA ZHING GCIN 'GAGS BYED, ,MIG MI SDUG CING THUR DU BLTA, ,MIG GCIG DMAR ZHING DRAN PA STOR, ,KHA SKAM SMRE ZHING SKAD GDANGS DMA', ,GZI MDANGS NYAMS SHING SEMS BRAL BA'O, ,ZHES BYA BA LA, DBUGS RGYUN CHAD PA ZHES BYA BA NI, DBUGS RGYUN CHAD PA'I TSUL GYIS 'BYIN PAR BYED KYI, BAR MI CHAD PAR MI BYED PAR MI 'BYIN ZHING RNGUB PA MA YIN BA DANG, GNAD GCOD PA'I TSUL GYIS GZIR ZHING NYAM THAG PAR BYED PA DANG, RDUL DANG BCAS PAR BRGYAL ZHING DE GNYIS DANG LDAN PA DANG, STOD SMAD DU RLUNG RGYU BA 'GAGS PAS SBOS PA DANG BCAS PA DANG, LGANG PA TSA ZHING CHU SO'I PHYOGS LHAG PAR TSA BA DANG, GCIN 'GAGS PAR BYED PA DANG, MIG MI SDUG CING GCIG TU SONG MI GNAS PAR GYUR PAR BYED PA DANG, THUR DU BLTA ZHING SA LA RTOGS PA DANG, MIG GCIG DMAR BAR SNANG BA DANG, DRAN PA STOR ZHING SEMS SHAS CHER MI GSAL BA DANG, KHA SKAM PA DANG, SMRE SNGAGS KYI TSIG TU SMRA BA DANG, SKAD GDANGS DMA' ZHING ZHUM PA DANG, MDOG DANG GZI MDANGS NYAMS SHING YAL BA DANG, SEMS DANG BRAL ZHING DRAN PA MED PA YIN NO, ,CHEN PO NGA RO CHER 'BYUNG ZHING, ,SGRA CHA SDUR PA DRAG PA DANG, ,BSKYOD PA BZHIN DU 'BYUNG 'GYUR ZHING, ,KHYU MCHOG RGYAGS PA'I NGA RO 'DRA, ,SHES DANG RNAM SHES RAB NYAMS SHING, ,MIG 'KHRUL BZHIN NI GYUR PA DANG, ,RO STOD ZHUM PAR 'GYUR BA DANG, ,BSHANG GCI 'GAGS SHING SKAD GDANGS NYAMS, ,MGUL SKAM YANG DANG YANG ME SMRA, ,RNA BA MUR 'GRAM KLAD BA NA, ,ZHES BYA BA LA, DBUGS MI BDE BA CHEN PO ZHES BYA BA DBUGS RGYU BA CHEN PO 'BYUNG ZHING NGA RO CHEN PO DANG LDAN PAS DBUGS 'BYUNG BAR
'GYUR ZHING SGREGS PA RAB TU CHE BA DANG, SDUR PA DRAG PO SNA NAS 'BYIN PAR BYED PA DANG, BSKYOD CING 'GUL BA BZHIN DU RNGAM PA DRAG PAR 'GYUR ZHING DBUGS MI RTZOM PA'I SHUGS G-YO BA DANG BCAS PA LAS BYUNG STE, KHYU MCHOG RGYAGS PA LTA BU'I DBUGS RGYUN TU 'BYUNG BA DANG, SHES PA DANG RNAM PAR SHES PA'I KHYAD PAR GANG DAG YOD PA RAB TU NYAMS PAR 'GYUR, SHES PA NI KHONG DU CHUD PA'O, ,RNAM PAR SHES PA NI KHYAD PAR GYI SHES PA STE, DE DAG KYANG NYAMS PA'O, ,GZHAN YANG MIG 'KHRUL BA DANG, RANG BZHIN YONGS SU GYUR CING MI SDUG PA DANG LDAN PA DANG, RO STOD ZHUM ZHING RNAM PAR 'GYUR BA DANG LDAN PAS DBUGS 'BYIN PA DANG, DE BZHIN DU BSHANG BA DANG GCI BA 'GAGS SHING SRI BA LA SOGS PA 'BYUNG BAR 'GYUR RO, ,GYEN 'BYUNG DBUGS NI RING DU 'BYIN, ,SLAR NI THUR DU RNGUB MI NUS, ,BAD KAN GYIS KHA RTZA SGO 'GAGS, ,RLUNG NI 'KHRUGS PAS GZIR 'GYUR BA, ,GYEN DU BLTA ZHING 'KHRUL BYED BAS, ,MIG NI KUN TU LTA BYED PA, ,GNAD RNAMS CHAD PAR BYED BZHIN DU, ,SKAD 'GAGS SMRE SNGAGS 'DON PAR BYED, ,CES BYA BA LA, GYEN DU 'BYUNG BA ZHES BYA BA'I DBUGS MI BDE BA LAS, DBUGS RING BA GYEN DU RING DU 'BYIN ZHING GTONG LA, DBUGS DE PHYUNG NAS SLAR THUR DU RNGUB CING SDUD PAR MI NUS TE, YANG NANG DU SDUD PAR MI NUS ZHES BYA BA'I DON NO, , YANG DE'I RNAM PA NI BAD KAN GYIS KHA DANG RTZA'I SGO RNAMS 'GAGS SHING BAR MCHOD PAR BYAS PAS RLUNG GI NAD 'KHRUGS SHING LDANG BAR 'GYUR BAS GZIR ZHING SHAS CHER GNOD PAR BYAS PA DANG, MIG GYEN DU BLTA ZHING 'DEGS PAR BYED LA, 'KHRUL ZHING NOR BAR BYAS PAS PHAN TSUN KUN TU LTA ZHING RTOGS PAR BYED PA DANG, DE BZHIN DU GNAD RNAMS CHAD PAR 'GYUR BA BZHIN DU SDUG BSNGAL ZHING NYAM THAG PA'I SMRE SNGAGS SKAD GSANG 'GAGS SHING NANG DU 'DUS BAR GYUR PA'I TSUL GYIS SMRE SNGAGS 'DON PAR BYED DO, ,'DI DAG MA TSANG
, ,GSOR RUNG LA, ,TSANG NA NGES PAR SROG 'PHROG BYED, ,CES BYA BA LA, DBUGS MI BDE BA 'DI DAG THAMS CAD KYANG MTSAN NYID 'DI DAG MA RDZOGS NA GSOR RUNG ZHING BCOS SU 'DOD PA YIN LA, GAL TE 'DI DAG RANG RANG GI MTSAN NYID RDZOGS SHING TSANG BA YIN NA NI NGES PAR GDON MI ZA BAR SROG 'PHROG CING 'TSO BA GCOD PAR 'GYUR BA YIN NO, ,DBUGS MI BDE RGYU SNGON TSUL DANG, ,GRANGS DANG RANG BZHIN RTEN GCIG YIN, ,ZHES BYA BA LA, DE LA SKYIGS BU'I NAD NI DBUGS MI BDE BA DANG, RGYU LA SOGS PA'I NAD GCIG YIN TE, 'DIR GCIG CES BYA BA NI MTSUNGS PA'I MING GI RNAM GRANGS TE, DES NA SKYIGS BU DANG DBUGS MI BDE BA NI RGYU LA SOGS PA TSUL 'DRA BAR GYUR PA YIN NO, ,DE YANG LUD PA'I RGYU NI LUD PA 'PHEL BA'AM ZHES BYA BA LA SOGS PA YIN NO, , SNGAR 'BYUNG BA'I TSUL NI SNYING RTZIB LOGS ZHES BYA BA LA SOGS PA YIN NO, ,DE LTAR NA DE DAG THAMS CAD TSUL GCIG CING 'DRA BA YIN BAS ZHES BYA BA'O, ,SKYIGS BU ZAS BYUNG PHRAN TSEGS DANG, ,ZUNG DANG CHEN POR 'BYUNG BA DANG, ,ZA BA DAG DANG RNAM PA LNGA, ,ZHES BYA BA LA, SKYIGS BU ZAS LAS BYUNG BA LA SOGS PA'I DBYE BAS MING RNAM PA LNGA YIN NO, ,DE LA RLUNG GIS RING ZOS DANG, ,RTZUB TSA SRA DANG MA GOMS PA'I, ,ZAS DANG SKOM GYIS BTZIR GYUR PA'I, ,RLUNG GIS SKYIGS BU NAD MED DANG, ,SGRA MI DRAG CING SBRID 'BYUNG STE, , ZHES BYA BA LA, DE LA SKYIGS BU NI RLUNG GIS BSKYED PAR 'GYUR LA, DE YANG KHA ZAS RING BAG TU ZOS PA DANG, DE BZHIN DU RTZUB PA DANG, TSA BA DANG SRA BA'I BAG ZAS ZOS PA DANG, SNGON CHAD MA GOMS SHING MA BSTEN PA'I ZAS SKOM ZOS SHING 'THUNGS PAS BTZIR ZHING BSDAMS PAR GYUR PA'I RLUNG GIS SKYIGS BU'I RNAM PA NAD MED CING SDUG BSNGAL BA'I TSOR BA MED PA SGRA MI DRAG PA'I RJES LA SBRID PA 'BYUNG BAR 'GYUR BA'I SKYIGS BUS 'DEBS PAR 'GYUR TE, DE NI ZAS LAS BYUNG BA ZHES BYA'O, ,GANG ZHIG GOMS PA'I ZAS SKOM
GYIS; ,ZHI 'GYUR SKYIGS BU ZAS BYUNG YIN, ,ZHES BYA BA LA, YANG SKYIGS BU GANG SNGAR GOMS SHING BSTEN PA'I ZAS DANG SKOM GANG YANG RUNG BA BTANG BAS ZHI ZHING CHAD PAR 'GYUR BA'I SKYIGS BU DE NI ZAS LAS BYUNG ZHES BYA'O, ,DRAG SHUL GYIS RLUNG CUNG ZAD BSKYOD, ,SKYIGS BU PHRA MO 'BYUNG BAR 'GYUR, ,NAM TSONG RTZA NAS 'BYUNG BYED CING, ,DE NI SHUGS DAL 'JAM PA YIN, ,RTZOL BA DRAG PO 'PHEL 'GYUR LA, ,ZAS ZOS TZAM GYIS DAL BAR 'GYUR, ,ZHES BYA BA LA, DRAG SHUL GYI RTZOL BAS RLUNG CUNG ZAD CIG BSKYOD DE SKYIGS BU PHRA MO 'BYUNG BAR 'GYUR LA, DE YANG NAM TSONG GI RTZA BA NAS 'BYUNG ZHING LDANG BAR 'GYUR LA, DE LTAR CHUNG DU BSKYOD PA LAS PHRAN TSEGS 'BYUNG BA'I PHYIR SKYIGS BU DE'I SHUGS DAL ZHING TSABS CHUNG LA DAL ZHING SHAS CHER NA BAR MI BYED PA YIN NO, ,DE YANG RTZOL BA DRAG PO'I SHUGS BSTEN PAS NI 'PHEL BAR 'GYUR LA, KHA ZAS GANG YANG RUNG BA ZOS PA TZAM GYIS NI DE'I MOD KHO NA LA RGYU BA DAL ZHING SHUGS BUL BAR 'GYUR RO, ,ZUNG 'BYUNG TSIGS NI RING BA LA, ,GANG ZHIG ZAS LAS 'BYUNG 'GYUR BA, ,'JU BAR NYE BA'I TSE NA 'DEBS, ,ZAS ZHU ZIN NAS 'PHEL 'GYUR BA'O, ,MGO DANG MGUL PA 'DAR BYED CING, ,SBO DANG SHIN TU SKOM DAD SKYED, ,BLA DANG SLON DANG TSAD PAR 'KHRU, ,MIG GDANGS GLA LA NI 'BYUNG BAR 'GYUR, ,SKYIGS BU ZUNG 'BYUNG SHUGS DRAG PA, ,GZHUNG DANG BCAS PAR DE SHES BYA, ,ZHES BYA BA LA, SKYIGS BU ZUNG DU 'BYUNG BA ZHES BYA BA NI, TSIGS RING POS CHOD PA GANG SHUGS GNYIS GNYIS BSTUD MAR 'BYUNG BA YIN LA, DE YANG KHA ZAS 'JU BA DANG NYE ZHING SMIN PA LA PHYOGS PA'I TSE 'BYUNG BAR 'GYUR LA, ZAS ZHU ZIN NAS NI 'PHEL BAR 'GYUR BA YIN NO, ,GZHAN YANG SKYIGS BUS BTAB PA'I SKYES BU'I MGO DANG MGUL PA 'DAR ZHING SKYOD PAR BYED PA DANG, LTO SPO BA DANG, SKOM DAD SHIN TU SKYE ZHING SKOM GYIS GDUNGS PA DANG, GLAL BA LA SOGS PA DANG LDAN PAR 'GYUR LA, SKYIGS BU ZUNG DU BYUNG BA ZHES BYA BA
, ,DE NI SHUGS DRAG PA DANG ZHU BA'I TSE NA 'BYUNG BAS NA ZHU BA DANG BCAS PA ZHES BYA BAR NGES SO, ,SKYIGS BU CHEN PO 'BYUNG BA'I TSUL, ,SMIN MA MUR 'GRAM GNYIS RENGS SHING, ,MIG NAS MCHI 'DZAG HAR BAR BLTA, ,LUS RINGS TSIG NI THOGS BYED CING, ,DRAN DANG 'DU SHES 'KHRUL BAR BYED, ,MED PA'AM SBUBS NI 'GAGS BYED CING, ,GNAD KYI TSOGS NI SKYOD BAR BYED, ,RGYAB SGU LUS NI KHONG SKEM BYED, ,RTZA BA CHE ZHING SGRA CHE LA, ,NAD TSABS CHE ZHING STOBS CHER 'BYUNG, ,ZHES BYA BA LA, SKYIGS BU CHEN PO ZHES BYA BA 'BYUNG BA'I TSUL NI SMIN MA DANG MUR 'GRAM GNYIS RENGS PA LA SOGS PA DANG LDAN PA 'BYUNG BAR 'GYUR TE, SMIN MA GNYIS DANG MUR 'GRAM GNYIS NA ZHING BSKYOD MI SHES PA LA SOGS PA DANG LDAN PA DANG, LUS RENGS SHING BSKYOD MI SHES PAR BYED PA DANG, DE BZHIN DU TSIG THOGS SHING LKUGS PAR BYED PA DANG, DRAN PA DANG 'DU SHES TE DNGOS PO MA BRJED PA DANG, SEMS 'KHRUGS SHING NYAMS PAR BYED PA DANG, DE BZHIN DU ZAS RGYU BA'I LAM MED PAR 'GAGS PA DANG, SNYING LA SOGS PA'I GNAD KYI TSOGS BSKYOD CING G-YO BAR BYED PA DANG, RGYAB SGU ZHING 'KHYOG PA DANG, LUS KYI KHONG SKEM PAR BYED PA YIN LA, DE NI RTZA BA CHE ZHING RGYUN RING PA DANG, SGRA CHER 'BYUNG BA DANG, NAD TSABS CHE ZHING SHUGS DRAG PA DANG, STOBS DANG NUS PA CHEN POR 'BYUNG BA YIN PAS NA DE NI CHEN PO ZHES BYA'O, ,ZHU BA'I GNAS SAM LTE 'OG NAS, ,SNGA MA 'DRA BAR GANG ZHIG 'BYUNG, ,DE 'DRA'I TSUL NI BSTUD MAR 'BYUNG, ,GLAL DANG RKANG LAG BYA RMYANG BYED, ,BRAG CA ZAB 'BYUNG ZAB MO'O, ,ZHES BYA BA LA, SKYIGS BU ZAB MO ZHES BYA BA NI ZHU BA'I GNAS MKHRIS PA'I GNAS SAM, LTE BA'I 'OG NAS 'BYUNG BAR BYED LA, DE YANG 'BYUNG ZHING RGYU BA'I TSUL NI SKYIGS BU CHEN PO'I MTSAN NYID JI SKAD BSHAD PA DANG TSUL 'DRA BAR 'BYUNG ZHING, SMIN MA MUR 'GRAM GNYIS RENGS SHING, ,RGYAB SGU LAS NI KHONG SKEM BYED, ,
CES BYA BA'I BAR GYI MTSAN NYID DANG LDAN PAR 'GYUR LA, DE LAS KYANG KHYAD PAR DU DE BSTUD MAR 'BYUNG ZHING GLAL BA DANG, BYA RMYANG BYED CING RKANG LAG SKYOD PAR BYED PA DANG, BRAG CA'I SGRA ZAB TU 'BYUNG BAR BYED PAS NA 'DI'I MING NI ZAB MO ZHES BYA'O, ,DE RNAMS LAS NI DANG PO YI; ,GNYIS PO GSO BAR BYA BA YIN, ,ZHES BYA BA LA, SKYIGS BU LNGA PO DE RNAMS LAS ZAS LAS BYUNG BA DANG, PHRAN TSEGS ZHES BYA BA'I SKYIGS BU GNYIS NI GSO SLA BA YIN PAS GSO BAR BYA LA, THA MA GNYIS DANG ZUNG 'BYUNG BA, ,MTSAN NYID KUN RDZOGS SHUGS DRAG SPANG; ,ZHES BYA BA LA, THA MA'I SKYIGS BU GNYIS PO DANG, SKYIGS BU CHEN PO DANG, SKYIGS BU ZAB MO BYA BA GNYIS NI SPANG BAR BYA LA, DE BZHIN DU ZUNG DU 'BYUNG BA ZHES BYA BA'I SKYIGS BU RANG GI MTSAN NYID DAM RTAGS KUN RDZOGS SHING MA LUS PA DANG LDAN LA, SHUGS DRAG PA NI SPANG BAR BYA STE GSOR MI RUNG NGO, ,'DI DAG THAMS CAD YUN RING BSAGS, ,RGAN PO BUD MED KYIS DUB DANG, ,NAD KYIS NYAM CHUNG ZAS BCAD PA, ,GLO RDOL NAD CAN SPANG BAR BYA, ,ZHES BYA BA LA, SKYIGS BU 'DI DAG THAMS CAD YUN RING DU BSAGS SHING RGYUN RING PO GNAS PA DANG, MI RGAN PO DANG, BUD MED LA NYAL PO DRAGS PAS DUB PA DANG, NAD KYIS LUS KYI NYAMS DMAD CING STOBS ZAD PA DANG, DE BZHIN DU ZAS BCAD CING SMYUNG BA BYAS PA DANG, GLO RDOL BA'I NAD DANG LDAN PA LA SKYIGS BUS BTAB PA SPANG BAR BYA STE GSOR MI RUNG NGO, MI RGAN GYIS 'CHI BYED MOD KYI, ,SKYIGS BU DBUGS MI BDE BA LTAR, ,NAD GZHAN MYUR DU GSOD MI BYED, ,'DI DAG 'CHI TSE NGES 'BYUNG 'GYUR, ,ZHES BYA BA LA, NAD PA DE LTA BU DAG NI SKYIGS BU DANG DBUGS MI BDE PA 'BA' ZHIG TU MA ZAD KYI, RIMS LA SOGS PA NAD THAMS CAD KYIS KYANG 'CHI BAR BYED MOD KYI, NAD DE DAG LAS 'DI GNYIS KYI KHYAD PAR NI 'DI YIN TE, SKYIGS BU DANG DBUGS MI BDE BA GNYIS KYIS MYUR DU GSOD PAR BYED PA DE LTAR NAD KYI DNGOS PO GZHAN GYIS MYUR DU GSOD CING 'CHI BAR MI BYED DE, GANG GI PHYIR
, ,'DI GNYIS NI 'CHI ZHING SROG DANG BRAL BA'I TSE NGES PAR GDON MI ZA BAR 'BYUNG BAR 'GYUR BA YIN NO, ,TSIG 'DI DAG GIS NI DE GNYIS MYUR DU GSO DGOS PAR BSTAN PA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, NAD GZHI'I GNAS KYI LE'U BZHI PA'I RNAM PAR 'GREL PA'O,, ,,DE NAS GLO GCONG CHEN PO ZAD BYED KYI NAD GZHI BSHAD PAR BYA'O, ,ZHES BYA BA LA, LUD PA BTANG SNYOMS SU BZHAG CING MA BCOS NA DBUGS MI BDE BA DANG ZAD BYED 'BYUNG BAR 'GYUR RO ZHES BSHAD PAS NA, DE'I PHYIR DE'I 'OG TU 'DI BRTZAMS PA YIN NO, ,GLO GCONG CHEN PO ZAD BYED CES BYA BA NI MING GI RNAM GRANGS SO, ,NAD NI DU MA RJES 'BRANG ZHING, ,NAD MANG SNGON DU 'GRO BAR 'GYUR, ,RGYAL PO ZAD BYED SKEM BYED DANG, ,NAD KYI RGYAL PO ZHES KYANG BSHAD, ,CES BYA BA LA, ZAD BYED KYI RJES SU NAD DU MA MANG PO ZHIG 'BRANG ZHING RGYU BAR BYED LA, DE BZHIN DU NAD MANG PO SNGON DU 'GRO ZHING THOG MAR RGYU BAS NAD DE NI NAD KYI RGYAL PO ZHES BYA ZHING MING GI RNAM GRANGS BZHI PO GNOD PA'I RGYAL PO DANG, ZAD BYED DANG, SKEM BYED DANG, NAD KYI RGYAL PO ZHES BYA BAR BSHAD PA YIN NO, ,RGYU SKAR RNAMS DANG BRAM ZE YI, ,RGYAL PO'I GCONG DU SNGON GYUR CING, ,GANG YANG NAD KYI RGYAL POR 'GYUR, ,DE PHYIR GNOD PA'I RGYAL POR BSHAD, ,CES BYA BA LA, SNAR MA LA SOGS BA'I RGYU SKAR RNAMS DANG, BRAM ZE RNAMS KYI RGYAL PO NI ZLA BA YIN LA, DE YANG SNGON BSKAL PA DANG PO'I TSE, ZLA BA SNAR MA LA MCHOG TU CHAGS PAS GCONG CHEN PO'I NAD BYUNG BAR GYUR LA, DE BAS NA NAD 'DI LA NANG KYI RGYAL PO ZHES BYA'O, ,DES NI RGYAL PO'I NAD YIN PAS NAD KYI RGYAL PO ZHES DRUG PA'I MTSAMS SBYAR BAS BSGRUB PA'AM, YANG NA ZAD BYED KYI NAD KYANG YIN LA, RGYAL PO YANG YIN PAS NAD KYI RGYAL PO STE, NAD RNAMS KYI NANG NA GNAS SHING RIMS LA SOGS PA'I NAD
DU MAS YONGS SU BSKOR LA, BSHAD MA THAG PA'I TSUL DU NAD DU MA RJES SU 'BRANG ZHING, NAD MANG PO SNGON DU 'GRO BAS GCONG CHEN PO LA GNOD PA'I RGYAL PO ZHES BYA'O ZHES MNGON PAR SHES PA DANG LDAN PA'I DRANG SRONG RNAMS KYIS BSHAD PA YIN NO, ,LUS DANG SMAN NI ZAD BYAD CING; ,ZAD LAS 'BYUNG BAS ZAD BYED YIN, ,ZHES BYA BA LA, LUS DANG SMAN GYI DNGOS PO GNYIS ZAD PA NI MED PAR BYED PA STE, DE BAS NA LUS DANG SMAN ZAD PAR BYED PA'I NAD 'DI LA ZAD BYED CES BYA STE, GANG GI PHYIR NAD 'DI SKYES PAR GYUR NA, LUS ZAD CING 'JU BAR 'GYUR PA DANG, SMAN MANG PO YANG ZAD CING GTUGS PAR BYED PAS NA, NAD 'DI LA ZAD BYED CES BYA'O, ,YANG NA ZAD PA LAS BYUNG BAS NA ZAD BYED DE, LUS ZUNGS RNAMS ZAD PA'I RGYU LAS BYUNG BAS NA MING ZAD BYED CES BYA BA'O, ,DANGS SOGS SKEMS PAS SKEM BYED YIN, ,DE RNAMS DE LAS GSAL BAS RGYAL, ,ZHES BYA BA LA, DANGS MA LA SOGS PA'I LUS ZUNGS BDUN PO SKEM ZHING RENGS PAR BYED PAS NA, DE LA SKEM BYED CES BYA'O, ,YANG NAD DE RNAMS KYI NANG NA RAGS SHING GSAL LA NUS PA CHE BAS NA NAD KYI RGYAL PO ZHES BYA'O, ,DRAG SHUL BSTEN DANG SHUGS BKAG DANG, ,KHU CHU DANGS MA SNUM ZAD DANG, ,ZAS SKOM CHO GA DANG BRAL BSTEN, ,BZHI PO 'DI DAG DE YI RGYU, ,ZHES BYA BA LA, GCONG CHEN PO'I RGYU NI MA LCOGS BZHIN DU DRAG SHUL GYI LAS BYED PA LA SOGS PA BSTEN DRAGS PA LAS 'BYUNG BAR 'GYUR RO, ,DE LA DRAG SHUL GYI STOBS 'GYED PA LA SOGS PA'I LAS NYAMS KYIS LCOGS PAR DKA' BA BSTEN ZHING, LUS DANG NGAG DANG YID LA GNOD PAR 'GYUR BA'I RTZOL BA DRAG PO BYED PA'O, ,SHUGS BKAG PA NI NGO TSA PA SOGS PA'I RGYUS BSHANG BA DANG GCI BA DANG 'PHYEN LA SOGS PA BKAG CING BSDAMS PA'O, ,KHU CHU LA SOGS PA ZAD PA NI RANG GI RGYU LAS BYUNG BA ZAD CING DENGS PAR BYED PA'O, ,ZAS DANG SKOM GNYIS KYI CHO GA DANG BRAL BAR BSTEN PA NI SMAN DPYAD KYI BSTAN BCOS DANG MI
, ,MTHUN PAR BSTEN ZHING, DE'I CHO GA DANG MI MTHUN PAR BYAS NAS MI 'PHROD PA ZA BA'O, ,DE YIS RLUNG DANG MKHRIS PA DANG, ,BAD KAN BSLANGS NAS THAMS CAD DU, ,LUS KYI TSIGS KUN LA ZHUGS TE, ,DE YIS RTZA SGO LA GNOD CING, ,BU GA'I SGO NI BKAG PA'AM, ,YANG NA SHIN TU KHA BYE 'GYUR, ,STOD SMAD THAD KAR GNAS NAS NI, ,RANG GI NAD NI JI BZHIN SKYED, ,CES BYA BA LA, DRAG SHUL LA SOGS PA DE DAG GIS RLUNG BSLANG ZHING 'KHRUGS PAR BYAS PAS NA, RGYAS SHING 'PHEL BAR BYAS PA DANG; MKHRIS PA BSLANGS NAS RANG GI GNAS LAS GYEN DU 'PHO ZHING RGYAS PAR BYED PA DANG, DE BZHIN DU BAD KAN BSLANGS NAS STOD SMAD DANG RTZIB LOGS LA SOGS PA THAMS CAD DU KHYAB CING LUS KYI TSIGS KUN GYI NANG DU ZHUGS TE, TSIGS DAG LA GNOD CING RAB TU NA BAR BYED PA DANG, YANG DE BZHIN DU DES LUS THAMS CAD KHYAB PA'I RTZA SGO LA YANG GNOD CING BCOM PA DANG, DE BZHIN DU BU GA RNAMS KYI 'BYUNG ZHING RGYU BA'I SGO BKAG NAS GNAS PAR 'GYUR BA 'AM, YANG LAN 'GA' RTZA'I SGO 'AM, KHA BYE ZHING RGYAS PAR BYAS NAS LAN 'GA' NI STOD DU 'GRO, ,LAN 'GA' NI RO SMAD DAM RTZIB LOGS SU THAD KAR SONG NAS RANG RANG GI NAD JI LTA BA BZHIN DU BSKYOD DE STOD DU RGYU NA NI RO STOD KYI NAD SKYED PAR BYED LA, SMAD DU RGYU NA NI RO SMAD KYI NAD SKYED PAR BYED, THAD KAR 'GRO NA NI RTZIB LOGS KYI NAD SKYED PAR BYED DO, ,DE 'BYUNG 'GYUR BA'I SNGON TSUL NI, ,CHAM 'DEBS SBRID PA SHIN TU MANG, ,MCHIL MA KHA NAS RO MNGAR BRO, ,LUS DANG ME DROD NYAM CHUNG BYED, ,GZHONG SNOD ZAS SKOM LA SOGS NI, ,GTZANG YANG MI GTZANG NYID DU MTHONG, ,PHAL CHER ZAS DANG SKOM STZOGS LA, ,SBRANG MA RTZA DANG SKRA SOGS 'BAB, ,SNYING 'PHAR SLON BRO YI GA 'CHUS, ,KHA ZAS ZOS KYANG NYAMS STOBS ZAD, ,LAG PAR LTA ZHING RKANG GDONG SKRANG, ,MIG NI SHIN TU DKAR POR SNANG, ,LAG NGAR DAG NI 'JAL BAR 'DOD, ,LUS LA
'JIGS SU RUNG BAR MTHONG, ,BUD MED CHANG DANG SHA LA DGA', ,SMOD DANG KLAD PA 'GEBS PAR BYED, ,SKRA DANG SEN MO SHIN TU 'PHEL, ,RMI LAM DU NI PHYE MA LEB, ,RTZANGS PA SDIG SBRUL GCAN GZAN SPRE'U, ,BYA RNAMS KYIS NI GTZES PAR MTHONG, ,SKRA RUS PHUB MA THAL SOGS KYI; ,PHUNG PO LA NI 'DZEG PA DANG, ,YUL DANG GRONG NI STONG PA DANG, ,CHU KLUNG SKAM PAR RMI LAM MTHONG, ,SKAR MDA' RI BO LTUNG BA DANG, ,LJON SHING RNAMS NI 'BAR BA RMI, ,ZHES BYA BA LA, GCONG CHEN PO ZHES BYA BA'I NAD DE 'BYUNG BAR 'GYUR ZHING, SKYE BZHIN PA'I TSUL SNGAR BYUNG BA'I RTAGS NI CHAM PA LA SOGS PA YIN TE, CHAM PA NI SNA NAS 'DZAG PA'I NAD DES 'DEBS SO, ,SBRID PA SHIN TU MANG BA NI SBRID PA DRAG TU 'BYUNG ZHING MANG BA'O, ,MCHIL MA MANG BA NI BAD KAN GYI LJAN LJIN KHA NAS MANG DU 'ONG PA'O, ,KHA'I NANG RO MNGAR BAR BRO BA NI MNGAR BA NYID YIN NO, ,LUS DANG ME DROD NYAM CHUNG BA NI LUS KHONG RMYA ZHING ZHUM PA DANG, ZAS 'JU BAR BYED MI NUS PA'O, GZHONG PA DANG SNOD PHRA MO LA SOGS PA GTZANG BA YANG MI GTZANG BA NYID DU MTHONG BA NI DE'I TSE LOG PA'I SHES PA SKYE ZHING 'KHRUL BA 'BYUNG BAR 'GYUR BA'O, ,YANG PHAL CHER ZAS SKOM LA SOGS PAR SBRANG MA LA SOGS PA LTUNG ZHING 'BAB PAR 'GYUR BA DANG, SNYING 'PHAR ZHING RGAL PA LA SOGS PA DANG, LAG PA GNYIS LA YANG DANG YANG DU LTA ZHING RTOGS PAR 'GYUR BA DANG, RGYU MED PAR RKANG PA DANG GDONG SKRANG BAR 'GYUR BA DANG, DE BZHIN DU MIG GNYIS SHIN TU DKAR ZHING SKYA BAR 'GYUR BA DANG, DE BZHIN DU LAG NGAR GNYIS 'JAL BAR 'DOD CING NGA'I LAG NGAR TSAD JI TZAM DU SONG ZHES SHES PAR 'DOD CING 'JAL BA DANG, RANG GI LUS MDZES SHING SKYON MED LA 'JIGS PA'I BAG MED PAR GYUR PA LA YANG MI SDUG CING 'JIGS SU RUNG BAR MTHONG BA'I LOG PA'I SHES PA SKYE BAR 'GYUR BA DANG, BUD MED DANG CHANG DANG SHA LA DGA' ZHING MNGON PAR 'DOD PA BSKYED BA DANG, YANG DE DAG
, ,NYID LA SMOD PAR YANG BYED PA DANG, KLAD PA STE SPYI BO GOS KYIS 'GEBS PAR BYED PA DANG, SKRA DANG SEN MO RNAMS SHIN TU 'PHEL ZHING RING BAR 'GYUR BA DANG, RMI LAM GYI NANG DU PHYE MA LEB LA SOGS PAS GTZES SHING MNAN PAR MTHONG BA DANG, DE BZHIN DU SKRA LA SOGS PA'I PHUNG PO LA 'DZEG PAR RMI BA DANG, YUL DANG GRONG STONG ZHING SKYE BO MI GNAS PA RMI LAM DU MTHONG BA DANG, CHU RNAMS SKAMS SHING GROG PO STONG PA RMI LAM DU MTHONG BA DANG, SKAR MDA' LTUNG BA DANG, RI BO LTUNG ZHING BSNYIL BA RMI BA DANG, LJON SHING BZANG BA RNAMS LAS SKYES PA DE DAG 'BAR ZHING ME'I PHUNG POR 'GYUR BA RMI BA STE, MTSAN MA DE DAG 'BYUNG BAR 'GYUR RO, ,STOD DU GNAS NA CHAM PAS 'DEBS, ,LUD PA LU ZHING DBUGS MI BDE, ,PHRAG PA SPYI BO NA BA DANG, ,SKAD 'GAGS YI GA 'CHUS PAR 'GYUR; ,SMAD GNAS BSHANG SLA RTUG SKAM BYED, ,NANG GROL NANG GNAS SLON PAR BYED, ,THAD KAR GNAS PAS RTZIB LOGS ZUG, ,TSIGS LA GNAS NA RIMS SU 'GYUR, ,ZHES BYA BA LA, GCONG CHEN PO'I NAD RO STOD DU GNAS NA CHAM PAS 'DEBS PA LA SOGS PA NAD BDUN SKYED PAR 'GYUR RO, ,NAD DE RO SMAD DU SONG BAS NI BSHANG BA SLA BA'AM RTUG SKAM DU 'GYUR TE, RTUG PA SLA BA NI ZHIG CING 'KHRU BAR 'GYUR BA'O, ,SKAM PA NI SRA ZHING 'GAGS TE 'KHREN PAR 'GYUR BA STE, DE LAS LAN 'GA' NI SLA BAR 'GYUR LA, LAN 'GA' NI SKA BAR 'GYUR GYI, DE GNYIS CHA MNYAM PAR MI 'GYUR RO, ,NAD DE NANG GROL GYI NANG NA GNAS PA NI SLON ZHING 'DOR BAR BYED DO, ,THAD KAR GNAS PA'I NAD KYIS NI RTZIB LOGS SU ZUG CING NA BAR 'GYUR RO, ,NAD DE NI TSIGS LA GNAS PAS NI RIMS SKYED PAR 'GYUR RO, ,DE LTAR NAD TSUL BCU GCIG NI, ,GCONG CHEN LDAN LAS 'BYUNG BAR 'GYUR, ,ZHES BYA BA LA, GCONG CHEN PO'I NAD DE DANG LDAN PA LA CHAM BA LA SOGS PA NAD BCU GCIG PA 'BYUNG ZHING SKYE BAR 'GYUR RO, ,DE LA RTZA SBUBS RNAMS BKAG PA
LAS NI SKAMS PAR 'GYUR BA YIN LA, DE RNAMS KHA BYE BA LAS NI RGYAS PAR 'GYUR RO, ,DES NA GRANGS KYIS 'DI GNYIS GANG YANG RUNG BA GCIG GIS BZUNG GI, GNYI GA DUS GCIG TU 'BYUNG BA NI MI SRID DO, ,DE RNAMS KYI GRANGS NI CHAM PA DANG, LUD PA DANG, DBUGS MI BDE BA DANG, PHRAG PA NA BA DANG, SPYI BO NA BA DANG, SKAD 'GAGS PA DANG, YI GA 'CHUS PA DANG, BSHANG BSLA BA DANG, RTUG PA SKAM PA DANG, SLON PA DANG, RTZIB LOGS ZUG PA DANG, RIMS TE BCU GCIG PO 'DI DAG NI ZAD BYED KYI NAD YIN NO, ,DE RNAMS KYI NI BLA BRNAN DAG ,SKAD 'GAGS BRANG DU NA BA DANG, ,KHA GLAL LUS GRUGS MCHIL SNABS MANG, ,DROD NYAMS KHA MNAM YIN ZHES BYA, ,ZHES BYA BA LA, CHAM PA LA SOGS PA DE RNAMS KYI BLA BRNAN NI SKAD 'GAGS PA LA SOGS PA BDUN YIN BAR SHES PAR BYA, NAD SNGA NA GNAS PA'I STENG DU NAD PHYI MA BYUNG NAS SDUG BSNGAL DANG RJES SU 'BREL PAR BYED PA NI BLA BRNAN ZHES BYA'O, ,DE LA RLUNG GYUR KLAD PA DANG, ,RTZIB LOGS ZUG SHA YAN LAG NA, ,SKAD 'GAGS MGUL PA SUBS PAR 'GYUR, , ZHES BYA BA LA, DE LA RLUNG GI SHAS CHE BA LAS GYUR PA'I GCONG CHEN PO NI, KLAD PA NA BA LA SOGS PA'I MTSAN MA 'BYUNG BAR 'GYUR RO, ,MKHRIS RGYAS RKANG LAG PHRAG PA TSA, ,TSAD 'KHRU KHRAG TU SLON PA DANG, ,KHA MNAM RIMS 'DEBS MYOS PAR 'GYUR, ,ZHES BYA BA LA; DE LA MKHRIS PA SHAS CHE BA LAS BYUNG BA'I GCONG CHEN PO NI, RKANG PA DANG LAG PA DANG, PHRAG PA TSA BA LA SOGS PA'I NAD KYI MTSAN MA 'BYUNG BAR 'GYUR RO, ,BAD KAN LAS GYUR YI GA 'CHUS, ,SLON LUD LUS DANG YAN LAG LCI, ,MCHIL SNABS MANG ZHING CHAM PAS 'DEBS, ,DBUGS MI BDE SKAD 'GAGS DROD NYAMS, ,ZHES BYA BA LA, BAD KAN RGYAS PA LAS GYUR BA'I GCONG CHEN PO'I NAD NI YI GA 'CHUS PA LA SOGS PA 'BYUNG BAR 'GYUR RO, ,NAD KYIS ME DROD NYAM CHUNG BAS, ,'BYAR BCAS BAD KAN RGYAS GYUR
, ,NAS; ,RTZA SBUBS SGO NI 'GAGS PA DANG, ,LUS ZUNGS DROD NI CHUNG GYUR PAS, ,DANGS MA RANG GI GNAS SU NI, ,MA ZHU BLA BRNAN DE DANG DE, ,SKYED CING SHA SOGS MI 'GYUR LA, ,KHRAG NI GYEN DU 'BYUNG BAR BYED, ,CES BYA BA LA, RLUNG LA SOGS PA'I NAD ME DROD CHUNG ZHING NUS PA BRI BA LA SOGS PA'I RGYUS 'BYAR BAG DANG BCAS PA'I BAD KAN RGYAS PAR 'GYUR LA, RTZA SBUBS KYI SGO RNAMS 'GAGS SHING BKAG PAR GYUR PA DANG, DE BZHIN DU LUS ZUNGS KYI DROD NYAM CHUNG BAR GYUR BAS DANGS MA RANG GI GNAS SU LEGS PAR MA ZHU ZHING SMIN PAR NUS PA'I DANGS MA DE LAS BLA BRNAN SKAD 'GAGS PA DANG, BRANG DU NA BA LA SOGS PA RANG GI RGYU LAS BYUNG BA DE DANG DE SKYED CING 'BYUNG BAR 'GYUR LA, DES NA SHA LA SOGS PA'I LUS ZUNGS SU MI 'GYUR BA DANG, DE BZHIN DU KHRAG GYEN DU 'BYUNG ZHING MCHIL MA LA SOGS PA DANG LHAN CIG 'BYUNG BAR 'GYUR RO, ,KHONG PA NYID DU ZAS 'JU BAS, ,DANGS MAR 'GYUR BAR MI BYED CING, ,PHAL CHER DRI MA NYID 'GYUR GYI, ,LUS ZUNGS 'PHEL BAR MI BYED DO, ,ZHES BYA BA LA, GANG GI PHYIR GCONG CHEN PO'I NAD 'DI YOD PA LA, KHONG PA'I DROD KYIS KHA ZAS 'JU BAR BYED KYI, ME DROD GZHAN GYIS DANGS MA LA SOGS PA'I RIM PA SMIN PAR MI BYED DO, ,DE'I PHYIR 'PHRAL DU DRI MA BSHANG GCI NYID DU 'GYUR BAS ZUNGS RNAMS 'PHEL SHING RGYAS PAR MI BYED DE, DANGS MA'I BCUD LUS KYANG BRTAS SHING TSIM PAR MI BYED DO ZHES BYA BA'I DON NO, ,DANGS MA KHRAG TU MI 'GYUR NA, ,SHAR 'GYUR BA LTA SMOS CI DGOS, ,ZAD BYED CAN NI BSHANG 'PHEL BA, ,'BA' ZHIG GIS NI GNAS PAR BYED, ,CES BYA BA LA, GCONG CHEN GYI SKYES BU DE'I LUS ZUNGS DANGS MA ZHES BYA BA GANG YIN PA DE YANG KHRAG TU MI 'GYUR NA, SHA'I LUS ZUNGS RGYAS PA LTA SMOS KYANG CI DGOS TE, ZAD BYED DANG LDAN PA'I SKYES BU BSHAD BA 'BA' ZHIG NYE BAR 'PHEL BAS GNAS PAR 'GYUR GYI, DANGS MAS KHRAG LA SOGS PA
'PHEL BAR MI 'GYUR RO ZHES 'BA' ZHIG GI SGRA NGES PAR BZUNG BA YIN NO, ,MTSAN MA CHUNG YANG NYAM CHUNG ZHING, ,NAD KYIS SMAN GYI STOBS MI BZOD, ,SPANG BYA, CES BYA BA LA, CHAM PA LA SOGS PA'I MTSAN MA RNAMS DANG, DE BZHIN DU SNYING GA DANG RTZIB LOGS GZER BA LA SOGS PA'I NAD KYI MTSAN MA CHUNG DU ZIN KYANG, MI MNYAM STOBS CHUNG ZHING NAD KYIS SMAN GYI STOBS BSTEN PAR MI BZOD PA GANG YIN PA DE NI SPAR BAR BYA STE GSOR MI RUNG NGO, ,DE LAS GZHAN PA NI, ,THAMS CAD LDAN YANG GSO BAR BYA, ,ZHES BYA BA LA, DE LAS GZHAN BA'I NAD KYIS NYAMS KYI STOBS BZOD CING, NYAMS STOBS DANG LDAN PA NI MTSAN MA THAMS CAD DANG LDAN PA YIN YANG GSOR RUNG BA YIN PAS NAD PA NYAMS STOBS DANG LDAN PA NI RNAM PA THAMS CAD DU GSO BAR BYA'O, ,DE YAN CHAD DU GCONG CHEN PO'I NAD BSHAD ZIN NAS, DE NAS DE'I 'OG TU DE'I YAN LAG TU GYUR PA SKAD 'GAGS PA LA SOGS PA'I NAD STON PA'I PHYIR SMRAS PA NI, NAD NI SNA RE 'DUS PA DANG, ,ZAD BYED TSIL LAS GYUR PA DRUG ,SKAD 'GAGS KYI NI DBYE BA YIN, ,ZHES BYA BA LA SOGS PA YIN TE, NAD SNA RE RE ZHES PA RLUNG DANG MKHRIS PA DANG BAD KAN DANG SO SO LAS GYUR PA GSUM DANG, GSUM CAR 'DUS PA LAS GYUR TE BZHI PA DANG, ZAD BYED LAS GYUR PA DANG, TSIL LAS GYUR PA STE, DRUG PO DE DAG NI SKAD 'GAGS PA'I DBYE BA YIN PAR SHES PAR BYA'O, , DE LAS RLUNG G-YO NYAM CHUNG RTZUB, ,GRE BA GRAMS GANG SNYAM BYED, ,DE LA SNUM DRO 'O MAS PHAN, ,ZHES BYA BA LA, DE LA SKAD 'GAGS PA DRUG GI NANG NAS RLUNG LAS GYUR PA'I SKAD 'GAGS PA NI G-YO ZHING SKAD 'GYUR TE MI BRTAN PA DANG, LUS NYAM CHUNG ZHING KHONG RMYA BA DANG, RTZUB BAG TU GNAS PA DANG, GRE BA NAS KYI GRA MAS GANG BA SNYAM DU BYED CING NA BA YIN LA, DE LA SNUM BAG DANG, DRO BA DANG, 'O MAS PHAN PA YIN NO, ,MKHRIS PA LAS GYUR RKAN LKOG TSA, ,SKAM ZHING SMRA BAR MI NUS 'GYUR, ,ZHES BYA BA LA, MKHRIS PA LAS GYUR PA'I SKAD
, ,'GAGS PA NI, RKAN DANG LKOG MA'I PHYOGS SU TSA BAR 'GYUR BA DE DAG NYID SGAM PA DANG, SMRA BAR MI NUS SHING TSIG MI THON PA YIN NO, ,BAD KAN MGUL PA BYUGS SNYAM BYED, ,SKAD KYI GSANG DMA' NGAR NGAR 'DZER, ,THOGS BCAS 'GYUR RO THAMS CAD KYI, ,MTSAN MA THAMS CAD LDAN PA YIN, ,ZHES BYA BA LA, DE YANG SGRA NGAR NGAR POR 'DON ZHING 'DZER BA DANG, THOGS PA DANG BCAS PA STE, BAR BAR DU 'KHRUL ZHING BRJED PAR 'GYUR BA YIN NO, ,THAMS CAD KYI ZHES NAD GZHI GSUM PO THAMS CAD LAS BYUNG BA'I SKAD 'GAGS PA NI MTSAN MA GSUM PO THAMS CAD DANG LDAN PA YIN NO, ,ZAD BYED LAS NI DRUD SNYAM BYED, ,DU BAS BDUGS LTAR SHIN TU NA, ,ZHES BYA BA LA, ZAD BYED CES TE GCONG CHEN PO LAS BYUNG BA'I SKAD 'GAGS PA NI LDOG MA DRUD PA SNYAM DU SEMS SHING NA BA DANG, LKOG MA DANG RKAN GYI PHYOGS DU BAS BDUGS PA LTAR SHIN TU NA BA DANG SMRA BA NA YANG DU BAS SUBS TE SMRA BA SNYAM DU SEMS PAR 'GYUR RO, ,TSIL GYUR BAD KAN BDAG NYID CAN, ,TSIG GI BRDA SPROD MI NUS 'GYUR, ,ZHES BYA BA LA, TSIL LAS GYUR PA'I SKAD 'GAGS PA NI MGUL PA BYUGS PA SNYAM DU BYED PA LA SOGS PA BAD KAN GYI SKABS SU BSHAD PA DANG MTSAN NYID 'DRA BA YIN NO, ,YANG DE BZHIN DU TSIG BRDA SPROD BAR MI NUS SHING SHIN TU MI GSAL BAR SMRA BA YIN NO, ,'DIR NI 'DUS DANG THA MAR SPANG, ,ZHES BYA BA LA, 'DIR SKAD 'GAGS PA 'DI DAG GI NANG NAS NAD GZHI THAMS CAD 'DUS PA LAS GYUR PA DANG, TSIL LAS GYUR PA'I SKAD 'GAGS PA NI GSOR MI RUNG BAS SPANG BAR BYA'O, ,YI GA 'CHUS PA'I NAD RNAMS NI, ,LCE SNYING GNAS PA SO SO DANG, ,'DUS PA DANG NI YID KYI NI, ,GDUNG BA LAS GYUR LNGA PA YIN, ,ZHES BYA BA LA, YI GA 'CHUS PA'I NAD NI RLUNG LA SOGS PA'I NAD LCE DANG SNYING GA LAS GNAS PA SO SO STE, GSUM PO SO SO LAS GSUM DU 'GYUR LA, 'DUS PA'I NAD LCE DANG SNYING LA
GNAS PA LAS BZHI PAR 'GYUR RO, ,YID KYI GDUNG BA MYA NGAN DANG KHRO BA LA SOGS PA RNAM PA DU MA GSUNGS PA LAS YIG 'CHUS PA LNGA PAR 'GYUR RO, ,KHA NI BSKA DANG KHA MNGAR BRO, ,RLUNG SOGS GSUM DANG RIM BZHIN SBYAR, ,ZHES BYA BA LA, RLUNG LA SOGS PA LAS YI GA 'CHUS PA LAS GYUR PA'I MTSAN MA NI RIM BZHIN KHA BSKA BA LA SOGS PAR 'GYUR TE, RLUNG LAS GYUR PAS NI KHA BSKA BAR 'GYUR RO, ,MKHRIS PA LAS GYUR BAS NI KHA KHA BAR 'GYUR RO, ,BAD KAN LAS GYUR PAS NI KHA MNGAR BAR 'GYUR RO, ,KUN LAS GYUR PA RO BRO MED, ,CES BYA BA LA, NAD GZHI THAMS CAD 'DUS PA LAS GYUR PA'I YI GA 'CHUS PA NI RO BRO BA MED PA STE, DRI NGA BA YOD MED KYI NGES PA 'DI LTAR BRO ZHES BYA BAR BRDA SPROD MI NUS SO, ,MYA NGAN KHRO SOGS NAD JI BZHIN, ,ZHES BYA BA LA, MYA NGAN DANG KHRO BA LA SOGS PA LAS GYUR PA'I YI GA 'CHUS PA LA NI NAD JI LTA BA NYID LAS MI 'DA' BA YIN TE, RO BSKA BA LA SOGS PA GANG YANG RUNG BA DANG LDAN PA YIN NO, ,DE LA MYA NGAN DANG 'JIGS PAS GDUNG BA'I YID LAS NI RLUNG 'KHRUGS PAR 'GYUR ZHING BSKA BA YIN NO, , KHRO BA LAS GYUR PAS MKHRIS PA SKYED PAR 'GYUR BA YIN PAS KHA BA YIN NO, ,'DOD PAS GDUNG BA LAS NI BAD KAN 'KHRUGS PAS MNGAR BA BRO BA YIN NO, ,SLON BRO NAD GZHI SNA RE KUN, ,MI SDUG YUL LAS BYUNG LNGA BA, ,ZHES BYA BA LA, SLON BRO BA NI RNAM PA LNGA STE, NAD GZHI GSUM SNA RE LAS BYUNG BA GSUM DANG, KUN 'DUS PA LAS BYUNG BA GCIG DANG, MI SDUG PA'I DON NAM YUL YID DU MI 'ONG BA'I YUL LAM DON GZUGS DANG SGRA DANG DRI DANG RO DANG REG BYA RNAMS LAS BYUNG BA NI LNGA BA YIN NO, ,'DI DAG STOD DU RGYU BA'I RLUNG, , 'KHRUGS PAS NAD NI THAMS CAD PHUL, ,ZHES BYA BA LA, YI GA 'CHUS PA 'DI DAG NI STOD DU RGYU BA ZHES BYA BA'I RLUNG 'KHRUGS SHING RANG GI THA MAL PA'I RANG BZHIN LAS GZHAN DU GYUR PA DES BAD KAN MDANG MKHRIS PA LA SOGS PA'I NAD THAMS CAD GYEN DU SLONG ZHING STOD DU
, ,PHUL BAS NAM TSONG YAN CHAD NAS KHA'I BAR DU KHYAB PAR BYED PA YIN NO, ,DE RNAMS BA SLONGS NA KHA TSA BRO, ,MCHIL MANG YI GA 'CHUS SNGON BYUNG, ,ZHES BYA BA LA, SLON BRO BA DE RNAMS LA NI NAD SLONG ZHING BSLONGS NAS KHA TSA BRO BA LA SOGS PA SNGAR BYUNG BA YIN PAS NA, SNGON BYUNG BA STE 'DI DAG NI NAD KYI SNGAR BYUNG BA'I TSUL YIN NO ZHES BYA BA'I DON YIN NO, ,RLUNG GYUR LTE BA RGYAB TU ZUG ,RTZIB LOGS NA ZHING ZAS SLON NAS, ,CUNG ZAD 'BYUNG ZHING CHAD PA DANG, ,RO BSKA LBU BA CAN DU SKYUG ,SGREGS PA'I SGRA BCAS MDOG GNAG LA, ,SLA ZHING 'BYUNG DKA' SGRA DANG BCAS, ,LUD PA KHA SKAM KLAD SNYING NA, ,SKAD 'GAGS PA DANG KHONG SNYOM BCAS, ,ZHES BYA BA LA, RLUNG LAS GYUR PA'I SLON BRO BA NI LTE BA DANG RGYAB KYI PHYOGS NA ZHING ZUG PA DANG, RTZIB LOGS GZER BA DANG, SKYUG PA KHA ZAS GYEN DU 'BYUNG BA DANG, DE'I 'OG TU CUNG ZAD 'BYUNG ZHING BAR BAR DU CHAD PA'I TSUL GYIS RO BSKA BA'I RNAM PA LAS LBU BA CAN SKYUG PAR 'GYUR RO, ,SGREGS PA SGRA DANG BCAS PAR 'BYUNG BA DANG, KHA DOG GNAG PA DANG, SLA ZHING DANGS PAR 'BYUNG BA DANG, 'BYUNG BAR DKA' ZHING SGRA DANG BCAS PAR 'BYUNG BA DANG, DE BZHIN DU LUD PA LA SOGS PA DANG BCAS PAR 'GYUR RO, ,MKHRIS GYUR THAL CHU 'DRA BA LA, ,DUD KHA LJANG SNGON MDOG SER SKYUG ,KHRAG BCAS RO SKYUR TSA ZHING DRO, ,SKOM DAD BRGYAL TSA GDUNG BCAS YIN, , ZHES BYA BA LA, MKHRIS PA LAS GYUR PA'I SLON BRO BA NI THAL CHU DANG 'DRA BAR 'BYUNG ZHING KHA DOG DUD KHAR GNAS PA'AM, DU BA LTAR TSA ZHING DKU BA'I SGREGS PA DANG BCAS PA KHA DOG LJANG KHU DANG SNGON PO DANG SER PO SKYUG CING KHRAG DANG BCAS PAR 'BYUNG LA, RO NI SKYUR BA DANG TSA BA DANG LDAN ZHING DRO BA'I BAG TU SLON LA SKOM PA LA SOGS PA DANG LDAN PAR 'GYUR RO, ,BAD KAN LAS GYUR SNUM PA BSIL, ,NAL NAL POR 'DUG DRA BA RIS, ,RO MNGAR LAN TSVA BRO TSABS CHE, ,CHAGS SHING BA SPU BRTZE BAR BYED, ,GDONG SKRANG KHA NANG MNGAR BA BRO, ,SNYOM ZHING SNYING NA
LUD PA CAN, ,ZHES BYA BA LA, BAD KAN LAS GYUR PA'I SLON BRO BA NI SNUM BAG TU SLON ZHING SKRANG PA DANG, BAD KAN GYI RGYUN NAL NAL POR 'DZAG PA DANG, SKYUG PA DRA BA RIS SAM SKAR KHUNG GI TSUL DU GNAS PA DANG, RO MNGAR ZHING LAN TSVA BRO BA DANG, TSABS CHE ZHING MANG DU 'BYUNG BA DANG, GRE BAR CHAGS SHING 'BYAR BA DANG, BA SPU PAGS PA BRTZE ZHING REG MI BZOD PA DANG, GDONG SKRANG BA LA SOGS PA DANG LDAN PA YIN NO, ,GSUM CHAR LAS BYUNG RTAGS KUN LDAN, ,'CHI LTAS LAS BSHAD GANG DE SPANG, ,ZHES BYA BA LA, RLUNG LA SOGS PA'I NAD GZHI GSUM CHAR LAS BYUNG BA NI MTSAN NYID THAMS CAD DANG LDAN PA STE, DE NI GSOR MI RUNG BAS SPANG BAR BYA'O, ,YANG 'CHI LTAS KYI SKABS SU BSHAD PA'I SLON BRO BA'I NAD SHUGS DRAG PA DANG, BSHANG GCI BRO BA LA SOGS PA DE YANG SPANG BAR BYA STE GSOR MI RUNG NGO, ,RUL DANG MI GTZANG BTZOG PA DANG, ,SKYUG BRO MTHONG DANG THOS SOGS KYIS, ,YID GDUNGS SNYING LA PHOG GYUR SLON, ,MI SDUG YUL LAS BYUNG BA YIN, ,ZHES BYA BA LA, RUL PA LA SOGS PA'I DNGOS PO MTHONG BA DANG THOS PA DANG MNAM PA DANG ZOS PA DANG REG PA DANG YID LA BYED PA LA SOGS PAS YID GDUNGS SHING SEMS BCOM PAR 'GYUR LA, SNYING LA PHOG CING GNOD PAR GYUR NAS, SLON PA GANG YIN PA DE NI MI SDUG PA'I YUL LAS BYUNG BA ZHES BYA BA STE, MNGON PAR MI 'DOD PA'I YUL DANG PHRAD PA LAS BYUNG BA'O, ,YID MI BDE SKOM SRIN BE'U SNABS, ,RLUNG SOGS NYID LA GNAS PAR BRTAG ,CES BYA BA LA, SRIN BU LA SOGS PA BZHI PA NI RLUNG LA SOGS PA SLO NA BRO BA GSUM PA'I MTSAN NYID JI LTA BA BZHIN DU BRTAG CING DPYAD LA SHES PAR BYA'I, RLUNG LA SOGS PA MED PAR DE RNAMS 'BYUNG BAR MI 'GYUR RO, ,YID MI BDE BA NI SBRUM MA ZLA GNYIS LON PHAN CHAD MNGAL BSAL NAS 'BYUNG BA LA BYA'O, ,GZER DANG 'PHAR DANG SNYING NA BA, ,BYE BRAG TU NI SRIN BU'I NAD, ,SRIN BU'I SNYING NAD MTSAN MA LAS, ,DE NI SHES PAR BYA BA
, ,YIN; ,ZHES BYA BA LA, SRIN BU'I NAD LAS SKYES PA'I SLON BRO BA NI GZER LA SOGS PA'I KHYAD PAR BSHAD PA YIN LA, DE BZHIN DU SRIN BU'I NAD KYI MTSAN MA MIG GNAG PA LA SOGS PA LAS SHES PAR BYA'O, ,SNYING NAD NAD NI RE RE 'DUS, ,SRIN BU LAS GYUR RNAM LNGAR BSHAD, ,CES BYA BA LA, SNYING NAD NI RLUNG MKHRIS PA BAD KAN LAS GYUR PA DANG, 'DUS PA LAS GYUR PA DANG, SRIN BU LAS GYUR PA STE, RNAM PA LNGA YOD PAR BSHAD DO, ,RLUNG GIS SHIN TU ZUG CING NA, ,GAS DANG GSHAGS PA SNYAM DU SEMS, ,BCOM SNYAM SEMS SHING SKAM LA RENGS, ,SNYING GA STONG SNYAM ZAG PAR BYED, ,RGYU MED ZHUM ZHING MI DGA' LA, ,'JIGS SHING SGRA NI MI BZOD CING, ,'PHAR ZHING 'GRE LA GCUS SNYAM BYED, ,RMONGS BAG DBUGS THUNG GNYID CHUNG 'GYUR, ,ZHES BYA BA LA, RLUNG LAS GYUR PA'I SNYING NAD NI SNYING DU ZUG CING GZER BA DANG, BTZUGS PA LTAR NA BA DANG, DE BZHIN DU SNYING GAS PA SNYAM DU SEMS SHING NA BA DANG, TSAL PAR GSHAGS PA SNYAM DU SEMS SHING NA BA DANG, GRUGS PA SNYAM DU SEMS PA DANG, KHONG SKAM PAR GYUR PA DANG, RENGS SHING GANG BA SNYAM DU SEMS PA DANG, SNYING GA STONG ZHING MED PA SNYAM DU SEMS PA DANG, ZAG CING G-YOS LA SEMS 'PHYO BA DANG, RGYU MED PAR GLO BUR DU SEMS ZHUM ZHING MI DGA' STE MYA NGAN DU BYED PA DANG, 'JIGS SHING DANGS PA DANG, SGRA MI BZOD CING TSIG THOGS PA LA SOGS PA LA 'KHRUL PA DANG, 'PHAR ZHING 'GUL BA DANG, SA LA 'GRE ZHING LDOG PA DANG, SNYING GCUS PA SNYAM DU DUNG DUNG POR NA BA DANG, RMONGS BAG TU GYUR CING MI DRAN PA DANG, DBUGS THUNG ZHING 'TSUBS PA DANG, GNYID CHUNG ZHING YAR BA STE MTSAN NYID DE DAG DANG LDAN PAR 'GYUR RO, ,MKHRIS GYUR SKOM DAD MGO 'KHOR BRGYAL, ,TSA RDUL SNYING SKYUR LUS SNYOM BYED, ,MKHRIS PA SKYUR BA SLON PAR BYED, ,DUD PA KHAR SONG SER RIMS 'DEBS, ,ZHES BYA BA LA, MKHRIS PA LAS GYUR PA'I SNYING NAD LA NI SKOM DAD LA
SOGS PA 'BYUNG BAR 'GYUR RO, ,SNYING GA SKYUR BA DANG TSA ZHING SGREGS PAR SKYUR BA'O, ,BAD KAN LAS GYUR SNYING GA RENGS, ,KHONG NA RDO BCUG LTA BUR LCI, ,DROD NYAMS MCHIL MANG LUD PA LU, ,GNYID CHE SNYOM RIMS YI GA 'CHUS, ,ZHES BYA BA LA, BAD KAN LAS GYUR BA'I SNYING NAD LA NI SNYING GA RENGS SHING MI 'GUL BAR NA BA DANG, KHONG NA RDO BCUG PA LTAR SEMS SHING NANG NA RDO YOD PA LTA BUR LUS LCI BA DANG, DE BZHIN DU ME DROD NYAMS PA LA SOGS PA 'BYUNG BAR 'GYUR RO, ,NYES GSUM MTSAN NYID THAMS CAD LDAN, ,ZHES BYA BA LA, RLUNG DANG BAD KAN DANG MKHRIS PA GSUM 'DUS PA LAS BYUNG BA'I SNYING NAD NI DE GSUM CHAR GYI MTSAN NYID THAMS CAD DANG LDAN PAR 'GYUR RO, ,SRIN BUS MIG NI GNAG PA DANG, ,MUN PAR ZHUGS SNYAM BYED SNYING 'PHAR, ,LUS SKAM G-YA' ZHING BAD KAN 'DZAG , 'DI NI RTAG TU SOG LE YIS, ,SNYING LA 'DRUD PA LTA BUR SEMS, ,MI BZAD NAD DES MYUR GSOD PAS, ,DE NI RINGS PAR GSO BAR BYA, ,ZHES BYA BA LA, SRIN BU LAS GYUR PA'I SNYING NAD NI MIG GNAG PAR GYUR PA DANG, MUN PA'I NANG DU ZHUGS PA LTAR MUN 'THIBS ZHES BYED PA DANG, SNYING 'PHAR ZHING BRGAL BA DANG, LUS SKAM ZHING SHA ZAD PA DANG, KHA NAS BAD KAN LJAN LJIN 'DZAG PA DANG, YANG RTAG TU SNYING LA SOG LES 'DRUD CING GSHAGS BA LTA BUR SEMS TE, SRIN BU SNYING NA BA ZHES BYA BA'I NAD MI BZAD PA DES NI MYUR DU GSOD CING 'CHI BAR BYED PAS RING ZHING MYUR BAR GSO BAR BYA STE, GNAD CHEN PO SNYING ZHES BYA BA 'BUS ZOS PA NI BSAD PA CHEN PO SKYED PAR BYED PA YIN PA'I PHYIR RO, ,DE LTAR SNYING NAD KYI MTSAN NYID BSHAD NAS, DA SKOM DAD KYI NAD BSHAD PAR BYA STE, SKOM DAD RLUNG MKHRIS BAD KAN DANG, ,'DUS PA DANGS MA ZAD PA DANG, ,NAD 'DRES PA LAS DRUG TU 'GYUR, ,ZHES BYA BA LA, RLUNG LA SOGS PA'I DBYE BAS SKOM DAD RNAM PA DRUG YOD DO, ,NAD DANG 'DRES PA NI RIMS LA SOGS PA NAD GZHI GZHAN DANG 'DRES PA'I RKYEN
, ,LAS SKOM DAD DU GYUR PA'O, ,DE LTAR GYUR PA THAMS CAD LA, ,RLUNG MKHRIS GNYIS NI RGYU YIN TE, ,ZHES BYA BA LA, DE LTAR SKOM DAD THAMS CAD LDANG ZHING 'BYUNG BA'I RGYU NI RNAM PA GNYIS TE, MKHRIS PA DANG RLUNG YIN PAR SHES PAR BYA'O, ,DE 'KHRUGS LUS ZUNGS BSIL BA NI, ,SKAMS NAS LDANG BAR 'GYUR BA YIN, ,LUS KUN 'DAR ZHING MGO 'KHOR TSA, ,SKOM DAD KHONG TSA RMONGS PAR BYED, ,CES BYA BA LA, RLUNG DANG MKHRIS PA DE DAG LDANG ZHING 'KHRUGS PAR 'GYUR BA NI LUS ZUNGS BSIL BA STE, DANGS MA 'AM BAD KAN SKAMS NAS LDANG ZHING 'BYUNG BAR 'GYUR LA, RLUNG DANG MKHRIS PA 'KHRUGS PAR BYED PA DE YANG LUS THAMS CAD 'DAR ZHING MGO 'KHOR BA LA SOGS PA BYED PA YIN BAR SHES PAR BYA'O, ,LCE DRUD MGUL BA GLO BA DANG, ,SKAM DANG SKOM 'THUNGS RGYU BA DANG, , SKAM PAS SKOM DAD SKYE BAR 'GYUR, ,ZHES BYA BA LA, SKOM DAD THAMS CAD NI LCE DRUD PA LA SOGS PA SKAM NAS 'BYUNG BA YIN PAR SHES PAR BYA'O, ,DE RNAMS KYI NI SPYI MTSAN NYID, ,KHA SKAM SKOM GYIS MI NGOMS DANG, ,ZAS LA MI DGA' SKAD 'GAGS DANG, ,GRE BA LCE MCHU RTZUB PAR 'GYUR, ,LCE 'BYIN BYED CING KHONG SNYOM LA, ,BLA ZHING SEMS NI MYOS PA DANG, ,DE BZHIN SKOM GDUNGS NAD DU 'GYUR, ,ZHES BYA BA LA, SKOM DAD DE RNAMS KYI SPYI'I MTSAN NYID DE THUN MONG GI MTSAN NYID DE SKAMS PA NAS SKOM DAD DU GYUR PA'I BAR GYIS BSTAN PA YIN PAR SHES PAR BYA'O, ,DE LA SKOM GYIS GDUNGS PA'I NAD NI NAD MI 'BYUNG BAR BYA BA'I LE'U LAS BSHAD PA YIN NO, ,LUS SKAMS RMYA ZHING 'ON PA DANG, ,RMONGS BAG MGO 'KHOR SNYING NAD DE, ,'DI LTA BU YI NAD RNAMS NI, ,SKOM PAS GDUNGS LAS SKYE BAR 'GYUR, ,ZHES BYA BA LA, YANG SKOM DAD KYIS GDUNGS PA LAS LUS SKAMS PA LA SOGS PA'I NAD RNAMS KYANG SKYE BAR 'GYUR RO, ,RLUNG GYUR KHONG RMYA NYAM CHUNG LA, ,MUR 'GRAM ZUG CING KLAD PA 'KHOR, ,SNA LCES DRI DANG RO MI TSOR, ,'ON ZHING GNYID MED NYAMS STOBS
ZAD; ,CHU GRANG 'THUNGS NA SKOM 'PHEL 'GYUR, ,ZHES BYA BA LA, SKOM DAD KYIS GDUNGS PA LUS SKAMS PA LA SOGS PA'I NAD RNAMS KYANG SKYE BAR 'GYUR RO, ,RLUNG LAS GYUR PA'I SKOM DAD NI KHONG RMYA BA LA SOGS PAR 'GYUR TE, TSIG GI DON NI GO BAR ZAD DO, , MKHRIS PA KHA NANG RO KHA BRGYAL, ,MNGAR POR MTHONG ZHING RTAG PAR NI, ,KHA SKAM KHONG TSA DBUGS MNAM PA'O, ,ZHES BYA BA LA, MKHRIS PA LAS GYUR PA'I SKOM DAD NI KHA'I NANG GI RO KHA BA NAS DBUGS MNAM PA'I BAR DU 'GYUR RO, ,BAD KAN LDANG BAS SKOM RGYU'I RTZA; ,BKAG PAS RLUNG NI 'KHRUGS GYUR NAS, ,DE TSE DE YIS BAD KAN NI, ,'DAM BZHIN DE YIS SKEM PAR BYED, ,MGUL PA GRA MAS GANG SNYAM SEMS, ,GNYID CHE KHA NANG MNGAR BAR BRO, ,LTO BA MGO BO TSOR BA CHUNG, ,RMONGS BAG SLON GYUR YI GA 'CHUS, , LUS SKAM KHA ZAS MI 'JU'O, ,ZHES BYA BA LA, BAD KAN 'KHRUGS SHING LDANG BAS CHU RGYU BAR BYED PA'I RTZA SGO RNAMS SU RLUNG RGYU BA BKAG CING G-YOGS PA DANG, DE'I TSE RLUNG DES BAD KAN DE SKAM PAR BYED PA NI 'DAM LTAR SKEM PAR BYED DO, ,DPER NA PHYI'I RLUNG GIS 'DAM SKEM PAR BYED PA BZHIN DU RLUNG GIS BAD KAN SKEM PAR BYED DE, DE NAS BAD KAN SKAMS PAS MGUL PA GRA MAS GANG BA SNYAM DU SEMS SHING TSAL RTZUB PAR 'GYUR RO, ,GZHAN YANG GNYID CHE ZHING KHA'I NANG MNGAR BAR BRO BAR 'GYUR BA LA SOGS PA'I MTSAN NYID RNAMS KYANG 'BYUNG BAR 'GYUR RO, ,KUN LAS GYUR PA RTAGS KUN LDAN, ,ZHES BYA BA LA, NAD GZHI GSUM CHAR GYIS BSKYED PA'I SKOM DAD NI 'DUS PA'I MTSAN NYID THAMS CAD DANG LDAN PAR 'GYUR RO, ,BE'U SNABS LAS GYUR KHA ZAS NI, ,MID DKA' RLUNG MKHRIS LAS GYUR YIN, ,ZHES BYA BA LA, BE'U SNABS LAS GYUR PA'I SKOM DAD NI KHA ZAS MID PAR DKA' ZHING THOGS PAR 'GYUR BA DE LAS NI MKHRIS PA DANG RLUNG LAS GYUR PA'I MTSAN NYID DANG LDAN PAR 'GYUR RO, ,TSA BAS NGAL BAS 'PHRAL DU NA, ,CHU GRANG BSTEN GYUR SKOM DAD
, ,CHE; ,KHONG PAR TSA BA BSDUS PA YIN, ,SKOM DAD [?] DE NI MKHRIS SKYES YIN, ,ZHES BYA BA LA, SKYES BU TSA BAS NGAL ZHING DUB PAR GYUR LA, DE 'PHRAL DU DE'I MOD LA CHU GRANG BSTEN ZHING KHRUS LA SOGS PA BYAS PAS, PHYI ROL GYI TSA BA KHONG PA'I NANG DU BSDUS TE, DE'I DBANG GIS SKOM DAD SKYES PA GANG YIN PA DE NI MKHRIS PA LAS SKYES PA 'BYUNG BA YIN NO, ,GANG YANG CHANG DRAGS ME DROD RNO, ,SNUM ZOS SKYES PA'ANG MKHRIS 'BYUNG YIN, ,ZHES BYA BA LA, YANG SKOM DAD GANG CHANG MANG DU 'THUNGS SHING DRAGS PA LAS GYUR PA DE YANG MKHRIS PA LAS GYUR PA NYID YIN PAR SHES PAR BYA'O, ,YANG DE BZHIN DU ME DROD RNO ZHING SHAS CHE BA LAS SNUM ZOS PA LAS BYUNG BA'I SKOM DAD DE YANG MKHRIS PA LAS BYUNG BAR SHES PAR BYA'O, ,SNUM ZHING SKYUR DANG LAN TSVA'I BAG ,ZOS PAS BAD KAN LAS SKYES 'GYUR, ,ZHES BYA BA LA, KHA ZAS SNUM BAG LA SOGS PA ZOS PA LAS SKOM DAD SKYES PA NI BAD KAN LAS BYUNG BA YIN PAR SHES PAR BYA'O, ,ZAD BYED LAS NI SKOM DAD 'GYUR, ,DANGS MA ZAD DANG MTSAN NYID 'DRA, ,ZHES BYA BA LA, ZAD BYED LAS SKOM DAD DU GYUR PA GANG YIN PA DE NI DANGS MA ZAD PA'I MTSAN NYID DE, DANGS MA ZAD NAS RTZUB LA SKEM, ,NYAM CHUNG SGRA NI ZHES BYA BA SMOS PA YIN PAS 'DI NYID LAS SHES PAR BYA'O, ,KHONG SKAM GCIN NAD RIMS NAD SOGS, ,YUN RING NAD NI RIMS SKOM NAD, ,GANG ZHIG SKOM DAD MI BZAD SKYES, ,DE NI 'DRES LAS BYUNG BAR BSHAD, ,CES BYA BA LA, KHONG SKAM PA LA SOGS PA DANG 'DRES PA DANG SKOM DAD GANG MI BZAD CING BRNAG PAR DKA' BA SKYES PA DE NI 'DRES PA LAS BYUNG BA'I MTSAN NYID CAN YIN PAR DRANG SRONG RNAMS KYIS BSHAD DO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, NAD GZHI'I GNAS KYI LE'U LNGA PA'I RNAM PAR 'GREL PA'O,, ,,DE NAS CHANG NAD KYI NAD GZHI BSHAD PAR BYA'O, ,
ZHES BYA BA LA, RLUNG LA SOGS PA LDANG ZHING 'KHRUGS PA'I GZHI GCIG PA DANG, NYES PA GSUM LAS BYUNG BAR TSUL MTHUN PAS GCONG CHEN PO'I 'OG TU 'DI BRTZAMS PA YIN NO, ,CHANG GI NAD DU GYUR PAS NA CHANG GI NAD DAM, CHANG LAS MYOS PA LA SOGS PA'I NYES PAR GYUR PAS NA CHANG NAD DE, MYOS PA'I RGYU LAS BYUNG BA'I NAD CES BYA BA'I DON NO, ,DE YANG MYOS PA NI SEMS DANG LUS ZUNGS 'GYUR BAR BYED PA YIN LA, DE YANG CHANG LA SOGS PAS MYOS PAR GYUR PAS NA, DE'I RGYU NI CHANG YIN PAR BSHAD DO, ,RNO DANG DROD CHE RTZUB DRAG SKYUR, ,NYAL PO 'DOD MYUR BYED DANG YANG, ,GSAL DANG DANG BAR BYED PAR BSHAD, ,MDANGS NI 'DI LAS GO BZLOG YIN, ,ZHES BYA BA LA, CHANG NI RNO BA LA SOGS PA YON TAN BCU DANG LDAN PAR BSHAD LA, MDANGS NI CHANG GI YON TAN JI SKAD DU BSHAD PA 'DI LAS GO BZLOG PA'I YON TAN DANG LDAN PA YIN TE, RDUL BA DANG GRANG BA DANG SNUM PA DANG RAGS PA DANG MNGAR BA DANG BRTAN PA DANG, YUN RING POR BYED PA DANG, LCI BA DANG, 'JAM PA DANG, 'BYAR BAG CAN YIN NO, ,DUG KYANG RNO STZOGS YIN MOD KYIS, ,SEMS LA GNOD PAR BYED PA YIN, ,NUS PAS 'CHI BAR BYED PAS NA, ,DUG NI LHAG PAR MTHU CHE'O, ,ZHES BYA BA LA, CHANG GI YON TAN RNO BA LA SOGS PA BCU PO 'DI DAG NI CHANG 'BA' ZHIG TU MA ZAD KYI DUG LA'ANG YOD MOD KYI, DE'I KHYAD PAR NI SEMS LA LHAG PAR GNOD CING 'KHRUL PAR BYED PA'I RANG BZHIN CAN GYI NUS PA DUG LA YOD PAS NA, GANG GIS 'CHI BAR BYED PAR 'GYUR BA DE LTA BU'I NUS PA DUG LA YOD PA'I PHYIR, DUG GI NUS PA CHANG BAS LHAG PAR MTHU CHE ZHING NUS PA LHAG PA YIN NO, ,CHANG NI RNO SOGS YON TAN GYI, , MDANGS KYI YON TAN RTUL LA SOGS, ,BCU PO BCU YIS 'KHRUGS BYAS NAS, ,SEMS NI SGYUR BAR BYED PA YIN, ,ZHES BYA BA LA, CHANG GI YON TAN RNO BA LA SOGS PA BCUS MDANGS KYI YON TAN RTUL BA LA SOGS PA BCU PO ZIL GYIS MNAN ZHING 'KHRUGS PAR BYAS SHING
, ,KUN DU DKRUGS NAS SEMS SGYUR ZHING RNAM PA GZHAN DU GYUR PAR BYED PA YIN NO, ,RA RO DANG PO GNYIS PA YIS, ,BAG MED PA YI GNAS LA GNAS, ,RNAM RTOG NGAN 'JOMS RMONGS PA RNAMS, ,BDE BA YIN SNYAM SEMS PAR 'GYUR, ,ZHES BYA BA LA; RA RO BA'I SHUGS DANG PO DANG RA RO BA'I SHUGS GNYIS PAS NI BAG MED PA'I GNAS LA GNAS PA STE, BAG MED PA'I NYES PAR SPYOD PA RNAMS 'BYUNG BAR BYED PA'I RGYUR GYUR PA YIN NO, ,DE NYID KYIS NI RANG GI RNAM RTOG NGAN PA BCOM ZHING SEMS KYI KUN DU RTOG PAS BRLAG PAR GYUR PA YIN LA, DE NYID NI RMONGS PA STE, BYA BA DANG BYA BA MA YIN PA MI BYED PA STE, DE RNAMS NI RA RO BA'I SHUGS DANG PO DANG, GNYIS PA'I SKABS LA GNAS PAS NA, DE BDE BA YIN PAR SHES SHING SHIN TU BDE BA KHO NAR 'DZIN GYIS, DE LTA BU'I BDAG NYID CAN GYI BDE BA YIN PAR NI MI RTOGS SO, ,'DIR BAG MED PA NI TSE PHYI MA'I SDUG BSNGAL GYI RGYU LAS MI DGE BA RNAMS 'BYUNG BA'I RGYU LAS BYA LA, DE 'BYUNG BA'I GNAS LA GNAS PA NI RA RO'I SHUGS DANG PO DANG GNYIS PA LAS BYUNG BA YIN NO ZHES BYA BA'I DON NO, , 'BRING DANG CHEN PO BAR GYI TSE, ,RDUL DANG MUN PA'I RANG BZHIN CAN, ,GLANG CHEN LCAGS KYU MED PA LTAR, ,RMONGS PAS MI BYA CI YANG MED, ,CES BYA BA LA, 'BRING DANG CHEN PO STE RA RO BA'I SHUGS GNYIS PA DANG, GSUM PA'I BAR MTSAMS SU PHYIN PA'I SKYES BU DE RDUL DANG MUN PA'I RANG BZHIN DU THOB PAS NA, MI BYA BA CI YANG MED DE MI DGE BA THAMS CAD MI BYA BA CI YANG MED DO, ,RDUL DANG MUN PA'I RANG BZHIN CAN, ,SMOS PAS NI SKYES BU SNYING STOBS CAN NI NAM MKHA' YANG 'DI LTA BU'I GNAS SKABS CAN DU MI 'GYUR RO ZHES STON PA YIN NO, ,GLANG CHEN LCAGS KYU MED PA LTAR, ,ZHES BYA BA BSTAN PA NI RANG DBANG CAN DU CI DGAR SPYOD PA YIN TE, DPER NA GLANG PO CHE MYOS PA LCAGS KYU MED PA DAG NA MI SRUN PA'I SPYOD PA THAMS CAD STON PAR BYED PA DANG 'DRA BAR RA RO BA 'BRING DANG CHEN PO'I BAR TSIGS SU
PHYIN PA NI SKYES BU RMONGS PA SDIG PA MI DGE BA'I LAS CI YANG MI BYA BA MED DE THAMS CAD BYED DO CES BYA BA'I DON NO, ,'DI NI KHA NA MA THO'I GNAS, ,'DI NI TSUL KHRIMS 'CHAL BA'I GZHI, ,ZHES BYA BA LA, RA RO BA 'BRING DANG CHEN PO'I BAR TSIGS NI KHA NA MA THO BA STE, SMAD PAR BYA BA YIN PAS BRJOD KYIS MI LANG BA'I SDIG PA RNAMS KYI GNAS DANG GZHI NI 'DI DAG NYID YIN NO, ,YANG 'DI NYID NI TSUL KHRIMS 'CHAL ZHING BSLAB PA NYAMS PA'I GNAS SAM GZHI YANG 'DI DAG YIN NO, ,'DI GCIG NGAN 'GROR 'GRO BA'I LAM, ,MANG PO STON PAR BYED PA YIN, ,ZHES BYA BA LA, RA RO BA'I GNAS SKABS KYI KHYAD PAR 'DI NYID NI NGAN SONG GSUM DU 'GRO BA'I LAM DU MA'I RGYU YIN ZHING LAM MANG PO DE DAG TU KHRID CING STON PAR BYED PA'I SLOB DPON YIN NO, ,RA RO GSUM PA'I TSE NA NI, ,SEMS MED PAR NI RO LTAR NYAL, , ZHES BYA BA LA, RA RO BA'I SHUGS CHEN POR PHYIN CING, DE LA GNAS PA'I TSE NA NI SEMS MED PAR RO LTAR NYAL TE, THO YOR RAM, RTZIG PA'AM, MI RO DANG 'DRA'O ZHES BYA BA'I DON NO, ,NYES PA'I BDAG NYID SHI BA LAS, ,SHIN TU MA RUNGS GNAS SKABS THOB, ,CES BYA BA LA, NYES PA'I BDAG NYID DE SHI BA LAS KYANG CHES THU BA'I MA RUNGS PA'I GNAS SKABS THOB PAR 'GYUR RO, ,CHOS DANG CHOS MIN BDE DANG SDUG ,DON DANG DON MIN PHAN DANG GNOD, ,GANG LA CHAGS PA MI SHES PA, ,DE LA MKHAS PAS JI LTAR BSTEN, ,ZHES BYA BA LA, GANG LA CHAGS SHING MNGON PAR ZHEN NA CHOS DANG CHOS MA YIN PA LA SOGS PA SHES SHING RTOGS PAR MI 'GYUR BA'I CHANG DE LA MKHAS PA BLO DANG LDAN PAS JI LTAR BSTEN PAR BYA STE, BSTEN PAR MI BYA'O ZHES BYA BAR SBYAR RO, ,DE LA CHOS NI SBYIN PA GTONG BA DANG, DKON MCHOG MCHOD PA LA SOGS PA'O, ,CHOS MA YIN PA NI SROG GCOD PA LA SOGS PA'I SDIG PA'I LAS BYED PA'O, ,BDE BA NI MTHO RIS LA SOGS PA'I BDE BA'O, ,SDUG BSNGAL NI SEMS CAN DMYAL BA LA SOGS PA'O, ,DON NI RGYAL PO'I KHRIMS SU BYA BA'AM, DON DU BSGRUB PAR BYA'O, ,
, ,DON MA YIN PA NI GZHUNG LUGS 'CHOL BA'O, ,PHAN PA DANG GNOD PA NI BYA BA DANG BYA BA MA YIN PA STE, DE DAG GI BYE BRAG MI SHES PA'O, ,CHANG LAS MYES 'JIGS MYA NGAN DANG, ,KHRO DANG SROG DANG BRAL BA NAS, ,SMYO BYED MYOS DANG BRGYAL BAR BCAS; ,BRJED BYED BCAS PA KUN SONG NAD, ,CES BYA BA LA, CHANG LA NI MYOS PA LA SOGS PA GNAS TE, DE DAG GI RGYU YIN PA'I PHYIR RO, ,KUN SONG NAD CES BYA BA NI 'OG NAS BSHAD PA'I NAD RO DANG 'DRA BAR BYED PA STE, MING GI RNAM GRANGS SU NA LTUNG BAR BYED PA ZHES KYANG BYA'O, ,GANG DU DRAN PA NYAMS GCIG YOD, ,DER NI MI DGE THAMS CAD 'BYUNG, ,ZHES BYA BA LA, MANG DU SMRAS PAS CI ZHIG BYA STE, GANG DU CHANG GANG LA DRAN PA NYAMS PA GCIG PU YOD PA DER NI, DNGOS PO GANG DANG GANG DAG YOD PA THAMS CAD MI DGE BA'I TSUL THAMS CAD 'BYUNG ZHING CHOS MA YIN PA NYID DU 'GYUR RO, ,MI 'PHROD ZAS NI ZOS PAS KYANG, ,NAD DAM YANG NA 'CHI BAR 'GYUR, ,ZHES BYA BA LA, GANG GI PHYIR MI 'PHROD PA'AM MI RIGS PAR SBYAR BA'I ZAS ZOS PAS, ZAS DE SROG GI RTEN YIN YANG NAD NYID SKYED PAR 'GYUR BA 'AM, 'CHI BAR 'GYUR BA YIN NA CHANG LTA SMOS KYANG CI DGOS, CHANG GI SDE TSAN GSUM BLO LDAN, ,NGO TSA SOGS KYANG 'JIG PAR BYED, ,CES BYA BA LA, GANG YANG CHANG GI NYES DMIGS NI SHAS CHER BSTEN PAS SDE TSAN GSUM LA SOGS PA NYAMS SHING 'JIG PAR BYED PA YIN TE, SDE TSAN GSUM NI SKYES BUS BTZAL BAR BYA BA'I CHOS DANG NOR 'DOD PA'O, ,BLO NI SHES RAB BO, NYAMS STOBS LDAN DANG ZAS ZOS DANG, ,ZAS CHER ZA DANG SNUM NGAG ZA, ,SNYING STOBS LANG TSOR LDAN PA DANG, ,RTAG TU CHANG 'THUNG DE'I RIGS SKYES, ,TSIL DANG BAD KAN SHAS CHE LA, ,RLUNG DANG MKHRIS PA SHAS CHUNG DANG, ,ME DROD CHE ZHING BRTAN PA RNAMS, ,SHAS CHER RA ROR MI 'GYUR RO, ,ZHES BYA BA LA, SKYES BU STOBS DANG LDAN ZHING NYAMS 'TSAG BZANG BA DAG GIS CHANG 'THUNGS NA SHAS CHER
RA RO BAR MI 'GYUR ZHING DE'I 'GYUR BAR MI SKYE'O, ,YANG DE BZHIN DU KHA ZAS LEGS PAR ZOS ZIN PA'I RJES LA 'THUNGS PA DANG, ZAS CHER ZA ZHING MANG DU ZOS PA DANG, SNUM BAG DANG LDAN PA'I KHA ZAS ZOS PA 'AM, RANG BZHIN GYIS SNYING STOBS CHE BA DANG, LANG TSO DANG LDAN ZHING DAR LA BAB PA DANG, RTAG TU CHANG 'THUNGS SHING GOMS PA DANG, DE'I RIGS LAS SKYES PA STE, CHANG 'THUNGS SHING SRED PA'I RIGS RGYUD DU BYUNG BA DANG, BAD KAN DANG TSIL GYI SHAS CHE ZHING MANG BA DANG, RLUNG NGANG MKHRIS BA SHAS CHE ZHING BRTAN PA STE, DE THAMS CAD KYIS CHANG 'THUNGS SU ZIN KYANG RA RO BAR MI 'GYUR RO, ,DE LAS BZLOG PA CHANG DAD CAN, ,KHROS DANG CHANG RTZUB SKYUR SHAS CHE, ,MA ZHUR BCAS DANG MANG 'THUNGS PA, ,GANG YIN SHAS CHER RA ROR 'GYUR, ,ZHES BYA BA LA, DE LTAR JI SKAD BSTAN PA LAS GO BZLOG PA NYAMS STOBS CHUNG BA DANG, KHA ZAS MA ZOS PA DANG, KHA ZAS NYUNG DU ZOS PA DANG, RTZUB BAG ZOS PA DANG, SNYING STOBS CHUNG BA DANG, DAR LA BAB PA LAS YOL BA DANG, RTAG TU CHANG MI 'THUNG BA DANG, CHANG 'THUNGS PA'I RIGS SU MA SKYES PA DANG, TSIL DANG BAD KAN ZAD PA DANG, ,RLUNG DANG MKHRIS PA SHAS CHE BA DANG, KHONG PA'I ME DROD CHUNG ZHING MI BRTAN PA DAG GIS CHANG 'THUNGS NA SHAS CHER RA RO BAR 'GYUR, YANG DE BZHIN DU CHANG DAD CAN TE CHANG LA SRED CING YID RTON PA DANG KHROS SHING 'KHRUGS PA DANG, CHANG SKYUR ZHING RTZUB PA SHAS CHE BA DANG, DE BZHIN DU CHANG MA ZHU BA STE, SNGA DE ZHAG 'THUNGS PA'I CHANG MA ZHU BA'I RJES LA 'THUNGS PA DANG, DE BZHIN DU SHIN TU MANG DU 'THUNGS PAS SHIN TU RA RO BAR 'GYUR RO, ,RLUNG MKHRIS BAD KAN KUN LAS BYUNG, ,CHANG NAD RNAM PA BZHIR 'GYUR RO, ,ZHES BYA BA LA, RLUNG LA SOGS PA'I NAD GZHI RE RE DANG, KUN 'DUS PA LAS GCIG STE CHANG NAD RNAM PA BZHIR 'GYUR RO, ,KUN KYANG KUN LAS SKYES MOD KYI, ,SHAS CHE BA LAS MING DU BTAGS, ,ZHES BYA BA LA, CHANG NAD KUN KYANG NYES PA GSUM CHAR
, ,LAS BYUNG MOD, 'ON KYANG NAD GZHI GANG DANG GANG SHAS CHE BA DE DANG DE LAS PHYE STE MING DU BTAGS PA YIN NO, ,DE RNAMS KYI NI SPYI MTSAN NYID, ,RMONGS DANG SNYING NI NA BA DANG, ,'KHRU ZHING RTAG TU SKOM DAD CHE, ,TSA GRANG RIMS 'DEBS YI GA 'CHUS; ,MGO BO RTZIB RUS NA DANG 'DAR, ,GNAD 'JIG LTAG PA NA BA DANG, ,BRLA RENGS RAB RIB KHYER BA DANG, ,LUD PA DBUGS MI BDE GNYID MED, ,RDUL CHER 'BYUNG ZHING BSHANG BA 'GAGS, ,SKRANG ZHING SEMS NI 'KHRUL BA DANG, ,BLA ZHING SLON PAR BYED PA DANG; ,MGO 'KHOR RMI LAM NGAN MTHONG BA'O, ,ZHES BYA BA LA, CHANG NAD DE RNAMS KYI SPYI'I MTSAN NYID DE RNAM PAR DBYE BA MED PAR THUN MONG GI RTAGS NI 'DI DAG YIN NO, ,SEMS RMONGS SHING SHIN TU BLUN BAG TU 'GYUR BA DANG, SNYING NA ZHING 'PHAR BA DANG, 'KHRU ZHING BSHANG BA SLA BA DANG, RTAG PAR RGYUN MI 'CHAD PAR SKOM DAD CHE BA DANG, RIMS TSA BA DANG GRANG BA'I BAG DAG GIS BTAB PAR 'GYUR BA'AM, YANG NA TSA GRANG STE MKHRIS PA DANG BAD KAN GYI MTSAN NYID DANG LDAN PAR 'GYUR BA DANG, MGO LA SOGS PAR NA BA DANG; LUS 'DAR ZHING 'GUL BA DANG, GNAD RNAMS 'JIG CING 'BYE BA SNYAM DU SEMS PA DANG, LTAG PA'I PHYOGS NA ZHING ZUG PA DANG, BRLA RENGS SHING 'GYUR BA MI BDE BA DANG, MIG RAB RIB KHYER ZHING MI GSAL BA DANG, LUD PA LA SOGS PA 'BYUNG BA DANG, SEMS 'KHRUL ZHING NYAMS PA LA SOGS PA'O, ,RLUNG GYUR KHYAD PAR GNYID MI 'ONG, ,DBUGS MI BDE ZHING KLAD NA 'DAR, ,RMI LAM DU NI 'PHYAN ZHING 'PHUR, ,GSHIN PO RNAMS DANG GTAM SMRA RMI, ,ZHES BYA BA LA, RLUNG LAS GYUR PA'I CHANG NAD NI KHYAD PAR BYE BRAG TU GNYID MI 'ONG BA LA SOGS PA 'BYUNG BAR 'GYUR BA DANG, DE BZHIN DU RMI LAM GYI NANG NA 'PHYAN ZHING YUL GZHAN NAS GZHAN DU 'GRO BAR RMI BA DANG, NAM MKHA' LA 'PHUR ZHING LDING BAR RMI BA DANG, SNGON CHAD SHI BA'I NYE DU LA SOGS PA GSHIN PO RNAMS DANG LHAN CIG
GTAM SMRA BA RMI BAR 'GYUR RO, ,MKHRIS LAS LUS TSA SKAD 'GAGS DANG, ,RMONGS BAG TSAD 'KHRU SKOM MGO 'KHOR, ,LUS MDOG LJANG DANG SER BA DANG, ,MIG DANG MKHUR TSOS DMAR BAR 'GYUR, ,ZHES BYA BA LA, MKHRIS PA RGYAS PA LAS GYUR PA'I CHANG NAD NI LUS TSA BA LA SOGS PAR 'GYUR RO, ,BAD KAN GYIS SLON SNYING NA DANG, ,GNYID CHE GRANG 'DAR YAN LAG LCI, ,ZHES BYA BA LA, BAD KAN SHAS CHE BA LAS GYUR PA'I CHAD NAD NI SLON PA LA SOGS PA 'BYUNG BAR 'GYUR RO, ,GRANG 'DAR NI GRANG LHAGS KYIS PHOG PA'I LUS 'DAR BA'O, ,KUN SKYES MTSAN NYID KUN DANG LDAN, ,ZHES BYA BA LA, NAD GZHI KUN 'DUS PA LAS BYUNG BA'I CHANG NAD NI MTSAN NYID KUN 'DREN MA DANG LDAN PA YIN NO, ,CHANG SPANGS PA LAS 'PHRAL DU NI, ,MANG DU 'THUNG NGAM MA GOMS 'THUNGS, ,DE LAS 'JOMS DANG LUS SKAM NAD, ,RLUNG LAS SDUG BSNGAL LDAN PA 'BYUNG, ,NYAM CHUNG BA LA MCHOG TU 'BYUNG, ,ZHES BYA BA LA, CHANG DANG 'PHROD PAR GYUR PA LAS KYANG DE SPANGS TE DUS YUN RING POR LON PA LAS CHANG DE NYID MOD LA MANG DU 'THUNGS PA'AM, YANG NA SNGAR MA GOMS PA'I CHANG GZHAN 'THUNGS PAR GYUR NA, RGYU DE LAS 'JOMS BYED CES BYA BA'I NAD DANG LUS SKAM ZHES BYA BA'I CHANG NAD GNYIS PO RLUNG LA SOGS PA LAS SBUG BSNGAL ZHING GSO BAR DKA' BA 'BYUNG BAR 'GYUR RO, ,RNAM PA DE GNYIS NI SKYES BU NYAMS STOBS CHUNG BA LA MCHOG TU SHAS CHER 'BYUNG BAR 'GYUR RO, ,'JOMS PAS BAD KAN MCHIL MA MANG, ,LKOG MA SKAMS SHING GNYID RAB CHE, ,SGRA GRAG MI BZOD GLONG BAG 'GYUR, ,ZHES BYA BA LA, CHANG NAD 'JOMS PAR BYED PA ZHES BYA BA DE'I MTSAN MA BAD KAN DANG MCHIL MA'I LJAN LJIN MANG DU 'BYUNG BAR 'GYUR BA DANG, DE BZHIN LKOG MA SKAM PA LA SOGS PA 'BYUNG BAR 'GYUR RO, ,LUD SKAM YAN LAG MGO RAB NA, ,SNYING NAD MGUL NAD RMONGS BAG DANG, ,LUD PA SKOM DAD SLON RIMS 'DEBS, ,ZHES BYA BA LA, CHANG NAD LUD PA SKAM PA ZHES BYA BA BYUNG BAR GYUR NA, DE'I
, ,MTSAN MA NI YAN LAG DANG MGO BO SHAS CHER NA ZHING MI BDE BA NAS RIMS KYIS 'DEBS PA'I BAR DU 'BYUNG BAR 'GYUR RO, ,GANG ZHIG CHANG RNAMS SPANGS PAS NI, ,DBANG PO THUL ZHING BRTAGS TE BYED, ,NAM YANG DE LA LUS SEMS KYI, ,SKYON RNAMS 'BYUNG BAR MI 'GYUR RO, ,ZHES BYA BA LA, SKYES BU GANG ZHIG CHANG SPANGS SHING CHANG MI 'THUNG BA'I BRTUL ZHUGS BLANGS PA DE NI DBANG PO THUL ZHING ZHI LA BRKAM SHAS CHUNG BA DANG, BRTAGS TE BYED PA STE BYA BA RNAMS LA BLO SNGON DU SONG BAS 'JUG PAR 'GYUR BA DANG, DE BZHIN DU YANG SKYES BU DE'I LUS LA DUS NAM YANG LUS DANG SEMS KYI NAD KYI SKYON RNAMS 'BYUNG BAR MI 'GYUR TE, LUS LAS BYUNG BA'I NAD RIMS LA SOGS PA DANG, SEMS LAS BYUNG BA'I NAD BRJED BYED LA SOGS PA 'BYUNG BAR MI 'GYUR ZHING DE'I GNOD PAS NYEN PAR MI 'GYUR RO, ,RDUL DANG MUN PA MI 'PHROD ZAS, ,MCHOG TU BSTEN LAS NAD GSUM 'BYUNG, ,DANGS MA KHRAG DANG SEMS RGYU BA'I, ,RTZA SBUBS BKAG PA LAS BYUNG BA, ,MYOS DANG BRGYAL DANG KUN SONG NAD, ,PHYI MA BZHIN DU STOBS RAB CHE, , ZHES BYA BA LA, RDUL DANG MUN PA'I RANG BZHIN LA MCHOG TU BSTEN PA DANG, KHA ZAS MI 'PHROD PA ZA BA LA MCHOG TU BSTEN CING GNAS PAR BYED PA MI LA MYOS PA DANG BRGYAL BA DANG, KUN DU SONG BA ZHES BYA BA'I NAD DE RNAM PA GSUM 'BYUNG BAR 'GYUR RO, ,DE YANG DANGS MA DANG KHRAG DANG SEMS RGYU BAR BYED PA'I RTZA SBUBS LUS LA GANG DAG YOD PA DE BKAG CING CHOD BA LAS 'BYUNG BAR 'GYUR ZHING RGYU BYED PA YIN LA, YANG DE DAG NI PHYI MA BZHIN DU STOBS DANG NUS PA CHE BA YIN TE, DE NA MYOS PA BAS NI BRGYAL BA STOBS DANG LDAN PA YIN LA, DE BAS NI KUN DU SONG BA STOBS DANG LDAN PA YIN NO, ,'DIR MYOS NAD SNA RE RE KUN, ,KHRAG CHANG DUG RNAMS LAS KYANG 'BYUNG, ,ZHES BYA BA LA, 'DIR MYOS PA DANG BRGYAL BA DANG KUN DU SONG BA ZHES BYA BA GSUM GYI NANG NAS MYOS PA NI RNAM PA BDUN TE, NAD GZHI RE RE LAS
GYUR PA GSUM DANG, 'DUS PA LAS GYUR PA DANG, KHRAG DANG CHANG DANG DUG LAS GYUR PA RNAMS SO, ,DE DAG KYANG PHYI MA BZHIN DU STOBS CHE BA YIN NO, ,RLUNG LAS GTAM LA CHAGS PA DANG, ,MANG SMRA NYUNG SMRA SPYOD PA 'KHRUL, ,LUS NI RTZUB GNAG DMAR BA YI, ,MYOS PA RLUNG LAS SKYES PA YIN, ,ZHES BYA BA LA, RLUNG LAS GYUR PA'I MYOS PA NI GTAM SMRA BA LA CHAGS PAR 'GYUR BA DANG, MANG DU SMRA BA LA DGA' BA DANG, MYUR DU SMRA ZHING RINGS PAR SMRA BA DANG, SPYOD PA 'KHRUL ZHING NYAMS PA DANG, LUS RTZUB PA DANG, DMAR BA'I BAG TU GNAS PA NI RLUNG LAS SKYES PA YIN NO, ,MKHRIS PA LAS KHRO DMAR BA DANG, ,SER POR SNANG ZHING RTZOD LA DGA', ,ZHES BYA BA LA, MKHRIS PA LAS GYUR PA'I MYOS PA NI LUS KYI MDOG DMAR ZHING SER BAR SNANG BA DANG, RTZOD CING 'THAB MO LA DGA' BA YIN NO, ,BAD KAN CHIG NYUNG 'BREL SMRA SKYA, ,SEMS LAS CHE ZHING LE LO CHE, ,ZHES BYA BA LA, BAD KAN LAS GYUR PA'I MYOS PA NI TSIG NYUNG ZHING 'BREL PAR SMRA BA DANG, KHA DOG DKAR ZHING SKYA BA DANG, SEMS LAS CHE ZHING LE LO CHE BA YIN NO, ,'DUS PA MTSAN NYID KUN DANG LDAN, , ZHES BYA BA LA, 'DUS PA LAS GYUR PA'I MYOS PA NI MTSAN NYID KUN DANG LDAN PA'I MTSAN NYID CAN YIN NO, ,KHRAG LAS MIG DANG YAN LAG RENGS, ,MKHRIS PA'I MTSAN NYID LDAN PA YIN, ,ZHES BYA BA LA, KHRAG LAS GYUR PA'I MYOS PA NI MIG SER ZHING HAR BAG TU GNAS PA DANG, YAN LAG RENGS SHING 'GYUR MI SHES PA YIN NO, ,GZHAN YANG MKHRIS PAS MYOS PA'I MTSAN NYID KHRO BA DANG, MDOG DMAR ZHING SER BA DANG RTZAD PA LA DGA' BA YIN NO, ,CHANG GIS YAN LAG SKAD SPYOD 'GYUR, ,ZHES BYA BA LA, CHANG LAS GYUR PA'I MYOS PA NI YAN LAG DANG SKAD DANG SPYOD PA GZHAN DU 'GYUR BA 'BYUNG BAR 'GYUR TE, YAN LAG 'GYUR BA 'BYUNG BAR 'GYUR TE, YAN LAG 'GYUR BA NI LUS RNAM GZHAN DU 'GYUR BA'O, ,SKAD 'GYUR BA NI SKAD GDANGS NYAMS SHING 'GAGS PA'O, ,SPYOD BA 'GYUR BA NI LUS DANG NGAG DANG YID KYI SPYOD PA NYAMS SHING SNGAR
, ,GNAS PA LAS GZHAN DU GYUR PA'O, ,DUG GIS 'DAR ZHING GNYID RAB CHE, ,DE NI KUN LAS MYOS TSABS CHE, ,ZHES BYA BA LA, DUG GIS MYOS PAR GYUR PA NI 'DAR ZHING LUS 'GUL BA DANG, GNYID SHIN TU CHE ZHING STUG PA YIN NO, ,DE NI MYOS PA KUN LAS SHIN TU TSABS CHER MYOS PA YIN TE NAD KYIS GNOD PA SKYED PAR BYED PA YIN NO, ,KHRAG SOGS PA YIS RLUNG SOGS PA'I, ,MTSAN NYID LHAG PAR SHES PAR BYA, ,ZHES BYA BA LA, KHRAG DANG CHANG DANG DUG LAS GYUR PA'I MYOS PA LAS RLUNG LA SOGS PA'I NAD RANG GI MTSAN NYID LHAG PAR MTSAN NYID KYIS SHES PAR BYA'O, ,DE NI 'DI SKAD STON PA YIN TE, KHRAG DANG CHANG DANG DUG GI MTSAN NYID BSHAD MOD KYI, RLUNG LA SOGS PA GANG YANG RUNG BA LHAG PAR GNAS PA YIN NO ZHES SHES PAR RO, ,DE LTAR MYOS PA'I MTSAN NYID BSHAD NAS, BRGYAL BA'I MTSAN NYID BSHAD PAR BYA STE, BRGYAL BA RLUNG GI BDAG NYID CAN, ,NAM MKHA' DMAR SNGO GNAG PAR NI, ,MTHONG ZHING MUN PAR ZHUGS SNYAM SEMS, ,MYUR DU SANGS PAR BYED PA DANG, ,SNYING NA 'DAR ZHING MGO 'KHOR LA, ,SKEM ZHING BZHIN MDOG DMAR NAG 'GYUR, ,ZHES BYA BA LA, BRGYAL BA'I NAD RLUNG LAS GYUR PA'I BDAG NYID CAN LA NI, SKYES BUS NAM MKHA'I ME TOG KHA DOG DMAR BA DANG SNGO BA DANG GNAG PAR MTHONG BAR 'GYUR ZHING MUN PAR ZHUGS PA SNYAM DU MUN 'THIBS ZHES BYED PAR 'GYUR BA DANG, MYUR DU SANGS SHING DRAN PA RNYED PAR 'GYUR BA DANG, SNYING NA ZHING 'DAR BA NAS, BZHIN RAS DANG LUS KYI MDOG DMAR NAG TU SNANG BAR 'GYUR RO, ,MKHRIS BAS DMAR BA'AM SER POR NI, ,NAM MKHA' MTHONG ZHING MUN 'THIBS BYED, ,SANGS NAS RNGUL DANG BCAS PA DANG, ,TSA SKOM GDUNGS PAS NYEN PA DANG, ,'KHRU ZHING KHA DOG SER DANG DMAR, ,MIG DMAR SER BAR SNANG BAR 'GYUR, ,ZHES BYA BA LA, MKHRIS PA LAS GYUR BA'I BRGYAL BA NI NAM MKHA'I MDOG DMAR BO'AM, SER PO NYID DU MTHONG PAR 'GYUR
BA DANG, MUN 'THIBS ZHES BYED CING RMONGS NAS MI DRAN PAR 'GYUR RO, ,DE NAS SANGS NAS DRAN PA RNYED PA DANG, LUS RDUL ZHING TSA BA LA SOGS PAS GDUNGS SHING NYEN PAR 'GYUR BA DANG, BSHANG BA 'KHRU ZHING SLA BA DANG, KHA DOG SER ZHING DMAR BAR SNANG BA DANG, MIG DMAR ZHING SER BAR SNANG BAS LTA BAR 'GYUR RO, ,BAD KAN GYIS NI SPRIN LTA BUR, ,NAM MKHA' MTHONG ZHING MUN 'THIBS BYED, ,RINGS NAS SANGS PAR 'GYUR BA DANG, ,SNYING NA BCAS PAS MCHIL MA MANG, ,PAGS PA RLON PAS G-YOGS PA BZHIN, ,YAN LAG LCI ZHING TSOR BA CHUNG, ,ZHES BYA BA LA, BAD KAN LAS BYUNG BA'I BRGYAL BAR GYUR PA'I MTSAN MA NI NAM MKHA' GNYIS PAR G-YOGS PA LTA BUR MTHONG BA DANG, MUN 'THIBS ZHES BYED CING MI DRAN PAR 'GYUR BA DANG, BRGYAL NAS YUN RING ZHIG NAS SANGS PAR 'GYUR BA DANG, SNYING 'PHAR ZHING NA BA DANG BCAS PA'I MCHIL MA DANG BAD KAN GYI LJAN LJIN MANG PO 'BYUNG BA DANG, PAGS PA RLON PAS G-YOGS SHING DKRIS PA BZHIN DU YAN LAG DANG BCAS BA'I LUS LCI ZHING TSOR BA CHUNG BAR 'BYUNG BAR 'GYUR RO, ,NYES PA GSUM GYI MTSAN KUN LDAN, ,BRJED BYED GNYIS PA LTA BU STE, ,MYUR DU 'GYEL ZHING BRGYAL 'GYUR TE, ,'JIGS RUNG SPYOD PA MED PA YIN, ,ZHES BYA BA LA, NAD GZHI'I NYES PA GSUM CHAR GYIS BSKYED PA'I BRGYAL BA NI MTSAN NYID DE DAG THAMS CAD DANG LDAN PA DANG, BRJED BYED GNYIS PA YIN ZHING DRAN PA NYAMS PAR 'GYUR LA, BRJED BYED KYIS ZIN PA LTAR MYUR DU 'GYEL ZHING DRAN PA MED PAR BRGYAL BAR 'GYUR LA, KHYAD PAR NI BRJED BYED KYI GDON LTA BU DANG, 'JIGS SU RUNG BA'I SPYOD PA MED PAR GZHAN THAMS CAD TSUL MTHUN PA YIN NO, ,LUS CAN MYOS DANG BRGYAL BA YIS, ,NAD LA SHUGS YOD GYUR KYANG NI, ,RANG NYID ZHI BAR 'GYUR BA YIN, ,KUN ZHUGS SMAN MED PAR MI ZHI, ,ZHES BYA BA LA, LUS CAN TE MI RNAMS LA MYOS PA DANG BRGYAL BA'I RLUNG NAD LA SOGS PA'I SHUGS DRAG PO YOD
, ,DU ZIN KYANG, RANG NYID SMAN GYIS BCOS MI DGOS PAR RANG NYID ZHI ZHING LDOG PAR 'GYUR GYI, KUN DU ZHUGS PA 'AM KUN DU SONG BA ZHES BYA BA'I BRGYAL BA'I NAD NI SMAN GYIS MA BCOS PAR ZHI ZHING LDOG PAR MI 'GYUR RO, ,KUN DU ZHUGS PA ZHES GANG ZHIG LA BYA ZHE NA, DE'I PHYIR SMRAS PA NI, NAD NI SHIN TU STOBS CHE BA, ,'DUS PA LAS GYUR KUN ZHUGS PA, ,SROG GI GNAS LA BRTEN PA YIS, ,LUS DANG NGAG YID SPYOD PA 'PHROG ,DE YIS SKYES BU RO DANG NI, ,SHING DANG RTZIG PA 'DRA BAR BYED, ,RINGS PAR GSO BAR MA BYAS NA, ,MYUR DU 'CHI BAR BYED PA YIN, ,ZHES BYA BA LA, RLUNG LA SOGS PA'I NAD SHIN TU STOBS CHE ZHING DKYEL CHER SOGS PA RANG GI RGYU'I KHYAD PAR GYI TSOGS PAS NUS PA THAMS CAD 'DUS PAR GYUR CING GSUM CHAR BYA BA'I RTZOM PA GCIG LA ZHUGS SHING 'BRAS BU GCIG 'BYED PAR BYED PA'I KUN DU ZHUGS PA'I NAD SROG GI GNAS SNYING GA'I GNAD LA BRTEN CING 'DUG PAR GYUR PA NA KUN DU ZHUGS PA ZHES BYA BA'I BRGYAL BA'I NAD DU 'GYUR TE, LUS DANG NGAG DANG YID KYI SPYOD PA 'PHROG CING BSDUS NAS KUN DU ZHUGS PA DES SKYES BU SHI BA'I RO DANG 'DRA BAR 'GYUR GYI, SHING DANG RTZIG PA LTAR SEMS MED PAR BYED PA YIN LA, DES NA GAL TE NAD DE DAG GSO BA MYUR DU MA BYAS NA MYUR ZHING RINGS PA NYID DU SROG DANG BRAL BAR BYED PA YIN NO, ,MTSO ZAB CHU SRIN MANG PO CAN; ,CHU 'JING 'JUG NGOGS MED PAR NI, ,KUN ZHUGS PA NI NUB BYED LAS, ,MI NI MYUR DU GDON PAR BYA, ,ZHES BYA BA LA, DE BAS NA SMAN PAS KUN DU ZHUGS PA ZHES BYA BA'I NAD MI BZAD PAS ZIN CING SDUG BSNGAL DE'I 'DAM DU BYING BA'I MI MYUR DU GDON BAR BYA STE, DE YANG DPER NA MTSO SHIN TU ZAB CING RTOGS PAR DKA' LA, CHU SRIN BYIS PA GSOD LA SOGS PA'I SROG CHAGS GDUG PA MANG POS GANG BA'I CHU 'JING PHA ROL DU BYUNG BA'I 'JUG NGOGS MED PAR NUB PAR GYUR PA DAG NI, NYAM NGA BA'I GNAS YIN PAS MYUR DU GDON DGOS
PA DANG 'DRA'O, ,RIGS PAS BRTEN DANG PHRAL BA'I CHANG 'THUNGS PAS, ,MYOS DREGS KHRO DANG BRAL BA'I RANG BZHIN CAN, ,RANG GI DGRA BOS YONGS SU 'KHYUD 'GYUR ZHING, ,RIGS DANG MI RIGS MNYAM PAR BYED PAR 'GYUR, ,ZHES BYA BA LA, CHANG RIGS SHING 'OS PAR BRTEN PA DANG BRAL BA STE 'OG NAS SMOS PA'I STOBS DANG DUS LA SOGS PA DANG SBYAR BA MED PA NI, RIGS PAR BRTEN PA DANG BRAL BA ZHES BYA BA STE, DE LTA BU'I RIGS PAR BRTEN PA MED PA CHANG 'THUNGS PAS NI MYOS PA LA SOGS PAR DANG GIS TE, LUS DANG LHAN CIG SKYES PA'I DGRA BO 'JIG RTEN 'DI DANG PHYI MA'I YON TAN 'JOMS SHING 'PHROG PAR BYED PAS DGRA BO LTAR GNOD PAR BYED PA'I DGRA BO RNAMS YONGS SU 'KHYUD PAR GYUR CING SHIN TU BRTZE BAR GYUR PHA MA YIN ZHING, DE BZHIN DU RIGS PA DANG MI RIGS PA CHA MNYAM ZHING MTSUNGS PA NYID DU SEMS PAR 'GYUR BA STE, BYA BA DANG BYA BA MA YIN PA'I BYE BRAG PHYED PAR MI 'GYUR RO ZHES BYA BA'I DON NO, ,STOBS DANG DUS DANG YUL DANG GOMS PA DANG, ,RANG BZHIN GROGS DANG NA TSOD NAD RNAMS NI, ,LEGS BRTAGS DE DANG RJES MTHUN GANG ZHIG 'THUNG, ,DE NI BDUD RTZI 'THUNGS PA DANG MTSUNGS PA YIN, ,ZHES BYA BA LA, LUS KYI NYAMS STOBS DANG, DUS LA SOGS PA'I MTSAN NYID DAM RANG BZHIN BLOS LEGS PAR RTOGS SHING SO SOR PHYED NAS DE DANG MTSUNGS PAR SKYES BU GANG ZHIG CHANG RAN ZHING DUS LA BAB PAR 'THUNGS PA DE NI BDUD RTZI 'THUNGS PA DANG MTSUNGS PA YIN TE, SKYES BU RIGS PA DANG LDAN PAR 'THUNGS PAS GNOD PA MED PAR LUS BDE BAR BYED PA'I RGYU YIN PA'I PHYIR RO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, NAD GZHI'I GNAS KYI LE'U DRUG PA'I RNAM PAR 'GREL PA'O,, ,,DE NAS GZHANG 'BRUM GYI NAD GZHI BSHAD PAR BYA'O, ,ZHES BYA BA LA, JI LTAR KUN DU ZHUGS PA ZHES BYA BA'I NAD BSHAD MA THAG BA DE NI SROG GI
, ,GNAS SNYING LA BRTEN CING 'BYUNG BA DE BZHIN DU, 'DIR YANG SROG GI GNAS GZHANG LA BRTEN TE 'BYUNG BAS NA SROG GI GNAS LA BRTEN PAR CHOS MTHUN PA'I PHYIR, DE'I 'OG TU 'DI BRTZAMS BA YIN NO, ,DGRA LTAR SROG CHAGS RNAMS KYI TSE, , GZHANG 'BRUM BYUNG BAS GSOD BYED PAS, ,DE PHYIR BSHANG BA'I LAM 'GEGS PAS, ,GZHANG 'BRUM ZHES NI BSHAD PA YIN, ,ZHES BYA BA LA, GZHANG 'BRUM NI GZHANG KHAR SHA'I MDZER PA SBOM PO SKYES PA YIN LA, DE NI DGRA BO LTAR SROG CHAGS RNAMS KYI TSE 'PHROG CING GZHANG 'BRUM DU SKYES PAS GSOD PAR BYED PA'I PHYIR NGES PAR TSIG GI TSUL GYIS NA GZHANG 'BRUM ZHES BYA'O, ,NAD KYIS LPAGS TSIL SHA RNAMS NI, ,GNOD BYAS DBYIBS NI SNA TSOGS PA'I, ,SHA YI MYU GU GZHANG SOGS SU, ,SKYES DE GZHANG 'BRUM YIN PAR BSHAD; ,CES BYA BA LA, NAD CES BYA BA NI RLUNG LA SOGS PA STE, DES PAGS PA DANG TSIL DANG SHA RNAMS LA GNOD CING MA RUNGS PAR BYAS NAS, DBYIBS DANG KHA DOG SNA TSOGS SHING THA DAD PA'I SHA'I MYU GU SHA MDZER SBOM PO LTA BU GNOD PA SNA TSOGS SKYED PA GZHANG LA SOGS PAR SKYES SHING BYUNG BAR GYUR PA DE LA NI GZHANG 'BRUM GYI NAD CES BYA BA YIN PAR DRANG SRONG RNAMS KYIS BSHAD DO, ,LHAN CIG SKYES DANG PHYIS 'BYUNG DANG, ,SKAM DANG KHRAG TU 'DZAG PA YI, ,DBYE BAS MDOR NA RNAM GNYIS YIN, ,ZHES BYA BA LA, GZHANG 'BRUM GYI NAD DE NI MDOR NA RNAM PA GNYIS YIN TE, LA LA NI LHAN CIG SKYES TE 'BYUNG BA YIN LA, LA LA SKYES NAS PHYIS 'BYUNG BAR 'GYUR BA DANG, YANG DE BZHIN DU SKAM BA DANG GSHER BA'I DBYE BAS KYANG RNAM PA GNYIS SU 'GYUR TE, LA LA NI SKAM POR GNAS PA YIN LA, LA LA NI KHRAG 'DZAG BA DANG BCAS PA YIN NO, ,GZHANG NI RGYU MA SBOM POR BRTEN, ,SOR NI PHYED DANG LNGA YOD DO, ,ZHES BYA BA LA, GZHANG NI RGYU MA'I ZHABS RGYU MA SBOM PO LA BRTEN CING GNAS PA DE'I TSAD NI SOR PHYED DANG LNGA YOD PA YIN NO, ,GNYER GSUM SOR NI PHYED DANG
GNYIS; ,ZHES BYA BA LA, GZHANG DE NI GNYER MA'I RIM PA GSUM RE RE ZHING SOR PHYED DANG GNYIS GNYIS YOD DO, ,RIM PA DE YI NANG MA NI, ,PHYIR 'PHUL BAR MA SEL BA YIN, ,DE YI PHYI ROL 'DZUMS PA YIN, ,ZHES BYA BA LA, RIM PA DE RNAMS KYI RIM PA NANG MA 'AM, PHUGS MA NI DRI MA RNAMS PHYIR 'PHUL ZHING 'BAB PAR BYED PA YIN LA, GNYER MA'I RIM PA BAR MA NI DRI MA RNAMS SEL ZHING PHYIR 'BYIN PA YIN PAS NA SEL BA ZHES BYA LA, PHYI ROL GYI GNYER MA NI DRI MA LA SOGS PA MI 'BYUNG BAR SDOM ZHING 'DZUMS PAR BYED PAS NA 'DZUMS PA ZHES BYA'O, ,DE YI PHYI ROL SOR GCIG KHA, ,NAS NI PHYED DANG GNYIS KYI TSAD, ,DE PHAN CHAD NI SPU SKYE 'GYUR, ,ZHES BYA BA LA, 'DZUMS PA DE'I PHYI ROL SOR GCIG NI GZHANG KHA ZHES BYA LA, GZHANG KHA DE'I TSAD NI NAS PHYED DANG GNYIS KYI TSAD YIN NO, ,GZHANG KHA'I TSIGS DE THAMS CAD NI RKUB TU SPU SKYE BAR 'GYUR RO, ,DE LA LHAN CIG SKYES PA'I RGYU, ,GNYER MA'I SA BON GNOD 'GYUR NYID, ,GZHANG 'BRUM, ZHES BYA BA LA, DE LA LHAN CIG SKYES PA DANG PHYIS 'BYUNG BA'I GZHANG 'BRUM GNYIS LAS, LHAN CIG SKYES PA'I GZHANG 'BRUM 'BYUNG BA'I RGYU NI GNYER MA DE 'BYUNG ZHING DANG POR SKYES PA NYID KYI TSE, DE'I SA BON KHU KHRAG LA SOGS PA LA RLUNG LAS GOS PAR GNOD PAR GYUR PA DE NYID LAS GZHANG 'BRUM 'BYUNG BA'O, ,SA BON GNOD PA YANG, PHA MAS MI 'PHROD ZOS PA DANG, ,SNGON LAS, ZHES BYA BA LA, SA BON DE LA GNOD PAR BYED PA'I RGYU NI RNAM PA GNYIS TE, PHA DANG MAS KHA ZAS MI 'PHROD PA GZHANG 'BRUM SKYED PA'I RGYU ZOS PA DANG, SNGON BDAG NYID KYIS DE LTA BU'I NAD 'BYUNG BAR 'GYUR BA'I LAS BYAS SHING BSAGS PA'O, ,DE GNYIS DANG 'DUS PA, 'KHRUGS PA LAS GYUR DE DAG NI, ,GSOR MI RUNG BA NYID DU BSHAD, ,CES BYA BA LA, PHA DANG MA'I GNOD PA'I RGYU DANG, SNGON GYI LAS DE GNYIS DANG, NAD GZHI 'DUS PAR 'KHRUGS PA GANG YIN PA LAS GYUR PA DE DAG NI GANG GI PHYIR GSOR MI RUNG BA NYID YIN TE LHAN CIG SKYES PA YIN PA'I
, ,PHYIR RO, ,RIGS 'BYUNG NAD KUN DE DANG 'DRA, ,ZHES BYA BA LA, NAD GZHAN GANG YANG RUNG BA KUN KYANG DE DANG 'DRA STE, DANG PO LHAN CIG SKYES PA NI GSOR MI RUNG NGO ZHES TSIG 'DIS STON PA YIN NO, ,LHAN CIG SKYES PA KHYAD PAR DU, ,RTZUB CING BRTA BAR DKA' BA DANG, ,NANG DU KHA BLTAS DKAR BA DANG, ,BLA BRNAN MI BZAD CAN GSO DKA', ,ZHES BYA BA LA, LHAN CIG SKYES PA'I GZHANG 'BRUM DE YANG KHYAD PAR 'DI DAG DANG LDAN NA LHAG PAR GSO DKA' STE, REG PA RTZUB PAR GNAS PA DANG, BRTA ZHING BRTAGS PAR DKA' BA DANG, KHA NANG DU BLTA ZHING PHYIR MI PHYOGS PA DANG, KHA DOG DKAR PA DANG, BLA BRNAN GYI NAD MI BZAD PA YOD PA NI GSO DKA' ZHING BCOS SU MI RUNG BA YIN NO, ,CIG SHOS DRUG STE NAD THA DAD, ,'DRES DANG 'DUS PA KHRAG LAS BYUNG, ,ZHES BYA BA LA, LHAN CIG 'BYUNG BA LAS CIG SHOS SU GYUR PA'I PHYIR 'BYUNG BA'I GZHANG 'BRUM NI RNAM PA DRUG YOD DE, NAD THA DAD PA LAS BYUNG BA GSUM DANG 'DRES PA LAS BYUNG BA DANG 'DUS PA LAS BYUNG BA DANG KHRAG LAS BYUNG BA'O, ,RLUNG DANG BAD KAN GNYIS LAS SKAM, ,KHRAG DANG MKHRIS PA LAS RLAN CAN, ,ZHES BYA BA LA, DE LA GZHANG 'BRUM SKAM PO KHRAG MI 'DZAG PA NI RLUNG DANG BAD KAN GNYIS 'DUS PAS ZIN PA LAS 'BYUNG BAR 'GYUR RO, ,GZHANG 'BRUM RLAN CAN KHRAG 'DZAG PA NI KHRAG DANG MKHRIS PA 'DRES PAS ZIN PA LAS 'BYUNG BAR 'GYUR RO, ,NAD RNAMS LDANG RGYU SNGAR BSHAD PA, ,ZHES BYA BA LA, NAD RNAMS LDANG ZHING 'KHRUGS PA'I RGYU GANG YIN PA NI SNGAR NAD THAMS CAD KYI NAD GZHI BSHAD PA'I SKABS SU BSHAD CING BSTAN PA YIN NO, ,'KHRUGS PA DE YIS KHONG PA YI, ,ME DROD NYAMS SHING BSHANG BA 'PHEL, ,GZHAN YANG NYAL PO RAB DRAGS DANG, ,BZHON PAS KHONG 'KHRUGS STAN DAG NI, ,MA SNYOMS SRA DANG TZOG PUR 'DUG ,'JAM RTZI GCE'U SA DANG NI, ,RDO DANG GOS KYIS BRUD PA DANG, ,SHIN TU GRANG BA'I CHUS BKRUS DANG, ,RTAG TU 'KHRU BAR
BYED PA DANG, ,BSHANG DANG GCI DANG 'PHYEN GYI SHUGS, ,BKAG DANG NAN GYIS BTZIR BA DANG, ,RIMS DANG SKRAN DANG TSAD PAR 'KHRU, ,'OR NAD SKYA RBAB BE'U SNABS KYIS, ,SKEM BYAS GNOD PAR 'GYUR BA YI, ,SPYOD PA BSTEN LAS 'BYUNG BAR 'GYUR, ,BUD MED ZLA GRANGS MA TSAD 'PHYIL; ,ZLA BA RDZOGS PAS GZIR LAS 'BYUNG, ,DE 'DRA DAG DANG GZHAN YANG RLUNG, ,THUR SEL 'KHRUGS PAS DRI MA NI, ,GZHANG GI GNYER MAR DE GZHAG PAS, ,DE NI MI MNGON GYUR PAS GNAS, ,GZHANG 'BRUM 'BYUNG BAR 'GYUR BA YIN, ,ZHES BYA BA LA, NAD LDANG BA'I RGYU DES KHONG BA'I ME DROD NYAMS SHING BRI LA BSHANG BA ZHES BYA BA'I DRI MA 'PHEL BAR BYED PA DANG, RGYU GZHAN YANG BUD MED LA 'KHRIG PA SPYAD PA'I NYAL PO DRAGS PAR BYA BA DANG, BZHON PA LAS KHONG 'KHRUGS PA STE, RTA LA SOGS PA'I BZHON PA MI SRUN PAS G-YENGS SHING 'KHRUGS PAR BYAS PA DANG, STAN MTHO DMAN MA SNYOMS PA LA 'DUG PA DANG, STAN SRAB PA LA 'DUG PA DANG, RTAG TU TZOG PUR 'DUG PA DANG, 'JAM RTZI GCE'U LEGS PAR MA BTANG BAS SNAD PA DANG, SA GZHI DANG RDO LA SOGS PAS BRUD DE SNAD PAR BYAS PA DANG, SHIN TU RGYUN MI 'CHAD PAR CHU GRANG MOS BKRUS SHING REG PAR BYAS PA DANG, RTAG PAR RGYUN TU 'KHRU BAR BYED PA DANG, BSHANG BA LA SOGS PA'I SHUGS 'BYUNG BA BKAG CING BRNAG PA DANG, DE DAG NYID MI 'BYUNG BZHIN DU NAN GYIS BTZIR BA DANG, RIMS LA SOGS PA'I NAD KYIS SKEM ZHING RID PAR BYAS PA DANG, LUS LA SOGS PA LA GNOD CING GDUNG BAR 'GYUR BA'I LAS KYI SPYOD PA BSTEN PA DE DAG LAS GZHANG 'BRUM 'BYUNG BAR 'GYUR RO, ,YANG BUD MED RNAMS LA NI NAD DE DAG GI STENG DU ZLA BA MA TSANG ZHING, MNGAL NA GNAS PA'I SEMS CAN SKYE BA'I DUS LA MA BAB CING, 'PHYIL BA DANG ZLA BA RDZOGS SHING TSANG BAR 'DUG KYANG DE GZIR BA STE GNOD PA DANG BCAS PAR BU BTZAS PA LAS GZHANG 'BRUM 'BYUNG BAR 'GYUR RO, ,NAD KYI RGYU DE 'DRA BA DE DAG DANG, RNAM PA GZHAN YANG THUR DU
, ,SEL BA ZHES BYA BA'I RLUNG 'KHRUGS SHING GNOD PAR 'GYUR BAS DRI MA SOGS PAR BYED DE, ,GZHANG GI GNYER MA'I GNAS SU BKAG NAS GNAS PAR BYED LA, DES NA GZHANG GI GNYER MA DE RNAMS SU NI MI MNGON PAR GNAS SHING GSEB TU ZHUGS PA DE DAG RUL BAR 'GYUR BA'I GNOD PAS NYEN NAS GZHANG 'BRUM SKYE BAR 'GYUR BA YIN NO, ,DE YI SNGON TSUL ME DROD NYAMS, ,BRLA NI RENGS SHING NA BA DANG, ,BYIN PA'I NYVA NA MGO 'KHOR ZHING, ,YAN LAG NA ZHING MIG GNYIS SKRANG, ,BSHANG BA 'KHRU BA 'AM YANG NA SRI, , RLUNG CHEN NANG NAS 'KHYIL BA DANG, ,PHAL CHER LTE BA'I 'OG NAS RGYU, ,NAD BCAS BCAD PA LTA BUR SEMS, ,DKA' BAR 'BYUNG ZHING SGRA CAN 'BYUNG, ,RGYU MA KRUL KRUL ZER ZHING SPO, ,SKEM ZHING SGREGS PA MANG DU 'BYUNG, ,GCIN MANG BSHANG NYUNG YI GA 'CHUS, ,SGREGS PA DUD 'DRA SKYUR BA 'BYUNG, ,MGO DANG RGYAB DANG BRANG DU GZER, ,SNYOM ZHING KHA DOG NYAMS PA DANG, ,GLONG BAG DBANG PO NYAM CHUNG DANG, ,KHRO ZHING BSNYEN BKUR DKA' BA DANG, ,MA ZHU SKEM NAD SKYA RBAB DANG, ,DMU RDZING RNAMS LA SOM NYI SKYES, ,ZHES BYA BA LA, GZHANG 'BRUM DE RNAMS KYI SNGON BYUNG BA'I TSUL LAM, GZUGS NI PHO BA'I ME DROD NYAMS SHING BRI BA DANG, BRLA THOG THAG NA BA DANG, BYIN PA GNYIS KYI NYA GCUS PA SNYAM DU SEMS SHING NA BA LA SOGS PA DANG, BSHANG BA CHED 'GA' NI 'KHRU ZHING SLA LA, CHED 'GA' NI SRI ZHING RTUG SKAM DU 'BYUNG BA DANG, RLUNG CHE ZHING MANG BA DANG, RGYU MA'I LAM BKAG NAS NAD NANG DU 'KHYIL ZHING MI THON PA DANG, DE NYID KYIS NA PHAL CHER NAD LTE BA'I NANG NA RGYU ZHING ZUG PA DANG, PHAN TSUN GZER BA'I NAD DANG BCAS PA DANG, RGYU MA'I NANG KUN DU BCAD PA SNYAM DU SEMS PA DANG, 'BYUNG BAR DKA' ZHING THOGS LA PHYIR 'BYUNG BA YANG SGRA CAN DU 'BYUNG BA DANG, RGYU MA'I NANG PHAN TSUN KRUL KRUL ZER ZHING 'KHROG PA DANG SBO BA DANG, SKEM ZHING RID PA LA SOGS PA DANG, SGREGS PA DUD PA DANG 'DRA BAR DKU BAR 'ONG ZHING SKYUR BAR 'BYUNG BA DANG, MGO LA SOGS
PA GZER ZHING NA BA DANG, SNYOM ZHING NA BA DANG, LAS LA MI BRTZON PA DANG, KHA DOG NYAMS PA STE, THAL BA'I RANG BZHIN GYI KHA DOG LAS GZHAN DU GYUR BA MED PA DANG, SPRO BA MED PA DANG, DBANG PO NYAM CHUNG ZHING RANG RANG GI LAS LA 'JUG MI NUS PA DANG, KHRO ZHING SEMS 'KHRUGS PA DANG, BSNYEN BKUR DKA' ZHING SDUG BSNGAL BAS BSNYEN BKUR BYA DGOS PA DANG, MA ZHU BA'I GNAS DMU RDZING GI BAR GYI GNAS RNAMS YOD PAR SOM NYI SKYES SHING DOGS PAR 'GYUR BA YIN NO, ,GZHANG 'BRUM SKYE BAR GYUR PA LA, ,'DI DAG NYID NI 'PHEL BAR 'GYUR, ,ZHES BYA BA LA, GZHANG 'BRUM GYI NAD SKYES SHING BYUNG BAR GYUR PA LA, SNGAR BYUNG BA'I TSUL GYIS RTAGS 'DI DAG NYID 'PHEL ZHING DE'I TSUL GSAL BA NYID DU 'GYUR RO, ,DE YIS 'OG GI LAM BKAG PAS, ,THUR DU SEL BA'I RLUNG LDOG STE, , LUS DANG DBANG PO KUN GNAS PA'I, ,RLUNG GZHAN THAMS CAD 'KHRUGS PAR BYED, ,DE BZHIN BSHANG GCI MKHRIS PA DANG, ,BAD KAN LUS ZUNGS RTEN BCAS PA, ,'KHRUGS SHING ME DROD NYAMS PAR BYED, ,CES BYA BA LA, GZHANG 'BRUM DES 'OG GI LAM BSHANG SGO ZHES BYA BA BKAG PAS THUR DU SEL BA'I RLUNG 'BYUNG BAR LDOG PA NA LAM BKAG PA'I PHYIR RLUNG DE SLAR LDOG PAR BYED LA, DE LTAR LDOG PA DES LUS DANG DBANG PO'I TSOGS KUN LA GNAS SHING BRTEN PA'I RLUNG DANG ME DANG MNYAM DU GNAS PA DANG, KHYAB BYED DANG STOD DU RGYU BA DANG; SROG CES BYA BA THAMS CAD 'KHRUGS SHING G-YO BAR BYED LA, DE BZHIN DU BSHANG GCI LA SOGS PA RTEN NAM GNAS DANG BCAS PA DANG 'KHRUGS SHING G-YO BAR BYED LA, KHONG PA'I ME DROD KYANG NYAMS PAR BYED DO ZHES BYA BAR SBYAR RO, ,DE NAS GZHANG 'BRUM NAD CAN LA, ,PHAL CHER THAMS CAD NYER 'BYUNG BA, ,SKEM ZHING MCHOG TU BSKYOD MI NUS, ,STOBS ZAD KHONG RMYA BZHIN MDANGS NYAMS, ,LUS LHOD SNYING PO MED 'GYUR ZHING, ,'BUS ZOS PA YI SHING 'DRA LA, ,BLA BRNAN MA LUS DAG GIS 'DEBS, ,JI SKAD BSHAD PA'I GNAD
, ,GZIR ZHING, ,LUD PA SKAM DANG SKAD 'GAGS DANG, ,KHAS RO MI TSOR CHAM 'DEBS SPO, ,SGYID SKYUR RKANG LAG NA ZHING SLON, ,SBRID PA SKRANG DANG RIMS NAD DANG, ,KHU BA ZAD CING RAB RIB SLON, ,RDE'U CHAGS NAD KYIS GZIR BA DANG, ,SKAD 'GAGS ZHUM LA SEMS KHONG CHUD, ,MCHIL MA MANG 'DOR YI GA 'CHUS, ,RUS TSIGS KUN DANG SNYING LTE BA, ,GZHANG DANG RNA RTZAR GZER DANG BCAS, ,GZHANG NAS 'BRU NI MA SMIN BTZOS, ,KHU BA LTA BU'I SBYIN BAG 'DZAG ,RTUG SKAM SPYIN PA'ANG SLA BAR 'GYUR, ,SMIN DANG MA SMIN BAR BAR 'KHRU, ,SKYA ZHING SER DANG SNGON PO YI, ,KHRAG NI SBYIN BAG 'KHRU BAR 'GYUR, ,ZHES BYA BA LA, DE NAS SNGON PO'I TSUL GYI 'OG TU GZHANG 'BRUM GYI NAD CAN LA PHAL CHER 'BYUNG BAR 'GYUR BA'I TSUL NI SKEM ZHING SBEG PA DANG, MCHOG TU SMRA 'AM SHIN TU BSKYOD PAR MI NUS SHING RTZOL BA CHUNG PA DANG, NYAMS STOBS ZAD CING NUS PA CHUNG BA DANG, KHONG PA RMYA ZHING SGYID ZHAN PA DANG, BZHIN MDANGS NYAMS SHING BZHIN RAS KYI MDOG MI SDUG PA DANG, LUS LHOD CING BYA BA MI LCOGS PA DANG, SNYING PO LTAR SRA ZHING MKHRANG BA'I BAG MED DE, DE YANG DPER NA 'BUS ZOS PA'I SHING LTAR SHIN TU SNYI ZHING SNYING PO MED PA YIN NO, ,DE BZHIN DU BLA BRNAN GYI NAD DU MA GZHAN JI SKAD BSHAD PA RNAMS KYIS KYANG 'DEBS PAR 'GYUR BA DANG, DE BZHIN DU SNGAR JI SKAD BSHAD PA'I GNAD RNAMS GZIR ZHING GNOD PAR 'GYUR BA DANG, DE BZHIN DU LUD PA LA SOGS PAS GNOD CING NYEN PAR 'GYUR BA DANG, YANG DE BZHIN DU SKAD 'GAGS PA DANG, SKAD GSANG ZHUM PAR 'GYUR BA DANG, SEMS KHONG DU CHUD CING YID LA BYED PAS GNAS PA DANG, MCHIL MA MANG DU 'BYUNG ZHING BAD KAN LAS KYIS LJAN LJIN MANG DU 'DOR BA DANG, YI GA 'CHUS PA LA SOGS PA'I NAD DANG BCAS PAR 'GYUR BA DANG, DE BZHIN DU MA SMIN PA BTZOS PA'I KHU BA LTA BUR SBYIN BAG TU 'DUG CING 'BYIL BA GZHANG KHA NAS 'DZAG PAR 'GYUR BA DANG, DE BZHIN DU BAR SKABS BAR SKABS
SU LAN 'GA' NI BSHANG BA SRI ZHING 'GAGS PAS RTUG SKAM DU 'GYUR LA, LAN 'GA' NI 'KHRU ZHING SLA BAG TU 'BYUNG BAR 'GYUR LA, DE BZHIN DU LAN 'GA' NI SMIN PAR 'KHRU, LAN 'GA' NI MA SMIN PAR 'KHRU BA NAS SBYIN BAG TU 'KHRU BAR 'GYUR RO, ,GZHANG 'BRUM RLUNG SHAS CHE LAS GYUR, ,SKEM ZHING TZEG TZEG TSA BA DANG, ,RNYID CING DMAR NAG RENGS PA DANG, ,MI SNYOMS RTZUB CING SRA BA DANG, ,PHAN TSUN MI 'DRA YO BA DANG, ,RTZE MO RNO ZHING GAS PA DANG, ,BIM PA RGYA SHUG KHARDZU RA, ,RAS BAL SA BON DANG 'DRA ZHING, ,LA LA KA DAM ME TOG 'DRA; ,LA LA YUNGS KAR LTA BUR SKYES, ,MGO DANG PHRAG PA RTZIB LOGS BRLA, ,CHU SO DAG TU LHAG BAR NA, ,SBRID PA SGREGS PA BSHANG BA SRI, ,SNYING 'PHAR YI GA 'CHUS PA SKYED, ,LUD DBUGS MI BDE ME DROD NYAMS, ,RNA BA SGRA BCAS MGO 'KHOR BYED, ,DES NYEN RTUG SKAM NYUNG DU NI, ,SGRA BCAS SKA SLA 'DREN MA DANG, ,NA ZHING LBU BA 'BYAR BAG CAN, ,RTUG SKAM TSUL GYIS 'BYUNG BAR 'GYUR, ,PAGS PA SEN MO BSHANG GCI DANG, ,MIG DANG GDONG NI GNAG PAR 'GYUR, ,SKRAN DANG MCHER PA DMU RDZING DANG, ,GTUN 'DRA DE NYID LAS 'BYUNG 'GYUR, ,ZHES BYA BA LA, GZHANG 'BRUM GYI NAD RLUNG GI SHAS CHE ZHING RGYAS PA LAS NI GZHANG 'BRUM SKAM ZHING KHRAG MI 'DZAG CING SKAM PA DANG, YUNGS KAR GYI LDE GUS BSKUS PA LTAR TSA BA'I BAG TZEG TZEG POR BYED PA DANG, RNYID CING RTZE MO YO BA DANG, MDOG DMAR NAG TU 'DUG PA DANG, PHUR PA LTAR RENGS SHING 'GRENG BA DANG, DBYIBS MTHO DMAN MI SNYOMS PA DANG, SOG LE'I KHA LTAR RTZUB PA DANG, RDO LA REG PA LTAR SRA BA DANG, DBYIBS PHAN TSUN GCIG LA GCIG MI 'DRA BA DANG, YO ZHING GZHU LTAR GUG PA DANG, RTZE MO LTAR RNO BA DANG, RTZE MO GAS SHING KHA BYE BA DANG, BIM PA ZHES BYA BA 'BRAS BU DMAR PO ZHIG YOD PA'AM, RGYA SHUG PHRA MO'I 'BRAS BU'AM SHING KHA RDZU RA'I 'BRAS BU'AM RAS BAL GYI SA BON DANG 'DRA ZHING MTSUNGS PAR SKYE BA DANG, YANG LA LA NI KA DAM PA'I ME TOG DANG 'DRA BAR SKYE LA, GZHANG
, ,'BRUM LA LA YUNGS KAR GYI TSAD TZAM DU PHRA BA SKYE BAR 'GYUR BA DANG, YANG DE BZHIN DU MGO BO LA SOGS PA LHAG PAR NA ZHING ZUG PA DANG, SBRID PA LA SOGS PA MANG BA DANG, BSHANG BA SRI BA LA SOGS PA NAS, RTUG SKAM GYI TSUL GYIS BSHANG BA 'BYUNG BAR 'GYUR BA DANG, PAGS PA LA SOGS PA GNAG PAR 'GYUR BA DANG, YANG RLUNG GI GZHANG 'BRUM DE NYID LAS SKRAN LA SOGS PA YANG 'BYUNG BAR 'GYUR BA YIN NO, ,MKHRIS SHAS CHE LA RTZE MO NI, ,SNGO ZHING DMAR SER DKAR BAR SNANG, ,PHRA ZHING DRI MA RNAM KHRAG SLA 'DZAG ,SRAB CING 'JAM LA LHOD PA YIN, ,MCHER PA'I DUM BU NE TZO'I LCE, ,SRIN PU PAD PA'I MCHU 'DRAR SNANG, ,TSA ZHING RNAGS LA RIMS DANG RNGUL, ,SKOM DAD YI GA 'CHUS RMONGS SKYED, ,BSHANG DRO SLA ZHING SNGO LA TSA, ,SER ZHING DMAR BAR 'KHRU BAR 'GYUR, , NAS RUL NANG 'DRA PAGS PA DANG, ,SEN SOGS SNGO SER LJANG BAR 'GYUR, ,ZHES BYA BA LA, MKHRIS PA SHAS CHE BA LAS GYUR PA'I GZHANG 'BRUM NI 'BRUM BU'I RTZE MO SNGON PO DANG, KHA DOG DMAR SER DANG DKAR POR SNANG BA DANG, PHRA ZHING CHUNG BA LA SOGS PA DANG, MTSER PA'I DUM BU LA SOGS PA GANG YANG RUNG BA'I RNAM PA 'DRA BA TSA BA LA SOGS PA'I BLA BRNAN RKED PA DANG, BSHANG BA DRO ZHING SLA BA LA SOGS PA GANG YANG RUNG BA'I RNAM PAR 'KHRU BA DANG, NAS RUL BA'I NANG GI DBYIBS 'DRA BA DANG, PAGS PA DANG SEN MO DANG MIG DANG BZHIN DANG DRI MA RNAMS SNGO ZHING SER BA DANG LJANG BAR 'GYUR RO, ,BAD KAN SHAS CHE RTZA BA SBOM, ,MTHUG CING NAD KYI SHUGS DAL DKAR, ,SKRANGS SHING RGYAS LA SNUM PA DANG, ,'GRENG ZHING ZLUM LA LCI ZHING BRTAN, ,'BYAR BAG TSOR BA CHUNG ZHING 'JAM, ,G-YA' ZHING REG NA DGA' BAR BYED, ,KA RI RA PA NA SA YI, ,RUS PA BA YI NU SOR 'DRA, ,CHU SOR ZUG CING SBO GZHANG NA, ,LTE BA LGANG PA BCAD SNYAM SEMS, ,LUD PA DBUGS MI BDE SNYING NA, ,MCHIL MANG CHAM 'DEBS YI GA 'CHUS, ,GCIN SRI MGO BO TSOR BA MED, ,GRANG BA'I
RIMS NI SKYED PAR BYED, ,KHA CHU 'DZAG CING ME DROD NYAMS, ,SLON ZHING MA ZHU'I NAD KUN SKYED, ,BSHANG BA TSIL 'DRA BAD KAN MANG, ,'KHRU DANG BCAS PA 'BYUNG BAR 'GYUR, ,'DZAG PAR MI BYED RDOL MI BYED, ,PAGS PA LA SOGS SNUM ZHING DKAR, ,ZHES BYA BA LA, GZHANG 'BRUM BAD KAN SHAS CHE ZHING BDO BA LAS GYUR PA'I NAD NI RTZA BA SBOM ZHING CHE BA DANG, MTHUG CING LHUN CHE BA DANG, NAD KYI SHUGS DAL ZHING MI DRAG PA DANG, MDOG DKAR BA LA SOGS PA'I RNAM PA NAS REG NA DGA' BA'I BAR GYI MTSAN NYID DANG LDAN PA DANG, SHING KA RI RA'I 'BRAS BU'I RUS PA'AM, PA NA SA'I 'BRAS BU'I RUS PA DANG DBYIBS 'DRA BA DANG, DE BZHIN DU BA'I NU SOR GYI DBYIBS 'DRA BA YIN LA, DE BZHIN DU CHU SOR ZUG PA LA SOGS PA'I NAD SKYED PA DANG, BSHANG BA TSIL LA SOGS PA 'BYUNG BAR 'GYUR BA DANG, KHRAG LA SOGS PA 'DZAG PAR MI BYED CING, RDOL BA'AM KHA BYE BAR YANG MI BYED PA DANG, PAGS PA DANG MIG DANG SEN MO LA SOGS PA SNUM ZHING MDOG DKAR BAR 'GYUR BA YIN NO, ,'DRES LAS MTSAN NYID 'DRES MA YIN, ,'DUS PA MTSAN NYID KUN DANG LDAN, , ZHES BYA BA LA, GNYIS PA 'DRES PA LAS BYUNG BA'I MTSAN NYID NI GANG DAG LAS BYUNG BA DE DAG 'DRES MAR SNANG BA YIN LA, NAD GSUM 'DUS PA LAS BYUNG BA NI MTSAN MA THAMS CAD DANG LDAN PA YIN NO, ,KHRAG SHAS CHE LAS GZHANG 'BRUM NI, ,MKHRIS PA'I MTSAN NYID 'DRA BA LA, ,N+YA GRO DHA YI MYU GU 'DRA, ,BYI RU 'OL MA SE MDOG 'DRA, ,SHIN TU TSA DRO NA BA DANG, ,BSHANG BA SHUGS KYIS RAB BTZIR LAS, ,'PHRAL DU KHRAG NI 'BYUNG BA DANG, ,DE NYID SHIN TU 'DZAG PAR 'GYUR, ,SBAL PA 'DRA ZHING KHRAG ZAD LAS, ,BYUNG BA'I SDUG BSNGAL GYIS NYEN 'GYUR; ,MDOG STOBS SPRO BA NYAMS PA DANG, ,MDANGS 'PHROG DBANG PO ZHAN PAR 'GYUR, ,ZHES BYA BA LA, KHRAG SHAS CHE ZHING RGYAS PA LAS GYUR PA'I GZHANG 'BRUM NI MKHRIS PA'I MTSAN NYID KYI RNAM PA DANG 'DRA BAR 'BYUNG BA DANG, DBYIBS SHING N+YA GRO DHA'I MYU GU DANG 'DRA ZHING,
, ,MDOG BYI RU'AM 'OL MA SE LTAR DMAR BA YIN LA, GZHANG 'BRUM DE NI TSA ZHING DRO BA DANG, NA BA DANG BSHANG BA SHUGS KYIS RAB TU BTZIR BA LAS 'PHRAL DU KHRAG 'BYUNG ZHING, KHRAG DE NYID YANG DANG YANG DU SHIN TU 'DZAG PAR 'GYUR BA DANG, DBYIBS SBAL PA 'DRA BA DANG, KHRAG ZAD PA LAS BYUNG ZHING SKYES PA'I SDUG BSNGAL BRNAG PAR DKA' BAS NYEN CING GZIR BAR 'GYUR BA DANG, MDOG LA SOGS PA NYAMS SHING BRI BAR GYUR PA DANG, MDANGS PHROGS SHING NYAMS PA DANG, DBANG PO NYAM CHUNG SHING NUS PA ZHAN PAR 'GYUR BA YIN NO, ,MUNGGA KO DRA BA'I PHYE MA, ,TZA NA KA RI RA SOGS PA, ,RTZUB DANG BSHANG BA SRI BAS RLUNG, ,RANG GNAS 'KHRUGS PA STOBS LDAN PAS, ,THUR DU RGYU BA'I BU GA NI, ,BKAG STE SMAD DU RAB SKAMS NAS, ,BSHANG BA GCI BA 'PHYEN RNAMS NI, ,'GAGS PAS NAD NI MI BZAD SKYED, ,DE YIS KHONG PA RGYAB RTZIB LOGS, ,SNYING GAR NAD NI SHIN TU SKYED, ,LTO SBOS GSUS PA NA BA DANG, ,SNYING GCU RGYU MA BCAD SNYAM SEMS, ,CHU SOR SHIN TU ZUG PA DANG, ,MKHUR BAR SKRANG PA 'BYUNG BAR 'GYUR, ,RLUNG NI GYEN DU SONG GYUR NA, ,DE LA SLON RIMS YI GA 'CHUS, ,SNYING NAD BE'U SNABS MA ZHU DANG, ,GCIN SRI BSHANG BA 'KHRU BA DANG, ,'ON DANG RAB RIB DBUGS MI BDE, ,MGO NAD LUD PA CHAM PAS 'DEBS, ,YID KYIS 'GYUR BA SKOM DANG KHRAG ,MKHRIS PA SKRAN DANG DMU RDZING SOGS, ,RLUNG GI NAD GTOGS DE DANG DE, ,SHIN TU MI BZAD 'BYUNG BAR 'GYUR, ,GZHANG 'BRUM GYEN DU 'KHYIL GYUR PA, ,'DI NI MCHOG TU GNOD BYED YIN, ,ZHES BYA BA LA, SRAN MUNGGA DANG, RTZA 'BRU KO DRA BA LA SOGS PA RTZUB PA DANG, BSHANG BA SRI BAR BYED PA'I ZAS KYIS THUR DU SEL BA ZHES BYA BA'I RLUNG GI GNAS 'KHRUGS SHING LDANG BAR GYUR PA STOBS DANG LDAN ZHING NUS PA CHE BAS THUR DU RGYU ZHING 'BAB PA'I BU GA GANG YIN PA DE BKAG CING BCAD NAS, RO SMAD DU BSHANG BA DE DAG RAB TU SKAMS NAS, BSHANG BA DANG GCI BA DANG 'PHYEN RNAMS BKAG
CING PHYIR MA 'THON PA'I NAD SHIN TU MI BZAD CING BRNAG PAR DKA' BA SKYED PAR 'GYUR LA, BSHANG BA LA SOGS PA 'GAGS PA DES KHONG PA LA SOGS PAR NAD SHIN TU GNOD PA SKYED LA, LTO SBOS PA DANG GSUS PA GCUS PA LTA BUR NA BA DANG, SNYING GCUS PA SNYAM DU SEMS SHING MCHIL MA 'BYUNG BA DANG, RGYU MA'I NANG GRIS BCAD PA SNYAM DU SEMS PA DANG, CHU SO'I PHYOGS SU ZUG CING NA BA DANG, MKHUR BA GNYIS LA SKRANG PA 'BYUNG BAR 'GYUR BA DANG, RLUNG DE RO STOD DU GYEN DU SONG BAR GYUR NA, RGYU DE LAS SLON PA LA SOGS PA'I NAD RLUNG LAS GYUR PA'I NAD GRANGS MED PA MI BZAD PA DU MA DAG 'BYUNG BAR 'GYUR BA DANG, GZHANG 'BRUM GYI RGYUS RLUNG GYEN DU 'KHYIL PA LAS GYUR PA'I NAD 'DI NI MCHOG TU MI BZAD PAR GNOD CING SDUG BSNGAL BAR BYED PA YIN NO, ,RLUNG SHAS CHE BA'I KHONG PAR NI, ,DE MED PAR YANG DE 'BYUNG 'GYUR, ,ZHES BYA BA LA, KHONG PA RLUNG GI SHAS CHE ZHING LTO BAR RLUNG NAD RGYAS PAR GYUR PA'I SROG CHAGS RNAMS NI GZHANG 'BRUM GYI RGYU DE MED PAR YANG GYEN DU 'KHYIL BA ZHES BYA BA'I RLUNG NAD 'BYUNG BAR 'GYUR RO, ,LHAN CIG SKYES DANG NAD GSUM LDAN, ,PHUGS MA'I GNYER MAR GANG GNAS PA, ,DE DAG GSOR MI RUNG BA YIN, ,ME DROD STOBS CHE SOGS KYIS 'TSO, ,ZHES BYA BA LA, GANG GI LUS LA GZHANG 'BRUM LHAN CIG SKYES PAR GYUR PA DE NI GSOR MI RUNG BA YIN LA, PHYIS 'BYUNG BA YIN DU ZIN KYANG NAD GZHI GSUM CHAR LAS SKYES PA DANG, GNYER MA PHUGS MAR GNAS PA GANG YIN BA DE DAG KYANG GSOR MI RUNG BA YIN LA, YANG DE NI ME DROD KYI STOBS CHE BA LA SOGS PAS RE ZHIG 'TSO BA TZAM DU GNAS SU RUNG STE, SOGS PA ZHES SMOS PAS LUS KYI STOBS DANG, SMAN GYI SBYOR BA DANG, GOMS PA DANG, SNGON GYI LAS LA SOGS PA BSDU'O, ,'DRES LAS GYUR DANG GNYER MA NI, ,BAR MAR GNAS PA GANG YIN PA, ,LO GCIG YAN CHAD LON GYUR PA, ,DE DAG GSO DKA' YIN PAR BSHAD, ,CES BYA BA LA, YANG GZHANG 'BRUM NAD GZHI GNYIS 'DRES PAR
, ,GYUR PA DANG, DE BZHIN DU GNYER MA RIM PA GNYIS PAR BRTEN ZHING GNAS PA DANG, DE BZHIN DU LO GCIG YAN CHAD LON ZHING LO 'DAS PAR GYUR PA DE DAG NI GSO DKA' BA YIN PAR BSHAD DO, ,PHYI ROL GNYER MAR BYUNG BA DANG, ,NAD GCIG SHAS CHE LAS BYUNG DANG, ,SKYES NAS RING POR MA LON GANG, ,GZHANG 'BRUM DE NI GSO BAR SLA, ,ZHES BYA BA LA, YANG GZHANG 'BRUM GANG PHYI ROL GYI GNYER MA'I RIM PAR BRTEN ZHING BYUNG BA DANG, DE BZHIN DU NAD GZHI GCIG SHAS CHE ZHING RGYAS PA LAS BYUNG BA DANG, DE BZHIN DU SKYES NAS YUN RING POR MA LON ZHING LO GCIG MAN CHAD KYI NANG DU BYUNG BAR GYUR PA'I GZHANG 'BRUM DE NI GSO SLA ZHING BCOS SU RUNG BA YIN NO, ,PHO MTSAN SOGS KYI 'OG NAS NI, ,RANG RANG SKABS BSHAD, CES BYA BA LA, PHO MTSAN DANG, MO MTSAN DANG, RNA BA DANG SNA GONG LA SOGS PAR YANG 'BRUM BU 'BYUNG MOD KYI, DE DAG NI 'OG NAS LBA BA'I NAD KYI MTSAN NYID SHES PAR BYA BA LA SOGS PA RANG RANG GI LE'U LAS BSHAD DO, ,LTE BAR SKYES, RTA BLA BA YI KHA 'DRA ZHING, ,'BYAR BAG CAN LA 'JAM PA YIN, ,ZHES BYA BA LA, LTE BAR SKYES PA'I 'BRUM BU NI SROG CHAGS RTA BLA BA ZHES BYA BA'I 'BU ZHIG YOD PA'I KHA DANG DBYIBS 'DRA ZHING 'BYAR BAG CAN LA REG NA 'JAM PA YIN NO, ,PAGS PA'I MDZER PA SMRAS PA NI, ,KHYAB BYED KYIS NI BAD KAN BSDUS, ,PAGS PA'I PHYI ROL THOR BUR BYED, ,MDZER PA 'DRA ZHING RTZUB PAR GNAS; ,PAGS PA'I MDZER PA YIN PAR SHES, ,ZHES BYA BA LA SOGS PA YIN TE, RLUNG KHYAB BYED KYIS BAD KAN GYI TSOGS BSDUS NAS THOR BUR 'BYUNG BAR BYED DE, DE YANG PAGS PA'I PHYI ROL DU GNAS PAR BYED CING SHA'I MDZER PA 'DRA BAR RTZUB CING REG NA MI BDE BAR GNAS PA YIN LA, DE NI MDZER PA DANG 'DRA BAS NA, PAGS PA'I MDZER PA YIN PAR MNGON SHES CAN GYI DRANG SRONG RNAMS KYIS SHES SHING KHONG DU CHUD PA YIN NO, ,RLUNG GIS ZUG CING RTZUB PAR 'GYUR, ,MKHRIS PAS GNAG LA DMAR RTZAR 'GYUR, ,BAD KAN GYIS NI SNUM NYID
DANG; ,RMEN BU'I MDOG DANG 'DRA BAR 'GYUR, ,ZHES BYA BA LA, PAGS PA'I MDZER PA DE RLUNG LAS GYUR PA YIN NA, ZUG CING NA LA REG PA RTZUB PAR 'GYUR RO, ,MKHRIS PA LAS GYUR NA MDOG GNAG LA RTZA DMAR BAR 'GYUR RO, ,BAD KAN LAS GYUR PA YIN NA NI PAGS PA'I MDZER PA DE SNUM PA NYID DANG, RMEN BU'I MDOG DANG 'DRA ZHING MTSUNGS PA YIN NO, ,BLO DANG LDAN PAS MYUR BAR NI, ,'BAD DE GZHANG 'BRUM GSO BAR BYA, ,DE YIS GZHANG NI MYUR BKAG NAS, ,DMU RDZING NAD NI SKYE BAR 'GYUR, ,ZHES BYA BA LA, BLO DANG LDAN ZHING MKHAS PA'I SMAN PAS MYUR ZHING RINGS PAR 'BAD PA DANG LDAN PAS GZHANG 'BRUM GYI NAD GSO BAR BYA'O, ,CI'I PHYIR ZHE NA, GZHANG 'BRUM GYI NAD DES GZHANG GI SGO MYUR DU 'GAGS PAR BYAS NAS, 'OG NAS BSHAD PA'I DMU RDZING GI NAD GANG YIN PA DES SKYED CING 'BYUNG BAR 'GYUR BA YIN PAS, DE'I PHYIR NAD DE SHIN TU MYUR BA KHO NAR GSO BAR BYA'O, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, NAD GZHI'I GNAS KYI LE'U BDUN PA'I RNAM PAR 'GREL PA'O,, ,, DE NAS TSAD PAR 'KHRU BA DANG PHO BA'I NAD GZHI BSHAD PAR BYA'O, ,ZHES BYA BA LA, GZHANG 'BRUM GYI NAD GZHI'I 'OG TU 'DI BRTZAMS PA'I 'BREL PA NI, ZAS DANG RLUNG DAG SHUGS DGAG PA LA SOGS PA RGYU THUN MONG YIN PAS BSHAD PA YIN NO, ,NAD GZHI SNA RE KUN DANG NI, , 'JIGS DANG MYA NGAN LAS GYUR PA'I, ,TSAD PAR 'KHRU BA RNAM DRUG YIN, ,ZHES BYA BA LA, TSAD PAR 'KHRU BA'I NAD NI RLUNG LA SOGS PA NAD GZHI SNA RE LAS GYUR PA DANG, KUN 'DUS PA LAS GYUR PA DANG, DE BZHIN DU 'JIGS PA LAS GYUR PA DANG, MYA NGAN LAS GYUR PA STE; TSAD PAR 'KHRU BA NI RNAM PA DRUG TU 'GYUR RO, ,DE NI CHU 'THUNGS DRAGS PA DANG, ,SHA RID SHA SKAM MA GOMS PA'I, ,TIL GYI KHU BA MA SMIN 'BRU, ,CHANG RTZUB KHA ZAS TSOD MA ZIN, ,GZHANG 'BRUM SNUM BAG DRAGS PA DANG, ,'BU DANG SHUGS NI BKAG LAS 'BYUNG, ,ZHES BYA BA
, ,LA; YANG TSAD PAR 'KHRU BA DE NI CHU 'THUNGS DRAGS PA LA SOGS PA LAS SHIN TU SKYE ZHING 'BYUNG BAR 'GYUR RO, ,YANG DE BZHIN DU SHA RID DANG, SHA SKAM RUL BAG ZOS PA DANG, DE BZHIN DU SNGAR ZA MA MYONG ZHING MA ZOS PAR TIL BTAGS PA'I KHU BA ZOS PA DANG, DE BZHIN DU MA SMIN PA'I 'BRU LAS BYAS PA'I KHA ZAS ZOS PA DANG, CHANG RTZUB CING MANG BAR 'THUNGS PA DANG, DE BZHIN DU ZAS KYI TSOD MA ZIN PAR GSUD BAG TU ZOS PA DANG, GZHANG 'BRUM GYIS BTAB PA DANG, SNUM BAG MANG DU ZOS SHING DRAGS PA DANG, LTO NA SRIN BU YOD PA DANG, BSHANG BA LA SOGS PA'I SHUGS BKAG PA LAS KYANG CHAD PAR 'KHRU BA 'BYUNG BAR 'GYUR RO, ,DE 'DRAS RLUNG NI 'KHRUGS PA YIS, ,CHU KHAMS THUR DU BSKYOD GYUR LA, ,DE NYID KYIS NI ME DROD NYAMS, ,DE 'OG KHONG PA KHYAB NAS NI, ,BSHANG BA SLA BA NYID DU BYED; ,DE LTAR TSAD 'KHRU 'BYUNG BAR BSHAD, ,CES BYA BA LA, 'DIR MA BSHAD PA DE DANG TSUL MTHUN PA DAG GIS RLUNG 'KHRUGS SHING LDANG BAR GYUR NAS, CHU'I KHAMS LUS LA GANG YOD PA THUR DU BSKYOD CING 'BYUNG BAR BYED PAR 'GYUR LA, DE'I 'OG TU DE'I KHAMS DE NYID KYIS PHO BA'I ME DROD SHIN TU NYAM CHUNG BAR BYAS NAS, DE NAS DE'I 'OG TU CHU'I KHAMS DE NYID KYIS LTO BA'I NANG BSHANG BAS KHYAB PAR BYAS NAS, DE NAS BSHANG BA DE SLA ZHING GSHER BAG NYID DU BYED PAR 'GYUR TE, TSAD PAR 'KHRU BA NI TSUL DE LTAR 'BYUNG BA YIN PAR BSHAD CING BRTAGS PA YIN NO, ,DE YI 'BYUNG 'GYUR MTSAN MA NI, ,BSHANG LAM SNYING GA LTO BAR ZUG ,LUS SNYOM BSHANG BA SRI BA DANG, ,SBO ZHING KHA ZAS MI 'JU BA'O, ,ZHES BYA BA LA, TSAD PAR 'KHRU BA DE PHYIS 'BYUNG BAR 'GYUR BA'I MTSAN MA'AM RTAGS NI BSHANG BA LAS GZHANG KHA'I PHYOGS DANG SNYING GA DANG LTO BA'I PHYOGS SU ZUG CING NA BA DANG, LUS DANG YAN LAG SNYOM ZHING LCI BA DANG, BSHANG BA SRI BA LA SOGS PA 'BYUNG BAR 'GYUR RO, ,DE LAS RLUNG GYUR BSHANG CHUR BCAS, ,NYUNG ZHIG 'BYUNG ZHING GZER SGRA BCAS, ,'GAGS
SHING 'BYUNG BAR 'GYUR BA DANG, ,RTZUB SLA LBU BAR BCAS PA'AM, ,GONG BUR YANG DANG YANG DU 'BYUNG, ,DE BZHIN BU RAM TSIG PA 'DRA, ,SBYIN BAG BCAS SHING BCAD SNYAM SEMS, ,KHA SKAM GZHANG NI SNAD PA DANG, ,SPU LANGS BA DANG 'KHRU BA YIN, ,ZHES BYA BA LA, TSAD PAR 'KHRU BA DE DAG GI NANG NAS RLUNG LAS GYUR PA'I 'KHRU BA NI BSHANG BA NA BA DANG CHUR BCAS TE, CHU RUL BA LTA BU 'BYUNG BA DANG, MKHREGS SHING NYUNG ZHIG 'BYUNG BA DANG, SGRA DANG BCAS SHING GZER BA DANG BCAS PAR 'BYUNG BAR 'GYUR BA DANG, 'GAGS SHING SKA BAR 'BYUNG BAR 'GYUR BA DANG; MDOG RTZUB PA DANG, SLA ZHING RKYANG RKYANG POR 'BYUNG BA DANG, LBU BA DANG 'DREN MAR 'BYUNG BA DANG, GONG BUR CHAGS SHING BAR BAR NA MDUD PA YOD BA 'DRA BAR 'BYUNG BA DANG, YANG DANG YANG DU SKAD CIG MA RE RER 'BYUNG BA DANG, DE BZHIN DU BU RAM TSIG PA'I MDOG 'DRA BAR 'BYUNG BA DANG, SBYIN BAG LA SOGS PA'I RNAM PA DANG LDAN PAR 'KHRU BA YIN NO, ,MKHRIS PAS SER ZHING GNAG PA DANG, ,SNGO ZHING DU BA'I MDOG 'DRA LA, ,KHRAG BCAS SHIN TU DRI MNAM PA, ,SKOM DAD BRGYAL TSA RDUL DANG BCAS, ,GZER BCAS GZHANG KHA TSA DANG BCAS, , GZHANG KHAR THOR BU 'BYUNG BA YIN, ,ZHES BYA BA LA, MKHRIS PA LAS GYUR PA'I TSAD PAR 'KHRU BA NI, 'KHRU BA'I MDOG SER PO LA SOGS PAR 'KHRU BAR 'GYUR TE, TSIG GI DON NI GO BAR ZAD DO, ,BAD KAN LAS GYUR SKA BA DANG, ,'BYAR BAG SKA ZHING NAL NAL PO, ,SNUM ZHING BE'U SNABS BAD KAN BCAS, ,RGYUN DU 'KHRU ZHING LCI LA MNAM, ,SKA ZHING NAD RJES 'BRANG BA DANG, ,GNYID CHE KHONG SNYOM YI GA 'CHUS, ,NYUNG ZAD NYUNG ZAD 'KHRU DANG BCAS, ,BA SPU BRTZE ZHING GLONGS BCAS DANG, ,CHU SO LTO BA GZHANG KHA LCI, ,BSHANG YANG BSHANG BA MA BTANG SNYAM, ,ZHES BYA BA LA, BAD KAN LAS GYUR PA'I TSAD PAR 'KHRU BA NI 'KHRU BA SKA ZHING GAR GAR POR 'BYUNG BAR 'GYUR BA DANG, 'BYAR BAG LA SOGS PA DANG BCAS PAR 'BYUNG BA DANG, KHONG SNYOM PA NI BYA BA RNAMS LA SPRO BA CHUNG BA'O, ,GLONGS PA NI NAD RNAMS BSKYOD PAR GYUR PA'O, ,LCI BA NI CHU SO DANG
, ,LTO BA DANG GZHANG KHA KUN TU LCI ZHING SBOM PA SNYAM DU SEMS PA'O, ,BSHANG YANG BSHANG BA MA BTANG BA SNYAM DU SEMS PA NI BSHANG BA BSHANG ZHING 'DOR DU ZIN KYANG KHONG LCI BSAM BSHANG BA SNYAM DU SEMS SHING YANG DANG YANG DU 'BYUNG BAR 'GYUR RO, ,KUN SKYES MTSAN NYID KUN DANG LDAN, ,ZHES BYA BA LA, NAD GZHI KUN 'DUS PA LAS SKYES PA'I TSAD PAR 'KHRU BA NI NAD GZHI GSUM CHAR GYI MTSAN NYID DANG LDAN PA YIN NO, ,'JIGS PAS SEMS NI 'KHRUGS GYUR PA, ,RLUNG GIS MKHRIS BCAS BSHANG BA NI, ,SLA BYED DE NAS 'KHRU BA NI, ,TSA ZHING SLA LA 'PHYO BA DANG, ,MTSAN MA RLUNG MKHRIS LAS BYUNG 'DRA, ,MYA NGAN LAS BYUNG DE DANG 'DRA, ,ZHES BYA BA LA, 'JIGS PA'I RGYUS SEMS 'KHRUGS SHING GLONGS PAR GYUR PA RLUNG GIS MKHRIS PA DANG BCAS PA'I BSHANG BA SLA ZHING GSHER BAR BYED LA, DE NAS DE'I 'OG TU TSAD PAR 'KHRU BA 'BYUNG BAR 'GYUR BA NI 'KHRU BA'I RANG BZHIN TSA ZHING DRO BA DANG, SLA ZHING GAR BAG MED PA DANG, 'PHYO ZHING CHUR MI 'BYING BA DANG, MTSAN MA RLUNG DANG MKHRIS PA LAS BYUNG BA DANG 'DRA BA YIN PAR SLOB DPON RNAMS KYIS BSHAD DO, ,MYA NGAN LAS BYUNG BA'I TSAD PAR 'KHRU BA'I MTSAN NYID KYANG RLUNG DANG MKHRIS BA LAS BYUNG BA'I TSUL DE DANG MTSUNGS SHING 'DRA BA YIN PAR BSHAD DO, ,MDOR NA TSAD 'KHRU RNAM GNYIS TE, ,MA ZHUR BCAS DANG MA ZHU MED, ,KHRAG BCAS KHRAG MED, CES BYA BA LA, TSAD PAR 'KHRU BA NI MDOR NA RNAM PA GNYIS YIN TE, SMIN PA DANG MA SMIN PA'I RNAM PA 'AM, KHRAG DANG BCAS PA'AM KHRAG MED PA'I RNAM PAS SO, ,DE LAS NI, ,DANG PO BSHANG GCI CHUR 'BYING 'GYUR, ,DRI MNAM LTO NI SBO BA DANG, ,MKHREGS SHING MCHIL SNABS SHIN TU MANG, ,ZHES BYA BA LA, TSAD PAR 'KHRU BA SMIN PA DANG MA SMIN PA DE GNYIS KYI NANG NAS, DANG PO MA SMIN PA'I 'KHRU BA'I MTSAN NYID NI 'KHRU BAR 'BYUNG BA'I BSHANG BA DE RANG BZHIN LCI ZHING, CHU LA BCUG NA NANG DU 'BYING ZHING NUB PAR 'GYUR BA DANG, DRI MNAM ZHING NGA BA DANG, LTO SBO BA LA SOGS PA DANG LDAN PAR 'GYUR BA YIN NO, ,SMIN PA DE LAS BZLOG
PA YIN; ,ZHES BYA BA LA, BSHANG BA SMIN PA'I MTSAN NYID DE LAS GO BZLOG PA YIN TE, BSHANG BA YANG ZHING CHUR MI 'BYING BA DANG, LHAG PAR DRING BA MED PA DANG, LTO SBO PA LA SOGS PA MED PA YIN NO, ,BAD KAN SMIN PA'ANG CHU NANG 'BYING, ,ZHES BYA BA LA, BAD KAN GYI RGYU LAS TSAD PAR 'KHRU BA NI, SMIN ZHING MA ZHU BA MED PA YIN YANG CHU'I NANG DU 'BYING BAR 'GYUR BA YIN NO, ,GANG ZHIG TSAD 'KHRU 'BAD PA NI, ,MED DES PHO BA'I NAD DU 'GYUR, ,ZHES BYA BA LA, SKYES BU GANG LA TSAD PA'I NAD KYIS THEBS PAR GYUR NAS SPANG BAR BYA BA'I DNGOS PO SPANG BAR BYA BA LA 'BAD PA MED PAR GYUR NA, DES GRANG BA LA SOGS PA'I PHO BA'I NAD DU 'GYUR RO, ,ME DROD NYAMS PAR BYED PA YI, ,ZAS BSTEN PA YIS ME DROD NYAMS, ,ZHES BYA BA LA, PHO BA'I NAD DE YANG KHONG PA'I ME DROD NYAMS PAR BYED PA'I KHA ZAS DANG BTUNG BA BSTEN ZHING LONGS SPYOD PA LAS ME DROD NYAMS SHING GRANG BA'I PHO BA'I NAD DU 'GYUR RO, ,PHO BA'I NAD DANG TSAD PAR 'KHRU BA LA KHYAD PAR CI ZHIG YOD CE NA, DE'I PHYIR SMRAS PA NI, GANG ZHIG ZHU NAS BSHANG BA NI, ,BE'U SNABS BCAS DANG BE'U SNABS MED, ,'KHRU BA DE NI TSAD 'KHRU STE, ,RANG BZHIN GYIS NI MYUR GSOD BYED, ,CES BYA BA LA, NAD KYI KHYAD PAR GANG DAG GIS ZAS ZHU BAR GYUR NAS BSHANG BA BE'U SNABS DANG BCAS PA'AM, BE'U SNABS MED PA'I RNAM PAR 'KHRU BAR GYUR PA NI TSAD PAR 'KHRU BA ZHES BYA STE, DE NI RANG GI RANG BZHIN GYIS MYUR DU GSOD CING GNOD PAR BYED PA YIN NO, ,MA ZHU KHA ZAS MA ZHU DANG, ,ZHU BA SMIN PA'ANG MI 'KHRU 'GYUR, ,RGYU MED YANG DANG YANG SRI BA'AM, ,RGYU MED YANG YANG SLA BAR 'BYUNG, ,PHO BAR MA ZHU SOGS SHING 'KHRU, ,YUN RING NA BAR BYED PA YIN, ,ZHES BYA BA LA, PHO BA GRANG BA'I MA ZHU BA'I NAD NI BSHANG BA MA ZHU BA'I BE'U SNABS SAM, ZAS DANG BCAS PAR NGES PAR 'KHRU BAR 'GYUR LA, ZAS ZHU NAS NI BSHANG BA SRI BAR 'BYUNG BAR MI 'GYUR BAS MA SMIN PAR 'KHRU BAR 'GYUR RO, ,YANG RGYU MED PAR GLO BUR DU BSHANG BA DE YANG DANG YANG DU SRI BA DANG,
, ,YANG LAN 'GA' NI RGYU MED PAR BSHANG BA DE SLA BAR YANG DANG YANG DU 'BYUNG ZHING 'KHRU BAR 'GYUR RO, ,YANG PHO BA'I MA ZHU BA DE NI YUN RING DU SOGS SHING BSHANG BA 'KHRU BA DANG, YUN RING POR NA BAR BYED CING MYUR DU GSOD PAR MI BYED PA YIN NO, ,DE NI NAD SNA RE RE 'DUS; ,LAS BYUNG RNAM PA BZHI YIN NO, ,ZHES BYA BA LA, PHO BA MA ZHU BA'I NAD DE NI RNAM PA BZHI YOD DE, RLUNG LA SOGS PA'I NAD GZHI RE RE NAS SKYES PA DANG, 'DUS PA LAS BYUNG BA'I BZHI YIN NO, ,DE YI SNGON TSUL SNYOM PA DANG, ,RING NAS 'JU ZHING SKYUR BAG 'BYUNG, ,MCHIL MANG KHA YIS DRI MI TSOR, ,RMYA SNYOM SKOM ZHING YI GA 'CHUS, ,LTO SBO SLON NI BRO BA DANG, ,RNA BA RGYU MA SGRA DANG BCAS, ,ZHES BYA BA LA, PHO BA MA ZHU BA GRANG BA'I NAD DE PHYIS 'BYUNG BA'I TSUL NI YAN LAG SNYOM ZHING NYAM CHUNG BA DANG, PHO BA'I ME DROD ZHAN ZHING ZAS RID NAS 'JU BA DANG, DE BZHIN DU SGREGS PA SKYUR BAG 'BYUNG BA LA SOGS PA YIN NO, ,SPYI YI MTSAN NYID SKEM PA DANG, ,DU BA MUN DANG RIMS KYIS 'DEBS, ,BRGYAL ZHING MGO NA BSHANG BA 'GAGS, ,RKANG PA LAG PA SKRANGS PAR 'GYUR, ,ZHES BYA BA LA, PHO BA'I NAD BZHI CHAR GYI SPYI'I THUN MONG GI MTSAN NYID NI LUS SKOM ZHING RID PA NAS RKANG PA DANG LAG PA SKRANGS PAR 'GYUR BA'I BAR YIN PAR SHES PAR BYA'O, ,DE LA RLUNG LA RKAN SKAMS SHING, ,RAB RIB RNA BAR SGRA 'BYUNG DANG, ,RTZIB LOGS BRLA DANG CHU SOR NA, ,BSHANG BA YANG DANG YANG DU 'BYUNG, ,YANG YANG SBO ZHING GSUD PA DANG, ,RO RNAMS KUN LA BRKAM PA DANG, ,BKRES SKOM RGYU MA BCAD SNYAM SEMS, ,ZAS ZHU NAS NI SBO BA DANG, ,ZAS ZOS NAS NI BDE BAR 'GYUR, ,RLUNG GI SNYING NAD SKRAN GZHANG 'BRUM, ,MDZER PA SKYA RBAB 'BYUNG BAR DOGS, ,BSHANG BA 'BYUNG DKA' SKA SLAR 'BYUNG, ,DE YANG BE'U SNABS SGRA CAN 'BYUNG, ,GZHANG NA LUD PA DBUGS MI BDE, ,ZHES BYA BA LA, DE LA PHO BA'I NAD BZHI PO'I NANG NAS RLUNG LA SOGS PA'I PHO BA'I MTSAN NYID NI RKAN SKAMS PAR 'GYUR BA DANG, MIG RAB RIB KYIS 'DEBS PA DANG, RNA
BAR SGRA ZI ZI POR 'BYUNG BA DANG, RTZIB LOGS LA SOGS PA NA BAR 'GYUR BA DANG, MNGAR BA LA SOGS PA'I RO RNAMS KUN LA BRKAM ZHING CHAGS PA DANG, RGYU MA BCAD PA BZHIN DU SEMS SHING NA BA DANG, ZAS ZHU NAS LTO SPO BAR 'GYUR BA DANG, DE LTAR NA NA BAS KHA ZAS ZOS SHING LONGS SPYAD NA SLA BAR 'GYUR BA DANG, RLUNG LAS GYUR PA'I SNYING NAD LA SOGS PA 'BYUNG BAR DOGS SHING YID GNYIS SU 'GYUR BA DANG, YUN RING ZHIG NA BSHANG BA 'BYUNG ZHING THOGS LA NA BAR 'GYUR BA DANG, SKA BA DANG SLA BA LA SOGS PA'I KHYAD PAR LDAN PAR 'BYUNG BA YIN NO, ,MKHRIS PA SNGO ZHING SER BA DANG, ,SER PO SLA BAG 'KHRU BAR 'GYUR, ,MNAM ZHING SGREGS SKYUR SNYING LKOG TSA, ,YI GA 'CHUS ZHING SKOM DAD CHE, ,ZHES BYA BA LA, MKHRIS PA LAS GYUR PA'I PHO BA'I NAD NI 'KHRU BA SNGO ZHING SER BA 'DRES MAR 'BYUNG BA'AM, SER POR 'BYUNG BA LA SOGS PA YIN NO, ,BAD KAN LAS GYUR 'JU DKA' ZHING, ,ZAS SLON YI GA 'CHUS PA DANG, ,KHAR CHAGS MCHIL MA MANG BA DANG, ,LUD PA SNYING NAD CHAM PAS 'DEBS, ,SNYING GA MER MER POR SEMS SHIG ,LTO BA CHOR BA CHUNG ZHING LCI, ,SGREGS PA DRI MNAM MNGAR 'BYUNG SNYOM, ,BUD MED MI DGA' ME DROD CHUNG, ,BE'U SNABS BAD KAN 'DRES PAR 'KHRU, ,BSHANG BA LCI BAR 'BYUNG BAR 'GYUR, ,RID PA MIN YANG NYAMS STOBS CHUNG, ,ZHES BYA BA LA, BAD KAN LAS GYUR PA'I PHO BA MA ZHU BA'I NAD KYIS 'KHRU BA NI, KHA ZAS 'JU BAR DKA' ZHING RING ZHIG NAS 'JU BAR 'GYUR BA LA SOGS PA'I NAD KYIS 'DEBS PA DANG, SNYING MER MER POR GYUR CING KHENGS PA SNYAM DU SEMS PA DANG, LTO BAR TSOR BA CHUNG ZHING LUS LCI BA DANG, SGREGS PA MNAM ZHING SHAS CHE BA'I LEGS PAR MI 'BYUNG BA DANG, YAN LAG SNYOM PA DANG, BUD MED LA DGA' BA MED CING NYAL PO LA MI GDUNG BA DANG ME DROD CHUNG ZHING BSHANG BA BE'U SNABS LA SOGS PA DANG LDAN PAR 'BYUNG BA DANG, RID PA MA YIN ZHING SHA MA ZAD KYANG NYAMS STOBS CHUNG ZHING NUS BA ZHAN PAR 'GYUR BA YIN NO, ,KUN SKYES MTSAN NYID
, ,'DREN MAR LDAN, ,ZHES BYA BA LA, NAD GZHI GSUM CHAR LAS BYUNG BA'I PHO BA'I NAD NI MTSAN NYID THAMS CAD DANG LDAN ZHING RTAGS KUN TU 'DRES PA YIN NO, ,MA SNYOMS LA SOGS ME DROD GSUM, ,YAN LAG CHAR PHYE GANG BSHAD PA, ,DE YANG PHO BA'I NAD DU 'GYUR, , ZHES BYA BA LA, MA SNYOMS PA LA SOGS PA'I ME DROD GSUM PO STE, ME DROD MA SNYOMS PA DANG, ME DROD SHAS CHE ZHING RNO BA DANG, ZHAN ZHING RTUL BA GSUM PO LUS KYI GNAS SU YAN LAG CHAR PHYE BA'I SKABS SU BSHAD PA GANG YIN PA DE YANG PHO BA'I NAD DU 'GYUR BA'I RGYU YIN NO, , SNYOMS PA BDER GNAS RGYU YIN NO, ,ZHES BYA BA LA, YANG ME DROD MA NYAMS SHING SNYOMS PA GANG YIN PA DE NI LUS BDE BAR GNAS SHING NAD MED PA'I RGYU YIN NO, ,RLUNG NAD RDE'U NAD MDZE NAD DANG, ,GCIN SNYI DMU RDZING MTSAN PAR RDOL, ,GZHANG 'BRUM PHO NAD CES BYA BRGYAD, ,NAD CHEN GSO BAR DKA' BA YIN, ,ZHES BYA BA LA, PHO BA'I NAD KYI ZHAR LA RLUNG NAD LA SOGS PA BRGYAD PO NI NAD CHEN PO YIN ZHING SHIN TU GSO DKA' BA YIN PAR BSHAD PA YIN NO, ,YAN LAG BRGYAD PA'I SNYING PO BSDUS PA'I RNAM PAR 'BREL BA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, NAD GZHI'I GNAS KYI LE'U BRGYAD PA'I RNAM PAR 'GREL PA'O,, ,,DE NAS GCIN 'GAGS PA'I NAD GZHI BSHAD PAR BYA'O, ,ZHES BYA BA LA, 'DI BRTZAMS PA'I 'GREL PA NI 'DI YIN TE, DRI MA REG PA'I NAD GZHI'I LE'U BSHAD NAS, GCI BA ZHES BYA BA'I DRI MA DANGS PA'I NAD GZHI'I LE'U GNYIS KYIS BSHAD PA YIN TE, GCIN 'GAGS PA NI GCIN SRI BA LA SOGS PA STE, DE'I NAD GZHI BSHAD PAR BYA'O ZHES PA'O, ,LGANG PA LGANG PA'I MGO PHO MTSAN, ,RKED PA RLIG PA GZHANG KHA NI; ,GZHANG KHA'I RUS PAR BRTEN GYUR ZHING, ,GCIG TU 'BREL BA YIN PAR BSHAD, ,CES BYA BA LA, LGANG PA LA SOGS PA LUS KYI CHAR GTOGS PA RNAMS NI 'BREL BA GCIG CING MDOR BSDUS PA GCIG YIN PAR BSHAD LA, DE DAG GI GNAS SAM RTEN NI GZHANG GI
NANG NA GNAS TE DE DANG 'BREL LO ZHES BYA BA'I DON NO, ,LGANG PA KHA NI THUR BLTAS KYANG, ,GCIN 'DZAG PA YI RTZA SGO NAS, ,RGYUN MI 'CHAD PAR 'DZAG PA YIS, ,NGOS GNYIS NAS NI PHRE'US 'GENGS, ,ZHUGS PA GANG YIN DE YIS NI, ,GCIN 'GAGS PA DANG GCIN SNYI BA'I; ,GSO DKA' GNAD LA BRTEN PA'I NAD, ,NYI SHU SKYED PAR BYED PA YIN, ,ZHES BYA BA LA, GANG GI PHYIR LGANG PA DE NI KHA THUR DU BLTAS TE GNAS PA YIN DU ZIN KYANG, GCIN 'DZAG CING RGYU BAR BYED PA'I RTZA'I SBUBS PHRA MO LAS RGYUN MI 'CHAD PAR 'DZAG CING 'BAB PAR BYED PA'I RTZA'I NGOS GNYIS NA GNAS PA DE LAS GCIN GYI PHRE'U 'DZAG PAS LGANG PA 'GENGS PAR BYED LA, GANG LAS ZHUGS PA'I RTZA DE NYID KYI SGO NAS RLUNG LA SOGS PA'I NAD ZHUGS NAS, DE LAS GCIN 'GAGS PA'I NAD NYI SHU DANG, GCIN SNYI BA'I NAD NYI SHU GSO ZHING BCOS PAR DKA' BA'I GNAD KYI NAD SKYED PAR 'GYUR RO, ,LGANG PA CHU SO PHO MTSAN NA, ,CUNG ZAD YANG DANG YANG DU 'BYUNG, ,SRI BA RLUNG LAS GYUR PA YIN, ,ZHES BYA BA LA, RLUNG LAS GYUR PA'I GCIN SRI BA'I MTSAN NYID NI, SKYES BU LGANG BA DANG CHU SO'I PHYOGS PHO MTSAN LHAG PAR NA ZHING; ,GCIN CUNG ZAD YANG DANG YANG DU 'BYUNG BA YIN NO, ,MKHRIS PA LAS GYUR SER TSA NA, ,MDOG DMAR, ZHES BYA BA LA, MKHRIS PA LAS GYUR PA'I GCIN SRI BA'I GCIN GYI MDOG SER POR 'BYUNG BA'AM, MDOG DMAR ZHING KHRAG 'DRA BAR 'BYUNG LA, DE DAG KYANG TSAB DANG NA BA DANG BCAS PAR 'BYUNG BA YIN NO, ,BAD KAN LAS GYUR PA, LGANG PA PHO MTSAN LCI ZHING SKRANGS, ,'BYAR BAG DAL GYIS 'BYUNG ZHING THOGS, ,ZHES BYA BA LA, BAD KAN LAS GYUR PA'I GCIN 'GAGS PA NI, LGANG PA DANG PHO MTSAN GNYIS LCI BA DANG, SKRANGS PAR 'GYUR BA DANG, 'BYAR BAG DANG BCAS SHING THOGS PA DANG BCAS PAS 'GAGS SHING GCIN 'BYUNG BAR 'GYUR RO, ,NAD KUN LAS BYUNG MTSAN KUN LDAN, ,ZHES BYA BA LA, NAD GZHI GSUM CHAR 'DUS PA'I GCIN SRI BA NI NAD KYI MTSAN NYID GSUM CAR DANG
, ,LDAN PA YIN NO, ,GANG TSE RLUNG GIS LGANG PA'I KHA, ,BKAG PA DE TSE GCIN MKHRIS PA, ,BAD KAN KHU CHUR BCAS PA NI, ,RIM GYIS SKAMS PAR BYAS PA LAS, ,MI BZAD RDE'U CHAGS 'GYUR TE, ,BA LANG MKHRIS PAR GI WANG LTAR, ,THAMS CAD BAD KAN LA BRTEN 'GYUR, ,ZHES BYA BA LA, GANG GI TSE RLUNG GIS NAD 'KHRUGS PAR GYUR NAS, LGANG PA'I KHA BKAG NAS GNAS PA DE'I TSE GCIN MKHRIS PA DANG BCAS PA'AM, BAD KAN DANG BCAS PA'AM, KHU CHU DANG BCAS PA RIM GYIS SKAM PAR BYED KYI, GCIN 'BA' ZHIG SKAM PAR NI MI BYED LA, DE'I TSE NI RDE'U CHAGS PAR 'GYUR TE, DE YANG MI BZAD PAR NA LA, GSO DKA' ZHING THOGS PAR 'GYUR RO, ,DE YANG DPER NA BA LANG GI MKHRIS PA SKAM ZHING 'THAS PAS RIM GYIS GI WANG SKYE BA DANG 'DRA BAR RDE'U CHAGS PAR 'GYUR RO, ,DE YANG THAMS CAD BAD KAN LA BRTEN ZHING GNAS PAR 'GYUR RO, ,'DI YI SNGON TSUL MTSAN NYID NI, ,LGANG PA SBO ZHING DE YI NI, ,NYE 'KHOR KUN TU RAB TU NA, ,GCIN YANG LHAG PAR DBRE BRO ZHING, ,GCIN 'GAGS RIMS 'DEBS YI GA 'CHUS, ,ZHES BYA BA LA, DE NAS RDE'U CHAGS PA 'DI'I SNGON BYUNG BA'I MTSAN NYID DAM RTAGS NI LGANG PA SPO ZHING RGYAS PA DANG, DE BZHIN DU DE'I NYEN KOR LGANG PA'I MGO DANG, PHO MTSAN DANG RLIG PA LA SOGS PA KUN TU THOG THAG RAB TU NA ZHING ZUG PA DANG, GCIN DBRE BA LA SOGS PAR 'GYUR RO, ,SPYI YI MTSAN NYID LTE BA DANG, LGANG MGO LGANG PA'I SRUBS NA ZHING, ,DE YIS GCIN 'BYUNG SGO BKAG PAS, ,GCIN GYI RGYUN NI 'CHAD CING 'BYUNG, ,DE BYUNG ZIN NAS BDE BAR BYED, ,SLA ZHING BA LANG TSIL 'DRA LA, ,DE BSKYOD PA YIS KHRAG TU 'GYUR, ,DRAG SHUL SPYOD PAS RAB TU NA, ,ZHES BYA BA LA, SPYI'I MTSAN NYID DANG THUN MONG GI RTAGS NI LTE BA LA SOGS PAR NA ZHING ZUG PA DANG, RDE'U CHAGS PA DES GCIN 'BYUNG BA'I RGYUN SRANG GI SGO BKAG PAS, GCIN GYI RGYUN CHAD CING SRUS SRUS 'BYUNG BA DANG, DE BYUNG ZIN ZHING DE DANG BRAL NAS BDE BAR BYED PA YIN PA'AM, YANG NA RDE'U SA BKAG PA
DE BZHIN DU GYUR NA BDE BAR 'BYUNG BA YIN NO, ,GCIN 'BYUNG BA DE YANG DANGS SHING SLA LA BA LANG GI TSIL 'DRA BA 'BYUNG NGO, ,YANG DE BSKYOD CING RTA LA SOGS PA'I BZHON PAS G-YENGS PAR GYUR NA KHRAG TU 'BYUNG BAR 'GYUR LA, DRAG SHUL GYI SPYOD LAM TSAR BCAD DE RGYUG PA 'AM, SMYUNG BA BYAS PAS RAB TU NA ZHING MI BDE BAR 'GYUR RO, ,DE LA RLUNG GYUR SHIN TU NA, ,SO 'THAMS SNGOM ZHING LUS 'DAR LA, ,PHO MTSAN NYID CING LTE BA 'TSIR, ,RGYUN DU NA ZHING MKHUN PAR BYED, ,BSHANG BA 'PHYEN DANG BCAS PAR 'BYUNG, ,GCIN GYI THIGS PA YANG YANG 'ONG, ,RDE'U GNAG CING RTZUB PA DANG, ,CHU SOR TSER MAS GANG SNYAM BYED, ,CES BYA BA LA, RDE'U CHAGS PA DE RNAMS KYI NANG NAS RLUNG LAS GYUR PA'I RDE'U CHAGS PAR GYUR PA NI, SHIN TU NA BAS GZIR ZHING DE NYID KYIS NA SO 'THAMS PAR SDOM ZHING KRIG KRIG 'CHA' BAR 'GYUR BA DANG, LUS 'DAR ZHING BSKYOD PA DANG, PHO MTSAN NYED PAR BYED PA DANG, LTE BA'I PHYOGS LAG PA GNYIS KYIS 'TSIR PAR BYED PA DANG, NYIN MTSAN RGYUN DU MKHUN ZHING NGA RO 'BYIN PA DANG, BSHANG BA 'PHYEN DANG BCAS PAR 'BYUNG BA LA SOGS PA YIN NO, ,MKHRIS PAS LGANG PA TSA BA DANG, ,BTZOS PA SNYAM BYED RAB TU DRO, ,GO BYE'I 'BRAS BU'I DBYIBS 'DRA LA, ,RDE'U MDOG DMAR ZHING SER LA GNAG ,CES BYA BA LA, MKHRIS PA LAS GYUR PA'I RDE'U CHAGS PAS NI LGANG PA SHIN TU NA ZHING BTZOS PA SNYAM BYED LA, DE BZHIN DU RAB TU DRO BA DANG LDAN PAR 'GYUR RO, ,RDE'U'I DBYIBS KYANG BSE SHING GI 'BRAS BU'I DBYIBS DANG 'DRA LA, RDE'U'I KHA DOG KYANG DMAR SER DU 'DUG CING RTZA GNAG PA YIN NO, ,BAD KAN GYIS BSIL LCI BA DANG, ,LGANG PA'I NANG DU ZUG CING NA, ,RDE'U CHE ZHING 'JAM PA LA, ,SBRANG RTZI'I MDOG GAM YANG NA DKAR, ,ZHES BYA BA LA; BAD KAN LAS GYUR PA'I RDE'U CHAGS PAS NI REG NA BSIL BA DANG RANG BZHIN LCI BA DANG, LGANG PA'I NANG LAG PAS MNYES SHING BTZUGS PA LTAR NA BA LA SOGS PA YIN NO, ,'DI DAG BYIS PA RNAMS LA NI, ,PHAL CHER 'BYUNG BAR 'GYUR BA YIN, ,GNAS DANG
, ,SHA NI CHUNG BA'I PHYIR, ,BZUNG DANG DBYUNG BA BDE BA YIN, ,ZHES BYA BA LA, RDE'U CHAGS PA GSUM PO 'DI DAG NI PHAL CHER RAM, MANG DU BYIS PA RNAMS LA 'BYUNG BAR 'GYUR BA YIN NO, ,DE YANG BYIS PA RNAMS LA 'BYUNG BA NI RDE'U BZUNG BA DANG DBYUNG BA BDE BA YIN NO, ,CI'I PHYIR ZHE NA, GNAS DANG SHA CHUNG BA'I PHYIR TE, LGANG PA CHUNG BA NYID KYI PHYIR DANG, SHA CHUNG ZHING SRAB PA'I PHYIR BZUNG BA DANG, DBYUNG BA GNYIS KA BDE BA YIN NO, ,MI CHEN KHU BA LAS BYUNG RDE'U, ,KHU BA BKAG PAS 'BYUNG BAR 'GYUR, ,GNAS LAS 'PHOS PA PHYIR MA BYUNG, ,RLIG PAR GNAS PA RLUNG GIS NI, ,SKAMS NAS NYE BAR BSDUS GYUR PA, ,DE NI KHU BA RDE'U CHAGS YIN, ,LGANG PAR GCIN NI SRI BYED CING, ,TSA ZHING SKRANG PAR BYED PA YIN, ,ZHES BYA BA LA, MI CHEN PO LTA BU LAS BYUNG BA'I RDE'U 'BYUNG BAR 'GYUR LA, DE YANG KHU BA BKAG PA'I GZHI LAS BYUNG LA, DE YANG KHU BA GNAS LAS 'PHOS PAR GYUR CING, NYAL PO SPYAD PA'I BAR CHAD DU GYUR PAS, PHYI MA LAM LOG PAR SONG BA DE RLIG PA DAG GI BAR NA GNAS PAS NA, RLUNG GIS BSDUS TE KHU BA DE SKAMS NAS GONG POR BYAS PA DE NI KHU BA'I RDE'U CHAGS PA ZHES BYA LA, DE YANG LGANG PAR GCIN SRI BA LA SOGS PAR BYED CING RLIG PA SKRANG BAR BYED PA YIN NO, ,DE NI SKYES MA THAG TU NI, ,KHU BA ZHU STE SLA BAR 'GYUR, ,ZHES BYA BA LA, RDE'U SKYES MA THAG RING PO MA LON PAR KHU BA ZHU ZHING SLA BAG TU 'BYUNG BAR 'GYUR RO; ,PHYOGS DER MNAN NA ZHU BAR BYED, ,CES BYA BA LA, RDE'U DE PHYOGS GANG DU CHAGS PA'I PHYOGS DER MNAN PA TZAM GYIS ZHU ZHING 'BYUNG BAR 'GYUR RO, ,RDE'U GSEG MA LTA BUR GNAS, ,RLUNG GIS PHYE MAR BSHIG GYUR PA, ,DE 'DIR TSUL BZHIN 'BYUNG ZHES BYA, ,GCIN DANG LHAN CIG PHYIR 'BYUNG 'GYUR, ,LUGS BZHIN MI 'BYUNG RDE'U CHAGS, ,ZHES BYA BA LA, KHU BA RDE'U CHAGS PA RLUNG GIS PHYE MAR BSHIG PA NI, GSEG MA LTA BU ZHES BYA STE GSEG MA PHYE MA LTA BU DE RLUNG TSUL BZHIN DU 'BYUNG BAR 'GYUR BAS NI GCIN DANG LHAN CIG PHYIR 'BYUNG
BAR 'GYUR LA, RLUNG LUGS BZHIN MI 'BYUNG STE, 'KHYIL NA NI RDE'U CHAGS PAR BYED KYI, GCIN DANG LHAN CIG PHYIR 'BYUNG BAR MI BYED DO, ,GCIN NI BKAG PAR BYAS GYUR PAS, ,RLUNG GIS LGANG BA'I KHA BKAG NAS, ,GCIN 'GAGS NA ZHING G-YA' BAR 'GYUR, ,ZHES BYA BA LA; SKYES BUS GCIN 'BYUNG BA NAN GYIS BKAG PAR GYUR PAS DE'I SKYON GYIS RLUNG GIS LGANG PA'I SGO BKAG NAS GCIN 'GAGS SHING G-YA' BA'I NAD SKYED PAR 'GYUR RO, ,LAN 'GA' RANG GNAS LAS SPANGS NAS, ,LGANG PA RGYAS TE KHA CHE ZHING, ,MNGAL 'DRA SBOM ZHING LOG PAR 'DUG ,DER NI NA ZHING TSA BAR BYED, ,'PHAR ZHING GCUS PA SNYAM DU SEMS, ,THIGS PA TZAM DU 'DZAG PA DANG, ,LGANG BTZIR RGYUN NI 'BYUNG BAR 'GYUR, ,RNAM PA GNYIS PO 'DI DAG NI, ,RLUNG GI LGANG PA'I NAD CES BYA, ,GSO DKA' GNYIS PA RLUNG GI YIN, , MTHU CHE SHIN TU GSO DKA' YIN, ,ZHES BYA BA LA, YANG RLUNG LAN 'GA' STE, TSE 'DI 'AM, TSE RABS GZHAN GYI RGYU'I DBANG GIS RANG GI 'DUG PA'I GNAS LAS SPANGS SHING BSKYOD DE, LGANG PA DE RGYAS PAR BYAS NAS KHA'I ZHENG CHE BA MNGAL 'DRA BA DANG, SBOM ZHING LOG PAR 'DUG PA RANG GI TSAD LAS CHE LA GNAS LAS 'PHOS TE LOG PAR 'DUG PAR GYUR NA LGANG PA DER NA BA LA SOGS PAR 'GYUR LA, GCIN THOGS PA TZAM DU NYUNG ZHIG 'DZAG PAR 'GYUR LA, LGANG PA BTZIR NA RGYUN DU 'BAB CING 'BYUNG BAR 'GYUR RO, ,DE LTAR RNAM PA GNYIS PO DE DAG NI RLUNG LAS GYUR PA'I LGANG PA'I NAD CES BYA BA'O, ,DE NI GSO DKA' BA YIN LA, DE GNYIS LAS KYANG GNYIS PA NI RLUNG SHAS CHE BA'I PHYIR SHIN TU YANG GSO DKA' BA YIN NO, ,BSHANG LAM DANG NI LGANG PA YI, ,BAR NA RLUNG NI BRTEN GYUR PA, ,GTUN 'DRA SRA ZHING MTHO BA DANG; ,MI 'GYUR GNAS BYED MDUD PA CAN, ,RLUNG NAD GTUN 'DRA DE SBOS BCAS, ,BSHANG GCI 'PHYEN NI 'GAG BYED YIN, ,ZHES BYA BA LA, BSHANG BA'I LAM DANG GZHANG DANG LGANG PA'I BAR NA RLUNG BRTEN ZHING GNAS PAR 'GYUR BA DE NI GTUN 'DRA ZHING DE'I RNAM PA CAN
, ,YIN LA, GZHAN YANG MTHO ZHING MTHUG LA MI 'GYUR BAR GNAS PA'I MDUD PA CAN LTA BU DE NI LTO SBOS PA DANG BCAS PA'I NAD SKYED PAR 'GYUR RO, ,LOG RGYU 'KHYIL BAR BYED PA YI, ,RLUNG GIS CHU SOR MI BZAD GZER, ,GCIN LA ZHUGS TE 'KHYIL BYED CING, ,RENGS BYED LCI ZHING GCUS SNYAM BYED, ,GCIN NI NYUNG SHAS NYUNG SHAS 'BYUNG, ,YANG NA BSHANG GCI GTONG TSE 'BYUNG, ,'DI NI RLUNG NAD 'KHYIL BA YIN, ,ZHES BYA BA LA, RLUNG THUR DU RGYU BA'I LAM 'GAGS TE 'KHYIL NAS ZLUM POR GNAS PA DE CHU SOR BRTEN PAR GYUR NA, MI BZAD PA'I GZER BSKYED DE GCIN LA ZHUGS NAS GCIN DE 'KHYIL ZHING SRI BAR BYED PA LA SOGS PA'I TSUL BYED PA'AM, YANG NA GCIN NYUNG SHAS NYUNG SHAS 'DZAG PAR 'GYUR RO, ,DE LTA BU'I RLUNG LAS GYUR PA'I GCIN NAD DE NI 'KHYIL PA ZHES BYA BA YIN NO, ,GCIN NI YUN RING BKAG GYUR PA, ,SRI ZHING 'BYUNG BAR MI 'GYUR LA, ,GCIN THON NAS NI NAD TSABS 'BRI, ,ZHES BYA BA LA, YANG GCIN YUN RING ZHIG BKAG CING BRNAG PAR GYUR PA NI PHYIS GTONG BA'I TSE SRI ZHING BDE BLAG TU 'BYUNG BAR MI 'GYUR LA DE NI GCIN THON NAS NAD TSABS 'BRI BA'I GCIN NAD CES BYA'O, ,GCIN BKAG PA YIS GNOD GYUR PA, ,GANG TSE RLUNG GIS BZLOG GYUR PA, ,LTE BA'I 'OG NAS LTE BA'I BAR, ,GCIN GYIS GANG GYUR DE YI TSE, ,RAB TU NA ZHING SBO PA DANG, ,ZAS MI ZHU ZHING ME DROD 'GAGS, , DE NI LTOR GCIN 'GAGS ZHES BYA, ,ZHES BYA BA LA, GCIN BKAG CING BRNAG PA'I SKYON GYIS NAD DU GYUR PA DE NI DUS GANG GI TSE RLUNG GIS GYEN DU BZLOG PAR GYUR PA'I TSE LTE BA'I 'OG NAS LTE BA'I BAR DU NA BA LA SOGS PA'I NAD SKYED PAR 'GYUR TE, DE NI LTE BAR GCIN 'GAGS PA ZHES BYA'O, ,GCIN 'BYUNG BU GA 'CHUS PA 'AM, ,RLUNG GIS BKAG NAS GCIN NYUNG 'BYUNG, ,LGANG PA MTSAN SBUBS NOR BUR NI, ,GNAS NAS DE 'OG RIM GYIS 'DZAG ,NAD BCAS PA'AM NAD MED PA, ,GCIN NI CHAD DANG BCAS PAR 'BYUNG, ,LHAG MA
LUS TE MTSAN LCI YIN, ,ZHES BYA BA LA, GCIN 'BYUNG BA'I BU GA 'CHUS PA LA SOGS PA'I SKYON NAM, YANG NA RLUNG GIS BKAG PAS GCIN NYUNG DU 'BYUNG ZHING SRI BAR 'GYUR BA DANG, DE YANG LGANG PA'AM MTSAN GYI SBUBS SAM, PHO MTSAN GYI RTZE MO NOR BU ZHES BYA BA LA GNAS NAS RIM GYIS 'DZAG PAR 'GYUR ZHING, DE NAD DANG BCAS PA'AM NAD MED PAR GCIN CHAD CING SRI BAG DANG BCAS PAS 'BYUNG LA, 'BYUNG BA'I LHAG MA LUS PAS DE MTSAN LCI BAR 'GYUR BA YIN TE PHO MTSAN KHONG LCI BA'O, ,LGANG PA'I KHA NANG ZLUM ZHING SRA, ,CUNG ZHIG 'PHRAL DU 'BYUNG 'GYUR NA, ,GCIN SOGS RDE'U LTA BU NI, ,GCIN GYI MDUD PAR DE BSHAD DO, ,ZHES BYA BA LA, LGANG PA'I KHA'I NANG ZLUM POR GNAS LA SRA BAR GYUR CING CUNG ZHIG 'PHRAL DU 'BYUNG LA, DE LTA BU'I NAD DE NI RDE'U SA 'OG GAS PA LTA BUR NA LA; MTSAN MA DE LTA BUR NA BA LA NI GCIN GYI MDUD PA ZHES BYA'O, ,GCIN SNYOMS PA LAS NYAL PO BYAS, ,RLUNG GIS KHU BA BSKYOD GYUR PA, ,GNAS LAS BSKYOD CING GCIN GTONG CHE, ,SNGON NAM PHYI NAS THAL CHU DANG, ,MDOG 'DRA 'BYUNG BAR 'GYUR BA YIN, ,KHU BA 'DRES PAR DE BSHAD DO, ,ZHES BYA BA LA, GCIN SNYOMS SHING 'BYUNG BAR 'DOD PA DANG, SKYES PAS BUD MED LA NYAL PO BYAS NAS RLUNG GIS KHU BA BSKYOD CING G-YOS PAR GYUR PAS GNAS LAS BSKYOD CING 'PHOS PAR GYUR PA DE GCIN GTONG PA'I GCIN GYI SNGON DU 'AM GCIN GYI PHYI NAS THAL CHU DANG MDOG 'DRA BAR GYUR PA DE NI KHU BA DANG GCIN 'DRES PA ZHES BYA'O, ,RTZUB CING SKEM LA RLUNG GIS NI, ,GANG TSE RTUG SKAM NAD GYUR PA, ,GCIN 'BYUNG BU GAR SONG NAS NI, ,BSHANG BA DANG 'DRES DE YI TSE, ,GCIN NI BSHANG BA'I DRI CAN 'BYUNG, ,BSHANG BA 'GAGS PAR DE BSHAD DO, ,ZHES BYA BA LA, SKYES BU KHONG RTZUB CING SKEM POR GYUR PA DAG RLUNG GI NAD KYIS GANG GI TSE RTUG SKAM GYI NAD DU 'GYUR ZHING GYEN DU BSKYUR BAR GYUR PA NA, DE'I TSE GCIN 'BYUNG BA'I BU GAR SONG ZHING KUN TU KHYAB PA DANG, BSHANG BA DANG GCIN 'DRES
, ,PAR GYUR LA, DES NA GCIN DE BSHANG BA'I DRI MA CAN DU 'GYUR ZHING 'BYUNG LA, DE LTA BU'I GCIN SRI BA DE NI BSHANG BA 'GAGS PA'I GCIN SRI BA ZHES BYA BAR BSHAD DO, ,MKHRIS PA DRAG SHUL KHA ZAS NI, ,RNO TSA NYI TSAN LA SOGS KYIS, ,'PHEL ZHING RLUNG NI ZHUGS GYUR PA, ,LGANG PA'I NYEN KOR TSA ZHING NA, ,GCIN NI SER POR 'GYUR BA'AM, ,YANG NA KHRAG BCAS KHRAG NYID 'BYUNG, ,TSA ZHING SRI LA YANG YANG 'BYUNG, ,DE NI TSA RLUNG ZHES BYAR BSHAD, ,CES BYA BA LA, MKHRIS PA'I SHAS CHE ZHING RTZOL BA DRAG PO LA SOGS PAS RLUNG ZHUGS PAS BSKYOD PAR GYUR PA LA NI LGANG PA'I NYEN KOR TSA BA LA SOGS PA'I NAD 'BYUNG STE, DE NI GCIN SRI BA'I TSA RLUNG ZHES BYA BA YIN NO, ,RTZUB CING LUS NI RMYA BA YI, ,LGANG PAR GNAS PA'I MKHRIS PA RLUNG, ,GCIN ZAD TSA DANG NA BAR BCAS, ,SKYED PA DE YANG DE SKAD BSHAD, ,BAD KAN MKHRIS PA GNYIS KA LA, ,RLUNG GIS BSKYOD PAR GYUR NA NI, ,DE TSE GCIN SRI SER BA DANG, ,DMAR ZHING DKAR LA SKA BA 'BYUNG, ,DE NI TSA BCAS GI WANG NGAM, ,DUNG GI PHYE MA'I MDOG 'DRA 'AM, ,YANG NA SKAM ZHING MDOG KUN LDAN, ,DE NI GCIN NYAMS NAD DU BSHAD, ,CES BYA BA LA, SKYES BU KHONG RTZUB CING LUS RMYA ZHING NYAM CHUNG BAR GYUR PA LA, GANG GI TSE LGANG PAR GNAS PA'I MKHRIS PA DANG, RLUNG GNYIS NI GCIN ZAD PA LA SOGS PA SKYED PAR BYED DE, DE YANG MKHRIS PA DANG RLUNG LAS GYUR PA'I GCIN SRI BA'I NAD CES BYA BAR DE SKAD DU BSHAD DO, ,YANG GANG GI TSE MKHRIS PA DANG BAD KAN GNYIS LA YANG RLUNG GIS BSKYOD CING G-YOS PAR GYUR PA DE'I TSE, GCIN SHAS CHER SRI ZHING KHA DOG SER PO LA SOGS PA DANG BCAS PAR 'GYUR RO, ,DE YANG TSA BA DANG BCAS SHING GI WANG LA SOGS PA GANG YANG RUNG BA'I MDOG GAM, YANG NA SKAM ZHING MDOG THAMS CAD DANG LDAN PAR 'BYUNG STE, DE NI GCIN NYAMS PA'I NAD BRGYAD PA'I SNYING PO BSDUS PA'I RNAM PAR 'GREL PA TSIG GI DON 'GAGS LAS BYUNG BA'I, ,MTSAN NYID RGYA CHER BSHAD NAS NI, ,
DE 'OG GCIN SNYI LAS BYUNG BA'I, ,NAD GZHI'I MTSAN NYID BSHAD PA YIN, ,ZHES BYA BA LA, DE LTAR JI SKAD DU BSHAD PA'I TSUL GYIS SNGAR RNAM PAR SPYAD PA'I TSUL GYIS GCIN 'GAGS SHING SRI BA LAS BYUNG BA'I NAD KYI MTSAN NYID RGYA CHER BSHAD CING BSTAN NAS, ,DE'I 'OG TU GCIN SNYI ZHING 'DZAG PA LAS BYUNG BA'I NAD GZHI'I MTSAN NYID DRANG SRONG RNAMS KYIS BSHAD PA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, NAD GZHI'I GNAS KYI LE'U DGU PA'I RNAM PAR 'GREL PA'O,, ,,DE NAS GCIN SNYI BA ZA KHU'I NAD DMIGS BSHAD PAR BYA'O, ,ZHES BYA BA LA, 'DI BRTZAMS PA'I 'BREL PA NI, DE 'OG GCIN SNYI BA LAS BYUNG BA'I NAD GZHI'I MTSAN NYID BSHAD PA YIN NO ZHES GZHUNG RTZOM PA NYID KYIS BSHAD PA LAS SHES PAR BYA'O, ,GCIN SNYI'I NAD NI NYI SHU STE, ,ZHES BYA BA LA, GCIN SNYI BA'I NAD NI NYI SHUR 'GYUR RO, ,STE ZHES BYA BA NI TSIG GI LHAG MA'O, ,DE LA BAD KAN LAS GYUR BCU, ,MKHRIS PA LAS DRUG RLUNG GYUR BZHI, , ZHES BYA BA LA, DE LA GCIN SNYI BA'I NAD NYI SHU LAS, GCIN NAD ZA KHU BCU NI BAD KAN LAS GYUR PA YIN TE, CHU 'DRA BA DANG, BU RAM SHING GI KHU BA 'DRA BA DANG, GAR PO DANG, CHANG 'DRA BA DANG, 'BRAS BTAGS PA'I CHU 'DRA BA DANG, KHU CHU 'DRA BA DANG, BYE MA LTA BU DANG, BSIL MO DANG, BAGS KYIS 'BYUNG BA DANG, KHA CHU LTAR 'BYUNG BA'I ZA KHU ZHES BYA'O, ,MKHRIS PA LAS GYUR PA NI DRUG STE, NAS TSIG 'KHUS PA'I THAL CHU 'DRA BA DANG, SNGON PO DANG, NAG PO DANG, SKYER PA 'DRA BA DANG, BTZOD KHU 'DRA BA DANG, KHRAG 'DRA BA STE RNAM PA DRUG YIN NO, ,RLUNG LAS GYUR PA NI BZHI STE, ZHAG DANG, RKANG DANG, GLANG PO CHE'I ZA KHU DANG, SBRANG RTZI LTA BU'I GCIN SNYI BA'I NAD DO, ,DE RNAMS TSIG GCIN BAD KAN SKYED, ,ZAS DANG SKOM GYI TSUL LAS NI, ,PHAL CHER DE DAG 'BYUNG BAR BYED, ,MNGAR
, ,DANG SKYUR DANG LAN TSVA DANG, ,LCI ZHING 'BYIL LA BSIL BA DANG, ,'BRU MAR CHANG DANG GSHER BA'I SHA ,DAR BA BU RAM BU RAM SHING, ,GNAS GCIG STAN GCIG LA RTAG GNAS, ,MAL STAN CHO GAR MI LDAN LA, ,BRTEN NAD GCIN SNYI'I NAD SKYED BYED; ,CES BYA BA LA, GCIN SNYI BA'I NAD NYI SHU PO DE DAG NI LAS DANG KHA ZAS DANG, SPYOD TSUL DANG GCIN DANG BAD KAN SKYED PAR BYED PA DE LAS BYUNG ZHING, PHAL CHER TE MANG DU DE DAG 'BYUNG ZHING, GCIN SNYI BA'I NAD SKYED PAR BYED PA'I RGYU YIN LA, GZHAN YANG MNGAR BA NAS BU RAM SHING GI BAR GYI DNGOS PO MING GIS SMOS PA'I ZAS DANG SKOM YANG DE 'BYUNG BAR BYED PA YIN LA, SPYOD LAM GYI RNAM PA GNAS GCIG DANG STAN GCIG LA RTAG TU GNAS PA LA SOGS PA'I BYA BA DES BSKYED PAR GTOGS PA DANG, MAL STAN CHO GA DANG MI LDAN PA STE STAN RLAN CAN DANG GRANG BA LA SOGS PA'I LAM NA GNAS PA LAS GCIN NAD SKYED PAR BYED PAR 'GYUR RO, ,BAD KAN 'KHRUGS PAS LGANG BAR GCIN, ,SNYI 'GYUR LUS GSHER RNGUL TSIL DANG, ,SHA GLONGS LGANG PAR BRTEN GCIN SNYI, ,MKHRIS PAS KHRAG KYANG ZAD BYAS NAS, ,BAD KAN SOGS ZAD GCIN NAD SKYED, ,CES BYA BA LA, BAD KAN 'KHRUGS PAR GYUR PA LAS LUS KYI GSHER BA GA DANG RNGUL LA SOGS PAS GLONGS SHING GNOD PAR BYAS LA, KHRAG KYANG ZAD PAR BYAS NAS BAD KAN LAS GYUR PA YANG ZAD PAR BYAS TE; GCIN LA GNAS PA'I MKHRIS PAS GCIN NAD ZA KHU SKYED PAR BYED DO, ,RLUNG 'KHRUGS PA DANG DE ZAD LAS, ,LUS ZUNGS LGANG PAR 'KHUS TE SKYED, ,CES BYA BA LA, LUS ZUNGS RNAMS LA RLUNG 'KHRUGS SHING LDANG BA DANG, MKHRIS PA LA SOGS PA ZAD PAS DANGS MA LA SOGS PA'I LUS ZUNGS LUS KYI BCUD DU GYUR PA LGANG PAR 'KHUS SHING 'DUS PAR BYAS NAS GCIN SNYI BA'I NAD SKYED PAR BYED DO, ,DE BYUNG GSO BYA 'TSO TZAM DANG, ,SPANG BYA GCIN NAD RNAM GSUM 'GYUR, ,MDOR NA MI MTHUN BYA BA DANG, ,NAD DMIGS
CHEN PO NYID KYIS 'BYUNG, ,ZHES BYA BA LA, BAD KAN DANG MKHRIS PA DANG RLUNG DE DAG LAS BYUNG BA'I GCIN SNYI BA'I NAD NI GSO BAR BYA BA DANG, RE ZHIG 'TSO BA TZAM DU GNAS PA DANG SPANG BAR BYA BA STE, RNAM PA GSUM DU 'GYUR LA, DE YANG MDOR NA MI MTHUN PAR BYA BA STE, GANG GI PHYIR SNUM PA LA SOGS PA RLUNG NAD LA PHAN PA DE NI BAD KAN LA GNOD LA, GANG KHA BA DANG BSKA BA LA SOGS PA BAD KAN LA PHAN PA DE NI RLUNG LA GNOD DO, ,DE BZHIN DU MKHRIS PA LA PHAN PA BSIL BA DANG, MNGAR BA DAG NI RLUNG DANG BAD KAN LA GNOD DE, GZHAN YANG NAD DMIGS CHEN PO'I DPYAD KYIS KYANG 'BYUNG STE, MI MTHUN PA GSO BAS LUS ZUNGS ZAD CING SKEM PA'I LUS 'JIG PAR BYED PA'I NAD DMIGS CHEN PO'I TSUL GYIS KYANG 'BYUNG NGO, ,DE RNAMS KYI NI SPYI'I MTSAN NYID, ,GCIN NI RNYOG MA CAN DU 'BYUNG, ,GNOD DANG GNOD BYA KHYAD MED KYANG, ,DE DUS KHYAD PAR NYID DANG NI, ,GCIN GYI MDOG SOGS DBYE BA YIS, ,GCIN SNYI'I DBYE BA BRTAG PAR BYA, ,ZHES BYA BA LA, GCIN NAD DE THAMS CAD KYI SPYI'I MTSAN NYID DANG, RTAGS NI GCIN RNYOG MA CAN DUL DUL PO MANG DU 'BYUNG BAR 'GYUR BA YIN NO, ,GCIN SNYI'I DBYE BA DU MAR 'GYUR BA DE NI 'DUS SHING PHRAD PA'I KHYAD PAR NYID DE, GNOD PA DANG GNOD PAR BYA BA'I 'PHEL 'BRI'I KHYAD PAR NYID DANG, GCIN GYI MDOG DANG RO DANG DRI DANG REG BYA'I KHYAD PAR LAS GCIN SNYI BA'I DBYE BA BRTAG PAR BYA ZHING YONGS SU SHES PAR BYA'O, ,DANG ZHING MANG LA DKAR ZHING BSIL, ,DRING MED CING CHU 'DRA LA, ,GCIN SNYI CHU YI ZA KHU YIN, ,ZHES BYA BA LA, GCIN SNYI BA'I NAD CHU'I ZA KHU ZHES BYA BA NI DANG ZHING RNYOG MA MED PA LA SOGS PA'I KHYAD PAR DANG LDAN PA'I CHU'I RNAM PA DANG 'DRA BA'I GCIN 'BYUNG BAR 'GYUR BA YIN NO, ,CUNG ZAD RNYOG CAN SPYIN BAG CAN, ,BU RAM SHING KHU LTA BUR MNGAR, ,ZA KHU BU RAM SHING KHU YIN, ,ZHES BYA BA LA, GCIN NAD ZA KHU BU RAM SHING KHU LTA BU NI CUNG ZAD RNYOG PA YOD PA LA SOGS PA LA BU RAM SHING
, ,GI KHU BA LTAR SHIN TU MNGAR BA'I GCIN 'BYUNG BA YIN NO, ,ZHAG LON NA NI SKA BAR 'GYUR, ,ZA KHU GAR PO ZHES BYA'O, ,ZHES BYA BA LA, GCIN NAD ZA KHU GAR PO NI GCIN MTSAN MO 'DAS KYI BAR DU MA GCIS PAR BZHAG PA STE SKA BA GAR POR 'BYUNG BA YIN NO, ,STENG NA DANGS MA 'OG NA SKA, ,CHANG 'DRA CHANG GI ZA KHU YIN, ,ZHES BYA BA LA, GCIN NAD CHANG GI ZA KHU ZHES BYA BA LA PHYIR 'BYUNG BA NA STENG GI PHYOGS DANGS MAR GNAS SHING 'OG SKA BAR 'GYUR BA YIN TE, DE LTA BU'I GCIN 'BYUNG BA LA BYA'O; ,BA SPU LDANG ZHING 'BRAS BTAGS 'DRA, ,DKAR ZHING MANG 'BYUNG 'BRAS PHYE 'DRA, ZHES BYA BA LA, GCIN NAD ZA KHU 'BRAS PHYE 'DRA BA NI, GCIN 'BYUNG BA NA BA SPU LDANG ZHING BA SHOR LA, GCIN NYID 'BRAS BTAGS PA 'DRA BA DKAR POR 'BYUNG ZHING MANG DU 'BYUNG BA YIN NO, ,KHU CHU 'DRA BA'AM KHU BA 'DRES, ,KHU BA 'DRA BA'I ZA KHU YIN, ,ZHES BYA BA LA, GCIN NAD ZA KHU KHU CHU 'DRA BA NI GCIN KHU BA DANG BCAS PAR 'BYUNG BA'AM, KHU BA DANG 'DRA BAR GCIS PA LA BYA'O, ,GCIN NI BYE TSIGS DRI MA CAN, ,BYE MA'I ZA KHU ZHES BYA'O, ,ZHES BYA BA LA, GCIN NAD BYE MA'I ZA KHU ZHES BYA BA NI BYE MA'I TSIGS MA 'DRA BAR DRI MA LUS PA'I GZUGS CAN 'DRA BA DAG TU 'BYUNG BA YIN NO, ,GCIN SNYI MANG DU 'BYUNG ZHING BSIL, ,MNGAR BA DE BSIL ZA KHU YIN, ,ZHES BYA BA LA, GCIN NAD BSIL BA'I ZA KHU ZHES BYA BA NI GCIN 'BYUNG BA'I REG PA BSIL ZHING MANG DU 'BYUNG LA, RO MNGAR BA DAG TU 'BYUNG BA YIN NO, ,DAL GYIS NYUNG ZAD NYUNG ZAD 'BYUNG, ,BAGS KYIS 'BYUNG BA'I ZA KHU YIN, ,ZHES BYA BA LA, GCIN NAD BAGS KYIS 'BYUNG BA'I ZA KHU ZHES BYA BA NI GCIN 'BYUNG BA'I RGYUN DAL GYIS NYUNG ZAD NYUNG ZAD DU CHAD CING CHAD CING 'BYUNG BA YIN NO, ,KHA CHU 'DRA BA'I NAL NAL PO, ,'BYIL BAG KHA CHU'I ZA KHU YIN, ,ZHES BYA BA LA, GCIN NAD ZA KHU 'DRA BA NI KHA CHU 'DRA BAR ZA KHU NAL NAL POR 'BYUNG ZHING 'BYAR BAG
CAN DU 'BYUNG BA YIN NO, ,DE LTAR BAD KAN LAS GYUR PA'I GCIN SNYI BA BCUR BSHAD PA YIN NO, ,DRI RO KHA DOG REG BYA NI, ,NAS TSIG 'KHUS 'DRA NAS TSIG CAN, ,ZHES BYA BA LA, GCIN NAD NAS TSIG 'KHUS PA'I THAL BA 'DRA BA NI NAS TSIG 'KHUS PA'I THAL BA'I CHU DANG DRI DANG RO LA SOGS PA 'DRA ZHING MTSUNGS PA LA BYA'O, ,ZA KHU SNGON PO KHA DOG SNGO, ,ZHES BYA BA LA, GCIN NAD ZA KHU SNGON PO ZHES BYA BA NI 'DAB MA SNGON PO'I KHU BA 'DRA BA'I GCIN 'BYUNG BA LA BYA'O, ,ZA KHU NAG PO SNAG TSA 'DRA, ,ZHES BYA BA LA, ZA KHU NAG PO NI SNAG TSA'I MDOG LTAR GCIN NAG PO 'BYUNG BA LA BYA'O, ,GCIN SNYI TSA ZHING MDOG SER BA, ,DE NI SKYER PA 'DRA BA YIN, ,ZHES BYA BA LA, GCIN NAD ZA KHU SKYER PA 'DRA BA NI GCIN TSA ZHING GCIN GYI MDOG SKYER PA'I KHU BA 'DRA BAR 'BYUNG BA YIN NO, ,MNAM ZHING BTZOD KYI KHU BA 'DRA, , BTZOD KYI ZA KHU ZHES BYA'O, ,ZHES BYA BA LA, ZA KHU BTZOD 'DRA BA ZHES BYA BA NI DRI MNAM ZHING BTZOD KYI KHU BA 'DRA BA MNAM PA'I GCIN 'BYUNG BA LA BYA'O, ,DRI NGA TSA ZHING LAN TSVAR BCAS, ,KHRAG 'DRA KHRAG GI ZA KHU YIN, ,ZHES BYA BA LA, ZA KHU KHRAG 'DRA BA NI DRI NGA ZHING MNAM LA TSA TZEG TZEG BYED PA DANG, CUNG ZAD LAN TSVA BRO BA DANG, KHRAG GE MDOG 'DRA BAR 'BYUNG BA YIN TE, DE LTAR NA MKHRIS PA LAS GYUR PA'I GCIN SNYI BA'I NAD DRUG BSHAD PA YIN NO, ,ZHAG GI ZA KHU ZHAG DANG 'DRES, ,ZHAG NYID GCIN DU 'BYUNG BA YIN, , ZHES BYA BA LA, ZA KHU ZHAG 'DRA BA NI ZHAG 'DREN MAR 'BYUNG BA'AM, ZHAG NYID GCIN GYI RNAM PAR 'BYUNG BA YIN NO, ,RKANG 'DRES PA'AM RKANG NYID NI, ,YANG DANG YANG 'BYUNG RKANG ZA KHU, ,ZHES BYA BA LA, ZA KHU RKANG 'DRA BA ZHES BYA BA NI RKANG DANG 'DRES PA DANG, RKANG NYID YANG DANG YANG DU GCIN DU ZA KHUR 'BYUNG BA NI GCIN NAD RKANG 'DRA BA'I ZA KHU ZHES BYA'O, ,GLANG CHEN MYOS LTAR RGYUN DU NI, ,GCIN SHUGS DAL BAR 'BYUNG 'GYUR LA, ,CHU SER BCAS SHING RNYOG BCAS 'BYUNG, ,GLANG CHEN ZA KHU ZHES BYA'O, ,ZHES BYA BA LA,
, ,GLANG PO CHE'I ZA KHU NI GLANG PO CHE DREGS PAS MYOS PA LTAR RGYUN DU 'BYUNG ZHING GCIN GYI SHUGS DAL GYIS 'DZAG CING 'BYUNG BAR 'GYUR LA, CHU SER DANG BCAS PAR 'BYUNG ZHING 'DZAG PAR 'GYUR BA LA BYA'O, ,SBRANG RTZI'I ZA KHU SBRANG RTZI 'DRA, ,ZHES BYA BA LA; ZA KHU SBRANG RTZI 'DRA BA ZHES BYA BA SBRANG RTZI DANG 'DRA ZHING RO YANG BSKA BA DANG MNGAR BAR 'BYUNG BA YIN NO, ,DE NI RNAM PA GNYIS SU 'GYUR, ,LUS ZUNGS ZAD PAS RLUNG 'KHRUGS PA 'AM, ,NAD KYIS RTZA SBUBS BKAG STE 'BYUNG, ,ZHES BYA BA LA, SBRANG RTZI 'DRA BA'I ZA KHU DE NI RNAM PA GNYIS SU 'BYUNG BAR 'GYUR RO ZHES GRAGS TE, LUS ZUNGS RNAMS ZAD PA LAS, RLUNG 'KHRUGS PAS NAD DU GYUR BA NI RNAM PA GCIG YIN NO, ,YANG NA NAD GZHI GSUM GANG YANG RUNG BAS RTZA SBUBS BKAG STE, RLUNG RGYUR MA STER BA LAS BYUNG BA NI RNAM PA GNYIS YIN NO, ,NAD KYIS BKAG PA'I MTSAN MA DAG ,DE NI RGYU MED PAR 'BYUNG ZHING, ,SKAD CIG ZAD STONG GANG 'GYUR BA, ,GSO BAR DKA' BA NYID DU 'GYUR, ,ZHES BYA BA LA, ZA KHU SBRANG RTZI 'DRA BA ZHES BYA BA DE RLUNG LA SOGS PA'I NAD KYIS LGANG PA'I KHA BKAG CING, SBU GU 'GAGS PAR BYAS PA'I MTSAN MA 'AM, RTAGS NI 'BYUNG ZHING SKYE BA'I RGYU MED PAR SKAD CIG CING STONG PAR 'GYUR LA, STONG PA NYID LAS KYANG CHED 'GA' 'GENGS SHING GANG BA LTA BUR SNANG BAR 'GYUR TE, DE NI GSO BAR DKA' BA NYID YIN NO, ,THAMS CAD DUS SUM BCOS NA, ,SBRANG RTZI 'DRA BA'I ZA KHUR 'GYUR, ,GANG ZHIG THAMS CAD MNGAR 'GYUR BAS, ,PHAL CHER SBRANG RTZI'I ZA KHU YIN, ,SBRANG RTZI'I ZA KHU ZHES BYA KUN, ,MNGAR BA LAS NI BSHAD PA YIN, ,ZHES BYA BA LA, GCIN NAD ZA KHU THAMS CAD KYANG SBRANG RTZI'I ZA KHU ZHES BYA STE, CI'I PHYIR ZHE NA, DE THAMS CAD DUS SU MA BCOS SHING MA GSOS NA SBRANG RTZI 'DRA BA'I ZA KHUR 'GYUR BA DANG, YANG GANG ZHIG GCIN NAD THAMS CAD MNGAR BA'I BAG LAS MNGAR
BA LAS 'GYUR ZHING, PHAL CHER SBRANG RTZI LTA BU'I MDOG CAN YIN PAS SBRANG RTZI'I ZA KHU ZHES BYA BA'I SGRAR BSHAD DO, ,ZAS MI 'JU ZHING YI GA 'CHUS, ,SLON LUD GNYID CHE CHAM PAS 'DEBS, ,BAD KAN LAS BYUNG ZA KHU LA, ,BLA BRNAN DE DAG 'BYUNG BAR 'GYUR, ,ZHES BYA BA LA, BAD KAN LAS BYUNG BA'I ZA KHU LA NI ZAS MI 'JU BA LA SOGS PA'I BLA BRNAN 'BYUNG BAR 'GYUR RO, ,PHO MTSAN LGANG PAR ZUG PA DANG, ,RLIG 'BRAS BYE ZHING RIMS KYIS 'DEBS, ,TSA SKYUR SKOM DAD BRGYAL DANG 'KHRUGS, , MKHRIS PA LAS GYUR BLA BRNAN YIN, ,ZHES BYA BA LA, MKHRIS PA LAS GYUR PA'I GCIN NAD LA NI PHO MTSAN DANG LGANG PA'I PHYOGS SU KHAB KYIS PHUG PA LTAR ZUG PA DANG, RLIG 'BRAS BYE BAR 'GYUR BA LA SOGS PA'I BLA BRNAN 'BYUNG BAR 'GYUR RO, ,RLUNG LAS SKYES PA'I SNYING 'PHAR ZHING, ,LUS 'DAR SNYING NA ZAS LA BRKAM, ,GZER ZHING GNYID MED SKEM PA DANG, ,LUD PA DBUGS MI BDE BA 'BYUNG, ,ZHES BYA BA LA, RLUNG LAS GYUR PA'I ZA KHU'I NAD LA NI SNYING 'PHAR PA LA SOGS PA'I BLA BRNAN 'BYUNG BAR 'GYUR RO, ,KHAM PHOR RUS SBAL 'DRA BA CAN, ,SGU PO ME DPAL PHRA MO DANG, ,SRAN CHUNG 'DRA DANG YUNGS KAR 'DRA, ,BU BCAS 'BYUNG DANG BI DA RI, ,KHONG 'BRAS ZHES BYA'I 'BRAS 'BRUM BCU, ,GCIN NAD MA BCOS PA LAS 'BYUNG, ,TSIGS DANG GNAD DANG SHA CHE BA'I, ,SROG GI GNAS SU 'BYUNG BAR 'GYUR, ,ZHES BYA BA LA, GCIN NAD ZA KHU DE MA BCOS PA LAS NI KHAM PHOR 'DRA BA LA SOGS PA'I 'BRAS KYI NAD BCU PO 'BYUNG BAR 'GYUR LA, DE YANG KHYAD PAR DU NI TSIGS DANG GNAD RNAMS DANG, SHA CHE BA LA SOGS PA SROG GI GNAS SU 'BYUNG ZHING SKYE BAR 'GYUR RO, ,MTHA' MA MTHO ZHING DBUS MA DMA', ,GNAG CING RNAG DANG NAD BCAS PA, ,DBYIBS DANG TSAD NI KHAM PHOR 'DRA, ,NOR BU KHAM PHOR ZHES BYA'O, ,ZHES BYA BA LA, 'BRAS GANG MTHA' MA KUN NAS MTHO ZHING
, ,DBUS MA DMA' BAR 'DUG PAS KHAM PHOR GYI DBYIBS 'DRA LA, KHA DOG GNAG CING RNAG DANG NAD DU BCAS PA NI 'BRAS SAM THOR BU KHAM PHOR LTA BU ZHES BYA'O, ,NANG DU ZUG CING NA BYED LA, ,NYE 'KHOR DAG TU CHER MCHED CING, , 'JAM ZHING RUS SBAL RGYAB 'DRA BA'I, ,'BRAS NAD RUS SBAL CAN ZHES BYA, ,ZHES BYA BA LA, RUS SBAL CAN ZHES BYA BA'I 'BRAS NAD NI NANG DU SHAS CHER ZUG CING NA BAR BYED LA, RTZA'I NYE 'KHOR DU MCHED CING SBOM PA LA SOGS PA'I KHYAD PAR DANG LDAN PA YIN NO, ,SRA ZHING RTZA YI DRA BA CAN, ,SNUM ZHING 'DZAG LA KHYON CHE BA, ,NA ZHING NANG ZUG BU GA NI, ,PHRA MOR LDAN PA DRA BA CAN, ,ZHES BYA BA LA, THOR BU DU BA CAN ZHES BYA BA NI, SRA ZHING RTZUB PA DANG, RTZA RIS KYI DRA BAS KHEBS PA DANG, SNUM PA LA SOGS PA'I KHYAD PAR DANG LDAN PA YIN NO, ,NANG DU ZUG CING NA LA RNAGS, ,RGYAB BAM LTO BA DAG TU NI, ,THOR BU CHEN PO KHA DOG GNAG ,SGU BOR 'DUG PAS SGU BOR BSHAD, ,CES BYA BA LA, 'BRAS NAD SGUR PO ZHES BYA BA NI, NAD TSABS CHE ZHING NANG DU ZUG LA RNAG KYANG NANG DU RNAGS PA NI, RGYAB LA SOGS PA'I PHYOGS GANG YANG RUNG BAR SKYE BA YIN NO, ,SKYES MA THAG TU PAGS PA TSA, ,SHIN TU NA BYED ME DBAL TE, ,DMAR ZHING GNAG LA GAS PA DANG, ,TSA ZHING RMUGS BYED ME DPAL PHRA, , ZHES BYA BA LA, ME DPAL PHRA MO ZHES BYA BA'I NAD NI SKYES MA THAG GI RJES THOGS NYID LA PAGS PA TSA ZHING BSREGS BA SNYAM DU SEMS LA, SHIN TU NA BA'I ME DPAL KUN TU MCHED PAR BYED CING MDOG DMAR PA LA SOGS PA'I KHYAD PAR DANG LDAN PA YIN NO; ,SRAN CHUNG 'DRA BA'I TSAD DANG DBYIBS, ,MNYAM PAS SRAN CHUNG CAN YIN TE, ,TSAD DANG DBYIBS NI YUNGS KAR 'DRA, ,MYUR DU SMIN ZHING NAD TSABS CHE, ,ZHES BYA BA LA, 'BRUM BU SRAN CHUNG ZHES BYA BA NI TSAD DANG DBYIBS SRAN CHUNG DANG 'DRA BA
YIN NO; ,DE BZHIN DU TSAD DANG DBYIBS YUNGS KAR 'DRA BA'I 'BRUM PHRAN YANG YOD DE, DE NI MYUR DU SMIN ZHING NAD TSABS CHE BA YIN NO, ,YUNGS KAR 'DRA BA'I 'BRUM PHRAN GYIS, ,YONGS SU BSKOR BAS CHU BUR CAN, ,BU BCAS CHE ZHING MANG BA LA; ,RAB PHRA'I 'BRUM BUS KHYAB GYUR PA'O, ,ZHES BYA BA LA, 'BRAS NAD BU BCAS ZHES BYA BA NI YUNGS KAR 'DRA BA'I 'BRUM PHRAN GYIS YONGS SU BSKOR CING, DE BZHIN DU LHUN CHE BA DANG, MANG ZHING SHIN TU PHRA BA DANG, DU MAS KHYAB CING G-YOGS PA YIN NO, ,LDUM BU BI DA RI LTAR ZLUM, ,SRA BA BI DA RI ZHES BYA, ,ZHES BYA BA LA, BI DA RI ZHES BYA BA'I 'BRAS NAD NI LDUM BU BI DA RI ZHES BYA BA'I DBYIBS LTAR ZLUM POR GNAS LA, RDO LTAR SHIN TU SRA BA YIN NO, ,KHONG 'BRAS GZHAN DU BSHAD PA YIN, ,ZHES BYA BA LA, KHONG 'BRAS ZHES BYA BA'I NAD NI SKABS GZHAN DU BSHAD DE, 'DI'I RJES THOGS KYI LE'U LAS BSHAD PA YIN NO, ,DE LA DANG PO'I 'BRAS NAD GSUM, ,BU BCAS DANG NI BI DA RI, ,TSIL CHEN LAS BYUNG BRNAG DKA' YIN, ,ZHES BYA BA LA, DE LA 'BRAS KYI NAD 'DI DAG GI NANG NAS DANG PO'I GSUM PO KHAR THOR ZHES BYA BA DANG, RUS SBAL ZHES BYA BA DANG, DRA BA CAN ZHES BYA BA GSUM DANG, BU BCAS DANG BI DA RI ZHES BYA BA LNGA PO GAL TE TSIL CHE BA'I MI 'BYUNG NA BRNAG PAR DKA' ZHING NAD TSABS CHE BA YIN NO, ,GZHAN DAG MKHRIS PA SHAS CHE ZHING, ,TSIL CHUNG LAS BYUNG BRNAG NUS 'GYUR, ,ZHES BYA BA LA, SNGA MA LAS GZHAN PA'I 'BRAS NAD LHAG MA LNGA PO MKHRIS PA'I NAD LAS BYUNG ZHING, MI TSIL CHUNG BA LAS BYUNG BA YIN NA, DE NI BRNAG NUS SHING NAD TSABS CHUNG LA GSO SLA BA YIN NO, ,DE RNAMS NAD SHAS JI LTAR CHE'I, ,GCIN SNYI BA YI DBANG LAS 'BYUNG, ,ZHES BYA BA LA, 'BRAS BU'I NAD DE RNAMS NI GCIN SNYI
, ,BA'I NAD KYI DBANG LAS BYUNG ZHING, RANG RANG GI NAD JI LTAR SHAS CHE BA BZHIN DU DE'I RNAM PAR 'BYUNG BAR 'GYUR RO, ,BAD KAN GYI ZA KHU LA NI BAD KAN SHAS CHE BAR 'GYUR LA, RLUNG DANG MKHRIS PA SHAS CHE BA'I ZA KHU LAS KYANG RLUNG DANG MKHRIS PA'I 'BRAS NAD DU 'GYUR RO, ,'DI DAG ZA KHU MED PAR NI, ,GNOD GYUR TSIL LAS 'BYUNG 'GYUR TE, ,JI SRID DNGOS PO MI SNANG BA, ,DE SRID SHES PAR MI 'GYUR RO, ,ZHES BYA BA LA, THOR DU'I NAD 'DI DAG NI ZA KHU'I NAD MED PAR MI TSIL CHES PA LAS NAD DU GYUR PA DAG LAS 'BYUNG BAR 'GYUR TE, DE NI JI SRID RANG GI DNGOS PO LTO DANG RGYAB LA SOGS PA GSAL POR MI SNANG BA DE SRID KYI BAR DU SHES SHING RTOGS PAR MI 'GYUR RO, ,KHA DOG LJANG BA'AM DMAR BA'I GCIN, , ZA KHU'I SNGON TSUL MED PA YIS, ,GCIN 'BYUNG GANG DE ZA KHU MIN, ,DE NI KHRAG MKHRIS YIN ZHES BYA, ,ZHES BYA BA LA, GANG ZHIG GCIN GYI MDOG LJANG BA LA SOGS PAR BYUNG LA, SNGON DU BYUNG BA'I TSUL MED PA DE NI ZA KHU'I NAD YIN PAR SLOB DPON GYIS MA BSHAD DE, GCIN NI KHRAG MKHRIS KYI RANG BZHIN CAN YIN PAR SHES PAR BYA'O, ,LUS RDUL YAN LAG MNAM ZHING LHOD PA DANG, ,STAN DANG MAL DANG GNYID KYI BDE LA CHAGS, ,SNYING MIG RNA BA KHA LCE BYUGS SNYAM BYED, ,LUS SBOM SKRA DANG SEN MO RING BA DANG, ,BSIL BAG DGA' ZHING GRE BA RKAN SKAMS SHING, ,KHA NANG RO MNGAR RKANG MTHIL LAG MTHIL TSA, ,GANG DU GCIS PAR GROG MA 'DU 'GYUR BA, ,GCIN NAD ZA KHU'I TSOGS NI PHYIS 'BYUNG TSUL, ,ZHES BYA BA LA; GCIN NAD ZA KHU'I TSOGS NYI SHU PO PHYIS 'BYUNG BAR 'GYUR BA'I RTAGS SAM TSUL SNGON DU 'BYUNG BA NI, LUS LA RDUL 'DZAG PA DANG, YAN LAG DRING ZHING MNAM LA LHOD CING RMYA BA DANG, STAN LA SOGS PA LA 'DUG PA'I BDE BA LA CHAGS SHING
SRED PA DANG, SNYING GA LA SOGS PA LUS KYI BU GA RNAMS SU DRI MA 'PHEL BAS BYUGS SHING RKYANG NUL BYAS PA SNYAM DU SEMS PA DANG, LUS MA THUG CING SBOM PA DANG, DE BZHIN DU SKRA LA SOGS PA SHIN TU RING ZHING 'PHEL BA DANG, BSIL BAG LA DGA' ZHING GRANG BA 'DOD PA DANG, GRE BA DANG RKAN SKAMS PAR 'GYUR BA LA SOGS PA YIN NO, ,ZA KHU SBRANG RTZI'I MDOG 'DRA 'BYIL BA DANG, ,SBRANG RTZI'I RO 'DRA BA LA GNYIS SU RTOG ,LUS BRTAS BAD KAN CAN GYI ZA KHU'AM, ,NYES PA ZAD PAS RLUNG GI BDAG CAN YIN, ,ZHES BYA BA LA, GCIN NAD ZA KHU SBRANG RTZI'I MDOG 'DRA BA LA, LCI ZHING 'BYIL BA SHAL MA LI'I KHU BA 'DRA BAR GNAS PA, SBRANG RTZI'I RO LTAR MNGAR BA LA, SKYES BU BLO DMAN PA DAG TSUL GNYIS SU RTOG CING DPYOD PAR BYED DE, LUS KYI NYAMS BRTAS PAR BYAS PA'I DBANG GIS CI 'DI BAD KAN LAS BYUNG BA YIN NAM, YANG BAD KAN LA SOGS PA'I NYES PA ZAD PAR BYAS PA'I NYAMS DMAD PA LAS BYUNG BA'I RLUNG GI BDAG NYID CAN YIN NO, ,ZHES BLO ZHAN PA DAG RTOG PAR BYED PAR 'GYUR RO, ,SNGON TSUL BCAS PA'I BAD MKHRIS ZA KHU DANG, ,GANG YANG RIM GYIS RLUNG NAD ZA KHUR 'GYUR, ,MKHRIS PA LAS GYUR GANG YIN GSO BAR DKA', ,GAL TE TSIL NAD SHAS CHUNG GYUR GSO SLA, , ZHES BYA BA LA, SNGON BYUNG BA'I TSUL GYIS LUS RNGUL BA LA SOGS PA DANG BCAS PAR 'BYUNG BA'I BAD KAN DANG, MKHRIS PA LAS GYUR PA'I ZA KHU NI GSO DKA' BA YIN LA, DE BZHIN DU GANG YANG RIM GYIS BAD KAN LA SOGS PA LAS 'BYUNG BA'I RLUNG NAD KYI ZA KHU DE YANG GSO DKA' BA YIN NO, ,DE BZHIN DU MKHRIS PA LAS RIM GYIS BYUNG BA'I ZA KHUR GYUR PA NI GSO BAR DKA' BA YIN LA, GSOR RUNG BA NI MKHRIS PA LAS GYUR PA YANG YIN LA, TSIL GYI NAD SHAS CHE BA YANG MA YIN NA
, ,GSO BAR SLA BA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, NAD GZHI'I GNAS KYI LE'U BCU PA'I RNAM PAR 'GREL PA'O,, ,,DE NAS KHONG 'BRAS DANG RGYU RLUGS DANG SKRAN NAD KYI NAD GZHI BSHAD PAR BYA'O, ,ZHES BYA BA LA, GCIN SNYI BA'I NAD GZHI'I LE'U'I SKABS SU SLOB DPON GYIS, KHONG 'BRAS GZHAN DU BSHAD PA YIN, ,ZHES BYA BA LA; DE'I PHYIR 'DI BRTZAMS PA YIN LA, RGYU RLUGS DANG SKRAN NAD DAG DE DANG TSUL MTHUN PAR LE'U 'DI BRTZAMS PA YIN NO, ,KHA ZAS KHENGS BU RAB TSA DANG, ,RTZUB DANG SKAM DANG TSA GYUR ZOS, ,NYAL BA'I SPYOD PA MI BDE BAS, ,KHRAG NAD SKYED 'GYUR DE DANG DES, ,PAGS PA SHA TSIL RUS PA DANG, ,KHRAG DANG CHU BA CHU BA CHE, ,PHYI DANG NANG DU SKRANGS GYUR PA, ,RTZA BA CHE ZHING NAD TSABS CHE, ,ZLUM PA'AM 'JONG PAR GNAS PA GANG, ,KHONG 'BRAS DE NI RNAM PA DRUG ,NAD DMIGS SNA RE 'DUS PA DANG, ,KHRAG DANG SMAS PA LAS BYUNG BA'O, ,ZHES BYA BA LA, KHA ZAS G-YOS ZIN NAS MTSAN MO 'DAS SHING ZHAG LON PA'I KHENGS BU LA SOGS PA RGYUD DU ZOS PA DANG, KHRAG NAD SKYED PAR 'GYUR BA'I RGYU GZHAN DAG TU BSTEN PA DE DANG DES NAD BSKYED PAS PAGS PA LA SOGS PA'I PHYI DANG NANG GI CHA LA BRTEN TE SKRANGS BAR GYUR PA GANG YIN PA DE RTZA BA CHE ZHING DBYUNG BAR DKA' LA, NAD TSABS CHE ZHING BRNAG PAR DKA' BA'I SKRANG PA ZLUM ZHING KHA ZHENG CHE BA'AM, 'JONG PAR GNAS SHING DPANGS RING BA GANG YIN PA DE NI KHONG 'BRAS ZHES BYA LA, KHONG 'BRAS DE NI RLUNG LA SOGS PA'I NAD SNA RE RE 'DUS PA DANG, KHRAG DANG SMAS PA LAS BYUNG BA STE RNAM PA DRUG YIN NO, ,'DIR PHYI'I YAN LAG DE DANG DER, ,RAB NA MDUD PA 'DRA LA MTHO, ,ZHES BYA BA
LA; 'DIR KHONG 'BRAS GNYIS YOD PA'I NANG NAS PHYI NI LTE BA DANG, GZHANG LA SOGS PA'I YAN LAG DE DANG DER MI BZAD PAR RAB TU NA BA DANG, MDUD PA BYAS SHING BRGYUS PA LTAR RDOG RDOG POR 'DUG PA DANG, MTHO ZHING 'PHAGS PA YIN NO, ,NANG GI SHIN TU MI BZAD CING, ,GTING RING SKRAN LTAR SRA BA YIN, ,GROG MKHAR LTA BUR MTHO BA DANG, ,ME DANG MTSON LTAR MYUR GSOD BYED, ,CES BYA BA LA, NANG GI KHONG 'BRAS NI SHIN TU MI BZAD CING BRNAG PAR DKA' BAR NA BA DANG, GTING RING ZHING NANG DU NUB PA DANG, SKRAN LTAR SRA ZHING REM REM POR GNAS PA DANG, GROG MKHAR GYIS SPUNGS PA'I RTZE MO LTAR MTHO BAR GNAS PA DANG, PHYI'I KHONG 'BRAS PAS NANG GI KHONG 'BRAS MYUR DU GSOD PAR BYED PA YIN TE, DE YANG ME DANG MTSON GYIS MYUR DU GSOD PAR BYED PA DANG 'DRA BA 'DAR YANG MYUR DU GSOD PAR BYED PA YIN NO, ,LTE BA CHU SO MCHIN MCHER PA, ,GLO DANG SNYING LTO BRLA RTZA DANG, ,MKHAL MA GNYIS SAM GZHANG DU'ANG 'BYUNG, ,ZHES BYA BA LA, KHONG 'BRAS DE NI LTE BA DANG CHU SO LA SOGS PA'I GNAS GANG YANG RUNG BA'I LUS KYI PHYOGS GCIG TU 'BYUNG BAR 'GYUR BA YIN NO, ,DE LA RLUNG GYUR NAD TSABS DRAG ,DMAR NAG RING ZHIG LON NAS NI, ,'BYUNG ZHING SMIN PA DBYIBS MI SNYOMS, ,RAN ZHING MGO 'KHOR SBO BA DANG, ,G-YO ZHING 'PHO LA SGRA DANG BCAS, ,ZHES BYA BA LA, KHONG 'BRAS DE RLUNG LAS GYUR PA NI NAD TSABS DRAG CING RNO BA DANG, MDOG DMAR NAG TU GNAS PA DANG, YUN RING ZHIG LON NAS 'BYUNG ZHING SMIN PA YIN GYI, MYUR DU 'BYUNG ZHING SMIN PA MA YIN PA DANG, NAD KYI DBYIBS MTHO DMAN DANG CHE CHUNG MI SNYOMS PA DANG, TSAD HA CANG MI CHE ZHING RAN PA LA SOGS PA YIN NO, ,MKHRIS GYUR ZANGS LTAR DMAR RTZA GNAG ,SKOM DANG TSA RIMS RMONGS BAG SKYED, ,LDANG ZHING SMIN PA MYUR BA YIN, ,ZHES BYA BA LA, MKHRIS PA LAS GYUR PA'I RMONGS PA NI, MDOG DMAR BA LA SOGS PA GANG
, ,YANG RUNG BA DANG LDAN PA DANG, SKOM PA LA SOGS PA DANG LDAN PAR LDANG ZHING 'BYUNG BA DANG SMIN ZHING RNAGS PA MYUR BA YIN NO, ,BAD KAN LAS SKYA G-YA' DANG BCAS, ,SLON ZHING BSIL LA SLA BA DANG, ,GLAL ZHING LCI LA YI GA 'CHUS, , 'BYUNG ZHING SMIN PA YUN RING THOGS, ,ZHES BYA BA LA, DE LA BAD KAN LAS GYUR PA'I KHONG 'BRAS NI KHA DOG DKAR ZHING SKYA BA DANG, G-YA' BA LA SOGS PA'I NAD DANG BCAS PA DANG, 'BYUNG BA DANG SMIN PA'I DUS YUN RING DU 'GOR BA YIN NO, ,'DUS PA LAS GYUR 'DREN MA YIN, ,ZHES BYA BA LA, 'DUS PA LAS GYUR PA'I KHONG 'BRAS NI MTSAN NYID 'DREN MA DANG LDAN PA YIN PAR KHONG DU CHUD PAR BYA'O, ,'DIR NI PHYI NANG GNYIS MTSAN NYID, ,DON GYI DBANG LAS SHES PAR BYA, ,ZHES BYA BA LA, KHONG 'BRAS BZHI PO 'DIR RAB TU NA BA DANG, SHIN TU MI BZAD PAR NA BA'I RANG GI MTSAN NYID KYIS PHYI DANG NANG GNYIS KYI MTSAN NYID DON GYI DBANG LAS SHES PAR BYA STE, RIGS MTHUN PA DANG MI MTHUN PA'I MTSAN NYID SHES PA LAS PHYI NANG GI MTSAN NYID RNAM PAR DBYE BAR BYA ZHING SHES PAR BYA'O, ,DE NI 'DI SKAD STON TE, RLUNG LAS GYUR PA'I KHONG 'BRAS KYI MTSAN NYID PHYI DANG NANG DU RNAM BAR PHYE STE MA BSHAD MOD KYI, 'ON KYANG DMAR BA NYID LA SOGS PA PHYI ROL DU SNANG BAR RIG PA DE NI DE NYID LAS SHES PAR BYA LA, GANG YANG LTO SBO BA DANG YI GA 'CHUS PA LA SOGS PA NANG GI RNAM PA YIN PAR 'THAD PA DE NI DE NYID KYI MTSAN MA YIN PAR SHES PAR BYA'O, ,'BRUM BU NAG POS KHEBS SHING GNAG ,RAB TSA NA ZHING RIMS KYIS 'DEBS, ,MKHRIS PA'I RTAGS LDAN PHYI'AM NANG, ,KHRAG GYUR BUD MED NYID LA 'BYUNG; ,ZHES BYA BA LA, KHRAG LAS GYUR PA'I KHONG 'BRAS GANG YIN PA DE NI 'BRUM BU NAG POS KHEBS SHING GANG BA YIN LA, MDOG NI GNAG PA YIN ZHING RAB TU TSA BA LA SOGS PA DANG LDAN PA DANG, MKHRIS PA'I RTAGS ZANGS LTAR DMAR BA LA SOGS PA
DANG LDAN PA DE NI PHYI'I YIN YANG RUNG NANG GI YIN YANG RUNG STE, DE NI BUD MED KHO NA LA 'BYUNG GI SKYES PA LA NI MA YIN NO, ,MTSON LA SOGS PAS SMAS PA YIS, ,RMA BYUNG MI 'PHROD BSTEN PA LAS, ,RMA KHA'I TSA BA RLUNG GIS PHUL, ,KHRAG BCAS MKHRIS PA 'BYUNG BAR BYED, ,KHONG 'BRAS BLA BRNAN NAD MANG ZHING, ,KHRAG MKHRIS MTSAN NYID CAN DAG BYED, ,CES BYA BA LA, GANG MTSON DANG RDO LA SOGS PAS SMAS SHING SNAD PAR GYUR PA DES RMA BYUNG BA DANG, MI 'PHROD PA'I KHA ZAS BSTEN CING LONGS SPYAD PAS RMA KHA'I TSA BA RLUNG GIS PHUL ZHING BSKYOD PA DANG BCAS PA'I MKHRIS PA 'BYUNG ZHING 'DZAG PAR 'GYUR BA DE LAS KHONG 'BRAS BLA BRNAN GYI NAD MANG ZHING KHRAG DANG MKHRIS PA'I MTSAN NYID DANG LDAN PAR 'BYUNG BAR 'GYUR RO, ,BLA BRNAN DE YI DBYE BA YANG, ,GNAS KYI DBYE BA LAS BSHAD DO; ,ZHES BYA BA LA, KHONG 'BRAS DE RNAMS KYI BLA BRNAN NAD BSLANGS THABS SU BYUNG BA DE'I DBYE BA NI, RANG RANG GI GNAS SAM RTEN GYI DBYE BA LAS THA DAD PAR GYUR BAR DRANG SRONG RNAMS KYIS BSHAD DO, ,LTE BAR BYUNG NA SKYIGS BU STE, ,ZHES BYA BA LA, KHONG 'BRAS DE LTE BAR BYUNG NA BLA BRNAN SKYIGS BU ZHES BYA BA 'BYUNG BAR 'GYUR RO, ,CHU SOR GCIN 'GAGS RNAG TU 'GYUR, ,ZHES BYA BA LA, CHU SOR KHONG 'BRAS BYUNG NA GCIN 'GAGS SHING 'BYUNG DKA' LA, RNAG DANG BCAS SHING DRI MNAM PAR 'BYUNG BAR 'GYUR RO, ,MCHER PA DBUGS MI BDE, ZHES BYA BA LA, MCHER PAR KHONG 'BRAS BYUNG NA DBUGS MI BDE BA'I BLA BRNAN 'BYUNG BAR 'GYUR RO, ,MCHIN PAR, ,DBUGS 'BYUNG 'GAGS SKOM MGO 'KHOR 'GYUR, ,ZHES BYA BA LA, MCHIN PAR KHONG 'BRAS BYUNG NA DBUGS 'BYUNG BA 'GAGS SHING SKOM DAD DANG, MGO 'KHOR BA'I NAD KYIS 'DEBS PA'I BLA BRNAN 'BYUNG BAR 'GYUR RO, ,GLO BAR BYUNG NA LKOG NAD 'GYUR, ,ZHES BYA BA LA, KHONG 'BRAS GLO BAR BYUNG NA LKOG MA'I NAD RNAMS SU 'GYUR RO, ,SNYING BYUNG YAN LAG KUN GZIR SNYAM, ,RAB RMONGS MUN
, ,SROS SNYAM DU BYED, ,SNYING 'PHAR NA BAR 'GYUR BA YIN, ,ZHES BYA BA LA, KHONG 'BRAS SNYING LA BYUNG NA LUS KYI YAN LAG KUN DANG SNYING GA SHIN TU GZIR BA SNYAM SEMS SHING BSKYOD MI NUS PA LTA BUR 'GYUR BA DANG, DE BZHIN DU RAB TU RMONGS SHING 'DU SHES STOR BAR 'GYUR BA DANG, MUN PAR ZHUGS PA SNYAM DU SEMS PA DANG, SNYING 'PHAR ZHING G-YO BA DANG, NA BA DANG BCAS PAR 'GYUR RO, ,LTO BRTZI BA LOGS PHRAG PA'I BAR, ,NA ZHING LTO SBOS 'BYUNG BAR 'GYUR, ,ZHES BYA BA LA, KHONG 'BRAS LTE BAR BYUNG NA LTE BA DANG, RTZIB LOGS KYI BAR DANG, PHRAG PA GNYIS KYI BAR DU NA BA DANG, LTO BA DE NYID SBOS SHING KHRUL KHRUL ZER BA 'BYUNG BAR 'GYUR RO, ,CHU SO MDOMS BAR BYUNG BRLA NA, ,ZHES BYA BA LA, KHONG 'BRAS CHU SO DANG MDOMS BAR DU BYUNG NA BRLAN ZHING 'GUL MI SHES PAR 'GYUR RO, ,MKHAL MAR BYUNG NA RKED PA RGYAB, ,RTZIB LOGS SU NI NA BAR 'GYUR, ,ZHES BYA BA LA, KHONG 'BRAS MKHAL MA GNYIS SU BYUNG NA RKED PA DANG RGYAB DANG RTZIB LOGS SU NA ZHING ZUG PAR 'GYUR RO, ,GZHANG DU RLUNG NI THUR 'BYUNG 'GAGS, ,ZHES BYA BA LA, GZHANG GI NANG DU KHONG 'BRAS BYUNG NA RLUNG THUR DU 'BYUNG BA'I GAGS BYED CING NANG DU 'KHYIL BAR 'GYUR RO, ,ZHU DANG MA ZHU PHYED NYID ZHU, ,DE DAG 'OR NAD LTA BUR BSHAD, ,CES BYA BA LA, ZHU BA'I GNAS DANG MA ZHU BA'I GNAS DANG PHYED TZAM ZHU BA STE, LEGS PAR MA ZHU BA'I GNAS SU BYUNG BA DE DAG NI 'OR NAD DAM SKRANG BAG GI NAD KYI MTSAN NYID DANG 'DRA BAR BSHAD DE, SKRANG PA CHUNG BA NAD TSABS CHUNG, ,ZHES BYA BA LA SOGS PA'I GZHUNG GIS STON TO, ,LTE BA YAN CHAD SMIN KHAR 'DZAG ,CES BYA BA LA, KHONG 'BRAS LTE BA YAN CHAD KYI NANG NA YOD PA DE DAG SMIN PAR GYUR NA, KHA'I SGO NAS RNAG LA SOGS PA'I NAD RNAMS 'DZAG CING 'BYUNG BAR 'GYUR RO, ,LTE BA MAN CHAD GZHANG DU 'DZAG ,CES BYA BA LA, LTE BA MAN CHAD KYI NANG NA KHONG 'BRAS GNAS PA LAS SMIN PAR GYUR PA GANG DAG YIN PA
DE GZHANG GI SGOR RNAG LA SOGS PA 'DZAG PAR 'GYUR RO, ,LTE BAR GNAS PA GNYIS KAR 'DZAG ,CES BYA BA LA, KHONG 'BRAS LTE BA'I NANG DU BYUNG NA LUS KYI DBUS NA GNAS PA YIN PA'I PHYIR KHA DANG GZHANG GNYIS KA NAS 'BYUNG ZHING 'DZAG PA YIN NO, ,KHONG 'BRAS KYI NI NAD DMIGS RNAMS, ,'DZAG LAS RMA LTAR SHES PAR BYA, ,ZHES BYA BA LA, KHONG 'BRAS KYI NAD GZHI RLUNG LA SOGS PA NI RANG GI 'DZAG PA JI LTA BA LAS RMA'I TSUL BZHIN DU SHES PAR BYA'O, ,JI LTAR RMA LA RNAG DANG GSHER BAG 'DZAG PA'I TSUL LAS NAD GZHI'I TSUL SHES PAR BYA BA MDO'I GNAS SU JI SKAD BSHAD PA DE BZHIN DU 'DIR YANG TSUL DE DANG 'DRA BAR BRTAG PAR BYA'O, ,DE LAS 'DUS PA LAS GYUR DANG, ,SNYING DANG LTE BA CHU SOR GNAS, ,PHYI 'AM NANG DU BYE BA'AM, ,SMIN TE KHA NAS 'DZAG PA NI, ,NYAM CHUNG BLA BRNAN LDAN PA SPANG; ,ZHES BYA BA LA, 'DUS PA LAS GYUR PA'I KHONG 'BRAS GANG YIN PA DE NI GSOR MI RUNG BAS SPANG BAR BYA'O, ,DE BZHIN DU RLUNG LA SOGS PA 'BA' ZHIG LAS GYUR PA YIN YANG SNYING GA DANG LTE BA DANG CHU SOR GNAS PA YANG SPANG BAR BYA'O, ,DE BZHIN DU NANG NGAM PHYIR KHA BYE ZHING SMIN TE ZAG PA YANG SPANG BAR BYA'O, ,YANG SNYING GA LA SOGS PAR GNAS PA SMIN TE KHA NAS 'DZAG PAR GYUR PA NYAM CHUNG BA'I NAD PA LA BYUNG BA YANG SPANG BAR BYA'O, ,DE BZHIN DU BLA BRNAN GYI NAD YOD PA DAG KYANG SPANG BAR BYA'O, ,DE BZHIN BUD MED BU BTZAS PA'AM; ,SBRUM MA'AM NU ZHO YOD PA DANG, ,NU ZHO MED PA'I NU MA YI, ,RTZA SGO KHA BYER PHYIN GYUR NAS, ,PHYI YI KHONG 'BRAS MTSAN NYID CAN, ,SKRANGS SHING SRA BA 'BYUNG BAR 'GYUR, ,ZHES BYA BA LA, JI LTAR KHONG 'BRAS ZHES BYA BA'I NAD KHONG DU ZOS PA LA SOGS PAS SKYE BA BZHIN DU BUD MED BU BTZAS PA'AM, SBRUM MA NU MAR NU ZHO DANG BCAS PA'AM, NU ZHO MED PA'I NU MA'I RTZA KHA BYE BAR PHYIN NAS PHYI'I KHONG 'BRAS KYI MTSAN NYID RAB TU NA BA DANG, MDUD PA 'DRA ZHING MTHO BA LA SOGS PA 'BYUNG BAR 'GYUR TE, DE YANG SKRANG PA DANG 'DRA BA'I RANG
, ,BZHIN DU 'BYUNG BAR 'GYUR RO, ,DE NI NU MA'I KHONG 'BRAS ZHES BYA BA YIN NO, ,BU MO RNAMS KYI NU RTZA'I SGO, ,PHRA BAS 'BYUNG BAR MI 'GYUR RO, ,ZHES BYA BA LA, NU MA'I KHONG 'BRAS DE NI BU MO GZHON NU LA 'BYUNG BAR MI 'GYUR TE, CI'I PHYIR ZHE NA, DE NI NU MA'I RTZA SGO SHIN TU PHRA BAS DE 'BYUNG BAR MI 'GYUR BA YIN NO, ,RLUNG NI RGYU LAM 'GAGS PAS 'KHRUGS, ,SKRANG DANG GZER NI SKYED CING RGYU, ,CHU SO RLIG PAR PHYIN PA DANG, ,RLIG PAR RGYU BA'I RTZA DAG NI, ,BTZIR NAS RLIG PA PAGS PA DAG, ,'PHEL ZHING RLIG RLUGS NYID DU BYED, ,CES BYA BA LA, RLUNG RANG GI RGYU BA'I LAM 'GAGS SHING PHAN TSUN RGYU BA'I GO SKABS SU CHUD PAR GYUR PAS 'KHRUGS SHING NAD SKYED PAS NA SKRANG BA DANG, GZER BA'I NAD SKYED CING RGYU NAS RLIG PA SKRANG BAR BYED CING, CHU SO DANG RLIG PAR PHYIN NAS DE LA BRTEN TE, RLIG PA'I GNAS SU RGYU BA'I RTZA DAG RAB TU BTZIR ZHING GNOD PAR BYAS NAS, RLIG PA DANG PAGS PA 'PHEL ZHING RGYAS PA'I RLIG RLUGS NYID BYED PAR 'GYUR RO, ,NAD KHRAG GCIN TSIL RGYU MA LAS, ,RLIG RLUGS DE NI RNAM BDUN 'GYUR, ,ZHES BYA BA LA, RLIG RLUGS ZHES BYA BA'I NAD DE NI NAD DMIGS SO SO DANG, KHRAG LAS BYUNG BA DANG, GCIN DANG, TSIL DANG, RGYU MA LAS BYUNG BA STE RNAM PA BDUN YIN NO, , RGYU MA GCIN SKYES PA'AM RLUNG, ,RGYU MA'I DBYE BA 'BA' ZHIG GZHAN, ,ZHES BYA BA LA, RGYU MA'AM, GCIN LAS SKYES PA'I RLIG RLUGS DAG KYANG RLUNG LAS GYUR PA DANG 'DRA MOD KYI, RGYU MA 'BA' ZHIG GI DBYE BAS THA DAD PA YIN ZHING GZHAN YANG MA YIN NO, ,RLUNG GYUR RKYAL PA GANG 'DRA ZHING, ,REG NA RTZUB CING RGYU MED NA, ,ZHES BYA BA LA, RLUNG LAS GYUR PA'I RLIG RLUGS NI RKYAL PA RLUNG GIS GANG BA 'DRA ZHING, REG NA RTZUB PA DANG, DE BZHIN DU RGYU MED PAR GLO BUR DU NA BAR BYED PA
YIN NO, ,MKHRIS GYUR AU DUMW'A RA YI, ,'BRAS BU SMIN 'DRA TSA DRO 'DRUL, ,ZHES BYA BA LA, MKHRIS PA LAS GYUR PA'I RLIG RLUGS KYI NAD NI AU DUMW'A RA'I 'BRAS BU SMIN PA DANG MDOG 'DRA LA, DE BZHIN DU TSA BA LA SOGS PA DANG LDAN PA YIN NO, , BAD KAN LAS BSIL LCI ZHING SNUM, ,G-YA' ZHING SRA LA NAD TSABS CHUNG, ,ZHES BYA BA LA, BAD KAN LAS GYUR PA'I RLIG RLUGS KYI NAD NI, BSIL BA LA SOGS PA'I MTSAN NYID DANG LDAN PA YIN NO, ,KHRAG GYUR GNAG CING 'BRUM BUS KHYAB; ,MKHRIS PA'I RLIG RLUGS MTSAN NYID LDAN, ,ZHES BYA BA LA, KHRAG LAS GYUR PA'I RLIG RLUGS NI SNAG TSA LTAR GNAG CING, 'BRUM BU NAG POS KHYAB PA DANG, MKHRIS PA'I RLIG RLUGS KYI MTSAN NYID AU DUMW'A RA'I 'BRAS BU SMIN PA DANG 'DRA BA LA SOGS PA DANG LDAN PA YIN NO, ,TSIL GYUR RLIG RLUGS BAD KAN 'DRA, ,'JAM ZHING T'A LA'I 'BRAS BUR MTSUNGS, ,ZHES BYA BA LA, TSIL LAS GYUR PA'I RLIG RLUGS KYI NAD NI, BSIL ZHING SNUM PA LA SOGS PA BAD KAN GYI MTSAN NYID DANG 'DRA BA DANG, YANG DE 'JAM ZHING T'A LA'I 'BRAS BU DANG MTSUNGS SHING 'DRA BA YIN NO, ,GCIN BRNAG PA LA BRTEN PA RNAMS, ,GCIN LAS 'BYUNG BAR DE 'GYUR TE, ,RKYAL PA CHU YIS GANG BA LTAR, ,G-YO 'GYUR NAD DANG BCAS SHING 'JAM, ,GCIN 'GAGS PA DANG RLIG PA YI, ,'OG TU SKRANG BAR BYED PAR 'GYUR, ,ZHES BYA BA LA, GCIN SNYOMS LA BRNAG CING NAN GYIS 'GEG PAR BYED PA LA BRTEN PA'I SKYES BU RNAMS LA NI, GCIN LAS BYUNG BA'I RLIG RLUGS 'BYUNG BAR 'GYUR RO, ,DE NI RKYAL PA CHUS GANG BA LTAR G-YO ZHING 'GUL BAR 'KHRUG PAR 'GYUR LA, DE YANG NAD DANG BCAS SHING 'JAM ZHING MNYEN PAR 'GYUR BA DANG, DE BZHIN DU GCIN 'GAGS SHING SRI BA DANG,
, ,DE BZHIN DU RLIG PA'I 'OG TU GDU BU LTAR SKRANG BAR BYED PAR 'GYUR RO, ,RLUNG 'KHRUGS PA YI ZAS DANG NI, ,CHU GRANG LA NI RKYAL PA DANG, ,SHUGS BKAG BTZIR DANG KHUR DANG LAM, ,YAN LAG LOG PAR GCUS PA DANG, , RLUNG 'KHRUGS PA NI GZHAN GYIS KYANG, ,GANG TSE RGYU MA PHRA MO'I CHA, ,RLUNG GIS LOG PAR PHUL 'GYUR TE, ,RANG GI GNAS NAS THUR DU BSKYOD, ,CHU SO'I TSIGS SU PHYIN PA DANG, ,DE TSE MDUD PA LTAR GLO 'GYUR, ,ZHES BYA BA LA, RLUNG 'KHRUG PAR BYED PA'I KHA ZAS RTZUB PA DANG, BSKA BA LA SOGS PA BSTEN PA DANG, DE BZHIN DU CHU GRANG MO LA RKYAL GYIS BRGAL BA DANG, DE BZHIN DU BSHANG GCI LA SOGS PA'I SHUGS 'BYUNG BA BKAG PA DANG, NAN GYIS BTZIR PA DANG, KHUR LA SOGS PAS GNOD PAR 'GYUR BA'I RGYU GZHAN DAG GIS RLUNG 'KHRUGS PAR GYUR PA'I DUS GANG GI TSE RGYU MA PHRA MO'I CHA STE, RGYU MA PHRE'U PHYOGS GCIG LOG PAR PHUL TE, RANG GI GNAS NAS THUR DU BSKYOD CING CHU SO'I TSIGS SU RLUNG GNAS PA DE'I TSE, MDUD PA LTAR GLO BA'I SKRANG BAG SKYED PAR 'GYUR RO, ,YAL BAR BOR NA RLIG PA CHER SKYE ZHING, ,SBO ZHING NA LA RENGS PAR RLUNG GIS BYED, ,RAB TU GZER ZHING NANG NA SGRA DANG BCAS, ,GANG BAR BYED CING BCUG KYANG SLAR 'BYUNG BYED, , CES BYA BA LA, NAD DE YAL BAR BOR ZHING GSO BA MA BYAS NA, RLIG PA SKYE ZHING 'PHEL BAR 'GYUR BA DANG, LTO SBO ZHING RENGS PAR RLUNG DES SKYED PAR BYED PA DANG, YANG RLUNG DES RAB TU GZER ZHING NYEN PAS RLUNG SGRA DANG BCAS SHING KRUL KRUL ZER BA DANG, YANG RLUNG GIS GANG BAR BYED CING PHYUNG BA DE BCUG KYANG SLAR 'BYUNG BAR BYED PA YIN NO, ,RGYU RLUGS 'DI NI GSO DKA' STE, ,RLUNG GI RLIG RLUGS 'DRA BA YIN, ,RTZUB CING GNAG LA DMAR BA'I RTZA, ,PHRA MO'I DRA BAS KHEBS PA YIN, ,ZHES BYA BA LA, RGYU
RLUGS ZHES BYA BA'I NAD 'DI NI GSO DKA' ZHING BCOS PAR MI NUS PA YIN LA, YANG DE NI RLUNG GI RLIG RLUGS DANG MTSAN MA 'DRA BA YIN TE, RLUNG GYUR RKYAL BA GANG 'DRA ZHING, ,REG NA RTZUB CING RGYU MED NA, ,ZHES BYA BA'I GZHUNG GIS BSTAN PA YIN NO; ,YANG DE BZHIN DU RTZUB CING MDOG GNAG LA DMAR BA'I RTZA'I TSOGS PHRA MO'I DRA BAS KHEBS SHING KHYAB PAR 'GYUR BA YIN NO, ,SKRAN BRGYAD NAD NI SO SO DANG, ,'DRES DANG 'DUS PA LAS GYUR DANG, ,ZLA MTSAN GYI NI NYES PA YIS, ,BRGYAD PA BUD MED RNAMS LA 'BYUNG, ,ZHES BYA BA LA, SKRAN NI RNAM PA BRGYAD YOD DE, DE YANG RLUNG LA SOGS PA'I NAD GZHI SO SO LAS BYUNG BA GSUM DANG, NAD GZHI GNYIS GNYIS DANG 'DRES PA'I LDAN PA LAS GYUR BA GSUM DANG, NAD GZHI GSUM CAR 'DUS PA LAS GYUR PA GCIG DANG, BUD MED RNAMS LA ZLA MTSAN GYI NAD KYI NYES PA LAS BYUNG BA GCIG STE, DE LTAR NA SPYIR BRGYAD YIN NO, ,RIMS DANG SLON DANG TSAD 'KHRU SOGS, ,SKYUG SMAN SOGS DANG LAS RNAMS KYIS, ,SKEM GYUR RLUNG SKYES ZAS ZA DANG, ,BKRES TE CHU GRANG 'THUNGS GYUR PA'AM, ,SKOM 'THUNGS RJES LA GANG ZHIG NI, ,RKYAL DANG MCHOD PA LA SOGS PA, ,BSTEN PAS LUS NI DKRUGS BYAS DANG, ,SLON MI BRO YANG SKYUGS PA DANG, ,RLUNG LA SOGS PA 'BYUNG BA YI; ,SHUGS BKAG PA'AM GCIN BTZIR BA'AM, ,SNUM DANG DUGS NI MA BSTEN PAR, ,SBYANG BA'I LAS NI BYED PA DANG, ,SBYANGS ZIN MYUR DU TSA BA DANG, ,BAD KAN SKYED PA'I ZAS SKOM SPYAD, ,RLUNG RGYAS PA YI NAD RNAMS NI, ,SO SO'AM 'DRES PA'AM 'KHRUGS GYUR PA'AM, ,KUN NAS KHRAG DANG BCAS 'KHRUGS PAS, ,SBUBS CAN LA NI BRTEN GYUR NAS, ,STENG 'OG LAM NI BKAG NAS SU, ,GZER SNGON 'GRO ZHING REG TU RUNG, ,SHIN TU MTHO ZHING MDUD PA'I GZUGS, ,SKRAN NI SKYED PAR 'GYUR BA YIN, ,ZHES BYA BA LA,
, ,SKRAN 'BYUNG BA'I RGYU NI RIMS LA SOGS PA'I NAD RNAMS DANG, DE BZHIN DU SKYUG SMAN LA SOGS PA STE, SKYUG SMAN DANG BKRU SMAN DANG, BKRU SMAN DRAG PO MAS GTONG BA DANG, 'JAM RTZI DANG, MGO BO'I BKRU SMAN ZHES BYA BA'I DPYAD KYI SBYOR BA NYES PA DANG, DE BZHIN DU DRAG SHUL GYI NAD RNAMS KYIS SKEM ZHING SBEGS PAR GYUR PA DANG, RLUNG SKYES PA'I ZAS RTZUB CING KHA BA LA SOGS PA ZA BA DANG, DE BZHIN DU BKRES SHING ZAS ZA BAR 'DOD PA'I SKABS SU ZAS MA ZOS PAR CHU GRANG MO 'THUNG BA'AM, YANG NA SKOM 'THUNGS BA'I RJES LA RKYAL BA DANG MCHONG BA DANG NYAL PO BSTEN PA DANG, RTA RGYUG PA LA SOGS PA LA BRTEN CING, LUS 'KHRUGS SHING BSKYOD PAR BYAS PA DANG, YANG NA SLON MI BRO BA BZHIN DU NAN GYIS SLON ZHING SKYUGS PA DANG, RLUNG DANG BSHANG GCI LA SOGS PA'I SHUGS 'BYUNG BAR LDOG BZHIN DU NAN GYIS BKAG CING BRNAG PA DANG, DE DAG NAN GYIS BTZIR BA DANG, YANG NA SNUM DANG DUGS KYI CHO GA YANG DANG YANG DU BYA BA MA BSTEN CING GOMS PAR MA BYAS PAR SBYANG BA'I LAS SKYUG SMAN DANG BKRU SMAN LA SOGS PA GTANG BA DANG, YANG NA SBYANGS ZIN CING SKYUG SMAN BTANG BA LA SOGS PA BYAS ZIN PA'I RJES THOGS NYID LA MYUR BAR LUS TSA BAR BYED PA'I ZAS SKOM LA BSTEN PA DANG, DE BZHIN DU BAD KAN SKYED PA'I LJAN LJIN 'PHEL BA'I ZAS SKOM LONGS SPYAD PA DANG, DE BZHIN DU RLUNG RGYAS SHING 'PHEL BA'I NAD KYI DRI MA RNAMS SO SOR 'KHRUGS PAR 'GYUR BA 'AM, GNYIS PA'I LDAN PA 'KHRUGS PA'AM, YANG NA GZHI THAMS CAD 'KHRUGS PA'AM, KHRAG DANG BCAS PAS 'KHRUGS SHING G-YOS PAS SBUBS CHEN PO STE, LTO BA ZHES BYA BA'I LUS KYI DBYIBS KYI CHA DE LA BRTEN CING GNAS NAS DE'I 'OG TU RTZA BO CHE'I NANG DU ZHUGS TE, STENG DANG 'OG GI LAM BKAG NAS SKRAN SKYED PAR 'GYUR LA DE YANG GZER SNGON DU 'GRO BA'I SGO NAS NAD SKYED PAR 'GYUR ZHING, REG TU RUNG BA SHIN TU MTHO ZHING 'BUR BAR MDUD PA'I GZUGS CAN LTAR RIL RIL POR GNAS PA'I SKRAN ZHES BYA BA SKYED PAR 'GYUR BA YIN NO, ,SKEM PAS BAD KAN MKHRIS BSHANG
BA'I, ,RGYUN SRANG 'GAGS PAR GYUR PA YIS, ,RLUNG NI KHONG PAR GNAS BCAS PA, ,RTZUB PAS SRA BAR GYUR PA YIN, ,RANG GNAS LDANG GYUR RANG DBANG CAN, ,GZHAN GNAS LA BRTEN GZHAN DBANG CAN, ,GONG POR GYUR PAS GZUGS MED KYANG, ,GZUGS CAN LTAR GNAS SKRAN ZHES BYA, ,CHU SO LTE BA SNYING GA DANG, ,RTZIB LOGS LA NI GNAS PA YIN, ,ZHES BYA BA LA, SKEM ZHING LUS ZUNGS ZAD PAS LAN 'GA' ZHIG RLUNG 'KHRUGS SHING LDANG BAR 'GYUR LA, LAN 'GA' ZHIG NI BAD KAN DANG MKHRIS PA DANG BSHANG BA RGYU BA'I BU GA'I LAM SRANG 'GAGS PAR 'GYUR BAS 'KHRUGS PAR 'GYUR LA, 'KHRUGS PA'I RLUNG DE KHONG PA'I NANG DU GNAS BCAS SHING BRTEN PAR GYUR PA YIN LA, DES NA RTZUB PA'I RGYUS SRA ZHING MKHRANG BAR GYUR PA YIN LA, RLUNG DE RANG GI GNAS NA GNAS PA'I TSE NA NI RANG DBANG CAN ZHES BYA BA LA, RANG GI GNAS BAD KAN DANG MKHRIS PA'I GNAS LA BRTEN PA'I TSE NA NI GZHAN DBANG CAN ZHES BYA'O, ,YANG NAD DE NI GONG POR GNAS PAS NA REG TU RUNG BAR GYUR PAS, RLUNG DE GZUGS MED PA STE SRA BA MA YIN DU ZIN KYANG GZUGS CAN LTA BUR GNAS SHING MDUD PA'I GZUGS SU 'DUG PAS MING SKRAN ZHES BYA BAR BTAGS PA YIN NO, ,DE YANG CHU SO LA SOGS PA'I GNAS SU GNAS PA YIN TE, CHU SO DANG LTE BA SNYING GA DANG RTZIB LOGS G-YAS G-YON TE LNGAR GNAS PA YIN NO, ,RLUNG LAS MJING PA KLAD PA GZER, ,RIMS 'DEBS MCHER NA RGYU MA 'KHRUG ,BSHANG SRI KHAB KYIS GTZAGS SNYAM NA, ,DBUGS 'BYIN YANG DANG YANG MI PHYIN, ,LUS RENGS KHA NI SKAM PA DANG, ,SKEM ZHING ME DROD MI SNYOMS DANG, ,LPAGS SOGS GNAG CING RTZUB PA DANG, ,RLUNG SKRAN G-YO BA YIN PA'I PHYIR, , DBYIBS NI BRTAG PAR MI MNGON ZHING, ,GNAS 'PHEL 'BRI DANG NA BA DANG, ,GROG MAS KHYAB PA LTA BUR NI, ,SKRAN NI 'GUL ZHING ZUG PA YIN, ,ZHES BYA BA LA, RLUNG LAS GYUR PA'I SKRAN NAD NI MJING BA DANG KLAD PA GZER BA LA SOGS PA'I NAD KYIS 'DEBS PAR
, ,'GYUR BA DANG, KHAB KYIS GTZAGS BA SNYAM DU NA ZHING ZUG PA DANG, DBUGS 'BYIN PAR DKA' ZHING YANG DANG YANG DU MI THON PA DANG, LUS RENGS SHING 'GYUR MI SHES PA DANG, SKEM ZHING RID PA DANG, PAGS PA DANG MIG DANG SEN MO DANG GDONG DANG LCE LA SOGS PA GNAG PA DANG, RLUNG GI RANG BZHIN G-YO ZHING MI BRTEN PA YIN PA'I PHYIR DBYIBS DANG RANG BZHIN BRTAG PAR DKA' ZHING GNAS GCIG NA MI 'DUG PA DANG, 'PHEL BA DANG 'BRI BAR SNANG BA DANG, NA ZHING ZUG PA DANG GROG MAS KHYAB CING GANG BA LTA BUR SKRAN DE 'GUL BA DANG, ZUG CING NA BA YIN NO, ,MKHRIS LAS TSA ZHING SGREGS SKYUR BRGYAL, ,'KHRU ZHING LUS RDUL SKOM RIMS 'DEBS, ,PAGS PA LA SOGS SER BOR SNANG, ,SKRAN NI REG PAR MI BZOD DANG, ,TSA ZHING 'BAR LA DRO BA DANG, ,RANG GI GNAS NI BSREGS SNYAM BYED, ,CES BYA BA LA, MKHRIS PA LAS GYUR PA'I SKRAN NI TSA BA LA SOGS PA'I MTSAN NYID DANG LDAN PA DANG, SKRAN MANG ZHING REG PAR MI BZOD CING NA BA DANG, TSA 'UR 'UR PO LA SOGS PA DANG LDAN PA YIN NO, ,BAD KAN SLON BAG YI GA 'CHUS, ,ME DROD NYAMS SHING GRANG RIMS 'DEBS, ,CHAM PA KHONG SNYOM DANG GA LCI, ,LUD PA LU ZHING LPAGS SOGS DKAR, ,SKRAN PHUGS RING ZHING SRA BA DANG, ,LCI ZHING RANG GNAS BRTAN NAD CHUNG, ,ZHES BYA BA LA, BAD KAN LAS GYUR PA'I SKRAN NAD NI SLON BAG LA SOGS PA DANG LDAN PAR NA ZHING PAGS PA DANG SEN MO LA SOGS PA DKAR ZHING SKYA BA DANG, DE BZHIN DU SKRAN PHUGS RING ZHING RDO LTAR SRA BA DANG, LCI ZHING TSOR BA MED PA LTA BU DANG, RANG GI GNAS NA BRTAN PAR GNAS SHING MI 'GYUR BA DANG NAD TSABS CHUNG ZHING RGYU BA DAL BA YIN NO, ,PHAL CHER RANG GNAS 'DUG PA DANG, ,RANG GI DUS SU NAD SKYED BYED, ,CES BYA BA LA, SKRAN DE DAG NI PHAL CHER NAD RANG RANG GI GNAS NA 'DUG CING BRTEN LA, RANG RANG GI LDANG BA'I DUS SU NAD SKYED PAR BYED PA YIN NO, ,DE YANG RLUNG
LAS GYUR PA'I SKRAN NAD PHAL CHER NI DKU'I PHYOGS SU GNAS LA, MKHRIS PA LAS GYUR PA'I SKRAN NI PHAL CHER LTE BA LA GNAS SO, ,BAD KAN LAS GYUR PA'I SKRAN NI PHAL CHER RTZIB LOGS GNYIS DANG SNYING GAR GNAS SO, ,RANG GI DUS NI NYIN MTSAN DANG ZAS ZOS PA LA SOGS PA NAD RANG RANG 'BYUNG BA'I DUS SU RLUNG DANG MKHRIS PA DANG BAD KAN LAS GYUR PA'I SKRAN LHAG PAR LDANG ZHING NA BAR 'GYUR RO, ,GNYIS LAS BYUNG BA'I SKRAN GSUM PO, ,MTSAN NYID 'DREN MAR LDAN PA YIN, ,ZHES BYA BA LA, NAD GZHI GNYIS 'DRES PA LAS BYUNG BA'I SKRAN GSUM NI MTSAN NYID GNYIS PO GANG DAG YIN PA DE'I CHA 'DREN MA DANG LDAN PA YIN NO, ,KUN SKYES MI BZAD NA ZHING TSA, ,MYUR SMIN SRA MTHO DE GSO DKA', ,ZHES BYA BA LA, NAD GZHI GSUM PO KUN 'DUS PA LAS SKYES PA'I SKRAN NI MTSAN NYID THAMS CAD DANG LDAN ZHING MI BZAD PAR NA BA DANG, LHAG PAR TSA BA DANG, MYUR DU SMIN PA DANG SRA ZHING DPANGS MTHO BA YIN TE, DE NI GSO DKA' BA YIN PAS GSO DPYAD KYIS BCOS KYANG MI 'TSO'O, ,KHRAG GI SKRAN NI GANG YIN PA, ,DE NI BUD MED NYID LA 'BYUNG, ,ZHES BYA BA LA, SKRAN BRGYAD PA KHRAG LAS GYUR PA'I SKRAN NI BUD MED KHO NA LA 'BYUNG GI SKYES PA LA NI 'BYUNG BAR MI 'GYUR RO, ,ZLA MTSAN DUS SAM BU GSAR BTZAS, ,YANG NA MNGAL GYI NAD CAN GYIS, ,BUD MED RLUNG SKYED BSTEN GYUR PAS, ,RLUNG NI 'KHRUGS PAR GYUR PA LAS, ,ZLA RE 'BYUNG BAR BYED PA YI, ,ZLA MTSAN MNGAL DU BKAG PAS NI, ,DE NI MNGAL CHAGS 'DRAR SNANG ZHING, ,MTSAN MA GSAL BAR STON BYED DE, ,SNYING 'PHAR NU 'DZAG YID MI BDE, ,SKEM PA LA SOGS TSUL DU SNANG, ,ZHES BYA BA LA, ZLA MTSAN DANG LDAN PA'AM, ZLA MTSAN GYI DUS LA BAB PA GSAR DU BTZAS PA'AM, ZLA BAM TSANG BAR 'PHYIL BAR GYUR PA DANG, YANG NA BUD MED MNGAL NAD CAN GYIS RLUNG SKYED PAR BYED PA'I ZAS DANG SKOM BSTEN CING SPYAD PAR GYUR PAS, BUD MED DE'I RLUNG GI NAD 'KHRUGS PAR GYUR PA LAS
, ,ZLA BA RE RE ZHING RGYU BAR BYED PA'I ZLA MTSAN BKAG CING PHYIR 'BYUNG DU MI STER BAS ZLA RE 'BYUNG BA DE MNGAL NA BU CHAGS PA LTA BU'I TSUL DE SOGS SHING 'PHEL BAR GYUR NAS, MNGAL DU CHAGS PA'I MTSAN MA SNANG ZHING GSAL BAR STON PAR BYED DE, SNYING 'PHAR BA LA SOGS PA'I MTSAN MA SNANG BA YIN NO, ,DE NAS RIM GYIS RLUNG 'DRES DANG, ,MKHRIS PA YI NI RGYU YIS NA, ,RLUNG DANG MKHRIS PA LAS BYUNG BA'I, ,SKRAN NI KHRAG DE SKYED BYED YIN, ,NA ZHING SRA LA TSA ZHING 'KHRU, ,SKOM DAD RIMS SOGS BLA BRNAN 'BYUNG, ,NAD KYI KHRAG LA BRTEN PAS NA, ,MNGAL GNAS DAG TU LHAG PAR GZER, ,MNGAL NAS DRI NGA 'DZAG PA DANG, ,NA ZHING 'PHAR LA ZUG PAR BYED, ,CES BYA BA LA, DUS KYI RIM GYIS RLUNG DANG KHRAG DE 'DRES SHING 'DUS PAR GYUR PA DANG, MKHRIS PA'I RGYUR GYUR PA NYID KYIS NAD KHRAG DE RLUNG DANG MKHRIS PA LAS BYUNG BA'I SKRAN GYI NAD KHRAG DE SKYED PAR BYED CING BLA BRNAN GYI NAD NA ZHING SRA BA LA SOGS PA 'BYUNG BAR 'GYUR RO, ,DE BZHIN DU LHAG PAR YANG NAD KYI KHRAG LA BRTEN CING GNAS PAS, MNGAL GYI GNAS SU LHAG PAR GZER ZHING NA BA DANG, MNGAL NAS DRI NGA BA 'DZAG PA DANG, SOGS PAR BYED PAR 'GYUR RO, ,MNGAL CHAGS 'DRA YANG YAN LAG MED, ,'ON KYANG SKRAN NI 'GUL GZER LDAN, ,DE NYID DER NI GONG POR GNAS, ,LAN 'GA' 'GUL BAR BYED PA YIN, ,'DI NI LTOR 'PHEL MI BYED KYI, ,SKRAN NYID 'PHEL BAR BYED PA YIN, ,ZHES BYA BA LA, GAL TE KHRAG GI SKRAN CHAGS PA DE MNGAL NA BU CHAGS PA DANG CHA 'DRA NA YANG YAN LAG LA SOGS PA DANG LDAN PA'I SEMS CAN YOD PA MA YIN GYI, 'ON KYANG 'GUL ZHING GZER BA DANG LDAN PA YIN NO, ,YANG SKRAN DE NYID NI MNGAL GYI GNAS DER GONG POR GZUGS CAN DU GNAS LA, LAN 'GA' YUN RING ZHIG NAS 'GUL BAR BYED PA YIN NO, ,YANG 'DI'I MNGAL DU BU CHAGS NAS 'PHEL BAR BYED
PA MA YIN GYI, ,GZHAN DU KHRAG LAS CHAGS PA'I SKRAN NYID 'PHEL BAR BYED PA YIN NO, ,RANG GI NAD GZHI LA BRTEN NAS, ,DES DER SKRAN NAD THAMS CAD SKYED, ,YUN RING NAS NI SMIN 'GYUR BA'AM, ,YANG NA MA SMIN, ZHES BYA BA LA, NAD RANG RANG GI NAD GZHI'I TSUL LA BRTEN CING GNAS NAS SKRAN THAMS CAD SKYE BAR 'GYUR BA YIN LA, RGYU DES NA YUN RING ZHIG NAS SMIN PAR 'GYUR BA'AM, YANG NA SMIN PAR MI 'GYUR RO, ,KHONG 'BRAS KYANG, NAD KHRAG LA NI BRTEN PA'I PHYIR, ,SHIN TU MYUR BAR SMIN PAR 'GYUR, ,DE PHYIR MYUR DU TSA 'GYUR BAS, ,KHONG 'BRAS ZHES NI DE LA BSHAD, ,CES BYA BA LA, YANG KHONG 'BRAS SU GYUR PA NI KHRAG NAD SHIN TU GNOD PAR BYED PA LA BRTEN CING GNAS PA YIN PA'I PHYIR SHIN TU MYUR ZHING RINGS PAR SMIN CING RDOL BAR 'GYUR RO, ,DE NAD KYI PHYIR MYUR DU TSA ZHING SREG PAR BYED PAS DE LA MING KHONG 'BRAS ZHES BYA BAR BSHAD DO, ,NANG GNAS SKRAN NI CHU SO DANG, ,LTO BA MCHIN PA SNYING NA ZHING, ,ME DROD MDOG NYAMS NYAMS STOBS 'BRI, ,SHUGS NI 'GAG PAR 'GYUR BA YIN, ,ZHES BYA BA LA, NANG NA GNAS SHING BRTEN PA'I MTSAN MA NI CHU SO LA SOGS PAR NA BA DANG, ME DROD LA SOGS PA NYAMS SHING 'BRI BA NI BSHANG GCI LA SOGS PA'I SHUGS 'BYUNG BA 'GAG PAR 'GYUR BA YIN NO, ,PHYI ROL DE LAS BZLOG PA STE, ,KHONG PA'I YAN LAG NAD TSABS CHUNG, ,PHYOGS DE'I MDOG NI NYAMS PA DANG, ,PHYI ROL DU NI MTHONG ZHING 'PHAGS, ,ZHES BYA BA LA, PHYI ROL DU BYUNG BA'I SKRAN NI NANG DU 'BYUNG BA'I SKRAN GYI MTSAN MA DE LAS GO BZLOG PA YIN TE, CHU SO LA SOGS PAR NA BAR MI 'GYUR BA DANG, ME DROD LA SOGS PA NYAMS PAR MI 'GYUR BA DANG, SHUGS MI 'GAG CING BDE BLAG TU 'BYUNG BA DANG KHONG PA'I YAN LAG LTE BA LA SOGS PAR NAD TSABS CHUNG ZHING SHAS CHE BAR MIN PA DANG, SKRAN CHAGS PA'I PHYOGS DE'I MDOG NYAMS SHING KHA DOG GZHAN DU 'GYUR BA DANG, DE BZHIN DU PHYI ROL DU
, ,LHAG PAR MTHONG ZHING 'PHAGS PA YIN NO, ,LTO SBO LHAG PAR MI BZAD NA, ,RGYU MA'I SGRA BCAS MI BZAD NA, ,SBO BCAS LTO BA NA BA DANG, ,RLUNG GI NAD KYIS STENG 'OG BKAG ,DE NI HEN GYI ZHES BYAR BSHAD, ,CES BYA BA LA, LTO SBO ZHING SGRA DANG BCAS PA DANG, STENG 'OG TU RLUNG GI LAM BKAG PAS LHAG BAR MI BZAD BAR NA ZHING, BRNAG PAR DKA' BA LA SOGS PA'I MTSAN NYID DANG LDAN PA DE NI, LTO SBO HEN GYI NAD CES BYA BA YIN PAR SLOB DPON GYIS BSHAD DO, ,SRA ZHING GTUN 'DRA MA DUD PA CAN, ,GTUN 'DRA GYEN DU MTHO BAR GNAS, ,HEN GYI MTSAN LDAN, ZHES BYA BA LA, NAD GANG SRA ZHING RDO'I GTUN 'DRA ZHING MDUD PA CAN DU GNAS LA, GTUN RDO DANG DBYIBS 'DRA ZHING GYEN DU MTHO BAR 'JONG BAG TU GNAS PA HEN GYI MTSAN NYID DANG LDAN PA NI GTUN 'DRA BA ZHES BYA'O, ,GTUN BU NI; 'PHRED GNAS DE DANG TSUL 'DRA YIN, ,ZHES BYA BA LA, GTUN BU ZHES BYA BA'I NAD NI 'PHRED DU THAD KAR GNAS KYI, GYEN DU 'GRO BA MA YIN LA, NAD KYI TSUL NI GTUN 'DRA BA DANG MTSUNGS TE, DE LTA BU'I NAD LA NI GTUN BU ZHES BYA'O, ,ZHU BA'I GNAS NAS GZHANG PHO MTSAN, ,RLUNG NI MI BZAD NA ZHING RGYU, ,THUR DU ZUG PA YIN PAR BSHAD, ,CES BYA BA LA, ZHU BA'I NAD LTE BA'I 'OG TU GNAS GZHANG DANG PHO MTSAN DAG TU RLUNG RGYU ZHING, LHAG PAR NA BAR BYED PA DE NI THUR DU ZUG PA ZHES BYA'O, ,DE LAS BZLOG PA GYEN DU ZUG PA'O, , ZHES BYA BA LA, GYEN DU ZUG BA ZHES BYA BA'I NAD NI DE LAS BZLOG PA STE, GZHANG DANG PHO MTSAN GYI GNAS NAS LTE BAR GYEN DU ZUG CING NA LA GYEN DU ZUG PA ZHES BYA'O, ,SGREGS PA MANG ZHING BSHANG BA 'GAGS PA DANG, ,'GRANGS ZA MI NUS RGYU MA SGRA DANG BCAS, ,SBO ZHING HEN LANGS KHA ZAS 'JU MI NUS, ,SKRAN NI NYER 'BYUNG MTSAN MA YIN PAR BSHAD, ,CES BYA BA LA, MI GANG LA SKRAN NYE BAR 'ONGS PAR 'GYUR BA'I SNGAR 'BYUNG BA'I TSUL NI SGREGS PA MANG PO YANG DANG YANG DU 'BYUNG BAR 'GYUR BA DANG, BSHANG BA 'GAGS SHING SRI BA
DANG; ,'GRANGS SHING TSIM PAR ZA MA NUS PA DANG, RGYU MA SGRA DANG BCAS SHING MI GSAL BA'I SGRA KRUL KRUL ZER BA DANG, SBO ZHING LTO RGYAS LA HEN LANGS PA DANG, ME DROD ZHAN PAS KHA ZAS 'JU BAR MI BYED PA STE, DE DAG NI SKRAN RING PO MI THOGS PAR 'BYUNG BAR 'GYUR PA'I MTSAN MA YIN PAR SLOB DPON GYIS BSTAN CING BSHAD PA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, NAD GZHI'I GNAS KYI LE'U BCU GCIG PA'I RNAM PAR 'GREL PA'O,, ,,DE NAS DMU RDZING GI NAD GZHI BSHAD PAR BYA'O, ,ZHES BYA BA LA, 'DI NA KHONG 'BRAS LA SOGS PA DANG TSUL 'DRA BAS 'DI BRTZAMS PA YIN NO, ,NAD KUN ME DROD NYAMS LAS SKYE, ,LHAG PAR DMU RDZING NAD SKYE ZHING, ,MA ZHU DRI MA CAN GYI ZAS, , DRI MA SOGS LAS SKYE BAR 'GYUR, ,ZHES BYA BA LA, GANG GI PHYIR NAD THAMS CAD KYANG PHO BA'I ME DROD NYAMS PA LAS SKYE BAR 'GYUR BA YIN MOD KYI, KHYAD PAR DU 'AM, LHAG PAR DMU RDZING GI NAD NI, PHO BA'I ME DROD NYAMS PA LAS SKYE BAR 'GYUR LA, DE BZHIN DU MA ZHU BA RNAM PA BZHI DANG, DRI MA CAN GYI ZAS RUL PA DANG, ZHAG LON PA'I KHENGS BU DANG, 'DREN MA LA SOGS PA'I SKYON DANG LDAN PA BSTEN PA DANG, DE BZHIN DU NAD KYI DRI MA YUN RING DU SOGS SHING 'PHEL BAR 'GYUR BA LAS DMU RDZING GI NAD SKYE ZHING 'BYUNG BAR 'GYUR TE, DE DAG NI NAD KYI RGYU BSTAN PA YIN NO, ,NAD KYIS CHU NI RGYU BA'I RTZA, ,STENG DANG 'OG TU BKAG NAS NI, ,SROG DANG THUR SEL LA GNOD DE, ,PAGS PA SHA YI BAR GNAS NAD, ,LTO BA BKANG STE DMU RDZING SKYED, ,CES BYA BA LA, RLUNG LA SOGS PA'I NAD KYIS CHU'AM, BAD KAN GYI TSOGS RGYU BA'I RTZA LUS KYI STENG 'OG TU RGYU BA BKAG NAS RGYU DES SROG CES BYA BA'I RLUNG LA SOGS PAS GNOD CING 'KHRUGS PAR BYAS NAS PAGS PA DANG SHA'I BAR NA YOD PA'I NAD DRANGS TE, LTO BA BKANG NAS DMU RDZING SKYED
, ,CING 'BYUNG BAR BYED PA YIN NO, ,DE YANG RNAM PA BRGYAD 'GYUR TE, ,NAD GZHI THA DAD 'DUS MCHER PA, ,DRI MA 'GAGS DANG RGYU RDOL DANG, ,ZHES BYA BA LA, DMU RDZING DE YANG GRANGS KYI DBYE BA RNAM PA BRGYAD DU 'GYUR TE, RLUNG DANG MKHRIS PA BAD KAN GYI NAD GZHI THA DAD PA LAS BYUNG BA GSUM DANG, GSUM CHAR 'DUS PA LAS BYUNG BA GCIG DANG, MCHER PA LAS BYUNG BA DANG, DRI MA 'GAGS PA'I DMU RDZING DANG, RGYU MA RDOL BA'I DMU RDZING DANG, CHU'I DMU RDZING STE RNAM PA BRGYAD DO, ,DES GZIR RKAN DANG MCHU BSKAMS SHING, ,RKANG PA LAG PA GSUS PA SKRANGS, ,SPYOD PA KHA ZAS NYAMS STOBS 'BRI, ,SKEM ZHING GSUS PA CHER SKYES LA, ,MI NI YI DAGS GZUGS CAN 'GYUR, ,ZHES BYA BA LA, DMU RDZING GI NAD DES GZIR CING NYEN PA'I MI NI RKAN DANG MCHU BSKAMS PAR GYUR PA DANG, RKANG PA DANG PAGS PA DANG LTO BA SKRANGS PA DANG, LUS KYI SPYOD PA NYAMS PA DANG, KHA ZAS ZA BA'I RTZOL BA NYAMS PA DANG, LUS KYI NYAMS STOBS 'BRI ZHING ZAD PA DANG, SKEM ZHING SHA DANG KHRAG ZAD PA DANG, GSUS PA CHER SKYES SHING RGYAS PAR 'GYUR TE, MDOR NA MI DE YI DAGS KYI GZUGS CAN LTA BU'AM, 'CHI BA DANG 'DRA BAR 'GYUR RO, ,DE NI 'BYUNG 'GYUR MTSAN MA DAG ,BKRES PA MED CING ZAS KUN NI, ,RING NAS TSA ZHING SKYUR BCAS 'JU, ,'JU DANG MI 'JU MI SHES LA, ,'GRANGS PAR ZA YANG MI NUS SHING, ,STOBS NI RTAG TU ZAD PAR 'GYUR, ,CUNG ZAD BSKYOD KYANG DBUGS MI BDE, ,BSHANG BA 'PHEL ZHING 'GAGS PAR BYED, ,RKANG PA GNYIS SU CUNG ZAD SKRANG, ,CHU SOR NA ZHING ZAS YANG BA, ,CUNG ZAD ZOS KYANG GSUS PA RGYAS, ,RTZA RGYAS LTO BA'I GNYER MA 'JIG ,CES BYA BA LA, DMU RDZING DE NYE BAR 'BYUNG BA'I MTSAN NYID DAM SNGAR BYUNG BA'I TSUL NI ZAS MA ZOS KYANG BKRES PA'I BAG MED PA DANG, ,RO DRUG DANG LDAN PA'I KHA ZAS KUN KYANG TSA BA NGANG BCAS SHING SKYUR BAG
GI RNAM PAS RING ZHIG LON NAS GDOD 'JU BA DANG, ZAS ZOS BA ZHU BAR GYUR TAM, ZHU BAR MA GYUR PA BLOS RTOGS SHING SHES PAR MI 'GYUR BA DANG, 'GRANGS BAR ZA ZHING LONGS SPYAD PAR MI NUS PA DANG, LUS KYI STOBS NYIN MTSAN RTAG TU ZAD CING 'BRI BAR 'GYUR BA DANG, LUS BSKYOD PA'I G-YO 'GUL GYI BYA BA CUNG ZAD BYAS KYANG, DBUGS MI BDE ZHING BRTZEGS PA DANG, BSHANG BA NANG DU 'PHEL ZHING SOGS LA PHYIR MI 'BYUNG BAR 'GAGS PA DANG, DE BZHIN DU RKANG PA SKRANGS PA NAS LTO BA'I GNYER MA 'JIG CING MI SNANG BA'I BAR GYI MTSAN MA 'BYUNG BAR 'GYUR RO, ,DMU RDZING NAD NI THAMS CAD LA, ,SNYOM ZHING NYAM CHUNG 'GYUR BA DANG, ,DRI MA SRI ZHING ME DROD CHUNG, ,TSA ZHING SKRANGS LA GSUS PA SBO, ,MJUG TU CHU NI 'BYUNG BAR 'GYUR, ,ZHES BYA BA LA, DMU RDZING THAMS CAD KYI SPYI'I MTSAN MA NI SNYOM PA LA SOGS PA YIN TE; ,SNYOM PA NI GNYID KYIS MYOS PA SNYAM DU YUL 'DZIN PAR MI NUS PA'O, ,TSA BA NI LUS TSA BA 'UR 'UR POS KHYAB PA'O, ,DMU RDZING DE DAG THAMS CAD KYI MJUG GAM MTHAR NI LTO BA'I NANG DU CHU 'BYUNG ZHING DES GANG BAR 'GYUR RO, ,THAMS CAD CHU MED BAR DU SMUG ,SKRANG MED KHUR LTAR LCI MA YIN, ,RTZA DRA'I SKAR KHUNG RIS KYIS KHEBS, ,RTAG TU SGRA NI 'UR 'UR ZER, ,RLUNG GIS LTE BA RGYU MAR ZHUGS, ,SHUGS BSKYED NAD NI 'JIG PAR 'GYUR, ,SNYING GA LTE BA RKED PA DANG, ,GZHANG DANG CHU SO NA BAR BYED, ,RLUNG NI SGRA DANG BCAS PAR RGYU, , BSHANG BA 'GAGS SHING GCI BA NYUNG, ,ME DROD CHUNG MIN SKAM PA MIN, ,KHA NI RO BRO MED MA YIN, ,ZHES BYA BA LA, DMU RDZING GI NAD THAMS CAD NI, DMU CHUR MA GYUR PAR SHA MDOG SMUG CING DMAR BAR SNANG LA, SKRANG PA'I TSABS MI CHE ZHING CUNG ZAD SKRANGS PA DANG, KHUR BU LTAR SHIN TU LCI BA MA YIN PA DANG, RTZA'I DRA BA'I TSOGS KYIS SKAR KHUNG LTAR G-YOGS SHING KHEBS PA DANG, RTAG TU DUS THAMS CAD DU KHONG PA'I NANG NA SGRA 'UR 'UR POR GRAG CING BAR SNANG GI 'BRUG LTAR SGRA GRAG PA DANG, RLUNG LTE BA DANG RGYU MAR ZUG CING NA BAR BYED PA NAS,
, ,SGRA'I SHUGS BSKYED CING BYUNG NAS 'JIG STE MI SNANG BAR 'GYUR BA DANG, YANG RLUNG GIS SNYING GA LA SOGS PAR NA ZHING ZUG PAR BYED PA DANG, YANG RLUNG DE LTO BA'I NANG NA SGRA DANG BCAS SHING RGYU ZHING PHAN TSUN 'GRO BA DANG, BSHANG BA 'GAGS SHING SRI BAR BYED PA DANG; GCIN GYI TSOGS NYUNG BAR BYED PA DANG, KHONG PA'I ME DROD SHIN TU CHUNG BA MA YIN PA DANG, SKAM ZHING ZAS LA GDU BA MA YIN PA DANG, ,KHA'I NANG NA RO BRO BA MED PA MA YIN TE RO DANG BCAS PA YIN NO, ,DE LA RLUNG GI DMU RDZING NI, ,RKANG LAG RLIG PA LTO BA SKRANG, LTO BA RTZIB LOGS RKED RGYAB NA, ,TSIGS RNAMS BYE BA SNYAM DU SEMS, ,LUD PA SKAM ZHING YAN LAG SNYOM, ,RO SMAD LCI ZHING BSHANG GCI 'GAGS, ,PAGS PA LA SOGS GNAG LA SMUG ,GLO BUR DU NI 'PHEL ZHING 'BRI, ,GSUS PAR ZUG CING NA BA DANG, ,RTZA BRAN NAG POS KHYAB CING RGYAS, ,BRDABS NA RKYAL PA DBUGS KYIS NI, ,GANG BA LTA BU'I SGRA DANG LDAN, ,'DIR RLUNG NAD DANG SGRAR BCAS PAS, ,THAMS CAD DU NI RGYU BAR BYED, ,CES BYA BA LA, DE LA DMU RDZING RNAMS KYI NANG NAS, RLUNG LAS GYUR PA'I DMU RDZING NI RKANG PA DANG LAG PA LA SOGS PA SKRANG BAR 'GYUR BA DANG, RUS PA'I TSIGS NA ZHING ZHIG PA SNYAM DU SEMS PA DANG, LUD PA BAD KAN MED PAR SKAM POR 'BYUNG BA DANG, YAN LAG SNYOM ZHING GRUGS BA SNYAM DU SEMS PA DANG, LUS KYI RO SMAD LCI ZHING GDEG DKA' BA SNYAM DU SEMS PA DANG; BSHANG GCI DRI MA 'GAGS SHING SRI BA DANG, PAGS PA DANG SEN MO DANG MIG DANG LCE DANG BSHANG BA LA SOGS PA MDOG GNAG CING SMUG PAR SNANG BA DANG, RGYU MED PAR GLO BUR DU DE'I LTO BA CHER 'PHEL ZHING 'BRI BAR 'GYUR BA DANG, ZUG CING SHAS CHER NA BA DANG, RTZA BRAN GYI TSOGS NAG POS KHYAB CING RGYAS PAR 'GYUR BA DANG, LTO BA LA LAG PA LA SOGS PAS BRDABS SHING BSNUN NA RKYAL BA DBUGS KYIS GANG BA LA MNAN PA LTA BU'I SGRA DANG LDAN PA DANG, DMU RDZING 'DI LA RLUNG SGRA DANG BCAS PAS THAMS CAD DU RGYU ZHING 'GRO BAR BYED PA YIN NO, ,MKHRIS
PA'I DMU RDZING RIMS 'DEBS RGYAS, ,LUS TSA SKOM DANG KHA RO KHA, ,MGO 'KHOR TSAD 'KHRU PAGS PA SOGS, ,SER ZHING GSUS PA'I MDOG RTZA SNGO, ,RTZA NI DMAR SER DAG GIS KHYAB, ,RDUL DANG TSA BAR BCAS PAS SREG ,NGAD 'BYUNG REG NA 'JAM PA DANG, , MYUR DU SMIN CING NYER GDUNG 'GYUR, ,ZHES BYA BA LA, MKHRIS PA LAS GYUR PA'I DMU RDZING NI RIMS KYIS 'DEBS PA LA SOGS PA 'BYUNG BA DANG, PAGS PA DANG SEN MO LA SOGS PA MDOG SER BA DANG, GSUS PA'I MDOG RTZA SNGO BAR SNANG BA DANG, RTZA'I MDOG DMAR PO DANG SER PO DAG GIS KHEBS PA DANG, LUS RDUL ZHING TSA BA DANG BCAS PAS ME LTAR SREG PAR BYED PA DANG, NGAD 'BYUNG ZHING DU BA 'THUL BA LTA BU 'BYUNG BAR 'GYUR BA DANG, REG NA 'JAM ZHING MNYEN PA DANG, MYUR DU SMIN CING TSOS PAR MI 'GYUR BA DANG, NYE BAR GDUNG ZHING BSREG PAR 'GYUR BA YIN NO, ,BAD KAN DMU RDZING LHU TSIGS NA, ,TSOR BA MED CING SKRANG LA LCI, ,GNYID CHE SLON ZHING YI GA 'CHUS, ,LUD PA DBUGS MI BDE LPAGS SOGS, ,SKYA ZHING LTO BA MKHRANG LA SNUM, ,RTZA YI RI MOS KHYAB CING CHE, ,RING NAS 'PHEL ZHING SRA BA DANG, , REG NA GRANG ZHING GSUS PA LCI, ,ZHES BYA BA LA, BAD KAN LAS GYUR PA'I DMU RDZING NI YAN LAG GI LHU TSIGS NA ZHING SNYOM PA DANG, TSOR BA MED CING BEM BEM POR 'GYUR BA DANG, SKRANG BA LA SOGS PA'I MTSAN NYID DANG LDAN PA DANG, PAGS PA NAS BSHANG GCI'I BAR DU SKYA ZHING DKAR BA DANG, LTO BA SRA ZHING REM REM POR 'DUG PA DANG, ,RTZA RIS KYI MDOG SKYABS KHYAB PA DANG, CHE ZHING SBOM PA DANG, RING ZHIG NAS 'PHEL ZHING RGYAS PA DANG, RDO LTAR SRA BA DANG, REG NA GRANG ZHING BSIL BA DANG, GSUS PA LCI ZHING BRTAN PA YIN NO, ,GNAS GSUM 'KHRUGS PA DE DANG DE, ,BUD MED KYIS BYIN DRI MA RDUL, ,DBYIG DUG DUG SOGS KYIS GNOD 'GYUR, ,KHAG BCAS DRI MA BSAGS PA NI, ,LTOR SONG GNOD PA SKYED BYED DE, ,KHA SKAM MGO 'KHOR BRGYAL BCAS PA'I, ,
, ,RTAGS GSUM LDAN PA'I DMU RDZING SKYED, ,MYUR DU SMIN CING MI BZAD NA, ,DE NI GRANG DANG RLUNG DANG CHAR, ,PHRAD PAS SHIN TU GNOD PAR 'GYUR, ,ZHES BYA BA LA, NAD GZHI GSUM CHAR SKYED PAR BYED PA'I RGYU NAD THAMS CAD KYI NAD GZHI'I SKABS SU BSHAD PA RNAM PA MANG PO DE DANG DE DAG DANG, DE BZHIN DU BUD MED KYIS DBANG DU BYAS PA'I PHYIR, SROG CHAGS KYI YAN LAG LAS BYUNG BA'I SKRA LA SOGS PA DRI MA DANG RDUL 'BYIN PAR 'GYUR BA DANG, DE BZHIN DU DBYIG DUG DANG DUG LA SOGS PA BYIN PAS GNOD PAR GYUR PAS KHRAG DANG BCAS PA'I RLUNG LA SOGS PA'I NAD KYI DRI MA BSAL ZHING 'PHEL BAR 'GYUR BA DE LTO BAR SONG ZHING, PHYIN NAS GNOD PA'I NAD SKYED CING 'BYUNG BAR BYED DE, DE KHA SKAM PA LA SOGS PA DANG LDAN PA'I DMU RDZING NAD GZHI GSUM GYI MTSAN MA DANG LDAN PA SKYED PAR BYED PA DE NI MYUR DU SMIN ZHING BRNAG PAR DKA' BAR MI BZAD PAR NA BA YIN NO, ,YANG DMU RDZING GI NAD DE NI GRANG BA LA SOGS PA DANG PHRAD PAS SHIN TU GNOD CING NAD 'PHEL BAR 'GYUR RO, ,MANG DU ZOS PAS BSKYOD PA DANG, ,BZHON PA DRAG TU 'GRO BA DANG, ,LAS LAM NYAL PO DRAGS PAS DUB, ,SKYUG SMAN DRAGS DANG NAD KYIS SKEM, ,G-YON LOGS GNAS PA'I MCHER PA NI, ,GNAS LAS 'PHOS TE 'PHEL BA DANG, ,YANG NA DANGS MA SOGS PAS KHRAG ,RGYAS BYAS DE NI 'PHEL GYUR DANG, ,DE NI GTUN BU BZHIN RAB SRA, ,DE NAS RUS SBAL RGYAL 'DRA BAR, ,RIM GYIS 'PHEL BAR 'GYUR NAS NI, ,LTO BAR DMU RDZING CHAGS PAR BYED, ,LUD PA DBUGS MI BDE SKOM DAD, ,KHA YIS RO NI MI TSOR ZHING, ,LCI ZHING NA LA RIMS KYIS 'DEBS, ,SHA MDOG SKYA ZHING MI SDUG LA, ,BRGYAL ZHING SLON PAR BYED PA DANG, ,TSA ZHING MYOS DANG LDAN PAR 'GYUR, ,RTZA MDOG DMAR BA'AM MI SDUG BA'AM, ,SNGO ZHING SER LA RI MOR BCAS, ,ZHES BYA BA LA, MANG DU ZOS SHING HA CANG 'GRANGS DRAGS PAS BSKYOD PA DANG, RTA DANG RNGA MO LA SOGS PA'I BZHON PAS
DRAG TU BSKYOD CING 'GRO BA DANG, LAS DANG LAM GYIS DUB PA LA SOGS PAS G-YON LOGS NA GNAS PA'I MCHER PA GNAS LAS 'PHOS TE 'PHEL ZHING RGYAS PAR 'GYUR BA DANG, YANG NA DANGS MA LA SOGS PA'I LUS ZUNGS RNAMS KYI KHRAG 'PHEL ZHING RGYAS PAR BYAS PA'I DBANG GIS MCHER PA DE 'PHEL BAS GNAS LAS 'PHOS PA'AM, RANG GI GNAS NYID DU 'PHEL BAR GYUR LA, DE NAS NI MCHER PA DE DANG POR GTUN BU LTAR SRA BAR 'GYUR LA, DE NAS DE'I 'OG TU RUS SBAL GYI RGYAB 'DRA BAR RIM GYIS 'PHEL ZHING RGYAS PAR 'GYUR GYI CIG CAR 'GYUR BA NI MA YIN GYI, DE LTAR LTO BAR DMU RDZING CHAGS PAR 'BYUNG PAR BYED LA DE YANG DBUGS MI BDE BA LA SOGS PA NAS RTZA RIS SNGO ZHING SER BA'I BAR DU 'GYUR RO, ,DE LA RIM GYIS NAD RNAMS NI, ,BSHANG 'GAGS NAD DANG LTO SBOS DANG, ,RMONGS BAG SKOM TSA RIMS KYIS 'DEBS, ,LUS LCI LTO SRA YI GA 'CHUS, ,ZHES BYA BA LA, MCHER PA'I SKRAN DE LA RLUNG LA SOGS PA'I NAD RNAMS NI RIM BZHIN DU BSHANG BA 'GAGS PA LA SOGS PA'I MTSAN NYID DANG LDAN PA YIN PAR SHES PAR BYA'O, ,DE YANG BSHANG BA 'GAGS PA DANG NA BA DANG, LTO SBOS PA LAS NI RLUNG YIN PAR SHES PAR BYA'O, ,RMONGS BAG DANG SKOM DAD TSA BA DANG RIMS KYIS 'DEBS PA LAS NI MKHRIS PA YIN PAR SHES PAR BYA'O, ,LUS LCI BA DANG LTO SRA BA DANG YI GA 'CHUS PA LAS NI BAD KAN YIN PAR SHES PAR BYA'O, ,MCHER BA LTA BUR MCHIN G-YAS LOGS, ,GNAS 'PHOS DMU RDZING SKYED CES BYA, ,ZHES BYA BA LA, JI LTAR MCHER BA G-YON LOGS NA 'DUG STE, RGYU'I KHYAD PAR GYIS 'PHOS SHING LHUNG NAS 'PHEL BAR 'GYUR BA DE BZHIN DU MCHIN PA G-YAS LOGS NA GNAS PA YANG 'PHOS SHING THUR DU LHUNG LA 'PHEL BAR GYUR NAS DMU RDZING SKYED PAR SHES PAR BYA'O, ,BYA SGRO SPU DANG BCAS PA'I ZAS, ,ZOS PAS BSHANG LAM GNAS 'GAGS TE, ,GZHANG 'BRUM DANG NI RTUG SKAM DANG, ,RGYU MAR CHAGS PA'I ZAS KYIS KYANG, ,THUR DU SEL BA'I RLUNG 'KHRUGS TE, ,BSHANG BAS BAD MKHRIS
, ,BKAG NAS NI, ,LTO BAR DMU RDZING CHAGS PAR BYED, ,DES NI TSA SKOM RIMS SBRID 'BYUNG, ,LUD PA DBUGS MI BDE BRLAN, ,KLAD SNYING LTE BA GZHANG KHA NA, ,DRI MA 'GAGS SLON YI GA 'CHUS, ,LTO BAR RLUNG NI 'KHYIMS PAR BYED, ,BRTAN ZHING RTZA NI SNGO LA SMUG ,RTZA RIS SNANG BA'AM MI SNANG 'GYUR, ,PHAL CHER LTE BA'I 'OG TU NI, ,BA LANG MJUG 'DRA 'BYUNG BAR 'GYUR, ,ZHES BYA BA LA, BYA SGRO PHRA MO DANG SPU'I TSOGS DANG BCAS PA'I ZAS ZOS SHING LONGS SPYAD PAS BSHANG BA'I LAM GYI GNAS 'GAGS SHING 'BYUNG DU MI RUNG BAR 'GYUR BA DANG, GZHANG 'BRUM GYIS GZHANG 'GAGS PAR BYAS PA'AM, RGYU MAR CHAGS SHING THOGS PAR BYED PA'I ZAS SRAN MA MA SHA DANG ZAR MA LA SOGS PA ZOS PAS THUR DU SEL BA'I RLUNG 'KHRUGS PAR 'GYUR TE, BSHANG BA LA SOGS PAS BKAG NAS LTO SRA BAR DMU RDZING CHAGS PAR GYUR TE, LTOR 'KHYIL ZHING DRI MA 'GAGS PA'I DMU RDZING DES NAD PA LA TSA ZHING SKOM PA LA SOGS PA 'BYUNG BAR 'GYUR BA DANG, LTO BAR RLUNG 'KHYIMS TE RLUNG PHYIR 'BYUNG BAR MI BYED CING NANG DU 'KHYIL BAR BYED PA DANG, BRTAN PA LA SOGS PA'I MTSAN NYID DANG LDAN PA DANG, YANG DMU RDZING DE NI PHAL CHER MANG DU LTE BA'I 'OG TU DBYIBS BA LANG GI MJUG MA 'DRA BAR 'BYUNG ZHING SKYE BAR 'GYUR RO, ,RUS SOGS ZUG RNGUR BCAS PA'I ZAS, ,ZOS SAM SHIN TU DRAG ZOS PA, ,RGYU MA RDOL LAM GAS GYUR NAS, ,BU GA DE NAS MA ZHU BAR, , SPYIR 'DZAG BSHANG LAM LAS 'BYUNG ZHING, ,BSHANG BCAS NYUNG SHAS NYUNG SHAS NI, ,SHA RUL LTA BUR MNAM PA NI, ,SBYIN BAG DMAR SER 'BYUNG BAR 'GYUR, ,LHAG MA YIS NI LTO BA 'GENGS, ,DMU RDZING MI BZAD SKYE BAR 'GYUR, ,DE NI LTE BA MAN CHAD RGYAS, ,CHUS GANG LTA BUR MYUR DU 'GYUR, ,NAD KYI TSUL NI SHAS CHER LDAN, ,DBUGS MI BDE SKAM MGO 'KHOR KHYAB, ,RGYU RDOL DMU RDZING ZHES BSHAD DE, ,GZHAN DAG RGYU MA 'DZAG CES ZER, ,ZHES BYA BA LA, RUS PA DANG RTZA DANG TSER MA DANG RDO DANG RVA DANG SHING GI TSAL BA LA SOGS PA'I
ZAS ZUG RNGU DANG BCAS PA'I KHA ZAS ZOS PAR GYUR PA'AM, YANG NA SHIN TU DRAG CING SHAS CHER ZOS PAS GANG GI RGYU MA RDOL CING BU GA DANG BCAS PAR 'GYUR BA DANG, GAS PAR GYUR NAS RDOL BA'AM, GAS BA'I BU GA DE NAS PHYIR 'DZAG CING ZAS MA ZHU BA KHO NAR PHYIR 'DZAG PAR GYUR CING BSHANG BA'I LAM NAS 'BYUNG BAR BYED LA, DE YANG BSHANG BA DANG BCAS PAR NYUNG SHAS NYUNG SHAS 'BYUNG ZHING, 'BYUNG BA DE YANG SHA RUL TE MI RO'I DRI LTAR SHIN TU MNAM PAR 'BYUNG ZHING, SHING SHAL MA LI'I THANG CHU LTAR SBYIN ZHING 'BYAR BAG TU GNAS PA LA, MDOG DMAR ZHING RTZA SER BAR 'BYUNG BAR 'GYUR RO, ,BSHANG BA'I LAM LAS BYUNG BA'I LHAG MAS NI LTO BA 'GENGS SHING RGYAS PAR BYAS NAS DMU RDZING GI NAD MI BZAD CING BRNAG PAR DKA' BA SKYE ZHING 'BYUNG BAR 'GYUR LA, DMU RDZING DE NI LTE BA MAN CHAD RGYAS SHING 'PHEL BAR 'GYUR LA; ,DE YANG LTO BA CHUS GANG BA LTA BU'I DMU RDZING DU MYUR ZHING RING POR MI THOGS PAR 'GYUR RO, ,DE NI NAD KYI TSUL SHAS CHE ZHING NAD KYI RTAGS STOBS DANG LDAN PA'I TSABS PO CHE DANG LDAN PA YIN LA, DBUGS MI BDE BA LA SOGS PAS KYANG KHYAB CING ZIL GYIS MNAN PA YIN NO, ,DMU RDZING DE NI RGYU MA RDOL BA'I DMU RDZING ZHES BYA'O, ,ZHES SLOB DPON GYIS BSHAD DO, ,DRANG SRONG GZHAN DAG NI DMU RDZING DE YONGS SU 'DZAG PA'I DMU RDZING ZHES BYA'O, ,ZHES ZER RO, ,SNUM 'THUNGS LA SOGS BYAS NAS NI, ,'PHRAL DU CHU GRANG 'THUNGS PA'AM, ,ME DROD BRI BA'AM HA CANG NI, ,SKOM PAS CHU 'THUNGS DRAGS PA'AM, ,RLUNG DANG BAD KAN 'KHRUGS CHUR 'DRES, ,CHU YI LAM NI BKAG GYUR PAS, ,DE NYID GNAS DER 'PHEL BAR 'GYUR, ,DE 'OG DMU RDZING GYUR PA YIN, ,DE NAS DMU RDZING DE LAS NI, ,SKOM DAD RKUB TU CHU 'DZAG BCAS, ,DBUGS MI BDE LUD YI GA 'CHUS, ,SNA TSOGS MDOG LDAN RTZA YIS KHYAB, ,RKYAL BA CHUS GANG REG PA 'DRA, ,BSKYOD NA SGRA GRAG LUS 'DAR LA, ,DMU RDZING CHEN POS CHE ZHING SNUM, ,BRTAN ZHING DE NI LTE BA ZLUM, ,ZHES BYA BA LA, MI GANG ZHIG SNUM
, ,'THUNGS PAR GYUR PA DANG, SOGS PA ZHES BYA BA SMOS PAS SKYUG SMAN DANG, BKRU SMAN LA SOGS PA BYAS SHING BTANG ZIN PA'I RJES LA 'PHRAL DU STE RING PO MA LON PA NYID DU CHU GRANG BSKOL BA MA YIN PA 'THUNGS PA DANG, YANG NA CHU GRANG LA SOGS PA 'THUNGS DRAGS PAS PHO BA'I ME DROD BRI ZHING NYAMS PA DANG, YANG NA HA CANG SKOM CHES PA STE, ZAS BCAD PA LA SOGS PAS RUS PA DANG RGYUS PA TZAM LUS PAR GYUR PAS CHU 'THUNGS DRAGS TE, GNOD PA DE'I RGYUS RLUNG 'KHRUGS SHING LDANG BAR 'GYUR BA DANG, BAD KAN KYANG 'KHRUGS PAR GYUR NAS CHU RGYU BA'I LAM GYI RGYUN SRANG BKAG CING, RLUNG DANG BAD KAN DE GNYIS LTO BAR GNAS SHING CHU DE NYID DER GNAS SHED DE LAS 'PHEL ZHING RGYAS PAR GYUR BAS, DE'I 'OG TU CHU'I DMU RDZING DU GYUR PA YIN NO, ,DE NAS DE'I 'OG TU DMU RDZING DE SKOM DAD LA SOGS PA DANG LDAN PAR 'GYUR BA DANG, RKYAL PA CHUS GANG BA LA REG PA DANG 'DRA BAR CHU'I DMU RDZING DE PHAN TSUN BSKYOD NA SGRA GRAG PA DANG BCAS PA LA SOGS PA DANG, LTE BA KUN NAS ZLUM ZHING 'KHYIL BA'I RANG BZHIN CAN DU GNAS PA YIN NO, ,THAMS CAD YAL BAR BOR NA NI, , NAD NI RANG GNAS LAS 'PHOS TE, ,SMIN PAS SLA ZHING ZAG 'GYUR BA, ,TSIGS DANG RTZA SGO LAS KYANG 'DZAG ,PHYI YI RTZA SGO NAS RDUL 'BYUNG, ,'GAGS NAS THAD KAR 'KHYIL ZHING GNAS, ,CHU DE NYID NI 'PHEL 'GYUR ZHING, ,SBYIN BAG GYUR NAS DE'I TSE NI, ,LTO BA LCI ZHING SRA LA ZLUM, ,BRDABS NA SGRA NI MI 'BYUNG ZHING, ,MDOG 'JAM RTZA RIS MI SNANG LA, ,LTO BA DANG NI RGYAB DU 'GRO, ,DE RJES CHU YI DMU RDZING SKYE, ,LTO BAR 'PHEL ZHING DE LAS LHAG ,RTZA NUB GYUR PA'I DMU CHU NI, ,DMU RDZING BSHAD PA'I MTSAN NYID LDAN, ,ZHES BYA BA LA, DMU RDZING DE THAMS CAD KYANG YAL BAR BOR ZHING GSO BA MA BYAS NA, RLUNG LA SOGS PA'I NAD RANG GI GNAS NAS 'PHOS NAS RANG GI GNAS SPANGS TE, SMIN CING GSHER BAS SLA ZHING RNAG ZAG PAR BYED PAR 'GYUR BAS TSIGS DANG RTZA'I SGO NAS KYANG ZAG CING 'BYUNG BAR 'GYUR LA, PHYI
ROL GYI RTZA'I SGO BA SPU'I BU GNAS RDUL 'BYUNG BA 'GAGS SHING 'BYUNG DU MI STER BAS, THAD KAR 'KHYIL CING YAN LAG TU 'GRO BAS GNAS LA SNGAR GNAS PA'I CHU DE NYID 'PHEL ZHING SOGS PAR BYAS NAS SBYIN BAG TU BYED LA, DE NAS DE'I 'OG TU DE'I TSE LTO BA DE LCI BA LA SOGS PAR 'GYUR LA, LAG PAS BRDABS NA YANG SGRA MI 'BYUNG BA LA SOGS PAR 'GYUR LA, DE NAS DE'I RJES LA DMU RDZING DER CHU'I DMU RDZING 'BYUNG BAR 'GYUR ZHING SKYE BAR 'GYUR TE CHU DE LTO BAR LCI ZHING RGYAS PAR 'GYUR BA DANG, RTZA RNAMS NUB CING MI SNANG BAR 'GYUR BA DANG, CHU'I DMU RDZING BSHANG BA'I MTSAN NYID, ,SKOM DAD RKUB TU CHU 'DZAG BCAS, ,ZHES BYA BA LA SOGS PA DANG LDAN PAR 'GYUR RO, ,RLUNG DANG MKHRIS PA BAD KAN MCHER, ,'DUS PA'I CHU YI DMU RDZING RNAMS, ,PHYI MA BZHIN DU GSO BAR DKA', ,ZHES BYA BA LA, RLUNG LA SOGS PA'I DMU RDZING NI PHYI MA BZHIN DU GSO BAR DKA' BA YIN TE, RLUNG GI DMU RDZING BAS NI MKHRIS PA'I DMU RDZING GSO BAR DKA' BA YIN LA, DE BAS NI BAD KAN GYI DMU RDZING GSO BAR DKA' BAS NA, CHU'I DMU RDZING NI SHIN TU GSO BAR DKA' BA YIN NO, ,GZHAN DAG PHAL CHER ZLA PHYED GSOD, ,CES BYA BA LA, DMU RDZING DE LAS GZHAN PA GNYIS PO DRI MA 'GAGS PA LAS GYUR PA'I DMU RDZING DANG, RGYU MA RDOL BA LAS BYUNG BA'I DMU RDZING DAG NI PHAL CHER TE MANG DU ZLA BA PHYED LON PA DANG NAD PA DE GSOD CING 'JOMS PAR BYED PA YIN NO, , THAMS CAD CHUR GYUR 'CHI LTAS LE'U, ,LAS BSHAD BLA BRNAN LDAN PA'ANG GSOD, ,CES BYA BA LA, DMU RDZING THAMS CAD DE RLUNG LAS GYUR PA LA SOGS PA KUN KYANG CHUR SKYES PA STE, CHU'I DMU RDZING DU GYUR PA DANG, DE BZHIN DU 'CHI LTAS LAS BSHAD PA'I BLA BRNAN DANG LDAN PA STE, SNA DANG MIG DANG MTSAN MA YO, ,ZHES BYA BA LA SOGS PA DANG LDAN PA'I DMU RDZING YANG GSOD PA YIN NO, ,SKYES NAS DMU RDZING GYUR PA DAG ,PHAL CHER GSO BAR DKA' BAR BSHAD, ,STOBS LDAN CHUR NI MA GYUR ZHING, ,GSAR DU BYUNG BA 'BAD PAS GSO, ,
, ,ZHES BYA BA LA, SKYES NAS BYUNG BA'I DMU RDZING DU GYUR PA GANG YIN PA DE THAMS CAD KYANG GSO BAR DKA' BA YIN NO, ,MI STOBS DANG LDAN ZHING NA TSOD DAR LA BAB PA LA DAM RDZING DE SKYES PAR GYUR CING, CHUR MA GYUR TE GSAR DU BYUNG BA DAG NI GSOR RUNG MOD KYI, SPYIR GSO BAR DKA' BA'I NAD YIN PAS 'BAD PA DANG LDAN PA KHO NAS GSO BAR BYA'O, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, NAD GZHI'I GNAS KYI LE'U BCU GNYIS PA'I RNAM PAR 'GREL PA'O,, ,,DE NAS SKYA RBAB DANG 'OR NAD DANG ME DBAL GYI NAD GZHI BSHAD PAR BYA'O, ,ZHES BYA BA LA, DMU RDZING GI NAD GZHI'I 'OG TU SKYA RBAB KYI NAD GZHI BSHAD PA NI, DMU RDZING GI NAD SKYES NA SKYA RBAB LA SOGS PA YANG 'BYUNG BAR 'GYUR BAS, DE'I PHYIR LE'U 'DI BRTZAMS PA YIN NO, ,JI SKAD BSHAD PA'I NAD 'KHRUGS PAS, ,MKHRIS PA LHAG PAR LDANG GYUR LA, ,DE LA RLUNG NI STOBS CHE BAS, ,SNYING LA GNAS PA'I MKHRIS PA NI, ,GTOR TE RTZA CHEN BCU'I NANG BKRAM, ,LUS KUN LA NI KHYAB GYUR PAS, ,BAD KAN PAGS PA SHA KHRAG LA, ,GNOD BYAS BAR DU GNAS NAS NI, ,SHA DANG PAGS PA DE DAG LAS, ,LPAGS MDOG THA DAD DKAR BA DANG, ,SER ZHING LJANG SNGON BYED PAR 'GYUR, ,DE LAS SKYA BA'I SHAS CHE BAS, ,DE PHYIR SKYA RBAB NAD CES BSHAD, , CES BYA BA LA, NAD RNAMS JI SKAD BSHAD PA'I KHA BA DANG TSA BA DANG MNGAR BA LA SOGS PA'I NAD GZHI LDANG BA'I RGYUS 'KHRUGS SHING LDANG BAR 'GYUR LA, MKHRIS PA LHAG PAR SHAS CHE BAR LDANG ZHING 'KHRUGS PAR GYUR NA SKYA RBAB KYI NAD SKYED PAR 'GYUR RO, ,DE LA NAD DE RNAMS KYI NANG NAS RLUNG GI NAD GANG YIN PA DE NI STOBS DANG NUS PA SHIN TU CHE BA YIN PAS, SNYING GAR GNAS PA'I MKHRIS PA GANG YIN PA DE GTOR ZHING BYER BAR BYED LA, DES NA MKHRIS PA DE SNYING LA BRTEN PA'I RTZA BO CHE BCUR BKRAM ZHING PHYIN PAR BYAS NAS LUS MA LUS BA KUN LA KHYAB CING BYER
BAR GYUR NAS BAD KAN LA SOGS PA LA GNOD PAR BYAS NAS, DE PAGS PA DANG SHA GNYIS KYI BAR DU GNAS TE, MKHRIS PA DE PAGS PA'I MDOG RNAM PA THA DAD CING DU MAR GYUR PA SKYA ZHING DKAR BA DANG SER PO DANG LJANG SNGON DU BYED PAR 'GYUR RO, ,MDOG DE DAG LAS GANG GI PHYIR SKYA ZHING DKAR BA'I SHAS CHE BAS NA RGYU DE'I PHYIR NAD DE LA SKYA RBAB KYI NAD CES BYA'O ZHES DRANG SRONG DAG GIS BSHAD DO, ,NAD DES LUS NI LCI BA DANG, ,LUS ZUNGS RNAMS NI LHOD PA DANG, ,MDANGS KYI YON TAN ZAD GYUR CING, ,DE LAS KHRAG DANG TSIL CHUNG STE, ,SNYING PO MED CING DBANG PO LHOD, ,YAN LAG BRDUNGS PA SNYAM BYED CING, ,SNYING NI ZAG PA SNYAM DU SEMS, ,MIG PHUGS SKRANG ZHING NYAMS LA NA, ,MCHIL MANG SKAD GDANGS DMA' BA DANG, ,ZAS MI 'DOD CING GRANG MI BZOD, ,SPU 'BYI ME DROD NYAMS PA DANG, ,RO SMAD 'BYING ZHING RIMS KYIS 'DEBS, ,DBUGS MI BDE ZHING RNA SGRA 'BOD, ,MGO 'KHOR NGAL BAR BYED PA YIN, ,ZHES BYA BA LA, SKYA RBAB KYI NAD DES LUS KYI KHONG LCI BA DANG, ,DANGS MA LA SOGS PA'I LUS ZUNGS LHOD CING GCIG TU 'DUS PA ZHIG PA DANG, MDANGS KYI YON TAN GANG DAG YOD PA DE ZAD CING NYAMS PAR 'GYUR BA DANG, RGYU DE DAG GIS MI'I KHRAG DANG TSIL CHUNG BA LA SOGS PAR 'GYUR BA DANG, SNYING PO NI LUS KYI STOBS LA BYA STE DE MED PAR 'GYUR BA DANG, DBANG PO'I TSOGS RNAMS LHOD CING BYA BA'I SBYAR BA LAS NYAMS PA DANG, LAG NGAR LA SOGS PA'I YAN LAG RNAMS BRDUNGS PA SNYAM DU SEMS PA DANG, NA BAR 'GYUR BA DANG, SNYING ZAG CING 'KHRUGS PAR 'GYUR BA DANG, MIG GI PHUGS SKRANG ZHING GLO BA DANG, MIG NYAMS SHING MI SDUG PA DANG, MCHIL MA MANG BA LA SOGS PA DANG LDAN PA DANG, RO SMAD 'BYING ZHING NANG DU ZHUM PAR 'GYUR BA DANG, DE BZHIN DU RIMS KYIS 'DEBS PA LA SOGS PA 'BYUNG BAR SHES PAR BYA'O, ,DE NI NAD GZHI THA DAD 'DUS, ,SA ZHAG ZOS LAS RNAM LDAR 'GYUR, ,ZHES BYA BA LA, SKYA RBAB KYI NAD DE RNAM PA LNGA YOD DE NAD GZHI THA DAD PA LAS GYUR PA GSUM DANG, GSUM CHAR
, ,'DUS PA LAS GYUR PA GCIG DANG, SA ZHAG ZOS PA LAS GYUR PA NI LNGA PA YIN NO, ,'DI YI SNGON TSUL SNYING 'PHAR ZHING, ,PAGS PA RTZUB PAR GYUR PA DANG, ,YI GA 'CHUS SHING GCIN MDOG SER, ,RDUL MED KHONG PA'I ME DROD NYAMS, ,LUS RMYA NGAL BAR BYED PA YIN, ,ZHES BYA BA LA, SKYA RBAB KYI NAD 'DI'I SNGON DU BYUNG BA'I TSUL NI, SNYING CUNG ZAD 'PHAR BA DANG, LA LAR PAGS PA RTZUB PAR GYUR PA YIN PAR SHES PAR BYA'O, ,DE LA RLUNG GYUR LUS NA ZUG ,RTZA SEN MIG DANG BSHANG GCI RNAMS, ,MDOG GNAG RTZUB LA 'DAR BA DANG, ,SKRANG SBO KHA YIS RO MI TSOR, ,RTUG SKAM RTZIB LOGS KLAD PA NA, ,ZHES BYA BA LA, SKYA RBAB KYI NAD DE RLUNG LAS GYUR PA NI LUS NA ZHING MI BDE BA DANG, KHAB KYIS PHUG PA LTAR ZUG PA DANG, RTZA DANG SEN MO LA SOGS PA MDOG DMAR ZHING RTZUB PA DANG, LUS 'DAR BA DANG, SKOM DAD LA SOGS PAS NYEN PAR 'GYUR BA YIN NO, ,MKHRIS LAS RTZA DANG SEN MO SOGS, ,LJANG SNGON RIMS 'DEBS MUN 'THIBS BYED, ,SKOM DAD RDUL BRGYAL BSIL BA 'DOD, ,LUS MNAM KHA NANG KHA BA DANG, ,'KHRU ZHING SGREGS PA SKYUR LA TSA, ,ZHES BYA BA LA, MKHRIS PA LAS GYUR PA'I SKYA RBAB KYI NAD NI, RTZA DANG SEN MO DANG MIG DANG, BSHANG BA DANG, GCI BA LJANG SNGON LA SOGS PA'I MDOG TU SNANG BA DANG, RIMS KYIS 'DEBS PA LA SOGS PAR 'GYUR RO, ,BAD KAN RTZA SOGS DKAR BA DANG, ,GLONGS SHING KHA NANG LAN TSVA BRO, ,BA SPU LDANG ZHING SKAD 'GAGS LA, ,LUD PA LU ZHING SLON PAR BYED, ,CES BYA BA LA, BAD KAN LAS GYUR PA'I SKYA RBAB KYI NAD NI, ,RTZA DANG SEN MO LA SOGS PA DKAR BA DANG, BA SPU LDANG ZHING BRTZE BA LA SOGS PA 'BYUNG BA YIN NO, ,'DUS GYUR MTSAN MA 'DRES BRNAG DKA', ,ZHES BYA BA LA, 'DUS PA LAS GYUR PA'I SKYA RBAB NI NAD GZHI GSUM CHAR GYI MTSAN NYID 'DRES MA DANG LDAN LA, DE YANG RNAG CING BZOD PAR DKA' BA YIN NO, ,SA ZHAG BSKA BAS RLUNG SKYED LA, ,TSVA BRO MKHRIS PA MNGAR BAD KAN, ,DANGS MA LA SOGS
GNOD 'GYUR ZHING, ,RTZUB PAS ZAS ZOS RTZUB GYUR NAS, ,ZHU BAS RTZA SBUBS 'GAGS BYAS TE, ,SNGA MA BZHIN DU SKYA RBAB SKYED, ,DE NAS LTE BA RKANG PA DANG, ,KHA DANG PHO MTSAN SKRANG BAR BYED, ,BSHANG BA SRIN BU DANG BCAS 'KHRU, ,BAD KAN KHRAG DANG BCAS PA 'BYUNG, , ZHES BYA BA LA, SA ZHAG ZOS NA DE'I RO BSKA BAS NI RLUNG SKYED CING GNOD PAR BYED LA, LAN TSVA BRO BAS NI MKHRIS PA SKYED PAR BYED, ,MNGAR BAG LAS NI BAD KAN SKYED PAR BYED CING, DANGS MA LA SOGS PA'I LUS ZUNGS RNAMS LA YANG GNOD CING 'KHRUGS PAR 'GYUR BA DANG, DE'I RTZUB PA'I RGYUS KHA ZAS ZOS PA RTZUB POR GYUR NAS SA ZHAG DE ZHU BAR GYUR PA DANG, DES RTZA SBUBS KYI SGO 'GAG CING RGYUR MI RUNG BAR BYAS TE RTZA SBUBS DE DAG SNGA MA BZHIN DU SKYA RBAB KYI NAD SKYED BAR BYED DO, ,DE NAS DE'I 'OG TU LTE BA LA SOGS BA SKRANG BAR BYED PA DANG, BSHANG BA SRIN BU DANG BCAS PAR 'KHRU ZHING 'BYUNG BA DANG, KHRAG DANG BCAS PA'I BAD KAN KHA NAS 'BYUNG BAR 'GYUR PA YIN NO, ,GANG ZHIG SKYA RBAB NAD KYIS BTAB, ,DE YIS MKHRIS SKYED ZAS ZOS PAS, ,KHONG PA YAN LAG GNAS MKHRIS GNAS, ,BSHANG KHRAG BSREGS TE MIG SER SKYED, ,CES BYA BA LA, SKYA RBAB KYI NAD DANG LDAN PA'I MI GANG ZHIG MKHRIS PA SKYED CING 'PHEL BAR BYED PA'I ZAS DANG SKOM LA SOGS PA BSTEN CING ZOS PAS, MI DE'I KHONG PA DANG YAN LAG LA BRTEN CING GNAS PA'I MKHRIS PAS MIG SER SKYED PAR BYED DO, ,CI ZHIG BYAS NAS SKYED PAR BYED CE NA, KHRAG DANG SHA BSREGS SHING TSIG PAR BYAS PAS MIG SER SKYED PAR BYED DO, ,DES NI MIG DANG PAGS PA GDONG, ,BSHANG GCI SEN MO KHA DOG SER, ,LUS TSA SKOM DAD ZAS MI 'JU, ,SBAL 'DRA DBANG PO NYAM CHUNG 'GYUR, ,ZHES BYA BA LA, MIG SER GYI NAD DES MIG LA SOGS PA MDOG SER POR 'GYUR LA, DE BZHIN DU LUS TSA BA LA SOGS PA DANG LDAN PA DANG, SNGAL BA SER PO LTA BU'I MDOG DANG LDAN PA DANG, DBANG PO RNAMS NYAM CHUNG ZHING RANG GI YUL 'DZIN PAR MI NUS PA YIN NO, ,DE NI MKHRIS PA'I SHAS CHE NA, ,SKYA RBAB NAD MED BAR DE 'BYUNG, ,ZHES BYA
, ,BA LA; MIG SER GYI NAD 'DI NI MKHRIS PA SKYED PAR BYED BA'I DNGOS BO BSTEN PA DANG MKHRIS PA'I RANG BZHIN SHAS CHE BAS MKHRIS PA SHIN TU RGYAS PAR GYUR PA NI, SKYA RBAB KYI NAD MED PAR YANG KHONG BA DANG YAN LAG LA BRTEN PA'I MKHRIS PA MIG SER SKYED PAR BYED DO, ,YAL BAR BOR NA CHER SKRANGS TE, ,GSO DKA' MIG SER 'OR THABS YIN, ,ZHES BYA BA LA, MIG SER GYI NAD DE NYID GSO BA MA BYAS PAR YAL BAR BOR NA, TSA BAS CHER SKRANGS PAR GYUR BA DE NI MIG SER 'OR THABS ZHES BYA STE, DE NI GSO DKA' ZHING BCOS PAR DKA' BA YIN NO, ,HA LI SA NI LJANG NAG SER, ,RLUNG MKHRIS MGO 'KHOR SKOM DAD CHE, ,BUD MED LA DGA' RIMS CHUNG 'DEBS, ,KHONG RMYA ME DROD NYAMS STOBS 'BRI, ,HA LI SA KA KHRAG NGAN GYUR, ,CHU SER CAN ZHES BYA BA YIN, ,ZHES BYA BA LA, GANG GI TSE SKYA RBAB KYI NAD MKHRIS PA SHAS CHE BAS LDANG ZHING GNAS LA SER BAR 'GYUR LA, RLUNG DANG MKHRIS BA SHAS CHE BA LAS MGO 'KHOR BA LA SOGS PA 'BYUNG BA DANG, RIMS CUNG ZAD TZAM GYIS 'DEBS PA DANG, KHONG RMYA BA LA SOGS PAR 'GYUR TE, NAD DE'I MING NI HA LI SA KA ZHES BYA BA KHRAG NGAN PA LAS GYUR PA DANG, DE BZHIN DU CHU SER CAN ZHES BYA'O, ,ZHES DRANG SRONG RNAMS KYIS BSHAD DO, ,DE RNAMS KYI NI BLA BRNAN SNGAR, ,'OR NAD GTZO BO YIN PAR BSHAD, ,DE PHYIR DE NYID BSHAD PAR BYA'O, ,ZHES BYA BA LA, SKYA RBAB KYI NAD DE RNAMS KYI BLA BA RNAN SNGAR 'CHI LTAS KYI LE'U'I SKABS SU 'OR NAD SKRANGS PA KHO NA GTZO BO YIN PAR BSHAD CING BSTAN PAS, DE'I PHYIR 'OR NAD SKYA RBAB KYI 'OG TU BSHAD CING BSTAN PAR BYA'O, ,DE YANG, SKYA RBAB 'OR NAD BCAS PA DANG, ,RMIG DANG SEN MO SER POR SNANG, ,ZHES BYA BA LA SOGS PA'I GZHUNG GIS BSTAN PA YIN NO, ,RLUNG 'KHRUGS GYUR PAS BAD KAN DANG, ,KHRAG DANG MKHRIS PA PHYI ROL RTZAR, ,'PHROS BYAS DE YANG RGYUN SRANG 'GAGS, ,PAGS PA SHA LA GNAS GYUR TE, ,'OR NAD MTHONG ZHING SKRANG BAR BYED, ,CES BYA BA LA, RLUNG 'KHRUGS
SHANG LDANG BAR GYUR PAS BAD KAN DANG KHRAG DANG MKHRIS PA PHYI ROL GYI RTZAR 'PHROS SHING BYE BAR BYAS NAS, BAD KAN LA SOGS PA DE DAG KYANG PHAN TSUN 'GRO BA'I RGYUN SRANG 'GAGS PAS PAGS PA DANG SHA LA GNAS TE 'OR NAD DU 'GYUR ZHING MTHONG ZHING MKHRANG BAR GYUR PA'I SKRANG PA'I NAD DU 'GYUR RO, , DE BAS THAMS CAD 'DUS GYUR BSHAD, ,CES BYA BA LA, RGYU DE BAS NA 'OR NAD THAMS CAD NI NAD GZHI GSUM 'DUS PA LAS GYUR PA YIN NO ZHES RGYUN SHES KYI BU LA SOGS PA'I DRANG SRONG RNAMS KYIS BSHAD DO, ,RGYU RNAMS KYI NI BYE BRAG LAS, ,GZUGS BYED DGU YI BDAG NYID CAN; ,NAD GZHI THA DAD GNYIS DANG KUN, ,SNAD DANG DUG GIS PHOG LAS BYUNG, ,ZHES BYA BA LA, 'OR NAD KYI RGYU SO SOR NGES PA'I BYE BRAG GZUGS KYI MTSAN NYID KYI DBYE BA RNAM PA DGU'I BDAG NYID CAN DU 'GYUR TE, DE YANG RLUNG LA SOGS PA NAD GZHI THA DAD LAS GYUR PA GSUM DANG, GNYIS GNYIS 'DRES PA LAS GYUR PA GSUM DANG, THAMS CAD 'DUS PA LAS GYUR PA GCIG STE DE LTAR BDUN DANG, SNAD PA LAS GYUR PA DANG DUG GIS PHOG PA LAS BYUNG BA GNYIS TE SPYIR DGU YIN NO, ,YANG NA RANG DANG GLO BUR GNYIS, ,YAN LAG KUN SKRANG PHYOGS GCIG GNYIS, ,ZHES BYA BA LA, YANG NA 'OR NAD NI RNAM PA GNYIS TE, NANG NA RANG LA YOD PA'I NYES PA'I GZHI LAS BYUNG BA DANG, GLO BUR BA'I NYES PA DUG DANG SNAD PA LAS BYUNG BA GNYIS SO, ,YANG RNAM PA GNYIS TE, LUS KYI YAN LAG KUN SKRANG BA'I 'OR NAD DANG, YAN LAG GI PHYOGS GCIG TU 'BYUNG BA'O, ,KHYAB DANG MTHO DANG MDUD PA YI, ,DBYIBS KYI DBYE BAS GSUM DU'ANG 'DOD, ,CES BYA BA LA, YANG 'OR NAD DE NI KHYAB PA LA SOGS PA'I DBYE BAS RNAM PA GSUM YIN PAR DRANG SRONG RNAMS 'DOD CING BSHAD DE, KHYAB PA NI RGYA CHE BA'O, , MTHO BA NI GROG MKHAR LTAR BAGS KYIS MTHO BA'O, ,MDUD PA CAN NI MDUD PA LTAR TOG TOG POR 'DUG PA'O, ,DE LTAR NA KHYAD PAR DE DAG GI 'OR NAD NI RNAM PA GSUM YIN PAR 'DOD DO, ,'OR NAD KYI NI SPYI YI RGYU, ,NAD LAS SKYES PA KHYAD PAR NYID, ,NAD LAS SMYUNG SOGS
, ,KYIS NYAM CHUNG, ,MYUR DU LHAG PAR ZOS LAS 'BYUNG, ,ZHES BYA BA LA, LHAN CIG SKYES PA DANG GLO BUR BA'I 'OR NAD THAMS CAD KYI SPYI'I THUN MONG GI RGYU NI 'OG NAS BSHAD PA YIN LA, NAD GZHI LAS BYUNG BA'I 'OR NAD KYI MTSAN NYID NI RGYU'I KHYAD PAR LHAG PA GZHAN YOD DE, DE BZHIN DU GLO BUR BA'I RGYU NI RIMS LA SOGS PA'I NAD DANG, SKYUG SMAN LA SOGS PA'I LAS DANG, SMYUNG BA BYAS SHING ZAS BCAD PA DANG, SOGS PA ZHES SMOS PA LAS KYIS DUB PA LA SOGS PA NYAM CHUNG ZHING RID PAR GYUR PA'I MIS MYUR DU STE, DE'I MOD LA ZAS DRAG PAR ZOS NA 'OR NAD SKYED PAR 'GYUR RO, ,DE NAS GZHAN YANG LCI BA DANG, ,SKYUR DANG SNUM BSIL LAN TSVA DANG, ,THAL SMAN RNON PO TSA BA DANG, ,MYA NGAN CHU GNYID DRAGS DANG YAR, ,ZAS ZOS SHA LCI SHA SKAM DANG, ,MA ZHU NGAL DANG BUD MED DRAGS, ,RKANG GIS LAM DU 'GRO BA'AM, ,BZHON PAS DRAG TU BSKYOD 'GYUR YIN, ,ZHES BYA BA LA, DE NAS GZHAN YANG NAD MED PAR GNAS PA DAG GIS ZAS DANG SKOM LCI BA LA SOGS PA SHAS CHER DRAGS PA BSTEN PAS 'OR NAD SKYED PAR 'GYUR RO, ,DE BZHIN DU MA ZHU BA LA SOGS PAS NAD SKYED PA YIN NO, , LUD PA DBUGS MI BDE TSAD 'KHRU, ,GZHANG 'BRUM LTO BA'I NAD DANG NI, ,MNGAL NAS KHRAG ZAG RIMS KYIS BTAB, ,GSUD DANG CHU SER SLON NYES DANG, ,SBRUM MA DANG NI ME DBAL GYI, ,NAD DANG SKYA RBAB DAG GIS BTAB, ,GZHAN YANG LOG PAR GSOS GYUR PA'I, , NAD DE BRANG DU GNAS NA NI, ,STOD SKRANG CHU SOR GNAS SMAD SKRANG, ,DBUS NA GNAS PA RAB TU SKRANG, ,YAN LAG KUN KHYAB THAMS CAD SKRANG, ,NYING LAG LA BRTEN DE SKRANG BYED, ,CES BYA BA LA, LUD PA LA SOGS PA'I NAD RNAMS DANG, DE LAS GZHAN PA'I NAD RNAMS LEGS PAR GSOS SHING SMAN DPYAD KYI BSTAN BCOS LAS JI SKAD BSHAD PA BZHIN DU GSOS PAR GYUR NA 'OR NAD KYI RGYUR 'GYUR TE, RGYU DES RLUNG LA SOGS PA'I NAD 'KHRUGS PAR 'GYUR BA DE BRANG NA GNAS PA LUS KYI RO STOD KYI CHA SKRANG PAR BYED LA, CHU SOR GNAS NA CHU SO MAN CHAD KYI RO SMAD SKRANG BAR 'GYUR RO, ,
DBUS TE LTE BA DANG RKED PA'I PHYOGS SU GNAS NA LUS KYI BAR GYI PHYOGS SU SKRANG BAR 'GYUR RO, ,LUS KYI YAN LAG KUN LA KHYAB PAR GNAS NA THAMS CAD SKRANG BAR 'GYUR RO, ,YAN LAG RE RE'I NYING LAG LA GNAS NA GANG LA GNAS PA'I NYING LAG NYID SKRANG BAR BYED PAR 'GYUR RO, , DE YI SNGON TSUL RTZA RNAMS TSA, ,YAN LAG SNYOM PAR BYED PA YIN, ,ZHES BYA BA LA, 'OR NAD KYI SNGON BYUNG BA'I TSUL NI MIG LA SOGS PA'I RTZA RNAMS SHIN TU MI BZOD PAR TSA BA DANG, YAN LAG RNAMS SNYOM ZHING NA BAR BYED PA YIN NO, ,RLUNG LAS SKRANG BA 'PHO ZHING RTZUB, ,SPU RTZUB SMUG CING GNAG PA DANG, ,LPAGS 'KHUMS 'DAR BRTZE REG NA NA, ,NA ZHING ZUG PA BEM BEM PO, ,MYUR BAR LDANG ZHING MYUR DU ZHI, ,SKRANG BA MNAN NA DMA' BAR 'GYUR, ,SNUM DANG DRO BAS MNYES NA ZHI, ,MTSAN MO CHUNG ZHING NYIN MO CHE, ,PAGS PA YUNGS KAR LDE GU YIS, ,BSKUS LTAR TSA BA TZAG TZAG BYED, ,CES BYA BA LA, RLUNG LAS GYUR PA'I 'OR NAD NI, 'PHO ZHING GNAS MA NGES PA DANG, REG NA RTZUB PA DANG, SPU RTZUB BAR GNAS PA DANG, MDOG SMUG CING GNAG PA DANG, PAGS PA 'KHUMS SHING GNYER MA YOD PA LA SOGS PA DANG LDAN PA DANG, DE BZHIN DU MYUR DU LDANG ZHING 'BYUNG LA, MYUR DU RAB TU ZHI BAR 'GYUR BA DANG, SKRANG BA'I PHYOGS LAG PAS MNAN NA DMA' ZHING KUNG KUNG POR 'GYUR BA DANG, SNUM BSKUS SHING DROD BAG TU BYAS TE MNYES NA ZHI BAR 'GYUR BA DANG, MTSAN MO SKRANG BA BRI ZHING CHUNG LA, NYIN MO SKRANG BA CHE ZHING 'PHEL BA DANG, PAGS PA YANG YUNGS KAR BTAGS PA'I LDE GUS BSKUS PA LTAR TSA BA TZAG TZAG BYED PA DANG LDAN PA YIN NO, ,MKHRIS PA RTZA SER DMAR LA GNAG ,SPU NI DMAR SER GYUR PA DANG, ,MYUR DU LDANG DANG ZHI MI 'GYUR, , DANG POR DBUS SU BYUNG DANG SRAB, ,SKOM BCAS TSA ZHING RIMS 'DEBS RDUL, ,MNAM ZHING 'DRUL LA SNUM MGO 'KHOR, ,BSIL BAG 'DOD CING THUR DU 'KHRU, ,DRI MNAM REG NA MI BZOD 'JAM, ,ZHES BYA BA LA, MKHRIS PA LAS GYUR PA'I 'OR NAD NI, ,MDOG
, ,SER PO LA SOGS PAR SNANG BA DANG, SPU'I MDOG DMAR SER DU GYUR PA DANG, MYUR DU LDANG ZHING 'BYUNG BA DANG, ZHI BAR MI 'GYUR BA DANG, THOG MAR DBUS KYI PHYOGS NAS SKRANGS SHING MCHED PA DANG, PAGS PA SRAB BA LA SOGS PA DANG LDAN PA DANG; ,REG NA MI BZOD CING NA LA 'JAM ZHING MNYEN PA YIN NO, ,BAD KAN G-YA' SPU PAGS PA DKAR, ,MKHRANG ZHING BSIL LA LCI BA DANG, ,SNUM ZHING 'JAM LA BRTAN ZHING 'THAS, ,GNYID CHE SLON ZHING ME DROD NYAMS, ,MNAN NA MI 'BYING LDANG DKA' ZHING, ,ZHI DKA' MTSAN MO SKRANGS TSABS CHE, ,'OD MA GTZAGS BU SOGS DRAL YANG, ,KHRAG MI 'BYUNG BAR SBYIN BAG 'DZAG ,DRO DANG REG PA LA MNGON DGA', ,ZHES BYA BA LA, BAD KAN LAS GYUR PA'I 'OR NAD NI SKRANG PA G-YA' BA DANG, SPU DANG PAGS PA DKAR ZHING SKYA BA DANG, MKHRANG ZHING SRA BA DANG, REG NA BSIL BA DANG, SNUM PA LA SOGS PA DANG LDAN ZHING, GNYID CHE BA LA SOGS PAR BYED PA DANG, MNAN NA 'BYING ZHING SPO BAR MI BYED PA DANG, LDANG ZHING SKYE BA DANG ZHI BA DKA' BA DANG, MTSAN MO SKRANGS TSABS CHE ZHING NYIN MO SKRANGS TSABS CHUNG BA DANG, 'OD MA'I TSAL PA DANG, GTZAGS BU LA SOGS PAS DBRAL BA YANG KHRAG MI 'BYUNG BAR RING ZHIG NA SBYIN BAG NAL NAL PO 'BYUNG BA DANG, DRO BA LA DGA' BA DANG, REG CING BYUGS NA DGA' BA YIN NO, ,GNYIS BYUNG GSUM POR JI BZHIN PA, ,RGYU DANG MTSAN MA 'DREN MA YIN, ,ZHES BYA BA LA, NAD GNYIS LAS BYUNG BA'I 'OR NAD GSUM NI RGYU DANG DBYIBS KYI MTSAN MA 'DREN MA DANG LDAN PA YIN NO, ,'DUS PA KUN GYI BDAG NYID CAN, ,ZHES BYA BA LA, 'DUS PA LAS GYUR PA'I 'OR NAD NI MTSAN MA THAMS CAD DANG LDAN PA'I BDAG NYID CAN YIN NO, ,MTSON LA SOGS PAS SNAD GYUR CING, ,BCAD DAM DBRAL LAM SMAS LA SOGS, ,KHA BA ME DANG RGYA MTSO'I RLUNG, ,BSE RTZI KA PI KA CHU YI, ,KHU BA GRA MA SOGS REG PAS, ,SKRANG BA MCHED PAR 'GYUR BA YIN, ,SHIN TU TSA ZHING DMAR
BAR SNANG, ,PHAL CHER 'KHRIS PA'I MTSAN NYID CAN, ,ZHES BYA BA LA, MTSON CHA LA SOGS PAS SNAD CING RMA PHYUNG LA, BCAD PA DANG DBRAL BA DANG, RMA PHUG PA LA SOGS PA LAS BYUNG BA'I 'OR NAD DANG, SOGS PA SMOS PAS BRDUNGS PA DANG, BCAG PA DANG, BSNUN PA DANG;, LHUNG BA DANG, BCINGS PA DANG, DKRIS PA LA SOGS PA BSDU'O, ,DE BZHIN DU KHA BAS PHYID PA DANG, MES TSIG PA DANG, DE BZHIN DU RGYA MTSO LAS BYUNG BA'I RLUNG GIS PHOG PA DANG, BSE SHING GI ME TOG DANG THANG CHUS PHOG PA DANG, KA PI KA CHU'I ZHES BA KHA SRAL PHRE'U AAD MA KUB TA ZHES BYA BA'I GRA MAS REG NA YANG SKRANG PAR 'GYUR ZHING, SKRANG PA DE PHAN TSUN MCHED CING BYER BAR 'GYUR BA DANG, SHIN TU TSA ZHING DRO BA DANG, MDOG DMAR POR SNANG BA YIN LA, PHAL CHER TE MANG DU MKHRIS PA DANG MTSAN NYID 'DRA BA YIN NO, ,DUG SKYES SROG CHAGS DUG CAN NI, ,LUS LA SONG DANG GCIN GYIS PHOG ,SROG CHAGS DUG MED PA YI YANG, ,SO DANG MCHE BA SEN MOS ZUG ,GCIN RTUG KHU BAS SMES PA DANG, ,DRI MA CAN GYI GOS KYIS REG ,DUG SHING RLUNG LA REG PA DANG, ,DBYIG DUG PHYE MAS REG LAS BYUNG, ,MNYEN ZHING G-YO LA 'PHYANG BA DANG, ,MYUR GSOD TSA ZHING NA BAR BYED, ,CES BYA BA LA, DUG LAS SKYES PA'I 'OR NAD NI SBRUL LA SOGS PA'I SROG CHAGS DUG CAN GYIS REG CING LUS LA SONG BA DANG, DE BZHIN DU DE'I GCIN GYIS PHOG PA DANG, SROG CHAGS DUG MED PA DAG GI YANG GCIN DANG RTUG PAS PHOG PA DANG, YANG ZHES SMOS PA NI DUG DANG BCAS PA BSDU BA STE, DE DAG GI SO DANG MCHE BA DANG SEN MOS ZIN CING ZUG PA DAG KYANG 'OR NAD DU 'GYUR RO, ,DE BZHIN DU GCIN DANG RTUG PA DANG KHU CHUS SMES PAR BYAS PA DANG, DE BZHIN DU DRI MA DANG BCAS PA'I GOS KYIS REG PAS KYANG 'OR NAD DU 'GYUR RO, ,DE BZHIN DU DUG GIS SHING LA REG PA DANG, DUG DANG 'DRES PA'I RLUNG LA REG PA DANG, DE BZHIN DU DBYIG DUG SBYAR MAR BYAS PA'I PHYE MAS REG PA LAS KYANG 'OR NAD 'BYUNG BAR 'GYUR RO, ,SKRANGS PA DE NI MNYEN
, ,ZHING 'JAM PA DANG, G-YO ZHING 'PHO BA DANG, 'PHYANG BAG TU GNAS PA DANG, MYUR DU GSOD PAR BYED PA DANG, TSA BAR BYED PA DANG, NA BAR BYED PA YIN NO, ,'OR NAD GSAR BYUNG BLA BRNAN MED, ,GSO SLA, ZHES BYA BA LA, 'OR NAD GSAR DU BYUNG ZHING SKYES NAS RING POR MA LON PA DANG, BLA BRNAN GYI NAD GZHAN GYIS MA GCOS PA DAG NI GSO BAR SLA ZHING SMAN DPYAD KYIS BCOS PAR NUS PA YIN NO, ,GSO DKA' SNGAR BSHAD ZIN, ZHES BYA BA LA, 'OR NAD GSO BAR MI RUNG BA NI SNGAR LUS KYI 'GYUR BA BSHAD PA'I LE'U'I SKABS SU BLA BRNAN DU MAR LDAN PA'I ZHES BYA BA LA SOGS PA'I GZHUNG GIS BSHAD CING BSTAN ZIN PA YIN NO, ,ME DPAL NAD DANG SNAD PA'I BAR, ,GNOD PA 'OR NAD MTSUNGS PA YIN, ,ZHES BYA BA LA, ME DPAL GYI NAD NI NAD GZHI SO SO DANG GNYIS 'DRES PA DANG, THAMS CAD 'DUS PA LAS GYUR PA DANG, ,SNAD PA'I BAR LAS BYUNG BA STE, ,ME DPAL RNAM PA BRGYAD YIN NO, ,DE BZHIN DU GNOD PA RLUNG DANG BAD KAN DANG MKHRIS PA LA SOGS PA LAS GYUR PA'I 'OR NAD DANG MTSUNGS SHING 'DRA BA YIN NO, ,DE NI PHYI NANG GNYIS KA STE, ,GSUM NA GNAS PA YIN PAR BSHAD, , CES BYA BA LA, ME DPAL DE NI PHYI LA SOGS PA'I DBYE BAS RNAM PA GSUM YOD DO ZHES DRANG SRONG RNAMS KYI BSHAD DE, LA LA NI PHYI ROL NA GNAS PA YIN LA, LA LA NI NANG NA, LA LA NI GNYI GA NA GNAS PA YIN NO, ,PHYI MA BZHIN DU GSO BAR DKA', ,ZHES BYA BA LA, ME DPAL DE YANG PHYI MA BZHIN DU GSO ZHING BCOS PAR DKA' STE, DE YANG PHYI ROL NA GNAS PA BAS NI NANG NA GNAS PA RAB TU GSO BAR DKA' LA, NANG NA GNAS PA BAS NI GNYIS KA NA GNAS PA MCHOG TU GSO BAR DKA' BA YIN NO, ,DE LA NAD NI JI BZHIN DU, ,'KHRUGS PA'I RGYU YIS LDANG GYUR LA, ,KHYAD PAR DU NI TSA BA YIS, ,LUS LA MYUR DU MCHED PAR BYED, ,DE YANG NANG GNAS NANG DU MCHED, ,PHYIR GNAS PHYIR MCHED GNYIS KAR GNAS, ,GNYIS KAR MCHED PAR BYED PA YIN, ,ZHES BYA BA LA, ME DPAL GYI NAD DE NI RLUNG LA SOGS PA'I NAD
RANG RANG GI RNAM PA JI LTA BA BZHIN DU 'KHRUGS SHING G-YO BAR 'GYUR BA'I RGYU, KHA BA DANG TSA BA DANG BSKA BA LA SOGS PA'I RGYUS LDANG BAR 'GYUR LA, KHYAD PAR DU NI TSA ZHING SREG PAR BYED PA'I MTSAN NYID CAN GYI SMAN DANG ZAS DANG, SPYOD LAM GYIS LDANG ZHING NAD DES LUS LA MYUR DU MCHED CING RGYAS PAR BYED DO, ,DE YANG JI LTAR MCHED CE NA, NANG NA GNAS PA'I ME DPAL NI NANG NA MCHED CING RGYAS PAR BYED LA, PHYI ROL DU GNAS PA NI PHYI ROL NYID DU MCHED LA, GNYIS KAR GNAS SHING BRTEN PA NI PHYI DANG NANG GNYIS KAR MCHED CING RGYAS PAR BYED PA YIN NO, ,DE LA NANG NA GNAS PA NI, ,GNAS RNAMS TSA GDUNG MYOS PAR BYED, ,BU GA RNAMS LA GNOD PA DANG, ,SKOM DAD RAB CHE GCIN NAD SOGS, ,MI SNYOMS PAR NI 'BYUNG BA DANG, ,ME DROD MYUR NYAMS LAS SHES BYA, ,ZHES BYA BA LA, DE LAS NANG NA GNAS PA LA SOGS PA'I ME DPAL GYI NANG NAS NANG NA GNAS PA'I ME DBAL NI GNAD RNAMS TSA BA LA SOGS PA'I MTSAN MA LAS SHES SHING RTOGS PAR BYA STE, SNYING LA SOGS PA'I GNAD RNAMS TSA ZHING SDUG BSNGAL GYIS GDUNGS PA DANG, MYOS SHING RMONGS BAG TU BYED PA DANG, NANG DU BU BA'I SGO RNAMS LA GNOD CING GZIR LA KHYAD PAR DU BSKYOD PA DANG, DE BZHIN DU SKOM DAD LHAG PAR RAB TU CHE BA DANG, BSHANG BA DANG GCI BA LA SOGS PA'I SHUGS MI SNYOMS SHING LEGS PAR MI 'BYUNG BA DANG, KHONG PA'I ME DROD DANG LUS KYI SBUBS SHIN TU MYUR BAR NYAMS PA LAS SHES SHING RTOGS PAR BYA'O, ,PHYI ROL DE LAS BZLOG PA YIN, ,ZHES BYA BA LA, PHYI ROL TU GNAS PA'I ME DBAL GYI MTSAN NYID NI NANG NA GNAS PA'I ME DBAL GYI MTSAN NYID LAS GO BZLOG PAR 'GYUR BA YIN PAR SHES PAR BYA'O, ,DE LA RLUNG GYUR ME DPAL NI, ,RLUNG GI RIMS DANG NAD THABS 'DRA, ,SKRANG ZHING 'GUL LA ZUG PA DANG, ,YAN LAG SNYOM ZHING BA SPU BRTZE, ,ZHES BYA BA LA, DE LA ME DPAL GYI NAD RLUNG LAS GYUR PA NI RLUNG GI RIMS DANG NA BA'I MTSAN NYID 'DRA BA YIN PAR SHES PAR BYA LA, ,YANG DE BZHIN DU ME DBAL DE NI SKRANG BA LA SOGS PA DANG YANG LDAN
, ,PA YIN NO, ,MKHRIS GYUR MYUR DU MCHED CING 'GRO, ,MKHRIS RIMS RTAGS LDAN SHIN TU DMAR, ,ZHES BYA BA LA, MKHRIS PA LAS GYUR BA'I ME DBAL NI LUS LA MYUR DU MCHED CING KHYAB PAR BYED PA DANG, MKHRIS PA'I RIMS KYI MTSAN NYID JI SKAD SMOS PA'I RTAGS DANG LDAN PA DANG SHIN TU SHAS CHER DMAR BA YIN NO, ,BAD KAN LAS G-YA' REG NA 'JAM, ,BAD KAN LAS BYUNG RIMS 'DAR NA, ,ZHES BYA BA LA, BAD KAN LAS BYUNG BA'I ME DBAL NI SHAS CHER G-YA' BA DANG, REG NA 'JAM PA DANG, BAD KAN LAS BYUNG BA'I ME DPAL DANG RIMS DANG TSUL 'DRA ZHING MTSUNGS PA YIN NO, ,ME DPAL SOGS KUN YAL BAR BOR, ,RANG GI NAD TSUL BSAGS GYUR NA, ,DE NI SMIN RDOL RANG RANG GI ,ME DPAL RMA YI MTSAN NYID 'DZIN, ,ZHES BYA BA LA, ME DBAL THAMS CAD YAL BAR BOR ZHING GSO BAR MA BYAS NA, RANG GI NAD RLUNG LA SOGS PA'I TSUL BSAGS SHING 'PHEL BAR 'GYUR TE, RLUNG GI MTSAN NYID KYIS NI RLUNG GI ME DBAL 'PHEL BAR 'GYUR LA, MKHRIS PA'I MTSAN NYID KYIS NI MKHRIS PA'I ME DBAL 'PHEL ZHING STZOGS PAR 'GYUR LA, BAD KAN GYI MTSAN NYID KYIS NI BAD KAN GYI ME DPAL SOGS PAR 'GYUR RO, ,DE BZHIN DU SMIN ZHING RDOL BA STE, DANG POR SMIN NAS PHYIS RDOL BAR 'GYUR BA YIN PAS NA SMIN ZHING RDOL BA ZHES BYA'O, ,DE BZHIN DU RLUNG LAS GYUR PA RANG RANG GI RMA'I MTSAN NYID GANG YIN PA DE 'DZIN ZHING 'PHYANG BAR BYED DE, RMA'I LE'U LAS; ,DE LAS, RLUNG LAS SNGO NAG SMUG PA DANG, ,ZHES BYA BA LA SOGS PA DANG, MKHRIS PA LAS GYUR SMIN ZHES BYA BA LA SOGS PA 'OG NAS SMOS PA YIN NO, ,RLUNG MKHRIS LAS NI RIMS 'DEBS SLON, ,BRGYAL ZHING TSAD 'KHRU SKOM MGO 'KHOR, ,RUS TSIGS CHAG SNYAM ME DROD NYAMS, ,MUN ZHUGS SNYAM SEMS YI GA 'CHUS, ,YAN LAG THAMS CAD ME MDAG NI, ,'BAR BAS KHYAB PA LTA BUR TSA, ,PHYOGS NI GANG DANG GANG DU MCHED, ,KHYAB PAS YAN LAG DE DANG DER, ,ME MDAG ZHI BA LTAR GNAG PA'AM, ,SNGO BA 'AM DMAR
BAS KHYAB BYED LA, ,MES BSREGS LTA BUR CHU BUR 'BYUNG, ,MYUR DU MCHED CING KHYAB PAR BYED, ,GNAD KYI RJES 'JUG ME DBAL NI, ,DE NAS STOBS RAB SKYES PA'I RLUNG, ,YAN LAG NA ZHING DRAN PA STOR, ,GNYID YAR DBUGS KYI RNGAM PA DRAG ,SKYIGS BUS 'DEBS SHING 'DI LTA BU'I, ,GNAS SKABS DES NI THOB PAR 'GYUR, ,SA DANG MAL KHRI STAN SOGS LA, ,GANG DU'ANG BDE BA MI 'THOB CING, ,'GRE ZHING SDUG BSNGAL MYONG BA DANG, ,LUS SEMS NGAL LAS BYUNG BA YIS, ,GNYID KYI RMONGS BAG SAD DKA' BA, ,DE NI ME 'DRA'I ME DPAL YIN, ,ZHES BYA BA LA, RLUNG DANG MKHRIS PA LAS NI ME DANG 'DRA BA'I ME DBAL DU 'GYUR LA, DE YANG RIMS KYIS 'DEBS PA LA SOGS PA DANG LDAN PA DANG, ,LUS KYI YAN LAG THAMS CAD ME MDAG 'BAR BAS KHYAB CING GTOR BA LTA BUR RAB TU TSA BA DANG, YANG ME DPAL DE LUS KYI PHYOGS GANG DANG GANG DU MCHED CING KHYAB PA'I LUS KYI YAN LAG GI PHYOGS DE DANG DER ME MDAG 'BAR BA ZHI BA BZHIN DU GNAG CING SNGO BA DANG DMAR BAS KHYAB PAR 'GYUR RO, ,YANG ME DPAL DE NI MES BSREGS PA LTA BUR CHU BUR GYIS MYUR DU MCHED PAR BYED CING KUN TU KHYAB PAR BYED PAR 'GYUR TE, DE YANG RLUNG DANG MKHRIS PA'I RGYU NYID KYIS MYUR BA KHO NAR KHYAB PAR BYED PA YIN NO, ,YANG DE BZHIN DU SNYING LA SOGS PA'I GNAD KYI RJES SU 'JUG PAR BYED CING ME DBAL DES DE'I 'OG TU STOBS RAB TU SKYES PA'I RLUNG DES YAN LAG NA ZHING GZER BAR BYED PA DANG, DRAN PA STOR ZHING BRGYAL BAR BYED PA DANG, GNYID YAR ZHING MED PA DANG, DBUGS KYI RNGAM PA DRAG TU 'BYUNG BA DANG, SKYIGS BU'I NAD KYIS 'DEBS PA DANG, ME DPAL GYI NAD DANG LDAN PA'I SKYES BU DE 'DI LTA BU'I GNAS SKABS 'THOB CING MYONG BAR 'GYUR TE, SEMS MAL NA BDE BAR MI GNAS PA'I DBANG DU GYUR BAS SA DANG MAL KHRI DANG STAN LA SOGS PA GANG DU GNAS SU ZIN KYANG LUS DANG SEMS BDE BA MI 'THOB PA YIN LA, DE LTAR MI BDE BA NYID KYIS PHAN TSUN 'GRE ZHING LDOG LA SDUG BSNGAL GYI TSOR BA
, ,NYAMS SU MYONG BA DANG, LUS DANG SEMS NGAL ZHING DUB PA LAS BYUNG BA GNYID KYI RMONGS BAG NYAMS SU MYONG ZHING, DE YANG SAD PAR SHIN TU DKA' BA YIN NO, ,BAD KAN GYIS NI BKAG PA'I RLUNG, ,BAD KAN DE BRTOL MANG DU BYED, ,KHRAG 'PHEL BA YIS KHRAG BRTOL TE, ,PAGS PA CHU BA SHA LA GNAS, ,GNON BYAS THOR BU PHRA ZHING RIM, ,ZLUM ZHING SBOM LA SRA BA YI, ,MDZER PA'I PHRENG BA CHAGS BYED CING, ,MDOG DMAR RAB NA RIMS KYIS 'DEBS, ,LUD PA DBUGS MI BDE TSAD 'KHRU, ,KHA SKAM SKYIGS BU SLON MGO 'KHOR, ,RMONGS BAG MDOG NYAMS BRGYAL DANG LUS, ,YAN LAG NA ZHING ME DROD NYAMS, ,DE LTAR MDZER PA'I ME DBAL NI, ,BAD KAN RLUNG 'KHRUGS LAS GYUR YIN, ,ZHES BYA BA LA, BAD KAN DANG RLUNG 'KHRUGS PA LAS NI MDZER PA'I ME DPAL ZHES BYA BA'I NAD DU 'GYUR TE, DE YANG BAD KAN GYI NAD KYIS RLUNG DE BKAG CING 'BYUNG DU MI STER BA DANG, RLUNG GIS BAD KAN DE BRTOL ZHING PHYE NAS DUM BU MANG DU BYAS PA'AM, YANG KHRAG 'PHEL BAR GYUR PA'I MI'I KHRAG PHYE ZHING DUM BUR BRTOL NAS MDZER PA'I PHRENG BA'AM RMEN BU'I PHRENG BA SKYED PAR BYED DO, ,DE YANG PAGS PA LA SOGS PA LA GNAS PA'I KHRAG GIS GNOD CING 'KHRUGS PAR BYAS NAS, THOR BU PHRA BA LA SOGS PA'I MTSAN NYID CAN DANG MDOG DMAR BA'I PHRENG BA CHAGS PAR BYED LA, MDZER PA'I PHRENG BA DE YANG NANG DU NA ZHING RIMS KYIS 'DEBS PA LA SOGS PA SKYED PAR BYED DE, DE LTAR BSHAD PA'I MDZER PA'I ME DBAL 'DI NI BAD KAN DANG RLUNG 'KHRUGS PA LAS GYUR PA YIN NO, ,BAD KAN MKHRIS LAS RIMS 'DEBS RENGS, ,GNYID CHE SLON BAG KLAD PA NA, ,YAN LAG NA ZHING BYA RMYANG 'DOD, , BLA ZHING MGO 'KHOR YI GA 'CHUS, ,RTZUB CING DROD NYAMS RUS CHAG SNYAM, ,SKAM ZHING DBANG PO MI GSAL LCI, ,BE'U SNABS 'KHRU ZHING DANG GA 'KHYIL, ,DE NI RTZA SBUBS RNAMS SU 'GRO, ,PHAL CHER MA ZHU GNAS NA ZHUGS, ,PHYOGS GCIG TU NI RAB MI NA, ,
THOR BU SER PO DMAR PO DANG, ,DKAR POS PHYOGS KUN KHYAB PAR BYED, ,NOR BU LTAR SNANG GNAG CING SNUM, ,DRI MA CAN LA SKRANG ZHING LCI, ,RNAG PA'I ZABS CHE RAB TU TSA, ,REG NA 'JIG CING RNAGS PA DANG, ,'DAM LTAR SHA NI ZHIG GYUR CING, ,RTZA RGYUS GSAL BAR SNANG BA YIN, , MI YI RO LTAR MNAM ME DBAL, ,DE NI 'DAM 'DRA ZHES BYAR BSHAD, ,CES BYA BA LA, BAD KAN DANG MKHRIS PA LAS NI 'DAM 'DRA BA ZHES BYA BA'I ME DBAL 'BYUNG BAR 'GYUR RO, ,DER YANG MTSAN MA RIMS KYIS 'DEBS PA LA SOGS PA SNANG STE, YAN LAG NA ZHING BYA RMYANG BYED 'DOD PA NI PHAN TSUN RKYONG ZHING 'DEGS PAR BYED PA'O, ,RUS PA CHAG PA SNYAM SEMS PA NI RUS PA DKRUM PA SNYAM DU BYED PA'O, ,DANG GA 'KHYIL BA NI ZHAL ZHAL BYAS SNYAM DU SEMS SHING BAD KAN LA SOGS PA 'KHYIL BA'O, ,ME DBAL DE YANG PHAL CHER MA ZHU BA'I GNAS NU MA DANG LTE BA'I BAR DU ZHUGS NAS, DE'I PHYOGS GCIG LA BRTEN TE LHAG PAR NA BAR MI BYED DO, ,YANG NA DE BZHIN DU THOR BU MDOG SER PO LA SOGS PAS KHYAB CING GANG BAR BYED PA DANG, NOR BU'I MDOG LTA BUR SNANG BA STE, GNAG CING SER SKYAR GNAS PA DANG, PHAL CHER MDOG NAG PO DANG SMUG POR GNAS PA DANG, DRI MA CAN LA SOGS PA DANG LDAN PA DANG, RNAG PA'I ZABS CHE ZHING NANG DU NUB PA DANG, SHAS CHER RAB TU TSA BA DANG, LAG PA LA SOGS PAS REG NA 'JIG CING NYAMS LA RNAGS PA 'DAM LTAR GNAS SHING SHA RNAMS ZHIG PAR 'GYUR PA DANG, DE NYID KYIS RTZA RGYUS LA SOGS PA GSAL BAR SNANG ZHING GSAL BA DANG, MI RO LTAR SHIN TU MNAM ZHING DRI NGA BA'I ME DBAL GYI NAD DE NI 'DAM 'DRA BA'I ME DBAL ZHES BYA'O ZHES DRANG SRONG RNAMS KYIS BSHAD DO, ,KUN SKYES MTSAN NYID KUN DANG LDAN, ,LUS ZUNGS KUN LA RAB KHYAB BYED; ,CES BYA BA LA, ME DPAL NAD GZHI KUN LAS SKYES PA NAD GZHI GSUM CAR GYI MTSAN NYID DANG LDAN PA YIN LA, YANG DES NI LUS ZUNGS THAMS CAD LA KHYAB CING MCHED PAR BYED PA YIN NO, ,PHYI YI RGYU YI SMAS LAS 'KHRUGS, ,KHRAG BCAS MKHRIS PA SKYED BYED DE, ,
, ,ME DPAL DU NI RLUNG GIS BYED, ,RGYA SRAN KU LANGTHA 'DRA BA'I, ,'BRUM BUS KHYAB SKRANG RIMS 'DEBS NA, ,SHIN TU TSA LA DMAR ZHING SNGO, ,ZHES BYA BA LA, PHYI ROL GYI RGYU MTSON CHA LA SOGS PAS SMAS PAR GYUR PA LAS, RLUNG 'KHRUGS PAR GYUR NA KHRAG DANG BCAS PA'I MKHRIS PA SKYED CING 'PHEL BAR BYAS NAS, ME DPAL GYI NAD RLUNG GIS SKYED PAR BYED LA, DE YANG RGYA SRAN KU LANGTHA 'DRA BA'I 'BRUM PHRAN GYIS KHYAB CING KHEBS PAR BYED PA DANG, SKRANG BA LA SOGS PA'I MTSAN NYID DANG LDAN PA YIN NO, ,NAD DMIGS THA DAD LAS GYUR GSUM, ,GNYIS GYUR BLA BRNAN MED GSO BLA, ,ZHES BYA BA LA, NAD DMIGS THA DAD PA LAS GYUR PA'I ME DBAL GSUM SKYED CING GSO SLA BA YIN NO, ,DE BZHIN DU NAD GZHI GNYIS 'DRES PA LAS GYUR PA'I ME DBAL BLA BRNAN MED PA DAG KYANG GSO SLA BA YIN NO; ,DE LA BLA BRNAN NI LUS KYI 'GYUR BA SHES PA'I LE'U LAS SMOS PA'I SKEM PA DANG KHA DOG MI SDUG PA LA SOGS PA YIN NO, ,RMA DANG 'DUS PA LAS BYUNG DANG, ,THAMS CAD GNAD NI KHYAB PA DANG, ,RTZA DANG CHU BA SHA 'DRUL DANG, ,MI RO'I DRI 'DRA RUL GSO DKA', , ZHES BYA BA LA, ME DBAL GNYIS PO RMA 'AM GNAD PA'I NAD LAS BYUNG BA DANG, 'DUS PA LAS BYUNG BA NI GSO DKA' BA YIN NO, ,THAMS CAD DE NAD GZHI THA DAD PA DANG NAD GZHI GNYIS LAS BYUNG BA'I ME DBAL THAMS CAD KYANG GNAD RNAMS KHEBS SHING KHYAB PA NI GSO DKA' LA; DE BZHIN DU RMA LA SOGS PA 'DRUL ZHING ZHIG PA YANG GSO DKA'O, ,DE BZHIN DU KHYAD PAR MI RO'I DRI 'DRA ZHING SHIN TU MNAM PA DE YANG GSO DKA' BA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS RNAM PAR SBYAR BA LAS, NAD GZHI'I GNAS KYI LE'U BCU GSUM PA'I RNAM PAR 'GREL BA'O,, ,,DE NAS MDZE DANG SHA BKRA DANG GZI GU DANG SRIN BU'I NAD GZHI BSHAD PAR BYA'O, ,ZHES BYA BA LA, PAGS PA'I NAD DU TSUL GCIG PAS ME DBAL GYI RJES LA MDZE
NAD LA SOGS PA BSTAN PA'I LE'U BRTZAMS PA YIN NO, ,KHA ZAS SPYOD LAM LOG PA DANG, ,KHYAD PAR DU NI MI 'PHROD BSTEN, ,DAM PA SMOD DANG SROG GCOD DANG, ,GZHAN GYI NOR 'PHROG SOGS BSTEN DANG, ,SDIG PA'I LAS NI 'PHRAL BYAS DANG, ,SNGON CHAD BYAS PAS NAD BSLANGS NAS, ,RTZA LA THAD KAR GRAM NAS NI, ,SHA DANG PAGS PA CHU SER KHRAG ,GNOD BYAS SLA BAR GYUR NAS NI, ,DE NAS PHYIR NI 'BYUNG 'GYUR TE, ,PAGS PA'I MDOG NI MI SDUG BYED, ,MI BZAD DE NI MDZE RU BSHAD, ,CES BYA BA LA, ZAS DANG SPYOD LAM LOG PA STE, , ZAS GRANG CHES PA DANG TSA CHES PA DANG, YA BA KA LA SOGS PA ZOS PA DANG, DE BZHIN DU SPYOD PA LA SOGS PA STE, GSOD PA DANG RKU BA LA SOGS PA'I SDIG PA BYAS PA DANG, KHYAD PAR DU YANG MI 'PHROD PA'I KHA ZAS DANG NYA DANG 'O MA LHAN CIG BZA' BA DANG, SBRANG RTZI DANG RLAN CAN GYI SHA LHAN CIG ZOS PA LA SOGS PA MI 'PHROD PA'I RNAM PA ZAS KYI LE'U LAS SMOS PA LTA BU BSTEN PA DANG, DE BZHIN DU KHYAD PAR DU 'GAL BA'I SPYOD PA BYED CING, RNAM PAR 'TSE ZHING GZHAN LA GNOD PA DANG, TSIG RTZUB POR SMRA BA DANG, GZHAN LA GNOD PAR SEMS PA STE, LUS DANG NGAG DANG YID KYIS MI DGE BA BYAS PA DANG, SKYES BU DAM PA LA SMOD PA LA SOGS PA'I SDIG PA'I LAS 'PHRAL DU TSE 'DIR BYAS PA DANG, YANG NA SNGON CHAD BYAS SHING BSAGS PA LA GOMS PAR BYAS PAS, RLUNG LA SOGS PA'I NAD KYI TSOGS RNAMS BSLANG ZHING BSKYED NAS GNOD PAR GYUR PA RTZA LA THAD KAR GRAM ZHING ZHUGS NAS, PAGS PA LA SOGS PA LA GNOD PAR BYAS SHING NAD BSKYED NAS SLA ZHING ZHUM PAR BYAS NAS, DE NAS DE'I 'OG TU NAD DE RNAMS PHYI ROL TU BYUNG ZHING THON PAR 'GYUR TE, PAGS PA'I MDOG MI SDUG CING SNGA MA LAS GZHAN DU GYUR PA'I MDOG DU MAR BYED PA'I NAD DE NI MDZE ZHES BYA'O, ,ZHES DRANG SRONG CHEN PO RGYUN SHES KYI BU LA SOGS PAS BSHAD DO, ,GANG PHYIR DUS LAS YAL BAR BOR, ,DE NI LUS KUN MA RUNGS 'GYUR, ,ZHES BYA BA LA, CI'I PHYIR MDZE ZHES BYA ZHE NA, GANG GI PHYIR RANG GI GSO BA'I
, ,DUS LA BAB PA DE LAS YAL BAR BOR ZHING GSO BAR MA BYAS NA NAD DE LAS THAMS CAD MA RUNG ZHING GNOD PAR BYED PAS NA DE'I PHYIR MING MDZE ZHES BYA BAR BSHAD DO, ,LUS ZUNGS LA ZHUGS NANG DU KHYAB, ,THAMS CAD 'DRUL BAR BYED PAR 'GYUR, ,RDUL BCAS RUL ZHING MNAM PA DANG, ,SRIN BU PHRA MO MI BZAD SKYED, ,SPU LPAGS CHU BA RTZA CHEN DANG, ,RUS PA SNYI BA RIM BZHIN ZA, ,DE BAS SHA BKRA PHYI ROL TE, ,MDZE LAS GZHAN NI YIN PAR BSHAD, ,CES BYA BA LA, MDZE'I NAD DE DANGS MA LA SOGS PA'I LUS ZUNGS THAMS CAD DU ZHUGS SHING NANG DU KHYAB PAR BYAS NAS LUS ZUNGS DE DAG THAMS CAD 'DRUL ZHING GSHER BAR BYAS NAS LUS LA 'BU SKYED PAR BYED LA, 'BU DE YANG SHIN TU PHRA BA DANG, MI BZAD CING BRNAG PAR DKA' BA'I NAD SKYED PAR BYED PA DES SPU LA SOGS PA ZA BAR BYED CING, RUS PA SNYI BA'I RNA BA DANG SNA'I PHYOGS NA GNAS PA'I RUS PA MNYEN PA LA BYA STE DE DAG ZA BAR BYED DO, ,DE BAS RGYU DE'I PHYIR SHA BKRA LA NI 'DRUL BA DANG 'BU LA SOGS PA MED DE, DE PAGS PA'I PHYI ROL DU GNAS PA NI MDZE LAS GZHAN PA YIN NO ZHES DRANG SRONG RNAMS KYIS BSHAD DO, ,NAD GZHI GSUM DANG 'DRES PA DANG, ,'DUS GYUR MDZE NAD RNAM PA BDUN, ,ZHES BYA BA LA, MDZE NAD NI RNAM PA BDUN YOD DE, NAD GZHI THA DAD PA RLUNG DANG MKHRIS PA DANG BAD KAN LAS GYUR PA GSUM DANG, NYES PA DE DAG NYID SNA GNYIS GNYIS 'DRES PA LAS GYUR PA GSUM DANG, DE GSUM CHAR 'DUS PA LAS GYUR PA GCIG STE DE LTAR BDUN NO, ,KUN KYANG NYES GSUM LAS BYUNG YANG, ,DE LAS LHAG PA LAS MING 'DOGS, ,ZHES BYA BA LA, MDZE NAD KUN KYANG NAD GZHI GSUM LAS GYUR PA YIN MOD KYI, DE LAS NYES PA GANG SHAS CHE ZHING LHAG PAR GNAS PA LAS RLUNG LAS GYUR PA LA SOGS PA'I MING DU 'DOGS PA YIN NO, ,RLUNG GI MDZE NI THOD PA 'DRA, ,ZHES BYA BA LA, RLUNG GI SHAS CHE BA'I 'DUS PA LAS GYUR PA'I RIMS NI THOD PA 'DRA BA ZHES BYA'O, ,MKHRIS
GYUR AU DUM B'A RA STE, ,ZHES BYA BA LA, MKHRIS PA SHAS CHE BA'I 'DUS PA LAS GYUR PA'I RIMS NAD NI AU DUM B'A RA ZHES BYA BA 'BYUNG BAR 'GYUR RO, ,BAD KAN LAS GYUR ZLUM GLANG SHU, ,ZHES BYA BA LA, BAD KAN SHAS CHE BA'I 'DUS PA LAS GYUR PA'I MDZE NI MDZE DANG ZLUM PO ZHES BYA BA DANG GLANG SHU ZHES BYA BA 'BYUNG BAR 'GYUR RO, ,RLUNG MKHRIS LAS SKYES RI SHYA'I LCE, ,ZHES BYA BA LA, RLUNG DANG MKHRIS PA GNYIS SHAS CHE BA LAS NI RI SHYA'I LCE ZHES BYA BA'I MDZE NAD 'BYUNG BAR 'GYUR RO, ,BAD RLUNG LAS GYUR PAGS PA GCIG ,'BRUM PHRAN DANG NI SHA BKRA DANG, ,'BRAS BYER CHU SER ZHES BYA'O, ,ZHES BYA BA LA, BAD KAN DANG RLUNG SHAS CHE BA LAS NI MDZE NAD PAGS PA ZHES BYA BA LA SOGS PA 'BYUNG BAR 'GYUR RO, ,BAD KAN MKHRIS PA LAS BYUNG BA, ,SHU BA RMA KHA BRGYA BA DANG, ,PADMA DKAR PO 'BRUM BUR BCAS, , G-YAN PA PAGS PA MYAGS PA'O, ,ZHES BYA BA LA, BAD KAN DANG MKHRIS PA GNYIS SHAS CHE BA LAS GYUR PA'I MDZE NAD NI SHU BA LA SOGS PA DRUG 'BYUNG BAR 'GYUR RO, ,'DUS PA LAS GYUR 'OL MA SE, ,ZHES BYA BA LA, NAD GZHI GSUM CHAR CHA MNYAM PA LAS NI 'OL MA SE ZHES BYA BA'I MDZE NAD 'BYUNG BAR 'GYUR TE, DE LTAR NA MDZE NAD BCO BRGYAD DU 'GYUR BA YIN NO, ,DANG PO'I GSUM DANG SHU BA DANG, ,'OL MA SE DANG PADMA DKAR, ,RI SHYA'I LCE ZHES BYA BA STE, ,'DI BDUN MDZE NAD CHEN PO YIN, ,ZHES BYA BA LA, MDZE NAD DE DAG GI NANG NAS DANG PO'I GSUM PA STE, THOD PA LTA BU DANG, AU DUM B'A RA DANG, ZLUM PO STE GSUM DANG, MDZE NAD SHU BA DANG, 'OL MA SE DANG, PADMA DKAR PO DANG, RI SHYA'I LCE ZHES BYA BA STE, BDUN PA 'DI DAG NI MDZE NAD CHEN PO ZHES BYA BA YIN PAR SHES PAR BYA'O, ,MDZE NAD SNGON BYUNG MTSAN MA NI, ,SHIN TU 'JAM PA'AM REG NA RTZUB, ,RDUL 'BYUNG MI 'BYUNG MDOG MI SDUG ,LUS TSA G-YA' ZHING LPAGS TSOR MED, ,THOR BU PHRA'U MTHO BA DANG, ,RMA NI LHAG PAR GZER BA DANG, ,MYUR DU 'BYUNG ZHING RING DU GNAS, ,'TSOBS PA DAG KYANG RTZUB
, ,PAR 'GYUR, ,RGYU CHUNG GIS KYANG NAD CHER LDANG, ,BA SPU BRTZE ZHING KHRAG MDOG GNAG ,CES BYA BA LA, MDZE NAD THAMS CAD LA SNGON DU BYUNG BA'I TSUL NI 'DI DAG YIN TE, PAGS PA'I MTHAR CHED 'GA' NI 'JAM, CHED 'GA' NI SHIN TU RTZUB PA DANG, CHED 'GA' NI RDUL 'BYUNG, CHED 'GA' NI RDUL MI 'BYUNG BA DANG, MDOG SHIN TU MI SDUG PAR SNANG BA DANG, LUS KYI YAN LAG THAMS CAD TSA BA 'UR 'UR POS KHYAB PA DANG, THOR BU TAL TIL MTHO BAR CHAGS PA DANG, RMA GAS PA DANG, TSIG PA DANG, SNAD PA LAS BYUNG BA RNAMS LHAG PAR NA ZHING GZER BA DANG, ,YANG RMA DE DAG NYID MYUR DU 'GYUR ZHING SMIN PAR BYED LA, MYUR DU 'BYUNG ZHING SMIN PA DANG, RMA NYID DU RING DU GNAS SHING MI 'DRUBS PA DANG, GAL TE RMA 'TSOBS PA DAG KYANG REG NA RTZUB CING MI BDE BA NYID DU 'GYUR PA DANG, RMA DE 'JIG PAR 'GYUR BA'I RGYU CHUNG NGU DAG GIS KYANG SLAR ZHIG CING NAD CHER LDANG BAR 'GYUR BA DANG, BA SPU RNAMS BRTZE ZHING BSHOR BA DANG, KHRAG GI MDOG NAG PO NYID DU SNANG BAR 'GYUR BA YIN NO, ,THOD PA LTA BU GNAG CING SMUG ,RTZUB SRA TSOR BA CHUNG LA SRAB, ,KHYAB CING MTHA' MA MI MNYAM LA, ,BA SPU LANGS PAS KHYAB PAR BYED, ,SHIN TU ZUG CING G-YA' BA CHUNG, ,MYUR DU KHYAB BYED THOD PA 'DRA, ,ZHES BYA BA LA, MDZE NAD THOD PA LTA BU ZHES BYA BA NI THOD PA'I RUS PA SMUG NAG LTA BU'I MDOG CAN DU GNAS PA DANG, LUS REG NA RTZUB PA DANG, SRA ZHING MKHRANG BA DANG, PAGS PA TSOR BA CHUNG ZHING BEM BEM POR GNAS PA DANG, SRAB CING ZABS CHUNG BA DANG, KHYAB CING RGYA CHE BA DANG, MTHA' MA MI MNYAM CING RING THUNG DU 'DUG PA DANG, DE BZHIN DU BA SPU LANGS SHING BSHOR BAS KHYAB CING RGYAS PA DANG; SHIN TU ZUG CING NAD TSABS CHE BA DANG, SHAS CHER MI G-YA' BA LA SOGS PA YIN NO, ,AU DUM B'A RA SMIN PA LTAR, ,PAGS SPU SMUG RTZA DKAR BAS KHYAB, ,SHAS CHER MTHUG DANG SHAS CHER 'DRUL, ,TSA BA'I NAD DANG KHRAG SHAS CHER, ,MYUR DU SMIN CING 'DRUL
BAR BYED, ,'BU CAN AU DUM B'A RA YIN, ,ZHES BYA BA LA, AU DUM B'A RA ZHES BYA BA'I MDZE NAD NI AU DUM B'A RA'I 'BRAS BU SMIN PA LTAR PAGS PA DANG SPU NAG POR GNAG PA DANG, RTZA DKAR ZHING SKYA LA KHYAB CING KHEBS PA DANG, SHAS CHER MTHUG CING LHUN SDUG PA DANG, SHAS CHER 'DRUL ZHING RNAGS PA DANG, TSA BA DANG, NAD KYI TSABS CHE ZHING KHRAG GI SHAS CHE BA DANG, MYUR DU SMIN PA LA SOGS PA YIN NO, ,BRTAN ZHING 'THAS LA LCI ZHING 'JAM, ,DKAR DMAR MYUR DU MI MCHED LA, ,PHAN TSUN 'DAB 'BREL SHU BA SLON, ,G-YA' ZHING RNAG CHE 'BUS GANG LA, ,MTHA' MA 'JAM ZHING SER POR SNANG, ,GOR GOR POR GNAS ZLUM PO YIN, ,ZHES BYA BA LA, MDZE NAD ZLUM PO ZHES BYA BA NI, KUN NAS ZLUM PAR GNAS PA YIN TE, DE'I MTSAN NYID NI BRTAN ZHING MI 'GYUR BA DANG, 'THAS SHING SRA BAR CHAGS PA DANG; LCI BA LA SOGS PA'I RANG BZHIN CAN DANG, PHAN TSUN GCIG LA GCIG 'DAB 'BREL BAR SKYE BA DANG, SHU BA SLON ZHING GYEN DU 'BUR BA DANG, G-YA' BA LA SOGS PA TSABS CHE BA DANG, MTHA' MA REG NA 'JAM ZHING MDOG SER BAR SNANG BA DANG, ZLUM PO'I DBYIBS GOR GOR PO'I TSUL DU GNAS PA YIN NO, ,G-YA' ZHING PHRA TZAG GNAG PA DANG, ,CHU SER MANG BA GLANG SHU YIN, ,ZHES BYA BA LA, MDZE NAD GLANG SHU ZHES BYA BA NI, G-YA' BA DANG BCAS SHING 'BRUM PHRAN PHRA MO TZAG TZAG POS KHYAB PA YIN ZHING, MDOG GNAG PA DANG, CHU SER MANG DU 'DZAG PA YIN NO, ,RTZUB CING SRA LA MTHA' MA DMAR, ,NANG NA GNAG CING MTHO BA DANG, ,ZUG CING TSA LA NA ZHING RNAG ,'BRUM BU RTZUB POS KHYAB PA DANG, RI SHYA'I LCE NI DBYIBS 'DRA BA, ,'BU MANG RI SHYA'I LCE 'DRAR BSHAD, ,CES BYA BA LA, RI SHYA'I LCE 'DRA BA ZHES BYA BA'I MDZE NAD NI SROG CHAGS RI SHYA'I LCE 'DRA BA YIN LA, DE'I MTSAN NYID NI MDOG SHIN TU RTZUB CING REG NA MI BDE BA DANG, MTHA' MA DMAR BA DANG, NANG GI DBUS KYI KHA DOG GNAG PA DANG, DBUS MA DE NYID MTHO ZHING GLO BA DANG, ,DE BZHIN DU ZUG PA LA SOGS
, ,PA DANG LDAN PA DANG, 'BRUM BU PHRA MO RTZUB PAS KHYAB CING RGYAS PA DANG, 'BU'I TSOGS SHIN TU MANG BA YIN NO, ,GLANG PO'I LPAGS 'DRA REG RTZUB LPAGS, ,ZHES BYA BA LA, PAGS PA ZHES BYA BA'I MDZE NAD NI, GLANG PO CHE'I PAGS PA DANG 'DRA BAR MTHUG CING REG NA RTZUB PA YIN NO, ,GCIG PUR BSHAD LA GZHI CHE BA, ,RDUL MI 'BYUNG ZHING NYA LPAGS 'DRA, ,ZHES BYA BA LA, GCIG PU ZHES BYA BA'I MDZE NAD NI 'BYUNG BA'I GNAS KYI GZHI CHE ZHING LHUN SDUG PA DANG, DE BZHIN DU RDUL MI 'BYUNG BA DANG, NYA'I PAGS PA DANG 'DRA BA YIN NO, ,'BRUM BU PHRA MO THUG THUG PO, , REG NA RTZUB DANG LDAN PA DANG, ,G-YA' ZHING SRA LA GNAG PA YIN, ,ZHES BYA BA LA, 'BRUM BU PHRA MO ZHES BYA BA'I MDZE NAD NI TUG TUG PO ZHES BYA BA YAN LAG GI PHYOGS 'DAR ZHING DROD PA LAS TUG TUG POR 'BYUNG BA STE, DE DANG 'DRA BAR REG NA RTZUB PA DANG, G-YA' BA LA SOGS PA'I MTSAN NYID DANG LDAN PA YIN NO, ,SHA BKRA NANG RTZUB PHYI ROL 'JAM, ,PHRUGS NA GLOG PA 'BYUNG BA DANG, ,REG NA 'JAM ZHING SRAB PA LA, ,KU BA'I ME TOG LTAR DMAR DKAR, ,PHAL CHER RO STOD DAG TU 'BYUNG, ,ZHES BYA BA LA, MDZE NAD SHA BKRA ZHES BYA BA NI NANG NA RTZUB PAR GNAS PA LA PHYI ROL GYI MTHA' CUNG ZAD 'JAM PAR GNAS TE, DE PHRUGS PAR GYUR NA GLOG PA'I RDUL 'BYUNG BAR 'GYUR ZHING, REG NA 'JAM ZHING MNYEN PA LA ZABS CHUNG BAS SRAB CING KU BA'I ME TOG LTAR RTZA DMAR PO SHIN TU DKAR BA YIN NO, ,DE YANG PHAL CHER SHAS CHER RO STOD KYI RGYAB LA SOGS PAR 'BYUNG BA YIN NO, ,RMEN BU DMAR PO G-YA' DANG LDAN, ,KHYAB PAR BYED PA'I 'BRAS ZHES BYA, ,ZHES BYA BA LA, 'BRAS BYER BA ZHES BYA BA'I MDZE NAD NI RMEN BU DMAR PO SHIN TU G-YA' BA DANG LDAN PAS KHYAB CING KHEBS PA LA BYA'O, ,RKANG PA LAG PA GAS PA DANG; ,MI BZAD NA ZHING G-YA' TSABS CHUNG, ,RKANG LAG ZHIG PA ZHES BYA'O, ,ZHES BYA BA LA, RKANG LAG ZHIG PA ZHES BYA BA'I MDZE NAD NI LAG PA DANG RKANG PA GAS SHING SER KA SHAS CHER 'BYUNG BA DANG, MI BZAD PAR NA ZHING CUNG ZAD TZAM G-YA' BA YIN NO, ,THOR BU DMAR
POS KHYAB PA DANG, ,RING DU MCHED CING D'UR BA 'DRA, ,PAGS PA ZAR MA'I ME TOG 'DRA, ,G-YA' ZHING BRTAN PAR GNAS PA DANG, ,ZLUM POR 'BYUNG BA SHU BA YIN, ,ZHES BYA BA LA, SHU BA ZHES BYA BA'I MDZE NAD NI THOR BU PHRA MO DMAR POS KUN TU KHYAB CING RGYAS PA DANG, DE BZHIN DU RING DU MCHED CING RGYA CHER 'PHROS PA DANG, ,MDOG RTZVA D'UR BA 'DRA BAR LJANG BA DANG, PAGS PA ZAR MA'I ME TOG 'DRA BANG SNGO BA DANG, G-YA' BA LA SOGS PA'I MTSAN NYID DANG LDAN PA YIN NO, ,RTZA BA SBOM ZHING TSA BCAS NA, ,DMAR ZHING SMUG LA RMA KHA MANG, ,RNAG CING 'BU MANG KHA BRGYA PA, ,PHAL CHER KUN TU SKYE BA YIN, ,ZHES BYA BA LA, MDZE NAD RMA KHA BRGYA PA ZHES BYA BA LA, RTZA BA SBOM PA LA SOGS PA'I MTSAN NYID DANG LDAN PA YIN ZHING, RMA'I TSOGS KHA MANG DU GNAS PA LA SOGS PA YIN TE, DE YANG LUS PHAL MO CHER KUN TU SKYE ZHING 'BYUNG BA YIN NO, ,MTHA' MA DMAR ZHING DBUS NA DKAR, ,G-YA' TSA NA DANG BCAS PA DANG, ,MTHO ZHING RI MO BRTAN PAS KHYAB, ,PADMA'I 'DAB MA LTAR RGYAS SHING, ,STUG CING CHU SER KHRAG MANG LA, ,PHAL CHER MYUR RDOL PAD DKAR YIN, ,ZHES BYA BA LA, MDZE NAD PADMA DKAR PO ZHES BYA BA'I MTSAN NYID NI, GANG DU 'BYUNG BA'I MTSAN MA THOG THAG DMAR BA DANG, DBUS NA PADMA DKAR PO LTAR DKAR BA DANG G-YA' BA LA SOGS PA DANG LDAN PA DANG, GLO ZHING MTHO BA DANG RTZA RIS BRTAN PAS KUN TU KHYAB CING PADMA'I 'DAB MA LTAR RTZA'I RI MO RTZA DMAR BAS RGYAS PA DANG, DE NYID MTHUG CING ZABS CHE BA DANG, CHU SER DANG KHRAG GI SHAS CHE ZHING MANG BA DANG MYUR DU RDOL CING ZHIG PAR 'GYUR BA YIN NO, ,PAGS PA SRAB PA'I 'BRUM BU DKAR, ,DMAR BAS GANG BA 'BRUM BU YIN, ,ZHES BYA BA LA, MDZE NAD 'BRUM BU ZHES BYA BA NI PAGS PA SRAB PA'I 'BRUM BU MDOG DKAR DMAR DU GNAS PAS GANG ZHING KHYAB PA YIN NO, ,G-YA' BA'I NAD NI G-YA' BA DANG, ,'DRUL ZHING LHAG PAR NA BA DANG, ,'BRUM BU PHRA GNAG MANG PO NI, ,PHAL CHER RKUB LAG GRU MOR 'BYUNG, ,ZHES BYA BA LA, MDZE NAD G-YA' BA ZHES BYA BA NI 'BRUM BU PHRA MO
, ,MDOG GNAG PA MANG POR 'BYUNG LA, ,DE YANG GNAS NI PHAL CHER RKUB DANG LAG SOR DANG GRU MO LA SOGS PAR 'BYUNG ZHING LHAG PAR G-YA' BA LA SOGS PA'I MTSAN NYID DANG LDAN PA YIN NO, ,THOR BU BCAS SHING REG MI BZOD, ,G-YA' ZHING DRO TSA NA DANG BCAS, ,DMAR LA PAGS PA MYAGS PA YIN, ,ZHES BYA BA LA, MDZE NAD PAGS PA MYAGS PA ZHES BYA BA NI, THOR BU'I TSOGS DANG BCAS PA DANG, LHAG PAR YANG REG NA MI BZOD PA LA SOGS PA'I MTSAN NYID DANG LDAN PA YIN NO, ,'OL MA SE NI RAB TSA NA, ,STOD NI DMAR ZHING GNAG PA STE, ,'OL MA SE YI 'BRAS BU 'DRA, ,MDZE YI MTSAN MA KUN DANG LDAN, ,DE BAS KHA DOG DU MAR 'GYUR, ,ZHES BYA BA LA, MDZE NAD 'OL MA SE ZHES BYA BA RAB TU MI BZAD PAR NA ZHING NA BA DANG LDAN PA DANG, STOD DMAR ZHING SMAD GNAG PAS 'OL MA SE ZHES BYA BA'I 'BRAS BU DANG 'DRA BA YIN NO, ,'OL MA SE 'DRA BA'I MDZE NAD DE YANG MDZE'I MTSAN MA MA LUS PA KUN DANG LDAN PA YIN LA, DE BAS NA DE NI KHA DOG GCIG DANG MI LDAN GYI, KHA DOG THA DAD PAR 'GYUR RO, ,MDZE NAD RNAMS MTSAN MA DE LAS MDZER GYUR PA NI MTSAN MA DE LAS ZHES BYA BA LA, THOD PA LTA BU LA SOGS PA'I MDZE NAD GZHIR SHAS CHE ZHING RGYAS PA NI NAD KYI DBYE BA SHES PAR BYA BA DE LAS BSHAD PA'I NAD KYI MTSAN MA DANG LAS G-YO BA DANG KHYAB PA BSTAN PA YIN PA'AM, YANG NA MTSAN MA YANG YIN LA LAS KYANG YIN PAS NA MTSAN MA LAS TE, RLUNG GI NI G-YO BA LA SOGS PA DANG, MKHRIS PA'I DMAR BA DANG, TSA BA LA SOGS PA DANG, BAD KAN GYI NI 'JAM PA DANG, SRA BA LA SOGS PA STE MTSAN MA'I LAS DE DAG GIS NAD KYI SHAS RGYAS PA RTOGS SHING KHONG DU CHUD PAR BYA'O, ,MDZE NAD NAD GZHI SHAS CHE BA, ,NAD DBYE SHES LAS BSHAD PA YIN, ,MTSAN MA LAS KYIS BSTAN PA YI, ,NAD KUN RGYAS PA LAS BYUNG DANG, ,GANG YANG 'CHI LTAS LAS BSHAD DANG, ,RUS RKANG KHU CHU LA GNAS SPANG, ,ZHES BYA BA LA, MDZE NAD NAD GZHI GSUM GYI MTSAN NYID RGYAS PA LAS
BYUNG BA NI SPANG BAR BYA'O, ,DE BZHIN DU 'CHI LTAS KYI LE'U LAS, MDZE NI YAN LAG ZHIG PA DANG, ,ZHES BYA BA LA SOGS PAS BSHAD PA DE YANG SPANG BAR BYA'O, ,GZHAN YANG MDZE GANG YANG RUNG BA LA SOGS PAR GNAS PA DE YANG SPANG BAR BYA STE GSOR MI RUNG NGO, ,TSIL LA GNAS PA 'TSO BA TZAM, ,ZHES BYA BA LA, TSIL LA GNAS PA'I MDZE NAD NI RE ZHIG MI NA BAR 'TSO BA TZAM DU BYAR RUNG NGO, ,MKHRIS 'DRES SHA KHRAG GNAS GSO DKA', ,ZHES BYA BA LA, MDZE NAD MKHRIS PA 'DRES PA LAS BYUNG BA GSO BAR DKA' STE, MKHRIS PA DANG BAD KAN 'DRES PA LAS GYUR PA'AM, MKHRIS PA DANG RLUNG 'DRES PA LAS GYUR PA NI MKHRIS 'DRES ZHES BYA'O, ,DE BZHIN DU SHA DANG KHRAG LA GNAS PA'I MDZE NAD KYANG GSO DKA'O, ,RLUNG DANG BAD KAN LAS GYUR DANG, ,LPAGS GNAS NAD GCIG GYUR GSO SLA, ,ZHES BYA BA LA, MDZE NAD BAD KAN DANG RLUNG RE RE'AM 'DRES PA LAS GYUR PA NI GSO SLA BA YIN NO, ,DE BZHIN DU PAGS PA LA GNAS PA'I MDZE NAD KYANG GSO SLA'O, ,DE BZHIN DU NAD GZHI GCIG LAS BYUNG BA'I MDZE YANG GSO SLA'O, ,DE LA PAGS PAR GNAS PA'I MDZE, ,ZUG CING RTZUB LA MDOG MI SDUG ,CES BYA BA LA; DE LA MDZE'I NAD DE RNAMS KYI NANG NAS PAGS PA LA GNAS PA'I MDZE NAD NI ZUG CING NA BA LA SOGS PAR 'GYUR RO, ,KHRAG GNAS RDUL 'BYUNG GNYID CHE SGANG, ,ZHES BYA BA LA, KHRAG LA GNAS PA'I MDZE NAD NI RDUL 'BYUNG BA LA SOGS PAR 'GYUR RO, ,SHA LA GNAS PA RKANG PA DANG, ,LAG PAR 'BRUM BU 'BYUNG BA DANG, ,ZHES BYA BA LA, SHA LA GNAS PA'I MDZE NAD NI RKANG PA DANG LAG PAR 'BRUM BU 'BYUNG BAR 'GYUR RO, ,TSIGS GNAS LHAG PAR TSIGS 'DRUL SKEM, ,RKANG PA 'JAS 'GYUR TSIL GNAS PA, ,YAN LAG ZHIG PAR BYED PAR 'GYUR, ,ZHES BYA BA LA, TSIGS RNAMS LA GNAS PA'I MDZE NAD NI LHAG PAR TSIGS 'DRUL ZHING RNAG PA DANG, SKEM ZHING RID PA DANG, RKANG PA 'JAS SHING 'GRO MI NUS PAR 'GYUR RO, ,TSIL LA GNAS PA'I MDZE NI LUS KYI YAN LAG GI TSOGS ZHIG CING 'DRUL BAR 'GYUR
, ,RO; ,RUS PA RKANG GNAS SNA ZHOM ZHING, ,MIG DMAR SKAD NI 'GAGS PA DANG, ,RMA LA 'BU ZHUGS, ZHES BYA BA LA, RUS PA DANG RKANG LA ZHUGS PA'I MDZE NAD NI SNA ZHOM ZHING NYAMS PA DANG, MIG GNYIS DMAR ZHING SLE SLE POR 'GYUR BA DANG; ,SKAD 'GAGS SHING SUBS PA DANG, RMA LA 'BU ZHUGS PAR 'GYUR RO, ,KHU BAR GNAS, BU DANG CHUNG MAR BCAS LA 'BYUNG, ,ZHES BYA BA LA, MDZE NAD KHU CHU LA GNAS PA NI RANG GI BU DANG CHUNG MA DANG BCAS PA LA MDZE 'BYUNG BAR 'GYUR RO, ,KHRAG SOGS LA NI RIM BZHIN DU, ,MTSAN MA THAMS CAD 'BYUNG BAR 'GYUR, ,ZHES BYA BA LA, KHRAG LA SOGS PA STE, KHRAG DANG SHA DANG TSIL DANG RUS PA DANG RKANG DANG KHU BA RNAMS LA GO RIMS JI LTA BA BZHIN DU MTSAN MA THAMS CAD 'BYUNG BAR 'GYUR TE, KHRAG LA SOGS PA NI KHU BA'I GONG NA GNAS PA YIN TE, DES NA LUS ZUNGS GANG LA GNAS PA'I MDZE NAD GONG MA GANG YIN PA DE LA DE'I MTSAN MA 'BYUNG STE, DES NA KHRAG LA GNAS PA'I MDZE NAD LA PAGS PA'I MTSAN MA ZUG PA LA SOGS PA 'BYUNG BAR 'GYUR LA, MA ZHU BA'I GNAS LA GNAS PA'I MDZE LA NI PAGS PA DANG KHRAG GI MTSAN MA 'BYUNG NGO, ,TSIL LA GNAS PA NI PAGS PA DANG KHRAG DANG SHA LA GNAS PA'I MTSAN MA 'BYUNG BAR 'GYUR TE, DE BZHIN DU KHU BA LA GNAS PA'I MDZE LA MTSAN MA THAMS CAD 'BYUNG BAR 'GYUR RO, ,DE LTAR MDZE NAD BSHAD NAS; DA NI SHA BKRA GZI GU'I NAD BSHAD PAR BYA STE, GZI GU MDZE DANG GCIG LAS 'BYUNG, ,DE NI SHA BKRA CHU DANG NI, ,YONGS SU 'DZAG PA ZHES BYAR BSHAD, ,NAD GZHI GSUM LA BRTEN ZHING 'BYUNG, ,ZHES BYA BA LA, SHA BKRA'I NAD GZI GU NI MDZE NAD DANG NAD GZHI GCIG PA YIN ZHING, DE BZHIN DU GNOD PA DANG GNOD BYA LA SOGS PA RNAMS KYANG GCIG PA YIN NO, ,DE'I MING NI SHA BKRA GZI GU DANG, CHU DANG YONGS SU MI 'DZAG PA ZHES BYA BAR SLOB DPON GYIS BSHAD DO, ,DE YANG RLUNG DANG MKHRIS PA DANG BAD KAN GYI NAD GZHI
GSUM LA BRTEN CING NAD GANG KHRAG DANG SHA DANG TSIL GYI MTSAN NYID GANG YIN PA DAG LA BRTEN CING 'BYUNG BA YIN PAS DE SKAD CES BYA'O, ,RLUNG LAS RTZUB CING SMUG PA YIN, ,ZHES BYA BA LA, RLUNG LAS GYUR PA'I SHA BKRA GZI GU NI REG NA RTZUB CING KHA DOG SMUG PA YIN NO, ,MKHRIS GYUR PADMA'I 'DAB LTAR DMAR, ,TSA ZHING BA SPU 'BYI BAR BYED, ,CES BYA BA LA, MKHRIS PA LAS GYUR PA'I SHA BKRA NI PADMA'I 'DAB MA LTAR SHIN TU DMAR BA DANG TSA BA DANG BCAS SHING SPU 'BYI BAR BYED PA YIN NO, ,BAD KAN LAS SKYA STUG CING LCI, ,G-YA' BCAS, ZHES BYA BA LA, BAD KAN LAS GYUR PA'I SHA BKRA NI STUG CING LCI BA DANG G-YA' BA DANG BCAS PA YIN NO, ,RIM BZHIN KHRAG DANG NI, ,SHA DANG TSIL LA BRTEN PAR BSHAD, ,CES BYA BA LA, SHA BKRA GZI GU DE NI GO RIMS JI LTA BA BZHIN DU SHA LA SOGS PA LA BRTEN PAR BSHAD DE, DE LA RLUNG LAS NI KHRAG LA BRTEN PA YIN NO, ,MKHRIS PA LAS NI SHA LA BRTEN PA YIN NO, ,BAD KAN LAS NI TSIL LA BRTEN PA YIN NO, ,'DI DAG MDOG NI GNYIS KA YIN, ,DE NI PHYI MA BZHIN GSO DKA', ,ZHES BYA BA LA, SHA BKRA 'DI DAG GI MDOG NI GNYIS KA LA BRTEN PA'I DBYE BAS PHYE BA YIN TE, KHRAG LA BRTEN NA NI KHA DOG GNAG PA YIN LA, SHA LA BRTEN NA NI ZANGS LTAR DMAR BA YIN LA, TSIL LA BRTEN NA NI DKAR BA YIN NO, ,DE YANG PHYI MA BZHIN DU GSO DKA' STE, KHRAG DANG RLUNG LAS BYUNG BA BAS NI SHA DANG MKHRIS PA LAS BYUNG BA GSO DKA' LA; DE BAS NI TSIL LA BRTEN PA NAS, BAD KAN LAS BYUNG BA SHIN TU GSO DKA' BA YIN NO, ,SPU DKAR MA YIN SRAB PA DANG, ,PHAN TSUN MA 'DRES GSAR DU BYUNG, ,MES MA BSREGS PA GSO BAR SLA, ,ZHES BYA BA LA, SHA BKRA'I NAD GANG SPU DKAR BA MA YIN PA DANG, SRAB CING ZABS SU CHUNG BA DANG, PHAN TSUN GCIG LA GCIG MA 'DRES PA DANG, SKYES NAS RING POR MA LON PA DANG, MES BSREGS PA LAS BYUNG BA MA YIN PA NI GSO BAR SLA'O, ,DE LAS GZHAN PA GSO DKA' YIN, ,MDOMS DANG LAG MTHIL MTHUR BYUNG BA, ,GSAR
, ,DU BYUNG YANG GSO BAR DKA', ,ZHES BYA BA LA, SNGAR BSHAD PA DE LAS GZHAN PA BA SPU DKAR BA DANG MTHUG PA DANG PHAN TSUN 'DRES PA DANG YUN RING PO LON PA DANG, MES BSREGS PA LAS BYUNG BA YIN NA NI GSO DKA' BA YIN NO, ,DE BZHIN DU MDOMS LA SOGS PAR BYUNG BA NI GSAR DU BYUNG BA YIN NA YANG GSO BAR DKA' BAS SPANG BAR BYA BA NYID YIN NO, ,NAD RNAMS PHAL CHER ZAS DANG NI, ,MAL GCIG REG SOGS LA BRTEN NAS, ,THAMS CAD 'GO STE MIG NAD DANG, ,MDZE NAD LHAG PAR 'GO BA YIN, ,ZHES BYA BA LA, NAD PHAL CHER TE, MANG DU 'GO BA'I NGANG TSUL CAN YIN ZHING LUS LAS LUS SU 'PHO BA YIN TE, JI LTAR 'PHO ZHA NA, ZAS LHAN CIG ZOS PA LA SOGS PAS 'PHO STE, GANG GI CHE NAD PA DANG LHAN CIG TU ZA ZHING MAL GCIG TU NYAL BA DANG REG PA LA SOGS PA BYAS NA, DE'I TSE NAD MED PA'I MI LA YANG NAD THAMS CAD MA LUS PAR 'PHO BA YIN MOD KYI, DE LAS KYANG KHYAD PAR MDZE NAD LA SOGS PA PAGS PA'I NAD DANG, MIG GI NAD NI SHAS CHER 'PHO ZHING 'GO BA YIN NO, ,SHA BKRA GZI GU'I NAD BSHAD NAS, ,DA NI SRIN BU'I NAD BSHAD DE, ,PHYI DANG NANG GI DBYE BA YIS, ,SRIN BU RNAM PA GNYIS SU BSHAD, ,CES BYA BA LA, SRIN BU'I NAD NI PHYI NA GNAS PA DANG NANG NA GNAS PA'I DBYE BAS RNAM PA GNYIS YOD DO, ,ZHES BYA BA MNGON BAR SHES PA LNGA DANG LDAN PA'I DRANG SRONG RNAMS KYIS BSHAD DO, ,PHYI YI DRI MAS BAD KAN KHRAG ,BSHANG SKYES DBYE BAS RNAM BZHI YIN, ,ZHES BYA BA LA, SRIN BU'I NAD NI SKYE GNAS KYI DBYE BAS RNAM PA BZHI YOD DE, LA LA NI PHYI'I DRI MA LAS SKYES PA YIN NO, ,LA LA NI BAD KAN LAS SKYES PA YIN NO, ,LA LA NI KHRAG LAS SKYES PA YIN NO, ,LA LA NI BSHANG BA LAS SKYES PA YIN NO, ,MING LAS RNAM PA NYI SHUR 'GYUR, ,ZHES BYA BA LA, MING GI DBYE BA'I GNAS BSHANG BA RNAMS KYIS DE RNAM PA NYI SHUR 'GYUR RO, ,DE LA PHYI YI KHRAG LAS BYUNG, ,TSAD DBYIBS MDOG NI TIL 'BRU 'DRA, ,SKRA DANG GOS LA BRTEN PA YIN, ,PHRA ZHING RKANG PA MANG LA
MING; ,SHIG DANG SRO MA ZHES BYA'O, ,GNYIS KAS THOR BU 'BRUM BU DANG, ,G-YAN PA DAG NI SKYED PAR 'GYUR, ,ZHES BYA BA LA, DE LA SRIN BU DE RNAMS KYI NANG NAS PHYI'I SRIN BU NI KHRAG DRI MA CAN LAS BYUNG STE, GANG GI TSE KHRUS LA SOGS PAS DAG PAR MA BYAS PA DE'I TSE SHIG LA SOGS PA 'BYUNG BAR 'GYUR TE, DE YANG TSAD DANG DBYIBS DANG MDOG NI TIL 'BRU LTA BU YIN LA, GNAS NI SKRA DANG GOS LA BRTEN CING 'DUG LA, LUS NI PHRA ZHING RKANG PA MANG BA YIN LA, DE'I MING NI RNAM PA GNYIS TE, SHIG CES BYA BA DANG, SRO MA ZHES BYA BA YIN NO, , DES KYANG LUS LA THOR BU LA SOGS PA SKYED CING 'BYUNG BAR BYED DO, ,NANG GI MDZE DANG RGYU GCIG STE, ,ZHES BYA BA LA, NANG GI 'BU NI MDZE DANG RGYU GCIG CING MTSUNGS PA YIN PAS NA KHA ZAS DANG SPYOD LAM LOG PA DANG KHA ZAS MI 'PHROD PA LA SOGS PA BSTEN PAS YIN NO, ,DE LAS BAD KAN LAS MANG SKYE, ,ZAS MNGAR BU RAM 'O MA DANG, ,TSA DANG 'BRAS SAR CHAN LA DGA', ,ZHES BYA BA LA, NANG NA GNAS PA'I SRIN BU DE RNAMS LAS KYANG PHAL CHER RAM MANG DU BAD KAN LAS SKYES PA'I 'BU NI ZAS MNGAR BA LA SOGS PA LA DGA' ZHING DES 'PHEL BAR 'GYUR RO, ,MI GTZANG BYUNG BCAS BSHANG LAM LAS, ,LO MA 'DAB MA LA SOGS DGA', ,ZHES BYA BA LA, BSHANG BA LAS BYUNG BA'I 'BU NI BSHANG BA MANG BA DANG LO MA LA DGA' ZHING DES 'PHEL BAR 'GYUR RO, ,BAD KAN MA ZHU'I GNAS SU BYUNG, ,SKYES NAS KUN TU 'GRO BA YIN, ,LA LA 'BRENG PA 'DRA BA YIN, ,LA LA SRIN BU KHOL MA 'DRA, ,KHA CIG MYU GU 'BUS PA 'DRA, ,PHRA ZHING RING LA CHUNG BA DANG, ,DKAR ZHING DMAR BAR SNANG BA YIN, ,ZHES BYA BA LA, BAD KAN LAS MA ZHU BA'I GNAS LTE BA YAN CHAD DU BYUNG BA NI SKYES SHING 'PHEL NA YAN MAN KUN TU STENG 'OG TU 'GRO BA YIN LA, SRIN BU DE DAG KYANG 'BRENG PA 'DRA BA YIN NO, ,SRIN BU LA LA NI KHOL MA 'AM RTA BLA BA 'DRA BA YIN NO, ,KHA CIG NI 'BRAS KYI MYU GU 'DRA ZHING DKAR LA SRA BA YIN NO, ,DE BZHIN DU KHA CIG NI PHRA ZHING RING BA'I RNAM
, ,BA 'DRA BA YIN NO, ,LA LA NI CHUNG ZHING PHRA BA YIN NO, ,MDOG NI DKAR BA DANG DMAR BA NYID DU PHAL CHER SNANG BA YIN NO, ,DE YI MING NI RNAM BDUN TE, ,RGYU MA ZAD DANG LTO NA 'KHYIL, ,SNYING ZA YA MTSAN CHEN PO DANG, ,MI MNGON RGYU DANG 'JAG MA 'DRA, , DRI ZHIM ZHES BYA, ZHES BYA BA LA, SRIN BU DE RNAMS KYI MING GI DBYE BA NI, RGYU MA ZA BA LA SOGS PA RNAM PA BDUN YIN TE, DE RNAMS NI, SNYING 'PHAR KHA CHU 'DZAG PA DANG, ,ZAS MI 'JU ZHING YI GA 'CHUS, ,BRGYAL ZHING MI DRAN RIMS 'DEBS SLON, ,SKOM ZHING SBRID PA CHAM PAS 'DEBS, ,ZHES BYA BA LA, SRIN BU DE RNAMS NI SNYING 'PHAR BA LA SOGS PA BYED PAR 'GYUR TE, SNYING 'PHAR BA NI BAD KAN TSOGS GYEN DU 'PHAR BAR BYED PA DANG, KHA CHU 'DZAG PA NI KHA NAS BAD KAN 'DZAG PA DANG, KHA ZAS MI 'JU BA LA SOGS PA BYED PA YIN NO; ,KHRAG RGYU BA YI RTZA NANG NA, ,KHRAG LAS BYUNG BA'I SRIN BU PHRA, ,ZLUM ZHING RKANG MED ZANGS LTAR DMAR, ,PHRA ZHING LA LA BLTAR MI SNANG, ,ZHES BYA BA LA, 'DI RNAMS KYI GNAS NI KHRAG RGYU BA'I RTZA BO CHE'I NANG NAS RGYU ZHING DE YANG SRIN BU SHIN TU PHRA BA DANG ZLUM PA LA SOGS PA YIN LA, SHIN TU PHRA ZHING CHUNG BA YIN PAS NA LA LA BLTAR MI SNANG BA YIN NO, ,SKRA RTZA ZA ZHING SPU 'BYI BYED, ,SPU GLING AU DUM B'A RA 'DRA, ,ZHAGS PA BCAS DANG THONG KA STE, ,DRUG PO DE DAG MDZE LAS GCIG ,CES BYA BA LA, YANG SRIN BU DE DAG NI MING SKRA ZA BA ZHES BYA BA LA SOGS PA'I DBYE BAS RNAM PA DRUG YIN LA, YANG DE DAG NI MDZE DANG LAS GCIG STE, SPU LDANG BA DANG, G-YA' BA DANG, ZUG PA LA SOGS PA DANG, SKRA DANG KHA SPU LA SOGS PA 'BYI BA DANG, CHU BA DANG, SHA DANG RTZA DANG RUS PA SNYI BA DANG ZA BAR LAS GCIG PA YIN NO, ,ZHU BA'I GNAS SU MI GTZANG SKYES, ,'PHEL NAS THUR DU RGYU BAR BYED, ,CES BYA BA LA, BSHANG BA LAS BYUNG BA'I SRIN BU NI ZHU BA'I GNAS SU 'BYUNG STE, DE 'PHEL ZHING SKYES PAR GYUR PA NA THUR DU RGYU ZHING 'GRO BAR BYED DO, ,DE NI CHER 'PHEL GYUR PA NA, ,GANG TSE MA ZHU'I
GNAS SU ZHUGS, ,DE TSE SGREGS PA DBUGS 'BYUNG BA, ,PHYI SA LTA BUR MNAM PAR 'GYUR, ,ZHES BYA BA LA, SRIN BU DE RNAMS DUS GANG GI TSE MA ZHU BA'I GNAS SU ZHUGS PAR GYUR PA DE'I TSE MI DE SGREGS PA DANG DBUGS 'BYUNG BA PHYIS LTA BUR SHIN TU MNAM PAR 'GYUR RO, , ZLUM ZHING LUS PHRA SBOM PO DANG, ,SMUG DANG SER DANG DKAR DANG GNAG ,CES BYA BA LA, SRIN BU DE DAG GI DBYIBS NI ZLUM PA DANG PHRA BA DANG SBOM POR 'GYUR LA, MDOG NI SMUG PA LA SOGS PA GANG YANG RUNG BA DANG LDAN PA YIN NO, ,SRIN BU DE MING RNAM LNGA STE, ,KHAM GYIS ZA DANG DAL GYIS 'GRO, ,MYONG BAR BYED DANG BRKAM PA DANG, ,LUS LA GNOD BYED CES BYA'O, ,ZHES BYA BA LA, SRIN BU DE RNAMS KYI MING KHAM GYIS ZA BA LA SOGS PA'I DBYE BAS RNAM PA LNGAR 'GYUR RO, ,DES 'KHRU GZER DANG RTUG SKAM BYED, ,SKEM ZHING MDOG NI SKYA BA DANG, ,BA SPU LDANG ZHING ME DROD NYAMS, ,LCI G-YA' GZHANG NI PHYIR 'BYUNG BYED, ,CES BYA BA LA, BSHANG BA DE LAS BYUNG BA'I SRIN BU DE RNAMS KYIS NI 'KHRU BA NAS, GZHANG PHYIR 'BYUNG BA'I BAR DU SKYED PAR BYED DO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, NAD GZHI'I GNAS KYI LE'U BCU BZHI PA'I RNAM PAR 'GREL PA'O,, ,,DE NAS RLUNG NAD KYI NAD GZHI BSHAD PAR BYA'O, ,ZHES BYA BA LA, NAD CHEN PO YIN PAR MTSAN NYID MTHUN PAS, MDZE NAD KYI 'OG TU RLUNG NAD KYI NAD GZHI BSHAD CING BRTZAMS PA YIN NO, ,RLUNG NI PHAN DANG GNOD BYED LA, ,'DI NI SNA TSOGS RGYU GCIG PU, ,KHYAD PAR DU NI LUS KYI NI, ,NAD DANG NAD MED RGYU GCIG PU, ,ZHES BYA BA LA, DON DANG DON MA YIN PA'I DGE MI DGE'I LAS GNYIS PO DE DAG DE BYED CING RDZOGS PAR BYED PA'I GZHI DE LA RLUNG DE NI SRID PA SNA TSOGS PA'I RGYUR GYUR PA GCIG PU KHO NA YIN LA, KHYAD PAR RAM LHAG PAR NI LUS LA PHAN PAR BYED BA DANG, NAD DANG NAD MED PA'I RGYU GCIG PU NYID
, ,YIN NO, ,DE NI KUN BYED KUN BDAG NYID, ,SNA TSOGS GZUGS CAN SKYE DGU'I BDAG ,'BYIN BYED 'DZIN BYED KHYAB 'JUG GTZO, ,SDUD BYED 'CHI BDAG GSHIN RJER 'GYUR, ,DE PAS DE LDAR MI 'GYUR BAR, ,RTAG TU 'BAD PA NYID DU GYIS, ,ZHES BYA BA LA, YANG RLUNG DE NI LUS LA SOGS PA THAMS CAD SKYED PA DANG, SGRIB PA YANG 'DZIN PA LA SOGS PA'I BYA BA KUN BYED PAS KUN BYED CES BYA'O, ,DE BZHIN DU KUN GYI BDAG NYID KYANG YIN TE, DE NI THAMS CAD KYI SROG YIN PA'I PHYIR RO, ,DE BZHIN SNA TSOGS PA'I GZUGS CAN YANG YIN TE, RNAM PA THA DAD PA'I RANG BZHIN CAN NO, ,DE NYID NI SKYE DGU RNAMS GNAS PAR BYED PAS NA SKYE DGU'I BDAG GO, ,DE 'BYIN PAR BYED PA YANG YIN TE DE PHYI DANG NANG GI DNGOS PO SKYED PAR BYED PA YANG YIN LA, SNA TSOGS PA 'DZIN PAS NA 'DZIN PAR BYED PA YANG YIN NO, , DE BZHIN DU 'GRO BA THAMS CAD KHYAB PAR BYED PA'I RANG BZHIN CAN YIN PAS NA KHYAB 'JUG GO, ,DE BZHIN DU THAMS CAD ZIL GYIS GNON PAS NA GTZO BO'O, ,'GRO BA RNAMS SDUD CING 'CHING BAR BYED PAS NA SDUD BYED DO, ,DE NYID KYIS NA 'CHI BDAG STE 'GRO BA 'JIG PAR BYED PA'O, , DES NA 'GRO BA RNAMS MTHAR 'CHI BAR BYED PAS NA GSHIN RJE NYID DANG 'DRA BAR BYA BA'I PHYIR GSHIN RJE'O, ,GANG GI PHYIR RLUNG 'DI'I RANG BZHIN DE LTA BU YIN PA DE'I PHYIR RLUNG DE NI LDANG ZHING 'KHRUGS PAR MI 'GYUR BAR RTAG PAR DUS THAMS CAD DU 'BAD PA KHO NAR BYA'O, ,DE YIS THA MAL GZHAN GYUR BAS, ,NAD KYI BYE BRAG SHES PAR BSHAD, ,BSDUS DANG RGYAS PA DE MING GNAS, ,RGYU BA'I LAM NI RE RE LNGA, ,NAD TSUL SHES PAR BSHAD PA YIN, ,ZHES BYA BA LA, RLUNG DE'I LAS THA MAL PA NI NAD KYI BYE BRAG SHES PAR DBUGS 'BYUNG BA DANG RNGUB PA LA SOGS PA YIN PAR BSHAD LA, DE BZHIN DU GZHAN DU GYUR PA'I LAS KYANG, RLUNG NI 'PHEL BAR GYUR PA YIS, ,SKEM DANG MDOG NAG DRO BAG DGA', ,'DAR DANG LTO SBOS BSHANG BA SRI, ,STOBS DANG GNYID DANG DBANG PO NYAMS, ,SMRA MANG MGO 'KHOR ZHOM
PAR BYED, ,CES BYA BA LA, 'DI NI 'GYUR BA'I BSHAD PA YIN NO, ,DE LA THA MAL BA NI RANG BZHIN GNAS PA STE, GZHAN DU MA GYUR PA LA BYA LA, GZHAN DU GYUR PA NI NAD 'KHRUGS SHING GNOD PAR GYUR PA LA BYA'O, ,DE BZHIN DU RLUNG NAD 'DI MDOR BSDUS PA DANG RGYAS PAR BYAS PA'I SGO NAS MING DANG GNAS GANG DANG GANG YIN PA DANG, RGYU BA'I LAM GANG DANG GANG YIN PA YANG RE RE ZHING LNGA LNGAR NAD KYI BYE BRAG SHES PAR BSHAD CING BSTAN PA YIN TE, DE LA MING NI SROG CES BYA BA LA SOGS PA'I DBYE BAS RNAM PA LNGA YIN LA, GNAS KYANG SPYI BO LA SOGS PA'I DBYE BAS RNAM PA LNGA STE, JI LTAR SROG CES BYA BA'I RLUNG NI SPYI BO LA GNAS PA YIN PA DANG, GYEN DU RGYU BA NI BRANG NA GNAS PA DANG, KHYAB BYED NI SNYING LA GNAS PA DANG, ME DANG MNYAM DU GNAS PA NI PHO BA'I ME DROD DANG LHAN CIG GNAS PA DANG, THUR DU SEL BA NI GZHANG LA GNAS PA YIN NO, ,RGYU BA NI RNAM PA LNGA STE, SROG CES BYA BA'I RLUNG NI BRANG DANG LKOG MAR RGYU LA, DE'I LAS NI GLO BA LA SOGS PA BRTAN PAR 'DZIN PA YIN NO, ,STOD DU RGYU BA NI SNA DANG LTE BAR RGYU LA LAS KYI BYA BA NI TSIG 'BYIN PA LA SOGS PA YIN NO, ,KHYAB BYED NI LUS MA LUS PA LA RGYU LA LAS NI 'GRO BA LA SOGS PA YIN NO, ,ME DANG MNYAM DU GNAS PA KHONG PAR RGYU LA BYA BA'I LAS NI ZAS 'DZIN PA LA SOGS PA YIN NO, ,THUR DU SEL BA NI GZHANG LA SOGS PAR RGYU STE, BYA BA'I LAS NI BSHANG GCI 'BYIN PA LA SOGS PA YIN NO, ,'DIR NI NAD KYI RNAM GYUR PA, ,DE YI DBYE BA NAD GZHI DANG, ,MTSAN NYID BCAS BA NYID DU BSHAD, ,GRANGS MED KYANG NI BRGYAD CU YI, ,GRANGS SU SNGAR NI BSHAD PA YIN, ,ZHES BYA BA LA; YANG LE'U 'DIR NI RLUNG DE'I RNAM BAR GYUR PA'I LAS THA DAD BAR DBYE BA'I TSUL NI NAD GZHI'I RGYU DANG BCAS PA DANG, DE BZHIN DU MTSAN NYID KYI TSUL JI LTA BU YIN PA DANG BCAS PA BSHAD DE, DE YANG GRANGS MED CING TSAD BZUNG DU MED DU ZIN KYANG BRGYAD CU'I
, ,GRANGS SU NGES PAR 'CHAD PAR SNGAR NAD KYI BYE BRAG SHES PAR BYA BA'I LE'U LAS BSHAD PA YIN NO, ,LUS ZUNGS ZAD BYED BSTEN DRAGS PAS, ,RLUNG NI 'KHRUGS PAR BYED 'GYUR TE, ,SBU GU STONG PAR RGYU GYUR PA, ,DE NYID SHIN TU 'GENGS PAR BYED, , NAD GZHAN GYIS NI GANG BA DER, ,KHEBS PAS MTHU CAN NYID DU 'GYUR, ,ZHES BYA BA LA, LUS ZUNGS BDUN PO ZAD PAR BYED PA'I SMAN DANG ZAS DANG SPYOD LAM TSAD LAS DRAGS PAR LHAG PAR BSTEN PAS RLUNG NAD 'KHRUGS NAS LDANG BAR 'GYUR TE, DE NI STONG ZHING SBU GUR GNAS PA'I RGYUN SRANG DAG TU RGYU ZHING 'GRO BAR BYED PAS NA SBU GU STONG PA DE DAG SHIN TU 'GENGS SHING RGYAS PAR BYAS NAS LDANG BAR BYED DO, ,DE LAS NAD GZHAN GYIS GANG BA DER PHYIN ZHING DE DAG KHEBS PAR BYAS NAS, RLUNG DE MTHU CAN MI BZAD PA NYID DU LDANG BAR 'GYUR RO, ,DE LTAR NA RLUNG NI RNAM PA GNYIS LDANG STE, LUS ZUNGS ZAD PA DANG, NAD KYIS KHEBS PA LAS LDANG BA YIN NO, ,DE LA ZHU BA'I GNAS SU ZHUGS, ,GZER DANG RGYU MA SGRA BCAS SBO, ,BSHANG 'GAGS RDE'U NAD GZHANG 'BRUM SKYE, ,RGYAB DANG RKED PA MJUG TOR NA, ,RO SMAD KYI NI PHYOGS DE RU, ,MI BZAD GNOD PA DE DE SKYED, ,CES BYA BA LA, DE LA ZHU BA'I GNAS SU ZHUGS PA 'KHRUGS PAR GYUR NA, GZER LA SOGS PA SKYED PAR 'GYUR LA, DE BZHIN DU LTE BA MAN CHAD LUS KYI RO SMAD KYI PHYOGS DE DANG DER MI BZAD CING BRNAG PAR DKA' BA'I NAD KYI GNOD PA'I BLA BRNAN DU MA DE DANG DE DAG SKYED PAR BYED DO, ,MA ZHU'I GNAS ZHUGS SKOM DANG SLON, ,LUD PA DBUGS MI BDE GSUD NAD, ,LKOG MA 'GAGS SHING SGREGS MANG NA, ,LTE BA YAN CHAD SKYED PAR BYED, ,CES BYA BA LA, MA ZHU BA'I GNAS LTE BA YAN CHAD DU RLUNG ZHUGS PAR GYUR NA SKOM DANG LA SOGS PA SKYED PAR 'GYUR RO, ,RNA BA SOGS ZHUGS DBANG POR GNOD, ,CES BYA BA LA, RNA BA LA SOGS PA DBANG PO'I BU GA RNAMS SU RLUNG ZHUGS PAR GYUR NA MIG LA SOGS PA'I DBANG PO RNAMS LA GNOD CING MA
RUNG BAR BYED PAR 'GYUR RO, ,PAGS ZHUGS GAS SHING RTZUB PAR BYED, ,CES BYA BA LA, RLUNG PAGS PAR GNAS TE 'KHRUGS PA NI PAGS PA SHAS CHER GAS SHING RTZUB PAR BYED PAR 'GYUR RO, ,KHRAG ZHUGS GNYID STUG MI BZAD NA, ,TSA ZHING DMAR LA MDOG MI SDUG ,THOR 'BYUNG KHA ZAS SRA BAR GNAS, ,YI GA 'CHUS SKOM MGO 'KHOR NA, ,ZHES BYA BA LA, RLUNG KHRAG LA GNAS TE 'KHRUGS NA NI GNYID STUG PA LA SOGS PAR 'GYUR BA DANG, THOR BU ZHES BYA BA TSIGS RNAMS SU RTZA SBOM PA RMEN BU LTAR 'BYUNG BA DANG, DE BZHIN DU KHA ZAS KHYAD PAR DU MI 'JU ZHING SRA BA REM REM POR GNAS PA DANG, DE NYID KYIS NA YI GA 'CHUS PAR 'GYUR BA DANG, SKOM PA LA SOGS PAR 'GYUR RO, ,SHA TSIL LA GNAS RMEN BU DANG, RAB TU ZUG CING LUS RTZUB LA, LUS LCI RAB NA RENGS PA DANG, KHU TSUR DBYUG PAS PHOG SNYAM BYED, ,CES BYA BA LA, SHA DANG TSIL LA GNAS NAS 'KHRUGS PA'I RLUNG NI RMEN BU LA SOGS PA SKYED PAR BYED PA DANG, KHU TSUR RAM DBYUG PAS PHOG CING BSNUN PA LTAR NA BAR BYED PA YIN NO, ,RUS GNAS BRLA DANG RUS TSIGS NA, , MI BZAD GZER ZHING NYAMS STOBS ZAD, ,CES BYA BA LA, RLUNG DE RUS PA LA GNAS TE 'KHRUGS NA BRLA LA SOGS PA MI BZAD PAR GZER BA DANG, DE BZHIN DU NYAMS STOBS ZAD PAR BYED PAR 'GYUR RO, ,RKANG GNAS RUS PA KHONG STONG ZHING, ,GNYID MED RTAG TU NA BA YIN, ,ZHES BYA BA LA, RLUNG RKANG LA GNAS TE 'KHRUGS PA NI RUS PA KHONG STONG DU BYED CING RKANG ZAD PA DANG GNYID MED CING YAR BA DANG, RTAG PAR RGYUN MI 'CHAD PAR NA BAR BYED PA YIN NO, ,KHU BAR GNAS PA MYUR 'BYUNG LA, ,'GAGS BA'AM MDOG 'GYUR NYID DU 'GYUR, ,MNGAL GYI KHU BAR GNAS DE BZHIN, ,ZHES BYA BA LA, KHU BAR GNAS TE RLUNG 'KHRUGS PA NI KHU CHU MYUR PAR 'BYIN PAR BYED PA DANG, YANG NA 'GAGS SHING MI 'BYUNG BAR BYED PA'AM, MDOG GZHAN DU 'GYUR BAR BYED PA NYID DU BYED PAR 'GYUR
, ,RO; ,MNGAL DU GNAS PA'I KHU BAR RLUNG ZHUGS PA'I NAD KYANG DE DANG 'DRA STE, MYUR DU ZAG PA DANG, 'GAGS PA DANG, MDOG 'GYUR BAR BYED DE, KHU BA LA GNAS PA'I RLUNG 'KHRUGS PAS MNGAL CHAGS PA DE 'JIG CING TSUL 'DI LTAR BYED PAR 'GYUR RO; ,RTZA RNAMS STONG ZHING SBO BAR 'GYUR, ,ZHES BYA BA LA, RTZA LA GNAS PA'I RLUNG 'KHRUGS PAR GYUR NA RTZA DE NYID KHONG STONG DU GNAS PA DANG RLUNG GIS RGYAS SHING SBOS PAR BYED DO, ,CHU BAR GNAS PA GZUGS 'JAS DANG, ,SGUR DANG DA RGAN NAD DU 'GYUR, ,ZHES BYA BA LA, CHU BAR GNAS TE RLUNG 'KHRUGS PAR GYUR NA LHU GZUGS 'JAS SHING 'THENG BA DANG SGUR BA DANG, DA RGAN GYI NAD SKYED PAR BYED PAR 'GYUR RO, ,TSIGS LA GNAS PA'I RLUNG SKRANG BA, ,RKYAL PA RLUNG GIS GANG REG 'DRA, ,BRKYANG DANG BSKUM PAR BYED PA YIS, ,BSKYOD PA NA DANG BCAS PAR 'GYUR, ,ZHES BYA BA LA, TSIGS LA GNAS TE RLUNG 'KHRUGS NA NI SKRANG BAR 'GYUR ZHING, SKRANG PA DE YANG RKYAL PA RLUNG GIS GANG BA LA REG PA DANG 'DRA BAR 'GYUR BA DANG, DE BZHIN DU RKANG LAG BRKYANG BA DANG BSKUM PAR BYED PA'I BSKYOD PA DE DAG NA ZHING ZUG PA DANG BCAS PAR 'GYUR RO, ,YAN LAG KUN LA BRTEN PA NI, ,ZUG CHAG SNYAM SEMS 'GUL BA DANG, ,RENGS DANG TSOR BA MED PA DANG, ,TSIGS 'KHUMS 'DAR BAR BYED PAR 'GYUR, ,ZHES BYA BA LA, YAN LAG THAMS CAD LA BRTEN TE RLUNG 'KHRUGS PAR GYUR PA NA ZUG PA LA SOGS PA'I NAD SKYED PAR 'GYUR RO, ,GANG TSE RTZA CHEN KUN LA GNAS, ,YANG DANG YANG DU 'KHRUGS GYUR PA, ,DE TSE YAN LAG LA 'JUG PAS, ,NAD NI LUS LA 'JUG CES BYA, ,ZHES BYA BA LA, DUS GANG GI TSE RLUNG RTZA BO CHE KUN LA GNAS TE 'KHRUGS PAR GYUR PA DE'I TSE LUS THAMS CAD YANG DANG YANG DU 'KHRUGS SHING GNOD PAR BYED CING YAN LAG THAMS CAD LA 'JUG PAS ZIL GYIS GNON PAR BYED PAS NA, RLUNG NAD DE NI LUS LA 'JUG PA ZHES BYA'O, ,ZHES DRANG SRONG RNAMS KYIS BSHAD DO, ,RO SMAD DU NI 'GAGS PA'I RLUNG, ,GYEN DU
SONG STE SNYING GAR GNAS, ,SNYING GA'I SPU GUR ZHUGS NAS NI, ,MGO BO YAN LAG BCAS PAR ZUG ,LUS NI KUN TU ZHUGS GYUR NAS, ,DE NI GZHU LTAR SGU POR BYED, ,DBUGS 'BYIN DKA' ZHING MIG RENGS HAR, ,LHOD CING 'DZUMS PAR BYED 'GYUR LA, ,DE NAS PHUG RON LTA BUR MKHUN, ,DRAN PA MED DE GZHAN DBANG CAN, ,DE NYID AA BA TA NAR BSHAD, ,CES BYA BA LA, RO SMAD DU RLUNG ZHUGS PAR GYUR CING RGYUN SRANG GI LAM 'GAGS PAR GYUR NA RO SMAD NAS GYEN DU SONG STE SNYING GAR GNAS SHING BRTEN NA SNYING GA'I RTZA'I SBU GU'I NANG DU ZHUGS NAS SNYING DANG MGO BO DANG MUR 'GRAM LA SOGS PAR ZUG CING NA BAR BYED DO, ,DE BZHIN DU LUS KUN TU ZHUGS PAR GYUR CING BSDUS PAR GYUR NAS NAD PA DE'I LUS GZHU LTAR SGUR PO NYID DU BYED CING 'GUGS PAR BYED DO, ,DE LTA BU'I MI DE NI DBUGS 'BYUNG BAR DKA' ZHING RNGAM PA CAN DU 'BYUNG BA DANG, MIG RENGS SHING HAR HAR POR 'DUG PA DANG, LHOD CING GNAS LAS 'CHUG PA DANG, 'DZUMS SHING 'BYED MI SHES PAR 'GYUR LA, DE NAS DE'I 'OG TU PHUG RON LTAR MKHUN ZHING SGRA MI GSAL BAR 'BYIN PAR BYED PA DANG, DRAN PA MED DE 'DU SHES MI GSAL BA NYID DE NAD DE GZHAN DBANG CAN ZHES BSHAD DO, ,LA LA DAG GI GZHUNG GIS NI NAD DE NYID AA BA TA NA ZHES BYA'O ZHES ZER RO, ,RLUNG GIS SNYING NI BTANG GYUR NA, ,SKAD CIG TZAM DU BDE LA REG ,SLAR ZHUGS NA NI NA BAR BYED, ,CES BYA BA LA, GZHAN DBANG CAN ZHES BYA BA'I NAD DE LA RLUNG GIS SNYING GA BTANG ZHING DER MI GNAS PAR GYUR NA SKAD CIG TZAM DU BDE BA LA GNAS SHING NAD MED PAR 'GYUR RO, ,YANG DE SLAR ZHUGS SHING GNAS PAR GYUR NA SKAD CIG NA ZHING MI BDE BAR BYED PAR 'GYUR RO, ,DE NI MNGAL 'JIG LAS BYUNG DANG, ,KHRAG NI LHAG PAR 'DZAG GYUR DANG, ,SNAD PA DAG LAS BYUNG GYUR PA, ,SHIN TU GSO BAR DKA' BAR 'GYUR, ,ZHES BYA BA LA, GZHAN DBANG CAN ZHES BYA BA'I RLUNG NAD DE MNGAL 'JIG PA LA SOGS PA'I RGYU GSUM LAS
, ,BYUNG BA NI GSO BAR DKA' BAR 'GYUR RO, ,MJING BA RENGS PA'I RLUNG ZHUGS SHING, ,GANG TSE RTZA CHEN LA GNAS PA, ,LUS KUN KHYAB PAR GYUR PA NA, ,DE TSE NAM TSONG 'GUGS PAR BYED, ,LUS NI GZHU LTAR NANG DU GUG ,MIG RENGS SHUGS NI 'BYIN PAR BYED, ,GLAL 'BYUNG SO NI 'CHA' BA DANG, ,BAD KAN SKYUGS PAR BYED PAR 'GYUR, ,RTZIB LOGS ZUG CING TSIG MI THON, ,'GRAM PA RGYAB DANG MGO BO NA, ,'DI NI NANG DU GUG CES BYA, ,ZHES BYA BA LA, MJING BA NI GNYA' BA LA BRTEN PA'I GNAS NYID GNYIS YOD DE, DE DAG TU RLUNG ZHUGS NAS GANG GI TSE RTZA CHEN POR PHYIN NAS GNAS PAR GYUR ZHING LUS THAMS CAD KHYAB CING KHEBS PAR GYUR PA DE'I TSE NAM TSONG 'GUGS SHING YON POR BYED LA, DE BZHIN DU LUS KYANG GZHU LTAR NANG DU 'GUGS PAR BYED CING SGUR POR BYED LA, MIG GNYIS RENGS SHING 'BYED PA DANG 'DZUMS MI SHES PA DANG, RANG GI SHUGS CHAGS PA DANG, GUG POR BYED PA LA SOGS PA'I NAD SNA TSOGS PA'I TSUL SKYED PAR BYED PA DANG, DE BZHIN DU GLAL MANG DU 'BYUNG BA DANG, SO KRIG KRIG 'CHA' BA DANG, BAD KAN SKYUG CING SLON PAR BYED PA DANG, RTZIB LOGS GNYIS SU ZUG CING NA BA DANG, TSIG MI THON PA DANG, 'GRAM PA LA SOGS PA NA BAR BYED DE, 'DI LTA BU'I NAD 'DI NI NANG DU GUG PA'I RLUNG NAD CES BYA'O, ,PHYI YI DE DANG 'DRA BA LA, LUS NI PHYIR DGYE BYED PA DANG, ,MGO BO RGYAB DU 'DREN BYED CING, ,DE LA BRANG NI SHIN TU 'BUR, ,GNYA' BA BCOM PA LTAR NA ZHING, ,SO DANG KHA NI MDOG MI SDUG ,RDUL ZHING LUS NI LHOD PAR BYED, ,PHYIR DGYED GZHU RENGS ZHES BYA ZHING, ,DE LA SHUGS DRAG CES KYANG BSHAD, ,CES BYA BA LA, PHYIR DGYE BA ZHES BYA BA'I RLUNG NAD GZHAN DAG NI TSUL DE DANG 'DRA ZHING MTSUNGS PA LAS, 'DIR KHYAD PAR NA 'DI YIN TE, LUS PHYIR DGYE ZHING RGYAB TU SGU BAR BYED LA, MGO BO RGYAB DU YO BAR 'DREN ZHING 'GUGS PAR BYED PA DANG, PHYIR DGYE BA ZHES BYA BA'I NAD DE LA BRANG SHIN TU 'BUR ZHING MTHO BA DANG, GNYA' BA NA ZHING BRDUNGS PA LTAR SEMS PA DANG, DE BZHIN DU SO DANG KHA'I MDOG MI SDUG PA DANG, RDUL SHIN TU MANG DU 'BYUNG BA DANG, LUS LHOD CING SHIG SHIG PO
'GYUR BAR BYED DE, RLUNG NAD DE NI PHYIR DGYED BA ZHES BYA'O, ,ZHES BSHAD PA LA, LA LA NA RE NI GZHUNGS RENGS ZHES BYA'O ZHES ZER RO, ,GZHAN DAG NI DE LA SHUGS DRAG PO ZHES BYA'O ZHES KYANG BSHAD DO, ,GNAD LA GNAS PA'I RMAR ZHUGS TE, ,RLUNG GIS BSKYOD BAR GYUR PA DANG, ,RKANG PA NAS NI MGO BO'I BAR, ,LUS LA NAD KYIS KHYAB BYED PA, ,SKOM ZHING LUS NI SKYA GYUR PA, ,RMA YI DA RGAN DE SPANG BYA, ,ZHES BYA BA LA, GNAD LA GNAS SHING BRTEN PA'I RMAR ZHUGS PA'I RLUNG LA SOGS PA'I NAD DE RLUNG GIS BSKYOD CING BSNAN PAR GYUR NA, RKANG PA NAS MGO BO'I BAR GYI LUS THAMS CAD LA NAD KYIS KHYAB CING ZIL GYIS GNON PAR BYED DE, RMA'I DA RGAN DE LTA BU DE SKOM DAD CHE ZHING LUS SKYA BA LAS BYUNG BA DE NI GSO DKA' BA YIN PAS SPANG ZHING DOR BAR BYA'O, ,LUS LA 'JUG PA'I RLUNG KUN NI, ,SHUGS DANG BRAL NAS BDE BAR 'GYUR, ,ZHES BYA BA LA, SNGAR BSHAD PA'I RLUNG NAD LUS LA 'JUG PA LA SOGS PA DE RNAMS LA RLUNG GI SHUGS DANG BRAL ZHING, SHUGS ZHI BAR GYUR NA DE NI BDE ZHING NAD MED PAR 'GYUR BA YIN NO, ,LCE NI BRUD DRAGS SKAM ZOS GNOD, ,'GRAM PA'I RTZA BAR GNAS RLUNG 'KHRUGS, ,'GRAM PA GNYES NI BSKYOD BYAS NAS, ,KHA NI GDANGS BAR BYED PA'AM, ,YANG NA 'DZUMS PAR BYED PAR 'GYUR, ,'GRAM PA NYAMS PAR BYED PA DES, ,ZA DANG SMRA BA DKA' BAR 'GYUR, ,ZHES BYA BA LA, LCE BRUD DRAGS SHING SO SHING LA SOGS PAS GNOD PAR BYAS PA DANG, ZAS SKAM PO ZOS SHING BCAS PA DANG, KHU TSUR DANG RDO LA SOGS PAS SNAD PAS 'GRAM PA'I RTZA BAR GNAS PA'I RLUNG 'KHRUGS SHING LDANG BAR GYUR NAS, 'GRAM PA GNYIS BSKYOD CING RANG GI GNAS NAS 'GUL BAR BYAS NAS, KHA RTAG TU GDANGS PAR BYED PA DANG, YANG NA KHA 'DZUMS SHING 'BYED MI SHES PAR BYED PAR 'GYUR TE, NAD DE NI 'GRAM PA LA GNAS NAS NYAMS PAR BYED PA ZHES BYA STE, 'GRAM PA BSKYOD CING NYAMS BAR BYED PA DES ZAS ZAB DANG TSIG TU SMRA BA SHIN TU DKA' BAR BYED PAR 'GYUR RO, ,SMRA BAR BYED PA'I RTZA GNAS RLUNG, ,LCE NI LDIB PAR BYED 'GYUR ZHING, ,LCE LDEBS DES NI BZA' BTUNG DANG, ,SMRA BA LA SOGS MI NUS
, ,'GYUR; ,ZHES BYA BA LA, SMRA BAR BYED PA ZHES BYA BA'I RTZA GANG YIN PA LA GNAS PAR GYUR PA'I RLUNG NI LCE LDIBS SHING LKUGS PAR BYED PAR 'GYUR TE, NAD DE NI LCE LDIBS PA ZHES BYA BA YIN TE, NAD DES NI BZA' BA LA SOGS PA LA LONGS SPYAD PAR MI NUS PA YIN NO, , MGO BOS KHUR NI KHYER BA DANG, DGOD DRAGS MANG DU SMRA BA DANG, ,SDANGS DANG 'CHUS TE SBRID PA GTONG, ,GZHU SRA 'DREN PAR BYED PA DANG, ,SNGAS NI MI MNYAM LA NYAL DANG, ,SRA BA 'CHA' BAR BYED PA DANG, ,RLUNG SKYED PA NI DE DANG DES, ,RLUNG 'PHEL RO STOD LA ZHUGS NAS, , GDONG GI GZHOGS PHYED YON POR BYED, ,SMRA DANG DGOD DANG LTA BA'ANG YO, ,DE NAS DE YI DE YI MGO 'GUL ZHING, ,TSIG MI PHYIN LA MIG RENGS SHING, ,SO 'GUL SKAD NI 'GAGS PA DANG, ,SGRA MI THOS SHING SBRID PA THOGS, ,DRI MI TSOR ZHING DRAN NYAMS RMONGS, ,GNYID LOG PA NA SDANGS PAR 'GYUR, ,MCHIL MA G-YON DU 'DOR BA DANG, MIG GCIG 'DZUMS PAR 'GYUR BA DANG, ,NAM TSONG YAN CHAD MI BZAD NA, ,GZHOGS PHYED DAG GAM RO SMAD NA, ,LA LAS DE GZHOGS PHYED NAD BSHAD, ,GZHAN DAG PHYOGS GCIG GUG CES ZER, ,ZHES BYA BA LA, MGO BOS KHUR LCI BA KHYER ZHING GNAS GZHAN NAS GZHAN DU 'DEGS PA DANG, DGOD DRAGS PA LA SOGS PA DANG LUS 'CHUS TE SBRID PA GTONG BA LA SOGS PA DANG SRA BA'I ZAS 'CHA' BAR BYED PA STE, DE DAG GIS NI RLUNG SKYED CING 'PHEL BAR BYED PA YIN LA, DE DAG 'BA' ZHIG TU MA ZAD KYI 'DIR MA BSHAD PA'I RLUNG SKYED PAR BYED PA'I DNGOS PO GANG YIN PA DE DANG DES RLUNG 'PHEL BAR GYUR NAS LUS KYI RO STONG LA ZHUGS TE GNAS PA DANG, DES GDONG GI GZHOGS PHYED YON POR BYED PAR 'GYUR LA, DE BZHIN DU TSIG SMRA BAR BYED PA DANG, DGOD PAR BYED PA DANG, LTA BAR BYED PA NA YANG YON POR BYED PAR 'GYUR RO, ,DE NAS DE'I 'OG TU MI DE'I MGO 'GUL ZHING LDEG LA 'DAR BAR 'GYUR BA DANG, TSIG MI PHYIN CING THOGS PA DANG, MIG RENGS SHING HAR HAR POR LTA BA DANG, SO 'GUL ZHING G-YO BA LA SOGS PA MCHIL MA G-YON DU 'DOR GYIN DRANG POR MI 'DOR BA DANG, MIG GCIG 'DZUMS PAR BYED PA
DANG; NAM TSONG YAN CHAD MGRIN PA LA SOGS PA MI BZAD PAR NA BA DANG, LUS KYI GZHOGS PHYED DAM, YANG NA RO SMAD DU NA BAR BYED DE, NAD DE NI GZHOGS PHYE DAN BA'I RLUNG NAD CES BYA'O ZHES BSHAD LA, GZHAN DAG NI PHYOGS GCIG GUG PA ZHES BYA'O ZHES ZER RO, ,RLUNG NI KHRAG LA BRTEN GYUR TE, ,SPYI BO 'DZIN PA'I RTZAR ZHUGS PA, ,RTZUB CING NAD BCAS MDOG GNAG BYED, ,RTZA 'DZIN DE NI GSOR MI RUNG, ,ZHES BYA BA LA, RLUNG NI KHRAG LA BRTEN NAS RGYU STE SONG NAS SPYI BO 'DZIN PA ZHES BYA BA'I RTZAR ZHUGS PAR GYUR PA NI RTZUB CING NA BA DANG BCAS PA DANG, MDOG GNAG PAR BYED PAR 'GYUR RO, ,DE LTA BU'I NAD DE NI RTZA 'DZIN PA ZHES BYA STE GSO ZHING BCOS PAR MI NUS PA YIN NO, ,RLUNG GIS DE LA GZHOGS PHYED BZUNG, ,RTZA DANG RGYUS PA BSKAMS BYAS NAS, ,GZHOGS PHYED GANG YANG RUNG LA GNOD, ,TSIGS KYI SBREL MTSAMS LHOD PAR BYED, ,DE YIS LUS PHYED THAMS CAD NI, ,LUS SBYOR MI NUS TSOR BA MED, ,DE NI PHYOGS GCIG NAD CES ZER, ,GZHAN DAG PHYOGS GCIG SKAMS PAR 'CHAD, ,CES BYA BA LA, RLUNG GIS LUS KYI GZHOGS PHYED BZUNG ZHING DER GNAS PAR BYAS PA DANG, RTZA DANG RGYUS PA BSKAMS PAR BYAS NAS, LUS KYI G-YAS SAM G-YON GYI GZHOGS PHYED GANG YANG RUNG BA LA GNOD CING MI SHIS PAR BYED LA, TSIGS RNAMS KYI BOG RE'I SBREL MTSAMS LHOD CING SHIG SHIG POR BYED PA DANG, NAD PA DE'I LUS KYI GZHOGS PHYED KUN MA LUS PAR LUS LA SBYOR BAR MI NUS SHING G-YO 'GUL GYI BYA BA BYED MI NUS PA DANG, TSOR BA MED CING BEM BEM POR 'DUG PA'I NAD DE NI PHYOGS GCIG GI NAD CES ZER RO, ,DRANG SRONG GZHAN DAG NI PHYOGS GCIG SKAMS PA ZHES 'CHAD DO, ,LUS KUN RLUNG NAD DE DANG 'DRA, ,YAN LAG KUN LA BRTAN PA YIN, ,ZHES BYA BA LA, PHYOGS GCIG SKAMS PA DANG LUS KUN LA ZHUGS PA'I RLUNG NAD NI TSOR BA MED PA LA SOGS PA TSUL 'DRA BA YIN LA, DE NI YAN LAG THAMS CAD LA BRTEN PA'I NAD CIS BYA BAR SHES PAR BYA'O, ,RLUNG NAD NYI TSES GZHOGS PHYED SKAMS, ,SHIN TU GSO DKA' YIN PAR BSHAD, ,CES BYA BA LA, RLUNG NAD NYI TSE NAD GZHAN DANG MA 'DRES PA GANG
, ,YIN PA DES GZHOGS PHYED SKAMS PAR GYUR PA NI SHIN TU GSO DKA' BA YIN NO, ,GZHAN DANG 'DRES PA GSO DKA' YIN, ,ZHES BYA BA LA, NAD GZHAN BAD KAN DANG MKHRIS PA GANG YANG RUNG BA DANG RLUNG 'DRES PAR GYUR PA'I GZHOGS PHYED SKAMS PA'ANG GSO DKA' BA YIN NO; ,ZAD BYED RGYU CAN SPANG BAR BYA, ,ZHES BYA BA LA, ZAD BYED KYI RGYU LAS BYUNG BA'I GZHOGS PHYED SKAMS PA NI SPANG BAR BYA STE GSOR MI RUNG NGO, ,MA ZHU BAD KAN LDAN PA YIS, ,RGYUN SRANG BKAG STE LUS RENGS PAS, ,BRKYANG BSKUM KUN LAS NYAMS GYUR PA, ,SHING 'DRA SHING LTAR RENGS PA YIN; ,ZHES BYA BA LA, RLUNG NAD MA ZHU BA DANG BAD KAN DANG BCAS PA DAG GIS RLUNG GI RGYU BA'I LAM BKAG STE, LUS RENGS SHING 'GYUR MI SHES PAR BYAS PAS BRKYANG BA DANG BSKUM PA LA SOGS PA'I LUS KYI SPYOD PA KUN LAS NYAMS PAR GYUR PA NI DBYUG LTAR RENGS PA YIN PAS NA, SHING LTAR RENGS PA ZHES BYA'O, ,PHRAG PA'I RTZA BAR ZHUGS PA'I RLUNG, ,DER GNAS RTZA NI 'KHUMS BYAS TE, ,DPUNG PA BSKYOD PAR MI NUS BYED, ,DPUNG PA 'JAS PA'I RLUNG NAD YIN, ,ZHES BYA BA LA, RLUNG PHRAG PA'I RTZA BAR GNAS TE, DE NA GNAS PA'I RTZA 'KHUMS SHING 'DUS PAR BYAS NAS, DPUNG PA BSKYOD BSGUL MI NUS PAR BYED PA'I RLUNG NAD SKYED PAR BYED DO, GANG ZHIG LAG MTHIL SOR MOR 'BREL, ,CHU BA RGYAB TU 'KHUMS BYED CING, ,LAG NGAR BYA BA NYAMS BYED PA, ,RLUNG DE BI SHA TZE RU BSHAD, ,CES BYA BA LA, NAD GANG ZHIG LAG PA'I MTHIL DU PHYOGS SHING DE DANG 'BREL PA CHU BA 'DUS PA ZHES BYA BA'I CHU BA RGYAB TU 'KHUMS PAR BYED CING, LAG NGAR GYI RGYAB TU RLUNG GIS 'KHUMS PAR BYED NAS LAG NGAR GYI BYA BA'I LAS GANG DAG YIN PA THAMS CAD NYAMS PAR BYED DE, G-YO 'GUL GYI BYA BA THAMS CAD MI NUS PAR BYED PA'I RLUNG NAD DE NI MING BI SHA TZE ZHES BYA BA YIN NO ZHES DRANG SRONG RNAMS KYIS BSHAD DO, ,GANG TSE RLUNG NI RKED PAR GNAS, ,BRLA YI CHU BA'I NANG DU ZHUGS, ,DE TSE MI DE 'THENG POR 'GYUR, ,ZHES BYA BA LA, GANG GI TSE RLUNG GI NAD RKED PA'I PHYOGS SU GNAS SHING BRTEN PAR GYUR NAS BRLA'I CHU BA'I NANG DU ZHUGS SHING ZHEN PAR GYUR PA DE'I TSE MI DE 'THENG POR GYUR TE RKANG
ZUG CING 'CHAL BA'I 'THENG POR 'GYUR RO, ,BRLA GNYIS LA ZHUGS 'PHYE BOR 'GYUR, ,ZHES BYA BA LA, GANG GI TSE RKED PAR GNAS PA'I RLUNG DE BRLA GNYIS KA LA ZHUGS PAR GYUR PA DE'I TSE BRLA GNYIS KA'I SPYOD PA NYAMS PAS 'PHYE BOR 'GYUR RO, ,GANG ZHIG 'GRO BAR RTZOM PA NA, , LUS 'DAR 'THENG PO LTAR 'GRO BA, ,TSIGS KYI SPREL MTSAMS LHOD GYUR PA, ,DE NI SRAN MA'I 'THENG POR BSHAD, ,CES BYA BA LA, SKYES BU GANG 'GRO BAR RTZOM ZHING 'GRO BA'I BYA BA 'DOR ZHING G-YO LA 'THENG PO LTA BUR 'GRO BA'I SKYES BU DE NI TSIGS KYI BOG RE'I SBREL MTSAMS LHOD CING NYAMS PAR GYUR PA YIN TE, DE NI MING SRAN MA LTAR 'THENG PA ZHES BYA'O, ,KHA ZAS DRO GRANG SKAM RLON 'DRES, ,LCI DANG SNUM CHES BSTEN PA DANG, ,ZHU DANG MA ZHU MI BDES BSKYOD, ,NYIN NYAL MTSAN GNYID MA LOG PAS, ,MA ZHU SHIN TU SOGS GYUR TE, ,GAL TE BRLA NANG ZHUGS GYUR NA, ,BAD KAN TSIL DANG RLUNG BCAS PA, ,NAD GZHAN ZIL GYIS MNAN NAS NI, ,BRLA RUS NANG DU GANG BYAS TE, ,BAD KAN GYIS TE RENGS GYUR LA, ,DE TSE DE YIS BRLA RENGS BYED, ,'DEGS MI NUS GRANG TSOR BA MED, ,GZHAN GYI YIN SNYAM SEMS SHING LCI, ,MI BZAD PAR NI 'GRO BA NYAMS, ,SEMS KHONG CHUD CING YAN LAG NA, ,SNYOM SLON RIMS 'DEBS YI GA 'CHUS, ,RKANG PA SGYID ZHAN 'DEGS PAR DKA', ,BEM BEM POR 'DUG LDAN PA YIN, ,DE NI BRLA RENGS NAD CES BSHAD, ,GZHAN DAG PHYUG PO'I RLUNG ZHES ZER, ,ZHES BYA BA LA, KHA ZAS KYI BAG DRO GRANG LA SOGS PAR 'DREN MAR BSTEN PA DANG, ZHU BA DANG BCAS PA'I MA ZHU BA NI ZHU BA DANG MA ZHU BA STE, LA LA NI ZHU ZHING SMIN PA YIN LA, LA LA NI MA ZHU ZHING MA SMIN PA YIN TE, LEGS PAR TSOS PA DANG, MA TSOS PA DAG GIS MI BDE BAR GYUR PA DANG, DE BZHIN DU MI BDE ZHING SDUG BSNGAL BA'I RNAM PA LA BRTEN PAS BSKYOD CING 'KHRUGS PAR BYAS PAS MA ZHU BA SHIN TU SHAS CHER SOGS PAR 'GYUR LA, DE BZHIN DU NYIN PAR GNYID LOG CING NYAL BA DANG, GNYID MA LOG PA DAG YUN RING DU BSTEN KYANG MA ZHU BA SHIN TU SHAS CHER SOGS PAR 'GYUR TE, MA ZHU BA DE GAL TE BRLA DANG
, ,BYIN PA'I NANG DU ZHUGS PAR GYUR NA, MA ZHU BA DE BAD KAN DANG TSIL DANG RLUNG DANG BCAS PAR 'GYUR BA YIN GYI, MA ZHU BA DE NI RLUNG DANG BAD KAN GYI NAD GZHAN LA LTOS PA ZIL GYIS MNAN CING MTHU CHUNG BAR BYED LA, DE'I PHYIR MA ZHU BA DES BAD KAN GYI G-YO BA MED PAR BYAS SHING BRLA'I RUS PA'I NANG DU GANG BAR BYED PA NA DE'I TSE BRLA RENGS SHING BSKYOD MI SHES PAR 'GYUR TE, DE BAS DE'I NAD DES BRLA RENGS PAR BYED CING 'GYUR MI SHES PAR 'DEGS SHING BSKYOD MI SHES MI NUS PA DANG, GRANG ZHING TSOR BA MED PA DANG, GZHAN GYI YIN PAR SNYAM DU SEMS SHING RANG GI LUS LAS BYUNG BA SNYAM DU MI SEMS PA DANG, DE BZHIN DU MI BZAD PAR NA ZHING BRNAG PAR DKA' BA LA SOGS PAR 'GYUR BA DANG, SEMS KHONG DU CHUD PA LA SOGS PA DANG LDAN PAR 'GYUR TE, NAD DE NI BRLA RENGS KYI NAD CES BYA'O ZHES TSE'I RIG BYED SHES PA'I SLOB DPON DAG GIS BSHAD DO, ,DRANG SRONG GZHAN DAG GIS PHYUG PO'I RLUNG NAD CES BYA'O ZHES ZER RO, ,RLUNG DANG KHRAG LAS SKYES PA'I SKRANG, ,PUS MO'I STENG BYUNG NAD TSABS CHE, ,CE SBYANG MGO LTAR SBOM GYUR PA, ,CE SPYANG MGO 'DRA YIN ZHES BYA, ,ZHES BYA BA LA, RLUNG DANG KHRAG LAS SKYES PA'I SKRANG PA PUS MO'I STENG DU BYUNG BA DE NI NAD TSABS SHIN TU CHE BA YIN TE, DE NI CE SPYANG GI MGO 'DRA PAR SBOM ZHING CHE BAR SKRANG PA YIN PAS CE SPYANG GI MGO 'DRA BA'I RLUNG NAD CES BYA'O, ,RKANG PA NA ZHING MI MNYAM 'DOR, ,NGAL BA LAS NI GANG TSE RLUNG, ,LONG MOR GNAS TE NAD SKYED PA, ,DE NI RLUNG NAD TSER MAR BSHAD, ,CES BYA BA LA, RKANG PA SA LA MI MNYAM ZHING MI MNYAM PAR 'DOR BA'AM, YANG NA NGAL ZHING DUB PA LAS DUS GANG GI TSE RLUNG BYIN PA DANG, RKANG PA LA BRTEN NAS LONG MOR GNAS PA'I NAD SKYED PAR GYUR PA'I RLUNG NAD DE NI TSER MA LTA BU ZHES BSHAD DO; ,RTING PA SOR MOR 'BREL PA YI, ,CHU BAR RLUNG GIS GNOD GYUR GANG, ,BRLA NAS 'JUG PAR BYED PA DE, ,GZUGS 'KHUMS ZHES NI BYA BAR BSHAD, ,CES BYA BA LA, RTING PAR GNAS NAS SOR MO DANG 'BREL BAR 'GYUR BA'I CHU BA'I TSOGS GANG YIN PAR RLUNG DES GNOD
PA SKYED PAR GYUR NAS, BRLA'I BAR DU GYEN DU 'JUG PAR BYED CING BSDUS SHING 'KHUMS PAR BYED PA GANG YIN PA DE NI DRANG SRONG DAG GIS GZUGS 'KHUMS PA'I RLUNG NAD CES BYA BAR BSHAD DO, ,BI SHA TZI DANG GZUGS 'KHUMS BSHAD, ,MI BZAD NA BA KHA LI RA BSHAD, , CES BYA BA LA, SNGAR LAG NGAR DU ZHUGS PA'I RLUNG NAD KYI BI SHA TZI DANG, 'DAS MA THAG PA'I GZUGS 'KHUMS PA'I RLUNG NAD GNYIS PO MI BZAD PA DANG LDAN PAR SNANG BA NI RLUNG NAD KHA LI ZHES BYA BAR BSHAD DO, ,GANG GI RKANG PA BRTZE GYUR ZHING, ,BEM BEM POR NI GYUR PA DAG ,BAD KAN RLUNG 'KHRUGS LAS GYUR PA, ,RKANG PA BRTZE BAR DE BSHAD DO, ,ZHES BYA BA LA, MI GANG GI RKANG PA GNYIS BRTZE ZHING TSA BA TZAG TZAG POR BYED PA'I SGO NAS TSOR BA MED CING BEM BEM POR GYUR PA DAG NI BAD KAN DANG 'DRES PA LAS GYUR PA YIN LA, NAD DE NI RKANG PA BRTZE BA ZHES BYA'O ZHES BSHAD DO, ,MKHRIS PA KHRAG DANG BCAS PA'I RLUNG, ,RKANG PA GNYIS SU TSA BYED CING, ,KHYAD PAR DU NI 'GRO TSE TSA, ,DE NI RKANG TSA ZHES BYAR BSHAD, ,CES BYA BA LA, RLUNG GI NAD MKHRIS PA DANG KHRAG DANG BCAS PAR GYUR PA LAS RKANG PA GNYIS SU TSA BA 'UR 'UR POR GYUR PA GANG YIN PA DANG; KHYAD PAR DU YANG 'GRO ZHING 'CHAG PA'I TSE LHAG PAR TSA BAR GYUR PA'I NAD DE NI RKANG PA TSA BA ZHES BYA'O ZHES BSHAD DO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, NAD GZHI'I GNAS KYI LE'U BCO LNGA PA'I RNAM PAR 'GREL PA'O,, ,,DE NAS DREG NAD KYI NAD GZHI BSHAD PAR BYA'O, ,ZHES BYA BA LA, RLUNG LAS GYUR PA YIN PAR CHOS MTHUN PA YIN PAS NA, RLUNG NAD KYI 'OG TU LE'U 'DI BRTZAMS PA YIN NO, ,DE YANG RLUNG DANG KHRAG LAS SKYES PA'I SKRANG ZHES SMOS PA YIN NO, ,KHRAG NI 'KHRUGS PAR BYED PA'I ZAS, ,TSA BA DANG NI MI 'PHROD PA, ,BSTEN DANG SBYOR BA LOG PA DANG, ,NYIN NYAL MTSAN GNYID MA LOG DANG, ,NYAL PO DRAGS DANG SKYID PAR GNAS, ,'CHAG PA'I SPYOD PA MA PA STEN DANG, ,SNAD DANG SBYANG BA MA BYAS PAS, ,MI YI KHRAG NI 'KHRUGS GYUR CING, ,RLUNG SKYED ZOS PAS RLUNG NAD NI, ,
, ,'PHEL BAS 'KHRUGS TE LAM GZHAN ZHUGS, ,DE BZHIN KHRAG KYANG LAM 'GAGS LA, ,DANG POR GNOD PAR 'GYUR BA YIN, ,ZHES BYA BA LA, KHRAG 'KHRUGS SHING SKYED PAR BYED PA'I ZAS 'BRU DANG SROG CHAGS CHU NA SPYOD PA'I SHA DANG, RGYA SRAN KU LANG+THA DANG, MON SRAN GRE'U DANG, NIM PA BA DANG, SKYUR BA DANG, CHANG DANG DAR BA DANG, ZHO SKYUR PO LA SOGS BSTEN PA DANG, MI 'PHROD PA'I ZAS GSHER BA'I SHA DANG, MON SRAN GRE'U LHAN CIG BZA' BA DANG SBRANG RTZI DANG MAR CHA MNYAM PAR ZA BA LA SOGS PA JI SKAD BSHAD PA DANG, 'DIR MA SMOS SU ZIN KYANG KHRAG SKYED PAR BYED PA'I SPYOD LAM DANG, KHA ZAS LA SOGS PA DE DAG BSTEN CING GOMS PAR BYED PA DANG, DE BZHIN DU SBYOR BA LOG PA STE SMAN DPYAD KYI GTZUG LAG LAS BYUNG BA BZHIN DU BSTEN PAR MA BYAS PA'I SBYOR BA LOG PA DANG, DE BZHIN DU NYIN PAR SHAS CHER GNYID LOG PA DANG, MTSAN MO'I DUS SU GNYID MA LOG PA DANG, NYAL PO DRAGS SHING BUD MED BSTEN PA DRAGS PA DANG, PHAL CHER SKYID DE BAR GNAS SHING RTAG TU BDE BA DANG LDAN LA LUS 'JAM SHA CAN DU GYUR PAS 'CHAG CING 'GRO BA'I SPYOD LAM MA BSTEN GYI, RTAG TU DAL BAR 'DUG LA BSKYOD CING RTZOL BA MI BYED PA DANG, SNAD PA STE MTSON CHA'I TSOGS KYI KHYAD PAR GANG YANG RUNG BAS SNAD CING RMA BYUNG BA DANG, SBYANG BA MA BYAS TE DRI MA'I TSOGS MA BSAL CING MA BTON PAS MI'I KHRAG 'KHRUGS SHING LDANG BAR 'GYUR ZHING RLUNG SKYED CING 'KHRUGS PA'I ZAS KHA BA DANG, KHUNG BU DANG, BSKA BA LA SOGS PA ZOS PA LA GOMS SHING MANG DU BSTEN PAS RLUNG NAD 'PHEL ZHING DANG PO SOGS PAR GYUR LA, DE'I 'OG TU 'KHRUGS SHING LDANG BAR GYUR NAS, LAM LOG PA GZHAN DU ZHUGS PA DANG, KHRAG KYANG DE DANG 'DRA BAR SOGS SHING 'PHEL BA DANG, 'KHRUGS SHING LDANG BAR GYUR NAS LAM 'GAG PAR BYA BA DE NYID KYIS DANG POR GNOD CING SKYED PAR 'GYUR BA YIN NO, ,DE NI PHYUG PO'I RLUNG NAD DANG, ,'THENG NAD STOBS 'JIG RLUNG KHRAG 'DRES, ,MING DU DE NI RNAM PAR BSHAD, ,CES BYA BA LA, DREG NAD DE NI PHYUG PO'I RLUNG NAD DANG 'THENG PO'I NAD DANG STOBS 'JIG PA DANG,
RLUNG KHRAG 'DRES PA'I NAD CES BYA BAR MING GI RNAM GRANGS SU SLOB DPON GYIS BSHAD PA YIN NO, ,DE YANG DANG POR RKANG PAR RGYU, ,MCHOG TU BZHON SOGS 'PHYANG LAS BYUNG, ,ZHES BYA BA LA, DREG NAD DE YANG DANG POR RKANG PA GNYIS SU RGYUG CING 'BYUNG BAR 'GYUR RO, ,MCHOG TU'AM KHYAD PAR DU NI RTA LA SOGS PA'I BZHON PA LA ZHON TE, RKANG PA 'PHYANG BAR BYAS PA LAS DE 'BYUNG BAR 'GYUR RO, ,DE YI 'BYUNG 'GYUR MTSAN NYID NI, ,MDZE NI 'BYUNG 'GYUR MTSAN MAR MTSUNGS, ,DE BZHIN LUS NYAMS YAN LAG LHOD, ,PUS MO BYIN PA BRLA RKED PA, ,LAG PA RKANG PA'I TSIGS RNAMS SU, ,G-YA' ZHING 'GUL DANG NA BA DANG, ,CHAG SNYAM SEMS SHING TSOR MED LCI, ,YANG DANG YANG DU LDANG BA DANG, ,SLAR YANG ZHI BAR 'GYUR BA YIN, ,ZHES BYA BA LA, DREG NAD DE PHYIS 'BYUNG BAR 'GYUR BA'I MTSAN NYID SNGAR BYUNG BA'I TSUL NI MDZE 'BYUNG BAR 'GYUR BA'I MTSAN MA DANG MTSUNGS PA YIN TE, SHIN TU 'DAR BA'AM REG NA RTZUB, ,TSUL 'BYUNG MI 'BYUNG MDOG MI SDUG ,CES BYA BA LA SOGS PA'I GZHUNG GIS BSTAN PA YIN NO, ,DE BZHIN DU MTSAN MA GZHAN YANG LUS NYAMS SHING SHIG SHIG POR 'GYUR BA DANG, YAN LAG RNAMS LHOD BA DANG, PUS MO LA SOGS PAR G-YA' BA LA SOGS PA'I NAD YANG DANG YANG DU LDANG ZHING YANG YANG DU SLAR ZHI BAR 'GYUR BA DANG, DE NAS SLAR LDANG DU BA BYED PA YIN NO, ,RKANG PA GNYIS KYI RTZA BAR GNAS, ,LAN 'GA' LAG PA DAG DU GNAS, ,BYI BA'I DUG NI LDANG BA LTAR, ,LUS KUN LA NI KHYAB PAR 'GYUR, , ZHES BYA BA LA, DREG NAD DE RKANG PA GNYIS KYI RTZA BAR GNAS SHING RTEN BYAS NAS, LAN 'GA' NI LAG PA GNYIS KYI RTZA BAR YANG GNAS PAR BYED DE, BYI BA'I DUG LDANG BAR BYED PA DANG, DANG POR LUS KYI PHYOGS GCIG TU GNAS NAS, DE'I 'OG TU LUS MA LUS PAR KHYAB CING MCHED PAR BYED DO, ,THOGS MAR PAGS PA KHRAG LA GNAS, ,BYUNG BA RTOGS PAR SLA ZHES BYA, ,ZHES BYA BA LA, DREG NAD DE THOG MAR TE DANG POR PAGS PA DANG KHRAG LA GNAS SHING BRTEN NAS BYUNG BA DE NI DREG NAD RTOGS PAR SLA BA ZHES BYA'O, ,DE NAS RIM GYIS LUS ZUNGS KUN, ,KHYAB STE RTOGS PAR DKA' ZHES BYA, ,
, ,ZHES BYA BA LA, DE NAS DE'I 'OG TU SNGAR BSHAD PA LAS GZHAN PA'I LUS ZUNGS TSIL LA SOGS PA KUN KHYAB CING ZHU BAR GYUR NAS 'BYUNG BA DE NI GTING NA GNAS TE RTOGS PAR DKA' BA ZHES BYA'O, ,RTOGS SLA PAGS G-YA' LA SOGS LDAN, ,ZANGS LTAR DMAR DANG SNGO BA DANG, BYA RMYANG BCAS SHING RAB DRO TSA, ,ZHES BYA BA LA, DREG NAD RTOGS PAR SLA BA NI PAGS PA G-YA' BA DANG, 'GUL BA DANG, GZUGS LA SOGS PA DANG LDAN PA DANG, DE BZHIN DU ZANGS LTAR DMAR BA DANG, SNGO BA'I MDOG TU SNANG BA DANG, BYA RMYANG BYED 'DOD PA DANG BCAS PA DANG, MI BZAD PAR RAB TU TSA BA YIN NO, ,RTOGS DKA' SNGAR BAS LHAG PAR NA, ,SKRANG ZHING MKHRANG LA TSOS PAR BYED, ,GZHANG DANG TSIGS DANG RUS PA RKANG, ,BCAD SNYAM SEMS SHING NANG DU RGYU, ,SHUGS DANG LDAN TSE SGUR PO DANG, ,ZHA PO 'THENG BOR BYED 'GYUR LA, ,LUS NI KUN TU RGYU BA YIN, ,ZHES BYA BA LA, DREG NAD RTOGS PAR DKA' BA ZHES BYA BA NI, DREG NAD SNGA MA RTOGS PAR BLA BA BAS LHAG PAR NA ZHING GTING ZAB PAR SKRANG BA DANG, MKHRANG ZHING SRA BA DANG, TSOS SHING SMIN PAR BYED PA DANG, GZHANG LA SOGS PA BCAD PA SNYAM DU SEMS SHING NAD NANG DU RGYU BA DANG DE SHUGS DANG LDAN ZHING SHAS CHER BDE BA'I TSE NA SGUR PO'AM 'JAS PA'AM 'THENG POR BYED PAR 'GYUR BA DANG, RLUNG DE MGO NAS RKANG PA'I BAR DU LUS THAMS CAD DU RGYU ZHING 'BYAM PA YIN NO, ,DE LA RLUNG SHAS CHE GYUR NA, ,GZER 'GUL ZUG PA'I SHAS CHE ZHING, ,SKRANG PA RTZUB CING GNAG PA DANG, ,SNGO ZHING 'PHEL LA 'BRI BAR 'GYUR, ,RTZA CHEN SOR MO'I TSIGS RNAMS NI, ,'KHUMS SHING LUS BCUM SHIN TU NA, ,GRANG LA MI DGA' REG NA BDE, ,RENGS SHING 'DAR LA TSOR BA MED, ,CES BYA BA LA, DE LA DREG NAD RLUNG GI SHAS CHE BA NI GZER BA LA SOGS PAR 'GYUR TE, GZER BA NI RGYUN MI 'CHAD PAR NA BA'O, , ZUG PA NI BAR BAR DU CHAD CING SDOD DE NA BA'O, ,LUS BCUM PA NI YAN LAG DAM DU BCANGS PA SNYAM SEMS PA'O, ,GRANG BA LA MI DGA' BA NI GRANG BA LA SDANG ZHING MI DGA' BA'O, ,REG NA BDE BA NI GRANG BDE NYID KYIS REG NA BDE BAR 'GYUR BA'O, ,KHRAG SHAS CHE SKRANG RAB TU ZUG ,DMAR
ZHING TSA BA TZEG TZEG BYED, ,SNUM DANG RTZUB PAS ZHI MI 'GYUR, ,G-YA' DANG 'DRUL BAR LDAN PA YIN, ,ZHES BYA BA LA, KHRAG GI SHAS CHE ZHING RGYAS PA LAS BYUNG BA'I DREG NAD KYI MDOG DMAR BA DANG, YUNGS KAR BTAGS PA'I LDE GUS BSKUS BA LTAR TSA BA TZEG TZEG BYED PA DANG, ZAS DANG SPYOD LAM SNUM PA DANG RTZUB PAS ZHI ZHING BDE BAR MI 'GYUR BA YIN NO, ,GZHAN YANG G-YA' BA LA SOGS PA DANG LDAN NO, ,MKHRIS GYUR TSA ZHING RMONGS BAG DANG, ,RDUL ZHING BRGYA LA MYOS SKOM DAD CHE, ,REG MI BZOD CING NA LA DMAR, ,SKRANG ZHING SMIN LA SHIN TU DRO, ,ZHES BYA BA LA; MKHRIS PA SHAS CHE ZHING BDO BA LAS GYUR PA'I DREG NAD NI TSA ZHING GDUNG PA SNA TSOGS DANG LDAN PA DANG, RMONGS BAG LA SOGS PA DANG LDAN PAR 'GYUR RO, ,BAD KAN GYIS 'GUL MI SHES LCI, ,TSOR MED SNUM ZHING GRANG BA DANG, ,G-YA' ZHING CUNG ZAD NA BA YIN, ,ZHES BYA BA LA, BAD KAN SHAS CHE BAR GYUR PA'I DREG NAD NI 'GUL MI SHES PA LA SOGS PA DANG LDAN PA YIN NO, ,'DRES PA'I MTSAN NYID 'DREN MA YIN, ,ZHES BYA BA LA, NAD GZHI GNYIS 'DRES PA'I LDAN PA LAS BYUNG BA NI, DREG NAD KYI MTSAN NYID 'DREN MA DANG LDAN PAR 'GYUR RO, ,NAD GCIG LAS GYUR GSAR GSO SLA, ,ZHES BYA BA LA, DREG NAD DE NAD GZHI GCIG LAS BYUNG BAR GYUR PA DANG, GSAR DU BYUNG ZHING RING BOR MA LON PA NI GSO SLA BA YIN NO, ,NAD GNYIS LAS BYUNG 'TSO BTZAM, ,ZHES BYA BA LA, DREG NAD NAD GZHI GNYIS LAS BYUNG BA NI MI LA BA TZAM DU 'TSO BAR NUS PA TZAM YIN NO, ,'DUS PA LAS GYUR CHU SER 'DZAG ,RENGS DANG THOR BU 'PHYANG BA SPANG, ,ZHES BYA BA LA, DREG NAD DE NAD GZHI GSUM CHAR 'DUS PA LAS BYUNG BA DANG, CHU SER 'DZAG PAR BYED PA DANG, RENGS SHING 'GYUR MI SHES PA DANG, THOR BU 'PHYANG BAR BYED PA DE NI SPANG ZHING DOR BAR BYA'O, ,RLUNG NI YAN LAG TSIGS GNAS PA, ,KHRAG GI LAM LA MYUR GNOD BYED, ,DE GNYIS PHAN TSUN 'DRES GYUR PA'I, ,NAD KYIS SROG NI 'PHROG PAR BYED, ,CES BYA BA LA, RLUNG NI YAN LAG GI TSIGS RNAMS KYI NANG DU ZHUGS TE GNAS NAS KHRAG RGYU BA'I LAM LA MYUR DU GNOD CING 'JOMS PAR
, ,BYED DE, RLUNG KHRAG DE GNYIS 'DRES SHING 'KHRUGS PAR GYUR NA RLUNG GI NAD KYIS MI'I SROG 'PHROG CING 'JOMS PAR BYED DO, ,LNGA YI BDAG NYID CAN RLUNG LAS, ,SROG RTZUB DRAG SHUL SMYUNG BA DANG, ,'GRANGS DRAGS SNAD DANG LAM GYIS DU BA, ,SHUGS BKAG NAN GYIS BTZIR BA YIS, ,'KHRUGS NAS MIG LA SOGS PA LA, ,NYE BAR GNOD PA SKYED BYED CING, ,CHAM PA NYAM THAG SKAM LUD PA, ,DBUGS MI BDE SOGS NAD MAR SKYED, ,CES BYA BA LA, SROG CES BYA BA LA SOGS PA'I DBYE BAS RNAM PA LNGA ZHES BYA BA'I RLUNG LNGA YOD PA LAS KYANG, SROG CES BYA BA'I RLUNG NI RTZUB PA LA SOGS PAS 'KHRUGS PAR GYUR NAS, MIG LA SOGS PA'I DBANG PO LA GNOD PAR BYED DE, CHAM PA LA SOGS PA'I NAD SKYED PAR BYED DO, ,STOD RGYU SBRID PA SGREGS PA DANG, ,SKYUG PA GNYID NI BKAG PA DANG, ,KHUR LCI 'DEGS DANG DRAG TU NGU, ,DGOD DRAGS SOGS KYIS NAD 'KHRUGS TE, MGUL PA 'GAGS SHING SEMS NYAMS LA, ,CHAM 'DEBS SLON ZHING YI GA 'CHUS, ,MGUL PAR LBA BA SOGS PAR SKYID CING, ,NAM TSONG YAN CHAD RTEN NAS SKYED, ,CES BYA BA LA, STOD DU RGYU BA ZHES BYA BA'I RLUNG NI SRID PA BKAG PA LA SOGS PAS 'KHRUGS SHING LDANG BAR BYED DE, MGUL PA 'GAGS PA LA SOGS PA'I NAD RNAMS DANG, NAM TSONG YAN CHAD KYI NAD 'DIR MA SMOS PA GZHAN DAG KYANG SKYED PAR BYED DO, ,KHYAB BYED 'GRO DANG 'DUG DRAGS DANG, ,RTZED MO DRAGS DANG MI BZOD SPYOD, ,KHA ZAS MI MTHUN RTZUB 'JIGS DGA', ,YI MUG SOGS KYIS 'KHRUGS PAR GYUR, ,KHU BA STOBS DANG SPRO BA NYAMS, ,SKRANG DANG SEMS G-YENGS RIMS KYIS 'DEBS, ,YAN LAG KUN LA ZUG PA DANG, ,SPU BRTZE YAN LAG TSOR BA MED, ,MDZE DANG ME DPAL GZHAN YANG NI, ,LUS KUN KHYAB PA'I NAD SKYED 'GYUR, ,ZHES BYA BA LA, KHYAB BYED CES BYA BA'I RLUNG NI 'GRO DRAGS PA DANG 'DUG DRAGS PA LA SOGS PAS 'KHRUGS SHING LDANG BAR GYUR NAS KHU BA ZAD CING NYAL PO MI NUS PA LA SOGS PA'I NAD RNAMS DANG, LUS KYI YAN LAG MA LUS PA LA KHYAB PA'I NAD THAMS CAD SKYED PAR 'GYUR
RO; ,MNYAM GNAS 'DU BA MA SNYOMS DANG, ,GRANG DANG 'DREN MA'I ZAS ZOS DANG, ,DUS MIN GNYID LOG MTSAN MO NI, ,GNYID MA LOG LA SOGS KYIS 'KHRUGS, ,GZER DANG SKRAN DANG PHO NAD SOGS, ,ZHU DANG MA ZHUR GNAS NAD SKYED, ,CES BYA BA LA, ME DANG MNYAM DU GNAS PA ZHES BYA BA'I RLUNG NI GNAS MA SNYOMS PA DANG, 'DU BA MA SNYOMS PA LA SOGS PAS 'KHRUGS PAR GYUR NAS, GZER LA SOGS PA'I NAD ZHU BA DANG MA ZHU BA'I GNAS LA BRTEN CING GNAS PA RNAMS SKYED CING 'BYUNG BAR BYED DO, ,THUR SEL ZAS NI RTZUB LA LCI, ,SHUGS BKAG PA DANG MI SRUN BZHON, ,KHYOGS DANG BZHON DANG STAN LA GNAS, ,'GRO BA BSTEN NI DRAGS PA YIS, ,'KHRUGS NAS GSO BAR DKA' BA'I NAD, ZHU BA'I GNAS LA BRTEN PA SKYED, ,GCIN DANG KHU CHU'I NAD GZHANG 'BRUM, ,GZHANG 'BYUNG LA SOGS MANG PO SKYED, ,CES BYA BA LA, THUR DU SEL BA ZHES BYA BA'I RLUNG NI ZAS RTZUB PA LA SOGS PA DANG BZHON PA DANG, KHYOGS LA SOGS PA BSTEN PAR DRAGS SHING YANG DANG YANG DU SKYOD PAR BYED PA DAG GIS 'KHRUGS PAR GYUR NAS, GSO ZHING BCOS PAR DKA' BA'I NAD ZHU BA'I GNAS LA BRTEN PA DANG GCIN NAD LA SOGS PA RNAMS DANG; GZHAN YANG NAD MANG PO SKYED PAR 'GYUR RO, ,RLUNG KUN MA ZHUR LDAN PA NI, ,SNYOM DANG 'GUL MI SHES KHONG LCI, ,SNUM DANG SGYID ZHAN YI GA 'CHUS, ,GRANG SKRAN ME DROD NYAMS BYED CING, ,TSA DANG RTZUB PA MNGON 'DOD CING, ,DE ZOS BDE 'GYUR LAS SHES BYA, ,ZHES BYA BA LA, SROG CES BYA BA LA SOGS PAS ZHUGS PA'I RLUNG GI NAD KUN MA ZHU BA DANG LDAN PA YIN PAR NI SNYOM LAS SHES PAR BYA'O, ,'GUL MI SHES PA NI LA LA DAG NA RE MUN PAR ZHUGS PA SNYAM BYED PA'I NAD LA BYA'O ZHES ZER RO, ,TSA BA LA SOGS PA MNGON PAR 'DOD PA NI DE LA DGA' BA DANG, DE DAG NYID ZOS PAS BDE BA DANG, RJES SU 'BREL PA YIN PA LAS SHES PAR BYA'O, ,MA ZHU BA DANG MI LDAN PA, ,SNYOM SOGS GO NI BZLOG PA YIN, ,ZHES BYA BA LA, RLUNG THAMS CAD MA ZHU BA MI LDAN ZHING, ,BRAL BA'I MTSAN NYID NI BSHAD MA THAG PA'I SNYOM PA LA SOGS PA'I MTSAN NYID DANG LDAN PAR SHES PAR BYA'O, ,DE NAS RLUNG GIS 'DRES PA YI, ,DBYE BA
, ,MANG POR SHES PAR BYA, ,ZHES BYA BA LA, DE NAS DE'I 'OG TU RLUNG MKHRIS LA SOGS PA'I MANG PO DANG 'DRES SHING LDAN PAR GYUR PA LAS 'KHRUGS PA'I MTSAN NYID KYI DBYE BA MANG PO GANG DAG YIN PA DE SHES PAR BYA'O, ,MKHRIS PAS 'DRES RTAGS TSA BA DANG, ,SKOM GZER MGO 'KHOR MUN 'THIBS BYED, , TSA DRO SKYUR DANG LAN TSVA BRO, ,TSVA ZHING GRANG BA 'DOD PA YIN, ,ZHES BYA BA LA, RLUNG MKHRIS PA DANG 'DRES SHING DE DANG LDAN PA'I RTAGS NI LUS TSA BA DANG, SKOM PA LA SOGS PA'I TSUL LAS SHES PAR BYA'O, ,BSIL ZHING KHONG LCI GZER BA DANG, ,TSA BA SOGS POS SMYUNG BA DANG, ,RTZOL DANG RTZUB PAS LHAG PAR BDE, ,DROD 'DOD BAD KAN LDAN PA YIN, ,ZHES BYA BA LA, BAD KAN DANG 'DRES PA'I RLUNG GI MTSAN NYID NI BSIL BA LA SOGS PA DANG LDAN ZHING, RTAGS NI TSA BA DANG BSKA BA DANG KHA BA ZOS PA DANG, SMYUNG BA LA SOGS PAS LHAG PAR 'GYUR BA YIN NO, ,KHRAG BCAS TSA ZHING NA DANG BCAS, ,PAGS PA'I SHA NANG SHIN TU ZUG ,SKRANG PA MDOG DMAR 'GYUR BA DANG, ,THIG LE DMAR PO 'BYUNG BA YIN, ,ZHES BYA BA LA, RLUNG KHRAG DANG 'DRES TE 'KHRUGS PA NI TSAB LA SOGS PA DANG BCAS PA DANG, SKRANG PA'I MDOG DMAR BAR 'GYUR BA DANG, THIG LE DMAR PO TAL TIL 'BYUNG BAR 'GYUR BA YIN NO, ,SHA DANG 'DRES PA MKHRANG BA DANG, ,MDOG 'GYUR 'BRUM BU PHRA MO 'BYUNG, ,SPU BRTZE LUS LA GROG MA NI, ,RGYU BA SNYAM DU SEMS PAR 'GYUR, ,ZHES BYA BA LA, SHA DANG 'DRES NAS 'KHRUGS PA'I RLUNG NI SKRANG PA SRA ZHING MKHRANG BA DANG, MDOG MI SDUG PAR 'GYUR BA DANG, DE BZHIN DU 'BRUM BU PHRA MO YANG SRA ZHING MDOG MI SDUG PAR 'GYUR BA DANG, SPU BRTZE BA LA SOGS PA DANG LDAN PAR 'GYUR BA YIN NO, ,TSIL DANG 'DRES PA GSO DKA' DANG, ,G-YO ZHING SNUM LA 'JAM GRANG BAR, ,LUS LA GRANG ZHING YI GA 'CHUS, ,DE NI PHYUG PO'I RLUNG NAD YIN, ,ZHES BYA BA LA, TSIL DANG 'DRES BA'I RLUNG NAD NI PHYUG PO'I RLUNG YIN NO, ,ZHES TSIG 'DIS SHES PAR BYA STE, YAN LAG DER SKRANG PA DANG G-YO ZHING 'PHO BA DANG, SNUM PA LA SOGS PA'I MTSAN NYID DANG LDAN PA YIN NO, ,RUS PA DANG LDAN REG NA TSA, ,BTZIR NA MNGON BAR DGA' BA DANG, ,KHAB KYIS RAB TU GTZAGS SNYAM BYED, ,YAN LAG NA ZHING ZUG PA YIN, ZHES BYA BA LA, RUS PA DANG 'DRES PA'I RLUNG NAD NI REG NA
TSA BA 'UR 'UR POR 'DUG PA DANG, LAG PA GNYIS KYIS BTZIR ZHING MAN NAN MNGON BAR DGA' BA LA SOGS PA DANG LDAN PA YIN NO, ,RKANG DANG LDAN LA LUS SGU ZHING, ,GLAL MANG DKRIS PA SNYAM DU SEMS, ,RAB TU NA LA LAG GNYIS KYIS, ,BTZIR NA BDE BAR 'GYUR BA YIN, ,ZHES BYA BA LA, RKANG DANG 'DRES SHING LDAN PA LAS 'KHRUGS PA'I RLUNG NI LUS GUD CING SGUR BA DANG, GLAL MANG DU 'BYUNG BA DANG, RAS LA SOGS PAS DAM DU DKRIS PA SNYAM DU SEMS PA LA SOGS PA'I MTSAN NYID DANG LDAN PA YIN NO, ,KHU BA DANG 'DRES DRAG TU 'BYUNG, ,YANG NA MI 'BYUNG 'BRAS BU MED, ,CES BYA BA LA, KHU BA DANG 'DRES BA'I RLUNG NI KHU PA'I SHUGS DRAG TU 'BYUNG BAR BYED PA'AM, YANG NA MI 'BYUNG BAR 'GYUR ZHING, KHU BA'I 'BRAS BU MNGAL DU CHAGS BDE MED PAR 'GYUR RO, ,ZAS 'DRES KHONG BAR MA ZHU NA, ,ZHU NAS NAD DE BDE BAR 'GYUR, ,ZHES BYA BA LA, RLUNG ZAS DANG 'DRES BAR GYUR NA ZOS MA THAG KHONG BAR NA ZHING GZER BAR 'GYUR LA, ZAS DE ZHU NAS NI MED DE BDE BAR 'GYUR RO, ,GCIN DANG RLUNG 'DRES LGANG PA SPO, ,GCIN NI 'GAGS PAR BYED PAR 'GYUR, ,ZHES BYA BA LA, GCIN DANG RLUNG 'DRES TE 'KHRUGS NA NI LGANG PA SBO ZHING RLUNG GIS GANG BA DANG, GCIN 'GAGS SHING SRI BAR 'GYUR RO, , BSHANG 'DRES THUR DU 'BYUNG BA 'GAGS, ,RANG GI GNAS SU YONGS SU GCOD, ,SNUM ZOS MYUR DU 'JU BAR 'GYUR, ,ZAS ZOS LTO NI SPOS PA DANG, ,ZAS KYIS BSHANG PA PHUL NAS NI, ,NA ZHING SKAM PO RNYOG CAN 'BYUNG, ,ZHES BYA BA LA, BSHANG BA DANG 'DRES PAR GYUR BA'I RLUNG NI THUR DU 'BYUNG BA'I RGYU BA 'GAGS SHING SRI BAR BYED PA DANG, RANG GI GNAS SU ZHU BA'I GNAS YONGS SU GCOD CING GRIS GCAD PA SNYAM DU BYED PA DANG, DE LA SNUM ZOS NA MYUR DU JU ZHING SMIN PAR 'GYUR BA DANG, ZAS ZOS NA LTO SBO ZHING RGYAS PAR 'GYUR BA DANG, DE LA ZAS KYIS BSHANG BA PHUL ZHING BTZIR NAS DE'I 'OG TU NA BAR BYED CING SKAM PA DRI MA CAN 'BYUNG BAR 'GYUR RO, ,RLUNG NI LUS ZUNGS KUN DANG 'DRES, ,BAR'A DANG CHU SO RGYAB TU NA, ,RLUNG NI LOG SONG MI BDE ZHING, ,SNYING NI RAB TU NA BAR BYED, ,CES BYA BA LA, RLUNG DANGS MA LA SOGS PA'I LUS ZUNGS KUN DANG 'DRES PAR GYUR NA, BRLA LA
, ,SOGS PA NA BAR 'GYUR RO, ,DE BZHIN DU RLUNG NI LAM LOG PAR SONG ZHING MI MTHUN PAR RGYU BA DANG, SHIN TU MI BDE BAR BYED PA LA SOGS PA RLUNG GIS BYED PAR 'GYUR RO, ,SROG DANG MKHRIS PA 'DRES GYUR 'KHRUGS, ,MGO 'KHOR BRGYAL DANG LUS TSA 'GYUR, ,LEGS PAR MA ZHU SLON PAR BYED, , CES BYA BA LA, SROG CES BYA BA'I RLUNG MKHRIS PA DANG GCIG TU 'DRES TE 'KHRUGS SHING LDANG BAR GYUR NA MGO 'KHOR BA LA SOGS PA SKYED PA DANG, ZAS LEGS PAR MA ZHU BA STE, PHYED TZAM DU ZHU BA'AM, MA ZHU BA NYID KYI GNAS SKABS NA SLON PAR 'GYUR RO, ,STOD RGYU MGO 'KHOR STZOGS PA DANG, ,NANG DU TSA ZHING STOBS ZAD 'GYUR, ,ZHES BYA BA LA, RLUNG STOD DU RGYU BA DE MKHRIS PAR GYUR NA, MGO 'KHOR BA LA SOGS PA SNGAR BSHAD PA DANG, DE BZHIN DU KHONG PA'I NANG TSA ZHING STOBS ZAD PAR 'GYUR RO, ,KHYAB BYED RMONGS BAG LUS KUN NI, ,TSA ZHING NGAL LA LUS SPYOD 'GAG ,LUS TSA NAD DANG BCAS PA YIN, ,ZHES BYA BA LA; KHYAB BYED CES BYA BA'I RLUNG MKHRIS PA DANG 'DRES PAR GYUR NA, RMONGS BAG LA SOGS PA 'BYUNG BA DANG, LUS KYI SPYOD PA'I G-YO 'GUL 'GAGS SHING MI 'BYUNG BA DANG, LUS TSA BA DANG BCAS PA DANG, NA BA DANG BCAS PA YIN NO, ,MNYAM GNAS DROD KYIS GNOD RDUL CHE, ,MI DGA' SKOM DAD TSA BCAS 'GYUR, ,ZHES BYA BA LA, ME DANG MNYAM DU GNAS PA ZHES BYA BA'I RLUNG MKHRIS PA DANG 'DRES PAR GYUR NA, DROD KYIS LUS LA GNOD PAR 'GYUR BA DANG, RDUL SHAS CHER 'BYUNG BA DANG, YID MI DGA' BA LA SOGS PA DANG BCAS PAR 'GYUR RO, ,THUR DU SEL BAS DRI MA NI, ,KHA DOG SER PO 'BYUNG PA DANG, ,ZLA MTSAN CHER 'PHEL MO MTSAN DANG, ,PHO MTSAN RKUB TU TSA BAR 'GYUR, ,ZHES BYA BA LA, THUR DU SEL BA ZHES BYA BA'I RLUNG MKHRIS PA DANG 'DRES PAR GYUR NA, DRI MA ZHES BYA BA BSHANG BA DANG GCI BA KHA DOG SER ZHING LJANG BAR 'BYUNG BA DANG, BUD MED KYI ZLA MTSAN 'PHEL ZHING MO MTSAN DANG RKUB TSA BA DANG, SKYES PA'I PHO MTSAN DANG, RKUB TSA BAR 'GYUR RO, ,SROG NI BAD KAN 'DRES GYUR PA, ,LUS LHOD SKOM DAD YI GA 'CHUS, ,MCHIL MANG SGREGS PA SBRID MANG SLON, ,DBUGS 'BYUNG DBUGS RDUB THOGS PA YIN, ,ZHES BYA BA LA, SROG CES BYA BA'I RLUNG BAD KAN DANG 'DRES PAR GYUR NA,
LUS LHOD PA LA SOGS PA 'BYUNG BAR 'GYUR RO, ,STOD RGYU LUS NI LCI BA DANG, ,TSIG THOGS SKAD 'GAGS YI GA 'CHUS, ,STOBS DANG KHA DOG NYAMS PAR BYED, ,CES BYA BA LA, STOD DU RGYU BA ZHES BYA BA'I RLUNG BAD KAN DANG 'DRES BAR GYUR NA, LUS LCI BA NAS BA DOG NYAMS PA'I BAR DU BYED PAR 'GYUR RO, , KHYAB BYED RUS TSIGS RENGS PA DANG, ,YAN LAG THAMS CAD LCI BA DANG, ,'GROS NI SHIN TU 'KHYOR BA YIN, ,ZHES BYA BA LA, KHYAB BYED CES BYA BA'I RLUNG BAD KAN DANG 'DRES PAR GYUR NA, RUS PA DANG TSIGS RENGS PA LA SOGS PA DANG, 'GROS SHIN TU 'KHYOR ZHING 'KHRUL BAR 'GYUR RO, ,MNYAM GNAS YAN LAG GRANG BYED CING, ,RDUL MI 'BYUNG ZHING DROD CHUNG 'GYUR, ,ZHES BYA BA LA, MNYAM DU GNAS PA ZHES BYA BA'I RLUNG BAD KAN DANG 'DRES PAR GYUR NA, LUS KYI YAN LAG SHIN TU GRANG BA LA SOGS PAR 'GYUR RO, ,THUR SEL BSHANG DANG GCI BA NI, ,BAD KAN BCAS PAR 'BYUNG BAR 'GYUR, ,ZHES BYA BA LA, THUR DU SEL BZHES BYA BA'I RLUNG NAD BAD KAN DANG 'DRES PAR GYUR NA, BSHANG BA DANG GCI BA BAD KAN DANG BCAS PAR PHYIR 'BYUNG BAR 'GYUR RO, ,DE LTAR RLUNG NI GZHAN 'BREL PA, ,NYI SHU RTZA GNYIS YIN ZHES BYA, ,ZHES BYA BA LA, DE LTAR NA RNAM PA DE DAG GI TSUL JI LTAR BRTAGS PA 'DIS RLUNG GI NAD GZHAN DANG 'BREL ZHING 'DRES PA LAS BYUNG BA NYI SHU RTZA GNYIS YIN PAR SHES PAR BYA STE, DE YANG MKHRIS PA DANG BAD KAN GNYIS DANG KHRAG LA SOGS PA LUS ZUNGS DRUG DANG ZAS DANG GCI BA DANG BSHANG BA DANG LUS ZUNGS KUN DANG 'DRES PA DANG, SROG LA SOGS PA LNGA MKHRIS PA DANG 'DRES PA LNGA DANG, BAD KAN DANG 'DRES PA LNGA STE, DE LTAR NYI SHU RTZA GNYIS YIN NO, ,DE BZHIN SROG LA SOGS PA'I RLUNG, ,PHAN TSUN RIM BZHIN 'DRES GYUR PA, ,KUN KYANG 'KHRUGS PAR GYUR PA DE, ,NYI SHUR 'GYUR BA YIN ZHES BYA, ,ZHES BYA BA LA, SROG LA SOGS PA'I RLUNG LNGA PO PHAN TSUN GCIG CING 'DRES PAR GYUR PA NI RIM BZHIN DU RNAM PA NYI SHU YIN PAR SHES PAR BYA STE, DE LA SROG LA SOGS PA BZHI PO DANG, RIM BZHIN DU 'DRES PAR GYUR PA LAS RLUNG LNGA PO DE DAG RE RE ZHING BZHI BZHIR 'GYUR TE, DE LTAR NA NYI SHUR 'GYUR RO, ,DE YANG SROG CES BYA BA'I RLUNG NI
, ,STOD DU RGYU BA LA SOGS PA'I RLUNG DANG SO SOR 'DRES PAR GYUR LA, STOD DU RGYU BA NI SROG LA SOGS PA BZHI DANG 'DRES PAR 'GYUR RO, ,DE BZHIN DU THAMS CAD LA SBYAR RO, ,SROG DANG STOD RGYU LHAN CIG 'KHRUGS, ,DBUGS 'BYUNG DBUGS RNGUB DKA' BA DANG; ,CHAM 'DEBS MGO 'KHOR NA BAR BYED, ,SNYING NA KHA NI SKOM PAR 'GYUR, ,ZHES BYA BA LA, SROG CES BYA BA'I RLUNG STOD DU RGYU BA'I RLUNG DANG LHAN CIG 'KHRUGS PAR GYUR NA DBUGS DBYUNG BA DANG, RNGUB PA DKA' ZHING 'GAGS PAR 'GYUR BA DANG, DE BZHIN DU CHAM PAS 'DEBS PA LA SOGS PA 'BYUNG BAR 'GYUR RO, ,STOD RGYU'I RLUNG NI SROG DANG 'DRES, ,MDOG DANG GZI MDANGS STOBS ZAD BYED, ,CES BYA BA LA, STOD DU RGYU BA'I RLUNG NI SROG CES BYA BA'I RLUNG 'KHRUGS PAR BYAS SHING 'DRES PAR GYUR NA MDOG LA SOGS PA ZAD PAR BYED DO, , PHYOGS 'DIS 'GRES PA LHAG MA RNAMS, ,SMAN PAS NYE BAR SBYAR BAR BYA, ,RLUNG GI GNAS DANG 'PHEL DANG 'BRI, ,LAS RNAMS LEGS PAR BRTAG PAR BYA'O, ,ZHES BYA BA LA, PHYOGS TZAM BSTAN PA'I TSUL 'DIS RLUNG LNGA PO THAMS CAD KYI 'GRES PA'I TSUL BSHAD PA YIN NO, ,DE'I CHA SMAN PAS NYE BAR SBYAR BAR BYA ZHING SHES PAR BYA STE, SROG LA SOGS PA RLUNG LNGA PO'I GNAS, NAD KYI BYE BRAG SHES PA LAS BSHAD PA'I TSUL GYIS BRTAGS SHING NYE BAR DPYAD PA DANG, DE BZHIN DU DE'I LAS MCHIL SNABS 'DOR BA LA SOGS PA LAS 'PHEL BA DANG 'BRI BA BRTAG PAR BYA'O, , DES NA 'DI SKAD STON TE, RLUNG 'DI NI GNAS 'DI NA GNAS PA LA, DE LA GNAS NAS LAS 'DI DAG BYED PAR BSHAD LA, DE NI DA LTAR TSUL 'DIS 'PHEL BA'AM 'BRI BAR SNANG BAS NA, DE'I PHYIR DE NI 'DIS BSGRIBS SHING 'DI DANG 'DRES PA YIN NO, ,ZHES RJES SU DPAG PAR BYA'O, , SROG LA SOGS PA LNGA PO NI, ,'KHRUGS PAS PHAN TSUN 'DRES PA YIN, ,ZHES BYA BA LA, SROG LA SOGS PA RLUNG LNGA PO DAG NI PHAN TSUN 'KHRUGS SHING SGRIB PAR BYED PA DANG, 'KHRUGS PAR BYAS PA'I TSUL GYIS NAD SKYED PAS PHAN TSUN GCIG LA GCIG
'DRES SHING BSGRIBS LA 'KHRUGS PAR BYED PA YIN NO, ,MKHRIS PA LA SOGS BCU GNYIS DANG, ,'DRES PAR GYUR TE 'DREN MA YIN, ,ZHES BYA BA LA, SROG CES BYA BA LA SOGS PA RLUNG LNGA PO DE DAG NAD BCU GNYIS LUS ZUNGS DRUG DANG, KHRAG DANG ZAS DANG BSHANG BA DANG, GCI BA DANG 'DRES PA STE, RNAM PA BCU GNYIS YIN NO, ,'DRES PA DE NI 'DREN MA YIN TE, SROG CES BYA BA'I RLUNG DE LA SOGS PA DE DAG GIS 'DRES PAR GYUR NA 'DREN MA YIN TE, PHAN TSUN 'DRE BAR BYED PA DANG, 'DRE BAR BYA BA'I NGO BOR GNAS PA YIN NO, ,MKHRIS PA SOGS LAS 'DRES, ZHES BYA BA LA, MKHRIS PA LA SOGS PA GNYIS LA SOGS PAR PHRAD PA'I 'DRES PAR GYUR PA'O, ,DE BZHIN, ,'DREN MA RNAM PA DU MA YIN, ,RAB DANG RAB MCHOG BRTAGS PA YIS, ,'DRES PA GRANGS MED 'GYUR BA YIN, ,ZHES BYA BA LA, DE DANG MTSUNGS PAS NA DE BZHIN TE, SROG CES BYA BA'I RLUNG LA SOGS PA DANG, MKHRIS PA LA SOGS PA DE DANG 'DRES PAR GYUR PA RNAM PA MANG POS NAD KYI 'DREN MA NI RNAM PA DU MA YIN TE, GRANGS MED PAR 'GYUR BA DANG, RAB DANG RAB MCHOG GI DBYE BA'I BRTAGS PAS GRANGS MED PAR 'GYUR TE, SROG LA SOGS PA DANG MKHRIS PA LA SOGS PA CUNG ZAD RAB TU LHAG PA DANG, RAB MCHOG TU LHAG PA STE, DE LTAR BRTAGS PA RNAM PA DU MAR PHYE BAS 'DRES PA'I TSUL NI GRANGS MED PAR 'GYUR TE, RTZIS LAS 'DAS PA ZHES BYA BA'I DON TO, ,DE NI RANG GI MTSAN NYID DANG, ,RIM GYIS BDE BAR 'GYUR BA LAS, , RTOGS DKA' YIN TE YANG YANG BRTAG ,MA YENGS PAS NI SHES PAR BYA, ,ZHES BYA BA LA, 'DRES PA'I NAD DE SROG CES BYA BA LA SOGS PA'I MTSAN NYID DPAG TU MED PA'I DBYE BAS PHYE BA NI SHIN TU RTOGS PAR DKA' ZHING SHES PAR MI NUS PA YIN DU ZIN KYANG, RANG GI MTSAN NYID 'BYUNG BA'I TSUL RANG RANG GI NAD KYI RTAGS JI LTAR BYUNG BA DANG, RIM GYIS BDE BAR 'GYUR BA STE, ZAS DANG SPYOD LAM LA SOGS PA SNA TSOGS KYI NYE BAR SBYOR BA DANG, RANG NYID KYIS GOMS PAR GYUR PA LAS RTOGS PAR DKA' BA YIN DU ZIN KYANG YANG DANG YANG DU BRTAG PAR BYA ZHING SMAN PAS MA YENGS SHING DE SHES PA LA
, ,BRTZON PAR SEMS GZHAN DU MA 'PHYOS PAR SHES SHING RTOGS PAR BYA'O, ,KHYAD PAR SROG NI 'TSO BA YIN, ,STOD DU RGYU BA STOBS ZHES BRJOD, ,DE GNYIS GNOD PAR GYUR PA LAS, ,TSE DANG STOBS NI ZAD PAR 'GYUR, ,ZHES BYA BA LA, KHYAD PAR RAM MCHOG TU RLUNG THAMS CAD LAS SROG CES BYA BA'I RLUNG NI 'TSO BA ZHES BYA BA YIN LA, STOD DU RGYU BA'I RLUNG NI STOBS ZHES BYA BA YIN PAR BRJOD DO, ,GANG GI PHYIR DE LTAR YIN PA DES NI SROG CES BYA BA DANG, STOD DU RGYU BA DE GNYIS LAS GNOD PAR GYUR CING 'DRES PAR GYUR NA RANG GI LAS NYAMS SHING DE BZHIN DU TSE DANG STOBS ZAD PAR 'GYUR RO, ,RLUNG NI 'DRES PA MA SHES PA'AM, ,SHES KYANG LO GCIG LON PA NI, ,'BAD KYANG GSO DKA' YIN PA'AM, ,GSO BA'I THABS NI MED PA YIN, ,ZHES BYA BA LA, SROG CES BYA BA LA SOGS PA'I RLUNG PHAN TSUN 'DRES PAR GYUR PA'AM, RE RE MKHRIS PA LA SOGS PA DANG 'DRES PA LAS 'DREN MA DU MAR GYUR PA LAS DE MA SHES SHING MA RTOGS PA'AM, PHYIN CI MA LOG PAR SHES SU ZIN KYANG 'KHRUGS NAS LO GCIG LON CING 'DAS PAR GYUR PA NI RAB TU 'BAD PAS GSOS KYANG GSO BAR DKA' BA YIN ZHING TSEGS CHEN POS BCOS PAR MI NUS PA YIN PA'AM, YANG NA RNAM PA THAMS CAD DU GSO BA'I THABS MED PA YIN NO, ,DE BAS NA 'DREN MA DE NI NGES PAS BRTAG CING SHES PAR BYA DGOS SO, ,'DRES NAD YAL BAR BOR NA NI, ,KHONG 'BRAS MCHER PA SNYING NAD DANG, ,SKRAN DANG ME DROD NYAMS LA SOGS, ,BLA BRNAN DE LAS 'BYUNG BAR 'GYUR, ,ZHES BYA BA LA, RLUNG GI 'DREN MED DAG YAL BAR BOR ZHING GSO BAR MA BYAS NA, KHONG 'BRAS LA SOGS PA'I BLA BRNAN 'BYUNG BAR 'GYUR TE, DE BAS NA SHIN TU 'BAD PAS DE BSRUNG ZHING GSO BA DANG BCOS PA KHO NAR BYA'O; ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, NAD GZHI'I GNAS KYI LE'U BCU DRUG PA'I RNAM PAR 'GREL PA STE GNAS GSUM PA'I 'GREL PA RDZOGS SO,, ,,
DE NAS RIMS NAD GSO BA BSHAD PAR BYA'O, ,ZHES BYA BA LA, NAD GZHI'I GNAS KYI 'OG TU GSO BA'I GNAS BRTZAMS PA'I DGOS PA NI 'DI YIN TE, GANG GI PHYIR NAD YONGS SU BRTAGS NAS DE'I RJES LA GSO BA BYA DGOS PA'I PHYIR RO, ,DE YANG DRANG SRONG TZA RA KAS, DANG PO NAD NI YONGS BRTAGS LA; ,DE RJES SMAN NI BRTAG BYA ZHING, ,DE NAS LAS BYA SMAN PA YIS, ,SHES PA SNGON 'GROS YANG DAG SPYAD, ,CES BSHAD PA YIN NO, ,RGYUN SHES KYI BU LA SOGS PA DRANG SRONG CHEN PO RNAMS KYIS 'DI SKAD CES BSHAD DO, ,ZHES BYA BA NI, GZHUNG RTZAM PAR BYED PA BDAG NYID SMAN DPYAD KYI LUNG GI RJES SU 'JUG PA YIN PAR STON PA YIN NO, ,GANG PHYIR MA ZHU GNAS MA ZHU, ,RGYUN SRANG BKAG STE ME DROD NYAMS, ,RIMS KYIS NYES PA SKYED BYED PAS, ,SNGON TSUL BYUNG DANG RIMS SOGS LA'ANG, ,DE PHYIR SMYUNG BA BYA DGOS LA, ,STOBS NI 'BAD PAS BSRUNG BAR BYA, ,ZHES BYA BA LA, GANG GI PHYIR MA ZHU BA'I GNAS LA GNAS PA'I NAD RLUNG LA SOGS PA GANG YIN PA DE MA ZHU BA DANG BCAS PAR GNAS PA NA MA ZHU BA STE, DES RGYUN SRANG GI BU GA BKAG CING RGYUR MI RUNG BAR BYAS NAS KHONG PA'I ME DROD NYAMS SHING 'BRI BAR BYED NAS RIMS SKYED CING 'BYUNG BAR BYED PAS NA, DE'I PHYIR RIMS LA NI DANG PO SMYUNG BA BYA DGOS SO, ,RIMS PHYIS 'BYUNG BAR 'GYUR BA'I SNGON GYI TSUL GSAL BAR 'BYUNG ZHING SNANG BAR GYUR PA'AM, RIMS LA SOGS PA GSAL BA NYID DU SNANG NA YANG SMYUNG BA BYA ZHING, NAD PA'I NYAMS STOBS 'BAD PAS BSRUNG ZHING BSKYANG BAR BYA'O, ,STOBS NI NAD MED PA YI GNAS, ,BYA BA'I RIMS NI NAD MED DON, ,ZHES BYA BA LA, NAD MED PA NI BDE BAR GNAS PA STE, DE NI LUS KYI NYAMS STOBS LA GNAS SHING BRTEN PA LAS 'BYUNG BAR 'GYUR BA YIN NO, ,GANG 'DI NAD BSAL BAR BYA BA'I PHYIR GSO BA'I DPYAD DU BYED PA'I MTSAN NYID CAN DE YANG NAD MED PA'I DON YIN PA DE'I PHYIR BYED PA YIN NO, ,SMYUNG BYAS NAD NI NYAMS SMAD CING, ,ME DROD SKYED DANG KHONG YANG 'GYUR, ,BDE ZHING BKRES SKOM YI GA 'BYED, ,ZAS 'JU STOBS DANG MDANGS SKYED 'GYUR, ,ZHES BYA BA LA, DANG POR SMYUNG BA BYAS PAS NAD NYAMS SMAD PAR BYAS
, ,PA DANG; DE BZHIN DU PHO BA'I ME DROD SKYED CING 'BYUNG BA DANG NAD NYAMS SMAD PAS YANG ZHING RIMS BRI BAR GYUR NA BDE ZHING THA MAL PA NYID DU GNAS PA DANG, BKRES SHING ZAS 'DOD PA DANG, SKOM STE BTUNG BA 'DOD PA DANG YI GA BYE STE ZAS 'DOD PA SKYE BA DANG, ZAS 'JU ZHING SMIN PAR 'GYUR BA DANG, STOBS DE NUS PA SKYE BAR 'GYUR BA DANG, MDANGS ZHES BYA BA LUS ZUNGS THAMS CAD BRTAS PAR BYED PA SKYE BAR 'GYUR RO, ,DE LA PHAL CHER BAD KAN NAD, ,GLONGS DANG G-YOS PAR GYUR PA DANG, ,DANG GAR 'KHYIL BCAS MCHIL MA MANG, ZAS LA MI DGA' LUD PA GSUD, ,ZOS MA THAG TU RIMS 'DEBS PA, ,KHYAD PAR DU NI MA ZHUR 'BYUNG, ,SKYUG SMAN BTANG 'OS SKYUG SMAN BSNGAGS, ,ZHES BYA BA LA, RIMS DE LA DRI MA STE PHAL CHER BAD KAN LA SOGS PA NAD GZHAN LA LTOS NA SHAS CHE ZHING STOBS DRAG PA DANG, GLONGS SHING BSKYOD PA DANG, G-YOS PA STE PHAL CHER PHYIR 'BYUNG DU NYE BAR GYUR PA DANG, DE BZHIN DU NAD GANG DANG GAR 'KHYIL ZHING MER MER BOR GYUR PA LA SOGS PA'I MTSAN NYID DANG LDAN PA'I BAD KAN DE LA SKYUG SMAN BTANG BA BSNGAGS PA YIN LA, DE YANG GANG ZHIG LA GTANG ZHE NA, SKYUG SMAN BTANG BAR 'OS PA STE, SNGAR SKYUG SMAN BTANG BA'I CHO GA'I SKABS SU BSHAD PA'I SKYUG SMAN BTANG BAR 'OS PA LA GTANG BAR BYA'O, ,DE LAS GZHAN DU BYAS NA NI, ,DBUGS MI BDE DANG TSAD 'KHRU SLON, ,SNYING NAD MI BZAD RIMS KYIS 'DEBS, ,ZHES BYA BA LA, SKYUG SMAN BTANG BA DANG; DE LAS GZHAN PA STE NAD MA GLONGS PA LA SOGS PA'I TSUL BTANG BAR GYUR NA DBUGS MI BDE BA LA SOGS PA'I NAD KYIS 'DEBS PAR 'GYUR RO, ,PO SON PI PI LING BCAS PA, ,DUG MO YUNGS SAM SHING MNGAR NI, ,CHU DRON SBRANG RTZIR BCAS PA'AM, ,YANG NA RGYA MTSAR LDAN PA BLUD; ,KAR KA TA 'AM PA TO LA, ,NIM PA SPA YI LO MA'I CHU'AM, ,'BRAS YOS KYI NI SKYO MA'AM, ,BU RAM SHING KHU'ANG CHANG SBYAR BTUNG, ,ZHES BYA BA LA, DE LA PO SON CHA NI MA DAN PHA LA STE, DE PI PI LING LA SOGS PA DANG BCAS SHING SBYAR BA DANG, YANG NA DUG MO NYUNG TE, AINDRA
YA BA DANG BCAS PA DANG, YANG NA SHING MNGAR ZHES PA MA DU YAshtI DANG BCAS PA DANG, CHU DRON ZHES PA CHU DRO 'JAM TZAM DANG SBRANG RTZI DANG SBYAR BA BLUD PA'AM, YANG NA RGYAM TSA DANG BCAS PA'I CHU DRON PO DAG BLUD PAR BYA'O, ,YANG NA KAR KA TA LA SOGS PA GANG YANG RUNG BA'I LO MA BSKOL BA'I CHU DANG SBYAR BA BTUNG BAR BYA'O, ,YANG NA 'BRAS YOS LAS BYAS PA'I SKYO MA'AM, BU RAM SHING GI KHU BA'AM, CHANG SNA TSOGS PA JI LTAR 'OS PA DANG PO SON CHA BLUD PAR BYA'O, ,NYAMS STOBS DUS KYI DBYE SHES PAS, ,CHO GA'I GNAS LAS BSHAD PA YI, ,SKYUG SMAN DAG NI RAB TU GTANG, ,ZHES BYA BA LA, NYAMS STOBS DANG DUS KYI DBYE BA SHES PA'I SMAN PA GANG YIN PA DES CHO GA'I GNAS LAS BSHAD PA STE SKYUG SMAN DAG GTANG ZHING SBYIN PAR BYA'O, ,SKYUG SMAN GYI NI SBYOR BA DAG ,BYAS PAR GYUR TAM MA BYAS KYANG, ,RIMS NAD CAN LA RNAM SBYANG BYA, ,NAD NI BSKYOD PAR GYUR PA DAG ,SMIN DANG ZHI BAR BYA PHYIR BYA, ,ZHES BYA BA LA, BSHAD MA THAG PA'I CHO GAS SKYUG SMAN GYI SBYOR BA BYAS KYANG RUNG MA BYAS KYANG RUNG RIMS NAD CAN GYI SKYES BU LA SMYUNG BA LA SOGS PA'I RNAM PAR SBYANG BA'I CHO GA BYA STE, CI'I PHYIR ZHE NA, RIMS SKYED PAR BYED PA'I NAD GLONGS SHING BSKYOD PAR BYA BA DAG SMIN CING MA ZHU BA MED PAR BYA BA'I PHYIR DANG ZHI ZHING BSAL BAR BYA BA'I PHYIR RNAM PAR SBYANG BA'I CHO GA BYA'O, ,THAL BAS G-YOGS PA'I ME BZHIN DU, ,MA ZHUS KHEBS ZAS 'JU MI 'GYUR, ,DE BAS NYES PA SMIN BYA'I PHYIR, ,RIMS DANG LDAN LA SMYUNG BA BYA, ,ZHES BYA BA LA, PHO BA'I ME DROD RLUNG LA SOGS PA'I NAD KYI SKYON GZHAN GYIS G-YOGS SHING KHEBS PAR GYUR NA ZAS 'JU BAR BYED MI NUS PA STE, DPER NA PHYI ROL GYI ME THAL BAS G-YOGS PAR GYUR NA DNGOS PO 'TSED CING SMIN PAR BYED MI NUS SO, ,DE BZHIN DU NANG GI ME YANG MA ZHU BAS KHEBS SHING G-YOGS NA ZAS 'JU BAR MI NUS SO, ,DE BAS NA RIMS DANG LDAN PA'I MI LA NI DANG PO KHO NAR SMYUNG BA BYA BA GCES TE, DE YANG NAD KYI NYES PA SMIN PAR GYUR GYI BAR DU BYA ZHING NAD MA ZHU BA MED PAR GYUR GYI BAR DU DE LA SMYUNG BA BYA'O, ,RLUNG DANG BAD KAN RIMS SKOM DANG, ,
, ,CHU TSAN NYUNG SHAS NYUNG SHAS BTUNG, ,DES NI BAD KAN ZHU GYUR NAS, ,SKOM DANG MYUR DU SEL BAR BYED, ,ME DROD SKYED CING BU GA'I RGYUN, ,'JAM PAR BYAS NAS SBYONG BAR BYED, ,ZHEN PA'I RLUNG MKHRIS RDUL DANG NI, ,BSHANG GCI BDE BAR 'BYIN PAR BYED, ,GNYID RMONGS YI GA 'CHUS PA SEL, ,SROG NI 'DZIN PAR BYED PA YIN, ,ZHES BYA BA LA, RLUNG DANG BAD KAN GYI RIMS LA NAD PA SKOM DAD SKYES PAR GYUR NA CHU BSKOL BTUNG BAR BYA STE, DE YANG CHU TSAN NYUNG SHAS CUNG ZHIG BTUNG BAR BYA'O, ,DES CI ZHIG BYED CE NA, CHU TSAN DES RTZA SPUBS KYI RGYUN SRANG 'GAG PAR BYED PA'I BAD KAN 'THAS PA'I TSUL DU GNAS PA DES ZHU ZHING SLA BA'I TSUL DU BYAS NAS SKOM DAD GANG YIN PA DE MYUR DU SEL ZHING LDOG PAR BYED DO, ,DE BZHIN DU PHO BA'I ME DROD KYANG BSKYED CING SBAR NAS NANG GI BU GA'I RGYUN GANG DAG YIN PA DE 'JAM ZHING MNYEN PAR BYAS NAS BU GA DE DAG NYID SBYONG ZHING DAG PAR BYED PA DANG, DE BZHIN DU ZHEN CING BU GA'I SGO RNAMS SU CHAGS PA'I RLUNG LA SOGS PA BDE BAR 'BYIN PAR BYED CING LUGS DANG MTHUN PAR 'BYUNG BAR BYED PA DANG, DE BZHIN DU GNYID DANG RMONGS BAG LA SOGS PA SEL BAR BYED PA DANG, SROG 'DZIN CING GNAS PA YIN LA DE TSIM PAR BYED PA'I RANG BZHIN CAN YIN PA'I PHYIR RO, ,CHU GRANG DE LAS BZLOG PA STE, ,NAD KYI TSOGS NI 'PHEL BYED YIN, ,ZHES BYA BA LA, CHU GRANG NI CHU TSAN GYI YON TAN DE LAS GO BZLOG PA'I MTSAN NYID CAN YIN ZHING, NAD KYI TSOGS GANG DAG YOD PA DE 'PHEL ZHING RGYAS PAR BYED PA YIN NO, ,CHU TSAN YON TAN DE 'DRA YANG, ,GCIG TU MKHRIS PAS LDAN RIMS DANG, ,MKHRIS SHAS CHE DANG PHYOGS GCIG TSA, ,KUN TSA RMONGS BAG TSAD PAR 'KHRU, ,CHANG DUB LAS BYUNG SO GA DANG, ,GCONG SKEM KHRAG MKHRIS CAN MI BLUD, ,CES BYA BA LA, CHU TSAN BSHAD MA THAG PA'I YON TAN BAD KAN ZHU BAR GYUR PA DANG, ME DROD SKYED PA LA SOGS PA'I YON TAN DE LTA BU DANG LDAN PA YIN DU ZIN KYANG GCIG TU MKHRIS PA LAS GYUR PA'I RIMS DANG LDAN PA'I MI DANG NAD GZHAN DAG MKHRIS PA SHAS CHE ZHING RGYAS PA DANG LDAN PA DANG,
PHYOGS GCIG TSA BA LA SOGS PA'I NAD DE, DE LA PHYOGS GCIG TSA BA NI MIG LA SOGS PA'I DBANG PO TSA BA DANG, KUN TSAB STE LUS THAMS CAD TSA BA DANG, DE BZHIN DU CHANG DANG DUG GNYIS LAS BYUNG BA'I RIMS LA CHU TSAN DE BLUD PAR MI BYA'O, ,DE BZHIN DU SO GA'I DUS SU'ANG RANG BZHIN GYI CHU TSAN BTUNG DU MI RUNG NGO, ,DE BZHIN DU GCONG CHEN POS THEBS TE SKEMS PAR GYUR PA'I SKYES BU DANG, KHRAG MKHRIS LAS GYUR PA'I NAD YOD PA STE, DE DAG LA SKOM DAD YOD DU ZIN KYANG CHU TSAN BLUD DU MI RUNG NGO, ,DE DAG LA CI ZHIG SBYIN ZHE NA, DE'I PHYIR SMRAS PA NI, DE LA GLA SGANG TZANDAN DANG, ,BCA' SGA PAR PA TA DANG NI, ,PU SHEL TZE DANG BA LE KA, ,BSKOL CHU BSGRANGS BLUD RIMS SKOM SEL, ,ZHES BYA BA LA, GCIG TU MKHRIS PA'I NAD YOD PA LA SOGS PA DE DAG LA NI GLA SGANG LA SOGS PA DANG, BSKOL BA'I TSU BSGRANGS PA PHAN TE, DE NI RIMS DANG SKOM DAD SEL BA YIN NO, ,'DIR CHU DANG SMAN DAG GI TSAD NI GZHUNG GZHAN DAG LAS BSTAN TE, GANG ZHIG CHUR BSKOL BSGRANGS GYUR PA, ,GLA SGANG LA SOGS PA TO LA, ,YAN LAG DRUG PA LA SOGS SBYAR, ,DE LAS ZHO RE BCU GNAS NI, ,CHU NI BRE GANG NANG DU BSKOL, ,DE NAS BZHI CHA LUS BYAS TE, ,SKOM DAD LA SOGS ZHI PHYIR BTUNG, ZHES BSHAD PA DANG, DE BZHIN DU GZHAN DAG LAS KYANG, SMAN MANG BSKOL BA SKA BA YIN, ,SMAN NYUNG CHU BSKOL DANGS MA YIN, ,ZHES SMOS PA YIN NO, ,MKHRIS PA MED PAR TSA MI 'BYUNG, ,TSA BA MED PAR RIMS YOD MIN, , DE BAS MKHRIS PA LA GNOD SPANG, ,MKHRIS SHAS CHE BAS LHAG PAR SPANG, ,ZHES BYA BA LA, RIMS NAD THAMS CAD LA NI MKHRIS PA MED CING DE MA GTOGS PAR TSA BA MI 'BYUNG STE, TSA BA NI MKHRIS PA'I RANG BZHIN LAS BYUNG BA YIN PA'I PHYIR RIMS LA TSA BA GANG DAG YOD PA DE NI MKHRIS PA LAS SKYES PA YIN NO, ,TSA BA DE MED PAR YANG RIMS YOD PA MA YIN TE, GANG GI PHYIR RIMS KYI NGO BO NYID KYI MTSAN NYID NI DANG PO TSA BA 'BYUNG BA YIN PA'I PHYIR RO, ,DE BAS NA MKHRIS PA LA GNOD PA'I KHA ZAS DANG SPYOD LAM DANG SMAN MKHRIS PA SKYED PAR BYED PA'I RIMS
, ,THAMS CAD LA YANG PHAL CHER SPANG BAR BYA BA NYID YIN NO, ,DE LAS KYANG MKHRIS PA SHAS CHE ZHING MKHRIS PA RGYAS PA LAS GYUR PA'I RIMS LA NI MKHRIS PA SKYED PAR BYED PA DE LHAG PAR YANG SPANG BAR BYA'O, ,DE NAS LHAG PAR ZHES SMOS PA'I SGRA 'DIS NI RLUNG DANG MKHRIS PA LAS GYUR PA'I RIMS LA MKHRIS PA SKYED PAR BYED PA'I SMAN LA SOGS PA CUNG ZAD CIG SPANG BAR MI BYA BA YANG YOD DO, ,ZHES STON PA YIN NO, ,KHRUS DANG BSKU DANG BYUG PA DANG, ,SMYUNG BA LHAG MA SPANG BAR BYA, ,ZHES BYA BA LA, RIMS THAMS CAD LA KHRUS BYA BA LA SOGS PA SPANG BAR BYA'O, ,DE BZHIN DU SMYUNG BA LHAG MA RNAMS KYANG SPANG BAR BYA STE, GNAS SKABS KYI KHYAD PAR GYI DBANG DU BSHAD PA'I SMYUNG BA MA GTOGS PAR SMYUNG BA GZHAN DAG SPANG BAR BYA'O, ,DE YANG GNAS SKABS SU DGOS PA NI, SMYUNG BA NI RIMS LA SKYUG SMAN GTANG BA DANG, ZAS BRI ZHING GCAD PA'I SMYUNG BA YIN TE, DE MA GTOGS BKRU SMAN GTANG PA LA SOGS PA GANG YIN PA DE DAG RIMS SAR PA LA SPANG BAR BYA'O, ,MA ZHU GZER 'JOMS SMAN LTA BU, ,MA ZHU RIMS NI MI BZAD LA, ,SMAN BTUNG MI BYED YIS NI, ,LHAG PAR MA ZHU 'PHEL BAR 'GYUR, ,LTO BA MA ZHUS KHYAB PA LA, ,'O MA SBRUL LA BLUD DANG MTSUNGS, ,ZHES BYA BA LA, MA ZHU BA DANG BCAS PA'I RIMS MI BZAD CING BRNAG PAR DKA' BA'I NAD DANG LDAN PA LA SMAN BSKOL BA DANG, BSGRANGS PA DANG, SKYO MA LA SOGS PA BTUNG BAR MI BYA STE, DPER NA MA ZHU ZHING ZAS KYI LHAG MA LUS PA, MI BZAD PAR NA BA LA GSUD PA LA SOGS PA'I NAD LA GZER 'JOMS PA'I SMAN RTZI PO CHE GSUM PA LA SOGS PA BLUD PAR MI BYA STE, SMAN 'JU MI NUS PAS SLAR LA GNOD PAR 'GYUR BA'I SKYON YOD PA'I PHYIR RO, ,DE YANG MDO GNAS LAS, ,MA ZHU MI BZAD PAS NYEN KYANG, ,GZER 'JOMS SMAN NI BTUNG MI BYA, ,BE'U SNABS MA ZHU ME DROD NYAMS, ,NAD KYI SMAN NI BTUNG MI NUS, ,'DI YIS NAD PA 'PHRAL DU NI, ,THU ZHING 'CHI BA DAG TU 'GYUR, ,ZHES SMOS PA DE DRAN PA'I PHYIR 'DI SKAD SMOS PA YIN NO, ,DE BAS NA GLA SGANG DANG PAR PA TA LA SOGS PA'I SMAN
BSKOL BA LA SOGS PA'I SBYOR BA BYAS PA 'THUNGS PA DES NA LHAG PAR YANG MA ZHU BA MANG DU 'PHEL ZHING SKYED PAR BYED PA YIN NO, ,GANG GIS SKYED CE NA, MI GANG LTO BAR MA ZHU BAS KHYAB CING ZIL GYIS MNAN PAR GYUR PA'I RIMS NAD CAN DE LA BLUD NA 'PHEL BAR 'GYUR RO, ,DE BZHIN DU MA ZHU BAS KHYAB PA'I LTO BAR SMAN BLUD PA DE NI MA ZHU BA DE NYID SLAR 'PHEL BAR 'GYUR RO, ,RLUNG DANG BAD KAN BDAG NYID DER, ,LKOG NAD CHAM PA DBUGS MI BDE, ,BYIN PA TSIGS RUS GZER GYUR LA, ,RDUL 'BYUNG BA NI RAB BSNGAGS TE, ,RDUL DANG BSHAD GCI PHYEN BDER 'BYUNG, , ME DROD SKYED CING ZAS 'JU BYED, ,CES BYA BA LA, RLUNG DANG BAD KAN GYI BDAG NYID CAN GYI RIMS BYUNG BAR GYUR PA LA, LKOG MA'I NAD LA SOGS PA JI SKAD SMOS PA'I NAD BYUNG BAR GYUR NA, RDUL 'BYUNG BA ZHES BYA BA'I GSO BAR BYA BA RAB TU BSNGAGS PA YIN TE, RDUL 'BYUNG BA'I CHO GA DE BYAS NA KHONG DU ZHEN PA'I RDUL LA SOGS PA BDE BAR 'BYUNG BAR 'GYUR RO, ,DE BZHIN DU ME DROD SKYED CING PHO BAS ZAS BDE BLAG TU 'JU BAR BYED PA'I NUS PA SKYED PAR BYED DO, ,SNUM 'THUNGS CHO GAR BSHAD PA NI, ,RNAM PA KUN TU SPYAD PAR BYA, ,ZHES BYA BA LA, SNUM 'THUNGS PA'I CHO GA SNUM 'THUNGS PA'I LE'U'I SKABS SU BSHAD PA DAG ,CHU DRON DAG GIS NYER SPYOD BYA, ,ZHES BYA BA LA SOGS PA DE THAMS CAD BSTEN CING SPYAD PAR BYA'O, ,SMYUNG DANG DUGS BYA DUS DANG NI, ,NAS THUG TIG TA'I KHU BA RNAMS, ,DRI MA RNAMS NI SMIN BYED PA, ,RIM MAM GNAS SKABS JI BZHIN SBYIN, ,ZHES BYA BA LA; RLUNG LA SOGS PA'I DRI MA MA SMIN PA RNAMS NI SMYUNG BA LA SOGS PA BSTEN PAS SMIN PAR 'GYUR TE, DE YANG JI SKAD DU BSHAD PA'I RIM GYIS SAM GNAS SKABS GANG LA BAB PA DE LAS MI 'GYUR TSUL GYIS SBYIN PAR BYA STE, DE YANG RIM PA'I TSUL NI DANG POR SMYUNG BA BYA ZHING ZAS BCAD PAR BYA'O, ,DE'I 'OG TU DUGS BYA, DE NAS DUGS DE ZHAG DRUG GI BAR DU BYA BA DANG, DE NAS NAS THUG SBYIN NO, ,DE'I 'OG TU TIG TA'I KHU BA BLUD PAR BYA STE, SMIN PA GSAR DU BYUNG BA LA BYA'O, ,RLUNG NAD NYI TSE ZAD BYED DANG, ,GLO BUR BA DANG RIMS RNYING LA, ,SMYUNG BA MI BYED LA
, ,NI; ,NYAMS MI SMOD PA'I ZHI BYA PHAN, ,ZHES BYA BA LA, RLUNG NAD NYI TSE LAS GYUR PA'I RIMS NA BA DANG, DE BZHIN DU ZAD BYED LAS GYUR PA'I RIMS DANG, RIMS NAD GLO BUR BAS THEBS BA DANG, RIMS RNYING PA DAG LA NI SMYUNG BA'I CHO GA MI BYA STE, RLUNG NAD NYI TSE LA SOGS PA'I RIMS NA BA DE DE DAG LA ZHI BAR BYA BA'I SBYOR BA PHAN LA, ZHI BA DE YANG NYAMS SMOD CING SKEMS PAR MI 'GYUR BA DE LTA BU'I ZHI BAR BYA BA'I THABS BSTEN NA PHAN ZHING BSNGAGS PA YIN NO, ,DE LA MA ZHU'I RIMS TSUL LDAN, ,NYAMS SMAD MI BYAR SHES PAR BYA, ,ZHES BYA BA LA; RIMS DE LA MA ZHU BA'I RIMS KYI MTSAN NYID DANG LDAN ZHING, DE'I RANG BZHIN SNGAR SMOS BA RIMS KYI BLA BRNAN MI BZAD PA LA SOGS PA LDAN PA LA YANG, NYAMS SMAD PAR MI BYA BAR SHES PAR BYA'O, ,GSO BA'I THABS GNYIS SHES BA LAS, ,BRTAGS TE SMYUNG BAR BYA BA YIN; ,ZHES BYA BA LA, GSO BA'I THABS GNYIS STON PAR BSHAD PA'I SMYUNG BA'I MTSAN NYID KYIS YANG DAG PAR RTOGS PAR BYA STE, DE YANG, DBANG PO DANG ZHING DRI MA DAG ,BDE BAR 'BYUNG BA ZHES BYA BA LA SOGS PA SMYUNG BA LEGS PAR BYAS PA RTOGS PAR BYAS LA, SHIN TU SKEMS PA LA SOGS PA NI SMYUNG DRAGS PAS SHES PAR BYA'O, ,SMYUNG BYAS MTSAN MAR LDAN PA NI, ,DE LA THUG SLA LA SOGS BLUD, ,RANG GI SMAN DANG JI BZHIN BSKOL, ,DANG POR THUG SLA LA SOGS SBYIN, ,ZHES BYA BA LA, RIMS NAD CAN SMYUNG BA BYAS ZIN PA'I MTSAN MA DANG LDAN PA DE LA NI THUG PA SLA BA STE 'BRAS THUG RKYANG RKYANG PO DANG POR BLUD PAR BYA'I, SKA BAR NI MA YIN TE, DE YANG DANG POR NI THUG PA SLA BA 'BRAS THUG RKYANG RKYANG PO BLUD PAR BYA'O, ,DE NAS THUG PA YID TZAM SKA BA DANG THUG PA GAR MO BLUD PAR BYA'O, ,DE YANG DRANG SRONG TZA RA KAS, ,BUD SHING GIS NI ME BZHIN DU, ,DE YI ME DROD DES SKYED DE, ,DE YANG SMAN GYI SBYOR BA LAS, ,YANG DANG ME DROD 'BAR BAR BYED, ,GSHER ZHING DRO BAS RDUL BAR BYED, ,SLA BAS SKOM DAD RAB ZHI BYED, ,KHA ZAS YIN PHYIR SROG BRTEN LA, ,KHU BA YIN PAS YANG BA NYID, ,RIMS DANG 'PHROD PAS RIMS
'JOMS BYED, ,DE BAS DANG POR THUG PA SOGS, ,RIMS LA BLO DANG LDAN PAS SBYIN, ,ZHES BSHAD PA YIN NO, ,DUS JI SRID KYI BAR DU BYA ZHE NA, ZHAG DRUG BAR DU'AM GANG TSE RIMS, ,RTZE ZHIL GYUR PA'I BAR DU SBYIN, ,DE YIS SHING GI ME BZHIN DU, ,DE YI ME DROD 'PHEL BAR BYED; ,CES BYA BA YIN TE, RIMS KYIS DANG POR BTAB PA NAS BRTZAMS TE ZHAG DRUG GI BAR DU SBYIN PAR BYA BA 'AM, YANG NA GANG GI TSE RIMS RTZE ZHIL ZHING TSA BA'I GDUNG BA LA SOGS PA CUNG ZAD ZHI BAR GYUR PA DANG, SHUGS DAL BAR GYUR PA DE SRID KYI BAR DU RIMS NAD NA BA'I NAD PA DE LA THUG PA DE DAG BLUD CING SBYIN PAR BYA'O, ,DES NA ZHAG DRUG GI GONG YAN CHAD DU SMYUNG BA BYAS ZIN PA'I MTSAN NYID MED PAR GYUR CING GANG LA THUG PA BLUD PA DES RIMS RTZE ZHIL BAR GYUR BA DE SRID KYI BAR DU DE SBYIN PAR BYA'O, ,DANG POR 'BRAS YOS THUG 'JU SLA, ,BCA' SGA PI PI LING DANG BCAS, ,'U SU RGYAM TSAR BCAS PA SBYIN, ,SKYUR 'DOD SE'U 'BRU BCAS PA BTUNG, ,ZHES BYA BA LA, DE YANG DANG POR TE THOG MAR 'BRAS YOS KYI THUG PA BLUD PAR BYA'O, ,DE NAS LEGS PAR 'JU SLA BA'I 'BRAS THUG BCA' SGA LA SOGS PAS BTAB PA RGYAM TSA DANG BCAS PA BLUD PAR BYAS LA, DE BZHIN DU RO SKYUR BA 'DOD PA'I SKYES BU LA NI SE'U 'BRU DANG BCAS SHING BTAB PA'I THUG PA BLUD PAR BYA'O, ,'KHRU BA'AM MKHRIS PA MANG BA LA, ,SBRANG RTZI BCA' SGA BTAB BSGRANGS BLUD, ,CES BYA BA LA, 'KHRU BAS BTAB PA'AM MKHRIS PA MANG BA DAG LA NI THUG PA DE SBRANG RTZI DANG BCA' SGA BTAB STE BSGRANGS PA BLUD PAR BYA LA, DE YANG THUG PA SLA BA NAS BRTZAMS TE BTUNG BAR BYA'O, ,CHU SO RTZIB LOGS KLAD PA GZER, ,GZE MA BYA KRI BSKOL BA BLUD, ,CES BYA BA LA, NAD PA GANG CHU SO LA SOGS PAR GZER BA'I NAD YOD PAR NI GZE MA DANG BYA KRI STE; KAndA KA RI DANG BSKOL BA'I THUG PA BLUD PAR BYA'O, ,RIMS 'KHRUR KRishnA PARnI DANG, ,BA LA BIL BA BCA' SGA DANG, ,AUTPAL 'U SU BSKOL RIMS 'KHRUR, ,THUG SKYUR SMIN DANG DROD SKYED YIN, ,ZHES BYA BA LA, RIMS DANG TSAD PAR 'KHRU BA'I NAD GNYIS YOD PA LA NI
, ,KRishnA PARnI LA SOGS PA DANG BSKOL BA'I THUG PA SE'U 'BRU'I KHU BAS SKYUR POR BYAS PA SBYIN PAR BYA STE, DES NI MA ZHU BA RNAMS SMIN PA DANG PHO BA'I ME DROD SKYED PAR BYED PA YIN NO, ,SKYIGS BU LUD PA DBUGS MI BDE, ,GZER CAN RTZA BA CHUNG NGU LNGA, ,ZHES BYA BA LA; SKYIGS BU LA SOGS PA SKYIGS BU NAS GZER GYI BAR DANG LDAN PA'I NAD PA LA NI RTZA BA CHUNG NGU LNGA DANG BSKOL BA'I THUG PA SBYIN PAR BYA STE, BRI HA TI DANG KAndAK'A RI DANG AA SHU MI TI GNYIS DANG GZE MA STE LNGA DANG BSKOL BA'I THUG PA SBYIN PAR BYA'O, ,BAD KAN GYIS NYEN NAS THUG NI, ,RTZA BA CHEN PO LNGA PA SBYIN, ,ZHES BYA BA LA, BAD KAN GYI NAD KYIS NYEN PA'I NAD PA LA NI BIL BA'I RTZA BA LA SOGS PA RTZA BA CHEN PO LNGA DANG, NAS THUG BTZOS PA'I THUG PA BLUD PAR BYA'O, ,RTUG PA 'GAGS LA NAD BCAS PA, ,PI PI LING DANG SKYU RU RA, ,BTAB PA'I NAS THUG MAR DANG BRNGOS, , DRI MA NAD NI BDE 'BYUNG BYED, ,CES BYA BA LA, NAD PA GANG ZHIG RTUG 'GAGS KYI NAD KYIS BTAB PA LA NI NAS THUG BLUD DE, DE YANG PI PI LING DANG SKYU RU RA BTAB PA LA NAS DE MAR DANG BRNGOS PA LAS BYAS PA'I THUG PA SBYIN PAR BYA STE, DES NI DRI MA DANG NAD GANG DAG YOD PA DE BDE BAR 'BYUNG BAR BYED DO, ,LTO BAR RTUG 'GAGS NAD BCAS LA, ,DBYI MO PI PI LING RTZA BA, ,RGUN 'BRUM DONG GA SKYU RU RA, ,ZHES BYA BA LA, LTO BAR RTUG PA 'GAGS PAR GYUR CING DE YANG NA ZHING THUG PA DANG BCAS PA LA NI DBYI MO LA SOGS PA DANG BSKOL BA'I THUG PA BLUD PAR BYA'O, ,KHONG PA BCAD PA SNYAM BYED LA, ,RGYA SHUG DA TRIG SA LA PAR, ,KRishnA PARnI BIL BA BLUD, ,CES BYA BA LA, KHONG PA'I NANG GRIS BCAD PA SNYAM DU SEMS PA'I NAD LA RGYA SHUG LA SOGS PA DANG SBYAR BA'I THUG PA BLUD PAR BYA'O, ,DA TRIG NI BRiKshA AAm PA LA'O, ,RDUL MED GNYID MED SKOM PAS NYEN; ,KHA RA DONG GRA SKYU RU RA'O, ,RGYA SHUG KHA RA RGUN 'BRUM DANG, ,THAL TRES GLA SGANG TZANDAN NI, ,SKOM DANG SLON DANG BCAS PA BLUD, ,SBRANG RTZIR BCAS PA RIMS 'JOMS YIN, ,DE DAG THUG PA'I SMAN YIN TE, ,SHA KHU YU SHA SOGS PA'ANG SBYAR, ,ZHES BYA BA LA,
RDUL MED PA DANG GNYID MED CING YANG BA DANG SKOM PAS NYEN CING GDUNGS PA LA KHA RA DKAR PO LA SOGS PA DANG SBYAR BA'I THUG PA BLUD PAR BYA'O, ,THUG PA DANG SBYAR BA BSTEN PA'I SMAN 'DI DAG NI SHA KHU LA SOGS PA DANG YANG SBYAR TE BLUD PAR BYA'O, ,DE YANG BSDUS PA LAS, THUG PA DANG SBYAR SMAN GNYIS KYIS, ,SHA KHU YU SHA LA SOGS PA'ANG SBYAR, ,ZHES SMOS PA YIN TE, SHA BTZOS PA'I KHU BA DANG, YU SHA ZHES BYA BA MON SRAN SDE'U MUNGGA LA SOGS PA BSKOL BA'I KHU BA LAS BYAS PA'I BTUNG BA YIN NO, ,SOGS PA SMOS PAS NI BTUNG BA GZHAN DANG ZHOG CHU DANG DAR BA DANG, RGUN 'BRUM LA SOGS PA BSKOL BA'I BTUNG BA NA KA DANG, TSOD MA LA SOGS PA DANG YANG SBYAR BAR BYA'O, ,DE YANG, THUG PA SHA KHU YU SHA SOGS, ,RO BZANG BTUNG BA LA SOGS LAS, ,SMAN GYI TSAD NI SBYAR BAR BYA, ,'JIG RTEN GRAGS DANG CI RIGS SBYAR, , YANG NA JI SRID SMAN GYIS NI, ,DE DANG 'TSAM PA NYID BYA ZHING, ,NAD DANG LTO TSOD NA TSOD STOBS, ,RNAM PAR BRTAGS NAS SBYAR BYA YI, ,TSAD KYI NGES PA YOD MA YIN, ,ZHES BSHAD MOD KYI, 'ON KYANG SMAN PA MKHAS PA RGAN PO RNAMS GCIG NAS GCIG TU BRGYUD DE BYED PA GANG DAG MTHONG BA DE 'DIR BSTAN PAR BYA STE, 'BRAS YOS KYI TSAD NI SRANG GCIG LA BYA'O, ,LA LAR NI 'BRAS SRANG GCIG TZAM LAS BYED PA SNANG NGO, ,BSKOL BA'I SMAN NI SRANG PHYED LAS BYA'O, ,SBYAR BA'I SMAN NI SPYIR ZHO GNYIS SO, ,CHU NI SRANG SUM CU RTZA GNYIS BSKOL LA LHAG MA SRANG SUM CU LUS PA DANG, DE'I 'OG TU 'BRAS YOS LA SOGS PA DANG THUG PAR BSKOL BAR BYA'O, ,CHANG LAS BYUNG DANG CHANG RGYUN BSTEN, ,BAD KAN MKHRIS PA'I GNAS ZHUGS NAS, ,DE GNYIS SHAS CHE 'AM SO GA 'AM, ,SKOM DANG SLON DANG TSAD PAS NYEN, ,KHRAG NI STOD DU 'BYUNG BA STE, ,DE LA THUG PA MI BLUD KYI, ,'BRAS PHYE'I SKYO MA RIMS 'JOMS PA'I, ,'BRAS BU'I KHU BA SBRANG RTZI DANG, ,KHA RA DKAR BCAS BLUD PAR BYA, ,ZHES BYA BA LA, CHANG 'THUNGS PA LAS RIMS SU GYUR PA LA SOGS PA LA NI THUG PA BLUD PA SLOB DPON GYIS MA BSNGAGS TE, 'DOD PAR BYA BA MA
, ,YIN NO; ,DE YANG CHANG LAS BYUNG BA NI CHANG 'THUNGS DRAGS PA LAS RIMS NAD KYIS BTAB PA'O, ,YANG YANG DE BZHIN DU CHANG RGYUN DU BSTEN PA'I MI DANG, BAD KAN DANG MKHRIS PA'I NAD LTA BAR ZHUGS PA DANG DE GNYIS TE 'DAS MA THAG PA'I BAD KAN DANG MKHRIS PA SHAS CHE BA DANG, SO GA'I DUS DANG SKOM DAD LA SOGS PAS NYEN PA DANG, KHRAG DANG MKHRIS PA STOD DU 'BYUNG ZHING GYEN DU LUD PA DE DE LTA BU'I RIMS NAD CAN DE LA THUG PA BLUD PA'I SKABS YIN YANG, NAS THUG LA SOGS PA'I THUG PA MI SBYIN GYI, DE LA NI SKYO MA 'BRAS YOS KYI PHYE LAS BYAS PA BLUD PAR BYA STE, DE YANG RIMS 'JOMS PAR BYED PA'I 'BRAS BU'I KHU BA RGUN 'BRU SKYU RU RA LA SOGS PA'I KHU BA BSKOL TE BSGRANGS PA'AM, DE MA RNYED NA SKAM POR CHU DANG BSKOL BA'I KHU BA BSGRANGS PA SBRANG RTZI DANG KHA RA DKAR PO DANG BCAS SHING SBYAR BA DE LA BLUD PAR BYA'O, , DE NAS SKYO MA ZHU NAS NI, ,BKRES NA NAS THUG 'BRAS BRNGOS PA'I, ,'BRAS CHAN DAG NI BZA' BYA ZHING, ,SHA KHU SLA BA'I KHU BA'AM, ,MUNGGA 'UR BA'I KHU BCAS BZA', ,ZHES BYA BA LA, DE NAS DE LTAR SKYO MA 'THUNGS PA DE ZHU BA'I RJES LA NYIN ZHAG DE NYID LA BKRES SHING ZAS 'DOD PAR GYUR PA'I ZAS KYI DUS GNYIS PAR 'BRAS BRNGOS PA LAS G-YOS PA'I 'BRAS CHAN BZA' BAR BYA BA'AM NAS THUG BTUNG BAR BYA'O, ,DE YANG GANG DANG LHAN CIG BZA' ZHE NA, SHA NYUNG DU DAG GI SHA KHU SHIN TU SLA ZHING YANG LA BCUD CHUNG BA'AM, YANG NA SRAN MUNGGA STE, MON SRAN SDE'U DANG BYA 'UR PA ZHES BYA BA'I SHA KHU BA DANG BCAS PA BZA' BAR BYA'O, ,DE YANG; SHA CHUNG SOGS KYI KHU BA SLA, ,SHA NYUNG SLA BA YIN PAR BSHAD, ,CES BYA BA LA, LA LA DAG GIS, SHA KHU TSAD CHEN MA YIN SLA, ,SHA KHU SLA BA YIN PAR BSHAD, ,CES BSHAD PA YIN NO, ,DE LTAR ZHAG DRUG 'DI BZLAS TE, ,NYAMS STOBS NAD NI BSRUNG BAR BYA, ,ZHES BYA BA LA, THUG PA LA SOGS PA'I RIM PA'I TSUL 'DI LTA BUS RIMS KYIS BTAB PA'I GNAS SKABS DANG PO 'DI 'DAS SHING BZLA BAR BYA STE, NAD PAS LUS KYI NYAMS STOBS
DANG; NAD KYI 'PHEL 'BRI'I TSUL LAS BSRUNG BAR BYA STE, NAD NI 'DIR RLUNG LA SOGS PA'I NAD GANG YANG RUNG BA RE RE 'AM GNYIS 'DRES PA 'AM 'DUS PA DAG LA BYA'O, ,DE NAS SMYUNG BA LA SOGS PAS, ,SMIN PA'I NAD NI LHAG MA RNAMS, ,SMIN PA'AM YANG NA ZHI BYA'I PHYIR, ,SMAN KHU'I SBYOR BA'I BYA BA BSNGAGS, ,ZHES BYA BA LA, DE NAS THUG PA LA SOGS PA RIM PAR SPYAD PA'I RJES LA SMYUNG BA LA SOGS PA STE SMYUNG BA DANG DUGS BYA BA DANG DUGS DANG NAS THUG DANG SMAN BSKOL BA'I KHU BA KHA BAS RIMS RTZOM PA'I NAD SMIN PAR GYUR PA DANG, NAD LHAG MA RNAMS SMIN PA 'AM ZHI BAR BYA BA'I PHYIR SMAN KHU'I SBYOR BA'I RNAM PA LNGA POR RANG GI KHU BA'AM, LDE GU 'AM, BSKOL TE BSGRANGS PA DANG, SKYO MAR BYA BA'I RNAM PAR PHYE BA DAG BYA BA NI NAD PHAL PO CHE LA BSNGAGS PA YIN NO, ,MKHRIS LA MCHOG TU KHA BA STE, ,BAD KAN LA NI CHE BA BLUD, ,CES BYA BA LA, SMAN BSKOL BA'I KHU BA DE YANG MKHRIS PA LAS GYUR PA'I RIMS LA NI KHYAD PAR RAM MCHOG TU RO KHA BA'I SMAN GYI KHU BA BLUD PAR BYA STE, MCHOG TU ZHES SMOS PAS NI SMAN KHA BA DE NI BAD KAN LA YANG BLUD PAR BYA'O, ,ZHES STON PA YIN NO, ,TSA BA'I SMAN BSKOL BA NI BAD KAN GYI RIMS KHO NA LA SBYIN PAR BYA'I MKHRIS PA LA NI MA YIN NO, ,BAD KAN MKHRIS PA SEL BYED KYANG, ,BSKA BA BSNGAGS PA MA YIN TE, ,RIMS SAR DRI MA 'GAGS BYED PAS, ,BSKA BAS MI BZAD RIMS SKYED CING, ,DANG GA 'KHYIL DANG YI GA 'CHUS, ,SKYIGS BU DBUGS MI BDE YANG BSKYED, , CES BYA BA LA, ,RO BSKA BA NI BAD KAN DANG MKHRIS PA SEL BA YIN DU ZIN KYANG RIMS SAR PA LA NI BTANG BA BSNGAGS PA MA YIN TE, CI'I PHYIR ZHE NA, DRI MA 'GAGS PAR BYED PA'I RGYUS RO BSKA BA BLUD PAS NI MI BZAD PA'I RIMS SKYED PAR BYED PA DANG DE BZHIN DU SNYING NAD DANG GA 'KHYIL PA LA SOGS PA SKYED PAR 'GYUR RO, ,DE YANG RIMS SAR PA LA NI RO BSKA BAS NAD 'THAS SHING SRA BAR BYED NAS, PHYI ROL DU YANG 'BYIN PAR MI BYED LA, NANG DU YANG SMIN CING 'JU BAR BYED DE, SLAR ZHING YAN MAN GYI RGYUN SRANG NGAM, LAM LOG PAR BYAS NAS RIMS 'PHEL BAR BYED DO, ,
, ,DE YANG DRANG SRONG TZA RA KAS, ,BSKA BA'I ROS NI NAD BKAG STE, ,RIMS SAR 'THAS PAR BYED 'GYUR ZHING, ,SRA BAR BYED KYI SMIN MI BYED, ,MI BZAD RIMS NI SKYED PAR BYED, ,CES BSHAD PA DANG, SBYOR BA'I DBANG DU BYAS NAS NI, ,BSKA BAS BKAG PA MA YIN GYI; ,GANG ZHIG BSKA BAS BSKA 'GYUR BA, ,DE NI RIMS SAR DAG LA SPANG, ,ZHES BSHAD PA YIN NO, ,LA LA ZHAG BDUN NAS SMAN GTONG, ,GZHAN DAG ZHAG NI BCU LON NAS, ,KHA CIG ZAS YANG ZOS NAS GTONG, ,MA ZHU SHAS CHE LA MI GTANG, ,ZHES BYA BA LA, SLOB DPON LA LAS NI ZHAG BDUN PA'I RJES LA, ZHAG BRGYAD PA'I ZHAG GI TSE SMAN GLA SGANG DANG PAR PA TA LDUM BU SKRA BZANGS ZHES BYA BA LA SOGS PA RIMS 'JOMS PA'I SMAN GTANG BAR BYA'O, ,ZHES ZER RO, ,SLOB DPON GZHAN DAG NI ZHAG BCU LON PA'I RJES LA SMAN GTANG BAR BYA'O, ,ZHES ZER RO; ,YANG SROG 'TSO BA'I SLOB DPON, CIG NA RE GANG GIS KHA ZAS YANG BAR ZOS PAR GYUR PA DANG, DE'I 'OG TU SMAN SBYIN TE, ZHAG DRUG LON NAS SMAN GTANG BAR BYA'O, ,ZHES ZER BA NAS, DE YAN CHAD BKAG PA NYID YIN NO, ,TSAD 'DI DAG THAMS CAD NI NAD KYI GNAS SKABS KYI DBANG GI SBYOR BA DANG 'TSAM PA NYID YIN PA'I PHYIR RO, ,MA ZHU BA SHAS CHE ZHING RGYAS PAR GYUR PA LA NI SMAN DE ZHAG BCU 'DAS ZIN KYANG SBYIN PAR BYA STE, 'DI NI SNGAR SMOS PA'I PHYOGS GSUM CHAR LA BKAG PA YIN NO, ,MA ZHU BA SHAS CHE BA LA SMAN MI BTANG BA'I DGOS PA GANG YIN PA 'DIR SMRAS PA NI, GANG PHYIR MI BZAD RIMS NYEN LA, ,NAD KYI SHUGS NI 'BYUNG 'GYUR BA, ,MA SMIN PA LA SMAN GYIS NI, ,RIMS NI SLAR 'PHEL BYED PA 'AM, ,NAD NI SHIN TU SOGS PA YIS, ,SNYOM DANG RMONGS BAG SKYED PAR BYED, ,CES BYA BA YIN TE, RGYU GANG GI PHYIR MI BZAD PA'I RIMS KYIS NYEN PA'I SKYES BU LA NI NAD KYI SHUGS 'BYUNG BAR 'GYUR BAS NA SMAN BLUD PAR GYUR NA MA SMIN CING MA ZHU BA NYID KYIS RIMS DE SLAR 'PHEL ZHING RGYAS PA DANG 'BAR BAR BYED DO, ,YANG NA RIMS SAR PA SHIN TU SOGS SHING 'PHEL BAR 'GYUR BA'I NAD LA SMAN BTANG NA SNYOM PA DANG RMONGS
BAG GI NAD SKYE BAR BYED CING SLAR RIMS DE 'PHEL BAR 'GYUR RO, ,'O NA GANG GI TSE SBYIN PAR BYA ZHE NA, DE'I PHYIR SMRAS PA NI, GANG TSE RIMS RTZE ZHIL LUS YANG, ,DRI MA LA SOGS G-YOS GYUR PA, ,RIMS BTAB YUN RING MA LON YANG, ,DE TSE SMAN NI SBYIN PAR BYA, ,ZHES BYA BA YIN TE, DUS GANG GI TSE RIMS RTZE ZHIL ZHING SHUGS DAL BA DANG, DE BZHIN DU LUS YANG ZHING MA SMIN PA'I NAD KYIS GNON PA DANG, DRI MA BAD KAN DANG MKHRIS PA BSHANG BA LA SOGS PA G-YOS PAR GYUR ZHING GNAS LAS 'PHAGS TE 'GAGS PAR MA GYUR PA DE'I TSE RIMS KYIS BTAB PA DE YUN RING PO MA LON ZHING ZHAG DRUG MA 'DAS SU ZIN KYANG SMAN SBYIN PAR BYA BA NYID YIN NO, ,GLA SGANG PAR PA TAR BCAS PA'AM, ,BCA' SGA 'AM YANG NA BYI TSER BA, ,BSKOL PA BSGRANGS PA'I KHU BA BLUD, ,PA THA PU SHEL PA LA KA ,BLUD PA 'AM DE BZHIN DU NI MA PA; ,SLE TRES GLA SGANG DONG GRA RNAMS, ,'DI NI CI RIGS PAR BLUD BYA, ,NAD SMIN BYED PA'I SMAN KHU BA, ,RIMS DANG SKOM DAD YI GA 'CHUS, ,KHAS RO MI TSOR MA ZHU 'JOMS, ,ZHES BYA BA LA, NAD LA SOGS PA'I DBYE BAS PAR PA TA ZHES BYA BA SKRA BZANGS LAN 'GA' NI GLA SGANG DANG SBYAR BAR BYA'O, ,LAN 'GA' NI BCA' SGA DANG SBYAR TE BTANG NGO, ,YANG NA BYI TSER BA ZHES BYA BA DUR LA BA DANG SBYAR TE BSKOL BA'I KHU BA'AM, YANG NA BSKOL TE BSGRANGS PA BLUD PAR BYA'O, ,YANG NA PAR PA TA DANG PU SHEL TZE DANG BA LA KA DANG BCAS PA GSUM PO DE DAG BSKOL BA'I KHU BA DRO BA'AM, GRANG BA BLUD PAR BYA'O, ,YANG DE BZHIN DU NIM PA ZHES BYA BA RTZA MKHRIS DANG SLE TRES LA SOGS PA SMAN BZHI PO BSKOL BA DRO BA'AM, GRANG BA BLUD PAR BYA'O, ,'DIR SMAN BSKOL BA'I TSAD NI, SMAN SRANG GCIG CHU SRANG BCU DRUG DANG BSKOL TE, SMAN GYI KHU BA SRANG BZHI LUS PA BTUNG BAR BYA LA, BSGRANGS PA NI SMAN SRANG GCIG LA CHU SRANG DRUG LUS PAR BYA'O, ,GLA SGANG DANG PAR PA TA LA SOGS PA'I SMAN GYI KHU BA 'DI NAD LA SOGS PA'I TSUL LAS BRTAGS TE, SMAN GANG RIMS GANG DANG GANG LA BTANG BAR 'OS PA STE, DE LA CI RIGS
, ,PAR BLUD CING SBYIN PAR BYA STE, SMAN GYI KHU BA 'DI NI NAD SMIN PAR BYED PA DANG, RIMS LA SOGS PA 'JOMS PAR BYED PA YIN NO, ,DUG MO NYUNG DANG PA TO LA'I, ,LO MA DANG NI BU TZE SHEL, ,PA TO LA GLA SGANG THAL TRES DANG, ,PA TA DANG NI BU TZE SHEL, ,PA TO LA NI MA 'BRAS BU GSUM, ,RGUN 'BRU GLA SGANG DUG MO YUNGS, ,KI RA TIG TA SLE TRES DANG, ,BCA' SGA DANG NI TZANDAN DKAR, ,SLE TRES GLA SGANG SKYU RU SBRANG, ,TSIGS BCAD PHYED KYIS RDZOGS BYAS PA, ,LNGA PO 'DI DAG RTAG RIMS SOGS, ,LNGA PO ZHI BAR BYED PAR 'DOD, ,CES BYA BA LA, DUG MO YUNGS LA SOGS PA'I SMAN TSIGS SU BCAD PA PHYED KYIS RDZOGS PAR BYAS PAS RTAG PA'I RIMS LNGA PO'I RGYUN DANG, RTAG PA NYIN GCIG PA, NYIN GSUM PA DANG BZHI PA ZHES BYA BA BRTAN PA RTAG PA'I RIMS NAS, NYIN BZHI PA'I RIMS KYI BAR BZHI PO DE DAG LA CI RIGS PAR SBYAR NA RLUNG GI RIMS LA PHAN PA YIN NO, ,RLUNG GI RIMS LA BYI TSER BA, ,BCA' SGA SLE TRES GLA SGANG PHAN, ,YANG NA PI PI LING RTZA BA, ,SLE TRES DANG NI BCA' SGA 'AM, ,RTZA BA LNGA PA CHUNG DU PHAN, ,ZHES BYA BA LA, YANG NA RLUNG GI RIMS LA BYI TSER BA LA SOGS PA SMAN BZHI PHAN PA YIN NO, , YANG NA RLUNG GI RIMS LA PI PI LING GI RTZA BA LA SOGS PA'I SBYOR BA BYIN NA PHAN PA YIN NO, ,YANG NA RTZA BA LNGA PA CHUNG DU'I SBYOR BA PHAN PA YIN NO, ,MKHRIS RIMS GLA SGANG DUG MO NYUNG, ,PU TZE SHEL NI SBRANG RTZIR BCAS, ,ZHES BYA BA LA, ,MKHRIS PA LAS GYUR PA'I RIMS LA NI, , GLA SGANG LA SOGS PA'I SMAN GSUM PO SBRANG RTZI DANG BCAS PA SMAN BSKOL BA'I KHU BA'I SBYOR BA BYAS TE BLUD NA PHAN NO, ,DE BZHIN GLA SGANG PAR PA TA, ,BYI TSER RTZA MKHRIS BCAS PA PHAN, ,ZHES BYA BA LA, YANG DE BZHIN DU MKHRIS PA'I RIMS LA NI, GLA SGANG DANG, PAR PA TA DANG, BYI TSER BA DANG, RTZA MKHRIS ZHES BYA BA BU NIM PA DANG BCAS PA BSKOL TE BLUD NA PHAN PA YIN NO, ,BAD KAN DUG MO NYUNG SOGS TE, ZHES BYA BA LA, BAD KAN GYI RIMS LA DUG MO YUNGS LA SOGS PA'I SDE TSAN PHAN TE, DUG MO YUNGS LA SOGS PA'I SDE TSAN NI SNGAR SKYUG SMAN LA
SOGS PA'I SDE TSAN GYI SKABS SU DUG MO YUNGS DANG MUR BA ZHES BYA BA LA SOGS PA BSHAD PA YIN NO, ,YANG NA BA SHA GLA SGANG DANG, ,BCA' SGA BYI TSER BSKOL BA PHAN, ,ZHES BYA BA LA, YANG NA BAD KAN GYI RIMS LA NI BA SHA KA LA SOGS PA PHAN PA YIN NO, ,PI PI LING RTZA AA RU RA, , DONG GA GLA SGANG PU TZE SHEL, ,BAD KAN RLUNG 'DRES BSHANG 'GAGS PAS, ,NA BA SMIN ZHING DROD SKYED BYED, ,CES BYA BA LA, BSHANG BA 'GAGS PA LA SOGS PA DANG LDAN PA'I RIMS LA NI, PI PI LING LA SOGS PA'I KHU BA BSKOL BA'I KHU BA BLUD NA SMIN PA DANG, DROD SKYED PAR BYED DO; ,RLUNG MKHRIS LAS BYUNG RIMS LA NI, ,RGUN 'BRU SHING MNGAR MA DU KA, ,SENG PHROM TANG PA LA THAL TRES DANG, ,GLA SGANG SKYU RU BA LE KA, ,PADMA GE SAR SHUG PA DANG, ,PAD RTZA TZANDAN AU SHI RA, ,BA RU SHA KA AUTPAL SNGO, ,RGUN SOGS SKYO MA'AM BSKOL BSGRANGS PA, ,ME TOG DZ'A TI'I DRIS BSGOS TE, ,KHAR 'BRAS YOS SBRANG RTZIR SBYAR, ,RLUNG MKHRIS RIMS NI 'JOMS BYED CING, ,CHANG NAD SLON BRGYAL TSA MGO 'KHOR, ,NGAL DANG STOD KYI KHRAG MKHRIS NAD, ,SKOM DAD MIG SER DAG KYANG SEL, ,ZHES BYA BA LA, RGUN 'BRU DANG SHING MNGAR LA SOGS PA BSKOL BA'I KHU BA BSGRANGS PA'AM, SKYO MA LA ME TOG DZ'A TI ZHES BYA BA SNA MA'I DRIS BSGOS PA DANG KHAR DANG 'BRAS YOS DANG SBRANG RTZI DANG SBYAR BAS RLUNG DANG MKHRIS PA LAS GYUR PA'I RIMS 'JOMS PAR BYED CING, DE BZHIN DU CHANG NAD LA SOGS PA LAS GYUR PA'I RIMS LA SOGS PA SEL BAR BYED PA YIN NO, ,DE LA 'PHRAL DU BTAGS TE BTZAGS NAS SBYAR BA'I SMAN NI SKYO MA ZHES BYA LA, SMAN BSKOL BA'I KHU BA MTSAN MO BZHAG PA NI BSGRANGS PA ZHES BYA'O, ,PU TZE SHEL BTAGS SNOD SAR PA, ,GTZANG MA DAG TU BSKOL NAS NI, ,BTZIR BA'I KHU BA MAR DANG SBYAR, ,KHU BA DES NI RIMS TSAD SEL, ,ZHES BYA BA LA, SMAN PU TZE SHEL BTAGS PA RDZA MA'I SNOD SAR PA GTZANG ZHING MA SMAS PA DAG TU KHU BA BSKOL BA'I TSUL DU BSKOL NAS, DE'I KHU BA 'KHRUL 'KHOR GYIS BTZIR TE PHYUNG BA'I KHU BA MAR DANG SBYAR BA 'THUNGS NA RIMS DANG TSA BA SEL BAR 'GYUR RO, ,
, ,BAD KAN RLUNG 'DRIS SHU DAG DANG, ,PU TZE SHEL DANG PA TA DANG, ,DONG GA DUNG MO YUNGS BSKOL PHAN, ZHES BYA BA LA, BAD KAN DANG RLUNG 'DRES PA LAS GYUR PA'I RIMS LA SHU DAG LA SOGS PA SMAN KHU BAR BSKOL BA'I SBYOR BA PHAN NO, ,YANG NA SLE TRES BSKOL BA YI, KHU BAR PI PI LING GI NI, ,PHYE MA BTAB STE 'THUNGS NA PHAN, ,ZHES BYA BA LA, YANG NA BAD KAN DANG RLUNG 'DRES PA LAS GYUR PA'I RIMS LA SLE TRES BSKOL BA'I KHU BA'I NANG DU PI PI LING BTAGS PA'I PHYE MA BTAB STE 'THUNGS NA NAD DE SEL ZHING PHAN PAR 'GYUR RO, ,BYA GHRI BCA' SGA SLE TRES BSKOL, ,PI PI LING GI PHYE MAR BCAS, ,BAD KAN RLUNG RIMS DBUGS MI BDE, ,LUD PA CHAM PA GZER 'JOMS BYED, ,CES BYA BA LA, BYA GHRI ZHES BYA BA KAndA KA RI LA SOGS PA'I SMAN BSKOL BA'I KHU BA'I NANG DU PI PI LING GI PHYE MA BTAB PA NI, BAD KAN DANG RLUNG GI RIMS LA SOGS PA 'JOMS PAR BYED PA YIN NO, ,GLA SGANG 'U SU AA RU RA, ,BCA' SGA SKRA LO PU TI KA, ,SHU DAG GA BRA KAD PHA LA, ,THANG SHING SHING KUN SBRANG RTZIR BCAS, ,RLUNG DANG BAD RIMS MCHIL MA MANG, ,LTO DANG SNYING GA RTZI BA LOGS NA, ,LKOG NAD KHA NI SKRANGS PA DANG; ,LUD PA DBUGS MI BDE RNAMS SEL, ,ZHES BYA BA LA, GLA SGANG LA SOGS PA BSKOL BA'I SBYOR BAS KHU BAR BCAS PA NI RLUNG DANG BAD KAN GYI RIMS DANG, DE BZHIN DU MCHIL MA MANG BA DANG, LTO NA BA LA SOGS PA SEL ZHING 'JOMS PA YIN NO, ,BSKOL BA 'DI DAG LA SMAN PA RGAN PO DAG NI SHING KUN ZHO GNYIS DANG NAM GNYIS DANG SBYOR BA BYA'O, ,DONG GA SOGS TE SBRANG RTZIR BCAS, ,BAD KAN MKHRIS GYUR RIMS 'JOMS SO, ,ZHES BYA BA LA, DONG GAL SOGS PA'I SDE TSAN SNGAR, ,DONG GA DUG MO YUNGS ZHES BYA BA LA SOGS PA SMOS PA BSKOL BA'I SBYOR BAS BSKOL TE SBRANG RTZI DANG BCAS PAR BLUD PA NI, BAD KAN DANG MKHRIS PA LAS GYUR PA'I RIMS SEL BAR BYED DO, ,DE BZHIN PU TZE SHEL DANG NI, ,BA SHA KA DANG PU SHEL TZE, ,KYI LCE BA DANG 'BRAS BU GSUM, ,SLE TRES DANG NI PA TO LA, ,BONG NGA DKAR PO NIM PA DANG, ,MUR BA BYI TSOR BA YANG PHAN, ,
ZHES BYA BA LA, YANG DE BZHIN DU PU TZE SHEL LA SOGS PA'I SMAN BSKOL BA SBRANG RTZI DANG BCAS PA NI SNGA MA DANG 'DRA BAR BAD KAN DANG MKHRIS PA LAS GYUR PA'I RIMS 'JOMS SO, ,KYI LCE BA NI TR'A YA MA nA'O, ,BONG NGA DKAR PO NI AA TI BI SHA'O, ,'DUS PA'I RIMS LA BYA GHRI DANG, ,THANG SHING SKYER PA GLA SGANG DANG, ,PA TO LO MA NIM PA'I SHUN, ,'BRAS GSUM PU TZE SHEL YANG PHAN, ,ZHES BYA BA LA, 'DUS PA LAS GYUR PA'I RIMS NAD LA NI BYA GHRI LA SOGS PA'I SMAN BSKOL BA PHAN NO, ,RLUNG DANG BAD KAN SHAS CHE'I RIMS, ,LUD DBUGS MI BDE RTZIB LOGS ZUG, , DONG GRA PUshKAR M'U LA DANG, ,SLE TRES KAndA KA RI PHAN, ,ZHES BYA BA LA, RLUNG DANG BAD KAN SHAS CHE ZHING RGYAS PA LAS BYUNG BA'I RIMS LUD PA LA SOGS PA DANG LDAN PA NI DONG GRA LA SOGS PA BSKOL BA'I KHU BA PHAN NO, ,RGUN 'BRU MA DU KA'I ME TOG, ,PA RU SHA KA KYI LCE BA, ,PU SHEL TZE DANG PU TZE SHEL, ,'BRAS BU GSUM DANG TANG PA LA BCAS, ,BSKOL TE BSGRANGS PAR GYUR PA YI, ,KHU BA DE NI DUS 'THUNGS NA, ,RIMS NI THAMS CAD SEL BAR BYED, ,CES BYA BA LA, RGUN 'BRU LA SOGS PA SMAN BSKOL BA BSGRANGS PA'I KHU BA DE 'THUNGS NA NAD GZHI SO SO DANG, GNYIS 'DRES PA DANG, 'DUS PA LAS GYUR PA'I RIMS THAMS CAD 'JOMS PA YIN NO, ,DZ'A TI GLA SGANG SKYU RU RA, ,BYI TSER BSKOL BA DE 'DRAR PHAN, ,ZHES BYA BA LA, DZ'A TI LA SOGS PA SMAN BZHI PO BSKOL TE BSGRANGS PA 'THUNGS PA YANG SNGA MA DANG 'DRA BAR RIMS THAMS CAD SEL ZHING PHAN PAR 'GYUR RO, ,BSHANG 'GAGS RGUN 'BRU PU TZE SHEL, ,KYI LCE BU RAM 'BRAS BU GSUM, ,ZHES BYA BA LA, RIMS NAD CAN GANG BSHANG BA 'GAGS PA'I NAD KYIS BTAB NA DE LA NI RGUN 'BRU LA SOGS PA'I SMAN BSKOL TE BLUD PAR BYA'O, ,BSKOL BA 'DI LA BU RAM NI SRANG GCIG TZAM DANG SBYAR BA'I CHU BTZAGS PA DANG SBYOR BAR BYED DO, ,SMAN ZHU NAS NI THUG PA SOGS, ,SPYAD BYA, ,ZHES BYA BA LA, SMAN ZHU ZHING SMIN PAR GYUR NAS THUG PA LA SOGS PA'I KHA ZAS SPYAD CING BSTEN PAR BYA'O, ,BAD KAN CAN GYIS MIN, ,BAD KAN GYIS BRLAN LUS LA NI, ,
, ,RDUL LA CHAR 'BAB 'PHEL BA LTAR, ,THUG PA YIS NI BAD KAN SKYED, ,CES BYA BA LA, BAD KAN DANG LDAN PA'I NAD PAS NI SMAN DE BLUD NAS ZHU BA'I RJES LA THUG PA NAS SOGS ZAS SU SPYAD PAR MI BYA STE, CI'I PHYIR ZHE NA, BAD KAN GYIS BRLAN CING BANGS PA'I RIMS NAD CAN GYI LUS DANG LDAN PA LA THUG PA BYIN NA BAD KAN SKYED CING 'PHEL BAR BYED DE, DPER NA SA RDUL GYI TSOGS 'PHEL BAR 'GYUR BA DANG 'DRA'O, ,DE'I PHYIR THOG MA NYID DU YANG, ,YU SHA RGYA SRAN TZA NA KA, ,SRAN MA SOGS BYAS YANG BA DANG, ,RTZUB CING RO KHA LDAN YID 'ONG, , YI GA 'BYED BYED G-YOS LEGS SBYIN, ,ZHES BYA BA LA, DE'I PHYIR BAD KAN DANG LDAN PA'I RIMS NAD CAN LA THOG MA STE DANG PO'I ZHAG DRUG PA NYID LA SMYUNG BA BYAS PA'I RTAGS DANG LDAN PA'I 'OG TU THUG PA SBYIN PA'I DUS NYID YIN DU ZIN KYANG, RGYA SRAN KU LANG+THA LA SOGS PA LAS BYAS PA'I YU SHA STE SRAN KHU YANG BA ZHES PA TSAD CHUNG NGUR BYAS PA RTZUB CING SNUM GYIS MA BTAB PA RO KHA BA DANG LDAN ZHING DES BSRES PA YID DU 'ONG ZHING SEMS DGA' BAR BYED PA, YI GA 'BYED PAR BYED CING ZAS LEN PAR BYED PA, G-YOS LEGS SHING LEGS PAR SBYAR BA SBYIN PAR BYA'O, ,S'A LU RTZA SNAR SOGS 'BRU RNYING, ,DRUG CU PA YANG RIMS LA PHAN, ,ZHES BYA BA LA, DE BZHIN DU S'A LU RTZA SNAR LA SOGS PA STE, 'BRAS SHUN PA DMAR ZHING NANG SHIN TU DKAR BA LA, RAKTA SH'A LI ZHES BYA BA LA SOGS PA SMOS PAS NI S'A LU DANG S'A LU CHEN PO DANG KA LA MA SH'A LI ZHES BYA BAR BSDU'O; ,DE DAG NI RIMS RNAMS LA SHIN TU PHAN PA YIN LA, DE BZHIN DU 'BRAS DRUG CU PA YANG RIMS LA PHAN PA YIN NO, ,BAD KAN SHAS CHER DE BZHIN NAS, ,PHUB MA MED BYAS CHAG TSE'I CHAN, ,ZHES BYA BA LA, BAD KAN SHAS CHE ZHING RGYAS PA'I RIMS LA NI NAS SO BA PHUB MA GRUGS PA CHAG TSER BYAS TE CHAN DU BTZOS PA PHAN NO, ,NAD DANG LUS ZUNGS STZOGS STOBS LAS, ,RIMS SEL SMAN KHUR BTZOS 'BRAS CHAN, ,LAN GNYIS LAN GSUM BTZAGS NAS NI, ,CI RIGS PAR NI SBYIN PAR BYA, ,ZHES BYA BA LA, 'BRAS DE DAG NI NAD DANG LUS
ZUNGS KYI CHA LAS LTOS TE SNGAR BSHAD MA THAG PA'I RIMS SEL BA'I SMAN BSKOL BA'I KHU BAS NAD DMIGS JI LTA BA BZHIN DU SMAN GYI KHU BAS 'BRAS CHAN BTZOS PA LAN GNYIS SAM LAN GSUM GYI BAR DU BKRUS SHING GZAGS TE, RIMS LA CI RIGS PAR SBYIN PAR BYA'O, ,MUNGGA SOGS DANG KU LANG+GA'I, ,YU SHA YANG BAS RIMS NAD 'JOMS, ,ZHES BYA BA LA, MUNGGA LA SOGS ZHES PA MUNGGA DANG, SRAN CHUNG DANG, TZA NA KA DANG, RGYA SRAN KU LANG+THA DANG, MUD KUN TA ZHES BYA BA'I SRAN MA LA SOGS PA LA YANG ZHING TSAD CHUNG BAR BYAS PA'I SRAN KHU YU SHAS KYANG RIMS NAD 'JOMS SHING SEL BAR 'GYUR RO, ,TSOD MA KA RA BE LA DANG, ,KAR KO TA DANG LA PHUG GZHON, ,PAR BA TA DANG BAR TA KA, ,NIM PA'I ME TOG PA TO LA'I, ,'BRAS BU DANG NI LO MA LAS, ,LEGS PAR G-YOS PA'I TSOD MA BSNGAGS, ,ZHES BYA BA LA, RIMS NAD LA TSOD MA NI KA RA B'I RA LA SOGS PA LAS BYAS PA'I TSOD MA PHAN NO, ,SHIN TU YANG BA'I SHA DANG NI, ,SKAM SA'I SROG CHAGS SHA KHU NI, ,KAndA KA RI PA RU SHA, ,AAGNI MANTHA RGUN 'BRU DANG, ,SKYU RU RA DANG SE'U 'BRU DANG, ,PI PI LING DANG BCA' SGA DANG, ,'U SU ZIR RGYAM TSAR BCAS; ,PHAL CHER KHA RA SBRANG RTZI CHER, ,LDAN PA'I G-YOS BYAS MA BYAS PA, ,ZHES BYA BA LA, SKAM NA GNAS PA'I SROG CHAGS DGO BA DANG, RI BONG DANG, SHA BKRA DANG SREG PA DANG, KA BIN DZA LA DANG, KU RUNG GA LA SOGS PA'I SHA KHU DAG RIMS NAD CAN LA PHAN NO, ,DE YANG KAndA KA RI LA SOGS PA DANG NAD DMIGS KYI TSUL JI LTA BA LAS SBYAR BA PHAL CHER LA KHA RA DKAR PO DANG SBRANG RTZI LA SOGS PA SHAS CHE ZHING MANG BA DANG LDAN PA'I G-YOS SU BYAS PA STE SNUM LA SOGS PA BTAB PA'AM, G-YOS SU MA BYAS PA STE SNUM LA SOGS PA MA BTAB PA SHA KHU BYAS TE, DE YANG BSDUS PA LAS, G-YOS BYAS MA BYAS DE DAG NI, ,SNUM SOGS BCAS DANG MED CES BYA, ,ZHES BSHAD PA YIN NO, ,MI SKYUR DAR BA BSKOL BA DANG, ,YI GAR 'ONG ZHING SLA BA DANG, ,LEGS PAR BSKOL BA'I TSOD MA PHAN, ,ZHES BYA BA LA,
, ,TSOD MA DE SHIN TU MI SMYUR BA'I DAR BA DANG BSKOL ZHING G-YOS PA DANG, YI GA 'BYED CING YI GAR 'ONG BA DANG, SLA ZHING DANG BA DANG, LEGS PAR BSKOL BA STE, MES TSOS PAR BTZOS NA PHAN PA'O, ,DE NI BTUNG BA'I PHYIR YANG SBYIN, ,CHU BSKOL BSGRANGS PAR GYUR PA DANG; ,GOMS PAR GYUR PA'I DBANG LAS NI, ,CHANG YANG BLUD PAR BYA BA YIN, ,ZHES BYA BA LA, TSOD MA'I KHU BA DE BTUNG BA'I PHYIR RAM, DON DU YANG SBYAR BAR BYA'O, ,DE BZHIN DU CHU BSKOL TE BSGRANGS PA GANG YIN PA YANG BTUNG BA STE 'TSAL NAN DU SBYIN PAR BYA BA DANG, GOMS SHING RJES SU MTHUN PA'I DBANG DU BYAS NAS, CHANG DAG KYANG BTUNG BA'I DON DU BLUD CING SBYIN PAR BYA'O, ,RIMS DANG BCAS PA'AM RIMS BRAL BA, ,DGONGS KA KHA ZAS YANG BA SBYIN, ,DE TSE BAD KAN ME DROD 'PHEL, ,KHONG PA'I ME DROD STOBS DANG LDAN, ,ZHES BYA BA LA, RIMS DANG BCAS SHING RIMS KYI SHUGS YOD PA'AM, RIMS DANG BRAL ZHING RTZE LEGS PAR ZHI BA DAG LA DGONGS KA STE, NYI MA'I DUS SU'ANG SBYIN PAR BYA, ,NYI MA NUB PA'I MTHAR KHA ZAS YANG BA SBYIN PAR BYA STE, CI'I PHYIR ZHE NA, DE'I TSE BAD KAN MED CING ZAD PAS ME DROD RNAM PAR 'PHEL ZHING RGYAS PAR 'GYUR TE, KHONG PA'I PHO BA'I ME DROD STOBS DANG LDAN ZHING NUS PA YIN PA'I PHYIR RO, ,YANG NA YUL GOMS DBANG LAS NI, ,CI RIGS DUS SU'ANG SBYIN PAR BYA, ,ZHES BYA BA LA, YANG NA CI RIGS SHING JI LTAR 'TSAM PA'I DUS SU ZAS SBYIN PAR BYA LA, DE YANG YUL GYI GOMS PA'I DBANG DU BYAS NAS, GANG GI ZAS DUS GANG YIN PA DE YANG SBYIN DU RUNG NGO, ,ME DROD CHUNG LA SNGAR ZOS NA, ,ZAS MA ZHU BAS GZIR BAR 'GYUR, ,ZHES BYA BA LA, CI'I PHYIR DGONGS KA ZAS SBYIN ZHE NA, GANG GI PHYIR NANG PAR GYI DUS SU ME DROD STOBS CHUNG ZHING ZHAN PAS, NYI MA'I CHA DANG PO LA SNGAR ZAN ZOS NA ZAN MA ZHU BAS NAD PA DE GZIR ZHING GNON PAR 'GYUR RO, ,SMAN BSKOL KHU BA PHAN ZAS KYIS, ,ZHAG BCU'I BAR DU SMYUNG BA BYA, ,BAD KAN BRI NAS RLUNG MKHRIS NI, ,SHAS CHE'I RIMS LA ZHUN MAR SBYIN, ,ZHES BYA BA LA,
GLA SGANG DANG PAR PA TA LA SOGS PA SMAN BSKOL BA'I KHU BA DANG, DE BZHIN DU PHAN PA'I ZAS THUG PA DANG, YU SHA LA SOGS PAS DANG PO RIMS KYIS BTAB PA'I ZHAG BCU 'DAS PAR BYA ZHING, TSUL 'DIS SMYUNG BA BYAS PAR GYUR NAS, ,SMYUNG BA'I RIM PAS BAD KAN BRI ZHING CHUNG BAR GYUR LA, RLUNG DANG MKHRIS PA LHAG PAR SHAS CHE ZHING SMYUNG BA NYID KYIS DE GNYIS 'PHEL BAR GYUR NAS DE'I ZHUN MAR SBYIN PAR BYA'O, ,NAD SMIN PA LA BDUD RTZI YIN, ,GZHAN DU DE NI DUG DANG MTSUNGS, ,ZHAG BCU 'DAS PAR GYUR KYANG NI, ,RIMS KYI BLA BRNAN 'PHEL BAR BYED; ,CES BYA BA LA, ZHUN MAR DE YANG RIMS KYI NAD SMIN CING MA SMIN PA'I SKYON DANG BRAL BA LA BLUD NA NI BDUD RTZI DANG 'DRA BAR PHAN PA YIN NO, ,DE LAS GZHAN DU RIMS NAD MA SMIN ZHING BAD KAN DANG MKHRIS PA SHAS CHE BA'I RIMS LA MAR GSAR DE BYIN PA NI DUG DANG MTSUNGS PAR GNOD PAR BYED PA YIN TE, ZHAG BCU 'DAS SU ZIN KYANG NAD MA SMIN PA DANG RLUNG SHAS MED PA LA BYIN PAS NI RIMS KYI BLA BRNAN JI SKAD SMOS PA'I LUD PA DANG, YI GA 'CHUS PA LA SOGS PA RNAMS 'PHEL ZHING RGYAS PAR BYED PA YIN NO, ,DE LTA BAS NA MA SMIN PA'I GNAS SKABS DER MAR BYIN NA NI RIMS DANG DE'I BLA BRNAN 'PHEL BAR BYED PA NYID YIN NO, ,DE LA SMYUNG BA LA SOGS RIMS, ,BAD KAN ZAD KYI BAR DU BYA, ,ZHES BYA BA LA, DE LA RIMS BAD KAN GYI SHAS CHE BA LA NI SNGAR BSHAD PA'I TSUL DU SMYUNG BA LA SOGS PA'I RIMS PHA ROL KHA BA DANG LDAN PA'I BAR GYI SBYOR BA BYA LA, DE YANG BAD KAN ZAD KYI BAR DU BYA STE, RIMS SKYED PAR BYED PA'I BAD KAN RGYAS PAS DUS JI SRID KYIS ZAD PAR GYUR PA DE SRID KYI BAR DU SMYUNG BA BYA'O, ,LUS DANG LUS ZUNGS STOBS ZHAN PAS, ,RIMS RNYING DU YANG 'GYUR BA YIN, ,ZHES BYA BA LA, LUS STOBS ZHAN PA NYID KYI PHYIR DANG, LUS ZUNGS STOBS ZHAN PA NYID KYI RGYUS RIMS RNYING PAR 'GYUR GYI, RANG GI RANG BZHIN GYIS NI MA YIN NO ZHES BYA BA'I DON GYIS STON PA YIN NO, ,ME DROD RTZUB PAS RIMS SKYED BYED, ,ME DROD RTZUB PAR GYUR PA LA, ,SGYUG SMAN DUGS DANG DUS DANG CHU, ,
, ,BSKOL DANG KHA ZAS SPANGS PA YIS, ,RLUNG GI KHAMS NI GROGS GYUR PAS, ,GANG ZHIG STOBS CHEN GYUR PA LA, ,DE YI ZHI BYED ZHUN MAR TE, ,KHANG PA 'BAR LA CHU BLUGS MTSUNGS, ,ZHES BYA BA LA, GANG GI PHYIR ME DROD RTZUB MO SMIN PAR BYED PA'I ME DROD CES BYA BA'I MKHRIS PA GANG YIN PA DE GSHER BA DANG BRAL BAS ME DROD NYID DU GYUR PAS RTZUB PA YIN LA, ME DROD RIMS SKYED PAR BYED PA RTZUB PAR GYUR PAS NAD PA YANG RTZUB PAR BYED CING, SKYUG SMAN LA SOGS PAS NYAMS SMAD CING SMYUNG BA BYAS BA'I GSO BAS RTZUB POR BYAS PA DANG, GANG RLUNG GI RANG BZHIN RTAG TU RGYU ZHING 'GRO BAR BYED PAS GROGS DANG GSOS BTAB PAS RLUNG GI KHAMS GANG YIN PA DE STOBS CHEN POR GYUR PA LA DE ZHI BAR BYA BA'I THABS NI ZHUN MAR BLUD PA YIN TE, JI LTAR KHANG PA 'BAR BAR GYUR PA LA CHU BLUGS PAS ZHI BAR GYUR PA DANG MTSUNGS SO, , RLUNG MKHRIS SEL BA'I MCHOG TU NI, ,SBYOR BA'I DBANG LAS GYUR PAS NA, ,DE PHYIR RANG GI SMAN DANG NI, ,JI BZHIN BSKOL BA DE LA SBYIN, ,ZHES BYA BA LA, ZHUN MAR DE YANG RLUNG DANG MKHRIS PA SEL BA'I MCHOG YIN LA, DE YANG SBYOR BA'I DBANG LAS MCHOG TU GYUR PA'AM, ,YANG NA BDAG NYID MCHOG YIN PA'I STENG DU SMAN GYI SBYOR BA BYAS PA DANG RJES SU MTHUN ZHING RANG GI MTSAN NYID KYI NUS PA 'PHEL BA DANG, SBYOR BA GZHAN DANG RJES SU MTHUN PAR BYED DE, SBYOR BA GANG DANG 'DRES PA DE DANG LHAN CIG RANG GI BYA BA BYED DO, ,DE YANG DRANG SRONG TZA RA KAS, JI LTAR ZHUN MAR DANG 'DRA BAR, ,SNUM GZHAN DAG NI GANG YANG RUNG, ,SBYOR BA'I RJES SU MTHUN PA YIN, ,DE BAS ZHUN MAR SNUM KUN MCHOG, ,CES BSHAD PA YIN NO, ,DE LTAR NA ZHUN MAR NI SBYOR BA DANG RJES SU MTHUN PA YIN PAS, DE'I PHYIR ZHUN MAR DE NAD GANG YIN PA DE'I GNYEN POR GYUR PA'I RANG GI SMAN DANG SBYOR BA JI LTA BA BZHIN DU BSKOL BA'I RIMS RNYING PAR GYUR PA LA BSKOL BAR BYA'O, ,RIMS DRO MI MTHUN PAS SEL LA, ,BSIL BAS MKHRIS BA'ANG SEL BAR BYED, ,SNUM PAS RLUNG SEL BAD KAN MAR, ,MTSUNGS KYANG SBYOR DANG G-YOS PAS SEL, ,ZHES BYA BA
LA; RIMS KYI MTSAN NYID DANG MAR GYI MTSAN NYID MI MTHUN PA RTZUB PA DANG, DRO BA GANG YIN PA DE MAR GYI BSIL BA'I YON TAN SNUM BA DANG, BSIL BAS SEL BAR BYED LA, MKHRIS PA'I RNAM BA NI MAR GYI BSIL BA'I YON TAN GYIS SEL BAR BYED KYI, SNUM PA'I YON TAN GYIS SEL BAR MI BYED DE, MKHRIS PA NI SNUM PA DANG BCAS PA YIN NO, ,ZHES BSHAD PA YIN NO, ,DE BZHIN DU RLUNG NI MAR GYI SNUM BAS SEL BA YIN GYI, BSIL BAS SEL BA MA YIN GYI, ,RLUNG GI RANG BZHIN BSIL BA YIN NO, ,ZHES BSHAD PA YIN NO, ,SNUM PA DANG BSIL PA LA SOGS PA'I YON TAN GYI TSOGS KYIS BAD KAN DANG MAR YON TAN MNYAM PA YIN DU ZIN KYANG, SBYOR BA DANG G-YOS SU BYAS PA'I DBANG LAS BAD KAN SEL BAR BYED DE, DE LA SBYOR BA NI BAD KAN 'JOMS PAR BYED PA'I SMAN DANG LHAN CIG SBYOR BA'O, ,G-YOS SU BYAS PA NI, CI NAS KYANG BAD KAN 'JOMS PAR BYED PA'I YON TAN 'BYUNG ZHING SKYED PA'I TSUL DU G-YOS PA'O, ,SNGAR GYI SMAN KHU MAR BCAS PA, ,THAMS CAD NAD DMIGS JI BZHIN GTANG, ,ZHES BYA BA LA, RGYU DE BAS NA GLA SGANG DANG PAR PA TA LA SOGS PA RIMS KYI SMAN SNGAR JI SKAD BSTAN PA'I KHU BA DANG MAR DU BSKOL BA DE THAMS CAD NAD DMIGS JI LTA BA'I TSUL LAS RJES SU DPAG STE GTANG ZHING SBYIN PAR BYA'O, ,'BRAS BU GSUM DANG NIM PA'I SHUN, ,SHING MNGAR BRI HA TI GNYIS DANG, ,SRAN CHUNG 'O MAR BCAS BSKOL BA, ,MAR LDAN RIMS DANG LUD PA 'JOMS, , ZHES BYA BA LA, 'BRAS BU GSUM DANG NIM PA'I SHUN LPAGS LA SOGS PA'I SMAN SRAN CHUNG GI LO MA DANG BCAS PA BSKOL TE, SMAN KHU'I SBYOR BA BYAS BA DANG MAR DANG BCAS PA NI RIMS DANG LUD BA 'JOMS PA YIN NO, ,'DIR YANG SMAN PA RGAN PO MKHAS PA RNAMS NI 'BRAS BU GSUM LA SOGS PA'I SMAN SPYIR SRANG GCIG ,SRAN CHUNG GI LO MA SRANG GCIG ,MAR SRANG PHYED DANG SBYAR TE STER BAR BYED DO, ,BRI HA TI GNYIS NI KAndA KA RI DANG, BRI HA TI STE GNYIS SO, ,PI PI LING DANG TIG TA DUG MO YUNGS, ,KAndA KA RI PU TZE SHEL THAL TRES, ,TA MA LA KA SKYU RU RA
, ,BIL BA; ,GLA SGANG TZANDAN KYI LCE PU SHEL TZE, ,RGUN 'BRU BONG NGA SA LA PARnI DANG, ,BSKOL BA'I MAR GYIS RIMS KYI NAD DANG NI, ,ME DROD MI SNYOMS HA LI SA KA DANG, ,YI GA 'CHUS DANG MI BZAD TSA BA DANG, ,SNYOM PA'I NAD DANG RTZIB LOGS NA BA DANG, ,MGO NAD SLON NI MYUR DU 'JOMS PAR BYED, ,CES BYA BA LA, PI PI LING LA SOGS PA'I SMAN BTAGS PA'I LDE GU MAR GYI BZHI CHA DANG, CHU MAR GYI BZHI 'GYUR DANG BSKOL BA'I SMAN MAR GYIS NI RIMS LA SOGS PA'I NAD SEL BAR BYED LA, ME DROD MI SNYOMS PA NI RLUNG GIS ME DROD MI MNYAM PAR BYAS PA LUS KYI GNAS KYI SKABS SU BSTAN PA'O, ,HA LI SA KA NI SKYA RBAB KYI NAD KYI SKABS SU RLUNG DANG MKHRIS PA ZHES BYA BA LA SOGS PA'I GZHUNG GIS BSHAD PA YIN NO, ,GZHAN NI GO BAR ZAD DO, ,SMAN MAR BSKOL BA'I TSAD NI LDE GU DANG MAR BZHI 'GYUR DU BYAS TE, SMAN MAR BSKOL BA'I TSAD BSHAD PA SMAN LAS MAR NI BZHI 'GYUR ZHES BSHAD PA'I TSUL GYIS SBYAR BAR BYA'O, ,DE NAS SMAN GYI LDE GU'I BZHI 'GYUR GYI MAR BSKOL LA, 'DIR CHU MA SMOS SU ZIN KYANG, MAR GYI BZHI 'GYUR DU BYA BA DANG THAMS CAD DU BSKOL BAR BYA'O, , DE BZHIN DU SMAN BTAGS PA'I CHU DANG SBRUS PA LA SNUM NYI TSE DANG BSKOL BA CHU MED PAR BYA'O, ,GANG DU TSAD NI MA SMOS PA, ,DER NI SMAN RNAMS CHA MNYAM BYA, ,ZHES SMOS PA'I TSIG 'DIS NI, TSAD KYI NGES PA MA SMOS PA 'DI DAG TU NI CHA MNYAM PAR SBYAR BAR KHONG DU CHUD PAR BYA'O, , GANG SBYOR BA NGES PAR MA SMOS PA DER NI LDE GU NYID BYA'I BSKOL BAR NI MI BYA'O, ,DES NA SMAN GYI LDE GU SRANG BRGYAD SBYAR LA MAR SRANG SUM CU RTZA GNYIS DANG SBYAR TE, CHU SRANG BRGYA NYI SHU RTZA BRGYAD DANG BSKOL BAR BYA'O, ,DE BZHIN DU, RLON PA NYIS 'GYUR GZHUG PAR BYA, ,ZHES BYA BA LA SOGS PA YANG 'DIR SHES PAR BYA STE, 'DI DAG TSAD MA SMOS PA'I SMAN MAR THAMS CAD LA 'DI LTAR BYA BA YIN PAR SHES PAR BYA'O, ,TAM LA KA NI PA HU PA TRA DANG AA DZA DRA ZHES BYA'O, ,SA LA PARnI SMAN STHI RA ZHES BYA'O, ,DUR BYID MA GTOGS SENG PHROM MA SOGS BSKOL MAR, ,
RLUNG LAS GYUR PA'I RIMS LA BSNGAGS PA YIN, ,ZHES BYA BA LA, RLUNG LAS GYUR PA'I RIMS LA NI SENG PHROM LA SOGS PA'I SMAN MAR RLUNG NAD GSO BA'I SKABS SENG PHROM SRANG BRGYAD CES BYA BA LA SOGS PA GZHUNG GIS BSTAN PA'I SMAN MAR LAS DER SMOS PA'I NANG NAS DUR BYID MA GTOGS PA'I SHING DE BTON TE, SMAN LHAG MA BSKOL BA'I MAR BLUD PA BSNGAGS PA YIN NO, ,MKHRIS PA'I RIMS LA BU TZE SHEL DUG MAR, ,KYI LCE BAR BSKOL SMAN MAR GANG YIN PHAN, ,ZHES BYA BA LA, MKHRIS PA LAS GYUR BA'I RIMS LA NI, PU TZE SHEL GYI SMAN MAR MDZE NAD GSO BA'I SKABS NAS BSHAD PA DANG, DUG GI SMAN MAR KHRAG MKHRIS GSO BA'I SKABS NAS BSHAD PA DANG, KYI LCE BA'I SMAN MAR KHONG 'BRAS GSO BA'I SKABS NAS BSHAD PA'I SMAN MAR GANG YIN PA DE DAG BLUD NA PHAN NO, ,BYI DANG GA DANG DBYI MONG KHA RU TSA, ,PA THA TSA BA GSUM DANG TZI TRA KA ,LCE MYANG TSA DANG NAS TSIG 'KHUS THAL BA, ,'DI RNAMS CHA NI SRANG RER BYAS PA DANG, ,MAR DANG 'O MA CHA NI MNYAM BYAS PA, ,BRE GANG BSKOL BAS BAD KAN RIMS RNYING 'JOMS, ,ZHES BYA BA LA, BYI DANG GA LA SOGS PA'I SMAN BCU PO CHA SRANG RER BYAS PA SRANG BCU DANG; MAR BRE GANG STE, SRANG SUM CU RTZA GNYIS DANG, 'O MA YANG BRE GANG STE SRANG SUM CU RTZA GNYIS DANG BCAS PAR BSKOL BA'I SMAN MAR NI BAD KAN LA SOGS PA'I RIMS RNYING PA 'JOMS PA YIN NO, ,'DIR CHU MA SMOS SU ZIN KYANG BRE GSUM GZHUG PAR BYA STE, DE LTAR NA 'O MA DANG CHU SPYIR BSDUS NA MAR GYI BZHI 'GYUR DU 'GYUR TE, CHU MED PAR 'O MA 'BA' ZHIG GIS SMAN GYI BZHI 'GYUR 'BYIN PAR MI NUS TE, DE YANG BSDUS PA LAS, 'O MA LA SOGS BCAS BSKOL SMAN, ,KHU BA LEGS PAR THON MI 'GYUR, ,ZHES SMOS PAS NA SMAN PA MKHAS PA'I MAN NGAG GI RJES SU 'BRANGS NAS CHUS BSKOL BA'I SNGON DU 'GRO BA DANG, 'O MA LA SOGS PAS BSKOL BAR BYA'O, ,SLE TRES KHU BA LDE GU DANG, ,BA SHA KA DANG 'BRAS BU GSUM, ,RGUN 'BRU DANG NI BA LA DANG, ,BSKOL BA'I SMAN MAR RIMS NAD 'JOMS, ,ZHES BYA BA LA, SLE
, ,TRES KYI KHU BA MAR GYI BZHI 'GYUR GZHUG PAR BYA ZHING, DE BZHIN DU CHU DANG BCAS PA'I LDE GU BYA NA YANG MAR GYI BZHI 'GYUR BYA'O, ,DE BZHIN DU BA SHA KA'I KHU BA DANG LDE GU DANG, 'BRAS BU GSUM GYI KHU BA DANG LDE GU DANG, BA LE'I KHU BA DANG LDE GU SO SOR MAR DANG BSKOL BA'I SMAN MAR NI RIMS NAD 'JOMS PAR BYED PA YIN TE, SMAN MAR 'DI DAG NI MAR KHO NA DANG SBYAR BAR BYA STE, DES NI RIMS LA PHAN PA YIN PA'I PHYIR DANG, ZHUN MAR GYI SKABS YIN PA'I PHYIR RO, ,MAR ZHU NAS NI SHA 'JAM KHU, ,KHA ZAS BCAS PA BZA' BAR BYA, ,DES NI STOBS RAB SKYED BYED CING, ,NAD NI SHIN TU ZAD BYED YIN, ,ZHES BYA BA LA, SNGAR SMOS PA'I SMAN MAR DE DAG GANG YANG RUNG BA BYIN NAS DE ZHU BAR GYUR CING LEGS PAR ZHU ZIN PA DANG, SHA 'JAM ZHING SNYI BA LAS BYAS PA'I SHA KHU YANG PA SBYIN PAR BYA STE, GANG GI PHYIR SHA KHU DES NI STOBS RAB TU SKYED CING 'BYUNG BAR BYED PA YIN LA, STOBS SKYED PAS NI NAD ZAD PAR BYED PA YIN NO, ,KA RA BE LA SOGS KHU DANG, ,MUNGGA BAD KAN MKHRIS 'JOMS PAS, ,PHAL CHER RLUNG SHAS CHE RIMS LA, ,GZER DANG BSHANG BA 'GAGS PA NI, ,SKYED CING RIMS NI 'PHEL BAR BYED, ,DE PHYIR DE NI BSNGAGS MA YIN, ,ZHES BYA BA LA, SMAN KAR BE LA LA SOGS BA'I BU BA GANG DAG YIN PA DE NI BAD KAN DANG MKHRIS PA SEL ZHING SHAS CHER RLUNG 'PHEL BAR BYED PA YIN PAS, DE'I PHYIR RIMS RNYING PA RLUNG GI SHAS CHE BA LA SBYIN PAR MI BYA STE, DE CI'I PHYIR ZHE NA, GZER LA SOGS PA 'PHEL BAR BYED PAS DE'I PHYIR BSNGAGS PA MA YIN NO, ,GAL TE DE LTAR BYAS KYANG NI, ,RIMS NI ZHI BAR MA GYUR NA, ,SBYANG 'OS LA NI SBYANG BAR BYA'O, ,ZHES BYA BA LA, DE LTAR RIM BZHIN DU BCOS SHING SMAN MAR BLUD DU ZIN KYANG GAL TE RIMS ZHI ZHING BYANG BAR MA GYUR NA, DE'I 'OG TU SBYANG BAR BYA BAR MI 'OS PA SBRUM MA DANG, KHONG RTZUB PA DANG, ME DROD CHUNG BA LA SOGS PA MA GTOGS PA SKYUG SMAN LA SOGS PAS SBYANG BAR BYA, SKYUG SMAN NAM 'KHRU SMAN GANG YIN PA BYA'O, ,DE LA SKYUG SMAN SNGAR BSHAD PA, ,MA ZHU BAR
NI GNAS NAD LA, ,STOBS CAN STOBS NI BSRUNG STE GTANG, ,ZHES BYA BA LA, RIMS NAD CAN DE LA SNGAR BSHAD PA'I SKYUG SMAN, PO SON CHA YI SNYING POR BCAS, ,ZHES BYA BA LA SOGS PAS LE'U 'DI NYID KYI NANG DU SNGAR BSTAN PA DAG BLUD PAR BYA LA, DE YANG MA ZHU BA'I GNAS LA GNAS SHING, DE LA BRTEN PA'I NAD PHAL CHER BAD KAN GYI SHAS CHE BA'I NAD LA GTANG BAR BYA LA, DE YANG NAD PA NYAMS STOBS DANG LDAN PA'I NYAMS STOBS DE MA NYAMS PAR BSRUNGS LA SMAN GTANG BAR BYA'O, ,SMIN ZHING NAD NI LHOD GYUR BA'AM, ,CHANG DANG DUG LAS BYUNG RIMS LA; ,SHA MA DUR BYID 'BRAS BU GSUM, ,PI PI LING DANG GE SAR DANG, ,YANG NA TSA BA GSUM SOGS SMAN, ,KHA RA SBRANG RTZIR BCAS PA SBYIN, ,ZHES BYA BA LA, NAD SMIN CING MA ZHU BA MED PA DANG, LHOD CING GNAS LAS G-YOS PAR GYUR PA'AM, YANG NA CHANG NAD DANG DRUG LAS GYUR PA'I RIMS LA, SHA MA DUR BYID LA SOGS PA'I PHYE MA LAS SBRUS PA'I BKRU SMAN SBYIN PAR BYA'O, ,YANG NA TSA BA GSUM LA SOGS PA'I SMAN CHO GA GRUB PA LAS, TSA GSUM DRI BZANG GSUM GLA SGANG, ,ZHES BYA BA LA SOGS BAS BSHAD PA'I SMAN SBRANG RTZI DANG KHA RA DANG BCAS PA SBYIN PAR BYA'O, ,DE BZHIN DU, RGUN 'BRU SKYU RU RA'I KHU BA, ,AA RU RA NI RGUN CHUR BCAS, ,ZHES BYA BA LA, YANG DE BZHIN DU BKRU SMAN GYI PHYIR RGUN 'BRU'I KHU BA DANG, SKYU RU RA'I KHU BA BLUD PA'AM, AA RU RA'I PHYE MA RGUN CHU'I NANG DU BTAB STE BLUD PAR BYA'O, ,DONG GA 'O MAR BCAS PA'AM, ,RGUN CHU DANG NI BCAS PA BLUD, ,CES BYA BA LA, YANG NA DONG GA DANG 'O MAR SBYAR BA'AM, RGUN CHU DANG DONG GAR SBYAR BA'I BKRU SMAN BLUD PAR BYA'O, ,'BRAS BU GSUM MAM KYI LCE BA, ,'O MA RIMS DANG LDAN PAS BTUNG, ,ZHES BYA BA LA, YANG RIMS DANG LDAN PA'I MIS 'BRAS BU GSUM DANG 'O MA SBYAR BA'AM, KYI LCE BA DANG 'O MAR SBYAR BA BTUNG BAR BYA'O, ,BKRU SMAN BTANG BA'I SKABS SU YANG, ,THUG SLA LA SOGS RIM BZHIN BLUD, ,CES BYA BA LA, BKRU SMAN BTANG BA'I SKABS SU YANG ZHES BYA BA'I YANG GI SGRAS
, ,SKYUG SMAN BTANG BA'I SKABS SU YANG THUG PA SLA BA LA SOGS PA SBYIN PAR BYA STE, DE YANG DANG POR 'BRAS THUG SLA PA RKYANG RKYANG POR BYIN NAS, DE'I 'OG TU THUG PA DANG THUG PA GAR PO LA SOGS PA RIM PA JI LTA BA BZHIN DU SBYIN PAR BYA'O, ,RIM GYIS DRI MA GLONGS G-YOS TSE; ,DE LA RTAG TU DGAG MI BYA, ,NAD NI KHONG PAR GNAS SNYEG NAS, ,SMIN KYANG GNOD PA SKYED PAR 'GYUR, ,ZHES BYA BA LA, RIMS KYI TSA BA LA SOGS PAS NAD GLONGS SHING BSKYOD PAS STOD DANG SMAD DU G-YOS SHING BSKYOD NAS RIM GYIS BSHAD BA ZHES BYA BA'I DRI MA 'BYUNG BAR BYED PA DE LA RTAG TU DGAG CING BRNAG PAR MI BYA STE, GANG GI PHYIR NAD SMIN PAR GYUR KYANG ZHES BYA BA'I SGRAS MA SMIN PA LTA SMOS KYANG CI DGOS TE, DE DAG BKAG PAR GYUR NA KHONG PA ZHES BYA BA LUS KYI PHYOGS SU GNAS SNYEG CING 'DUG PA'I SKABS RNYED BAS DES NGES PAR NAD KYIS GNOD PA SKYED PAR 'GYUR RO, ,SHIN TU TSABS CHER BYUNG GYUR NA, ,SMIN NAS GCAD PAR BYA BA YIN, ,ZHES BYA BA LA, YANG NA BSHANG BA TSABS CHER 'BYUNG BA'I NAD DE SHIN TU TSABS CHER BYUNG BAR GYUR NA MA SMIN PA SMIN PAR BYAS NAS, BCAD CING DGAG PA'I NYES PA BYA'O, ,MA SMIN BKAG PA'I NYES PA NI, ,NAD BCOS THABS SU BSHAD PA YIN, ,ZHES BYA BA LA, 'KHRU BAM SMIN PA RANG NYID 'BYUNG BAR GYUR PA BKAG CING BCAD PA LAS, NAD KYI NYES PA GANG DAG BYUNG BA DE NI NAD GSO BA'I LE'U'I SKABS SU BSHAD PA YIN TE, DE YANG DE LAS, STENG NGAM 'OG TU 'BYUNG BAR RTZOM, ,NAD NI RANG NYID BYUNG BA NA, ,SMAN NI NAD KYIS MI DGAG STE, ,BKAG NA DE NYID NAD SKYED 'GYUR, ,ZHES BSHAD PA YIN NO, ,GANG ZHIG RMONGS PAS MA SMIN PA'I, ,RIMS LA NAD 'BYIN SMAN GTONG BA, ,DE NI SBRUL NAG GNYID LOG LA, , LAG PA'I RTZE MOS REG DANG MTSUNGS, ,ZHES BYA BA LA, SMAN PA GANG ZHIG RMONGS SHING MI SHES PAS NAD MA SMIN PA'I RIMS LA NAD 'BYIN PA'I SMAN BKRU SMAN GYI RNAM PA GTONG ZHING LDUD PAR BYED NA, SMAN PA DE NI BDAG NYID PHUNG KROL BSKYED PA YIN TE, DPER NA SBRUL NAG PO
NYID KYIS GNYID LOG PAR GNAS PA LA, LAG PA'I RTZE MOS REG NA DE SAD NAS MA RUNGS PAR BYED PA DANG MTSUNGS SO, ,RIMS ZAD PA LA SLON SMAN DANG, ,BKRU SMAN PHAN PA MA YIN TE, ,DE LA 'AM DAG GIS NI, ,MAS GTONG BAS NI NAD BSAL BYA, ,ZHES BYA BA LA, RIMS KYIS NYAMS ZAD PAR GYUR PA'AM, RIMS ZAD PA'I MI LA SLON SMAN DANG BKRU SMAN GTANG BA DAG PHAN PA MA YIN TE, BKRU SMAN GYIS BCOS DGOS PA'I GNAS SKABS LA BAB NA DE LA 'O MA MAS GTONG BA'I NI RU HA'AM, 'JAM RTZI MAS GTONG PAS NAD BSAL BAR BYA'O, ,'O MA LA GOMS BAD KAN ZAD; ,LUS TSA SKOM DAD GNYIS YOD NA, ,RLUNG DANG MKHRIS PAS NYEN PA NI, ,TSAD PAR 'KHRU YANG 'O MA PHAN, ,ZHES BYA BA LA, NAD PA 'O MA LA GOMS SHING DE SBYIN PAR 'OS PA DANG, KHYAD PAR DU BAD KAN ZAD CING BYANG BA GANG YIN PA DE LA LUS TSA BA DANG SKOM DAD KYI NAD GNYIS YOD PA DANG, DE BZHIN DU RLUNG DANG MKHRIS PAS NYEN PAR GYUR NA DE LA 'O MA BLUD NA PHAN TE, DE NI GAL TE TSAD PAR 'KHRU BA'I NAD YOD PA LA YANG PHAN NA, GZHAN LTA SMOS KYANG CI DGOS, ,DE LUS SMYUNG BAS GDUNGS PA DAG, ,MES TSIG PA YI NAGS LA NI, ,CHAR CHU 'BABS PAS SKYED PA LTAR; ,RIMS NI MYUR DU SEL BAR BYED, ,CES BYA BA LA, 'O MA DES LUS SMYUNG BAS GDUNGS SHING LEN PAR GYUR PA DAG MYUR DU 'TSO ZHING BRTAS PAR BYED DE, DPER NA MES TSIG CING BSREGS PA'I NAGS LA CHAR PA'I CHU 'BAB PAS SKYED CING SLAR MYU GU SKRUN PAR BYED PA DANG 'DRA BAR 'O MA BLUD PAR 'OS PA'I NAD PA RIMS KYIS LUS ZAD PAR BYAS PA LA, 'O MA BLUD NA NI RIMS DE MYUR DU SEL ZHING 'JOMS PAR BYED DO, ,DE BAS 'O MA SBYAR TE BSKOL, ,DRO BA'AM BSGRANGS PA'AM BZHOS MA THAG, ,DUS KYI DBYE BA SHES TE SBYIN, ,DE LAS GZHAN DU RIMS CAN GSOD; ,CES BYA BA LA, DE BAS 'O MA DE NI RDZAS GZHAN DANG SBYAR TE BSKOL BA DRO BA'AM BSGRANGS PA, YANG NA BZHOS MA THAG GANG YIN PA DE JI LTAR 'OS SHING RIGS PA DANG DUS KYI DBYE BA SHES SHING BRTAGS PA BYAS LA, DE LTA BU'I TSUL GYIS SBYIN PAR 'OS PA'I YUL LA SBYIN PAR
, ,BYA'I; DE LAS GZHAN DU DE DANG MI 'TSAM ZHING GNOD BAR 'GYUR BA'I PHYIN CI LOG GI YUL LA 'O MA BLUD PAR GYUR NA, RIMS NAD CAN GYI NAD PA DE GSOD PAR 'GYUR RO, ,'O MA BCA' SGA 'BRA GOR BCAS, ,RGUN 'BRU KHA RA MAR LDAN PAR, ,BSKOL TE BSGRANGS PAR SBRANG RTZI BTAB, ,SKOM DAD LUS TSA RIMS 'JOMS BYED, ,CES BYA BA LA, 'O MA BCA' SGA LA SOGS PA DANG BSKOL ZHING BTZOS TE BSGRANGS PAR SBRANG RTZI BTAB PA NI SKOM DAD LA SOGS PA 'JOMS PAR BYED PA YIN NO, ,DE BZHIN PA LA RGUN SHING MNGAR, ,TZANDAN THAL TRES PI PI LING; ,ZHES BYA BA LA, SNGAR BSHAD PA'I 'O MA DE DANG 'DRA BA YIN PAS DE BZHIN TE, BA LA DANG RGUN 'BRU LA SOGS PA DANG BSKOL BA'I 'O MA BSGRANGS PA SBRANG RTZI BTAB PAS NI SKOM DAD LA SOGS PA 'JOMS PAR BYED PA YIN NO, ,'O MA'I BZHI 'GYUR CHUR BSKOL BA'AM, , PI PI LING DANG BSKOL BA NI, ,RIMS KYIS BTAB PAS 'THUNGS NA NI, ,KLAD GZER LUD PA DBUGS MI BDE, ,RTZIB LOGS GZER RIMS RNYING LAS THAR, ,RTZA BA LNGA BSKOL DE DANG 'DRA, ,ZHES BYA BA LA, YANG BRTAG PA GZHAN DU NA 'O MA'I BZHI 'GYUR GYI CHU'I NANG DU BSKOL NAS GDUS PA'I 'O MA BTUNG BA'AM, PI PI LING DANG BSKOL BA'I 'O MA BTUNG BAR BYA STE, 'O MA DE 'THUNGS NA RIMS NAD CAN DE KLAD GZER LA SOGS PA LAS THAR BUR 'GYUR RO, ,DE BZHIN DU RTZA BA LNGA DANG BSKOL BA'I 'O MA SMAN PA MKHAS PA'I LUNG BZHIN DU 'THUNGS NA YANG KLAD PA GZER BA LA SOGS PA LAS THAR BAR 'GYUR RO, ,YANG NA RTZA BA CHEN PO LNGA DANG BSKOL BA'I 'O MA 'THUNGS NA YANG YON TAN DE DANG 'DRA BA YIN NO, ,RIMS RNYING PA NI RING ZHIG TU GNAS PA'I RIMS LA BYA'O, ,AE RAndA'I RTZA BSKOL BA'AM, ,BIL BA GZHON NU DANG BSKOL BA'AM, , BZHOS MA THAG GI 'O MA 'THUNGS, ,RLUNG GI RIMS KYIS PHYI SA 'GAGS, ,KHRAG BCAS SBYIN BAG TSAD 'KHRU DANG, ,SKOM DAD GZER BCAS 'KHRU LAS THAR, ,ZHES BYA BA LA, YANG NA 'O MA AE RAndA'I RTZA BA DANG BSKOL BA'AM, BIL BA GZHON NU DANG LHAN CIG BSKOL BA'AM, ,
BZHOS MA THAG PA'I 'O MA 'THUNGS NA MI DE RIMS LAS THAR BAR 'GYUR BA DANG, YANG RLUNG GI RIMS KYIS PHYI SA 'GAGS SHING SRI BAR GYUR PA DE LAS THAR BA DANG, DE BZHIN RIMS GANG KHRAG DANG BCAS PA'I SBYIN BAG NAL NAL BOR 'KHRU BA DANG, DE BZHIN DU TSAD BAR 'KHRU BA DANG, DE BZHIN DU SKOM DAD LA SOGS PA DANG BCAS PA'I 'KHRU BA LAS KYANG THAR BAR 'GYUR RO, ,BCA' SGA BA LA BYA GRI DANG, ,GZE MA BU RAM 'O MAR BTZOS, ,BSKOL 'THUNGS SKRANGS BSHAD GCIN DANG 'PHYEN, ,'GAGS DANG RIMS DANG LUD PA 'JOMS, ,ZHES BYA BA LA, DE BZHIN DU BCA' SGA LA SOGS PA DANG BSKOL BA'I 'O MA 'THUNGS NA YANG RIMS NAD CAN GYI SKRANGS PA LA SOGS PA'I NAD 'JOMS PAR 'GYUR RO, ,BRI SHTZI BA DANG BIL BA DANG, ,BAR SHA BHU DANG BSKOL BA YIS, ,RIMS KYI SKRANGS NAD SEL BA YIN, ,ZHES BYA BA LA, BRISHTZI BA LA SOGS PA DANG BSKOL BA'I 'O MA 'THUNGS NA YANG RIMS LAS GYUR PA'I SKRANGS NAD SEL ZHING 'JOMS PA YIN NO, ,DE LA BRI SHTZI BA DANG BAR SHA BHU GNYIS KA YANG BU NA RNA BA YIN TE, BRI SHTZI BA NI PU NA RNA BA RTZA BA NI PU NA RNA BA RTZA BA DKAR BA CAN LA BYA'O, ,BAR SHA BHU NI PU NA RNA BA ME TOG DMAR PO CAN LA BYA STE, MING GI RNAM GRANGS GZHAN DU NA SI NI NA TI KA ZHES BYA'O, ,SHING SHA PA YI SNYING PO DANG, ,'O MA DAG TU BSKOL BA NI, ,RIMS NI MYUR DU 'JOMS BYED YIN, ,ZHES BYA BA LA, SHING SHA PA'I SNYING PO NI NANG GI SNYING PO'I SRA BA LA BYA STE, SNYING PO DE DANG 'O MAR BSKOL BA 'THUNGS NA RIMS MYUR DU 'JOMS PAR BYED PA YIN NO, ,'DIR SMAN RNAMS KYI TSAD DANG CHU'I TSAD DANG BSKOL BA'I LHAG MA LUS PA'I TSAD DANG 'O MA'I TSAD NI SMAN PA RGAN PO MKHAS PA'I KUN TU SPYOD PA'I LUNG DANG RIGS PA DANG, SMAN DPYAD KYI BSTAN BCOS KYI RTZA BA LAS BSHAD PA'I TSUL LA BRTEN NAS DPYAD PAR BYA STE, DES NA DANG POR SMAN GYI CHU DANG BSKOL BAR BYAS LA, CHU DE DANG NI 'O MAR BSKOL BAR BYAS PA NI RIGS PA YIN NO, ,'DIR CHU DANG SMAN GYI TSAD NI SMAN DPYAD GYI BSTAN BCOS KYI RJES SU 'BRANGS PAS BRTAG PAR BYA STE, DE YANG RGYUD GZHAN LAS, GANG DU ZAS SKOM
, ,SMAN RNAMS NI, ,SBYOR BA BYED PAR 'DOD PA DANG, ,NAS THUG SHA KHU YU SHA DANG, ,SHA KHU YANG DANG BTUNG BA SOGS, ,DER NI TSAD DAG SBYAR BYA BA, ,'JIG RTEN GRAGS LAS CI RIGS BYA, ,YANG NA JI TZAM RAN PA DANG, ,SHIN TU SMAN RAGS MI 'GYUR BYA; ,GANG DU ZAS DANG SKOM LA NI, ,KHYAB DRO DE TZAM SMAN GZHUG GO, ,DE LAS GZHAN DU NAS THUG SOGS, ,NYES PA SKYED PAR BYED PA YIN, ,ZHES BSHAD PA YIN NO, ,MKHAS PA RNAMS KYI BSTAN BCOS SHES PA DAG 'DI SKAD CES 'CHAD DE, 'DIR SMAN GYIS SHAS CHER KHYAB CING GRAGS PAR MI 'GYUR BA DE TZAM DU BZHAG PA NI RAN PA YIN NO ZHES 'CHAD DO, ,DE NAS CHU 'O MA'I CHIG 'GYUR RAM, NYIS 'GYUR RAM, SUM 'GYUR RAM, BZHI 'GYUR GYIS 'O MA'I LCI BA LA SOGS PA'I NUS PA DBRI ZHING BSKYED PAR BYA BA'I PHYIR, NAD DMIGS JI LTA BA LAS DPYAD DE 'O MA BSKOL BAR BYA'O, ,DE LA 'O MA BSKOL BA'I SBYOR BA'I KHROD DU SMAN GANG DAG SMOS PA DE DAG THAMS CAD CHUR BSKOL NAS, CHU DES 'O MA BSKOL BAR BYA BA MA YIN GYI, GZHAN DU NA MAR DANG 'O MA SHA KHA RA LA SOGS PA SMAN LA LA NI MA BSKOL BAR DE NYID DANG 'O MA BSRES LA 'O MA DE BSKOL BAR BYA STE, DE DAG NI 'O MA BSKOL BA'I CHO GA BSHAD PA YIN TE, ,DE LTAR 'O MA BSKOL BAR BYA'O ZHES 'CHAD DO, ,DE YANG 'DI LTAR, GLA SGANG 'O MAR BSKOL BA NI, ,NYI SHU 'O MA'I SUM 'GYUR CHUR, ,BSKOL TE 'O MA LUS PA BTUNG, ,MA ZHU NAD DANG BCAS PA 'JOMS, , ZHES BSHAD PA 'DI LA 'O MA NI DNGOS SU DGOS PA'I PHYIR DANG, SBYOR BA'I DBANG DU BYAS PA'I PHYIR GTZO BO YIN NO, ,DE BZHIN DU, SGOG SKYA SKAM PO 'BA' ZHIG NI, ,SRANG BZHI BTZOS PAR GYUR PA LA, ,'O MA CHU YI BRGYAD 'GYUR BYAS, ,'O MA LHAG MA LUS PA BTUNG, ,ZHES BSHAD PA YIN NO, ,NAD SMIN ZHU BA'I GNAS SONG LA, ,MAS GTONG DRAG POS ME STOBS SKYED, ,RIMS BRAL SEMS DGA' YI GA 'BYED, ,MYUR DU SKYED PAR BYED PA YIN, ,ZHES BYA BA LA, NAD SMIN PAR 'GYUR BA ZHU BA'I GNAS LTE BA MAN CHAD DU SONG ZHING PHYIN PA LA BKRU
SMAN DRAG PO DANG NI RU HA BTANG BAR GYUR NA ME'I DROD BSKYED PA DANG, LUS KYI NYAMS STOBS BSKYED PA DANG, RIMS DANG BRAL ZHING SEL BA DANG, SEMS DGA' ZHING RANGS PA DANG, YI GA 'BYED CING ZAS LEN PAR BYED DO, ,BKRU SMAN MKHRIS PA'AM BAD MKHRIS 'DRES, ,MKHRIS PA'I GNAS SU ZHUGS PA SEL, ,ZHES BYA BA LA, BKRU SMAN GYI SBYOR BA BTUNG BAS NI, MKHRIS PA'I NAD MKHRIS PA'I GNAS NA GNAS SHING BRTEN PA'AM, BAD KAN MKHRIS PA'I GNAS SU ZHUGS PA SEL BAR BYED DO, ,'JAM RTZIS NAD NI GSUM CHAR DAG ,ZHU BA'I GNAS LA BRTEN PA SEL, ,ZHES BYA BA LA, 'JAM RTZI BTANG BAS NI RLUNG LA SOGS PA'I NAD GSUM CHAR ZHU BA'I GNAS LTE BA MAN CHAD LA BRTEN PA SEL LO, ,'O MAS BAD KAN MKHRIS PA DAG ,MJUG TO RGYAB DANG RKED PA NA, ,ME DROD CHE LA RTUG 'GAGS PA, ,'JAM RTZI MAS GTONG SBYAR BAR BYA; ,ZHES BYA BA LA, RIMS KYI GNAS SKABS 'DIR 'O MAS BAD KAN DANG MKHRIS PA DANG LDAN PA'I NAD PA MJUG TO LA SOGS PA NA BAR 'GYUR GYI, ME DROD CHE BAR GYUR PAS RTUG PA 'GAGS SHING SRI BAR GYUR NA SNUM GYI 'JAM RTZI MAS GTONG BA SBYAR BAR BYA'O, ,NIM PA PA TO LA'I LO MA; ,PU TZE SHEL DANG DONG GA DANG, ,STHI RA BA LA PO SON CHA, ,GZE MA PU SHEL BA LA KA ,'O MA'AM CHUR NI BSKOL BA DANG, ,'O MA LHAG MA LUS PA LA, ,GLA SGANG SHING MNGAR PO SON CHA, ,PI PI LING DANG DUG MO YUNGS, ,MAR DANG SBRANG RTZI BSRES PA YI, ,'JAM RTZI BTANG NA RIMS 'JOMS SO, ,ZHES BYA BA LA, NIM PA'I LO MA LA SOGS PA'I SMAN DANG 'O MA'AM CHU DANG BSKOL BA 'O MA LHAG MA LUS PA LA GLA SGANG LA SOGS PA'I LDE GU DANG BSRES LA, MAR DANG SBRANG RTZI DANG SBYAR BA'I 'JAM RTZI BTANG BA NI RIMS NAD THAMS CAD 'JOMS SHING SEL BA YIN NO, , 'DIR NIM PA LA SOGS PA'I SMAN DE RNAMS KYI BRGYAD 'GYUR GYI 'O MA DANG, CHU YANG TSAD DE TZAM GZHUG PAR BYA STE, BSKOL BA'I LHAG MA SMOS PAS SMAN GYI BZHI 'GYUR BYA BA YIN MOD KYI, 'O MA'I LHAG MA ZHES SMOS PAS BZHI 'GYUR DU MI BYA'O, ,'DIR LDE GU NI SKA BA'I BRGYAD
, ,CHA GZHUG PAR BYA'O, ,YANG NA TSOD JI TZAM GYIS SHIN TU SKA BA 'AM, SLA BA MA YIN PA'I TSUL DU MAR DANG SBRANG RTZI GZHUG PAR BYA'O, ,YANG NA, ,MAR DANG SBRANG RTZI SO SOR NI, ,SRANG GSUM TZAM GYI TSOD DU BYA, ,ZHES SMOS PA LTAR SHES PAR BYA'O, ,NIM PA DANG PA TO LA GNYIS KYI NI LO MA LA BYA'O, ,STHI RA NI SA LA PARnI'O, ,PARnI BZHI DANG SHING MNGAR DANG, ,PO SON CHA DANG PU SHEL TZE, ,DONG GA RNAMS NI BSKOL BA RU, ,SHING MNGAR SHA TA PUshPA DANG, ,PRI YANG KU DANG PO SON CHA, ,GLA SGANG LDE GUR BYAS PA LA, ,BU RAM DANG NI SBRANG RTZIR BCAS, ,'JAM RTZIS RIMS NI SEL BYED YIN, ,ZHES BYA BA LA, MA SHA PARnI LA SOGS PA'I SMAN BSKOL BA'I SBYOR BAS BSKOL BAR SHING MNGAR LA SOGS PA'I SMAN 'JAM RTZI'I CHO GA LA SOGS PA'I RNAM PA LTAR LDE GU BYAS PA DANG SBYAR ZHING BU RAM DANG SBRANG RTZI DANG MAR DANG BCAS PA'I 'JAM RTZIS NI RIMS SEL BAR BYED PA YIN NO, ,DE LA PARnI BZHI NI MA SHA PARnI DANG, MUNGGA PARnI DANG, KRishnA PARnI DANG, SA LA PARnI'O, ,PO SON CHA NI MA DA LA NA PHA LA'O, ,DONG GA NI AA RAG GA TA'O, ,DZI BAN TI DANG PO SON CHA, ,MED SHING MNGAR PI PI LING, ,SHU DAG RID DHI RA SNA DANG, ,BA LA DANG NI BIL BA DANG, SHU TI DANG NI NYE'U SHING RNAMS, ,MAR DANG TIL MAR 'O MA DANG, ,CHU DANG BTAGS TE LHAN CIG BSKOL, ,SNUM NI NAD DANG RJES MTHUN PA'I, ,'JAM RTZI RIMS LA GTANG BAR BYA, ,ZHES BYA BA LA, DZI BAN TI LA SOGS PA'I SMAN RNAMS MAR DANG TIL MAR DANG, 'O MA CHU DANG LHAN CIG BTAGS TE LDE GUR BYAS TE LHAN CIG BSKOL BA'I 'JAM RTZI RIMS NAD LA GTANG BAR BYA'O, ,'DIR NI TIL MAR DANG ZHUN MAR NI CHA MNYAM PAR BYA'O, ,CHU DANG 'O MA NI SNUM GYI NYIS 'GYUR BYA'O, ,SMAN SPYIR BSDUS PA'I BZHI CHA'I SNUM DANG SBYAR LA SNUM GYI BZHI CHA'I LDE GU GZHUG PAR BYA ZHING, SNUM DE YANG NAD KYI SHAS GANG CHE BA LAS DPAGS TE DE DANG RJES SU MTHUN PAR ZHUN MAR RAM TIL MAR GZHUG PAR BYA'O, ,GANG YANG CHOG GRUB PA LAS, ,RIMS SEL BAR NI BSHAD PA YI, ,'JAM RTZI DAG KYANG GTANG BAR BYA, ,ZHES BYA BA LA, CHO GA GRUB PA'I GNAS LAS
'JAM RTZI'I SKABS SU 'JAM RTZI GANG ZHIG RIMS SEL BAR BSHAD PA DE YANG RIMS NAD CAN LA SBYIN PAR BYA'O, ,SNA YI BKRU SMAN RIMS RNYING LA, ,BTANG NA YI GA 'BYED BYAD CING, ,MGO NI LCI ZHING BAD KAN CHE, ,SEL ZHING DBANG PO GSAL BYED LA, ,SNUM GYI SNA SMAN MGO STONG SNYAM, , LUS TSA MKHRIS PA SEL BYED YIN, ,ZHES BYA BA LA, RIMS RNYING PAR GYUR PA LA SNA'I BKRU SMAN GTANG BAR BYA STE, DES NI YI GA 'BYED PAR BYED PA DANG, MGO NAD LA SOGS PA SEL BAR BYED PA YIN LA, RIMS RNYING PAR GYUR PA MGO BO STONG PA SNYAM DU SEMS PA LA NI GNAS SKABS KYI BYE BRAG LA MKHAS PA'I SMAN PAS SNUM GYI SNA SMAN BTANG ZHING, LUS CHE BA LA SOGS PA SEL BAR BYED PA'I SNA SMAN YANG GTANG BAR BYA'O, ,DUD BRNGUB MKHUR BKANG MKHUR BA SPO, ,NAD DMIGS JI BZHIN SBYAR BAR BYA, ,CHAM PAS KHAS RO MI TSER DANG, ,MGO DANG LKOG NAD SEL BYED YIN, ,ZHES BYA BA LA, DE BZHIN DU RIMS RNYING PA LA NI DUD PA BRNGUB PA LA SOGS PA'I SBYOR BA MDO'I GNAS LAS JI SKAD BSTAN PA DAG NAD DMIGS KYI TSUL DANG SBYAR ZHING GTANG BAR BYA STE, DES NI CHAM PA LA SOGS PA SEL BAR BYED PA YIN NO, ,YI GA 'CHUS LA KHA LUNG GI ,GE SAR MAR DANG RGYAM TSAR BCAS, ,YANG NA RGUN 'BRU SKYU RU RA, ,KHA RA'I LDE GU MKHUR BAR BCANG, ,ZHES BYA BA LA, RIMS RNYING PA LA YI GA 'CHUS PA'I NAD BYUNG BAR GYUR PA NA, KHA LUNG ZHES BYA BA MA DU LUNG GA'I GE SAR MAR DANG RGYAM TSAR SBYAR BA'AM, RGUN 'BRUM LA SOGS PA CHU BTAGS SU BYAS PA'I LDE GU MKHUR BAR BCANG ZHING KHAR GZHAG PAR BYA'O, ,RIMS RNYING PAGS PA LA BRTEN LA, ,REG NA JI LTAR BDER 'GYUR BA'I, ,SMAN PA SIL DRO BA LAS SBYAR BA'I, ,BSKU BYUG CHU BLUGS LA SOGS BYA, ,MIG SMAN DUD PA'I SBYOR BA'ANG BYA, , GLO BUR BYUNG LA DE DE BZHIN, ,ZHES BYA BA LA, RIMS RNYING PA PAGS PA TZAM LA BRTEN ZHING GNAS PA'I LHAG MA LUS PA LA REG NA CI NAS BDE ZHING PHAN PAR 'GYUR BA'I SMAN BSIL BA DANG, 'PHRO DAM BDE BA DANG 'PHROD PA CI RIGS PA LAS BDE BA SKYED PAR 'GYUR BA DANG MI 'GAL
, ,BA'I SMAN GYI SBYOR BA BYAS LA, SMAN DE BSKU BA LA SOGS PA CI RIGS PAR BYA'O, ,DE BZHIN DU RIMS RNYING PA PAGS PA LA GNAS PA LA MIG SMAN DANG DUD PA'I SBYOR BA JI SKAD BSTAN PA DAG KYANG BYA'O, ,GLO BUR DU BYUNG BA'I RIMS GDON DANG DUG LAS BYUNG BA LA YANG REG NA JI LTAR BDE BA'I SMAN LA SBYAR BA'I BSKU BA DANG, BYUG PA LA SOGS PA BYA'O, ,TSA LA LAN STONG BKRUS PA YI, ,MAR GYIS BSKU BA SPYAD PAR BYA, ,ZHES BYA BA LA, RIMS RNYING PA LUS CHE BA DANG BCAS PA LA LAN STONG ZHES PA'I MTSON PA LAN MANG DU CHU'I NANG DU BKRUS SHING MNYES PA'I MAR GYIS BSKU BAR BYA STE, DE YANG DANG POR MA BSRUBS PA GANG YIN PA DE CHU'I NANG DU BCUG LA, LAG PA GNYIS KYIS LAN BRGYA PHRAG DU MAR YANG DANG YANG DU MNYE BAR BYA'O, ,MDO GNAS LAS BSHAD SMAN GYI SDE, ,MNGAR DANG SKYUR DANG BSKA BA DANG, ,D'UR BA LA SOGS RLUNG MKHRIS 'JOMS, ,SKYUG SMAN LA SOGS SDE TSAN BSHAD, ,NUS PA BSIL ZHING REG NA GRANG, ,BSKOL DANG LDE GUR BYAS PA DANG, ,TIL MAR 'O MAR BCAS BSKOL BA, ,BSKUS NA 'PHRAL DU TSA RIMS SEL, ,ZHES BYA BA LA, SNGAR MDO'I GNAS SU BSHAD PA'I SMAN GYI SDE TSAN MNGAR BA DANG SKYUR BA DANG BSKA BA'I SMAN MNGAR BA'I SDE TSAN NI, MAR DANG BU RAM DANG GSER LA SOGS PA DANG, SKYUR BA'I SDE TSAN SKYU RU RA DANG STAR BU LA SOGS PA DANG, BSKA BA'I SDE CHEN AA RU RA LA SOGS PA STE, SDE TSAN DE DAG BSKOL BAR BYA BA'AM, LDE GUR BYA BA'AM, TIL MAR BSKOL BA'AM, ,YANG NA D'UR BA LA SOGS PA'I SDE TSAN TE, D'UR BA DANG NI BYI TSER BA, ,ZHES BYA BA LA SOGS PA'I GZHUNG GIS BSTAN PA THAL TRES KYIS MTHAR THUG PA DANG, TIL MAR BSKOL BAR BYA BA'AM, ,SKYUG SMAN LA SOGS PA'I SDE TSAN BSDUS PA'I SKABS SU BSHAD PA NUS PA BSIL BA REG NA GRANG BA STE 'PHRAL GYI REG PA DANG, ZHU BA'I NUS PA GNYIS KA YANG BSIL BAR GYUR PA DE BSKOL BA DANG, LDE GUR BYAS PA DANG, TIL MAR 'O MA DANG BCAS PAR BSKOL BA DES BSKUS NA 'PHRAL DU DE RING PO MI THOGS PA'I DUS SU TSA BA'I RIMS SEL BAR BYED DO, ,'DIR BSKOL BA
SMOS PAS NI SMAN GYI KHU BA DANG SBYAR LA, LDE GU SMOS PAS NI LDE GU DANG SBYAR TE, TIL MAR GYI NYIS 'GYUR GYI 'O MA DANG SBYAR TE BTZOS PA BSKU BAR BYA'O, ,MGO DANG LUS KYANG DE NYID NI, ,CUNG ZAD RTZING PAR BTAGS PAS BSKU, ,ZHES BYA BA LA, SMAN GYI SDE DE DAG DANG TIL MAR BSKOL BA 'BA' ZHIG TU MA ZAD KYI, ,TSA BA'I RIMS DE DAG ZHI BAR BYA BA'I PHYIR SMAN DE DAG CUNG ZAD RTZING DU BTAGS TE, HA CANG ZHIB MOR BTAGS PA MA YIN PAS MGO DANG LUS BSKU BAR BYA'O, ,GAL TE SMAN 'DI DAG SHIN TU ZHIB TU BTAGS TE BSKUS NA SLAR ZHING CHE BA 'PHEL BAR BYED PA NI RIGS PA KHO NA YIN NO, ,DE YANG GZHUNG LAS, ZHIB TU BTAGS SHING RTAG BSKUS NA, ,LPAGS GNAS DROD NI BKAG PA'I PHYIR, ,TZANDAN GYIS KYANG TSA MI SEL, ,GZHAN DU AA KA RUS SEL BSKYED, ,DE BSKOL CHU NI BLUGS PA DANG, ,LUS 'BYING LA YANG SBYAR BAR BYA, ,ZHES BYA BA LA, SDE TSAN DE DAG NYID BSKOL BA'I CHU DRO 'JAM LUS LA BLUGS PA DANG, SMAN CHU DES SNOD CHEN PO BKANG LA DER LUS BYING BA LA YANG SBYAR BAR BYA'O, ,SKYUR RTZABS CHU DANG 'O MA TSA, ,MAR LA SOGS PA'ANG DE BZHIN SBYAR, ,ZHES BYA BA LA, DE BZHIN DU RANG SKYUR LA SOGS PA DAG GIS BLUGS PA DANG; LUS 'BYING BA'I SBYOR BA YANG BYA STE, DES KYANG PAGS PAR GNAS PA'I RIMS RNYING PA SEL BAR BYED DO, ,BIL RKANG KHA LUNG AA MRA DANG, ,SE'U 'BRU SENG PHROM BI DA RI, ,SHU DAG LO MA LAS BYUNG BA'AM, ,LUNG THANG GI NI WU BA YIS, ,LUS BSKUS CHE NA RMONGS BAG DANG; ,SLON DANG SKOM DAD ZHI BAR BYED, ,CES BYA BA LA, BIL BA'I RKANG DE BIL BA'I SNYING PO ZHES BYA BA LA SOGS PA'I SMAN JI SNYED PA LAS RE RE 'AM, MA LUS PA'I LDE GUS LUS BSKUS NA, TSA BA LA SOGS PA'I NAD SEL BAR 'GYUR RO, ,GANG ZHIG NAD GSO'I THABS SU BSHAD; ,MKHRIS PA SEL BA'I RIM PA DE, ,BSTEN PAR BYAS NA MYUR DU NI, ,TSA DANG BCAS PA'I RIMS SEL 'GYUR, ,ZHES BYA BA LA, NAD GSO BA'I LE'U'I SKABS SU MKHRIS PA BSAL BA'I CHO GA DAG SNGAR BSHAD PA, MKHRIS PA LA NI MAR SAR BLUD, ,CES BYA BA LA SOGS
, ,PA'I GZHUNG GIS BSTAN PA DE BA STEN CING GOMS PAR BYAS NAS TSA BA DANG BCAS PA'I RIMS SEL CING ZHI BAR 'GYUR RO, ,NUS PA DRO ZHING REG NA DRO, ,RGYA SPOS GUR GUM AA GA RU, ,RU RTA RDO DREG STON YA, ,SAR LA DANG THANG SHING DANG, ,CHU SRIN SEN MOR SNA DANG, ,GU GUL SHU DAG LCA BA DANG, ,SUG SMEL GNYIS DANG TZA RONG DANG, ,TZANDAN SIB DANG BYE'U RUG PA, ,SHI KRU SPONG SPOS BYA MA KA ,YUNGS KAR RTZA BA BCU PA DANG, ,SLE TRES AE RAndA GNYIS DANG, ,BA RU RA DANG RO HI SHA ,TA MA LA YI LO MA DANG, ,PU TIG DANG SA LA KI ,'U SU AA ZA MO TA DANG, ,SHU TI MA SHA KU LANG+THA, ,TZITRA KA DANG PRA KI DYA, ,NA KU LA NI RNAM GNYIS DANG, ,GZHAN YANG DE 'DRA'I BSIL BA'I SMAN, ,BSKOL DANG LDE GUR BYAS NAS NI, ,CHANG DANG SKYUR RTZABS LA SOGS SBYAR, ,TIL MAR BSKOL BA GRANG RIMS SBYAR, ,ZHES BYA BA LA, NUS PA YANG DRO ZHING REG PA YANG DRO BA STE, AA GA RU LA SOGS PA'I SMAN GANG YANG RUNG BA LA NUS PA DANG REG PA GNYI GA DRO BA DANG LDAN PA DE DAG BSKOL BA'I SMAN GYI CHU DANG, CHANG DANG SKYUR RTZABS LA SOGS PA DANG SBYAR LA, TIL MAR DANG BSKOL BA DAG GRANG BA'I RIMS LA SBYAR ZHING GTANG BAR BYA'O, ,DE YANG SMAN LNGA YAN CHAD NI SNUM DANG MNYAM PAR BYA'O, ,CHANG LA SOGS PA NI GANG RNYED PA DANG SBYAR BAR BYA'O, ,STO NE YA NI TZA RA TI DANG TA LE PA TA KA ZHES BYA BA LA SOGS PA'I MING GIS BSTAN PA'O, ,RDO DREG NI SHE LA PUshPA'O, ,SA RA LA NI SHING GI DBYE BA CI LA ZHES BYA'O, ,THANG SHING NI DE BA DA RU ZHES BYA'O, ,SUG SMEL GNYIS NI SUG SMEL DANG AE LA SBOM PO'O, ,TZA RONG NI TZO RA KEE'O, ,SI BA NI HI MA GU BA TRA'O, ,BYA MA KA NI BRA BA DAG DA'O, ,RTZA BA BCU PA NI RTZA BA CHUNG DU LNGA PO DANG, RTZA BA CHEN PO LNGA BSDUS PA'O, ,AE RAndA GNYIS NI AE RAndA DKA' PO DANG, AE RAndA DMAR PO'O, ,BA DU RA NI MA SYA KAshA ZHES BYA'O, ,PU TI KA NI KA TRI NA'O, ,SA LA KI NI MO TZA'I THANG CHU DRI ZHIM PA'O, ,'U SU NI 'U SU'I 'BRAS BU'O, ,AA ZA MO TA NI DI BYA KEE'O, ,SHU TI NI SHA TA PUshPA'O, ,PRA KI DYA NI PU TI KA RANYDZA'O, ,NA KU LA GNYIS NI TZA BI KA DANG, SAR BA SU GANDHA'O, ,DE DRO 'JAM GYIS BSKU BA DANG,
ZHIB TU BTAGS PAS BYUG PAR BYA, ,ZHES BYA BA LA, SMAN DE DANG SBYAR BA'I TIL MAR DE DRO 'JAM TZAM DU BYAS PA NI GRANG BA'I RIMS LA BSKU BAR BYA LA, RGYA SPOS LA SOGS PA ZHIB TU BTAGS PAS NI RIMS NAD CAN DE LA BYUG PAR BYA'O, ,CUNG ZAD DRO BAS BLUGS PA DANG, ,LUS 'BYING BAR YANG BYA BA YIN, ,ZHES BYA BA LA, RGYA SPOS LA SOGS PA'I SMAN DE DAG NYID BSKOL BA'I TSU DRO 'JAM TZAM DU BYAS PAS NI GRANG BA'I LUS LA BLUGS PA DANG, LUS 'BYING PA'I SBYOR BA YANG BYA'O, ,TSA DANG BA GCIN ZHO GA CHU, ,'BA' ZHIG GIS KYANG DE BZHIN BYA, ,ZHES BYA BA LA; GRANG BA'I RIMS RNYING PA LA NI TSA LA SOGS PA 'DI DAG 'BA' ZHIG STE, SMAN GYI SBYOR BA MA BYAS PA DAG GIS KYANG LUS LA BLUGS PA DANG, LUS 'BYING BA'I SBYOR BDE BZHIN DU BYA'O, ,DONG GA LA SOGS SDE YIS KYANG, ,BTUNG DANG BSKU DANG BYUG PAR BYA'O, ,ZHES BYA BA LA; SNGAR MDO'I GNAS SU DONG GA DANG, DUG MO YUNGS DANG, PA TA LI ZHES BYA BA LA SOGS PA'I SDE TSAN DAG GIS KYANG BTUNG BAL SOGS PA'I SBYOR BA BYA'O, ,BSKU BA YANG DE NYID DANG BSKOL BA'I TIL MAR GYIS BSKUL, BYUG PA YANG CHU LA SOGS PA DANG BTAGS PA DAG GIS BYA'O, ,BDUG PA AA KA RU LAS BYUNG, ,'OG NAS BSHAD PA'I RIMS LA SBYAR, ,ZHES BYA BA LA, GRANG BA'I RIMS LA DUD PAS BDUG PA AA KA RU'I SBOS LAS BYUNG BA'I DUD PAS BDUG PAR BYA BA DANG, 'OG NAS BSHAD PA'I BDUG PA LA'ANG, KA SHA ZHES BYA BA LA SOGS PA'I MI BZAD PA'I RIMS LA GTANG BAR BYA BA DE YANG GRANG BA'I RIMS LA SBYAR BAR BYA'O, ,DUGS NI MES BYAS MES MA BYAS, ,DUGS KYI SMAN DANG KHA ZAS BSTEN, ,ZHES BYA BA LA, DUGS KYI LE'U LAS BSHAD PA'I DUGS ME LAS BYUNG BA DANG, MES MA BYAS PA DAG KYANG SBYAR BAR BYA STE, MES BYAS PA NI MI BDE BA DANG, KHA RLANGS DANG, CHU'I DUGS LA SOGS PA'O, ,MES MA BYAS PA NI RLUNG MED PA'I KHANG BA DANG, DRAG SHUL GYI RTZOD PA DANG, GOS MTHUG PO BGO BA DANG, 'JIGS PA DANG, BCINGS PA DANG, 'THAB PA DANG,
, ,NYI TSAN LA SOGS PA LA BSTEN PA'O, ,DUGS KYI BYA BA BYED PA'I SMAN DANG KHA ZAS NI MKHRIS PA SKYED PAR BYED PA'I ZAS DANG, SMAN RGYA SRAN KU LANG+THA DANG, MON SRAN GRE'U DANG, NIS PA PA'I KHA ZAS DANG, RLAN CAN GYI SHA LA SOGS PA STE DE DAG BSTEN ZAR GZHUG PAR BYA'O, ,KHANG SBRUM SA PHUG TU NYAL ZHING, ,LA BA DRE'U RDOG RE'U SNAM BGO, ,ZHES BYA BA LA, YANG GRANG PA'I RIMS KYIS BTAB PA DAG NI, ,KHANG PA NYIS RIM DU BYAS PA'I CHANG SBRUM DANG, PHUG KYI NANG DU NYAL DU ZHUGS PA DANG, DE BZHIN DU LA BA DANG, DRE'U RDOG LA SOGS PA 'DING ZHING BGO BAR BYA'O, ,DU BA MED PA'I MDAG MAS GANG, ,ZHUGS SHING DAG NI BSTEN PA DANG, ,ZHES BYA BA LA, ZHUGS SHING DU BA MED CING CUNG ZAD 'BAR BA'I MDAG MAS GANG BA DAG BSTEN CING 'DE BAR MI BYA'O, ,CHANG NI TSA BA GSUM BCAS DANG, ,DAR BA RGYA SRAN KU LANG+THA, , 'BRU DANG KO TRA BA DAG KYANG, ,'DAR BA'I RIMS CAN DE LA SBYIN, ,ZHES BYA BA LA, GRANG BA'I RIMS NAD KYIS LUS 'DAR ZHING GRANG BA'I MI DE LA TSA BA GSUM DANG BCAS PA'I SMAN BLUD PAR BYA STE, TSA BA GSUM NI PI PI LING DANG, NA LE SHAM DANG, BCA' SGA'O, ,YANG NA DAR BA LA TSA BA GSUM BTAB BA BLUD BA'AM, RGYA SRAN KU LANG+THA LA SOGS PA DAG KYANG TSA BA GSUM DANG BCAS PAR SBYIN BAR BYA'O, ,GRANG BA'I RIMS NAD CAN DE LA, ,CHUNG MA NU MA RGYAS PA DANG, ,RGYAN GYIS BRGYAN TE BZHAG PA DANG, ,LANG TSOS RGYAGS SHING CHANG GIS MYOS, ,BUD MED KYIS DE 'KHYUD PAR BYA, ,ZHES BYA BA LA, GANG DE GRANG BA'I RIMS KYIS BTAB PA DE LA CHUNG MA NU MA RGYAS PA LA SOGS PA'I KHYAD PAR DANG LDAN PA DAG GIS KYANG 'KHYUD PAR BYA'O, ,GRANG DANG BRAL BAR SHES NAS NI, ,DE NAS DE SLAR BSAL BAR BYA, ,ZHES BYA BA LA, GRANG BA'I 'DAR NAD DANG LDAN PA DE GRANG BA DANG BRAL ZHING GRANG BAS NYEN PA MED PAR SHES SHING RTOGS NAS, DE NAS DE'I 'OG TU BUD MED DE LAS BSAL ZHING BRAL BAR BYA'O, ,NAD GCIG 'PHEL BAR 'GYUR BA DANG, ,'GRIB PA'AM LDANG BAR GYUR PA'AM, ,MNYAM GNAS NAD NI BAD KAN
GYI; ,GNAS KYI RIM PAS BSAL BAR BYA, ,ZHES BYA BA LA, NAD CHA MI MNYAM PA DANG NAD CHA MNYAM PAR 'DUS PA LAS, NAD GCIG 'PHEL BAS NAD GCIG BRI BAR GYUR NA, SHAS CHE BA'I NAD DE BSAL BAR BYA'O, ,YANG NA NAD GCIG 'PHEL BAR GYUR PA DER NI GNYIS 'BRI BAR GYUR NA GCIG PU GSO BAR BYA STE, GANG DU GNYIS 'PHEL BA DER NI GCIG 'BRI BAR GYUR LA, GANG DU GCIG 'PHEL BAR GYUR PA DER NI GNYIS 'BRI BAR 'GYUR RO, ,MNYAM PAR GNAS PA'I BAD KAN GYI GNAS KYI RIM PAS BSAL BAR BYA STE, DANG PO KHO NAR NI BAD KAN GYI GNYEN POR GYUR PA'I SMAN GTANG BAR BYA'O, ,DE'I 'OG TU NI MKHRIS PA BSAL BAR BYA'O, ,DE'I 'OG TU NI RLUNG BSAL BAR BYA STE, BAD KAN GYI GNAS NA GNAS PA'I RIM PA DES MNYAM PAR GNAS PA'I NAD GSO BAR BYA'O, ,'DUS PA'I RIMS KYI THA MAR NI, ,GANG GI RNA BA'I RTZA BA RU; ,MI BZAD SKRANG PA BYUNG GYUR NA, ,'GA' ZHIG THAR BAR 'GYUR BA YIN, ,ZHES BYA BA LA, 'DUS PA'I RIMS KYIS BTAB PA'I THA MA DER 'DUS PA'I RIMS KYIS LUS ZAD PAR BYAS PA'I MI LA RNA BA'I RTZA BAR MI BZAD PAR NA BA'I SKRANG BA LAS SNA TSOGS PA'I DBANG GIS 'BYUNG BAR 'GYUR LA, 'BYUNG BA DE YANG STES DBANG GIS NAD PA 'GA' ZHIG THAR ZHING MI 'CHI BAR 'GYUR BA SRID KYI, PHAL CHER NI 'CHI BA KHO NAR 'GYUR RO ZHES BYA BA'I DON TO, ,DE NI GTAR GAS DBYUNG BA DANG, ,ZHUN MAR BLUD PAS MYUR BSAL TE, ,BAD MKHRIS SEL BA'I SMAN BSKU DANG, , SNA SMAN MKHUR BA BKANG BAS GSO, ,ZHES BYA BA LA, SKRANGS PA DE LTA BU DE GTAR GA GANG BA STE KHRAG DBYUNG BA DANG, DE BZHIN DU ZHUN MAR BLUD CING SBYIN PA DANG, DE BZHIN DU BAD KAN DANG MKHRIS PA SEL BA'I SMAN GYIS BSKU BA DANG, SMAN DE DAG GIS SNA SMAN GTANG BA DANG MKHUR BA BKANG ZHING SPO BA'I THABS KYIS MYUR ZHING RINGS PAR GSO ZHING BSAL BAR BYA'O, ,GANG GI RIMS NI BSIL DROD DANG, ,SNUM RTZUB SOGS KYIS ZHI MI 'GYUR, ,YAN LAG ZHEN PA DE RIMS BZHIN, ,LAG NGAR LAS KHRAG MYUR DU DBYUNG, ,ZHES BYA BA LA, MING GANG GI RIMS YAN LAG LA
, ,ZHEN ZHING LUS ZUNGS KYI RJES SU 'BRANGS PA DE NAD THAMS CAD KYI GNYEN POR GYUR PA BSIL BA LA SOGS PA'I SMAN GYIS ZHI BAR MA GYUR NA, DE LA MYUR DU LAG NGAR LA GTAR GA BYA LA, DE YANG RIM GYIS BYA'I, LAG NGAR GNYIS LA CIG CAR NI MI BYA'O, ,CHO GA 'DI NI MI BZAD PA'I, ,RIMS LA'ANG NAD DMIGS JI BZHIN BYA, ,RLUNG SOGS RIM GYIS CHA PHYE LA, ,PHYIS BSHAD GANG YIN DAG KYANG BYA, ,ZHES BYA BA LA, SNGAR BSHAD PA'I CHO GA DE NYID NI MI BZAD PA'I RIMS DANG RTAG PA'I RIMS LA SOGS PA DAG LA YANG NAD DMIGS JI LTA BA BZHIN TE, RLUNG LA SOGS PA'I NAD KYI BYE BRAG JI LTA BA'I TSUL LAS RJES SU DPAGS NAS BYA STE, GANG GI PHYIR BSHAD PA DE DAG KYANG SBYAR BAR BYA'O, ,PA TO LA DANG PU TZE SHEL, ,GLA SGANG SHING MNGAR AA RU RA, ,GNYIS SAM GSUM MAM LNGA BSKOL BA, ,MI BZAD RIMS NI 'JOMS BYED YIN, , ZHES BYA BA LA, PA TO LA SOGS PA'I SMAN GSUM GSUM MAM, BZHI BZHI 'AM, LNGA LNGA BSKOL BA GANG YIN PA DES MI BZAD PA'I RIMS DANG RTAG PA'I RIMS LA SOGS PA SENG ZHING 'JOMS PAR BYED DO, ,'BRAS BU GSUM DANG AA RU RA, ,SLE TRES PI PI LING SO SOR, ,CHO GA DE DANG SBYAR BA'AM, ,GO BYE BU RAM BCAS PA SBYIN, ,ZHES BYA BA LA, 'BRAS BU GSUM PA'I SMAN CHO GA'I SBYOR BA'I KHU BA LDE GU DANG BSKOL BA DANG, BSGRANGS PA SKYO MAR BYA BA DANG, DE BZHIN DU SMAN MAR DANG BLDAG PA DANG, PHYE MA DANG RI LUR BYA BA BCUD KYIS LEN GYI CHO GA LAS BSHAD PA'I SBYOR BAS KYANG SO SOR SBYAR BAR BYA STE, NAD DMIGS KYI TSUL LA DPAGS NAS, LAN 'GA' NI 'BRAS BU GSUM SBYIN PAR BYA'O, ,LAN 'GA' NI AA RU RA NYI TSE SBYIN PAR BYA'O, ,LAN 'GA' NI SLE TRES SBYIN PAR BYA'O, ,LAN 'GA' NI PI PI LING SBYIN PAR BYA STE, DE DAG NI SO SO'I SGRA'I DON YIN NO, ,YANG NA MI BZAD PA'I RIMS LA BU RAM DANG BCAS PA'I GO BYE STE, GSER SHING GI 'BRAS BU SBYIN PAR BYA'O, ,RIMS KYIS THEBS PA'I NYIN ZHAG LA, ,NYAMS SMAD PA'AM NYAMS BRTA BYA, ,ZHES BYA BA LA, MI BZAD PA'I RIMS RTAG PA LA SOGS PA BZHI PO DAG LA
NYIN ZHAG GANG GI TSE, RIMS 'ONG ZHING 'BYUNG BAR 'GYUR BA'I NYIN ZHAG DE LA NYAMS SMAD CING SMYUNG BAS GSO BAR BYA BA'AM, NYAMS SHIN TU BRTA ZHING LUS 'PHEL BAR 'GYUR BA'I GSO BA DAG NAD DMIGS KYI TSUL LAS LTOS TE BYA'O, ,NAD PAR TIL MAR SGOG SKYA BCAS, ,BZA' BA'AM YANG NA MAR RNYING NGAM, ,DE BZHIN ZHO DANG 'O MA SBYIN, ,ZHUN MAR SRANG DRUG PA DANG NI, ,DGE BA CHEN PO'AM BA'I RNAM LNGA, ,TIG TA DUG DANG BSKOL TE SBYIN, ,ZHES BYA BA LA, MI BZAD PA'I RIMS LA NANG PAR RAM ZAS KYI THOG MAR TIL MAR SGOG SKYA DANG BCAS PA SBYIN PAR BYA'O; ,YANG NA NANG PAR RAM ZAS KYI SNGON LA MAR RNYING PA SBYIN PAR BYA'O, ,YANG NA DE BZHIN DU ZHO DANG 'O MA NANG PAR RAM ZAS KYI SNGAR SBYIN PAR BYA'O, ,YANG NA ZHUN MAR SRANG DRUG DANG, TSA BA LNGA DANG, NAS TSIG 'KHUS PA'I THAL BA BCOS PA SMAN MAR GCONG CHEN PO GSO BA'I SKABS NAS BSHAD PA'AM; DGE BA CHEN PO'I SMAN MAR SMYO BYED KYI GDON GSO BA'I SKABS SU BSHAD PA'AM, BA'I RNAM LNGA'I SMAN MAR BRJED BYED KYI NAD GSO BA'I SKABS SU BSHAD PA'AM, ,TIG TA'I SMAN MAR MDZE NAD GSO BA'I SKABS SU BSHAD PA'AM, DUG GI SMAN MAR KHRAG MKHRIS GSO BA'I SKABS SU BSHAD PA DAG KYANG DE BZHIN DU NANG PAR RAM ZAS KYI THOG MAR NAD LA SOGS PA'I TSUL LAS BRTAGS TE SO SOR CI RIGS PAR SBYIN PAR BYA'O, ,'BRAS BU GSUM DANG RGYA SHUG DANG, ,AAG NI MAN THA BSKOL BA RU, ,ZHO DANG BSKOL BA'I MAR DAG TU, ,SENG PHROM SHUN LPAGS LDE GU BTAB, ,MI BZAD RIMS NI 'JOMS PA'I MCHOG ,CES BYA BA LA, 'BRAS BU GSUM LA SOGS PA'I KHU BA MAR GYI NYIS 'GYUR DANG ZHO'I NYIS 'GYUR DU BYAS PA DANG, MAR BSKOL TE SENG PHROM GYI SHUN LPAGS KYI LDE GU MAR GYI BZHI CHA BCUG LA MAR DE BLUD PA NI MI BZAD PA'I RIMS 'JOMS PA'I MCHOG YIN NO, ,'BRU CHANG DANG NI CHANG RNYING RNO, ,RMA BYA GONG MO SREG KHYIM BYA, ,RLAN CAN SHA NI DROD SKYED PA, ,ZAS BCAS DAG NI CI 'DOD PAR, ,BSTEN LA DE BZHIN GNYID LOG PA'AM, ,YANG NA SLAR NI SKYUG TU GZHUG ,YANG NA ZHUN MAR TSAD CHEN PO, ,BLUD DE SLAR
, ,YANG SKYUG TU GZHUG ,ZHES BYA BA LA, DE BZHIN DU CHANG LA SOGS PA 'THUNGS SHING ZOS PAR BSTEN LA, DE'I NYIN ZHAG GNYID LOG PAR BYA BA'AM, YANG NA CHANG LA SOGS PA 'THUNGS SHING ZOS NAS DE'I ZHAG NYID SLAR SKYUG SLON DU GZHUG GO, ,YANG NA ZHUN MAR TSAD CHEN PO BLUD DE NYIN ZHAG GCIG GIS ZHU BAR 'GYUR BA DE TZAM GYI TSAD 'THUNGS LA DE SLAR SKYUG TU GZHUG PAR BYA'O, ,AA DZA GAN DHA NI LI NI, ,DUR BYID DANG NI PU TZE SHEL, ,RIMS KYIS 'DEBS TSE SNUM DANG DUGS, ,LEGS PAR BYAS TE BLUD PAR BYA, ,ZHES BYA BA LA, AA DZA GANDHA LA SOGS PA'I SMAN DAG KYANG RTAG PA'I RIMS LA SOGS PA 'ONG ZHING 'DEBS PA'I DUS SU LDE GUR BYAS LA BLUD PAR BYA'O, ,DE YANG SNUM DANG DUGS LEGS PAR BYAS NAS DE'I 'OG TU BLUD PAR BYA'O, ,LDONG ROS RGYAM TSA PI PI LING, ,TIL MAR DANG SBYAR MIG SMAN GZHUG ,CES BYA BA LA; MI BZAD PA'I RIMS LA SOGS PA LA LDONG ROS LA SOGS PA'I SMAN TIL MAR DANG SBYAR BA MIG TU GZHUG PAR BYA'O, ,SHING KUN STAG TSIL CHA SNYOMS BYA, ,RGYAM TSAR BCAS PA'I SNA SMAN BYA, ,ZHES BYA BA LA, SHING KUN DANG STAG GI TSIL CHA MNYAM PAR BYAS PA LA, RGYAM TSA CUNG ZAD BCUG PA'I SNA SMAN DU SBYAR RO, ,DE BZHIN MAR RNYING SENG GE'I TSIL, ,RGYAM TSA DAG DANG SBYAR TE GTANG, ,ZHES BYA BA LA, DE BZHIN DU MAR RNYING PA GCIG PU DAG KYANG SNA SMAN DU GTANG BAR BYA'O, ,DE BZHIN DU SENG GE'I TSIL RGYAM TSA DANG SBYAR BA YANG SNA SMAN DU GTANG BAR BYA'O, , PA LA KA SA NIM PA'I LO, ,SHU DAG RU RTA AA RU RA, ,YUNGS KAR NAS BCAS MAR SBYAR BA'I, ,BDUG PA'AM BYI LA'I RTUG PAS BDUG ,CES BYA BA LA, ,PA LA KA SA LA SOGS PA'I SMAN MAR DANG SBYAR ZHING MAR GYIS BSKUS PA YANG MI BZAD PA'I RIMS LA SBYAR BAR BYA'O, ,YANG NA BYI LA'I RTUG PA 'BA' ZHIG GI BDUG PAS BDUG PAR BYA'O, ,GU GUL SHU DAG BYA MA KA ,SA RDZA RA SA NI MA PA DANG, ,AARKA DANG NI AA RU RA, ,THANG SHING BCAS PA'I SPOS SBYAR BA, ,'DI NI GZHAN GYIS MI THUB PA'I, ,BDUG PA YIN TE RIMS KUN SEL, ,ZHES BYA BA LA, GU GUL
LA SOGS PA DANG SBYAR BA'I BDUG SPOS NI MING GZHAN GYIS MI THUB PA ZHES BYA STE, DES NI RIMS NAD THAMS CAD SEL BA YIN PAS KUN LA SBYAR BAR BYA'O, ,SPOS BDUG SNA SMAN GTANG BYA BA, ,SEMS KYIS BSGYUR BAR GANG BSHAD DANG, ,'PHAGS PA LA BRTEN SMAN GYIS NI, ,RIMS NAD THAMS CAD SEL BAR BYED, ,CES BYA BA LA, GZHAN YANG SPOS LA SOGS PA SEMS BSGYUR BA STE, 'BYUNG PO'I GDON DANG, BRJED BYED DANG SMYO BYED KYI GSO BA'I SKABS SU GANG DAG BSHAD PA DE DAG GIS KYANG RIMS SEL BAR BYED PA YIN PAS KUN LA SBYAR BAR BYA'O, ,DE BZHIN DU 'PHAGS PA LA BRTEN PA'I SMAN TE SNGAGS DANG, SBYIN SREG DANG, GTOR MA SBYIN PA DANG, SDOM PA LA GNAS PA DANG, SMYUNG BA BYA BA DANG, SDIG PA BSHAGS PA DANG, BKRA SHIS KYI CHO GA BYA BA DANG, PHYAG 'TSAL BA DANG, SKYABS SU 'GRO BA LA SOGS PA'I DGE BA'I LAS RNAMS KYIS RIMS THAMS CAD SEL ZHING 'BYUNG BAR MI 'GYUR RO, ,MCHOG TU PHAL CHER MI BZAD RIMS, ,DE NI GLO BUR 'ONG RJES 'BREL, ,ZHES BYA BA LA, MCHOG GAM KHYAD PAR DU RTAG PA'I RIMS LA SOGS PA NI 'PHAGS PA LA BRTEN PA LTAR SMAN GZHAN GYIS DE LTAR SEL BAR MI 'GYUR TE, GANG GI PHYIR MI BZAD PA'I RIMS DE DAG NI, GLO BUR DU 'ONG BA YIN ZHING, ,GDON ZHUGS PA DANG RJES SU 'BREL PA LAS BYUNG BA DER NI 'PHAGS PA LA BRTEN PA'I LAS KHO NA STOBS DANG LDAN ZHING MTHU CHE BA YIN GYI, GZHAN DAG NI DE LTA MA YIN NO, ,MI BZAD RIMS ZHIR MA GYUR NA, ,RANG GI GTAR GA JI BZHIN GDAB, ,CES BYA BA LA, MI BZAD PA'I RIMS GRANG BA DANG DRO BA LA SOGS PA'I GSO BAS RNAM PA THAMS CAD DU ZHI BAR MA GYUR NA, RANG GI GTAR GA JI SKAD SMOS PA BZHIN DU GDAB PAR BYA STE, NYIN GSUM PAR NI KHRAG 'TSAM GDAB, ,NYIN BZHI PA LA LHAG PA'I 'OG ,ZHES BYA BA LA SOGS PA SNGAR MDO'I GNAS SU JI SKAD BSHAD PA BZHIN DU BYA'O, ,DANGS MA LA GNAS THAMS CAD LA, ,SKYUG SMAN GTANG DANG SMYUNG BA BYA, ,ZHES BYA BA LA, MI BZAD PA'I RIMS NYIN BZHI BA'I BAR DU LUS ZUNGS KYI NANG NA DANGS MA LA GNAS PA THAMS CAD LA NI SKYUG
, ,SMAN GTANG BA DANG, SMYUNG BAR BYA BA DAG BYA'O, ,KHRAG LA GNAS PA SMAN CHU BLUGS, ,BSKU DANG BYUG DANG GTAR GA BYA, ,ZHES BYA BA LA, KHRAG LA GNAS PA'I RIMS THAMS CAD LA NI SMAN CHU BLUGS PA LA SOGS PA BYA'O, ,SHAR GNAS BKRU SMAN RNON PO BYA, , ZHES BYA BA LA, SHA LA GNAS PA'I RIMS THAMS CAD NI BKRU SMAN RNON POS KHRUS BYA'O, ,TSIL GNAS TSIL NI DBRI BAR BYA, ,ZHES BYA BA LA, TSIL LA GNAS PA'I RIMS THAMS CAD LA NI TSIL DBRI BA'I CHO GA JI SKAD SMOS PA BYA'O, ,RUS PAR GNAS LA RLUNG ZHI BA'I, ,BSKU DANG DUGS DANG MNYE BA BYA, ,RIMS DER RLUNG NAD ZHI BYA DANG, ,KHYAD PAR DU NI 'JAM RTZI BYA, ,ZHES BYA BA LA, RUS PA LA GNAS PA'I RIMS RNAMS LA NI RLUNG NAD ZHI BA'I THABS BSKU BA LA SOGS PA BYA'O, ,DE LAS KYANG KHYAD PAR DU NI SNUM GYI 'JAM RTZI MAS GTONG BA'I CHO GA BYA'O, ,MA 'DRES RLUNG DANG ME DBAL DANG, ,'BRUM BUS GNOD GYUR RIMS LA NI, ,ZHUN MAR BLUD CING TZANDAN BYUG ,SMAN CHU BLUGS SHING SHA KHU SBYIN, ,RANG GI DPYAD NI JI SKAD BSHAD, ,GTAR GA LA SOGS DAG GIS GSO, ,ZHES BYA BA LA, RLUNG MA 'DRES PA 'BA' ZHIG LA SOGS PA LAS GYUR PA'I RIMS LA NI ZHUN MAR BLUD PA LA SOGS PA BYA BA DANG, RANG GI DPYAD RANG RANG GI LE'U'I SKABS SU JI SKAD BSHAD PA ME DBAL LA GTAR GA GDAB PA LA SOGS PA'I GSO DPYAD GANG DAG YIN PA DE DAG GIS GSO ZHES DPYAD DU BYA'O, ,GDON BYUNG 'BYUNG PO'I RIG PAR BSHAD, ,GTOR MA SNGAGS LA SOGS PAS GSO, ,ZHES BYA BA LA, GDON LAS BYUNG ZHING DE LAS GYUR PA'I RIMS LA NI, 'BYUNG PO'I RIG PAR BSHAD CING 'BYUNG PO LDOG PA'I RIG SNGAGS KYI RNAM PA GANG DAG YIN PA DANG, GTOR MA DANG SNGAGS KYI SBYOR BA LA SOGS PAS GSO BAR BYA'O, ,SMAN DRI LAS BYUNG MKHRIS PA NI, ,ZHI BYA DUG SKYES DUG GIS GSO, ,ZHES BYA BA LA, SMAN GYI DRIS PHOG PA LAS BYUNG BA'I RIMS LA NI MKHRIS PA ZHI BA'I THABS GANG DAG YIN PA DES GSO BAR BYA'O, ,DUG LAS SKYES PA'I RIMS LA NI, ,DUG ZHI BA'I THABS GANG YIN PAS GSO BAR BYA'O, ,
'DOD DON JI LTAR YID 'THAD DANG, ,NAD NI JI LTAR ZHI GYUR BA, ,PHAN DANG MI PHAN LA MKHAS PAS, ,KHROS SOGS LAS BYUNG RIMS BSAL BYA, ,ZHES BYA BA LA, KHRO BA DANG 'JIGS PA DANG, MYA NGAN DANG 'DOD PA LAS BYUNG BA'I RIMS NI MNGON PAR 'DOD PA'I DON GANG DAG YIN PA DANG PHRAD PA DANG, DE BZHIN DU JI LTAR YID 'THAD CING SEMS DGA' BAR BYAS PAS BSAL BAR BYA BA DANG, DE BZHIN DU NAD DMIGS JI LTAR ZHI BA'I TSUL GYIS SMAN BSTEN PA DANG, PHAN PA DANG MI PHAN PA STE RIG PA'I TSUL LA MKHAS PAS RIMS DE BSAL BAR BYA'O, ,KHROS BYUNG 'DOD PAS ZHI BAR 'GYUR, ,'DOD BYUNG KHROS PAS ZHI BAR 'GYUR, ,MYA NGAN 'JIGS BYUNG DE GNYIS KYIS, ,'JIGS DANG MYA NGAN BYUNG CIG SHOS, ,ZHES BYA BA LA, KHROS PA LAS BYUNG BA'I RIMS NI 'DOD PA'I YUL DANG PHRAD CING BSTEN PAS ZHI BAR 'GYUR RO, ,'DOD PA LAS BYUNG BA'I RIMS NI CHAGS PA'I YUL GANG YIN PA DE LA KHRO BA BSKYED PAS ZHI BAR 'GYUR RO, ,MYA NGAN DANG 'JIGS PA LAS BYUNG BA'I RIMS NI KHROS PA DANG 'DOD PA ZHI BAS ZHI BAR 'GYUR RO, ,'JIGS PA'I YUL DANG KHROS PA'I YUL LA NI YUL GYI RNAM PA LA SOGS PA LA LTOS NAS, LAN 'GA' NI KHRO BA 'BYUNG, LAN 'GA' NI 'DOD PA 'BYUNG LA, DE BZHIN DU CIG SHOS TE 'DOD PA DANG KHRO BA LAS BYUNG BA'I RIMS NI MYA NGAN DANG 'JIGS PA LAS ZHI BAR 'GYUR RO, ,DMOD PA MNGON SPYOD SNGAGS LAS BYUNG, ,'PHAGS PA'I DON LA BRTEN PAS ZHI, ,ZHES BYA BA LA, DRANG SRONG LA SOGS PAS DMOD PA BTAB PA LAS BYUNG BA DANG, MNGON SPYOD KYI LAS DRAG PO'I SBYIN SREG BYAS PA LAS BYUNG BA'I RIMS LA NI 'PHAGS PA LA BRTEN PA'I CHO GA BZLAS BRJOD DANG SBYIN SREG DANG LHA LA MCHOD PA DANG, SNGAGS DANG NOR BU LA SOGS PAS SEL BAR 'GYUR RO; ,RIMS DE THOG MAR MA 'DRES LA, ,DE 'OG DRI MAS KHYAB BAR BYED, ,DE BAS NAD DANG RJES MTHUN PAR, ,DE LA KHA ZAS LA SOGS SBYAR, ,ZHES BYA BA LA, BLO BUR BA'I RIMS 'DI DAG LA KHA ZAS LA SOGS PA STE, KHA ZAS DANG SPYOD LAM DANG, SMAN NAD DANG RJES SU MTHUN
, ,ZHING NAD LA PHAN PA NYID DU SBYAR ZHING BRTAG PAR BYA'O, ,CI'I PHYIR ZHE NA, GLO BUR BA'I RIMS DE NI THOG MAR TE JE DANG POR TSA BA'I RNAM PA 'BA' ZHIG TZAM DU 'BYUNG BAR 'GYUR BA LAS, DE'I 'OG TU RLUNG LA SOGS PA'I NAD KYI DRI MAS KHYAB PAR BYED PA YIN NO, ,DE BAS NA KHA ZAS LA SOGS PA NAD DE SEL ZHING PHAN PAR 'GYUR BA DANG, RJES SU MTHUN PAR SBYAR ZHING SBYIN PAR BYA'O, ,RLUNG SOGS RGYU LA MA BRTEN PAR, ,RIMS NI RJES 'BREL GNAS MI BYED, ,CES BYA BA LA, GANG GI PHYIR RIMS NI RLUNG LA SOGS PA'I NAD KYI 'GYUR BA'I RGYU LA MA BRTEN PAR RJES SU 'BREL ZHING YUN RING DU GNAS PAR MI 'GYUR GYI, RIMS 'DI LA RLUNG LA SOGS PA RJES SU 'BREL BAR GNAS PA NYID YIN NO, ,RIMS KYI DUS DRAN BYUNG DE LA, ,YID 'PHROG YUL GYIS BRJED PAR BYA, ,ZHES BYA BA LA, RIMS KYI DUS DANG, SHUGS SEMS SHING DRAN PA NA, RIMS 'DI 'BYUNG BAR 'GYUR BA DE LA YID 'PHROG PA'I YUL SGRA LA SOGS PA SNA TSOGS PA DAG GIS RIMS 'BYUNG BAR 'GYUR BA'I DUS DE BRJED CING MI DRAN PAR YENGS PAR BYA'O, ,SNYING RJES BRLAN CING SEMS DAG PA, ,RIMS KUN 'JIG PAR BYED PA YIN, ,ZHES BYA BA LA, SEMS KYI RGYUD SNYING RJE BA STE, GZHAN LA SNYING BRTZE BA'I PHYIR SHUGS KYIS BRLAN CING BRTZE BA DANG LDAN PA DAG LA NI RIMS THAMS CAD 'JIG CING NYAMS PAR 'GYUR RO, ,NYAMS STOBS RDZOGS PAR 'GYUR GYI BAR, ,RTZOL DANG KHRUS DANG NYAL PO DANG, ,ZAS LCI MA GOMS TSA BYED DANG, ,GANG GZHAN RIMS SKYED BYED PA SPANG, ,ZHES BYA BA LA, RIMS KYIS BTAB CING NYEN PAR GYUR PA'I MIS NI LUS KYI NYAMS STOBS JI SRID RDZOGS SHING BRTAS PAR GYUR BA DE SRID KYI BAR DU RTZOL BA'I DRAG SHUL DANG, LUS KHRUS BYA BA DANG, BUD MED LA NYAL PO BYA BA DANG, ZAS LCI BA DANG, SNGAR MA GOMS PAR GYUR PA DANG, TSA BA SKYED PAR BYED PA DAG SPANG BAR BYA'O, ,DE BZHIN DU 'DIR MA SMOS KYANG SPYIR RIMS SKYED PAR BYED PA'I ZAS SKOM DANG, SPYOD LAM LA SOGS PA YANG SPANG BAR BYA'O, ,RIMS BRAL GYUR KYANG 'PHRAL DU NI, ,ZAS KUN BSTEN PAR MI BYA STE, ,
RIMS NI MYUR DU ZLOG BYED NAS, ,NYAM CHUNG MI NI MYUR GSOD BYED, ,CES BYA BA LA, RIMS DANG BRAL ZHING RIMS NAD BYANG BAR GYUR KYANG 'PHRAL DU STE, ,DE'I MOD LA ZAS KUN 'DREN MAR BSTEN ZHING BZA' BAR MI BYA STE, GANG GI PHYIR ZAS 'CHOL PAR ZOS PAS RIMS DANG BRAL DU ZIN KYANG DE SLAR LDOG PAR BYED NAS SNGAR LUS DANG ZUNGS NYAM CHUNG BAR BYAS PA LAS 'DAS PA'I PHYIR MI DE MYUR DU GSOD PAR BYED DO, ,GANG PHYIR MYUR DU GSOD 'GYUR BAS, ,DE'I PHYIR DE NI KHYAD PAR DU, ,GNAS SKABS DE DANG DE DAG TU, ,SMAN DPYAD DE DANG DE DAG BYA, ,ZHES BYA BA LA, GANG GI PHYIR DE'I RIMS LDOG PAR GYUR PA YIN DU ZIN KYANG, ZAS SKOM LA SOGS PA 'CHOL BA'I RGYUS SLAR BZLOG CING ZLOS PA'I RIMS DE NI RING POR MI THOGS PAR MYUR DU GSOD PAR BYED PAR 'GYUR BAS, RGYU DE'I PHYIR ZLOS PA'I RIMS DE NI KHYAD PAR DU STE MCHOG TU NAD GZHAN DAG LAS BYE BRAG TU BYA BA YIN PAS MA SMIN ZHING GTING NAS MTHONG BA'I GNAS SKABS SAM, NAD SMIN PA DANG MA SMIN PA'I GNAS SKABS KYI KHYAD PAR GYIS PHYE LA, SMAN DPYAD KYI RNAM PA SMYUNG BA DANG, DUGS BYA BA DANG, NAS THUG DANG, SMAN KHU BA DANG, SHA KHU DANG, SMIN PAR BYA BA DANG, 'O MA DANG ZHUN MAR BTUNG BAR BYA BA LA SOGS PA 'DIR BSHAD PA DANG, MA BSHAD PA'I SMAN DANG DPYAD KYI RNAM PA GANG YOD PA DE DANG DE DAG 'BAD DE BYA'O, ,SMAN DANG NOR BU SNGAGS DANG BCAS PA DANG, ,DAM PA BLA MA BRAM ZE DKON MCHOG MCHOD, ,YID NI DGA' BAR BYED PA'I YUL BRTEN PAS, , KHYAB 'JUG GIS BYAS MA RUNGS RIMS KYANG 'JOMS, ,ZHES BYA BA LA, SMAN LA SOGS PAS NI KHYAB 'JUG GIS BYAS PA'I RIMS MA RUNGS SHING SHIN TU GDUG PA DAG KYANG 'JOMS PAR BYED DO, ,DE LA SMAN DANG NOR BU DANG SNGAGS NI SPYI BOR GDAGS PAR BYA'O, ,DE LA DAM PA NI CHOS KYI NGANG TSUL CAN DAG GO, ,BLA MA NI PHA MA LA SOGS PA'O, ,DKON MCHOG NI 'JIG RTEN NA MCHOD PAR 'OS PA SANGS RGYAS LA SOGS PA STE, DE DAG MCHOD PA DANG, YID DGA' ZHING TSIM PAR BYED PA'I YUL GZUGS LA SOGS PA YID DU 'ONG BA LA BRTEN ZHING GNAS PAR
, ,BYED PA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS KYI LE'U DANG PO'I RNAM PAR 'GREL PA'O,, ,,DE NAS KHRAG MKHRIS GSO BA'I LE'U BSHAD PAR BYA'O, ,ZHES BYA BA LA, GSO BA'I RIM PAS 'DIR KHRAG MKHRIS BSTAN PA'I PHYIR LE'U 'DI BRTZAMS PA YIN NO, ,KHRAG MKHRIS BDE BA'I DUS SU 'BYUNG, ,STOBS LDAN STOD 'BYUNG SHUGS DAL LA, ,NYES GCIG LAS BYUNG GSAR DU BTAB, ,BLA BRNAN MED PA GSO BAR BYA, ,ZHES BYA BA LA, KHRAG DANG MKHRIS PA'I NAD GANG BCOS NA BDE BA'I DUS DGUN STOD DANG DGUN SMAD KYI TSE BYUNG BAR GYUR PA DANG, MI NYAMS STOBS DANG LDAN PA LA LUS KYI STOD DU BYUNG BAR GYUR PA DANG, NAD KYI SHUGS DAL ZHING DRAG TU BYUNG BA MA YIN PA DANG, NAD GZHI'I NYES PA GCIG LAS BYUNG GI, ,GNYIS YAN CHAD LAS BYUNG BA MA YIN PA DANG, GSAR DU BTAB PA DE BYUNG NAS RING PO MA LON PA DANG, BLA BRNAN MED PA STE LUS KYI 'GYUR BA SHES PAR BYA BA'I LE'U'I SKABS SU KHRAG MKHRIS ZHES BYA BA LA SOGS PA'I GZHUNG GIS BSTAN PA'I NAD KYI BLA THABS KYI SKYON MED PA DE LTA BU'I KHRAG MKHRIS KYI NAD DE LTA BU NI GSO SLA BA YIN PAS GSO BAR BYA'O, ,KHRAG GANG NAD GZHI GNYIS LAS SKYES, ,ZHI ZHING ZHI ZHING SLAR LDANG DANG, ,LAM NAS LAM GZHAN 'GRO BA GANG, ,THUR DU 'BYUNG BA GSO BA TZAM, ,ZHES BYA BA LA, KHRAG DANG MKHRIS PA'I NAD GZHI GNYIS LAS SKYES PA DE YANG MIN TZAM DU GSO BAR BYA BA YIN LA, DE BZHIN DU ZHI ZHING ZHI ZHING ZHES BYA BA SLAR LDOG CING BDE BAR 'GYUR NAS YANG DANG YANG DU SLAR LDANG ZHING 'KHRUGS PAR GYUR PA DE YANG MI NA TZAM DU GSOR RUNG BA YIN NO, ,DE BZHIN DU LAM GZHAN NAS GZHAN DU 'GRO BA STE, KHA DANG SNA DANG MIG DANG RNA BA DANG BRANG DANG 'OG NAS RGYU BA'I LAM BSHAD SGO DANG, GCIN SGO DANG, MNGAL GYI GNAS DAG TU SPO ZHING 'GRO BA STE, STOD NAS THUR DU RGYU LA, THUR DU 'GO NAS KYANG STOD DU 'GRO BA DE DAG KYANG GSO BA TZAM DU BYA BA YIN
LA; DE BZHIN DU KHRAG MKHRIS KYI NAD GANG THUR DU 'BYUNG ZHING, 'OG GI LAM NYI TSE NAS SHUGS RAN PAR 'BYUNG BA GANG YIN PA DE YANG RE ZHIG MI NA BAR 'TSO BA TZAM DU GSOR RUNG NGO, ,SHAS CHER 'BYUNG ZHING ME DROD NYAMS, ,NYES GSUM LAM GNYIS LAS BYUNG SPANG, ,ZHES BYA BA LA, STOD KYI LAM MAM, SMAD KYI LAM NAS SHAS CHER 'BYUNG ZHING 'BYUNG BA'I SHUGS DRAG PO'I KHRAG MKHRIS GANG YIN PA DE YANG GSOR MI RUNG STE SPANG BAR BYA STE, KHRAG SHAS CHER BYUNG BAS MI LDOG PA YIN PA'I PHYIR RO, ,KHONG PA ME DROD ZHAN PA'I SKYES BU LA STENG NGAM 'OG NAS KHRAG SHAS CHER BYUNG BA DE YANG SPANG BAR BYA STE, MI DROD ZHAN PA LA NI SMAN SKYUR PA DANG TSA BA PHAN NA, DE KHRAG DANG MKHRIS PA LA GNOD PAS PHAN TSUN 'GAL BA'I PHYIR DE YANG GSOR MI RUNG BA YIN NO, ,DE BZHIN DU NAD GZHI GSUM CHAR LAS BYUNG BA DANG, STENG 'OG GI LAM GNYIS KA LAS DUS GCIG BYUNG BA DE YANG SPANG BAR BYA STE, GSOR MI RUNG NGO, ,NAD GZHI ZAS DANG GNAS DANG NI, ,NAD KYI GROGS DANG STOBS DAG DANG, ,YUL DANG DUS KYI GNAS SKABS SOGS, ,SHES BYA DANG POR SMYUNG BA 'AM BRTA, ,DE BZHIN SBYANG DANG ZHI BYA BAS, ,KHRAG DANG MKHRIS PA GSO BAR BYA, , ZHES BYA BA LA, NAD GZHI LA SOGS PA'I MTSAN NYID SHES PAR BYAS LA, DE'I 'OG TU STOD DU 'BYUNG BA'AM, SMAD DU 'BYUNG BA'I MKHRIS PA LA THOG MAR TE DANG PO KHO NAR SMYUNG BAR BYAS PA'AM, YANG NYAMS BRTAS PAR BYA BA'AM, YANG SBYANG BA'AM, ZHI BA'I CHO GA BYA'O, ,DE LA NAD GZHI NI SHIN TU TSA ZHING RNO BA'I ZAS LA SOGS PA'O, ,GNAS NI STENG DANG 'OG GI MTSAN NYID CAN NO, ,NAD KYI GROGS NI GTZO BO MKHRIS PA ZHES BYA BA DE'I GROGS RLUNG DANG BAD KAN GYIS BYAS PA'O, ,STOBS NI RNAM PA GSUM STE, DE DAG DANG, YUL DANG, DUS KYI GNAS SKABS KYANG SHES PAR BYA'O, ,YUL NI GNYIS TE, LUS KYI GNAS KYI YUL DANG, SA GZHI'I YUL JI SKAD BSHAD PA DAG GO, ,DUS NI GRANG BA DANG, TSA BA DANG, CHAR GYI DUS TE RNAM PA GSUM MO, ,SOGS PA'I SGRAS NI KHONG PA'I ME DROD DANG, ZAS KYI RNAM PA DANG, NYAMS STOBS DANG,
, ,GOMS PA'I DBANG DANG, RANG BZHIN DANG, SNYING STOBS DANG, NA TSOD KYI RNAM PA'I GNAS SKABS GANG DAG YIN PA SHES PAR BYAS LA, SMYUNG BA LA SOGS PA'I GSO BA'I LAS BYA'O, ,BRTA BA LAS BYUNG STOBS LDAN PA, ,NAD GZHI MANG PO LAS BYUNG BA, ,GYEN 'BYUNG BKRU SMAN GTONG BAS GSO, ,THUR 'BYUNG SKYUG SMAN GYIS GSO BYA, ,ZHES BYA BA LA, NYAMS BRTA BA LAS BYUNG BA'I KHRAG DANG MKHRIS PA RGYAS PAR GYUR PA YANG YIN ZHING NAD PA DE STOBS DANG LDAN PA YANG YIN LA, NAD GZHI MANG PO LAS BYUNG BA YANG YIN NO, ,GYEN DU BYUNG BA YANG YIN NA BKRU SMAN BTANG BAS GSO ZHING BCOS PAR BYA'O, ,YANG RNAM PA DE LTA BU DAG GIS KHRAG MKHRIS THUR DU BYUNG NA SKYUG SMAN BTANG STE DRANGS PAS GSO BAR BYA'O, ,SMYUNG BYA BRTA BYA LA LTOS BYA, ,ZHES BYA BA LA, DE DAG KYANG SMYUNG BA BYA ZHING NYAMS DBRI BAR BYA BA'AM, BRTA BAR BYA ZHING NYAMS 'TSAG BSKYED PAR BYA BAR 'OS PA GANG DAG YIN PA DE LA LTOS NAS DE BSKYED PAR BYA'O, ,STOD DU BYUNG BA KHA BA DANG, ,BSKA BA'I SMAN KHU SMYUNG BA DANG, ,YAN LAG DRUG SMAN BCA' SGA MED, ,'THUNGS NA ZHI BAR 'GYUR BA YIN, ,ZHES BYA BA LA, KHRAG DANG MKHRIS PA'I NAD LUS KYI STOD DU BYUNG BA LA NI KHA BA DANG, BSKA BA'I SMAN GYI KHU BAS ZHI BAR BYA'O, ,DE BZHIN DU SMYUNG BAS ZHI BAR BYA BA DANG, DE BZHIN DU YAN LAG DRUG PA'I SMAN GYI KHU BA BCA' SGA MED PA'I LHAG MA BSKOL BA 'THUNGS PAS ZHI BAR 'GYUR RO, ,THUR DU 'BYUNG BA'I KHRAG MKHRIS LA, ,SMAN KHU MNGAR BAS BRTA BAR BYA; ,ZHES BYA BA LA, LUS KYI SMAD DU THUR DU 'BYUNG ZHING RGYU BA'I KHRAG MKHRIS GANG YIN PA DAG LA NI, SMAN GYI KHU BA MNGAR BAS BRTA ZHING ZHI BAR BYA'O, ,STOD 'BYUNG DANG POR SKYO MA BLUD, ,SMAD 'BYUNG DANG POR THUG PA BLUD, ,CES BYA BA LA, KHRAG DANG MKHRIS PA STOD DU BYUNG BA LA NI DANG PO KHO NAR SMAN GYI SBYOR BA DANG LDAN PA'I SKYO MA BLUD PAR BYA'O, ,SMAD DU BYUNG BA'I KHRAG DANG MKHRIS PA LA NI DANG POR THUG PA BLUD PAR BYA'O, ,STOBS LDAN ZA NUS MA DAG KHRAG ,BYUNG YANG MI DGAG DES NAD SKYED, ,CES BYA BA LA, MI STOBS DANG LDAN ZHING KHA ZAS ZA BAR
NUS PA'I SKYES BU'I KHRAG DANG MKHRIS PA NAD CAN 'BYUNG BA LA RGYU BAR BYED PA DAG MA DAG CING KHRAG NAD CAN YIN NA 'BYUNG BA DE DGAG CING GCAD PAR MI BYA STE, CI'I PHYIR ZHE NA, NAD KHRAG DE GCAD PA'I SBYOR BA BYAS NA DES NAD SKYED PAR 'GYUR RO, ,DE YANG DRANG SRONG TZA RA KAS, ,STOBS DANG SHA NI MA ZAD CING, ,ZA BAR NUS PA'I KHRAG MKHRIS DAG ,NAD KYIS NYEN PAS GLONGS GYUR PA, ,THOG MA NYID DU GCAD MI BYA, ,THOG MA NYID DU BKAG NA NI, ,LKOG NAD DANG NI SHA LHAG DANG, ,RMYA RIMS DANG NI YI GA 'CHUS, ,SKRAN DANG MKHAL NAD LTO SBOS DANG, ,SHA KHRAG GCIN NI PHRI BA DANG, ,MDZE DANG GZHANG 'BRUM ME DBAL DANG, ,MDOG NYAMS MTSAN PAR RDOL BA DANG, ,GLO DANG DBANG PO 'GAGS PA SKYED, ,DE BAS LAS BSGRUB 'DOD PA YIS, ,DANG POR KHRAG MKHRIS 'BYUNG BA LA, ,NYAMS STOBS NAD DMIGS BRTAGS NAS NI, ,STOBS CAN MI LA DGAG MI BYA, ,ZHES BSHAD PA YIN NO, ,DE NI GZHAN DU ME LTA BUR, ,MYUR GSOD BYED PAS GCAD PAR BYA, ,ZHES BYA BA LA, KHRAG DANG MKHRIS PA'I NAD DE MA NYAMS SHING STOBS CHUNG BA DANG, ZA MI NUS PA DANG, NAD KHRAG MED PA RNAMS NI GCAD CING DGAG PAR BYA STE, CI'I PHYIR ZHE NA, DE MA BCOS PAR YAL BAR BOR NA, ME LTAR MYUR DU GSOD PAR BYED PA NYID YIN NO, ,DUR BYID PRI YANG CHU BSKOL DANG, ,LDE GU KHA RAR BCAS PA DAG ,CHO GA BZHIN DU DE LA NI, ,ZHO GNYIS TZAM DU BLDAG PAR BYA, ,ZHES BYA BA LA, DUR BYID DANG PRI YANG KU NI DUR BYID DANG PRI YANG KU STE; DE GNYIS BSKOL BA'I KHU BA DANG, ,DE BZHIN DU GNYIS KA'I LDE GU KHA RA DANG BCAS PA CHO GA BZHIN DU SBYAR LA, LDE GU DE LA ZHO GNYIS TZAM GYI TSAD DU BYAS PA BLDAG PAR BYA'O, ,DUR BYID BRI YANG 'BRAS BU GSUM, ,KHA RA SBRANG RTZI PI PI LING, ,SBRUS PA 'DUS BYUNG STOD DU BYUNG, , KHRAG RIMS 'OR NAD SEL BYED YIN, ,ZHES BYA BA LA, DUR BYID LA SOGS PA'I SMAN MKHRIS PA BSAL BA'I PHYIR SHA KHAR TSAD LAS LHAG PAR BCUG LA SBRANG RTZIS SBRUS TE SBYAR BA NI 'DUS PA LAS BYUNG BA'I KHRAG STOD DU BYUNG BA DANG, RIMS NAD DANG 'OR NAD SEL ZHING 'JOMS PAR BYED PA
, ,YIN NO; ,DE BZHIN DUR BYID KHA RAR MNYAM, ,PI PI LING NI BZHI TSAR BCAS, ,ZHES BYA BA LA, DUR BYID DANG KHA RA CHA MNYAM PAR BYAS PA LA, PI PI LING DUR BYID KYI BZHI CHA DANG BCAS PA DE BZHIN DU ZHES BYA BA SNGA MA BZHIN DU SBRUS TE SBYAR BA NI PHAN YON GONG MA DANG 'DRA BA YIN NO, , SKYUG SMAN PHYIR NI PO SON CHA, ,KHAR SBRANG RTZIR BCAS SKYO MA 'AM, ,KHA RA SBRANG RTZI PO SON CHA, ,CHUR BCAS PA'AM SHING MNGAR CHU, ,'O MA'AM BU RAM SHING KHU BLUD, ,CES BYA BA LA, SMAD DU 'BYUNG BAR BYED PA'I KHRAG DANG MKHRIS PA LA SKYUG SMAN GYI DON DU PO SON CHA DANG, KHA RA DANG SBRANG RTZIR BCAS PA'I SKYO MA BLUD PAR BYA'O, ,YANG NA KHA RA DANG SBRANG RTZI DANG PO SON CHA CHU DANG BCAS PAR SBYAR ZHING BLUD PAR BYA'O, ,YANG NA SHING MNGAR CHU DANG SBYAR BA BLUD PAR BYA'O, ,YANG NA 'O MA PO SON CHA DANG SBYAR BA'I SKYUG SMAN BLUD PAR BYA'O, ,YANG NA BU RAM SHING GI KHU BA PO SON CHA'I KHU BA DANG SBYAR BA'I SKYUG SMAN BLUD PAR BYA'O, ,SBYANGS PA'I RJES LA CHO GA NI, ,THUG SLA LA SOGS JI BZHIN DU, ,BLUD CING STOBS NI BSRUNG BAR BYA, ,ZHES BYA BA LA, DE LTAR BKRU SMAN BTANG BAR BYA BA'AM, SKYUG SMAN BTANG BAS SBYANGS SHING DAG PAR GYUR PA DANG, DE'I RJES LA SMAD DU 'BYUNG BA'I KHRAG DANG MKHRIS PA LA NI THUG PA SLA BA LA SOGS PA JI LTA BA BZHIN DU 'OG NAS BSHAD PA'I CHO GAS SMAN PAS JI LTA BA BZHIN DU BLUD CING NAD PA'I STOBS BSRUNG BA'I PHYIR SBYIN PAR BYA'O, ,STOD DU 'BYUNG BA LA NI SKYO MA LA SOGS PA BLUD PAR BYA'O, ,SKYO MA RIMS SKABS BSHAD RGUN SOGS; ,YANG NA MKHRIS 'JOMS 'BRAS BUR SBYAR, ,ZHES BYA BA LA, SKYO MA NI RIMS NAD GSO BA'I SKABS SU BSHAD PA RGUN 'BRU DANG, SHING MNGAR LA SOGS PA DANG SBYAR BA DANG, YANG NA MKHRIS PA 'JOMS PA'I 'BRAS BU RGUN 'BRU DANG, SKYU RU RA DANG TANG PA LA DANG, MA DU KA LA SOGS PA DANG SBYAR BA BLUD PAR BYA'O, ,SBRANG RTZI 'BRA GO RGUN 'BRU DANG, ,PA RU SHA KA KHA RA'I CHU, ,SNYING PO LNGA YI SKYO MA NI, ,'BRAS YOS PHYE NI MAR BCAS SBYIN, ,ZHES BYA BA LA, YANG SNYING PO LNGA'I SKYO MA ZHES BYA BA SBRANG RTZI LA SOGS PA'I CHU RGYUR BCAS PA 'BRAS YOS KYI PHYE MA MAR
DANG BCAS PA SBYAR BA BTAB PA'I PHYE MA SBYIN PAR BYA'O, ,ME DROD CHUNG ZHING SKYUR LA SRED, ,SE'U 'BRU SKYU RU RA SKYUR BA, ,ZHES BYA BA LA, KHONG PA'I ME DROD CHUNG ZHING SKYUG BAG LA SRED PA DAG LA SE'U 'BRU DANG SKYU RU RA DANG SBYAR BA'I SKYO MA SKYUR BA SBYIN PAR BYA'O, ,PADMA AUTPAL GE SAR DANG, KRishnA PARnI PRI YANG KU, ,PU SHEL TZE DANG SENG PHROM DKAR, ,BCA' SGA DANG NI TZANDAN DMAR, ,BYI TSER DA TA KA'I ME TOG ,BA LA KA DANG BIL BA'I RKANG, ,TSIGS BCAD PHYED BSHAD THUG PA BLUD, ,CES BYA BA LA, THUG PA NI PADMA LA SOGS PA TSIGS BCAD PHYED KYIS RDZOGS PAR BYAS PA'I SMAN GYI SDE TSAN GSUM DANG SBYAR BA'I THUG PA GSUM PO NI, ,THUR DU 'BYUNG BA'I KHRAG DANG MKHRIS PA LA BLUD PAR BYA'O, ,GE SAR NI PAD MA'I GE SAR DANG, AUTPA LA'I GE SAR TE GNYIS KA DANG SBYAR BAR BYA'O, ,PRI YANG KU NI PRI YANG KU'O, ,BA LA KA NI DHI BA RA'O, ,GZHAN NI GO BAR ZAD DO, ,RTZA MKHRIS GLA SGANG PU SHEL TZE, ,SRAN CHUNG KRishnA PARnI SBYAR, ,MUNGGA GAN DHA BI DA RI, ,HA RE nU KA BA LA MAR, ,TSIG RKANG GCIG GIS BSHAD PA BLUD, ,CES BYA BA LA, RTZA MKHRIS LA SOGS PA TSIGS SU BCAD PA'I RKANG PA RE RES BSHAD PA'I THUG PA BZHI BSHAD PA DAG KYANG BLUD PAR BYA STE, RTZA MKHRIS NI BU NIM PA DANG KA RA TA TIG TA ZHES BYA BA YIN NO, ,PU SHEL TZE NI AU SHI RA'O, ,GAN DHA BI DA RI NI SA LA PARnI'O, ,HA RE nU KA NI SA TI NA'O, ,NUS PA BSIL BA DE RNAMS NI, ,SKAM SA'I SROG CHAGS SHA DAG DANG, ,CHUR NI SO SOR BSKOL BA YI, ,KHU BAR NAS THUG SBYAR BA BSGRANGS, , KHAR SBRANG RTZIR SBYAR BA BLUD, ,CES BYA BA LA, THUG PA DANG SBYAR BA'I SMAN DU BSHAD PA DE DAG SKAM SA'I SROG CHAGS KYI SHA DANG CHUR SO SOR BSKOL LA, DE'I 'OG TU KHU BA DE LAS NAS THUG SBYAR BAR BYA'O, ,DE BSGRANGS LA BSIL BAR GYUR BA DANG, KHA RA DANG SBRANG RTZI BTAB PAR BYA'O, ,DE BZHIN DU NI SHA KHU DANG, ,CUNG ZAD SKYUR DANG SKYUR MIN PA, ,MAR BRNGOS KHA RA BCAS PA SBYIN, ,ZHES BYA BA LA, DE BZHIN DU SHA KHU BSKOL BAR THUG PA CUNG ZAD SKYUR BAR BYAS PA NI SKYUR BA LA SEMS PA LA SBYIN LA, DE LTA BU MA YIN PA DAG LA NI SKYUR BA MA YIN PA MNGAR BA NYID SBYIN PAR BYA
, ,ZHING THUG PA DE YANG MAR DANG BRNGOS PA DANG KHA RA DANG BCAS SHING BTAB PA SBYIN PAR BYA'O, ,ZAS KYI TSUL NI SHES PA RU, ,YANG DANG BSIL BAR GANG BSHAD PA'I, ,GRA MA GANG BU CAN 'BRU DANG, ,TSOD MA KHRAG LA BSNGAGS PA YIN, ,ZHES BYA BA LA, ZAS KYI TSUL SHES PAR BYA BA'I LE'U'I NANG DU GRA MA CAN GYI 'BRU DANG, GANG BU CAN GYI 'BRU GANG DAG BSHAD PA LAS YANG BA DANG BSIL BA'I MTSAN NYID DANG LDAN PAR BSHAD PA GANG YIN PA DANG, DE BZHIN DU TSOD MA YANG BA DANG, BSIL BAR BSHAD PA GANG DAG YIN PA DE KHRAG DANG MKHRIS PA'I NAD LA BSNGAGS SHING PHAN PA YIN NO, ,SNGAR BSHAD PA YI CHU DAG GAM, ,RTZA BA CHUNG NGU LNGA BSKOL TE, ,BSGRANGS PA'AM SBRANG RTZI'I CHU'AM NI, ,'BRAS BU MNYES PA'I CHU BLUD BYA, ,ZHES BYA BA LA, SNGAR BSHAD PA'I YAN LAG DRUG PA'I SMAN CHU LAS BCA' SGA MED PA DAG BTUNG BAR BYA BA'AM YANG NA RTZA BA CHUNG NGU LNGA DANG BSKOL TE BSGRANGS PA'I CHU'AM, CHU 'BA' ZHIG BSKOL TE BSGRANGS PA'AM, YANG NA SBRANG RTZI'I CHU BLUD PA'AM, YANG NA 'BRAS BU'I CHU STE MKHRIS PA 'JOMS PA'I 'BRAS BU RGUN 'BRU DANG, 'BRA GO LA SOGS PA CHUR MNYES TE BTZAGS NAS BSKOL TE BSGRANGS NAS BLUD PAR BYA'O, ,BSHANG 'GAGS RGYA SNE'U RI BONG SHA, ,RLUNG SHAS CHE LA SREG PA'I SHA, ,AU DUM W'A RA'I KHU BA NI BSKOL BA BLUD NA BSNGAGS PA YIN, ,ZHES BYA BA LA, KHRAG MKHRIS KYI NAD BSHANG BA 'GAGS PAR GYUR PA LA NI, 'GAG PA BSAL BA'I PHYIR RGYA SNE'U DANG BCAS PA'I RI BONG GI SHA BYIN NA BSNGAGS PA YIN NO, ,KHRAG MKHRIS KYI NAD RLUNG SHAS CHE ZHING RGYAS PA LA NI SREG PA'I GA AU DUM BA RA'I KHU BAR BSKOL TE BLUD BA BSNGAGS PA YIN NO, ,DE BZHIN BLA GA SHA RMA BYA'I SHA, ,N+YA GRO DHA DANG KHYIM BYA'I SHA, ,ZHES BYA BA LA, RLUNG SHAS CHE BA'I KHRAG MKHRIS KYI NAD LA NI SHING BLAG SHA'I KHU BAR RMA BYA'I SHA BTZOS PA BLUD NA PHAN NO, ,YANG DE BZHIN DU SHING N+YA GRO DHA'I KHU BAR KHYIM BYA'I SHA BTZOS PA YANG SNGA MA 'DRA BAR BSNGAGS PA YIN NO, ,KHRAG MKHRIS KYI NI NAD GZHI NI, ,GANG CI'ANG RUNG BA DE SPANG BYA, ,ZHES BYA BA LA, KHRAG DANG MKHRIS
PA'I NAD GZHIR GYUR PA SHIN TU CHE ZHING RNO BA'I KHA ZAS GANG DAG YIN PA DE DAG THAMS CAD KYANG SPANG BAR BYA'O, ,BA SHA KA'I KHU BRI YANG KU, ,SA NAG DANG NI SKYER KHAndA, ,SENG PHROM DANG NI SBRANG RTZIR SBYAR, ,'THUNGS NA KHRAG DANG MKHRIS PA 'JOMS, ,YANG NA BA SHA KA YI NI, ,KHU BA KHA RA SBRANG RTZI DANG, ,BCAS PAR 'THUNGS PA DE BZHIN TE, ,BA SHA KA NI 'BA' ZHIG DANG, ,BSKOL BAS KHRAG NI MYUR SEL TE, ,DE NI 'DI YI SMAN MCHOG YIN, ,ZHES BYA BA LA, BA SHA KA'I KHU BA DANG BSKOL BA PRI YANG KU LA SOGS PA SBYAR BA 'THUNGS NA KHRAG DANG MKHRIS PA'I NAD 'JOMS SHING SEL BAR BYED DO, ,TSAD 'BRING DAG TU BSTAN PA NI, ,SMAN GYI KHU BA SRANG BZHI LA, ,BTAGS PA ZHO GNYIS BTAB BYA STE, ,GSHER BA DE NI SRANG GSUM BYA, ,ZHES SMOS PA'I TSIG 'DI NI SMAN GYI KHU BA SRANG BZHIR PHYE MA ZHO GNYIS GZHUG PAR BYA'O, ,SA NAG NI SO RA TI ZHES BYA BA'I SA'O, ,YANG NA BA SHA KA BSKOL BA'I KHU BA KHA RA DANG SBRANG RTZI DANG BCAS PA 'THUNGS NA YANG SNGA MA BZHIN DU KHRAG DANG MKHRIS PA 'JOMS PAR 'GYUR RO, ,YANG NA BA SHA KA 'BA' ZHIG BSKOL BA'I KHU BA 'THUNGS PAS KYANG KHRAG DANG MKHRIS PA SEL BAR BYED DO, ,YANG NA BA SHA KA BRDUNGS TE BTZIR BA'I KHU BAS KYANG KHRAG SEL BAR 'GYUR RO, ,DE CI'I PHYIR ZHE NA, BA SHA KA DES NI KHRAG DANG MKHRIS PA SEL CING 'JOMS PAR BYED PA'I SMAN THAMS CAD KYI NANG NA MCHOG GAM DAM PA YIN PA'I PHYIR RO, ,PA TO LA DANG MA LA TI, ,NIM PA SHUG PA TZANDAN GNYIS, ,SENG PHROM BA SHA TAN TU LI, ,SA NAG MAD YAN TI KA, ,NYE'U SHING DANG THAL TRES DANG, ,RAM NYE BA GNYIS SHING MNGAR RNAMS, ,BSKOL BA GSUM PO KHA RA DANG, ,SBRANG RTZIR BCAS PAS KHRAG MKHRIS 'JOMS, ,ZHES BYA BA LA, PA TO LA LA SOGS PA'I TSIGS SU BCAD PA GNYIS KYIS BSTAN PA'I SMAN GYI KHU BA GSUM PO KHA RA DANG SBRANG RTZI DANG BCAS PA NI KHRAG DANG MKHRIS PA SEL ZHING 'JOMS PAR 'GYUR RO, ,MA LA TI NI ME TOG DZ'A TI'O, ,TZANDAN GNYIS NI TZANDAN DKAR PO DANG DMAR PO'O, ,TAN TU LI NI TSOD MA'I RTZA TZA BU LA YI ZHES BYA'O, ,SA NAG PO NI SOR TI'O, ,MAD
, ,YAN TI ZHES BYA BA NI TSIG 'DI NYID KYI MING DU GRAGS PA'O, ,BA SHA NI BA SHA KA'O, ,THAL TRES NI SHA RI BA'O, ,RA MNYE BA GNYIS NI KA KO LI DANG, KshI RA KA KO LI ZHES BYA'O, ,RGYA SKYEGS SHING KUN BSKOL BA NI, ,LEGS BSGRANGS KHA RA BTAB PA PHAN, ,ZHES BYA BA LA; RGYA SKYEGS SHING NI PA LA'I SHING STE, KING SHU KA ZHES KYANG BYA STE, DE'I SHUN PA BSKOL BA LEGS PAR BSGRANGS NAS KHA RA BTAB PA NI KHRAG DANG MKHRIS PA SEL BAR BYED DO, ,YANG NA SBRANG RTZI MAR BCAS PA'AM, ,LCI BRTA SPANGS BTZIR KHU BTUNG, ,ZHES BYA BA LA, YANG NA BA LANG GI LCI BA DANG RTA SPANGS BTZIR BA'I KHU BA MAR DANG, SBRANG RTZI DANG BCAS PA 'THUNGS NA YANG KHRAG DANG MKHRIS PA SEL BAR 'GYUR RO, ,KHRAG NAD MDUD PA CAN 'DRAR 'BYUNG, ,PHUG RON RTUG PA SBRANG RTZIS PHAN, ,ZHES BYA BA LA, KHRAG NAD CES BYA BA KHRAG DANG MKHRIS PA'I NAD RME'U LTA BU 'AM; MDUD PA LTA BUR BYUNG BA LA, BYA PHUG RON GYI RTUG PA SBRANG RTZI DANG SBYAR BA 'THUNGS NA PHAN PA YIN NO, ,KHRAG NI SHAS CHER BYUNG BA NA, ,SKAM SA'I SROG CHAGS KHRAG DANG NI, ,SBRANG RTZIR SBYAR BA 'AM MAR YI NI, ,MCHIN PA MKHRIS BCAS RLON PA BZA', ,ZHES BYA BA LA, KHRAG SHAS CHER 'BYUNG ZHING 'DZAG PAR GYUR PA LA SKAM SA'I SROG CHAGS KYI KHRAG DANG, SBRANG RTZIR SBYAR BA BTUNG BAR BYA'O, ,YANG NA KHRAG SHAS CHER 'BYUNG BA LA, RA'I MCHIN PA DE NYID KYI MKHRIS PA DANG BCAS PA RLON PA BZA' BAR BYA'O, ,TZANDAN GLA SGANG PU SHEL TZE, ,'BRAS YOS MUNGGA PI PI LING, ,NAS NI BA LA'I CHUR SBANGS PA, ,KHU BA KHRAG MKHRIS SEL BYED YIN, ,ZHES BYA BA LA, SMAN BA LA BSKOL BA'I CHU BSGRANGS BA SRANG DRUG GI NANG DU TZANDAN LA SOGS PA'I SMAN SRANG GCIG MTSAN MO SBANGS LA, PHYI DE NYIN BTZAGS PA'I KHU BA GRANG MO NI KHRAG DANG MKHRIS PA SEL BAR BYED PA YIN NO, ,TZANDAN PADMA PU SHEL TZE, ,KHU BAR BONG PA BSREGS BCUG LA, ,RAB BSGRANGS KHAR SBRANG RTZIR BCAS, ,KHRAG NI SHAS CHER 'BYUNG BA SEL, ,ZHES BYA BA LA, TZANDAN LA SOGS PA'I SMAN DE DAG BTAGS TE CHU'I NANG DU BCUG LA DKRUGS TE BZHAG LA, DE'I STENG DU BYUNG BA'I DANGS MA LEGS PAR
BSGRANGS PA LA, KHA RA DANG SBRANG RTZI BTAB PA NI KHRAG SHAS CHER 'BYUNG ZHING BDO BA SEL BAR 'GYUR RO, ,BONG BA BSREGS PA BCUG PA NI SO PHAG BSREGS PA BCUG PA'O, ,BU RAM SHING NI CHU MANG SBANGS, ,RDZA BUM GSAR PAR DE BZHAG NAS, ,MTSAN MO PHYI ROL DBEN PAR BZHAG ,NANG PAR CHU NI BTZAGS NAS SU, , SBRANG RTZI BTAB NAS PADMA NI, ,KHA PHYE'I PHRENG RGYAN CHU DE 'DRA, ,ZHES BYA BA LA, BU RAM SHING DUM BUR GTUBS TE CHU MANG PO'I NANG DU SBANGS LA, RDZA MA'I BUM PA GSAR PA'I NANG DU TSUD BZHAG NAS, MTSAN MO PHYI ROL DU DBEN PA'I PHYOGS SU DPYANGS TE BZHAG LA, NANG PAR RAS LA SOGS PAS BTZAGS TE SBRANG RTZI DANG LDAN PAR BYAS LA, PADMA ME TOG KHA PHYE BA'I PHRENG BAS BRGYAN LA DRI ZHIM PO'I PHRENG BAS BRGYAN PAR BYAS PA'I CHU DE YANG YON TAN SNGAR BSHAD PA DE DANG 'DRA STE KHRAG SHAS CHER 'BYUNG BA SEL BAR BYED PA YIN NO, ,GANG YANG MKHRIS PA'I RIMS SKABS BSHAD, , SMAN KHU DE YANG BLUD PAR BYA, ,ZHES BYA BA LA, SMAN GYI KHU BA GANG RIMS NAD GSO BA'I SKABS SU MKHRIS PA'I RIMS LA PHAN PAR BSTAN PA, MKHRIS PAR GLA SGANG DUG MO YUNGS, ,ZHES BYA BA LA SOGS PAS BSHAD PA'I KHU BA DE YANG BLUD PAR BYA'O, ,SMAN KHU SNA TSOGS 'DI YIS NI, ,ME DROD BSKYED PAS BAD KAN ZAD, ,GAL TE KHRAG MKHRIS MA ZHI NA, ,DE LA RLUNG SHAS CHER PHAN PA'I, ,RA YI 'O MA BSKOL BA BLUD, ,DE BZHIN BA YI 'O MA NI, ,LNGA 'GYUR CHUS BSKOL GDUS PA BLUD, ,CES BYA BA LA, SNGAR BSHAD PA'I SMAN GYI KHU BA RNAM PA SNA TSOGS PA 'DI DAG GIS ME DROD BSKYED PAR GYUR PAS BAD KAN BSAL CING ZAD PAR GYUR LA, GAL TE KHRAG DANG MKHRIS PA NI ZAD PAR MA GYUR NA, KHRAG DANG MKHRIS PA DE LA RLUNG SHAS CHE ZHING RGYAS PAR GYUR PA LA PHAN PAR 'GYUR PA'I RA'I 'O MA BSKOL BA BLUD PAR BYA LA, DE BZHIN DU BA'I 'O MA CHU LNGA 'GYUR DANG BSRES PA BSKOL TE GDUS PA BLUD PAR BYA'O, ,RTZA BA LNGA PA CHUNG NGU DANG, ,SBRANG RTZI KHA RA BSKOL BA'ANG RUNG, ,ZHES BYA BA LA, YANG NA RTZA BA CHUNG NGU LNGA DANG BSKOL BA'I MAR KHA RA DKAR PO BTAB STE BLUD PAR BYA'O, ,RGUN 'BRU BCA' SGA DZI BA KA ,BA LA GZE MA ZANGS RTZI BA, ,RE RE 'O MAR BSKOL BA'AM, ,'O MA KHA
, ,RA MAR BSKOL PHAN, ,ZHES BYA BA LA, RGUN 'BRU LA SOGS PA'I SMAN RE RE DANG, BA 'AM RA'I 'O MAR BSKOL BA MAR DANG BCAS PA BLUD NA YANG PHAN TE, LAN 'GA' NI RGUN 'BRU DANG BSKOL BA NAS, LAN 'GA' NI ZANGS RTZI BA'I MAR DANG BSKOL BAR BYA'O, ,YANG NA MAR DANG KHA RA DANG, 'O MA MAR BSKOL BA BLUD NA PHAN NO, ,GZE MA NYE'U SHING BSKOL BA'AM, ,DE BZHIN 'DAB BZHI 'O MAR BSKOL, ,KHRAG NI NAD BCAS MYUR DU SEL, ,MCHOG TU MTSAN NAS 'BYUNG LA PHAN, ,ZHES BYA BA LA, GZE MA DANG NYE'U SHING 'O MAR BSKOL BA'AM, YANG NA 'DAB MA BZHI PA MA SHA DANG, MUNGGA DANG KRIshnA DANG, SA LA PARnI BZHI'I LO MA DANG BCAS PAR BSKOL BA'I 'O MA NI KHRAG DANG MKHRIS PA'I NAD SEL BAR BYED DO, ,DE LAS KYANG MCHOG GAM KHYAD PAR DU NI GCIN GYI LAM PHO MTSAN DANG, MO MTSAN LAS BYUNG BA LA PHAN NO, ,RKUB LAS BYUNG LA KHYAD PAR DU, MO TZA RA SA BLUD NA PHAN, ,ZHES BYA BA LA, BSHANG BA'I LAM NAS BYUNG BA'I KHRAG DANG MKHRIS PA LA NI MO TZA RA SA DANG BSKOL BA'I 'O MA BLUD NA PHAN NO, ,DE LA MO TZA RA SA NI, ,SHAL MA LI'I THANG CHU GANG, ,DE NI MO TZA RA SAR BSHAD, ,CES BYA BA YIN NO, ,N+YA GRO DHA YI MYU GU'AM, ,'DAB MA GZHON PA'AM BCA' SGA DANG, ,AU SHI RA DANG AUTPAL PHAN, ,ZHES BYA BA LA, YANG NA SHING N+YA GRO DHA'I MYU GU GZHON NU'AM, N+YA GRO DHA'I 'DAB MA DANG PO BYUNG BA DANG, 'O MAR BSKOL BA DE BSHANG BA'I LAM NAS KHRAG 'BYUNG BA LA PHAN NO, ,YANG NA BCA' SGA DANG, AU SHI RA DANG, AUTPAL 'O MAR BSKOL BA DE THUR DU 'BYUNG BA'I KHRAG MKHRIS LA PHAN NO, ,KHRAG GI TSAD 'KHRU GZHANG 'BRUM GYI, ,GSO BA DAG KYANG 'DIR SBYAR BYA, ,ZHES BYA BA LA, KHRAG DANG MKHRIS PA BSHAD PA'I LAM NAS 'BYUNG BA'I SKABS 'DIR KHRAG GI TSAD PAR 'KHRU BA'I GSO BA GANG YIN PA DANG, KHRAG GI GZHANG 'BRUM GYI GSO BA GANG YIN PA DAG KYANG NAD DMIGS KYI TSUL 'DIR SBYAR BAR BYA'O, ,SMAN KHU 'O MA 'THUNGS NAS NI, ,BZA' BA'ANG 'O MA NYID DANG BZA', ,ZHES BYA BA LA, SMAN KHU'I SBYOR BA SNGAR BSHAD PA DANG, 'O MA 'THUNGS NAS BZA' BA'I RNAM PA YANG DE NYID DANG BZA'
ZHING LONGS SPYAD PAR BYA'O, ,SMAN KHU'I SBYOR BA 'DI DAG NYID, ,BSKOL BA'I MAR NI BLUD PAR BYA, ,ZHES BYA BA LA, SNGAR BSHAD PA'I SMAN KHU BSKOL BA'I SBYOR BA CI RIGS PAR BSKOL BA 'DI DAG NYID DANG, MAR DU BSKOL BA'I SMAN MAR YANG BTUNG ZHING LONGS SPYAD PAR BYA'O, ,BA SHA KA RTZA RTZER BCAS BRDUNGS, ,CHU NI BRGYAD 'GYUR NANG DU NI, ,BSKOL TE BRGYAD CHA LUS GYUR PA, ,DE DANG MAR NI BTZO BAR BYA, ,DE YI ME TOG NANG BCUG BSGRANGS, ,SBRANG RTZIR BCAS PAS KHRAG MKHRIS DANG, ,MKHRIS SKRAN RIMS DANG DBUGS MI BDE, ,LUD PA SNYING NAD MIG SER DANG, ,RAB RIB MGO 'KHOR ME DBAL DANG, ,SKAD 'GAGS PA NI 'JOMS PAR BYED, ,CES BYA BA LA, BA SHA KA'I RTZA BA DANG, YAL GA DANG LO MA DANG, RTZE MOR BCAS PA DE GTUN GYI NANG DU BRDUNGS LA, SMAN SRANG SUM CU RTZA GNYIS, CHU SRANG NYIS BRGYA LNGA BCU RTZA DRUG GI NANG DU BSKOL LA, DE LAS BRGYAD CHA STE, SUM CU RTZA GNYIS LUS PA DANG, DE'I NANG DU MAR SRANG BRGYA BTZOS LA MAR GYI BZHI CHAR BA SHA KA'I ME TOG NANG DU BCUG LA, DE BSGRANGS PAR SBRANG RTZI BTAB STE BZA' BAR BYA'O, ,ZOS PAS NI KHRAG MKHRIS LA SOGS PA'I NAD SKYES PA 'JOMS PAR BYED DO, ,PA LA SHA YI MYU GU'I KHUR, ,DE BCUG MAR NI BSKOL BA DANG, ,SBRANG RTZIR BCAS PAS KHRAG NAD SEL, ,KYI LCE BA YANG DE BZHIN NO, ,ZHES BYA BA LAS, PA LA SHA'I MYU GU KHAM BYE BA BSKOL BA'I KHU BA 'DIR KHYAD PAR GYI TSIG MA SMOS PA LAS NI MAR GYI BZHI 'GYUR BYAS PA DE DAG NYID KYI NANG DU PA LA SHA'I PHYE MA MAR GYI BZHI CHA BCUG LA DRANG SRONG SHAN KAS BSHAD PA'I TSAD BZHIN DU, SMAN GYI LDE GU MAR GYI BRGYAD CHA BCUG LA, SHA NA KAS BSHAD PA'I TSUL DU BTUNG BAR BYA STE, DE YANG SHAN KAS BSHAD PA'I TSUL NI, ,SMAN GYI KHU BA BSKOL RIM GYIS, ,CHUNG NGU SNUM NI DAG PA YIN, ,LDE GU BZHI CHA DRUG PA DANG, ,BRGYAD CHA DANG NI SBYAR BAR BYA, ,ZHES BYA BA YIN NO, ,DE LTA BU'I SMAN MAR TE SBRANG RTZI DANG BCAS PA ZOS PAS NI KHRAG MKHRIS KYI NAD 'JOMS PAR BYED PA YIN NO, ,YANG DE NYID KYI TSUL BZHIN KYI LCE BA'I RANG GI KHU BA DANG, LDE GU'I NANG DU MAR BCUG STE BSKOL BA DE YANG KHRAG DANG MKHRIS PA 'JOMS
, ,PAR BYED PA YIN NO, ,KHRAG NI SPYI BAG BAD KAN BCAS, ,MDUD PAR CHAGS NAD MGUL PAR BYUNG, ,AUTPAL SDONG BU BSREGS THAL BA, ,ZHUN MAR SBRANG RTZIR BCAS PA BLDAGS, ,ZHES BYA BA LA, MGUL PA'I LAM NAS BYUNG BA'I KHRAG SPYI BAG DANG BCAS PAR 'BYUNG ZHING BAD KAN DANG 'DREN MAR BYUNG BA DANG, DE BZHIN DU MDUD PAR CHAGS PA STE, KHRAG GI NANG DU MDUD PA SHA'I RMEN BU LTA BU CHAGS PA'I NAD LA NI, AUTPA LA'I SDONG BU BSREGS PA'I THAL BA SBRANG RTZI DANG ZHUN MAR DU SBYAR TE BLDAGS NA SEL BAR 'GYUR RO, ,PADMA AUTPA LA GE SAR DANG, ,PRI YANG KU DANG MA DU KA ,RE RE'I SBYOR BA DE BZHIN BYA, ,ZHES BYA BA LA, DE BZHIN DU PADMA GE SAR GYI THAL BA DANG, AUTPA LA'I GE SAR GYI THAL BA DANG, PRI YANG KU STE GAN DHA BRI YANG KU BSREGS PA'I THAL BA DANG, MA DU KA'I THAL BA SNA RE RE ZHING YANG ZHUN MAR DANG, SBRANG RTZI DANG SBYAR BA'I LDE GU BLDAGS NA PHAN YON SNGA MA DANG 'DRA STE, GRE BA NAS KHRAG 'BYUNG BA SPYI BAG LA SOGS PA'I MTSAN NYID CAN GYI NAD SEL BAR BYED DO, ,KHRAG NI BSHANG BA'I LAM NAS NI, ,'BYUNG BAR BYED LA KHYAD PAR DU, ,'JAM RTZI BTANG BA BSNGAGS PA YIN, ,ZHES BYA BA LA, BSHANG BA'I LAM NAS 'BYUNG BA'I KHRAG GI NAD LA KHYAD PAR RAM MCHOG TU 'JAM RTZI MAS GTONG BA'I CHO GA BYAS BA SNGAGS PA YIN LA, 'JAM RTZI DE YANG KHRAG DANG MKHRIS PA SEL BA'I SMAN GYI SBYOR BA'I LAS BYA'O, ,SNA NAS NAD CAN KHRAG BYUNG NA, ,SNA SMAN GTANG ZHING BLUGS PAR BYA, ,SNGAR BSHAD SMAN KHU'I SBYOR BA DANG, ,'O MA BU RAM SHING KHU BLUGS, ,'O MA SOGS CHU KHA RAR BCAS, ,YANG NA CHU NI 'BA' ZHIG PHAN, ,SE'U 'BRU'I ME TOG KHU BA'AM, ,AA MRA'I RUS PA D'UR BA PHAN, ,ZHES BYA BA LA, SNA NAS BYUNG BA'I KHRAG NAD BSAL BA LA NI SMAN SNA NAS GTANG BA'I CHO GA 'O MA BLUGS PA LA SOGS PA SBYAR BAR BYA'O, ,DE BZHIN DU SNGAR BSHAD PA'I SMAN KHU'I SBYOR BA DANG, GCIG TU SBYOR BA'I SMAN YANG GTANG BAR BYA'O, ,DE BZHIN DU 'O MA LA SOGS PA KHAR DANG BCAS PA DANG, DE BZHIN DU CHU DANG KHA RAR BCAS PA'AM, YANG CHU 'BA' ZHIG BLUGS PA
BSNGAGS PA YIN NO, ,YANG NA SE'U 'BRU'I ME TOG GI KHU BA SNAR BLUD NA PHAN PA'AM, DE BZHIN DU AA MRA'I RUS PA BSKOL BA'I KHU BA'AM, YANG NA RTZA D'UR BA'I KHU BA SNA LAS NAD KHRAG PHYUNG BA LA PHAN NO, ,BSIL SMAN SDE TSAN GTOGS PA DAG ,BSKU DANG BYUG LA SOGS LAS SBYAR, , ZHES BYA BA LA, BSIL SMAN GYI SDE TSAN DAG KYANG KHRAG MKHRIS SEL BA YIN TE, SKYUG SMAN LA SOGS PA'I SDE TSAN LAS SMOS PA'I D'UR BA DANG BYI TSER BA LA SOGS PA'I SMAN GANG DAG YIN PA DE BSKU BA DANG BYUG PA LAS SBYAR BAR BYA'O, ,SOGS PA SMOS PAS NI SMAN CHU BLUGS PA DANG, LUS BCING BA DANG, SMAN MAR BTZO BA LA SOGS PA BSDU'O, ,MKHRIS PA'I RIMS SEL BSHAD PA GANG, ,PHYI NANG LAS BTUNG SMAN DE DANG, ,GLO RDOL BAR NI GANG PHAN PA, ,DE YANG KHRAG DANG MKHRIS PAR PHAN, ,ZHES BYA BA LA, RIMS GSO BA'I SKABS SU MKHRIS PA'I RIMS SEL BA'I SMAN PHYI NAS BSKU BA DANG NANG NAS BTUNG BA LA SOGS PA GANG DAG YIN PA DE YANG KHRAG DANG MKHRIS PA'I NAD LA PHAN NO, ,DE BZHIN DU GLO RDOL BA LA PHAN PA'I SMAN GANG DAG YIN PA DE YANG KHRAG DANG MKHRIS PA SEL BA YIN PAS PHAN PA YIN NO, ,YAN LAG BRGYAD PA'I SNYING PO BSDUS PA'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS GSO BA'I GNAS KYI LE'U GNYIS PA'I RNAM PAR 'GREL PA'O,, ,,DE NAS LUD PA GSO BA'I LE'U BSHAD PAR BYA'O, ,ZHES BYA BA LA, DA NI 'DI'I GSO BA'I RIM PA 'DI SKABS YIN PAS NA, 'DI'I GSO BA BRTZAMS PA YIN NO, ,LUD PA MA 'DRES RLUNG LAS BYUNG, ,DANG POR SNUM GYIS GSO BYA ZHING, ,SHA KHU THUG PA YU SHA SOGS, ,RLUNG 'JOMS SMAN BSKOL SNUM PA DANG, ,DUD BDUGS LDE GU BSKU DANG DUGS, ,CHU BLUGS LUS BCING DAG GIS GSO, , ZHES BYA BA LA, LUD PA NAD GZHI GZHAN DANG MA 'DRES PAR RLUNG 'BA' ZHIG LAS BYUNG BA NI, DANG POR ZHUN MAR LA SOGS PA'I SNUM GYI SBYOR BAS GSO BAR BYA'O, ,DE BZHIN DU SHA KHU LA SOGS PA RLUNG 'JOMS PA'I SMAN DANG BSKOL BA SNUM BAG DANG BCAS PAS GSO BAR BYA BA DANG,
, ,DE BZHIN DU DUD PAS BDUGS PA DANG, LDE GU DANG BSKU BA LA SOGS PA DAG GIS KYANG LUD PA'I NAD GSO BAR BYA'O, ,BSHANG RLUNG 'GAGS LA 'JAM RTZIS GSO, ,ZHES BYA BA LA, BSHANG BA DANG 'PHYEN ZHES BYA BA'I RLUNG THUR DU 'BYUNG BA 'GAGS BAR 'GYUR BA'I NAD LA NI; 'JAM RTZI MAS GTONG BAS GSO BAR BYA'O, ,MKHRIS BCAS ZHUN MAR 'O MA NI, ,ZAS KYI SNGON BTANG, ZHES BYA BA LA, MKHRIS PA DANG BCAS PA'I RLUNG LAS GYUR BA'I LUD PA LA NI ZHUN MAR DANG 'O MA ZAS KYI SNGON DU BTANG ZHING 'THUNGS PAS GSO BAR BYA'O, ,BAD KAN BCAS, SNUM BCAS BKRU SMAN BTANG BAS GSO, ,ZHES BYA BA LA, BAD KAN DANG BCAS PA'I RLUNG LAS GYUR PA'I LUD PA LA NI SNUM DANG BCAS PA'I BKRU SMAN BTANG BAS GSO BAR BYA'O, ,SLE TRES KAndA KA RI GNYIS, ,RE RE SRANG SUM CU'I KHU BAR, ,MAR SRANG SUM CU RTZA GNYIS BSKOL, ,RLUNG GI LUD SEL ME DROD SKYED, ,CES BYA BA LA, SLE TRES DANG KAndA KA RI GNYIS PO RE RE ZHING SRANG SUM CU SUM CU BSKOL BA'I CHO GAS BSKOL LA, BSKOL BA'I KHU BA DE'I NANG DU MAR KHU SRANG SUM CU RTZA GNYIS BCUG LA, BSKOL BA'I KHU BA SMAN MAR GYIS NI RLUNG LAS GYUR PA'I LUD PA SEL ZHING PHO BA'I ME DROD SKYED PAR BYED PA YIN NO, ,KshA RA RA SNA SHU DAG DANG, ,SHING KUN PA TA SHING MNGAR DANG, ,'U SU ZHO GNYIS MAR BRE GANG, ,CHE BA LNGA DANG BCAS PA DANG, ,RTZA BA BCU BA'I KHU BAR BSKOL, ,'THUNGS RJES THUG PA BLUD GYUR NA, ,LUD PA DBUGS MI BDE BCAS SNYING, ,RTZIB LOGS PHO BA'I SKRAN NAD SEL, ,ZHES BYA BA LA, YAB KshA RA LA SOGS PA'I SMAN ZHO GNYIS, ZHUN MAR BRE GANG ZHES PA SUM CU RTZA GNYIS KYI NANG DU BCUG LA, TSAB LNGA DANG BCAS PAR BSKOL ZHING RTZA BA BCU PA'I KHU BAR MAR GYI BZHI CHA SRANG BRGYAD CU LA BSKOL TE MAR SRANG BRGYAD CU RTZA GNYIS PO DE LAS CI RAN TZAM 'THUNGS PA'I RJES LA THUG PA BLUD PAR GYUR NA, DES LUD PA LA SOGS PA'I NAD SEL BAR 'GYUR BA'O, ,'DIR TSA BA LNGA NI RE RE ZHING ZHO GNYIS GNYIS GZHUG GO, ,RA SNA NYE'U SHING RTZA BA BCU, ,SRANG NI BCU GNYIS TSAD DU BYA, ,RGYA SRAN RGYA SHUG NAS DAG NI, ,
RA SHA SRANG NI LNGA BCU DANG, ,CHU SRANG LNGA BRGYA BCU GNYIS BSKOL, ,DE DANG MAR NI BRE BZHI BSKOL, ,'O MA MAR MNYAM DZI BAN TI, ,LA SOGS SRANG CHAR BYAS TE BRTAG ,RLUNG GI NAD LA BLUD PA DANG, ,SNAR BTANG 'JAM RTZI MAS GTONG SBYAR, ,LUD PA RNAM LNGA MGO 'DAR DANG, ,MO MTSAN CHU SOR NA BA DANG, ,LUD KUN LUS NI PHYOGS GCIG NAD, ,MCHIN BCAS STOD KYI RLUNG NAD SEL, ,ZHES BYA BA LA, SMAN RA SNA DANG, NYE'U SHING DANG, RTZA BA BCU PA STE, SMAN SNA BCU GNYIS PO SRANG RE GZHAL BA'I SRANG BCU GNYIS DANG, RGYA SRAN KU LANGTHA DANG, ,RGYA SHUG DANG, NAS TE GSUM PO SRANG BRGYAD BRGYAD DANG, RA SHA SRANG LNGA BCU CHU SRANG LNGA BRGYA RTZA BCU GNYIS KYI NANG DU BSKOL LA, BSKOL BA DE LAS BZHI CHA LUS PA DE DANG MAR DANG, 'O MA BRE BZHI BZHI STE, SRANG BRGYA NYI SHU RTZA BRGYAD DANG, DZI BAN TI, RA MNYE BA LA SOGS PA'I SMAN RE RE'I CHAR BYAS PA LDE GUR BYAS PA DANG BSKOL BA'I MAR DE BRTA BAR BYED NUS PA NYID DU LEGS PAR BRTAGS SHING SHES PAR BYAS LA, RLUNG GI NAD LA BTUNG BA LA SOGS PAR BYIN PAS LUD PA RNAM PA LNGA PO SEL BAR BYED PA DANG, MGO 'DAR ZHING 'DAM PA LA SOGS PA'I NAD DANG, LUS KYI YAN LAG TU KHYAB PA DANG, LUS KYI PHYOGS GCIG TU KHYAB PA'I RLUNG GI NAD SNA TSOGS DANG, MCHIN PA'I NAD DANG BCAS PA SEL BAR 'GYUR RO, ,BI DA RI SOGS SDE TSAN BSKOL, ,LDE GU MAR BSKOL LUD PA 'JOMS, ,ZHES BYA BA LA, BI DA RI LA SOGS PA'I SDE TSAN BSKOL BA'I KHU BA MAR GYI BZHI 'GYUR DANG, LDE GU MAR GYI BZHI CHA BSKOL BA'I SMAN MAR DE NI LUD PA 'JOMS PAR BYED PA YIN NO, ,SHING MNGAR AA SHVA KA'I SA BON, ,BYI DANG GA DANG SKYER KHAndA, ,SHUG PA KHA RU TSA MAR BSKOL, ,YANG NA DE PHYE MAR DANG SBRUS, ,LDE GU BYIN LA RA YI NI, ,'O MA BLUD NA LUD PA SEL, ,ZHES BYA BA LA, SHING MNGAR DANG AA SHVA KA'I SA BON LA SOGS PA SMAN KHA RU TSA DANG BCAS PAR BSKOL BA'I KHU BA MAR GYI BZHI 'GYUR GYI NANG DU BSKOL BA'I SMAN MAR 'THUNGS LA, DE'I RJES LA 'O MA BLUD NA LUD PA SEL BAR 'GYUR RO, ,YANG NA SHING MNGAR LA SOGS PA SMAN GYI PHYE MA MAR DANG SBRUS TE
, ,LDE GUR BYAS PA BLDAGS LA, DE'I RJES LA RA'I 'O MA 'THUNGS NA YANG LUD PA SEL BAR 'GYUR RO, ,DONG GA RA SNA BYI DANG GA ,SHING KUN RGYAM TSA PI PI LING, ,BAR GYI KshA RA DE'I PHYE MA'AM, ,MAR DANG RAN TZAM BLUD GYUR NA, ,RLUNG GYUR BAD KAN BCAS LUD PA, , DBUGS MI BDE DANG SKYIGS BU DANG, ,ME DROD CHUNG BA SEL BAR BYED, ,CES BYA BA LA, DONG GA LA SOGS PA'I PHYE MA 'AM, MAR GYIS TSAD NAD ZHI BA LA SOGS PA'I TSUL LAS LTOS TE BLUD PAR GYUR NA, RLUNG LAS GYUR BA'I BAD KAN BCAS PA'I LUD PA SEL BAR 'GYUR RO, ,BYI TSER BA DANG BCA' SGA DANG, ,ZUR PA RGUN 'BRU KHAR DKAR, ,KAR KA TA YI SRING GI NI, ,TIL MAR DANG NI LDE GUR SBYAR, ,RLUNG LAS GYUR PA'I LUD PA SEL, ,ZHES BYA BA LA, BYI TSER BA LA SOGS PA'I SMAN TIL MAR DANG LDE GUR SBYAR BA BLDAGS PAS NI RLUNG LAS GYUR PA'I LUD PA SEL BAR 'GYUR RO; ,BYI TSER GLA SGANG PI PI LING, ,BAR GYI ZUR PA KAR KA TI, ,BU RAM RNYING DANG TIL MAR DANG, ,LDE GUR BYAS PA BLDAG PAR BYA, ,ZHES BYA BA LA, BYI TSER BA LA SOGS PA'I SMAN PHYE MAR BTAGS PA DANG, BU RAM RNYING PA DANG, TIL MAR DANG LDE GUR SBYAR TE BLDAGS NA YANG RLUNG LAS GYUR PA'I LUD PA SEL BAR 'GYUR RO, ,BCA' SGA PI PI LING DE BZHIN, ,KAR KA TA SRING DE BZHIN NO, ,ZHES BYA BA LA, BCA' SGA DANG PI PI LING BU RAM DANG SBYAR BA'I LDE GUS KYANG RLUNG LAS GYUR PA'I LUD PA SEL TO, ,KAR KA TA SRING GI ZHES BYA BA'I SMAN LDE GUR BYAS PAS KYANG DE BZHIN DU LUD PA SEL TO, ,CHU DRON DAG DANG PI PI LING, ,LCE MYANG CHE DANG BCAS PA BLUD, ,CES BYA BA LA, PI PI LING DANG LCE MYANG TSA GNYIS CHUR BSKOL BA DRO 'JAM TZAM DANG SBYAR BAS KYANG RLUNG LAS GYUR PA'I LUD PA SEL TO, ,BCA' SGA KHAR ZHO GA CHU'AM, ,PI PI LING PHYE ZHOR BTAB BLUD; ,CES BYA BA LA, BCA' SGA KHA RA DANG BCAS PA ZHO GA CHU DANG SBYAR BA'AM, PI PI LING GI PHYE MA ZHOR BTAB PA BLUD NA YANG RLUNG LAS GYUR PA'I LUD PA SEL TO, ,RGYA SHUG TSI GU CHANG NGAM ZHO, ,ZHO GA CHU DANG SBYAR BA BLUD, ,CES BYA BA LA, RGYA SHUG GI RTZA BA TSI GU PHYE MAR BTAGS
LA; CHANG NGAM ZHO GA CHU DANG SBYAR TE BLUD NA YANG RLUNG LAS GYUR PA'I LUD PA 'JOMS SO, ,YANG NA PI PI LING LDE GU, ,MAR BRNGOS RGYAM TSAR BCAS PA'ANG PHAN, ,ZHES BYA BA LA, YANG NA PI PI LING GI LDE GUR BYAS PA MAR DANG BRNGOS TE RGYAM TSAR BTAB PA CHANG NGAM ZHO 'AM ZHO GA CHU DANG SBYAR BAS KYANG RLUNG LA PHAN NO, ,LUD PA CHAM BCAS DUD PA NI, ,SNUM BCAS CHO GAS BDUG PA DANG, ,SKYIGS BU DBUGS MI BDE DUD BRNGUB, ,'O MA SHA KHUR BCAS PA BZA', ,ZHES BYA BA LA, LUD PA CHAM PA LA NI 'O MA DANG SHA KHU DANG LDAN PAR BZA' BA DANG BCAS PAR SNGAR DUD PAS BDUG PA'I CHO GA'I SKABS SU BSHAD PA'I SNUM GYI DUD PA DE NYID DU BSHAD PA'I CHO GAS BRNGUB PAR BYA BA DANG, DE BZHIN DU SKYIGS BU DANG DBUGS MI BDE BA GSO BA'I SKABS SU 'OG NAS BSHAD PA'I DUD PA DE YANG 'O MA DANG SHA KHU DANG BCAS PAR ZOS LA DE'I 'OG TU BRNGUB PAR BYA'O, , GRONG CHU RLAN CAN SROG CHAGS SHA, ,S'A LU NAS GRO DRUG CU PA'AM, ,MA SHA AAD MA KUB TA YI, ,YU SHA DAG DANG ZOS NA PHAN, ,ZHES BYA BA LA, GRONG NA GNAS PA'I SROG CHAGS DANG CHU NA GNAS PA'I SROG CHAGS RNAMS KYI SHA KHU DANG, S'A LU LA SOGS PA ZOS NA YANG LUD PA CHAM PA CAN LA PHAN NO, ,LA LA PHUD DANG PI PI LING, ,BYIL RKANG DONG GA TZI TRA KA ,RA SNA ZI RA PA LA SHA, ,KRIshnA PARnI ZUR PA DANG, ,MA NU BSKOL BAR SNUM SKYUR DANG, ,LAN TSVAR BCAS THUG RLUNG GYUR BLUD, ,RKED PA LTO SNYING RTZIB LOGS NA, ,DBUGS MI BDE DANG SKYIGS BU SEL, ,ZHES BYA BA LA, LA LA PHUD LA SOGS PA DANG BSKOL BA'I THUG PA DANG SKYUR BAG DANG LAN TSVAR BCAS PA'I THUG PA RLUNG LAS GYUR PA'I LUD PA CAN LA BLUD PAR BYA STE, DES NI RLUNG LAS GYUR PA'I LUD BA DANG RKED PA'I NAD LA SOGS PA SEL BAR BYED DO, ,RTZA BA BCU PA'I KHU BAR NI, ,TSA BA LNGA DANG BU RAM BCAS, ,TIL DANG BCAS PA'I THUG PA BLUD, ,YANG NA 'O THUG RGYAM TSAR BCAS, ,ZHES BYA BA LA, RTZA BA BCU BSKOL BA'I KHU BA'I NANG DU TSA BA LNGA DANG BU RAM BTAB PA LA TIL MAR 'BRAS BTZOS PA'I THUG PA DANG SKYUR BA DANG, ,LAN TSVA DANG
, ,BCAS PA YANG SNGA MA BZHIN DU BLUD PAR BYA STE, DES NI RLUNG LAS GYUR PA'I LUD PA DANG, RKED PA NA BA LA SOGS PA SEL BAR BYED PA YIN NO, ,YANG NA 'BRAS 'O MAR BTZOS PA'I 'O THUG LA RGYAM TSA BTAB PA BLUD NA YANG RLUNG LAS GYUR PA'I LUD PA DANG, RKED PA NA BA LA SOGS PA SEL BA YIN NO, ,NYA DANG KHYIM BYA PHAG RGOD SHA, ,MAR DANG RGYAM TSAR BCAS PA'ANG PHAN, ,ZHES BYA BA LA, NYA LA SOGS PA'I SHA MAR DANG RGYAM TSA DANG BCAS PA 'THUNGS NA YANG PHAN YON GONG MA DANG 'DRA'O, ,TSOD MA RGYA SNE'U PA YA SYE, ,NI SHAN NA KA LUD PA 'JOMS, , KAndA KA RI'I LO 'BRAS DANG, ,LA PHUG GZHON NU SKOM PO'ANG PHAN, ,ZHES BYA BA LA, RGYA SNE'U LA SOGS PA'I TSOD MA YANG RLUNG LA SOGS PA'I LUD PA LA PHAN NO, ,TIL MAR SOGS SNUM 'O MA DANG, ,BU RAM BU RAM SHING KHU'I ZAS, ,ZHES BYA BA LA, RLUNG LAS GYUR PA'I LUD PA LA TIL MAR LA SOGS PA'I SNUM STE, TIL MAR DANG, ZHAG DANG, RKANG DANG, ZHUN MAR DANG, 'O MA DANG, BU RAM DANG, BU RAM SHING GI KHU BA DANG G-YOS PA'I KHA ZAS ZOS NA PHAN NO, ,ZHO GA CHU ZHO RANG SKYUR CHANG, ,'BRAS BU SKYUR CHU BLUD PA PHAN, ,ZHES BYA BA LA, RLUNG LAS GYUR PA'I LUD PA LA NI ZHO GA CHU DANG, ZHO DANG RANG SKYUR TE KAN DZI DANG, CHANG DANG 'BRAS BU SKYUR PO SE'U 'BRU LA SOGS PA 'BRAS BU SKYUR PO'I KHU BAR RGYAM TSA BTAB PA BLUD NA PHAN PA YIN NO, ,MKHRIS PA'I LUD PA BAD KAN BCAS, ,ZHUN MAR GYIS NI SKYUG SMAN PHAN, ,ZHES BYA BA LA, MKHRIS PA LAS GYUR PA'I LUD PA BAD KAN DANG BCAS PA LA NI SKYUG SMAN ZHUN MAR BLUD LA SLON DU GZHAG PA PHAN NO, ,DE BZHIN PO SON CHA TANG PA LA, ,MA DU KA NI BSKOL CHUS SAM, ,ZHES BYA BA LA, YANG RNAM PA DE BZHIN DU MKHRIS PA LAS GYUR BA'I LUD PA BAD KAN DANG BCAS PA LA NI; PO SON CHA LA SOGS PA'I SMAN GYI CHU BLUD LA SLON DU GZHUG PA PHAN NO, ,SHING MNGAR PO SON CHA'I LDE GU, ,BI DBU RAM SHING KHUR SBYAR, ,ZHES BYA BA LA, YANG NA SHING MNGAR DANG PO SON CHA LDE GU BYAS SHING CHU 'THAGS SU BYAS PA LA, BI DA RI'I KHU BA DANG, BU RAM
SHING GI KHU BA DANG SBYAR BA BLUD DE SLON DU GZHUG PA PHAN NO, ,MKHRIS LUD BAD KAN SHAS CHUNG LA, ,DUR BYID MNGAR BA'I SMAN SBYAR BTANG, ,BAD KAN SHAS CHER KHA BA'I SMAN, ,SKYUG SMAN PHYIR NI GTANG BAR BYA, ,ZHES BYA BA LA, MKHRIS PA LAS GYUR PA'I LUD PA BAD KAN SHAS CHUNG ZHING SRA BA LA NI DUR BYID RGUN 'BRU LA SOGS PA'I SMAN MNGAR BA DANG SBYAR BA DAG BKRU SMAN GYI DON DU BLUD PAR BYA'O, ,DE BZHIN DU MKHRIS PA'I LUD PA BAD KAN GYI SHAS CHE BA LA NI DUR BYID PU SHEL TZE LA SOGS PA'I SMAN KHA BA DANG SBYAR BA SKYUG SMAN GYI PHYIR SBYAR BAR BYA'O, ,NAD SBYANGS NAS NI THUG PA SOGS, ,BSIL DANG MNGAR DANG SNUM PA SPYAD, ,BAD KAN SHAS CHER KHA BA DANG, ,RTZUB PA DANG SBYAR GRANG THUG BLUD, ,CES BYA BA LA, SKYUG SMAN BKRU SMAN GNYIS KYIS NAD SBYANGS PAR GYUR NAS THUG PA LA SOGS PA'I RIM PA SPYAD PAR BYA LA, DE YANG BSIL BA DE LEGS PAR BSGRANGS PA DANG, MNGAR BA'I RO DANG LDAN PA DANG, SNUM ZHING RTZUB BAD MED PAR SPYAD PAR BYA LA, BAD KAN SHAS CHE BA'I MKHRIS PA'I NAD LA NI THUG PA LA SOGS PA'I RIM PA SMAN KHA BA DANG SBYAR ZHING SNUM MED PA'I RTZUB BAG BLUD PAR BYA'O, ,MKHRIS GYUR KHA RA SKYU RU RA, ,RGUN 'BRU AUTPAL TZANDAN DKAR, ,SBRANG RTZIR SBYAR BA'I LDE GU SBYIN, ,BAD KAN BCAS LA NA LE SHAM, ,GLA SGANG DANG NI BCAS PA SBYIN, ,ZHES BYA BA LA, MKHRIS PA 'BA' ZHIG LAS GYUR PA'I LUD PA LA NI KHA RA DANG SKYU RU RA LA SOGS PA'I SMAN LDE GUR BCAS PA SBYIN PAR BYA'O, ,MKHRIS PA LAS GYUR PA'I LUD PA BAD KAN DANG BCAS PA LA NI NA LE SHAM DANG GLA SGANG DANG BCAS PA'I SMAN KHA RA LA SOGS PA DANG SBYAR TE LDE GUR BYAS PA SBYIN PAR BYA'O, ,RLUNG NAD LA NI MAR BCAS PHAN, ,ZHES BYA BA LA, RLUNG NAD DANG BCAS PA'I MKHRIS PA'I LUD PA LA NI NA LE SHAM DANG GLA SGANG MED PA'I KHA RA LA SOGS PA'I SMAN DE DAG MAR DANG BCAS PA SBYIN NO, ,MAR DANG TIL MAR DANG BU RAM DANG SHA KHA RA DANG SBRANG RTZI DANG SBYAR BA'I LDE GU NI NAD GZHI LA SOGS PA'I TSUL LAS LTOS TE TSAD CI RIGS SU SBYAR BAR BYA'O, ,RGUN 'BRU LNGA BCU PI PI LING, ,
, ,SUM CU KHA RA SRANG GCIG SBYAR, ,SBRANG RTZI 'AM BA YI LCI BA'AM, ,BE'U GZHON LCI KHUR LDE GUR SBYAR, ,ZHES BYA BA LA, RGUN 'BRU NI GO TA NA ZHES BYA BA BLANG GI NU SOR 'DRA BA'I RGUN 'BRU SBOM PO ZHIG YOD PA LA BYA STE, DE'I RDOG MA LNGA BCU DANG, PI PI LING RDOG MA SUM CU DANG, KHA RA SRANG GCIG STE 'DI DAG SBYAR BA SBRANG RTZI DANG LDE GUR BYAS PA SBYIN PA'AM, BA'I LCI BA'I KHU BA'AM, BE'U GZHON NU NU ZHO 'THUNGS PA'I LCI BA'I KHU BA DANG SBYAR BA SBYIN PAR BYA'O, ,SHING TSA SUG SMEL TSA BA GSUM, ,RGUN 'BRU PI PI LING RTZA BA, ,MA NU 'BRAS YOS GLA SGANG DANG, ,ZUR PA DKAR DANG RA SNA DANG, ,SKYU RU RA DANG BA RU RA, ,KHA RA SBRANG RTZI ZHUN MAR SBYAR, ,LDE GUS SNYING NAD LUD PA SEL, ,ZHES BYA BA LA, SHING TSA LA SOGS PA'I SMAN LDE GUR SBYAR BA NI SNYING NAD LA SOGS PA'I LUD PA SEL BA YIN NO, ,MNGAR BA'I SMAN DANG SROG CHAGS NI, ,SKAM SA'I SHA DANG NAS DANG NI, ,KHRE DANG KHRE RGOD MUNGGA SOGS, ,YU SHA DANG NI TSOD MA DANG, ,KHA BA TSAD LDAN SBYAR LDE GU, ,KHA BA DANG NI SBRANG RTZIR BCAS, ,BAD KAN SHAS CHE'I NAD LA PHAN, ,ZHES BYA BA LA, BAD KAN SHAS CHE BA'I LUD PA LA NI SKAM SA'I SROG CHAGS KYI SHA KHU DANG, SMAN MNGAR PO RGUN 'BRU DANG, BU RAM SHING GI KHU BA LA SOGS PA DANG, NAD LA SOGS PA'I TSAD DANG LDAN PAR SBYAR BA BYIN NA PHAN LA, DE BZHIN DU PU SHEL TZE LA SOGS PA'I KHU BA DANG, MON SRAN MUNGGA ZHES BYA BA MON SRAN SDE'U YU SHA LA SOGS PA'I TSOD MA DANG, DE BZHIN DU SMAN KHA BA DANG, SBRANG RTZI DANG BCAS PA PHAN PA YIN NO, ,BAD KAN SHAS CHUNG S'A LU DANG, ,DRUG CU PA'I CHAN SHA KHU PHAN, ,ZHES BYA BA LA, BAD KAN SHAS CHUNG BA'I MKHRIS PA'I LUD PA LA NI 'BRAS S'A LU DANG, 'BRAS DRUG CU PA'I SMAN SHA KHU DANG BZA' BA PHAN NO, ,BTUNG BAR KHA RA'AM RGUN CHU 'AM, ,BU RAM SHING KHU 'AM 'O MA BLUD, ,CES BYA BA LA, MKHRIS PA LAS GYUR PA LA BTUNG BA NI KHAR DANG RGUN 'BRU BSRES PA'I CHU BLUD NA PHAN NO, ,DE BZHIN DU RGUN 'BRU DANG BU RAM SHING GI KHU BA SBYAR BA BLUD PA'AM 'O MA BLUD PA PHAN NO, ,MKHRIS PA'I LUD PAR RA
MNYE BA; ,BRI HA TI GNYIS ME DA GNYIS, ,BA TZA KA DANG LI DONG GRA, ,SHA KHU DANG NI 'O MA 'AM, ,THUG PA'AM YU SHAR SBYAR TE BLUD, ,CES BYA BA LA, MKHRIS PA LAS GYUR PA'I LUD PA LA NI RA MNYE BA LA SOGS PA'I SMAN DANG SBYAR BA'I SHA KHU BLUD NA PHAN NO, ,RGUN 'BRU DANG NI PI PI LING; ,RTZA YI RTZA BA LNGAR BSHAD DANG, ,CHUR BSKOL BA YI KHU BA DANG, ,DE DANG 'O MA BSKOL TE BSGRANGS, ,SBRANG RTZI KHA RAR BCAS PA BLUD, ,YANG NA DE YIS THUG PA BSKOL, ,LEGS BSKOL SBRANG RTZIR BCAS PA SBYIN, ,ZHES BYA BA LA, YANG NA MKHRIS PA LAS GYUR PA'I LUD PA LA NI RGUN 'BRU LA SOGS PA DANG BSKOL BA'I THUG PA LEGS PAR BSGRANGS PA LA SBRANG RTZI DANG KHA RAR BCAS PA'AM, THUG PA BLUD PAR BYA'O, ,ZUR PA DANG NI BA LE KA ,KHA RA BCA' SGA BRI HA TI, ,BTAGS PA'I KHU BA RAS KYIS BTZAGS; MAR DANG BSRES TE BLUD PAR BYA; ,ZHES BYA BA LA, ZUR PA LA SOGS PA'I SMAN CHU BTAGS SU BYAS LA, DE'I KHU BA RAS KYIS BTZAGS TE ZHUN MAR DANG BSRES TE BLUD NA YANG MKHRIS PA LAS GYUR PA'I LUD PA SEL TO, ,KHA RA DANG NI DZI BA KA ,MUNGGA MA SHA PARnI DANG, ,BYI TSER BA NI LDE GUR BYAS, ,MAR DANG 'O MA BRGYAD 'GYUR BSKOL; ,DE BTUNG BZA' DANG BLDAG PA DANG, ,SBYAR BAS MKHRIS PA'I LUD PA SEL, ,ZHES BYA BA LA, SHA KHA RA LA SOGS PA'I SMAN LDE GUR BYAS PA LA MAR JI TZA YOD PA'I BRGYAD 'GYUR GYI 'O MA DANG BSRES PA'I NANG DU BSKOL LA, MAR DE BTUNG BA LA SOGS PA DANG SBYAR NA MKHRIS PA'I LUD PA SEL BAR 'GYUR RO, ,'DI DAG PHYE MA'I LDE GU 'AM, ,BSKOL BA'I KHU BA BLUD PAR BYA, ,ZHES BYA BA LA, SMAN MAR GYI SBYOR BAR SMOS PA'I SMAN BSHAD MA THAG PA'I 'DI DAG GI PHYE MA LDE GUR BYAR YANG RUNG STE, DE DAG KYANG SBRANG RTZI DANG LDE GUR BYA'O, ,ZHES BYA BA'I DON GYIS SHES PAR BYA'O, ,YANG NA SMAN 'DI DAG BSKOL BA'I KHU BA BLUD NA YANG NAD DE DAG LA YANG PHAN PAR 'GYUR RO, ,BAD KAN LUD CAN GYIS DANG POR, ,THANG SHING BSREGS NAS GZAGS PA'I SNUM, ,BA SHA KA DANG NAS TSIG 'KHUS, ,
, ,THAL BA'I PHYE MA BTAB PA GTANG, ,ZHES BYA BA LA; BAD KAN LAS GYUR PA'I LUD PA DANG LDAN PA'I MI NI DANG POR THANG SHING BSREGS NAS DE'I SNUM GZAGS SU BCUG PA GANG YIN PA DANG, BA SHA KA DANG NAS TSIG 'KHUS PA'I THAL BA'I PHYE MA BTAB PA DE GTANG BAR BYA'O, ,SNUM BCAS BKRU SMAN GYIS STENG DANG, ,'OG DANG SPYI BOR CI RIGS PAR, ,NYAMS STOBS LDAN BKRU SMAN RNO GTANG, ,ZHES BYA BA LA, SNUM DES SNUM GYI CHO GA BYAS PA'I NAD PA LA BKRU SMAN BTANG STE STENG DANG 'OG DANG SPYI BO STE LAN GSUM NAS CI RIGS PAR NAD LA SOGS PA'I TSUL LAS LTOS LA BKRU SMAN GTANG BAR BYA STE, STENG DU NI SKYUG SMAN GYIS SLON BAR BYA BA DANG, SPYI BOR SNA NAS BKRU SMAN GTANG BA DANG, 'OG NAS NI BKRU SMAN BTANG STE GSUM CHAR YANG NAD SBYONG BAR BYED PAS NI BKRU SMAN ZHES BYA'O, ,DE DAG GIS KYANG SKYES BU NYAMS STOBS DANG LDAN PA DAG LA KHRUS BYA'I, NYAMS STOBS CHUNG BA DAG LA NI MA YIN NO, ,THUG PA SOGS KYANG 'DI LA BLUD, ,NAS DANG MUNGGA RGYA SRAN ZAS, ,RTZUB DRO NA LE SHAM GYIS TSA, ,KA SA MARDA BAR DAG ,BYA KRI YA BAKshA RA DANG, ,PI PI LING DANG BCAS PA SBYIN, ,SKAM SA KHUNG GNAS SHA KHU SNUM, ,TIL DANG YUNGS KAR BIL BA'I SNUM, ,SBYAR BA'I THUG PA SBYIN PAR BYA, ,ZHES BYA BA LA, DE LTAR SLON KHRUS BYAS PA'I BAD KAN LAS GYUR PA'I LUD PA CAN LA THUG PA LA SOGS PA'I RIM PA BLUD PAR BYA'O, ,DE NAS NAS LA SOGS PA LAS GZAGS PA'I RTZUB PA DANG DRO BA DANG, NA LE SHAM LA SOGS PA'I SMAN GYIS CHA ZHING RNO BAR BYAS PA DANG, KA SA MARDA LA SOGS PA'I TSOD MA DANG LDAN PA DANG, DE BZHIN DU SKAM SA DANG KHUNG NA YOD PA'I SROG CHAGS RNAMS KYI SHA KHU'I SNUM DANG TIL LA SOGS PA LAS SMAN SBYAR BA'I THUG PA SBYIN PAR BYA'O, ,SKOM NA RTZA BA BCU BSKOL CHU, ,CHU TSAN CHANG NGAM SBRANG CHU BLUD, ,CES BYA BA LA, BAD KAN LAS GYUR PA'I LUD PA CAN DE SGOM PAR GYUR NA RTZA BA BCU BSKOL BA'I CHU BLUD PA'AM, YANG CHU 'BA' ZHIG BSKOL BA'I CHU TSAN MANG LA GOMS PA'I CHANG RNYING BLUD
PA'AM; YANG NA SBRANG RTZI DANG SBYAR BA'I CHU BLUD PAR BYA'O, ,DONG GA MA NU'I RTZA BA DANG, ,PA TO LA YI RTZA BAR BCAS, ,NUB GCIG CHUR SBANGS SBRANG RTZI BTAB, ,ZAS DUS GSUM MAM NANG PAR BLUD, ,CES BYA BA LA, YANG DONG GA LA SOGS PA'I SMAN NUB GCIG CHUR SBANGS LA SBANG RTZI BTAB STE NANG PAR BTUNG BA'I ZAS ZA BA'I DUS GSUM PO ZAS KYI THOG MA DANG, ZAS KYI BAR DANG, ZOS PA'I MTHA' MA STE GSUM CHAR DU YANG BLUD PAR BYA'O, ,PI PI LING DANG DE RTZA BA, ,BCA' SGA DANG NI BA RU RA, ,RMA BYA KHYIM BYA'I MJUG SGRO NI, ,SNAG CHER BYAS DANG NAS TSIG THAL, ,BI SHA GLA SGANG PI PI LING, ,DUR BYID SBRANG RTZIR SBYAR BA STE, ,TSIGS BCAD PHYED KYIS RDZOGS LDE GU, ,GSUM PO BAD KAN LUD PA SEL, ,ZHES BYA BA LA, PI PI LING LA SOGS PA'I SMAN TSIGS SU BCAD PA PHYED PHYED KYIS RDZOGS PAR BYAS PA'I LDE GU GSUM PO SBRANG RTZI DANG SBYAR BA BYIN NA BAD KAN GYI LUD PA SEL BAR 'GYUR RO, ,RMA BYA DANG KHYIM BYA'I MJUG SGRO'I SNAG TSA NI DE GNYIS BSREGS PA LAS SNAG TSA LTAR NAG POR BYAS PA'O; ,NAS LAS BYAS PA'I THAL BA YIN PAS NA NAS TSIG THAL BA'O, ,SBRANG RTZI NA LE SHAM SBYAR BA LDAG ,AA KA RU SBRANG RTZI NYID KYIS, ,KAndA KA RI BAR TA KA ,BRING GA RA DZA'I KHU BA DANG, ,KA SA MARDA RTA SBANGS BA TZIR, ,KHU BA'AM BYE'U RUG NAG PO'I KHU, ,SBRANG RTZI SO SOR SBYAR BA BLDAG ,CES BYA BA LA, BAD KAN LAS GYUR PA'I LUD PA LA NI SBRANG RTZI DANG NA LE SHAM SBYAR TE LDE GUR BYAS PA BLDAG PA'AM, AA KA RU'I PHYI MA SBRANG RTZI DANG SBYAR TE BLDAG PA'AM, DE BZHIN DU KAndA KA RI'I KHU BA DANG, BAR TA GA'I KHU BA DANG, BRING GA RA DZA'I KHU BA DANG, KA SA MAR DA'I KHU BA DANG, RTA SBANGS KYI KHU BA DANG, BYE'U RUG PA NAG PO'I KHU BA GANG YANG RUNG BA'I KHU BA SBRANG RTZI DANG SBYAR TE BLDAG PAR BYA'O, ,THANG SHING ZUR PAR SNA DANG, ,BYI TSER KAR KA TA SRING GI ,GLA SGANG BCA' SGA PI PI LING, ,KHA RA AA RU SKYU RU RA, ,'BRAS YOS KHA RA DKAR PO DANG, ,SKYU RU RA YI PAGS PA RNAMS, ,SBRANG RTZI TIL MAR SBYAR LDE GU, ,GSUM PO RLUNG
, ,'DRES BAD KAN SEL, ,ZHES BYA BA LA, RLUNG NAD 'DRES SHING RJES SU 'BREL BA'I BAD KAN GYI LUD PA LA NI LDE GU GSUM PO SBRANG RTZI DANG TIL MAR GNYIS DANG SBYAR ZHING BSRES PA GTANG BAR BYA LA, SMAN NI THANG SHING LA SOGS PA TSIGS SU BCAD PA PHYED PHYED KYIS RDZOGS PAR BYAS PA'I MTSAN GSUM DANG SBYAR BAR BYA'O, ,SKYU RU RA'I PAGS PA NI SKYU RU RA BZANG PO SKAMS PAR GYUR PA'I PAGS PA LTAR 'CHUS PA LA BYA'O, ,SE'U 'BRU SRANG GNYIS BU RAM NI, ,SRANG BRGYAD TSA BA GSUM SRANG RES, ,SKAD SNYAN DROD SKYED YI GA 'BYED, ,LUD PA DBUGS MI BDE CHAM SEL, ,ZHES BYA BA LA, SE'U 'BRU'I KHU BA BTZIR BA SRANG GNYIS DANG, BU RAM SRANG BRGYAD DANG, TSA BA GSUM SRANG RE RE STE, SRANG BCU GSUM PO 'DI DAG BSRES LA PHYE MAR BYAS PA NI, SKAD SNYAN PAR BYED PA NAS CHAM BSEL BA'I BAR DU BYED DO, ,BU RAM YA BAKshA RA DANG, ,NA LE SHAM DANG PI PI LING, ,SE'U 'BRU RIM GYIS SRANG GNYIS DANG, ,ZHO RE SRANG PHYED TZAM DU SBYAR, ,LUD PA DBUGS MI BDE BA SEL, ,ZHES BYA BA LA, BU RAM SRANG GNYIS, YA BAKshA RA ZHO GCIG ,PI PI LING DANG NA LE SHAM ZHO RI, SE'U 'BRU SRANG GCIG TU BYAS PA PHYE MAR SBYAR BA DES NI LUD PA DANG DBUGS MI BDE BA SEL BAR BYED DO, ,RIMS KYI SKABS BSHAD AA RU RA, ,SOGS DANG KA RA KA TA SRING GI ,BSKOL BA'I KHU BA BLUD PAR BYA, ,ZHES BYA BA LA, RIMS KYIS SKABS SU BSHAD PA'I SMAN GLA SGANG DANG, AA RU RA DANG 'U SU'I 'BRAS BU LA SOGS PA DANG, KAR KA TA SRING GI DANG BCAS PA'I KHU BA BLUD NA YANG LUD PA SEL BAR BYED DO, ,YANG NA DUR BYID LA LA PHUD, ,GLA SGANG MA NU BI SHA LA, ,PI PI LING BCAS PA GCIN NAM, ,CHUNG BSKOL BA GCIN KHUD PA SEL, ,ZHES BYA BA LA, YANG NA DUR BYID LA SOGS PA SMAN PA GCIN DANG CHO GA BZHIN BSKOL BA LA PI PI LING GI PHYE MA BTAB PA'AM, DUR BYID LA SOGS PA'I SMAN CHU DANG BSKOL TE, PI PI LING GI PHYE MA BTAB PA BLUD NA YANG BAD KAN LAS GYUR PA'I LUD PA SEL BAR BYED DO, ,PI PI LING NI TIL MAR BRNGOS, ,
LDE GU ZHO GNYIS KHA RA RA BCAS, ,RGYA SRAN BSKOL BA'I KHU BAR SBYAR, ,BLUD NA BAD KAN LUD PA 'JOMS, ,ZHES BYA BA LA, PI PI LING GI LDE GU ZHO GNYIS KHA RA DANG BCAS PA TIL MAR BRNGOS LA RGYA SRAN KU LANGTHA BSKOL BA'I KHU BA DANG SBYAR ZHI BA BSKOL BA BLUD NA BAD KAN LAS GYUR PA'I LUD PA 'JOMS PAR BYED DO, ,RTZA BA BCU KHU BRE BZHI DANG, ,MAR BRE GANG DANG MA NU DANG, ,ZUR BA BIL BA BYI'U RUG PA, ,SHING KUN TSA GSUM ZHO GNYIS PA SKOL, ,BLUD PA'I RJES LA THUG PA BTUNG, ,DE KUN BAD KAN RLUNG NAD 'JOMS, ,ZHES BYA BA LA, RTZA BA BCU PA SMAN BSKOL BA'I KHU BA BRE BZHI MA NU ZHES BYA BA PUshKAR M'U LA LA SOGS PA'I SMAN ZHO GNYIS LDE GUR BYAS PA DANG BSKOL BA'I MAR DE BLUD LA, DE'I RJES LA THUG PA 'THUNGS NA DE THAMS CAD KYIS RLUNG DANG BAD KAN LAS GYUR BA'I NAD 'JOMS PAR 'GYUR RO, ,NIR GUN THI LO BSKOL BA'I KHU; ,MAR BSKOL LUD PA 'JOMS BYED YIN, ,ZHES BYA BA LA, NIR GUN THI NI SHE PHAL GYI, ,ZHES BYA BA STE, DE'I LO MA BSKOL BA'I SMAN MAR GYIS NI LUD PA SEL BAR BYED PA YIN NO, ,BYI DANG GA YI KHU BA'I NANG, ,TSA BA GSUM BCUG MAR BSKOL PHAN, ,ZHES BYA BA LA, BYI DANG GA BSKOL BA'I KHU BA'I NANG DU TSA BA GSUM GYI LDE GU BCUG PA'I MAR GYIS KYANG LUD PA SEL BAR BYED DO, ,BA SPRU BA GNYIS BYE'U RUG PA, ,KA SA MARDA SLE TRES DANG, ,BA TO LA DANG BRI HA TI, ,PHA NID DZA KA'I KHU BA NI, ,'O MA MAR DANG BCAS PA LA, ,TSA BA GSUM DANG LEGS BSKOL 'THUNGS, ,LUD PA'I RIMS DRAG ZAD BYED DANG, ,GZHANG 'BRUM NAD KYI 'JIGS PA MED, ,CES BYA BA LA, BA SPRU BA SIN TI KA DANG, PAR SHA PU SHEL BYA BA RTZA BA DKAR PO CAN DANG, ME TOG DKAR PO GNYIS NI BU NA RNA BA RNAM GNYIS TE, DE NI BA SPRU BA GNYIS YIN TE, DE GNYIS LA SOGS PA'I SMAN BSKOL BA'I KHU BA'I NANG DU 'O MA DANG BCUG LA PI PI LING DANG NA LE SHA MA DANG BCA' SGA GSUM GYI LDE GU BCUG STE BSKOL BA'I SMAN MAR 'THUNGS NA LUD PA LA SOGS PA'I NAD KYI 'JIGS PA MED DO, DE LAS 'BYUNG BAR MI 'GYUR RO, ,KAndA KA RI'I RTZA
, ,BA DANG; ,'BRAS BU LO MAR BCAS PA YI, ,KHU BA BRE BZHI'I TSAD LA NI, ,MAR BRE GANG DANG BA LA DANG, ,TSA BA GSUM DANG BYI TANG KA ,SHU DAG DANG NI SE'U 'BRU DANG, ,KHA RU TSA DANG NAS TSIG THAL, ,PI PI LING GI RTZA BA DANG, ,SKYUR RU RA DANG MA NU DANG, ,BRI SHI BA DANG BRI HA TI; ,AA RU RA DANG YA BA TI, ,KRU TRUG TRES DANG RGUN 'BRU DANG, ,DBYI MO BYI TSER BAR SHA PU, ,STAR BU KAR GA TA SRING GI ,TAM LA GI GA BRA'I RTZA, ,RA SNA GZE MA'I LDE GU DANG, ,BSKOL BA'I MAR DES LUD KUN DANG, ,SKYIGS BU DBUGS MI BDE LA'ANG PHAN, ,KAndA KA RI'I SMAN MAR 'DI, ,BAD KAN NAD NI SEL BYED YIN, ,ZHES BYA BA LA, GAndA KA RI'I RTZA BA DANG 'BRAS BU DANG LO MAR BCAS PA BSKOL BA'I KHU BA BRE BZHI'I NANG DU MAR BRE GANG BCUG LA, BA LA DANG, TSA BA GSUM LA SOGS PA'I SMAN LDE GU'I TSAD KYIS SPYIR MAR GYI BZHI CHA GCIG BCUG LA BSKOL BA'I SMAN MAR DES NI LUD PA LA SOGS PA LNGA PO KUN DANG, SKYIGS BU LNGA DANG DBUGS MI BDE BA LNGA PO SNGAR BSHAD PA LA PHAN PA YIN NO, ,'DIR CHU SRANG NYIS BRGYA NYI SHU RTZA BRGYAD KYI NANG DU MAR SRANG SUM CU RTZA GNYIS BCUG LA, TSA BA GSUM LA SOGS PA'I LDE GU MAR GYI BZHI CHA GZHUG PAR BYA'O, ,MA NU NI PUshKA RA M'A LA'O, ,BRI SHI LCI BA NI BA SBRU BA RTZA BA DKAR PO CAN NO, ,YANG BA NI LA LA PHUD DO, ,KRU TRUG TRES NI TZI TRA KA'O, ,DBYI MO NI RTZA BA LA BYA'O, ,BYI TSER BA NI DUR LA WA PA'O, ,BAR SHA PU NI BA SPRU BA ME TOG DMAR PO CAN NO, , STAR BU NI AAm LA TZE TA SE'O, ,TA MA LA GI NI AA DZA TA'O, ,GA BRA'I RTZA BA NI BAR GYI'O, ,GZEM NI GO KshA RA'O, ,BYA KRI SRANG BRGYAD BRDUNGS CHU SRANG, ,NYIS STONG BZHI BCU BRGYAD NANG BSKOL, ,BTZAGS PAR TSA BA GSUM RA SNA, ,SLE TRES KRU TRUG PHYE MA DANG, ,KAR KA TA SRING GA BRA'I RTZA, ,GLA SGANG PI PI LING RTZA BA, ,BYI TSER BA RNAMS SRANG PHYED PHYED, ,ZHUN MAR SRANG NI BCU DRUG DANG, ,KHAR DKAR PO SRANG BZHI BCU, ,SLAR YANG DE NI BSKOL BAR BYA, ,GZAR BU LA CHAGS BSGRANGS NA NI, ,BI BI LING DANG SMIG RGANG DANG, ,SBRANG RTZI RNYING BA DAG LAS NI, ,
SRANG NI BRGYAD BRGYAD GZHUG PAR BYA, ,LDE GU 'DIS NI SNYING NAD SKRAN, ,GZHAN 'BRUM LUD DBUGS MI BDE SEL, ZHES BYA BA LA, BYA KRI ZHES BYA BA KAndA KA RI SRANG BRGYAD BRDUNGS PA CHU SRANG NYIS STONG BZHI BCU RTZA BRGYAD KYI NANG DU BSKOL LA SRANG BRGYA NYI SHU RTZA BRGYAD LUS PA RAS KYI TSAGS KYIS BTZAGS PA TSA BA GSUM LA SOGS PA'I PHYE MA SRANG PHYED PHYED, ZHUN MAR SRANG BCU DRUG BCUG LA, DE'I 'OG TU KHA RA DKAR PO SRANG BZHI BCU BCUG LA DE YANG BSKOL LA GZAR BUS DKRUGS PAS NA LDE GU STE GZAR BU LA CHAGS PAR 'GYUR BA DANG, PI PI LING SRANG BRGYAD DANG, SMIG RKANG SRANG BRGYAD DANG, SBRANG RTZI RNYING PA SRANG BRGYAD GZHUG PAR BYA'O, ,DE LTA BU'I LDE GUR SBYAR BA 'DIS NI SNYING NAD DANG SKRAN LA SOGS PA SEL BAR BYED DO, ,BAD KAN ZHI BA DUD PA BRNGUB, ,SHAS CHER SBYANGS PA'I DUD PA BRNGUB, ,CES BYA BA LA, BAD KAN LAS GYUR PA'I LUD PA LA ZHI BAR BYA BA'I DUD PA BRNGUB PA'I CHO GA'I SKABS SU BSHAD PA BRNGUB PAR BYA LA, GANG GI TSE BAD KAN GYI SHAS CHE BA DE'I TSE SBYANGS PA'I DUD PA BRNGUB PAR BYA STE, SBYANGS PA ZHES BYA BA NI BKRU SMAN DU BYA BA STE, DE YANG DUD PA BRNGUB PA'I CHO GA'I SKABS SU BSTAN PA YIN NO; ,LDONG ROS BA BLA SHING MNGAR DANG, ,SPANG SPOS GLA SGANG AI GU DA'I, ,SHUN LPAGS DU BA LUD 'JOMS PA'I, ,CHOGS DUD PA BRNGUBS NAS NI, ,MCHIL MANG MTHAR NI BU RAM BCAS, ,'O MA 'THUNGS PA'I DUD BRNGUBS DES, ,RLUNG DANG BAD KAN SHAS CHE BA'I, ,LUD PA RNYING PA'ANG MYUR DU SEL, ,ZHES BYA BA LA, LDONG ROS LA SOGS PA'I SMAN SBYAR BA'I DUD PA LUD PA 'JOMS PA'I CHO GAR BSHAD PA'I TSUL DU DUD PA BRNGUBS PA LAS MCHIL MA MANG PO 'BYUNG BA'I MTHAR YANG BU RAM DANG 'O MA DRO 'JAM 'THUNGS NA DUD PA BRNGUBS PA DES NI RLUNG NAD BAD KAN GYI SHAS CHE BA'I LUD PA RNYING BA DE YUN RING DU LON PA YANG MYUR BA NYID DU SEL BAR BYED DO, ,BAD KAN LUD PA MUN ZHUGS SNYAM, ,GAL TE MKHRIS PA RJES 'BREL LA, ,DER NI GNAS SKABS JI BZHIN DU, ,MKHRIS PA'I LUD GSO'I SBYOR BA BYA, ,ZHES BYA BA LA, BAD KAN
, ,GYI LUD PA MKHRIS PA DANG RJES SU 'BREL PAS MUN PAR ZHUGS PA SNYAM PA DE LA MKHRIS PA'I LUD PA GSO BA'I SBYOR BA 'DI NYID NAS BSHAD PA DAG GNAS SKABS JI LTA BA BZHIN DU SBYAR ZHING GTAD BAR BYA'O, ,RLUNG NI BAD KAN 'BREL BA LA, ,BAD KAN NAS SAL BA'I BYA BA BYA; ,ZHES BYA BA LA, RLUNG GI LUD PA BAD KAN DANG RJES SU 'BREL PA LAS BAD KAN GYI LUD PA BSAL BA'I THABS SNGAR JI SKAD BSHAD PA DAG BYA'O, ,MKHRIS PA DANG 'BREL RLUNG BAD KAN, ,LUD PAR MKHRIS PA BSAL BAR BYA, ,ZHES BYA BA LA, 'KHRIS PA DANG RJES SU 'BREL BA'I RLUNG DANG BAD KAN GYI LUD PA LA NI, MKHRIS PA GSO BA SNGAR JI SKAD SMOS PA DAG BYA'O, ,RLUNG DANG BAD KAN BDAG NYID SKAM, ,GSHER LA SNUM DANG RTZUB CHOS BYA, ,LUD PA BAD KAN LAS GYUR PA, ,MKHRIS BAR BCAS PA KHA BAS GSO, ,ZHES BYA BA LA, RLUNG DANG BAD KAN GYI BDAG NYID CAN GYI LUD PA SKAM ZHING BAD KAN GYI LUD PA LJAN LJIN MED PA LA SNUM CHOS KYI BYA BA'I LAS KYIS GSOL, RLUNG DANG BAD KAN GYI BDAG NYID CAN GYI LUD PA GSHER ZHING LJAN LJIN DANG BCAS BA LA NI RTZUB CHOS SU BYAS PA'I LAS KYIS GSO BAR BYA'O, ,BAD KAN LAS GYUR PA'I LUD PA MKHRIS PA DANG RJES SU 'BREL PA LA NI SMAN KHA BA DANG LDAN PA SBYOR BAS GSO BAR BYA'O, ,GLO NAD 'GRAMS LA 'PHRAL DU NI, ,RGYA SKYEGS SBRANG RTZI'I 'O MA BLUD, ,ZHU NAS S'A LU'I 'BRAS CHAN NI, ,'O MKHAR RA BCAS PA BZA', ,ZHES BYA BA LA, GLO'I NAD 'GRAMS SHING RDOL BAR GYUR PA 'PHRAL DU DE NYID KYI TSE BYUNG BAR GYUR NA, DE LA RGYA SKYEGS 'O MA DANG SBRANG RTZIR BCAS PA BLUD PAR BYA STE, GLO 'GRAMS PA 'BYOR PA NI RGYA SKYEGS GTZO BOR GYUR PA YIN LA, RGYA SKYEGS SBRANG RTZI DANG 'O MA'I SMAN DE ZHU BAR GYUR NAS, S'A LU'I 'BRAS 'O MA DANG KHA RA DANG BCAS PA BZA' BAR BYA'O, ,RTZIB LOGS CHU SON BCAS TE, ,MKHRIS DROD SHAS CHUNG CHANG SBYAR BTUNG, ,ZHES BYA BA LA, GLO 'GRAMS PA'I RTZIB LOGS DANG CHU SO NA BA DANG BCAS SHING MKHRIS PA DANG KHONG PA'I ME DROD SHAS CHUNG BA YIN NO, RGYA SKYEGS DE CHANG DANG SBYAR LA BTUNG BAR BYA'O, ,BSHANG 'KHRU GLA
SGANG BONG NGA DKAR, ,PA TA DUG MO YUNGS BCAS BTUNG, ,ZHES BYA BA LA, BSHANG BA 'KHRU ZHING SLA BAR GYUR PA NA SKYEGS DE GLA SGANG LA SOGS PA'I SMAN DANG BCAS PA'I CHU BTUNG BAR BYA'O, ,RGYA SKYEGS ZHUN MAR SBRANG RTZI DANG, ,'TSO BYED SDE TSAN KHA RA DKAR, ,SMIG RKANG KHA RA MNYAM 'O MAR, , BSKOL BA ME DOD CHE LA BLUD, ,CES BYA BA LA, RGYA SKYEGS LA SOGS PA'I SMAN CHA MNYAM PAR BYAS BA'O, ,MAR BSKOL BA NI KHONG PA'I ME DROD CHE BA'I NAD LA BLUD BAR BYA'O, ,'TSO BYED KYI SDE TSAN NI DZI BAN TI DANG RA MNYE BA LA SOGS PA SKYUG SMAN LA SOGS PA'I SDE TSAN GYI NANG DU BSHAD PA'O; ,SMIG RKANG NI DU KshI RA'O, ,BU RAM SHING DANG PADMA'I TSIGS, ,PADMA GE SAR TZANDAN DMAR, ,'O MAR BSKOL BA SBRANG RTZIR BCAS, ,GLO 'GRAMS 'BYOR BAR BYA PHYIR BLUD, ,CES BYA BA LA, BUR MA SHING LA SOGS PA'I KHU BA SBRANG RTZI DANG BCAS PA GLO 'GRAMS PA'I RDOL BA 'BYOR BAR BYED PA'I PHYIR BLUD PAR BYA'O, ,NAS RJEN PHYE NI 'O MA RU, ,BTZOS TE MAR DANG SBYAR BA'AM, ,KHA RA SBRANG RTZI 'O MA PHYE'I, ,SKYO MA RIMS TSAD LDAN LA BLUD, ,CES BYA BA LA, NAS RJEN PA ME MA LAM BRDOS PA'I PHYE 'O MAR BTZOS TE THUG PA LTA BUR BYAS LA MAR DANG KUN TU SBYAR BA NI RIMS KYI TSA BA DANG LDAN PA'I GLO 'GRAMS PA LA SBYIN PAR BYA'O, ,YANG NA KHA RA DANG SBRANG RTZI DANG 'O MA PHYE DANG SKYO MAR BYAS PA BLUD PAR BYA'O, ,LUD PA CAN LA SMAN MNGAR DANG, ,BSKOL BA'I ZHUN MAR BLUD PAR BYA, ,ZHES BYA BA LA, LUD PA ZHES BYA BA 'DIR GNAS SKABS KYIS NA GLO RDOL BA'I LUD PA CAN LA BYA STE, DE LA SMAN MNGAR BA ZHES BYA BA RGUN 'BRU DANG SHING MGAR DANG MA DU KA LA SOGS PA MNGAR BA'I SDE TSAN DU BSTAN PA'I PHYIR BSHAD PA'I SMAN DANG BSKOL BA'I ZHUN MAR BLUD PAR BYA'O, ,YANG NA BU RAM CHU BSKOL BSGRANGS, ,SBRANG RTZI NA LE SHAM BTAB BLUD; ,CES BYA BA LA, YANG NA NAD DE LTA BU LA BU RAM DANG SBYAR BA'I CHU BSKOL TE BSGRANGS BA'I NAD SBRANG RTZI DANG NA LE SHAM BTAB STE BLUD PAR BYA'O, ,YANG NA SKYU RU RA'I PHYE MA, ,'O MAR BSKOL BA MAR BTAB BLUD, ,CES BYA BA LA, YANG GLO 'GRAMS BA'I NAD LUD BA CAN GYI MI LA
, ,SKYU RU RA'I PHYE MA 'O MAR BSKOL TE MAR BTAB LA BLUD PAR BYA'O, ,YANG NA BCUD KYIS LEN CHOGS, ,PI PI LING YANG SBYIN PAR BYA, ,ZHES BYA BA LA, YANG NA BCUD KYIS LEN GYI LE'U LAS BSHAD PA'I CHOGS PI PI LING GI SMAN GLO 'GRAMS PA'I LUD PA CAN DE LA SBYIN PAR BYA'O, ,LUD PA CAN RUS TSIGS GZER LA, ,RGUN 'BRU SHING MNGAR MA DUG KA ,SMIG RKANG BA LA PI PI LING, ,ZHUN MAR SBRANG RTZIR BCAS PA SBYIN, ,ZHES BYA BA LA, GLO 'GRAMS PA'I LUD PA CAN GYI MI RUS PA DANG TSIGS GZER BA'I NAD DANG LDAN PA LA RGUN 'BRU LA SOGS PA'I SMAN ZHUN MAR DANG SBRANG RTZI DANG SBYAR TE LDE GUR BYAS LA SBYIN PAR BYA'O, ,DRI SNA GSUM NI ZHO RE DANG, PI PI LING SRANG PHYED KHA RA, ,RGUN 'BRU 'BRA GOM DU KA ,SRANG RE ZHIB TU BTAGS NAS NI, ,SBRANG RTZIS RI LU BYAS PA YIS, ,RO TZA BYED CING KHRAG MKHRIS DANG; ,LUD PA DBUGS MI BDE SLON BRO, ,BRGYAL MYOS SKYIGS BU MGO 'KHOR DANG, ,GLO RDOL SKAD NI 'GAGS PA DANG, ,MCHIL MA LUS SKEM RLUNG 'KHYIL DANG, ,MCHIL MAR KHRAG 'BYUNG RTZIB LOGS NA, ,SNYING NAD SGOM DAD RIMS NAD 'JOMS, ,ZHES BYA BA LA, DRI SNA GSUM NI SHING TSA DANG, ,GANDHA BHA DRA DANG SUG SMEL ZHES BYA BA STE SMAN DE DAG ZHO RE RE DANG, PI PI LING SRANG PHYED KHA RA DANG RGUN 'BRU STE GO STA NI DANG, 'BRA GO STE KHA RDZU RA DANG, MA DU KA STE BZHI PO SRANG RE'I CHAR BYAS TE, DE NAS SMAN THAMS CAD ZHIB TU BTAGS TE SBRANG RTZIS RI LU BYAS LA, DES RO TZA BAR BYED PA DANG, KHRAG MKHRIS LA SOGS PA'I NAD 'JOMS PAR BYED DO, ,BAR SHA BU DANG KHA RA DKAR, ,S'A LU TZA SNAR BTAGS PA'I PHYE, ,RGUN CHU 'O MA MAR DU BSKOL, ,MCHIL MA KHRAG TU 'BYUNG LA BLUD, ,CES BYA BA LA, BAR SHA PU ZHES BYA BA BA SPU PHA ME TOG DMAR PO CAN LA SOGS PA'I SMAN BTAGS PA'I PHYE MA RGUN CHU LA SOGS BA DANG LHAN CI GANG BSKOL BA NI MCHIL MA KHRAG TU 'BYUNG BA'I NAD PA LA BLUD PAR BYA'O, ,SHING MNGAR DANG NI MA DU KA ,TAN DU LI YI 'OR BTZOS BAN, ,ZHES BYA BA LA, SHING MNGAR LA SOGS
PA'I SMAN BTAGS PA TAN DU LI YA ZHES BYA BA'I TSOD MA'I KHYAD PAR GYI SMAN 'O MAR BTZOS BA'I SMAN YANG MCHIL MA KHRAG TU 'BYUNG BA LA PHAN NO, ,KHRAG NI GANG TSE DRAG TU 'BYUNG, ,DE BCOS PA YI SMAN BSTEN BYA, ,ZHES BYA BA LA, GLO RDOL BA'I NAD PA 'DI LA GANG GI TSE KHRAG DRAG TU 'BYUNG ZHING KHA DANG SNA DANG MIG GI BU GA'AM, BSHANG SGO LA SOGS PA NAS STENG DANG 'OG TU BYUNG BAR GYUR NA NAD DE LA BCOS PA'I THABS STENG 'OG GANG NAS 'BYUNG BA'I DBANG DU BYAS NAS KHRAG MKHRIS GSOR BA'I TSUL DU SMAN BSTEN PAR BYA'O, ,RLUNG 'KHYIL PA LAR TSIL NI, ,CHANG BRNGOS RGYAM TSAR BCAS PA SBYIN, ,ZHES BYA BA LA, GLO RDOL PA'I LUD PA CAN GANG ZHIG GI RLUNG NANG DU 'KHYIL ZHING LUGS BZHIN DU 'BYUNG BAR MI BYED DE LAM LOG PAR ZHUGS PA'I RLUNG NAD STOBS CAN DE LA RA'I TSIL CHANG LA BRDOS PA RGYAM TSAR BCAS PA SBYIN BAR BYA'O, ,SKEM ZHING NYAM CHUNG GLO 'GRAMS DANG, ,GNYID CHUNG ME DROD CHE BA LA, ,'O MA BSKOL BA'I SPRIS MAR CHAGS, ,KHA RA BSRANG RTZI MAR BCAS SBYIN, ,ZHES BYA BA LA, NAD PA GANG SKEMS SHING RID PA LA SOGS PA DANG LDAN PA LA RA'I TSIL DANG 'O MAR BSKOL BA LAS STENG DU SPRIS MA MTHUG POR CHAGS PA BSHUS PA DANG KHA RA DANG SBRANG RTZIR SBYAR TE SBYIN PAR BYA'O, ,KHA RA DKAR DANG NAS DANG GRO, ,'TSO BYED ZANGS RTZI SBRANG RTZIR SBYAR, ,YANG NA 'O MAR BSKOL TE BLUD, ,GLO 'GRAMS NYAM CHUNG RID LA SBYIN, ,ZHES BYA BA LA, NAD PA GANG GLO 'GRAMS NYAM CHUNG LA RID PAR GYUR PA LA KHA RA DKAR PO LA SOGS PA DANG BSKOL BA'I 'O MA BLUD PAR BYA'O, ,SHA ZA'I SHA YI KHU BA NI, ,MAR DANG BRNGOS PA'I PI PI LING, ,SBRANG RTZIR BCAS PA DE LA BLUD, ,SHA DANG KHRAG NI 'PHEL BYED YIN, ,ZHES BYA BA LA, GLO RDOL BA'I NAD PA SKEM PA LA SOGS PA DANG LDAN PA DE LA ZAS SU SHA ZA BA'I SROG CHAGS KYI SHA'I KHU BA MAR DANG BRNGOS PA LA PI PI LING DANG SBRANG RTZI DANG BCAS PA BLUD BAR BYA STE, DES NI SHA DANG KHRAG LA SOGS PA 'PHEL BAR BYED BA YIN NO, ,AU DU MW'ARA N+YA GRO DHA, ,AA SHVADTHA DANG PLA GA SHA DANG,
, ,S'A LA'I SHING DANG PRI YANG KU, ,TA LA'I RTZE MO 'DZAM BU'I SHUN, ,PI PI LING DANG SHUG PAR BCAS, ,AA SHVA KARnA RA BCAS PA NI, ,'O MAR BSKOL BA LAS BYUNG BA'I, ,MAR DANG 'BRAS CHAN BZA' BA NI, ,GLO 'GRAMS KHU BA NYAMS STOBS DANG DBANG PO'I NUS PA ZAD LA SBYIN, ,ZHES BYA BA LA, AU DUMW'A RA LA SOGS PA DANG BSKOL BA 'O MA LAS BYUNG BA'I MAR DANG SBAGS TE 'BRAS CHAN GYI BZA' BA GLO 'GRAMS PA LA SOGS PA'I SKYES BU LA SBYIN PAR BYA'O, ,RLUNG MKHRIS KYIS NYEN YAN LAG ZHIG ,NA LA MAR DES BSKUS PA BSNGAGS, ,RLUNG NAD KYIS NI NYEN PA LA, ,RLUNG 'JOMS SMAN BSKOL TIL MAR BSKU, ,ZHES BYA BA LA, RLUNG DANG MKHRIS PA LAS GYUR PA'I NAD KYIS YAN LAG ZHIG PA SNYAM DU SEMS PA'I GLO 'GRAMS PA LA NI RLUNG DANG MKHRIS PA SEL BAR BYED PA'I MAR DES BSKU BA YIN NO, ,RLUNG NAD 'BA' ZHIG GIS NYEN CING GZIR BAS YAN LAG ZHIG PA LTAR NA BA LA NI RLUNG NAD 'JOMS PA'I SMAN DANG BSKOL BA'I TIL MAR GYIS BSKU BAR BYA'O, ,'TSO BYED SDE TSAN ZHUN MAR NI, ,SNYING DANG RTZIB LOGS NA LA BLUD, ,CES BYA BA LA, SNYING DANG RTZIB LOGS LA SOGS PA NA BA LA NI 'TSO BYED KYI SDE TSAN DANG BSKOL BA'I ZHUN MAR BLUD PAR BYA'O, ,YANG NA RLUNG NAD 'JOMS PA DANG, ,KHRAG MKHRIS SEL BA GANG YIN BYA, ,ZHES BYA BA LA, YANG RLUNG DANG KHRAG MKHRIS SEL BA'I SMAN BTUNG BA DANG LAS SU BYA BA DE DAG BYA'O, ,SHING MNGAR N'A GA PHA LA GNYIS, ,'O MA DANG MNYAM MAR BSKOL BAR, ,PA YA SYA DANG PI PI LING, ,SMIG RKANG LDE GU BSKOL BAS NI, ,GLO 'GRAMS PA YI NAD LA PHAN, ,ZHES BYA BA LA, SHING MNGAR DANG N'A GA PHA LA GNYIS KYI SMAN KHU MAR GYI NYIS 'GYUR DANG, 'O MA DE DANG MNYAM STE, SPYIR MAR GYI BZHI 'GYUR GYI NANG DU BA YA SYA LA SOGS PA'I LDE GU MAR GYI BZHI CHA BCUG LA BSKOL BA'I SMAN MAR NI GLO 'GRAMS PA'I NAD LA PHAN NO, ,PA YA SYA NI KshI RI NI ZHES BYA BA SMAN 'O MA CAN ZHIG GO, ,'TSO BYED SDE TSAN BCA' SGA DANG, NYE'U SHING PA DANG RA
MNYE BA; ,BA SPRU BA GNYIS PA LA DANG, ,GA BRA'I RTZA BA KHA SRAL PHRE'U, ,RI DI ZUR PA KA MA LA, ,SHRING GA DA KA KA YA SYA, ,RTZA BA LNGA NI CHUNG NGU DANG, ,RGUN 'BRU STAR GA'I 'BRAS BU SOGS, ,MNGAR ZHING SNUM LA STOBS SKYED PA, ,ZHO NI GNYIS GNYIS BTAGS LDE GU, , DE NANG ZHUN MAR BRE GANG BSKOL, ,'O MA RA SHA SKYU RU RA, ,BI DA RI DANG BU RAM SHING, ,KHU BA RA SHA'I KHU BAR BCAS, ,BSKOL TE BSGRANGS PAR SBRANG RTZI NI, ,BRE PHYED KHA RA SRANG LNGA BCU, ,NA LE SHAM DANG SUG SMEL DANG, ,SHING TSA GAN DHA BHA DRA DANG, ,N'A GA GE SAR SRANG PHYED PHYED, , PHYE MAR BTAGS TE BCUG NAS NI, ,'JU STOBS RJES MTHUN TSAD DU BLUD; ,'DI NI BDUD RTZI'I SMAN MAR TE, ,MI RNAMS KYI NI BDUD RTZI YIN, ,BDUD RTZI 'DI NI ZOS NAS SU, ,'O MA SHA KHU LDAN ZOS NA, ,KHU CHU NYAMS DANG GLO 'GRAMS DANG, ,NYAMS STOBS ZAD PA'I GSO BA YIN, ,BUD MED LA GDU LUS SKEM DANG, ,MDOG SKAD NYAMS LA GTANG BAR BYA, ,LUD PA DANG NI SKYIGS BU RIMS, ,DBUGS MI BDE DANG LUS TSA DANG, ,SKOM DAD KHRAG MKHRIS SEL BYED CING, ,BU SKYED BYED CING SLON DANG BRGYAL, ,MNGAL NAD GCIN NAD 'JOMS BYED YIN, ,ZHES BYA BA LA, 'TSO BYED LA SOGS PA'I SMAN ZHO GNYIS GNYIS BTAGS PA'I LDE GU DANG, MAR BRE GANG STE SRANG SUM CU RTZA GNYIS BSKOL BAR BYA STE, 'TSO BYED KYI SDE TSAN DU GTOGS PA, RTZA BA LNGA CHUNG NGU SMAN SNA RE RE ZHING ZHO GNYIS GNYIS GZHUG PAR BYA LA, RGUN 'BRU LA SOGS PA'I SMAN GNYIS GZHUG PAR BYA'O, ,'O MA DANG SKYU RU RA LA SOGS PA'I KHU BA NI MAR DANG CHA MNYAM DU SBYAR BAR SHES PAR BYA STE, KHU BA'I RDZAS NI LNGA PO SOGS, ,RE RE'ANG MAR DANG MNYAM PAR GZHUG ,CES BSHAD PA YIN NO, ,DE LTA BU'I SMAN MAR BSKOL BA DER SBRANG RTZI BRE PHYED CES BYA BA SRANG BCU DRUG GZHUG BAR BYA'O, ,SHA KHAR NI SRANG LNGA BCU GZHUG PAR BYA'O, ,NA LE SHAM LA SOGS PA'I PHYE MA SRANG PHYED PHYED CES PA ZHO BZHI BZHI GZHUG PAR BYA STE, DE DAG PHYE MAR ZHIB TU BTAGS TE GZHUG BAR BYA'O, ,
, ,DE BZA' BA'I TSAD NI 'JU STOBS DANG RJES SU MTHUN PAR BYA STE, PHO BA'I ME DROD KYIS JI TZAM 'JU BA'I TSAD DU BLUD PAR BYA'O, ,SMAN MAR 'DI'I MING NI BDUD RTZI'I SMAN MAR ZHES TSE'I RIG BYED RTZOM PA'I DRANG SRONG RNAMS KYIS BSHAD PA YIN NO, ,SMAN MAR 'DI NI MI RNAMS KYI BDUD RTZI YIN TE, BDUD RTZI LTAR YON TAN CHEN PO SKYED PA'I PHYIR MI'I BDUD RTZI'I SMAN MAR ZHES BYA'O, ,DE YANG JI LTAR LHA RNAMS KYI BDUD RTZI LTA BU'AM, KLU RNAMS KYI BDUD RTZI LTA BU NYID YIN NO, ,DE BAS NA YON TAN CHEN PO DE LTA BU DANG LDAN PA'I BDUD RTZI'I SMAN MAR 'DI ZOS NAS, DE'I RJES 'O MA DANG SHA KHU BTUNG BAR BYA ZHING MAR DE BZA' BAR BYA'O, ,DE LTAR ME DROD JI TZAM GYIS 'JU BA'I TSAD DU ZOS NA MI'I KHU CHU NYAMS PA LA SOGS PA'I STOBS SKYED PAR BYED PA YIN PAS, DE DAG LA NYAMS BRTA BA'I PHYIR BLUD PAR BYA STE, DES NI YON TAN DE DAG BSKYED PA DANG, DE BZHIN DU LUD PA LA SOGS PA'I NAD SEL BAR BYED PA YIN, KHU BA 'PHEL BAR BYED PA NYID KYIS NA BU SKYED PAR BYED CING SLON PA LA SOGS PA 'JOMS PAR BYED PA YIN NO, ,GZE MA BTZOD DANG PU SHEL TZE, ,BA LA TANG PHAL BU TI KA ,KRishnA PARnI D'UR BA'I RTZA, , THAL TRES STI RA PA LA SHA, ,DE RNAMS SRANG RE BSKOL BA YI, ,'O MA SMAN KHU'I BZHI 'GYUR LA, ,KHA SRAL PHRE'U DZI BAN TI, ,ME DA GNYIS DANG ZANGS RTZI BA, ,DZI BA KA DANG NYE'U SHING BA, ,RI DI RGUN 'BRU SHA KHA RA, ,SA BA DANG NI PADMA'I RTZA, ,MAR NI BRE GANG BSKOL BA YIS, ,RLUNG MKHRIS SNYING 'DZAG GZER NAD SEL, ,GCIN SRI BA DANG GCIN SNYI DANG, ,GZHANG 'BRUM LUD PA LUS SKEM DANG, ,ZAD BYED RIMS NI SEL BYED CING, ,GZHU 'DREN BUD MED CHANG DANG LAM, ,KHUR DUB STOBS DANG SHA ZAD SKYED, ,CES BYA BA LA, GZE MA LA SOGS PA'I SMAN KHU BA BSKOL LA KHA BA SRANG BZHI BA CU RTZA GNYIS KYI NANG DU 'O MA SMAN KHU'I BZHI 'GYUR BCUG LA, KHA SREL PHRE'U ZHES BYA BA SRAN AAD MA KUB TA ZHES BYA BA LA SOGS PA'I SMAN MAR GYI BZHI CHA GZHUG PAR BYA'O, ,BU TI KA NI KARnA'O, ,KRishnA PARnI NI BRI THAG PARnI'O, ,STI RA NI SA LA
PARnI'O; ,GZHAN RNAMS NI GO BAR ZAD DO, ,SHING MNGAR SRANG BRGYAD RGUN 'BRU NI, ,BRE GANG BSKOL BAR MAR BTZOS LA, ,PI PI LING SRANG BRGYAD LDE GU, ,BRE GANG BSKOL BA BSGRANGS NAS NI, ,KHAR SBRANG RTZI RE RE ZHING, ,SRANG BRGYAD DANG NI BSRES PA LA, ,NAS PHYE MNYAM SBYAR ZOS PA YIS, ,DE NI GLO 'GRAMS ZAD BYED DANG, ,KHRAG GI SKRAN LA PHAN PA YIN, ,ZHES BYA BA LA, ,SHING MNGAR SRANG BRGYAD DANG, RGUN 'BRU BRE GANG BSKOL BA'I KHU BAR MAR YANG BRE GANG BTZOS LA, PI PI LING GI LDE GU SRANG BRGYAD BCUG STE, DE BSKOL NAS BSGRANGS PA'I NANG DU KHA RA DANG SBRANG RTZI SRANG BRGYAD BRGYAD BCUG PA DE DANG GCIG TU BYAS PA'I MAR DE DANG NAS PHYE CHA MNYAM PAR SBYAR LA, DE ZOS NA GLO 'GRAMS SHING RDOL BA LA SOGS PA'I NAD LA PHAN PA YIN NO, ,SKYU RU RA DANG PI DA RI, ,BU RAM SHING KHU 'TSO BYED KYI, ,SDE TSAN BSKOL BA'I KHU BA MAR, , BA DANG RA YI 'O MA LAS, ,BRE NI RE RE BTZO BAR BYA, ,BSKOL BTZAGS KHA RA SBRANG RTZI NI, ,BRE RE DER NI GZHUG PAR BYA, ,DE NI ZAD BYED BRJED BYED DANG, ,KHRAG DANG MKHRIS PA LUD BA DANG, ,LUS SKEM PA NI SEL BYED CING, ,RGAS SRA TSE NI RING BA DANG, ,SHA DANG KHU CHU STOBS SKYED BYED; ,CES BYA BA LA, SKYU RU RA'I KHU BA BRE GANG, BI DA RI'I KHU BA BRE GANG, BU RAM SHING GI KHU BA BRE GANG, 'TSO BYED KYI SDE TSAN KUN BSKOL BA'I KHU BA BRE GANG, MAR BRE GANG, RA'I 'O MA BRE GANG, BA'I 'O MA BRE GANG STE, DE LTAR BRE BDUN BTZOS NAS MAR TSOS BAR GYUR PA DANG, RAS GTZANG MAS BTZAGS TE DE'I NANG DU KHA RA BRE GANG DANG SBRANG RTZI BRE GANG STE SRANG SUM CU RTZA GNYIS DER BCUG PAR BYA'O, ,SMAN MAR 'DI 'THUNGS NA ZAD BYED GCONG CHEN PO'I NAD DANG, BRJED BYED DANG KHRAG DANG MKHRIS PA LA SOGS PA'I NAD SEL ZHING 'JOMS PAR BYED PA DANG, RGAS SRA ZHING LANG TSO YUN RING DU 'JOG PA DANG, TSE RING BA DANG, SHA DANG KHU CHU STOBS SKYED PAR BYED PA YIN NO, ,MKHRIS PA SHAS CHES MAR BLDAG BYA, ,RLUNG SHAS CHE BAS BTUNG BAR BYA, ,BLDAGS PAS MKHRIS PA ZHI BYED KYIS, ,NYUNG BAS RLUNG NI 'JOMS MI NUS, ,'THUNGS NA RLUNG NI
, ,GNON BYED CING, ,ME DROD NANG DU SDUD PAR BYED, ,CES BYA BA LA, DE LTAR NA MKHRIS PA SHAS CHE BA LA NI MAR BLDAG PA'I TSUL GYIS BSTEN PAR BYA LA, RLUNG SHAS CHE BAS NI SMAN MAR BTUNG BAR BYA'O, ,CI'I PHYIR ZHE NA, BLDAGS PAS NI MKHRIS PA ZHI BAR BYED KYI; BLDAG PA NYUNG BA DE TZAM GYIS RLUNG 'JOMS PAR NI MI NUS LA, DES NA RLUNG GI NAD LA SMAN MAR DE DAG 'THUNGS NA RLUNG GNON PAR BYED CING RLUNG LAS RGYAL BAR BYED DO, ,MAR 'DI DAG GRANG MOR BSTEN KYANG RLUNG GNON PAR BYED DE MTHU RTZAL GYIS GNON PAR BYED DO ZHES BYA BA'I DON NO; ,YANG MAR 'THUNGS PAS NI BUD SHING GI ME LA MAR BCUG PA LTAR PHO BA'I ME DROD NANG DU SDUD PAR BYED CING STOBS CAN DU BYED DO, ,SKEM ZHING LUS KYI SHA ZAD BAS, ,SMAN MAR BSHAD PA 'DI DAG NYID, ,SMIG RKANG 'BRAS YOS PI PI LING, ,PHYE MA LDE GUR BYAS LA SBYIN, , ZHUN MAR BU RAM SBRANG RTZI'I CHA, ,BCUG STE BYIN LA 'O MA BLUD, ,RO TZA BRTZON DANG LUS RGYAS STOBS, ,'DI YIS MYUR DU SKYED PAR 'GYUR, ,ZHES BYA BA LA, LUS SKEM ZHING RID PAS SNGAR BSHAD BA'I SMAN MAR 'DI DAG SMIG RKANG LA SOGS PA'I SMAN GYI PHYE MA DANG BSRES TE KHU BA ZHU BAR MA GYUR PAR LDE GUR BYAS LA SBYIN NO, ,DE YANG PHYE MAR DANG BCAS BA'I MAR SKA BA LA, BU RAM DANG SBRANG RTZI'I CHA BCUG STE GONG GONG POR BYAS LA BYIN NAS DE'I RJES LA SKOM DU 'O MA BLUD PAR BYA'O, ,DES NI RO TZA ZHING KHU BA 'PHEL BA LA SOGS PA MYUR ZHING RING POR MI THOGS PAR SKYED CING 'THOB PAR 'GYUR RO, ,BUM SHA SHUN LPAGS SA BON BSAL, ,SRANG BRGYAD RLANGS PAR BTZOS NAS NI, ,ZHUN MAR BRE GANG NANG GZHUG DKRUGS, ,SBRANG RTZI'I MDOG 'DRAR GYUR PA DANG, ,HVAGS NI SRANG BRGYAD PI PI LING, ,BCA' SGA ZIR SRANG GNYIS DANG, ,DRI SNA GSUM DANG 'U SU DANG; ,NA LE SHAM NI RE RE ZHING, ,SRANG NI PHYED PHYED TSAD BCUG LA, ,PHAB STE BSGRANGS PAR GYUR BA DANG, ,SBRANG RTZI MAR GYI PHYED BCUG LA, ,GZAR BUS DKRUGS TE BZHAG GYUR BA, ,LUD PA SKYIGS BU YI GA 'CHUS, ,DBUGS MI BDE DANG KHRAG MKHRIS DANG, ,GLO 'GRAMS
ZAD BYED 'JOMS PAR BYED, ,GLO 'GRAMS PA NI 'BYOR BYED CING, ,BLO DANG DRAN PA STOBS RAB SKYED, ,KU SMAN DA YI BCUD KYIS LEN, ,YID DU 'ONG BA DAM PA 'DI, ,THA SKAR BU GNYIS KYIS BSHAD YIN, ,ZHES BYA BA LA, BUM SHA NI KU SMAN DA ZHES BYA BA STE, DE'I PHYI'I SHUN PA BSHUS SHING NANG GI SA BON BSAL BA SRANG BRGYAD RLANGS PAR KHU BA KHA RLANGS LA TSOD MA'I TSUL LTAR BTZO BAR BYA STE, 'OG TU CHUS GANG BA'I SNOD CHEN PO BSKOL BA'I STENG DU SNOD BU GA CAN LA BZHAG STE DE TSOS PAR BYAS PA DANG, MAR BRE GANG LA'ANG SNOD GCIG TU BLUGS PA GZAR BUS DKRUGS LA DE SBRANG RTZI'I MDOG 'DRA BAR GYUR PA DANG, HVAGS SRANG BRGYAD DANG, PI PI LING DANG BCA' SGA DANG, ZIR SRANG GNYIS DANG DRI SNA GSUM ZHES BYA BA MING GI RNAM GRANGS SU DRI BZANGS GSUM ZHES BYA BA SHING TSA LA SOGS PA DANG, 'U SU DANG NA LE SHAM BSNAN NA RE RE ZHING SRANG PHYED PHYED DE ZHO BZHI BZHI BCUG LA PHAB PA BSGRANGS PAR GYUR PA DANG, LDE GUR SBRANG RTZI SRANG BCU DRUG LA GZAR BUS KUN TU DKRUGS TE, DE'I 'OG TU RDZA SNOD GTZANG MAR BCUG STE BZHAG PAR GYUR PA DE NI BUM SHA'I BCUD KYIS LEN ZHES BYA STE, DE BLUD NA LUD PA LA SOGS PA'I NAD 'JOMS PAR BYED PA DANG, GLO 'GRAMS PA 'CHOS PAR BYED CING 'TSO BA DANG BLO LA SOGS PA RAB TU SKYED PAR BYED PA YIN TE, SMAN MAR 'DI NI KU SMAN DA ZHES BYA BA BUM SHA'I BCUD KYIS LEN YIN TE YID DU 'ONG ZHING SNYING DGA' BAR BYED PA'I SKYON MED PA'I DAM PA 'DI NI LHA'I SMAN PA THA SKAR GYI BU GNYIS KYIS BSHAD PA YIN NO, ,DE YANG BCUD KYIS LEN ZHES BYA BA'I NGES PA'I TSIG NI, DANGS MA LA SOGS BDUN THOB PA'I, ,THABS GNAS YIN PAS BCUD KYIS LEN, ,ZHES BYA BA BSHAD PA YIN NO, ,N'A GA BA LA'I RTZA BA NI, , ZHO GCIG SOGS KYIS BSKYED SRANG GCIG ,'O MAR BCAS PA ZLA GCIG BTUNG, ,'O MA SPYAD CING ZAS MI BZA', ,SBYOR 'DIS TSE NI 'PHEL BYED CING, ,STOBS SKYED KHA DOG BZANG BYED MCHOG ,CES BYA BA LA, N'A GA BA LA'I RTZA BA SRANG GCIG ,DANG POR ZHO GCIG
, ,NAS BSKYED CING 'O MA DANG SBYAR TE BTUNG BAR BYA STE, NYIN ZHAG DANG PO LA ZHO GCIG ,GNYIS PA LA ZHO GNYIS, GSUM PA LA ZHO GSUM, BZHI PA LA ZHO BZHI, LNGA PA LA ZHO LNGA, DRUG PA LA ZHO DRUG ,BDUN PA LA ZHO BDUN, BRGYAD PA LA SRANG GCIG BTUNG STE, DE YAN CHAD KYI NYIN ZHAG LHAG MA NYI SHU RTZA GNYIS LA SRANG RE 'O MA DANG SBYAR TE BTUNG BAR BYA'O, ,DE DAG GI TSE NAD PAS 'O MA SPYAD CING BSTEN PAR BYA'I, KHA ZAS GZHAN BZA' BAR MI BYA'O, ,SBYOR BA 'DI NI N'A GA PA LA'I RTZA BA'I SBYOR BA ZHES BYA STE, STOBS LA SOGS PA 'PHEL BAR BYED PA'I MCHOG YIN NO, ,MAN DU KA PARnI SHING MNGAR, ,BCA' SGA'I SBYOR BA'ANG 'DI YIN NO, ,ZHES BYA BA LA, MAN DU KA PARnI ZHES BYA BA SBAL PA'I DBYIBS 'DRA BA'I 'O MA YANG YOD DO, ,DE YANG N'A GA PA LA'I RTZA BA DANG 'DRA BAR ZHO GCIG NAS RIM GYIS BSKYED PA ZLA BA GCIG GI BAR DU SRANG GCIG 'O MA DANG LHAN CIG BTUNG ZHING ZAS MI BZA' BA LA SOGS PA DANG, DE'I YON TAN LA SOGS PA THAMS CAD KYANG MTHUN PA YIN NO, ,SHING MNGAR DANG BCA' SGA'I SBYOR BA YANG N'A GA PA LA'I SBYOR BA DANG MTHUN PAR BYAR RUNG NGO, ,N'A GA PA LA SRANG BRGYA NI; ,CHU SRANG LNGA BRGYA RTZA BCU GNYIS, ,NANG DU BSKOL TE BZHI CHA LUS, ,SMAN KHU DE DANG CHA MNYAM PA'I, ,'O MA MAR DANG BSKOL BAR BYA, ,BA LA AA TI BA LA DANG, ,SHING MNGAR PURnA RNA BA DANG, ,STAG TSER BA DANG TANG PAL DANG, ,PI LA YA DANG KHA SRAL PHRE'U, ,AA SHVA GANDHA KHA RA DKAR, ,NYE'U SHING ME DA RNAM GNYIS DANG, ,GZE MAR MNYE BA GNYIS DANG, ,PA YA SYA DANG ZI RA GNYIS, ,PADMA'I RTZA BA SDONG BU DANG, ,'BRA GO SRING GA TA KA DANG, ,KE SHE RU KA SRANG PHYED PHYED, ,N'A GA PA LA'I SMAN MAR 'DIS, ,KHRAG MKHRIS GLO RDOL ZAD BYED DANG, ,SKOM DAD MGO 'KHOR SEL BYED CING, ,STOBS NI SKYED PAR BYED PA'I MCHOG ,MDOG SNUM MDANGS BZANG TSE 'PHEL ZHING, ,SKRA DKAR GNYER MA 'JIG PAR BYED, ,ZLA BA GCIG GI BAR BSTEN NA, ,RGAN PO'ANG GZHON NU NYID DU 'GYUR, ,ZHES BYA BA LA, SMAN N'A GA PA LA SRANG BRGYA
CHU SRANG LNGA BRGYA RTZA BCU GNYIS KYI NANG DU BSKOL TE DE'I BZHI CHA LUS PA DANG SMAN KHU DE DANG CHA MNYAM PA'I 'O MA DANG, MAR SRANG BRGYA NYI SHU RTZA BRGYAD BCUG LA BSKOL BAR BYA'O, ,DE'I NANG DU BA LA DANG, AA TI BA LA LA SOGS PA SRANG PHYED PHYED BCUG LA DE BZHIN DU BSKOL BAR BYA'O, ,DE LTA BUR BSKOL BA'I N'A GA PA LA'I SMAN MAR 'DIS NI KHRAG MKHRIS LA SOGS PA SEL BAR BYED PA DANG, STOBS SKYED PA NAS RGAS SRA BA'I BAR GYI YON TAN DANG LDAN PA YIN NO, ,CHO GA 'DIS NI DROD SKYED CING, ,ME DROD BRI BA SKYED 'JU BYED, ,GCONG CHEN BSHAD PA'ANG GLO RDOL BSNGAGS, , 'KHRU NA GCOD PAR BYED PAR PHAN, ,ZHES BYA BA LA, BSHAD MA THAG PA'I SMAN MAR GYI CHO GA'I SBYOR BA 'DIS NI GLO RDOL DANG ZAD BYED KYI NAD KYIS BTAB PA'I STOBS BSKYED PAS ME DROD SKYED PAR BYED CING 'BYUNG BA DANG, PHO BA'I ME DROD 'BRI BAR BYED PA DAG DROD SKYED CING ZAS 'JU BAR BYED PA YIN NO, ,GZHAN YANG GCONG CHEN PO GSO BA'I SKABS SU BSHAD PA'I SBYOR BA DE YANG GLO RDOL BA'I NAD LA BSNGAGS PA YIN NO, ,GANG GI PHYIR GLO RDOL BA'I MI DE 'KHRU BAR GYUR NA, GCOD PA'I SBYOR BA GANG YIN PA DE BYAS NA BSNGAGS SO, ,RTZA BA BCU PA KHA SRAL PHRE'U, , SHANG KA PUshPA ZUR PA DANG, ,BA LA HASTI PI PI LING, ,AA PA MARGA KRU TRUG TRES, ,GA BRA PI PI LING RTZA BA, ,MA NU SRANG NI GNYIS GNYIS DANG, ,NAS SRANG DRUG CU RTZA BZHI DAG ,AA RU RA NI SRANG BRGYA DAG ,CHU SRANG DRUG BRGYA BZHI BCUS BSKOL, ,NAS TSOS PA DANG SMAN KHU DE, , BTZAGS LA AA RU RA BRGYA DER, ,BU RAM SRANG BRGYA BCUG LA BSKOL, ,MAR DANG TIL MAR PI PI LING, ,PHYE MA SRANG NI BRGYAD PO DAG ,BSKOL TE BSGRANGS NAS SBRANG RTZIR GZHUG ,RTAG TU AA RU RA GNYIS BCAS, ,LDE GU BCUD LEN 'DI ZOS NA, ,DES NI SKRA DKAR GNYER MA MED; ,TSE RING MDOG STOBS 'PHEL BAR BYED, ,LUD LNGA ZAD BYED DBUGS MI BDE, ,SKYIGS BUR BCAS PA'I MI BZAD RIMS, ,GCIN SNYI BA YI NAD DANG NI, ,GZHANG 'BRUM SKRAN DANG SNYING NAD DANG, ,CHAM PA YI GA 'CHUS PA SEL, ,BCUD KYIS LEN MCHOG DPAL YON
, ,CAN; ,'DI NI DRANG SRONG RI BYIS BSHAD, ,CES BYA BA LA, SMAN RTZA BA BCU PA LA SOGS PA'I SMAN SNA RE RE ZHING SRANG GNYIS GNYIS DANG NAS SRANG DRUG CU RTZA GNYIS TE BRE DO'O, ,AA RU RA SRANG BRGYA STE 'DI DAG CHU SRANG DRUG BRGYA BZHI BCU'I NANG DU BSKOL LA LEGS PAR TSOS PAR GYUR PA DANG SMAN KHU DE BTZAGS LA AA RU RA SRANG BRGYA BCUG LA DER BU RAM SRANG BRGYA BCUG LA MAR LA SOGS PA LAS SRANG BRGYAD BRGYAD BCUG LA, PI PI LING NI SKAM PO YIN PA'I PHYIR SRANG BZHI GZHUG PAR BYA STE, DE YANG GZHUNG LAS, ,PHUL GANG LAS NI GSHER BA'I RDZAS, ,NYIS 'GYUR DU NI GZHUG PAR BYA, ,ZHES SMOS PA YIN NO, ,DE LTAR BSKOL BA DE BSGRANGS NAS SBRANG RTZI SRANG BRGYAD BRGYAD BCUG LA, LDE GU DE LAS AA RU RA GNYIS GNYIS RTAG TU ZOS NA, DES SKRA DKAR DANG GNYER MA MED PAR BYED PA DANG, TSE DANG STOBS LA SOGS PA 'PHEL BAR BYED PA DANG, SNGAR BSHAD PA'I LUD PA LNGA PO 'JOMS PAR BYED PA YIN TE, BCUD KYIS LEN 'DI NI DPAL YON DANG BCAS SHING BKRA SHIS PA YIN LA, 'DI NI DRANG SRONG RI BYI ZHES BYA AA GA STAS BSHAD PA YIN NO, ,RTZA BA BCU BA BA LA DANG, MUR BA SER PO RNAM GNYIS DANG, ,PI PI LING NI RNAM GNYIS DANG, ,PA THA AA SHVA GANDHA DANG, ,AA PA MARGA KHA SRAL PHRE'U, ,SLE TRES DAN TI BONG NGA DKAR, ,BIL BA GZHON NU DUR BYID DANG, ,TZI TRA KA RTZA LO MAR BCAS, ,PA YA SYA DANG DUG MO YUNGS, ,SPANG SPOS BI ZA KA'I SNYING PO, , ME TOG BCAS DANG RKANG MAR DANG, ,GO BYE BYI DANG GA TA DANG, ,NYE'U SHING BU TI KA RANYDZA, ,DONG GA SO MA RA DZA DANG, ,SA HA RA DZA SHI KRU DANG, ,NIM BA'I SHUN LPAGS BU RAM SHING, ,PHRA MO'I KHU BA SRANG RE DANG, ,AA RU RA STONG CHIG BRGYA DANG, ,NAS GRANG NYIS BRGYA LNGA BCU DRUG ,CHU NI BRGYAD 'GYUR NANG DU BSKOL, ,NAS TSOS PA DANG PHOG NAS NI, ,BTZAGS NAS AA RU RA BCAS DER, ,BU RAM RNYING PA SRANG BRGYA GZHUG ,TIL MAR ZHUN MAR SKYU RU RA'I KHU, ,BRE RE BCUG NAS DE RJES YANG, ,ME CHUNG LA NI BTZOS NAS SU, ,GZER BUR CHAGS NAS THAB LAS
DBAB; ,BSGRANGS NAS SBRANG RTZI BRE DO DANG, ,PI PI LING NI PHUL GANG GZHUG ,DRI SNA GSUM NI PHYER BTAGS PA, ,SRANG GSUM BCUG NAS DE 'OG TU, ,RDZA SNOD RNYING BCUG 'BRU NANG DU, ,BCU GA STE ZLA BA GCIG GZHAG BYA, ,DE NAS SNGA MA BZHIN DU BZA', ,GNAS 'JOG GIS BSHAD BCUD LEN 'DI, ,SNGON LAS YON TAN LHAG PAR CHE, ,NAD MED KYIS BZA' DGAG PA MED, ,DUS KUN TU YANG BSNGAGS PA YIN, ,ZHES BYA BA LA, RTZA BA BCU LA SOGS PA SMAN SNA RE SRANG RER BYA'O, ,SER PO GNYIS NI YUNG BA DANG, SKYER PA'O, ,PI PI LING GNYIS NI PI PI LING DANG HASTI PI PI LING NGO, ,KHA SRAL PHRE'U NI AAD MA KU BA TA'O, ,BIL BA GZHON NU NI BIL BA SMIN PA CHUNG DU'O, ,TZI TRA KA NI TZI TRA KA'I RTZA BA DANG LO MA GNYIS SO, ,PA YA SYA NI KshI RI NI'O, ,DUG MO YUNGS KYI SHUN LPAGS LA BYA'O, ,BI ZA KA NI AA SHA NA STE DE'I NI SNYING PO DANG ME TOG GZHUG GO, ,BYI DANG GA TA NI BLUGS GZAR GYI SHING NGO, ,SO MA RA DZA NI TZAN TRA RE KHA'O, ,BU RAM SHING PHRA MO NI RTZA LTA BU'I BU RAM SHING STE SMAN DE DAG SRANG RE DANG AA RU RA STONG CHIG BRGYA NAS SRANG NYIS BRGYA LNGA BCU RTZA DRUG STE BRE BRGYAD PO DE DAG THAMS CAD GCIG TU BSDUS NAS SMAN DANG NAS KYI BAR SRANG JI TZAM YOD PA DE'I BRGYAD 'GYUR GYI CHU'I NANG DU BSKOL NAS TSOS PAR GYUR PA DANG PHOG NAS RAS GTZANG MAS KHU BA BTZAGS TE AA RU RA DANG BCAS PA'I KHU BA DER BU RAM RNYING PA SRANG BRGYA BCUG LA TIL MAR DANG ZHUN MAR DANG SKYU RU RA'I KHU BA BRE RE RE BCUG LA, DE'I RJES LA SLAR YANG ME CHUNG NGU LA BTZOS NAS DKRUG CING BSKOL BA NA GZAR BUR CHAGS PAR GYUR NA LDE GU DE THAB LAS DBAB LA, DE BSGRANGS NAS GRANG BAR GYUR PA DANG, SBRANG RTZI BRE DO STE SRANG DRUG CU RTZA BZHI GZHUG LA PI PI LING PHUL GANG STE SRANG BZHI GZHUG PAR BYA STE, SHING TSA DANG SUG SMEL DANG GAN DHA BHA DRA ZHES BYA BA DRI SNA GSUM PHYE MAR BTAGS PA SRANG GSUM GZHUG PAR BYA'O, ,DE NAS DE'I 'OG TU LDE GU RDZA MA'I SNOD RNYING PA GTZANG MA'I NANG DU BCUG LA 'BRU'I NANG DU BCUG NAS ZLA BA GCIG GZHAG PAR BYA'O, ,DE NAS SNGA MA BZHIN DU STE DRANG SRONG RI BYIS
, ,BSHAD PA'I LDE GU'I TSUL LTAR BZA' ZHING AA RU RA GNYIS GNYIS DANG BCAS PAR RTAG TU BZA' BAR BYA STE BCUD KYIS LEN 'DI NI DRANG SRONG CHEN PO GNAS 'JOG GIS BSHAD PA YIN TE, SNGA MA LAS YON TAN LHAG PAR CHE STE, DRANG SRONG RI BYIS BSHAD PA'I BCUD KYIS LEN PAS KYANG 'DI YON TAN CHES CHE BA YIN NO, ,GZHAN YANG NAD MED PA DAG GIS KYANG BZA' BA DANG SPYOD LAM BSRUNG BA LA SOGS PA DGAG PA MED PA DANG, DUS TSIGS DRUG CHAR KUN TU YANG, ,BZA' BAR BSNGAGS SHING YON TAN CHE BA YIN NO, ,RGYAM TSA BCA' SGA SRANG RE DANG, , KHA RU TSA NI SRANG GNYIS DANG, ,DA TRIG SE'U 'BRU AARDZA KA ,DE DAG SRANG NI BZHI BZHI DANG, ,NA LE SHAM GCIG GO SNYOD GNYIS, ,'U SU'I 'BRAS BU SRANG BZHI DANG, ,TSAD 'DI LAS NI PHYE MAR BYAS, ,ZAS DANG SKOM LA BTAB STE SBYIN, ,DES NI YI GA 'BYED PA DANG, ,ME DROD SKYED CING NYAMS STOBS SKYED, ,RTZIB LOGS NA DANG DBUGS MI BDE, ,LUD PA LU BA'I NAD SEL BYED, ,CES BYA BA LA, RGYAM TSA DANG BCA' SGA SRANG RE, KHA RU TSA SRANG GNYIS, DA TRIG LA SOGS PA SRANG BZHI BZHI PHUL RE, NA LE SHAM SRANG GCIG ,GO SNYOD SRANG GNYIS, 'U SU'I 'BRAS BU SRANG BZHI STE, 'DI DAG GCIG TU BSRES LA PHYE MAR BTAGS TE, PHYE MA DE LAS NAD PA LUS ZUNGS DANG ME DROD LA SOGS PA'I TSUL LAS DPAGS TE NAD PA LA NYIN RE ZHING SBYIN PAR BYA STE, PHYE MA DES NI YI GA 'BYED CING LEN PA DANG DROD SKYED PA DANG, NYAMS STOBS DANG LDAN PAR BYED PA DANG, RTZIB LOGS NA BA LA SOGS PA SEL BAR BYED PA NYID YIN NO, ,'U SU ZHO GNYIS GO SNYOD DANG, ,LA LA PHUD LA ZHO BZHI BZHI, ,SE'U 'BRU DANG NI DA TRIG DAG ,DE YI NYIS 'GYUR NYIS 'GYUR BYA, ,KHA RU TSA NI SRANG GCIG DANG, ,BCA' SGA ZHO GNYIS BIL BA'I RKANG, , SRANG LNGA DANG NI SBYAR BA LA, ,KHA RA SRANG NI BCU DRUG GZHUG ,RO DRUG PA 'DI BZA' BA DANG, ,BTUNG BA SNGA MA BZHIN DU SBYIN, ,ZHES BYA BA LA, 'U SU'I 'BRAS BU ZHO GNYIS GO SNYOD DANG LA LA PHUD ZHO BZHI BZHI STE, SE'U 'BRU DANG, DA TRIG LA NYIS 'GYUR TE, DE GO SNYOD DANG LA LA PHUD
LAS SE'U 'BRU DANG DA TRIG NYIS 'GYUR NYIS 'GYUR BYAS TE SE'U 'BRU NYIS 'GYUR DANG DA TRIG NYIS 'GYUR DU BYAS TE, DE LTAR NA SE'U 'BRU SRANG BCU DRUG ,DA TRIG SRANG BCU DRUG KHA RU TSA LA SRANG GCIG ,BIL BA'I RKANG LA SRANG LNGA GZHUG BAR BYA STE, DE PHYE MAR BTAGS PA DANG, KHA RA SRANG BCU DRUG GZHUG PAR BYA'O, ,RO DRUG PA'I PHYE MA 'DI NI SNGA MA BZHIN DU BZA' BA DANG BTUNG BA LA SOGS PA'I NANG DU BYIN NA YON TAN SNGA MA DANG 'DRA BA YIN NO, ,GCONG CHEN LAS BSHAD CHO GA GANG, ,GNAS SKABS JI BZHIN GLO RDOL PHAN, ,ZHES BYA BA LA, GCONG CHEN PO'I SKABS SU BSHAD PA'I CHO GA GLO GCONG CHEN PO ZAD BYED KYI GSO BA'I SKABS SU BSHAD PA'I CHO GA GANG YIN PA YANG SKABS JI LTA BA BZHIN DU SBYAR NA GLO RDOL BA'I NAD LA PHAN PA YIN NO, ,GLO RDOL NAD NI BYUNG GYUR NAS, ,BAD KAN SKYES NAS MGO BO BRANG, ,NA BA'I LUD PA CAN GANG YIN, ,DE LA DUD PA 'DI BRNGUB BYA, ,ZHES BYA BA LA, DE LTAR BSHAD MA THAG PA'I BRTA BA'I CHO GAS GLO RDOL BA'I NAD BYANG ZHING BRAL BAR GYUR BA NA, BRTAS PA NYID KYIS BAD KAN 'PHEL ZHING RGYAS PAR GYUR NA DES LUD PA SKYES SHING MGO BO DANG BRANG NA BA'I LUD PA CAN GANG YIN PA DE LA NI, GNAS SKABS LAS BAB PA LAS MI 'DA' BAR DUD PA 'DI BRNGUB CING BDUG PA'I CHO GA BYA'O, ,ME DA GNYIS DANG BA LA DANG, ,SHING MNGAR SRO MA'I SHUN LPAGS NI, ,LDE GUR BYAS LA RENG BU NI, ,BYAS TE DUD PA BRNGUB PAR BYA, ,RJES LA 'TSO BYED SMAN MAR BTUNG; ,ZHES BYA BA LA, ME DA RNAM GNYIS LA SOGS PA'I SMAN MAR CHU BTAGS SU BYAS PA LDE GU SRO MA'I SHUN LPAGS SAM SRO DAR DANG BSRES TE RENG BUR BYAS LA, DUD PA BRNGUB PAR BYA'O, ,DE'I RJES LA BTUNG BA NI 'TSO BYED KYI SDE TSAN DANG SBYAR BA'I SMAN BTUNG BAR BYA'O, ,LDONG ROS DANG NI BA LA SHA ,AA ZA GANDHA CU GANG DANG, ,DONG GA LAS KYANG DE BZHIN BYAS, ,DE RJES KHA RA BU RAM DANG, ,BU RAM SHING KHU BTUNG BAR BLUD, ,CES BYA BA LA, LDONG ROS LA SOGS PA'I LDE GU YANG DE BZHIN DU SRO MA DANG BSRES TE RENG BUR BYAS LA DUD PA BRNGUB PAR BYAS LA,
, ,DER BTUNG BA NI KHA RA'I CHU DANG, BU RAM SHING GI KHU BA'I CHU BLUD PAR BYA'O, ,LDONG ROS DANG NI N+YA GRO DHA'I, ,MYU GU RLON PA CHA MNYAM BTAGS, ,ZHUN MAR DANG SBYAR DUD PA BRNGUB, ,DE 'OG SREG PA'I SHA KHU BTUNG, ,ZHES BYA BA LA, LDONG ROS DANG N+YA GRO DHA'I MYU GU RLON PA DANG CHA MNYAM PAR BYAS PA ZHIB TU BTAGS LA, ZHUN MAR DANG SBYAR BA'I DUD PA BRNGUB PAR BYA LA, DUD PA BRNGUB PA DE'I RJES LA NI SREG PA'I SHA KHU BTUNG BAR BYA'O, ,GLO RDOL LAS BYUNG LUD PA LA, ,THOG MAR STOBS DANG ME DROD SKYED, ,CES BYA BA LA, GLO RDOL BA LAS BYUNG BA'I LUD PA LA NI THOG MA KHO NAR STOBS SKYED CING NYAMS BRTA BA'I SMAN BYA ZHING DE BZHIN DU PHO BA'I ME DROD SKYED PA'I CHO GA BYA'O, ,NAD GZHI MANG LA SNUM BCAS PA'I, ,BKRU SMAN 'JAM PO GTANG BAR BYA, ,ZHES BYA BA LA, LUD PA CAN GANG NAD GZHI MANG ZHING SHAS CHE BA YIN NA SNUM DANG BCAS PA'I BKRU SMAN 'JAM PO GTANG BAR BYA'O, ,DONG GA DANG NI DUR BYID GNYIS, ,RGUN 'BRU'I CHU DANG SBYAR BA DANG, ,SENG PHROM BSKOL BA'I KHU BA DANG, ,BI DA RI YI KHU BAR SBYAR, ,ZHUN MAR LA BTZOS CI RIGS SBYIN, ,LUS ZAD PA LA SBYAR BAR BYA, ,ZHES BYA BA LA, BKRU SMAN DE YANG DONG GA LA SOGS PA'I SMAN ZHUN MAR GYI NANG DU SMAN MAR GYI SBYOR BAS BTZOS PA'I BKRU SMAN DE LUS ZAD CING NYAM CHUNG BA LA SBYANG BA'I DON DU BLUD PAR BYA'O, ,MKHRIS PA BAD KAN LUS ZUNGS RNAMS, ,ZAD PA'I ZAD BYED LUD PA CAN, ,MAR DANG KAR KA TA SRING GI ,'O MA BA LA GNYIS BSKOL BLUD, ,CES BYA BA LA, GLO RDOL ZAD BYED KYI LUD PA CAN NAD SKYED PAR BYED PA'I MKHRIS PA YANG ZAD, BAD KAN YANG ZAD, DANGS MA LA SOGS PA'I LUS ZUNGS RNAMS KYANG ZAD PAR GYUR PA LA KAR KA TA SRING GI DANG, BA LA RNAM GNYIS DANG BTZOS PA'I 'O MA'I BZHI 'GYUR DANG BSKOL BA BLUD PAR BYA'O, ,BI DA RI'AM KA DAM PA, ,TA LA'I 'BRAS BU DANG BSKOL BA'I, ,MAR DANG 'O MA GCIN NAD NI, ,MDOG GYUR SRI BAR BYED LA BLUD, ,CES BYA BA LA, BI DA RI LA SOGS PA'I SMAN DANG BSKOL BA'I MAR GCIN NAD MDOG GYUR CING
SDUG PAR SNANG BA DANG, GCIN SRI BAR BYED PA LA SBYIN PAR BYA'O, ,PHO MTSAN RKUB DANG CHU SO DANG, ,BRLA DBRAG MJUG TO SKRANG ZHING NA, ,MAR GYI SNYING BO YANG PA'AM, ,TIL MAR BSRES PA'I 'JAM RTZI GTANG, ,ZHES BYA BA LA, PHO MTSAN LA SOGS PA SKRANG ZHING NA BA DANG LDAN PA LA MAR GYI SNYING PO YANG BAR GYUR PA'AM, YANG NA MAR DANG TIL MAR BSRES PA'I 'JAM RTZI GTANG BAR BYA'O, ,SKAM SA'I SROG CHAGS SHA DANG NI, ,BYI'U SOGS DANG NI KHUNG NA GNAS, ,DE BZHIN MTHU RTZAL GYIS ZAS TSOL, ,SHA ZA'I SHA YANG RIM BZHIN SBYIN, ,ZHES BYA BA LA; 'JAM RTZI BTANG BA'I RJES LA SKAM SA'I PHYOGS NA GNAS PA'I SROG CHAGS SHA BKRA DANG DGO BA LA SOGS PA'I SHA BZA' ZHING, DE NAS RIM BZHIN BYI'U LA SOGS PA BZA' BAR BYAS LA, DE'I 'OG TU KHUNG NA GNAS BA STE PHYI BA DANG GO DA LA SOGS PA'I SHA BZA' BAR BYA ZHING; DE NAS RIM GYIS MTHU RTZAL GYIS BZA' BA TSOL BA STAG DANG KHRA LA SOGS PA SROG CHAGS GZHAN GYI SHA ZA BA'I SHA DAG RIM BZHIN DU SBYIN PAR BYA'O, ,DRO BAS BAD KAN 'JIG BYED LA, ,RTZA SBUBS RNAMS NI DAG BYED CING, ,DANGS MA LEGS PAR RGYU BYED PAS, ,LUS NI RGYAS PAR BYED PAR 'GYUR, ,ZHES BYA BA LA, BYI'U'I SHA LA SOGS PA DE DAG NI DRO BAS BAD KAN GYI TSOGS RTZA SBUBS KYI NANG NAS 'DZAG CING RGYU BAR BYED LA, DE NAS RTZA SBUBS 'GAGS PAR BYED PA'I BAD KAN SBYANGS PAS DAG PAR BYED PA YIN LA, LUS KYI BCUD KYANG LUS KYI BCUD KYI DANGS MA LEGS PAR RGYU ZHING BDE BAR 'GRO BAR BYED PAS, LUS RGYAS PAR BYED PA YIN TE, LUS SBYANGS PA'I MTSAN NYID NI GZHUNG GZHAN DAG LAS BSHAD DE, RTZA SBUBS NAD KYIS BKAG BA RNAMS, ,RNO BAS SPYOD ZHING DAG PAR BSHAD, ,CES 'BYUNG BA YIN NO, , DBYI MO BAR GYI 'BRAS BU GSUM, ,RTZA BA BCU DANG TZI TRA KA ,RGYA SRAN PI PI LING RTZA BA, ,PA TA RGYA SHUG NAS CHUR BSKOL, ,LI DONG GRA DANG PHYI TSER BA, ,ZUR PA MA NU PI PI LING, ,KAR KA TA YI SRING GI BTAGS, ,MNYAM PA'I ZHUN MAR DAG DANG BSKOL, ,BSKOL BA'I MAR
, ,'DI KshA RA GNYIS, ,LAN TSVA LNGA NI BTAGS TE GZHUG ,DE LAS RAN PAR 'THUNGS NA NI, ,ZAD BYED LUD PAS NYEN PA SEL, ,ZHES BYA BA LA, DBYI MO LA SOGS PA'I SMAN CHUR BSKOL BA DANG, LI DONG GRA LA SOGS PA CHA MNYAM PAR BTAGS PA'I LDE GU DANG MAR BSKOL LA, BSKOL BA'I MAR 'DIR KshA RA GNYIS ZHES BYA BA YA BAKshA RA DANG, SVARDZI KA KshA RA GNYIS DANG, DE BZHIN DU LAN TSA LNGA ZHES BYA BA LCE MYANG TSA DANG, KHA RU TSA BI DA DANG, RTZAL RU TSA DANG RGYA MTSO'I LAN TSVA DANG, NAD KYI TSUL LAS DPAGS TE CI RIGS PAR BCUG NAS TSAD RAN PAR 'THUNGS NA ZAD BYED LAS GYUR PA'I LUD PA SEL BAR 'GYUR RO, ,KA SA MAR DANG AA RU RA, ,GLA SGANG PA TA KAD PA LA, ,DONG GRA PI PI LING TANG PAL, ,PU TZE SHEL TSAD ZHO GNYIS GNYIS, ,MAR NI BRE GANG 'O MA DANG, ,RGUN CHU BRE BZHI'I NANG DU BSKOL, ,ZAD BYED RIMS DANG MCHIN PA'I NAD; ,LUD PA KUN SEL DGE BA YIN, ,ZHES BYA BA LA, KA SA MAR DA LA SOGS PA'I SMAN ZHO GNYIS GNYIS KYI TSAD DU BYAS PA MAR BRE GANG DANG, 'O MA DANG RGUN CHU BSRES PA BRE BZHI'I NANG DU BSKOL BA'I MAR DES NI ZAD BYED LA SOGS PA'I NAD SEL BAR BYED PA DANG, DGE ZHING DPAL SKYED PAR BYED PA YIN NO, ,KAndA KA RI BA SHA KA ,SLE TRES RTZA BA 'BRAS BU DANG, ,MYU GU LO MAR BCAS PA RNAMS, ,BSKOL BA'I KHU BA MAR DU BTZOS, ,LUD PA'I RIMS KYIS BTAB PA DANG, ,YI GA 'CHUS PA'I NAD RNAMS SEL, ,ZHES BYA BA LA, KAndA KA RI LA SOGS PA SMAN SNA RE RE'I RTZA BA DANG 'BRAS BU DANG MYU GU DANG LO MAR BCAS PA BSKOL BA'I KHU BA SMAN MAR BSKOL BA'I TSAD KYI MAR DANG BSKOL BA NI LUD PA DANG, RIMS LA SOGS PA SEL BAR BYED DO, ,SE'U 'BRU'I KHU BA NYIS 'GYUR RAM, ,TSA GSUM LDAN PAR BSKOL BA'ANG PHAN; ,ZHES BYA BA LA, SE'U 'BRU'I KHU BA BSKOL BA TSA BA GSUM DANG LDAN PAR BSKOL BA YANG LUD PA DANG RIMS DANG YI GA 'CHUS PA SEL BAR BYED DO, ,YA BAKshA RA MAR DANG SBYAR, ,ZAS ZOS PA YI 'OG TU BLUD, ,CES BYA BA LA, YA BAKshA RA DANG SBYAR BA'I MAR DE
ZAN ZOS PA'I 'OG TU BLUD NA YANG LUD PA LA PHAN NO, ,PI PI LING DANG BU RAM BSKOL, ,RA YI 'O MA MAR BCAS PHAN, ,ZHES BYA BA LA, PI PI LING DANG BU RAM GNYIS LDE GUR BYAS PA RA'I 'O MA DANG MAR BZHI 'GYUR BSKOL BA BLUD NA YANG PHAN NO, ,'DI NI ME DROD SBYANG PHYIR RO, , ZAD BYED LUS CAN GYIS MAR BTUNG, ,NAD KYIS 'GAGS PA'I MID PA BRANG, ,RTZA SBUBS RNAMS NI DAG PAR BYED, ,CES BYA BA LA, SNGAR BSHAD PA'I SMAN LA SOGS PA 'DI DAG DANG BSKOL BA'I SMAN MAR ZAD BYED KYI LUD PA CAN GYI NAD PAS 'THUNGS NA ME DROD 'PHEL ZHING RGYAS PAR 'GYUR LA NAD KYIS 'GAGS SHING GOS PA'I BRANG DANG, LKOG MA'I NANG RTZA SBUBS DAG CING SBYONG BAR BYED PA YIN NO, ,NAS NI BRE GANG BTZOS PA RU, ,RNAM PAR RGYAL BA NYI SHU BTZO, ,TSOS NAS DE PHYUNG MNYES NAS DER, ,BU RAM RNYING PA SRANG DRUG DANG, ,PI PI LING NI SRANG GNYIS DANG, , LDONG ROS ZHO GNYIS SKYER KHAndA, ,ZHO GCIG TSAD NI BCUG NAS NI, ,SLAR YANG BSKOL BA'I LDE GU DES, ,LUD PA DBUGS MI BDE SEL BYED, ,CES BYA BA LA, NAS BRE GANG BSAL BA BTZOS PA'I NANG DU AA RU RA RNAM PAR RGYAL BA RDOG MA NYI SHU BCUG STE BTZOS LA, DE TSOS SHING BANGS PAR GYUR PA DANG, KHU BA DE'I NANG DU MNYES NAS YANG BSKOL BAR BYA STE, 'DI'I NANG DU BU RAM RNYING PA SRANG DRUG ,PI PI LING SRANG GNYIS, LDONG ROS ZHO GNYIS SKYER KHAndA ZHO GCIG BCUG LA LDE GU'I TSUL DU BSKOL BAR BYA'O, ,LDE GU DES NI LUD PA LA SOGS PA'I NAD SEL BAR BYED DO, ,REG 'JAM SGRO RTZA BSREGS NAS NI, ,MAR DANG SBRANG RTZI KHA RAR SBYAR, ,YANG NA RMA BYA'I RKANG PA BSREGS, ,MAR DANG SBRANG RTZIR BSRES PA YI, ,LDE GU ZOS NA LUD PA DANG, ,DBUGS MI BDE BA SEL BAR BYED, ,CES BYA BA LA, BYA ROG SHA BI DA ZHES BYA BA SGRO RTZA KHAM 'DRA BA YOD DE, DE BSREGS NAS MAR NGANG KHA RA SBRANG DANG SBYAR BA'I LDE GU ZOS NA LUD PA LA SOGS PA'I NAD 'JOMS PAR 'GYUR RO, ,YANG RMA BYA'I RKANG PA BSREGS TE MAR DANG SBRANG RTZI SBYAR BA'I LDE GU ZOS NA YANG LUD PA LA SOGS PA'I NAD SEL TO, ,AE RAndA YI
, ,THAL BA NI, ,TIL MAR TSA GSUM BU RAM BCAS, ,LDE GU'AM BYE'U RUG AE RAndA'I, ,LO MA'I THAL BA DE BZHIN BYA, ,ZHES BYA BA LA, AE RAndA'I LO MA'I THAL BA TIL MAR DANG TSA BA GSUM DANG BU RAM DANG SBYAR BA'I LDE GU GCONG CHEN PO'I LUD PA DANG LDAN PAS BLDAG PAR BYA'O, ,YANG NA BYE'U RUG PA DANG, AE RAndA BSREGS PA'I THAL BA DAG SNGA MA BZHIN DU TSA BA GSUM DANG TIL MAR DANG BU RAM DANG SBYAR TE LDE GUR BYAS LA BLDAG PAR BYA'O, ,TSA BA GSUM GYI PHYE MA NI, ,BU RAM RNYING PA MAR SBYAR PHAN, ,ZHES BYA BA LA, PI PI LING DANG NA LE SHAM DANG BCA' SGA GSUM GYI PHYE MA BU RAM RNYING PA DANG ZHUN MAR LDE GUR BYAS TE BZA' BAR BYA'O, ,SHUG PA TSA GSUM 'BRAS BU GSUM, ,BYI DANG GA DANG THANG SHING DANG, ,BA LA RA SNA'I PHYE MA KUN, ,DE DANG MNYAM PA'I KHA RAR SBYAR, ,YANG NA SBRANG RTZI MAR DANG SBYAR, ,LDE GU LUD PA SEL BYED MCHOG ,CES BYA BA LA, SHUG PA LA SOGS PA'I SMAN MAR LUS DANG CHA MNYAM PA'I KHA RA SBYAR LA ZOS NA YANG LUD PA LA PHAN NO, ,YANG NA SBRANG RTZI DANG ZHUN MAR CHA MNYAM DU SBYAR TE LDE GU ZOS PA YANG LUD PA SEL BA'I MCHOG YIN NO, ,DE BZHIN NA LE SHAM GYI PHYE, , MAR DANG SBRANG RTZI KHA RAR BCAS, ,ZHES BYA BA LA, NA LE SHAM GYI PHYE MA MAR DANG SBRANG RTZI DANG KHA RA DANG LHAN CIG ZOS PA YANG LUD PA SEL BA'I MCHOG YIN NO, ,AA RU RA DANG BCA' SGA NI, ,BU RAM DANG NI BCAS PA YI, ,RI LU KHAR NI BZHAG GYUR NA, ,LUD PA DBUGS MI BDE KUN SEL; ,ZHES BYA BA LA, YANG NA AA RU RA LA SOGS PA'I SMAN BSKOL TE RI LUD BYAS LA KHA'I NANG DU BZHAG NA, LUD PA LNGA PO THAMS CAD DANG, DBUGS MI BDE BA LNGA PO KUN SEL BAR 'GYUR BA YIN NO, ,YANG NA BA RU RA 'BA' ZHIG ,LUD PA SEL BAR BYED PA YIN, ,ZHES BYA BA LA, YANG NA BA RU RA 'BA' ZHIG KHAR BZHAG CING MUR NA YANG LUD PA DANG DBUGS MI BDE BA THAMS CAD SEL BAR BYED DO, ,SENG PHROM AA MRA KHA RA DANG, ,BCAS PA'I LDE GU MAR DANG BRNGOS, ,THUG PA ZAN DRON NANG DU BTAB, ,SLON BRO SKOM DAD LUD PA DANG, MA ZHU TSAD 'KHRU SEL BAR BYED, ,
CES BYA BA LA, SENG PHROM GYI LO MA LDE GUR SBYAR BAR MAR LA BRNGOS LA KHAR DANG BCAS PA THUG PAR BYAS PA'AM, YANG NA ZAN DRON NAM KHUR BA DANG BSRES PA'I NANG DU SMAN GONG MA MAR DANG BCAS PA ZOS NA SLON BRO BA LA SOGS PA'I NAD KUN SEL BAR BYED DO, ,KAndA KA RI'I KHU BA BSKOL, ,MUNGGA'I KHU BAR LEGS G-YOS PA, ,SKYU RU RA SER SE'U 'BRUR BCAS, ,LUD PA KUN GYI SMAN GYUR YIN, ,ZHES BYA BA LA, KAndA KA RI'I RANG GI KHU BA MUNGGA'I KHU BAR BCUG STE, G-YOS LA SKYU RU RA SER PO DANG SE'U 'BRU DANG BCAS PA BTAB STE SGE 'U GSHER DANG BCA' SGA DANG MAR LA SOGS PA BCUG NAS LEGS PAR G-YOS SU BYAS PA DE NI LUD PA KUN GYI SMAN DU 'GYUR BA YIN NO, ,RLUNG 'JOMS SMAN BSKOL 'O MA 'AM, ,MCHU YIS BZAS TSOL KHRON RKO DANG, ,KHUNG NA GNAS PA'I SHA KHU NI, ,ZAD BYED LUD PA CAN LA SBYIN, ,ZHES BYA BA LA, ZAD BYED KYI NAD KYIS BTAB PA'I MI LA RLUNG 'JOMS PA'I SMAN DANG BSKOL BA'I 'O MA 'AM, YU SHA KHU BA BLUD PAR BYA BA'AM, YANG NA SHA KHU MCHUS BZAS TSOL BA'I SHA LAS BYAS PA'AM, KHRON RKO BA'I RIGS KYI SHA'AM KHUNG NA GNAS PA'I SHA LAS G-YOS PA'I SHA KHU SBYIN PAR BYA'O, ,GLO RDOL GYI DUD BRNGUBS LA GANG, ,BTUNG BAR BCAS PA BSTEN PA YANG, ,ZAD BYED LUD PAR DE GTANG BYA, ,GANG YANG GCONG CHEN SKABS SU BSHAD, ,CES BYA BA LA, GLO RDOL GYI LUD PA'I NAD GSO BA'I SKABS SU BSHAD PA'I DUD PA BRNGUB PA DANG BCAS PAR GONG DU BSTAN PA GANG DAG YIN PA DE YANG ZAD BYED KYI LUD PA CAN LA SBYIN PAR BYA'O, ,GANG YANG 'OG NAS GCONG CHEN PO GSO BA'I SKABS SU BSHAD PA'I SBYOR BA GANG YIN PA DE YANG SBYIN PAR BYA'O, ,STOBS SKYED ME DROD SKYED PA DANG, ,RTZA RGYUN SBYONG BAR BYED PA'I SMAN, ,RNAM GRANGS ZAD BYED LUD CAN LA, ,STOBS SKYED THAMS CAD BSNGAGS PA YIN, ,ZHES BYA BA LA, ZAD BYED KYI LUD PA CAN GYI NAD PA LA NI BRTA ZHING STOBS SKYED PA'I SMAN GANG YIN PA DANG, DE BZHIN DU GANG PHO BA'I ME DROD SKYED PA'I SMAN DANG RTZA RGYUN DANG BU GA'I SBUBS SBYONG BAR BYED PA'I SMAN DE DAG RNAM GRANGS KYIS BYIN NA
, ,YANG ZAD BYED KYI LUD PA SEL BAR BYED DO, ,DE BZHIN DU STOBS SKYED PAR BYED PA'I SMAN THAMS CAD KYANG ZAD BYED KYI LUD PA LA BSNGAGS PA YIN NO, ,GANG PHYIR 'DUS PA LAS BYUNG BA'I, ,ZAD BYED LUD PA MI BZAD PAS, ,DE PHYIR NAD STOBS JI BZHIN DU, , 'DUS PA'I NAD LA PHAN PAS GSO, ,ZHES BYA BA LA, RGYU GANG GI PHYIR 'DUS PA'I NAD LAS BYUNG BA'I ZAD BYED KYI LUD PA MI BZAD CING BRNAG PAR DKA' LA SDUG BSNGAL BA YIN PAS DE'I PHYIR NAD KYI STOBS JI LTA BA LA LTOS LA, RLUNG GI SHAS CHE BA'AM, MKHRIS PA'I SHAS CHE BA'AM; BAD KAN GYI SHAS CHE BA'I 'DUS PA'I NAD LA PHAN PA'I KHA ZAS DANG SKOM DANG SMAN DANG SPYOD LAM PHAN PAS GSO BAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS LE'U GSUM PA'I RNAM PAR 'GREL PA'O,, ,,DE NAS SKYIGS BU DANG DBUGS MI BDE BA GSO BA'I LE'U BSHAD PAR BYA'O, ,ZHES BYA BA LA, NAD GZHI'I GNAS SKABS SU BSHAD PA'I GO RIMS KYI RNAM PAS SKYIGS BU DANG DBUGS MI BDE BA'I LE'U 'DI BRTZAMS PA YIN NO, ,GANG PHYIR SKYIGS BU DBUGS MI BDE, ,RGYU SOGS MTSUNGS PAS DE YI PHYIR, ,GSO BA'ANG GCIG STE, ZHES BYA BA LA, RGYU GANG GI PHYIR SKYIGS BU DANG DBUGS MI BDE BA NI RGYU LA SOGS PA MTSUNGS PA YIN TE, SNGON DU BYUNG BA'I TSUL DANG GRANGS DANG RANG BZHIN DANG RTEN GCIG NYID YIN PAS, DE'I PHYIR SKYIGS BU DANG DBUGS MI BDE BA GSO BA YANG GCIG TU BSTAN CING BSHAD PA YIN NO, ,DES NYEN LA, THOG MAR DUGS KYI NYER SPYAD BYA, ,SNUM DANG LAN TSVA TIL MAR BYUG ,CES BYA BA LA, SKYIGS BU DANG DBUGS MI BDE BA'I NAD DES NYEN CING GZIR BA THOG MAR TE, GSO BA THAMS CAD KYI NANG NAS DANG PO KHO NAR DUGS NYE BAR SPYAD PAS GSO BAR BYA LA DUGS DE YANG SNUM PA STE, SNUM GYI SMAN LA SBYAR BA'I DUGS BYA'I, RTZUB PAS NI MA YIN TE, RTZUB PAS NI RLUNG 'KHRUGS PA'I
SKYON YOD PA'I PHYIR RO, ,SNUM DE YANG PHAL CHER RGYAM TSA LA SOGS PA'I LAN TSVA DANG TIL MAR SBYAR BAS BYUG CING BSKU BAR BYA'O, ,DE YIS BAD KAN BU GAR 'GAGS, ,SHIN TU ZHEN PA ZHU NAS NI, ,KHONG PAR GNAS PA LEGS PAR 'BYIN, ,BU GA'I RGYUN SRANG MNYEN GYUR ZHING, ,RLUNG NI LUGS DANG MTHUN PAR RGYU, ,ZHES BYA BA LA, DUGS DES CI ZHIG BYED CE NA, BU GA'I SBUBS RNAMS SU SHIN TU ZHEN CING 'GAGS PA'I BAD KAN LEGS PAR ZHU ZHING LUD PA DANG DBUGS MI BDE BA DE'I KHONG PAR GNAS PA LEGS PAR 'BYIN CING BDE BLAG TU THON PAR 'GYUR LA, DE BZHIN DU BU GA'I RGYUN SRANG SHIN TU SRA ZHING BAD KAN NANG DU ZHEN PA DANG, RLUNG 'KHRUGS PA'I DBANG GIS RTZA SBUBS SHIN TU SRA BAR GYUR PA DAG DUGS KYIS SBYANGS NA MNYEN PA NYID DU BYED DO, ,DE BZHIN DU RLUNG LUGS DANG MI MTHUN PAR RGYU ZHING RANG GI LAM LAS RGYU BAR 'GYUR RO, ,'JAM ZHING RLAN GYUR ZAS SNUM DANG, ,RLAN CAN SHAR BCAS SBYIN PA'AM, ,YANG NA ZHO YI SPRIS MA SBYIN, ,ZHES BYA BA LA, NAD PA DUGS KYIS LUS RLAN CING 'JAM PAR GYUR PA LA KHA ZAS SNUM BAG DANG RLAN CAN GYI SROG CHAGS KYI SHA DANG BCAS PA SBYIN PAR BYA BA'AM; YANG NA ZHO'I SPRIS MA DANG BCAS PA SBYIN PAR BYA'O, ,DE NAS DE LA SLON 'JAM BTANG, ,MCHOG TU LUD PA RNYING NAD DANG, ,SKAD 'GAGS PA LA SKYUG SMAN SBYIN, ,RGYAM TSA SBRANG RTZI PI PI LING, ,SBYAR BA'AM RLUNG LA PHAN PA GTANG, ,ZHES BYA BA LA, DE NAS ZHES BYA BA DUGS BYAS PA'I RJES LA SKYIGS BU DANG DBUGS MI BDE BAS NYEN PA'I NAD PA DE LA SLON SMAN 'JAM PO GTANG BAR BYA LA, MCHOG KHYAD PAR DU NI LUD PA LA SOGS PA DANG LDAN PA'I SKYES BU DAM PA LA SKYUG SMAN GTANG BAR BYA'O, ,SKYUG SMAN DE YANG RGYAM TSA LA SOGS PA DANG LDAN PA'AM, GANG RLUNG LA PHAN ZHING GNOD PA MED PA DE LTA BU'I SKYUG SMAN GTANG BAR BYA'O, ,BAD KAN GYIS NI GNOD BYAS PA, ,BSAL NA BDE BA 'THOB 'GYUR LA, ,BU GA RNAM PAR DAG GYUR NAS, ,RLUNG NI GNOD PA MED PAR RGYU, ,ZHES BYA BA LA, BAD KAN GYI GNOD PA DANG BCAS PA BSAL
, ,ZHING SBYANGS NA MI DE BDE BA 'THOB CING, SKYIGS BU DANG DBUGS MI BDE BA ZHI BAR 'GYUR LA, YANG BAD KAN GYIS GNOD CING BKAG BAR BYAS PA'I BU GA RNAMS DAG CING SBYANGS PAR GYUR PAS RLUNG GNOD PA MED PAR RGYU STE SUS KYANG GAGS BYAS PA MED BAR BDE BAR RGYU BAR 'GYUR ZHING, SROG GNAS PA'I RGYUN SRANG DAG TU LEGS PAR 'GYUR RO, ,LTO SBOS RTUG 'GAGS MUN 'THIBS BYED, ,MA DU LUNG GA STAR BU DANG, ,SHING KUN PI LU KHA RU TSA, ,LDAN ZAS SBYIN NA BDE BAR 'BYUNG, ,ZHES BYA BA LA, LTO SBOS PA DANG GNAS SKABS DER RTUG PA 'GAGS PA LAS MUN 'THIBS ZHES BYED CING MUN SROS PA SNYAM DU SEMS PA'I DBUGS MI BDE BA BYUNG BAR GYUR NA MA DU LUNG GA ZHES BYA BA, BA LU DANG STAR BU LA SOGS PA'I SMAN DANG LDAN PA'I ZAS BYIN NA DBUGS BDE BAR 'GYUR RO, ,RGYAM TSAR BCAS PA'I 'BRAS BU SKYUR, ,CUNG ZAD DRO BA'I BKRU SMAN GTANG, ,ZHES BYA BA LA, YANG NA LTO SBOS PA DANG, RTUG PA 'GAGS PA LAS BYUNG BA'I SKYIGS BU DANG DBUGS MI BDE BA'I NAD MUN 'THIBS ZHES BYED PA RGYAM TSA DANG 'BRAS BU SKYUR PO MA DU LUNG GA LA SOGS PA DANG SBYAR BA CUNG ZAD BSROS TE DRO 'JAM TZAM DU BYAS PA'I BKRU SMAN GTANG BAR BYA'O, ,'DI DAG BAD KAN GYIS LAM BKAG ,SROG GI RLUNG NI 'KHRUGS LAS BYUNG, ,DE BAS DE LAM BSAL BYA'I PHYIR, ,STENG DANG 'OG TU SBYANG BYAS PHAN, ,ZHES BYA BA LA, GANG GI PHYIR LUD BA DANG DBUGS MI BDE BA 'DI DAG NI BAD KAN GYIS RGYU BA'I LAM BKAG PA'I SROG CES BYA BA'I RLUNG DE 'KHRUGS PAR GYUR PA LAS 'BYUNG BA YIN LA, DE BAS SROG CES BYA BA'I RLUNG DE'I LAM BSAL ZHING DAG PAR BYA BA'I PHYIR STENG DANG 'OG TU SBYANG BA'I THABS SKYUG SMAN BTANG NA PHAN NO, ,JI LTAR 'BAB PAR GYUR PA'I CHU, ,SHIN TU 'KHYIL ZHING 'PHEL BA LTAR, ,DE BZHIN RLUNG NI 'KHYIL GYUR PA'I, ,DE LAM LEGS PAR SBYANG BAR BYA, ,ZHES BYA BA LA, DPER NA JI LTAR CHU 'BAB BAR GYUR PA DAG RGYU BA'I RGYUN LAM BKAG PAR GYUR PA NA SHIN TU 'PHEL ZHING MANG DU 'PHEL BAR 'GYUR BA DANG
'DRA BA DE BZHIN DU RANG BZHIN GYIS RGYU BA'I RLUNG DE'I RGYU BA'I LAM 'GAGS SHING BDE BLAG TU 'GRO BA'I GO SKABS MA THOB NA SHIN TU 'KHYIL BAR 'GYUR RO, ,DE BAS NA RLUNG DE'I RGYU BA'I LAM SLON DANG KHRUS KYIS SBYANG BAR BYA STE, LAM BSAL NA PHAN PAR 'GYUR RO, ,SBYANG BA BYAS KYANG MA DAG PA'I, ,ZHEN PA'I DRI MA DU BAS BSAL, ,ZHES BYA BA LA, DE LTAR SBYANG BA'I RNAM PA BYAS SU ZIN KYANG LUD PA DANG DBUGS MI BDE BAS NYEN PA'I BAD KAN GYI NAD KYI DRI MA DAG CING SHIN TU ZHEN PA'I NYES PA LHAG MA YOD PA GANG YIN PA DE NI DU BA BRNGUB PA'I THABS KYIS BSAL BAR BYA'O, ,YUNG BA'I LO MA AE RAndA'I, ,RTZA BA RGYA SKYEGS LDONG ROS DANG, ,THANG SHING BA LA SPANG SPOS BCAS, ,BTAGS TE RENG BU NYID DU BYA, ,DE NI MAR BSKUS DUD PA BRNGUB, ,YANG NA MAR SBRUS NAS BSREGS BRNGUB, ,CES BYA BA LA, YUNG BA'I LO MA LA SOGS PA'I SMAN CHU BTAGS SU BYAS TE BSKAMS NAS RENG BU DE MAR BSKUS TE ME LA BSREGS PA'I DUD PA BRNGUB PAR BYA'O, ,YANG NA MAR DANG NAS SBRUS NAS BSREGS PA'I DUD PA BRNGUB PAR BYA'O, ,SBRA TSIL SRA RTZI POG DAG GAM, ,AA KA RU BZANG MAR SBYAR BRNGUB, ,CES BYA BA LA, SPRA TSIL DANG SRA RTZI POG CES BYA BA SARDZA RA GCIG TU SBYAR BA'I DUD PA'AM, YANG NA AA KA RU BZANG PO'I DUD PA BRNGUB PAR BYA'O, ,DE BZHIN TZANDAN GLANG RVA 'AM, ,SPU 'AM RGYUS PA'I DUD PA BRNGUB, ,CES BYA BA LA, YANG NA TZANDAN MER BSREGS PA'I DUD PA BRNGUB BAR BYA'O, ,YANG NA BA LANG GI RVA ME LA BSREGS PA'I DUD PA 'AM, BA LANG GI SPU'AM, BA LANG GI RGYUS PA'I DUD PA BRNGUB PA YANG SKYIGS BU DANG DBUGS MI BDE BA NANG DU ZHEN PA'I SKYON SEL BAR BYED PAR 'GYUR RO, ,GTZOD DANG GOD KU RANG GA, ,DGO BA LPAGS MIG RA YI 'AM, ,ZHES BYA BA LA, YANG NA GTZOD LA SOGS PA'I SROG CHAGS KYI PAGS PA LA SOGS PA'I DUD PA BRNGUB NA YANG PHAN NO, ,YANG NA GU GUL LDONG ROS SAM, ,YANG NA S'A LA'I THANG CHU NYID, ,CES BYA BA LA, YANG NA GU GUL GYI DUD PA BRNGUB PA'AM, YANG NA LDONG ROS KYI DUD PA BRNGUB PA'AM, SHING S'A
, ,LA'I THANG CHU'I DU BA BRNGUB PAR BYA'O, ,MO RTZA GU GUL AA GA RU, ,SHUG PA MAR DANG SBYAR DUD BRNGUB, ,CES BYA BA LA, YANG NA MO RTZA ZHES BYA BA SHING SHAL MA LI'I THANG CHU DRI ZHIM PA LA SOGS PA MNGAR BA'I SPOS MAR DANG SBYAR BA'I DUD PA BRNGUB PAR BYA'O, ,DUGS BYAR MI RUNG BTANG SNYOMS BZHAG ,BRANG DANG MID PA ZHOM PA LA, ,BSHOL DU MED NA 'JAM DUGS BYA, ,KHA RA DKAR PO'I 'O MAS SAM, ,DRO 'JAM TZAM GYIS DUGS BYA ZHING, ,DKRI DANG LDAN PAR BYA BA'I DUGS, ,DUGS KYI LE'UR BSHAD DUGS BYA, ,ZHES BYA BA LA, DUGS BYAR MI RUNG BA'I NAD PA MKHRIS PA DANG TSA BAS NYEN PA DANG, NYAMS STOBS DANG LUS ZUNGS ZAD PA DANG SHIN TU SNUM PA DANG SBRUM MA LA SOGS PA BRANG DANG LKOG MA ZHOM PA LA SOGS PA DUGS BYAR MI RUNG STE BSHOL DU MED PA YIN NA DUGS 'JAM PO BYA STE, DE YANG KHA RA DKAR PO 'O MA DANG BCAS PA'I SNUM BAG DRO 'JAM TZAM DU BYAS PA BLUGS LA DUGS BYA ZHING, DE BZHIN DU DKRIS PA DANG LDAN PA'I DUGS KYI LE'UR BSHAD PA'I SMAN DANG SBYAR BAS DUGS BYA'O, ,MA ZHUR DE GSO'I CHO GA SPYAD, ,CES BYA BA LA, MA ZHU BA LAS SKYIGS BU DANG DBUGS MI BDE BA LAS GYUR PA LA NI MA ZHU BA GSO BA'I CHO GA SMYUNG BA DANG SMIN PAR BYAS PA LA SOGS PA SPYAD BAR BYA'O, ,SBYOR DRAGS RLUNG SHAS CHE GYUR NA, ,RLUNG NAD BSAL BA'I SBYOR BA BYA, ,SHA KHU SNUM SOGS RAB TSA SBYIN, ,BSKU BA DAG GIS ZHI BAR BYA, ,ZHES BYA BA LA, SKYUG SMAN LA SOGS PA'I NYAMS SMAD PA'I CHO GA'I SBYOR BA DRAGS PAS RLUNG SHAS CHE ZHING RGYAS PAR GYUR PA MTHONG NA RLUNG NAD DE BSAL BA'I CHO GA BYA LA, DE YANG SHA KHU DANG SNUM GYI RNAM PA MAR LA SOGS PA DANG, 'O MA LA SOGS PA DANG, BSKU BA LA SOGS PAS NAD DE ZHI BAR BYA'O, ,BAD KAN MA SLONG DUGS MI BYA, ,NYAM CHUNG BA LA SBYANG BYAS PAS, ,RLUNG GI GNAS RNYED GNAS RNAMS NI, ,SKAMS PAR BYAS NAS SROG 'PHROG BYED, ,DE BAS SMAN KHU SNUM DANG NI, ,LDE GU SOGS KYIS DE ZHIR BYA, ,ZHES BYA BA LA, BSHAD MA THAG PA'I SKYUG SMAN BTANG BA LA SOGS
PA'I SBYOR BA NI BAD KAN MA SLONG BA LA SOGS PA LA GTANG BAR MI BYA'O, ,CI'I PHYIR ZHE NA, SKYIGS BU DANG DBUGS MI BDE BA DANG LDAN PA RNAMS DE LTA BU DANG LDAN PA DE LA SBYANG BA BYAS NA RLUNG GI GNAS RNYED CING BRTEN PA'I GZHI RNYED PA SNYING ZHES BYA BA'I GNAD KUN TU SKAMS PAR BYAS NAS MYUR BA KHO NAR SROG 'PHROG CING 'JIG PAR BYED DO, ,RGYU DE BAS BAD KAN MA SLONG BA LA SOGS PA DE RNAMS LA SMAN BSKOL BA'I KHU BA LA SOGS PAS SKYIGS BU DANG DBUGS MI BDE BA'I NAD ZHI BAR BYA'O, ,SKEM ZHING GLO RDOL CHED 'KHRU DANG, ,KHRAG MKHRIS TSA BA LAS BYUNG BA'I, , SKYIGS BU DBUGS MI BDE BA LA, ,MNGAR SNUM BSIL SOGS DAG GIS GSO, ,ZHES BYA BA LA, SKEM ZHING RID PA LA SOGS PA LAS BYUNG BA'I SKYIGS BU DANG DBUGS MI BDE BA'I NAD LA NI MNGAR BA LA SOGS PAS NYAMS BRTA BA'I GSO BA'I THABS KYIS GSO BAR BYA'O; ,KU LANGTHA DANG RTZA BA BCU, ,BSKOL BA'I SKAM SA'I SHA KHU PHAN, ,ZHES BYA BA LA, YANG NA SKYIGS BU DANG DBUGS MI BDE BA DANG LDAN PA LA RGYA SRAN KU LANGTHA DANG RTZA BA BCU PA DANG BSKOL BA'I SKAM SA'I SHA KHU BLUD NA PHAN NO, ,SHI KRU PAR TA KA DANG NI, ,KAS MAR DA BA SHA KA, LA PHUG LO MA'I KHU BA DANG, ,NIM PA'I MYU GU LAS BYUNG DANG, ,KHA LUNG BRI HA TI KHU PHAN, ,ZHES BYA BA LA, YANG NA SHI KRU LA SOGS PA'I SMAN BTZOS BA'I KHU BA LAS YU SHAR BYAS PA YANG PHAN PA YIN NO, ,KAndA KA RI BYI TSER BA, ,BIL BA'I RKANG DANG GZE MA DANG, ,SLE TRES KAR KA TA SRING GI, ,TZI TRA KA DANG KU LANGTHA, ,CHUR BSKOL BA YI YU SHA BYA, ,ZHES BYA BA LA, YANG NA KAndA KA RI LA SOGS PA SMAN CHUR BSKOL BA'I YU SHA YANG PHAN NO, ,YANG NA RA SNA RTZA CHUNG LNGA, ,MUNGGA TZI TRA KAR BCAS BLUD, ,CES BYA BA LA, YANG NA RA SNA DANG RTZA BA CHUNG DU LNGA DANG, MUNGGA DANG TZI TRA KA BSKOL BA'I YU SHA BLUD NA YANG PHAN NO, ,TZI TRA GO SNYOD KHA RU TSA, ,KAR KA TA SRING THUG PA PHAN, ,ZHES BYA BA LA, YANG NA TZI TRA KA LA SOGS PA'I SMAN DANG SBYAR BA'I THUG BA BLUD NA YANG SKYIGS BU DANG DBUGS MI BDE BA LA PHAN NO, ,YANG NA RTZA BA BCUR SBYAR BA'I, ,
, ,THUG PA BLUD NA LUD PA DANG, ,SKYIGS BU DBUGS MI BDE NAD SEL, ,ZHES BYA BA LA, YANG NA RTZA BA BCU PA DANG SBYAR BA'I THUG PA BLUD NA LUD PA LA SOGS PA'I NAD SEL TO, ,RTZA BA BCU PA RA SNA DANG, ,ZUR PA GA BRA'I RTZA BA DANG, ,BIL BA GNYIS DANG MA NU DANG, , KAR KA TA SRING PI PI LING, ,LCA BA SLE TRES BCA' SGA NI, ,BSKOL BA'I KHU BA BLUD ZHU NAS, ,DE NYID DANG BTZOS THUG PA BLUD, ,S'A LU DRUG CU PA DANG GRO, ,NAS DANG MUNGGA RGYA SRAN ZOS, ,LUD PA SNYING NAD RTZIB LOGS ZUG ,SKYIGS BU DBUGS MI BDE BA SEL, ,ZHES BYA BA LA, RTZA BA BCU PA LA SOGS PA'I SMAN BSKOL BA'I KHU BA BLUD NA ZHU BAR GYUR PA DANG, RTZA BA BCU PA LA SOGS PA DE NYID KYI KHU BA DANG BTZOS PA'I THUG PA BLUD PAR BYA ZHING 'BRAS S'A LU LA SOGS PA LAS G-YOS PA'I ZAS ZOS NA LUD PA LA SOGS PA'I NAD SEL BAR 'GYUR RO, ,YANG NA AARKA'I MYU GU YI, ,'O MA DANG SBRUS NAS KYI ZAN, ,SBRANG RTZI DANG BCAS RTZA BCU SOGS, ,BSKOL BA'I KHU BA BCAS PA BLUD, ,CES BYA BA LA, YANG NA AARKA'I MYU GU'I 'O MA DANG SBRUS PA'I NAS ZAN SBRANG RTZI DANG BCAS PA DE RTZA BA BCU PA DANG RA SNA LA SOGS PA BSHAD MA THAG PA'I SMAN BSKOL BA'I KHU BA DANG SBYAR TE BLUD NA YANG PHAN NO, ,ZAS NI KAshA RA SHING KUN MAR, ,KHA RU TSA DANG SE'U SBYAR BZA', ,MA NU ZUR PA TSA BA GSUM, ,STAR BU KHA LUNG SBYAR BA SBYIN, ,ZHES BYA BA LA, YANG NA KHA ZAS NI NANG DU KAshAR LA SOGS PA'I SMAN NAD KYI MTSAN NYID LA LTOS LA GANG YANG RUNG BA DANG SBYIN PAR BYA'O, ,SKYIGS BU DBUGS MI BDE SKOM DANG, ,RTZA BA BCU BSKOL KHU BA'AM, ,YANG NA THANG SHING BSKOL KHU'AM, ,CHANG GI DANGS MA BLUD PAR BYA, ,ZHES BYA BA LA, SKYIGS BU DANG DBUGS MI BDE BA'I NAD KYIS SKOM DAD DU GYUR PA LA RTZA BA BCU BSKOL BA'I CHU'AM THANG SHING BSKOL BA'I KHU BA'AM, CHANG GI DANGS MA BLUD PAR BYA'O, ,PI PI LING DANG DE'I RTZA BA, ,AA RU RA DANG BYI DANG GA ,TZI TRA KA RNAMS LDE GUR SBYAR, ,MAR SNOD BSKUS TE BSKAMS PA RU, ,SNOD DU DAR BA ZLA GCIG BZHAG ,DE 'THUNGS ME YI
DROD SKYED CING, ,LUD PA DBUGS MI BDE BA SEL, ,ZHES BYA BA LA, PI PI LING LA SOGS PA'I SMAN CHU 'THAGS SU BYAS PA MAR GYI SNOD KYI BUM PAR BSKUS PA DE BSKAMS PAR GYUR PA DANG, DER DAR BA SAR BA BLUGS LA DAR BA DE SNOD DER ZLA BA GCIG LON PA DANG, DE 'THUNGS NA ME DROD SKYED PA LA SOGS PAR 'GYUR RO, ,PA THA MUR BA THANG SHING DANG, ,SA RA LA DAD CHANG DANGS MA, ,NUB GCIG BZHAG STE LAN TSVA BTAB, ,DE LAS KHYOR GANG BLUD PAR BYA, ,ZHES BYA BA LA, PA THA LA SOGS PA MNYES SHING BTZAGS LA NUB GCIG ZHAG BZHAG STE LAN TSVA NYUNG ZHIG BTAB STE DE LAS KHYOR GANG TZAM BLUD NA YANG SKYIGS BU DANG DBUGS MI BDE BA'I NAD ZHI BAR 'GYUR RO, ,GA BRA'I RTZA BA BCA' SGA'I PHYE'AM, ,YA BAKshA RA NA LE SHAM, ,BCAS PHYE CHU TSAN BLUGS PA PHAN, ,ZHES BYA BA LA, CHU BSKOL BA'I DRO 'JAM TZAM GYI NANG DU GA BRA'I RTZA BA DANG BCA' SGA DANG BTAGS TE BLUD PA'AM, YANG NA NA LE SHAM DANG YA BAKshA RA'I PHYE MA DANG BCAS PA CHU BSKOL BA DRO 'JAM TZAM GYI NANG DU BCUG STE BLUD NA YANG PHAN NO, ,BA SPRI KA NI BSKOL BA'I CHU, ,BTAGS PA LDE GUR BYAS BSRES BLUD, ,CES BYA BA LA, PA SPRI KA NI HING KU PA TRI KA STE DE BSKOL BA'I KHU BA DANG DE BTAGS PA'I LDE GUR BYAS PA DANG BSRES TE BLUD NA YANG PHAN NO, ,SAPTA PARnI'I KHU BA'AM, ,SHRI SHA YI NI ME TOG NI, ,PI PI LING DANG SBRANG RTZIR SBYAR, ,BAD KAN MKHRIS PA 'DRES GYUR PA'I, ,SKYIGS BU DBUGS MI BDE BA SEL, ,ZHES BYA BA LA, BAD KAN DANG MKHRIS PA 'DRES PA LAS GYUR PA'I SKYIGS BU DANG DBUGS MI BDE BA LA NI KHU BA PI PI LING DANG SBRANG RTZIR SBYAR BA BLUD PA'AM, YANG NA SHRI SHA'I ME TOG BSKOL BA'I KHU BA PI PI LING DANG SBRANG RTZI DANG SBYAR BAR BYA'O, ,CU GANG PI PI LING DANG NI, ,'BRAS DANG BCA' SGA MAR DAG LAS, , KHU BA MKHRIS PA LAS GYUR SEL, ,ZHES BYA BA LA, MKHRIS PA LAS GYUR PA'I SKYIGS BU DANG DBUGS MI BDE BA LA NI CU GANG LA SOGS PA DANG SBYAR BA'I KHU BA HA THABS SU BCOS PA SBYIN PAR BYA'O, ,RLUNG DANG LDAN LA REG 'JAM SHA ,RI BONG SHA DANG PI PI LING, ,MAR DANG SHA SPYA
, ,KA YI KHRAG ,CES BYA BA LA, RLUNG LAS GYUR PA'I SKYIGS BU DANG DBUGS MI BDE BA'I NAD LA NI BYA REG 'JAM GYI SHA DANG, RI BONG GI SHA LA SOGS PA DANG, SHA SPYA KA'I KHRAG DANG SBYAR BA'I KHU BA BYIN NA PHAN NO, ,LCAM PA'I KHU BA TSA BA GSUM, ,MAR DANG 'O MAR SBYAR BA DANG, ,'BRAS CHAN ZOS LA 'O MA BLUD, ,RLUNG MKHRIS 'DRES PA LAS GYUR SEL, ,ZHES BYA BA LA, RLUNG DANG MKHRIS PA 'DRES PA LAS GYUR PA'I SKYIGS BU DANG DBUGS MI BDE BA LA NI LCAM PA LA SOGS PA'I SMAN DANG SBYAR BA'I MAR DANG 'O MA DANG BCAS PA'I 'BRAS CHAN BYIN LA DE'I 'OG TU NI 'O MA BLUD PAR BYA'O, ,RA YI 'O MA BZHI 'GYUR GYI, ,CHU BSKOL BU RAM DONG GRA BTAB, ,CES BYA BA LA, YANG NA RA'I 'O MA BZHI 'GYUR GYI NANG DU BSKOL LA CHU GDUS NAS BU RAM DANG BCA' SGA BTAB STE BLUD PAR BYA'O, ,PI PI LING RTZA SHING MNGAR DANG, BU RAM LCA BA RTA SBANGS KHU, ,SBRANG RTZI MAR SBYAR ZOS GYUR NA, ,SKYIGS BU DBUGS MI BDE BA SEL, ,ZHES BYA BA LA, PI PI LING GI RTZA BA LA SOGS PA DANG BSRES PA'I SBRANG RTZI DANG MAR DU SBYAR BA ZOS NA YANG SKYIGS BU DANG DBUGS MI BDE BA SEL BAR 'GYUR RO, ,RTA DANG GLANG PO BA LANG PHAG ,RNGA MO BONG BU LUG DANG RA, ,GANG YANG RUNG BA'I RTUG BTZIR KHU, ,SBRANG RTZIR SBYAR BA BLDAGS NA PHAN, ,ZHES BYA BA LA, YANG RTA LA SOGS PA'I RTUG PA GANG YANG RUNG BA BTZIR BA'I KHU BA SBRANG RTZI DANG SBYAR BA YANG SKYIGS BU DANG DBUGS MI BDE BA LA PHAN NO, ,BAD KAN SHAS CHER BTUNG BA BLUD, ,CES BYA BA LA, BAD KAN GYI SHAS CHE BA'I NAD PAS NI RTA SPANGS LA SOGS PA'I KHU BA GANG YANG RUNG BA SBRANG RTZI DANG SBYAR TE BTUNG BA BLUD PAR BYA'O, ,RKANG BZHI PA YI LPAGS RUS SPU, ,RMIG PA BSREGS LA SNAG TSAR BYAS, ,AA SHVA GANDHA'I LDE GU NI, , SBRANG RTZIR SBYAR BAS BAD KAN SHAS, ,CHE BA'I DBUGS MI BDE BA SEL, ,ZHES BYA BA LA, RKANG BZHI BA'I PAGS PA LA SOGS PA BSREGS NAS SNAG TSA LTA BUR BYAS PA SBRANG RTZI DANG BCAS PA'I LDE GU ZOS NA BAD KAN SHAS CHE BA'I DBUGS MI BDE BA SEL BAR BYED DO, ,YANG AA SHVA
GANDHA BSREGS PA'I LDE GU SBRANG RTZE DANG BCAS PA PHYIN NA YANG DE DANG 'DRA'O, ,ZUR DU MA NU SKYU RU RA'AM, ,MA NU PI PI LING BCAS PHAN, ,ZHES BYA BA LA, ZUR PA DANG MA NU DANG SKYU RU RA SBRANG RTZI DANG BCAS PA'I LDE GU ZOS NA BAD KAN SHAS CHE BA'I DBUGS MI BDE BA SEL BAR BYED DO, , YANG NA MA NU DANG PI PI LING DU BCAS PA SBRANG RTZI DANG SBYAR TE ZOS NA YANG DE DANG 'DRA'O, ,YUG SNAM PI PI LING BCAS PA'AM, ,KA PID TA YI KHU BA'AM, ,ZHES BYA BA LA, YANG NA BTZAG YUG SNAM PI PI LING DANG BCAS PA'I PHYE MA SBRANG RTZI DANG SBYAR TE ZOS PA'AM, YANG NA KA PID TA'I KHU BA SBRANG RTZI DANG SBYAR BA ZOS NA YANG YON TAN DE DANG 'DRA'O, ,BIL BA'I RKANG KHU SKYU RU RA, ,PI PI LING DANG RGYAM TSAR SBYAR, ,ZHES BYA BA LA, YANG NA BIL BA'I RKANG GI KHU BA DANG SKYU RU RA DANG, PI PI LING DANG RGYAM CHAR SBYAR BA'I LDE GU ZOS NA YANG DE DANG 'DRA'O, ,MAR DANG SBRANG RTZI AA RU RA'AM; ,TSA BA GNYIS DANG KHA RU TSA, ,ZHES BYA BA LA, YANG NA MAR DANG SBRANG RTZI DANG AA RU RA DANG SBYAR BA'I LDE GU BZA' BA'AM, YANG NA TSA BA STE PI PI LING DANG NA LE SHAM DANG KHA RU TSA MAR DANG SBRANG RTZIR SBYAR BA BZA' BAR BYA'O, ,RGYA SHUG 'BRAS YOS SBRANG RTZI DANG, ,RGUN 'BRU PI PI LING DONG GRA, ,ZHES BYA BA LA, YANG NA RGYA SHUG LA SOGS PA SBRANG RTZI DANG SBYAR BA'I LDE GU BZA' BAR BYA'O, ,BU RAM RGUN 'BRU YUNG RA SNA, ,PI PI LING DANG NA LE SHAM, ,TIL MAR DANG NI SBYAR BA PHAN, ,ZHES BYA BA LA, YANG NA BU RAM LA SOGS PA DANG TIL MAR SBYAR BA'I LDE GU BZA' BAR BYA'O, ,LDE GU SMAN GYI PHYE MA YANG, ,SHA KHU CHU DRON TSA SOGS BTUNG, ,ZHES BYA BA LA, LDE GU'I DON DU SMAN GANG DAG BSHAD PA DE DAG GI PHYE MA DAG KYANG NAD DMIGS LAS DPAGS TE SHA KHU DANG CHU DRON DANG CHANG DANG ZHO GA CHU DANG DAR BA RANG SKYUR LA SOGS PA GANG YANG RUNG BA DANG SPYOS TE BTUNG BAR BYA'O, ,DZI BAN TI DANG GLA SGANG DANG, ,BYE'U RUG PA DANG SHING TSA DANG, ,SUG SMEL GNYIS DANG MA NU DANG, ,LCA BA TA MA MA LI KA ,AA RU RA DANG GA BRA'I RTZA, ,DONG BA DANG NI BA LA KA ,ZUR PA KAR KA TA SRING GI ,N'A GA GE SAR PI PI LING, ,TZA RONG CI
, ,RIGS SBYAR NAS NI, ,PHYE MA NYIS 'GYUR KHA RAR BCAS, ,RTZIB LOGS NAD RIMS LUD PA SEL, ,SKYIGS BU DBUGS MI BDE 'JOMS MCHOG ,CES BYA BA LA, DZI BAN TI LA SOGS PA'I PHYE MA DANG DE'I NYIS 'GYUR GYI KHA RA DANG SBYAR BA DAG KYANG BZA' BA DANG BTUNG BA DANG LDE GU LA SOGS PA'I SBYOR BA BYAS NA RTZIB LOGS LA SOGS PA'I NAD 'JOMS PAR BYED PA'I MCHOG YIN NO, ,DONG GA BU RAM CHA SNYOMS PA, ,BZA' BA'AM SNA NAS BTANG SMAN BYA, ,ZHES BYA BA LA, BU RAM DANG DONG GA CHA SNYOMS PA BZA' BA'AM, DE'I KHU BA SNA NAS GTANG BAR BYA'O, ,YANG NA SGOG SKYA 'AM KUN DONG NGAM, ,GRI RTZA NA YI RTZA BAS BYA, ,ZHES BYA BA LA, SGOG SKYA LA SOGS PA'I RTZA BA'I KHU BA YANG SNA SMAN BYA'O, ,TZANDAN GYI NI KHU BA DANG, ,BUD MED NU ZHO SNAR BLUGS BYA, ,ZHES BYA BA LA, YANG NA TZANDAN GYI KHU BA DANG BUD MED KYI NU ZHOR SBYAR BA SNAR BLUGS PAR BYA'O, ,SBRANG MA'I RTUG PA NU ZHOR SBYAR, ,RGYA SKYEGS KHU BA DANG SBYAR BLUGS, ,ZHES BYA BA LA, SBRANG MA'I RTUG PA BUD MED KYI NU ZHO DANG SBYAR BA SNAR BLUGS PAR BYA BA'AM, YANG NA RGYA SKYEGS KYI KHU BA DANG SBYAR BA'I SMAN SNA NAS BLUGS NA YANG PHAN NO, , RGYAM TSA ZHUN MAR DANG BCAS PA, ,NU ZHO MAR DANG BSKOL BA'AM, ,MNGAR BA'I SMAN DANG LDE GUR BYAS, ,DE BTUNG BA'AM SNA NAS GTANG, ,ZHES BYA BA LA, YANG RGYAM TSA DANG ZHUN MAR DANGS MA DANG BCAS PA BUD MED KYI NU ZHO DANG BSKOL BA'I SMAN BTUNG BA'AM, SNA NAS BTANG BA'AM, SMAN MNGAR BA'I SDE TSAN RGUN 'BRU LA SOGS PA DANG LDE GUR BYAS PA'I MAR DANG RGYAM TSA BTUNG BA'AM SNA NAS GTANG BAR BYA'O, ,KHA RA SBRANG RTZIR BCAS PA NI, ,GRANG DRO'I RES KYIS BLUGS PA'AM, ,DE BZHIN 'O MA BSKOL BA NI, ,SMAN GYI PHYE MA MAR SBYAR BLUGS, ,ZHES BYA BA LA; KHA RA DANG SBRANG RTZIR BCAS PA'I SMAN GRANG DRO'I RES KYIS GZHUG CING BSTEN PA'AM, YANG NA DE BZHIN DU 'O MA BSKOL BA'I SMAN GYI PHYE MAR SBYAR BA LAS BTZIR BA'I KHU BA BLUGS NA PHAN NO, ,PI PI LING DANG KHA RU TSA, ,YA BAKshA RA SLE TRES DANG, ,SHING KUN TZO RA BYE'U
RUG PA; ,MAR DANG ZHO GA CHUR SBYAR ZHING, ,RTZA BCU'I KHU BAR BSKOL BA BLUD, ,CES BYA BA LA, PI PI LING LA SOGS PA'I SMAN LDE GUR BYAS PA DANG BSKOL BA'I MAR LA SOGS PA 'THUNGS NA YANG SKYIGS BU DANG DBUGS MI BDE BA LA PHAN NO, ,YANG NA 'TSO BYED BSKOL BA'I KHU; ,SBRANG RTZIR BCAS PA BLUD PAR BYA, ,ZHES BYA BA LA, 'TSO BYED KYI SMAN SNA BCU DANG MAR DU BSKOL BA DANG SBRANG RTZIR SBYAR BA BLUD NA DE DAG LA PHAN NO, ,TE DZO BA TI AA RU RA, ,PI PI LING DANG PU TZE SHEL, ,RU RTA MA NU BU TI KA ,TZI TRA KA DANG PA LA SHA ,ZUNG PA LAN TSVA RNAM GNYIS DANG, ,DZI BAN TI DANG BIL BA'I RKANG, ,SHU DAG BAL BU'I LO MA RNAMS, ,DE DAG ZHO NI GNYIS GNYIS BSKOL, ,SHING KUN ZHO PHYED MAR BRE GANG, ,BSKOL BA DE NI 'THUNGS GYUR NA, ,RKANG LAG LA NI ZHEN PA'I RLUNG, ,GZHANG 'BRUM DANG NI PHO BA'I NAD, ,SKYIGS BU SNYING NAD RTZIB LOGS ZUG ,MYUR DU SEL BAR BYED PA YIN, ,ZHES BYA BA LA, TE DZO BA TI LA SOGS PA'I LDE GU GNYIS GNYIS DANG, SHING KUN ZHO PHYED DE MA SHA DRUG DANG MAR BRE GANG BSKOL LA MAR DE 'THUNGS NA RKANG LAG LA ZHEN PA'I RLUNG LA SOGS PA MYUR DU SEL BAR BYED DO; ,TE DZO BA TI ZHES BYA BA NI SMAN BZI CAN NO, ,PU TZE SHEL NI KA TU KA RO HI NI'O, ,LAN TSVA GNYIS NI LCE MYANG TSA DANG KHA RU TSA'O, ,BIL BA'I RKANG NI BIL BA MAD DZA'O, ,ZHUN MAR CHA PHYED BCAS PA YI, ,YA BAKshA RA RGYAM TSA SBYIN, ,ZHES BYA BA LA, YANG NA ZHUN MAR GYI CHA PHYED KYI YA BAKshA RA SBYAR BA BLUD PAR BYA BA'AM, YANG NA MAR GYI CHA PHYED RGYAM TSA DANG SBYAR BA BLUD NA YANG DE DAG MYUR DU SEL TO, ,THANG LA 'BAR GYI'AM DUG GI MAR, ,ZHO CAN HA PU SHA'I MAR BLUD, ,CES BYA BA LA, DRANG SRONG THANG LA 'BAR GYIS BSHAD PA'I SMAN MAR GCIN NAD GSO BA'I SKABS SU BSHAD PA'AM, DUG GI SMAN MAR KHRAG MKHRIS KYI SKABS SU BSHAD PA DANG, ZHO CAN GYI SMAN MAR SKRAN GSO BA'I SKABS SU BSHAD PA DANG, HA PU SHA LA SOGS PA'I SMAN MAR DE NYID DU BSHAD PA STE SMAN MAR DE DAG BLUD NA YANG SKYIGS BU DANG DBUGS MI
, ,BDE BA SEL TO, ,CHU GRANG GLO PUR BLUGS PA DANG, ,SDANGS DANG SPRUGS DANG 'JIGS PA DANG, ,DGA' DANG PHRAG DOG DBUGS BSDAMS DANG, ,GNOD PA'I 'BU YIS SOS BTAB DANG, ,ZHES BYA BA LA, YANG SKYIGS BU'I NAD LA CHU GRANG GLO BUR DU 'PHRAL LA BLUGS PA DANG, DE BZHIN DU SDANGS SHING SKRAG PAR BYAS PA DANG, DE BZHIN DU LUS SPRUGS PA DANG, 'JIGS PAS TE SEMS ZHUM BAG DU GYUR PA NGO TSA BA'I BAG LA BRTEN PA DANG, DGA' BA STE SEMS DGA' ZHING SPRO BA'I ZHAD BYUNG BA DANG, PHRAG DOG STE GZHAN GYI YON TAN LA MI BZOD PA DANG DBUGS BSDAMS PA STE, KHA DANG SNA NAS 'BYUNG BA'I DBUGS DGAG PA DANG, DE BZHIN DU GNOD PA'I LUS LA TSA BA SKYED CING 'JIGS PAR NUS PA'I 'BUS SOS BTAB PA LA PHAN TE, DE DAG GIS NI RLUNG GI SHUGS 'BYUNG BA'I RGYUN LA GAGS BYAS PA'I PHYIR RO; ,GANG YANG BAD KAN RLUNG 'JOMS SMAN, ,DRO ZHING RLUNG NI BDE RGYU BSTEN, ,GANG YANG PHAL CHER RLUNG GI NAD, ,LHAG PAR 'JOMS PAR BYED PAS SPYAD, ,CES BYA BA LA, SKYIGS BU DANG DBUGS MI BDE BA DAG LA GANG YANG BZA' BA DANG BTUNG BA DANG SMAN LA SOGS PA BAD KAN DANG RLUNG 'JOMS PAR BYED PA BSTEN PA DANG, DE BZHIN DU DRO ZHING RLUNG BDE BAR RGYU BAR BYED PA GANG DAG YIN PA DE THAMS CAD BSTEN PAR BYA'O, ,DE LAS KYANG KHYAD PAR DU RLUNG GI NAD LHAG PAR 'JOMS SHING SEL BAR BYED PA'I DNGOS PO DE BSTEN CING SPYAD PAR BYA'O, ,THAMS CAD LA NI BRTA BYAS PAS, ,TSABS CHUNG GSO BAR SLA BA YIN, ,LHAG PAR NYAMS SMAD PA YIS NI, ,ZHI BA'I THABS SU 'GYUR MA YIN, ,DE BAS ZHI BA BRTA BA'I THABS, ,MANG PO DE LA SPYAD PAR BYA, ,ZHES BYA BA LA, SKYIGS BU DANG DBUGS MI BDE BA THAMS CAD LA BRTA BA'I CHO GA BYAS NA NAD TSABS CHUNG BAR 'GYUR LA, DE NAS DE GSO SLA BAR 'GYUR LA, LHAG PAR NYAMS SMAD PA NI DE ZHI ZHING BSAL BA'I THABS SU MI 'GYUR TE, NYAMS SMAD PAR BYAS PAS DE GSO BA DKA' BAR 'GYUR RO, ,DE BAS NA DE ZHI BA DANG BRTA BAR BYA BA THABS MANG PO GANG YOD PA DE LA SPYAD
PAS GSO BAR BYA'O, ,LUD PA DBUGS MI BDE GCONG SLON, ,SKYIGS BU'I SMAN NI PHAN TSUN 'DRE, ,ZHES BYA BA LA, LUD PA LA SOGS PA'I SMAN GYIS PHAN TSUN GCIG LA GCIG PHAN ZHING 'DRE BA YIN PAS LUD PA'I SKABS SU BSHAD PA'I SMAN GYIS DBUGS MI BDE BA LA SOGS PA GSOR RUNG LA, DBUGS MI BDE BA LA SOGS PA'I SMAN GYIS NI LUD PA GSOR RUNG BAS NA DE'I PHYIR JI SKAD DU BSHAD PA'I SMAN GYIS 'DI DAG THAMS CAD GSO ZHING BCOS PAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS LE'U BZHI PA'I RNAM PAR 'GREL PA'O,, ,,DE NAS GCONG CHEN PO GSO BA'I LE'U BSHAD PAR BYA'O, ,ZHES BYA BA LA, SKYIGS PU DANG DBUGS MI BDE BA GSO BA'I 'OG TU GCONG CHEN PO GSO BA'I SKABS SU BRTZAMS PA DGOS PA NI, SNGAR NAD GZHI'I SKABS SU DGOS PA BSHAD PA'I RIM PAS 'DI'I GSO BA BSHAD PA'I GO RIMS LA BAB PA YIN NO, ,STOBS LDAN NAD NI MANG GYUR LA, ,SNUM CHOS DUGS BYAS SBYANG BA NI, ,SNUM MED MA YIN NYAMS SMOD MIN, , STENG 'OG GI NI SBYANG BAR BYA, ,ZHES BYA BA LA, GCONG CHEN PO ZAD BYED DANG LDAN PA'I NAD PA NYAMS STOBS LDAN PA'I NAD PA MANG POS KHYAB PAR GYUR PA SNUM GYI CHO GA DANG, DUGS BYAS NAS SBYANG BA ZHES BYA BA SKYUG SMAN DANG BKRU SMAN BYA BA LA DE SNUM MED CING RTZUB CHOS SU YANG MI BYA LA, NYAMS SMOD CING 'BRI BAR YANG MI 'GYUR BA DE LTA BU'I SBYANG BA BYA'O, ,'O MA PO SON CHAR BCAS PA'AM, ,SHA KHU MNGAR DANG LDAN PA'AM, ,ZHUN MAR BTAB PA'I NAS THUG NI, ,SKYUG SMAN BSKOL BAS SLON DU GZHUG ,CES BYA BA LA, SKYUG SMAN NI 'O MA DANG PO SON CHAR SBYAR BAS ZAD BYED KYI NAD KYIS BTAB PA SLON DU GZHUG PA'AM, YANG NA RO MNGAR BA DANG SBYAR BA'I SHA KHU DANG PO SON CHAR SBYAR BAS SLON DU GZHUG PA'AM, YANG NA ZHUN MAR BTAB PA'I NAS THUG DANG SMAN PO SON CHA LA SOGS PA DANG SBYAR TE BSKOL BA BLUD LA SLON DU GZHUG PAR BYA'O, ,SHA MA
, ,DUR BYID DONG GAR BCAS, ,KHA RA SBRANG RTZI MAR DANG NI, ,BCAS PA'I 'O MA'AM SKYO MA'AM, ,RGUN 'BRU TANG PAL BI DA RI, ,YANG NA SHA KHUR LDAN PA YI, ,BKRU SMAN 'JAM PO GTANG BAR BYA, ,ZHES BYA BA LA, YANG NA BKRU SMAN DAM ZHING NYAMS DMA' BAR MI BYED PA SBYAR BAR BYA STE, DE YANG SHA MA DUR BYID LA SOGS PA'I KHAR DKAR PO DANG SBYAR BA'I BKRU SMAN GTANG BA'AM YANG NA 'O MA DANG BCAS PA'I SKYO MA ZHES BYA BA PHYE MAR GYI SKYO MA DANG BKRU SMAN DU SBYAR TE GTANG BA'AM, YANG NA RGUN CHU LA SOGS PA SMAN RE RE KHU BA DANG SBYAR TE BKRU SMAN 'JAM PO GTANG BAR BYA'O, ,LTO SBYANGS PA LA BRTA BA DANG, ,DROD SKYED CHO GA SPYAD PAR BYA, ,ZAS SKOM YI GAR 'ONG BA DANG, ,RLUNG 'JOMS BYED CING YANG BA SBYIN, ,ZHES BYA BA LA, GCONG CHEN GYI NAD PA LA DE LTAR SLON NAM KHRUS KYIS LTO SBYANGS PAR GYUR NAS NYAMS BRTAB DANG, DROD SKYED PA'I CHO GA GANG DAG YIN PA SPYAD PAR BYA ZHING, DE BZHIN DU ZAS DANG SKOM GYI RNAM PA YI GAR 'ONG ZHING SNYING DGA' BAR BYED LA SRED PA SKYED PAR BYED PA DANG, GTZO CHER RLUNG 'JOMS SHING SEL BAR BYED PA'I RANG BZHIN CAN DANG YANG BA STE RANG BZHIN GYIS YANG BA DANG G-YOS SU BYAS PAS YANG BAR GYUR PA GANG DAG YIN PA SBYIN PAR BYA'O, ,S'A LU DRUG CU PA DANG GRO, ,NAS DANG MUNGGA LO GCIG LON, ,ZHES BYA BA LA, 'BRAS S'A LU RTZA SNAR LA SOGS PA DANG, 'BRAS DRUG CU PA LA SOGS PA'I 'BRU LO GCIG LON PA NI GCONG CHEN PO'I NAD LA PHAN NO, , RA YI 'O MA MAR DANG SHA ,SHA ZA'I SHA NI ZAD BYED 'JOMS, ,ZHES BYA BA LA, RA'I 'O MA LA SOGS PA DANG SROG CHAGS SHA ZA BA RNAMS KYI SHA GANG DAG YIN PA NI, LHAG PAR NYAMS STOBS SKYED CING ZAD BYED 'JOMS PAR 'GYUR RO, ,BYA ROG 'UG PA SPYANG KI GZIG ,BA LANG RTA DANG NE'U LE SBRUL, ,BYA RGOD RNGA MONG BONG BU KHRA'I, ,SHA NI SGYU YIS BYIN NA PHAN, ,ZHES BYA BA LA, BYA ROG GI SHA LA SOGS PA SGYU THABS KYIS GSONG STE GZHAN GYI SHAR BTZOS NAS BYIN NA YANG GCONG CHEN PO'I NAD LA PHAN ZHING NAD PA LA CHA YOD PA MNGON SUM DU MA YIN NO, ,DE
YANG DRANG SRONG TZA RA KAS, BYA ROG SHA NI SREG PAR BRJOD, ,SBRUL SHA NYA YI SHA ZHES BRJOD, ,RTA BLA BA NI RGYU MA'I SGRAS, ,SMAN PA MKHAS PAS SBYIN PAR BYA, ,ZHES BSHAD PA YIN NO, ,SHES NA DE LAS SMOD PAS NA, ,SLON ZHING MDANGS DANG STOBS MI 'GYUR, ,ZHES BYA BA LA, GANG GI PHYIR BYA ROG LA SOGS PA'I SHA NI 'JIG RTEN NA SMAD PAR BYA BA YIN PAS NAD PA DES SHES PAR GYUR NA DE LA SMOD PA'I SEMS SKYE BAS SLAR SLON ZHING SKYUG PAR 'GYUR BA DANG, DE BZHIN DU LUS KYI MDANGS DANG NYAMS STOBS DAG TU YANG MI 'GYUR RO, ,BAD MKHRIS RI DAGS LA SOGS SHA, ,RLUNG LA MTHU RTZAL GZAN TSOL SHA, ,TSO KHUR SBYAR ZHING PHAN PA DANG, ,SHA KHU SOGS LA'ANG SBYAR BAR BYA, ,YUNGS MAR DAG DANG BRNGOS PA'AM, ,YANG NA CI RIGS MAR DANG BRNGOS, ,KHU BAR LDAN ZHING MNYEN LA SNUM, ,SPOD LA SOGS DANG LEGS G-YOS SBYIN, , ZHES BYA BA LA, BAD KAN DANG MKHRIS PA LAS GYUR PA'I GCONG CHEN PO LA NI RI DAGS LA SOGS PA'I SHA STE PHAG RGOD LA SOGS PA'I RIGS CHEN PO DANG, KHRON RKO BA DANG, MCHUS GZAN TSOL BA'I SDE TSAN GYI SHA BRDUNGS SHING BTAGS PA'I SHA KHU BLUD NA PHAN NO, ,RLUNG LAS GYUR PA LA NI MTHU RTZAL GYIS ZAS TSOL BA STAG LA SOGS PA'I SHA DANG CHU NA GNAS PA'I SROG CHAGS KYI SHA BRDUNGS PA LAS SHA KHUR BYA'O, ,DE BZHIN DU SHA KHU DANG THUG PA LA SOGS PA DANG TSOD MA SNA TSOGS PA LA SOGS PA LA YANG DE DAG SBYAR ZHING G-YOS SU BYAS PA'AM, YUNGS MAR DANG BRNGOS SHING G-YOS PA'AM, YANG NA MAR DANG BRNGOS PA DAG CI RIGS PAR RLUNG DANG BAD KAN DANG MKHRIS PA LA SBYIN PAR BYA BA DE YANG KHU BA DANG LDAN ZHING ZHIM PA DANG, MNYEN ZHING TSA BA CHUNG NGU BSKOL BA DANG, SNUM ZHING RTZUB BAG MED PA DANG, SPOD DE SGE'U GSHER DANG BCA' SGA DANG, SE'U 'BRU LA SOGS PA'I SPOD DANG LEGS BAR G-YOS PA SBYIN PAR BYA'O, ,DE BZHIN LA PHUG RGYA SRAN LAS, ,G-YOS PA'I YU SHAR SBYAR BAR BYA, ,ZHES BYA BA LA, YANG DE BZHIN DU LA PHUG RGYA SRAN LA SOGS PA'I KHU BA NA LE SHAM LA SOGS PA'I SPOD DANG SBYAR ZHING SNUM PA'I
, ,YU SHAR SBYAR BA YANG GCONG CHEN PO'I NAD KYIS BTAB PA LA PHAN NO, ,PI PI LING BCAS NAS DANG BCAS, ,RGYA SRAN BCAS SHING DONG GRAR BCAS, ,SE'U 'BRU SKYU RU RA DANG BCAS, ,RA SHA'I KHU BA SNUM CAN BLUD, ,DES NI CHAM PA LA SOGS PA, ,GNOD PA DRUG NI SEL BAR 'GYUR, ,ZHES BYA BA LA, RA SHA'I KHU BA PI PI LING DANG BCAS SHING DE DAG G-YOS PA DANG, NAS DANG RGYA SRAN DANG DONG GRA'I KHU BA DANG BCAS PA DANG, SE'U 'BRU DANG, SKYU RU RA MAR LA SOGS PA'I SNUM DANG G-YOS PA GANG YIN PA BLUD PAR BYA STE, DE LTA BU'I RA SHA'I KHU BA DES NI CHAM PA LA SOGS PA'I GNOD PA SEL BAR 'GYUR TE, CHAM PA LUD PA DBUGS MI BDE, ,MGO NAD SKAD 'GAGS MA ZHUR BCAS, ,ZHES BYA BA'I GZHUNG GIS BSTAN PA'I NAD 'JOMS PA YIN NO, ,MKHRIS PA SOGS LAS KHYAD PAR DU, ,CHANG RNYING RTZA SBUBS SBYONG BYED PA, , NGOMS PA NYID DU BLUD PAR BYA, ,RGUN CHANG CHANG RNYING CHANG DANGS BLUD, ,CES BYA BA LA, MKHRIS PA LA SOGS PA LAS GYUR PA'I ZAD BYED KYI NAD LA KHYAD PAR DU YANG CHANG ZHIM CHANG SHIN TU RNYING PAR GYUR CING RTZA SBUBS KYI BU GA SBYONG BAR BYED CING NGOMS PA NYID DU BLUD PAR BYA LA, DE LAS KYANG KHYAD PAR DU MKHRIS PA LA SOGS PA LA RGUN CHANG DANG, CHANG RNYING DANG, CHANG DANGS MA BLUD PAR BYA'O, ,RTZA BA CHUNG NGU LNGA BSKOL BA'AM, ,TA MA LA KA CHUR BSKOL BA 'AM, ,PARnI BZHI DANG BSKOL BA'AM, ,'U SU BCA' SGA BSKOL BA BLUD, ,CES BYA BA LA, YANG NA RTZA BA CHUNG NGU LNGA DANG BSKOL BA'I CHU BLUD PAR BYA BA'AM, TA MA LA KA DANG CHU BSKOL BA'AM, MA SHA PARnI LA SOGS PA PARnI BZHI BSKOL BA'AM, 'U SU DANG BCA' SGA'ANG BSKOL BA'I CHU BLUD PAR BYA'O, ,DE DANG KHA ZAS GTZANG MA DAG ,'BAD PAS BTZOS PA RJES MTHUN YIN, ,ZHES BYA BA LA; RTZA BA LNGA'I CHU LA SOGS PA DE DANG KHA ZAS GTZANG ZHING SME BAG MED PA 'BAD PAS BTZOS NA YANG RJES SU MTHUN ZHING PHAN PA YIN NO, ,RTZA BA BCU DANG 'O MA 'AM, SHA KHU'I NANG DU BTZO BAR BYA, ,BA LA BTAB PA'I MAR SBYAR BA'AM, ,SHA ZA'I SHA KHUR BTZOS
PA SBYIN; ,CES BYA BA LA, RTZA BA BCU DANG 'O MA'AM SHA KHUR BTZOS LA, SMAN PA LA'I LDE GU BTAB PA'I SMAN MAR SBYAR TE SBYIN PA'AM, SHA ZA BA'I SHA KHU DANG BTZOS PA SBYIN PAR BYA'O, ,'O MA BCU 'GYUR DAG DANG NI, ,MAR BSKOL SBRANG RTZIR BCAS PA'ANG PHAN, ,ZHES BYA BA LA, YANG NA 'O MA BCU 'GYUR DANG MAR BSKOL BA LA SBRANG RTZI DANG SBYAR BA'I SMAN MAR SBYIN NA YANG PHAN NO, ,DZI BAN TI DANG SHING MNGAR DANG, ,RGUN 'BRU DUG MO YUNGS 'BRAS BU, ,MA NU ZUR PA PI PI LING, ,BYA KRI GZE MA BA LA DANG, ,TA MA LA KI AUTPAL SNGO, ,KYI LCE BA DANG BYI TSER BA, ,LDE GUR BYAS DANG MAR BSKOL BA, ,GCONG CHEN SEL BA'I DAM PA YIN, ,ZHES BYA BA LA, DZI BAN TI LA SOGS PA'I SMAN MAR GYI BZHI CHA'I LDE GUR BYAS PA DANG, CHU MAR GYI BZHI 'GYUR BSRES PA DANG, MAR BSKOL BA'I SMAN YANG GCONG CHEN PO'I NAD RGYAL PO'I NAD CES BYA BA SEL ZHING 'JOMS PAR BYED PA'I MCHOG YIN NO, ,'BRA GO RGUN 'BRU MA DU KA ,PA RU SHA DANG PI PI LING, ,MAR DANG BSKOL BAS SKAD 'GAGS DANG, ,LUD PA DBUGS MI BDE RIMS 'JOMS, ,ZHES BYA BA LA, 'BRA GO LA SOGS PA'I SMAN GYI LDE GU DANG CHO GA BZHIN DU BSKOL BA'I SMAN MAR GYIS KYANG SKAD 'GAGS PA LA SOGS PA'I NAD 'JOMS PAR BYED DO, ,RTZA BCU 'O MAR BSKOL BA LAS, ,BYUNG BA'I MAR GSAR GANG YIN DE, ,PI PI LING DANG SBRANG RTZIR BCAS, ,SKAD 'GAGS SEL BA'I DAM PA YIN, ,MGO BRANG RTZIB LOGS GZER 'JOMS SHING, ,LUD PA DBUGS MI BDE RIMS SEL, ,ZHES BYA BA LA, RTZA BA BCU NI RTZA BA LNGA CHE CHUNG GNYIS BSDOMS PA STE DE DANG BSKOL BA'I 'O MA BSRUBS PA LAS MAR GSAR BYUNG BA DE PI PI LING DANG SBRANG RTZI DANG BCAS PAR ZOS NA SKAD 'GAGS PA SEL ZHING 'JOMS BA'I DAM PA YIN NO, ,DE BZHIN DU MGO DANG BRANG LA SOGS BA'I NAD KYANG SEL BAR BYED PA YIN NO, ,RTZA BA LNGA PA LNGAR BSKOL BA'I, ,'O MA LAS BYUNG MAR GANG YIN, ,RTZA BA LNGA PA LNGA YI NI, ,KHU BA 'O MA'I BZHI 'GYUR LA, ,BSKOL BA YI NI
, ,MAR 'DI YIS, ,ZAD BYED KYI NI STOBS BDUN 'JOMS, ,ZHES BYA BA LA, RTZA BA LNGA BSKOL BA'I 'O MA LAS BYUNG BA'I MAR GANG YIN PA DE RTZA BA LNGA PA LNGA PA'I KHU BA 'O MA'I BZHI 'GYUR GYI NANG DU BSKOL BA'I MAR 'DIS NI ZAD BYED KYI STOBS CHAM PA LA SOGS PA BDUN 'JOMS PAR BYED DO, ,YANG NA GRE BAR DUD PAS BRNGUB PA SNYAM SEMS PA LA SOGS PA NAD KYI BLA BRNAN BDUN 'JOMS PAR BYED DO, ,YA BAKshA RA TSA BA LNGA, ,SRANG DRUG DANG NI BTZOS PA'I MAR, ,BRE GANG 'O MA CHA MNYAM BYAS, ,DES NI BU GA DAG BYED CING, ,SKRAN DANG DMU RDZING MCHER PA DANG, ,PHO NAD SKYA RBAB CHAM PA DANG, ,LUD PA DBUGS MI BDE DROD NYAMS, ,SKRANG DANG STOD KYI RLUNG NAD 'JOMS, ,ZHES BYA BA LA, YA BAKshA RA DANG TSA BA LNGA STE PI PI LING DANG PI PI LING GI RTZA BA DANG, DBYI MO DANG BCA' SGA DANG, KRU TRUG TRES TE LNGA PO SRANG DRUG LDE GUR BYAS PA DANG, 'O MA BRE GANG DANG CHU BRE GSUM DANG MAR BRE GANG BSKOL BA DES NI BU GA'I RGYUN SRANG DAG PAR BYED CING SKRAN LA SOGS PA'I NAD 'JOMS PAR BYED PA YIN NO, ,RA SNA BA LA GZE MA DANG, ,STI RA BAR SHA BU'I CHUR, ,DZI BAN TI DANG PI PI LING, ,'O BCAS GCONG CHEN 'JOMS PA'I MCHOG ,CES BYA BA LA, RA SNA LA SOGS PA'I SMAN BSKOL BA'I CHU MAR GYI BZHI 'GYUR DANG, MAR DANG 'O MA CHA MNYAM PAR BSKOL BA DZI BAN TI DANG, PI PI LING BTAB PA'I SMAN MAR NI GCONG CHEN PO ZAD BYED CES BYA BA 'JOMS PA'I MCHOG YIN NO, ,AA SHVA GAN DHA 'O MAR BSKOL, ,LAS BYUNG MAR 'O KHA RAR BCAS, ,ZHES BYA BA LA, AA SHVA GAN DHA BSKOL BA'I 'O MA BSRUBS PA LAS BYUNG BA'I 'O MA DANG KHA RAR BCAS BA BLUD NA ZAD BYED KYI NAD SEL BAR BYED DO, ,SPYI YI SHA NI SRANG BRGYAD DAG ,CHU BRE SUM CU GNYIS NANG BSKOL; ,DE YI BRGYAD CHA LUS PA RU, ,'TSO BYED BCU NI SRANG RER GZHUG ,ZHUN MAR BRE GANG BCAS BSKOL BA, ,SHA YI SMAN MAR 'DI BLUD PA'AM, ,SHA KHU DANG SBYAR CI RIGS SBYIN, ,RLUNG DANG MKHRIS PA LAS GYUR NAD, ,LUD PA DBUGS MI BDE SKAD
'GAGS; ,SKEM ZHING RTZIB LOGS ZUG PA 'JOMS, ,ZHES BYA BA LA, SPYI'I SHA KHUNG NA GNAS PA DANG MTHU RTZAL GYIS GZAS TSOL BA LA SOGS PA'I SROG CHAGS GANG YANG RUNG BA'I SHA SRANG BRGYAD DANG CHU BRE SUM CU RTZA GNYIS ZHES PA CHU SRANG STONG NYI SHU RTZA GNYIS KYI NANG DU BSKOL BA DE'I SHA KHU BRGYAD CHA LUS PA'I NANG DU MAR BRE GANG STE SRANG SUM CU RTZA GNYIS BCUG LA, 'TSO BYED BCU PO STE DZI BAN TI DANG RA MNYE BA LA SOGS PA SRANG RE'I TSAD DU BYAS PA DANG LDE GUR SBYAR BA BCUG STE BSKOL LA SHA'I SMAN MAR DE 'BA' ZHIG BLUD PA DANG, SHA KHU DANG SBYAR TE BYIN NA RLUNG LA SOGS PA'I NAD 'JOMS PAR 'GYUR RO, ,SUG SMEL TI MU SA 'BRAS GSUM, ,SA NAG TSA BA GSUM TZI TRA, ,SA RA NI MBA SENG LDENG DANG, ,S'A LA'I 'BRAS BU LAS BYUNG DANG, ,GO BYE DANG NI BYI DANG GA ,SRANG NI BRGYAD BRGYAD TSAD DU BYAS, ,CHU NI BCU DRUG 'GYUR BYAS PAR, ,BCU DRUG CHAR GNAS BAR DU BSKOL, ,SLAR YANG DE DANG MAR BRE GANG, ,BSKOL BA 'DIR NI CU GANG NI, ,SRANG DRUG KHAR SRANG SUM CU BCUG ,SBRANG RTZI SRANG NI DRUG CU GZHUG ,DRI SNA GSUM NI SRANG RE GZHUG ,GZAR BUS DKRUGS TE LDE GUR BYAS, , SNGA DRO ZOS LA 'O MA BTUNG, ,BCUD LEN BSDAMS PA MED PA YIN, ,YID GZHUNGS MIG RNO TSE RING LA, ,DROD SKYED SKRAN DANG GCONG CHEN NAD, ,SKYA RBAB DANG NI MTSAN PAR RDOL, ,MYUR DU 'JOMS PAR BYED PA YIN, ,ZHES BYA BA LA, SUG SMEL LA SOGS PA'I SMAN BCU DRUG SRANG RE'I TSAD DU BYAS PA DANG, SMAN SPYIR BSDOMS PA'I BCU DRUG 'GYUR GYI CHU DE SRANG NYIS BRGYA LNGA BCU RTZA DRUG DANG BSKOL LA BCU DRUG CHA LUS KYI BAR DU GDUS NAS SMAN KHU DE DANG MAR BRE GANG BSKOL LA MAR TSOS PA DER CU GANG SRANG DRUG KHA RA SRANG SUM CU SBRANG RTZI MAR GYI NYIS LDAB STE SRANG DRUG CU BCUG LA, DRI SNA GSUM SHING TSA DANG SUG SMEL DANG GANDHA BHA DRA ZHES BYA BA SPYIR SRANG SUM CU BCUG LA, DE'I 'OG TU CHA MNYAM PAR 'DRES PAR BYA BA'I PHYIR GZAR BUS DKRUGS LA LDE GUR BYAS PA LAS CI RAN TZAM ZHIG SNGA DRO ZOS LA DE'I RJES LA
, ,'O MA BTUNG BAR BYA STE, BCUD KYIS LEN DE NI SPYOD LAM BSRUNG ZHING BSDAMS MI DGOS PA YIN LA YID GZHUNGS PA DANG DROD SKYED PA'I BAR DU BYED CING SKRAN LA SOGS PA'I NAD RING PO MI THOGS PAR 'JOMS PAR BYED PA YIN NO, ,GANG YANG ZHUN MAR BU RAM BCAS, ,GLO RDOL LA BSHAD ZAD BYED SBYAR, ,ZHES BYA BA LA, GANG ZHUN MAR DANG BU RAM DU BCAS PA'I SMAN GLO RDOL ZHING 'GRAMS PA'I SKABS SU BSHAD PA GANG YIN BA DE ZAD BYED CAS BYA BA'I GCONG CHEN PO'I NAD LA SBYAR ZHING GTANG BAR BYA'O, ,SHING TSA SUG SMEL PI PI LING, ,CU GANG KHAR RIM NYIS 'GYUR, ,PHYE MAR BYAS BZA' 'AM SBRANG RTZI DANG, ,MAR DANG SBYAR TE LDE GUR ZOS, ,SKAD 'GAGS LUD PA DBUGS MI BDE, ,ZAD BYED RTZIB LOGS BAD KAN 'JOMS, ,ZHES BYA BA LA, SHING TSA NYIS 'GYUR GYI SUG SMEL SUG SMEL GYI NYIS 'GYUR PI PI LING, PI PI LING GI NYIS 'GYUR GYI CU GANG, CU GANG GI NYIS 'GYUR GYI KHA RA STE SHING TSA ZHO GNYIS, SUG SMEL ZHO BZHI, PI PI LING ZHO BRGYAD, CU GANG ZHO BCU DRUG ,KHA RA ZHO SUM CU RTZA GNYIS TE DE DAG PHYE MAR BYAS LA BZA' BA'AM, SBRANG RTZI DANG MAR DANG SBYAR TE LDE GUR BYAS NAS ZOS NA, SKAD 'GAGS PA DANG LUD PA'I NAD LA SOGS PA 'JOMS PAR BYED DO, ,'DI YI SKAD 'GAGS LA KHYAD PAR, ,SNA SMAN DUD PA BRNGUB SOGS BYA, ,ZHES BYA BA LA, GCONG CHEN PO GSO BA'I SKABS SU GSO BA GANG DAG BSHAD PA DE NAD KYI PHYOGS GCIG PA'I GSO BA YIN DU ZIN KYANG, SPYIR GSO BAR SBREL RUNG MOD KYI DE LAS KYANG KHYAD BAR DU GCONG CHEN PO 'DI'I SKAD 'GAGS PA LA DUD PA BRNGUB PA LA SOGS PAR SBYAR BAR BYA'O, ,DE LA'ANG RLUNG LAS GYUR PA LA, ,KA SA MAR DA BAR DA KA ,BRING GAR DZA'I KHU BA MAR, ,BSKOL BA'AM AAR DA GA LA BSKOL, ,DRO 'JAM ZOS RJES LA BLUD NA, ,LUD PA LU DANG SKAD 'GAGS SEL, ,ZHES BYA BA LA, GCONG CHEN PO LAS GYUR PA'I SKAD 'GAGS PA LA RLUNG LAS GYUR PA LA NI KA SA MAR DA LA SOGS PA'I
KHU BA DRO 'JAM TZAM DU BYAS PA ZAS ZOS PA'I RJES LA BLUD NA YANG LUD PA LU BA DANG SKAD 'GAGS PA SEL BAR 'GYUR RO, ,YANG NA AAR DA GA LA ZHES BYA BA MING GI RNAM GRANGS RU TZA KA RA ZHES BYA BA DANG BSKOL BA'I MAR BLUD NA YANG LUD PA LU BA DANG SKAD 'GAGS PA SEL BAR 'GYUR RO, , RGYA SHUG LO MA'I LDE GU NI, ,MAR BRNGOS RGYAM TSAR BCAS PA'AM, ,ZHES BYA BA LA, YANG NA RGYA SHUG GI LO MA LDE GUR BYAS PA RGYAM TSA DANG SBYAR BA DE ZAS ZOS PA'I RJES LA SBYAR BAR BYA'O, ,SHING MNGAR DANG NI PI PI LING, ,BYI DANG GA DANG RGUN 'BRU DANG, ,HAN SA PARnI'I RTZA BA RNAMS, , TIL MAR BSKOL BA SNAR BLUGS BYA, ,ZHES BYA BA LA, SHING MNGAR LA SOGS PA'I SMAN LDE GUR BTAGS PA TIL BSKOL TE BTZAGS PA SNAR BLUGS PAR BYA'O, ,'BRAS CHAN MAR DANG BU RAM BCAS, ,ZOS LA DE RJES CHU TSAN BTUNG, ,'O THUG SNUM CAN BLUD PA DANG, ,SNUM GYI DUGS KYI CHO GA BYA; ,ZHES BYA BA LA, BU RAM DANG CHANG DANG BCAS PA'I 'BRAS CHAN ZOS LA, DE'I RJES LA CHU BSKOL BA DRO 'JAM TZAM BTUNG BAR BYA'O, ,DE BZHIN DU 'O THUG LA MAR BTAB PA YANG BLUD PAR BYA BA DANG, DE SNUM GYI DUGS DAG KYANG RLUNG LAS GYUR PA'I SKAD 'GAGS PA LA SBYAR BAR BYA'O, ,MKHRIS PA LAS GYUR 'O MA'I SHING, ,LDE GU BSKOL BA'I ZHUN MAR NI, ,SBRANG RTZIR BCAS TE DE RJES NI, ,'O MA BSKOL TE BSGRANGS PA BLUD, ,CES BYA BA LA, MKHRIS PA LAS GYUR PA'I SKAD 'GAGS PA LA NI 'O MA CAN GYI LDE GU DANG BSKOL BA'I ZHUN MAR SBRANG RTZI DANG BCAS PA BLUD LA, DE'I RJES LA 'O MA BSKOL TE BSGRANGS PA BLUD PAR BYA'O, ,SHING MNGAR MA DU KA 'O THUG ,ZHUN MAR BCAS PA BLUD PA'AM, ,ZHES BYA BA LA, YANG MKHRIS PA LAS GYUR PA'I SKAD 'GAGS PA LA SHING MNGAR DANG MA DU KA'I KHU BA DANG BCAS PAR BSKOL BA'O THUG LA ZHUN MAR BTAB PA BYIN NA YANG PHAN NO, , BA LA DRI BZANG BI DA RI, ,SHING MNGAR KAshI TA BI DA RI, ,RGYAM TSAR BCAS PA BSKOL BA'I MAR, ,SKAD 'GAGS SNA SMAN BLA MED YIN, ,ZHES BYA BA LA, YANG MKHRIS PA LAS GYUR BA'I SKAD 'GAGS PA LA BA LA LA SOGS PA'I BI DA RI RNAM PA GNYIS DANG, SHING MNGAR SMAN GYI KHU BA DANG, ,
, ,RGYAM TSA DANG BCAS PAR BSKOL BA'I MAR SNA NAS BTANG BA NI SNA SMAN BLA NA MED PA YIN NO, ,PRA PUndA R'I KA SHING MNGAR, ,PI PI LING DANG BRI HA TI, ,BA LA 'O MA MAR BSKOL TE, ,SKAD 'GAGS PA YI SNA SMAN MCHOG ,CES BYA BA LA, PRA PUndA R'I KA ZHES BYA BA STAG TSER BA'I SMAN DANG 'O MA DANG MAR SAR PA BSKOL BA'I SNA SMAN DE YANG SKAD 'GAGS PA SEL BA'I MCHOG YIN NO, ,MNGAR BA'I SDE TSAN PHYE MA NI, ,SBRANG RTZI MAR SBYAR LDE GU SBYIN, ,ZHES BYA BA LA, DZI PA NI LA SOGS PA MNGAR BA'I SDE TSAN GYI PHYE MA SBRANG RTZI DANG SBYAR BA'I LDE GU BYIN NA YANG MKHRIS PA LAS GYUR PA'I SKAD 'GAGS PA SEL TO, ,BAD KAN LAS GYUR TSA BA DANG, ,ZAS RTZUB BA GCIN BLUD PAR BYA, ,ZHES BYA BA LA, BAD KAN LAS GYUR PA'I SKAD 'GAGS PA LA NI NA LE SHAM LA SOGS PA'I TSA BA DANG ZAS RTZUB PA BSTEN CING BA GCIN DANG BCAS PAR BLUD PAR BYA'O, ,KAD PHA LA DANG SKYU RU RA; ,TSA GSUM TIL MAR SBRANG RTZIR SBYAR, ,ZHES BYA BA LA, BAD KAN LAS GYUR PA'I SKAD 'GAGS PA LA NI KAD PHA LA LA SOGS PA'I SMAN TIL MAR DANG SBRANG RTZIR SBYAR BA SBYIN PAR BYA'O, ,YA BAKshA RA TSA BA GSUM, ,KRU TRUG TRES DANG DBYI MO DANG, ,AA RU RA DANG SBRANG RTZIR SBYAR, , ZHES BYA BA LA, YANG BAD KAN LAS GYUR PA'I SKAD 'GAGS PA LA YA BAKshAR LA SOGS PA'I SMAN SBRANG RTZI DANG SBYAR BA SBYIN PAR BYA'O, ,NAS THUG TIL MAR ZHUN MAR DANG, ,PI PI LING DANG SKYU RU RA SBYAR, ,ZHES BYA BA LA, YANG NAD DE LA NAS THUG PI PI LING DANG SKYU RU RA SBYAR TE G-YOS PA'I TIL MAR DANG, ZHUN MAR BTAB PA SBYIN PAR BYA'O, ,BCA' SGA DANG NI PI PI LING, ,BZA' BA'AM SKYUG SMAN RNON PO BSTEN, ,ZHES BYA BA LA, NAD DE LA BCA' SGA DANG PI PI LING BZA' BA DANG, DE'I RJES LA ZAS GZHAN BZA' BA'AM, SKYUG SMAN RNON PO GTANG BAR BYA'O, ,SHA KHA RA DANG SBRANG RTZIR BSRES, ,MNGAR BA'I SMAN DANG LHAN CIG BSKOL, ,'O MA 'THUNGS PAS SKAD GSANG NI, ,CHEN POR SMRAS PA'I 'GAGS NAD SEL, ,ZHES BYA BA LA, MI GANG SKAD GSANG CHEN POR SMRAS PA'I DBANG GIS SKAD 'GAGS PAR GYUR PA DE LA NI MNGAR BA'I SMAN SDE DANG BSKOL
BA'I 'O MA KHA RA DANG SBRANG RTZI BTAB STE BLUD NA SEL BAR BYED DO, ,YI GA 'CHUS LA SNA TSOGS ZAS, ,PHAN PA'I SMAN DANG SBYAR BA SBYIN, ,ZHES BYA BA LA, YI GA 'CHUS PA'I NAD LA PHAN ZHING YANG BA'I ZAS SNA TSOGS SBYIN ZHING DE YANG DE LA PHAN PA'I SMAN DANG SBYAR TE SBYIN PAR BYA'O, ,PHYI DANG NANG NI SBYANG BA DANG, ,SEMS DGA' YID DANG MTHUN SMAN SBYIN, ,ZHES BYA BA LA, YANG YI GA 'CHUS PA'I NAD LA NI SBYANG BA KHRUS LA SOGS PA BYA BA DANG, NANG GI SBYANG BA BKRU SMAN DANG SKYUG SMAN BTANG BA PHAN PA DE BZHIN DU SEMS DGA' ZHING YID DANG MTHUN PA SMAN DBANG PO TSIM PAR BYED PA SBYIN PAR BYA'O, ,DUS GNYIS SU NI SO SHING DAG ,BCA' ZHING KHA NI SBYANG BYA ZHING, ,BSKA BAS KHA NI BKRU BA DANG, ,RJES SU MTHUN PA'I DUD PA BRNGUB, ,CES BYA BA LA, DUS GNYIS SU ZHES PA NANG PAR DANG ZOS PA'I RJES LA SO SHING BCA' BAR BYA BA LA, JI LTAR BCA' BA'I TSUL NI KHA BSKA BA'I KHA NAD SBYANGS PA'I SKABS NAS BSHAD DO, ,DE BZHIN DU RJES SU MTHUN PA'I DUD PA YANG BRNGUB PAR BYA'O, ,DA LIS KYI NI RI LU DANG, ,KHA RA GA BUR BCAS PA SBYIN, ,'BRAS KHU ZLA BA'I ZER LTAR DKAR, ,BZA' BA YI GA 'BYED PA'I MCHOG ,CES BYA BA LA, DA LIS KYI PHYE MAR BSHAD PA GANG DAG YIN PA DANG, RI LU'I SBYOR BA BYAS PA DE YANG MCHOG TU YI GA 'BYED PA YIN NO, ,DE BZHIN DU 'BRAS BTAGS PA SPRUS PA MAR LA BTZOS PA'I KHU BA ZLA BA'I 'OD ZER LTAR DKAR BA BZA' BA YANG YI GA 'BYED PA'I MCHOG DAM PA YIN NO, ,DE LAS RLUNG GYUR YI GA 'CHUS, ,HA RE nU DANG PI PI LING, ,BYI DANG GA DANG RA SNA DANG, ,RGYAM TSA DANG NI DONG GRA DANG, ,SUG SMEL GA BRA'I RTZA BA DANG, ,NAS TSIG 'KHUS PA'I THAL BA DANG, ,SHING KUN BCAS PA MAR RAM NI, ,CHANG GI DANGS MAR SBYAR TE BTUNG, ,ZHES BYA BA LA, YI GA 'CHUS PA DE RNAMS KYI NANG NAS RLUNG LAS GYUR PA'I YI GA 'CHUS PA LA NI HA RE nU LA SOGS PA'I SMAN GYI PHYE MA MAR DANG SBYAR BA'AM, CHANG GI DANGS MA DANG SBYAR TE BTUNG BAR BYA'O, ,SHU DAG CHUS NI SLON DU GZHUG ,CES BYA BA LA, YANG NA RLUNG LAS GYUR PA'I YI GA 'CHUS PA LA NI SHU DAG GI CHU BLUD LA SLON DU GZHUG
, ,GO; ,MKHRIS GYUR BU RAM CHUS SLON GZHUG ,CES BYA BA LA, MKHRIS PA LAS GYUR PA'I YI GA 'CHUS PA LA NI BU RAM DANG SBYAR BA'I CHU BLUD LA SLON DU GZHUG GO, ,KHA RA DANG NI ZHUN MAR DANG, ,RGYAM TSA SBRANG RTZIR BCAS PA SBYIN, ,ZHES BYA BA LA, MKHRIS PA LAS GYUR PA'I YI GA 'CHUS PA LA NI KHA RA DANG MAR DU BCAS PA'AM, RGYAM TSA DANG SBRANG RTZIR BCAS PA BLUD PAR BYA'O, ,BAD KAN NIM PA'I CHUS SLON GZHUG ,CES BYA BA LA, BAD KAN LAS GYUR PA'I YI GA 'CHUS PA LA NI NIM PA BSKOL BA'I CHU BLUD LA SLON DU GZHUG GO, ,LA LA PHUD DANG DONG GRA'I CHU, ,SBRANG RTZI 'AM CHANG RNYING RNO SBYAR BA, ,BU RAM SBRANG RTZI CHANG BCAS BLUD, ,CES BYA BA LA, BAD KAN LAS GYUR PA'I YI GA 'CHUS PA LA NI LA LA PHUD CES BYA BA TI MU SA DANG DONG GRA'I CHU SBRANG RTZI DANG SBYAR BA'AM, YANG NA CHANG RNYING PA RNON PO DANG SMAN RNON PO BSKOL BA BU RAM DANG SBRANG RTZI DANG SBYAR BA BLUD PAR BYA'O, ,HA RE nU SOGS PHYE MA NI, ,SNGAR BSHAD CHU TSAN SBYAR BA BLUD, ,CES BYA BA LA, YANG NA SNGAR BSHAD PA'I PHYE MA HA RE nU DANG PI PI LING DANG BYI DANG GA LA SOGS PA DE CHU DRON DANG SBYAR TE BLUD PAR BYA'O, ,SUG SMEL DANG NI SHING TSA DANG, ,N'A GA PUshPA NA LE SHAM, ,PI PI LING DANG BCA' SGA RNAMS, ,RIM BZHIN CHA RES BSKYED PHYE MA, ,KHA RA DAG DANG MNYAM SBYAR BAS, ,MCHIL MANG YI GA 'CHUS PA DANG, ,SNYING DANG RTZIB LOGS NA LUD PA, ,DBUGS MI BDE DANG MGUL NAD 'JOMS, ,ZHES BYA BA LA, SUG SMEL LA SOGS PA'I PHYE MA GO RIMS BZHIN DU CHA RES BSKYED PA'I PHYE MA DANG KHA RA MNYAM POR SBYAR BA'I PHYE MAS NI MCHIL MA MANG BA LA SOGS PA 'JOMS PAR BYED DO, ,CHA RES BSKYED PA'I TSUL NI SUG SMEL ZHO GCIG ,SHING TSA ZHO GNYIS, N'A GA GE SAR ZHO GSUM, NA LE SHAM ZHO BZHI, PI PI LING ZHO LNGA, BCA' SGA ZHO DRUG STE, DE SPYIR BSDOMS PA'I PHYE MA DANG KHA RA MNYAM POR SBYAR BAR BYA'O, ,LA LA PHUD DANG DA TRIG DANG, ,STAR BU BCA' SGA SE'U 'BRU DANG, ,RGYA SHUG ZHO NI GNYIS GNYIS BYAS, ,KHA RA SRANG BZHI 'U SU DANG, ,GO SNYOD SHING TSA KHA RU TSA, ,ZHO RE PI PI LING 'BRU BRGYA, ,
NA LE SHAM NI NYIS BRGYA DAG ,PHYER BTAGS YI GA 'BYED PA'I MCHOG ,YID 'ONG PHYI SA 'GAGS PA DANG, ,LUD PA SNYING GA RTZIB LOGS NA, ,MCHER PA GZHANG 'BRUM PHO NAD SEL, ,ZHES BYA BA LA, LA LA PHUD LA SOGS PA'I SMAN SNA RE RE ZHO GNYIS GNYIS BYAS LA KHAR SRANG BZHI DANG, 'U SU LA SOGS PA'I SMAN SNA BZHI PO SNA RE ZHING ZHO RE, PI PI LING 'BRUM BU BRGYA, NA LE SHAM NYIS BRGYA, DE THAMS CAD PHYE MAR BTAGS PA DE NI YI GA 'BYED PA'I MCHOG YIN ZHING PHYI SA 'GAGS PA LA SOGS PA BSAL BAR BYED PA'I MCHOG YIN NO, ,BAL BU'I LO MA NA LE SHAM, , DONG GRA DANG NI PI PI LING, ,GO RIMS BZHIN DU CHA RES BSKYED, ,SHING TSA SUG SMEL DANG PO'I PHYED, ,PI PI LING GI BRGYAD 'GYUR GYI, ,KHA RAR SBYAR BA'I PHYE MA DE, ,DROD SKYED YI GA 'BYED PA DANG, ,LUD PA LU DANG DBUGS MI BDE, ,YI GA 'CHUS DANG SLON BRO DANG, ,MCHER PA SNYING NAD RTZIB LOGS ZUG ,SKYA RBAB TSAD 'KHRU RIMS NAD 'JOMS, ,RLUNG 'KHYIL PA NI BDE RGYU BYED, ,CES BYA BA LA, BAL BU'I LO MA LA SOGS PA'I RIM PA BZHIN DU CHA RES BSKYED DE DES NA BAL BU'I LO MA ZHO GCIG ,NA LE SHAM ZHO GNYIS, DONG GRA ZHO GSUM, PI PI LING ZHO BZHI, SHING TSA SUG SMEL DANG PO ZHES BYA BA BAL BU'I PHYED DE, DES NA SHING TSA ZHO PHYED, KHA RA PI PI LING BRGYAD 'GYUR DU BYAS PA STE SRANG BZHI PHYE MAR BYAS PA DE NI PHO BA'I ME DROD SKYED PA DANG YI GA 'BYED CING ZAS LEN PAR BYED PA DANG, LUD PA LA SOGS PA'I NAD 'JOMS PAR BYED PA DANG, RLUNG 'KHYIL ZHING LAM LOG PAR 'GRO BA LUGS BZHIN DU RGYU BAR BYED PA YIN NO, ,SUG SMEL SHING TSA PU SHEL TZE, ,ZHO NI GNYIS GNYIS BYAS PA DANG, ,N'A GA GE SAR SRANG PHYED DANG, ,GAN DHA BHA DRA SRANG PHYED GZHUG ,PHYER BTAGS BU RAM RNYING PA NI, ,SRANG NI NYI SHU LNGA NANG BSKOL, ,SBRUS TE ZHO GNYIS TSAD RI LUR, ,BYAS PA'I YON TAN DE DAG MNYAM, ,ZHES BYA BA LA, SUG SMEL LA SOGS PA JI SKAD DU BSHAD PA BZHIN DU SBYAR TE, PHYE MAR BTAGS PA BU RAM RNYING PA SRANG NYI SHU RTZA LNGA'I NANG DU BSKOL LA SBRUS TE ZHO GNYIS KYI TSAD BA RU RA'I RDOG MA TZAM GYI RI LUR BYAS PA LAS RE RE
, ,ZOS NA YANG DA LIS KYI PHYE MA DANG MNYAM PA'O, ,AARKA SLE TRES KshA RA'I CHUR, ,NAS DANG NUB GCIG SPANGS NAS NI, ,CHU DANG ZAN NI SBRUS NAS SU, ,BYIN TE NYAMS STOBS LDAN SLON GZHUG ,DE BZHIN SKAM SA'I SROG CHAGS SHA ,BSREGS PA TSA DANG KHA SBYAR SBYIN, , ZAS NI SKAM ZHING RAB YANG DANG, ,TZA NA KA SOGS KHU BA BLUD, ,CES BYA BA LA, BAD KAN LAS GYUR PA'I MCHIL SNABS MANG BA'I NAD LA SHING AARKA DANG, SLE TRES, YA BAKshA RA'I CHUR BCUG LA, NAS DANG NUB GCIG SBANGS NAS CHU DANG ZAN DU SBRUS TE NYAMS STOBS DANG LDAN PA'I MI LA SLON DU GZHUG GO, ,YANG DE BZHIN DU DE LA SKAM SA'I SROG CHAGS KYI SHA THUR MA LA BSKYON TE BSREGS NAS SMAN TSA BA DANG KHA BAR SBYAR TE SBYIN LA YANG ZAS KYI RNAM PA SKAM BAG DANG, RAB TU YANG BA BYIN LA TZA NA KA'I KHU BA BLUD PAR BYA'O, ,BAD KAN GYIS RAB MCHIL MA MANG, , RLUNG GIS MCHIL MANG SKYED PAR BYED, ,DE NI BAD KAN MCHIL MAR BSHAD, ,SNUM DANG DRO BAS DE BSAL BYA, ,ZHES BYA BA LA, BAD KAN LAS GYUR PA'I MCHIL MA MANG PO YANG DANG YANG DU 'BYUNG BA NA RLUNG 'PHEL BAS BAD KAN GYI MCHIL MA'I LJAN LJIN SKYED CING 'BYIN PAR BYED LA, 'DI NI BAD KAN LAS GYUR PA'I MCHIL MA MANG BA YIN PAR BSHAD PAS, DE LA SMAN PAS SNUM DRO BA'I SMAN DANG ZAS BTANG BAS DE BSAL BAR BYA'O, ,RIMS 'DI CHAM PA DAG DANG NI, ,SLON PA'I NAD LA'ANG SBYAR BAR BYA, ,ZHES BYA BA LA, BAD KAN GYIS MCHIL MA MANG BA'I GSO BA'I RIM PA DE NI CHAM PA ZHES BYA BA SNA CHU 'DZAG PA'I NAD DANG, SLON ZHING SKYUG PA'I NAD LA YANG SBYAR BAR BYA'O, ,MCHOG TU CHAM PAR BSKU BA DANG, ,SNUM DANG DUGS KYI CHO GA BYA, ,MGO DANG LKOG MA RTZIB LOGS SU, ,'BRAS KHUR SNUM BCAS DUGS BYA ZHING, ,LAN TSVA SKYUR DANG KHA DANG TSA, ,SHA KHU SNUM DANG BCAS PA SBYIN, ,ZHES BYA BA LA, MCHOG GAM KHYAD PAR DU CHAM PA'I NAD LA NI LUS BSKU BA DANG, SNUM BSTEN PA DANG, DE BZHIN DU MGO BO DANG, LKOG MA LA SOGS PAR 'BRAS KHUR BTZAGS PA SNUM CAN GYIS DUGS BYA BA DANG, SHA KHU SNUM DANG SBYAR BA BLUD PA DANG,
RO LAN TSVA DANG, SKYUR BA DANG, KHA BA DANG, TSA BA BSTEN CING SBYIN PAR BYA BA'O, ,MGO DANG SNYING GA RTZIB LOGS GZER, ,NAD GZHI JI BZHIN GSO BAR BYA, ,ZHES BYA BA LA, MGO BO LA SOGS PA'I NAD LA NAD DMIGS JI LTA BA LAS DE'I GSO BA'I DPYAD BYA'O, ,CHU DANG RLAN CAN GNAS PA'I SHA; ,LEGS SBYAR DKRI BA'I DUGS BYA ZHING, ,DER NI SNUM BZHI'I SBYOR BA BSNGAGS, ,ZHES BYA BA LA, CHU DANG RLAN CAN NA GNAS PA'I SROG CHAGS KYI SHAS DKRI BA'I DUGS KYI RNAM PA BYA LA, DE YANG LEGS PAR SBYAR ZHING LAN TSVA DANG SHING KUN LA SOGS PA'I SMAN SBYAR BAS DUGS BYA'O; ,YANG CHAM PA'I NAD DE LA SNUM GYI CHO GAR BSHAD PA DAG GIS DUGS BYA ZHING BSKU BA YANG BSNGAGS PA YIN NO, ,NAD GZHI 'DRES PAR GYUR PA LA, ,RGYA SPOS SHU TI SHING MNGAR DANG, ,TZANDAN MAR GYI LDE GUS BYUG ,CES BYA BA LA, NAD GZHI 'DRES PA STE MKHRIS PA DANG BAD KAN 'DRES PAR GYUR PA LA, RGYA SPOS LA SOGS PA'I SMAN SBYAR BA'I SNUM GYIS BYUGS PA PHAN NO, ,BA LA RA SNA TIL MAR DANG, ,SHING MNGAR AUTPAL MAR DE BZHIN, ,ZHES BYA BA LA, DE BZHIN DU NAD GZHI 'DRES PAR GYUR PA DE LA BA LA LA SOGS PA'I SMAN DANG SBYAR BA'I MAR GYIS BSKU BA DE DE BZHIN DU BSNGAGS PA YIN NO, ,BA SPRU BA DANG SHI KRU DANG, ,BA LA RA MNYE BI DA RI, ,ZHES BYA BA LA, NAD GZHI 'DRES PA LA BA SPRU BA DANG, SHI KRU ZHES BYA BA SO BAN DZI DANG BA LA DANG, RA MNYE BA DANG, BI DA RI'I LDE GU SNUM DANG SBYAR BA'I BSKU BA YANG BSNGAGS PA YIN NO; ,SNA SMAN DUD PA BRNGUB PA DANG, ,ZAS ZOS 'OG TU SNUM BSTEN CING, ,TIL MAR GYIS NI BSKU BA DANG, ,DE BZHIN 'JAM RTZI'I LAS RAB BSNGAGS, ,ZHES BYA BA LA, DE BZHIN DU MGO DANG RTZIB LOGS DANG PHRAG PAR NA ZHING ZUG PA LA NI RTZIB LOGS DANG SNA NAS BTANG BA DANG DUD PA BRNGUB PA DANG, ZAS ZOS PA'I 'OG TU SNUM BSTEN CING BZA' BA DANG, BA LA'I TIL MAR LA SOGS PA'I TIL MAR GYIS BSKU BA DANG, DE BZHIN DU 'JAM RTZI MAS GTONG BA'I LAS BYA BA NI MCHOG TU BSNGAGS PA YIN NO, ,YANG NA RNGABS RVA LA SOGS
, ,PAS; ,NAD DMIGS JI BZHIN NAD KHRAG DBYUNG, ,ZHES BYA BA LA, DE BZHIN DU MGO DANG RTZIB LOGS GZER ZHING NAD GZHI 'DRES PA DANG LDAN PA DE LA RNGABS RVA DANG, SRIN BU PAD PA DANG, BSKU BA LA ZHAL ZHAL GDAB PA LA SOGS PA NAD DMIGS JI SKAD BSTAN PA BZHIN DU KHRAG DBYUNG BAR BYA STE, RLUNG LAS GYUR PA'I NAD KHRAG DBYUNG BAR BYA, ,MKHRIS PA LAS GYUR PA'I SRIN BU PAD PAS, BAD KAN LAS GYUR PA'I BSKU BAS DBYUNG BAR BYA'O, ,SHUG PA TZANDAN PU SHEL TZI, ,MAR BCAS LDE GUS BSKU BA'AM, ,ZHES BYA BA LA, YANG NA KHRAG CAN LA NI SHUG PA LA SOGS PA'I LDE GU MAR DANG SBYAR BA BSKUS PAS PHAN NO, ,D'UR BA SHING MNGAR BTZOD DANG NI, ,N'A GA GE SAR MAR SBYAR BSKU, ,ZHES BYA BA LA, YANG NA D'UR BA LA SOGS PA'I SMAN GYI LDE GU MAR DANG SBYAR BA BSKUS NA YANG PHAN NO, ,N+YA GRO DHA SOGS BSKOL TIL MAR, ,LAN BRGYA BKRUS PA'I MAR GYIS NI, ,BSKU BA'AM 'O MA SHING MNGAR CHUS, ,BLUGS PAR GYUR PA 'ANG BSNGAGS PA YIN, ,YANG NA KHRAG DE NYID N+YA GRO DHA LA SOGS PA STE, N+YA GRO DHA'I SDE TSAN LAS BSHAD PA'I SMAN DANG BSKOL BA'I TIL MAR GYIS BSKUS NA YANG PHAN NO; ,YANG NA CHU GRANG MO'I NANG DU LAN MANG DU BKRUS SHING LAG PAS MNYES PA'I MAR SAR GYIS BSKUS NA YANG PHAN NO, ,YANG NA 'O MA 'BA' ZHIG GIS BLUGS PA PHAN PA YIN NO, ,YANG NA SHING MNGAR GYI CHU BLUGS PA YANG PHAN PA YIN NO, ,PHAL CHER ME DROD NYAMS PA'I PHYIR; ,MA ZHU BE'U SNABS BCAS 'KHRU NA, ,DE LA PHO BA'I TSAD 'KHRU YI, ,SKABS SU BSHAD PA'I SMAN BSTEN PHAN, ,ZHES BYA BA LA, GCONG CHEN PO'I NAD DANG LDAN PA DAG NI PHAL CHER GYI NANG DU PHO BA'I ME DROD NYAMS SHING BRI BA YIN PA'I PHYIR, MA ZHU BA'I BE'U SNABS DANG BCAS PAR 'KHRU BAR 'GYUR LA, DE BAS NAD DE LA PHO BA'I NAD GSO BA'I SKABS SU BSHAD PA DANG, TSAD PAS 'KHRU BA'I SKABS SU BSHAD PA'I SMAN DE DAG NAD DMIGS DANG SBYAR BA SBYIN PAR BYA'O, ,ZAD BYED LDAN PA'I BSHANG BA NI, ,RNAM PA KUN TU BSRUNG BYA STE, ,DE YI LUS ZUNGS
KUN ZAD PAS, ,DE STOBS BSHANG BA'I STOBS KYIS GNAS, ,ZHES BYA BA LA, GCONG CHEN POS BTAB PA'I NAD PA DE LUS SKAM ZHING RID PAR GYUR PAS NA DE'I PHYIR BSHANG BA CI NAS KYANG SHAS CHER MI 'BYUNG BAR BSRUNG BAR BYA STE, GANG GI PHYIR GCONG CHEN PO'I NAD KYIS THEBS PA DE'I LUS ZUNGS KUN ZAD PAR 'GYUR BAS DE'I NYAMS STOBS NI BSHANG BA LA GNAS PA'I STOBS KYIS GNAS PAR BYED PA YIN PAS CI NAS KYANG BSHANG BA SHAS CHER MI 'BYUNG ZHING, 'KHRU BA LA SOGS PA MI 'GYUR BA DE LTAR BSRUNG BAR BYA'O, ,RIGS PAS SHA RNAMS KHO NA SBYIN, , SKOM DU RGUN CHAD BLUD PAR BYA, ,SHUGS NI BKAG PAR GYUR PA YIS, ,GCONG CHEN GYIS NI GLAGS MI RNYED, ,CES BYA BA LA, GCONG CHEN PO'I NAD DANG LDAN PA DE LA RIGS SHING RAN PAR SHA RNAMS KHO NA SBYIN PAR BYA ZHING BZA' BAR BYA LA, SKOM ZHING 'TSAL NAN DU RGUN CHANG BLUD PAR BYA ZHING, DE BZHIN DU BSHANG BA'I SHUGS BKAG PAR GYUR PAS GCONG CHEN PO'I NAD KYIS GLAGS RNYED PAR MI 'GYUR RO, ,CHANG DANG CHANG DANGS RGUN CHANG DANG, ,CHANG RNYING BU RAM SBRANG CHANG DANG, ,CI RIGS PAR NI BLUD PA DANG, ,SHA NI SBYIN PA NYID DU BYA, ,ZHES BYA BA LA, GCONG CHEN PO'I MI DE LA BZA' BAR SHA BYIN NAS CHANG DANG CHANG GI DANGS MA LA SOGS PA CI RIGS BLUD PAR BYA'O, ,BU GA'I RGYUN 'GAGS DAG PHYIR DANG, ,STOBS DANG MDANGS NI RGYAS BYA'I PHYIR, ,SNUM DANG 'O MA CHUS GANG BA'I, ,SNOD DU LUS NI BYING BAR BYA, ,ZHES BYA BA LA, YANG DE LA BU GA'I RGYUN SRANG NAD KYIS 'GAGS PA DE DAG PAR BYA BA'I PHYIR DANG, LUS KYI STOBS DANG MDANGS RGYAS PAR BYA BA'I PHYIR SNUM GYIS GANG BA'I SNOD DANG 'O MAS GANG BA'I SNOD DANG SMAN GYI CHUS GANG BA'I SNOD DU LUS BYING BAR BYA BA'AM, NAD DMIGS JI LTA BA BZHIN DU GZHUG PAR BYA'O; ,PHYUNG NAS BSRES PA'I SNUM GYIS NI, ,BSKU ZHING LAG PAS BDE BAR MNYE, ,BDE BAR 'DUG PAR GYUR PA LA, ,DAL GYIS LDE GUS DRIL BAR BYA, ,ZHES BYA BA LA, LUS BYING BA'I CHU LAS SLAR PHYUNG STE, BSRES PA'I SNUM GYIS SLAR YANG LUS BSKU ZHING LAG PAS
, ,DAL GYIS MNYE BA DANG, BDE BAR LUS PHAB STE 'DUG PAR GYUR PA DAL GYIS LDE GUS DRIL BAR BYA'O, ,DZI BAN TI DANG D'UR BA DANG, ,BTZOD DANG AA SHVA GAN DHA DANG, ,AA PA MARGA BA SPRU BA, ,AAG NI MAN TI SHING MNGAR DANG, ,BA LA YUNGS KAR BI DA RI, ,RU RTA 'BRAS DANG ZAR MA DANG, ,MON SRAN GRE'U GNYIS TIL DANG PHABS, ,THAMS CAD GCIG TU BTAGS NAS NI, ,NAS KYI PHYE NI SUM 'GYUR DANG, ,ZHO DANG SBRANG RTZI LHAN CIG SBYAR, ,'DI DAG GIS NI DRIL PHYI BYA, ,SHA RGYAS MDOG BZANG STOBS SKYED BYED, ,CES BYA BA LA, DZI BAN TI NAS PHABS KYI BAR GCIG NAS PHYE MAR BTAGS LA PHYE MA DE DAG GI SUM 'GYUR GYI NAS KYI RJEN PHYE DANG BSRES LA ZHO DANG SBRANG RTZI DANG SBYAR BA 'DIS LUS LA DRIL PHYIS BYAS NA, DE'I SHA RGYAS PA DANG, MDOG BZANG BA DANG, STOBS SKYED PAR 'GYUR RO, ,YUNGS KAR SER PO'I LDE GU DANG, ,'TSO BYED SDE TSAN DANG SBYAR BA, ,KHRUS KYI SMAN GYIS KHRUS BYA ZHING, ,DUS TSIGS BDE BA'I CHUS KHRUS BYA, ,ZHES BYA BA LA, YANG ZAD BYED KYI NAD DANG LDAN PA DE YUNGS KAR GYI LDE GU DANG 'TSO BYED KYI SDE TSAN GYI SMAN DANG BSKOL BA'I CHUS KHRUS KYI SMAN DRI BZANG PO DAG GI KHRUS DE YANG DUS TSIGS DANG RJES SU MTHUN ZHING LUS BDE BA SKYED PAR BYED DO, ,DRI DANG PHRENG BA SOGS KYIS BRGYAN, ,BKRA MI SHIS PA 'JIGS PA BSTAN, ,ZHES BYA BA LA, DE LTAR KHRUS BYAS NAS DRI DANG PHRENG BA LA SOGS PAS BRGYAN ZHING SPUD PA DANG, BKRA MI SHIS PA'I 'JIGS PA MDANGS DANG SKAL BA SKYED PAR BYED PA'I DNGOS PO LA BSTAN PAR BYA'O, ,MDZA' BSHES BLTA ZHING GLU DANG NI, ,ROL MO MNYAN ZHING DGA' STON BYA, ,'JAM RTZI 'O MA ZHUN MAR DANG, ,SHA DANG CHANG BSTEN TSUL LA GNAS, ,LHA LA BRTEN PA'I CHO GA DANG, ,MCHOD PA'I LAS LA BRTZON PAR BYA, ,ZHES BYA BA LA, GCONG CHEN PO DANG LDAN PA'I MI DE MDZA' BSHES YID DU 'ONG BA LA LTA BA DANG, GLU LA SOGS PA LA MNYAN PA LA DGA' STON GYI RNAM PA BYA BA DANG, 'JAM RTZI DANG 'O MA DANG ZHUN MAR BSTEN PA DANG, DE BZHIN DU SHA LA SOGS PA BSTEN PA DANG, TSUL LEGS PA LA GNAS PAR BYA BA DANG, LHA LA
BRTEN PA'I CHO GA GTOR MA DANG, SBYIN SREG DANG, SDIG PA BSHAGS PA LA SOGS PA LA GNAS PA DANG, MCHOD PA'I LAS LA BRTZON PA DAG KYANG PHAN PA YIN NO, ,YAN LAG BRGYAD PA'I SNYING PO'I RNAM PAR 'GREL PA'I TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS LE'U LNGA PA'I RNAM PAR 'GREL BA'O,, ,,DE NAS SLON PA'I NAD DANG SNYING NAD DANG SKOM DAD GSO BA'I GNAS BSHAD PAR BYA'O, ,ZHES BYA BA LA, NAD GZHI'I RIMS KYIS SLON PA LA SOGS PA'I GSO BA'I RIM PAS 'BYUNG BAS NA DE BRTZAMS TE BSHAD PA YIN NO, ,SLON NAD PHAL CHER MA ZHU BA'I, ,GNAS 'KHRUGS LAS BYUNG DE YI PHYIR, ,RLUNG MA GTOGS LA DANG POR NI, ,SMYUNG BYAS SKYUG SMAN BTANG BA PHAN, ,ZHES BYA BA LA, SLON NAD PHAL CHER NI MA ZHU BA'I GNAS NAS 'KHRUGS SHING SLONGS PA LAS BYUNG BA YIN LA, DES NA RLUNG LAS GYUR PA MA GTOGS PA DAG LA NI DANG POR SMYUNG BA BYAS NAS SKYUG SMAN GTANG BA PHAN PA YIN NO, ,STOBS LDAN RGYUN DU SLON GYUR CING, ,NAD MANG GYUR LA GTANG BAR BYA, ,ZHES BYA BA LA, DE LA SKYUG SMAN DE YANG NYAMS STOBS DANG LDAN PA'I SKYES BU LA SBYAR BAR BYA'I NYAMS STOBS ZHAN PA LA NI MA YIN PA DE YANG RGYUN DU SLON ZHING NAD MANG LA, PHAL CHER SLON PAR GYUR PA LA SKYUG SMAN GTANG BAR BYA'O, ,DE 'OG RIM GYIS BKRU SMAN NI, ,YID 'ONG CHANG RGUN CHU SOGS SAM, ,'O MAS BTANG GYUR DE MOD LA, ,GYEN 'BYUNG NANG NI THUR DU 'BYUNG, ,ZHES BYA BA LA, DE LTAR SLON SMAN BTANG BA'I 'OG TU BKRU SMAN GTANG BAR BYA STE, DE LA YANG RIM GYIS BYA'I CIG CAR NI MA YIN NO, ,DE YANG YID DU 'ONG ZHING DGA' BAR BYED PA BKRU SMAN CHANG DANG RGUN CHU LA SOGS PA DANG LHAN CIG BTANG BA'AM, YANG NA 'O MA DANG LHAN CIG BKRU SMAN GTANG BAR BYA STE, GANG GI PHYIR BKRU SMAN DE BTANG BAR GYUR NA, DE'I MOD LA GYEN DU 'BYUNG ZHING SLON PA'I NAD THUR DU 'BYUNG BAR BYED DO, ,ZHI BA'I SMAN NI RTZUB PA STE, ,NYAM CHUNG BA YANG DE NYID
, ,BYA; ,ZHES BYA BA LA, DE BZHIN DU ZHI BAR BYA BA'I SMAN 'BRAS YOS LA SOGS PA RTZUB BAG GIS BYA LA, SKYES BU NYAM CHUNG BA DAG LA NI ZHI BAR BYA BA'I SMAN DE NYID BYA'I SBYANG BA'I SMAN MI BYA STE, SBYANG BA'I SMAN SBYAR MI BZOD PA'I PHYIR RO, ,ZAS NI SKAM ZHING YI GAR 'ONG, ,GOMS SHING YANG BA BSNGAGS PA YIN, ,DE BZHIN SMYUNG BA YU SHA DANG, ,SHA KHU 'BA' CHA SKAM PA LA, ,TSOD MA LDE GU BZA' BA DANG, ,BTUNG BA DRI BZANGS PA NA KA ,RO DRUG ZAS SKOM SNA TSOGS DANG, ,'BRAS BU KHRUS DANG MNYE BA DANG, ,DRI ZHIM 'BRAS BU ME TOG SKYES, ,ZAS DANG SKOM LA SPYOD PA DANG, ,ZOS MA THAG TU 'PHRAL DU NI, ,CHU GRANG GIS NI GDONG BKRU BYA, ,ZHES BYA BA LA, SLON PA'I NAD LA ZAS KYANG SKAM ZHING SLON BAG MA YIN PAR SBYIN PA DANG, YI GAR 'ONG ZHING SNYING DGA' BAR BYED PA DANG, GOMS SHING RGYUN DU BSTEN LA DUS YUN RING POR ZOS PA DANG, TSAD DANG RDZAS KYI RANG BZHIN GYIS YANG BA DE LTA BU'I KHA ZAS SBYIN PA NI BSNGAGS PA YIN NO, ,YANG DE BZHIN DU SMYUNG BAR BYA ZHING, ZAS BCAD PA DANG, YU SHA ZHES BYA BA MON SRAN SDE'U LA SOGS PA'I KHU BA LAS BYAS PA'I BTUNG BA DANG, SHA KHU DANG 'BA' CHA STE RTZA BA DANG 'BRAS BU LAS BYAS PA DANG, SKAM PA LA ZHES BYA BA PHAL CHER TIL GYI LDE GU DANG SKYUR BAG LAS BYAS PA STE, DE YANG GZHUNG LAS, ,DE LA SHA LA SHA KHU STE, ,'BRU LAS YU SHA 'BRAS BU LAS, ,KHA LO'I RTZA BA TIL RTZIG SKYUR, ,LAS BYAS SKAM PI LA KAR BSHAD, ,CES 'BYUNG BA YIN NO, ,TSOD MA NI TSOD MA'I SDE TSAN LAS BSHAD PA'I RIGS SNA TSOGS PA'O, ,LDE GU NI LDE GUR SBYAR NAS LHAG PA'I SMAN RNAMS SO, ,BZA' BA NI BZA' BA DANG BTUNG BA RNAMS SO, ,BTUNG BA DRI BZANGS NI RGUN CHU LA SOGS PA LAS BYAS PA'I BTUNG BA'I DRI ZHIM PO DANG SBYAR BA'O, ,BAD KAN NI SBRANG CHU DANG DRI SNA GSUM LA SOGS PA LA SBYAR BA'O, ,RO DRUG PA NI PHAL CHER SKYUR BA'I SHAS DANG LDAN ZHING SE'U 'BRUL SOGS PA LA
SBYAR BA'I TSOD MA BSHAD PA ZHES BYA'O, ,ZAS SKAM PO SNA TSOGS NI LA DU LA SOGS PA'O, ,'BRAS BU NI SHING TOG DANG 'BRAS BU SNA TSOGS KYI SDE TSAN LA BSTEN PA'O, ,KHRUS NI CHU DRI ZHIM PO DRO 'JAM TZAM GYIS BKRU BA'O, ,MNYE BA NI RGYA MTSO'I LBU BA LA SOGS PAS MNYE BA'O, ,DRI ZHIM PA NI DRI ZHIM PA'I SMAN DANG SBYAR BA STE, DRI DE DAG KYANG 'BRAS BU DANG ME TOG LAS BYUNG BA STE, 'DIR DRI ZHES BYA BA'I SBRAS NI DRI SMAN DAG KYANG BYA'O, ,YANG DE BZHIN DU ZAS SKOM LA SOGS PA LA SPYAD MA THAG DU 'PHRAL DU DE'I MOD LA CHU GRANG GIS GTOR ZHING BLUGS PA'AM SLON PA'I NAD RNAMS LA PHAN PA YIN NO, ,DE DAG NI SLON ZHING SKYUG BRO BA'I NAD THAMS CAD KYI SPYI'I GSO BA BSHAD PA YIN NO, ,RLUNG LAS GYUR PA'I SLON PA'I NAD, ,RGYAM TSA MAR BCAS DRO BA'AM, ,TSA GSUM LAN TSVA GSUM SBYAR BAS; ,LUD PA DANG NI SNYING 'DZAG DANG, ,BCAS PA SEL BAR BYED PA YIN, ,ZHES BYA BA LA, RLUNG LAS GYUR PA'I SLON NAD LA NI RGYAM TSA DANG ZHUN MAR SBYAR BA NYUNG ZAD DRO BAS SEL BAR BYED DO, ,DE LAS KYANG MCHOG TU LUD PA DANG SNYING 'DZAG CING NA BA DANG BCAS PA'I SLON BRO BA SEL TO, ,YANG NA TSA BA GSUM DANG LAN TSVA GSUM, ,ZHES BYA BA LCE MYANG TSA DANG KHA RU TSA DANG, KHA RU TSA NAG PO DANG, ZHES BYA BA GSUM DANG SBYAR BA'I ZHUN MAR BLUD NA YANG RLUNG LAS GYUR PA'I SLON NAD SEL TO, ,SE'U 'BRU'I KHU BA BCA' SGA DANG; ,'U SU ZHO DANG MAR BSKOL BA'AM, ,CHU DANG 'O MA CHA MNYAM PA, ,ZHES BYA BA LA, YANG NA SE'U 'BRU'I KHU BA DANG BCA' SGA DANG 'U SU DANG, ZHOR BSRES PA DANG BSKOL BA'I MAR BLUD NA RLUNG LAS GYUR PA'I SLON NAD 'JOMS SO, ,YANG NA CHU DANG 'O MA CHA MNYAM PA BLUD NA RLUNG LAS GYUR PA'I SLON BRO BA SEL TO, ,KHRON GYI ZAS TSOL SHA KHU NI, ,'BRAS SKYUR RGYAM TSA MAR SHAS CHE, ,ZHES BYA BA LA, YANG NA KHRON GYI ZAS TSOL BA'I KHYIM BYA LA SOGS PA'I SHA KHU SE'U 'BRU LA SOGS PA'I 'BRAS BU DANG SBYAR
, ,ZHING ZHUN MAR DANG RGYAM TSA SHAS CHER BTAB PA BLUD NA YANG RLUNG LAS GYUR PA'I SLON BRO BA 'JOMS SO, ,KHA ZAS SNUM PO BCA' SGA DANG, ,ZHO DANG SE 'BRUR SBYAR BA'AM, ,RGYAM TSAR BCAS PA DRO 'JAM PHAN, ,ZHES BYA BA LA, KHA ZAS SNUM BAG TU BCA' ZHING BCA' SGA LA SOGS PA SBYAR BA LA RGYAM TSA BTAB PA DRO 'JAM TZAM BYIN NA YANG PHAN NO, ,'DIR NI BKRU SMAN LAN TSVA DANG, ,SNUM DANG DRO BAR BCAS PA PHAN, ,ZHES BYA BA LA, RLUNG LAS SKYES PA'I SLON NAD 'DI LA SNUM DANG SENG PHROM LA SOGS PA DANG SBYAR BA'I BKRU SMAN LAN TSVA DANG SBYAR ZHING CHU DRO BA BTANG NA PHAN NO, ,MKHRIS PA LAS GYUR BKRU SMAN PHYIR, ,RGUN 'BRU BU RAM SHING KHU DANG, ,DUR BYID SBYAR BA'I BKRU SMAN GTANG, ,ZHES BYA BA LA, MKHRIS PA LAS GYUR PA'I SLON BRO BA'I BKRU SMAN BYA BA'I PHYIR RGUN 'BRU'I KHU BA DANG BU RAM SHING GI KHU BA DANG DUR BYID DU SBYAR BA'I BKRU SMAN GTANG BAR BYA'O, ,ZHUN MAR SENG PHROM SBYAR BA GTANG, ,ZHES BYA BA LA, YANG NA MKHRIS PA LAS GYUR PA'I SLON BRO BA DANG, SENG PHROM DANG ZHUN MAR SBYAR BA GTANG BAR BYA STE, DE YANG SENG PHROM SRANG BRGYAD CES BYA BA LA SOGS PA'I GZHUNG GIS BSHAD PA LTAR BYA'O, ,'PHEL TE BAD KAN GNAS KHYAB PA'I, ,MKHRIS PAR MNGAR DANG KHA BA YIS, ,GYEN DU DRANGS LA, ZHES BYA BA LA, MKHRIS PA LAS GYUR PA'I SLON BRO BA 'PHEL BAR 'GYUR TE, BAD KAN GYI GNAS KHYAB PAR GYUR PA LA NI MKHRIS PA'I NAD DE SMAN MNGAR BA DANG KHA BA DAG GIS GYEN DU DRANGS LA SLON PAR BYA'I SMAN GTANG BAR NI MI BYA'O, ,DAG GYUR NAS, 'BRAS YOS KHA RA BCAS PA LAS, ,SKYO MA'AM NAS THUG BLUD PAR BYA, ,ZHES BYA BA LA, KHRUS DANG SLON GYIS DE DAG CING SBYANGS PAR GYUR NA 'BRAS YOS KHA RA DANG BCAS PA LAS SKYO MAR BYAS TE BLUD PA'AM NAS THUG GI NANG DU SBRANG RTZI DANG KHA RA BTAB PA BLUD PAR BYA'O, ,S'A LU DRUG CU PA YI CHAN, ,SKAM SA'I SHA KHU MUNGGA'I KHU, ,ZHES BYA BA LA, YANG DE BZHIN DU SKAM SA'I SHA
KHU DANG MUNGGA'I KHU BA YU SHA ZHES BYA BA DANG, S'A LU RTZA SNAR RAM 'BRAS DRUG CU PA'I CHAN SBAGS TE BZA' BA SBYIN PAR BYA'O, ,SO PHAG BSREGS TE CHUR BCUG GSUR, ,SHIN TU BSGRANGS PA'I CHU BLUD PA'AM, ,ZHES BYA BA LA, SKOM DU NI SO PHAG LEGS BAR BSREGS TE CHU'I NANG DU BCUG LA GSUR BA'I CHU DANGS MA SHIN TU LEGS PAR BSGRANGS LA BLUD PAR BYA'O, ,MUNGGA 'U SU PU SHEL TZE, ,PI PI LING DANG NUB GCIG SPANGS, ,ZHES BYA BA LA, MON SRAN SDE'U DANG 'U SUL SOGS PA'I SMAN DANG NUB GCIG SPANGS PA'I CHU BSKOL TE BSGRANGS PA BLUD PAR BYA'O, ,YANG NA RGUN CHU BU RAM SHING, ,SLE TRES CHU 'AM 'O MA BLUD, ,CES BYA BA LA, YANG MKHRIS PA LAS GYUR PA'I SLON BRO BA LA RGUN 'BRU'I CHU'AM, BU RAM GYI KHU BA'AM, SLE TRES BSKOL BA'I CHU'AM, 'O MA GANG YANG RUNG BA BLUD PAR BYA'O, ,'DZAM BU AA MRA'I LO MA DANG, ,AU SHIR N+YA GRO DHA'I MYU GU, ,BSKOL TE BSGRANGS PAR SBRANG RTZI NI, ,BTAB STE BLUD NA SLON PA DANG, ,RIMS DANG TSAD 'KHRU BRGYAL BA DANG, ,SKOM DAD CHE BA MI BZAD SEL, ,ZHES BYA BA LA, SHING 'DZAM BU DANG AA MRA GNYIS KYI LO MA NI AU SHI RA ZHES BYA BA PU SHEL TZE DANG, ,SHING N+YA GRO DHA'I MYU GU BSKOL BA'I CHU BSGRANGS TE SBRANG RTZI BTAB PA BLUD NA YANG SLON PA LA SOGS PA'I NAD SEL BAR 'GYUR RO, ,SKYU RU RA'I KHU TZAN DAN BCAS, ,MUNGGA BA LA'I CHU BLUD PHAN, ,ZHES BYA BA LA, YANG NA SLON NAD DE LA SKYU RU RA BSKOL BA'I CHU BSGRANGS PAR TZANDAN DKAR PO LDE GU DANG SBYAR BA BLUD PAR BYA'O, ,YANG NA MUNGGA DANG BA LA CHUR NUB GCIG SPANGS PA BLUD PAR BYA'O, ,RGYA SHUG TSI GU KHA RA DKAR, ,'BRAS YOS SBRA TSIL PI PI LING, ,DNGUL RDO SBRANG RTZI 'AM AA RU RA, ,RGUN 'BRU'AM RGYA SHUG DANG SBYAR BA NA, ,ZHES BYA BA LA, YANG SLON NAD DE LA RGYA SHUG GI TSI GU LA SOGS PA'I SMAN SBRANG RTZI DANG SBYAR BA'AM, YANG NA AA RU RA SBRANG RTZI DANG SBYAR BA'AM, RGUN 'BRU SBRANG RTZI DANG SBYAR BA'AM, RGYA SHUG SBRANG RTZI DANG SBYAR BA'I LDE GU SBYIN PAR BYA'O, ,BAD KAN LAS GYUR NIM PA DANG, ,PI PI LING DANG PO SON CHA, ,
, ,YUNGS KAR CHU DRON GYIS SLON BYA, ,NYAM CHUNG BA LA SMYUNG BA BYA, ,ZHES BYA BA LA, BAD KAN LAS GYUR PA'I SLON BRO BA LA NI NIM PA LA SOGS PA DANG BSKOL BA'I CHU DRO 'JAM TZAM BYAS PA BLUD LA SLON PAR BYA'O, ,GAL TE NAD PA NYAM CHUNG BA LA NI SLON PAR MI BYA'I; SMYUNG BAR BYAS PA DES ZHI BAR BYA'O, ,DONG GA LA SOGS KHU BA BSKOL, ,BSGRANGS PA SBRANG RTZIR BCAS PA BLUD, ,CES BYA BA LA, BAD KAN LAS GYUR PA'I SLON BRO BA LA DONG GA LA SOGS PA'I SMAN GYI SDE TSAN BSKOL BA'I KHU BA BSGRANGS PA'I NANG DU SBRANG RTZI BTAB PA BLUD NA ZHI BAR 'GYUR RO, ,NAS KYI SKYO MA SLON 'JOMS PA'I, ,SMAN DAG DANG NI SBYAR BA BLUD, ,CES BYA BA LA, YANG BAD KAN GYI SLON BRO BA LA NI NAS KYI PHYE DANG, SLON 'JOMS PA'I SMAN 'BRAS YOS DANG, RGYA SHUG DANG SE'U 'BRU LA SOGS PA'I SMAN BSKOL BA DANG NAS PHYE DANG SBYAR TE DE'I ZAN NAM SKYO MA BLUD PAR BYA'O, ,BAD KAN 'JOMS ZAS YI GAR 'ONG, ,BTUNG BA ZIN THIG BU SRIN, ,ZHES BYA BA LA, YANG BAD KAN LAS GYUR PA'I SLON BRO BA LA NI, BAD KAN 'JOMS PA'I ZAS 'BRAS YOS LA SOGS PA LAS G-YOS PA'I ZAS RGUN 'BRU LA SOGS PA LAS BYAS PA'I BTUNG BA RA GZHES BYA BA RO DRUG PA, ZIN THIG LE DANG, BU SRIN DANG BCAS PA BLUD NA YANG BAD KAN LAS GYUR PA'I SLON BRO BA SEL TO, ,ZIN THIG LE NI AAR DZA KA DANG, KU THE RA ZHES BYA BA'O, ,BU SRIN NI KA TRI NA'O, ,LDONG ROS DANG NI PI PI LING, ,NA LE SHAM NI SKYUR RTZI CHE, ,KA PID THA YI KHU BA DANG, ,SBRANG RTZIR BCAS PAS SLON NAD SEL, ,ZHES BYA BA LA, LDONG ROS LA SOGS PA'I SMAN GSUM PA SKYUR RTZI CHEN PO ZHES BYA BA PI DZA PU RA'I KHU BA DANG, KA PID THA'I KHU BA DANG SBYAR ZHING SBRANG RTZI DANG SBYAR BA BLUD NA SLON NAD SEL BAR 'GYUR RO, ,KA PID THA DANG TSA BA GSUM, ,BYI TSER SBRANG RTZIR SBYAR BA SBYIN, ,ZHES BYA BA LA, BAD KAN LAS GYUR PA'I SLON BRO BA LA NI, KA PID THA DANG TSA BA GSUM SBYAR BA SBYIN PA'AM, YANG NA BYI TSER BA DANG SBRANG RTZIR SBYAR BA SBYIN PAR BYA'O, ,MTHUN
PA'I SPYOD PA BYAS PA YIS, ,MI SDUG YUL MTHONG LAS BYUNG SEL, ,ZHES BYA BA LA, YUL MI SDUG PA MTHONG BA LAS BYUNG BA'I SLON BRO BA LA NI, YID DANG RJES SU MTHUN PA'I SPYOD PA YID DGA' ZHING DBUGS PHYUNG BAS MGU BAR BYAS PA'I SPYOD PA BYAS PAS SEL BAR 'GYUR RO, , SRIN BU LAS BYUNG SRIN BU YI, ,SMAN DU BSHAD PA RNAMS KYIS GSO, ,ZHES BYA BA LA, SRIN BU LAS BYUNG BA'I SLON BRO BA LA NI SRIN BU LAS GYUR PA'I SNYING NAD KYI SKABS SU BSHAD PA'I SMAN RNAMS KYIS GSO ZHING ZHI BAR BYA'O, ,LHAG MA NAD DMIGS JI BZHIN DU, ,DE ZHI 'GYUR BA'I DPYAD KYIS GSO, ,ZHES BYA BA LA, SLON PA'I NAD LHAG MA SKOM DAD DANG MA ZHU BA DANG YID MI BDE BA SKYES PAR GYUR PA DAG LA NI, RANG GI NAD DMIGS JI LTA BA BZHIN DU RLUNG LAS GYUR PA LA SOGS PA LA PHAN PA'I SMAN GYIS ZHI BAR BYA BA DANG, DE BZHIN DU DE ZHI BAR 'GYUR PA'I SPYOD PA SKOM DAD DANG, SLON PA LA SOGS PA LA GANG DAG PHAN PAR 'GYUR BA DAG GIS GSO BAR BYA'O, ,SLON PA'I SKABS SU RLUNG GI NAD RNAMS NI, ,LUS ZUNGS ZAD PAS NGES PAR LDANG 'GYUR RO, ,DE BAS 'DIR NI SKYUG SMAN SBYOR DRAGS PA'I, ,SKABS BSHAD BCAD DANG BRTA BA'I CHO GA BYA, ,BU RAM ZHUN MAR SHA KHU DGE BA CHE, ,TSA BA GSUM DANG 'TSO BYED SMAN MAR DANG, ,'O THUG DANG NI PHAN PA'I LDE GU YIS, ,RGYUN DU SLON PA ZHI BA NYID DU BYA, ,ZHES BYA BA LA, GANG GI PHYIR SLON PA'I SKABS SU NI SLON PA'I LUS ZUNGS ZAD PAR BYA BA'I PHYIR NGES PA KHO NAR LDANG ZHING 'KHRUGS PAR 'GYUR RO, ,DE BAS NA SKABS 'DIR NI SKYUG SMAN GYI SBYOR BA DRAGS PA'I SKABS SU SLON DRAGS PAS NAD 'GYUR BA'I GSO BAR BSHAD PA DES, GCAD PA DANG BRTA BA'I CHO GA GANG DAG YIN PA BYA'O, ,DE BZHIN DU BU RAM DANG, ZHUN MAR DANG, SHA KHU DANG, DGE BA CHEN PO'I SMAN MAR LA SOGS PA DUS JI LTA BA BZHIN DU NAD DMIGS DANG LUS ZUNGS KYI TSUL DANG SBYAR TE RGYUN DU SLON PA ZHI BA NYID DU BYA'O, ,SNYING NAD RLUNG GYUR TIL MAR NI, ,SKYUR RTZABS DAR BA ZHO GA CHU, ,LDAN PA TSA NA DRO
, ,'JAM BLUD, ,DES NI LTO SBOS SKRAN KYANG 'JOMS, ,ZHES BYA BA LA, SNYING GI NAD RLUNG LAS GYUR PA LA NI 'BRAS KHU DANG SKYUR DU GYUR PA SKYUR RTZABS ZHES BYA BA LA SOGS PA DANG LDAN PA'I TIL MAR BSKOL BA BLUD PAR BYA STE, DE YANG DRO 'JAM TZAM DU BYAS LA BLUD PAR BYA'O, ,DES NI DE'I LTO SBOS PA LA SOGS PA 'JOMS PAR BYED DO, ,TIL MAR LAN TSVAR BCAS DANG SKYUR, ,BA GCIN BSKOL BA'ANG DE DANG MTSUNGS, ,ZHES BYA BA LA, SKYUR BAG SKYUR RTZABS LA SOGS PA DANG BA GCIN DANG LAN TSVA THAMS CAD DANG TIL MAR LHAN CIG BSKOL LA TSOS PAR GYUR PA 'THUNGS NA YANG YON TAN DE DANG 'DRA STE, RLUNG LAS GYUR PA'I SNYING NAD DANG, ,LTO SBO BA DANG SKRAN NAD 'JOMS PA YIN NO, ,BIL BA RA SNA RGYA SHUG NAS, ,THANG SHING DANG NI BA SPRU BA, ,RGYA SRAN RTZA BA LNGA PA RNAMS, ,BSKOL BA'I CHU DER TIL MAR NI, , BSKOL BA DE NI SNAR BTANG DANG, ,BTUNG DANG 'JAM RTZIR GTANG BAR BYA, ,ZHES BYA BA LA, BIL BA LA SOGS PA BSKOL NAS SMAN GYI KHU BA TIL MAR BZHI 'GYUR DANG BSKOL LA TIL MAR DE SNA NAS BTANG BA DANG 'JAM RTZI MAS GTONG BA'I SBYOR BA BYA'O, ,BCA' SGA RGYAM TSA BYE'U RUG PA, , SLE TRES SHING KUN MA NU DANG, ,AA RU RA DANG MAR BSKOL BA, ,SNYING NAD RTZIB LOGS GZER SKRAN 'JOMS, ,ZHES BYA BA LA, BCA' SGA LA SOGS PA'I SMAN LDE GUR BYAS PA 'DIR MA SMOS SU ZIN KYANG MAR GYI BZHI 'GYUR GYI CHU DANG BSKOL LA, DE'I KHU BA DANG MAR BSKOL BA'I SMAN MAR DE ZOS NA YANG SNYING NAD LA SOGS PA SEL BAR 'GYUR RO, ,KHA RU TSA NI SRANG GNYIS DANG, ,AA RU RA NI LNGA BCU DANG, ZHUN MAR BRE GANG BSKOL RTZIB LOGS, ,SNYING NAD SKRAN DBUGS MI BDE SEL, ,ZHES BYA BA LA, KHA RU TSA SRANG GNYIS DANG AA RU RDOG MA LNGA BCU LDE GUR BYAS PA CHU BRE BZHI'I NANG DU BSKOL LA DE'I KHU BA DANG MAR BRE GANG BA SKOL BA'I SMAN MAR GYIS NI RTZIB LOGS KYI NAD DANG SNYING NAD LA SOGS PA 'JOMS PAR BYED DO, ,SE'U 'BRU BCA' SGA KHA RU TSA, ,SHING KUN STAR BU PHYE MAR SBYAR, ,RLUNG NAD GZHAN DBANG CAN SNYING NAD, ,DBUGS MI BDE BA SEL
MCHOG YIN, ,ZHES BYA BA LA, SE'U 'BRU LA SOGS PA'I SMAN LNGA PHYE MAR SBYAR BAS RLUNG NAD GZHAN DBANG CAN LA SOGS PA SEL BAR BYED PA'I MCHOG YIN TE, RLUNG NAD GZHAN DBANG CAN NI 'OG NAS BSHAD DO, ,GANG DU TSAD NI MA BSHAD PAR, ,CHA NI MNYAM POR BTAGS PAR BYA, ,ZHES BYA BA'I TSIG SMAN GYI KHU BA BSKOL BA DANG LDE GU DANG NAS THUG SBRUS PA DANG PHYE MA LA SOGS PA DRAN PAR BYA'O, ,MA NU ZUR PA BCA' SGA DANG, ,SKYUR RTZI CHE RTZA AA RU RA'I, ,LDE GU YA BAKshA RA DANG, ,MNGAR SKYUR LAN TSVA LDAN PA 'THUNGS, ,BCAD SNYAM SEMS PA'I GZER 'JOMS BYED, ,CES BYA BA LA, MA NU ZHES BYA BA PUshKAR M'U LA LA SOGS PA'I SMAN BTAB STE LDE GUR BYAS TE YA BAKshA RA LA SOGS PA DANG BCAS PA NI SNYING BCAD CING GTUB PA SNYAM DU SEMS PA'I NAD 'JOMS PAR BYED DO, ,SKYUR RTZI CHEN PO'I RTZA BA NI MA DU LUNG GA'I RTZA BA STE, BI DZA PU RA'I RTZA BA'O, ,YA BAKshA RA NI NAS TSIG 'KHUS PA'I THAL BA'O, ,RGYAM TSA LA LA PHUD KshA RA, ,SHU DAG GO SNYOD BCA' SGA DANG, ,THANG SHING SKYUR RTZI CHEN PO DANG, ,ZUR PA MA NU PA LA SHA, ,BSKOL KHU 'JAM 'THUNGS YON TAN MTSUNGS, ,ZHES BYA BA LA, RGYAM TSA LA SOGS PA SMAN GYI LDE GU BSKOL BA DRO 'JAM TZAM 'THUNGS NA YANG YON TAN GANG MA DANG 'DRA STE SNYING BCAD PA SNYAM DU SEMS PA'I GZER 'JOMS PA YIN NO, ,TSA LNGA ZUR PA AA RU RA, ,BU RAM MA NU SKYUR RTZI CHE, ,CHANG BTAGS LDE GU MAR TIL MAR, ,BRNGOS TE RGYAM TSAR LDAN 'THUNGS NA, ,SNYING NAD RTZIB LOGS MO MTSAN ZUG ,SKRAN DANG DMU RDZING NAD RNAMS SEL, ,'DI LA SNUM GYIS DUGS BYAS PHAN, ,SMAN MAR GYI NI SBYOR BA PHAN, ,ZHES BYA BA LA, RLUNG LAS GYUR PA'I SNYING NAD 'DI LA NI SNUM GYIS DUGS BYA BA DANG SMAN MAR GYI SBYOR BA PHAN NO, ,SKOM LA RTZA BA CHUNG DU LNGA'AM; ,BCA' SGA DANG NI BSKOL BA'I CHU'AM, ,CHANG GI DANGS MA ZHO GA CHU, ,'BRAS BU'I RANG SKYUR BLUD PAR BYA, ,ZHES BYA BA LA, SKOM PA DANG BCAS PA'I SNYING NAD LA RTZA BA CHUNG NGU LNGA BSKOL BA'I CHU BLUD PA'AM, BCA' SGA DANG BSKOL BA'I CHU DANG SA MA 'AM ZHOG CHU 'AM, 'BRAS BU
, ,RANG SKYUR KAN DZI ZHES BYA BA BLUD PAR BYA'O, ,BYA RMYANG RES GZER MA ZHUR BCAS, ,SNYING LA RLUNG GIS GNOD GYUR LA, ,BYA BA 'DI BYA, ZHES BYA BA LA, BYA RMYANG NI RKANG LAG RKYONG BA LA SOGS PA STE, DE DAG LA SOGS PA DANG LDAN PAR GYUR PA'I SNYING NAD LA YANG SNGAR BSHAD PA'I GSO BA'I SBYOR BA 'DI NYID BYA'O, ,SNYING 'DZAG CING, ,'PHAR DANG GCIN SNYI BCAS PA LA, ,SREG PA KHRUNG KHRUNG RMA BYA DANG, ,DGO BA KHYIM BYA SNUM MANG PHAN, ,ZHES BYA BA LA, YANG SNYING NAD SNYING 'DZAG PA LA SOGS PA DANG BCAS PA'I RLUNG LAS GYUR PA NI, SREG PA LA SOGS PA'I SHA KHU SNUM MANG PO DANG BRNGOS SHING SNUM MANG PO BTAB PA PHAN NO, ,SNYING NAD BCAS LA BA LA'I MAR, ,YANG NA SKYI DE BA'I MAR BLUD, ,SHING MNGAR LAN BRGYAR BTZOS PA'AM, ,DE BZHIN SNUM CHEN MCHOG TU PHAN, ,ZHES BYA BA LA, SNYING NAD DANG BCAS BA'I SKYES BUS BA LA'I TIL MANG RLUNG NAD GSO BA'I SKABS SU BSHAD PA BLUD PAR BYA'O, ,YANG NA SKYE DE BA'I SMAN MAR BYA BA'I SKABS SU BSHAD PA BLUD PAR BYA'O, ,YANG NA SHING MNGAR LAN BRGYAR BTZOS PA'I MAR RLUNG NAD DRAG PO GSO BA'I SKABS SU SHING MNGAR SRANG BRGYA ZHES BYA BA LA SOGS PA'I GZHUNG GIS BSTAN PA'I TIL MAR DANG LAN BRGYA BA SKOL ZHING BTZOS PA BLUD PAR BYA'O, ,YANG NA DE BZHIN DU SNUM CHEN PO'I MCHOG BLUD NA YANG PHAN NO, ,SNUM CHEN PO BSTEN PA'I PHYIR SMRAS PA NI, RA SNA 'TSO BYED DZI PHAN TI, ,BA LA BYA KRI BA SBRU BA, ,GA DRA'I RTZA BA TI RA DANG, ,SHU DAG TSA BA GSUM DANG NI, ,SNUM CHEN ZHES BYA BSKOL BAR BYA, ,ZHO NI BZHI CHA DE BZHIN SKYUR, ,JI SNYED PA LAS SBYAR BA BSTEN, ,TSIM BYED BRTAS BYED STOBS SKYED CING, ,RLUNG GI SNYING NAD 'JOMS PA YIN, ,ZHES BYA BA LA, RA SNA LA SOGS PA'I SMAN GYI LDE GU DANG, SNUM CHEN PO ZHES BYA BA'I ZHUN MAR DANG, RKANG DANG ZHAG LA SOGS PA BSKOL BAR BYA BA DE YANG ZHO BZHI CHA DANG, DE BZHIN DU SKYUR RTZABS DANG, ZHO GA CHU DANG DAR BA LA SOGS PA JI SNYED PA LA SNUM GYI CHO GA 'DI NYID SBYAR BAR BYA STE, LNGA NAG PO LA SOGS PA'I RDZAS, ,SNUM NAG
SO SOR MNYAM BYA BA, ,ZHES BYA BA'I TSUL DU BYA'O, ,SNUM CHEN PO DE BSTEN NA DBANG PO TSIM PAR BYED PA DANG, LUS BRTAS PAR BYED PA DANG, STOBS SKYED CING 'PHEL BA DANG, RLUNG GI SNYING NAD 'JOMS PAR BYED PA YIN NO, ,SNYING NAD DROD CHEN 'PHAR BA NI, ,RLUNG LAS GYUR PA'I SNYING NAD LA; ,'O MA ZHO DANG BU RAM MAR, ,CHU DANG RLAN CAN SHA DAG PHAN, ,ZHES BYA BA LA, RLUNG LAS GYUR PA'I SNYING NAD ME DROD CHE ZHING 'PHAR ZHING 'GUL BA LA 'O MA BLUD NA PHAN PA YIN LA, YANG DE BZHIN DU ZHO DANG BU RAM DANG ZHUN MAR PHAN LA, YANG DE BZHIN DU CHU DANG RLAN CAN GYI SA LA GZHAS PA'I SROG CHAGS KYI SHA LA SOGS PA BYIN NA YANG PHAN PA YIN NO, ,'DI MA GTOGS PA'I SNYING NAD NI, ,BZHI PO DAG LA SPANG BAR BYA, ,RLUNG CAN RENGS DANG BE'U SNABS CAN, ,TSOR MED LHAG MA RNAMS LA'ANG SPANG, ,ZHES BYA BA LA, RLUNG LAS GYUR PA'I SNYING NAD MA GTOGS PA SNYING NAD DE LAS ZHEN PA BZHI PO MKHRIS PA DANG BAD KAN DANG 'DUS PA DANG SRIN BU LAS GYUR PA'I SNYING NAD BZHI PO LA NI 'O MA LA SOGS PA 'DI DAG SPANG BAR BYA STE SBYIN PAR MI BYA'O, ,DE DAG 'BA' ZHIG TU MA ZAD KYI RLUNG LAS GYUR PA'I SNYING NAD RENGS PA DANG BE'U SNABS CAN LA SOGS PA LA YANG 'O MA LA SOGS PA 'DI DAG SPANG BAR BYA'O, ,BAD KAN 'DRES GYUR DE LA NI, ,RTZUB DROD BSHAD PA'I BYA BA BYA, ,ZHES BYA BA LA, RLUNG LAS GYUR PA'I SNYING NAD BAD KAN DANG 'DRES PAR GYUR PA DE LA NI RTZUB PA DANG DRO BA'I BAG DANG 'DRES PA'I GSO BA'I LAS SU BYA BA BYA'O, , MKHRIS GYUR RGUN CHU BU RAM CHU, ,KHA RA SBRANG RTZI PA RU SHAR, ,LDAN PA'I BKRU SMAN YID 'ONG BAS, ,SBYANGS LA MKHRIS SEL RIM PA BYA, ,ZHES BYA BA LA, MKHRIS PA LAS GYUR PA'I SNYING NAD LA RGUN CHU DANG BU RAM SHING GI KHU BA LA SOGS PA DANG SBYAR BA'I BKRU SMAN YID DANG 'THAD PA BTANG BAS SBYANGS LA DAG PAR GYUR NAS MKHRIS PA SEL BAR BYED PA'I THUG PA LA SOGS PA'I RIM PA MKHRIS PA'I RIMS GSO BA'I SKABS SU BSHAD PA DAG BYA'O, ,GLO RDOL RIMS KYI MKHRIS SKABS BSHAD, ,PHYI NANG GI NI SBYANG BA BYA, ,ZHES BYA BA LA, MKHRIS PA LAS BYUNG BA'I SNYING
, ,NAD DE LA NI GLO RDOL BA GSO BA'I SKABS SU BSHAD PA DANG, MKHRIS PA'I RIMS GSO BA'I SKABS SU BSHAD PA'I SBYANG BA LDE GUS DRIL ZHING PHYI BA DANG BSKU BA DANG BYUG PA DANG BKRU BA LA SOGS PA BYA BA DANG, DE BZHIN DU NANG GI SBYANG BA SKYUG SMAN DANG BKRU SMAN LA SOGS PA DANG ZHI BA'I BYA BA DAG PHAN NO, ,PU SHEL TZE DANG SHING MNGAR BTAGS, ,KHA RA RA BCAS PA'I CHU BLUD BYA, ,ZHES BYA BA LA, YANG MKHRIS PA LAS GYUR PA'I SNYING NAD LA PU SHEL TZE DANG SHING MNGAR BTAGS PA'I LDE GU KHA RA DANG SBYAR BA CHU DANG SBYAR TE BLUD PAR BYA'O; ,RA SNA KHA RA RGUN 'BRU DANG, ,'TSO BYED AUTPAL ZANGS RTZI BA, ,BA LA 'BRA GO RA MNYE BA, ,ME DA GNYIS DANG MA HE'I MAR, ,'O MAR BCAS PA BSKOL BA NI, ,MKHRIS GYUR SNYING NAD SEL BYED YIN, ,ZHES BYA BA LA, RA SNA LA SOGS PA'I LDE GUR BYAS PA DANG, MA HE'I MAR DANG 'O MAR BCAS PA DANG BSKOL BA NI, MKHRIS PA LAS GYUR PA'I SNYING NAD SEL BAR 'GYUR RO, ,SHING MNGAR BA SPRU PUndA R'I, ,PADMA'I RTZA BA KA SHE RU, ,BCA' SGA BA LAR BCAS DE DANG, ,'O MAR BCAS DANG BCA' SGAR BSKOL, ,BSGRANGS PAR SBRANG RTZI BTAB PA DANG; ,MNGAR BA'I SDE TSAN BSDUS PA'ANG BSNGAGS, ,ZHES BYA BA LA, SHING MNGAR LA SOGS PA'I SMAN MAR DANG 'O MAR BCAS PA BSKOL LA MAR DE BSGRANGS PA LA SBRANG RTZI BTAB PA YANG MKHRIS PA'I SNYING NAD LA PHAN NO, ,DE BZHIN DU MNGAR BA'I SDE TSAN DU GTOGS PA'I SMAN CHO GA SNGA MA BZHIN DU BYAS PA DE YANG MKHRIS PA LAS GYUR PA'I SNYING NAD LA BSNGAGS PA YIN NO, ,TIL MAR SHING MNGAR BCAS BSKOL ZHING, ,SBRANG RTZI BTAB PA'I 'JAM RTZI'ANG PHAN, ,ZHES BYA BA LA, SHING MNGAR GYI LDE GU SNGA MA BZHIN DU BSKOL BA DANG, TIL MAR BSKOL LA SBRANG RTZI BTAB PA'I 'JAM RTZI GTANG BA YANG PHAN NO, ,BAD KAN LAS GYUR DUGS BYAS LA, ,NIM PA SHU DAG CHU YIS SLON, ,RGYA SRAN KHU BA RGYAM TSA'I CHU, ,CHANG RNO BLUD CING NAS ZAN SBYIN, ,ZHES BYA BA LA, BAD KAN LAS GYUR PA'I SNYING NAD LA
DANG POR DUGS BYAS LA, DE'I 'OG TU NIM PA DANG SHU DAG BSKOL PA'I CHU'I SKYUG SMAN BTANG ZHING SLON LA RGYA SRAN KU LANGTHA LA SOGS PA'I KHA ZAS SBYIN PAR BYA'O, ,SHU DAG SHING KUN LAN TSVA GNYIS, ,DONG GA SUG SMEL LA LA PHUD, ,NAS TSIG 'KHUS THAL PI PI LING; ,PHYE MA DRO 'JAM CHUR BLUD PA'AM, ,'BRAS BU'I CHU'AM RANG SKYUR RAM, ,RGYA SRAN BA GCIN CHANG RNYING BLUD, ,CES BYA BA LA, SHU DAG LA SOGS PA'I SMAN GYI PHYE MA CHU BSKOL BA DRO 'JAM TZAM GYI NANG DU BCUG STE BLUD PA'AM, YANG NA 'BRAS BU'I CHU LA SOGS PA GANG YANG RUNG BA DANG SBYAR TE BLUD PAR BYA'O, ,MA NU BCA' SGA AA RU RA, ,ZUR PA RA SNA PI PI LING, ,SHU DAG BSKOL TE BLUD PA'AM, ,ZHES BYA BA LA, YANG NA MA NU LA SOGS PA'I SMAN KHU CHO GA BZHIN DU BSKOL TE BLUD NA YANG PHAN NO, ,DE BZHIN BCA' SGA AA RU RA, ,BONG NGA DKAR PO YUNG BA DANG, ,KAD PA LA NI BSKOL BA'AM, ,ZHES BYA BA LA, DE BZHIN DU BCA' SGA LA SOGS PA DANG BSKOL BA'I CHU BLUD NA YANG PHAN NO, ,RO HI TA KA AA SHVANGTHA, ,SENG LDENG AU DUMB'A RA DANG, ,AARDZU NA DANG PA LA SHA, , N+YA GRO DHA BSKOL TSA BA GSUM, ,DUR BYID PHYE MAR BCAS LDE GU, ,ZOS TE CHU TSAN RJES 'THUNGS NA, ,BAD KAN SNYING NAD SEL BYED YIN, ,ZHES BYA BA LA, SHING RO HI TA KA LA SOGS PA BSKOL BA'I NANG DU TSA BA GSUM DANG DUR BYID KYI PHYE MA BTAB STE LDE GUR BYAS PA DE ZOS LA DE'I RJES LA CHU TSAN DRO 'JAM 'THUNGS NA BAD KAN LAS GYUR PA'I SNYING NAD SEL BA YIN NO, ,BAD KAN SKRAN SKABS BSHAD MAR DANG, ,KshA RA SNA TSOGS BLUD PAR BYA, ,ZHES BYA BA LA, YANG BAD KAN GYI SNYING NAD LA BAD KAN GYI SKRAN GSO BA'I SKABS SU BSHAD PA'I SMAN MAR GANG DAG YIN PA DANG, YA BAKshA RA LA SOGS PA SNA TSOGS PA SKABS 'DI NYID DU BSHAD PA DAG KYANG BLUD PAR BYA'O, ,YANG NA BRAG ZHUN BCUD LEN DANG, ,TSANGS PA'I BCUD LEN SKYU RU RA'I, ,LDE GU'AM RI BYIS BSHAD PA'AM, ,BDUD
, ,RTZI'I MAR NI 'DIR SBYAR BYA, ,ZHES BYA BA LA, YANG NA DE LA BCUD LEN GYIS SBYAR BAR BYA BA'AM, YANG NA TSANGS PA'I BCUD KYIS LEN GYI CHO GA'I SKABS SU BSHAD PA SBYIN PA'AM, YANG NA SKYU RU RA'I LDE GU DE NYID LAS BSHAD PA SBYOR BAR BYA BA'AM, YANG GLO RDOL SKABS SU RI BYIS BSHAD PA'I SMAN MAR SKABS 'DIR SBYAR ZHING SBYIN PAR BYA'O, ,GANG ZHIG ZAS ZOS GZER GYIS 'DEBS, ,ZAS ZHU GYUR NAS ZHI GYUR PA, ,DE LA RU RTA BYI DANG GA ,LAN TSVA GNYIS DANG SENG PHROM DANG, ,THANG SHING BONG NGA DKAR POR BCAS, ,PHYE MA CHU BSKOL DRO SBYAR BLUD, ,CES BYA BA LA, MI GANG ZAS ZOS ZIN NAS GZER GYIS 'DEBS LA ZAS DE ZHU BZHIN DU 'BRI ZHING ZAS ZHU BAR GYUR BA DE LA NI RU RTA LA SOGS PA'I PHYE MCHU DRON DANG SBYAR TE BLUD PAR BYA'O, ,LAN TSVA GNYIS NI LCE MYANG TSA DANG KHA RU TSA'O, ,DE DAG GI THUN TSAD NI PHYE MA ZHO GNYIS CHU SRANG GSUM GYI NANG DU BSKOL TE BLUD PAR BYA'O, ,DE YANG GZHUNG LAS, PHYE MA ZHO GNYIS GSHER BA'I RDZAS, ,SRANG GSUM DU NI SBYAR TE BLUD, ,CES BSHAD PA YIN NO, ,GANG ZHIG ZHU NAS CHER GZIR BA, ,DE LA SNUM GYI BKRU SMAN NI, ,'BRAS BU DANG NI DE BZHIN DU, ,RTZA BA'I BKRU SMAN SBYIN PAR BYA, ,ZHES BYA BA LA, MI GANG ZHIG ZAS ZHU NAS SHAS CHER GZER BAR GYUR PA DE LA NI BKRU SMAN SENG PHROM DANG, PI NA YA'I MAR DANG, AE RAndA'I TIL MAR DANG, RTZA BA'I BKRU SMAN DRA BAN TI DANG, SHA MA DUR BYID DANG, DAN TI LA SOGS PA'I BKRU SMAN GYIS 'KHRUR GZHUG PAR BYA'O, ,RTZA BA DANG 'BRAS BU'I BKRU SMAN NI RGYUD GZHAN LAS SHES PAR BYA STE, DE YANG, RGUN 'BRU DE BZHIN BYI DANG GA ,'BRA GO BA RU SHA KA DANG, ,DONG GA'AM YANG NA SKYU RU RA, ,AA RU RA DANG BA RU RA, ,AU PA TZI TRA KAM BI LYA, ,TZI TRA KU MUD DA NYID DANG, ,NI LA NI KA DANG BA KU LA, ,BI LU 'BRAS BU'I BKRU SMAN YIN, ,DAN TI DANG NI SAB TA LA, ,BYA NU SHANG GI TRA BAN NI, ,SHA MA DUR BYID KA RANYDZA, ,PHRA GI DYA DANG KshI RI NI, ,BA DA GAN DI GA BA KYI, ,GI BA KshA RA BI SHA LI, ,MA SU RA BI DA LI NYID, ,RTZA BA'I BKRU SMAN GYUR BA YIN, ,ZHES BSHAD PA YIN NO, ,PHAL CHER RLUNG NI
LAM 'GAGS PA, ,MA ZHU'I GNAS SU 'KHRU BAR 'GYUR, ,DE LA SMYUNG DANG SMIN PA DANG, ,SBYANG BAS BDE BAR RGYU BAR BYA, ,ZHES BYA BA LA, PHAL CHER TE MANG DU RLUNG GI LAM 'GAGS SHING RGYUN SRANG GI BU GAR BDE BAR RGYUR MED PAR GYUR PA NI, MA ZHU BA'I GNAS SU 'KHRU BAR BYED CING NAD SKYED PAR 'GYUR LA RLUNG DE BDE BAR RGYU ZHING GANG DAG GNAS NAS GNOD PA MED PAR 'GRO BAR BYA LA DE YANG SMYUNG BA DANG, DE BZHIN DU MA ZHU BA 'JOMS PA'I SMAN GYIS SMIN PAR BYA BA DANG, SKYUG SMAN DANG BKRU SMAN GYIS SBYANGS PAS BDE BAR RGYU BAR BYA'O, ,'BU 'JOMS PA YI SMAN KUN GYIS, ,'BU YI SNYING NAD GSO BAR BYA'O, ,ZHES BYA BA LA, 'BUS NYEN PA LAS GYUR PA'I SNYING NAD LA NI 'BU 'JOMS PAR BYED PA'I SMAN THAMS CAD PHAN PAS DE GSO BAR BYA'O, ,SKOM DAD KYI GSO BA SMRAS PA NI, ,SKOM DAD RLUNG DANG MKHRIS PA 'JOMS, ,CHO GA PHAL CHER BSNGAGS PA YIN, ,KUN LA PHYI NANG BSIL BA DANG, ,DE BZHIN ZHI DANG SBYANG BA BYA, ,ZHES BYA BA LA SOGS PA YIN TE SKOM DAD THAMS CAD LA NI PHAL CHER RLUNG DANG MKHRIS PA 'JOMS PA'I CHO GA GANG DAG YIN PA DE BYAS NA BSNGAGS PA YIN NO, ,DE BZHIN DU PHYI NANG NAS BSIL BAR BYA BA'I CHO GA BYAS NA PHAN PA DANG, DE BZHIN DU ZHI BA DANG SBYANG BA'I CHO GA BYAS NA PHAN PA YIN NO, ,CHAR CHU GRANG MO SBRANG RTZIR BCAS, ,SA CHU'I YON TAN DE LDAN BSNGAGS, ,ZHES BYA BA LA, SKOM DAD LA CHAR CHU GRANG MO SBRANG RTZI DANG SBYAR BA SNGAGS PA YIN NO, ,YANG SA'I CHAR PA'I CHU'I YON TAN DANG LDAN PA DANG SBRANG RTZI SBYAR BA YANG DE BZHIN DU BSNGAGS PA YIN NO, ,BONG BA RDZA SKYOGS PHYE MA'AM, ,GSHAG MA BSREGS BCUG DANGS MAR BCAS, ,ZHES BYA BA LA, CHAR PA DANG SA'I CHU DE LA YANG BANG BA BSREGS PA LA SOGS PA BCUG LA DANGS MAR BCAS PA BSNGAGS PA YIN NO, ,BSKOL TE KHA RAR BCAS PA'AM, ,D'UR BA LA SOGS RTZA BA LNGA, ,BSKOL TE KHA RA BTAB PA'AM, ,ZHES BYA BA LA, YANG NA CHU DE DAG BSKOL LA BSGRANGS TE KHA RA BTAB PA YANG BSNGAGS PA YIN NO, ,YANG D'UR BA LA SOGS PA'I RTZA BA LNGA BSKOL TE BSGRANGS PA'I CHUR KHAR BTAB PA BSNGAGS PA YIN NO, ,
, ,'BRAS YOS PHYE SBYAR SKYO MA'ANG BSNGAGS, ,ZHES BYA BA LA, YANG SKOM DAD LA NI 'BRAS YOS KYI PHYE'I SKYO MAR BYAS LA KHA RA BTAB PA YANG BSNGAGS PA YIN NO, ,NAS RJEN CHAG TSE SBRANG RTZI DANG, ,KHAR BTAB PA GRANG MO PHAN, ,ZHES BYA BA LA, CHAG TSE NI NAS DRAL BA'I CHAN TE, DE YANG RJEN PA LAS BYAS PA LA SBRANG RTZI DANG KHA RA BTAB PA GRANG MO PHAN PA YIN NO, ,DE BZHIN NAS THUG S'A LU DANG, ,KO TRA PA NI RNYING PA NI, ,ZHES BYA BA LA, DE BZHIN DU NAS THUG DANG, S'A LU DANG, KO TRA PA NI LO GCIG LON PA RNYING PA LAS G-YOS PA'I ZAS LA SBRANG RTZI DANG KHA RA BTAB STE BSGRANGS PA YANG PHAN NO, ,'O MA BSIL ZHING NUS BSIL BA'I, ,SMAN DANG BSKOL BA'I KHA ZAS NI, ,NAD PA CHU GRANG GIS BKRUS NAS, ,KHA RA SBRANG RTZI SBYIN PA BSNGAGS, ,ZHES BYA BA LA, 'O MA LTA BU RANG BZHIN BSIL BA'I SMAN DANG BSKOL BA'I KHA ZAS BSGRANGS PA DE NAD PA CHU GRANG GIS BKRUS NAS KHA RA DANG SBRANG RTZI BTAB PA'I ZAS DE BYIN NA BSNGAGS PA YIN NO, ,SKAM SA'I SHA KHU LAN TSVA SKYUR, ,MED CING MAR DANG BRNGOS PA'AM, ,ZHES BYA BA LA, SKAM SA'I SROG CHAGS KYI SHA KHU LAN TSVA DANG SKYUR MED PA MAR GYIS BRNGOS PA DE NAD PA CHU GRANG GIS LUS BKRUS NAS BYIN NA YANG BSNGAGS PA YIN NO, ,DE BZHIN MUNGGA SOGS KHU BA, ,'TSO BYED SDE TSAN KHU BAR BCAS, ,ZHES BYA BA LA, MUNGGA LA SOGS PA'I GANG BU CAN GYI 'BRU'I KHU BA 'TSO BYED KYI SDE TSAN GYI SMAN GYI KHU BA DANG BCAS PAR BLUD NA YANG BSNGAGS PA YIN NO, ,SNA SMAN 'O MA MAR BSIL SMAN, ,BSKOL BA'AM BU RAM SHING KHU PHAN, ,ZHES BYA BA LA, 'O MA DANG MAR GRANG MO DANG BSKOL BA SNA NAS GTANG BA YANG PHAN PA YIN NO, ,YANG NA BU RAM SHING GI KHU BA 'BA' ZHIG SNA NAS GTANG BA YANG PHAN PA YIN NO, ,SKOM SEL MKHUR BA BKANG NAS NI, ,MDO YI GNAS LAS BSHAD PA'ANG PHAN, ,ZHES BYA BA LA, YANG DE BZHIN DU SKOM SEL ZHING ZHI BAR BYED PAS MKHUR BA BKANG NAS 'O MA BU RAM SHING GI KHU BA DANG KHA RA'I CHU DANG SBRANG RTZI'I CHU DANG RGUN CHANG
DANG SKYUR RTZABS LA SOGS PA KHA SKAM PA LA SOGS PA SEL BAR BYED PA'I MDO'I GNAS SU BSHAD PA BYAS NA PHAN NO, ,TSA RIMS BSHAD PA'I LDE GU SOGS, ,ZHES BYA BA LA, TSA BA'I RIMS GSO BA'I SKABS SU BSHAD PA'I LDE GUS BSKU BA DANG SMAN CHU BLUGS PA LA SOGS PA GANG DAG YIN PA DE YANG SKOM DAD SEL BA LA PHAN NO, ,RTZOL BA CHUNG ZHING SEMS DGA' DANG, ,ZHES BYA BA LA, LAS SU BYA BA BYA RTZOL GYI RNAM PA CHUNG BAR BDE BAR GNAS PA DANG, DNGOS PO YID DU 'ONG BA LA SEMS SHING SNYING DGA' BA YANG SKOM DAD LA PHAN NO, ,CHU BO DANG NI CHEN PO SOGS, ,DRAN PA DANG NI MTHONG BA PHAN; ,ZHES BYA BA LA, CHU BO CHEN PO DANG MTSO DANG RDZING BU CHEN PO LA SOGS PA DRAN PA DANG MTHONG BA DANG GTAM DU BYAS PA YANG PHAN NO, ,SKOM DAD THAMS CAD SPYI'I GSO BA BSHAD NAS, KHYAD PAR GYI GSO BA BSHAD PA NI, SKOM DAD RLUNG LAS GYUR PA LA, ,ZHO NI BU RAM BCAS PA BSNGAGS, ,SHA KHUS NYAMS BRTAS BI DA RI, ,SOGS TE BSKOL NAS BSGRANGS PA PHAN, ,ZHES BYA BA LA SOGS PA YIN NO, ,RLUNG LAS GYUR PA'I SKOM DAD LA NI, ZHO'I NANG DU BU RAM BTAB PA BSNGAGS PA YIN NO, ,YANG DE BZHIN DU SHA KHU BYIN ZHING NYAMS BRTA BA DANG, BI DA RI LA SOGS PA'I SDE TSAN BSKOL BA'I CHU BLUD NA YANG PHAN PA YIN NO, ,MKHRIS GYUR AU DUMB'A RA SMIN, ,KHU BAR KHA RA BTAB PA PHAN, ,ZHES BYA BA LA, MKHRIS PA LAS GYUR PA'I SKOM DAD LA NI AU DUMB'A RA SMIN PA'I KHU BAR KHA RA BTAB PA PHAN PA YIN NO, ,YANG NA DE BSKOL BSGRANGS PA'AM; ,SHA RI BA SOGS SDE TSAN CHU, ,ZHES BYA BA LA, ,YANG AU DUMB'A RA BSKOL BA'I CHU BSGRANGS PA'I NANG DU KHA RA BTAB PA YANG PHAN NO, ,YANG NA SHA RI BA LA SOGS PA'I SDE TSAN DANG, CHU BSKOL BA BSGRANGS PA'I NANG DU KHA RA BTAB PA YANG PHAN PA YIN NO, ,SDE TSAN DE 'DRA BSKOL KHU BA; ,BSGRANGS PA KHA RA SBRANG RTZIR BCAS, ,ZHES BYA BA LA, DE ZHES BYA BA NI SHA RI BA'I SDE TSAN LA SNYEG STE, SHA RI BA'I SDE TSAN LTAR TSA BA SEL BAR BYED PA'I SDE TSAN BA RU SHA KA LA SOGS PA'I SMAN SDE DANG SLE TRES LA SOGS PA'I SMAN GYI SDE TSAN DE DAG BSKOL BA'I KHU BA
, ,BSGRANGS PA'I NANG DU KHA RA DANG SBRANG RTZI BTAB STE BLUD NA YANG PHAN NO, ,MNGAR BA'I SMAN GYI SDE TSAN DANG, ,'O MA CAN SHING BSKOL DE BZHIN, ,ZHES BYA BA LA, YANG DE BZHIN DU RGUN 'BRU LA SOGS PA MNGAR BA'I SMAN GYI SDE TSAN BSKOL BA'I CHU BSGRANGS PA LA KHA RA DANG SBRANG RTZI BTAB PA BLUD PA'AM, YANG N+YA GRO DHA LA SOGS PA 'O MA CAN GYI SHING BSKOL BA'I KHU BA BSGRANGS PA LA YANG DE BZHIN DU KHA RA DANG SBRANG RTZI BTAB PA BLUD NA YANG PHAN PA YIN NO, ,BYI ZI BU RA RGUN 'BRU DANG, ,LCANG MA N+YA GRO DHA'I LO MA, ,KU SHA 'JAG MA'I RTZA BA DANG, ,SHING MNGAR CHU NI BSKOL BA'ANG PHAN, ,ZHES BYA BA LA, BYI ZI PU RA ZHES BYA BA SKYUR RTZI CHEN PO LA SOGS PA SMAN GYI 'O MA DANG KU SHA LA SOGS PA'I RTZA BA DANG, SHING MNGAR LDE GUR BYAS LA BSKOL TE BSGRANGS PA BLUD NA PHAN NO, ,RIMS LA PHAN SMAN RGUN 'BRU SOGS, ,SNYING PO LNGA YI CHU BLUD PHAN, ,ZHES BYA BA LA, RGUN 'BRU LA SOGS PA RIMS LA PHAN PA'I SMAN RIMS GSO BA'I SKABS SU RGUN 'BRU SHING MNGAR MA DU KA LA SOGS PA'I SKYO MA'AM KHU BA GRANG MO BLUD NA YANG PHAN NO, ,YANG NA SNYING PO LNGA'I STE, SBRANG RTZI 'BRA GO RGUN 'BRU DANG, ,ZHES BYA BA LA SOGS PA KHRAG MKHRIS GSO BA'I SKABS SU BSHAD PA BLUD NA YANG PHAN PA YIN NO, ,BAD KAN LAS GYUR NIM PA NI, ,CHU MCHOG BSKOL BAS SLON DU GZHUG ,CES BYA BA LA, BAD KAN LAS GYUR PA'I SKOM DAD LA NI NIM PA CHUR BSKOL TE SLON DU GZHUG PA YIN NO, ,BIL BA 'U SU TSA BA LNGA, ,'JAG MA KRU TRUG TRES BSKOL BLUD, ,YANG NA SKYER PA CHUR BSKOL BA, ,KHA RA SBRANG RTZI BTAB PA BLUD, ,CES BYA BA LA, BIL BA LA SOGS PA BSKOL BA'I CHUR KHA RA DANG SBRANG RTZI BTAB PA BLUD NA PHAN NO, ,MUNGGA'I KHU BA PA TO LA, ,NIM PA'I LO MA TSA GSUM BCAS, ,NAS ZAN MKHUR BKANG RNON PO DANG, ,SNA SMAN LDE GU RNON PO'ANG BSTEN, ,ZHES BYA BA LA, BAD KAN LAS GYUR PA'I SKOM DAD LA MUNGGA'I KHU BA TSA BA GSUM LA SOGS PA SBYIN PAR BYA ZHING, DE BZHIN DU NAS KYI ZAN DANG MKHUR BA
BKANG BA RNON PO DANG, SNA SMAN DANG LDE GU RNON PO BSTEN PAR BYA'O, ,NYES KUN MA ZHU DES 'JOMS PAS, ,DE BZHIN SLON GYI BYA BA'ANG BSNGAGS, ,GO BYE SHU DAG TSA BA GSUM, ,'BRAS BU SKYUR PA'ANG CHU TSAN NAM, ,ZHO GA CHU DANG BTUNG BA'ANG BSNGAGS, ,ZHES BYA BA LA, SLON NAD GANG NYES PA KUN DE GSUM CHAR LAS BYUNG BA GANG YIN PA DE BZHIN DU MA ZHU BA LAS BYUNG BA'I SKOM DAD GANG YIN PA DE LA NI, DE GNYIS 'JOMS PAR BYED PA'I GSO BAS GSO STE, NAD GZHI THAMS CAD LAS BYUNG BA'I SLON PA LA NI SKOM DAD KYI RJES SU DPAGS TE NAD KUN 'JOMS PA'I GSO BA BYA BA BSNGAGS PA YIN LA, MA ZHU BA LAS BYUNG BA'I SLON NAD LA NI DE'I TSUL LAS DPAGS TE MA ZHU BA 'JOMS PA'I BYA BA BSNGAGS PA DANG, DE BZHIN DU SKYUG SMAN BTANG STE SLON DU GZHUG PA BSNGAGS PA DANG, DE BZHIN DU MA ZHU BA'I SKOM DAD LA NI 'BRAS BU SKYUR BA'I CHU'AM CHU TSAN NAM ZHOG CHU DANG GO BYE LA SOGS PA'I SMAN SBYAR BA SBYIN PAR BYA'O, ,ZAS KYI NYES BYUNG DUS SHES PAS, ,THUG SLA'AM SKYO MA BSIL BA BLUD, ,CES BYA BA LA, ZAS KYI NYES PA LAS SKOM DAD SKYES PAR GYUR PA GANG YIN PA DE LA NI THUG PA SLA MO RKYANG RKYANG PO'AM BSEL BA BLUD PAR BYA'O, ,DE YANG DUS SHES PA'I TSUL GYIS BLUD PAR BYA STE, DUS 'DI'I TSE NA NI THUG PA BLUD PAR BYA'O, ,DUS 'DI'I TSE NA NI SKYO MA BLUD PAR BYA'O, ,ZHES BYE BRAG SHES SHING NAD KYI DMIGS KYANG SHES PAR BYA STE, RLUNG DANG BAD KAN GYI SHAS CHE BA LA NI THUG PA RKYANG RKYANG PO BLUD PAR BYA LA, MKHRIS PA DANG BAD KAN GYI SHAS CHE BA LA NI PHYE MA LA SOGS PA'I SKYO MA BLUD PAR BYA'O, ,DE YANG; 'BRAS YOS PHYE CHU SE'U 'BRU DANG, ,PI PI LING BCA' SGAR BSKOL BA, ,THUG PA YIN TE ME DROD SKYED, ,RLUNG DANG BSHANG BA BDE RGYU BYED, ,PHYE DANG ZHUN MAR SBRUS PA NI, ,CHU GRANG LA NI BSKOL GYUR PA, ,SHIN TU SLA MIN SKA MA YIN, ,SKYO MA ZHES NI BYA BAR BSHAD, ,CES BYA BA YIN NO, ,NGAL BAS SKOM LA SHA KHU'AM, SKYOM KHA RAR BCAS PA BLUD, ,CES BYA BA LA, NGAL BA LAS SKOM DAD DU GYUR PA LA NI SHA KHU BLUD
, ,PAR BYA BA'AM SKYO MA KHA RA DANG BCAS PA BLUD PAR BYA'O, ,TSA BAS SKOM LA KHA RAR BCAS, ,NAS DANG RGYA SHUG PHYE SKYO BLUD, ,LUS KUN TIL GYI LDE GU DANG, ,RANG SKYUR BCAS PAS BSKU BAR BYA, ,ZHES BYA BA LA, TSA BAS GDUNGS PA LAS SKOM DAD SKYES PA LA NI NAS RGYA SHUG GI 'BRAS BU BSREGS PA'I PHYE MA KHA RA DANG BCAS PA SBYIN PAR BYA'O, ,YANG NA TIL GYI LDE GU DANG RANG SKYUR KAN DZI SBYAR BA'I LDE GUS THAMS CAD BSKU BAR BYA'O, ,CHU BSIL KHRUS LAS SKOM GYUR CHANG, ,CHUR BSRES PA'AM BUR CHU BLUD, ,CES BYA BA LA, CHU BSIL BA DANG KHRUS BYA BA LAS SKOM DAD SKYED PAR GYUR PA'I MI DE LA NI CHANG DANG CHU BSRES PA BLUD PAR BYA BA'AM, BU RAM GYI CHU BLUD PAR BYA'O, ,CHANG NI CHU PHYED BCAS PA BLUD, ,LAN TSVA SKYUR DANG BCAS KHRUS BYA, ,ZHES BYA BA LA, CHANG LAS SKOM DAD DU GYUR PA LA NI CHANG DANG CHU PHYED PHYED BSRES PA'AM, YANG NA TSA DANG SKYUR CHUNG ZAD BSRES PA'I CHUS KHUS BYA'O, ,SNUM BCAS ME DROD RAB RNO LA, ,RANG BZHIN BSIL BA'I CHU BLUD BYA, ,ZHES BYA BA LA, SNUM DANG BCAS SHING BRTEN LA ME DROD RAB TU RNO BA LAS SKOM DAD DU GYUR PA LA NI RANG BZHIN GYIS BSIL GYIS BSGRANGS PA MA YIN PA'I CHU BLUD PAR BYA'O, ,SNUM MA ZHU LA CHU TSAN BLUD; ,ZHU LAS SKOM LA THUG PA BLUD, ,CES BYA BA LA, SNUM MA ZHU BA LA SKOM DAD DU GYUR PA LA NI CHU TSAN BLUD PAR BYA'O, ,SNUM ZHU BA LAS GYUR PA'I SKOM DAD LA NI THUG PA RKYANG RKYANG PO BLUD PAR BYA'O, ,ZAS SNUM ZOS PAS SKOM DAD GYUR, ,KHA RA DANG MNYAM BU RAM CHU, ,ZHES BYA BA LA, KHA ZAS SNUM PO KRI SA RA DANG 'O THUG LA SOGS PA ZOS PA LAS SKOM DAD DU GYUR PA LA NI, KHA RA DANG MNYAM PAR BSGRANGS PA'I BU RAM GYI CHU BLUD PAR BYA'O, ,BU RAM SOGS ZAS ZOS LAS SKOM, ,CHU DRON BLUD LA DE SLON BYA, ,ZHES BYA BA LA, BU RAM LA SOGS PA'I ZAS ZOS PA LAS SKOM DAD DU GYUR PA LA NI CHU DRON BLUD LA ZAS DE SLON DU GZHUG GO, ,GCONG CHEN LAS BYUNG GCONG LA PHAN, ,THAMS CAD NYAMS NI BRTA BA PHAN, ,ZHES BYA BA LA, ZAD BYED KYI NAD GCONG CHEN PO LAS BYUNG BA'I BLA BRNAN GYI SKOM DAD LA NI BZA' BA DANG BTUNG BA DANG
SPYOD LAM DANG SMAN LA SOGS PA THAMS CAD DANG GCONG CHEN PO LA PHAN PA DAG BYAS NA PHAN PA DANG, DE BZHIN DU NYAMS BRTA PA'I SMAN DAG BYAS NA PHAN NO, ,SKEM ZHING NYAM CHUNG KHONG RTZUB LA, ,SHA KHU 'AM RA YI 'O MA BLUD, ,STOD RGYU'I RUNG LA 'O MA DANG, ,ZAD BYED LUD PA'I SMAN BSKOL BLUD, ,CES BYA BA LA, STOD DU RGYU BA'I RLUNG DANG BCAS PA LAS GYUR PA'I SKOM DAD LA NI, RA'I 'O MA DANG ZAD BYED DANG, LUD PA'I SMAN GANG DAG YIN PA DANG BSKOL BA BLUD NA PHAN NO, ,NAD RKYEN LAS GYUR 'U SU YI, ,'BRAS BSKOL KHA RA SBRANG RTZIR BCAS; ,NAD DMIGS LA NI LTOS NAS NI, ,BTUNG BA'I BYA BA KUN KYANG BSNGAGS, ,ZHES BYA BA LA, NAD KYI RKYEN LAS BYUNG BA'I SKOM DAD LA NI 'U SU'I 'BRAS BU CHUR BSKOL BA'I KHU BAR KHA RA DANG SBRANG RTZI BTAB PA PHAN NO, ,DE BZHIN DU NAD GZHI GANG DAG GYUR PA LA LTOS NAS BTUD BA'I BCOS THABS KYI BYA BA THAMS CAD KYANG BSNGAGS PA YIN NO, ,SKOM ZHING SNGAR GYI NAD KYIS GZIR, ,CHU DANG PHRAD PAR MA GYUR NA, ,'CHI BA'AM YUN RING BA YI NAD, ,RNYED PAR 'GYUR BAS DE YI PHYIR, ,GOMS PA'I ZAS SKOM SMAN GYIS NI, ,DE YI SKOM DAD MYUR BSAL BYA, ,DE BSAL NAD NI GZHAN DAG KYANG, ,GSO BA NYID DU NUS PA YIN, ,ZHES BYA BA LA, MI SKOM PAS GDUNGS LA SNGAR BYUNG BA'I NAD KYIS GZIR BAS LUS ZUNGS ZAD PAR GYUR PA DANG, CHU 'DOD PAR GYUR PA CHU DANG PHRAD PAR MA GYUR NA MYUR DU 'CHI BAR 'GYUR BA'AM, YANG NA YUN RING ZHING 'BYANG DKA' BA'I NAD SKYED PAR 'GYUR BAS, DE'I PHYIR SGOM ZHING NAD KYIS NYAM THAG PA'I MI DE LA GANG GOMS PAR GYUR BA'I ZAS DANG SKOM DANG, SMAN GYIS DE'I SKOM DAD MYUR BA KHO NAR GSO BAR BYA STE, DE GSOS NAS DE LAS GYUR BA'I NAD KYI BLA BRNAN GZHAN DAG BDE BLAG KHO NAR GSO ZHING BSAL BA NYID DU NUS PA YIN NO, ,YAN LAG BRGYAD PA'I SNYING PO'I RNAM PAR 'GREL BA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS LE'U DRUG PA'I RNAM PAR 'GREL PA'O,, ,,
, ,DE NAS CHANG NAD GSO BA'I LE'U BSHAD PAR BYA'O, ,ZHES BYA BA LA, SNGAR NAD GZHI JI LTAR BSTAN BA DE BZHIN DU GSO BA YANG RIM PA DE LTAR BSHAD PAS 'DIR 'DI BRTZAMS PA YIN NO, ,NYES PA GANG ZHIG SHAS CHER MTHONG, ,DE NI DANG POR GSO BAR BYA; ,ZHES BYA BA LA, CHANG GI NAD THAMS CAD NI NAD GZHI GSUM CHAR LAS SKYES PA YIN PAS 'DI SKAD CES BSHAD DE, CHANG GI NAD 'DI LA RLUNG LA SOGS PA'I NAD GZHI NYES PA GANG SHAS CHE BAR MTHONG BA'I PHYIR TE, DANG POR DE THOG MA KHO NAR GSO ZHING DPYAD KYIS BCOS PAR BYA STE; DE LTAR NA CHANG NAD NAD GZHI MA SNYOMS PAR GSO BAR BYA BA YIN NO, ,YANG NA CHANG NAD NAD GZHI MTSUNGS, ,BAD KAN GNAS KYI RIM PAS GSO, ,ZHES BYA BA LA, YANG CHANG NAD NAD GZHI MTSUNGS SHING GANG ZHIG LA GANG YANG LHAG PAR GYUR PA MED PA DE LA NI BAD KAN GYI GNAS KYI GO RIMS KYIS NAD GSO BAR BYA'O, ,DE YANG DANG POR NI BAD KAN GSO BAR BYA'O, ,DE'I 'OG TU MKHRIS PA THA MAR NI RLUNG GSO BAR BYA'O, ,GO RIMS 'DI NYID KYIS RIM PA BSTAN PAR BYA BA'I PHYIR SMRAS PA NI, MKHRIS PA RLUNG GI MTHAR THUG PAR, ,CHANG NAD PHAL CHER 'BYUNG BA YIN, ,ZHES BYA BA LA, GANG GI PHYIR CHANG NAD THAMS CAD LA DUS KYI RIM PAS MKHRIS PA DANG RLUNG GI MTHAR THUG PAR 'BYUNG BAR 'GYUR BA NI, CHANG NAD PHAL PO CHE'I RANG BZHIN YIN TE, DANG POR NI BAD KAN LHAG CING SHAS CHE BA YIN LA, DE'I 'OG TU NI MKHRIS PA DANG RLUNG SHAS CHE BAR 'GYUR BA YIN NO, ,DMAN DANG LOG PA DRAGS 'THUNGS LAS, ,NAD NI GANG ZHIG SKYES GYUR PA, ,DE NYID CHA MNYAM 'THUNGS PA YIS, ,CHANG NYID KYIS NI ZHI BAR 'GYUR, ,ZHES BYA BA LA, GOMS PA'I DBANG LAS SHAS CHUNG BAR 'THUNGS PA'AM, PHYIN CI LOG TU 'THUNGS PA'AM, 'THUNGS DRAGS PA LAS NAD GANG ZHIG SKYES SHING 'BYUNG BAR 'GYUR BA'I NAD DE LA NI CHANG DE NYID CHA MNYAM PAR 'THUNGS SHING RAN PAR 'THUNGS PA GANG YIN PA DES ZHI BAR 'GYUR RO, ,DE YANG, MKHAS PAS CHANG NI DUS KUN DU, ,JI SRID MTHONG BA
MA 'KHRUL CING, ,JI SRID YID NI MA G-YOS PA, ,DE SRID BAR DU BTUNG BAR BYA, ,ZHES BSHAD PA'I TSUL GYIS BTUNG BA NI CHANG CHA MNYAM PAR 'THUNGS PA YIN TE, DE NAS RGUN CHANG LA SOGS PA'I CHANG NGAM, SPRANG CHANG NGAM, BU RAM LA SOGS PA GANG ZHIG 'THUNGS NYES PA LAS NAD DU 'GYUR TE, CHANG DE NYID RAN PAR 'THUNGS PAS DE ZHI BAR 'GYUR GYI, CHANG GZHAN DAG GIS NI MA YIN LA, ,JI LTAR NA GANG GIS NAD SKYED PA DE NYID KYIS ZHI BAR 'GYUR ZHE NA, CHANG NI DUG DANG MTSUNGS PA LAS, ,DUG NI RNO SOGS YON TAN GYI, ,NUS PA SHIN TU CHE BAS NA; ,DUG GZHAN LA NI LTOS PA YIN, ,ZHES BYA BA LA, DPER NA DUG NI RNO BA LA SOGS PA'I YON TAN DANG LDAN PA DE BZHIN DU, CHANG YANG RNO BA LA SOGS PA'I YON TAN DANG LDAN PAS DE'I CHANG LAS SKYES PA'I NAD CHANG NYID KYIS ZHI BAR 'GYUR TE, GZHAN DAG GIS NI MA YIN LA, DUG NI RNO BA LA SOGS PA'I YON TAN BCU PO NUS PA LHAG PAR CHE BA DANG LDAN PAS DUG GZHAN LA LTOS PA NYID YIN NO, ,DE YANG, GZHUNG LAS RGYU DANG MI RGYU'I DUG ,MTSUNGS KYANG GZHAN LA LTOS PA YIN, ,ZHES BYA BA YIN NO, ,DE LTAR NA CHANG DANG DUG GNYIS NI RNO BA LA SOGS PA MTSUNGS PA YIN DU ZIN KYANG NUS PA CHEN PO DANG CHUNG BA'I DBYE BAS CHANG NI CHANG GZHAN LA LTOS PAR MI BYED KYI RANG GI RIGS MTHUN PA NYID KYIS ZHI BAR 'GYUR RO, ,RNO TSE LHAG PAR 'THUNGS PA DANG, ,TSA ZHING SKYUR BA DAG GIS NI, ,CHANG GIS ZAS KYI RO BSRUL ZHING, ,'JU NYER BA TSA BRO GANG YIN, ,MYOS DANG SKOM RMONGS NAD DU TSA, ,RIMS DANG MGO 'KHOR SKYED PAR BYED, ,CHANG GIS BSLANGS PA'I NAD KYIS NI, ,RLUNG RGYU'I BU GA BKAG GYUR PAS, ,MGO DANG RUS PA TSIGS RNAMS SU, ,MI BZAD PAR NI SKYED PAR BYED, ,SBYOR BA RJES MTHUN GYUR PA YI, ,CHANG NYID KYIS NI DE SEL 'GYUR, ,CHANG NAD MA ZHU ZHU GYUR NA, ,ZAS 'DOD LUS NI YANG BAR 'GYUR, ,ZHES BYA BA LA, CHANG NI RANG BZHIN GYIS RNO BA LA SOGS PA'I YON TAN DANG LDAN PA'I PHYIR LHAG PAR TSAD LAS CHER 'THUNGS NA ZAS KYI RO BSRUL ZHING RNAM PAR 'JU BAR NYE BAR ZHU BA DANG,
, ,MA ZHU BA'I BAR MTSAMS RO SKYUR BAR SONG BA'I GNAS SKABS BAR MAR GNAS PA DE NYID KYI TSE BA TSA BRO BAR BYED CING RO DU MA PHAL CHER KHA BA DANG LAN TSVA BRO BAR BYED PAS NA MYOS PA LA SOGS PA'I NAD SKYED PAR BYED DO, ,DE YANG NAD CHAR GYIS GLONGS SHING, BSLANGS PA'I NAD BAD KAN ZHES BYA BAS RLUNG GI RGYU BA'I BU GA'I RGYUN SRANG GANG DAG YIN PA BKAG PAR GYUR PAS MGO DANG RUS PA DANG, TSIGS SU NA BA MI BZAD CING BRNAG PAR DKA' BAR BYED DO, ,DE LTA BU'I NAD DE NI CHANG NYID KYIS SEL BAR 'GYUR ZHING SBYONG BAR BYED DE, DE NYID CES BYA BA NI NGES PAR GZUNG BA'I DON YIN TE CHANG NYID KYIS SEL GYI, SMAN GZHAN DAG GIS NI MA YIN NO, ,ZHES BYA BA'I DON TO, ,DE YANG SBYOR BA DANG RJES SU MTHUN PA'I 'PHROD PA NYID KYIS ZHI BAR BYED PAR 'GYUR TE, DE YANG SMAN DPYAD KYI BSTAN BCOS LAS JI SKAD BSHAD PA'I CHO GA DANG MTHUN PAR BYAS PA STE; BSDUS PA LAS, KHRUS BYAS NAS NI PHYAG 'TSAL TE, ,ZHES BYA BA LA SOGS PA'I GZHUNG GIS BSHAD PA LTAR 'THUNGS NA PHAN PA YIN NO, ,DE LTAR CHANG NAD ZHI BAR GYUR PA DE NI CIR 'GYUR ZHE NA, CHANG NAD KYIS MA ZHU BA ZHU BAR GYUR NA, ZAS DANG SKOM LA 'DOD PA SKYED PA DANG, DE BZHIN DU LUS DANG SEMS YAN LAG BSKYOD PA YANG BAR 'GYUR RO, ,BA TSA RO NI SKYUR DANG PHRAD, ,MNGAR BA NYID DU MYUR DU 'GYUR, ,NAD NI 'JU BAR BYED NUS PAS, ,SKYUR BA KUN LAS CHANG MCHOG YIN, ,ZHES BYA BA LA, GANG GI PHYIR BA TSA'I RO DE RO SKYUR BA DANG PHRAD NA RO MNGAR BA'I MTSAN NYID CAN DU MYUR BA KHO NAR 'GYUR LA, CHANG NI RO SKYUR BA'I RDZAS ZHO DANG DAR BA DANG, RANG SKYUR LA SOGS PA SKYUR KUN GYI NANG NA MCHOG YIN NO, ,CI'I PHYIR ZHE NA, NAD 'JU ZHING 'DZAG PAR BYED PAR NUS PAS MCHOG YIN NO, ,SNGAR BSHAD RNO DANG DRO SOGS DANG, , DE BZHIN DROD SKYED SOGS YON TAN, ,DE NYID GOMS PA'I DBANG GIS NI, ,'DI YIS LUS ZUNGS MNYAM BYED MCHOG ,CES BYA BA LA, SNGAR CHANG GI YON TAN RNO BA LA SOGS PA RNAM PA BCU YOD PAR NAD GZHI'I GNAS SU BSHAD PA DANG, DE BZHIN DU DROD SKYED PA LA SOGS
PA'I YON TAN SNGAR MDO'I GNAS SU, CHANG NI DROD SKYED YI GA 'BYED, ,CES BYA BA LA SOGS PA SMOS PA DANG, DE BZHIN DU CHANG DE NYID GOMS SHING 'DRIS PAR BYAS PA'I DBANG GIS CHANG NAD DANG LDAN PA 'DIS LUS ZUNGS SNYOMS SHING CHA MNYAM PAR BYED PA'I MCHOG NI CHANG DE NYID YIN NO, ,ZHAG BDUN NAM NI ZHAG BRGYAD BAR, ,CHANG NAD SMAN GYI SBYOR BA BYA, ,DUS 'DI TZAM GYIS LAM LOG PAR, ,GNAS PA'I CHANG NAD ZHI BAR 'GYUR, ,ZHES BYA BA LA, CHANG GI NAD LA ZHAG BDUN NAM, ,ZHAG BRGYAD KYI BAR DU SMAN GYI SBYOR BA BYAS TE, DUS 'DI TZAM GYI TSOD KYIS LAM LOG PAR GNAS PA'I CHANG NAD ZHI BAR 'GYUR ZHING 'JU BAR 'GYUR RO, ,SMAN NI BYAS GYUR NAS CHANG NAD, ,DE PHAN CHAD NI RJES 'BREL PA'I, ,NAD GANG YIN PA DE LA SMAN, ,NAD DMIGS JI BZHIN SBYIN PAR BYA, ,ZHES BYA BA LA, ZHAG BDUN NAM ZHAG BRGYAD KYI DUS TSIGS KYI NGES PA DE PHAN CHAD RJES SU 'BREL CING CHAGS PA'I NAD GANG YIN PA DE LA NAD DE NYID KYI SMAN BYA STE, DE YANG NAD DMIGS KYI TSUL LAS DPAGS NAS JI LTAR RJES SU MTHUN PA'I SMAN SBYIN PAR BYA'O, ,DE LA RLUNG SHAS CHE BA LA, ,SKYUR RTZI CHEN PO DA TRIG DANG; ,RGYA SHUG SE'U 'BRU GO SNYOD DANG, ,LA LA PHUD DANG HA PU SHA, ,ZI RA TSA GSUM LAN TSVA GSUM, ,SGE'U GSHER PHYE CHANG SBYAR BA BLUD, ,SREG SHA LDUM RNGAD BCAS PA DANG, ,SNUM DANG LDAN PA'I ZAS SBYIN NO, ,ZHES BYA BA LA, DE PHAN CHAD DE SMAN DMIGS JI LTA BA BZHIN DU SBYIN PA'I TSUL NI, NAD DE GAL TE RLUNG GI SHAS CHE BA YIN NA DE LA 'BRAS S'A LU BTAB PA LAS BYAS PA'I CHANG LA SKYUR RTZI CHEN PO LA SOGS PA'I SMAN DANG CI RIGS PAR SBYAR BA BLUD PAR BYA'O, ,SKYUR RTZI CHEN PO NI MA DU LUNG GA'O, ,DA TRIG NI BRiKshA AAM LA'O, , RGYA SHUG NI BI DA RI BA LA'O, ,LA LA PHUD NI AARDZA MA LA'O, ,HA PU SHA NI BHA MA BHO SHA'O, ,LAN TSVA GSUM NI LCE MYANG TSA DANG, KHA RU TSA DANG, KHA RU TSA NAG PO'O, ,SREG SHA NI THUR MA LA BSKYON TE BSREGS PA'I SHA'O, ,LDUM RNGAD NI KU THER LA SOGS PA LDUM RNGAD RJEN PAR ZA BA'I
, ,SKABS SU BSHAD PA'O, ,SNUM DANG LDAN PA NI MAR LA SOGS PA BTAB PA'O, ,SNUM ZHING DRO SKYUR LAN TSVAR BCAS, ,SHA TSON KHU BA BLUD PA'AM, ,AA MRA AA MRA TA KA GTUBS, ,G-YOS SBYAR BA YI DRUG PA'AM, ,GRO DANG MA SHA LAS BYAS PA, ,RNYING ZHING YI GAR 'ONG BA DANG, ,SGE'U GSHER BCAS PA'I KHU BA NI, ,TSA DANG SHA SOGS NANG BCUG PA'AM, ,CHANG NI DRI ZHIM BSIL BA DANG, ,LEGS LANGS DANGS SHING TSAR BCAS PHAN, ,ZHES BYA BA LA, YANG RLUNG SHAS CHE BA'I CHANG NAD LA DRO BA LA SOGS PA'I KHYAD PAR DANG LDAN PA'I SHA KHU SBYIN PA'AM, YANG NA AA MRA TA KA GTUB PA DANG SBYAR CING G-YOS PA'I RO DRUG PA SHA TA PA ZHES BYA BA SBYIN PA'AM, GRO LA SOGS PA LAS G-YOS SU BYAS PA'I ZAS SBYIN PA'AM, YANG CHANG DRI ZHIM ZHING BSIL BA DANG LEGS PAR LANGS PA DANGS MAR GYUR PA LA LAN TSVA CUNG ZAD BTAB PA SBYIN NA YANG PHAN PA YIN NO, ,SE'U 'BRU'AM RTZA BA CHUNG LNGA BSKOL, ,BCA' SGA 'U SU BSKOL BA'AM, ,ZHO GA CHU 'AM TSA CHU'AM, ,RANG SKYUR DANGS MA BLUD PAR BYA, ,ZHES BYA BA LA, YANG NA RLUNG SHAS CHE BA'I CHANG NAD LA SE'U 'BRU BSKOL BA'I KHU BA BLUD PA'AM, YANG NA RTZA BA LNGA PA CHUNG DU BRI HA TI LA SOGS PA BSKOL BA BLUD PA'AM, YANG NA BCA' SGA DANG 'U SU'I 'BRAS BU BSKOL BA BLUD PA'AM, YANG NA ZHO GA CHU'AM TSA CHU'AM, RANG SKYUR KAN DZI ZHES BYA BA'I DANGS MA BLUD PAR BYA STE, DES NI BTUNG BA NI 'DI LTAR BYA'O ZHES STON PA YIN NO, , LUS BSKU DRIL DANG BKRU BA DANG, ,GOS NI DRO ZHING MTHUG PA DANG, ,ZHES BYA BA LA, RLUNG SHAS CHE BA'I CHAD NAD DE NYID LA TIL MAR LA SOGS PAS LUS BSKU BA DANG LUS DRIL ZHING BKRU BA LA SOGS PA YANG PHAN NO, ,AA KA RU YI DUD PAS BDUG ,GUR GUM AA KA RU YIS BYUG ,CES BYA BA LA, YANG NA DE LA AA KA RU'I DUD PA STUG POS BDUG PA DANG, GUR GUM DANG AA KA RU'I LDE GUS BYUG PA YANG PHAN NO, ,CHUNG MA NU MA RO SMAD MDZES, ,LANG TSOR LDAN ZHING YAN LAG DRO, ,DGA' BAS 'KHYUD PAR BYED PA DANG, ,BSNYEN BKUR BYAS
PAR GYUR PA'ANG PHAN, ,ZHES BYA BA LA, YANG NA NAD DE LA CHUNG MA NU MA MDZES PA LA SOGS PAS 'KHYUD PAR BYED PA DANG, BSNYEN BKUR BYAS SHING BDE BAR MNYE BA LA SOGS BA BYAS BA YANG PHAN NO, ,MKHRIS PA SHAS CHER CHU MANG BA'I, ,SBRANG RTZI KHAR DANG LDAN PA'I, , SE'U 'BRU 'BRA GO'I KHU BA DANG, ,BHA BYA RGUN 'BRU BA RU SHA'I, ,KHU BSGRANGS PHYE DANG KHA RAR BCAS, ,BTUNG BA'ANG DE 'DRA BLUD PAR BYA, ,ZHES BYA BA LA, MKHRIS PA SHAS CHE BAR GYUR PA'I CHANG NAD LA NI, CHU MANG PO DANG BSRES PA'I SBRANG RTZI DANG KHA RA LA SBYAR BA'I CHANG GI BYE BRAG GI SE'U 'BRU LA SOGS PA'I KHU BA DANG LDAN PA'I RGUN CHANG CHU MANG PO DANG BSRES PA BSGRANGS PA'AM, DE BZHIN DU PHYE DANG KHA RAR BCAS PA LAS MA G-YOS PA STE, BTUNG BA DE LTA BU BTUNG BAR BLUD PAR BYA'O, ,YANG NA MNGAR BA'I SDE TSAN BSKOL, ,KHU BA CHANG BSRES SBRANG RTZI BTAB, ,CES BYA BA LA, YANG NA SMAN MNGAR BA'I SDE TSAN BSKOL BA KHU BA DANG CHANG BSRES LA SBRANG RTZI BTAB PA BSIL BA BLUD PAR BYA'O, ,S'A LU DRUG CU PA'I CHAN DANG, ,RI BONG GONG SREG GTZOD KYI SHA, ,TZA NA MUNGGA SKYU RU RA, ,SE'U 'BRU PA TO LA G-YOS SBYIN, ,ZHES BYA BA LA; YANG NA DE DANG 'BRAS S'A LU LA SOGS PA'I CHAN RI BONG LA SOGS PA'I SHA DANG LHAN CIG SBYIN PAR BYA'O, ,BAD KAN MKHRIS 'DRES LAS GYUR PA, ,TSA DANG SKOM DAD LDAN PA YI, ,CHANG NGAM CHU GRANG BU RAM SHING, ,KHU BA'AM RGUN CHU MANG BLUD LA, ,SLON GZHUG 'DRES PA'I NAD LA NI, ,SKYO MA LA SOGS RIM PAS PHAN, ,ZHES BYA BA LA, BAD KAN DANG MKHRIS PA KUN TU 'DRES PAR GYUR PA LAS CHANG NAD DU GYUR PA TSA BA DANG SKOM DAD DANG LDAN PAR GYUR PA LA CHANG NGAM CHU GRANG NGAM BU RAM SHING GI KHU BA'AM, RGUN 'BRU'I CHU MANG DU BLUD LA SLON ZHING SKYUG TU GZHUG PAR BYA'O, ,SLON ZIN PA'I RJES LA BAD KAN DANG MKHRIS PA 'DRES PA LAS GYUR PA'I SKYUG SMAN GYI RJES LA BYA BAR 'OS PA'I SKYO MA LA SOGS PA'I RIM PA BLUD PAR BYAS NA PHAN NO, ,DE YIS ME DROD 'BAR GYUR PAS, ,ZAS DANG NYES LHAG SMIN PAR BYED, ,CES BYA BA LA, 'DRES
, ,PA'I SBYANG BA BYAS PA RIM PA LTA BUS SBYANGS PAR GYUR PA DES PHO BA'I ME DROD 'BAR BAR GYUR PAS ZAS DANG NAD KYI NYES PA'I LHAG MA YOD PA ME DROD DES SMIN CING SBYONG BAR BYED DO, ,LUD PA MCHIL MA KHRAG BCAS 'BYUNG, ,RTZIB LOGS NU MAR GZER BA DANG TSA DANG BCAS PA'I SKOM DAD DANG, ,SNYING DANG BRANG NI NA BA LA, ,SLE TRES GA DUR BSKOL BA'AM, ,YANG NA BA TO LA BSKOL KHU, ,BCA' SGAR BCAS PA BLUD BYA ZHING, ,GONG MA SREG GI SHA SBYIN BYA, ,ZHES BYA BA LA, MKHRIS PA LAS GYUR PA'I CHANG NAD LA LUD PA MCHIL MA DANG KHRAG TU BCAS PA 'BYUNG BAR 'GYUR LA, DE BZHIN RTZIB LOGS NU MAR GZER BA DANG, TSA BA LA SOGS PA DANG BCAS PA'I NAD LA SLE TRES DANG, GA DUR LA SOGS PA BSKOL BA'I KHU BA DANG BCA' SGA DANG BCAS PA BLUD PAR BYA BA'AM, YANG NA PA TO LA LA SOGS PA'I KHU BA BCA' SGA DANG BCAS PA BLUD PAR BYA ZHING, GONG MA SREG GI SHA RAN PAR SBYIN PAR BYA'O, ,MKHRIS PA RLUNG NI RGYAS GYUR PAS, ,SHIN TU SHAS CHER SKOM GYUR NA, ,RLUNG NI BDE BAR RGYU BYED PA'I, ,RGUN CHU BSGRANGS PA BLUD PAR BYA, ,ZHES BYA BA LA, MKHRIS PA DANG RLUNG SHAS CHER RGYAS PAR GYUR PAS SHIN TU SKOM PAR GYUR PA LA RLUNG BDE BAR RGYU BAR BYED PA'I BTUNG BA BSKOL LA BSGRANGS PA BLUD PAR BYA'O, ,ZHU NAS RA SHA'I KHU BA NI, ,MNGAR DANG SKYUR BA'I SMAN SBYAR SBYIN, ,ZHES BYA BA LA, RGUN CHU'I BTUNG BA DE ZHI BAR GYUR NAS RA SHA'I KHU BA DANG SMAN MNGAR BA DANG SKYUR BA DANG SBYAR BA'I KHA ZAS SBYIN PAR BYA'O, ,SKOM NA CHU MANG BSRES PA YI, ,CHANG BLUD RA ROR MI 'GYUR BSRUNG, ,ZHES BYA BA LA, GAL TE SKOM BAR GYUR NA CHANG NYUNG ZAD LA CHU MANG PO BSRES LA BLUD LA CI NAS KYANG RA RO BAR MI 'GYUR BA DE LTAR BSRUNG ZHING BSDAM PAR BYA'O, ,GLA SGANG SE'U 'BRU 'BRAS YOS CHU'AM, ,YANG NA 'DAB MA BZHI BSKOL BA'AM, ,AUTPAL PA TO LA SOGS SAM, ,RANG BZHIN GYIS NI BSIL BA BLUD, ,CES BYA BA LA, YANG GLA SGANG LA SOGS PA BSKOL BA'I CHU'AM, AUTPA LA
DANG; PA TO LA LA SOGS PA BSKOL BA'I CHU BSGRANGS TE BLUD PA'AM, YANG NA RANG BZHIN GYIS BSIL BA'I CHU BLUD PAR BYA'O, ,CHANG MANG 'THUNGS PAS CHU YI KHAMS, ,'BRI ZHING ME SHAS RGYAS PAR 'GYUR, ,GRE BA RKAN MCHU SKAM 'GYUR ZHING, ,LCE NI 'BYIN CANG GCONG BYED LA; ,MTSAN MO RLUNG GIS BSIL BYAS PA'I, ,CHU NI YOG TSAD BLUD PAR BYA, ,ZHES BYA BA LA, CHANG MANG DU 'THUNGS DRAGS PAS LUS LA YOD PA'I CHU'I KHAMS 'BRI BAR 'GYUR ZHING, ME'I KHAMS KYI SHAS NI RGYAS PAR 'GYUR BAS, GRE BA LA SOGS PA SKAM PAR 'GYUR ZHING LCE PHYIR 'BYIN CING SA LA 'GRE LDOG PAR BYED PA'I NAD DE LA MTSAN MO RLUNG GIS BSIL BAR BYAS PA'I CHU YOG TSAD DU CI 'DOD PAR BLUD PAR BYA'O, ,RGYA SHUG SE'U 'BRU DA TRIG DANG, ,TZUG KRA LA CHU BA'I KHU BA, ,SKYUR BA LNGA YIS KHAR BSKUS NA, ,'PHRAL DU SKOM DAD SEL BAR BYED, ,CES BYA BA LA, RGYA SHUG LA SOGS PA SKYUR BA LNGA ZHES BYA BA LDE GUR BYAS PAS KHAR BSKUS NA, DE'I MOD LA SKOM DAD 'JOMS PAR 'GYUR RO, ,CHANG 'THUNGS DROD NI KHRAG MKHRIS DANG, ,'DRES PAS PAGS PA KHYAB GYUR PAS, ,MI BZAD TSA BA SKYED BYED DE, , DER NI RAB BSIL CHO GA BYA, ,MA ZHU SHA KHUS TSIM BYAS LA, ,RO HI NI LAS GTAR GA GDAB, ,CES BYA BA LA, CHANG 'THUNGS PA LAS GYUR PA'I DROD KHRAG DANG MKHRIS PA DANG 'DRES PAR GYUR PA LAS PAGS PAR KHYAB PAR GYUR CING PHYI NAS SHAS CHER MI BZAD PA TSANG SKYED PAR BYED PA DE LA SHIN TU BSIL BA'I CHO GA GANG DAG YIN PA DAG BYA'O, ,BSIL BA'I CHO GA BYAS KYANG TSA BA ZHI BAR MA GYUR NA NAD PA DE SHA KHUS TSIM PAR BYAS LA RO HI NI ZHES BYA BA KHRAG SKYON MED PA 'BA' ZHIG RGYU BA'I RTZA LA GTAR GA GDAB PAR BYA ZHING, DE YANG GTAR GA'I CHO GA LAS JI LTAR SMOS PA LTAR BYA'O, ,SLON DANG SMYUNG BA DAG GIS KYANG, ,BAD KAN SHAS CHER SKYUG SMAN DANG, ,SMYUNG BA BCA' SGA STI RA DANG, ,KAndA KA RI BA LA KA ,GANG YANG RUNG BA'I CHU BLUD BSAL, ,ZHES BYA BA LA, BAD KAN SHAS CHE BA LAS GYUR PA'I CHANG NAD LA SKYUG SMAN BTANG ZHING SLON PA
, ,DANG; SMYUNG BA BYA ZHING ZAS BCAD PAS BSAL BAR BYA ZHING, BCA' SGA LA SOGS PA GANG YANG RUNG BA DANG BSKOL BA'I CHU BLUD PAS BSAL BAR BYA'O, ,MA ZHU MED CING BKRES DUS SU, ,SBRANG RTZI MANG PO BLUD PAR BYA, ,SHA KHAR DANG SBRANG RTZI DANG, , CHANG RNYING DAG GAM RGUN CHANG NGAM, ,RTZUB PA'I SKYO MAR SBYAR BA NI, ,DONG GRA LA LA PHUD BCAS BLUD, ,CES BYA BA LA, NAD PA MA ZHU BA MED PAR GYUR CING BKRES PAR GYUR PA LA 'TSAMS PA'I DUS SU SBRANG RTZI MANG PO 'AM, KHAR DANG SBRANG RTZIR BCAS PA'AM, CHANG RNYING BA'AM, RGUN CHANG 'BA' ZHIG GAM, RTZUB CING SKYON MED PA'I SKYO MA STE, 'DI DAG GANG YANG RUNG BA BLUD PAR BYA'O, ,DE DAG THAMS CAD KYANG LA LA PHUD DANG DONG GRA DANG BCAS PA BLUD PAR BYA'O, ,NAS DANG GRO ZAN NYUNG SHAS LA, ,RGYA SRAN YU SHA NYUNG ZAD BCAS, ,CHU TSAN KHA DANG TSA BAR BCAS, ,MAR NI CUNG ZAD BCAS PA SBYIN, ,ZHES BYA BA LA, NAS DANG GRO SRAN NYUNG SHAS LA RGYA SRAN GYI YU SHA CUNG ZAD DANG BCAS PA SBYIN PAR BYA ZHING CHU TSAN KHA BA DANG TSA BA'I SMAN DANG BCAS SHING ZHUN MAR CUNG ZAD BTAB PA SBYIN PAR BYA'O, ,LA PHUG SKAM PO RA SHA'I KHU, , SKAM SA'I SROG CHAGS SHA KHU NI, ,STAR BU DA TRIG PA TO LA, ,TSA BA GSUM DANG SE'U 'BRUR SBYAR, ,BCA' SGA NA LE SHAM MANG BTAB, ,CES BYA BA LA, YANG NA LA PHUG SKAM PO BSKOL BA'I KHU BA'AM, RA SHA'I KHU BA'AM, SKAM SA'I SROG CHAGS KYI SHA KHU STAR BU LA SOGS PA'I SMAN GYI KHU BA DANG SPAGS PA'I NAS DANG GRO'I SRAN CHUNG NYUNG ZAD SBYIN PAR BYA'O, ,RJEN RNGAD GTUBS PA DAD LDAN ZHING, ,SKYUR RTZI CHEN PO'I KHU BAS SKYUR, ,BRNGOS SHING KHU MED PA DANG, ,KA RA MAR DANG KA RI RA, ,LA SOGS YI GA 'BYED PA DANG, ,LAN TSVA BRGYAD PO LEGS BRO DANG, ,GTUBS SHING BE REG LTAR BTZOS PA, ,ME DROD TSOD LAS SHA SBYIN ZHING, ,SBRANG CHANG NAD MED GYUR PA BLUD, ,CES BYA BA LA, CHANG GI NAD LA PHO BA'I ME DROD KYI TSOD LAS DPAGS TE, SHA DANG SBRANG CHANG NAD KYI SKYON MED PAR GYUR PA SBYIN ZHING BLUD PAR BYA LA, SHA DE
YANG BCA' SGA LA SOGS PA'I SMAN MANG PO BTAB PA DANG, SNGO RNGAD GTUBS PA DANG BCAS PA DANG, 'OG NAS BSHAD PA'I LAN TSVA'I YAN LAG BRGYAD PA ZHES BYA BA DANG LDAN PA DANG, DE BZHIN DU KHU BCUD MED PAR BYAS PA BE REG GI TSUL BRNGOS TE SHA DANG RJEN RNGAD SNGON PO LA SOGS PA GTUBS TE, BAG ZAN GYI NANG DU BCUG NAS BSREGS PA LA NI BE REG CES BYA'O, ,KHA RA DANG NI KHA RU TSA, ,GO SNYOD DA TRIG STAR BU DANG, ,SHING TSA SUG SMEL NA LE SHAM, ,CHA PHYED YAN LAG BRGYAD PAR BSHAD, ,PHAL CHER BAD KAN CHANG NAD SEL, , BU GA'I RGYUN SBYONG DROD SKYED BYED, ,CES BYA BA LA, KHA RA LA SOGS PA BRGYAD PO NI LAN TSVA YAN LAG BRGYAD PA ZHES BYA STE, DE YANG PHAL CHER BAD KAN LAS GYUR PA'I CHANG NAD SEL CING BU GA'I RGYUN SBYONG BAR BYED PA DANG, ME DROD SKYED PAR BYED PA YIN NO, ,DE DAG SBYAR BA'I TSUL NI KHA RA LA SOGS PA'I SMAN LNGA CHA GCIG TU BYAS LA SHING TSA DANG, SUG SMEL DANG, NA LE SHAM DE'I CHA PHYED DU SBYAR BAR BYA'O, ,RTZUB DANG DRO BAS MNYE ZHING DRIL, ,KHRUS DANG KHA ZAS SMYUNG BYAS DANG, ,'DOD BCAS BUD MED LHAN CIG GNAS, ,MTSAN NYID MA LOG RIG PAS BSTEN, ,PHAL CHER BAD KAN LAS BYUNG BA'I, ,CHANG NAD MYUR DU ZHI BAR BYED, ,CES BYA BA LA, RTZUB PA DANG DRO BA LA SOGS PA'I RIG PAS BSTEN PA NI PHAL CHER BAD KAN LAS GYUR PA'I CHANG NAD RING PO MI THOGS PAR SEL CING ZHI BAR BYED DO, ,NAD GZHI SO SO'I SHAS CHE LAS, ,LAS RNAMS GANG DAG BSTAN PA 'DI, ,'DI NI 'DUS PA LAS GYUR PA, ,LHAG MA BCU LA'ANG SBYAR BAR BYA, ,ZHES BYA BA LA, NAD GZHI SO SO'I STOBS SHAS CHE BA LAS GSO BA'I THABS GANG DAG BYED PA'I RLUNG DANG, MKHRIS PA DANG; BAD KAN SHAS CHE BA'I CHANG NAD GSUM PO 'DI DAG PA'I LAS DE NYID 'DUS PA BCU PO RAB DANG, RAB MCHOG TU BRTAGS PA'I TSUL DU CHANG NAD RNAM PA BCUR BRTAG PAR BYAS LA, LA ZHES PA'I SGRAS NI JI SKAD BSHAD PA'I CHANG NAD GSUM PO 'DI 'BA' ZHIG TU
, ,MA ZAD KYI, GZHAN DAG LA YANG SBYAR BAR BYA'O, ,ZHES BYA BA'I DON TO, ,DE YANG RLUNG GI SHAS CHE BA'I CHANG NAD LA GSO BA GANG DAG BSTAN PA DANG, DE BZHIN DU MKHRIS PA'I SHAS CHE BA'I GANG DAG BSHAD PA DE, RLUNG DANG MKHRIS PA LA YANG SBYAR BAR BYA LA, DE LTAR PHYOGS 'DIS NAD GZHI'I SHAS LA MTSON NAS, CHANG NAD THAMS CAD LA GSO BAR BYA'O, ,MDO'I GNAS LAS 'DUS PA'I NAD RNAM PA BCU GSUM DU BSHAD PA LAS, 'DIR NI NAD GZHI GCIG SHAS CHE BA'I DBANG DU BYAS NAS GSO BA BSTAN PA YIN GYI, NAD GZHI GNYIS SHAS CHE BA'AM, RAB DANG MCHOG RAB BRTAG PA'I DBANG DU BYAS PA NI MA YIN NO, ,DES NA 'DUS PA RNAM PA BCU PO LHAG MA RNAMS KYANG 'DI NYID LAS RJES SU DPAGS TE GSO BAR BYA'O, ,SHING TSA N'A GA PUshPA DANG, ,PI PI LING DANG NA LE SHAM, , GO SNYOD PA RU SHA KA DANG, ,'U SU SUG SMEL MA DU KA ,THANG SHING KHA RA DKAR DANG BCAS, ,KA PID THA YI KHU BA BTAB, ,GA BUR DRI YIS BSGOS GYUR PA, ,BTUNG BA SHIN TU YID 'ONG BA, ,CHANG NAD KUN LA BLUD GYUR NA, ,YI GA 'BYED CING ME DROD SKYED, ,CES BYA BA LA, SHING TSA DANG N'A GA PUshPA LA SOGS PA LAS SBYOR BA'I CHO GA 'DI LTA BU BZHIN DU SBYAR BA'I BTUNG BA'I NANG DU KA PID TA'I KHU BA BTAB CING GA BUR GYI DRIS BSGOS PAR GYUR PA'I BTUNG BA DE CHANG NAD KUN LA BLUD CING BYIN PAR GYUR NA YI GA 'BYED PA DANG, ME DROD GNYIS SKYED PAR BYED PA YIN NO, ,CHANG GIS YID NI MA DKRUGS SHING, ,LUS LA GNOD PAR MI BYED PAR, ,CHANG NAD MI SKYED DE YI PHYIR, ,SEMS DGAR 'GYUR BA'I CHO GA BYA, ,ZHES BYA BA LA, CHANG GIS YID MA DKRUGS SHING G-YO BAR MA BYAS PAR CHANG GI NAD SKYED PAR BYED PA MA YIN GYI, GZHAN DU RNAM PAR 'KHRUGS PAR BYAS NAS CHANG GI NAD SKYED PAR BYED PA DE BZHIN DU LUS LA YANG GNOD PAR MI BYED PAS NAD SKYED PAR MI BYED KYI, LUS LA GNOD PAR BYAS NAS NAD SKYED PA YIN NO, ,DE BAS NA CHANG GI NAD THAMS CAD LA DGA' BAR BYA BA'I SPYOD PA BYA BA
BSNGAGS PA YIN TE, GANG GI PHYIR SEMS DGA' BAR GYUR PAS NA CHANG GI NAD LA PHAN PA YIN NO, ,CHANG NAD LA NI SBYANG BA DANG, ,ZHI BA'I LAS NI BYAS GYUR KYANG, ,GAL TE MA ZHI BAD KAN ZAD, ,NYAM CHUNG YANG BA NYID GYUR NA, ,RLUNG DANG MKHRIS PA SHAS CHE ZHING, ,CHANG NAD KYIS ZAD 'O MA BLUD, ,SO GA TSA BAS GDUNGS PA YI, ,SHING LA CHAR PA BAB DANG MTSUNGS, ,CHANG GIS ZAD PAR BYAS PA'I MDANGS, ,'O MAS MYUR DU BRTAS BYED DE, ,MDANGS DANG YON TAN KUN MTSUNGS LA, ,CHANG LAS GO NI BZLOG PA YIN, ,ZHES BYA BA LA, CHANG NAD GANG ZHIG LA DE BSAL BA'I PHYIR SBYANG BA DANG, ZHI BA'I LAS BYAS PAR GYUR KYANG CHANG NAD DE ZHI ZHING BYANG BAR MA GYUR PA DE BAD KAN ZAD CING BRI BAS LUS NYAM CHUNG BA DANG, YANG BAR GYUR CING RLUNG DANG MKHRIS PA SHAS CHE BAR GYUR CING, CHANG NAD KYIS LUS KYI SHA ZAD PAR GYUR PA DE LA 'O MA BLUD PA PHAN TE, DE YANG SO GA'I TSA BAS GDUNGS PA'I SHING LA CHAR PA BAB PA DANG 'DRA BAR 'O MA DE DE'I LUS LA SHIN TU PHAN PA YIN NO, ,DE YANG GANG GI PHYIR CHANG GIS ZAD PAR BYAS PA'I MDANGS GANG YIN PA DE, 'O MAS MYUR BA KHO NAR BRTAS SHING RGYAS PAR BYED DE, DE CI'I PHYIR ZHE NA, 'O MA DANG MDANGS NI YON TAN KUN DANG MTSUNGS PA YIN TE, RDUL BA DANG SNUM PA LA SOGS PA'I YON TAN BCU CHAR CHU 'DRA BA YIN LA, CHANG LAS NI YON TAN BCU PO GO BZLOG PA YIN NO, ,'O MAS NAD NI BCOM GYUR ZHING, ,STOBS SKYES NAS NI 'O MA YI, ,CHO GA CHANG YANG BZLOG BYAS TE, ,RIM GYIS NYUNG ZAD NYUNG ZAD SPYAD, ,CI NAS 'JOMS DANG SKOMS GYUR PA'I, ,BLA BRNAN 'BYUNG BAR MI 'GYUR BYA, ,ZHES BYA BA LA, CHANG LA GOMS PA'I SKYES BU LA DE'I RJES LA CHANG GI NAD DE 'O MAS BCOM ZHING BZLOG PAR GYUR LA LUS KYI STOBS SKYES SHING THOB PAR GYUR NAS, 'O MA'I CHO GA DANG CHANG DAG LAS BZLOG PAR BYAS LA, DE YANG RIM GYIS BZLOG LA, CIG CHAR NI MA YIN LA, NYUNG ZAD NYUNG ZAD BSTAN DU GZHUG CING SPYAD PAR BYA STE CI NAS
, ,KYANG MI DE CHANG NAD 'JOMS PA DANG, LUS SKAMS PAR GYUR PA ZHES BYA BA'I NAD LAS GYUR PA'I BLA BRNAN 'BYUNG BAR MI 'GYUR BA DE LTAR BYA STE, DE DAG BLA BRNAN YANG 'JOMS PA ZHES BYA BA LA NI BAD KAN GYIS MCHIL MA MANG BA LA SOGS PA'I BLA BRNAN 'BYUNG BAR 'GYUR LA, LUS SKEM PA'I BLA BRNAN NI YAN LAG DANG MGO BO NA BA LA SOGS PA 'BYUNG BAR 'GYUR TE, ZHIB TU NI CHANG NAD KYI NAD GZHI STON PA'I SKABS SU BSHAD PA YIN NO, ,DE GNYIS LA NI 'O MA MAR, ,'JAM RTZI BTANG BAS BRTAS PA BSNGAGS, , BSKU DANG DRIL PHYIS KHRUS DANG NI, ,BZA' BTUNG RLUNG NI SEL BA PHAN, ,ZHES BYA BA LA, LUS 'JOMS PA DANG, LUS SKEM PA ZHES BYA BA'I NAD DE GNYIS LA NI 'O MA DANG MAR BLUD PA DANG, 'JAM RTZI MAS GTONG BAS BRTAS PA BSNGAGS PA YIN LA, DE BZHIN DU BSKU BA LA SOGS PA RLUNG SEL BAR BYED PA DANG, BZA' BA DANG BTUNG BA RLUNG SEL BA PHAN NO, ,RIG PAR CHANG 'THUNGS GANG GIS NI, ,NAD NI 'BYUNG BAR 'GYUR MA YIN, ,ZHES BYA BA LA, GANG GIS RAN CING YANG DAG PA'I SBYOR BA DANG LDAN PAS CHANG 'THUNGS PAR BYED PA GANG YIN PA DE LA, CHANG LAS GYUR PA'I NAD GANG DAG YIN PA DE 'BYUNG BAR MI 'GYUR LA, CHANG DES BDE BA'I BDE BA SKYED PA NYID DU 'GYUR RO, ,DE YANG YAN LAG BRGYAD PA BSDUS PA LAS, DE NAS GCIG TU BDER GYUR PA'I, ,'DI YI SBYOR BA BSHAD BYA STE, ZHES BYA BA LA SOGS PA NAS, BSKU ZHING DRIL DANG KHRUS BYAS DANG, ,GOS BZANG SDUG PAS DRIL LDAN PAS, ,ZAS SNUM RLUNG DRO 'DREN MAR NI, ,RLUNG CAN GYIS NI CHANG BTUNG BYA, ,MKHRIS CAN BSIL SPYOD DU MA DANG, ,MNGAR DANG SNUM DANG BSIL BA YI, ,ZAS DANG LDAN PA NYID DU NI, ,CHANG 'THUNGS NAD KYIS NYEN MI 'GYUR, ,BAD KAN CAN GYIS DRO BA LA, ,SPYOD DANG NAS DANG GRO YI ZAN, ,SKAM SA'I SROG CHAGS SHA DANG NI, ,NA LE SHAM DANG BCAS CHANG BTUNG, ,ZHES BYA BA'I BAR RGYAS PAR BSHAD PA YIN NO, ,DE
LA RLUNG NAD LA PHAN CHANG, ,PHAL CHER ZAN CHANG BU RAM CHANG, ,MKHRIS PA RGUN CHANG CHU DANG BCAS, ,BAD KAN CHANG RNYING SBRANG RGUN CHANG, ,ZHES BYA BA LA, DE LA RLUNG LAS GYUR PA'I NAD LA NI, PHAL CHER 'BRAS LA SOGS PA PHYER BTAGS PA LAS ZAN DU BYAS PA'I CHANG DANG BU RAM LAS BYAS PA'I CHANG PHAN NO, ,MKHRIS PA LAS GYUR PA'I CHANG NAD LA NI, RGUN CHANG CHU DANG BCAS PA BLUD NA PHAN NO, ,BAD KAN LAS GYUR PA'I CHANG NAD LA NI CHANG RNYING PA DANG SBRANG CHANG RGUN CHANG PHAN NO, ,BAD KAN CAN GYIS DANG POR BTUNG, ,MKHRIS PA CAN GYIS ZOS RJES BTUB, RLUNG CAN GYIS NI BAR DU BTUNG, ,NAD GZHI MNYAM PAS CI DGAR BTUNG, ,ZHES BYA BA LA, BAD KAN CAN GYI SKYES BUS NI, ZAS KYI DANG POR CHANG BTUNG BAR BYA'O, ,MKHRIS PA SHAS CHE BA'I SKYES BUS NI ZAS ZOS PA'I RJES LA CHANG BTUNG BAR BYA'O, ,RLUNG GI SHAS CHE BA'I SKYES BUS NI, ZAS KYI BAR DU CHANG BTUNG BAR BYA'O, ,NAD GZHI MNYAM ZHING SNYOMS PAS NI, ZAS KYI THOG MA'AM, BAR RAM THA MAR CI DGAR BTUNG BAR BYA'O, ,MYOS DANG BRGYAL LA PHAL CHER NI, ,RLUNG DANG MKHRIS PA SEL LAS BSNGAGS, ,ZHES BYA BA LA, CHANG DANG KHRAG DANG DUG DANG BCAS PA LAS BYUNG BA'I MYOS PA DANG, DE BZHIN DU RLUNG DANG MKHRIS PA DANG BAD KAN 'DUS PA LAS BYUNG BA'I BRGYAL BA DE PHAL CHER DE MANG DU RLUNG DANG MKHRIS PA 'JOMS PAR BYED PA'I GSO BA'I LAS BYA BA BSNGAGS SHING PHAN PA YIN NO, ,THAMS CAD LA YANG KHYAD PAR DU, ,MKHRIS PA SHAS CHER SHES PAR BYA, ,ZHES BYA BA LA, CHANG NAD THAMS CAD DANG BRGYAL BA LA NI KHYAD PAR DU MKHRIS PA SHAS CHE BA YIN PAR SHES PAR BYA'O, ,DE NYID KYIS NI, BSKU BYUG BSIL DANG NOR BU DANG, ,CHUS GTOR RLUNG YAB KYIS G-YAB BYED, ,CES BYA BA YIN TE, MYOS PA DANG BRGYAL BA THAMS CAD LDE GU'I BSIL BAS BSKU ZHING BYUG PA DANG, DE BZHIN DU NOR BU RANG BZHIN GYIS BSIL BA BRLAN ZHING GDAGS PA DANG, CHU BSIL BAS GTOR BA DANG, RLUNG YAB KYIS G-YAB PAR BYA'O, ,KHA RA RGUN 'BRU BU RAM SHING, ,'BRA
, ,GO TANG PA LA KHU BA DANG, ,MNGAR BA'I SDE BSKOL 'O MA KHU, ,YU SHA SE'U 'BRUR BCAS PA BLUD, ,CES BYA BA LA, DE BZHIN DU KHA RA DKAR PO SBYIN PAR BYA BA DANG, DE BZHIN DU RGUN 'BRU LA SOGS PA'I KHU BA DANG, DE BZHIN DU MNGAR BA'I SDE TSAN DANG; BSKOL BA'I 'O MA DANG, DE BZHIN SHA KHU DANG, YU SHA SE'U 'BRU DANG BCAS PA BLUD PAR BYA'O, ,S'A LU RTZA SNAR DRUG CU PA, ,NAS DANG 'TSO BYED SMAN MAR DANG, ,DGE BA CHEN PO TIG TA CHE, ,SRANG DRUG 'O MA TZI TRAR BCAS, ,PI PI LING DANG BRAG ZHUN NI, ,BCUD KYI LEN GYI CHO GA SBYIN, ,ZHES BYA BA LA, 'BRU LAS 'BRAS S'A LU RTZA SNAR ZHES BYA BA DANG, DRUG CU PA DANG NAS LAS G-YOS PA DAG SBYIN PAR BYA ZHING, DE BZHIN DU 'TSO BYED GYI SMAN MAR DANG, DGE BA CHEN PO'I SMAN MAR DANG, TIG TA CHEN PO'I SMAN MAR DANG, RO DRUG PA'I SMAN MAR DAG KYANG NAD GZHI DANG, LUS ZUNGS KYI TSUL LAS DPAGS TE SBYIN PAR BYA BA DANG, DE BZHIN DU 'O MA TZI TRA KA DANG BCAS PA DAG BCUD KYIS LEN GYI CHO GAS SBYIN PAR BYA BA DANG, YANG NA PI PI LING DANG, BRAG ZHUN DAG BCUD LEN GYI CHO GAR JI SKAD BSHAD PA BZHIN DU SBYIN PAR BYA'O; ,YANG NA 'BRAS BU GSUM MAR DANG, ,SBRANG RTZI KHA RAR BCAS PA SBYIN, ,ZHES BYA BA LA, YANG NA MYOS PA DANG BRGYAL BA'I NAD DE DAG LA 'BRAS BU GSUM MAR DANG, SBRANG RTZI KHA RAR BCAS PA SBYIN PAR BYA'O, ,SHUGS DRAG PA LA KHA DANG SNA, ,BKAG BAR GYUR PA PHAN PA YIN, ,ZHES BYA BA LA, MYOS PA DANG BRGYAL BA'I SHUGS DRAG CING RGYUN RING BA LA KHA DANG SNA'I BU GA LAG PA LA SOGS PAS BKAG CING RE ZHIG DBUGS BKAG PHA DAG PHAN NO, ,YANG NA BUD MED NU ZHO NI, ,BLUD PA'AM SNA NAS GTANG BAR BYA, ,ZHES BYA BA LA, YANG NA NAD DE DAG LA BUD MED KYI NU ZHO SNAR BLUGS PA'I SNA SMAN GTANG BAR BYA'O, ,PADMA'I RTZA SDONG PI PI LING, ,AA RU RA 'AM GLA SGANG NGAM, ,BYI TSER SBRANG RTZIR SBYAR BA SBYIN, ,ZHES BYA BA LA, PADMA'I RTZA BA DANG, SDONG BU DANG PI PI LING DANG, AA RU RA SBRANG RTZI DANG SBYAR LA SBYIN PAR BYA'O, ,GLA SGANG
SBRANG RTZI DANG SBYAR BA'AM, BYI CHER BA SBRANG RTZI DANG SBYAR BA SBYIN PAR BYA'O, ,RGYA SHUG TSI GU NA LE SHAM, ,N'A GA GE SAR PU SHEL TZE, ,CHU GRANG DANG NI SBYAR BA BLUD, ,CES BYA BA LA, YANG NA NAD DE LA NA LE SHAM DANG, RGYA SHUG GI TSI GU LA SOGS PA CHU GRANG LA SBYAR BA BLUD PAR BYA'O; ,SKYU RU RA YI KHU BA'AM, ,AA RU RA MAR BSKOL BA'ANG PHAN, ,ZHES BYA BA LA, YANG NA SKYU RU RA'I 'BRAS BU'I KHU BA 'AM, AA RU RA'I KHU BA DANG, MAR BSKOL BA BLUD NA YANG PHAN NO, ,JI SKAD BSHAD PA'I BYA BA DAG ,NAD GZHI'I SHAS NI JI BZHIN SBYAR, ,ZHES BYA BA LA, MYOS PA DANG BRGYAL BA'I NAD LA DMIGS KYI TSUL JI LTA BA BZHIN DU JI SKAD BSHAD PA'I GSO BA DAG BYA'O, ,LAS NI RNAM LNGA BYA BA DANG, ,GTAR GAS KHRAG NI DBYUNG BA DANG, ,SNYING STOBS CHE ZHING SHES DANG LDAN, ,YUL LA CHAGS PA MED PA PHAN, ,ZHES BYA BA LA, YANG NAD DE LA LAS RNAM PA LNGA PO SKYUG SMAN DANG BKRU SMAN DANG 'JAM RTZI MAS GTONG BA DANG, BKRU SMAN DRAG PO MAS GTONG BA DANG, 'GO BA'I BKRU SMAN ZHES BYA BA DAG BYA BA DANG GTAR GA GDAB CING KHRAG DBYUNG BA DANG, SNYING STOBS CHE ZHING BRTAN PAS GNAS PA DANG, DNGOS PO'I DON PHYIN CI MA LOG PAR SHES PA DANG LDAN PA DANG, GZUGS DANG, SGRA DANG, DRI DANG RO DANG REG BYA ZHES BYA BA'I YUL RNAMS LA CHAGS PA MED CING BRKAM PA MA YIN PA DAG KYANG PHAN NO, ,MYOS PA SHIN TU 'PHEL GYUR DANG, ,BRGYAL BAR GYUR PA DAG LA NI, ,KUN TU ZHUGS PA'I SMAN RNO DANG, ,DUG LAS BYUNG BA DUG SMAN GTANG, ,ZHES BYA BA LA, MYOS PA SHIN TU 'PHEL ZHING LHAG PAR STOBS CAN DU GYUR PA DANG, DE BZHIN DU BRGYAL BAR GYUR PA LA NI KUN TU ZHUGS PA'I GSO BA'I SMAN RNON PO DAG GTANG BAR BYA'O, ,DUG LAS BYUNG BA'I MYOS SHING BRGYAL BA LA NI DUG SEL BA'I SMAN GYIS GSO BA SBYAR BAR BYA'O, ,KUN TU ZHUGS LA RAB RNO BA'I, ,SNA SMAN DANG NI MIG SMAN DANG, ,DUD BAS BUD DANG KHAB KYIS NI, ,SEN MO'I BAR DU GZUGS BAR BYA, ,ZHES BYA BA LA, ,KUN TU ZHUGS PA ZHES BYA BA'I BRGYAL NAD ZHI BA DANG 'DRA BA LA NI RAB TU RNO BA'I SNA SMAN BTANG BA DANG,
, ,DE BZHIN DU DUD PA RNON POS BDUGS PA DANG, SNA NAS DUD PA'I PHYE MA BTANG BA DANG, DE BZHIN DU KHAB KYIS SEN MO'I BAR DU GZUGS SHING DBUG PAR BYA'O, ,SKRA 'BAL BSREGS DANG SOS BTAB DANG, ,SDIG PA SHA SBRANG GTZES PA DANG, , MKHUR BAR TSA DANG SKYUR BA GZHUG ,KHA SRAL PHRE'U BDAR BAR BYA, ,ZHES BYA BA LA, YANG KUN TU ZHUGS PA ZHES BYA BA'I NAD DE LA SKRA 'BAL ZHING 'BYIL BAR BYA BA DANG, MES BSREGS PA DANG, SOS BTAB PA DANG, SROG CHAGS SDIG PA DANG, SHA SBRANG 'TSE ZHING ZAR GZHUG PA DANG, MKHUR BA'I NANG DU SGE'U GSHER GYI KHU BA LA SOGS PA TSA BA DANG, SKYUR RTZI CHEN PO'I KHU BA DANG, TSA BA DANG, DAR BA DANG, SINGS PO LA SOGS PA'I SKYUR BA GZHUG PA DANG, KHA SRAL PHRE'U AAD MA KUB TA ZHES BYA BA LUS KYI YAN LAG GI PHYOGS SU BDAR BAR BYA'O; ,'DU SHES RNYED CING LDANG GYUR NAS, ,SGOG SKYA'I KHU BA BLUD PAR BYA, ,ZHES BYA BA LA, DE LTAR SMAN RNO BA LA SOGS PA'I SBYOR BA RNON POS 'DU SHES RNYED CING TSOR BA YOD PAR GYUR PA DANG SGOG SKYA BRDUNGS TE BTZIR BA'I KHU BA BLUD PAR BYA'O, ,TSA BA GSUM NI LAN TSVAR BCAS, , BI DZA PU RA'I GE SAR SBYIN, ,ZHES BYA BA LA, YANG 'DU SHES RNYED CING LDANG BA DE LA BI DZA PU RA ZHES BYA BA SKYUR RTZI CHEN PO'I GE SAR TSA BA GSUM DANG LAN TSVA DANG BCAS PA SBYIN PAR BYA'O, ,BU GA'I RGYUN SRANG DAG BYA'I PHYIR, ,ZAS YANG TSA DRO RNO BA SBYIN, ,ZHES BYA BA LA, YANG 'DU SHES RNYED PA DE'I BU GA'I RGYUN DAG PAR BYA BA'I PHYIR, KHA ZAS YANG BA DANG, TSA BA DANG, RNO BA DANG, DRO BA'I BAG SBYIN PAR BYA'O, ,BRJED PA DRAN PHYIR NGO MTSAR DANG, ,YID 'ONG LTA DANG THOS PA DANG, ,GLU DANG ROL MO SNYAN PA YI, ,SGRA SNYAN RTZOL BA BYED DU GZHUG ,SLON SMAN BKRU SMAN BTANG DUS BRNGUB, , KHRAG NI DBYUNG BAR BYA BA DAG ,RGYUN MI 'CHAD PAR SPYAD PAR BYA, ,SEMS STOR BA YI RGYU LAS NI, ,SLAR LDANG 'BREL PA'I 'JIGS PA YIS, ,DE NI LEGS PAR BSRUNG BAR BYA, ,ZHES BYA BA LA, 'DAS PA'I DON BRJED PAR GYUR PA DE SLAR DRAN PAR BYA BA'I PHYIR, NGO MTSAR DU GYUR PA'I RNAM PA BYA BA
DANG; YID DU 'ONG BA'I YUL LTA BA THOS PAR BYA BA DANG, GLU DANG ROL MO'I SGRA SNYAN LA GSANG MTHO ZHING GSAL PO NYAN DU GZHUG PA DANG, DE BZHIN DU LUS DUB PAR BYED PA'I RTZOL BA BYED DU GZHUG PA DANG, SKYUG SMAN LA SOGS PA BYIN ZHING SLON DU GZHUG PA LA SOGS PA'I BYA BA DAG GIS KUN TU ZHUGS PA'I NAD ZHI BA DANG 'DRA BA DE LA RGYUN MI 'CHAD PAR SPYAD PAR BYA ZHING GSO BAR BYA LA, KUN TU ZHUGS PA'I SEMS STOR ZHING MI DRAN PA MUN PA'I NANG DU ZHUGS PA LTAR MUN THIBS ZHES BYED PA DE LAS BSRUNG ZHING GANG GIS SLAR DE LDANG BAR MI 'GYUR BA DE LTA BU'I TSUL DU DE LEGS PA NYID DU BSRUNG BAR BYA'O, ,YAN LAG BRGYAD BA'I SNYING PO'I RNAM PAR 'GREL PA, TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS LE'U BDUN PA'I RNAM PAR 'GREL BA'O,, ,,DE NAS GZHANG 'BRUM GSO BA'I LE'U BSHAD PAR BYA'O, ,ZHES BYA BA LA, SNGAR BSHAD PA'I GO RIMS KYIS LE'U 'DI BRTZAMS SO, ,THUN MONG DUS SU SPRIN MED PAR, ,GZHANG 'BRUM CAN RAB NYAM CHUNG MIN, ,LTO SBYANGS KHA ZAS YANG LA NYUNG, ,RJES SU MTHUN PA ZOS PA LA, ,GTZANG BYAS BDE LEGS 'GYUR BAR BYAS, ,BSHANG DANG GCI BSAL GNOD PA MED, ,KHRI 'AM SPANG LEB MI GZHAN GYI, ,PANG PAR LEGS BRTEN GNAS NAS NI, ,GAN RKYAL 'DUG CING RO STOD SMAD, ,DRANG 'DUG NYI MAR RKUB BSTAN LA, ,RKED PA'I PHYOGS NI BSTOD PAR BYA, ,DE NAS BRLA DANG GNYA' BAR NI; ,BCINGS PA'I GOS KYIS BSDAMS NAS SU, ,GZUNG STE DRANG POR 'DUG PA LA, ,NAD G-YOG GIS NI BZUNG NAS SU, ,RKUB NI ZHUN MAR DAG GIS BSKU, ,DE NAS MAR GYIS BSKUS PA YI, ,CHA SPYAD DRANG POR DER GZHUG BYA, ,RKUB NAS PHYOGS PAR RIM GYIS GZHUG ,CES BYA BA LA, THUN MONG GI DUS DBYAR ZLA THA CHUNGS DANG, STON ZLA THA CHUNGS DANG, DPYID ZLA 'BRING PO LA NAM MKHA' SPRIN MED PA DAG GI TSE, GZHANG 'BRUM GYI NAD KYIS GZIR BA'I SHAS CHER NYAM CHUNG BA MA YIN PA'I NAD PA LTO SBYANGS SHING SKYUG SMAN BKRU SMAN BYAS PA KHA ZAS YANG BA LAS NYUNG SHAS CIG ZOS PA STE, RANG BZHIN GYIS YANG
, ,PA DANG, TSAD CHUNG BA DANG LDAN PAR BZA' ZHING RLUNG DANG BSHANG BA RJES SU MTHUN PAR RGYU ZHING NA BAR BYED PA ZOS PA DANG, GTZANG ZHING KHRUS BYAS PA DANG, BDE LEGS SU 'GYUR BA'I CHO GA DGE SBYONG DANG, BRAM ZE SHIS PA BRJOD CING, BKRA SHIS KYI CHO GA BRJOD PAS BSHANG BA DANG GCI BA BSAL ZHING DOR BA'I NAD PA DE KHRI'AM SPANG LEB BAM, MI GZHAN GYI PANG PAR LEGS PAR BRTEN TE GNAS PA RO STOD GAN RKYAL DU 'DUG CING, YID TZAM SMAD LA NYI MA'I THAD KAR RKUB BSTAN TE, RKED PA'I PHYOGS LEGS PAR BSTOD DE GZHAG PAR BYA'O, ,DE NAS DE'I 'OG TU 'CHING BA'I RAS KYIS BRLA GNYIS DANG, GNYA' BA'I BAR DU LEGS PAR BSDAMS SHING BCINGS NAS, DRANG POR 'DUG PAR GYUR PA DE BZHIN DU NAD G-YOG MKHAS PAS DAM DU BZUNG NAS, DE'I 'OG TU RKUB KYI PHYOGS ZHUN MAR GYIS LEGS PAR BSKUS LA, DE NAS DE'I 'OG TU CHA SPYAD KYANG MAR GYIS BSKUS LA, DRANG ZHING GZHUG BDER BYAS NAS RKUB PHYOGS DER GZHUG PAR BYA ZHING RIM GYIS NANG DU CHUD PAR BYA'O, ,DE NAS 'BYUNG 'GYUR MTHONG BA DANG, ,CHA SPYAD CHUD PAR SHES GYUR NAS, ,GZHANG 'BRUM THUR MA GOS GSHER BAS, ,SMAN PAS LEGS PAR BTZIR NAS NI, , JI SKAD BSHAD PA'I CHO GA YIS, ,RLAN CAN THAL SMAN BSREG CIG SHOS, ,THAL SMAN RNON PO'I ME YIS BSREG ,CES BYA BA LA, DE NAS DE'I 'OG TU RKUB TU GZHUG PA'I CHA SPYAD KYIS GZHANG 'BRUM BTEG STE SNANG BAR GYUR PA DANG, PHYIR PHYUNG BA DE LAS GZHANG 'BRUM GYI CHA SPYAD NANG DU LEGS PAR CHUD PA YIN PAR SHES NAS, RAS MA 'JAM PO RLON PAS DKRIS PA'I THUR MAS BTZIR LA, MDO'I GNAS NAS JI SKAD BSHAD PA'I CHO GAS GZHANG 'BRUM GSHER ZHING RLAN YOD PA NI THAL SMAN RNON PO NYID KYIS BSREG PAR BYAS LA, CIG SHOS DE GZHANG 'BRUM SKAM PO DAG NI THAL SMAN RNON PO'AM MES NYE BAR BSREG PAR BYA'O, ,STOBS LDAN CHE BA BCAD DE BSREG ,CES BYA BA LA, NAD PA NYAMS STOBS DANG LDAN ZHING GZHANG 'BRUM CHE BA YIN NA BCAD LA BSREG PAR BYA'O, ,DE NAS CHA SPYAD PHYUNG NAS NI, ,NAD PA'I RKUB DANG RO
SMAD BSKU, ,SNUM GYI NANG DU 'BYING BAR BYA, ,ZHES BYA BA LA, DE NAS DE'I 'OG TU CHA SPYAD PHYUNG ZHING BSAL LA, NAD PA DE'I RKUB DANG, RO SMAD KYI PHYOGS SNUM GYIS BSKUS LA, DE'I 'OG TU SNUM GYIS GANG BA'I SNOD KYI NANG DU NAD PA DE'I SMAD SPYINGS SHING NUB PAR BYA'O, ,DE LTAR ZHAG NI BDUN BDUN ZHING, ,RE RE NYE BAR BCOS PAR BYA, ,ZHES BYA BA LA, RNAM PA 'DIS TSUL 'DI LTAR GZHANG 'BRUM RE RE GCAD PAR BYA ZHING GSO BAR BYA'I, CIG CAR THAMS CAD BCAD CING GSO BAR NI MI BYA'O, ,DE NAS RLUNG MED KHANG PAR NI, ,BZHAG LA SPYOD PA BSTEN PAR BYA, ,ZHES BYA BA LA, DE NAS DE'I 'OG TU RLUNG MED PA'I KHANG PAR GNAS PA'I NAD PA DE LA KUN TU SPYAD PA'I CHO GA BSTAN CING BSLAB PAR BYA'O, ,GZHANG 'BRUM MANG LA DANG POR G-YAS, ,DE NAS G-YON BSAL DE 'OG RGYAB, ,CES BYA BA LA, NAD PA GZHANG 'BRUM MANG PO YOD PA LA, DANG POR G-YAS NA YOD PA'I GZHANG 'BRUM BSAL ZHING GSO BAR BYA'O, ,DE NAS G-YON LA SOGS PA RGYAB KYI DANG POR SKYES PA DE BSAL ZHING GSO BAR BYA STE, GAL TE NYIN GCIG LA THAMS CAD BSREGS PAR GYUR NA, SBYOR BA DRAG PAR BSHAD PA'I NYES PAR 'GYUR RO, ,GZHANG 'BRUM MANG PO BSREGS LEGS NA; ,RLUNG NI BDE BAR RGYU BYED CING, ,KHA ZAS 'DOD CING ME DROD SKYED, ,BDER GNAS STOBS DANG KHA DOG SKYED, ,CES BYA BA LA, GZHANG 'BRUM MANG PO YOD PA'I GZHANG 'BRUM DE BSREGS PA DANG, BCOS PA'I SBYOR BA LEGS PAR GYUR NA, RLUNG BDE BAR RGYU ZHING LUGS SU 'BYUNG BAR BYED PA DANG, KHA ZAS LEN CING 'DOD PA DANG, PHO BA'I ME DROD SKYED PA DANG, JI SKAD BSHAD PA'I BLA BRNAN LA SOGS PA'I NAD KYI 'TSE BA DANG BRAL BAS BDE BAR GNAS PA DANG, STOBS DANG KHA DOG GNYIS SKYE ZHING RGYAS PAR 'GYUR RO, ,CHU SO GZER GYIS BTAB PA LA; ,BA SPRU BA DANG RU RTA DANG, ,GAN DHA MU RA AA KA RU, ,SHA TA PUshPA THANG SHING RNAMS, ,ZHIB TU BTAGS PA'I LDE GU YIS, ,LTE BA MAN CHAD BSKU BAR BYA, ,ZHES BYA BA LA, GZHANG 'BRUM CAN GYI NAD PA CHU SO GZER GYIS BTAB PA LA BA SPRU BA ME TOG DMAR PO CAN BA SHA BU ZHES
, ,BYA BA DANG, RU RTA DANG, GAN DHA MU RA ZHES BYA BA DRI BZANGS LA SOGS PA'I SMAN ZHIB TU BTAGS PA'I LDE GUS LTE BA MAN CHAD DU BSKU BAR BYA'O, ,BSHANG DANG GCI BA 'GAGS GYUR LA, AA LAM BU SA BA RA NA, ,BA SPRU GZE MA AE RAndA, ,AA ZA GAN DHA MU RA RNAMS, ,BSKOL BA DRO 'JAM BYAS PA YIS, ,BLUGS DANG 'BYING BA'I SBYOR BA BYA, ,ZHES BYA BA LA, BSHANG BA DANG GCI BA 'GAGS SHING MI 'BYUNG BAR BYED PA LA, AA LAM BU LA SOGS PA'I SMAN BSKOL BA'I CHU LUS LA BLUGS PA'AM BYING BA'I SBYOR BA BYA ZHING, RGYAB DANG, RKED PA DANG BSHANG SGO SNUM GYIS LEGS PAR BYUGS PAR BYA'O, ,YANG NA 'O MA SNUM BCAS PA, ,RLUNG SEL SMAN BSKOL TIL MAR SBYAR, ,ZHES BYA BA LA, BSHANG BA DANG GCI BA 'GAGS PAR GYUR PA LA 'O MA SNUM DANG BCAS PA'AM, RLUNG SEL BA'I SMAN DANG, BSKOL BA'I TIL MAR GYIS LUS LA BLUGS PA DANG, LUS BYING BA'I SBYOR BA BYA'O, ,ZAS NI BSHANG BA SLA BYED CING, ,SNUM DANG RLUNG 'JOMS DROD SKYED SBYIN, ,ZHES BYA BA LA, GZHANG 'BRUM BSREGS PAR GYUR NAS BSHANG BA SLA BAR BYA BA'I PHYIR KHA ZAS NAS LA SOGS PA'I ZAN DUR BYID DANG, RGYA SNE'U'I TSOD MA DANG BCAS PA ZHO GA CHU LA SOGS PA DANG LDAN PA'I 'BRAS CHAN SBYIN PAR BYA BA DANG, DE BZHIN DU SNUM GYI SBYOR BA DAG GIS KYANG RLUNG BSRUNG ZHING, ME DROD BSKYED PAR BYA BA'I PHYIR 'JOMS PA'I SMAN DANG, ME DROD SKYED PAR BYED PA'I SMAN DANG SBYAR BA DAG RLUNG NAD BSAL ZHING LUS RGYAS PAR BYA BA'I PHYIR SBYIN PAR BYA'O, ,DE NAS BSREG PAR MI BYA ZHING, ,BAD KAN RLUNG SKYES PHYIR BYUNG BA, ,'GAGS SHING G-YA' LA NA ZHING SKRANG, ,GZHANG 'BRUM BSKU PA BYAS NAS NI, ,BIL BA'I RTZA BA TZI TRA KA ,THAL SMAN RU RTA BSKOL BA YI, ,TIL MAR BLUGS PA'AM SBRUL BYI LA, ,RNGA MO PHAG RGOD ZHAG GIS BYUG ,CES BYA BA LA, DE NAS BSREG PAR MI BYA ZHING BKAG PA DANG, GZHANG 'BRUM BAD KAN DANG RLUNG LAS SKYES PA'I PHYIR 'BYUNG BAR GYUR PA DANG, DE BZHIN DU 'GAGS SHING G-YA' BA DANG, NA ZHING SKRANG PA DAG NI DANG POR BSKU BYUG BYAS NAS, BIL BA'I RTZA BA LA
SOGS PA DANG BSKOL BA'I TIL MAR BLUGS PAR BYA BA'AM, YANG NA SPRUL DANG BYI BA LA SOGS PA'I ZHAG GIS DE LA BLUGS SHING BSKU BAR BYA'O, ,DE RJES RLAN DUGS KYIS DUGS BYA, ,YANG NA GSHER DUGS SPYAD PAR BYA, ,YANG NA ZAN NI TIL MAR DANG, ,ZHUN MAR SNUM BCAS GYIS DUGS BYA, ,RA SNA HA PU SHA DAG GAM, ,SHI KRU'I LO MA'I GONG POS BYA, ,ZHES BYA BA LA, BAD KAN DANG RLUNG LAS GYUR PA'I GZHANG 'BRUM LA, DE LTAR SNUM BLUGS PA'I RJES LA RLAN PA'I DUGS SAM, CHU'I GSHER DUGS KYI LE'U LAS BSHAD PAS DUGS BYA'O, ,DRANG SRONG TZA RA KAS RLAN PA'I DUGS BSHAD PA NI, TIL DANG MA SHA RGYA SRAN ZAN, ,MAR DANG TIL MAR 'BRAS CHAN SHA ,KRI SA RA DANG SHA SLON NI, ,RLAN PAS DUGS SU SBYAR BAR BYA, ,ZHES BSHAD PA YIN NO, ,DE LA GSHER DUGS NI YUNG BA DANG, PO SON CHA DANG, BA GCIN LA SOGS PA BSKOL BA LAS SBYAR BAR BYA'O, ,YANG NA NAS ZAN TIL MAR DANG ZHUN MAR GYI SNUM DANG SBYAR BA'I ZAN DUGS BYA'O, ,YANG NA RA SNA BTAGS PA'I GONG PO 'AM, HA PU SHA'I GONG BU'AM, SHI KRU'I LO MA'I GONG POS RLAN PA'I DUGS BYA'O, ,'DI DAG LA YANG TIL MAR DANG, ZHUN MAR GYI SNUM DANG BCAS PA YIN PAR SHES PAR BYA'O, ,AARGA'I RTZA BA SHAL MA LI'I, ,LO MA MI SKRA SBRUL LPAGS DANG, ,BYI LA'I PAGS PA MAR SBYAR BA'I, ,DUD BDUGS GZHANG 'BRUM DAG LA PHAN, ,ZHES BYA BA LA, YANG GZHANG 'BRUM GYI NAD LA SHING AARGA'I RTZA BA DANG; SHAL MA LI'I LO MA DANG, MI SKRA SPRUL GYI PAGS PA DANG, BYI LA'I PAGS PA DANG MAR SBYAR BA'I LDE GU BSKAMS PA'I DUD PAS BDUGS NA YANG PHAN PA YIN NO, ,AA SHVA GANDHA BRI HA TI, ,BYI'U RUG PI PI LING MAR SBYAR, ,ZHES BYA BA LA, DE BZHIN DU AA SHVA GANDHA LA SOGS PA SBYAR BA'I DUD PAS BDUGS NA YANG GZHANG 'BRUM GYI NAD LA PHAN NO, ,KU BA KHA BO'I SA BON DANG, ,YAL GA 'JAM POR RANG SKYUR SBYAR, ,LDE GU GRI BA MAR BSKAMS PA YI, ,RENG BU RKUB BCUG GZHANG 'BRUM 'JIG ,CES BYA BA LA, KU BA KHA BO'I SA BON DANG, DE'I YAL GA 'PHROS
, ,PA 'JAM PO DE RANG SKYUR KAN DZI DANG SBYAR ZHING LDE GUS BTAGS PA 'JAM PO DE GRIB BSKAM BYAS PA'I RENG BU RKUB KYI NANG DU BCUG NA GZHANG 'BRUM 'JIG CING 'BRUL BAR BYED PA YIN NO, ,KU BA KHA BO YAL GA RTZA, ,THAL SMAN BCAS PA'I LDE GU NI, ,'OL MA SE DANG SU RA NA; ,BUM SHA YI NI SA BON LAS, ,RENG BUR BYAS PA DE DANG 'DRA, ,ZHES BYA BA LA, KU BA KHA BO YAL GA DANG RTZA BA DANG BCAS PA LDE GUR SBYAR LA, LDE GU DE THAL SMAN RNON PO DANG BCAS PA'I RENG BU RKUB KYI NANG DU BCUG NA YANG YON TAN DE DANG 'DRA STE, GZHANG 'BRUM 'BRUL BAR BYED PA YIN NO; ,SU DH'A KshI RA YUNG LDE GU, ,ZHES BYA BA LA, SU DH'A KshI RA DANG YUNG BA LDE GUR BYAS PA'I RENG BU RKUB KYI NANG DU BCUG NA YANG BSNGAGS PA YIN NO, ,KHYIM BYA'I RTUG PA PI PI LING, ,YUNG DANG 'OL MA SE DAG NI, ,BA GCIN BTAGS PA'ANG DE DANG 'DRA, ,ZHES BYA BA LA, DE BZHIN DU KHYIM BYA'I RTUG PA LA SOGS PA BA GCIN DANG BTAGS TE LDE GUR BYAS PA RKUB TU BCUG NA YON TAN GONG MA DANG 'DRA'O, ,SNU HA'I 'O MA RA BTAGS SHU DAG ,TA MA LA RUS PRI YANG KU ,RNAM RGYAL KAR GA TA SRING GI ,RU RTA SPANGS MA GO BYE DANG, ,SHI KRU LA PHUG SA BON DANG, ,NIM PA KA RA B'I RA'I LO, ,PI PI LING GI RTZA BA DANG, ,BIL RTZA SHING KUN BCAS PA'AM, ,ZHES BYA BA LA, DE BZHIN DU SHU DAG LA SOGS PA'I SMAN SNU HA ZHES BYA BA SHING SU DH'A'I 'O MA DANG BTAGS PA'I LDE GUS BSKUS NA YANG GZHANG 'BRUM 'JIG PAR 'GYUR RO, ,RNAM RGYAL NI AA RU RA RNAM PAR RGYAL BA'O, ,GO BYE NI BSE SHING GI 'BRAS BU'O, ,SHI KRU DANG LA PHUG GI SA BON DANG SBYAR RO, ,NIM PA DANG KA RA B'I RA'I LO MA GZHUG GO, ,PI PI LING DANG BIL BA NI RTZA BA GZHUG CING SMAN 'DI DAG SHING KUN DANG BCAS PAR SBYAR BA'I LDE GUS BSKUS NA PHAN NO, ,RU RTA SHRI SHA'I SA BON DANG; ,RGYAM TSA BU RAM PI PI LING, ,ZHES BYA BA LA, YANG NA RU RTA LA SOGS PA'I LDE GUS YANG GZHANG 'BRUM LA SOGS PA 'JIG PAR BYED PA YIN NO, ,AARGA SNU HA'I 'O MA DANG, ,'BRAS BU GSUM GYI LDE GUS BSKU, ,AARGA'I 'O MA SNU HA'I SDONG, ,KU BA KHA BO'I 'DAB MA
DANG; ,KA RANYDZA DANG RA THUG GCIN, ,LDE GUS GZHANG 'BRUM SEL MCHOG YIN, ,ZHES BYA BA LA, YANG SHING AARGA'I 'O MA DANG, SHING SNU HA'I SDONG BO DANG, KU BA KHA BO'I 'DAB MA DANG, KA RANYDZA DANG RA THUG GI GCIN DAG BTAGS TE LDE GUR BYAS TE, LDE GU DES BSKUS NA YANG GZHANG 'BRUM SEL BA'I MCHOG YIN NO, ,'JAM RTZI'I SMAN NI PI PI LING, ,LA SOGS LDE GU'ANG BSNGAGS PA YIN, ,ZHES BYA BA LA, YANG 'JAM RTZI BYA BA'I SMAN PI PI LING LA SOGS PA STE, PI PI LING DANG PO SON CHA ZHES BYA BA LA SOGS PA 'OG NAS SMOS PA'I SMAN GYI LDE GU BYAS TE BSKUS NA YANG GZHANG 'BRUM LA PHAN ZHING BSNGAGS PA YIN NO, ,SMAN 'DI NYID KYIS TIL MAR NI, ,BSKU BA'I DON DU BSKOL BAR BYA, ,ZHES BYA BA LA, BSKU BA'I DON DU LDE GUR BYAS PA'I SMAN 'DI DAG NYID KYIS TIL MAR BSKOL LA BSKU BA'I DON GYI BYA BA BYA'O, ,DUD PAS BDUGS DANG LDE GU NI, , BSKUS PAS GZHANG 'BRUM DAG GI KHRAG ,SOGS PA 'DZAG PAR BYED 'GYUR TE, ,DES NA BDE BA NYID DU 'GYUR, ,ZHES BYA BA LA, GZHANG 'BRUM GYI NAD LA JI SKAD BSHAD PA'I DUD PAS BDUGS PA DANG, LDE GUS BSKUS PAS GZHANG 'BRUM NANG DU NAD KHRAG SOGS PA DE 'DZAG PAR BYED PAR 'GYUR LA, DE LTAR NAD KHRAG BYUNG BAS SKYES BU DE BDE BA NYID THOB PAR 'GYUR RO, SKRANGS SHING 'DZAG PAR MA GYUR NA, ,SRA BA LAS NI KHRAG DBYUNG STE, ,PAD PA GTZAGS BU KHAB KYI NI, ,PIR GYIS YANG DANG YANG KHRAG DBYUNG, ,ZHES BYA BA LA, GZHANG 'BRUM SKRANGS PAR GYUR CING SRA BA LAS KHRAG 'DZAG PAR MA GYUR NA, SRIN BU PAD PA DANG, GTZAGS BU DANG, KHAB MANG PO BSDUS TE PIR LTAR BYAS PA DAG GIS YANG DANG YANG DU KHRAG DBYUNG BAR BYA'O, ,BSIL DRO SNUM DANG RTZUB PA YIS, ,NAD NI ZHI BAR MA GYUR NA, ,DE PHYIR SMAN PAS NAD KHRAG NYID, ,DBYUNG BA LA NI 'BAD PAR BYA, , ZHES BYA BA LA, GANG GI PHYIR BSIL BA LA SOGS PA'I GSO BA BYAS SU ZIN KYANG, GZHANG 'BRUM GYI NAD KHRAG DANG BCAS PAR GYUR PAS ZHI BAR MA GYUR PA YIN BAS NA, DE'I PHYIR SMAN BA MKHAS PAS KHRAG DBYUNG ZHING GTAR GDAB PA KHO NA LA BRTZON PAR BYA'O, ,'O MA TZI TRA KA'I RTZA PHYE, ,
, ,BTAB PA LAS BYUNG DAR BA GANG, ,BLUD CING DE NYID KYI ZAS NI, ,BYIN NA GZHANG 'BRUM SEL BAR 'GYUR, ,ZHES BYA BA LA, DAR BA GANG LO MA'I NANG DU TZI TRA KA'I RTZA BA'I PHYE MA BTAB PA BSRUBS PA LAS BYUNG BAR GYUR PA DE NYID NAD PA LA BLUD CING DAR BA DE NYID KYIS ZAS DANG SBAGS TE BYIN NA GZHANG 'BRUM SEL BAR 'GYUR BA YIN NO, ,KA PI DA RI'I RTZA BA'I PHYE, ,DAR BA SAR PA BTAB PA BLUD, ,ZHU NAS PHAN PA'I ZAS BYIN NA, ,GZHANG 'BRUM NAD LAS THAR BAR 'GYUR, ,ZHES BYA BA LA, KA PI DA RI'I RTZA BA'I PHYE MA DAR BA SAR PA'I NANG DU BTAB NAS BLUD NAS; DE ZHU BAR GYUR PA DANG, DE DANG 'PHROD PA'I KHA ZAS BYIN NA YANG GZHANG 'BRUM GYI NAD LAS THAR BAR 'GYUR RO, ,GZHANG SKRANG GZER BCAS ME DROD 'BRI, ,SKRAN CAN LA NI PHAN PA'I SMAN, ,SHING KUN LA SOGS BLUD PA'AM, ,BU RAM AA RU RA SBYAR BA, ,BYIN NAS DE RJES DAR BA BLUD; ,CES BYA BA LA, NAD PA GZHANG KHA SKRANGS SHING GLO BA DANG, GZHANG KHA GZER BAS NYEN CING ME DROD BRI BAR GYUR NA, SKRAN CAN LA PHAN PA'I SMAN RTZI BO CHE LA SOGS PA BLUD PAR BYA STE, DE NI 'OG NAS, SHING KUN SHU DAG RNAM RGYAL DANG, ,ZHES BYA BA LA SOGS PAS STON PA YIN NO, , DE LTAR RDZAS BSTAN PA DE DAG THUG PA'AM, THUG PA RKYANG RKYANG PO'AM, CHANG NGAM CHU DRON NAM, DAR BA GANG YANG RUNG BA LAS GOMS PA'I DBANG DU BYAS TE BLUD PAR BYA'O, ,YANG NA BU RAM DANG AA RU RA BCAS PA BYIN NAS, DE'I 'OG TU DAR BA BLUD PAR BYA'O, ,YANG NA AA RU BYI DANG GA , DUG MO YUNGS SHUN TZI TRA KA ,DAR BA DANG SBYAR BLU PA'AM, ,ZHES BYA BA LA, YANG NA AA RU RA LA SOGS PA'I PHYE MA DAR BA DANG SBYAR BA BLUD PAR BYA'O, ,DUG MO YUNGS DANG PI PI LING, ,TZI TRA KA DANG SU RA NA, ,CHA RES BSKYED PA CHU DRON BLUD, ,CES BYA BA LA, YANG NA DUG MO YUNGS LA SOGS PA'I SMAN CHU DRON NAM, DAR BA BLUD PAR BYA'O, ,SU RA NA NI SU RA GAN DHA'O, ,CHA RES BSKYED PA'I TSUL NI, DUG MO YUNGS ZHO GCIG ,PI PI LING ZHO GNYIS, TZI TRA KA ZHO GSUM, SUR NA ZHO BZHIR BYA'O, ,YANG NA TSA GSUM LAN TSVA GSUM, ,SHING KUN STAR BU BCAS CHU BLUD, ,CES
BYA BA LA, YANG NA TSA GSUM DANG LAN TSVA GSUM LA SOGS PA'I SMAN CHU DRON PO BLUD PAR BYA'O, ,BIL BA KA PID TAR BCAS PA'AM, ,BCA' SGA KHA RU TSAR BCAS PA'AM, ,GO BYE LA LA PHUD BCAS PA'I, ,SKYO MA DE LA BLUD PAR BYA, ,ZHES BYA BA LA, BIL BA DANG KA PID TA GNYIS DAR BA'I SKYO MA DANG BCAS PA BLUD PAR BYA BA'AM, BCA' SGA DANG KHA RU TSA DANG BCAS PA'I DAR BA'I SKYO MA 'AM, GO BYE DANG BCAS PA'I DAR BA'I SKYO MA 'AM, LA LA PHUD DANG BCAS PA'I DAR BA'I SKYO MA BLUD PAR BYA'O, ,YANG NA SHING KUN SBA MA'I 'BRAS, ,TZI TRA KA DANG DAR BA SBYAR, ,ZHES BYA BA LA, YANG NA SBA MA'I 'BRAS BU HA PU SHA ZHES BYA BA DANG, TZI TRA KA'I PHYE MA DANG BCAS PA BLUD PAR BYA'O, ,PI LU'I 'BRAS BU DAR BAR BCAS, ,ZLA BA GCIG GI BAR DU SBYIN, ,ZHES BYA BA LA, YANG NA SHING PI LU'I 'BRAS BU DAR BAR BCAS PA ZLA BA GCIG GI BAR DU BYIN NA YANG GZHANG 'BRUM SEL BAR BYED DO, ,ZAS KYI SNGON NYID RE RE ZHING, ,CI 'DOD PAR NI BLUD PAR BYA, ,ZHES BYA BA LA, YANG ZAS MA ZOS PA'I SNGON NYID DU NYI MA RE RE ZHING DAR BA JI TZAM 'DOD PAR YOG DROD DU BLUD PAR BYA'O, ,SHIN TU ME DROD CHUNG BA LA, ,DAR BA KHO NA BLUD PAR BYA, ,ZHES BYA BA LA, NAD PA ME DROD SHIN TU CHUNG BA DAG LA NI DAR BA SAR PA CHU MA REG PA 'BA' ZHIG SBYIN PAR BYA'O, ,SMAN GZHAN DANG BSRES NAS SBYIN PAR NI MI BYA'O, ,NYAMS STOBS DUS DANG GNAS SHES PA'I, ,SMAN PA YIS NI DAR BA DAG ,ZHAG BDUN NAM NI ZHAG BCU'AM, ,ZLA BA ZLA GCIG BAR DU BLUD; ,CES BYA BA LA, SMAN PA NAD PA'I NYAMS STOBS LA SOGS PA SHES PA DES DAR BA ZHAG BDUN NAM ZLA BA GCIG GI BAR GYI DUS TSIGS SU SBYIN PAR BYA'O, ,YANG NA PHYI DRO 'BRAS YOS KYI, ,PHYE DANG DAR BA'I LDE GU SBYIN, ,ZHES BYA BA LA, YANG NA PHYI 'BRED KYI DUS SU 'BRAS YOS KYI PHYE DANG, DAR BA'I LDE GU SBYAR BA SBYIN PAR BYA'O, ,DAR BA ZHU NAS DAR BA NI, ,THUG PA RGYAM TSAR BCAS PA BLUD, ,CES BYA BA LA, DAR BA'I SKYO MA ZHU BAR GYUR NAS DAR BA LAS G-YOS PA'I THUG PA LA RGYAM TSA BTAB PA BLUD PAR BYA'O, ,DE RJES DAR BAS G-YOS PA'I ZAN, ,SNUM CAN BYIN LA DAR
, ,BA BLUD, ,CES BYA BA LA, DE LTAR THUG PA BLUD PA'I RJES THOGS LA, DAR BA DANG BSKOL BA'I ZAN SNUM PO DANG BCAS PA SBYIN ZHING, DE'I RJES LA SKOM DU DAR BA SAR PA BLUD PAR BYA'O, ,YU SHA'AM SHA KHU DANG BA CAN, ,S'A LU'I 'BRAS CHAN RAN PAR BZA', ,ZHES BYA BA LA; YANG NA YU SHA ZHES BYA BA SRAN BU LA DAR BA BTAB PA'AM, SHA KHU LA DAR BA BTAB PA'AM, S'A LU'I 'BRAS CHAN TSOD RAN PAR BZA' BAR BYA'O, ,RTZUB DANG MAR PHYED BYUNG BA DANG, ,GANG LAS MAR NI MA PHYUNG BA, ,DAR BA NAD DANG ME DROD KYI, ,STOBS LAS DE NI RNAM GSUM SBYAR, ,ZHES BYA BA LA; DAR BA RTZUB PA SNUM MED PA DANG, YANG NA MAR GYI PHYED BYUNG BA'I DAR BA DANG, DAR BA GANG ZHIG LAS MAR MA BYUNG ZHING PHYE MAR MA BYAS PA STE, DAR BA GSUM PO DE DAG NI NAD PA'I NAD KYI TSUL DANG, ME DROD KYI STOBS LAS DPAGS TE SBYIN PAR BYA'O, ,DAR BAS LEGS BCOM GYUR PA YIS; ,GZHANG 'BRUM SLAR NI 'BYUNG MI 'GYUR, ,ZHES BYA BA LA, DAR BAS LEGS PAR BCOM ZHING BSAL BA'I GZHANG 'BRUM NI SLAR SKYE ZHING 'BYUNG BAR MI 'GYUR RO, ,DE BLUGS GYUR NA RTZA YI NI, ,TSOGS KYANG SKYE BAR MI 'GYUR RO, ,ZHES BYA BA LA, DE YANG GANG GI PHYIR DAR BA DE BLUGS SHING RGYUN DU BTANG BA LAS KYANG RTZA'I TSOGS SKYE BAR MI 'GYUR GYI, RTZA BA DANG BCAS PAR 'JIG PAR BYED DO, ,RTZA SBUBS DAR BAS DAG BYAS PAS, ,LUS ZUNGS DANGS MAR GYUR PA GANG, ,DE NI NYAMS DGA' MDOG DANG STOBS, ,MCHOG TU RGYAS PAR BYED PAR 'GYUR, ,ZHES BYA BA LA, DAR BAS RTZA SBUBS DAG PAR BYAS PAR GYUR NA, DANGS MA STE KHA ZAS KYI DANGS MA ZHES BYA BA'I LUS ZUNGS SU GYUR NAS DE NYAMS DGA' ZHING MGU BA DANG, KHA DOG GI GZI MDANGS DANG, STOBS TE NUS PA DANG LUS ZUNGS RGYAS PAR GYUR PA DAG MCHOG TU SKYE BAR 'GYUR RO, ,RLUNG DANG BAD KAN DAG GI NAD; ,BRGYA PHRAG DAR BA RNYING PAS 'JOMS, ,ZHES BYA BA LA, DE BZHIN DU RLUNG DANG BAD KAN GYI NAD BRGYA PHRAG MANG PO 'JOMS PAR 'GYUR TE, RLUNG DANG BAD KAN LAS GYUR PA'I NAD GANG YANG 'BYUNG BAR MI 'GYUR RO, ,ZHES BYA BA NI, BRGYA PHRAG CES BYA BA'I SGRA'I DON YIN NO, ,GZHANG 'BRUM
GZHIG PAR 'DOD PA YIS, ,KAndA KA RI'I LDE GUS BSKU, ,SNOD DU DAR BA SAR PA NI, ,NUB GCIG BZHAG STE BLUD PAR BYA, ,ZHES BYA BA LA, GZHANG 'BRUM GYI NAD 'JIG PAR 'DOD PA'I SKYES BUS KAndA KA RI'I 'BRAS BU'I LDE GUS RDZA MA'I SNOD BSKUS LA, DE'I NANG DU DAR BA NUB GCIG BLUGS TE BLUD PAR BYA'O, ,'U SU ZI RA GO SNYOD DANG, ,PI PI LING GNYIS HA PU SHA, ,SHU TI PI PI LING RTZA BA, ,LA LA PHUD DANG TZI TRA KA ,YA BA NA GI'I PHYE MA DANG, ,DAR BA SBYAR BA MAR GYI SNOD, ,BZHAG PAR GYUR PA DE LAS SKYUR, ,KHA BA DANG NI RAB SKYUR MIN, ,SKYUR DANG KHA BA BRO BAR NI; ,LDANG BA'I DAR RNYING CI 'DOD BLUD, ,DROD SKYED MDOG BZANG YI GA 'BYED, ,RLUNG DANG BAD KAN SEL BYED CING, ,GZHANG SKRANG NA BAS NYAM THAG PA, ,'JOMS SHING STOBS NI 'PHEL BYED YIN, ,ZHES BYA BA LA, 'U SU DANG ZI RA SOGS PA PHYE MAR BTAGS PA DANG, DAR BA LHAN CIG MAR GYI SNOD DU BCUG STE BZHAG PAR GYUR PA DE MNAN PA LAS RAB TU SKYUR BAR GYUR PA MA YIN GYI, CUNG ZAD SKYUR BAR GYUR PA'I DAR BA RNYING PA SKYUR BA DANG KHA BA'I RO SHAS CHER BSAL BAR GYUR PA'I DAR BA RNYING PA DE CI 'DOD PAR BLUD PAR BYAS NA ME DROD SKYED PAR 'GYUR BA DANG, MDOG BZANG BAR BYED PA LA SOGS PA'I YON TAN DANG LDAN PA YIN NO, ,PI PI LING GNYIS NI PI PI LING DANG, HASTI PI PI LING NGO, ,SMAN GZHAN NI GO BAR ZAD DO, ,KRU TRUG TRES KYI RTZA BA'I SHUN, ,BTAGS PA'I LDE GUS BUM PA BSKU, ,DER NI 'O MA DAR BA BZHAG ,SMIN PA'I GZHANG 'BRUM SEL BYED BLUD, , CES BYA BA LA, KRU TRUG TRES KYI RTZA BA'I SHUN PA BTAGS PA'I LDE GUS SNOD KYI BUM PA BSKUS LA, DER ZHO'AM DAR BA BZHAG STE, SKYUR ZHING SMIN PAR GYUR NAS BLUD NA YANG GZHANG 'BRUM SEL BAR 'GYUR RO, ,GA BRA'I RTZA BA AA RU RA, ,SLE TRES TSA BA LNGA DAG LA'ANG, ,CHO GA 'DI NYID SBYAR BAR BYA, , ZHES BYA BA LA, GA BRA'I RTZA BA LA SOGS PA BTAGS PA'I LDE GUS KYANG SPYOD BA DANG PHAN YON GONG MA DANG 'DRA'O, ,PA TA HA TI PI PI LING, ,SHU TI RTZA BA LNGA G-YER MA, ,ZIR 'U SU BIL BA'I RKANG, ,PHYE MAR BTAGS TE SBYAR BAR BYA, ,'BRAS BU SKYUR PHO MAR TIL MAR, ,YU SHA SHA KHU THUG
, ,SOGS BYA, ,ZHES BYA BA LA, PA TA LA SOGS PA SMAN PHYE MAR BTAGS PA DANG, THUG PA DANG YU SHA DANG SHA KHU LA SOGS PA BYA BA 'AM, 'BRAS BU SKYUR PO SE'U 'BRU LA SOGS PA DANG, MAR DANG TIL MAR GYIS BRNGOS PA LA THUG PA LA SOGS PA BYA'O, ,SMAN 'DI NYID DANG MAR CHU DANG, ,BSKOL BA'ANG DROD SKYED BYED PA YIN, ,ZHES BYA BA LA, PA TA LA SOGS PA GONG DU SMOS PA 'DI DAG NYID DANG CHU BSKOL BA DAG KYANG DROD SKYED PAR BYED PA YIN NO, ,RIM 'DI BSHANG BZLA BA YIN, ,RTUG PA 'GAGS PA BSHAD BYA STE, ,ZHES BYA BA LA, BSHAD MA THAG PA'I RIM PA 'DI NAD PA BSHANG BSLA BAR GYUR PA'I SMAN YIN TE, DE LAS GZHAN RTUG PA 'GAGS PA GSO BA NI 'DI MAN CHAD NAS STON PA YIN ZHES BYA BA'I DON NO, ,SNUM SOGS ZAN DANG LDAN PA YI, ,CHANG DANGS LAN TSVA BTAB PA BLUD, ,CES BYA BA LA, RTUG PA 'GAGS PA'I NAD LA NI SNUM LA SOGS PA LDAN PA'I ZAN DANG, CHANG GI DANGS MA LAN TSVA BTAB PA DANG LDAN PA BLUD PAR BYA'O, ,YANG NA DAR BA BU RAM CHANG, ,RANG SKYUR CHANG DANG SA LAN TSVAR SBYAR, ,ZHES BYA BA LA, YANG RTUG PA 'GAGS PAS DAR BA LA SOGS PA GANG YANG RUNG BA LAN TSVA BTAB STE BLUD PAR BYA'O; ,ZAS MNGAR MAR DANG TIL MAR GYIS, ,BRNGOS PA'I KA RANYTZA'I LO MA, ,STENG DU PHYE BTAB BYIN GYUR NA, ,RLUNG GIS RTUG PA 'GAGS PA SEL, ,ZHES BYA BA LA, YANG ZAS MA ZOS PA'I SNGON DU KA RANYDZA'I LO MA MAR DANG BRNGOS PA LA PHYE BTAB PA BYIN NA YANG RLUNG GIS RTUG PA 'GAGS PA SEL BAR BYED DO, ,BCA' SGA BU RAM BCAS PA'AM, ,PA TA BU RAM MAR LAN TSVA, ,ZHES BYA BA LA, YANG RTUG PA 'GAGS PAS BCA' SGA DANG BU RAM DU BCAS PA'AM, YANG NA PA TA LA LA SOGS PA DANG BCAS PA BYIN NA PHAN NO, ,BA GCIN LA SBANGS AA RU RA, ,BU RAM BCAS PA BYIN PA'ANG RUNG, ,ZHES BYA BA LA, YANG NA AA RU RA BA GCIN GYI NANG DU SBANGS PA BU RAM DANG BCAS PA BYIN NA YANG PHAN NO, ,AA RU RA NI NYIS BRGYA GCIN, ,BRE BCU DRUG TU GCIN DU'I BAR, ,BSKOL BA SBRANG RTZIR BCAS PA DAG ,GNYIS GNYIS ZOS NA BAD KAN GYI, ,GZHANG 'BRUM
MDZE DANG 'OR NAD DANG, ,SKRAN DANG DMU RDZING GCIN SNYI 'BU, ,RMEN BU SHU BAS KHYAB TSO CHES, ,SKYA RBAB RLUNG 'KHYIL 'JOMS PAR BYED, ,CES BYA BA LA, YANG NA AA RU RA RDOG MA NYIS BRGYA BA GCIN BRE BCU DRUG GI NANG DU BSKOL LA GCIN DE DU BAR GYUR PA DANG, DE'I 'OG TU SBRANG RTZI DANG BCAS PA'I 'O MA AA RU RA GNYIS GNYIS NYIN RE ZOS NA BAD KAN LAS BYUNG BA'I GZHANG 'BRUM LA SOGS PA'I NAD 'JOMS PAR BYED DO, ,AA ZA SRING GI RTZA BA YI, ,LDE GU RA GCIN SBYAR 'THUNG ZHING, ,BU RAM BRTA KA ZOS NA, ,GZHAN 'BRUM MYUR DU 'JIG PAR 'GYUR, ,ZHES BYA BA LA, AA ZA SRING GI BRTA SRING GI ZHES BYA BAR THUG GI GCIN 'DRA BA'I SMAN GANG YIN PA DE'I RTZA BA LDE GUR BTAGS PAR GCIN DANG SBYAR TE 'THUNGS SHING BU RAM DANG BRTA KA ZHES BYA BA'I TSOD MA ZOS NA GZHANG 'BRUM MYUR DU 'JIG PAR 'GYUR RO, ,DUR BYID 'BRAS BU GSUM KHUR SBYAR, ,YANG NA DAR BA AA RU RA'AM, ,ZHES BYA BA LA; YANG NA DUR BYID DANG 'BRAS BU GSUM BSKOL BA'I KHU BAR SBYAR TE 'THUNGS NA PHAN NO, ,YANG NA DAR BA'I NANG DU AA RU RA'I PHYE MA BTAB STE BYIN NA YANG PHAN NO, ,PI PI LING BCAS AA RU RA, ,MAR DANG BRNGOS PA'I BU RAM BCAS, ,ZHES BYA BA LA, YANG NA PI PI LING DANG AA RU RA'I PHYE MA MAR DANG BRNGOS PA'I BU RAM DANG BCAS PA ZOS NA YANG RTUG PA 'GAGS PA SEL BAR 'GYUR RO, ,YANG NA DUR BYID DAN DAR BCAS, ,ZOS NA BDE BAR 'BYUNG BAR BYED, ,CES BYA BA LA, YANG NA DUR BYID DANG DAN DAR BCAS PA ZOS NA YANG RTUG PA 'GAGS PA BDE BAR 'BYUNG BAR 'GYUR RO, ,GZHANG NA GNAS PA'I NAD BSAL NA, ,GZHANG 'BRUM ZAD PAR BYED PAR 'GYUR, ,ZHES BYA BA LA, GZHANG LA BRTEN ZHING GNAS PA'I NAD RTUG SKAM LA SOGS PA BSAL ZHING BCOS PAR GYUR NA YANG GZHANG 'BRUM MED CING ZAD PAR 'GYUR RO, ,SE'U 'BRU'I KHU BA ZI RA DANG, ,BCA' SGA BU RAM LA LA PHUD, , PA TA DANG SBYAR DAR BA NI, ,RLUNG GIS RTUG 'GAGS SEL BYED YIN, ,ZHES BYA BA LA, SE'U 'BRU LA SOGS PA DANG LDAN PA'I DAR BA YANG RLUNG LAS GYUR PA'I RTUG PA 'GAGS PA SEL BAR BYED PA YIN NO, ,RGUN CHANG YANG NA BU RAM CHANG, ,BCA' SGA KRU TRUG TRES DANG SBYAR, ,YANG NA CHANG NI
, ,PA TA DANG, ,SPA 'BRAS KHA RU TSAR BCAS BLUD, ,CES BYA BA LA, YANG NA RGUN CHANG NGAM, BU RAM CHANG GANG YANG RUNG BA BCA' SGA DANG TZI TRA KA GNYIS DANG LDAN PAR BLUD PA'AM, YANG NA CHAR PA TA LA SOGS PA DANG LDAN PA BLUD NA YANG PHAN NO, ,PI PI LING NI BCU BCUS BSKYED, ,TIL NI SRANG PHYED BTAGS GYUR PA, ,'O MA BCAS 'THUNGS LUS STOBS DANG, ,ME DROD SKYED PAR BYED PA YIN, ,ZHES BYA BA LA, PI PI LING RDOG MA BCU BCUS BSKYED PA'I TIL NAG PO DRUG PA SRANG PHYED BTAGS PA DE PI PI LING BSKYED PA'I TSUL GYIS 'O MA DKRUGS TE 'THUNGS NA LUS KYI NYAMS STOBS DANG ME DROD SKYED PAR BYED PA YIN NO, ,DE YANG NYIN ZHAG DANG PO LA PI PI LING BCU DANG, TIL SRANG PHYED BTAGS PA'I 'O MA DANG BCAS PA BLUD PAR BYA'O, ,DE NAS NYIN RE ZHING PI PI LING BCU BCU DANG, TIL SRANG PHYED PHYED KYIS BSKYED LA, ZHAG BCU'I BAR DU 'O MA DANG BCAS PA BLUD PAR BYA STE, 'O MA'I TSAD NI RANG NYID KYIS BRTAG PAR BYA STE, DE'I TSAD NI NGES PA YOD PA MA YIN GYI, NAD DANG, LTO SRA SNYI DANG, NYAMS STOBS DANG, YUL DANG, DUS GNYIS LAS BRTAGS TE CI RIGS BAR BLUD PAR BYA'O, ,BYI TSER BA DANG BIL BA DANG, ,LA LA PHUD DANG DONG GRA RNAMS, ,RE RE DANG SBYAR PA TAS KYANG, , GZHANG 'BRUM NAD NI SEL BAR BYED, ,CES BYA BA LA, PA THA BYI TSER PA DANG BCAS PA'AM, BIL BA DANG BCAS PA'AM, LA LA PHUD DANG BCAS PA DANG DONG GRA SBYAR BA STE, RE RE DANG SBYAR BAR BYA BA LA, KYANG ZHES BYA BA'I SGRAS NI GSUM GSUM MAM BZHI CHAR YANG SBYAR BA'I PA TAS GZHANG 'BRUM GYI NAD GZER BA LA SOGS PA 'JOMS PAR BYED PA YIN NO, ,CHU BRE DRUG CU RTZA BZHI'I NANG, ,AA RU RA'I SHUN BRE PHYED DANG, ,SKYU RU RA NI BRE GANG DANG, ,KA PID TA NI SRANG BCU DANG, ,PI SHA LA NI SRANG LNGA DANG, ,SENG PHROM SHING TSA NA LE SHAM, ,PI PI LING DANG BYI DANG GA ,SRANG NI GNYIS GNYIS TSAD BYAS BSKOL, ,BZHI CHA LUS BTZAGS BU RAM NI, ,SRANG NI NYIS BRGYA BCUG NAS NI, ,DA TA KI NI BRE GANG BCUG ,MAR GYI SNOD DU BCUG NAS NI, ,ZLA PHYED NAS NI CHANG SNYING 'THUNGS, ,ME DROD SKYED CING GZHANG 'BRUM DANG, ,PHO NAD SKYA RBAB MDZE DMU RDZING, ,DBYIG DUG RIMS SKRAN MCHIN NAD
DANG, ,SNYING NAD SKRAN DANG GCONG CHEN DANG, ,SLON DANG SRIN BU'I NAD RNAMS 'JOMS, ,ZHES BYA BA LA, CHU BRE DRUG CU RTZA BZHI'I NANG, BA HA ZHES BYA BA DRON BZHI'I TSAD YOD DE, DE LA NI CHU SRANG NYIS STONG BZHI BCU RTZA BRGYAD YOD LA, DE'I NANG DU AA RU RA'I SHUN PA BRE PHYED DE SKAM PO YIN NA NI SRANG BRGYAD BCUG LA, RLON PA YIN NA SRANG BCU DRUG GZHUG PAR BYA'O, ,DE BZHIN DU SKYU RU RA BRE GANG ZHES BYA BA SKAM PO YIN NA NI BRE PHYED DE SRANG BCU DRUG BCUG LA, RLON PA YIN NA SRANG SUM CU RTZA GNYIS GZHUG PAR BYA'O, ,DE YANG GZHUNG LAS, TSAD NI SKAM PO TSAD YIN GYI, ,RLON DANG GSHER LA NYIS 'GYUR BYA, ,ZHES BSHAD PA YIN NO, ,KA PID TA NI SKAM YANG RUNG, RLON YANG RUNG STE, SRANG BCU GZHUG PAR BYA'O, ,BI SHA LA NI KA PID TA'I PHYED SRANG LNGA GZHUG PAR BYA'O, ,SENG PHROM LA SOGS PA'I SMAN LNGA NI RE RE ZHING SRANG GNYIS GNYIS GZHUG PAR BYA'O, ,DE DAG BSKOL LA BZHI CHA LUS PAR GYUR PA DANG, TSAGS KYIS BTZAGS NAS BU RAM SRANG NYIS BRGYA GZHUG GO ,DA TA KI NI BRE GANG STE SRANG SUM CU RTZA GNYIS BCUG LA, SNGA MAR BCUG PA'I SNOD DU BCUG NAS, CHANG AA RI SA TA ZHES BYA BAR GYUR PA DANG, DE 'THUNGS NA ME DROD SKYED CING GZHANG 'BRUM LA SOGS PA'I NAD 'JOMS PAR BYED PAR 'GYUR RO, ,CHU BRE BCU DRUG NANG DAN TI, ,RTZA BCU 'BRAS GSUM TZI TRA KA ,SRANG RE BSKOL BA BZHI CHA LUS, ,BU RAM SRANG BRGYAD GZHUG PAR BYA, ,THAMS CAD SNGA MA DANG 'DRA LAS, ,RJES MTHUN CIG SHOS SEL BAR BYED, ,CES BYA BA LA, DAN TI DANG, RTZA BA BCU PA DANG, 'BRAS BU GSUM DANG, TZI TRA KA SRANG RE RE, CHU BRE BCU DRUG CES BYA BA SRANG BRGYA NYI SHU RTZA BRGYAD KYI NANG DU BSKOL LA BZHI CHA LUS PA DANG, DE BTZAGS NAS BSGRANGS LA DE'I NANG DU BU RAM SRANG BRGYAD GZHUG PAR BYA STE, BYA BA GZHAN DAG NI SNGAR GYI AA RU RA'I CHANG RNYING DANG TSUL 'DRA BAR BYA STE, DES NAD TA KI NI BRE GANG BCUG PA DANG, MAR GYI SNOD KYI NANG DU BCUG PA DANG, ZLA BA PHYED LON NA SA BLUD PA STE, DES NI ME DROD SKYED PA DANG, GZHANG 'BRUM LA SOGS PA'I BAR SNGA MA DANG, THUN MONG GI AA RU RA'I CHANG RNYING LAS 'DI'I KHYAD PAR YIN TE, DE NI RJES SU MTHUN PAR RGYU BA'I RLUNG LA SOGS
, ,PA SEL BAR BYED LA, 'DI NI MTHUN PAR RGYU BA'I CIG SHOS MI MTHUN PAR GYUR PA SEL BAR BYED PA YIN NO, ,CHU BRE BCU DRUG NANG DAG TU, ,BYI TSER BA NI BRE GANG DANG, ,DAN TI PA TA TZI TRA KA ,RNAM RGYAL DONG GRA BA SHA KA ,SKYU RU RA NI KHYOR RE BSKOL, ,BZHI CHA LUS PA DE'I NANG DU, ,KHA RA DKAR PO SRANG BRGYAD GZHUG ,GZHAN DAG SNGA MA BZHIN DU SBYAR, ,RDZA MA'I SNOD KYANG PRI YANG KU, ,PI PI LING DANG DBYI MO DANG, ,MAR DANG SBRANG RTZI'I LDE GUS BSKU, ,ZHES BYA BA LA, BYI TSER BA BRE GANG, ZHES BYA BA SRANG SUM CU RTZA GNYIS DAN TI LA SOGS PA KHYOR RE ZHES BYA BA SRANG GNYIS GNYIS CHU BRE BCU DRUG GI NANG DU BSKOL LA, DE'I BZHI CHA LUS PA DANG, BTZAGS LA BSGRANGS TE KHA RA DKAR PO SRANG BRGYAD GZHUG PAR BYA'O, ,'DIR MA SMOS BA GZHAN DAG NI SNGA MA BZHIN DU SHES PAR BYA STE, DAN TI BRE GANG GZHUG PA NAS, SRIN BU'I NAD 'JOMS PA'I BAR GONG MA BZHIN DU SHES PAR BYA'O, ,'ON KYANG SNGA MA LAS KHYAD PAR 'DI YOD DE, RDZA MA'I SNOD PRI YANG KU LA SOGS PA'I LDE GUS BSKU BA KHYAD PAR TZAM DU ZAD DO, ,BDE BAR 'BYUNG PHYIR ZAS KYI SNGAR, ,'BRAS BU SKYUR BCAS MAR BLUD PA'AM, ,ZHES BYA BA LA, BSHANG BA GCIG CING BDE BAR 'BYUNG BAR BYA BA'I PHYIR ZAS MA ZOS PA'I SNGON DU MAR DANG 'BRAS BU SKYUR PO SKYUR RTZI CHEN PO LA SOGS BA SBYAR BA BLUD PAR BYA'O, ,DBYI MO KRU TRUG TRES BSKOL MAR, ,NAS TSIG 'KHUS THAL BU RAM BCAS, ,ZHES BYA BA LA, YANG DBYI MO DANG KRU TRUG TRES DANG BSKOL BA'I MAR NAS TSIG 'KHUS PA'I THAL BA BU RAM DANG BCAS PA DAG RLUNG BDE BAR 'BYUNG BA'I PHYIR SNGAR BLUD PAR BYA'O, ,PI PI LING GI RTZA BAR BSKOL, ,BU RAM DONG GRA NAS TSIG 'KHUS, ,ZHES BYA BA LA, YANG NA BDE BAR 'BYUNG BAR BYA BA'I PHYIR PI PI LING GI RTZA BA DANG, MAR BSKOL BA'I MAR BU RAM NAS TSIG 'KHUS PA'I THAL BA'I BAR GYI SMAN DANG SBYAR BA BLUD PAR BYA'O, ,PI PI LING RTZA PI PI LING, ,SE'U 'BRU 'U SU DAG DANG MAR, ,BZHI 'GYUR ZHO DANG BSKOL BAS NI, ,'PHYEN DANG BSHANG GCI 'GAGS PA SEL, ,ZHES BYA BA LA, PI PI LING LA SOGS PA LDE GUR BYAS PA DANG, ZHO MAR GYI BZHI 'GYUR
GYI MAR BSKOL BA'I SMAN MAR GYIS NI 'PHYEN LA SOGS PA SEL BAR 'GYUR RO, ,PA LA SHA YI THAL PA'I CHU, ,SUM 'GYUR DANG NI MAR DU BSKOL, ,DUG MO YUNGS SOGS PHYE MA BTAB, ,DROD SKYED GZHANG 'BRUM SEL BA'I MCHOG ,CES BYA BA LA, PA LA SHA'I THAL BA'I CHU'I DANGS MA GZAGS PAR MAR GYI SUM 'GYUR DANG BSKOL ZHING DUG MO YUNGS LA SOGS BA'I PHYE MA BTAB STE BSKOL BA'I SMAN MAR DES NI SHIN TU DROD SKYED CING GZHANG 'BRUM 'JOMS PA'I MCHOG YIN NO, ,TSA BA LNGA DANG AA RU RA, ,YA BAKshA RA LA LA PHUD, ,LCE MYANG TSA DANG KHA RU TSA, ,PA TA 'U SUN LE SHAM, , PIL BA ZHO DANG BCAS PA'I MAR, ,BSKOL BA DES NI CHU SO GZHANG, ,'KHRU ZHING GZHANG NI NYAMS PA DANG, ,GCIN SRI 'DZAG PA SEL BAR BYED, ,CES BYA BA LA, TSA BA LNGA LA SOGS BA'I SMAN GYI LDE GU DANG, ZHO MAR GYI BZHI 'GYUR DANG BCAS PA'I MAR DES NI CHU SO LA SOGS PA'I NAD MYUR DU SEL BAR BYED PA YIN NO, ,PA TA 'U SU LA LA PHUD, ,TSA BA LNGA DANG GZE MA DANG, ,BIL BA ZHO DANG TZANG GI RI, ,KHU BA MAR GYI BZHI 'GYUR BSKOL, ,LTO SBOS GCIN NI SRI BA DANG, ,RTAG TU 'KHRU DANG GZHANG 'BRUM DANG, ,GZHANG 'BRUM PHO BA'I NAD RNAMS DANG, ,BAD KAN RLUNG NI 'JOMS PAR BYED; ,CES BYA BA LA, PA TA LA SOGS PA'I SMAN GYI LDE GU DANG, ZHO MAR GYI BZHI 'GYUR DANG, TZANG GI RI'I KHU BA'I BZHI 'GYUR DANG, BSKOL BA'I SMAN MAR GYIS NI LTO SBOS PA LA SOGS PA'I NAD 'JOMS PAR BYED DO, ,RMA BYA BSREGS PA 'UR BYA YI, ,SHA KHU SKYUR PO LEGS SBYAR BA, , KHYIM BYA'AM BYE'U'I SHA KHU NI, ,'PHYEN DANG PHYI SA 'GAGS LA BLUD, ,CES BYA BA LA, RMA BYA LA SOGS PA'I SHA KHU G-YOS SU LEGS PAR BYAS PA 'PHYEN DANG PHYI SA 'GAGS PA LA BLUD PAR BYA'O, ,RGYA SNE'U DUR BYID TZI TRA KA ,DAN TI BA LA AAM LI KA ,LA SOGS LO MA GZHAN YANG NI; ,BAD KAN RLUNG 'JOMS TSOD MA NI, ,YANG ZHING BSHANG BA SLA BAR BYED, ,SHING KUN MAR DANG TIL MAR BRNGOS, ,ZHO YI SPRIS MA BSKOL BA DANG, ,'U SU DANG NI TSA BA LNGA, ,BTAGS PA'I PHYE DANG SE'U 'BRU'I BCUD, ,'U SU'I 'DAB MA GZHON NU DANG, ,SGE'U GSHER GSHAGS
, ,PAR GYUR PA DANG, ,SPOS ZHIM LEGS BDUGS DRI ZHIM BYAS, ,ZI RA NA LE SHAM DANG BCAS, ,KHA RU TSA NI SHAS CHER BRO, ,ZHES BYA BA LA, RGYA SNE'U LA SOGS PA'I 'DAB MA'I TSOD MA DANG, DE BZHIN DU GZHAN YANG BAD KAN DANG RLUNG 'JOMS PAR BYED PA'I TSOD MA YANG BA DANG BSHANG BA SLA BAR BYED PA'I SPYIN PAR BYA BA LA, DE DAG KYANG SHING KUN DANG MAR DANG TIL MAR DANG BCAS PA BRNGOS PA ZHO'I SPRIS MAR BSKOL ZHING BTZOS BA 'U SU'I 'BRAS BU DANG, TSAB LNGA PO BTAGS PA'I PHYE MA DANG, DE BZHIN DU SE'U 'BRU'I KHU BCUD DANG, 'U SU'I LO MA GZHEN NU DANG BCAS PA'I SGE'U GSHER DUM BU DUM BUR GTUBS LA, SPOS DRI ZHIM POS LEGS PAR BDUGS PA YID DU 'ONG ZHING SEMS DGA' BAR BYED NUS PAR BYAS PA ZIR LA SOGS PA'I SPOD BTAB CING KHA RU TSA SHAS CHER BRO BAR BYA STE, DES KYANG 'PHYEN DANG PHYIS 'GAGS PA SEL TO, ,RLUNG SHAS CHER RTZUB DROD CHUNG LA, ,SNGA LU RTZA SNAR 'BRAS CHAN NI, ,BA LANG GO TA RNGA MO RA'I, ,SHA KHU CHOD LTAR G-YOS PA DANG, ,MCHOG TU SHA ZA RNAMS KYI SHA ,RTUG SKAM CAN LA SBYIN PAR BYA, ,ZHES BYA BA LA, GZHANG 'BRUM RLUNG SHAS CHE BA LA SOGS PA LA NI S'A LU RTZA SNAR GYI CHAN DANG, TSOD MA SNGAR BSHAD PA LTA BU DANG, BA LANG LA SOGS PA'I SHA KHU SHING KUN LA SOGS BA DANG, TSOD MA LTAR G-YOS PA DANG, KHYAD PAR MCHOG TU SHA ZA RNAMS KYI SHA'I SHA KHU TSOD MA'I DON DU SBYAR BAR BYA'O, ,CHANG DANG BUR CHANG KHA RA'I CHANG, ,RGUN CHANG DAR BA RTZAB MO DANG, ,CHANG RNYING DANG NI ZHOG CHU, ,YANG NA CHU NYUNG BSKOL BA'AM, ,'U SU BCA' SGA BSKOL BA'AM, ,KAndA KA RI BSKOL BA BLUD, ,ZAS KYI THOG MA'AM BAR DAG TU, ,RLUNG GI RTUG SKAM SEL BA SBYIN, ,ZHES BYA BA LA, BTUNG BA'I DON DU NI CHANG LA SOGS BA SBYIN PAR BYA STE, DES NI RLUNG LAS GYUR PA'I RTUG SKAM SEL BAR BYED PA YIN NO, ,RLUNG MKHRIS BAD KAN RTUG SKAM RNAMS, ,BDE BAR 'BYUNG ZHING DRI MA SBYANG, ,GZHANG KHAR GZHANG 'BRUM ZHI 'GYUR ZHING, ,ME DROD SKYED BAR BYED PA YIN, ,ZHES BYA BA LA, GANG GI PHYIR RLUNG DANG MKHRIS PA DANG BAD KAN GYI RTUG SGAM RNAMS
SMAN DE DAG GIS SEL ZHING BDE BAR 'BYUNG BAR BYAS LA, DRI MA SBYANGS BAR GYUR NA GZHANG KHAR 'BYUNG BA'I GZHANG 'BRUM ZHI ZHING BYANG BAR 'GYUR LA, PHO BA'I ME DROD KYANG 'PHEL ZHING SKYED PAR BYED DO, ,RTUG SKAM GYIS NI GZIR BA DANG, ,GANG YANG SHIN TU KHONG RTZUB DANG, ,RLUNG 'KHYIL GZER GYIS NYEN GANG DAG ,DE LA 'JAM RTZI BYA BA BSNGAGS, ,ZHES BYA BA LA, GZHANG 'BRUM CAN GANG RTUG SKAM LA SOGS BA'I NAD KYIS GZIR ZHING 'PHYEN DANG BSHANG GCI 'GAGS PA LA SOGS PA'I NAD DANG LDAN PA LA 'JAM RTZI MAS GTONG BA BSNGAGS BA YIN NO, ,PI PI LING DANG PO SON CHA, ,BIL BA SHU TI SHING MNGAR DANG, ,SHU DAG RU RTA KRU TRUG TRES, ,ZUR PA MA NU THANG SHING RNAMS, ,BTAGS TE TIL MAR LA BTZOS SHING, ,'O MA TIL MAR NYIS 'GYUR GZHUG ,GZHANG 'BRUM RLUNG GIS 'KHYIL BA LA, ,'JAM RTZI DE NI MCHOG TU BSNGAGS, , GZHANG BYUNG BA DANG GZER BA DANG, ,GCIN SRI 'KHROG CING 'KHRU BA DANG, ,BRLA RKED RGYAB NA NYAM CHUNG DANG, ,LTO SBOS CHU SO BRTEN PA DANG, ,BE'U SNABS 'KHRU DANG GZHANG SKRANG DANG, ,RLUNG GIS RTUG PA 'GAGS PA DANG, ,GANG ZHIG MANG DU 'BYUNG 'DOD PA, ,DE DAG 'JAM RTZIS SEL BAR BYED, ,CES BYA BA LA, 'JAM RTZI DE YANG PI PI LING LA SOGS PA'I SMAN CHA SNYOMS SU BYAS PA BTAGS TE LDE GUR BYAS PA DANG, TIL MAR GYI NYIS 'GYUR GYI 'O MA DANG NYIS 'GYUR GYI CHU DANG TSUL BZHIN DU BSKOL BA'I TIL MAR 'JAM RTZI MAS GTONG NA, GZHANG 'BRUM GYI RLUNG 'PHYEN ZHES BYA BA'I 'KHYIL BA LA MCHOG TU BSNGAGS BA YIN ZHING, GZHANG 'BYUNG BA LA SOGS PA'I NAD RNAMS SEL BAR BYED PA YIN TE, BRLA DANG RKED PA DANG RGYAB NYAM CHUNG BA NI NUS BA ZHAN PA'O, ,LTO SBOS PA NI RKYAL BA BUS BA LTAR RGYAS PA STE YANG CHU SO LA BRTEN ZHING GNAS PA'O, ,BE'U SNABS SU 'KHRU BA NI 'BRUM SMIN PA BTZOS PA'I KHU BA LTA BU 'BYUNG BA'O, ,RLUNG GIS RTUG PA 'GAGS PA NI RLUNG LAS GYUR BA'I RTUG PA 'GAGS PA'I NAD KYIS BTAB BA'O, ,MANG DU 'BYUNG 'DOD PA'I BSHAD BA NI MANG BU 'BYUNG 'DOD CING MANG DU BSHANG BA'O, ,YANG NA MAS GTONG BKRU
, ,SMAN DRAG ,RTZA BA LNGA DANG 'O MAR BCAS, ,BA GCIN TIL MAR LAN TSVA DANG, ,SON CHA LA SOGS LDE GU GTANG, ,ZHES BYA BA LA, YANG NA BKRU SMAN DRAG PO MAS GTONG BA NI RU HA ZHES BYA BA RTZA BA LNGA LAS SBYAR BA 'O MA DANG BCAS PA BA GCIN DANG SBYAR ZHING TIL MAR LA SOGS PA'I SNUM BCUG PA LAN TSVA BTAB PA NAS, PO SON CHA LA SOGS PA'I SMAN GYI LDE GU GTANG BAR BYA'O, ,DE NAS GZHANG 'BRUM KHRAG 'DZAG PA, ,RLUNG NGAM BAD KAN DANG 'BREL BA, ,BRTAGS NAS DE LA SNUM PA DANG, ,RTZUB DANG BSIL BA SBYAR BAR BYA, ,ZHES BYA BA LA; DE NAS ZHES BYA BA LA NI RNAM PA GZHAN STON PAR BYED PA'I DON TE, GZHANG 'BRUM GYI NAD LA NI, SKAM PO DANG RLON PA'I DBYE BA RNAM GNYIS YOD PA LAS GZHANG 'BRUM SKAM PO'I GSO BA BSHAD ZIN NAS, DE'I 'OG TU RLON PA KHRAG 'DZAG PA'I GZHANG 'BRUM KHRAG LAS GYUR PA GSO BAR BYA BA'I PHYIR, DE NAS ZHES SMOS PA YIN TE, KHRAG GI GZHANG 'BRUM LA NI RLUNG NGAM BAD KAN GANG DANG 'BREL PA BRTAGS NAS, DE'I 'OG TU GZHANG 'BRUM DE RLUNG DANG 'BREL PA YIN NA NI SNUM PA DANG BSIL BAS GSO BAR BYA LA, BAD KAN DANG 'BREL PA YIN NA NI RTZUB PA DANG BSIL BAS GSO BAR BYA STE, 'DIR BRO BA NI RNAM PA THAMS CAD DU SPYAR BAR MI BYA STE, MKHRIS PA DANG RTAG TU 'BREL BA'I PHYIR RO, ,DE LA RLUNG DANG RJES 'BREL BA, ,BSHANG BA GNAG CING SRA LA RTZUB, ,RLUNG NI THUR DU 'BYUNG MI BYED, ,RKED PA BRLA DANG GZHANG KHAR GZER, ,RTZUB BA'I RGYUR NI GYUR BA YIN, ,ZHES BYA BA LA, DE LA RLUNG DANG RJES SU 'BREL ZHING DE SHAS CHE BA'I GZHANG 'BRUM NI GAL TE BSHANG BA GNAG PA DANG, SRA BA DANG RTZUB PAR GYUR PA DANG, 'PHYEN ZHES BYA BA'I RLUNG THUR DU 'BYUNG BAR MI BYED PA DANG, RKED PA GZER BA LA SOGS BA DANG LDAN ZHING, GAL TE RTZUB PA'I RANG BZHIN LAS DE DAG RGYUR GYUR NA, DE NI RLUNG DANG RJES SU 'BREL PA YIN PAR SHES PAR BYA'O, ,BAD KAN RJES 'BREL BSHANG BA SLA, ,SKYA ZHING SER LA LCI ZHING SNUM, ,SPYI BAG GZHANG KHA TSOR BA CHUNG, ,RGYU NI SNUM LCI YIN ZHES BYA, ,ZHES BYA BA LA, KHRAG LAS GYUR PA'I GZHANG 'BRUM DE GAL TE BAD KAN
DANG RJES SU 'BREL PA YIN NA BSHANG BA SLA BA LA SOGS PA DANG LDAN ZHING GZHANG KHA TSOR BA BEM BEM POR 'GYUR BA DANG, DE BZHIN DU RGYU ZHING SNUM PA LCI BA YIN PAR SHES PAR BYA'O, ,RANG KHRAG MTSAN NYID LAS KYANG BRTAGS, ,ZHES BYA BA LA, KHRAG MTSAN NYID 'DI DAG 'BA' ZHIG TU MA ZAD KYI; RANG RANG GI KHRAG GI MTSAN NYID GTAR GA GDAB PA'I CHO GA LAS, GNAG DANG DMAR BA'I ZHES BYA BA LA SOGS PA'I GZHUNG GIS BSTAN PA'I TSUL GYIS KYANG RLUNG DANG BAD KAN DANG RJES SU 'BREL BA'I MTSAN NYID BRTAG CING SHES PAR BYA'O, ,NAD KHRAG BSAL BAR BYA BA DANG, ,NYAMS STOBS JI BZHIN SMYUNG BA BYA, ,ZHES BYA BA LA, RLUNG LA SOGS PA'I GNOD PAR 'GYUR BA'I NAD KHRAG DAG NI NANG PA'I NYAMS STOBS KYI TSUL JI LTA BA BZHIN DU SMYUNG BA BYA BA DANG, DE BSAL ZHING GDON BA LA 'BAD BAR BYA'O, ,JI SRID NAD KHRAG NAG POR BYUNG, ,DE SRID KHRAG 'DZAG GCAD MI BYA, ,ZHES BYA BA LA, DUS JI SRID KHRAG DE NAD KHRAG RNYOG PA CAN NAG POR BYUNG BA DE SRID KYI BAR DU KHRAG 'DZAG BA DE BCAD CING 'PHRAL DU DGAG PAR MI BYA BAR GZAG PAR BYA'O, ,NAD NI SMIN PAR BYA PHYIR DANG, ,ME DROD BSKYED PAR BYA PHYIR DANG, ,KHRAG NI GCAD PAR BYA BA'I PHYIR, ,DE PHAN CHAD NI KHA BA BLUD, ,CES BYA BA LA, DE LTAR KHRAG MI BCAD PA'I 'OG TU NAD BA SMIN ZHING MA ZHU BA DE SMIN ZHING ZHI BAR BYA BA'I PHYIR DANG KHONG BA'I ME DROD SKYED CING BRTA BAR BYA BA'I PHYIR KHRAG GCAD PAR BYA LA, DE YANG BCAD PAR DUS LA BAB PAR GYUR PA DE PHAN CHAD SMAN KHA BAS NAD PA DE GSO BAR BYA'O; ,GANG ZHIG NAD KYIS STOBS ZAD PA, ,KHRAG NI RLUNG GI SHAS CHE LA, ,BTUNG DANG BSKU DANG 'JAM RTZI RU, ,RIGS PAS SNUM NI SBYAR BAR BYA, ,ZHES BYA BA LA, KHRAG NAD GANG ZHIG GIS NAD PA'I NYAMS STOBS ZAD PAR 'GYUR BA'AM, RLUNG GI SHAS TSE ZHING 'DAR BAR GYUR PA'I KHRAG 'BYUNG BA DE LA NI BTUNG BA LA SOGS PAR CI RIGS BAR SNUM BTANG BAS GSO BAR BYA'O, ,GANG ZHIG MKHRIS PA RGYAS PA'I KHRAG ,TSA BA'I DUS SU 'BYUNG GYUR PA, ,DE NI GCIG TU GCAD BAR BYA, ,RLUNG DANG BAD KAN LAS GYUR MIN, ,ZHES BYA BA LA, KHRAG NAD GANG ZHIG
, ,TSA BA'I DUS SO GA'I TSE BYUNG BAR GYUR NA DE GCIG TU NGES PAR GYUR NA DE KHO NAR GCAD CING DGAG PAR BYA BA YIN LA, DE RLUNG DANG BAD KAN DANG RJES SU 'BREL PA MA YIN NA GCAD PAR BYA'O, ,BAD KAN BCAS KHRAG BCA' SGA DANG, ,DUG MO YUNGS SHUN BSKOL BA BLUD, , CES BYA BA LA, BAD KAN DANG BCAS BA'I KHRAG NAD LA NI BCA' SGA DANG DUG MO YUNGS KYI SHUN LPAGS BSKOL BA BLUD PAR BYA'O, ,YANG NA RTZA MKHRIS BCA' SGA DANG, ,BYI TSER TZANDAN DMAR PO'AM, ,ZHES BYA BA LA, YANG NA NAD DE LA RTZA MKHRIS BYA BA NIM PA LA SOGS PA'I SMAN BSKOL BA BLUD NA YANG PHAN NO, ,SKYER PA'I SHUN PA PU SHEL TZE, ,NIM PA'AM SE'U 'BRU'I SHUN BSKOL BLUD, ,CES BYA BA LA, YANG NA BAD KAN DANG BCAS PA'I KHRAG NAD DE LA SKYER PA'I SHUN LPAGS LA SOGS PA BSKOL BA'I SMAN BLUD PA'AM, SE'U 'BRU'I SHUN PA 'BA' ZHIG BLUD NA YANG PHAN NO, ,DUG MO YUNGS SHUN 'BRAS BU DANG, ,BONG NGA SBRANG RTZI SKYER KHAndA, ,YANG NA AA BA MARGA YI, ,LDE GU 'BRAS KYI CHU SBYAR BLUD, ,CES BYA BA LA, DUG MO YUNGS KYI SHING GI SHUN PA DANG, DE'I SA BON AINDRA YA BA DANG, BONG NGA DKAR PO DANG, SBRANG RTZI DANG SKYER KHAndA STE 'DI DAG THAMS CAD 'BRAS BKRUS PA'I CHU DANG SBYAR TE BLUD PAR BYA'O, ,YANG NA AA PA MARGA'I LDE GU 'BRAS KYI CHU DE NYID DANG BCAS PA BLUD PAR BYA'O, ,DUG MO YUNGS KYI SHUN PA RLON, ,SRANG BRGYA CHAR CHU'I NANG DU BSKOL, ,SHUN PHRAGS KHU BA BTZAGS BA RU, ,BTZOD DANG MO TZA PRI YANG KU'I, ,KHU BA SRANG RE DAG DANG NI, , DUG MO YUNGS KYI PHYE MA BCUG ,DE NAS GZAR PUR CHAGS PA YI, ,LDE GU BSKOL BA SBYIN BYA ZHING, ,THUG PA THUG SLA'I 'O THUG GAM, ,RA 'AM BA YI 'O MA 'AM, ,ME STOBS JI BZHIN BLUD PAR BYA, ,LDE GU 'DIS NI KHRAG GI NI, ,TSAD 'KHRUG ZHANG 'BRUM SEL BYED CING, , KHRAG MKHRIS NAD NI STOBS LDAN PA, ,STENG NGAM 'OG NAS 'BYUNG BA SEL, ,ZHES BYA BA LA, DUG MO YUNGS KYI SHUN PA RLON BA SRANG BRGYA CHAR CHU'I NANG DU BSKOL TE, 'DIR BSKOL LUGS KYI KHYAD PAR MA SMOS BA NA SMAN GYI BCU DRUG 'GYUR GYI CHU'I NANG DU BSKOL, SHUN PA JI SRID
LEGS PAR 'KHUS SHING KHRU BA MED PA DE SRID KYI BAR DU BSKOL LA, KHU BA DE BTZAGS PA'I NANG DU BTZOD CES BYA BA SA MANG GA LA SOGS PA SMAN GSUM PO SRANG RE RE BCUG LA, BTZOD LA SOGS PA'I GSUM PO DE DAG DANG CHA MNYAM PA'I DUG MO YUNGS KYI PHYE MA GZHUG BAR BYA'O, ,DE YANG BTZAGS LA GZAR BUR CHAGS KYI BAR DU BSKOL LA LDE GU DE ME DROD KYI STOBS JI LTA BU'I TSAD DU BYIN LA, DE'I 'OG TU THUG PA BLUD PAR BYA'O, ,DES NA LDE GU 'DIS KHRAG GI TSAD PAR 'KHRU BA DANG, KHRAG GI GZHANG 'BRUM SEL BAR BYED LA, KHRAG MKHRIS KYI NAD RGYAS SHING STOBS DANG LDAN PA STENG NGAM 'OG NAS 'BYUNG ZHING 'DZAG BA DAG SEL BAR BYED DO, ,DUG MO YUNGS SHUN SRANG BRGYAD CHU, ,BRE BCU DRUG BSKOL BRGYAD CHA LAS, ,DER NI TSA GSUM SKYER KHAndA, ,SENG PHROM GNYIS DANG MON CHA RA, ,SE'U 'BRU GZHON NU'I SHUN PHRAGS DANG, ,BIL BA GZHON NU GLA SGANG DANG, ,BTZOD DANG DA TA KI'I 'BRAS BU, ,SRANG NI RE RE BTAGS PA YI, ,LDE GUR BYAS PA GZHUG PAR BYA, ,DUG MO YUNGS SHUN SRANG BCU DANG, ,ZHUN MAR SRANG NI NYI SHU DANG, ,BU RAM SRANG NI SUM CU GZHUG ,BSKOL LA GZAR BUR CHAGS PA DANG, ,'BRU NANG ZLA PHYED BCUG STE BLDAG ,GZHANG 'BRUM KUN DANG PHO BA'I NAD, ,LUD PA DBUGS MI BDE BA SEL, ,ZHES BYA BA LA, DUG MO YUNGS KYI SHUN LPAGS SRANG BRGYAD CU BRE BCU DRUG GI NANG DU BSKOL LA, DE LAS BRGYAD CHA LUS PA DANG, KHU BA DE'I NANG DU TSA BA GSUM LA SOGS PA SRANG RE BTAGS TE LDE GUR BYAS PA DE BZHIN DU DUG MO YUNGS KYI SHUN LPAGS SRANG BCU DANG, MAR SRANG NYI SHU DANG, BU RAM SRANG SUM CU BCUG STE BSKOL BA LA GZAR BUR CHAGS PA'I LDE GUR GYUR PA DANG, RDUL GYIS MA GOS PA'I 'BRAS LA SOGS PA 'BRU'I NANG DU ZLA BA PHYED BZHAG STE, DE'I 'OG TU LDE GU DE BRNGAG CING ZOS NA GZHANG 'BRUM GYI NAD KUN DANG PHO BA'I NAD LA SOGS PA SEL BAR BYED DO, ,SENG PHROM MO TZA RA SA TIL, ,BTZOD DANG TZANDAN AUTPA LA, ,RA YI 'O MA SBYAR BA BLUD, ,DE NYID DANG NI 'BRAS CHAN SPYIN, ,ZHES BYA BA LA, KHRAG GI GZHANG 'BRUM LA SENG PHROM LA SOGS PA DANG BTZOS PA'I RA'I 'O MA BLUD
, ,CING 'O MA DE NYID DANG 'BRAS CHAN SBYIN PAR BYA'O, ,SHING MNGAR SHUN PA BYI TSER BA, ,'O MA D'UR BA PA YA SYA, ,KHA RA SBRANG RTZIR BCAS CHU'AM, ,RA YI 'O MAR SBYAR BA BTUNG, ,ZHES BYA BA LA, SHING MNGAR LA SOGS PA KHA RA DKAR PO DANG SBRANG RTZI'I CHU DANG SBYAR BA'AM, YANG NA RA'I 'O MA DANG SBYAR BA BLUD PAR BYA'O, ,SENG PHROM BTZOD DANG PU SHEL TZE, ,SHA MA LI'I SHUN DUG MO YUNGS, ,TZANDAN SHING MNGAR PU SHEL TZE, ,N'A GA GE SAR 'BRAS CHU BLUD, ,CES BYA BA LA, YANG DE LA SENG PHROM LA SOGS PA'I SMAN 'BRAS KYI CHU DANG SBYAR TE BLUD PAR BYA'O, ,LA LA PHUD DANG DUG MO YUNGS, ,PA TA BCA' SGA SKYER KHAndA'I, ,PHYE MA GZER DANG BCAS LA PHAN, ,ZHES BYA BA LA, YANG NA KHRAG GI GZHANG 'BRUM GZER DANG BCAS PA LA, LA LA PHUD LA SOGS PA'I PHYE MA BYIN NA YANG PHAN NO, ,KHRAG NI DRAG TU 'BYUNG BA LA, ,KAndA KA RI PA YA SYA, ,GNYIS DANG BSKOL BA'I ZHUN MAR BSNGAGS, ,ZHES BYA BA LA, GZHANG 'BRUM KHRAG DRAG TU BYUNG BA LA NI KAndA KA RI DANG PA YA SYA GNYIS KYI LDE GU DANG BSKOL BA'I ZHUN MAR BYIN NA BSNGAGS SO, ,YANG NA SENG PHROM DA TA KI ,DUG MO YUNGS SHUN 'BRAS BU DANG, ,AUTPAL PADMA GE SAR MAR, ,ZHES BYA BA LA, YANG NA SENG PHROM LA SOGS PA'I SMAN DANG BSKOL BA'I MAR KHRAG DRAG TU 'BYUNG BA LA PHAN NO, ,YA BAKshA RA SE'U 'BRU'I BCUD, ,CES BYA BA LA, YANG NA YA BAKshA RA LDE GUR BYAS PA DANG, SE 'BRU'I KHU BA BZHI 'GYUR DANG BSKOL BA'I MAR BLUD NA YANG DE LA PHAN NO, ,KHA RA PADMA'I GE SAR DANG; ,MAR SAR SBYAR BA TIL BCAS PA'AM, ,MAR SAR SBYAR BAS KHRAG LAS NI, ,GYUR BA'I GZHANG 'BRUM SEL BAR BYED, ,CES BYA BA LA, SHA KHA RA DANG PADMA'I GE SAR DANG MAR SAR SBYAR BAS KHRAG GI GZHANG 'BRUM SEL BAR BYED PA'AM, YANG NA TIL MAR DANG SBYAR BA ZOS PAS SEL BAR 'GYUR RO, ,RA YI MAR SAR 'O MA DANG, ,SKAM SA'I SROG CHAGS SHA KHRAG DANG, ,RGYA SNE'U KHU BAR BCAS SHA KHU, ,CUNG ZAD SKYUR DANG SKYUR MED PAS, ,ZHES BYA BA LA, RA'I MAR SAR LA SOGS PAS KYANG NAD SEL BAR BYED DO, ,DE BZHIN DU SKAM SA'I SROG CHAGS WA LA SOGS
PA'I RGYA SNE'U SHA KHU DANG BCAS PA CUNG ZAD SKYUR BA MED PAS KYANG KHRAG LAS GYUR BA'I GZHANG 'BRUM SEL TO, ,S'A LU RTZA SNAR ZHO YI SPRI, ,DRUG CU BA DANG CHANG SAR DANG, ,CHANG GI DANGS MA SAR PA NI, ,KHRAG LAS GYUR PA'I SMAN MCHOG YIN, ,ZHES BYA BA LA, S'A LU RTZA SNAR LA SOGS PA KHRAG GI GZHANG 'BRUM GYI SMAN GYI MCHOG GAM GTZO BO YIN NO, ,CHANG SAR PA NI SHAS CHER MA LANGS PA STE PHAL CHER MNGAR BA'O, ,CHANG GI DANGS MA NI CHANG GZHON NU SHAS CHER SKYUR BAR MA GYUR PA'O, ,THUG PA YU SHA SHA KHU SOGS, ,YANG NA KUN DONG 'BA' ZHIG GIS, ,KHRAG RGYAS GYUR PA SEL BYED DE, ,RLUNG LAS GYUR PA'ANG SBYAR BAR BYA, ,ZHES BYA BA LA, SGOG PA KUN DONG PA LAN ZHES BYA BA THUG PA LA SOGS PA DANG SBYAR TE BLUD PA'AM, DE 'BA' ZHIG BYIN NA KHRAG SHIN TU RGYAS PAR GYUR BA'I GZHANG 'BRUM DANG RLUNG LAS GYUR BA 'JOMS BAR BYED DO, ,PHAL CHER RLUNG SHAS CHE GZHANG 'BRUM, ,KHRAG 'DZAG DRAG LAS 'BYUNG 'GYUR BAS, ,DE BAS LHAG PAR DE LA NI, ,DE BSAL BA LA 'BAD PAR BYA, ,ZHES BYA BA LA, KHRAG SHAS CHER 'DZAG CING 'BYUNG BAR GYUR BA LAS, RLUNG GI SHAS CHE BA'I GZHANG 'BRUM 'BYUNG BAR 'GYUR BAS, DE BAS NA LHAG PAR YANG GZHANG 'BRUM GYI NAD DE LA RLUNG DE BSAL BAR BYA BA'I PHYIR SMAN PAS 'BAD PAR BYA'O, ,KHRAG MKHRIS SHAS CHE BAD KAN DANG, ,RLUNG SHAS CHE BAR MTHONG GYUR NA, ,DE ZHI BYA PHYIR RNAM KUN DU, ,BSIL BA'I CHO GA SPYAD PAR BYA, ,ZHES BYA BA LA, KHRAG LAS GYUR PA'I GZHANG 'BRUM KHRAG DANG MKHRIS PA GNYIS SHIN TU SHAS CHE ZHING STOBS DANG LDAN PAR MTHONG LA, BAD KAN DANG RLUNG GNYIS NI SHAS CHUNG ZHING STOBS ZHAN PAR MTHONG NA, DE LA MA SMIN PA'I SKABS SU KHRAG MKHRIS DE ZHI BAR BYA BA'I PHYIR RNAM PA THAMS CAD DU BSIL BA'I CHO GA'I RIM PA GANG DAG YIN PA DE SPYAD PAR BYA'O, ,GAL TE DES KYANG MA ZHI NA, ,DE TSE SNUM DANG DRO BAS BRTA, ,SHA KHU DRO 'JAM ZHUN MAR NI, ,THOG MA NYID DU SBYAR BAR BYA, ,ZHES BYA BA LA, DE LTAR GSO BA BYAS SU ZIN KYANG KHRAG DANG MKHRIS PA DE ZHI BAR MA GYUR NA, DE'I 'OG TU SNUM PA DANG, DRO BA'I SMAN DANG ZAS KYIS BRTA BAR
, ,BYA ZHING, SHA KHU CUNG ZAD TZAM BLUD PA DANG, ZHUN MAR YANG KHRAG 'BYUNG BA'I THOG MA NYID DU BTANG ZHING BRTA BAR BYA'O, ,DE LA TIL MAR MAR DANG NI, ,'O MA DRO 'JAM BLUD PA'ANG BSNGAGS, ,ZHES BYA BA LA, NAD PA DE LA TIL MAR RAM 'O MA DRO 'JAM TZAM DU BYAS PA CI 'DOD PAR BLUD PA YANG PHAN NO, ,BYI TSER KU SHA 'JAG MA'I RTZA, ,SHAL MA LI YI ME TOG DANG, ,AU DUM B'A RA N+YA GRO DHA, ,AA SHVADTHA YI MYU GU SRANG, ,GNYIS GNYIS CHU BRE GSUM DANG NI, ,'O MA BRE GANG NANG DU BSKOL, ,'O MA LUS NAS TSIGS MA BTZAGS, ,KHU BA DER NI MON CHA RA; ,BTZOD DANG TZANDAN AUTPA LA, ,AUTPAL PADMA'I GE SAR DANG, ,DUG MO YUNGS KYI SA BON TE, ,'DI RNAMS BTAGS PA'I LDE GU BSRES, ,'DI NI SPYI BAG 'JAM RTZIR GRAGS, ,MAR DANG SBRANG RTZI KHA RAR BCAS, ,MKHREGS DANG GZHANG NI 'BYUNG BA DANG, ,KHRAG 'DZAG RIMS NI 'JOMS PAR BYED, ,CES BYA BA LA, BYI TSER BA LA SOGS PA'I RTZA BA DANG, SHING SHAL MA LI'I ME TOG DANG, AU DUM B'A RA LA SOGS PA'I MYU GU SMAN SNA RE RE ZHING SRANG GNYIS GNYIS CHU BRE GSUM DANG, DE BZHIN DU 'O MA BRE GANG GI NANG DU BSKOL LA 'O MA LUS PAR GYUR PA DANG, TSIGS MA BTZAGS LA KHU BA DER MON CHAR DANG, BTZOD LA SOGS PA'I SMAN LDE GUR BYA BA'I TSUL DU SBYAR BA'I LDE GU DANG BSRES PA 'DI NI SPYI BAG GI 'JAM RTZI ZHES GRAGS TE, DE DANG MAR DANG SBRANG RTZI BSRES LA, CI RAN TZAM BYIN NA MKHREGS SHING 'KHRU BA DANG GZHANG 'BYUNG BA LA SOGS PA 'JOMS PAR BYED DO, , SHING MNGAR BRA PUndA R'I KA ,DE BZHIN MON CHAR LA SOGS, ,NYIS 'GYUR GYI NI 'O MA BSKOL, ,SNUM GYI 'JAM RTZI GTANG BAR BYA, ,ZHES BYA BA LA, SHING MNGAR DANG PRA PUndA R'I KA DANG, MON CHA RA DANG BTZOD LA SOGS PA BZLAS MA THAG PA'I SMAN LDE GUR BYAS PA DANG, 'O MA MAR GYI NYIS 'GYUR DANG CHU DANG DE BZHIN DU BSKOL BA'I SNUM GYI 'JAM RTZI BSKOL BAR BYA'O, ,SHING MNGAR AUTPAL SENG PHROM BTZOD, ,BIL BA TZANDAN PA LE KA ,DBYI MO GLA SGANG BONG NGA DKAR, ,PA THA YA BAKshA RA MCHOG ,SKYER PA SHING TSA TZI TRA KA ,DONG GA SPANG SPOS THANG SHING DANG, ,TZANG GI RI YI
KHU BA MAR, ,BSKOL BA DES NI NYES GSUM 'JOMS, ,GZHANG 'BRUM TSAD 'KHRU PHO BA'I NAD, ,SKYA RBAB RIMS DANG YI GA 'CHUS, ,GCIN SRI GZHANG NI NYAMS PA DANG, ,CHU SO SBO DANG MKHREGS PA DANG, ,BE'U SNABS 'KHRU DANG GZHANG 'BRUM SEL, ,DE BLAD SMAN GYI DAM PA YIN, ,ZHES BYA BA LA, SHING MNGAR LA SOGS PA'I SMAN ZHUN MAR DANG TZANG GI RI'I KHU BA BZHI 'GYUR DANG BSKOL BA'I SMAN MAR DES NI NAD GZHI'I NYES PA GSUM CHAR 'JOMS TE, SMAN MAR DE NI GZHANG 'BRUM DANG TSAD PAR 'KHRU BA LA SOGS PA'I NAD PAR DE BYIN NA DE SEL BA'I SMAN GYI DAM PA YIN NO, ,RIM GYIS MNGAR ZHING SKYUR BA DANG, ,GRANG DRO LA SOGS RTAG TU NI, ,ME DROD STOBS LAS LTOS TE BTANG, ,GZHANG 'BRUM NAD LAS RGYAL BAR 'GYUR, ,ZHES BYA BA LA, GZHANG 'BRUM CAN GYI NAD PA LA RIM GYIS MNGAR BA DANG, SKYUR BA'I SMAN DANG, DE BZHIN DU GRANG BA DANG; DRO BA DAG RTAG PAR DE DUS THAMS CAD DU SMAN BAS KHONG PA'I ME DROD DANG NYAMS STOBS LAS BRTAGS TE BTANG BAR GYUR NA GZHANG 'BRUM GYI NAD SEL BAR 'GYUR BAS NA JI NAS KYANG TSUL DE LTA BUS GZHANG 'BRUM GYI NAD BSAL BAR BYA'O, ,RTUG SKAM GYIS NYEN TIL MAR GYI, ,GRANG BA'I RIMS LA PHAN PAS BSKU, ,RLAN DUGS SNUM CAN GYIS DUGS BYA, ,DE NAS RENG BU GZHUG BYA STE, ,SHA MA DUR BYID DAN DA DANG, ,NI LI NI 'BRAS PI PI LING, ,PO SON CHA LAN TSVA NYIS 'GYUR, ,PHYER BTAGS BU RAM BA GCIN SBYAR, ,MAR BSKUS RENG BU MTHE BO'I TSAD, ,BCUG NA RTUG SKAM BDER 'BYUNG BYED, ,CES BYA BA LA, RTUG SKAM GYI NAD KYIS NYEN ZHING GZIR BA'I NAD PAS GRANG BA'I RIMS LA PHAN PAR BSHAD PA'I TIL MAR SNGAR BSHAD PAS LUS LA BSKUS LA RLAN PA'I DUGS MANG PO DANG BCAS PAS DUGS BYAS LA, DE NAS SHA MA DUR BYID LA SOGS PA LAS BYAS PA'I RENG BU GZHUG PAR BYA STE, DE YANG SHA MA DUR BYID LA SOGS PA'I SMAN BTAGS LA BU RAM DANG BA'I GCIN SBYAR TE, LAN TSVA SMAN SPYI'I NYIS 'GYUR BCUG LA MAR GYIS BSKUS TE, RENG BU LAG PA'I TSAD TZAM BCUG NA RTUG SKAM BDE BAR 'BYUNG BAR BYED DO, ,PI PI LING DANG PO SON CHA, ,KHYIM GYI
, ,DUD PA YUNGS KAR BCAS, ,ZHES BYA BA LA, DE BZHIN DU PI PI LING LA SOGS PA'I RENG BU MTHE BO'I CHAD TZAM BYAS TE, SNGA MA LTAR BYAS NA YANG RTUG SKAM SEL BAR BYED DO, ,'DI DAG NYID KYI PHYE MA NI, ,RKUB NAS GCE 'US 'BUD PAR BYA, ,ZHES BYA BA LA, YANG NA RENG BU GNYIS KYI SKABS SU BSHAD PA'I SMAN GYI PHYE MA RKUB NAS GCE'U'I SBU GU LAS BUS TE BTANG NA YANG DE DANG 'DRA'O, ,DE DON MED NA RAB RNO SNUM, ,MAS GTONG BAS NI BTZIR TE GTANG, ,DES NI GZHANG RTZA DRANG POR 'BYED, ,BSHANG GCI 'PHYEN NI BDE BAR 'BYUNG, ,ZHES BYA BA LA, RENG BU DANG PHYE MA DUD PA DE DAG DON MED PAR GYUR CING NAD SEL BA'I 'BRAS BU MED PAR GYUR NA RAB TU RNO ZHING SMAN SHIN TU RNO BA DANG SBYAR BA'I SNUM DANG BCAS PA'I SMAN MAS GTONG ZHING BTZIR BAR BYAS TE MAS GTONG BA DE NI NAD PA DE'I GZHANG GI RTZA DRANG POR BYED CING BSHANG BA LA SOGS PA BDE BAR 'BYUNG BAR 'GYUR RO, , SLAR YANG 'GAGS NA RLUNG 'JOMS PA'I, ,BKRU SMAN SNUM CAN GTANG BYA ZHING, ,'JAM RTZI DAG NI GTANG BAR BYA, ,RTZUB LAS RLUNG NI RTUG SKAM 'GYUR, ,ZHES BYA BA LA, SLAR YANG RTUG PA 'GAGS PAR GYUR NA RLUNG 'JOMS PA'I BKRU SMAN AE RAndA'I TIL BA MAR LA SOGS PA BKRU SMAN GTANG BA DANG, RTUG SKAM GYI NAD KYIS NYEN PA LA 'JAM RTZI MAS GTONG BA'I SNUM GYI 'JAM RTZI GTANG BAR BYA STE, CI'I PHYIR ZHE NA, RLUNG GI RTUG SKAM NI RTZUB PA LAS RTUG SKAM DU GYUR PA'I PHYIR BKRU SMAN DANG, 'JAM RTZI SNUM BAG GTANG BAR BYA'O, ,LAN TSVA GSUM DANG TSA BA GSUM, ,'BRAS BU GSUM DANG DAN TI DANG, ,BSE SHING 'BRAS BU TZI TRA KA ,PHYE MA MAR DANG SBRANG RTZIS SBRUS, ,RDZA SKYOGS KHA SBYAR 'JIM PAS BYUGS, ,DU BA NANG 'KHYIMS BSREG PAR BYA, ,THAL BA DGE BA CAN ZHES BYA, ,MAR DANG LHAN CIG BLUD PA'AM, ,'BRAS CHAN SNUM CAN DANG SBYAR ZOS, ,RTUG SGAM 'GAGS DANG GZHANG 'BRUM CAN, ,SKYA RBAB DMU RDZING RDE'U GCIN SRI, ,SNYING NAD 'OR NAD PHO BA'I NAD, ,GCIN SNYI MCHIN PA GZER DANG GLO, ,LUD PA DBUGS MI BDE BA 'JOMS, ,ZHES BYA BA LA, LAN TSVA GSUM NI SA DE BA ZHES BYA BA'I LCE MYANG TSA DANG, SO BAR TSA LA ZHES
BYA BA KHA RU TSA DANG, PI DA ZHES BYA BA KHA RU TSA NAG PO DRI MI ZHIM PA STE GSUM DANG TSAB GSUM LA SOGS PA'I SMAN PHYE MAR BTAGS LA MAR DANG BA GCIN GYIS SBRUS TE, RDZA SKYOGS KHA SBYAR GYI NANG DU BCUG NAS DU BA NANG DU 'KHYIMS SHING PHYIR MA BYUNG BAR BYAS NAS BSREG PAR BYA'O, ,DE LTAR BSREGS PA'I THAL BA DE NI MING DGE BA CAN ZHES BYA BA STE, DE MAR DANG LHAN CIG SBYAR TE BLUD PAR BYA'O, ,'BRAS CHAN SNUM CAN DANG SBYAR TE ZOS NA RTUG SKAM LA SOGS PA'I NAD 'JOMS PAR BYED DO, ,GZHANG 'BRUM LA NI GANG ZHIG BSHAD, ,DE KUN RTUG SKAM DAG LA'ANG SBYAR, ,ZHES BYA BA LA, GZHANG 'BRUM GYI SKABS SU BSHAD PA'I BZA' BA DANG, BTUNG BA DANG, SMAN LA SOGS PA THAMS CAD RTUG SKAM GYI NAD LA YANG SBYAR BAR BYA'O, ,KA RANYDZA SHUN SRANG NI NYIS BRGYA BCU, ,BRE BCU DRUG BSKOL BZHI CHA LUS PA DER, ,BU RAM SRANG NI BRGYAD CU TSA BA GSUM, ,SRANG BRGYAD ZHIB TU BTAGS PA'I PHYE MA GZHUG ,'DI DAG ZLA GCIG BZHAG STE LANGS GYUR NAS, ,TSA BYAS MCHOG TU DROD SKYED ZAS 'JU BA'I, ,NUS SKYED RLUNG BDER RGYU BYAS GZHANG 'BRUM DANG, ,MCHER NAD SKRAN DANG DMU RDZING SEL BAR BYED, ,CES BYA BA LA, PU TI KA RANYDZA'I SHUN PHRAGS SRANG NYIS BRGYA LEGS PAR BSKAMS BA CHU BRE BCU DRUG CES BYA BA SRANG LNGA BRGYA BCU RTZA GNYIS KYI NANG DU BSKOL BA DE LAS BZHI CHA STE, BRE BZHI LUS PA DE BTZAGS TE BSGRANGS PA DER BU RAM SRANG BRGYAD CU DANG TSA BA GSUM SRANG BRGYAD ZHIB TU BTAGS PA'I PHYE MA BCUG LA SMAN 'DI DAG LDE GUR BSKOL BA MAR SNOD KYI RDZA MAR BCUG STE, ZLA BA GCIG GI BAR DU BZHAG NAS LANGS SHING SMIN PAR GYUR PA NI KA RANYDZA'I TSA ZHES BYA STE, DES NI SHIN TU DROD SKYED CING ZAS 'JU BA'I NUS PA BSKYED PA DANG, RLUNG BDE BAR RGYU BA LA SOGS PA BYAS NAS GZHANG 'BRUM LA SOGS PA'I NAD SEL BAR 'GYUR RO, ,PU TI KA RANYDZA NI SRANG BRGYAD DANG, ,TZI TRA KAndA KA RI SRANG NYIS BRGYA, ,CHU BRE BZHI BCU BRGYAD BSKOL BZHI CHA LUS, ,BTZAGS TE BSGRANGS PAR BU RAM SRANG BRGYA GZHUG ,DRI SNA GSUM DANG TSA GSUM SE'U 'BRU DANG, ,PI PI LING GI RTZA BA SRU SRU'I RTZA, ,GU GUL MA NU 'U SU DBYI MO DANG, ,SPA MA'I 'BRAS BU SGE'U GSHER STAR BU NI, ,
, ,SRANG RE ZHIB TU BTAGS PA'I PHYI MA BSKOL, ,BSGRANGS NAS SBRANG RTZI SRANG NI NYI SHU GZHUG ,SGE'U GSHER SKYUR RTZI CHEN PO RGUN 'BRU RLON, ,BU RAM SHING GI RTZA BA BTZIR BAR BYA, ,MAR GYI SNOD BCUG ZLA GCIG BZHAG STE LANGS, ,SKYUR GYUR 'DI NI GZHANG 'BRUM SOG LE STE; ,ME DROD SKYED PAR BYED PA'I MCHOG YIN LA, ,SKYA RBAB DBYIG DUG DMU RDZING SKRAN MCHER BA, ,LTO SBOS RDE'U CHAGS GCIN SRI 'JOMS PAR BYED, ,CES BYA BA LA, PU TI KA RANYDZA ZHES BYA BA'I SMAN SRANG BRGYA DE BZHIN DU TZI TRA KA DANG KAndA KA RI'I RTZA BA SRANG NYIS BRGYA CHU BRE BZHI BCU RTZA BRGYAD KYI NANG DU BSKOL LA, BZHI CHA LUS PA DANG BTZAGS TE BSGRANGS BA'I NANG DU BU RAM SRANG BRGYA BCUG LA, DE'I 'OG TU DRI SNA GSUM LA SOGS PA'I SMAN SRANG RE RE ZHIB TU BTAGS PA'I PHYE MA BCUG NAS BSKOL TE, DE BSGRANGS LA SBRANG RTZI SRANG NYI SHU GZHUG CING, DE BZHIN DU SGE'U GSHER DANG SKYUR RTZI CHEN PO RGUN 'BRU RLON PA'I KHU BA SRANG NYI SHU BCUG LA, DE BZHIN DU BU RAM SHING BTZIR BA'I KHU BA CI RAN TZAM DU BLUGS PA LA, MAR GYI SNOD KYI NANG DU BCUG NAS ZLA BA GCIG BZHAG STE LANGS PA DANG, SKYUR RTZI TSAR GYUR PA 'DI NI GZHANG 'BRUM GYI TSOGS SOG LES SHING LTAR GCOD PA YIN ZHING, ME DROD SHIN TU SKYED PAR BYED PA DANG, SKYA RBAB LA SOGS PA'I NAD 'JOMS PAR BYED PA YIN NO, ,PI LU'I KHU BA RAS BTZAGS BRE BCU DRUG ,MAR GYI SNOD KYI NANG DU BCUG NAS NI, ,DA TA KI DANG RGUN 'BRUM 'BRA GO DANG, ,SKYU RU RA YI 'BRAS BU SRANG GNYIS GNYIS, ,PA TA BONG NGA DKAR PO BYI TSER BA, ,STAR BU TSA BA GSUM DANG SHING TSA DANG, ,SUG SMEL 'U SU SPRI KA KA KO LA, ,LI SHI PI PI LING RTZA BYI DANG GA ,KRU TRUG TRES SRANG RE RE BU RAM NI, ,SRANG BRGYAD RLUNG MED GNAS SU ZLA PHYED GZHAG ,DES NI GZHANG 'BRUM SKRAN BCAS ZHI BYED CING, ,ME YI STOBS NI MYUR DU SKYED PAR BYED, ,CES BYA BA LA, PI LU PHA LA ZHES BYA BA'I KHU BA RAS KYIS BTZAGS PA'I BRE BCU DRUG SNUM DANG BCAS PA'I MAR SNOD KYI NANG DU BCUG NAS, DA TA KI LA SOGS PA SMAN SRANG GNYIS DANG PA TA LA SOGS PA'I SMAN SRANG RE RE SBYAR LA, DE BU
RAM SRANG BRGYAD DANG BSRES NAS RLUNG MED PA'I KHANG PAR ZLA PHYED BZHAG STE, DE NAS NAD PA LA CI RAN TZAM DU BLUD NA GZHANG 'BRUM SKRAN DANG BCAS PA ZHI ZHING SEL BAR BYED LA, DE BZHIN DU PHO BA'I ME DROD STOBS MYUR DU SKYED PAR BYED PA'I NUS PA SKYED PAR BYED PA YIN NO, ,YANG NA RTZA BA BCU BA DUR BYED DANG; ,PA THA ARGA GNYIS DANG BONG NGA DKAR, ,KAD BA LA RNAMS RE RE SRANG BCU BCU, ,SNGA MA BZHIN DU BSREGS PA'I THAL BA NI, ,CHU BRE BCU DRUG NANG DU BSKOL NAS NI, ,BZHI CHA LUS PAR BU RAM SRANG BRGYA DANG, ,TSA BA GSUM DANG DBYI MO AA RU RA, ,SRANG LNGA TZI TRA KA NI SRANG GNYIS DANG, , YA BAKshAR SRANG GNYIS BCUG STE BSKOL, ,GZAR BUR CHAGS PA'I BU RAM LDE GU YIS, ,SKRAN DANG MCHER NAD GZHANG 'BRUM MDZE NAD DANG, ,GCIN NAD ME DROD NYAMS PA 'JOMS PAR BYED, ,CES BYA BA LA, RTZA BA BCU PO LA SOGS PA'I SMAN RE RE ZHING SRANG BCU BCU SNGA MA BZHIN DU BSREGS TE THAL BAR BYAS LA, CHU BRE BCU DRUG GI NANG DU BSKOL LA TSAGS KYIS BTZAGS NAS BZHI CHA LUS BAR BU RAM SRANG BRGYA BCUG PA DANG, DE BZHIN DU TSA BA GSUM DANG, DBYI MO DANG, AA RU RA RE RE ZHING SRANG LNGA LNGA DANG, TZI TRA KA ZHES BYA BA KRU TRUG TRES SRANG GNYIS DANG, YA BAKshA RA ZHES BYA BA NAS TSIG 'KHUS PA'I NAS SRANG GNYIS BCUG STE, YANG GZAR BU LA CHAGS KYI BAR DU BSKOL BA'I BU RAM GYI LDE GU 'DIS NI SKRAN LA SOGS PA 'JOMS PAR BYED PA YIN NO, ,TZI TRA KA YI RTZA BA SRANG LNGA BCU, ,CHU SRANG BCU DRUG BSKOL LA BRGYAD CHA LUS, ,DER NI BU RAM RNYING PA SRANG BRGYA GZHUG , SLAR BSKOL SKA BAR GYUR BA DE NANG DU, ,TSA BA GSUM DANG SHU TI AA RU RA, ,RU RTA GLA SGANG SHING TSA BYI DANG GA ,TZI TRA KA DANG SUG SMEL PHYER BTAGS BSRES, ,DES NI GZHANG 'BRUM MDZE DANG SKRAN DANG NI, ,MCHER PA DMU RDZING NAD NI 'JOMS BYED CING, ,RTAG TU BSTEN NA ME DROD SKYED PAR BYED, ,CES BYA BA LA, TZI TRA KA'I RTZAB SRANG LNGA BCU CHU SRANG BCU DRUG TU BRGYAD CHA LUS KYI BAR DU BSKOL LA, ,DER BU RAM RNYING PA SRANG BRGYA BCUG STE, YANG BSKOL NAS SKA ZHING GZAR BU LA CHAGS PAR GYUR BA DANG, LDE GU DE'I NANG DU TSA BA GSUM LA SOGS PA'I PHYE MA BSRES LA, DE LUS
, ,ZUNGS DANG NAD GZHI'I DBANG DU BYAS NAS, DE DANG RJES SU MTHUN PAR BSTEN NA GZHANG 'BRUM LA SOGS PA'I NAD 'JOMS PAR BYED CING ME DROD SKYED PAR BYED PA YIN NO, ,TSA BA GSUM DANG TIL DANG 'BRAS BU GSUM, ,BYI DANG GA DANG GO BYE CI TRA KA ,BU RAM RI LUR BYAS BSTEN GZHANG 'BRUM DANG, ,PAGS PA'I NAD NI SEL BAR BYED PA YIN, ,ZHES BYA BA LA, TSA BA GSUM LA SOGS PA'I SMAN MAR BU RAM DANG RI LUR BYAS TE RGYUN DU BSTEN NA GZHANG 'BRUM GYI NAD SEL BAR BYED CING, PAGS PA'I NAD MDZE NAD CES BYA BA 'JOMS PAR BYED PA YIN NO, ,SO RA NA YI RTZAB KHA SBYAR BCUG ,'JIM PAS BSKUS TE CHO GA BZHIN BSREGS PA, ,LAN TSVA TIL MAR BCAS PA ZOS GYUR NA, ,GZHANG 'BRUM SEL BAR BYED PA'I DAM PA YIN, ,ZHES BYA BA LA, SO RA NA ZHES BYA BA'I RTZA BA RDZA SKYOGS KHA SBYAR GYI NANG DU BCUG STE 'JIM PAS BSKUS NAS 'O MA'I RIM PAS DKRIS TE BSREG PA'I CHO GAS BSREGS PA LAN TSVA DANG TIL MAR BCAS PAR ZOS NA YANG GZHANG 'BRUM SEL BAR BYED DO, ,NA LE SHAM DANG PI PI LING DOD GRA ,KRU TRUG TRES NI CHA RES BSKYED PA DANG, ,TZI TRA'I BZHI 'GYUR SU RA NA DANG SBYAR, ,BU RAM RI LUS GZHANG 'BRUM GCOD PAR BYED, ,CES BYA BA LA, NA LE SHAM LA SOGS PA CHA RES BSKYED PA DE BSDUS PA LAS, KRU TRUG TRES KYI BZHI 'GYUR GYI SU RA NA DANG SBYAR LA, BU RAM DANG RI LUR SBYAR BAS KYANG GZHANG 'BRUM SEL BAR BYED DO, ,TSAD MA BSHAD PAR BU RAM NI, ,PHYI MA'I NYIS 'GYUR GZHUG PAR BYA, ,ZHES SMOS PAS DE'I PHYIR 'DIR SBYOR BA NI NA LE SHAM ZHO GCIG ,PI PI LING ZHO GNYIS, DONG GRA ZHO GSUM, KRU TRUG TRES BYA BA TZI TRA KA ZHO BZHI, SU RA NA TZI TRA KA'I BZHI 'GYUR TE ZHO BCU DRUG SBYAR LA BU RAM NI PHYE MA DE THAMS CAD KYI NYIS 'GYUR DU BYA'O, ,SU RA NA YI BCU DRUG PHYER BTAGS SHING; ,TZI TRA KA NI DE YI CHA PHYED BYA, ,BCA' SGA CHA GNYIS NA LE SHAM CHA GCIG ,BU RAM RI LUR BYAS BAS GZHANG 'BRUM SEL, ,ZHES BYA BA LA, SU RA NA BCU DRUG PHYE MAR BTAGS LA TZI TRA KA DE'I PHYED DE SRANG BRGYAD BYA, BCA' SGA CHA GNYIS, NA LE SHAM CHA GCIG STE, 'DI DAG KUN GYI NYIS
'GYUR GYI BU RAM DANG RI LUR BYAS PA BSTEN PAS KYANG GZHANG 'BRUM SEL BAR BYED DO, ,AA RU RA DANG DONG GA PI PI LING, ,KA RANYDZA DANG TZI TRA BYI DANG KA ,KHA RA MNYAM PHYE RGOD MA'I KHA LTA BUR, ,ZAS LCI MANG DU ZOS KYANG 'JU BAR BYED, ,CES BYA BA LA, AA RU RA LA SOGS PA'I SMAN GYI PHYE MA KHA RA DANG CHA MNYAM DU BYAS TE PHYE MAR BYAS PA ZOS NA YANG ZAS LCI BA MANG DU ZOS KYANG 'JU BAR BYED DO, ,RGYA MTSO'I NANG NA RGOD MA KHA ZHES BYA BA'I ME YOD PA DANG 'DRA BA YIN NO, ,DUG MO YUNGS LANG GA LI PI PI LING, ,TZI TRA KA DANG AA BA MARGA YI, ,SA BON RTZA MKHRIS RGYAM TSA BU RAM SNAMS, ,RI LUR BYAS PAS GZHANG 'BRUM SEL BAR BYED, ,CES BYA BA LA, DUG MO YUNGS LA SOGS PA'I SMAN BU RAM DANG RI LUR BYAS PA YANG GZHANG 'BRUM SEL BAR BYED DO, ,GAL TE GZHANG 'BRUM GZHIG PAR 'DOD NA NI, ,RGYAM TSA TZI TRA KA DANG DUG MO YUNGS, ,TZI LI PIL BA NIM PAR BCAS PA DAG ,BTAGS PA'I PHYE MA DAR PAR BCAS PA BTUNG, ,ZHES BYA BA LA, 'GA' ZHIG GAL TE GZHANG 'BRUM GYI NAD KYIS NYEN PA GZHIG PAR 'DOD NA RGYAM TSA LA SOGS PA'I PHYE MA DAR BA SAR PA DANG SBYAR BAR BYA'O, ,GZHANG 'BRUM SKAM LA BA LA TA KA STE, ,GSHER LA DUG MO YUNGS SHUN SMAN MCHOG YIN, ,KUN LA DUS KUN DU NI DAR RNYING MCHOG ,STOBS SKYED BYED CING NAD RNAMS 'JOMS PA YIN, ,ZHES BYA BA LA, GZHANG 'BRUM SKAM PO NA BA LA NI BSE SHING GI 'BRAS BU BA LA TA KA ZHES BYA BA SMAN GYI MCHOG YIN PAR BSHAD LA, GZHANG 'BRUM GSHER BA LA NI DUG MO YUNGS KYI SHUN PHRAG MCHOG YIN NO, ,GZHANG 'BRUM GYI NAD THAMS CAD LA NI DUS THAMS CAD DU DAR BA RNYING PA GZHANG 'BRUM GYI SMAN GYI MCHOG YIN NO, ,YANG NA DAR BA DE NI LUS KYI STOBS SKYED CING NAD KYI TSOGS 'JOMS PAR BYED PA YIN NO, ,RTUG PA 'GAGS PA BSAL BAR BYA BA'I PHYIR; ,RLUNG SEL ME DROD SKYED PAR BYED PA YI, ,BZA' DANG BTUNG BA GANG YIN DE BSTEN BYA, ,DE LAS GO BZLOG PA NI SPANG BAR BYA, ,ZHES BYA BA LA, GZHANG 'BRUM GYI NAD LA NI RTUG PA 'GAGS SHING RLUNG DANG BAD KAN LA SOGS PA SEL BAR BYED PA'I ZAS DANG SKAM DANG SMAN LA
, ,SOGS PAS RTUG PA 'GAGS PA DE BSAL ZHING BDE BAR 'BYUNG BAR BYA BA'I PHYIR ZAS DANG SKOM DANG SMAN GANG RLUNG SEL ZHING ME DROD SKYED PA GANG YIN PA DE BSTEN ZHING SPYAD PAR BYA LA, JI SKAD BSTAN PA DE LAS GO BZLOG PA RLUNG LAS GNOD PAR BYED PA ME DROD 'BRI BAR BYED PA DE NI SPANG BAR BYA'O, , GZHANG 'BRUM TSAD 'KHRU PHO BA'I NAD RNAMS NI, ,PHAL CHER PHAN TSUN RGYUR GYUR YIN PAS NA, ,ME DROD CHUNG NA NAD SKYE'I TSE NA MIN, ,DE BAS DE LA MCHOG TU ME DROD BSRUNG, ,ZHES BYA BA LA, GZHANG 'BRUM TSAD PAR 'KHRU BA DANG, PHO BA'I NAD RNAMS NI PHAL CHER RAM SHIN TU PHAN TSUN RGYUR GYUR CING GCIG GIS GCIG SKYED PAR BYED PA YIN PAS PHO BA'I ME DROD CHUNG NA NI NAD DE SKYE BAR 'GYUR GYI, ME DROD CHE ZHING 'BAR BAR GYUR NA DE 'BYUNG BAR MI 'GYUR RO, ,DE BAS NA GZHANG 'BRUM LA SOGS PA'I NAD RNAMS LA MCHOG TU PHO BA'I ME DROD BSRUNG BA LA 'BAD PAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS KYI LE'U BRGYAD PA'I RNAM PAR 'GREL PA'O,, ,,DE NAS 'KHRU BA GSO BA'I LE'U BSHAD PAR BYA'O, ,ZHES BYA BA LA, GZHANG 'BRUM GSO BA'I 'OG TU TSAD PAS 'KHRU BA BSHAD PA BRTZAMS PA NI DE'I RGYUD YIN PA'I PHYIR RO, ,'KHRU BA PHAL CHER MA ZHU BA'I, ,GNAS BRTEN ME DROD NYAMS PA LAS, ,'BYUNG BAS DE'I PHYIR RLUNG GYUR LA'ANG, ,DANG PO SMYUNG BA BYAS PA PHAN, ,ZHES BYA BA LA, GANG GI PHYIR 'KHRU BA PHAL CHER MANG DU NI MA ZHU BA'I GNAS LA BRTEN ZHING DER GNAS PA'I RGYU DANG 'BREL BA'I BDAG NYID CAN YIN PAS NA DE'I PHYIR DE NA GNAS PA'I ME DROD NYAMS PAR BYAS ZHING BCOM PA NAS 'KHRU BA 'BYUNG BAR 'GYUR BAS, DE'I PHYIR TSAD PAS 'KHRU BA'I NAD 'DI LA NI RLUNG LAS GYUR PA YIN DU ZIN KYANG, DANG POR DE THOG MA KHO NAR SMIN PAR BYA BA'I PHYIR SMYUNG BAR BYA ZHING ZAS GCAD PAR BYA'O, ,GZER SBO BAD KAN GYIS NYAM THAG ,'KHRU BA CAN NI SLON DU GZHUG ,CES BYA BA LA, 'KHRU BA'I NAD PA GZER LA SOGS PAS NYAM THAG CING GZIR BA LA NI SKYUG SMAN BYIN LA SLON DU GZHUG GO, ,
NAD NI GANG ZHIG SOGS PA DAG ,MA SMIN ZAS DANG 'DRES GYUR NA, ,'KHRU BA DAG NI 'BYUNG 'GYUR TE, ,SHIN DU GLONGS TE 'BYUNG GYUR DANG, ,RANG NYID 'KHRU BYED DAG LA NI, ,BTANG SNYOMS BZHAG PA DE NYID SMAN, ,ZHES BYA BA LA, NAD GANG ZHIG SOGS SHING KUN NAS 'DUS LA 'PHEL BAR 'GYUR BA'I RANG BZHIN CAN DU GYUR PA DAG LA MA SMIN PA'I KHA ZAS DANG GCIN DU 'DRES PAR GYUR NA 'KHRU BAR 'GYUR ZHING DE'I DON BYED PAR 'GYUR TE, DE LTA BUR GYUR PA'I NAD SHIN DU GLONGS SHING G-YOS PA LAS BYUNG BAR GYUR PA DE DANG, DE BZHIN DU RANG NYID RKYEN GZHAN GYIS MI BSKYOD PAR 'BYUNG ZHING SKYOD PAR BYED PA DE DAG LA NI BTANG SNYOMS SU BZHAG CING, RE ZHIG BCAD SMAN MI BLUD PAR BTANG SNYOMS SU BZHAG PA DE NYID DE'I SMAN YIN NO, ,MA ZHU 'KHRU LA DANG POR NI, ,BCAD PA'I SMAN NI GTANG MI BYA, ,ZHES BYA BA LA, MA ZHU BA 'KHRU BA'I SKYES BU LA NI THOG MA KHO NAR BCAD PA'I SMAN GYI SBYOR BA GTANG BAR MI BYA'O, ,GAL TE 'GAGS BYED LTO SBOS LCI, ,GZER DANG TSOR BA CHUNG GYUR LA, ,AA RU RA BTANG NAD 'KHYIL BA, ,'BYIN PAS SROG NI STER BYED DO, ,ZHES BYA BA LA, NAD KYIS GAGS BYAS SHING CHUNG ZAD 'BYUNG BAR BYED LA LTO SBOS PA LA SOGS PA BSKYED PA'I NAD LA NI AA RU RA BTAGS PA'I PHYE MA CHU DRON DANG BTANG NA NAD 'KHYIL BA 'BYIN PAR BYED CING SROG 'DZIN PAR BYED DO, ,NAD TSABS 'BRING LA KHYAD PAR DU, ,BU TI KA DANG PI PI LING, ,BCA' SGA SHU DAG AA RU RA, ,'U SU LEGS PAR BSKOL BA BLUD, , CES BYA BA LA, 'KHRU BA'I NAD TSABS 'BRING TZAM DU GYUR PA'I NAD PA LA NI, GSO BA'I KHYAD PAR BU TI KA LA SOGS PA BLUD PAR BYA'O, ,BSKOL BA BLUD PAR BYA'O ZHES BYA BA 'DIS NI 'DI SKAD STON PAR 'GYUR BA YIN TE, SPYAD DU 'KHRUS PAR 'GYUR BA'I TSUL GYIS BSKOL BAR BYA BA YIN TE, DE YANG RGYUD GZHAN LAS, SMAN NI LDE GUR BYAS TE BSKOL, ,'KHUS PA YIN PAR DE SHES BYA, ,ZHES BSHAD PA DANG, DE BZHIN DU DRANG SRONG TZA RA KAS KYANG, DROD SKYED SMIN PAR BYED PA YIN, ,LEGS PAR 'KHRUS PAR BSKOL TE BLUD, ,CES BSHAD PA YIN NO, ,YANG NA BIL
, ,BA 'U SU DANG, ,GLA SGANG DONG GRA BA LE KA ,ZHES BYA BA LA, YANG NA 'KHRU BA'I NAD TSABS 'BRING TZAM DU GYUR PA LA BIL BA LA SOGS PA BSKOL BA'I CHU BLUD PAR BYA'O, ,PA TA SHU DAG KHA RU TSA, ,DONG GA PI LING AA RU RA, ,ZHES BYA BA LA, YANG NA BA TA LA SOGS PA BSKOL BA BLUD PAR BYA'O, ,BCA' SGA GLA SGANG BONG NGA DKAR, ,BIL BA SHING KUN DUG MO YUNGS, ,ZHES BYA BA LA, YANG NAD TSABS BAR MA DE LA BCA' SGA LA SOGS PA BLUD PAR BYA'O, ,NAD GZHI CHUNG BA'I TSAD 'KHRU LA, ,SMYUNG BA BYA BA BSNGAGS PA YIN, ,ZHES BYA BA LA, TSAD PAR NA BA'I NAD PA NAD GZHI CHUNG BA RNAMS LA NI SMYUNG BA BSNGAGS PA YIN NO, ,YANG NA SHU DAG BONG NGA DKAR, ,GLA SGANG PAR PA TA BSKOL BA'AM, ,BA LE KA DANG DONG GRA NI, ,BSKOL BA'I CHU DAG BLUD PAR BYA, ,ZHES BYA BA LA, YANG TSAD PAR 'KHRU BA'I NAD PA LA SHU DAG DANG BONG NGA DKAR PO BSKOL TE SBYIN PA'AM, GLA SGANG DANG PAR PA TA BSKOL TE BLUD BA'AM, YANG NA BA LE KA DANG, DONG GRA BSKOL BA'I CHU BLUD PAR BYA'O, ,BKRES SHING NYAM CHUNG ZAS DUS SU, ,KHA ZAS YANG BA RIG PAS SBYIN, ,DES DE'I KHA ZAS YI GAR 'ONG, ,ME DROD LUS STOBS SKYED PAR BYED, ,CES BYA BA LA, ZAS SBYIN BAR 'OS PA'I DUS SU NAD PA DE BKRES SHING LUS KYI NYAM CHUNG BA YIN PAR SHES NA KHA ZAS YANG BA THUG PA LA SOGS PA DAG TSAD DANG LDAN PAR SBYIN PAR BYA'O, ,DE LTAR SPYAD PA DES NAD PA DE'I KHA ZAS YI GAR 'ONG BA LA SOGS PA BYED PAR 'GYUR RO, , DAR BA'AM RANG SKYUR DAG GAM NI, ,NAS THUG DAG GI SKYO MA'AM, ,CHANG NGAM RGUN CHANG DAG GI NI, ,BTUNG BA GANG 'OS NYER SPYAD BYA, ,ZHES BYA BA LA, 'KHRU BA DANG LDAN PA DE LA SKOM DU NI DAR BA LA SOGS PA'I BTUNG BA JI LTAR GOMS PA'I DBANG DU BYAS NAS NAD DANG RJES SU MTHUN PAR SBYIN PAR BYA ZHING GSO BAR BYA'O, ,KHA ZAS BYIN PA'I 'OG TU NI, ,BIL BA GZHON NU ZUR PA DKAR, ,'U SU SHING KUN DA TRIG SE'U, ,ZI RA SPA 'BRAS PA LA SHA, ,LA LA PHUD DANG KHA RU TSA, ,RGYAM TSA RTZA BA CHUNG DU LNGA, ,TSA BA LNGA DANG BA THA STE, ,SMIN GCOD DROD NI SKYED
PAR BYED, ,CES BYA BA LA, KHA ZAS NAS THUG DANG, THUG PA DKAR PO DANG SBYAR BA'I THUG PA DANG, YU SHA DANG, SHA KHU DANG, 'BRAS CHAN LA SOGS PA BYIN PA'I 'OG TU SMIN PAR BYED CING GCOD PA DANG DROD SKYED PAR BYED PA'I BIL BA GZHON NU LA SOGS PA'I SMAN DAG CI RIGS PAR SBYIN PAR BYA'O, ,BAD KAN MKHRIS PA'I SHAS CHE LA, ,SA LA PARnI BA LA DANG, ,BIL BA KRishnA PARnI DANG, ,SE'U 'BRU BSKOL BA'I THUG PA PHAN, ,ZHES BYA BA LA, BAD KAN DANG MKHRIS PA SHAS CHE BA'I 'KHRU BA LA NI SA LA PARnI LA SOGS PA DANG BSKOL BA'I THUG PA PHAN NO, , PI PI LING RTZA AA RU RA, ,THUG PAS RLUNG NI BDER RGYU BYED, ,CES BYA BA LA, YANG RLUNG 'KHYIL BAR BYED PA'I 'KHRU BA'I NAD PA LA PI PI LING GI RTZA BA DANG, AA RU RA BSKOL BA'I THUG PA PHAN NO, ,NAD GZHI MANG LA 'GAGS PA DANG, ,ME DROD CHE BAR GANG ZHIG 'KHRU, ,PI PI LING DANG 'BRAS BU GSUM, ,BYI DANG KA BSKOL BKRU SMAN BTANG, ,ZHES BYA BA LA, 'KHRU BA'I NAD PA GANG NAD GZHI'I SHAS MANG BAS 'GAGS SHING MKHREGS PA DANG BCAS PAR 'KHRU BAR BYED PA DANG, PHO BA'I ME DROD CHE BAR GYUR PA GANG YIN PA DE LA PI PI LING LA SOGS PA'I BKRU SMAN BTANG LA KHRUS BYA'O; ,SBYANG BYAS NAS NI THUG PA DAG ,RLUNG 'JOMS ME DROD SKYED PA BLUD, ,CES BYA BA LA, DE LTAR BKRU SMAN BTANG BAS SBYANG BA BYAS PA'I NAD PA DE LA RLUNG 'JOMS PA'I SMAN TSA BA LNGA LA SOGS PA DANG SBYAR BA'I THUG PA BLUD PAR BYA'O, ,GANG ZHIG MA ZHU SMIN GYUR DANG, ,ME DROD SKYES NAS 'KHRU 'GYUR ZHING, ,'BYAR BAG LBU BA CAN NAD BCAS, ,SRI ZHING YANG DANG YANG DU NI, ,YANG YANG 'KHRU ZHING BSHANG CHUNG BA'AM, ,BSHANG BA MA 'DRES MKHREGS BCAS LA, ,ZHO DANG 'O MA MAR TIL MAR, ,BCA' SGA BU RAM BCAS PA BLUD, ,CES BYA BA LA, 'KHRU BA CAN GYI NAD PA GANG ZHIG MA ZHU BA SMIN PAR GYUR CING DAG PA DANG, DE BZHIN DU ME DROD SHAS CHER SKYES PAR GYUR PAS, GANG 'KHRU ZHING BSHANG BA 'BYUNG BAR 'GYUR LA, DE YANG 'BYAR BAG LA SOGS PA'I TSUL DU YANG DANG YANG DU NYUNG ZHIG 'KHRU BAR BYED LA, BSHANG BA'I SHAS CHUNG BA'AM MA
, ,'DRES PA 'BYAR BAG CAN GYI BE'U SNABS LA SOGS PA 'BA' ZHIG MKHREGS SHING SRI BA DANG BCAS PA 'KHRU BAR 'GYUR BA STE, MKHREGS PA DANG BCAS PA'I MTSAN NYID NI RGYUD GZHAN LAS 'DI SKAD BSHAD DE, KHRAG 'DZAG BSHANG BA 'BYUNG BA DANG, , RLUNG GIS BSHANG BA MED PAR 'BYUNG, ,LBU BA CAN DU GANG ZHIG 'KHRU, ,DE NI MKHREGS PA ZHES BYAR BSHAD, ,CES 'BYUNG BA YIN NO, ,DE LTA BU'I 'KHRU BA LA NI ZHO LA SOGS PA DANG BCAS PA'I BU RAM DANG BCA' SGA BTAB PA BLUD PAR BYA'O, ,YANG NA RGYA SHUG 'BRAS BU SPANGS, ,BU RAM TIL MAR LDAN PA SBYIN, ,ZHES BYA BA LA, YANG NA RGYA SHUG GI 'BRAS BU SPANGS MA DANG BU RAM DANG TIL MAR DANG LHAN CIG BYIN NA YANG 'KHRU BA'I NAD LA PHAN NO, ,BSHANG BA SRI LA PHAN TSOD MA, ,SNUM MANG DE BZHIN SHA KHU DANG, ,ZHO DANG SE'U 'BRU G-YOS PA DANG, , S'A LU'I 'BRAS CHAN MA SHA TIL, ,MUD GA LEGS PAR G-YOS PA'I ZAS, ,DE NI BKRES PAR GYUR TSE SBYIN, ,ZHES BYA BA LA, YANG NA BSHANG BA SRI BA LA PHAN PA'I TSOD MA RGYA SNE'U LA SOGS PA SNUM MANG BA DANG, SHA KHU SNUM MANG BA LA SOGS PA DANG, S'A LU'I 'BRAS SBYIN PAR BYA BA'AM, YANG NA SHA LA SOGS PA LEGS PAR G-YOS SHING SBYAR BA'I TSOD MA DANG S'A LU'I 'BRAS CHAN NAD PA DE BKRES TZAM NA SBYIN PAR BYA'O, ,ZUR PA'I RTZA BA KA PID TA, ,PA TA SVA TI KA'I TSOD MA, ,SHU SHA LA LA PHUD DANG NI, ,KAR KA RU DANG SHI RI DANG, ,YANG NA TZIR BI TA YANG RUNG, ,AU PO DA KA DZI BAN TI, ,BA GU TZE DANG RGYA SNYE'U DANG, ,LCAM PA'AM YANG NA AE RAn DANG, ,LO NI KA YI KHU BA'AM, ,RUS SBAL BE'U LO PA KA ,RMA BYA SREG PA KHYIM BYA YI, ,SHA KHU DANG YANG SBYIN BAR BYA, ,ZHES BYA BA LA, YANG NA 'KHRU BA CAN DE LA ZUR PA'I RTZA BA LA SOGS PA'I TSOD MA DANG, 'BRAS S'A LU'I CHAN SBYIN BAR BYA'O, ,YANG ZHES BYA BA'I SGRAS NI RUS SBAL LA SOGS PA SHA KHU DANG YANG SBYIN PAR BYA'O ZHES BYA BA'I DON NO, ,BIL BA GLA SGANG BA RU RA, ,BCA' SGA DA TA KA'I ME TOG ,DAR BA BSKOL BA'I NAS THUG GAM, ,ZHO DANG SBYAR BAS 'KHRU
BA SEL, ,ZHES BYA BA LA, BIL BA LA SOGS PA DANG DAR BA BSKOL BA'I NAS THUG DAG KYANG TSAD PAR 'KHRU BA SMIN PA SEL BAR BYED PA YIN NO, ,YANG NA DE DAG ZHO DANG SBYAR TE BLUD NA YANG 'KHRU BA SEL BAR BYED PA YIN NO, ,KA PID THA DANG KA TZU RA, ,GA BRA'I RTZA BA YU TI DANG, ,N+YA GRO DHA DANG RDO DREG DANG, ,SE'U 'BRU SO MA RA BAL DANG, ,SHAL MA LI YI LO MA PHAN, ,ZHES BYA BA LA, DE BZHIN DU KA PA DE THA LA SOGS PA DANG SBYAR BA'I THUG PA BLUD NA YANG 'KHRU BA SEL BAR BYED DO, ,KA TZU RA NI KA PA KA TSU STE KHA SRAL PHRE'U'O, ,BIL BA GZHON NU'I LDE GU DANG; ,TIL BTAGS LDE GU DE DANG MNYAM, ,ZHO YI SPRIS SKYUR SNUM BCAS DANG, ,SBYAR DUG MKHREGS PA 'JOMS PAR BYED, ,CES BYA BA LA, BIL BA GZHON NU PI PI LING GI 'BRAS BU PHRA MO LTA BU LDE GUR BYAS PA DANG, TIL BTAGS PA'I LDE GU DANG CHA MNYAM PA DANG, ZHO'I SPRIS MA SGYUR ZHING MNGAR BAG MED PA SNUM STE MAR LA SOGS PA NAD KYI TSUL LA DPAGS TE BCUG PA'I SBYAR THUG NI 'KHRU BA'I MKHREGS PA 'JOMS PAR BYED PA YIN NO, ,'U SU ZI RA NA LE SHAM, ,DA TRIG ZUR PA KHA RU TSA, ,SE'U 'BRU PA TA DA TA KI ,'BRAS GSUM CHA LNGA KA PID THA, ,NAS TSIG 'KHUS THAL LA LA PHUD, ,AA MRA 'DZAM BU'I 'BRAS BU'I RKANG, ,BIL BA DRUG 'GYUR LDE GUR BTAGS, ,ZHO DANG BU RAM MUNGGA'I KHU, ,TIL DANG MAR NI G-YOS PA DAG ,GZHAN GYIS MI THUB SBYAR DUG 'DI, ,DROD SKYED SMIN BYED 'KHRU BA GCOD, ,YI GA 'BYED CING MKHREGS PA SEL; ,ZHES BYA BA LA, 'U SU LA SOGS PA BTAGS PA'I LDE GU LA BIL BA'I RKANG DRUG 'GYUR DANG BCAS PA'I LDE GU DANG BSKOL ZHING, DE BZHIN DU ZHO DANG BCAS PA LA SOGS PAR BSKOL ZHING G-YOS PA'I SBYAR DUG 'DI NI DON DANG MTHUN PA'I MING GZHAN GYIS MI THUB BA ZHES BYA STE, PHO BA'I ME DROD SKYED PA DANG, MA SMIN PA SMIN PAR BYED PA YIN NO, ,RGYA SHUG BIL BA GZHON NU YI, ,LDE GU 'BRAS DANG NAS DANG NI, ,MUNGGA MA SHA TIL RNAMS DANG, ,'BRU YI YU SHAR RNAM PAR BTAGS, ,BSHANG BA ZAD CING KHA SKAM LA, ,ZHO DANG SE'U 'BRU'I KHU BA DANG, ,MAR
, ,DANG TIL MAR LHAN CIG BRNGOS, ,'BRAS CHAN DE DANG SBYAR BA NI, ,BSHANG ZAD KHA NI SKAM LA SBYIN, ,ZHES BYA BA LA, RGYA SHUG LA SOGS PA'I LDE GU'I YU SHA ZHES BYA BAR G-YOS PAR GYUR PA DE DANG ZHO LA SOGS PA DANG BSRES SHING MAR LA SOGS BA DANG BRNGOS PA'I YU SHA DE BSHANG BA ZAD CING BSHANG BA DANG MA 'DRES BA'I 'KHRU BA 'BYUNG BA DANG, KHA SKAM PAR BYED PA LA 'BRAS CHAN DANG SBYAR TE SBYIN PAR BYA'O, ,YANG NA ZHO SPRIS SNUM GNYIS BRNGOS, ,BU RAM BCA' SGA BCAS PA SBYIN, ,ZHES BYA BA LA, YANG NA BSHANG BA ZAD PAR 'KHRU ZHING KHA SKAM PA ZHO'I SPRIS MA SNUM GNYIS PO MAR DANG TIL MAR GNYIS DANG BRNGOS PA SBYIN PAR BYA'O, ,YANG NA CHANG NI SNUM GNYIS BRNGOS, ,TSOD MA'I DON DU SBYIN PA'AM, ,ZHES BYA BA LA, YANG CHANG MAR DANG TIL MAR DANG BRNGOS PA'I TSOD MA'I DON DU SBYIN PAR BYA'O, ,'BRAS BU SKYUR PO SNUM GNYIS BRNGOS, ,SGOG PA LAS BYAS YU SHA 'AM, ,ZHES BYA BA LA, YANG NA NAD PA DE LA SGOG PA 'GRIN RTZA NA ZHES BYA BA'I YU SHA 'BRAS BU SKYUR PO STE, SE'U 'BRU LA SOGS PA DANG, SNUM GNYIS KYIS BRNGOS PA'I TSOD MA SBYIN PAR BYA'O, ,SNUM GNYIS DANG BRNGOS PHYE ZAN NI, ,TSA BA GSUM GYI PHYE BTAB SBYIN, ,ZHES BYA BA LA, YANG BSHANG BA ZAD PA'I NAD LA SNUM GNYIS DANG BRNGOS PA'I TSA BA GSUM BTAB PA SBYIN PAR BYA'O, ,DE BZHIN MA SHA LEGS TSOS PA, ,MAR GYI SNYING PO BLUD PA'AM, ,ZHES BYA BA LA, MA SHA LEGS PAR TSOS PAR GYUR PA LA MAR GYIS BTAB PA TSA BA GSUM GYI PHYE MA DANG BCAS PA BYIN NA YANG NAD DE LA PHAN NO, ,RA THUG LUG THUG DAG GI SHA, ,BTZOS TE BTZAGS BA'I KHU BA DANG, ,SE'U 'BRU'I KHU BA'I CHU NGANG NI, ,'U SU DONG GRA SNUM BCAS BSKOL, ,S'A LU RTZA SNAR BCAS PA NI, ,ZA ZHING DE NYID 'THUNGS PA YIS, ,RTUG PA ZAD PA LAS BYUNG BA'I; ,NAD LAS MYUR DU THAR BAR 'GYUR, ,ZHES BYA BA LA, YANG NA RA THUG DANG LUG THUG GI SHA LEGS PAR BTZOS TE, DE'I 'OG TU BTZAGS PA'I SHA KHU SE'U 'BRU'I KHU BAS SKYUR BAR BYAS PA 'U SU LA SOGS PA DANG BCAS BAR TSOD MA'I DON DU BSKOL LA, KHU BA DE DANG S'A LU RTZA SNAR GYI
'BRAS CHAN ZA ZHING KHU BA DE NYID 'THUNGS NA RTUG PA ZAD PA LAS BYUNG BA'I NAD RGYU MA KRUG KRUG GZAR BA LA SOGS PA LAS GROL ZHING THAR BAR 'GYUR RO, ,BU RAM TIL MAR BIL BA GZHON, ,PI PI LING DANG BCA' SGA YI, ,LDE GUS RLUNG GIS GNOD GYUR PA'I, ,GZER BCAS MKHREGS PA SEL BAR BYED, ,CES BYA BA LA, BU RAM LA SOGS PA LDE GUR BYAS PAS 'KHRU BA'I NAD RLUNG GIS GNOD PAR GYUR CING MKHREGS PA LA SOGS PA SEL BAR BYED DO, ,SENG PHROM SHUN PHRAGS DA TA KA'I, ,ME TOG RGYA SHUG 'DAB MA RNAMS, ,ZHO SPRIS SBRANG RTZI KA BID TA'I, ,KHU BAR SBYAR BA BLUD NA'ANG PHAN, , ZHES BYA BA LA, SENG PHROM GYI SHUN PHRAGS LA SOGS PA ZHO'I SPRIS MA LA SOGS PA DANG SBYAR BA YANG PHAN NO, ,RLUNG GIS RTUG 'GAGS SHAS CHER NI, ,NA ZHING MKHREGS PAR BYED PA DANG, ,BE'U SNABS KHRAG BCAS SKOM GDUNGS LA, ,'O MA TSIM PAR BLUD NA PHAN, ,ZHES BYA BA LA; RLUNG LAS GYUR PA'I RTUG PA 'GAGS PA LA SOGS PA'I NAD LA 'O MA BZHOS MA THAG TSIM PAR BLUD NA PHAN NO, ,TIL MAR MAR GYI STENG DU NI, ,BZHOS MA THAG PA'I 'O MA BLUD, ,CES BYA BA LA, SNGAR BSHAD PA'I 'KHRU BA CAN DE SNUM GNYIS KYI STENG DU BZHOS MA THAG PA'I 'O MA DE'I MOD LA BLUD NA PHAN NO, ,YANG NA AE RAndA'I RTZA BA'AM, ,BIL BA GZHON NU BSKOL BA BLUD, ,CES BYA BA LA, YANG NAD DE LA SMAN 'DI GNYIS GANG YANG RUNG BA DANG BSKOL BA'I 'O MA PHAN NO, ,GLA SGANG NYI SHU 'O MA YI, ,SUM 'GYUR GYI NI CHU BSKOL BA, ,'KHRU BA GZER BCAS SEL BAR BYED, ,CES BYA BA LA, GLA SGANG RDOG MA NYI SHU 'O MA SUM 'GYUR GYI CHU'I NANG DU BSKOL LA 'O MA NYI TSE LUS PAR GYUR PA DANG, DE BLUD NA YANG GZER DANG BCAS PA'I 'KHRU BA SEL BAR BYED DO, ,'DIR GLA SGANG NYI SHU SMOS PA NI PHAL CHER DE TZAM LA SRANG GCIG YOD DO, , DE LTAR 'DIR SPYIR SMOS PA LAS NA CHU SRANG BCU DRUG LA BSKOL BAR BYA STE, DES NA 'O MA SRANG BZHI DANG, CHU SRANG BCU GNYIS DANG BSKOL BA DE LAS BZHI CHA LUS PA'I 'O MA SRANG BZHI PO DE BTUNG BAR BYA'O, ,PI PI LING DANG NA LE SHAM, ,ZHIB TU BTAGS PA'I PHYE DANG SBYIN, ,DES
, ,NI YUN RING GNAS PA YI, ,MKHREGS PA LEGS PAR SEL BAR BYED, ,CES BYA BA LA, PI PI LING DANG NA LE SHAM ZHIB TU BTAGS PA DANG 'O MA LA SOGS PA GANG YANG RUNG BA DANG BLUD NA YANG YUN RING DU 'BREL ZHING 'KHRU BA MKHREGS PA DANG BCAS PA SEL BAR BYED DO, , MA ZHU MED CING GZER GYIS NYEN, ,SMYUNG BA LA SOGS PAS NYAMS SMAD, ,KHONG RTZUB ME DROD BRTAGS NAS NI, ,MAR NI THAL SMAN RNO BCAS SBYIN, ,ZHES BYA BA LA, 'KHRU BA GANG MA ZHU ZHING MA SMIN PA MED PA DANG, GZER GYIS NYEN ZHING GZIR BA DANG, SMYUNG BA LA SOGS PAS NYAMS SMAD CING SKEMS PAR BYAS PA DANG, LUS KYI KHONG RTZUB PA'I NAD PA'I ME DROD LA BRTAG CING DE LA LTOS NAS MAR DANG THAL SMAN RNON PO DANG BCAS PA SBYIN PAR BYA'O, ,YANG NA RTZA BA BCU BSKOL CHU, ,ZHO DANG CHANG GI DANGS MA BSKOL, ,LCE MYANG TSA DANG TSA BA LNGA, ,TIL MAR 'PHRAL DU NAD 'JOMS BYED, , CES BYA BA LA, RTZA BA BCU BSKOL BA'I CHU DANG, ZHO DANG CHANG GI DANGS MA SPYIR MAR GYI BZHI 'GYUR DANG, LCE MYANG TSA LA SOGS PA DANG, TIL MAR BSKOL BA'I TIL MAR DES NI 'PHRAL DU STE, DE'I MOD LA NAD 'JOMS PAR BYED PA YIN NO, ,BCA' SGA SRANG DRUG PI PI LING, ,M'U LA KRU TRUG TRES, RGYAM TSA, ,SRANG GNYIS TIL MAR BRE GANG DANG, ,ZHO DANG BSKOL BA'I TIL MAR NI, ,'KHRU BA'I NAD NI SEL BYED YIN, ,ZHES BYA BA LA, TIL MAR BRE GANG, ZHO BRE BZHI DANG, BCA' SGA SRANG DRUG DANG, PI PI LING M'U LA LA SOGS PA SMAN SNA RE RE ZHING SRANG GNYIS GNYIS KYI LDE GU DANG BSKOL BA NI 'KHRU BA'I GZER NAD 'JOMS PAR BYED PA YIN NO, ,SHA DANG 'O MA MAR PHYOGS GCIG ,BTUNG DANG 'JAM RTZI BSKU BA RU, ,TIL MAR 'BA' ZHIG PHYOGS GCIG SBYAR, ,BSHANG MKHREGS GZER NI 'JOMS BYED YIN, ,ZHES BYA BA LA, PHYOGS GCIG TU SHA DANG 'O MA DANG SBYAR BA 'DI NI BSHANG BA MKHREGS PA DANG GZER BA 'JOMS PA YIN NO, ,PHYOGS GCIG TU TIL MAR 'BA' ZHIG BTUNG BA LA SOGS PAR BTANG BA YANG DE DANG 'DRA'O, ,DE NI RLUNG SEL MCHOG YIN LA, ,RLUNG 'KHRUGS MA GTOGS GZER MI 'BYUNG, ,ZHES BYA BA LA, GANG GI PHYIR TIL MAR DE NI RLUNG SEL BAR
BYED PA'I MCHOG GAM DAM PA YIN LA, GZER NI RLUNG 'KHRUGS PA MA GTOGS PA GZHAN DAG LAS 'BYUNG BAR MI BYED PAS NA DE'I PHYIR DE SEL BA'I MCHOG YIN PA'I PHYIR RO, ,KHAMS GZHAN 'JOMS PAS 'BAR GYUR PA, RLUNG NI RANG GNAS BRTEN KHYAB BYED, ,CES BYA BA LA, RLUNG LA LTOS NAS MKHRIS PA DANG BAD KAN LA SOGS PA'I KHAMS GZHAN ZHES BYA LA, ,DE DAG NYE BAR BCOM ZHING ZAD PAR BYED PAS NA KHAMS GZHAN 'JOMS PA STE, DES NA, 'BAR ZHING LHAG PAR GYUR PA'I PHYIR, ,KHAMS GZHAN 'JOMS PAS 'BAR GYUR PA, ,ZHES BYA BA LA, DE LTA BU'I RLUNG DE NI RANG GI GNAS ZHU BA'I GNAS NA BRTEN ZHING LUS MA LUS PA KHYAB PAR BYED DO, ,ME DROD CHUNG LA TIL MAR NI, ,SBYAR BAS BDE BAR BYED PA'I MCHOG ,TIL MAR BCAS PA RLUNG GNAS SU, ,MKHREGS PA GNAS PAR MI 'GYUR RO, ,ZHES BYA BA LA, 'KHRU BA'I NAD DANG LDAN PA DAG ME DROD CHUNG BAR GYUR PA LA YANG TIL MAR RJES SU MTHUN PA'I SBYOR BA DANG BCAS PAS BTANG ZHING SBYAR NA BDE ZHING NAD MED BAR BYED PA'I MCHOG YIN LA, 'ANG ZHES BYA BA'I SGRAS NI ME DROD CHE BA LA BDE BAR BYED PA'I MCHOG TU BYED PA NI SMOS KYANG CI DGOS PA'I DON NO, ,DE YANG RLUNG GI GNAS ZHES BYA BA'I MING GI RNAM GRANGS SU ZHU BA'I GNAS ZHES BYA BA DER TIL MAR BCAS SHING NYE BAR SBYAR BAS MKHREGS SHING 'KHRU BA'I RLUNG GNAS PAR MI 'GYUR RO, ,DRI MA ZAD CING NAD GZHAN RANG GI NI, ,GNAS LAS 'PHOS PAS RLUNG NI STOBS CHE BA, ,KHONG PA GZER ZHING MKHREGS PAR BYED PA LA; ,PHYI NANG TIL MAR MA BTANG SU ZHIG 'TSO, ,ZHES BYA BA LA, BSHANG BA ZHES BYA BA'I DRI MA DE ZAD CING NAD GZHAN BAD KAN DANG MKHRIS PA RANG GI GNAS LAS 'PHOS TE, DE NYID KYIS NA RLUNG STOBS CHE ZHING SHIN TU SHUGS DRAG CING 'PHEL BAR 'GYUR BA NA KHONG PA NA ZHING GZER BA LA MKHREGS BAR BYED PA NA, GAL TE PHYI DANG NANG NAS TIL MAR BTUNG BA DANG 'JAM RTZI DANG BSKU BA LA SOGS PA'I SBYOR BA CI RIGS PAR MA BYAS NA SU ZHIG 'TSO BAR 'GYUR TE, 'TSO BAR MI 'GYUR RO ZHES PA'I DON TO, ,GZHANG NA 'BYUNG BAR GYUR PA LA, ,'O MAR BSKOL BA'I MAR RGYA
, ,SHUG ,SKYUR PO TZANG GI RI'I KHU BA, ,ZHO DANG DONG GRAR BTAGS PA BLUD, ,CES BYA BA LA, GZHANG NA ZHING GZER BA DANG PHYIR 'BYUNG ZHING NYAMS PAR GYUR PA LA 'O MA'I NANG DU BSKOL BA'I MAR DANG, RGYA SHUG SKYUR PO DANG, TZANG GI RI'I KHU BA DANG, ZHO DANG DONG GRAR BTAGS PA'I LDE GU SBYIN PAR BYA'O, ,SKYUR BA DE NYID BCUG PA DANG, ,'U SU NA LE SHAM ZI RA, ,KHA RU TSA DANG TSA BA LNGA, ,SE'U 'BRU DAG DANG SBYAR BA NI, ,ZHIB TU BTAGS PA'I LDE GU PHAN, ,ZHES BYA BA LA, SKYUR BA DE NYID CES BYA BA RGYA SHUG SKYUR PO DANG, TZANG GI RI DANG, ZHO BCUG LA 'U SU LA SOGS PA ZHIB TU BTAGS PA'I LDE GU YANG GZHANG NA BA DANG 'BYUNG BAR BYED PA LA PHAN NO, ,RTZA BA BCU PA BSKOL BA NI, ,ZUR PA SHU TI RU RTA 'AM, ,SHU DAG TZI TRA KA BSKOL BA'I, ,SNUM GYI 'JAM RTZI GTANG BAR BYA, ,ZHES BYA BA LA, YANG NA RTZA BA BCU BA BSKOL BA'I MAR DANG SNUM GYI 'JAM RTZI GTANG BAR BYA'O, ,YANG NA SHU DAG DANG SHU TI LA SOGS PA DANG BSKOL BA'I MAR DANG SNUM GYI 'JAM RTZI GTANG BAR BYA'O, ,YANG NA SHU DAG DANG TZI TRA KA DANG SBYAR BA'I SNUM GYI 'JAM RTZI GTANG BAR BYA'O, ,MKHREGS DANG GZHANG NI 'BYUNG BA DANG, ,GCIN SRI RKED PA NA BA DANG, ,MNGAR DANG SKYUR BAR BSKOL BA YI, ,MAR RAM TIL MAR 'JAM RTZI GTANG, ,ZHES BYA BA LA, MKHREGS PA DANG, 'KHRU BA DANG, GZHANG PHYIR BYUNG ZHING GLO BA DANG, GCIN SRI ZHING 'GAGS PA DANG, RKED PA NA ZHING 'GYUR MI SHES PA LA MNGAR BA DANG SKYUR BA'I SMAN GYI SDE TSAN MAR DU BSKOL BA'AM, TIL MAR DU BSKOL BA'I 'JAM RTZI GTANG BAR BYA'O, ,GZHANG 'BYUNG GZHUG PA DKA' BA LA, ,BSKU ZHING DUGS NI 'JAM BYAS GZHUG ,CES BYA BA LA, GZHANG PHYIR 'BYUNG ZHING GZHUG PA DKA' BA LA NI DANG BOR SNUM GYIS BSKUS LA, DE'I 'OG TU DUGS BYAS TE 'JAM PAR GYUR PA DANG NANG DU GZHUG PAR BYA'O, ,DBUS SU PHUG PA'I PAGS PA NI, ,'UR MTHIL BCING BA DAG KYANG BYAS, ,ZHES BYA BA LA, YANG GZHANG BYUNG BA DE LA NI PAGS PA 'JAM PO DBUS SU PHUG PA DES 'UR
MTHIL BCING BA ZHES BYA BA'I MDO'I GNAS NA SMOS PA'I TSUL DU BCING BAR BYA'O, ,RTZA BA LNGA NI CHEN PO YI, ,KHU BA DANG NI 'O MAR BSKOL, ,BYI BA RGYU MA BTON NAS KYANG, ,RLUNG 'JOMS LDE GU LTA BUR BYA, ,TIL MAR BSKOL LA GZHANG 'BYUNG LA, ,BTUNG DANG BSKU BAS DE GSO BYA; ,ZHES BYA BA LA, YANG DE LA RTZA BA CHEN PO LNGA BSKOL BA'I KHU BA DANG, 'O MAR BSKOL BA 'O MA DE'I NANG DU BYI BA RGYU MA BTON PA'I SHA DANG BTZOS PA DE DE LTA BU'I 'O MA'AM YANG TIL MAR DANG BSKOL BA RLUNG 'JOMS PA'I LDE GU GZHUG PAS NA, RLUNG 'JOMS PA'I LDE GU LTA BUR BYAS TE DE LTA BU'I TIL MAR DE GZHANG 'BYUNG BA'I NAD LA BTUNG BA DANG BSKU BAS GSO BAR BYA'O, ,MKHRIS PA MA ZHU RNO DANG DRO, ,SBANGS LA SNGON BZHIN SMYUNG BA BYA, ,ZHES BYA BA LA, MKHRIS PA LAS GYUR PA'I 'KHRU BA MA ZHU BA DANG BCAS SHING MA SMIN PA DAG NI KHA ZAS LA SOGS PA RNO BA DANG, DRO BA'I BAG SPANGS LA SNGAR RLUNG GI 'KHRU BA'I GSO BA BSTAN PA BZHIN DU SMYUNG BA BYA ZHING LUS YANG BA NYID DU BSGRUB PAR BYA'O, ,DE YANG THUG PA LA SOGS PA BYA BA GANG DAG BSTAN PA DE THAMS CAD BYA'O, ,SKOM BCAS YAN LAG DRUG PA'I CHU, ,RTZA MKHRIS THAL TRES BCAS PA BLUD, ,CES BYA BA LA; MKHRIS PA'I TSAD PA 'KHRU BA DE SKOM PA DANG BCAS SHING SKOM DAD KYIS NYEN PAR GYUR NA, YAN LAG DRUG PA'I CHU ZHES BYA BA GLA SGANG DANG TZANDAN LA SOGS PA BSKOL BA'I CHU RIMS NAD GSO BA'I SKABS NAS BSHAD PA 'DI LA RTZA MKHRIS ZHES BYA BA BU NIM PA DANG BCAS PA DANG, THAL TRES ZHES BYA BA SHA RI BA DANG BCAS PA BLUD PAR BYA'O, ,BKRES NA KHA ZAS THUG PA SOGS, ,BRI HA TI SOGS NYE'U SHING PA, ,BA LA RNAM GNYIS PARnI GNYIS, ,BSKOL BA DROD SKYED BYED PA PHAN, ,ZHES BYA BA LA, SMYUNG BA BYAS PAS BKRES PA SKYES PAR GYUR PAS SMYUNG BA LEGS PA'I MTSAN NYID JI SKAD BSHAD PA 'BYUNG BAR GYUR NA ZAS KYI DON DU BRI HA TI LA SOGS PA RTZA BA LNGA PA CHUNG NGU DANG DE BZHIN DU NYE'U SHING BA LA RNAM GNYIS DANG MA SHA PARnI DANG MUNGGA PARnI LA SOGS PA DANG BSKOL BA'I THUG PA LA SOGS PA'I KHA ZAS TE THUG PA RKYANG RKYANG PO DANG, THUG PA GAR
, ,PO DANG, SKYO MA DANG, YU SHA DANG, SHA KHU LA SOGS PA ME'I DROD SKYED PAR BYED PA DAG BYIN NA PHAN NO, ,BLUD KYANG RJES SU 'BREL GYUR NA, ,DUG MO YUNGS SHUN 'BRAS BU DANG, ,BONG NGA DKAR PO BCAS BTAGS PHYE, ,SBRANG RTZI BSRES PA 'BRAS CHU BLUD, ,CES BYA BA LA, DE LTAR THUG PA LA SOGS PA BLUD DU ZIN KYANG 'KHRU BA DE RJES SU 'BREL ZHING RUNG BAR MA GYUR NA, DUG MO YUNGS KYI SHUN LPAGS DANG, DE'I 'BRAS BU STE DE'I SA BON DANG, BONG NGA DKAR PO DANG BCAS PA'I PHYE MA SBRANG RTZI DANG BSRES PA 'BRAS BKRUS PA'I CHU DANG SBYAR TE BLUD PAR BYA'O, , PA THA DUG MO YUNGS SHUN 'BRAS, ,SKYER PA PI PI LING RTZA 'AM, ,ZHES BYA BA LA, YANG NA PA THA LA SOGS PA'I SMAN BTAGS PA'I PHYE MA SBRANG RTZI DANG BCAS PA'I 'BRAS CHU YANG BLUD PAR BYA'O, ,BONG NGA BIL BA DUG MO YUNGS, ,GLA SGANG BA LE KA BSKOL BA'AM, ,ZHES BYA BA LA, YANG MKHRIS PA'I TSAD PAR 'KHRU BA DE LA YANG NA BONG NGA DKAR PO LA SOGS PA'I SMAN BTAGS PA'I PHYE MA BSKOL BA SNGA MA BZHIN DU BLUD PAR BYA'O, ,YANG NA BONG NGA DKAR MUR BA, ,SKYER BA DNGUL RDO DUG MO YUNGS, ,ZHES BYA BA LA, YANG NA BONG NGA LA SOGS PA BSKOL BA'I CHU SBRANG RTZI DANG BCAS PA BLUD PAR BYA'O, ,BONG NGA BCA' SGA DUG MO YUNGS, ,GLA SGANG KAD PAL SBRANG RTZIR BCAS, ,ZHES BYA BA LA, YANG NA BONG NGA LA SOGS PA'I SMAN BSKOL BA LA SBRANG RTZI LA SOGS PA BTAB PA BLUD PAR BYA'O, ,DUG MO YUNGS KYI SA BON NI, ,SRANG GCIG BSKOL BA'I KHU BA BLUD, ,GANG ZHIG SHA KHU BCAS SBYAR ZA, ,MKHRIS BCAS LTO BA'I NAD SEL 'GYUR, ,ZHES BYA BA LA, YANG DUG MO YUNGS KYI SA BON 'BA' ZHIG SRANG GCIG BSKOL BA'I KHU BA BLUD PAR BYA'O, ,YANG NAD PA GANG ZHIG SHA KHU BA DANG BCAS PAR ZA BA NI, MKHRIS PA LAS GYUR PA'I KHONG PA'I NAD MYUR DU SEL ZHING BYANG BAR 'GYUR RO, ,DE BZHIN GLA SGANG BSKOL BA'I KHU, ,SBRANG RTZIR SBYAR BA BLUD PA PHAN, ,ZHES BYA BA LA, YANG NA GLA SGANG GRANG GCIG BSKOL BA'I KHU BA SBRANG RTZI DANG SBYAR BA BLUD LA SHA KHU DANG BCAS PAR ZAS ZA BA YANG MKHRIS PA LAS GYUR PA'I LTO BA'I NAD SEL BAR 'GYUR BA'I MCHOG YIN NO, ,SHAL MA LI YI 'DAB MA'I RTZA, ,BSKOL
BA'I KHU BA BSGRANGS PA'AM, ,ZHES BYA BA LA, SHAL MA LI'I 'DAB MA DANG RTZA BA BSKOL BA'I KHU BA BSGRANGS PA LA SBRANG RTZI BTAB PA YANG DE DANG 'DRA'O, ,RTZA MKHRIS GLA SGANG DUG MO YUNGS, ,SKYER KHAndA DANG BCAS PA'AM, ,YANG NA SKYER PA BA LE KA ,BIL BA'I RKANG DANG BYI TSER BA, ,TIL DANG SENG PHROM MON CHA RA, ,BTZOD DANG PADMA AUTPA LA, ,DONG GRA DA TA KA'I ME TOG ,SE'U 'BRU AUTPAL SHUN PAR BCAS, ,TSIGS BCAD PHYED KYIS BSHAD SBYOR BA, ,SBRANG RTZIR BCAS PA 'BRAS CHU BLUD, ,CES BYA BA LA, RTZA MKHRIS LA SOGS PA TSIGS SU BCAD PA PHYED PHYED KYIS BSTAN PA'I SBYOR BA BZHI PO LA SBRANG RTZI BTAB PA 'BRAS BKRUS PA'I CHU BLUD NA YANG MKHRIS PA LAS GYUR PA'I 'KHRU BA SEL BAR BYED DO, ,SA MANG GI NI NAM SGA RI'O, ,MO DZA RA SA NI MON DZA RA DZA STE SHAL MA LI'I THANG CHU'O, ,SKYER PA SENG PHROM DUG MO YUNGS, ,SUG SMEL BSKOL BAS SMIN 'KHRU SEL, ,ZHES BYA BA LA, SKYER BA LA SOGS PA BSKOL BA'I KHU BAS YANG SMIN PA'I 'KHRU BA SEL TO, ,SENG PHROM DANG NI AA BRTA, ,PRI YANG KU SOGS SDE TSAN DANG, ,BSKOL BA SO SOR BLUD DE BZHIN, ,ZHES BYA BA LA, SENG PHROM LA SOGS PA'I SDE TSAN DANG, AA BRTA LA SOGS PA'I SDE TSAN DANG, PRI YANG KU LA SOGS PA'I SDE TSAN DANG, SKYUG SMAN LA SOGS PA'I SMAN SDE TSAN BSDUS PA'I SKABS NAS BSHAD PA BSKOL TE BLUD PA YANG SNGA MA BZHIN DU SMIN PA'I 'KHRU BA SEL BA YIN NO, ,PU TZE SHEL DANG SHING MNGAR DANG, ,SE'U 'BRU'I MYU GU BRI YANG KU, ,ZHO DANG 'U SU'I 'BRAS BUR BCAS, ,THUG PA LDE GUS SBYAR DUGS BYA, ,ZHES BYA BA LA, PU TZE SHEL LA SOGS PA LAS THUG PA LA SOGS PA BYA'O, ,SE'U 'BRU'I MYU GU DANG POR SKYES MA THAG PA'O, ,DE BZHIN BIL BA KA PID THA, ,AA MRA 'DAM BU'I RKANG LAS SBYAR, ,ZHES BYA BA LA, DE BZHIN DU THUG PA DANG LDE GU DANG SBYAR THUG KHA LA ZHES BYA BA LA SOGS PA BIL BA'I RKANG DANG KA PID THA'I RKANG DANG AA MRA'I RKANG DANG 'DAM BU'I RKANG DANG SBYAR BAR BYA'O, ,SMIN PA'I KHU BA RA'I 'O MA, ,MCHOG TU PHAN TE DES KYANG NI, ,STOBS LDAN NAD GZHI CHE BA'I PHYIR, ,MA ZHI NA NI BKRU SMAN GTANG, ,ZHES BYA BA LA, SMIN PA'I MKHRIS PA'I 'KHRU BA LA NI RA'I 'O MA MCHOG TU PHAN PA YIN
, ,MOD KYI, RA'I 'O MA DES STOBS DANG LDAN PA'I NAD GZHI CHEN PO DANG, LEN PA'I PHYIR GAL TE ZHI ZHING BYANG BAR MA NUS NA MKHRIS PA'I 'KHRU BA STOBS CAN DE LA BKRU SMAN GTANG BAR BYA'O, ,RIM GYIS BSHANG BA KHRAG DAG TU, ,GANG ZHIG 'KHRU BAR GYUR PA LA'ANG, ,PA LA SHA YI 'BRAS BU YI, ,KHU BA DANG SBYAR 'O MA BLUD, ,DE NAS 'O MA DRO 'JAM TZAM, ,NYAMS STOBS JI BZHIN BLUD PAR BYA, ,DES NI DRI MA BSAL BAS NA, ,LTO BA'I NAD NI ZHI BAR 'GYUR, ,ZHES BYA BA LA, GANG BSHAD PA DANG KHRAG RIM GYIS 'BYUNG BAS 'KHRU STE, BSHANG BA DANG BCAS PA'I KHRAG TU 'KHRU NAS DE'I RJES LA KHRAG 'BA' ZHIG 'KHRU BAR BYED PA DANG, LAN 'GA' NI KHRAG TU 'KHRU NAS BSHANG BA 'KHRU BAR BYED PA DANG, LAN 'GA' NI BSHANG BAR 'KHRU NAS KHRAG TU 'KHRU BAR BYED PA LA NI PA LA SHA'I 'BRAS BU'I KHU BA 'BA' ZHIG BLUD PA'AM, YANG NA 'O MA DANG SBYAR BA BLUD LA, DE NAS DE'I 'OG TU 'O MA 'BA' ZHIG BSKOL BA DRO 'JAM TZAM NAD PA'I NYAMS STOBS JI LTA BA BZHIN DU BLUD PAR BYA'O, ,'O MA'I SBYOR BA DES NI BSHANG BA ZHES BYA BA'I DRI MA BTON PAS LTO BA'I 'KHRU BA ZHES BYA BA DE ZHI ZHING BYANG BAR 'GYUR RO, ,KYI LCE BA YI SPYANG BA YANG, ,PA LA SHA LTAR SBYOR BA BYA, ,ZHES BYA BA LA, KYI LCE PA LA SHA LTAR BSKOL BA LA 'O MA DANG LHAN CIG SBYAR TE BLUD NA DE'I RJES LA 'O MA BLUD PA'I SBYOR BA BYAS NA YANG DE DANG 'DRA'O, ,THUG SOGS RIM PAR BYAS KYANG NI, ,GAL TE GZER DE MA ZHI NA, , NYES BSAL DE LA ME DROD STOBS, ,LAS DPAGS 'JAM RTZI MYUR DU GTANG, ZHES BYA BA LA, THUG PA LA SOGS PA'I RIM PA JI SKAD BSHAD PA LTAR BYAS SU ZIN KYANG GAL TE GZER DE ZHI BAR MA GYUR CING NYES PA BSAL CING DRIS SBYANGS ZIN PA DE LA ME DROD KYI STOBS JI LTA BA'I TSOD LAS DPAGS TE 'JAM RTZI'I SBYOR BA JI LTA BA MYUR DU GTANG BAR BYA'O, ,SHA TA PUshPA NYE'U SHING DANG, ,BIL BA DANG NI SHING MNGAR DAG ,MAR 'O TIL MAR BZHI CHAR BCAS, ,BSKOL BA 'JAM RTZI'I TIL MAR YIN, ,ZHES BYA BA LA, 'JAM RTZE DE YANG MAR DANG 'O MA DANG
BCAS PA'I NANG DU TIL MAR GYI CHA DANG BCAS PA DANG, SHA TA PUshPA LA SOGS PA'I LDE GUR BYAS PA DANG BSKOL BA'I 'JAM RTZI GTANG BAR BYA'O, ,DES NI TSAD 'KHRU MA ZHI NA, ,SPYI BAG 'JAM RTZI MCHOG TU PHAN, ,ZHES BYA BA LA, DE LTAR JI SKAD DU BSTAN PA'I GSO BA BYAS SU ZIN KYANG, 'KHRU BA DE ZHI BAR MA GYUR NA DE'I 'OG TU NI SPYI BAG GI 'JAM RTZI 'OG NAS BSHAD PA GTANG BAR BYA'O, ,SHAL MA LI YI LO MA RLON, ,KU SHA RLON PAS DKRIS NAS NI, ,SA NAG LDE GU BSKUS NAS SU, ,LCI BA SKAM PO'I ME NANG BSREG ,'JIM PA LUS PA DE BKOG STE, ,GONG PO DE LAS SRANG GCIG TZAM, , 'O MA BRE GANG NANG DU MNYE, ,BTZAGS LA DANGS MAR RGYA SPOS DANG, ,SHING MNGAR SBRANG RTZI LDE GU MAR, ,TIL MAR LDAN PAS 'JAM RTZI BYA, ,KHRUS BYAS 'O MA 'BRAS CHAN SBYIN, ,YANG NA SKAM SA'I SHA KHU SBYIN, ,MKHRIS PA'I TSAD 'KHRU RIMS DANG 'OR NAD SKRAN, ,RLUNG NAD KHRAG DANG PHO BA'I NAD SEL ZHING; ,'DI DAG BKRU SMAN MAS GTONG DRAG PO YI, ,SBYOR BYAS DRAG TU 'BYUNG BA'ANG MYUR ZHI BYED, ,CES BYA BA LA, SHAL MA LI'I LO MA RLON PA 'JIM PAS BSKU BA'I BAR GYI SBYOR BA BYAS TE, DE'I 'OG TU BSREGS LA NANG GI TSOS TE PHYI'I 'JIM PA LUS PA DANG, 'JIM PA DE BKOG STE LO MA'I GONG PO SRANG GCIG TZAM 'O MA SRANG SUM CU RTZA GNYIS NANG DU MNYES PA BTZAGS PA'I KHU BA DE RGYA SPOS LA SOGS PA BCUG PA MAR DANG TIL MAR GYI 'JAM RTZI BYA'O, ,DE'I 'OG TU LUS KHRUS BYAS PA 'O MA DANG BCAS PA'I 'BRAS CHAN BYIN PA'AM, YANG NA SKAM SA'I SROG CHAGS KYI SHA KHU DANG 'BRAS CHAN SBYIN PAR BYA'O, ,DES NI MKHRIS PA'I TSAD PAR 'KHRU BA LA SOGS PA SEL BAR BYED CING, DE BZHIN DU BKRU SMAN LA SOGS PA BYAS PA LAS KYANG DRAG TU 'BYUNG ZHING SBYOR BA DRAG PO'I NAD LTA BU YANG SEL BAR BYED DO, ,DUG MO YUNGS NI BU RAM PHRAN, ,LTAR BSKOL DUG MO YUNGS SOGS SDE, ,AA BRTA SOGS SBRANG RTZI BCAS, ,LDE GUS 'KHRU BA THAMS CAD SEL, ,ZHES BYA BA LA, DUG MO YUNGS BU RAM PHRA MO PHAN TI MA ZHES BYA BA LTA BUR BSKOL BA'I KHU BA LA DUG MO YUNGS LA SOGS PA'I SDE TSAN GYI PHYE MA DANG BCAS PA'I LDE GUS NI 'KHRU BA
, ,THAMS CAD SEL BAR BYED PA YIN NO, ,SMIN CING NAD MED ME DROD CHE, ,KHRAG DANG BCAS PAR RING NAS 'KHRU, ,SNA TSOGS MDOG TU 'KHRU 'GYUR BAR, ,SMAN THUM BTZOS PA SBYAR BAR BYA, ,ZHES BYA BA LA, TSAD PAR 'KHRU BA GANG SMIN CING MA ZHU BA MED PA LA NAD DANG GZER YANG MED PAR GYUR LA, ME DROD CHE ZHING KHRAG DANG BCAS PAR RING ZHIG NAS 'KHRU BAR BYED LA, 'KHRU BA DE YANG KHA DOG SNA TSOGS PAR 'KHRU BAR GYUR NA DE LA NI 'OG NAS BSHAD PA'I SMAN GYI THUM PO BTZOS PA'I SBYOR BAS GSO BAR BYA'O, ,KAD PA LA YI SHUN LDE GU, ,BIL BA'I LO MAS DKRIS NAS NI, ,'JIM PAS BSKUS TE ME NANG BSREG ,KHU BA BTZIR LA BSGRANGS PA NI, ,SBRANG RTZI 'AM KHA RAR BCAS PA NI, ,'KHRU BA CAN LA CI RIGS BLUD, ,CES BYA BA LA, KANG PA LA ZHES BYA BA DIR GA SPRI NA DE'I SHUN LPAGS KYI LDE GU BIL BA'I LO MAS DKRIS SHING G-YOGS LA 'JIM PAS PHYI ROL NAS BSKUS LA, DE'I 'OG TU MER BSREGS NAS BTZOS PA 'JIM PA BSAL NAS KHU BA BTZIR BA BSGRANGS NAS SBRANG RTZI KHA RA GANG YANG RUNG BA BTAB PA 'KHRU BA CAN GYI NAD PA LA SBYIN PAR BYA'O, ,DE BZHIN 'O MA CAN SHING KUN, , DE YI MYU GU LAS KYANG BYA, ,ZHES BYA BA LA, CHO GA 'DI NYID KYIS N+YA GRO DHA LA SOGS PA'I SHING 'O MA CAN GYI SHUN LPAGS DANG DE'I MYU GU DANG LDE GUR BYAS NAS SNGA MA BZHIN DU SMAN GYI PHUR MA BTZOS PA DAG KYANG BLUD CING GTANG BAR BYA'O, ,'KHRI SHING SHUN PA MAR DANG BCAS, ,BSKOL BA'I RLANGS PAS BTZOS PA NI, ,SBRANG RTZI BCAS PAR TSAD 'KHRU BA, ,STOBS CAN DRAG TU 'BYUNG BA'ANG SEL, ,ZHES BYA BA LA, 'KHRI SHING KA TRANG KA ZHES BYA BA'I SHUN PA MAR DANG BCAS PA DAG CHU BSKOL BA'I KHA RLANGS LA BTZOS LA, SBRANG RTZI DANG BCAS PAR ZOS BAS NI, TSAD PAR 'KHRU BA'I NAD STOBS CAN YANG MYUR DU ZHI BAR BYED DO, ,MKHRIS PA'I 'KHRU BA CAN GYIS NI, ,MKHRIS PA SKYED BYED GANG BSTAN PA, ,DE YIS MKHRIS PA 'KHRUGS GYUR NAS, ,KHRAG GI TSAD 'KHRU SKOM DAD RIMS, ,'DEBS SHING GZHANG KHA MI BZAD 'DRUL, ,ZHES BYA BA LA, MKHRIS
PA LAS GYUR PA'I 'KHRU BA DANG LDAN PA'I NAD PAS MKHRIS PA SKYED PAR BYED PA'I ZAS LA SOGS PA BSTEN PA DES MKHRIS PA 'KHRU ZHING LDANG BAS KHRAG GI TSAD PAR 'KHRU BA LA SOGS PA SKYED PAR 'GYUR RO, ,PADMA AUTPAL SA MANG GA ,MON CHA RA SA BSKOL BA YI, ,RA YI 'O MA DE LA PHAN, , ZHES BYA BA LA, MKHRIS PA'I TSAD PAR 'KHRU BA'I NAD DE DANG, GZHANG 'BRUM 'DRUL BA LA PADMA LA SOGS PA DANG RA'I 'O MA BSKOL BA BLUD NA PHAN NO, ,THAL TRES SHING MNGAR SENG PHROM MAM, ,N+YA GRO DHA SOGS MYU GU DANG, ,SBRANG RTZI KHA RAR BCAS PA NI, ,BTUNG BA'AM GZHANG KHAR BLUGS PAS PHAN, ,ZHES BYA BA LA, YANG NA THAL TRES LA SOGS PA'I SMAN RA'I 'O MA BTUNG BA LA SOGS PA BYAS NA PHAN NO, ,YANG N+YA GRO DHA LA SOGS PA'I MYU GU 'O MAR BSKOL BA LA SBRANG RTZI DANG KHA RA BTAB PA BTUNG BA LA SOGS PAR SBYAR NA PHAN NO, ,DE BZHIN SHA KHU SOGS SKYON MED; ,MAR BCAS BSGRANGS PA'I ZAS SKOM PA NA, ,ZHES BYA BA LA, YANG KHRAG GI TSAD PAR 'KHRU BA DANG, GZHANG MAN MAMS SHING 'DUL BA LA SHA KHU DANG, THUG PA DANG, SKYO MA DANG, SBYAR THUG LA SOGS PA SKYON MED PA LA MAR DANG BCAS PAR BSGRANGS PA DAG ZAS DANG SKOM DU BYIN NA PHAN NO, ,TANG PAL 'BRAS BU'I KHU BA NI, ,CUNG ZAD SKYUR ZHING KHA RAR BCAS, ,ZHES BYA BA LA, TANG PAL GYI 'BRAS BU'I KHU BA YU SHAR BCAS PA CUNG ZAD TZAM SKYUR BA LA KHA RA BTAB PA'I BSGRANGS PA DAG ZAS DANG SKOM DU BYAS PA BYIN NA PHAN NO, ,RA YI 'O MA CHU PHYED DANG AUTPAL DONG GRA BA LE KA ,KRishnA PARnI KHU BAR BCAS, ,THUG PAS KHRAG GI TSAD 'KHRU SEL, ,ZHES BYA BA LA, RA'I 'O MA CHU DANG PHYED DU BSRES PA AUTPAL LA SOGS PA BTAB CING KRishnA PARnI'I KHU BA DANG BCAS PA THUG PAR BYAS PA NI KHRAG GI TSAD PAR 'KHRU BA SEL TO, , ZAS KYI SNGON DU MAR SAR NI, ,SBRANG RTZI KHA RAR SBYAR BA BLDAG ,CES BYA BA LA, YANG NA ZAS MA ZOS PA'I SNGON ROL DU MAR SAR DANG SBRANG RTZI DANG KHA RA'I LDE GUR BYAS PA BLDAG PA YANG PHAN NO, ,KHRAG 'KHRU TSABS CHE LA RA'AM, ,RI DAGS KHRAG GI MAR BRDOS SBYIN, ,ZHES BYA
, ,BA LA; KHRAG GI 'KHRU BAS TSABS CHER 'KHRU BA LA NI RA'I KHRAG GAM, RI DAGS KYI KHRAG DANG MAR BRDOS PA PHAN NO, ,'O MA DANG BZA' 'O MA BTUNG, ,'O MA BSRUBS MAR ZHAG GSUM BSTEN, ,YANG NA GONG MA SREG GI NI, ,SHA KHU DANG ZOS NAD MED 'GYUR, ZHES BYA BA LA, 'O MA DANG SOGS TE BZA' BA DANG, 'O MA BTUNG BA DANG 'O MA BSRUBS PA'I MAR SAR ZHAG GSUM GYI BAR DU BSTEN PA'AM, YANG NA GONG MA SREG GI SHA KHU 'THUNGS LA 'O MA BSRUBS PA'I MAR ZA ZHING 'O MA 'THUNGS NA YANG NAD MED CING BDE BA THOB PAR 'GYUR RO, ,NYE'U SHING BTAGS PA 'O MA DANG, ,LHAN CIG BLUD CING 'O MAR BZA', ,YANG NA DE DANG BSKOL BA YI, ,MAR GYIS TSAD 'KHRU MYUR DU SEL, ,ZHES BYA BA LA, YANG NYE'U SHING BTAGS PA'I LDE GU 'O MA DANG SBYAR TE 'THUNGS LA 'O MA DANG BCAS PAR KHA ZAS ZOS NA YANG KHRAG GI TSAD PAR 'KHRU BA MYUR DU SEL BAR BYED DO, ,YANG NA NYE'U SHING DE DANG BSKOL BA'I MAR 'THUNGS NA YANG DE DANG 'DRA'O, ,RGYA SKYEGS BCA' SGA PI PI LING, ,SKYER PA'I SHUN PA PU TZE SHEL, ,DUG MO YUNGS DANG BCAS BSKOL MAR, ,THUG SLA THUG PA DANG SBYAR BAS, ,NAD GZHI GSUM LAS BYUNG BA YI, ,MI BZAD 'KHRU BA'ANG MYUR DU SEL, ,ZHES BYA BA LA, YANG RGYA SKYEGS LA SOGS PA'I SMAN LDE GUR BYAS PA DANG MAR DU BSKOL BA'I MAR DANG THUG PA SLA BA LA SOGS PA SBYAR TE BLUD PAS TSAD PAR 'KHRU BA'I NAD GZHI GSUM CHAR LAS BYUNG BA'I MI BZAD PAR NA BA DAG KYANG SEL BAR BYED DO, ,SA NAG DUNG DANG SHING MNGAR DANG, ,SBRANG RTZIR KHRAG 'BRAS CHU BLUD, ,KHRAG GI 'KHRU BA SEL BAR BYED, ,CES BYA BA LA, SA NAG SO RA TI DANG DUNG LA SOGS PA 'BRAS KYI CHU DANG BCAS PA BLUD NA KHRAG TU 'KHRU BA SEL BAR BYED DO, ,PRI YANG KU DANG SBRANG RTZI'ANG PHAN, ,ZHES BYA BA LA, YANG NA GANDHA PRI YANG KU DANG SBRANG RTZIR BSRES PA 'BRAS KYI CHU DANG BSRES PA BLUD NA YANG KHRAG TU 'KHRU BA LA PHAN NO, ,TIL NAG BTAGS PA'I LDE GU DANG, ,SHA KHAR NI CHA LNGA DANG, ,RA YI 'O MA DANG SBYAR BLUD, ,'PHRAL DU KHRAG TU 'KHRU BA SEL, ,ZHES BYA BA LA, TIL NAG PO BTAGS PA'I LDE GU'I CHA LNGA'I SHA KHA RA DANG BCAS PA'I
RA'I 'O MA SBYAR TE BLUD NA 'PHRAL DU STE DE'I MOD LA KHRAG TU 'KHRU BA SEL TO, ,KHA RA SBRANG RTZI TZANDAN BCAS, ,'BRAS KYI CHU DANG BLUD NA NI, ,KHONG TSA SKOM DAD GCIN NAD DANG, ,KHRAG TU 'KHRU LAS THAR BAR 'GYUR, ,ZHES BYA BA LA, KHA RA SBRANG RTZI DANG TZANDAN DKAR PO'I LDE GU DANG BCAS PA SBYAR BAR 'BRAS BKRUS PA'I KHU BA DANG SBYAR TE BLUD NA YANG TSA BA LA SOGS PA'I NAD SEL BAR 'GYUR RO, ,GZHANG KHA TSA ZHING 'DRUL BA LA, ,BSIL BA'I SMAN GYIS BLUGS SHING BSKU, ,ZHES BYA BA LA, GZHANG KHA'I PHYOGS SU TSA 'UR 'UR POR GYUR PA DANG 'DRUL ZHING RNAGS PAR GYUR PA LA NI, BSIL BA'I SMAN GYI SBYOR BA LA SOGS PAS BLUGS PA DANG, SMAN GYIS BSKUS PA PHAN NO, ,GANG TSE YANG DANG YANG DU 'KHRU, ,KHRAG NYUNG GZER DANG BCAS PAR 'KHRU, ,RLUNG GIS GAGS NI BYAS GYUR PAS, ,DKA' BAS 'BYUNG BA'AM MI 'BYUNG BYED, ,DE TSE DE LA SPYI BAG NI, , 'JAM RTZI SNGAR BSHAD GTANG BAR BYA, ,ZHES BYA BA LA, DUS GANG GI TSE YANG DANG YANG DU 'KHRU BA DE'I TSE NA, KHRAG NYUNG ZAD NYUNG ZAD 'BYUNG ZHING GZER DANG BCAS PAR 'BYUNG BAR 'GYUR BA DANG, DE BZHIN DU RLUNG GIS 'BYUNG BA'I LAM BKAG PAR GYUR PAS DKA' ZHING 'THOGS TE 'BYUNG NGAM YANG NA 'BYUNG MI NUS PAR GYUR PA DE LA DE'I TSE SNGAR BSHAD PA'I SPYI BAG GI 'JAM RTZI GTANG BAR BYA'O, ,KAR PU DA RA SHING SHA PA, ,LA SOGS LO MA CHAM CHOM BRDUNGS, ,NAS DANG BSKOL BA'I KHU BA DE, ,MAR DANG 'O MAR BCAS PA BSKOL, ,SPYI BAG 'JAM RTZI BTANG NA NI, ,BE'U SNABS 'KHRU DANG GZHANG BYUNG DANG, ,MKHREGS PA'I NAD RNAMS SEL BYED CING, ,SKEM PO STOBS NI SKYED PAR BYED, ,CES BYA BA LA, SHING KAR BU DA RA DANG SHING SHA PA LA SOGS PA'I LO MA GTUN GYI NANG DU CHAM CHOM BRDUNGS NAS DE BZHIN DU NAS KYANG BRDUNGS SHING DRAL LA CHO GA BZHIN DU BSKOL BA'I KHU BA MAR DANG 'O MA BCAS PA YANG BSKOL TE SPYI BAG GI 'JAM RTZI BTANG NA BE'U SNABS KYI 'KHRU BA LA SOGS PA DE DAG SEL BAR BYED CING, 'JAM RTZI 'DI BTANG BAS LUS ZAD CING SKEM PAR GYUR PA DAG STOBS SKYED PAR BYED PA YIN NO, ,STAG TSER BA DANG BSKOL BA YI, ,MAR GYI
, ,'JAM RTZI GTANG BAR BYA, ,ZHES BYA BA LA, BE'U SNABS 'KHRU BA LA SOGS PA'I NAD 'DI LA, STAG TSER BA ZHES BYA BA PRA PUndA R'I KA DANG BSKOL BA'I MAR GYI 'JAM RTZI BTANG NA YANG PHAN NO, ,DANG POR BSHANG BA KHRAG 'DRES 'BYUNG, ,YANG NA PHYIS NI 'KHRU 'GYUR BA; ,DE LA NYE'U SHING BSKOL BA'I MAR, ,LDE GU'I DON DU SBYAR BAR BYA, ,ZHES BYA BA LA, KHRAG GI 'KHRU BA GANG DANG POR BSHANG BA KHRAG DANG 'DRES PAR 'BYUNG BA'AM YANG NA PHYIS BSHANG BA KHRAG DANG 'DRES PAR GYUR PA DE LA 'OG NAS BSHAD PA'I NYE'U SHING GI MAR LDE GU'I SBYOR BAS SBYIN PAR BYA'O, , KHA RA CHA PHYED DANG SBYAR LA, ,SBRANG RTZI BZHI CHA BCUG PA YI, ,MAR SAR PHAN PA'I ZAS ZOS NA, ,NAD DE MYUR DU SEL BAR 'GYUR, ,ZHES BYA BA LA, MAR SAR 'PHRAL DU BYUNG BA GANG YIN PA DE, KHA RA CHA PHYED DANG SBYAR ZHING SBRANG RTZI MAR GYI BZHI CHA BCUG PA'I MAR DANG, PHAN ZHING 'PHROD PA'I ZAS ZOS NA KHRAG TU 'KHRU BA'I NAD DE MYUR DU SEL BAR 'GYUR RO, ,AU DUM B'A RA N+YA GRO DHA, ,AA SHVADTHA YI MYU GU NI, ,BRDUNGS TE CHU NANG ZHAG GCIG SBANGS, ,MNYES TE BTZAGS PAR MAR BSKOL LA, ,KHA RA DE YI PHYED BTAB CING, ,SBRANG RTZI BZHI CHA BTAB STE BLUD, ,GANG GI KHRAG NI THUR DU 'AM, ,GYEN DU 'BYUNG BAR BYED LA SBYIN, ,ZHES BYA BA LA, SHING AU DUM B'A RA LA SOGS PA'I MYU GU BRDUNGS TE CHU BSKOL BA'I NANG DU NYIN ZHAG GCIG SBANGS LA CHU DE DANG MNYES TE BTZAGS PA'I KHU BA DE DANG MAR TSUL BZHIN DU BSKOL LA MAR DE'I NANG DU KHA RA MAR GYI PHYED BTAB CING SBRANG RTZI MAR GYI BZHI CHA BTAB STE, 'KHRU BA CAN GYI NAD PA LA SBYIN PAR BYA LA, YANG GANG GI KHRAG THUR DU 'AM, GYEN DU 'BYUNG BAR BYED PA DE DAG LA YANG BLUD PAR BYA'O, ,BAD KAN 'KHRU RLUNG BSHANG BA NI, ,MA ZHU SMIN BYA MCHOG TU BYA, ,ZHES BYA BA LA, BAD KAN LAS GYUR PA'I 'KHRU BA NYUNG BA DAG LA NI MA ZHU BA SMIN PAR BYA BA'I THABS GANG DAG YIN PA DE MCHOG GA MA KHYAD PAR DU SPYAD PAR BYA'O, ,RJES SU 'BREL BA DE LA NI, ,BIL BA GZHON NU GLA SGANG DANG, ,AA RU RA DANG BCA' SGA BSKOL, ,SMIN CING ME DROD SKYED PAR BYED, ,CES BYA BA LA, BAD KAN LAS GYUR PA'I 'KHRU BA
SMYUNG BA LA SOGS PA'I RIM PA BYAS SU ZIN KYANG RJES SU 'BREL CING BYANG BAR MA GYUR PA DE LA BIL BA GZHON NU LA SOGS PA BSKOL BA'I NAD SMIN CING ME DROD SKYED PA DE BLUD PAR BYA'O, ,SHU DAG DONG GA BYI DANG GA, ,PU TI KA DANG THANG SHING DANG, ,ZHES BYA BA LA, YANG NA SHU DAG LA SOGS PA BSKOL BA YANG SMIN CING ME DROD SKYED PAR BYED PA YIN PAS BLUD PAR BYA'O, ,PI PI LING GNYIS KRU TRUG TRES, ,PI PI LING GI RTZA BA'AM, ,ZHES BYA BA LA, YANG NA PI PI LING HA STI PI PI LING LA SOGS PA BSKOL BA BLUD PAR BYA'O, ,PA THA TZI TRA DUG MO YUNGS, ,SHU DAG PI PI LING RTZA BA, ,PU TZE SHEL DANG AA RU RA, ,BSKOL BA'AM YANG NA BTAGS PA SBYIN, ,ZHES BYA BA LA, YANG NA PA THA DANG TZI TRA KA LA SOGS PA CHO GA BZHIN DU BSKOL BA'AM BTZAGS TE LDE GUR BYAS PA YANG BAD KAN LAS GYUR PA'I 'KHRU BA'I DROD SKYED PA'I SMAN YIN PAS BLUD PAR BYA'O, ,BAD KAN TSA BAR 'KHRU SMAN BLUD, ,KHA RU TSA DANG TSA BA GSUM, ,SHU DAG SHING KUN BONG NGA DKAR, ,AA RU RA YI CHU TSAN BCAS, ,BAD KAN 'KHRU BAS NYEN LA BLUD, ,CES BYA BA LA, BAD KAN GYI 'KHRU BAS NYEN CING GZIR BA LA KHA RU TSA LA SOGS PA'I PHYE MA CHU BSKOL BA DRO 'JAM TZAM DU BLUD PAR BYA'O, , KA PID THA YI RKANG DANG NI, ,TSA GSUM SBRANG RTZI KHA RA'AM, ,KAD PA LA DANG SBRANG RTZIR BCAS, ,LTO YI NAD NI SEL BYED YIN, ,ZHES BYA BA LA, YANG NA KA PID THA SKYUR PO'I RKANG DANG TSA BA GSUM DANG, SBRANG RTZI KHA RA DANG BCAS PA'I LDE GU BYIN NA YANG LTO BA'I NAD BAD KAN LAS GYUR PA'I 'KHRU BA SEL BAR BYED DO, ,YANG KAD PA LA DANG SBRANG RTZIR BCAS PA'I LDE GU BYIN NA YANG DE DANG 'DRA'O, ,PI PI LING DANG SBRANG RTZIR BCAS, ,TZI TRA KA DANG DAR BAR BCAS, ,BIL BA GZHON NU BYIN NA YANG, ,'KHRU BA'I NAD NI SEL BAR BYED, ,CES BYA BA LA, PI PI LING SBRANG RTZIR BCAS PA BYIN PA'AM, YANG TZI TRA KA DANG DAR BA SBYAR TE BLUD PA'AM, BIL BA GZHON NU DAR BA DANG SBYAR TE BYIN NA YANG 'KHRU BA LAS GYUR PA'I NAD SEL BAR BYED DO, ,PA TA GLA SGANG MON CHA RA, ,BIL BA DONG GRA DA TA KA'AM, ,BU RAM DAR BAR BCAS PA YIS, ,'KHRU BA SHIN TU GSO DKA'ANG SEL, ,ZHES BYA BA LA, PA TA
, ,LA SOGS PA BU RAM DANG BSRES PA'I DAR BA DANG BLUD NA YANG 'KHRU BA SHIN TU GSO BAR DKA' ZHING NAD TSABS CHE BA DAG KYANG SEL BAR BYED DO, ,PI PI LING RTZA LA LA PHUD, ,DRI BZANG BZHI DANG DONG GRA DANG, ,NA LE SHAM DANG KRU TRUG TRES, ,'U SU ZIR BA LE KA ,KHA RU TSA RNAMS CHA MNYAM DANG, ,DA TRIG DANG NI DA TA KI, ,BIL BA DANG NI PI PI LING, ,SE'U 'BRU DANG NI LA LA PHUD, ,SUM 'GYUR KHA RA DRUG 'GYUR DANG, ,KA PID THA NI BRGYAD 'GYUR BYAS, ,PHYE MAS TSAD 'KHRU PHO BA'I NAD, ,ZAD BYED SKRAN DANG LKOG MA'I NAD, ,LUD PA DBUGS MI BDE DROD NYAMS, ,GZHANG 'BRUM CHAM PA YI GA 'CHUS SEL, ,ZHES BYA BA LA, PI PI LING GI RTZA BA LA SOGS PA'I SMAN RNAMS CHA MNYAM PAR BYAS PA DANG, DA TRIG LA SOGS PA SUM 'GYUR TE, RTZA BA'I SMAN LAS SUM 'GYUR DU BYAS PA DANG, KHA RA PI PI LING GI RTZA BA LAS DRUG 'GYUR DU BYAS PA DE DAG PHYE MAR BYAS LA KA PID THA BRGYAD 'GYUR DU BYAS PA DANG PHYE MAR BYA'O, ,LA LA DAG NI PI PI LING GI RTZA BA LA SOGS PA'I SMAN SPYIR GCIG 'GYUR KHA RA DRUG 'GYUR TE BDUN KA PID THA NI CHA BRGYAD PA STE, CHA BDUN LA LTOS PA YIN PA'I PHYIR RO, ,PHYE MA 'DIS NI 'KHRU BA NAS YI GA 'CHUS PA'I BAR GYI NAD SEL BAR BYED DO, ,SMIG RKANG DANG NI DRI SNA BZHI, ,ZHO NI GNYIS GNYIS LA LA PHUD, ,'U SU ZI RA ZHO BZHI BZHI, ,PI PI LING RTZA TSA BA GSUM, ,SRANG NI RE RE SE'U 'BRU DANG, ,KHA RA SRANG BRGYAD GCIG SBYAR 'DI, ,PHYE MA SE 'BRU BRGYAD PA YIN, ,YON TAN GONG MA DAG DANG 'DRA, ,ZHES BYA BA LA, SMIG RKANG DANG DRI SNA RE RE ZHING ZHO GNYIS GNYIS 'U SU DANG ZI RA DANG LA LA PHUD RE RE ZHING ZHO BZHI BZHI PI PI LING GI RTZA BA DANG, TSA BA GSUM SNA RE RE ZHING SRANG RE RE SE'U 'BRU SRANG BRGYAD, KHA RA SRANG BRGYAD DE LTAR 'DI DAG GCIG TU SBYAR BA'I PHYE MA 'DI NI SE'U 'BRU BRGYAD PA ZHES BYA BA'I MING GIS MING DU BTAGS PA YIN TE, DE'I YON TAN NI KA PID THA SRANG BRGYAD PA DANG 'DRA BA YIN TE, 'KHRU BA DANG PHO BA'I NAD LA SOGS PA SEL BAR BYED DO, ,KHA ZAS RLUNG GIS 'KHRU BAR BSHAD, ,SBYAR THUG LA SOGS CI RIGS SBYIN, ,ZHES BYA BA LA,
GNAS SKABS 'DIR KHA ZAS NI SBYAR THUG DANG ZHO DANG SBYAR BA DANG, SHA KHU DANG THUG PA LA SOGS PA RLUNG GI 'KHRU BA LA SOGS PA'I SKABS SU BSHAD PA DAG NAD KYI TSUL LAS BRTAGS TE CI RIGS PAR SBYIN PAR BYA'O, ,NA LE SHAM DANG BYI DANG GA ,KA PID THA DANG DONG GRAR BCAS, ,TZANG GI RI DANG RGYA SHUG SKYUG, ,SBYAR THUG BAD KAN 'KHRU BA SEL, ,ZHES BYA BA LA, NA LE SHAM LA SOGS PA DANG SBYAR BA'I THUG PA YANG BAD KAN LAS GYUR PA'I 'KHRU BA SEL BA YIN NO, ,BAD KAN ZAD LA SNGAR BSHAD PA'I, ,RGYA SKYEGS LA SOGS SRANG DRUG PA, ,NAS THUG DANG NI BSRES PA YI; ,DMAR NI RNYING PA SBYIN PAR BYA, ,ZHES BYA BA LA, BAD KAN ZAD CING MA SMIN PA MED PAR GYUR NA SNGAR BSHAD PA'I RGYA SKYEGS LA SOGS PA SRANG DRUG PA'I THUG PA, RGYA SKYEGS BCA' SGA PI PI LING, ,ZHES BYA BA LA SOGS PA'I GZHUNG GIS BSTAN PA DE YANG SKYUR ZHING MNGAR BA DANG, KAN DZI DANG SKYUR RTZI CHEN PO'I KHU BA LA SOGS PA BSKOL BA NAS THUG PA DANG BSRES PA'AM, YANG NA NAD DE LA MAR RNYING PA DANG THUG PA BSRES PA SBYIN PAR BYA'O, ,RLUNG DANG BAD KAN GYIS BKAG PA, ,BAD KAN SHAS CHER 'KHRU BA 'AM, ,GZER ZHING MKHREGS PAR BYED PA LA, ,SPYI BAG 'JAM RTZI BTANG BA BSNGAGS, ,ZHES BYA BA LA, RLUNG DANG BAD KAN GYIS 'KHRU BA 'GAG CING 'BYUNG BAR MI 'GYUR BA LA SOGS PA'I NAD LA SPYI BAG GI 'JAM RTZI GANG YIN PA BSNGAGS PA YIN NO, ,SHU DAG BIL BA PI PI LING, ,RU RTA SHU TI RGYAM TSAR BCAS, ,BIL BA'I MAR RAM TIL MAR NI; ,SHU DAG SOGS DANG BSKOL BA PHAN, ,ZHES BYA BA LA, SHU DAG LA SOGS PA BIL BA'I MAR RAM TIL MAR DRO 'JAM DU SBYAR BA'I SMAN DRO 'JAM TZAM MA, YANG NA BKRU SMAN LA SOGS PA'I SDE TSAN LAS SHU DAG DANG GLA SGANG LA SOGS PA'I SMAN DANG TIL MAR BSKOL BA BTANG NA YANG PHAN NO; ,BAD KAN RLUNG GIS SHAS CHER GZIR, ,CUNG ZAD DRO BA'I 'JAM RTZI BTANG, ,BAD KAN ZAD CING YUN RING DU, ,'KHRU ZHING NYAM CHUNG GYUR PA NA, ,ZHES BYA BA LA, BAD KAN ZAD PAR GYUR BAS YUN RING DU 'KHRU ZHING BSHANG BA'I LAM GZHANG KHA NYAM CHUNG BAR GYUR NA, RLUNG RANG GI
, ,GNAS NA GNAS PA 'DI NAD KYI STOBS SHIN TU CHE BAR GYUR NA, DES NI DE GSOD PAR BYED PA YIN PAS RLUNG DE MYUR DU GSO BAR BYA'O, ,RLUNG NI NGES PAR STOBS CHE BA, ,RANG GI GNAS LA BRTEN TE SKYE, ,DE STOBS CHE BAS 'PHRAL GSOD BYED, ,DE PHYIR DE NI MYUR DU GSO; ,RLUNG GI RJES LA MKHRIS PA STE, ,MKHRIS PA'I RJES LA BAD KAN NI, ,GSO BA'AM GSUM LAS DANG POR NI, ,GANG ZHIG SHAS CHER GYUR PA GSO, ,ZHES BYA BA LA, RLUNG LA SOGS PA 'DI DAG NI RIM BZHIN DU GSO BAR BYA BA'AM, YANG NA NAD GZHI GSUM LAS GANG SHAS CHE ZHING STOBS DRAG PA DE DANG POR GSO BAR BYA'O, ,'JIGS DANG MYA NGAN DAG LAS KYANG, ,MYUR DU 'KHRUGS PAS DE'I PHYIR DER, ,RLUNG BSAL BA YI GSO BA DANG, ,DBUGS DBYUNG BA DANG DGA' BAR BYA, ,ZHES BYA BA LA, 'JIGS DANG MYA NGAN GNYIS RGYUR GYUR PA LAS RLUNG GI NAD 'KHRUGS SHING LDANG BAR 'GYUR LA DE BAS 'JIGS PA DANG MYA NGAN LAS GYUR PA'I 'KHRU BA LA RLUNG BSAL CING GZHOM PA'I GSO BA BYA BA DANG, DE BZHIN DU 'JIGS PA DANG MYA NGAN LAS BZLOG PAR BYA BA'I PHYIR DBUGS DBYUNG ZHING MI 'JIGS PA SBYIN PA DANG, SEMS DGA' BAR BYA BA DAG BYA'O, ,GANG ZHIG GCIN MED PHYIS DANG, ,'PHYEN NI 'BYUNG BAR 'GYUR BA DANG, ,ME DROD CHE ZHING LTO BA YANG, ,DE YI KHONG NAD ZHI BA YIN, ,ZHES BYA BA LA, 'KHRU BAR 'GYUR BA GANG ZHIG PHYIS MI 'GYUR BAR GCIN 'BA' ZHIG 'BYUNG BA'AM, YANG NA 'PHYEN 'BA' ZHIG 'BYUNG BAR 'GYUR BA DANG, KHONG PA'I DROD CHE BA DANG, LTO BA KHANG YANG BAR GYUR PA DE'I KHANG PA'I NAD 'KHRU BA GYUR PA DE ZHI ZHING BYANG BAR GYUR PA'I MTSAN MA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS LE'U DGU PA'I RNAM PAR 'GREL PA'O,, ,,DE NAS PHO BA'I NAD GSO BA'I LE'U BSHAD PAR BYA'O, ,ZHES BYA BA LA, GO RIMS KYIS NA 'DI GSO BA BRTZAMS PA YIN NO, ,PHO BA LA NI BRTEN PA'I NAD, ,MA ZHU
BA LTAR GSO BAR BYA, ,ZHES BYA BA LA, PHO BA'I NAD DU BRTEN CING GNAS PA'I RLUNG LA SOGS PA GANG YANG RUNG BA DAG LA NI DANG PO KHO NAR RANG RANG GI MA ZHU BA'I TSUL LAS DPAGS TE, ZAS KYI TSOD ZIN PAR BZA' BA'I LE'U LAS BSHAD PA LTAR SMYUNG BA LA SOGS PA'I GSO BAS NYE BAR GSO ZHING BCOS PAR BYA'O, ,'KHRU BAR BSHAD PA'I CHO GA YIS, ,DE YI MA ZHU SMIN PAR BYA, ,ZHES BYA BA LA, YANG PHO BA'I NAD DANG LDAN PA DE LA 'KHRU BA GSO BAR BSHAD PA 'DAS MA THAG PA'I CHO GAS KYANG DE'I MA ZHU BA DE SMIN CING ZHU BAR BYA'O, ,ZAS KYI DUS SU NAS THUG SOGS, ,TSA BA LNGA SOGS LDAN PA DANG, ,TSA BRO YANG BA'I KHA ZAS DANG, ,GZHAN YANG DROD SKYED SBYOR BA SBYIN, ,ZHES BYA BA LA, YANG KHA ZAS KYI DUS GANG YIN PA BKRES PAR GYUR CING ZAS LA 'DOD PA SKYED PA LUS KHONG YANG BAR GYUR PA'I NAS THUG LA SOGS PA'I ZAS TE, THUG PA DANG THUG PA GAR PO DANG, 'BRAS CHAN LA SOGS PA'I ZAS TSA BA LNGA LA SOGS PA DROD SKYED PAR BYED PA'I SMAN DANG G-YOS SHING SBYAR BA DANG LDAN PA LA, RGYAM TSA LA SOGS PA'I LAN TSVA BTAB PA DANG TSA DANG RANG BZHIN GYIS YANG BA SBYIN PAR BYA BA DANG, GZHAN YANG YANG DANG YANG DU DROD SKYED PAR BYED PA'I PHYIR DA LIS KYI PHYE MA'AM, RI LU LA SOGS PA'I SBYOR BA DAG KYANG SBYIN PAR BYA'O, ,MA ZHUR THUG PA BONG NGA DKAR, ,BCA' SGA SKYUR DANG BCAS PA SBYIN, ,ZHES BYA BA LA, MA ZHU BA LAS GYUR PA'I PHO BA'I NAD LA THUG PA'I NANG DU BONG NGA DKAR PO DANG BCA' SGA BTAB CING SE'U 'BRU LA SOGS PAS SKYUR BAR BYAS PA DANG BCAS PA SBYIN PAR BYA'O, ,BTUNG BAR 'KHRU BA LAS BSHAD PA'I, ,CHU DANG DAR BA CHANG SOGS BLUD, ,CES BYA BA LA, BTUNG BA'I DON DU NI 'KHRU BA GSO BA'I SKABS SU BSHAD PA CHU LA SOGS PA JI LTAR GOMS SHING NAD MI SKYED PA'I DON DU SBYIN PAR BYA'O, ,PHO BA'I NAD LA DAR BA NI, ,DROD SKYED 'KHRU GCOD YANG BAS NA, ,PHAN TE ZHU RJES MNGAR BA'I PHYIR, ,MKHRIS PA SKYED PAR MI BYED DO, ,SKA ZHING DRO LA SBYONG BYED DANG, ,RTZUB PHYIR BAD KAN LA YANG PHAN, ,MNGAR SKYUR KHA BAS RLUNG LA PHAN, ,BSRUBS MA THAG TU TSA MI SKYED, ,CES BYA BA LA, PHO BA NA BA'I MI LA DAR BA BLUD PA MCHOG TU
, ,PHAN TE, CI'I PHYIR ZHE NA, DROD SKYED PAR BYED PA'I PHYIR DANG, 'KHRU BA GCOD PAR BYED PA DANG, YANG BAS NA PHAN PA YIN LA DE BZHIN DU DAR BA SAR PA NI ZHU RJES MNGAR BA'I PHYIR MKHRIS PA SKYED PAR MI BYED DE, 'DIR DAR BA RNYING PA NI MKHRIS PA LA SHIN DU GNOD PAS BKAG PA YIN MOD KYI, DAR BA SAR PA NI DE LTA MA YIN NO, ,YANG DAR BA NI SKA ZHING SKYUR BA DANG DRO BA DANG SPYOD ZHING 'BYE BAR BYED PA RTZUB PA'I PHYIR BAD KAN LA YANG PHAN TE 'DIR CUNG ZAD RNYING PA LA BYA'O, ,YANG DAR BA BSRUBS MA THAG PA DE'I MNGAR BA LA SOGS PA'I YON TAN DANG LDAN PA LAS RLUNG LA YANG PHAN NO, ,YANG DAR BA SAR PA DE NI TSA ZHING KHONG TSA BAR BYED PA'I RANG BZHIN CAN YANG MA YIN NO, ,SKYUR BA BZHI PO BRE GANG DANG, ,TSA BA GSUM NI SRANG GSUM DANG, ,RGYAM TSA SRANG BZHI KHA RA NI, ,SRANG BRGYAD PHYE MAR BYAS PA DES, ,TSOD MA SRANG TSOD BTUNG BA SOGS, ,BTUNG NGO DRUG SOGS LA YANG GDAB, ,MA ZHU LUD PA DBUGS MI BDE, ,YI GA 'CHUS DANG SKRAN MCHIN PA, ,PHO BA SNYING NAD SKYA RBAB 'JOMS, ,ZHES BYA BA LA, SKYUR BA BZHI PO BAL PO SE'U 'BRU DANG, KA PID THA DANG DA TRIG DANG, PI SHA AAM LI ZHES BYA BA BZHI PO SMAN SNA RE RE ZHING SKAM PA LAS NI PHUL PHYED PHYED DE SRANG BZHI BZHI GZHUG LA, RLON PA NI SRANG BRGYAD DE PHUL RE RE STE SPYIR BRE GANG, TSA BA GSUM SRANG RE RE STE SPYIR SRANG GSUM, LAN TSVA BZHI LA SRANG BZHI KHA RA SRANG BRGYAD DE, DE DAG GCIG TU PHYE MAR BTAGS LA PHYE MA DE NI TSOD MA LA SOGS PA GANG GI NANG DU BTAB CING BLUD PAR BYA STE, DES NI MA ZHU BA LA SOGS PA'I NAD 'JOMS PAR BYED DO, ,DONG GRA GLA SGANG BONG NGA DKAR, ,BSKOL BA MA ZHU SEL BYED BLUD, ,CES BYA BA LA, YANG NA DONG GRA LA SOGS PA BSKOL BA BLUD NA YANG PHAN NO, ,DE YI LDE GU CHU TSAN NAM; ,BCA' SGA 'AM AA RU RA BCAS BLUD, ,CES BYA BA LA, YANG DONG GRA LA SOGS PA'I SMAN LDE GUR BYAS PA CHU TSAN DANG SBYAR TE BLUD PA'AM, YANG NA AA RU RA DANG CHU TSAN SBYAR TE BLUD PAR BYA'O, ,SHU DAG LA SOGS RGYAM TSAR BCAS, ,YANG NA CHANG DANG SBYAR BA BLUD, ,CES BYA BA
LA; YANG NA SHU DAG LA SOGS PA SKYUG SMAN GYI SDE TSAN LA SOGS PA'I SMAN TE RGYAM TSA DANG BCAS PA CHU TSAN DU SBYAR TE BLUD PA'AM, YANG NA SHU DAG LA SOGS PA'I SMAN GYI PHYE MA RGYAM TSA DANG BCAS PA CHANG DANG SBYAR TE BLUD PAR BYA'O, ,BSHANG BA MA SMIN 'KHRU BCAS PA, ,SE'U 'BRU KHU BA DANG BCAS PA'I, ,BIL BA DONG GRA TZI TRA KA ,KHA RU TSA NI BTAGS LA SBYIN, ,ZHES BYA BA LA, BSHANG BA MA SMIN CING MA ZHU BA DANG 'KHRU BA DANG MKHREGS PAR BCAS PAR GYUR BA LA, SE'U 'BRU'I KHU BA LA SOGS PA'I SMAN BLUD PAR BYA'O, ,BAD KAN RLUNG GYUR BE'U SNABS CAN, , KHONG PA GZER LA DUG MO YUNGS, ,SHING KUN BONG NGA KHA RU TSA, ,SHU DAG AA RU RA CHU DRON, ,ZHES BYA BA LA, BAD KAN DANG RLUNG LAS GYUR BA'I PHO BA'I NAD BE'U SNABS KYI MA ZHU BA DANG BCAS SHING KHONG PA'I NAD GZER ZHING NA BAR BYED PA LA NI DUG MO YUNGS LA SOGS PA'I SMAN CHU TSAN DRO 'JAM TZAM DANG SBYAR BA BLUD PAR BYA'O, ,SKYUG PA'I RJES LA GZER ZHING BSGONGS, ,AA RU RA DANG KHA RU TSA, ,ZI RA NA LE SHAM BCAS PHYE, ,CHU DRON DANG NI SBYAR BA BLUD, ,CES BYA BA LA, PHO BA'I NAD SKYUG PA'I RJES LA GZER ZHING BSGONGS PA LA NI, AA RU RA LA SOGS PA'I PHYE MA SNGA MA BZHIN DU BLUD PAR BYA'O, ,DONG GRA PA TA PI PI LING, ,THAL TRES BRI HA TI GNYIS DANG, ,DUG MO YUNGS DANG TZI TRA KA ,TSA BA RNAM LNGA THAL SMAN GNYIS, ,PHYER BTAGS CHANG ZHO DE'I DANGS MA, ,CHU DRON RANG SKYUR DAG LA BLUD, ,DES NI ME DROD 'PHEL BYED CING, ,KHONG PA'I RLUNG NI SEL MCHOG YIN, ,ZHES BYA BA LA, DONG GRA LA SOGS PA'I SMAN GYI PHYE MA CHANG NGAM ZHO'I DANGS MA LA SOGS PA DANG BLUD NA YANG ME DROD 'PHEL BA LA SOGS PA'I YON TAN BSKYED PAR 'GYUR RO, ,LAN TSVA LNGA DANG THAL SMAN GNYIS, ,TSA BA LNGA DANG NA LE SHAM, ,LA LA PHUD DANG SHING KUN LAS, ,SKYUR RTZI CHEN PO 'AM SE'U 'BRU 'AM, ,RGYA SHUG KHU BAS RI LUR BYAS, ,SMIN DANG DROD SKYED BYED MCHOG YIN, ,ZHES BYA BA LA, LCE MYANG TSA LA SOGS PA'I LAN TSVA LNGA DANG, SVARDZI KA KshA RA DANG YA BAKshA RA STE THAL SMAN GNYIS DANG, TSA BA LNGA LA SOGS PA'I
, ,SMAN SKYUR RTZI CHEN PO'I KHU BA LA SOGS PA GANG YANG RUNG BAS RI LUR BYAS PAS NAD SMIN CING PHO BA'I ME DROD SKYED PAR BYED PA'I MCHOG YIN NO, ,BAL BU'I LO MA DBYI MO DANG, ,PI PI LING NI SRANG RE DANG, ,PI PI LING DANG DE'I RTZA SRANG, ,GNYIS GNYIS BCA' SGA SRANG GSUM DANG, ,DRI SNA GSUM DANG PU SHEL TZE, ,ZHO NI GNYIS GNYIS PHYIR ZHIB BTAGS, ,KHU RAM SUM 'GYUR DAG GIS NI, ,RI LUR BYAS PA RTAG TU BZA', ,DE RJES YU SHA SHA KHU DANG, ,CHANG RNYING 'O MA ZHO GA CHU, ,THUG PA BLUD LA RLUNG DANG NI, ,BAD KAN LAS GYUR SLON BRO DANG; ,PHO BA RTZIB LOGS SNYING KHA NA, ,RIMS DANG 'OR NAD SKYA RBAB DANG, ,SKRAN DANG CHANG NAD GZHANG 'BRUM DANG, ,CHAM PA MCHIL MA DBUGS MI BDE, ,LUD PA RNAMS NI 'JOMS PAR BYED, ,BSHANG BA 'GAGS LA DE NYID NI, ,BCA' SGA'I GONG DU AA RU RA, ,BCUG STE DE LA SBYIN PAR BYA, ,MKHRIS GYUR SLON BRO LA SOGS LA, ,KHA RA BZHI 'GYUR BCAS PAR NI, ,BSKOL BA LAS NI RI LUR BYAS, ,YANG NA BU RAM KHA RAR BCAS, ,ME DANG PHRAD PAR GYUR PA LAS, ,DE NI MCHOG TU YANG BAR 'GYUR, ,ZHES BYA BA LA, BAL BU LA SOGS PA SMAN SNA GSUM SRANG RE PI PI LING DANG PI PI LING GI RTZA BSRANG GNYIS GNYIS BCA' SGA SRANG GSUM DRI SNA RE RE ZHO GNYIS GNYIS, PU SHEL TZE ZHO GNYIS TE DE THAMS CAD ZHIB TU BTAGS LA PHYE MA'I SUM 'GYUR GYI BU RAM DANG RI LUR BYAS PA RTAG TU BZA' BAR BYA'O, ,DE'I RJES LA YU SHA LA SOGS PA 'THUNGS NA BAD KAN GYIS SLON BRO BA LA SOGS PA 'JOMS PAR BYED DO, ,YANG BSHANG BA SRI ZHING 'GAGS PAR GYUR PA LA NI, RI LU DE NYID KYI BCA' SGA SMOS PA'I MGOR AA RU RA BCUG LA BYIN NA SEL BAR BYED DO, ,MKHRIS PA LAS GYUR PA'I SLON BRO BA LA SOGS PA'I NAD LA NI RI LU DE LA BU RAM MI GZHUG PAR PHYE MA'I BZHI 'GYUR GYI KHA RA DANG SBYAR TE RI LUR BYA'O, ,RI LU DE DAG BU RAM MAM KHA RA GANG DANG SBYAR YANG RUNG STE DE GNYIS BSKOL BA DANG SBYAR LA DE RI LUR BYAS TE, CI'I PHYIR ZHE NA, DE NI ME DANG PHRAD CING BSKOL BA LAS MCHOG TU YANG BA NYID DU 'GYUR
BA'I PHYIR RO, ,DE NAS 'DI NI MA ZHU SMIN, ,RLUNG LAS GYUR PA'I PHO NAD LA, ,DROD SKYED SMAN DANG BCAS PA DANG, ,MAR NI NYUNG ZAD NYUNG ZAD BLUD, ,CES BYA BA LA, DE NAS DE'I 'OG TU NAD PA DE'I MA ZHU BA SMIN CING BYANG BAR GYUR NAS, RLUNG LAS GYUR PA'I PHO BA'I NAD DU GYUR PA LA NI, ME DROD SKYED PA'I SMAN TSA BA LNGA LA SOGS PA DANG BCAS PA'I MAR NYUNG ZAD BLUD PAR BYA'O, ,ME DROD CHUNG ZHING SKYES GYUR NAS, ,BSHANG GCI RLUNG NI 'GAGS GYUR NA, ,ZHAG NI GNYIS GSUM SNUM DANG DUGS, ,BSKU BYAS MAS GTONG DRAG PO BYA, , ZHES BYA BA LA, ME DROD CUNG ZHIG SKYES PAR GYUR NAS BSHANG BA LA SOGS PA 'GAGS PAR GYUR PA LA NI ZHAG GNYIS SAM ZHAG GSUM GYI BAR DU SNUM GYI CHO GA BYAS LA DANG POR DUGS BYAS NAS DE'I 'OG TU BSKU BYUG BYAS TE MAS GTONG BA DRAG PO GTANG BAR BYA'O, ,DE NAS AE RAndA YI MAR, , SENG PHROM GYI NI MAR DANG NI, ,THAL SMAN GYIS NI RLUNG ZHI NAS, ,G-YOS PA'I NAD LA BKRU SMAN GTANG, ,ZHES BYA BA LA, DE'I 'OG TU RLUNG BSAL BAR GYUR PA'I RJES LA, NAD G-YOS SHING RLUNG GIS 'KHRU BAR GYUR PA LA NI, AE RAndA'I MAR RAM, SENG PHROM DANG BSKOL BA'I ZHUN MAR THAL SMAN DANG BCAS PA'I BKRU SMAN GTANG BAR BYA'O, ,SBYANGS NAS KHONG PA RTZUB GYUR TE, ,BSHANG BA 'GAGS LA 'JAM RTZI NI, ,ZHES BYA BA LA, SBYANGS PA'I RIM PA BYAS NAS KYANG KHONG PA'I GNAS RTZUB PAR GYUR PAS BSHANG BA 'GAGS SHING SRI BAR GYUR NA TIL MAR GYI 'JAM RTZI GTANG NGO, , DROD SKYED SKYUR ZHING RLUNG 'JOMS PA'I, ,SMAN BTZOS TIL MAR DE LA GTANG, ,ZHES BYA BA LA, DE YANG ME DROD SKYED PA LA SOGS PA'I SMAN DANG BTZOS PA'I 'JAM RTZI DE LA BTANG NGO, ,DE LTAR BKRU SMAN DRAG BRKU SMAN, ,'JAM RTZI GO RIMS BZHIN BYAS NAS, ,KHA ZAS YANG BA DANG LDAN PA'I, , ZHUN MAR SLAR YANG BSTEN PAR BYA, ,ZHES BYA BA LA, DE LTAR BKRU SMAN DRAG PO LA SOGS PA BTANG NAS ME DROD KYI STOBS CI YOD PA LAS KHA ZAS RANG BZHIN DANG TSAD YANG BA DANG LDAN PA'I ZHUN MAR SBYIN PAR BYA'O, ,RTZA BA LNGA DANG TSA BA GSUM, ,AA RU RA DANG LCE MYANG TSA, ,RA SNA PI PI LING RTZA BA, ,THAL
, ,SMAN RNAM GNYIS ZI RA DANG, ,BYI DANG GA DANG ZUR PA MAR, ,TSA DANG SKYUR RTZI CHEN PO YI, ,KHU BA DANG NI SGE'U GSHER DANG, ,LA PHUG SKAM PO RGYA SHUG SKYUR, ,SE'U 'BRU TZUG KRI KA'I KHU BA, ,DAR BA ZHO DANG CHANG DANGS DANG, ,RTZA BA MO DANGS MA RTZAB MO DANG, , SKYUR RTZA BAS DANG NI DE BSKOL BA, ,ME DROD SKYED PA'I DAM PA YIN, ,GZER DANG SKRAN DANG DMU RDZING DANG, ,LUD PA DBUGS MI BDE BA DANG, ,RLUNG DANG BAD KAN 'JOMS PAR BYED, ,YANG NA SKYUR RTZI CHEN PO YI, ,KHU BAR BSKOL BA'I MAR BLUD BYA, ,ZHES BYA BA LA, RTZA BA LNGA LA SOGS PA'I SMAN LDE GUR BYAS PA TSA LA SOGS PA'I KHU BA'I RDZAS DANG LHAN CIG MNYAM POR BYAS TE MAR BSKOL BAR BYA'O, ,DE NAS GAL TE BA MAR BRE GANG BSKOL BA TSA DANG SKYUR RTZI CHEN PO'I KHU BA DANG, SGE'U GSHER GYI KHU BA DANG, RGYA SHUG GI KHU BA DANG, LA PHUG SKAM PO BSKOL BA'I KHU BA DANG, SE'U 'BRU'I KHU BA DANG, TZUG KRI KA ZHES BYA BA LA AAM LI TZANG GI RI'I KHU BA DANG DAR BA DANG, ZHO DANG CHANG GI DANGS MA MA YIN PA DANG, SKYUR RTZABS ZHES BYA BA 'BRAS KHU'I RANG SKYUR DAG BRE RE RE DANG SBYAR LA MAR DE BSKOL BA NI ME DROD SKYED PAR BYED PA'I DAM PA YIN ZHING GZER BA LA SOGS PA 'JOMS PAR BYED PA YIN NO, ,YANG NA MAR DE DANG SKYUR RTZI CHEN PO'I KHU BA 'BA' ZHIG BYIN NA YANG YON TAN GONG MA DANG 'DRA'O, ,'DI YI TIL MAR BSKOL BA YIS, ,BSKU BYUG BYAS NA RLUNG SEL TO, ,ZHES BYA BA LA, YANG NA RTZA BA LNGA LA SOGS PA'I MAR DANG BSKOL BA'I SMAN DANG TIL MAR BSKOL LA BSKU BYUG BYAS NA YANG RLUNG SEL BAR BYED DO, ,RLUNG DANG BAD KAN MA 'DRES ZHU 'AM, ,BAD KAN RLUNG SHAS CHE BA LA, ,SMAN NI 'DI DAG NYID KYI PHYE , ,CHU DRON SBYAR BA BLUD PAR BYA, ,ZHES BYA BA LA, RLUNG SHAS CHE BA'I BAD KAN LA SOGS PA'I NAD LA SMAN 'DI DAG NYID KYI PHYE MA DANG BSKOL BA'I CHU DRON BLUD PAR BYA'O, ,MKHRIS PAS ME DROD NYAMS GYUR PA, ,BKRU SMAN DAG GAM SLON SMAN GTANG, ,KHA DANG YANG DANG 'KHRU GCOD DANG, ,TSA MI SKYED PAS DROD BSKYED BYA, ,PHYE MA
SNUM DANG KHA BA YIS, ,ME DROD NYE BAR BSKYED PAR BYA, ,ZHES BYA BA LA, MKHRIS PA LAS GYUR PA'I PHO BA'I NAD LA MKHRIS PA 'KHRU BAR GYUR NAS RANG GI GNAS NA GNAS PAS GLONGS BSKYOD DE ME DROD NYAMS PAR BYAS PA LA NI BKRU SMAN NAM, SKYUG SMAN BTANG BA DE'I 'OG TU KHA ZAS KHA BA DANG YANG BA DANG, 'KHRU BA GCOD PAR BYED PA DANG, TSA BA SKYED PAR MI BYED PA DAG GIS ME DROD SKYED PAR BYED CING DE BZHIN DU PHYE MA SNUM DANG KHA BA 'OG NAS BSHAD PA NGAG GIS KYANG ME DROD SKYED PAR BYED DO, ,PA TO LA DANG KYI LCE BA, ,NIM PA PU TZE SHEL RTZA MKHRIS, ,PAR PA TA DANG DUG MO YUNGS, ,SHUN LPAGS 'BRAS BU MUR BA DANG, ,SHI KRU MNGAR PO'I 'BRAS BU DANG, ,SHU DAG SKYER PA'I SHUN LPAGS DANG, ,SHUG PA DANG NI PU SHEL TZE, ,TZANDAN GLA SGANG LA LA PHUD, ,SA NAG BONG NGA TSA BA GSUM, ,SHING TSA SUG SMEL THANG SHING DANG, GAN DHA BHA DRA'I PHYE MA NI, ,SBRANG RTZI'I LDE GUR BYAS ZA BA'AM, ,CHANG NGAM CHU DANG SBYAR 'THUNGS NA, ,SNYING NAD SKYA RBAB PHO BA'I NAD, ,SKRAN GZER RIMS DANG YI GA 'CHUS, ,MI GSER 'DUS PA'I NAD DANG NI, ,KHA YI NAD RNAMS 'JOMS PAR BYED, ,CES BYA BA LA, BA TO LA LA SOGS PA'I SMAN PHYE MAR BYAS LA, SBRANG RTZI DANG LDE GUR BYAS NAS BZA' BA'AM CHANG NGAM CHU DANG SBYAR TE BLUD NA DES SNYING NAD LA SOGS PA 'JOMS PAR BYED DO, ,SA NAG NI SO RA TA'O, ,RTZA MKHRIS GLA SGANG PU TZE SHEL, ,TSA BA GSUM DANG DUG MO YUNGS, ,TZE TRA KA NI CHA GNYIS DANG, ,DUG MO YUNGS KYI SHUN LPAGS NI, ,BCU DRUG CHA SBYAR ZHIB TU BTAGS, ,DE NI BU RAM CHU GRANG BLUD, ,PHO BA'I NAD DANG SKRAN SEL ZHING, ,MIG SER SKYA RBAB RIMS KYI NAD, ,YI GA 'CHUS DANG 'KHRU BA 'JOMS, ,ZHES BYA BA LA, RTZA MKHRIS ZHES BYA BA NAS DUG MO YUNGS KYI BAR DU SMAN SNA BDUN CHA MNYAM POR PHYE MA BYAS LA, TZI TRA KA RTZA MKHRIS KYI CHA GNYIS DANG, DE BZHIN DU DUG MO YUNGS KYI SHUN LPAGS SMAN GCIG GI BCU DRUG 'GYUR DU BYAS LA ZHIB TU BTAGS TE PHYE MA BU RAM DANG BCAS PA'I CHU GRANG BLUD NA PHO BA'I NAD LA SOGS PA 'JOMS PAR 'GYUR RO, ,DONG
, ,GRA BONG NGA GLA SGANG DANG, ,PA THA BIL BA SKYER KHAndA, ,DUG MO YUNGS KYI SA BON DANG, ,TIG TA DA TA KA'I ME TOG ,PHYE MAR BTAGS PA SBRANG RTZIR SBYAR, ,'BRAS BKRUS CHU DANG BLUD NA NI, ,MKHRIS PA LAS GYUR PHO BA'I NAD, ,MKHREGS 'KHRUGS GZHANG 'BRUM GZHANG KHA NA, ,KHRAG TU 'KHRU BA DAG LA'ANG PHAN, ,ZHES BYA BA LA, DONG GRA LA SOGS PA'I SMAN PHYE MAR BTAGS LA SBRANG RTZI DANG SBYAR TE 'BRAS BKRUS PA'I CHU DANG BLUD NA MKHRIS PA LAS GYUR PA'I PHO BA'I NAD LA PHAN NO, ,TZANDAN SHUG PA PU SHEL TZE, ,PA THA MUR BA BLA BA DANG, ,SHU DAG THAL TRES DBYI MO DANG, , LO MA BDUN PA BA SHA KA ,PA TO LA DANG N+YA GRO DHA, ,AU DUM B'A RA AA SHVADTHA, ,BLAG SHA KA PID THA NA DANG, ,PU TZE SHEL DANG LI GDUR, ,NIM PA SRANG NI GNYIS GNYIS DANG, ,CHU BRE BCU DRUG BSKOL BA DER, ,KI RA TIG TA DUG MO YUNGS, ,RAM NYE AUTPAL PI PI LING, ,BSKOL BA DE 'THUNGS MKHRIS PA YI, ,PHO BA'I NAD LA BLUD PAR BYA, ,CES BYA BA LA, TZANDAN LA SOGS PA'I SMAN SRANG GNYIS GNYIS SU BYAS PA CHU BRE BCU DRUG STE CHU SRANG LNGA BRGYA RTZA BCU GNYIS KYI NANG DU BSKOL BA DE BZHI CHA LUS PA DANG ZHUN MAR BRE GANG BCUG STE, DER KI RA TA TIG TA LA SOGS PA ZHO GNYIS GNYIS LDE GUR BYAS PA DANG BSKOL BA'I MAR DE MKHRIS PA'I PHO BA'I NAD LA BLUD PAR BYA'O, ,THAL TRES NI SHI RI BA'O, ,BLA BA NI KUN NAD LA THA'O, ,LO MA BDUN PA NI SA BA TA PARnI'O, ,KI RA TA TIG TA NI BU NIM PA STE RTZA MKHRIS SO, MDZER BSHAD TIG TA'I MAR YANG BLUD, ,CES BYA BA LA, DE BZHIN DU MDZE NAD GSO BA'I SKABS SU BSHAD PA'I TIG TA'I SMAN MAR MKHRIS PA LAS GYUR PA'I PHO BA'I NAD LA BLUD PAR BYA'O, ,BAD KAN LAS GYUR PHO BA'I NAD, ,SLON SMAN RNON POS SLON BYAS NAS, ,TSA SKYUR LAN TSVA THAL SMAN GYIS, ,RIM GYIS ME DROD SKYED PAR BYED, ,CES BYA BA LA, BAD KAN 'KHRUGS PA LAS GYUR PA'I PHO BA'I NAD LA NI SLON SMAN RNON PO PI PI LING DANG YUNGS KAR LA SOGS PAS SLON PAR BYAS PA'I 'OG TU RO TSA BA DANG SKYUR BA DANG LAN TSVA DANG THAL SMAN GYI PHYE MA LA SOGS PAS ME DROD SKYED PAR BYED DO, ,TSA BA LNGA DANG AA RU RA, ,'U SU PA THA PA LA SHA, ,
SKYUR RTZI CHEN PO'I MYU GU DANG, ,BSKOL BA'I THUG PA LA SOGS BLUD, ,CES BYA BA LA, YANG DE LA TSA BA LNGA LA SOGS PA DANG BSKOL BA'I THUG PA YU SHA LA SOGS PA BLUD PAR BYA'O, ,MA DU KA YI ME TOG KHRE, ,BCU DRUG BYI DANG GA DE'I PHYED, ,TZI TRA KA NI DE'I PHYED DANG, ,BSE SHING 'BRAS BU BRE BZHI DANG, ,BTZOD SRANG BRGYAD DE 'DI DAG NI, ,CHU BRE SUM CU RTZA GNYIS BSKOL, ,CHU BRE BCU DRUG LUS BSGRANGS PAR, ,SBRANG RTZI BRE DO GZHUG PA DANG, ,SUG SMEL PADMA'I RTZA BA DANG, ,AA KAR TZANDAN LDE GU BYUG ,BUM PAR ZLA BA GCIG BZHAG STE, ,LANGS NAS MNAN CHANG BLUD GYUR NA, ,'DI YIS PHO BA'I DROD SKYED CING, ,NYAMS BRTAS KHRAG MKHRIS SEL BAR BYED, ,SKEM DANG MDZE DANG SHA BKRA DANG, ,GCIN SNYI BA YI NAD RNAMS 'JOMS, ,ZHES BYA BA LA, MA DU KA'I ME TOG BRE BCU DRUG BYI DANG GA DE'I PHYED DE BRE BRGYAD, TZI TRA KA DE'I PHYED DE BRE BZHI, BSE SHING GI 'BRAS BU BRE BZHI; BTZONG SRANG BZHI STE 'DI DAG THAMS CAD CHU BRE SUM CU RTZA GNYIS KYI NANG DU BSKOL BA BSKOL BA'I KHU BA BRE BCU DRUG LUS PA DE BTZAGS TE BSGRANGS PAR SBRANG RTZI BRE DO BCUG NAS DE'I 'OG TU SUG SMEL LA SOGS PA'I LDE GUS DE'I SNOD KYI BUM PAR BYUGS LA ZLA BA GCIG BZHAG STE LANGS PAR GYUR PA'I MNAN PA'I CHANG DE BLUD PAR GYUR NA PHO BA'I ME DROD SKYED PA LA SOGS PA YON TAN 'BYUNG BAR 'GYUR RO, ,MA DU KA YI ME TOG NI, ,KHU BA BSKOL BA PHYED DU BA, ,BSGRANGS PAR SBRANG RTZI BZHI CHA BTAB, ,SNGA MA BZHIN DU BYAS PA'I CHANG, ,PHAN PA'I ZAS DANG BCAS BSTEN NA, ,PHO BA'I NAD NI THAMS CAD SEL, ,ZHES BYA BA LA, MA DU KA'I ME TOG GI KHU BA BSKOL BA NAS SBRANG RTZI BTAB PA'I BAR DU BYAS LA SNGA MA BZHIN DU SUG SMEL LA SOGS PAS BYUGS PA'I SNOD DU BCUG STE ZLA BA CIG MNAN PA'I CHANG YANG YON TAN SNGA MA DANG 'DRA ZHING 'PHROD CING PHAN PA'I ZAS DANG BSTEN NA PHO BA'I NAD THAMS CAD SEL ZHING 'JOMS PAR BYED DO, ,DE BZHIN RGUN 'BRU BU RAM SHING, ,'BRA GO'I KHU BA MNAN PA BLUD, ,CES BYA BA LA, MA DU KA'I ME TOG GI KHU BA JI LTA BA BZHIN DU RGUN 'BRU LA SOGS PA'I KHU BA PHYED DU BA'I BAR DU BSKOL LA SBRANG RTZI BZHI CHA BCUG LA SUG SMEL LA SOGS PAS BSKUS
, ,PA'I BUM PA'I NANG DU ZLA BA GCIG BZHAG NAS LANGS PA BLUD NA YANG PHO BA'I NAD THAMS CAD SEL BAR BYED DO, ,SHING KUN SHU DAG PU TZE SHEL, ,BONG NGA BA THA DUG MO YUNGS, ,GZE MA TSA BA LNGA PO ZHO, ,GNYIS GNYIS LAN TSVA LNGA SRANG RE, ,MAR DANG TIL MAR PHUL DO DO, , ZHO BRE GNYIS DANG BSRES NAS NI, ,ME NI CHUNG NGU LA BTZOS TE, ,RNYING ZHING KHU BA THIM PA DANG, ,DE NAS DU BA 'KHYIMS PAR BSREGS, ,BTAGS TE MAR DANG BSRES NAS NI, ,DE LAS ZHO GNYIS 'THUNGS NAS NI, ,ZHU NAS KHA ZAS MNGAR ZOS NA, ,DES NI BAD KAN RLUNG NAD NI, ,KUN DANG DUG DANG DBYIG DUG 'JOMS, ,ZHES BYA BA LA, SHING KUN NAS TSA BA LNGA'I BAR DU SNA RE RE ZHING ZHO GNYIS GNYIS LAN TSVA LNGA PO LA SRANG RE RE MAR DANG TIL MAR PHUL GNYIS GNYIS TE RE RE ZHING SRANG BCU DRUG BCU DRUG ZHO BRE GNYIS SRANG DRUG CU RTZA GNYIS TE, DE DAG LA SMAN RNAMS GTUN LA BRDUNGS PA DANG BSRES NAS ME CHUNG DUS BTZOS TE KHU BA 'KHUS TE RDZAS THIM PA DANG, DE NAS DE'I 'OG TU SNOD KHA SBYAR GYI NANG DU DU BA MA SHOR BAR BSREGS TE BTAGS LA MAR DANG BSRES LA DE LAS ZHO GNYIS KYI TSAD DU 'THUNGS LA SMAN DE ZHU NAS KHA ZAS MNGAR BAG ZOS NA THAL BA'I SMAN DES NI BAD KAN DANG RLUNG GI NAD THAMS CAD DANG, DUG DANG DBYIG DUG GI NAD RNAMS 'JOMS PAR 'GYUR RO, ,RTZA MKHRIS DANG NI PU TZE SHEL, ,PA TO NIM PA PAR PA TA, ,BSREGS LA MA HE'I GCIN DANG NI, ,'THUNGS NA ME DROD SKYED BYED YIN, ,ZHES BYA BA LA, MKHRIS PA LA SOGS PA SNOD KHA SBYAR GYI NANG DU DU BA MA SHOR BAR BSREGS TE, MA HE'I GCIN DANG SBYAR TE 'THUNGS NA YANG ME DROD SKYED CING 'PHEL BAR BYED DO, ,SHU DAG RU RTA SER PO GNYIS, ,TZI TRA KA DANG PU TZE SHEL, ,GLA SGANG RA YI GCIN DANG NI, ,BSKOL BA ME DROD SKYED BYED YIN, ,ZHES BYA BA LA, SHU DAG LA SOGS PA'I SMAN BSKOL NAS RA GCIN DANG SBYAR TE BLUD NA YANG ME DROD SKYED PA YIN NO, ,SU DA'I SDONG PO SRANG GNYIS DANG, ,LAN TSVA GSUM LAS SRANG RE DANG, ,PAR TA KA NI PHUL GANG DANG, ,AARKA SRANG BRGYAD TZI TRA KA, ,SRANG GNYIS BSREGS LA PAR TA KA'I, ,KHU BAS RI LUR BYAS NAS NI, ,ZAS RJES ZOS NA
ZOS PA'I ZAS, ,MYUR 'JU LUD PA DBUGS MI BDE, ,GZHANG 'BRUM GSUD DANG CHAM PA DANG, ,SNYING NAD DES NI SEL BAR BYED, ,CES BYA BA LA, SU DA ZHES BYA ZHING SNU HA'I SDONG PO SRANG BZHI, LCE MYANG TSA LA SOGS PA'I LAN TSVA GSUM SRANG RE RE STE SRANG GSUM PAR TA KA ZHES BYA BA'I 'BRAS BU SKAM PO PHUL GANG STE SRANG BZHI SHING AARKA SRANG BRGYAD TZI TRA KA SRANG GNYIS TE DE THAMS CAD SNOD KHA SBYAR GYI NANG DU DU BA MA SHOR BAR BSREGS LA PAR TA KA'I KHU BAS RI LUR BYAS NAS DE LAS JI TZAM ZAS ZOS PA'I RJES LA ZOS NA KHA ZAS ZOS PA GANG YIN PA DE MYUR DU 'JU BAR 'GYUR LA, GZHAN YANG LUD PA LA SOGS PA DAG ZHI BAR BYED DO, ,KHA LUNG ZUR PAR SNA DANG, ,TSA BA GSUM DANG AA RU RA, ,NAS TSIG 'KHUS THAL SVARDZI KA ,THAL SMAN LAN TSVA LNGA PO DANG, ,PHYER BTAGS DRO 'JAM CHU DANG BLUD, ,MDOG STOBS ME DROD 'PHEL BYED YIN, ,ZHES BYA BA LA, MA DU LUNG GA ZHES BYA BA SKYUR RTZI CHEN PO LA SOGS PA'I SMAN PHYE MAR BYAS PA CHU TSAN DRO 'JAM TZAM DANG BLUD NA MDOG LA SOGS PA 'PHEL BAR 'GYUR RO, ,BAD KAN LAS GYUR PHO BA'I NAD, ,RLUNG BCAS DE LA MAR DANG BSKOL, ,ZHES BYA BA LA, BAD KAN LAS GYUR PA'I PHO BA'I NAD RLUNG DANG RJES SU 'BREL PAR GYUR PA LA SMAN DE DAG MAR DANG BSKOL BA'I SMAN MAR BYA'O, ,THANG LA 'BAR DANG SRANG DRUG PA, ,DE BZHIN GO BYE'I SMAN MAR BLUD, ,CES BYA BA LA, YANG NA BAD KAN LAS GYUR PA'I PHO BA'I NAD RLUNG DANG BCAS PA LA NI DRANG SRONG THANG LA 'BAR GYIS BSHAD PA BZHIN PHO NAD KYI GSO BA'I SKABS NAS BSHAD PA DANG, DE BZHIN DU SRANG DRUG GI SMAN MAR GCONG CHEN PO'I GSO BA'I SKABS NAS BSHAD PA BLUD PAR BYA ZHING, DE BZHIN DU GO BYE'I SMAN MAR SKRAN GSO BA'I SKABS NAS BSHAD PA BLUD PAR BYA'O, ,KHA RU TSA DANG TSA NAG DANG, ,BUL TOG DANG NI SVARDZI KA , NAS TSIG 'KHUS PA'I THAL BA DANG, ,KAndA KA RI SAPTA LA, ,TZI TRA KA NI GCIG TU BSREGS, ,LAN BDUN BAR DU GZAGS PA YI, ,THAL KHU BRE DO MAR BRE BZHI, ,BSKOL LA ME DROD SKYED PHYIR BLUD, ,CES BYA BA LA, KHA RU TSA DANG KHA RU TSA NAG PO LA SOGS PA GCIG TU BSREGS LA THAL
, ,BA DE LAN BDUN GYI BAR DU KHU BA GZAGS PAR GYUR PA'I THAL CHU BRE DO DANG MAR BRE BZHI BSKOL LA SMAN MAR DE PHO BA'I ME DROD SKYED PA'I PHYIR BTUNG BAR BYA'O, ,'DUS PA LAS NI LNGA PO DANG, ,'DI DAG NYAMS STOBS JI BZHIN BYA, ,ZHES BYA BA LA, 'DUS PA LAS GYUR PA PHO BA'I NAD GZHI GSUM CHAR LAS GYUR PA LA NI LAS LNGA PO SKYUG SMAN DANG BKRU SMAN BTANG BA LA SOGS PA JI LTA BA BZHIN DU SBYAR BAR BYA'O, ,DE DAG 'BA' ZHIG TU MA ZAD KYI DANG ZHES BYA BA'I SGRAS PHO BA'I NAD KYI GSO BA 'DI NYID DAG KYANG TSUL JI LTA BA BZHIN DU BYA'O, ,ZHES BYA BA'I DON NO, ,BAD KAN MCHIL MAR DROD CHUNG LA, ,KHA RTZUB ME DROD SKYED PA SBYAR, ,BAD KAN LAS BYUNG SKEM PA LA, ,SNUM DANG RTZUB PA RES KYIS BSTEN, ,ZHES BYA BA LA, BAD KAN LAS GYUR PA'I PHO BA'I NAD MCHIL SNABS DANG LJAN LJIN MANG DU 'BYUNG ZHING ME DROD CHUNG BAR GYUR PA LA, SMAN KHA BA DANG RTZUB PA DANG ME DROD SKYED PAR BYED PA GANG DAG YIN PA SBYAR ZHING GTANG BAR BYA LA, BAD KAN 'PHEL BA LAS GYUR PA'I LUS SKEM ZHING ME DROD CHUNG BA LA NI, SMAN DANG ZAS SNUM PA DANG RTZUB PA RES KYIS BSTEN PAR BYA STE, SNUM PA BSTEN NAS RTZUB PA GTANG BAR BYA LA, RTZUB PA BYIN NA YANG SNUM PA GTANG BAR BYA STE, DE LTAR RNAM GRANGS SPO BA'I TSUL GYIS SMAN SBYIN PAR BYA'O, ,NYAM CHUNG RID PA'I LUS LA NI, ,ME DROD SKYED PA SNUM LDAN SBYIN, ,ZHES BYA BA LA, RLUNG SHAS CHE BA'I ME DROD BRI BAR GYUR PAS LUS NYAM CHUNG ZHING RID PA SKEM PAR GYUR PA LA NI TSA BA LNGA LA SOGS PA MAR LA SOGS PA'I SNUM DANG LDAN PA SBYIN PAR BYA'O, ,MKHRIS PA SHAS CHE'I DROD NYAMS LA, ,KHA DANG MNGAR DANG LDAN PA SBYIN, ,ZHES BYA BA LA, MKHRIS PA SHAS CHE BAR GYUR BA'I ME DROD NYAMS SHING CHUNG BAR GYUR PA LA NI ME DROD SKYED PAR BYED PA'I SMAN SBYIN PAR BYA'O, ,RLUNG SHAS CHE LA SNUM SKYUR DANG, ,LAN TSVAR LDAN PA BSNGAGS PA YIN, ,ZHES BYA BA LA, RLUNG SHAS CHE BAR GYUR PA'I ME DROD BRI BA LA NI SMAN SNUM PA DANG, SKYUR BA LA SOGS PA DANG LDAN PA BYIN NA PHAN NO, ,RID PA ME DROD SKYED PA LA, ,SNUM NYID MCHOG TU SHES PAR BYA, ,SNUM SHAS CHE BAR GYUR BA LA, ,RAB LCI'I ZAS KYANG SBYIN MI BYA, ,ZHES BYA BA LA, NAD
PA RID CING NYAM CHUNG BA'I ME DROD SKYED PA LA NI SNUM DANG DROD SKYED PA'I SMAN DU SBYAR BA NYID MCHOG YIN PAR SHES PAR BYA'O, ,SNUM SHAS CHE BAS ME DROD BRI BA LA NI SBYIN PAR MI BYA ZHING KHA ZAS HA CANG LCI BA YANG SBYIN PAR MI BYA'O, ,GANG ZHIG DROD CHUNG BAD KAN ZAD, ,BSHANG BA SMIN KYANG SLA BA LA; ,DE LA SMAN RO RNO BCAS PA'I, ,MAR NI NYUNG ZAD BLUD PAR BYA, ,DE YIS ME DANG MNYAM GNAS RLUNG, ,RANG GNAS BKUG STE RANG GI NI, ,LAS LA SBYOR ZHING DROD SKYED BYED, ,DE NI ME DROD SKYED BYED YIN, ,ZHES BYA BA LA, MI GANG ZHIG ME DROD CHUNG ZHING BAD KAN ZAD CING BRI BAR GYUR PAS BSHANG BA SMIN CING MA ZHU BA MED PAR GYUR NAS KYANG SLA BA NYID DU 'KHRU BAR GYUR PA'I MI DE LA SMAN RO RNO BA DANG BCAS PA'I MAR NYUNG ZAD NYUNG ZAD BLUD CING SBYIN PAR BYA'O, ,DE LTAR MAR BTANG BA DES NI ME DANG MNYAM DU GNAS PA ZHES BYA BA'I RLUNG RANG GI GNAS PHO BA'I ME DROD KYI GNAS SU BKUG STE DE'I ME DROD SKYED PAR BYED PA'I RANG BZHIN LA 'DZUD PAR BYED CING 'BYUNG BAR BYED DE GANG GI PHYIR ME DANG MNYAM DU GNAS PA'I RLUNG DE NI PHO BA'I ME DROD SKYED CING 'BAR BAR BYED PA YIN PA'I PHYIR RO, ,GANG ZHIG BSHANG BA SRA BA YIS, ,DKA' BAS 'BYIN PAR BYED PA DAG ,DE LA LAN TSVA BCAS PA'I MAR, , ZAS NI SLA BAR BYED PA SBYIN, ,ZHES BYA BA LA, MI GANG ZHIG BSHANG BA SRA ZHING BSKAMS PAR GYUR PAS BSHANG BA DE LAN TSVA LNGA DANG BCAS PA'I MAR ZAS KYI DANG POR BLUD CING BSRUL BAR BYED PA SBYIN PAR BYA'O, ,RTZUB PAS ME DROD CHUNG LA MAR, ,YANG NA TIL MAR DROD SKYED BLUD, ,SNUM MANG 'THUNGS PAS DROD NYAMS LA, ,THAL SMAN PHYE MA CHANG RNYING SBYAR, ,ZHES BYA BA LA, KHONG RTZUB PAS ME DROD CHUNG BAR GYUR PA LA NI MAR RAM TIL MAR DROD SKYED PA'I SMAN DANG SBYAR BA BLUD PAR BYA LA SNUM 'THUNGS DRAGS PAS PHO BA'I ME DROD NYAMS PA LA THAL SMAN GYI PHYE MA DANG CHANG RNYING NGAM MNAN PA'I CHANG BLUD PAR BYA'O; ,RTUG 'GAGS PA LA MAS GTONG BA'I, ,DRAG PO DANG NI 'JAM RTZI BYA, ,ZHES BYA BA LA, RTUG PA 'GAGS PA LAS PHO BA'I ME DROD BRI PA LA NI MAS GTONG BA'I BKRU SMAN DRAG PO NI RU HA ZHES BYA BA 'AM SNUM GYI 'JAM RTZI MAS GTONG BAS SBYANG BAR BYA'O, ,NAD TSABS CHE BAS ME DROD
, ,NYAMS, ,SBYANG BYAS ZAS KYI CHO GA SPYAD, ,CES BYA BA LA, NAD KYI TSABS CHER SKYES PAR GYUR PAS ME DROD NYAMS PAR GYUR PA LA NI SKYUG SMAN DANG BKRU SMAN LA SOGS PAS NAD SBYANGS NAS, THUG PA'I RIM PA LA SOGS PA ZAS KYI RIM PA NAD DMIGS JI LTA BA BZHIN DU SBYAR BAR BYA'O, ,NAD BYANG ME DROD CHUNG BA LA, ,ZHUN MAR 'BA' ZHIG DROD SKYED BYED, ,CES BYA BA LA, GAL TE BYANG ZHING NAD LAS THAR BA'I RJES LA PHO BA'I ME DROD CHUNG BAR GYUR NA ZHUN MAR KHO NA SBYIN PAR BYA'I SNUM SBYIN PAR MI BYA'O, ,LAM DANG SMYUNG BAS NYAM CHUNG LA, ,NAS THUG MAR DANG SBYAR BA'AM, ,ZAS BCAS BLUD NA STOBS SKYED CING, ,DROD SKYED BRTA BAR BYED PA YIN, ,ZHES BYA BA LA, LAM LA SOGS PAS DU BA STE ME DROD CHUNG BAR GYUR PA LA NI NAS THUG DANG MAR DU SBYAR BA BLUD PAR BYA ZHING YANG NA 'BRAS CHAN LA MAR BLUGS TE BTZIR BA DE SBYIN PAR BYA STE, DES NI LUS KYI STOBS SKYED CING ME DROD SKYED PAR BYED PA YIN NO, ,YUN RING NYAL PO SPYAD PA DANG, ,MI NI NYAM CHUNG SKEM GYUR LA, ,MTHU RTZAL CAN GYIS ZAS TSOL BA, ,SHA ZA'I SHA KHU SKYUR SBYAR SBYIN, ,YANG ZHING DRO TSA SBYONG BYED PA, ,DE YIS ME DROD MYUR DU SKYED, ,SHA YIS SKYED PA'I SHA YIN PHYIR, ,STOBS NI MCHOG TU SKYED PAR BYED, ,CES BYA BA LA, YUN RING PO DUS THAMS CAD DU NYAL PO SPYOD CING BUD MED RTEN PAR BYED PA DANG, ZAS LEN PAR MA ZHU BAS NYAM CHUNG ZHING RID PA SKEM PAR GYUR PA DAG LA MTHU RTZAL GYIS ZAS TSOL ZHING SHA KHU SE'U LAS SKYUR BAR BYAS PA DANG SBYAR BA'I KHA ZAS SBYAR BAR BYA'O, ,DE LTAR MTHU RTZAL GYIS ZAS TSOL BA LA ZAS SU SHA ZA BA'I SROG CHAGS KYI SHA NI YANG BA LA SOGS PA'I YON TAN GYIS PHO BA'I ME DROD MYUR DU SKYED PAR BYED LA DE BZHIN DU SHA ZOS PAS SKYED PAR BYED PA YIN PA'I PHYIR MCHOG TU STOBS SKYED CING 'PHEL BAR BYED PA YIN PA'I PHYIR RO; ,SNUM DANG MNAN CHANG CHANG RNYING DANG, ,SMAN KHU PHYE MA 'PHROD PA ZOS, ,LUS LA LEGS PAR SBYAR BA YIS, ,STOBS DANG ME DROD 'PHEL BAR BYED, ,CES BYA BA LA, SNUM LA SOGS PA NAD GZHI DANG LUS ZUNGS KYI TSUL LAS DPAGS TE SMAN DPYAD BSTAN BCOS LAS 'BYUNG BA'I
CHO GA BZHIN DU SBYIN ZHING LEGS PAR SBYAR BAR GYUR PAS LUS KYI STOBS DANG ME DROD KYI STOBS 'PHEL BAR BYED PA NYID DU 'GYUR RO, ,DPER NA ME NI SHING SRA BAS, ,SBAR BA YUN RING GNAS PAR BYED, ,DE BZHIN KHONG PAR GNAS PA'I ME, ,SNUM DANG BCAS PAS BRTAN PAR GNAS, ,ZHES BYA BA LA, DPER NA PHYI'I SENG LDENG LA SOGS PA'I SHING SRA BAS SBAR BAR BYAS PAR GYUR NA YUN RING DU GNAS SHING BRTAN PAR GNAS PAR BYED PA DE BZHIN DU PHO BA LA BRTEN CING KHONG PHAR GNAS PA'I ME YANG SNUM DANG BCAS PA'I ZAS ZOS NA BRTAN PAR GNAS SHING MI NYAMS PAR BYED DO, ,JI LTAR ME NI SHING MED PA'AM, ,ME CHUNG SHING NI DRAGS PA LTAR, ,LUS ME ZAS NI MA ZOS PA, ,ZAS DRAGS GYUR PAS 'BAR MI BYED, ,CES BYA BA LA, JI LTAR PHYI'I ME BUD SHING MED NA 'BAR BAR MI 'GYUR BA'AM, ME CHUNG NGU LA SHING HA CANG DRAGS PA MANG DU BCUG PAS KYANG 'BAR BAR MI 'GYUR TE, DE BZHIN DU LUS KYI ME YANG KHA ZAS MA ZOS PA'AM, KHA ZAS CUNG ZAD ZOS PA'AM, KHA ZAS LHAG PAR YANG DANG YANG DU DANGS MA ZOS PAS PHO BA'I ME DROD MCHED PAR MI 'GYUR RO, ,GANG TSE BAD KAN ZAD MKHRIS PA, ,RANG GI GNAS SU RLUNG ZHUGS NA, ,ME DROD 'PHEL ZHING RAB RGYAS 'GYUR, ,DE TSE ME NI RLUNG BCAS PAS, ,ZAS SMIN BYAS NAS LUS ZUNGS KYANG, ,ZAD CING MDANGS 'THOR BYED PAS GSOD, ,ZAS ZOS NAS NI BDER 'GYUR LA, ,ZHU NAS MUN ZHUGS SNYAM SEMS 'GYUR, ,ZHES BYA BA LA, DUS GANG GI TSE BAD KAN ZAD PAR GYUR CING THAMS CAD NAS THAMS CAD DU 'GRIB PAR GYUR PA DE'I TSE MKHRIS PA GANG GI GNAS LTE BA ZHES BYA BAR RLUNG ZHUGS SHING DES BSKYOD PAS ME DROD DE RGYAS SHING SHAS CHER 'PHEL BAR GYUR LA, DE'I TSE PHO BA'I ME DROD DE RLUNG DANG BCAS PAS ZAS MYUR BA KHO NAR SMIN CING 'JU BAR BYAS NAS, DE'I RJES LA SMIN CING ZHU BAR BYA BA'I PHYIR, ZAD MED PAS DANGS MA LA SOGS PA LUS ZUNGS THAMS CAD SMIN CING BSKAMS PAR BYAS NAS MI DE GSOD PAR BYED PAR 'GYUR LA MDANGS KYANG 'THOR ZHING 'BYED PAR 'GYUR RO, ,DE'I TSE MI DES ZAS ZOS NA NI LUS BDE BA SNYAM DU SEMS PAR 'GYUR LA, ZAS ZHU NAS NI MUN PAR ZHUGS PA
, ,SNYAM DU SEMS SHING MUN 'THIBS BYED PAR 'GYUR RO, ,SKOM DAD TSA BRGYAL DBUGS MI BDE, ,LA SOGS ME DROD DRAGS LAS 'BYUNG, ,ZHES BYA BA LA, SKOM DAD LA SOGS PA NI KHONG PA'I ME DROD SHAS CHER SKYE ZHING DRAGS PA LAS BYUNG BAR SHES PAR BYA'O, ZAS LCI SNUM SLA RTUL BA DANG, ,GRANG DANG 'JU DKA' ME DROD 'BRI, ,'BAR BA'I ME LA CHU BLUGS LTAR, ,ME DROD SHAS CHE DE ZHI BYA, ,ZHES BYA BA LA, DE LTA BU'I ME DROD DRAGS PAR GYUR MA THAG PA DE NI ZAS DANG SKOM LCI BA LA SOGS PA'I RANG BZHIN CAN GYIS ZHI BAR BYA STE, DPER NA ME 'BAR BAR GYUR PA DAG LA CHU BLUGS PAR GYUR PAS ZHI BAR BYAS PA DANG 'DRA BAR ZHI BAR BYA'O, ,DE NI KHA ZAS MA ZHU LA'ANG, ,YANG DANG YANG DU ZAS SBYIN BYA, ,BUD SHING MED PA'I SKABS RNYED LTAR, ,JI NAS CI 'DOD MI 'GYUR BYA, ,ZHES BYA BA LA, ME DROD DRAGS PA'I NAD DANG LDAN PA DE LA NI, KHA ZAS MA ZHU YOD DU ZIN KYANG KHA ZAS PHYI MA YANG DANG YANG DU SBYIN PAR BYA ZHING CI NAS KYANG ME DRAGS PA DE ZHI BA'I PHYIR 'BAD PAR BYA STE, DPER NA BUD SHING MED PA'I ME LTAR NAD PA DE LA GNOD CING GCOD PAR 'GYUR PA DE LTAR BYA'O, ,KRI SAR DANG 'O THUG SNUM, ,SNUM KHUR BU RAM G-YOS PA DANG, ,RLAN CAN CHU YI SROG CHAGS NI, , TSO BA YI NI SHA SBYIN NO, ,MCHOG TU NYA NI 'JAM PO DANG, ,MI 'GUL CHU LA GNAS BA SBYIN, ,ZHES BYA BA LA, ME DROD DRAGS PAS NYEN PAR GYUR PA'I MI LA KRI SAR ZHES BYA BA TIL DANG MA SHA DANG MUNGGA LA SOGS PA LAS BYAS PA'I THUG PA'AM 'O THUG CES BYA BA 'O MA DANG 'BRAS BTZOS PA LA ZHAG LA SOGS PA'I SNUM BTAB PA DANG, DE BZHIN DU SNUM KHUR GYI RNAM PA DANG, DE BZHIN DU BU RAM G-YOS SHING DE BTAB PA DANG KHA ZAS LCI ZHING SNUM PA SBYIN BA DANG, RLAN CAN GYI SROG CHAGS NGANG BA DANG KHRUNG KHRUNG LA SOGS PA DE BZHIN DU CHU'I SROG CHAGS NYA LA SOGS PA'I SHA DE DAG KYANG TSO ZHING LUS SHIN DU RGYAS PA'I SHA SBYIN PA DANG DE BZHIN DU NYA GANG 'JAM ZHING PAGS PA'I MTHA' 'JAM PA DANG, SHA SHIN DU RGYAS PA DANG MI 'GUL BA'I CHU'I NANG NA GNAS PA DE LTA BU'I NYA'I SHA BYIN NA ME DROD DRAGS PA 'BRI BAR 'GYUR RO, ,LUG SHA TSON PO DAG DANG NI, ,ZOS NA ME DROD DRAGS PA SEL, ,ZHES
BYA BA LA, LUG SHIN TU TSO ZHING TSIL CHE BA'I SHA ZOS NA YANG ME DROD DRAGS PA ZHI BAR BYED DO, ,'O MA SBRANG RTZI BCAS PA'AM, ,MAR DANG SBYAR BA SKOM TSE BLUD, ,CES BYA BA LA, DE SKOM PA'I TSE NA NI 'O MA DANG SBRANG RTZIR BCAS PA'AM, MAR DANG SBRANG RTZIR SBYAR BA BLUD NA ME DROD DRAGS PA DE ZHI BAR 'GYUR RO, ,GRO YI PHYE NI 'O MA DANG, ,MAR NI MANG POR BCAS PA BLUD, ,CES BYA BA LA, YANG NA DE BSKOL BA LA BAG PHYE DANG 'O MA MAR DANG BCAS PA BLUD NA PHAN NO, ,RLAN CAN SROG CHAGS SHA KHU DANG, ,TIL MAR MA GTOGS SNUM CAN BLUD, ,CES BYA BA LA, YANG SKOM PA LA SROG CHAGS RLAN CAN LA GNAS PA'I SHA KHU LA MAR DANG TSIL DANG RKANG LA SOGS PA DANG BCAS PA BYIN NA YANG ME DROD DRAGS PA SEL BAR BYED DO, ,SHA MA DUR BYID DANG BSKOL BA'I, ,'O MA'I BKRU SMAN BLUD PAR BYA, ,ZHES BYA BA LA, YANG NA NAD DE LA SHA MA DANG DUR BYID GNYIS DANG 'O MA DANG BSKOL BA'I BKRU SMAN BLUD PAR BYA'O, ,MKHRIS PA SEL BA'I KHA ZAS DANG, ,'O THUG LAN MANG SBYIN PAR BYA, ,ZHES BYA BA LA, YANG DE LA MKHRIS PA SEL BA'I KHA ZAS DANG SMAN LAN MANG DU YANG SBYIN PA DANG 'O THUG GI THUG PA'I RIM PA BLUD PAR BYA'O, ,GANG ZHIG LCI ZHING TSIL SKYED DANG, ,BAD KAN SKYED PA'I KHA ZAS RNAMS, ,THAMS CAD ME DROD DRAGS LA PHAN, ,ZOS NAS NYIN PAR NYAL BAR BYA, ,ZHES BYA BA LA, ZAS DANG SMAN GANG ZHIG LCI ZHING BAD KAN SKYED PAR BYED PA LA PHRUM DANG CHUR BA DANG, LUG GI SHA LA SOGS PA 'DIR SMOS PA DANG MA SMOS PA DE THAMS CAD ME DROD DRAGS PA'I NAD LA PHAN NO, ,DE BZHIN DU KHA ZAS ZOS NAS NYIN PAR NYAL BA YANG PHAN NO, ,ZAS NI ME DROD KYIS 'JU BYED, ,ZAS MED NAS NI NAD ZAD BYED, ,LUS ZUNGS ZAD PAR BYED PAR 'GYUR, ,LUS ZUNGS ZAD NAS 'CHI BAR 'GYUR, ,ZHES BYA BA LA, ME DROD DRAGS PA'I TSE DANG ZAS ZOS PA DE ME DROD KYIS 'JU BAR BYED LA DE NAS ZAS MED PA DANG, DE'I 'OG TU DE NA YOD PA'I NAD SMIN CING ZAD PAR BYED LA NAD ZAD NAS LUS ZUNGS ZAD PAR BYED LA LUS ZUNGS ZAD NAS NI 'CHI BA NYID DU 'GYUR RO, ,ZAS 'DI DAG NI RANG BZHIN GYIS
, ,MI MTHUN, ,'DI NI SBYOR DANG G-YOS KYIS MI 'PHROD PA, ,DE LA SOGS PAR MI SHES JI DGA' BAR, ,SPYOD DE ME DROD STOBS LAS GYUR PA YIN, ,DE BAS 'BAD PA KUN GYIS ME DROD BSRUNG, ,DE NYAMS NAS NI MI YI SROG NGES NYAMS, ,NYES PAS KHYAB NA NAD KYI TSOGS KYIS 'DEBS, ,ME DROD MNYAM NA NAD MED TSE RING 'GYUR, ,ZHES BYA BA LA, RLAN CAN DANG CHU LA GNAS PA'I SROG CHAGS KYI SHA LA SOGS PA'I ZAS 'DI DAG NI, RANG BZHIN GYIS MI MTHUN ZHING LCI BA DANG TSIL SKYED PA DANG, BAD KAN 'PHEL BAR BYED PA YIN LA DE BZHIN DU 'DI NI SBYOR BA'I DBANG GIS KYANG MI MTHUN ZHING MI 'PHROD PA YIN TE, DPER NA MA 'AM MAR DANG SPRA TSIL BSRES TE BYIN PA DA LTA BU DANG, BAG PHYE DANG 'O MA SBYAR TE BYIN PA LA SOGS PA DANG, DE BZHIN DU G-YOS SU BYAS PA'I DBANG GIS KYANG MI 'PHROD PAR GYUR TE DPER NA SNUM PA LA LA BU GA DANG, SKA BA DANG RTUL BA DANG BSIL BA DANG 'JU DKA' BA'I RNAM PA DE LTA BUS G-YOS SU BYAS PA DE NI G-YOS SBYAR BA LAS MI 'PHROD PAR GYUR PA YIN NO, ,DE LTAR RANG BZHIN GYIS MI 'PHROD PA DANG, SBYOR BAS MI 'PHROD PA DANG, G-YOS SU BYAS PAS MI 'PHROD PA STE SOGS PA'I SGRAS TSAD DANG DUS LA SOGS PA'I DBANG GIS KYANG 'DI DAG MI 'PHROD PA YIN NO, ,ZHES MI SHES SHING MI RTOGS PAS CI DGAR SPYOD CING GNAS PAR BYED PA DE NI ME DROD KYI STOBS LAS GYUR PA KHO NA YIN PAR SHES PAR BYA'O, ,DE BAS NA ME'I STOBS NI NUS PA CHEN PO YIN PAS 'BAD PA KUN GYIS ZHES BYA BA LA, ZAS LA SPYOD PA DANG, SPYOD LAM GYI RNAM PA THAMS CAD KYIS PHO BA'I ME DROD BSRUNG BA LA BRTZON PAR BYA'O, ,DE NYID KYIS NI ME DROD NYAMS NA NI MI'I SROG NGES PAR NYAMS PAR 'GYUR TE, NGES PAR ZHES SMOS PA NI, NGES PA KHO NAR 'CHI BAR 'GYUR GYI GNAS SKABS GZHAN DU NI MI 'GYUR RO, , ZHES BYA BA'I DON YIN LA, YANG ME'I DROD DE NYID NYES PA'I TSOGS KYIS KHYAB CING NAD KYIS ZIN PAR GYUR NA NAD KYI TSOGS DU MAS 'DEBS SHING NYEN PAR GYUR LA ME DROD CHA MNYAM PAS RIGS BAS GNAS NAS NAD MED CING BDE BAR GNAS PA DANG TSE RING ZHING YUN RING BA NYID DU 'GYUR RO, ,
YAN LAG BRGYAD PA'I SNYING PO'I RNAM PAR 'GREL BA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS LE'U BCU BA'I RNAM PAR 'GREL PA'O,, ,,DE NAS GCIN 'GAGS PA'I LE'U BSHAD PAR BYA'O, , ZHES BYA BA LA, GO RIMS LA BABS PAS NA 'DI BRTZAMS PA YIN NO, ,RLUNG LAS GYUR BA'I GCIN SRI LA, ,RLUNG 'JOMS TIL MAR GYIS BSKU BYA, ,LTE BA MAN CHAD DUGS BYA ZHING, ,RLAN DUGS LUS NI SPYINGS PA'ANG BYA, ,ZHES BYA BA LA, RLUNG LAS GYUR PA'I GCIN SRI ZHING 'GAGS PA'I NAD LA NI RLUNG 'JOMS PA'I TIL MAR GYIS LUS THAMS CAD BSKU BAR BYA BA DANG, LTE BA MAN CHAD LEGS PAR DUGS BYA ZHING RLAN PA'I DUGS DANG LUS SPYINGS PA'I DUGS JI SKAD BSHAD PA BZHIN BYA'O, ,RTZA BA BCU DANG AE RAndA, ,BA LA NAS DANG NYE'U SHING PA, ,BA SPRU BA DANG KU LANG+THA, ,RGYA SHUG DANG NI BA RU RA, ,SRU SRU'I RTZAB BRI SHIB, ,TIL MAR ZHUN MAR PHAG DANG DROD, ,ZHAG BSKOL LAN TSVA BCAS PA NI, ,'THUNGS NA GZER 'JOMS MCHOG YIN NO, ,ZHES BYA BA LA, RTZA BA BCU PA LA SOGS PA DANG BSKOL ZHING BTZOS PA'I TIL MAR LA SOGS PA DANG, LDE GU DANG BSKOL BA DANG LAN TSVA LNGA PO DANG BCAS PAR 'THUNGS PAR GYUR NA GZER 'JOMS PAR BYED PA'I MCHOG DAM PA YIN NO, ,SMAN 'DI DAG NI SNUM PA YI, ,'BRAS BUR BCAS SHING SKYUR BA DANG, ,SNUM DANG LDAN PAR ZAS SKOM DANG, ,GONG PO DKRI BA'I DUGS DPYAD BYA, , ZHES BYA BA LA, BSHAD MA THAG PA'I SMAN RTZA BA BCU PA LA SOGS PA 'DI DAG ZAS DANG SKOM DANG SBYAR BA DANG, DE BZHIN DU GONG PO DANG SLAN PA'I DUGS BYA BA SNUM DANG BCAS PA'I 'BRAS BU STAR GA'I RKANG LA SOGS PA DANG BCAS PA DANG SKYUR RTZA BAS LA SOGS PA DANG RDZAS SKYUR BA DANG LDAN PA DANG DE BZHIN DU SNUM DANG, LDAN PA STE, DE DAG GI DUGS LA SOGS PA SPYAD PAR BYA'O, ,KHA RU TSA MANG BTAB PA'I CHANG, ,'THUNGS NA GCIN GYI NAD SEL BYED, ,CES BYA BA LA, KHA RU TSA MANG DU BTAB CING SHAS CHER BRO BA'I CHANG 'THUNGS NA GCIN GYI NAD SEL BAR BYED DO, ,MKHRIS GYUR BSKU DANG BLUGS BA DANG, ,LUS
, ,BCING BAS NI BA SIL BAR BYA, ,ZHES BYA BA LA, MKHRIS PA LAS GYUR PA'I GCIN SRI BA'I NAD LA NI LUS BA SKU BA LA SOGS PA BSIL BA DAG GIS BYA'O, ,NYE'U SHING GZE MA BI DA RI, ,RGUN 'BRU RTZVA YI RTZA BA LNGA, ,BSKOL BA'I NANG DU SBRANG RTZI DANG, ,KHA RA BTAB PA BLUD PAR BYA, ,ZHES BYA BA LA, YANG NA NAD DE LA NYE'U SHING DANG GZE MA LA SOGS PA'I SMAN BSKOL BA BSGRANGS PA'I NANG DU SBRANG RTZI DANG KHAR BTAB PA BLUD NA YANG PHAN NO, ,RTZVA'I RTZA BA LNGA NI 'JAG MA DANG 'DAM BU DANG D'UR BA DANG 'BRAS DANG BU RAM SHING GI RTZA BA STE, DE LNGA RTZVA'I RTZA BA LNGA ZHES BYA'O, , BA SHA KA DANG GA GON DANG, ,RGYAL MO GA GON LE BRGAN RTZI'I, ,SA BON GUR KUM RGUN CHU DANG, ,'THUNGS NA GCIN 'GAGS NAD SEL BYED, ,CES BYA BA LA, BA SHA KA LA SOGS PA'I KHU BA BSGRANGS PA RGUN CHU DANG SBYAR TE 'THUNGS NA GCIN 'GAGS PA'I NAD THAMS CAD SEL BAR BYED DO; ,GA GON NI DRI BU TA ZHES BYA BA STE DE'I SA BON RGYAL MO GA GON ZHES BYA BA AER PA RU ZHES BYA BA'I GA GON GYI KHYAD PAR GYI SA BON NO, ,DE BZHIN DU LE BRGAN RTZI'I SA BON GZUNG NGO, ,SHING MNGAR AER BA RU'I SA BON, ,SKYER PA 'BRAS KYI CHU DANG BLUD, ,CES BYA BA LA, YANG NA SHING MNGAR DANG RGYAL MO GA GON GYI SA BON DANG, SKYER PA'I 'BRAS KYI CHU DANG SBYAR TE BLUD BAR BYA'O, ,RGUN 'BRU'I LDE GU CHUR SBYAR BA'AM, ,RGUN 'BRU CHUR NI SPANGS PA BLUD, ,CES BYA BA LA, YANG NA RGUN 'BRU'I LDE GU CHU DANG SBYAR BA BLUD PA'AM YANG NA RGUN 'BRU CHU'I NANG DU NUB GCIG SPANGS PA'I CHU BLUD NA YANG PHAN PA YIN NO, ,BAD KAN LAS GYUR DUGS BYAS LA, ,SKYUG SMAN BZA' BA RNO DRO SBYIN, ,NAS G-YOS THAL SMAN RNO BA DANG, ,DAR BA BCAS BA SBYIN BAR BYA, ,ZHES BYA BA LA, BAD KAN LAS GYUR PA'I GCIN SRI BA'I NAD LA NI CHO GA JI LTA BA BZHIN DU DUGS BYAS LA SKYUG SMAN BTANG BA DANG, BZA' BA'I BAG RNO BA DANG DRO BA SBYIN PA DANG NAS LAS G-YOS PA'I ZAS CHAG TSE DANG SKYA KHUR LA SOGS PA DANG THAL SMAN RNON PO LA SOGS PA GTANG PAR BYA'O, ,SUG SMEL CHANG DANG SBYAR BA'AM, ,SKYU RU RA YI KHU BA BLUD, ,CES BYA BA LA, YANG NA
SUG SMEL DANG CHANG DU SBYAR BA BLUD PA'AM, SUG SMEL DANG SKYU RU RA'I KHU BAR SBYAR BA BLUD PAR BYA'O, ,BZHAD RUS GZE MA SUG SMEL DANG, ,TSA GSUM SBRANG RTZI GCIN BCAS BLUD, ,CES BYA BA LA, YANG NA BYA BZHAD KYI RUS PA DANG GZE MA LA SOGS PA'I SMAN SBRANG RTZI DANG GCIN SBYAR BA BLUD NA YANG PHAN NO, ,YANG NA KAndA KA RI'I KHU, ,SBRANG RTZIR SBYAR BA BLUD PAR BYA, ,ZHES BYA BA LA, KAndA KA RI BSKOL BA'I KHU BA SBRANG RTZI DANG SBYAR BA BLUD NA YANG GCIN 'GAGS PA'I NAD SEL TO, ,SHI TI BA RA'I SA BON NI, ,ZHIB BTAGS DAR BAR SBYAR BA BLUD, ,CES BYA BA LA, YANG NA SHI TI BAR ZHES BYA BA'I SA BON GYI PHYE MA DANG DAR BA BLUD NA PHAN NO, ,BA NGA SAPTA PARnI DANG, ,SLE TRES DONG GRA DUG MO YUNGS, ,KE PU KA DANG SUG SMEL DANG, ,KA RANYDZA BSKOL SBRANG RTZIR BCAS, ,DES SBYAR THUG PA'AM BYU RU YI, ,PHYE MA 'BRAS KYI CHU DANG BLUD, ,CES BYA BA LA, YANG SHING BA DA LA SOGS PA BSKOL BA'I KHU BA SBRANG RTZI DANG BCAS PA BLUD PA'AM, BA DA LA SOGS PA'I SMAN DE DAG DANG SBYAR BA'I THUG BA'AM BYU RU BTAGS PA'I PHYE MA 'BRAS KYI PHYE DANG SBYAR TE 'THUNGS NA YANG PHAN NO, ,PA THA LI YI THAL BA'I CHU, ,LAN BDUN BTZAGS TE TIL MAR BCAS, ZHES BYA BA LA, YANG NA SHING PA TA LI BSREGS PA'I THAL BA'I CHU LAN BDUN GYI BAR DU BTZAGS SHING GZAGS PAR BYAS PA TIL MAR DANG BCAS PA BLUD NA PHAN NO, ,NAS TSIG 'KHUS THAL PA THA LI, ,PA RI PA TRA TIL THAL CHU, ,SHING TSA SUG SMEL NA LE SHAM, ,CHANG DANG SBYAR BA BLUD PAR BYA, ,ZHES BYA BA LA, NAS TSIG 'KHUS PA'I THAL CHU DANG, PA THA LI'I THAL CHU DANG, PA RI PA TRA'I THAL CHU DANG TIL BSREGS PA'I THAL CHU'I NANG DU SHING TSA LA SOGS PA'I PHYE MA DANG CHANG DU SBYAR BA BLUD NA YANG PHAN NO, ,'DI DAG RE RE LDE GUR SBYAR, ,BU RAM SO YIS BCAD CING BZA', ,ZHES BYA BA LA, NAS TSIG 'KHUS PA'I THAL BA LA SOGS PA 'DI DAG LDE GUR SBYAR BA DANG, BU RAM SOS BCAD CING ZOS NA YANG PHAN NO, ,'DUS BA'I BDAG NYID CAN KUN LA, ,'DI DAG GNAS SKABS JI BZHIN PHAN, ,ZHES BYA BA LA, 'DUS PA LAS GYUR PA'I GCIN SRI BA LA NI 'DI DAG GNAS SKABS JI LTA BA BZHIN, GANG DANG GANG SHAS CHE BA'I
, ,DBANG DU BYIN NA PHAN NO, ,NAD GZHI THAMS CAD LAS GYUR PA'I GCIN 'GAGS PA'I NAD KYI GSO BA BSTAN NAS, RDE'U CHAGS PA'I GSO BA BSTAN PA'I PHYIR, RDE'U CHAGS RING PO MA LON DANG, ,RLUNG GI LGANG NAD SOGS LA'ANG SBYAR, ,ZHES BYA BA LA SOGS PA YIN TE; SNGAR BSHAD PA'I SMAN DE DAG NI 'DUS PA'I NAD 'BA' ZHIG LA SO SO'I DMIGS DANG SBYAR TE PHAN PAR MA ZAD KYI RDE'U CHAGS NAS RING PO MA LON PA YANG BTANG NA PHAN PA YIN LA DANG ZHES BYA BA'I SGRAS DE 'BA' ZHIG TU MA ZAD KYI RLUNG LAS GYUR PA'I NAD KYIS GCIN 'GAGS PA LA SOGS PA YANG JI SKAD DU BSHAD PA BZHIN DU SBYAR BAR BYA'O, ,RDE'U CHAGS NAD NI MI BZAD DE, ,'CHI BDAG DANG NI 'DRA BAR 'DOD, ,GZHON PA'I TSE NA SMAN GYIS GSO, ,'PHEL NAS 'DRAL BAR 'OS PA YIN, ,ZHES BYA BA LA, RDE'U CHAGS PA ZHES BYA BA'I NAD NI MI BZAD CING BRNAG PAR DKA' BA YIN LA MYUR DU SROG 'PHROG PAR BYED PAS 'CHI BDAG DANG 'DRA BAR 'DOD DO, ,DE GZHON ZHING SKYES NAS RING PO MA LON PA NAR MA SON PA LA NI SNGAR JI SKAD BSTAN PA'I SMAN GYIS CI RIGS PAR GSO BAR BYA LA, 'PHEL ZHING RDE'U DE CHE LA SRA BAR GYUR NAS NI MTSON GYIS BCAD CING 'DRAL NAS DBYUNG BAR RIGS PA YIN NO, , DE YI SNGON BYUNG TSUL LA NI, ,SNUM CHOS LA SOGS RIM PAS BSNGAGS, ,ZHES BYA BA LA, RDE'U CHAGS PA DE SNGAR BYUNG BA'I TSUL GONG DU JI SKAD BSTAN PA LTA BU BYUNG BA LA NI SNUM GYI CHO GA DANG DUGS LA SOGS PA BYAS NA PHAN NO, ,SRU SRU'I RTZA BA SPRA TOG DANG, ,AA SMAN DA KA BA SA RI, ,NYE'U SHING LCAM PA PU SHEL TZI, ,AA TI PA LA BA LU KA ,SPANGS MA BRIKshA DA NI DANG, ,SHA KA'I 'BRAS BU BYA KRI GNYIS, ,GUD THA GZE MA KU LANG+THA, ,NAS DANG RGYA SHUG PAR NA, ,KA TA KA YI 'BRAS BU DANG, ,AU SHA KA SOGS PHYE MA BTAB, ,'DI DAG KHU BA MAR BSKOL BLUD, ,RLUNG GYUR RDE'U 'JIG PAR BYED, ,ZHES BYA BA LA, SRU SRU'I RTZA BA LA SOGS PA'I SMAN BSKOL BA'I KHU BA'I NANG DU BU SHA KA LA SOGS PA'I PHYE MA BTAB STE, AU SHA KA DANG SPANGS MA ZHES BYA BA LA SOGS PA SMOS PA BTAGS PA'I PHYE MA LDE GUR BTAB BA DANG BSKOL BA'I MAR BLUD NA RLUNG LAS GYUR PA'I RDE'U
CHAGS PA 'JIG PAR BYED DO, ,SPRA TOG NI BA SU KA DANG ME TOG SPOM, ,SPRA TOG AI SHVA MA LA ZHES SMOS PA YIN NO, ,BAS RI NI KA PI PI PA LI'O, ,LCAM PA NI MING GI RNAM GRANGS GZHAN DU NI NYI MA DGA' BA ZHES BYA'O, ,BA LU KA NI BHU TA BRI KAshI'O, ,SPANGS MA NI DU TA KA TE KA TZA KA ZHES KYANG BYA'O, ,BRI KshAR NI NI TA RU RU HA DANG BAN DA HA ZHES BYA BA SHING LAS BSLAS THABS SU SKYES PA'I SHING PHRE'U 'O, ,SHA KA'I 'BRAS BU NI SHING SHA KA'I 'BRAS BU'O, ,BYA KRI GNYIS NI BRI HA TI DANG KAndA KA RI'O, ,GUNG+THA NI BRIN HA TI NA DANG NA GUN DA ZHES BYA BA RTZA BA BCA' SGA 'DRA BA LA LO MA ZLUM PO YOD PA'O, ,GZE MA NI GO KRUR STE TSER MA GSUM PA ZHES KYA BYA STE, KU LANG+THA NI RGYA SRAN NO, ,BAR NI NAD KAN THO, ,KA TA KA'I 'BRAS BU NI KA TSA KA'I 'BRAS BU KA TSA STE CHU RNAMS KYANG PHYED YIN, ZHES BYA BA YIN NO, ,AE RAndA DANG BRI HA TI, ,KAndA KA RI GZE MA DANG, ,BU RAM SHING PHRAN RTZA BA YI, ,LDE GU ZHO DANG SBYAR TE BLUD, ,RDE'U CHAGS PA SEL BYA BA LA, AE RAndA LA SOGS PA'I SMAN GYI RTZA BA RNAMS LDE GUR BYAS PA ZHO LNGA PO DANG SBYAR TE RLUNG NA YANG RLUNG LAS GYUR PA'I LDE'U CHAGS PA 'JIG CING SEL TO, ,KU SHA 'JAG MA 'DAM BU DANG, ,KU THA NYE'U SHING AIG GA THA, ,SRU SRU'I RTZA BA 'JAG ZLUM DANG, ,PI DA RI DANG BA RA HI, ,'BRAS KYI RTZA BA GZE MA DANG, ,BA LU KA DANG PA TA LI, ,BA TU LA DANG BLA BAR BCAS, ,BA SBRU BA DANG SHRI SHA DANG, ,DE RNAMS BSKOL KHU MAR DU BSKOL, ,KA GON SA BON LA SOGS DANG, ,AUTPA LA YI SA BON DANG, ,SHING MDAR DANG NI BRAG ZHUN PHYE, ,DE DAG MKHRIS GYUR RDE'U CHAGS SEL; ,ZHES BYA BA LA, KU SHA DANG 'JAG MA LA SOGS PA BSKOL BA'I KHU BAR GA GON GYI SA BON DANG RGYAL MO GA GON GYI SA BON DANG AUTPA LA'I SA BON LA SOGS PA'I PHYE MA LDE GUR BYAS PA DANG, MAR DU BTZOS PA'I MAR DE BLUD NA MKHRIS PA LAS GYUR PA'I RDE'U CHAGS PA SEL CING 'JIG PAR BYED DO, ,SRU SRU'I RTZA BA NI AA SMA BE DA 'AM PA SHAN BE DE ZHES BYA'O, ,ZHANG ZHUNG DAG GIS NI BE DA JE RE ZER, RGYA GAR GYIS BRAG 'BIGS ZHES ZER, DE PHAL CHER NI BRAG LAS 'KHRUNGS PA LA BYA, 'DI LTA BU'I LDAN MAR DU GRAGS PA MI BYA, KU SHA DANG 'JAG MA NI KU SHA DANG D'UR BA DANG BA LA ZHES BYA BA LA 'JAG MA
, ,SBOM PHRA'I DBYE BAS RNAM PA GNYIS YOD DO, ,'DI NAS BA RA HI NI SU GA RI'O, ,BA TU RGYA NI KU RU TA KA'O, ,BLA BA NI KU DAN NA DA'O, ,BAR nA SOGS RLUNG 'JOMS TE, ,SUG SMEL HA RE nU KA'I SDE, ,GU GUL RU RTAN LE SHAM, ,TZI TRA KA DANG BYI'U RUG PA, ,DE DAG LDE GUR BYAS PA GZHUG ,AU SHA KA YI SDE TSAN BCUG ,MAR BSKOL BA YIS BAD KAN LAS, ,GYUR PA'I RDE'U CHAGS MYUR DU 'JOMS, ,ZHES BYA BA LA, BAR nA LA SOGS PA'I SMIN GYI SDE TSAN DANG DE BZHIN DU RLUNG 'JOMS PA'I SDE TSAN DE DANG, SDE TSAN DE GNYIS DANG SUG SMEL DANG HA RE nU KA ZHES BYA BA'I KON TI LA SOGS PA'I SMAN DE DAG LDE GUR BYAS PA DANG, DE BZHIN DU AU SHA KA LA SOGS PA'I SDE TSAN LDE GUR BYAS PA BCUG LA DE DANG MAR BSKOL TE BYIN NA BAD KAN LAS GYUR PA'I RDE'U CHAGS PA MYUR DU 'JIG CING SEL BAR BYED DO, ,RANG RANG SMAN NI 'DI NYID KYIS, ,THAL SMAN 'O MA THUG SOGS SBYAR, ,ZHES BYA BA LA, RLUNG LA SOGS PA'I RANG RANG GI SMAN MAR LA SOGS PA'I SBYOR BA BSTAN PA BSHAD MA THAG PA 'DI DAG NYID KYIS THAL SMAN DANG 'O MA DANG NAS THUG DANG ZAS DANG SKOM LA SOGS PAR SBYAR ZHING BTANG NA YANG PHAN NO, ,PI TZU KA DANG AANG GO LA, ,KA TA MA CAN ZAS BZA' KA LA SHA KA DANG, ,AUTPA LA YI 'BRAS BU RNAMS, ,BU RAM BCAS PA'I CHU DRON BLUD, ,RDE'U PHRAN 'JIG PAR BYED PA'I MCHOG ,CES BYA BA LA, PI TZU KA LI LA SOGS PA DANG BU RAM DANG BCAS PA'I CHU DRON BLUD NA YANG, RDE'U PHRAN GSE GU PHRE'U LTAR GNAS PA DAG 'JIG CING 'JOMS PAR BYED PA'I MCHOG YIN NO, ,PI TZU KA NI SHI TA BI RA KA'O, ,AANG GO LA NI AI RI BIL BA'O, ,AUTPA LA NI AUTPA LA DMAR PO DANG SNGON PO STE RNAM PA GNYIS SO, ,DE'I 'BRAS BU NI DE'I SA BON NO, ,KHRUNG KHRUNG RNGA MONG BOD BU'I RUS, ,GZE MA TA LA BA TRI KA ,AA ZA MO DANG KA DAM PA'I, ,RTZA BA DANG NI BCA' SGA NI, ,CHANG NGAM CHU DRON BCAS BA BLUD, ,RDE'U PHRAN CHAGS PA 'JIG PAR BYED, ,CES BYA BA LA, KHRUNG KHRUNG LA SOGS PA'I RUS PA CHANG DAM CHU DRON DANG SBYAR TE BLUD NA RDE'U PHRAN GZEG TU 'JIG PAR BYED DO, ,TA LA BA TRI KA NI MO SA LI'O, ,MA RI TZI KA'I SA BON GYI, ,PHYE MA SBRANG RTZIR SBYAR BA DANG, ,LUG GI 'O MA ZHAG BDUN
NI; ,BLUD NA RDE'U 'JIG PAR BYED, ,CES BYA BA LA, MA RI TZI KA ZHES BYA BA MRI TA KUN DA KA ZHES BYA BA'I SA BON GYI PHYE MA SBRANG RTZI DANG SBYAR TE LUG GI 'O MA DANG BCAS PAR ZHAG BDUN GYI BAR DU BLUD NA RDE'U 'JIG CING LTUNG BAR 'GYUR RO, ,SHI KRU'I RTZA BA BSKOL BA NI, ,DRO 'JAM 'THUNGS PAS RDE'U NAD 'JOMS, ,ZHES BYA BA LA, SHI KRU'I RTZA BA BSKOL BA'I KHU BA BLUD NA YANG PHAN NO, ,TIL DANG AA PA MARGA DANG, ,CHU SHING DANG NI BA LA SHA, ,NAS TSIG 'KHUS THAL LUG GCIN BLUD, ,PHYE MA RDE'U CHAGS PA SEL, ,ZHES BYA BA LA, TIL LA SOGS PA'I THAL BA LU GCIN DANG SBYAR TE BLUD NA YANG PHYE MA RDE'U NYID DU CHAGS PA SEL BAR BYED DO, ,YANG NA LCAM PA'I RTZA BA NI, ,GCIG TU CHANG LA SOGS PA BLUD, ,CES BYA BA LA, YANG NA LCAM PA'I RTZA BA 'BA' ZHIG CHANG NGAM CHU DRON NAM GZHAN GANG YANG RUNG BA DANG SBYAR TE BLUD NA PHAN NO, ,YANG NA DE BSKOL 'O MA BLUD; ,NAD KYIS NYEN PA SEL BAR BYED, ,CES BYA BA LA, YANG NA LCAM PA'I RTZA BA DANG 'O MA LHAN CIG BSKOL BA BLUD NA NAD KYIS NYEN CING GZER BA'I RDE'U CHAGS PA'I NAD LA YANG PHAN NO, ,AA RU RA YI RUS PA BTZOS, ,YANG NA SPRU BA BTZOS BLUD, ,CES BYA BA LA, YANG NA AA RU RA'I NANG GI RUS PA DANG BTZOS PA'I 'O MA BLUD NA YANG RDE'U CHAGS PA'I NAD KYIS NYEN PA LA PHAN NO, ,YANG NA BA SPRU BA'I 'O MA DANG BSKOL BA BLUD NA PHAN NO, ,YANG NA 'O MA CAN ZAS BZA', ,YANG NA BAR HI SHI KA YI, ,RTZA BA 'BRAS BUR BCAS PA BLUD, ,CES BYA BA LA, YANG NA 'O MA CAN GYI ZAS BZA' ZHING BAR HI SHI GZHES BYA BA'I SMAN GYI RTZA BA DANG 'BRAS BU CHUR SBYAR BA BLUD NA YANG PHAN NO, ,GCIN 'GAGS LHAG MA RNAMS LA NI, ,'DI YI GSO BA LTAG MA'ANG SBYAR, ,ZHES BYA BA LA, GCIN 'GAGS PA'I NAD LHAG MA RNAMS LA NI 'DI NYID GONG DU BSHAD PA'I GSO BA'I RIMS BA LAS CI RIGS PAR GSO BAR BYA'O, ,BRI HA TI SOGS SDE TSAN BSKOL, ,GZEM NYID 'GYUR GZHUG PAR BYA, ,CHU DANG 'O MA ZHUN MAR DANG, ,BLUD NA GCIN GYI NAD KUN SEL, ,ZHES BYA BA LA, BRI HA TI LA SOGS PA'I SDE TSAN SMAN JI SKAD SMOS BA DANG GZE MA NYIS 'GYUR BCUG STE,
, ,BSKOL BA'I CHU LA SOGS PA DE BLUD NA GCIN 'GAGS PA'I NAD THAMS CAD SEL BAR BYED DO, ,THANG SHING GLA SGANG MUR BA DANG, ,SHING MNGAR DANG NI AA RU RA, ,CHANG NGAM 'O MA CHUR SBYAR BA, ,GCIN GYI NAD NI KUN LA BLUD, ,CES BYA BA LA, THANG SHING LA SOGS PA'I SMAN CHANG LA SOGS PA GANG YANG RUNG BA DANG SBYAR TE BLUD NA YANG GCIN 'GAGS PA'I NAD THAMS CAD SEL TO, ,BYI TSER BA BSKOL KHU BA'AM, ,AA RDZUN BSKOL KHU BA NI, ,RGYAM TSA 'BRAS BU GSUM BTAB BA, ,CHU TSAN DRO 'JAM SBYAR BA BLUD, ,CES BYA BA LA, BYI TSAR BA BSKOL BA'AM, AA RDZUN BSKOL BA'I KHU BA'I NANG DU RGYAM TSA LA SOGS PA BTAB PA'I CHU DRO 'JAM TZAM BLUD NA YANG PHAN NO, ,KAndA KA RI GZE MA BSKOL, ,YANG NA NAS THUG PHUN SRAN BCAS, ,ZHES BYA BA LA, YANG NA KAndA KA RIL SOGS PA'I SMAN BSKOL BA YANG PHAN NO, ,BI DA RI SOGS BSKOL BA'AM, ,KHYIM BYA'I SHA YI KHU BA BLUD, ,CES BYA BA LA, BI DA RI LA SOGS PA'I SDE TSAN DANG BSKOL BA'I NAS THUG BLUD PAR BYA BA'AM, KHYIM BYA'I SHA KHU BLUD NA YANG PHAN NO, ,BI DA RI LA SOGS PA DANG, ,BSKOL BA'I BRAG ZHUN SBYIN PA'AM, ,ZHES BYA BA LA, YANG NA BI DA RI LA SOGS PA'I SDE TSAN DANG BRAG ZHUN BSKOL TE BYIN NA YANG PHAN NO, ,YANG NA CHANG NI NAD MED BLUD, ,RTA 'AM SHING RTAR BSKYON NAS NI, ,MGYOGS PAR 'GRO BAS BSKYOD GYUR NA, ,RDE'U DE NI G-YO BAR 'GYUR, ,ZHES BYA BA LA, YANG RDE'U CHAGS PA'I NAD LA CHANG NAD MED CING LANGS PA BLUD LA SHING RTA'AM, RTA LA BSKYON TE SHUGS MGYOGS PAR 'GRO ZHING RTA DRAG TU BSKYOD NA YANG DE'I RDE'U CHAGS PA DE LUS DRAG TU BSKYOD NAS GNAS GCIG TU 'DUG BA LAS G-YO ZHING PHAN TSUN 'PHOS BAR 'GYUR RO, ,BI DA RI LA SOGS PA YI, ,SDE TSAN RNAM PA KUN TU SBYAR, ,ZHES BYA BA LA, GCIN NAD RDE'U CHAGS PA DANG, GSE GU CHAGS BA LA NI BI DA RI LA SOGS PA'I SDE TSAN BZA' BA DANG BTUNG BA DANG SMAN LA SOGS PA LA RNAM PA THAMS CAD DU KUN LA SBYAR BAR BYA'O, ,BKRU SMAN DON DU SENG PHROM MAR, ,'JAM RTZI'I LAS KYANG BSTEN BAR BYA, ,MCHOG TU 'JAM RTZI GONG MA BYA, ,ZHES BYA BA LA, YANG NA DE LA BKRU SMAN BYA BA'I DON
GYI PHYIR SENG PHROM GYI SMAN MAR RLUNG NAD GSO BA'I SKABS NAS BSHAD PA DANG DE BZHIN DU 'JAM RTZI LAS BYA BA DAG KYANG YANG DANG YANG DU BSTEN CING GOMS PAR BYA'O, ,DE LAS KYANG MCHOG GAM KHYAD PAR DU NI 'JAM RTZI GONG MA ZHES BYA BA NI PHO MTSAN DANG MO MTSAN GYI SGO NAS 'JAM RTZI BTANG BA DE BSTEN PAR BYA'O; ,KHU CHU'I RDE'U CHAGS DE YI NI, ,GCIN LAM SBYANGS LA STOBS CHE BA'I, ,KHU CHU'I GNAS NI SBYANG BA'I PHYIR, ,SKYES PA KHU BA 'PHEL BYED PA'I, ,SHA DANG KHYIM BYA'I SHA YIS 'GRANGS, ,'DOD PA BDO BAS BUD MED NI, ,DGA' BA SKYED LA NYAL PO BYA, ,ZHES BYA BA LA, ,KHU CHU'I RDE'U CHAGS PA LA NI MAS GTONG BA DE GCIN 'BYUNG BA'I LAM SBYANGS SHING BSAL LA NAD PA NYAMS STOBS CHE BA'I KHU CHU'I GNAS SBYANG BAR BYA BA'I PHYIR SKYES PA RO TZA ZHING KHU BA 'PHEL BAR BYED PA'I RLAN GYI SHA KHU DANG KHYIM BYA'I SHAS 'GRANGS SHING TSIM PAR BYAS LA BUD MED LA NYAL PO BYA'O, ,GSO PA 'DI YIS BCOS KYANG NI, ,MA ZHIN NI SMAN PA YIS, ,MTSON NI LEGS PAR BRTAG BYAS TE, ,GSO BA MA BGYIS NGES PAR 'CHI, ,BGYIS NA'ANG DOGS PAR BCAS PA LAS, ,DE LTAR RGYAL PO LA ZHUS NAS, ,LAS LA BYANG BA'I SMAN PA NI, ,MANG PO DANG YANG DPYAD PAR BYA, ,ZHES BYA BA LA, DE LTA BU'I GSO BA DU MA 'DI DAG GIS BCOS SHING GSOS PAR GYUR KYANG DE'I NAD RDE'U CHAGS PA DE ZHI ZHING BYAD BAR MA GYUR NA, DE'I TSE SMAN PA DE SA 'DI LTAR BDAG GIS RGYAL PO GANG DAG YIN PA DE LA ZHUS SHING DRIS NAS, ,GTZAGS BU'I MTSON GYI LAS LEGS SHING SKYON MED BRTAG CING DPYAD KYI LAS BYA'O, DE YANG 'DI LTAR RGYAL PO LA GAL TE 'DI GSO BA MA BGYIS NA NI NAD 'DI LTA BU SKYES PAS NGES PAR 'CHI BA KHO NAR 'GYUR LA, GAL TE GSO BA'I MTSON GYI LAS BGYIS PAR GYUR NA YANG DOGS PA DANG BCAS LAGS TE 'DI 'TSO BAR 'GYUR RAM MI 'GYUR GTOL MA MCHIS LAGS SO, ,ZHES DE LTAR RGYAL PO LA ZHUS NAS LAS BYA ZHING SMAN DPYAD KYI BSTAN BCOS LA MKHAS PA'I SMAN BA MANG POS RJES SU DPYAD CING GROS SU BGROS TE BYA'O, ,DE NAS NAD PAR SNUM BSKU ZHING, ,SBYANGS SHING CUNG ZAD NYAMS SMAD PA'I, ,LUS NI SNUM BSKUS DUGS BYA ZHING, ,ZAN MA ZOS SHING BKRA SHIS
, ,BYAS; ,PUS MO SLEBS PA'I SPANG LEB LA, ,'DUG PA MI YI PANG PAR BRTEN, ,RO STOD GAN RKYAL BZHAG NAS NI, ,GOS KYIS DKRIS PA'I STENG DU BZHAG ,ZHES BYA BA LA, DE NAS ZHES BYA BA'I SGRA NI 'DIR BKRA SHIS PA STON PAR BYED PA DANG DE MA THAG PA STON PAR BZUNG STE BKRA SHIS KYI CHO GA LA SOGS PA BYAS NAS DE'I 'OG TU NAD PA DE SNUM BSKU BA LA SOGS PA'I SBYOR BA BYAS NAS NAD PA DE LTA BU'I SBYOR BA DE 'BYUNG BAR BYA BA'I PHYIR LAS SU BYA BA 'DI DAG BYA STE, DE NYID KYI TSE LUS SNUM GYIS LEGS PAR BSKU BA DANG LAGS PAR SBYANGS PA STE, NAD SBYANG ZHING DAG PAR BYAS PA DANG LUS CHUNG ZAD NYAMS SMAD CING NYAL PO BRI BA DANG LUS SNUM GYIS BSKUS SHING DUGS PAR BYA BA DANG ZAS MA ZOS SHING KHA ZAS LEGS PAR SPYAD PA DANG, BKRA SHIS DANG BDE LEGS KYI CHO GA BYAS LA PUS MO SLEB PA TZAM DU SPANG LEB LA 'DUG PA'I PANG PAR BRTEN TE 'DUG PAR GYUR PA LTE BA YAN CHAD KYI RO STOD GAN RKYAL DU BZHAG PA'I TSUL GYIS GOS ZLUM POR DKRIS PA'I STENG DU NAD PA DE 'DUG TU GZHUG PAR BYA'O, ,DE NAS DE YI SGYID KHUNG DAG ,BKUG NAS RAS KYIS DAM PA RU, ,RTEN GYI MI DANG BCAS PA RU, ,BCINGS TE DBUGS NI PHYUNG NAS SU, ,LTE BA MAN CHAD BSKUMS NAS NI, , DE YI G-YON ROL PHYOGS SU NI, ,MNYES LA KHU TSUR GYIS MNAN CING, ,'OG TU PHYIN PA'I BAR DU BTZIR, ,ZHES BYA BA LA, DE NAS DE'I 'OG TU BUS MO SGYID KHUNG CUNG ZAD RAS KYIS DAM DU BSDAMS SHING, RTEN GYI MI DANG BCAS PAR MI 'GYUR BAR BCING ZHING BSDAMS LA, DE'I 'OG TU DBUGS DBYUNG BA'I TSIG LEGS PAR SPRO BSRING ZHING DBUGS BYUNG NAS, LTE BA MAN CHAD KYI RO SMAD KUN KYANG BSKUMS LA CUNG ZAD MNYES TE LTE BA DE'I G-YON ROL GYI PHYOGS SU MNAN CING RDE'U JI SRID 'OG TU PHYIN GYI BAR DU RIM GYIS LEGS PAR BTZIR BAR BYA'O, ,DE NAS G-YON PA'I MDZUB MO DANG, , GUNG MO'I SEN MO BREG NAS NI, ,TIL MAR BSKUS TE RKUB TU NI, ,SRUB MTSAMS BAR DU GZHUG PAR BYA, ,RDE'U LTE BA'I GNYER MA NAS, ,PHO MTSAN GZHANG BAR PHYIN PAR BYA, ,DE NAS CHU SO'I GNAS SU NI, ,GNYER MA MED CING DBYUNG SLA BA, ,SOR MO GNYIS KYIS BTZIR NAS NI, ,
MDUD PA LTA BUR MTHO BAR BYA, ,SRUBS MTSAMS NAS GANG MA GTOGS PAR, ,GTZAGS PUS LEGS PAR DRA LA NAS NI, ,RDE'U'I TSAD DU DBRAL BYAS LA, ,CI NAS CHAG GRUGS MED PAR NI, ,CHA SPYAD RTZE MO GUG PA YIS, ,MA LUS PAR NI DBYUNG BAR BYA, ,ZHES BYA BA LA, DE NAS DE'I RJES LA LAG PA G-YON PA'I MDZUB MO DANG GUNG MO GNYIS KYI SEN MO BREGS TE, TIL MAR BSKUS LA SHIN TU 'JAM POR BYAS NAS NAD PA'I RKUB KYI NANG DU BCUG STE MTSAN GYI 'OG SRUBS LTA BU'I BAR DU GZHUG CING PHYIN PAR BYAS LA DE'I 'OG TU RDE'U DE LTE BA'I GNYER MA BTZIR ZHING PHUL LA PHO MTSAN DANG GZHANG GI BAR GYI SRUBS MTSAMS YOD PA LTA BUR PHYIN PAR BYA ZHING BSKYOD LA DE NAS MDOMS KYI BAR DU CHU SO'I GNAS SU GNYER MA MED CING PAGS PA THANG CHOD PA LA MTHO DMAN MED CING SNYOMS LA DBYUNG SLA BA KHO NAR BYAS NAS NANG DU BCUG PA'I SOR MO GNYIS KYIS BTEG CING DAM DU BTZIR LA GNAS DER MDUD PA CHAGS PA LTAR TOG TOG PO MTHO BA NYID DU GYUR PAR BYAS LA, DE'I 'OG TU SRUBS MTSAMS LTA BUR MA GTOGS SHING DE LAS NAS GANG TZAM GYIS BZUR BA NA G-YAS PHYOGS SU GTZAGS BUS LEGS PAR BTAB CING DBRAL BAR BYA'O, ,DE YANG RDE'U JI TZAM YOD PA'I TSAD DU DBRAL LA RDE'U DE CHAG GRUGS MED PAR DBYUNG BAR BYA LA, DE YANG CHA SPYAD RTZE MO GUG PA LCAGS KYU LTA BU GANG YIN PA DES RDE'U MA LUS BAR LEGS PAR DBYUNG BAR BYA'O, ,BUD MED CHU SO'I NGOS SU GNAS, ,DE NI MNGAL GYI GNAS LA BRTEN, ,MTHO BAR GYUR NAS CHA SPYAD KYIS, ,LEGS PA KHO NAR DBRAL BAR BYA; ,GZHAN DU BYAS NA DE YIS NI, ,RMA NAS GCIN NI 'DZAG PAR BYED, ,CES BYA BA LA, BUD MED KYI CHU SO NI MTSAN MA'I NGOS GNYIS NA CHAGS SHING GNAS LA DES NA MNGAL GYI GNAS LA BRTEN CING 'DUG PA YIN TE, DE'I PHYIR DE MYANG NAS BTZIR TE MTHO BAR GYUR PA DANG, THUNG DU DRAL BAR BYA ZHING GCIN 'BYUNG BA'I SGO LA NI GNOD PAR MI BYA STE, DE LAS GZHAN DU BYAS NA BUD MED DE'I RMA NAS GCIN 'DZAG CING 'BYUNG BAR 'GYUR RO, ,SKYES PA'I RMA NI DRAL NYES NA, ,GCIN 'DZAG PA DANG GCIG TU 'GYUR, ,ZHES BYA BA LA, SKYES PA'I RMA GAL TE DBRAL NYES SHING
, ,SBYOR BA LOG PAR GYUR NA GCIN 'DZAG PA DANG RMA'I SGO GCIG TU 'GYUR BA'I NYEN YOD DO, ,CHU SO DBRAL BA'I RDE'U RGYU, ,GCIG LAS GRUB KYI GNYIS LAS MIN, ,ZHES BYA BA LA, YANG CHU SO'I GNAS LAS RDE'U DBRAL BA'I RGYU NI PHYOGS GCIG LAS DBRAL NA LAS KYI SBYOR BA 'GRUB PAR 'GYUR GYI, PHYOGS GNYIS LAS DBRAL BAS NI LAS DE 'GRUB CING SKYON MED PAR MI 'GYUR RO, ,ZUG RNGU PHYUNG NAS CHU DRON GYI, ,NANG DU DE NI SPYINGS BAR BYA, ,DE LTAR KHRAG GIS GANG MI 'GYUR, ,ZHES BYA BA LA, KHONG DU ZUG RNGU LTAR GNOD PAR GNAS PA'I ZUG RNGU DE PHYUNG NAS SNOD CHEN PO CHU DRON GYIS GANG BA'I NANG DU DUGS BYA BA'I PHYIR, SPYINGS PAR BYA LA TSUL DE LTAR BYAS BA'I RGYUS CHU SO'I NANG DU KHRAG GIS GANG BAR MI 'GYUR RO, ,GANG LA MTSAN LAS 'O MA CAN, ,SHING GI KHU BA BTZIR BAR BYA, ,ZHES BYA BA LA, GAL TE LGANG PA DE KHRAG GIS GANG BAR GYUR NA, 'O MA CAN GYI SHING BSKOL BA'I KHU BAS PHO MTSAN GYI PHYOGS NAS DE'I GCE'U LAS KHU BA NANG DU GTANG BAR BYA ZHING CI NAS KYANG LGANG PA'I NANG DU KHRAG GIS GANG BAR MI 'GYUR BA DANG RDE'U'I PHYE MA DAG GI GNAS PA'I TSUL DU DBYUNG BAR BYA'O, ,DE NAS, DE LA 'O MA CAN GYI SHING, ,AU DUM P'A RA N+YA GRO DHA, , AA SHVADTHA DANG PI TA NA, ,PLA GA SHA LNGA PO'I 'O MA CAN, ,SHING DU 'O MA CAN GYIS BLUD, ,SHING DU SMAN PA RNAMS KYIS BSHAD, ,CES BYA BA YIN NO, ,DE NAS GCIN NI DAG BYA'I PHYIR, ,BUR MA 'GRANGS PA SBYIN PAR BYA, ,ZHES BYA BA LA, DE NAS DE'I 'OG TU GCIN DAG CING SKYON MED PAR BYA BA'I PHYIR BU RAM 'GRANGS SHING TSIM PA'I BAR DU SBYIN PAR BYA'O, ,RMA LA MAR DANG SBRANG RTZI BSKU, ,DUS GNYIS NAS THUG MAR BCAS PA, ,DRO 'JAM GCIN SKYED ZHAG GSUM BLUD, ,CES BYA BA LA, DE NAS DE'I 'OG TU NAD PA DE'I RMA SBRANG RTZI DANG MAR GYIS BSKUS LA NANG PAR DANG DGONGS KYI DUS GNYIS SU GCIN LA PHAN ZHING GCIN MANG BAR BYED PA'I SMAN RGYAL MO GA GON DANG BU SHA DANG GZEM LA SOGS PA DANG BTZOS PA'I NAS THUG MAR DANG BCAS PA CUNG ZAD TZAM ZHAG GSUM DU BLUD PAR BYA'O, ,BU RAM MANG PO'I 'O MA DANG, ,'BRAS CHAN NYUNG ZAD ZHAG BCU SBYIN, ,ZHES BYA BA LA, ZHAG GSUM
YAN CHAD NAS ZHAG BCU'I BAR DU BU RAM MANG PO BTAB PA'I 'O MA NYUNG SHAS DANG 'BRAS CHAN NYUNG SHAS SBYIN PA'O, ,DE NAS 'BRAS BU SKYUR BA DANG, ,SKAM SA'I SROG CHAGS SHA KHU SBYIN, ,ZHES BYA BA LA, ZHAG BCU 'DAS NAS DE YAN CHAD NI 'BRAS BU SKYUR PO SE'U 'BRU LA SOGS PA DANG SBYAR BA'I SKAM SA'I SROG CHAGS KYI SHA KHU DANG SBYAR BA'I 'BRAS CHAN NYUNG SHAS TZAM SBYIN PAR BYA'O, ,'O MA CAN SHING KHU BA YIS, ,RMA NI BKRUS NAS BTZOD DANG NI, ,SHING MNGAR PRA PUndA R'I KA ,SENG PHROM DKAR POS BSKU BAR BYA, ,ZHES BYA BA LA, RMA DE 'O MA CAN GYI SHING BSKOL BA'I KHU BAS RMA BKRUS NAS BTZOD LA SOGS PA'I LDE GUS BSKU BAR BYA'O, ,RMA BSKU'I SMAN NI 'DI DAG NYID, ,SKYER BCAS TIL MAR BSKOL TE BSKU, ,ZHES BYA BA LA, RMA BSKU BA NI BTZOD LA SOGS PA BSHAD MA THAG PA 'DI DAG NYID SKYER PA DANG BCAS PA TIL MAR BSKOL BA DES KYANG RMA BSKU BAR BYA'O, , 'DI YIS RMA ZHAG BCU DUGS BYA, ,ZHES BYA BA LA, YANG NAD PA'I RMA'I NANG DU SBRANG RTZI BCUG CING ZHAG BCU'I BAR DU DUGS BYA'O, ,GCIN GYI LAM NI ZHAG BDUN DU, ,RANG GI LAM NAS MA BYUNG NA, ,RDE'U 'I RMA NI ME YIS BSREGS, ,ZHES BYA BA LA, ZHAG BDUN NAS GCIN RGYU BA'I RANG GI LAM PHO MTSAN LAS BYUNG BAR MA GYUR NA RDE'U DBRAL BA'I RMA DE RMA DE SMAN PAS MES BSREG PAR BYA'O, ,RANG GI LAM NAS BYUNG GYUR NAS, ,PHAL CHER MAS GTONG MNGAR BAS GSO, ,ZHES BYA BA LA, GCIN RANG GI LAM NAS BYUNG BAR GYUR NAS, NAD PA DE LA PHAL CHER DE MANG DU MNGAR BA'I SMAN DANG BSKOL BA'I MAS GTONG BA GSUM PO MAS GTONG BA GONG MA DANG 'JAM RTZI DANG NI RU HAS GSO BAR BYA'O, ,RMA DE 'TSO BAS KYANG LO GCIG BAR, ,RI BO GLANG PO RTA DANG NI, ,SHING LA 'DZEG BAR MI BYA ZHING, ,SHING RTAR MI ZHON NYAL PO SPANG, ,CHU LA RGYAL BAR MI BYA'O, ,ZHES BYA BA LA, RDE'U BTON PA'I NAD PA DE'I RMA DE 'TSOBS SHING SOBS PAR GYUR KYANG LO GCIG GI BAR DU RI BO LA SOGS PA LA 'DZEG CING ZHON BAR MI BYED PA DANG, RKYAL BA'I BAR DU MI BYA'O, ,KHU CHU GCIN RGYU LGANG PA DANG, ,RLIG SBUBS MTSAMS SRUBS GZHANG DANG NI, ,PHO MTSAN MO MTSAN RTZE MO STE, ,BRGYAD POR MTSON
, ,NI GDAB MI BYA, ,ZHES BYA BA LA, RDE'U 'BYIN PA'I MTSON GYI LAS BYED PA, KHU CHU RGYU BA DANG, GCIN RGYU BA'I GNAS DANG LGANG PA RLIG PA'I NANG NI SBUBS MTSAMS KYI SRUBS DANG PHO MTSAN DANG MTSAN DANG MO MTSAN GYI RTZE MO 'DZAG PA'I SA BRGYAD PO DE DAG TU MTSON GYIS BTAB PAR MI BYA STE, GTZAGS BUS GDAB PA SPANG BAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS KYI LE'U BCU GCIG PA'I RNAM PAR 'GREL PA'O,, ,,DE NAS GCIN SNYI BA ZA KHU'I LE'U BSHAD PAR BYA'O, ,ZHES BYA BA LA, GO RIMS KYIS NA 'DI'I GSO BA BRTZAMS PA YIN TE, ZA KHU CAN NI STOBS LDAN LA, ,DANG PO SKYUG SMAN BKRU SMAN NI, ,SNUM CAN YUNGS KAR AA RIshtA, ,BA RU RA DANG KAR NYDZA'I, ,SNUM DANG GZE MA TIL MAR BSKOL, ,RANG SMAN JI BZHIN BSKOL BA YI, ,SNUM CAN SKYUG SMAN BKRU SMAN GTANG, ,ZHES BYA BA LA, GCIN NAD CAN GYI MI NYAMS STOBS DANG LDAN PA NI, DANG PO KHO NAR GSO BA GZHAN PAS SNGAR SKYUG SMAN DANG BKRU SMAN GTANG BAR BYA'O, ,DE YANG YUNGS KAR LA SOGS BA LAS BYUNG BA'I SNUM MAM, GZE MA LA SOGS PA'I SMAN MAR 'DI NYID KYI 'OG NAS BSHAD PA RANG GI SMAN DANG JI LTA BA BZHIN DU BSKOL BA'I TIL MAR GYIS SNUM GYI CHO GA BYA'O, ,GLA SGANG THANG SHING DONG GRA BCUG ,BYE'U RUG LA SOGS KHU BA YI, ,'JAM RTZI DE NAS GTANG BAR BYA, ,ZHES BYA BA LA, DE NAS NYAMS BRTAS LA GLA SGANG LA SOGS PA'I LDE GUR BCUG BA'I BYI'U RUG PA LA SOGS PA'I KHU BA DANG BSKOL BA'I 'JAM RTZI GTANG BAR BYA'O, ,MKHRIS PA N+YA GRO DHA LA SOGS, ,ZHES BYA BA LA, MKHRIS PA LAS GYUR BA'I GCIN NAD ZA GU LA NI N+YA GRO DHA LA SOGS PA'I SMAN DANG BSKOL BA'I 'JAM RTZI BYA'O, ,SBYANGS NAS SHA KHUS BRTA BAR BYA, ,ZHES BYA BA LA, DE'I 'OG TU SBYANGS PA BYAS PA'I GCIN NAD DE LA SKAM SA'I SHA KHUS BRTA BAR BYA'O, ,GCIN NAD DANG NI SKRAN DANG NI, ,SKEM ZHING NYAMS MI SMAD PA 'BYUNG, ,DE BAS RJES 'BREL BSRUNG BA'I PHYIR, ,ZHI BAR BYA BA GTANG BAR BYA, ,ZHES BYA BA LA, GCIN
SNYI BA'I NAD DANG LDAN PA LA KHYAD PAR DU NI GCIN SRI BA DANG, LGANG BA DANG PHO MTSAN NA BA DANG SKRAN LA SOGS BA 'BYUNG BAR 'GYUR BAS DE'I PHYIR NAD DANG RJES SU 'BREL PA DE LAS BSRUNG ZHING ZHI BAR BYA BA'I PHYIR SMAN 'OG NAS 'BYUNG BA DAG GTANG BAR BYA'O, ,SBYANG PA MA BYAS LA DE NYID, ,GCIN NAD CAN NI KUN LA BLUD, ,CES BYA BA LA, SKYUG SMAN LA SOGS BA'I SBYANG BA MA BYAS PA'I GCIN NAD CAN LA NI, SNGAR BSHAD PA'I SMAN GYI KHU BA DE DAG NYID GCIN SNYI BA'I NAD LA BLUD BAR BYA'O, ,SKYER BA SKYU RU RA BSKOL KHU, ,SBRANG RTZIR BCAS PA NAD PAR BLUD, ,CES BYA BA LA, SKYU RU RA DANG SKYER PA BSKOL BA'I KHU BA BSGRANGS PA'I NANG DU SBRANG RTZI BTAB PA BLUD PAR BYA'O, ,SKYER PA THANG SHING 'BRAS BU GSUM, ,GLA SGANG CHU BSKOL BLUD BA'ANG PHAN, ,ZHES BYA BA LA, YANG NA GCIN SNYI BA'I NAD LA SKYER PA LA SOGS PA BSKOL BA BLUD NA YANG PHAN NO, ,TZI TRA SKYER PA 'BRAS BU GSUM, ,DUG MO YUNGS NI SPRAD RTZIR BCAS, ,ZHES BYA BA LA, YANG NA KRU TRUG TRES LA SOGS PA'I SMAN BSKOL BA SBRANG RTZI DANG BCAS PA BYIN NA YANG PHAN NO, ,YANG NA SLE TRES SKYU RU RA, ,SBRANG RTZIR BCAS PA'I KHU BA'ANG PHAN, ,ZHES BYA BA LA, YANG SLE TRES SAM, SKYU RU RA BSKOL BA'I KHU BA SBRANG RTZI DANG BCAS PA BLUD NA YANG PHAN NO, ,SENG PHROM GLA SGANG KANG PA LA DANG AA RU RA, ,PA TA BYI TSER BYI DANG GA DANG AARDZU NA, ,SENG LDENG SKYER PA BYI DANG GA DANG DAR BA BSKOL, ,KHU BA GSUM PO SBRANG RTZIR BCAS BAS BAD KAN SEL, ,ZHES BYA BA LA, SENG PHROM LA SOGS PA'I TSIG RKANG GSUM GYIS SMOS PA'I SMAN BSKOL BA'I KHU BA GSUM PO DE DAG BAD KAN LAS GYUR PA'I GCIN SNYI BA'I NAD LA PHAN NO, ,MKHRIS GYUR PU SHEL SENG PHROM TZANDAN AA RDZUN, ,NIM PA BA TO LA DANG SLE TRES SKYU RU RA, ,SENG PHROM BA LA KA DANG SKYER PA DA TA KA'I, ,GSUM PO DE DAG BSKOL BA SBRANG RTZIR BCAS PA BLUD, ,CES BYA BA LA, MKHRIS PA LAS GYUR PA'I GCIN SNYI BA'I NAD LA NI DU SHEL TZI LA SOGS PA TSIG RKANG GSUM GYIS BSHAD BA'I SMAN GYI KHU BA GSUM BLUD NA PHAN NO, ,'DI DAG JI BZHIN ZAS SKOM DANG, ,NAS DANG GRO DANG SBYAR BA DANG, ,RLUNG SHAS CHE BA'I GCIN SNYI
, ,LA; ,SNUM DANG SBYAR TE SBYIN PAR BYA, ,ZHES BYA BA LA, SMAN KHUR BSKOL BA'I SMAN 'DI DAG GIS NAD DMIGS JI BZHIN DU ZAS SKOM LA SOGS PA DANG SBYAR TE BTANG BA DANG YANG PHAN LA RLUNG SHAS RGYAS PAR GYUR BA'I GCIN SNYI BA LA NI SMAN 'DI DAG NYID SNUM DANG SBYAR TE SBYIN PAR BYA'O; ,LCI BA RTA RTUG LAS BYUNG BA'AM, ,'OD MA LAS NI SKYES BA DAG ,KHUR BA ZAN DRON CHAG TSE SOGS, ,NAS LAS BYAS BA'I ZAN KYANG BAN, ,ZHES BYA BA LA, BA LANG GI LCI BA DANG RTA SBANGS LAS BYUNG BA'I NAS SAM 'OD MA LAS SKYES PA'I NAS GANG YANG RUNG BA DAG KHUR SKYA DANG ZAN DRON LA SOGS PAR BYAS TE BYIN NA YANG PHAN NO, ,RTZA 'BRU MUNGGA LA SOGS DANG, ,'BRAS RNYING DRUG CU BA RNYING PHAN, ,ZHES BYA BA LA, RTZA 'BRU'I RNAM BA DANG KHRE DANG CI TZE LA SOGS BA DANG MUNGGA LA SOGS PA GANG BU CAN GYI 'BRU'I SDE TSAN LA SOGS PA DANG, 'BRAS RNYING PA LO GCIG LON PA DANG 'BRAS DRUG CU PA RNYING PA LAS BYAS PA'I KHA ZAS KYANG GCIN SNYI BA'I NAD LA PHAN NO, ,YUNGS KAR TIL BTZIR LAS BYUNG BA'AM, ,SBYAR THUG SKYUR DANG BCAS PA'AM, ,ZHES BYA BA LA, YUNGS KAR DANG TIL BTZIR BA'I 'BA' CHA LAS G-YOS SU BYAS PA'AM, SBYAR THUG KHA LA KA ZHES BYA BA BSKYUR DANG BCAS BA YANG DE'I NAD LA PHAN NO, ,KA PID THA DANG TIN TU KA ,'DZAM BU DE SBYAR BTUNG BA DANG, ,ZHES BYA BA LA, YANG KA PID THA LA SOGS BA'I SHING THOG SBYIN PA'AM, YANG NA DE DANG SBYAR BA'I BTUNG BA RO DRUG BA ZHES BYA BA BYIN NA YANG PHAN NO, ,TSOD MA KHA BO SBRANG RTZI DANG, ,'BRAS BU GSUM ZAN BZA' BA SKAM, ,ZHES BYA BA LA, BA TO LA DANG SA BA TA LA LAS BYAS PA'I TSOD MA RO KHAB LA SOGS PA DANG BZA' BA SKAM BO STE, LA DU DANG SNUM KHUR LA SOGS PA YANG PHAN NO, ,SKAM SA'I SHA NI BSREGS PA DANG, ,SKAMS PA'AM LCAGS DANG G-YOS PA DANG, ,ZHES BYA BA LA, YANG NA SKAM SA'I SHA THUR MA LA BSKYON TE BSREGS PA BSKAMS SHING GSHER BAG MED PAR BYAS PA'AM, YANG NA LCAGS DANG GSUR ZHING G-YOS PA'I BTUNG BA 'DI NYID KYI 'OG NAS BSHAD PA YIN NO, ,RGUN CHANG CHANG RNYING MNAN CHANG RNYING, ,RGUN CHU BSKOL BA LAS BYUNG BLUD, ,CES BYA BA LA, YANG
RGUN CHANG DANG CHANG RNYING PA DANG SMAN LA SOGS PA'I KHU BA YUN RING DU MNAN PA'I CHANG YANG PHAN NO DE DAG KYANG RNYING PA KHO NA PHAN NO, ,YANG NA CHU BSKOL BA LAS GYUR PA'I RGUN CHAD BLUD NA YANG PHAN NO, ,AA SA NA SOGS BSKOL BA'I CHU, ,'JAG MA BSKOL CHU SBRANG RTZI'I CHU, ,ZHES BYA BA LA, AA NA LA SOGS PA'I SMAN GYI SDE TSAN BSKOL BA'I CHU 'AM, 'JAG MA'I RTZA BA BSKOL BA'I CHU'AM, SBRANG RTZI'I CHU BLUD NA YANG PHAN NO, ,'BRAS BU GSUM LA MTSAN MO SBANGS, ,NYIN PANG BSKAMS LA DE NAS NI, ,LEGS BAR BTAGS PA'I PHYE DAG DANG, ,BUR CHANG SBRANG RTZIR BCAS PA BLUD, ,CES BYA BA LA, YANG NA NAS KYI NANG DU 'BRAS BU GSUM BSKOL LA CHU DE MTSAN GCIG BZHAG NAS DE SPANGS LA NYIN PAR BSKAMS TE LEGS PAR PHYER BYAS TE BUR MA CHANG SBRANG RTZIR BTZOS TE BLUD NA YANG PHAN NO, ,S'A LA LO MA BDUN PA DANG, ,KAM BI LYA DANG BA RU RA, ,BRI KshA KA DANG KA PID THA, ,RO HI NI YI ME TOG NI, ,PHYER BTAGS SBRANG RTZIR BCAS SBYIN NAM, ,SKYU RU RA YI KHU BA BLUD, ,BAD KAN MKHRIS PA'I GCIN NAD SEL, ,ZHES BYA BA LA, SA LA SOGS PA LAS SKYES PA'I ME TOG PHYER BTAGS PA SBRANG RTZI DANG BCAS PAR SBYIN PA'AM, YANG NA SKYU RU RA'I KHU BA'I NANG DU S'A LA LA SOGS PA'I ME TOG BTAB STE BLUD NA BAD KAN DANG MKHRIS PA LAS GYUR PA'I GCIN SNYI BA'I NAD SEL TO, ,GZE MA SKYER PA SENG PHROM DANG, ,SHU DAG KAD PA LA AA RDZUN, ,SHUG PA LUNG THANG AA SMAN TA, ,TZANDAN DANG NI AA KA RU, ,LA LA PHUD DANG BA TO LA, ,GA DUR BONG NGA GO BYE BTZOD, ,BAD KAN RLUNG LA TIL MAR BCAS, ,MKHRIS PAR MAR DE 'DREN MAR BTZOS, ,ZHES BYA BA LA, GZE MA LA SOGS PA'I SMAN LDE GUR BYAS PA DANG, TIL MAR BSKOL BA BLUD NA RLUNG DANG BAD KAN LAS GYUR BA'I GCIN NAD SEL TO, ,MKHRIS PA LAS GYUR BA'I GCIN NAD LA NI SMAN 'DI DAG NYID MAR DU BTZOS PA SBYIN PAR BYA'O, ,NAD GZHI GSUM CHAR 'DRES PA LA NI SMAN DE DAG MAR DANG TIL MAR 'DRES MAR BTZOS TE BLUD PAR BYA'O, ,RTZA BA BCU PA ZIR DKAR, ,DAN TI THANG SHING BA SPRU GNYIS, ,SNU HA AARKA'I RTZA BA DANG, ,BHU KA'I DAM PA AA RU RA, ,GO BYE KA RANYDZA'I RTZA BA, ,BA RAN YI RTZA BA DANG, ,PI PI LING RTZA MA NU'I RTZA, ,RE RE SRANG NI BCU
, ,BCU DANG, ,NAS DANG RGYA SRAN RGYA SHUG LAS, ,BRE GSUM CHU NI BRGYAD 'GYUR DANG, ,BSKOL LA BZHI CHA LUS PA DANG, ,DE DAG PI PI LING GNYIS DANG, ,DBYI MO LCANG MA RO HI SHA, ,DUR BYID BYI DANG KAM BI LYA, ,GA BRA'I RTZA BA BCA' SGA DANG, ,MAR BRE GANG DU BSKOL BA YIS, ,GCIN SNYI'I NAD NI DE NYID DANG, ,'BRUM PHRAN DUG DANG SKYA RBAB DANG, ,KHONG 'BRAS SKRAN DANG GZHANG 'BRUM DANG, ,'OR NAD SKEM DANG DBYIG DUG DANG, ,DMU RDZING LUD PA DBUGS MI BDE, ,SLON DANG TSIL CHES MCHER BA'I NAD, ,DREG MDZE SMYO BYED BRJED BYED 'JOMS, ,MAR 'DI THANG LA 'BAR GYI YIN, ,ZHES BYA BA LA, RTZA BA BCU PA LA SOGS PA'I SMAN SNA RE RE ZHING SRANG BCU BCU NAS SOGS PA GSUM LAS BRE RE RE DE THAMS CAD KYI CHU BRGYAD 'GYUR DANG BSKOL LA DE LAS BZHI CHA LUS PA'I SMAN GYI KHU BA'I NANG DU PI PI LING RNAM GNYIS LA SOGS PA'I LDE GU DANG BCAS PA'I MAR BRE GANG BSKOL BAR BYA'O, ,MAR DE BLUD NA NI GCIN SNYI BA'I NAD DE DAG THAMS CAD DANG 'BRUM PA LA SOGS PA'I NAD 'JOMS PAR BYED DO, ,MAR 'DI NI DRANG SRONG CHEN PO THANG LA 'BAR GYIS BSHAD PA YIN NO, ,SNU HA DANG KA RANYDZA LA SOGS PA'I NI RTZA BA GZHUG PAR BYA'O, ,SENG PHROM MUR BA BYI DANG KA , ZUR PA RGYA SPOS GA BRA'I RTZA, ,CHU SRIN SEN MO DUG MO YUNGS, ,GLA BA RU RTA PRI YANG KU, ,GLA GOR ZHO SHA TZI TRA KA ,BONG NGA BI SHA LA GNYIS DANG, ,DRI BZANG BZHI DANG RTZA MKHRIS DANG, ,PU SHEL TZE DANG LA LA PHUD, ,PA TA PUshKAR M'U LA DANG, ,PI PI LING GI RTZA BA DANG, ,DBYI MO DANG NI 'BRAS BU GSUM, ,ZHO NI GNYIS GNYIS CHU BRE NI, ,BCU DRUG LA BSKOL BZHI CHA LUS, ,BTZAGS TE BSGRANGS PA'I NANG DU NI, ,SBRANG RTZI BRE DO BCUG NAS NI, ,ZLA PHYED LEGS PAR BZHAG PA YI, ,SENG PHROM MNAN CHANG GCIN SNYI DANG, ,GZHANG 'BRUM MDZE DANG YI GA 'CHUS, ,SRIN BU SKYA RBAB PHO BA'I NAD, ,TSIL CHES PA YI NAD SEL BYED, ,CES BYA BA LA, SENG PHROM LA SOGS PA'I SMAN SNA RE RE ZHING ZHO GNYIS GNYIS CHU BRE BCU DRUG GI NANG DU BSKOL LA DE LAS BZHI CHA LUS PA DANG DE TSAGS KYIS BTZAGS LA BSGRANGS PA'I NANG DU SBRANG RTZI BRE DO BCUG NAS MAR BCUG PA'I SNOD DU ZLA
BA PHYED KYI BAR DU LEGS PAR MNAN NAS BZHAG PA 'DI NI SENG PHROM GYI MNAN CHANG AA SA BA ZHES BYA BA YIN TE, DE LAS RAN PAR 'THUNGS NA GCIN SNYI BA LA SOGS PA'I NAD SEL BAR 'GYUR RO, ,AA SA NA LA SOGS PA'I SDE, ,SNA RE SRANG NI NYI SHU DAG ,CHU BRE NYIS BRGYA LNGA BCU DRUG , BSKOL BA BZHI CHA LUS PA DANG, ,BU RAM SRANG NI NYIS BRGYA DANG, ,SBRANG RTZI BRE DO GZHUG PA DANG, ,DUG MO YUNGS SOGS LDE GU NI, ,SRANG RE'I TSAD NI BCUG PA STE, ,SBRANG RTZI PI PI LING GI PHYE, ,MAR GYIS BSKUS PA'I SNOD DAG NI, ,RGYA SKYEGS BSKUS PAR BCUG NAS NI, ,NAS KYI NANG DU BCUG NAS SU, ,LCAGS NI RNO LA SRAB PA DAG ,SENG LDENG GI NI ME MDAG BSREGS, ,JI SRID LCAGS NI ZAD PA'I BAR, ,MANG DU DER NI GZHUG PAR BYA, ,LCAGS LAS BYAS PA'I CHANG MNAN BLUD, ,SNGON PAS YON TAN LHAG PA YIN, ,ZHES BYA BA LA, AA SA NA LA SOGS PA'I SMAN SNA RE RE ZHING SRANG NYI SHU NYI SHUR BYAS PA CHU BRE NI BRGYAD LA SRANG NYIS BRGYA LNGA BCU RTZA DRUG YOD DE DE'I NANG DU BSKOL BA NAS RGYA SKYEGS BSKUS SHING BYUGS PA'I SNOD KYI NANG DU BZHAG PA'I BAR DU BYAS LA DE LTAR LCAGS RNON PO LAS BRDUNGS PA'I SPYAD SRAB MO LEB LEB MOR BYAS LA SENG LDENG GI ME MDAG GIS BSREGS PA DE'I BAR DU LCAGS ZAD KYI BAR DU BCUG LA ZLA BA GSUM MAM BZHI'I NANG DU MNAN NAS DE LTA BU'I CHANG BLUD NA MNAN CHANG DE NI SNGAR GYI SENG PHROM GYI MNAN PA'I CHANG BAS YON TAN CHES LHAG PA YIN NO, ,RTZUB PA DRIL PHYIS DAM DU BSDAMS, ,DRAG SHUL MTSAN MO GNYID MI LOG ,TSIL DANG BAD KAN 'JOMS BYED GANG, ,DE NI PHYI NANG LAS BTANG PHAN, ,ZHES BYA BA LA, YANG GCIN SNYI BA'I NAD DE LA LDE GU RTZUB PAS LUS DRIL ZHING PHYIS PA DANG, DAM DU BSDAMS PA DANG, LUS NGAL ZHING DUB PA'I DRAG SHUL GYI TSAD DANG, MTSAN MO NYAL ZHING GNYID MA LOG PA DANG, GZHAN YANG BAD KAN DANG TSIL 'JOMS SHING DBRI BAR BYED PA'I KHA ZAS DANG, SPYOD LAM LA SOGS PA PHYI DANG NANG NAS BSTEN PA STE, DE THAMS CAD LA PHAN PA YIN NO, ,BRAG ZHUN SRANG BRGYA SNYING PO'I CHU, ,SPANGS PA SNYING PO'I CHU DANG NI, ,LEGS PAR BLUD CING S'A LU DANG, ,
, ,SKAM SA'I SHA KHUR BCAS PA BZA', ,BLA BRNAN SHIN TU MANG BA YI, ,GCIN SNYI'I NAD NI KUN KYANG 'JOMS, ,'BRAS PHRENG THOR BU RMEN BU DANG, ,TSIL CHES MDZE DANG MTSAN BAR RDOL, ,SRIN NAD RKANG BAM 'OR NAD SEL, ,'DI NI BCUD KYIS LEN MCHOG YIN; ,ZHES BYA BA LA, AA SA NA LA SOGS PA'I SMAN GYI SDE TSAN BSKOL BA'I CHU'I NANG DU BRAG ZHUN BZANG PO SRANG BRGYA LEGS PAR SPANGS LA BCUD KYIS LEN GYI CHO GA'I TSUL DU SNYING PO'I CHU NYID DANG BLUD LA S'A LU'I 'BRAS CHAN DANG SKAM SA'I SHA KHU DANG BCAS PA BZA' BAR BYIN NA BLA BRNAN GYI NAD SHIN TU MANG PO DANG LDAN PA YANG 'JOMS PAR BYED CING 'BRAS KYI PHRENG BA LA SOGS PA YANG SEL BAR BYED DO, ,'DI NI BCUD KYIS LEN RNAMS KYI MCHOG YIN NO, ,LAM DU DUGS DANG LHAM DAG NI, ,MED PAR DRANG SRONG TSUL DU NI, ,DPAG TSAD BRGYA YI BAR DU 'GRO ,CHU YI GNAS NI BRKO PA'AM, ,BA GCIN LCI BA BSTEN PA'AM, ,BA LANG DANG NI LHAN CIG 'KHYAMS, ,ZHES BYA BA LA, YANG GCIN NAD CAN GYI MIS DUGS DANG LHAM LA SOGS PA MED PAR GNAS SHING DRANG SRONG DAG GI TSUL DU RTZA BA DANG 'BRAS BU TZAM ZA BA DANG DPAG TSAD BRGYA'I BAR DU 'GRO BAR BYA BA DANG, DE BZHIN DU CHU'I GNAS KHRON PA LA SOGS PA BRKO BAS LUS DUB BA'AM YANG NA BA GCIN 'THUNGS SHING LCI BA ZA BA'AM, BA LANG DANG LHAN CIG 'KHYAMS SHING 'GRO BAR BYA'O, ,SKEM PA'I GCIN NAD DAG LA NI, ,ZAS DANG SMAN TSIL MI BSKYED PAS, ,ZHES BYA BA LA, GCIN NAD CAN SKEM PO DAG TSIL MI SKYE ZHING NAD PA'I KHA ZAS DANG GROL SOGS PAS BRTA BAR BYA'O, ,KHAM PHOR LA SOGS 'BRAS NAD NI, ,MA SMIN SKRANG PA'I NAD LTAR GSO, ,SMIN PA LA NI RMA LTAR GSO, ,ZHES BYA BA LA, KHAM PHOR ZHES BYA BA LA SOGS PA 'BRAS KYI NAD BCU PO MA SMIN PA DAG NI SKRANG BA'I NAD LTAR GSO BAR BYA LA SMIN PA LA NI RMA JI LTAR GSO BA DE LTAR GSO BAR BYA'O, ,DE YI SNGON BYUNG TSUL NYID LA, ,'O MA CAN SHING BSKOL CHU DANG, ,RA THUG GCIN NI BLUD PA BSNGAGS, ,GCIN SNYI'I NAD CAN LTO SRA BAS, ,PHAL CHER BKRU SMAN RNON PO GTANG, ,ZHES
BYA BA LA, THOR BU LA SOGS PA 'BRAS NAD 'DI DAG SNGAR BYUNG BA'I TSUL JI SKAD BYUNG BA'I TSE NA 'O MA CAN GYI SHING BSKOL BA'I CHU DANG RA THUG GI GCIN BLUD PA BSNGAGS SO, ,GZHAN YANG BKRU SMAN RNON PO GTANG BAR BYA STE, CI'I PHYIR ZHE NA, GCIN NAD CAN NI PHAL CHER LTO SRA BA'I PHYIR RO, ,SUG SMEL SOGS KYI TIL MAR SBYAR, ,RMA 'TSOB PA YI CHO GA BYA, ,ZHES BYA BA LA, YANG NA SUG SMEL LA SOGS PA'I SDE TSAN SKYUG SMAN LA SOGS PA'I SDE'I SKABS NAS BSHAD PA DANG, TIL MAR BSKOL BAS RMA 'TSOB BA DANG 'BYOR BA'I CHO GA BYA'O, ,DONG GRA LA SOGS SDE TSAN NI, ,BTAGS PA'I LDE GUS DRIL BAR BYA, ,ZHES BYA BA LA, YANG NA DONG GRA LA SOGS PA'I SDE TSAN GYIS DRIL BAR BYA'O, ,AA SA NA SOGS BSKOL CHU BLUD, ,DUG MO YUNGS SOGS ZAS SKOM SBYAR, ,ZHES BYA BA LA, SMAN GYI CHU BLUD PA NI, AA SA NA LA SOGS PA'I SDE TSAN BSKOL BAS BYA LA, ZAS DANG SKOM GYI SBYOR BA'I NANG DU DUG MO YUNGS LA SOGS PA'I SDE TSAN DANG SBYAR TE SBYIN PAR BYA'O, ,PA TA THAL TRES TZI TRA KA ,SHA RANG KA TA KAN TA RI, ,SAPTA PARnI DUG MO YUNGS, ,KAD PA LA DANG DONG GA'I PHYE, ,SBRANG RTZIS LDE GUR BYA BA'AM, ,LCAGS DGU PA YANG DE BZHIN SBYIN, ,ZHES BYA BA LA, PA TA DANG THAL TRES ZHES BYA BA SHA RANG LA SOGS PA'I SMAN GYI PHYE MA ZHIB TU BTAGS TE SBRANG RTZI DANG SBYAR BA LDE GUR BYA BA'AM LCAGS DGU BA'I SBYOR BSKYA RBAB GSO BA'I SKABS NAS BSHAD PA SBRANG RTZI DANG SBYAR BA'I LDE GU YANG DE BZHIN DU SBYIN PAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS LE'U BCU GNYIS PA'I RNAM PAR 'GREL PA'O,, ,,DE NAS KHONG 'BRAS DANG RGYU RLUGS KYI NANG GSO BA'I LE'U BSHAD PAR BYA'O, ,ZHES BYA BA LA, GO RIMS GYIS NA LE'U 'DI BRTZAMS PA YIN TE, KHAM BOR LTA BU LA SOGS PA'I 'BRAS KYI NAD NI GSO SLA BAS LE'U SNGA MAR BSHAD PA YIN LA, 'DI NI GSO DKA' BAS 'DI'I SKABS SU BRTZAMS PA YIN NO, ,KHONG 'BRAS MA SMIN THAMS CAD LA, ,'OR NAD LTA BUR GSO BA DANG, ,RGYUN DU
, ,KHRAG NI DBYUNG BAR BYA, ,ZHES BYA BA LA, KHONG 'BRAS KYI NAD MA SMIN PA THAMS CAD LA NI 'OR NAD JI LTA BA BZHIN GSO ZHING NAD GZHI JI LTA BA LAS RTAG PAR KHRAG RGYUN DU DBYUNG ZHING GTAR GA'I LAS BYA'O, ,SMIN PA LA NI RMA LTAR GSO, ,ZHES BYA BA LA, KHONG 'BRAS DE SMIN NAS NI DBRAL LA RMA'I GSO BA JI LTA BA BZHIN DU GSO BAR BYA'O, ,RLUNG SHAS CHE LA RTZA BA LNGA, ,BSKOL BAS RMA NI BKRU BA DANG, THANG SHING SOGS SDE SHING MNGAR DANG, ,TIL SBYAR RGYAM TSAS RMA BSKU BYA, ,ZHES BYA BA LA, KHONG 'BRAS KYI RMA RLUNG SHAS CHE BA LA NI RTZA BA LNGA BSKOL BA'I CHUS DANG POR BKRU ZHING SBYAR BA DANG, THANG SHING LA SOGS PA'I SMAN SDE DANG SHING MNGAR DANG TIL GYI LDE GU LA RGYAM TSA BSRES PAS RMA BSKU BAR BYA'O, ,BKRU SMAN DANG NI LDAN PA YI, ,DUR BYID KYIS NI RNAM SBYANGS SHING, ,BI DA RI YI SDE BSKOL BA'I, ,DUR BYID NYID KYIS RMA SBYOR BYA, , ZHES BYA BA LA, BKRU SMAN GYI TSOGS DANG LDAN PA'I DUR BYID DANG ZHUN MAR DANG TSIL DANG RKANG DANG BCAS PAS SBYANG ZHING DAG PAR BYAS LA BI DA RI'I SMAN GYI SDE TSAN DANG BSKOL BA'I DUR BYID DE NYID KYIS RMA 'BYOR CING 'TSO BAR BYA'O, ,MKHRIS GYUR 'O MA CAN CHUS BKRU, ,SLE TRES SHING MNGAR TIL GYIS BSKU, ,ZHES BYA BA LA, MKHRIS PA LAS GYUR PA'I KHONG 'BRAS KYI RMA LA NI N+YA GRO DHA LA SOGS PA 'O MA CAN GYI SHING BSKOL BA'I CHUS BKRU ZHING DE'I 'OG TU SLE TRES LA SOGS PA'I LDE GUS BSKU BAR BYA'O, ,BTZOD DANG RGYA SHUG PU SHEL TZI, ,PA YA SYA DANG SER PO GNYIS, ,'BRAS BU GSUM DANG SHING MNGAR DANG, ,'O MAR BCAS PAS RMA 'BYOR BYA, ,ZHES BYA BA LA, YANG MKHRIS PA LAS GYUR PA'I RMA DE LA BTZOD LA SOGS PA DANG BSKOL BA'I MAR GYIS KYANG BSKUS LA 'BYOR PAR BYA'O, ,YANG NA N+YA GRO DHA SOGS PA'I, ,MYU GU SHUN PA 'BRAS BU BSKU, ,ZHES BYA BA LA, YANG NA N+YA GRO DHA LA SOGS PA'I SDE TSAN GYI MYU GU DANG SHUN LPAGS DANG 'BRAS BU DANG MAR DU BSKOL BAS BSKU ZHING 'BYOR PAR BYA'O, ,BAD KAN LAS GYUR DONG GA'I CHUS, ,BKRU ZHING PHYE DANG SER PO GNYIS, ,DUR BYID DANG NI TIL GYIS BSKU, ,ZHES BYA BA LA, BAD KAN LAS GYUR PA'I RMA LA NI,
DONG GA LA SOGS PA'I CHUS BKRU ZHING 'KHRUGS PA DANG NAS PHYE DANG SER PO GNYIS LA SOGS PA'I LDE GUS BSKU BAR BYA'O, ,YANG NA RGYA SRAN DAN TI YI, ,SHA MA DUR BYID TZI TRA KA ,SENG PHROM RGYAM TSA BA GCIN BCAS, ,TIL MAR GYIS NI RMA 'TSO BA BYA, ,ZHES BYA BA LA, YANG NA RGYA SRAN KU LANGTHA ZHES BYA BA LA SOGS PA'I SMAN DANG SBYAR BA'I TIL MAR GYIS BSKUS LA RMA 'TSOB BAR BYA'O, ,KHRAG DANG GLO BUR LAS GYUR PA, ,MKHRIS PA'I KHONG 'BRAS LTA BUR GSO, ,ZHES BYA BA LA, KHRAG LAS GYUR BA DANG, GLO BUR DU SNAD PAR GYUR BA'I KHONG 'BRAS LA NI MKHRIS PA LAS GYUR PA'I KHONG 'BRAS DANG MTHUN PA'I GSO BA BYA'O, ,MA SMIN NAD DU BYUNG BA LA, ,BA RA nA SOGS SDE BSKOL BAR, ,AU SHA KA YI SDE TSAN BTAB, ,SNGA DRO KHONG 'BRAS CAN LA BLUD, ,CES BYA BA LA, KHONG 'BRAS NANG DU BYUNG ZHING SMIN PAR MA GYUR PA LA NI BA RA nA LA SOGS PA'I SDE TSAN BSKOL BA'I NANG DU AU SHA KA LA SOGS PA'I SDE TSAN GYI PHYE MA BTAB PA SNGA DRO BAD KAN GYI DUS SU BLUD NA PHAN NO, ,BKRU SMAN BCAS PAR BSKOL BA'I MAR, ,DE GNYIS DANG NI LDAN PAR BLUD, ,CES BYA BA LA, BKRU SMAN GYI SDE TSAN DANG BSKOL BA'I MAR BA RA nA SE'I SDE TSAN DANG AU SHA KA'I SDE TSAN DE GNYIS DANG LDAN PAR BLUD CING SBYIN PAR BYA'O, ,NI RU HA DANG SNUM 'JAM RTZI, ,DE DAG GNYIS LA SBYAR BAR BYA, ,ZHES BYA BA LA, YANG MA SMIN ZHING NANG DU BYUNG BA'I KHONG 'BRAS LA NI RU HA DANG SNUM GYI 'JAM RTZI MAS GTONG BA BA RA nA DANG AU SHA KA'I SDE TSAN DE GNYIS DANG SBYAR BA YANG NAD DMIGS JI LTA BA BZHIN DU SBYAR BAR BYA'O; ,BZA' DANG BTUNG DANG BSKU BA LA, ,SBRANG RTZI NA LE SHA MA DKAR SBYAR, ,NAD DMIGS JI BZHIN BLUD NA NI, ,KHONG 'BRAS MA SMIN 'JOMS PAR BYED, ,CES BYA BA LA, SBRANG RTZI LA SOGS PA'I BZA' BTUNG LA SOGS PA BTANG NA YANG PHAN NO, ,KYI LCE NIM PA 'BRAS BU GSUM, ,SHING MNGAR BU TZE SHEL CHA MNYAM, ,DUR BYID PA TO LA'I RTZA BA, ,RE RE CHA NI BZHI BAR BYA, ,SRAN CHUNG SBUN BA MED SRANG BRGYAD, ,DE BSKOL MAR DANG BCAS BA BLUD, ,KHONG 'BRAS SKRAN DANG ME DPAL DANG, ,LUS TSA RMONGS BAG MYOS RIMS 'DEBS, ,SKOM DANG
, ,BRGYA LA SLON SNYING NAD DANG, ,KHRAG MKHRIS MIG SER MDZE NAD SEL, ,ZHES BYA BA LA, KYI LCE BA LA SOGS PA CHA MNYAM PAR BYAS LA DUR BYID LA SOGS PA RDZAS SNGA MA DANG PO'I CHA LAS DPAGS TE RE RE ZHING BZHI CHA BZHI CHAR BYAS PA LA SRAN CHUNG SNUM DANG SHUN PA MED PA LAS SRANG BRGYAD BCUG STE, DE RNAMS BSKOL BA MAR DANG BSRES BA BLUD NA YANG KHONG 'BRAS LA SOGS PA'I NAD 'JOMS PAR BYED DO, ,GZHUNG RTZOM PAR BYED PA POS SBYOR BA 'DI NYID BSDUS PA LAS GZHAN DU BSHAD DE, 'BRAS BU GSUM DANG NIM PA DANG, SHING MNGAR DANG PU SHEL TZE DANG PA TO LA ZHO PHYED PHYED DUR BYID DANG KYI LCE BA ZHO GNYIS SRAN CHUNG SRANG GCIG CHU BRGYAD 'GYUR GYI NANG DU BSKOL LA BTZAGS PA'I KHU BA MAR GYIS BTAB PA BLUD PAR BYA'O, ,ZHES BSHAD DO, ,KYI LCE BA NI PHUL GANG DAG ,BRGYAD 'GYUR CHU DANG BSKOL BA NI, ,DE YI KHU BA PHUL GANG DANG, ,SKYU RU RA YI KHU BA DANG; ,'O MA MAR NI PHUL RE DANG, ,TIG TA BYI TSER KRA YAN TI, ,GLA SGANG RA MA NYE TA MA LA, ,TZANDAN AUTPAL DZI BAN TI, ,GCIG TU BSDUS TE BSKOL BA YI, ,MAR DE YON TAN SNGA MAR MTSUNGS, ,ZHES BYA BA LA, KYI LCE BA PHUL GANG ZHES BYA BA SRANG BZHI CHU PHUL BRGYAD KYI NANG DU BSKOL LA KYI LCE BA'I KHU BA PHUL GANG ZHES SMOS KYANG GSHER BA'I RDZAS 'DAB TU LCI DGOS PAS PHUL DO SKYU RU RA LA SOGS PA'I KHU BA YANG BRGYAD BRGYAD DU BYAS TE, DE'I NANG DU TIG TA LA SOGS PA ZHO GNYIS GNYIS TE DE THAMS CAD GCIG TU BSDUS NAS BSKOL BA'I SMAN MAR DE NI BSHAD MA THAG PA'I KHU BA SNGA MA DANG YON TAN MTSUNGS PA YIN NO, ,RGUN 'BRU 'BRA GO MA DU KA ,BI DA RI DANG NYE'U SHING BCAS, ,BA RU SHA KA 'BRAS BU GSUM, ,DE BTZOS KHU BA MAR BSKOL LA, ,'O MA BU RAM SHING KHU DANG, ,SKYU RU RA YI KHU BA DANG, ,AA RU RA YI LDE GUR BCAS, ,BSKOL TE BSGRANGS PA DE'I NANG DU; ,KHA RA SBRANG RTZI BZHI CHA BTAB, ,YON TAN SNGA MA 'DRAR SHES BYA, ,ZHES BYA BA LA, RGUN 'BRU LA SOGS PA'I SMAN BSKOL BA DANG, 'O MA BU RAM SHING GI KHU BA DANG, SKYU RU RA'I KHU BA CHA MNYAM PAR BYAS PA'I NANG DU AA RU RA'I LDE GU BCUG STE BSGRANGS PA'I NANG DU KHA RA DANG SBRANG RTZI DE'I
BZHI CHA BTAB STE BLUD NA YANG KYI LCE BA LA SOGS PA'I YON TAN JI SKAD SMOS PA DANG 'DRA BAR SHES PAR BYA'O, ,NAD DMIGS JI BZHIN RNGABS RVA SOGS, ,YANG NA GTAR GAS KHRAG DBYUNG BYA, ,ZHES BYA BA LA, YANG NA NANG GI ZUG RNGU'I NAD JI LTA BA LAS RNGABS RVA DANG BSKU BA DANG PAD PA LA SOGS PAS KHRAG DBYUNG BA'AM, YANG GTAR GA GDAB CING KHRAG DBYUNG BAR BYA'O, ,KHONG 'BRAS SMIN PAR GYUR PA LA, ,KHONG PAR GNAS PA PHYIR 'BUR BAR, ,SHES NAS DE NI BCING BAR BYA, ,ZHES BYA BA LA, KHONG 'BRAS SMIN CING RNAM PAR GYUR NA KHONG BAR GNAS PA DE PHYIR 'BUR BAR 'GYUR TE, DE LTAR SHES NAS DE LEGS PAR BCING BAR BYA'O, ,GZER BA DER GNAS GONG BUR 'DUG ,DE NGOS BTZIR BAS TSOR BA CHUNG, ,TSA BA LA SOGS CHUNG GYUR NA, ,SMIN PA YIN PAS KHONG 'BRAS NI, , BRTOL TE RMA LTAR GSO BAR BYA, ,ZHES BYA BA LA, GZER BA DE NYID DU GNAS GONG BU'I TSUL DU GNAS PA SNYAM BYED NA DE'I NGOS NAS RIM GYIS BTZIR BAS TSOR BA CHUNG ZHING BEM BEM POR 'GYUR BA DE BZHIN DU TSA BA LA SOGS PA YANG CHUNG BAR GYUR NA, KHONG 'BRAS DE CHUNG BA YIN PAS GTZAGS SPYAD GDAB PA'I SKABS NAS SMOS PA SMIN PA'I MTSAN NYID LTA BUS SMIN PA YIN NA DE BRTOL TE RMA GSO BA'I TSUL DU GSO BAR BYA'O, ,NANG GI CHAR GNAS KHONG 'BRAS NI, ,SMIN PA'I MTSAN MA'ANG 'DI NYID YIN, ,SMIN NAS BU GA RNAG GYUR TE, ,DE NI STENG MA 'OG TU DBYUNG, ,ZHES BYA BA LA, KHONG PA'I CHA LA GNAS PA'I KHONG 'BRAS LA YANG MTSAN MA 'DI DAG NYID 'BYUNG BA YIN LA, DE NI SMIN NAS BU GA'I NANG DU RNAGS PAR GYUR TE, STING GI SGO'AM 'OG GI SGO NAS DBYUNG NGO, ,RANG NYID RDOL BA'I NAD DE NI, ,ZAS PHAN BYIN ZHING BTANG SNYOMS BZHAG ,ZHAG BCU'AM BCU GNYIS BAR DU NI, ,SMAN PAS BLA BRNAN LAS BSRUNG BYA, ,ZHES BYA BA LA, RNAG CES BYA BA'I NAD DE GSO BA MA BYAS PAR RANG NYID SMIN CING RDOL BAR GYUR NA, RMA DE LA PHAN PA'I ZAS TZAM BYIN NAS NAD PA DE RE ZHIG MI BCOS PAR BTANG SNYOMS SU BZHAG CING ZHAG BCU'I BAR RAM BCU GNYIS KYI BAR
, ,DU BLA BRNAN GYI NAD MI 'BYUNG BAR SMAN PAS LEGS PAR BSRUNG BAR BYA'O, ,RNAG NI LEGS PAR MI 'DZAG NA, ,BA RA nA SOGS CHU DRON NAM, ,SHI KRU SBRANG RTZI BLUD PA'AM, ,DE DANG SBYAR BA'I NAS THUG BLUD, ,CES BYA BA LA, RNAG CES BYA BA'I NAD LEGS PAR 'DZAG PAR MA GYUR NA, DE 'DZAG PAR BYA BA'I PHYIR BAR nA LA SOGS PA'I SMAN GYI SDE TSAN NAM, SHI KRU DANG SBRANG RTZI SBYAR BA'I NAS THUG BLUD PAR BYA'O, ,RGYA SHUG RGYA SRAN NAS KYI NI, ,YU SHA DANG NI BZA' BA BSNGAGS, ,ZHES BYA BA LA, RGYA SHUGS LA SOGS PA LAS BYAS PA'I YU SHA DANG BZA' BA BYIN NA YANG BSNGAGS PA YIN NO, ,ZHAG BCU YAN CHAD KYI LCE BA, ,MAR RAM SENG PHROM DAG GIS NI, ,NYAMS STOBS JI BZHIN SBYANG BAR BYA, ,SBYANGS NAS TIG TA SBRANG RTZI BLUD, ,CES BYA BA LA, ZHAG BCU LON PA YAN CHAD KYI KYI LCE BA'I MAR 'DI NYID LAS BSTAN PA DANG SENG PHROM GYI MAR RLUNG NAD GSO BA'I SKABS NAS BSHAD PA DAG GIS DE SBYANG ZHING DAG PAR BYA'O, ,DE LTAR SBYANGS PA'I LAS BYAS ZIN NAS TIG TA'I SMAN MAR SBRANG RTZI DANG BCAS PA NYUNG ZAD NYUNG ZAD BLUD PAR BYA'O, ,'DI LA KUN KYANG SKRAN LTA BUR, ,NAD THABS JI BZHIN GSO BAR BYA, ,ZHES BYA BA LA, KHONG 'BRAS KYI NAD 'DI LA SKRAN JI LTAR GSO BA BZHIN DU NAD KYI DMIGS DANG SBYAR TE GSO BAR BYA'O, ,KHONG 'BRAS KUN DANG GNAS SKABS DANG, ,THAMS CAD DU NI GU GUL DANG, ,DE BZHIN BRAG ZHUN RANG RANG GI, ,SBYOR BAR BCAS TE KHU BA BLUD, ,CES BYA BA LA, KHONG 'BRAS KYI NAD THAMS CAD LA GNAS SKABS THAMS CAD DU SMIN PA DANG, MA SMIN PA DANG RMA'I GNAS SKABS THAMS CAD DU RANG RANG GI SBYOR BA 'DI NI SMOS PA DANG MA SMOS PA DAG DANG SBYAR BA'I GU GUL BSKOL BA'I KHU BA BTANG BA'AM, DE BZHIN DU RANG RANG GI SBYOR BA DANG CI RIGS PAR SBYAR BA'I BRAG ZHUN DAG BTANG ZHING SBYIN PAR BYA'O, ,'BAD DE SMIN PA LAS BSRUNG BYA, ,SMIN NA SHIN TU GSO DKA' YIN, ,ZHES BYA BA LA, KHONG 'BRAS KYI NAD NI CI NAS KYANG SMIN CING RNAG PAR MI 'GYUR BA'I TSUL DU BSRUNG ZHING GSO BAR BYA
STE; GANG GA PHYIR KHONG 'BRAS NANG DU SMIN PAR GYUR PA NI SHIN TU GSO BA DKA' BA YIN TE DE BSOD NAMS KYI DBANG LAS 'TSO BAR 'GYUR BA TZAM DU ZAD DO, ,GZHAN YANG MYUR DU TSA BYED PAS, ,KHONG 'BRAS ZHES NI DE LA BSHAD, ,CES BYA BA LA, MYUR DU TSA ZHING SMIN PAR BYED PA'I PHYIR NAD DE LA MING KHONG 'BRAS ZHES BYA BA YIN PAR BSTAN NO, ,GAL TE GCIN SNYI LAS GYUR NA, ,GCIN SNYI BA YI GSO BA BYA, ,ZHES BYA BA LA, KHONG 'BRAS KYI NYES PA DE GCIN SNYI BA'I ZA GU'I NAD LAS GYUR PA YIN NA DE LA NI GCIN NAD ZA GU'I GSO BA GANG YIN PA YANG BYA'O, ,NU MAR BYUNG LA 'DI LTAR NI, ,MI BCING THAMS CAD RMA LTAR GSO, ,ZHES BYA BA LA, NU MAR KHONG 'BRAS BYUNG BA LA NI 'DI LTAR BCING BA'I SBYOR BA JI SKAD SMRAS PA MI BYA BAR BZA' BA DANG, BTUNG BA DANG SPYOD LAM LA SOGS PA THAMS CAD RMA'I TSUL DU GSO BAR BYA'O, ,GAL TE DE BCINGS SHING DKRIS PAR GYUR NA DE'I SHA SHIN TU 'JAM PA THAMS CAD RNAGS NAS ZHIG PAR 'GYUR RO, ,DBRAL TSE NU ZHO 'DZAG PA DANG, ,NU SOR NAG POR MI GNOD BSRUNG, ,ZHES BYA BA LA, NU MA'I NU 'BRAS DE SMIN PAR GYUR NA GTZAGS BU'I LAS BYAS SHING DBRAL BAR BYA LA DBRAL BA DE'I TSE NA NU ZHO 'DZAG PA'I RTZA DANG NU SOR NAG PO'AM DE'I NYE 'KHOR NAG TIL TIL POR 'DUG PA DE LA MI GNOD CING MA PHOG PAR BSRUNGS LA GTZAGS BUS GDAB PAR BYA'O, ,MA SMIN GNAS SKABS THAMS CAD DU, ,DE YI NU ZHO BTZIR ZHING BZHO, ,ZHES BYA BA LA, MA SMIN PA DANG SMIN PA DANG PHYED SMIN PA'I GNAS SKABS THAMS CAD DU DE'I NU ZHO DE BTZIR ZHING MA LUS PAR BA ZHO BAR BYA'O, ,RGYU RLUGS RLUNG SHAS CHE BA LA, ,DUR BYID SNUM CAN GYIS SBYANG ZHING, ,AA MRA'I 'BRAS BU SENG PHROM MAR, ,AE RAndA DANG SKYID DE BA'I, ,MAR DANG SMAN MAR 'DRES MA SBYIN, ,ZHES BYA BA LA; RLUNG LAS GYUR PA'I RGYU RLUGS KYI NAD LA NI NAD PA DUR BYID SNUM DANG LDAN PAS DUGS BYAS LA SBYANG BAR BYA ZHING AA MRA'I 'BRAS BU'I MAR DANG SENG PHROM GYI MAR DANG, AE RAndA'I MAR DANG SKYID DE BA'I MAR DANG 'DREN MA'I SMAN MAR GANG YANG RUNG BAS SMIN ZHING BKRU SMAN GYIS
, ,SBYANG BAR BYA'O, ,DE NAS RLUNG 'JOMS SMAN KHU SNUM, ,LDE GUS MAS GTONG DRAG PO BYA, ,ZHES BYA BA LA, DE LTAR BKRU SMAN DRAG PO BTANG BA'I 'OG TU DES BRTAS LA RLUNG 'JOMS PA'I SMAN GYI SDE TSAN GYI BKRU SMAN DRAG PO'I SMAN KHU DANG, SNUM DANG LDE GU'I BKRU SMAN MAS GTANG BA DRAG PO NI RU HA ZHES BYA BA BYA'O, ,SHA KHUR BCAS PA'I ZAS SBYIN ZHING, ,SHING MNGAR SNUM BSKOL 'JAM RTZI BTANG, ,ZHES BYA BA LA, NAD PA DE DE LTAR NI RU HA ZHES BYAS NAS SHA KHU DANG BCAS PA'I ZAS BYIN NA DE'I 'OG TU SHING MNGAR DANG TIL MAR BSKOL BA'I 'JAM RTZI GTANG BAR BYA'O, ,RLUNG 'JOMS DUGS DANG BSKU BA BYA, ,SMIN NAS DBRAL LA RMA LTAR GSO, ,ZHES BYA BA LA, DE LA RLUNG LAS GYUR PA'I RGYU RLUGS KYI NAD LA NI RLUNG 'JOMS SHING SEL BA'I DUGS DANG BSKU BYUG THAMS CAD BYA'O, ,DE SMIN PAR GYUR NAS NI DBRAL LA GSO BA'I CHO GA RMA LTAR BYA'O, ,RGYU RLUGS KHRAG MKHRIS LAS GYUR PA, ,SMIN DANG MA SMIN JI BZHIN DU, ,RMA DANG SKRANGS PA'I GSO BA BYA, ,RGYUN DU KHRAG KYANG DBYUNG BAR BYA, ,ZHES BYA BA LA, KHRAG LAS GYUR PA DANG MKHRIS PA LAS GYUR PA'I RGYU RLUGS KYI NAD LA NI SMIN PA DANG MA SMIN PA DAG LA RMA DANG SKRANGS PA'I GSO BA BYA STE, DE YANG GO RIMS JI LTA BA BZHIN SMIN PA LA NI RMA'I TSUL DU GSO LA MA SMIN PA LA NI SKRANGS PA'I TSUL DU GSO BAR BYA'O, ,YANG NA DE LA RTAG PAR RGYUN DU KHRAG DBYUNG BAR BYA BA'I CHO GA BYA'O, ,BAD KAN LAS GYUR SKYER PA YI, ,PHYE MA BA GCIN SBYAR BA BLUD; ,CES BYA BA LA, BAD KAN LAS GYUR PA'I RGYU RLUGS KYI NAD LA NI SKYER BA'I PHYE MA BA GCIN DANG SBYAR BA BLUD PAR BYA'O, ,'DI LA MNYED BYA MA GTOGS PAR, ,BAD KAN RMEN BU'I GSO BA BYA, ,ZHES BYA BA LA, BAD KAN LAS GYUR PA'I KHONG 'BRAS KYI NAD 'DI LA NI DE MNYED CING ZHUM PAR BYA BA'I THABS MA GTOGS PA BAD KAN GYI RMEN BU GSO BA'I THABS THAMS CAD BYA'O, ,SMIN NAS DBRAL TE DZ'A TI YI, ,ME TOG GO BYE AANG KO LA, ,LO MA BDUN PA PA TO LA, ,NIM PA YUNG BA BYI DANG GA ,DUG MO YUNGS DANG TIL MAR BSKOL, ,RMA SBYANG PHYIR NI BLUD PA BSNGAGS, ,
ZHES BYA BA LA, BAD KAN LAS GYUR PA'I RGYU RLUGS SMIN PAR GYUR PA LA NI GTZAGS BUS DBRAL LA DZ'A TI'I ME TOG LA SOGS PA DANG BSKOL BA'I TIL MAR BLUD CING RMA SBYANG BAR BYA'O, ,DZ'A TI'I ME TOG NI SU MA NA'O, ,GO BYE NI BA LA TA GA'O, ,AANG KO LA NI AIR PA LA'O, ,TSIL LAS GYUR LA BYI'U RUG SOGS, ,BA GCIN SBYAR TE BTAGS PA'AM, ,MGO BO'I BKRU SMAN DAG GIS BYA, ,RLIG PA'I SRUBS MTSAMS MA GTOGS PAR, ,'PHEL GTZAGS KYIS NI DBRAL NAS SU, ,TSIL NI LEGS PAR DBYUNG BAR BYA, ,RMA NI SBRANG RTZI NAG TSUR DANG, ,RGYAM TSA NGES PAR BSKUS NAS BTZEMS, ,ZHES BYA BA LA, TSIL LAS GYUR PA'I RGYU RLUGS LA NI BYI'U RUG PA LA SOGS PA'I SDE TSAN BA GCIN DANG SBYAR TE ZHIB TU BTAGS PA'AM, MGO BO'I BKRU SMAN BA GCIN DANG SBYAR BA LEGS PAR TSOS PAS DUGS BYAS LA RLIG PA'I DBUS KYI SRUBS MTSAMS LTA BU MA GTOGS PAR 'PHEL GTZAGS KYIS DBRAL ZHING GSHAGS LA DE LAS TSIL LEGS PAR DBYUNG ZHING SKYON MED PAR BYAS LA, DE'I 'OG TU RMA SBRANG RTZI LA SOGS PAS BSKUS NAS LEGS PAR BRTZE MAS SHING DRUB PAR BYA'O, ,DE LA TSIL NI SBYANG BA'I PHYIR, ,LDONG ROS SUG SMEL SU MA NA, ,GO BYE PI PI LING M'U LA, , TIL MAR DAG NI BSKU BAR BYA, ,ZHES BYA BA LA, TSIL LAS GYUR PA'I RGYU RLUGS DE LA TSIL SBYANG ZHING DAG PAR BYA BA'I PHYIR, LDONG ROS LA SOGS PA BSKU BA'I SBYOR BA BYA'O, ,RMA NI 'BYOR BAR GYUR GYI BAR, ,SNUM DANG DUGS KYANG BSTEN PAR BYA, ,ZHES BYA BA LA, RMA 'BYOR BAR GYUR GYI BAR DU SNUM DANG DUGS DUS RTAG TU BSTEN PAR BYA'O, ,GCIN BYUNG SNUM GYIS DUGS BYA ZHING, ,RAS MA PHRA MOS DKRI BAR BYA, ,SRUBS MTSAMS 'OG TU DMU RDZING BZHIN, ,LEGS PAR DBRAL TE GZAGS PAR BYA, ,RMA BKAG BCING DANG 'BYOR BAR BYA, ZHES BYA BA LA, GCIN LAS GYUR PA'I RGYU RLUGS KYI NAD NI SNUM GYI SMAN GYIS DUGS BYAS LA DE'I 'OG TU RAS KYI CHAL PA PHRA MOS DKRIS LA SRUBS MTSAMS KYI 'OG TU DMU RDZING GI DPYAD JI LTAR BYA BA BZHIN DU 'BRAS KYI RTZE MO LTA BU'I GTZAGS BUS PHUG LA DE LEGS PAR 'DZAG TU GZHUG PAR BYA'O, ,DE NAS
, ,DE'I 'OG TU BKAG NAS SGYE'U LTA BU'I BCING BAS DKRIS LA DE RMA GSO BA'I CHO GAS DE 'BYOR BAR BYA'O, ,RGYU MA BYUNG BAR GYUR PA DAG ,RLIG PAR PHYIN PAR MA GYUR LA, ,RLUNG GI RGYU RLUGS BZHIN DU GSO, ,ZHES BYA BA LA, RGYU MA BYUNG BA LAS GYUR PA'I RGYU RLUGS LA NI RLIG PA'I GNAS SU PHYIN PAR MA GYUR GYI BAR DU RLUNG GI RGYU RLUGS LTAR DE GSO BAR BYA'O, ,BA SPRU BA NI SRANG BRGYA DANG, ,RTZA BA BCU PA AE RAndA, ,AA SHVA GAN DHA NYE'U SHING DANG, ,PA YA SYA DANG D'UR BA GNYIS, ,'DAM BU KU SHA BU RAM SHING, ,AA TA GA LAR BCAS PA NI, ,RE RE SRANG NI BCU BCU BYAS, ,CHA BRE BRGYA RTZA NYI SHU BRGYAD, ,BSKOL LA BRGYAD CHA LUS PA RU, ,DER NI BU RAM SRANG SUM CU, ,AE RAndA YI MAR BRE DO, ,'O MA MAR NI BRE DO DO, ,PI PI LING DANG DE RTZA BA, ,SHING MNGAR RGUN 'BRU LCE MYONG TSA, ,LA LA PHUD DANG DONG GRA GZHUG ,DE BTZOS SKYID DE BA ZHES BYA, ,GZHON SHA CAN GYI BCUD LEN YIN, , RLUNG DANG THAN PA LAM DU 'GRO, ,BZHON SOGS BSRUNG BA BSDAMS MI DGOS, ,SKYID DE BA DAD PHYUG PO DANG, ,BDE BA BSTEN DANG BUD MED DANG, ,BUD MED RGAN MO'I KHYO DANG NI, ,DPAL SKYED RTZOD PA ZLOG BYED CING, ,DUS KUN DU NI BRTEN GYUR NA, ,MDOG MDANGS SHA NI RGYAS BYED CING, ,RGYU RLUGS KHONG 'BRAS SKRAN GZHANG 'BRUM, ,PHO MTSAN MO MTSAN RLUNG GIS NYEN, ,'OR NAD DMU RDZING MCHIN PA DANG, ,RTUG SKAM NAD NI SEL BYED MCHOG ,CES BYA BA LA, BA SPRU BA ZHES BYA BA PU RNA RNA BA SRANG BRGYA, RTZA BCU PA LA SOGS PA SMAN RE RE ZHING SRANG BCU BCU RE STE SRANG BRGYA, CHU BRE BRGYA NYI SHU RTZA BRGYAD DE DE NI BZHI CHA BSKOL LA DE'I BRGYAD CHA STE BRE BRGYAD LUS PA DE TSAGS KYIS BTZAGS SHING BSGRANGS PA'I KHU BA DE'I NANG DU BU RAM SRANG SUM CU AE RAndA'I MAR BRE DO 'O MA BRE DO MAR BRE DO GZHUG STE, YANG BSKOL BA'I PI PI LING NAS DONG GRA'I BAR DU SNA RE RE ZHING SRANG GNYIS GNYIS LDE GUR SBYAR BA BCUG LA DE THAMS CAD GCIG TU BYAS TE BTZOS PA DE NI SKYID DE BA'I BCUD KYIS LEN ZHES BYA STE, GZHON SHA CAN GYI BCUD KYIS LEN PA YIN ZHING RNON PO YIN LA, RLUNG DANG THAN PA LA SOGS PA BSDAM BAR BYA BA THAMS CAD BSRUNG ZHING BSDAMS MI DGOS SO, ,DE NI SKYID DE BAR 'DUG PA DANG PHYUG CING
NOR MANG BA DANG BDE BA BSTEN CING SDUG MA MYONG BA DANG BUD MED DANG BUD MED RGAN MO DANG BUD MED RGAN MO'I KHYO LA SBYIN PAR BYA BA YIN LA, DE BZHIN DU BKRA MI SHIS PA BZLOG CING DPAL SKYED PA DANG, RTZOD CING 'THAB PA BZLOG CING ZHI BAR BYED PA DANG, DUS THAMS CAD DU BRTEN CING GOMS PAR BYAS NA MDOG BZANG BAR BYED PA DANG, MDANGS GSAL BAR BYED PA DANG, SHA RGYAS PAR BYED PA YIN ZHING, DE BZHIN DU RGYU RLUGS LA SOGS PA'I NAD SEL BAR BYED PA'I SMAN GYI MCHOG DAM PA YIN NO, ,SNUM GYI BKRU SMAN 'JAM RTZI YIS, ,GAL TE RGYU RLUGS MA ZHI NA, ,DANG POR 'JAM RTZI BTANG NAS NI, ,DE NAS CHU SOR GNAS PA NI, ,ZLA BA KHAM PA'I KHA 'DRA BAS, ,RLUNG LAM DGAG PHYIR BSREG PAR BYA, ,ZHES BYA BA LA, SNUM GYI BKRU SMAN DANG, 'JAM RTZI MAS GTONG BA DAG BYAS SU ZIN KYANG, GAL TE RGYU RLUGS KYI NAD DE ZHI ZHING BYANG BAR MA GYUR NA, DE'I 'OG TU DANG PO KHO NAR 'JAM RTZI'I LAS BYAS NAS DE NAS CHU SOR GNAS PA'I RGYU RLUGS TE ZLA BA KHAM PA ZHES BYA BA RTZE MO ZLA BA PHYED PA 'DRA BA'I CHA SPYAD KYIS RLUNG 'JUG CING RGYU BA'I LAM DGAG PA'I PHYIR DE LEGS PAR BSREG PAR BYA'O, ,MTHE BONG STENG GI RGYUS PA NI, ,SER ZHING SNAL MA 'DRA BA GANG; ,KHAB KYIS BTEG STE THAD KA RU, ,GANG NA NAD YOD BCAD DE BSREG ,CES BYA BA LA, LUS KYI GZHOGS PHYOGS DANG NAD DE YOD PA'I PHYOGS DE MTHE BO'I STENG GI RGYUS PA SER ZHING SNAL MA DANG 'DRA ZHING MTSUNGS PA GANG YIN PA'I RGYUS PA DE KHAB KYIS GYEN DU BTEG LA THAD KAR BCAD NAS DE'I 'OG TU BSREG PAR BYA'O, ,ZHES SMAN PA KHA CIG ZER RO, ,GZHAN DAG DE LAS LOGS GZHAN NAM, ,SRIN LAG SOR MO BSREG CES ZER, ,ZHES BYA BA LA, YANG SLOB DPON GZHAN DAG NI GANG NA YOD PA DE NI LOGS GZHAN PA CIG SHOS SU MTHE BO'I STENG GI RGYUS PA SER PO SNAL MA 'DRA BA GANG DAG YOD PA DE KHAB GYIS BTEG LA THAD KAR 'PHRED DU BCAD DE BSREG PAR BYA'O ZHES ZER RO, ,YANG NA GANG NA NAD YOD PA'I PHYOGS DE 'AM LOGS GZHAN GYI SRIN LAG GI TSIGS KYI STENG NA RTZA GANG DAG YOD PA DE SNGA MA BZHIN DU BTEG STE BSREG PAR BYA'O ZHES ZER RO, ,KHA CIG 'DI NI BAD KAN RLUNG, ,
, ,LAS GYUR SKRAN MCHER BYA ZHES ZER, ,ZHES BYA BA LA, SLOB DPON GZHAN KHA CIG NI RGYUS PA BCAD CING BSREG PA'I CHO GA 'DI DAG NI BAD KAN DANG RLUNG LAS GYUR PA'I SKRAN DANG MCHER PA'I NAD LA YANG BYA'O ZHES ZER RO, ,BI SHA TZE NAD GANG NA YOD, ,MTHE'U CHUNG SRIN LAG DAG LA BYA, ,ZHES BYA BA LA, RLUNG NAD BI SHA TZE ZHES BYA BA LA GZHOGS GANG NA YOD PA'I PHYOGS DE NYID KYI MTHE'U CHUNG DANG SRIN LAG GI STENG GI RGYUS PA SNGA MA BZHIN DU BCAD PA DANG BSREG PAR BYA'O, ,ZHES 'DOD DO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS LE'U BCU GSUM PA'I RNAM PAR 'GREL PA'O,, ,,DE NAS SKRAN NAD GSO BA'I LE'U BSHAD PAR BYA'O, ,ZHES BYA BA LA, GO RIMS LA BAB PAS NA GSO BA 'DI BRTZAMS PA YIN NO, ,RLUNG GYUR SKRAN NI MI BZAD NA, ,PHYI SA 'PHYEN NI 'GAGS GYUR NA, ,RTZUB DANG GRANG BYUNG RLUNG NAD LA, ,PHAN PA'I TIL MAR DAG GIS GSO, ,ZAS SKOM 'JAM RTZI SBYAR BA DANG, ,BSKU BYUG SNUM CHOS DUGS DPYAD BYA, ,ZHES BYA BA LA, RLUNG LAS GYUR PA'I SKRAN NI BRNAG MI BZOD PAR NA BA DANG, PHYI SA LA SOGS PA 'GAG CING SRI BAR 'GYUR BA LA SOGS PA'I MTSAN NYID CAN YIN PAS RLUNG NAD LA PHAN PAR BSHAD PA'I TIL MAR GYI SBYOR BAS GSO BAR BYA LA, DE YANG ZAS SKOM LA SOGS PA'I TSUL SNUM CHOS BYA BA DANG, DUGS BYA BAS GSO BAR BYA'O, , SBO DANG ZUG DANG RENGS PA DANG, ,'GAGS PA LA NI MCHOG TU BYA, ,ZHES BYA BA LA, GAL TE RLUNG LAS GYUR PA'I SKRAN DE SBOS PA LA SOGS PA DANG LDAN NA LHAG PAR YANG DUGS KYIS BSAL BAR BYA'O, ,SNUM CHOS DUGS NI BYAS PA YIS, ,BU GA'I RGYUN SRANG MNYEN BYED LA, ,RLUNG SHAS CHE BA GZHOM BYA ZHING, ,PHYI SA SRI BA SEL SKRAN 'JOMS, ,ZHES BYA BA LA, YANG DUGS KYI CHO GAS BU GA'I RGYUN SRANG GANG DAG 'GAGS PA THAMS CAD MNYEN CING 'JAM PAR BYA BA DANG, DE BZHIN DU RLUNG GI SHAS STOBS CHE BAR GYUR PA DE DES BSAL ZHING GZHOM PAR BYA BA DANG, DE BZHIN DU
PHYIS SRI ZHING 'GAGS LA SLA BAR BYA ZHING RLUNG GIS BSDUS PA LHOD PAR BYAS NAS SKRAN DE SNUM CHOS DANG DUGS KYI SBYOR BAS SEL BAR BYED DO, ,LTE BA YAN CHAD SKYES PA YI, ,SKRAN LA MCHOG TU SNUM BLUD PHAN, ,ZHU BA'I GNAS BRTEN 'JAM RTZI BYA, ,LTO BAR GNAS LA GNYIS KA BYA, ,ZHES BYA BA LA; SKRAN LTE BA YAN CHAD SKYES PA'I SKRAN LA NI MCHOG TU SMAN MAR LA SOGS PA'I SNUM PHAN PA YIN NO, ,ZHU BA'I GNAS LTE BA MAN CHAD GNAS SHING SKYES PA'I SKRAN LA NI KHYAD PAR DU YANG SNUM GYI 'JAM RTZI MAS GTONG BA PHAN NO, ,LTO BA'I NANG DU SKYES PA'I RLUNG LAS GYUR PA'I SKRAN LA NI SNUM BLUD PA DANG 'JAM RTZI BYA BA GNYIS KA PHAN NO, ,RLUNG CAN SKRAN NI DROD CHE LA, ,PHYI SA RLUNG NI 'GAGS GYUR LA, ,BZA' BTUNG NYAMS BRTAS BYED PA DANG, ,SNUM DANG DRO BA SBYIN PAR BYA, ,ZHES BYA BA LA, RLUNG LAS GYUR PA'I SKRAN KHONG PA'I ME DROD CHE BAR GYUR PA DANG, DE BZHIN DU PHYI SA DANG 'PHYEN ZHES BYA BA'I PHYI SA RLUNG 'GAGS PAR GYUR PA LA NI BZA' BA DANG BTUNG BA NYAMS BRTAS SHING 'TSO BAR BYED PA DANG, SNUM PA DANG DRO BA'I BAG GANG DAG YIN PA DE SBYIN PAR BYA'O, ,RLUNG GYUR SKRAN LA BAD KAN DANG, ,MKHRIS PA BSRUNG ZHING NI RU HA, ,'JAM RTZI BCAS PA'I SBYOR BA NI, , YANG DANG YANG DU BYA BA YIN, ,ZHES BYA BA LA, RLUNG LAS GYUR PA'I SKRAN LA NI SMAN PAS BAD KAN DANG MKHRIS PA MI LDANG BAR CI RIGS PAR BSRUNGS LA, BKRU SMAN DRAG PO NI RU HA MAS GTONG BA DANG, SNUM GYI 'JAM RTZI GTONG BA DANG SNUM BLUD PA'I SBYOR BA GANG DAG YIN PA YANG DANG YANG DU SBYIN ZHING GTANG BAR BYA'O, ,'JAM RTZI MCHOG TU SKRAN 'JOMS PAR, ,SHES BYA DE NI RLUNG GI NAD, ,DANG POR RANG GI GNAS SU BCOM, ,'PHRAL DU SKRAN NI SEL BAR BYED, ,CES BYA BA LA, SNUM GYI 'JAM RTZI MAS GTONG BA'I GNAS PAS KYANG KHYAD PAR DU SKRAN 'JOMS PAR SHES SHING RTOGS PAR BYA STE GANG GI PHYIR 'JAM RTZI'I LAS DES RLUNG GI NAD GANG DAG YIN PA DE DANG PO KHO NAR RANG GI GNAS SU BCOM ZHING BSAL BAR BYAS NAS 'PHRAL DU DE'I MOD LA SKRAN SEL ZHING 'JOMS PAR BYED DO, ,DE BAS SKRAN LA RGYUN DU NI, ,MAS GTONG DRAG PO 'JAM RTZI BCAS, ,BTANG BAR
, ,GYUR PAS RLUNG BAD KAN, ,MKHRIS PA'I BDAG NYID CAN RNAMS SEL, ,ZHES BYA BA LA, GANG GI PHYIR 'JAM RTZI DE LTAR YON TAN CHE BA DE'I PHYIR SKRAN LA NI RGYUN DU YANG DANG YANG MAS GTONG BA DRAG PO NI RU HA ZHES BYA BA 'JAM RTZI DANG BCAS BAR BTANG NA RLUNG DANG BAD KAN DANG MKHRIS PA LAS GYUR PA'I BDAG NYID CAN GYI SKRAN RNAMS SEL ZHING ZHI BAR 'GYUR RO, ,SHING KUN DANG NI TSA BA GSUM, ,RTZABS RU TSA DANG KHA RU TSA, ,SE'U 'BRUM NU GO SNYOD DANG, ,ZI RA 'U SU LA LA PHUD, ,STAR BU YA BAKshA RA DANG, ,ZUR PA SHU DAG TZI TRA KA ,AA ZA GAN DHA SUG SMEL DANG, ,BYI'U RUG PA NI ZHO DANG BCAS, ,MAR BSKOL RLUNG GI SKRAN SEL ZHING, ,GZER DANG LTO SBOS 'JOMS PAR BYED, ,CES BYA BA LA, SHING KUN LA SOGS PA'I LDE GUR BYAS PA ZHO DANG BCAS PA DANG MAR BSKOL BA DE BLUD NA RLUNG LAS GYUR PA'I SKRAN DANG GZER LA SOGS PA 'JOMS PAR BYED DO, ,SPA MA'I 'BRAS BU TSA BA GSUM, ,ZI RA GO SNYOD TSA BA LNGA, ,AA ZA MO DANG LCE MYANG TSA, ,ZHO DANG 'O MA MAR DANG NI, ,SE'U 'BRU LA PHUG RGYA SHUG GI ,KHU BA BSKOL BAS RLUNG GI NI, ,SKRAN DANG DMU RDZING LTO SBOS DANG, ,RTZIB LOGS SNYING DANG LTO BA GZER, ,MNGAL NANG GZHANG 'BRUM PHO BA'I NAD, , LUD PA DBUGS MI BDE BA DANG, ,RIMS NAD YI GA 'CHUS PA 'JOMS, ,ZHES BYA BA LA, SPA MA'I 'BRAS BU LA SOGS PA LDE GUR BYAS PA DANG ZHO DANG 'O MA SE'U 'BRU'I KHU BA DANG LA PHUG SKAM PO BSKOL BA'I KHU BA DANG RGYA SHUG GI KHU BA STE, DE DAG THAMS CAD CHA MNYAM PA DANG MAR BSKOL BA DE BLUD NA RLUNG GI SKRAN LA SOGS PA 'JOMS PAR BYED DO, ,RTZA BA BCU PA SU SHA PI, ,PA LA SHA KA MA NU DANG, ,BA SPRU BA GNYIS AE RAndA, ,RA SNA AA SHVA GAN DHA DANG, ,GA BRA'I RTZA BA ZUR PA DKAR, ,SLE TRES GAN DHA PA LA SHA, ,SRANG NI GNYIS GNYIS TSAD BYAS DANG, ,NYI SHU RTZA BRGYAD NANG DU BSKOL, ,NAS DANG RGYA SHUG RGYA SRAN DANG, ,MA SHA BRE RE LHAN CIG TU, ,CHU BRE BCU DRUG NANG DU BSKOL, ,KHU BA DER ZHO BRE BZHI DANG, ,MAR BRE GANG DANG SLAR BSKOL LA, ,SE'U 'BRU AA MRA TA KA DANG, ,KHA LUNG KHU BA BRE RER BCAS, ,DE BZHIN RTZAB MO SKYUR RTZABS TSVA, ,G-YER
MA SHU DAG GA BRA'I RTZA, ,RA SNA PI PI LING RTZA BA, ,TZI TRA KA DANG 'U SU DANG, ,YA BA NA GA LA LA PHUD, ,STAR BU ZI RA NAG PO DANG, ,GO SNYOD ZI RA SPA MA'I 'BRAS, ,KA RA BI RA ZANGS RTZI BA, ,AU SHA KA DANG DUR BYID DANG, ,DAN DA MUR BA BYI DANG GA ,SE'U 'BRU HASTI PI PI LING, ,GZE MA SPANG SPOS SRU SRU'I RTZA, ,GA GON RGYAL MO GA GON GYI, ,SA BON SHU TI THAL SMAN GNYIS, ,BYE'U RUG PA DANG THAL TRES DANG, ,NI LI NI LI'I 'BRAS BU DANG, ,LAN TSVA GSUM DANG TSA BA GSUM, ,BCAS PA'I ZHO YI SMAN MAR DES, ,SNGAR BSHAD NAD NI GSO DKA' DANG, ,BRJED BYED SMYO BYED GCIN SRI DANG, ,RLUNG NAD GZHANG 'BRUM MYUR DU 'JOMS, ,ZHES BYA BA LA, RTZA BA BCU LA SOGS PA'I SMAN SNA RE RE ZHING SRANG GNYIS GNYIS, NAS DANG RGYA SHUG DANG RGYA SRAN KU LANGTHA DANG MON SRAN GRE'U BRE BCU DRUG LA DRON GCIG YOD DO, ,DE'I NANG DU BSKOL LA SMAN GYI KHU BA BZHI CHA LUS PA DANG; DE ZHO BRE BZHI DANG MAR BRE GANG DANG, SE'U 'BRU'I KHU BA BRE GANG AA MRA TA KA'I KHU BA BRE GANG DANG, KHA LUNG ZHES BYA BA MA DU LUNG GI KHU BA BRE GANG BCAS PA DANG, DE BZHIN DU NAS SO BA'I RTZAB MO BRE GANG DANG, SKYUR RTZABS ZHES PA KAN DZI BRE GANG DANG, DE BZHIN DU G-YER MA LA SOGS PA'I SMAN ZHIB TU BTAGS PA MAR GYI BZHI CHAR BYAS PA DANG BSRES LA BSKOL BA'I SMAN MAR DE NI ZHO'I SMAN MAR ZHES BYA STE, ZHO DANG BSKOL BAS MING DE SKAD CES BYA'O, ,SMAN MAR DE BLUD PAS NI SNGAR BSHAD PA'I NAD GSO DKA' BA RLUNG GI SKRAN LA SOGS PA BSHAD MA THAG PA RNAMS DANG BRJED BYED LA SOGS PA'I NAD MYUR DU 'JOMS PAR BYED DO, ,KA RA BI RA NI TZIN TRA BI ZA ZHES BYA'O, ,ZANGS RTZI BA NI BRI SHA BA'O, ,AU SHA KA NI MU SHA PARnI STE RTA'I RNA BA 'DRA'O, ,DAN DA NI DAN DI'O, ,LAN TSVA GSUM NI KHA RU TSA SNA GNYIS DANG LCE MYANG TSA'O, ,GZHAN DAG NI GO BAR ZAD DO, ,TSA BA GSUM DANG 'BRAS BU GSUM, , 'U SU DBYI MO BYI DANG GA ,TZI TRA KA NI LDE GUR BYAS, ,'O MA MAR BSKOL RLUNG SKRAN 'JOMS, ,ZHES BYA BA LA, TSA BA GSUM LA SOGS PA'I SMAN GYI LDE GU DANG 'O MA DANG, MAR TSUL BZHIN DU BSKOL BA'I SMAN MAR GYIS KYANG RLUNG LAS GYUR PA'I SKRAN 'JOMS PAR BYED DO, ,SGOG SKYA'I RTZA BA SRANG
, ,BRGYA DANG, ,RTZA BA CHEN PO SRANG LNGA LNGA, ,CHU SRANG STONG DANG DE BSKOL LA, ,BZHI CHA LUS PAR PHYED SE'U 'BRU'I, ,KHU BA CHANG DANG 'BRAS KHU SKYUR, ,ZHO RNAMS DE YI PHYED PHYED DANG, ,TSA BA GSUM DANG 'BRAS BU GSUM, ,SHING KUN DBYI MO LA LA PHUD, ,DBYI MONG STAR BU LCE MYANG TSA, ,THANG SHING SRANG NI PHYED PHYED DANG, ,MAR NI BRE GANG BCAS PAR BSKOL, ,RLUNG LAS GYUR PA'I SKRAN KUN 'JOMS, ,ZHES BYA BA LA, SGOG SKYA'I RTZA BA SHUN PA BSHUS PA SRANG BRGYA DANG RTZA BA CHEN PO LNGA SNA RE RE ZHING SRANG LNGA LNGA, CHU SRANG STONG ZHES BYA BA BRE DRUG CU RTZA GSUM TZAM DANG BSKOL LA, BZHI CHA LUS PAR GYUR PA DE'I PHYED DANG SNYOMS PA'I SE'U 'BRU'I KHU BA DANG CHANG DANG 'BRAS KHU'I RANG SKYUR KAN DZI ZHES BYA BA DANG ZHO RNAMS DANG BSRES LA TSA BA GSUM LA SOGS PA SRANG PHYED PHYED BTAGS PA'I PHYE MA BTAB PA THAMS CAD MAR BRE GANG DANG BSKOL BA'I SMAN MAR DES NI RLUNG LAS GYUR PA'I SKRAN GYI NAD JI SNYED PA THAMS CAD 'JOMS PAR BYED DO, ,GCONG CHEN SKABS SU GANG BSHAD PA'I, ,SRANG DRUG PA YI MAR YANG BLUD, ,CES BYA BA LA, YANG NA SNGAR GCONG CHEN GSO BA'I SKABS SU BSHAD PA'I SRANG DRUG PA'I SMAN MAR ZHES BYA BA BLUD NA YANG SKRAN LA PHAN NO, ,'O MA'I SKYIN PAR CHANG DANGS SAM, ,SE'U 'BRU ZHO SPRIS SBYAR BA'I MAR, ,RLUNG LAS GYUR PA'I SKRAN SEL TO, ,ZHES BYA BA LA, YANG MAR DANG 'O MA BSKOL BA'I SKABS SU 'O MA'I SKYIN BAR CHANG GI DANGS MA'AM, SE'U 'BRU'I KHU BA'AM, ZHO'I SPRIS MA BCUG LA DE DANG BTZOS PA'I MAR GYIS KYANG RLUNG LAS GYUR PA'I SKRAN SEL TO, ,RLUNG GI SKRAN LA BAD KAN 'PHEL, ,DROD NYAMS YI GA 'CHUS PA DANG, ,SNYING RGAL KHONG LCI SNYOM GYUR PA, ,DE LA SKYUG SMAN GTANG BAR BYA, ,ZHES BYA BA LA, RLUNG LAS GYUR PA'I SKRAN LA GAL TE BAD KAN 'PHEL ZHING RGYAS PAR GYUR PAS KHONG PA'I ME DROD NYAMS PA LA SOGS PA SKYE BAR GYUR PA DE'I TSE DE LA SKYUG SMAN BTANG BAS BAD KAN DE BSAL BAR BYA'O, ,GZER DANG LTO SBOS BSHANG SRI LA, ,GNAS SHES BYAS NAS SNUM BCAS PA'I, ,SMAN MAR SMAN GYI PHYE MA DANG, ,KHU BA RI LUR BYAS PA
NI; ,RGYA SHUG SE'U 'BRU CHU DRON DANG, ,DAR BA CHANG DANG SKYUR RTZABS DANG, ,CHANG DANG BCAS PA NANG PAR BLUD, ,CES BYA BA LA, YANG NA DES SKYED PA'I GZER LA SOGS PA'I NAD LA LTO SRA SNYI'I GNAS SHES PAR BYAS NAS SNUM DANG BCAS PA SBYAR BA'I SMAN MAR GYIS BZLAS MA THAG PA'I PHYE MA DANG BSKOL BA'I KHU BA DANG RI LUR BYAS NAS RGYA SHUG GI KHU BA'AM, SE'U 'BRU'I KHU BA'AM, CHU DRON LA SOGS PA GANG YANG RUNG BA BLUD PAR BYA'O, ,YANG NA PHYE MA LA SOGS PA, ,THUG PA SLA BOR BYAS PA NI, ,NANG BAR YANG NA ZAS SNGON BLUD, ,CES BYA BA LA, YANG NA SMAN MAR GYI PHYE MA LA SOGS PA'I SMAN DE DAG THUG PA SLA BA DANG SBYAR TE NANG PAR GYI DUS SU SBYIN PAR BYA BA'AM, ZAS MA ZOS PA'I THOG MAR SBYIN PAR BYA'O, ,PHYE MA KHA LUNG KHU BA DANG, ,LAN MANG SBRUS PAR GYUR PA NI, ,LAS NI BYED PAR NUS GYUR PA'I, ,RI LUS RLUNG DANG BAD KAN 'JOMS, ,ZHES BYA BA LA, SMAN MAR GYI SMAN DU BSHAD PA'I PHYE MA DANG, 'OG NAS BSHAD PA'I SMAN GYI PHYE MA KHA LUNG GI KHU BA DANG, LAN MANG DU SBRUS SHING BSGOS PAR GYUR PA RI LUR BYAS PAS SKRAN 'JOMS PAR BYED PA'I LAS BYED PAR NUS SHING KHYAD PAR DU YANG RLUNG DANG BAD KAN LAS GYUR PA'I SKRAN 'JOMS PA YIN NO, ,SHING KUN SHU DAG AA RU RA, ,AA ZA GAN DHA SE'U 'BRU DANG, ,'U SU PA TA TI MU SA, ,MA NU ZUR PA DKAR PO DANG, ,SPA MA'I 'BRAS BU TZI TRA KA ,THAL SMAN GNYIS DANG LAN TSVA GNYIS, ,TSA BA GSUM DANG ZI RA DANG, ,DBYI MO DA TRIG STAR BU'I PHYES, ,RLUNG DANG BAD KAN LAS GYUR PA'I, ,SNYING GA RTZIB LOGS CHU SO DANG, ,MJUG TO MNGAL DANG CHU SOR GZER, ,BAD KAN RLUNG LAS GYUR PA'I NAD, ,GSO DKA' SKRAN DANG 'PHYEN DANG NI, ,GCIN DANG PHYIS 'GAGS PA DANG, ,LKOG MA 'GAGS SHING NA BA DANG, ,SKYA RBAB YI GA 'CHUS PA DANG, ,MCHER PA GZHANG 'BRUM SKYIGS BU DANG, ,RGYU RLUGS LTO SBOS ME DROD NYAMS, ,LUD PA DBUGS MI BDE RNAMS SEL, ,ZHES BYA BA LA, SHING KUN LA SOGS PA'I SMAN GYI PHYE MAR BYAS PAS NI RLUNG DANG BAD KAN LAS GYUR
, ,PA'I SNYING GA DANG RTZIB LOGS LA SOGS PA GZER BA 'JOMS SHING GSO DKA' BA'I SKRAN LA SOGS PA DANG LKOG MA BAD KAN GYIS 'GAGS SHING SUB PA LA SOGS PA 'JOMS PAR BYED DO, ,AA ZA GAN DHA NI PA SHU DAN DA'O, ,TI MU SA NI AI ZA MO DA DANG NI BYA KA ZHES BYA'O, SBA MA'I 'BRAS BU NI HA PU SHA'O, ,THAL SMAN GNYIS NI SVA RDZI KA KshA RA DANG YA BAKshA RA'O, ,RGYAM TSA DANG NI LA LA PHUD, ,AA ZA MO DANG PI PI LING, ,DONG GRA RIM BZHIN CHA RES BSKYED, ,THAMS CAD DANG NI CHA MNYAM PA'I, ,AA RU RA BSRES PHYE MA 'DI, ,ME NI MNGON SUM NYID YIN NO, , ZHES BYA BA LA, RGYAM TSA LA SOGS PA'I SMAN GO RIMS BZHIN DU PHYE MA CHA RE RES BSKYED PA'I PHYE MA AA RU RA DANG CHA MNYAM PAR BYA BA STE, DES NA RGYAM TSA ZHO GCIG ,LA LA PHUD ZHO GNYIS, AA ZA MO DA ZHO GSUM, PI PI LING ZHO BZHI, DONG GRA ZHO LNGA, DE KUN SPYIR BSDOMS PA DANG AA RU RA CHA MNYAM PA'I PHYE MA 'DI NI ME LTA BU'I PHYE MA ZHES BYA STE ME MNGON SUM PA NYID DANG NUS PA 'DRA BA YIN NO, ,TSA BA GSUM DANG TI MU SA, ,RGYAM TSA DANG NI ZI RA GNYIS, ,CHA MNYAM SHING KUN BRGYAD CHA'I PHYER, ,MAR BSRES KHAM GYI DANG POR ZOS, ,ME DROD DRAG PO SKYED BYED CING, ,RLUNG GI SKRAN NI 'JOMS PAR BYED, ,CES BYA BA LA, TSA BA GSUM LA SOGS PA'I SMAN CHA MNYAM BAR BYAS LA SHING KUN CHA BRGYAD PAR BYAS PA STE, DE NAS TSA BA GSUM LA SOGS PA'I SMAN CHA BDUN DANG SHING KUN CHA BRGYAD PAR BYA BA'AM, YANG NA SRANG GI BCU CHAR SMAN GYI CHA BGOS LA, SHING KUN DE'I BRGYAD CHAR BYAS PA'I DON TO, ,DE LTA BU'I PHYE MA NI SHING KUN BRGYAD PA'I PHYE MA ZHES BYA STE, DE MAR DANG BSRES PA ZAS KYI KHAM GYI DANG PO DANG LHAN CIG ZOS NA DES ME DROD DRAG PO SKYED PAR BYED CING RLUNG LAS GYUR PA'I SKRAN 'JOMS PAR BYED PA YIN NO, ,SHING KUN SHU DAG KHA RU TSA, ,DONG GRA DANG NI LA LA PHUD, ,RNAM RGYAL MA NU RU RTA DANG, ,DUR BYED DAN DA'I RTZA BAR BCAS, ,CHA RES BSKYED PA'I PHYE MA 'DI, ,CHU DRON SBYAR 'THUNGS LTO BA'I NAD, ,SKRAN DANG DMU RDZING LA SOGS PA, ,SENG GES
RI DAGS TSOGS RNAMS NI, ,MTHU RTZAL GYIS NI ZIL GNON LTAR, ,NAD RNAMS 'JOMS PAR BYED PA YIN, ,ZHES BYA BA LA, SHING KUN LA SOGS PA'I SMAN PHYI MA PHYI MA BZHIN DU CHA RES BSKYED PA PHYE MAR BTAGS PA NI SENG GE LTA BU ZHES BYA BA'I PHYE MA YIN TE CHU DRON DANG SBYAR TE BLUD PA DES NI LTO BA'I NAD LA SOGS PA 'JOMS PAR BYED DE, DPER NA SENG GES RI DAGS KYI TSOGS MTHU RTZAL GYI STOBS KYIS ZIL GYIS GNON PAR BYED DE GSOD PAR BYED PA DANG 'DRA BAR NAD KYI TSOGS DE DAG 'JIG CING 'JOMS PAR BYED DO, ,DE LA CHA RES BSKYED PA'I DON NI 'DI YIN TE SHING KUN ZHO GCIG SBYOR NA, SHU DAG ZHO GNYIS, KHA RU TSA ZHO GSUM, DONG GRA ZHO BZHI, LA LA PHUD ZHO LNGA, AA RU RA RNAM PAR RGYAL BA ZHO DRUG ,MA NU ZHES BYA BA PUshKAR M'U LA ZHO BDUN, RU RTA ZHO BRGYAD, DUR BYID ZHO DGU, ,DAN DA ZHO BCU DANG SBYAR BAR BYA'O, ,LCE MYANG TSA DANG PI PI LING; ,AA ZA MO DANG AA RU RA'I, ,PHYE MA CHU DRON SBYAR BLUD NA, ,SKRAN CAN BAD RLUNG LAS GYUR TSOGS, ,LCAGS MDAS PHUG PA BZHIN DU 'JOMS, ,ZHES BYA BA LA, LCE MYANG TSA LA SOGS PA'I PHYE MA CHU DRON MO DANG SBYAR TE BLUD NA, SKRAN CAN GYI RLUNG DANG BAD KAN LA SOGS PA'I NAD KYI TSOGS RNAMS 'JOMS PAR BYED DO, DPER NA LCAGS MDA' ZHES BYA BA'I MTSON GYI BYE BRAG GIS SROG CHAGS 'GA' ZHIG LA BSNUN NA 'CHI BAR BYED PA DANG 'DRA'O, ,DE BAS NA PHYE MA 'DI LA LCAGS MDA' LTA BU'I PHYE MA ZHES BYA'O, ,KA RANYDZA YI LO MA DANG, ,AIN DRA BA RU nA DBYI MO, ,KRU TRUG TRES DANG BCA' SGA DANG, ,PI PI LING DANG NA LE SHAM, ,MA LUS RIM BKOD RGYAM TSAS BKAB, ,BSREGS LA BTAGS TE ZHO DANG NI, ,ZHO GA CHUR SBYAR BLUD BA DAG ,SKRAN DANG DMU RDZING 'OR NAD DANG, ,SKYA RBAB GZHANG 'BRUM NAD RNAMS SEL, ,ZHES BYA BA LA, KA RANYDZA'I LO MA NI BU TI KA'I LO MA'O, ,AIN DRA BA RU nA NI GARDZA RTZIR BYED DO, ,GZHAN DAG NI GO BAR ZAD DE GO RIMS BZHIN DU BKOD CING JI SKAD SMOS PA'I TSUL DU BZHAG LA KUN GYI STENG DU RGYAM TSA BZHAG CING DES STENG NAS BKAB LA DE'I 'OG TU BSREGS LA BTAGS TE ZHO DANG
, ,ZHO GA CHU DANG SBYAR TE BLUD PAS SKRAN LA SOGS PA'I NAD RNAMS 'JOMS PA YIN NO, ,SHING KUN SUM 'GYUR RGYAM TSA DANG, ,DE LAS AE RAndA YI MAR, ,SUM 'GYUR DE LAS SGOG SKYA YI, ,KHU BA SUM 'GYUR SBYAR BA DAG ,BLUD NA SKRAN DANG DMU RDZING DANG, ,RGYU RLUGS GZER GYI NAD 'JOMS 'GYUR, ,ZHES BYA BA LA, SHING KUN GYI SUM 'GYUR BYAS PA'I RGYAM TSA DANG, DE LAS AE RAndA'I MAR SUM 'GYUR DU BYAS PA DANG, AE RAndA'I MAR LAS SGOG SKYA'I KHU BA SUM 'GYUR DU BYAS PA DANG MA LUS PAR GCIG TU BYAS NAS BLUD NA SKRAN LA SOGS PA'I NAD 'JOMS PAR 'GYUR RO, ,DE NI 'DI SKAD STON TE, SHIN KUN CHA GCIG ,RGYAM TSA CHA GSUM, AE RAndA'I MAR CHA DGU, SGOG SKYA'I KHU BA CHA NYI SHU RTZA BDUN SBYAR BAR BYA'O, ,KHA LUNG KHU BA SHING KUN DANG, ,SE'U 'BRU RGYAM TSA KHA RU TSA, ,CHANG GI DANGS MAR SBYAR BLUD NA, ,RLUNG LAS GYUR PA'I SKRAN NAD SEL, ,ZHES BYA BA LA, KHA LUNG GI KHU BA LA SOGS PA CHANG GI DANGS MA DANG SBYAR TE BLUD NA YANG RLUNG LAS GYUR PA'I SKRAN GYI NAD RNAMS 'JOMS SO, ,BCA' SGA ZHO GNYIS BU RAM ZHO, , BZHI DANG TIL NAG BKRUS SRANG GCIG ,GCIG TU PHYE MAR BTAGS BYIN ZHING, ,'O MA DRO 'JAM RJES BLUD NA, ,RLUNG GI SNYING NAD SKRAN GZHANG 'BRUM, ,MNGAL GZER RTUG PA 'GAGS PA SEL, ,ZHES BYA BA LA, BCA' SGA ZHO GNYIS, BU RAM ZHO BZHI, TIL NAG PO BKRUS TE SBUN PA MED PAR BYAS PA SRANG GCIG STE, DE THAMS CAD GCIG TU PHYE MAR BTAGS PA BYIN LA 'O MA BSKOL BA CUNG ZAD DRO BA DE'I RJES LA BLUD NA RLUNG GI SNYING NAD LA SOGS PA SEL BAR BYED DO, ,RLUNG GYUR SKRAN LA AE RAndA'I, ,MAR NI CHANG DANGS SBYAR BA BLUD, , BAD RLUNG 'DRES LA'ANG DE NYID BLUD, ,MKHRIS PA 'DRES PA'ANG 'O MAR BCAS, ,ZHES BYA BA LA, RLUNG LAS GYUR PA'I SKRAN BAD KAN DANG 'DRES PAR GYUR PA LA NI CHANG DANGS MA DANG SBYAR TE BLUD PAR BYA'O, ,MKHRIS PA DANG RLUNG 'DRES PAR GYUR PA LA AE RAndA'I
TIL MAR DE NYID 'O MA DANG BCAS PAR BLUD PAR BYA'O, ,GAL TE MKHRIS PA 'PHEL GYUR TE, ,TSA GYUR RLUNG GI SKRAN CAN LA, ,MTHUN PAR RJES SU 'BYIN BYED PA'I, ,SNUM BCAS BKRU SMAN GTANG BAR BYA, ,ZHES BYA BA LA, RLUNG GI SKRAN GYI NAD PA LA GAL TE MKHRIS PA 'PHEL BAR GYUR TE, TSA BA'I NAD SKYES PAR GYUR NA RLUNG GI SKRAN CAN GYI NAD PA DE LA RJES SU MTHUN PAR 'BYIN CING 'KHRU BAR BYED PA'I BKRU SMAN SNUM DANG BCAS PA BYIN LA 'KHRUR GZHUG BAR BYA'O, ,DES KYANG TSA BA MA BRI NA, ,DE LA GTAR GA GDAB PAR BYA, ,ZHES BYA BA PA; DE DE LTAR BKRU SMAN BTANG DU ZIN KYANG MKHRIS PA'I TSA BA DE NI ZHI BAR MA GYUR NA GTAR GA GDAB LA KHRAG DBYUNG BAR BYA'O, ,SGOG SKYA SKAM PO BSHUS PA NI, ,SRANG BZHI CHU DANG 'O MA NI, ,BRGYAD 'GYUR GYI NI NANG DU BSKOL, ,'O MA MA LUS PAR BLUD NA, ,RLUNG GYUR SKRAN DANG RTUG 'GAGS DANG, ,RLUNG NAD GZUGS 'KHUMS MI BZAD RIMS, ,SNYING NAD KHONG 'BRAS ZAD BYED RNAMS, ,'O MA DE YIS RAB TU 'JOMS, ,ZHES BYA BA LA, SGOG SKYA SHUN PA LEGS PAR BSHUS SHING BSKAMS PAR GYUR PA SRANG BZHI CHU DANG 'O MA BSKOL BA'I BRGYAD 'GYUR GYI NANG DU BSKOL LA, DE LAS 'O MA MA LUS PAR BLUD PAR GYUR NA, RLUNG LAS GYUR PA'I SKRAN LA SOGS PA 'JOMS PAR 'GYUR RO, ,TIL MAR CHANG DANGS BA GCIN DANG, ,RANG SKYUR YA BAKshA RAR BCAS, ,BLUD NA SKRAN DANG DMU RDZING DANG, ,LTO SBOS CIG CHAR 'JOMS PAR BYED, ,CES BYA BA LA, TIL BTZIR BA'I TIL MAR CHANG LA SOGS PA THAMS CAD GCIG TU SBYAR TE BLUNG NA YANG SKRAN LA SOGS PA 'JOMS PAR BYED DO, ,TZI TRA PI PI LING M'U LA, ,BCA' SGA SHING KUN AE RAndA, ,RGYAM TSA KHA RU TSAR BCAS PA; ,BSKOL BA BLUD NA GZER BA DANG, ,LTO SBOS RTUG 'GAGS SEL MCHOG YIN, ,ZHES BYA BA LA, TZI TRA KA LA SOGS PA BSKOL BA BLUD NA YANG GZER BA LA SOGS PA 'JOMS PA'I MCHOG YIN NO, ,MA NU AE RAndA'I RTZA BA, ,NAS DANG BYI TSER BA SHA KA ,CHU
, ,DANG BSKOL TE BLUD NA NI, ,LTO NAD SBOS DANG GZER 'JOMS BYED, ,CES BYA BA LA, MA NU LA SOGS PA BSKOL BA'I KHU BA BLUD NA YANG LTO BA'I NAD LA SOGS PA 'JOMS PAR BYED DO, ,MA NU AE RAndA 'JAG MA'I, ,RTZA BA THANG SHING BCA' SGA RNAMS, ,CHU DANG BSKOL BA'I KHU BA BLUD, ,KHONG PA PHRAG PA RGYAB GZER 'JOMS, ,ZHES BYA BA LA, YANG NA MA NU ZHES BYA BA PUshKAR M'U LA SOGS PA BSKOL BA'I KHU BA BLUD NA YANG KHONG PA'I NA BA LA SOGS PA SEL TO, ,BRAG ZHUN DANG NI PA YA SYA, ,RTZA BA CHEN PO LNGA BSKOL BA, ,RLUNG GYUR SKRAN NAD CAN LA BLUD, ,CES BYA BA LA, RLUNG LAS GYUR PA DANG LDAN PA'I NAD BAS BRAG ZHUN LA SOGS PA'I SMAN 'THUNGS NA YANG PHAN NO, ,RTUG SKAM NAD LA NAS KYI NI, ,CHAG TSE SNUM DANG BCAS PA SBYIN, ,PI PI LING NGAM LA PHUG GI , KHU BA DANG NI SBYAR BA SBYIN, ,ZHES BYA BA LA, RTUG SKAM GYI NAD KYIS BTAB PA DAG LA NAS BTRAL TE CHAG TSE CAN DU BYAS PA SNUM GYI KHU BA'I NANG DU PI PI LING BTAB PA'AM, LA PHUG GI KHU BA DANG SBYAR TE SBYIN PAR BYA'O, ,NAS KYI ZAN DRON 'O MAR BCAS, ,RLUNG GI RTUG 'GAGS NAD LA SBYIN, ,ZHES BYA BA LA, RLUNG LAS GYUR PA'I RTUG 'GAGS KYI NAD LA NI NAS KYI ZAN DRON 'O MA DANG BCAS PA SBYIN PAR BYA'O, ,YANG NA MON SRAN GRE'U'I CHAN, ,SNUM MANG LAN TSVAR LDAN PA SBYIN, ,ZHES BYA BA LA, YANG NA RTUG 'GAGS KYI NAD DE LA MON SRAN GRE'U'I CHAN LA SNUM DANG LAN TSVA MANG PO BTAB PA SBYIN PAR BYA'O, ,DUR BYID DAN TI NI LI NI, ,AA RU RA DANG KAM PI LYA, ,NAS TSIG 'KHUS THAL KHA RU TSA, ,DONG GRA MAR DANG BCAS PA NI, ,DRI MAR BCAS LA BKRU SMAN GTANG, ,ZHES BYA BA LA, SKRAN NAD CAN GYI DRI MA MA THON PA LA DUR BYID LA SOGS PA'I BKRU SMAN GTANG BAR BYA'O, ,NI LI NI DANG 'BRAS BU GSUM, ,RA SNA BA LA PU TZE SHEL, ,KAndA KA RI BYI DANG GA ,SRANG RE CHU BRE BZHI NANG BSKOL, ,KHU BA BRGYAD CHA LUS PA RU, ,MAR BRE GANG DANG ZHO BRE GANG, ,SU DHA KshI RA SRANG GCIG BSKOL, ,DE
LAS MAR BRE RE RE NI, ,NAS THUG THUG SLA SBYAR TE BLUD, ,ZHU ZHING LEGS PAR 'KHRUS NAS NI, ,SHA KHU BZA' BA SBYIN PAR BYA, ,NI LI NI LI'I SMAN MAR 'DIS, ,SKRAN MDZE DMU RDZING NGO KHABS DANG, ,'OR NAD SKYA RBAB RIMS NAD DANG, ,SHA BKRA MDZER PA SMYO BYED 'JOMS, ,ZHES BYA BA LA, NI LI NI LA SOGS PA'I SMAN RE RE ZHING SRANG RE JI SKAD SMOS PA BZHIN DU BSKOL TE SMAN MAR DE, NAS THUG SLA BA RKYANG RKYANG PO DANG SBYAR TE BLUD DE ZHU NAS NAD PA LEGS PAR 'KHRUS PAR GYUR PA DANG, SHA KHU DANG, 'BRAS CHAN SBYIN BAR BYA STE, NI LI NI'I SMAN MAR 'DI DE LTA BU'I SBYOR BA DANG LDAN PAR BYAS NA SKRAN LA SOGS PA 'JOMS PAR BYED DO, ,KHYIM BYA RMA BYA GONG MA SREG ,KHRUNG KHRUNG BYI'U SHA KHU BA DANG, ,S'A LU'I 'BRAS CHAN CHANG DANGS MAR, ,RLUNG GI SKRAN NI SEL BA YIN, ,ZHES BYA BA LA, DE LA SHA KHU NI KHYIM BYA'I SHA LA SOGS PA LAS BYAS PA'O, ,'BRAS CHAN NI BZA' BA'I DON DU BYA'O, ,CHANG NI BTUNG BA'I DON DU BYA'O, ,MAR NI BZA' BA DANG BTUNG BA GNYI GAR SBYAR TE, 'DI DAG NI RLUNG LAS GYUR PA'I SKRAN SEL BAR BYED PA YIN NO, ,NYUNG ZHING SNUM LA SLA ZHING DRO, ,KHA ZAS RLUNG SKRAN CAN GYIS BZA', ,BTUNG BAR CHANG GI DANGS MA'AM, ,'U SU BSKOL BA'I CHU TSAN BLUD, ,CES BYA BA LA, RLUNG GI SKRAN CAN GYI MIS NI KHA ZAS NYUNG ZHING TSOD RAN PAR BZA' BA DANG, SNUM PA LA SOGS PA'I RANG BZHIN CAN BZA' BAR BYA LA, BTUNG BA NI GO BAR ZAD DO; ,MKHRIS GYUR SKRAN NI SNUM DRO LAS, ,BYUNG BA DE LA RGUN 'BRU DANG, ,AA RU RA BSKOL BU RAM BCAS, ,KA MA PI LYA DANG SBRANG RTZI BCAS, ,CHO GA'AM KHRAG MKHRIS GSOR BSHAD PA'I, ,BKRU SMAN BLUD DE 'KHRUS PA PHAN, ,ZHES BYA BA LA, MKHRIS PA LAS GYUR PA'I SKRAN SNUM BA DANG DRO PA LAS BYUNG ZHING SKYES BA LA NI, RGUN 'BRU DANG, AA RU RA BSKOL BA'I KHU BA'I NANG DU BU RAM BTAB PA BLUD LA DE 'KHRUR GZHUG PA'AM, YANG NA KA MA BI LYA DANG SBRANG RTZI DANG SBYAR BA BLUD DE 'KHRUR GZHUG PA'AM, YANG NA CHO GA GRUB PA LAS
, ,BSHAD PA'I BKRU SMAN BTANG STE GSOR GZHUG PA'AM, YANG NA KHRAG MKHRIS GSO BAR BSHAD PA'I BKRU SMAN BLUD DE 'KHRUR GZHUG PA PHAN NO, ,RTZUB DRO LAS BYUNG SKRAN LA NI, ,TIG TA 'AM BA SHA KA BSKOL BA'I, ,MAR NI BLUD PAR BYA BA'AM, ,RTZVA YI RTZA BA LNGA PA'AM, ,'TSO BYED SDE TSAN BSHAD PA DANG, ,MAR BSKOL BLUD NA MCHOG TU PHAN, ,ZHES BYA BA LA, RTZUB PA DANG DRO BA'I RGYU LAS BYUNG BA'I SKRAN LA NI TIG TA DANG MAR BSKOL TE BLUD PA'AM, BA SHA KA DANG MAR BSKOL BA KHRAG MKHRIS GSO BA'I SKABS NAS BSHAD PA BLUD PAR BYA BA'AM, YANG NA RTZA BA LNGA PA ZHES BYA BA DANG BSKOL BA'I MAR BLUD PA'AM, YANG NA 'TSO BYED KYI SDE TSAN SNGAR BSHAD PA DANG MAR DU BSKOL TE BLUD NA NAD SEL BAR 'GYUR RO, ,N+YA GRO DHA SOGS SDE TSAN NAM, ,'TSO BYED SDE TSAN 'O MA PHAN; ,ZHES BYA BA LA, N+YA GRO DHA LA SOGS PA'I SDE TSAN DANG 'O MAR BSKOL TE BLUD PA'AM, 'TSO BYED KYI SDE TSAN DANG BSKOL BA'I 'O MA BLUD NA PHAN NO, ,DER YANG BSHOL DU MED GYUR PAR, ,SMAN PAS BKRU SMAN DANG BSKOL BA'I, ,MAR RAM 'O MA DAG GI NI, ,BKRU SMAN NYE BAR GTANG BAR BYA, ,ZHES BYA BA LA, RTZUB PA DANG DRO BA LAS GYUR PA'I SKRAN DE LA BSHOL DU MED CING GDON MI ZA BAR BKRU SMAN BTANG DGOS PA'I NAD DU GYUR NA, SMAN PAS BKRU SMAN DANG SBYAR BA'I SMAN MAR RAM, BKRU SMAN DANG 'O MA SBYAR BA'I SMAN MAR BTANG LA LEGS PAR 'KHRUR GZHUG PAR BYA'O, ,SKYU RU RA DANG BUR SHING GI ,KHU BAR MAR NI BRE GANG DANG, ,AA RU RA NI BZHI CHA BCUG ,BSKOL BA'I MAR BLUD MKHRIS SKRAN SEL, ,ZHES BYA BA LA, SKYU RU RA DANG BU RAM SHING GI KHU BA MAR GYI BZHI 'GYUR GYI NANG DU MAR BRE GANG BSKOL BA DE'I NANG DU AA RU RA MAR GYI BZHI CHA BCUG STE BSKOL BA'I MAR BLUD NA YANG MKHRIS PA LAS GYUR BA'I SKRAN SEL BAR BYED DO, ,YANG NA MKHRIS PA'I KHONG 'BRAS GSOR, ,BSHAD PA'I SENG PHROM SMAN MAR BLUD, ,CES BYA BA LA, GANG MKHRIS PA'I KHONG 'BRAS GSO BA'I SKABS SU BSHAD
PA'I SENG PHROM GYI SMAN MAR BLUD CING 'KHRUR BCUG NA YANG PHAN NO, ,RGUN 'BRU SHING MNGAR PA YA SYA, ,SHUG PA TZAN DAN SBRANG RTZI RNAMS, ,'BRAS BKRUS CHU DANG BLUD NA NI, ,MKHRIS PA'I SKRAN NI SEL BAR 'GYUR, ,ZHES BYA BA LA, RGUN 'BRU LA SOGS PA'I SMAN DANG 'BRAS BKRUS PA'I CHU BLUD NA YANG PHAN NO, ,KYI LCE BA NI SRANG GNYIS DANG, ,CHU BRE DO NI BSKOL NAS SU, ,BRGYAD CHA LUS PA BTZAGS PA NI, ,DRO 'JAM 'O MA CHA MNYAM BLUD, ,YANG NA DE STENG 'O TSAN NI, ,ME DROD JI BZHIN BLUD PAR BYA, ,DE YIS NAD NI BSAL BAS NA, , MKHRIS PA CAN GYI SKRAN ZHI 'GYUR, ,ZHES BYA BA LA, KYI LCE BA JI SKAD SMOS PA'I SBYOR BAS BLUD LA DE'I STENG DU YANG 'O MA BSKOL BA DRON MO NYID KHONG PA'I ME DROD KYI STOBS CI YOD PA LAS BLUD PAR BYA STE, DE LTA BU'I SBYOR BAS NAD BSAL CING BYANG BAR GYUR NA YANG MKHRIS PA CAN GYI SKRAN ZHI BAR 'GYUR RO, ,TSA LA MAR GRANG BSKU BA'AM, ,BSIL BA'I SMAN NI MAR BCAS BSKU, ,CHU SKYES LO MAS REG BYA ZHING, ,SNOD CHUS GANG LA REG PA PHAN, ,ZHES BYA BA LA, MKHRIS PA CAN GYI SKRAN DE LA TSA BA DANG LDAN PAR GYUR NA MAR SAR GRANG MOS BSKU BA'AM, YANG NA TZAN DAN DKAR PO DANG, PU SHEL TZI LA SOGS PA'I SMAN DANG MAR DU SBYAR BAS BSKUS NA PHAN PA DANG, DE BZHIN DU PADMA'AM, AUTPA LA LA SOGS PA CHU LAS SKYES PA'I LO MAS REG CING GLAN PAR BYA BA DANG, GSER SKYOGS DANG KHAM SKYOGS LA SOGS PA'I SNOD CHUS GANG ZHING G-YO BA LA REG TU BCUG PA PHAN NO, ,GZER DANG ME DROD BRI GYUR ZHING, ,TSA BA'I DANG PO'I TSUL CAN GYI, ,MKHRIS PA'I SKRAN LA KHYAD PAR DU, ,KHRAG NI LAN MANG DBYUNG BA PHAN, ,ZHES BYA BA LA, MKHRIS PA LAS GYUR PA'I SKRAN DANG PO MA SMIN PAR GYUR PA NA TSA BAR GYUR PA DANG DE BZHIN DU GZER BA DANG, ME DROD CUNG ZAD BRI ZHING CHUNG BAR GYUR PA LA NI, KHRAG LAN MANG DU DBYUNG ZHING DBRI BA PHAN NO, ,RTZA BA CHAD SKRAN MI TSA ZHING, ,NYE BAR ZAD PAR 'GYUR BA DANG, ,KHRAG NI SKYUR BAR MI 'GYUR LA, ,KHRAG LAS GYUR PA'I NAD KYANG
, ,MED; ,CES BYA BA LA, GANG GI PHYIR RTZA BA CHUNG NGU CHAD PAR GYUR PA'I SKRAN LA NI, TSA BA SHAS CHEN PO DANG LDAN PAR YANG MI 'GYUR LA, DE BZHIN DU DE NI RIM GYIS ZAD CING 'BRI BAR 'GYUR BA DANG, ,DE BZHIN DU DE'I NANG NA GNAS PA'I KHRAG KYANG SKYUR BA LA SOGS PA'I RNAM PAS RNAGS SHING GNOD PA SKYED PAR MI 'GYUR LA KHRAG MED PAS NA, DE LAS GYUR PA'I NAD KYANG MED PAR 'GYUR RO, ,RNYID CING NAD NI BSAL BA LA, ,SKAM SAR SKYES PA'I SHA KHUS BRTA, ,BRTAS NAS NYES PA LHAG LUS PA, ,SLAR YANG MAR NI BSTEN PAR BYA, ,ZHES BYA BA LA, MKHRIS PA LAS GYUR PA'I SKRAN DE RNYID CING ZHUM PAR GYUR PA DANG, KHRAG NAD BSAL CING MED PAR GYUR PAR BYAS NAS, DE LA SKAM SA'I SHA KHU BLUD PAS LUS BRTA BAR BYA BA DANG, DE LTAR NYAMS BRTAS KYANG NAD KYI LHAG MA YOD PA NA MAR SAR BSTEN CING SBYIN PAR BYA'O, ,KHRAG DANG MKHRIS PA 'PHEL GYUR PAS, ,SKRAN NI SMIN PAR PHYOGS PA LA, ,GSO BA'I BYA BA MA RNYED CING, ,MKHRIS PA'I KHONG 'BRAS LTAR GSO BYA, ,ZHES BYA BA LA, MKHRIS PA LAS GYUR PA'I SKRAN KHRAG DANG, MKHRIS PA SHAS CHER RGYAS SHING 'PHEL BAR GYUR PAS DE SMIN CING RNAGS PA LA PHYOGS PAR GYUR PAS GSO BA'I THABS GZHAN MA RNYED NA ZAS DANG, SKOM DANG, SPYOD LAM DANG, SMAN LA SOGS PA'I BYA BA THAMS CAD MKHRIS PA'I KHONG 'BRAS JI LTAR GSO BA DE LTAR BYA'O, ,S'A LU PA DANG RA'I 'O MA, ,PA TOL SKOM SA'I SHA MAR DANG, ,PA RU SHA KA SKYU RU RA, ,RGUN 'BRU 'BRA GO SE'U 'BRU DANG, ,KHA RAR SBYAR BA'I KHA ZAS BZA', ,ZHES BYA BA LA, S'A LU NI SKRAN CAN GYIS BZA' BA'I DON DU BYA'O, ,BA DANG RA'I 'O MA DANG PA TO LA NI TSOD MA DANG SPAGS PA'I DON DU BYA'O, ,SKAM SA'I SROG CHAGS KYI SHA DANG MAR NI G-YOS SU BYA BA DANG SNGO BA LA SOGS PA'I DON DU BYA'O, ,BA RU SHA KA LA SOGS PA'I 'BRAS BU NI G-YOS SU BYAS PA DANG BZA' BA DAG TU BYA'O, ,BTUNG BAR BA LA BRI HA TI, ,LA SOGS BSKOL BA BLUD PAR BYA, ,ZHES BYA BA LA, BTUNG BA'I DON DU NI
BA LA DANG BRI HA TI LA SOGS PA'I RTZA BA CHUNG NGU LNGA DANG BSKOL BA'I CHU BLUD PAR BYA'O, ,BAD KAN LAS GYUR DANG POR NI, ,SLON BYA MI BZOD DE SMYUNG BYA, ,ZHES BYA BA LA, BAD KAN LAS GYUR PA'I SKRAN LA NI, DANG PO KHO NAR SKYUG SMAN BTANG LA SLON DU GZHUG GO, ,GAL TE BYAR MI BZOD PA 'AM, SLON BYAR MI RUNG BA ZHIG YIN NA SMYUNG BAR BYA ZHING NYAMS DMAN PAR BYA'O, ,KHA DRO TSA BA'I THUG SOGS KYI, ,RIM PAS DE 'OG ME DROD SKYED, ,SHING KUN LA SOGS DANG THAL SMAN, ,SHING KUN STAR BU NYIS 'GYUR GTANG, ,ZHES BYA BA LA, DE LTAR SLON DANG SMYUNG BA BYAS ZIN PA'I RJES LA KHA BA DANG TSA BA'I SMAN DANG ZAS DE LTA BU DANG SBYAR BA'I THUG PA LA SOGS PA'I RIM PAS NAD PA'I KHONG BA'I ME DROD BSKYED PAR BYA'O, ,DE BZHIN DU SHING KUN LA SOGS PA'I PHYE MA SHING KUN DANG, KHA RU TSA LA SOGS PA SNGAR JI SKAD SMOS PA'I PHYE MA DANG, DE BZHIN DU THAL SMAN DANG, SHING KUN DANG, STAR BU SMAN LHAG MA RNAMS KYI NYIS 'GYUR DU BYAS PA DAG GIS ME DROD BSKYED PAR BYA'O, ,GAL TE 'BUR RAM GTING RING GYUR, ,TSER BA CHUNG ZHING SRA LA BRTAN, ,LTO SBOS LA SOGS LDAN PA'I SKRAN, ,DUGS BYAS NAS NI SNYI BAR BYA, ,ZHES BYA BA LA, BAD KAN LAS GYUR PA'I SKRAN STENG DU 'BUR BAR GYUR TAM, MI MNGON ZHING ZABS KYI GTING RING BAR GYUR PA DANG, TSOR BA CHUNG ZHING BEM BEM POR GNAS PA DANG, SRA ZHING MNYEN BAG MED PA DANG, BRTAN CING G-YO BA MED PA DANG, LTO SBOS PA'I BLA BRNAN DANG LDAN PAR GYUR NA, DANG POR DUGS BYAS LA SNYI ZHING CUNG ZAD DMA' BAR BYA'O, ,BAD KAN LAS GYUR SKRAN CAN LA, ,MAR TSA THAL SMAN BCAS CHU BLUD, ,CES BYA BA LA, BAD KAN LAS GYUR PA'I SKRAN YOD PA'I MI LA NI SMAN MAR THAL SMAN NAG DANG BCAS SHING SBYAR BA BLUD PAR BYA'O, ,NAS TSIG 'KHUS THAL TSA BA GSUM, , RGYAM TSA SHING KUN KHA RU TSA, ,SE'U 'BRU RTZA BA BCU BSKOL MAR, ,BAD KAN LAS GYUR SKRAN MYUR 'JOMS, ,ZHES BYA BA LA, NAS TSIG 'KHUS PA'I THAL BA LA SOGS PA'I SMAN DANG BSKOL BA'I MAR GYIS NI, BAD KAN LAS GYUR BA'I SKRAN GANG YIN PA DE MYUR DU 'JOMS PAR BYED DO, ,
, ,BSE SHING 'BRAS BU SRANG GNYIS DANG, ,RTZA BA CHUNG DU LNGA SRANG RE, ,CHU BRE BZHI YI NANG DU BSKOL, ,BZHI CHA LUS PA DE DANG NI, ,MNYAM PA'I 'O MA MNYAM PA'I MAR, ,BYI DANG GA DANG SHING KUN DANG, ,NAS TSIG 'KHUS THAL LCE MYANG TSA, ,KAndA KA RI RTZABS RU TSA, ZUR PAR SNA SHING MNGAR DANG, ,PI PI LING DANG DONG GRA RNAMS, ,ZHO NI GNYIS GNYIS BCAS PAR BSKOL, ,GO BYE YI NI SMAN MAR 'DIS, ,BAD KAN SKRAN NI SEL BA'I MCHOG ,MCHIN PA MCHER PA'I NAD DANG NI, ,SKYA RBAB DANG NI PHO BA'I NAD, ,LUD PA DBUGS MI BDE BA 'JOMS, , ZHES BYA BA LA, BSE SHING GI 'BRAS BU SRANG GNYIS LA SOGS PA BSKOL BA DE DANG MAR BRE GANG DANG 'O MA BRE GANG DANG BYI DANG GA LA SOGS PA'I SMAN GYI LDE GU DANG BSKOL BA'I SMAN MAR 'DI NI GO BYE'I SMAN MAR ZHES BYA STE, DE NI BAD KAN GYI SKRAN SEL CING 'JOMS PAR BYED PA'I MCHOG YIN LA, DE BZHIN DU MCHIN PA'I NAD LA SOGS PA YANG 'JOMS PAR BYED DO, ,DE NAS SKRAN CAN DE YI LUS, ,MA LUS PAR NI DUGS BYAS LA, ,ZHES BYA BA LA, DE NAS SKRAN CAN GYI NAD PA DE LA SNGAR JI SKAD BSTAN PA'I CHO GA BZHIN DU DUGS BYA'O, ,SKRAN KUN LA NI THOG MA NYID, ,SNUM CHOS DUGS NI BYAS GYUR NA, ,GSO BA GANG ZHIG BYAS PA DES, ,'GRUB KYI RTZUB CHOS KYIS MI 'GRUB, ,CES BYA BA LA, SKRAN NAD BRGYAD CHAR KUN LA THOG MA NYID DU SNUM CHOS DANG DUGS KYI CHO GA DAG BYAS NAS GSO BA'I CHO GA GANG DANG GANG BYAS PA DES 'GRUB CING DON DANG LDAN PAR 'GYUR GYI, SKRAN GYI NAD DE LA RTZUB CHOS KYI RNAM PA BYAS PAS NI 'GRUB PAR 'GYUR BA MA YIN NO, ,SNUM GYI DUGS KYIS BRLAN LUS KYI, ,SKRAN NI SNYI BAR GYUR PA DANG, ,JI SKAD BSHAD PA'I BUM PA NI, ,BZHAG PAS BKANG LA DE BSAL BYA, ,ZHES BYA BA LA, SKRAN GYI NAD PA LA SNUM GYI CHO GA BYAS SHING DUGS JI SKAD BSTAN PAS LUS DROS SHING BRLAN PAR BYAS PAS SKRAN DE SNYI ZHING LHOD PAR GYUR PA DANG, SNGAR MDO'I GNAS SU JI SKAD BSHAD PA'I BUM PA BZHAG CING GLAN LA DES BSDUS SHING BKANG LA DE'I 'OG TU BUM PA DE BSAL CING GDON PAR
BYA'O; ,DE NAS RAS NANG CHUD BYAS TE, ,TSAD SHES PA YIS SKRAN DBRAL BYA, ,ZHES BYA BA LA, DE NAS DE'I 'OG TU SKRAN 'BUR BA DE RAS KYIS DKRI ZHING BSDAMS TE DE'I NANG DU CHUD PAR BYAS LA SKRAN GYI TSAD JI TZAM PA SHES PA'I SMAN PAS SKRAN DE DBRAL ZHING GSHAGS PAR BYA'O, ,SHING BCAD RA RMI ME LONG RNAMS, ,JI RNYED PA YIS LEGS PAR BCING, ,ZHES BYA BA LA, DE'I 'OG TU SHING GI LHAM MKHAN LA SOGS PA'I SHING GI SPYAD PAGS PA 'BYAR BAR BYED PA'AM, YANG NA RA'I RMIG PA ZHES BYA BA'I CHA BYAD DAM ME LONG GANG YANG RUNG BA JI RNYED PAS RAS KYI NANG DU LEGS PAR DAM DU BCING BAR BYA'O, , DES SKRAN GCIG PU DBYI BYA ZHING, ,SNYING DANG RGYU MAR REG MI BYA, ,ZHES BYA BA LA, SHING SPYAD LA SOGS PA GANG YANG RUNG BA DES SKRAN GCIG PU PHYI ZHING SBYANG PAR BYA'I, NANG GI SNYING DANG RGYU MA LA NI REG PAR MI BYA'O, ,TIL DANG ZAR MA'I SA BON DANG, ,YUNGS KAR AE RAndA YIS BYUG ,BAD KAN SKRAN NI LCAGS KYI SNOD, ,DRO 'JAM TZAM GYIS DUGS BYA'O, ,ZHES BYA BA LA, DE'I 'OG TU TIL LA SOGS PA'I LDE GUS BAD KAN LAS GYUR PA'I SKRAN DBRAL LA DE LA BYUGS LA, LCAGS KYI SNOD YUD TZAM DRO BAR BYAS PAS DUGS BYA'O, ,DE LTAR GNAS LAS BSKYOD NAS NI, ,BAD KAN SKRAN LA SNUM BCAS PA'I, ,BKRU SMAN DANG NI 'JAM RTZI DAG ,RTZA BA BCU PA LDAN PAR SBYAR, ,ZHES BYA BA LA, DE LTAR RIM PA 'DIS BAD KAN LAS GYUR PA'I SKRAN GNAS LAS BSKYOD CING G-YO BAR BYAS LA SNYI BAR GYUR NAS SNUM DANG LDAN PA'I BKRU SMAN GYIS SBYANG BAR BYA ZHING RTZA BA BCU PA LA SOGS PA'I 'JAM RTZIS KYANG DE SBYANG BAR BYA'O; ,PI PI LING DANG SKYU RU RA, ,RGUN 'BRU SHA MA DUR BYID SOGS, ,SRANG RE DANG NI BSKOL BA LA, ,AE RAndA YI ZHUN MAR NI, ,BRE RE 'O MA DRUG 'GYUR DANG, ,LHAN CIG BSKOL BAR GYUR PA 'DI, ,'DRES PA'I SMAN MAR ZHES BYA STE, ,SKRAN CAN 'KHRU BAR BYED PA'I MCHOG ,RGYU RLUGS KHONG 'BRAS GZER DANG NI, ,RLUNG GI NAD LA BDUD RTZI YIN, ,ZHES BYA BA LA, PI PI LING LA SOGS PA DANG DUR BYID LA SOGS PA STE, DUR BYID DANG DAN DA DANG BAN DA LA SOGS PA SRANG RE RE DANG, AE RAndA'I MAR BRE GANG ZHUN MAR BRE GANG 'O MA BRE DRUG 'GYUR DANG BSRES TE BSKOL BAR GYUR PA 'DI NI 'DRES
, ,PA'I SMAN MAR ZHES BYA STE, DES NI SKRAN CAN DAG MCHOG TU 'KHRU BAR BYED PA YIN ZHING RGYU RLUGS LA SOGS PA'I NAD LA BDUD RTZI LTAR PHAN PA YIN PAS BDUD RTZI YIN NO ZHES BYA'O, ,YANG NA NI LI NI SMAN MAR, ,SRANG GNYIS TSAD DU BLUD PA'AM, ,DE BZHIN SKYID DE BA'I SMAN MAR, DMU RDZING SKABS BSHAD MAR YANG PHAN, ,ZHES BYA BA LA, YANG NA NI LI NI'I SMAN MAR SNGAR BSHAD PA LAS SRANG GNYIS KYI TSAD TZAM DU BLUD DE 'KHRUR GZHUG PAR BYA'O, ,DE BZHIN DU SKYID DE BA'I SMAN MAR RGYU RLUGS KYI SKABS SU BSHAD PA SRANG GNYIS KYI TSAD DU BLUD CING YANG NA DMU RDZING GI SKABS SU BSHAD PA'I SMAN MAR SRANG GNYIS BLUD LA 'KHRUR BCUG NA YANG PHAN NO, ,DAN DA TZI TRA AA RU RA, ,SRANG NI NYI SHU RTZA LNGA LNGA, ,CHU BRE BCU DRUG NANG DU BSKOL, ,BRGYAD CHA LUS BTZAGS AA RU RA, ,BCAS PA BU RAM DAN DAR MNYAM, ,BCUG LA TIL MAR DUR BYID PHYE, ,SRANG BZHI BCA' SGA PI PI LING; ,ZHO GNYIS BSKOL BSGRANGS LDE GU DE, ,SBRANG RTZI TIL MAR CHA MNYAM PA, ,DRI SNA BZHI BZHI SRANG RE GZHUG ,DE LAS AA RU RA GCIG DANG, ,LDE GU SRANG GCIG BCAS ZOS NA, ,BDE BAR NAD NI BRE GANG 'KHRU, ,SKRAN DANG SNYING NAD GZHANG 'BRUM NAD, ,'OR NAD LTO SNGOS SBYAR BA'I DUG , MDZE DANG DMU RDZING NAD GLONGS DANG, ,YI GA 'CHUS DANG MCHER PA'I NAD, ,SKYA RBAB MIG SER 'JOMS PAR BYED, ,'DI NI DAN DA TZI TRA KA ,AA RU RA YI LDE GU YIN, ,ZHES BYA BA LA, DAN DA'I RTZA BSRANG NYI SHU RTZA LNGA DANG TZI TRA KA SRANG NYI SHU RTZA LNGA CHU BRE BCU DRUG CES BYA BA SRANG LNGA BRGYA RTZA BCU GNYIS KYI NANG DU BSKOL LA, DE LAS BRE DO LUS PA'I KHU BA BTZAGS TE, AA RU RA DANG BCAS PA'I BU RAM DAN DA DANG MNYAM PAR SRANG NYI SHU RTZA LNGA BCUG PA DANG TIL MAR SRANG BZHI DANG DUR BYID KYI PHYE MA SRANG BZHI, BCA' SGA DANG PI PI LING ZHO GNYIS GNYIS BCUG LA ME CHUNG DUS BSKOL TE, LDE GUR GYUR PA DE PHAB STE BSGRANGS PA'I NAD DU SBRANG RTZI TIL MAR DANG CHA MNYAM PA SRANG BZHI BCUG LA DRI SNA BZHI LA SRANG RE RE STE, SRANG BZHI BCUG LA LDE GU DE LAS AA RU RA RE DANG LDE GU SRANG GCIG DANG BCAS PA ZOS NA BDE ZHING NAD MED PAR SNUM GYIS ZHEN PAR GYUR PAS NA BRE GANG TZAM 'KHRU ZHING 'BYUNG BAR 'GYUR RO, ,DAN DA DANG AA RU RA DES
NI SKRAN DANG SNYING NAD LA SOGS PA YANG 'JOMS PAR BYED DO, ,SU DH'A KshI RA'I RLAN DANG NI, ,DUR BYID DANG NI LEGS BSRES TE, ,MAR DANG SBRANG RTZI ZHO GNYIS BCAS, ,LDE GUS LEGS PAR 'KHRU BAR 'GYUR, ,ZHES BYA BA LA, DUR BYID KYI PHYE MA SU DH'A KshI RA'I 'O MA DANG BSRES SHING SPANGS LA MAR DANG SBRANG RTZI ZHO GNYIS DANG SBYAR BA'I LDE GU BYIN NA YANG LEGS PAR BDE BLAG KHO NAR 'KHRU BAR 'GYUR RO, ,RU RTA DUR BYID AA RU RA, ,DAN DA GU GUL NAS TSIG 'KHUS, ,BA GCIN BCAS BLUD YANG NA NI, ,GU GUL NYI TSE BA GCIN BLUD, ,CES BYA BA LA, DUR BYID LA SOGS PA'I SMAN BA GCIN DANG SBYAR TE 'KHRU SMAN GYI DON DU BLUD PAR BYA BA'AM, YANG NA GU GUL NYI TSE BA GCIN DANG SBYAR TE BLUD NA YANG 'KHRU BAR BYED DO, ,CHO GA GRUB PA LAS BSHAD PA'I, ,BKRU SMAN DRAG PO SKRAN 'JOMS GTANG, ,ZHES BYA BA LA, YANG NA CHO GA GRUB PA'I SKABS NAS BSHAD PA'I MAS GTONG BA'I BKRU SMAN DRAG PO SKRAN 'JOMS PAR BYED PA YANG GTANG BAR BYA'O, ,RTZA BA ZUG CING LHUN CHE LA, ,SRA ZHING LCI LA TSOR BA MED, ,GTING RING MA SMIN PA YI SKRAN, ,THAL SMAN DANG NI CHANG RNYING DANG, ,ME YI LAS KYIS BSAL BAR BYA, ,ZHES BYA BA LA, SKRAN RTZA BA ZUG PA STE DNGOS PO GCIG TU CHAGS PA DANG, LHUN CHE ZHING STUG PA DANG MNYEN BAG MED CING SRA BA DANG KHUR LTAR LCI BA DANG, TSOR BA MED CING BEM BEM POR 'DUG PA DANG, GTING RING ZHING SHA'I NANG DU ZUG PA DANG, SMIN PAR MA GYUR PA'I SKRAN LA THAL SMAN RNON PO BTANG BA DANG, CHANG RNYING PA BTANG BA DANG, MES BSREG PA'I LAS KYIS DE BSAL ZHING GZHOM PAR BYA'O, ,BAD KAN SHAS CHE THAL SMAN NI, ,GZHANG 'BRUM RDE'U DANG PHO BA'I NAD, ,GSO BA'I SKABS BSHAD GTANG BYA ZHING, ,ZHAG GCIG ZHAG GNYIS KYIS CHOD BA, ,YANG NA ZHAG GSUM NGAL BSOS LA, ,LUS KYI NYAMS STOBS NAD DAG NI, , 'PHEL 'BRI'I LAS LA BRTZON PAR BYA, ,ZHES BYA BA LA, BAD KAN GYI SHAS CHE BA'I SKRAN LA NI, THAL SMAN RNON PO GZHANG 'BRUM GSO BA LA SOGS PA'I SKABS SU BSHAD PA GANG DAG YIN PA DE ZHAG GCIG GIS CHOD CING NGAL BSOS TE GTONG BA'AM, ZHAG GNYIS SAM GSUM GYIS BAR
, ,CHOD CING LUS KYI NYAMS STOBS 'PHEL BAR BYA BA DANG NAD 'BRI BAR BYED PA LA SMAN PAS BRTZON ZHING 'BAD PAR BYA'O, ,THANG SHING DUR BYID DAN DA DANG, ,PU TZE SHEL DANG TSA BA LNGA, ,SVA RDZI KA THAL NAS TSIG 'KHUS, ,PA THA DANG NI 'BRAS BU GSUM, ,RU RTA BAS RA SU GAN DHA; ,ZI RA NAG PO SRANG PHYED PHYED, ,LAN TSA LNGA NI SRANG RE DAG ,BTAGS PA'I PHYE MA TIL MAR DANG, ,ZHAG DANG ZHO DANG MAR DANG SBRUS, ,RDZA MAR DU BA MA SHOR BSREG ,RDZA MA ME MDOG 'GYUR DE YI, ,THAL BA BLANGS PA 'O MA MAR, ,DAR BA CHANG SOGS SBYAR TE BLUD, ,SKRAN DANG RTUG 'GAGS RGYU RLUGS DANG, ,GZHANG 'BRUM DMU RDZING PHO BA'I NAD, ,SRIN NAD BRJED BYED SMYO BYED GDON, ,MNGAL NAD KHU CHU LAS GYUR RDE'U, ,BYI LA SPRUL GYI DUG RNAMS KYANG, ,THAL BA'I SMAN 'DIS SEL BAR BYED, ,CES BYA BA LA, THANG SHING LA SOGS PA NAS ZIR NAG PO'I BAR DU SRANG PHYED PHYED DANG LAN TSVA LNGA SRANG RE RE THAMS CAD BTAGS PA'I PHYE MA TIL LA SOGS PA DANG SPRUS TE RDZA BUM GYI NANG DU DRI MA SHOR BAR LEGS PAR BSREGS TE RDZA MA DE ME'I MDOG CAN DU DMAR POR GYUR PA DANG, THAL SMAN BLANGS LA 'O MA LA SOGS PA DANG CI RIGS SBYAR TE BLUD NA PHAN NO, ,THAL BA'I SMAN 'DI SKRAN LA SOGS PA'I NAD DANG, BYI BA LA SOGS PA'I DU GSEL CING 'JIG PAR BYED DO, ,BAD KAN LAS GYUR SKRAN LA SNUM, ,SHA KHU 'O MA MAR BSTEN LA, ,THAL SMAN BTANG NA SKRAN DAG NI, ,GNAS NAS DUM BU DUM BU RU, ,BCAD NAS THUR DU 'BYIN PAR BYED, ,CES BYA BA LA, BAD KAN LAS GYUR PA'I SKRAN LA NI THAL SMAN YA BAKshA RA ZHES BYA BA DANG, SNUM LA SOGS PA BSTEN PAS KHONG PA'I GNAS LAS DUM BU DUM BU'I TSUL DU BCAD CING GTUBS TE THUR DU 'KHRU ZHING 'BYIN PAR BYED DO, ,ME DROD CHUNG ZHING YI GA 'CHUS, ,CHANG GOMS SNUM BCAS BZA' BA LA, ,RGYUN SRANG DAG PHYIR MNAN CHANG DANG, ,CHANG RNYING SKYON MED BLUD PAR BYA, ,ZHES BYA BA LA, ME DROD CHUNG BA LA SOGS PA DANG LDAN PA'I MI LA BU GA RGYUN SRANG DAG CING BSAL BAR BYA BA'I PHYIR, SMAN GYI SBYOR BA LA SOGS PA DANG, MNAN PA'I CHANG AA SA BA 'AM, CHANG RNYING SKYON MED CING LEGS PAR LANGS PA DAG BLUD PAR BYA'O, ,S'A LU DRUG CU PA
RNYING PA, ,RGYA SRAN SKAM SA'I SROG CHAGS SHA, ,TZI TRA PU TI KA RANYDZA, ,AAG NI MAN TA LA LA BUD, ,PA RA NA YI MYU GU DANG, ,SHI BRU BI LA BA GZHON NU DANG, ,LA PHUG GZHON NU SKAM PO DANG, ,KHA LUNG SHING KUN STAR BU DANG, ,SE'U 'BRU NAS TSIG 'KHRUS THAL BA, ,TSA BA GSUM DANG DAR BA DANG, ,MAR DANG TIL MAR KHA ZAS SBYIN, ,ZHES BYA BA LA, S'A LU RTZA SNAR LA SOGS PA'O, ,DRUG CU BA DAG NI 'BRAS KYI RNAM PA STE, DE DAG KYANG LO GCIG LON ZHING RNYING PAR GYUR PA DANG, RGYA SRAN KU LANG DANG, SKAM SA'I SROG CHAGS KYI SHA DANG TZI TRA KA LA SOGS PA'I MYU GU GZHON NU DANG, SHI KRU LA SOGS PHA DAG KYANG BZA' BA DANG, YU SHA LA SOGS PA'I DON DU CI RIGS PA SBYIN PAR BYA'O, ,BTUNG BAR CHANG GI DANGS MA DANG, ,SKYUR RTZABS DAR BA ZHOG CHU, ,BID LA LA PHUD PHYE MA, ,RTZA BA LNGA BSKOL KHU BA'AM, ,RGUN CHANG RNYING PA BLUD PAR BYA, ,ZHES BYA BA LA, DE LA BTUNG BA'I DON CHANG DANGS MA LA SOGS PA BAD KAN LAS GYUR PA'I SKRAN CAN GYI NAD LA BLUD PAR BYA'O, ,PI PI LING DANG DE'I RTZA BA, ,GO SNYOD RGYAM TSA KRU TRUG TRES, ,CHANG GI SNYIGS MAR BSRES PA YIS, ,SKRAN NI MYUR DU SEL BAR BYED, ,CES BYA BA LA, PI PI LING DANG, PI PI LING GI RTZA BA LA SOGS PA DANG CHANG GI SNYIGS MA 'OG TU LUS PA DANG SBYAR TE BLUD NA YANG SKRAN SEL BAR BYED DO, ,SLON DANG SMYUNG BA DUGS DANG NI, ,SMAN MAR BLUD DANG BKRU SMAN DANG, ,'JAM RTZI THAL SMAN MNAN CHANG DANG, ,CHANG RNYING RI LU PHAN ZAS KYIS, ,BAD KAN SKRAN CAN GTING ZUG PAS, ,GAL TE ZHI BAR MA GYUR NA, ,DE LA KHRAG DBYUNG THA MAR NI, ,MDE'U LCAGS SOGS KYIS BSREG PAR BYA, ,ZHES BYA BA LA, BAD KAN LAS GYUR PA'I SKRAN LA SLON SMAN LA SOGS PA BTANG BAR GYUR KYANG DE'I NANG DU GTING ZUG PA'I RGYUS ZHI ZHING BYANG BAR MA GYUR NA, DE LA KHRAG DBYUNG BA'I SBYOR BA BYAS NAS DE'I RJES LA MDE'U LCAGS LA SOGS BAS LEGS PAR BSREG PAR BYA'O, ,DE NAS SKRAN NI MTHAR THUG PAR, ,SMAN PAS DOS KYIS DKRIS NAS NI, ,LTE BA CHU SO RGYU MA SNYING, ,SPU YI PHRENG NI MA GTOGS PAR, ,SHIN TU GTING THUG MA YIN PAR, ,MDE'U BSREGS PA'AM YANG NA NI, ,GZONG BU'I LCAGS NI BSREG PA
, ,PA'AM, ,TIN DU KA YI SHING GIS BSREG ,CES BYA BA LA, DE NAS BSREG PA'I TSUL NI SKRAN GYI MTHA' CI TZAM YOD PA NAS GOS KYIS LEGS PAR DKRIS SHING BSDAMS LA SMAN PAS LTE BA DANG CHU SO LA SOGS PA DAG TU MA REG CING GTING THUG PAR SLEB PAR MA GYUR PAR MDE'U SA BSREG PA'AM, SHING TIN DU KA BSREGS PA'I BAR GANG YANG RUNG BAS DE SBYOR BA JI LTA BA BZHIN DU BSREG PAR BYA'O, ,DE NAS BSIL BAS ME DBAL NI, ,ZHI NAS RMA LTAR GSO BAR BYA, ,ZHES BYA BA LA, DE NAS DE'I 'OG TU KHA BA DANG, MNGAR BA DANG, SKYUR BA'I BAG BSIL BAR GYUR PAS MES BSREGS PA'I ME DE ZHI ZHING MED PAR BYAS NAS DE'I 'OG TU RMA GSO BA'I TSUL DU GSO BAR BYA'O, ,MA ZHU RJES 'BREL SMYUNG BYAS NAS, ,THUG PA SOGS KYIS ME DROD SKYED, ,RANG RANG RIM DANG 'DRES PA LA, ,'DREN PA'I GSO BAS GSO BAR BYA, ,ZHES BYA BA LA, NAD GZHI THA DAD PA LAS GYUR PA'I SKRAN MA ZHU BA DANG RJES 'BREL CING SMIN PAR GYUR PA LA NI DANG POR SMYUNG BA BYAS NAS, DE'I 'OG TU THUG PA LA SOGS BAS PHO BA'I ME DROD SKYED CING RANG RANG GI GSO BA'I RIM PA SPYAD PAR BYA LA, NAD GZHI 'DRES PA LAS GYUR PA DANG LDAN BA DANG, 'DUS PA'I NAD LA NI SNGAR JI SKAD SMOS PA'I GSO BA DE DAG LAS 'DREN MA'I TSUL GYIS GSO ZHING BCOS PAR BYA'O, ,BCAS PA'I DUS NI 'DAS GYUR PA'I, ,BUD MED LA SKRAN KHRAG SKYES 'BYUNG, ,DE LA LUS SNUM DUGS BYAS PAR, ,SNUM GYI BKRU SMAN GTANG BAR BYA, ,ZHES BYA BA LA, KHRAG LAS GYUR PA'I SKRAN DAG NI BUD MED BTZAS PA'I DUS TE, MNGAL DU CHAGS NAS ZLA BA BCU 'DAS PA YAN CHAD 'BYUNG BAR 'GYUR LA, DE LTA BU DE LA NI LUS LA SNUM PA DANG DUGS KYI CHO GA DANG POR BYAS NAS SNUM CAN GYI BKRU SMAN GTANG BAR BYA'O, ,TIL BSKOL MAR DANG BU RAM DANG, ,TSA GSUM GA BRA'I RTZA BA'I PHYE, ,KHRAG LAS GYUR PA'I SKRAN DANG NI, ,BUD MED ZLA MTSAN MED LA BLUD, , CES BYA BA LA, KHRAG LAS GYUR PA'I SKRAN DANG BUD MED ZLA MTSAN DUS SU MA BYUNG NA, NANG DU MAR LA SOGS PA BTAB PA BLUD NA PHAN NO, ,GA BRA'I RTZA BA PI PI LING, ,THANG SHING KA RANYDZA'I SHUN PA, ,PI PI LING GI RTZA BA YI, ,PHYE MA TIL BSKOL CHUR SBYAR BA, ,BLUD NA PHRAG SKRAN NAD SEL
BYED; ,CES BYA BA LA, GA DRA'I RTZA BA LA SOGS PA'I PHYE MA TIL BSKOL BA'I CHU DANG BLUD NA YANG KHRAG LA SOGS PA'I SKRAN 'JOMS PAR BYED DO, ,PA LA SHA YI THAL BA NI, ,BRE BRGYAD TIL MAR MAR BRE BRGYAD, ,BSKOL TE TSAD BZHIN BLUD NA NI, ,SKRAN NI SNYI BAR BYED PA YIN, ,ZHES BYA BA LA, PA LA SHA BSREGS PA'I THAL BA'I KHU BA GZAGS PA BRE BRGYAD DANG DE BZHIN DU TIL MAR DANG MAR SPYIR BRE BRGYAD BSRES TE BSKOL LA JI LTA BA BZHIN DU BLUD NA BUD MED KYI KHRAG LAS GYUR PA'I SKRAN SNYI BAR BYED CING LHOD PAR 'GYUR BA YIN NO, ,GAL TE SNYI BAR MA GYUR NA, ,MNGAL GYI BKRU SMAN GTANG BAR BYA, ,TIL GYI LDE GU THAL SMAN BCAS, ,YANG NA SU DH'A KshI RAR SBYAR, ,ZHES BYA BA LA, DE LTAR BYAS PAR GYUR KYANG KHRAG LAS GYUR PA'I SKRAN DE SNYI ZHING ZHIG PAR MA GYUR NA MNGAL GYI SGO NAS BKRU SMAN GTANG BA'I TIL BTAGS BA'I LDE GU NAS TSIG 'KHUS PA'I THAL BA DANG SBYAR BA'I BKRU SMAN GTANG BAR BYA BA'AM, YANG NA TIL MAR GYI LDE GU DANG SU DH'A KshI RA DANG SBYAR BA'I MNGAL GYI BKRU SMAN GTANG BAR BYA'O, ,YANG NA DE GNYIS DANG BSRES PA'I, ,NYA NI KHA BO GTANG BAR BYA, ,ZHES BYA BA LA, YANG NA NAS TSIG 'KHUS PA'I THAL BA DANG, SU DH'A KshI RA DANG SBYAR BA NYA KHA BO ZHES BYA BA NYA'I PHRU GU SBYAR BA'I BKRU SMAN MNGAL GYI SGO NAS GTANG BAR BYA'O, ,PHAG RGOD NYA YI MKHRIS PA YIS, ,BSGOS PA'I RAS MA GZHUG PAR BYA, ,ZHES BYA BA LA, PHAG RGOD DANG NYA'I MKHRIS PA GNYIS BSGOS SHING DE LA SPANGS PA'I RAS MA RNAMS ZHES BYA BA GOS KYI DU MA BU GZHUG BAR BYA'O, ,YANG NA BU RAM THAL SMAN GNYIS, ,PHABS SBYAR MNGAL NI SPYANG PHYIR GTANG, ,ZHES BYA BA LA, YANG NA MNGAL NAD SBYANG BAR BYA BA'I PHYIR BU RAM DANG THAL SMAN GNYIS DANG PHABS SBYAR TE, MNGAL NAS GTANG BAR BYA'O, ,KHRAG MKHRIS SEL BA'I THAL SMAN NI, ,SBRANG RTZI MAR BCAS LDE GU SBYIN, ,ZHES BYA BA LA, KHRAG DANG MKHRIS PA SEL CING THAL SMAN AUTPA LA'I SDONG BU LA SOGS PA BSRES PA GANG YIN PA DANG, SBRANG RTZIR SBYAR BA'I LDE GU SBYIN NA YANG PHAN NO, ,SGOG SKYA'I CHANG NI RNON PO DANG, ,NYA YANG DE LA SBYIN PAR BYA, ,ZHES BYA BA LA, YANG BUD MED DE LA SGOG SKYA LA SOGS PA BYIN NA YANG PHAN NO, ,RTZA BA BCU PA
, ,THAL SMAN DANG, ,'O MA BA GCIN MAS GTANG BYA, ,ZHES BYA BA LA, YANG NA RTZAB BCU PA BSKOL BA DANG 'O MA DANG SBYAR BA MAS GTONG BA GONG MA 'AM, RTZA BA BCU BA DANG THAL SMAN SBYAR BA MAS GTONG BA'AM, RTZA BA BCU DANG BCAS PA BA GCIN MAS GTONG BA GONG MA YANG BYA'O, ,DES KYANG KHRAG 'DZAG MA GYUR NA, ,SKRAN 'JIG BYED PA'I SBYOR BA PHAN, ,ZHES BYA BA LA, SBYOR BA DE DAG KYANG KHRAG 'DZAG CING ZLA MTSAN MI SNANG NA SKRAN 'JIG PAR BYED PA'I SMAN SBYOR BAR BYA'O, ,BYUNG NAS MAR DANG TIL MAR BSKU, ,GCAD PA DAG NI MI BYA ZHING, ,SHA KHU 'BRAS CHAN BZA' BA DANG, ,BTUNG BA CHANG NI SAR PA BLUD, ,CES BYA BA LA, ZLA MTSAN GYI KHRAG DE BYUNG BAR GYUR NAS NI ZHUN MAR GYIS DE'I LUS LA BSKU BAR BYA ZHING, KHRAG DBYUNG BA DE MI GCAD PAR BTANG SNYOMS SU BZHAG LA, SHA KHU DANG 'BRAS CHAN DU SBYAR BA SBYIN CING CHANG SAR BA BLUD PAR BYA'O, , KHRAG NI SHAS CHER BYUNG GYUR NA, ,KHRAG MKHRIS SEL BA'I GSO BA BYA, ,ZHES BYA BA LA, DE LTAR KHRAG BYUNG BA LAS SHAS CHER RGAL ZHING MANG DU BYUNG NA, KHRAG MKHRIS BSAL BA'I GSO BA JI SKAD BSHAD PA DAG BYA'O, ,RLUNG GI NAD KYIS NYEN GYUR NA, ,RLUNG GI GSO BA KUN KYANG BYA, , LTO SPOS SOGS DANG RTUG SKAM LA, ,RLUNG BSAL GSO BA JI BZHIN BYA, ,ZHES BYA BA LA, BUD MED DE RKYEN DE LAS DE RLUNG NAD SKYES PAR GYUR NA NI, RLUNG BSAL CING 'JOMS PA'I JI SKAD SMOS PA THAMS CAD BYA'O, ,GAL TE DE LTO SPOS PA DANG RLUNG NAD GTUN 'DRA BA DANG RTUG PA 'GAGS PA LA SOGS PA'I NAD LA NI RTUG SKAM GSO BA'I SBYOR BA JI SKAD SMOS PA DAG BYA'O, ,SMAN DPYAD YAN LAG BRGYAD PA'I SNYED PO'I RNAM PAR 'GREL BA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES BAR SBYAR BA LAS, GSO BA'I GNAS LE'U BCU BZHI PA'I RNAM PAR 'GREL PA'O,, ,,
, ,DE NAS DMU RDZING GSO BA'I LE'U BSHAD PAR BYA'O, ,ZHES BYA BA LA, 'DI'I GO RIMS DANG MTSAN NYID KYIS NAD GSO BA 'DI BRTZAMS PA YIN NO, ,NAD NI SHAS CHER SOGS PA DANG, ,BU GA'I RGYUN SRANG 'GAGS PA LA, , [DD] DMU RDZING 'BYUNG BAS DE YI PHYIR, ,RTAG TU BKRU SMAN GTANG BAR BYA, ,ZHES BYA BA LA, GANG GI PHYIR DMU RDZING GI NAD THAMS CAD NI DANG POR NAD KYI DKYEL SHAS CHER SOGS SHING NANG NA 'PHEL BAR 'GYUR BA DANG, DE BZHIN DU BU GA'I RGYUN SRANG 'GAGS PA RLUNG GIS DKRUGS PAR GYUR PA LAS DMU RDZING 'BYUNG BAR 'GYUR BA YIN NO, ,RGYU DE BAS NA DMU RDZING GI NAD KYIS THEBS PA LA NI RTAG PAR RGYUN DU BKRU SMAN GTANG BAR BYA'O, ,YANG NA ZLA BA GCIG GAM GNYIS, ,AE RAndA'I MAR BA GCIN BCAS, ,'O MAR BCAS PA'AM BA GCIN NAM, ,MA HE'I GCIN NI BLUD BYA ZHING, ,BA YI 'O MA BLUD PAR BYA, ,ZHES BYA BA LA, DMU RDZING GI NAD DANG LDAN PA DE LA ZLA BA GCIG GAM GNYIS KYI BAR DU AE RAndA'I MAR BA GCIN DANG SBYAR BA NYIN RE ZHING BLUD PAR BYA BA'AM, YANG NA BA'I 'O MA ZLA BA GCIG GAM GNYIS KYI BAR DU NYIN RE ZHING BLUD PAR BYA BA'AM, BA'I GCIN NAM MA HE'I GCIN ZLA BA GCIG GAM GNYIS KYI BAR DU BLUD PAR BYA'O, ,LTO SBOS TSA
, ,BAS NYAM THAG CING, ,SKOM DANG BRGYAL BAS NON PA LA, ,RNGA MO'I 'O MA BLUD PAR BYA, ,ZHES BYA BA LA, YANG DMU RDZING CAN LTO SBOS PA LA SOGS PA'I NAD KYI BLA BRNAN GYIS NYAM THAG PA LA NI RNGA MO'I 'O MA BLUD PAR BYA'O, ,RTZUB CING RLUNG SHAS CHE BA YI, ,NAD NI SBYANG BAR BYA 'DOD PAS, ,SNUM CHOS DANG NI SMAN MAR DAG ,DMU RDZING 'JOMS PAR SBYAR BAR BYA, ,ZHES BYA BA LA, DMU RDZING CAN GYI NAD PA KHONG RTZUB CING LHAG PAR RLUNG GI SHAS CHE BAR GYUR PA'I NAD KYI TSOGS SBYANG ZHING SEL BAR 'DOD PAS SNUM GYI CHO GA DANG SMAN MAR GYI SBYOR BA DMU RDZING SEL BAR BYED PA DAG GTANG BAR BYA'O, ,SRANG DRUG RTZA BA BCU PA'I CHU, ,ZHO GA CHU NI BRE BRGYAD BSKOL, ,ZHES BYA BA LA, YANG NA RTZA BA BCU NI CHU GNYIS DANG BSKOL BA SRANG DRUG PA SMAN MAR JI SKAD SMOS PA DE SBYIN PAR BYA'O, ,DONG GRA SRONG GSUM MAR DANG NI, ,TIL MAR BRE NI RE RE DANG, ,ZHO GA CHU NI BRE BZHI DAG ,BSKOL BA 'DI NI BLUD GYUR NA, ,DMU RDZING THAMS CAD 'JOMS PAR BYED, ,RLUNG DANG BAD KAN LAS BYUNG BA'I, ,SKRAN LA'ANG MCHOG TU PHAN PA YIN, ,ZHES BYA BA LA, DONG GRA SRANG GSUM GYI LDE GU DANG, MAR BRE GANG DANG, TIL MAR BRE GANG DANG, ZHO GA CHU BRE BZHI'I NANG DU BSKOL TE BLUD NA YANG PHAN ZHING, RLUNG DANG BAD KAN GYI SKRAN LA YANG PHAN NO, ,BZHI 'GYUR CHU DANG NYIS 'GYUR GCIN, ,KRU TRUG TRES SRANG GCIG LDE GU, ,BRE GANG MAR BSKOL THAL SMAN BCAS, ,DMU RDZING CAN LA BLUD PAR BYA, ,ZHES BYA BA LA, MAR BRE GANG STE DE LA LTOS PA'I CHU BZHI 'GYUR TE BRE BZHI BA GCIN NYIS 'GYUR TE BRE DO, KRU TRUG TRES SRANG GCIG GI LDE GU DANG BSKOL BA'I MAR THAL SMAN DANG BCAS PA BLUD NA YANG DMU RDZING SEL BAR BYED DO, ,NAS DANG RGYA SHUG RGYA SRAN DANG, ,RTZA BA LNGA DANG BSKOL BA'I CHU, ,CHANG DANG RANG SKYUR BCAS PA DANG, ,MAR BSKOL BA YANG BLUD PAR BYA, ,ZHES BYA BA LA, YANG NA NAS LA SOGS PA'I KHU BA DANG MAR BSKOL BA BLUD NA YANG PHAN NO, ,SNUM 'DI SNUM BYAS NYAMS STOBS NI, ,SKYE ZHING RLUNG NAD ZHI GYUR NAS, ,NAD NI GNAS LAS BSKYOD PA DANG, ,CHO GA GRUB BSHAD
BKRU SMAN GTANG, ,ZHES BYA BA LA, SNGAR BSHAD MA THAG PA'I SMAN MAR GYI SNUM 'DI SNUM PAR BYAS SHING LUS KYI NYAMS STOBS BSKYED PA DANG, KHONG PA'I RLUNG ZHI ZHING DAG PAR GYUR PA DANG, NAD RANG GI GNAS LAS BSKYOD CING 'GUL BAR GYUR NA CHO GA GRUB PA LAS JI SKAD BSHAD PA'I BKRU SMAN DAG SBYIN PAR BYA'O, ,PA TO LA'I RTZA 'BRAS BU GSUM, ,SKYER PA BYI DANG GA ZHO RE, ,KAM BI LA DANG NI LI NI, ,TZI TRA KA ZHO GNYIS GSUM BZHI, ,PHYER BTAGS BA GCIN SBYAR TE BLUD, ,'KHRUS NAS THUG PA SHA KHU NI, ,SKAM SAR GNAS PA'I SHA KHU SBYIN, ,DE NAS ZHAG DRUG 'O MA DANG, ,TSA BA GSUM DANG BSKOL BA NI, ,YANG DANG YANG DU BLUD BYAS NA, ,'DI YIS DMU RDZING THAMS CAD NI, ,DMU CHUR GYUR KYANG 'JOMS PAR BYED, ,CES BYA BA LA, PA TO LA'I RTZA BA LA SOGS PA SMAN SNA RE ZHING ZHO RE RE, KAM BI LA ZHO GNYIS, NI LI NI ZHO GSUM, TZI TRA KA ZHO BZHI STE, DE DAG THAMS CAD PHYE MAR BTAGS LA BA GCIN DANG SBYAR BA BLUD NA DE 'KHRUS NAS THUG PA LA SOGS PA'I SBYOR BA SBYIN ZHING, DE'I 'OG TU ZHAG DRUG 'O MA DANG TSA BA GSUM BSKOL BA BLUD LA, DE'I 'OG TU ZHAG BDUN PA LA YANG BLUD PAR BYA STE, DE LTAR PHYE MA DE YANG DANG YANG DU BLUD NA DMU RDZING THAMS CAD SEL BAR 'GYUR RO, ,BI SHA LA DANG SHANG KHI NI, ,DAN DA SENG PHROM SHUN SHU DAG ,RGYA SHUG PHRE'U RGUN 'BRUM DANG, ,RGYA SHUG SBOM CHU BU RAM CHANG, ,BA GCIN DANG NI SBYAR BA BLUD, ,CES BYA BA LA, BI SHA LA LA SOGS PA'I SMAN RGYA SHUG PHRE'U KA RI KAN DA ZHES BYA BA BSKOL BA'I KHU BA 'AM, RGUN CHU 'AM, RGYA SHUG SBOM PO BI DI RA ZHES BYA BA'I CHU 'AM, BU RAM CHANG GANG YANG RUNG BA DANG SBYAR TE BLUD NA YANG PHAN TE, BU RAM CHANG DANG, BA GCIN DANG SBYAR TE BLUD PA NI BKRU SMAN GYI DON DU GTANG NGO, , LA LA PHUD DANG SPA MA'I 'BRAS, ,'U SU SHU TI ZI RA GNAG ,PI PI LING TZA KA RA B'I, ,AA ZA MO DANG ZUR BA DKAR, ,SHU DAG ZI RA TZI TRA KA ,TSA BA GSUM DANG KHRON BU DANG, ,'BRAS BU GSUM DANG THAL SMAN GNYIS, ,MA NU RU RTA LAN TSVA LNGA, ,BYI DANG GA RNAMS CHA SNYOMS
, ,DANG, ,DAN DA CHA GSUM DE BZHIN DU, ,DUR BYID PI SHA LA NYIS 'GYUR, ,SA DA LA NI BZHI 'GYUR TE, ,PHYE MA 'DI NI SRED MED BU, ,ZHES BYA NAD KYI TSOGS 'JOMS BYED, ,'DI BSTEN NAD NI MI GNAS TE, ,KHYAB 'JUG GIS BCOM LHA MIN MTSUNGS, , DMU RDZING NAD LA DAR BA BLUD, ,SKRAN CAN RGYA SHUG CHU SBYAR BLUD, ,RLUNG GIS LTO SBOS CHANG SBYAR BLUD, ,RLUNG NAD NYID LA CHANG DANGS SBYAR, ,PHYI SA 'GAGS LA ZHO GA CHUS, ,GZHANG 'BRUM CAN LA ZHO GA CHUS, ,BCAD SNYAM SEMS LA DA TRIG CHUS, ,MA ZHU BA LA CHU DRON LAS, , MTSAN BAR RDOL DANG SKYA RBAB DANG, ,LUD PA DBUGS MI BDE SKAD 'GAGS, ,SNYING NAD 'PHO BA'I NAD DANG NI, ,MDZE DANG ME DROD NYAMS DANG RIMS, ,MCHE BA'I DUG DANG RTZA BA'I DUG ,DBYIG DUG SBYAR BA'I DUG BCAS LA, ,CI RIGS PAR NI PHYE MA 'DI, ,KHONG PA SNUM DANG LDAN PA LA, ,BLUD NAS 'KHRU RU GZHUG PAR BYA, ,ZHES BYA BA LA, LA LA PHUD NAS BYI DANG GA'I BAR GYI SMAN CHA MNYAM PAR BYAS LA, SMAN DANG PO LA LTOS PA'I DAN DA CHA GSUM GZHUG CING, DE BZHIN DU DUR BYID DANG, BYI SHA LA DANG PO'I NYIS 'GYUR SA DA LA ZHES BYA BA SMAN SA DA LA DANG PO'I BZHI 'GYUR DU BYAS TE, PHYI MA 'DI NI SRED MED KYI BU ZHES BYA STE, DE NI NAD KYI TSOGS DU MA 'JOMS PAR BYED PA YIN TE, PHYE MA 'DI BSTEN CING ZOS NA NAD LA GNAS SHING 'DUG PA'I MTHU MED CING, DPER NA KHYAB 'JUG CES BYA BA SRED MED KYI BUS LHA MA YIN RNAM PAR BCOM PAR GYUR NA GNAS SHING 'DUG PA'I MTHU MED PA DANG 'DRA'O, ,DE DMU RDZING CAN GYI NAD PA LA NI DAR BA DANG SBYAR TE BLUD PAR BYA BA NAS MA ZHU BA LA CHU DRON DANG SBYAR TE BLUD PAR BYA LA, BCAD SNYAM SEMS PA NI RGYU MA'I NANG GI BCAD PA SNYAM DU SEMS TE DE LA DA TRIG BSKOL BA'I CHU DANG BLUD PAR BYA'O, ,MTSAN BAR RDOL NAS SBYAR BA'I DUG GI BAR DU NI PHYE MA 'DI DANG PO KHONG PA SNUM GYIS ZHEN PAR BYAS LA, SBYOR BA JI LTA BA BZHIN DU BLUD DE LEGS PAR 'KHRUR GZHUG PAR BYA'O, ,SPA MA'I 'BRAS BU BYA RU DANG, ,'BRAS BU GSUM DANG NI LI NI, ,PU TZE SHEL DANG KYI
LCA [?] BA [?], ,DUR BYID SHU DAG SA LA DANG, ,RGYAM TSA DANG NI KHA RU TSA, ,PI PI LING NI PHYE MAR BTAGS, ,SE'U 'BRU'I KHU BA'AM 'BRAS BU NI, ,GSUM GYI KHU BA'AM SHA KHU 'AM, ,BA GCIN DRO 'JAM CHU LAS BLUD, ,'DIS NI SKRAN NAD THAMS CAD DANG, ,MCHER PA DMU RDZING THAMS CAD DANG, SHA BKRA MDZE NAD MA ZHU DANG, ,DROD NYAMS ME DROD MA SNYOMS DANG, ,GZHANG 'BRUM SKYA RBAB MIG SER DANG, ,RKANG LAG ZHA BA'I NAD DANG NI, ,RLUNG DANG MKHRIS PA BAD KAN RNAMS, ,BKRU SMAN BTANG BAS MYUR DU SEL, ,ZHES BYA BA LA, SPA MA'I 'BRAS BU ZHES BYA BA HA PU SHA LA SOGS PA'I SMAN PHYE MAR BYAS LA PHYE MA 'DI SE'U 'BRU'I KHU BA LA SOGS PA GANG YANG RUNG BA DANG SBYAR TE CI RIGS PAR BLUD NA SKRAN GYI NAD THAMS CAD LA SOGS PA SEL CING PHYE MA DE BKRU SMAN DU BTANG BAS NAD GZHI GSUM CHAR SEL BAR BYED DO, ,NI LI NI DANG TSA BA GSUM, ,LCANG MA YA BAKshA RA DANG, ,LAN TSVA LNGA DANG KRU TRUG TRES, ,PHYE MA ZHUN MAR BLUD NA NI, ,DMU RDZING SKRAN GYI NAD RNAMS SEL, ,ZHES BYA BA LA, NI LI NI LA SOGS PA'I SMAN PHYE MAR BTAGS LA ZHUN MAR DANG SBYAR TE BLUD NA DMU RDZING DANG SKRAN GYI NAD RNAMS SEL BAR BYED DO, ,SBYANG BYAS NYAM CHUNG BAR BAR DU, ,RNGA MO 'AM BA 'AM RA YI NI, ,'O MA SNGON BZHIN BLUD PAR BYA, ,ZHES BYA BA LA, BKRU SMAN BTANG BAS LUS NYAM CHUNG BAR GYUR PA LA NI BAR BAR TE, SKABS SKABS SU RNGA MO 'AM BA 'AM RA'I 'O MA TSA BA GSUM DANG BCAS PA BLUD PAR BYA'O, ,BSHOL DU MED PA'I NAD LA NI, ,BKRU SMAN PHYIR NI SNUM BCAS GTANG, ,MCHOG TU NYAM CHUNG NYID LA SBYIN, ,ZHES BYA BA LA, DMU RDZING GI NAD GDON MI ZA BAR BYA DGOS SHING SHIN TU GTUGS PAR GYUR PA LA NI, BKRU SMAN SNUM CAN BTANG BAS GSO BAR BYA LA, DE LAS KYANG MCHOG TU NYAM CHUNG BAR GYUR PA LA NI SNUM GYI BKRU SMAN GTANG BAR BYA'O, ,AA RU RA YI PHYE MA NI, ,BRE GANG MAR NI BRE BZHI DANG, ,ME LA BZHUS NAS GZAR BU YIS, ,DKRUGS NAS NAS KYI SBUN [?] PA'I NANG, ,ZLA GCIG BZHAG NAS DE RJES LA, ,PHYUNG NAS LEGS PAR BZHUS NAS NI, ,AA RU RA BSKOL
, ,KHU BA DANG, ,ZHO NI SKYUR PO BCAS PAR BSKOL, ,DE 'THUNGS DMU RDZING SKRAN LTO SBOS, ,GTUN 'DRA'I RLUNG NAD KHONG 'BRAS DANG, ,MDZE DANG SMYO BYED BRJED BYED RNAMS, ,NYE BAR 'JOMS PAR BYED PA YIN, ,ZHES BYA BA LA, AA RU RA'I PHYE MA ZHIB TU BTAGS LA BRE GANG MAR BRE BZHI DANG BCAS PA ME LA BZHUS NAS, DE'I 'OG TU GZAR BUS LEGS PAR DKRUGS LA LEGS PAR 'DRES PAR BYAS TE, NAS SAM NAS KYI SBUN [?] PA'I NANG DU ZLA BA GCIG GI BAR DU SBANGS NAS DE'I RJES LA PHYUNG STE, YANG AA RU RA BSKOL BA'I KHU BA DANG, ZHO SKYUR PO DANG BCAS PAR SMAN MAR DE 'THUNGS NA DMU RDZING LA SOGS PA'I NAD 'JOMS PAR BYED DO, ,SHR'I KHAndA BA'I 'O MA, ,BSKOL TE BSGRANGS NAS GZAR BUS DKRUGS, ,LAS BYUNG MAR NI SNU HA YI, ,'O MAR BCAS BSKOL SNGA MAR MTSUNGS, ,ZHES BYA BA LA, SHR'I KHAndA ZHES BYA BA SHING SNU HA'I 'O MA DANG BSKOL TE BSGRANGS NAS GZAR BUS DKRUGS NAS BSRUBS PA LAS BYUNG BA'I MAR SAR GANG YIN PA DE YANG SHING SNU HA DE NYID KYI 'O MA DANG BSKOL BA BLUD NA YANG YON TAN SNGA MA DANG MTSUNGS TE DMU RDZING LA SOGS PA SEL BAR BYED DO, ,'O MA BRE NI BCU DRUG DANG, ,SU DH'A KshI RA BRE PHYED BCAS, ,ZHOR GYUR BSRUBS LAS MAR BYUNG DANG, ,DUR BYID BSKOL BA YANG YON TAN DE'O, ,ZHES BYA BA LA, 'O MA DANG SU DH'A KshI RA JI SKAD SMOS PA ZHOR GYUR PA LA SOGS PA'I SBYOR BA YANG YON TAN GONG DANG 'DRA'O, ,MAR NI BRE GANG DAG DANG NI, ,'O MA BRGYAD 'GYUR NANG DU NI, ,SNU HA'I 'O MA SRANG GCIG DANG, ,DUR BYID SRANG DRUG BSKOL DE BZHIN, ,ZHES BYA BA LA, MAR BRE GANG DANG 'O MA DE'I BRGYAD 'GYUR GYI NANG DU SHING SNU HA'I 'O MA SRANG GCIG DANG DUR BYID ZHO DRUG GI LDE GUR BYAS PA DANG BSKOL TE BLUD NA YANG YON TAN SNGA MA DANG 'DRA STE, GONG MA BZHIN NO, ,'DI BLUD 'OG TU THUG PA DANG, ,SHA KHU MNGAR PO 'AM 'O MA BLUD, ,CES BYA BA LA, 'DIR MAR 'DI BLUD PA'I 'OG TU THUG PA LA SOGS PA GANG YANG RUNG BA BLUD PAR BYA'O, ,MA ZHU 'KHRUS PAR GYUR PA DANG, ,BCA' SGA BSKOL BA'I CHU DRON BLUD, ,DE NAS THUG PA DE'I 'OG NI, ,KU LAD THA YI YU SHA BLUD, ,CES BYA BA LA, YANG SMAN MAR
DE ZHU ZHANG 'KHRUS PAR GYUR PA DANG, NAD PA LA BCA' SGA DANG BSKOL BA'I CHU DRON BLUD PAR BYA LA, DE NAS NI THUG PA RKYANG RKYANG PO BLUD PAR BYA LA, DE'I 'OG TU NI RGYA SRAN KU LAD THA G-YOS PA'I YU SHA BLUD PAR BYA'O, ,DE LTAR KHONG RTZUB ZHAG GSUM BLUD, ,SLAR YANG THUG SOGS RIM PA BLUD; ,CES BYA BA LA, DE LTAR RIM PA 'DIS KHONG RTZUB CING RLUNG SHAS CHE BA DAG GIS NI SNGAR BSHAD PA'I MAR GANG YANG RUNG BA ZHAG GSUM GYI BAR DU BLUD CING THUG PA LA SOGS PA'I RIM PA 'DI YANG ZHAG GSUM GYI BAR DU BLUD PAR BYA'O, ,RIM PA 'DI DAG NYID KYIS NI, ,ZHUN MAR YANG DANG YANG DU BLUD, ,CES BYA BA LA, GO RIMS 'DIS SMAN MAR YANG DANG YANG DU BLUD CING SBYIN PAR BYA'O, ,MAR NI BSKOL BAR GYUR PA 'DI, ,SMAN PA LAS LA BYANG BA YIS, ,SKRAN RNAMS DANG NI DBYIG DUG DANG, ,DMU RDZING BSAL PHYIR BLUD PAR BYA, ,ZHES BYA BA LA, MAR DE LTAR BSKOL BA 'DI SMAN PA LAS LA BYANG ZHING RMONGS PA MED PA DAG GIS SKRAN LA SOGS PA BSAL BAR BYA BA'I PHYIR SBYIN PAR BYA'O, ,YANG NA PI LU LDE GUR BSKOL, ,LTO SBOS SEL BA BLUD PAR BYA, ,ZHES BYA BA LA, YANG NA PI LU BTAGS PA'I LDE GU DANG BSKOL BA'I MAR BLUD NA YANG PHAN NO, ,SENG PHROM NI LI NI'I MAR RAM, ,'DRES PA'I SMAN MAR BLUD PAR BYA, ,ZHES BYA BA LA, YANG NA SNGAR BSHAD PA'I SENG PHROM GYI SMAN MAR NI LI NI'I SMAN MAR RAM, 'DRES PA'I SMAN MAR GANG YANG RUNG BA BLUD PAR BYA'O, ,NAD BSAL NAS NI RIM GYIS SEL, ,S'A LU'I 'BRAS CHAN YANG ZHING NYUNG, ,BYIN LA DMU RDZING CAN GYI NI, ,NAD KYI LHAG MA DAG BYA'I PHYIR, ,AA RU RA NI RDOG PO STONG, ,BA GCIN DANG SBYAR 'O MA BLUD, ,YANG NA PI PI LING RDOG STONG, ,SU DH'A KshI RAR LEGS PA SRES PA'AM, ,PI PI LING NI BSKYED SBYIN PA'AM, ,'O MAR 'THUNGS SHING BRAG ZHUN BZA', ,DE BZHIN GU GUL 'O MA DANG, , CHA MNYAM SGE'U GSHER KHU BA SBYIN, ,ZHES BYA BA LA, LTO BA'I NAD BSAL ZHING SBYANGS NAS THUG PA LA SOGS PA'I RIM PAS KHA ZAS SBYIN PAR BYA BA DANG S'A LU'I 'BRAS CHAN YANG BZHIN DU NYUNG ZHING SBYIN PA DANG YANG NAD KYI LHAG MA MA LUS PAR DAG PAR BYA BA'I PHYIR AA RU RA RDOG MA STONG BA GCIN DANG SBYAR BA
, ,BLUD PA DE'I RJES LA 'O MA BLUD PAR BYA'O, ,YANG NA NYES PA'I LHAG MA DE DAG PAR BYA BA'I PHYIR, ,PI PI LING GI RDOG MA STONG SHR'I KHAndA DANG BSRES SHING DE LA SPANGS PA SBYIN PAR BYA'O, ,YANG NA PI PI LING GIS CHA BSKYED PA'I TSUL BCUD KYIS LEN PA'I CHO GA LAS JI SKAD SMOS PA BZHIN DU SBYIN PA'AM YANG NA 'O MA BLUD CING BRAG ZHUN SBYIN PAR BYA BA'AM, DE BZHIN DU GU GUL DANG 'O MA SBYAR TE SBYIN PAR BYA BA'AM, YANG NA NYES PA'I LHAG MA SBYANG BA'I PHYIR 'O MA DANG SGE'U GSHER GYI KHU BA SBYAR TE BLUD PAR BYA'O, ,YANG NA THANG SHING TZI TRA KA'I, ,LDE GU 'O MAR SBYAR BA BLUD, ,ZLA GCIG HA STI PI PI LING, ,BCA' SGA 'O MAR BCAS PA BLUD, ,CES BYA BA LA, YANG NA LTO BA'I NYES PA'I LHAG MA DAG PAR BYA BA'I PHYIR THANG SHING DANG TZI TRA KA'I LDE GU 'O MA DANG SBYAR TE BLUD PAR BYA BA'AM, YANG NA HA STI PI PI LING DANG BCA' SGA DANG BCAS PA'I LDE GU 'O MA DANG SBYAR TE ZLA BA GCIG GI BAR DU SBYIN PAR BYA'O, ,DAN DA TZI TRA BYI DANG GA ,DBYI MO TSA GSUM LDE GU NI, ,ZHO GNYIS 'O MAR SBYAR BLUD NA, ,DMU RDZING 'PHEL BA SEL BAR BYED, ,CES BYA BA LA, DAN DA LA SOGS PA'I SMAN DE DAG GI LDE GU ZHO GNYIS KYI TSAD TZAM 'O MA DANG SBYAR TE BLUD NA YANG, DMU RDZING 'PHEL ZHING STOBS DANG LDAN PA DAG SEL BAR BYED DO, ,YANG NA SU DH'A KshI RA MAR, ,BCAS PA'I KHA ZAS ZLA GCIG SBYIN, ,ZHES BYA BA LA, YANG NA SU DH'A KshI RA DANG, ,MAR CHUNG ZAD TZAM DANG BSRES PA KHA ZAS ZLA GCIG BAR DU SBYIN PAR BYA'O, ,SU DH'A KshI RAR LA SPANGS PA'I, ,PI PI LING DANG KHUR BA SBYIN, ,ZHES BYA BA LA, YANG NA SU DH'A KshIR LA SBANGS PA'I PI PI LING DANG BCAS PA'I KHUR BA ZLA BA GCIG GI BAR DU SBYIN PAR BYA'O, ,GAL TE RTZIB LOGS GZER ZHING RENGS, ,SNYING BRGAL RLUNG GI NAD LDANG NA, ,DE LA TIL MAR BIL BA DANG, ,THAL SMAN DANG NI LDAN PAR SBYIN, ,ZHES BYA BA LA, GAL TE DMU RDZING CAN GYI NAD DE LA RTZIB LOGS NA BA LA SOGS PA'I RLUNG NAD LDANG BAR GYUR NA NAD PA DE LA TIL MAR BIL BA DANG THAL SMAN DANG SBYAR BA SBYIN PAR BYA'O, ,TUN TU KA DANG BA LA DANG, ,BA LA SHA'AM TIL SDONG DANG, ,AA PA MARKA KA TA LI, ,AA GA NI MAN THA'I THAL BA RNAMS, ,SO SOR GZAGS PA BSKOL BA BLUD, ,CES
BYA BA LA, YANG NA TUN TU KA LA SOGS PA'I THAL BA SO SOR GZAGS PA'I KHU BA BSKOL BA BLUD PAR BYA'O, ,TUN TU KA NI SO NA KA'O, ,AAG NI MAN THA NI KARKA RA'O, ,BAD KAN RLUNG NGAM MKHRIS PA'AM, ,DE GNYIS RLUNG DANG 'DRES GYUR PA, ,STOBS LDAN RANG GI SMAN BCAS PA'I, ,AE RAndA YI TIL MAR PHAN, ,ZHES BYA BA LA, BAD KAN RLUNG DANG 'DRES PAR GYUR PA'AM, MKHRIS PA DANG RLUNG 'DRES PAR GYUR PA'AM, BAD KAN DANG MKHRIS PA DE GNYIS KA RLUNG GANG YANG RUNG BA DANG 'DRES PAR GYUR PA'I DMU RDZING CAN NYAMS STOBS DANG LDAN PA LA NI RANG RANG GI SMAN GANG YIN PA DANG BSKOL BA'I AE RAndA'I TIL MAR BLUD NA PHAN NO, ,THANG SHING AARGA PA LA SHA, ,HA TI PI PI LING SHI KRU, ,AA SHVA KARnA BA GCIN BCAS, ,LDE GU LTO YI PHYI RIM BYUG ,CES BYA BA LA, THANG SHING LA SOGS PA BA GCIN DANG BCAS PA'I LDE GUS DMU RDZING GI LTO'I PHYI RIM NAS BSKU ZHING BYUG PAR BYA'O, ,BRI SHI KA LI SHU DANG DANG, ,BCA' SGA RTZA BA LNGA PA DANG, ,'U SU RU RTA BA SPRU GNYIS, ,BSKOL BA BA GCIN BCAS PA BLUD, ,CES BYA BA LA, BRI SHI KA LI LA SOGS PA'I SMAN BSKOL BA'I KHU BA DANG BA GCIN SBYAR BAS DMU RDZING CAN DE LA BLUD PA'I CHO GA JI SKAD SMOS PA DAG KYANG BYA'O, ,'KHRUS SHING LTO BA ZHUM GYUR PA, ,SA RA NA SOGS DUGS BYAS LA, ,GOS KYIS LEGS PAR DKRI BAR BYA, ,DE LTAR RLUNG GIS SBOS [?] MI 'GYUR, ,ZHES BYA BA LA, BKRU SMAN GYIS 'KHRUS SHING LTO BA SBYANGS PAS SRA BA DE ZHUM ZHING SNYI BAR GYUR PA DANG, SA RA NA LA SOGS PA'I SMAN GYI DUGS KYI LE'U LAS JI SKAD BSHAD PA'I TSUL GYIS DUGS BYAS LA GOS KYIS BCING ZHING LEGS PAR DKRI BAR BYA STE, DE LTAR BYAS NA DE'I LTO BA RLUNG GIS SLAR SBOS SHING RGYAS PAR MI 'GYUR RO, ,GANG ZHIG LEGS PAR 'KHRUS GYUR PA, ,SLAR YANG SBOS GYUR DE LA NI, ,SNUM BCAS SKYUR DANG LAN TSVA GNYIS, ,BKRU SMAN MAS GTONG DRAG POR BYA, ,ZHES BYA BA LA, DMU RDZING CAN GYI NAD PA GANG ZHIG LEGS PAR 'KHRUS SHING BKRU SMAN GYI SBYOR BA LEGS PAR GYUR NAS SLAR YANG SBOS BAR GYUR NA NAD PA DE LA SNUM DANG BCAS PA SKYUR BA DANG LAN TSVA'I BAG DANG SBYAR BA'I BKRU SMAN
, ,NI RU HA BTANG BAS DE TSAR GCAD CING GSO BAR BYA'O, ,RLUNG GIS RENGS DANG BCAS GYUR BAS, ,GANG ZHIG LTO SBOS GYUR PA'I MI, ,DE LA THAL SMAN RNON PO NI, ,BA GCIN BCAS PA MAS GTONG BYA, ,ZHES BYA BA LA, RLUNG GIS NAD RENGS SHING 'GYUR MI SHES PA LA SOGS PA LA NI, JI SKAD SMOS PA'I BKRU SMAN MAS GTONG BA DRAG PO 'DIS GTANG BAR BYA'O, ,DE LTAR DMU RDZING SPYI YI NI, ,GSO BA GRAGS PAR BSHAD PA YIN, ,ZHES BYA BA LA, DE LTAR SNGAR JI SKAD BSHAD PA'I DMU RDZING THAMS CAD KYI SPYI'I THUN MONG GI GSO BA SMAN DPYAD KYI RGYUD THAMS CAD LA GRAGS PA, MNGON SUM DU GRUB PAR SNANG BA BSHAD PA BSTAN PA YIN NO, ,DE NAS RLUNG GYUR DMU RDZING CAN, ,BI DA RI SOGS MAR BSKOL BLUD, ,DE NAS SNUM GYIS ZHEN BYAS SHING, ,YAN LAG DUGS BYAS BKRU SMAN GTANG, ,'DI LA SENG PHROM MAR RAM NI, ,'DRES PA'I SMAN MAR LAN MANG BLUD, ,CES BYA BA LA, DE NAS DE'I 'OG TU RLUNG LAS GYUR PA'I DMU RDZING CAN GYI NAD PA NYAMS STOBS DANG LDAN PA LA BI DA RI LA SOGS PA'I SMAN GYI SDE TSAN DANG BSKOL BA'I MAR BLUD PAR BYA LA, DE'I 'OG TU SENG PHROM GYI SMAN MAR RAM 'DRES PA'I SMAN MAR GYI SNUM GYIS ZHEN PAR BYAS LA YAN LAG LA DUGS BYAS NAS BKRU SMAN GTANG BAR BYA'O, ,THUG SOGS RIM PA BYAS NAS NI, ,STOBS BSKYED PHYIR NI 'O MA BLUD, ,CES BYA BA LA, 'KHRUS BAR GYUR NAS THUG PA LA SOGS PA'I RIM PA BYAS PA'I RJES LA LUS KYI STOBS BSKYED PAR BYA BA'I PHYIR 'O MA BLUD PAR BYA'O, ,NYAMS STOBS RNYED NAS RIM GYIS NI, ,'O MA DE NI SPANG BAR BYA, ,ZHES BYA BA LA, 'O MA DES NYAMS STOBS RNYED PAR GYUR NAS NI RIM GYIS 'O MA DE MI BTUNG BAR SPANG BAR BYA'O, ,YU SHA SHA KHU SKYUR DANG NI, ,LAN TSVAR BCAS PAS ME DROD SKYED, ,RTUG 'GAGS GYUR NAS SLAR SNUM DANG, ,DUGS BYAS DE 'OG MAS GTONG BYA, ,RTZUB CING MAS GTONG SMAN BCAS PA'I, ,RTZA BA BCU PA'I MAS GTONG SBYAR, ,ZHES BYA BA LA, DE'I 'OG TU DMU RDZING CAN GYI NAD BDE LA SRAN KHU YU SHA DANG SHA KHU SKYUR DANG LAN TSVA SHAS
CHUNG BA BLUD LA, ME DROD BSKYED PAR BYA ZHING RTUG 'GAGS KYI NAD KYIS BTAB NA MAS GTOR [?]BA'I BKRU SMAN DANG SBYAR BA'I RTZA BA BCU BA BSKOL BA'I BKRU SMAN GTANG BAR BYA'O, ,G-YO ZHING TSIGS RUS LA 'JUG PA, ,RTZUB CING 'PHYEN DANG PHYI SA 'GAGS, ,ME DROD CHE LA TIL MAR DANG, , AE RAndA'I MAR RLUNG 'JOMS PA'I, ,SMAN DANG BSKOL BA'I 'JAM RTZI GTANG, ,KHRUS MI BYA LA 'O MA MAR, ,SHA KHU LA SOGS ZHI BYED GTANG, ,ZHES BYA BA LA, G-YO ZHING TSIGS DANG RUS PA LA 'JUG PA'I RLUNG NAD SKYES PAR GYUR PA DAG LA AE RAndA'I TIL MAR TSUL BZHIN DU BSKOL BA'I 'JOM RTZI GTANG BAR BYA'O, ,DMU RDZING CAN GANG LA KHRUS BYAR MI RUNG BA'I NAD YOD PA DE LA NI 'O MA LA SOGS PA ZHI BAR BYED PA'I SMAN GTONG BAR BYA'O, ,MKHRIS PA LAS GYUR STOBS CHE LA, ,MNGAR DANG SBYAR BA'I SNUM CHOS BYA, ,SHA MA DUR BYID 'BRAS BU GSUM, , BSKOL BA'I KHU BA'I BKRU SMAN GTANG, ,ZHES BYA BA LA, MKHRIS PA LAS GYUR PA'I DMU RDZING CAN NYAMS STOBS CHE BAR GYUR PA LA NI DANG POR SNUM CHOS BYAS LA, DE'I 'OG TU JI SKAD SMOS PA'I BKRU SMAN GTANG BAR BYA'O, ,DE 'OG N+YA GRO DHA SOGS BSKOL, ,KHU BAR KHA RA SBRANG RTZI MAR, ,LDAN PA NI RU HA YANG PHAN, ,DE BSKOL SNUM GYI 'JAM RTZI'ANG GTANG, ,NYAM CHUNG DANG PO 'JAM RTZI GTANG, ,'O MA MAS GTONG GIS SBYANG BYA, ,ZHES BYA BA LA, DE'I 'OG TU NAD PA DE LA N+YA GRO DHA LA SOGS PA'I SDE TSAN BSKOL BA'I KHU BA'I NANG DU, KHA RA DANG, SBRANG RTZI SHAS CHE BA'I MAS GTONG BA DRAG PO NI RU HA BTANG LA DE'I RJES LA N+YA GRO DHA LA SOGS PA DE NYID LA BSKOL BA'I SNUM GYI 'JAM RTZI GTANG BAR BYA'O, ,NYAM CHUNG BAR GYUR PA'I NAD PA LA NI DANG POR 'JAM RTZI BYAS LA DE'I 'OG TU 'O MA'I BKRU SMAN MAS GTONG BAS SBYANG ZHING BSAL BAR BYA'O, , ME STOBS SKYED CING SNUM CHOS BYA, ,'O MA DUR BYID LDE GU 'AM, ,AE RAndA DANG BSKOL BA'AM, ,SA DA LA DANG KYI LCE BA'AM, ,DONG GA BSKOL BA DAG GIS BYA, ,BAD KAN CAN LA BA GCIN BCAS, ,RLUNG CAN TIG TA MAR BCAS PAS, ,YANG DANG YANG DU BKRU SMAN GTANG, ,ZHES BYA
, ,BA LA, ME DROD KYI STOBS SKYES SHING RNYED NAS NAD PA DE LA SNUM CHOS BYA ZHING 'O MA DANG, DUR BYID SBYAR BA'I LDE GU'AM, AE RAndA DANG 'O MAR BSKOL BA'AM, PA TO LA DANG KYI LCE BA DANG 'O MA BSKOL BA'AM, DONG GA DANG 'O MA BSKOL BA DAG GIS YANG DANG YANG DU BKRU SMAN BTANG NAS SBYANG BAR BYA LA, BAD KAN DANG MKHRIS PAR BCAS PA LA NI BA GCIN DANG BCAS PA'I 'O MAS BKRU SMAN GTONG NGO, ,RLUNG GIS DMU RDZING DE RLUNG BCAS PA YIN NA TIG TA DANG MAR DANG BCAS PA 'O MAS YANG DANG YANG DU BKRU SMAN GTANG BAR BYA'O, ,'DI DAG 'O MAR BCAS BZA' BA'AM, ,BI DA RI SOGS SDE BSKOL SBYIN, ,DMU RDZING CAN LA 'O THUG NI, ,SBYIN ZHING NYE BAR BSKU BAR BYA, ,ZHES BYA BA LA, 'O MA SMAN DANG BCAS PA'I SBYOR BA DAG GANG YANG RUNG BA DANG BCAS PA KHA ZAS SBYIN PAR BYA, YANG NA BI DA RI LA SOGS PA'I SDE TSAN BSKOL BA'I 'O MA DANG KHA ZAS SBYIN PAR BYA'O, ,YANG NA DMU RDZING CAN DE LA 'O THUG SBYIN ZHING 'O THUG DES LTO BA BSKU BAR BYA'O, ,SLAR YANG 'O MA 'JAM RTZI DANG, ,BKRU SMAN YANG DANG YANG DU GTANG, ,RIM PAS NGES PAR GNAS BYAS TE, ,MA YENGS MKHRIS GYUR DMU RDZING BSAL, ,ZHES BYA BA LA, 'O MA DANG 'JAM RTZI LA SOGS PA'I SBYOR BA YANG DANG YANG DU BYA BA GNAS PA'I RIM PAS GZHAN DU MA YENGS SHING DE LA GTOD PAR GYUR PA DANG, MKHRIS PA LAS GYUR PA'I DMU RDZING GSO ZHING BCOS PAR BYA'O, ,BAD KAN LAS GYUR SNUM CHOS BYA, ,DUG MO NYUNG SOGS MAR BSKOL GTANG, ,NYAMS STOBS LDAN PAS DUGS BYAS TE, ,SU DH'A KshI RI'I BKRU SMAN BTANG, ,THUG SOGS RIM DANG THAL SMAN TSA, ,LDAN PAS BAD KAN SEL BA SBYIN, ,ZHES BYA BA LA, BAD KAN LAS GYUR PA'I DMU RDZING GI NAD LA NI DUG MO YUNGS LA SOGS PA DANG BSKOL BA'I MAR BLUD CING SNUM CHOS BYAS LA, DE NYAMS STOBS DANG LDAN PA YIN NA DUGS BYAS PA'I 'OG TU SU DH'A KshI RA DANG SBYAR BA'I BKRU SMAN BTANG LA, BAD KAN SEL BA'I KHA ZAS KHA BA DANG TSA BA DANG THAL SMAN DANG LDAN PA BLUD PAR BYA'O, ,BA GCIN TSA GSUM TIL MAR BCAS, ,MAS GTONG DRAG PO BYA BA'ANG PHAN, ,MUNGGA KA SOGS LDE
GU DANG, ,SNUM GYI 'JAM RTZI DE NAS GTANG, ,ZHES BYA BA LA, YANG DE LA JI SKAD SMOS PA'I MAS GTONG BA DRAG PO DANG, 'JAM RTZI MUD GA KA LA SOGS PA'I SMAN GYI SDE TSAN DANG SBYAR BA BTANG NA PHAN NO, ,KHA ZAS 'O MA TSA BA GSUM, ,YANG NA RGYA SRAN KHU BA SBYIN, ,ZHES BYA BA LA, KHA ZAS KYANG 'O MA DANG TSA BA GSUM SBYAR BA'AM, RGYA SRAN KU LAD THA'I KHU BA SBYIN NA PHAN NO, ,BAD KAN 'THAS SHING LTO BA SKRANG, ,RMONGS BAG SNYING 'PHAR YI GA 'CHUS, ,ME DROD CHUNG BA CHANG GOMS NA, ,CHANG SNYING NAS TSIG 'KHUS THAL BLUD, ,CES BYA BA LA, BAD KAN CAN GYI DMU RDZING CAN DE 'O MAS BAD KAN DE 'THAS PA NAS ME DROD CHUNG BA'I BAR DU YANG GYUR LA, SNGAR CHANG GOMS SHING 'DRIS PA YIN NA, CHANG SNYING RNON PO DANG, NAS TSIG 'KHUS PA'I THAL BA'I CHU BLUD PAR BYA'O, ,SHING KUN DANG NI PI PI LING, ,'BRAS BU GSUM DANG THANG SHING DANG, , SER PO RNAM GNYIS GO BYE DANG, ,NA LE SHAM DKAR PU TZE SHEL, ,SENG PHROM SHU DAG BCA' SGA DANG, ,BONG NGA GLA SGANG RU RTA DANG, ,SA RA NA DANG LAN TSVA LNGA, ,BTAGS PA ZHO DANG SNUM BZHI SBYAR, ,DU BA MA SHOR BAR BSREGS LA, ,THAL BA DE LAS ZHO GNYIS GNYIS, ,CHANG DANG CHU DRON ZHO GA CHU, ,CHANG RNYING MNAN CHANG SBYAR BA BLUD, ,SKRAN DANG DMU RDZING GTUN 'DRA'I NAD, ,RTZIG PA 'DRA DANG GSUD DANG SKRAN, ,SNYING NAD MCHER PA GZHANG 'BRUM DANG, ,RTUG 'GAGS NAD RNAMS 'JOMS PAR BYED, ,CES BYA BA LA, SHING KUN NAS LAN TSVA LNGA'I BAR DU ZHIB TU BTAGS LA ZHO DANG SNUM RNAM PA BZHI BO ZHUN MAR LA SOGS PA DANG SBYAR TE RDZA SNOD KHA SBYAR GYI NANG DU DU BA MA SHOR BAR BSREGS LA, THAL BA DE LAS ZHO GNYIS GNYIS KYI TSAD DU BYAS PA LA CHANG DANGS MA LA SOGS PA GANG YANG RUNG BA DANG SBYAR TE BLUD NA, SKRAN LA SOGS PA'I NAD 'JOMS PAR BYED DO; ,BAD KAN DMU RDZING NYAM CHUNG LA, ,CHANG RNYING DANG NI BA GCIN DANG, ,LCAGS PHYE DANG SBYAR BTUNG BA DANG, ,THAL SMAN TIL MAR BCAS BA BLUD, ,CES BYA BA LA, BAD KAN LAS GYUR BA'I DMU RDZING CAN GYI NAD PA NYAM CHUNG BAR GYUR PA LA NI, CHANG RNYING PA LA SOGS PA BLUD PAR BYA'O, ,
, ,YUNGS KAR PHABS DANG LA PHUG GI ,SA BON BTAGS PA'I LDE GU YIS, ,BSKU ZHING DMU RDZING DUGS BYA BA, ,'DI LA RGYUN TU SBYANG BAR BYA, ,ZHES BYA BA LA, DE LA YUNGS KAR LA SOGS PA'I LDE GUS BSKU ZHING DKRIS PA LA YANG DANG YANG DU DUGS BYA'O, ,'DUS PA LAS GYUR DMU RDZING NI, ,ME DROD NYAMS STOBS MA ZAD LA, ,NAD SHAS CHE LTAR RE THAG BCAD, ,GSO BA'I SBYOR BA 'DI BYA'O, ,ZHES BYA BA LA, 'DUS PA LAS GYUR PA'I DMU RDZING CAN GYI ME DROD NYAMS STOBS SHAS CHER ZAD PA MA YIN PA LA NI NAD SHAS CHE ZHING GSOR MI RUNG BA'I TSUL DU RA THAG BCAD DE 'DUS PA LAS GYUR PA'I NAD LA NI GSOR MI RUNG NGO ZHES BSGO ZHING GSO BA MA BYAS NA NI NGES PAR 'CHI BAR 'GYUR LA, GSO BA BYAS SU ZIN KYANG THE TZOM DANG BCAS PA YIN NO, ,ZHES BRJOD LA NAD GZHI GANG SHAS CHE BA'I DBANG DU BYAS TE 'OG NAS 'BYUNG BA'I GSO BA 'DI BYA'O, ,DAN DA TRA PAN TI'I 'BRAS BU, ,BTZIR BA'I MAR NI BLUD PA BSNGAGS, ,ZHES BYA BA LA, 'DUS PA LAS GYUR BA'I DMU RDZING CAN LA NI DAN DA DANG, TRA PAN TI'I 'BRAS BU BTZIR BA'I MAR BLUD PA PHAN NO, ,DMU RDZING GSOS KYANG MA 'CHOS DANG, ,MCHOG TU NYES GSUM LAS GYUR LA, ,DE YI NYE DU DRIS NAS NI, ,KA KA DA NI 'OL MA SE, ,KA RA B'I RA'I RTZA BA DAG ,BTAGS PA'I LDE GU CHANG SBYAR BLUD, ,CES BYA BA LA, DE LTAR GSOS PAR GYUR KYANG DMU RDZING ZHI BAR MA GYUR CING GSO BA LAS 'DAS PA DANG MCHOG TU YANG NAD GZHI GSUM CHAR GYUR PA'I DMU RDZING 'CHOS PA NA, NAD PA DE'I NYE DU LA DRIS NAS GROS SU BYAS PA'I RJES LA, KA KA DA NI LA SOGS PA'I SMAN RNO ZHING BRGYAL BAR BYED PA'I LDE GU SBYIN PAR BYA'O, ,YANG NA BZA' BTUNG NANG DU NI, ,DUG KYANG RIM PAS SBYIN PAR BYA, ,ZHES BYA BA LA, YANG NA BTZAN DUG GI RIGS KYI SBYOR BA LEGS PAR BYAS BTZOS PA'I NANG DU SBYIN PAR BYA'O, ,GANG DU SBRUL NI KHROS GYUR NAS, ,SHING THOG LA NI DUG BSGOS PA, ,DE YIS 'DI YI NAD TSOGS NI, ,BRTAN ZHING ZHEN BA LAM LOG ZHUGS, ,BSHIG STE PHYIR NI 'BYIN PAR BYED, ,DUG GIS MYUR DU 'JIG PAR BYED, ,DE BZHIN NAD MED GYUR PA 'AM, ,'CHI
BA NYID DU 'GYUR BA YIN, ,ZHES BYA BA LA, YANG NA SHING TOG GANG LAS SBRUL KHROS PAS DUG GIS BSGOS PAR GYUR BA'I SHING THOG DE SBYIN PAR BYA STE, DUG DES NAD PA DE'I NAD KYI TSOGS BRTAN ZHING GTING ZUG BA DANG, RTZA SBUBS LA SOGS PA'I BU GA LA ZHEN PAR GYUR BA RNAMS DANG LAM LOG PAR ZHUGS SHING BDE BLAG TU 'BYUNG BAR MI BYED PA RNAMS BSHIG CING PHYE NAS PHYI ROL DU 'BYIN PAR BYED DO, ,DE NAS DUG DES NAD DE MYUR DU 'JIG PAR BYED PAS NA, DE'I TSE NAD MED CING BDE BAR 'GYUR RAM, YANG NA DUG DE'I SHUGS KYIS 'CHI BAR 'GYUR BA YIN NO, ,NAD BSAL NAD DE CHU GRANG GIS, ,KHRUS BYAS 'O MA 'AM THUG PA BLUD, ,CES BYA BA LA, GAL TE DUG DES NAD BSAL BAR GYUR NA NI NAD PA DE CHU GRANG GIS KHRUS BYAS LA, 'O MA 'AM THUG PA GANG YANG RUNG BA BLUD PAR BYA'O, ,DUR BYID KYI NI TSOD MA 'AM, ,RGYA SNE'U P'ASTU KA PARnI, ,KA LA SHA KA SNE'U YI, ,KHU BA DANG NI BSKOL BA LA, ,SKYUR DANG LAN TSVA SNUM MED CING, ,SHIN TU TSOS PA'AM MA TSOS MIN, ,ZAS MED ZLA BA GCIG SBYIN LA, ,DE NAS SKOM NA KHU BA BLUD, ,CES BYA BA LA, DUR BYID KYI TSOD MA LA SOGS PA NAS SNE'U'I BAR GYI KHU BA DANG BSKOL BA SKYUR BA LA SOGS PA MED CING SHIN TU TSOS PA'AM MIN PA ZLA BA GCIG GI BAR DU SBYIN NO, ,DE NAS SKOM NA TSOD MA DE DAG GI KHU BA BLUD PAR BYA'O, ,DE LTAR ZLA BA GCIG GI BAR, ,TSOD MAS NAD NI BSAL GYUR NAS, ,NYAM CHUNG BA LA BRTAS BYED PA, ,RNGA MO'I 'O MA BLUD PAR BYA, ,ZHES BYA BA LA, DE LTAR RIM PA 'DIS TSOD MA'I SBYOR BAS NAD BSAL NAS ZLA BA GCIG GI RJES LA NYAMS BRTA BA'I PHYIR, RNGA MO'I 'O MA BLUD PAR BYA'O, ,MCHER BA'I DMU RDZING NAD GZHI NI, ,JI BZHIN SNUM CHOS DUGS BYA STE, ,ZHO DANG 'BRAS CHAN BCAS SBYIN LA, ,LAG PA G-YON LA GTAR GA GDAB, , CES BYA BA LA, MCHER BA'I DMU RDZING LA NI NAD GZHI JI LTA BA BZHIN DU SNUM CHOS DANG DUGS BYAS LA, ZHO DANG 'BRAS CHAN DU BCAS PA SBYIN NAM, YANG NA ZHO NYI TSE BLUD LA LAG PA G-YON PA NAS GTAR GA BYA'O, ,NYAMS STOBS RNYED NAS SLAR YANG NI, ,SNUM BLUD NAS NI SBYANG BAR BYA, ,RGYA
, ,MTSO'I NYA PHYIS THAL SMAN DANG, ,'O MA SBYAR BA BLUD PAR BYA, ,ZHES BYA BA LA, NYAMS STOBS RNYED NAS NAD PA DE LA YANG SNUM BLUD LA BKRU SMAN GYIS SBYANG BAR BYA STE, RGYA MTSO'I NYA PHYIS BSREGS PA'I THAL BA DANG 'O MA SBYAR BA BLUD PAR BYA'O, ,BU DI KA RANYDZA THAL BA, ,SKYUR KHU KHA RU TSA DANG NI, ,PI PI LING GI PHYE BTAB BLUD, ,CES BYA BA LA, YANG DE BZHIN DU PU DI KA RANYDZA ZHES BYA BA TA MA LA'I THAL BA RO SKYUR BA'I KHU BA DANG BTZAGS PA'I CHU'I NANG DU KHA RU TSA DANG PI PI LING GI PHYE MA BTAB STE BLUD PAR BYA'O, ,SHI KRU BSKOL BAR PI PI LING, ,RGYAM TSA TZI TRA KA BTAB BLUD, ,CES BYA BA LA, YANG NA SHI KRU ZHES BYA BA LA PI PI LING DKAR PO BSKOL BA'I KHU BA DANG PI PI LING LA SOGS PA BTAB PA BLUD PAR BYA'O, ,SHING KUN SOGS PHYE THAL SMAN DANG, ,MAR SBYAR ME DROD JI BZHIN SBYIN, ,ZHES BYA BA LA, SHING KUN LA SOGS PA'I PHYE MA SKRAN GSO BA'I SKABS SU BSHAD PA DANG, THAL SMAN RNAM GNYIS DANG MAR ZHES PA SRANG DRUG PA'I SMAN MAR DAG KYANG PHO BA'I ME DROD JI LTA BA BZHIN DU SBYIN PAR BYA'O, ,DONG GRA DANDA PI PI LING, ,CHA MNYAM AA RU RA NYIS 'GYUR, ,KHA RU TSA NI CHA PHYED BCAS, ,PHYE MA CHU DRON SBYAR BA BLUD, ,CES BYA BA LA, DONG GRA LA SOGS PA'I SMAN CHA MNYAM POR BYAS SHING AA RU RA DONG GRA'I NYIS 'GYUR KHA RU TSA DONG GRA'I CHA PHYED DANG BCAS PA'I PHYE MA CHU DRON DANG BLUD NA YANG PHAN NO, ,BYI DANG GA DANG KRU TRUG TRES, ,PHYE DANG RGYA TSA SHU DAG RNAMS, ,KHAM SKYOGS NANG BSREGS 'O MAR BCAS, ,BLUD NA SKRAN DANG MCHER NAD 'JOMS, ,ZHES BYA BA LA, BYI DANG GA LA SOGS PA'I SMAN RDZA SKYOGS KYI NANG DU BSREGS LA THAL BA DE 'O MA DANG SBYAR TE BLUD NA SKRAN DANG MCHER PA'I NAD DMU RDZING 'JOMS PAR 'GYUR RO, ,RGYA SHUG LO MA TIL MAR BSRES PA DAG ,LEGS PAR MNYES PA BSREGS TE DE 'OG TU, ,GTUN BUR BTZIR LA DE NAS 'O MA BLUD, ,MCHER PA DMU RDZING SOGS NI 'JIG PAR 'GYUR, ,ZHES BYA BA LA, RGYA SHUG GI LO MA TIL MAR DANG BSRES LA, LEGS PAR MNYES PA DES DKRIS SHING BCINGS LA, DE'I 'OG TU MCHER PA'I
PHYOGS DER GTUN SHING GIS MNAN CING BTZIR NAS DE'I RJES LA 'O MA BLUD PAR GYUR NA YANG MCHER PA'I DMU RDZING LA PHAN NO, ,RO HI TA YI LCUG MA GTUBS, ,DUM BU AA RU RA BCAS CHU'AM, ,BA GCIN NANG DU ZHAG BDUN NI, ,SPANGS PA DE NI BLUD GYUR NA, ,MIG SER MCHER PA SKRAN GZHANG 'BRUM, ,SRIN NAD GCIN SNYI DMU RDZING 'JOMS, ,ZHES BYA BA LA, RO HI TA ZHES BYA BA'I LCUG MA MTSON GYIS DUM BU DUM BUR GTUBS LA, DUM BU DE DANG AA RU RA'AM BA GCIN GYI NANG DU ZHAG BDUN GYI BAR DU LEGS PAR SPANGS LA DE'I 'OG TU KHU BA DE BTZAGS TE BLUD NA YANG MIG SER LA SOGS PA'I NAD 'JOMS PAR BYED DO, ,RO HI TA KA'I SHUN LPAGS NI, ,SRANG NI NYI SHU RTZA LNGA'I TSAD, ,RGYA SHUG BRE DOR BCAS PA NI, ,BSKOL BA'I KHU BA BYAS NAS NI, ,TSA BA LNGA NI SRANG RE DANG, ,DE DAG KUN DANG MNYAM PA YI, ,RO HI TA KA'I SHUN LPAGS PHYE, ,MAR BRE GANG DANG BTZOS NAS NI, ,'DI BLUD PA YIS MYUR DU NI, ,MCHER PA RAB TU 'PHEL BA SEL, ,ZHES BYA BA LA, RO HI TA KA'I SHUN LPAGS SRANG NYI SHU RTZA LNGA LA SOGS PA DANG MAR BRE GANG JI SKAD SMOS PA'I SBYOR BAS BSKOL LA, SMAN MAR DE BLUD NA YANG MCHER PA RAB TU 'PHEL ZHING SKYE BA YANG SEL BAR BYED DO, ,CHU SHING TIL GYI SDONG BU DANG, ,BU RAM SHING BSREGS THAL BA NI, ,TIL MAR BSKOL BA BLUD GYUR NA, ,BAD RLUNG LAS GYUR MCHER NAD 'JOMS, ,ZHES BYA BA LA, CHU SHING LA SOGS PA BSREGS PA'I THAL BA DANG, TIL MAR BSKOL BA BLUD NA YANG NAD DE 'JOMS PAR BYED DO, ,MA ZHI SKRAN GYI CHO GA LTAR, ,RLUNG DANG BAD KAN SHAS CHE LA, ,MCHER NAD SPYI BAG MA GYUR NA, ,ME YI LAS NI SPYAD PAR BYA, ,ZHES BYA BA LA, DE LTAR BYAS KYANG NAD DE ZHI ZHING BYANG BAR MA GYUR NA, BAD KAN DANG RLUNG SHAS CHE BA'I MCHER PA'I NAD SPYI BAG CAN GYI CHU SKYES PAR MA GYUR PA LA SKRAN GYI CHO GA LAS SMOS PA'I TSUL DU LDE GU BSREGS PA LA SOGS PAS ME'I LAS BYA'O, ,MKHRIS GYUR 'TSO BYED SNA BCU DANG, ,MAR DANG 'O MA'I 'JAM RTZI GTANG, ,KHRAG DBYUNG SBYANG [?]BA BYA BA DANG, ,'O MA BLUD PAR GYUR PA'ANG BSNGAGS, ,ZHES
, ,BYA BA LA, MKHRIS PA LAS GYUR PA'I MCHER PA'I DMU RDZING LA NI 'TSO BYED SNA BCU DANG SBYAR BA'I SMAN MANG BLUD PA DANG, 'O MA'I 'JAM RTZI LA SOGS PA DANG, BKRU SMAN DANG, SKYUG SMAN GYIS SBYONG BAR BYA BA DANG, 'O MA BLUD PAR BYA BA BSNGAGS SO, ,MCHIN PAR MCHER PA LA LTAR GSO, ,GTAR GA LAG PA G-YAS NAS BYA, ,ZHES BYA BA LA, ,MCHIN PA'I DMU RDZING LA NI MCHER BA'I GSO BA JI SKAD SMOS PA DAG GIS BYA LA, KHYAD PAR DU NI LAG PA G-YAS BA LA GTAR GA BYA'O, ,RGYU MA 'GAGS GYUR DUGS BYAS LA, ,BA GCIN SMAN NI RNO BCAS PA'I, ,TIL MAR LAN TSVA BCAS PA YI, ,NI RU HA NI 'JAM RTZIR BYAS, ,PHYI SA SLA GYUR KHA ZAS DANG, ,BKRU SMAN RNON PO 'DI LA GTANG, ,RTUG 'GAGS BSAL BA'I GSO BA NI, ,RLUNG NI 'JOMS PA GANG YIN BYA, ,ZHES BYA BA LA, RGYU MA 'GAGS PA LAS GYUR PA'I DMU RDZING LA NI DANG POR DUGS BYAS LA, BA GCIN SMAN RNON PO DANG TIL MAR DANG LAN TSVA DANG BCAS PA'I NI RU HA BYAS LA, DE'I 'OG TU 'JAM RTZI BYA'O, ,GZHAN YANG PHYIS SLA BAR BYA BA'I ZAS DANG BTUNG BA SBYIN PAR BYA BA DANG BKRU SMAN RNON PO JI SKAD BSHAD PA DAG KYANG BTANG BAR BYAS LA, DE BZHIN DU RTUG PA 'GAGS PA'I NAD GSO BA GANG DAG YIN PA RLUNG 'JOMS PAR BYED PA DE DAG BYA'O, ,RGYU MA RDOL BA'I DMU RDZING LA, ,DUGS MA GTOGS PA'I GSO BA KUN, ,BAD KAN DMU RDZING LTA BUR BYA, ,SOGS PA BZHIN DU CHU GZAGS SHING, ,SMAN PAS DE LTAR 'TSE TZAM BYA, ZHES BYA BA LA, RGYU MA RDOL BA'I DMU RDZING LA NI DUGS KYI SBYOR BA MA GTOGS PA BAD KAN GYI GSO BA LTAR BYA STE, DER NI DUGS BYAR MI RUNG NGO, ,ZHES STON PA YIN NO, ,DE BZHIN DU CHU SOGS SHING 'DUS PA BZHIN DU GZAGS SHING BSAL BAR BYA LA, ,SMAN PAS DE LTAR BYED BZHIN DU NAD PA DE RI ZHIG 'TSO BA TZAM DU DU'O, ,DMU CHU LA NI CHU YI NI, ,NYES SEL SMAN NI DANG POR NI, ,SMAN RNO BA GCIN LDAN PA DANG, ,SNA TSOGS THAL SMAN LDAN PAR SBYIN, ,ZHES BYA BA LA, DMU CHU'I RDZING LA NI DANG PO KHO NAR CHU LA SOGS PA'I NYES PA SEL BAR 'GYUR BA'I SMAN RNO BA BA
GCIN DANG THAL BA SNA TSOGS DANG BCAS PA SBYIN PAR BYA'O, ,DROD SKYED BAD KAN 'JOMS PA YI, ,ZAS KYIS DE NI GSO BAR BYA, ,ZHES BYA BA LA, DMU RDZING CAN DE LA NI ME DROD BSKYED PA'I KHYAD PAR DU YANG BAD KAN 'JOMS PA'I ZAS BYIN LA BCOS PAR BYA'O, ,RA YI RIL MA'I THAL BA'I CHU, ,BA GCIN BCAS GZAGS ME BSKOL BA, ,SKA BAR GYUR PA DE'I NANG DU, ,PI PI LING DANG DE'I RTZA BA, ,BCA' SGA DUR BYID LAN TSVA LNGA, ,DAN DA KHRON BU 'BRAS BU GSUM, ,SHU DAG KAR KA TA SRING GI ,YA BAKshA RA PA TA LA, ,SVA RDZI KshA RA ZHES BYA BA, ,ZHO NI GNYIS GNYIS BTAGS PHYE GZHUG ,RGYA SHUG TZAM GYI RI LU BYA, ,DE NAS SKYUR RTZABS DANG SBYAR LA, ,BLUD NA MA ZHU 'OR NAD DANG, ,DMU CHU'I NAD NI 'PHEL BA SEL, ,ZHES BYA BA LA, RA'I RIL MA LEGS PAR BSREGS PA'I THAL BA BA GCIN DANG BSRES TE, BTZAGS PA GZAGS PA'I KHU BA MES LEGS PAR BSKOL BA LA THAL CHU SKAS PAR GYUR PA DANG DE'I NANG DU PI PI LING LA SOGS PA'I SMAN ZHO GNYIS GNYIS KYI TSAD BTAGS PA'I PHYE MA BCUG LA, DE'I 'OG TU RGYA SHUG TZAM GYI RI LU SKYUR RTZABS KAN DZI DANG SBYAR TE BLUD NA MA ZHU BA LA SOGS PA'I NAD SEL BAR BYED DO, , DE LTAR SMAN GYIS MA THUB NA, ,RGYU 'GAGS LA SOGS DMUR RDZING GSUM, ,GNYEN GYI RGYAL PO LA ZHUS TE, ,MTSON GYI LAS NI SPYAD PAR BYA, ,ZHES BYA BA LA, DE LTAR JI SKAD SMOS PA'I SMAN GYI SBYOR BA BYAS SU ZIN KYANG NAD DE MA THUB CING, ZHI BAR MA GYUR NA RGYU MA 'GAGS PA'I DMU RDZING DANG, RGYU MA RDOL BA'I DMU RDZING DANG, CHU'I DMU RDZING STE, GSUM LA MTSON GYI LAS BYA DGOS LA, DE YANG NAD PA DE'I GNYEN GYI RGYAL PO LA ZHUS SHING GSOL BA BTAB PA LA, DE YIS GNANG BA MNOS TE MTSON GYI LAS BYA'O, ,RGYU 'GAGS RDOL BA'I DMU RDZING LA, ,SNUM ZHEN DUGS BYAS LTE BA'I 'OG ,G-YON LOGS SU NI SOR BZHI YI, ,LTE BA'I PHYOGS SU BZHAG NAS NI, ,SOR BZHI TZAM GYI TSAD DBRAL LA, ,DE LAS RGYU MA PHYUNG NAS NI, ,BRTAGS TE SPU DANG DRI MA DANG, ,'BYAR BAG RDO BA LA SOGS BSAL, ,ZHES BYA BA LA, RGYU MA 'GAGS PA DANG,
, ,RGYU MA RDOL BA LAS BYUNG BA'I DMU RDZING LA DANG PO SNUM GYIS ZHEN CING DUGS BYAS PA'I NAD PA'I LTE 'OG G-YON LOGS SU SOR BZHI'I TSAD GZHAL, DE DOR BA'I LTO BA'I PHYOGS SU SOR BZHI TZAM GYI TSAD LEGS PAR DRAL LA SGO DE NAS RGYU MA DRANGS LA PHYUNG STE BRTAGS NAS, GAL TE SPU 'AM RGYU MA DRI MA LA 'BYAR BA'I LJAN LJIN NAM, RDO BA LA SOGS PAS RGYU MA 'GAGS PAR BYED PA GANG DAG YIN PA BSAL CING GDON PAR BYA'O, ,BRTOL LA ZUG RNGU PHYUNG NAS NI, ,RNAM PAR BSAL LA GZAGS PAR BYA, ,BU GA DBRAL LA CHAR GZHUG CING, ,ZIN NAS DE YI LUS KYI NI, ,MGO BO RNAM PAR GCAD PAR BYA, ,DE RJES MAR DANG SBRANG RTZI YIS, ,BSKUS NAS RGYU MA LEGS PAR GZHUG ,DE 'OG PHYI'I NGOS NAS RMA BTZEM, ,ZHES BYA BA LA, RGYU MA RDOL BA'I DMU RDZING LA NI, NANG NAS 'DZAG PA'I SGO DE NAS NANG GI ZUG RNGU'I GNOD PA PHYUNG STE LJAN LJIN RNAM PAR BSAL ZHING CHU CI YOD PA LEGS PAR GZAGS LA, DE'I BU GA MA KA LA ZHES BYA BA'I SRIN BU'I SOS 'DEBS SU GZHUG GO ,SRIN BU DES ZIN PA DANG, DE'I LUS LAS MGO BO GCAD PAR BYA'O, ,DE NAS DE RJES LA RMA DE SBRANG RTZI DANG, BU RAM GYIS BSKUS NAS, RGYU MA GNAS GANG YIN PAR LEGS PAR BCUG NAS RANG GI GNAS SU GZHAG PAR BYA'O, ,DE LTAR BZHAG PA'I RJES LA LTO'I PHYI ROL NAS RMA BTZEM PAR BYA'O, ,DE NAS SA NAG SHING MNGAR GYI, ,LDE GUS LEGS PAR BSKU BAR BYA, ,ZHES BYA BA LA, DE NAS DE'I 'OG TU SA NAG SOR RTA ZHES BYA BA DANG SHING MNGAR BTAGS PA'I LDE GUS LEGS PAR BSKUS LA RMA DKRI ZHING BCING BAR BYA'O, ,DE 'OG RLUNG MED GNAS SU NI, ,BZHAG NAS 'O MAS GSOS PA DANG, ,SNUM GYIS SNOD NAS SBYING [?] BAR BYA, ,ZHES BYA BA LA, DE LTAR BCINGS PA'I RJES LA NAD PA DE RLUNG MED PA'I KHANG PA'I NANG DU BZHAG LA 'O MA BLUD CING BRTEN PA DANG, SNUM GYIS GANG BA'I SNOD CHEN PO'I NANG DU LUS SBYING [?] BAR BYA'O, ,CHU BCAS DMU RDZING TIL MAR NI, ,RLUNG 'JOMS BSKOL BAS BSKUS NAS NI, ,CHU DRON BLUGS PAS DUGS BYA ZHING, ,LTO BA RAS KYIS DKRIS NAS NI, ,RGYU 'GAGS RDOL
BAR BSHAD NAS SU, ,SOR GCIG TZAM NI DBUG PAR BYA, ,DER NI GCE'U BCUG NAS SU, ,DA LA CHU PHYED GZAGS PAR BYA, ,ZHES BYA BA LA, CHU DANG BCAS PA'I DMU CHU'I DMU RDZING CHAGS PA LA NI RLUNG 'JOMS PA'I SMAN DANG BSKOL BA'I TIL MAR GYIS NAD PA'I LUS BSKUS LA SNUM GYI CHO GA BYAS NAS, CHU DRON PO SNUM CAN BLUGS PA DE JI SKAD SMOS PA BZHIN DU DUGS BYA ZHING LTO BA MCHAN KHUNG MAN CHAD RAS KYIS DKRI ZHING BCINGS NAS RGYU MA 'GAGS PA DANG, RGYU MA RDOL BA'I SKABS SU BSHAD PA'I LUS KYI GNAS LTE BA'I 'OG TU G-YON LOGS SU SOR BZHI BCAL BA MA GTOGS PA'I 'OG GI GNAS KYI PHYOGS SU 'BRAS KYI DBYIBS LTA BU'I RTZE MO YOD PAS GTZAGS BUS SOR GCIG TZAM ZHES BYA BA MTHE BONG SHONG BA TZAM DBUG CING DRANG BAR BYA'O, ,DE NAS RMA KHA DER DE DANG 'TSAM PA'I GCE'U DE LAS NAD KYI CHU DE'I PHYED TZAM GZAGS SHING GDON PAR BYA'O, , DE NAS GCE'U PHYUNG NAS NI, ,TIL DANG RGYAM TSA'I LDE GU YIS, ,RMA BSKUS NAS NI BKAG NAS SU, ,RAS KYIS LTO BA DKRI BAR BYA, ,ZHAG GSUM YANG NA ZHAG BZHI ZHING, ,ZHAG NI BCU DRUG BAR GYIS BYA, ,ZHES BYA BA LA, DE NAS DE'I 'OG TU ZHAG GSUM PA'AM, ZHAG BZHI PA 'AM, LNGA PA'AM, ZHAG BCU GNYIS PA'I BAR RAM, ZHAG BCU DRUG PA'I BAR GYIS, NAD PA'I NYAMS DANG DUS LA SOGS PA'I RANG BZHIN GYIS DPAGS TE, CHU GZAGS PAR BYAS LA DE LTAR GZAGS PA'I TSE GCE'U NAS GZAGS SHING BTON PA'I 'OG TU GCE'U DE PHYUNG NAS TIL DANG LAN TSVA BTAGS PA'I LDE GUS RMA BKAG CING GLAN TE LTO BA RAS KYIS DKRIS SHING BCING BAR BYA'O, ,DE NI BAR BAR DUB BA STI ZHING, ,CHU NI NYUNG ZAD NYUNG ZAD DBYUNG, ,ZHES BYA BA LA, YANG NAD PA DE'I CHU 'BYIN PA NA BAR SKABS SU ZHAG TSIGS KYIS BCAD CING NGAL SOS PA'I DUB BRTAS NAS NAD KYI CHU RIM GYIS NYUNG ZAD NYUNG ZAD DBYUNG BAR BYA STE, GAL TE CIG CAR CHU THAMS CAD DUS GCIG TU PHYUNG NA NI SKOM DAD DANG RIMS DANG RKANG LAG BCOM PA SNYAM DU NA BA DANG, 'KHRU BA DANG, LUD PA DANG, DBUGS MI BDE BA DANG, RKANG PA SBRID CING TSA BAR GYUR PA'I SKYON YOD
, ,PA'AM, SLAR ZHING SHAS CHER CHUS 'GENGS PAR 'GYUR BA'I SKYON YOD DO, ,LTO NI LHOD PAR GYUR PA NA, ,SHIN TU DAM DU DKRI BAR BYA, ,ZHES BYA BA LA, DMU CHU DE GZAGS NAS LTO BA LEGS PAR MNYES PA LA LTO BA DE LHOD CING SNYI BAR GYUR PA NI LUG GI PAGS RLON NAM, RI BONG LA SOGS PA'I PAGS RLON GYIS SHIN TU DAM DU BCING BAR BYA STE, DE LTAR BYAS NA RLUNG 'JUG CING LTO SBOS PAR MI 'GYUR RO, ,CHU NI GZAGS PA SMYUNG BYAS LA, ,THUG PA LAN TSVA SNUM MED BLUD, ,CES BYA BA LA, NAD KYI CHU GZAGS SHING BTON NAS NAD PA DE SMYUNG BA BYAS SHING, NAS KYI THUG PA LAN TSVA DANG SNUM MED PA TSAD TZAM ZHIG BLUD CING SBYIN PAR BYA'O, ,ZLA DRUG BAR DU 'O MAS GSO, ,ZLA GSUM THUG PA'O THUG BLUD, ,ZLA GSUM BAR DU 'O THUG GAM, ,'BRAS BU SKYUR BCAS SHA KHU NI, ,LAN TSVA SNUM NI NYUNG BA BLUD, ,KHRE DANG CI TSE RNYING BA SBYIN, , ZHES BYA BA LA, DE NAS ZLA BA DRUG GI BAR DU PHAL CHER 'O MA BLUD CING 'O THUG SBYIN PA DANG, DE'I 'OG ZLA BA GSUM NAS THUG PA'AM 'O THUG BLUD PA DANG, DE'I 'OG TU ZLA BA GSUM GYI BAR DU 'O THUG GAM 'BRAS THUG LA SOGS PA LA SE'U 'BRU LA SOGS PA'I 'BRAS BU SKYUR BA BTAB PA DANG, SHA KHU LAN TSVA DANG SNUM NYUNG BA BLUD PAR BYA BA DANG, KHRE DANG CI TSE LA SOGS PA'I RTZA 'BRU RTZUB CING YANG BA LO GCIG LON PA SBYIN ZHING, MDOR NA KHA ZAS YANG BA DANG RTZUB PA SBYIN PAR BYA'O, ,DE LTAR LO GCIG 'BAD PA YIS, ,CHU YI DMU RDZING LEGS PAR GSO, ,SPANG BA RNAMS NI BSDAMS PA DANG, ,BRTEN PAR BYA ZHING SKOM MED BYA, ,ZHES BYA BA LA, JI SKAD SMOS PA'I TSUL 'DIS LO GCIG GI BAR DU 'BAD CING BRTZON PA DANG LDAN PAS DMU CHU'I DMU RDZING GI NAD LEGS PAR GSO BAR BYA ZHING, DE LA GNOD PA'I BAG SPANG BAR BYA BA RNAMS SHIN TU BSDAMS PA DANG, SROG 'TSO BA'I SMAN PAS BSLABS SHING BSTAN PA'I KHA ZAS DANG SPYOD LAM RNAMS BRTAN PAR BYA ZHING BKAG PA RNAMS LA DBANG PO THUL ZHING SKOM PA MED PAR BYA'O, ,GANG PHYIR DMU RDZING THAMS CAD NI, ,NAD SOGS PA LAS BYUNG BAS NA, ,DE PHYIR RLUNG SOGS BSAL BA YI, ,GSO BA KUN LA BSNGAGS PA YIN, ,
ZHES BYA BA LA, PHAL CHER NAD SOGS SHING 'DUS PA YIN PAS NA DE'I PHYIR DE'I RGYU RLUNG LA SOGS PA'I NAD BSAL BA'I CHO GA GANG DAG YIN PA DE GSO BA THAMS CAD LAS LHAG PAR BSNGAGS SHING PHAN PA YIN NO, ,NAD KYIS LTO BA GANG GYUR PAS, ,ME DROD 'BRI BAR GYUR BA YIN, ,DE BAS NANG NA DROD SKYED PA'I, ,RTZA BA LNGA BCAS NYUNG BA DANG, ,LAN TSVA SNUM DANG KHA BA NYUNG, ,'JU SLA'I KHA ZAS SBYIN PAR BYA, ,ZHES BYA BA LA, RLUNG LA SOGS PA'I NAD KYIS KHONG PA'I NANG GANG ZHING RGYAS PAR GYUR NA KHONG PA'I ME DROD 'BRI ZHING ZHAN PAR 'GYUR BA YIN PAS DE'I PHYIR DMU RDZING CAN LA KHA ZAS KYANG YANG BA DANG, DROD BSKYED PA RTZA BA LNGA DANG BCAS PA DANG, KHA ZAS LAN TSVA LA SOGS PA'I ZHAD NYUNG BA 'JU SLA BA DAG SBYIN PAR BYA'O, ,BA GCIN DANG NI SBANGS PA YI, ,DRUG CU PA YI 'BRAS DAG LAS, ,THUG PA 'O THUG BTZOS NAS NI, ,CI 'DOD PAR NI SBYIN PAR BYA, ,DMU RDZING SKYON NI SBYANG BA'I PHYIR, ,DE RJES BU RAM SHING KHU BLUD, ,DES NI RLUNG MKHRIS BAD KAN RNAMS, ,RANG RANG GNAS SU 'GRO BAR 'GYUR, ,ZHES BYA BA LA, 'BRAS DRUG CU PA BA GCIN GYI NANG DU SBANGS PA LAS CI 'DOD PAR THUG PA LA SOGS PA BYAS NAS SBYIN PAR BYA ZHING, DE'I RJES LA DMU RDZING GI NAD SBYANG ZHING DAG PAR BYA BA'I PHYIR BU RAM SHING GI KHU BA BLUD PAR BYA STE, SBYONG BA DES NI RLUNG LA SOGS PA'I NAD RANG RANG GI GNAS SU SONG STE BDE BAR GNAS PAR 'GYUR RO, ,DMU RDZING GI NAD THAMS CAD LA SHIN TU TSA BA LA SOGS PA'I KHA ZAS DANG SPYOD LAM SPANG BAR BYA'O, , SHIN TU TSA BA'I CHU LAN TSVA, ,RTZUB CING BSHANG SRI GRANG ZHING LCI, ,BU RAM TIL G-YOS TSOD MA DANG, ,CHU 'THUNGS LUS NI 'KHRU BA DANG, ,RTZOL DRAGS LAM DU BA NYIN MO'I GNYID, ,BZHON PAS 'GRO BA SPANG BAR BYA, ,SHIN TU SKA SLA MIN ZHING MNGAR, ,DAR BA SKOM DU BLUD PAR BSNGAGS, , RLUNG LA RGYAM TSA PI PI LING, ,MKHRIS PAR KHA RA TSA BA GSUM, ,BAD KAN LAS GYUR LA LA PHUD, ,RGYAM TSA ZI RA SBRANG RTZI DANG, ,TSA BA GSUM DANG LDAN PA SBYIN, ,'DUS PA LAS GYUR SBRANG RTZI DANG, ,SHU DAG TIL MAR BCA' SGA DANG, ,SHU TI RU RTA LCE MYANG TSA, ,MCHER PA RGYU 'GAGS
, ,DMU RDZING LA, ,TSA BA GSUM DANG LA LA PHUD, ,RGYAM TSA GO SNYOD SPA 'BRAS BCAS, ,RGYU RDOL SBRANG RTZI PI PI LING, ,TSA BA GSUM DANG LDAN PA BLUD, ,CES BYA BA LA, DAR BA SHIN TU SKA BA YANG MA YIN LA, SLA BA YANG MA YIN PA'I DAR BA SAR PA RO MNGAR BA BLUD PA BSNGAGS PA DE YANG RLUNG LAS GYUR PA'I DMU RDZING LA NI, DAR PA 'JAM PO RGYAM TSA DANG PI PI LING BTAB PA BLUD PA YANG PHAN NO, ,MKHRIS PA LAS GYUR PA'I DMU RDZING LA NI KHA RA DANG TSA BA GSUM BTAB PA'I DAR BA BLUD NA PHAN NO, ,BAD KAN LA NI DAR BA DE LA LA LA PHUD LA SOGS PA'I SMAN BTAB PA BLUD DO, ,'DUS PA LAS GYUR PA'I DMU RDZING LA NI SBRANG RTZI LA SOGS PA BTAB PA'I DAR BA BLUD NA PHAN NO, ,MCHER PA DANG MCHIN PA DANG RGYU MA 'GAGS PA'I DMU RDZING LA NI, TSA BA GSUM DANG SPA MA'I 'BRAS BU HA PU SHA ZHES BYA BA'I BAR DANG BCAS PAR BLUD NA PHAN NO, ,RGYU MA RDOL BA'I DMU RDZING LA NI PI PI LING DANG SBRANG RTZIR BCAS PA'I DAR BA BLUD NA PHAN NO, ,CHU YI DMU RDZING CAN LA NI, ,TSA BA GSUM BCAS BLUD NA PHAN, ,ZHES BYA BA LA, CHU'I DMU RDZING DMU CHU CAN LA NI TSA BA GSUM DANG BCAS PA'I DAR BA BLUD NA PHAN NO, ,RLUNG DANG BAD KAN GYIS GZIR ZHING, ,LUS LCI LTO SBOS YI GA 'CHUS, ,TSAD 'KHRU ME DROD NYAMS PA LA, ,DAR BA BDUD RTZI LTA BU YIN, ,ZHES BYA BA LA, RLUNG DANG BAD KAN GYIS NYEN PA'I NAD, LUS LCI BA LA SOGS PA'I NAD NYAM THAG PA LA DAR BA BLUD PA NI BDUD RTZI LTA BUR PHAN ZHING BSNGAGS PA YIN NO, ,SBYOR BA KUN GYI RJES LA NI, , 'O MA NYE BAR SBYAR BYAS TE, ,LUS ZUNGS THAMS CAD BRTAN BYED CING, ,STOBS BSKYED NAS NI LHAG LUS SEL, ,ZHES BYA BA LA, DMU RDZING GI NAD SEL BA'I SBYOR BA KUN GYI RJES SAM RTING THOG LA 'O MA BLUD CING SBYIN PAR BYA STE, CI'I PHYIR ZHE NA, 'O MA DES LUS ZUNGS DANGS MA LA SOGS PA BRTAN PAR BYED CING LUS KYI STOBS BSKYED PAR BYA BA DANG, NAD KYI LHAG MA MA LUS PA SEL ZHING PHYIS NAD 'BYUNG BAR MI BYED PA YIN NO, ,SMAN GYIS NYAMS SMAD GYUR LUS LA, ,'O MA BDUD RTZI LTA BU YIN, ,ZHES BYA BA LA, SMAN GYI SBYOR BAS GANG LUS KYI NYAMS SMAD CING RID PAR GYUR PA DE LA, 'O MA
BLUD PA NI BDUD RTZI LTAR PHAN PA YIN ZHING SROG STER BAR BYED PA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS LE'U BCO LNGA PA'I RNAM PAR 'GREL PA'O,, ,,DE NAS SKYA RBAB KYI NAD GSO BA'I LE'U BSHAD PAR BYA'O, ,ZHES BYA BA LA, NAD GZHI JI SKAD BSTAN PA'I RIM PAS GSO BA YANG DE DANG 'DRA BAR BRTZAMS PA YIN PA'I PHYIR GO RIMS LA BAB PAS, SKYA RBAB KYI NAD GSO BA BRTZAMS PA YIN NO, ,SKYA RBAB NAD LA DANG POR NI, ,DGE BA CHEN PO'I SMAN MAR RAM, ,BA YI LNGA DANG TIG TA CHE'AM, ,DONG GA SOGS BSKOL SMAN MAR BLUD, ,CES BYA BA LA, DE LA SKYA RBAB KYI NAD DANG LDAN PA'I MI LA NI DANG PO KHO NAR DGE BA CHEN PO ZHES BYA BA'I SMAN MAR RAM, BA'I RNAM LNGA'I SMAN MAR RAM, TIG TA CHEN PO'I SMAN MAR RAM, DONG GA LA SOGS PA'I SDE TSEN DANG BSKOL BA'I SMAN MAR BLUD NA PHAN NO, ,SE'U 'BRU PHUL GANG 'U SU PHYED, ,TZI TRA KA DANG BCA' SGA LAS, ,SRANG RE PI PI LING SRANG PHYED, ,LDE GUR BYAS PA MAR SRANG NI, ,NYI SHU CHU BRE BZHI NANG BSKOL, ,SKYA RBAB SNYING NAD GZHANG 'BRUM SKRAN, ,MCHER RLUNG BAD KAN GYIS NYEN SEL, ,DROD SKYED LUD PA DBUGS MI BDE, ,SEL ZHING RLUNG 'KHYIL BDER 'BYUNG BYED, ,BU BTZAS DKA' DANG MO GSHAM LA, ,'DI NI MCHOG TU BSNGAGS PA YIN, ,ZHES BYA BA LA, SE'U 'BRU'I KHU BA LAS PHUL GANG STE SRANG BZHI, 'U SU'I 'BRAS BU PHUL PHYED DE SRANG GNYIS, TZI TRA KA DANG BCA' SGA SRANG RE RE, PI PI LING SRANG PHYED DO, DE DAG BTAGS LA LDE GUR BYAS NAS MAR SRANG NYI SHU DANG CHU BRE BZHI'I NANG DU BSKOL BA'I SMAN MAR BYIN NA SKYA RBAB LA SOGS PA'I NAD SEL BAR BYED CING, DROD SKYED PA LA SOGS PA'I YON TAN DANG LDAN PA DANG, BUD MED BU BTZAS PA'I TSE NA SDUG BSNGAL ZHING MA THON PA DANG, BUD MED MO GSHAM STE BU MED PA DAG LA MCHOG TU PHAN PA YIN NO, ,SNUM BYAS SKYUG SMAN RNON PO GTANG, ,SLAR YANG SNUM BYAS BKRU SMAN NI, ,'O MA GCIN SBYAR BTANG BA 'AM, ,MKHUR BKANG LAN MANG BYAS PAS SBYANG, ,ZHES BYA BA LA,
, ,YANG SKYA RBAB KYI NAD DANG LDAN PA DE LA, DANG POR SNUM GYI CHO GA LEGS PAR BYAS LA SKYUG SMAN RNON PO BTANG LA SLON DU GZHUG PAR BYA'O, ,DE NAS YANG BRTAS LA SLAR SNUM GYI CHO GA BYAS NAS, 'O MA DANG BA GCIN SBYAR BA'I BKRU SMAN BTANG BA 'AM, 'O MA MKHUR BAR BKANG BA LAN MANG DU BSTEN PAS SBYANGS SHING DAG PAR BYA'O, ,DAN DA'I 'BRAS BU'I KHU BA DROD, ,TANG PAL YANG NA RGUN 'BRUM NI, ,SRANG BRGYAD ZHAG GCIG SBANGS MNYES PA, ,DE 'THUNGS SKYA RBAB NAD SEL TO, ,ZHES BYA BA LA, DAN DA'I 'BRAS BU'I KHU BA CUNG ZAD TZAM DRO BAR TANG PAL SRANG BRGYAD DAM, RGUN 'BRUM SRANG BRGYAD DANG MTSAN MO SBANGS LA DE NANG PAR MNYES TE TSOGS KYIS BTZAGS PA DE 'THUNGS NA, SKYA RBAB KYI NAD SEL BAR BYED DO, ,AA RU BTAGS PA BA GCIN SBYAR, ,YANG NA DE BSKOL 'BRAS BU GSUM, ,ZHES BYA BA LA, AA RU RA BTAGS TE BA GCIN DANG SBYAR BA BLUD PA'AM, YANG NA BA GCIN DE'I NANG DU 'BRAS BU GSUM BSKOL BA'I KHU BA BLUD NA YANG SKYA RBAB KYI NAD LA YANG PHAN NO, ,KHRON BU MA SHA DUR BYID DANG, ,THANG SHING BCA' SGA'I LDE GU NI, ,BA GCIN SRANG BRGYAD SBYAR BA'AM, ,BA GCIN LHAN CIG BSKOL BA BLUD, , CES BYA BA LA, KHRON BU LA SOGS PA BTAGS PA'I LDE GU DANG BA GCIN SRANG BRGYAD SBYAR TE BLUD PA'AM, KHRON BU LA SOGS PA DE DAG NYID DANG BA GCIN SRANG BRGYAD BSKOL BA DE BLUD NA YANG PHAN NO, ,DE DAG NYID NI MAR BSKOL BA, ,BLUD NA'ANG NAD NI SEL BAR BYED, ,CES BYA BA LA, YANG KHRON BU LA SOGS PA SMAN DE DAG NYID DANG MAR BSKOL BA BLUD NA YANG SKYA RBAB KYI NAD SEL ZHING SBYONG BAR BYED DO, ,YANG NA LCAGS PHYE BA GCIN NAM, ,'O MAR ZHAG BDUN BZHAG PA BLUD, ,ZHU NAS KHA ZAS 'O MA 'AM, ,SHA KHU MNGAR PO SBYIN PAR BYA, ,ZHES BYA BA LA, YANG NA LCAGS KYI PHYE MA ZHAG BDUN GYI BAR DU BA GCIN NAM 'O MA'I NANG DU BZHAG PA BLUD NA SMAN DE ZHU NAS KHA ZAS 'BRAS CHAN 'O MA 'AM, SHA KHU MNGAR PO DANG SPAGS TE BYIN NA YANG PHAN NO, ,STOD SMAD SBYANGS NAS AA RU RA, ,SBRANG RTZI MAR SBYAR LDE GU SBYIN, ,ZHES BYA BA LA, SLON SMAN DANG BKRU SMAN
GYIS STOD SMAD KYI NAD SBYANGS NAS, AA RU RA DANG, MAR DANG, SBRANG RTZI SBYAR BA'I LDE GU SBYIN PAR BYA'O, ,BI SHA LA DANG PU TZE SHEL, ,GLA SGANG RU RTA THANG SHING DANG, ,DUG MO YUNGS NI ZHO GNYIS GNYIS, ,MUR BA SRANG PHYED BONG NGA NI, ,ZHO GCIG DE RNAMS PHYER BTAGS CHU, ,DRO 'JAM SBYAR BLUD SBRANG RTZI SBYIN, ,SKYA RBAB RIGS DANG KHONG TSA DANG, ,LUD PA DBUGS MI BDE SKRAN SBO, ,YI GA 'CHUS DANG MA ZHU RLUNG, ,KHRAG MKHRIS DES NI SEL BAR BYED, ,CES BYA BA LA, BI SHA LA LA SOGS PA'I SMAN ZHO GNYIS GNYIS DANG MUR BA SRANG PHYED DANG BONG NGA DKAR PO ZHO GCIG STE, DE RNAMS PHYE MAR BTAGS LA CHU BSKOL BA 'JAM TZAM DANG SBYAR TE BLUD LA, DE'I 'OG TU SBRANG RTZI BYIN NA PHYE MA DES SKYA RBAB LA SOGS PA'I NAD SEL BAR BYED DO, ,SLE TRES DANG NI PA SHA KA ,'BRAS BU GSUM DANG PU TZE SHEL, ,TIG TA NIM PA RTZA MKHRIS RNAMS, ,BSKOL TE BSGRANGS PAR SBRANG RTZI NI, ,BTAB PA BLUD NA SKYA RBAB DANG, ,MIG SER KHRAG MKHRIS 'JOMS PAR BYED, ,CES BYA BA LA, SLE TRES LA SOGS PA'I SMAN BSKOL BA'I KHU BA BSGRANGS PA'I NANG DU SBRANG RTZI BTAB STE BLUD NA YANG SKYA RBAB LA SOGS PA'I NAD 'JOMS PAR BYED DO, ,TSA BA GSUM DANG TZI TRA KA ,'BRAS BU GSUM DANG BYI DANG GA ,GA DUR DANG MNYAM LCAGS KYI PHYE, ,MAR DANG SBRANG RTZI DAR BA'AM, ,CHU DRON 'O MAR SBYAR BA BLUD, ,MIG SER SNYING NAD SKYA RBAB DANG, ,MDZE DANG GZHANG 'BRUM NAD RNAMS SEL, ,ZHES BYA BA LA, TSA BA GSUM LA SOGS PA'I SMAN DGU PO CHA MNYAM PA'I PHYE MA JI SNYED YOD PA DANG MNYAM PA'I LCAGS KYI PHYE MA MAR LA SOGS PA'AM, CHU DRON DANG SBYAR TE BLUD NA MIG SER GYI NAD LA SOGS PA SEL BAR BYED DO, ,DONG GRA LCAGS PHYE TIL DANG NI, ,BU RAM CHA SNYOMS PA YI TSAD, ,PI PI LING NI NYIS 'GYUR GZHUG ,RI LU SKYA RBAB CAN LA SBYIN, , ZHES BYA BA LA, DONG GRA LA SOGS PA CHA MNYAM PAR BYAS LA PI PI LING DONG GRA'I NYIS 'GYUR BCUG NAS RI LU'I SBYOR BA BYAS TE SKYA RBAB CAN LA BYIN NA PHAN NO, ,TA BYA SKYER PA'I SHUN PA DANG, ,DBYI MO PI PI LING RTZA BA, ,THANG SHING RTZA BA GSUM SOGS DGU, ,PHYE MAR BTAGS PA NYIS 'GYUR GYI, ,
, ,MAN DU RA'I PHYE DNGUL RDO 'DRA, ,DE DAG GI NI BRGYAD 'GYUR GYI, ,BA GCIN NANG DU SO SOR BSKOL, ,RI LUR BYA BAR BZOD PA DANG, ,GCIG TU BSRES TE RI LUR BYA, ,DE NI MAN DU RI'I RI LU, ,DE ZOS DAR BA 'THUNGS NAS NI, ,SKYA RBAB CAN LA SROG STER RO, ,MDZE DANG MA ZHU 'OR NAD DANG, ,BRLA RENGS YI GA 'CHUS PA DANG, ,GZHANG 'BRUM MIG SER GCIN SNYI DANG, ,MCHER PA'I NAD RNAMS ZHI BAR BYED, ,CES BYA BA LA, TA BYA NI PA tA MA KshI KA'O, ,TSA BA GSUM LA SOGS PA'I DGU PA NI TSA BA GSUM DANG, TZI TRA KA DANG, BI DA KA DANG, 'BRAS BU GSUM DANG, GLA SGANG STE DGU'O, ,DE DAG THAMS CAD PHYE MAR ZHIB TU BTAGS LA DE PHYE MA DE'I NYIS 'GYUR GYI MAN DU RA ZHES BYA BA LCAGS NAG PO'I PHYE MA YIN NO ZHES NYI MA 'CHAR KA'I ZHES BYA BA'I SMAN PA ZER RO, ,SMAN PA RGAN PO GZHAN DAG NI GTZIGS MA TSA TSA ZHES BYA BA LA MAN DU RA'I ZHES BYA'O, ,ZHES ZER RO, ,DE PHYE MA PHYE MA BYING PO'I NYIS 'GYUR GNAG CING 'TSER BAS DNGUL RDO 'DRA BAR BTAGS LA, DE NAS PHYE MA DE SOR BZHAG STE, BA GCIN BRGYAD 'GYUR GYI NANG DU SO SOR BSKOL LA, ,RI LUR BYA BAR BZOD PA DANG, GCIG TU BSRES LA RI LUR BYA'O, ,'DI NI MAN DU RA'I RI LU ZHES BYA STE, DE LAS RAN PAR ZOS SHING DE'I RJES LA, DAR BA BLUD NA SKYA RBAB LA SOGS PA'I NAD ZHI BAR BYED DO, ,RTA BYA BRAG ZHUN RDUL LCAGS KYI, ,DRI MA SNA RE SRANG LNGA LNGA, ,TZI TRA KA DANG 'BRAS BU GSUM, ,TSA BA GSUM DANG BYI DANG GA ,SRANG RE KHA RA SRANG BRGYAD SBYAR, ,PHYE MA SBRANG RTZIS SBRUS PA YIS, ,SKYA RBAB DUG DANG LUD PA LU, ,GCONG CHEN MI BZAD RIMS DANG NI, ,MDZE DANG MA ZHU GCIN SRI DANG, ,SKRAN DBUGS MI BDE YI GA 'CHUS, ,KHYAD PAR DU NI BRJED BYED DANG, ,MIG SER GZHANG 'BRUM NAD RNAMS SEL, ,ZHES BYA BA LA, TA BYA LA SOGS PA'I SMAN BZHI PO SNA RE ZHING SRANG LNGA LNGA DANG, TZI TRA KA LA SOGS PA SRANG RE RE KHA RA SRANG BRGYAD DANG SBYAR BA'I PHYE MA ZHIB TU BTAGS PA SBRANG RTZIS SBRUS TE LDE GUR BYAS LA, BYIN NA SKYA RBAB LA SOGS PA'I NAD RNAMS 'JOMS PAR BYED DO, ,DUG MO YUNGS DANG 'BRAS BU
GSUM, ,NIM PA GLA SGANG PA TO LA, ,DONG GRA BSKOL BA'I KHU BAR NI, ,BRAG ZHUN SRANG BRGYAD ZHAG BCU 'AM, ,NYI SHU 'AM SUM CU'I BAR DU SBANGS, ,KHA RA DKAR PO DE MNYAM DANG, ,SMIG RKANG DANG NI PI PI LING, ,KARKA TA SRING SKYU RU RA, ,SRANG RE'I TSAD DU BYAS PA DANG, , KAndA KA RI'I RTZA 'BRAS BU, ,SRANG GCIG TSAD DU BYAS PA DANG, ,DRI SNA GSUM PO ZHO GNYIS GNYIS, ,SBRANG RTZI SRANG GSUM BCAS PAR NI, ,RI LU ZHO GNYIS TSAD BYAS ZOS, ,SE'U 'BRU'I KHU BA 'O MA DANG, ,BYA YI SHA KHU CHU DRON DANG, ,AA SA BA DANG CHANG RNYING DANG, ,DE NI ZOS RJES BLUD PA'AM, ,ZAS SNGON ZAS KYI RJES BLUD NA, ,SKYA RBAB MDZE DANG RIMS MCHER PA, ,MGO 'KHOR GZHANG 'BRUM MTSAN PAR RDOL, ,RNAGS DANG SNYING NAD KHU BA'I NAD, ,GCIN NAD DROD NYAMS SEL BYED CING, ,SKEMS DANG SBYAR DUG DMU RDZING DANG, ,LUD PA KHRAG MKHRIS GSAR PA DANG, ,'OR NAD SKRAN DANG LKOG MA'I NAD, ,RGYU RLUGS MGO 'KHOR BCAS PA YI, ,NAD KUN SEL ZHING DGE BA YIN, ,ZHES BYA BA LA, DUG MO YUNGS LA SOGS PA'I SMAN BSKOL BA'I KHU BA'I NANG DU BRAG ZHUN BZANG PO SRANG BRGYAD ZHAG BCU NYI SHU 'AM SUM CU STE ZLA BA GCIG GI BAR DU SBANGS PA KHA RA DKAR PO BRAG ZHUN DANG MNYAM PA SRANG BRGYAD DANG, SMIG RKANG LA SOGS PA'I SMAN SNA RE ZHING SRANG RE DANG, KAndA KA RI'I RTZA BA DANG, 'BRAS BU SRANG GCIG DANG, DRI SNA GSUM ZHES BYA BA SHING TSA DANG, SUG SMEL DANG, GANDHA BHA DRA CI RIGS PAR GZHUG PAR BYA STE, DE DAG LA SBRANG RTZI SRANG GSUM BSRES TE, RI LU DE ZHO GNYIS KYI TSAD DU BYAS PA DANG, SE'U 'BRU'I KHU BA LA SOGS PA GANG YANG RUNG BA DANG, CI RIGS PAR BLUD CING DE YANG ZAS ZOS PA'I SNGON DU BLUD NA DES SKYA RBAB LA SOGS PA'I NAD SEL BAR BYED CING DGE BA DANG, BDE LEGS SKYED PAR BYED PA YIN NO, ,RGUN 'BRUM PI PI LING BRE RE, ,KHA RA SRANG NI LNGA BCU DANG, ,SHING MNGAR BCA' SGA SMIG RKANG DAG ,SRANG NI GNYIS GNYIS PHYE MAR BYA, ,SKYU RU RA'I KHU BRE BCU DRUG ,NANG GZHUG LDE GU DE BZHIN BSKOL, ,BSGRANGS PAR SBRANG RTZI BRE GANG GZHUG ,DE LAS ZHO GNYIS
, ,TSAD ZOS NA, ,GZUGS 'KHUMS SKYA RBAB NAD DANG NI, ,MIG SER GYI NI NAD 'JOMS SO, ,ZHES BYA BA LA, RGUN 'BRUM BRE GANG DANG, PI PI LING BRE GANG DANG, KHA RA SRANG LNGA BCU, SHING MNGAR LA SOGS PA'I SMAN SNA RE RE ZHING ZHO GNYIS GNYIS TE, DE MA LUS PAR PHYE MAR BYAS TE, SKYU RU BSKOL BA'I KHU BA BRE BCU DRUG GI NANG DU BCUG LA, ME CHUNG NGUS LDE GUR GYUR PA DANG, DE BSGRANGS PA'I SBRANG RTZI BRE GANG BCUG LA, DE LAS ZHO GNYIS GNYIS KYI TSAD DU ZOS NA GZUGS 'KHUMS PA LA SOGS PA'I NAD 'JOMS PAR BYED DO, ,RTZA BA LNGA PA CHUNG NGU'I CHU, ,RGUN 'BRUM SKYU RU RA'I KHU BA, ,BZA' DANG BTUNG BAR SBYAR BA NI, ,SKYA RBAB MIG SER NAD SEL TO, ,ZHES BYA BA LA, SKYA RBAB KYIS NYEN PA'I MI LA RTZA BA LNGA BSKOL BA'I CHU LA SOGS PA DANG, BZA' BA DANG BTUNG BA DANG SBYAR TE BSTEN PA BSNGAGS SO, ,DE LTAR SKYA RBAB NAD LA NI, ,SPYI YI SMAN NI BSTAN PA YIN, ,MKHAS PAS NAD DMIGS SO SO YI, ,STOBS DBANG LAS KYANG SBYAR BAR BYA, ,ZHES BYA BA LA, DE LTAR SNGAR BSHAD PA'I TSUL GYIS SKYA RBAB KYI NAD BSAL BAR BYA BA'I PHYIR THUN MONG GI SMAN BTANG BA YIN NO, ,SMAN DE GSO BA LA MKHAS PA'I SMAN PAS RLUNG LA SOGS PA SO SO'I NAD KYI STOBS GANG SHAS CHE BA'I DBANG DU BYAS NAS KYANG DE CI RIGS PA'I GSO BAR SBYAR ZHING GTANG BAR BYA'O, ,RLUNG GYUR PHAL CHER SNUM CHOS BYA, ,MKHRIS PAR KHA DANG BSIL BA GTANG, ,BAD KAN LAS GYUR RTZUB TSA DRO, ,'DUS PAR 'DREN MAR SBYAR BAR BYA, ,ZHES BYA BA LA, SKYA RBAB KYI NAD RLUNG LAS GYUR PA LA NI SNGAR SMOS PA'I SMAN LAS PHAL CHER SNUM GYIS SHAS CHER GSO BAR BYA'O, ,MKHRIS PA LAS GYUR PA'I SKYA RBAB KYI NAD LA NI, SMAN KHA BA DANG BSIL BA BTANG ZHING GSO BAR BYA'O, ,BAD KAN LAS GYUR PA'I SKYA RBAB KYI NAD LA NI SMAN RTZUB PA DANG, TSA BA DANG, DRO BA'I BAG GTANG BAR BYA'O, ,'DUS PA LAS GYUR PA'I NAD LA NI SMAN DE DAG PHAN TSUN 'DREN MAR SBYAR ZHING GTANG BAR BYA'O, ,SA ZOS LAS GYUR SBYANG BA NI, ,RNON POS LUS LAS BSAL BAR BYA, ,DE 'OG LTO SBYANGS STOBS BSKYED PHYIR, ,DE LA ZHUN MAR
SBYIN PAR BYA, ,ZHES BYA BA LA, SA ZHAG ZOS PA LAS GYUR PA'I SKYA RBAB LA NI DANG PO KHO NAR BKRU SMAN DANG SLON SMAN RNON PO BTANG BAS LUS LAS BSAL ZHING GDON PAR BYA'O, ,DE'I 'OG TU LTO BA'I NAD SBYANGS PA'I SKYA RBAB CAN GYI NAD PA'I LUS KYI STOBS BSKYED CING BRTA BAR BYA BA'I PHYIR ZHUN MAR DAG SBYIN PAR BYA'O, , TSA BA GSUM DANG BIL BA DANG, ,SER PO GNYIS DANG 'BRAS BU GSUM, ,BA SPRU BA GNYIS GLA SGANG DANG, ,LCAGS PHYE BA THA BYI DANG GA ,THANG SHING BRISHTZI KA LI DANG, ,GA BRA'I RTZA BA 'O MA MAR, ,BSKOL BA 'THUNGS NA SA ZHAG ZOS, ,LAS GYUR NAD NI THAMS CAD SEL, ,ZHES BYA BA LA, TSA BA GSUM LA SOGS PA'I SMAN 'DI DAG DANG 'O MA DANG MAR TSUL BZHIN DU BSKOL BA BLUD NA SA ZHAG ZOS PA LAS GYUR PA'I NAD THAMS CAD SEL ZHING 'JOMS PAR BYED DO, ,DE BZHIN N'A GA GE SAR DANG, ,SHING MNGAR KU SHA PI PI LING, ,'O MAR BSKOL BA BLUD NA PHAN, ,ZHES BYA BA LA, DE BZHIN DU N'A GA GE SAR LA SOGS PA'I SMAN DANG 'O MA BSKOL TE BLUD NA YANG SA ZHAG ZOS PA LAS GYUR PA'I NAD THAMS CAD SEL BAR BYED DO, ,DE LA SRED PAR GYUR NA NI, ,BYI DANG GA DANG PA THA DANG, ,NIM PA BSKOL BA'I KHU BA'AM, ,MUR BA DANG BSRES SA ZHAG DAG ,SRED PA DGAG PHYIR SBYIN PAR BYA, ,ZHES BYA BA LA, SKYA RBAB CAN GYI NAD PA DE SA ZHAG LA SRED CING DE LA DGA' BAR GYUR NA DE'I SRED PA DGAG CING DE DANG 'GAL 'GRAS PAR BYA BA'I PHYIR BYI DANG GA LA SOGS PA DANG SA ZHAG TU BSRES PA SBYIN PAR BYA'O, ,YANG NA MUR BA DANG BSRES PA'I SA ZHAG SBYIN PAR BYA'O, ,SA ZHAG BYE BRAG THA DAD NAD, ,RJES SU MTHUN PA'I SMAN SBYIN BYA, ,ZHES BYA BA LA, SA ZHAG GI BYE BRAG THA DAD PAR ZOS PA LAS NAD THA DAD PAR GYUR PA LAS NI RJES SU MTHUN ZHING NAD DMIGS JI LTA BA BZHIN DU SMAN GYI SBYOR BA SBYIN PAR BYA'O, ,DE NI 'DI SKAD STON PA YIN TE RO BSKA BA'I SA ZHAG ZOS PA LAS NAD DU GYUR PA LA NI RLUNG 'JOMS PA'I SMAN SBYIN PAR BYA LA TSA SGO CAN GYIS ZOS PA LAS NAD DU GYUR PA LA NI MKHRIS PA SEL BA'I SMAN SBYIN PAR BYA LA, SA MNGAR PO ZOS PA LAS NAD DU GYUR PA LA NI BAD KAN SEL BA'I SMAN SBYIN PAR BYA'O, ,MIG SER LA NI MKHRIS 'JOMS SMAN, ,SKYA RBAB GNOD PA MED PA SBYIN, ,ZHES BYA BA LA, MIG SER GYI NAD LA NI MKHRIS PA 'JOMS SHING SEL BA'I SMAN SBYIN PAR BYA LA DE YANG SKYA RBAB LA GNOD CING MI MTHUN PA
, ,MED PA SBYIN PAR BYA'O, ,AA RU RA NI BRGYA'I KHU BAR, ,AA RU RA RDOG LNGA BCU'I PHYED, ,MAR NI BRE GANG NANG DU BSKOL, ,SKRAN DANG MIG SER SKYA RBAB 'JOMS, ,ZHES BYA BA LA, AA RU RA BRGYA BSKOL BA'I KHU BA DANG MAR BRE GANG BSKOL BA'I NANG DU AA RU RA LNGA BCU BTAB PA'I LDE GU BYIN NA SKRAN LA SOGS PA'I NAD 'JOMS SO, ,DONG GA BU RAM SHING KHU 'AM, ,BI DA RI DANG SKYU RU RA'I, ,KHU BA TSA BA GSUM BCAS PA, ,SRANG GCIG BLUD NA MIG SER 'JOMS, ,ZHES BYA BA LA, BU RAM SHING GI KHU BA DANG, ,DONG GA TSA BA GSUM DANG BCAS PA SRANG GCIG TZAM BYIN NA YANG MIG SER GYI NAD 'JOMS SO, ,YANG NA BI DA RI DANG SKYU RU RA'I KHU BA TSA BA GSUM DANG BCAS PA SRANG GCIG TZAM BYIN NA YANG PHAN NO, ,DAN DA BU RAM NYIS 'GYUR GYI, ,LDE GU CHU GRANG SBYAR BA BLUD, ,CES BYA BA LA, YANG NA DAN DA BU RAM NYIS 'GYUR DANG SBYAR BA'I LDE GU CHU GRANG SBYAR TE BLUD NA PHAN NO, ,DUR BYID PHYE MA SBRANG RTZIR BCAS, ,'BRAS BU GSUM GYI KHU BA BLUD, ,CES BYA BA LA, DUR BYID KYI RTZA BA PHYE MA SBRANG RTZI DANG BCAS PA'I LDE GU 'BRAS BU GSUM BSKOL BA'I KHU BA DANG SBYAR TE BLUD NA PHAN NO, ,'BRAS BU GSUM MAM SLE TRES SAM, ,SKYER PA'AM NIM PA'I KHU BA DAG ,SBRANG RTZIR SBYAR BA NANG RE NI, ,MIG SER GYIS NI NYEN LA BLUD, ,CES BYA BA LA, 'BRAS BU GSUM GYI KHU BA SBRANG RTZIR SBYAR BA'AM, SLE TRES BSKOL BA'I KHU BA SBRANG RTZIR SBYAR BA'AM, SKYER PA'I KHU BA SBRANG RTZIR SBYAR BA'AM, NIM PA'I KHU BA SBRANG RTZIR SBYAR BA STE, DE DAG GANG YANG RUNG BAS MIG SER GYI NAD KYIS NYEN PA LA NANG RE ZHING BLUD NA PHAN TE SEL BAR BYED DO, ,SKYER PA YUG SNAM SKYU RU RA, ,MIG SER SEL BA'I MIG SMAN YIN, ,ZHES BYA BA LA, SKYER PA DANG BTZAG YUG SNAM DANG SKYU RU RA SBYAR BA'I MIG SMAN BSKUS NA YANG MIG SER GYI NAD SEL BAR BYED DO, ,MIG SER CAN GANG DRI MA NI, ,TIL BTAGS LTA BUR BYUNG GYUR NA, ,BAD KAN LAM 'GAGS DE LA NI, ,BAD KAN MKHRIS PA SEL BAS GSO, ,ZHES BYA BA LA, MIG SER CAN GYI MI GANG ZHIG BSHANG BA ZHES BYA BA'I DRI MA TIL BTAGS PA'I
MDOG 'DRA BA BYUNG BAR GYUR CING BAD KAN GYIS MKHRIS PA RGYU BA'I LAM 'GAGS PA YIN PAS, DE LA NI BAD KAN DANG MKHRIS PA SEL BA'I KHA ZAS DANG SPYOD LAM DANG SMAN GYIS GSO BAR BYA'O, ,RTZUB GRANG LCI DANG MNGAR BA DANG, ,DRAG SHUL RLUNG NI BKAG PA YIS, ,RLUNG DANG BAD KAN GCIG GYUR PA, ,MKHRIS PA PHYIR 'BYIN DE YI TSE, ,MIG DANG PAGS PA SER BA DANG, ,PHYI SA SKYA BAR GYUR PA DANG, ,BSHANG 'GAGS RGYU MA 'KHRUGS PA DANG, ,SNYING GA LCI BA NYID GYUR LA, ,MKHRIS PA YAN LAG LA BRTEN NA, ,RID CING DROD CHUNG RTZIB LOGS GZER, , SKYIGS BU LUD PA YI GA 'CHUS, ,RIMS 'DEBS RIM GYIS 'BYUNG BAR 'GYUR, ,ZHES BYA BA LA, GANG GI TSE RTZUB PA LA SOGS PA'I RGYUS RLUNG DANG BAD KAN 'DRES SHING GCIG TU GYUR PA DE'I TSE MKHRIS PA KHONG PA NAS PHYIR 'BYIN PAR BYED LA DE'I TSE MIG DANG PAGS PA SER POR 'GYUR ZHING PHYI SA SHIN TU SKYA RBAB SHING DKAR BAR 'GYUR BA DANG, BSHANG BA 'GAGS SHING RGYU MA KRUG KRUG ZER ZHING LBO BA DANG BCAS TE, SNYING GA SHIN TU LCI ZHING NA BAR GYUR NA MKHRIS PA'I RIMS KYIS YAN LAG BYER ZHING BRTEN PAR GYUR PA DANG, 'BRI BAR GYUR PA NA, RID CING DROD CHUNG BA LA SOGS PA'I BLA BRNAN GYI NAD RNAMS 'BYUNG BAR 'GYUR RO, ,DE LA RMA BYA'AM KHYIM BYA DANG, ,SREG PA'I SHA KHU'AM LA PHUG NI, ,SKAM PO'I KHU BA'AM RGYA SRAN KHU, ,RTZUB KHA SKYUR BAR SBYAR BA SBYIN, ,ZHES BYA BA LA, YAN LAG LA BRTEN PA'I MIG SER GYI NAD DE LA RMA BYA LA SOGS PA'I SHA KHU DANG, LA PHUG SKAM PO'I KHU BA LA SOGS PA'I KHU BA DE DAG RTZUB PA DANG KHA BA DANG SKYUR BA DANG SBYAR BA SBYIN PAR BYA'O, ,RAB TSA SKYUR DANG RNO BA DANG, ,LAN TSVA SHIN TU DRO BA BSNGAGS, ,ZHES BYA BA LA, YANG NAD DE LA ZAS SKOM DANG SMAN LA SOGS PA RAB TU TSA BA DANG SKYUR BA LA SOGS PA PHAN NO, ,KHA LUNG KHU BA TSA BA GSUM, ,SBYAR BA'I LDE GU'ANG SBYIN PAR BYA, ,ZHES BYA BA LA, MIG SER GYI NAD DANG LDAN PAS KHA LUNG LA SOGS PA'I LDE GU ZOS NA YANG PHAN NO, ,DES NI MKHRIS PA RANG GNAS SU, ,'JUG CING BSHANG MDOG THA MAL 'GYUR, ,RGYU MA 'KHRUG SOGS BLA BRNAN BCAS, ,RLUNG
, ,YANG RAB TU ZHI BAR 'GYUR, ,ZHES BYA BA LA, BSHAD MA THAG PA LTAR BYAS LA, DES NANG GI RLUNG DANG BAD KAN BSAL BAS YAN LAG BYER BA'I MKHRIS PA RANG GI GNAS GANG YIN PA DER 'JUG CING 'ONG BAR 'GYUR LA, DES NA BSHANG BA YANG SNGA MA LAS MDOG 'GYUR TE, TIL BTAGS PA LTA BU LAS SER POR 'GYUR RO, ,DE BZHIN DU RLUNG BLA BRNAN DANG BCAS PA YANG ZHI BAR 'GYUR RO, ,'DI YIS BLA BRNAN ZHI NAS NI, ,MIG SER GSO BA'I CHO GA BYA, ,ZHES BYA BA LA, SKYES BU DE'I BLA BRNAN ZHI BAR GYUR NAS, MIG SER LA PHAN PA'I GSO BA BYA'O, ,MIG SER KHONG DU ZHEN PA NA, ,BRAG ZHUN BA GCIN DANG SBYAR BA, ,GSER GYI DRI MA'AM TA BYA NI, ,BA GCIN SBYAR BA ZLA GCIG BLUD, ,CES BYA BA LA, MIG SER KHONG PA'I NANG DU ZHEN PA LA NI BRAG ZHUN DANG BA GCIN DANG SBYAR BA ZLA BA GCIG GI BAR DU BLUD PA'AM, GSER BZHUS PA'I DRI MA DANG, BA GCIN NAM, TA BYA DANG BA GCIN SBYAR BA ZLA BA GCIG GI BAR DU BLUD PAR BYA'O, ,HA LI SAK SLE TRES KHU, ,'O MA MA HE'I MAR BSKOL BA'I, ,SKYU RU RA YI KHU BA DANG, ,DUR BYID SBYAR BA'I BKRU SMAN BLUD, ,'KHRUS NAS KHA ZAS MNGAR BAG NI, ,RLUNG 'JOMS MKHRIS PA 'JOMS PA SBYIN, ,ZHES BYA BA LA SOGS PA'I, HA LI SA KA ZHES BYA BA 'DI'I NAD YOD PA LA NI, SLE TRES KYI KHU BA DANG, ,'O MA MAR GYI NYIS 'GYUR DANG MA HE'I MAR BSKOL BAS LUS SNUM PAR BYAS LA, SKYU RU RA'I KHU BA DANG, DUR BYID SBYAR BA'I BKRU SMAN BLUD NAS 'KHRUS PAR GYUR BA DANG, MKHRIS PA LA PHAN PA'I KHA ZAS MNGAR BAG SBYIN PAR BYA'I GZHAN SBYIN PAR MI BYA'O, ,SNGAR BSHAD RGUN 'BRU'I LDE GU DANG, ,MNGAR BA'I SMAN MAR ZHUN MAR SBYIN, ,'O MA MAS GTONG SMAN DANG NI, ,'JAM RTZIR BYAS PA BSTEN PAR BYA, ,ZHES BYA BA LA, SNGAR LE'U 'DI NYID LAS BSHAD PA'I RGUN 'BRU'I LDE GU DANG, MNGAR BA'I SMAN DANG SBYAR BA'I MAR DANG, 'O MA'I MAS GTONG BA 'OG NAS BSHAD PA DANG, SNUM GYI 'JAM RTZI DANG BCAS PA SBYIN PAR BYA'O, ,ME DROD BSKYED PAR BYA BA'I PHYIR, ,RGUN CHANG CHANG RNYING SBYIN PAR BYA, ,ZHES BYA BA LA, DE BZHIN DU
RGUN CHANG DANG CHANG RNYING DAG KYANG KHONG PA'I ME DROD BSKYED PA BLUD PAR BYA'O, ,LUD PA'I SKABS BSHAD AA RU RA'I, ,SHING MNGAR BA LA PI PI LING, ,'O MA SBYAR BA NAD DMIGS DANG, ,ME DROD JI BZHIN SBYIN PAR BYA, ,ZHES BYA BA LA, HA LI SA KA'I NAD DE LA LUD PA GSO BA'I SKABS SU BSHAD PA'I AA RU RA'I LDE GU Ri shIS BSHAD PA SBYIN PAR BYA'O, ,YANG NA PI PI LING LA SOGS PA NAD KYI TSUL JI LTA BA DANG, ME DROD KYI STOBS JI LTA BA BZHIN DU SBYIN PAR BYA'O, ,MKHAS PAS 'OR NAD SKABS BSHAD PA'I, ,GSO BA SKYA RBAB LA YANG SBYAR, ,ZHES BYA BA LA, SMAN PA MKHAS PAS 'OR NAD KYI GSO BAR BSHAD PA DAG KYANG NAD DMIGS JI LTA BA BZHIN DU SKYA RBAB KYI NAD LA SBYAR BAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS GSO BA'I GNAS KYI LE'U BCU DRUG PA'I RNAM PAR 'GREL PA'O,, ,,DE NAS 'OR NAD GSO BA BSHAD PAR BYA'O, ,ZHES BYA BA LA, GO RIMS KYIS NA 'OR NAD GSO BA BSHAD PA'I PHYIR LE'U 'DI BRTZAMS PA YIN NO, ,'OR NAD YAN LAG KUN ZHUGS SHING, ,NAD SKYES MA SMIN LA DANG POR, ,SMYUNG BYAS KHA ZAS YANG BA BZA', ,BONG NGA THANG SHING BYI DANG GA ,DUG MO YUNGS DANG NA LE SHAM, ,BSKOL BA'I CHU DRON BLUD PAR BYA, ,ZHES BYA BA LA, 'OR NAD KYI RNAM PA LUS KYI YAN LAG THAMS CAD LA ZHUGS SHING NAD GZHI SO SO DANG, GNYIS DANG KUN 'DUS PA LAS SKYES PA MA YIN PA LA DANG PO KHO NAR SBYANG BA BYAS PAS DE'I RJES THUG PA LA SOGS PA'I KHA ZAS MANG PO SBYIN PAR BYA'O, ,DE'I 'OG TU BONG NGA LA SOGS PA DANG BSKOL BA'I CHU 'JAM BLUD PAR BYA'O, ,YANG NA AA RU RA BCAS DANG, ,THANG SHING BA SPRU BSKOL BA'AM, ,LCAGS PHYE DGU PAR BCAS PA BLUD, ,CES BYA BA LA, YANG NA AA RU RA RNAM PAR RGYAL BA LA SOGS PA'I KHU BA SMYUNG BAR BYAS SHING, KHA ZAS YANG BZOS PA'I 'OG TU BLUD PAR BYA'O, ,YANG NA LCAGS PHYE DGU PA SKYA RBAB KYI NAD GSO BA'I SKABS SU BSHAD PA DANG, CHU DRON DU SBYAR TE BLUD PAR BYA'O, ,'OR NAD SHAS CHER AA RU RA, ,BA GCIN BCAS PA SBYANG PHYIR BLUD, ,CES BYA BA LA, 'OR
, ,NAD SHAS CHER BDO BA LA NI AA RU RA DANG BA GCIN SBYAR BA BLUD CING SBYANGS NAS DAG PAR BYA'O, ,'BRAS BU GSUM BSKOL PU TZE SHEL, ,DUR BYID LCAGS PHYE TSA GSUM BCAS, ,ZHES BYA BA LA, YANG NA 'BRAS BU GSUM BSKOL BA'I NANG DU BU TZE SHEL NAS TSA BA GSUM GYI SMAN YAN BTAB PA BLUD PAR BYA'O, ,YANG NA DE BZHIN GU GUL LAM, ,BRAG ZHUN DANG NI SBYAR BA BLUD, ,CES BYA BA LA, YANG NA 'BRAS BU GSUM BSKOL BA'I KHU BA GU GUL LA BRAG ZHUN GANG YANG RUNG BA DANG SBYAR TE BLUD PAR BYA'O, ,ME DROD CHUNG ZHING MA SMIN LA, ,LCI ZHING RTUG 'GAGS YANG NA 'KHRU, , TSA BA GSUM DANG RTZAL RU TSA, ,SBRANG RTZI DAR BAR SBYAR BA'AM, ,AA RU RA DANG BU RAM BCAS, ,BU RAM BCA' SGAR BCAS PA DANG, ,ZOS RJES DAR BA BLUD PAR BYA, ,ZHES BYA BA LA, 'OR NAD CAN GYI NAD PA ME DROD CHUNG BA LA SOGS PA DANG LDAN PA LA TSA BA GSUM DANG LDAN PA'I DAR BA BLUD PA'AM, YANG NA AA RU RA DANG BU RAM ZOS PA'I RJES LA DAR BA BLUD PAR BYA BA'AM, YANG NA BU RAM DANG SGAR SBYAR BA ZOS NAS, DE'I RJES LA DAR BA BLUD PAR BYA'O, ,SGE'U GSHER BU RAM CHA SNYOMS PA, ,SRANG PHYED TSAD KYIS BSKYED NAS NI, ,CHE TSAD SRANG LNGA'I BAR DU NI, ,ZLA GCIG ZA ZHING YU SHA DANG, ,'O MA SHA KHU BCAS ZOS NA, ,'OR NAD DMU RDZING SKRAN GZHANG 'BRUM, ,GCIN NAD DBUGS MI BDE CHAM PA, ,SGYID SNYOM MA ZHU MIG SER DANG, ,LUS SKEM GDON GYI NAD RNAMS DANG, ,LUD PA BAD KAN SBYOR 'DIS SEL, ,ZHES BYA BA LA, YANG NA SGE'U GSHER BU RAM DANG CHA MNYAM PA SRANG PHYED PHYED KYIS BSKYED NAS CHE TSAD SRANG LNGAR PHYIN GYI BAR DU ZLA BA GCIG GI BAR DU BZA' ZHING BSTEN PAR BYA'O, ,DE NI 'DI SKAD STON TE, SGE'U GSHER DANG BU RAM CHA MNYAM STE BSRES PA NYI MA DANG PO LA SRANG PHYED BZA', NYI MA GNYIS PA LA SRANG GCIG BZA', GSUM PA LA SRANG PHYED DANG GNYIS, BZHI PA LA SRANG GNYIS, LNGA PA LA SRANG PHYED DANG GSUM, ,DRUG PA LA SRANG GSUM, BDUN PA LA SRANG PHYED DANG BZHI, BRGYAD PA LA SRANG BZHI, DGU PA LA SRANG PHYED DANG LNGA, ZHAG BCU PA LA SRANG LNGA, ZHAG BCU GCIG PA NAS ZLA BA GCIG GI BAR GYI ZHAG NYI SHU LA SGE'U GSHER DANG BU RAM YOD NA
SRANG LNGA LNGA BZA' BAR BYA'O, ,SMAN DE ZHU BAR GYUR NAS BAD KAN GYI SHAS CHE BA'I 'OR NAD LA NI YU SHA SRAN KHU BLUD PAR BYA'O, ,MKHRIS PA SHAS CHE BA LA NI 'O MA BLUD PAR BYA'O, ,RLUNG SHAS CHE BA LA NI SHA KHU DANG BCAS PAR ZAS SBYIN PAR BYA'O, ,'DIS NI 'OR NAD LA SOGS PA NAS BAD KAN GYI MTHA'I NAD SEL BAR BYED DO, ,GDON GYI NAD NI SMYO BYED DANG, BRJED BYED LA SOGS PA'O, ,SGE'U GSHER DONG GRA'I LDE GU'I KHU BA DANG, ,'O MA DAG DANG MAR NI BSKOL BLUD NA, ,'OR NAD SBRID PA DMU RDZING ME DROD NYAMS, ,NAD KYIS ZIL MNAN NA YANG NAD MED 'GYUR, ,ZHES BYA BA LA, SGE'U GSHER DE NYID DONG GRA YIN PAS NA, SGE'U GSHER DONG GRA'O, ,YANG NA GSAR ZHING RANG GI KHU BA DANG BCAS PA BZANG ZHING KHYAD PAR DU GYUR PA'I SGE'U GSHER NYID LA SGE'U GSHER DONG GRA ZHES BYA STE, DE'I LDE GU'I KHU BA DANG 'O MA GNYIS DANG MAR BSKOL TE BLUD NA 'OR NAD LA SOGS PAS NYAM THAG CING ZIL GYIS MNAN NA YANG NAD MED PAR BYED PAR 'GYUR RO, ,MA ZHU MED CING PHYI SA 'GAGS, ,'OR NAD KYIS GZER TSA BA GSUM, ,DUR BYID DAN DA KRU TRUG TRES, ,BSKOL BA'I 'O MA BLUD PAR BYA, ,ZHES BYA BA LA, MA ZHU BA MED CING MA ZHU BA'I NAD DE BYANG BAR GYUR NAS KYANG PHYIS 'GAGS PA DANG LDAN PA'I 'OR NAD KYIS GZIR BAR GYUR PA LA TSA BA GSUM LA SOGS PA DANG BSKOL BA'I 'O MA BLUD PAR BYA'O, ,MA HE'I GCIN NAM BA GCIN NAM, ,'O MA BTUNG ZHING DE DANG BZA', ,ZHES BYA BA LA, YANG NA 'O MA DANG BCAS PAR ZAS BZA' ZHING, MA HE 'AM, BA'I GCIN ZHES BYA BA GANG YANG RUNG BA 'O MA DANG BCAS PA BLUD PAR BYA'O, ,ZHAG BDUN YANG NA ZLA GCIG BAR, ,RNGA MO'I 'O MA BLUD PAS GSO, ,ZHES BYA BA LA, YANG NA ZHAG BDUN NAM, ZLA BA GCIG GI BAR DU ZAS GZHAN MI SBYIN PAR RNGA MO'I 'O MA BLUD PAS GSO BAR BYA'O, ,TI MU SA DANG NAS TSIG THAL, ,LA LA PHUD DANG TSA BA LNGA; ,NA LE SHAM DANG SE'U 'BRU DANG, ,BA TA 'U SU STAR BU DANG, ,BIL BA GZHON NU ZHO GNYIS GNYIS, ,CHU BRE BZHI BSKOL MAR BRE GANG, ,BSKOL BA BLUD NA 'OR NAD DANG, ,GZHANG 'BRUM SKRAN DANG ZA GU 'JOMS, ,ZHES BYA BA LA, YANG 'OR NAD LA TI MU SA ZHES BYA BA, YANG BA NA KA LA SOGS PA'I
, ,SMAN SNA RE ZHING ZHO GNYIS GNYIS CHU BRE BZHI'I NANG DU BSKOL, DE'I KHU BA BZHI CHA LUS PA DANG, SMAN GYI KHU BA BTZAGS PA BRE GANG, MAR BRE GANG BSKOL BA BLUD NA 'OR NAD LA SOGS PA 'JOMS PAR BYED DO, ,ZHO DANG TZI TRA KAR BSRES LAS, ,BYUNG BA'I MAR NI DAR BAR BCAS, ,TZI TRA KA BTAB BSKOL BA NI, ,YON TAN GONG MA MTSUNGS PA YIN, ,ZHES BYA BA LA, TZI TRA KA DANG BSRES PA'I ZHO BSRUBS PA LAS MAR SAR GANG ZHIG BYUNG BAR GYUR PA DE DAR BA NYID DANG BCAS LA TZI TRA KA'I LDE GU BTAB STE BSKOL BA'I SMAN MAR BLUD NA YANG YON TAN SNGA MA DANG 'DRA STE, 'OR NAD GZHANG 'BRUM LA SOGS PA 'JOMS PAR BYED DO, ,THANG LA 'BAR DANG TIG TA CHE, ,DGE BA'AM AA RU RA'I SMAN MAR, ,DUS SHES PA YIS SBYIN PAR BYA, ,ZHES BYA BA LA, DUS SHES PA'I SMAN PA MKHAS PAS NAD DMIGS KYI SHAS GANG CHE BA LAS DPAGS [?] TE, THANG LA 'BAR GYIS BSHAD PA'I SMAN MAR GCIN NAD ZA GU'I SKABS SU BSHAD PA DANG, TIG TA CHEN PO'I SMAN MAR MDZE NAD KYI SKABS SU BSHAD PA DANG, DGE BA CHEN PO'I SMAN MAR SMYO BYED GSO BA'I SKABS SU BSHAD PA DANG, AA RU RA'I SMAN MAR DMU RDZING GSO BA'I SKABS SU BSHAD PA DE DAG LAS CI RIGS PAR SBYIN PAR BYA'O, ,RTZA BA BCU PA'I KHU BA NI, ,BRE BZHIR AA RU RA BRGYA BSKOL, ,DER NI BU RAM SRANG BRGYA GZHUG ,TSA BA GSUM DANG DRI SNA GSUM, ,NAS TSIG 'KHUS THAL CUNG ZAD BTAB, LA SOGS PA LA RANG RTZI BRE PHYED GZHUG ,DE BYIN NA NI 'OR NAD DANG, ,RIMS SKRAN GCIN NAD LUS SKEMS PA, ,MA ZHU MKHRIS PA RLUNG DANG NI, ,SGREGS SKYUR KHA DOG MI SDUG DANG, ,GCIN NAD RLUNG GI KHU CHU'I NAD, ,DBUGS MI BDE DANG YI GA 'CHUS, ,MCHER PA'I NAD DANG SBYAR BA'I DUG ,DMU RDZING GI NI NAD RNAMS SEL, ,ZHES BYA BA LA, RTZA BA BCU PA BSKOL BA'I KHU BA BRE BZHI'I NANG DU AA RU RA RDOG MA BRGYA BSKOL LA DER BU RAM SRANG BRGYA GZHUG PAR BYA STE, DE TSUL BZHIN DU BSKOL LA, GZAR BUR CHAGS PA'I TSAD KYI LDE GUR GYUR PA DANG, DE'I NANG DU TSA BA GSUM PI PI LING DANG, NA LE SHAM DANG, BCA' SGA ZHES BYA BA DANG, DRI SNA GSUM PO SUG SMEL DANG,
SHING TSVA DANG, GANDHA BHA DRA ZHES BYA BA DANG, NAS TSIG 'KHUS PA'I THAL BA LAS CUNG ZAD CIG CI RIGS PAR BTAB STE BTAGS PA'I PHYE MA DANG BSRES LA BSGRANGS PA DANG, SBRANG RTZI BRE PHYED DE SRANG BCU DRUG GZHUG GO, ,TSA BA GSUM DANG, DRI SNA GSUM DANG, YA BAKshA RA'I TSAD 'DIR SLOB DPON GYIS MA BSHAD MOD KYI, DE GZHUNG GZHAN LAS SHES PAR BYA STE, DE YANG RGYUD GZHAN LAS, TSA BA GSUM LAS SRANG BZHI DANG, ,DRI SNA GSUM LAS SRANG GNYIS DANG, ,YA BAKshA LA SOGS ZHO GNYIS, ,BSGRANGS PA'I SBRANG RTZI BRE PHYED GZHUG ,CES BSHAD PA YIN NO, ,SMAN DE BYIN NAS 'OR NAD NAS DMU RDZING GI NAD KYI BAR DU SEL BAR BYED DO, ,NAS DANG S'A LU 'BRAS RNYING ZAS, ,RTZA BA BCU YI CHU DANG BSKOL, ,LAN TSVA NYUNG SNUM SHAS CHUNG BA, ,BYIN NA 'OR NAD SEL BAR BYED, ,RGYA SRAN MUNGGA'I KHU BA NI, ,THAL SMAN TSA BA GSUM LDAN DANG, ,DE BZHIN SKAM SA'I SHA RUS SBAL, ,SKYIN GOR BYI DUR SHA KHU SBYIN, ,ZHES BYA BA LA, 'OR NAD LA NI NAS DANG S'A LU LA SOGS PA'I 'BRAS RNYING PA RTZA BA BCU'I CHU DANG BSKOL BA'I LAN TSVA DANG SNUM CUNG ZAD CIG BYIN NA PHAN NO, ,RGYA SRAN MUNGGA'I KHU BA DANG NAS TSIG 'KHUS PA'I THAL BA DANG, TSA BA GSUM DANG LDAN PA DANG, DE BZHIN DU SKAM SA'I SROG CHAGS RUS SBAL LA SOGS PA'I SHA KHU LA THAL SMAN DANG TSA BA GSUM DANG BYIN NA YANG PHAN NO, ,BTUNG BAR DAR BA SAR PA DANG, ,CHANG NI SMAN DANG BCAS PA BLUD, ,CES BYA BA LA, 'OR NAD CAN LA BTUNG BA NI DAR BA SAR PA BSRUBS MA THAG GAM, CHANG SMAN DANG LDAN PA MNAN PA'I CHANG AA SA PA DANG, CHANG SNYING DANG, RGUN CHANG LA SOGS PA BLUD NA PHAN NO, ,ZI RA ZUR PA DZI BAN TI, ,MA NU TZI TRA KA RA B'I, ,YA BAKshA RA BIL BA'I RKANG, ,DA TRIG ZHO RE'I TSAD DU BYAS, ,MAR DANG TIL MAR NANG DU BRNGOS, ,BYIN NA 'OR NAD SKRAN GZHANG 'BRUM, ,TSAD 'KHRU DANG NI SNYING GI NAD, ,ME DROD CHUNG DANG GCIN NAD SEL, ,TSA BA LNGA DANG SBYAR BA YI, ,THUG PA'ANG YON TAN DE DANG 'DRA, ,ZHES BYA BA LA, ZI RA LA SOGS PA'I SMAN MAR DANG, TIL MAR GYI NANG DU BRNGOS NAS THUG PAR BYAS TE BLUD NA YANG 'OR NAD LA SOGS PA LA
, ,MCHOG TU PHAN LA, DE BZHIN DU TSA BA LNGA DANG SBYAR BA'I THUG PA YANG 'OR NAD LA SOGS PA LA MCHOG TU PHAN PA YIN NO, ,RDO DREG RU RTA STON [?] YE [?], ,HA RE nU KA AA RU RA, ,SHI BE TA KA SHU PA DANG, ,CHU SRIN SDER MO PRI YANG KU, ,SPRI KA THANG SHING SPANG SPOS DANG, ,PI PI LING DANG DBYI MO DANG, ,KUN TAN TA NA BYA MA KA ,BA LA KA DANG DRI SNA BZHI, ,BAL BU'I LO MA GLA SGANG DANG, ,GANDHA PA LA SHA LA NI, ,BSKUS PA'I TIL MAR DAG DANG NI, ,KHRUS KYI CHU DANG LDE GU BYA, ,ZHES BYA BA LA, RDO DREG LA SOGS PA'I SMAN LDE GUR BYAS PA DANG, TIL MAR DU BCAS PAS BSKU BAR BYA BA DANG, YANG SMAN DE DAG ZHIB TU BTAGS PA'I LDE GUS BSKU BA DANG, YANG SMAN DE DAG NYID DANG BSKOL BA'I CHUS LUS KHRUS BYA'O, ,RDO DREG NI SHIL PUS BA'O, ,STON YA NI TA LA BID KA'O, ,SHI BE TA KA NI THANG SHING PHRA MO'I THANG CHU'O, ,PRI KA NI DE BI LA TA'O, ,KUN TAN TA NI PA RI BI LA'O, ,NIM PA AARGA BA SPRU DANG, ,NAG TA MA LI'I CHUS KHRUS BYA, ,ZHES BYA BA LA, YANG NA NIM PA DANG, AARGA DANG, BA SPRU BA DANG NAG TA MA LA BSKOL BA'I CHUS KHRUS BYA'O, ,YAN LAG PHYOGS GCIG SKRANGS PA LA, ,KA RA B'I RA BA SPRU BA, ,KING SHU KA DANG BI SHA LA, ,'BRAS BU GSUM DANG SENG PHROM DANG, ,NA LI KA DANG THANG SHING DANG, ,SPANG SPOS KO SHA TA KI DANG, ,BONG NGA TA LA'I LO MA DANG, ,DZA YAN TI DANG 'OL [?] MA SE, ,KA KA TA NI SA LI SHING, ,PRI SHA KARnI DBYI MO DANG, ,RID TI BRI TI GLANG PO'I SNA, ,LDE GU DRO 'JOM BSKUS PA PHAN, , ZHES BYA BA LA, YAN LAG GI PHYOGS GCIG SKRANGS PA'I NAD LA NI, KA RA B'I RA LA SOGS PA'I SMAN GYI LDE GU DRO 'JAM TZAM GYIS BSKUS PA PHAN NO, ,BA SPRU BA NI DURGA'O, ,KING SHU KA NI BA LA SHA'O, ,NA LI KA NI BA DRU MA LA TA'O, ,KO SHA TA KA NI KRI TA TZI TRA'O, ,BONG [?] NGA NI AA TI BI shA'O, ,TA LI'I LO MA NI MO SA LI'O, ,DZA YAN TI NI AAG NI MAN TA'O, ,'OL MA SE NI GUN DZA'O, ,PRI SHA KARnI NI MU SHA KAR NI'O, ,RID TI NI DUD STI'O, ,BRI TI TRA BA NI SHIR SHA'O, ,HASTI KA RA nA NI GLANG PO CHE'I RNA BA STE BAR DA [?] DA'O, ,DE NAS 'OR NAD RLUNG GYUR LA, ,ZLA PHYED BAR DU DUR BYID
DAM, ,YANG NA AE RAndA'I MAR BLUD, ,CES BYA BA LA, DE NAS RLUNG LAS GYUR PA'I 'OR NAD LA DUR BYID DANG BSKOL BA'I MAR RAM, AE RAndA LAS BYUNG BA'I MAR ZLA BA PHYED KYI BAR DU BLUD PAR BYA'O, ,RLUNG GIS RTUG 'GAGS LA DE NYID, ,ZAS KYI SNGON DU 'O MA 'AM, ,SHA KHU BLUD CING RLUNG 'JOMS PA'I, ,SMAN GYI DUGS DANG BSKU BAR BYA, ,ZHES BYA BA LA, 'OR NAD LA RLUNG GIS RTUG BA 'GAGS PA DANG LDAN PA LA NI AE RAndA'I TIL MAR DE NYID ZAS MA ZOS PA'I SNGON DU 'O MA 'AM, SHA KHU DANG SBYANG TE BLUD PAR BYA'O, ,YANG NA RLUNG LAS GYUR PA'I 'OR NAD LA RLUNG 'JOMS PA'I SMAN GANG DAG YIN PA DUGS DANG BSKU BA'I RNAM PA DAG BYA'O, ,PHYOGS GCIG SKRANGS LA KHA LUNG DANG, ,AAG NI MAN THA SDANG SPOS DANG, ,BCA' SGA THANG SHING LDE GUS BSKU, ,ZHES BYA BA LA, LUS KYI PHYOGS GCIG SKRANGS PAR GYUR PA LA NI, KHA LUNG LA SOGS PA'I SMAN GYI LDE GUS BSKU BAR BYA'O, ,MKHRIS GYUR TIG TA'I SMAN MAR RAM, ,N+YA GRO DHA SOGS BSKOL BA BLUD, ,CES BYA BA LA, MKHRIS PA LAS GYUR PA'I NAD LA TIG TA'I SMAN MAR RAM, N+YA GRO DHA LA SOGS PA DANG BSKOL BA'I MAR BLUD PAR BYA'O, ,SKOM DAD CHE DANG RMONGS BAG TSA, ,'O MA BSKU BYUG BSIL BA BYA, ,ZHES BYA BA LA, MKHRIS PA'I 'OR NAD SKOM DAD CHE BA DANG, RMONGS BAG DANG KHONG TSA BAR GYUR PA LA NI 'O MA BLUD PA DANG, DE BZHIN DU BSKU BA DANG BYUG PA DANG REG PA DANG NUS PA'I SMAN GYIS BYAS PA PHAN NO, ,PA TO LA RTZA KYI LCE BA, ,SHING MNGAR THANG SHING PU TZE SHE LA, ,SKYER PA TZANDAN AA RU RA, ,DA NA LCANG MA BI SHA LA, ,PI PI LING DANG MAR BSKOL BLUD, ,KHONG TSA MGO 'KHOR SKOM DAD CHE, ,'DUS PA'I NAD DANG ME DPAL SKRANG, ,LUS TSA RIMS DANG BCAS PA SEL, ,ZHES BYA BA LA, PA TO LA LA SOGS PA BSKOL BA'I KHU BA MAR DANG BCAS PA BLUD NA KHONG TSA BA LA SOGS PA'I NAD SEL BAR 'GYUR RO, ,BAD KAN LAS GYUR DONG GA SOGS, ,TIL MAR DANG NI BSKOL BA BLUD, ,CES BYA BA LA, BAD KAN LAS GYUR PA'I 'OR NAD LA NI DONG GA LA SOGS PA'I SDE TSAN DANG BSKOL BA'I TIL MAR BLUD PAR BYA'O, ,RGYUN SRANG 'GAGS SHING ME DROD NYAMS, ,
, ,RMONGS BAG YI GA 'CHUS PA LA, ,THAL SMAN CHANG SNYING MNAN CHANG DANG, ,BA GCIN DAR BAR BCAS PA BLUD, ,CES BYA BA LA, BAD KAN LAS GYUR PA'I SKRAN NAD RGYUN SRANG 'GAGS PA LA SOGS PA LA NI THAL SMAN LA SOGS PA BLUD CING BSTEN PAR BYA'O, ,PI PI LING DANG 'BA' CHA RNYING, ,SHI KRU'I SHUN PA ZANGS MA DANG, ,BA GCIN LDE GU DRO 'JAM SBYAR, ,BSKU DANG DRIL BA'I LAS LA SBYAR, ,ZHES BYA BA LA, PI PI LING LA SOGS PA BA GCIN DANG LDE GUR BYAS PA DRO 'JAM TZAM GYIS LUS LA BSKU BA DANG DRIL PHYIS BYA BA LA SBYAR BAR BYA'O, ,RU RTA AAG NI MAN THA DANG, ,RGYA SRAN DONG GA TZI TRA KA ,BA GCIN CHU BSKOL BAS KHRUS BYA, ,TZA RONG AA KA RU YIS BYUG ,CES BYA BA LA, RU RTA LA SOGS PA'I SMAN BA GCIN DANG CHU'I NANG DU BSKOL LA DES KHRUS BYAS LA, TZA RONG DANG AA KA RU'I LDE GUR BYAS PAS NI BYUG PAR BYA'O, ,N'A GA BA LA SA RA LA, , AA ZA SRING GI AAM BA TA, ,AA ZA GANDHA ZHES BYA DANG, ,AA SHVA GANDHA'I LDE GU NI, ,YAN LAG PHYOGS GCIG SKRANGS LA PHAN, ,ZHES BYA BA LA, YANG YAN LAG GI PHYOGS GCIG SKRANGS PA'I 'OR NAD LA NI N'A GA LA SOGS PA'I LDE GUS BSKUS NA PHAN NO, ,SA RA LA NI TZI TRA'O, ,AAM BA TA NI AE'I SHA SHI KA'O, ,AA ZA GANDHA NI BA DA GANDHA'O, ,NAD GZHI JI BZHIN YAN LAG NI, ,NYE BA'I PHYOGS NAS GTAR GA BYA, ,ZHES BYA BA LA, YAN LAG GI PHYOGS GCIG LA BRTEN PA'I SKRAN NAD LA NAD GZHI SO SO JI LTA BA DANG, YAN LAG GI PHYOGS GANG DANG NYE BA'I PHYOGS NAS GTAR GA BYA BA LA, SLON SMAN DANG BKRU SMAN GYIS SBYANG BAR BYA'O, ,'DRES PA'I NAD LA NAD GZHI NI, ,SHAS CHE'I DBANG DU GSO BA BYA, ,ZHES BYA BA LA, 'DRES PA'I NAD DANG LDAN PA DANG, 'DUS PA ZHES BYA BA LA NI, NAD GZHI GANG SHAS CHE BA'I DBANG DU BYAS NAS JI SKAD SMOS PA'I GSO BA NYID CI RIGS PAR SBYAR BAR BYA'O, ,GO SNYOD PA THA GLA SGANG DANG, ,KAndA KA RI TSA BA LNGA, ,SKYER BA CHU DRON SBYAR BLUD PA, ,RTZA MKHRIS BCA' SGA CHU DRON BLUD, ,NAD GZHI GSUM GYI 'OR NAD NI, ,YUN RINGS LON ZHING TSABS CHEN SEL, ,ZHES BYA BA LA, GO SNYOD LA SOGS PA'I LDE GU CHU DRON DANG SBYAR TE
BLUD NA, NAD GZHI GSUM 'DUS PA LAS GYUR BA'I 'OR NAD YUN RING BO LON CING TSABS SHIN TU CHE BA DAG KYANG SEL BAR BYED DO, ,DE BZHIN DU RTZA MKHRIS ZHES BYA BA BU NIM PA DANG BCA' SGA BSKOL BA'I CHU DRON BLUD NA YANG YON TAN DE DANG 'DRA'O, ,SLE TRES DANG NI AA RU RA, ,THANG SHING GU GUL BA SPRU BA, ,BA GCIN SBYAR BLUD DMU RDZING DANG, ,MDZE DANG SKYA RBAB SRIN BU'I NAD, ,GCIN NAD ZA KHU BAD KAN DANG, ,RLUNG NI STOD DU 'JOMS PA SEL, ,ZHES BYA BA LA, SLE TRES LA SOGS PA'I SMAN PA GCIN DANG SBYAR TE BLUD NA DMU RDZING LA SOGS PA'I NAD SEL BAR BYED DO, ,DE LTAR RANG RANG NAD KYI DBANG BYAS BSHAD, ,SNAD PA LAS BYUNG BA LA KHRAG DBYUNG ZHING, ,BSIL SMAN MAR KHUS BYUGS SHING BLUGS PAR BYA, DUG SKYES SKRANGS LA DUG SEL SBYOR BA BYA, ,ZHES BYA BA LA, TSUL DE LTAR RANG RANG GI NAD GZHI'I DBANG DU BYAS NAS 'OR NAD KYI GSO BA BSHAD PA YIN LA, MTSON LA SOGS PAS SNAD PA LAS BYUNG BA LA GTAR GA BYA BA DANG, BSIL BA'I SMAN DANG MAR LA SOGS PAS BSKU BA LA SOGS PA BYAS LA DUG GIS PHOG PA LAS GYUR PA'I SKRANGS NAD LA NI DUG SEL BA'I SBYOR BA GANG DAG YIN PA BYAS NA PHAN NO, ,GRONG DANG RLAN CAN CHUR GNAS SHA RID RLON, , TSOD SKAM TIL GYI ZAS DANG BU RAM CAN, ,PHYE BTAGS ZAS DANG ZHO DANG LAN TSVA DANG, ,KHA ZAS RUL BAG CHANG SKYUR YOS SHA SKAM, ,'DRES PA'I ZAS DANG LCI DANG MA GOMS ZA, ,TSA BA BSKYED DANG NYIN PAR GNYID LOG DANG, ,MTSAN MO GNYID MA LOG DANG NYAL PO RNAMS, ,'OR NAD CAN GYIS DE DAG THAMS CAD SPANG, ,ZHES BYA BA LA, SKRANG NAD DANG LDAN PA THAMS CAD KYIS KYANG GRONG GI PHYOGS KYI SHA LA SOGS PA DANG, TSOD MA SKOM PO LA SOGS PA SPANG BAR BYA'O, ,CHUR GNAS NI CHU NA SPYOD PA'I SROG CHAGS KYI SHA'O, ,CHUR GNAS PA ZHES SMOS PA RLAN CAN GYI SHA'I SGRAS KYANG SPANG BA NYID YIN MOD KYI, 'DIR GTZO BOR BYA BA'I PHYIR LOGS SHIG TU SMOS PA YIN NO, ,YANG NA RLAN CAN NYID CHUR GNAS PA YIN PAR SBYAR RO, ,SHA RID NI SROG CHAGS SBEG PA'I SHA'O, ,SHA RLON NIM BTZOS PA'O; ,TSOD MA SKAM PO NI PA TO LA LA SOGS PA TSOD
, ,MA'I SDE TSAN LAS BSHAD PA'O, ,TIL GYI KHA ZAS NI TIL LAS BYAS PA'I LA DU LA SOGS PA'O, ,BU RAM NI BU RAM LAS BYAS PA'I ZAS SAM BTUNG BA'O, ,PHYE ZAN NI 'BRAS LA SOGS PA BTAGS PA LAS ZAN DU BYAS PA'O, ,DE BZHIN DU ZHO 'BA' ZHIG KYANG SKRANG BAR BYED PA YIN PAS SPANG BAR BYA'O, ,DE BZHIN DU LAN TSVA DANG KHA ZAS RUL CING SPYI BAG TU GYUR PA YANG SPANG BAR BYA'O, ,CHANG 'BA' ZHIG KYANG SPANG BAR BYA'O, ,DE BZHIN DU SKYUR BA'I RNAM PAR RANG SKYUR LA SOGS PA GANG YANG RUNG BA DANG, NAS BRNGOS PA'I YOS DANG SHA SKAM DANG 'DRES PA'I ZAS DE PHAN DANG MI PHAN ZHES BYA BA DANG, DE BZHIN DU GZHAN YANG LCI BA LA SOGS PA'I MTSAN NYID DANG LDAN PA'I KHA ZAS KYANG SPANG BAR BYA BA DANG, DE BZHIN DU NYIN PAR GNYID LOG CING NYAL LA MTSAN MO GNYID MA LOG PA DANG, BUD MED LA 'KHRIG PA SPYOD CING NYAL PO BYED PA GANG DAG YIN PA DE DAG THAMS CAD 'OR NAD CAN GYIS SPANG BAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS LAS LE'U BCU BDUN PA'I RNAM PAR 'GREL PA'O,, ,,DE NAS ME DBAL GSO BA BSHAD PAR BYA'O, ,ZHES BYA BA LA, GO RIMS KYIS NA 'DI NYID KYI GSO BA BSHAD DGOS PAS 'DI BRTZAMS PA YIN NO, ,ME DBAL NAD LA THOG MA NYID, ,SMYUNG BA [?] DANG NI RTZUB CHOS DANG, ,KHRAG DBYUNG SKYUG SMAN BKRU SMAN PHAN, ,SNUM CHOS SPYAD PAR MI BYA'O, ,ZHES BYA BA LA, ME DBAL GYI NAD LA NI NAD KYI SNGON BYUNG BA'I TSUL SKYES PA'I THOG MA NYID LA SMYUNG BA BYA ZHING NYAMS SMAD PA DANG RTZUB PAR 'GYUR BA'I CHO GA BYA BA DANG, GTAR GA BTAB CING KHRAG DBYUNG BA DANG, BKRU SMAN DANG SKYUG SMAN BLUD PAS SBYANG BA BYAS NA PHAN GYI ME DBAL GYI NAD GANG LA YANG THOG MA KHO NAR SNUM CHOS BYA BA NI PHAN PA MA YIN NO, ,PO SON CHA DANG DUG MO YUNGS, ,SHING MNGAR BCAS PA PA TO LA, ,NIM PA'I LO MA PI PI LING, ,SKYUG SMAN BTANG NA ME DBAL 'JOMS, ,ZHES BYA BA LA, DE LA PO SON CHA LA SOGS PA'AM, YANG NA PO SON
CHA DANG PA TO LA LAS SKYUG SMAN BTANG NA YANG ME DBAL GYI NAD 'JOMS PAR BYED DO, ,KYI LCE BA YI KHU BA'AM, ,RGUN 'BRU'I 'BRAS BU GSUM YANG RUNG, ,DUR BYID PHYE MA BTAB PA'AM, ,'O MA MAR SBYAR BKRU SMAN NI, ,KHONG NA ZHEN PA'I NAD LA NI, ,KHYAD BAR DU NI SBYANG BA BTANG, ,ZHES BYA BA LA, KYI LCE BSKOL BA'I KHU BA 'AM, RGUN 'BRU'I KHU BA 'AM, 'BRAS BU GSUM BSKOL BA'I KHU BA 'AM, GANG YANG RUNG BA'I NANG DU DUR BYID KYI PHYE MA BTAB PA'I BKRU SMAN BTANG BA 'AM, YANG NA DUR BYID DANG, 'O MA DANG MAR DU SBYAR BA'I BKRU SMAN GTANG BAR BYA'O, ,DE LAS KYANG KHYAD PAR DU NI KHONG PA'I NANG DU ZHEN PA'I NAD LA SKYUG SMAN DANG BKRU SMAN GYIS SBYANG BAR BYA'O, ,SBYANG MIN NAD TSABS CHUNG BA LA, ,ZHI SMAN TZANDAN AUTPAL GTANG, ,ZHES BYA BA LA, ME DBAL GYI NAD DANG LDAN PA LAS SBRUM MA LA SOGS PA SBYANG BAR MI RUNG LA NAD TSABS CHUNG BA YIN NA ZHI BAR BYA BA'I SMAN TZANDAN DANG AUTPAL LA SOGS PA GTANG BAR BYA'O, ,GLA SGANG NIM PA PA TO LA, ,PA TO LA SOGS NYID DAG GAM, ,ZHES BYA BA LA, YANG NA SBYAR BA BYAR MI RUNG ZHING NAD TSABS CHUNG BA LA ZHI BAR BYA BA'I SMAN GLA SGANG LA SOGS PA BLUD PAR BYA'O, ,PA TO LA LA SOGS PA NI PA TO LA DANG PU TZE SHEL, ,ZHES BYA BA BSTAN PA YIN NO, ,THAL TRES GLA SGANG SKYU RU RA, ,PU TZE SHEL GYI CHU BSKOL BLUD, ,CES BYA BA LA, YANG NA DE LA ZHI BAR BYA BA'I SMAN THAL TRES LA SOGS PA BLUD PAR BYA'O, ,ME DBAL SKAM DAD CAN LA NI, ,BYI TSER BA DANG PAR PA TA, ,SLE TRES BCA' SGA BSKOL BA NI, ,KHU BA BSGRANGS PA BLUD PAR BYA, ,ZHES BYA BA LA, ME DBAL GYI NAD SKOM DAD CAN GYIS BTAB PA LA NI BYI TSER BA LA SOGS PA BSKOL BA'I KHU BA 'AM, BSKOL TE BSGRANGS PA BLUD PAR BYA, SKYER PA SRAN CHUNG PU TZE SHEL, ,PA TO LA DANG 'BRAS BU GSUM, , NIM PA SHING MNGAR GYI LCE BA, ,BSKOL BA MAR DANG BCAS PA BLUD, ,CES BYA BA LA, YANG ME DBAL SKOM DAD CAN LA SKYER PA LA SOGS PA'I SMAN GYI KHU BA NYID BLUD PA'I SBYOR BAR BSKOL LA DE'I NANG DU MAR BCUG STE BLUD NA YANG PHAN NO, ,YAN LAG NAD ZHUGS NAD KHRAG NYID, ,THOG
, ,MA NYID DU KHRAG DBYUNG BYA, ,ZHES BYA BA LA, LAG NGAR DANG BYIN PA LA SOGS PA YAN LAG RNAMS LA NAD KHRAG YOD PA LAS GYUR PA'I ME DBAL NI THOG MA NYID DU KHRAG DE PHYUNG BAS BSAL BAR BYA STE, NAD GZHI JI LTA BA LAS RNGABS [?] RU DANG, KU BA DANG, SRIN BU PAD PAS KHRAG DBYUNG BA'AM, GTAR GA BTAB STE KHRAG DBYUNG BAR BYA'O, ,PAGS PA SHA DANG RGYUS PA 'DRUL, ,KHRAG RUL PA LAS BYUNG BA YIN, ,ZHES BYA BA LA, GANG GI PHYIR KHRAG RUL PA LAS PAGS PA LA SOGS PA 'DRUL ZHING RNAGS PAR 'GYUR BAS DE'I PHYIR KHRAG DBYUNG BAR BYA'O, ,SMIN ZHING BAD KAN ZAD PA DANG, ,RLUNG DANG MKHRIS PA SHAS CHE LA, ,TIG TA TIG TA CHEN PO'I MAR, ,KYI LCE BA BSKOL MAR PHAN NO, ,ZHES BYA BA LA, SMIN CING BAD KAN ZAD PAR GYUR NAS, RLUNG DANG MKHRIS PA SHAS CHE ZHING RGYAS PAR GYUR PA LA NI TIG TA DANG TIG TA CHEN PO'I SMAN MAR MKHRIS PA LAS GYUR PA'I MDZE NAD KYI SKABS SU BSHAD PA DANG, KYI LCE BA'I SMAN MAR KHONG 'BRAS KYI SKABS SU BSHAD PA PHAN NO, ,KHRAG PHYUNG KHONG PA DAG GYUR NAS, ,NAD NI SHA LPAGS LA GNAS LA, ,PHYI ROL NAS NI BYUGS SOGS KYIS, ,'PHRAL DU ME DBAL ZHI BAR 'GYUR, ,ZHES BYA BA LA, KHRAG PHYUNG ZHING BSAL BAR 'GYUR BA DANG, SBYANG BA BYAS PAS KHONG PA DAG PAR GYUR NAS NANG GI SKYON MED PAR RLUNG LA SOGS PA'I NAD GANG YANG MED PAR SHA DANG PAGS PA LA GNAS PAR GYUR PA LA, PHYI ROL NAS SMAN GYI BYUGS PA LA SOGS PA BYAS NA 'PHRAL DU DE'I MOD LA ME DBAL ZHI BAR 'GYUR RO, ,RLUNG GYUR SHU TI GLA SGANG DANG, ,'O MA 'U SU BA RA HI, ,AAR TA KA LA PI PI LING, ,THANG SHING SHI KRU RU RTA YI, ,LDE GUS BYUGS PA BYAS NA PHAN, ,ZHES BYA BA LA, RLUNG LAS GYUR PA'I ME DBAL LA NI SHU TI ZHES BYA BA'I SHA TA PUS PA LA SOGS PA'I SMAN BTAGS PA'I LDE GUS BSKUS NA PHAN NO, ,BA RA HA NI BA NA MA LI KA'O, ,AAR TA KA LA NI RU DZA GA RA'O, ,'U SU NI 'U SU'I 'BRAS BU'O, ,SHI KRU NI SO BAN DZA NA'O, ,MKHRIS PAR N+YA GRO DHA SOGS TE, ,DE
BZHIN PADMA AUTA PAL SOGS, ,ZHES BYA BA LA, MKHRIS PA LAS GYUR PA'I ME DBAL LA NI N+YA GRO DHA LA SOGS PA'I SDE TSAN GYIS BSKU BA'AM, YANG NA PADMA DANG AUTPAL LA SOGS PA BSDUS PA LAS BSHAD PAS BSKUS NA PHAN NO, ,DE LAS MKHRIS PA LA NI PADMA DANG AUTPAL DANG NYA LCIBS DANG, 'DAM DANG PADMA'I RTZA BA DANG, SRING GA TA GA DANG, KA SHI RU KA DANG, SHA KHA RA DANG, BA LA KA DANG, TZANDAN DKAR PO DANG, MU TIG DANG, NOR BU DANG, BTZAG YUG SNAM DANG, PA YA SYA DANG, PRA DU NA dA R'I KA DANG, SHING MNGAR DANG, SHUG PA DANG, MAR SAR DANG, 'O MA'I LDE GU BSKUS NA PHAN NO, ,ZHES BSHAD DO, ,N+YA GRO DHA'I RTZA GZHON NU DANG, ,CHU SHING NANG GI LO MAR BCAS, ,PADMA'I RTZA BA'I LDE GU DANG, ,LAN BRGYAR BKRUS PA'I MAR GYIS BYUG ,CES BYA BA LA, N+YA GRO DHA'I RTZA BA GZHON NU SAR PA DANG CHU SHING GI NANG GI LO MA DANG BCAS SHING BSRES PA DANG, PADMA'I RTZA BA'I LDE GUR SBYAR BA LAN BRGYA PHRAG MANG DU BKRUS SHING BTZIR BA'I MAR DANG SBYAR BAS BYUG PAR BYA'O, ,PADMA CAN GYI 'DAM BSIL BA'AM, ,MU TIG BTAGS PAR GYUR PA LA, ,DUNG NGAM BYI RU NYA PHYIS SAM, ,YUG SNAM MAR DANG BCAS PAS BYUG ,CES BYA BA LA, GANG NA PADMA SKYES PA'I 'OG GI 'DAM BSIL BAS BYUG PA'AM, MU TIG ZHIB TU BTAGS PA NYID KYIS BYUG BA'AM, DUNG LA SOGS PA GANG YANG RUNG BA BTAGS NAS MAR DANG BCAS PAS BYUGS NA YANG PHAN NO, ,BAD KAN LAS GYUR 'BRAS BU GSUM, , SHUG PA BTZOD DANG PU SHEL TZE, ,KA RA B'I RA 'DAM BU'I RTZA, ,AA NAN DA YI LDE GUS BSKUS, ,ZHES BYA BA LA, BAD KAN LAS GYUR PA'I ME DBAL LA NI 'BRAS BU GSUM LA SOGS PA'I LDE GUS BSKUS NA PHAN NO, ,DA BA LO MA BDUN PA DANG, ,SENG LDENG THANG SHING BKRU SMAN DANG, ,GLA SGANG DONG GAR BCAS PA'AM, ,BA RA NA SOGS LDE GUS BSKU, ,ZHES BYA BA LA, DA BA LA SOGS PA'I LDE GUR SBYAR BA'AM, BA RA NA LA SOGS PA'I SDE TSAN GYI LDE GU BSKUS NA YANG BAD KAN LAS GYUR PA'I ME DBAL SEL TO, ,DONG GA YI NI LO MA DANG, ,SLE SMAN TA KA'I SHUN LPAGS
, ,DANG; ,AINDRA BA RU NA'I LO MA, ,SHR'I shA 'OL MA SE'I ME TOG ,CES BYA BA LA, DONG GA'I LO MA DANG, SLE SMAN TA KA LAS SKYES PA'I SHUN LPAGS DANG, AINDRA BA RU NA'I LO MA DANG, SHR'I shA DANG, 'OL MA SE'I ME TOG LDE GUR BYAS PA BSKUS NA YANG PHAN NO, , CHU BLUGS MAR BSKU SMAN MAR DANG, ,LDE GU PHYE MA JI BZHIN DU, ,SMAN NI 'DI DAG NYID KYIS BYA, ,ZHES BYA BA LA, BKRU BA'I DON DU BSHAD PA'I SMAN SHU TI LA SOGS PA 'DI DAG NYID KYIS CHU BLUGS PA DANG, RMA'I PHYI ROL NAS BSKU BA'I MAR DANG LDE GU DANG PHYE MA'I SBYOR BA YANG JI LTA BA BZHIN DU BYAS TE GTANG BAR BYA'O, ,RLUNG RGYAS MAR NI SHAS CHER BYA, ,ZHES BYA BA LA, YANG LDE GU'I SMAN LA SOGS PA 'DI DAG RLUNG SHAS CHE BA'I ME DBAL LA NI MAR SHAS CHE BAS BYA'O, ,BAD KAN GNAS ZHEN MA SMIN LA, ,DRO DANG RTZUB SHAS CHE BA SBYAR, ,DE BZHIN MKHRIS PA'I GNAS ZHUGS LA, ,KHRAG MKHRIS LA NI MAR LDAN BYA, ,ZHES BYA BA LA, BAD KAN GYI GNAS LA GNAS SHING RTEN PA'I ME DBAL MA SMIN PAR GYUR PA LA NI DRO BA DANG RTZUB PA'I LDE GUS BSKU BA PHAN LA, DE BZHIN DU MKHRIS PA'I GNAS SU ZHUGS PA'I ME DBAL DANG KHRAG DANG, MKHRIS PA LAS GYUR PA'I ME DBAL LA NI MAR SAR DANG LDAN PA'I SMAN DE DAG GI LDE GUS BSKU BAR BYA'O, ,SHIN TU BSIL ZHING SRAB PA DANG, ,GOS SRAB NANG DU BZHAG PA NI, ,NUS PA CHUNG LAS YANG DANG YANG, ,GZHAN DANG GZHAN NI SBYAR BAR BYA, ,ZHES BYA BA LA, SHIN TU BSIL ZHING GRANG LA SRAB CING CHUNG BA DANG, GOS SRAB MO'I NANG DU GTUMS SHING BZHAG PA'I LDE GU NI SKAD CIG MA RE RE ZHING YANG DANG YANG DU GZHAN DANG GZHAN SPOS LA SBYAR BAR BYA STE, GANG GI PHYI LDE GU DE DE LTAR BSKUS PA NI NUS PA CHUNG BA YIN PA'I PHYIR RO, ,'DRES PA'I NAD LA LAS 'DI NI, , 'DREN MAR BYA BA BSNGAGS PA YIN, ,ZHES BYA BA LA, NAD GZHI GNYIS 'DRES PA'I LDAN PA LAS GYUR PA'I ME DBAL LA NI, GONG DU BSHAD PA'I GSO BA'I LAS DE 'DREN MA BYAS NA BSNGAGS SHING PHAN NO, ,ME LTAR TSA LA LAN BRGYAR NI, ,BKRUS PA'I MAR SAR 'BA' ZHIG
PHAN; ,ZHES BYA BA LA, ME LTA BUR TSA BA'I ME DBAL NI, MAR SAR CHU GRANG MO'I NANG DU LAN MANG DU MNYES PA 'BA' ZHIG GIS BSKUS NA PHAN NO, ,MAR GYI NYING KHU BLUGS PA'AM, ,SHING MNGAR BSKOL BA'I CHU GRANG NGAM, ,AUTPAL PADMA KHA RA'I CHU, ,'O MA BU RAM SHING KHU BLUGS, ,ZHES BYA BA LA, YANG ME LTAR TSA BA'I ME DBAL LA MAR GYI NYING KHU DANGS MA BLUGS PA 'AM, YANG NA CHU GRANG BSKOL BA'I CHU BSGRANGS HE BLUGS PA'AM, YANG NA AUTPAL'AM, KHA RA 'AM, 'O MA'AM, BU RAM SHING KHU'I KHU BA GRANG MO BLUGS PAR BYA'O, ,BTUNG BA BSKU DANG BLUGS PA DANG, ,TIG TA CHEN PO'I SMAN MAR PHAN, ,ZHES BYA BA LA, ME LTA BU'I ME DBAL LA TIG TA CHEN PO'I SMAN MAR MDZE NAD KYI SKABS NAS BSHAD PA BLUD PA LA SOGS PA SBYAR NA MCHOG TU PHAN NO, ,RMEN BU KHRAG MKHRIS SEL BA YI, ,GSO BA CI RIGS LEGS BYAS LA, ,RLUNG DANG BAD KAN 'JOMS BYED LA, ,GLAN DANG DKRI BA LA SOGS PHAN, ,ZHES BYA BA LA, RMEN BU'I ME DBAL LA NI SNGAR BSHAD PA'I MKHRIS PA DANG 'DRES PA LAS BYUNG BA NAS, BKRU SMAN GYI BAR KHRAG DANG MKHRIS PA SEL BA'I GSO BA LEGS PAR BYAS LA, DE'I RJES LA RLUNG DANG BAD KAN LA PHAN PA'I GSO BA GLAN PA'I DUGS DANG, DKRI BA'I DUGS LA SOGS PA BYAS NA PHAN NO, ,RMEN BU'I ME DBAL GZER BCAS LA, ,TIL MAR RTZA BA BCU DANG BSKOL, ,BA GCIN DRON MO CHU DRON BLUGS, ,ZHES BYA BA LA, RMEN DU'I ME DBAL GZER DANG BCAS PA 'BYUNG BA LA NI RTZA BA BCU DANG BSKOL BA'I TIL MAR BLUGS PA'AM, DE BZHIN DU BA GCIN DRON MO'AM CHU DRON MO BLUGS PAR BYA'O, ,YANG NA SHI KRU'I LDE GU'AM, ,NA TAM [?] LA'I SHUN PA'AM, ,LA PHUG SKAM PO BA RU RA'I, ,LDE GU DRO 'JAM BSKU BA'AM, ,ZHES BYA BA LA, YANG NA SHI KRU'I SHUN PA LDE GUR BTAGS PA DRO 'JAM TZAM GYIS BSKU BA'AM, YANG NAN TAM LA ZHES BYA BA KA RANYDZA'I SHUN LPAGS BTAGS PA'I LDE GU CHU DRO 'JAM TZAM MAM, LA PHUG SKAM PO BTAGS PA'I LDE GU DRO 'JAM TZAM BSKU BA'AM, BA RU RA'I LDE GU DRO 'JAM TZAM BSKUS NA YANG RMEN BU'I ME DBAL
, ,GZER DANG BCAS PA LA PHAN NO, ,DAN DA SHING TSA TZI TRA KA ,AARKA SNU HA'I 'O MA DANG, ,BU RAM GO BYE'I RUS NAG TSUR, ,LDE GUS RDO YANG 'BIGS BYED NA, ,BAD KAN LAS GYUR RMEN BU'I NAD, ,PHYI ROL GNAS PA SMOS CI DGOS, ,ZHES BYA BA LA, DAN DA DANG, TZI TRA KA'I RTZA BA'I SHUN LPAGS DANG, AARKA DANG, SHING SNU HA'I 'O MA DANG, BU RAM DANG, GO BYE'I NANG GI RUS PA DANG, NAG TSUR GYI LDE GUR BYAS PAS BSKUS NA RDO YANG 'BIGS PAR BYED NA BAD KAN LAS GYUR PA'I RMAN BU LUS KYI PHYI ROL NA GNAS PA LTA SMOS KYANG CI DGOS TE NGES PAR 'BIGS PAR BYED DO, ,YUN RINGS GNAS PA'I RMEN BU LA, ,LA PHUG RGYA SRAN KU LAD THA'I, ,KHU BA THAL SMAN SE'U 'BRUR BCAS, ,GRO YI ZAN DANG NAS KYI ZAN, ,RGUN CHANG SBRANG RTZI BU RAM DANG, ,KHA RA CHANG GI DANGS MAR BCAS, ,KHA LUNG KHU BAR BCAS PA DANG, ,'BRAS BU GSUM GYI SBYOR LDE GU, ,PI PI LING DANG SBRANG RTZIR BCAS, ,THANG SHING DANG NI SLE TRES DANG, ,BRAG ZHUN GYI NI SBYOR BA DANG, ,GLA SGANG GO BYE'I SBYOR BA'AM, ,SBRANG RTZI YI NI SBYOR BA DANG, ,MGO BKRU SMAN DUD RNGUB BA DANG, ,SNGAR BSHAD SKRAN NI GZHIG BA DANG, ,LCAGS GSER LAN TSVA BSREGS PA DANG, ,RDO BAS BTZIR BAR BYA BA YIN, ,SMAN 'DI YIS NI 'JIG PAR BYED, ,CES BYA BA LA, RMEN BU'I NAD YUN RING DU GNAS SHING RGYUN DU CHAGS PAR GYUR PA LA 'OG NAS BSHAD BA'I SMAN 'DI DAG GIS BSHIG PAR BYA'O, ,LA PHUG GI KHU BA THAL SMAN RNAM GNYIS GANG YANG RUNG BA DANG BCAS PA SE'U 'BRU DANG BCAS PA DANG, DE BZHIN DU RGYA SRAN KU LAD THA'I YU SHA'I KHU BA DANG THAL SMAN BCAS PA DANG, DE BZHIN DU GRO'I ZAN DANG NAS KYI ZAN RTAG TU SBYIN PA DANG, RGUN CHANG LA SOGS PA BLUD PA DANG, DE BZHIN DU 'BRAS BU GSUM MAM, PI PI LING GI SBYOR BA LDE GU'AM, PHYE MAR BYAS BA'AM, DE BZHIN DU THANG SHING LA SOGS PA'I SBYOR BA STE, CI RIGS PAR SBYOR BA DE DANG DES BYA BA DANG, NAM TSONG YAN CHAD KYI NAD DU GTOGS PA'I RMEN BU LA, MGO BO'I BKRU SMAN DANG, DUD PA RNGUB PA'I RNON LO DANG, SNGAR BSHAD PA'I SKRAN
GZHIG PA'I SBYOR BA GANG YIN PA DANG, LCAGS LA SOGS PA BSREGS PAS BTZIR ZHING MNAN PAS YUN RING DU GNAS PA'I RMEN BU 'JIG PAR BYED DO, ,ZHES THAMS CAD LA SBYAR BAR BYA'O, ,SBYOR BA SNA TSOGS DE DAG NI, ,BYAS KYANG ZHI BAR MA GYUR CING, ,SHIN TU SRA BAR GNAS GYUR LA, ,NAD STOBS CHE BAR GYUR NA NI, ,DE 'OG 'DI LA THAL SMAN NAM, ,LDE GU'AM GSER GYIS BSREGS PA PHAN, ,ZHES BYA BA LA, SBYOR BA GONG DU SMOS PA SNA TSOGS PA DE DAG GIS GSO BA BYAS KYANG DE ZHI BAR MA GYUR CING, RDO LTAR SHIN TU SRA BAR GNAS PAR GYUR LA NAD KYI STOBS SHIN TU CHE ZHING ZHIG PAR MA GYUR NA SMAN GYI SBYOR BA DE DAG GI 'OG TU RMEN BU'I NAD 'DI LA THAL SMAN GYIS BSREG PA 'AM, LDE GU MES BSREGS PAS BSREG PA 'AM, GSER MER BSREGS PAS BSREGS NA PHAN NO, ,SMIN PAR BYED PAS RNAGS BYAS LA, ,DBRAL NAS DE NAS DBYUNG BAR BYA, ,ZHES BYA BA LA, YANG RMEN BU DE SMIN PAR BYED PA'I SMAN GYIS SMIN CING BSRUBS LA, DE'I 'OG TU GTZAGS SPYAD KYIS BSAL TE, ,RMEN BU GANG YOD PA DBYUNG BAR BYA'O, ,'DI LA KHRAG 'DI RNAGS 'DOD PA, ,YANG DANG YANG DU GDON PAR BYA, ,ZHES BYA BA LA, RMEN BU'I ME DBAL ZHES BYA BA LA, KHRAG RNAGS PAR 'DOD CING GNAS PA LAS G-YOS SHING PHYED TZAM SMIN PAR GYUR PA LA YANG DANG YANG DU KHRAG GDON CING DBYUNG BAR BYA'O, ,KHRAG BSAL 'OG TU SLAR YANG NI, ,RLUNG DANG BAD KAN SEL SMAN GTANG, ,ZHES BYA BA LA, KHRAG BSAL ZHING BTON NAS DE YI 'OG TU RLUNG DANG BAD KAN SEL BA'I SMAN GANG DAG YIN PA GTANG BAR BYA'O, ,TSA ZHING SMIN PAS RNAGS GYUR LA, ,PHYI NANG RMA LTAR GSO BAR BYA, ,ZHES BYA BA LA, RMEN BU'I ME DBAL DE DANG TSA BA DANG SMIN PAS RNAGS PAR GYUR PA LA NI PHYI DANG NANG GI RMA'I GSO BA LTAR GSO BAR BYA'O, ,SKYER PA SRIN SMAN KAM BI LYEE, ,BSKOL BA'I TIL MAR RMA LA PHAN, ,ZHES BYA BA LA, SKYER PA LA SOGS PA'I SMAN DANG TIL MAR BSKOL BA RMA LA PHAN NO, ,BAD KAN MKHRIS PA SHAS CHE LA, ,D'UR BA'I KHU BA MAR BSKOL PHAN, ,ZHES BYA BA LA, BAD KAN DANG MKHRIS PA SHAS
, ,CHER GYUR BA'I ME DBAL LA NI D'UR BA BSKOL BA'I KHU BA DANG MAR BSKOL BA PHAN NO, ,GSO BA'I LAS KUN PHYOGS DANG STENG, ,KHRAG DBYUNG BA NI PHYOGS GCIG YIN, ,ME DBAL DE NI KHRAG MKHRIS DANG, ,MA 'DRES PA LAS BYUNG MI 'GYUR, ,'DI YI RTEN NI KHRAG NYID YIN, ,DE BAS KHRAG NI MANG DU DBRI, ,ZHES BYA BA LA, ME DBAL GYI NAD LA SKYUG SMAN DANG, BKRU SMAN BTANG BA LA SOGS PA'I GSO BA'I LAS KUN NAD SEL BA'I LAS BYED PA'I PHYOGS GCIG TU BZHAG PA DANG, KHRAG DBYUNG BA GCIG TU GSO BA'I PHYOGS GCIG STE PHYED YIN NO, , DE YANG GANG GI PHYIR ME DBAL DE NI KHRAG DANG MKHRIS PA DANG MA 'DRES SHING DE LA MI BRTEN PA LAS 'BYUNG BAR MI 'GYUR TE, DE BAS NA RGYU DE'I PHYIR ME DBAL 'DI'I RTEN NAM, GNAS NI KHRAG NYID YIN TE, DE BAS NA KHRAG MANG DU DBRI ZHING DBYUNG BA KHO NA 'DI'I DPYAD KYI MCHOG YIN NO, , NAD GZHI MANG PO ME DBAL LA, ,BKRU SMAN MA GYUR MAR MI SBYIN, ,DE YIS NAD NI SU GYUR PAS, ,PAGS PA KHRAG DANG SHA 'TSED BYED, ,CES BYA BA LA, GANG NAD GZHI MANG PO LAS GYUR PA'I ME DBAL DE LA NI BKRU SMAN DU MA GYUR CING GANG ZHIG BLUD NA 'KHRU BA'I BYA BA MI BYED PA'I MAR DE SBYIN PAR MI BYA'O, ,DE CI'I PHYIR ZHE NA, 'KHRU BAR MI BYED PA'I MAR DES SLAR ZHING SRAL RENGS SHING 'THAS PAR 'GYUR BAS PAGS PA DANG KHRAG DANG SHA 'TSED CING SREG PAR BYED PA'I SKYON YOD DO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS GSO BA'I GNAS LE'U BCO BRGYAD PA'I RNAM PAR 'GREL PA'O,, ,,DE NAS MDZE NAD GSO BA BSHAD PAR BYA'O, ,ZHES BYA BA LA, GO RIMS KYIS NA MDZE NAD KYI GSO BA BRTZAMS PA YIN NO, ,MDZE CAN KUN LA THOG MA NYID, , SNUM BLUD BAS NI GSO BAR BYA, ,ZHES BYA BA LA, MDZE'I NAD KYIS BTAB PA THAMS CAD LA NI DANG PO KHO NAR SMAN MAR BLUD CING SNUM SBYIN PAS GSO ZHING BCOS PAR BYA'O, ,DE LA RLUNG SHAS CHE BA LA, ,RTZA BA BCU PA SLE TRES DANG, ,SHA RANG KA TA AE RAndA, ,ME SHA SRING GI MAR RAM NI, ,
TIL MAR BSKOL TE BLUD PA PHAN, ,ZHES BYA BA LA, DE LA MDZE NAD DE RNAMS KYI NANG NA RLUNG LAS GYUR PA DE'I SHAS CHE BA'I MDZE NAD LA NI RTZA BA BCU PA LA SOGS PA'I MAR RAM, TIL MAR BSKOL TE BLUD NA PHAN NO, ,NIM PA PA TO BU TZE SHEL, ,SKYER PA PA TA BYI TSER BA, ,PAR PA TA DANG KYI LCE BA, ,SRANG RE CHU BRE BRGYAD KYI NI, ,NANG BSKOL BRGYAD CHA LUS PA RU, ,GLA SGANG RTZA MKHRIS KYI LCE BA, ,DUG MO YUNGS DANG PI PI LING, ,TZANDAN ZHO NI GNYIS GNYIS DANG, ,ZHUN MAR SRANG NI BCU GNYIS BSKOL, ,TIG TA'I SMAN MAR DE 'THUNGS NA, ,MKHRIS PA'I MDZE DANG ME DBAL DANG, ,'BRUM PHRAN LUS TSA SKOM DAD CHE, ,MGO 'KHOR G-YAN PA SKYA RBAB 'BRAS, ,RMA 'GRAMS 'BRAS KYI PHRENG BA DANG, ,THOR BU KHONG 'BRAS SKRAN DANG NI, ,ZAD BYED SMYO BYED MYOS PA DANG, ,SNYING NAD RAB RIB NGO KHABS DANG, ,SHA BKRA MIG SER PHO BA'I NAD; ,MTSAN PAR RDOL DANG BRJED BYED DANG, ,DMU RDZING ZLA MTSAN MI CHOD DANG, ,SBYAR DUG GZHANG 'BRUM KHRAG MKHRIS SEL, ,GZHAN YANG MKHRIS PA LAS GYUR NAD, ,SHIN TU GSO DKA' RNAMS LA'ANG PHAN, ,ZHES BYA BA LA, NIM PA LA SOGS PA'I SMAN SNA RE SRANG RE CHU BRE BRGYAD KYI NANG DU BSKOL LA BSKOL BA DE BRGYAD CHA LUS PA DANG ZHUN MAR SRANG BCU GNYIS DANG GLA SGANG LA SOGS PA'I SMAN SNA RE ZHO GNYIS GNYIS LDE GUR BYAS PA DANG BSKOL BA'I SMAN MAR TE TIG TA'I SMAN MAR ZHES BYA STE, DE BLUD NA MKHRIS PA LAS GYUR PA'I MDZE DANG ME DBAL LA SOGS PA SEL BAR BYED DO, ,DE BZHIN DU 'DIR MA SMOS PA'I MKHRIS PA DAG LAS GYUR PA'I NAD GZHAN DAG SEL BAR BYED CING DE LA PHAN PA YIN NO, ,LO MA BDUN PA PAR PA TA, ,DONG GA SHU DAG PU TZE SHEL, ,SHUG PA BA TA 'BRAS BU GSUM, ,SER PHO GNYIS DANG THAL TRE SA GNYIS, ,NIM PA TZANDAN PI PI LING, ,SHING MNGAR SLE TRES BI SHA LA, ,DUG MO YUNGS DANG PU TZE SHEL, ,RTZA MKHRIS MUR BA BA SHA KA ,NYE'U SHING BU GA PA TO LA, ,GLA SGANG BYI TSER KYI LCE BA, ,SKYU RU'I KHU BA NYIS 'GYUR DANG, ,DE RNAMS MAR GYI BRGYAD 'GYUR CHUR, ,BSKOL BA'I TIG TA CHEN PO STE, ,YON TAN
, ,YANG NI SNGAR BAS LHAG ,CES BYA BA LA, LO MA BDUN PA LA SOGS PA'I SMAN LDE GUR BYAS PA DANG, SKYU RU RA'I KHU BA NYIS 'GYUR DANG, MAR GYI BRGYAD 'GYUR GYI CHU'I NANG DU BSKOL BA'I SMAN MAR NI TIG TA CHEN PO'I SMAN MAR ZHES BYA STE, DE'I YON TAN YANG SNGAR SMOS PA'I TIG TA'I SMAN MAR BAS YON TAN CHE BA YIN NO, ,LO MA BDUN PA NI SAB TA LA'O, ,PAR PA TA NI LDUM BU SKRA BZANGS SO, ,SER PO RNAM GNYIS NI YUNG BA DANG SKYER PA'O, ,THAL TRES GNYIS NI SHA RI BA DKAR NAG GNYIS SO, ,PI PI LING GNYIS NI PI PI LING DANG, HA TI PI PI LING NGO; ,BAD KAN LAS GYUR NIM PA DANG, ,LO MA BDUN PA TZI TRA KA ,RU RTA DONG GRA TSA BA GSUM, ,BI LA YA YI MAR BLUD PHAN, ,ZHES BYA BA LA, BAD KAN LAS GYUR PA'I MDZE NAD LA NI NIM PA LA SOGS PA'I SMAN LDE GUR BYAS PA DANG, MAR TSUL BZHIN DU BSKOL BA BLUD NA PHAN NO, , KUN LA GO BYE'I MAR RAM NI, ,YUNGS KAR DU BA RA'I MAR BLUD, ,CES BYA BA LA, MDZE NAD THAMS CAD LA GO BYE ZHES PA BSE SHING GI 'BRAS BU BTZIR BA'I MAR RAM, YUNGS KAR GYI MAR RAM, DU BAR BTZIR BA'I MAR BLUD NA PHAN NO, ,BYI DANG GA DANG AA KA RU, ,GO BYE'I LDE GU MAR BSKOL BLUD, ,CES BYA BA LA, YANG NA MDZE NAD THAMS CAD LA SRIN SMAN BYI DANG GA DANG, AA KA RU DANG, GO BYE BTAGS PA'I LDE GU DANG BSKOL BA'I SMAN MAR BLUD DO, ,DONG GA'I RTZA BA DAG DANG MAR; ,LAN BRGYA'I BAR BSKOL MAR YANG BLUD, ,SENG LDENG BSKOL BA'I CHU BSTEN NA, ,MDZE NAD MYUR DU SEL BAR BYED, ,CES BYA BA LA, DONG GA'I RTZA BA LDE GUR BYAS PA DANG, MAR GNYIS LAN DU MA'I BAR DU BSKOL BA BLUD LA, SENG LDENG BSKOL BA'I CHU 'THUNGS NA MDZE NAD THAMS CAD MYUR DU SEL BAR BYED DO, ,'DI DAG NYID KYIS CI RIGS PAR, ,SNUM CHOS BSKU BA BYAS PA'ANG PHAN, ,ZHES BYA BA LA, BSHAD MA THAG PA'I SNUM DE DAG GIS NAD GZHI JI LTA BA LAS, CI RIGS BAS SNUM GYI CHO GA BYAS PA DANG, BSKU BA BYAS NA YANG PHAN NO, ,SNUM GYIS ZHEN LA ME DBAL GYI, ,SKABS SU BSHAD PA'I SBYAR SMAN GTANG, ,ZHES BYA BA LA, MDZE NAD KYIS THEBS PA
DE LUS SNUM GYIS KHEBS PAR BYAS NAS, ME DBAL GSO BA'I SKABS SU BSHAD PA'I BKRU SMAN DANG SKYUG SMAN BTANG BAS SBYANG BAR BYA'O, ,DBRAL BA LAG PA RKANG PA LAS, ,'DI LA GTAR GA GDAB PAR BYA, ,ZHES BYA BA LA, YANG NAD PA DE LA NYAMS STOBS KYI TSUL NAS DPAGS TE DPRAL BA LA SOGS PAR GTANG GA GDAB CING KHRAG DBYUNG BAR BYA'O, ,MDZE NAD TSABS CHUNG ZHAL ZHAL GDAB, ,RVA SOGS KYIS KYANG KHRAG DBYUNG BYA, ,ZHES BYA BA LA, MDZE NAD CUNG ZAD KYIS BTAB PA LA NI GTZAGS BUS ZHAL ZHAL GDAB CING KHRAG DBYUNG BAR BYA'O, ,NAD DMIGS KYI TSUL LAS DPAGS TE, GTAR GA GDAB PA'I LE'U LAS 'BYUNG BA'I TSUL DU RNGABS RU DANG BSKU BA LA SOGS PAS KHRAG PHYUNG NA YANG PHAN NO, ,MDZE NAD 'JOMS PA'I SNUM GYIS NI, ,'DI LA BAR BAR BRTA BAR BYA, ,KHRAG BYUNG BKRU SMAN GYIS SBYANG ZHING, ,LTO STONG GYUR PA'I MDZE CAN LA, ,CI NAS RLUNG GIS 'DI YI NI, ,LUS NI 'JIG PA DE LTAR BYA, ,ZHES BYA BA LA, YANG MDZE CAN DE LA MDZE NAD 'JOMS SHING SEL BAR BYED PA'I SNUM GO BYE DANG, YUNG KAR GYI MAR LA SOGS PAS BAR DU NYAMS BRTA ZHING TSIM PAR BYAS NA, DE SNGAR BYUNG BA DANG, BKRU SMAN GYIS SBYANG BAR GYUR PAS RLUNG BRTA BAR BYED PA'I RGYUS LUS LA GNOD CING 'JIG PAR BYED PAR MI 'GYUR RO, ,NIM PA SLE TRES BA SHA KA ,'BRAS BU GSUM DANG PA TO LA, ,KAndA KA RI KA RANYDZA, ,LDE GU CHU DANG MAR BSKOL BA, ,SMAN MAR RDO RJE CAN ZHES BYA, ,DES NI ME DBAL MIG SER RIMS, ,KHRAG NAD LUD PA MDZE NAD 'JOMS, ,ZHES BYA BA LA, NIM PA LA SOGS PA'I SMAN LDE GUR BYAS PA BSKOL BA'I CHU DANG MAR DU BSKOL BA'I SMAN MAR DE NI SLOB DPON GYIS RDO RJE CAN ZHES BYA'O ZHES BSHAD DE, DE BLUD PAS NA ME DBAL LA SOGS PA'I NAD SEL BAR BYED DO, ,'BRAS BU GSUM DANG TSA BA GSUM, ,DUR BYID KAndA KA RI GNYIS, ,DAN DA DONG GA PU TZE SHEL, ,SHU DAG BONG NGA TZI TRA KA ,PA THAR BCAS PA ZHO GNYIS GNYIS, ,SNU HA'I 'O MA SRANG GCIG DANG, ,BRE GANG MAR BSKOL LTO SRA BA'I, ,SNUM BCOS BKRU SMAN DAG TU SBYAR, ,MDZE DANG SHA
, ,BKRA MCHER BA DANG, ,RGYU RLUGS RDE'U 'GAGS SKRAN 'JOMS BYED, ,'DI NI RDO RJE CHEN POR BSHAD, ,CES BYA BA LA, 'BRAS BU GSUM LA SOGS PA'I SMAN SNA RE RE ZHING ZHO GNYIS GNYIS KYI TSAD DU BYAS LA, SNU HA ZHES BYA BA SU DHAKshI RA'I 'O MA SAR PA SRANG GCIG DANG BTAGS TE LDE GUR BYAS TE, LDE GU DE DANG MAR BRE GANG BSKOL BA'I SMAN MAR DE NI LTO SRA BA DAG LA SNUM CHOS BYA ZHING BTANG BA DANG BKRU SMAN GNYI GA CI RIGS PAR SBYAR ZHING GTANG BAR BYA STE, DES MDZE NAD LA SOGS PA'I NAD SHIN TU GSO DKA' BA DAG KYANG SEL BAR BYED DO, ,SMAN MAR DE NI RDO RJE CHEN PO ZHES BYA'O, ,KAndA KA RI GNYIS NI KAndA KA RI DANG BRI HA TI'O, ,DAN DA BRE BZHI CHU BRE NI, ,BCU DRUG BSKOL BA DE MAR BSKOL, ,KO SHA KA TI SRANG GCIG BTAB, ,DE BLUD STENG 'OG SBYONG BYED YIN, ,ZHES BYA BA LA, DAN DBRE BZHI CHU BRE BCU DRUG GI NANG DU BSKOL BA DE'I BRGYAD CHA LUS PAR MAR BRE GANG BSKOL BA MAR DANG KO SHA TA KI SRANG GCIG LDE GUR BYAS TE BSRES LA DE LAS CI RIGS PAR BLUD NA STENG DANG 'OG TU SBYONG ZHING SLON PA DANG KHRUS BYAS PAS DAG PAR BYED PA YIN NO, ,AA PAR TA KI SRANG BRGYAD CHU, ,BRE BCU DRUG BSKOL BRGYAD CHA LUS, ,KHU BA DER NI DE'I RTZA BA, , MAR NI BRE GANG BSKOL BAR BYA, ,BLUD PA DE NI ZHAG GCIG GIS, ,BAR DU CHOD DE LEGS ZHU NAS, ,KHRE RGOD RANG SKYUR MAR BSKOL BLUD, ,MDZE NAD SHA BKRA 'BRAS KYI PHRENG, ,SEL ZHING BU MANG DRAN 'DZIN 'GYUR, ,ZHES BYA BA LA, AA PAR TA KI NI RAKTA BUshPE DANG, TZAR MA RANG GA DANG, RO HI NI ZHES BYA BA ME TOG DMAR PO CAN SAG TI TSOD PA ZHIG YOD PA LA BYA'O, ,LA LA NI SAB TA LA LA AAR PA TA KI ZHES BYA BA'O ZHES ZER RO, ,DE SRANG BRGYAD CHU BRE BCU DRUG GI NANG DU BSKOL BA DE LAS CHU BRE DO LUS PA DANG KHU BA DE'I NANG DU AAR GA TA KI DE'I RTZA BA LDE GUR BYAS PA DANG, MAR BRE GANG BSKOL LA MAR DE ZHAG GCIG GIS BAR DU CHOD PA'I TSUL GYIS BLUD LA DE LEGS PAR ZHU BAR GYUR PA DANG, KHRE RGOD DAM CI TSE'I CHAN DANG RANG SKYUR KAN DZI ZHES BYA BA BSKOL BA BLUD NA MDZE NAD LA SOGS PA SEL ZHING 'JOMS PAR BYED PA DANG DE BZHIN DU BU TSA MANG DU 'PHEL BA DANG DRAN PA
'DZIN CING MI BRJED PAR 'GYUR RO, ,NI LI TA KA'I TSIL SBRANG RTZI, ,DZ'A TI'I KHU BA MAR BCAS PA'AM, ,SENG LDENG AA SA NA'I CHUR BCAS, ,DBANG PO BSDAMS BRTAN MDZE NAD 'JOMS, ,ZHES BYA BA LA, DBANG PO BSDAMS SHING YUL THUB PA DANG NI LI KA'I TSIL SBRANG RTZI DANG ME TOG DZ'A TI'I KHU BA DANG BCAS PA ZOS NA MDZE NAD 'JOMS PAR 'GYUR RO, ,YANG NA NI LI TA KA'I TSIL MAR DANG CHA SNYOMS PA ZOS NA YANG MDZE NAD 'JOMS PAR 'GYUR RO, ,YANG NA NI LI TA KA'I TSIL DANG SENG LDENG DANG AA SAN BSKOL BA'I CHU DANG BCAS PA BLUD NA YANG MDZE NAD 'JOMS PAR 'GYUR RO, ,S'A LU NAS DANG GRO DANG NI, ,CI TSE KHRE DANG MUNGGA DANG, ,SRAN CHUNG DANG NI TU KA RA'I, ,TSOD MA KHA BO SKAM SA'I SHA, ,'BRAS BU GSUM DANG PA TO LA, ,SENG LDENG NIM PA GO BYE SBYAR, ,CHANG NI SMAN DANG SBYAR BA DANG, ,DAR BA SAR PA RA DAR BCAS, ,BZA' DANG BTUNG BA MDZE LA PHAN, ,SKYUR TSA LAN TSVA CAN RNAMS GNOD, ,CES BYA BA LA, S'A LU NI S'A LU RTZA SNAR LA SOGS PA STE, DE DANG NAS DANG SKAM SA'I SHA'I BAR GYI KHA ZAS 'BRAS BU LA SOGS PA DANG SBYAR BA BZA' BAR BYA BA DANG, ,DE BZHIN DU BTUNG BAR NI CHAB KYI NANG DU SMAN BCUG PA LA SOGS PA BLUD NA PHAN NO, ,SKYUR BA DANG TSA BA DANG LAN TSVA'I BAG DANG LDAN PA'I BZA' BA DANG, BTUNG BA NI DE GNOD PA YIN PAR SHES PAR BYA'O, ,ZHO DANG 'O MA RLAN CAN SHA, ,BU RAM MA SHA TIL MAR SPANG, ,ZHES BYA BA LA, ZHO LA SOGS PA NI MDZE CAN GYIS SHIN TU SPANG BAR BYA'O, ,PA TO LA'I RTZA 'BRAS BU GSUM, ,PI SHA LA NI RE RE NI, ,CHA GSUM GYIS DBRI ZHO PHYED GSUM, ,KYI LCE BA DANG PU TZE SHEL, ,ZHO PHYED DONG GRA BZHI CHAR BCAS, ,DE LTAR SRANG GCIG BRDUNGS PA DAG ,BSKOL BA'I CHU NI 'THUNGS GYUR NA, ,NAD KYI TSOGS NI SBYONG BAR BYED, ,SMAN DE ZHU NAS SKAM SA YI, ,RI DAGS BYA YI SHA KHU DAG ,'BRAS RNYING CHAN DANG SBYAR BA BZA', ,SBYOR 'DI ZHAG DRUG BSTEN NA NI, ,MDZE NAD KUN DANG SKRANGS PA'I NAD, ,PHO BA'I NAD DANG GCIN SRI DANG, ,GZUGS 'KHUMS GSO DKA'I NAD RNAMS DANG, ,SNYING NAD CHU SOR GZER RIMS
, ,SEL, ,ZHES BYA BA LA, PA TO LA'I RTZA BA LA SOGS PA'I SMAN SNA RE ZHING SUM CHA SUM CHA DBRI BA'I ZHO PHYED SUM CHA, DES NA SMAN LNGA PO DE DAG SNA RE ZHING CHA GSUM PAS PHRI BA'I ZHO PHYED DANG GNYIS TE, DE LA DA NA DRUG LA ZHO BYED YOD PAS DE LA PA TO LA ZHO PHYED DANG GNYIS, DE LAS ZHO PHYED KYI SUM CHA DA NA GNYIS KYIS DBRI, DES NA PA TO LA DA NA BCO BRGYAD LAS BCU DRUG TU BYA, DE BZHIN DU AA RU RA DANG, SKYU RU RA DANG, BA RU RA DANG BI SHA LA YANG DAN ZHO GNYIS GNYIS PHRI STE, DA NA BCU DRUG BCU DRUG BYA, DE LTAR BCU DRUG PHRAG LNGA PA DA NA BRGYAD CU YOD LA, KYI LCE BA DANG PU TZE SHEL GNYIS CHA GCIG GIS BSKYED PA DANG DONG GRA BZHI CHA DANG BCAS PA DE LTAR SBYAR NA KYI LCE BA ZHO PHYED DE, DAN DRUG PU TZE SHEL YANG ZHO PHYED DE, DA NA DRUG DANG GRA BZHI CHA STE, DA NA BZHI STE SPYIR DA NA DGU BCU RTZA DRUG LA SPYIR SRANG DRUG YOD DE, SMAN GCIG PA DE BRDUNGS LA PHYE MAR BYAS TE BSKOL BA'I CHU 'THUNGS NA NAD KYI TSOGS SBYONG ZHING DAG PAR BYED LA SMAN DE ZHU NAS SKAM SA RI DAGS DANG BYA'I SHA KHU DANG 'BRAS RNYING PA'I CHAN ZOS SHING SPYOD LA SBYOR BA 'DI ZHAG DRUG GI BAR BSTEN ZHING LONGS SPYAD PAR GYUR NA MDZE NAD LA SOGS PA SEL BAR 'GYUR RO, , DE BZHIN DU RTAG PA'I RIMS LA SOGS PA'I RIMS THAMS CAD KYANG SEL BAR 'GYUR RO, ,BYI DANG GA YI SNYING PO DANG, ,AA RU RA DANG SKYU RU RA, ,SRANG RE DAN DA SRANG GSUM DANG, ,BUR MA SRANG NI BCU GNYIS DAG ,RI LUR BYAS 'DI BYIN GYUR NA, ,MDZE DANG SHA BKRA DBUGS MI BDE, , LUD PA DMU RDZING GZHANG 'BRUM DANG, ,GCIN NAD MTSER PA'I RMEN BU'I NAD, ,THOR BU SRIN NAD SKRAN RNAMS 'JOMS, ,GRUB PA'I SBYOR 'DI GNOD SBYIN NI, ,NOR BU BZANG POS DGE SLONG ZHIG ,SROG 'DOR NYID LA BSHAD CES GRAGS, ,ZHES BYA BA LA, BYI DANG GA'I SNYING PO LA SOGS SPYIR SRANG RE RE SRANG GSUM, ,DAN DA GCIG PU SRANG GSUM, BU RAM SRANG BCU GNYIS TE, DE DAG SPYIR RI LU BYAS PA DBANG PO THUL ZHING BSDAMS PA'I NAD LA BYIN NA, MDZE NAD LA SOGS PA SEL BAR BYED DO, ,SBYOR BA 'DI NI RAB TU GRUB PAR GRAGS PA YIN NO, ,GNOD SBYIN
NOR BU BZANG POS DGE SLONG ZHIG SROG 'DOR DU NYE BA'I TSE SBYOR BA 'DI BSHAD CING BSTAN TO ZHES GRAGS TE, GRAGS ZHES BYA BA NI DE SKAD ZER RO, ,ZHES LUNG LAS 'BYUNG BA STON PA YIN NO, ,THOR BU NI TSIGS DAG TU RTZA BA CHER 'CHOS PA'I 'BRAS NAD LA BYA'O, ,TIG TA NIM PA 'BRAS BU GSUM, ,SHUG PA BONG NGA PI PI LING, ,MUR BA DANG NI PA TO LA, ,SER PO RNAM GNYIS PU TZE SHEL, ,SHU DAG AINDRA BA RU NI, ,DUG MO YUNGS BCAS CHA SNYOMS PA, ,DAN DA DUR BYID BRAM SHA MI, ,PHYI MA BZHIN DU NYIS 'GYUR BYAS, ,PHYE MA SBRANG RTZI MAR BCAS ZOS, ,MDZE DANG ZA GU TSOR BA CHUNG, ,SEL BA'I SMAN GYI MCHOG YIN NO, ,ZHES BYA BA LA, TIG TA LA SOGS PA'I SMAN CHA MNYAM POR BYAS LA, DAN DA DANG DUR BYID DANG BRAM SHA MI ZHES BYA BA PHYI MA BZHIN NYIS 'GYUR DU BYAS TE, DES NA GAL TE TIG TA ZHO GCIG BYED NA DAN DA ZHO GNYIS DUR BYID ZHO BZHI BRAM SHA MI ZHO BRGYAD DANG SBYAR RO, ,SMAN DE DAG PHYE MAR ZHIB TU BTAGS PA SBRANG RTZI DANG SBYAR BA RTAG TU ZOS NA MDZE NAD LA PHAN NO, ,'BRAS BU GSUM DANG PI PI LING, ,BYI DANG GA DANG SBRANG RTZI NI, ,TIL MAR MAR SBYAR LDE GU'AM, ,ZHES BYA BA LA, 'BRAS BU GSUM LA SOGS PA'I LDE GU SBYAR BA ZOS NA YANG MDZE NAD LA PHAN NO, ,KA KA AU DUMB'A RA DANG, ,NIM PA GLA SGANG BYI DANG GA ,TSA BA GSUM GYI LDE GU NI, ,DUG MO YUNGS KYI KHU BAR BCAS, ,BLUD NA LPAGS NAD THAMS CAD 'JOMS, ,ZHES BYA BA LA, KA KA AU DUMB'A RA LA SOGS PA'I LDE GU DUG MO YUNGS BSKOL BA'I KHU BA DANG SBYAR TE, BLUD NA MDZE NAD DU GTOGS PA'I PAGS PA'I SKYON THAMS CAD SEL BAR BYED DO, ,KA KA AU DUMB'A RA NI PHAL GU STE, PHYED DU ZHES BYA'O, ,DUG MO YUNGS DANG TZI TRA KA ,NIM PA THANG SHING SENG LDENG DANG, ,LO MA BDUN PA AA SA NA, , KHU BSKOL MAR DANG AA RU RA, ,SBRANG RTZI LDAN ZOS MDZE NAD 'JOMS, ,ZHES BYA BA LA, DRUG MA YUNGS LA SOGS PA'I SMAN BSKOL BA'I KHU BA'I NANG DU AA RU RA DANG SBRANG RTZI DANG MAR BTAB STE ZOS NA MDZE NAD THAMS CAD SEL BAR 'GYUR RO, ,SENG LDENG NIM BA SLE TRES DANG, ,PA TO LA
, ,DANG BYI TSER BSKOL, ,SENG LDENG LA SOGS LNGA PA STE, ,KHYAB 'JUG GIS NI LHA MIN BZHIN, ,MDZE NAD 'PHRAL DU 'JOMS PAR BYED, ,CES BYA BA LA, SENG LDENG NAS BYI TSER BAR SMAN LNGA PO BSKOL BA'I KHU BA NI SENG LDENG LNGA PA ZHES BYA STE, DES NI MDZE NAD KYI RNAM PA 'PHRAL DU 'JOMS SHING SEL BAR BYED DO, ,DPER NA LHA CHEN PO KHYAB 'JUG GIS LHA MA YIN RMEG MED PAR BYED PA DANG 'DRA'O, ,SKYER PA NI MA PA SENG LDENG GI ,SHUN LPAGS BSKOL BAS MDZE NAD SEL, ,ZHES BYA BA LA, SKYER BA LA SOGS PA BSKOL BA'I KHU BA BLUD PAS KYANG MDZE NAD SEL BAR BYED DO, ,SKYER PA NI MA PA 'BRAS BU GSUM, ,PA TO LA'I RTZA PU RTZE SHEL, ,SHU DAG BTZOD NI BSKOL BA YIS, ,DAM CHOS LA BRTEN 'KHOR BA LTAR, ,KHRAG MKHRIS LAS GYUR MDZE NAD GCOD, ,SMAN 'DI NYID DANG BA YI MAR, ,BSKOL BAS RLUNG GYUR MDZE NAD RNAMS, ,MCHOG TU SEL BAR BYED PA YIN, ,ZHES BYA BA LA, SKYER BA LA SOGS PA SMAN BSKOL BA'I KHU BA BLUD NA YANG KHRAG DANG MKHRIS PA LAS GYUR PA'I MDZE NAD SEL BAR BYED DO, ,DPER NA DAM PA'I CHOS LA LEGS PAR BRTEN CING BSGOMS PAS 'KHOR BA'I 'CHING BA GCOD PA DANG 'DRA'O, , YANG SKYER PA LA SOGS PA'I SMAN 'DI DAG NYID DANG BA'I MAR BSKOL BA'I SMAN MAR BLUD NA RLUNG LAS GYUR PA'I MDZE NAD SEL BAR 'GYUR RO, ,SENG LDENG NI MA PA SKYER PA DANG, ,SLE TRES THANG SHING SNA RE RE BSKOL, ,ZHES BYA BA LA, DE BZHIN DU SENG LDENG LA SOGS PA'I SMAN SNA RE RE BSKOL BA'I KHU BA'AM SMAN DE DAG MAR DU BSKOL BA BLUD NA YANG MDZE NAD LA PHAN NO, ,PA THA SKYER PA TZI TRA KA ,DAN DA DUG YUNGS PU TZE SHEL, ,BA GCIN YANG NA CHU DRON BCAS, ,ZLA BA GCIG BLUD MDZE NAD DANG, ,GZHANG 'BRUM ZA KHU SKRAN NAD DANG, ,SKYA RBAB MA ZHU SRIN NAD 'JOMS, ,ZHES BYA BA LA, PA TO LA SOGS PA'I SMAN GYI LDE GU BA GCIN DANG SBYAR BA'AM, CHU DRON DANG SBYAR BA STE ZLA BA GCIG GI BAR DU BLUD NA MDZE'I NAD LA SOGS PA 'JOMS PAR BYED DO, ,RGYA SKYEGS DAN DA'I 'BRAS BU GSUM, ,MUR BA PA TA TZI TRA KA ,AA BA MAR GA BYI DANG KA ,LO MA BDUN PA TSA BA GSUM, ,BTZOD
DANG SKYER PA BA SHA KA ,NIM PA THANG SHENG [?] RTZA BA LNGA, ,GNYIS PO PHYE MA BA GCIN SBYAR, ,ZLA BA GCIG 'THUNGS PHAN ZAS BZA', ,MDZE YI NAD KUN 'JOMS PAR BYED, ,CES BYA BA LA, RGYA SKYEGS LA SOGS PA NAS RTZA BA CHEN PO LNGA DANG, CHUNG NGU LNGA, GNYIS PO'I BAR PHYE MAR BYAS PA DANG BA GCIN DU SBYAR TE ZLA BA GCIG GI BAR DU BLUD CING PHAN ZHING 'PHROD PA'I ZAS ZOS NAS MDZE'I NAD THAMS CAD SEL BAR BYED DO, ,SKYER PA PI PI LING DONG GRA, ,BYI DANG GA DANG DO BA RI, ,TZI TRA KA DANG TA BYA RNAMS, ,GO RIMS BZHIN DU CHA RES BSKYED, ,BA GCIN SBYAR BA'AM RI LU NI, ,BYIN NA MI BZAD MDZE YANG 'JOMS, ,ZHES BYA BA LA, SKYER PA LA SOGS PA GO RIMS BZHIN DU CHA RES BSKYED PA'I PHYE MA BA GCIN DANG SBYAR TE BLUD PA'AM, YANG NA BSKOL TE RI LUR BYAS PA BYIN NA MDZE NAD GSO DKA' BA'AM MI BZAD PA YANG 'JOMS SHING SEL BAR BYED DO, ,TSA BA GSUM DANG 'BRAS BU GSUM, ,TIL DANG GO BYE'I PHYE MA NI, ,MAR DANG SBRANG RTZI KHA RAR SBYAR, ,RI LUR BYAS PA CHA BDUN PAS, ,MDZE YI NAD RNAMS 'JOMS BYED CING, ,BCUD KYIS LAN DANG RO TZAR 'GYUR, ,ZHES BYA BA LA, TSA BA GSUM CHA GCIG ,'BRAS BU GSUM CHA GNYIS PA, TIL GSUM PA, GO BYE BZHI PA, MAR LNGA PA, SBRANG RTZI DRUG PA, KHA RA BDUN PA STE, DE LTA BU'I CHA BDUN PO MNYAM POR BYAS PA'I SMAN 'DIS NI MDZE'I NAD THAMS CAD 'JOMS PAR BYED CING BCUD KYIS LEN DU 'GYUR ZHING RO TZA BA DANG STOBS SKYED BAR 'GYUR BA YIN NO, ,SO MA RA DZA TZI TRA KA ,SKYER PA DU BA RA'I RUS PA, ,GO BYE SRIN SMAN 'BRAS BU GSUM, ,BSTEN NA MDZE NAD MA LUS 'JOMS, ,ZHES BYA BA LA, SO MA RA DZA LA SOGS PA'I SMAN BU RAM DANG RI LUR BYAS PA BSTEN ZHING ZOS NA MDZE NAD MA LUS PAR 'JOMS SHING SEL BAR BYED DO, ,SO MA RA DZA BYI DANG GA ,GO BYE TZI TRA BA RA HI, ,AA RU RA DANG LANG GA LI, ,TIL NAG BO DANG PI PI LING, ,BU RAM DANG NI RI LUR BYAS, ,MDZE YI NAD RNAMS 'JOMS PAR BYED, ,CES BYA BA LA, SO MA RA DZA LA SOGS PA'I PHYE MA GCIG TU BSDUS TE BU RAM DANG RI LUR BYAS PA GANG YIN PA DAG GIS
, ,KYANG MDZE'I NAD RNAMS 'JOMS PAR BYED DO, ,'DIS SO MA RA DZA LA SOGS PA'I PHYE MA JI SNYED YOD PA'I BU RAM NYIS 'GYUR DANG RI LUR BYAS TE, DE YANG, TSAD NI RNAM PAR MA BSHAD PAR, ,PHYE MA BU RAM NYIS 'GYUR GZHUG ,CES SMOS PA YIN NO, , LANG GA LI NI BI SHA LA'O, ,SO MA RA DZA PI PI LING, ,DE YI RTZA BA BYI DANG GA ,SNYING PO LCAGS RKYAG SKYU RU RA, ,TIL MAR LDE GUS MDZE NAD 'JOMS, ,ZHES BYA BA LA, SO MA RA DZA LA SOGS PA DANG TIL MAR DANG BU RAM RI LU BYAS PA BYIN NA YANG PHAN NO, ,AA RU RA DANG GO BYE TIL, ,BU RAM RI LUS MDZE NAD 'JOMS, ,ZHES BYA BA LA, YANG NA AA RU RA LA SOGS PA'I RI LU BYIN NA YANG MDZE NAD LA PHAN NO, ,SO MA RA DZA BYI DANG GA ,BU RAM RI LUR BYAS PA'ANG PHAN, ,ZHES BYA BA LA, SO MA RA DZA DANG BU RAM RI LUR BYAS NA YANG PHAN NO, ,SENG LDENG BRAG ZHUN BYI DANG GA ,SBRANG RTZI MAR DANG LDAN ZA ZHING, ,PHAN DANG RAN BAR ZOS NA NI, ,'BRUM PHRAN SHA BKRA SHA BKRA SHUB 'JOMS, ,ZHES BYA BA LA, SENG LDENG GI PHYE MA DANG BRAG ZHUN DANG BYI DANG GA MAR DANG SBRANG RTZI DANG SBYAR BA ZA ZHING MDZE LA PHAN BA'I KHA ZAS 'BRUM PHRAN LA SOGS PA 'JOMS PAR BYED PA ZOS NA YANG MDZE NAD LA PHAN NO, ,KHA RA LCAGS PHYE BYI DANG GA ,TZI TRA KA DANG SKYU RU RA, ,PI PI LING GI LDE GU YIS, ,MDZE NAD SHIN TU GSO DKA' 'JOMS, ,ZHES BYA BA LA, KHA RA LA SOGS PA'I SMAN GYI LDE GU BYIN NA YANG SHIN TU GSO DKA' ZHING LCI BA'I MTSAN NYID 'JOMS SO, , GLA SGANG TSA GSUM 'BRAS BU GSUM, ,RTZA BA LNGA NYID THANG SHING BTZOD, ,NIM PA SHING TSA LO MA BDUN, ,SHING TSA TZI TRA GA DANG NI, ,MUR BA BI SHA LA'I PHYE MA, ,NAS PHYE DGU CHA SBRANG RTZI NI, ,CHA GCIG SBYAR BA 'DI RTAG TU, ,'THUNGS NA MDZE NAD 'JOMS BYED CING, 'OR NAD SKYA RBAB SHA BKRAR BCAS, ,PHO NAD GZHANG 'BRUM RGYU RLUGS DANG, ,MTSAN BAR RDOL DANG 'BRUM PHRAN DANG, ,G-YAN PA SHU BA NAD RNAMS 'JOMS, ,ZHES BYA BA LA, GLA SGANG LA SOGS PA'I SMAN PHYE MAR BTAGS PA NAS PHYE DGU CHA DANG, SBRANG RTZI CHA GCIG TU SBYAR TE SKYO MAR BYAS PA 'THUNGS NA
MDZE NAD 'JOMS PAR BYED PA YIN NO, ,TU PA RA YI RUS PA'AM, ,GO BYE SO MA RA DZA DANG, ,TZI TRA KA DANG DRAG ZHUN RNAMS, ,BCUD LEN CHO GA LTAR BSTEN PHAN, ,ZHES BYA BA LA, TU PA RA'I NANG GI RUS PA BCUD LEN GYI CHO GA LAS BSHAD PA'I TSUL LTAR BSTEN NA YANG PHAN NO, ,DE BZHIN DU GO BYE DANG, SO MA RA DZA DANG, TZI TRA KA DANG, BRAG ZHUN RNAMS RE RE ZHING BCUD KYIS LEN GYI CHO GA LTAR BSTEN NA YANG MDZE'I NAD LA PHAN NO, ,DE LTAR NAD BSAL NANG GI NI, ,NAD SBYANGS NAS NI PHYI ROL GYI, ,PAGS PAR GNAS LA SMAN BYUGS PHAN, ,NAD KYI DRI MA MA DAG LA, ,SMAN RNON BYUGS NA MDZE NAD NI, ,BSLANGS PAS SLAR NI 'PHEL BAR 'GYUR, ,ZHES BYA BA LA, TSUL DE LTAR MDZE'I NAD NANG DU SBYANGS SHING BSAL NAS PAGS PAR GNAS PA'I NAD LA NI SMAN GYI PHYI ROL NAS BSKU BA LA SOGS PA PHAN TE, GANG GI PHYIR DRI MA CAN GYI LUS MA DAG PAR GYUR PA LAS SMAN RNON POS BYUGS SHING BSKUS NA NAD DE BSLANGS PAS SLAR ZHIG 'PHEL BAR 'GYUR BAS NA DANG POR NANG GI SBYANGS NAS GZOD BSKU BAR BYA'O, ,GTING ZUG SRA ZHING KOR KOR PO'I, ,MDZE LA DUGS BYA SNYI BA DANG, ,'BUR BAR GYUR NAS MTSON GYIS NI, ,ZHAL ZHAL GDAB CING BYUG PAR BYA, ,ZHES BYA BA LA, MDZE'I NAD GTING ZUG CING ZHEN PA DANG, SRA ZHING MKHRANG PA DANG, ZLUM PO KOR KOR PO'AM TIL TIL DU CHAGS PA LA NI SMAN RNO BA LA SOGS PAS DUGS BYA ZHING DKRIS LA 'BUR ZHING MTHO BAR GYUR PA DANG MTSON GYIS DRIL ZHING ZHAL ZHAL BYAS LA SMAN GYIS BYUG CING BSKU BAR BYA'O, ,GANG ZHIG PAGS PA KUN NYAMS SHING, ,MTSON GYIS GDAB TU MI RUNG BA, ,DE LA KHRAG NI PHYUNG NAS SU, ,THAL SMAN RNON POS BSKU BAR BYA, ,ZHES BYA BA LA, MDZE NAD GANG PAGS PA KUN NYAMS SHING ZHIG STE, MTSON GYIS GDAB TU MI RUNG BA DE LA NI NAD KYI KHRAG PHYUNG ZHING BSAL LA THAL SMAN RNON POS BSKU BAR BYA'O, ,MDZE NAD RAB SRA RTZUB PA DANG, ,TSOR BA MED BRTAN YUN RING LON, ,SNGAGS BCAS DUG KHU BLUD PA DANG, ,DUG GI SMAN NI RJES SU BSKU, ,ZHES BYA BA LA, MDZE'I NAD SRA ZHING RTZUB PAR GYUR PA DANG, TSOR BA MED
, ,CING BEM BEM POR GNAS PA DANG, BRTAN ZHING 'GYUR BA MED PA DANG, YUN RING ZHING LO MANG ZHIG LON PA LA DUG GIS BYUG CING BLUD BAR BYA BA DE YANG SNGAGS KYIS BTAB PAS BYUG CING BSKU BAR BYA BA LA, DE'I 'OG TU DUG GI SMAN RJES SU SBYAR ZHING BLUD PAR BYA'O, , MDZE NAD RENGS SHING TSOR BA MED, ,RDUL MI 'BYUNG ZHING G-YA' BA LA, ,LCI SKAM RGYA MTSO'I DBU BA'AM, ,MTSON GYIS BDAR LA LDE GUS BYUG ,CES BYA BA LA, MDZE NAD GANG LUS RENGS SHING 'GYUR MI SHES PA DANG, SHIN TU TSOR BA MED CING BEM BEM POR 'DUG PA DANG, 'BYUNG MI SHES PA DANG, G-YA' BA DANG LDAN PA'I MDZE NAD LA NI LCI BA SKAM PO'AM, RGYA MTSO DBU BA'AM MTSON GYIS BDAR ZHING DRUD LA DE'I 'OG TU LDE GUS BSKU BAR BYA'O, ,GLA SGANG DONG GRA 'BRAS BU GSUM, PO SON CHA DANG KA RANYDZA, ,LO MA BDUN PA DUG MO YUNGS, , RU RTA SKYER PA PRI YANG KU, ,YUNGS KAR SBYOR BAS LUS BKRU ZHING, ,LDE GUS SLON SMAN BKRU SMAN DANG, ,BZHAR ZHING LUS NI BSKUS GYUR NA, ,PAGS PA'I NAD DANG MDZE NAD DANG, ,SKRANGS NAD SKYA RBAB MDZE NAD 'JOMS, ,ZHES BYA BA LA, GLA SGANG LA SOGS PA'I LDE GUS NI DON THAMS CAD GRUB PA'I LDE GU STE, DE LA LUS KHRUS BYAS PA DANG, YANG DES SLON SMAN DANG, BKRU SMAN GYI SBYOR BA BYAS PA DANG, BZHAR BA'I RJES LA BSKUS NA PAGS PA'I NAD LA SOGS PA SEL BA YIN NO, ,KA RA B'I RA NIM PA DANG, ,DUG MO YUNGS DANG DONG GA DANG, ,TZI TRA KA'I RTZA BA GCIN BSKOL, ,BSKUS NAS MDZE NAD 'JOMS PAR BYED, ,CES BYA BA LA, KA RA B'I RA LA SOGS PA'I SMAN BA GCIN DANG BSKOL BA GZAR BU LA CHAGS PA TZAM ZHIG BLUD NA YANG MDZE NAD LA PHAN NO, ,KA RA B'I RA KAR RTZA BA, ,DUG MO YUNGS DANG KA RANYDZA'I, ,'BRAS BU SKYER BA'I SHUN LPAGS NI; ,SO MA NA YI MYU GUR BCAS, ,BSKUS NA MDZE 'JOMS GRUB PA YIN, ,ZHES BYA BA LA, KA RA B'I RA DKAR PO'I RTZA BA DANG, DUG MO YUNGS DANG, KA RANYDZA'I 'BRAS BU DANG, SKYER PA'I SHUN LPAGS DANG, SO MA NA ZHES BYA BA DZ'A TI'I MYU GU DANG BCAS PA BTAGS PA'I LDE GUS BSKUS NA
YANG MDZE NAD 'JOMS PAR MNGON SUM DU GRUB CING MTHONG BAS YID CHES PA YIN NO, ,SHRI SHA'I SHUN PA RAS BAL GYI, ,ME TOG DONG GA'I LO MA DANG, ,MON SDE'U DMAR RU BZHI PO NI, ,BTAGS PA'I LDE GUS MDZE NAD 'JOMS, ,ZHES BYA BA LA, SHING SHRI SHA'I SHUN LPAGS DANG, RAS BAL GYI SA BON GYI ME TOG DANG, DONG GA'I LO MA DANG, MON SRAN SDE'U DMAR RU KA KA MA TZI ZHES BYA BA'I RTZA BA DANG LO MAR BCAS PA STE RNAM PA BZHI PO DE DAG BTAGS PA'I LDE GUS BSKUS NA YANG MDZE'I NAD RNAMS 'JOMS SHING SEL BAR BYED DO, ,NIM PA SER PO RNAM PA GNYIS, ,BYE'U RUG PA DANG PA TO LA, ,RU RTA AA SHVA GANDHA DANG, ,THANG SHING SHI KRU YUNGS KAR DANG, ,G-YER MA 'U SU GLA BA DANG, ,TZA RONG CHA SNYOMS PHYE MAR BCAS, ,DAR BA SBYAR BA TIL MAR GYIS, ,BSKUS PA'AM LUS BYUG DRIL GYUR NA, ,MDZE NAD G-YEN BAR 'DUM POR BCAS, ,'BRUM PHRAN SKRANG PA'I NAD RNAMS SEL, ,ZHES BYA BA LA, NIM PA LA SOGS PA'I SMAN CHA MNYAM POR PHYE MAR BYAS LA, PHYE MA DE DAG DAR BA DANG BSRES NAS DANG POR LUS TIL MAR GYIS BSKUS LA BYUGS TE, DE'I 'OG TU LDE GU DES BSKU ZHING DRIL PHYIS BYAS NAS MDZE'I NAD LA SOGS PA SEL BAR BYED DO, ,GLA SGANG DNGUL RDO DANG NI SKYER PA DANG, ,NAG TSUR KAM BI LYA DANG RU RTA DANG, ,SENG PHROM MU ZI POG KAR BYI DANG GA ,LDONG ROS BA BLA KA RA B'I RA'I SHUN; ,PHYE MAR BYAS PA TIL MAR GYIS BSKUS PA'I, ,STENG DU PHYE MA'I DONG DU 'DI BLUGS NA, ,SHU BA G-YAN PA 'BRUM BU PHRA MO DANG, ,RKANG SHU LA SOGS 'BYUNG BAR MI 'GYUR RO, ,ZHES BYA BA LA, YANG SNGAR TIL MAR GYIS BSKUS PA'I LUS LA GLA SGANG LA SOGS PA'I SMAN PHYE MAR BYAS PA ZHIB TU BTAGS PAS LUS KYI STENG DU GTOR ZHING BLUGS PAR GYUR NA SHU BA DANG, G-YAN PA LA SOGS PA'I MDZE NAD KYI RNAM PA 'BYUNG BAR MI 'GYUR RO, ,SKAM PI LYA NI RA DZA NA GA'O, ,MU ZI NI GANDHA PA SHA NA STE RDO DRI CAN NO, ,KA RA B'I RA'I SHUN LPAGS NI AA SHVA MA RA'I SHUN LPAGS SO, ,YUNGS KAR SNU HA'I SHING DUM BTAGS, ,LDE GU ME MA MUR BTZOS TE, ,'DOD CHAGS SHUGS KYIS NGO TSA BZHIN, ,BSKUS
, ,NA GLANG SHU 'JIG PAR BYED, ,CES BYA BA LA, YUNGS KAR DANG SNU HA'I SHING GI DU MA BU'I NANG BSKOL BA BTAGS PA'I LDE GUS SMAN GYI PHUR MA BTZO BA'I TSUL DU ME MA MUR GYI NANG DU BTZOS TE BSKUS NA GLANG SHU'I NAD 'JIG CING SEL BAR BYED DO, ,JI LTAR 'DOD CHAGS KYI SHUGS BDO BAR GYUR NA NGO TSA 'JIG PAR BYED PA BZHIN DU LDE GUS GLANG SHU 'JIG PAR BYED DO, ,LDONG ROS BA BLA NA LE SHAM TIL MAR, ,AARKA'I 'O MA'I LDE GUS MDZE 'JOMS BYED, ,CES BYA BA LA, LDONG ROS LA SOGS PA'I SMAN TIL MAR AARKA'I 'O MA DANG LDE GUS BYAS PA BSKUS NA YANG PHAN NO, ,DE BZHIN TZI TRA MAR DA KA RANYADZA; ,RU RTAR BCAS PA BA GCIN BTAGS PA'ANG PHAN, ,ZHES BYA BA LA, TZI TRA MAR DA DANG, KA RANYADZA'I SA BON DANG, RU RTA DANG BCAS PA BA GCIN DANG BTAGS TE BSKUS NA YANG MDZE NAD SEL BAR BYED DO, ,GU GUL YUNGS KAR NA LE SHAM, ,NAG TSUR DANG NI BYI DANG GA ,SHR'I PEshtA DANG SRA RTZI POG ,GLA SGANG LDONG ROS MU ZI DANG, ,RU RTA DANG NI KA MBI LYEE, ,SER PO GNYIS DANG BCAS PA NI, ,'KHOR LOS BTZIR BA'I TIL MAR BSRES, ,'DI NI MTSON GYIS BZHAR TE BSKUS, ,NYI MAR BSREGS NA MDZE NAD SEL, ,ZHES BYA BA LA, GU GUL LA SOGS PA'I SMAN 'KHOR LOS BTZIR BA'I TIL MAR BSRES PA MTSON CHA LA SOGS PAS BZHAR ZHING BA DAR BA LUS LA BSKUS NAS NYI MA'I 'OD LA BSREGS NA MDZE NAD DE'I MOD LA SEL BAR BYED DO, ,TA MA LA'I LO MA NA LE SHAM, ,RU RTA LDONG ROS NAG TSUR BCAS, ,ZANGS KYI SNOD DU TIL MAR DU, ,ZHAG BDUN LEGS PAR SPANGS PA DES, ,ZHAG BDUN BSKU ZHING NYI MAS BSREG ,SHA BKRA 'JOMS PAR BYED PA YIN, ,SHA BKRA SAR PAR ZLA BA GCIG ,BSTEN ZHING SBYANGS PA BYAS NA SEL, ,ZHES BYA BA LA, TA MA LA'I LO MA LA SOGS PA ZANGS KYI SNOD DU BCUG LA TIL MAR GYI NANG DU ZHAG BDUN SPANGS PA DES BSKU ZHING BYUGS NAS NYI MA'I THAN PA LA BSREGS NA SHA BKRA ZLA BA GCIG GIS SEL BAR BYED, DE YANG SKYUG SMAN DANG BKRU SMAN GYI SBYANG BA BYAS NA DE SEL ZHING 'JOMS PAR 'GYUR RO, ,AA PA MARGA'I THAL BA'I CHU, ,LAN
BDUN LEGS PAR GZAGS PA RU, ,PRI YANG KU YI MAR BSKOL BA, ,BSKUS NA SHA BKRA SEL BAR BYED, ,CES BYA BA LA, AA PA MARGA'I THAL BA'I CHU LAN BDUN GYI BAR DU LEGS PAR GZAGS SHING 'KHUS PAR BYAS LA, DE'I NANG DU PHRI YANG KU'I MAR BSKOL BAS BSKUS NA YANG SHA BKRA'I NAD SEL BAR YANG 'GYUR RO, ,KA KA DZANG GI RTZA BA DANG, ,RAS BAL SA BON 'DAB MA DANG, ,LA PHUGS BON DAR BAR SBYAR, ,MIG DMAR GZA' LA BSKUS NA NI, ,SHA BKRA SEL BAR GRUB PA YIN, ,ZHES BYA BA LA, KA KA DZA'I RTZA BA LA SOGS PA'I SMAN DAR BA DANG SBYAR BA GZA' MIG DMAR LA BABS PA'I ZHAG LA BSKUS NA YANG SHA BKRA SEL BAR BYED CING MNGON SUM DU MTHONG BAS YID CHES PA YIN NO, ,DZI BAN TI DANG SKYER BA BTZOD [?], ,KAMBI LYEE DANG SPANGS MA NI, ,'O MA MAR DANG TIL MAR BSKOL, ,SRA RTZI BOG DANG SPRA TSIL NI, ,BTAB PA BSKUS NA DE YIS NI, ,RKANG LAG ZHIG PA SEL BAR BYED, ,PAGS PA GCIG PA'I MDZE DANG NI, ,'BRUM PHRAN 'BRAS NI 'BYER BA YI, ,MDZE NAD 'JIG PAR BYED PA YIN, ,ZHES BYA BA LA, DZI BAN TI LA SOGS PA'I LDE GUR BYAS LA 'O MA BZHI 'GYUR BCUG STE, MAR DANG TIL MAR DANG JI SKAD SMOS PA LTAR BSKOL LA DE'I NANG DU SRA RTZI POG SAR DZA RAN ZHES BYA BA DANG SPRA TSIL BTAB PA STE BSKUS NA RKANG LAG ZHIG CING 'DRUL BA RNAMS SEL BAR BYED LA PAGS PA GCIG PA'I MDZE NAD RNAMS 'JIG PAR BYED DO, ,LO MA BDUN PA'I RTZA BA DANG, ,SHR'I SHA YI NI SHUN LPAGS DANG, ,SU MAN DANG TZI TRA KA ,THAL TRES NIM PA'I SHUN PA DANG, ,KA RANYDZA DANG YUNGS KAR DANG, ,TZI TRA MAR DANG 'BRAS BU GSUM, ,BYI DANG GA DANG TSA BA GSUM, ,SER PO RNAM GNYIS TIL MAR DANG, ,BA GCIN BCAS PAR BSKOL BAS NI, ,PAGS PA'I NAD DANG RMA 'GRAMS DANG, ,RLUNG DANG BAD KAN LAS GYUR PA'I, ,MDZE YI NAD NI SEL BYED DE, ,'DI NI RDO RJE 'DRA BAS NA, ,RDO RJE CAN ZHES BYA BA YIN, ,ZHES BYA BA LA, LO MA BDUN PA'I RTZA BA DANG, SHRI SHA LA SOGS PA'I SHUN LPAGS DANG, KA RANYDZA LA SOGS PA'I SA BON DANG, 'BRAS BU GSUM LA SOGS PA'I SMAN LDE GUR BYAS LA BA GCIN BZHI 'GYUR DANG TIL
, ,MAR DANG BCAS PAR BSKOL NA PAGS PA'I NAD LA SOGS PA SEL ZHING 'JOMS PAR BYED DO, ,DES NA 'DI NI RDO RJE DANG 'DRA BAS NA MING RDO RJE CAN ZHES BYA'O, ,AE RAndA DANG DNGUL RDO DANG, ,GLA SGANG NIM PA KA DANG NI, ,GA BRA'I RTZA BA KAMBI LYEE, ,BYI DANG GA DANG NI RGUN THI, ,GO BYE AINDRA PA RU NI, ,THANG SHING KHRON BU GU GUL DANG, ,LDONG ROS SHRI PE RU RTA DANG, ,LAN TSVA TA LA BCA' SBA RNAMS, CHA SNYOMS SNU HA'I 'O MA DANG, ,AARKA TIL MAR LHAN CIG BSKOL, ,LDE GU RDO RJE CHEN PO STE, ,RDO RJE CAN PAS YON TAN LHAG ,SHA BKRA DANG NI GZHANG 'BRUM DANG, ,'BRAS KYI PHRENG BA 'JOMS PAR BYED, ,CES BYA BA LA, AE RAndA LA SOGS PA'I SMAN CHA MNYAM DANG TIL MAR BSKOL LA AARGA DANG SNU HA'I 'O MA TIL MAR DANG CHA MNYAM PAR BYAS TE, DE DAG LHAN CIG BSKOL BA'I SMAN MAR NI RDO RJE CHEN PO ZHES BYA STE, SNGAR GYI RDO RJE CAN GYI YON TAN PAS YON TAN CHES LHAG CING CHE BA YIN LA, KHYAD PAR DU YANG SHA BKRA LA SOGS PA'I NAD SEL BAR BYED PA YIN NO, ,RU RTA KA RA B'I RA DANG, ,BRING GA RA DZA AARKA DANG, ,SHU DAG SHIR RGYAM TSA GCIN, ,TIL MAR BSKOL BAR DUG BCUG PA, ,BSKU BA MDZE NAD SEL BA'I MCHOG ,CES BYA BA LA, RU RTA LA SOGS PA'I SMAN LDE GUR BYAS PA'AM, BA GCIN DANG MAR BSKOL TE DE'I NANG DU DUG BCUG PAS BSKUS NA MDZE NAD SEL BA'I MCHOG YIN NO, ,SPRA TSIL LI KHRI GU GUL DANG, ,SPANGS MA DNGUL RDO YUNGS KAR BSKOL, ,G-YAN PA GLANG SHU MYUR DU SEL, ,ZHES BYA BA LA, SPRA TSIL LA SOGS PA'I SMAN LDE GUR BYAS PA DAR YUNGS KAR GYI MAR BSKOL BAS NI G-YAN PA LA SOGS PA SEL BAR BYED DO, ,RGYA SKYEGS TZI TRA MAR DA DANG, ,SHI BE SHRI TA TSA BA GSUM, ,RU RTA YUNGS KAR LA PHUG GI ,SA BON SER PO RNAM GNYIS KYI, ,LDE GU DAR BAR SBYAR BSKUS NA, ,SHU BA THAMS CAD SEL BAR BYED, ,CES BYA BA LA, RGYA SKYEGS LA SOGS PA'I LDE GU DAR BA DANG SBYAR TE BSKUS NA SHU BA'I NAD THAMS CAD SEL TO, ,ZHES DRANG SRONG RNAMS KYIS BSHAD DO, ,TZI TRA KA DANG SHI KRU 'AM, ,SLE TRES THANG SHING AA BA MAR, ,SENG LDENG DHA BA'I LDE GU'AM, ,DUR BYID DAN TRA BA NA TI, ,RGYA
SKYEGS DNGUL RDO SUG SMEL LAM, ,PURnA RNA BA'I LDE GU STE, ,TSIG RKANG DRUG BSHAD LDE GU DRUG ,ZHO GA CHU DANG SBYAR BA YIS, ,BSKUS NA BAD KAN RLUNG LAS NI, ,GYUR PA'I MDZE NAD SEL BAR BYED, ,CES BYA BA LA, TZI TRA KA DANG SHI KRU [?] ZHES BYA BA'I PI PI LING DKAR PO ZHO GA CHU DANG SBYAR BA'I LDE GU BSKUS NA YANG BAD KAN DANG RLUNG LAS GYUR PA'I MDZE NAD SEL BAR BYED DO, ,DE BZHIN DU SLE TRES DANG AA BA MARGA DANG THANG SHING ZHO GA CHU DANG SBYAR BA'I LDE GU YANG SENG LDENG DANG, DHA BA BTAGS PA'I LDE GU DANG, DUR BYID DANG DAN DA DANG TRA BAN TI'I LDE GU'AM, RGYA SKYEGS SAM, ,DNGUL RDO DANG SUG SMEL SBYAR BA'I LDE GU 'AM PURnA RNA BA GCIG PU'I LDE GU STE, DE LTAR TSIG RKANG PA RE RES BSHAD PA'I LDE GU DRUG PO DE DAG GANG YANG RUNG BA ZHO GA CHU DANG SBYAR BA DE BSKUS NA RLUNG DANG BAD KAN LAS GYUR PA'I NAD SEL BAR BYED DO, ,BA LA KA DANG MA NU DANG, ,AA GAR N'A GA GE SAR DANG, ,GANDHA BHA DRA GLA BA DANG, ,TZANDAN DANG NI PU SHEL TZE, ,CHA RES BSKYED PA'I LDE GU YIS, ,BAD MKHRIS MDZE NAD SEL BAR 'GYUR, ,ZHES BYA BA LA, BA LA KA LA SOGS PA'I SMAN CHA BRGYAD PO CHA RES BSKYED PA'I LDE GUS BSKUS NA BAD KAN DANG MKHRIS PA LAS GYUR PA'I MDZE NAD SEL BAR BYED PA GRUB CING MNGON DU GYUR PA YIN NO, ,DE LA BA LA KA ZHI GCIG ,MA NU ZHO GNYIS, AA RU RA ZHO GSUM, N'A GA GE SAR ZHO BZHI, ,GANDHA BHA DRA ZHO LNGA, GLA BA ZHES BYA BA NI PE LA ZHO DRUG ,TZANDAN ZHO BDU, PU SHEL TZI SHES BYA BA AU SHI RA ZHO BA RGYAD SBYAR BAR BYA'O, TIG TA'I SMAN MAR BRGYA BKRUS MAR, ,BSKUS NA MDZE YI TSA BA SEL, ,ZHES BYA BA LA, MDZE NAD SEL BAR BYED PA TSA BA DANG SBYAR BA LA NI SNGAR BSHAD PA'I TIG TA'I SMAN MAR CHU'I NANG DU LAN DU MA BSKUS NA PHAN NO, ,TIL MAR TZANDAN SHING MNGAR DANG, ,STAG TSER BA DANG AUTPA LA, ,BCAS PA BSKUS NA PHAN PA YIN, ,ZHES BYA BA LA, YANG TSA BA DANG LDAN PA'I MDZE NAD DE LA TIL MAR TZANDAN DANG SHING MNGAR DANG STAG TSER BA ZHES BYA BA PRA PUndA R'I KA DANG AUTPA LA SBYAR BA'I LDE GUS BSKUS NAD LA PHAN ZHING SEL BAR BYED DO, ,RNAGS SHING YAN LAG 'DRUL BA DANG, ,LUS TSA 'BRUM BU PHRA MO 'BYUNG, ,
, ,PAGS PA MYAGS DANG BCAS PA LA, ,BSIL BA'I SMAN CHUS BLUGS SHING BYUGS, ,GTAR GA BKRU SMAN BTANG BA DANG, ,TIG TA'I SMAN MAR BYIN NA PHAN, ,ZHES BYA BA LA, RNAGS SHING RUL BAR GYUR PAS YAN LAG DANG NYING LAG 'DRUL BAR GYUR PA DANG, LUS TSA, 'BRUM BU PHRA MO TZAG TZAG BYUNG BA DANG, PAGS PA MYAGS SHING ZHIG PAR GYUR PA LA NI SMAN BSIL BA CAN LA SOGS PA'I CHUS LUS LA BLUGS PA DANG LDE GUS BYUGS PA PHAN NO, ,DE BZHIN DU NAD DE LA NI GTAR GA GDAB CING KHRAG DBYUNG BA DANG, BKRU SMAN SBYIN PA DANG, TIG TA'I SMAN MAR BZA' BA DANG, BTUNG BA DANG, BLUGS PA DANG, BSKU BA'I DON DU SBYAR BA PHAN NO, ,SENG LDENG NIM PA BA SHA KA ,DUG MO YUNGS DANG 'BRAS BU GSUM; ,BYI DANG GA [?] DANG SLE TRES DANG, ,PA TO LA DANG BA GCIN SBYAR, ,PHYI DANG NANG NAS BTANG GYUR NA, ,SRIN BU LAS GYUR MDZE NAD 'JOMS, ,ZHES BYA BA LA, SENG LDENG LA SOGS PA'I SMAN BA GCIN DANG SBYAR BA PHYI NAS BLUGS PA DANG, NANG NAS BTUNG BAR SBYAR NA SRIN BU LAS GYUR PA'I MDZE NAD SEL BAR BYED DO, ,RLUNG SHAS CHE LA THOG MAR NI, ,MAR BTANG BAD KAN SHAS CHE LA, ,SKYUG SMAN MKHRIS PA LAS GYUR LA, ,GTAR GA GDAB CING BKRU SMAN GTANG, ,ZHES BYA BA LA, RLUNG GI SHAS CHE BA'I MDZE NAD LA NI DANG PO KHO NAR ZHUN MAR SBYIN PAR BYA'O, ,BAD KAN SHAS CHE BA'I MDZE NAD LA NI DANG PO KHO NAR SKYUG SMAN GTANG BAR BYA'O, ,MKHRIS PA RGYAS PAR GYUR PA'I MDZE NAD LA NI DANG POR GTAR GAS KHRAG DBYUNG LA BKRU SMAN GTANG BAR BYA'O, ,NANG SBYANGS KHRAG NI PHYUNG BA DANG, ,GNAS NI DAG PAR GYUR PA LA, ,BSKU BA GANG ZHIG BYAS GYUR PA, ,DE NI MOD LA BYANG BAR 'GYUR, ,ZHES BYA BA LA, MDZE'I NAD GANG ZHIG LA NANG GI NAD BKRU SMAN LA SOGS PAS BSAL ZHING KHRAG PHYUNG NAS LUS KYI GNAS DAG PAR BYAS PA LA JI SKAD SMOS PA'I LDE GUS BSKUS NA 'PHRAL DU DE NAD MED PAR 'GYUR RO, ,NAD GZHI BSAL ZHING KHRAG NI PHYUNG BA DANG, ,PHYI DANG NANG NAS ZHI BA'I GSO BA BYAS, ,SMAN MAR YANG NI DUS SU BYIN GYUR NA, ,MDZE YI NAD NI GSO SLA NYID DU 'GYUR, ,ZHES BYA BA LA, MDZE NAD GZHI
SBYANGS ZHING BSAL BA LA SOGS PA BYAS PAR GYUR NA MDZE'I NAD DE GSO SLA ZHING BDE BLAG KHO NAR 'BYUNG DU RUNG BAR 'GYUR RO, ,MDZE CAN NAD NI LAN MANG SBYANGS GYUR PA, ,DE YI SROG BSRUNG LAN MANG 'BAD BYA STE, ,NAD NI LHAG PAR PHYUNG BAS NYAM CHUNG BA, ,RLUNG LDONG MYUR DU GSOD PAR BYED PAR 'GYUR, ,ZHES BYA BA LA, MDZE'I NAD DANG LDAN PA GANG ZHIG NAD LAN MANG DU SBYANGS SHING DAG PAR GYUR PA DE'I SROG BSRUNG ZHING GNOD PAR MI 'GYUR BAR SMAN PAS 'BAD PAR BYA STE, DE CI'I PHYIR ZHE NA, NANG GI NAD LHAG PAR MANG DU PHYUNG BAR GYUR BA LA, NYAMS STOBS SHIN TU BRI ZHING CHUNG BAR GYUR PA LA, RLUNG GI NAD LANGS NAS MYUR BA KHO NAR GSOD PA'I SKYON YOD PA'I PHYIR RO, ,ZLA BA PHYED CING SKYUG SMAN BTANG BA DANG, ,ZLA BA RE RE NAS NI BKRU SMAN GTANG, ,MGO BO SBYANG BA ZHAG NI GSUM GSUM DANG, ,ZLA BA DRUG DRUG NAS NI GTAR GA BYA, ,ZHES BYA BA LA, MDZE CAN LA ZLA BA PHYED PHYED 'DAS PA DANG SKYUG SMAN BTANG ZHING SLON DU GZHUG PA DANG, ZLA BA RE RE 'DAS NAS BKRU SMAN BTANG ZHING 'KHRUR GZHUG PA DANG, ZHAG GSUM GSUM 'DAS PA DANG MGO BO'I BKRU SMAN JI SKAD SMOS PA BZHIN DU BYA BA DANG ZLA BA DRUG DRUG NAS GTAR GA BYA ZHING NAD KHRAG DBYUNG BAR BYA'O, , GANG ZHIG SLON DANG 'KHRU BA DKA' 'GYUR TE, ,MDZE CAN NAD SHAS CHE BAS KHYAB GYUR PA, ,DE NI NGES PAR GSO DKA' NYID 'GYUR BAS, ,DE BAS NAD NI MA LUS DBYUNG BAR BYA, ,ZHES BYA BA LA, MDZE CAN GANG ZHIG SKYUG SMAN BYIN YANG SLON PAR DKA' ZHING DE BZHIN DU BKRU SMAN BYIN YANG 'KHRUS PAR DKA' BAR GYUR PA'AM, YANG NA CUNG ZAD TZAM ZHIG SLON ZHING 'KHRUS NAS NAD 'THON PAR MA GYUR PA'I MDZE CAN DE NAD KYI SHAS CHE BAS KHYAB PAR GYUR PA YIN LA, DE LTA BU DAG NI NGES PAR GSO DKA' BA'AM, GSOR MI RUNG BA'I MDZE NAD DU 'GYUR BAS DE BAS NA MDZE NAD DE'I NAD CI NAS KYANG MA LUS PAR DBYUNG BAR BYA ZHING GTING PHYIN PAR BYA BA'I NAD CUNG ZAD 'BRI BA TZAM GYIS GSO BAR NI MI BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS GSO BA'I GNAS LE'U BCU DGU PA'I
, ,RNAM PAR 'GREL PA'O,, ,,DE NAS SHA BKRA DANG SRIN BU'I NAD GSO BA BSHAD PAR BYA'O, ,ZHES BYA BA LA, SNGAR NAD GZHI BSHAD PA'I GO RIMS KYIS GSO BA YANG DE LTAR BSHAD DGOS PA'I PHYIR SKABS 'DIR LE'U BRTZAMS PA YIN NO, ,GANG ZHIG MDZE NAD PAS KYANG 'JIGS 'GYUR ZHING, ,MYUR DU GSO DKA' NYID DU 'GYUR BAS NA, ,KHANG PA 'BAR BAR GYUR PA LTA BUR NI, ,SHA BKRA'I NAD ZHI BA LA 'BAD BAR BYA, ,ZHES BYA BA LA, SHA BKRA'I NAD LA NI MDZE'I NAD PAS KYANG SMAD CING 'JIGS BAR GYUR PA YIN PAS DE NI MA BCOS NA MYUR DU GSO DKA' BA NYID DU 'GYUR TE, RGYU DE BAS NA SHA BKRA'I NAD DE'I GSO BA'I SBYOR BA LA 'BAD CING BRTZON PAR BYA STE, DPER NA KHANG PA'I ME 'BAR BAR GYUR PA LA MYUR DU ZHI ZHING BSIL BAR BYA DGOS PA DANG 'DRA'O, ,KHYAD PAR DU NI DANG POR LUS LA NI, ,SBYANG BA BYA BA NYE BAR SBYAR BAR BYA, ,ZHES BYA BA LA, SHA BKRA'I NAD THAMS CAD LA NI GSO BA GZHAN PAS KHYAD PAR DU DANG PO KHO NAR LUS KYI NAD SBYANG BA'I CHO GA 'OG NAS SMOS PA NYE BAR SBYAR BAR BYA'O, ,SHA BKRA LA NI SO MA RA DZA'I KHU, ,BU RAM CHANG NGAM SHA KHU BKRU SMAN NI, ,SNU HA'I 'O MAR BCAS PA BLUD PAR BYA, ,DE 'THUNGS NAS NI LUS BKRUS NYAMS STOBS DAG ,CI YOD PA LAS NYIN MTSAN BSTEN PAR BYA, ,SKOM DAD SKYES NA ZHAG GSUM THUG PA BLUD, ,CES BYA BA LA, SHA BKRA'I NAD LA SO MA RA DZA BSKOL BA'I KHU BA BU RAM DANG CHANG SBYAR TE BLUD PA 'AM, YANG NA SO MA RA DZA BSKOL BA'I KHU BA SHA KHU DANG SBYAR LA BLUD PAR BYA STE, DE NI BKRU SMAN GYI DAM PA'AM, MCHOG YIN PAR 'DOD LA, DE BAS NA SO MA RA DZA'I KHU BA DE 'THUNGS NAS LUS BSKUS TE NYAMS STOBS KYIS JI TZAM BZOD PAR NYI TSAN LA BSTAN CING 'DUG PAR BYA'O, ,DES SHA BKRA CAN DE BKRUS PAR GYUR PA DANG, SKOM DAD SKYES NA ZHAG GSUM GYI BAR DU THUG PA RKYANG RKYANG PO BLUD PAR BYA'O, ,SHA BKA'I LUS LA CHU BUR BYUNG GYUR NA, ,DE NI TSER MA DAG GIS BRTOL BAR BYA, ,ZHES BYA BA LA, GONG GI SMAN DES BSKUS NAS NYI MA LA 'DUG PA NA SHA BKRA CAN GYI LUS DE LAS 'BRUM BU 'AM CHU BUR BYUNG BAR GYUR NA CHU BUR DE TSER MAS BRTOL LA CHU GZAGS PAR BYA'O, ,
CHU BUR GZAGS PAR BYAS NAS NANG RE ZHING, ;SO MA RA DZA DANG NI AA SA NA, ,PRI YANG KU DANG SHU TI CHUR BSKOL BLUD, ,CES BYA BA LA, DE LTAR CHU BUR DE BRTOL TE CHU GZAGS PA'I 'OG TU NYI MA RE RE ZHING NANG BAR GYI DUS SU SO MA RA DZA LA SOGS PA'I SMAN CHUR BSKOL BA BLUD PAR BYA'O, ,RGYA SKYEGS SHING THAL BU RAM PHRAN SBYAR BA'I, ,CHU NI NYAMS STOBS CI YOD PA LA BLUD, ,CES BYA BA LA, YANG NA CHU BUR GZAGS PA'I 'OG TU RGYA SKYEGS KYI SHING PA LA SHA ZHES BYA BA'I THAL BA DANG, ,BU RAM PHRA MO PHA NI RTA ZHES BYA BA SBYAR BA'I CHU NAD PA'I NYA MAS STOBS CI YOD PA LAS ZLA BA PHYED KYI BAR DU NANG RE BLUD PAR BYA'O, ,BAL GU SKYU RU RA'I SHUN DUG MO YUNGS, ,KHU BA SO MA RA DZAR BCAS PA BLUD, ,DRO BAR 'DUG NAS CHU BUR BYUNG BA NA, ,LAN TSVA MED ZAS DAR BAR BCAS PAR SBYIN, ,ZHES BYA BA LA, SO MA RA DZA'I LDE GU SHING BAL GU DANG SKYU RU RA LA SOGS PA'I SHUN PA BSKOL BA'I KHU BA DANG SBYAR TE BLUD NAS SHA BKRA CAN DE NYI TSAN DRO BA LA 'DUG TU BCUG NAS CHU BUR BYUNG BAR GYUR PA DANG, TSVA MED PA'I ZAS DAR BA DANG BCAS PA SBYIN PAR BYA'O, ,BA GCIN TZI TRA KA DANG TSA BA GSUM, ,SBRANG RTZIR SBYAR BA MAR GYI SNOD DU GZHAG ,ZLA PHYED LON NAS SHA BKRA CAN LA BLUD, ,'DI LA MDZE NAD GSO BA'I CHO GA'ANG BYA, ,ZHES BYA BA LA, BA GCIN DANG, TZI TRA KA DANG, TSA BA GSUM SBYAR BA'I NANG DU SBRANG RTZI BTAB LA RDZA MAR BCUG PA'I SNOD KYI NANG DU ZLA BA PHYED KYI BAR DU BZHAG LA, DE'I 'OG TU BLUD PAR BYA ZHING YANG SHA BKRA'I NAD KYIS BTAB PA 'DI LA MDZE'I NAD KYI GSO BA'I CHO GA JI SKAD BSHAD PA BYAS NA YANG PHAN NO, ,YANG NA BRING GA RA DZA LCAGS SNOD BCUG ,TIL MAR NANG DU BRNGOS PA SBYIN BYA ZHING, ,AA SA NA YI SA BON 'O MAR BSKOL, ,DE RJES BLUD NA SHA BKRA 'JOMS PAR BYED, ,CES BYA BA LA, YANG SHA BKRA'I NAD KYIS BTAB PA LA, BRING GA RA DZA LCAGS KYI SNOD KYI NANG DU BCUG STE, TIL MAR GYIS BRNGOS PA BYIN NAS, DE'I RJES LA AA SA NA'I SA BON 'O MAR BSKOL BA BLUD NA SHA BKRA'I NAD 'JOMS PAR BYED DO, ,DONG GA AARKA PU TI KA RANYDZA, ,SNU HA DZ'A TI'I LO MA BA GCIN BTAGS, ,LDE GU BSKUS NA SHA BKRA GZHANG
, ,'BRUM DANG, ,SHU BA G-YAN PA RMA 'GRAMS SEL BAR BYED, ,CES BYA BA LA, DONG GNAS SNU HA DANG DZ'A TI'I BAR GYI LO MA BA GCIN DANG LHAN CIG ZHIB TU BTAGS PA'I LDE GUS BSKUS NA SHA BKRA LA SOGS PA'I NAD SEL BAR BYED DO, ,GLANG CHEN GZIG GI PAGS BSREGS TIL MAR DANG, ,SBYAR BA BSKUS NA SHA BKRA SEL MCHOG YIN, ,ZHES BYA BA LA, GLANG PO CHE'I PAGS PA DANG, GZIG GI BAGS PA ME'I NANG DU BSREGS PA LA TIL MAR DANG BCAS PA'I LDE GUS BSKUS NA YANG SHA BKRA'I NAD SEL BA'I MCHOG DAM PA YIN NO, ,SBUR BA DRI NGAN DONG GA'I 'O MA DANG, SBYAR TE BSKUS PA GCIG PUS SHA BKRA SEL, ,ZHES BYA BA LA, SBUR BA DRI NGA ZHING GNAG BA GANG YIN PA DE DONG GA'I SHING GI 'O MA DANG SBYAR TE SHA BKRA LA BSKUS NA RDZAS KYI SBYOR BA GZHAN DANG MA 'DRES PA GCIG PU DES KYANG SHA BKRA'I NAD SEL BAR BYED DO, ,CHU BUR BSKYED PHYIR GO BYE CHAM CHOM BRDUNGS, ,NUB MO BA GCIN LA SBANGS NYI GRIB BSKOM, ,DE LTAR LAN GSUM BYAS TE ZHIB TU BTAGS, ,SNU HA'I 'O SBYAR BSKUS NA SHA BKRA 'JOMS, ,ZHES BYA BA LA, SHA BKRA LAS CHU BUR BSKYED CING 'BYUNG BAR BYA BA'I PHYIR GO BYE ZHES BYA BA BSE SHING GI 'BRAS BU CHAM CHOM BRDUNGS TE NUB MO BA GCIN GYI NANG DU SBANGS NAS NYIN PAR GRIB MA LA BSKOMS TE TSUL DE LTAR LAN GSUM SBANGS SHING BSKAMS NAS DE'I 'OG TU DE ZHIB PAR BTAGS LA, LDE GUR SBYAR TE, SHING SNU HA ZHES BYA BA SHR'I KHAndA 'BYUNG BA'I 'O MA DANG SBYAR TE BSKUS NA SHA BKRA'I NAD 'JOMS SHING SEL BAR BYED DO, ,SBRUL NAG BSREGS PA LAS BYUNG SNAG TSA NI, ,BA RU RA YI MAR DANG SBYAR TE BSKU, ,ZHES BYA BA LA, SBRUL NAG PO SNOD KHA SBYAR BA'I NANG DU DU BA MA SHOR BAR BSREGS PA'I THAL BA SNAG TSA LTAR GYUR PA DE BA RU RA'I TSI GU BTZIR BA'I KHU BA MAR DANG SBYAR TE BSKUS NA YANG SHA BKRA SEL BAR BYED DO, ,DE BZHIN RMA BYA'I MKHRIS PA BSREGS PA 'AM, ,BA LA KA BSREGS RMA BYA'I MKHRIS BSREGS PHAN, ,ZHES BYA BA LA, RMA BYA'I MKHRIS PA BSREGS PA BSKUS PA 'AM, BA LA KA BSREGS PA'I THAL BA 'AM, RMA BYA'I MKHRIS PA BSREGS TE BSKUS NA YANG SHA BKRA'I NAD LA PHAN NO, ,SO MA RA DZA'I SA BON PHUL GANG DANG, ,
BA BLA BZHI CHA DAG NI BSREGS NAS SU, ,BA YI GCIN DANG SBYAR TE BTAGS BSKUS NA, ,SHA BKRA LPAGS MDOG 'DRA BAR BYED PA'I MCHOG ,CES BYA BA LA, SO MA RA DZA'I SA BON LAS PHUL GANG STE SRANG BZHI, BA BLA DE'I BZHI CHA STE, SRANG GCIG GCIG TU BSRES NAS BA'I GCIN DANG SBYAR TE BSKUS NA YANG SHA BKRA' NAD DE PAGS PA GZHAN DANG MDOG 'DRA BAR BYED PA'I MCHOG YIN NO, ,GLANG CHEN RTUG PA LEGS BSREGS THAL BA NI, ,GLANG CHEN GCIN DANG BSRES TE GZAGS GYUR PA, ,BRE BCU DRUG DANG SO MA RA DZA YI, ,SA BON BCU CHAS BTAB BSKOL SBYIN BAG GYUR, ,MANG DU BDAR BA DE YIS BSKUS NA NI, ,SHA BKRA'I NAD NI RNAM PAR 'JOMS 'GYUR ZHING, ,MDZE'I NAD DAM SME BA NAG PO 'AM, ,SHA LHAG SKYES PA'I RMA NI SBYONG BAR BYED, ,CES BYA BA LA, GLANG PO CHE'I RTUG PA LEGS PAR BSREGS PA'I THAL BA YANG, GLANG PO CHE'I GCIN DANG LHAN CIG TU BSRES PA LAN MANG DU GZAGS PA'I KHU BA BRE BCU DRUG TZAM GYI TSAD LA SO MAR DZA'I SA BON GCIN KHU'I BCU CHA BTAB STE BSKOL LA DE TSOS NAS SPYIN BAG 'BYAR BAG CAN DU GYUR PA DANG, SHA BKRA'I NAD LCI BA SKAM PO LA SOGS PAS MANG DU BA DAR TE, LDE GU DES BSKUS NA SHA BKRA'I NAD 'JOMS PAR 'GYUR LA, DE BZHIN DU MDZE NAD LA SOGS PA'I NAD LA YANG DANG POR BDAR TE DES BSKUS NA SBYONG ZHING SEL BAR BYED DO, ,GO BYE TZI TRA KA DANG SNU HA DANG, ,AARKA'I RTZA BA DANG NI 'OL MA SE, ,DE BZHIN TSA BA GSUM DANG DUNG DANG NI, ,SPANGS MA RU RTAR BCAS DANG LAN TSVA LNGA, ,THAL BA GNYIS DANG LANGGA LI BTAGS PHYE, ,SNU HA AARKA'I 'O MAR BSKOL NAS NI, ,SKA BAR GYUR PA LCAGS KYI NANG DU GZHUG ,DE NI THUR MAS BSKUS NA MDZE NAD DANG, ,SHA BKRA SME BA NAG POR GYUR BA DANG, ,MDZER PA GZHANG 'BRUM PAGS PA'I RMEN BU SEL, ,ZHES BYA BA LA, SHING SNU HA DANG AARGA'I 'O MA'I NANG DU GO BYE LA SOGS PA'I SMAN PHYE MAR BYAS TE BSKOL NAS 'O MA DE SKA BAR GYUR PA DANG DE THUR MAS BLANGS NAS BSKUS NA MDZE NAD LA SOGS PA SEL BAR BYED DO, ,SBYANG BYAS GTAR GA GDAB BA DANG, ,RTZUB CHOS PHYE ZAN ZOS GYUR PAS, ,SDIG PA ZAD PAR GYUR PA YI, ,'GA' ZHIG GIS NI SHA
, ,BKRA 'BYANG, ,ZHES BYA BA LA, SHA BKRA'I NAD SKYES PAR GYUR NAS SKYUG SMAN DANG BKRU SMAN GYIS SBYANG BA BYAS PA DANG, GTAR GA GDAB CING KHRAG DBYUNG BA DANG, RTZUB CHOS KYI RNAM PA KHA BA DANG, PHYE ZAN ZOS PAR GYUR PA LA NI SDIG PA ZAD CING BSOD NAMS DANG LDAN PA'I MI 'GA' ZHIG GIS SHA BKRA 'BYANG BAR 'GYUR GYI THAMS CAD NI MA YIN NO, ,KHONG PA'I SRIN YOD SNUM DUGS BYAS, ,BU RAM 'O MA NYA SOGS KYIS, ,BAD KAN SRIN BU BSLANGS NAS NI, ,NUB MO DE NI BDE BAR GNAS, ,BYE'U RUG SOGS SDE BA GCIN DANG, ,CHU PHYED BCAS PA BSKOL NAS NI, , KHU BA DE'I NANG PI PI LING, ,PO SON CHA DANG BYI DANG GA ,TIL MAR SVARDZI KAshAR RA BCAS, ,MAS GTONG BAS NI GTANG BAR BYA, ,ZHES BYA BA LA, SRIN BU KHONG PA NA YOD PA'I NAD PA LA NI SNUM GYIS SHES PAR BYAS LA, DE'I 'OG TU DUGS BYAS NAS BU RAM DANG 'O MA DANG NYA'I SHA LA SOGS PAS BAD KAN DANG SRIN BU BSLANGS SHING GNAS LA BKOD LA NUB MO DE BDE BAR GNAS SHING GNYID LOG LA, NANG PAR BYE'U RUG PA LA SOGS PA'I SDE TSAN BA GCIN DANG CHU BA GCIN PHYED BLUGS PA'I NANG DU BSKOL LA, KHU BA'I NANG DU PI PI LING LA SOGS PA'I LDE GU BTAB LA TIL MAR DANG SVARDZI KA KAshAR DANG BCAS PA'I MAS GTONG BA'I BKRU SMAN GTANG BAR BYA'O, ,DE NYID DE LA DE NYID DAM, ,DUR BYID LDE GU PO SON CHA, ,PI PI LING NI KHU BAR BSRES, ,BKRU SMAN DE LA BLUD PAR BYA, ,ZHES BYA BA LA, DE'I 'OG TU NYIN ZHAG DE NYID LA, LTO NA SRIN BU YOD PA'I NAD PA DE LA NI RU HA MAS GTONG PA DE NYID BLUD PAR BYA BA 'AM, DUR BYID DANG LDE GU PO SON CHA DANG PI PI LING BSKOL BA'I KHU BA DANG BSRES PA'I BKRU SMAN BLUD PAR BYA'O, ,DE LTAR STENG 'OG SBYANG BYAS NAS, ,TSA BA LNGAR LDAN THUG SOGS BLUD, ,TSA DANG KHA DANG BSKA BA YI, ,SMAN BSKOL CHU NI BLUD PAR BYA, ,ZHES BYA BA LA, DE LTAR STENG DANG 'OG NAS SBYANG BAR BYAS PA'I RJES LA, NAD PA DE LA TSA BA LNGA DANG LDAN PA'I THUG PA LA SOGS PA'I RIM PA BLUD PAR BYA'O, ,DE BZHIN DU SMAN TSA BA DANG, KHA BA DANG BSKA BA DANG LDAN PA'I SMAN CHU BSKOL BA BLUD PAR BYA'O, ,DUS SU BYI DANG GA'I TIL MAR, ,'JAM RTZI DE LA GTANG BAR BYA, ,ZHES BYA BA LA, BKRU SMAN DANG SKYUG SMAN BTANG BA'I
RJES LA, SRIN BU YOD PA'I NAD PA DE LA 'JAM RTZI GTANG BAR 'OS PA'I DUS SU BYI DANG GA'I TIL MAR GYI 'JAM RTZI MAS GTONG BAR BYA'O, ,MGO YI SRIN BUR MGO NAD NI, ,GSO BAR BYA BA'I RIM PA BYA, ,TSA DANG KHA BA SHAS CHE ZHING, ,SNUM NYUNG KHA ZAS SBYIN PAR BYA, ,ZHES BYA BA LA, MGO BO LA BRTEN ZHING GNAS PA'I SRIN BU YOD PA LA NI MGO BO'I NAD GSO BA LAS BSHAD PA'I SMAN GYIS GSO BA'I RIM PA BYA ZHING KHA ZAS TSA BA DANG KHA BA'I SHAS CHE ZHING DE LTA BU LAS GZHI BLANGS PA SBYIN ZHING SNUM CHUNG BA'I KHA ZAS SBYIN PAR BYA'O, ,BYI DANG GA DANG PI PI LING, ,PI PI LING RTZA NA LE SHAM, ,NA LE SHAM NI DKAR PO DANG, ,SVARDZI KA NI THAL BAR BCAS, ,NAS THUG DAR BA BTZOS PA BLUD, ,CES BYA BA LA, BYI DANG GA LA SOGS PA'I SMAN DANG BCAS PA'I NAS THUG DAR BAR BTZOS PA BLUD PAR BYA'O, ,GI RI KAR NI SHI SHA KA ,PA RI PA TRA KE DU KA ,PA LA SHA'I 'BRAS BA TU RA, ,SU TI KA NI SO SOR BSKOL, ,KHU BA SBRANG RTZI BCAS PA 'AM, ,ZHES BYA BA LA, GI RI KAR NI LA SOGS PA'I SMAN SNA GANG YANG RUNG BA SO SOR BSKOL BA'I KHU BA DANG, BYI'U RUG PA DANG SBRANG RTZIR SBYAR BA BLUD PAR BYA'O, ,BYE'U RUG PA SOGS SBRANG RTZIR SBYAR, ,ZHES BYA BA LA, YANG NA BYE'U RUG PA LA SOGS PA STE, BYE'U RUG PA GNYIS DANG PHA NI TA ZHES BYA BA LA SOGS PA'I SMAN SNA RE RE SBRANG RTZI DANG SBYAR BA'I LDE GU SBYIN PAR BYA'O, ,RTA SBANGS PHYE MA BYI DANG GA, BSKOL BA'I NAD SBANGS MANG DU BZA', ,SBRANG RTZIR BCAS PA'I LDE GU 'AM, ,'BRAS BU GSUM KHUR SBANGS PA SBYIN, ,MGO BO'I SRIN BU'I NAD LA NI, ,DE YI PHYE MA BUD PAR BYA, ,ZHES BYA BA LA, YANG NA RTA SBANGS KYI PHYE MA BYI DANG GA DANG BSKOL BA'I NANG DU SBYANGS SHING BSRES PA LAN MANG DU BZA' BA 'AM, YANG RTA SBANGS KYI PHYE MA SBRANG RTZI DANG BCAS PA'I LDE GU 'AM, 'BRAS KYI KHU BA DANG SBYAR BA SBYIN PAR BYA STE, YANG NA MGO BO NA SRIN BU YOD PA'I NAD PA LA NI RTA SBANGS KYI PHYE MA SNA'I SGO NAS BUS LA BTANG NA YANG PHAN NO, ,MU SHA KARnA'I 'DAB MA NI, ,ZHIB TU BTAGS PA 'BRAS PHYER BCAS, ,BTZOS PA'I KHU BA SBYIN PAR BYA, ,DE YI RJES LA RANG SKYUR RAM, ,DAR BSLA BA TSA BA LNGA, ,LAN TSVAR BCAS PA
, ,BLUD PAR BYA, ,ZHES BYA BA LA, MU SHA KARnA ZHES BYA BA AA KHU KARnA'I 'DAB MA BYI BA'I RNA BA 'DRA BA ZHIB TU BTAGS LA, 'BRAS S'A LU'I PHYE MA DANG SBYAR TE 'DAB MA LA BTZOS PA'I SKYA KHUR BYIN NA DE'I 'OG TU 'BRAS KYI KHU LE'I RANG SKYUR KAN DZI ZHES BYA BA LA, TSA BA LNGA DANG LAN TSVAR BCAS PA BLUD PA 'AM, DAR BA SLA BA TSA BA LNGA DANG BCAS PA BLUD PAR BYA'O, ,NIM PA AA PA MARGA DANG, ,NI RGUN THI LO'ANG DE BZHIN BYA, ,ZHES BYA BA LA, NIM PA DANG AA PA MARGA DANG, NI RGUN THI'I LO MA LA YANG MU SHA KARnA'I SKABS SU BSHAD PA'I CHO GA DE BZHIN DU BYAS PA'I KHU BA SBYIN PAR BYA'O ZHES SBYAR RO, ,BYI DANG GA YI PHYE MA DANG, ,BSRES PA'I 'BRAS PHYE'I KHUR BA SBYIN, ,GO BYE'I MAR NI RNYING PA LA, ,BYI DANG GA YI SHUN PA BSAL, ,CHA PHYED BCUG STE NYI MAR GZHAG ,BTUNG DANG 'JAM RTZIR SBYAR BAR BYA, ,THANG SHING SHRI BEshtA YI SNUM, ,SO SOR DE BZHIN SBYAR BAR BYA, ,ZHES BYA BA LA, YANG NA BYI DANG GA'I PHYE MA DANG BSRES PA'I 'BRAS KYI PHYE'I KHU BA SBYIN PAR BYA BA'AM, GO BYE BTZIR BA'I MAR GYI NANG DU BYI DANG GA SHUN PA DRUS PA MAR DE'I CHA PHYED BCUG LA NYI MA LA BZHAG STE BTUNG BA DANG 'JAM RTZIR SBYAR NA YANG SRIN BU'I NAD SEL TO, , THANG SHING DANG SHRI BEshtA ZHES BYA BA SAR LA'I SHING GI SNUM KHU SO SOR SNGA MA BZHIN DU BYI DANG GA SNUN PA CHA PHYED BCUG STE, BTUNG BA DANG 'JAM RTZIR SBYAR NA YANG PHAN NO, ,BSHANG BAR SKYES LA LHAG PAR YANG, ,BKRU SMAN DANG NI 'JAM RTZI GTANG, ,ZHES BYA BA LA, BSHANG BA LAS SKYES PA'I SRIN BU LA KHYAD PAR DU YANG SRIN BU 'JOMS PAR BYED PA'I SMAN DANG SBYAR TE, BKRU SMAN DANG 'JAM RTZI GTANG BAR BYA'O, ,BAD KAN LAS GYUR MGO BO'I NAD, ,BKRU SMAN SLON DANG ZHI SMAN GTANG, ,ZHES BYA BA LA, BAD KAN LAS GYUR PA'I SRIN BU LA NI MGO BO'I BKRU SMAN DANG SLON SMAN ZHI BA'I SMAN BTANG BAS BSAL BAR BYA'O, ,KHRAG LAS GYUR PA'I SRIN BU LA, ,GSO BA MDZE YI TSUL DU BYA, ,ZHES BYA BA LA, KHRAG LAS GYUR PA'I SRIN BU LA NI MDZE NAD GSO BA'I CHO GA JI SKAD SMOS PA BZHIN DU BYA'O, ,SPU 'BYI BYED LA GSO BA NI, ,AINDRA LUB TA'I CHO GA BYA, ,
ZHES BYA BA LA, KHRAG LAS GYUR PA'I SRIN BU SPU ZA ZHING 'BYIN PAR BYED PA LA NI, DE'I GSO BA AINDRA LUB TA ZHES BYA BA'I NAD GSO BA'I CHO GA RGYUD PHYI MA LAS MGO NA BA'I SKABS SU BSHAD PA GANG DAG YIN PA DE BYA'O, ,'O MA SHA DANG MAR DANG BU RAM DANG, ,ZHO DANG 'DAB MA CAN GYI TSOD MA DANG, ,MDOR [?] NA MNGAR DANG SKYUR BA'I KHU BA RNAMS, ,SRIN BU GZHOM PAR 'DOD PAS YONGS SU SPANG, ,ZHES BYA BA LA, MI'I SRIN BU'I NAD GZHOM ZHING BSAL BAR 'DOD PAS 'O MA LA SOGS PA SPANG BAR BYA BA'AM, DE BZHIN DU 'DAB MA CAN GYI TSOD MA STE RGYA SNE'U DANG, LCAM PA LA SOGS PA'I TSOD MA SPANG BA DANG, MDOR BSDU NA MNGAR BA DANG SKYUR BA'I BAG THAMS CAD YONGS SU SPANG ZHING DOR BAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS GSO BA'I GNAS LE'U NYI SHU PA'I RNAM PAR 'GREL PA'O,, ,,DE NAS RLUNG NAD GSO BA BSHAD PAR BYA'O, ,ZHES BYA BA LA, GO RIMS 'DI NYID LA BAB PAS 'DI'I GSO BA BSTAN PA'I PHYIR BRTZAMS PA YIN NO, ,MA 'DRES RLUNG LAS DANG POR NI, ,MAR DANG RKANG DANG TSIL DANG NI, ,TIL MAR BLUD CING SNUM GYI NI, ,SBYOR BAS LEGS PAR GSO BAR BYA, ,ZHES BYA BA LA, RLUNG GI NAD MA 'DRES PA DES, BAD KAN DANG MKHRIS PA'I NAD MED PA LA NI DANG POR MAR LA SOGS PA'I SNUM BLUD CING BSKU BA DANG DUGS LA SOGS PA SNUM GYI SBYOR BAS GSO BAR BYA'O, ,DE NAS SNUM ZHEN NGAL BSOS STE, ,'O MAS SLAR YANG SNUM CHOS BYA, ,RLAN CAN GRONG DANG CHU LA GNAS, ,SHA KHU SNUM DANG LDAN PA GTANG, ,'O THUG KRI SAR SKYUR DANG BCAS, ,LAN TSVAR LDAN BLUD 'JAM RTZI GTANG, ,SNA SMAN SKYO BYAS KHA ZAS NI, ,SNUM BYAS BYIN ZHING DUGS BYAS LA, ,LEGS BSKUS SNUM DANG LDAN PA LA, ,GSEG MA LA SOGS DUGS BYA'O, ,ZHES BYA BA LA, DE NAS DE'I 'OG TU RLUNG NAD KYIS ZHEN PA'I NAD PA LA SNUM GYI CHO GA BYAS PAS DUB PAR GYUR PA DE LA, GSO ZHING DUB BRTAS TE 'O MA BLUD CING SNUM GYI CHO GA BYA BA'AM, RLAN CAN GYI SROG CHAGS LA SOGS PA'I
, ,SHA KHU GANG YANG RUNG BA BLUD CING 'O THUG DANG KRI SA RA'I THUG PA SKYUR DANG LAN TSVA DANG LDAN PA BLUD PA 'AM, 'JAM RTZI MAS GTONG BA DANG, SNA NAS SMAN GYI SBYOR BA BTANG BA DANG, SKYO MA LA SOGS PA'I SMAN KHA ZAS SNUM CAN BYIN LA BRTA BAR BYAS LA, DE'I 'OG TU LEGS PAR SNUM GYIS ZHEN PA DANG GSEG MA LA SOGS PA'I DUGS KYI LE'U LAS BSHAD PA RNAMS SNUM DANG LDAN PAS DUGS BYA'O, ,SNUM GYIS ZHEN BYAS DUGS BYAS PAS, ,G-YO ZHING RENGS DANG GZER BCAS PAS, ,ZHES BYA BA LA, SNUM GYIS LEGS PAR ZHEN PAR BYAS PA DANG, DUGS LEGS PAR BYAS PA NI LUS RLUNG NAD KYIS G-YO ZHING SGUL BA LTAR RENGS PA DANG, GZER DANG BCAS PA LHANG LHANG POR NA BA DAG KYANG JI LTAR 'DOD PA BZHIN DU 'GUGS SHING LUS SDUD PAR BDE BLAG KHO NAR NUS PAR 'GYUR RO, ,JI LTAR 'DOD BZHIN 'GUGS PA NI, ,BDE BLAG NYID DU NUS PAR 'GYUR, ,JI LTAR SHING SKAM DAG KYANG NI, ,SNUM BSKUS BSROS PAR GYUR NA NI, ,LAS SU BYA BAR RUNG GYUR NA, ,SROG BCAS LUS NI SMOS CI DGOS, ,ZHES BYA BA LA, DE YANG DPER NA, SHING SKAM PAR GYUR PA DAG KYANG SNUM GYIS BSKUS SHING ME LA BSROS PAR GYUR NA DGUG PA LA SOGS PA LAS SU BYA BA JI LTAR 'DOD PA LTAR BYAR RUNG BA YIN NA, 'TSO BA'I DANG PO SROG DANG BCAS PA'I LUS LA SNUM DANG DUGS KYIS BDE BLAG TU MNOS PA LTA SMOS KYANG CI DGOS TE NGES PAR NUS SO ZHES BYA BA'I DON TO, ,SPU BRTZE GZER NA SNYOM PA DANG, ,LUS SKEM RENGS PA'I NAD LA SOGS, ,DUGS BYAS MYUR DU ZHI 'GYUR ZHING, ,MNYEN PA NYID DU 'ANG 'GYUR BA YIN, ,ZHES BYA BA LA, SNUM DANG DUGS BYAS PA'I RLUNG NAD CAN GYI BA SPU BRTZE BA LA SOGS PA'I NAD MYUR DU ZHI BAR 'GYUR BA DANG, MNYEN ZHING 'JAM PA NYID DU YANG 'GYUR BA YIN NO, ,SNUM BTANG BAS NI LUS ZUNGS RNAMS, ,BSKAMS PA MYUR DU RGYAS PAR BYED, ,NYAMS STOBS ME DROD 'PHEL 'GYUR ZHING, ,DE YI SROG KYANG RING NAS BYED, ,CES BYA BA LA, RLUNG GI NAD KYIS NYAM THAG PA DE LA SNUM GYI SBYOR BA BTANG BAS, DANGS MA LA SOGS PA'I LUS ZUNGS BSKAMS PA RGYAS SHING 'PHEL
BA LA SOGS PA'I YON TAN SKYED PAR BYED PA YIN NO, ,LAN MANG SNUM DANG DUGS KYI NI, ,CHO GA LEGS PAR SBYAR BAR BYA, ,DE LTAR SNUM GYIS MNYEN BYAS LTOR, ,RLUNG GI NAD NI GNAS MI 'GYUR, ,ZHES BYA BA LA, YANG RLUNG NAD CAN DE LA YANG DANG YANG DU SNUM GYI SBYOR BA LA SOGS PA BYAS NA RLUNG NAD DE NGES PA SEL BAR 'GYUR BA YIN NO, ,GAL TE NAD GZHAN BCOS PA'I PHYIR, ,LAS 'DIS ZHI BAR MA GYUR NA, ,'JAM ZHING SNUM DANG LDAN PA YI, ,SNUM GYIS DE NI SBYANG BAR BYA, ,ZHES BYA BA LA, GAL TE BSHAD MA THAG PA'I SBYOR BA 'DIS RLUNG NAD BAD KAN LA SOGS PA'I NAD GZHI GZHAN DANG 'DRES PA'I PHYIR BYANG BAR MA GYUR NA SNUM CAN GYI SKYUG SMAN NAM BKRU SMAN GYIS CI RIGS PAR SBYANG BAR BYA'O, ,ZHUN MAR SENG PHROM BTZOS PA 'AM, ,SABTA LA DANG BSKOL BA 'AM, ,'O MA AE RAndA YI MAR, ,BSKOL BA NAD SEL DGE BA BLUD, ,CES BYA BA LA, SBYANG BA DE YANG SENG PHROM GYI MAR LA SOGS PA GSUM LAS GANG YANG RUNG BA BLUD PAR BYA'O, ,SNUM SKYUR DROD DANG LAN TSVA SOGS, ,ZAS KYIS DRI MA SOGS GYUR NAS, ,BU GA 'GAGS TE RLUNG 'GAGS PAS, ,DE PHYIR DE NI BDE RGYU BYA, ,ZHES BYA BA LA, SNUM SEL BA'I ZAS SNUM PA DANG SKYUR BA LA SOGS PAS BSHANG BA ZHES BYA BA'I DRI MA SOGS SHING 'PHEL BAR GYUR PAS RLUNG RGYU BA'I BU GA 'GAGS PAR BYED PA YIN PAS DE'I PHYIR DE BKRU SMAN GYIS SBYANGS LA BDE BAR RGYU BAR BYA'O, ,NYAM CHUNG BKRU SMAN BYAR 'OS PAS, ,DE LA DROD SKYED SMIN BYED PA'O, ,KHA ZAS SMIN PA'ANG DE BCAS PA'I, ,MAS GTONG BKRU SMAN SBYAR BAR BYA, ,ZHES BYA BA LA, RLUNG NAD CAN GANG ZHIG LUS KYI NYAM STOBS CHUNG BAR GYUR KYANG BKRU SMAN GTONG BAR 'OS PA YIN NA DE LA DROD SKYED CING SMIN PAR BYED PA'I SMAN DANG, KHA ZAS SBYIN PAR BYA BA 'AM, DROD SKYED PA DANG SMIN PAR BYED PA DANG BCAS PA'I MAS GTONG BA'I NI RU HA GTANG BAR BYA 'O, ,SBYANGS SHING ME DROD BSKYED GYUR NAS, ,SLAR YANG SNUM DANG DUGS BYAS PHAN, ,ZHES BYA BA LA, DE LTAR SBYANG BA BYAS NA ME DROD KYANG LEGS PAR SKYED PAR GYUR PA DANG DE'I 'OG TU SLAR YANG SNUM DANG DUGS KYI CHO GA BYAS NA RLUNG NAD BDE BAR 'BYANG BAR 'GYUR RO, ,MA ZHU'I
, ,GNAS SU ZHUGS PA'I RLUNG, ,SLON BYAS ZAS RIM BYIN NAS NI, ,BA RA nA SOGS DRUG PA 'AM, ,SHU DAG SOGS CHU DRO SBYAR BLUD, ,CES BYA BA LA, MA ZHU BA'I GNAS PHO BA YAN CHAD DU ZHUGS PA'I RLUNG DANG POR SKYUG SMAN GYIS SLON BYAS LA THUG PA LA SOGS PA'I KHA ZAS KYI RIM PA TSUL BZHIN DU BYIN PA'I 'OG TU BA RA nA LA SOGS PA'I SMAN GYI SBYOR BA DRUG GI PHYE MA BA RA nA DRUG PA MDZE NAD KYI SKABS NAS BSHAD PA 'AM, SHU DAG LA SOGS PA SKYUG SMAN GYI SDE TSAN GYI SKABS SU BSHAD PA CHU DRON DANG SBYAR TE BLUD PAR BYA'O, ,ME DROD BSKYED NAS DE 'OG TU, ,RLUNG CAN GCIG PU'I GSO BA BYA, ,ZHES BYA BA LA, THUG PA'I RIM PA LA SOGS PA'I SBYOR BAS KHONG PA'I ME DROD BSKYED CING SBAR NAS DE YI 'OG TU RLUNG NAD MA 'DRES PA DANG LDAN PA LA RLUNG NAD GCIG PU'I GSO BA JI SKAD SMOS PA BYA'O, ,LTE BA'I PHYOGS ZHUGS BIL BA NI, ,GZHON DANG NYA SHAS G-YOS BYAS SBYIN, ,ZHES BYA BA LA, RLUNG GI NAD LTE BA'I PHYOGS SU ZHUGS SHING BRTEN PA LA NI BIL BA'I 'BRAS BU MA SMIN PA GZHON NU DANG, NYA'I SHA BTZOS PA SBYIN PAR BYA'O, ,LTE BA'I 'OG ZHU 'JAM RTZI DANG, ,ZAS KYI SNGON DU SNUM BTANG PHAN, ,ZHES BYA BA LA, LTE BA'I 'OG ZHU BA'I GNAS SU BRTEN PA'I RLUNG LA NI SNUM GYI 'JAM RTZI MAS GTONG BA DANG, DE BZHIN DU KHA ZAS MA ZOS PA'I SNGON DU MAR RAM, TIL MAR SBYIN NA PHAN NO, ,KHONG PAR ZHUGS LA THAL SMAN SOGS, ,PHYE MA DROD BSKYED SMAN BYIN PHAN, ,ZHES BYA BA LA, RLUNG LTO BA'I NANG DU ZHUGS PA LA NI THAL SMAN RNON PO LA SOGS PA DANG SBYAR BA'I SMAN GYI PHYE MA PHAN NO, ,SNYING GNAS SA LA PARnI DAG ,'O MA DANG NI BSKOL BA PHAN, ,ZHES BYA BA LA, SNYING LA GNAS PA'I RLUNG LA NI SA LA PARnI ZHES BYA BA SMAN STHI RA DANG BSKOL BA'I 'O MA SBYIN NA YANG PHAN NO, ,MGO BOR GNAS LA MGO SNUM BSKU, ,SNA SMAN DUD BRNGUB SNUM CAN DANG, ,RNA BA SOGS LA BRTA BYAS PHAN, ,ZHES BYA BA LA, MGO BO LA BRTEN PA'I NAD LA NI, MGO BO SNUM GYIS BSKU BA'I SBYOR BAS GSO BA DANG, SNA NAS SMAN SNUM CAN BTANG BA DANG, DUD PA SNUM CAN BRNGUB PAR BYA
BA DANG, RNA BA DANG MIG LA SOGS PA LA YANG BRTA ZHING SNUM GYIS DGANG BA DAG KYANG BYAS NA PHAN NO, ,PAGS PAR GNAS LA BSKU BYUG DUGS, ,RLUNG MED GNAS SU GNAS PA DANG, ,KHA ZAS YIG 'BYED PA PHAN, ,ZHES BYA BA LA, PAGS PA LA BRTEN PA'I NAD LA NI SNUM GYIS BSKUS PA DANG, DUGS BYA BA DANG, RLUNG MED CING SER BUS MI 'PHOG PA'I GNAS KHANG PA LA SOGS PAR GNAS PA DANG, KHA ZAS ZHIM ZHING BSOD PA PHAN NO, ,KHRAG GNAS BSIL SMAN BSKU BA DANG, ,BKRU SMAN KHRAG NI DBYUNG BA PHAN, ,ZHES BYA BA LA, KHRAG LA GNAS PA'I RLUNG LA NI TZANDAN LA SOGS PA'I SMAN BSIL BAS BSKU BA DANG, BKRU SMAN BYA ZHING SBYANG BA DANG, GTAR GA GDAB CING KHRAG DBYUNG BA PHAN NO, ,SHA TSIL BRTEN LA BKRU SMAN DANG, ,MAS GTONG DRAG DANG ZHI BYA'I SMAN, ,ZHES BYA BA LA, SHA DANG TSIL LA GNAS PA'I RLUNG LA NI, BKRU SMAN DANG MAS GTONG BA'I BKRU SMAN NI RU HAS SBYANG BA BYAS PA DANG, PHYI DANG NANG NAS ZHI BAR BYA BA'I SMAN BSTEN PA DAG PHAN NO, ,RUS PA RKANG LA GNAS PA LA, ,PHYI DANG NANG NAS SNUM GYIS GSO, ,ZHES BYA BA LA, RUS PA DANG RKANG LAG LA GNAS PA'I RLUNG LA NI PHYI DANG NANG NAS SNUM GYI SBYOR BA BYA BAS BSAL BAR BYA'O, ,KHU CHUR GNAS LA SEMS DGA' DANG, ,KHA ZAS STOBS SKYED RO TZA PHAN, ,ZHES BYA BA LA, KHU CHU LA GNAS PA'I RLUNG LA NI, SEMS DGA' BAR BYA BA DANG, LUS KYI STOBS SKYED CING RO TZA LA KHU BA 'PHEL BAR BYED PA'I KHA ZAS SBYIN PAR BYA'O, ,KHU BA RGYU BA 'GAGS GYUR NA, , BKRU SMAN BTANG BAS GSO BAR BYA, ,ZHES BYA BA LA, KHU BA RGYU BA 'GAGS SHING RGYU MI SHES PAR GYUR NA, BKRU SMAN GYI SBYANG BAS GSO BAR BYA'O, ,'KHRUS SHING ZAS RIM BSTEN GYUR NAS, ,SNGAR BSHAD PA YI GSO BA BYA, ,ZHES BYA BA LA, DANG POR BKRU SMAN GYIS 'KHRUS PAR GYUR CING DE YI 'OG TU THUG PA LA SOGS PA'I ZAS KYI RIM PA BSTEN PAR GYUR NAS SNGAR BSHAD MA THAG PA'I SBYOR BAS GSO BAR BYA'O, ,RLUNG LAS MNGAL CHAGS BSKAMS GYUR DANG, ,BYIS PA SKEMS PAR GYUR PA LA, ,KHA RA TANG PAL SHING MNGAR RNAMS, ,'O MAR SBYAR BSKOL BLUD PA PHAN, ,ZHES
, ,BYA BA LA, RLUNG NAD KYI SHAS CHE BA'I KHU BA LAS MNGAL DU SEMS CAN CHAGS PAR GYUR NAS DE'I LUS BSKAMS PAR GYUR PA DANG, DE BZHIN DU BTZAS NAS BYIS PA'I LUS DE SKAM POR GYUR PA LA NI KHA RA DKAR PO DANG TANG PA LA DANG SHING MNGAR 'O MA'I NANG DU BSKOL BA BLUD LA BRTA ZHING SHA SKYED PA PHAN NO, ,RGYUS PA TSIL DANG RTZAR ZHUGS LA, ,SNUM TSA DKRI BA'I DUGS BYAS PHAN, ,ZHES BYA BA LA, RGYUS PA LA SOGS PAR ZHUGS PA'I RLUNG LA NI SNUM TSA BA DANG DKRI BA'I DUGS JI SKAD BSHAD PA BYAS NA PHAN NO, ,YAN LAG 'KHUMS LA MA SHA DANG, ,RGYAM TSA TIL MAR BSKOL BAS BSKU, ,ZHES BYA BA LA, YAN LAG GI GZUGS 'KHUMS SHING 'JAS PA LA NI MA SHA ZHES BYA BA MON SRAN GRE'U DANG RGYAM TSA DANG BSKOL BA'I TIL MAR BSKUS NA PHAN NO, ,KHRAG GZAGS DRAGS LA YAN LAG NI, ,TSOR BA MED LA KHYIM DUD PA, ,RGYAM TSA TIL MAR SBYAR BA BSKU, ,DKRI BA'I DUGS NI SBYAR BAR BYA, ,ZHES BYA BA LA, KHRAG GZAGS SHING PHYUNG DRAGS PA LAS YAN LAG TSOR BA MED CING BEM BEM POR GYUR PA LA NI KHYIM GYI DUD PA DANG, RGYAM TSA DANG TIL MAR BTAGS PA'I LDE GUS BSKUS NA PHAN NO, ,DE BZHIN DU DKRI BA'I DUGS BYAS NA YANG PHAN NO, ,GZHAN DBANG CAN GYIS GZIR GYUR CING, ,MIG 'GYUR MI SHES 'DAR BA MED, ,PHO MTSAN MI LDANG RDUL MI 'BYUNG, ,PHYI ROL RTZOL BA MED GYUR PA, ,KHRI YI BCINGS PAS MA NEN PA, ,DE LA MYUR DU GSO DPYAD BYA, ,ZHES BYA BA LA, GZHAN DBANG CAN ZHES BYA BA'I RLUNG GI NAD YOD DE, ,DES GZIR BAR GYUR CING MIG GI 'BRAS BU 'GYUR MI SHES PA DANG, 'DAR ZHING G-YO BA MED PA DANG, PHO MTSAN LDANG ZHING LAS SU MI RUNG BA DANG, RDUL 'BYUNG MI SHES PA DANG, PHYI ROL GYI RTZOL BA 'GYUR LDOG MED PA DANG, KHRI'I BCINGS PAS BSDAMS NAS MNON BDE LTA BU DE LA NI GSO DPYAD SHIN TU GSAR TE BYA'O, ,DER NI THOG MAR SNUM ZHEN BYA, ,DUGS BYAS SNA SMAN RNON POS NI, ,BU GA SBYANG PHYIR BTANG BA DANG, ,BI DA RA YI SDE BSKOL DANG, ,ZHO DANG 'O MA SHA KHU DANG, ,MAR BSKOL BA YI DANGS MA BLUD, ,CES BYA BA LA, GZHAN
DBANG CAN GYI NAD KYIS BTAB PA DE DE LA THOG MA KHO NA RA SNUM GYIS LEGS PAR ZHEN PAR BYA BA DANG, DUGS KYIS BRLAN PAR BYAS NAS SNA SMAN RNON PO BTANG ZHING SPYI BO BKRU SMAN GYIS SBYANG BAR BYA ZHING, TSA BA GSUM DANG, BYI DANG GA DANG, PI PI LING DKAR PO LA SOGS PA BTANG ZHING BU GA'I RGYUN DAG PAR BYA'O, ,DE LTAR SNA SMAN BTANG NAS DE LA BI DA RI LA SOGS PA'I SDE TSAN BSKOL BA DANG, ZHO DANG 'O MA DANG SHA KHU DANG 'O MA CHA MNYAM BSKOL BA'I MAR GYI DANGS MA BLUD PAR BYA'O, ,DES NI RLUNG NAD TSABS CHE BA 'AM, ,'PHRAL DU KHYAB PAR MI 'GYUR RO, ,ZHES BYA BA LA, DE LTAR BYAS PAR GYUR NA RLUNG NAD TSABS PO CHES 'DEBS PAR MI 'GYUR BA 'AM, 'PHRAL DU LUS LA KHYAB CING 'BYER BAR MI 'GYUR RO, ,RGYA SRAN NAG DANG RGYA SHUG SOGS, ,THANG SHING LA SOGS SDE TSAN NI, ,RLAN CAN SHA NI BSKOL BA DANG, ,SKYUR DANG 'O MA DAG DANG NI, ,MNGAR BA'I SDE TSAN BTAB PA YI, ,SNUM CHEN DAG NI BSKOL BA YIS, ,BLUGS DANG BSKU DANG LUS SBYIN DANG, ,BTUNG DANG SNA SMAN 'JAM RTZI BYA, ,SNUM DANG DUGS NI LEGS SBYAR BA, ,DE DANG DES NI RLUNG NAD 'JOMS, ,ZHES BYA BA LA, RGYA SRAN KU LAD THA LA SOGS PA DANG DE BZHIN DU THANG SHING LA SOGS PA'I SDE TSAN SKYUG SMAN LA SOGS PA'I SDE TSAN LAS BSHAD PA'I RLUNG 'JOMS PA'I SMAN SDE DANG, RLAN CAN NA GNAS PA'I SROG CHAGS KYI SHA KHU BSKOL BA'I CHO GAS BSKOL BA'I KHU BA DANG, DE BZHIN DU RANG SKYUR LA SOGS PA'I SKYUR DANG, SNUM CHEN PO MAR DANG, TIL MAR DANG, RKANG DANG, TSIL ZHES BYA BA DANG, 'O MA DANG MNGAR BA'I SDE TSAN GYI SMAN BSKOL BA BYAS LA, DE LTA BU'I SNUM CHEN PO DES NI LUS LA BLUGS PA LA SOGS PA BYAS NA RLUNG 'JOMS PAR BYED LA, DE BZHIN DU SNUM DANG DUGS KYI LE'U LAS BSHAD PA'I SBYOR BA DE DANG DE DAG LEGS PAR SBYAR ZHING BTANG NA DES RLUNG NAD 'JOMS PAR BYED DO, ,NAD SHUGS PAR MA DAG LA NI, ,BAD KAN SEL ZHING RNO BA YI, ,SPYI YI BKRU SMAN LAN MANG GTANG, ,BUD CING BTANG BAR BYAS PA YIS, ,DBUGS RGYU'I GNAS NI DAG GYUR NA, ,DES NI DRAN PA RNYED PAR 'GYUR, ,ZHES BYA BA LA, GZHAN DBANG CAN GYI RLUNG NAD KYIS BTAB PA'I SHUGS DANG PO LAS,
, ,GZHAN PA'I SHUGS BAR MA'I GNAS SKABS SU SPYI'I BKRU SMAN BAD KAN SEL ZHING 'JOMS PAR BYED PA'I MGO BO'I BKRU SMAN YANG DANG YANG DU GTANG BAR BYA BA DANG, SNA SMAN GYI PHYE MA BUD CING GTANG BAR BYA BA DANG, DE LTAR BYAS PAS DBUGS RGYU BA'I BU GA'I GNAS DAG PAR GYUR NAS SKYES BU DE DRAN PA RNYED PAR 'GYUR RO, ,KHA RU TSA DANG AA RU RA, ,TSA BA GSUM BSKOL RLUNG CHEN SEL, ,ZHES BYA BA LA, RLUNG GI SHAS CHE BAR GYUR PA LA NI KHA RU TSA LA SOGS PA BSKOL BA'I MAR BLUD NA PHAN NO, ,SENG PHROM SRANG BRGYAD 'BRAS BU GSUM, ,BRE GANG RTZA BA CHEN PO LNGA, , AE RAndA DANG BRI HA TI, ,DUR BYID SRANG RE CHU BRE NI, ,BCU DRUG NANG DU BSKOL NAS NI, ,BZHI CHA LUS PA DE DANG NI, ,MAR BRE GANG DANG ZHO BRE BZHI, ,NAS TSIG 'KHUS THAL SRANG GSUM BSKOL, ,DE BSTEN RLUNG NAD MA RUNGS PA, ,YAN LAG PHYOGS GCIG KUN LA ZHUGS, ,MNGAL GYI NAD DANG RGYU RLUGS DANG, ,SKRAN DANG DMU RDZING 'JOMS PAR BYED, ,CES BYA BA LA, SENG PHROM ZHES BYA BA RO HA SRANG BRGYAD, 'BRAS BU GSUM BRE GANG, RTZA BA LNGA CHEN PO SNA RE ZHING SRANG RE RE, AE RAndA DANG, BRI HA TI DANG, DUR BYID KYANG SRANG RE RE CHU BRE BCU DRUG GI NANG DU BSKOL LA SMAN GYI KHU BA BZHI CHA LUS PA DANG, MAR BRE GANG DANG, ZHO BRE BZHI NAS TSIG 'KHUS PA'I THAL BA SRANG GSUM GYI LDE GU DANG YANG BSKOL LA SMAN MAR DE BSTEN ZHING GOMS PAR BYAS NA RLUNG NAD SHIN TU MA RUNGS SHING GSO DKA' BA LUS KYI PHYOGS GCIG GAM, YAN LAG KUN LA ZHUGS PA'I NAD LA SOGS PA 'JOMS PAR BYED DO, ,RAM NYE BA DANG AA SHO KA ,CHO GA SENG PHRAM LTA BUR BYA, ,ZHES BYA BA LA, RAM NYE BA DANG, AA SHO KA ,CHO GA YANG SENG PHROM DANG 'DRA BAR SHES BAR BYA STE, JI LTAR SENG PHROM LAS SRANG BRGYAD BCUG STE, 'BRAS BU GSUM LA SOGS PA'I TSAD GONG DU JI SKAD BSHAD PA DANG, SMAN MAR SBYOR BA LTAR 'DI YANG DE LTAR SHES PAR BYA'O, ,GSO BA 'DI NI GZHAN DBANG CAN, ,RLUNG NAD MA 'DRES PA LA BYA, ,ZHES BYA BA LA, 'DAS MA ZAG PA'I GSO BA 'DI NI GZHAN DBANG CAN GYI NAD NAD GZHI GZHAN DANG MA 'DRES PA LA BYA BA
YIN NO, ,NAD GZHI 'DREN MAR 'DREN MAS BYA, ,ZHES BYA BA LA, RLUNG NAD GZHAN DBANG CAN DE NYID BAD KAN NAM MKHRIS PA DANG 'DRES PAR GYUR NA GSO BA YANG 'DREN MAR BYA'O, ,BAD KAN BCAS PA'I GZHAN DBANG CAN, ,SNYING GA RTZIB LOGS NA BA LA, ,G-YER MA SHING KUN AA RU RA, ,MA NU DANG NI LAN TSVA GSUM, ,NAS BSKOL KHU BAR SBYAR BA BLUD, ,CES BYA BA LA, BAD KAN DANG 'DRES PA'I GZHAN DBANG CAN GYI RLUNG NAD SNYING GA DANG RTZIB LOGS NA BA DAG LA NI, G-YER MA LA SOGS PA'I SMAN GYI PHYE MAS BSKOL BA'I KHU BA DANG SBYAR BA BLUD PAR BYA'O, ,SHING KUN BCA' SGA RTZABS RU TSA, ,SE'U 'BRU STAR BU BCAS PA BLUD, ,CES BYA BA LA, YANG NA GZHAN DBANG CAN GYI NAD SNYING GA DANG RTZIB LOGS NA BA LA SHING KUN LA SOGS PA'I SMAN BSKOL BA'I KHU BA DANG BLUD PAR BYA'O, ,BAD KAN RLUNG NI 'DES PA LA, ,SNYING NAD GSO BA'I SKABS BSHAD PHAN, ,ZHES BYA BA LA, BAD KAN DANG RLUNG 'DRES PA'I NAD LA NI, SNYING NAD GSO BA'I SKABS SU BSHAD PA'I SBYOR BA GANG YIN PA PHAN NO, ,DE [?] RGAN [?] PHYIR DGYE NANG GUG GNYIS, ,GLAD PA GZHOGS PHYED NA LTAR GSO, ,TIL MAR GYIS BKANG SNOD DU BSNYAL, ,'DIR NI NANG GUG RAB GSO DKA', ,ZHES BYA BA LA, DA RGAN GYI NAD PHYIR DGYE BA DANG, NANG DU GUG PA GNYIS LA YANG BLUD PA GZHOGS PHYED NA BA'I GSO BA JI SKAD SMOS PA DAG BYAS NA PHAN NO, ,DE BZHIN DU TIL MAR GYIS SNOD CHEN PO BKANG BA'I NANG DU LUS BCINGS KYIS NYAL BA YANG PHAN NO, ,DE LTAR PHYIR DGYE BA DANG NANG DU GUG PA'I NAD 'DI NYID LAS NANG DU GUG PA'I DA RGAN GANG YIN PA DE NI SHIN TU GSO DKA' ZHING MI BZAD PA'I NAD YIN NO, ,SO DANG BZHIN GYI MDOG NYAMS SHING, ,YAN LAG LHOD CING DRAN PA NYAMS, ,RAB TU RDUL BA GZHU RENGS YIN, ,DE NI ZHAG BCU LAS MI 'TSO, ,ZHES BYA BA LA, GZHU LTAR RENGS PA ZHES BYA BA'I DA RGAN GYI NAD SO DANG BZHIN RAS KYI MDOG NYAMS PA DANG, LUS KYI YAN LAG LHOD CING ZHIGS PA, DRAN PA STOR ZHING NYAMS PA, RDUL SHAS CHER 'BYUNG BA DE NI ZHAG BCU LAS MI 'TSO STE, DE LAS MI THUB PO, DE LAS GZHAN SHUGS SMAN GYUR 'TSO, ,LUS SGUB DANG 'ON GLEN DANG, ,'THENG DANG ZHA BO
, ,GZHOGS PHYED NYAMS, ,'PHYE BO 'AM DBANG PO MA TSANG 'GYUR, ,ZHES BYA BA LA, GAL TE GZHU LTAR RENGS PA'I DA RGAN DE LTAR BSHAD PA LAS GZHAN DU SHUGS DMAN ZHING ZHAN PAR 'GYUR BAS ZHAG BCUS 'CHI STE, GAL TE 'TSO BAR GYUR NA LUS SGU ZHING SGUR BA DANG, 'ON ZHING RNA BA'I DBANG PO NYAMS PA DANG, 'THENG ZHING RKANG GIS 'GRO MI SHES PA DANG, ZHA ZHING LAG PAS BYA BA MI NUS PA DANG, LUS KYI GZHOGS PHYED NYAMS SHING BSKAMS PA DANG, 'PHYE BO STE BRLA GNYIS KYIS 'GRO BAR 'GYUR BA 'AM, YANG NA DBANG PO MA TSANG BA STE 'ON PA DANG LONG BA LA SOGS PAR 'GYUR RO, ,'GRAM PA NYAMS PAR 'GRAM PA SNUM, ,DUGS BYAS NAS NI RNAG GNAS GZHUG ,KHA GDANGS PA LA KO SKO NI, ,BTEG STE MKHAS PAS GZHUG PAR BYA, ,'THAMS PAR GYUR PA LHAG MA LA, ,PHYOGS GCIG GUG PA LTA BUR GSO, ,ZHES BYA BA LA, 'GRAM PA GNAS LAS BSKYOD CING 'CHUS TE NYAMS PAR GYUR PA'I NAD LA NI SNUM GYIS BSKU ZHING DUGS BYAS NAS RANG RANG GI GNAS SU GZHUG PAR BYA BA DANG, YANG KHA GDANGS PAR GYUR PA'I RLUNG GI NAD LA KO SKO'I PHYOGS NAS LEGS PAR BTEG STE RANG GI GNAS SU GZHUG PAR BYA LA, 'THAMS PAR GYUR PA'I NAD LHAG MA LA NI PHYOGS GCIG TU GUG PA'I DA RGAN JI LTA BA BZHIN DU GSO BA'O, ,LCE LDIBS GNAS SKABS JI BZHIN DU, ,RLUNG NAD KYI NI GSO BA BYA, ,ZHES BYA BA LA, LCE LDIBS PA'I RLUNG NAD LA NI RLUNG NAD KYI GSO BA JI SKAD BSHAD PA DAG NAD KYI GNAS JI LTA BA LAS BRTAGS TE SBYAR BAR BYA'O, ,GLAD PA GZHOGS PHYED NA BA LA, ,SNA SMAN SPYI BOR TIL MAR DANG, ,MIG DANG RNA BA DGANG BAR BYA, ,ZHES BYA BA LA, GLAD PA'I GZHOGS PHYED NA BA'I RLUNG GI NAD LA NI SMAN SNA NAS BTANG BA DANG, SPYI BOR TIL MAR BSKU BA'I SBYOR BA DANG, MIG DANG RNA BA DGANG BA'I SBYOR BA JI SKAD SMOS PA DAG BYA'O, ,SKRANG LA SKYUG SMAN GTANG BAR BYA, ,TSA ZHING DMAR BCAS GTAR GA GDAB, ,CES BYA BA LA, GLAD BA'I GZHOGS PHYED NA BA DANG, SKRANG BA DANG BCAS PA LA NI SKYUG SMAN GTANG BAR BYA'O, ,YANG NA KLAD NAD DE TSA ZHING DMAR BA DANG
BCAS PA LA NI GTAR GDAB PAS GSO BAR BYA'O, ,GZHOGS PHYED BSKAMS LA SNUM CHOS DANG, ,SNUM DANG LDAN PA'I BKRU SMAN GTANG, ,ZHES BYA BA LA, GZHOGS PHYED BSKAMS PA'I PHYOGS GCIG PA'I RLUNG NAD LA NI SNUM GYI CHO GA LA SOGS PA BYA'O, ,DPUNG BA 'JAS LA SNA SMAN DANG, ,ZAS KYI RJES LA SNUM SBYIN BYA, ,ZHES BYA BA LA, DPUNG PA 'JAS PA'I RLUNG NAD LA NI SMAN SNA NAS GTANG BA LA SOGS PA BYA'O, ,BRLA RENGS PA LA SNUM CHOS DANG, ,SBYANG BYAS PHAN PA MA YIN TE, ,BAD KAN MA ZHU TSIL MANG BAS, ,DE PHYIR DE LA RTZUB CHOS KYI, ,ZAD PAR BYA BAS GSO BAR BYA, ,ZHES BYA BA LA, BRLA RENGS KYI RLUNG NAD LA NI SNUM GYI CHO GA DANG SBYANG BA BYA BA BKRU SMAN DANG, SLON SMAN DANG, MAS GTONG BA DANG GTAR GA GDAB PA BAN PA MA YIN TE, CI'I PHYIR ZHE NA, BAD KAN DANG MA ZHU BA DANG, TSIL MANG BA'I RGYU LAS BYUNG BA'I PHYIR TE, DE LA NI SKYUG SMAN LA SOGS PA GNOD PA YIN TE, DE BAS NA DE LA RTZUB PA'I CHO GA BYAS BDAG GIS BAD KAN LA SOGS PA DE DAG ZAD CING BSKAMS PAS GSO BAR BYA'O, ,NAS DANG KHRE DANG KHRE RGOD SBYIN, ,TSOD MA LAN TSVA MED PA NI, ,TIL MAR CUNG ZAD CHUR BSKOL BA'AM, ,SKAM SA'I SHA NI MAR MED DANG, , SBRANG RTZI CHU DANG CHANG RNYING SBYIN, ,ZHES BYA BA LA, RTZUB PA'I CHO GA BYA BA DE YANG NAS LA SOGS PA'I KHA ZAS SBYIN ZHING TSOD MA YANG LAN TSVA MED PA TIL MAR CUNG ZAD BTAB NAS CHU'I NANG DU BSKOL BA SBYIN LA, GZHAN YANG SKAMS SA'I SHA MAR MED PA LA SOGS PA SBYIN PAR BYA'O, ,PHYUG PO'I RLUNG LA DUG MO YUNGS, ,YUNG BA'I SDE TSAN SHU DAG SOGS, ,BSKOL LA RGYAM TSAR BCAS PA 'AM, ,BA RA nA SOGS PHYER SBYAR BLUD, ,CES BYA BA LA, PHYUG PO'I RLUNG NAD CES BYA BA'I BRLA RENGS KYI NAD LA NI DUG MO YUNGS LA SOGS PA'I SDE TSAN NAM, SHU DAG GI SDE TSAN NAM, YUNG BA'I SDE TSAN GANG YANG RUNG BA BSKOL BA'I NANG DU RGYAM TSA BTAB PA'I CHU DRO 'JAM TZAM GDAB PAR BYA'O, ,YANG NA BAR nA LA SOGS PA'I PHYE MA BA RA nA DRUG PA ZHES BYA BA'I PHYE MA CHU DRO 'JAM TZAM DANG SBYAR TE BLUD PAR BYA'O, ,YANG NA DBYI MO 'BRAS BU GSUM, ,PU TZE SHEL DANG PI PI LING, ,SBRANG
, ,RTZIR SBYAR BA'I LDE GU SBYIN, ,ZHES BYA BA LA, YANG NA DBYI MO LA SOGS PA'I SMAN SBRANG RTZI DANG SBYAR BA'I LDE GU SBYIN PAR BYA'O, ,YANG NA DBYI MO AA RU RA, ,TZI TRA KA DANG THANG SHING DANG, ,SBRANG RTZIR SBYAR BA'I LDE GU SBYIN, ,ZHES BYA BA LA, YANG NA DBYI MO DANG, AA RU RA LA SOGS PA'I LDE GU SBYIN PAR BYA'O, ,GU GUL BRAG ZHUN AA RU RA, ,BA GCIN DANG NI SBYAR BA BLUD, ,CES BYA BA LA, YANG NA BA GCIN DANG GU GUL LAM, BRAG ZHUN NAM, AA RU RA GANG YANG RUNG BA BLUD PAR BYA'O, ,GLA SGANG TZI TRA TSA BA GSUM, ,'BRAS BU GSUM DANG BYI DANG GA ,GU GUL CHA MNYAM PHYE MA SBYIN, ,TSIL DANG BAD KAN MA ZHU LAS, ,GYUR PA'I NAD RNAMS THAMS CAD SEL, ,ZHES BYA BA LA, GLA SGANG DANG TZI TRA KA LA SOGS PA'I SMAN CHA MNYAM PA'I PHYE MA BYIN NA TSIL LA SOGS PA LAS GYUR PA'I RLUNG NAD THAMS CAD SEL BAR 'GYUR RO, ,DE LTAR BAD KAN SHAS CHE ZHING, ,TSIL BCAS RLUNG NI NAD SEL BYED, ,CES BYA BA LA, DE LTAR SNGAR BSHAD PA'I GSO BA'I RIM PA NYE BAR SBYAR BAR GYUR PAS BAD KAN GYI SHAS CHE ZHING TSIL LAS GYUR PA'I RLUNG GI NAD SEL ZHING 'JOMS PAR BYED DO, ,THAL SMAN BA GCIN SBYAR DUGS DANG, , BLUGS DANG LUS LA DRIL BA'ANG BYA, ,ZHES BYA BA LA, BRLA RENGS KYI NAD DE LA THAL SMAN DANG BA GCIN SBYAR BA'I DUGS BYA BA DANG, LUS LA BLUGS PA DANG, BSKU ZHING DRIL PHYIS KYANG THAL SMAN DANG BA GCIN SBYAR BAR BYA'O, ,YUNGS KAR KA RANYDZA'I 'BRAS BU, ,BA GCIN SBYAR BAS BSKU BA BYA, ,ZHES BYA BA LA, PHYI ROL NAS KYANG BAD KAN ZAD PAR BYA BA'I PHYIR, KA RANYDZA'I 'BRAS BU DANG YUNGS KAR BA GCIN MANG PO DANG SBYAR BA'I LDE GUS BSKU BAR BYA'O, ,AARKA AAG NI MAN THA DANG, ,NIM PA'I RTZA BA THANG SHING DANG, ,BONG BA DANG NI GROG MKHAR SA, ,YUNGS KAR SBRANG RTZIR BCAS PA BSKU, ,ZHES BYA BA LA, DE BZHIN DU BAD KAN ZAD PAR BYA BA'I PHYIR AARKA DANG, AAG NI MAN THA DANG, NIM PA GSUM GYI RTZA BA THANG SHING DANG YUNGS KAR BTAGS TE SBRANG RTZI DANG SBYAR BA BSKU BAR BYA'O, ,GROG MKHAR ZHES BYA BA NI GROG MAS BRKOS PA LAS
BTON PA'I SA'O, ,BAD KAN ZAD PHYIR DRAG SHUL NI, ,BZOD NA DE LA BRTEN PAR BYA, ,ZHES BYA BA LA, BRLA RENGS KYI NAD DANG LDAN PA DE LA BAD KAN ZAD PAR BYA BA'I PHYIR DRAG SHUL GYI RTZOL BAS LUS DUB PAR BYED PA DAG BZOD CING NUS NA DE LA BRTEN ZHING GNAS PAR BYA'O, ,DE YANG 'DI LTA STE, THANG LA MCHOD DANG CI NUS KYI, ,NYAL PO DAG KYANG YONGS SU BRTEN, ,ZHES BYA BA LA, GZHI MNYAM PA'I SA GZHI LA MCHOD ZHING BRGAL BA DANG, DE BZHIN DU LUS KYI NYAMS STOBS LAS DPAGS TE BUD MED LA BRTEN ZHING NYAL PO BYA'O, ,CHU MI G-YO DANG LDENG KA DANG, ,CHU RGYUN BZLOG PAS CHU BO BRGAL, ,ZHES BYA BA LA, DE BZHIN DU CHU MI G-YO ZHING BRTAN PAR GNAS PA LA, CI BDER GNAS PA DANG, DE BZHIN CHU'I RGYUN BZLOG CING GYEN DU BRGAL BAR BYA'O, ,'DIR NI TSIL DANG BAD KAN DAG ,ZAD NAS SNUM LA SOGS PA GTANG, , ZHES BYA BA LA, BRLA RENGS KYI NAD 'DI LA TSIL DANG BAD KAN GNYIS ZAD CING BRI BAR GYUR NAS SNUM LA SOGS PA RLUNG GI GSO BAR BSHAD PA GTANG BAR BYA'O, ,GNAS DANG LUS ZUNGS SOGS BRTAGS LA, ,LHAG MA RNAMS KYANG GSO BAR BYA, ,ZHES BYA BA LA, RLUNG NAD LHAG MA GZUGS 'KHUMS PA NAS RKANG PA TSA BA'I BAR GYI RLUNG NAD LA GNAS DANG LUS ZUNGS NYAMS STOBS DANG DUS LA SOGS PA LA BRTAGS TE, CI RIGS PAR GSO BAR BYA'O, ,SA HA RA DZA THANG SHING DANG, ,DONG GRA BSKOL BA TIL MAR SBYAR, ,RLUNG GIS LUS GZIR LA BLUD NA, ,CI 'DOD THOGS PA MED 'GRO NUS, ,ZHES BYA BA LA, SA HA RA DZA THANG SHING DANG, DONG GRA BSKOL BA'I CHU TIL MAR DANG SBYAR TE, RLUNG GIS LUS GZIR CING NYEN PA LA BLUD NA CI 'DOD PA BZHIN DU THOGS PA MED PAR 'GRO NUS PAR 'GYUR RO, ,RA SNA DONG GRA TZI TRA KA ,ZUR PA MA NU PI PI LING, ,BTAGS PA'I PHYE MA MAR BSKOL BA, ,RLUNG NAD SEL BAR BYED PA'I MCHOG ,CES BYA BA LA, RA SNA LA SOGS PA'I SMAN BTAGS PA'I PHYE MA MAR DANG BSKOL NA RLUNG NAD SEL BAR BYED PA'I MCHOG YIN NO, ,NIM PA SLE TRES BA SHA KA ,KAndA KA RI PA TO LA, ,SRANG NI BCU BCU TSAD BYAS PA, ,CHU BRE BCU
, ,DRUG NANG DU BSKOL, ,KHU BA BRGYAD CHA LUS PA DER, ,MAR NI BRE GANG BCUG STE BSKOL, ,PA TA THANG SHING BYI DANG GA ,DONG GRA HA TI PI PI LING, ,SKYER PA SHU TI DBYI MO DANG, ,TE DZO BA TA NA LE SHAM, ,RU RTA DANG NI DUG MO YUNGS, ,THAL SMAN RNAM PA GNYIS PO DANG, ,TI MUS DANG KRU TRUG TRES, ,BSO SHING 'BRAS BU PU TZE SHEL, ,SHU DAG PI PI LING RTZA BA, ,BTZOD DANG BONG NGA LA LA PHUD, ,ZHO NI GNYIS GNYIS TSAD BYAS PA, ,GU GUL SBYAR BA SRANG LNGA DANG, ,LDE GU BTAB STE BSKOL BA'I MAR, ,BLUD NA RLUNG NI TSABS CHE BA, ,RUS TSIGS RKANG LA ZHEN PA'ANG 'JOMS, ,MDZE NAD DE 'DRA'ANG SEL BAR BYED, ,BU GA RMA DANG LBA BA DANG, ,MTSAN BAR RDOL DANG 'BRAS KYI PHRENG, ,NAM TSONG YAN CHAD NAD KUN DANG, ,SKRAN DANG GZHANG 'BRUM ZA KHU DANG, ,GCONG CHEN DBUGS NI MI BDE DANG, ,YI GA 'CHUS DANG CHAM PA DANG, ,LUD PA 'OR NAD SNYING NAD DANG, ,SKYA RBAB MYOS DANG KHONG 'BRAS DANG, ,RLUNG DANG KHRAG GI NAD RNAMS 'JOMS, ,ZHES BYA BA LA, NIM PA LA SOGS PA'I SMAN SRANG BCU BCU'I TSAD DU BYAS PA JI SKAD SMOS PA BZHIN BSKOL TE, DE LAS SMAN KHU BRE DO LUS PA LA MAR BRE GANG BCUG STE, PA THA LA SOGS PA ZHO GNYIS GNYIS KYI LDE GUR BYAS PA DANG, GU GUL DAG CING DRI MA MED PAR BYAS PA SRANG LNGA YANG BCUG STE LDE GUR BYAS PA DANG BSKOL BA'I MAR BLUD NA RLUNG NAD SHIN TU TSABS CHE BAR 'KHRUGS SHING RUS PA DANG, TSIGS DANG RKANG PA LA YANG ZHEN PA 'JOMS PAR BYED LA, DE BZHIN DU MDZE NAD RUS PA DANG, RKANG PA LA ZHEN PA YANG SEL BAR BYED PA DANG, BU GA'I NANG GI RMA DANG LBA BA LA SOGS PA'I NAD 'JOMS PAR BYED PA YIN NO, ,THAL SMAN GNYIS NI YA BAKSHA RA DANG, SVA RDZI KshA RA'O, ,BIL BA GZHON NU'I 'O MA DANG, ,MAR GYI NYING KHU BSKOL NAS NI, ,DE LAS SRANG NI GCIG GAM PHYED, ,SNA SMAN BYAS MGO'I RLUNG NAD SEL, ,ZHES BYA BA LA, BIL BA GZHON NU DANG, 'O MA BSKOL BA DANG, MAR GYI NYING KHU ZHES BYA BA MAR KHU'I STENG GI CHA'I DANGS MA BSKOL LA DE LAS SRANG GCIG GAM SRANG PHYED TZAM SNA SMAN DU BTANG NA MGO BO'I RLUNG NAD THAMS CAD SEL BAR BYED DO, ,DE BZHIN CHU SRIN NAG KHRA DANG, ,NYA DANG RUS SBAL 'UG PA'I TSIL, ,BSKOL BA MA 'DRES RLUNG LA NI, ,KHYAD PAR DU NI GTANG BAR BYA, ,ZHES BYA BA LA, CHU SRIN LA SOGS PA'I SHING NGAM SNGA MA BZHIN DU BIL BA GZHON NU DANG BSKOL BA YANG RLUNG GI NAD
GZHAN DANG MA 'DRES PA LA PHAN NO, ,TIL GYI TSIGS MA RNYING PA DANG, ,RTZA BA LNGA PO SO SOR BSKOL, ,GCIG TU BSRES PA TIL MAR NI, ,'O MA BRGYAD CHA'I NANG DU BSKOL, ,BLUD NA RLUNG DANG BAD KAN DANG, ,'DRES PA'I NAD NI MCHOG TU 'JOMS, ,ZHES BYA BA LA, TIL GYI TSIGS MA 'BA' CHA RNYING PA DANG, RTZA BA LNGA PA CHEN PO STE, DE GNYIS SMAN BSKOL BA'I CHO GAS SO SOR BSKOL LA, DE GNYIS GCIG TU BSRES PA TIL MAR 'O MA BRGYAD CHA'I NANG DU BSKOL LA, TIL MAR BLUD NA RLUNG DANG BAD KAN 'DRES PA'I NAD GANG DAG YIN PA DE SEL ZHING 'JOMS PAR BYED DO, ,PRA SA RA NI SRANG BRGYAD BSKOL, ,TIL MAR 'O MA BRE RE DANG, ,MED GNYIS DANG SHA PUshPA, ,BTZOD DANG RU RTA RA SNA DANG, ,TZANDAN DMAR PO DZI BA KA ,RA SNAR MA NYE BA GNYIS DANG, ,BRANG SHING BTAGS PA'I LDE GU DANG, ,BSKOL BLUD RLUNG NAD THAMS CAD SEL, ,ZHES BYA BA LA, SMAN PRA SA RA SRANG BRGYAD BSKOL BA'I KHU BA'I NANG DU TIL MAR BRE GANG 'O MA BRE GANG BSRES LA MED GNYIS LA SOGS PA'I SMAN LDE GU'I TSUL DU BTAGS LA BSKOL BA'I TIL MAR DES NI RLUNG LA SOGS PA'I NAD JI SNYED PA THAMS CAD SEL ZHING 'JOMS PAR BYED DO, ,SA HA RA DZA'I RTZA BA YAL GAR BCAS, ,SRANG BRGYA RTZA BA BCU NI DE DANG MNYAM, ,NYE'U SHING SRANG NI LNGA BCU CHU BRE DRUG CU NI, ,RTZA BZHI'I NANG BSKOL BZHI CHA LUS BA DER, ,CHU SRIN SEN MO RU RTA PU SHEL TZE, ,TZANDAN SUG SMEL PRI KA PRI YANG KU, ,NA LI KA DANG RDO DREG BA LE KA ,SPANG SPOS THANG SHING BTZOD DANG AA KA RU, ,TZA RONG SHU TI RGYA SPOS DU RU KA ,SRANG RE CHA MNYAM 'O MAR BCAS PA NI, ,TIL MAR BRE BZHI LHAN CIG BSKOL BA BLUD, ,RLUNG NAD GSO DKA' DAG KYANG 'JOMS PAR BYED, ,LUS 'DAR LUS LA RLUNG 'JUG LUS RENGS DANG, ,LUS BSKAMS PA YIS SHIN TU GZIR LA SOGS, ,SKRAN DANG SMYO BYED CHAM PA MNGAL NAD 'JOMS, ,ZHES BYA BA LA, SMAN SA HA RA DZA'I RTZA BA DANG YAL GA SRANG BRGYA RTZA BCU YANG DE DANG MNYAM PA STE, SPYIR SRANG BRGYA, NYE'U SHING SRANG LNGA BCU CHU BRE DRUG CU RTZA BZHI'I NANG DU BSKOL LA SMAN GYI KHU BA BZHI CHA LUS PA DER CHU SRIN SEN MO LA SOGS PA SMAN SNA RE ZHING SRANG RE 'O MA BRE BCU DRUG DANG, TIL MAR BRE BZHI LHAN CIG BSKOL TE TIL MAR LUS PA BLUD NA RLUNG GI NAD SHIN TU GSO BAR DKA' BA DANG, LUS 'DAR BA LA SOGS PA 'JOMS PAR BYED DO, ,PRI KA NI BA LI TA STE 'BU SU GTANG NGO, ,NA LI KA NI BI RU MA LA TA'O, ,BA LA KA NI AA MA BU'O, ,RDO DREG NI SHI LA PUS PA'O, ,TZA RONG NI TZANDAN NO, ,SA HA RA DZA SRANG BRGYA YI, ,
, ,KHU BAR TIL MAR BRE BZHI BSKOL, ,DE RTZA LDE GU SRANG BCU DANG, ,'O MA BZHI 'GYUR BCUG STE BSKOL, ,YANG NA RGYA SPOS SHU DAG DANG, ,STHI RA RU RTA SHU DAG DANG, ,SUG SMEL RDO DREG SPANG SPOS DANG, ,SHU TI TZANDAN DMAR PO GZHUG ,BSKOL BA DE NI KHA RA'I CHU, ,SRANG NI BCO BRGYAD GZHUG PAR BYA, ,TIL MAR SMAN MAR YIN PAR BSHAD, ,DES NI RLUNG NAD MA LUS DANG, ,RLUNG NAD 'KHYIL DANG SMYO BYED DANG, ,SKRAN DANG RLIG RLUGS LA SOGS SEL, ,ZHES BYA BA LA, SA HA RA DZA SRANG BRGYA SMAN KHU BSKOL BA'I SBYOR BAS BSKOL LA, KHU BA DE'I NANG DU TIL MAR BRE BZHI DANG BSRES TE, SA HA RA JA'I LDE GU SRANG BCU DANG 'O MA TIL MAR GYI BZHI 'GYUR BCUG LA BSKOL TE SMAN MAR BYA BA'AM, YANG NA SA HA RA DZA'I RTZA BA SRANG BCU PO MI GZHUG PAR RGYA SPOS LA SOGS PA SRANG BCU BCUG LA BSKOL BAR BYAS TE, TIL MAR GNYIS GANG BYAS KYANG RUNG STE, DE BSKOL BA'I NANG DU KHA RA DKAR PO'I PHYE MA SRANG BCO BRGYAD GZHUG PAR BYA'O, ,DE LTAR BU'I TIL MAR GYI SMAN MAR BLUD NA DES RLUNG NAD GSO DKA' BA MA LUS PA DANG, RLUNG NANG 'KHYIL PA LA SOGS PA SEL BAR BYED DO, ,BA LA SRANG BRGYA SLE TRES NI, ,BZHI CHAR RA SNA BRGYAD CHA NI, ,CHU BREL BZHI BRGYA'I NANG DU BSKOL, ,KHU BA BRGYAD CHA LUS PA DANG, ,ZHO DANG ZHOG CHU BU RAM, ,SHING KHU TSVA DANG TIL MAR DANG, ,BRE NI BZHI BSKOL NAS NI, ,RA YI 'O MA CHA PHYED DANG, ,ZUR PA SKYER PA SA RA LA, ,SUG SMEL BTZOD DANG AA KA RU, ,TZANDAN AA TI BA LA DANG, ,SHUG PA GLA SPANG MUNGGA'I LO, ,HA RE nU KA SHING MNGAR DANG, ,BYA GRIN GA BYE'U RUG PA, ,ZANGS RTZI BA DANG DZI BA KA ,GLA RTZI LCE POG PA LA SHA, ,DZ'A TI SHO GA NA LI KA ,GUR GUM RDO DREG BRI KA DANG, ,DZ'A TI PA LA KAD PA LA, ,BA LI KA DANG SHING TSA DANG, , KUN TU RU DANG GA PUR [?] DANG, ,SHI RI BAS DU RU KA ,LI SHI CHU SRIN SEN MO DANG, ,RU RTA SPANG SPOS KA GO LA, ,PRI YANG KU DANG STO NE YA, ,RGYA SBOS SHU DAG BYA MA KA ,MA DA NA GA BLA BA DANG, ,N'A GA GE SAR SRANG RE DANG, ,BSKOL TE BTZAGS PAR GYUR PA RU, ,GANDHA BHADRA'I LDE GU NI, ,CHO GA BZHIN DU BCUG PA DES, ,LUD PA DBUGS MI BDE DANG RIMS, , BRGYAL DANG SLON SKRAN ZAD BYED DANG, ,GLO 'GRAMS MCHER NAD SKEMS PA DANG, ,BRJED BYED BKRA MI SHIS PA SEL, ,BA LI TIL MAR BZANG PO NI, ,RLUNG GI NAD NI 'JOMS BYED YIN, ,ZHES BYA BA LA, SMAN BA LA SRANG BRGYA, ,SLE TRES BZHI CHA STE SRANG NYI SHU RTZA LNGA, RA SNA BRGYAD CHA STE SRANG PHYED DANG BCU GSUM, CHU BRE BZHI BRGYA CHA STE CHU SRANG KHRI NYIS
STONG DGU BCU RTZA DGU DANG BSKOL BA LA, DE LA CHU BRE BRGYAD CHA STE BRE BZHI LUS PAR GYUR PA DANG ZHO DANG ZHO GA CHU DANG BU RAM SHING GI KHU BA DANG, TSA BRE BZHI BZHI TIL MAR BRE BZHI DANG BSKOL NAS RA'I 'O MA CHA PHYED DE BRE DO BCUG LA ZUR PA LA SOGS PA'I SMAN SNA RE ZHING SRANG RE'I LDE GU BCUG PA BSKOL LA TSOS PA DANG PHAB STE BTZAGS PA'I NANG DU GANDHA BHA DRA'I LDE GU SRANG GCIG TZAM MAM, YANG NA CI RAN GZHUG PAR BYA'O, ,DE NAS TIL MAR DE CHO GA BZHIN DU BCUG NA LUD PA DANG DBUGS MI BDE BA LA SOGS PA SEL BAR BYED DO, ,BA LA'I TIL MAR 'DI NI SMAN MAR GYI MCHOG DAM PA YIN PAS RLUNG GI NAD THAMS CAD 'JOMS PAR BYED PA YIN NO, ,MUNGGA'I LO MA NI MUNGGA PARnI'O, ,HA RE nA KA NI KON TI'O, ,LCE POG NI BO LA'O, ,BAL SHING NI RGYA SKYEGS SHING NGO, ,DZ'A TI KA SHA NI DZ'A TI PA TRA'O, ,NA LI KA NI BI DRUM GA TA'O, ,DZ'A TI PHA LA NI LIG SHI WER RO, ,BA LA KA NI AA MA NU'O, ,KA KO LA NI BA HU'I DZA GA STE SA BON MANG PO CAN NO, ,STON YA NI TRE LA PA TRI KA'O, ,BYA MA KA NI DA BA DA GI THA'O, ,MA DAN KA NI MNAM THA'O, ,BLA BA NI KUN TAN NA THA'O, ,BTUNG DANG SNA SMAN BSKU DANG 'JAM RTZI NI, ,SNUM GYI SBYOR BA'ANG DUS SU LEGS BSTEN NA, ,DES NI MA RUNGS RLUNG NAD MYUR ZHI BYED, ,BUD MED MO GSHAM BU YI SNOD BYED 'GYUR, ,ZHES BYA BA LA, SMAN 'DI BTUNG BA DANG, SMAN LA SOGS PA SBYOR BA BZHI LA SNUM GYIS SBYOR BAR DUS DANG RJES SU MTHUN PAR BSTEN CING GOMS PAR BYAS NAS RLUNG NAD SHIN TU MI BZAD PA DAG ZHI ZHING SEL BAR BYED LA, DE BZHIN DU BUD MED MO GSHAM BU MED PA DAG KYANG BU'I SNOD NYID DU 'GYUR ZHING BU SKYED PAR BYED PA'I DON NO, ,GANG TSE BAD KAN MKHRIS PA NI, ,ZHU BA'I GNAS 'DUG SNUM DUGS KYIS, ,ZHU NAS MKHRIS BAR SNANG GYUR PA, ,DE LA 'JAM RTZIS BSAL BAR BYA, ,ZHES BYA BA LA, SNUM DANG DUGS KYI SBYOR BA BYAS PAS GANG GI TSE BAD KAN ZHU BA'I GNAS NA 'DUG CING ZHU ZHING MKHRIS PA'I TSUL DU SNANG BAR GYUR PA'AM, YANG NA MKHRIS PA ZHU BA'I GNAS NA 'DUG PA DE SNUM DANG DUGS KYIS ZHU NAS MKHRIS PA'I TSUL DU SNANG BAR GYUR NA DE GNYIS KA LA 'JAM RTZI BTANG BAS BSAL ZHING SBYANG BAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS GSO BA'I GNAS LE'U NYI SHU RTZA GCIG PA'I RNAM PAR 'GREL PA'O,, ,,
, ,DE NAS DREG NAD GSO BA BSHAD PAR BYA'O, ,ZHES BYA BA LA, ,BSTEN PA JI LTA BA BZHIN DU BSHAD PA YANG DE LTA BUR BYAS PA'I TSUL GYIS RIMS LA SOGS PA'I GSO BA RNAM PAR DGOD PA YIN PAS DREG NAD GSO BA SKABS 'DIR BRTZAMS PA YIN NO, ,DREG NAD CAN NI SNUM CHOS BYAS, ,RLUNG BSRUNGS NAD GZHI NYAMS STOBS LAS, ,DPAGS TE KHRAG NI CUNG ZAD TZAM, ,LAN MANG DU NI DBYUNG BAR BYA, ,ZHES BYA BA LA, DREG NAD KYIS BTAB PA'I MI LA NI DANG POR SNUM BCOS BYAS NAS DE'I RJES LA KHRAG DBYUNG ZHING GTAR GA BYA LA, DE YANG NAD GZHI'I TSUL DANG LUS KYI NYAMS STOBS CI YOD PA LAS DPAG CING RLUNG MI LDANG BAR BSRUNGS LA KHRAG NYUNG ZAD NYUNG ZAD LAN MANG DU BSTUD MAR DBYUNG BAR BYA'O, ,DMAR GZER NA ZHING TSA BA LA, ,SRIN BU PAD PAS KHRAG DBYUNG NGO, ,G-YA' ZHING NAL TZAG TZAG TSA, ,SHAS CHER TSA LA RNGABS RVAS DBYUNG, ,ZHES BYA BA LA, DREG NAD MDOG DMAR BA LA SOGS PAR SNANG BAR GYUR PA LA NI SRIN BU BAD PAS 'JIBS PAS KHRAG DBYUNG ZHING GDON PAR BYA'O, ,DE BZHIN DU G-YA' BA DANG LHANG LHANG POR NA BA DANG, YUNGS KAR GYI LDE GUS BSKUS BLTAR TZA GTZAG BOR TSA BA DANG, SHAS CHER TSA ZHING TSA BA 'UR 'UR BOR KHYAB PA LA NI RVA 'AM KU BAS KHRAG DBYUNG BAR BYA'O, ,GNAS NAS GNAS SU 'PHOS PA LA, ,GTAR GA'AM ZHAL ZHAL GYIS KHRAG DBYUNG, ,ZHES BYA BA LA, NAD KHRAG LUS KYI GNAS KYI PHYOGS GCIG NAS GCIG TU 'PHOS SHING 'GRO BA LA NI GTAR GA GDAB PA'AM, ZHAL ZHAL BYA ZHING KHRAG DBYUNG BAR BYA'O, ,DE YANG NYUNG SHAS NYUNG SHAS LAN MANG DU DBYUNG BAR BYA'O, ,LUS ZHUM PA DANG KHONG RTZUB CING, ,RLUNG SHAS CHE LA KHRAG MI DBYUNG, ,ZHES BYA BA LA, LUS ZHUM ZHING SNYING LA NYAM CHUNG BA DANG, KHONG RTZUB CING RLUNG NAD KYI SHAS CHE BAR GYUR PA'I DREG NAD LA NI KHRAG DBYUNG BAR MI BYA'O, ,KHRAG ZAD PA LA RLUNG GIS NI, ,SKRANGS PA GTING ZAB RINGS PA DANG, ,'DAR ZHING RTZA RGYUS NA DANG ZHUM, ,RLUNG NAD GZHAN YANG SKYED PAR BYED, ,CES BYA BA LA, KHRAG GTAR DRAGS PA LAS ZAD BAR GYUR NAS RGYU DES RLUNG NAD LDANG ZHING 'KHRUGS PAR 'GYUR PA LA, DREG NAD KYIS SKRANGS
'DI ZAB CING MI MNGON PA DANG, LUS SHING LTAR RENGS PA DANG, 'DIR ZHING G-YO BA DANG, RTZA DANG RGUS PA LHANG POR NA BA DANG, RKANG LAG ZHUM ZHING RNYID PA DANG, DE BZHIN DU RLUNG LAS GYUR PA'I NAD MI BZAD PA GZHAN YANG SKYED PAR BYED DO, ,SNUM CHOS BYAS LA BKRU SMAN NI, , SNUM DANG LDAN PAS 'KHRU RU GZHUG ,CES BYA BA LA, RLUNG LAS GYUR PA'I DREG NAD CAN DE LA DANG POR SNUM CHOS LEGS PAR BYAS LA, DE'I 'OG TU SNUM DANG LDAN PA'I BKRU SMAN BYIN LA 'KHRUR GZHUG PAR BYA'O, ,RLUNG SHAS CHE BA'I DREG NAD LA, ,MAR NI RNYING PA BLUD PAR BYA, ,ZHES BYA BA LA, RLUNG GI SHAS CHE BA'I RLUNG KHRAG 'DRES PA'I DREG NAD LA MAR RNYING PA BLUD PAR BYA'O, ,RAM NYE BA DANG SRA MAN NI, ,PA YAS SYE DANG DZI BA KA ,ZANGS RTZI BA RNAMS CHA SNYOMS TE, ,'O MA MAR BSKOL DREG NAD 'JOMS, ,ZHES BYA BA LA, RAM NYE BA LA SOGS PA'I SMAN GYI LDE GUR BYAS PA DE DANG 'O MAR BCAS PA BSKOL TE BLUD NA DREG NAD 'JOMS PAR 'GYUR RO, ,RGUN 'BRUM MA DU KA BSKOL BA'I, ,KHU BA KHA RA MAR BCAS PA 'AM, ,DE BZHIN SLE TRES KHU BAR NI, ,'O MA BSKOL BA BLUD PAR BYA, ,ZHES BYA BA LA, RGUN 'BRU DANG MA DU KA GNYIS BSKOL BA'I KHU BA'I NANG DU, KHA RA DKAR PO BCUG PA DANG BSKOL BA BLUD PA SBYAR BA'I MAR DANG, DE BZHIN DU SLE TRES BSKOL BA'I KHU BA DANG 'O MA GNYIS BSKOL BA'I NANG DU KHA RA BTAB PA BLUD BAR BYA'O, ,TIL MAR 'O MA KHA RAR BCAS, ,LEGS PAR BSRES LA BLUD PAR BYA, ,BA LA NYE SHING RA SNA DANG, ,BI LU RTZA BA BCU PAR BCAS, ,DUR BYID STI RA AE RAndA, ,BSKOL BA'I 'O MAS RLUNG DREG SEL, ,BA GCIN 'O MA BZHOS MA THAG ,BCAS PA'ANG NAD NI DE 'BYUNG BYED, ,CES BYA BA LA, BA GCIN DANG BA 'AM RA'I 'O MA BZHOS MA THAG SBYAR BA BLUD NA YANG NAD 'KHYIL BA BDE BAR 'BYUNG BAR BYED DO, ,MKHRIS PAR NYE'U SHING PU TZE SHEL, ,PA TO LA YI RTZA 'BRAS GSUM, ,SLE TRES DANG NI SMAN MNGAR KHA, ,'O MA 'AM MAR DANG BSKOL LA BLUD, ,CES BYA BA LA, MKHRIS PA LAS GYUR PA'I DREG NAD LA NI, NYE'U SHING LA SOGS PA BSKOL BA'I KHU BA BLUD PAR BYA BA 'AM, YANG NA SMAN MNGAR BA DANG KHA BA BSKOL BA'I 'O MA 'AM, MAR BLUD PAR BYA'O, ,
, ,NAD GZHI SHAS CHER BKRU SMAN PHYIR, ,AE RAndA'I MAR 'O MAR SBYAR, ,SBYOR BA JI BZHIN BLUD PAR BYA, ,ZHU NAS 'O MA 'BRAS CHAN SBYIN, ,ZHES BYA BA LA, DREG NAD NAD GZHI MANG PO DKYEL CHE BA LAS GYUR PA LA NI BKRU SMAN GYI DON DU AE RAndA'I MAR 'O MA DANG SBYAR BA SBYOR BA LAS JI SKAD BSHAD PA'I RIGS PAS BSHAD PAR BYA LA, DE ZHU NAS 'O MA DANG 'BRAS CHAN SBYAR BA SBYIN PAR BYA'O, ,AA RU RA NI MAR BRDOS PA, ,KHU BA BLUD PAR BYA BA 'AM, ,ZHES BYA BA LA, YANG NA AA RU RA MAR DU BRDOS PA BSKOL BA'I KHU BA BLUD PAR BYA'O, ,DUR BYID PHYE MA RGUN CHU 'AM, ,'O MAR SBYAR BA BLUD PAR BYA, ,ZHES BYA BA LA, YANG NA DUR BYID KYI PHYE MA RGUN CHU DANG SBYAR BA 'AM, 'O MA DANG SBYAR BA DE LA BLUD PAR BYA'O, ,YANG NA DE YI NAD GZHI NI, ,'JAM RTZI 'O MA MAR BCAS SBYANG, ,ZHES BYA BA LA, YANG DREG NAD CAN DE'I NAD GZHI GANG DAG YOD PA 'JAM RTZI 'O MA DANG MAR DU BCAS PA MAS GTONG BAS SKYANG BAR BYA'O, ,RLUNG DANG KHRAG NAD GSO BA LA, ,'JAM RTZI LAS LHAG GANG YANG MED, ,MCHOG TU GZHANG DANG RTZIB LOGS BRLA, ,TSIGS NAD DMU RDZING NYAM THAG SEL, ,ZHES BYA BA LA, GANG GI PHYIR RLUNG DANG KHRAG 'DZAG PA DREG NAD KYI GSO BA LA NI 'JAM RTZI MAS GTONG BA LAS MCHOG TU GYUR PA'I SMAN GANG YANG YOD PA MA YIN LA, DE LAS KHYAD PAR DU GZHANG LA SOGS PA NA BA'I DREG NAD LA NI 'JAM RTZI LAS LHAG PA GANG YANG MED DO, ,BAD KAN SHAS CHE GLA SGANG DANG, ,RGUN 'BRU SKYER PA BSKOL BA DANG, ,'BRAS BU GSUM BSKOL SBRANG RTZIR BCAS, ,YANG NA SLE TRES CI RIGS BLUD, ,CES BYA BA LA, BAD KAN GYI SHAS CHE BA LAS GYUR PA'I DREG NAD LA NI GLA SGANG LA SOGS PA BSKOL BA'I KHU BA DANG, SBRANG RTZIR BYAS PA 'AM, 'BRAS BU GSUM BSKOL BA'I KHU BA SBRANG RTZI DANG BCAS PA BLUD PAR BYA BA 'AM, ,YANG NA SLE TRES KHU BAR BSKOL BA 'AM, LDE GUR BYAS PA'I MAR DANG BSKOL BA'I SBYOR BAS JI LTAR 'TSAM PAR BYA'O, ,JI LTAR 'TSAM PAR SNUM BLUD DE, ,SLON BYAS NAS NI RTZUB CHOS BYA, ,ZHES BYA BA LA, BAD KAN GYI SHAS CHE BAR GYUR PA'I DREG NAD
DANG LDAN PAR GYUR PA LA NI JI LTAR 'TSAM PA BZHIN DU SNUM BLUD DE, DE'I 'OG TU SKYUG SMAN GYIS SLON DU BCUG LA, DE'I 'OG TU RTZUB PA'I SBYOR BAS GSO BAR BYA'O, ,'BRAS BU GSUM DANG TSA BA GSUM, ,GANDHA BHA DRA SHING TSA DANG, ,CU GANG KHA RA TZI TRA KA ,PI PI LING RTZA BYI DANG BA, ,SPANG SPOS BA SHA KA'I SHUN PHRAGS, ,RID DI DBYI MO LANG GA LI, ,CHA MNYAM LDE GUR BYAS PA LAS, ,NANG PAR LCAGS SNOD BSKUS TE BZHAG ,NYI MA PHYED DUS DE ZOS NA, ,NAD GZHI KUN GYUR DREG NAD NI, ,GZER DANG LDAN LA MCHOG TU PHAN, ,ZHES BYA BA LA, 'BRAS BU GSUM LA SOGS PA'I SMAN CHA MNYAM PA BTAGS PA LDE GUR BYAS LA NANG PAR GYI DUS SU LCAGS KYI SNOD DU BSKUS TE BZHAG LA, DE'I 'OG TU NYI MA PHYED KYI DUS SU BKOGS TE, ZOS NA LDE GU 'AM PHYE MA DE NI NAD GZHI KUN LAS GYUR PA STE, MKHRIS PA LAS GYUR PA'I DREG NAD GZER DANG LDAN PA LA KHYAD PAR DU PHAN PA YIN NO, ,KO KI LAKshA BSKOL BA'I KHU, ,BLUD CING DE YI TSOD MA ZOS, ,SNYING RJE GOMS PA'I SKYES BU LTAR, ,DREG NAD SEL BAR BYED PA YIN, ,ZHES BYA BA LA, KO KI LAKshA BSKOL BA'I KHU BA BLUD CING KO KI LAKshA'I TSOD MA DANG BCAS PA'I KHA ZAS ZOS NA DREG NAD SEL BAR BYED DE, DPER NA SNYING RJE LA GOMS PA'I SKYES BUS 'GRO BA LA ZHE SDANG BA SEL CING SPONG BAR BYED PA DANG 'DRA'O, ,RTZA BA LNGA 'AM SKYU RU RA'I, ,KHU BA LI LI TA YI ZHAG ,'KHRIG PA SPONG ZHING 'THUNGS NA NI, ,DREG 'THENG SHIN TU GTING ZUG SEL, ,ZHES BYA BA LA, RTZA BA LNGA PA CHEN PO BSKOL BA'I KHU BA 'AM, SKYU RU RA BSKOL BA'I KHU BA SROG CHAGS LI LI TA ZHES BYA BA'I ZHAG DANG BCAS PAR 'THUNG ZHING NYAL BA'I LAS 'KHRIG PA SPANG ZHING TSANGS PAR SPYOD PA DANG LDAN PAS BSTEN NA DREG NAD KYIS 'THENG BAR GYUR CING, LUS LA SHIN TU GTING ZUG PAR ZHEN PA YANG SEL BAR BYED DO, ,DE LTAR NANG GI BSTAN NAS NI, ,DE 'OG PHYI ROL GSO BA BSHAD, ,CES BYA BA LA, DE LTAR BSHAD MA THAG PA'I TSUL GYIS NANG GI GSO BA'I CHO GA BSTAN NAS, 'DI MAN CHAD NI PHYI ROL NAS JI LTAR GSO BA BSHAD PAR
, ,BYA'O, ,RANG SKYUR BRE BZHIR TIL MAR DANG, ,SRA RTZI POG NI BZHI CHAR BSKOL, ,CHU NANG GZAR BUS MANG DU DKRUGS, ,RIMS TSA NAD GZIR SEL MCHOG YIN, ,ZHES BYA BA LA, RANG SKYUR KAN DZI ZHES BYA BA BRE BZHI'I NANG DU TIL MAR DANG, SRA RTZI BOG DE'I BZHI CHA BCUG STE BSKOL BA GZAR BUS DKRUGS NAS LDE GUR BYAS PA PHYI ROL NAS BSKUS NA RIMS DANG, TSA BA LA SOGS PA'I NAD KYIS GZIR BA SEL ZHING 'JOMS PA'I MCHOG DAM PA YIN NO, ,TIL MAR BTZOD DANG SBRANG RTZI DANG, ,SRA RTZI POG DANG THAL TRES BCAS, , TIL MAR SKA BAS LUS BSKUS NA, ,DREG NAD SEL BA'I DAM PA YIN, ,ZHES BYA BA LA, TIL MAR BTZOD LA SOGS PA DANG BCAS PA BSKOL TE, GONG POR GYUR PA'I SKABS BSKUS NA DREG NAD SEL BAR BYED PA YIN NO, ,RTZA BA BCU DANG 'O MA BSKOL, ,YANG NA LDE GU CHU DRON SBYAR, ,BLUGS NA RLUNG SHAS CHE BA YI, ,GZER NAD 'PHRAL DU SEL BYED YIN, ,ZHES BYA BA LA, RTZA BA BCU DANG BSKOL PA'I 'O MA BLUGS NA RLUNG SHAS CHE BAR GYUR PA'I DREG NAD GZER DANG BCAS PA 'PHRAL DU SEL BAR BYED PA YIN NO, ,YANG NA RTZA BA BCU'I LDE GU DRO 'JAM TZAM DANG SBYAR TE BLUGS NA YANG DE DANG 'DRA'O, ,LUS 'JUG RENGS DANG GZER GYIS NYEN, ,SNUM BZHI PO NI MNGAR BA'I SMAN, ,DRO 'JAM SBYAR BA BLUGS PAR BYA, ,ZHES BYA BA LA, LUS LA 'JUG PA'I RLUNG NAD LA SOGS PAS NYEN CING GZIR BA'I NAD BA LA SNUM BZHI PO ZHUN MAR DANG, RKANG DANG TSIL DANG TIL MAR DANG, ,RGUN 'BRUL SOGS PA MNGAR BA'I SMAN DANG SBYAR BA DRO 'JAM TZAM LUS LA BYUG PAR BYA'O, ,TSA BAR GYUR LA GRONG MO BLUGS, ,ZHES BYA BA LA, GAL TE LUS LA 'JUG PA LA SOGS PA'I DREG NAD DE TSA BA YIN NA NI SNUM BZHI BO DANG MNGAR BA'I SMAN BSKOL BA BSGRANGS PA BLUGS PAR BYA'O, ,DE BZHIN RA LUG PA YI NI, ,'O MA TIL MAR SBYAR BA 'AM, ,ZHES BYA BA LA, DE BZHIN DU RA LA SOGS PA'I 'O MA TIL MAR DANG SBYAR BA YANG DRO 'JAM TZAM DU BYAS TE LUS LA BYUG PA DANG RENGS PA LA SOGS
PA DANG GZER GYIS NYEN PAR GYUR PA'I RLUNG LAS GYUR PA'I DREG NAD LA BLUGS PAR BYA'O, ,DREG NAD TSA BA LA NI 'O MA 'DI DAG DANG TIL MAR SBYAR BA GRANG MO BLUGS PAR BYA'O, ,'TSO BYED SDE TSAN BSKOL BA'AM, ,RTZA BA CHUNG DU LNGA BSKOL BLUGS, ,ZHES BYA BA LA, 'TSO BYED KYI SDE TSAN BSKOL BA'I KHU BA'AM, RTZA BA CHUNG DU LNGA BSKOL BA'I KHU BA DRO 'JAM TZAM LUS LA 'JUG PA LA SOGS PA'I NAD KYIS NYEN PA LA BLUGS PAR BYA BA LA, TSA BA LA NI GRANG MO BLUGS PAR BYA'O, ,RGUN CHU BU RAM SHING KHU CHANG, ,RANG SKYUR ZHO DANG ZHO GA CHU, ,'BRAS BKRUS CHU DANG SBRANG RTZI'I CHU, ,KHA RA'I CHU NI BLUGS NA'ANG PHAN, ,ZHES BYA BA LA, DREG NAD TSA BA DANG LDAN PA LA NI RGUN CHU 'AM BU RAM SHING GI KHU BA LA SOGS PA BLUD NA PHAN NO, ,BUD MED GZUGS SDUG SNYAN PAR SMRA, ,LAG PA NU MA TZANDAN BSKUS, ,REG NA BSIL ZHING BDE BA YIS, ,TSA DANG NA DANG RMYA BA SEL, ,ZHES BYA BA LA, BUD MED GZUGS SDUG CING YID DU 'ONG LA SNYAN PAR SMRA BA, LAG PA DANG NU MA TZANDAN GYIS BSKUS PA REG NA BSIL ZHING BDE BA SKYED PAR BYED PA LA 'KHYUD PAS KYANG LUS TSA BA DANG NA BA DANG RMYA ZHING DUB PA SEL BAR BYED DO, ,MDOG DMAR TSA DANG NAD BCAS LA, ,KHRAG PHYUNG NAS NI LDE GUS BSKU, ,STAG TSER BA DANG SHING MNGAR BTZOD, ,SKYER BA TZANDAN KHA RA DKAR, ,AE RAndA YI SA BON PHYE, ,SRAN CHUNG SHUG PA PU SHEL TZE, ,LDE GUS TSA NA SHU BA MCHED, ,NA ZHING MDOG DMAR SKRANGS PA SEL, ,ZHES BYA BA LA, STAG TSER PA ZHES BYA BA, PRA PUndA R'I KA TZA LA SOGS PA'I LDE GUS BSKUS NA MDOG DMAR ZHING TSA BA LA SOGS PA'I NAD SEL BAR BYED DO, ,KRI SAR NI RLUNG 'JOMS SMAN, ,SNUM BCAS BSKOL PA 'AM MUD GA DANG, ,'O THUG YUNGS KAR TIL TSIGS MA, ,GLAN ZHING DKRIS PAS GZER 'JOMS BYED, ,CES BYA BA LA, KRI SA RA NI TIL DANG MON SRAN SDE'U LA SOGS PA LAS BYAS PA'I THUG PA STE, DE RLUNG 'JOMS PA'I SMAN GYI KHU BA DANG, SNUM DANG BCAS PA BSKOL BA'I LDE GU LTA BUS BSKUS LA DKRIS
, ,PA 'AM DE BZHIN DU MUD GA ZHES BYA BA MON SRAN SDE'U DANG 'O THUG GAM YUNGS KAR DANG TIL GYI TSIGS MA RLUNG 'JOMS PA'I SMAN DANG SNUM BSKOL PAS GLAN ZHING DKRIS PAS KYANG DREG NAD KYI GZER 'JOMS PAR BYED DO, ,CHUR GNAS RLAN CAN MTHU RTZAL GYIS, ,GZAS TSOL SHA BTAGS G-YOS LEGS PA, ,'TSO BYED SMAN DANG SNUM BCAS PAS, ,GLAN ZHING DKRI BA BYAS GYUR NA, ,SRA ZHING GZER LA NA BA DANG, ,SKRANGS DANG G-YAN PA 'JOMS PAR BYED, ,CES BYA BA LA, SROG CHAGS CHU NA GNAS PA DANG, RLAN CAN DANG MTHU RTZAL GYIS GZAS TSOL BA'I SHA ZHIB TU BTAGS TE, TSA LA SOGS PAS G-YOS LEGS PAR BYAS PA DANG, 'TSO BYED KYI SMAN GYI SDE TSAN DANG SNUM DANG BCAS PAS GLAN ZHING DKRIS PAS KYANG DREG NAD SRA ZHING RENGS LA GZER BA LA SOGS PA 'JOMS PAR BYED DO, ,'TSO BYED SMAN DANG BSKOL BA YI, ,'O MA ZHAG GIS BSKUS NA'ANG PHAN, ,ZHES BYA BA LA, ,YANG NA SRA BA LA SOGS PA'I NAD LA 'TSO BYED KYI SDE TSAN DANG BSKOL BA'I 'O MA 'AM ZHAG GIS BSKUS NA YANG DE LA PHAN NO, ,SA HA RA DZA'I RTZA BA DANG, DZI BAN TA'I MAR RA'I 'O MA, LDE GUS BSKUS PA 'AM DE BZHIN DU, TIL BTAGS BRDOS PA'I 'O MAR SBYAR, ,ZHES BYA BA LA, SA HA RA DZA'I KHU BA LA SOGS PA MAR DANG BSKOL BA 'AM, RA'I 'O MA DANG LDE GUR SBYAR BA 'AM TIL BTAGS PA BRNGOS PA 'O MA DANG SBYAR BA'I LDE GUS BSKUS NA YANG PHAN NO, ,ZAR MA 'O MAR SBYAR BA 'AM, ,AE RAndA YI 'BRAS BU NI, ,'O MA DAG DANG SBYAR BA 'AM, ,SHU TI'I 'O MAR SBYAR BA NI, ,RLUNG SHAS CHE BA'I GZER 'JOMS BYED, ,CES BYA BA LA, 'OM DANG ZAR MA'I SA BON BTAB PA 'AM, YANG NA AE RAndA'I 'BRAS BU 'O MA DANG BTAGS PA 'AM, YANG NA SHU TI'I 'O MA DANG SBYAR BA'I LDE GUS BSKUS NA RLUNG GI SHAS CHE BA'I DREG NAD KYIS GZER BA'I NAD 'JOMS PAR BYED DO, ,BA GCIN THAL SMAN CHANG DANG BSKOL, ,MAR GYIS BSKUS NA 'ANG DE LA PHAN, ,ZHES BYA BA LA, YANG NA BA GCIN LA SOGS PA DANG BSKOL BA'I MAR GYIS
BSKUS NA YANG RLUNG SHAS CHE BA'I DREG NAD 'JOMS PAR BYED DO, ,BAD KAN SHAS CHER RGUN TSA DANG, ,BSKOL BA'I MAR BSKU BLUGS PA PHAN, ,ZHES BYA BA LA, DREG NAD BAD KAN GYI SHAS CHE BA LA NI, RGUN CHANG GI TSA DANG BSKOL BA'I MAR BSKU BA DANG BLUGS PA PHAN NO, , SHU DAG RU RTA KHYIM DUD PA, ,SHU TI SER PO RNAM GNYIS KYI, ,LDE GUS BSKUS NA DREG NAD NI, ,RLUNG DANG BAD KAN SHAS CHE SEL, ,ZHES BYA BA LA, RLUNG DANG BAD KAN SHAS CHE BA'I DREG NAD LA NI SHU DAG LA SOGS PA BTAGS PA'I LDE GUS BSKUS NA PHAN NO, ,SHU TI SHA TA NI PUS PA'O, ,SER PO RNAM GNYIS NI YUNG BA DANG SKYER PA'O, ,DE BZHIN SHI KRU'I SA BON NI, ,'BRAS KYI KHU BA'I RANG SKYUR NI, ,YUD TZAM BTAGS NAS SKYUR GYUR PA, ,BLUGS NA BAD RLUNG SHAS CHE SEL, ,ZHES BYA BA LA, MA DU SHI KRU'I SA BON 'BRAS KYI KHU BA'I RANG SKYUR DANG BTAGS PA DES YUD TZAM BSKUS LA DE'I 'OG TU TSA LA SOGS PA SKYUR PO BLUGS NA BAD KAN DANG RLUNG SHAS CHE BA'I DREG NAD SEL BAR BYED DO, ,RTOGS PAR SLA LA BYUGS DANG BSKU, ,BLUGS DANG LUS NI BCING BAS BSAL, ,RTOGS DKA' MAS GTONG DRAG PO DANG, ,BKRU SMAN SNUM GYIS BLUD PAS GSO, ,ZHES BYA BA LA, DREG NAD RTOGS PAR SLA BA MTHON POR BSTEN NA GNAS PA NI SMAN GYI LDE GUS BYUGS PA LA SOGS PAS GSO BAR BYA'O, ,DREG NAD RTOGS PAR DKA' BA ZHES BYA BA MI MNGON ZHING KHONG PAR GTING ZUG PAR NA NA, NI RU HA LA SOGS PAS GSO BAR BYA'O, ,BAD RLUNG SHAS CHER DRO 'JAM SBYAR, ,DE BYUGS LA SOGS GRANG MO YIS, ,LUS NA TSA ZHING G-YA' ZHING SKRANG, ,SRA BA RNAM PAR 'PHEL BAR 'GYUR, ,ZHES BYA BA LA, BAD KAN DANG RLUNG SHAS CHE BA'I DREG NAD LA NI BSKU BA LA SOGS PA DRO 'JAM TZAM BTANG NA PHAN GYI, DER BSKU BYUG LA SOGS PA GRANG MO BYAS NA NI LUS TSA BA LA SOGS PA 'PHEL BAR 'GYUR RO, ,KHRAG MKHRIS SHAS CHE'I DREG NAD LA, ,BYUGS PA LA SOGS BSIL PAS BYA, ,DRO BAS TSA ZHING NAL DMAR, ,RDUL 'BYUNG GAS PA 'BYUNG BAR 'GYUR, ,
, ,ZHES BYA BA LA, KHRAG DANG MKHRIS PA SHAS CHE BA LA NI BYUG PA LA SOGS PA BSIL BA PHAN GYI, BYUG PA LA SOGS PA DRO BA BTANG NA TSA BA LA SOGS PA 'BYUNG BAR 'GYUR RO, ,SHING MNGAR SRANG BRGYA BSKOL BA YI, ,KHU BA BZHI CHA LUS PA RU, , TIL MAR BRE BZHI 'O MA MNYAM, ,TI RA MUR PA TA MA LA, ,NYE'U SHING AA GAR PA YA SYA, ,TZANDAN HAm SA BA TI DANG, ,SPANG SPOS SLE TRES ME DA GNYIS, ,RAM NYE BA GNYIS SHU TI DANG, ,SHUG PA RNAM GNYIS DZI BAN TI, ,DZI BA KA DANG RI SHA BA, ,SHING TSA GANDHA BHA DRA DANG, , CHU SRIN SEN MO BA LE KA ,BTZOD DANG PRA PUndA R'I KA ,SHA RI BA DANG BI SHA LA, ,KU TAN NA TA SRANG RE YI, ,LDE GUR BCAS PA BSKOL BAR BYA, ,SBYOR BA BZHI POS DREG NAD KYI, ,MKHRIS PA'I TSA BA RIMS NAD SEL, ,ZHES BYA BA LA, SHING MNGAR SRANG BRGYA KHU BA BSKOL BA'I CHO GAS BSKOL LA, DE'I SMAN KHU BZHI CHA LUS PAR TIL MAR BRE BZHI SRANG BRGYA NYI SHU RTZA BRGYAD DANG, 'O MA BRE BZHI BSRES LA STHI RA LA SOGS PA'I SMAN SNA RE SRANG RER BYAS PA LDE GUR BYAS PA DANG, BSKOL BA'I SBYOR BA BZHI PO DE BLUD PA DANG, SNA NAS BTANG BA DANG, ,'JAM RTZI DANG BSKU BA'I SBYOR BA BZHI PO BYAS NA DREG NAD KYI TSA BA LA SOGS PA SEL BAR BYED DO, ,STHI RA NI SA LA PAR nA'O, ,TA MA LA KA NI BU DA TRI'O, ,PA YAS SYA NI AAR GA BUS PA'O, ,AA KA RU NI AA KA RU NAG PO'O, ,HAm SA PA TI NI TRI BA DI DANG KRI MI MAR ZHES BYA BA'O, ,ME DA GNYIS NI ME DA DANG MA H'A ME DA'O, ,BI SHA LA NI AI NA DRA'O, ,KU TAN NA TA NI BA RI PER LA'O, ,PA LA'I KHU BA'I LDE GU DANG, ,TIL MAR 'O MA CHA MNYAM BSKOL, ,LAN BRGYA'I BAR DU BSKOL BA DES, ,DREG NAD RLUNG CAN SEL BAR BYED, ,BCUD KYIS LEN GYI DAM PA STE, ,DBANG PO GSAL BAR BYED PA YIN, ,TSE RING LUS 'PHEL SKAD SNYAN DANG, ,KHU CHU KHRAG GI NAD SEL BYED, ,CES BYA BA LA, SMAN PA LA BSKOL BA'I KHU BA 'AM BTAGS PA'I LDE GU TIL MAR DANG 'O MA CHA MNYAM POR BSKOL LA, TIL MAR DE LAN BRGYA PHRAG MANG PO'I BAR DU BSKOL BA DES NI RLUNG
LAS GYUR PA'I DREG NAD SEL BAR BYED PA YIN LA, DE BZHIN DU BCUD KYIS LEN GYI YANG MCHOG YIN ZHING MIG LA SOGS PA'I DBANG PO GSAL BA DANG, TSE RING ZHING SROG 'DZIN PA DANG, LUS 'PHEL ZHING RGYAS PA DANG, GDANGS SNYAN PA DANG, KHU BA DANG KHRAG GI NAD GANG DAG YIN PA SEL ZHING 'JOMS PA YIN NO, ,RGYU BA'I LAM 'GAGS 'KHRUGS GYUR PAS, ,TSIL LAM BAD KAN SHIN TU NI, ,'PHEL BAR GYUR PA'I RLUNG NAD LA, ,SNUM BRTAS DANG PO PHAN PA YIN, ,ZHES BYA BA LA, RLUNG GI RGYU BA'I LAM 'GAGS PAR GYUR PA'I RGYU TSIL LHAG PAR 'PHEL BA 'AM, ,BAD KAN LHAG PAR 'PHEL BAR GYUR PA LA DANG POR SNUM PA DANG BRTA BAR BYA BA'I SMAN GYI SBYOR BA BYAS PAS NI PHAN BA YIN NO, ,DER NI PHYUG PO'I RLUNG NAD KYI, ,GSO BA DREG NAD GSO BAR BYA, ,KHRAG NI DANGS PAR BYED PA YI, ,SNUM DANG SMAN GYI SBYOR BA BYA, ,ZHES BYA BA LA, TSIL LAM BAD KAN 'PHEL BAR GYUR PA'I NAD DE LA NI PHYUG PO'I RLUNG NAD CES BYA BA'I TSIL DBRI, GSO BA'I SBYOR BA GANG DAG YIN PAS RLUNG GI DREG NAD DE GSO BAR BYAS LA DE'I 'OG DU DREG NAD GSO BA'I SBYOR BA JI SKAD SMOS PA BYA ZHING KHRAG NAD MED PAR BYA BA'I SBYOR BA GANG DAG YIN PA DE YANG BYA'O, ,DREG NAD KYI GSO BA BSHAD ZIN NAS DE'I ZHAR LA SROG CES BYA BA'I RLUNG LA SOGS PA RLUNG LNGA PO'I GSO BA SMRAS PA NI, SROG SOGS RLUNG NI CIG CAR 'KHRUGS, ,JI SKAD BSTAN DANG NAD GZHI BZHIN, ,JI LTAR NYE BAR SMAN RNAMS NI, ,NAD TSUL JI BZHIN SBYIN PAR BYA, ,ZHES BYA BA LA SOGS PA YIN TE, SROG LA SOGS PA'I RLUNG LNGA PO CIG CAR DUS GCIG TU 'KHRUGS SHING LDANG BAR GYUR PAL NI, RLUNG GI NAD GSO BA'I MTSAN NYID JI SKAD BSTAN PA DANG MI 'GAL ZHING SROG LA SOGS PA'I NAD LDANG BA LAS GYUR BA'I TSAD KYI TSUL JI LTA BU DANG SROG LA SOGS PA'I GNAS GANG DAG YIN PA DANG, JI LTAR NYE BA'I TSUL DANG MI 'GAL BAR NAD GANG YIN PA LA SROG CES BYA BA'I RLUNG LA SOGS PA LA GANG ZHIG PHAN PAR GYUR PA'I SMAN NAD KYI TSUL LAS BRTAGS TE SBYIN ZHING GSO BAR BYA'O, ,DE LTAR NA 'DIR SMAN CI
, ,RIGS PAR BLOS BRTAGS TE SBYIN PAR BYA BA'I DON YIN NO, ,MA ZHU BCAS LA DUGS DANG SMYUNG, ,SMIN BYA RTZUB SMAN BYUG PA DANG, ,RLUNG SOGS KYIS NI MA ZHU BSAL, ,BYAS LAM 'DRES RLUNG GSO BYA, ,ZHES BYA BA LA, MA ZHU BA DANG BCAS PA'I RLUNG NAD LA NI DUGS DANG, SMYUNG BA LA SOGS PAS SMIN CING MA ZHU BA MED PAR BYAS LA, DE'I 'OG TU MA 'DRES PA'I RLUNG NAD NYI TSE BA'I GSO BA JI SKAD SMOS PA DAG BYA'O, ,SKEM DANG BYA RMYANG YAN LAG 'KHUMS, ,RENGS DANG 'DAR BU TSOR BA MED, ,'GRAM NYAMS KHA YO 'THENG PO DANG, , ZHA BO DREG NAD KYIS 'THENG DANG, ,TSIGS 'KHRUL GZHOGS PHYED NA BA DANG, ,TSIGS DANG RKANG RUS LA ZHUGS NAD, ,'DI DAG GNAS NI GTING RING BAS, ,DE BAS 'DI DAG GSAR BTAB DANG, ,BLA BRNAN MED CING NYAMS STOBS LDAN, ,'BAD NA 'TSO YI GZHAN DU MIN, , ZHES BYA BA LA, SKEM PA'I LUS NI RID CING SKAM BAR 'GYUR RO, ,BYA RMYANG NI LUS 'GYUR ZHING GCU BA'O, ,YAN LAG 'KHUMS PA NI LUS KYI YAN LAG 'DUS SHING ZHUM PA'O, ,RENGS PA NI SHING LTAR RENGS PA'O, ,'DAR BA NI LUS 'DAR BA'O, ,TSOR BA MED PA NI BEM BEM POR GYUR PA'O, ,'GRAM PA NYAMS PA NI 'GRAM PA GNYIS GNAS LAS 'CHUGS SHING NYAMS PA'O, ,KHA YO BA NI RLUNG GIS KHA PHYED YON POR GCUS PA'O, ,'THENG PO NI RKANG PA'I GZUGS PHYED NYAMS PA'O, ,ZHA BO NI YAN LAG 'JAS PA'O, ,DREG NAD KYIS 'THENG PA DE NI RLUNG DANG KHRAG GI NAD KYIS 'THENG PAR 'GYUR BA'O, ,TSIGS 'KHRUL PA NI RANG GI GNAS 'CHUGS PA'O, ,GZHOGS BYED NA BA NI LUS KYI GZHOGS PHYED LHAG PAR NA BA'O, ,GZHAN YANG TSIGS LA SOGS PA LA GNAS SHING GTING DU ZHEN PA'I NAD 'DI DAG NI GNAS GTING RING ZHING BRTAG DKA' BAR ZHEN PA YIN PAS DE'I PHYIR NANG 'DI DAG NI NAD KYIS GSAR DU BTAB CING NAD BYUNG NAS RING PO MA LON PA DANG, BLA BRNAN GYI NAD GZHAN MED CING NAD PA NYAMS STOBS DANG LDAN PA DAG LA SMAN PAS 'BAD PA DANG BCAS TE GSOS NA 'TSO'I, GZHAN DU NI 'TSO BAR MI 'GYUR BAR GSAR DU BTAB PA DANG BLA
BRNAN MED PA'I SKABS SU 'BAD DE GSO BAR BYA'O, ,MKHRIS 'DRES RLUNG LA GRANG DRO BA'I, ,GSO BA'I RIM GYIS MANG DU BYAS, ,'TSO BYED SDE DANG BSKOL BA YI, ,SMAN MAR DAG KYANG BLUD PAR BYA, ,ZHES BYA BA LA, MKHRIS PA DANG 'DRES PA'I RLUNG NAD LA NI GRANG BA DANG DRO BA'I GSO BA'I RIM GYIS SPONG MANG DU BYAS PA LA, DE BZHIN DU 'TSO BYED KYI SDE TSAN DANG BSKOL BA'I SMAN MAR DAG KYANG NAD PA DE LA BLUD PAR BYA'O, ,SKAM SA'I SHA DANG S'A LU NAS, ,BKRU SMAN 'O MAR BCAS 'JAM GTANG, ,ZHES BYA BA LA, MKHRIS PA DANG 'DRES SHING MKHRIS PA BSGRIBS PA'I RLUNG GI NAD 'DI LA SKAM SA'I SROG CHAGS KYI SHA DANG 'BRAS S'A LU DANG NAS KYI KHA ZAS SBYIN ZHING BKRU SMAN 'O MA DANG SBYAR BA'I 'JAM BO GTANG BAR BYA'O, ,RTZA BA LNGA DANG BA LAR BSKOL, ,'O MA'I MAS GTONG SBYOR BA BYA, ,ZHES BYA BA LA, MKHRIS PA DANG 'DRES PA'I RLUNG 'DI LA MAS GTONG BA'I SMAN RTZA BA LNGA CHEN PO DANG BA LA BSKOL BA'I KHU BA DANG LHAN CIG BSKOL BA'I MAS GTONG BA'I SBYOR BA DAG GTANG BAR BYA'O, ,SMAN MAR BSKOL BA'I TIL MAR GYI, ,'JAM RTZI DUS SU GTANG BAR BYA, ,ZHES BYA BA LA, YANG DE 'JAM RTZI BTANG BA'I DUS LA BAB PA NA SMAN MNGAR BA'I SDE TSAN DANG BSKOL BA'I TIL MAR GYI SNUM GYI 'JAM RTZI MAS GTONG BAR BYA'O, ,SHING MNGAR BA LA TIL MAR DANG, ,MAR DANG 'O MAR BSKOL BA BLUGS, ,RTZA BA LNGA YI KHU BA'AM, ,CHU NI GRANG MO NYID BLUGS BYA, ,ZHES BYA BA LA, YANG NA DE LA SHING MNGAR BSKOL PA'I TIL MAR 'O MA DANG MAR DU BSKOL BA BLUD NA YANG PHAN NO, ,YANG NA RTZA BA LNGA BSKOL BA'I KHU BA BLUGS PA 'AM, YANG NA CHU GRANG MO BLUGS NA YANG MKHRIS PA DANG 'DRES PA'I RLUNG LA PHAN NO, ,BAN KAN BCAS LA NAS KYI ZAN, ,SKAM SA'I RI DAGS BYA YI SHA, ,DUGS DANG MAS GTONG BKRU SMAN NO, ,SLON SMAN BKRU SMAN BCAS PA GTANG, ,MAR RNYING TIL MAR YUNGS KAR LAS, ,BYUNG BA'I MAR NI BLUD NA PHAN, ,ZHES BYA BA LA, BAD KAN DANG BCAS SHING 'DRES PA'I RLUNG LA NI NAS KYI ZAN DANG, SKAM SA NA GNAS PA'I RI DAGS DANG BYA'I SHA DANG, DUGS BYA BA DANG,
, ,NI RU HA RNON PO GTANG BA DANG, SLON SMAN DANG BKRU SMAN BTANG PA DAG PHAN LA, DE BZHIN DU MAR RNYING PA DANG, YUNGS KAR GYI MAR BLUD NA PHAN NO, ,BAD KAN MKHRIS PA 'DRES PA LA, ,DANG POR MKHRIS PA GSO BAR BYA, ,ZHES BYA BA LA, BAD KAN DANG MKHRIS PA GNYIS KA DANG 'DRES PA'I RLUNG NAD LA NI DANG PO KHO NAR MKHRIS PA GSOS LA, DE'I RJES LA BAD KAN DANG 'DRES PA'I RLUNG NAD BSAL BAR BYA'O, ,KHRAG DANG 'DRES LA DREG NAD KYI, ,GSO BA JI SKAD BSHAD PAR BYA, ,ZHES BYA BA LA, KHRAG DANG 'DRES PA'I RLUNG NAD NI DREG NAD KYI GSO BA GONG DU JI SKAD SMOS PA DAG BYA'O, ,DUGS BSKU SHA KHU 'O MA DANG, ,SNUM DANG BCAS PAS SHA BKRA SEL, ,ZHES BYA BA LA, SHA LA GNAS SHING DE'I NANG DU ZHUGS PA'I RLUNG LA NI DUGS LA SOGS CI RIGS SU SBYAR RO, ,PHYUG PO'I RLUNG LA GCIN SNYI DANG, ,TSIL DANG RLUNG 'JOMS SMAN GYIS GSO, ,ZHES BYA BA LA, PHYUG PO'I RLUNG NAD TSIL DANG RLUNG DU 'DRES PA LA GCIN SNYI BA ZA GU'I NAD 'JOMS PA DANG, TSIL 'JOMS PA'I SMAN GANG DAG YIN PAS GSO BAR BYA'O, ,RUS PA RKANG GNAS SNUM CHEN GYIS, ,KHU CHUR GNAS LA SNGAR BSHAD PA'I, ,ZHES BYA BA LA, RUS PA DANG RKANG LA GNAS PA'I RLUNG LA NI SNUM CHEN PO BZHI'I SBYOR BAS GSO BAR BYA'O, ,KHU CHUR GNAS PA'I RLUNG NAD LA NI SNGAR RLUNG NAD KYI GSO BA'I SKABS SU KHU CHU LA GNAS PA'I RLUNG LA PHAN PA'I SMAN GYIS GSO BAR BYA'O, ,ZAS DANG 'DRES LA 'JU BYED DANG, ,DROD SKYED SKYUG SMAN YANG BA BTANG, ,ZHES BYA BA LA, ZAS DANG 'DRES PA LAS GYUR PA'I RLUNG NAD LA NI 'JU BAR BYED PA'I SMAN DANG, DE BZHIN DU DROD SKYED PA DANG SKYUG SMAN GYIS SLON PA DANG, RANG BZHIN DANG TSAD KYIS YANG BAR GYUR PA'I SMAN GANG DAG YIN PA BTANG BAS GSO BAR BYA'O, ,GCIN 'DRES GCIN NI 'PHEL BA DANG, ,DUGS DANG 'JAM RTZI GONG MAS GSO, ,ZHES BYA BA LA, GCIN DANG 'DRES PA'I RLUNG NAD LA NI GCIN 'PHEL BAR BYED PA'I SMAN GA GO NI DANG, GZE MA LA SOGS PA'I SMAN BYIN NA PHAN PA DANG DE BZHIN DU DUGS DANG
MTSAN GYI SGO NAS 'JAM RTZI BTANG PAS GSO BAR BYA'O, ,BSHANG 'DRES AE RAndA'I MAR DANG, ,'JAM RTZI SNUM NI 'KHRU BYED PHAN, ,ZHES BYA BA LA, BSHANG BA LA GNAS SHING DE DANG 'DRES PA'I RLUNG LA NI AE RAndA'I TIL MAR DANG 'JAM RTZI DANG SNUM 'KHRU BAR BYED PA BYIN NA, PHAN NO, ,LUS ZUNGS KUN ZHUGS RLUNG NAD LA, ,BAD KAN MKHRIS PAR MI GNOD DANG, ,GANG YANG RLUNG NI BDER RGYU BA'I, ,SMAN DE RLUNG NAD DE LA GTANG, ,ZHES BYA BA LA, LUS THAMS CAD LA ZHUGS SHING BRTEN PA'I RLUNG NAD LA NI SMAN GANG BAD KAN DANG MKHRIS PA LA GNOD PA MI SKYED CING, LDANG BAR MI 'GYUR BA RLUNG LA NI BDE BAR RGYU BAR BYED PA'I SMAN DE GTANG BAR BYA'O, ,'KHRU BAR MI BYED SNUM PA DANG, ,RTZA RGYUN SBYONG BAR BYED PA DANG, ,MAS GTONG BA NI MNGAR BA DANG, ,SNUM GYI 'JAM RTZIS GSO BAR BYA, ,NYAMS STOBS CI YOD BA RTAGS NAS NI, ,BKRU SMAN 'JAM PO GTANG BAR BYA, ,BCUD KYIS LEN NI THAMS CAD KYI, ,SBYOR BA DAG KYANG BSNGAGS PA YIN, ,MCHOG TU BRAG ZHUN SBYOR BA DANG, ,DE BZHIN GU GUL NYI TSE 'AM, ,KHA RA SRANG STONG CHIG BRGYAR BCAS, ,PA BA SANGS BSHAD LDE GU'ANG PHAN, ,ZHES BYA BA LA, LUS ZUNGS THAMS CAD LA GNAS PA'I RLUNG NAD DE LA NI YANG 'KHRU BAR MI BYED PA'I SNUM DANG, BU GA'I RTZA RGYUN SBYONG ZHING DAG PAR BYED PA'I ZAS DANG SKOM DANG SMAN THAMS CAD GTANG BAR BYA'O, ,DE BZHIN DU PHAL CHER MNGAR BA DANG SBYOR BA'I 'JAM RTZI MAS GTONG BA DANG, SNUM GYI 'JAM RTZI DAG GIS GSO BAR BYA BA DANG, NAD PA'I NYAMS STOBS LAS DPAGS TE BKRU SMAN 'JAM PO BTANG BA DANG, BCUD KYIS LEN GYI SBYOR BA JI SKAD SMOS PA DAG BSTEN NA PHAN PA DANG, KHYAD PAR RAM MCHOG TU BRAG ZHUN GYI SBYOR BA LAN MANG DU BSTEN NA PHAN PA DANG, DE BZHIN DU GU GUL NYI TSE'I SBYOR BA BTANG NA PHAN PA DANG, PA PA SANGS KYIS BSHAD PA'I BCUD KYIS LEN PA'I SBYOR BA JI SKAD BSHAD PA DAG KYANG PHAN TE, DE NI KHAR SRANG STONG CHIG BRGYA DANG BCAS PA'I LCAGS PHYE'I SBYOR BA LAS BYED PA YIN NO, ,THUR SEL 'DRES LA DROD
, ,SKYED DANG, ,'KHRU GCOD RLUNG NI BDER RGYU BYED, ,GCIN GYI GNAS NI SBYONG BYED PA'I, ,SMAN RNAMS DE LA GTANG BAR BYA, ,ZHES BYA BA LA, THUR DU SEL BA ZHES BYA BA'I RLUNG GANG DANG 'DRES KYANG RUNG STE, DE LA NI PHO BA'I ME DROD SKYED PAR BYED PA DANG, ,'KHRU BA GCOD PAR BYED PA DANG, ,RLUNG BDE BAR RGYU ZHING 'BYUNG BAR BYED PA DANG, GCIN GYI GNAS LGANG PA SBYONG BAR BYED PA'I SMAN GANG DAG YIN PA DE THAMS CAD GTANG BAR BYA'O, ,DE LTAR SROG LA SOGS PA YI, ,'DRES PA'I GSO BA MDOR BSHAD YIN, ,SMAN PAS DE GSO RGYAS PAR NI, ,BLO YIS BRTAGS TE CI RIGS BYA, ,ZHES BYA BA LA, ,DE LTAR BSHAD MA THAG PA'I TSUL GYIS SROG CES BYA BA LA SOGS PA'I RLUNG DANG NAD GZHAN 'DRES PA'I GSO BA MDO TZAM DU BSTAN PA YIN GYI, SROG LA SOGS PA'I RLUNG LNGA PO DE DAG GI GSO BA RGYA CHER NI SMAN PAS BLOS LEGS PAR BRTAGS LA JI LTAR 'OS PA DANG CI RIGS PAR SBYAR BAR BYA'O, ,STOD DU RGYU BA'I SPYI BOR BSDU, ,THUR SEL DE LAS BZLOG PAR BYA, ,ME DANG MNYAM GNAS MNYAM PAR BYA, ,KHYAB BYED GSUM DU SBYAR BAR BYA, ,ZHES BYA BA LA, STOD DU RGYU BA'I RLUNG NI SPYI BOR DRANG ZHING BSDU BAR BYA LA, THUR DU SEL BA'I RLUNG NI DE LAS GO BZLOG PA STE, CI NAS KYANG THUR DU RGYU ZHING 'GRO BAR BYA LA, ME DANG MNYAM DU GNAS PA NI, CHA MNYAM PA NYID DU BYAS TE, STENG DU DRANG BAR YANG MI BYA LA, 'OG TU DRANG BAR YANG MI BYA'O, , CI NAS KYANG DE NYID DU MNYAM PAR GNAS PAR BYA'O, ,KHYAB BYED CES BYA BA'I RLUNG NI STENG DANG 'OG DANG BAR GSUM CHAR DU GNAS PAR BYA'O, ,BZHI PO BAS KYANG SROG BSRUNG STE, ,DE GNAS NA NI LUS GNAS 'GYUR, ,ZHES BYA BA LA, STOD DU RGYU BA LA SOGS PA'I RLUNG BZHI PO BAS KYANG, RNAM PA THAMS CAD DU 'BAD DE SROG CES BYA BA'I RLUNG LHAG PAR BSRUNG BAR BYA STE, GANG GI PHYIR SROG CES BYA BA'I RLUNG DE GNAS NA LUS GNAS SHING MI 'JIG PAR 'GYUR BA YIN NO, ,DE LTAR RLUNG NI LAM GZHAN ZHUGS, ,RANG RANG GI NI GNAS
SU GZHAG ,CES BYA BA LA, DE LTAR TSUL 'DIS NA LAM GZHAN DU ZHUGS PA'I RLUNG THAMS CAD RNAM PA SNA TSOGS KYIS DE LAS BZLOG CING RANG GI GNAS SU GZHAG CING BSDU ZHING GZHAG PAR BYA'O, ,KHRAG MKHRIS 'DRES PA MA GTOGS PA, ,'DRES PA'I NAD NI THAMS CAD LA; ,BCUD KYIS LEN GYI CHO GA BZHIN, ,SGOG SKYA BSTEN NA SEL BAR BYED, ,CES BYA BA LA, RLUNG NAD GZHAN DANG 'DRES PA SNGAR BSHAD PA THAMS CAD LA KHRAG DANG 'DRES PA MKHRIS PA DANG 'DRES PA MA GTOGS PAR GZHAN THAMS CAD LA BCUD KYIS LEN GYI CHO GA JI SKAD BSHAD PA BZHIN DU SGOG SKYA BSTEN NA YANG NAD DE THAMS CAD SEL BAR BYED DO, ,MKHRIS PA 'DRES LA MKHRIS SEL BAS, ,RLUNG NI BDE BAR RGYU BAR BYA, ,ZHES BYA BA LA, MKHRIS PA DANG STOD DU RGYU BA LA SOGS PA 'DRES PA NI MKHRIS PA SEL BAR BYED PA'I SMAN GANG DAG YIN PA DANG, DE BZHIN DU RLUNG BDE BAR RGYU BA GANG DAG YIN PA DE BYA'O, ,KHRAG DANG 'DRES LA DE NYID DANG, ,'THENG BA'I NAD BSHAD SMAN BYA'O, ,ZHES BYA BA LA, STOD DU RGYU BA LA SOGS PA KHRAG DANG 'DRES PA LA NI MKHRIS PA'I SMAN DANG RLUNG BDE BAR RGYU BA SNGA MA DE NYID DANG, RLUNG NAD 'THENG PA'I SMAN GANG DAG YIN PA DE BYA'O, ,KHRAG MKHRIS RLUNG NI SEL BA YI, ,BCUD KYIS LEN NI SNA TSOGS SBYAR, ,ZHES BYA BA LA, YANG NA NAD DE LA NAD GZHI DANG, LUS ZUNGS LA SOGS PA KHRAG DANG 'DRES PA LA NI LEGS PAR BRTAGS LA KHRAG LA SOGS PA SEL BA'I BCUD KYIS LEN PA SNA TSOGS DANG CI RIGS PAR SBYAR BAR BYA'O, ,NAD GZHI JI LTAR BSTAN PA BZHIN, ,GSO BA DE LTAR YANG DAG BSHAD, ,NYAM THAG 'PHRAL DU SEL BA 'DI, ,TSE YI RIG BYED GNAS 'BRAS BU, ,ZHES BYA BA LA, NAD GZHI SNGAR JI SKAD BSTAN PA BZHIN DU GSO BA'I BSHAD PA YANG DE LTAR BKOD CING BSHAD DE TSUL DE LTAR LE'U NYI SHU RTZA GNYIS KYI GSO BA YANG DAG PAR BSHAD PA YIN NO, ,GSO BA'I GNAS 'DI NI NAD KYIS NYAM THAG BA NYID 'PHRAL DU DE'I MOD LA SEL ZHING 'JIG PAR BYED PA'I RGYUS NA TSE'I RIG BYED KYI GNAS MA LUS PA'I 'BRAS BUR GYUR PA YIN NO, ,GSO BA PHAN PA GNOD SEL
, ,DANG, ,SBYOR BA SMAN DANG RTZI DANG NI, ,ZHI BAR BYED DANG SNGAGS BYA STE, ,DE DAG SMAN MING RNAM GRANGS YIN, ,ZHES BYA BA LA, SMAN NI GSO BA DANG PHAN PA ZHES BYA BA LA SOGS PA'I MING GI RNAM GRANGS KYI TSE'I RIG BYED LA MKHAS PA'I DRANG SRONG RNAMS KYIS BSTAN CING BSHAD PA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, GSO BA'I GNAS LE'U NYI SHU RTZA GNYIS PA'I RNAM PAR 'GREL PA'O,, ,,YAN LAG BRGYAD PA'I SNYING PO'I GNAS ZHES BYA BA GNAS BZHI PA'I 'GREL PA RDZOGS SO,, ,,DE NAS SKYUG SMAN GYI CHO GA BSHAD PAR BYA'O, ,ZHES BYA BA LA, GSO BA'I GNAS KYI 'OG TU CHO GA GRUB PA'I GNAS BSHAD PA NI SHIN TU RIGS PA KHO NA YIN TE, GSO BA NI CHO GA'I GNAS LA LTOS PAR BYA DGOS PA YIN PA'I PHYIR RO, ,DE YANG, DUS STOBS BYA BA SHES PA YIS, ,SKYO MA SHA KHU BU RAM SHING, ,KHU BA 'AM CHO GA LAS BSHAD CHANG, ,SKYUG SMAN DON DU SBYAR BAR BYA, ,ZHES BYA BA LA SOGS PA SMOS PA'I RIGS PAS GSO BA NI PHAL CHER CHO GA'I GNAS LA LTOS DGOS PA NYID YIN PA'I PHYIR RO, ,SKYUG PAR BYED PA'I SMAN RNAMS BYA BA'I SBYOR BA NI CHO GA STE LAS SU BYA'O, ,DE LA NAD 'BYIN PAR BYED PA NI SKYUG PA'I SMAN TE, DE LTAR SKYUG SMAN SNGON DU BTANG BAS BKRU SMAN LA SOGS PA LAS RNAM PA LNGA'I NANG NA SKYUG SMAN MCHOG NYID YIN PAR BSHAD PA YIN NO, , RGYUN SHES KYI BU LA SOGS PA DRANG SRONG CHEN PO RNAMS KYIS 'DI LTAR BSHAD DE ZHES BYA BA LA NI SNGA MA BZHIN DU BSHAD PAR BYA'O, ,SKYUG SMAN MCHOG NI PO SON CHA, ,DUR BYID RTZA BA BKRU SMAN MCHOG ,GZHAN DAG NAD KYI DBANG LAS NI, ,KHYAD PAR DU NI GYUR PA YIN, ,ZHES BYA BA LA, SKYUG SMAN DU BTANG BA'I SMAN RNAMS KYI MCHOG NI PO SON CHA ZHES BYA BA MA DA NA PHA LA MCHOG DAM PA YIN TE, DE NI SKYON MED BA YIN LA, DE BAS NA SMAN DE NI DUS THAMS CAD DU NAD THAMS CAD LA PHAN PA YIN PA'I PHYIR RO, ,BKRU SMAN RNAMS KYI NANG NA DUR BYID KYI RTZA BA MCHOG DAM PA YIN TE, RTAG PAR
NAD THAMS CAD BDE BAR 'KHRU BAR BYED CING GNOD PA MI SKYED PA YIN PA'I PHYIR RO, ,DZI MU TA LA SOGS PA'I SMAN GZHAN RNAMS NI NAD RO RE'I DBANG DU BYAS PA'I KHYAD PAR LA LTOS NAS KHYAD PAR DU 'PHAGS SHING MCHOG TU GYUR PA YIN GYI, BO SON CHA'I 'BRAS BU DANG, DUR BYID KYI RTZA BA LTAR DUS, THAMS CAD LA PHAN ZHING MCHOG TU GYUR PA MA YIN NO, ,PO SON CHA DE MDOG SKYA ZHING, ,SHIN DU SNGO BA 'AM MA YIN PA, ,NYIN ZHAG TSES GRANGS SHIS PA LA, ,SOS KA DPYID KYI MTSAMS SU BTU, ,PHYIS NAS 'JAG MA'I SNOD DU NI, ,BCUG STE BCINGS LA BA LANG GI ,LCI BAS SNOD DE BYUGS NAS NI, ,'BRU YI NANG DU GZHAG PAR BYA, ,ZHES BYA BA LA, PO SON CHA DE BA TU BA YANG MDOG SKYA BA STE SMIN PA LAS SHIN TU THAL BA'I MDOG HA CANG SKYA BA MA YIN PA DANG, DE BZHIN DU SHIN TU SNGO BA YANG MA SMIN PA YIN PAS DE LTA BU YANG MA YIN TE, DE LTAR SMIN NAS THAL CHES PA DANG, MA SMIN PA GNYIS KA MA YIN PA DE NYIN ZHAG DANG TSES GRANGS SHIS SHING BZANG BA LA SOGS PA'I DUS TSIGS DANG, DPYID KYI DUS KYI BAR MTSAMS SU LEGS PAR BTU ZHING BLANGS NAS PHYIS SHING SBYANGS NAS 'JAG MA'I SNOD DU BYAS PA'I NANG DU BCUG STE, STENG NAS SRAD BU LA SOGS PAS BCINGS LA DE'I 'OG TU BA LANG GI LCI BAS SNOD DE'I PHYI ROL NAS BSKU ZHING BYUG PAR BYA'O, ,DE LTAR BSKUS PA'I RJES LA 'JAG MA'I THUM BU DE ZHAG BRGYAD KYI BAR DU 'BRAS KYI PHUNG BO'I NANG DU BCUG LA GZHAG PAR BYA'O, ,'JAG MAS DKRIS PAS 'JAM PA DANG, ,SBRANG RTZI LTA BUR DRI ZHIM LA; ,ZHAG BRGYAD 'DAS PAR GYUR BA DANG, ,PHYUNG STE DE NI NYI MAR BSKAM, ,ZHES BYA BA LA, BO SON CHA DE 'JAG MAS DKRIS PA'I DBANG GIS GANG GI TSE 'JAM POR GYUR CING SBRANG RTZI LTA BUR DRI CUNG ZAD ZHIM BAR GYUR PA DANG, ZHAG BRGYAD 'DAS PA DE'I TSE 'JAG MA'I SNOD KYI NANG NAS PHYUNG LA NYI MA LA BSKAM PAR BYA'O, ,DE 'OG LEGS PAR BSKAMS PA DANG, ,NANG GI 'BRAS BU PHYUNG NAS NI, ,ZHO DANG ZHO GA CHU MAR GYI, ,LDE GUR MNYES LA SLAR YANG BSKAM, ,ZHES BYA BA LA, PO SON CHA DE LEGS PAR BSKAMS PAR GYUR PA DANG, NANG GI 'BRAS BU GANG YIN PA DE PHYUNG
, ,LA DE ZHO LA SOGS PA DANG MNYES LA, LDE GU DE YANG BSKAM PAR BYA'O, ,DE NAS LEGS PAR SBAS TE BZHAG ,DGOS PA'I DUS SU SBYAR BAR BYA, ,ZHES BYA BA LA, DE'I 'OG TU NANG GI 'BRAS BU BSKAMS PA DES RDZA'I BUM PA SAR PA MGRIN PA'I BAR DU BKANG STE, LEGS PAR SBAS LA DE NAS NAM SBYOR BA LA DGOS PA'I DUS SU DE SBYAR ZHING GTANG BAR BYA'O, ,DE NAS DE LA TSAD TZAM DU, ,BLANGS NAS CHAM CHOM BRDUNGS NAS NI, ,SHING MNGAR GO BYE BI DA [?] RA'AM, ,BIM PA LCANG MA SLE SMAN TA, ,BU TI AA PA MARGA DANG, ,AARGA GANG YANG RUNG BA NI, , BSKOL BA'I CHU YI NANG DU NI, ,NUB GCIG LEGS PAR SPANG BAR BYA, ,ZHES BYA BA LA, DE NAS DE'I 'OG TU PO SON CHA'I 'BRAS BU DE LAS CI TZAM GYI SLOB PAR GYUR PA'I TSAD TZAM BLANGS LA, GTUN GYI NANG DU CHAM CHOM BRDUNGS TE BTAGS PA SHING MNGAR LA SOGS PA GANG YANG RUNG BA BSKOL PA'I CHU'I NANG DU NUB GCIG GI BAR DU SPANG BAR BYA'O, ,DE NAS SMAN GYI KHU BA DE, ,MNYES SHING BTZAGS LA NANG PAR NI, ,MDO NAS BSTAN PA'I CHO GA BZHIN, ,LEGS PAR BLUD LA SKYUG TU GZHUG ,CES BYA BA LA, DE LTAR NUB GCIG SPANGS NAS SMAN GYI KHU BA DE LEGS PAR MNYES LA; TSAGS KYIS BTZAGS TE, NANG PAR GYI DUS SU BLUD PA LA SNGAR MDO'I GNAS SU JI SKAD BSTAN PA'I CHO GA BZHIN DU LEGS PAR BYAS TE, SLON ZHING SKYUG TU GZHUG PAR BYA'O, ,BAD KAN LAS GYUR RIMS CHAM PA, ,SKRAN DANG KHONG 'BRAS RNAMS LA NI, ,JI SRID MKHRIS PA SNANG GI BAR, ,KHYAD PAR DU NI SKYUG TU GZHUG ,CES BYA BA LA, BAD KAN LAS GYUR PA'I RIMS LA SOGS PA'I NAD LA SKYUG SMAN BYIN TE, DUS JI SRID DU MKHRIS PA SNANG BAR GYUR PA DE SRID KYI BAR DU SKYUG TU GZHUG GO, ,PO SON CHA YI 'BRAS BU YI, ,PHYE MA BSKOL BA'I KHU BAR NI, , 'BRAS BU GSUM PHYE CHA GSUM BTAB, ,KO BI DAR SOGS KHUR BCAS, ,BLUD NA RIMS DANG DMU RDZING DANG, ,RMEN BU 'BRAS DANG 'BRUM CHEN DANG, ,GTUN 'DRA'I RLUNG NAD SEL BAR BYED, ,CES BYA BA LA, BO SON CHA'I NANG GI 'BRAS BU'I PHYE MA'AM, DE BSKOL BA'I RANG GI KHU BA
DANG DE'I SUM CHA'I 'BRAS BU GSUM GYI PHYE MA BSRES LA, KO BI DA RA LA SOGS PA'I KHU BA DANG BCAS PAR BLUD NA RIMS LA SOGS PA'I NAD SEL BAR BYED DO, ,MKHRIS PA BAD KAN GNAS ZHUGS LA, ,DZI MU TA SOGS KHU BAR BLUD, ,CES BYA BA LA, PO SON CHA'I NANG GI 'BRAS BU'I PHYE MA DE DZI MU TA LA SOGS PA STE, DZI MU TA KA DANG AI KshA KU DANG, KA SHA TA KI RNAM GNYIS DANG, DUG MO YUNGS KYI SA BON BSKOL BA'I KHU BA DANG SBYAR BA BLUD NA MKHRIS PA BAD KAN GYI GNAS SU ZHUGS PA'I NAD LA PHAN NO, ,SNYING TSA KHRAG MKHRIS DAG LA NI, ,DE 'BRAS 'O MAR BSKOL BA YI, ,'O THUG BCAS PA BLUD PAR BYA, ,ZHES BYA BA LA, PO SON CHA DE'I NANG GI 'BRAS BU 'O MAR BSKOL BA DANG SBYAR TE BLUD BA 'AM, 'O THUG GI NANG DU PO SON CHA'I NANG GI 'BRAS BU BTAB PA BLUD NA SNYING TSA BA LA SOGS PA'I NAD SEL BAR BYED DO, ,BAD KAN LAS GYUR SLON BRO DANG, CHAM PA MUN THIBS BYED PA LA, ,DE BSKOL 'O MA LAS BYUNG BA'I, ,ZHO YI SPRIS MA 'AM ZHO BLUD BYA, ,PO SON CHA SOGS LDE GU DANG, ,BSKOL BA'I 'O MA LAS BYUNG BA'I, ,MAR SAR BAD KAN GYIS DROD NYAMS, ,LUS SKAM PA LA SKYUG SMAN BYA, ,ZHES BYA BA LA, BAD KAN LAS GYUR PA'I SLON BRO BA LA SOGS PA'I NAD LA NI PO SON CHA'I NANG GI 'BRAS BU 'O MA DANG BSKOL BA MNAN PA LAS GYUR PA'I ZHO'I SPRIS MA'AM, MNAN PA'I ZHO DE NYID BLUD LA SLON DU GZHUG PAR BYA'O, ,CHAM PA'I NAD BAD KAN GYI LJAN LJIN MANG DU 'BYUNG BAR BYED PA'O, ,MUN THIBS ZHES BYA BA NI, DBUGS MI BDE BA'I NAD KYIS MUN PAR ZHUGS PA SNYAM DU SEMS PA'O, ,PO SON CHA LA SOGS PA'I LDE GU DANG BSKOL BA'I 'O MA BLUGS PA LAS BYUNG BA'I MAR SAR BLUD NA, BAD KAN GYIS DROD NYAMS PAR BYAS PA DANG, DE BZHIN DU LUS BSKAMS SHING SBEGS PAR GYUR PA LA SKYUG SMAN DU BYA'O, ,BO SON CHA SOGS ZHES BYA BA'I SOGS PA'I SGRAS NI, DZI MU TA KA DANG, AI KshA KU DANG KO SHA TA KI DANG, RA DZA KO SHA TA KI DANG, DUG MO YUNGS KYI SA BON BSDUS TE SKYUG SMAN GYI MCHOG DRUG PA DE DAG BSKOL BA'I KHU BA 'AM BTAGS PA'I LDE GU DANG 'O MAR BSRES PA LAS BYUNG BA'I MAR SAR RO, ,
, ,PO SON CHA YI KHU BA NI, ,BA SE SHING CHO GAS BTZAGS NAS NI, ,GZAR BUR CHAGS PA'I BAR DU BSKOL, ,BYIN LA BDE BAR SKYUG TU GZHUG ,CES BYA BA LA, PO SON CHA'I NANG GI 'BRAS BU BSKOL BA'I KHU BA NI BSE SHING GI 'BRAS BU'I CHO GA JI SKAD, SMOS PA LTAR BTZAGS TE, GZAR BU LA CHAGS KYI BAR DU BSKOL, DE'I 'OG DU LDE GU DE BYIN LA, BDE ZHING NYAM NGA BA MED PAR SKYUG TU GZHUG PAR BYA'O, ,LDE GU DE 'AM DE'I KHU BA, ,BZA' DANG BTUNG BAR SBYAR TE GTANG, ,ZHES BYA BA LA BSHAD MA THAG PA'I LDE GU DE BZA' BA DANG BTUNG BA BSRES TE BTANG BA 'AM, ,PO SON CHA DE'I NANG GI 'BRAS BU BSKOL BA'I KHU BA BZA' BA DANG BTUNG BA LA SOGS PA DANG SBYAR TE BYIN LA SLON DU GZHUG PAR BYA'O, ,PO SON CHA'I 'BRAS BU'I KHU BA, ,DUG MO YUNGS SOGS SDE TSAN BTAB, ,NI MA PA AARGA GANG YANG RUNG, , BSKOL BA'I KHU BAR BCAS PA NI, ,BLUD NA NYAMS BRTAS LAS BYUNG NAD, ,GTING ZUG KUN KYANG SEL BAR BYED, ,CES BYA BA LA, PO SON CHA'I NANG GI 'BRAS BU BSKOL BA'I KHU BA'I NANG DU DUG MO YUNGS LA SOGS PA'I SMAN GYI SDE TSAN GYI PHYE MA BTAB LA, NIM PA 'AM AARGA BSKOL BA'I KHU BA DANG SBYAR TE BLUD NA, NYAMS BRTAS PA LAS BYUNG BA'I NAD GTING ZUG CING NANG DU ZHEN PAR GYUR PA THAMS CAD KYANG SEL ZHING 'JOMS PAR BYED DO, ,PO SON CHA YI ME TOG NI, ,ZHIB BTAGS PHRENG BSGOS MAN MAS NAS NI, ,THUG SHA KHU SOGS NGOMS PA BLUD, , SKYID DE BA NI BDER SLON GZHUG ,CES BYA BA LA, PO SON CHA NI MA DA NA PHA LA STE, DE'I ME TOG ZHIB TU BTAGS PA ME TOG GI GE SAR GYI RDUL 'DRA BAR BYAS LA, PHYE MA DES ME TOG GI PHRENG BA LA LEGS PAR BSGOS PA DE LTA BU'I DRI PHUN SUM TSOGS PA MNAMS PAS BAD KAN DANG MKHRIS PA LEGS PAR BSLANGS SHING G-YOS PAR BYAS NAS THUG BA DANG, SHA KHU DANG KRI SA RA DANG, NAS THUG LA SOGS PA GANG YANG RUNG BA NGOMS PAR BLUD DE, DRI DE MAN MA LA DE LTA BUS SDUG MA MYONG ZHING, SKYID DE BAR GNAS PA 'AM, BYIS PA GZHON NU NGAG BDE ZHING NYAM
NGA BA MED PAR SLON DU GZHUG PAR BYA'O, ,PO SON CHA MED ME TOG DANG, ,'BRAS BU GZHON NU DE BZHIN SBYAR, ,ZHES BYA BA LA, GAL TE PO SON CHA'I 'BRAS BU MED CING MA RNYED PAR GYUR NA DE BZHIN DU PO SON CHA'I ME TOG GAM, ,PO SON CHA'I 'BRAS BUM SMIN PA GZHON NU BTAGS LA SHING MNGAR LA SOGS PA BSKOL BA'I CHU'I NANG DU NUB GCIG SPANGS LA, SLAR BCAGS PA'I KHU PA MDO'I GNAS LAS SMOS PA'I CHO GAS BTUNG BAR BYA BA LA SOGS PA NAS, DE'I PHYE MA ZHIB MOS BSGOS PA'I PHRENG BA MNAMS PAS BDE BAR SLON DU GZHUG PA'I BAR JI SKAD SMOS PA BZHIN DU BYA'O, ,DE YAN CHAD NI PO SON CHA'I CHO GA JI LTAR BYA BA BSTAN PA YIN NO, ,DZI MU TA SOGS DE DANG 'DRA, ,ZHES BYA BA LA, DZI MU TA KA DANG, AA KshA KU DANG KO SHA TA KI RNAM GNYIS DANG, DUG MO YUNGS KYI SA BON GYI BAR DE DAG KYANG PO SON CHA DANG 'DRA BAR GTANG PAR BYA ZHING, ,CHO GA YANG DE DANG MTHUN PAR SBYAR BAR BYA'O, ,DZI MU TA NI KHYAD PAR DU, ,RIMS DANG LUD PA DBUGS MI BDE, ,SKYIGS BU LA SOGS NAD LA GTANG, ,ZHES BYA BA LA, DZI MU TA NI DE BA TA LI DANG KAR KO tI DANG, BI NI DANG, DZI MU TA KA ZHES MING GI RNAM GRANGS KYIS BSHAD PA YIN TE, DZI MU TA DE KHYAD PAR DU RIMS LA SOGS PA'I NAD KYIS BTAB PA LA GTANG BAR BYA'O, ,'DI YI ME TOG 'O MAR BTZOS, ,'BRAS BU SMIN PA 'O THUG BCAS, ,SPU BCAS 'O MA'I SPRIS MAR SBYAR, ,SPU MED ZHO YI SPRIS MAR SBYAR, ,ZHES BYA BA LA, DZI MU TA'I ME TOG SKYES PA RDZOGS PAR GYUR PA DE 'O MA'I NANG DU BTZOS PA BLUD LA SKYUG TU GZHUG PAR BYA BA 'AM, DZI MU TA 'DI 'BRAS BU SMIN PAR GYUR PA DE'O THUG GI NANG DU BTAB STE, BLUD LA SKYUG TU GZHUG PAR BYA'O, ,YANG 'DI'I 'BRAS BU SBU DANG BCAS PAR GYUR PA NI 'O MA'I STENG GI SPRIS MA DANG SBYAR TE SKYUG SMAN DU GTANG BAR BYA LA 'BRAS BU SDU MED PA NI ZHO'I SPRIS MA DANG SBYAR TE SKYUG SMAN DU GTANG BAR BYA'O, ,SKYA BA 'AM SNGON 'GYUR 'O MAR BCUG ,ZHO NI SKYUR BAR GYUR PA 'AM, ,ZHES BYA BA LA, DZI MU TA'I 'BRAS BU SKYA BA 'AM SNGO BAR GYUR PA 'O MA'I NANG DU BCUG LA, DE MNAN PAS ZHO SKYUR POR GYUR PA DE SKYUG
, ,SMAN GYI DON DU SBYIN PAR BYA BA 'AM, YANG NA, MNAN PA'I CHANG GI DANGS MAR NI, ,MNYES TE ZHU BAR GYUR PA BLUD, ,CES BYA BA LA, DZI MU TA DE MNAN PA'I CHANG AA SU RA ZHES BYA BA'I DANGS MAR DANG POR MNYES TE ZHU BAR GYUR NAS BTZAGS TE BLUD PAR BYA'O, ,BAD KAN LUD PA YI GA 'CHUS, ,SKYA RBAB GCONG CHEN NAD LA GTANG, ,ZHES BYA BA LA, DZI MU TA'I SBYOR BA 'DI DAG NI BAD KAN LAS GYUR PA'I LUD PA LA SOGS PA'I NAD LA GTANG BAR BYA'O, ,KU BA KO SHA TA KI YANG, ,SBYOR BA'I CHO GA 'DI NYID BYA, ,ZHES BYA BA LA, KU BA NI KU BA KHA BO STE, KAddA KA LA PU ZHES BYA'O, , KO SHA TA KI NI RA DZA KO SHA TA KI ZHES BYA BA KO SHA PA LA ZHES BYA BA DANG, KORDA KO SHA TA KI ZHES BYA BA KO SHA TA KI RO KHA BA STE, DE LTAR KO SHA TA KI RNAM GNYIS DANG KU BA KHA BO STE, SMAN GSUM PO 'DI DAG LA YANG 'DI'I ME TOG 'O MAR BTZOS ZHES BYA BA NAS MNYES TE ZHU BAR GYUR PA BLUD CES BYA BA'I BAR DU SBYOR BA SNGA MA DANG MTHUN PA KHO NAR BYA'O, ,SMIN CING BSKAMS PAR GYUR PA YI, ,DZI MU TA YI 'BRAS BU DAG ,PHYE MA SRANG PHYED 'O MAR BSRES, ,RLUNG MKHRIS NAD KYIS NYEN LA BLUD, ,CES BYA BA LA, DZI MU TA'I 'BRAS SMIN CING BSKAMS LA RNYING PAR GYUR PA'I PHYE MA SRANG PHYED 'O MA DANG BSRES PA RLUNG DANG MKHRIS PAS NYEN PA'I NAD PA LA BLUD CING SKYUG TU GZHUG PAR BYA'O, ,DZI MA TA 'BRAS GNYIS SAM GSUM, ,BRDUNGS PA DE YI KHU BA NI, ,DONG GA LA SOGS DGU PA NI, ,GANG YANG RUNG BA LA SPANGS TE, ,MNYES LA BTZAGS PAR GYUR PA DAG ,BAD KAN MKHRIS RIMS CAN LA BLUD, ,CES BYA BA LA, DZI MU TA'I 'BRAS BU GNYIS SAM GSUM CHAM CHOM BRDUNGS PA PA TO LA BSKOL BA'I KHU BA'I NANG DU SPANGS BA 'AM, YANG NA DONG GA LA SOGS PA'I SMAN GYI SDE TSAN TE, DONG GA DANG, DUG MO YUNGS DANG, KA GA TIG TA DANG, PA tA LI DANG, NIM PA DANG, SLE TRES DANG, MUR BA DANG, D'UR BA DANG, BYI DANG GA DANG, PA THA'I BAR GYI SMAN GANG YANG RUNG BA GCIG BSKOL BA'I KHU BA'I NANG DU SPANGS TE, NANG BAR MNYES LA TSAGS KYIS BTZAGS PA'I KHU BA DE BAD KAN DANG MKHRIS PAR LDAN PA'I RIMS KYIS BTAB PA'I MI LA BLUD PAR BYA'O, ,DZI MU TA YI PHYE MA'AM, ,SDE GU CHU SRANG SBYAR
BA DAG ,MKHRIS RIMS CAN BLUD BAD KAN DANG, ,RLUNG 'DRES RIMS LA CHU DRON BLUD, ,CES BYA BA LA, DZI MU TA'I PHYE MA 'AM, LDE GUR BYAS PA DAG MKHRIS PA LAS GYUR PA'I RIMS LA NI CHU GRANG DANG SBYAR TE BLUD LA BAD KAN DANG RLUNG 'DRES PA'AM, BAD KAN 'BA' ZHIG LAS GYUR PA'I RIMS LA NI CHU CUNG ZAD DRO BA DANG SBYAR TE BLUD PAR BYA'O, ,LUS PA DBUGS MI BDE DANG DUG ,SLON RIMS BAD KAN GYIS NYEN DANG, ,MUN THIBS BYED PA'I NAD LDAN LA, ,KU BA KHA BO'I SKYUG SMAN BSNGAGS, ,ZHES BYA BA LA, KU BA KHA BO NI AIKshA KU STE, DE NI KHYAD PAR DU LUD PA LA SOGS PA'I NAD KYIS BTAB PA'I SKYUG SMAN DU BSNGAGS SO, ,DE BZHIN DU MUN PA'I NANG DU ZHUGS PA SNYAM BYED PA'I NAD LA YANG BSNGAGS SO, ,DE NI ME TOG 'BRAS BU MED, ,MYU GU GZHON NU 'O MAR BTZOS, ,BAD KAN MKHRIS PA LAS GYUR RIMS, ,MKHRIS PA SHAS CHER GYUR LA BLUD, ,CES BYA BA LA, KU BA KHA DO DE ME TOG 'BRAS BU MED PAR GYUR PA'I SKABS KYI MYU GU 'DAB MA 'JAM PO YOD PA DANG BSKOL BA'I 'O MA NI BAD KAN DANG MKHRIS PA LAS GYUR PA'I RIMS MKHRIS PA'I SHAS CHE BA LA BLUD CING SLON DU GZHUG BAR BYA'O, ,'BRAS BU SMIN PA'I NANG GI NI, ,'BRAS BU PHYUNG STE 'O MA BCUG ,ZHOR GYUR LUD PA DBUGS MI BDE, ,BLUD DE SLON DU GZHUG PAR BYA, ,ZHES BYA BA LA, KU BA KHA BO'I 'BRAS BU LAGS PAR SMIN PAR GYUR PA DANG, KU BA'I NANG NAS 'BRAS BU PHYUNG LA, KU BA'I NANG DU 'O MA BCUG STE, MNAN LA ZHOR GYUR PA DANG, LUD PA DANG DBUGS MI BDE BA'I NAD PA LA BLUD LA SLON DU GZHUG GO ,'BRAS BU'I NANG MA ZHOG CHU, ,MDZE DUG SKYA RBAB NYID LA BLUD, ,CES BYA BA LA, KU BA KHA BO'I NANG GI 'BRAS BU ZHO GA CHU DANG SBYAR TE, MDZE NAD LA SOGS PAS BTAB PA LA BLUD DE SLON DU GZHUG PAR BYA'O, ,DE DANG DAR BA BSKOL BA NI, ,RGYAM TSA SBRANG RTZIR BCAS PA 'ANG BLUD, ,CES BYA BA LA, YANG NA KU BA KHA BO DANG, DAR BA BSKOL BA'I NANG DU RGYAM TSA DANG SBRANG RTZI BTAB STE BLUD LA, MDZE DANG DUG DANG SKYA RBAB KYIS NYEN PA'I NAD BA SLON DU GZHUG PAR BYA'O, ,YANG NA DE YI SA BON NI, ,RA YI 'O MAR BCAS PA DAG ,DUG SKRAN DMU RDZING RMEN BU DANG, ,'BRAS DANG RKANG BAM NAD LA BLUD, ,CES BYA BA LA, KU BA KHA BO'I SA
, ,BON RA'I 'O MA DANG SBYAR BA RA'I 'O MA DE NYID DANG BCAS PA DUG LA SOGS PA'I NAD KYIS BTAB PA LA BLUD LA SLON DU GZHUG GO, ,BAD KAN LAS GYUR LUD PA'I RIMS, ,LKOG MA'I NAD DANG MA ZHU LA, ,KU BA KHA BO'I KHU BA NI, ,PHYE DANG SBYAR BA'I SKYO MA BLUD, ,CES BYA BA LA, BAD KAN LAS GYUR PA'I LUD PA LA SOGS PA'I NAD LA, KU BA KHA BO BSKOL BA'I KHU BA PHYE DANG SBYAR BA'I SKYO MA BLUD LA SLON DU GZHUG GO, ,SKRAN DANG RIMS RNYING BYING BA LA, ,LDE GU SHA KHUR SBYAR BLUD NA, ,LEGS PA KHO NAR SLON 'GYUR ZHING, ,NYAM CHUNG BAR YANG 'GYUR MA YIN, ,ZHES BYA BA LA, YANG KU BA BO'I LDE GU SHA KHU DANG SBYAR BA BLUD NA SKRAN DANG RIMS BYING BA YUN RING DU LON PA RNYING PA SEL ZHING SBYOR BA DE LTA BUS NYAM NGA BA MED PAR LEGS PAR SLON PAR 'GYUR ZHING NAD PA DE NYAM CHUNG BAS NYEN PAR MI 'GYUR RO, ,KU BA KHA BO'I ME TOG DANG, ,'BRAS BU'I PHYE MAS BSGOS PA YI, ,ME TOG PHRENG BA BSNAMS PA NI, SKYID DE BA YI SKYUG SMAN YIN, ,ZHES BYA BA LA, KU BA KHA BO'I ME TOG DANG 'BRAS BU BSKAMS PA ZHIB TU BTAGS PAS ME TOG GI PHRENG BA LA BSGOS TE, DE'I DRI MA MNAMS PAS SKYID DE BA, ,BDE BA LA BRTEN PA DAG SKYUG TU BZHUG GO, ,SKRAN LUD DMU RDZING LKOG MA'I NAD, ,BAD KAN GNAS LA BRTEN PA'I RLUNG, ,BAD KAN KHA DANG MGRIN PAR GNAS, ,BAD KAN 'PHEL BAR GYUR PA DAG ,BRTAN ZHING DKYEL NI SKYES PA LA, ,KO SHA TA KA'I SKYUG SMAN BSNGAGS, ,ZHES BYA BA LA, SKRAN LA SOGS PA'I NAD DANG BAD KAN GYI GNAS LA BRTEN PA'I RLUNG NAD LA, KHA DANG LKOG MAR GNAS PA'I BAD KAN DANG, BAD KAN 'PHEL ZHING RGYAS PAR GYUR PA DANG BRTAN CING DKYEL CHE BAR GYUR PA LA NI RA DZA KO SHA TA KI ZHES BYA BA MARGA'I SKYUG SMAN BTANG BA BSNGAGS PA YIN NO, ,'TSO BYED NYE'U SHING ZANGS RTZI BA, ,KHA SRAL PHRE'U RAM NYE GNYIS, ,SHRA BA NI DANG MED DANG, ,MA H'A ME DA MA DHU LI, ,'DI DAG RE RE'I PHYE MA DANG, ,KO SHA TA KI'I PHYE MAR BCAS, ,SBRANG RTZI KHA RAR SBYAR BA NI, ,LUD PA SNYING NI TSA LA BSNGAGS, ,ZHES BYA BA LA, 'TSO BYED DANG, NYE'U SHING LA SOGS PA GANG YANG RUNG BA'I PHYE MAR DZA KO SHA TA KI'I PHYE MA DANG BCAS PA SBRANG RTZI DANG SBYAR BA'I LDE GU BYIN TE SLON DU BCUG NA LUD PA LA SOGS PA'I NAD LA PHAN NO, ,DE RJES CHU DRON BLUD
PA NI, ,BAD KAN MKHRIS TSA LDAN LA BSNGAGS, ,ZHES BYA BA LA, LDE GU DE BYIN PA'I RJES LA CHU DRON BLUD BA NI MKHRIS PA TSA BA DANG LDAN PA'I BAD KAN LA SKYUG SMAN DU BSNGAGS SO, ,'U SU G-YER MA'I KHU BA DANG, ,DE YI KHU BAS DUG 'JOMS SO, ,ZHES BYA BA LA, 'U SU'I 'BRAS BU DANG, G-YER MA BSKOL BA'I KHU BAR DZA KO SHA TA DE'I LDE GU DANG SBYAR BA'I SKYUG SMAN BLUD NA DUG 'JOMS PAR BYED PAR 'GYUR RO, ,BIM PA KA SA MAR DA 'AM, ,BA SPRU BA YI KHU BAR NI, ,RA DZA KO SHA TA KI NI, ,RDOG MA GCIG GAM GNYIS MNYES PA'I, ,DANGS MA SNYING GI NAD LA BLUD, ,CES BYA BA LA, RA DZA KO SHA TA KI'I RDOG MA GCIG GAM GNYIS BIM PA BSKOL BA'I KHU BA 'AM, KA SA MAR DA BSKOL BA'I KHU BA'AM, BA SPRU BA BSKOL BA'I KHU BA'I NANG DU MNYES LA BTZAGS PA'I DANGS MA BLUD DE SLON DU BCUG NA MCHOG TU SNYING GI NAD SEL ZHING 'JOMS PAR BYED PA'I DAM PA YIN NO, ,DE BSKOL 'O MA LAS BYUNG MAR, ,PO SON CHA SOGS BSKOL BA BLUD, ,CES BYA BA LA, YANG NA RA DZA KO SHA TA DE DANG BSKOL BA'I'O MA LAS BYUNG BA'I MAR SAR DANG PO SON CHA LA SOGS PA STE PO SON CHA DANG, DZI MU TA KA DANG, KU BA KHA BO DANG, KO SHA TA GI DANG, DUG MO YUNGS KYIS BON DANG, KRI DA BE DA ZHES BYA BA KO SHA TA KI GNYIS PA BSKOL BA'I KHU BA DANG BCAS PA'I SKYUG SMAN BLUD NA SNYING GI NAD LA PHAN NO, ,KO SHA TA SOGS KHA DANG TSA, ,MDZE DANG SKYA RBAB MCHER PA'I NAD, ,'OR NAD SKRAN NAD SBYAR DUG SOGS [?], ,GTING ZUG PA LA BSNGAGS PA YIN, ,ZHES BYA BA LA, KO SHA TA KA LA SOGS PA'I SMAN RO KHA BA DANG, TSA BA'I SKYUG SMAN BTANG NA, MDZE LA SOGS PA'I NAD SEL BAR 'GYUR RO, ,PO SON CHA SOGS DRUG SO SOR, ,BSKOL BA DANG NI RLAN CAN SHA ,KO SHA TA KA CHA MNYAM BSKOL, ,KHU BA RGYAM TSAR BCAS PA BLUD, ,CES BYA BA LA, PO SON CHA LA SOGS PA GONG DU SMOS PA'I SKYUG SMAN DRUG PO SO SOR BSKOL BA'I KHU BA DANG, RLAN CAN GYI SROG CHAGS KYI SHA KO SHA TA KA DANG CHA MNYAM PA BSKOL LA, BSKOL BA'I KHU BA DE RGYAM TSA DANG BCAS PA BLUD NAS SLON DU BCUG NA YANG MDZE LA SOGS PA'I NAD LA PHAN NO, ,PO SON CHA SOGS PI PI LING, ,CHA MNYAM KO SHA TA KAR SBYAR, ,YANG NA KO SHA TA
, ,KA YI, ,KHU BA BU RAM SHING KHU BLUD, ,CES BYA BA LA, PO SON CHA LA SOGS PA'I SKYUG SMAN DRUG PO PI PI LING DANG CHA MNYAM PA KO SHA TA KA'I KHU BA DANG SBYAR BA'I SKYUG SMAN BLUD PA 'AM, YANG NA KO SHA TA BLUD PA'I KHU BA BU RAM SHING GI KHU BA DANG SBYAR TE, BLUD DE SLON DU BCUG NA YANG MDZE NAD LA SOGS PA'I NAD LA PHAN NO, ,DUG MO YUNGS NI SKYID DE BA, ,BAD KAN MKHRIS PA KHRAG BCAS DANG, ,RIMS NAD SHU BA SNYING NAD DANG, ,DREG NAD KYIS 'THENG MDZE LA BSNGAGS, ,ZHES BYA BA LA, DUG MO YUNGS KYIS BON BSKOL BA'I BU PA NI SKYID DE BA 'AM, BYIS PA GZHON NU BAD KAN DANG, MKHRIS PA LA SOGS PA'I NAD DANG BCAS PA'I SKYUG SMAN DU GTANG BA BSNGAGS SO, ,DUG MO YUNGS KYIS BON TE, ,YUNGS KAR RAM NI MA DU KA ,BSKOL BA'I CHU 'AM RGYAM TSA'I CHU, ,YANG NA KRIS RA LDAN BLUD, ,CES BYA BA LA, YANG NA DUG MO YUNGS KYIS BON YUNGS KAR BSKOL BA'I CHU 'AM MA DU KA BSKOL BA'I CHU 'AM, RGYAM TSA'I CHU GANG YANG RUNG BA DANG SBYAR TE SKYUG SMAN DU BTANG BA 'AM, YANG NA DUG MO YUNGS KYIS BON KRI SA RA ZHES BYA BA'I TIL GYI SBYAR THUG DANG LDAN PA BLUD LA SLON DU GZHUG GO, ,DE YIS BON AA RGA YI, ,'O MAR ZHAG BDUN SPANGS BA NI, ,PO SON CHA DANG DZI MU TA, , KU BA KHA BO DZI BAN TI, ,DZI BA KA NI BSKOL BA YI, ,KHU BA GANG YANG RUNG BA BLUD, ,CES BYA BA LA, DUG MO YUNGS DE'I SA BON KYI PHYE MA AARGA'I 'O MA'I NANG DU ZHAG BDUN GYI BAR DU SPANGS PA BO SON CHA LA SOGS PA GANG YANG RUNG BA BSKOL BA'I KHU BA DANG SBYAR TE, SKYUG SMAN DU BLUD PAR BYA'O, ,SKYUG SMAN GYI NI GTZO BO YI, ,CHO GA PHYOGS TZAM BSHAD PA YIN, ,BLO DANG LDAN PAS TSUL 'DI YIS, ,GZHAN YANG CI RIGS SBYAR BAR BYA, ,ZHES BYA BA LA, DE LTAR TSUL 'DIS SKYUG SMAN GYI GTZO BO SON CHA LA SOGS PA'I CHO GA BYA BA'I THABS MA SMOS PAR DE'I PHYOGS TZAM ZHIG BSHAD CING BSTAN PA YIN PAS, BLO DANG LDAN PA'I SMAN PAS SA BON TZAM DU SMOS PA'I TSUL 'DIS SKYUG SMAN GYI RNAM PA GZHAN DAG LA YANG CI RIGS PAR RJES SU DPAGS TE SBYAR ZHING GTANG BAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR
BA LAS, CHO GA GRUB PA'I GNAS KYI LE'U DANG PO'I 'GREL PA'O,, ,,DE NAS BKRU SMAN BYA BA'I CHO GA BSHAD PAR BYA'O, ,ZHES BYA BA LA, RO STOD KYI SBYANG BA BSHAD PA'I RJES LA, RO SMAD KYI SBYANG BA BSTAN PAR BYA BA'I PHYIR LE'U 'DI BRTZAMS PA YIN NO, ,DE LAS KYANG DUR BYID NI BKRU SMAN GYI GTZO BO YIN PAS DANG POR BSHAD PA YIN TE, DE'I PHYIR SMOS PA NI, DUR BYID BSKA ZHING MNGAR LA RTZUB, ,ZHU RJES TSA BAR GYUR PA YIN, ,BAD KAN MKHRIS PA ZHI BYED DE, ,RTZUB PAS RLUNG NI 'KHRUGS PAR BYED, ,CES BYA BA LA SOGS PA YIN TE, DUR BYID NI SHA MA DANG, TRI BYID DANG, MA KA TI KA ZHES BYA BA LA SOGS PA'I MING GI RNAM GRANGS KYIS BSHAD PA YIN NO, ,DE NI RO BSKA BA DANG MNGAR BA YIN LA, RANG BZHIN NI RTZUB PA'I YON TAN DANG LDAN PA YIN LA, ZHU BAR GYUR PA NI ZHU RJES KYI RO TSA BA YIN NO, ,DE BZHIN DU BSKA BA LA SOGS PA'I RGYUS BAD KAN DANG MKHRIS PA NI ZHI ZHING SEL BAR BYED PA YIN LA, RTZUB PA'I RGYUS RLUNG NI 'KHRUGS SHING LDANG BAR BYED PA YIN NO, ,DE 'DIR SMAN GYI SBYOR BA YIS, ,RLUNG DANG BAD KAN MKHRIS PA SEL, ,CHO GA'I KHYAD PAR LA BRTEN NAS, ,NAD KUN 'JOMS PAR BYED PA YIN, ,ZHES BYA BA LA, YANG DUR BYID DE NI RLUNG DANG MKHRIS PA DANG, BAD KAN SEL BAR BYED PA'I SMAN GYI SBYOR BA DANG, BSREL SHING CHO GA'I LAS KYI RIM PA LA BRTEN CING GNAS NA, NAD THAMS CAD KYANG SEL CING 'JOMS PAR BYED PA YIN NO, ,DUR BYID RNAM PA GNYIS SU BSHAD, ,DE RTZA DMAR NAG DKAR BA YI, ,RNAM PA GNYIS SU BSHAD PA YIN, ,ZHES BYA BA LA, DUR BYID DE'I RTZA BA RNAM PA GNYIS SU BSHAD DE, SHA MA ZHES BYA BA RTZA BA DMAR NAG TU 'DUG PA NI GCIG YIN LA, TRI BYID CES BYA BA RTZA BA DKAR PO YOD PA NI GNYIS PA YIN NO, ,DE LA TRI BYID MCHOG TU BSHAD, ,NYES BA MED CING BDE BAR 'KHRU, ,ZHES BYA BA LA, RTZA BA RNAM PA GNYIS SU YOD PA DE'I NANG NAS TRI BYID CES BYA BA DUR BYID DKAR PO NI SHIN TU MCHOG YIN PAR BSHAD DE, DE CI'I PHYIR ZHEN, NYES PA'I SKYON MED PAR NAD SEL ZHING BDE BLAG TU 'KHRU BAR BYED PAS MCHOG YIN LA, DE NI BYIS PA DANG, RGAN PO DANG, MI SKYID DE BAR GNAS PA DAG DANG LTO SNYI BA'I NAD PA'I BKRU SMAN DU MCHOG TU BSNGAGS PA YIN NO, ,BRGYAL RMONGS
, ,BYED CING LKOG MA NI, ,RTZUB CING GNOD PAR BYED PA DANG, ,RNO ZHING MYUR DU 'KHRU BYED PA, ,LTO SRA NAD GZHI SHAS CHE DANG, ,SDUG BSNGAL GYIS NYEN NAD PA LA, ,SHA MA DUR BYID BSNGAGS PA YIN, ,ZHES BYA BA LA, DUR BYID DMAR NAG TU 'DUG PA SHA MA ZHES BYA BA'I SGRAS BSHAD PA DE NI SHIN TU RNO ZHING MYUR DU 'KHRU BAR BYED PA YIN PAS, BRGYAL BA DANG SEMS RMONGS PAR BYED PA DANG, LKOG MA SHAS CHER RTZUB CING 'DAR BA SNYAM SEMS LA NYAMS SHING GNOD PAR BYED PA YIN NO, ,DE BAS NA RTZA BA DMAR NAG TU 'DUG PA'I DUR BYID DE NI NAD PA LTO SRA BA DANG, NAD GZHI SOGS PA'I SHAS CHE BA DANG, NAD KYI SDUG BSNGAL GYIS LUS NYEN CING GZIR BA DAG LA DE BSNGAGS SHING NAD KYI GTING 'BYIN PA YIN NO, ,DE NI ZABS SU ZUG CING 'JAM, ,THAD KAR 'PHROS PA MA YIN PA, ,BTUS LA SNYING PO BOR NAS NI, ,SHUN BA BSKAMS TE SPA BAR BYA, ,ZHES BYA BA LA, RTZA BA DE GNYIS KYANG ZABS SU ZUG CING SA'I GTING RING POR NUB PAR GYUR PA DANG, 'JAM ZHING MNYEN PA DANG, RTZA BA YAN MAN DU MA 'PHROS PAR THUR DU DRANG POR ZUG PA BTUS SHING BTON LA, NANG GI SNYING PO SHING BU LTAR SRA BDE BOR NAS SHUN BA LEGS PAR BSKAMS TE, SNOD BZANG PO'I NANG DU SPA BAR BYA'O, ,DE NAS DE'I 'OG DE'I PHYE MA, ,RGYAM TSA DONG GA CUNG ZAD BTAB, ,RLUNG NAD LA NI SKYUR LAS BLUD, ,CES BYA BA LA, DE NAS DE'I 'OG TU BKRU SMAN GTONG BA'I DUS SU RLUNG GI NAD LA NI, DUR BYID KYI PHYE MA RGYAM TSA DANG DONG GA'I PHYE MA CUNG ZAD TZAM DANG BSRES TE, RANG SKYUR KAN DZI 'AM, RTZA BA MO'I DANGS MA LA SOGS PA BTUNG BA SKYUR BAG DANG SBYAR TE BLUD PAR BYA'O, ,MKHRIS PAR SBRANG RTZI KHA RA MAR, ,'O MA RGUN 'BRUM BU RAM SHING, ,KHU BTANG PAL MNGAR BA YI, ,SMAN DE 'BRAS BU GSUM GYI NI, ,KHU BAR BCAS PA BLUD PAR BYA, ,ZHES BYA BA LA, MKHRIS PA'I NAD LA NI DUR BYID KYI PHYE MA DE SBRANG RTZI DANG KHA RA DANG MAR DANG SBYAR ZHING BSRES PA'I 'O MA 'AM, RGUN CHU 'AM, BU RAM SHING GI KHU BA 'AM, ,TANG BA LA BSKOL BA'I KHU BA 'AM, MNGAR BA'I SMAN GYI SDE TSAN BSKOL BA'I KHU BA 'AM, 'BRAS BU GSUM BSKOL BA'I KHU BA GANG YANG RUNG BA DANG CI RIGS PAR SBYAR TE BLUD PAR BYA'O, ,BAD KAN NAD LA PI LU YI, ,
KHU BA BA GCIN CHANG SKYUR RTZABS, ,TSA BA LNGA SOGS PHYE MA NI, ,BAD KAN 'JOMS DANG CI RIGS SBYAR, ,ZHES BYA BA LA, BAD KAN GYI NAD LA DUR BYID KYI PHYE MA PI LU BSKOL BA'I KHU BA 'AM, BA GCIN NAM, CHANG NGAM, SKYUR RTZABS KAN DZI ZHES BYA BA GANG YANG RUNG BA DANG SBYAR TE TSA BA LNGA'I PHYE MA LA SOGS PA BAD KAN 'JOMS PAR BYED PA'I SMAN GYI PHYE MA BTAB STE CI RIGS PAR BLUD PAR BYA'O, ,DUR BYID LDE GU KHU BA DANG, ,BSKOL BA'I KHU BA BSGRANGS KHA RA, ,SBRANG RTZI DRI BZANGS GSUM DANG BCAS, ,LDE GU YID 'ONG BKRU SMAN YIN, ,ZHES BYA BA LA, DUR BYID LDE GUR BTAGS PA 'AM, ,BSKOL BA'I KHU BA BSGRANGS PA'I NANG DU SBRANG RTZI DANG KHA RA DANG, SHING TSA LA SOGS PA DRI BZANGS GSUM GYI PHYE MA BTAB PA'I LDE GU NI BKRU SMAN SHIN DU YI GAR 'ONG BA YIN NO, ,AARDZA GANDHA SMIG RKANG DANG, ,KHA RA DUR BYID BID RI, ,PHYER BTAGS SBRANG RTZI MAR DANG NI, ,LDE GU BYIN NA 'DUS PA DANG, ,RIMS DANG LUS RENGS TSA BA DANG, ,SKOM DAD KYIS GZIR LEGS PAR 'KHRU, ,ZHES BYA BA LA, AARDZA GANDHA LA SOGS PA'I SMAN BTAGS PA'I PHYE MA DANG, SBRANG RTZI DANG, MAR DU SBYAR BA'I LDE GU BYIN NA 'DUS PA'I NAD LA SOGS PAS GZIR BA LEGS PAR 'KHRU ZHING BDE BAR BYED PAR 'GYUR RO, ,BU RAM SHING NI TSAL PAR BKAS, ,NANG NGOS DUR BYID LDE GUS BSKUS, ,GCIG TU SBYAR TE PHUR MA YIS, ,BTZO BA'I TSUL BYAS DE BZA' BYA, ,ZHES BYA BA LA, BU RAM SHING GI DUM BU TSAL PA GNYIS SU BKAS LA, DE'I NANG NGOS DUR BYID KYI LDE GUS BSKUS LA, SLAR GCIG TU SBYAR TE SMAN GYI PHUR MA BTZOS PA'I TSUL DU BTZOS PA DE ZOS NA, 'DUS PA DANG RIMS LA SOGS PAS GZIR PA'I NAD LEGS PAR 'KHRU BAR 'GYUR RO, ,SHING TSA SUG SMEL MNYAM NI LI, ,DE MNYAM DUR BYID SHA KHA RA, ,PHYE MA RGUN CHU SBRANG RTZI DANG, ,PHYE DANG SKYO MAR SBYAR TE BLUD, ,RLUNG MKHRIS BAD KAN LAS GYUR DANG, ,ME DROD CHUNG BA'I NAD DANG NI, ,SKYID DE BA YI MI RNAMS LA, ,GNOD PA MED PA'I BKRU SMAN YIN, ,ZHES BYA BA LA, SHING TSA SU GA SMEL SPYIR CHA GCIG DANG, DE GNYIS KYI CHA JI TZAM YOD PA DANG, NI LI ZHES BYA BA SMAN NI LI NI CHA MNYAM DU BYA, SMAN DE GSUM JI SNYED YOD PA'I CHA DANG, DUR BYID CHA MNYAM DU BYA, DUR
, ,BYID YAN CHAD KYI SMAN BZHI PO DANG, KHA RA CHA MNYAM DU BYA, DE LTA BU'I SMAN GYI PHYE MA DE RGUN CHU DANG SBRANG RTZI DANG PHYE DANG LHAN CIG SKYO MAR BYAS TE BLUD NA, RLUNG DANG MKHRIS PA DANG BAD KAN LAS GYUR PA'I NAD DANG, BO BA'I ME DROD NYAMS PA DANG, SKYID DE BAR GNAS PA'I MI RNAMS LA BKRU SMAN 'DI NI SDUG BSNGAL SKYES PA'I GNOD PA'I 'TSE BA MED CING DAM PAR GYUR PA YIN NO, ,BYI DANG GA YI SNYING PO DANG, ,'BRAS BU GSUM ZHES BYA BA DANG, ,YA PAKshA RA PI PI LING, ,DUR BYID KUN GYI CHA PHYED BCAS, ,SBRANG RTZI MAR RAM BU RAM GYIS, ,LDE GUR BYAS PA BYIN NA NI, , SKRAN DANG MTSER PA DMU RDZING DANG, ,GZUGS 'KHUMS LUD PA YI GA 'TSUS, ,RLUNG DANG BAD KAN LAS GYUR NAD, ,MANG PO GZHAN DAG SBYONG BAR BYED, ,CES BYA BA LA, BYI DANG GA'I SBUN PA BSAL BA'I SNYING PO DANG, 'BRAS BU GSUM DANG YA BAKshA RA ZHES BYA BA NAS TSIG 'KHUS PA'I THAL BA DANG PI PI LING CHA MNYAM POR BYA, BYI DANG GA LA SOGS PA'I SMAN DE DAG KUN GYI CHA PHYED PHYED DU BYAS TE, PHYE MAR BTAGS PA DE SBRANG RTZI DANG MAR GYI LDE GUR BCAS PA BYIN NA SKRAN LA SOGS PA'I NAD SBYONG ZHING DAG PAR BYED DO, ,DE BZHIN DU RLUNG DANG BAD KAN LAS GYUR BA'I NAD 'DIR MA SMOS PA GZHAN DAG KYANG SBYONG BAR BYED DO, ,PI PI LING RTZA BYI DANG GA ,'BRAS BU GSUM DANG 'U SU DANG, ,TZI TRA KA DANG NA LE SHAM, ,PI PI LING DANG DUG MO YUNGS, ,ZI RA HA TI PI PI LING, ,TI MUS DANG LAN TSVA LNGA, ,ZHO NI GNYIS GNYIS PHYE MAR BYAS, ,DUR BYID DANG NI TIL MAR GNYIS, ,SRANG NI BRGYAD BRGYAD CHAR BSRES DANG, ,SKYU RU RA'I KHU BRE GSUM DANG, ,BU RAM SRANG NI LNGA BCU ME, ,CHUNG BSKOL DE LAS RAN TZAM NI, ,ZOS NA MDZE DANG GZHANG 'BRUM DANG, ,MIG SER ZA KHU SKRAN DANG NI, ,DMU RDZING MTSAN BAR RDOL BA DANG, ,PHO BA'I NAD DANG SKYA RBAB RNAMS, ,'JOMS SHING CHO GA BSRUNG MI DGOS, ,BU SKYED PAR YANG DE YIS BYED, ,BU RAM DGE BA CAN ZHES BYA, ,DUS KUN DU NI 'PHROD PA YIN, ,ZHES BYA BA LA, PI PI LING GI RTZA BA LA SOGS PA SMAN SNA RE RE ZHING ZHO GNYIS GNYIS TSAD DU BYAS BA'I PHYE MA DANG, TIL MAR DANG DUR BYID KYI PHYE MA GNYIS SRANG BRGYAD BRGYAD KYI TSAD DU BYAS PA DANG BSRES LA, SKYU RU RA'I 'BRAS BU
BSKOL BA'I KHU BA BRE GSUM DANG, BU RAM SRANG LNGA BCU GCIG TU BSRES DE THAMS CAD ME CHUNG NGU LA BSKOL LA, ,DGE BA'I BU RAM ZHES BYA BA DE LAS JI TZAM RAN PA'I TSAD TZAM ZOS NA DES MDZE LA SOGS PA'I NAD 'JOMS BAR 'GYUR BA DANG, BU SKYED PAR BYED PA DANG, DUS DRUG CHAR DU YANG 'PHROD CING BSNGAGS PA YIN NO, ,TSA BA GSUM DANG DRI SNA GSUM, ,GLA SGANG DANG NI BYI DANG GA ,SKYU RU RA DE THAMS CAD NI, ,MNYAM PA'I DUR BYID KHA RA DANG, ,SBRANG RTZI'I RI LUR BYAS ZOS NA, ,GCIN SRI RIMS DANG SLON BRO DANG, ,LUD BA SHA SKEMS MGO 'KHOR DANG, ,ZAD BYED LUS TSA SKYA RBAB DANG, ,ME DROD CHUNG DANG DUG NAD SBYONG, ,ZHES BYA BA LA, TSA BA GSUM LA SOGS PA'I SMAN CHA MNYAM POR BYAS PA SPYIR JI SNYED PA YOD PA DANG, DUR BYID CHA MNYAM PAR BYAS LA, KHA RA YANG DUR BYID DANG CHA MNYAM PAR BYAS TE, DES TSA BA GSUM LA SOGS PA'I SMAN SPYIR CHA GCIG DUR BYID CHA GNYIS KHA RA CHA GSUM PAR SBYAR LA DE THAMS CAD SBRANG RTZI DANG LHAN CIG RI LUR BYAS NA, GCIN SRI BA'I NAD LA SOGS PA SBYONG BAR BYED CING BSNGAGS PA YIN NO, ,DUR BYID DUG MO YUNGS SA BON, ,PI PI LING DANG BCA' SGA RNAMS, ,SBRANG RTZI RGUN 'BRU'I CHUR SBYAR BA, ,DBYAR GYI DUS KYI BKRU SMAN YIN, ,ZHES BYA BA LA, DUR BYID LA SOGS PA'I SMAN GYI PHYE MA SBRANG RTZI DANG RGUN 'BRU'I CHU DANG SBYAR BA NI, DBYAR GYI DUS KYI BKRU SMAN DU BSNGAGS SO, ,DUR BYID GLA SGANG BYI TSER DANG, ,KHA RA TZANDAN BA LE KA ,SHING MNGAR PA TAL PHYE MA, ,RGUN CHU DANG SBYAR STON GYI YIN, ,ZHES BYA BA LA, DUR BYID LA SOGS PA'I SMAN GYI PHYE MA RGUN CHU DANG SBYAR BA STON GYI DUS SU BKRU SMAN BTANG BAR BSNGAGS SO, ,DUR BYID PA TA KRU TRUG TES, ,ZIR SHU DAG SA RA LA, ,KHRON BU'I PHYE MA CHU DRON SBYAR, ,DGUN GYI DUS SU BLUD PAR BYA, ,ZHES BYA BA LA, DUR BYID LA SOGS PA'I SMAN CHA MNYAM STE PHYE MAR BTAGS PA CHU DRON MO DANG SBYAR BA NI DGUN GYI DUS SU BKRU SMAN DU BYA BAR BSNGAGS PA YIN NO, ,DUR BYID KHA RA CHA MNYAM PA, ,SOS KA'I DUS KYI BKRU SMAN YIN, ,ZHES BYA BA LA, DUR BYID DANG KHAR CHA MNYAM PA NI SOS KA TSA BA'I DUS SU BKRU SMAN DU BLUD PAR BYA'O, ,DUR BYID SPA
, ,'BRAS KYI LCE BA, ,PA TA LA DANG PU TZE SHEL, ,KHRON BU LEGS PAR BTAGS NAS NI, ,BA GCIN NANG DU ZHAG GSUM SPANGS, ,'DI NI DUS KUN SBYOR BA STE, ,SNUM ZHEN DRI MA NAD RNAMS 'BYIN, ,ZHES BYA BA LA, DUR BYID LA SOGS PA'I SMAN PHYE MAR BTAGS PA BA GCIN GYI NANG DU ZHAG GSUM SPANGS PA, 'DI NI DUS KUN DU BTANG BA'I SBYOR BA YIN TE, SNUM GYIS ZHEN PAR BYAS PA'I LUS LAS DRI MA ZHES BSHANG BA DANG NAD RNAMS 'BYIN PAR BYED PA YIN NO, ,SHA MA DUR BYID BYI TSER BA, ,GLA SGANG HA TI PI PI LING, ,DUG MO YUNGS DANG NI LI NI, ,'BRAS BU GSUM DANG DU TZE SHEL, ,PHYE MA SHA KHU 'AM MAR RAM NI, ,CHU DRON DANG SBYAR THAMS CAD DU, ,KHONG RTZUB LA YANG GTANG BAR BYA, ,ZHES BYA BA LA, SHA MA DUR BYID LA SOGS PA'I SMAN CHA SNYOMS TE PHYE MAR BTAGS LA, SHA KHU 'AM MAR RAM CHU DRON DANG SBYAR TE DUS THAMS CAD DU SKYES BU KHONG RTZUB PA DAG LA YANG GTANG BAR BYA BA YIN NO, ,RIMS DANG SNYING NAD DREG NAD DANG, ,RTUG SKAM LA SOGS NAD RNAMS LA, ,DONG GA'I BKRU SMAN LHAG PAR NI, ,'JAM MNGAR BSIL LA PHAN PA YIN, ,ZHES BYA BA LA, RIMS LA SOGS PA'I NAD LA NI LHAG PAR YANG DONG GA'I BKRU SMAN PHAN PA YIN TE, DE NI 'JAM PAR 'KHRUL RO MNGAR ZHING BSIL BA'I NUS PA DANG LDAN PA YIN NO, ,BYIS PA RGAN PO GLO RDOL DANG, ,SKYID DE BA YI MI RNAMS LA, ,'JAM ZHING SKYON NI MED PA'I PHYIR, ,MCHOG DU DONG GA'I BKRU SMAN GTANG, ,ZHES BYA BA LA, KHYAD PAR DU BYIS PA LA SOGS PA'I NAD PA RNAMS LA LHAG PAR 'JAM PAR 'KHRU ZHING 'TSE BA'I SKYON MED PA'I PHYIR DONG GA'I BKRU SMAN GTANG BA LHAG PAR YANG BSNGAGS PA YIN NO, ,'BRAS BU'I DUS SU LEGS SMIN PA'I, ,DE YI 'BRAS BU BTUS NAS NI, ,ZHES BYA BA LA, DONG GA DE'I 'BRAS BU 'BYUNG BA'I DUS SU SKYES SHING DUS MA YIN PAR SKYES PA MA YIN LA, ,LEGS PAR SMIN CING TSOS PA DE BTU ZHING BLANG BAR BYA'O, ,DE NI YON TAN LDAN GYUR PAS, ,KHUR GCIG PHYE MA'I NANG DU GZHUG ,CES BYA BA LA, DONG GA'I 'BRAS BU DE 'BUS ZOS PA LA SOGS PA'I SKYON MED PA DE KHU RA GCIG TZAM ZHIG GZHUG PAR BYA'O, ,ZHAG BDUN LON NAS PHYUNG NAS NI, ,NYI MA LA NI
BSKAM PAR BYA, ,ZHES BYA BA LA, 'BRAS BU DE PHYE MAR SBAS PA'I 'OG TU ZHAG BDUN NAS PHYUNG LA NYI MA LA BSKAM PAR BYA'O, ,DE NAS RKANG NI PHYUR NAS SU, ,SNOD NI GTZANG MAR GZHAG PAR BYA, ,ZHES BYA BA LA, DE LTAR BSKAMS PA'I 'OG TU 'DRAS BU DE'I NANG GI RKANG PHYUNG LA, RDZA SNOD LA SOGS PA'I SNOD GTZANG MA'I NANG DU GZHAG PAR BYA'O, ,BYIS PA LO BZHI LON PA NAS, ,LO NI BCU GNYIS LON GYI BAR, ,LUS TSA RTUG 'GAGS KYIS GZIR LA, ,RGUN CHUR SBYAR TE BLUD PAR BYA, ,ZHES BYA BA LA, DONG GA'I RKANG DE LUS TSA BA DANG, RTUG PA 'GAGS PA'I NAD KYIS GZIR BAR BYED PA'I BYIS PA LO BZHI NAS LO BCU GNYIS LON PA'I BAR DAG LA RGUN CHU DANG SBYAR TE BLUD NA BDE BAR 'KHRU BAR BYED DO, ,DONG GA'I RKANG NI MNYES PA DANG, ,BSKOL BA'I CHU NI GRANG MO BLUD, ,CES BYA BA LA, YANG DE LA DONG GA'I RKANG MNYES PA BSKOL BA'I CHU BSGRANGS PA BLUD NA YANG BDE BAR 'KHRU BAR BYED PA YIN NO, ,YANG NA CHANG DANGS ZHO GA CHU, ,SKYU RU RA YI KHU BA 'AM, ,RANG SKYUR DAG DANG BCAS PA 'AM, ,DUR BYID LDE GUR SBYAR BA SBYIN, ,ZHES BYA BA LA, YANG NA DONG GA'I RKANG MNYES PA'I KHU BA CHANG GI DANGS MA 'AM, ZHO GA CHU LA SOGS PA 'AM, DUR BYED KYI LDE GU YANG BLUD PAR BYA'O, ,DAN DA'I KHU BAR DE YI RKANG, ,BU RAM RNYING PA BCUG NAS NI, ,ZLA BA GCIG GAM ZLA PHYED BAR, ,MNAN PA'I CHANG NI BLUD PAR BYA, ,ZHES BYA BA LA, DONG GA'I RKANG DANG BU RAM RNYING BA DAN DA BSKOL BA'I KHU BA'I NANG DU BCUG LA DE ZLA BA GCIG GAM ZLA BA PHYED KYI BAR DU MNAN TE BLUD NA YANG BDE BAR 'KHRU BAR BYED DO, ,SENG PHROM RTZA BA'I SHUN PA NI, ,NANG GI SHUN LPAGS POR NAS NI, ,BSKAMS TE PHYE MAR BYAS NAS NI, ,DE LA CHA GNYIS BSKOL TE GZAGS, ,SENG PHROM CHA NI GSUM PA SPANGS, ,RTZA BA BCU YI KHU BA DANG, ,CHA DE SLAR YANG SPANG BAR BYA, , SLAR YANG SKAMS TE PHYE MAR BYAS, ,DE LAS ZHO GNYIS BA GCIN NAM, ,CHANG GI DANGS MA 'AM ZHOG CHU, ,RGYA SHUG SKYU RU RA'I KHA PA, ,GANG YANG RUNG BAR SBYAR TE BLUD, ,CES BYA BA LA, SENG PHROM NI RO TRA DANG, BA TANG PA TRA ZHES BYA BA STE, DE'I RTZA BA DANG SHUN PHRAGS KYI NANG RIM BOR TE,
, ,LEGS PAR BSKAMS NAS PHYE MAR BYAS LA DE'I 'OG TU PHYE MA DE CHA GSUM DU BYAS LA CHA GNYIS BSKOL BA'I KHU BA DE BTZAGS NAS, KHU BA DE DANG SENG PHROM CHA GSUM PA BSRES LA, SPANG BAR BYA BA DANG, RTZA BA BCU'I KHU BA DANG MANG CHA DE SPANG BAR BYA'O, ,DE NAS SLAR PHYUNG LA BSKAMS TE PHYE MAR BYAS NAS PHYE MA DE LA ZHO GNYIS KYI TSAD BA GCIN NAM CHANG GI DANGS MA 'AM, ZHO GA CHU LA SOGS PA GANG YANG RUNG BA DANG SBYAR TE, CI RIGS PAR BLUD PAR BYA'O, ,SENG PHROM BSKOL BA'I KHU BA DANG, ,LDE GUR BYAS TE KHA RA DANG, ,MAR DANG BSKOL BA'I LDE GU DE, ,BKRU SMAN GYI NI DAM PA YIN, ,ZHES BYA BA LA, SENG PHROM ZHES BYA BA RO TRA BSKOL BA'I KHU BA KHA RA DANG BSKOL BA'I LDE GU DE BYIN NA YANG BKRU SMAN GYI MCHOG YIN NO, ,SHR'I KHAndAS NAD KYI TSOGS, ,SHAS CHER SOGS BA 'ANG 'JIG BYED DE, ,MYUR DU 'KHRU ZHING GRAGS PAS NA, ,LTO SNYI NYAM CHUNG BYIS PA DANG, ,RGAN PO NAD PA YUN RINGS LA, ,DE NI GTANG BAR MI BYA'O, ,ZHES BYA BA LA, SHR'I KHAndA ZHES BYA BA SHING SU TA'I 'O MA BSKOL BAS NAD KYI TSOGS SHAS CHER TSOGS SHING DKYEL SKYES PA YANG MYUR DU 'KHRU BAR BYED CING SKRAG CING SDUG BSNGAL BAS SEMS MYOS PAR BYED PA YIN PAS NA DE'I PHYIR LTO SNYI BA LA SOGS PAR BKRU SMAN DU GTANG BAR MI BYA'O, , SKRAN DANG DMU RDZING SBYAR BA'I DUG ,LPAGS NAD GCIN NAD SBRANG RTZI 'DRA, ,SKYA RBAB SKRAN DANG DUG GIS PHOG ,NAD KYIS SEMS DKRUGS GYUR LA GTANG, ,ZHES BYA BA LA, YANG SHR'I KHAndA DE SKRAN LA SOGS PA'I NAD KYIS BTAB PA LA BKRU SMAN DU GTANG BAR BYA'O, ,DE NI TSER MA RNON PO NI, ,MANG POS KHYAB PAR GYUR PA MCHOG ,CES BYA BA LA, SHING SU TA DE YANG TSER MA RNON PO MANG POS KHYAB CING G-YOGS PAR GYUR PA DE THAMS CAD KYI MCHOG YIN NO, ,LO GNYIS BA 'AM LO GSUM PA, ,KHYAD PAR DU NI DGUN GYI MTHAR, ,DE NI MTSON GYIS RNAM BCAD LA, ,DE LAS 'O MA BLANG BAR BYA, ,ZHES BYA BA LA, YANG SHING SU TA DE LO GNYIS SAM LO GSUM LON BA'I GZHON NU RTZA BA LEGS PAR ZUG PA, DPYID ZLA RA BA'I TSE MTSON GYIS BCAD LA, DE LAS 'O MA GZAGS SHING BLANG BAR BYA'O, ,BIL BA LA SOGS RTZA BA LNGA, ,BRI HA TI NI RNAM GNYIS DANG, ,BSKOL BA'I KHU BA DANG MNYAM PA'I, ,SU TA'I 'O
MA DANG BSRES LA, ,DE 'OG ME YI MDAG MAR BSKAM, ,RI LUR BYAS PA ZHO GA CHU 'AM, ,CHANG NGAM BA GCIN SOGS SBYAR BLUD, ,CES BYA BA LA, BIL BA LA SOGS PA RTZA BA CHEN PO LNGA DANG, BRI HA TI NI RNAM PA GNYIS TE KAndA KA RI DANG, BRI HA TI GNYIS PO LAS SMAN SNA RE RE ZHING BSKOL BA'I KHU BA DANG, SHING SU TA'I 'O MA BSRES TA CHA MNYAM DU BYAS LA, DE NAS DE'I 'OG TU DE GNYIS KA ME'I MDAG MA LA BSKOMS TE, DE NAS RI LUR TSA MNYAM PAR BYAS LA, ZHOG CHU 'AM CHANG NGAM RTZAB MO'I DANGS MA BA GCI NA NAM, RGYA SHUG GI KHU BA 'AM, SKYU RU RA'I KHU BA 'AM, SKYUR RTZABS KAN DZI GANG YANG RUNG BA DANG SBYAR TE BLUD PAR BYA'O, ,DUR BYID SOGS DGU 'BRAS BU GSUM, ,KHRON BU SAB TA LA DANG BCAS, ,SU TA'I 'O MAS ZHAG BDUN SPANGS, ,SHA KHU 'AM MAR DANG SBYAR TE BLUD, ,CES BYA BA LA, DUR BYID LA SOGS PA DGU STE, TRI BYID CES BYA BA DUR BYID DKAR PO DANG, SHA MA DUR BYID DANG, DONG GA DANG, SENG PHROM DANG, SU TA ZHES BYA BA SHR'I KHAndA DANG SHANG KHI NI DANG, DAN DA DANG, TRA BAN TI DANG, SA TA LA ZHES BYA BA DANG BCAS PA STE DGU PO DANG, 'BRAS BU GSUM GYI PHYE MA DANG, RTZANG SMAN KHRON BU DANG BCAS PA SHING SU TA ZHES BYA BA SNU HA'I 'O MA'I NANG DU ZHAG BDUN SPANGS PA SHA KHU 'AM MAR DANG SBYAR TE BLUD NA YANG BDE BAR 'KHRU BAR BYED DO, ,TSA BA GSUM DANG 'BRAS BU GSUM, ,DUR BYID DAN DA TZI TRA KA ,DE BZHIN BU RAM CHUS SBYAR BLUD, ,CES BYA BA LA, TSA BA GSUM DANG, 'BRAS BU GSUM DANG, DUR BYID DANG DAN DA DANG, TZI TRA KA'I PHYE MA SNGA MA BZHIN DU SU TA'I 'O MA'I NANG DU SPANGS PA BLUD NA YANG NGES PAR 'KHRU BAR BYED DO, ,SHANG KHI NI YI 'BRAS BU NI, ,PHUB MA MED CING MA BSKAMS BTU, ,DE BZHIN SAB TA LA'I RTZA BA, ,DE DAG RNON POR 'KHRU BYED YIN, ,BAD KAN DMU RDZING SBYAR BA'I DUG ,SKRAN SOGS NAD LA GTANG BAR BYA, ,ZHES BYA BA LA, SHANG KHI NI NI TU LA DANG, YA BA TIG TA ZHES BYA BA'I SMAN DE DE'I 'BRAS BU'O, ,PHUB MA MED PAR GYUR PA DANG, ,SHAS CHE RA MA BSKAMS BTUB DANG, ,DE BZHIN DU SAB TA LA'I RTZA BA SBYAR TE, DE DAG GIS RNO BAR 'KHRU BAR BYED PA YIN PAS BAD KAN GYI NAD LA SOGS PA LA GTANG BAR BYA'O, ,DE GNYIS RI LU ZHO GNYIS
, ,TZAM, ,CHANG DANG RGYAM TSAR SBYAR BA NI, ,BAD RLUNG LAS GYUR SNYING NAD DANG, ,DE BZHIN SKRAN GYI NAD LA GTANG, ,ZHES BYA BA LA, SHANG KHI NI'I 'BRAS BU DANG, SAB TA LA'I RTZA BA DE GNYIS PHYE MAR BTAGS TE, ,RI LUR BSGONGS BA ZHO GNYIS TZAM CHANG DANG RGYAM TSA DANG SBYAR BA NI BAD KAN DANG RLUNG LAS GYUR PA'I SNYING NAD DANG SKRAN GYI NAD LA GTANG BAR BYA'O, ,DAN DA DRA BAN TI'I RTZA BA, ,GLANG PO'I SO LTAR BRTAN ZHING SBOM, ,DMAR ZHING GNAG LA RNO ZHING DRO, ,MYUR DU 'KHRU BAR BYED PA YIN, ,LCI ZHING RLUNG NI 'KHRU BYED CING, ,MKHRIS PA BAD KAN 'JU BAR BYED, , CES BYA BA LA, DAN DA NI KUM PA STE DE DANG DRA BAN TI ZHES BYA BA'I RTZA BA GLANG PO CHE'I SO LTAR BRTAN ZHING SBOM PAR GNAS PA DMAR GNAG TU 'DUG PA RANG BZHIN RNO ZHING DRO BA, MYUR DU 'KHRU ZHING SBYONG BAR BYED PA LCI BA'I NUS PA DANG LDAN PA, ,RLUNG GI NAD 'KHRU BAR BYED PA, MKHRIS PA DANG BAD KAN GYI NAD 'JU BAR BYED PA YIN NO, ,DE NI SBRANG RTZI PI PI LING, ,LDE GUS BSKUS LA 'JAG MA DANG, ,'JIM PAS BSKUS SHING MES BSREGS LA, ,NYI MA CHUNG ZAD DRO BSKOMS PAS, ,DE YI RNO BAS BSAL BAR BYA, ,ZHES BYA BA LA, DAN DA DANG DRA BAN TI'I RTZA BA DE SBRANG RTZI DANG PI PI LING GNYIS KYI LDE GUS BSKUS LA 'JAG MA DANG 'JIM PAS KYANG BSKUS TE SMAN GYI PHUR BU'I TSUL DU BSREGS LA TSOS PAR GYUR PA DANG, NYI MA'I TSA BA HA CANG MI CHE BA LA YANG BSKAM PAR MI BYA STE, CI'I PHYIR ZHE NA, DE DAG NI RNO BA LUS ZUNGS LA GNOD PAR BYED PA MED PA DANG, NYI MA'I TSA BAS BSAL ZHING GZHIG PAR BYA'O, ,DE NI CHANG DANGS ZHOG CHU, ,DAR BA MNAN CHANG PI LU YI, ,KHU BA GANG YANG RUNG SBYAR BLUD, ,NYAM CHUNG SKRAN DANG GCIN SNYI DANG, ,DMU RDZING SBYAR BA'I DUG RNAMS SEL, ,ZHES BYA BA LA, DE LTAR BYAS PA'I RTZA BA DE, LDE GUR BYAS PA LA CHANG GI DANGS MA LA SOGS PA GANG YANG RUNG BA DANG SBYAR TE BLUD NA LUS NAD KYIS NYAMS SMAD PA'I SKRAN LA SOGS PA'I NAD RNAMS SBYONG BAR BYED DO, ,BA GLANG RI DAGS RA SHA YI, ,KHU BAR SBYAR BAS SKYA RBAB DANG, ,LTO SRIN MTSAN BAR RDOL NAD SEL, ,ZHES BYA BA LA, DAN DA DANG DRA BAN TI'I RTZA BA'I PHYE MA BA GLANG NGAM RI DAGS SAM RA SHA'I KHU BA DANG
SBYAR TE BLUD NA SKYA RBAB DANG LTO NA SRIN BU YOD PA DANG, MTSAN PAR RDOL BA'I NAD SEL CING SBYONG BAR BYED DO, ,DE BSKOL KHU BA LDE GU DANG, ,RTZA BA BCU YI KHU BAR BSKOL, ,MAR GYIS ME DBAL KHONG 'BRAS DANG, ,'BRUM PHRAN MCHAN KHUNG TSA BA SEL, ,ZHES BYA BA LA, DAN DA DANG DRA BAN TI'I RTZA BA BTAGS PA'I LDE GU RTZA BA BCU BSKOL BA'I KHU BA DANG, BSKOL BA'I MAR BLUD NA ME DPAL GYI NAD LA SOGS PA SEL BAR BYED DO, ,TIL MAR BCAS PAS SKRAN ZA KHU, ,GZHANG 'BRUM RTUG 'GAGS BAD RLUNG SEL, ,ZHES BYA BA LA, BSHAD MA THAG PA'I CHO GA 'DI NYID KYIS TIL MAR BSKOL TE BSKUS NA SKRAN LA SOGS PA'I NAD SEL BAR BYED DO, ,SNUM CHEN SBYAR BAS KHU CHU BSHANG, ,'PHYEN 'GAGS RLUNG GI NAD RNAMS SBYONG, ,ZHES BYA BA LA, CHO GA 'DIS SNUM CHEN PO STE ZHUN MAR DANG RKANG DANG TSIL DANG TIL MAR BSKOL BA BLUD NA KHU CHU 'GAGS PA LA SOGS PA'I NAD DANG RLUNG GI NAD GZHAN DAG KYANG SBYONG BAR BYED DO, ,DUR BYID LA SOGS DGU PO 'DI, ,BKRU SMAN GYI NI RAB MCHOG YIN, ,ZHES BYA BA LA, DUR BYID RNAM GNYIS DANG, DONG GA LA SOGS PA SMAN DGU PO 'DI DAG NI BKRU SMAN RNAMS KYI NANG NA MCHOG TU GYUR PA YIN NO, ,AA RU RA YANG DUR BYID KYI, ,CHO GA BZHIN DU SBYAR BAR BYA, ,ZHES BYA BA LA, AA RU RA YANG GONG DU BSHAD PA'I DUR BYID KYI CHO GA BZHIN DU BSHAD PAR BYA STE, DE NAS DUS SU DE'I PHYE MA, ,RGYAM TSA DONG GA CUNG ZAD GDAB, ,RLUNG NAD LA NI SKYUR LAS BLUD, ,CES BYA BA LA SOGS PA SBYAR BA'I BAR JI SNYED SMOS PA RNAMS LA DUR BYID KYI GONG AA RU RA BCUG LA SMAN GYIS SBYANG BAR BYA'O, ,BU RAM SRANG BRGYAD AA RU RA, ,NYI SHU DAN DA TZI TRA KA ,SRANG RE PI PI LING DUR BYID, ,ZHO NI GNYIS GNYIS LHAN CIG SBYAR, ,RI LU BCU BYAS ZHAG BCU BAR, ,RI LU RE RE ZOS RJES LA, ,CHU DRON BLUD CING CHO GA 'DIS, , DE DAG THAMS CAD ZOS GYUR NA, ,KUN ZOS BSRUNG BA 'ANG MI DGOS PAR, ,'DIS NI THAMS CAD SEL BAR BYED, ,MCHOG TU SKYA RBAB PHO BA'I NAD, ,LPAGS NAD ZLUM PO GZHANG 'BRUM DANG, ,G-YAN PA'I NAD RNAMS SEL BA YIN, ,ZHES BYA BA LA, BU RAM SRANG
, ,BRGYAD DANG, AA RU RA RDOG MA NYI SHU, DAN DA DANG TZI TRA KA SRANG RE RE, PI PI LING DANG DUR BYID GNYIS ZHO GNYIS GNYIS SBYAR LA DE DAG LAS RI LU CHA MNYAM PA BCUR BYAS TE, RI LU RE RE ZHAG BCU BCU'I BAR DU ZOS LA, DE'I RJES LA CHU DRON BLUD DE CHO GA 'DIS RI LU DE THAMS CAD ZOS PAR GYUR NA RI LU 'DIS CHO GA BSRUNG ZHING BSDAMS MI DGOS PAR NAD THAMS CAD SEL CING 'JOMS PAR BYED PA YIN LA, DE LAS KYANG KHYAD PAR DU SYA [?] RBAB LA SOGS PA'I NAD SEL ZHING 'JOMS PAR BYED PA YIN NO, ,CHUNG DU'ANG DON NI CHEN PO DANG, ,CHEN PO 'ANG LAS NI NYUNG ZAD DAG ,'DRE DANG DBYE BA BYAS PA DANG, ,DUS DANG SBYOR BA LDAN PAR BYED, ,CES BYA BA LA, CHUNG BA STE NUS PA CHUNG NGU YANG TSAD CHEN PO DANG LDAN PAS DON CHEN PO STE, LAS SU BYA BA CHEN PO BYED PAR 'GYUR BA DANG, NUS PA CHEN PO DANG LDAN PA DAG KYANG TSAD CHUNG NGUR BTANG BAS, LAS KYI BYA BA NYUNG ZAD BYED CING NUS PA ZHAN PAR 'GYUR TE, JI LTA ZHE NA, 'DRES PA LA SOGS PAS BYA BA DE DAG BYED DE, DE LA SMAN RNON PO DANG SBYAR BA CHUNG DUS KYANG DON CHEN PO BYED PAR 'GYUR LA, ,MANG PO YANG SMAN RNON PO DANG, DBYE ZHING DE DANG MI LDAN NA LAS NYUNG ZAD BYED BAR 'GYUR RO, ,DE BZHIN DUS KYIS KYANG SMAN BTUL ZHING 'JAM PA DE NYID SOS KA'I TSE BTANG NA DON CHEN PO BYED PAR 'GYUR LA, SMAN RNON PO YANG DGUN GYI DUS SU BTANG NA LAS NYUNG ZAD BYED BAR 'GYUR RO, ,SBYOR BA NI NUS PA SKYED PAR BYED PA STE, SBYOR BA DES NA SMAN 'JAM PO RNON PO DANG SBYAR BAS KYANG DON CHEN PO BYED PAR 'GYUR LA; SMAN RNON PO YANG SMAN RTUL PO DANG SBYAR NA YANG LAS NYUNG ZAD BYED PAR 'GYUR RO, ,YANG DE BZHIN DU RIGS PA'I SBYOR BAS NUS PA ZHAN PA'I SMAN DE NYID SMAN RNON PO DANG CI RIGS PAR SBYAR NA RNON POR 'GYUR LA, DE BZHIN DU SMAN RNON PO YANG NUS PA ZHAN PA'I SMAN DANG SBYAR NA RTUL POR 'GYUR RO, , DE YANG DRANG SRONG TZA RA KAS, ,SMAN NI 'DRE BAS CHUNG DU YANG, ,LAS NI MANG PO BYED PAR 'GYUR, ,DE BAS SMAN NI NUS PA DAG ,MTSUNGS PAS NYE BAR SBYAR BAR BYA, ,CHU MED SRIN BUS GNOD MA BYAS, ,YUL DANG DUS KYI YON TAN LDAN, ,TSAD NI CHUNG DANG LHAG PAR LDAN, ,NUS PA MTSUNGS
SHING LEGS SBYAR LA, ,SNUM DANG DUGS KYI CHO GA BYAS, ,SMAN NI RNO BA NYID DU 'GYUR, ,YON TAN 'DI DAG CHUNG ZAD SMAN, ,SNGAR BSHAD TSAD KYIS MNYAM 'GYUR LA, ,SNUM DUGS LEGS PAR MA BYAS LA, ,SMAN GYI NUS PA 'BRING POR 'GYUR, ,SMAN MTHU CHUNG ZHING RTZUB PA DANG, ,TSAD NI CHUNG BAR GYUR PA DANG, ,MTHU NI MI MTSUNGS SBYAR GYUR PAS, ,SHUGS DAL LTA BUR NUS ZHAN 'GYUR, ,ZHES BYA BA BSHAD PA YIN NO, ,SHING TSA N'A GA GE SAR DANG, ,AA MRA TA KA SE'U 'BRU DANG, ,SUG SMEL KHA RA SBRANG RTZI DANG, ,KHA LUNG CHANG SOGS DE DANG DE; ,YID DANG RJES SU MTHUN PA YI, ,RIGS PAS BKRU SMAN GTANG BAR BYA, ,ZHES BYA BA LA, SHING TSA LA SOGS DANG LDAN PA'I BKRU SMAN DE DANG DE NAD PA SO SO'I YID DANG RJES SU MTHUN PA 'DIR MA BSHAD BAR GZHAN DAG KYANG CI RIGS PAR SBYAR ZHING BKRU SMAN DU GTANG BAR MI BYA STE, GANG GI PHYIR YID DANG RJES SU MI MTHUN ZHING ZHE 'GRAS PA YID DU MI 'ONG BA DAG BYIN NA SLON PA LA SOGS PA 'BYUNG BAR 'GYUR BA'I SKYON YOD PA'I PHYIR RO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, CHO GA GRUB PA'I GNAS KYI LE'U GNYIS PA'I 'GREL PA'O,, ,,DE NAS SKYUG SMAN DANG BKRU SMAN GYI NYES PA GRUB PAR BYA BA'I CHO GA BSHAD BAR BYA'O, ,ZHES BYA BA LA, SKYUG SMAN DANG BKRU SMAN GYI CHO GA BSHAD NAS DE DAG NYID KYI CHO GA'I SBYOR BA PHYIN CI LOG TU GYUR PA DE GRUB PAR BYA ZHING GSO BAR BYA BA DANG, BCOS PAR BYA BA'I SBYOR BA BSHAD PAR BYA BA'I PHYIR LE 'U 'DI BRTZAMS PA YIN NO, ,SKYUG SMAN LTO NI SNYI BA 'AM, ,LTOGS PA 'AM BAD KAN SHAS CHUNG BA 'AM, ,SHIN TU RNO BA 'AM GRANG BA'ANG CHUNG, ,MA ZHU BA 'AM NYAM CHUNG LA, ,BLUD NA NAD 'BYUNG RE BA NYAMS, , DE TSE THUR 'BYUNG NAD SLONG 'GYUR, ,DE LA SLAR YANG SNUM CHOS BYA, ,SNGAR GYI SKYON BRAL SKYUG SMAN GTANG, ,ZHES BYA BA LA, GAL TE SKYUG SMAN NAD PA LTO SNYI BAR GYUR BA 'AM, ,LTOGS SHING BKRES BAR GYUR PA 'AM, BAD KAN GYI SHAS CHUNG BA 'AM, SHIN TU RNO BA LA SOGS PA LA BLUD
, ,PAR GYUR NA, NAD GYEN DU 'BYUNG BA'I RE BA DES NYAMS PAR 'GYUR ZHING 'DOD PA'I DON THOB PAR MI 'GYUR LA, SMAN YANG THUR DU 'BYUNG BAR 'GYUR ZHING SLAR YANG NAD BSLANGS SHING SKYED PAR 'GYUR RO, ,NYES PA DE LA SLAR YANG SNUM CHOS BYA LA SLAR SKYON GANG GIS NYES PAR GYUR PA DE RAN PAR BYAS LA TSAD DANG DUS LA SOGS PAR LTOS PA'I SMAN GYIS DE SKYUGS SHING SLON DU GZHUG PAR BYA'O, ,BKRU SMAN MA ZHU BAD KAN DANG, ,LDAN PA 'AM SHIN TU RNO CHES PA, ,DRO BA 'AM LAN TSVA SHAS CHE BA, ,YI GAR MI 'ONG MANGS PA YIS, ,GYEN DU RGAL BAR GYUR PA DAG ,SNGAR BSHAD NYES PA DE LA NI, ,GRUB PA'I SBYOR BA DE BZHIN BYA, ,ZHES BYA BA LA, BKRU SMAN DE NAD PA MA ZHU BA DANG LDAN PA 'AM, BAD KAN DANG LDAN PA LA NI SHIN TU RNO CHES PA 'AM LAN TSVA SHAS CHE BA'I YI GAR MI 'ONG ZHING YID DANG MI 'THAD PA 'AM, SMAN SHIN TU MANG PO 'THUNGS PAS TSAD LAS CHES PAR GYUR PA LA SOGS PAS GYEN DU RGAL ZHING KHA'I SGO LAS BYUNG BAR GYUR PAS SNGAR BSHAD PA'I NYES PA NAD 'BYUNG BA'I RE BA NYAMS PA DANG, NAD SLAR LA GLONGS PAR GYUR PA DAG LA GRUB PA'I SBYOR BA YANG SNGAR BSHAD PA DANG 'DRA BAR NAD PA DE SNUM CHOS BYA ZHING SNGAR GYI SKYON GANG YIN PA YANG NGOS ZIN PAR BYAS LA, TSAD DANG DUS LA SOGS PA LA LTOS PA'I BKRU SMAN BTANG ZHING SNGAR SKYON DU GYUR PA'I NYES PA DAG KYANG SPANG BAR BYA'O, ,DE YANG SNOD DU MA CHAGS NA, ,GSUM PO DE LA BLUD MI BYA, ,GZHAN DU GOMS PA 'AM ZHIM PA YI, ,SMAN NI GNOD PA MED PA GTANG, ,ZHES BYA BA LA, DE LTAR GSO BA LOG PAR GYUR PA'I TSUL GYIS BLUD PAS SMAN DE YANG KHONG PA'I SNOD KYI NANG DU CHAGS PAR MA GYUR CING YANG GYEN DU RGAL BAR GYUR NA, DE'I 'OG DU SMAN GSUM PO DE LA BLUD PAR MI BYA ZHES GZHAN DU SNGAR GOMS PAR GYUR PA DANG, ZHIM ZHING YI GAR 'ONG BA'I SMAN GNOD PA MED PA'I LDE GU LA SOGS PA SKYIN PA NI MA GTOGS TE, YON TAN DE LTA BU DANG LDAN PA NI GSUM PA YIN YANG GTANG BAR BYA'O, ,SNUM CHOS DUGS NI MA BYAS LA, ,SMAN NI RNYING ZHING RTZUB PA YIS, ,NAD SLONG PHYIN PAR MA GYUR PAS, ,MGO 'KHOR SKRAN DANG SKYIGS BU DANG, ,
MUN PAR MTHONG DANG SKOM DAD CHE, ,BYIN SNYING NA ZHING LUS G-YA' DANG, ,BRLAN KHA DOG MI SDUG PA'I, ,NAD NI SKYED PAR BYED PA YIN, ,ZHES BYA BA LA, NAD PA SNUM CHOS DANG DUGS MA BYAS PA'I LUS LA SMAN RNYING PA DANG RTZUB PA DAG GIS NAD GLONGS SHING GNAS LAS BSKYOD NAS PHYIR 'BYIN CING BSKYOD PAR MA NUS PAS MGO 'KHOR BA LA SOGS PA'I NAD SKYED PAR BYED PA YIN NO, ,SNUM CHOS DUGS BYAS SMAN NYUNG ZHING, ,ME DROD CHE BAS ZHU GYUR PA 'AM, ,GRANG BAS RENGS PA 'AM MA ZHU BAS, ,NAD GLONGS PAS NI MA PHYIN PAS, ,NAD NI DE DAG NYID SKYED CING, ,DE NYID SBYOR NYES THAMS CAD YIN, ,ZHES BYA BA LA, SNUM CHOS DANG DUGS LEGS PAR BYAS PA'I NAD PA LA SMAN SHIN TU THUN CHUNG ZHING NYUNG BA BYIN PA 'AM, PHO BA'I ME DROD CHE BAS SMAN TSAD CHUNG NGU DE ZHU BAR BYAS PA 'AM, GRANG BAS RENGS SHING 'THAS PAR GYUR PA 'AM, MA ZHU BA DANG LDAN PAS NAD GLONGS NAS PHYIR 'BYIN PAR MA NUS PA DAG GIS SNGAR BSHAD MA THAG PA'I NAD MGO 'KHOR BA DANG SKRANGS PA LA SOGS PA DE DAG NYID SKYED PAR BYED DE, DE DAG NYID NI SBYOR BA NYES PA ZHES BYA BA THAMS CAD YIN NO, ,DE LA TIL MAR RGYAM TSAS BSKUS, ,GSHAG MA RDO BAS DUGS BYAS SHING, ,MAS GTONG DRAG BYAS SKAM SA'I SHA ,KHA ZAS BYIN LA 'JAM RTZI NI, ,PO SON CHA DANG PI PI LING, ,THANG SHING TIL MAR BSKOL BA GTANG, ,ZHES BYA BA LA, DE LTA BU'I NYES PA DANG LDAN PA'I MI DE LA TIL MAR DANG RGYAM TSAS LUS BSKUS LA, GSHAG MA RDO YIS DUGS BYA ZHING MAS GTONG BA DRAG PO NI RU HA BYAS LA SKAM SA'I SHA KHU DANG KHA ZAS BYIN PA PO SON CHA LA SOGS PA DANG BSKOL BA'I TIL MAR GYI 'JAM RTZI MAS GTONG BA TSAD DANG LDAN PAR BYAS PA NAD GZHI DANG LUS ZUNGS LA SOGS PA'I TSUL LA BRTAGS TE GTANG BAR BYA'O, ,RLUNG 'JOMS SNUM GYIS SNUM CHOS BYA, ,SLAR YANG BKRU SMAN RNON POS SBYANG, ,ZHES BYA BA LA, YANG DE LA RLUNG 'JOMS PAR BYED PA'I SNUM GYI SBYOR BAS SNUM CHOS BYAS LA, BKRU SMAN SNGA MA BAS RNO BA BTANG LA SBYANG BAR BYA'O, ,NAD GZHI CHE ZHING KHONG RTZUB LA, ,ME DROD CHUNG DANG SMAN CHUNG BA, ,RTUG SKAM BCAS PAS GLONGS PA DANG, ,NAD KYIS LAM NI 'GAGS PAR 'GYUR, ,MI BZAD SBO DANG LTE BA DANG, ,
, ,RGYAB DANG RTZIB LOGS MGO BO NA, ,PHYI SA GCIN 'GAGS DBUGS MI BDE, ,MI BZAD PA NI SKYED PAR BYED, ,CES BYA BA LA, NAD GZHI SHAS CHE BA DANG, KHONG RTZUB PA LA SOGS PA DANG LDAN PA DANG, RTUG SKAM DANG BCAS PAS GYEN DU 'KHYIL ZHING NAD GLONGS PA DANG, NAD DES RTZA SBUBS KYI LAM 'GAGS PAR BYAS NAS MI BZAD PAR SBO BA DANG, LTE BA LA SOGS PAR NA BA DANG, PHYIS 'GAGS PA LA SOGS PA BRNAG PAR DKA' BA SKYED PAR BYED PAR 'GYUR RO, ,BSKU DANG DUGS DANG RENG BU SOGS, ,MAS GTONG DRAG PO 'JAM RTZI BYA, ,RTUG SKAM SEL BA'I GSO DPYAD LAS, ,THAMS CAD SBO BA DAG LA PHAN, ,ZHES BYA BA LA, SBO BA LA SOGS PA'I NAD DANG LDAN PA'I MI DE LA SOGS PA'I NAD RNAMS DANG, RTUG SKAM SEL BA'I GSO DPYAD KYI LAS GZHANG 'BRUM GSO BA'I SKABS SU BSHAD PA THAMS CAD PHAN NO, ,RTZA BA LNGA PA NAS TSIG 'KHUS, ,SHU DAG PU TI KA RANYDZA, ,RGYAM TSA NAS THUG LEGS SBYAR BAS, ,GZER NAD RTUG SKAM LTO SBOS 'JOMS, ,ZHES BYA BA LA, RTZA BA LNGA PO LA SOGS BA'I SMAN DANG, NAS THUG LEGS PAR G-YOS PAS NI GZER LA SOGS PA'I NAD RNAMS SEL BAR 'GYUR RO, ,THAL SMAN SE'U 'BRU PI PI LING, , SHING KUN BCA' SGA STAR BU DANG, ,RGYAM TSA BCAS PA'I CHANG NGAM NI, ,MAR RAM CHU DRON SBYAR BA BLUD, ,MKHREGS SHING YONGS SU 'DZAG PA DANG, ,NA ZHING BCAD SNYAM SEMS PA SEL, ,ZHES BYA BA LA, THAL SMAN YA BAKshA RA DANG SE'U 'BRU LA SOGS PA CHANG LA SOGS PA GANG YANG RUNG BA DANG SBYAR TE BLUG NA MKHREGS SHING 'KHRU BA LA SOGS PA'I NAD SEL BAR BYED DO, ,SMAN 'THUNGS GYUR PA'I SHUGS BKAG NI, ,RLUNG LA SOGS PA'I NAD RNAMS NI, ,'KHRUGS TE SNYING GI PHYOGS SONG NAS, ,SNYING NAD MI BZAD SKYED PAR BYED, ,SKYIGS BU LUD PA RTZI BA LOGS NA, ,RMYA ZHING MIG 'GUL KHA CHU 'DZAG ,DRAN PA NYAMS SHING LCE 'CHA' LA, ,SO NI KHRIG KHRIG 'CHA' BAR BYED, ,CES BYA BA LA, NAD PAS SMAN 'THUNGS PAR GYUR NAS, 'BYUNG BAR 'GYUR BA'I SHUGS BKAG CING BRNAGS TE 'BYUNG DU MA STER NA RLUNG LA SOGS PA'I NAD 'KHRUGS SHING LDANG BAR 'GYUR TE, SNYING
GI PHYOGS SU SONG NAS SNYING GI NAD BTZIR BA SNYAM SEMS PA LA SOGS PA MI BZAD CING BRNAG PAR DKA' BA SKYED PA DANG, SKYIGS BU LA SOGS PA'I NAD 'BYUNG BAR 'GYUR RO, ,DE LA SMAN PA MA RMONGS PAS, ,MKHRIS PAS NYEN LA MNGAR BA DANG, ,BAD KAN GYIS NYEN KHA BA YI, ,SKYUG SMAN DAG NI MYUR DU GTANG, ,ZHES BYA BA LA, DE LTA BU'I GNAS SKABS SU GYUR PA'I NAD PA DE LA SMAN PA RMONGS SHING 'KHRUL BAR MA GYUR PAS GAL TE NAD DE MKHRIS PAS BRGYAL BAR GYUR PA YIN NA, SMAN MNGAR BA'I SKYUG SMAN BLUD DE MYUR DU SKYUG TU GZHUG LA, BAD KAN GYIS BRGYAL BA YIN NA, SMAN KHA BA'I SKYUG SMAN BLUD DE SKYUG TU GZHUG PAR BYA'O, ,DE NAS DE LA SMIN BYED PA'I, ,NAD KYI LHAG MA SMIN PAR BYA, ,ZHES BYA BA LA, DE NAS NAD PA DE SMIN PAR BYED PA'I SMAN GYIS NAD LHAG MA RNAMS SMIN CING ZAD PAR BYA'O, ,DE YI ME DROD LUS KYI STOBS, ,RIM GYIS MNGON PAR 'PHEL BAR BYED, ,CES BYA BA LA, YANG NAD PA DE'I PHO BA'I ME DROD DANG LUS KYI STOBS RJES SU MTHUN PA'I SMAN DANG, ZAS DANG SKOM GYIS RIM GYIS MNGON PAR 'PHEL BAR BYA ZHING BSKYED PAR BYA'O, ,SHAS CHER SLON GYUR RLUNG GIS NI, ,GANG GI SNYING NI GZIR GYUR PA, , DE LA SNUM 'GYUR LAN TSVA SBYIN, ,MKHRIS PA BAD KAN DE LAS GZHAN, ,ZHES BYA BA LA, GANG ZHIG SHAS CHER SLON PAR GYUR PAS RLUNG GIS SNYING GZER ZHING NA BAR GYUR PA DE LA, SMAN DANG, ZAS DANG, SKOM SNUM PA DANG, SKYUR BA DANG, LAN TSVA'I SHAS CHE BA SBYIN PAR BYA'O, , MKHRIS BA DANG BAD KAN GYI SHAS CHE BA SLON PA'I NAD NI DE LAS GZHAN PA STE, RTZUB PA DANG KHA BA DANG BSKA BA'I ZAS SKOM DANG SMAN SBYIN PAR BYA'O, ,SMAN NI 'THUNGS BAR GYUR NAS SHUGS, ,BKAG PAR GYUR BA 'AM BAD KAN GYIS, ,'GAGS PA 'AM SHIN TU SBYANGS GYUR PA'I, , LUS LA RLUNG NI 'JUG GYUR NAS, ,RENGS DANG 'DAR DANG ZUG PA DANG, ,LUS SNYOM DKRIS SNYAM SEMS SHING ZUG ,CES BYA BA LA, SKYES BU SMAN 'THUNGS PAR GYUR NAS SHUGS 'BYUNG BA BKAG PAS RLUNG GIS LAM SRANG 'GAGS PAR BYAS PA DANG, BAD KAN GYIS 'GAGS
, ,PAR BYAS PA 'AM, YANG NA SHIN TU SBYANGS SHING SLON KHRUS DRAGS PAR GYUR PAS LUS LA RLUNG 'JUG PAR 'GYUR TE, DES RLUNG RENGS PA LA SOGS PA'I NAD 'BYUNG BAR 'GYUR RO, ,DE LA RLUNG NI 'JOMS PA YI, ,SNUM CHOS DUGS SOGS THAMS CAD BSNGAGS, , ZHES BYA BA LA, SBYOR BA NYES PA DE LA NI RLUNG 'JOMS PAR BYED PA'I GSO BA DANG SNUM CHOS LA SOGS PA THAMS CAD PHAN NO, ,SOGS PA SMOS PAS NI 'JAM RTZI DANG, BKRU BA DANG SMAN CHU BLUGS PA DANG, LUS BYING BA DANG, KHA ZAS DANG, SKOM DANG, SMAN RLUNG 'JOMS PAR BYED PA DAG BSDU'O, ,SMAN THUN CHE LA RNO BA NI, ,BKRES NYEN LTO SNYI LA BLUD NA, ,BAD KAN MKHRIS PA BSHANG BA NI, ,BSAL NAS LUS ZUNGS 'DZAG PAR BYED, ,CES BYA BA LA, BKRES PAS NYEN PA DANG, LTO SNYI BA'I NAD PA LA SMAN THUN CHE ZHING MANG BAR BTANG BAR GYUR NA, BAD KAN LA SOGS PA MYUR DU BSAL ZHING PHYUNG NAS DANGS MA LA SOGS PA'I LUS ZUNGS RNAMS 'DZAG CING 'BYUNG BAR BYED DO, ,DE LA SBYOR DRAGS MNGAR BA YI, ,SMAN GYIS LHAG MA SLON DU GZHUG ,CES BYA BA LA, SBYOR BA DRAGS PA'I NYES PA BYUNG BA DE LA MNGAR BA'I SMAN GYIS MA ZHU BA'I SMAN LHAG MA SLON DU GZHUG CING SBYAR BAR BYA'O, ,SKYUG SMAN DRAGS LA BKRU SMAN GTANG, ,'KHRUS DRAGS SKYUG SMAN 'JAM PO GTANG, ,ZHES BYA BA LA, SKYUG SMAN GYI SBYOR BA DRAGS PA LA NI BKRU SMAN GTANG BAR BYA'O, ,BKRU SMAN DRAGS PAR GYUR PA LA NI SKYUG SMAN 'JAM PO GTANG BAR BYA'O, ,DE LA CHU GRANG BLUD PA DANG, ,RO SMAD BCINGS PAS GCAD PAR BYA, ,ZHES BYA BA LA, SBYOR BA DRAGS PA'I NAD PA DE LA CHU GRANG BLUD PAR BYA'O, ,RO SMAD MAN CHAD BCINGS PA DANG ZAS DANG SKOM SHIN TU BSIL BAS DE GCAD PAR BYA'O, ,STANG ZIL TZANDAN PU SHEL DANG, ,RA KHRAG KHA RA'I CHU DANG NI, ,'BRAS YOS PHYE MA'I SKYO MA NI, ,SBYOR DRAGS SEL BA'I DAM PA YIN, ,ZHES BYA BA LA, STANG ZIL DE DNGUL RDO LA SOGS PA DANG SBYAR BA'I CHU DANG 'BRAS YOS SKYO MAR BYAS PA NI SBYOR BA DRAGS PA SEL PA'I MCHOG YIN PAS DE BLUD PAR BYA'O, ,SLON SMAN SBYOR BA DRAGS PA LA, ,CHU GRANG DAG NI BLUGS
PAR BYA, ,RGUN 'BRU LA SOGS KHU BA MAR, ,SBRANG RTZI KHA RA'I SKYO MA BLUD, ,CES BYA BA LA, SKYUG SMAN GYI SBYOR BA DRAGS PA LA CHU GRANG GIS LUS LA BLUGS PAR BYA ZHING RGUN 'BRU LA SOGS PA'I SKYO MA BLUD PAR BYA'O, ,SGREGS PAR BCAS PA SHIN TU SKYUGS, ,MUR BA 'U SU GLA SGANG DANG; STANG ZIL MA DU KA'I PHYE MA, ,SBRANG RTZIR BCAS PA'I LDE GU SBYIN, ,ZHES BYA BA LA, SGREGS PAR BCAS PAR DRAG TU SKYUG PA LA MUR BA LA SOGS PA'I PHYE MA SBRANG RTZI DANG LDE GUR SBYAR BA SBYIN ZHING BLDAG TU GZHUG PAR BYA'O, ,SLON MTHAR LCE NI 'KHUMS PA LA, ,SNUM DANG SKYUR DANG LAN TSVA DANG, , LDAN PAS MKHUR BA BKANG BA DANG, ,YID 'ONG YU SHA SHA KHU PHAN, ,ZHES BYA BA LA, MI SLON DRAGS PAS LCE 'KHUMS SHING, NANG DU ZHUGS PAR GYUR PA LA SNUM LA SOGS PA DANG LDAN PAS MKHUR BA BKANG BA DANG, DE BZHIN DU, YID DU 'ONG BA'I YU SHA DANG SHA KHU BLUD NA PHAN NO, ,DE YI MDUN DU MI GZHAN NI, ,'BRAS BU SKYUR PA ZA RU GZHUG ,CES BYA BA LA, LCE 'KHUMS PA'I NAD PA DE'I MDUN DU SKYES BU GZHAN 'BRAS BU SKYUR PA ZAR BCUG NA PHAN NO, ,LCE PHYIR BYUNG LA TIL DANG NI, ,RGUN 'BRU'I LDE GU BSKUS NAS GZHUG ,CES BYA BA LA, SLON DRAGS PAS LCE PHYIR BYUNG ZHING SDUD MI SHES PA LA NI TIL DANG RGUN 'BRUM BTAGS PA'I LDE GUS BSKUS LA NANG DU GZHUG PAR BYA'O, ,TSIG LKUGS RLUNG GI NAD LA NI, ,MAR DANG SHA DANG G-YOS PA YI, ,NAS THUG SLA BA SBYIN BYA ZHING, ,SNUM DANG DUGS KYI SBYOR BA BYA, ,ZHES BYA BA LA, TSIG LKUGS SHING THOGS PA DANG, DE BZHIN DU RLUNG GI NAD LDANG BA LA NI DUS SHES PA'I SMAN PAS MAR DANG SHA DANG G-YOS SU BYAS PA NAS THUG SLA BA SBYIN PAR BYA ZHING, DE BZHIN DU SNUM DANG DUGS KYI SBYOR BA DANG LDAN PAR BYA'O, ,SMAN GYI SBYOR BA DRAGS PA YIS, ,SROG CES BYA BA'I KHRAG PHYUNG BAS, ,GANG PHYIR DE NI SROG 'PHROG PAS, , SROG LEN PA NI YIN PAR BSHAD, ,CES BYA BA LA, SMAN GYI SBYOR BA DRAGS PAS SHAS CHER 'KHRUS PA NA, SROG CES BYA BA'I KHRAG 'BYUNG BAR 'GYUR LA, DES NI MI RNAMS KYI SROG 'PHROG CING GSOD PAR BYED PAS DE'I PHYIR DE LA NI SROG LEN PA ZHES SLOB DPON GYIS BSHAD DO, ,KHRAG
, ,DE DANG NI ZAS BCAS PA, ,KHYI 'AM BYA ROG LA BYIN LA, ,ZOS NA SROG CES BRJOD PAR BYA, ,MA ZOS MKHRIS PA YIN PAR BSHAD, ,CES BYA BA LA, SROG CES BYA BA'I KHRAG 'KHRUS PA DE DANG ZAS SU SBYAR LA, KHYI 'AM BYA ROG LA BYIN NA, GAL TE ZA BAR GYUR NA NI, SROG CES BYA BA'I KHRAG YIN PAR BRJOD PAR BYA LA, GAL TE ZA BAR MA GYUR NA SROG MA YIN GYI MKHRIS PA YIN PAR SHES PAR BYA'O, ,YANG NA RAS DKAR LA BSGOS TE, ,BSKAMS LA CHU DRON GYIS BKRUS LA, ,BKRUS KYANG DAG PAR MA GYUR NA, ,MKHRIS PA'O DAG NA KHRAG YIN NO, ,ZHES BYA BA LA, YANG NA 'KHRUS PA'I KHRAG DE RAS DKAR PO LA BSGOS TE, DE'I 'OG TU NYI MA LA BSKAMS LA, DE NAS CHU DRON GYIS BKRU STE MA DAG PAR GYUR NA NI MKHRIS PA YIN LA, GAL TE DE DAG PAR GYUR NA NI SROG CES BYA BA'I KHRAG YIN PAR SHES PAR BYA'O, , SKOM DAD BRGYAL DANG MYOS PAS NYEN, ,DE LA SROG NI MYUR BSRUNG PHYIR, ,KHRAG DANG MKHRIS PA SEL PA YI, ,GSO BA 'TSO BA'I BAR DU BYA, ,ZHES BYA BA LA, SKOM DAD LA SOGS PAS NYEN PA'I NAD PA LA SROG BSRUNG PAR BYA BA'I PHYIR KHRAG DANG MKHRIS PA SEL BA'I GSO BA JI SKAD BSHAD PA DAG SHIS PAR GYUR GYI BAR DU RGYUN DU BYA'O, ,RI DAGS BA GLANG MA HE RA, ,GSON PO'I KHRAG NI BYUNG MA THAG ,SROG NI 'BYOR BAR BYED PA BLUD, ,DE NI MYUR DU SROG TU 'GYUR, ,ZHES BYA BA LA, RI DAGS LA SOGS PA GSON PO'I KHRAG PHYUNG MA THAG MI'I SROG CES BYA BA'I KHRAG 'BYOR CING 'DZIN PAR BYED PA YIN PAS DE BLUD PAR BYA STE, DES NI DE'I SROG MYUR DU 'DZIN PAR BYED CING TSIM PAR BYED PAR 'GYUR RO, ,DE NYID 'JAG MA DANG MNYES PA'I, ,KHRAG NI 'JAM RTZIR GTANG BAR BYA, ,ZHES BYA BA LA, KHRAG DE NYID 'JAG MA DANG MNYES TE BTZAGS PA'I 'JAM RTZI MAS GTONG BAR BYA'O, ,DUR BYID TANG PA LA [?] SHING MNGAR DANG, ,D'UR BA PU SHEL TZE 'O MA, ,BSKOL BA MAR GYI SNYING PO DANG, ,STANG ZIL DANG NI BCAS PA YI, ,'JAM RTZI GRANG MO GTANG BAR BYA, ,ZHES BYA BA LA, DUR BYID LA SOGS PA'I SMAN DANG 'O MA BSKOL BA DANG,
MAR GYI SNYING PO DANG, STANG ZIL DANG BCAS PA'I 'JAM RTZI GRANG MO BTANG NA YANG PHAN NO, ,SBYI BAG 'JAM RTZI RAB GRANG BA 'AM, ,MAR GYI SNYING PO 'JAM RTZI GTANG, ,ZHES BYA BA LA, YANG NA SPYI BAG GI 'JAM RTZI RAB TU GRANG MO 'KHRU BA GSO BA'I SKABS SU BSHAD PA GTANG BAR BYA BA'AM, DE BZHIN DU MAR GYI NYING KHU'I 'JAM RTZI GTANG BAR BYA'O, ,GZHANG PHYIR BYUNG LA SMAN KHU YIS, ,'KHRU BA BCAD LA GZHUG PAR BYA, ,ZHES BYA BA LA, GZHANG PHYIR BYUNG BA LA NI SBYOR BA DANG 'PHROD PA'I SMAN GYI KHU BAS 'KHRU BA BCAD LA, NANG DU LEGS PAR GZHUG PAR BYA'O, ,DRAN PA STOR LA RIG BYED TSIG ,GLING BU GLU DBYANGS NYAN DU GZHUG ,CES BYA BA LA, SMAN GYI SBYOR BA DRAGS PAS DRAN PA STOR PAR GYUR PA LA NI SNYAN TSIG GI RIG BYED DANG, GLING BU DANG, GLU DBYANGS SNYAN PA NYAN DU GZHUG CING YID GSO BAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, CHO GA GRUB PA'I GNAS KYI LE'U GSUM PA'I 'GREL PA'O,, ,,DE NAS SMAN MAS GTONG BA'I CHO GA BSHAD PAR BYA'O, ,ZHES BYA BA LA, SNGAR BYAS ZIN PA'I 'OG TU 'JAM RTZI MAS GTONG BAR BYA BA YANG RIGS PA YIN PAS SKYUG SMAN DANG, BKRU SMAN GTANG BA'I CHO GA'I 'OG TU LE'U 'DI BRTZAMS PA YIN NO, ,BA LA [?] SLE TRES RA SNA 'BRAS BU GSUM, ,RTZA BA LNGA PA RNAM GNYIS SRANG RE'I TSAD, ,PO SON CHA BRGYAD RA SHA SRANG LNGA BCU, ,CHU NANG BSKOL TE BZHI CHA LUS GYUR PA, , BTZAGS PAR LA LA PHUD DANG PO SON CHA, ,BIL BA RU RTA SHA TA PUshPA DANG, ,SHU DAG GLA SGANG PI PI LING RNAMS KYI, ,LDE GU BU RAM SBRANG RTZI MAR DANG NI, ,TIL MAR RGYAM TSA DAG DANG LDAN GYUR PA, ,DRO 'JAM CHO GA BZHIN DU BTANG GYUR PA, ,MAS GTONG MCHOG STE NAD KUN 'JOMS BYED YIN, ,NAD MED LA PHAN TSE RING NYAMS BRTAS BYED, ,'JAM RTZI GANG DU LDE GU MA SMOS PA, ,DER NI KUN LA 'DI NYID GZHUG PAR BYA, ,ZHES BYA BA LA, BA LA NAS RTZA BA BCU PA'I BAR SMAN SNA RE ZHING SRANG RE'I TSAD DU BYAS PA DANG, PO SON CHA RDOG MA BRGYAD SRANG GCIG TZAM YOD PA DANG, RA SHA SRANG LNGA BCU
, ,CHU TSAD BZHIN DU BYAS PA'I NANG DU BSKOL LA, DE'I KHU BA BZHI CHA LUS PA BYAS TE, DE YANG 'DIR BA LA LA SOGS PA SMAN SNA BCU DRUG PO DE DAG GI CHU BCU DRUG 'GYUR TE, CHU SRANG NYIS BRGYA LNGA BCU RTZA DRUG YOD DO, ,DE TZAM DANG DE DAG BSKOL LA, DE'I BZHI CHA STE, CHU SRANG DRUG CU RTZA BZHI LUS PA DANG DBAB PAR BYA STE, 'DIR SMAN LA LTOS NAS CHU SRANG BCU DRUG 'GYUR GZHUG PAR BYA'O, ,SHA LA LTOS NA NI CHU SHIN TU BSKOL BA MANG BAS BSKOL BA THAL CHES PAR 'GYUR BA'I PHYIR DANG, DGOS PA MED PA'I PHYIR SMAN PA RGAN PO DE DAG DE LTAR NYE BAR SPYOD PAR MI BYED DO, ,'DIR DPER BRJOD PA NI RA SNA LA SOGS PA'I SMAN MAR LUD PA GSO BA'I SKABS SU BSHAD PA LTA BU YIN NO, ,DE LTAR BZHI CHA LUS PA'I SMAN GYI KHU BA DE BTZAGS LA, DE'I NANG DU LA LA PHUD LA SOGS PA BTAGS PA'I LDE GU DANG BU RAM DANG SBRANG RTZI LA SOGS PA DANG LDAN PAR BYAS PA DRO 'JAM TZAM SNGAR BSHAD PA BZHIN DU MAS GTONG BAR GYUR PA NI 'JAM RTZI'I MCHOG YIN TE, NAD THAMS CAD 'JOMS PAR BYED CING NAD MED PA LA YANG PHAN ZHING TSE RING BAR BYED PA YIN NO, ,'DIR LDE GU LA SOGS PA'I TSAD MAS GTONG BA'I CHO GA LAS BSHAD PA LTAR SHES PAR BYA STE, DE BDE BLAG TU DRAN PAR BYA BA'I PHYIR YANG DE NYID BSTAN PAR BYA STE, LDE GU NI BSKOL BA'I SMAN GYI BRGYAD CHA GZHUG PAR BYA BA 'AM, SHIN TU SLA BA 'AM SHIN TU SKA BAR MA GYUR PA DE TZAM DU GZHUG LA, BU RAM NI SRANG GCIG GZHUG PAR BYA ZHING, SBRANG RTZI DANG RGYAM TSA NI CI RIGS PA GZHUG PAR BYA'O, ,'DIR SNUM NI BSKOL BA'I SMAN KHU'I BZHI CHA DANG CHA MNYAM PAR GZHUG PAR BYA'O, ,DE YANG GANG GI PHYIR SBRANG RTZI RGYAM TSA LA SOGS PA CI RIGS PA ZHES BSHAD PA YIN LA, RIGS PA DE YANG BKRU SMAN DRAG PO MAS GTONG BA BSHAD PA'I TSIG GZHAN DAG LA BSHAD PAR BYA STE, DE YANG SBRANG RTZI DANG TIL MAR NI KHYOR BZHI GZHUG PAR BYA LA, RGYAM TSA NI ZHO GNYIS GZHUG PAR BYA'O, ,ZHES JI SKAD BSHAD PA DANG, DE BZHIN DU SNYING PO LAS, SNUM DANG SBRANG RTZI RE RE ZHING, ,SRANG NI GSUM GSUM TSAD DU BYA, ,ZHES BYA BA LA SOGS PA
SMRAS PA YIN NO, ,MAS GTONG BA'I 'JAM RTZI'I SKABS GANG DU LDE GU'I SMAN MA SMOS PA DE 'JAM RTZI KUN LA YANG LA LA PHUD LA SOGS PA'I LDE GU 'DI NYID GZHUG PAR BYA'O, ,RTZA BA BCU PA'I KHU BA SKYUR DANG NI, ,RA SHA BCAS PA SNGA MA BTAGS PA DANG, ,SNUM CHEN GSUM LDAN MAS GTONG MCHOG YIN TE, ,RLUNG GI NAD KUN RAB TU 'JOMS PAR BSHAD, ,CES BYA BA LA, SMAN RTZA BA LNGA PA CHE CHUNG GNYIS DANG, RA SHA DANG BCAS PA'I KHU BA BSKOL BA CHO GA BZHIN DU BSKOL BA'I SMAN GYI KHU BA SBYOR BA DANG 'TSAM PA'I SKYUR DANG LDAN PA DANG SNGAR BSHAD PA'I LA LA PHUD LA SOGS PA'I SMAN BTAGS PA GZHUG PA DANG, SNUM CHEN PO GSUM PO TIL MAR DANG ZHUN MAR ZHAG DANG LDAN PA 'AM, NAD GZHI'I TSUL LAS DPAGS TE, SNUM GSUM PO DE DAG LAS GANG YANG RUNG BA DANG SBYAR TE MAS GTONG BA NI MAS GTONG BA'I DAM PA YIN TE, RLUNG GI NAD THAMS CAD 'JOMS PAR BYED PA YIN NO, ,ZHES DRANG SRONG RNAMS KYIS BSHAD DO, ,BAL PA TOL RTZA BA CHUNG NGU LNGA, ,KYI LCE BA DANG AE RAndA DANG NAS, ,BSKOL BA'I KHU BA BRE GANG RA SHA'I KHU, ,DE YI PHYED BCUG LA BSKOL BRE GANG LUS, ,PRI YANG KU DANG GLA SGANG PI PI LING, ,LDE GUR BYAS SHING TIL MAR ZHUN MAR DANG, ,SBRANG RTZI RGYAM TSA DANG NI LDAN GYUR PA'I, , 'JAM RTZI BTANG NA ME DROD 'PHEL BA DANG, ,NYAMS STOBS BSKYED CING SHA NI RGYAS PA DANG, ,MIG GI GSAL STOBS 'PHRAL DU SKYED PAR BYED, ,CES BYA BA LA SOGS PA'I SMAN GYI TSOGS BSKOL BA'I CHO GA BZHIN DU LEGS PAR BSKOL BA BRE GANG DANG RA SHA'I KHU BA BRE PHYED BCUG LA YANG DE BRE GANG LUS KYI BAR DU BSKOL LA, PRI YANG KU DANG GLA SGANG DANG, ,PI PI LING GI LDE GU BRGYAD CHA CHA MNYAM PA DANG LDAN PA TIL MAR DANG SBRANG RTZI DANG RGYAM TSA DANG LDAN PAR BYAS PA'I 'JAM RTZI DES NI PHO BA'I ME DROD 'PHEL BAR BYED PA LA SOGS PA SKYED PAR BYED PA YIN NO, ,AE RAndA'I RTZA SRANG GSUM PA LA SHA ,SRANG GSUM RTZA BA LNGA PA CHUNG NGU DANG, ,RA SNA PA LA SLE TRES BA SPRU BA, ,AA SHVA GANDHA DONG GA THANG SHING RNAMS, ,PO SON CHA BRGYAD CHU BRE BRGYAD DU BSKOL, ,BRGYAD CHA LUS PAR GYUR PA DE YI NANG, ,SHU DAG SHU TI SPA MA'I 'BRAS BU DANG, ,PRI YANG KU DANG SHING MNGAR PI PI
, ,LING; ,DUG MO YUNGS KYI SA BON GLA SGANG DANG, ,SKYER PA'I KHAndAR BCAS BA ZHIB TU BTAGS, ,ZHO GNYIS TSAD KYIS RGYAM TSAR BCAS PA DANG, ,SBRANG RTZI TIL MAR BA GCIN DANG SBYAR BA'I, ,MAS GTONG SKYUGS BYED ME DROD SKYED PA DANG, ,RKANG PA BYIN PA BRLA DANG MJUG TO DANG, ,LTO BA SNYI DANG PHO MTSAN NA BA DANG, ,LUS LCI RLUNG DANG BSHANG GCI 'GAGS DANG SKRAN, ,RDE'U CHAGS RGYU RLUGS GZHANG 'BRUM PHO BA'I NAD, ,BAD KAN RLUGS NAD DE DANG DE DAG 'JOMS, ,ZHES BYA BA LA, AE RAndA'I RTZA BA DANG PA LA SHA SRANG GSUM GSUM, RTZA BA LNGA PA CHUNG NGU LA SOGS PA'I SMAN SNA RE ZHING SRANG RE, ,PO SON CHA RDOG MA BRGYAD CHU BRE BRGYAD DE, SRANG NYIS BRGYA LNGA BCU RTZA DRUG GI NANG DU DE THAMS CAD BSKOL TE, BSKOL BA DE LAS BRGYAD CHA STE BRE GANG LUS PAR GYUR PA DANG, SMAN GYI KHU BA DE'I NANG DU SHU DAG LA SOGS PA NAS SKYER PA'I KHAndA DANG BCAS PAR ZHIB TU BTAGS PA'I LDE GU DANG, RGYAM TSA ZHO GNYIS SAM, NAD GZHI'I TSUL LAS DPAGS PA'I TSAD DANG LDAN PA'I SBRANG RTZI LA SOGS PA SBYAR BAS MAS GTONG BAS NI BAD KAN DANG TSIGS LA SOGS PA'I NAD LA SOGS PA SKYUGS PAR BYED PA DANG, RKANG PA'I NAD LA SOGS PA BAD KAN DANG RLUNG LAS GYUR PA'I NAD GANG DAG YIN PA DE DANG DE DAG THAMS CAD 'JOMS SHING SEL BAR BYED DO, ,SHING MNGAR SENG PHROM TZANDAN AA RU RA, ,TZANDAN AUTPAL BA YI 'O MAR BSKOL, ,'TSO BYED KHA RA MAR DANG BCAS PA YI, , 'JAM RTZIS MKHRIS PA'I NAD RNAMS SEL BAR BYED, ,CES BYA BA LA, SHING MNGAR LA SOGS PA'I SMAN PA'I 'O MAR BSKOL BA'I NANG DU 'TSO BYED KYI SDE TSAN GYI LDE GU DANG KHA RA DANG MAR DANG BCAS PAR SBYAR BA'I 'JAM RTZI MAS GTONG BAS NI MKHRIS PA LA SOGS PA'I NAD 'JOMS SHING SEL BAR BYED DO, ,RA SNA BA SHA KA 'TSOD BYI TSER BA, ,BA LA RTZA BA CHUNG LNGA RTZVA YI LNGA, ,THAL TRES TZANDAN SHUG PA RNAM GNYIS DANG, ,SHING MNGAR SENG PHROM SRANG NI PHYED PHYED DANG, ,CHU DANG BSKOL BA'I KHU BA DE DANG NI, ,'O MA BRE BZHI BSKOL TE CHU NGU'I BAR, ,DZI BAN TI DANG ME DA RNAM
GNYIS DANG, ,NYE'U SHING RAM NYE BA GNYIS BI DA RI, ,KA SHE RU DANG KHA RA DKAR PO DANG, ,DZI BA KA DANG PADMA GE SAR DANG, ,STAG TSER AUTPAL DANG PADMA DKAR, ,SENG PHROM KHA SRAL PHRE'U SHING MNGAR DANG, ,N'A GA GE SAR MUN DZA TA KA DANG, ,TZANDAN RNAM GNYIS BTAGS PA MAR DANG NI, ,SBRANG RTZI RGYAM TSA DANG NI LDAN BYAS PA, ,BSGRANGS PA'I NI RU HA NI GTANG BAR BYA, ,SLAR PHYUNG SKAM SA'I SHA KHU 'AM 'O MA DANG, ,'BRAS CHAN BYIN LA LUS LA CHU BLUGS BYA, ,LUS TSA TSAD 'KHRU MNGAL NAD KHRAG MKHRIS DANG, ,SNYING NAD SKYA RBAB MI BZAD RIMS DANG NI; ,SKRAN BCAS GCIN 'GAGS MIG SER LA SOGS PA, ,MKHRIS PA LAS GYUR NAD NI THAMS CAD 'JOMS, ,ZHES BYA BA LA, BA SHA KA NI BRI SHA'O, ,RTZA BA CHUNG NGU LNGA NI BRI HA TI LA SOGS PA'O, ,RTZVA'I RTZA BA LNGA NI D'UR BA DANG, 'JAG MA DANG, BU RAM SHING DANG, 'DAM BU DANG, 'BRAS KYI RTZA BA'O, ,THAL TRES NI SHA RI PA STE, GO SANG GANDHA ZHES BYA'O, ,RA SNA LA SOGS PA 'DI DAG SMAN SNA RE RE ZHING SRANG PHYED PHYED SMAN GYI KHU BA BSKOL BA'I CHO GAS CHU'I NANG DU BSKOL LA, DE DANG 'O MA BRE BZHI BSKOL LA CHU NGU BAR GYUR CING 'O MA LUS KYI BAR DU BSKOL NAS DE'I NANG DU DZI BAN TI LA SOGS PA LDE GU'I CHO GA BZHIN DU BTAGS TE SBYAR BA'I LDE GU DANG, MAR LA SOGS PA DANG LDAN PA'I NI RU HA GTANG BAR BYA'O, ,MAS GTONG BA DE SLAR BYUNG BAR GYUR NA SKAM SA'I SROG CHAGS KYI SHA KHU 'AM 'O MA DANG SBAGS TE, 'BRAS CHAN SBYIN PAR BYA'O; ,DE BZHIN DU LUS LA CHU BLUGS SHING KHRUS BYAS TE DE LTAR BTANG BA'I 'JAM RTZI DES NI LUS KYI KHONG TSA BA LA SOGS PA'I NAD DANG, MKHRIS PA LAS GYUR PA'I NAD THAMS CAD 'JOMS PAR BYED DO, ,KO SHA TA KA DONG GA THANG SHING DANG, ,MUR BA GZE MA AARKA DUG MO YUNGS, ,PA THA RGYA SRAN BRI HA TI CHUR BSKOL, ,KHU BA SRANG NI NYI SHU LUS PA DANG, ,DES NI YUNGS KAR SUG SMEL PO SON CHA, ,RU RTA ZHO NI GNYIS GNYIS TSAD DANG NI, ,SBRANG RTZI BO SON CHA YI MAR DANG NI, ,THAL SMAN YUNGS MAR SRANG NI GNYIS BCAS PA, ,MAS GTONG ME DROD CHUNG DANG YI GA 'CHUS, ,BAD
, ,KAN LAS GYUR NAD NI KUN LA PHAN, ,ZHES BYA BA LA, KO SHA TA KA LA SOGS PA'I SMAN GYI KHU BA BSKOL BA'I CHO GAS BSKOL LA DE'I KHU BA SRANG NYI SHU STE, KHYOR BCU LUS PAR GYUR TE, DE NAS KO SHA TA KA NAS BRI HA TI'I BAR GYI SMAN SRANG LNGA BCU CHU DRUG 'GYUR GYI NANG DU BSKOL LA, KHU BA SRANG NI NYI SHU LUS PAR BYAS LA KHU BA SRANG NYI SHU PO DER YUNGS KAR LA SOGS PA'I SMAN BZHI PO ZHO GNYIS GNYIS DANG BCAS SHING SBRANG RTZI DANG, PO SON CHA'I MAR DANG, THAL SMAN DANG, YUNGS MAR SNA RE RE ZHING SRANG GNYIS DANG LDAN PAR BYAS LA, MAS GTONG BA DRAG PO NI RU HA ZHES BYA BA BTANG NA ME DROD CHUNG BA LA SOGS PA'I NAD THAMS CAD LA PHAN NO, ,DE NAS NI RU HA DE NI, ,SNUM 'JAM SKYID DE BA DANG NI, ,LAS KYI LUS SNYOM GYUR PA'I SMAN, ,SRANG NI GNYIS GNYIS SO SOR BSHAD, ,CES BYA BA LA, DE NAS DE'I 'OG TU MAS GTONG BA NI RU HA SNUM ZHING SNUM PAR BYED NUS PA 'JAM ZHING RTZUB PA MA YIN PA SKYID DE BA'I MI RNAMS DANG, SKYUG SMAN LA SOGS PA'I LAS KYI LUS SNYOM ZHING RAB TU ZHIG PAR GYUR PA'I MAS GTONG BA'I SMAN SRANG GNYIS GNYIS MTSON PA SO SOR BSHAD PAR BYA'O, ,'O MA LAS NI SRANG BZHIR BYA, , SBRANG RTZI TIL MAR MAR KHYOR RE, ,GZAR BUS DKRUGS PA'I MAS GTONG BAS, ,RLUNG 'JOMS STOBS DANG KHA DOG SKYED, ,CES BYA BA LA, 'O MA LAS SRANG BZHI STE, ,KHYOR DO, ,SBRANG RTZI DANG, TIL MAR DANG, MAR LAS SRANG GNYIS GNYIS TE KHYOR RE BSDUS LA GZAR BUS DKRUGS PA'I MAS GTONG BAS NI RLUNG GI NAD RNAMS 'JOMS PAR BYED CING, STOBS DANG KHA DOG RNAMS SKYED CING 'PHEL BAR BYED DO, ,TIL MAR CHANG DANG SBRANG RTZI MAR, ,KHYOR NI RE RE'I TSAD DU BYAS, ,BIL BA LA SOGS RTZA BA NI, ,KHYOR GNYIS RGYA SRAN KHU BA NI, ,KHYOR DO BCAS PAS RLUNG NAD SEL, ,ZHES BYA BA LA, TIL MAR LA SOGS PA SNA RE KHYOR RE STE SRANG GNYIS GNYIS, ,BIL BA LA SOGS PA'I RTZA BA LNGA'I SMAN KHYOR GNYIS GNYIS, ,RGYA SRAN GYI KHU BA KHYOR DO STE SRANG BZHI DANG BCAS PA'I 'JAM RTZI MAS GTONG BAS NI RLUNG GI NAD RNAMS SEL BAR BYED
DO; ,PA TO LA DANG NIM PA DANG, ,LO MA BDUN PA PU TI KA ,RA SNA'I KHU BA SRANG GNYIS GNYIS, ,MAR SRANG GNYIS DANG YUNGS KAR GYI, ,LDE GUR BYAS PA KHA BA LNGA, ,BAD KAN MANG DANG SRIN NAD DANG, ,MDZE DANG ZA KHU'I NAD RNAMS 'JOMS, ,ZHES BYA BA LA, ,PA TO LA LA SOGS PA'I SMAN SNA LNGA PO SRANG GNYIS GNYIS TE, KHYOR RE DANG MAR SRANG GNYIS TE DE KHYOR DRUG DANG, YUNGS KAR GYI LDE GU DANG BCAS PA'I KHA BA LNGA PA ZHES BYA BA'I 'JAM RTZI YIN TE, DES NI BAD KAN MANG BA LA SOGS PA'I NAD RNAMS 'JOMS PAR BYED DO, ,TIL MAR BA GCIN ZHO GA CHU, ,SKYUR RTZA BAS [?] KHYOR NI RE RE DAG ,YUNGS KAR BTAGS PA'I LDE GUR SBYAR, ,RTUG 'GAGS LTO SBOS SEL BYED YIN, ,ZHES BYA BA LA, TIL MAR LA SOGS PA KHYOR RE RE STE KHYOR BZHI DANG YUNGS KAR BTAGS PA'I LDE GUS NI RTUG PA 'GAGS PA LA SOGS PA SEL ZHING 'JOMS PAR BYED DO, ,PA YAS SYA DANG BU RAM SHING, ,SA LA PARnI BI DA RI, ,RA SNA KHYOR RE PI PI LING, ,LDE GU SBRANG RTZI MAR SBYAR BA'I, ,MAS GTONG KHU BA 'PHEL BAR BYED, ,CES BYA BA LA, PA YAS SYA LA SOGS PA LNGA PO KHYOR RE RE BSKOL BA'I NANG DU PI PI LING GI LDE GU DANG; SBRANG RTZI DANG MAR SBYAR BA'I MAS GTONG BAS NI KHU BA 'PHEL ZHING RO TZA BAR BYED DO, ,DE NAS GRUB PA'I 'JAM RTZI NI, ,NYES PA MED CING 'BRAS BU CHE, ,STOBS SKYED LUS 'PHEL BDE BAR BYED, ,KUN DU SBYAR BYA BSHAD PAR BYA, ,ZHES BYA BA LA, DE NAS RDE'I 'OG TU GRUB PA'I 'JAM RTZI STE 'BRAS BU DAG GIS MNGON SUM DU MTHONG BA NYES PA MED CING GNOD PAR 'GYUR BA'I SKYON DANG BRAL BAR 'BRAS BU CHE ZHING YON TAN MANG BA NYAMS STOBS BSKYED CING LUS 'PHEL ZHING RGYAS PAR BYED PA DANG, DUS KUN TU SBYAR ZHING GTANG BAR BYA BA GANG YIN PA DE BSHAD PAR BYA'O, ,SBRANG RTZI TIL MAR CHA MNYAM LA, ,RGYAM TSA ZHO GNYIS SHU TI BZHI, ,AE RAndA YI RTZA BA BSKOL, ,MAS GTONG SBRANG RTZI TIL MAR CAN, ,BCUD KYIS LEN TE GCIN SNYI DANG, ,GZHANG 'BRUM SRIN BU SKRAN NAD DANG, ,RGYU MA RLUGS PA'I NAD RNAMS SEL, ,ZHES BYA BA LA, SBRANG RTZI DANG TIL MAR GNYIS CHA
, ,MNYAM BOR BYAS PA DANG, RGYAM TSA 'AM, LCE MYANG TSA ZHO GNYIS, SHU TI ZHO BZHI, AE RAndA'I RTZA BA BSKOL BA DANG, SBRANG RTZI DANG TIL MAR BSKOL BA GTZO BOR GYUR PA'I MAS GTONG BA'I 'JAM RTZI NI BCUD KYIS LEN DU 'GYUR ZHING GCIN SNYI BA LA SOGS PA'I NAD SEL BAR 'GYUR RO, ,'DI NI SHING MNGAR PHYE MAR BCAS, ,MIG LA PHAN ZHING KHRAG MKHRIS SEL, ,ZHES BYA BA LA, BSHAD MA THAG PA'I SMAN 'DI NYID SHING MNGAR GYI PHYE MA DANG BCAS PA'I 'JAM RTZI NI MIG LA PHAN PAR BYED PA DANG, KHRAG DANG MKHRIS PA'I NAD SEL BAR BYED DO, , GLA SGANG LDE GU SBRANG RTZI DANG, ,TIL MAR SHA KHU MAR BCAS PA, ,'TSO BAR BYED PA ZHES BYA STE, ,GZHANG GI NAD DANG BRLA NAD DANG, ,CHU SO DANG NI RLIG PA DANG, ,PHO MTSAN ZUG PA'I NAD RNAMS SEL, ,ZHES BYA BA LA, GLA SGANG GI LDE GU DANG GONG DU SMOS PA'I 'JAM RTZI 'DI NYID SBRANG RTZI DANG TIL MAR DANG SHA KHU DANG LDAN PA NI MING 'TSO BAR BYED PA ZHES BYA STE, GZHANG GI NAD LA SOGS PA SEL BAR BYED DO, ,SBRANG RTZI MAR DANG ZHAG DANG NI, ,TIL MAR KHYOR NI RE RE'I TSAD, ,RGYAM TSA ZHO GCIG SPA MA YI, ,'BRAS BU SRANG PHYED BCAS PA DANG, ,DE YANG 'TSO BA YIN PAR BSHAD, ,CES BYA BA LA, SBRANG RTZI LA SOGS PA SNA RE ZHING KHYOR RE'I TSAD DANG, RGYAM TSA ZHO GCIG SPA MA'I 'BRAS BU SRANG PHYED DANG SBYAR BA DE YANG 'TSO BAR BYED PA ZHES BYA BA'I 'JAM RTZI YIN TE, DES KYANG GZHANG GI NAD LA SOGS PA SEL BAR BYED DO, ,AE RAndA'I RTZA BSKOL BA YI; ,KHU BA SHU DAG PI PI LING, ,PO SON CHA YI PHYE MAR BCAS, ,SBRANG RTZI TIL MAR RGYAM TSAR BCAS, ,'DI NI SHING RTA CAN ZHES BYA, ,ZHES BYA BA LA, AE RAndA'I RTZA BA BSKOL BA'I KHU BA LA SOGS PA DANG TSUL BZHIN DU SBYAR BA'I 'JAM RTZI 'DI NI MING SHING RTA CAN ZHES BYA STE; DES KYANG GZHANG GI NAD LA SOGS PA SEL BAR BYED DO, ,DE BSKOL SHU DAG SHU TI DANG, ,SHING KUN RGYAM TSA THANG SHING DANG, ,RA SNA SBRANG RTZI SBYAR BA YI, ,'JAM RTZIS NAD SEL ZHES BYA DGE ,ZHES BYA BA LA, AE RAndA'I RTZA BA DE BSKOL BA'I KHU BA SHU DAG LA
SOGS PA DANG LDAN PA'I 'JAM RTZI NI MING NAD SEL ZHES BYA STE DGE ZHING MCHOG TU GYUR PA YIN NO, ,RTZA BA LNGA YI KHU BA DANG, ,PI PI LING DANG RGYAM TSA DANG, ,SHING MNGAR SBRANG RTZIR BCAS PA YI, ,TIL MAR GRUB PA'I 'JAM RTZIR BSHAD, ,CES BYA BA LA, RTZA BA LNGA PA BSKOL BA'I KHU BA DANG PI PI LING LA SOGS PA SBYAR BA'I 'JAM RTZI NI MING GRUB PA'I 'JAM RTZI ZHES BYA BA YIN NO, ,RTZA BA BCU PA 'BRAS BU GSUM, ,PO SON CHA NI BIL BAR BSKOL, ,BA GCIN DANG NI DE BTAGS SHING, ,PA THA GLA SGANG DUG MO YUNGS, ,LAN TSVA PO SON CHA TIL MAR, ,THAL SMAN LAN TSVAR BCAS PA NI, ,RIGS PA'I 'JAM RTZI BAD KAN NAD, ,SKYA RBAB GSUD PA'I NAD RNAMS DANG, ,KHU BA RLUNG NI 'GAGS PA DANG, ,RLUNG 'KHRUGS PA LA BSNGAGS PA YIN, ,ZHES BYA BA LA, RTZA BA BCU PA LA SOGS PA'I SMAN TSUL BZHIN DU BSKOL BA NI RIGS PA'I 'JAM RTZI ZHES BYA STE, DES NI BAD KAN GYI NAD LA SOGS PA SEL BAR BYED PA YIN NO, ,GLA SGANG PA TA AE RAndA, ,SLE TRES PA LA BA SPRU BA, ,RA SNA BTZOD DANG DONG GA DANG, ,PU SHEL TZE DANG KYI LCE BA, ,BA RU RA DANG PU TZE SHEL, ,RTZA BA LNGA PA CHUNG NGU RNAMS, , SRANG RE PO SON CHA RDOG BRGYAD, ,DE NI CHU BRE BZHI NANG BSKOL, ,BZHI CHA LUS PA BTZAGS NAS NI, ,'O MA BRE DO DANG BSRES LA, ,'O MA LUS PA SLAR YANG BSKOL, ,SKAM SA'I SHA KHU BZHI CHA DANG, ,SBRANG RTZI RGYAM TSA SHING MNGAR DANG, ,SHU TI DUR BYID PI PI LING, ,DUG MO YUNGS DANG SKYER KHAndA, ,BTAGS PA DANG NI BSRES PA YI, ,'JAM RTZI DRO 'JAM BTANG NA NI, ,SHA DANG ME DROD LUS KYI STOBS, ,KHU BA 'PHEL BAR BYED PA YIN, ,DREG NAD RMONGS BAG GCIN SNYI DANG, ,GZHANG 'BRUM SKRAN DANG BSHANG GCI 'GAGS, ,MI BZAD RIMS DANG ME DBAL DANG, , RGYU RLUGS LTO SBOS MKHREGS SHING 'KHRU, ,CHU SO RKED PA BRLA DKU NA, ,GNYE'U RENGS RNA BA MGO YI NAD, ,ZLA MTSAN NAD DANG SMYO BYED DANG, ,'OR NAD LUD PA RDE'U CHAGS DANG, ,GCIN 'KHYIL PA YI NAD RNAMS 'JOMS, ,DBANG PO NYAMS SHING ZHUM PA DANG, ,MIG LA
, ,PHAN ZHING BU SKYED BYED, ,'TSO BYED RGYAL PO BCUD LEN YIN, ,ZHES BYA BA LA, GLA SGANG NAS RTZA BA LNGA PA CHUNG NGU'I BAR SMAN RE RE ZHING SRANG RE RE DANG, PO SON CHA BRGYAD CHU BRE BZHI'I NANG DU BSKOL LA, DE LAS BZHI CHA STE, BRE GANG LUS PA BTZAGS NAS SMAN GYI KHU BA DANG 'O MA BRE DO BSRES LA, YANG 'O MA LUS NAS CHU DU BAR GYUR GYI BAR DU BSKOL LA, DE'I NANG DU SKAM SA'I SROG CHAGS KYI SHA KHU BZHI CHA DANG SBRANG RTZI DANG RGYAM TSA LA SOGS PA DANG BSRES PA'I 'JAM RTZI DRO 'JAM TZAM BTANG BAS NI SHA LA SOGS PA 'PHEL BAR BYED PA DANG, DREG NAD LA SOGS PA 'JOMS PAR BYED PA DANG, MIG LA PHAN ZHING BDE BAR BYED PA DANG, BU SKYED CING MNGAL 'CHAGS PAR BYED DE 'TSO BYED KYI 'JAM RTZI RNAMS KYI RGYAL PO YIN ZHING YON TAN GYIS KHYAD PAR 'PHAGS PAR BYED PA DANG, BCUD KYIS LEN DU 'GYUR BA YIN NO, ,RI DAGS PHRA MO MGO CHUNG BA, ,RTZA BA BCU PA BSKOL BA'I CHU, ,SPA MA'I 'BRAS BU SHU TI DANG, ,GLA SGANG LDE GU SNUM CHEN BCAS, ,MAS GTONG RLUNG NI SEL BA'I MCHOG ,SHIN TU RO TZAR BYED PA YIN, ,ZHES BYA BA LA, RI DAGS PHRA MO RI BONG LA SOGS PA DANG, MGO BO CHUNG BA PHAG RGOD LA SOGS PA'I CHU DANG, SPA MA'I 'BRAS BU LA SOGS PA'I LDE GU DANG, SNUM CHEN PO ZHUN MAR DANG, TIL MAR DANG, RKANG DANG, TSIL GCIG TU SBYAR BA MAS GTONG BA NI RLUNG GI NAD SEL BAR BYED PA'I MCHOG YIN ZHING DE BZHIN DU RO TZA BAR BYED PA YIN NO, ,RMA BYA'I MKHRIS PA GSHOG PA DANG, ,RGYU MA RKANG PA MCHU RTUG PA, ,BOR BA'I SHA NI 'BA' ZHIG DANG, ,RTZA BA LNGA PA CHUNG NGU NI, ,SRANG RE DANG NI LDAN GYUR PA, ,CHU DANG 'O MAR BSKOL NAS NI, ,'O MA LUS PAR SBRANG RTZI MAR, ,BCAS DANG DE BZHIN BI DA RI, ,SHING MNGAR SHU TI PI PI LING, ,PO SON CHA YI LDE GUR BSRES, ,RGYAM TSA CUNG ZAD BTAB PA YI, ,'JAM RTZI STOBS 'PHEL RO TZA'I MCHOG ,CES BYA BA LA, RMA BYA'I GSHOG PA LA SOGS PA BOR BA'I SHA 'BA' ZHIG DANG, RTZA BA LNGA PA CHUNG NGU SRANG RE CHU DANG 'O MA BRGYAD 'GYUR GYI NANG DU BSKOL LA, CHU DU STE 'O MA LUS
PA SBRANG RTZI DANG MAR DANG BCAS PAR BYAS PA DANG, BI DA RI LA SOGS PA'I LDE GU BCUG LA, RGYAM TSA CUNG ZAD BTAB PA'I 'JAM RTZIS NI SHIN TU STOBS SKYED PAR BYED PA DANG, RO TZA BAR BYED PA'I MCHOG YIN NO, ,GONG MA SREG LA SOGS PA YANG, ,CHO GA 'DIS NI SO SOR BYA; ,KHRON GYIS GZAS TSOL THAMS CAD DANG, ,MTHU RTZAL MCHU YIS GZAS TSOL BA, ,CHU LA GNAS PA'ANG DE BZHIN TE, ,NYA LA 'O MA SPANG BAR BYA, ,ZHES BYA BA LA, BSHAD MA THAG PA'I RMA BYA'I SHA'I SKABS KYI CHO GA 'DI NI GONG MA SREG LA SOGS PA DANG, KHRON GYIS GZAS TSOL BA LA SOGS PA'I SHA RE RE LA YANG DE CHO GA BZHIN DU BYA LA, CHU LA GNAS PA'I SROG CHAGS NGANG PA LA YANG DE BZHIN DU BYA ZHING, RO HI TA LA SOGS PA'I NYA LA YANG CHO GA DE BZHIN DU BYAS LA NYA'I SKABS SU SNGAR GYI 'O MA SMOS PA DE SPANG BAR BYA'O, ,SRAM DANG NE'U LE BYI LA DANG, , REG 'JAM BYI BA RNAMS KYI SHA, ,RE RE SRANG BCU RTZA BA LNGA, ,'O MA'I NANG DU BSKOL BA LA, ,'O MA DER NI PO SON CHA, ,PI PI LING DANG LAN TSVA GNYIS, ,KHA RA TIL MAR SBRANG RTZI MAR, ,'JAM RTZI BTANG BA BCUD LEN YIN, ,RTZOL BAS DKRUGS NAS GLO 'GRAMS DANG, ,DBANG PO NYAMS DANG GZI MDANGS STOBS, ,KHU CHU BSHANG GCI 'GAGS PA DANG, ,DREG NAD KYIS 'THENG NAD RNAMS DANG, ,RTA DANG GLANG PO SHING RTAS G-YENGS, ,RKANG LAG CHAG GRUGS GYUR PA LA, ,SLAR NI BDE BAR 'TSO BYED CING, ,RO TZA BYED PA'I MCHOG YIN NO, ,KHA SRAL BU RAM SHING PHRAN LAS, ,G-YOS SU BYAS PA'I 'O THUG BLUD, ,CES BYA BA LA, SRAM LA SOGS PA'I SHA SROG CHAGS RE RE'I SRANG BCU BCU DANG, RTZA BA CHEN PO LNGA LAS SNA RE RE ZHING SRANG BCU BCU 'O MA BCU 'GYUR GYI NANG DU BSKOL LA 'O MA DE'I NANG DU PO SON CHA DANG PI PI LING GI LDE GU LAN TSVA GNYIS LA SOGS PA DANG LDAN PA'I 'JAM RTZI BCUD KYIS LEN GYI DAM PAR 'GYUR ZHING, RTZOL BAS LUS DKRUGS SHING BSKYOD DE GLO 'GRAMS PAR GYUR PA'I MI DANG DBANG PO NYAMS SHING ZHUM PAR GYUR PA LA SOGS PA RNAMS SLAR YANG BDE BAR 'TSO BAR BYED CING, SKYON DE DAG SEL BAR BYED PA
, ,DANG RO TZA BAR BYED PA'I SBYOR BA RNAMS KYI NANG NA MCHOG DAM PA YIN NO, ,SMAN GYI SBYOR BA 'DI LA NI, KHA SRAL PADMA KUN DA DANG, BU RAM SHING NI PHRA MO LAS G-YOS SU SBYAR BA'I 'O THUG TU SBYAR BA BLUD PAR BYA'O, ,SNUM ZHING BSDAM PA MI DGOS PA'I, ,GRUB PA'I SMAN NI SBYAR BAR BYA, ,ZHES BYA BA LA, GRUB PA'I SMAN GONG DU BSHAD MA THAG PA'I SBRANG RTZI TIL MAR CHA MNYAM LA, ,RGYAM TSA ZHO GNYIS SHU TI BZHI, ,AE RAndA YI RTZA BA BSKOL, ,MAS GTONG 'JAM RTZI TIL MAR CAN, ,ZHES BYA BA LA SOGS PA SMOS PA'I SNUM GYI MAS GTONG BA BSDAMS SHING BSRUNG BAR BYA MI DGOS PA GRUB PA'I SMAN GYI SBYOR BA NI RU HA GTANG BAR BYA'O, ,NAD 'JOMS BSRUNG DANG BCAS PA YI, ,SNUM GYI 'JAM RTZI BSHAD BYA STE, ,ZHES BYA BA LA, 'DI MAN CHAD KYI SNUM GYI MAS GTONG 'JAM RTZI ZHES BYA BA NAD KYI TSOGS 'JOMS PAR BYED CING BSRUNG ZHING BSDAMS PA DANG BCAS PA KHYAD PAR DU RLUNG NAD 'JOMS PAR BYED PA GANG YIN PA DE BSHAD PA YIN NO, ,RTZA BA BCU PA BA LA DANG, ,RA SNA AA SHVA GANDHA DANG, ,BA SPRU BA DANG AE RAn DANG, ,SLE TRES GA BRA'I RTZA BA DANG, ,BA SHA KA DANG PU TI KA ,SA HA RA DZA NYE'U SHING PA, ,KA KA NA SE SRANG RE DANG, ,NAS DANG MA SHA ZAR MA DANG, ,RGYA SHUG RGYA SRAN KHYOR RE'I TSAD, ,CHU BRE DRUG CU RTZA BZHIR BSKOL, ,DE LAS BRE NI BCU DRUG LUS, ,'TSO BYED SDE NI SRANG RE BCUG , TIL MAR BRE NI BZHI DANG BSKOL, ,'DI NI 'JAM RTZIR BTANG GYUR NA, ,RLUNG NAD THAMS CAD SEL BAR BYED, ,CES BYA BA LA, RTZA BA BCU PA LA SOGS PA'I SMAN SNA RE RE ZHING SRANG RE DANG, NAS LA SOGS PA'I KHYOR RE LA SRANG GNYIS GNYIS, CHU BRE DRUG CU RTZA BZHI STE, , DRO NA BZHI'I NANG DU BSKOL LA, DE LAS BCU DRUG STE, DRO NA GCIG LUS PA DANG, 'TSO BYED KYI SMAN GYI DE TSAN SRANG RE BCUG LA, TIL MAR BRE BZHI DANG BSKOL TE 'JAM RTZI 'DI BTANG NA RLUNG LAS GYUR PA'I NAD THAMS CAD SEL ZHING 'JOMS PAR BYED PA YIN NO, ,DE
BZHIN SKAM SA'I SROG CHAGS SHA, ,'TSO BYED SDE DANG BCAS PAR BSKOL, ,ZHES BYA BA LA, SKAM SA'I SROG CHAGS KYI SHA'I ZHAG 'TSO BYED SNA BCU DANG BSKOL BA'I 'JAM RTZI BTANG NA YANG RLUNG LAS GYUR PA'I NAD THAMS CAD SEL BAR BYED DO, ,SHU TI NAS DANG BIL PA SKYUR; ,TIL MAR BSKOL BAS RLUNG NAD SEL, ,ZHES BYA BA LA, SHU TI LA SOGS PA'I SMAN KAN DZI RANG SKYUR LA SOGS PA DANG, TIL MAR BSKOL BA'I 'JAM RTZI BTANG NA YANG RLUNG LAS GYUR PA'I NAD THAMS CAD SEL BAR BYED DO, ,RGYAM TSA MDOG DMAR GYUR GYI BAR, ,MER BSREGS MAR GSUR RLUNG NAD 'JOMS, ,ZHES BYA BA LA, RGYAM TSA 'AM LCE MYANG TSA MDOG DMAR POR GYUR GYI BAR DU MER BSREGS LA, DE MAR GYI NANG DU GSUR BA'I NAD 'JAM RTZI BTANG NA YANG RLUNG NAD 'JOMS PAR BYED DO, ,DZI BAN TI DANG PO SON CHA; ,ME DA RNAM GNYIS SRA BA NI, ,SHING MNGAR BA LA SHU TI DANG, ,ZANGS RTZI BA DANG PI PI LING, ,KA KA NA SI NYE'U SHING PA, ,KHA SRAL KshI RA KA KA RI, ,ZUR BA KAR KA TA SRING GI ,SHU DAG BTAGS PA'I LDE GU DANG, ,MAR DANG TIL MAR 'O MA NI, ,BZHI 'GYUR GYI NI NANG DU BSKOL, ,'JAM RTZI NYAMS BRTAS RLUNG MKHRIS 'JOMS, ,STOBS DANG KHU BA ME DROD 'PHEL, ,KHRAG DANG KHU BA'I NAD SEL BYED, ,BU SKYED PAR YANG BYED PA YIN, ,ZHES BYA BA LA, DZI BAN TI LA SOGS PA'I SMAN BTAGS TE LDE GUR BYAS PA DANG, MAR DANG TIL MAR CHA MNYAM PAR BYAS PA 'O MA BZHI 'GYUR DANG BSRES TE, TSUL BZHIN DU BSKOL BA'I 'JAM RTZI BTANG NA NYAMS BRTAS PAR BYED PA DANG, RLUNG DANG MKHRIS PA 'JOMS PA LA SOGS PA'I YON TAN SKYED PAR BYED DO, ,RGYAM TSA RU RTA PO SON CHA, ,SHU TI LCANG MA SHU DAG DANG, ,BA LA KA DANG SHING MNGAR DANG, ,GA BRA'I RTZA BA KAD PHA LA, ,THANG SHING DONG GRA MA NU DANG, ,ME DA DBYI MO TZI TRA KA ,ZUR PA BONG NGA BYI DANG GA ,SHA MA DUR BYID HA RE nU, ,STHI RA BIL BA NI LI NI, ,TI MU SA DANG PI PI LING, ,DAN DA RA SNA CHA MNYAM PA, ,AE RAndA YI MAR RAM NI, ,TIL
, ,MAR BSKOL BA'I 'JAM RTZI YIS, ,BAD KAN NAD 'JOMS RGYU RLUGS DANG, ,RTUG SKAM SKRAN DANG GZHANG 'BRUM DANG, ,MCHER PA'I NAD DANG GCIN SNYI DANG, ,RLUNG NAD 'KHYIL DANG LTO SBOS DANG, ,RDE'U CHAGS NAD NI MYUR DU SEL, ,ZHES BYA BA LA, RGYAM TSA LA SOGS PA CHA MNYAM PAR BYAS PA LDE GUR BTAB LA, AE RAndA'I 'BRAS BU BTZIR BA'I MAR DANG BSKOL BA'I 'JAM RTZIS NI BAD KAN GYI NAD 'JOMS SHING RGYU RLUGS LA SOGS PA'I NAD SEL BAR BYED DO, ,YANG NA BIL BA LA SOGS PA'I, ,RTZA BA LNGA DANG TIL MAR BSKOL, ,ZHES BYA BA LA, YANG NA BIL BA LA SOGS PA 'AM, RTZA BA LNGA DANG TIL MAR BSKOL BA'I 'JAM RTZI BTANG NA YANG RLUNG GI NAD 'JOMS PAR BYED DO, ,YANG NA BAD KAN SEL SMAN SBYAR, ,TIL MAR DANG BTANG BAD KAN 'JOMS, ,ZHES BYA BA LA, YANG NA BAD KAN SEL BA'I SMAN TSA BA LNGA LA SOGS PA DANG SBYAR BA'I TIL MAR GYI 'JAM RTZI BTANG NA BAD KAN 'JOMS PAR BYED DO, ,YANG NA PO SON CHA BRGYAD 'GYUR, ,SKYUR BSKOL 'JAM RTZI BAD KAN SEL, ,ZHES BYA BA LA, YANG NA RANG SKYUR LA SOGS PA KHU BA SKYUR PO TIL MAR GYI BRGYAD 'GYUR DANG, PO SON CHA'I LDE GU BSKOL BA'I 'JAM RTZI BTANG NA YANG BAD KAN SEL BAR BYED DO, ,'JAM RTZI 'JAM PAS RMONGS GYUR PA, ,RNON POS NYE BAR SBYAR BAR BYA, ,RNO BAS GNOD LA SNUM PA DANG, ,MNGAR ZHING BSIL LA 'JAM PA GTANG, ,ZHES BYA BA LA, 'JAM RTZI 'JAM ZHING RTUL BA BTANG BAS SKYES BU RMONGS BAG TU GYUR PA 'JAM RTZI RNON POS SBYANG ZHING DAG PAR BYA BA DANG, DE BZHIN DU 'JAM RTZI RNON POS GNOD PAR GYUR PA LA, SNUM PA DANG MNGAR BA DANG, BSIL BA DANG, 'JAM PA'I 'JAM RTZI GTANG BAR BYA'O, ,RNON PO BA GCIN PI LU DANG, ,TZI TRA KA DANG LAN TSVA DANG, ,THAL SMAN DANG NI YUNGS KAR RNAMS, ,DUS LA BAB PAR GTANG BAR BYA, ,'O MA MAR SOGS 'JAM PO YIS, ,ZHES BYA BA LA, 'JAM RTZI 'JAM PO LAS NYES PAR GYUR PA LA NI BA GCIN LA SOGS PA MAS GTONG BA
RNON PO DUS LA BAB PA'I TSE GTANG BAR BYA LA, RNON POS NYES PAR GYUR PA LA NI 'O MA DANG MAR LA SOGS PA RDZAS 'JAM PO'I MAS GTONG BA DAG GIS GSO BAR BYA'O, ,NYAMS STOBS DUS DANG NAD GZHI RANG BZHIN DAG ,RNAM PAR PHYE STE 'JAM RTZI GTANG BYA BA, ,RANG RANG GI NI SMAN GYI SDE TSAN GYIS, ,RANG RANG GI NI NAD RNAMS BSAL BAR BYA, ,ZHES BYA BA LA, BLO DANG LDAN PA'I SMAN PAS NAD PA'I NYAMS STOBS LA SOGS PA RNAM PAR PHYE ZHING BRTAGS TE RANG RANG GI SMAN GYI SDE TSAN MNGAR BA LA SOGS PA'I SMAN GYI TSOGS RNAMS KYIS RLUNG LA SOGS PA RANG RANG GI NAD BSAL BA'I PHYIR 'JAM RTZI GTANG BAR BYA'O, ,TSA BAS NYAM THAG LA BSIL BA, ,BSIL BAS NYEN LA DRO 'JAM SBYAR, ,DE DANG 'TSAM PA'I SMAN LDAN PAR, ,'JAM RTZI BRTAGS TE GTANG BAR BYA, ,ZHES BYA BA LA, ZAS DANG SPYOD LAM LA SOGS PA MKHRIS PA SKYED PAR BYED PAS, NYAM THAG CING GZIR BAR GYUR PA LA NI BSIL BA'I SMAN DANG 'JAM RTZI GTANG BAR BYA LA, DE BZHIN DU ZAS DANG SPYOD LAM LA SOGS PA'I GRANG BA'I DBANG GIS RLUNG DANG BAD KAN GYIS NYEN PA'I NAD LA NI, DE DANG 'TSAM PA'I SMAN DANG SBYAR BA'I 'JAM RTZI TZAM GANG YIN PA GTANG BAR BYA STE, DE DAG KYANG SMAN DANG NAD KYI MTSAN NYID BRTAGS TE, JI LTAR 'TSAM PA BZHIN DU GTANG BAR BYA'O, ,SBYANG BAR BYA BA'I NAD RNAMS LA, ,BRTA BYED 'JAM RTZI MI GTANG ZHING, ,MI GANG MDZE GCIN NAD KYIS NYEN, ,TSIL RGYAS NAD LA GTANG MI BYA, ,ZHES BYA BA LA, SBYANG BAR BYA BA SKYUG SMAN DANG BKRU SMAN GTANG BAR RIGS PA'I NAD RNAMS LA BRTA BAR BYED PA'I 'JAM RTZI GTANG BAR MI BYA ZHING, YANG MI GANG MDZE NAD DANG GCIN NAD KYIS NYEN PA LA SOGS PA LA 'JAM RTZI GTANG BAR MI BYA'O, ,NYAM CHUNG GLO 'GRAMS PA DANG BRGYAL BA DANG, ,LUS SKEM RID DANG SBYANGS PA'I LUS CAN DANG, ,GANG YANG DRI MAS TSE NI BZUNG GYUR LA, ,SBYONG BAR BYED PA'I MAS GTONG GTANG MI BYA, ZHES BYA BA LA, NYAM CHUNG BA DANG, GLO 'GRAMS PA DANG, BRGYAL
, ,BAR GYUR PA DANG, LUS ZUNGS ZAD PAS SHAS CHER RID CING SKEM PA DANG, BKRU SMAN LA SOGS PAS LUS SBYANGS ZIN PA'I LUS CAN GANG DANG GANG DRI MA STE BSHANG BAS TSE BZUNG ZHING SROG GI RTEN BYAS PAS DE DAG LA SBYONG ZHING BKRU BAR BYED PA'I MAS GTONG BA GANG YIN PA DE GTANG ZHING SBYANG DU MI RUNG NGO, ,YAN LAG BRGYAD PA'I SNYING PO'I RNAM PAR 'GREL PA, TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, CHO GA GRUB PA'I GNAS KYI LE'U BZHI PA'I 'GREL PA'O,, ,, DE NAS MAS GTONG BA'I CHO GA'I NYES PA GRUB PA BSHAD PAR BYA'O, ,ZHES BYA BA LA, MAS GTONG BA PHYIN CI LOG TU NYE BAR SBYAR BA LAS NYES PA GANG ZHIG 'BYUNG BA DE BSAL ZHING GSO BAR BYA BA'I PHYIR DE GRUB PAR BYA BA'I CHO GA'I LE'U BRTZAMS PA YIN NO, ,SNUM CHOS DUGS NI MA BYAS DANG, , LTO LCI BA LA SMAN GRANG SNUM, ,TSA NYUNG SMAN TSAD TSUNGS [?] PA 'AM, ,SMAN NI SKA BA BTANG GYUR NA, ,DE YIS NAD NI GLONGS GYUR DANG, ,STOBS CHUNG BA YIS NAD MA PHYIN, ,SBYOR BA NYES PA BSKYED GYUR CING, ,'PHYEN DANG PHYI SA GCIN SRI DANG, ,LTE BA CHU SO NA ZHING TSA, ,DANG GAR CHAGS SHING GZHANG SKRANGS DANG, ,G-YAN PA THOR BU MDOG MI SDUG ,MI DGA' ME DROD CHUNG BAR GYUR, ,ZHES BYA BA LA, DANG POR SNUM CHOS KYI SBYOR BA DANG, DUGS MA BYAS SHING LTO LCI BAR GYUR PA LA, ,'JAM RTZI'I SMAN GRANG PA DANG SNUM NYUNG BA DANG LAN TSVA NYUNG BA DANG SMAN GYI TSAD CHUNGS BAR GYUR PA LA, YANG NA SMAN SKA ZHING 'JUG PA BUL BA BTANG BAR GYUR NA, SMAN DES NAD GLONGS SHING DKRUGS PAR GYUR NAS MI BDE BAR BYED LA, STOBS CHUNG BAS NAD PHYIN CING SEL BAR MI NUS TE, SBYOR BA NYES PA'I MTSAN MA RNAMS BSKYED PAR 'GYUR LA, SBYOR BA NYES PA DE DAG 'PHYEN DANG PHYI SA LA SOGS PA 'GAG PAR BYED CING SRI BA DANG, LTE BA DANG CHU SOR ZUG CING NA BA DANG, LUS KHONG TSA BA DANG, DANG GAR 'DAM GYIS BSDUS PA SNYAM SEMS SHING MER MER POR BYED PA DANG, GZHANG KHA SKRANGS PA DANG, G-YAN PA LA SOGS PA 'BYUNG BAR 'GYUR RO, ,TSAD
'KHRU'I NYES PA BAR MA LA, ,SNGAR BSHAD SMAN GYI KHU BA GNYIS, ,DE LAS GCIG NI DRO BA YI, ,BTUNG BAR BLUGS PA BSNGAGS PA YIN, ,ZHES BYA BA LA, DE LA MAS GTONG BA LA NYES PAR GYUR PA'I NAD LA, TSAD PAS 'KHRU BA'I NYES PA BAR MA LA, PHAN PA'I SKABS SU SNGAR BSHAD PA'I SMAN GYI KHU BA GNYIS PO, ,PU TI KA DANG, PI PI LING DANG, BCA' SGA DANG, SHU DAG DANG, 'U SU DANG, AA RU RA BSKOL BA'I KHU BA DANG, YANG NA BIL BA DANG, 'U SU'I 'BRAS BU DANG, GLA SGANG DANG, DONG GRA DANG, BA LA KA BSKOL BA STE, SMAN GYI KHU BA DE GNYIS LAS GANG YANG RUNG BA GCIG BLUD NA GONG DU SMOS PA'I NAD RNAMS BSTOD CING BSNGAGS PA YIN NO, ,PO SON CHA YI RENG BU'I DUGS, ,DUS SHES PA YIS BKRU SMAN GTANG, ,ZHES BYA BA LA, 'DIR LTE BAR ZUG PA DANG, RLUNG DANG BSHANG BA LA SOGS PA 'GAGS PA LA PO SON CHA BTAGS PA'I RENG BU MAS GTONG BA DANG, DUS TSOD SHES PAR BYAS NAS BKRU SMAN BTANG BA YANG PHAN ZHING BSNGAGS PA YIN NO, ,BIL BA'I RTZA BA DUR BYID DANG, ,THANG SHING NAS DANG RGYA SHUG DANG, ,RGYA SRAN CHANG DANG BA GCIN BCAS, ,MAS GTONG 'GAGS PA SEL BAR BYED DO, ,CES BYA BA LA, YANG MAS GTONG BA 'GAGS PAR GYUR PA DE LA BIL BA'I RTZA BA LA SOGS PA BTAGS PA'I LDE GU DANG, CHANG DANG BA GCIN SBYAR BA MAS GTONG BAS KYANG SEL CING SBYONG BAR BYED DO, ,NAD GZHI SHAS CHE LUS RTZUB DANG, ,LTO SRA NUS PA CHUNG BTANG NA, , MAS GTONG NAD GZHI GLONGS NAS NI, ,RLUNG GI LAM NI 'GAG PAR BYED, ,RLUNG NI LAM LOG ZHUGS PA DES, ,LTO SBOS NAD RNAMS GZIR BAR BYED, ,GZHANG DANG LTO BA TSA BA DANG, ,RLIG PA CHU SO NA BYED CING, ,SNYING GAR 'GAGS PAS GZER BA DANG, ,PHAN TSUN DU NI 'GRO BAR BYED, ,CES BYA BA LA, NAD GZHI SHAS CHE SKYEL DUS SOGS SHING CHE BA DANG, KHONG RTZUB CING SNUM GYIS MA ZHEN PA DANG, LTO SRA BAR GYUR PA LA MAS GTONG BA'I SMAN NUS PA CHUNG BAS MAS GTONG BA DE DANG DE RLUNG 'DRES PAR GYUR NAS RLUNG RGYU BA'I LAM 'GAGS
, ,PAR GYUR LA, DE LTAR LAM 'GAGS PAS RLUNG RANG GI RGYU BA'I LAM SPANGS NAS LAM LOG PAR ZHUGS PAR GYUR NAS, ,DES LTO SBOS BA LA SOGS PA'I NAD SKYED PAR BYED CING SNYING GAR RLUNG GIS 'GAGS SHING RGYAS PAS GZIR BAR BYED PA DANG, RLUNG DE GZER DANG BCAS PAR LUS PHAN TSUN DU 'GRO ZHING KHYAB PAR BYED PAR 'GYUR RO, ,DE LA LUS BSKU DUGS BYAS PA'I, ,LUS LA RENG BU GZHUG PAR BYA, ,ZHES BYA BA LA, LTO SBOS LA SOGS PA'I NAD KYI NYES PA BYUNG BAR GYUR PA DE LA DANG POR LUS BSKU ZHING DUGS BYAS LA PO SON CHA BTAGS PA'I LDE GU MAS GZHUG PAR BYA'O, ,BIL BA SOGS DANG PI LU DANG, ,YUNGS KAR BA GCIN BCAS MAS GTONG, ,ZHES BYA BA LA, YANG DE LA BIL BA'I RTZA BA DUR BYID DANG ZHES BYA BA LA SOGS PA BSHAD MA THAG PA NI RU HA 'AM, YANG NA PI LU'I 'BRAS BU DANG, YUNGS KAR DANG BA GCIN SBYAR BA'I MAS GTONG BA'I BKRU SMAN DRAG PO BYA'O, ,TZI TRA THANG SHING TEL MAR NI, ,BSKOL BA'I 'JAM RTZI GTANG BYA'O, ,ZHES BYA BA LA, TZI TRA ZHES BYA BA SHI PE TA'I SHING DANG THANG SHING GNYIS BSKOL BA'I 'JAM RTZI BTANG NA DE LA PHAN NO, ,SHUGS NI BKAG PAR GYUR PA'AM, ,BTZIR DRAGS PAR NI BYAS PA'AM, ,LAN TSVA SNUM SHAS CHUNG LA TSA, ,SMAN CHUNG BA YI MAS GTONG BA, ,'JAM PAS RLUNG GIS GYEN DU 'PHUL, ,KHA DANG SNA NAS 'BYUNG BAR 'GYUR, ,DE YIS BRGYAL DANG SNYING NAD DANG, , SKOM DANG TSA BA LA SOGS 'BYUNG, ,ZHES BYA BA LA, 'JAM RTZI BTANG BAS SHUGS BKAG PAR GYUR PA'AM, LGANG PA SHAS CHER BTZIR DRAGS PA'AM, LAN TSVA DANG SNUM SHAS CHUNG ZHING TSA DRAGS PA'AM, SMAN NYUNG SHAS BTANG BA'AM, 'JAM PO BTANG BAS SMAN DE RLUNG GIS GYEN DU PHUL NAS KHA DANG SNA'I SGO NAS 'BYUNG BAR 'GYUR LA, DE LTAR GYEN DU 'BYUNG BA DES BRGYAL BA LA SOGS PA'I NAD SKYE BAR BYED DO, ,BRGYAL BA'I NAD NI MTHONG GYUR NA, ,DE YI GDONG LA CHU GRANG GTOR, ,NGAL SOS BAR DU G-YOB PA DANG, ,DBUGS RNGUB 'BYUNG BAR BYED DU GZHUG ,KHA SBUB BZHAG
STE RGYAB RTZIB LOGS, ,LTO BA LAG PA DRON POS MNYE, ,SKRA NAS BTEG STE SPRUGS PA DANG, ,SBRUL DANG MCHE BA CAN 'JIGS BSTAN, ,MTSON DANG THOG 'BAB RGYAL PO'I MIS, ,SKRAG BYAS MAS GTONG THUR DU 'BYUNG, ,ZHES BYA BA LA, DE LTAR NAD PA BRGYAL BAR GYUR PAR SNANG NA, DE'I GDONG LA CHU GRANG GIS 'PHRAL DU GTOR BA DANG, JI SRID NGAL SOS PAR GYUR PA DE SRID KYI BAR DU, RLUNG YAB KYIS G-YOB CING DUB BA BSANG BA DANG, DE'I DBUGS RNGUB PA DANG, 'BYUNG BA LA SHAS CHER RNGUB CING NANG DU DGAG PA BYED DU GZHUG PA DANG, NAD PA KHA BUB TU GZHUG STE, RGYAB LA SOGS PA LAG PA DRON POS MNYE BAR BYA DE'I SKRA NAS BZUNG STE, GYEN DU BTEG LA SPRUGS PA DANG, DE BZHIN DU SBRUL LA SOGS PA DANG 'JIGS SHING SKRAG TU GZHUG PA DANG, MTSON DANG RGYAL PO'I SKYES BU MI SRUN PA DANG, THOG 'BAB PA LA SOGS PAS KYANG 'JIGS SHING SKRAG TU GZHUG PAR BYA STE, DE LTAR BYAS NA 'JAM RTZI NANG DU 'KHYIL PA DE THUR DU 'BYUNG ZHING BSHANG BA'I SGO NAS 'DZAG PAR 'GYUR RO, ,LAG PA GOS KYIS MGUL PAR BSDAMS, ,CI NAS 'CHI BAR MI 'GYUR BYA, ,SROG DANG GYEN RGYU RLUNG BKAG PAS, ,THUR SEL SHIN TU BDE RGYU BA, ,GRUB PA YIS NI MAS GTONG BA, ,MYUR DU 'DREN PAR BYED PA YIN, ,ZHES BYA BA LA, YANG NAD PA DE'I LAG PA GNYIS SAM GOS KYIS MGUL PA BSDAMS SHING BCING BAR BYA LA, BSDAMS PA'I TSE NA YANG DE 'GEMS TE 'CHI BAR MI 'GYUR BA DE LTAR SMAN PAS BSRUNG ZHING TSOD ZIN PAR BYAS LA DE LTAR BYAS PAS SROG CES BYA BA DANG, GYEN DU RGYU BA ZHES BYA BA'I RLUNG BKAG PAR GYUR PAS THUR DU SEL BA ZHES BYA BA'I RLUNG SHIN TU BDE BAR RGYU BA GRUB PA YIN PA STE, DES NA MAS GTONG BA DE MYUR BA KHO NAR THUR DU 'DREN CING BSHANG SGO NAS 'BYIN PAR BYED DO, ,RU RTA GLA GOR ZHO SHA YI, ,LDE GRU SKYUR RTZABS SBYAR TE BLUD, ,DRO DANG RNO DANG 'KHRU BA YI, ,MAS GTONG LUGS BZHIN 'BYUNG BAR BYED, ,CES BYA BA LA, RU RTA DANG GLA GOR ZHO SHA BTAGS PA'I LDE GU SKYUR RTZABS KAN DZI DANG SBYAR TE NAD PA DE LA BLUD NA, LDE GU DE NI RNO BA DANG, DRO BA DANG, 'KHRU BAR
, ,BYED PA'I YON TAN GYIS MAS GTONG BA GYEN DU 'BYUNG BA DE LUGS BZHIN DU THUR DU 'BYUNG BAR BYED DO, ,DUR BYID AA RU RA BA GCIN, ,SBYAR BLUD LUGS BZHIN 'BYUNG BAR BYED, ,CES BYA BA LA, YANG DUR BYID DANG, AA RU RA'I LDE GU BA GCIN DANG SBYAR TE BLUD NA YANG GYEN DU BYUNG BA DE THUR DU 'BYUNG BAR BYED DO, ,ZHU BA'I GNAS 'DUG DUGS BYAS LA, ,RTZA BA BCU PA RGYA SHUG NAS, ,RGYA SRAN BA GCIN BSKOL BA YIS, ,MAS GTONG DRAG PO SBYAR BAR BYA, ,ZHES BYA BA LA, MAS GTONG BA ZHU BA'I GNAS NA 'KHYIL ZHING 'DUG PAR GYUR NA, NAD PA DE DUGS BYA ZHING RTZA BA BCU PA LA SOGS PA'I SMAN PA GCIN DANG BSKOL BA'I NI RU HA MAS GTONG BAR BYA'O, ,SLE TRES SMYUG MA'I LO MA DANG, ,BU TI KA RANYDZA SHUN PA, ,'O MA ZUR PA THANG SHING DANG, ,BU TI KA NI BA GCIN BSKOL, ,TIL MAR BU RAM RGYAM TSAR BCAS, , BKRU SMAN LDE GUR BCAS PA GTANG, ,ZHES BYA BA LA, YANG NA MA ZHU BA'I GNAS NA 'KHYIL PA DE LA SLE TRES DANG SMYUG MA'I LO MA DANG, BU TI KA RANYDZA'I SHUN PA DANG 'O MA BA GCIN DANG BSKOL BA'I NANG DU TIL MAR LA SOGS PA BTAB STE, BKRU SMAN GANG YANG RUNG BA'I LDE GU BCUG PA GTANG BAR BYA'O, ,MAS GTONG BRANG NA GNAS PA LA, ,BIL BAL SOGS LNGA BSKOL GTANG, ,ZHES BYA BA LA, MAS GTONG BA'I SMAN BRANG NGAM, SNYING GAR 'KHYIL PA NI BIL BA LA SOGS PA RTZA BA LNGA BSKOL BA'I SMAN MAS GTONG BAR BYA'O, ,MGOR GNAS SNAR BLUGS DUD PA BRNGUB, ,YUNGS KAR LDE GUS MGO BO BSKU, ,ZHES BYA BA LA, MAS GTONG BA MGO BOR GNAS SHING 'KHYIL PA LA NI SNA NAS SMAN BLUGS PA DANG, DUD PA SNGON PO BRNGUB PA DANG, YUNGS KAR BTAGS PA'I LDE GUS MGO BO BSKU BAR BYA'O, ,MAS GTONG DRO CHES RNO SKYUR DRAGS, ,SKA CHES DUGS NI DRAGS PA DANG, ,NAD GZHI CHUNG ZHING LTO SNYIL, ,YANG DANG YANG DU BTANG BA YI, ,SBYOR BA DRAGS PAS NYES GYUR PAS, ,LTO BA'I NAD NI SKYED PAR BYED, ,DE LA BKRU SMAN SBYAR DRAGS DANG, ,GSO BA MTSUNGS PA NYID DU BYA, ,
ZHES BYA BA LA, GAL TE SMAN MAS GTONG BA DE DROD CHES PA'AM, RNO DRAGS PA'AM, SKYUR DRAGS PA'AM, SHIN TU SKA DRAGS PA'AM, DUGS KYI SBYOR BA DRAGS PA'AM, NAD KYI GZHI CHUNG ZHING LTO SNYI BA LA YANG DANG YANG DU BSTUD MAR BTANG BAR GYUR NA, DE NI SBYOR BA DRAGS PA'I NYES PAR GYUR CING LTO BA'I NAD RNAMS SKYED PAR 'GYUR RO, ,DE LTA BU'I SBYOR BA DRAGS PA'I NAD DU GYUR PA DE LA NI BKRU SMAN GYI SBYOR BA DRAGS PA'I GSO BA SNGAR JI SKAD BSHAD PA DANG, GSO BA MTSUNGS PA KHO NAR BYA'O, ,DES NA BKRU SMAN GYI SBYOR BA DRAGS PA'I MTSAN NYID CI LTAR SHES PAR BYA ZHING GSO BA'I TSUL YANG DE NYID LAS BSHAD PA'I TSUL YANG SHES PAR BYA'O, ,MAS GTONG THAL SMAN SKYUR RNO DRO, ,LAN TSVA CAN NAM MKHRIS CAN LA, ,GZHANG TSA 'BRUD CING GNOD PA DANG, ,YONGS SU 'DZAG PAR BYED PAR 'GYUR, ,KHRAG NI TSOS PA LTA BUR 'BYUNG, ,MKHRIS PA 'ANG MDOG MANG 'BYUNG BAR BYED, ,LAN MANG SHUGS DRAG 'BYUNG BA DANG, ,YANG DANG YANG DU BRGYAL BAR 'GYUR, ,ZHES BYA BA LA, MAS GTONG BA'I SMAN THAL SMAN LA SOGS PA SHAS CHE BAR SBYAR CING BTANG BA'AM, MKHRIS PA CAN GYI MI LA DE LTA BU DAG BTANG NA, MAS GTONG BA DES GZHANG KHA TSA BA LA SOGS PA 'BYUNG BAR 'GYUR LA, MI DE LAS KHRAG BTZOS SHING SMIN PAR BYAS PA LTA BU 'BYUNG BA DANG, DE BZHIN DU MKHRIS PA YANG KHA DOG SNA TSOGS PA 'BYUNG BAR BYED CING, LAN MANG DU SHUGS DRAG TU 'BYUNG BAR BYED LA, YANG DANG YANG DU BRGYAL ZHING MI DRAN PA NYID DU 'GYUR RO, ,DE LA KHRAG MKHRIS 'KHRU BA SEL, ,GSO BA RAB TU BSNGAGS PA YIN, ,ZHES BYA BA LA, GZHANG KHA TSA BA LA SOGS PA'I MKHRIS PA'I NAD DE LA KHRAG DANG MKHRIS PA 'KHRU BA SEL BAR BYED PA'I GSO BA SNGAR BSHAD PA DE BSNGAGS SHING BSHAD PA YIN NO, ,TSA BA SOGS LA DUR BYID KYI, ,LDE GU RGUN CHUR SBYAR BA BLUD, ,DE YIS BSHANG RLUNG MKHRIS PA NI, ,BSAL NAS TSA BA LA SOGS 'JOMS, ,ZHES BYA BA LA, GAL TE TSA BA LA SOGS PA DANG LDAN PAR GYUR NA, DUR BYID KYI LDE GU DANG RGUN CHU DANG SBYAR BA
, ,BLUD PAR BYA STE, DES NI BSHANG BA LA SOGS PA BSAL ZHING PHYUNG NAS TSA BA LA SOGS PA'I BLA BRNAN 'JOMS PAR BYED DO, ,DAG GYUR NAS THUG GRANG MO NI, ,KHA RA DANG NI BCAS PA BLUD, ,CES BYA BA LA, SKYES BU DE'I NAD DAG CING SBYANG BAR GYUR NAS THUG PA GRANG MO'I NANG DU KHA RA BTAB PA BLUD PAR BYA'O, ,'KHRU BA DRAGS PAR GYUR PA YIS, ,BSHANG BA ZAD LA KHA ZAS NI, ,MA SHA'I KHU BA ZAN DRON SBYIN, ,ZHO DANG CHANG NI BLUD PAR BYA, ,ZHES BYA BA LA, 'KHRU BA DRAGS PAR GYUR CING BSHANG BA ZAD PAR GYUR PA LA MA SHA'I KHU BA YU SHA DANG ZAN DRON NAM SHA BTZOS PA SBYIN PAR BYA ZHING, BTUNG BAR ZHO CHANG BLUD PAR BYA'O, ,DE LTAR GRUB PA'I MAS GTONG NYES, ,BSHAD NAS SNUM GYI MAS GTONG BSHAD, ,CES BYA BA LA, DE LTAR TSUL 'DIS GRUB PA'I MAS GTONG BA'I NYES PA'I GSO BA BSHAD ZIN NAS, DE'I 'OG TU SNUM GYI 'JAM RTZI MAS GTONG BA'I NYES PA'I GSO BA BSHAD PA'I PHYIR SNUM GYI MAS GTONG BA BSHAD CES SMOS PA YIN TE, DE NI SNUM GYI 'JAM RTZI MAS GTONG BA'I NYES PA GANG YIN PA DE'I GSO BA BSHAD PAR BYA'O ZHES BYA BA'I DON TO, ,RLUNG CAN GRANG ZHING CHUNG BA DANG, ,MKHRIS PA RAB TSA BAD KAN 'JAM, ,'GRANGS CHES PA LA LCI BA DANG, ,BSHANG BA SOGS LA STOBS CHUNG GTANG, ,DE NI SNUM RLUNG 'DRES GYUR PA, ,ZIL GYIS MNAN PAR 'BYUNG MI 'GYUR, ,ZHES BYA BA LA, RLUNG GI NAD SHAS CHE BA LA SNUM GYI 'JAM RTZI GRANG BA 'AM, CHUNG BA BTANG BA'AM, KHRAG DANG MKHRIS PA SHAS CHE BA'I NAD LA SNUM GYI 'JAM RTZI SHIN TU TSA BA BTANG BA DANG, BAD KAN SHAS CHE BA'I NAD LA SNUM GYI 'JAM RTZI 'JAM POR BTANG BA DANG, SHIN TU 'GRANGS CHES PA LA SNUM GYI 'JAM RTZI LCI BAR BTANG BA DANG, BSHANG BA SOGS SHING NANG DU 'PHEL BAR GYUR PA LA, SNUM GYI 'JAM RTZI NUS PA CHUNG BAR BTANG BAR GYUR NA, RLUNG LA SOGS PA'I NAD DE DAG SNUM DU 'DRES PAR GYUR CING, NAD KYIS ZIL GYIS MNAN PAS THUR DU 'BYUNG BAR MI 'GYUR RO, ,RENGS DANG BRLA NA SBO BA DANG, ,RIMS DANG GZER DANG YAN LAG NA, ,RTZIB
LOGS NA DANG 'DAR BA NI, ,RLUNG SNUM 'DRES LAS 'BYUNG ZHES BYA, ,ZHES BYA BA LA, RLUNG DANG SNUM 'DRES PAR GYUR PA LAS NI RENGS PA LA SOGS PA'I NAD 'BYUNG BAR 'GYUR BAR SHES PAR BYA'O, ,DE SNUM LAN TSVA DRO DANG SKYUR, ,RASNA BI DA DRO YI MAR, ,RANG SKYUR CHANG DANG RGYA SHUG DANG, ,RGYA SRAN NAS DANG BSKOL BA'AM, ,RTZA BA LNGA PA BA GCIN BCAS, ,MAS GTONG DRAG POS LEGS BSAL BYA, ,ZHES BYA BA LA, SNUM PA DANG LAN TSVA DANG DRO BA DANG SKYUR BA'I BAG DANG RA SNA DANG BI DA DRO BTZIR BA'I MAR DANG RANG SKYUR LA SOGS PA BSKOL BA'I NI RU HA MAS GTONG BAS LEGS PAR BSAL BAR BYA BA'AM, RTZA BA LNGA PA DANG BA GCIN BCAS PA'I NI RU HA MAS GTONG BAS LEGS PAR BSAL BAR BYA'O, ,DE DAG NYID KYI TIL MAR DANG, ,DGONGS KAR ZAN ZOS 'JAM RTZI GTANG, ,ZHES BYA BA LA, BSHAD MA THAG PA'I NI RU HA'I SMAN 'PHROD PA GNYIS PO GANG YANG RUNG BA DANG, TIL MAR BSKOL LA, DGONGS KA ZAS ZOS PA'I RJES LA TIL MAR DE'I 'JAM RTZI MAS GTONG NA YANG NAD DE LA PHAN NO, ,SKOM DAD LUS TSA RMONGS BAG DMAR, ,MDOG NYAMS RIMS 'DEBS MUN PAR MTHONG, ,MKHRIS PA DANG 'DRES YIN ZHES BYA, ,ZHES BYA BA LA, SKOM DANG LA SOGS PA'I BLA BRNAN DANG BCAS PA'I 'JAM RTZI'I SNUM MKHRIS PA DANG 'DRES SHING DES GNOD PA YIN PAR SHES PAR BYA'O, ,KHA MNGAR MAS GTONG BAS DE SBYANG, ,ZHES BYA BA LA, SNUM DANG MKHRIS PA 'DRES PA DE SMAN KHA BA DANG MNGAR BA'I MAS GTONG BAS SBYANG ZHING THUR DU 'BYUNG BAR BYA'O, ,LUS SNYOM SGYID ZHAN RIMS DRAG 'DEBS, ,CHAM PA LUS LCI YI GA 'CHUS, ,BRGYAL BCAS NA BAS BAD KAN DANG, ,'JAM RTZI SNUM NI 'DRES SHES BYA, ,ZHES BYA BA LA, LUS SNYOM PA LA SOGS BLA BRNAN DANG BCAS NA NI 'JAM RTZI'I SNUM DE BAD KAN DANG BCAS PA YIN PAR SHES PAR BYA'O, ,DE LA BSKA DANG KHA DANG TSA, ,CHANG DANG BA GCIN LA BSKOL BA, ,PO SON CHA DANG TIL MAR DANG, ,SKYUR BCAS MAS GTONG BA YIS BSAL, ,ZHES BYA BA LA, BAD KAN DANG 'DRES PA'I NAD DE LA BSKA BA LA SOGS PA'I SMAN GYI SBYOR BA BYAS PA'I TIL MAR RANG
, ,SKYUR LA SOGS PA SKYUR BAG DANG BCAS PA'I MAS GTONG BAS BSAL ZHING THUR DU DBYUNG BAR BYA'O, ,SLON DANG BRGYAL DANG YI GA 'CHUS, ,SNYOM GZER GNYID CHES YAN LAG NA, ,MA ZHU'I MTSAN MAR LUS TSAR BCAS, ,DE NI 'GRANGS CHES 'DRES SHES BYA, , ZHES BYA BA LA, 'GRANGS CHES PA DANG 'DRES PA'I BLA BRNAN LA NI SLON PA LA SOGS PA'I YIN PAR SHES PAR BYA ZHING, MA ZHU BA'I MTSAN MA GZHAN DAG KYANG DE LAS 'BYUNG BAR SHES PAR BYA'O, ,DE LA TSA DANG LAN TSVA'I PHYE, ,BSKOL BA'I SMIN CHES SMAN DANG NI, ,BKRU SMAN 'JAM PO BTANG BA DANG, ,MA ZHU LA PHAN THAMS CAD PHAN, ,ZHES BYA BA LA, 'GRANGS CHES PA DANG 'DRES PA'I SNUM DE LA NI SMAN TSA BA DANG LAN TSVA RNAMS KYI PHYE MA DANG BSKOL BA'I KHU BA SMIN CING 'JU BAR BYED PA SBYIN PA DANG, BKRU SMAN 'JAM POS 'KHRUR GZHUG PA DANG, MA ZHU BA LA PHAN PA'I ZAS DANG SPYOD LAM GANG DAG YIN PA THAMS CAD KYANG PHAN NO, ,GCIN RTUG 'PHYEN NI 'GAGS PAS NYEN, ,LUS LCI LTO SBOS SNYING GA NA, ,SNUM DANG BSHANG 'DRES YIN ZHES BYA, ,DE LA SNUM DUGS RENG BUR BCAS, ,DUR BYID BIL BA SOGS BSKOL BA, ,MAS GTONG DRAG DANG 'JAM RTZI GTANG, ,RTUG PA 'GAGS PA SEL BAS KYANG, ,CHO GA BZHIN DU LEGS PAR BSAL, ,ZHES BYA BA LA, GCIN DANG RTUG PA DANG 'PHYEN 'GAGS PAS NYEN PA LA SOGS PA'I BLA BRNAN LAS NI SNUM DE BSHANG BA LA SOGS PA DANG 'DRES PA YIN PAR SHES PAR BYA STE, NAD DE LA NI SNUM DANG DUGS KYI CHO GA BYA BA DANG, PO SON CHA'I RENG BU GZHUG PA DANG, SHA MA DUR BYID LA SOGS PA BSKOL BA'I SBYOR BA BTANG BA DANG, RTUG PA 'GAGS PA SEL BA'I CHO GAS KYANG LEGS PAR BSAL ZHING THUR DU DBYUNG BAR BYA'O, ,LTOGS PA 'AM GZHANG NI SKRANGS PA'AM, ,THUG PA RAN PAR 'THUNGS PA YIS, ,RKUB TU SNUM NI BTANG GYUR PA, ,SDOD PA MED PAR SHUGS KYIS RGYU, ,DE NAS RO STOD MGRIN PA DANG, ,STOD KYI BU GA DAG TU 'BYUNG, ,ZHES BYA BA LA, LTOGS SHING KHA ZAS CI YANG MA ZOS PA'AM, YANG NA GZHANG SKRANGS PAR GYUR PA'AM, THUG PA
'THUNGS PAR GYUR PA NI SDOD PA MED PAR RGYU ZHING RO STOD DU SONG ZHING, STOD KYI BU GA MIG DANG RNA BA DANG, SNA LA SOGS PA LAS 'BYUNG BAR 'GYUR RO, ,DE LA DUR BYID RGYA SHUG NAS, ,RGYA SRAN BA GCIN BSKOL BA DANG, ,DE DANG BSKOL BA'I TIL MAR NI, ,MAS GTONG 'JAM RTZIR BCAS PA GTANG, ,ZHES BYA BA LA, ,NYES PA DE LA DUR BYID LA SOGS PA DANG BA GCIN BSKOL BA'I MAS GTONG BA BYAS LA, YANG DUR BYID LA SOGS PA DANG BSKOL BA'I TIL MAR GYI 'JAM RTZI GTANG BAR BYA'O, ,LKOG MAR BYUNG LA DGAG PA DANG, ,LKOG MA BSDAMS SHING SKYUG SMAN DANG, ,SLON BRO SEL BA'I GSO BAS KYANG, ,BZLOG PA DAG NI DE LA BYA, ,ZHES BYA BA LA, SNUM DE LKOG MAR BYUNG BAR GYUR PA LA NAN GYIS DGAG PA DANG, LKOG MA BSDAMS PA LA SOGS PAS GYEN DU 'BYUNG BA'I SNUM DES GZLOG [?] PAR BYA'O, ,SNUM TSOS MA GYUR MI BTANG STE, ,DES NI GZHANG KHAR CHAGS GYUR CING, ,DE LAS NAD BCAS RMONGS BAG DANG, ,G-YA' DANG SKRANGS PA 'ANG SKYED PAR BYED, ,CES BYA BA LA, 'JAM RTZI'I SNUM TSOS PAR MA GYUR PA LA NI BSHANG BA'I SGO NAS GTANG BAR MI BYA STE, CI'I PHYIR ZHE NA, MTSOS PA'I SNUM NI GZHANG GI KHAR CHAGS LA GOS PAR GYUR LA, DE LAS NI RMONGS BAG LA SOGS PA'I NAD SKYED PAR 'GYUR RO, ,DE LA MAS GTONG RNON PO DANG, ,AARGA'I LOR BSKOL TIL MAR GTANG, ,ZHES BYA BA LA, DE LTA BU'I NAD DE LA GSO BA NI MAS GTONG LA RNON PO DANG, SHING AARGA'I LO MA DANG BSKOL BA'I TIL MAR GTONG BAR BYA'O, ,DBUGS MA PHYUNG BAR BCINGS PA'AM, ,MA LUS PAR NI BTANG BA YIS, ,RLUNG ZHUGS NAS NI 'KHRUGS BYED CING, ,GZER DANG NA BA SKYED PAR BYED, ,CES BYA BA LA, 'JAM RTZI LGANG BA'I KHA'I DBUGS MA PHYUNG BAR BCINGS PA'AM, YANG NA DER BLUGS PA'I SNUM MA LUS PAR BTZIR TE BTANG BAR GYUR NA, RLUNG KHONG PA'I NANG DU ZHUGS NAS 'KHRUGS PAR BYED CING GZER BA LA SOGS PA'I NAD SKYED PAR BYED DO, ,DE LA GZHANG KHA BSKU DUGS BYA, ,RLUNG 'JOMS PA YI KHA ZAS GTANG, ,ZHES BYA BA LA,
, ,GZER DANG NA BA BYUNG BAR GYUR PA DE LA GZHANG KHA BSKU BA DANG DUGS BYAS PA DANG, RLUNG 'JOMS PA'I KHA ZAS SHA KHU LA SOGS PA SBYIN PAR BYA'O, ,MYUR DU BCUG CING PHYUNG BA'AM, ,GLO BUR DU NI BTEG PA YIS, ,RKED PA GZHANG DANG BRLA BYIN PA, , CHU SOR RENGS SHING NA BAR 'GYUR, ,ZHES BYA BA LA, 'JAM RTZI'I GCE'U DE RINGS SHING MYUR DU BCUG PA DANG, MYUR DU PHYUNG BA'AM, YANG NA GLO BUR DU RKUB KYI SNGAS LAS BTEG PAR GYUR NA, RKED PA LA SOGS PA'I YAN LAG RNAMS NA BA DANG RENGS PAR 'GYUR RO, ,DE LA RLUNG 'JOMS KHA ZAS DANG, ,DUGS BSKU 'JAM RTZIR BCAS PA PHAN, ,ZHES BYA BA LA, RKED PA RENGS PA LA SOGS PA DE LA RLUNG 'JOMS PA SEL BAR BYED PA'I KHA ZAS SBYIN PA DANG, DUGS LA SOGS PA RLUNG 'JOMS PAR BYED PA BYAS NA PHAN NO, ,'TSIR BA'I TSE NA BAR DU GROL, , RLUNG GIS GZHANG LA GNOD GYUR NAS, ,BRANG DANG MGO BO GZER CING NA, ,BRLA YI NAD NI SKYED PAR BYED, ,CES BYA BA LA, LGANG PA 'TSIR BAR BYED PA'I TSE NA, LEGS PAR MA BSDAMS PAS BAR DU GROL BAR GYUR NA, RLUNG GIS GZHANG LA GNOD PA SKYED PAR BYED PAS, BRANG NA BA LA SOGS PA SKYED PAR BYED DO, ,DE LA BIL BA LA SOGS DANG, ,PO SON CHA DANG DUR BYID SOGS, ,BA GCIN DANG NI SBYAR BA GTANG, ,ZHES BYA BA LA, NYES PA DE LA BIL BA LA SOGS PA'I RTZA BA LNGA DANG, PO SON CHA DANG DUR BYID LA SOGS PA'I SDE TSAN BA GCIN DANG SBYAR BA GTANG BAR BYA'O, , BTZIR DRAGS PA YIS KHONG PAR NI, ,MI 'DUG LKOG MAR 'BYUNG BAR 'GYUR, ,ZHES BYA BA LA, LGANG PA BTZIR DRAGS PAR GYUR PA LAS KHONG PA'I NANG DU SNUM DE MI 'CHAGS PA'AM, LKOG MAR GYEN DU 'BYUNG BAR 'GYUR RO, ,DE LA MAS GTONG BKRU SMAN DANG, ,MGUL BA BSDAMS SOGS LAS RNAMS BYA, ,ZHES BYA BA LA, NYES PAR GYUR PA DE LA 'JAM RTZI'I KHYAD PAR MAS GTONG BA DANG, BKRU SMAN BTANG BA DANG MGUL BA BSDAMS PA LA SOGS PA'I LAS GONG DU BSHAD PA RNAMS BYAS NA PHAN NO, ,BKRU SMAN SOGS PAS DAG BYAS NAS, ,LUS DANG NYAMS STOBS ME DROD CHUNG, ,
SGO NGA GZHON NU 'AM TIL MAR GYI, ,SNOD NI GANG BA JI BZHIN DU, ,GNOD PAR GYUR PA THAMS CAD LAS, ,SMAN PAS 'BAD DE BSRUNG BAR BYA, ,ZHES BYA BA LA, BKRU SMAN SOGS ZHES BYA BA SKYUG SMAN DANG BKRU SMAN DRAG PO MAS GTONG BA'I LAS KYIS DAG CING LUS SBYANGS PAR GYUR PAS LUS RID PA DANG, NYAMS STOBS ZHAN PA DANG ME DROD CHUNG BAR GYUR PA LA GNOD PAR GYUR PA'I ZAS DANG SPYOD LAM THAMS CAD LA SMAN PAS 'BAD PA DANG BCAS PAS BSRUNG ZHING BSKYANG BAR BYA STE, DPER NA BYA'I SGO NGA GZHON NU MA SMIN PA'AM TIL MAR GYIS SNOD GANG BA BSRUNG BA JI LTA BA BZHIN DU NAD PA DE SMAN PAS NYE BAR BSRUNG BAR BYA'O, ,KHA ZAS MNGAR DANG YID 'ONG SBYIN, ,DE 'OG SKYUG DANG LAN TSVAR BCAS, ,DE NAS MNGAR DANG KHA BA SBYIN, ,DE 'OG BSKA DANG TSA BA SBYIN, ,RO NI SNUM DANG RTZUB PA LTAR, ,PHAN TSUN GNYEN POR GYUR PA YIN, ,RIM PAR NYE BAR SBYAR BA YI, ,RIM PAS DE NI RNAL DU DBAB, ,CES BYA BA LA, DE LTAR SBYANG BA BYAS SHING DAG PAR GYUR PA'I NAD DE LA, DANG POR MNGAR ZHING YI GAR 'ONG BA'I ZAS DANG SKOM DAG SBYIN PAR BYA'O, ,DE'I 'OG TU NI RO SKYUR BA DANG LAN TSVA DANG BCAS PA'I ZAS SKOM SBYIN PAR BYA'O, ,DE NAS NI RO MNGAR BA DANG, KHA BA SBYIN PAR BYA'O, ,DE'I 'OG TU NI YANG RO BSKA BA DANG KHA BA SBYIN PAR BYA'O, ,RO DE DAG NI SNUM PA DANG RTZUB PA'I TSUL DU PHAN TSUN GCIG LA GCIG GNYEN POR GYUR PA YIN TE, DE LTAR RIM PAR NYE BAR SBYAR BA DE RIM BZHIN DU RANG BZHIN RNAL MA LA DBAB PAR BYA'O, ,KUN BZOD [?] NYAMS STOBS BRTAN PA NI, ,RNAL MAR GYUR PA YIN ZHES BYA, ,ZHES BYA BA LA, DE LA NAD PAS NAM ZAS DANG SPYOD LAM THAMS CAD BSTEN BZOD CING NYAMS STOBS BRTAN PA NYID DU GYUR NA NAD PA DE RNAL MAR GYUR PA YIN PAR SHES PAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, CHO GA GRUB PA'I GNAS KYI LE'U LNGA PA'I 'GREL PA'O,, ,,DE NAS SMAN GYI CHO GA BSHAD PAR BYA'O, ,ZHES BYA BA LA, SMAN RNAMS KYI SPYI'I CHO GA BSTAN PAR BYA BA'I PHYIR LE'U 'DI BRTZAMS PA YIN NO, ,SA PHYOGS
, ,SKAM ZHING CHA MNYAM PA, ,GZHI MNYAM GTZANG ZHING SA GZHI BZANG, ,DUR KHROD SHING CHEN LHA GNAS DANG, ,G-YANG SA GROG MA CAN MA GTOGS, ,'JAM ZHING CHU NI G-YAS NAS 'BAB, ,'JAG MA D'UR BA DANG LDAN PA, ,THONG LCAGS KYIS NI MA SNAD PA, ,LJON SHING GRIB MAS MA PHOG PA, ,KHA DOG BCUD LA SOGS DANG LDAN, ,SMAN SKYES PA NI BSNGAGS PA YIN, ,'BUS MA ZOS SHING MES MA TSIG ,'BYUNG BA SOGS KYIS GNOD MA GYUR, ,NYI GRIB CHU LA SOGS MA NYEN, ,JI BZHIN DUS SU BRTEN GYUR PA, RTZA BA CHE ZHING GTING DU ZUG ,BYANG GI PHYOGS SU BRTEN PA BZANG, ,ZHES BYA BA LA, SMAN SKYE BA'I SA PHYOGS SKAM PAR GYUR CING RLAN GYI SHAS CHUNG BA DRO GRANG GI CHA MNYAM PA GZHI MNYAM ZHING MTHON DMAN MED PA GTZANG ZHING DAG PAS SA GZHI BZANG BA STE, SNUM ZHING MDANGS DANG LDAN PA DANG, GNAG PA DANG, GSER GYI MDOG CAN LA RO MNGAR BA'I SA YOD PA DANG, DE BZHIN DU DUR KHROD LA SOGS PA MA YIN PA'I SA PHYOGS DANG, MCHOD RTEN NAM SHING CHEN TE GRONG GI PHYI ROL NA SHING CHEN PO GCIG PU GNAS PA DANG, LHA KHANG STE LHA RNAMS KYI GNAS SU BYAS PA'I KHANG PA DANG, G-YANG SA STE, GAD KHA DANG, GROG MA CAN GYI SA LAS SKYES PA MA GTOGS PA, 'JAM ZHING SA PHYOGS RTZUB SHAS MED PA DANG, CHU G-YAS PHYOGS NAS 'BAB PA DANG, DE BZHIN DU 'JAG MA DANG, D'UR BA'I NE'U SING GIS KHYAB CING GDAL BA DANG, DE BZHIN DU GSHOL GYI THONG LCAGS KYIS SMAS SHING SNAD PAR MA GYUR PA DANG, LJON SHING GI GRIB MAS KHEBS PAR MA GYUR PA DANG, GZHAN YANG SBRUL LA SOGS PA GDUG PAS PHOG PAR MA GYUR PA STE, DE LTA BU'I SA PHYOGS SU SKYES PAR GYUR PA'I SMAN NI, BSNGAGS SHING SHIS PA YIN PAR BSHAD DO, ,YANG SMAN DE YANG SRIN BU RNAMS KYIS MA ZOS SHING MA SMAS PA DANG, NAGS KYI MES MA TSIG PA DANG, GRANG LHAGS LA SOGS PA 'BYUNG BA'I GNOD PA RNAMS KYIS GNOD PAR MA GYUR PA DANG, NYI MA DANG, GRIB MA DANG, CHU LA SOGS PAS MA NYEN CING GNOD PAR MA GYUR PA'I SMAN DE DUS JI LTA BA BZHIN DU BTUS PA DANG, RTZA BA CHE
ZHING SA'I GTING DU ZUG PA DANG, BYANG GI PHYOGS NA GNAS PA GANG YIN PA DE BZANG NGO, ,DE NAS DGE BA LA SPYOD CING, ,DAD LDAN GTZANG SBRA SMYUNG BA BYAS, ,SMAN NI LEGS PAR GNAS PA BTU, ,'O MAR BCAS PA DUS SU SBYAR, ,BU RAM MAR DANG SBRANG RTZI DANG, ,PI PI LING DANG BYI DANG GA , 'BRU RNAMS MA GTOGS 'O MA MED, ,LO GCIG 'DAS PAR MA GYUR SBYAR, ,ZHES BYA BA LA, DE NAS ZHES BYA BA NI BKRA SHIS PA'I DON TE, DE LTAR SMAN BTU BA DE YANG SMAN PA DGE BA LA SPYOD CING GNAS PA DANG, DAD PA DANG LDAN ZHING NGANG TSUL BZANG BA DANG, KHRUS DANG, GTZANG SBRA BYAS PA DANG, SMYUNG BA BYAS PAS SMAN LEGS PAR GNAS SHING 'DUG PA BTU ZHING BLANG BAR BYA LA, BTUS NAS KYANG YON TAN DANG LDAN ZHING DE DANG 'TSAM PA'I SNOD DU BCUG LA, ,DUS SU 'O MA DANG BCAS PA SBYAR BAR BYA LA, 'O MA MED PA'I SMAN NI LO GCIG 'DAS PAR MA GYUR PA SPYAD PAR BYA STE, DE LA BU RAM LA SOGS PA NI MA GTOGS TE, DE DAG NI RNYING PA NYID BZANG BA YIN NO, ,'O MA BA NI YAR MA YI, ,GCIN DANG LCI BA SKYON MED YIN, ,NA TSOD STOBS LDAN LUS ZUNGS DANG, ,RVA 'DZUG RMIG PA LA SOGS BZANG, ,ZHES BYA BA LA, BA YAR NI BE'U BTZAS NAS YUN RING PO MA LON PA STE, DE'I 'O MA NI LHAG PAR BZANG BA YIN NO, ,BA'I GCIN DANG LCI BA NI NAD KYI SKYON MED PA GANG YIN PA DE BLANG BAR BYA'O, ,LUS ZUNGS LA SOGS PA NI NA TSOD DANG LUS KYI STOBS DANG LDAN PA'I BLANG BAR BYA'O, ,SOGS PA'I SGRAS NI SPU DANG PAGS PA LA SOGS PA BSDU'O, ,LAN TSVA MA GTOGS RO LNGA PO, ,SMAN KHU YI NI SKYE GNAS YIN, ,ZHES BYA BA LA, MNGAR BA LA SOGS PA'I RO LAN TSVA MA GTOGS PA RO LNGA PO NI SMAN GYI KHU BA 'BYUNG BA'I GNAS YIN ZHING SMAN KHU ZHES BTAGS PA YIN NO, ,SMAN KHU LDE GU BSKOL DANG BSGRANGS, ,KHAndA ZHES NI BYA BA STE, ,SMAN NI RNAM PA LNGA RU BRTAG ,SNGA MA BZHIN DU MTHU STOBS CHE, ,ZHES BYA BA LA, SMAN KHU LA SOGS PA LNGA PO MNGAR BA LA SOGS PA'I DBYE BAS PHYE BA DAG NI DBYE BA RNAM PA LNGAR 'GYUR TE, SMAN KHU NI SMAN GYI RANG GI KHU BA STE, MING GI RNAM PAR SMAN GYI BCUD CES KYANG BYA'O, ,LDE GUR NI GSHER BA'I RDZAS DANG BSRES
, ,TE; RDO LEB LA BTAGS PA'O, ,BSKOL NI BTZOS PA'I KHU BA STE, BSKOL BA'I SMAN GYI KHU BA ZHES BYA'O, ,BSGRANGS PA NI SMAN GYI KHU BA BSKOL BA STE, MTSAN MO 'DAS PAR BYAS PA'O, ,SMAN GTUMS TE BCUG NAS 'PHRAL DU BTZAGS PA NI KHAndA ZHES BYA STE, DE LTAR SMAN GYI KHU BA'I SBYOR BA NI RNAM PA LNGA YIN NO, ,DE LAS SNGA MA BZHIN MTHU STOBS CHE BA YIN TE, PHAN PAS NI BSGRANGS PA MTHU STOBS CHE LA, BSGRANGS PA PAS NI BSKOL BA'O, ,BSKOL BA BAS NI LDE GU'O, ,LDE GU BAS NI SMAN KHU MTHU STOBS CHE BA YIN NO, ,'PHRAL DU BTUS TE BRDUNGS NAS NI, ,TSAGS LAS BTZIR TE BTZAGS PA GANG, ,DE NI KHU BA ZHES BSHAD DO, ,ZHES BYA BA LA, SMAN 'PHRAL DU BTUS MA THAG RDO LEB STENG DU BRDUNGS LA RAS LA SOGS PA'I TSAGS KYIS BTZIR BA LAS, SMAN GYI KHU BA GANG ZHIG BYUNG BA DE NI SLOB DPON GYIS SMAN GYI KHU BA YIN NO ZHES BSHAD DO, ,LDE GU GSHER GYIS SBRUS BTAGS PA'O, ,ZHES BYA BA LA, LDE GU NI SMAN GYI PHYE MA SKAM PA NYID CHU LA SOGS PA'I RDZAS GSHER BAS SBRUS TE BTAGS PA DE NYID LA LDE GU ZHES BYA'O, ,DE BSKOL BA NI BSKOL BA YIN, ,ZHES BYA BA LA, BSKOL BA NI SMAN DE NYID PHRA MOR BLAGS SHING BTAGS PA GCAD PAR BYA BA YANG BCAD DE, CHU'I NANG DU BSKOL BA'I SMAN GYI KHU BA DE NI BSKOL BA ZHES BYA'O, ,BSGRANGS PA MTSAN MO GZHAG PA YIN, ,ZHES BYA BA LA, BSGRANGS PA'I SMAN GANG CHU GRANG MO DANG SBANGS [?] TE MTSAN MO GZHAG PA'I ZHAG LON PHA NANG BAR BTZAGS PA'O, ,KHAndA 'PHRAL DU SBYAR BTZAGS PA; ,ZHES BYA BA LA, KHAndA NI SMAN 'PHRAL DU CHU DRON PO'I NANG DU SBANGS [?] SHING MNYES TE BTZAGS PA'O, ,DE DAG GI NI TSAD BRTAG PA, ,NAD SOGS STOBS LAS SBYAR BAR BYA, ,ZHES BYA BA LA, SMAN GYI KHU BA LA SOGS PA DE DAG GI TSAD KYI NGES PAR BRTAGS PA NI NAD DANG NAD GZHI LUS ZUNGS LA SOGS PA GNOD PAR BYED PA LA DUS DANG, KHA ZAS DANG, RO DANG, GOMS PA DANG, DUS TSIGS LA SOGS PA'I STOBS LAS DPAGS TE, CI TZAM RAN PA'I TSAD SBYAR BAR BYA'O, ,GZHAN YANG SMAN GYI RO DANG NUS PA LA SOGS PA YANG LEGS PAR BRTAGS TE
SBYAR BAR BYA'O, ,DE YANG DRANG SRONG GIS BSHAD PA, ,TSAD KYI NGES PA YOD MIN TE, ,NAD DANG LTO TSAD NYAMS DANG NI, ,DUS DANG YUL NI RNAM BRTAGS TE, ,DE LTAR SMAN NI GTANG BAR BYA, ,ZHES BYA BA LA, SNGAR BSHAD PA'I TSIG DE TSAD MA DANG LDAN PA NYID DU BSGRUB PA'I PHYIR DRANG SRONG STE, RGYUN SHES KYI BUS BSHAD PA NI TSAD KYI NGES PA YOD PA MA YIN NO, ,ZHES DAM BCAS PA STE, SMAN GYI KHU BA LA SOGS PA NI NAD KYI DUS SU GTANG BAR BYA LA, DE YANG NAD KYI DKYEL DANG, LTO SRA SNYI'I TSAD DANG, NYAMS CHE CHUNG DANG, DUS GRANG DRO DANG, THUN MONG DANG, YUL SKABS DANG, RLAN CAN DANG CHA MNYAM PA STE, DE DAG GI TSUL LAS BRTAGS NAS BLO DANG LDAN PA'I SMAN PAS SMAN GTANG BAR BYA'O, ,ZHES MKHAS PA DAG GIS SMAN GTANG BA THAMS CAD KYI TSAD BSTAN PA'I PHYIR 'DI SKAD BSHAD PA YIN LA, DE LAS KYANG PHYOGS GCIG TZAM BSHAD PA NI, ,SMAN GYI KHU BA SRANG BZHI NI, ,'BRING TSAD TZAM DU BSHAD PA YIN, ,ZHES BYA BA LA SOGS PA YIN TE, SMAN GYI KHU BA'I 'BRING TSAD NI SRANG BZHI TZAM YIN NO, ,ZHES SLOB DPON GYIS BSHAD PA YIN NO, ,LDE GU ZHO GNYIS DAG DANG BSRE, ,DE NI CHU SRANG GSUM GYI TSAD, ,CES BYA BA LA, SMAN LDE GUR BTAGS PA DE DAG GI 'BRING TSAD NI LDE GU ZHO GNYIS TZAM DU BYAS LA, LDE GU DE RDZAS GSHER BA GANG DANG GTONG YANG GSHER SRANG GSUM GYI NANG DU BCUG LA DKRUGS TE BLUD PAR BYA'O, ,BSKOL BA'I SMAN NI SRANG GCIG BYA, ,BRE PHYED CHU BSKOL BZHI CHA LUS, ,ZHES BYA BA LA, SMAN BSKOL BA'I 'BRING TSAD SMAN SRANG GCIG CHU BRE PHYED CES BYA BA SRANG BCU DRUG GI NANG DU BSKOL BA DE LAS BZHI CHA STE, SRANG BZHI LUS PA NA PHAB STE BLUD PAR BYA'O, ,BSGRANGS PA SRANG GCIG SRANG DRUG NI, ,ZHES BYA BA LA, BSGRANGS PA'I SMAN KHU NI SMAN SRANG GCIG CHU LA SOGS PA GSHER BA'I RDZAS SRANG DRUG GI NANG DU NUB MO SBANGS TE BLUD PAR BYA'O, ,DE LAS GZHAN PA SRANG BZHI YIN, ,ZHES BYA BA LA, BSGRANGS PA'I SMAN KHU DE'I LAS GZHAN PA STE, DE'I 'OG MA KHAndA ZHES BYA BA NI SMAN SRANG GCIG DANG CHU SRANG BZHIR SBANGS LA BTZAGS TE BLUD PAR BYA'O, ,SMAN MAR BSKOL TSAD MA SMOS PAR, ,LDE GU SNUM
, ,DANG GSHER RDZAS NI, ,BZHI 'GYUR DU NI BSKYED DE SBYAR, ,ZHES BYA BA LA, SMAN MAR BSKOL BA DE DAG TU TSAD MA SMOS PA DER LDE GU DANG SNUM DANG CHU LA SOGS PA GSHER BA'I RDZAS BZHI 'GYUR DU BSKYED LA SBYAR BAR BYA'O, ,MAR LA SOGS PA'I SNUM NI SMAN GYI LDE GU'I BZHI 'GYUR BYA LA, CHU LA SOGS PA'I GSHER BA'I RDZAS NI, SNUM GYI BZHI 'GYUR GZHUG PAR BYA'O, ,SHO NA KA YIS BSHAD PA NI, ,SNUM BSKOL CHU NI 'BA' ZHIG DANG, ,KHU BA BSKOL BA RIM BZHIN DU, ,LDE GU'I CHA NI BZHI DANG DRUG ,BRGYAD NI RIM BZHIN SBYAR BAR BYA, ,ZHES BYA BA LA, DRANG SRONG SHO NA KA ZHES BYA BAS BSHAD PA'I GZHUNG NI SNUM GANG ZHIG CHU 'BA' ZHIG DANG BSKOL BA DER NI SNUM LDE GU'I BZHI 'GYUR GZHUG PAR BYA LA GANG SMAN GYI KHU BA DANG BSKOL BA DER NI LDE GU'I DRUG 'GYUR DANG BSKOL BAR BYA'O, ,GANG DU BSKOL BA'I KHU BA DANG BSKOL BA DE NI LDE GU BRGYAD 'GYUR DANG BSKOL BAR BYA'O, ,LDE GU SOR MOR MA 'BYAR DANG, ,SNUM NI MER BCUG SGRA MED DANG, ,GANG TSE KHA DOG SOGS PHUN TSOGS, ,DE TSE DE NI MYUR DU DBAB, ,CES BYA BA LA, SMAN MAR BSKOL BA NA LDE GU SOR MO LA DRIL BA NA MA 'BYAR BA DANG, DE BZHIN DU SNUM MER BCUG PA NA, SGRA TSEG TSEG ZER BA MI 'BYUNG BA DANG, DE BZHIN DU KHA DOG DANG, DRI DANG, RO PHUN SUM TSOGS PAR GYUR PA DE'I TSE, SMAN MAR DE TSOS PA YIN PAS DBAB PAR BYA'O, ,MAR NI LBU BA DANGS MA DANG, ,TIL MAR LBU BA BYUNG BA DANG, ,LDE GU NAL NAL POR GYUR CING, , CHU NANG 'BYING ZHING GYES MI 'GRO, ,ZHES BYA BA LA, GZHAN YANG MAR BSKOL BA LEGS PAR TSOS PAR GYUR PA NA, BSKOL BA'I LBU BA DE DANGS SHING MED PAR 'GYUR RO, ,TIL MAR BSKOL BA LEGS PAR TSOS PA NI LBU BA 'BYUNG BAR 'GYUR RO, ,LDE GU BSKOL BA TSOS PA NA NI SOR MOS MNYES PA NA, RGYUN NAL NAL POR 'BYUNG BAR 'GYUR BA DANG, DE BZHIN DU CHU'I NANG DU BCUG PA 'OG TU 'BYING ZHING PHAN TSUN GYES PAR MI 'GYUR GYI, GCIG TU LUS TE GNAS PAR 'GYUR RO, ,TSOS PA'I TSAD NI RNAM GSUM STE, ,'JAM TSOS 'BYAR BAG 'BYAR LA RTZUB, ,CES BYA BA LA, SNUM TSOS PA'I
TSAD NI RNAM PA GSUM STE, 'JAM POR TSOS PA DANG, 'BYAR BAG DANG, 'BYAR BAG RTZUB PA'O, ,'JAM TSOS TSIGS MA LDE GU 'DRA, ,'BYAR BAG SBRANG RTZI LTA BU YIN, ,CUNG ZAD TSIG CING MDOG GNAG PAR, ,SNANG 'GYUR DE NI THA MA YIN, ,ZHES BYA BA LA, GSUM PO DE DAG LAS KYANG, 'JAM POR TSOS PA'I 'OG GI TSIGS MA LDE GU 'DRA BAR GYUR PA YIN NO, ,BAR MA 'BYAR BAG CAN NI BTZOS PA NA SBRANG RTZI LTAR 'BYAR BAG SNANG BA YIN NO, ,'BYAR BAG RTZUB POR GYUR PA NI CUNG ZAD TSIG PAR 'GYUR ZHING, GZAR BUR CHAGS PA RTZUB LA MDOG GNAG PAR GYUR PA YIN NO, ,DE LAS 'DAS PA DON MI BYED, ,MA TSOS ME DROD NYAMS PAR BYED, ,CES BYA BA LA, DE LTAR TSOS PA THAMS CAD 'BYAR BAG RTZUB PO DE LAS KYANG 'DAS PAR GYUR CING SNUM TSIG PAR GYUR PA LA NI, SMAN GYI DON BYED PAR MI NUS TE, NUS PA DANG 'BRAL BAR 'GYUR RO, ,SHIN TU MA TSOS PAS NI PHO BA'I ME DROD NYAMS PAR BYED DO, ,'JAM TSOS SNAR BTANG RTZUB PAS BSKU, ,BTUNG DANG 'JAM RTZI 'BYAR BAG BYA, ,ZHES BYA BA LA, SMAN SNA NAS GTONG BA BSKOL BA'I TSAD NI DANG PO 'JAM TZAM DU TSOS PA GTANG BAR BYA'O, ,LUS BSKU BA LA NI THA MA SMIN PA RTZUB POR GYUR PAS BSKU BAR BYA'O, ,SMAN MAR BTUNG BA DANG, 'JAM RTZI BTANG BA LA NI BAR MA 'BYAR BAG CAN GTANG BAR BYA'O, ,SHA NA KAR SHA LAG MTHIL DANG, ,SPAR GANG PHUL BRE AA DA KA ,DRO NA BA HA RIM BZHIN DU, ,BZHI 'GYUR YIN PAR SHES PAR BYA; ,ZHES BYA BA LA, SHA NA MA SHA BZHI STE, 'JIG RTEN PA DAG NI MA SHA DRUG LA SHA NA GCIG TU 'DOD DO, ,SHA NA DE BZHI LA KAR SHA STE, ZHO GNYIS YOD LA, DE NYID NI LAG MTHIL ZHES BYA BA'I TSAD YIN NO, ,LAG MTHIL DE BZHI LA NI SPAR GANG ZHES BYA BA YIN NO, ,SPAR BA BZHI LA NI PHUL GANG NGO, ,PHUL BZHI LA BRE GANG NGO, ,BRE BZHI LA AA DA KA'O, ,AA DA KA BZHI LA NI DRO NA'O, ,DRO NA BZHI LA BA HA ZHES BYA'O, ,RLON PA NYIS 'GYUR SBYAR BYA ZHING, ,GSHER BA PHUL GANG SOGS DE BZHIN, ,ZHES BYA BA LA, SMAN GSHER BA RNAMS NI JI SKAD SMOS PA'I TSAD SHA
, ,NA NAS BA HA'I BAR DU NYIS 'GYUR GZHUG BAR BYA'O, ,DE LA YANG, TU LA ZHES BYA BA SRANG BRGYA DANG, BHA RA ZHES BYA BA KHUR GCIG STE, DE GNYIS NI SRANG BRGYA DANG KHUR GCIG KHO NAR BYA'I RLON PA YANG NYIS 'GYUR DU MI BYA'O, ,YANG CHU DANG 'O MA LA SOGS PA GSHER BA'I RDZAS NI RLON PA LA SOGS PA YAN CHAD KYANG DE BZHIN DU NYIS 'GYUR DU SBYAR BAR BYA'O, ,BTAGS TE SBRUS NAS GSHER MED PA'I, ,SNUM BSKOL BA LA CHU GZHUG BYA, ,ZHES BYA BA LA, SMAN BTAGS TE SBRUS PA LA NI BTAGS PA STE, SBRU BA'I PHYIR CHU GZHUG PAR BYAS LA, DE BZHIN DU GSHER BA'I RDZAS MED PA'I SNUM BSKOL BA LA NI CHU NYID DANG SBYAR ZHING GZHUG PAR BYA'O, ,GANG DU TSAD NI MA BSHAD PA, ,DER NI CHA MNYAM SBYAR BAR BYA, ,ZHES BYA BA LA, SMAN GYI SBYOR BA PHYE MA DANG, SMAN BSKOL BA'I KHU BA DANG, MAR DANG, TIL MAR LA SOGS PA'I SMAN GYI TSAD NGES PA MA SMOS PA DER NI SMAN DAG CHA MNYAM PA KHO NAR BYA'O, ,SHA NA GNYIS LA BA TA KA ,DE GNYIS KAR SHA KO LA DANG, ,BA RU RA DANG DRANG 'KHRU MED, ,CES BYA BA LA, DE LA ZHO PHYED LA NI SHA NA STE, SHA NA GNYIS NI PA TA KA GCIG GO, ,PA TA KA GNYIS LA NI, KAR SHA DANG, KO LA DANG, BA RU RA DANG, DRANG 'KHRU MED CES BYA BA'I MING GI RNAM GRANGS KYIS BSHAD PA YIN NO, ,AAKshA PI TZU SU BARnA, ,LAG MTHIL KHAM TSAD BYI LA'I SDER, ,TIN DU KA DANG LAG PA'I TSAD, ,SGRA GZHAN DON NI GCIG PA YIN, ,ZHES BYA BA LA, YANG KAR SHA DE NYID NI AAKshA DANG PI TZU NAS LAG PA'I TSAD CES BYA BA'I BAR GYI SGRAS [?] BSTAN PA YIN TE, DE DAG NI DON GCIG LA MING GI RNAM GRANGS KYIS SGRA GZHAN DU BSTAN PA YIN GYI DON THA DAD PA NI MA YIN NO, ,SHU TI BRGYAD PA PI TZU YIN, ,ZHES BYA BA LA, KAR SHA GNYIS LA NI SHU TI STE DE NYID NI MING BRGYAD PA DANG PI TZU ZHES BYA'O, ,SRANG GCIG BIL BA PRA KU DZA, ,SBAR GANG AA MRA BZHI PO YIN, ,ZHES BYA BA LA, SRANG GI RNAM GRANGS NI, BIL BA DANG, PRA KU DZA DANG, SPAR GANG DANG, AA MRA DANG, BZHI BO ZHES BYA BA YIN NO, ,SRANG GNYIS KHYOR GANG DE GNYIS LA, ,SNYIM
GANG DE GNYIS MA NI KA ,ZHES BYA BA LA, KHYOR GANG LA SRANG GNYIS YOD PAR SHES PAR BYA STE, KHYOR GNYIS LA SNYIM PA GANG YIN TE, SNYIM PA GNYIS LA NI MA NI KA ZHES BYA BA'I TSAD YIN NO, ,AA DA KA DANG SNOD KAN SA, ,DRO NA KUM PA BUM CHEN YIN, ,ZHES BYA BA LA, AA DA KA ZHES BYA BA BRE BZHI PA'I MING GI RNAM GRANGS NI, SNOD DANG KAN SA ZHES BYA BA YIN LA, DRO NA ZHES BYA BA, BRE BCU DRUG PA'I BRE BO CHE'I TSAD KYI MING GI RNAM GRANGS NI, KUM PA DANG, GA DA ZHES BYA BA BUM PA CHEN PO YIN NO, ,TU LA SRANG NI BRGYA YIN TE, ,DE NYI SHU LA KHUR DU BSHAD, , CES BYA BA LA, TU LA ZHES SMOS PA NI, SMAN SKAM PA 'AM, RLON PA RDZAS GSHER BA YIN YANG RUNG STE, SRANG BRGYA'I TSAD YIN PAR SHES PAR BYA'O, ,SRANG BRGYA PHRAG NYI SHU LA NI, BHA RA ZHES BYA BA KHUR BU'I TSAD YIN PAR SHES PAR BYA STE, BHA RA ZHES BYA BA'I TSAD DE NI SKAM PO'AM, RLON PA 'AM, KHU BA'I TSAD GANG YANG RUNG STE, TU LA DANG 'DRA BAR SRANG BRGYA PHRAG NYI SHU KHO NA LA BYA'I, NYIS LDAB TU GZHAN LTAR MI BGRANG NGO, ,GANGS CAN 'BIGS BYED RI YIS NI, ,SA GZHI PHAL CHER KHYAB PA YIN, ,DE LAS DANG PO BSIL ZHING PHAN, ,'BIGS BYED SMAN NI ME'I RANG BZHIN, ,ZHES BYA BA LA, RI BO GANGS CAN DANG, RI BO 'BIGS BYED GNYIS KYI RANG BZHIN GYIS SA GZHI 'DI LA PHAL CHER KHYAB PA YIN LA, ,DE GNYIS KYI NANG NAS DANG PO STE, RI KHA BA CAN LAS SKYES PA'I SMAN RNAMS NI RANG BZHIN BSIL ZHING PHAN PA YIN TE, DE NI ZHI ZHING GRANG BA'I RANG BZHIN CAN YIN PA'I PHYIR RO, ,'BIGS BYED KYI RI'I RANG BZHIN NI DRO BA YIN PA'I PHYIR ME'I RANG BZHIN CAN YIN PAR SHES PAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LA, CHO GA GRUB PA'I GNAS KYI LE'U DRUG PA'I 'GREL PA STE, GNAS LNGA PA'I 'GREL PA RDZOGS SO,, ,,DE NAS BYIS PA GSO BA'I CHO GA'I LE'U BSHAD PAR BYA'O, ,ZHES BYA BA LA, RGYUD KYI GNAS LNGAS NI YAN LAG GI GTZO BO LUS KYI GSO BA BSHAD PA YIN LA, YAN LAG LHAG
, ,MA BDUN PO'I NAD NI RTAG TU 'BYUNG ZHING RTOGS SHING SHES PAR DKA' BA YIN PAR BSHAD LA DES NA BYIS PA GSO BA LA SOGS PA'I YAN LAG CUNG ZAD TZAM GSAL BAS NGES PAR BSTAN PAR BYA BA'I PHYIR RGYUD PHYI MA ZHES BYA BA GNAS KYI MCHOG BRTZAMS PA YIN NO, ,DE LAS KYANG BYIS PA GSO ZHING RIM GROR BYA BA'I PHYIR THOG MA KHO NAR BYIS PA GSO BA BSHAD PA YIN NO, ,DE NAS ZHES BYA BA LA SOGS PA NI SNGA MA BZHIN DU BSHAD PAR BYA'O, ,BYIS PA GSO ZHING BSNYEN BKUR BA'I DBANG DU BYAS PA'I GZHUNG NI BYIS PA GSO BA'I CHO GA'I LE'U STE, DE BSHAD PAR BYA'O, , ZHES BYA BA'O, RGYUN SHES KYI BU LA SOGS PA DRANG SRONG CHEN PO RNAMS KYIS 'DI SKAD CES BSHAD DO, ,ZHES BYA BA LA, YANG SNGA MA BZHIN BSHAD PAR BYA STE, BDAG NYID KYIS RANG BZOR BYAS PA MA YIN NO, ,ZHES BSTAN PA'I PHYIR MDO'I TSIG 'DI SMOS PA YIN NO, ,BYIS PA BTZAS MA THAG PHRU MA, ,BSAL TE RGYAM TSA MAR BSKUS SBYANG, ,DE 'OG BTZAS PAS SDUG BSNGAL LA, ,BA LA'I TIL MAR BLUGS PAR BYA, ,ZHES BYA BA LA, BYIS PA MNGAL NAS BTZAS MA THAG TU PHRU MA ZHES BYA BA DE BSAL ZHES PHYI BAR BYA STE, DE YANG GZHUNG LAS, ,GANG GIS DKRIS NAS BYIS PA SKYES, ,PHRU MA ZHES NI BYA BA YIN, ,ZHES BSHAD PA YIN TE, DE BSAL ZHING PHYIS LA RGYAM TSVA DANG MAR DU SBYAR BAS BSKU ZHING PHYI BAR BYA'O, ,DE'I 'OG TU BTZAS PA'I TSE SDUG BSNGAL ZHING NYAM THAG BA DE BSAL BAR BYA BA'I PHYIR BA LA'I TIL MAR JI SKAD BSHAD PA DE LUS LA BLUGS PAR BYA'O, , DE NI RNA BA'I DRUNG DU NI, ,RDO GNYIS BRDUNG BA SPYAD PAR BYA, ,ZHES BYA BA LA, DE'I 'OG TU RNA BA SBYANG BA'I PHYIR BYIS PA DE'I RNA BA'I DRUNG DU RDO GNYIS BRDAB CING BRDUNG BA NYE BAR SPYAD CING SGRA BSGRAGS PAR BYA'O, ,DE NAS DE YI RNA BA NI, ,G-YAS PAR SNGAGS 'DI BRJOD PAR BYA, ,ZHES BYA BA LA, DE NAS DE'I 'OG TU BYIS PA DE'I RNA BA G-YAS PA'I RTZA BAR SNGAGS 'DI BRJOD PAR BYA'O, ,YAN LAG YAN LAG LAS BYUNG KHYOD, ,SNYING LAS MNGON PAR SKYES PA YIN, ,BDAG NYID BU ZHES BYA BA KHYOD, ,LO BRGYAR YANG DAG 'TSOR GYUR CIG ,LO BRGYA THUB CING STON BRGYA 'TSO, ,TSE RING BA NI THOB GYUR CING, ,RGYU SKAR
PHYOGS DANG MTSAN MO DANG, ,NYIN MOS KHYOD NI BSRUNG BAR SHOG ,CES BYA BA NI RIG BYED LAS DE BSHAD PA'I SNGAGS KYI TSIGS SU BCAD PA YIN TE DE BRJOD PAR BYA'O, ,BDE BAR GYUR NAS LTE BA NI, ,SOR BZHI'I 'OG TU SRAD BUS BCING, ,DE YI 'OG TU BCAD NAS NI, ,LTE BA LA NI BRTOD DE GZHAG ,CES BYA BA LA, BYIS PA DE MNGAL NAS BTZAS PA'I SDUG BSNGAL NYE BAR ZHI BA'I RANG BZHIN RNAM PAR 'DUG PA'I BDE BA THOB PAR GYUR PA'I 'OG TU, LTE BA 'PHYANG BA'I SOR BZHI'I 'OG TU SRAD BUS LEGS PAR BCINGS PA'I GONG DU MTSON RNON POS BCAD DE SRAD BUS LTE BA'I LTAG PAR MDUD DE BRTOD PAR BYA'O, ,DE 'OG LTE BA RU RTA YI, ,TIL MAR GYIS NI BSKU BAR BYA, ,ZHES BYA BA LA, DE NAS BYIS PA DE'I LTE BA RU RTA DANG BSKOL BA'I TIL MAR GYIS NI BSKU BAR BYA'O, ,'O MA CAN SHING BSKOL CHU'AM, ,DRI ZHIM BCUD LDAN CHU DAG NI, , GSER RAM DNGUL NI BSREGS PA YIS, ,BSROS PA'I DRO 'JAM CHU YIS BKRU, ,ZHES BYA BA LA, DE LTAR BSKUS NAS DE'I RJES LA, 'O MA CAN GYI SHING GANG YANG RUNG BA BSKOL BA'I KHU BAS BKRU BAR BYA STE, 'O MA CAN GYI SHING NI, AU DUM B'A RA AA SHVAD THA, ,BLAG SHA DANG NI N+YA GRO DHA, ,PI PI LING STE LNGA PO 'DI, ,'O MA CAN GYI SHING DU BSHAD, ,CES BYA BA YIN NO, ,YANG NA DRI ZHIM PO THAMS CAD DANG SBYAR BA'I CHU'I NANG DU GSER RAM DNGUL GANG YANG RUNG BA BSREGS PAS GSUR LA DRO 'JAM TZAM DU BSROS PAS BKRU BAR BYA'O, ,DE NAS MDZUB MO G-YAS PA NI, , DKRIS PAS RKAN NI BTEG NAS KYANG, ,MGO BOR RAS BAL SNUM CAN G-YOGS, ,ZHES BYA BA LA, DE'I 'OG TU SMAN PA'I MDZUB MO G-YAS PA RAS BAL GYI YE'US DKRIS PAS BYIS PA'I RKAN LEGS PAR BTEG LA MGO BO'I STENG NAS RAS BAL SNUM GYIS BKAB CING G-YOGS PAR BYA'O, , BLO DANG TSE DANG STOBS BSKYED PHYIR, ,SHU DAG PRA MA BI SHA LI, ,SHAm KA PUshPA'I LDE GU NI, ,MAR DANG SBRANG RTZI BCAS PA DAG ,SNGAGS BTAB HA RE nU TZAM SBYIN, ,ZHES BYA BA LA, DE NAS BYIS PA DE'I BLO DANG, TSE DANG STOBS BSKYED PA'I PHYIR SHU DAG DANG PRA MA LA SOGS PA BTAGS PA'I
, ,LDE GU SBRANG RTZI DANG MAR SBYAR BA HA RE nU'I TSAD TZAM 'JAG MA'I RTZE MO LA SNGAGS KYIS BTAB CING MNGON PAR BZLAS TE, GSER GYI SNOD DU SBYIN PAR BYA'O, ,GSER DANG SHU DAG MU MEN DANG, ,MA NU AA RU RA'I PHYE MA 'AM, ,GSER DANG SKYU RU'I PHYE MA DANG, ,SBRANG RTZI MAR BCAS LDE GU SBYIN, ,ZHES BYA BA LA, YANG NA GSER LA SOGS PA PHYE MAR BTAGS PA SBRANG RTZI DANG LDE GUR SBYAR BA 'AM, YANG NA GSER DANG SKYU RU RA'I PHYE MA MAR DANG SBRANG RTZI DANG SBYAR BA GANG YANG RUNG BA DE BLO DANG TSE DANG STOBS BSKYED PA'I PHYIR SBYIN PAR BYA'O, , DE NAS MNGAL CHU RGYAM TSA NI, ,MAR DANG BCAS PAS SKYUG TU GZHUG ,CES BYA BA LA, DE LTAR LDE GU DE SBYIN PA'I RJES LA RGYAM TSA DANG SBYAR BA'I MAR BYIN LA, MNGAL GYI GNAS NA GNAS PA'I TSE CHU GANG DAG SOGS PA DE SLON DU GZHUG PAR BYA'O, ,SKYE DGU'I BDAG PO'I CHO GA YIS, , BTZAS PA'I CHO GA BYED DU GZHUG ,CES BYA BA LA, DE NAS SKYE DGU'I BDAG POS BSHAD PA'I CHO GA RIG BYED KYI GSANG TSIG LAS BSHAD PA'I BTZAS PA'I CHO GA BYED DU GZHUG GO ,SNYING LA GNAS PA'I RTZA RNAMS NI, ,BTZAS NAS KHA NI DBYE BA'I PHYIR, ,NYI MA GSUM PA 'AM BZHI PA LA, ,BUD MED KYI NI NU ZHO 'BYUNG, ,ZHES BYA BA LA, BUD MED BU BTZAS PA'I SNYING LA GNAS PA'I RTZA RNAMS BTZAS PA'I DBANG GIS KHA DBYE BA'I PHYIR, BTZAS NAS NYI MA GSUM MAM BZHI PA LA NU ZHO 'BYUNG BAR 'GYUR RO, ,DE NAS NYIN ZHAG DANG PO LA, ,DUS GSUM DU NI SBRANG RTZI MAR, ,BYI TSER BA DANG SBYAR BA LA, ,SNGAGS KYIS BTAB STE BYIS PAR SBYIN, ,ZHES BYA BA LA, GANG GI PHYIR DE LTAR DE NYIN ZHAG DANG PO LA BYI TSER BA DANG SBYAR BA'I MAR DANG SBRANG RTZI LA SNGAGS KYIS BTAB STE, BYIS PA LA DUS GSUM DU SBYIN PAR BYA'O, ,GNYIS PA DANG NI GSUM PA LA; ,LAKshI MA DANG BSKOL MAR BLUD, ,CES BYA BA LA, BTZAS NAS NYI MA GNYIS PA LA, LA KshI MA ZHES BYA BA'I SMAN DANG BSKOL BA'I MAR LA SNGAGS KYIS BTAB PA DUS GSUM DU NI SBYIN PAR BYA'O, ,NYI MA GSUM PA LA YANG MAR DE NYID LA SNGAGS KYIS BTAB PA DUS
GSUM DU SBYIN PAR BYA'O, ,DE NAS DANG PO'I NU ZHO NI, ,BKAG PA DE LA MAR SAR NI, ,ZHO GNYIS TZAM GYI TSAD SBYIN ZHING, ,NU ZHO DUS GNYIS BLUD PAR BYA, ,ZHES BYA BA LA, DE'I 'OG TU DANG POR NU ZHO MI BLUD PAR BKAG PA'I BYIS PA DA LA MAR SAR ZHO GNYIS TZAM GYI TSOD BYIN LA, DE'I RJES LA NU ZHO SNGAGS KYIS BTAB LA SBYIN PAR BYA'O, ,MA NYID KYI NI NU ZHO BLUD, ,DE YI LUS NI 'PHEL BYED YIN, ,ZHES BYA BA LA, NU ZHO DE YANG MA KHO NA'I BLUD PAR BYA'O, ,GZHAN GYI BLUD PAR MI BYA STE, CI'I PHYIR ZHE NA, MA'I 'O MA DE NI BYIS PA'I LUS 'PHEL ZHING RGYAS PAR BYED PA YIN NO, ,DE MED MA MA SHIN TU BYAMS, ,SKYON MED 'KHRIG PA SPANGS PA DANG, ,RIGS DANG RANG BZHIN DE DANG MNYAM, ,NAD MED NA TSOD DAR LA BAB, ,BU MA SHI ZHING BRKAM CHAGS MED, ,GNYIS KYI 'O MA BLUD PAR BYA, ,ZHES BYA BA LA, MA'I 'O MA DE MED PAR GYUR NA, MA MA BYIS PA LA SHIN TU BYAMS SHING BRTZE BA LA LUS LA SKYON MED CING 'ON PA DANG ZHAR BA MA YIN ZHING YAN LAG MA TSANG BA MED PA DANG, 'KHRIG PA SPANGS SHING SKYES PA DANG NYAL PO SPONG BA DANG, RIGS DANG RANG BZHIN BYIS PA DE DANG MNYAM PA DANG, NAD MED CING BDE BAR GNAS PA DANG, DAR LA BAB CING BYIS PA DANG RGAS PA MA YIN PA, SNGON CHAD BU SHI MA MYONG ZHING BU 'TSO BA DANG, BRKAM CHAGS KYI ZHEN PA CHUNG BA'I MA MA GNYIS BSKOS LA, DE'I 'O MA BLUD PAR BYA'O, ,DE GNYIS ZAS DANG SPYOD LAM NI, ,PHAN PAS 'BAD DE GSO BAR BYA, , ZHES BYA BA LA, MA MA GNYIS ZAS DANG SPYOD LAM PHAN ZHING GNOD PA MED PA DAG GI 'BAD BAS GSO ZHING BSNYEN BKUR BYA'O, ,MYA NGAN KHRO DANG SMYUNG BA DANG, ,LUS DUB NU ZHO NYAMS PA'I RGYU, ,ZHES BYA BA LA, MYA NGAN LA SOGS PA NI BUD MED KYI NU ZHO NYAMS SHING 'JIG PA'I RGYU YIN PAS DE DAG KYANG SPANG BAR BYA'O, ,BU RAM CHANG MA GTOGS CHANG DANG, ,RLAN CAN SHA KHU 'O MA DANG, ,'O MA CAN SMAN MYA NGAN SOGS, ,GO BZLOG NU ZHO'I RGYU YIN NO, ,ZHES BYA BA LA, NU ZHO'I RGYU NI BU RAM CHANG MA GTOGS PA'I CHANG DANG,
, ,RLAN CAN GYI SROG CHAGS KYI SHA KHU DANG, 'O MA DANG, 'O MA CAN GYI SMAN DZI BAN TI LA SOGS PA DANG, MYA NGAN LA SOGS PA LAS GO BZLOG PA STE SEMS DGA' BA DANG, 'GRANGS PAR ZA BA DANG LUS DUB PAR MA GYUR PA NI, NU ZHO'I RGYU YIN NO, ,DE BAS NA DE DAG NI SBYIN PAR BYA'O, ,MI MTHUN ZAS NI ZOS PA DANG, ,LTOGS DANG SEMS NI NYAMS PA DANG, ,LUS ZUNGS GNOD BCAS SBRUM MA YI, ,'O MA BYIS PA'I NAD SKYED BYED, ,CES BYA BA LA, MA 'AM, MA MAS KHA ZAS MI MTHUN ZHING 'PHROD PA MA YIN PA ZOS PA DANG, DE BZHIN DU LTOGS SHING BKRES PAR GYUR PA DANG, SEMS NYAMS SHING BRGYAL BAR GYUR PA DANG, LUS ZUNGS RLUNG LA SOGS PA'I GNOD PA DANG BCAS PA DANG, SBRUM MA'I NU ZHO GANG YIN PA DE NI BYIS PA'I NAD SKYED PAR BYED PA YIN NO, , NU ZHO MED NA RA 'AM BA'I, ,'O MA BRI HA TI SOGS RTZA 'AM, ,STI RA GNYIS BSKOL KHA RAR BCAS, ,YON TAN DE LDAN BLUD PAR BYA, ,ZHES BYA BA LA, GAL TE MA 'AM MA MA'I NU ZHO MED PAR GYUR NA, BYIS PA LA BA 'AM RA'I 'O MA BRI HA TI LA SOGS PA RTZA BA CHEN PO LNGA DANG, CHUNG NGU LNGA DANG BSKOL BA 'AM, YANG NA BA 'AM, RA'I 'O MA STI RA GNYIS PO STE, SA LA PARnI DANG, KRishnA PA RnI DANG BSKOL BA 'AM, KHA RA DANG BCAS PA MA'I 'O MA'I YON TAN DANG BCAS PA BLUD PAR BYA'O, ,DRUG PA'I MTSAN MOR KHYAD PAR DU, , BSRUNG DANG GTOR MA'I BYA BA BYA, ,DE YI GNYEN GYIS MEL TZE BYA, ,SHIN TU DGA' BA NYID KYANG BYA, ,ZHES BYA BA LA, BTZAS NAS NYI MA DRUG PA'I MTSAN MO LA BAB PA NA MCHOG GAM KHYAD PAR DU BSRUNG BA'I SBYOR BA JI SNYED PA RNAMS BYA BA DANG, GTOR MA'I CHO GA BYA BA DANG, DE'I NYE DU'I SKYE BO RNAMS KYIS MTSAN MO MEL TSE BYA ZHING DGA' BAR 'GYUR BA'I ROL MO SNA TSOGS KYANG BYA'O, ,ZHAG BCU RDZOGS PAR GYUR PA DANG, ,RANG RIGS 'TSAM PA'I CHO GA NI, ,BYED DU GZHUG CING BTZAS MA BSLANG, ,LUS LA LDONG ROS BA BLA DANG, ,GI WAm
TZANDAN AA KAR GDAGS, ,RGYU SKAR LHA 'AM NYE DU LAS, ,DRAS PA'I YI GE MNYAM PA YI, ,MING NI BYIS PA LA GDAGS BYA, ,ZHES BYA BA LA, BTZAS NAS ZHAG BCU RDZOGS PAR GYUR PA DANG, RANG GI RIGS DANG MTHUN PA'I TSOGS BCAS PA'I BUD MED BSLANG BA'I LAS BYA ZHING DGA' STON BYAS LA, BYIS PA DE'I LUS LA LDONG ROS NAS AA GA RU'I BAR GYI RDZAS GDAGS PA DANG, BYIS PA LA MING GDAGS PAR BYA, ,ZHES BYA BA LA, MING DE YANG RGYU SKAR GYI LHA LAS DRAS NAS GDAGS PAR BYA BA STE, DE YANG BRA NYE'I LHA NI THA SKAR GYI BU GNYIS SO, ,SMIN DRUG NI ME LHA'O, ,SNAR MA NI GSHIN RJE STE, ,DE DAG LA SOGS PA RGYU SKAR RANG RANG GI LHA YOD LA, ,DE LAS DRAS PA'I MING NI MES BYIN BYA BA LA SOGS PA GDAGS PA'O, ,YANG NA NYE DU LAS DRAS NAS GDAGS PAR BYA STE, DE YANG NYE DU'I BDUN BRGYUD TSUN CHAD DE, DE LAS DRAS PA'O, ,YI GE MNYAM PA NI YI GE TSEG BAR GYI GRANGS MNYAM PA STE, DE LTA BU'I TSUL DU MING GDAGS PAR BYA'O, ,DE NAS RANG BZHIN DBYE LAS BSHAD, ,GZUGS KYIS TSE NI YONGS SU BRTAG ,CES BYA BA LA, DE'I 'OG TU LUS KYI RANG BZHIN GYI DBYE BA'I CHA JI LTA BU DANG LDAN NA BZANG BA DANG, NGAN PA'I BYE BRAG BSHAD PA'I TSUL LAS SMOS PA'I GZUGS KYIS BYIS PA'I TSE'I TSAD JI TZAM PA YIN PA YONGS SU BRTAG PAR BYA'O, ,MKHAS PAS BYIS PA'I MAL STAN NI, ,BYANG NGAM SHAR DU MGO BSTAN LA, ,SNGAS DANG GOS NI GTZANG ZHING BKRUS, ,'JAM ZHING GNYER MA MED PA YI, ,GOS LA GDON NI 'JOMS BYED PA'I, ,SMAN GYI DUD PAS BDUG PAR BYA, ,ZHES BYA BA LA, SMAN PA BSTAN BCOS KYI DON SHES PA'I MKHAS PAS BYIS PA DE'I MAL STAN LAS SNGAS BYANG PHYOGS SU BSTAN LA, STAN DANG GOS GTZANG ZHING DAG PA DANG, DRI MA MED PAR BKRUS PA DANG, 'JAM SHING MNYEN PA DANG, GNYER MA MED CING MA 'KHUMS PA DANG, SNGAS DANG BCAS PA LA GDON 'JOMS PA'I SMAN SHU DAG DANG, YUNGS KAR LA SOGS PA'I SMAN
, ,BSREGS PAS BDUG PAR BYA'O, ,BYA ROG BSAD PA SNUM GSUM DANG, ,BCAS PA'I DUD PAS BDUG PA BSNGAGS, ,ZHES BYA BA LA, KHVA 'AM BYA ROG BZANG PO BDAG NYID KYIS BSAD PA 'AM RANG NYID SHI BAR GYUR PA DANG, SNUM GSUM PO ZHUN MAR DANG, RKANG DANG, ZHAG CES BYA BA DANG BCAS PA'I DUD PAS BDUG PA YANG BSNGAGS PA YIN NO, ,BSE RU LA SOGS GSON PO YI, ,RVAR BTAGS NOR BU BZANG PO'I SPU, ,BRAMHI 'TSO BYED AIN DRI SOGS, ,SMAN NI BZANG PO GDAGS PAR BYA, ,MCHOG TU RTAG PAR SHU DAG NI, ,LAG GNYIS MGUL DANG SPYI BOR GDAGS, ,DES NI TSE DANG YID GZHUNGS DRAN, ,BDE BA SKYED BYED GDON LAS SRUNG, ,ZHES BYA BA LA, YANG PHYIS PA LA SROG CHAGS BSE RU LA SOGS GSON PO'I RVA PHUG PA'I RTZE MO LA NOR BU BZANG PO MARGAD DANG, PADMA R'A GA LA SOGS PA BTAGS SHING GLAN PA DAG LAG PA GNYIS SAM MGUL PA 'AM SPYI BOR GDAGS PAR BYA BA DANG, DE BZHIN DU BRAMHI DANG, 'TSO BYED DANG AIN DRI LA SOGS PA'I SMAN BSNGAGS SHING BZANG BA DAG LAG PA LA SOGS PAR GDAGS PAR BYA BA DANG, DE BZHIN DU MCHOG GAM KHYAD PAR DU SHU DAG RTAG BAR DUS THAMS CAD DU GDAGS PAR BYA STE, DES NI TSE 'PHEL BA LA SOGS PA'I YON TAN SKYED PAR BYED CING GDON THAMS CAD LAS BSRUNG BA YIN NO, ,ZLA BA BDUN NAM BRGYAD PA NA, ,NAD MED NYIN ZHAG SHIS PA LA, ,MA MA'I PANG DU SPRO BSRINGS LA, ,DGUN GYI DUS SU RNA BA DBUG ,KHYE'U'I DANG POR G-YAS PA DBUG ,BU MO'I G-YON PA DBUG PAR BYA, ,SMAN PAS KHAB NI G-YAS PAS BZUNG, ,G-YON PAS RNA SHAL BZUNG NAS NI, ,RNA BA'I KHYON GYI DBUS LAS NI, ,MKHUR TSOS KYI NI PHYOGS DAG TU, ,PAGS PA DAG NI PHUG NAS SU, ,NYI MA'I 'OD ZER SNANG BAR DU, ,MI 'GYUR BRTAN POR BZUNG NAS NI, ,RGYA SKYEGS KYI NI KHU BAS BSKU, ,DBUS SU RANG BZHIN GYIS GRUB PA'I, ,BU GA DRANG POR CIG CAR DBUG ,CES BYA BA LA, DE NAS ZLA BA BDUN NAM BRGYAD 'DAS NAS BYIS
PA NAD MED PA LA NI NYIN ZHAG SHIS PA'I TSE, MA MA'I PAD [?] PAR BZHAG LA SPRO BSRINGS TE, DGUN GYI DUS KYI TSE RNA BA DBUG PAR BYA LA, DE DAG GI DBUG PA'I TSUL NI GO BAR ZAD DO, ,DE NAS RTZA NI GNAS PA'I PHYIR, ,STENG 'OG NGOS SU GTANG MI BYA, ,NAG PO GNAD SGRA DMAR PO STE, ,RTZA DE PHUG NA DMAR ZHING NA, ,SKRANG ZHING SRA LA TSA BA DANG, ,GNYE'U RENGS GZHAN DBANG CAN SKYED BYED, ,CES BYA BA LA, 'DI NI DBUG PAR MI BYA BA'I DMIGS NI 'DI YIN TE, YANG GO BAR ZAD DO, ,DE RNAMS NAD GZHI JI BZHIN DU, ,GSO BA DAG NI MYUR DU BYA, , ZHES BYA BA LA, PHUG PA LA SKYON DU GYUR PA'I NAD DE LA YANG NAD GZHI JI LTA BA BZHIN DU GSO BAR BYA'O, ,GNAD DU PHUG NA KHRAG MED CING, ,NA DANG DMAR SOGS 'BYUNG MI 'GYUR, ,KHAB RJES SKUD PA SNUM CAN NI, ,RJES SU GZHUG PA NYID DU BYA, ,TIL MAR RLON PAS BSKU BA DANG, ,RGYA CHER DE NI BSKYED PAR BYA, ,RNA SHAL PHUG NAS PHAN ZAS SBYIN, ,DE 'OG SDONG BU SBOM PO GZHUG ,ZHAG GSUM BZHAG LA RMA 'TSOB NAS, ,RIM GYIS DE NI BSKYED PAR BYA, ,ZHES BYA BA LA, 'DI DAG NI LEGS PAR DBUG [?] PA DANG, BU GA BSKYED PA'I THABS YIN NO, ,DE NAS DE YI SO SKYES NAS, ,NU ZHO 'THUNGS LAS RIM GYIS BZLOG ,SNGAR BSHAD 'O MA SBYIN BYA ZHING, ,KHA ZAS YANG DANG RTAS BYED SBYIN, ,ZHES BYA BA LA, BYIS PA SO SKYES PAR GYUR NAS, NU ZHO 'THUNGS PA LAS RIM GYIS BZLOG PAR BYA ZHING CIG CAR BZLOG PAR MI BYA LA, YANG DE LA SNGAR BSHAD BA'I BA 'AM RA'I 'O MA SBYIN PAR BYA BA DANG, KHA ZAS YANG BA DANG RTAS PAR BYED PA SBYIN PAR BYA'O, ,NU ZHO SPANGS NAS PI YA LA'I, ,RKANG DANG SHING MNGAR 'BRAS YOS DANG, ,KHA RA DKAR PO'I LA DU SBYIN, ,BIL BA GZHON NU SUG SMEL DANG, ,KHA RA 'BRAS YOS DROD SKYED SBYIN, ,ZHES BYA BA LA, BUD MED KYI NU ZHO SPANGS SHING DOR BAR GYUR PA'I BYIS PA LA BI YA LA'I RKANG PA LA SOGS PA DANG LA DU'I TSUL DU SBRUS PA SBYIN PAR BYA BA DANG, BIL BA GZHON NU LA SOGS PA BYIN NA ME DROD SKYED PAR BYED DO, ,'KHRU GCOD DA TA KA'I ME TOG ,KHAR 'BRAS YOS
, ,SKYO MA SBYIN, ,ZHES BYA BA LA, YANG BYIS PA DE LA 'KHRU BAR BYED PA'I SMAN DA TA KA'I ME TOG LA SOGS PA'I SKYO MA SBYIN PAR BYA'O, ,GNOD PA SKYED PAR MI BYED PA'I, ,SMAN GYIS DE YI NAD BSAL BYA, ,ZHES BYA BA LA, YANG BYES PA DE'I RIMS NAD LA SOGS PA'I NAD SKYES PAR GYUR NA GNOD PA SKYE BAR MI 'GYUR BA'I SMAN 'JAM PO MAR DANG, 'O MA DANG, KHA RA DANG, RGUN 'BRUM LA SOGS PA DE BSAL ZHING BZLOG PAR BYA'O, ,SHIN TU DRAG NAD MA GTOGS GZHAN, ,RNO SMAN BKRU SMAN KUN TU SPANG, ,ZHES BYA BA LA, SHIN TU DRAG CING GNOD PAR BYED PA MA GTOGS PA NAD GZHAN DAG LA NI GONG DU SMOS PA'I SMAN 'JAM POS GSO BAR BYA LA, SHIN TU DRAG CING GSO DKA' BA'I NAD LA NI SMAN DRAG CING RNO BA YANG GTANG BAR BYA'O, ,BKRU SMAN NI RNAM PA THAMS CAD DU SPANG BAR BYA'O, ,TSUL MIN SKRAG PAR MI BYA STE, ,SKRAG NA GDON NI 'JUG PAR 'GYUR, ,ZHES BYA BA LA, BYIS PA DE TSUL DANG MI LDAN ZHING DBANG BYAR MED PAR GYUR KYANG SKRAG PAR MI BYA STE, CI'I PHYIR ZHE NA, BYIS PA 'JIGS SHING SKRAG PAR GYUR NA SKEM BYED LA SOGS PA'I GDON 'JUG CING 'DZIN PAR 'GYUR RO, ,GOS KYI RLUNG DANG GZHAN REG DANG, ,'GOMS PA LA NI DE BSRUNG BYA, ,ZHES BYA BA LA, YANG BYIS PA DE GOS KYIS G-YAB PA'I RLUNG GIS MA PHOG PAR BSRUNG BA DANG, DE BZHIN DU GZHAN GYIS REG PA DANG, 'GOMS NA GNOD PAR 'GYUR BAS DE LAS BSRUNG BAR BYA'O, ,BRAMHI YUNGS KAR SHU DAG DANG, ,RGYAM TSA RU RTA SHA RI BA, ,PI PI LING BCAS BSKOL BA YI, ,SMAN MAR DRAN DANG YID GZHUNGS SKYED, ,TSE 'PHEL GDON NI MI BZAD 'JOMS, ,'BYUNG PO SMYO BYED ZLOG PAR BYED, , CES BYA BA LA, BRAMHI LA SOGS PA'I SMAN LDE GUR BYAS PA DANG, MAR DANG 'O MAR BCAS PAR BSKOL BA'I SMAN MAR BYIN NA DRAN PA DANG YID GZHUNGS PA SKYED PAR BYED CING 'PHEL BAR BYED PA DANG, GDON MI BZAD PA RNAMS 'JOMS PAR BYED CING 'BYUNG PO LA SOGS PA YANG ZLOG PAR BYED PA YIN NO, ,SO MA RA DZA SHU DAG DANG, ,SPAL PA NYE'U SHING SLE TRES DANG, ,SHANG KA PUshPA BRAMHI DANG, ,BRA MA SO MA SRANG RE NI, ,LDE GU BRGYAD CHA MAR BRE GANG, ,'O MA BZHI 'GYUR NANG DU NI, ,BSKOL BA DE BLUD DPAL YON DANG, ,TSE BLO YID GZHUNGS DRAN PA SKYED, ,CES BYA BA LA, SO MA RA DZA LA SOGS PA'I SNUM SRANG RE LDE GUR BYAS PA BRGYAD CHA MAR BRE GANG DANG, 'O MA BZHI
'GYUR DANG BCAS PA BSKOL BA DE BLUD NA DPAL YON TE NOR 'PHEL ZHING BKRA MI SHIS PA 'JIG PAR BYED PA DANG, TSE DANG BLO GROS DANG, YID GZHUNGS PA DANG, DRAN PA MYUR BA'I YON TAN SKYED PAR BYED DO, ,RA YI 'O MA AA RU RA, ,TSA BA GSUM DANG PA TA DANG, ,SHI KRU SHU DAG LCE MYANG TSA, ,BSKOL BA'I SMAN MAR DBYANGS CAN DE; ,TSIG DANG BLO GROS DRAN PA DANG, ,NGAG GSAL ME DROD SKYED PAR BYED, ,CES BYA BA LA, MAR GYI BZHI 'GYUR GYI 'O MA DANG, AA RU RA LA SOGS PA'I LDE GU BSKOL BA'I SMAN MAR NI MING DBYANGS CAN GYI SMAN MAR ZHES BYA STE, DES NI TSIG DANG BLO GROS LA SOGS PA SKYED PAR BYED DO, ,SHU DAG SLE TRES AA RU RA, ,NYE'U SHING DANG SHANG KHI NI, ,AA BA MARGA BSKOL BA YI, ,SMAN MAR YON TAN SNGA MAR MTSUNGS, ,ZHES BYA BA LA, SHU DAG LA SOGS PA'I SMAN LDE GUR BYAS PA DANG, MAR GYI BZHI 'GYUR GYI CHU DANG BSKOL BAR BYA STE, 'DIR GSHER BA'I RDZAS MA SMOS PA THAMS CAD LA CHU GZHUG PAR BYA BA YIN PAS NA TSUL DE LTAR BSKOL BAR BYA STE, SMAN MAR DE BLUD NA YON TAN TSIG DANG BLO GROS LA SOGS PA SKYED PAR BYED PA YIN NO, ,SHU DAG DKAR PO RU RTA GSER, ,AARGA'I PUshPA GSER DANG BCAS, ,LCAGS RKYAG DANG NI DUNG DANG GSER, ,KA RANYDZA DANG SHU DAG GSER, ,RKANG PA RE RES BSHAD PA BZHI, ,SBRANG RTZI MAR DANG BCAS LDE GU ,LO GCIG BYIN NA LUS DANG BLO, ,KHA DOG NYAMS STOBS SKYED PAR BYED, ,CES BYA BA LA, SHU DAG DKAR PO NI KHA BA CAN GYI RI LA SKYES PA'O, ,GZHAN DAG NI GO BAR ZAD DO, ,RKANG PA BZHI BSHAD PA'I SMAN GYI SDE TSAN BZHI PO SBRANG RTZI DANG MAR DANG SBYAR BA'I LDE GU LO GCIG GI BAR DU BYIN NA LUS KYI NYAMS DANG, BLO DANG KHA DOG LA SOGS PA SKYED PA YIN NO, ,SHU DAG SHING MNGAR LCE MYANG TSA, ,DONG GRA SHU TI AA RU RA, ,RU RTA ZI RA PI PI LING, ,MAR BCAS LDE GUS NGAG DAG BYED, ,CES BYA BA LA, SHU DAG LA SOGS PA'I LDE GUS NGAG DAG PAR BYED CING TSIG GSAL BAR BYED PA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, GNAS PHYI MA'I LE'U DANG PO'I 'GREL PA'O,, ,,
, ,DE NAS BYIS PA'I NAD GSO BA'I LE'U BSHAD PAR BYA'O, ,ZHES BYA BA LA, BYIS PA'I NAD GSO BA NI, NAD BCOS PA'I THABS TE, DE STON PA'I LE'U BSHAD PAR BYA'O ZHES STON PA'O, ,'O MA ZAS DANG GNYI GAS 'TSO, ,BYIS PA RNAM PA GSUM DU BSHAD, , DE DAG GNOD MED LAS BDER 'GYUR, ,GNOD PA LAS NI NAD RNAMS 'BYUNG, ,ZHES BYA BA LA, BYIS PA NI 'O MA 'THUNG BA DANG, KHA ZAS ZA BA DANG, ZAS DANG 'O MA GNYIS KAS 'TSO ZHING GNAS PA STE, RNAM PA GSUM DU BSHAD DO, ,DES NA NU ZHO'I 'O MA DANG, KHA ZAS DE GNYIS LA GNOD PA MED PA LAS NI BYIS PA NAD MED CING BDE BAR 'GYUR LA DE GNYIS GNOD CING MI 'PHROD PA LAS NI BYIS PA'I NAD RNAMS 'BYUNG BAR 'GYUR RO, ,GANG ZHIG CHU DANG GCIG TU 'DRES, ,NYES PA YOD PA MA YIN TE, ,'O MA DE NI SKYON MED YIN, ,ZHES BYA BA LA, BUD MED KYI NU ZHO GANG ZHIG CHU'I NANG DU BCUG PA NA GCIG TU 'DRES PAR GYUR PA NI RLUNG LA SOGS PA'I NAD KYI NYES PA'I SKYON MED PAS 'O MA DE NI SKYON MED PA YIN PAR SHES PAR BYA'O, ,RLUNG GIS GNOD GYUR CHU STENG 'PHYO, ,BSKA ZHING RTZUB LA DBU BA CAN, ,DE YIS BSHANG GCI SRI BAR BYED, , CES BYA BA LA, 'O MA GANG RLUNG GIS GNOD CING MA RUNGS PAR GYUR PA NI CHU'I NANG DU BCUG NA STENG DU 'PHYO BAR 'GYUR GYI 'OG TU NUB PAR MI 'GYUR BA DANG, RO BSKA BA DANG RANG BZHIN RTZUB PA DANG, DBU BA CAN DU GNAS PA YIN ZHING DE 'THUNGS NA BSHANG BA DANG GCI BA SRI ZHING 'GAG PAR BYED PA YIN NO, ,MKHRIS PAS GNOD GYUR DRO SKYUR TSA, ,RI MO SER SNANG DES TSA SKYED, ,CES BYA BA LA, MKHRIS PAS GNOD PAR GYUR PA'I NU ZHO NI DRO BAR 'GYUR BA DANG, RO SKYUR ZHING TSA BA DANG, ME'I NANG DU BCUG NA RI MO SER PO LTA BUR SNANG BA YIN TE, DE BLUD NA BYIS PA TSA BA SKYED PAR BYED PA YIN NO, ,BAD KAN GYIS SKA LAN TSVAR BCAS, ,SBYIN BAG CAN LA CHU NANG 'BYING, ,ZHES BYA BA LA, BAD KAN GYIS GNOD PAR GYUR PA'I 'O MA NI SKA BA DANG RO LAN TSVAR BRO BA DANG, SBYIN BAG NAL NAL POR 'DUG PA DANG, CHUR BCUG NA 'OG TU 'BYING BA YIN NO, ,
LDAN PA'I MTSAN MA 'DREN MA STE, ,'DUS PA'I MTSAN NYID GSUM DANG LDAN, ,ZHES BYA BA LA, BUD MED KYI NU ZHO NAD GZHI GNYIS DANG 'DRES PA'I LDAN PAS GNOD PAR 'GYUR BA NI MTSAN MA 'DRES PAR SNANG BA YIN LA, NYES PA GSUM CHAR 'DUS PAR GYUR PA'I NU ZHO NI NAD GZHI GSUM CHAR GYI MTSAN NYID DANG LDAN PA YIN NO, ,RANG GI MTSAN MA CI 'DRA LAS, ,DE 'THUNGS PAS NI NAD SKYED 'GYUR, ,ZHES BYA BA LA, 'O MA DE NAD GZHI RE RE DANG LDAN PA DANG, 'DUS PA'I SKYON DANG LDAN PA'I MTSAN NYID CI 'DRA BA 'THUNGS PA LAS RANG GI MTSAN NYID DANG MTHUN PA'I NAD SO SO DANG LDAN PA DANG, 'DUS PA DE SOGS SHING 'PHEL BAR 'GYUR RO, ,BYIS PA RTAG TU MI BZAD PAR, ,NGU BA LA NI NAD SHES BYA, ,ZHES BYA BA LA, BYIS PA NA BA'I MTSAN MA NI, BYIS PA YANG DANG YANG DU RTAG PAR SHAS CHER DU BA LAS NAD KYIS GZIR BA YIN PAR SHES PAR BYA'O, , DE NI PHYOGS GANG SHAS CHER 'DZIN, ,GANG DU REG PAR MI BZOD PA, ,DE NA NAD YOD SHES PAR BYA, ,ZHES BYA BA LA, YANG BYIS PA DE LUS KYI PHYOGS GANG DU SHAS CHER 'DZIN CING REG PAR BYED PA DANG, LUS KYI PHYOGS GANG DU REG CING MNAN NA LUS KYI PHYOGS DE NA NAD YOD PA KHO NAR SHES PAR BYA'O, ,MGO NAD MIG 'BYED LAS SHES BYA, ,ZHES BYA BA LA, DE LAS KYANG KHYAD PAR DU MGO BO NA BA NI MIG GNYIS RTAG TU 'BYED CING 'DZUMS MI SHES PAS MGO'I NAD YOD PAR SHES PAR BYA'O, ,SNYING NAD LCE MCHU SOS GNON DANG, ,DBUGS DANG KHU TSUR BSDAMS SHES BYA; ;ZHES BYA BA LA, LCE DANG MCHU SOS GNON PA LA SOGS PA LAS NI BYIS PA DE SNYING NAD YOD PAR SHES PAR BYA'O, ,KHONG NAD BSHANG GCI SRI DANG SLON, ,NU MA SOS 'DEBS RGYU MA 'KHRUGS, ,LTO SBO RGYAB NI 'GUGS DGYE DANG, ,LTO 'GUGS PAS KYANG SHES PAR BYA, ,ZHES BYA BA LA, BSHANG GCI SRI BA LA SOGS PA LA NI KHONG PA STE, ,LTO BA'I NANG NA NAD YOD PAR SHES PAR BYA'O, ,CHU SO MTSAN NAD BSHANG GCI SRI, ,SKRAG CING PHYOGS LTA LAS SHES BYA, ,ZHES BYA BA LA, CHU SO STE LGANG PA DANG, GSANG BA'I MTSAN MA LA NAD YOD PA'I RTAGS NI BSHANG GCI SRI BA
, ,LA SOGS PA LAS SHES PAR BYA'O, ,DE NAS MA MA NAD GZHI DANG, ,SKYON NI JI BZHIN GSO BAR BYA, ,ZHES BYA BA LA, DE NAS DE'I 'OG TU BYIS PA LA NU ZHO BLUD PA'I MA MA NAD GZHI JI LTA BU YOD PA DANG, NAD KYI SKYON JI LTA BU YOD PA'I TSUL LAS GSO ZHING BCOS PAR BYA'O, ,DE LA NU ZHO RLUNG CAN LA, ,RTZA BA BCU BSKOL ZHAG GSUM BLUD, ,CES BYA BA LA, RLUNG GIS GNOD PAR GYUR PA'I NU ZHO LA NI RTZA BA BCU PO BSKOL BA'I KHU BA MA MA LA ZHAG GSUM GYI BAR DU BLUD PAR BYA'O, ,YANG NA RU RTA TZI TRA KA ,PA THA SHU DAG PU TZE SHEL, ,GA BRA'I RTZA BA LA LA PHUD, ,THANG SHING DANG NI SA RA LA, ,BRI SHTZI KA NI PI PI LING, ,NA LE SHAM NI BSKOL BA BLUD, ,CES BYA BA LA, YANG NA RLUNG GIS GNOD PAR GYUR PA'I NU ZHOL RU RTA DANG TZI TRA KA BSKOL BA'I KHU BA MA MA LA ZHAG GSUM GYI BAR DU BLUD PAR BYA'O, , DE NAS RLUNG NAD 'JOMS PA YI, ,SMAN MAR GANG YANG RUNG BA BLUD, ,DE RJES CHANG GI DANGS MA BLUD, ,SNUM GYUR BKRU SMAN 'JAM PO GTANG, ,ZHES BYA BA LA, DE'I 'OG TU SMAN GYI KHU BA SNGAR SMOS PA BLUD PA'I RJES LA SMAN DE ZHU BAR GYUR PA'I SKABS SU, ,RLUNG GI NAD LA PHAN PAR BSHAD PA'I SMAN MAR GANG YANG RUNG BA CI RIGS PA BLUD PAR BYA LA, MAR DE 'THUNGS PA'I RJES LA CHANG GI DANGS MA BLUD PAR BYA'O, ,DE LTAR TSUL 'DIS MA 'AM MA MA DE SNUM GYIS ZHEN PAR GYUR PA DANG, BKRU SMAN 'JAM PO NYUNG SHAS BTANG LA 'KHRUR GZHUG PAR BYA'O, ,DE 'OG 'JAM RTZI'I LAS BYA ZHING, ,DUGS SOGS RLUNG NAD 'JOMS PA BYA, ,ZHES BYA BA LA, DE'I 'OG TU BKRU SMAN BTANG BA'I RJES LA 'JAM RTZI MAS GTONG BAR BYA ZHING DUGS DANG, BSKU BA DANG, BYUG PA DANG, MNYE BA LA SOGS PA RLUNG 'JOMS PA'I GSO BA BYA'O, ,BIL BAR SNA TI MU SA, ,THANG SHING SA RA LA BCAS PHYE, ,MAR DANG SBYAR BA'I LDE GU 'AM, ,DE BSKOL KHAR DKAR BTAB SBYIN, ,ZHES BYA BA LA, BYIS PA LA NI RA SNA DANG TI MUS ZHES BYA BA AA DZA MOD LAS BTAGS PA'I PHYE MA MAR DANG SBYAR BA'I LDE GU 'AM, YANG NA RA SNA LA SOGS PA DANG BSKOL
BA'I MAR DANG KHA RA DKAR PO BSRES PA SBYIN PAR BYA'O, ,MKHRIS PAS GNOD LA SLE TRES DANG, ,NYE'U SHING NIM PA PA TO LA, ,TZANDAN SHA RI BA BSKOL BA, ,MA MA DANG NI BYIS PAR BLUD, ,CES BYA BA LA, MKHRIS PAS GNOD PAR GYUR PA'I NU ZHO LA NI SLE TRES LA SOGS PA BSKOL BA'I KHU BA MA MA DANG BYIS PA LA BLUD PAR BYA'O, ,YANG NA GLA SGANG 'BRAS BU GSUM, ,RTZA MKHRIS BU TZE SHEL BLUD BYA, ,ZHES BYA BA LA, YANG NA MKHRIS PAS GNOD BAR GYUR PA'I NU ZHO LA GLA SGANG LA SOGS PA'I SNUM BSKOL BA BYIS PA DANG, MA MA LA BLUD PAR BYA'O, ,THAL TRES LA SOGS SHUG PA SOGS, ,PA TO LA SOGS SDE BSKOL BLUD, ,CES BYA BA LA, DE BZHIN DU SHA RI BA ZHES BYA BA THAL TRES LA SOGS PA'I SDE TSAN BKRU SMAN LA SOGS PA'I SKABS NAS BSHAD PA 'AM, SHUG PA LA SOGS PA'I SDE TSAN NAM, PA TO LA LA SOGS PA'I SDE TSAN BSKOL BA'I KHU BA MA MA DANG, BYIS PA LA CI RIGS PAR BLUD PAR BYA'O, ,SMAN NI 'DI BSKOL MAR DANG NI, ,MKHRIS PA SEL BA'I BKRU SMAN DANG, ,BSIL SMAN GYIS BSKU BYUG SOGS SBYAR, ,ZHES BYA BA LA, YANG NA MKHRIS PAS GNOD PAR GYUR PA'I NU ZHO LA PHAN PA'I SMAN 'DI RNAMS DANG, MAR BSKOL LA BYIS PA DANG MA MA LA BLUD PAR BYA BA DANG, MKHRIS PA SEL BA'I BKRU SMAN MA MA KHO NA LA GTANG BAR BYA BA 'AM, DE BZHIN DU BSIL SMAN GYIS BSKU BA DANG BYUG PA LA SOGS PA'I SBYOR BA BYA'O, ,BAD KAN CAN GYI BDAG NYID LA, ,SHING MNGAR RGYA MTSAR BCAS PA 'AM, ,RGYAM TSAR SHING MNGAR PI PI LING, ,MAR SBYAR BYIS PA LA BLUD BYA, ,ZHES BYA BA LA, BAD KAN GYIS GNOD PAR GYUR PA'I BDAG NYID CAN NI NU ZHO LA SHING MNGAR DANG, RGYAM TSA DANG BCAS PA'I MAR BYIS PA LA BLUD PAR BYA BA 'AM, YANG NA RGYAM TSA SHING MNGAR DANG, , PI PI LING DANG, MAR SBYAR BA BYIS PA LA BLUD PAR BYA'O, ,DE NAS PO SON CHA'I ME TOG ,BTAGS PA SBRANG RTZIR BCAS PA YI, ,LDE GUS NU MA BYIS PA'I MCHU, ,BSKUS LA BYIS PA BDER SLON GZHUG ,MA MA RNON POS SLON DU GZHUG ,CES BYA BA LA, DE NAS DE'I 'OG
, ,TU PO SON CHA'I ME TOG ZHIB TU BTAGS NAS, SBRANG RTZI DANG MAR SBYAR ZHING BTAGS PA'I LDE GUS MA MA'I NU MA DANG, BYIS PA'I MCHUR BSKUS LA, TSUL DE LTA BUS BYIS PA BDE ZHING NYAM NGA BA MED PAR SLON DU BCUG NA, NU MA LHUNG PA'I MA MA NI SMAN RNON POS SKYUG TU GZHUG PAR BYA'O, ,DE NAS THUG SOGS RIM PAR SPYAD, ,GLA SGANG LA SOGS BSKOL BA BLUD, ,CES BYA BA LA, DE NAS DE'I 'OG TU MA MA THUG PA BLUD PA LA SOGS PA'I RIM PA SPYAD CING GLA SGANG LA SOGS PA'I SDE TSAN GYI NANG NAS BSHAD PA BLUD PAR BYA'O, ,DE BZHIN GO SNYOD RGYA SPOS DANG, ,THANG SHING DUG MO YUNGS BSKOL BLUD, ,CES BYA BA LA, DE BZHIN DU GO SNYOD LA SOGS PA DANG, BSKOL BA'I THUG PA LA SOGS PA MA MA LA BLUD PAR BYA'O, ,YANG NA GLA SGANG BONG NGA DKAR, ,SHU DAG TSA BA LNGA BSKOL BLUD, ,CES BYA BA LA, YANG NA GLA SGANG LA SOGS PA'I KHU BA MA MA DANG BYIS PA LA BLUD PAR BYA'O, ,NU ZHO NYES GSUM DRI MA CAN, ,DRI MNAM 'KHRU ZHING CHU DANG 'DRA, ,MKHREGS SHING SLA LA RGYUN BAR CHAD, ,LBU BA CAN DU 'KHRU BAR 'GYUR, ,BSHANG BA KHA DOG SNA TSOGS 'BYUNG, ,NA ZHING GCIN SER DKAR ZHING SKA, ,RIMS NAD SKOM DANG YI GA 'CHUS, ,SGREGS PA SKAM PO 'BYUNG ZHING SLAR, ,LUS NA YAN LAG RKYONG BA DANG, ,MKHUN ZHING 'DAR LA MGO 'KHOR DANG, ,SNA MIG KHAR NI SHU BA SOGS, ,NAD NI GZHAN DAG DE LAS 'BYUNG, ,'O MA'I BE'U SNABS ZHES BSHAD DE, ,GNOD BA'I NAD NI MI BZAD YIN, ,ZHES BYA BA LA, BUD MED KYI NU ZHO NYES PA GSUM CHAR GYIS GNOD PAR GYUR CING DRI MA CAN DU GYUR NAS, BYIS PA SHIN TU DRI MA MNAM PAR 'KHRUN, 'KHRU BA DE YANG CHU 'DRA BA LA SOGS PA'I MTSAN NYID CAN DU 'BYUNG BAR 'GYUR BA DANG, BSHANG BA KHA DOG SNA TSOGS SHING NA BAR GYUR BA DANG, GCIN YANG KHA DOG DKAR BA 'AM SER POR GYUR BA LA SKA BA DANG, DE BZHIN DU BYIS PA'I RIMS LA SOGS PA'I NAD DANG, 'DIR MA SMOS PA'I NAD GZHAN DAG KYANG 'DI LA 'BYUNG BAR 'GYUR TE, DE LTA BU'I NAD DE NI 'O MA'I NAD BE'U SNABS
SHE 'AM, 'O MA MA ZHU BA ZHES BYA'O, ,ZHES DRANG SRONG RNAMS KYIS BSHAD DE, DE NI BYIS PA RNAMS LA SHIN TU GNOD PA DANG, MI BZOD CING GSO BAR DKA' BA YIN NO, ,DE LA MA MA BYIS PA LA, ,SLON SMAN BTANG BAS MYUR DU GSO, ,ZHES BYA BA LA, DE LTA BU'I NAD DE LA NU MA LHUNG PA'I MA MA 'AM, MA DANG BU GNYIS KA SLON SMAN BTANG BAS MYUR BA KHO NAR GSO BAR BYA'O, ,THUG SOGS RIM PAR BSHAD PA NI, ,SHU DAG LA SOGS SDE TSAN NAM, ,SKYER PA SOGS PA 'AM BONG NGA DKAR, ,PA TA DANG NI PI PI LING, ,GLA SGANG PU TZE SHEL BSKOL BLUD; ,CES BYA BA LA, SNGAR THUG PA LA SOGS PA'I RIM PA BSHAD PA DAG TU SHU DAG LA SOGS PA'I SMAN GYI SDE TSAN DANG SBYAR BA DANG, DE'I KHU BA BLUD PAR BYA BA'AM, SKYER PA LA SOGS PA'I SDE TSAN NAM, YANG NA BONG NGA DKAR PO NAS PU TZE SHEL GYI BAR GYI SMAN BSKOL BA BLUD PAR BYA'O; ,PA THA BCA' SGA PU TZE SHEL, ,SLE TRES RTZA MKHRIS SHA RI BA, ,THANG SHING GLA SGANG MUR BA DANG, ,DUG MO YUNGS BCAS BSKOL BA BLUD, ,NU ZHO'I NYES PA SEL BA'I MCHOG ,CES BYA BA LA, YANG NA PA TA LA SOGS PA'I SMAN BSKOL BA BLUD NA YANG NU ZHO'I NYES PA SEL BA'I MCHOG YIN NO, ,RJES 'BREL NAD LA JI BZHIN DU, ,DUS SHES PA YIS GSO BAR BYA, ,ZHES BYA BA LA, 'O MA'I BE'U SNABS KYI NAD DE DANG RJES SU 'BREL CING RJES SU 'BRANG BA'I BLA BRNAN GYI NAD RNAMS LA YANG NAD KYI DMIGS JI LTA BA BZHIN DU, DUS SHES PA'I SMAN PAS GSO BA BRTZAM PAR BYA'O, ,SO 'BYUNG BA DAG NAD RNAMS NI, ,THAMS CAD KYI YANG RGYU YIN NO, ,MCHOG TU RIMS DANG 'KHRU BA YI, ,LUD PA SLON DANG MGO NAD DANG, ,BAD MIG 'DZAG PA'I NAD DANG NI, ,SHU BA RNAMS NI SKYED PAR BYED, ,CES BYA BA LA, BYIS PA'I SO 'BYUNG BA NI BYIS PA'I NAD THAMS CAD KYI RGYU DANG GNAS YIN NO, ,DE LAS KYANG KHYAD PAR DU RIMS LA SOGS PA'I NAD RNAMS SKYED PAR BYED PA'I RGYU YIN NO, ,BYI LA'I SGAL TSIGS BYE BA DANG, ,RMA BYA'I GTZUG NI 'BYUNG BA DANG, ,BYIS PA'I SO NI SKYE BA NA, ,MIN PA NI CUNG ZAD MED, ,
, ,CES BYA BA LA, BYI LA'I SGAL TSIGS BYE ZHING 'BUR BA'I DUS DANG, RMA BYA'I GTZUG GI COD PAN 'BYUNG BA'I DUS SU YAN LAG THAMS CAD BRDUNG ZHING NA BAR MI BYED PA CUNG ZAD KYANG MED DO, ,DE BZHIN DU BYIS PA'I SO SKYE BA NA YANG YAN LAG MIN BA CUNG ZAD KYANG MED KYI THAMS CAD NA BAR 'GYUR RO, ,DE LA NAD NI JI BZHIN DANG, ,NAD STOBS JI BZHIN 'JIGS JI BZHIN, ,YUL DANG DUS SOGS RNAM PHYE STE, ,SMAN GYI SBYOR BAS GSO BAR BYA, ,ZHES BYA BA LA, SO SKYE BA LAS BYUNG BA'I NAD DE LA NAD KYI TSUL JI LTA BA DANG, NAD GANG DANG GANG STOBS CHE BA'I SHAS JI LTA BA DANG, 'JIGS PA GANG DANG GANG LAS BYUNG BA JI LTA BA DE BZHIN DU YUL DANG DUS LA SOGS PA'I TSUL SHES PAR BYAS LA, SMAN GYI SBYOR BAS GSO BAR BYA'O, ,GNOD DANG GNOD BYA DE NYID DANG, ,RIMS SOGS NAD KYANG DE NYID 'BYUNG, ,DE BAS SMAN NI DE NYID DE, , GZHON SHA CAN DANG LUS CHUNG PHYIR, ,ZAS KUN BSTEN PAR MI BYED PAS, ,'DI YI TSAD NI CHUNG DU SBYIN, ,ZHES BYA BA LA, BYIS PA'I GNOD PA DE NYID DE RLUNG DANG MKHRIS PA DANG BAD KAN DE NYID DANG, DANGS MA LA SOGS PA'I LUS ZUNGS BDUN PO'I GNOD BYA DE NYID DANG, RIMS LA SOGS PA'I NAD KYANG SNGAR LUS SPYI'I GSO BAR BSTAN PA DE NYID 'BYUNG BAR 'GYUR RO, ,DE BAS NA SMAN YANG RIMS LA SOGS PA'I SKABS DE DAG TU SMOS PA DE NYID KYIS GSO BAR BYA'O, ,'ON KYANG BYIS PA'I SKABS SU KHYAD PAR 'DI YOD DE, BYIS PA NI GZHON SHA CAN KHUL ZHO BA YIN PA'I PHYIR DANG LUS CHUNG BA'I PHYIR DANG, ZAS THAMS CAD LA RTEN PAR MI BYED PA'I PHYIR 'DI LA SMAN GYI TSAD CHUNG DU SBYIN PAR BYA'O, ,MAR DANG 'O MA LA BRTEN PAS, ,BYIS PA RTAG PAR KHONG SNUM YIN, ,DE BAS 'PHRAL DU SKYUG SMAN NI, ,'JAM PO BLO DANG LDAN PAS BLUD, ,CES BYA BA LA, BYIS PA NI DUS RTAG TU MAR DANG, 'O MA LA BRTEN CING DES 'TSO BA YIN PAS, RTAG PAR KHONG SNUM PA YIN LA, DE BAS NA BYIS PA DE LA NI 'PHRAL DU DE'I MOD LA SKYUG SMAN 'JAM PO SMAN PA BLO DANG LDAN PAS BLUD BAR BYA'O, ,'O MA 'O MA ZAS BRTEN LA, ,NU ZHO NGOMS PAR BYAS PAS SLON, ,
ZHES BYA BA LA, BYIS PA 'O MA LA BRTEN PA DANG, 'O MA DANG ZAS GNYIS KA LA BRTEN PA DAG LA NI NU ZHO NGOMS PAR BYAS NAS SLON DU GZHUG GO, ,ZAS ZA BA LA MAR BCAS PA'I, ,THUG PA SLA BA BLUD PAR BYA, ,ZHES BYA BA LA, ZAS 'BA' ZHIG GIS GSO BA'I BYIS PA NI THUG PA SLA BA RKYANG RKYANG PO BLUD PAS SLON PAR BYA'O, ,BKRU SMAN GYIS GSO MAS GTONG DANG, ,TSAD CHUNG TSAD PHRAN DAG GIS BYA, ,ZHES BYA BA LA, BYIS PA BKRU SMAN GYIS GSO BAR BYA BA'I NAD YOD PA LA NI BKRU SMAN MAS GTONG BAS GSO BAR BYA'O, ,SNA SMAN TSAD CHUNG DU BTANG BA'I NAD YOD PA LA NI CHAD PHRAN DAG GTANG BAR BYA'O, ,BKRU SMAN LA SOGS JI SKAD BSHAD, ,MA MA NYID LA GTANG BAR BYA, ,ZHES BYA BA LA, MA MA 'AM MA LA NI BKRU SMAN LA SOGS PA JI SKAD DU SMOS PA'I SBYOR BA THAMS CAD SBYAR BAR BYA STE, DE LA BYIS PA LA NI BKRU SMAN RNAM PA THAMS CAD DU BTANG DU MI RUNG NGO, ,MUR BA RGYA SHUG TSA BA GSUM, ,'BRAS BU GSUM DANG 'DZAM BU'I SHUN, ,THANG SHING PA TA YUNGS KAR BCAS, ,SBRANG RTZIR SBYAR BA'I LDE GU SBYIN, ,NU ZHO'I NYES PA SEL MCHOG YIN, ,ZHES BYA BA LA, MUR BA LA SOGS PA'I SMAN SBRANG RTZI DANG BTAGS PA'I LDE GU NI NU ZHO'I, NYES PA SEL BA'I MCHOG YIN NO, ,PI PI LING DANG SKYU RU RA, ,DA TA KA YI ME TOG GI ,PHYE MA SBRANG RTZIR BCAS PA YI, ,LDE GUS RNYIL NI BYUG PAR BYA, ,ZHES BYA BA LA, PI PI LING GI PHYE MA SBRANG RTZI DANG SBYAR BA'I LDE GUS RNYIL BSKU BAR BYA BA 'AM, YANG NA SKYU RU RA DANG, DA TA KA'I ME TOG GI PHYE MA DANG, SBRANG RTZIR SBAR BAS RNYIL BSKU BAR BYA'O, ,'UR BYA SREG PA'I SHA SKAM GYI, ,PHYE MA SBRANG RTZIS SBRUS PA YIS, ,BYIS PA'I SO YI MYU GU NI, ,MYUR DU SKYED PAR BYED PA YIN, ,ZHES BYA BA LA, 'UR BYA ZHES BYA BA BYA LA BA DANG, SREG PA'I SHA SKAM GYI PHYE MA SBRANG RTZIS SBRUS PA BSKUS NA BYIS PA'I SO'I MYU GU MYUR DU SKYED PAR BYED DO, ,SHU DAG BRI HA TI GNYIS DANG, ,PA TA GLA SGANG PU CE [?] SHEL, ,BONG NGA MNGAR BA'I SMAN SDE DAG ,BSKOL BA'I SMAN GYIS SO SKYED GRUB, ,CES BYA BA LA, SHU DAG LA SOGS PA'I SMAN DANG, DE BZHIN DU RGUN 'BRU LA SOGS PA
, ,MNGAR BA'I SMAN GYI SDE TSAN DANG BSKOL BA'I MAR GYIS BSKUS NA, SO MYUR DU SKYED PA DE MNGON DU GRUB PAS YID CHES PA YIN NO, ,SKYER PA THANG SHING SA RA LA, ,BRI HA TI GNYIS NYE SHING PA, ,KRishnA PARnI SHRI YA SE, ,SBRANG RTZI MAR SBYAR LDE GU NI, ,PHO BA'I DROD SKYED PA'I MCHOG ,RLUNG NI BDE BAR RGYU BAR BYED, ,'KHRU BA RIMS DANG DBUGS MI BDE, ,MIG SER SKYA RBAB LUD PA 'JOMS, ,BYIS PA'I NAD NI THAMS CAD LA, ,PHAN ZHING MDOG DANG NYAMS STOBS SKYED, ,CES BYA BA LA, SA RA NI TZI ZHES BYA BA'I SHING NGO, ,BRI HA TI GNYIS NI BRI HA TI DANG KAndA K'A RI'O, ,SHRI YA SE NI HA TI PI PI LING NGO, ,GZHAN DAG NI GRAGS PAR ZAD DO, ,SMAN DE DAG BTAGS PA'I PHYE MA SBRANG RTZI DANG MAR DANG SBYAR BA'I LDE GU NI PHO BA'I DROD BSKYED PA LA SOGS PA'I YON TAN DANG LDAN PAS NAD THAMS CAD LA PHAN ZHING LUS KYI MDOG DANG NYAMS STOBS SKYED PAR BYED PA YIN NO, ,BTZOD DANG SING PHROM DA TA KI ,KU TAN NA TA BA LA GNYIS, ,SA HA CHE CHUNG GNYIS DANG NI, ,MUD GA BIL BA GZHON NU RNAMS, ,RAS BAL SA BON BCAS PA DAG ,CHU BSKOL BA DANG MAR DANG NI, ,THAL SMAN ZHO GA CHUR BSKOL BAS, ,SO SKYES LAS BYUNG SNA TSOGS NAD, ,'DI YIS MYUR DU 'JOMS BYED DO, ,'OD SRUNGS RGAN POS BSHAD PA YIN, ,ZHES BYA BA LA, BTZOD LA SOGS PA'I SMAN CHU DANG, BSKOL BA'I SMAN GYI KHU BA DANG, MAR DANG, THAL SMAN DANG, ZHOG CHUR SBYAR TE BSKOL BAS NI SO SKYES PA LAS BYUNG BA'I NAD SNA TSOGS 'DIS SEL BAR BYED DO, ,SBYOR BA 'DI NI 'OD SRUNGS RGAN PO ZHES BYA BA'I DRANG SRONG GIS BSHAD PA YIN NO, ,BYIS PA SO SKYE'I NAD LA NI, ,SNGAGS KYIS MNGON BAR GDAB MI BYA, ,SO SKYES PA YI NAD GANG YIN, ,GSO BAS RANG NYID NYER ZHING 'GYUR, ,ZHES BYA BA LA, , BYIS PA SO SKYE BA'I NAD LA SNGAGS KYIS GDAB PAR MI BYA STE, SO SKYES PA'I NAD GANG YIN PA DE NI GSO BA DE DAG BYAS PAS RANG NYID NYE BAR ZHI BAR 'GYUR BAS SNGAGS GDAB MI DGOS SO, ,NYIN PAR GNYID DRAGS CHU GRANG DANG, ,NU ZHO BAD KAN CAN BRTEN PAS, ,BYIS PA'I DANGS MA RGYU
BA YI, ,RTZA RGYUN BAD KAN GYIS BKAG PAS, ,YIG 'CHUS DANG CHAM PA DANG, ,RIMS DANG LUD PA 'BYUNG BAR 'GYUR, ,DE NAS BYIS PA LUS BSKAMS SHING, ,GDONG SNUM MIG NI DKAR BAR 'GYUR, ,ZHES BYA BA LA, NYIN PAR GNYID LOG DRAGS PA LA BRTEN PAS DANGS MA RGYU BA'I RTZA SBUBS 'GAGS PA LA SOGS PA'I PHYIR YI GA 'CHUS PA LA SOGS PA'I NAD BYUNG LA, DES NA BYIS PA LUS SKAMS PAR 'GYUR RO, ,RGYAM TSA TSA GSUM SHA RANG GA ,PA THA GI RI KA DAM PA, ,MAR DANG SBRANG RTZI SBYAR SKAMS DANG, ,YIG 'CHUS PA SOGS LA GTANG, ,ZHES BYA BA LA, BYIS PA LUS SKAMS SHING YI GA 'CHUS PA LA SOGS PA LA RGYAM TSA LA SOGS PA'I SMAN GTANG BAR BYA'O, ,PU TZE SHEL DANG AA SHO KA ,TSA BA LNGAR BCAS PHYE MA PHAN, ,ZHES BYA BA LA, YANG NA PU TZE SHEL DANG AA SHO KA DANG TSAB LNGA'I PHYE MA SBRANG RTZI DANG, MAR DANG SBYAR BA YANG BYIS PA'I YI GA 'CHUS PA LA SOGS PA'I NAD LA PHAN NO, ,DA TA KI DANG SKYU RUR, ,RGYA SHUG PHYE MA MAR BCAS PHAN, ,ZHES BYA BA LA, YANG NA DA TA KI LA SOGS PA'I PHYE MA DANG, MAR DANG SBRANG RTZI DANG SBYAR BA YANG BYIS PA SKEM ZHING YI GA 'CHUS PA LA SOGS PA LA PHAN NO, ,SA LA PARnI SHU DAG DANG, ,BRI HA TI GNYIS RAM NYE BA, ,PI PI LING DANG RGYA SPOS DANG, ,LCANG MA AUTPA LA PA SBRU BA, ,GA BRA'I RTZA BA GLA SGANG RNAMS, ,SRANG RE YI NI TSAD BYAS PA, ,MAR NI BRE GANG BCAS BSKOL BA, ,RTZA RGYUN SBYONG BA'I DAM PA YIN, ,ZHES BYA BA LA, SA LA PARnI LA SOGS PA'I SMAN SNA RE RE SRANG RE MAR BRE GANG GI NANG DU BSKOL BA BLUD NA YANG RTZA RGYUN BAD KAN GYIS 'GAGS PA SBYONG BAR BYED PA YIN NO, ,AA SHVA GANDHA BYE'U RUG PA, ,BRI HA TI DANG PI PI LING, ,BSKOL BA'ANG YON TAN DE DANG 'DRA, ,ZHES BYA BA LA, AA SHVA GANDHA LA SOGS PA'I SMAN DANG BSKOL BA'I MAR BLUD NA YANG YON TAN SNGA MA DANG 'DRA STE, RTZA RGYUD SBYONG BAR BYED PA YIN NO, ,SHING MNGAR SENG PHROM PI PI LING, ,SHUGVA PA TZANDAN AUTPAL, ,BAL BU'I LO MA SHA RI BA, ,BSKOL BA'I MAR GYIS SKEM PA YI, ,NAD NI 'JOMS PAR BYED PA YIN, ,ZHES BYA BA LA, SHING MNGAR LA SOGS PA DANG, BSKOL BA'I MAR GYIS KYANG
, ,BYIS PA'I SKEM PA'I NAD SEL BAR BYED PA YIN NO, ,SHRING GI MA TU LUNG GA DANG, ,GA BRA'I RTZAB PI PI LING, ,THANG SHING AA SHVA GANDHA DANG, ,RAM NYE BA GNYIS RA SNA DANG, ,ZANGS RTZI BA DANG DZI BA KA ,MA SHA MUD GA PARnI DANG, ,BYI DANG GA YI LDE GUR BYAS, ,RI BONG MGO BSKOL KHU BA DANG, ,BSKOL BA'I MAR NI BLUD GYUR NA, ,LUS SKEM RGYAS PAR BYED PA'I MCHOG ,CES BYA BA LA, KAR KA TA SHRING GI DANG MA DU LUNG GA LA SOGS PA'I SMAN GYI LDE GU DANG, RI BONG GI MGO BO BSKOL BA'I KHU BA DANG, LHAN CIG BSKOL BA'I MAR GYIS NI BYIS PA'I LUS SKEM PAR GYUR PA MCHOG TU BRTAS PAR BYED PA YIN NO, ,SHU DAG SLE TRES KA YASTHA, ,RGYA SPOS TZA RONG RA THUG GCIN, ,CHANG BSKOL TIL MAR 'THUNGS PA PHAN, ,ZHES BYA BA LA, SHU DAG LA SOGS PA DANG, TIL MAR BSKOL BA YANG LUS SKEM PA LA PHAN NO, ,RGYA SKYEGS KHU BA CHA MNYAM DANG, ,TIL MAR BRE GANG ZHOG CHU, ,BZHI 'GYUR AA SHVA GANDHA DANG, ,SKYER BA THANG SHING RU RTA DANG, ,HA RE nU KA BA TA LA, ,TZANDAN MUR BA PU TZE SHEL, ,RA SNA NYE'U SHING SHING MNGAR MNYAM, ,BSKOL BA'I TIL MAR RGYA SKYEGS SOGS, , ZHES BYA BSKUS NA PHAN PAR 'GYUR, ,STOBS SKYED RIMS DANG ZAD BYED DANG, ,SMYO BYED BRJED BYED DBUGS MI BDE, ,RLUNG GI NAD RNAMS SEL BAR BYED, ,GNOD SBYIN SRIN PO 'BYUNG PO 'JOMS, ,SBRUM MA LA YANG BSNGAGS PA YIN, ,ZHES BYA BA LA, RGYA SKYEGS KYI KHU BA BRE GANG DANG; ZHO GA CHU BRE BZHI DANG, AA SHVA GANDHA LA SOGS PA SMAN CHA MNYAM PAR BYAS PA DANG, BSKOL BA'I TIL MAR NI RGYA SKYEGS LA SOGS PA'I TIL MAR ZHES BYA STE, DE BSKUS NA YANG LUS SKEMS PA LA PHAN ZHING RGYAS PAR 'GYUR BA DANG, STOBS SKYED PA LA SOGS PA'I YON TAN DANG LDAN PA YIN NO, ,BONG DKAR KA TA SRING GI ,PI PI LING DANG SBRANG RTZIR SBYAR, ,LDE GU BYIS PA LA SBYIN PA, ,ZHES BYA BA LA, BONG NGA DANG KAR KA TA SHRING GI LA SOGS PA SBYAR BA'I LDE GU SBYIN NA YANG PHAN NO, ,BONG NGA DKAR PO GCIG PU YI, ,LDE GUS LUD PA RIMS
SLON BRO, ,BLA BRNAN GYI NAD SEL BYED, ,CES BYA BA LA, YANG NA BONG NGA DKAR PO GCIG PU SBRANG RTZI DANG SBYAR BA'I LDE GUS KYANG LUD PA DANG RIMS LA SOGS PA'I NAD SEL BAR BYED DO, ,NU ZHO 'THUNG ZHING SLON PA LA, ,DE LA ZHUN MAR SBRANG RTZI DANG, ,KAndA K'A RI BRI HA TI, ,'BRAS BU'I KHU BA TSA BA LNGA, ,SBYAR BA'I LDE GU SBYIN PAR BYA, ,ZHES BYA BA LA, BYIS PA GANG MA'I NU ZHO 'THUNGS SHING SLON PAR GYUR PA DE LA NI, MAR DANG SBRANG RTZI DANG, KAndA KA RI DANG, BRI HA TI'I 'BRAS BU'I KHU BA DANG, TSA BA LNGA'I PHYE MA DANG SBYAR BA'I LDE GU SBYIN PAR BYA'O, ,PI PI LING DANG LAN TSVA LNGA; ,BA RIB TRA BYI DANG GA ,DE BZHIN LDE GUR BCAS PA SBYIN, ,ZHES BYA BA LA, PI PI LING DANG, LAN TSVA LNGA DANG, BA RI PA TRA DANG, BYI DANG GA'I PHYE MA SBRANG RTZI DANG SBYAR BA'I LDE GU SBYIN NA YANG SLON PA'I NAD LA PHAN NO, ,DE BZHIN TSA BA GSUM REG 'JAM, ,SHA RI DA TA RMA BYA SRAM, JI SNYED PAGS PA SPU BSREGS LA, ,SNAG TSA SBRANG RTZI MAR SBYAR PHAN, ,ZHES BYA BA LA, YANG DE BZHIN DU TSA BA GSUM DANG, BYA REG 'JAM LA SOGS PA JI SNYED PA'I PAGS PA DANG, SPU BSREGS TE SNAG TSAR BCAS PA MAR DANG SBRANG RTZIR SBYAR BA'I LDE GU BYIS PA LA BYIN NA YANG NAD DE LA PHAN NO; ;SENG LDENG BAL BU AA RDZUN, ,RU RTA TVA TA NA'I KHU BA, ,'O MA MAR DANG BCAS BSKOL BAS, ,SLON BRO NYE BAR SEL BAR BYED, ,CES BYA BA LA, SENG LDENG LA SOGS PA 'O MA DANG MAR BCAS PA BSKOL BA BLUD NA YANG SLON BRO BA SEL BAR BYED DO, ,GANG ZHIG SO DANG BCAS SKYES DANG, ,GANG GI DANG POR YA SO SKYES, ,BKRA MI SHIS PA DE LA NI, ,ZHI BA BYA ZHING BRAM ZE LA, ,YON DANG BCAS PA SBYIN PAR BYA, ,DE BZHIN SKEM BYED MCHOD PAR BYA, ,ZHES BYA BA LA, BYIS PA GANG MA'I KHONG NAS SO DANG BCAS PAR SKYES PA DANG, YANG BYIS PA GANG YA SO DANG POR SKYES PA'I BKRA MI SHIS PA'I GNOD PA CAN DE LA NI ZHI BA'I SBYIN SREG BYA BA DANG, DGE SBYONG DANG BRAM ZE LA BYIS PA DE YON DANG BCAS PA SBYIN PAR BYA BA DANG, DE BZHIN DU GZHON NU SKEM BYED MCHOD PAR BYA'O, ,BAD KAN 'KHRUGS PAS RKAN GYI SHAR, ,RKAN GYI MDZER PA ZHES BYA STE, ,
, ,DES NA RKAN GYI PHYOGS KYI NI, ,SPYI BO DMA' BAR 'BYUNG BAR 'GYUR, ,RKAN LHUNG NU ZHO 'GRAS PA DANG, ,SKA BA 'THUNGS SHING BSHANG BA SLA, ,SKOM DAD KHA G-YA' MIG NA ZHING, ,GNYA' BA 'DEGS DKA' SLON PAR 'GYUR, ,ZHES BYA BA LA, BAD KAN 'KHRUGS PAS RKAN GYI SHAR RKAN GYI MDZER PA ZHES BYA BA'I NAD SKYE BAR 'GYUR RO, ,RKAN GYI MDZER PA DES RKAN KYI PHYOGS KYI SPYI BOR DMA' ZHING LCONG BAR 'GYUR LA, DE BZHIN DU RKAN LHUNG ZHING BABS PA DANG, NU ZHO DANG 'GRAS SHING 'THUNG BAR MI DGA' BA DANG, DKA' ZHING SDUG BSNGAL BAS 'JIGS PA LA SOGS PAR 'GYUR RO, ,DE LA RKAN BTEG NAS TSIG 'KHUS, ,THAL BA SBRANG RTZIR SBYAR BA BSKU, ,YANG NA BCA' SGA PI PI LING, ,BA GLANG LCI KHU LAN TSVA BSKU, ,ZHES BYA BA LA, RKAN DU MDZER BA BYUNG BA DE LA BTEG NAS, NAS TSIG 'KHUS PA'I THAL BA DANG, SBRANG RTZIR BCAS PA'I LDE GUS BSKU BAR BYA BA 'AM, YANG NA BCA' SGA LA SOGS PA'I SMAN SBRANG RTZI DANG SBYAR BA'I LDE GUS BSKU BAR BYA'O, ,DONG GRA SKYER PA SHING TSA YI, ,LDE GU N+YA GRO DHA'I LO MAR, ,GTUMS LA BA LANG LCIBS BYUGS, ,DE RJES ME MA MUR LA BSREGS, ,KHU BAS RKAN DANG KHA BSKU ZHING, ,MIG TU YANG NI BLUGS PAR BYA, ,ZHES BYA BA LA, DONG GRA DANG SKYER PA DANG, SHING TSA LDE GUR BYAS PA N+YA GRO DHA'I LO MAR GTUMS LA, DE'I 'OG TU BA LANG GI LCI BAS PHYI ROL NAS BSKUS LA, DE'I 'OG TU ME MA MUR GYI MDAG MER BSREGS LA, TSOS PA DANG KHU BA BTZIR TE BYIS PA DE'I RKAN DANG, KHA'I PHYOGS BSKU ZHING, MIG TU SMAN GYI THIGS PA BLUGS PAR BYA'O, ,RU RTA SHU DAG AA RU RA, ,SBRANG RTZIR BCAS PA'I LDE GU NI, ,NU ZHOR SBYAR BAS BYIS BA BLUD, ,RKAN GYI MDZER PA LAS THAR 'GYUR, ,ZHES BYA BA LA, RU RTA LA SOGS PA'I LDE GU DANG NU ZHO DANG LHAN CIG BLUD NA YANG RKAN GYI MDZER PA'I NAD LAS THAR PAR 'GYUR RO, ,DRI MAS GOS SAM RDUL BA LAS, ,GZHANG KHAR BAD KAN KHRAG LAS BYUNG, ,RMA NI NANG DMAR G-YA' BA DANG, ,BLA BRNAN MANG PO 'BYUNG BAR 'GYUR, ,LA LAS MA MO'I NYES PAR BSHAD, ,GZHAN DAG LUS SRUL POS BYAS ZER, ,RGYAB KYI THOR BU GZHANG [?]
BSDEBS ZER, ,LA LAS DE MING MED CES BSHAD, ,CES BYA BA LA, BSHANG BA ZHES BYA BA'I DRI MAS GOS PA DANG, LAN 'GA' RDUL BAR GYUR PA LAS BAD KAN KHRAG LAS GYUR PA'I RMAN NGAN DMAR ZHING G-YA' BA DANG BCAS PA DANG, BLA BRNAN MANG PO DANG LDAN PAR 'BYUNG BAR 'GYUR LA, RMA DE LA NI LA LAS NI MA MO'I GDON GYIS NYEN PA LAS BYUNG BA YIN PAR BSHAD LA, DE BZHIN DU GZHAN DAG NI LUS SRUL PO'I GDON GYIS NYEN PA BYAS ZER, LA LAS NI RGYAB KYI THOR BU ZHES BYA BA YIN ZER LA, GZHAN DAG NI GZHANG BSDEBS PA ZHES BYA BA YIN NO, ,ZHES ZER BA'O, ,LA LAS NI NAD DE MING MED CES BYA'O, ,ZHES ZER RO, ,DE LAM MA BAD MKHRIS DAG ,SEL BA'I SMAN GYIS NU ZHO SBYANG, ,ZHES BYA BA LA, MING DU MA DANG LDAN PA'I NAD DE LA NI MA MA'I MKHRIS PA DANG, BAD KAN SEL BAR BYED PA'I SMAN GYIS DE'I NU ZHO SBYANG ZHING NYES PA MED PAR BYA'O; ;TZANDAN DKAR CHU BSIL BA DANG, ,LDAN PA'I SKOM NI NANG NAS BLUD, ,CES BYA BA LA, MA MA DE LA TZANDAN DKAR PO CHU BSIL BA DANG SBYAR BA'I SKOM MAM [?] DANG BYIS PA LA BLUD PAR BYA'O, ,DE DANG SKYER BA'I KHAndA NI, ,SBRANG RTZIR BCAS PAS RMA BSKU BYA, ,ZHES BYA BA LA, TZANDAN DKAR PO DANG SKYER PA'I KHAndA SBRANG RTZI DANG BCAS PA'I LDE GUS RMA BSKU BAR BYA'O, ,RGYA SHUG 'BRAS BU GSUM PLAG SHA'I, ,SHUN PA BSKOL BA'I CHU BLUGS BYA, ,NAG TSUR GI WAm SPANGS MA DANG, ,DNGUL RDO BA BLA LDONG ROS NI, ,SKYUR DANG BTAGS PAS BSKU BYA ZHING, ,ZHES BYA BA LA, RGYA SHUG LA SOGS PA BSKOL BA'I KHU BAS RMA DE LA BLUGS PAR BYA BA 'AM, NAG TSUR LA SOGS PA'I SMAN KHU BA SKYUR PO DANG, SBYAR BA'I LDE GUS RMA BSKU BAR BYA'O, ,YANG NA SHING MNGAR SKYER KHAndA, ,DUNG NI ZHIB TU BTAGS PA'AM, ,DUNG GI LTE BA SHA RI BA 'AM, ,AA SA NA YI SHUN PA NI, , PHYE MAR BTAGS PAS GDAB PAR BYA, ,ZHES BYA BA LA, YANG NA RMA DE SHING MNGAR LA SOGS PA ZHIB TU BTAGS PA'I PHYE MA GDAB PAR BYA BA 'AM, YANG NA DUNG GI LTE BA DANG, SHA RI BA ZHES BYA BA THAL TRES KYI PHYE MAS GDAB PAR BYA BA'AM, YANG NA AA SA NA'I SHUN PA PHYE MAR ZHIB TU BTAGS
, ,NAS GDAB PAR BYA'O, ,DMAR ZHING G-YA' BA'I SHAS CHE LA, ,SRIN BU PAD PAS KHRAG DBYUNG BYA, ,ZHES BYA BA LA, GZHANG BSDEBS PA'I NAD DE MDOG DMAR ZHING, G-YA' BA'I SHAS CHE BAR GYUR PA NI SRIN BU BAD PAS KHRAG DBYUNG BAR BYA'O, ,GZHANG BSDEBS NAD LA MKHRIS PA YI, ,RMA LA PHAN PA THAMS CAD BSNGAGS, ,ZHES BYA BA LA, GZHANG BSDEBS PA ZHES BYA BA'I NAD LA MKHRIS PA'I RMA LA PHAN PA'I ZAS DANG, SKOM DANG, SMAN THAMS CAD PHAN NO, ,PA THA GLA SGANG SER PO GNYIS, ,GA BRA'I RTZA BA BYI DANG GA ,PURnA RNA BAR BIL BAR BCAS, ,BRISHTZI KA LI TSA BA GSUM, ,MAR BCAS BSKOL BA TSAD TZAM BLDAG ,SA ZOS NAD LAS THAR BAR 'GYUR, ,ZHES BYA BA LA, PA THA LA SOGS PA SMAN BSKOL BA'I KHU BA MAR DANG BSKOL BA TSAD TZAM BYIS PAS BLDAGS SHING ZOS NA SA ZOS PA LA SOGS PA'I NAD LAS THAR BAR 'GYUR RO, ,NAD NI GANG GI SMAN GANG YIN, ,DE YIS NU MA BSKUS NAS NI, ,YUD TZAM 'DUG LA DE RJES BKRU, ,BLUD NA NAD NI DE DES SEL, ,ZHES BYA BA LA, RIMS LA SOGS PA'I SMAN GANG DAG YIN BAR BSHAD PA'I SMAN DES NAD GZHI JI LTA BA DANG SBYAR TE BSKUS NAS YUD TZAM STE, CHU TSOD GNYIS 'DAS KYI BAR DU BSDAD LA, DE'I RJES LA NU MA BKRUS TE, BYIS PA LA NU ZHO BLUD NA RIMS LA SOGS PA'I NAD DE SMAN DES 'JOMS PAR 'GYUR RO, ,YAN LAG BRGYAD PA'I SNYING PO'I RNAM PAR 'GREL PA, TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, GNAS PHYI MA'I LE'U GNYIS PA'I 'GREL PA'O,, ,,DE NAS BYIS PA'I GDON GSO BA BSHAD PAR BYA'O, ,ZHES BYA BA LA, LE'U SNGA MAR, TSUL MIN SKRAG PAR MI BYA STE, ,SKRAG NA GDON NI 'JUG PAR 'GYUR, ,ZHES BSHAD PA'I RIM PAS BYIS PA'I GDON GSO BA BSTAN PAR BYA BA'I PHYIR LE'U 'DI BRTZAMS PA YIN NO, ,SNGON GYI SKEM BYED BSRUNG BA'I PHYIR, ,GDON NI SKYES PA'I GZUGS CAN LNGA, ,BUD MED KYI NI GZUGS CAN BDUN, ,LHA CHEN PO YI SPRUL PA YIN, ,ZHES BYA BA LA, SNGON GYI DUS
SU LHA CHEN PO'I BU SKEM BYED CES BYA BA GZHON NU GDONG DRUG PA RIMS LAS BSRUNG BA'I PHYIR, GDON SKYES PA'I GZUGS CAN LNGA DANG BUD MED KYI GZUGS CAN BDUN LHA CHEN PO NYID KYIS BSKYED PA YIN NO, ,SKEM BYED SA GA LUG THUG GDONG, ,KHYI GDONG YI DAGS ZHES BYA DANG, ,ZHES BYA BA LA; SKEM BYED KYI GDON LA SOGS PA LNGA NI SKYES PA'I GZUGS CAN YIN PAR SHES PAR BYA'O, ,BYA GDON SRUL MO GRANG BA YI, ,SRUL MO LONG MA LUS SRUL MO, ,DE BZHIN BZHIN GYI RGYAN CAN MA, ,NAM GRU NAM GRU SKEM MO YIN, ,ZHES BYA BA LA, BYA'I GDON LA SOGS PA'I GDON BDUN PO NI; BUD MED KYI GZUGS CAN YIN NO, ,DE RNAMS KYIS NI GZUNG BA'I TSUL, ,RTAG TU DU DANG RIMS KYIS 'DEBS, ,ZHES BYA BA LA, GDON DE RNAMS KYIS DANG PO GZUD ZHING 'JUG PA'I TSUL LAM RTAGS NI RTAG PAR RGYUN DU DU BA DANG, RIMS KYIS 'DEBS PAR BYED PA YIN NO, ,SPYI'I TSUL SKRAG DANG GLAL BA DANG, ,SMIN MA 'DEGS SHING RMYA BA DANG, ,DBU BA SLON ZHING GYEN DU BLTA, ,MA MCHU SOS 'DEBS GNYID YAR DANG, ,DU ZHING MKHUN LA NU ZHO LA, ,MI DGA' SKAD NI 'GYUR BA DANG, ,GLO BUR DU NI SEN MO YIS, ,RANG GI MA MA'I YAN LAG 'BRAD, ,CES BYA BA LA, GDON DE RNAMS KYI SPYI'I RTAGS NI, SKRAG CING 'JIGS PA DANG GLAL BA LA SOGS PA NAS RANG GI MA MA 'AM MA LA RGYU MED PAR YAN LAG THAMS CAD SEN MOS 'BRAD CING GNOD PAR BYED PA'I BAR YIN NO, ,DE LA SKEM BYED KYIS ZAN RTAGS, , MIG GCIG MCHI MA 'DZAG PA DANG, ,YANG DANG YANG DU MGO BO RDEB, ,PHYOGS GCIG NYAMS SHING LUS RENGS LA, ,RDUL BCAS SKYE BA RENGS PA DANG, ,SO 'CHA' NU ZHO LA MI DGA', ,SDANGS SHING NGU LA SKAD GSANG NYAMS, ,KHA YO KHA CHU SKYUG PA DANG, ,MI BZAD PAR NI GYEN DU BLTA, ,TSIL KHRAG DRI BRO YID MI DGA', ,BSHANG BA KHU TSUR LA BCANGS SHING, ,MKHUR TSOS MIG DANG SMIN MA GCIG ,G-YO ZHING MIG NI GNYIS KA DMAR, ,DES NI YAN LAG NYES NYAMS SAM, ,'CHI BA KHO NAR BYAD PAR 'GYUR, ,ZHES BYA BA LA, DE LA
, ,GDON DE RNAMS KYI NANG NAS SKEM BYED CES BYA BA'I GDON GYIS ZIN CING NYEN BA'I RTAGS NI BYIS PA'I MIG GCIG NAS MCHI MA 'DZAG PA DANG, SKAD CIG MA RE RE ZHING YANG DANG YANG DU MGO PO BRDEGS SHING BSKYOD PA DANG, ,LUS KYI GZHOGS PHYED NYAMS SHING MA RUNGS PA DANG, LUS SHING LTAR RENGS PA DANG, RDUL 'BYUNG BA DANG, SKE BA GNYE'U RENGS KYIS BTAB PA LA SOGS PA DANG, TSIL DANG KHRAG DRI MI ZHIM PA DANG, YID MI DGA' ZHING LTO BA LTAR GNAS PA DANG, BSHAD BA KHU TSUR GYI NANG DU BCANGS PA DANG, MKHUR TSOS DANG KHA YO BAR GNAS PA LA SOGS PA YIN TE, DES NI YAN LAG NYAMS SHING MI TSANG BAR 'GYUR BA'AM, 'CHI BA KHO NAR 'GYUR RO, ,SKEM BYED BRJED BYED MTSAN MA NI, ,DRAN PA NYAMS SHING YANG DANG YANG, ,SKRA 'BAL SKE BA 'GUGS PA DANG, ,RNAM PAR 'DUD CING GLAL BZHIN DU, , BSHANG DANG GCI BA 'BYIN PAR BYED, ,LBU BAR SKYUG CING GYEN DU BLTA, ,RKANG LAG SMIN MAS GAR YANG BYED, ,NU MA RANG LCE SO YIS 'DEBS, ,KUN TU G-YO ZHING GNYID YAR RIMS, ,KHRAG NI RNAG GI DRI BRO'O, ,ZHES BYA BA LA, SKEM BYED BRJED BYED CES BYA BA GDON SA GAS BZUNG BA'I MTSAN MA NI BYIS PA'I DRAN PA NYAMS SHING BRGYAL BA LA SOGS PA DANG, LUS RNAM PAR 'GUGS SHING BTUD NAS GLAL BZHIN DU BSHANG BA DANG, GCI BA 'BYIN PAR BYED PA LA SOGS PA YIN NO, ,LUG THUG GDONG GIS RTAGS KYI NAD, ,SBO ZHING RKANG PA LAG PA DAG ,'DAR ZHING LBU BAR SKYUG PA DANG, ,SKOM DAD CHE 'KHRU CHANG PA SDOM, ,SKAD GSANG DMA' ZHING MDOG MI SDUG ,MKHUN ZHING SLON PAR BYED PA DANG, ,LUD PA SKYIGS BUS 'DEBS GNYID YAR, ,SO YIS MCHU GNON YAN LAG SDUD, ,RENGS SHING LUG THUG DRI BRO LA, ,GYEN DU LTA ZHING DGOD PA DANG, , BAR DU 'GUGS SHING RIMS KYIS 'DEBS, ,BRGYAL ZHING MIG GCIG SKRANGS PA YIN, ,ZHES BYA BA LA, LUG THUG GI GDONG ZHES BYA BAS ZIN PA'I RTAGS NI BYIS PA LTO SBO BA LA SOGS PA'I NAD KYIS 'DEBS PA DANG, LUS KYI BAR DU GUGS SHING SGUR POR BYED PA LA SOGS PA YIN NO, ,
KHYI YI GDONG GI RTAGS GYUR PA, ,'DAR ZHING BA SPU LDANG BA DANG, ,RDUL ZHING MIG NI 'DZUMS PA DANG, ,RGYAB TU GUG CING LCE DANG SO, ,MCHU DANG RKAN SGRA 'BYIN ZHING SKYUG ,BSHAD BA'I DRI 'BYUNG KHYI SKAD 'DON, ,ZHES BYA BA LA, KHYI'I GDONG GI RTAGS NI BYIS PA LUS 'DAR BA LA SOGS PA NAS KHYI'I SKAD 'BYIN PA'I BAR YIN NO, ,YI DAGS KYI NI GDON GYI RTAGS, ,BA SBU LDANG ZHING YANG YANG SDANG, ,GLO BUR DU ZHING RIMS KYIS 'DEBS, ,'KHRU ZHING SLON BYED LUD PA LU, ,GLAL SKOM MI RO'I DRI DANG LDAN, ,LUS NI BSKYOD CING G-YO BA DANG, ,SKEM ZHING RENGS LA MDOG MI SDUG ,KHU TSUR BSDAM ZHING MCHI MA 'DZAG ,CES BYA BA LA, BYIS PA YI DAGS KYI GDON MTSUN LHA ZHES BYA BAS GZUNG BA'I RTAGS NI BA SPU LDANG ZHING YANG DANG YANG DU SDANG BA YIN NO, ,BYA GDON LUS LHOD 'KHRU BAR BYED, ,LCE RKAN LKOG MAR RMA BYUNG ZHING, ,THOR BU NA ZHING TSA LA RNAGS, ,TSIGS DAG TU NI YANG YANG 'BYUNG, ,MTSAN MO SKYE LA NYIN MO 'BRI, ,KHA 'AM BSHANG SGO 'GAGS PA DANG, ,'JIGS SHING BYA YI DRI DANG LDAN, ,RIMS KYIS 'DEBS PAR BYED PA YIN, ,ZHES BYA BA LA, BYIS PA BYA'I GDON GYIS ZIN PA'I RTAGS NI, LUS LHOD CING YAN LAG SHIG SHIG POR GYUR PA DANG, 'KHRU BAR BYED PA LA SOGS PA DANG, LUS DANG YAN LAG LA RMA 'BYUNG BA DANG, MTSAN MO SKYE ZHING MCHED LA NYI NA MO NI BRI BA LA SOGS PA YIN NO, ,SRUL MOS SLON ZHING 'DAR BA DANG, ,LUS SNYOM MTSAN MO GNYID YANG [?] DANG, , SKYIGS BU LTO SBO 'KHRU BA DANG, ,SKOM ZHING GCIN NI SRI BA DANG, ,LUS LHOD BA SPU GSHOR BA DANG, ,KHA LTAR DRI NI MNAM PA YIN, ,ZHES BYA BA LA, SRUL MO ZHES BYA BA'I GDON BUD MED KYI GZUGS CAN GYI GDON GYIS ZIN PA'I RTAGS NI BYIS PA SLON ZHING SKYUG PA DANG, LUS 'DAR BA DANG, SKOM ZHING GNYID KYIS LOG PA LTAR, YUL 'DZIN MI NUS PA DANG, MTSAN MO GNYID YAR BA LA SOGS PA YIN NO, ,GRANG BA'I SRUL MOS 'DAR BA DANG, ,DU ZHING ZUR GYIS LTA BA DANG, ,SKOM ZHING 'KHRU LA RGYU MA 'KHRUGS, ,ZHAG LTAR DRI NI MNAM PA DANG, ,YAN LAG LOGS
, ,GCIG GRANG BA DANG, ,CIG SHOS DRO BA NYID YIN NO, ,ZHES BYA BA LA, GRANG BA'I LUS SRUL MO ZHES BYA BA'I BUD MED KYI GZUGS CAN GYI GDON GYIS ZIN PA'I RTAGS NI BYIS PA LUS 'DAR BA LA SOGS PA NAS LUS KYI GZHOGS GCIG NI DRO BAR GYUR PA LA SOGS, PA'I BAR YIN NO, ,SRUL MO LONG MAS SLON PA DANG, ,RIMS DANG LUD PA GNYID CHUNG DANG, ,BSHANG BA SLA ZHING MDOG MI SDUG ,DRI NGA BSKUS PAS MYUR DU SKAM, ,MTHONG BA NYAMS SHING MIG NA G-YA', ,MIG SKRANG GLO BAR GYUR BA DANG, ,SKYIGS BU MI DGOD NU ZHO 'GRAS, ,MDOG MI SDUG CING NGA RO RTZU BA, ,MDOG NYAMS NYA YI DRI DANG LDAN, ,YANG NA DRI NI SKYUR BCAS YIN, ,ZHES BYA BA LA, SRUL MO LONG MA'I GDON GYIS ZIN PA'I RTAGS NI, BYIS PA SLON ZHING SKYUGS PA LA SOGS PA DANG LUS DRING BA DANG LUS KYI LDE GU MYUR DU BSKAMS PA LA SOGS PA'I BAR YIN NO, , BZHIN RGYAN CAN GYIS RKANG PA DANG, ,LAG PA GDONG NI MDZES PA DANG, ,RTZA NI NAG POR SNANG BA YIS, ,LTO BA KHYAB CING RIMS KYIS 'DEBS, ,YI GA 'CHU ZHING YAN LAG NA, ,BA GCIN LTA BU'I DRI 'BYUNG 'GYUR, ,ZHES BYA BA LA, BUD MED KYI GZUGS CAN GYI GDON BZHIN RGYAN CAN GYIS ZIN PA'I RTAGS NI BYIS PA'I RKANG PA LA SOGS PA SDUG CING MDZES PAR GYUR PA LA SOGS PA YIN NO, ,NAM GRUS GNAG CING SNGO BA DANG, ,MIG DANG RNA BA SNA MED CID [?], ,MIG 'GUL SKYIGS BU LUD PA LU, ,KHA NI YO ZHING DMAR BA DANG, ,LUG THUG DRIR LDAN RIMS 'DEBS SKEM, , BSHANG BA SNGO ZHING SLA BA YIN, ,ZHES BYA BA LA, NAM GRU'I BYA'I GDON GYIS ZIN PA'I RTAGS NI, BYIS PA'I MDOG GNAG CING SNGO BA LA SOGS PA YIN NO, ,NAM GRU SKEM MOS LUS KUN NI, ,RIMS KYIS 'DEBS PAR 'GYUR BA DANG, ,SKRA 'BYI ZAS LA MI DGA' DANG, ,SKAD GSANG ZHUM ZHING MDOG MI SDUG ,BSHANG BA KHA DOG SNA TSOGS DANG, ,LTO BAR RTZA YI MDUD PA CHAGS, ,DU ZHING BYA RGOD DRI LDAN LA, ,YUN RINGS NA BAR BYED PA YIN, ,ZHES BYA BA LA, NAM GRU SKEM MO ZHES BYA BA'I GDON GYI RTAGS NI, ,LUS KYI YAN LAG THAMS CAD SKAM ZHING RENGS PA LA
SOGS PA NAS NAD YUN RING DU NA ZHING RJES SU 'BREL PA LA SOGS PA'I BAR YIN NO, ,LTO BAR RMEN BU ZLUM POR 'BYUNG, ,BSHANG BA KHA DOG SNA TSOGS 'BYUNG, ,LCE YI DBUS NI DMA' BA DANG, ,RKAN NI GNAG 'GYUR DE SPANG BYA, ,ZHES BYA BA LA, BYIS PA GANG LTO BAR RMEN BU 'AM, THOR BU ZLUM PO BYUNG BA DANG BSHANG BA KHA DOG SNA TSOGS SU 'BYUNG BA LA SOGS PA'I BYIS PA DE NI GSO BAR MI RUNG BAS SPANG BAR BYA'O, ,KHA ZAS MANG PO ZOS KYANG NI, ,BYIS PA GANG ZHIG LUS SKEM BYED, ,SKEM PAS NYEN CING MIG NYAMS PA, ,DE NI NAM GRU SKEM MOS GSOD, , CES BYA BA LA, BYIS PA KHA ZAS MANG ZHING SNA CHOGS ZOS SU ZIN KYANG LUS SKEM ZHING SBEGS PA LA SOGS PA'I MTSAN NYID DANG LDAN PA DE NYID NAM GRU'I GDON GYIS NGES PAR GSOD PAR 'GYUR RO, ,'TSE BA LA DGA' MCHOD PAR 'DOD, ,GDON RNAMS 'DZIN PA'I RGYU YIN NO, ,ZHES BYA BA LA; GDON 'JUG PAR 'GYUR BA'I RGYU NI 'TSE BAR BYED CING SROG GCOD PA LA DGA' BA DANG, ,MCHOD CING BRJOD PAR 'DOD PA YIN NO, ,DE LA 'TSE BA'I BDAG NYID CAN, ,BYIN TSE SNA NAS 'DZAG PA DANG, ,LCE NYAMS MIG NI GTING DU 'BROS, ,BDE MED MIG NI MCHI MAR BCAS, NYAM CHUNG TSIG NI DMAN PA DANG, ,DRI NGA BA NI 'BYUNG BAR 'GYUR, ,SKEM ZHING RANG GI BSHAD DANG GCI, ,LAG BAS NYED KYI SMOD MI BYED, ,LAG PAS BTEG STE 'BAD PA YIS, ,BDAG DANG DE BZHIN GZHAN LA BRDEG ,MTSON DANG SHING SOGS KYIS BRDEGS SHING, ,'BAR BA'I ME LA 'JUG PAR BYED, ,CHU NANG 'BYING ZHING KHRON PAR LTUNG, ,GZHAN YANG DE 'DRAR BYED PAR 'GYUR, ,SKOM DAD CHE ZHING TSA BAS GNAG ,SLON PAR BYED PAR 'GYUR PA DANG, ,BU GA KUN NAS KHRAG 'DZAG CING, ,'CHI LTAS BYUNG BA DE SPANG BYA, ,ZHES BYA BA LA, DE LA GDON DE RNAMS KYI NANG NAS GDON 'TSE BA'I BDAG NYID CAN ZHES BYA BAS NI, ,BYIS PA 'TSE PA'AM, YANG NA 'TSE BA'I MTSAN NYID DANG LDAN PA DAG LA 'DZIN CING DE SNA NAS 'DZAG PA DANG, ,LCE NYAMS PA LA SOGS PA NAS MTSON DANG SHING LA SOGS PA'I PAR GYIS KYANG BDAG DANG
, ,GZHAN LA RDEG PAR BYED PA DANG, ME LA 'JUG PA DANG, CHU'I NANG DU LUS BYING BA DANG, KHRON PAR MCHONG ZHING LTUNG BA DANG, GZHAN YANG 'TSE BA'I LAS DE LTA BU GZHAN YANG BYED PAR 'GYUR BA DANG, SKOM DAD CHE BA LA SOGS PA YIN TE, DE LTA BU'I 'TSE BA'I BDAG NYID CAN GYIS ZIN PA GANG YIN PA DE NI GSOR MI RUNG BAS SPANG BAR BYA'O, ,DGA' BA 'DOD PAS GZIR GYUR PA, ,DPEN PAR BUD MED 'DOD SMRA DGA', ,DRI DANG ME TOG PHRENG RGYAN DGA', ,MGU ZHING ZHI BA GSO BAR DKA', ,ZHES BYA BA LA, DGA' BA 'DOD PA ZHES BYA BA'I GDON GYIS MI CHEN PO 'AM, ,BYIS PA ZIN PAR GYUR PA NI, DBEN PA'I GNAS SU BUD MED DANG LHAN CIG 'DOD PA SPYOD PA DANG, SMRA BA LA DGA' BAR 'GYUR BA DANG, DRI DANG ME TOG LA SOGS PA LA DGA' BAR 'GYUR BA DANG, ,SEMS MGU ZHING DGA' BA LA BRTAGS PA DANG, SPYOD LAM ZHI BA DANG, GDON DE GSO BAR DKA' BA YIN NO, ,LCES NI KHA LA NYUG BA DANG, ,MCHU RKAN GRE BA SKAMS PA DANG, ,DOGS PAS LTA ZHING DU BA DANG, ,SEMS KHONG CHUD CING ZHUM PA DANG, ,ZAS 'DOD LTOGS PAR GYUR KYANG NI, ,BYIN NA ZA BAR MI 'DOD PA, ,GTOR MA 'DOD PAS ZIN PA STE, ,DE NI GSO SLA YIN ZHES BYA, ,ZHES BYA BA LA, GTOR MA 'DOD PA ZHES BYA BA'I GDON YOD DE, ,DES BYIS PA 'AM, MI CHEN PO GANG DAG ZIN PAR GYUR PA DE NI LCES KHA LA 'BYUG CING 'BYUG PA DANG, MCHU LA SOGS PA BSKAM PAR 'GYUR BA DANG, DOGS PA DANG BCAS PAS KUN LA LTA BA DANG, DU ZHING NGA RO 'BYIN PA DANG, SEMS KHONG DU CHUD PA DANG, YID ZHUM PAR 'GYUR PA DANG, ZAS 'DOD CING SHIN TU BKRES PAR GYUR KYANG ZAS BYIN NA ZAS MI 'DOD PAR 'GYUR BA NI GTOR MA 'DOD PA ZHES BYA BA'I GDON GYIS ZIN PA YIN PAR SHES PAR BYA STE, DE NI GSO SLA BA YIN NO, ,GSOD 'DOD PA LAS GRUB PA YI, ,SNGAGS BZLAS SBYIN SREG BYA BAS GZHOM, ,ZHES BYA BA LA, GDON SROG 'DOD PA ZHES BYA BA GSOD PAR 'DOD PA YOD DE, DE LA NI GRUB CING 'BRAS BU MNGON DU SNANG BA'I MTHU DANG LDAN PAS SNGAGS BZLAS SHING SBYIN SREG BYA BAS,
GZHOM ZHING GSO BAR BYA'O, ,CIG SHOS LA NI CI 'DOD PAR, ,DGA' DANG GTOR MA SOGS SBYIN PAS, ,ZHES BYA BA LA, GSOD PAR 'DOD PAS CIG SHOS SU GYUR PA'I GDON DGA' PAR 'DOD PA DANG, GTOR MA 'DOD PA ZHES BYA BA LA NI DGA' BA DANG, ,GTOR MA SBYIN PAS GSO BAR BYA STE, ,DGA' BAR 'DOD PA LA NI RTZE DGA'I BYA BA SBYIN PAS GSO LA, GTOR MA 'DOD PA LA NI GTOR MA SBYIN PAS GSO BAR BYA'O, SOGS PA SMOS PAS NI 'OG NAS BSHAD PA'I CHO GA GZHAN DAG KYANG SBYAR BAR BYA'O, ,DE NAS GSOR RUNG GDON LA NI, ,BYIS PA KHANG PA DBEN PAR GZHAG ,ZHAG GSUM CHAG CHAG PHYAG DAR BYAS, ,RTAG TU ME NI BZHAG PA YI, ,PU TI'I ME TOG SIL MA DANG, ,'DAB MA SA BON YUNGS KAR GTOR, ,GDON 'JOMS TIL MAR SPAR BA YI, ,MAR MES GDON NI 'JOMS PAR BYED, ,NAD G-YOG NYAL PO CHANG DANG SHA, ,YONGS SU SPANGS PAR GYUR PA YI, ,MAR NI RNYING PAS BSKUS NAS NI, ,BA LA NIM PA TAR KA RI, ,DONG GRA THANG SHING KA TANG GA ,'DZAM BU DANG NI TAM LA, ,KA TRI NA DANG LCAM PA DANG, ,AA PA MARGA PA TA LI, ,MA DU SHI KRU ZHES BYA DANG, ,KA KA DZA KA SHVE TA CHE, ,BIL RKANG 'O MA CAN GYI SHING, ,KA DAM PA BCAS KA RANYDZA, ,CHU NI DRO 'JAM DAG GIS BKRU [?], ,ZHES BYA BA LA, DE NAS GSOR RUNG BA'I GDON GYIS ZIN PA'I BYIS PA KHANG PA DBEN ZHING YANGS BAR ZHAG GSUM GYI BAR DU CHAG CHAG DANG, PHYAG DAR LAN GSUM BYAS LA RTAG PAR RGYUN MI 'CHAD PAR ME GZHAG PA DANG, ,PU TI LA SOGS PA'I ME TOG GI SIL MA GTOR BAR BYA BA DANG, DE BZHIN DU GDON 'JOMS PA'I RDZAS YUNGS MAR LA SOGS PA SPAR BA'I MAR ME GZHAG PAR GYUR PA DER NAD PA DE GZHAG LA, NAD G-YOG 'KHRIG BA LA SOGS PA SPANGS PAR GYUR PA DAG GIS MAR RNYING PAS NAD PA'I LUS BSKUS LA BA LA DANG NIM PA LA SOGS PA'I SMAN DANG, BSKOL BA'I CHU DRO 'JAM TZAM GYIS BLUGS SHING NAD PA BKRU BAR BYA'O, ,TAR KA RI NI AAG NI MAN TA'O, ,KA TANG GA NI AA RU LA KA'O, ,TA MA LA NI BA RA NA'O, ,KA TRI NA NI BU TRI NA'O, ,LCAM PA NI SU PAR TZA LA'O, ,MA DU
, ,SHI KRU [?] NI SO BAN DZA NA'O, ,SHVE TA CHE NI MA H'A KASHPE TA STE GI RI KAR nI'O, ,'O MA CAN GYI SHING NI N+YA GRODHA'I SHING LA SOGS PA'O, ,KA DAM PA NI AA MA BA DAN PA'O, ,STAG DANG GZIG DANG SENG GE SBRUL, ,DOM GYI PAGS PA MAR DANG BCAS, ,BDUG PAS KHRUS BYAS 'OG TU BDUG ,CES BYA BA LA, BYIS PA KHRUS BYAS PA'I 'OG TU STAG LA SOGS PA'I PAGS PA BSREGS PA'I DUD PAS LUS LA BDUG PAR BYA'O, ,PU TI YUNGS KAR SHA RANG GA ,SHU DAG GO BYE LA LA PHUD, ,RU RTA MAR BCAS BDUG PAS NI, ,GDON KUN LAS NI THAR BYED YIN, ,ZHES BYA BA LA, PU TI KA RANYDZA DANG, SHA RANG GA'I RTZA BA DANG, LO MA DANG, ME TOG DANG, 'BRAS BU DANG, MYU GU DANG, SHING GI NANG GI SNYING PO DANG, KHU BA DANG, TSER MA DANG, SHU DAG LA SOGS PA'I SMAN GYI BDUGS PAS KYANG BYIS PA'I GDON THAMS CAD LAS THAR BAR BYED DO, , YUNGS KAR NIM PA'I LO MA DANG, ,SHU DAG KA RA B'I RA'I RTZA, ,GRO BA MAR SBYAR BDUGS PAS NI, ,GDON NI THAMS CAD SEL BAR BYED, ,CES BYA BA LA, YUNGS KAR LA SOGS PA'I SMAN MAR DANG SBYAR PA'I DUD PA BYIS PA LA BDUGS NA YANG GDON THAMS CAD SEL BAR BYED DO, ,BA LANG RVA DANG RUS PA SPU, ,PAGS PA BYI LA'I RTUG PA DANG, ,NIM PA'I LO MA PU TZE SHEL, ,MAR DANG BRI HA TI GNYIS DANG, ,RAS BAL SA BON PO SON CHA, ,NAS DANG RA SBU THANG SHING DANG, ,YUNGS KAR RMA BYA'I SGRO DANG POG ,SKRA DANG PHUB MA PHA BANG DANG, ,RDZA MAR RA THUG GCIN DANG SPANGS, , ZHIB BTAGS PA YI BDUGS PAS NI, ,'BYUNG PO'I GDON NI THAMS CAD DANG, ,MI BZAD RIMS NI 'JOMS PAR BYED, ,CES BYA BA LA, BA LANG GI RVA LA SOGS PA'I SMAN RDZA SNOD SAR PA'I NANG DU RA THUG GI GCIN DANG SPANGS TE, GCIN DE NYID BTAGS PA'I RENG BU SKAM PO'I DUD BAS NI GDON THAMS CAD DANG RIMS NAD THAMS CAD 'JOMS PAR BYED DO, ,BYI TSER AA MRA'I TSI GU DANG, ,RGYA SPOS MNGAR SDE NA LE SHAM, ,KRishnA PARnI GLA SGANG RNAMS, ,LDE GUR BCAS PA MAR DANG NI, ,'O MA RTZA BA BCU BSKOL KHUR, ,BCAS BSKOL DE NI GDON 'JOMS MCHOG ,CES
BYA BA LA, AA MRA'I TSI GU NI AA MRA'I 'BRAS BU'I NANG NA YOD PA'O, ,MNGAR BA'I SDE TSAN NI 'TSO BYED KYI SDE TSAN NO, ,GZHAN NI GO BAR ZAD DE RDZAS DE DAG LDE GUR BYAS PA DANG, MAR LA SOGS PA BSKOL TE, MAR DE BLUD NA GDON THAMS CAD 'JOMS PAR BYED DO, ,RA SNA AAm SHU MA TI GNYIS, , BA LA RTZA BA CHEN PO LNGA, ,GLA SGANG BTAGS TE MAR DANG BSKOL, ,TSA BA GSUM DANG TZI TRA KA'I, ,THAL TES BA TRA BYI DANG GA ,SHING MNGAR SHING KUN PA YA SYA, ,THANG SHING PI PI LING RTZA BA, ,DUG MO YUNGS DANG BCAS PA YI, ,LDE GU MAR DANG BSKOL BA YIS, ,RTAG TU BYIS PAL PHAN ZHING; ;NAD DANG GDON NI THAMS CAD 'JOMS, ,ME DROD STOBS DANG KHA DOG SKYED, ,CES BYA BA LA, ,RA SNA DANG AAm SHU MA TI GNYIS KYI LO MA LA SOGS PA'I SMAN GYI LDE GU DANG BSKOL BA'I MAR NI BYIS PA LA RTAG TU PHAN ZHING RIMS LA SOGS PA'I NAD DANG 'BYUNG PO LA SOGS PA'I GDON THAMS CAD 'JOMS PAR BYED CING ME DROD SKYED PA DANG, ,LUS KYI STOBS DANG, KHA DOG SKYED PA YIN NO, ,SHA RI BA DANG MU RA DANG, ,BRAHMI SHU DAG SHANG KHI NI, ,YUNGS KAR AA SHVA GANDHA DANG, ,BYE RUG PA BCAS MAR DANG BSKOL, ,DE NI BTUNG BA 'AM BSKU BA YIS, ,GDON RNAMS THAMS CAD 'JOMS PAR BYED, ,CES BYA BA LA, SHA RI BA LA SOGS PA LDE GU DANG MAR DU BSKOL BA'I MAR DE BTUNG BA 'AM BSKU BA BYAS NA GDON THAMS CAD 'JOMS PAR BYED PA YIN NO, ,MAR GANG 'BYUNG PO'I RIG PA RU, ,'OG NAS BSHAD PA DAG DANG NI, ,DE BZHIN GTOR MA SBYIN SREG DANG, , KHRUS NI SNGAGS RGYUD SHES PAS SBYAR, ,ZHES BYA BA LA, SMAN MAR GANG 'BYUNG PO'I RIG PA ZHES BYA BA, ,'BYUNG PO'I NAD GSO BA'I SKABS NAS 'BYUNG BA GANG YIN PA YANG BYIS PA LA SBYAR BAR BYA LA, DE BZHIN DU 'OG NAS BSHAD PA'I GTOR MA DANG, GZHAN YANG SBYIN SREG GI LAS DANG, KHRUS KYI CHO GA GANG YIN PA DAG KYANG SNGAGS KYI RGYUD SHES PA'I SNGAGS PAS SNGAGS LAS BSHAD PA'I CHO GA BZHIN DU SBYAR BAR BYA'O, ,PU TI KA RANYDZA'I SHUN PA, ,BAR BAR YI RTZA BA DANG, ,KU BA KHA BO BI SHA LA, ,KA TRA KA DANG BIL BA DANG, ,KA PID THA BSKOL DES MTSAN MO, ,BYIS PA BKRUS NA SHIS
, ,BA YIN, ,ZHES BYA BA LA, PU TI KA RANYDZA'I SHUN PA DANG, ,LO MA DANG, SHING MNGAR BAR BA RE'I RTZA BA DANG, KU BA KHA BO NAS BIL BA DANG, KA BID THA'I BAR CHA MNYAM PAR BYAS PA BSKOL BA'I CHU DES MTSAN MO BYIS PA BKRUS NA SHIS SHING DPAL BSKYED PA YIN NO; ;GDON DANG BRAL YANG BLA BRNAN NAD, ,RJES SU 'BREL PA THAMS CAD LA, ,BYIS PA'I NAD GSOR BSHAD PA YI, ,SMAN GYIS JI BZHIN GSO BAR BYA, ,ZHES BYA BA LA, GNOD PA BSAL ZHING DE DANG BRAL BAR GYUR KYANG BLA BRNAN GYI NAD DANG RJES SU 'BREL PAR GYUR CING YUN RING DU GNAS PAR GYUR PA DE THAMS CAD LA NAD DMIGS JI LTA BA BZHIN DU BYIS PA'I NAD GSO BAR BSHAD PA'I SMAN GYIS GSO ZHING BCOS PAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, GNAS PHYI MA'I LE'U GSUM PA'I 'GREL PA'O, ,BYIS PA GSO BA'I BSHAD PA RDZOGS SO,, ,,DE NAS 'BYUNG PO'I GDON GYI NAD DMIGS SHES PA BSHAD PAR BYA'O, ,ZHES BYA BA LA, BYIS PA'I GDON GYI RJES LA 'BYUNG PO'I GDON GYI DMIGS SHES BAR BYA BA'I LE'U BZHI PA NI DE NYID DU BRTZAM PAR 'OS PA YIN NO, ,GDON PHAL CHER PHAN TSUN GCIG LA GCIG GSO BA'I TSUL GCIG STE KHYAD PAR MED PA YIN PA'I PHYIR RO, ,SHES DANG RNAM SHES TSIG DANG NI, ,SPYOD PA SNYING STOBS RANG BZHIN DAG ,GANG GI RANG BZHIN 'GYUR BAR SNANG, ,DE LA 'BYUNG BO'I GDON YOD BSHAD, CES BYA BA LA, SKYES BU GANG SHES PA LA SOGS PA RANG BZHIN 'GYUR ZHING PHYIN CI LOG TU SNANG NA, ,MI DE LA 'BYUNG PO'I GDON YOD CES NGES PAR BSHAD PAR BYA'O, DE LA SHES PA NI 'JIG RTEN PA'I SGRA SHES PAS BRTZAM MO, ,RNAM PAR SHES PA NI SKABS 'DIR KHYAD PAR SHES PAS DE KHO NA NYID RTOGS PA'O, ,'BYUNG PO'I GZUGS DANG RANG BZHIN DANG, ,SMRA DANG 'GRO SOGS SPYOD PA DANG, ,GANG ZHIG 'DRE BAR BYED PA DAG ,DE LA DE NI ZHUGS PAR BSHAD, ,CES BYA BA LA, ,'BYUNG PO NI LHA DANG LHA MA YIN DANG DRI ZA LA SOGS PA'I DBYE BAS PHYE BA'I SEMS CAN RNAMS TE,
DE'I GZUGS DANG RANG BZHIN LA SOGS PA'I TSUL MTHUN PAR BYED PA GANG YIN PA DE NI MI DE LA GDON DE ZHUGS PA YIN PAR SHES PAR BYA'O, ,DE NI LHA DANG LHA MIN SOGS, ,DBYE BA RNAM PA BCO BRGYAD BSHAD, ,CES BYA BA LA, 'BYUNG PO'I GDON LHA DANG MI DANG LHA MA YIN DANG DRI ZA LA SOGS PA'I DBYE BAS MDOR BSDUS NA GRANGS BCO BRGYAD YIN PAR SHES PAR BYA'O, ,DE 'DZIN RGYU NI 'PHRAL GTAM NI, ,SNGON CHAD SHES RAB 'CHAL BA YI, ,BLO YIS NYES PA BYAS GYUR NAS, ,DE YI CHAGS PA SOGS BSKYED PAS, ,BRTUL ZHUGS SPYOD DANG CHOS LUGS NYAMS, ,MCHOD 'OS RNAMS NI BRNYAS PA DANG; ;GZHUNG LUGS NYAMS PA DE DANG NI, ,SDIG DANG BDAG NYID GSOD BYED NA, ,GDON NI GLAGS SKABS TSOL BYED PAS, ,LHA LA SOGS PA 'ANG RJES GNOD BYED, ,CES BYA BA LA, GDON DE RNAMS 'DZIN CING 'JUG PA'I RGYU NI SHES RAB 'CHAL BA'I DBANG GIS NYES PA'I LAS TSE 'DIR 'PHRAL DU BYAS PA'AM, YANG NA SNGON CHAD BYAS PAR GYUR LA, ,RGYU DE'I DBANG GIS CHAGS PA DANG, KHRO BA DANG NGA RGYAL LA SOGS PA SKYES PAR GYUR PAS SKYES BU BRTUL ZHUGS DANG SPYOD PA DANG RANG GI CHOS LUGS NYAMS PAR GYUR CING MCHOD PAR 'OS PA BLA MA LA SOGS PA LA BRNYAS PAR BYED PA DANG, DE BZHIN DU RANG GI CHOS LUGS SAM, ,'JIG RTEN PA'I KHRIMS KYI GZHUNG LAS NYAMS PAR BYED PA DANG, SDIG PA'I TSUL LA SOGS PA BYED PAR 'GYUR LA, DE LTA BU'I GLAGS RNYED PA DANG, GLAGS SKABS TSOL PAR BYED PA'I GDON GYI RIGS LHA LA SOGS PA RNAMS KYIS DE LA GNOD CING 'TSE BAR BYED DO, , GLAGS NI SDIG LA SOGS PA DANG, ,MI DGE'I LAS NI SMIN PA DANG, ,GCIG PUR KHANG STONG GNAS PA'AM, ,DUR KHROD SOGS PAR MTSAN MO GNAS, ,GCER BUR RGYU BA 'AM BLA MA SMOD, ,'KHRIG PA TSUL MIN SPYOD PA DANG, ,GTZANG SBRA MED PAR LHA MCHOD DANG, ,MI GTZANG GZHAN DANG 'DRES PA DANG, ,SBYIN SREG SNGAGS GTOR MCHOD SBYIN RNAMS, ,PHYIN CI LOG TU BYED PA DANG, ,MDOR NA NYIN RE SPYOD SOGS PAS, ,SPYOD BA BRTAN PA LAS 'DAS PA'O, ,ZHES BYA BA LA, GDON DE RNAMS 'DZIN CING GLAGS SKABS TSOL BA'I RGYU NI SROG GCOD PA LA SOGS PA'I SDIG PA LA BRTZON
, ,PAR BYED PA DANG, SNGON CHAD MI DGE BA'I LAS BYAS PAR GYUR PA SMIN CING NYAMS SU MYONG BA'I DUS LA BAB PA DAG NI GDON DE LA 'JUG PA'I GLAGS SKABS YIN NO, ,DE BZHIN DU GCIG PU GROGS MED PAR KHANG STONG LA SOGS PAR GNAS PA DANG, YANG NA DUR KHROD DANG, SHING CHEN PO'I DRUNG DANG, BAS MTHA' LA SOGS PAR MTSAN MO GNAS SHING NYAL BA DANG, DE BZHIN DU DUS SU PHYOGS KYI GOS 'CHANG ZHING GOS SPANG PA DANG, DE BZHIN DU MCHOD PAR 'OS PA'I BLA MA RNAMS LA SMOD CING BRNYAS PA DANG, DUS TSIGS DAG TU SPYOD PA DANG, BUD MED ZLA MTSAN DANG LDAN PA LA 'KHRIG PA SPYOD PAR BYED PA DANG, GTZANG SBRA'I SPYOD PA MED PAR LHA LA MCHOD PAR BYED PA DANG, GZHAN BU BTZAS SHING MI GTZANG BA DAG DANG 'DRES SHING REG PA DANG, SBYIN SREG LA SOGS PA'I LAS PHYIN CI LOG TU BYED CING DE'I BRTUL ZHUGS NYAMS PA STE, MDOR NA NYIN RE ZHING RTAG TU SPYAD PA'I LE'U LAS SMOS PA'I SPYOD PA DAG LAS 'DAS PAR GYUR PA DE THAMS CAD NI GDON 'JUG PA'I GLAGS SKABS KYI RGYU YIN NO, ,LHA YI GDON GYI YAR NGO YI, ,TSES GCIG BCU GSUM DAG LA 'DZIN, ,ZHES BYA BA LA, GDON DE DAG LAS LHA'I GDON 'DZIN BA'I DUS NI YAR NGO'I TSES GCIG DANG BCU GSUM PA LA 'DZIN PAR BYED DO, ,LHA MIN GDON NI YAR NGO YI, ,BCU GSUM MAR NGO'I BCU GNYIS LA, ,ZHES BYA BA LA, LHA MA YIN GYI GDON YAR NGO'I TSES BCU GSUM DANG MAR NGO'I TSES BCU GNYIS LA 'DZIN PAR BYED DO, ,DRI ZA'I GDON NI BCU BZHI DANG, ,BCU GNYIS DAG LA 'ANG 'DZIN PAR BYED, ,CES BYA BA LA, DRI ZA'I GDON GYIS NI MAR NGO'I TSES BCU BZHI DANG BCU GNYIS LA 'DZIN PAR BYED DO, ,KLU GDON TSES LNGA LA 'DZIN BYED, ,CES BYA BA LA, KLU'I GDON NI ZLA BA YAR NGO'I TSES LNGA LA 'DZIN TO, ,GNOD SBYIN GDON NI YAR NGO YI, ,TSES BDUN BCU GCIG DAG LA 'DZIN, ,ZHES BYA BA LA, GNOD SBYIN GYI GDON ZHES BYA BA NOR GYI BDAG PO'I GDON NI ZLA BA YAR NGO'I TSES BDUN DANG BCU GCIG DAG LA 'DZIN NO, ,TSANGS PA SRIN PO YAR NGO YI, ,TSES BRGYAD BCO LNGA DAG LA 'DZIN, ,ZHES BYA BA LA, TSANGS PA SRIN PO ZHES BYA BA'I GDON NI TSES BRGYAD DANG
ZLA BA LA MI LA 'DZIN PAR BYED DO, ,SRIN PO SHA ZA SOGS MAR NGO'I, ,TSES GCIG TSES DGU BCU GCIG LA, ZHES BYA BA LA, SRIN PO LA SOGS PA'I GDON NI MAR NGO'I TSES GCIG DANG TSES DGU DANG BCU GCIG LA 'DZIN TO, ,MTSUN LHA GNAM STONG TSES BCU DANG, ,BRGYAD DANG DGU PA DAG LA 'DZIN, ,ZHES BYA BA LA, MTSUN LHAR GTOGS PA'I GDON NI GNAM STONG LA SOGS PA LA 'DZIN NO, ,RGAN PO LA SOGS GZHAN DAG NI, ,PHAL CHER DUS DE'I THUN MTSAMS LA'O, ,ZHES BYA BA LA, RGAN PO STE, PHA MA LA SOGS PA LAS GDON DU GYUR PA GZHAN DAG LA NI PHAL CHER TSES BRGYAD DANG, TSES DGU DAG LA NYIN MTSAN GYI THUN MTSAMS LA 'DZIN PAR BYED DO, ,LHA YI GDON GYIS DBANG BYAS LA, ,GDONG NI PADMA KHA BYE 'DRA, ,LTA STANGS ZHI ZHING KHRO BA MED, ,TSIG NYUNG RDUL DANG BSHANG GCI NYUNG, KHA ZAS LA NI GNOD PA MED, ,LHA DANG BRAM ZE LA RAB DGA', , GTZANG ZHING SAm SKRi TA'I SKAD SMRA, ,YUN RING NAS NI MIG 'DZUMS SHING, ,LUS DRI ZHIM ZHING MCHOG STER BYED, ,GOS PHRENG DKAR PO CHU BO DANG, ,RI MTHO KHANG PA MTHO LA DGA', ,GNYID MED TSUGS PA MED PA YIN, ,ZHES BYA BA LA, GDON DE DAG LAS LHA'I GDON GYIS ZIN CING DBANG DU BYAS PA'I RTAGS NI GDONG PADMA KHA PHYE BA 'DRA BA LTAR MDANGS DANG LDAN PA DANG, LTA STANGS ZHI ZHING MI SDUG PA MED PA DANG, KHRO ZHING 'KHRUG PA MED PA DANG, TSIG NYUNG ZHING RDUL DANG BSHANG GCI NYUNG BA DANG, KHA ZAS LA MI GDU BA DANG, LHA DANG BRAM ZE LA DGA' ZHING MCHOD PA DANG, GTZANG ZHING KHRUS LA SOGS PA LA DGA' BA DANG, SAm SKRi TA'I SKAD DU SMRA BA DANG, MIG YUN RING ZHIG NAS 'DZUMS PAR BYED PA DANG, LUS LA DRI ZHIM PO'I NGAD DANG LDAN PA DANG, MCHOG SBYIN MCHOG SBYIN NO, ,ZHES SMRA BA DANG, GOS DKAR PO LA SOGS PA LA DGA' BA DANG, MTSAN MO GNYID YAR ZHING CHUNG BA DANG, GZHAN GYIS TSUGS PA MED CING ZIL GYIS MI NON TE, DE LTA BU'I MI DE NI LHA'I GDON GYIS DBANG DU BYAS PA YIN PAR SHES PAR BYA'O, ,LHA MIN GDON GYIS ZIN PA NI, ,YON BOR BLTA ZHING RANG BZHIN NGAN, ,LHA DANG BLA MA BRAM ZE DANG, ,'JIGS MED KHENGS SHING DPA' BA
, ,DANG, ,KHRO ZHING RTZOL BA CHE BA DANG, ,NGA NI DRAG PO KHYAB 'JUG DANG, ,SKEM BYED BRGYA BYIN YIN ZHES BSHAD, ,SHA DANG CHANG LA DGA' ZHES BYA, ,DRI ZA'I GDON GYIS ZIN PA'I RTAGS, ,RANG SPYOD LA DGA' LUS DRI ZHIM, ,SNYING DGA' GLU DANG GAR YANG BYED, , KHRUS DANG SKYED MOS TSAL LA DGA', ,GOS PHRENG BYUG PA DMAR LA SRED, ,SGEG DANG RTZED MO LA MNGON DGA', ,KLU YI GDON GYIS ZIN PA'I RTAGS, ,MIG DMAR KHRO ZHING MIG 'GYUR LTA, ,YON POR 'GRO ZHING BLTA BA DANG, ,NYIN MTSAN DBUGS RGOD LCE LAS NI, ,KHA CHU 'DZAG CING KHA 'GRAM LHAG ,BU RAM 'O MA KHRUS LA DGA', ,KHA BUB TU NI NYAL BAR BYED, ,GDUGS MTHONG NA YANG 'JIGS PA YIN, ,ZHES BYA BA LA, DE LA KLU'I GDON GYIS ZIN PA'I DBANG DU BYAS PA'I RTAGS NI MIG DMAR ZHING KHRAG GIS KHYAB PA DANG, KHRO ZHING ZHE SDANG BA'I NGANG TSUL DANG LDAN PA DANG, 'GYUR BA MED CING MIG MI 'GYUR BAR LTA BA DANG, SBRUL LTAR YON POR 'GRO BA DANG, G-YO ZHING MI BRTAN PA DANG, NYIN DANG MTSAN DU RGYUN DU DBUGS RGOD CING 'BYIN PA DANG, LCE SKYOD CING 'BYIN PA DANG, KHA CHU 'DZAG PA DANG, MCHU GNYIS KYI MTSAMS KYI KHA 'GRAM LHAG PA DANG, BU RAM LA DGA' BA DANG, 'O MA LA DGA' BA DANG, KHRUS DANG GTZANG SBRA LA DGA' BA DANG, ,KHA BUB TU GDONG PHAB STE NYAL BAR BYED PA DANG, GDUGS MTHONG NA 'JIGS SHING SKRAG PAR BYED PA YIN NO, ,GNOD SBYIN GDON GYIS ZIN PA'I RTAGS, ,MIG DMAR BGRANG CING SKRAG LA 'GUL, ,LUS DRI ZHIM ZHING GZI MDANGS LDAN, ,GTAM DANG GLU DANG KHRUS DANG NI, ,PHRENG BA BYUG PA LA DGA' ZHING, ,NYA YI SHA SRED DGA' BA DANG, ,DGA' MGU STOBS CHE NAD MED LA, ,LAG RTZE BSKYOD CING SU ZHIG LA, ,CI ZHIG SBYIN ZHES SMRA BAR BYED, ,GSANG TSIG SMRA ZHING SMAN PA DANG, ,BRAM ZE LA NI BRNYAS PAR BYED, ,KHRO BA CHUNG ZHING MGYOGS 'GRO BA'O, ,ZHES BYA BA LA, DE LA GNOD SBYIN GYI GDON GYIS ZIN PA'I MTSAN MA NI MIG DMAR BA BGRAD CING SKRAG PA'I TSUL DU 'GUL BA DANG, LUS LA BSOD NAMS KYI DRI ZHIM PO 'BYUNG BA DANG, GZI MDANGS BZANG PO
DANG LDAN PA DANG, GTAM LA SOGS PA LA DGA' BA DANG, NYA'I SHA LA SRED CING MNGON PAR 'DOD PA DANG, DGA' BA DANG MGU BA DANG BCAS PA DANG, LUS KYI STOBS CHE BA DANG, NAD MED PAR BAD BAR GNAS PA DANG, LAG PA'I RTZE MO BSKYOD CING 'GUL BA DANG, ,SROG CHAGS GANG ZHIG LA NOR LA SOGS PA CI ZHIG SBYIN PAR BYA ZHES SMRA BAR BYED PA DANG, GSANG ZHING SPA BAR BYA BA'I DNGOS PO SMRA BAR BYED PA DANG, SMAN PA DANG BRAM ZE LA SOGS PA LA BRNYAS PAR BYED PA DANG, KHRO BA CHUNG ZHING CUNG ZAD TZAM KHRO BAR BYED PA DANG MGYOGS PAR 'GRO BA STE, ,MTSAN MA DE DAG DANG LDAN PA YIN NO, ,TSANGS PA SRIN POS ZIN PA'I RTAGS, ,DGOD CING GAR LA DGA' BA DANG, ,SPYOD PA GTUM ZHING GLAGS SKABS TSOL, ,GSHE ZHING MYUR DU 'GRO BA DANG, ,SMAN PA BRAM ZE LHA LA SDANG, ,RANG LA SHING DANG MTSON SOGS RDEG ,KYE ZHES BYA BA'I SGRA SGROGS SHING, ,BSTAN BCOS RIG BYED 'DON PA YIN, ,ZHES BYA BA LA, TSANGS PA SRIN PO ZHES BYA BA'I GDON GYIS ZIN PA'I MTSAN MA NI DGOD PA LA DGA' BA DANG, GAR BYED PA LA DGA' BA DANG, LUS NGAG GI SPYOD PA GTUM ZHING 'JIGS SU RUNG BA DANG, GLAGS SKABS TSOL ZHING DOR THABS BYED PA DANG, GSHE ZHING TSIG NGAN PA SMRA BA DANG, MGYOGS PAR 'GRO BA DANG, SMAN PA LA SOGS PA LA SDANG PA DANG, RANG GI LUS LA SHING LA SOGS PAS BRDEG PA DANG, KYE KYE ZHES 'BOD PAR BYED PA DANG, BSTAN BCOS KYI TSIG DANG, RIG BYED KYI TSIG 'DON CING SMRA BAR BYED PA YIN PAR SHES PAR BYA'O, , SRIN PO'I GDON GYIS ZIN PA'I RTAGS, ,KHRO GNYER BCAS SHING KHRO BAR LTA, ,STOBS BAG TU NI BYED PA DANG, ,RDEG CING RAB TU RGYUG PA DANG, ,DU ZHING GDONG NI 'JIGS RUNG STON, ,ZAS MA ZOS KYANG STOBS DANG LDAN, ,GNYID MED MTSAN MO RGYU BA DANG, ,NGO TSA GTZANG SBRA MED CING DPA', , GDUG CING TSIG RTZUB SMRA BA DANG, ,KHRO ZHING PHRENG BA DMAR PO DANG, ,BUD MED SHA CHANG KHRAG LA DGA', ,SHA 'AM KHRAG NI MTHONG BA NA, ,MCHU NI LDAG PAR BYED PA DANG, ,ZAS ZA'I TSE NA DGOD PA YIN, ,ZHES BYA BA LA, SRIN PO'I GDON GYIS ZIN PAR GYUR PA'I MTSAN MA NI DPRAL BAR KHRO GNYER
, ,DANG BCAS PA'I KHRO BAS LTA BAR BYED PA DANG, BRTAGS SHING G-YO BA DANG BCAS PAS RDEG PAR BYED PA DANG, RAB TU RGYUG CING 'GRO BA DANG, SKAD KYI NGA RO CHEN POS DU BA DANG, GDONG 'JIGS SU RUNG BA STON PA DANG, KHA ZAS MA ZOS KYANG LUS STOBS DANG LDAN PA DANG; GNYID MED PA DANG, MTSAN MO RGYU ZHING 'GRO BA LA DGA' BA DANG, NGO TSA MED PA DANG, GTZANG SBRA MED CING KHRUS LA SOGS PA LA MI DGA' BA DANG, DPA' ZHING BRTAN PA DANG, GDUG CING LAS NGAN PA BYED PA DANG, TSIG RTZUB CING RNO BAR SMRA BA DANG KHRO ZHING 'KHRUG PA DANG, PHRENG BA DMAR PO LA SOGS PA LA DGA' BA DANG, SHA 'AM KHRAG MTHONG NA MCHU LDAG CING 'JIB PAR BYED PA DANG, ZAS ZA BA'I TSE DGOD PAR GYUR PA STE, ,DE LTA BU'I MI NI SRIN PO ZHES BYA BA'I GDON GYIS ZIN PA YIN PAR BRJOD PAR BYA'O, ,SHA ZA'I GDON GYIS ZIN PA'I RTAGS, ,SEMS NI BDE BAR MI GNAS SHING, ,YONGS SU RGYUG PAR BYED PA DANG, ,MI GTZANG LA DGA' GLU GAR DANG, ,DGOD DANG CHANG DANG SHA RLON DGA', ,SPYOS NA GDOD NI ZHUM BA DANG, ,RGYU MED PAR NI DU BA DANG, ,BDAG NYID SEN MOS 'BRUNG PA DANG, ,KHONG RTZUB LUS NYAMS SKAD GSANG DMA', ,SDUG BSNGAL BA NI BRDA SPROD CING, ,'BREL DANG MI 'BREL TSIG MANG SMRA, ,DRAN PA NYAMS ZHING GNAS STONG DGA', ,MI BRTAN GCER BU DRI MA CAN, ,SRANG BAR 'KHYAMS PA'I GOS GYON ZHING, ,RTZVA YI PHRENG BA RGYAN DU THOGS, ,SHING 'DZEG RTA LA ZHON PAR BYED, ,DE BZHIN PHYAG DAR PHUNG POR 'DZEG , MANG DU ZA BAR BYED PA YIN, ,ZHES BYA BA LA, SHA ZA'I GDON GYIS ZIN CING DBANG DU BYAS PA'I MTSAN MA NI SEMS MAL NA MI GNAS SHING SDUG BSNGAL LA BLO KUN DU PHYOGS PAS YUL THAMS CAD RGYUG PAR BYED PA DANG, ,MI GTZANG PA DANG SPAGS PA LA DGA' BA DANG, GLU LA SOGS PA LA DGA' BA DANG, SPYOS SHID BRGYAB NA GDONG ZHUM ZHUM POR GYUR CING SPA BKOD BA DANG, GDUNG BA'I RGYU MED PAR DU BA DANG, RANG NYID KYI LUS LA SEN MOS 'BRUD PA DANG KHONG RTZUB CING MDANGS NYAMS LA SKAD 'GAG PAR 'GYUR BA DANG, SDUG BSNGAL BRDA
SPROD CING SMRE BAR BYED PA DANG, ,RIGS PA DANG MI RIGS PA'I TSIG 'BREL PA DANG MI 'BREL PA MANG DU SMRA BA DANG DRAN PA NYAMS SHING BRGYAL BA DANG, SKYE BO MED PA'I GNAS STONG PA LA DGA' BA DANG, MI BRTAN ZHING G-YO BA DANG, GCER BUR 'DUG CING GOS MED PAR GNAS PA DANG, ,DRI MAS SBAGS PA DANG, SRANG BAR NA 'KHYAM ZHING LTUNG PA'I GOS NGAN NGON GON PA LA DGA' BA DANG, RTZVA PHRENG BAR LHAS RGYAN DU THOGS PA DANG SHING LA 'DZEG PA LA SOGS PA LA DGA' BA DANG, KHA ZAS MANG DU ZA BAR BYED PA STE, ,MI DE LTA BU NI SHA ZA'I GDON GYIS BRLABS PA YIN PAR SHES PAR BYA'O, , YI DAGS GDON GYIS ZIN PA'I RTAGS, ,SPYOD TSUL DRI NI YI DAGS 'DRA, ,SNGAR ZHING ZAS LA MI DGA' DANG, ,RTZA GCOD BYED PA ZHES KYANG BYA, ,ZHES BYA BA LA, MI YI DAGS KYI GDON GYIS BRLABS PA'I RTAGS SAM MTSAN MA NI SPYOD PA DANG DBYIBS DANG, DRI YI DAGS DANG 'DRA BA DANG SNGAR ZHING 'JIGS PA DANG, KHA ZAS MI DGA' BA DANG, RTZA GCOD PAR BYED PA YIN NO, ,GRUL BUM GDON GYIS ZIN PA'I RTAGS, ,TSIG MANG SMRA ZHING KHA GDONG GNAG ,DAL GYIS 'GRO BAR BYED PA DANG, ,RLIG PA SKRANG ZHING 'PHYANG BA YIN, ,ZHES BYA BA LA, MI GRUL BUM GYI GDON GYIS ZIN PA'I MTSAN MA NI TSIG 'BREL PA DANG MI 'BREL PA DANG MANG DU SMRA BA DANG KHA GDONG GI MDOG GNAG PA DANG, RANG GI GNAS NA DAL GYIS 'GRO ZHING LA BYAMS PA DANG, RLIG PA SKRANGS PA DANG BCAS SHING SHAS CHER 'PHYANG BA YIN NO, ,MI NI BYAD STEMS ZIN PA'I RTAGS, ,SHING DANG BONG BA SOGS THOGS SHING, ,TSAL BA GYON TE 'GRO BA DANG, ,GCER BUR RGYUG CING 'JIGS BAG TU, ,LTA LA RTZVA YI RGYAN DU BYED, ,DUR KHROD GNAS NI STONG PA DANG, ,SRANG BAR SHING GCIG BRTEN PA DANG, ,TIL ZAS SHA DANG CHANG LA NI, ,RTAG TU MIG NI TSAG PA DANG, ,TSIG RTZUB DE NI SMRA BA YIN, ,ZHES BYA BA LA, MI BYAD STEMS ZHES BYA BA'I GDON GYIS ZIN PA'I MTSAN MA NI SHING LA SOGS PA THOGS SHING, GOS KYI TSAL PA DUM BUR GYON TE, 'GRO BA LA DGA' BA DANG, GCER BUR 'GRO BA DANG, 'JIGS SHING RTABS BAG TU LTA BA DANG RTZVA'I RGYAN THOGS PA DANG, DUR KHROD
, ,LA SOGS PAR BRTEN CING 'DUG PAR DGA' BA DANG, TIL LA SOGS PA LA DGA' ZHING RTAG TU DE LA LTA BA DANG, TSIG RTZUB PAR SMRA BA STE, DE LTA BU NI BYAD STEMS KYI GDON GYIS ZIN PA YIN NO, ,ZHES BRJOD PAR BYA'O, ,G-YENGS BYED KYIS NI ZIN PA'I RTAGS, , CHU 'DOD ZAS NI MI SLONG DANG, ,DNGANGS SHING MIG NI DMAR BA DANG, ,TSIG RTZUB SMRA BA SHES PAR BYA, ,ZHES BYA BA LA, MI G-YENGS BYED CES BYA BA'I GDON GYIS ZIN PA'I MTSAN MA NI RTAG TU CHU 'DOD CING SLONG GI ZAS SLONG BAR MI BYED PA DANG, DNGANG BAG DANG BCAS PA'I MIG DMAR POS LTA BA DANG TSIG RTZUB CING GZHAN LA GNOD PAR SMRA BA YIN NO, ,RO LANGS GDON GYIS ZIN PA'I RTAGS, ,DRI DANG PHRENG BA LA DGA' ZHING, ,TSIG BDEN SMRA LA YONGS SU 'DAR, ,GNYID CHE BAR NI SHES PAR BYA, ,ZHES BYA BA LA, MI RO LANGS ZHES BYA BA'I GDON GYIS ZIN PA'I MTSAN MA NI, DRI DANG PHRENG BA BSTEN PAR DGA' BA DANG DAM BCAS PA LA BRTEN CING TSIG BDEN PAR SMRA BA DANG LUS 'DAR BA LA SOGS PA'I MTSAN NYID CAN YIN PAR SHES PAR BYA'O, ,YI DAGS MTSUN LHA'I GDON GYI RTAGS, ,MIG MI GSAL ZHING BZHIN RAS ZHUM, ,RKAN NI SKAM PAR BYED PA DANG, ,MIG DANG RDZI MA SKYOD PA DANG, ,GNYID CHE ME DROD CHUNG BA DANG, ,G-YON PHYOGS NAS NI GOS GON ZHING, ,SHA DANG BU RAM TIL LA DGA', ,TSIG 'KHRUL PA NI YIN ZHES BYA, ,ZHES BYA BA LA, YI DAGS MTSUN LHA ZHES BYA BA NYE DU SHI BA LAS GDON DU GYUR PA'I MTSAN MA NI MIG MI GSAL ZHING RAB RIB TU 'GYUR BA DANG BZHIN RAS ZHUM ZHING GSANG DMA' BA DANG, RKAN GYI PHYOGS SKAM PA DANG, ,MIG GI RDZI MA G-YO BA DANG GNYID CHE BA NAS TSIG 'KHRUL ZHING CAL COL DU SMRA BA'I BAR GYI MTSAN NYID DANG LDAN PAR SHES PAR BYA'O, ,BLA MA DRANG SRONG RGAN DANG DRUG ,DMOD PA SEMS KYI RJES MTHUN PA, ,SPYOD LAM KHA ZAS RANG BZHIN LA, ,CI 'DRA GDON NI DE YIN BSHAD, ,CES BYA BA LA, BLA MA DANG RGAN PO LA SOGS PA BZHI PO DAG GI GDON GYIS ZIN PA NI DMOD PA BTAB PA DANG SEMS KYIS BSAM PA DANG RJES SU MTHUN PA DANG, DE BZHIN DU DE'I SPYOD LAM DANG KHA ZAS KYI RANG BZHIN CI 'DRA BA LAS GDON
YANG DE 'DRA BA YIN PAR SHES PAR BYA'O, ,GZHON NU'I TSOGS KYI RJES 'BRANG ZHING, ,GCER BU SKRA NI GYEN DU BRDZES, ,YID MI BDE ZHING DUS YUN RING, ,GYUR PA'I GDON DE 'ANG SPANG BAR BYA, ,ZHES BYA BA LA, BYIS PA GZHON NU'I TSOGS KYI RJES SU 'BRANG ZHING RGYU BA DANG GCER BUR GNAS SHING SKRA GYEN DU BRDZES PA DANG YID MI BDE ZHING SEMS GNOD PAR 'GYUR BA DANG, GDON GYIS ZIN NAS DUS YUN RING POR LON PA'I GDON DANG BCAS PA DE NI GSOR MI RUNG BAS YONGS SU SPANG BAR BYA'O, ,YAN LAG BRGYAD PA'I SNYING BO'I RNAM PAR 'GREL PA TSIG GI DON GYI ZLA ZER ZHES BYA BA, ,SLOB DPON ZLA BA LA DGA' BAS NGES PAR SBYAR BA LAS, ,PHYI MA'I GNAS KYI LE'U BZHI BA'I RNAM PAR 'GREL PA'O,, ,,DE NAS GDON NAD GSO BA BSHAD PAR BYA'O, ,ZHES BYA BA LA, GANG DU GDON GYIS ZIN PA'I NAD GSO BA STON PA'I LE'U GANG YIN PA DE BSHAD PAR BYA'O, ,ZHES PA'O, ,'BYUNG PO 'TSE BA MI 'DOD DANG, ,BZLAS DANG SBYIN SREG GTOR MA DANG, ,BRTUL ZHUGS TSUL KHRIMS MNYAM 'JOG DANG, ,SBYIN ZHES BRTZE BA SOGS PAS BSAL, ,ZHES BYA BA LA, 'BYUNG PO'I GDON NI GZHAN LA 'TSE ZHING SROG GCOD PA MI 'DOD PA DANG GTOR MA 'DOD PA DANG, 'DOD PA'I DGA' BA 'DOD PA'I GDON GSOR MI RUNG BA DAG NI BZLAS PA LA SOGS PA DANG BRTUL ZHUGS KYI DKA' THUB DANG, TSUL KHRIMS LA SOGS PA BSTEN PAS DE BSAL ZHING GZHOM PAR BYA'O, ,SHING KUN BA LA TSA BA GSUM, ,GLA RTZI SGOG SKYA AA RGA'I RTZA, ,SPANG SPOS AA ZA LO MI DANG, ,LA BA 'BAM PO KU KU TI; ,SHU DAG GANDHA BRI YANG KU, ,SAR PA GAN DA TIL DANG NI, ,KA KA AAN DA RAM NYE BA, ,SNU HA KAR KA TA SHRING GI ,SLE TRES MA H'A NA BA LI, ,YUNGS KAR DANG NI LIG BU MIG ,GDON 'JOMS SMAN NI GZHAN DAG DANG, ,BONG BU RTA DANG KHYI DANG LUG ,RNGA MO KHVA DANG DRED DANG NI, ,SRE MO REG 'JOM BYI LA GUNG, ,BA GLANG SENG GE STAG DANG NI, ,RGYA MTSO YI NI SROG CHAGS KYI, ,PAGS PA MKHRIS PA SEN MO SO, ,SDE TSAN 'DI DANG MAR RNYING DAM, ,TIL MAR DAG NI BSKOL BA DANG, ,BTUNG DANG SNAR NI BLUGS PA DANG, ,BSKU BA'I DON DU SBYAR BYA ZHING, ,'DI DAG PHYE MAS BDUG PA BYA, ,ZHES
, ,BYA BA LA, SHING KUN LA SOGS PA'I SMAN GYI SDE TSAN 'DI DANG MAR RNYING PA 'AM TIL MAR BSKOL TE MAR RAM TIL MAR TE BTUNG BA DANG, SNA NAS BTANG PA DANG LUS LA BSKU BA'I DON DU SBYAR BAR BYA BA DANG, DE BZHIN DU SMAN 'DI DAG GI PHYE MA'I DUD PAS BDUG PA YANG SBYAR BAR BYA'O; ,CHA BA GSUM NI PI PI LING LA SOGS PA'O, ,GLA RTZI NI NE BA LI STE LA LA NI NI BA LI ZHES BYA BA GLA RTZI MA YIN GYI SKABS 'DIR LDONG ROS LA BYA'O, ,ZHES ZER RO, ,AARKA'I RTZA BA NI SHING AARKA'I RTZA BA'O, ,AA ZA LO MI NI MI SHA BYI LO TZAN ZHES BYA BA'I SMAN NO, ,LA BA NI GO RO MI'O, ,'BAM PO NI 'BU TA KE SHI'O, ,KU KU TI NI LAG MNA'O, ,GANDHA PRI YANG KU NI LA T'A ZHES BYA BA'O, ,SAR PA GAN DA NI GAN DA NA GU LI'O, ,KA KAN DA NI KA NA'O, ,SNU HA NI SHR'I KHAndA'I SHING NGO, ,SLE TRES NI GU RTZE'O, ,GDON 'JOMS SMAN NI GDON SEL BA'I SMAN LA SOGS PA JI SNYED BA'O, ,BONG BU LA SOGS PA'I PAGS PA LA SOGS PA JI SNYED PA GZHUG PAR BYA'O, ,'DI YI RI LU BYAS NAS NI, ,MIG SMAN SNA SMAN BYA BA DANG, ,'DI YI LDE GUS BYUG PA DANG, ,BSKOL BA'I KHU BA BLUGS PAR BYA, ,ZHES BYA BA LA, SHING KUN LA SOGS PA'I SMAN GYI SDE TSAN 'DI DAG RI LUR BYAS NAS, MIG SMAN DU BYA BA DANG, SNA NAS GTANG BA DANG, YANG SHING KUN LA SOGS PA'I SMAN 'DI DAG GI LDE GUS LUS LA BYUG PA DANG, YANG SMAN DE DAG BSKOL BA'I KHU BAS LUS LA BLUGS PAR BYA'O, ,SBYOR BA 'DIS NI SMYO BYED DANG, ,BRJED BYED BCAS PA'I GDON ZHI BYED, ,CES BYA BA LA, SHING KUN LA SOGS PA'I SBYOR BA 'DIS NI SMYO BYED DANG BRJED BYED KYI GDON GANG DAG YIN PA DE ZHI ZHING MED PAR 'GYUR RO, ,YUNGS KAR HA TI PI PI LING, ,PI PI LING RTZA TSA BA GSUM, ,SKYU RU RA DANG GO DA DANG, ,SRE MO BYI LA DZA SHA YI, ,MKHRIS PA DANG BTAGS SNA SMAN DANG, ,BSKU BYUG BYUGS SOGS BYAS GDON 'JOMS, ,ZHES BYA BA LA, YUNGS KAR LA SOGS PA'I SMAN SROG CHAGS GO DA LA SOGS PA'I MKHRIS PA DANG BTAGS TE, SNA SMAN LA SOGS PA'I SBYOR BA BYAS NA YANG SMYO BYED LA SOGS PA'I GDON 'JOMS PAR BYED DO, ,YUNGS KAR SHING KUN SHU DAG DANG, ,PRI YANG KU DANG
SER PO GNYIS, ,GI RI KA RA NI DKAR NAG GNYIS, ,'BRAS BU GSUM DANG SHVE TA DANG, ,NIM PA'I LO MA KA RANYDZA, ,SHRI SHA GNYIS DANG SA BON DANG, ,THANG SHING DANG NI TSA BA GSUM, ,MAR DANG BA GCIN DE'I BZHI 'GYUR, ,BSKOL BA DON GRUB CES BYA STE, ,BTUNG DANG SNAR BLUGS PA SBYAR NA, , GDON NI THAMS CAD MYUR 'JOMS BYED, ,MCHOG TU LHA MIN GDON SEL BYED, ,BRJED BYED DUG DANG BKRA MI SHIS, ,SMYO BYED GSHED BYED RIMS RNAMS 'JOMS, ,ZHES BYA BA LA, YUNGS KAR DANG SHU DAG LA SOGS PA'I SMAN LDE GUR BYAS PA DANG, MAR DANG MAR GYI BZHI 'GYUR GYI BA GCIN DANG, BSKOL BA'I SMAN MAR NI MING DON GRUB CES BYA STE, DE BTUNG BA LA SOGS PAR SBYAR NA GDON THAMS CAD MYUR DU 'JOMS PAR BYED DE, MCHOG GAM KHYAD PAR DU LHA MA YIN GYI GDON RNAMS 'JOMS PAR BYED LA, DE BZHIN DU BRJED BYED NAS RIMS KYI BAR YANG 'JOMS PAR BYED PA YIN NO, ,SMAN DE NYID NI RA THUG GI ,GCIN DANG SBYAR TE BLUD PA DANG, ,SNAR BLUGS MIG SMAN BYUG PA DANG, ,KHRUS DANG DRIL BA LAS SBYAR BA, ,SNGAR BSHAD YON TAN DANG 'DRA ZHING, ,RGYAL PO'I SGOR YANG DON GRUB BYED, ,CES BYA BA LA, YUNGS KAR LA SOGS PA'I SMAN 'DI DAG NYID RA THUG GI GCIN DANG SBYAR TE LDE GUR BYAS LA BLUD PA LA SOGS PAR SBYAR NA GDON THAMS CAD 'JOMS PA LA SOGS PA SNGAR BSHAD PA'I YON TAN DANG LDAN ZHING DE BZHIN DU RGYAL PO'I SGOR YANG DON GRUB PAR BYED PA YIN NO, ,YUNGS KAR SHU DAG TSAB GSUM, ,AA SHVO GANDHA SER PO GNYIS, ,SHING KUN KUN DONG RTZA BA DANG, ,KA RANYDZA YI SA BON DANG, ,SHI RI SHA YI ME TOG DANG, ,KA PID THA YI 'BRAS BU DANG, ,RGYA MTSA [?] RU RTA RGYA SPOS DANG, ,GI RI KAR NI DKAR PO DANG, ,SON KA YI RTZA BAR BCAS, ,RA GCIN DAG DANG LEGS BSGOS SHING, ,BA GLANG MKHRIS PA BU RAM DANG, ,RI LUR BYAS PA'I SBYOR BA DE, ,MIG BSKUS SNAR BLUGS BSKU BYAS NA, ,SMYO BYED RMA NI RED PA DANG, ,MTSAN MO MI MTHONG MUN THIBS BYED, ,BGEGS DANG LUS CHUR NUB PAS BRGYAL, ,DUG BSKUS MDA' YIS PHOG PA DANG, ,GDUG PA'I SBRUL GYIS ZIN PA SEL, ,ZHES BYA BA LA, SER PO GNYIS NI YUNG
, ,BA DANG, SKYER PA'O, ,KUN DONG RTZA BA NI SGOG PA KUN DONG ZHES BYA BA'I RTZA BA'O, ,GZHAN DAG NI GO BAR ZAD DE, SMAN DE DAG THAMS CAD RA GCIN DANG LEGS PAR SPANGS SHING BSREL LA DE'I 'OG TU BA GLANG GI MKHRIS PA DANG BU RAM DANG SBYAR TE RI LUR BYAS PA'I SBYOR BA DE MIG TU BSKU BA DANG, SNAR BLUGS PA DANG, ,LUS LA BSKUS NA SMYO BYED LA SOGS PA'I NAD SEL BAR BYED DO, ,RAS BAL SA BON RMA BYA'I SGRO, ,ME TOG SMAN MA BRI HA TI, ,SHING TSA SPANG SPOS PO SON CHA, ,BYI LA'I RTUG PA PHUB MA DANG, ,SHU DAG MI SKRA SBRUL LPAGS DANG, ,GLANG PO'I SO DANG GLANG GI RVA, ,SHING KUN DANG NI NA LE SHAM, ,CHA MNYAM BDUGS PAR BYAS PA YIS, ,SKEM BYED SMYO BYED SHA ZA'I RIGS, ,SRIN PO LHA YI GDON 'JOMS MCHOG ,CES BYA BA LA, RAS BAL GYI SA BON LA SOGS PA'I SMAN 'DI RNAMS CHA SNYOMS TE SBYAR BA'I DUD PAS BDUGS NA SKEM BYED LA SOGS PA'I GDON SEL BAR BYED PA'I MCHOG YIN NO, ,SKEM BYED NI GZHON NU'I GDON YIN NO, ,GANDHA BHA DRA TSA BA GSUM, ,GUR GUM PI PI LING RTZA BA, ,KAndA KA RI SKYER PA DANG, ,THANG SHING DANG NI YUNGS KAR GNYIS, ,PA LA DKAR DANG DUG MO YUNGS, ,TZANDAN DKAR PO RGYAM TSA DANG, ,'BRAS BU GSUM DANG PU SHEL TZE, ,SHU DAG SPANGS MA PU TZE SHEL, ,TZANDAN DMAR PO BA LA DANG, ,SHING MNGAR SUG SMEL LDONG ROS DANG, ,SHUG PA RGYA SPOS SHRI PAS, ,MA DU KA YI SNYING PO DANG, ,BONG NGA GNYIS PO BRI YANG KU, ,DBYI MO RU RTA SKYER KHAndA, ,CHA SNYOMS ZHIB BTAGS LDE GU DANG, ,MAR RNYING GCIN KUN CHA SNYOMS BSKOL, ,GDON KHUS 'DEBS ZHES BYA BAR BRJOD, ,DE BLUD GDON 'JOMS MCHOG YIN NO, ,ZHES BYA BA LA, YUNGS KAR GNYIS NI YUNGS KAR SER PO DANG DMAR PO'I MDOG GIS PHYE BA'O, ,BA LA KA NI AAM PU'O, ,TZANDAN DMAR PO NI LO HI TA STE, LA LA DAG TZANDAN DMAR PO MA YIN GYI BTZOD LA BYA'O ZHES KYANG ZER RO, ,SHRI BE TA NI SHRI PA SA'O, ,MA DU KA'I SNYING PO NI MA DU KA'I ME TOG GAM, SHING MA DU KA'I DBUS KYI CHA NA YOD PA'O, ,PRI YANG KU NI GANDHA PRI YANG KU'O, ,BONG NGA GNYIS NI BONG NGA DKAR PO DANG NAG PO'O, ,GZHAN DAG NI GO BAR ZAD DE, SMAN DE DAG THAMS CAD
CHA SNYOMS TE, ZHIB TU BTAGS PA'I LDE GU DANG MAR RNYING PA DANG, GCIN BRGYAD PO KUN CHA SNYOMS TE MAR JI TZAM YOD PA GCIN RE RE YANG DE TZAM DU BYAS PA DANG BSRES TE BSKOL PA'I SMAN MAR NI GDON KHUS 'DEBS ZHES SLOB DPON GYIS BSHAD DE BLUD CING BSKU BA LA SOGS PA'I SBYOR BA BYAS NA GDON THAMS CAD 'JOMS PA'I MCHOG YIN NO, ,RGYA SPOS SHING MNGAR KA RANYDZA, ,RGYA SKYEGS DA TA PA TO LA, ,SHU DAG SHING KUN PA TA LA, ,YUNGS KAR KAndA KA RI DANG, ,SER PO GNYIS DANG PU TZE SHEL, ,RGYA SHUG GANDHA PRI YANG KU, ,TSA BA GSUM DANG 'BRAS BU GSUM, ,THANG SHING SLE TRES BYI DANG GA; ,KO SHA TA KI KA KAN DANG, ,SHI KRU NIM PA DUG MO YUNGS, ,SHIR SHA'I ME TOG SA BON DANG, ,GLA SGANG RU RTA DAN DA DANG, ,GI RI KAR nI TZI TRA KA ,BIL BA CHA MNYAM LDE GUR BYAS, ,MAR RNYING CAN GYI SDE TSAN BCAS, ,BSKOL TE YUN RING GZHAG PA STE, ,KHUS 'DEBS CHEN PO ZHES BSHAD DE, , RIM PA KUN GYIS SBYAR NA NI, ,GDON RNAMS KUN DANG SMYO BYED DANG, ,MDZE DANG RIMS NI MYUR DU 'JOMS, ,ZHES BYA BA LA, RGYA SPOS NI TA KA RU'O, ,SER PO GNYIS NI YUNG BA DANG SKYER PA'O, ,RGYA SHUG NI RGYA SHUG SKYUR PO'O, ,KA KAN DA NI MA HA KA'I 'BRAS BU'O, ,SHI KRU NI SO BAN DZA NA'O, ,GZHAN DAG NI GO BAR ZAD DE SMAN DE DAG THAMS CAD CHA SNYOMS TE LDE GUR BYAS PA DANG, MAR RNYING PA DANG GCIN GYI SDE TSAN CHANG GI SDE TSAN GYI NANG NAS BSHAD PA'I GCIN BRGYAD PO DANG BCAS PAR BSKOL TE DUS YUN RING POR GZHAG PA'I RNYING PA DE NI KHUS 'DEBS CHEN PO'I SMAN MAR ZHES BYA STE, DE RIM PA KUN GYIS ZHES PA BTUNG BA DANG, SNAR BLUGS PA DANG, BSKU BA DANG SBYAR NA GDON GYI NAD THAMS CAD DANG SMYO BYED DANG, ,MDZE'I NAD RIMS LA SOGS PA MYUR DU 'JOMS PAR BYED DO, ,GDON NI NYI MA GANG GANG LA, ,'DZIN PA'I NYI MA DE DANG DER, ,MCHOG TU SBYIN SREG GTOR MA SOGS, ,SMAN PAS RAB TU 'BAD DE BYA, ,ZHES BYA BA LA, GDON GANG ZHIG NYIN ZHAG GANG LA 'DZIN PAR BYED PA'I NYIN ZHAG DE LA SBYIN SREG DANG GTOR MA LA SOGS PA GDON BZLOG PA'I THABS SMAN PAS 'BAD DE SBYAR TE BYA'O, ,KHRUS DANG GOS DANG SHA DANG TSIL, ,CHANG DANG MAR DANG BU RAM SOGS, ,GANG ZHIG GANG LA SRED
, ,GYUR PA, ,DE'I TSE DE NI DE LA SBYIN, ,ZHES BYA BA LA, GDON GANG ZHIG KHRUS LA SOGS PA GANG ZHIG LA SRED CING 'DOD PAR GYUR PA DE'I TSE GDON DE LA KHRUS LA SOGS PA DAG SBYIN PAR BYA'O, ,RIN CHEN DRI DANG PHRENG BA DANG, ,SA BON MAR DANG SBRANG RTZI DANG, ,ZAS KUN KUN LA SBYIN BYA STE, ,'DI NI SPYI YI CHO GA'O, ,ZHES BYA BA LA, GDON THAMS CAD LA RIN CHEN TE RDO RJE DANG BEE d'URYA DANG, MA RGAD DANG, GSER LA SOGS PA DANG, DRI ZHIM PA SBYAR BA'I DRI DANG, SNA MA'I ME TOG LA SOGS PA'I ME TOG DRI ZHIM PA'I PHRENG BA DANG SA BON DE'I SRAN MUD GA DANG, MON SRAN GRE'U LA SOGS PA DANG, MAR DANG SBRANG RTZI DANG LA DU LA SOGS PA'I ZAS KUN GDON THAMS CAD LA SBYIN PAR BYA STE, CHO GA 'DI NI SPYI'I THUN MONG GI CHO GA YIN NO, ,ZHES BYA BA'I DON NO, ,LHA DANG DRANG SRONG BLA MA RGAN, ,GRUB LA LHA YI GNAS SU SBYIN, ,DER YANG LHA YI GDON LA NI, ,BYANG GI PHYOGS SU GTOR MA SBYIN, ,ZHES BYA BA LA, LHA LA SOGS PA'I GDON LNGA PO DAG LA NI LHA'I GNAS TE, LHA GNAS PA'I KHANG PAR GTOR MA SBYIN PAR BYA LA, DER YANG LHA'I GDON LA NI BYANG GI PHYOGS SU GTOR MA SBYIN PAR BYA'O, ,LHA MIN GDON LA CI 'DOD PAR, ,MTSAMS KYI GNAS SU NUB TU SBYIN, ,ZHES BYA BA LA, LHA MA YIN GYI GDON LA NI CI LTAR 'DOD PAR GRONG GI MTSAMS ZHES BYA BAR GRONG NGAM YUL GYI PHYI ROL DU NUB PHYOGS SU SBYIN PAR BYA'O, ,DRI ZA'I GDON NI BA GLANG NGAM, ,GOS DANG RGYAN BCAS GTOR MA SBYIN, ,ZHES BYA BA LA, DRI ZA'I GDON LA NI BA GLANG RGYU BA'I LAM DU GOS DANG RGYAN DANG BCAS PA'I GTOR MA SBYIN PAR BYA'O, ,MTSUN LHA KLU GDON 'BAB CHU'I 'GRAM, ,KLU LA SHAR LHO'I MTSAMS SU SBYIN, ,ZHES BYA BA LA, MTSUN LHA'I GDON DANG, KLU'I GDON LA NI 'BAB CHU'I 'GRAM DU GTOR MA SBYIN PAR BYA LA, DE LAS KYANG KLU'I GDON LA NI SHAR LHO'I MTSAMS SU GNAS TE GTOR MA SBYIN PAR BYA'O, ,GNOD SBYIN RANG GI GNAS SAM NI, ,CHU GNYIS 'DUS PA'I GNAS SU SBYIN, ,ZHES BYA BA LA, GNOD SBYIN GYI GDON LA NI, GNOD SBYIN GYI GNAS SU BYAS PA'AM, YANG NA CHU BO GNYIS 'DUS PA'I GNAS SU GTOR MA SBYIN PAR BYA'O, ,SRIN PO LAM GYI BZHI MDO 'AM, ,TSANG TSING
'JIGS SU RUNG BAR SBYIN, ,SRIN PO'I LHO'I PHYOGS SU SBYIN, ,TSANGS PA'I SRIN PO SHAR DU SBYIN, ,ZHES BYA BA LA, SRIN PO DANG TSANGS PA'I SRIN PO'I GDON GNYIS LA NI LAM GYI BZHI MDO 'AM, NAGS KYI TSANG TSING 'JIGS SU RUNG BAR GTOR MA SBYIN PAR BYA LA, DE LAS KYANG SRIN PO'I GDON LA NI LHO PHYOGS SU SBYIN PAR BYA LA, , TSANGS PA'I SRIN PO'I GDON LA NI SHAR PHYOGS SU GTOR MA SBYIN PAR BYA'O, ,SHA ZA LA NI KHANG STONG DU, ,NUB PHYOGS SU NI GNAS TE SBYIN, ,ZHES BYA BA LA, SHA ZA'I GDON LA NI KHANG STONG DU NUB PHYOGS SU GNAS TE GTOR MA SBYIN PAR BYA'O, ,PHRENG BA GTZANG ZHING DKAR PO DANG, ,DRI DANG 'O THUG 'BRAS CHA NA DANG, ,ZHO DANG GDUGS NI DKAR PO YI, ,LHA RNAMS KYI NI GTOR MAR 'DOD, ,CES BYA BA LA, LHA'I GDON LA NI PHRENG BA GTZANG ZHING DKAR BA DANG, AA KA RU LA SOGS PA'I DRI DANG, 'O THUG DANG 'BRAS CHAN DANG ZHO DANG GDUGS DKAR PO'I GTOR MA BSHAMS SHING 'DOD PA YIN NO, ,SHING KUN YUNGS KAR SHU DAG DANG, ,TSA BA GSUM NI SRANG PHYED PHYED, , MAR BRE GANG DANG BA YI GCIN, ,BZHI 'GYUR DANG NI LHAN CIG BSKOL, ,DER BTUNG SNAR BLUGS BSKUS PA YIS, ,LHA'I GDON LAS THAR BAR BYED, ,CES BYA BA LA, DE LTAR GTOR MA BYIN YANG MA ZHIN SMAN GYI SBYOR BA BYA BA NI SHING KUN LA SOGS PA'I SMAN SRANG PHYED PHYED DANG, MAR BRE GANG DANG, BA'I GCIN BRE BZHI DANG LHAN CIG BSKOL LA, MAR DE BTUNG PA LA SOGS PAR SBYAR NA LHA'I GDON LAS THAR BAR 'GYUR RO, ,SHU DAG SHING KUN SGOG SKYA RNAMS, ,RA GCIN SBYAR BA SNAR BLUGS DANG, ,MIG BSKUS LHA YI GDON LAS THAR, ,ZHES BYA BA LA, GZHAN YANG SHU DAG LA SOGS PA'I SMAN RA GCIN DANG SBYAR TE SNA SMAN LA SOGS PA BYAS NA YANG LHA'I GDON LAS THAR PAR 'GYUR RO, ,LHA MIN GTOR MA 'BRAS BU NI, ,MANG PO DAG DANG PU SHEL TZE, ,ZHES BYA BA LA, LHA MA YIN GYI GDON LA NI GTOR MA 'BRAS BU SHING THOG LA SOGS PA MANG BA DANG, DE BZHIN DU PU SHEL TZE DANG PADMA DANG, AUTPAL DANG BCAS PA'I GTOR MA SBYIN PAR BYA'O, ,KLU YI GDON LA DZ'A TI DANG, ,'BRAS YOS BU RAM SNUM KHUR DANG, ,'BRAS CHAN BU RAM BCAS PA DANG, ,ZAS MCHOG SBRANG RTZI 'O MA DANG, ,SA NAG N'A GA GE SAR DANG, ,SHU DAG PADMA PU SHEL TZE, ,AUTPA LA PADMA DMAR PO YI, ,'DAB MAR BCAS PA'I GTOR MA BYIN, ,ZHES BYA BA LA, KLU'I GDON LA NI, DZ'A TI ZHES BYA BA'I SNA MA'I ME TOG DANG, 'BRAS YOS LA SOGS PA'I GTOR MA SBYIN PAR BYA STE,
, ,SNUM KHUR DANG 'BRAS CHAN GNYIS KA YANG BU RAM DANG BCAS PAR BYA BA DANG, ZAS MCHOG CES BYA BA'O THUG DANG SA NAG NI SOR SHI TA ZHES BYA'O, ,SENG PHROM 'O MA DKAR PO DANG, ,RGYA SPOS N'A GA GE SAR DANG, ,YUNGS KAR CHU GRANG LA BTAGS BAS, ,SNAR BLUGS MIG LA BSKUS PA'ANG PHAN, ,ZHES BYA BA LA, SENG PHROM 'O MA DKAR PO YOD PA DANG RGYA SPOS LA SOGS PA DANG YUNGS KAR DKAR PO'I CHU GRANG LA BTAGS TE SNAR BLUGS PA DANG MIG SMAN DU BYAS NA YANG KLU'I GDON GYIS ZIN PA LA PHAN ZHING THAR BAR 'GYUR RO, ,GNOD SBYIN GDON LA 'O MA ZHO, ,MAR DANG 'BRAS CHAN BSRES PA DANG, ,GU GUL PADMA THANG SHING DANG, ,PU SHEL TZE DANG GOS DANG GSER, ,DBYIG NI GTOR MA SBYIN PAR BYA, ,ZHES BYA BA LA, GNOD SBYIN GYI GDON LA NI 'O MA LA SOGS BA'I GTOR MA SBYIN PAR BYA'O, ,GSER DANG DBYIG NI BZOR BYAS PA DANG MA BYAS PA'I DBYE BAS THA DAD BAR SHES PAR BYA'O, ,RGYAN LA SOGS PA BYAS PA NI DBYIG CES BYA'O, ,MAR DANG 'O MA BA GCIN NI, ,CHA SNYOMS BSKOL BA BTUNG BA DANG, ,SNAR BLUGS LUS LA BSKUS NA PHAN, ,ZHES BYA BA LA, MAR LA SOGS PA GSUM PO CHA SNYOMS TE BSKOL LA BLUD PA LA SOGS PA BYAS NA YANG GNOD SBYIN GYI GDON GYIS ZIN PA LA PHAN NO, AA RU RA DANG SER PO GNYIS, ,SGOG SKYA SHU DAG NA LE SHAM, ,NIM PA'I LO MAR GCIN BTAGS, ,LDE GUS SNA SMAN MIG SMAN BYA, ,ZHES BYA BA LA, AA RU RA LA SOGS PA'I SMAN RA GCIN DANG BTAGS PA'I LDE GU BTZIR BA SNA SMAN LA SOGS PA BYAS NA YANG GNOD SBYIN GYI GDON GYIS ZIN PA LA PHAN NO, ,TSANGS PA SRIN PO'I GTOR MA NI, ,NAS BRE BZHI NI BTZOS PA YI, ,CHU BRE BCU DRUG TIL BTAGS BSRES, ,GDUGS DANG GOS DANG BYUG PA SBYIN, ,ZHES BYA BA LA, TSANGS PA SRIN PO'I GDON LA NI NAS BRE BZHI BTZOS PA'I CHAN GYI GTOR MA DANG, DE BZHIN DU CHU BRE BCU DRUG DANG TIL MAR BTAGS PA BSRES PA'I DANG GDUGS DANG GOS KYI RNAM PA'I DANG, GUR KUM LA SOGS PA'I BYUG PA SBYIN PAR BYA'O, ,SENG LDENG SRANG NI NYI SHU DANG, ,TSA BA GSUM DANG 'BRAS BU GSUM, ,SHING KUN SHU DAG SHU TI DANG, ,YUNGS KAR NIM PA'I LO MAR BCAS, ,
SGOG SKYA SRANG NI PHYED PHYED DANG, ,ZHUN MAR PHUL NI BDUN DAG DANG, ,BA GCIN SUM 'GYUR BSKOL BA DE, ,BTUNG DANG SNAR BLUGS BSKUS NA PHAN, ,ZHES BYA BA LA, SENG LDENG SRANG NYI SHU BSKOL BA'I KHU BA'I NANG DU TSA BA GSUM LA SOGS BA SRANG PHYED PHYED LDE GUR BYAS PA DANG, ,ZHUN MAR PHUL BDUN DANG BA GCIN MAR GYI SUM 'GYUR LHAN CIG BSRES TE BSKOL LA SMAN MAR DE BTUNG BA LA SOGS PAR BTANG YANG TSANGS PA SRIN PO'I GDON GYIS ZIN PA LA PHAN NO, ,SRIN PO'I GDON LA TIL PHYE DANG, ,ME TOG DKAR PO 'BRAS CHAN 'DRES, ,SHA BTZOS RJEN PA NIM PA PA, , KHRAG DANG BCAS PA'I GTOR MA SBYIN, ,ZHES BYA BA LA, SRIN PO'I GDON LA NI TIL GYI PHYE MA DANG ME TOG DKAR PO DANG 'BRAS CHAN 'DRES MA STE, 'BRAS CHAN DANG MUD GA LA SOGS PA'I CHAN DANG, ,SHA BTZOS PA DANG RJEN PA DANG NIM PA ZHES BYA BA RTZA 'BRU'I RNAM PA DANG, KHRAG GI GTOR MA SBYIN PAR BYA'O, ,NAG TA MA LA SHI RI SHA, ,SHUN LPAGS ME TOG 'BRAS BU DANG, ,DE BZHIN PA TA LA NAG PO, ,PIL BA'I RTZA BA TSA BA GSUM, ,SHING KUN YUNGS KAR DUG MO NYUNG, ,SGOG SKYA SKYU RU RA'I 'BRAS BU, ,RA GCIN DANG NI SBYAR BA'I SMAN, ,SNAR BLUGS MIG TU BYUGS NA PHAN, , ZHES BYA BA LA, NAG TA MA LA SOGS PA'I SMAN RA GCIN DANG SBYAR BA'I SNA SMAN DANG MIG SMAN BTANG NA SRIN PO'I GDON GYIS BTAB PA LAS THAR PAR 'GYUR RO, ,'DI DAG NYID DANG MAR GYI NI, ,BZHI 'GYUR BA GCIN BSKOL BA NI, ,BTUNG DANG SNAR BLUGS BSKUS PA YIS, ,SRIN PO'I GDON NI ZLOG PAR BYED, ,CES BYA BA LA, NAG TA MA LA DANG SHRI SHA'I SHUN LPAGS DANG ME TOG DANG 'BRAS BU LA SOGS PA'I SMAN 'DI DAG NYID DANG MAR DANG MAR GYI BZHI 'GYUR GYI BA GCIN DANG BSKOL BA'I SMAN MAR BTUNG BA LA SOGS PA'I SBYOR BA BYAS NA YANG SRIN PO'I GDON SEL BAR BYED DO, ,SHA ZA LA NI BU RAM CHANG, ,TIL TSIGS TIL GYI PHYE MA ZHO, ,LA PHUG LAN TSVA PHYE ZAN MAR, ,'BYUNG POR 'BRAS CHAN GTOR MA SBYIN, ,ZHES BYA BA LA, SHA ZA'I GDON LA NI BU RAM CHANG LA SOGS PA'I GTOR MA SBYIN PAR BYA'O, ,TIL GYI TSIGS MA NI 'BA' CHA'O, ,
, ,'GYUR BA'I 'BRAS CHAN NI 'BRAS CHAN 'DRES MA'O, ,LA LA NI 'BYUNG PO'I 'BRAS CHAN ZHES MI BYA'I, 'BYUNG PO'I KHA ZAS ZHES BYA STE, DE NI KHRAG YIN NO, ,PHYE ZAN NI NAS KYI CHAN NO, ,SER PO RNAM GNYIS LAN TSVA BTZOD, ,SHU TI DONG GRA BRI YANG KU, ,SHING KUN SGOG SKYA TSA BA GSUM, ,'BRAS BU GSUM DANG PA TA LI, ,SHU DAG GI RI KAR NI DKAR, ,SHI RI SHA YI ME TOG MAR, ,BA GCIN BZHI CHA BCAS PAR BSKOL, ,BTUNG DANG BSKU BA BYAS NA PHAN, ,ZHES BYA BA LA, SER PO RNAM GNYIS LA SOGS PA'I LDE GU DANG, MAR DANG BA GCIN GYI BZHI CHA DANG BCAS PAR BSRE, BA GCIN MAR GYI BZHI 'GYUR DANG BSKOL BA'I MAR BTUNG BA LA SOGS PAR BYAS NA SHA ZA'I GDON GYIS ZIN PA LA YANG PHAN NO, ,YANG NA DE NYID RA GCIN BTAGS, ,MIG BSKUS SNAR NI BLUGS NA PHAN, ,ZHES BYA BA LA, YANG NA SER PO RNAM GNYIS LA SOGS PA'I SMAN DE NYID DANG RA GCIN DANG LHAN CIG BTAGS TE LDE GUR BYAS PA MIG TU BSKUS SHING SNAR BLUGS NA YANG SHA ZA'I GDON GYIS ZIN BA LA YANG PHAN NO, ,LHA DANG DRANG SRONG MTSUN LHA DANG, ,DRI ZA'I GDON LA SNA SMAN SOGS, ,RNON PO GTANG BAR MI BYA ZHING, ,'DI LA ZHUN MAR BTUNG LA SOGS, ,SMAN NI 'JAM POR SPYAD PAR BYA, ,ZHES BYA BA LA, LHA LA SOGS PA'I GDON BZHI PO LA NI SNA SMAN LA SOGS PA RNO ZHING DRAG PA GTANG BAR MI BYA'I, LHA LA SOGS PA'I GDON 'DI LA ZHUN MAR DANG BTUNG BA LA SOGS PA'I SMAN 'JAM PO GANG YIN PA DE SPYAD CING GTANG BAR BYA'O, ,SHA ZA MA GTOGS THAMS CAD LA, ,MI MTHUN SBYIN PAR MI BYA STE, ,MTHU STOBS CHE BA DE KHROS NA, ,NAD PA SMAN BAR BCAS GSOD BYED, ,CES BYA BA LA, SHA ZA'I GDON MA GTOGS PA GDON THAMS CAD LA MI MTHUN ZHING DE LA GNOD PAR 'GYUR BA CI YANG SBYIN ZHING SPYAD BAR MI BYA STE, ,CI'I PHYIR ZHE NA, DE RNAMS NI MTHU STOBS CHE ZHING NUS PA DANG LDAN PA YIN BAS LHA LA SOGS PA'I GDON DE DAG LA MI MTHUN PAS SPYAD NA KHROS ZHING 'KHRUGS NAS NAD PA SMAN PA DANG BCAS PA GSOD PAR BYED PAR 'GYUR RO, ,'PHAGS PA SPYAN RAS GZIGS DBANG PHYUG ,MGON
PO PHYAG NI BCU GNYIS PA, ,NAD KUN GSO BAR MDZAD PA YI, ,SNGAGS BZLAS NA NI NAD KUN SEL, ,DE BZHIN SMYO BYED BRJED BYED DANG, ,GZHAN YANG SEMS 'KHRUL BYED PA 'JOMS, ,ZHES BYA BA LA, 'PHAGS PA SPYAN RAS GZIGS DBANG PHYUG SEMS CAN THAMS CAD KYI MGON DU GYUR PA; LHA'I YANG LHA PHYAG BCU GNYIS PA NAD THAMS CAD GSO BAR MDZAD PA'I SNGAGS JI SKAD BSHAD PA DAG BZLAS NA YANG GDON THAMS CAD DANG BRJED BYED LA SOGS PA 'JOMS PAR 'GYUR RO, ,RIG SNGAGS RGYAL MO RMA BYA CHE, ,GTZANG BYAS DE LA RTAG TU BSGRAGS, ,ZHES BYA BA LA, YANG NA NAD PA DE KHRUS DANG GTZANG SBRA BYAS LA RIG SNGAGS KYI RGYAL MO RMA BYA CHEN MO'I SNGAGS DUS THAMS CAD DU DE'I RNA BAR BSGRAGS SHING BZLAS NA YANG GDON THAMS CAD LAS THAR BAR 'GYUR RO, ,'BYUNG PO'I BDAG PO LHA CHEN DANG, ,DE YI 'KHOR GYI TSOGS MCHOD CING, ,DE YI SNGAGS GRUB BZLAS NA YANG, ,GDON NI THAMS CAD 'JOMS PAR BYED, ,CES BYA BA LA, 'BYUNG PO'I GDON RNAMS KYI LEGS LDAN LHA CHEN PO MCHOD PAR BYA BA DANG, ,DE BZHIN DU DE'I 'KHOR GYI TSOGS 'JOMS BYED RNAMS MCHOD PA DANG, DE'I SNGAGS GRUB ZIN PA BZLAS PAR GYUR NA YANG GDON THAMS CAD 'JOMS PAR BYED DO, ,GANG YANG 'OG NAS BSHAD PA YI, ,LE'U GNYIS LAS SMOS PA DANG, ,GANG 'DIR BSHAD PA DE DAG KUN, ,PHAN TSUN SBYOR BA BYAS NA PHAN, ,ZHES BYA BA LA, GANG 'DI'I 'OG NAS BSHAD PA'I LE'U GNYIS PO SMYO BYED DANG BRJED BYED CES BYA BA'I NAD GSO BA LA SMOS PA DANG, ,GANG LE'U 'DI LAS BSHAD PA DE DAG THAMS CAD NI PHAN TSUN 'DRES MAR SBYAR ZHING SBYOR BA BYAS NA PHAN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR PA LAS, PHYI MA'I GNAS KYI LE'U LNGA PA'I RNAM PAR 'GREL PA'O,, ,,DE NAS SMYO BYED GSO BA BSHAD PAR BYA'O, ,ZHES BYA BA LA, GDON GYI GSO BA LAS SMYO BYED DANG BRJED BYED KYI GSO BA LOGS SHIG TU BYAS PA NI BRJOD PA MANG BA YIN PA'I PHYIR RO, ,SMYO BYED NAD GZHI RE RE DANG, ,'DUS SOGS DUG LAS
, ,GYUR PA DRUG ,CES BYA BA LA, SMYO BYED NI RNAM PA DRUG STE, ,RLUNG LA SOGS PA NAD GZHI RE RE LAS GYUR PA GSUM DANG 'DUS PA LAS GYUR PA GCIG DANG, SOGS PA SMOS PAS SEMS KYI GDUNG BA LAS GYUR PA GCIG DANG, DUG LAS GYUR PA STE DRUG GO, ,SMYO BYED CES BYA LUS DANG NI, ,SEMS KYI NAD LAM LOG PA RU, ,ZHUGS PAS SMYOS PAR GYUR PA YIN, ,ZHES BYA BA LA, SMYO BYED CES BYA BA NI GANG LUS DANG SEMS KYI NAD LAM LOG PAR GYUR PAS YID MYOS SHING MA BRTAGS PA NYID DU MYOS PAR GYUR PA DE LA NI MYOS SHING BRGYAL BA ZHES BYA'O, ,BZA' BTUNG GNOD PA DAG DANG NI, ,SNYING DANG MA GOMS DRI MAR BCAS, ,MA SNYOMS PA NI BSTEN PA DANG, ,YID ZHUM SNYING STOBS CHUNG BA DANG, ,NAD KYI SHUGS NI DKRUGS PA DANG, ,RID CING SPYOD PA MA SNYOMS DANG, ,MCHOD 'OS MCHOD PAR MI BYED DANG, ,SEMS LAS KYIS NI SEMS NYAMS DANG, ,DUG DANG NYE BA'I DUG LAS GYUR, ,ZHES BYA BA LA, BZA' BA DANG BTUNG BA GNOD BAR GYUR PA DAG GIS LUS DANG SEMS KYI NAD SKYED PA DANG, ,DE BZHIN DU ZAS SKOM RNYING PA LO LON PA DANG, ,SNGAR MA GOMS PA DANG, ,DRI MA CAN DU GYUR PA DANG, ZAS SKOM MA SNYOMS PA BSTEN PA DANG, ,DE BZHIN DU YID ZHUM ZHING MI DGA' BA DANG SNYING STOBS CHUNG ZHING NAD KYI KHYAD PAR GYIS 'KHRUGS PA DANG, LUS RID CING NYAM CHUNG BA DANG, ,SPYOD PA DRAG DAL MA SNYOMS PA DANG, ,MCHOD PAR 'OS PA LHA DANG BLA MA LA SOGS PA MCHOD PAR MI BYED PA DANG, ,SEMS LAS KYIS YID LA GNOD PAR BYED PA DANG; SEMS NYAMS SHING MA RUNGS PAR GYUR PA DANG, ,DE BZHIN DU DUG DANG NYE BA'I DUG SBYAR BA'I DUG LA SOGS PA LAS SMYO BYED KYI NAD DU GYUR PA YIN NO, ,'DI YIS SNYING STOBS ZHAN PA YI, ,SNYING GI NAD LA GNOD BYAS TE, ,BLO NI DRI MA CAN BYAS TE, ,YID RGYU BA YI LAM BKAG NAS, ,SMYO BYED DAG NI SKYED PAR BYED, ,DE YIS BLO DANG RNAM SHES DANG, ,DRAN PA 'KHRUL ZHING LUS KYI NI, ,BDE DANG SDUG BSNGAL LAS NYAMS TE, ,SHING RTA KHA LO SGYUR BA NI, ,MED PA LTA BUR RTZOM PA NI, ,KUN KYANG BSAM PA MED PAR SPYOD, ,CES BYA BA LA, SNGAR BSHAD PA'I BZA' PA DANG
BTUNG BA GNOD PA LA SOGS PA'I NAD KYIS SNYING LA GNOD PAR BYAS TE, BLO DRI MA'I RNYOG MA CAN DU BYAS TE, YID RGYU PA'I [?] RTZA SBUBS KYI LAM BKAG NAS SMYO BYED KYI NAD SKYED PAR BYED PA YIN LA, SMYO BYED DES BLO LA SOGS PA 'KHRUG CING 'KHRUGS PA DANG LUS KYI BDE BA DANG, SDUG BSNGAL LAS NYAMS SHING, TSOR BA MED DE THAMS CAD DU BSAM PA MED PA KHO NAR SPYOD PA NI DPER NA JI LTAR SHING RTA KHA LO SGYUR BA'I SKYES BU MED PA DANG PHYOGS MED PAR 'KHYAMS BA LTA BUR 'GYUR RO, ,DE LA RLUNG GYUR LUS SBEGS SHING, ,RGYU MED DU ZHING TSIG RTZUB SMRA, ,DGOD DANG 'DZUM DANG GAR BYED DANG, GLU LEN ROL MO BYED PA DANG, ,LUS SKYOD PHEG NI RDOB PA DANG, ,GLING BU PI WANG LA SOGS KYI, ,SGRA YI LAD MO YANG YANG ZLO, ,RGYUN DU KHA NAS SBU BA 'DZAG ,PHAN TSUN RGYUG CING MANG DU SMRA, ,RGYAN MIN PAS NI RGYAN DU BYED, ,BZHON PA MIN PAS 'GRO BAR RTZOM, ,KHA ZAS LA NI GDU BAR BYED, ,DE RNYED NA NI MI 'DOD BYED, ,MIG ZLUM MIG NI DMAR BA DANG, ,KHA ZAS ZHU NAS NAD LDANG 'GYUR, ,ZHES BYA BA LA, DE LA RLUNG LAS GYUR PA'I SMYO BYED NI LUS SBEGS SHING RID BA DANG, RGYU MED BAR DU BA NAS PHEG RDOB PA'I BAR DU BYED DE, RGYU MED PA NI GNAS SKABS MA YIN PA STE, GANG DU NGU BA LA SOGS PA'I BYA BA RIGS PA DAG LA NI MI BYED LA, MI BYED PAR RIGS PA DAG LA NI BYED PA'O, ,'DZUM PA NI CHUNG ZAD DGOD PA'O, ,GLING BU LA SOGS PA'I LAD MO BYED PA NI DE DANG RJES SU MTHUN PAR BYED PA'O, ,RGYAN MA YIN PA NI RTZA SHING LA SOGS PA STE, DES RGYAN DU BYED PA'O, ,BZHON PA MA YIN PA NI SHING LAS BYAS PA'I RTA LA SOGS PAS 'GRO BAR RTZOM PA'O, ,KHA ZAS LA GDU BA NI ZAS SKOM LA SOGS PA LA CHAGS PA'O, ,RNYED NA MI 'DOD PA NI DE LA MNGON PAR MI DGA' BA'O, ,KHA ZAS ZHU NAS NAD LDANG BA NI, NAD DE STOBS CAN DU 'GYUR BA'O, ,GZHAN DAG NI GO BAR ZAD DO, ,MKHRIS LAS SPYO ZHING KHRO BA DANG, ,KHU TSUR BONG BAS RDEG CING RGYUG ,GRIB MCHU NI GRANG MO 'DOD, ,GCIG PU 'DUG CING LUS MDOG SER, ,MED PAR ME NI 'BAR BA DANG, ,SKAR MA MAR ME MTHONG BA'O, ,ZHES BYA BA LA,
, ,MKHRIS PA LAS GYUR PA'I SMYO BYED NI GZHAN DAG LA TSIG NGAN PAS SPYO BA DANG, KHRO ZHING 'KHRUG PA DANG, KHU TSUR LA SOGS PAS RDEG CING 'GRO BA DANG, BTZOG PA DANG, SA PHYOGS GANG NA ME 'BAR BA LA SOGS PA MED BZHIN DU ME'I PHUNG PO LA SOGS PA MTHONG BA YIN NO, ,BAD KAN SLON ZHING YI GA 'CHUS, ,KHA ZAS RTZOL DANG SMRA BA NYUNG, ,BUD MED 'DOD CING DBEN LA DGA', ,KHA CHU SNABS NI 'DZAG PA DANG, ,'JIGS RUNG GTZANG SBRA LA MI DGA', ,GNYID CHE GDONG NI SKRANG BA DANG, ,NUB MO SHAS CHER SMYO BA DANG, ,ZOS MA THAG TU LDANG BA YIN, ,ZHES BYA BA LA, BAD KAN LAS GYUR PA'I SMYO BYED NI SLON BRO BA DANG, ,YI GA 'CHUS BA LA SOGS PA DANG, DBEN PAR GCIG PU 'DUG PAR DGA' BA DANG, ,'JIGS SU RUNG ZHING SMAD PAR BYA BA LA GNAS PA DANG, GTZANG SBRA CHUNG BA LA SOGS PA DANG, KHA ZAS ZOS MA THAG TU SMYO BYED KYI NAD SHAS CHER LDANG BA'I BAR YIN NO, ,'DUS PA'I RGYU DANG MTSAN MA NI, ,KUN LDAN DE YI BDAG NYID CAN, ,SMYO BYED MI BZANG PAR SHES BYA, ,DE NI SMAN PAS YONGS SU SPANG, ,ZHES BYA BA LA, 'DUS PA LAS GYUR PA'I SMYO BYED NI NAD GZHI RGYU THAMS CAD DANG MTSAN MA THAMS CAD DANG LDAN PA YIN TE, DE LTA BU NI 'DUS PA'I NAD DE'I BDAG NYID CAN YIN LA, ,SMYO BYED DE NI SHIN TU MI BZAD CING, 'JIGS SU RUNG BA YIN PAS, GSOR MI RUNG BA'I PHYIR SMAN PAS SPANG BAR BYA'O, ,NOR DANG CHUNG MA SOGS BRAL BAS, ,BRNAG DKA' BA LAS SEMS GDUNG BAS, ,SMYO ZHING ZHUM LA YANG YANG BRGYAL, ,KYI HUD KYI HUD SMRE SNGAGS 'DON, ,GLO BUR DU NI NGU ZHING BRGYAL, ,DE YI YON TAN MANG DU SEMS, ,MYA NGAN GYIS GDUNGS SEMS KHONG CHUD, ,GNYID YANG RNAM PAR 'KHYAMS PA YIN, ,ZHES BYA BA LA, SEMS KYI GDUNG PA NA SMYO BYED NI NOR DANG CHUNG MA LA SOGS PA YID DU 'ONG BA DANG BRAL BAS, BRNAG DKA' BA LA SEMS KYI GDUNG BA SKYE LA, DE'I DBANG GIS MDOG SKYA BO 'OD 'OD POR GYUR PA DANG, SEMS ZHUM PA LA SOGS PAR 'GYUR ZHING, NOR RAM CHUNG MA DANG BRAL BA DE'I YON TAN YANG DANG YANG DU SEMS
SHING MYA NGAN GYIS GDUNGS PA LA SOGS PA YIN NO, ,DUG GIS GDONG NI SNGO BA DANG, ,GZI NYAMS DBANG PO STOBS CHUNG BA, ,SHUGS KYI BAR DU'ANG 'KHRUL BAR BYED, ,MIG DMAR DE NI SPANG BAR BYA, ,ZHES BYA BA LA, DUG LAS GYUR PA'I SMYO BYED NI MI'I GDONG SNGO BA DANG, ,GZI MDANGS NYAMS PA LA SOGS PA DANG, BSHANG GCI LA SOGS PA'I SHUGS 'BYIN ZHING BAR DU YANG 'KHRUL ZHING MYOS PAR 'GYUR BA DANG, MIG DMAR POR 'GYUR BA YIN TE, DE YANG GSOR MI RUNG BAS SPANG BAR BYA'O, ,DE NAS RLUNG GYUR SMYO BYED LA, ,DANG POR SNUM GYI BTUNG BA BLUD; ,CES BYA BA LA, DE NAS DE DAG GI GSO BA NI RLUNG LAS GYUR BA'I SMYO BYED LA NI DANG PO THOG MA KHO NAR SMAN MAR BLUD NAS GSO BAR BYA'O, ,LAM 'GAGS GYUR LA DANG POR NI, ,SNUM BCAS SBYANG BA 'JAM PO BYA, ,ZHES BYA BA LA, RTZA SBUBS KYI LAM 'GAGS PA LAS SMYO BYED DU GYUR PA LA NI DANG PO KHO NAR SNUM DANG BCAS PA'I SKYUG SMAN DANG, BKRU SMAN DANG 'JAM PO'I SBYOR BAS GSO BAR BYA'O, ,BAD KAN MKHRIS GYUR DANG PO NI, ,SNUM DANG DUGS BYAS SKYUG SMAN DANG, ,BKRU SMAN MAS GTONG BCAS PA DANG, ,MGO BO'I BKRU SMAN DAG KYANG BYA, ,ZHES BYA BA LA; BAD KAN DANG MKHRIS PA LAS GYUR PA'I SMYO BYED LA NI DANG PO KHO NAR SNUM DANG DUGS KYI CHO GA BYAS LA SKYUG SMAN LA SOGS PA BTANG BAS GSO BAR BYA'O, ,DE LTAR LUS NI DAG BYAS NA, ,YID NI DRAN PA RNYED PAR 'GYUR, ,ZHES BYA BA LA, TSUL DE LTAR BYAS PAS SMYO BYED KYIS BTAB BA'I NAD PA DE'I LUS SBYANG BA BYAS PA'I RGYUS SEMS GSAL ZHING YID DRAN PA RNYED PAR 'GYUR RO, ,DE LTA NA YANG RJES 'BRANGS NA, ,SNA SMAN MIG SMAN RNON PO BTANG, ,SEMS DGA' DBUGS 'BYUNG SKRAG PA DANG, ,'JIGS DANG RDEG DANG SDIGS MO BYED, ,LUS DRIL BYUG DANG BSKU BA DANG, , DUD BRNGUB SMAN MAR BLUD PA DAG, ,SBYAR TE DE NI DAG GYUR NA, ,YID NI THA MAL BA LA SBYAR, ,ZHES BYA BA LA, TSUL DE LTA BU'I GSO BA BYAS SU ZIN KYANG NAD DE RJES SU 'BRANG ZHING 'BREL PA YIN NA SNA SMAN RNON PO LA SOGS PA BTANG BA DANG, SEMS DGA' BA LA SOGS PA BYAS TE, DES NI
, ,YID THA MAL PAR BDE BAR GNAS PAR 'GYUR RO, ,SHING KUN DANG NI RTZA BAS RU TSA, ,TSA BA GSUM NI SRANG GNYIS GNYIS, ,MAR BRE BZHI NI BA GCIN BCAS, ,BSKOL BAS SMYO BYED 'BYUNG PO DANG, ,BRJED BYED GDON NI SEL MCHOG YIN, ,ZHES BYA BA LA, SHING KUN LA SOGS PA'I SMAN SRANG GNYIS GNYIS DANG, MAR BRE BZHI BA GCIN DANG BCAS PAR BSKOL BA BTUNG BA LA SOGS PAR SBYAR NA SMYO BYED LA SOGS PA SEL BAR 'GYUR RO, ,BRA MHI'I KHU BA BRE DO DANG, ,MAR BRE GANG DANG TSA BA GSUM, ,SHA MA DUR BYID BIM PA DANG, ,SHANG KA PUshPA DONG GA DANG; ,SABTA DANG BYI DANG GA ,ZHO NI GNYIS GNYIS LDE GUR BSKOL, BRAMHI'I RTZA BA ZHES BSHAD DE, ,MAR NI SRANG RES BSKYED DE GTANG, ,CHE TSAD SRANG BZHI'I BAR ZOS NA, ,SMYO BYED BRJED BYED MDZE YI NAD, ,SEL ZHING MO GSHAM BU SKYED BYED, ,SKAD SNYAN TSIG GSAL DRAN PA DANG, ,YID GZHUNGS DPAL NI SKYED PAR BYED, ,ZHES BYA BA LA, SMAN BRA MHI BSKOL BA'I KHU BA BRE DO DANG MAR BRE GANG DANG, TSA BA GSUM LA SOGS PA'I SMAN SNA RE RE ZHO GNYIS GNYIS KYI LDE GU BSKOL BA NI BRA MHA'I SMAN MAR ZHES BYA BAR BSHAD DE, MAR DE SRANG GCIG NAS SRANG RE BSKYED DE SRANG BZHI BAR DU ZOS NA, MAR DES SMYO BYED LA SOGS PA'I NAD SEL ZHING DPAL SKYED PA'I BAR DU BYED DO, ,'BRAS BU GSUM DANG BI SHA LA, ,PA TRA AE LA THANG SHING DANG, ,AE LA BA LU KA DANG NI, ,THAL TRES RNAM GNYIS SER PO GNYIS, ,STHI RA RNAM GNYIS PRI YANG KU, ,RGYA SPOS RU RTA BRI HA TI, ,N'A GA GE SAR DONG GA BTZOD, ,SE'U 'BRU BAL BU'I LO MA DANG, ,DZ'A TI KHA 'BUS BYI DANG GA ,DAN DA SHUG PA AUTPA LA, ,TZANDAN DKAR PO ZHO GNYIS GNYIS, ,ZHUN MAR BRE GANG BCAS BSKOL BA, ,DGE BA'I SMAN MAR ZHES BSHAD 'DIS, ,'BYUNG PO'I GDON SOGS SMYO BYED DANG, ,BRJED BYED LUD PA SDIG CAN 'JOMS, ,SKYA RBAB G-YAN PA SKEM DANG DUG ,RMONGS BAG GCIN SNYI DBYIG DUG RIMS, ,KHU BA MED PA'AM BU MED PA 'AM, ,DRAN PA GDON GYIS BRLAMS PA DANG, ,YID GZHUNGS MED CING TSIG 'KHRUL DANG, ,DRAN NYAMS ME DROD CHUNG LA PHAN, ,STOBS SKYED BKRA SHIS TSE RING ZHING, ,MDANGS SKYED SKAL LDAN
LUS RGYAS BYED, ,BU SKYED BYED PA'I MCHOG YIN NO, ,ZHES BYA BA LA, PA TRA AE LA NI HA RE nU KA'O, ,AE LA BA LU KA NI MA LUNG KA'O, ,THAL TRES RNAM GNYIS NI SHA RI BA DKAR BO DANG, NAG PO GNYIS SO, ,SER PO GNYIS NI YUNG BA DANG SKYER BA'O, ,STHIR RNAM GNYIS NI SA LA PA RnI DANG KRishnA PARnI'O, ,PRI YANG KU NI GAN DHA PRI YANG KU'O, ,DZ'A TI NI SNA MA'I ME TOG STE, DE KHA 'BUS PO'O, ,AUTPA LA NI AUTPA LA SNGON PO'O, ,GZHAN NI GRAGS PAR ZAD DE SMAN DE DAG ZHO GNYIS GNYIS KYI TSAD DU BYAS PA'I LDE GU DANG, ,ZHUN MAR BRE GANG BSKOL BA'I SMAN MAR NI DGE BA'I SMAN MAR ZHES DRANG SRONG DAG GIS BSHAD DE, SMAN MAR 'DIS NI 'BYUNG PO'I DGON LA SOGS PA 'JOMS PA NAS BU SKYED PA'I MCHOG YIN PA'I BAR GYI YON TAN DANG LDAN PA YIN NO, ,'DI LAS THAL TRES RNAM GNYIS SOGS, ,NYI SHU RTZA GCIG CHU NANG BSKOL, ,DE YI KHU BA MAR DANG BA,, LAN CIG SKYES 'O BZHI 'GYUR DANG, ,ME DA RNAM GNYIS RAM NYE BA, ,BUM GTZANG STONG DANG KHA SRAL PHRE'U,,BU RAM SHING DANG PARnI GNYIS, ,BSKOL BA YIN SMAN MAR NI, ,DGE BA CHEN PO ZHES BYA STE, ,BRTAS BYED 'DUS PA'I NAD 'JOMS SHING, ,SNGA MA BAS KYANG YON TAN LHAG ,CES BYA BA LA, BSHAD MA THAG PA'I SMAN 'DI DAG LAS DANG PO'I BDUN MA GTOGS PA THAL TRES RNAM GNYIS LA SOGS PA SMAN SNA NYI SHU RTZA GCIG KHU BA BSKOL BA'I CHO GAS CHUR BSKOL TE, SHA RI BA RNAM GNYIS LA SOGS PA SMAN SBYIR BRE GANG CHU BRE BCU DRUG GI NANG DU BSKOL LA SMAN GYI KHU BA BZHI CHA LUS PA MAR BRE GANG DANG BA BE'U LAN CIG SKYES PA'I 'O MA BRE BZHI DANG, ME DA RNAM GNYIS LA SOGS PA SPYIR SRANG BRGYAD BSKOL BA'I SMAN MAR NI DGE BA CHEN PO'I SMAN MAR ZHES BYA STE, DES LUS BRTAS PAR BYED PA DANG, 'DUS PA'I NAD SEL BAR BYED PA DANG, DGE BA'I SMAN MAR YON TAN CHER LHAG PA YIN NO, , SPANG SPOS BU TA KE SHI DANG, ,CHU RTZA SHU DAG KHA SRAL PHRE'U, ,KYI LCE BA DANG RAM NYE BA, ,TZA RONG DZA YA PU TZE SHEL, ,SLE TRES TZA TRA BA RA HA, ,AA TI TSA TRAS TAL, ,MA H'A PU RU shA DAN dA, ,NA KU LI GNYIS SKYU RU RA, ,BRI SHTZI KA LA KA DAM PA, ,SA LA PARnI BCAS BSKOL MAR, ,SHA ZA
, ,CHEN PO'I MAR ZHES BYA, ,DES NI NYIN BZHI PA RIMS DANG, ,SMYO BYED BRJED BYED GDON 'JOMS SHING, ,BLO DANG YID GZHUNGS DRAN PA SKYED, ,BYIS PA RNAMS KYI LUS 'PHEL BYED, ,BDUD RTZI DANG NI 'DRA BA YIN, ,ZHES BYA BA LA, SPANG SPOS LA SOGS PA'I SMAN DANG, ,MAR TSUL BZHIN DU BSKOL BA'I SMAN MAR NI MING SHA ZA CHEN PO'I SMAN MAR ZHES BYA STE, DES NI NYIN BZHI PA'I RIMS LA SOGS PA SEL BA'I YON TAN DANG LDAN PA YIN NO, ,BRAMHI AIN DRI BYI DANG GA ,SHING KAN SPANG SPOS MUR BA DANG, ,RA SNA SGOG SKYA BONG NGA DKAR, , SHU DAG BYE'U RUG BI SHA LA, ,N'A GA DAN TI BYI TSER BA, ,DZO TI SMA TI TSA BA GSUM, ,AA RU RA DANG SA NAG RNAMS, ,GLANG PO'I GCIN BTAGS RI LU BYAS, ,GRIB BSKAMS SNAR BLUGS MIG BSKU ZHING, ,LUS BSKUS SPOS BDUGS SMYO BYED SEL, ,ZHES BYA BA LA, BRA MHI NI BRAM MAN YA STI KA ZHES BYA'O, ,AIN DRI NI AIN DRA BA RU NA'O, ,LA LA NI SUG SMEL LA BYA'O ZHES ZER RO, ,MO RA NI GANDHA MO RA'O, ,BI SHA LA NI LANG GA LI'O, ,DZO TI SMA TI NI MAR MA TA ZHES BYA BA PHUG RON GYI RKANG PA 'DRA BA MING GI RNAM GRANGS KU NI ZHES BYA'O, ,N'A GA DAN DA NI N'A GA BYI NA'O, ,SA NAG NI SO RA SHI ZHES BYA BA STE, ,SMAN DE RNAMS GLANG PO CHE'I GCIN DANG BTAGS TE RI LUR BYAS NAS, GRI BA MA LA BSKAMS LA SNAR BLUGS PA LA SOGS PA BYAS NA SMYO BYED KYI GDON SEL BAR 'GYUR RO, ,YUNGS KAR DANG NI SBYAR BA YI, ,SNA SMAN RNAM PA SNA TSOGS PHAN, ,ZHES BYA BA LA, GZHAN YANG SMYO BYED KYI GDON LA NI YUNGS KAR GYI MAR DANG SBYAR BA'I SNA SMAN RNAM PA THA DAD PA DAG KYANG PHAN PA YIN NO, ,YUNGS MAR GYIS NI LUS BSKU DANG, ,YUNGS KAR PHYE MA SNAR BUD BYA, ,ZHES BYA BA LA, YANG SMYO BYED KYI NAD 'DI LA YUNGS KAR GYI MAR GYIS LUS BSKU BA DANG, YUNGS KAR GYI PHYE MA SNA NAS 'BUD PA DAG BYAS NA YANG PHAN NO, ,MDO GNAS BSTAN PA'I CHO GA BZHIN, ,DUD RNON SHING KUN BCAS PA PHAN, ,ZHES BYA BA LA, ,SMYO BYED KYI NAD LA MDO'I GNAS LAS BSHAD PA'I DUD PA RNON PO SHING KUN DANG BCAS PA BDUGS NA YANG PHAN NO, ,WA DANG REG 'JAM 'UG PA DANG, ,BYI BA RA THUG
DZA TU KA'I, ,GCIN DANG RTUG PA SPU DANG NI, ,PAGS BA MKHRIS PA SEN MO DANG, ,SPOS BDUGS MIG SMAN LUS BSKUS DANG, ,BYUGS DANG BLUGS PA SBYAR PAR BYA, ,ZHES BYA BA LA, WA LA SOGS PA'I GCIN LA SOGS BA DANG SBYAR BA'I SPOS KYIS BDUGS PA LA SOGS PA BYAS NA YANG SMYO BYED KYI NAD LA PHAN NO, ,BAD KAN RLUNG GYUR LA PHAL CHER, ,KHYI DANG BA GLANG NYA SHA NI, ,RUL BA'I DUD PAS BDUG PAR BYA, ,ZHES BYA BA LA, BAD KAN DANG RLUNG LAS GYUR PA'I SMYO BYED PHAL CHER LA NI KHYI DANG BA GLANG DANG NYA'I SHA RUL ZHING DRI MNAM PA'I DUD PAS NAD PA DE LA BDUGS NA PHAN NO, , MKHRIS GYUR LA NI TIG TA'I MAR, ,'TSO BYED SNUM NI GNYIS KYI MAR, ,BZA' DANG BTUNG BA BSIL BA DANG, ,MNGAR BA DANG NI YANG BA BSNGAGS, ,ZHES BYA BA LA, MKHRIS PA LAS GYUR PA'I SMYO BYED LA NI TIG TA'I SMAN MAR DANG, MAR DANG, TIL MAR GNYIS KYI SMAN MAR BLUD NA PHAN PA DANG, DE BZHIN DU BZA' BA DANG BTUNG BA SIL BA DANG, MNGAR BA DANG YANG BA'I BAG BSTEN PA BSNGAGS PA YIN NO, ,JI SKAD BSHAD PA'I GTAR GA GDAB, ,YANG NA SHA TSON GYIS 'GRANGS BYA, ,DE 'OG RLUNG MED GNAS BSNYAL NAS, ,SEMS MYOS BA LAS THAR BAR 'GYUR, ZHES BYA BA LA, SNGAR MDO'I GNAS SU SMYO BYED LA NI SNYING GA DANG, MIG ZUR DANG, DPRAL BAR GTAR GA GDAB PAR BSHAD PA'I CHO GAS GTAR GA GDAB PAR BYA'O, ,YANG NA SHA TSON GYIS 'GRANGS PAR BYAS LA, DE'I 'OG KHANG BA RLUNG MED PA'I GNAS SU BSNYAL NA, SEMS MYOS SHING 'KHRUL BA'I NAD LAS THAR BAR 'GYUR RO, ,KHRON PA'I CHU NI NYUNG BAR GZHUG ,LTOGS PA NYID DU BYAS TE BSKAM, ,ZHES BYA BA LA, YANG NA SMYO BYED KYIS ZIN PA'I NAD PA DE KHRON PA'AM, RDZING BU CHU NYUNG BAR BCUG LA LTOGS PA NYID DU BYAS NAS LUS BSKAMS NA YANG PHAN NO, ,DE LA CHOS DANG NOR LDAN PA'I, ,GTAM DANG MDZA' BOS DGA' BAR BYA, ,ZHES BYA BA LA, YANG NA SMYO BYED DANG LDAN PA'I NAD PA DE LA DE'I SNYING DU SDUG PA'I MDZA' BOS CHOS DANG NOR DANG LDAN PA'I GTAM SNYAN PAS DE'I SEMS DGA' BAR BYA ZHING SPRO BA SRING BAR BYA'O, ,YANG NA SDUG PA DANG BRAL BA 'AM, ,
, ,RMAD DU BYUNG BA BSTAN PAR BYA, ,ZHES BYA BA LA, YANG NAD PA DE LA YID DU 'ONG ZHING SDUG PA DANG BRAL BA'I GTAM SEMS DNGANGS PAR 'GYUR BA'AM, YANG NA NGO MTSAR SKYE ZHING RMAD DU GYUR PA'I DNGOS PO BSTAN PAR BYA'O, ,BCINGS LA YUNGS MAR GYIS BSKUS TE, NYI TSAN LA NI GAN RKYAL BZHAG ,KHA SRAL PHRE'U'AM LCAGS TSA BA'AM, ,TIL MAR CHU TSAN GYIS REG BYA, ,ZHES BYA BA LA, YANG NA SMYO BYED CAN DE BCINGS LA, YUNGS MAR GYIS LUS BSKUS TE, NYI TSAN LA LUS GAN RKYAL DU BZHAG STE, KHA SRAL PHRE'U LUS LA REG PAR BYAS PA 'AM; YANG NA LCAGS DANG TIL MAR DANG, CHU TSA BAS LUS LA BSREG PAR BYA'O, ,YANG NA LCAG GIS GZHUS NAS NI, ,BCINGS TE G-YANG SAR SKYUR BAR BYA, ,ZHES BYA BA LA, YANG NAD PA DE LCAG GIS GZHUS LA BCINGS TE NYAM NGA BA'I G-YANG SAR SKYUR BAS SDANG BAR BYA'O, , YANG NA RDO DANG MTSON MED PA'I, ,MUN KHANG MI NI MED PAR BZHAG ,CES BYA BA LA, YANG NA RDO DANG MTSON CHA MED PA'I KHANG PA MUN NAG DU GYUR PA MI MED PA DAG TU GZHAG PAR BYA'O, ,MCHE BA BTON PA'I SBRUL DANG NI, ,GLANG DANG SENG GE GLANG PO CHES, ,DE NI SKRAG TU GZHUG PA 'AM, ,YANG NA RGYAL PO'I SKYES BU YIS, ,DAM DU BCINGS TE PHYIR PHYUNG NA, ,RGYAL PO'I BKA' YIS BSDIGS PA DANG, ,'DI GSAD BYA ZHES SKRAG TU GZHUG ,CES BYA BA LA, YANG NA SMYO BYED CAN GYI NAD PA DE MCHE BA BTON ZHING MED PAR BYAS PA'I SBRUL LAM GLANG KHYU MCHOG GAM, SENG GE LA SOGS PAS SKRAG TU GZHUG PAR BYA BA'AM, YANG NA NAD PA DE RGYAL PO'I MNGAG GZHUG GI SKYE BOS DAM DU BCINGS TE, RGYAL PO'I BKAS BSDIGS PA DANG GSAD PA LA SOGS PA'I TSIG GIS SKRAG TU GZHUG PAR BYA'O, ,LUS KYI SDUG BSNGAL 'JIGS PA BAS, ,SROG GI 'JIGS PA RAB 'JIGS PAS, ,DE PHYIR KUN TU 'KHRUL PA'I YID, ,NYE BAR ZHI BA NYID DU 'GYUR, ,ZHES BYA BA LA, GANG GI PHYIR LUS KYI SDUG BSNGAL BSREG PA DANG BRDEG PA DANG, GZIR BA LA SOGS PA LAS SROG GI 'JIGS PA RAB TU 'JIGS SHING SKRAG PAR BYED PA YIN PAS RGYU DE'I PHYIR SROG DANG
BRAL BA'I 'JIGS PAS SMYO BYED KYIS KUN TU 'KHRUL PAR BYED PA'I YID NYE BAR ZHI ZHING MED PAR 'GYUR RO, ,GRUB PA'I SBYOR BA 'DI DAG NI, ,NAD DMIGS DUS SOGS LTOS TE BYA, ,ZHES BYA BA LA, DE LTAR SNGAR BSHAD PA'I GSO BA'I SBYOR BA GRUB PAR GYUR PA 'DI DAG NI NAD DMIGS DANG DUS LA SOGS PA LA LTOS NAS SPYAD PAR BYA'O, ,SDUG DANG NOR DANG BRAL BA LAS, ,GANG GI YID LA GNOD GYUR PA, ,DE LA DE 'DRA RNYED GYUR PA, ,SPRO BSRINGS DBUGS DBYUNG PA YIS GSO, ,ZHES BYA BA LA, SKYES BU GANG SDUG CING YID DU 'ONG BA DANG, ,NOR DANG BRAL BA LAS YID LA GNOD CING GDUNG BAR GYUR PA'I MI DE LA NI DE DANG 'DRA BA'I NOR DANG SDUG PA DANG PHRAD CING RNYED PAR 'GYUR BA'I TSUL GYIS SPRO BSRING ZHING DBUGS DBYUNG BA'I TSUL GYIS DE'I YID GSO BAR BYA'O, ,'DOD DANG MYA NGAN 'JIGS PA DANG, ,KHRO DANG 'JIGS PA CHANG LAS GYUR, ,GNYIS GNYIS DAG GIS GCIG LA GCIG ,DE DAG NYID KYIS ZHI BAR BYA, ,ZHES BYA BA LA, 'DOD CHAGS LA SOGS PA LAS BYUNG BA'I SMYO BYED NI 'DOD CHAGS LA SOGS PA DE DAG NYID KYIS GCIG LA GCIG GNYEN POR BYAS TE ZHI BAR BYA'O, ,DE YANG 'DOD CHAGS LAS BYUNG BA'I SMYO BYED NI MYA NGAN GYIS ZHI BAR BYA LA; MYA NGAN LAS BYUNG BA NI 'DOD CHAGS KYIS ZHI BAR BYA'O, ,DE BZHIN DU KHRO BA LAS BYUNG BA NI 'JIGS PAS ZHI BAR BYA LA, 'JIGS PAS NI KHRO BA ZHI BAR BYA STE, DE LTAR GCIG LA GCIG GNYEN POR GYUR PAS BSAL BAR BYA'O, ,BSHAD PA'I MTSAN MA LAS LHAG PA, ,GDON DANG RJES 'BREL YIN ZHES BYA, ,GAL TE SMYO BYED GDON LAS GYUR, ,GDON GSOR BSHAD PA'I SMAN SBYAR BYA, ,ZHES BYA BA LA, SNGAR BSHAD PA'I SMYO BYED DRUG PO LAS MTSAN NYID LHAG PAR GYUR PA SMAN PAS GANG DANG GANG MTHONG BA DE NI GDON DANG RJES SU 'BREL PA YIN PAS NA DE LTAR GDON LAS GYUR PA'I SMYO BYED LA NI GDON GSO BA'I SKABS SU BSHAD PA'I SMAN GANG DAG YIN PA DAG GIS BTANG ZHING GSO BAR BYA'O, ,TIL BTAGS PHYE MA NAS ZAN DANG, ,SNUM ZHING MNGAR BA'I KHA ZAS DANG, ,'BRAS NI KHRAG DANG SBRUS PA DANG, ,SHA NI BTZOS PA RJEN PA DANG, ,'BRU CHANG SBYAR CHANG MNAN PA'I CHANG,
, ,AA TI MU TI'I ME TOG DANG, ,DZ'A TI SA HA RA DZA YI, ,ME TOG BCAS PA'I GTOR MA NI, ,LAM GYI BZHI MDO BA LANG LHAS, ,CHU BO 'DUS PA DAG TU SBYIN, ,ZHES BYA BA LA, DE BZHIN DU GDON LAS GYUR PA'I SMYO BYED LA TIL BTAGS PA'I PHYE MA SKYO MA DANG, DE BZHIN DU NAS CHAN NAM ZAN DANG DE BZHIN DU SNUM ZHING MNGAR BA'I SHAS CHE BA'I KHA ZAS DANG 'BRAS KHRAG GI GTOR MA DANG, SHA BTZOS PA LA SOGS PA DANG, SA HA RA DZA'I ME TOG GI BAR DANG BCAS PA'I GTOR MA LAM GYI BZHI MDO DANG, BA LANG GI LHAS DANG, CHU BO GNYIS 'DUS PA'I LAM DU SBYIN PAR BYA'O, ,GANG ZHIG SHA DANG CHANG SPANGS SHING, ,PHAN LA BRTZON ZHING GTZANG SBRA CHE, ,SNYING STOBS CAN LA LHAN CIG SKYES, ,GLO BUR SMYO BYED 'BYUNG MI 'GYUR, ,ZHES BYA BA LA, SKYES BU GANG SHA DANG CHANG SPANGS SHING BOR BA DANG, PHAN ZHING 'PHROD PA'I KHA ZAS ZOS PA DANG BRTZON PA CHE ZHING DGE BA'I LAS LA 'BAD PA DANG LDAN PA DANG, GTZANG ZHING LUS DANG NGAG DANG YID KYI LAS DRI MAS MA GOS PA DANG, SNYING STOBS DANG LDAN ZHING RANG BZHIN GYIS SRAN THUB PA'I SKYES BU LA NI LHAN CIG SKYES PA DANG, GLO BUR BA'I SMYO BYED RNAMS 'BYUNG BAR MI 'GYUR RO, ,DBANG PO'I DON NI GSAL BA DANG, ,DE BZHIN BLO DANG YID GSAL PA, ,LUS ZUNGS THA MAL PAR GNAS PA, ,SMYO BYED DANG BRAL MTSAN MA YIN, ,ZHES BYA BA LA, GZUGS LA SOGS PA'I DBANG PO'I DON GSAL BAR RTOGS SHING MA 'KHRUL BA DANG, BLO'I SHES PA DANG, YID KYI 'DZIN PA DANGS MA LA SOGS PA'I LUS ZUNGS RNAMS THA MAL PAR GNAS SHING, MA 'KHRUL PA DAG NI SMYO BYED KYI GDON LAS THAR ZHING BRAL BAR GYUR BA'I MTSAN MA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U DRUG PA'I RNAM PAR 'GREL PA'O,, ,,DE NAS BRJED BYED GSO BA BSHAD PAR BYA'O, ,ZHES BYA BA LA, SMYO BYED GSO BA'I 'OG TU BRJED BYED GSO BA BSHAD PA NI, PHAL CHER RGYU DANG MTSAN NYID DANG GSO BA MTHUN PA YIN
PA'I PHYIR SMOS PA YIN NO, ,BRJED BYED DRAN PA NYAMS PA STE, ,DE NI SNYING STOBS BLO 'KHRUL DANG, ,SEMS LAS MYA NGAN 'JIGS SOGS KYIS, ,GNOD GYUR SEMS LAS BYUNG BA YIN, ,ZHES BYA BA LA, BRJED BYED CES BYA BA NI DRAN BA NYAMS SHING 'DU SHES DANG BRAL BA LA BYA STE, 'DI NI BRJED BYED KYI NGES PA'I TSIG BSTAN PA'I PHYIR, 'DI SKAD SMOS PA YIN NO, ,BRJED BYED DE NI SNYING STOBS DANG BLO LA SOGS PA 'KHRUL PA LAS BYUNG BA YIN TE, DE LA BLO NI SHES RAB DANG SHES PA DANG, BLO GROS ZHES BYA BA'I MING GI RNAM GRANGS YIN TE DE 'KHRUL PAS SEMS LAS DANG MYA NGAN DANG 'JIGS PA LA SOGS PAS GNOD CING NYEN PAR GYUR PA'I SEMS LAS BRJED BYED BYUNG BA YIN NO, ,LUS SEMS GTOGS PA'I NAD KYIS NI, ,SMYO BYED BZHIN DU 'KHRUGS GYUR PAS, ,SNYING STOBS NYAMS SHING SNYING DANG NI, ,'DU SHES RGYU BA'I RTZA SBUBS KHYAB, ,MUN PAR ZHUGS SNYAM SEMS SHING RMONGS, ,'JIGS SU RUNG BA'I BYA BA BYED, ,SO 'CHA' LBU BA SKYUG PA DANG, ,LAG PA RKANG PA G-YOB PA DANG, ,GZUGS MED PA YANG MTHONG BA DANG, ,'KHRUL ZHING SA LA 'GYEL BA DANG, ,SMIN MA MI G-YO NAD SHUGS DANG, ,BRAL NAS SAD PAR 'GYUR BA DANG, , DE NI DUS GZHAN DAG TU YANG, ,DE BZHIN DU NI SPYOD PA YIN, ,ZHES BYA BA LA, LUS DANG SEMS KYI CHAR GTOGS PA'I NAD KYIS SMYO BYED KYI TSUL DU 'KHRUGS SHING LDANG BAR GYUR PAS SNYING STOBS BRTAN PA YOD PA GANG YIN PA DE NYAMS SHING MED PAR GYUR NAS GNOD PA DE SNYING LA KHYAB PAR GYUR PA DANG, 'DU SHES RGYU BA'I RTZA SBUBS RNAMS SU YANG NAD KYIS KHYAB PAR GYUR LA DES NA SKYES BU MUN PA'I NANG DU ZHUGS PA SNYAM DU SEMS SHING BLO RMONGS PAR GYUR PA DANG, LAS SU BYA BA 'JIGS SU RUNG ZHING SMAD PAR BYA BA BYED PA DANG, SO 'CHA' BA LA SOGS PA DANG, GZUGS MED CING 'DRA BA MA YIN PA GANG YIN PA DE MTHONG BA DANG 'KHRUL ZHING 'DU SHES NYAMS PAS SA LA 'GYEL BA DANG, SMIN MA DANG MIG YON POR SNANG BA DANG, NAD KYI SHUGS DE DANG BRAL ZHING ZHI NAS SAD CING 'DU SHES RNYED PAR 'GYUR BA DANG, YANG MI DE DUS PHYIS NAS GNAS SKABS GZHAN DAG TU YANG
, ,SPYOD PAR 'GYUR BA DE BZHIN DU BYED PA YIN NO, ,RLUNG LA SOGS PA DANG 'DUS BA'I, ,DBYE BAS BRJED BYED RNAM PA BZHI, ,ZHES BYA BA LA, BRJED BYED NI RLUNG LA SOGS PA NAD GZHI RE RE LAS GYUR PA DANG, 'DUS PA LAS GYUR PA'I DBYE BAS RNAM PA BZHI YOD PA YIN NO, ,DE NI SKYE BAR GYUR PA'I TSUL, ,SNYING 'DAR KHONG STOD MGO 'KHOR LA, ,MUN PAR MTHONG ZHING SEMS KHONG CHUD, ,SMIN MA MI SDUG MI 'GYUR DANG, ,SGRA MI THOS SHING RDUL 'BYUNG LA, ,KHA CHU SNABS NI 'DZAG PA DANG, ,MI 'JU YI GA 'CHUS SHING BRGYAL, , LTO SBOS NYAMS STOBS ZAD PA DANG, ,GNYID MED SKOM ZHING YAN LAG NA, ,RMI LAM GLU LEN GAR BYED DANG, ,TIL MAR CHANG NI 'THUNG BA DANG, ,DE GNYIS GCIN DU 'BYUNG BA RMI, ,ZHES BYA BA LA, BRJED BYED KYI NAD DE 'BYUNG ZHING SKYE BAR 'GYUR BA NA, SNGAR 'BYUNG BA'I TSUL LAM MTSAN MA NI SNYING 'DAR ZHING G-YO BA DANG, KHONG PA STONG ZHING LTO SBO BA DANG, 'KHOR LO LA BSKYON PA LTAR MGO 'KHOR BA DANG, MUN PAR MTHONG ZHING MUN 'THIBS ZHES BYED PA DANG, SEMS KHONG DU CHUD PA LA SOGS PA NAS TIL MAR DANG CHANG 'THUNG BA DANG, DE GNYIS GCIN DU 'BYUNG PA'I RMI LAM RMI BA'I BAR YIN NO, ,DE LA RLUNG GYUR BRLA 'GUL ZHING, ,YANG DANG YANG DU 'GYEL BA DANG, ,YANG DANG YANG DU DRAN PA STOR, ,'DU SHES RNYED NAS MI GSAL DU, ,MIG 'BUR YANG YANG DBUGS 'BYIN CING, ,LBU BAR SKYUG CING 'DAR BA DANG, ,SO 'CHA' MGO NI RDEBS PA DANG, ,RLUNG GIS GRE BA RGYAS PAR BYED, ,YAN LAG KUN DU RDEBS PA DANG, ,SOR MO MI SNYOMS 'GUGS PA DANG, ,MIG DANG PAGS PA SEN MO NI, ,GNAG CING RTZUB POR SNANG BA DANG, ,GZUGS NI MI BRTAN RTZUB PA DANG, ,MI SDUG BZHIN RAS NGAN PA YIN, ,ZHES BYA BA LA, DE LA RLUNG LAS GYUR PA'I BRJED BYED NI NAD PA DE'I BRLA 'GUL BA LA SOGS PA DANG, MIG GYEN DU 'BUR ZHING 'BYUNG BA DANG, YANG DANG YANG DU DBUGS 'BYIN PAR BYED PA DANG, LBU PA SKYUG BA LA SOGS PA DANG, RLUNG GIS GRE BRGYAS PAR BYED CING 'GENGS PA DANG, YAN LAG KUN
DU BRDEB CING BSKYOD PA DANG, SOR MO MTHON DMAN MI SNYOMS PAR BYAS NAS 'GUGS PA LA SOGS PA YIN NO, ,MKHRIS PA LAS GYUR BRJED BYED NI, ,DRAN PA YANG YANG NYAMS PA DANG, ,MIG GDONG PAGS BA DBU BA SER, ,SA LA RDEB PAR BYED PA DANG, ,'JIGS RUNG 'BAR ZHING KHRO BA YI; ,GZUGS MTHONG SKOM DAD CHE BA YIN, ,ZHES BYA BA LA, MKHRIS PA LAS GYUR PA'I BRJED BYED KYI MTSAN MA NI DRAN PA YANG DANG YANG DU NYAMS SHING YANG DANG YANG DU RNYED PAR 'GYUR BA DANG, MIG SER BA LA SOGS PA YIN NO, ,BAD KAN LAS GYUR RING NAS 'DZIN, ,YUN RING NYID NAS SAD PAR BYED, ,G-YO 'GUL NYUNG ZHING KHA CHU MANG, ,KHA MIG SEN MO PAGS PA DKAR, ,GZUGS RNAMS DKAR POR MTHONG BA YIN, ,ZHES BYA BA LA, BAD KAN LAS GYUR PA'I BRJED BYED KYI MTSAN MA NI, YUN RING ZHIG NAS 'DZIN CING 'JUG LA, RING ZHIG NAS SAD CING DRAN PA RNYED PAR 'GYUR BA LA SOGS PA YIN NO, ,MTSAN NYID KUN DANG LDAN PA SPANGS, ,ZHES BYA BA LA, 'DUS PA LAS GYUR PA'I BRJED BYED NI MTSAN NYID KUN DANG LDAN PA YIN TE, DE NI GSOR MI RUNG BAS SPANG BAR BYA'O, ,DE NAS BLO SEMS DRAN PA DANG, ,SNYING GA'I SBUBS NI SAD BYED PA'I; ,SLON SMAN LA SOGS LAS RNAMS NI, ,RNON PO YIS NI SBYANG BAR BYA, ,ZHES BYA BA LA, BLO DANG SEMS DANG DRAN PA RGYU BA'I SNYING GA'I RTZA SBUBS 'GAGS PAR GYUR PA LA NI DE SAD CING DAG PAR BYED PA'I SLON SMAN DANG, SKYUG SMAN LA SOGS PA RNON PO DAG GIS DE DANG POR SBYANG ZHING DAG PAR BYA'O, ,RLUNG GYUR 'JAM RTZI MANG DU BYA, ,MKHRIS GYUR PHAL CHER BKRU SMAN GTANG, ,ZHES BYA BA LA, RLUNG LAS GYUR PA'I BRJED BYED NI, GSO BA RNAMS KYI NANG NAS PHAL CHER 'JAM RTZI MANG BAS GSO BAR BYA'O, ,MKHRIS PA LAS GYUR PA'I BRJED BYED LA NI PHAL CHER BKRU SMAN BTANG BAS GSO BAR BYA'O, ,BAD KAN PHAL CHER SKYUG SMAN NI, ,BTANG BAS BRJED BYED GSO BAR BYA, ,ZHES BYA BA LA, BAD KAN LAS GYUR PA'I BRJED BYED NI PHAL CHER SKYUG SMAN LA SOGS PA BTANG BAS GSO BAR BYA'O, ,RNAM PA KUN DU LEGS DAG CING, ,LEGS PAR SPRO NI
, ,BSRING BYA ZHING, ,BRJED BYED LAS NI THAR BYA'I PHYIR, ,ZHI BAR BYA BA'I SBYOR BA NYON, ,ZHES BYA BA LA, BRJED BYED KYI NAD KYIS BTAB PA DE RNAM PA THAMS CAD DU STENG DANG 'OG NAS SBYANG BA BYAS SHING LEGS PAR DAG PAR BYAS PA DANG, LEGS PAR SPRO BA SRING ZHING DBUGS DBYUNG BAR BYAS NAS, BRJED BYED LAS THAR ZHING ZHI BAR BYA BA'I SBYOR BA GANG DAG YIN PA MNYAN PAR GYIS SHIG PA'O, ,BA LCI'I KHU BA 'O MA DANG, ,ZHO DANG GCIN DANG MAR BSKOL BA, ,BRJED BYED RIMS DANG SMYO BYED DANG, ,MIG SER SEL BAR BYED PA BLUD, ,CES BYA BA LA; BA'I LCI BA BTZAGS PA'I KHU BA DANG, 'O MA DANG ZHO DANG GCIN RE RE ZHING BA'I MAR DANG CHA MNYAM PAR BYAS PA'I RNAM LNGA'I SMAN MAR NI BRJED BYED LA SOGS PA SEL BAR BYED PA YIN PAS DE BLUD PAR BYA'O, ,RTZA BA BCU PA 'BRAS BU GSUM, ,DUG MO YUNGS SHUN SER PO GNYIS, , AA PA MARGA LO MA BDUN, ,NI LI NI DANG PU TZE SHEL, ,DONG GA PUshKAR M'U LA DANG, ,PHAL GU'I RTZA BA BYI TSER SRANG, ,GNYIS GNYIS CHU BRE BCU DRUG NANG, ,BSKOL BA LAS NI BZHI CHA LUS, ,GA BRA'I RTZA BA DU BA RI, ,PA THA DAN DA DUR BYID DANG, ,TSA BA GSUM DANG RO HI SHEE, MUR BA RTZA MKHRIS BU TI KA ,HA TI PI PI LING DANG NI, ,MA DU YAN TI THAL TRES GNYIS, ,LCANG MA DANG NA TZI TRI KA ,ZHO NI GNYIS GNYIS MAR BRE GANG, ,DE BZHIN SNGA MA'I GSHER RDZAS BSKOL, ,'DI NI BA YI RNAM LNGA CHE, ,BRJED BYED RIMS DANG DMU RDZING DANG, ,MTSAN BAR RDOL BA SEL MCHOG YIN, ,'OR NAD GZHANG 'BRUM MIG SER DANG, ,SKYA RBAB SKRAN DANG LUD PA DANG, ,GDON RNAMS 'JOMS PAR BYED PA YIN, ,ZHES BYA BA LA, RTZA BA LNGA PA RNAM GNYIS DANG 'BRAS BU GSUM LA SOGS PA'I SMAN SNA RE RE ZHING SRANG GNYIS GNYIS CHU BRE BCU DRUG GI NANG DU BSKOL BA DE LAS CHU BRE BZHI LUS PA DANG, DE'I NANG DUG [?] BRA LA SOGS PA'I RTZA BA ZHO GNYIS GNYIS LDE GUR BYAS PA DANG, DE BZHIN DU SNGA MA'I GSHER RDZAS PA'I LCI BA'I KHU BA LA SOGS PA BA'I RNAM LNGA CHEN PO'I SMAN MAR ZHES BYA STE, ,'DIS NI BRJED BYED LA SOGS PA SEL BAR BYED
PA DANG, 'OR NAD LA SOGS PA 'JOMS PAR BYED PA YIN NO, ,RO HI SHA NI BU SRI NA'O, ,RTZA MKHRIS NI BU NIM PA STE, KI RA TA TI GA TA'O, ,HA TI PI PI LING NI SHI BA SE'O, ,THAL TRES RNAM GNYIS NI SHA RI BA DKAR PO DANG NAG PO'O, ,BRAMHI SHU DAG RU RTA DANG, ,SHANG KA PU shPA MAR RNYING BCAS, , BSKOL BA'I MAR NI YID GZHUNGS BYED, ,SMYO BYED BKRA MI SHIS PA DANG, ,BRJED BYED SDIG PA 'JOMS PAR BYED, ,CES BYA BA LA, BRA MHI'I KHU BA MAR GYI BZHI 'GYUR DANG, SHU DAG LA SOGS PA'I SMAN GYI LDE GU DANG MAR RNYING PA BSKOL BA'I SMAN MAR NI YID GZHUNGS PAR BYED CING SDIG PA DANG BKRA MI SHIS PA'I BAR 'JOMS PAR BYED PA YIN NO, ,'TSO BYED SDE TSAN SRANG RE DANG, ,TIL MAR ZHUN MAR BRE RE BSRES, ,'O MA BRE NI BCU DRUG BSKOL, ,'THUNGS NA BRJED BYED LAS THAR BYED, ,CES BYA BA LA, 'TSO BYED KYI SDE TSAN SMAN BCU PO SRANG RE RE DANG, TIL MAR BRE GANG DANG, MAR BRE GANG BSRES TE 'O MA BRE BCU DRUG GI NANG DU BSKOL LA MAR DANG TIL MAR 'BA' ZHIG LUS PA LAS RAN PAR 'THUNGS NA BRJED BYED KYI NAD LAS THAR BAR 'GYUR RO, ,'O MA BU RAM SHING KHU BA, ,BRE BZHI DANG NI TANG PAL GYI, ,KHU BA BRGYAD 'GYUR DAG DANG NI, ,'TSO BYED SDE TSAN ZHO GNYIS GNYIS, ,ZHUN MAR BRE GANG BCAS BSKOL BLUD, ,DES NI RLUNG MKHRIS LAS GYUR PA'I, ,BRJED BYED MYUR DU SEL BAR BYED, ,CES BYA BA LA, 'O MA DANG BU RAM SHING GI KHU BA BRE BZHI DANG, TANG PAL GYI KHU BA DE'I BRGYAD 'GYUR DANG; 'TSO BYED SNA BCU ZHO GNYIS GNYIS DANG ZHUN MAR BRE GANG BSKOL BA'I SMAN MAR BYIN NA RLUNG DANG MKHRIS PA LAS GYUR PA'I BRJED BYED MYUR DU SEL BAR BYED DO, ,DE BZHIN 'JAG MA BYI DA RI, ,KU SHA BU RAM SHING 'O MA, ,BSKOL BA 'THUNGS PA 'ANG DE DANG 'DRA, ,ZHES BYA BA LA, 'JAG MA LA SOGS PA DANG 'O MA BSKOL BA LA SOGS PA 'THUNGS NA YANG DE DANG 'DRA BAR RLUNG DANG MKHRIS PA LAS GYUR BA'I BRJED BYED SEL BAR 'GYUR RO, ,KU SMAN TA YI KHU BA MAR, ,BCO BRGYAD 'GYUR DANG SHING MNGAR GYI, ,LDE GUR BCAS BA BSKOL BA NI, ,BRJED BYED
, ,SEL BAR BYED PA DANG, ,BLO DANG TSIG GSAL SKAD SNYAN BYED, ,CES BYA BA LA, KU SMAN TA ZHES BYA BA BUM SHA'I KHU BA MAR GYI BCO BRGYAD 'GYUR DANG, SHING MNGAR GYI LDE GU DANG BCAS PAR BSKOL BA'I SMAN MAR GYIS NI BRJED BYED SEL BA LA SOGS PA'I YON TAN DANG LDAN PA YIN NO, ,BA NI SER SKYA'I MKHRIS PA YI, ,SNA SMAN BTANG YANG MCHOG TU PHAN, ,ZHES BYA BA LA, KHA DOG SER SKYAR 'DUG PA'I MKHRIS PA'I SNA SMAN BTANG NA YANG BRJED BYED KYI NAD LA MCHOG TU PHAN PA YIN NO, ,KHYI DANG WA DANG BYI LA DANG, ,SENG GE SOGS KYI MKHRIS PA BSNGAGS, ,ZHES BYA BA LA, KHYI LA SOGS PA'I MKHRIS PA'I SNA SMAN BTANG NA YANG BRJED BYED KYI NAD LA PHAN NO, ,GO NGA [?] SRE MO GLANG PO CHE, ,BA GLANG DRED DANG PRI SHA TA'I, ,MKHRIS PA TIL MAR BSKOL BA DAG ,LUS BSKU SNAR NI BLUGS NA'ANG PHAN, ,ZHES BYA BA LA, GO NGA LA SOGS PA'I MKHRIS PA DANG TIL MAR BSKOL LA DE LUS LA BSKUS PA DANG, SNAR BLUGS NA YANG PHAN PA YIN NO, ,'BRAS BU GSUM DANG TSA BA GSUM, ,NAS TSIG 'KHUS THAL KO NYON TSE, ,PHA NI DZA KA SRA RTZI POG ,AA PA MARGA KARANYDZA'I, ,SA BON TIL MAR RA GCIN DANG, ,BCAS PA BSKOL BA SNAR BLUGS PA'AM, ,PHYE MA SNA NAS BUS NA'ANG PHAN, ,ZHES BYA BA LA, 'BRAS BU GSUM LA SOGS PA'I LDE GU DANG TIL MAR GYI BZHI 'GYUR GYI RA GCIN LA SOGS PA DANG BSKOL LA, TIL MAR NYI TSE LUS PA SNAR BLUGS PA'AM, , 'BRAS BU GSUM LA SOGS PA'I SMAN GYI PHYE MA SNA NAS BUS NA YANG BRJED BYED KYI NAD LA PHAN NO, ,SRE MO 'UG PA SPRE'U DANG, ,BYA RGOD KHYI RTA BYA ROG SBRUL, ,MCHU DANG SGRO DANG RTUG PA YI, ,DUD PAS 'DI LA BDUG PAR BYA, ,ZHES BYA BA LA, SRE MO LA SOGS PA'I MCHU LA SOGS PA GANG RNYED PA'I DUD PAS NAD PA DE LA BDUGS NA YANG BRJED BYED KYI NAD LA PHAN BA YIN NO, ,TIL MAR SGOG SKYA BCAS PA'AM, ,'O MA NYE'U SHING BSTEN YANG PHAN, ,ZHES BYA BA LA, YANG NA BRJED BYED KYI NAD KYIS BTAB BA DES TIL MAR DANG SGOG SKYA BZA' BA'AM, 'O MA
DANG NYE'U SHING BSTEN CING GOMS PAR BYAS NA YANG PHAN NO, ,BRAMHI 'AM RU RTA'I KHU BA'AM, ,SHU DAG SBRANG RTZIR LDAN PA 'ANG PHAN, ,ZHES BYA BA LA, YANG NA BRAMHI'I KHU BA'AM, RU RTA'I KHU BA SHU DAG DANG SBRANG RTZIR LDAN PA DAG KYANG BSTEN PAR BYA'O, ,NAD GZHI MNYAM DU 'KHRUGS PA LAS, ,LUS DANG SEMS LA BRTEN GYUR NAD, ,SKYES PAR GYUR PA GANG YIN DE, ,BRJED BYED GNAD NI CHEN POR GNAS, ,DE BAS GSO DKA' 'DI LA NI, ,BCUD KYIS LEN GYIS GSO BAR BYA, ,ZHES BYA BA LA, RLUNG DANG MKHRIS PA DANG, BAD KAN CHA MNYAM DU 'KHRUGS SHING LDANG BA LAS LUS DANG SEMS LA BRTEN PA'I BRJED BYED KYI NANG SKYES PAR GYUR PA 'DI NI BRJED BYED DE, LUS KYI GNAD CHEN PO LA GNAS SHING, SNYING LA BRTEN PA YIN TE, DE BAS NA SHIN TU GSO BAR DKA' BA'I BRJED BYED KYI NAD 'DI LA NI BCUD KYIS LEN DE DANG 'PHROD PAR GSO BAR BYA'O, ,DES NYEN ME DANG CHU LA SOGS, ,YANG BA LAS RTAG TU BSRUNG, ,ZHES BYA BA LA, BRJED BYED CES BYA BA'I NAD DES NYEN ZHING GDUNGS PA'I MI DE MI DANG CHU LA SOGS PA YANG ZHING 'CHI BA'I RGYUR GYUR PA LA RTAG PAR DUS THAMS CAD DU BSRUNG PAR BYA'O, ,THAR PA NA NI YID 'KHRUL PAS, ,KHYED KYIS 'DI LTAR BYAS SO ZHES, ,MI BRJOD YUL NI YID 'ONG BAS, ,NYAMS PA'I SEMS NI BRTA BAR BYA, ,ZHES BYA BA LA, BRJED BYED CES BYA BAS YID 'KHRUL ZHING DRAN PA NYAMS PAS TSUL 'DI LTAR BYAS SO ZHES DE THAR ZHING DRAN PA RNYED PA'I SKABS SU SKYES BU GZHAN DAG GIS BRJOD PAR MI BYA ZHING YID LA GDUNG BA BSKYED PAR MI BYA'I, DE LA SGRA LA SOGS PA'I YUL YID DU 'ONG ZHING DBANG PO TSIM PAR BYED PAS, NYAMS NYES PA'I SEMS DE BRTA BAR BYA ZHING STOBS DANG LDAN PAR 'GYUR RO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U BDUN PA'I RNAM PAR 'GREL PA'O,, ,,'BYUNG PO'I GDON GSO BA'I RGYUD RDZOGS SO,, ,,DE NAS
, ,MIG MCHU'I NAD DMIGS SHES PAR BYA BA BSHAD PAR BYA'O, ,ZHES BYA BA LA, 'BYUNG PO'I NAD GSO BA'I RGYUD BSHAD PA'I RJES LA MIG SMAN GYI RGYUD BRTZAMS PA NI SNGAR MDOR BSTAN PA JI LTA BA BZHIN DU RGYAS PAR BSHAD PA YANG DE LTAR BYA DGOS PA'I TSUL GYIS BRTZAMS PA YIN TE, JI LTAR BRJED BYED KYI NAD GNAD CHEN PO ZHES BYA BA SNYING LA GNAS TE SKYE BAR BYED PA DE BZHIN DU GNAD CHEN PO MGO BO ZHES BYA BA LA BRTEN CING GNAS NAS NAM TSONG YAN CHAD DU GTOGS PA'I NAD SKYE BAR 'GYUR BA YIN LA DE LAS KYANG MIG NI LAS SU BYA BA THAMS CAD LA 'JUG PA'I RGYUR GYUR PA YIN PAS GTZO BO YIN PA'I PHYIR DE'I GSO BA DANG POR BRTZAMS PA YIN NO, ,DE LA MIG MCHU NI MIG SBUBS DANG MIG 'BRAS 'GEBS PAR GYUR PA'I BAGS PA LA BYA STE, MIG MCHU DER MIG DBYE DKA' BA LA SOGS PA'I NAD 'BYUNG LA DE'I DMIGS SHES PAR BYA BA NI NAD GZHI NANG KYI SNGAR BYUNG BA'I TSUL LA SOGS PA JI LTA BU YIN PA DE BSHAD PAR BYA'O, ,ZHES BYA BA LA, NAD KUN NAD GZHI LAS BSHAD PA'I, ,GNOD PAS NAD NI 'KHRUGS PA DANG, ,MCHOG TU MIG LA GNOD PA DANG, ,PHAL CHER MKHRIS PA SKYED PA YIS, ,RTZA LAS GYEN DU RGYUS NAS NI, ,MIG GI YAN LAG MIG MCHU GRVA, ,DKAR NAG MTHONG BYED RGYAL MO 'AM, ,MIG KUN LA GNAS NAD SKYED BYED, ,CES BYA BA LA, NAD THAMS CAD KYI NAD GZHI LAS BSHAD PA'I NAD KYI RGYU KHA BA DANG TSA BA DANG NYUNG BA DANG, KHA ZAS NGAN DON LA SOGS PA ZOS PA DANG, GNOD CING MI 'PHROD PAR GYUR PA DAG GIS RANG GI NAD GZHI JI LTA BA BZHIN DU 'KHRUGS PAR GYUR PA DANG, MCHOG GAM KHYAD PAR DU KHA ZAS DANG SPYOD LAM DANG, SMAN MIG LA GNOD PAR GYUR PA DAG GIS MIG NAD LDANG BAR BYAS PA DAG PHAL CHER RAM, MANG DU MKHRIS PA SKYED PAR BYED PA DAG GIS NAD LDANG LA DES NA RTZA LAS GYEN DU RGYUS PAR GYUR NAS MIG GI YAN LAG TU GYUR PA MIG MCHU'AM MIG GI GRA MTSAMS MIG 'BRAS DKAR PO 'AM MTHONG BAR BYED PA'I MIG GI RGYAL MO'AM, MIG THAMS CAD LA BRTEN CING GNAS NAS RANG
RANG GI MIG GI NAD SKYED PAR BYED DO, ,DE LA RLUNG NI MIG MCHU YI, ,RTZA LA ZHUGS PAR GYUR PA DAG ,NYAL NAS LANG TSE MIG MCHU NI, ,HAR BAG NA DANG BCAS PAR BYED, ,MIG NI RDUL GYIS GANG SNYAM SEMS, ,'DZUMS PAR DKA' ZHING MCHI MA 'DZAG ,MNYES NA BDE BA SNYAM DU BYED, ,DE NI 'DZUMS DKA' YIN ZHES BSHAD, ,CES BYA BA LA, DE LA MIG MCHU'I NAD DE RNAMS KYI NANG NAS RLUNG GI NAD DMIGS MCHU LA GNAS PA RTZAR ZHUGS TE, MI NYAL NAS LDANG BAR GYUR PA LA, NA BA DANG BCAS PA'I MIG MCHU BSDUR MI 'DOD CING RENGS TE, HAR BAG TU 'DUG PA SKYED PAR 'GYUR BA DANG, MIG RDUL GYI TSOGS SAM BYE MAS GANG BA SNYAM DU SEMS PA DANG, DE BZHIN DU DKA' ZHING SDUG BSNGAL BAS 'DZUMS PAR BYED CING, SDUD PAR BYED PAR 'GYUR BA DANG, MCHI MA MANG DU 'DZAG PA DANG, NAD DE MNYES NA BDE BA SNYAM DU SEMS SHING, ZHI BAR BYED DE NAD KYI KHYAD PAR DE LTA BU DE NI MIG 'DZUMS PAR DKA' BA ZHES BYA BA YIN NO, ,ZHES SLOB DPON GYIS BSHAD DO, ,RLUNG GIS MIG MCHU BSKYOD NAS NI, ,YANG DANG YANG DU 'BYED CING 'DZUMS, ,'DI NI 'DZUMS PA ZHES BSHAD DO, , ZHES BYA BA LA, RLUNG GIS MIG MCHU BSKYOD CING 'GUL NAS, ,YANG DANG YANG DU 'BYED PA DANG, 'DZUMS PAR BYED PA DE YANG NAD MED PAR 'GYUR BA'I MIG MCHU'I NAD 'DI NI 'DZUMS BA ZHES BYA'O, ,ZHES BSHAD DO, ,GRVA MTSAMS LHOD CING TSOR BA MED, ,RTAG TU 'DZUMS SHING MIG NYAMS PA, ,GANG YIN DE NI RLUNG GNOD YIN, ,ZHES BYA BA LA, MIG MCHU GANG MIG GI GRVA MTSAMS LHOD PAR GYUR CING TSOR BA MED PAS RTAG TU 'DZUMS PAR BYED KYI, NAM YANG 'DZUMS PAR MI BYED LA, NYAMS PA'I NAD DE NI RLUNG GIS GNOD PAR BYAS PA ZHES BYA'O, ,ZHES BSHAD DO, ,MKHRIS PAS MIG MCHU'I MTHA' MAR NI, ,'BRUM BU KU MU DA YI NI [?], ,SA BON 'DRA SLAR GANG GYUR PA, ,'BRUM PHRAN KU MU DA ZHES BYA, ,ZHES BYA BA LA, MKHRIS PAS MIG MCHU'I MTHA' MA THOG THAG TU 'BRUM BU PHRA MO KU MU DA'I SA BON 'DRA BA
, ,MANG POS GANG ZHIG KHYAB PAR GYUR LA, BSAL ZHING BRTOL YANG SLAR GANG BAR 'GYUR BA'I 'BRUM PHRAN GYI MIG MCHU'I NAD DE NI KU MU DA ZHES BYA'O, ,TSA ZHING 'DRUL LA NAD DANG BCAS, ,DMAR ZHING REG NA MI BZOD PA, ,MKHRIS PAS MIG MCHUR SKYES PA DE, ,MKHRIS PAS SKYES PA YIN ZHES BSHAD, ,CES BYA BA LA, MKHRIS PAS MIG GI MCHUR TSA BA DANG, 'DRUL BA DANG, NA BA DANG BCAS PA DANG, MIG DMAR POR SNANG BA DANG, REG NA MI BZOD PA SKYES BAR GYUR NA NAD DE NI MKHRIS PAS SKYED CING DKRUGS PA YIN NO ZHES SLOB DPON GYIS BSHAD DO, ,MKHRIS PA RDZI MA'I NAD GNAS SHING, ,G-YA' ZHING TSA BAR BYED PA DANG, ,DE RJES RDZI MA 'BYI BA STE, ,RDZI MA 'BYI BA ZHES BSHAD DO, ,ZHES BYA BA LA, MKHRIS PA RDZI MA'I NANG NA GNAS SHING BRTEN NAS G-YA' BA DANG TSA BAR BYED LA, DE'I RJES LA RDZI MA 'BYI ZHING 'DRUL BAR BYED PA'I NAD DE NI RDZI MA 'BYI BA ZHES BYA BAR DRANG SRONG RNAMS KYIS BSHAD DO, ,BAD KAN LAS GYUR MIG MCHU'I NAD, ,'BRUM PHRAN DKAR PO YUNGS KAR 'DRA, ,MTHUG SKRANGS G-YA' NA MIG RDUL KHEBS, ,SPYI BAG CAN 'DZAG PO DAG KYA, ,ZHES BYA BA LA, BAD KAN LAS GYUR PA'I MIG MCHU'I NAD 'BRUM PHRAN YUNGS KAR LTA BU LA MTHUG CING SKRANGS PA LA SOGS BA DANG LDAN PA DE NI MING PO DAG KYA ZHES BYA'O, ,HAR BAG 'DRUL BA RDU MAS KHEBS, ,BAD KAN GYIS BSLANGS MIG MCHU'I NAD, ,CES BYA BA LA, HAR BAG TU 'DUG PA DANG, 'DRUL ZHING RNAGS PA DANG, MIG RDU MAS KHEBS SHING GOS PA'I MIG MCHU'I NAD NI MING BAD KAN GYIS BSLANGS PA ZHES BYA'O, ,BAD KAN LAS GYUR RMEN BU DKAR, ,NA ZHING SMIN MA MED G-YA' SRA, ,RGYA SHUG TZAM MAM DE LAS NI, ,CUNG ZAD CHUNG BA CHAGS PA YIN, ,ZHES BYA BA LA, BAD KAN LAS GYUR PA'I MIG MCHU'I NAD RMEN BU DKAR PO RE 'BYUNG ZHING RE RE ZHING NA BA DANG, SMIN MA GNYIS KA MED PA SHAS CHER G-YA' BA RDO LTAR SRAB RGYA SHUG TZAM GYI TSAD DAM, YANG NA RGYA SHUG GI 'BRAS BU DE LAS CUNG ZAD TZAM CHUNG BA'I MIG
MCHU'I NANG DE NI 'BYAR ZHING CHAGS TE GNAS PA YIN PAS MING CHAGS PA ZHES BYA'O, ,KHRAG LAS 'BRUM PHRAN DMAR BA DANG, ,DE MTSUNGS 'BRUM PHRAN GYIS KHYAB PA, ,BRTZEGS PA ZHES BYA, ZHES BYA BA LA, KHRAG 'KHRUGS PA LAS 'BRUM PHRAN KHA DOG DMAR BA ZHIG 'BYUNG LA, GZHAN YANG DE DANG MTSUNGS PA'I 'BRUM BU PHRA MOS KHYAB PA DE NI BRTZEGS PA ZHES BYA'O, ,DES BSKYED DMAR, REG MI BZOD PA MIG MCHU SLONGS, ,ZHES BYA BA LA, YANG KHRAG DE NYID KYIS DE BZHIN DU MIG MCHU DMAR PO BSKYED PAR 'GYUR LA DE YANG RI MO DMAR PO SHAR SHAR PO'I RI MO DANG LDAN ZHING REG PAR MI BZOD PA NI MIG MCHU SLONGS PA ZHES BYA'O, ,MIG MCHU'I NANG DU SHA LHAG NI, ,SRA ZHING SNUM LA TSA ZHING NA, ,MDOG DMAR DE NI KHRAG 'DZAG CING, ,BCAD BZHIN 'PHEL BYED MIG 'BRUM YIN, ,ZHES BYA BA LA, MIG MCHU'I NANG DU SHA LHAG LHAG KHRAG LAS GYUR PA SRA BA DANG SNUM PA LA SOGS PA'I MTSAN NYID DANG LDAN PA BCAD BZHIN DU 'PHEL BAR BYED PA NI MIG NAD MIG 'BRUM ZHES BYA'O, ,MIG MCHU'I MTHA' 'AM DBUS SU NI, ,G-YA' ZHING TSA LA NA BCAS BRTAN, ,MUNGGA TZAM GYI KHRAG 'BRUM DMAR, ,'BRUM PHRAN MIG NAD CES BYA'O, ,ZHES BYA BA LA, MIG MCHU'I MTHA' MA'I CHA 'AM DBUS KYI GNAS SU 'BRUM PHRAN MUNGGA ZHES BYA BA MON SRAN SDE'U TZAM G-YA' BA LA SOGS PA DANG LDAN LA BRTAN ZHING MI 'GYUR BA MDOG DMAR POR GNAS PA DE NI 'BRUM PHRAN GYI MIG NAD CES BYA'O, ,NAD KYIS MIG MCHU'I PHYI ROL SKRANGS, ,NANG DU BU GA PHRA MOS KHYAB, ,'DZAG BCAS NANG NA CHU YOD DE, ,PADMA'I RTZA 'DRA BAD [?] RTZA YIN, ,ZHES BYA BA LA, NAD DMIGS GSUM PO DAG GIS MIG MCHU'I PHYI ROL GYI CHA SKRANGS PAR GYUR CING NANG NA BU GA PHRA MES KUN DU KHYAB PAR GYUR LA CHU SER 'DZAG PA DANG BCAS SHING NANG NA CHU YOD PA'I MIG MCHU'I NANG DE NI PADMA'I RTZA BA'I DBYIBS 'DRA BAR 'DUG PA DE'I MING NI MIG MCHU'I NAD PADMA LTA BU ZHES BYA'O, ,NAD GZHI GSUM DANG KHRAG 'KHRUGS PAS, ,MIG MCHU'I NAD NI LDANG BA DANG, ,
, ,RGYU MED PAR NI RNYID 'GYUR GANG, ,DE NI MIG MCHU 'KHRUGS ZHES BYA, ,ZHES BYA BA LA, NAD GZHI GSUM DANG KHRAG 'KHRUGS PAR GYUR PAS GANG MIG MCHU'I NAD YANG DANG YANG DU LDANG BAR GYUR CING RGYU MED PAR GLO BUR DU RNYID CING CUNG ZAD SKAMS TE, ZHUM PAR GYUR PA'I MIG NAD GANG YIN PA DE NI MING MIG MCHU 'KHRUGS PA ZHES BYA BA'I MING DU BTAGS PA YIN NO, ,NAD KYIS MIG MCHU DRI MA KHRAG ,SKRANGS RNAGS NA BCAS MIG MCHU SNGO, ,ZHES BYA BA LA, RLUNG LA SOGS PA'I NAD GSUM GYIS MIG MCHU GANG DRI MA DANG BCAS SHING KHRAG YOD LA SKRANGS PA DANG, RNAGS PA DANG, NA BA DANG BCAS PA NI, MIG MCHU'I NAD SNGON PO ZHES BSHAD DO, ,G-YA' ZHING SKRANGS LA DMAR BA DANG, ,MIG MCHU 'BYAR BA 'BYAR ZHES BYA, ,ZHES BYA BA LA, DRI MA DANG KHRAG LA SOGS PA'I NAD KYIS G-YA' BA LA SOGS PA DANG LDAN ZHING, MIG MCHU GNYIS PHAN TSUN 'BYAR ZHING DBYE BAR DKA' BA DE NI MIG MCHU'I NAD 'BYAR BA ZHES BYA'O, ,MIG MCHU'I NAD NI SRA ZHING RTZUB, ,'BRUM PHRAN BYE MA 'DRA ZHES BYA, ,ZHES BYA BA LA, MIG MCHU'I NANG GI CHAR 'BRUM PHRAN SRA ZHING RTZUB PAR BYE MA 'DRA BA YOD PA NI BYE MA 'DRA BA'I MIG MCHU'I NAD CES BYA'O, ,GNAG CING 'DAM 'DRA 'DAM BU'O, ,ZHES BYA BA LA, MIG MCHU GANG KHA DOG NAG CING 'DAM LTAR RNYOG PA CAN DU GNAS PA GANG YIN BA DE NI 'DAM BU LTA BU ZHES BYA'O, ,MDOG 'DRA SHA NI MANG POS RGYAS; ,NA SHAS CHE BA ZHES BYA'O, ,ZHES BYA BA LA, MIG MCHU GANG SHA MDOG 'DRA BA'I SHA MANG POS CHA MNYAM DU RGYAS SHING KHYAB PAR GYUR PA NI MING SHAS CHE BA ZHES BYA'O, ,BYIS BA SO SKYES TSE NA 'BYUNG, ,DES NI BYIS PA'I MIG SKRANG ZHING, ,MIG DMAR LTA BAR MI NUS LA, ,MIG MCHU GZER ZHING SPYI BAG 'DZAG ,RNA BA SNA DANG MIG NYED BYED, ,GANG YIN DE NI SGRA NGAN YIN, ,ZHES BYA BA LA, SGRA NGAN ZHES BYA BA'I MIG MCHU'I NAD NI BYIS PA SO SKYE BA NYID KYI TSE NA 'BYUNG ZHING DE RGYUR GYUR PA YIN TE, NAD DES BYIS PA'I MIG SKRANGS PA LA SOGS PA'I MTSAN NYID
DANG LDAN ZHING RNA BA DANG SNA DANG MIG LAG PAS NYED PAR BYED DE, ,DE'I MING NI SGRA NGAN PA ZHES BYA'O, ,RDZI 'GAGS RDZI MA 'DUS SHING ZHUM, ,MIG MCHU 'ANG DE 'DRAR GYUR PA DANG, ,RTZUB CING NANG DU KHA BLTAS LA, ,SPU GZHAN YANG NI TSER MA LTAR, ,RTZE MO RNON PO SKYES GYUR CING, DES BDAR MIG NI SKRANGS PA DANG, ,TSA ZHING RLUNG LA SOGS MI BZOD, ,BTON NA CUNG ZAD BDE BAR BYED, ,CES BYA BA LA, RDZI MA 'GAGS PA ZHES BYA BA'I MIG MCHU'I NAD NI RDZI MA NANG DU 'DUS SHING MIG RNYID CING ZHUM PA DANG, ,MIG GI MCHU YANG NANG DU 'DUS SHING RNYID PAR 'GYUR BA DANG RTZUB CING KHA NANG DU BLTAS PA DANG, RDZI MA'I SPU GZHAN DAG KYANG TSER MA LTAR RNO ZHING RTZUB PA SKYES PAS DES MIG BDAR ZHING REG PAS SKRANG PAR 'GYUR BA DANG, SHA CHER TSA BA DANG, MIG DES RLUNG DANG TSA BA LA SOGS PA MI BZOD CING BSTEN MI NUS PA DANG, SPU RTZUB CING RNO BA SKYES PA DE BTON CING BSAL NA GNYIS KA CUNG [?] ZAD CIG BDE ZHING ZHI BAR GYUR NAS SLAR YANG DE BZHIN DU 'GYUR BA YIN TE, DE NI RDZI MA 'GAGS PA'I MIG NAD CES BYA'O, ,MIG PHUGS GRVA MTSAMS PHYI ROL DU, ,THOR BU SRA ZHING MTHO BA DANG, ,DMAR ZHING MCHI MA RNAG KHRAG 'DZAG ,YANG YANG RGYAS PA SLON PA YIN, ,ZHES BYA BA LA, MIG PHUGS ZHES BYA BA SNA GONG GI MIG GI GRVA MTSAMS KYI PHYI ROL GYI CHAR THOR BU SRAB LA SOGS PA'I MTSAN NYID DANG LDAN PA YANG DANG YANG DU RGYAS PAR 'GYUR BA DE NI MIG SLON PA ZHES BYA'O, ,NAD GZHI GSUM DANG KHRAG LAS NI, ,MIG MCHU'I NANG NA SHA'I DU MA BU, ,RMEN BU SRAL NAD MED PA, ,PHYI ROL MI MNYAM G-YO MDZER PA, ,ZHES BYA BA LA, RLUNG LA SOGS PA'I NANG GZHI GSUM KHRAG DANG BCAS PA LAS MIG MCHU'I NANG NA SHA'I DUM BU RMEN BU CHAGS SHING DE SRA BA DANG ZUG GZER GYI NAD MED PA DANG, ,PHYI ROL MI MNYAM ZHING G-YO BAR GYUR PA'I MIG MCHU'I NAD DE NI MIG GI MDZER PA ZHES BYA'O, ,DE LTAR NYI SHU RTZA BZHI PO, ,MIG MCHU LA GNAS NAD YIN NO, ,ZHES BYA BA LA, DE LTAR 'DZUMS PAR DKA' BA LA SOGS PA GRANGS NYI SHU RTZA BZHIS BSHAD PA DE DAG NI MIG MCHU LA GNAS PA'I NAD YIN NO, ,
, ,ZHES BSHAD DO, ,DE LA DANG POR SMAN GYIS GSO, ,DE 'OG GNYIS DANG 'BRUM BU SPANG, ,ZHES BYA BA LA, 'DIR DE DAG GI NANG NAS DANG POR 'DZUMS PAR DKA' BA ZHES BYA BA'I MIG MCHU'I NAD NI SMAN GYI SBYOR BAS GSO BAR BYA'O, ,DE'I 'OG MA STE BTZUMS PA DANG, RLUNG GIS GNOD PA GNYIS DANG MIG 'BRUM ZHES BYA BA'I MIG MCHU'I NAD NI GSOR MI RUNG BAS SPANG BAR BYA'O, ,RDZI MA 'GAGS PA GSOR RUNG TZAM, ,LHAG MA MTSON GYIS GSO BAR BYA, ,ZHES BYA BA LA, MIG MCHU'I NAD RDZI MA 'GAGS PA ZHES BYA BA NI RE ZHIG MI SPANG BA TZAM DU GSOR RUNG BA YIN LA LHAG MA NI MTSON GYIS GDAB CING GTZAGS BUS GSOR RUNG BA YIN NO, ,DE DAG LAS KYANG RDZI MA 'BYI, ,GTZAGS PAR BYA LA MIG MDZER GCAD, ,CHAGS DANG PAD RTZA KU MU DA, ,BRTZEGS DANG 'BRUM PHRAN SLON PA 'DRAL, , ZHES BYA BA LA, MTSON GYIS GSO BAR BYA BA DE DAG LAS KYANG RDZI MA 'BYI BA ZHES BYA BA'I NAD NI 'OG NAS BSHAD PA'I TSUL GYIS GTZAGS SHING GSO BAR BYA'O, ,DE DAG LAS KYANG MIG MDZER ZHES BYA BA NI GCAD PAR BYA'O, ,CHAGS PA NAS SLON PA'I BAR NI MTSON GYIS 'DRAL ZHING DBUG PAR BYA'O, ,MIG MCHU'I SHA SNGO BYE MA 'DRA, ,'BYAR DANG BSKYED BYA ZHES BA BZHI, ,'DAM BCAS SHAS CHER BYAS PA DANG, ,SGRA NGAN BCAS PA MTSON GYIS BZHAR, ,ZHES BYA BA LA, MIG MCHU'I SHA'I NAD LA SOGS PA BCU GSUM NI MTSON GYIS PHYI ZHING BZHAR TE GSO BAR BYA'O, ,YAN LAG BRGYAD BA'I SNYING PO'I RNAM PAR 'GREL BA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U BRGYAD PA'I RNAM PAR 'GREL PA'O,, ,,DE NAS MIG MCHU'I NAD GSO BA BSHAD PAR BYA'O, , ZHES BYA BA LA, 'DZUMS PAR DKA' LA MAR RNYING NI, ,RGUN 'BRU'I LDE GU CHUR BSKOL BAR, ,KHA RA BTAB DANG SNA SMAN DANG, ,DUD PA MIG SMAN SNUM CAN GTANG, ,ZHES BYA BA LA, 'DZUMS PAR DKA' BA ZHES BYA BA'I MIG NAD LA NI MAR RNYING PA DANG RGUN 'BRU'I LDE GU BSKOL BA'I KHU
BA DANG BCAS PAR BTZOS PA'I SMAN MAR LA KHA RA BTAB PA BTANG BA DANG, DE BZHIN DU SNA NAS GTANG BA'I SMAN DANG DUD PAS BDUGS PA DANG, MIG SMAN SNUM CAN GANG YIN PA GTANG BAR BYA'O, ,KU MU DA LA ZHAL ZHAL GDAB, ,DE STENG RGYAM TSA GDAB PAR BYA, ,SHING MNGAR DANG NI SKYU RU RA, ,PA TO LA BSKOL CHU BLUGS BYA, ,ZHES BYA BA LA, KU MU DA ZHES BYA BA'I MIG MCHU'I NAD LA NI, GTZAGS BUS ZHAL ZHAL BTAB LA DE'I STENG DU RGYAM TSVA'I PHYE MA BTAB STE, SHING MNGAR LA SOGS PA BSKOL BA'I CHU DRO 'JAM TZAM BLUGS PAR BYA'O, ,RLUNG MED GNAS LA G-YOG MKHAS PAS, ,SBYANG BYAS GAN RKYAL NYAL BA LA, ,MIG MCHU BZLOG STE DRO 'JAM CHUR, ,BSROS PA'I GOS KYIS DUGS BYAS LA, ,GOS KYIS LEGS PAR DKRIS NAS NI, ,G-YON PA'I MTHE BA MDZUB KYIS BZUNG ZHING, ,'GUL ZHING 'GYUR BA MED PAR NI, ,DE NAS MIG MCHU KUN DU NI, ,DKYIL 'KHOR LTA BU'I MTSON GYIS NI, ,'PHRED DU GDAB CING MTSAN MA BYAS, ,DE NYID KYIS SAM LO RTZUB BAM, ,SHE PA LI YI LO MA 'AM, ,YANG NA RGYA MTSO'I LBUBS BRUD, ,CES BYA BA LA, NAD PA RLUNG MED PA'I GNAS SU BZHAG LA, ,NAD G-YOG MKHAS SHING BYANG BAS SNGAR SBYANG BA BYAS PA'I NAD PA LA GAN RKYAL DU NYAL BAR GYUR PA LA NI MIG MCHU'I PHYI ROL DU BZLOG LA, CHU DRO 'JAM TZAM GYIS BSROS PA'I GOS KYIS DUGS BYAS, GOS 'JAM POS DKRIS TE NANG DU BCUG LA LAG PA G-YON PA'I MTHE BONG DANG MDZUB MOS BZUNG STE DE LTAR BYAS PAS MIG 'GUL ZHING 'GYUR BA MED PAR GYUR BA DANG, DE'I 'OG TU MIG MCHU DE DKYIL 'KHOR LTA BU'I MTSON GYI GTZAGS BUS 'PHRED DU GDAB PAR BYA ZHING GTZAGS BUS MTSAN MA BYAS LA, DKYIL 'KHOR LTA BU'I GTZAGS BU DE NYID KYIS 'BRUD CING ZHAL ZHAL GDAB PAR BYA'O, , YANG NA LO MA RTZUB PO 'AM SHING SHE LA'I LO MA LA SOGS PA LO MA RTZUB PAS RMA DE BRUD PAR BYA'O, ,YANG NA RGYA MTSO'I LBU BAS [?] BRUD PAR BYA'O, ,DE NAS KHRAG BYUNG BA DANG, RAS BAL GYI YE 'US LEGS PAR PHYI BAR BYA'O, ,KHRAG NI RAS BAL YE 'US PHYI, ,KHRAG BCAD LEGS PAR BRUD SHES
, ,NAS, ,RANG RANG SMAN NI SBRANG RTZI DANG, ,BCAS PA DE LA BSKU BAR BYA, ,ZHES BYA BA LA, KHRAG CHOD CING 'GAGS PAR GYUR NAS LEGS PAR BRUD PAR GYUR PAR SHES NAS RANG RANG GI SMAN SBRANG RTZI DANG BCAS PA'I LDE GUS RMA DE LA BSKU ZHING GDAB PAR BYA'O, , DE'I 'OG CHU DRON GYIS BKRUS LA, ,MAR GYIS BLUGS PAR BYA BA DANG, ,RNA BA'I STENG DANG 'OG GI BAR, ,NAS KYI ZAN DANG SBRANG RTZI DANG, ,MAR DANG BCAS PAS DKRI BAR BYA, ,ZHES BYA BA LA, MIG MCHU LEGS PAR BRUD PA DE'I RJES LA CHU DRO 'JAM TZAM GYIS MIG MCHU DE BKRUS LA MAR BLUGS NAS RNA BA'I STENG DANG 'OG GI BAR DU NAS KYI ZAN MAR DANG SBRANG RTZIR BCAS PAS BSNAN LA DKRI ZHING BCING BAR BYA'O, ,ZHAG NI GNYIS PA LA DGROL TE, ,JI LTA BAR NI SMAN BLUGS SHING, ,BZHI BAR SNA SMAN LA SOGS BYA, ,ZHAG NI LNGA PA DAG LA DGROL, ,ZHES BYA BA LA, DE LTAR GLAN ZHING BCING BA'I MIG MCHU DE ZHAG GNYIS PA LA BKROL TE RANG GI SMAN GANG DAG YIN PA'I SMAN GYI KHU BA JI BZHIN DU BLUGS SHING SNGA MA BZHIN DU BCING BAR BYAS LA, ZHAG BZHI BA LA NI SNA SMAN LA SOGS PA BYAS TE DKRI BAR BYA'O, ,ZHAG LNGA PA LA NI SLAR DGROL BAR BYA'I BCING BAR MI BYA'O; ,MNYAM ZHING SEN MO LTAR DMAR LA, ,SKRANG G-YA' DRUD SOGS NAD MED PA, ,MIG MCHU SBYAR LEGS YIN ZHES BYA, ,DE LAS BZLOG PA SLAR BZHAR BYA, ,ZHES BYA BA LA, BZHAR ZHING BRUD LEGS PA'I MIG MCHU NI MNYAM POR GNAS KYI MTHON DMAN DU MI 'GYUR BA DANG, SEN MO'I MDOG LTAR DMAR BA DANG, SKRANGS PA LA SOGS PA'I NAD MED PA NI BRUD LEGS PA YIN PAR SHES PAR BYA'O, ,MTSAN NYID DE LAS GO BZLOG PA NI BZHAR MA LEGS PA YIN PAS SLAR ZHING BZLAS TE BZHAR ZHING BRUD PAR BYA'O, ,BZHAR DRAGS PAS NI NA BA DANG, ,RDZI MA 'BYI ZHING MIG MCHUR 'GYUR, ,ZHES BYA BA LA, BZHAR DRAGS PAS NI NA BA LA SOGS PAR 'GYUR RO, ,DE LA SNUM DANG DUGS LA SOGS, ,RLUNG LA PHAN PA'I SBYOR BA BSNGAGS, ,ZHES BYA BA LA, BZHAR DRAGS PA'I MIG MCHU DE LA SNUM CHOS DANG DUGS LA SOGS PA RLUNG SEL BA'I SBYOR BA BYA BAR
SLOB DPON GYIS BSNGAGS PA YIN NO, ,MAR SAR GYIS NI BSKU BYA ZHING, ,SENG PHROM DKAR PO MAR SAR GYIS, ,LEGS PAR BSKU BAR BYAS NAS NI, ,AE RAndA YI RTZA BA YI, ,LDE GUS BYUGS TE PHUR MAS BTZO, ,TSOS PA BKRUS TE SKAMS NAS NI, ,BTAGS PA THUM POR BYAS NAS NI, ,RA 'AM BUD MED 'O MAR NI, ,MNYES LA MIG TU BLUGS PAR BYA, ,ZHES BYA BA LA, SENG PHROM ZHES BYA BA RO TRA DKAR PO MAR SAR GYIS BSKUS LA, DE'I 'OG TU AE RAndA'I RTZA BA'I LDE GUS BYUGS LA, DE'I RJES LA SMAN GYI PHUR MAS BTZO PA'I TSUL GYIS BTZOS LA TSOS PAR GYUR PA DANG, CHUS BKRUS TE DE'I 'OG TU SKAMS PA DE ZHIB TU BTAGS LA RAS GTZANG MAS THUM BUR GTUMS NAS RA 'AM BUD MED KYI 'O MA'I NANG DU THUM BU SPANGS LA MNYES PA DE'I THIGS PA MIG TU BLUGS PAR BYA'O, ,DE NYID S'A LU THUG PO CHE'I, ,LDE GUS BSKUS TE DE LTAR BYAS, ,ZHO DANG ZHO GA CHUS SPANGS PA, ,MIG NI BZHAR DRAGS GYUR LA BLUGS, ,ZHES BYA BA LA, YANG NA SENG PHROM DKAR PO DE NYID 'BRAS S'A LU THUG PO CHE'I LDE GUS BSKUL, SNGA MA BZHIN DU MAR SAR GYIS BSKU ZHING PHUR MAS BTZO BA LA SOGS PA'I SBYOR BA SNGA MA BZHIN DU BYAS LA, ZHO DANG ZHO GA CHU'I NANG DU SPANGS PA DE MIG BZHAR DRAGS PA LA SMAN GYI THIGS PA BLUGS PAR BYA'O, ,YANG NA ZHO GA CHU NYI TSE, ,BLUGS SHING SKAM SA'I SHA KHU SBYIN, ,ZHES BYA BA LA, YANG NA MIG BZHAR DRAGS PA LAS ZHO GA CHU NYI TSE BLUGS SHING SKAM SA'I SHA KHU SBYIN PAR BYA'O; ,'BRUM PHRAN SRA ZHING MTHO BA NI, ,'BRAS KYI RTZE MOS BRTOL BAR BYA, ,DE RJES BTZIR TE CHO GA NI, ,LHAG MA SNGA MA BZHIN DU BYA, ,ZHES BYA BA LA, 'BRUM BU PHRA MO ZHES BYA BA'I MIG MCHU'I NAD SRA ZHING MTHO BAR GNAS PA NI 'BRAS KYI RTZE MO 'DRA BA'I GTZAGS BUS BRTOL ZHING PHUG PA DE'I RJES LA CHO GA LHAG MA BKRU BA DANG, SMAN BSKU BA LA SOGS PA SNGA MA BZHIN DU BYA'O, ,ZHAL ZHAL GDAB DANG 'DRAL BA LA, ,RIM 'DIS MIG MCHU'I NAD KUN SBYAR, ,ZHES BYA BA LA, MIG MCHU'I NAD LA ZHAL ZHAL GDAB CING BRUD PA DANG, 'DRAL ZHING DBUG PA'I LAS
, ,KUN LA YANG BSHAD MA THAG PA'I RIM PA 'DI NYID SBYAR BAR BYA'O, ,KHRAG MKHRIS LAS GYUR MNGAR BA YI, ,SDE TSAN DANG BSKOL MAR GYIS GSO, ,SNUM GYUR NAS NI GTAR GA GDAB, ,DUR BYID BKRU SMAN GTANG BA MCHOG ,CES BYA BA LA, KHRAG DANG MKHRIS PAS SKYED PA'I MIG MCHU'I NAD LA NI MNGAR BA'I SDE TSAN DANG BSKOL BA'I MAR GYIS GSOS LA, SNUM PAR GYUR PA DANG GTAR GA GDAB CING KHRAG DBYUNG BA DANG, DUR BYID KYI BKRU SMAN GTONG BA NYID MCHOG TU GYUR PA YIN NO, ,BZHAR ZHING KHRAG NI PHYUNG BA DANG, ,SHING MNGAR BSKOL BA'I CHUS BKRU ZHING, ,TZANDAN DKAR PO 'O MAR BSKOL, ,MIG MCHU LA NI BLUGS NA PHAN, ,ZHES BYA BA LA, MIG MCHU BZHAR ZHING BRUD PA DANG KHRAG GZAGS NAS SHING MNGAR BSKOL BA'I CHUS BKRUS NA PHAN PA DANG, TZANDAN DKAR PO DANG 'O MA BSKOL BA BLUGS NA PHAN NO, ,RDZI MA 'BYI LA KHAB KYIS NI, ,BA SPU'I BU GA GTZAGS PA 'AM, ,SRIN BU PAD PAS KHRAG DBYUNG NGO, ,ZHES BYA BA LA, RDZI MA 'BYI BA LA NI KHAB KYIS BA SPU'I BU GA GTZAGS PA 'AM, SRIN BU BAD PAS DE LA KHRAG DBYUNG BAR BYA'O, ,YANG NA 'O MA 'AM BU RAM SHING, , KHU BAS SLON BYA MNGAR BSIL SMAN, ,BSKOL BA'I MAR NI GTANG BAR BYA, ,ZHES BYA BA LA, RDZI MA 'BYI BA'I MIG MCHU'I NAD DE LA 'O MA'AM BU RAM SHING GI KHU BA'I SLON SMAN BYA BA'AM, RGUN 'BRU LA SOGS PA'I SMAN MNGAR BA DANG BSIL BA DANG BSKOL BA'I MAR GYIS RDZI MA 'BYI BA LA SNA NAS BTANG BA'I SMAN GTANG BAR BYA'O, ,NAG TSUR DKAR PO'I PHYE MA NI, ,BYE'U RUG PA'I KHU BAR BSRES, ,ZANGS KYI SNOD DU BCUG PA DE, ,RDZI MA 'BYI BA'I MIG SMAN MCHOG ,CES BYA BA LA, NAG TSUR DKAR PO PHYE MAR BYAS PA DANG, BYE'U RUG PA'I KHU BA BSRES LA ZANGS MA'I SNOD KYI NANG DU ZHAG BCU'I BAR DU SPANGS PA'I MIG SMAN DE NI RDZI MA 'BYI BA'I MIG SMAN GYI DAM PAR GYUR PA YIN NO, ,MIG MCHU'I SHA BRUD BCA' SGA DANG, ,RGYAM TSA'I PHYE MA GDAB PAR BYA, ,CHU DRON GYIS BKRUS SENG LDENG DANG, ,NA LE SHAM DKAR TU BA RI, ,CHU BSKOL BA 'AM SER PO
GNYIS, ,SHING MNGAR DANG NI 'BRAS BU GSUM, ,KHU BA SBRANG RTZIR BCAS PA BLUGS, ,ZHES BYA BA LA, MIG MCHU'I SHA LA 'BRUM PHRAN BYUNG BA LA NI DKYIL 'KHOR LTA BU'I GTZAGS BUS ZHAL ZHAL GDAB CING BRUD LA BCA' SGA DANG RGYAM TSA GNYIS KYI PHYE MA GDAB PAR BYA ZHING CHU DRON GYIS BKRUS LA SENG LDENG LA SOGS PA'I CHUR BSKOL BA'I SMAN GYI KHU BA BLUGS PAR BYA BA 'AM, YANG NA SER PO GNYIS DANG SHING MNGAR DANG 'BRAS BU GSUM BSKOL BA'I KHU BA SBRANG RTZI DANG BCAS PA BLUGS PAR BYA'O, ,BAD KAN LAS GYUR ZHAL ZHAL BYAS, ,NAG TSUR RGYAM TSA PI PI LING, ,LDONG ROS STANG ZIL ZHIB BTAGS PA, ,SBRANG RTZIR BCAS PA BSKU BAR BYA, ,ZHES BYA BA LA, ,BAD KAN GYIS BSKYED PA'I MIG MCHU'I NAD LA NI GTZAGS BUS ZHAL ZHAL BYAS SHING BRUD LA NAG TSUR LA SOGS PA'I SMAN ZHIB TU BTAGS NAS SBRANG RTZI DANG BCAS PAS BSKUS NA PHAN NO, ,SKYUG SMAN MIG SMAN SNA SMAN NI, ,BAD KAN SEL PA THAMS CAD PHAN, ,ZHES BYA BA LA, YANG NA BAD KAN LAS GYUR PA'I MIG MCHU'I NAD LA SKYUG SMAN DANG MIG SMAN LA SOGS PA DANG, BAD KAN SEL ZHING 'JOMS PAR BYED PA GANG YIN PA DE THAMS CAD PHAN NO; ,CHAGS PA LA YANG 'DI DAG BYA, ,MA ZHI ME BTZA' GDAB PAR BYA, ,ZHES BYA BA LA, BAD KAN LAS GYUR BA'I MIG MCHU'I NAD GSO BA 'DI NI CHAGS PA ZHES BYA BA'I MIG NAD LA YANG SBYAR BAR BYA LA, DES ZHI ZHING MED PAR GYUR NA CHAGS PA ZHES BYA BA'I MIG MCHU'I NAD DE LA ME BTZA' GDAB PAS BSREG PAR BYA'O, ,SGRA NGAN LA NI SENG LDENG DANG, ,NIM PA'I LO MA 'BRAS BU GSUM, ,MAR DANG SBYAR BA'AM PI PI LING, ,SHING MNGAR RGYAM TSA BSKOL BA NI, ,MA MAR BLUD DE SLON DU GZHUG ,CES BYA BA LA, SGRA NGAN ZHES BYA BA'I BYIS PA'I MIG MCHU'I NAD LA NI SENG LDENG LA SOGS PA'I SMAN BSKOL BA'I KHU BA BLUNG LA MA MA SLON DU GZHUG LA, DE'I 'OG TU PI PI LING LA SOGS PA BSKOL BAS SLON DU GZHUG PAR BYA'O, ,RGUN 'BRU DANG NI AA RU RA, ,PI PI LING BSKOL BKRU SMAN SBYIN, ,ZHES BYA BA LA, DE'I 'OG TU MA MA DE LA RGUN 'BRU LA SOGS PA
, ,BSKOL BA'I SKYUG SMAN SBYIN PAR BYA'O, ,SER PO RNAM GNYIS PI PI LING, ,GLA SGANG LDE GUS NU MA BSKU, ,ZHES BYA BA LA, YANG MA MA DE'I NU MA SER PO GNYIS LA SOGS PA'I LDE GUS BSKU BAR BYA'O, ,YUNGS KAR MAR BCAS DUD PAS BDUGS, ,SBYANG PA BYAS NAS PA TO LA, ,GLA SGANG DANG NI RGUN 'BRU DANG, ,SLE TRES 'BRAS BU GSUM BSKOL BLUD, ,CES BYA BA LA, MA MA DE LA YUNGS KAR MAR DANG BCAS PA'I DUD PAS NU MA LA BDUG PAR BYA BA DANG, YANG MA MA DE BKRU SMAN DANG SKYUG SMAN GYI SBYANG BA BYAS NAS PA TO LA LA SOGS PA BSKOL BA'I SMAN GYI KHU BA BLUD PAR BYA'O, ,BYIS PA'I MIG MCHU BRUD PA'AM, ,SRIN BU PAD PAS KHRAG DBYUNG BYA, ,AA SMAN DA KA SKYU RU RA, ,'DZAM BU'I LO MA BSKOL BA BLUGS, ,ZHES BYA BA LA, BYIS PA'I MIG MCHU DE GTZAGS BUS BRUD PA'AM SRIN BU PAD PAS KHRAG PHYUNG ZHING BTON LA AA SMAN TA KA LA SOGS PA'I LO MA BSKOL BA'I KHU BA BLUGS PAR BYA'O, ,BYIS PA 'O MA MAR BRTEN PAS, ,PHAL CHER BAD KAN NAD 'BYUNG PAS, ,DE BAS DANG POR SKYUG SMAN NYID, ,NAD KUN LA NI BSNGAGS PA YIN, ,ZHES BYA BA LA, BYIS PA NI 'O MA DANG MAR LA BRTEN CING SPYOD PA'I RGYUS NA PHAL CHER TE MANG DU BAD KAN GYI NAD 'BYUNG BAR 'GYUR BAS, DRE'I PHYIR BYIS PA'I NAD THAMS CAD LA DANG PO KHO NAR SKYUG SMAN BTANG NA NAD KUN LA BSNGAGS SHING PHAN PA YIN NO, ,LCE MYANG TSA DANG PI PI LING, ,AA PA MARGA'I 'BRAS BU MAR, ,'O MA SHU DAG SBRANG RTZIR BCAS, ,PO SON CHA NI SHING MNGAR BCAS, ,'O MA KHA ZAS 'O MA DANG, ,ZAS LA BRTEN PA'I BYIS PA LA, ,RIM BZHIN BLUD PAS NAD KUN NI, ,SBYANG BAR BYA PHYIR SLON SMAN GTANG, ,MCHOG DU SGRA NGAN NAD LA PHAN, ,ZHES BYA BA LA, BYIS PA'I NAD THAMS CAD LA NI LCE MYANG TSA LA SOGS PA'I SMAN DANG MAR DANG 'O MA DANG, SBRANG RTZI SBYAR BA'I SKYUG SMAN BTANG BA NI, 'O MA LA BRTEN PA BSNGAGS PA YIN NO, ,KHA ZAS DANG 'O MA GNYIS LA BRTEN PA LA NI SHU DAG GI PHYE MA SBRANG RTZI DANG BCAS PA'I SKYUG SMAN NAD THAMS CAD LA BSNGAGS PA YIN NO, ,ZAS 'BA' ZHIG LA BRTEN PA'I
SHING MNGAR SBYAR BA'I SKYUG SMAN NAD THAMS CAD LA NI BSNGAGS PA YIN TE, ,DE LTAR NA 'O MA 'THUNG BA DANG 'O MA DANG, KHA ZAS GNYIS KA LA BRTEN PA DANG, ZAS 'BA' ZHIG LA BRTEN PA DAG LA RIM BZHIN DU SBYAR BAR BYA STE, DE LAS KYANG KHYAD PAR DU NI SGRA NGAN ZHES BYA BA'I MIG [?] MCHU'I NAD LA PHAN PA YIN NO, ,SAB TA LA YI KHU BA MAR, ,BSKOL BA GNYIS KA SBYONG BYED SBYIN, ,ZHES BYA BA LA, YANG NA SAB TA LA BSKOL BA'I KHU BA DANG MAR LHAN CIG BSKOL BA'I SMAN MAR NI BAD KAN DANG SGRA NGAN GNYI GA SBYONG BAR BYED PA DE SBYIN PAR BYA'O; ,SENG PHROM SHING MNGAR SER PO GNYIS, ,NIM PA'I LO MA PU TZE SHEL, ,ZANGS KYI PHYE MAR BCAS RENG BU, ,SGRA NGAN GYI NI NAD LA PHAN, ,ZHES BYA BA LA, YANG NA SENG PHROM LA SOGS PA'I PHYE MA DANG, ZANGS KYI PHYE MA DANG BCAS PA'I RI LU NI SGRA NGAN GYI NAD LA PHAN NO, ,YANG NA LCAGS KYI PHYE MA BSREGS, ,'O MA SBRANG RTZI MAR BCAS PHAN, ,ZHES BYA BA LA, YANG NA LCAGS KYI PHYE MA BSREGS PA DANG, 'O MA SBRANG RTZIR BCAS PA'I RI LU YANG SGRA NGAN GYI NAD LA PHAN NO, ,SUG SMEL SGOG SKYA KA TA KA ,PHA NI DA DZA KAN LE SHAM, , DUNG BCAS CHU DANG BDAR BA DANG, ,KAD PA LA BCAS RI LU'ANG PHAN, ,ZHES BYA BA LA, YANG NA SUG SMEL LA SOGS PA'I RI LU YANG MIG MCHU'I SHA'I NANG DANG SGRA NGAN GYI NAD LA PHAN NO, ,KA TA KA PA LA NI KI TSA'O, ,PHA NID DZA KA NI MA DU BA KA'O, ,RDZI MA 'GAGS NAD 'PHEL BA LA; ,SBYANG BA BYAS PAR GYUR PA NI, ,SMIN MA'I 'OG GI CHA GNYIS DANG, ,RDZI MA'I CHA GCIG PAR BAR NI, ,NAS KYI TSAD TZAM NAS KYI DBYIBS, ,'PHRED DU DPRAL LA RAS RLON PAS, ,DE YI KHRAG NI BSAL NAS NI, ,KHRAG NI CHUNG BAR GYUR PA DANG, ,BAR MTSAMS MUNGGA TZAM BZHAG LA, ,KHA BA NI YON POS BTZEM PAR BYA, ,ZHES BYA BA LA, RDZI MA 'GAGS PA'I NAD BU 'PHEL BAR GYUR PA LA NAD PA SBYANG BA BYAS SHING DAG PAR BYAS PA'I SMIN MA'I 'OG CHA GNYIS DANG, RDZI MA'I CHA GCIG POR BA'I GNAS SU NAS KYI TSAD TZAM LA DBYIBS NAS 'DRA PAR
, ,'PHRED DU DBRAL LA RAS CHU DRON MO'I NANG DU SBANGS PAS DE'I KHRAG BSAL ZHING PHYIS NAS KHRAG DE BRI ZHING CHUNG BAR GYUR PA DANG BAR MTSAMS SU SRAN MUD GA ZHES BYA BA MON SRAN SDE'U TZAM BZHAG LA, KHAB YON POS LEGS PAR 'DRUB PAR BYA'O, ,DPRAL BA RAS KYIS BCINGS NAS NI, , DE BZHIN SKUD PAS BTZEM PAR BYA, ,SHIN TU DAM DANG LHOD MIN BAR, ,DER NI LEGS PAR BTZEM PAR BYA, ,ZHES BYA BA LA, DE'I 'OG TU DPRAL BA RAS KYI TSAL BAS BCING LA, DER SKUD PAS SHIN TU DAM PA YANG MA YIN SHIN TU LHOD PA YANG MA YIN PAR BTZEM PAR BYA'O, ,DE NAS SBRANG RTZI MAR GYIS BYUG ,'DI LA BCING BAR MI BYA'O, ,ZHES BYA BA LA, DE'I 'OG TU SBRANG RTZI DANG MAR GYIS BYUG CING DE BSKUS NAS RAS KYIS DKRIS LA BTZEM PAR BYA'I 'DI LA BCING BAR NI MI BYA'O, ,NA NA N+YA GRO DHA SOGS PA'I, ,KHU BA 'O MAR BCAS PA BLUGS, ,ZHES BYA BA LA, GAL TE RMA DE NAD DANG BCAS PAR GYUR NA N+YA GRO DHA LA SOGS PA'I SDE TSAN GYI KHU BA 'O MA DANG BCAS PA BLUGS PAR BYA'O, ,ZHAG LNGA PA LA SKUD PA NI, ,BSAL TE YUG SNAM PHYE MA NI, ,RMA LA LEGS PAR GDAB PAR BYA, ,SNA SMAN MIG SMAN RNON PO GTANG, ,ZHES BYA BA LA, ZHAG LNGA PA LA MTSON GYIS DBRAL LA DE 'DRUBS PAR GYUR PA DANG SKUD PA BSAL ZHING BCAD DE BTZAG YUG SNAM ZHIB TU BTAGS PA'I PHYE MA RMA LA GDAB PAR BYA BA DANG, DE LA SNA SMAN DANG MIG SMAN RNON PO GTANG BAR BYA'O, ,ZHAG BCU'I MTHAR YANG MA SOS NA, ,MIG MCHUR BRTEN GNYER BZLOG STE BSREG, , CES BYA BA LA, SBYOR BA DES ZHI BAR MA GYUR NA MIG MCHUR BRTEN PA'I GNYER MA BZLOG STE THAL SMAN NAM THUR MA TSA BAS BSREG PAR BYA'O, ,RDZI MA'I LHAG MA TSER ZUNGS KYIS, ,PHYUNG LA DE YI GNAS DAG NI, ,ME'I MDOG 'DRA'I KHAB RTZES BSREG ,CES BYA BA LA, RDZI MA'I LHAG MA TSER [?] ZUNGS KYIS PHYUNG LA RDZI MA DE'I GNAS ME'I MDOG 'DRA BA'I KHAB KYI RTZE MOS BSREG PAR BYA'O, ,PHYI ROL RLON PA BSREGS PA DANG, ,THOR BU BCAD PAR GYUR PA LA, ,ME 'AM THAL SMAN RNON POS BSREG ,CES BYA BA LA, PHYI ROL GYI RLON ZHING GSHER BA ME 'AM THAL SMAN KYIS BSREG PAR
BYA BA DANG, THOR BU YANG RTZA BA NAS DANG PO BCAD LA ME 'AM THAL SMAN RNON POS BSREG PAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U DGU PA'I RNAM PAR 'GREL PA'O,, ,,DE NAS MIG ZUR DANG MIG GI 'BRAS BU DKAR NAG GI NAD KYI DMIGS BRTAG PAR BYA BA BSHAD PAR BYA'O, ,ZHES BYA BA LA, MIG MCHU'I NAD KYI RJES LA MIG ZUR DANG MIG GI 'BRAS BU DKAR NAG GI NAD KYI DMIGS BRTAG PA BSTAN PA NI GNAS KYI GO RIMS KYIS BSHAD PA YIN TE, MIG ZUR GNYIS DANG MIG GI 'BRAS BU DKAR PO DANG NAG PO DAG GI NAD KYI DMIGS SHES SHING BRTAG PAR BYA BA'I LE'U GANG YIN PA DE BSHAD PAR BYA'O, ,ZHES PA'O, ,RLUNG 'KHRUGS PAS NI CHU RGYU BA'I, ,RTZAR SONG NAS NI CHU 'DRA BA'I, ,MCHI MA MIG MCHU'I MIG PHUGS KYI, ,MTSAMS NAS MCHI MA 'DZAG 'GYUR LA, ,DES NI NAD MED RTZA DMAR LA, ,SKRANG 'GYUR DE NI CHU 'DZAG YIN, ,ZHES BYA BA LA, RLUNG GI NAD RANG RANG GI SKYE BA'I RGYUS 'KHRUGS SHING LDANG BAR GYUR PA DANG, CHU RGYU BA'I RTZAR SONG NAS MIG PHUGS KYI MTSAMS TE, MIG 'BRAS DKAR PO'I MTHA' SNA GONG GI PHUGS NAS CHU 'DRA BA'I MCHI MA 'DZAG BAR 'GYUR LA, NAD DES MIG NA BA LHANG LHANG PO MED PAR RTZA DMAR BA DANG, SKRANG PAR 'GYUR TE MIG NAD DE NI MCHI MA 'DZAG PA ZHES BYA'O, ,BAD KAN LAS GYUR SPYI BAG MANG, ,DKAR BA BAD KAN 'DZAG PA YIN, ,ZHES BYA BA LA, BAD KAN 'DZAG PA'I MIG ZUR GYI NAD NI BAD KAN LAS GYUR CING MCHI MA SPYI BAG NAL NAL POR MANG DU 'DZAG PA DANG, MIG DKAR PA NI MING BAD KAN 'DZAG PA ZHES BYA'O, ,BAD KAN GYIS SKRANG RTZE MO RNO, ,LAN TSVA'I CHU BUR 'DRA BA 'BYUNG, , RTZA BA CHE ZHING G-YO LA SNUM, ,MDOG 'DRA 'JAM ZHING SPYI BAG CAN, ,CHE ZHING SMIN DKA' G-YA' DANG BCAS, ,GZER MED BCINGS PA LTA BU YIN, ,ZHES BYA BA LA, BAD KAN GYIS MIG SKRANG PAR 'GYUR ZHING SKRANG PA DE'I RTZE MO RNON POR 'DUG LA SKRANG PA DE LAN TSVA'I CHU BUR 'BYUNG BA 'DRA
, ,ZHING RTZA BA CHE BA LA SOGS PA'I MTSAN NYID DANG LDAN PA NI BCINGS PA LTA BU'I MIG NAD CES BYA'O, ,KHRAG LAS MCHI MA KHRAG 'DZAG DMAR, ,SHAS CHER DRO BA KHRAG 'DZAG YIN, ,ZHES BYA BA LA, KHRAG 'KHRUGS PA LAS MCHI MA DMAR ZHING SHAS CHER DRO BA 'DZAG PA NI MIG ZUR GYI NAD KHRAG GI MCHI MA 'DZAG PA ZHES BYA'O, ,MIG MCHU GRVA MTSAMS DKAR PO RU, ,'BRUM PHRAN TSA ZHING GZER DANG BCAS, ,DMAR ZHING MUNGGA 'DRA LA GAS, ,KHRAG 'DZAG DE NI TSIGS CAN YIN, ,ZHES BYA BA LA, MIG MCHU'I GRVA MTSAMS DKAR PO'I CHA RU 'BRUM PHRAN TSA BA LA SOGS PA DANG LDAN PA SRAN MUNGGA TZAM DANG 'DRA BA KHA GYES SHING GAS PA LAS KHRAG 'DZAG PA DE NI MING TSIGS CAN ZHES BYA'O, ,RNAG 'DZAG DRI MA KHRAG DANG BCAS, ,MIG PHUGS KYI NI GRVA MTSAMS NAS, ,YANG DANG YANG DU RNAG 'DZAG CING, ,SHA LPAGS 'DRUL BAS MCHI MAR BCAS, ,ZHES BYA BA LA, RNAG 'DZAG PA ZHES BYA BA'I MIG ZUR GYI NAD NI DRI MA ZHES BYA BA NAD GZHI GSUM PO KHRAG DANG BCAS PA'I MIG PHUGS KYI MIG MCHU'I MTSAMS NAS YANG DANG YANG DU RNAG 'DZAG CING MCHI MA 'BYUNG BA DANG BCAS PA DANG, SHA DANG PAGS PA 'DRUL BA'I RGYU LAS 'BYUNG BA'I RNAG 'DZAG PA'I MIG NAD CES BYA'O, ,RNAG SLA 'DZAG PA RMA PHRA ZHING, ,SKRANG ZHING G-YO BA CHE BA DANG, ,MIG PHUGS MTSAMS SKRANG RNAG 'DZAG CING, ,NAD BCAS RNAG GI CHU SER 'DZAG ,CES BYA BA LA, RNAG SLA BA CHU SER 'DRA BA 'DZAG PA DANG, RMA'I DBYIBS PHRA ZHING SKRANGS PA DANG, ,G-YO ZHING 'GUL BA DANG, RTZOM PA CHE BA LA MIG PHUGS KYI GRVA MTSAMS SNA GONG GI MTSAMS SU SKRANGS BA DANG, RNAG GI TSOGS 'DZAG CING 'BAB PA DANG, NAD DANG BCAS PA YIN TE, NAD DE NI RNAG GI CHU SER 'DZAG PA ZHES BYA'O, ,MIG PHUGS KYI NI MTSAMS NANG NA, ,SKRANG ZUG TSA BCAS CHU SENG NAD, ,CES BYA BA LA, MIG PHUGS KYI MTSAMS NI NAD NA BA DANG BCAS PA DANG, ZUG PA DANG TSA BA DANG BCAS PA NI CHU SER GYI MIG ZUR GYI NAD CES BYA'O, ,MIG ZUR RAM NI MIG PHUGS [?] SU, ,G-YO' [?] ZHING RDZI MA'I BUG NAS, ,RNAG 'DZAG SRIN DANG RMEN BU 'BYUNG, ,NA BCAS
SRIN GYI RMEN BU CAN, ,ZHES BYA BA LA, MIG 'GRAM GYI MIG ZUR GYI PHYOGS SAM MIG PHUGS SNA GONG GI PHYOGS SU G-YA' BA LA SOGS PA DANG LDAN PA'I SRIN GYI RMEN BU 'BYUNG BAR 'GYUR ZHING NA BA DANG BCAS PA NI SRIN BU'I RMEN BU ZHES BYA'O, ,BCINGS PA LTA BU'I SRIN RMEN BU, ,RNAG GI CHU SER TSIGS CAN DAG ,MTSON GYIS GSO BYA LHAG MA LNGA, ,'DZAG PA CHU SER BCAS PA SPANG, ,ZHES BYA BA LA, BCINGS PA LTA BU ZHES BYA BA LA SOGS PA BZHI NI MTSON GYI GTZAGS BUS GSO BAR BYA LA, MIG MCHU 'DZAG PA LA SOGS PA BZHI DANG CHU SER CAN TE LNGA PO DE DAG SPANG BAR BYA'O, ,DE YANG 'DZAG PA BZHI NI CHU 'DZAG PA DANG, BAD KAN 'DZAG PA DANG, KHRAG 'DZAG PA DANG, RNAG 'DZAG PA'O, ,MKHRIS PAS DKAR PO'I THIG LE NI, ,GNAG PA 'AM SNGO BA 'AM SER PO SKYED, ,GUR KUM ME LONG DRI MAS GOS, ,LTAR SNANG NA BA TSA BA MED, ,'KHRU ZHING SKOM DANG RIMS DANG BCAS, ,NAD NI NYA PHYIS CAN ZHES BYA, ,ZHES BYA BA LA, MKHRIS PA'I NAD KYIS MIG 'BRAS DKAR PO'I STENG DU THIG LE NAG PO 'AM SNGON PO 'AM SER PO 'AM, YANG NA DKAR PO THAMS CAD ME LONG BRIMS GOS BA LTAR SNANG ZHING TSA BA DANG, LHANG LHANG POR NA BA MED PA DANG, 'KHRU BA LA SOGS PA DANG BCAS PA'I NAD DE NI MING NYA PHYIS CAN ZHES BYA'O, ,BAD KAN LAS DKAR SHA LHAG DKAR, ,RING NAS 'PHEL BA MIG MDZER DKAR, ,ZHES BYA BA LA, BAD KAN GYI RGYU LAS MIG 'BRAS DKAR PO'I CHAR SHA LHAG DKAR ZHING YUN RING ZHIG NA NGAL GYIS 'PHEL BA GANG YIN PA DE NI MIG MDZER DKAR PO ZHES BYA'O, ,NAD MED PA LA SKRANG BA DANG, ,MDOG DKAR LHUN CHE 'JAM PA DANG, ,LCI SNUM CHU YI THIGS PA 'DRA, ,BAD KAN MDUD PA ZHES BYAR BSHAD, ,CES BYA BA LA, YANG MIG 'BRAS DKAR PO LAN TSABS CHUNG ZHING SKRANG PA DANG, MDOG DKAR ZHING DKAR POR SNANG BA DANG, ,LHUN CHE BA DANG, 'JAM ZHING MNYEN BA DANG, LCI BA LA SOGS PA'I RMEN BU BYUNG BA GANG YIN PA DE NI BAD KAN GYI MDUD PA ZHES BYA'O, ,ZHES DRANG SRONG RNAMS KYIS BSHAD DO, ,THIG LE 'BRAS PHYE LTAR DKAR BA, ,MTHO BA 'BRAS PHYE 'DRA ZHES BSHAD, ,CES BYA BA LA, MIG 'BRAS DKAR
, ,PO'I STENG DU THIG LE 'BRAS PHYE LTAR DKAR LA DPANGS MTHO ZHING PAGS PAS KHYAB PA GANG YIN PA DE NI 'BRAS PHYE 'DRA BA ZHES BYA'O, ,DKAR PO'I RI MO DMAR POS KHYAB, ,TSA ZHING NA DANG BCAS PA NI, ,SKRANG ZHING MCHI MAS GOS PA MED, ,KHRAG GYUR RTZA YI NYES PAR BSHAD, , CES BYA BA LA, MIG 'BRAS DKAR PO'I STENG DU RI MO DMAR PO SHAR SHAR BOR KHYAB CING TSA BA DANG, LHANG LHANG POR NA BA DANG BCAS PA LA, SKRANG BA DANG, MCHI MA DANG LJAN LJIN GYIS GOS PA MED PAR GYUR PA DE NI KHRAG LAS GYUR PA'I RTZA'I NAD YIN PAS NA RTZA'I NYES PA ZHES BYA'O, ,RTZA NYES YAL BAR POR NA NI, ,DMAR RIS DE NYID 'PHEL BAR 'GYUR, ,KHRAG BCAS RTZA NI BRTZE BAR BYED, ,DE YIS [?] MIG GIS BLTA MI NUS, ,ZHES BYA BA LA, RTZA'I NYES PA DE YAL BAR BOR ZHING GSO BA MA BYAS NA RTZA RIS DMAR PO SHAR SHAR BOR GNAS PA DE LA 'PHEL ZHING RGYAS PAR GYUR PAS RTZA KHRAG DANG BCAS PA DANG, RTZA BRTZE ZHING TSA BA TZAG TZAG POR KHYAB PAR 'GYUR RO, ,RTZA BRTZE BA DES MIG GIS BLTA MI NUS PAR 'GYUR RO, ,RTZA YI DRA BAS G-YOGS SHING STUG ,MTHO BA RTZA YI DRA BA YIN, ,ZHES BYA BA LA, RTZA'I DRA BA ZHES BYA BA'I MIG NAD NI DKAR PO RTZA'I PA'I NAD NA KHRAG GIS GANG ZHING CHE BA STUG CING MTHO BAR GNAS PA YIN NO, ,KHRAG GI MIG MDZER 'JAM ZHING MNYAM, ,PADMA 'DRA BA SHA LHAG YIN, ,ZHES BYA BA LA, KHRAG GI MIG MDZER DANG MNYAM PA STE MIG ZUR GYI NAD DANG TSUL 'DRA BA 'JAM ZHING MNYAM PA, MDOG PADMA 'DRA BA GANG YIN PA DE NI SHA LHAG CAN ZHES BYA'O, , NAD MED RI BONG KHRAG LTAR DMAR, ,THIG LE LING THOG DMAR PO YIN, ,ZHES BYA BA LA, MIG 'BRAS DKAR PO'I STENG DU LING THOG NAD KYI SHAS CHUNG ZHING RI BONG GI KHRAG LTAR DMAR BA'I THIG LE 'BYUNG BA DE NI MING LING THOG DMAR PO ZHES BYA'O, ,'JAM ZHING NAD MED MYUR DU 'PHEL, ,DKAR POR KHYAB BYED DMAR NAG NI, ,KHYAB PA'I MDZER PA ZHES BYA'O, ,ZHES BYA BA LA, 'JAM ZHING SRA BA MA YIN PA ZUG GZER GYI SHAS CHUNG BA MYUR DU MCHED CING 'PHEL BAR BYED PA DKAR POR KHYAB CING RGYAS PAR BYED LA, MDOG DMAR NAG TU GNAS PA DE'I MING NI KHYAB PA'I MDZER PA ZHES BYA'O, ,
DRI MA KHRAG BCAS RTZA'I MDZER PA, ,RTZA RGYUS DANG 'DRA RTZA MDZER YIN, ,ZHES BYA BA LA, NAD GZHI GSUM GYI DRI MA KHRAG TU BCAS PA LAS BYUNG BA'I RTZA'I MDZER PA RTZA RGYUS DANG 'DRA BAR GNAS PA GANG YIN PA DE NI RTZA'I MDZER PA ZHES BYA'O, ,KHRAG SKAM GONG BU LTAR GNAG CING, ,SHA NI CHE ZHING RGYAS PA GANG; ,DE NI SHA LHAG MDZER PA YIN, ,ZHES BYA BA LA, SHA GANG KHRAG SKAM PO'I GONG BU LTAR KHA DOG GNAG CING SHAS CHE BA DANG, MDZER PA RGYAS SHING GTOS CHE BA GANG YIN PA DE NI SHA LHAG GI MDZER PA ZHES BYA BA YIN NO, ,TSA ZHING REG NA RTZUB PA DANG, ,RTZAS G-YOGS MIG 'BRAS NAG DANG NYE, ,'BRUM PHRAN YUNGS KAR LTA BUS RTZA, ,ZHES BYA BA LA, MIG 'BRAS NAG PO DANG THAG NYE BAR 'BRUM BU PHRA MO YUNGS KAR LTA BUS KHYAB CING TSA BA DANG, REG NA RTZUB PA DANG LDAN LA RTZAS G-YOGS PA GANG YIN PA DE NI MING RTZA ZHES BYA'O, ,NYA PHYIS RTZA BRTZE RTZA'I NYES PA, ,'BRAS PHYE MDUD PA'I LING THOG DMAR, ,DRUG PO SMAN GYIS GSO BAR BYA, ,LHAG MA BDUN PO MTSON GYIS GSO, ,ZHES BYA BA LA, NYA PHYIS LA SOGS PA'I MIG NAD DRUG PO NI SMAN GYIS GSO ZHING BCOS PAR BYA'O, ,MIG NAD LHAG MA BDUN NI MTSON GYIS DPYAD DU BYA ZHING GSO'O, ,DE YANG SAR BA SMAN GYIS GSO, , MDZER PAR BSHAD PA LNGA PO GANG, ,RGYUS PA DANG NI RTZAS G-YOGS PA, ,NAG POR PHYIN CING LPAGS GAS 'DRA, ,MTHON PO GCAD PAR BYA BA YIN, ,ZHES BYA BA LA, MTSON GYIS GSO BAR BYA BA DE DAG KYANG SAR PA YIN ZHING NAD BYUNG NAS RING PO MA LON PA NI SMAN NYID KYIS GSO BAR BYA'O, ,MDZER PAR BSHAD PA LNGA PO RGYUS PA DANG RTZAS G-YOGS PA MIG 'BRAS NAG POR PHYIN PA PAGS PA GAS PA LTA BUR SNANG BA MTHON PO GANG YIN PA DE NI MTSON GYIS GCAD PAR BYA'O, ,DE LA MDZER PA LNGA PO NI, MDZER PA DKAR PO DANG, KHRAG GI MDZER PA DANG, SHA LHAG GI MDZER PA DANG; KHYAB PA'I MDZER PA DANG, RTZA RGYUS KYI MDZER PA STE LNGA'O, ,MTHONG BYED STENG DU PHYIN PA SPANG, ,ZHES BYA BA LA, MDZER PA DE MTHONG BAR BYED PA ZHES BYA BA'I MIG GI RGYAL MO'I STENG DU MDZER PA DE DAG BYUNG NA NI SPANG ZHING DOR BAR BYA'O, ,DE LTAR NA DE YAN CHAD MIG
, ,'BRAS DKAR PO'I NAD BCU GSUM DU BSHAD PA YIN NO, ,NAG PO 'AM MTHONG BYED LA MKHRIS PAS, ,PAGS PA BRTOL TE LING TOG NI, ,ZUG DMAR MCHI MAR BCAS PA SKYED, ,DE YIS MIG 'BRAS DKYIL 'KHOR NAG ,'DZAM BU SMIN PA 'DRAR SNANG ZHING, ,DMA' BA RMA YI LING THOG STE, ,DE NI GSO DKA', ,ZHES BYA BA LA, NAG PO ZHES BYA BA MIG 'BRAS NAG PO'I SHA'I STENG NGAM, MTHONG BAR BYED PA'I MIG GI RGYAL MO'I STENG DU MKHRIS PAS 'KHRUGS PAR GYUR NAS PAGS PA BRTOL TE LING TOG ZUG CING NA BA DANG, DMAR PA DANG, MCHI MA DANG BCAS PA SKYED PAR BYED LA, NAD DES MIG GI 'BRAS BU'I DKYIL 'KHOR NAG PO 'DZAM BU SMIN PA DANG MDOG 'DRA BAR SNANG BAR GYUR LA, LING THOG DE NI CUNG ZAD DMA' BA YIN TE, DE LA NI MING RMA'I LING THOG CES BYA LA DE NI SHIN TU GSO DKA' BA YIN NO, ,RIM GNYIS DAG ,BRTOL BA GSO BA TZAM YIN NO, ,ZHES BYA BA LA, LING THOG DE RIM PA GNYIS BRTOL BA YIN NA NI DE RE ZHIG GSOR RUNG BA TZAM YIN NO, ,DER NI ZUG PA LA SOGS MANG, ,NAG PO KHAB KYIS PHUG SNYAM BYED, ,CES BYA BA LA, RIM PA GNYIS BRTOL NAS BYUNG BA'I LING THOG NI ZUG PA LA SOGS PA'I NAD MANG BAR GYUR PA DANG MIG 'BRAS NAG PO KHAB KYIS PHUG PA SNYAM DU SEMS PAR 'GYUR RO, ,RIM PA GSUM NI BRTOL BA DANG, ,RMA YIS KHYAB PA GSER MI RUNG, ,ZHES BYA BA LA, LING TOG DE MIG LPAGS KYI RIM PA GSUM PO BRTOL TE BYUNG BA DANG, RMAS KHYAB CING KHEBS PA GANG YIN PA DE NI GSOR MI RUNG BAR 'GYUR RO, ,BAD KAN LAS GYUR DUNG LTAR DKAR, ,SHAS CHER MIN GSO SLA DKAR, ,ZHES BYA BA LA, BAD KAN LAS GYUR PA'I LING THOG DUNG LTAR SHAS CHER DKAR ZHING, HA CANG SHAS CHER MIN PA GANG YIN PA DE GSO SLA BA YIN PAS DE NI LING THOG DKAR PO ZHES BYA'O, , DMAR ZHING MCHI MA SPYI BAG 'DZAG ,'BRUM PHRAN DMAR ZHING SHIN TU NA, ,RA YI RIL MA 'DRA ZHING 'BUR, ,KHRAG SKYES RA RIL 'DRA BA SPANG, ,ZHES BYA BA LA, KHRAG 'KHRUGS PAR GYUR PA LAS MIG GI 'BRAS BU NAG PO'I LTENG DU 'BRUM BU PHRA MO KUN LAS DMAR ZHING MCHI MA SPYI BAG NAL NAL PO 'DZAG
LA 'BRUM PHRAN DE ZANGS LTAR DMAR BA SHIN TU NA LA DBYIBS RA'I RIL MA 'DRA BAR 'JONG ZHING 'BUR LA NAG PA DE NI RA'I RIL MA LTA BU ZHES BYA STE, DE GSOR MI RUNG BAS SPANG BAR BYA'O, ,NAD KHRAG BCAS PAS RTZA'I LING TOG ,DE YIS MIG 'BRAS NAG PO KHEBS, ,TSA ZHING NA LA DMAR BA YI, ,RTZA YIS KUN DU RGYAS GYUR LA, ,RGYU MED MCHI MA GRANG DRO DANG, ,SKA SLA 'DZAG PA DE SPANG BYA, ,ZHES BYA BA LA, RLUNG LA SOGS PA'I NAD KHRAG DANG BCAS PAS, RTZA'I LING TOG CES BYA BA'I NAD DU 'GYUR TE NAD DES MIG 'BRAS NAG PO KHEBS PAR GYUR CING TSA BA LA SOGS PA KUN DU RGYAS PAR 'GYUR LA, RGYU MED PAR MCHI MA GRANG BA DANG DRO BA DANG, SKA BA DANG SLA BA 'DZAG PA'I RTZA'I LING THOG DE NI GSOR MI RUNG BAS SPANG BAR BYA'O, ,NAD GZHI KHRAG LAS MTHONG BCAS GNAG ,'BRAS BU DKAR POR SGYUR BYED DE, ,SPRIN DKAR GYIS NI G-YOGS 'DRA ZHING, ,NIM PA BA NI BKAS PA 'DRA, ,SHIN TU MI BZAD NA ZHING DMAR; ,TSA ZHING SKRANGS PAS GZIR BA DAG ,SMIN PAS NYEN PA'I LING TOG DE, ,MI BZAD NA BA SPANG BAR BYA, ,ZHES BYA BA LA, NAD GZHI GSUM PO DANG KHRAG 'KHRUGS PA LAS MTHONG BAR BYED PA'I MIG GI RGYAL MO DANG BCAS PA'I MIG 'BRAS NAG PO DKAR PO'I GZUGS SU SGYUR BAR BYED CING SPRIN DKAR POS G-YOGS PA LTA BU LA NIM PA ZHES BYA BA'I RTZA 'BRU'I PHYED DU BKAS PA'I DBYIBS DANG 'DRA BAR GNAS PA DANG, SHIN TU MI BZAD PAR NA BA LA SOGS PA GANG YIN PA DE SMIN PAS NYEN BA'I RGYUS LING THOG DE SHAS CHER MI BZAD PAR GYUR PA NI GSOR MI RUNG BAS SPANG BAR BYA'O, ,GANG GIS MTSAN MA NYAMS PA 'AM, ,NANG SNGO BA 'AM DMAR BCAS PA 'AM, ,SHIN TU 'BUR BA 'AM GTING RING BA 'AM, ,MCHI MAR BCAS SHING RTZA'I RMAS KHYAB, ,RNYING PA 'AM MTHO DMAN CAN DAG GAM, ,DBUS CHAD LING THOG SPANG BAR BYA, ,ZHES BYA BA LA, LING THOG GANG ZHIG SKYES PAR GYUR PHAN MTHONG BAR BYED PA'I MTSAN MA ZAR MA'I ME TOG LTA BUR NYAMS PAR GYUR PA'AM, NANG SNGO BAR GYUR PA 'AM, YANG DMAR BA DANG BCAS PA'I LING THOG GAM, GANG SHIN TU 'BUR ZHING MTHO BA 'AM, GANG GA TING RING ZHING KHONG DU BROS PA'AM, GANG MCHI MA DANG BCAS SHING RTZA'I RMAS KHYAB BA 'AM, GANG RNYING ZHING YUN RING
, ,DU LON PA DANG, GANG MTHON DMAN MI MNYAM PAR GNAS PA 'AM, DBUS SU CHAD PA'I LING THOG GANG YIN PA DE NI GSOR MI RUNG BAS SPANG BAR BYA'O, ,NAG PO'I NAD NI GSOR RUNG DANG, ,MI RUNG DBYE BA RNAM LNGA YIN, ,ZHES BYA BA LA, MIG 'BRAS NAG PO'I NAD NI GSOR RUNG BA'I DBYE BA DANG DE BZHIN DU GSOR MI RUNG BA'I DBYE BAS RNAM PA LNGAR BSHAD PA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U BCU PA'I RNAM PAR 'GREL PA'O,, ,, DE NAS MIG ZUR DANG MIG GI 'BRAS BU DKAR PO DANG NAG PO'I NAD GSO BA BSHAD PAR BYA'O, ,MIG NAD BCINGS PA SMAN PA YIS, ,DUGS BYAS RTZE MO 'BRAS 'DRAS DBUG ,RTZE MO DKYIL 'KHOR 'DRA BAS BZHAR, ,ZHES BYA BA LA, MIG ZUR GYI NAD BCINGS PA ZHES BYA BA LA NI, SMAN PAS DANG PO KHO NAR DUGS BYAS LA, ,DE'I 'OG TU RTZE MO 'BRAS 'DRA BA'I GTZAGS BUS PHUG CING BRTOL LA DE NAS RTZE MO DKYIL 'KHOR 'DRA BA'I GTZAGS BUS BZHAR BAR BYA'O, ,DE'I 'OG RGYAM TSA PI PI LING, ,SBRANG RTZI SBYAR BAS BSKU BAR BYA, ,DE NAS SNGA MA BZHIN DU BCING, ,PA TO LA'I LO SKYU RU RA, ,BSKOL PA'I SMAN KHU THIGS PA BLUGS, ,ZHES BYA BA LA, DE LTAR BZHAR BA'I 'OG TU RGYAM TSA LA SOGS PA'I SMAN SBYAR BAS BSKU ZHING BYUG PAR BYA'O, ,DE'I 'OG TU SNGAR MIG MCHU'I NAD GSO BA'I SKABS SU BSHAD PA BZHIN DU BCING BAR BYA ZHING DE LTAR BCINGS NAS PA TO LA'I LO MA DANG, SKYU RU RA BSKOL BA'I SMAN GYI THIGS PA BLUGS PAR BYA'O, ,TSIGS CAN LCAGS KYU'I CHA SPYAD KYIS, ,PHYI MA'I MTSAMS KYI CHA GSUM GZUNG, ,'PHEL GTZAGS KYIS NI PHYED GCAD BYA, ,GZHAN DU MCHI MA RGYU LA GNOD, ,SBRANG RTZI RGYAM TSAS BSKUS NAS NI, ,MIG MDZER LTA BUR GSO BAR BYA, ,ZHES BYA BA LA, TSIGS CAN ZHES BYA BA'I MIG GI GRVA MTSAMS KYI NAD LA NI LCAGS KYU LTA BU'I CHA SPYAD KYIS PHYI'I MTSAMS KYI CHA GSUM NAS GZUNG ZHING BLANGS TE DE NAS 'PHEL GTZAGS KYIS PHYED TZAM DU GCAD PAR BYA'O, ,DE LAS GZHAN DU BYAS NA MCHI MA RGYU BA'I RTZA LA GNOD PAR 'GYUR RO, ,DE LTAR BCAD NAS KYANG DE LA SBRANG RTZI DANG RGYAM TSAR
SBYAR BAS BSKUS TE MIG MDZER GSO BA'I TSUL DU GSO BAR BYA'O, ,CHU SER RNAG 'DZAG GTAR GA GDAB, ,DE NAS DE NI BCING BAR BYA, ,MIG RNAGS CHO GAR BSHAD PA YI, ,LAS KUN CHO GA BZHIN DU BYA, ,ZHES BYA BA LA, RNAG GI CHU SER 'DZAG PA ZHES BYA BA'I MIG GI GRVA MTSAMS KYI NAD LA NI DANG POR GTAR GA GDAB LA KHRAG GZAGS NAS DE'I 'OG TU RNAG GI CHU SER 'DZAG PA'I NAD DE BCING PAR BYA BA DANG, DE BZHIN DU MIG RNAGS PA'I GSO BA'I CHO GAR BSHAD PA'I LAS KUN CHO GA JI LTA BA BZHIN SPYAD PAR BYA'O, ,RGYAM TSA SGE'U GSHER NAG TSUR DANG, ,LCAGS DANG ZANGS NI ZHIB BTAGS PA'I, , PHYE MA'I MIG SMAN GTANG BA 'AM, ,SBRANG RTZIR SBYAR BA'I KHU BA BLUGS, ,ZHES BYA BA LA, RNAG GI CHU SER 'DZAG PA DE LA RGYAM TSA LA SOGS PA ZHIB TU LEGS PAR BTAGS PA'I PHYE MA'I MIG SMAN GTANG BAR BYA BA 'AM, YANG NA RGYAM TSA LA SOGS PA'I SMAN SBRANG RTZI DANG SBYAR PA'I KHU BA MIG TU BLUGS SHING GTANG BAR BYA'O, ,SRIN GYI RMEN BU LCI BA YIS, ,DUGS BYAS BRTOL TE PHYI BAR BYA, ,NAG TSUR RGYAM TSA 'BRAS BU GSUM, ,SBRANG RTZIR SBYAR BAS BSKU BAR BYA, ,ZHES BYA BA LA, SRIN GYI RMEN BU NI LCI BA 'AM RIL MA LA SOGS PAS DUGS BYAS LA, GTZAGS BUS BRTOL TE DE'I 'OG TU GTZAGS BU NYID KYIS PHYI ZHING BZHAR LA DE NAS NAG TSUR LA SOGS PA'I SMAN BSKU BAR BYA'O, ,NYA PHYIS MKHRIS MCHI 'DZAG LTAR GSO, ,ZHES BYA BA LA, NYA PHYIS ZHES BYA BA GRVA MTSAMS KYI MIG NAN NI MKHRIS BA LAS GYUR BA'I MCHI MA 'DZAG PA'I MIG NAD LTAR GSO BAR BYA'O, ,BAD KAN MDUD PA 'BRAS PHYE GNYIS, ,GTAR GA MA GTOGS BAD KAN GYI, ,MCHI MA 'DZAG PA BZHIN DU GSO, ,ZHES BYA BA LA, BAD KAN GYI MDUD PA DANG 'BRAS PHYE LTA BU'I MIG ZUR GYI NAD GNYIS NI GTAR GA GDAB CING KHRAG DBYUNG BA'I SBYOR BA MA GTOGS PAR BAD KAN LAS GYUR PA'I MCHI MA 'DZAG PA BZHIN DU GSO BAR BYA'O, ,TSA BA GSUM DANG KAD PHAL, ,BA LUNG KHU BA'I MIG SMAN GTANG, ,ZHES BYA BA LA, BAD KAN GYI MDUD PA DANG 'BRAS KYI PHYE MA'I MIG NAD GNYIS LA NI, TSA BA GSUM DANG KAD PA LA DANG PA LUNG ZHES BYA BA PI DZA PU RA'I KHU BA DANG SBYAR BA'I MIG SMAN GTANG BAR BYA'O, ,RGYAM TSA DZ'A TI KHA 'BUS PA, ,
, ,THANG SHING BCA' SGA BTAGS PA'I PHYE, ,CHANG GI DANGS MA RI LUNG BYAS, ,MIG SMAN SKRANG DANG G-YA' BA SEL, ,ZHES BYA BA LA, RGYAM TSAL SOGS PAR SMAN BTAGS PA'I PHYE MA CHANG GI DANGS MA DANG RI LU BYAS PA'I MIG SMAN NI SKRANG BA DANG, G-YA' BA SEL BAR BYED DO, ,RTZA NYES RTZA BRTZE LING THOG DMAR, ,RTZA DRA KHRAG 'DZAG LTA BUR GSO, ,ZHES BYA BA LA, RTZA'I NYES PA DANG RTZA BRTZE BA DANG LING THOG DMAR PO DANG RTZA'I DRA BA NI, KHRAG 'DZAG PA'I MIG NAD DANG 'DRA BAR GSO BAR BYA'O, ,RTZA YI NYES LA KHYAD PAR DU, ,MAR DANG SBRANG RTZI'I MIG SMAN BSKU, ,ZHES BYA BA LA, RTZA'I NYES PA LA NI KHYAD PAR DU MAR DANG SBRANG RTZI SBYAR BA'I MIG SMAN BSKU BAR BYA'O, ,RTZA BRTZE BA LA SBRANG RTZI DANG, ,SKYER PA'I KHAndA ZHIB BTAGS BSKU, ,ZHES BYA BA LA, RTZA BRTZE BA ZHES BYA BA LA NI KHYAD PAR DU SBRANG RTZI DANG SKYER PA'I KHAndA ZHIB TU BTAGS PA'I MIG SMAN GTANG BAR BYA'O, ,LING THOG DMAR PO ZHO GA CHU, ,SBRANG RTZI KHA RA'I THIGS PA BLUGS, ,ZHES BYA BA LA, LING THOG DMAR PO LA NI KHYAD PAR DU ZHO GA CHU DANG, SBRANG RTZI DANG KHA RA SBYAR BA'I THIGS PA BLUGS NA PHAN NO, ,SHEL DANG GUR KUM SHING MNGAR DUNG, ,SBRANG RTZI SBYAR BA'I MIG SMAN GTANG, ,ZHES BYA BA LA, YANG LING THOG DMAR PO LA NI SHEL LA SOGS PA'I MIG SMAN BTANG NA PHAN NO, ,YANG NA SBRANG RTZI DUNG SBYAR BA 'AM, KHA RA RGYA MTSO'I LBU BA PHAN, ,ZHES BYA BA LA, YANG NA LING THOG DMAR PO LA SBRANG RTZI DANG DUNG SBYAR BA'I MIG SMAN PHAN PA 'AM, YANG NA KHA RA DKAR PO DANG RGYA MTSO'I LBU BA SBYAR BA'I MIG SMAN LING THOG DMAR BO LA PHAN NO, ,MDZER PAR BSHAD PA RNAM LNGA LAS, ,DUD PA LTA BU'I RNYOG CAN DANG, ,GANG YANG DMAR ZHING ZHO 'DRA BA, ,DE SMAN LING THOG BZHIN DU BYA, ,ZHES BYA BA LA, KHYAB PA'I MDZER PA LA SOGS PA'I MDZER PA RNAM PA LNGAR BSHAD PA GANG YIN PA DE DAG LAS DUD PA LTA BU'I RNYOG MA'I RDUL TZAM DMAR ZHING ZHO 'DRA BA GANG YIN PA DE LA NI LING THOG BZHIN DU LUS DANG MGO BO'I BKRU SMAN BTANG PA DANG BZHAR BA DANG, MIG SMAN BSKU BA LA SOGS PA BYAS NA PHAN NO, ,CIG SHOS GAN RKYAL BZHAG DUGS BYAS, ,KHA LUNG DANG NI RGYAM TSA DAG ,SBYAR BA'I MIG SMAN BSKUS NAS NI, ,MIG BTZUMS NAS NI MNYE BAR BYA, ,ZHES BYA BA LA, CIG SHOS
TE SNGAR BSHAD PA'I MIG MDZER GYI NAD LA NI, GAN RKYAL DU BZHAG CING DUGS BYAS LA KHA LUNG DANG RGYAM TSAR SBYAR BA'I MIG SMAN BSKUS LA MIG BTZUMS TE MNYE BAR BYA'O, ,DE LTAR MIG NI 'KHRUGS BCAS PA, ,SHA LHAG SKYES PA BSKYOD NAS NI, ,MGO PO MI 'GYUR DAM DU BZUNG, ,MIG MCHU MCHOG TU MI 'GUL DANG, ,MIG ZUR DU NI LTA BZHIN DU, ,MIG PHUGS MTSAMS NAS MDZER PA MTHO, ,GANG DU GNYER MA 'DUS GYUR PA, ,DER NI LCAGS KYUS DAM BZUNG PA 'AM, ,HA CANG MI CHE MU TZI TRA 'AM, KHAB BAM SKUD PAS BLANGS NAS NI, ,KUN NAS DKYIL 'KHOR 'DRA BAS DBRAL, , ZHES BYA BA LA, DE LTAR RNAM PA 'DIS 'KHRUGS SHING NAD DANG BCAS PA'I MIG 'DI'I SHA LHAG SKYES PA BSKYOD CING MNYES PAS G-YO BAR BYAS NAS, NAD G-YOG GIS MGO BO GZHAN DU MI 'GYUR BAR DAM DU BZUNG LA MIG MCHU YANG MI 'GUL BA NYID DU BRTAN PAR BYAS SHING BZUNG LA KHYAD PAR DU MIG ZUR DE MIG 'GRAM LOGS SU LTA BZHIN DU, MIG PHUGS KYI MTSAMS NAS MDZER PA MTHO ZHING 'PHAGS PAR 'GYUR LA, ,DE LTAR BYAS PA NA GANG DANG GANG DU GNYER MA 'DUS PAR GYUR PA DE DANG DER LCAGS KYUS DAM DU BZUNG ZHING BLANGS LA, HA CANG RGYA CHE BA MA YIN PAR BYAS TE, MU TZI TRA ZHES BYA BA'I CHA SPYAD DAM KHAB BAM SKUD PAS BLANGS LA DE'I 'OG TU KUN NAS TE THAMS CAD NAS DKYIL 'KHOR 'DRA BA'I GTZAGS BUS DBRAL BAR BYA'O, ,DE NAS BTON TE DRAL NAS KYANG, ,MIG PHUGS MTSAMS SU BSNYEN NAS NI, ,CHA BZHI LUS PAR GCAD BYA STE, ,MIG PHUGS RTZA DANG MCHI MA NI, , 'DZAG PA'I RTZA LA MI GNOD BSRUNG, ,ZHES BYA BA LA, DE NAS MIG MDZER DE DPRAL ZHING PHUG NAS MIG PHUGS KYI PHYOGS SU BSNYEN CING DRANGS NAS CHA BZHI LUS PA TZAM DU DE GCAD PAR BYA'O, ,MIG PHUGS KYI RTZA DANG MCHI MA 'DZAG PA'I RTZA LA NI MI GNOD CING MTSON GYIS MI PHOG PAR BSRUNG STE, MTSON GYIS GCAD PAR MI BYA'O, ,MIG PHUGS ZUR BCAD MCHI MA 'DZAG ,MIG GI RTZA SBUBS RMA CAN 'GYUR, ,ZHES BYA BA LA, GAL TE MIG PHUGS SNA GONG GI MIG ZUR DE BCAD CING GNOD PAR GYUR NA RTAG TU MCHI MA 'DZAG PA DANG, MIG GI RTZA SBUBS LA RMA 'BYUNG BAR 'GYUR RO, ,MIG 'GRAM
, ,MDZER PA CHER SKYES PA, ,MIG PHUGS ZUR DU BLTAS TE BYA, ,ZHES BYA BA LA, MIG 'GRAM NAS MIG MDZER CHER SKYES SHING 'PHAGS PAR GYUR PA LA NI MIG PHUGS KYI ZUR DU NAD PA BLTAR BCUG LA DE LA BZHI CHA LUS BAR SPYAD PAR BYA ZHING MIG ZUR DANG RTZA LA MI GNOD PAR BSRUNG PAR BYA'O, ,LEGS PAR BCAD DE TSA BA GSUM, ,RGYAM TSA SBRANG RTZIR BCAS PA BSKU, ,ZHUN MAR DRON PO BLUGS PA DANG, ,SBRANG RTZI MAR SBYAR BSKUS TE BCINGS, ,ZHES BYA BA LA, MDZER PA LEGS PAR BCAD CING PAGS PA LA GNOD PAR MA GYUR PAR BYAS NAS RMA DE LA TSA BA GSUM LA SOGS PA BSKU BAR BYA ZHING, ZHUN MAR DRO 'JAM TZAM BLUGS BAR BYA BA DANG, SBRANG RTZI DANG MAR SBYAR BAS BSKUS TE SNGAR BSHAD PA'I TSUL DU BCING BAR BYA'O, ,DE NAS ZHAG GSUM LA SOGS NAS, ,BKROL NAS KA RANYDZA'I SA BON, ,'O MA BSKOL BA DE BZHIN BLUGS, ,ZHES BYA BA LA, DE NAS RMA DE ZHAG GSUM LA SOGS PA'I NYIN PAR BKROL LA, KA RANYDZA'I SA BON DANG, 'O MA BSKOL BA DRO 'JAM TZAM GYI THIGS PA BLUGS PAR BYA'O, ,SER PO RNAM GNYIS PA TO LA, ,SHING MNGAR DANG NI RGYA SKYEGS SHING, ,KA RANYDZA YI ME TOG NI, ,KHA 'BUS SBRANG RTZIR BCAS BSKOL BLUGS, ,ZHES BYA BA LA, GSUM PO LA SOGS PA'I NYIN ZHAG LA MIG GI CHINGS MA BKROL TE, SER PO RNAM GNYIS LA SOGS PA DANG, KA RANYDZA'I ME TOG KHA 'BUS PA BSKOL BA'I KHU BA SBRANG RTZI DANG BCAS PA MIG TU BLUGS PAR BYA'O, ,ZHAG BDUN NAS NI DE DGROL BYA, ,ZHES BYA BA LA, ZHAG BDUN PA LA NI DE DGROL BAR BYA'I BCING PAR MI BYA'O, , LEGS PAR BCAD NA NAD MED 'GYUR, ,ZHES BYA BA LA, MIG GI MDZER PA DE LEGS PAR BCAD PAR GYUR NA, MIG DE NAD MED PA KHO NAR 'GYUR RO, ,BCAD DRAGS MCHOD LAS NAD 'GYUR, ,SMAN KHU BLUGS DANG MIG SMAN SOGS, ,PHYI BA DANG NI BRTA BAS GSO, ,ZHES BYA BA LA, BCAD DRAGS PA DANG, MCHOD CING BCAD MA LEGS PA LAS NAD DU GYUR PA LA NI SMAN GYI KHU BA LA SOGS PAS GSO BAR BYA'O, ,KHA RA LDONG ROS AE LI YA, ,RGYAM TSA BCA' SGA ZHO RE DANG, ,SKYER PA'I KHAndA SRANG PHYED DANG, ,SBRANG RTZI SBYAR BA'I MIG SMAN GYIS, ,BAD KAN LAS GYUR RAB RIB DANG, ,CHU SER GYIS GANG LING TOG DANG, ,MIG MDZER BCAS PA'I SHA LHAG
SEL, ,ZHES BYA BA LA, KHA RA DKAR PO LA SOGS PA'I SMAN 'DI DAG SNA RE ZHING [?] ZHO RE DANG, SKYER PA'I KHAndA SRANG PHYED DANG, ,SBRANG RTZI SBYAR ZHING SBRUS PA'I MIG SMAN GYIS NI BAD KAN LAS GYUR PA'I RAB RIB LA SOGS PA SEL BAR BYED DO, ,AE LI YA NI, ,AE LA BA LU KA DANG MA LUNG KA DANG HA RI BA LU KA ZHES BYA BA YIN NO, ,'BRAS BU GSUM NI GANG RUNG BA'I, ,SHUN PA CHUR BTAGS LDE GUR BYAS, ,KHAM PHOR SBYAR BA'I NANG DU BSREG ,DE NAS TSIG NAS PHYE MAR BTAGS, ,SMAN NI LHAG MA'I KHU BA YIS, ,SO SOR LEGS PAR BSGOS NAS NI, ,SNAG TSA DE BSKAMS SLAR YANG BTAGS, ,RGYAM TSA NYIS 'GYUR BCAS PA YI, ,MIG SMAN GSUM PO DE DAG NI, ,PHYI BA'I MCHOG TU MU KHYUD 'CHAD, ,CES BYA BA LA, 'BRAS BU GSUM GANG YANG RUNG PA'I SHUN PA STE, AA RU RA'I SHUN PA 'AM, ,BA RU RA'I SHUN PA DANG, ,SKYU RU RA'I SHUN PA GANG YANG RUNG BA CHUR BTAGS TE LDE GUR BYAS LA KHAM PHOR SBYAR BA'I NANG DU DU BA MA SHOR BAR BSREG PAR BYA'O, ,DE NAS TSIG PAR GYUR PA DANG PHYE MAR BTAGS TE DE NAS SMAN GYI LHAG MA 'BRAS BU GSUM LAS BZHAG PA'I GNYIS PO'I KHU BA DANG SO SOR LEGS PAR BSGOS SHING BSREGS NAS SNAG TSA 'DRA BA DE YANG BSKAMS PA BTAGS TE RGYAM TSA NYIS 'GYUR DANG BCAS PA'I MIG SMAN GSUM PA DE DAG NI PHYI ZHING BSAL BA'I MIG SMAN GYI MCHOG YIN PAR DRANG SRONG MU KHYUD CES BYA BAS BSHAD DO, ,RTZA YI DRAS G-YOGS RTZA GANG ZHIG ,SRA BAS PHYI BA'I SMAN DAG GIS, ,MA ZHI 'BRUM PHRAN DE LA NI, ,MIG MDZER CHO GA BZHIN DU GSO, , ZHES BYA BA LA, RTZA'I DRA BAS G-YOGS PA'I RTZA GANG ZHIG SRA ZHING MKHRANG BAS PHYI ZHING BSAL PA'I SMAN BSKUS SU ZIN KYANG NAD DE ZHI ZHING MED PAR MA GYUR NA, 'BRUM PHRAN DE LA MIG MDZER GYI GSO BA LTAR BYA'O, ,LING TOG NAD GZHI'I DBANG LAS NI, ,SNUM RTZUB 'BRAS BU GSUM SBYIN ZHING, , TIG TA CHEN PO'I SMAN MAR SBYIN, ,GTAR GA BKRU SMAN SMAN KHU YI, ,THIGS PA BLUGS PA LA SOGS BYA, ,ZHES BYA BA LA, LING THOG GSOR RUNG BA DAG LA NI NAD GZHI RANG RANG GI GANG DAG YIN PA'I DBANG DU BYAS NAS SNUM PA'AM RTZUB PA DAG 'BRAS BU GSUM SBYIN PAR BYA ZHING TIG TA
, ,CHEN PO'I SMAN MAR SBYIN PA DANG, DE BZHIN DU GTAR GA GDAB PA DANG, BKRU SMAN DU GTANG BAR DANG, SMAN KHU'I THIGS PA MIG TU BLUGS PA DANG, KHA BSKU BA DANG, SNA NAS GTANG BA DANG, BRTA BA DANG, MIG SMAN GYI PHUR MA BTZO BA'I SBYOR BA DAG BYAS NA PHAN NO, , SNAD PA'I LING THOG DUR BYID CHU, ,LAN GSUM BSKOL PA'I MAR BLUD BYA, ,ZHES BYA BA LA, SNAD CING RMA BYUNG BA LAS LING THOG TU GYUR PA LA NI DUR BYID BSKOL BA'I KHU BA DANG LDAN GSUM GYI BAR DU BSKOL BA'I SMAN MAR BLUD PAR BYA'O, ,DE 'OG GTAR GA 'AM PAD PA YIS, ,MIG LAS KHRAG NI DBYUNG BAR BYA, ,ZHES BYA BA LA, DE'I 'OG TU SNAD PA'I LING THOG DE LA GTAR GA GDAB PA DANG, SRIN BU PAD PAS 'JIB TU GZHUG PAS KHRAG DBYUNG BAR BYA'O, ,AUTPAL RGUN 'BRUM RAM NYE BA, ,SHING MNGAR BI DA RI BSKOL BA, ,KHA RA RA YI 'O MA 'AM, ,CHU BSKOL THIGS PA BLUGS PAR BYA, ,ZHES BYA BA LA, YANG NA SNAD PA'I LING THOG LA RA'I 'O MA DANG, AUTPAL LA SOGS PA SMAN BSKOL BA BSGRANGS PA'I NANG DU KHAR BTAB PA BLUGS PA 'AM, YANG NA AUTPAL LA SOGS PA'I SMAN CHU'I NANG DU BSKOL PA'I THIGS PA BLUGS PAR BYA'O, ,MIG DMAR MCHI MA NAD ZHI NAS, ,DE RJES PHYI BA'I MIG SMAN PHAN, ,ZHES BYA BA LA, MIG DMAR BA LA SOGS PA ZHI BAR GYUR NAS DE'I 'OG TU PHYI BA'I MIG SMAN BTANG NA LING THOG LA PHAN NO, ,DZ'A TI KHA 'BUS RGYA SKYEGS DANG, ,YUG SNAM TZANDAN RI LUR BYAS, ,KHRAG DANG MKHRIS PA DANG BYED CING, , SNAD PA LAS GYUR LING THOG SEL, ,ZHES BYA BA LA, DZ'A TI'I ME TOG KHA 'BUS BA LA SOGS PA'I RI LUR BYAS PA'I MIG SMAN GYIS NI, ,KHRAG DANG MKHRIS PA DANG ZHING SPYOD PAR BYED PA DANG, SNAD PAR GYUR PA'I LING THOG SEL BAR BYED DO, ,PHAG DANG RNGA MO GLANG PO CHE, ,BA LANG RA RTA BONG BU'I SO, ,RGYA MTSO'I LBU BA MU TIG DANG, ,NA LE SHAM NI BZHI BAR SBYAR, ,SO YI RI LUS SNAD PA YI, ,LING THOG GIS KHYAB SEL BAR BYED, ,CES BYA BA LA, PHAG LA SOGS PA'I SO DANG RGYA MTSO'I LBU BA DANG, MU TIG DANG NA LE SHAM BZHI POR SBYAR BA'I MIG
SMAN SO'I RI LU ZHES BYA BAS SNAD PA'I LING THOG GIS SHIN TU KHYAB PA DAG KYANG SEL BAR BYED DO, ,TA MA'I LO MA BA LANG SO, ,RGYA MTSO LBU BA BONG BU'I RUS, ,ZANGS MA DUNG GCIN RI LUR BYAS, ,LING TOG THAMS CAD SEL BAR BYED, ,CES BYA BA LA, TAM LA'I LO MA LA SOGS PA GCIN DANG RI LUR BYAS PAS NI LING THOG THAMS CAD 'JIG CING SEL BAR BYED DO, ,RIN CHEN SO DANG RVA DANG NI, ,KHAMS DANG SUG SMEL TSA BA GSUM, ,SGOG SKYA KA RANYDZA'I SA BON, ,RMA LA PHAN PA'I SMAN RNAMS NI, ,RMA BCAS RMA MED GTING ZUG DANG, , LPAGS GNAS LING THOG 'JOMS SMAN YIN, ,ZHES BYA BA LA, MAR GAD LA SOGS PA RIN PO CHE RNAMS DANG, ,GLANG PO CHE LA SOGS PA'I SO DANG, GSER LA SOGS PA'I KHAMS TE 'BYUNG KHUNGS LAS BYUNG BA DANG, ,SUG SMEL LA SOGS PA'I SMAN DANG, RMA LA PHAN PA'I SMAN RMA'I DBANG DU BYAS NAS 'OG NAS BSHAD PA DE THAMS CAD MIG SMAN DU BYAS PA'I RMA DANG BCAS PA'I LING TOG DANG, RMA MED PA'I LING TOG DANG GTING DU ZUG PA'I LING THOG DANG, PAGS PA LA GNAS PA'I LING THOG 'JOMS SHING SEL BAR BYED PA YIN NO, ,SNA SMAN SNUM BLUD SHA KHU NI, ,BLUD PAS DMA' BA BSTOD PAR BYA, ,NAD MED LING TOG DMA' BA NI, ,PHUR MA BTZOS DANG BRTA BAS BSTOD, ,CES BYA BA LA, DMA' ZHING GTING NA YOD PA'I LING TOG NI SNUM BLUD PA DANG SNA SMAN BTANG BA DANG, SHA KHU BLUD PAS BSTOD PAR BYA BA LA NAD MED PA'I LING TOG GIS DMA' BA NI SMAN GYI PHUR MA BTZOS PA DANG, BRTA BA'I SBYOR BAS BSTOD PAR BYA'O, ,LING TOG DKAR PO SKYER PA DANG, ,SHING MNGAR THAL TRES SENG PHROM CHU, ,BLUGS PAS SENG PHROM GTUMS PA NI, ,CHU DRON LA SPANGS THIGS PA BLUGS, , ZHES BYA BA LA, LING THOG DKAR PO LA NI SKYER PA LA SOGS PA BSKOL PA'I CHU'I THIGS PA BLUGS PAR BYA BA'AM, YANG NA SENG PHROM BTAGS TE THUM POR GTUMS PA CHU DRON PO LA SPANGS PA'I THIGS PA BLUGS PAR BYA'O, ,SHING MNGAR BRI HA TI'I RTZA BA, ,RGYAM TSA DONG GRA ZANGS
, ,MA NI, ,SKYU RU RA'I 'BRAS CHU DANG BTAGS, ,LDE GU ZANGS MA'I SNOD LA BSKU, ,NAS MAR SKYU RU RA'I LO MA, ,DUD PAS DE 'OG MANG DU BDUG ,DE LAS RI LUR BYA BA NI, ,DE NI CHU DANG SBRANG RTZIR BTAGS, ,MTHON KA CHEN PO ZHES BYA STE, ,LING THOG DKAR PO SEL MCHOG YIN, ,ZHES BYA BA LA, SHING MNGAR LA SOGS PA'I SMAN SKYU RU RA'I 'BRAS BU BSKOL BA'I CHU DANG BTAGS PA'I LDE GUS ZANGS MA'I SNOD BSKUS LA NAS DANG MAR LA SOGS PA'I DUD PAS ZANGS MA'I SNOD BSKUS LA NAS DANG MAR LA SOGS PA'I DUD PAS ZANGS MA'I SNOD DE BSKUS PA'I 'OG TU MANG DU BDUG PAR BYA'O, ,DE NAS ZANGS MA'I SNOD DE CHU DANG SBRANG RTZI DANG SBYAR ZHING BTAGS TE RI LUR BYAS PA'I MIG SMAN DE'I MING MTHON KA CHEN PO ZHES BYA STE, LING THOG DKAR PO SEL ZHING 'JOMS PAR BYED PA'I MCHOG YIN NO, ,LING THOG BRTAN ZHING MTHUG PA LA, ,KHRAG NI LAN MANG DBYUNG BAR BYA, ,MGO DANG LUS KYI BKRU SMAN DANG, ,PHUR MA BTZOS PA 'ANG LAN MANG GTANG, ,ZHES BYA BA LA, LING THOG BRTAN PA LA SOGS PA LA NI GTAR GA LA SOGS PAS KHRAG MANG DU DBYUNG BAR BYA ZHING, ,MGO BO'I BKRU SMAN LA SOGS PA LAN MANG DU GTANG BAR BYA'O, ,PI PI LING DANG NA LE SHAM, ,RGYAM TSA SHRI SHA'I 'BRAS BU 'AM, ,'BRAS BU GSUM BSKOL RGYAM TSAR BCAS, ,BLUD PAS GNAS LAS BSTOD PAR BYA, ,ZHES BYA BA LA, LING THOG DKAR PO DE GNAS NAS BSKYOD CING BSTOD PAR BYA BA'I PHYIR PI PI LING NAS SHRI SHA'I 'BRAS BU'I BAR GYIS SAM, YANG NA RGYAM TSA DANG 'BRAS BU GSUM BSKOL TE ZHAG GSUM GYI BAR DU BLUD PAS BSTOD PAR BYA'O, ,DUNG DANG RGYA SHUG KA TA KA ,RGUN 'BRU SHING MNGAR SBRANG RTZI DANG, ,MU RA SO YI DRI MA NI, ,SHI RI SHA YI ME TOG BCAS, ,TSIGS BCAD PHYED KYIS BSHAD PA YI, ,MIG SMAN SBYOR BA GTANG BAR BYA, ,ZHES BYA BA LA, YANG NA LING THOG DKAR PO DE BSKYOD CING BSTOD PAR BYA BA'I PHYIR, ,DUD LA SOGS PA DANG MUR LA SOGS PA'I TSIGS BCAD PHYED PHYED KYIS BSHAD PA'I MIG SMAN GYI SBYOR BA 'DI GTANG BAR BYA'O, ,SKYU RU PHA NID
DZA'I KHU BAR, ,LANG KA LI YI THAL BA NI, ,NUB GCIG SPANGS TE SKAMS PA'I PHYE, ,LING TOG BSKYOD PA'I MIG SMAN YIN, ,ZHES BYA BA LA, SKYU RU RA DANG PHA NID DZA KA BSKOL BA'I KHU BAR LANG GA LI'I THAL BA NUB GCIG SPANGS PA DE SKAMS LA PHYE MAR BYAS PA'I MIG SMAN DE NI LING THOG BSKYED PA STOD PAR BYED PA YIN NO, ,MUNGGA SBUN [?] PA MED BTAGS PA, ,DUNG DANG SBRANG RTZIR BCAS PA 'ANG PHAN, ,ZHES BYA BA LA, YANG NA SRAN MUNGGA SPUN PA MED PAR BTAGS PA DANG, DUNG DANG SBRANG RTZI DANG SBYAR BA'I MIG SMAN NI LING THOG SEL BA YIN NO, , SBRANG RTZI MA DU KA'I SNYING PO 'AM, ,BA RU RA RKANG SBRANG RTZIR BCAS, ,ZHES BYA BA LA, MA DU KA'I SNYING PO SBRANG RTZI DANG SBYAR BA 'AM, BA RU RA'I RKANG GI TSI GU SBRANG RTZI DANG SBYAR BA YANG LING THOG SEL TO, ,BA GLANG RTA BONG RNGA MO'I SO, ,DUD [?] DANG RGYA MTSO'I LBU BA DANG, ,AA RDZU NA'I CHUS RI LU BYAS, ,BSKYOD PA'I LING THOG 'JIG PAR BYED, ,CES BYA BA LA, BA GLANG LA SOGS PA'I SO DANG DUNG LA SOGS PA AA RDZU NA'I CHU DANG, RI LUR BYAS PAS KYANG BSKYOD CING BSTOD PA'I LING THOG 'JIG PAR BYED DO, ,BSTOD PA 'AM ZUG RNGUR BCAS PA YI, ,LING THOG SPU LA SOGS PAS PHYI, ,ZHES BYA BA LA, LING TOG BSTOD PA 'AM ZUG RDU DANG BCAS PA NI SPU LA SOGS PAS PHYI BAR BYA'O, ,RTZA YI LING THOG MTHONG GNOD MED, ,SNAD PA'I LING THOG STA BUR GSO, ,ZHES BYA BA LA, RTZA'I LING THOG MTHONG BAR BYED BA LA, GNOD PA MED PA'I RMA'I LING THOG LTAR GSO BAR BYA'O, ,SHING MNGAR STAG TSER RAM NYE BA, ,BRI HA TI DANG AA KA RU, ,SKYER PA'I MIG SMAN RA'I 'O MA, ,BTAGS PA'I LDE GU NAS DANG MAR, ,BCAS PA'I DUD PAS BDUG PAR BYA, ,SKYU RU RA YI LO MA DANG, ,RI LUR BYAS PA MIG SMAN MCHOG ,CES BYA BA LA, SHING MNGAR DANG STAG TSER PA ZHES BYA BA PRA PUndA R'I KA LA SOGS PA RA'I 'O MA DANG BTAGS TE LDE GUR BYAS PA DANG, NAS DANG MAR DANG BCAS PA'I DUD BAS BDUGS PA DANG, SKYU RU RA'I LO MAS RIM GYIS DUD
, ,PAS BDUGS PA'I RI LUR BYAS PA NI RTZA'I LING THOG SEL BA'I SMAN GYI MCHOG DAM PA YIN NO, ,ME SO SAR YI RIL MA 'DRA, ,MDZER BA LTA BUR MTSON GYIS GSO, ,ZHES BYA BA LA, NAD DE GAL TE ZHI ZHING SOS [?] BAR [?] MA GYUR NA, ,RTZA'I LING THOG LA MIG MDZER GYI DPYAD LTAR BYA BA DANG, DE BZHIN DU RA'I RIL MA LTA BU ZHES BYA BA'I MIG NAD LA YANG MDZER PA LTAR MTSON GYIS GCAD PAR BYA'O, ,RA RIL GSOR NI MI RUNG DANG, ,LING THOG DE 'DRA DE BZHIN GZHAN, ,NAD MA ZHIN SNUM BLUD CING, ,GTAR GA GDAB PA LA SOGS BYA; ,SMAD BYAS DE NI BSAL BYA ZHING, ,DKAR ZHING MTHO BA GSO BAR BYA, ,ZHES BYA BA LA, RA'I RIL MA LTA BU'I MIG NAD GSOR MI RUNG BA DANG, DE BZHIN DU LING THOG KYANG DE DANG 'DRA BAR GSOR MI RUNG BA DANG, MIG NAD GZHAN DAG RTAG TU NAD MA ZHI BAR GYUR PA LA SNUM BLUD PA LA SOGS PAS GSO BAR BYA ZHING DE BZHIN DU SMAD PAR BYA ZHING MIG NAD 'JIGS PA DE THABS DE DAG GIS BSAL BAR BYA ZHING DKAR BA DANG MTHO ZHING 'BUR BA'I NAD BSAL BAR BYA'O, ,RGYA STAR GO BYE LUNG TANG DANG, ,TA LA SMYIG MA KA RI RA, ,BSREGS PA'I THAL CHU BTZAGS PA DANG, ,RNGA MO'I RUS PA'I PHYE MA BSRE, ,MIG SMAN LING THOG GSO DKA' DANG, ,MDOG MI SDUG PA 'JOMS PAR BYED, ,CES BYA BA LA, RGYA STAR LA SOGS PA BSREGS PA'I THAL BA CHU LA SPANGS [?] TE, BTZAGS PA THAL CHU DE DANG RNGA MO'I RUS PA'I PHYE MA BSRES LA, MIG SMAN DES NI LING TOG GSO DKA' BA DANG, MDOG MI SDUG PA RNAMS 'JOMS SHING SEL BAR BYED DO, ,GSO SLA LA YANG 'DI NYID NI, ,BSTEN PAS SEL BAR NUS PA YIN, ,ZHES BYA BA LA, LING TOG GSO ZHING BCOS PAR SLA BA LA YANG BSHAD MA THAG PA'I PHYE MA'I MIG SMAN 'DI NYID BSTEN ZHING BSKUS NA NAD DE SEL BAR NUS PA YIN NO, ,RA YI RIL MA NGOS GNYIS NAS, ,KHAB KYIS PHUG STE CHU GZAGS NAS, ,MTHE BOS MNYAM DU BTZIR NAS NI, ,RMA YI NANG NI SHA PHYE DANG, ,TSIL NI RLON PAS BKANG NAS NI, ,DKRI ZHING DKRI ZHING DGANG
PAR BYA, ,ZHES BYA BA LA, RA'I RIL MA LTA BU ZHES BYA BA'I MIG NAD LA NGOS GNYIS NAS KHAB PHRA MOS PHUG LA CHU GZAGS NAS MTHE BOS CHA MNYAM DU LEGS PAR BTZIR BA DE'I RJES LA RMA'I NANG NA BA LANG GI SHA'I PHYE MAS LEGS PAR BKANG NAS DE BZHIN DU DKRIS SHING PHYIS YANG BKROL LA DE'I RJES LA BA LANG GI SHA'I PHYE MA DANG TSIL RLON PAS RMA DGANG BAR BYA'O, ,GZHAN BDUN NAS NI RMA 'BYOR NAS, ,MIG 'BRAS NAG PO MNYAM BRTAN LA, ,MIG SMAN SNUM CAN GTANG BYA ZHING, ,MAR DANG 'O MA'I SNA SMAN BLUGS, ,ZHES BYA BA LA, ZHAG BDUN LON PA DANG, RMA 'BYOR CING 'TSO BAS PA'I RJES LA MIG 'BRAS NAG PO MNYAM ZHING BRTAN PAR GYUR PA DANG, MIG SMAN SNUM CAN MAR DANG SBYAR BA GTANG BAR BYA ZHING MAR DANG 'O MA BSKOL BA'I SNA SMAN BLUGS PAR BYA'O, ,DE LTAR NA YANG RGYAS GYUR NA, ,DBUG DANG GCAD SOGS BYA BA BYAS, ,BCAD DRAGS PA YIS MIG NANG DU, ,ZHUGS PAR MI 'GYUR CI RIGS BYA, ,ZHES BYA BA LA, DE LTAR SNGAR BSHAD PA'I TSUL GYIS GSO BA BYAS SU ZIN KYANG SLAR GANG ZHING RGYAS PAR GYUR NA RA'I RIL MA LTA BU'I MIG NAD DE LA DBUG PA DANG BCAD PA LA SOGS PA'I GSO BA CI RIGS PAR BYA STE, RNAM PA GANG GIS BCAD DRAGS PA'I RGYUS MIG NANG DU ZHUGS PAR MI 'GYUR BAR LEGS PA KHO NAR BYA'O, ,LING THOG LA NI RTAG PAR RANG GI SMAN, ,BSKOL BA'I MAR BLUD SNA SMAN BSTEN PA DANG, ,CI NAS MTHONG BA NYAMS PAR MI 'GYUR BAR, ,MIG SMAN RNON PO RTAG TU BSTEN PAR BYA, ,ZHES BYA BA LA, LING THOG GI MIG NAD LA NI DUS RTAG PAR RANG GI MIG NAD DANG RJES SU MTHUN PA'I SMAN DANG BSKOL BA'I MAR BLUD PA DANG SNA SMAN TSAD PHRAN BSTEN BAR BYA STE, DE LTAR BYAS BAS CI NAS KYANG MIG GI MTHONG BA NYAMS PAR MI 'GYUR BAR MIG SMAN RNON PO RTAG TU BSTEN ZHING GOMS PAR BYAS NA NANG DU ZHUGS SHING STOBS NYAMS PAR MI 'GYUR RO, ,YAN LAG BRGYAD PA'I SNYING BO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U BCU GCIG BA'I RNAM BAR 'GREL PA'O,, ,,
, ,DE NAS MTHONG BAR BYED PA'I MIG NAD KYI NAD DMIGS SHES PAR BYA BA BSHAD PAR BYA'O, ,ZHES BYA BA LA, GO RIMS SU BAB PA'I MTHONG BAR BYED PA'I MIG GI RGYAL MOR NAD ZHUGS PA'I TSUL DU SHES PAR BYA BA'I LE'U BSHAD CING BRTZAMS PA YIN NO, ,NAD NI RTZA YI NANG ZHUGS PA, ,RIM PA DANG POR GNAS NAS NI, ,GZUGS NI MI GSAL MTHONG 'GYUR ZHING, ,RGYU MED PAR YANG GSAL BAR MTHONG, ,ZHES BYA BA LA, RLUNG LA SOGS PA'I NANG GANG YANG RUNG BA RTZA'I NANG DU ZHUGS SHING 'GRO BAR GYUR PA'I NAD DES RIM PA DANG PO STE PHYI RIM DU GNAS SHING BRTEN PAR GYUR PA NA, MIG GIS GZUGS MI GSAL BAR MTHONG BAR 'GYUR BA DANG, LAN 'GA' ZHIG NI DE LTAR 'GYUR BA'I RGYU MED PAR GSAL BA NYID DU YANG MTHONG BAR 'GYUR BA YIN NO, ,RIM PA GNYIS PAR PHYIN PA NA, ,MED PA DAG KYANG MTHONG 'GYUR ZHING, ,YOD CING NYE BAR BSGRIBS NA MTHONG, ,RING NAS PHRA BA MTHONG BAR 'GYUR, ,NYE DANG RING BAR GNAS PA'I GZUGS, ,PHYIN CI LOG TU SHES PAR 'GYUR, ,ZHES BYA BA LA, NAD DE MIG GI RIM PA GNYIS PAR PHYIN PAR GYUR BA NA MED PAR GYUR BA'I GZUGS DAG KYANG MTHONG BAR 'GYUR BA DANG; GZUGS CAN DU YOD CING GAN NA GNAS TE NYE BA DAG LA BSGRIBS TE BLTAS NA MTHONG BAR 'GYUR BA DANG, THAG RING PO NAS MTHONG BAR 'GYUR BA YIN TE, NYE BA DANG RING BAR GNAS PA'I GZUGS LA PHYIN CI LOG TU SHES PA SKYE STE, RING PO NA YOD PA'I GZUGS NI NYE ZHING GNAN YOD PA LTA BUR SNANG BAR 'GYUR LA, NYE BA NA YOD PA'I GZUGS NI RING PO NA GNAS PAR SHES PAR 'GYUR RO, ,NAD KYIS ZLUM PO'I DBYIBS 'DRA BAR, ,ZLUM PO NYID DU MTHONG BAR 'GYUR, ZHES BYA BA LA, RIM PA GNYIS PA NA GNAS PAR GYUR PA NA SKYES BUS GZUGS NAS KUN NAS ZLUM PA'I DBYIBS 'DRA BAR ZLUM PO KHO NAR MTHONG BAR 'GYUR RO, ,MTHONG BYED DBUS GNAS GCIG GNYIS MTHONG, ,MANG DU GNAS NA DU MA MTHONG, ,ZHES BYA BA LA, NAD MTHONG BAR BYED PA'I MIG GI RGYAL MO'I DBUS NA GNAS NA DNGOS PO GCIG LA GNYIS SU
MTHONG BAR 'GYUR LA, MTHONG BAR BYED PA DER NAD MANG DU GNAS NA GZUGS DU MA STE, SNA TSOGS PAR MTHONG BAR BYED PAR 'GYUR RO, ,MTHONG BYED NANG DU ZHUGS PA NI, ,CHE CHUNG GO NI BZLOG PA MTHONG, ,ZHES BYA BA LA, NAD MTHONG BAR BYED PA'I MIG GI RGYAL MO'I NANG DU ZHUGS NA GZUGS CHE BA YANG CHUNG BAR MTHONG LA CHUNG NGU NI CHE BAR MTHONG BAR 'GYUR RO, ,'OG TU GNAS PAS NYE MI MTHONG, ,STENG DU GNAS PAS RING MI MTHONG, ,ZHES BYA BA LA, ,MTHONG BAR BYED PA'I 'OG NA NAD GNAS PAR GYUR NA GZUGS NYE BAR GNAS PA MTHONG BAR MI 'GYUR LA, MTHONG BAR BYED PA'I STENG NA NAD GNAS NA GZUGS RING PO NA GNAS PA MTHONG BAR MI 'GYUR RO, ,NGOS LA GNAS PAS G-YAS G-YON MIN, ,NAD 'DIR BA RIB CES BYAR BSHAD, ,CES BYA BA LA, NANG MTHONG BAR BYED PA'I NGOS GNYIS LA GNAS PAR GYUR NA G-YAS G-YON GYI LOGS NA GNAS PA'I GZUGS MTHONG BAR MI 'GYUR TE, NAD 'DI DAG NI RAB RIB KYI NAD CES BYA BAR BSHAD DO, ,NAD NI RIM PA GSUM PAR BRTEN, ,SNGON PO NYID DU 'GYUR BA YIN, ,DE YIS STENG MTHONG 'OG MI MTHONG, ,GOS SRAB KYIS G-YOGS LTAR MTHONG ZHING, ,KHA DOG JI BZHIN 'GYUR BA DANG, ,RIM GYIS MTHONG BA NYAMS PAR 'GYUR, ,ZHES BYA BA LA, RLUNG LA SOGS PA'I NAD MIG SPRIN GYI RIM PA GSUM PA LA BRTEN CING GNAS PAR GYUR NA MIG MCHING BU LTAR SNGON POR 'GYUR BA YIN LA, SNGON POR GYUR PA DES STENG NA GNAS PA'I GZUGS MTHONG BAR BYED KYI, 'OG NA GNAS PA MTHONG BAR MI 'GYUR BA DANG, GANG MTHONG BA DE GOS SRAB MOS G-YOGS PA LTAR MTHONG BA DANG, KHA DOG JI LTA JI LTAR MTHONG BA DE LA DE BZHIN DU ME LONG LTAR RNAM PAR MTHONG BAR BYED PA DANG, MTHONG BA DE RIM GYIS NYAMS SHING NUS PA CHUNG BAR 'GYUR RO, ,DE LTAN YANG YAL BAR DOR, ,RIM PA BZHI PAR PHYIN NAS NI, ,MTHONG BYED MTSAN MO NYAMS BYED CING, ,MIG GI RGYAL MO KHEBS PAR BYED, ,CES BYA BA LA, DE LTAR MIG MCHING BU LTAR SNGON POR GYUR NA YANG YAL BAR DOR TE MA BCOS
, ,NA NAD DE MIG GI RIM PA BZHI PAR PHYIN NAS MTHONG BAR BYED PA'I MIG GI MCHAN MA'I DANG PO NYAMS PAR BYED CING MIG GI RGYAL MO KHEBS PAS LONG BAR BYED PAR 'GYUR RO, ,DE LTA NA DE YAN CHAD NI RAB RIB LA SOGS PA'I SPYI'I MTSAN NYID BSHAD PA YIN NO; ,DE LA RLUNG GYUR RAB RIB NI, ,LONG LONG POR NI MTHONG BA DANG, ,G-YO ZHING RNYOG CAN RTZA DMAR SNANG, ,CHED 'GA' GSAL BAR MTHONG BA DANG, ,DRA BA SKRA SHAD SBRANG BU DANG, ,'OD MTHONG, ZHES BYA BA LA, RAB RIB KYI NAD DE LA RLUNG LAS GYUR PA'I RAB RIB KYI MTSAN NYID NI GZUGS 'KHRUGS SHING LONG LONG POR MTHONG BA DANG, G-YO ZHING MI BRTAN PA DANG, RNYOG PA CAN DE MI GSAL BA DANG, PHAL CHER RTZA DMAR BAR SNANG BA DANG, CHED 'GA' NI GZUGS GSAL BAR MTHONG BA DANG, DE BZHIN DU DRA BAS G-YOGS PA DANG, SKRA SHAD 'DZINGS PA DANG, SBRANG BU LTA BU DANG, 'OD 'BAR BA LTA BUR YANG CHED 'GA' MTHONG BA YIN NO, ,DE NI YAL BAR BOR, ,SNGON BOR GYUR PA MIG DMAR LA, ,BZHIN LA SNA NI MED PAR MTHONG, ,ZLA BA MED SOGS DU MAR MTHONG, ,YON PO 'ANG DRANG POR MTHONG BAR 'GYUR, ,ZHES BYA BA LA; DE LA RLUNG LAS GYUR PA'I RAB RIB DE YAL BAR BOR ZHING MA BCOS NA SNGON POR GYUR PA LAS THAL TE, MIG DMAR BAR GYUR BA DANG, MIG NAD SPRIS G-YOGS PAS NYEN BA'I MI DES RANG GI BZHIN DE GDONG LA SNA MED PAR MTHONG BA DANG, YANG ZLA BA LA SOGS PA LA GZUGS DU MA MTHONG BA DANG, GZUGS YON PO YANG DRANG POR SHES SHING MTHONG BAR 'GYUR RO, ,SNGON BO 'PHEL NA MTHONG BYED NI, ,RDUL GYIS KHEBS PA LTA BUR MTHONG, ,GSAL ZHING DMAR BA 'AM RGYA CHE BA'AM, ,PHRA MO 'AM MTHONG BA NYAMS PAR 'GYUR, ,DE NI MTHONG BA NYAMS PA YIN; ,ZHES BYA BA LA, MIG NAD MCHING BU LTA BUR SNGO BA DE NYID 'PHEL ZHING RGYAS PAR GYUR NA MTHONG BAR BYED PA'I MIG GI DKYIL 'KHOR RDUL GYI TSOGS KYIS KHEBS SHING G-YOGS PA LTA BUR 'GYUR BA DANG, GSAL BA LA SOGS PA GANG YANG RUNG BA MTHONG ZHING MTHONG BA NYAMS
PAR BYED PAR 'GYUR TE, DE LTA BU'I MIG NAD DE NI MTHONG BA NYAMS PA'AM MTSAN MA NYAMS PA ZHES BYA'O, ,ZHES BSHAD DE, DE LA LONG BA DANG SPRIS G-YOGS PA DANG MTSAN MA NYAMS PA ZHES BYA BA'I MING YANG 'THOB BO, ,RLUNG GIS MIG GI RTZA 'KHUMS 'GYUR, ,MTHONG BYED GTING DU ZHUGS PA DAG ,'DI NI GTING RING ZHES BYAR BSHAD, ,CES BYA BA LA, RLUNG GI NAD LAS GYUR PA'I MTHONG BA NYAMS PA'I NAD LA NI MIG GI RTZA 'KHUMS PAR 'GYUR PA DANG, DE BZHIN DU MTHONG BAR BYED PA'I MIG GI RGYAL MO'I GTING DU ZHUGS SHING NANG DU ZHEN PA YIN TE; MIG NAD 'DI NI MIG GTING RING BA ZHES BYA'O, ,ZHES DRANG SRONG RNAMS KYIS BSHAD DO, ,MKHRIS GYUR RAB RIB GLOG DANG NI, ,SRIN BU ME KHYER ME SGRON 'OD, ,RMA BYA SREG PA'I SGRO DANG 'DRA, ,PHAL CHER SNGON POR MTHONG BAR 'GYUR, ,ZHES BYA BA LA, MKHRIS PA LAS GYUR BA'I MIG NAD RAB RIB NI GLOG DANG SRIN BU ME KHYER LA SOGS PA'I 'OD KYIS SNANG BAR BYAS PA LTA BUR GZUGS MTHONG BAR 'GYUR BA DANG, DE BZHIN DU RMA BYA'I MJUG SGRO DANG, SREG BA'I SGRO 'DRA BAR GZUGS KHA DOG SNA TSOGS SU MTHONG BA DANG, PHAL CHER DE MANG DU GZUGS SNGON POR MTHONG BAR 'GYUR RO, ,MTHONG BYED MIG NI 'KHAR G-YA' 'DRA, ,DE LTA BU NI MTHONG BA DANG, ,NYI ZLA 'KHYIMS DANG ME DANG NI, ,SMIG RGYU 'JA' TSON MTHONG BAR 'GYUR, ,ZHES BYA BA LA, MKHRIS PA LAS GYUR PA'I MIG SNGON POR GYUR PA'I NAD LA NI MIG 'KHAR BA'I G-YA' LTAR SNGO BA DANG GZUGS KYANG 'KHAR BA'I SNGON PO LTAR MTHONG BA DANG, DE BZHIN DU NYI MA DANG ZLA BA 'KHYIMS SHING ZLUM POS BSKOR BA LTA BUR MTHONG BA DANG, DE BZHIN DU ME DANG SMIG RGYU DANG 'JA' TSON LTA BUR GZUGS MTHONG BAR 'GYUR BA YIN NO, ,BUNG BA LTAR SNGO MTHONG BA MED, ,'BRAS BU SNUM PA MTHONG NYAMS YIN, ,ZHES BYA BA LA, MKHRIS PA LAS GYUR PA'I MIG NAD BUNG BA LTAR SNGO BA'I BUNG BA'I MDOG LTAR SNGO NAG TU SNANG BA DANG, DE BZHIN DU MTHONG BA MED CING GZUGS MTHONG BA LAS NYAMS PA DANG, 'BRAS BU SNUM PA DANG
, ,GZUGS MTHONG BA NYAMS PA YIN NO, ,MKHRIS BAS MIG NI CHUNG ZHES BSHAD, ,CHUNG MTHONG DE NI THUNG DU YIN, ,ZHES BYA BA LA, MKHRIS PA 'KHRUGS PAR GYUR PA LAS MIG GANG CHUNG NGUR MTHONG BA DE NI MING CHUNG DU MTHONG BA ZHES BYA'O, ,SER ZHING DNGOS PO SER BOR MTHONG, ,MKHRIS PAS TSIG PAR GYUR CES BYA, ,ZHES BYA BA LA, MKHRIS BA LAS GYUR PA'I MIG NAD MIG SER ZHING DNGOS PO SER POR MTHONG BA DE NI MING MKHRIS PAS TSIG PA ZHES BYA'O, ,BAD KAN RAB RIB PHAL CHER NI, ,SNUM ZHING DKAR BAR MTHONG BA DANG, DUD DANG ZLA BA KUN DANG, ,KUN DA'I ME TOG LTA BUS KHYAB, ,CES BYA BA LA, BAD KAN LAS GYUR PA'I MIG NAD RAB RIB CAN PHAL CHER DE MANG DU NI GZUGS SNUM PA DANG, DKAR POR MTHONG BA DANG, DE BZHIN DU GZUGS DUD [?] DANG ZLA BA LA SOGS PA LTA BUS KHYAB CING G-YOGS PA LTA BUR MTHONG BA YIN TE, DE NI MIG NAD DKAR PO ZHES BYA'O, ,SNGON BO 'OD MED NYI ZLA DANG, ,SGRON MES KHYAB BA LTA BUR MTHONG, ,MIG 'BRAS DKAR POR SNANG BAR 'GYUR, ,ZHES BYA BA LA, DE NYID YAL BAR BOR ZHING MA GSOS NA MCHING BU LTA BUR SNGON POR GYUR CING 'OD MED PA'I NYI MA DANG ZLA BA DANG, SGRON MA LA SOGS PA LTA BUR KHYAB CING GZUGS MTHONG BA DANG, DE NI MIG 'BRAS DKAR PO NYID DU SNANG ZHING MNGON PAR GYUR PA YIN NO, ,BAD KAN MTHONG NYAMS DES MNGON KHYAB, ,SNUM ZHING MTHONG BA NYAMS 'GYUR LA, ,CHU YI THIGS PA PADMA YI, ,'DAB MA'I STENG NA GNAS LTAR G-YO, ,DRON ZHUM PAR GYUR PA DANG, ,GRANG BAS YONGS SU KHYAB PAR BYED, ,ZLA BA ME TOG KUN DA DUNG, ,SHEL LTAR SNANG ZHING DKAR BA YIN, ,ZHES BYA BA LA, BAD KAN LAS GYUR BA'I SPRIS G-YOGS SHING MTHONG BA NYAMS PA'I MIG NAD NI BAD KAN GYIS MNGON SUM DU KHYAB PA LTA BUR SNANG BA DANG, MIG SNUM PAR SNANG BA DANG, MTHONG BA NYAMS SHING LONG BAR GYUR PA DANG, DE BZHIN DU CHU'I THIGS PA PADMA'I 'DAB MA'I STENG DU GNAS PA LTA BUR G-YOGS PAR SNANG BA DANG, THIGS PA DE DRO BA'I GNAS SU
NI ZHUM ZHING 'DUS PAR GYUR LA, GRIB MA DANG GRANG BA'I GNAS SU YONGS SU KHYAB CING RGYAS PAR BYED PA DANG, YANG DE ZLA BA LA SOGS PA 'GA' YANG RUNG BABS KYANG DKAR BAR 'GYUR PAR SNANG BA YIN NO, ,KHRAG GI RAB RIB DMAR BA DANG, ,MUN PAR GYUR BA MTHONG BA YIN, ,ZHES BYA BA LA, KHRAG LAS GYUR PA'I RAB RIB NI SPRIS G-YOGS PA DMAR BAR SNANG BA DANG, GZUGS MUN PAR ZHUGS BA LTA BUR MTHONG BA YIN NO, ,SNGON PO DMAR BA'AM GNAG PAR NI, ,MIG GIS DE LTAR MTHONG BA YIN, ,ZHES BYA BA LA, KHRAG LAS MIG NAD MCHING BU LTAR SNGON POR GYUR PA NI, MIG DMAR PO 'AM NAG POR GYUR CING MIG GIS KYANG DMAR PO 'AM NAG POR MTHONG BAR GYUR PA YIN NO, ,MTSAN MA NYAMS PA'ANG DE LTAR MTHONG, ,'OD MED MTHONG BA NYAMS PA YIN, ,ZHES BYA BA LA, DE YAL BAR BOR BAS MTSAN MA NYAMS SHING SPRIS G-YOGS PA KHRAG LAS GYUR PA'ANG MIG DE DANG 'DRA BA STE, DMAR PO 'AM NAG POR GYUR ZHING GZUGS DE GNYIS LTAR MTHONG BA DANG, DE BZHIN DU MIG GI RGYAL MO 'OD MED CING MTHONG BA NYAMS SHING LONG BAR 'GYUR RO, ,LDAN PA 'AM NI 'DUS PA YI, ,RAB RIB LA SOGS MTSAN MA NI, ,'DREN MA YIN PAR SHES PAR BYA, ,ZHES BYA BA LA, NAD GZHI GNYIS 'DRES PA'I LDAN PA'AM GSUM 'DUS BAR 'GYUR BA'I MTSAN MA NI, RAB RIB DANG SNGON PO [?] DANG, SPRIS G-YOGS PA'I MTSAN MA 'DREN MAR SNANG BA YIN PAR SHES PAR BYA'O, , GLO BUR DU NI RAB RIB DAG ,GSAL DANG MI GSAL 'KHRUGS PAR BYED, ,CES BYA BA LA, LDAN PA DANG 'DUS PA LAS RAB RIB TU 'GYUR BA NI GLO BUR DU GSAL BAR 'KHRUGS PAR 'GYUR TE, LAN 'GA' NI GSAL BAR 'GYUR LA, LAN 'GA' NI MI GSAL BAR GZUGS MTHONG BAR 'GYUR RO, ,LHAG MA DAG GIS MTHONG BYED NI, ,DMAR ZHING SNA TSOGS DAG TU SNANG, ,ZHES BYA BA LA, SNGON PO DANG MTHONG BA NYAMS BA LTAG MA 'DUS PA DANG, LDAN PA LAS GYUR BA NI MTHONG BAR BYED PA'I MIG GI DKYIL 'KHOR DMAR ZHING SNA TSOGS SU SNANG BA YIN TE, LDAN
, ,PA DANG 'DUS PA'I RAB RIB GCIG TU BSHAD PA NI, LDAN PA LAS GYUR PA'I RAB RIB GCIG DANG, LDAN PA LAS GYUR PA'I MIG SNGON POR GYUR PA GCIG DANG, LDAN PA LAS GYUR PA'I MTHONG BA NYAMS PA GCIG DANG, DE BZHIN DU LDAN PA LAS GYUR PA'I RAB RIB GCIG DANG, 'DUS PA LAS GYUR PA'I MIG SNGON POR GYUR PA GCIG DANG, 'DUS PA LAS GYUR PA'I MTHONG BA NYAMS PA GCIG YIN NO, ,GANG GIS MTHONG BYED NAD KYIS KHYAB, ,SRE MO'I MIG 'DRAR SNANG BAR 'GYUR, ,DE NI NYIN MTHONG MTSAN MO MIN, ,NE'U LE LONG BA ZHES DE BSHAD, ,CES BYA BA LA, MIG GANG GIS MTHONG BAR BYED PA'I MIG GI DKYIL 'KHOR RLUNG LA SOGS PA'I NAD KYIS KHYAB CING SRE MO'I MIG DANG 'DRA BAR 'TSER BAR SNANG BAR 'GYUR BA'I NAD DE NI MING NE'U LE LONG BA ZHES BYA BAR BSHAD DE, NE'U LE LONG BA ZHES BYA BA GANG YIN PA DE'I MTSAN NYID DE NI NYIN MOR DNGOS PO SNA TSOGS MTHONG BAR 'GYUR GYI, ,MTSAN MO MTHONG BAR MI 'GYUR RO, ,NYI MA NUB PAR GYUR PA NA, ,'OD MI SNANG TSE RENGS 'GYUR ZHING, ,MTHONG BYED NYAMS PAR BYED PA NI, ,NAD KYIS LONG BA GNYIS PA YIN, ,NYI MA'I ZER GYIS PHOG PA NA, ,MTHONG BA'I LAM NAS DRI MA NI, ,ZHU ZHING MED PAR GYUR NAS NI, ,NYIN MO GSAL BAR MTHONG BAR BYED, ,CES BYA BA LA, NYI MA RI'I RTZE LAS NUB PAR GYUR CING NYIN MO'I MTHA' MAR 'OD MI SNANG BAR GYUR PA NA, MIG GI NAD DE RENGS SHING SRA BAR GYUR NAS MTHONG BAR BYED PA'I MIG GI RGYAL MO BSGRIBS SHING KHEBS PAR GYUR PAS MTHONG BAR BYED PA NYAMS PAR 'GYUR TE, DE NI NAD KYIS MTSAN MO LONG BA SNGA MA LAS GNYIS PAR GYUR PA NYID YIN TE MTSAN MO LONG BA 'DI LA NYI MA'I 'OD ZER GYIS MTHONG BAR BYED PA NA YOD PA'I NAD MTHONG BAR BYED PA'I LAM GYI MIG NAS DRI MA DE ZHU ZHING MED PAR GYUR NAS, NYIN MO DNGOS PO GSAL BA KHO NAR MTHONG BAR BYED PA YIN NO, ,TSA BAS GDUNGS TE MOD LA NI, ,CHU GRANG NANG DU ZHUGS GYUR NA, ,NAD GZHI GSUM DANG KHRAG 'KHRUGS TE, ,DROD NI GYEN 'GRO DE NAS MIG
TSA ZHING NA DKAR DRI MA CAN, ,NYIN MO LONG LONG POR MTHONG ZHING, ,MTSAN MO LONG BAR GYUR BA DAG ,DE NI DRO BAS TSIG CES BYA, ,ZHES BYA BA LA, MIG GANG NYI MA LA SOGS PA'I TSABS GDUNGS SHING NYEN PAR GYUR PA DE, MOD LA DE 'PHRAL DU CHU GRANG MO'I NANG DU ZHUGS SHING LUS NUB PAR BYED PA'I RGYUS, ,LUS KYI NANG NA YOD PA'I ME DROD KYI TSOGS RLUNG LA SOGS PA'I NANG GZHI GSUM DANG KHRAG 'KHRUGS PAR GYUR CING DROD DE NAD DE DANG 'DRES PAR GYUR PAS GYEN DU 'GRO BAR 'GYUR LA DE NAS DE'I 'OG TU RGYU DES MIG TSA ZHING NA BAR GYUR PA DANG, MIG 'BRAS DKAR PO DRI MA CAN DU 'GYUR LA, DES NI NYIN MO NI MTHONG BA MI GSAL ZHING RNYOG PA CAN LONG LONG BOR MTHONG LA MTSAN MO'I DUS SU NI LONG ZHING CI YANG MI MTHONG BAR 'GYUR TE, MIG NAD DE NI DRO BAS TSIG BA ZHES DRANG SRONG RNAMS KYIS BSHAD DO, ,SHAS CHER SKYUR ZOS NAD DANG NI, ,KHRAG DANG BCAS PAS MIG KHYAB 'GYUR, ,'DRUL ZHING G-YO BA DRI MA CAN, ,DE NI SKYUR GYIS TSIG CES BYA, ,ZHES BYA BA LA, SHAS CHER DE NI MI ZAD PA 'AM, YANG DANG YANG DU KHA ZAS SKYUR BAG ZOS PA LAS RLUNG LA SOGS PA'I NAD KHRAG DANG BCAS PAS MIG GI NANG KHYAB PAR 'GYUR ZHING KHEBS PAR GYUR PAS MIG 'DRUL ZHING RNAGS PA DANG, SHAS CHER G-YA' BA DANG DRI MA CAN DU GYUR PA'I MIG NAD DE NI MING SKYUR GYIS TSIG PA ZHES BYA'O, ,ZHES SLOB DPON DAG GIS BSHAD DO, ,MYA NGAN RIMS DANG MGO NAD KYIS, ,RLUNG SOGS GDUNGS PAR GYUR BA LAS, ,RLUNG SOGS 'KHRUGS SHING DUNG 'THUL MTHONG, ,DE NI DUD BA CAN ZHES BYA, ,ZHES BYA BA LA, SKYES BU MYA NGAN LA SOGS PAS GDUNGS PAR GYUR PA LAS MIG GIS DUD BLTA BUR MTHONG ZHING NANG NA DUD PA BSKU BA LTAR 'KHRUGS PA'I MIG NAD DE NI DUD PA CAN ZHES BYA'O, ,SNYING STOBS CHUNG BAS GLO BUR DU, ,NGO MTSAR CAN GYI GZUGS MTHONG BA 'AM, ,NYI MA 'OD CAN SOGS MTHONG NAS, ,MIG LA BRTEN BA'I RLUNG LA SOGS, ,GZI BYIN NYAMS PAS MIG GI NI, ,MTHONG BA NYAMS PAR BYED
, ,PAR 'GYUR; ,BEE d'URYA MDOG MKHRANG BAG DANG, ,RANG BZHIN GNAS LTAR NAD MED 'GYUR, ,'DI NI 'PHRAD PA LAS BYUNG BA'I, ,MTSAN MA NYAMS BZHES BYAR BSHAD, ,CES BYA BA LA, SKYES BU SNYING STOBS CHUNG ZHING BLO ZHEN PAS GLO BUR TE 'PHRAL DU NGO MTSAR DU GYUR CING RMAD DANG LDAN PA'I GZUGS MTHONG BAR 'GYUR BA DANG, YANG NA NYI MA LA SOGS PA 'OD DANG LDAN ZHING 'TSER BA'I GZUGS MTHONG BA LAS MIG LA RTEN CING GNAS PA'I NAD KYIS MIG GI GZI BYIN GYI MDANGS NYAMS PAR BYAS NAS, MIG GI MTHONG BA NYAMS PAR 'GYUR BA DANG, BEE d'U RYA'I MDOG LTAR SNGO BA DANG, MKHRANG ZHING GTAR BAG TU 'DUG PA DANG, RANG BZHIN DU GNAS SHING THA MAL PAR 'DUG PA LTAR NA NAD MED PAR 'GYUR TE, NAD 'DI NI 'PHRAD PA LAS BYUNG BA'I MTSAN MA NYAMS PA ZHES BYA'O, ,'DI LAS BAD KAN MA GTOGS MTSAN, ,NYAMS DANG THUNG DU GTING ZHEN SPANG, ,ZHES BYA BA LA, MIG NAD 'DI DAG GI NANG NAS BAD KAN LAS GYUR PA'I MTSAN MA'AM, MTHONG BA NYAMS PA MA GTOGS PA RLUNG DANG MKHRIS PA DANG KHRAG DANG LDAN PA DANG 'DUS PA DANG 'PHRAD PA LAS GYUR BA'I MTHONG BA NYAMS PA DRUG PO SPANG BAR BYA BA DANG, DE BZHIN DU THUNG DU ZHES BYA BA DANG, GTING DU ZHEN PA ZHES BYA BA'I MIG NAD KYANG GSOR MI RUNG BAS SPANG BAR BYA'O, ,MIG SNGON DRUG DANG NE'U LE YI, ,LONG BA 'TSO TZAM, ,ZHES BYA BA LA, RLUNG DANG MKHRIS PA DANG BAD KAN DANG, KHRAG DANG LDAN PA DANG, 'DUS PA LAS GYUR PA'I MIG SNGON PO MCHING BU LTAR GYUR PA DRUG PO DANG, NE'U LE LONG BA STE BDUN PO DE DAG NI RE ZHIG 'TSO BA TZAM DU BYAR RUNG BA YIN NO, ,LHAG MA NI, BCU GNYIS PO NI GSO BAR BYA, ZHES BYA BA LA, LHAG MA MIG NAD BCU GNYIS PO RLUNG DANG MKHRIS PA DANG, BAD KAN DANG KHRAG DANG LDAN PA DANG, 'DUS PA LAS GYUR BA'I RAB RIB DRUG DANG, MKHRIS PAS TSIG BA DANG, BAD KAN GYIS MTSAN MA NYAMS PA DANG, MTSAN MO LONG BA DANG DRO BAS TSIG PA DANG SKYUR BAS TSIG PA DANG, DUD PA
CAN TE BCU GNYIS PO NI BCOS SU RUNG BA YIN BAS GSO BAR BYA'O, ,DE LTAR MIG NAD NYI SHU NI, ,RTZA BDUN DAG TU BSTAN PA YIN, ,ZHES BYA BA LA, TSUL DE LTAR NA MTHONG BAR BYED PA'I MTSAN MA LA GNOD PA'I MIG NAD NYI SHU RTZA BDUN DAG KYANG BSTAN CING BSHAD PA YIN NO; ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U BCU GNYIS PA'I RNAM PAR 'GREL PA'O,, ,,DE NAS RAB RIB GSO BA BSHAD PAR BYA'O, ,ZHES BYA BA LA, GO RIMS KYIS NA LE'U 'DI BRTZAMS PA YIN NO, ,RAB RIB SNGON PO NYID 'GYUR ZHING, ,SNGON PO MA BCOS LONG BAR 'GYUR, ,DE BAS MIG NAD LA RAB RIB, ,MI BZAD MYUR DU GSO BAR BYA, ,ZHES BYA BA LA, DANG POR MIG NAD RAB RIB TU GYUR PA DE MA BCOS SHING GSO BA MA BYAS NA, RGYU DES SNGON PO ZHES BYA BA'AM, SPRIS G-YOGS PA ZHES BYA BAR 'GYUR LA, DE BZHIN DU SNGON POR 'GYUR ZHING SPRIS G-YOGS PA MA BCOS NA YANG LONG BA NYID DU 'GYUR RO, ,RGYU DE BAS NI MIG NAD THAMS CAD KYI NANG NAS RAB RIB NI MI BZAD CING 'JIGS PA YIN PAS DE MYUR BA KHO NAR GSO BAR BYA'O, ,'TSO BYED SRANG BRGYA CHU BRE NI, ,BCU DRUG NANG BSKOL BZHI CHA LUS, ,KHU BA 'O MA BRE DO DANG, ,MAR NI BRE GANG LHAN CIG BTZO, ,STAG TSER BA DANG RAM NYE BA, ,SENG PHROM RGYAM TSA PI PI LING; ,SHU TI SHING MNGAR RGUN 'BRU DANG, ,THANG SHING KHA RA 'BRAS BU GSUM, ,ZHO NI GNYIS GNYIS BTAB BSKOL TE, ,MTSAN 'THUNGS RAB RIB SEL MCHOG YIN, ,ZHES BYA BA LA, SMAN 'TSO BYED DZI BAN TI ZHES BYA BA SRANG BRGYA CHU BRE BCU DRUG GI NANG DU BSKOL LA DE LAS BZHI CHA STE BRE BZHI LUS PA'I KHU BA DANG MAR BRE GANG DANG, 'O MA BRE DO DANG STAG TSER BA ZHES BYA BA PRA PUndA R'I KA DANG RAM NYE BA LA SOGS PA'I SMAN ZHO GNYIS BTAGS PA'I LDE GU BCUG STE BSKOL LA SMAN MAR DE MTSAN MO NYAL KHAR 'THUNGS NA RAB RIB SEL ZHING 'JOMS PAR
, ,BYED PA'I MCHOG YIN NO, ,RGUN 'BRU BTZOD DANG TZANDAN DKAR, ,RAM NYE BA GNYIS DZI BA KA ,KHA RA NYE'U SHING MED DANG, ,SHING MNGAR AUTPAL PUndA R'I, ,ZHO NI GNYIS GNYIS MAR RNYING NI, ,BRE GANG 'O MA DE MNYAM BSKOL, ,DE YIS MIG SNGON RAB RIB DANG, ,MAR GYIS MGO BO'I NAD RNAMS 'JOMS, ,ZHES BYA BA LA, RGUN 'BRU LA SOGS PA'I SMAN SNA RE RE ZHING ZHO GNYIS GNYIS DANG MAR RNYING PA BRE GANG DANG 'O MA DE DANG MNYAM PA STE BRE GANG BSKOL BA'I SMAN MAR DES NI MIG SNGON PO LA SOGS PA'I NAD RNAMS 'JOMS PAR BYED DO; ,NIM PA SKYER BA PA TO LA, ,PU TZE SHEL DANG PU SHEL TZE, ,'BRAS BU GSUM DANG BA SHA KA ,BYI TSE RANG DANG KYI LCE BA, ,PAR PA TA NI SRANG RE YIN, ,SKYU RU RA NI BRE GANG DAG ,CHU BRE BCU DRUG NANG DU BSKOL, ,BRE BZHI LUS PAR GLA SGANG DANG, ,RTZA MKHRIS SHING MNGAR DUG MO YUNGS, ,BA LU KA DANG TZANDAN DANG, ,PI PI LING SRANG PHYED PHYED DANG, ,MAR BRE GANG DANG BCAS BSKOL BA, ,DES NI RNA MIG SNA NAD DANG, ,KHONG 'BRAS RIMS DANG MDZER BA DANG, ,'BRUM PHRAN SHU BA MDZE NAD SEL, ,MCHOG TU LING TOG RAB RIB DANG, ,MTSAN LONG DRO BAS TSIG PA 'JOMS, ,ZHES BYA BA LA, NIM PA NAS PAR BA TA'I BAR SRANG RE RE DANG, SKYU RU RA BRE GANG DANG, CHU BRE BCU DRUG GI NANG DU BSKOL BA DE LAS BRE BZHI LUS PA'I KHU BA DANG, GLA SGANG LA SOGS PA'I MIG SMAN SRANG PHYED PHYED BTAGS PA'I LDE GU DANG MAR BRE GANG DANG BCAS PAR BSKOL LA SMAN MAR DE BLUD NA, RNA BA DANG MIG DANG SNA LA SOGS PA'I NAD SEL BAR 'GYUR BA DANG, MCHOG TU YANG LING TOG LA SOGS PA 'JOMS PAR BYED PA YIN NO, ,'BRAS BU GSUM NI SRANG BRGYAD DAG ,CHU BRE BZHI BSKOL BZHI CHA LUS, ,'O MA DE DANG CHA MNYAM DANG, ,'BRAS BU GSUM GYI LDE GU NI, ,SRANG GCIG ZHUN MAR BRE PHYED BSKOL, ,KHA RA'AM SBRANG RTZI BCAS PA 'AM, ,'BRAS BU GSUM GYI KHU BAR BCAS, ,'THUNGS NA RAB RIB THAMS CAD 'JOMS, ,ZHES BYA BA LA, 'BRAS BU GSUM SRANG BRGYAD, CHU BRE BZHI'I NANG DU BSKOL LA DE LAS
KHU BA BRE GANG LUS PA'I NANG DU 'O MA SMAN GYI KHU BA DE DANG CHA MNYAM PA BRE GANG BCUG LA 'BRAS BU GSUM SRANG GCIG LDE GU DANG ZHUN MAR BRE PHYED BSKOL TE MAR GYI NANG KHAR 'AM SBRANG RTZI BTAB LA RAB RIB CAN LA BLUD PAR BYA BA'AM, YANG NA MAR DE DANG 'BRAS BU GSUM GYI KHU BA DANG BCAS PA BLUD NA RAB RIB KYI NAD THAMS CAD SEL BAR BYED DO, ,SHING MNGAR RAM NYE BA GNYIS DANG, ,KAndA KA RI PI PI LING, ,AA RU RA DANG AUTPA LA, ,KHA RA RGUN 'BRU SRANG RE BCAS, ,RA YI 'O MA MAR BRE RE, ,'BRAS BU GSUM DANG BA SHA KA ,BRING GAR DZA'I KHU BAR BSKOL, ,'DI NI 'BRAS BU GSUM CHEN MO'I, ,MAR DE MIG NAD KUN SEL MCHOG ,CES BYA BA LA, SHING MNGAR LA SOGS PA'I SMAN SRANG RE DANG, MAR DANG 'O MA CHA SNYOMS PA'I BRE RE RE BYAS PA DANG, 'BRAS BU GSUM LA SOGS PA'I KHU BA BRE GANG DANG BSKOL BA'I SMAN MAR 'DI NI 'BRAS BU GSUM BSKOL BA'I SMAN MAR ZHES BYA BA STE, MIG NAD THAMS CAD SEL BA'I MCHOG YIN NO, ,'BRAS BU GSUM DANG MAR RAM NI, ,'BRAS BU GSUM DANG SHING MNGAR BCAS, ,SBRANG RTZI YIS NI SPRUS GYUR PA, ,MTSAN MO ZOS PAR GYUR NAS NI, ,ZLA GCIG PHAN PA'I ZAS BSTEN ZHING, , SKYU RU RA YI CHU 'THUNGS NA, ,MKHA' LDING LTA BU'I MIG THOB CES, ,DRANG SRONG MU KHYUD KYIS BSHAD DO, ,ZHES BYA BA LA, 'BRAS BU GSUM DANG BSKOL BA'I SMAN MAR RAM, 'BRAS BU GSUM DANG SHING MNGAR DU BCAS PAR SBRANG RTZIS SBRUS SHING MNYES PA DANG, 'BRAS BU GSUM GYI SMAN MAR DANG BCAS PAR MTSAN MO NYAL KA'I DUS SU ZOS PAR GYUR CING PHAN ZHING 'PHROD PA'I ZAS BSTEN PAR BYED CING SKYU RU RA'I CHU DE'I RJES LA 'THUNGS NA, DE'I MIG NAM MKHA' LDING GI MIG LTA BUR SHIN TU GSAL BAR 'GYUR RO, ,ZHES DRANG SRONG CHEN PO MU KHYUD CES BYA BAS BSHAD PA YIN NO, ,TA BYA SHING MNGAR LCAGS DANG GSER, ,KHA RA SBRANG RTZI MAR RNYING DANG, ,'BRAS BU GSUM DANG CI 'DOD SBYAR, ,BSTEN PAS RAB RIB 'JOMS MCHOG YIN, ,ZHES BYA BA LA, TA BYA ZHES BYA BA DRUB MAR CANG ZHES GRAGS PA RDO GSER MDOG CAN DANG SHING MNGAR
, ,LA SOGS PA'I SMAN CI 'DOD PA SBYAR BA STE SMAN 'DI DAG RE RE 'AM GNYIS SAM GSUM MAM BZHI 'AM MA LUS PAR SBYAR ZHING ZOS NA, RAB RIB 'JOMS PAR BYED PA'I MCHOG GTZO BO YIN NO, ,YANG NA 'BRAS BU GSUM BSGOL [?] MAR, ,RAB RIB CAN GYIS BSTEN BYA 'AM, ,ZHES BYA BA LA, YANG NA 'BRAS BU GSUM BSKOL BA'I KHU BA MAR DANG BCAS PA RAB RIB CAN GYI NAD PAS BSTEN CING GOMS PAR BYA'O, ,SNUM KHUR PHYE 'AM SRAN TSOD NI, ,'BRAS BU GSUM GYI PHYE BCAS PA'AM, ,ZHES BYA BA LA, YANG SNUM KHUR LA SOGS PA 'BRAS BU GSUM GYI PHYE MA DANG BCAS PA DE RAB RIB CAN GYIS BSTEN PAR BYA'O, ,'O THUG 'BRAS BU GSUM BCAS PA, ,BSGRANGS TE KHAR SBRANG RTZI GDAB, ,CES BYA BA LA, YANG NA 'BRAS CHAN DANG 'O MA BSKOL BA'I 'O THUG 'BRAS BU GSUM DANG BCAS PA DE BSKANGS PA DE'I NANG DU KHA RA DANG SBRANG RTZI BTAB PA RAB RIB CAN GYI NAD PAS BSTEN NA YANG PHAN NO, ,ZAS MA ZOS PA'AM NA NGA PAR NI, ,RGUN 'BRU KHA RA SBRANG RTZI DANG, ,AA RU RA NI SO SOR BZA', ,RTAG TU RAB RIB CAN GYIS BSTEN, ,ZHES BYA BA LA, YANG NA ZAS MA ZOS PA'I SNGON DU 'AM, NANG PAR THO RANGS KYI DUS SU RGUN 'BRU LA SOGS PA RTAG TU SO SOR BZA' BAR BYA ZHING, BSTEN NA YANG RAB RIB CAN THAMS CAD KYI NAD LA PHAN NO, ,LIG BU MIG CHA DRUG CU BZHI, ,ZANGS DANG DNGUL DANG GSER GYI CHA, ,RE RE GCIG TU SBYAR BA NI, ,KONG BU KHA SBYAR NANG DU GZHUG ,'DRES PAR GYUR PA'I BAR DU BUD, ,DE NAS DE YI RO DRUG GI ,TSOGS KYI KHU BAR LAN BDUN DU, ,SO SOR DE LA BLUGS PAR BYA, ,MU TIG DUNG DANG BEEd'URYA, ,TSA BA GSUM DANG DE NAS BSRE, ,PHYE MA'I MIG SMAN DE BTANG NA, ,RAB RIB THAMS CAD SEL BYED YIN, ,ZHES BYA BA LA, LIG BU MIG CES BYA BA STRO [?] TA AAN DZAN CHA DRUG CU RTZA BZHI ZANGS DANG DNGUL DANG GSER SNA RE ZHING CHA RE GCIG TU BSDUS LA KONG BU KHA SBYAR GYI NANG DU BCUG NAS DU BA MA SHOR BAR BYAS TE ME BUS LA 'DRES PAR GYUR GYI BAR DU BSKOL LO, ,RDOL BTAGS TE DE'I 'OG TU DE MNGAR BA DANG, SKYUR BA DANG, LAN TSVA DANG,
KHA BA DANG, CHA BA DANG, BSKA BA'I SMAN GYI TSOGS KYI KHU BA'I NANG DU LAN BDUN GYI BAR DU DE SO SOR BLUGS PAR BYA ZHING DE LA SPANG BAR BYA'O, ,DE'I 'OG TU MU TIG DANG, DUNG DANG BEE d'URYA DANG, CHA GSUM MIG SMAN ZHES BYA STE BA SRE BAR BYA'O, ,DE LTA BU DE NI PHYE MA'I MIG SMAN ZHES BYA STE; MIG SMAN DE BTANG ZHING BSKUS PAR GYUR NA RAB RIB THAMS CAD SEL BAR BYED PA YIN NO, ,RGUN 'BRU PADMA'I RTZA BA YI, ,KHU BA 'O MA CHANG DANG ZHAG ,CHAR PA DE BZHIN LIG BU MIG ,BSKOL ZHING BSKU BA BYAS NAS NI, ,PHYE MA DE NI DUD DANG GZHUG ,MTHONG BA GSAL BYED MIG SMAN YIN, ,MIG NAD THAMS CAD LA BSNGAGS ZHES, ,LUS 'PHAGS RGYAL POS BSHAD PA YIN, ,ZHES BYA BA LA, RGUN 'BRU DANG PADMA'I RTZA BA BSKOL BA'I KHU BA DANG 'O MA LA SOGS PA LHAN CIG BSKOL BA DAG GIS LIG BU MIG BSGOS SHING DE'I NANG DU BSKOL BA'I PHYE MA DUNG DANG BCAS PA DE MIG SMAN DU BSKUS NA RAB RIB SEL CING MTHONG BA GSAL BAR BYED PA DANG, MIG GI NAD THAMS CAD LA YANG PHAN PAR BYED PA YIN NO, ,ZHES LUS 'PHAGS KYI RGYAL POS BSHAD PA YIN NO, ,SPANGS MA SRANG GNYIS RGYA SHUG GI ,SOL BAR BSREGS LA RA YI NI, , 'O MA MAR DANG SBRANG RTZI YI, ,NANG DU LAN NI BDUN BDUN BCUG ,TA BYA DANG NI NA LE SHAM, ,LIG BU MIG DANG PU TZE SHEL, ,SPANG SPOS RGYAM TSA AA RU RA, ,SENG PHROM LDONG ROS PI PI LING, ,SUG SMEL RGYA MTSO'I LBU BA DANG, ,STANG ZIL ZHO NI GNYIS GNYIS DANG, ,SHING MNGAR SRANG GCIG BCAS PA NI, ,KONG BU KHA SBYAR NANG BSREGS BTAGS, ,MIG SNGON MTSAN MO LONG BAR BCAS, ,DMAR RIS DE BSTEN PA YIS 'JOMS, ,PHYE MAS MCHOG TU RAB RIB NAD, ,NYI MAS MUN PA BZHIN DU SEL, ,ZHES BYA BA LA, SPANGS MA SHING RGYA SHUG GI SOL BA'I NANG DU BSREGS LA RA'I 'O MA LA SOGS PA'I NANG DU LAN BDUN BCUG LA TA BYA LA SOGS PA'I SMAN ZHO GNYIS GNYIS DANG SHING MNGAR LA SOGS PA SRANG GCIG DANG BSRES TE, KONG BU KHA SBYAR GYI NANG DU BCUG LA DU BA MA SHOR BAR BSREGS TE DE BZHIN DU BTAGS TE MIG SMAN DU BYAS PAS NI MIG
, ,SNGO BA LA SOGS PA'I MIG NAD 'JOMS PAR BYED CING SMAN GYI PHYE MA DES JI LTAR NYI MAS MUN PA BZHIN DU RAB RIB KYI TSOGS 'JOMS PAR BYED PA YIN NO, ,SPANG SPOS DRI BZANGS GSUM DANG LCAGS, ,GUR GUM AUTPAL SNGON PO DANG, ,KHA RA SPANGS MA AA RU RA; ,RGYA MTSO'I LBU BA MCHING BU DKAR, ,NA LE SHAM DANG PI PI LING, ,STANG ZIL SHING MNGAR DUNG DANG BCAS, ,THA SKAR ZLA BA'I TSE NA NI, ,PHYE MA MIG GNYIS LA BSKUS NA, ,MIG MDZER RAB RIB DMAR RIS DANG, ,G-YA' DANG MIG SNGON SOGS ZHI BYED, ,CES BYA BA LA, SPANG SPOS LA SOGS PA'I SMAN GYI PHYE MA GZA' ZLA BA DANG SKAR MA THA SKAR LA BAB PA'I TSE BSKUS SHING MIG GNYIS LA BYUGS NA RAB RIB LA SOGS BA'I MIG NAD THAMS CAD SEL BAR BYED PA YIN NO, ,NA LE SHAM DANG RGYAM TSA NI, ,CHA RE PI PI LING DANG NI, ,RGYA MTSO'I LBU BA CHA GNYIS DANG, ,SKYER PA'I KHAndA CHA DGU NI, ,NAG PA LA BAB TSE NA BTAGS, ,MIG BSKUS BAD KAN RAB RIB 'JOMS, ZHES BYA BA LA, NA LE SHAM DANG RGYAM TSA GNYIS CHA RE, PI PI LING DANG RGYA MTSO'I LBU BA CHA GNYIS NANG DU LIG BU MIG MARU SKAR MA NAG PA LA BAB PA'I TSE BTAGS LA BSKUS NA BAD KAN LAS GYUR PA'I RAB RIB 'JOMS PAR BYED DO, ,SPANGS MA BSREGS NAS LAN MANG DU, ,BA GCIN RA THUG KHU BA DANG, SKYUR RTZABS BUD MED NU ZHO DANG, ,DUG GI KHU BA SBRANG RTZI MAR, ,BCUG PAR GYUR PA GANG YIN PA, ,PHYI MAR BYAS DES MI YI MIG ,MKHA' LDING MIG LTAR GSAL BAR 'GYUR, , ZHES BYA BA LA, SPANGS MA LEGS PAR BSREGS LA, BA GCIN LA SOGS BA'I NANG DU LAN MANG DU SO SOR BCUG BAR GYUR PA GANG YIN PA DE SKAMS LA PHYE MAR BYAS TE, PHYE MA DES MIG LA BSKUS NA MI'I MI GNAM MKHA' LDING DANG 'DRA BAR GSAL BAR 'GYUR RO, ,BRING GA RA DZA 'BRAS BU GSUM, ,DUG DANG SHING MNGAR KHU BA DANG, ,MAR DANG RA YI 'O MAR NI, ,ZHA NYE LAN NI BDUN BDUN DU, ,BSREGS SHING BSREGS SHING BTZOS BA YI, ,MIG SMAN THUR MAR BYAS BA DE, ,MIG SMAN BSKOL BA'AM MA BSKOL BA'AM, ,BYUGS NAR BA RIB MIG MDZER NAD, ,CHU SER
'DZAG DANG 'BYAR BAG CAN, ,G-YA' DANG TSOR BA MED PA DANG, ,RI MO DMAR PO SNANG BA 'JOMS, ,ZHES BYA BA LA, BRING GA RA DZA'I KHU BA DANG, 'BRAS BU GSUM GYI KHU BA DANG, DUG GI KHU BA DANG, SHING MNGAR GYI KHU BA DANG, MAR DANG RA'I 'O MA'I NANG DU BSREGS PA DE SO SOR LAN BDUN DANG, ZHA NYE NAG PO LAN BDUN GYI BAR DU BSREGS SHING BTZOS LA, BSNUR BA'I ZHA NYE DE MIG SMAN GYI THUR MAR BYAS LA, THUR MA DE MIG SMAN DANG BCAS PA'AM MIG SMAN MED PAR YANG RUNG STE, MIG TU BYUGS NA RAB RIB LA SOGS PA'I MIG NAD DANG, G-YA' BA DANG TSOR BA MED CING BEM POR 'DUG PA DANG, RI MO DMAR BO SHAR SHAD BOR SNANG BA 'JOMS SHING SEL BAR BYED DO, ,DNGUL CHU RO NYE CHA MNYAM BYA, ,DE GNYIS STANG ZIL MNYAM BYAS LA, ,GA BUR CUNG ZAD BTAB PA YI, ,MIG SMAN RAB RIB SEL MCHOG YIN, ,ZHES BYA BA LA, DNGUL CHU DANG RO NYE GNYIS PO CHA MNYAM PAR BYAS LA GNYIS PA DE DANG STANG ZIL ZHES BYA BA DNGUL RDO CHA MNYAM DU BYAS LA ZHIB TU BTAGS TE DE'I NANG DU GA BUR CUNG ZAD BTAB PA'I MIG SMAN NI, ,MIG GI BDUD RTZI ZHES BYA BA STE RAB RIB SEL BA'I MCHOG YIN NO, , BYA RGOD DUS SU SHI BA'I MGO BO NI, ,NYI MA 'CHAR KA'I MDOG 'DRA GANG YIN DE, ,BA LANG LCI BAS BSREGS THAL LIG BU MIG ,CHA MNYAM BTAGS PAR GYUR BA'I PHYE MA YI, ,SBYOR 'DIS MIG GI GSAL STOBS BYA RGOD LTA BUR BYED, ,CES BYA BA LA, BYA RGOD GANG MA BSAD PAR DUS SU SHI BA'I MGO BO NYI MA 'CHAR KA'I MDOG DANG 'DRA BAR DMAR BA GANG YIN PA DE BA LANG GI LCI BA'I MES BSREGS TE THAL BAR BYAS PA DANG LIG BU MIG CHA SNYOMS TE ZHIB TU BTAGS PA'I PHYE MA'I MIG SMAN 'DI BSKUS NA MIG GI MTHONG BA'I STOBS BYA RGOD LTA BUR GSAL BAR MTHONG BAR BYED PA YIN NO, ,SBRUL NAG MGOR NI LIG BU MIG ,MAR BCAS DUD PA MA SHOR BSREGS, ,SPANG SPOS GANDHA BHA DRA DANG, ,LHAN CIG BTAGS PAS MIG 'BRAS NI, ,RDOL YANG MIG NI SRUNG BAR BYED, ,CES BYA BA LA, SPRUL NAG PO SHI BA'I MGO BO'I KHA'I NANG DU LIG BU MIG MAR
, ,DANG BCAS PAR BCUG LA, 'JIM PAS BSKUS TE DUD PA MA SHOR BAR BSREGS NAS, SPANG SPOS DANG, GANDHA BHA DRA DANG BCAS PAR BTAGS PA'I MIG SMAN GYIS MIG GI 'BRAS BU BRTOL ZHING NYAMS PA YANG BSRUNG ZHING MTHONG BAR BYED PA YIN NO, ,,SBRUL NAG SHI BA'I RO DANG NI, ,SDIG PA SHI BA'I RO BZHI NI, ,'O MA'I BUM PAR ZHAG NYI SHU, ,RTZA GCIG BCUG STE BSRUL LA BSRUB, ,DE LAS MAR SAR GANG BYUNG BAS, ,KHYIM BYA GSO STE DE YI NI, ,RTUG PAS MIG NI BSKUS GYUR NA, ,LONG BAS KYANG NI NGES PAR MTHONG, ,ZHES BYA BA LA; ,SBRUL NAG PO SHI BA'I RO GCIG DANG, SDIG PA ZHES BYA BA'I 'BU SHI BA'I RO BZHI 'O MA BLUGS PA'I BUM PA'I NANG DU BCUG STE DE ZHAG NYI SHU RTZA GCIG GI BAR DU BZHAG LA BSRUL NAS DE'I 'OG TU BSRUB MAS BSRUBS TE, 'O MA LA SA MAR SAR PA GANG ZHIG BYUNG BAR GYUR PA'I MAR DES KHYIM BYA GSO STE, KHYIM BYA DE'I RTUG PA MIG TU BSKUS PAR GYUR NA LONG BAS KYANG NGES PAR GZUGS SU MTHONG BAR 'GYUR RO, ,SBRUL NAG PO YI ZHAG DANG DUG ,STANG ZIL KA TA KA'I 'BRAS BU, ,KHU BAR BYAS PA'I SBYOR BA YIS, ,LONG BA'ANG MYUR DU MTHONG BAR BYED, ,CES BYA BA LA, SBRUL NAG PO'I ZHAG LA SOGS PA'I SMAN 'DI DAG THAMS CAD KHU BA'I SBYOR BA BYAS LA DE GDUS PA'I MIG SMAN GYIS BSKUS NA LONG BAS KYANG RING POR MI THOGS PAR MTHONG BAR BYED PA YIN NO, ,NA LE SHAM NI RDOG PO BCU, ,DRUB MAR CANG NI SRANG PHYED DANG, ,SPANGS MA SRANG GCIG SHING MNGAR NI, ,ZHO GNYIS 'O MA'I NANG DU SBANGS, ,DU BA MA SHOR BSREGS MIG SMAN, ,KHU BA MNYAM MED CES BYA STE, ,RAB RIB 'JOMS PA'I MCHOG YIN NO, ,ZHES BYA BA LA, NA LE SHAM RDOG MA BCU DANG, DRUB MAR CANG ZHES BYA BA TA BYA SRANG PHYED DANG, SPANGS MA SRANG GCIG DANG; SHING MNGAR NI ZHO GNYIS TE 'DI DAG 'O MA'I NANG DU SBANGS LA DU BA MA SHOR BAR BSREGS PA'I KHU BA MNYAM PA MED PA ZHES BYA BA'I MIG SMAN YIN TE RAB RIB SEL BAR BYED PA'I MCHOG DAM PA YIN NO, ,BA RU RA YI TSI GU NA LE SHAM, ,SKYU RU RA DANG SPANGS MA SHING MNGAR NI, ,CHU
THAGS BYAS PA'I RI LU GRIB MAR BSKAMS, ,RAB RIB MYUR DU 'JOMS PAR BYED PA YIN, ,ZHES BYA BA LA, BA RU RA'I TSI GU LA SOGS PA'I SMAN CHU THAGS LA BTAGS LA DE'I RI LU GRIB MA LA BSKAMS TE, DE MIG TU BSKUS NA RAB RIB KYI MIG NAD MYUR ZHING RING POR MI THOGS PAR 'JOMS PAR BYED PA YIN NO, ,NA LE SHAM DANG SKYU RU RA, ,RGYA MTSO'I LBU BA SPANGS MA DANG, ,DNGUL RDO DANG NI DRUB MAR BCAS, ,GO RIMS BZHIN DU CHA RES BSKYED, ,DRUB MAR CHA NI DRUG PA STE, ,SBYOR 'DIS RAB RIB LING TOG MDZER, ,RNAG DANG MIG SNGO G-YA' BA SEL, ,ZHES BYA BA LA, NA LE SHAM LA SOGS PA'I SMAN CHA RES BSKYED DE SBYAR BA'I MIG SMAN 'DI NI MING DRUB MAR CHA DRUG PA ZHES BYA STE, SBYOR BA 'DIS RAB RIB DANG LING THOG LA SOGS PA'I MIG NAD SEL BAR BYED DO, ,DE LA CHA RES BSKYED PA'I TSUL NI NA LE SHAM CHA GCIG ,SKYU RU RA CHA GNYIS, RGYA MTSO'I LBU BA CHA GSUM, SPANGS MA CHA BZHI, DNGUL RDO CHA LNGA, DRUB MAR CANG CHA DRUG TU SBYAR RO, ,RIN CHEN DNGUL DANG SHEL DANG GSER, ,LIG BU MIG DANG ZANGS LCAGS DANG, ,TZANDAN DMAR PO YUG SNAM DMAR, ,PHYE MA'I MIG SMAN NAD KUN SEL, ,ZHES BYA BA LA, RIN PO CHE LA SOGS PA'I MIG SMAN DU BYAS PAS NI MIG GI NAD THAMS CAD SEL BAR BYED DO, ,RIN PO CHE NI MAR GAD LA SOGS PA'O, ,TIL MAR BA RU RA YI MAR, ,BRING GAR DZA AA SA NA'I, ,KHU BA LCAGS KYI SNOD DU BSKOL, ,SNAR BLUGS MIG NI GSAL STOBS SKYED, ,CES BYA BA LA SOGS PA'I SMAN LCAGS KYI SNOD DU BSKOL BA'I THIGS PA SNAR BLUGS NA YANG MIG GSAL ZHING MTHONG BA'I STOBS SKYED BAR BYED DO, ,BA RU RA'I MAR NI DE'I TSI GU BTZIR BA'I MAR RO, ,BRING GA RA DZA DANG, AA SA NA'I KHU BA NI, DE GNYIS BSKOL BA'I KHU BA'O, ,NAD KYI TSUL LAS DE LA LAN MANG DU; ,SNUM BLUD GTAR GA BKRU SMAN SNA SMAN DANG, ,MIG SMAN MGO BO'I BKRU SMAN MAS GTONG DANG, ,NYAMS BRTA BYUG DANG BLUGS PAS CI RIGS GSO, ,ZHES BYA BA LA, RAB RIB KYI NAD DE NI NAD KYI TSUL THA DAD PA DE LA GCIG MA YIN PAR LAN DU MAR SNUM BLUD PA DANG GTAR GA LA
, ,SOGS PA NAS SMAN CHU'I THIGS PA BLUGS PA'I BAR GYIS DE GSO BAR BYA'O, ,'DI NI SPYI YI GSO BA YIN, ,DA NI RE RE'I MNYAN PAR GYIS, ,ZHES BYA BA LA, GSO BA 'DI NI RAB RIB THAMS CAD KYI SPYI'I THUN MONG GI GSO BA BSHAD PA YIN LA, DA NI 'DI MAN CHAD NI RLUNG LA SOGS PA NAD GZHI RE RE LAS GYUR PA'I RAB RIB GSO BA STON PAS DE MNYAN PAR GYIS SHIG PA'O, ,DE LAS RLUNG GYUR RAB RIB LA, ,RTZA BA BCU BSKOL KHU BA MAR, ,'O MA BZHI 'GYUR 'BRAS BU GSUM, ,LDE GU BSKOL BA BLUD PAR BYA, ,DE 'OG 'BRAS BU GSUM DANG NI, ,RTZA BA LNGA'I KHU 'O MA DANG, ,AE RAndA YI TIL MAR BCAS, ,BKRU SMAN NYE BAR GTANG BAR BYA, ,ZHES BYA BA LA, DE LA RLUNG LAS GYUR PA'I RAB RIB LA NI RTZA BA BCU PA BSKOL BA'I SMAN GYI KHU BA DANG, 'O MA MAR GYI BZHI 'GYUR DANG, ,'BRAS BU GSUM BTAGS PA'I LDE GU DANG, BSKOL BA'I MAR BLUD PAR BYA'O, ,DE'I 'OG TU NAD PA DE SMYUNG BA'I CHO GA BYAS LA 'BRAS BU GSUM DANG, RTZA BA LNGA BSKOL BA'I KHU BA 'O MA DANG BCAS PA DANG, DE BZHIN DU AE RAndA'I TIL MAR DANG BCAS PA'I BKRU SMAN BTANG LA 'KHRUR GZHUG PAR BYA'O, ,DZI BAN TI YI YAL GAR BCAS, ,SRAD BRGYA CHU BRE BCU DRUG BSKOL, ,BRGYAD CHA LUS PA DE NANG DU, ,TIL MAR 'O MA BRE RE DANG, ,BA LA GSUM DANG DZI BAN TI, ,NYE'U SHING RTZA BA SRANG RE DANG, ,SHING MNGAR SRANG NI BZHI DANG BCAS, ,LCAGS KYI SNOD DU BSKOL BAR BYA, ,LCAGS SNOD NYID DU ZLA GCIG BZHAG , SNA SMAN NAM TSONG YAN CHAD KYI, ,RLUNG DANG MKHRIS PA'I NAD 'JOMS SHING, ,MCHOG TU MIG LA GNAS PA SEL, ,SKRA GDONG GNYA' BA PHRAG NAD SEL, ,RGYAS SHING BZHIN MDANGS MDZES PAR BYED, ,CES BYA BA LA, DZI BAN TI'I YAL GA DANG, ,RTZA BAR BCAS PA SRANG BRGYA CHU BRE BCU DRUG GI NANG DU BSKOL LA CHU DE'I BRGYAD CHA LUS PA'I NANG DU TIL MAR DANG 'O MA BRE RE DANG BA LA GSUM ZHES BYA BA AA TI BA LA DANG, N'A GA BA LA ZHES BYA BA DZI BAN TI DANG, NYE'U SHING GI RTZA BA SRANG RE RE DANG SHING MNGAR SRANG BZHI LDE GUR BYAS PA LCAGS KYI SNOD KYI NANG DU
BSKOL BA'I TIL MAR DE LCAGS SNOD DE NYID DU ZLA BA GCIG GI BAR DU BZHAG LA, SNA SMAN DU BTANG NA, NAM TSONG YAN CHAD KYI RLUNG DANG, MKHRIS PA LAS GYUR BA'I NAD THAMS CAD 'JOMS PAR 'GYUR RO, ,DE LAS KYANG MCHOG GAM KHYAD PAR DU MIG LA GNAS PA'I RLUNG DANG MKHRIS PA SEL BAR BYED PA DANG, SKRA DANG GDONG LA SOGS PA'I NAD SEL BAR BYED CING BZHIN MDANGS MDZES PAR BYED PA YIN NO, ,AE RAndA DKAR RTZA BA DANG, ,THANG SHING BRI HA TI'I 'BRAS BU, ,SHU DAG RGYA SPOS TZI TRA DANG, ,BIL BA'I RTZA BA TIL MAR DANG, ,'O MAR BCAS BSKOL SNAR BLUGS NA, ,NAM TSONG YAN CHAD RLUNG DANG NI, ,BAD KAN GYI NI NAD KUN SEL, ,ZHES BYA BA LA, AE RAndA DKAR PO'I RTZA BA LA SOGS PA LDE GUR BYAS PA TIL MAR DANG 'O MA DANG LHAN CIG TU BSKOL TE SNA SMAN DU BLUGS NA NAM TSONG YAN CHAD KYI RLUNG DANG BAD KAN GYI NAD KYIS NYEN PA THAMS CAD SEL BAR 'GYUR RO, ,STAG DANG PHAG DANG BYA RGOD DANG, ,SBRUL DANG KHYIM BYA'I TSIL DANG NI, ,SHING MNGAR SO SOR SBYAR TE BSKOL, ,MIG SMAN BSKUS PA BSNGAGS PA YIN, ,ZHES BYA BA LA, STAG GI ZHAG GAM, PHAG GI ZHAG GAM, BYA RGOD KYI TSIL LAM, SBRUL GYI TSIL LAM, KHYIM BYA'I TSIL SHING MNGAR DANG, SO SOR SBYAR TE BSKOL BA MIG SMAN DU BSKUS NA YANG NAD DE LA BSNGAGS PA YIN NO, ,DE RJES MIG SMAN LIG BU MIG ,SHA KHU 'O MA MAR RIM BZHIN, ,SNGA MA BZHIN DU BLUGS NA NI, ,RAB RIB 'JOMS BYED MCHOG YIN NO, , ZHES BYA BA LA, MIG SMAN LIG BU MIG SNGA MA BZHIN DU BSKOL BA SHA KHU DANG, 'O MA DANG MAR GYI NANG DU RIM BZHIN DU LAN BDUN BDUN SPANGS SHING BLUGS LA MIG TU BSKUS NA RAB RIB SEL BA'I MCHOG YIN NO, ,DE LTAR BYAS KYANG MA ZHI NA, ,DE 'OG BRTA BA'I CHO GA SPYAD, ,CES BYA BA LA, GAL TE DE LTAR BYAS SU ZIN KYANG RLUNG LAS GYUR PA'I RAB RIB DE ZHI BAR MA GYUR NA DE'I 'OG TU BRTA BA'I CHO GA JI SKAD BSHAD PA SPYAD PAR BYA'O, ,SHU TI RU RTA SPANG SBOS DANG, ,SHING MNGAR RAM NYE BA GNYIS DANG, ,STAG TSER BA DANG SA RA LA, ,PI PI LING DANG THANG SHING NI, ,MAR
, ,GYI BRGYAD 'GYUR 'O MAR BSKOL, MIG BRTA BA YI MCHOG YIN NO, ,ZHES BYA BA LA, SHU TI LA SOGS PA'I SMAN MAR GYI BRGYAD 'GYUR GYI 'O MA DANG BSKOL BA'I SMAN MAR NI MIG BRTA BA'I MCHOG YIN NO, ,RI DVAGS AE NA YA'I TSIL NI, ,'O MAR BSKOL TE GZAR BUS DKRUGS, ,DE YI DANGS MA SHING MNGAR DANG, ,TZANDAN PU SHEL TZE DE BZHIN, ,ZHES BYA BA LA, RI DVAGS AE NA YA'I TSIL 'O MA DANG BCAS PAR BSKOL TE GZAR BUS DKRUGS LA DE'I DANGS MA BLANGS LA, SHING MNGAR DANG TZANDAN DANG PU SHEL TZI DANG, SO SOR BSKOL BA'I KHU BA YANG MIG BRTA BAR BYED PA'I MCHOG YIN NO, ,SHVA BID REG 'JAM GO DA DANG, ,KHYIM BYA SREG PA RMA BYA'I TSIL, ,RE RE ZHING NI CHO GA DAG ,'DI NYID KYIS NI BRTA BAR BYA, ,ZHES BYA BA LA, SHVA BID LA SOGS PA'I TSIL YANG SNGAR BSHAD PA'I SBYOR BA'I CHO GA NYID KYIS BRTAG CING SBYAR BA YANG MIG BRTA BA'I MCHOG YIN NO, ,BSAL BAR BYA DANG SNUM DANG NI, ,SMAN PHUR BTZOS PA'I THIGS PA BLUGS, ,ZHES BYA BA LA, RAB RIB DE BSAL BAR BYA BA DANG, SNUM GYI CHO GAR BYAS PA'I SBYOR BAR SMAN GYI PHUR MA BTZOS PA'I THIGS PA YANG BLUGS PAR BYA'O, ,, 'DIR NI RLUNG GYUR CHAM PA BZHIN, ,NI RU HA DANG 'JAM RTZI BYA, ,ZHES BYA BA LA, RLUNG LAS GYUR PA'I RAB RIB 'DI LA GSO BA RLUNG LAS GYUR PA'I CHAM PA DANG 'DRA BAR BYA ZHING DE BZHIN DU BKRU SMAN DRAG PO MAS GTONG BA 'JAM RTZI DANG BCAS PA GTANG BAR BYA'O, ,MKHRIS PA LAS GYUR RAB RIB LA, ,'TSO BYED 'BRAS BU GSUM DANG NI, ,BSKOL BA'I MAR NI BLUD BYA ZHING, ,SNUM GYIS ZHEN PAR GTAR GA GDAB, ,CES BYA BA LA, MKHRIS PA LAS GYUR PA'I RAB RIB KYI MIG NAD LA NI 'TSO BYED KYI SDE TSAN DANG, 'BRAS BU GSUM BSKOL BA'I SMAN MAR BLUD LA, SNUM GYIS ZHEN PAR GYUR PA DANG DE'I 'OG TU GTAR GA GDAB CING KHRAG DBYUNG BAR BYA'O, ,KHA RA DUR BYED SUG SMEL PHYE, ,SBRANG RTZI SBYAR BA'I BKRU SMAN GTANG, ,ZHES BYA BA LA, NAD MKHRIS PA LAS GYUR PA'I RAB RIB KYIS NYEN PA'I NAD PA DE LA KHA RA LA SOGS PA'I BKRU SMAN GTANG BA YANG
PHAN NO, ,RAB BSIL SMAN CHU BLUGS BYUG SOGS, ,GDONG DANG MIG DANG SPYI BOR SBYAR, ,ZHES BYA BA LA, MKHRIS PA DANG KHRAG LAS GYUR PA'I RAB RIB CAN LA NI RAB TU BSIL BA'I NUS PA DANG LDAN PA'I SMAN GYI CHU BSIL MO SBYI BO NAS BLUGS PAR BYA ZHING BYUG PA LA SOGS PAS GDONG BSKU BAR BYA'O, ,THAL TRES SHUG PA PU SHEL TZE, ,MU TIG SENG PHROM TZANDAN DKAR, ,RI LU'I MIG SMAN BSKUS NA PHAN, ,ZHES BYA BA LA, THAL TRES LA SOGS PA'I MIG SMAN RI LUR BYAS PA'I SMAN BSKUS NA YANG, ,MKHRIS PA LAS GYUR PA'I RAB RIB LA PHAN NO, ,DE BZHIN GANDHA BHA DRA DANG, ,N'A GA PUshPA AUTPA LA, ,GA PUR SHING MNGAR YUG SNAM PHAN, ,ZHES BYA BA LA, DE BZHIN DU MKHRIS PA LAS GYUR PA'I RAB RIB LA GANDHA BHA DRA LA SOGS PA'I PHYE MA'I MIG SMAN BSKUS NA YANG PHAN NO, ,SKYER KHAndA DANG SPANGS MA DANG, ,KAR KA TA YI SRING GI DANG, ,SKYU RU RA YI 'BRAS BU SHEL, ,GA BUR CHA NI LNGA LNGA DANG, ,CHA GSUM CHA RE SBYAR BA YIN, ,MIG SMAN RAB RIB 'JOMS PAR BYED, ,CES BYA BA LA, SKYER BA'I KHAndA CHA LNGA DANG SPANGS MA SKYER PA KHAndA'I CHA DANG, KAR KA TA SRING GI DANG, SKYU RU RA'I 'BRAS BU CHA GSUM, SHEL DANG GA BUR CHA GCIG SBYAR BA'I MIG SMAN NI RAB RIB 'JOMS PAR BYED PA YIN NO, ,'TSO BYED KHA RA AUTPA LA, ,'O MA MAR BSKOL SNA SMAN GTANG, ,ZHES BYA BA LA, 'TSO BYED KYI SDE TSAN DANG, KHA RA DANG, AUTPA LA SNGON PO DANG, MAR DANG MAR GYI GZHI 'GYUR GYI 'O MA DANG BSKOL BA'I MAR SNA NAS BTANG NA YANG PHAN NO, ,BAD KAN LAS GYUR SLE TRES DANG, ,'BRAS BU GSUM DANG PI PI LING, ,MAR BSKOL SNUM BLUD GTAR GA GDAB, ,DE RJES DAN DA DUR BYID BSKOL, ,GLA GOR ZHO SHA AA RU RA, ,BCA' SGA PI PI LING PHYE GDAB, ,BKRU SMAN DAG NI GTANG BAR BYA, ,ZHES BYA BA LA, BAD KAN LAS GYUR PA'I RAB RIB LA NI SLE TRES LA SOGS PA DANG, MAR BSKOL BA'I KHU BA BLUD PAS SNUM GYI CHO GA BYAS LA DE'I RJES LA GTAR GA GDAB PAR BYA'O, ,DE'I RJES LA DAN DA LA SOGS PA'I BKRU SMAN GTANG BAR BYA'O, ,RTZA BA
, ,BCU PA'I KHU BAR NI, ,BA LE KA DANG SER PO GNYIS, ,THANG SHING PI PI LING 'O MA, ,TIL MAR BSKOL BA'I SNA SMAN GTANG, ,CES BYA BA LA, YANG NA BAD KAN LAS GYUR PA'I RAB RIB LA RTZA BA BCU PA LA SOGS PA'I BKRU SMAN GTANG BAR BYA'O, ,DUNG DANG GLA RTZI PRI YANG KU, ,RTZA BA GSUM DANG 'BRAS BU GSUM, ,DRI MED RI LUS MIG GSAL BYED, ,CES BYA BA LA, DUNG LA SOGS PA BTAGS TE RI LUR BYAS PA NI, DRI MA MED PA'I RI LU ZHES BYA BA STE, DE MIG GSAL BAR BYED PA'I PHYIR BSKU BAR BYA'O, ,LCAGS NAG PHYE MA TSAB GSUM; ,RGYAM TSA 'BRAS BU GSUM MIG SMAN, ,RI LU NAG POS MIG GSAL BYED, ,CES BYA BA LA, LCAGS NAG PO'I PHYE MA LA SOGS PA BTAGS TE RI LUR BYAS PA'I MIG SMAN NI RI LU NAG PO ZHES BYA STE, DES KYANG MIG GSAL BAR BYED PA YIN NO, ,RI BONG BONG BU SENG GE GLANG; ,RNGA MO'I SO DANG DPRAL BA'I RUS, ,BA LANG DKAR SPU NA LE SHAM, ,RGYA MTSO'I LBU BA TZANDAN DUNG, ,NU ZHO RA YI 'O MAR BTAGS, ,RI LUS RAB RIB LING TEG SEL, ,CES BYA BA LA, RI BONG LA SOGS PA'I SO DANG, DPRAL BA'I RUS PA DANG, BA LANG DKAR PO'I SPU DANG NA LE SHAM LA SOGS PA THAMS CAD BUD MED KYI NU ZHO DANG, RA'I 'O MA DANG BTAGS TE RI LUR BYAS PAS NI RAB RIB DANG LING TOG THAMS CAD SEL BAR BYED DO, ,KHRAG GYUR MKHRIS PA LTA BUR GSO, ,BSIL CHOS BYA ZHING GTAR GA GDAB, ,CES BYA BA LA, KHRAG LAS GYUR PA'I RAB RIB NI MKHRIS PA LAS GYUR PA'I RAB RIB DANG 'DRA BAR GSO BAR BYA ZHING DE BZHIN DU ZAS DANG SKOM DANG SMAN DANG SPYOD LAM LA SOGS PA BSIL BAS BYA ZHING GTAR GA GDAB PAR BYA'O, ,RGUN 'BRU SPANG SPOS SENG PHROM DANG, ,SHING MNGAR TZANDAN ZANGS MA DUNG, ,PADMA SHUG PA AUTPA LA, ,RA YI 'O MAS RI LUR BYAS, ,KHRAG GYUR RAB RIB MYUR DU SEL, ,ZHES BYA BA LA, RGUN 'BRU LA SOGS PA'I SMAN RA'I 'O MA DANG BTAGS TE, RI LUR BYAS PA'I MIG SMAN BSKUS NA KHRAG LAS GYUR PA'I RAB RIB SEL BAR BYED DO, ,LDAN PA 'DUS PA LAS GYUR PA, ,NAD GZHI'I
CHA NI JI BZHIN GSO, ,ZHES BYA BA LA, LDAN PA LAS GYUR PA DANG, 'DUS PA LAS GYUR PA'I RAB RIB LA NI NAD GZHI'I CHA SHAS GANG CHE BA BZHIN DU BSHAD MA THAG PA'I GSO BA JI LTA BA BZHIN DU BYA'O, ,MA DU KA DANG BYI DANG GA ,NA LE SHAM DANG SGRON SHING DANG, ,'O MA TIL MAR BSKOL BA'AM, ,BTAGS PA'I SNA SMAN GDONG BSKU BYA, ,ZHES BYA BA LA, MA DU KA LA SOGS PA SMAN DANG 'O MA DANG TIL MAR BSKOL BA'I SNA SMAN BTANG NA LDAN PA DANG 'DUS PA LAS GYUR PA'I RAB RIB SEL BAR BYED DO, ,YANG NA MA DU KA LA SOGS PA'I SMAN DE DAG NYID CHU THAGS SU BYAS PA'I LDE GUS GDONG BSKUS NA YANG DE DANG 'DRA BAR PHAN NO, ,RGYA SPOS AUTPAL AA NAN DA, ,SHING MNGAR SU NI SHA NA KEE ,TIL MAR BSKOL BA'I SNA SMAN DANG, ,MGO BSKU 'JAM RTZI BYA BA BSNGAGS, ,ZHES BYA BA LA, YANG NA RGYA SPOS LA SOGS PAS LDE GUR BYAS PA DANG; TIL MAR BSKOL BA'I SNA SMAN BTANG BA'AM, TIL MAR DE NYID MGO LA BSKU ZHING, 'JAM RTZI BYA BA YANG BSNGAGS SHING PHAN PA YIN NO, ,PU SHEL TZE BSKOL KHU BA'I NANG, ,RGYAM TSA PI PI LING PHYE GDAB, ,DE BTZAGS SLAR YANG MAR BCAS PAR, ,BSKOL LA SKA GYUR BSGRANGS NAS NI, ,SBRANG RTZI BCUG PA'I MIG SMAN NI, ,'DUS PA LAS GYUR RAB RIB SEL, ,ZHES BYA BA LA, PU SHEL TZE BSKOL BA'I KHU BA'I NANG DU RGYAM TSA DANG PI PI LING GI PHYE MA BTAB STE, DE TSAGS KYIS BTZAGS LA YANG BA'I MAR DANG BSKOL TE SKA BAR GYUR PA DANG BSGRANGS PAR SBRANG RTZI BCUG PA'I MIG SMAN 'DIS KYANG 'DUS PA LAS GYUR PA'I RAB RIB KYI MIG NAD THAMS CAD SEL BAR BYED DO, ,NUB MO RGYU BA'I SEMS CAN GYI, ,RUS PA RKANG GIS GANG BA DANG, ,LIG BU MIG DANG BCAS PA NI, ,'BAB CHU'I NANG DU ZLA GCIG GAM, ,ZHAG NI NYI SHU'I BAR DU BZHAG ,DE NAS PHYUNG STE BSKAMS NAS NI, ,LUG RU PA YI ME TOG DANG, ,SHING MNGAR BCAS PA'I PHYE MAR BYAS, ,MIG BSKUS 'DUS PA LAS GYUR PA'I, ,RAB RIB SEL BAR BYED MCHOG YIN, ,ZHES BYA BA LA, NUB MO RGYU BA'I SEMS CAN 'UG PA LA
, ,SOGS PA DE RNAMS KYI RUS PA RKANG GIS GANG BA DANG, JI SKAD SMOS PA BZHIN DU PHYE MAR BYAS PA'I MIG SMAN GYIS 'DUS PA LAS GYUR PA'I RAB RIB 'JOMS PA'I MCHOG YIN NO, ,MIG SNGON GSO BA 'ANG DE NYID LAS, ,GTAR GA GDAB PAR MI BYA STE, [?] DES LONG BAR GYUR PA YIN, ,SRIN BU PAD PAS KHRAG DBYUNG BYA, ,ZHES BYA BA LA, MIG SNGO BA ZHES BYA BA LA SPRIS G-YOGS PA'I NAD LA YANG RAB RIB KYI GSO BAR BSHAD PA 'DI NYID NAD GZHI JI LTA BA BZHIN DU SBYAR BAR BYA LA, GSO BA DE LAS GTAR GA GDAB CING BSDAM PA NI MI BYA STE, CI'I PHYIR ZHE NA, SNGON PO'I SPRIS G-YOGS PA'I NAD MIG LA GNAS PAR BYED PA BSDAMS [?] PAR GYUR NA NI, DE SKYON DES LONG BAR 'GYUR BA'I SKYON YOD DO, ,GAL TE KHRAG NGES PAR DBYUNG DGOS PA YIN NA NI BSDAM ZHING GTAR GA MI BYA'I, ,SRIN BU PAD PAS KHRAG GZHI PA'I PHYIR GLAN PAR BYA'O, ,BU RAM RGYA MTSO'I LBU BA DANG, ,PI PI LING DANG NA LE SHAM, ,GUR GUM SBRANG RTZI LIG BU MIG ,SPRIS G-YOGS 'TSO BA TZAM MIG SMAN, ,ZHES BYA BA LA, BU RAM LA SOGS PA'I MIG SMAN NI, SPRIS G-YOGS SHING MIG SNGON POR GYUR PA DE RE ZHIG MIG SNGON PO LA BA TZAM DU 'TSO BAR BYED PA'I MIG SMAN YIN NO, ,'DUS GYUR NE'U LE LTA BUR LONG, ,RAB RIB SKABS BSHAD CHO GAR SBYAR, ,ZHES BYA BA LA, NE'U LE LTA BA'I LONG BA ZHES BYA BA 'DUS PA LAS GYUR PA'I MIG NAD LA NI RAB RIB KYI SKABS SU GSO BA BSHAD PA'I CHO GA GANG DAG YIN PA SBYAR BAR BYA'O, ,MAR DANG SBRANG RTZI BA LANG GI ,LCI BA'I KHU BA SKYER KHAndA, ,YUG SNAM BAL BU'I PHYE MAR SBYAR, ,MIG SMAN MTSAN MO LONG LA PHAN, ,ZHES BYA BA LA, SKYER BA'I KHAndA LA SOGS PA'I SMAN MAR LA SOGS PA DANG SBYAR BA'I MIG SMAN NI MIG NAD MTSAN MO LONG BA ZHES BYA BA LA PHAN NO, ,NA LE SHAM NI ZHO DANG SBYAR, ,MTSAN MO MI MTHONG MIG SMAN MCHOG ,CES BYA BA LA, YANG NA NA LE SHAM ZHO DANG SBYAR BA YANG PHAN NO, ,AUTPAL YUG SNAM KA RANYDZA, ,PADMA GE SAR BA LANG GI ,LCI BA'I KHU BA DANG SBYAR BA'I, ,RI LUS MTSAN
MO LONG BA SEL, ,ZHES BYA BA LA, AUTPAL SNGON PO LA SOGS PA'I JI SKAD BSHAD PA BZHIN DU SBYAR BA'I MIG SMAN YANG PHAN NO, ,HA RE nU KA PI PI LING, ,RGYAM TSA DANG NI LIG BU MIG ,RA GCIN RI LUR BYAS PA PHAN, ,ZHES BYA BA LA, HA RE nU KA LA SOGS PA'I RI LU YANG MTSAN MO LONG BA ZHES BYA BA'I MIG NAD LA PHAN NO, ,PRI YANG KU DANG TSA BA GSUM, ,LDONG ROS BA BLA 'BRAS BU GSUM, ,RGYA MTSO'I LBU BA RA'I 'O MA, ,RI LUR BYAS PA'I MIG SMAN GYIS, ,MTSAN MO LONG BA'I MIG NAD SEL, ,ZHES BYA BA LA, PRI YANG KU LA SOGS PA'I RI LU YANG DE LA PHAN NO, ,MCHER PA'I NANG DU PI PI LING, ,BCUG STE MTSOS BAR BTZOS LA, ,DE SKAMS SBRANG RTZIR BTAGS PA NI, ,MTSAN MO MI MTHONG MIG SMAN MCHOG ,CES BYA BA LA, MCHER PA'I NANG DU PI PI LING BCUG STE, JI SKAD BSHAD PA BZHIN DU SBYAR BA'I MIG SMAN YANG MTSAN MO LONG BA LA PHAN NO, ,MA HE'I MCHIN PA MCHER PA DANG, ,TIL MAR MAR NI LHAN CIG BZA', ,ZHES BYA BA LA, YANG NA MA HE'I MCHIN BA LA SOGS PA JI SKAD BSHAD PA BZHIN DU ZOS NA YANG PHAN NO, ,'TSO BYED SNA BCU'I LO MA NI, ,MAR DANG LHAN CIG BSKOL BA BZA'; ,ZHES BYA BA LA, YANG 'TSO BYED SNA BCU'I LO MA MAR GYI NANG DU BSKOL TE ZOS NA YANG BAN NO,, ,AA TI MUG TA AE RAndA, ,NYE'U SHING LANG GA LI'I LO MA, ,MAR DANG BRNGOS BA BZA' BAR BYA, ,ZHES BYA BA LA, YANG NA AA TI MUG TA LA SOGS PA'I LO MA MAR DANG BTZOS TE ZOS NA YANG PHAN NO, ,DRO NA PUshPA MAR DANG BRNGOS, ,BZA' DANG BTUNG BAR SBYAR BA'ANG PHAN, ,ZHES BYA BA LA, YANG NA DRO NA PUshPA ZHES BYA BA'I SMAN JI SKAD SMOS PA BZHIN BSTEN NA YANG PHAN NO, ,DUD 'THUL MKHRIS PA SKYUR BRO BAS, ,TSIG LA MAR NI RNYING PA DAG ,SNUM GYUR BSIL BA'I BKRU SMAN GTANG, ,BSIL SMAN GYIS NI KUN TU BYUG ,CES BYA BA LA, MIG SMAN DUD PA 'THUL BA ZHES BYA BA DANG, MKHRIS BAS TSIG PA DANG, SKYUR GYI SA TSIG PA ZHES BYA BA'I MIG NAD LA SNUM GYI CHO GA BYAS LA SMAN BSIL BAS BKRU SMAN GTANG BAR BYA ZHING, DE BZHIN DU LUS KUN
, ,DU BSKU ZHING BYUG PAR BYA'O, ,BA LANG LCI KHU 'O MA MAR, ,BSKOL BA YI NI MIG SMAN NAM, ,BAL BU'I LO MA YUG SNAM BSKOL, ,PHYE MA BTAB PA'I MIG SMAN PHAN, ,ZHES BYA BA LA, BA'I LCI BA BTZIR BA'I KHU BA DANG 'O MA DANG MAR RAM, YANG NA BAL BU'I LO MA DANG, BTZAG YUG SNAM GYI PHYE MA BSKOL BA'I MIG SMAN PHAN PA YIN NO, ,ME DA SENG PHROM AA NANTA, ,SKYER PA BTZOD DANG SHING MNGAR NI, ,MAR GYI BRGYAD 'GYUR 'O MA BSKOL, ,TIL MAR BSKOL BA'I SNA SMAN PHAN, ,ZHES BYA BA LA, ME DA LA SOGS PA'I SMAN MAR GYI BRGYAD 'GYUR GYI 'O MA DANG, TIL MAR BSKOL BA'I SNA SMAN BTANG NA YANG PHAN NO, ,'O MA MAR SAR GYIS BRTA BYA, ,DES MA ZHI NA GTAR GA GDAB, ,CES BYA BA LA, 'O MA LAS BYUNG BA'I MAR SAR YIN PAS NA 'O MA'I MAR SAR TE, DES BRTA BAR BYA LA, DE LTAR BYAS SU ZIN KYANG ZHI BAR MA GYUR NA, GTAR GA GDAB CING KHRAG DBYUNG BAR BYA'O, ,SEMS LAS NAD DANG MYA NGAN 'JIGS, ,ZAS RTZUB TZOG TZOG POR 'DUG DANG, ,SKYUG SMAN BKRU SMAN SNA SMAN DANG, ,SMAN THIGS BLUGS SOGS NYES PA DANG, ,KHA ZAS PHYED ZHU SLON PA DANG, ,BKRES SKOM LA SOGS BRNAG PA DANG, ,MIG NAD MA BCOS YUN RING LAS, ,RAB RIB NAD LDAN BRTA BAR BYA, ,ZHES BYA BA LA, SEMS LAS LA SOGS PA BSTEN PA DANG, SKYUG SMAN LA SOGS PA NYES PA DANG, DE BZHIN DU KHA ZAS PHYED TZAM MA ZHU BA LAS SLON PA DANG, BKRES PA LA SOGS PA BRNAG PA LAS MIG RAB RIB KYI NAD DANG LDAN PAR BRTA BAR BYA'O, ,DE LA NAD GZHI SOGS BRTAGS TE, ,RANG GI SMAN NI JI BZHIN SBYAR, ,ZHES BYA BA LA, SEMS LAS LA SOGS PA'I NAD KYI RGYU DE DAG LAS RAB RIB DANG 'DRA BAR NYES PAR BRTAGS LA NAD GZHI JI LTA BA LAS, RANG GI SMAN GANG DANG GANG YIN PA LAS DE SBYAR ZHING GTANG BAR BYA'O, ,NYI MA GZAS 'DZIN ME 'OD GLOG LA SOGS, ,BLTAS PAS MIG NI NYAMS PAR GYUR PA DAG ,DE LA BSIL SMAN TSOGS KYIS BRTA BYA ZHING, ,DE LTAR GSER BDAR MAR GYI MIG SMAN GTANG,
ZHES BYA BA LA, NYI MA GZAS 'DZIN PA'I TSE MIG GIS SHAS CHER BLTAS PA DANG, DE BZHIN DU ME'I 'OD DANG GLOG LA SOGS PA 'TSER BAG CAN BLTAS PAR GYUR PA LAS MIG NYAMS PAR GYUR CING NAD ZHUGS PAR GYUR NA NAD DE LA NUS PA BSIL BA'I SMAN GYI KHU BA LA SOGS PAS BRTA BAR BYA BA DANG, DE BZHIN DU SNUM GYI SBYOR BA LA SOGS PAS BRTA BAR BYA BA DANG, DE BZHIN DU GSER MAR GYI NANG DU BDAR BA'I MIG SMAN GTANG BAR BYA'O, ,MI YIS JI SRID 'TSO YI BAR DU NI, ,RTAG TU MIG BSRUNG BA LA 'BAD PAR BYA, ,NYIN DANG MTSAN MO 'DRA BAR GYUR PA YI, ,MI LA NOR YOD GYUR KYANG DON MED YIN, ,ZHES BYA BA LA, MI RNAMS JI SRID 'TSO ZHING GNAS PAR GYUR GYI BAR DU RTAG TU GNOD PA THAMS CAD LAS MIG BSRUNG ZHING GNOD PAR MI 'GYUR BA LA 'BAD PAR BYA'O, ,CI'I PHYIR ZHE NA, SKYES BU LONG BAR GYUR PA LA NI; NOR DANG 'BYOR PA BDOG CING YOD PAR GYUR KYANG 'JIG RTEN 'DIR DON MED CING 'BRAS BU MED PA YIN NO, ,'BRAS BU GSUM BSTEN GTAR GA SBYANG BYA DANG, ,SEMS DGA' MIG SMAN SNA SMAN BCAS BSTEN NA, ,BYA SHA ZA ZHING RKANG PA'I RIM GRO DANG, ,ZHUN MAR BTUNG BAS RTAG TU MIG BSRUNG BYA, ,KHA ZAS MI 'PHROD ZA BA RTAG TU SPANG, ,RAB PHRA 'TSER DANG G-YO BA MI LTA ZHES, ,SKYES BU'I MIG NI MCHOG TU BSRUNG BA'I THABS, ,DRANG SRONG CHEN PO MU KHYUD KYIS BSHAD DO, ,ZHES BYA BA LA, MIG BSRUNG BAR BYA BA'I THABS NI 'DI DAG STE, RTAG TU 'BRAS BU GSUM BSTEN CING BZA' BA DANG, ,DE BZHIN DU GTAR GA GDAB PA DANG, BKRU SMAN DANG SKYUG SMAN GYIS SBYANG BA BYA BA DANG, RTAG TU SEMS DGA' ZHING YID BDE BAR BYA BA DANG, SKYER PA'I KHAndA LA SOGS PA'I MIG SMAN BSKU BA DANG, DE BZHIN DU TIL MAR LA SOGS PA'I SNA SMAN BSTEN PA DANG, SROG CHAGS BYA'I SHA BSTEN TE BZA' ZHING SPYAD PA DANG, RKANG PA'I RIM GRO BSKU BA DANG, DRIL BA DANG, BKRU BA DANG, MNYE BA DANG, LHAM BGO BA LA SOGS PAS GNOD PA MED PAR BYA BA DANG, ZHUN MAR RTAG TU BTUNG BAS MIG BSRUNG ZHING GNOD
, ,PA MED PA LA 'BAD PAR BYA BA DANG, GZHAN YANG MIG LA GNOD PA'I KHA ZAS RTAG TU SPANG BA DANG, DNGOS PO RAB TU PHRA ZHING BRTAG DKA' BA LA BLTA BA DANG, ,'TSER ZHING 'OD CAN LA BLTA BA DANG, G-YO ZHING 'GYUR BA'I DNGOS PO LA MI LTA BA STE 'DI DAG NI SKYES BU'I MIG BSRUNG BAR BYA BA'I THABS YIN PAS, THABS DE DAG LA GNAS PAR BYA ZHING MI'I MIG BSRUNG BA LA 'BAD PAR BYA'O, ,ZHES DRANG SRONG CHEN PO MU KHYUD KYIS BSTAN CING BSHAD PA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U BCU GSUM PA'I RNAM PAR 'GREL PA'O,, ,,DE NAS MTHONG BA NYAMS PA GSO BA BSHAD PAR BYA'O, ,ZHES BYA BA LA, MIG GI MTHONG BA NYAMS PA LAS NI BSHAD PAR BYA BA MANG DU YOD PAS RAB RIB KYI GSO BA LAS LOGS SHIG TU BSHAD PA YIN TE, MTHONG BA NYAMS PA ZHES BYA BA DANG, MTSAN MA NYAMS PA ZHES BYA BA DANG, MIG SNGON POR GYUR PA ZHES BYA BA DANG, SPRIS G-YOGS PA ZHES BYA BA DANG, LONG BA ZHES BYA BA NI MING GI RNAM GRANGS YIN NO, , DON GCIG LA, DE 'GAGS PAR BYED PA YIN PAS NA, ,'GAGS PA LA GSO BA ZHES BYA BA 'AM, YANG NA BKAG CING BZLOG LA BSAL BA'I THABS YIN PAS NA GSO BA ZHES BYA STE DE'I LE'U BSHAD PAR BYA'O, ,ZHES BYA BA'I DON YIN NO, ,BAD KAN LAS GYUR SPRIS G-YOGS PA, ,RBA KLONG LA SOGS BLA BRNAN NI, ,DRUG PO MED PAR GYUR PA DANG, ,LEGS SMIN MTHONG BA MED PA DBYE, ,ZHES BYA BA LA, MTHONG BA NYAMS SHING SPRIS G-YOGS PA'I MIG NAD RBA KLONG LA SOGS PA STE, RBA KLONG PA DANG, GSEG MA LTA BU DANG, RI MO CAN DANG GRAM BCAD PA LTA BU DANG, GDUGS 'DRA BA'I BLA BRNAN DRUG PO MED PAR GYUR PA DANG, LEGS PAR SMIN PAR GYUR PA STE, MTHUG PO KHO NAR GYUR CING BAD KAN GYIS GONG PO LTAR SNAD BAR GYUR PA MED CING LONG BAR GYUR PA GANG YIN PA DE NI THUR MAS DBUG CING DBYE BAR BYA'O, ,DE SMIN MA
GYUR MI SNYOMS LA, ,ZHO GA CHU 'DRA SRAB PA NI, ,THUR MA YIS NI DRANGS GYUR KYANG, ,SLAR YANG GYEN DU 'BYUNG BAR 'GYUR, ,NAD NI MI BZAD SKYED BYED CING, ,MTHONG BYED SLAR YANG 'GEBS PAR BYED, ,DE NI ZAS BCAS BLA BRNAN BCAS, ,BAD KAN CAN GYIS MYUR DU SKYED,, ,, CES BYA BA LA, SPRIS G-YOGS PA'I NAD DE SMIN CING MTHUG PAR MA GYUR PA DANG, MI SNYOMS SHING DMA' BAR GYUR BA DANG, DE BZHIN DU ZHO GA CHU 'DRA BAR SNANG ZHING DE'I MDOG DANG MTSUNGS BA DANG SRAB PAR GYUR PA DE NI THUR MAS PHUG STE DRANGS SHING BSDUS SU ZIN KYANG, SLAR YANG GYEN DU 'BYUNG ZHING 'BYAR BAR GYUR PA DANG, DE BZHIN DU NAD MI BZAD CING BRNAG PAR DKA' BA SKYED PAR BYED PA DANG, MTHONG BAR BYED PA'I MIG GI RGYAL MO SLAR YANG 'GEBS SHING SGRIB PAR BYED PA DE NI BAD KAN SKYED PAR BYED PA'I ZAS DANG, SKOM DANG SMAN GYIS MYUR BA KHO NAR SKYED CING SMIN BAR BYA LA, RLUNG DANG MKHRIS PA CAN GYI ZAS SKOM LA SOGS PAS YUN RING ZHIG NA SMIN PAR 'GYUR RO, ,BAD KAN GYIS NI MTHONG NYAMS PA, ,BAD KAN DKAR BAS DKAR BA YIN, ,ZHES BYA BA LA, BAD KAN LAS GYUR PA'I MTSAN MA 'AM, MTHONG BA NYAMS BA DE'I RGYU BAD KAN GYI DKAR BA YIN PAS NA SPRIS G-YOGS PA YANG DKAR BA YIN NO, ,DE NI NAD GZHAN GYIS ZIL GNON, ,KUN TU SNGO BA'I NAD DU 'GYUR, ,ZHES BYA BA LA, BAD KAN LAS GYUR PA'I MTHONG BA NYAMS PA DE RLUNG NGAM MKHRIS PA GZHAN GYI ZIL GYIS MNAN CING DBANG DU GYUR NA, KUN TU SNGO BA ZHES BYA BA'I NAD MCHING BU LTA BUR 'GYUR RO, ,DE LA RLUNG GYUR MIG G-YO ZHING, ,RBA KLONG G-YO ZHING DMAR SKYAR 'DUG ,CES BYA BA LA, DE RBA KLONG ZHES BYA BA'I MIG NAD NI RBA KLONG 'KHYIL BA LTAR G-YO ZHING MI BRTEN LA DMAR SKYA STE, CUNG ZAD DMAR BAR 'DUG PA YIN NO, ,GSEG MA AARGA'I 'O MA NI, ,THIGS PHRAN KHYAB 'DRA MA THUG PA YIN, ,ZHES BYA BA LA, GSEG MA LTA BU'I MIG NAD NI SHING AARGA'I 'O MA THIGS PA PHRA MO LTA BUS KHYAB PA SHIN TU MTHUG PA YIN NO, ,GRAM LTA BU'I MIG 'BRAS NI, ,'BRAS KYI GRAM 'DRAS KHYAB YIN, ,ZHES BYA BA LA, GRA MAS
, ,KHYAB PA LTA BU NI, MIG GI NANG 'BRAS KYI GRAM LTA BU'I RI MOS KHYAB PAR GYUR PA YIN NO, ,GRAM BCAD PA GRA MA TSIG ,BCAD PA LTAR SNANG NA BA YIN, ,ZHES BYA BA LA, GRAM BCAD PA LTA BU ZHES BYA BA'I MIG NAD NI GRAM BCAD PA DANG TSIG PA DANG BCAD PA LTA BUR SNANG ZHING NA BA DANG BCAS PA YIN NO, ,RMA SGRO RMA BYA'I MJUG SGRO 'DRA, ,KHAR BA'I MDOG TU SNANG BA YIN, ,ZHES BYA BA LA, RMA BYA'I SGRO LTA BU ZHES BYA BA'I MIG NAD NI RMA BYA'I SGRO LTA BU'I DBYIBS CAN LA KHAR BA'I RI MO'I MDOG LTA BUR SNANG BA YIN NO, ,GDUGS 'DRA KHA DOG SNA TSOGS PA, ,SPRIS G-YOGS GDUGS CAN ZHES BYA'O, ,ZHES BYA BA LA, GDUGS 'DRA BA ZHES BYA BA'I SPRIS G-YOGS PA'I NAD NI DBYIBS SU GDUGS DANG 'DRA BAR SNANG ZHING KHA DOG SNA TSOGS PAR SNANG BA DANG, ,SPRIS G-YOGS PA GDUGS CAN ZHES BYA'O, ,GTAR GA MI BYA CHAM PA DANG, ,LUD PA CAN NI DBYE MI BYA, ,MA ZHU SNGAR MA SKYUGS PA DANG, ,RNA MIG MGO GZER CAN MI DBYE, ,ZHES BYA BA LA, SPRIS G-YOGS PA GTAR GA BYAR MI RUNG BA'I NAD YOD PA'I MIG DBYE BAR MI BYA'O, ,DE BZHIN DU CHAM PAS BTAB PA DANG, ,LUD PA CAN GYI MIG DBYE BAR MI BYA BA DANG, DE BZHIN DU MA ZHU BA DANG, SNGAR MA DANG, SKYUGS SHING SLON PA DANG, RNA BA GZER BA DANG, MIG GZER BA DANG, MGO BO GZER BA'I MIG DBYE BAR MI BYA'O, ,DE NAS THUN MONG DUS SU NI, ,SBYANG BYAS ZAS ZOS PA LA NI, ,SA PHYOGS GSAL BAR SNGA DRO NI, ,SMAN PA PUS MNYAM KHRI LA 'DUG ,NAD PA 'DUG CING BSDAMS BYAS LA, ,KHA YI DBUGS KYIS DUGS BYA ZHING, ,MTHE BOS MIG NI MNYES BYAS NAS, ,NAD NI G-YOS PAR MTHONG BA DANG, ,MI 'GUL BAR NI MGO NAS GZUNG, ,RANG GI SNA LA LTA BZHIN DU, ,NAG PO SOR PHYED MA GTOGS SHING, ,MIG 'GRAM BZHI CHA DOR BA RU; ,MDZUB MO GUNG MO MTHEB MO YIS, ,MIG THUR DAM DU BZUNG NAS NI, ,RANG GRUB BU GA NAS 'PHRED DU, ,GZUG CING GYEN MNYE DRANG POR BYAS, ,MIG G-YON LAG PA G-YAS PAS DBUG ,MIG G-YAS LAG BA G-YON PAS DBUG ,CES BYA BA LA, DE NAS THUN MONG GI
'DU SHES ZHES BYA BA, STON ZLA 'BRING PO DANG, STON ZLA THA CHUNGS DANG, DPYID ZLA THA CHUNGS KYI DUS SU SBYANG BA BYAS PAS TE, SNUM CHOS DANG DUGS BYAS LA BKRU SMAN GYIS SBYANGS TE, BRTAS PA'I RJES LA, KHA ZAS PHAN ZHING 'PHROD PA RAN PAR ZOS PAR GYUR NAS SA PHYOGS MUN PA MED CING GSAL BAR SNGA DRO STE NYI MA SHAR BA'I CHA DANG PO LA SMAN PA MKHAS PA PUS MO DANG MTHON DMAN MNYAM PA'I KHRI LA 'DUG STE, SA PHYOGS BYI DOR BYAS SHING BDE BAR BYAS PAR STAN BTING LA NAD G-YOG SGRIN PO RGYAB TU LEGS PAR 'DUG PAS LAG PA GNYIS KYIS MGO DAM DU BZUNG STE NYI MA LA KHA BSTAN LA RKANG PA GNYIS BRKYANG STE SMAN PA'I KHA'I DBUGS KYIS NAD PA'I MIG DUGS BYAS LA, DE'I 'OG TU MIG GONG GNYIS MTHE BOS MNYES NAS MIG GI NAD SPRIS G-YOGS BA DE G-YOS SHING, CUNG ZAD 'PHAGS PAR MTHONG BA DANG, NAD PA RANG GI SNA'I RTZE MO LA LTA BAR BYED BZHIN DU MGO BO MI 'GUL BAR DAM DU BZUNG STE, NAG PO ZHES BYA BA MIG 'BRAS NAG PO LAS SOR PHYED DOR ZHING DE MA GTOGS PAR BYAS LA, MIG 'GRAM ZHES BYA BA MIG ZUR NAS SOR GYI BZHI CHA DOR LA MDZUB MO DANG, GUNG MO DANG MTHE BOS MIG THUR DAM DU MI 'GYUR BAR BZUNG STE RANG BZHIN GYIS GRUB PA'I MIG GI BU GA PHRA MO YOD PA'I NGOS NAS GYEN DU MNYE ZHING MIG DRANG POR MA YO BAR BZHAG CING, STENG NGAM 'OG TU MA 'GYUR BAR BYAS LA MIG G-YON PA NI LAG PA G-YAS PAS PHUG PAR BYAS LA, MIG G-YAS PA NI LAG PA G-YON PAS DBUG PAR BYA'O, ,LEGS PAR PHUG NA SGRA 'BYUNG 'GYUR, ,NAD MED CHU NI NYUNG ZHIG 'BYUNG, ,ZHES BYA BA LA, DE LTAR 'BIGS PA NA LEGS SHING MA NOR BAR PHUG NA NI PHUG PA'I TSE SGRA 'BYUNG BAR 'GYUR BA DANG, DE BZHIN DU NAD MED PAR 'GYUR BA DANG, CHU'I THIGS PA NYUNG ZHIG 'BYUNG BAR 'GYUR RO, ,DE RJES NAD PA SPRO BSRINGS LA, ,MIG TU NU ZHO BLUGS PAR BYA, ,ZHES BYA BA LA, DE LTAR PHUG PA'I 'OG TU NAD PA TSIG GIS LEGS PAR SPRO BSRINGS LA, MIG DMAR BA DANG, NAD MED PA DANG, MCHI MA MI 'DZAG PAR BYA BA'I PHYIR BUD MED KYI NU ZHO BLUGS PAR BYA'O, ,DE NAS THUR MA'I RTZE MO YIS, ,
, ,GNOD PA MED PAR DAL GYIS NI, ,MIG GI 'BRAS BU DBYI BYAS LA, ,SNA NAS DAL GYIS PHUL BAR BYA, ,MIG NA GNAS PA'I BAD KAN NI, ,SNA NAS BRNGUBS PAS BSAL BAR BYA, ,ZHES BYA BA LA, DE'I 'OG TU SMAN PAS THUR MA'I RTZE MOS MIG GI 'BRAS BU LA GNOD CING 'TSE BA MED PAR DAL GYIS MIG GI 'BRAS BU DBYI ZHING BSAL BAR BYA ZHING, SNA NAS NAD DAL GYIS PHUL BAR BYA'O, ,DE'I 'OG TU SNA NAS BRNGUBS PAS MIG LA GNAS PA'I NAD DBYUNG ZHING BSAL BAR BYA'O, ,NAD MI 'GUL BA 'AM 'GYUR NA NI, ,MIG GI PHYI ROL NAS DUGS BYA; ,ZHES BYA BA LA, MIG GI SPRIS G-YOGS PA'I NAD MI 'GUL BAR GYUR PA 'AM, RLUNG GIS 'GYUR ZHING MAL NA MI GNAS PAR GYUR NA NI, MIG GI PHYI ROL NAS DUGS 'JAM PO BYA'O, ,DE NAS GZUGS NI MTHONG GYUR NAS, ,THUR MA RIM GYIS DBYUNG BAR BYA, ,MAR LA SBANGS PA'I RAS BAL GZHUG ,MIG DKRIS NAS NI DE 'OG TU, ,DE LAS LOGS NI CIG SHOS DBAB, ,GNYIS KA PHYE NA GAN RKYAL BZHAG ,RLUNG MED MAL DU MGO BO DANG, ,RKANG BSKU PHAN PA'I ZAS BSTEN BYA, ,ZHES BYA BA LA, DE NAS DE'I 'OG TU GZUGS MTHONG BAR GYUR NA SMAN PAS THUR MA DE RIM GYIS DA LA BUS DBYUNG BAR BYA'O, ,DE LTAR PHYUNG NAS DE'I RJES LA MAR GYI KHU BA LA SBANGS PA'I RAS BAL BCUG LA NAD PA DE'I MIG DKRI STE NYAL DU GZHUG LA, DE YANG MIG GCIG PHUG CING PHYE BA YIN NA NI, PHYE BA'I MIG STENG DU PHYUNG LA MA PHYE BA'I MI GCIG SHOS KYI LOGS PHAB STE NYAL DU GZHUG LA, GAL TE GNYI GA PHYE NA NI GAN RKYAL DU BKAN TE BSNYAL BAR BYA LA, DE YANG RLUNG MED PA'I GNAS MAL DU BSNYAL ZHING MGO BO DANG RKANG BA BSKU BA DANG, PHAN PA'I ZAS BSTEN DU GZHUG PAR BYA'O, ,SBRID PA LUD PA SGREGS PA DANG, ,MCHIL MA 'DOR DANG CHU 'THUNGS DANG, ,THUR DU GTONG BA KHRUS BYED DANG, ,SO SHING 'CHA' BAR BYED PA DAG ,ZHAG BDUN BAR DU SPANG BYA ZHING, ,SNUM 'THUNGS CHO GA BZHIN DU BSDAM, ,ZHES BYA BA LA, NAD BA DE SBRID PA LA SOGS PA ZHAG BDUN GYI BAR DU SPANG ZHING BSDAM PAR BYA BA DANG,
'DIR BSDAM PA'I CHO GA GZHAN DAG KYANG SNUM 'THUNGS PA'I CHO GA'I SKABS SU, CHU DRON GYIS NI NYER SPYOD BYA, ,ZHES BYA BA LA SOGS PA JI SKAD SMOS PA'I BSDAM PA'I SBYOR BA DAG KYANG BYA'O, ,CI DUS SMYUNG BYA NA GYUR NA, ,MAR KHU DRO 'JAM BLUGS PAR BYA, ,ZHES BYA BA LA, YANG NAD PA DE NYAMS STOBS CI YOD PA LAS SMYUNG BA BYA BA LA GAL TE NA BAR GYUR NA MAR KHU DRO 'JAM TZAM GYI THIGS PA BLUGS PAR BYA'O, ,NAS CHAN SLA BA'AM THUG PA SKA, ,CHA GSUM SKYU RU RA MAR SBYIN, ,ZHES BYA BA LA, NAD PA DE LA NAS CHAG TSER BTRAL [?] BA'I CHAN SLA BA LA MAR BTAB PA TSA BA GSUM LA SOGS PA DANG BCAS PA SBYIN PAR BYA BA 'AM, YANG 'BRAS THUG GAR BO TSA BA GSUM DANG SKYU RU RA DANG MAR DANG BCAS PA SBYIN PAR BYA'O, ,ZHAG GSUM NAS NI DE BKROL LA, ,RLUNG 'JOMS PA YI SMAN GYI NI, ,KHU BA MIG TU BLUGS BAR BYA, ,ZHES BYA BA LA, ZHAG GSUM LON PA DANG NAD PA DE'I MIG PHYE, RLUNG 'JOMS PA'I SMAN GYI KHU BA'I THIGS PA MIG TU BLUGS PAR BYA'O, ,ZHAG BDUN NAS NI MIG DE NYID, ,RNAM PA KUN TU DGROL BAR BYA, ,ZHES BYA BA LA, ZHAG BDUN 'DAS PA DANG MIG DE RNAM PA THAMS CAD KYI THAMS CAD DU BCING BA DGROL BAR BYA'I, ,BCING BAR NI MI BYA'O, ,JI SRID MI GSAL BRTAN GYUR PA, ,BSDAMS LA 'BAD DE GNAS PAR BYA, ,ZHES BYA BA LA, JI SKAD DU BSHAD PA'I BSDAMS PA'I SPYOD PA NI JI SKAD MI GSAL BAR MTHONG BA NYAMS SHING BRTAN PAR GYUR PA DE SRID KYI BAR DU CHO GA DE LA GNAS PAR BYA'O, ,GZUGS NI PHRA DANG 'TSER BA DAG ,MOD LA BLTA BAR MI BYA'O, ,ZHES BYA BA LA, DE LTAR SPRIS G-YOGS PA BSAL NAS, DES GZUGS PHRA ZHING BRTAG PAR DKA' BA DANG, 'TSER ZHING 'OD 'BAR BA'I DNGOS PO DAG LA MOD LA STE 'PHRAL KHO NAR BLTA ZHING BRTAG BAR MI BYA'O, ,DBUG NYES MI MTHUN ZOS PA LAS, ,SKRANGS DANG NA DANG DMAR LA SOGS, ,MIG NAD GDUNG BA 'BYUNG BAR 'GYUR, ,NAD TSUL DE BZHIN DE GSO BYA, ,ZHES BYA BA LA, SPRIS G-YOGS PA DBUG CING BRTOL BA NYES PA DANG, NAD DANG MI 'PHROD
, ,PA'I ZAS SKOM ZOS SHING BSTEN PA LAS SKRANGS PA LA SOGS PA DANG, MIG NAD GDUNG BA ZHES BYA BA 'BYUNG BAR 'GYUR LA, SKRANGS PA LA SOGS PA DE DAG LA NI, NAD KYI TSUL JI LTA BA BZHIN DU DE DANG 'TSAM PA'I SMAN GYIS DE GSO ZHING BCOS PAR BYA'O, , NAD DANG DMAR BA ZHI BYA'I PHYIR, ,D'UR BA NAS DANG YUG SNAM DANG, ,THAL TRES MAR DANG LDAN PA YI, ,LDE GUS GDONG NI BSKU BAR BYA, ,ZHES BYA BA LA, NAD DANG DMAR BA SNANG BZHI BAR BYA BA'I PHYIR, D'UR BA LA SOGS PA'I SMAN CHU THAGS SU BYA BA'I LDE GU MAR DANG LDAN PAS GDONG BSKU ZHING BYUG PAR BYA'O, ,DE BZHIN TIL DANG YUNGS KAR BCAS, ,KHA LUNG KHU BAS SBRUS PA'ANG PHAN, ,ZHES BYA BA LA, DE BZHIN DU TIL DANG, YUNGS KAR LDE GUR BYAS PA KHA LUNG ZHES BYA BA BI DZA BU RA'I KHU BAS SBRUS PAS GDONG BSKUS NA, YANG NA BA DANG DMAR BA LA PHAN NO; ,THAL TRES LO MA PA YA SYA, ,BTZOD DANG SHING MNGAR RA YI NI, ,'O MAR SBYAR BA'I LDE GU NI, ,DRO 'JAM BDE BAR BYED MCHOG YIN, ,ZHES BYA BA LA, THAL TRES LA SOGS PA'I SMAN RA'I 'O MA DANG BSKOL BA DRO 'JAM TZAM GYI LDE GUS MIG TU BSKUS NA YANG NA BA DANG DMAR BA BDE BAR BYED PA'I MCHOG YIN NO, ,SENG PHROM RGYAM TSA RGUN 'BRU DANG, ,SHING MNGAR RA YI 'O MAR BSKOL, ,THIGS PA MIG TU BLUGS PA NI, ,NA DANG DMAR BA 'JOMS PAR BYED, ,SHING MNGAR RU RTA AUTPAL, ,RGUN 'BRU RGYA SKYE GAS KHA RAR BCAS, ,ZHES BYA BA LA, SENG PHROM LA SOGS PA RA'I 'O MA DANG BSKOL BA BLUGS NA YANG DE LA PHAN NO, ,RLUNG 'JOMS SMAN BSKOL 'O MA NI, ,MAR GYI BZHI 'GYUR BSKOL BA DANG, ,SHUG PA LA SOGS LDE GUS BTAB, ,LAS KUN LA NI BSNGAGS PA YIN, ,ZHES BYA BA LA, RLUNG 'JOMS PA'I SMAN DANG BSKOL BA'I 'O MA'I NANG DU SHUG PA LA SOGS PA'I LDE GUS BTAB NA YANG BSKOL BA'I SMAN MAR NI LAS KUN TE BTUNG BA DANG SNA NAS BTANG BA DANG, BSKU BA LA SOGS PA THAMS CAD LA BSNGAGS PA YIN NO, ,DES MA ZHI NA SNUM CHOS DANG, ,DUGS BYAS GTAR GA GDAB PAR BYA, ,GDUNG BA'I
GSO BA DAG KYANG BYA, ,ZHES BYA BA LA, DE LTAR BYAS SU ZIN KYANG NYE BAR ZHI BAR MA GYUR NA NAD PA DE SNUM CHOS DANG DUGS BYAS LA, GTAR GA GDAB PAR BYA BA DANG, DE BZHIN DU MIG NAD GDUNG BA'I GSO BA BSHAD PA'I CHO GA DAG KYANG 'DIR BSHAD PAR BYA'O, ,DBUG 'DRUB MIG SMAN 'JAM PO BSKU, ,ZHES BYA BA LA, MIG DBUG CING PHYE BA DE LEGS PAR 'DRUB PAR GYUR NAS, MIG SMAN 'JAM PO DAG BSKUS NA PHAN NO, ,TU PA RI'I RTZA NA LE SHAM, ,BA BLA SKYER PA'I KHAndA BSKU, ,MIG PHYE DBU RAM RI LU NI, ,CHAR PA'I CHU DANG BDAR BA GTANG, , ZHES BYA BA LA, TU PA RI ZHES BYA BA AA TA KA'I RTZA BA DANG NA LE SHAM LA SOGS PA CHAR PA'I CHU DANG BDAR BA DAG KYANG GTANG BAR BYA'O, ,DZ'A TI DA PA SHI RI SHA ,KARKA TA SRING GI ME TOG ,MU TIG 'BRAS BU BEEd'URYA, ,RA YI 'O MAR BTAGS PA NI, ,ZANGS MA'I SNOD LA SLA BAR BSKU, , ZHAG BDUN NAS BKOG SLAR YANG NI, ,'O MA DANG BTAGS LDE GUR BYAS, ,RI LU GRIB MA LA BSKAMS PA, ,MIG BSKUS PHYE BA MTHONG BA NI, ,GSAL ZHING STOBS NI SKYED PAR BYED, ,CES BYA BA LA, DZ'A TI LA SOGS PA RA'I 'O MA DANG ZHIB TU BTAGS TE LDE GU ZHIB MO DES ZANGS MA'I SNOD LA SRAB MOR BSKUS TE ZHAG BDUN 'DAS PAR GYUR PA DANG, SLAR BKOG STE 'O MA DANG LDE GUR BYAS TE RI LUR BYAS TE, DE GRIB MA LA BSKAMS LA MIG LA BSKUS NA, DE LTAR MIG PHYE ZHING PHUG PA DE'I MTHONG BA GSAL BAR BYED CING, MIG RNO BA'I STOBS SKYED PAR BYED PA YIN NO, , BYI RU LDONG ROS LIG BU MIG ,RGYA MTSO'I LDU BA NA LE SHAM, ,SNA NAS BTANG BA'I SMAN SBYAR NA, ,BSHAD PA'I YON TAN MTSUNGS PAR BSTAN, ,ZHES BYA BA LA, BYI RU LA SOGS PA SNGA MA BZHIN DU RA'I 'O MA DANG ZHIB TU BTAGS TE, DES ZANGS MA'I SNOD DU BSKU BA LA SOGS PA GONG DU BSHAD MA THAG PA'I SBYOR BA DANG YON TAN THAMS CAD MTSUNGS SHING 'DRA BAR SLOB DPON GYIS BSTAN CING BSHAD PA YIN NO, ,YAN LAG BRGYAD PA'I SNYING PO'I RNAM PAR 'GREL PA, TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA
, ,LAS; PHYI MA'I GNAS KYI LE'U BCU BZHI PA'I RNAM PAR 'GREL PA'O,, ,,DE NAS MIG NAD THAMS CAD KYI NAD KYI DMIGS BRTAG PA BSHAD PAR BYA'O, ,ZHES BYA BA LA, MIG NAD KYI YAN LAG GI CHAR GTOGS PA BSHAD NAS MIG THAMS CAD KYI NAD GANG YIN PA DE BSTAN PAR BYA BA'I PHYIR LE'U 'DI BRTZAMS PA YIN NO, ,RLUNG GI MIG NAS MCHI MA 'DZAG ,SNA RGYAS CUNG ZAD SKRANGS PA DANG, ,MUR 'GRAM DPRAL MIG SMIN MA KHA, ,NA ZHING ZUG LA 'PHAR BA DANG, ,RNGU [?] MA SKAM ZHING MCHI MA GRANG, ,SLA NYUNG NA BA LDANG DUB CAN, , 'BYED DANG 'DZUMS PAR DKA' BA DANG, ,SRIN BU 'GRO BA SNYAM DU SEMS, ,MIG NI BUS PA LTA BUR SNANG, ,ZUG RNGU PHRA MOS KHYAB SNYAM BYED, ,SNUM DANG DRO BAS NYER ZHER 'GYUR, ,MCHI MA 'DZAG PA ZHES BYA'O, ,ZHES BYA BA LA, RLUNG LAS GYUR PA'I MIG NAD RLUNG GIS MCHI MA 'DZAG PAR GYUR PA NA, SNA RGYAS ZHING BUS PA'AM, GANG BA LTA BUR GYUR PA DANG, CUNG ZAD SKRANGS BA DANG, MUR 'GRAM LA SOGS PA LHANG LHANG POR NA ZHING ZUG PA DANG, MIG 'PHAR ZHING 'GUL BA DANG, RDUM [?] ZHES BYA BA'I MIG GI DRI MA SKAM PO 'BYUNG BA DANG, MCHI MA GRANG ZHING SLA BA DANG, NYUNG ZHING 'BYUNG BA DANG, NA BA LDANG DUB BYED PA CAN DU 'GYUR ZHING MI BRTAN PA DANG, MIG DBYE BA DANG, 'DZUMS PAR DKA' ZHING SDUG BSNGAL BA DANG, GROG MA LA SOGS PA'I SRIN BU STENG NA 'GRO BA SNYAM DU SEMS PA DANG, MIG BUS PA LTAR RGYAS PAR SNANG BA DANG; KHAB KYIS BTZAGS SHING ZUG RNGU PHRA MOS KHYAB PA SNYAM DU BYED PA DANG, SNUM PA DANG DRO BAS BDE ZHING NAD NYE BAR ZHI BAR GYUR PA YIN TE, NAD DE NI RLUNG GIS MCHI MA 'DZAG PA ZHES BYA'O, ,DE MA BCOS NA GDUNG BAR 'GYUR, ,RNA BA SGRA 'BYUNG MGO 'KHOR DANG, ,DPRAL BA MIG DANG SMIN MA SOGS, ,GTZUB SHING GIS NI GTZUBS SNYAM BYED, ,CES BYA BA LA, MCHI MA 'DZAG PA ZHES BYA BA'I NAD DE MA BCOS TE YAL BAR DOR NA MIG NAD GDUNG BA ZHES BYA BAR 'GYUR TE, GDUNG BA DE NI RNA BA NAS SGRA ZING ZING POR 'BYUNG BAR 'GYUR BA DANG, ,MGO
BO 'KHOR BA DANG, DPRAL BA LA SOGS PA GTZUB SHING GIS GTZUBS SHING DKRUGS PA SNYAM DU SEMS PAR BYED PA YIN NO, ,DE YANG BAG MED YAL BAR BOR, ,GDUNG BAS BCOM GYUR NAD DE YIS, ,SNA TSOGS TSUL NI 'BYUNG 'GYUR ZHING, ,MIG MTHONG NYAMS BYED RMA 'BYUNG 'GYUR, ,ZHES BYA BA LA, YANG GDUNG BA ZHES BYA BA'I NAD DE BAG MED PAS YAL BAR BOR NA MIG NAD GDUNG BAS BCOM PA ZHES BYA BA'I MIG NAD DU 'GYUR TE GDUNG BAS BCOM PA ZHES BYA BA'I NAD DES NI MIG NAD SNA TSOGS SHING THA DAD PA'I TSUL DU MA DAG 'BYUNG BAR 'GYUR ZHING MIG GI MTHONG BA NYAMS SHING LONG BA'I RMA 'BYUNG BAR BYED PAR 'GYUR RO, ,MUR 'GRAM KHA DANG MJING PA LAS, ,RLUNG NI GZHAN DU 'JUG 'GYUR ZHING, ,MI BZAD NA LA GNAG PA DANG, ,DMAR ZHING SKRANGS LA MIG MI SDUG ,ZHUM ZHING KUN NAS MCHI MA 'DZAG ,DE NI RLUNG GIS GZHAN GYUR YIN, ,ZHES BYA BA LA, GDUNG BAS BCOM PA ZHES BYA BA DE MA BCOS TE YAL BAR BOR NA MUR 'GRAM LA SOGS PA LAS RLUNG GZHAN DU 'JUG PAR 'GYUR BA DANG, DE BZHIN DU MI BZAD PA'I GNAG PA LA SOGS PA'I NAD SKYED PAR BYED PA DANG, MIG MI SDUG CING MIG KUN NAS ZHUM PAR 'GYUR BA DANG, THAMS CAD NAS MCHI MA 'DZAG PAR 'GYUR TE, DE NI RLUNG GIS GZHAN DU GYUR PA ZHES BYA BA'I MIG NAD YIN NO, ,DE BZHIN MIG NI YON PO DANG, ,CHUNG BA RLUNG GIS PHYIN CI LOG ,CES BYA BA LA, SNGA MA BZHIN DU RLUNG GIS GZHAN DU GYUR PA DANG NAD KYI TSUL MTHUN ZHING, GZHAN YANG YON PO DANG RANG GI TSAD LAS CHUNG BAR GYUR PA NI RLUNG GIS PHYIN CI LOG TU GYUR PA ZHES BYA'O, ,MKHRIS PA'I MCHI 'DZAG MTSAN MA NI, ,TSA GRANG DU BA 'BYUNG SNYAM SEMS, ,MIG CHU'I PHYI ROL GNAG PA DANG, , NANG NA RNAG 'DRUL MCHI MA TSA, ,SER ZHING MIG DMAR SER POR MTHONG, ,RMA LA LAN TSVAS BTAB SNYAM SEMS, ,ZHES BYA BA LA, MKHRIS PA LAS GYUR PA'I MIG NAD MCHI MA 'DZAG PA'I MTSAN NYID NI TSA BAR GYUR PA DANG, SKRANGS PA DANG, DU BA 'BYUNG BA SNYAM DU SEMS PA
, ,LA SOGS PA 'BYUNG BA DANG, DNGOS PO SER POR MTHONG BAR 'GYUR BA DANG, RMA LA LAN TSVAS BTAB PA DANG 'DRA BAR MIG NA BAR 'GYUR BA YIN NO, ,ME MDAG GTOR BA 'DRA BA DANG, ,MCHER PA'I GONG BU LTA BUR SNANG, ,MIG NAD GDUNG BAR GYUR PA YIN; ,ZHES BYA BA LA, MKHRIS PA LAS GYUR PA'I MCHI MA 'DZAG PA DE YAL BAR BOR NA, MIG NAD GDUNG BA ZHES BYA BAR 'GYUR TE, DE NI MIG LA ME MDAG GTOR BA SNYAM DU SEMS PA DANG, MCHER PA'I GONG BU LTAR GNAG PA SNANG BAR 'GYUR BA YIN NO, ,BAD KAN LAS GYUR MCHI 'DZAG NI, ,TSOR BA MED SKRANG RAB TU G-YA', ,GSHER ZHING SNUM LA SHAS CHER DKAR, ,MIG GDUNG SPYI BAG 'DZAG PA YIN, ,ZHES BYA BA LA, BAD KAN LAS GYUR PA'I MCHI MA 'DZAG PA NI MIG TSOR BA MED CING BEM BEM POR GYUR PA DANG, SHAS CHER SKRANGS PA DANG, G-YA' BA LA SOGS PA YIN NO, ,GDUNG BA DES NI NAG PO DMA', ,'BRAS BU DKAR PO MTHO BA DANG, ,CHAM PAS THEBS SHING SNA RGYAS LA, ,MIG NI RDUL GYIS GANG SNYAM BYED, ,CES BYA BA LA, BAD KAN GYIS MCHI MA 'DZAG PA NI MIG TSOR BA MED CING YAL BAR BOR BA NA, GDUNG BA ZHES BYA BAR 'GYUR LA, DES NI MIG 'BRAS NAG PO DMA' BAR 'GYUR BA DANG, 'BRAS BU DKAR PO MTHO ZHING 'BUR BAR 'GYUR BA DANG, DE BZHIN DU CHAM PAS THEBS PA LA SOGS PAR 'GYUR RO, ,KHRAG GYUR DMAR RIS MIG TU DMAR, ,MIG 'BRAS DKAR PO DMAR BA DANG, ,KHRAG 'DZAG DMAR PO MTHONG BA DANG, ,MKHRIS PA'I MCHI 'DZAG MTSAN NYID YIN, ,ZHES BYA BA LA, KHRAG LAS GYUR PA'I MCHI MA 'DZAG PAR GYUR PA NI, MIG LA RI MO DMAR PO SHAR SHAR POR SNANG BA NAS, MIG 'BRAS DKAR PO DMAR PO NYID DU SNANG ZHING, DNGOS PO DMAR PO NYID DU SNANG BA DANG, DE BZHIN DU MKHRIS PA LAS GYUR PA'I MCHI MA 'DZAG PA'I MTSAN NYID GANG DAG YOD PA DE 'DI LAS 'BYUNG BAR 'GYUR RO, ,GDUNG BA MIG NI MTHA' DMAR ZHING, ,PHYUNG [?] BA DANG NI MTSUNGS PAR NA, ,ME TOG BANDU KA LTAR DMAR, ,
SHIN TU NA ZHING REG MI BZOD, ,LUNG TANG KHRAG TU NUB PA 'DRA, ,GNAG CING ME LTAR SNANG BA YIN, ,ZHES BYA BA LA, KHRAG LAS GYUR PA'I MCHI MA 'DZAG PA DE YAL BAR BOR NA MIG NAD GDUNG BA ZHES BYA BAR 'GYUR TE, DE'I MTSAN MA NI MIG GI MTHA' MA GZAGS PA LTAR DMAR BAR 'GYUR BA DANG, DE BZHIN DU MIG PHYUNG BA DANG MTSUNGS PAR MI BZAD PAR NA BAR 'GYUR BA DANG, ME TOG BANDU KA'I MDOG LTAR MIG SHIN TU DMAR BA DANG, SHIN TU LHANG LHANG POR NA BA DANG, REG MI BZOD PA DANG, LUNG TANG KHRAG GI NANG DU NUB PA DANG 'DRA BA'I MDOG TU MIG 'BRAS NAG POR SNANG BAR 'GYUR BA DANG, DNGOS PO RNAMS ME DANG 'DRA BAR MTHONG BA YIN NO, ,GDUNG BA RANG GI JI BZHIN DU, ,THAMS CAD 'DZAG PA LAS LHAG NA, ,MUR 'GRAM SO DANG MKHUR TSOS DANG, ,MGO BO LHAG PAR NA BAR BYED, ,CES BYA BA LA, MIG NAD GDUNG BA ZHES BYA BA'I NAD RLUNG DANG, MKHRIS PA DANG, BAD KAN DANG, KHRAG LAS GYUR PA THAMS CAD NI, RANG GI MTSAN NYID JI LTA BA BZHIN DU NA BA YIN NO, ,RLUNG LA SOGS PA LAS GYUR PA'I MCHI MA 'DZAG PA THAMS CAD LAS LHAG PAR MI BZAD PAR NA BA DANG, DE BZHIN DU MUR 'GRAM LA SOGS PA LHAG PAR NA BAR BYED PA YIN NO, ,RLUNG MKHRIS SHAS CHER DRUD SNYAM SEMS, ,ZUG CING NA LA PHUL SNYAM SEMS, ,SHIN TU RTZUB CING MIG MCHU MIG ,'DZUMS DANG 'BYED PAR DKA' BA DANG, ,NA ZHING SKAMS PAR GYUR PA DANG, ,GRANG 'DOD SMIN CING SKAM DANG BCAS, ,MIG SKAM SMIN PA ZHES BYA'O, ,ZHES BYA BA LA, MIG LA RLUNG DANG MKHRIS PA GNYIS KYI SHAS CHE ZHING LHAG PAR GYUR NA NI, DRUD PA SNYAM DU SEMS PA LA SOGS PA 'BYUNG BAR 'GYUR RO, ,NAD GZHI GSUM NI KHRAG BCAS LA, ,SKRANG 'GYUR DE NI RAB SKRANGS SHING, ,NA DANG TSA DANG 'DZAG DANG BCAS, ,AU DUMW'A RA'I 'BRAS SMIN 'DRA, ,MIG 'BRAS DKAR POR 'BYUNG BAR 'GYUR, ,MCHI MA GRANG ZHING DRO BA DANG, ,SPYI BAG SKA SLA RAS KYIS 'BYUNG, ,ZHES BYA BA LA, RLUNG LA SOGS PA'I NAD GZHI GSUM PO KHRAG DANG BCAS
, ,PAS NI SKRANGS PA DANG BCAS PA ZHES BYA BA'I MIG NAD DU 'GYUR TE, DE NI RAB TU SKRANGS PA DANG, NA BA LA SOGS PAR 'GYUR BA DANG, DE BZHIN DU MIG 'BRAS DKAR POR AU DUMW'A RA'I 'BRAS BU SMIN PA DANG 'DRA BAR 'GYUR BA DANG, MCHI MA PHYED 'GA' NI GRANG BAR MCHI MA PHYED 'GA' NI DRO BAR 'BYUNG, PHYED 'GA' NI SPYI BAG DANG, PHYED 'GA' NI SKA BA DANG, PHYED 'GA' NI SLA BA LA SOGS PAR RES KYIS 'BYUNG BAR 'GYUR RO, ,SKRANG CHUNG CUNG ZAD SKRANGS ZHES BYA, ,DE BZHIN MTSAN NYID GZHAN GYIS SMIN, ,ZHES BYA BA LA, CUNG ZAD SKRANG PA ZHES BYA BA'I MIG NAD NI SKRANGS PA CUNG ZAD TZAM DU 'GYUR BA DANG, BSHAD MA THAG PA'I MIG NAD SKRANGS PA DANG BCAS PA ZHES BYA BA DANG, MIG NAD 'DI'I KHYAD PAR NI 'DI YIN TE, GANG SKRANGS PA CUNG ZAD CHUNG BA DANG, DE BZHIN DU SNGAR BSHAD PA'I MTSAN NYID SMIN PA DANG, TSA BA DANG NA BA MED PAR GNAS LA, DE BZHIN DU AU DUMW'A RA'I 'BRAS BU SMIN PA DANG 'DRA BA LA SOGS PA YIN NO, ,MIG SMIN PAS NYEN SKRANGS PA YI, ,RTZOM CHE MCHI MA RNYOG CAN 'DZAG ,BAD KAN GYIS BSGOS MIG 'BRAS NI, ,DKAR PO DMAR ZHING 'DRUL BA DANG, ,TSA ZHING MTHONG BA NYAMS PA DANG, ,NAD NI MAL NA MI GNAS YIN, ,ZHES BYA BA LA, MIG SMIN PAS NYEN PA ZHES BYA BA'I MIG NAD NI SKRANGS PA'I RTZOM PA DANG POR CHE BAR 'GYUR BA DANG, MCHI MA RNYOG BA CAN 'DZAG PA DANG, BAD KAN GYIS BSGOS SHING BYUGS PA 'DRA BAR SNANG BA DANG; MIG GI 'BRAS BU DKAR PO MDOG DMAR ZHING MIG 'DZAG CING 'DRUL BA DANG LDAN PA DANG, TSA BAR 'GYUR BA DANG, MTHONG BA NYAMS SHING LONG BA DANG NAD MAL NA MI GNAS SHING KUN TU 'PHO BAR GYUR PA YIN NO, ,KHRAG MKHRIS SHAS CHE'I NAD KYIS NI, ,ZAS KYI DANGS MA SKYUR POR 'GYUR, ,MIG GI RTZAR NI SONG NAS NI, ,MIG NI DMAR POR BYED PAR 'GYUR, ,SKRANG TSA SMIN ZHING MCHI MA 'DZAG ,SHIN TU LONG LONG BOR MTHONG NA, ,SKYUR GYIS SKYED PA'I NAD CES BYA, ,ZHES BYA BA LA, KHRAG DANG MKHRIS PA SHAS CHE BA'I RLUNG LA SOGS PA'I
NAD KYIS ZAS KYI BCUD DANGS MA ZHES BYA BA SKYUR POR GYUR NAS, DE NYID KYIS KHRAG DANG MKHRIS PA SHAS CHER BYAS LA, YANG MIG GI RTZAR SONG BA DANG, DES MIG DMAR POR BYED PAR 'GYUR LA, DE BZHIN DU SKRANG ZHING TSA BA LA SOGS BAR 'GYUR TE, MIG NAD 'DI NI SKYUR GYIS SKYED PA ZHES BYA'O ZHES DRANG SRONG RNAMS KYIS BSHAD DO, ,DE LTAR KUN GTOGS NAD BCU DRUG ,CES BYA BA LA, DE LTAR BSHAD MA THAG PA'I TSUL GYIS MIG NAD DU GTOGS PA'I NAD NI BCU DRUG YOD DO, ,DE LA GDUNG BAS BCOM PA NI, ,MIG SMIN BCAS PA SPAD BAR BYA, ,ZHES BYA BA LA, MIG NAD 'DI DAG GI NANG NAS GDUNG BAS BCOM PA ZHES BYA BA'I MIG NAD DANG, MIG SMIN PA ZHES BYA BA'I NAD DANG BCAS PA NI, GSOR MI RUNG BAS SPANG BAR BYA'O, ,RLUNG GYUR ZHAG LNGAS MIG LA GNOD PAR BYED, ,BAD KAN LAS GYUR GDUNG BAS ZHAG BDUN GYIS, ,DE BZHIN KHRAG GYUR ZHAG GSUM GYIS 'JOMS BYED, ,MKHRIS GYUR 'PHRAL DU LOG SPYOD KYIS GNOD SKYED, ,CES BYA BA LA, RLUNG LAS GYUR PA'I MIG NAD GDUNG BA NI LOG PA'I SPYOD PA STE, KHA ZAS DANG SPYOD LAM LA SOGS PA MIG LA GNOD PAR BYED PAS ZHAG LNGA LA MIG LA GNOD CING NYAMS PAR BYED DO, ,BAD KAN LAS GYUR PA'I GDUNG BA NI, SPYOD LAM DANG KHA ZAS LOG PAS ZHAG BDUN GYIS MIG LA GNOD CING 'JOMS PAR BYED DO, ,KHRAG LAS GYUR PA'I MIG NAD GDUNG BA NI ZHAG GSUM GYIS MIG 'JOMS SHING GNOD PAR BYED DO; ,MKHRIS BA LAS GYUR PA'I MIG NAD GDUNG BA NI KHA ZAS DANG SPYOD LAM LA SOGS PA LOG PAS 'PHRAL DU GNOD PA SKYED CING MIG 'JOMS PAR BYED DO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U BCO LNGA PA'I RNAM PAR 'GREL PA'O,, ,,DE NAS MIG NAD THAMS CAD GSO BA BSHAD PAR BYA'O, ,ZHES BYA BA NI, GO RIMS KYIS NA GSO BA 'DI BRTZAMS BA YIN NO, ,MCHI 'DZAG SNGAR BYUNG TSUL NYID LA, ,MKHUR BKANG
, ,SNA SMAN RNON PO GTANG, ,RLUNG 'KHRUGS MA GTOGS NAD GZHAN LA, ,SMYUNG BA DAG KYANG BYA BA YIN, ,ZHES BYA BA LA, MCHI MA 'DZAG PA'I NAD THAMS CAD KYI SNGAR BYUNG BA'I TSUL LA MKHUR BA BKANG BRNON PO DANG, SNA SMAN RNON PO GTANG BAR BYA'O, ,DE'I RJES LA RLUNG 'KHRUGS PA LAS GYUR PA'I NAD MA GTOGS PA NAD GZHAN LA SMYUNG BA BYAS PAS GSO BAR BYA'O, ,TSA DANG DMAR DANG GOS PA DANG, ,SKRANG SOGS ZHI PHYIR KUN LA NI, ,SUG SMEL [?] GANDHA BHA DRA DANG, ,NA LE SHAM DANG BTZAG YUG SNAM, ,LDE GUR BYAS PAS BSKU BAR BYA, ,ZHES BYA BA LA, MCHI MA 'DZAG PA THAMS CAD KYIS TSA BA DANG, DMAR BA DANG, LJAN LJIN GYIS GOS PA LA SOGS PA ZHI BAR BYA BA'I PHYIR, SUG SMEL LA SOGS PA'I SMAN GYI LDE GUS MIG GI PHYI ROL NAS BSKU BAR BYA STE, DE YANG RDZI MA LA MI GNOD PAR BYA'O, RLUNG GYUR RGYAM TSA SKYER KHAndA, ,SHING MNGAR RGYA SPOS TZANDAN NAM, ,RGYAM TSA DONG GRA SKYER KHAndA, ,MAR GYI NYING GU BDAR BA'AM, ,YANG NA SENG PHROM SBYAR BA GTANG, ,ZHES BYA BA LA, DE LA RLUNG LAS GYUR PA'I MIG NAD LA NI RGYAM TSA LA SOGS PA'I SMAN MAR GYI NYING GU ZHES BYA BA MAR GYI STENG GI DANGS MA DANG BCAS PA BDAR BA'I LDE GUS PHYI ROL NAS BSKU BAR BYA'O, ,YANG NA SENG PHROM MAR DANG BDAR BA'I LDE GUS PHYI ROL NAS BSKU BAR BYA'O, ,KHRAG MKHRIS GYUR LA SPANG SPOS DANG, ,SHUG PA SHING MNGAR RA MNYE BA, ,ZHES BYA BA LA, KHRAG DANG MKHRIS PA LAS GYUR PA'I MIG NAD LA NI SPANG SPOS LA SOGS PA'I LDE GUS PHYI ROL NAS BSKU BAR BYA'O, ,BAD KAN LAS GYUR PRI YANG KU, ,LDONG ROS SBRANG RTZI SBYAR BA BSKU, ,ZHES BYA BA LA, BAD KAN LAS GYUR PA'I MIG NAD LA NI, GANDHA PRI YANG KU LA SOGS PA'I LDE GUS PHYI ROL NAS BSKU BAR BYA'O, ,'DUS PA LAS GYUR KUN GYIS BSKU, ,ZHES BYA BA LA, NAD GZHI GSUM CHAR 'DUS PA LA SOGS PA'I MIG NAD LA NI RLUNG DANG, MKHRIS PA DANG BAD KAN GYI SMAN THAMS CAD BSRES PA'I MIG SMAN GYI LDE GUS PHYI ROL NAS BSKU BAR BYA'O, ,NA LE
SHAM NI DKAR PO CHA GCIG DANG, ,LDONG ROS CHA BZHI SENG PHROM CHA BCU DRUG ,ZHIB TU BTAGS TE RAS GTZANG PHUR MAS GTUMS, ,NAD LDANG MED [?] LA MIG TU GDAB PAR BYA, ,ZHES BYA BA LA, NA LE SHAM DKAR PO CHA GCIG LDONG ROS TSA BZHI STE, DE'I BZHI 'GYUR SENG PHROM CHA BCU DRUG STE, DANG PO'I BCU DRUG 'GYUR TE, DE DAG THAMS CAD ZHIB TU BTAGS TE, RAS GTZANG MA'I NANG DU PHUR MAR GTUMS LA, NAD LDANG BA'I MOD LA MIG TU PHUR MA SPRUG CING GDAB PAR BYA'O, ,RGYA SRAN NAG PO BA LCI RA'I RIL KHU, ,LEGS BTZOS SEN MOS SHUN PA BSHUS GYUR PA, ,DE YIS MTSAN MO LAN CIG BSKUS PA YIS, ,MIG NAD 'KHRUGS PA MOD LA ZHI BAR BYED, ,CES BYA BA LA, RGYA SRAN KU LANGTHA DGON PA BA'I LCI BA DANG, RA'I RIL MA'I KHU BAR TSOS PAR BTZOS LA SEN MOS SHUN PA BSHUS TE RGYA SRAN DE'I PHYE MA MTSAN MO'I DUS SU LAN CIG BSKUS SHING MIG TU BTAB NA MIG NAD 'KHRUGS PA MOD KHO NA LA ZHI BAR BYED DO, ,SHU TI SHING MNGAR SPANGS MA AA RU RA, ,ZHIB BTAGS RAS KYI THUM PO LHOD PAR BCINGS, ,ZANGS KYI SNOD DU SKYUR RTZABS NANG DU BCUG ,MIG TU BZHAG NA MIG NAD SNA TSOGS SEL; ,ZHES BYA BA LA, SHU TI LA SOGS PA JI SKAD BSHAD PA'I SBYOR BAS 'BRAS KYI RANG SKYUR RAM SKYUR KHU'I NANG DU BCUG PA DE MIG TU BZHAG CING GLAN NA MIG NAD RNAM PA SNA TSOGS DAG SEL CING 'JOMS PAR BYED DO, ,SKYER PA SRANG GCIG CHU BRE PHYED DU YANG, ,KHU BA BRGYAD CHA LUS PAR SBRANG RTZI BTAB, ,DE BZHIN MIG TU BSKUS PAR GYUR NA NI, ,NAD GZHI THAMS CAD 'KHRUGS PA'I MIG NAD SEL, ,ZHES BYA BA LA, SKYER PA SRANG GCIG CHU SRANG BCU DRUG GI NANG DU BSKOL LA BRGYAD CHA LUS PAR SBRANG RTZI BTAB STE, MIG TU JI LTA BA BZHIN DU BSKUS NA MIG NAD SNA TSOGS PA NAD GZHI SO SO DANG 'DUS PA LAS GYUR PA SEL BAR BYED DO, ,SHI KRU'I LO MA'I KHU BA SBRANG RTZIR BCAS, ,MIG TU BLUGS NA RLUNG DANG MKHRIS PA DANG, ,BAD KAN 'DUS PA LAS GYUR MIG NAD RNAMS, ,MIG NAD MANG PO DAG KYANG MYUR DU SEL, ,ZHES BYA
, ,BA LA; SHI KRU'I LO MA BSKOL BA'I KHU BA SBRANG RTZI DANG SBYAR BA'I MIG SMAN GYIS KYANG RLUNG LA SOGS PA LAS GYUR PA'I MIG NAD SEL TO, ,AE RAndA NI GZHON NU'I LO MA DANG, ,RTZA BA BRDUNGS TE RA YI 'O MAR BSKOL, ,BLUGS SAM ZAN DRON MIG TU GLAN PA YIS; ,RLUNG GYUR MCHI 'DZAG NAD NI MOD LA 'JOMS, ,ZHES BYA BA LA, AE RAndA GZHON NU'I LO MA DANG RTZA BA GTUN GYI NANG DU BRDUNGS TE RA'I 'O MA DANG BSKOL TE THIGS PA MIG TU BLUGS PA'AM, DE BZHIN DU ZAN DRON MO MIG TU GLAN NA, RLUNG LAS GYUR PA'I MCHI MA 'DZAG PA'I NAD GSAR PA MOD LA 'JOMS PAR BYED DO, ,RLUNG GYUR BA LA BIL BA SOGS, ,BSKOL BA'I SMAN THIGS BLUGS PA'AM, ,AE RAndA'I RTZA BRI HA TI, ,MA DU SHI KRU DRO 'JAM BLUGS, ,ZHES BYA BA LA, RLUNG LAS GYUR PA'I MIG NAD MCHI MA 'DZAG PA LA NI BIL BA LA SOGS PA'AM, AE RAndA'I RTZA BA LA SOGS PA BSKOL BA'I KHU BA DRO 'JAM TZAM GYI THIGS PA'I RGYUN MIG TU BLUGS NA PHAN NO, ,SHA RANG GAshtA BA LA KA ,RGYA SPOS AU DUMW'A RA'I SHUN, ,CHU DANG 'O MAR BCAS BSKOL BA'I, ,THIGS BLUGS GZER NI SEL MCHOG YIN, ,ZHES BYA BA LA, SHA RANG GA LA SOGS PA'I SHING GI SHUN PA CHU'I NANG DU BSKOL BA'I THIGS PA BLUGS NA MIG GZER ZHING NA BA SEL BA'I MCHOG DAM PA YIN NO, ,BTZOD DANG SKYER PA RGYA SKYEGS DANG, ,RGUN 'BRU AUTPAL SHING MNGAR GNYIS, ,BSKOL TE BSGRANGS PAR KHAR GDAB, ,MIG BLUGS KHRAG MKHRIS MIG NAD SEL, ,ZHES BYA BA LA, BTZOD LA SOGS PA'I SMAN BSKOL BA'I KHU BA BSGRANGS PAR KHA RA BTAB PA GRANG MO'I THIGS PA BLUGS NA YANG KHRAG DANG MKHRIS PA LAS GYUR PA'I MIG NAD 'JOMS SO, ,SHING MNGAR KA SHE RU'I PHYE MA, ,RAS MA 'JAM POS LHOD PAR BCING, ,CHAR CHU'I NANG DU SPANGS PA NI, ,KHRAG MKHRIS LAS GYUR MCHI 'DZAG SEL, ,ZHES BYA BA LA, SHING MNGAR LA SOGS PA'I SMAN GYI SBYOR BA JI SKAD DU BSHAD PA LTAR BYAS PA YANG YON TAN DE DANG 'DRA'O, ,SHING MNGAR SKYER PA STAG TSER BA, ,THUM PO NU ZHO KHA RAR BCAS, ,
RA YI 'O MAR SBANGS PA BLUGS, ,TSAN [?] MDOG DMAR MCHI 'DZAG SEL, ,ZHES BYA BA LA, SHING MNGAR LA SOGS PA RAS GTZANG MA'I THUM BUR BYAS TE, BUD MED KYI NU ZHO DANG KHA RAR BCAS PA'AM, RA'I 'O MA SBYAR BA'I THIGS PA MIG TU BLUGS NA TSA BA LA SOGS PA SEL BAR BYED DO; ,SENG PHROM DKAR PO SHING MNGAR BCAS, ,MAR BRDOS LEGS PAR BTAGS PA NI, ,RAS LA GTUMS TE NU ZHOR MNYE, ,KHRAG MKHRIS SNAD PA'I MIG NAD SEL, ,ZHES BYA BA LA, SENG PHROM DKAR PO SHING MNGAR DANG BCAS PA MAR LA BRNGOS PA LA SOGS PA'I SBYOR BAS MIG SMAN DU BTANG NA KHRAG DANG MKHRIS PA DANG SNAD PA LAS GYUR PA'I MIG NAD SEL LO, ,DONG GRA NIM PA 'BRAS BU GSUM, ,SENG PHROM BA SHA KA'I KHU BA, ,DRO 'JAM BLUGS PAS BAD KAN SEL, ,ZHES BYA BA LA, DONG GRA LA SOGS PA BSKOL BA'I KHU BA DRO 'JAM TZAM GYI THIGS PA BLUGS NA YANG BAD KAN LAS GYUR PA'I MIG NAD SEL TO, ,'DUS PAR 'DI DAG BSRES PA PHAN, ,ZHES BYA BA LA, 'DUS PA LAS GYUR PA'I MIG NAD LA NI, SMAN 'DI DAG BSRES PA BSKOL BA'I THIGS PA BLUGS NA PHAN NO, ,RLUNG LA MAR NI RNYING PA DANG, ,MKHRIS PA KHA RAR BCAS PA DANG, ,BAD KAN LA NI TSA BA GSUM, ,BSKOL DANG THAL SMAN BCAS PA BLUD, ,DE 'OG KHRAG KYANG DBYUNG BA DANG, ,DE NAS SNUM GYUR BKRU SMAN GTANG, ,ZHES BYA BA LA, RLUNG LAS GYUR PA'I MIG NAD LA NI, ,MAR RNYING PA BTUNG BAR BYA LA, MKHRIS PA LAS GYUR PA LA NI, MAR RNYING PA DE NYID KHA RA DANG BCAS PA BLUD PAR BYA LA, BAD KAN LAS GYUR PA LA NI MAR RNYING PA DE NYID TSA BA GSUM DANG BSKOL CING, THAL SMAN GYI PHYE MA BTAB PA BLUD LA, DE'I RJES LA KHRAG DBYUNG ZHING GTAR GA GDAB PA DANG, DE'I RJES LA YANG SNUM GYI CHO GA BYAS LA BKRU SMAN GTANG BAR BYA'O; ,DRO BAS TSA STE GZER BA LA, ,SKAM SA'I SROG CHAGS SHA BTAGS PAS, ,MGO DANG GDONG BSKU, ZHES BYA BA LA, MIG DRO ZHING TSA BAS GZER BAR GYUR PA LA NI, SKAM SA'I SROG CHAGS KYI SHA ZHIB TU BTAGS PAS MGO DANG GDONG BYUG PAR BYA'O, ,TSA BA LA, 'O
, ,MA MAR BCAS GRANG MOS BSKU, ,ZHES BYA BA LA, GAL TE TSA BAR GYUR NA, 'O MA MAR DANG BCAS PA GRANG MOS MGO BO DANG, GDONG BSKU BAR BYA'O, ,RAB RIB GSO BA'I CHO GA YANG, ,BRTAGS TE JI BZHIN GSO BAR BYA, ,ZHES BYA BA LA, RAB RIB GSO BA'I STOBS LAS KYANG BRTAGS TE DE'I SMAN RAB RIB GSO BA'I SKABS SU JI SKAD BSHAD PA DAG KYANG GTANG BAR BYA'O, ,CHO GA 'DI DAG THAMS CAD NI, ,GDUNG BA LA SOGS RNAMS LA'ANG PHAN, ,ZHES BYA BA LA, SNGAR BSHAD PA'I CHO GA 'DI DAG THAMS CAD NI GDUNG BA LA SOGS PA'I MIG NAD LHAG MA RNAMS LA'ANG PHAN ZHING BSNGAGS PA YIN NO, ,GDUNG BA YONG YE MA ZHI NA, ,SMIN MA'I STENG DU ME BTZA' GDAB, ,CES BYA BA LA, GDUNG BA ZHES BYA BA'I MIG NAD RNAM PA THAMS CAD DU ZHI BAR MA GYUR NA SMIN MA'I STENG DU JI SKAD BSHANG PA'I CHO GAS ME BTZA' GDAB PAR BYA'O, ,BA ZHO SNUM MED KYIS DNGUL SNOD, ,BYUGS TE SNGON POR GYUR PA DANG, ,SKAM NAS ZHO GA CHU RI LUR, ,BYAS PAS RLUNG GYUR MIG NAD 'JOMS, ,ZHES BYA BA LA, BA'I ZHO SNUM MED CING SPRIS MA BSHUS PA'AM, SKYUR POS DNGUL GYI SNOD BYUGS LA DE SNGON POR GYUR CING SKOM PA DANG, BSDUS TE ZHO GA CHUS RI LUR BYAS PAS BSKUS NA RLUNG LAS GYUR PA'I MIG NAD 'JOMS PAR BYED DO, ,DZ'A TI'I ME TOG KHA 'BUS DUNG, ,SHING MNGAR BA LA 'BRAS BU GSUM, ,CHAR CHU DANG BTAGS RI LUR BYAS, ,KHRAG MKHRIS LAS GYUR MIG NAD SEL, ,ZHES BYA BA LA, DZ'A TI ZHES BYA BA SNA MA'I ME TOG KHA 'BUS PA DANG, DUNG LA SOGS PA JI SKAD BSHAD PA BZHIN DU RI LUR BYAS PA'I MIG SMAN GYIS NI KHRAG MKHRIS LAS GYUR PA'I MIG NAD SEL BAR BYED DO, ,RGYAM TSA 'BRAS BU TSA BA GSUM, ,RGYA MTSO'I LBU BA DUNG SNYING PO, ,AE LA BA LU SRA RTZI POG ,RI LUS BAD KAN MIG NAD SEL, ,ZHES BYA BA LA, RGYAM TSA DANG 'BRAS BU GSUM LA SOGS PA'I MIG SMAN GYIS BAD KAN LAS GYUR PA'I MIG NAD GANG DAG YIN PA SEL BAR BYED DO, ,SHING MNGAR BU [?] PUndA R'I KA ,SKYER PA SRANG
NI BRGYAD BRGYAD DAG ,CHU BRE BCU DRUG NANG BSKOL BTZAGS, ,SLAR BSKOL SKA BAR GYUR PA NI, ,RA GAN DUD PA SRANG BCU DANG, ,NA LE SHAM PHYE ZHO GNYIS GZHUG ,DE LA RI LU'AM PHYE MAR BYAS, ,BSKUS NA MCHI 'DZAG THAMS CAD DANG, ,DMAR NA DRUD PA BYED SNYAM 'JOMS, ,'PHRAL DU MIG NI GSAL BAR BYED, ,SBYOR 'DI PHYUGS BDAG CES BYA STE, ,SMAN PA RNAMS KYI GSANG BA MCHOG ,CES BYA BA LA, SHING MNGAR LA SOGS PA JI SKAD BSHAD PA BZHIN DU BSKOL LA BZHI CHA LUS PA DANG BTZAGS TE YANG BSKOL LA, GZAR BU LA CHAGS PA TZAM GYI BAR DU SKA BAR GYUR PA DANG, RA GAN GYI DUD PA LA SOGS PA JI SKAD SMOS PA BZHIN DU BCUG STE, DE'I 'OG TU RI LUR BYAS PA'AM, PHYE MAR BYAS PAS BSKUS NA MCHI MA 'DZAG PA LA SOGS PA 'JOMS PAR BYED PA DANG, 'PHRAL DU DE'I MOD LA MIG GSAL ZHING DANGS PAR BYED PA YIN TE, MIG SMAN GYI SBYOR BA 'DI NI MING PHYUGS BDAG CES BYA STE, SHIN TU GSANG BAR BYED PA YIN NO, ,MIG SMIN SKAM PA MAR BLUD CING, ,'TSO BYED KYI NI SMAN MAR NI, ,BLUD CING MIG NI BRTA BYA DANG, ,TIL MAR CHUNG NGU'I SNA SMAD GTANG, ,ZHES BYA BA LA, MIG SMIN MA SKAM PO'I NAD LA NI MAR BLUD NA PHAN NO, ,DE BZHIN DU 'TSO BYED KYI SDE TSAN DANG BSKOL BA'I SMAN MAR BLUD CING MIG BRTA BA DANG, DE BZHIN DU SMAN MAR DE NYID KYI SMAN GTANG BA DANG, TIL MAR GYI THIGS PA CHUNG NGU'I SNA SMAN GTANG BA'O, ,'DI LA 'O MA RGYAM TSAR BCAS; ,DRO 'JAM THIGS PA BLUGS PA'ANG PHAN, ,ZHES BYA BA LA, MIG SMIN MA SKAM PO 'DI LA 'O MA LA SOGS PA JI SKAD SMOS PA BZHIN BTANG NA YANG PHAN NO, ,BCA' SGA BUD MED NU ZHOR BTAGS, ,MAR SBYAR MIG TU BSKUS NA'ANG PHAN, ,ZHES BYA BA LA LA; [?] YANG NA DE LA BCA' SGA LA SOGS PA'I MIG SMAN BSKUS NA YANG PHAN NO, ,YANG NA RLAN CAN SHA YI ZHAG ,DONG GRA RGYAM TSA CUNG ZAD BTAB, ,CES BYA BA LA, YANG NA RLAN CAN GYI SROG CHAGS KYI SHA'I ZHAG DONG GRA DANG RGYAM TSA CUNG ZAD BSRES PA'I MIG SMAN YANG
, ,PHAN NO, ,SKRA NI MAR BSKUS ME LONG GIS, ,MNYES TE KHAM PHOR KHA SBYOR BCUG ,BSREGS TE LCAGS SNOD MAR DANG BCAS, ,SNAG TSA DE NI MIG SMAN MCHOG ,CES BYA BA LA, MI'I SKRA MAR BSKU BA LA SOGS PA'I SBYOR BA JI SKAD SMOS PA BZHIN DU BYAS PA'I SNAG TSA NI MIG SMIN MA SKAM PO'I MIG SMAN GYI MCHOG YIN NO, ,SKRANGS BCAS CUNG ZAD SKRANGS PA LA, ,SNUM CHOS BYAS TE GTAR GA GDAB, ,SNUM BYAS RGUN 'BRU AA RU RA, ,DUR BYID MAR BCAS BKRU SMAN BTANG, ,ZHES BYA BA LA, MIG GI NANG SKRANGS PA DANG BCAS PA DANG, CUNG ZAD SKRANGS PA LA DANG POR SNUM CHOS BYAS TE DE'I 'OG TU GTAR GA GDAB PA DANG, YANG SNUM CHOS BYAS LA JI SKAD SMOS PA'I BKRU SMAN GTANG BAR BYA'O, ,SENG PHROM DKAR PO MAR LA BRNGOS, ,PHYE MAR BYAS TE RAS LA GTUMS, ,CHU DRON LA MNYES THIGS PA BLUGS, ,GZER 'JOMS PA YI MCHOG YIN NO, ,ZHES BYA BA LA, SENG PHROM JI SKAD SMOS PA'I SBYOR BAS THIGS PA MIG TU BLUGS NA, MIG NAD KYI GZER 'JOMS PAR BYED PA'I DAM PA YIN NO, ,SKYER PA BRA PUndA R'I KA ,BSKOL BA'I THIGS PA BLUGS PAS PHAN, ,ZHES BYA BA LA, YANG NA MIG GZER BA LA SKYER PA 'AM, PRA PUndA R'I KA BSKOL BA'I THIGS PA MIG TU BLUGS NA PHAN NO, ,MCHI 'DZAG NA ZHING DRUD SNYAM BYED, ,SBYAR SMAN 'DI DAG GTANG BAR BYA, ,ZHES BYA BA LA, MCHI MA 'DZAG PA LA SOGS PA LAS 'OG NAS SMOS PA'I SBYAR SMAN 'DI DAG KYANG GTANG BAR BYA'O, ,LCAGS KYI SNOD DU ZANGS MA BA GCIN SBYAR, ,MAR BDUGS MIG BSKUS GZER NI 'JOMS PAR BYED, ,CES BYA BA LA, LCAGS KYI SNOD KYI NANG DU ZANGS MA BA GCIN DANG SBYAR LA MAR GYI DUD PAS BDUGS PA MIG TU BSKUS NA, MIG GZER ZHING NA BA 'JOMS PAR BYED DO, ,ZANGS MA'I SNOD DU BA ZHO'I SPRIS MA BDAR, ,RGYAM TSA PI PI LING DANG BCAS PA MCHOG ,CES BYA BA LA, YANG NA ZANGS MA'I SNOD KYI NANG DU BA'I ZHO DANG BDAR BA DANG RGYAM TSA DANG PI PI LING SBYAR BA'I MIG SMAN NI MIG NA ZHING GZER BA 'JOMS
PAR BYED PA'I MCHOG YIN NO, ,ZANGS MA'I SNOD DU NU ZHO DUNG BDAR LA, ,DONG GA'I LO MA MAR BCAS DUD PAS BDUG ,SBYAR SMAN ZHES BYA MIG TU BSKUS NA NI, ,DRUD SNYAM BYED SOGS MI BZAD NAD MYUR SEL, ,ZHES BYA BA LA, ZANGS MA'I SNOD KYI NANG DU BUD MED KYI NU ZHO DANG BDAR TE, DONG GA'I LO MA MAR GYIS BSKUS PAS BDUGS LA, MIG TU BSKUS PA'I SBYAR SMAN NI DRUD SNYAM DU BYED PA DANG, TSA BA LA SOGS PA'I MIG NAD MI BZAD PA MYUR DU SEL BAR BYED DO, ,AU DUM W'A RA'I 'BRAS BU NI, ,LCAGS SNOD NANG DU NU ZHO BA DANG, ,SHA MA'I LO MA MAR DUNG BDUGS, ,MCHI 'DZAG GZER DMAR DRUD PA 'JOMS, ,ZHES BYA BA LA, AU DUM W'A RA'I 'BRAS BU JI SKAD SMOS PA BZHIN DU BYAS PA'I MIG SMAN YANG SBYAR SMAN ZHES BYA STE, MCHI MA 'DZAG PA LA SOGS PA 'JOMS PAR BYED DO, ,SHI KRU'I LO MA'I KHU BA NI, , ZANGS MA GNYIS KYI BAR DU BDAR, ,MAR DUD BDUGS PAS SKRANGS PA DANG, ,G-YA' DANG MCHI 'DZAG NAD RNAMS 'JOMS, ,ZHES BYA BA LA, SHI KRU ZHES BYA BA, NA LE SHAM DKAR PO BSKOL BA'I KHU BA ZANGS MA'I SNOD GNYIS KHA SBYAR BA'I NANG DU BDAR LA, MAR GYI DUD PAS BDUGS PA YANG SBYAR SMAN ZHES BYA STE, SKRANGS PA LA SOGS PA'I NAD 'JOMS PAR BYED DO, ,TIL GYI CHU DANG KHAR BA NI, ,KHAM PHOR BDAR TE NIM PA YI, ,'O MA MAR BSKOL DUD PAS BDUGS, ,GZER RAM MCHI 'DZAG DRUD SNYAM SEMS, ,ZHES BYA BA LA, TIL GYI CHU DANG, KHAR BA KHAM PHOR GYI NANG DU BDAR TE NIM PA'I LO MA MAR GYIS BSKUS PA'I NANG DU DUD PAS LEGS PAR BDUGS PA'I MIG SMAN YANG SBYAR SMAN ZHES BYA STE, DES BSKUS NA GZER BA NAS DRUD PA SNYAM DU SEMS PA'I MIG NAD SEL LO, ,SBYAR SMAN GYIS NI MIG BSKUS TE, ,SMAN SHUGS ZUG GZER DANG BRAL NAS, ,BUD MED NU ZHO'I THIGS PA BLUGS, ,LAN GSUM PHAN CHAD DE MI BSKU, ,ZHES BYA BA LA, SBYAR SMAN ZHES BYA BA'I SMAN DE DAG GIS MIG BSKUS NAS, SMAN GYIS BSKYED PA'I ZUG GZER GYI RTZOM PA ZHI ZHING BRAL BAR 'GYUR BA DANG, DE'I
, ,'OG TU BUD MED KYI NU ZHO'I THIGS PA'I RGYUN BLUGS PAR BYAS LA, SBYAR SMAN DE DAG GIS LAN GSUM PHAN CHAD NI MIG BSKU BAR MI BYA'O, ,BAL BU'I LO MA PI PI LING, ,RGYA SPOS LCAGS PHYE STANG ZIL DANG, ,DZ'A TI KHA 'BUS NAG TSUR DANG, , RGYAM TSA BA GCIN BTAGS PA YI, ,LDE GUS ZANGS KYI SNOD BSKUS LA, ,ZHAG BDUN BZHAG STE BA GCIN DANG, ,BTAGS TE RI LUR BYAS NAS NI, ,DE 'OG GRIB MA LA BSKAMS TE, ,BUD MED NU ZHO DANG BDAR BSKU, ,DRUD SNYAM BYED DANG MCHI MA 'DZAG ,SKRANG DANG G-YA' BA SEL BAR BYED, ,CES BYA BA LA, BAL BU'I LO MA LA SOGS PA'I SMAN BA GCIN DANG BTAGS PAS ZANGS KYI SNOD LA BSKUS LA, ZHAG BDUN GYI BAR DU BZHAG STE, BKOG LA DE'I 'OG TU BA 'AM RA'I GCIN DANG BTAGS TE RI LUR BYAS LA GRIB MA LA BSKAMS TE, RI LU DE BUD MED KYI NU ZHO DANG BDAR TE, MIG TU BSKUS NA MIG NAD DRUD PA SNYAM DU SEMS PA LA SOGS PA SEL BAR BYED DO, ,KAndA KA RI'I SHUN PA DANG, ,SHING MNGAR ZANGS MA'I PHYE MA NI, ,RA YI 'O MAS LDE GUR BYAS, ,SHA MI SKYU RU RA'I LO MA; ,MAR GYIS BSKUS PA'I DUD PAS BDUGS, ,BSKUS NA SKRANGS DANG GZAR NAD SEL, ,ZHES BYA BA LA, KAndA KA RA'I SHUN PA LA SOGS PA JI SKAD SMOS PA BZHIN DU LDE GUR BYAS PA LA SHA MI DANG SKYU RU RA'I LO MA MAR GYIS BSKUS PA'I DUD PAS BDUGS TE BSKUS NA SKRANGS PA LA SOGS PA'I NAD SEL BAR BYED DO, ,SKYUR GYIS BSKYED LA MKHRIS PA YI, ,MCHI MA 'DZAG PA'I CHO GAS GSO, ,ZHES BYA BA LA, SKYUR GYIS BSKYED PA ZHES BYA BA'I MIG NAD LA NI MKHRIS PA'I MCHI MA 'DZAG PA'I CHO GA JI SKAD SMOS PAS GSO BAR BYA'O, , BAD KAN KHRAG MKHRIS KYIS BSKYED DANG, ,'DUS PAS BSKYED DANG SGRA NGAN DANG, ,RDZI MA 'GAGS DANG MIG SMIN SKAM, ,RNAG GI CHU SER PADMA'I RTZA, ,MIG MCHU'I SHA DANG SKYUR SKYED CUNG, ,MCHI 'DZAG GDUNG BA RLUNG MA GTOGS, ,BCO BRGYAD PO DAG TSAG PAR BSHAD, ,
YUN RING DU NI NA BA YIN, ,ZHES BYA BA LA, BAD KAN GYIS BSKYED PA DANG, KHRAG GIS BSKYED PA DANG, MKHRIS PAS BSKYED PA DANG, 'DUS PAS BSKYED PA DANG, SGRA NGAN DANG, RDZI MA 'GAGS PA DANG, MIG SMIN MA SKAM PO DANG, RNAG GI CHU SER CAN DANG, PADMA'I RTZA BA DANG, MIG MCHU'I SHA DANG, SKYUR GYIS BSKYED PA DANG, CUNG ZAD SKRANGS PA DANG, MKHRIS PA'I MCHI MA 'DZAG PA DANG, KHRAG GI MCHI MA 'DZAG PA DANG, BAD KAN GYI MCHI MA 'DZAG PA DANG, MKHRIS PA'I MIG NAD GDUNG BA DANG, KHRAG GIS GDUNG BA DANG, BAD KAN GYIS GDUNG BA STE, DE LTAR MIG NAD BCO BRGYAD PO DAG NI YUN RING DU NA ZHING GNAS PAR BYED PA YIN ZHING, THAMS CAD KYANG MIG TSAG PAR BSHAD PA YIN NO, ,'DI DAG GSO BA SO SO YI, ,LE'U'I NANG DU BSHAD PA YIN, ,DE'I 'OG MIG TSAG SPYI YI BSHAD, , CES BYA BA LA, MIG TSAG PA 'DI DAG GI GSO BA GANG DAG YIN PA DE SO SO'I LE'U'I NANG DU BSHAD CING BSTAN PA YIN ZHING, RANG RANG GI GANG DAG BSHAD PA YIN LA, DE LAS GZHAN YANG MIG TSAG PA YUN RING DU RJES SU 'BREL CING NA BA'I THUN MONG GI SPYI'I GSO BA DA LTAR 'DIR STON CING 'CHAD PA YIN NO, ,DE NAS MIG TSAG NAD PA NI, ,SNUM [?] CHOS SLON NI BYAS NAS KYANG, ,GTAR GA GDAB CING KHRAG DBYUNG BYA, ,BKRU SMAN BTANG ZHING MIG CHU NI, ,DAG PAR GYUR GYI BAR DU BZHAR, ,ZHES BYA BA LA, DE NAS DE'I 'OG TU MIG TSAG PAR GYUR PA DAG ,DANG BOR SNUM CHOS BYAS LA SKYUG SMAN GTANG ZHING SLON DU BCUG STE, GTAR GA GDAB PA DANG, DE'I 'OG TU SNUM CHOS TE BKRU SMAN BTANG LA, DE'I 'OG MIG GI CHU DAG CING NAD MED PAR GYUR GYI BAR DU BZHAR ZHING ZHAL ZHAL GDAB PA'I SPYAD KYIS BSAL BAR BYA'O, ,SPANGS MA SRANG GCIG NA LE SHAM, ,DKAR PO SRANG NI NYI SHU DANG, ,SKYUR RTZABS SRANG NI SUM CU DAG ,BTAGS TE ZANGS MA'I SNOD DU GZHUG ,LO MANG LON PA'I MIG TSAG PA'AM, ,CHU SER 'DZAG SOGS ZHI BAR BYED, ,GOS DANG TSA DANG MCHI MA 'DZAG ,G-YA' SKRANGS DE BLUGS
, ,PA YIS SEL, ,ZHES BYA BA LA, SPANGS MA SRANG GCIG LA SOGS PA JI SKAD SMOS PA BZHIN DU BTAGS TE ZANGS MA'I SNOD DU BCUG LA DE'I THIGS PA BLUGS NA LO MANG DU LON PA'I MIG TSAG PA'AM CHU SER 'DZAG PA LA SOGS PA ZHI BAR BYED DO, , DE BZHIN DU GOS PA LA SOGS PA'I MIG NAD KYANG DE BLUGS PAS SEL BAR BYED DO, ,BYE'U RUG KA RANYDZA'I SA BON, ,DZ'A TI'I ME TOG KHA 'BUS PA, ,BRDUNGS TE BSKOL LA BTZAGS NAS NI, ,KHU BAR BYAS PA DE DANG NI, ,STANG ZIL DANG SBYAR MIG SMAN NI, ,MIG TSAG G-YA' DANG CHU SER 'DZAG ,G-YA' ZHING 'DRUL BA SEL MCHOG YIN, ,ZHES BYA BA LA, BYE'U RUG BA LA SOGS PA GTUN LA BRDUNGS TE BSKOL LA, RAS GTZANG MAS BTZAGS PA'I KHU BA DANG, STANG ZIL SBYAR BA'I MIG SMAN GYIS NI MIG TSA BA LA SOGS PA SEL BAR BYED DO, ,SKYER PA'I KHAndA SRA RTZI POG ,RA GAN DUD PA LDONG ROS DANG, ,RGYA MTSO'I LBU BA RGYAM TSA DANG, ,NA LE SHAM DANG BTZAG YUG SNAM, ,SBRANG RTZI BTAGS PA'I MIG SMAN NI, ,MIG TSAG 'DRUL G-YA' SEL BAR BYED, ,CES BYA BA LA, SKYER PA'I KHAndA LA SOGS PA SBRANG RTZI DANG ZHIB TU BTAGS PA'I MIG SMAN NI MIG TSAG PA DANG, 'DRUL BA LA SOGS PA SEL BAR BYED PA YIN NO, ,RGYA SPOS AA RU RA'I KHU BAR, ,DNGUL RDO BTAGS PAS MIG TSAG SEL, ,ZHES BYA BA LA, RGYA SPOS DANG AA RU RA BSKOL BA'I KHU BA DANG, DNGUL RDO BTAGS PA'I MIG SMAN GYIS KYANG MIG TSAG PA SEL BAR BYED DO, ,THANG SHING SNUM DANG BCAS PA NI, ,RA GCIN NANG DU SBANGS PA'ANG PHAN, ,ZHES BYA BA LA, THANG SHING SNUM DANG BCAS PAR GCIN GYI NANG DU SBANGS PA'I MIG SMAN YANG MIG TSAG PA LA PHAN NO, ,RGYAM TSA 'BRAS GSUM PI PI LING, ,DUNG GI SNYING PO PU TZE SHEL, ,ZANGS MA'I PHYE MA BCAS RI LU, ,MIG TSAG LING TOG SEL BAR BYED, ,CES BYA BA LA, RGYAM TSA DANG 'BRAS BU GSUM LA SOGS PA ZANGS MA'I PHYE MA DANG BCAS PA RI LUR BYAS PAS KYANG MIG TSAG PA DANG, LING TOG SEL CING 'JIG PAR BYED DO, ,
YANG NA NAG TSUR PHYE MA NI, ,BYE'U RUG PA'I KHU BAR SBANGS, ,ZANGS MA'I SNOD DU ZHAG BCU BZHAG ,DE YIS MIG TSAG CHU SER 'DZAG ,RDZI MA 'BYI BA SEL BAR BYED, ,CES BYA BA LA, NAG TSUR GYI PHYE MA BYE'U RUG PA BSKOL BA'I KHU BAR SPANGS PA ZANGS MA'I SNOD KYI NANG DU ZHAG BCU'I BAR DU BZHAG PA'I MIG SMAN DES NI MIG TSAG PA LA SOGS PA SEL BAR BYED DO, ,LDONG ROS DANG NI SKYER PA'I KHAndA DANG, ,DE MNYAM ZANGS MA'I PHYE MA ZHIB TU BTAGS, ,PHYE MA MIG SMAN THUR MA GCIG GIS KYANG, ,RDZI MA SKYED CING MIG TSAG 'DIS SEL BYED, , CES BYA BA LA, LDONG ROS DANG SKYER PA'I KHAndA CHA MNYAM DU BYAS LA DE GNYIS JI TZAM DU YOD PA DANG, ZANGS MA'I PHYE MA MNYAM DU BYAS PA ZHIB TU BTAGS TE PHYE MA'I MIG SMAN 'DIS BSKUS NA MIG SMAN GYI THUR MA GCIG GIS KYANG MIG TSAG PA'I BA SBU SKYED CING SEL BAR BYED PA YIN NO, ,RGYA SKYEGS BRING GA SKYER PA NI RGUN TI, ,KHU BAR RAS KYI DUM BU LAN BDUN SPANGS, ,SDONG BU MAR ME DE BUS LAS BYUNG BA'I, ,SNAG TSA MIG TSAG SEL BAR BYED MCHOG YIN, ,ZHES BYA BA LA, RGYA SKYEGS LA SOGS PA'I KHU BAR RAS KYI DUM BU DRI MA MED PA BZANG PO LAN BDUN GYI BAR DU SBANGS LA, DE'I SDONG BU MAR DANG BCAS PAR SBYAR BA LAS BYUNG BA'I SNAG TSAS KYANG MIG TSAG PA SEL BAR BYED PA YIN NO, ,MIG MCHU MANG DU ZHAL ZHAL BYA, ,DE BZHIN GTAR GA BYA BA DANG, ,BKRU SMAN YANG YANG BYA BA NI, ,MIG TSAG CAN GYI NAD PAS BSTEN, ,ZHES BYA BA LA, MIG TSAG PA'I NAD PAS NI MIG MCHU ZHAL ZHAL BYA BA LA SOGS PA LAN MANG DU BSTEN PAR BYA'O, ,RNAG GI CHU 'DZAG MA ZHI'I MTHAR, ,THUR MA PHRA MOS BSREG PAR BYA, ,ZHES BYA BA LA, RNAG GI CHU SER 'DZAG PA ZHI BAR MA GYUR NA, DE'I THA MAR THUR MA PHRA MOS BSREG PAR BYA'O, ,DE LTAR MIG NAD DGU BCU BZHI, ,NAD GZHI MTSAN NYID GSO BA DAG ,PHAN TSUN 'DRES PA MED PAR NI, ,MA LUS PAR NI BSHAD PA YIN, ,ZHES BYA BA LA, TSUL DE LTAR NA MIG NAD KYI RGYU DANG, MTSAN NYID DANG, GSO BA'I TSUL GYIS
, ,NAD DGU BCU RTZA BZHIR BSHAD PA YIN LA, DE DAG KYANG PHAN TSUN 'DRES SHING 'DOM PA MED PA'I TSUL GYIS MA LUS PAR BSHAD PA YIN NO, ,SKYES BU NAD MED PA YIS KYANG, ,NAS DANG GRO RNYING DRUG CU PA, ,S'A LU KHRE RGOD RNYING PA DANG, ,MUNGGA LA SOGS BAD MKHRIS 'JOMS, ,ZHUN MAR MANG DU BTAB PA DANG, ,TSOD MA DE 'DRA SKAM SA YI, ,SHA DANG SE'U 'BRU KHA RA DKAR, ,BSTEN ZHING CHAR CHU BTUNG BA DANG, ,GDUGS BCANG LHVAM NI BA GO BA DANG, ,CHO GA BZHIN DU NAD SBYANGS PA, ,RNAM PA KUN TU BSTEN PAR BYA, , ZHES BYA BA LA, SKYES BU NAD MED PA DAG GIS KYANG MIG LA GNOD PA MED CING PHAN PAR 'DOD NA NAS RNYING PA LA SOGS PA RNAM PA THAMS CAD DU BSTEN PAR BYA BA DANG, DE BZHIN DU SRAN MUNGGA LA SOGS PA BAD KAN DANG MKHRIS PA 'JOMS PA'I KHA ZAS MAR MANG DU BTAB PA DANG, TSOD MA DANG BAD KAN DANG MKHRIS PA SEL BA'I MAR MANG DU BTAB PA BSTEN PA DANG, SKAM SA'I SHA DANG, SE'U 'BRU LA SOGS PA NAS, LHVAM BA GO BA'I BAR CHO GA JI LTA BA BZHIN DU RNAM PA THAMS CAD DU BSTEN PAR BYA'O, ,SHUGS BKAG PA DANG MA ZHUR ZA, ,PHYED ZHU ZA DANG RTUG 'GAG ZA, ,TSA DANG PHYI SA 'GAG BYED PA'I, ,ZAS DANG SPYOD LAM SMAN KUN SPANG, ,ZHES BYA BA LA, NAD MED PA'I MIS KYANG, MIG LA PHAN PAR 'DOD NA, SHUGS BKAG PA LA SOGS PA DANG, DE BZHIN DU TSA BA DANG, PHYIS 'GAG PAR BYED PA'I ZAS LA SOGS PA RNAM PA THAMS CAD DU SPANG BAR BYA'O, ,RKANG PA GNYIS KYI DBUS NA RTZA SBOM PO, ,GNYIS GNAS DE YIS MIG NI NANG DU KHYAB, ,DE BSKUS BYUG DANG DRIL BA LA SOGS PA, ,RKANG PAR BYAS NA MIG TU 'GRO BAR 'GYUR, ,ZHES BYA BA LA, RKANG PA GNYIS KYI DBUS NA RTZA SBOM PO GNYIS GNAS LA DES KYANG MIG NANG DU KHYAB PAS NA RTZA DE LA BSKU BA LA SOGS PA BYAS NA MIG TU 'GRO BAR 'GYUR ZHING PHAN PAR 'GYUR BA YIN NO, ,DRI MA TSA DANG SNAD PA LA SOGS PAS, ,DE GNOD GYUR NA MIG LA GNOD PAR 'GYUR, ,DE BAS MIG LA PHAN 'DOD LHVAM
DANG NI, ,BSKU DANG DRIL DANG BYUG PA SOGS BSTEN BYA, ,ZHES BYA BA LA, RTZA DE DRI MA LA SOGS PAS GNOD PAR GYUR NA, MIG LA GNOD PAR 'GYUR LA, DE BAS NA MIG LA PHAN PAR 'DOD PAS RTAG PAR DUS THAMS CAD DU LHVAM BA GO BA DANG, SNUM GYIS BSKU BA DANG, BAG ZAN LA SOGS PAS DRIL BA DANG, SMAN GYI LDE GUS BYUG PA DANG, BSKU BA LA SOGS PA RNAM PA THAMS CAD DU BSTEN PAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U BCU DRUG PA'I RNAM PAR 'GREL PA'O,, ,,DE NAS RNA BA'I NAD KYI DMIGS SHES PA BSHAD PAR BYA'O, ,ZHES BYA BA LA, MIG NAD KYI NGES PA BSHAD NAS RNA BA'I NAD KYI GZHI LA SOGS PA BSHAD PAR BYA BA'I PHYIR LE'U 'DI BRTZAMS PA YIN NO, ,CHAM PAS BTAB DANG CHU LA RTZE, ,RNA BA BRUD PAS RLUNG 'KHRUGS SHING, ,SGRA YI LOG PA'I SBYOR BA DANG, ,LDANG BA'I RGYU GZHAN GYIS 'KHRUGS NAS, ,RNA BA'I RTZAR NI RLUNG ZHUGS TE, ,RNA BA'I BU GAR SHUGS DRAG GZER, ,GZHOGS BYED NA ZHING RENGS PA DANG, ,GRANG BA DAG NI MI 'PHROD CING, , RING NAS RNAGS SHING SMIN NAS KYANG, ,CHU SER CUNG ZAD 'DZAG PAR BYED, ,RGYU MED RNA BA STONG SNYAM SEMS, ,ZHUM DANG RGYAS PA SNYAM DU BYED, ,CES BYA BA LA, CHAM PA LA SOGS PA DANG SGRA YID DU MI 'ONG BA LOG PA'I SBYOR BA THOS PA DANG RLUNG 'KHRUGS PA'I RGYU ZAS DANG SPYOD LAM GZHAN DAG GIS KYANG RLUNG 'KHRUGS PAR GYUR CING, RNA BA'I RTZAR ZHUGS TE RNA BA'I BU GAR SHUGS DRAG TU GZER BAR BYED PA DANG, DE BZHIN DU MGO BO'I GZHOGS PHYED NA BA DANG, RENGS SHING 'GYUR MI SHES BA DANG, GRANG BA LA MNGON PAR MI DGA' BA DANG, YUN RING ZHIG NA SMIN CING RNAGS PA DANG, ,RNA BA'I NAD DE SMIN NAS KYANG, CHU SER CUNG ZAD 'DZAG PAR GYUR PA DANG, RGYU MED CING GZHI MED PAR RNA BA STONG PA SNYAM DU SEMS PA DANG, THANG 'GA' NI ZHUM THANG 'GA' NI RGYAS PA SNYAM DU BYED PA YIN NO, ,MKHRIS GYUR TSA BCAS NA ZHING GZER, ,GRANG
, ,'DOD SKRANG ZHING RIM GYIS 'DEBS, ,MYUR DU SMIN ZHING SMIN NAS KYANG, ,CHU SER SER POR 'DZAG PAR BYED, ,CHU SER DES NI GANG GANG DU, ,REG PA DE DANG DER RNAGS 'GYUR, ,ZHES BYA BA LA, MKHRIS PA RANG GI RGYUS 'KHRUGS PAR GYUR PA LAS RNA BA'I BU GA TSA BA LA SOGS PA DANG LDAN PA DANG, DE MYUR DU SMIN CING RNAGS PA DANG, SMIN NAS CHU SER SER POR 'DZAG PAR BYED PA DANG, CHU SER DE GNAS GANG DANG GANG DU REG PA DE DANG DER RNAGS SHING 'DRUL BAR 'GYUR RO, ,BAD KAN LAS GYUR MGO 'GRAM PA, ,MGRIN PA LCI ZHING NAD SHUGS DAL, ,G-YA' ZHING GRANG LA DRO BA 'DOD, ,SMIN NAS RNAG DKAR SKA BA 'DZAG ,CES BYA BA LA, BAD KAN RANG GI RGYUS 'KHRUGS PAR GYUR PA LAS, RNA BA'I BU GA DANG MGO LA SOGS PA LCI BAR 'GYUR BA DANG, NAD KYI SHUGS DAL ZHING CHUNG BA DANG, G-YA' BA LA SOGS PA MYONG BAR 'GYUR BA YIN NO, ,SNAD LA SOGS PAS GNOD GYUR PA, ,RNA BA GZER BAR BYED PAR 'GYUR, ,KHRAG DANG MKHRIS PA LTAR NA DANG, ,MTSAN NYID CUNG ZAD LHAG PA YIN, ,ZHES BYA BA LA, SNAD PA LA SOGS PAS GNOD PAR GYUR PA NI, RNA BA SHAS CHER GZER BAR BYED PA DANG, KHRAG DANG MKHRIS PA DANG 'DRA BAR NA BAR BYED PA YIN LA, DE LAS KYANG MTSAN NYID CUNG ZAD TZAM GYIS LHAG PAR GYUR PA YIN NO, ,NAD GZHI 'DUS PAS GZER BA DANG, ,SKRANGS BCAS RIMS 'DEBS MI BZAD NA, ,RES KYIS GRANG DANG DRO BA 'DOD, , 'ON PA LTA BU NYID DU 'GYUR, ,SMIN NAS RNAG NI DKAR DANG GNAG ,DMAR DANG SKA BA 'DZAG PAR 'GYUR, ,ZHES BYA BA LA, RLUNG LA SOGS PA'I NAD KYIS RNA BA GZER BA DANG, SKRANGS PA LA SOGS PAR 'GYUR BA DANG, RES KYIS CHED 'GA' GRANG BA DANG, CHED 'GA' DRO BA 'DOD PAR 'GYUR PA DANG, 'ON PA LTA BU SGRA THOS PA MED PAR 'GYUR BA LA SOGS PA YIN NO, ,SGRA THOS RTZAR NI RLUNG ZHUGS PA, ,RGYU MED PAR NI SNA TSOGS PA'I, ,SGRA NI YANG DANG YANG DU THOS, ,DE NI RNA BA'I SGRA ZHES BSHAD, ,CES BYA BA LA, RLUNG SGRA THOS PAR BYED PA'I RTZA'I
NANG DU ZHUGS PAR GYUR NA, RGYU MED PAR SGRA SNA TSOGS PA YANG DANG YANG DU THOS PAR 'GYUR BA YIN TE, NAD DE NI RNA BA'I SGRA ZHES BYA BAR DRANG SRONG RNAMS KYIS BSHAD DO, ,RLUNG NI BAD KAN DANG 'DRES PA'I, ,RNA SGRA YAL BAR BOR NA NI, ,SKAD GSANG MTHON POR SMRAS PA THOS; ,RIM GYIS 'ON PA NYID DU 'GYUR, ,ZHES BYA BA LA, RLUNG RIM GYIS BAD KAN DANG 'DRES PA LAS, SGRA GRAG PA'I NAD YAL BAR BOR ZHING MA GSOS NA SKAD GSANG MTHON POS THOS PAR 'GYUR BA'AM, YANG NA RIM GYIS 'ON PA NYID DU 'GYUR RO, ,RLUNG GIS BAD KAN BSKAMS GYUR PAS, ,DE LA RNA BAR GOS GYUR NA, ,NA ZHING LCI LA 'GAGS GYUR PA, ,DE NI RNA BA 'GAGS ZHES BSHAD, ,CES BYA BA LA, BAD KAN RLUNG GIS BSKAMS PAR GYUR NA, DES RNA BAR GOS SHING CHAGS LA BYUGS PA LTA BUR 'GYUR LA RGYU DES RNA BA NA BA LA SOGS PAR 'GYUR TE NAD DE NI RNA BA 'GAGS PA ZHES BYA'O, ,ZHES SLOB DPON GYIS BSHAD DO, ,BAD KAN LAS NI RNA BA G-YA', ,SKRANG SRA DE YI MING GIS BSHAD, ,CES BYA BA LA, BAD KAN LAS RNA BAR G-YA' BA LA SOGS PA 'BYUNG BAR 'GYUR BA YANG SLOB DPON GYIS DE'I MING GIS BSHAD DE G-YA' ZHING SKRANGS LA SRA BA ZHES BSHAD DO, ,MKHRIS PAS BAD KAN TSIG GYUR PA, ,NAD BCAS PA 'AM NAD MED KYANG, ,RNAG SKA 'DZAG CING MANG DU 'DRUL, ,RNA BA RNAG CAN BYED PAR 'GYUR, ,ZHES BYA BA LA, MKHRIS PAS BAD KAN TSIG PAR BYAS SHING SMIN PA'I GNAS SKABS SU GYUR PA NA, RNA BA RNAG CAN ZHES BYA BA'I NAD DU 'GYUR TE, DE NI NAD DANG BCAS PA LA SOGS PA'I MTSAN NYID DANG LDAN PA YIN NO, ,RLUNG SOGS PA YIS RNA BA'I SHA, ,KHRAG LA GNOD GYUR 'DRUL BAR ZA, ,SRIN BUS BSKYOD CING MI BZOD NA, ,RNA NAD SRIN BU CAN ZHES BYA, ,ZHES BYA BA LA, RLUNG LA SOGS PA'I NAD RANG GI RGYUS BSKYED PA DAG GIS RNA BA'I SHA DANG KHRAG GNYIS LA GNOD PAR BYAS SHING 'DRUL BAR GYUR PA'I DBANG GIS ZA ZHING 'CHA' BAR BYED PA'I SRIN BUS BSKYOD PA NA MI BZAD PAR NA BA'I NAD DE NI MING SRIN BU CAN ZHES BYA'O, ,RNA BA
, ,PHUG PA'I RMA LAS BYUNG, ,RMA NI SNGA MA'I MTSAN NYID CAN, ,KHONG 'BRAS 'GYUR BA'AM, ,ZHES BYA BA LA, RNA BA PHUG PA LAS BYUNG BA'I RMA BYUNG BA'I MTSAN NYID NI, SNGAR BSHAD PA'I NAD GZHI'I SKABS NAS SMOS PA'I MTSAN NYID CAN GYI KHONG 'BRAS SU 'GYUR RO; ,GZHAN DU 'ANG 'GYUR, ZHES BYA BA LA, GZHAN DU'ANG 'GYUR ZHES BYA BA NI, KHONG 'BRAS RLUNG LAS GYUR PA LA SOGS PA GZHAN DAG KYANG, NAD GZHI'I SKABS NAS SNGAR BSHAD PA LTA BUR GYUR PA LAS 'DI NYID NI KHONG 'BRAS KYI DBYE BA TZAM DU ZAD PAS DE'I PHYIR GRANGS SU LOGS SHIG TU MA BGRANGS PA YIN NO, ,THOR BU 'BRUM BU SKRANGS LAS 'BYUNG, ,DE LAS RNA BA RNAGS PA DANG, ,'ON PAR BYED PAS GNOD PAR 'GYUR, ,ZHES BYA BA LA, RNA BA THOR BU DANG 'BRUM BU SKRANGS PA LAS NAD GZHI SO SO DANG 'DUS PA DANG LDAN PA DANG KHRAG LAS GYUR PA RLUNG 'BYUNG BAR 'GYUR LA, THOR BU 'BRUM BU DE LAS RNA BA RNAGS PA LA SOGS PAS GNOD PAR 'GYUR RO, ,DE LTAR NA 'DI LAS THOR BU DANG 'BRUM BU'I RNA BA'I NAD CES BYA BA GNYIS SU 'GYUR RO, ,MNGAL DU RLUNG GIS RNA BA'I SHA, ,ZHUM 'GYUR 'KHUMS PA ZHES BYA'O, ,ZHES BYA BA LA; MNGAL GYI GNAS SKABS SU RLUNG LAS RNA BA'I 'GRAM GYI SHA 'KHUMS SHING 'DUS PAR GYUR PA NI RNA BA 'KHUMS PA ZHES BYA BA YIN NO, ,MNGAL DU SHA MDZER SRAN MED, ,PI PI LING 'DRA MANG PO'ANG GCIG ,NAD MED PI PI LING ZHES BYA, ,ZHES BYA BA LA, MNGAL GYI GNAS SKABS NYID DU SHA'I MDZER PA SRA ZHING NA BA MED PA PI PI LING GI TSAD TZAM MANG PO 'AM GCIG 'BYUNG BA GANG YIN PA DE NI MING PI PI LING ZHES BYA'O, ,'DUS PA LAS GYUR GAS PA NI, ,MDOG 'DRA NA ZHING SRA BA DANG, ,SKRANGS GYUR DE NI MA GSOS NA, ,SMIN NAS YUNGS MAR LTA BUR NI, , 'DZAG CING 'TSO BA DKA' BAR 'GYUR, ,RMA 'TSOBS NAS KYANG NGES PAR NI, ,RNA BA'I SHA NI ZHUM PAR 'GYUR, ,ZHES BYA BA LA, 'DUS PA'I RGYU LAS SKRANGS PA GANG KHA DOG 'DRA BA LA SOGS PAR 'GYUR BA DE NI MING GAS PA ZHES BYA STE, SKRANGS PA DE MA GSOS TE YAL BAR BOR NAS
SMIN CING RNAGS PAR GYUR NA YUNGS MAR LTA BU 'DZAG PA LA SOGS PA'I MTSAN NYID DANG LDAN PA YIN NO, ,RTZA LA GNAS PA'I RLUNG GIS NI, ,RNA SHAL SKAM PA DE MING CAN, ,ZHES BYA BA LA, RLUNG RNA BA'I RTZA NA GNAS SHING RNA RTZA SKAM PAR BYED PA'I NAD DE NI DE'I MING CAN DE RNA SHAL SKAM PA ZHES BYA'O, ,RNA SHAL PI WANG RGYUD LTAR PHRA, ,SRA BRGYUD CAN ZHES BYA'O, ,ZHES BYA BA LA, RLUNG GIS RNA SHAL PI WANG GI RGYUD LTAR SRA ZHING PHRA BAR GYUR PA DE NI MING RGYUD CAN ZHES BYA'O, ,GZHON SHA CAN NI YUN RING DU, ,BTANG SNYOMS BOR NAS 'PHRAL DU BSKYED, ,RNA SHAL SKRANG ZHING NAD BCAS LA, ,DMAR ZHING 'BYAR BAR GYUR PA NI, ,DE NI RLUNG GIS 'BYAR ZHES BYA, ,ZHES BYA BA LA, SHIN TU GZHON SHA CAN GYI RNA BA 'JAM PO YUN RING DU BTANG SNYOMS SU BZHAG NAS, DE'I RJES LA 'PHRAL DU DE'I MOD LA RNA BA'I BU GAR BSKYED CING BRGYANGS PAR GYUR NA RNA SHAL SKRANGS PA DANG, NA BA DANG BCAS SHING DMAR LA SLAR 'BYAR BAR 'GYUR TE, DE NI RLUNG GIS 'BYAR BA ZHES BYA'O, ,GNOD 'GYUR RGYAN LCI KHUR SOGS KYIS, ,KHRAG DANG MKHRIS PA 'KHRUGS GYUR PAS, ,DMAR ZHING TSA NA SMIN PA DANG, ,SKRANG DANG 'BRUM BU 'BRUM PHRAN DANG, ,DMAR ZHING TSA LA RNAGS PA YIN, ,ZHES BYA BA LA, RGYAN LCI BA LA SOGS PA'I RGYUS KHRAG DANG MKHRIS PA 'KHRUGS PAR BYAS PAS DMAR BA LA SOGS PA DANG LDAN PA'I NAD DE NI MING GNOD PAR GYUR PA ZHES BYA'O, ,RLUNG DANG BAD KAN GYIS RNA SHAL, , SKRANG ZHING NAD MED SRA BA DANG, ,BRTAN ZHING MDOG 'DRA G-YA' BA DANG, ,DE NI MNYE BA ZHES BYAR BSHAD, ,CES BYA BA LA, RLUNG DANG BAD KAN GYI RGYUS RNA SHAL SKRANG ZHING, ,SKRANGS PAS KUN TU KHYAB LA, ,NA TSA CHUNG ZHING SRA BA DANG, ,BRTAN PAR BYAS PA LA SOGS PA'I NAD DE NI MNYE BA ZHES BYA BA DANG, GAL LI RI ZHES KYANG BYA'O, ,PHUG NYES RNA BA BRGYANGS PA LAS, ,G-YA' BCAS TSA GRANG SMIN CING NA, ,'DUS PA LAS GYUR SKRANGS PA DE, ,SDUG BSNGAL 'PHEL BYED CES BYA'O, ,ZHES BYA BA LA, RNA BA PHUG PA NYES SHING NANG BRGYANGS DRAGS PA LAS,
, ,G-YA' BA LA SOGS PA'I NAD DU 'GYUR TE, NAD DE'I MING NI SDUG BSNGAL 'PHEL BA ZHES BYA'O, ,BAD KAN KHRAG GYUR SRIN BU PHRA, ,G-YA' ZHING GNAG LA RNAG BCAS PA, ,SRIN BU PHRA MOS BLDAGS ZHES BYA, ,DE MA GSOS NA RNA SHAL BA, ,ZHES BYA BA LA, BAD KAN DANG KHRAG LAS GYUR PA'I SRIN BU PHRA MO G-YA' BA LA SOGS PA DANG BCAS PA NI RNA SHAL BLDAGS PA ZHES BYA STE, DE MA BCOS SHING YAL BAR BOR NA RNA SHAL ZA ZHING BLDAGS PAR 'GYUR RO, ,DE LAS 'DUS GYUR PI PI LING, ,GZER CAN GAS 'KHUMS GSOR MI RUNG, ,RGYUD CAN GCIG PU 'TSO BA TZAM, ,LHAG MA RNAMS NI GSO BAR BYA, ,ZHES BYA BA LA, RNA BA'I NAD 'DI RNAMS KYI NANG NAS PI PI LING ZHES BYA BA DANG, GZER CAN ZHES BYA BA DANG, GAS PA ZHES BYA BA DANG, RNA BA 'KHUMS PA ZHES BYA BA DE NI GSOR MI RUNG NGO, ,RGYUD CAN GCIG PU NI RE ZHIG 'TSO BA TZAM DU GSOR RUNG NGO, ,LHAG MA NYI SHU NI GSOR RUNG BA YIN NO, ,DE LTAR RNA BA'I NAD KYI NI, ,DBYE BA NYI SHU RTZA LNGAR BSHAD, ,CES BYA BA LA, DE LTAR BSHAD MA THAG PA'I TSUL GYIS RNA BA'I NAD KYI DBYE BA NI GRANGS NYI SHU RTZA LNGA YOD DO ZHES SLOB DPON GYIS BSHAD DO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U BCU BDUN PA'I RNAM PAR 'GREL PA'O,, ,,DE NAS RNA BA'I NAD GSO BA BSHAD PAR BYA'O, ,ZHES BYA BA LA, GO RIMS KYIS NA LE'U 'DI BRTZAMS PA YIN NO, ,RLUNG LAS GYUR PA'I RNA NAD LA, ,SHA KHU BLUD CING RLUNG 'JOMS PA'I, ,SMAN BSKOL MAR NI MTSAN MO BLUD, ,CES BYA BA LA, RLUNG LAS GYUR PA'I RNA BA'I NAD LA NI, MTSAN MO NYAL KHAR NAD PA LA SHA KHU BLUD PAR BYA ZHING RLUNG 'JOMS PA'I SMAN RTZA BA BCU PA LA SOGS PA DANG BSKOL PA'I MAR BLUD PAR BYA'O, ,RNA BA DUGS BYAS DE RJES LA, ,AA SHVATTHA DANG AE RAndA, ,BIL BA AARKA'I LO MA DANG, ,TIL MAR
RGYAM TSAR BCAS PA DANG, ,PHUR MA BTZO BA BYAS PA YI, ,KHU BA DRO 'JOM TZAM MAM NI, ,LA PHUG GU GUL RNA BA DGANG, ,ZHES BYA BA LA, RNA BA DANG POR DUGS BYA ZHING SNUM CHOS KYI CHO GA BYAS NAS DE'I RJES LA AA SHVATTHA LA SOGS PA'I LO MA'I SMAN GYI PHUR MA BTZO BA 'AM YANG NA LA PHUG DANG GU GUL BSKOL BA'I KHU BA GANG YANG RUNG BAS RNA BA DGANG BAR BYA'O, ,RLUNG 'JOMS SDE TSAN SKYUR RNAMS DANG, ,GCIN GYI NANG DU SNUM CHEN NI, ,BSKOL BA DE NI RNA BA'I NAD, ,MI BZAD PA YANG MYUR DU SEL, ,ZHES BYA BA LA, RLUNG 'JOMS PA'I SDE TSAN THANG SHING LA SOGS PA DANG, SKYUR TE SKYUR RTZABS DANG, ZHO GA CHU DANG DAR BA LA SOGS PA RNAMS DANG, MA HE DANG BA LANG LA SOGS PA'I GCIN GYI NANG DU SNUM CHEN PO STE, ZHUN MAR DANG TIL MAR DANG RKANG DANG ZHAG CES BYA BA BSKOL BA DES NI RNA BA'I NAD MI BZAD CING BRNAG PAR DKA' BA YANG SEL BAR BYED DO, ,RTZA BA CHEN PO LNGA YI SHING, ,GANG YANG RUNG BA GSO MAS DKRI, ,TIL MAR GYIS BSKUS 'BAR BA'I RTZE, ,SNUM 'DZAG 'PHRAL DU NAD SEL BYED, ,CES BYA BA LA, RTZA BA CHEN PO LNGA'I SHING GANG YANG RUNG BA CIG DANG, DE BZHIN DU SA RA LA ZHES BYA BA'I SHING SOR BCU TZAM LA GSO MAS CHA GSUM DKRIS LA TIL MAR GYIS BSKUS TE 'BAR BA'I RTZE MO LA TSIG PA'I TSE SNUM GANG ZHIG 'DZAG PAR GYUR PA DES NI 'PHRAL DU RNA BA'I NAD SEL ZHING 'JOMS PAR BYED DO, ,DE BZHIN THANG SHING RU RTA DANG, ,SGRON SHING LAS KYANG DE BZHIN BYA, ,ZHES BYA BA LA, DE BZHIN DU THANG SHING LA SOGS PA DAG KYANG SHING SOR BCU TZAM LA GSO MAS DKRI ZHING TIL MAR GYIS BSKUS LA 'BAR BA'I RTZE MO NAS 'DZAG PA'I SNUM GANG ZHIG BYUNG BA DE BSAGS PA DRO 'JOM TZAM DU BLUD NA YANG RNA BA'I NAD 'PHRAL DU SEL BAR BYED DO, ,RLUNG NAD CHAM PA LA BSHAD PA'I, ,GSO BAS 'DIR YANG PHAN PA YIN, ,ZHES BYA BA LA, RLUNG LAS GYUR PA'I CHAM [?] PA LA PHAN PA'I SMAN GANG YIN PA DE 'DIR RLUNG LAS GYUR PA'I RNA BA'I NAD LA YANG PHAN PA YIN NO, ,MGO BO BKRU DANG CHU GRANG BTUNG, ,NYIN MO'ANG YONGS
, ,SU SPANG BAR BYA, ,ZHES BYA BA LA, RNA BA'I NAD DE LA, MGO BO BKRU BA DANG, CHU GRANG BTUNG BA NI NYIN MO YANG SPANG BAR BYA'O, ,MKHRIS GYUR KHAR DKAR POR BCAS, ,MAR GYIS SNUM BYAS BKRU SMAN GTANG, ,ZHES BYA BA LA, MKHRIS PA LAS GYUR PA'I GZER NAD LA NI, KHA RA DKAR PO DANG BCAS PA'I MAR GYIS SNUM GYI CHO GA BYAS PA LA MKHRIS PA SEL BA'I BKRU SMAN GTANG BAR BYA'O, ,RGUN 'BRU SHING MNGAR NU ZHO BSKOL, ,RNA BA BKANG BA'ANG BSNGAGS PA YIN, ,ZHES BYA BA LA, RGUN 'BRU LA SOGS PA'I SBYOR BAS RNA BA BKANG BA YANG MKHRIS PA LAS GYUR PA'I RNA BA GZER BA LA PHAN NO, ,SHING MNGAR TZANDAN 'DUR BA DKAR, ,PU SHEL TZE DANG RAM NYE BA, ,SENG PHROM PADMA'I RTZA BA DANG, ,PADMA'I SDONG BU DZI BA KA ,BTZOD DANG THAL TRES BSKOL BA DANG, ,SHING MNGAR KHU BA BRE GANG DANG, ,'O MA BRE DO BCAS PA DAG ,TIL MAR PHUL GANG BSKOL BA DANG, ,'DI YIS RNAR BLUGS RNA DGANG BSKU, ,YANG NA SBRANG RTZI NYI TSES DGANG, ,GZER DANG TSA DANG NA BA SEL, ,ZHES BYA BA LA, SHING MNGAR LA SOGS PA'I LDE GU DANG, SHING MNGAR BSKOL BA'I KHU BA BRE GANG LA SOGS PA JI SKAD SMOS PA BZHIN DU BSKOL BA TIL MAR 'DI RNA BAR BLUGS PA LA SOGS PA BYAS NA, GZER BA LA SOGS PA SEL BAR 'GYUR RO, ,YANG NA SBRANG RTZI NYI TSES BKANG NA YANG GZER BA LA SOGS PA SEL BAR BYED DO, ,SHING MNGAR LA SOGS MAR DANG BCAS, ,RNA BA KUN TU BYUGS NA 'ANG PHAN [?]; ,ZHES BYA BA LA, SHING MNGAR DANG TZANDAN LA SOGS PA BSHAD MA THAG PA'I SMAN MAR DANG BCAS PA'I LDE GUS RNA BA KUN TU BYUGS SHING BSKUS NA YANG GZER BA LA SOGS PA LA PHAN NO, ,BAD KAN LAS GYUR PI PI LING, ,MAR BSKOL SNUM GYUR SKYUG TU GZHUG ,CES BYA BA LA, BAD KAN LAS GYUR PA'I RNA BA'I GZER LA NI, ,PI PI LING DANG ZHUN MAR BSKOL BA'I SNUM GYI CHO GA BYAS LA SKYUG SMAN BTANG STE SLON DU GZHUG GO, ,BAD KAN SEL BA'I SNA SMAN DANG, ,MKHUR BKANG DUGS DANG DUD PA BRNGUB, ,CES BYA BA LA, BAD KAN LAS GYUR PA'I
RNA BA'I GZER LA NI BAD KAN SEL BA'I SNA SMAN LA SOGS PA BYA'O, ,SGOG SKYA SGE'U GSHER SHI KRU DANG, ,LA PHUG CHU SHING MU RANG GA ,BSKOL BA'I KHU BA DAM PA NI, ,DRO 'JAM RNA BAR BLUGS NA'ANG PHAN, ,ZHES BYA BA LA, SGOG SKYA LA SOGS PA'I KHU BA DRO 'JAM TZAM BLUGS NA YANG MCHOG TU PHAN PA YIN NO, ,AARKA'I MYU GU SKYUR KHUR BTAGS, ,TIL MAR RGYAM TSAR BCAS PA GANG, ,SNU HA'I SHING BU BRUS PAR NI, ,BCUG LA AARKA'I LO MAS G-YOGS, ,PHUR MA BTZOS PA'I TSUL DU BSREGS, ,DE YI KHU BA GZER 'JOMS MCHOG ,CES BYA BA LA, SHING AARKA'I MYU GU RANG SKYUR LA SOGS PA KHU BA SKYUR PO'I NANG DU BTAGS LA JI SKAD SMOS PA'I PHUR MA BTZOS PA'I TSUL DU BSREGS PA'I KHU BA NI GZER 'JOMS PAR BYED PA'I MCHOG YIN NO, ,MA DU LUNG GA'AM KA PID THA'I, ,KHU BAS BKANG BA BYAS NA PHAN, ,ZHES BYA BA LA, YANG NA MA DU LUNG GA'I KHU BA'AM KA PID THA'I KHU BAS RNA BA BKANG NA YANG GZER BA LA PHAN NO, ,YANG NA TSAS BKANG DE RJES LA, ,RGYA MTSO'I LBU BA'I PHYE MAS GDAB, ,CES BYA BA LA, YANG NA RNA BA TSAS BKANG LA DE'I 'OG TU RGYA MTSO'I LBU BA'I PHYE MA BTAB NA'ANG PHAN NO, ,RA LUG GCIN DANG 'OD MA'I SHUN, ,TIL MAR BSKOL BAS BKANG NA PHAN, ,ZHES BYA BA LA, YANG NA RA LUG GI GCIN LA SOGS PA'I SBYOR BA'ANG PHAN NO, ,YANG NA YUNGS MAR SHING KUN DANG, G-YER MA DONG GRA BSKOL BA BLUGS, ,ZHES BYA BA LA, YANG NA YUNGS MAR LA SOGS PA'I SBYOR BA JI SKAD SMOS PA LTAR BTANG NA 'ANG PHAN NO, ,KHRAG GYUR MKHRIS PA LTA BUR GSO, ,GTAR GA MYUR DU GDAB PAR BYA, ,ZHES BYA BA LA, KHRAG LAS GYUR PA'I RNA BA'I NAD LA MKHRIS PA LAS GYUR PA'I RNA BA'I GZER LTAR GSO BAR BYA'O, ,SMIN CING RNA BA KHRAG 'DZAG LA, ,DUD PA MKHUR BKANG SNA SMAN SBYAR, ,SBU GU'I CHO GA DAG DANG NI, ,RMA RED CHO GA GANG YIN BYA, ,ZHES BYA BA LA, RNA BA'I NAD SMIN CING RNAG 'DZAG PAR GYUR NA DUD PA BRNGUB PA LA SOGS PA SBYAR BAR BYA ZHING, DE BZHIN DU SDU GU'I CHO GA JI
, ,SKAD BSHAD PA DAG KYANG SBYAR BAR BYA LA, RMA RED PA'I GSO BA GANG DAG YIN PA DE YANG SBYAR BAR BYA'O, ,GOS PAR YE'US DUS GNYIS SU, ,RNA BA PHYI ZHING DAG PAR BYA, ,GU GUL DUD PAS BDUGS NAS KYANG, ,SBRANG RTZI YIS KYANG DGANG BAR BYA, ,ZHES BYA BA LA, RNA BAR RNAG LA SOGS PA CHAGS SHING GOS PAR GYUR NA, RAS BAL GYI YE'US NYIN RE ZHING DUS GNYIS SU PHYI ZHING DAG PAR BYAS LA, DE'I RJES LA GU GUL GYI DUD PAS BDUGS TE SBRANG RTZIS YONGS SU DGANG BAR BYA'O, ,BYE'U RUG KHU BA BSKOL BA DANG, ,BU RAM KHU BAS BSGOS PA YI, ,RAS BAL YE'U RAB PHRAS BYUG ,DE YI PHYE MA GDAB PAR BYA, ,ZHES BYA BA LA, YANG NA RNA BA RNAG CAN DE BYE'U RUG PA'I KHU BA LA SOGS PAS BSGOS PA'I RAS BAL GYI YE'U PHRA MOS BYUG PAR BYA BA DANG, PHYE MA LA SOGS PA'I SMAN DE DAG ZHIB TU BTAGS PA'I PHYE MAS GDAB PAR BYA'O, ,GZER DANG RNAGS DANG LCI BA LA, ,CHO GA 'DIS NI BZLOG PAR BYA, ,ZHES BYA BA LA, BSHAD MA THAG PA'I CHO GA 'DI NYID NI GZER LA SOGS PA YANG ZLOG PAR BYED PA YIN PAR DRANG SRONG RNAMS KYIS BSHAD DO, ,PRI YANG KU DANG AAMPASHTHA, ,SHING MNGAR DANG NI DA TA KI ,AUTPA LA YI LO MA DANG, ,BTZOD DANG SENG PHROM RGYA SKYEGS DANG, ,KA PID THA YI KHU BA DANG, ,TIL MAR BSKOL TE DE BLUGS NA, ,RNAG 'DZAG PA NI MYUR 'CHAD BYED, CES BYA BA LA, PRI YANG KU LA SOGS PA'I LDE GU DANG, KA PID THA LA SOGS PA BSKOL BA'I TIL MAR DE RNA BAR BLUGS SHING BKANG NA RNAG 'DZAG PA MYUR DU 'CHAD PAR BYED DO, ,SGRA BCAS 'ON PA DAG LA NI, ,RLUNG GI GZER 'JOMS SMAN GTANG BYA, ,ZHES BYA BA LA, RNA BA SGRA DANG BCAS PAS 'ON PAR GYUR PA GNYIS LA NI, RLUNG GI RNA BA'I NAD KYI GZER 'JOMS PAR BSHAD PA'I SMAN GANG DAG YIN PA GTANG BAR BYA'O, ,BAD KAN LAS GYUR BAD KAN NI, ,SLON SMAN SOGS KYIS DANG POR BSAL, ,ZHES BYA BA LA, SGRA DANG BCAS PA DANG 'ON PA BAD KAN LAS GYUR PA DAG LA NI DANG POR SLON SMAN LA SOGS PAS BAD KAN
BSAL BAR BYA'O, ,AE RAndA DANG SHI KRU DANG, ,LA PHUG GZHON NU'I 'O MA DANG, ,KHU BA TIL MAR BZHI 'GYUR DANG, ,LO MA BRGYAD 'GYUR BCAS PA DANG, ,SHING MNGAR RAM NYE BA'I LDE GU, ,BCAS PAR BSKOL BA RNAR BLUGS DANG, ,BSKU DANG RNA BA BKANG BA YIS, ,SGRA BCAS 'ON DANG GZER BA 'JOMS, ,ZHES BYA BA LA, AE RAndA LA SOGS PA'I LO MA BSKOL BA'I KHU BA DANG, TIL MAR DE'I BZHI 'GYUR DANG, LO MA TIL MAR BRGYAD 'GYUR DANG BCAS PA DANG SHING MNGAR DANG RAM NYE BA'I LDE GU BSKOL TE TIL MAR LUS PA RNA BAR BLUGS PA LA SOGS PA BYAS NA SGRA LA SOGS PA DANG BCAS PA'I NAD 'JOMS PAR BYED DO, ,SHING KUN BONG NGA DKAR PO DANG, ,SHU TI SKYER SHUN SVARDZI KA ,TIL MAR TSA DANG BCAS BSKOL BAS, ,BKANG NAG ZER DANG CHU SER 'DZAG ,SGRA BCAS 'ON PA SEL BAR BYED, ,CES BYA BA LA, SHING KUN LA SOGS PA'I LDE GU DANG; TIL MAR GYI BZHI 'GYUR GYI TSA DANG BSKOL BA'I TIL MAR GYIS RNA BA BKANG NA RNA BA GZER BA DANG BCAS PA YANG SEL BAR BYED DO, ,RNA BA SGRA DANG BCAS PA LA, ,YUNGS MAR GYIS NI BKANG NA PHAN, ,ZHES BYA BA LA, RNA BA SGRA ZI ZI PO DANG BCAS PA LA NI, YUNGS MAR BTZIR BA'I MAR GYIS RNA BA GANG BAR BYA'O, ,LA PHUG SKAM PO'I DUM BU YI, ,THAL BA SHING KUN BCA' SGA DANG, ,SHU TI RU RTA SHU DAG DANG, ,THANG SHING SHI KRU SKYER KHAndA, ,YA BAKshA RA RTZABS RU TSA, ,RGYAM TSA RDUL TSA SVARDZI KA ,STAG PA'I TSER MA KHA RU TSA, ,GLA SGANG RGUN TSA BZHI 'GYUR DANG, ,KHA LUNG KHU BA DE DANG 'DRA, ,CHU SHING KHU BA MNYAM BSKOL BA'I, ,TIL MAR BKANG BAS RNA BA'I NAD, ,G-YA' DANG SGRA BCAS 'ON PA DANG, ,SNAG 'DZAG GZER ZHING SRIN BU CAN, ,SHIN TU GSO DKA' THAL SMAN GYI, ,TIL MAR GYIS NI MYUR DU 'JOMS KHA DANG SO YI NAD LA'ANG PHAN, ,ZHES BYA BA LA, LA PHUG SKAM PO'I DUM BU THAL BAR BYAS PA DANG, SHING KUN LA SOGS PA'I SMAN GYI BZHI 'GYUR RGUN TSA DANG, KHA LUNG GI KHU BA BZHI 'GYUR DANG, CHU SHING GI KHU BA BZHI 'GYUR DANG, TIL MAR BSKOL LA RNA BA BKANG NA RNA BA'I NAD
, ,GSO DKA' BA YANG MYUR DU SEL BAR BYED LA, THAL BA'I TIL MAR 'DI NI KHA DANG SO'I NAD LA YANG PHAN ZHING BSNGAGS PA YIN NO, ,DE NAS TSOR BA MED PA LA, ,NYE BA LA NI GTAR GA GDAB, ,CES BYA BA LA, DE NAS RNA BA TSOR BA MED CING BEM BEM POR GYUR NA DE DANG NYE BA LA GTAR GA GDAB CING KHRAG DBYUNG BAR BYA'O, ,SKRANG ZHING RNAGS LA THOS PA NI, ,MI GSAL GYUR LA SKYUG SMAN GTANG, ,ZHES BYA BA LA, RNA BA SKRANG ZHING RNAG 'DZAG PA DANG THOS PA MI GSAL ZHING 'ON PA LA NI SKYUG SMAN BLUD DE SLON DU GZHUG PAR BYA'O, ,BYIS PA RGAN DANG YUN RING DU, ,LON PA'I 'ON PA SPANG BAR BYA, ,ZHES BYA BA LA, BYIS PA'I TSE NAS 'ON PA DANG, RGAS NAS 'ON PA DANG, YUN RING DU 'ON ZHING LO MANG DU LON PA'I 'ON PA LA NI, GSOR MI RUNG BAS SPANG BAR BYA'O, ,SGRA BCAS RNAGS PAR GYUR PA LA, ,SNUM DANG DUGS BYAS DAG PAR BYA, ,RNA BA SBYANGS NAS DE RJES LA, ,RNA BA SBYANGS PA'I TIL MAR DAG ,KHA LUNG KHU BA RGYAM TSA DANG, ,TSA DANG SBRANG RTZIR BCAS PA'ANG BLUGS, ,ZHES BYA BA LA, RNA BA SGRA DANG BCAS SHING RNAGS PAR GYUR PA'I RNA NAD LA NI SNUM DUGS BYAS PAS RNA BA SBYANGS SHING GSHER BAR BYAS LA, DE'I 'OG TU RNA BA'I YE'US SBYANG ZHING DAG PAR BYA'O, ,DE LTAR RNA BA SBYANGS NAS, DE'I RJES LA RNA BA SBYANG BA'I TIL MAR JI SKAD SMOS PAS DGANG BA 'AM, YANG NA KHA LUNG LA SOGS PA'I SMAN RNA BAR BLUGS BAR BYA'O, ,DAG BYAS RTZUB PAR GYUR NA NI, ,MAR GYI NYING KHUS DGANG BAR BYA; ,ZHES BYA BA LA, SBYANG BAS SBYANGS SHING DAG PAR BYAS PAS RNA BA RTZUB PAR GYUR NA, MAR GYI NYING KHUS RNA BA GNYIS BKANG BA PHAN NO, ,RIM 'DI RNA SPABS GANG LA'ANG BYA, ,ZHES BYA BA LA, RNA BA RNA SPABS KYIS GANG BA LA YANG SNGAR BSHAD PA'I RIM PA 'DI NYID PHAN NO, ,G-YA' DANG SKRANG LA RNA SMAN SOGS, ,BAD KAN SEL BAR BYED PA PHAN, ,SKRANG LA TSA DANG DRO BAS BYUG ,CES BYA BA LA, RNA BA G-YA' BA ZHES BYA BA'I RNA NAD LA NI, RNA SMAN DANG, DUD PA BRNGUB PA DANG, BZA' BA DANG BTUNG BA LA SOGS PA BAD KAN SEL BA DAG PHAN NO, ,DE BZHIN DU SKRANG
PA LA YANG RNA SMAN DUD PA BRNGUB PA LA SOGS PAS PHAN NO, ,'DIR SKRANG PA LA NI KHYAD PAR DU TSA BA DANG, DRO BA'I SMAN GYI LDE GUS BYUG PAS PHAN NO, ,RNA BA RNAG 'DZAG 'BU CAN LA, ,RNA BA CHU 'DZAG GSO BAR BYA, ,ZHES BYA BA LA, RNA BA RNAG CAN DANG RNA BA SRIN BU CAN LA NI RNA BA CHU 'DZAG PA'I GSO BA THAMS CAD BYAS NA PHAN NO, ,MCHOG TU RNA NAD SRIN CAN LA, ,YUNGS MAR DRON PO BLUGS PAR BYA, ,ZHES BYA BA LA, RNA NAD SRIN BU CAN LA NI KHYAD PAR DU YUNGS MAR DRON POS DGANG BAR BYA'O, ,RNA BA'I 'BRAS LA KHONG 'BRAS KYI, ,GSO BA DANG NI SKYUG SMAN GTANG, , ZHES BYA BA LA, RNA BA'I KHONG 'BRAS SMIN PA DANG, ,MA SMIN PA LA NI SNGAR BSHAD PA'I KHONG 'BRAS KYI GSO BA JI SKAD BSHAD PA BZHIN BYA ZHING SKYUG SMAN BTANG BAS GSO BAR BYA'O, ,SNAD PA'I KHONG 'BRAS GSO BA NI, ,MKHRIS GYUR RNA GZER GSO BAR BYA, ,ZHES BYA BA LA, SNAD PA'I KHONG 'BRAS LA NI MKHRIS PA LAS GYUR PA'I RNA BA GZER BA'I GSO BA THAMS CAD BYA'O, ,'BRUM PA THOR BU SNA LTAR BYA, ,ZHES BYA BA LA, RNA BA'I 'BRUM BU DANG RNA BA'I THOR BU LA NI SNA'I 'BRUM BU DANG THOR BU LTAR GSO BAR BYA'O, ,RNA BA GAS PA MA SMIN LA, ,RNA BA'I KHONG 'BRAS LTAR GSO ZHING, ,NAD GZHI JI BZHIN LAS KYANG BYA, ,ZHES BYA BA LA, RNA BA GAS PA ZHES BYA BA'I NAD MA SMIN PA LA NI RNA BA'I KHONG 'BRAS KYI GSO BA JI SKAD SMOS PA LTAR BYA ZHING, DE BZHIN DU NAD GZHI JI LTA BU'I TSUL KYANG GSO BAR BYA'O, ,RNA SHAL SKAM LA RLUNG GZER LTAR, ,RNA SMAN BSKU BA LA SOGS BYA, ,DUGS BYA SNYI BAR GYUR PA NA, ,RNA SHAL TIL MAR BSKUS SHING MNYE, ,SHING MNGAR PI LA YA'I SA BON, ,AA SHVA GANDHA NAS BCAS BSKU, ,ZHES BYA BA LA, RNA SHAL SKAM PA ZHES BYA BA'I RNA BA'I NAD LA NI RLUNG LAS GYUR PA'I RNA BA'I GZER LTAR RNA SMAN DANG BSKU BA DANG DUGS LA SOGS PA BYA'O, ,DE LTAR DUGS KYIS SNYI BAR GYUR PA DANG, RNA SHAL TIL MAR GYIS BSKUS LA PI LA YA'I SA BON LA SOGS PA BSKU ZHING MNYE BAR BYA'O, ,DE NAS RGYAS BYED SNUM GYIS NI, ,BSKU BA RTAG TU BSTEN PAR BYA, ,ZHES
, ,BYA BA LA, DE NAS DE'I 'OG TU RNA SHAL MNYES PA'I RJES LA RGYAS PAR BYED PA'I SNUM GYIS RTAG TU BSKU BAR BYA'O, ,NYE'U SHING AA SHVA GANDHA DANG, ,AE RAndA DANG PA YA SYA, ,DZI BA KA DANG 'O MAR BCAS, ,TIL MAR BSKOL BAS BSKU BA NI, ,RNA SHAL RGYAS BYED MCHOG YIN NO, ,ZHES BYA BA LA, NYE'U SHING LA SOGS PA BSKOL BA'I TIL MAR GYIS BSKU BA NI RNA SHAL MCHOG TU RGYAS PAR BYED PA YIN NO, ,'TSO BYED SDE TSAN LDE GU DANG, RLAN CAN SHA NI BSKOL BA DAG ,RNA SHAL 'PHEL ZHING RGYAS BYED YIN, ,ZHES BYA BA LA, 'TSO BYED KYI SDE TSAN GYI LDE GU LA SOGS PA DANG BSKOL BA YANG PHAN NO, ,RNA SHAL RAB ZAD BCAD PAS NI, ,LHAG MA SBYAR LA GSO ZHING BSKYED, ,CES BYA BA LA, RNA SHAL SHIN TU ZAD CING CHAD DU NYE BA LA NI, GTZAGS BUS BCAD LA RNA SHAL LHAG MA SBOM PO DE JI SKAD BSHAD PA'I RIM PA BZHIN DU SBYAR LA, DE'I 'OG TU GSO ZHING BSKYED PAR BYA'O, ,DE BZHIN RGYUD 'DRA 'TSO TZAM BYA, ,ZHES BYA BA LA, TSUL DE BZHIN DU PI WANG GI RGYUD 'DRA BA ZHES BYA BA'I RNA BA'I NAD KYANG 'DI BZHIN DU RE ZHIG MI LA BA TZAM DU GSO BAR BYA'O, ,'BYAR BA ZHES BYA BA'I MIG NAD LA YANG BSHAD MA THAG PA'I CHO GA 'DI NYID BYA'O, ,'BYAR BA LA YANG CHO GA 'DI, ,GNOD GYUR BSIL SMAN BSKU BA DANG, ,SRIN BU PAD PAS KHRAG DBYUNG BYA, ,ZHES BYA BA LA, GNOD PAR GYUR PA ZHES BYA BA'I RNA NAD LA NI BSIL SMAN BSKU ZHING SRIN BU PAD PAS GTAR GA BYA'O, ,'DZAM BU AA MRA'I LO MA DANG, ,BA LA [?] SHING MNGAR SENG PHROM TIL, ,BTZOD DANG AUTPAL KA DAM PA, ,THAL TRES TIL MAR BCAS PA DANG, ,SKYUR RTZABS BCAS PAR BSKOL BA 'DI, ,TIL MAR BSKU BAR BYA BA DANG, ,ME DBAL SKABS BSHAD MAR GYIS BSKU, ,ZHES BYA BA LA, GNOD PAR GYUR PA ZHES BYA BA'I RNA NAD LA NI, 'DZAM BU LA SOGS PA'I LDE GU DANG, TIL MAR DANG DE'I BZHI 'GYUR GYI SKYUR RTZABS DANG BSKOL BA'I TIL MAR BSKUS NA PHAN NO, ,YANG NA ME DBAL GYI SKABS SU BSHAD PA'I SMAN MAR GYIS BSKU BAR BYA'O, ,MNYE BA GO TA KARKA TA, ,ZHAG DANG
BCAS PA'I TIL MAR DANG, T'A LA'I LO MA AARKA DANG, ,AA SHVA GANDHA BYE'U RUG PA, ,SO MA RA DZA 'BRAS BU DANG, ,RGYAM TSA LANG KA LIR BCAS BSKOL, ,TIL MAR BSKU BAR BYA BA DANG, ,RNA SMAN RNON PO GTANG BAR BYA, ,ZHES BYA BA LA, MNYE BA ZHES BYA BA'I RNA BA'I NAD LA NI GO TA DANG, KARKA TA ZHES BYA BA KU TA LI RA GNYIS KYI ZHAG DANG BCAS PA'I TIL MAR LA SOGS PA BSKOL BAS BSKU BAR BYA BA DANG, DE BZHIN DU RNA SMAN RNON PO DAG KYANG GTANG BAR BYA'O, ,DBUG NYES PA LA AA SMAN TA, ,'DZAM BU AA MRA'I LO MA NI, ,BSKOL BA'I KHU BA BLUGS PAR BYA; ,RNA SHAL TIL MAR GYIS BSKU ZHING, ,SHING MNGAR BTZOD DANG STAG TSER BA, ,YUNG BA'I PHYE MA ZHIB PO GDAB, ,RGYA SKYEGS BYI DANG GA BSKOL BA'I, ,TIL MAR GYIS NI BSKUS NA PHAN, ,ZHES BYA BA LA, DBUG NYES PA'I RNA BA'I NAD LA NI, AA SMAN TA KA LA SOGS PA BSKOL BA'I KHU BA BLUGS PAR BYA BA LA SOGS PA'I SBYOR BA BYA'O, ,YANG NA RGYA SKYEGS LA SOGS PA DANG BSKOL BA'I TIL MAR GYIS BSKUS NA DBUG NYES PA'I NAD SDUG BSNGAL 'PHEL BA ZHES BYA BA SEL BAR BYED DO, ,SRIN BUS ZOS LA BA'I LCI BAS, ,LAN MANG DU NI DUGS BYAS LA, , BYI DANG GA YI SNYING PO NI, ,LUG GI GCIN SBYAR LDE GUS BSKU, ,ZHES BYA BA LA, SRIN BUS ZOS PA'I NAD RNA BA LHAGS PA ZHES BYA BA'I NAD LA NI BA'I LCI BAS DUGS BYA BA LA SOGS PA'I SBYOR BA BYA'O, ,DUG MO NYUNG DANG AING GU DANG, KA RANYDZA YI SA BON DANG, ,DANG GA'I SHUN PA'I LDE GUS BSKU, ,ZHES BYA BA LA, YANG NA DUG MO NYUNG LA SOGS PA'I LDE GUS BSKUS NA YANG NAD DE LA PHAN NO, ,YANG NA DE DANG NIM PA YI, ,LO MA NA LE SHAM DANG BCAS, ,SBRANG RTZI'I LDE GUS RMA LA BSKU, ,ZHES BYA BA LA, YANG NA 'BUS BLDAGS PA ZHES BYA BA'I NAD DE LA, SNGAR BSHAD PA'I SMAN DUG MO NYUNG LA SOGS PA DE DAG KUN DANG NIM PA'I LO MA LA SOGS PA'I SMAN LUG GI GCIN DANG SBYAR BA'I LDE GUS BSKU BAR BYA'O, ,RNA BA CHAD LA SBYANG BYAS TE, ,SKYON MED KHRAG DANG DE 'TSAM PA'I, ,BCING BA DAG GIS SBYAR
, ,BAR BYA, ,SBYAR NAS 'PHRAL BCAD SBYANG BAR BYA, ,ZHES BYA BA LA, RNA BA'I NAD KYIS CHAD PA 'AM STOBS KYIS DRANGS TE RNA BA CHAD PA LA SLON DANG KHRUS KYIS SBYANG BA BYAS TE, NAD KYI SLON MED PA'I KHRAG DANG, DE DANG 'TSAM PA'I BCING BA DAG GIS BCINGS TE SBYAR BAR BYA LA, DE LTAR SBYAR NAS NI BCAD MA THAG PA'I DAG PAR BYA BA'I CHO GAS SBYANG BAR BYA'O, ,DE NAS SKRA MTHAR MDUD BYAS TE, ,RNA SHAL BCAD DANG ZHAL ZHAL BYA, ,BCAD PA DANG NI BSRUNG BA BYA, ,MTSAMS NI MNYAM PAR SBYAR BYA ZHING, ,MTHON DMAN MED PA NYID DU BYA, , ZHUN MAR DANG NI SBRANG RTZIS BYUG ,RAS BAL GYIS NI GLAN PA DANG, ,SKUD PAS DAM LHOD RAN PAR BCINGS, ,RMA YI KHRAG NI BCAD PA YI, ,SMAN GYI PHYE MAS GDAB BYA ZHING, ,SPYOD PA DE LA BSTAN PAR BYA, ,ZHES BYA BA LA, DE NAS DE'I RJES LA NAD PA'I SKRA'I THA MA'I MTSAMS SU MDUD PA BYAS LA, RNA SHAL BCAD PA DANG, ZHAL ZHAL BYA BA DAG BYAS NAS RNA BA'I MTSAMS SHIN TU MNYAM ZHING LEGS PAR SBYAR LA, MTHON DMAN MED PA NYID DU BYAS TE BZHAG LA, DE'I 'OG TU ZHUN MAR DANG SBRANG RTZIS BYUGS PA'I RAS BAL GYIS GLAN LA, SKUD PAS SHIN TU DAM PAR YANG MA YIN LA, SHIN TU LHOD PA YANG MA YIN PAR RAN PAR BCINGS LA, KHRAG BCAD PA'I PHYE MA GTAR GA'I SKABS NAS SMOS PA'I PHYE MAS GDAB PAR BYA LA, DE'I 'OG TU RMA LA PHAN ZHING GNOD PA MED PA'I SPYOD PA GANG DAG YIN PA DE LA BSTAN CING BSLAB PAR BYA'O, , ZHAG BDUN NAS NI MA BTZOS PA'I, ,TIL MAR BSKUS LA RAS BAL DGROL, ,LEGS 'BYOR SPU NI SKYES PA DANG, ,MTSAMS 'BYOR MNYAM ZHING BRTAN PA DANG, ,TSAD LDAN NAD NI MED PA DANG, ,RIM GYIS RNA BA SKYED PAR BYED, ,CES BYA BA LA, ZHAG BDUN GYI RJES LA TIL MAR SMAN MA BTZOS PAS BSKUS LA, RAS BAL DAL GYIS BKROL TE, RNA BA LEGS PAR 'BYOR ZHING SPU SKYES PA DANG, MTSAMS 'BYOR ZHING MNYAM PA LA SOGS PA DANG LDAN NAS RIM GYIS RNA BA DE SKYED CING 'PHEL BAR BYED DO, ,NYA LCIBS KHA SRAL PHRE'U DANG, ,BRI HA TI 'BRAS SER PO GNYIS, ,
BA LA HA TI PI PI LING, ,AA SHVA GANDHA YUNGS DKAR SER, ,KO SHA TA KA'I RTZA BA DANG, ,KA RA B'I RA RU SHI KA ,LO MA BDUN PA PI PI LING, ,SA NAG SBRANG MA'I GNAS DANG NI, ,BYE'U CHU SKYES SRIN BU'I SHA, ,DE BZHIN SENG PHROM SDONG BU RNAMS, ,'DI DAG LDE GU TIL MAR BCAS MA HE'I MAR DANG GLANG PO RTA'I, ,GCIN DANG BCAS PAR BSKOL BA NI, ,BSKUS NA RNA BA 'PHEL BYED MCHOG ,CES BYA BA LA, NYA LCIBS LA SOGS PA DANG SBRANG MAS BRTZIGS SHING RANG GI GNAS SU BYAS PA'I SA DANG, BYI'U LA SOGS PA 'DI DAG BTAGS TE LDE GUR BYAS LA TIL MAR DANG BCAS PA'I MA HE'I GCIN LA SOGS PA THAL CHES PA TZAM GYI BAR DU BSKOL BAS BSKUS NA YANG RNA BA 'PHEL BAR BYED PA'I SMAN GYI MCHOG YIN NO, ,DE NAS NA TSOD LDAN PA YI, ,SBYANG BA BYAS NAS RNA CHAD GSO, ,SNA DANG MNYAM PA'I SHA LPAGS NI, ,MKHUR TSOS LAS NI BCAD NAS KYANG, ,RNA DANG NYE BA'I SHA LPAGS NI, ,SRAB MO NYID DU BZHAR BAR BYA, ,DE NAS RAS BAL BCAS PA YI, ,KHAB KYIS MKHUR BA BTZEM PAR BYA, ,ZHES BYA BA LA, DE NAS MI NA TSOD DANG LDAN ZHING GZHON PAR GYUR PA SBYANG BA BYAS NAS RNA BA CHAD PA DE GSO BAR BYA STE, DE YANG NAD PA DE NYID KYI SNA DANG MNYAM PA'I SHING LA SOGS PA'I SHUN PA BCAD LA, DE DANG MNYAM PA'I PAGS PA DANG SHA MKHUR TSOS LAS BCAD DE RNA BA DANG NYE BA'I SHA DANG PAGS PA DE SRAB MOR BYA'O, ,DE NAS RAS BAL GYIS SKUD PA DANG LDAN PA'I KHAB KYIS MKHUR BA NAS MKHUR BAR BTZEMS TE BRTOD PAR BYA'O, ,SNA BCAD MTSON GYIS BZHAR NAS NI, ,MKHUR TSOS LAS BCAD PAGS PA YIS, ,SNA NI LEGS MOR BTZEM PAR BYA, ,KHA YI DBUGS NI DBYUNG BA'I PHYIR, ,SNAR NI SBU GU CAN GZHUG BYA, ,ZHES BYA BA LA, SNA DE BAS DE'I 'OG SNA BCAD PA'I 'PHRO DE MTSON GYIS BZHAR NAS MKHUR TSOS LAS BCAD PA'I PAGS PA RLOG STE, PAGS PA STENG DU PHYUNG LA SNA DANG LEGS PAR BTZEMS LA GLAN NAS LEGS PAR DRUB PAR BYA'O, ,DE NAS KHA'I DBUGS DBYUNG BAR BYA BA'I PHYIR SNA'I NANG DU SBUBS CAN SMYIG MA LA SOGS PA GNYIS GZHUG
, ,PAR BYA'O, ,DE RJES TIL MAR SLON PAR BSKU, ,RMA NI SBRANG RTZIR SBYAR BAS BSKU, ,KHRAG BCAD PA YI SMAN GZHAN YANG, ,ZHIB TU BTAGS PA'I PHYE MAS GDAB, ,DE NAS MAR DANG SBRANG RTZIS BSKU, ,BCINGS LA SPYOD PA BSTAN PAR BYA, ,ZHES BYA BA LA, DE'I 'OG TU TIL MAR SLON PAR BSKUS LA, RMA SHING DANG SBRANG RTZIR SBYAR BAS BSKU BA DANG, ,GZHAN YANG KHRAG BCAD PA'I SMAN ZHIB TU BTAGS PA'I PHYE MAS BSKU BAR BYA'O, ,DE NAS SBRANG RTZIS BSKUS TE RAS MAS DKRIS LA CHU DRON GYIS NYER SPYOD BYA BA LA SOGS PA SPYOD PA BSTAN PAR BYA'O, , DE NAS GNAS SKABS SHES BYAS NAS, ,RMA GSAR GSO BA'I CHO GA BYA, ,ZHES BYA BA LA, DE NAS DE'I 'OG TU GNAS SKABS KYI KHYAD PAR SHES PAR BYAS LA, RMA GSAR PA GSO BA'I CHO GA 'OG NAS BSHAD PA DAG BYA'O, ,RMA 'BYOR SNA YI NYE 'KHOR GYI, ,SHA LHAG LEGS PAR GCAD PAR BYA, ,DE NAS SHIN TU ZHIB TU BTZEM, ,DMA' BA DAG KYANG BSKYED PAR BYA, ,ZHES BYA BA LA, RMA DE 'BYOR NAS SNA'I NYE 'KHOR GYI SHA LHAG GANG DAG YOD PA GCAD PAR BYA'O, ,DE NAS YANG DE BZHIN DU LEGS PAR BTZEMS SHING DMA' BAR GYUR PA NI SHA SKYED PA'I CHO GAS SLAR SHA BSKYED PAR BYA'O, ,BCAD MA THAG LA CI RIGS PAR, ,BZHAG STE CHO GA 'DI NYID BYA, ,ZHES BYA BA LA, 'PHRAL DU SNA BCAD MA THAG PA LA NI CI RIGS PAR SNA DE NYID GLAN TE GSO BA'I CHO GA 'DI NYID BYA'O, ,MCHU BCAD PA LA SBU GU DAG ,MA GTOGS SNA SBYAR BZHIN DU BYA, ,ZHES BYA BA LA, MCHU BCAD PA LA YANG SNA'I NANG DU SBU GU GZHUG PA MA GTOGS PA SNA SBYAR BA'I CHO GA THAMS CAD 'DI NYID LA SBYAR BAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U BCO BRGYAD PA'I RNAM PAR 'GREL PA'O,, ,,DE NAS SNA NAD KYI DMIGS SHES PA BSHAD PAR BYA'O, ,ZHES BYA BA LA, NAM TSONG YAN CHAD KYI NAD BSHAD PA'I SKABS KYIS NA, SNA NAD KYI NAD GZHI LA SOGS PA BSTAN PAR BYA BA'I
PHYIR LE'U 'DI BRTZAMS PA YIN NO, ,BA MO RLUNG DANG RDUL DANG NI, ,SMRA DRAGS GNYID LOG GNYID G-YAR DRAGS, ,SNGAS NI MTHO DANG DMA' DRAGS DANG, CHU GZHAN 'THUNGS PAR GYUR PA DANG, ,CHU MANG 'THUNGS DANG NYAL PO DANG, ,SKYUGS DANG MCHI MA BKAG PA YIS, , RLUNG SHAS CHE BA'I NAD 'KHRUGS NAS, ,SNA NI SRA BA NYID 'GYUR ZHING, ,CHAM PA SKYED PAR BYED PA YIN, ,'PHEL NA ZAD PA SKYED PAR BYED, ,CES BYA BA LA, BA MO LA SOGS PA'I NYES PA LAS, RLUNG SHAS CHE BA'I NAD 'KHRUGS SHING LDANG BAR GYUR NAS, SNA SRA ZHING 'THAS LA RGYAS PAR GYUR PAS, CHAM PA ZHES BYA BA'I NAD SKYED PAR BYED PA YIN NO, ,DE 'PHEL BA NA MA BCOS SHING YAL BAR BOR NA ZAD PA ZHES BYA BA'I NAD SKYED PAR BYED DO, ,DE LA BA MO NI MTSAN MO'I DUS SU NAM MKHA' LAS BAB PA'I CHU GRANG MO BABS PA'O, ,DRAGS PA NI GNYID LOG PA DANG, MA LOG PA GNYIS KA DANG SBYAR RO, ,SNGAS NI MAL GYI MGO BO'I PHYOGS SU BZHAG PA GANG YIN PA'O, ,CHU GZHAN 'THUNGS PA NI SNGAR BSTAN PA DANG MI 'DRA BA'I CHU GZHAN 'THUNGS PA'O, ,GZHAN DAG NI GO BAR ZAD DO, ,DE LA RLUNG GYUR CHAM PA NI, ,KHA SKAM SBRID PA DRAG TU 'BYUNG, ,SNA 'GAGS ZUG CING NA BA DANG, ,MUR 'GRAM SO DANG KLAD PA DANG, ,SMIN MA NAS NI SNA RTZE'I BAR, ,SRIN BU RGYU BA SNYAM DU SEMS, ,SKAD 'GAGS RING NAS SMIN PA DANG, ,MCHIL SNABS GRANG BAR 'DZAG PA YIN, ,ZHES BYA BA LA, DE LA SNA NAD CHAM PA DE DAG GI NANG NAS RLUNG LAS GYUR PA'I CHAM PA NI KHA SKAM PA LA SOGS PA NAS, MCHIL SNABS GRANG MO 'DZAG PAR BYED PA'I BAR YIN NO, ,MKHRIS GYUR SKOM DANG RIMS KYIS 'DEBS, ,MGO 'KHOR SNA NANG 'BRUM PA 'BYUNG, ,RNA RTZE GNAG CING DRO LA RTZUB, ,MCHIL SNA BAS DMAR SER 'DZAG PA YIN, ,ZHES BYA BA LA, MKHRIS PA LAS GYUR PA'I CHAM PA NI, SKOM DAD LA SOGS PA NAS MCHIL MA DANG SNABS RTZUB PA DANG DMAR BA DANG SER BA 'DZAG PA'I BAR YIN NO, ,BAD KAN LUD PA DBUGS MI BDE, ,SLON ZHING LUS LCI YI GA 'CHUS, ,KHA MNGAR
, ,BRO ZHING G-YA' BA DANG, ,MCHIL SNABS SNUM DKAR SKA BA 'DZAG ,CES BYA BA LA, BAD KAN LAS GYUR PA'I CHAM PA NI DBUGS MI BDE BA LA SOGS PA YIN NO, ,'DUS GYUR MTSAN NYID KUN DANG LDAN, ,RGYU MED 'PHEL DANG 'GRIB PAR BYED, ,CES BYA BA LA; NAD GZHI GSUM CHAR 'DUS PA LAS BYUNG BA'I CHAM PA NI, RLUNG DANG, MKHRIS PA DANG, BAD KAN DANG GSUM CHAR GYI MTSAN NYID DANG LDAN PA DANG, DE GLO BUR DU RGYU MED PAR CHED 'GA' NI 'PHEL, CHED 'GA' NI 'BRI BAR BYED PA YIN NO, ,NAD KHRAG SNA YI RTZAR ZHUGS NAS, , CHAM PAS 'DEBS PAR BYED 'GYUR BA, ,BRANG NA TSOR BA MED PA DANG, ,MIG DMAR DBUGS KYI DRI MI ZHIM, ,MIG DANG RNA BA SNA G-YA' ZHING, ,'DI NI MKHRIS GYUR MTSAN NYID LDAN, ,ZHES BYA BA LA, NAD KHRAG LAS GYUR PA'I CHAM PA NI, BRANG TSOR BA MED CING BEM BEM PAR 'DUG PA DANG, MIG DMAR PO LA SOGS PA DANG, MKHRIS PA LAS GYUR PA'I CHAM PA'I MTSAN NYID DANG LDAN PA YIN NO, ,CHAM PA THAMS CAD MA GSOS NA, ,GNOD PA MI BZAD SKYED BYED 'GYUR, ,ZHES BYA BA LA, BSHAD MA THAG PA'I CHAM PA THAMS CAD YAL BAR BOR NA; NAD MI BZAD CING DRAG PO SKYED PAR BYED DO, ,JI SKAD BSHAD PA'I BLA BRNAN NI, ,'PHEL BAS DBANG PO KUN GNOD BYED, ,ME DROD NYAMS NYES DBUGS MI BDE, ,LUD PA BRANG DANG RTZIB LOGS ZUG ,GLO BUR DU NI SHAS CHER 'KHRUGS, ,KHA DRI NGA ZHING SKAM PAR BYED, ,SNA NANG 'DRUL ZHING SKAM PA DANG, ,YANG YANG SNA 'GAGS DAG PAR BYED, SNABS NI RNAG 'DRA DKAR ZHING DMAR, ,DUD PA CAN NI 'DZAG PAR 'GYUR, ,'DI LA SRIN BU SNUM ZHING RING, ,DKAR ZHING PHRA BA 'BYUNG BAR 'GYUR, ,ZHES BYA BA LA, CHAM PAS GNOD CING MA RUNGS PAR GYUR PA DE DI [?] SKAD BSHAD PA'I BLA BRNAN 'PHEL ZHING RGYAS PAS DBANG PO KUN LA GNOD CING GDUNG BAR BYED PA DANG, DE BZHIN DU ME DROD NYAMS PA LA SOGS PA BYED PA DANG, DE BZHIN DU YANG DANG YANG DU SNA 'DRUL BA DANG, SKAM PAR BYED PA DANG, SNA 'GAGS PA DANG DAG PAR YANG DANG YANG DU BYED PA LA
SOGS PA DANG, 'DI LA SRIN BU SNUM PA LAS SKYE ZHING 'BYUNG BAR BYED PA YIN NO, ,DE SMIN MTSAN MA LUS YANG ZHING, ,SBRID PA ZHI BAR GYUR PA DANG, ,SNABS NI SBYIN ZHING SER BA DANG, ,DRI DANG RO NI TSOR BA YIN, ,ZHES BYA BA LA, CHAM PA DE SMIN PAR GYUR PA'I MTSAN MA NI, LUS YANG PAS DRI DANG RO TSOR BA'I BAR YIN NO, ,SNABS SBYIN ZHING SER BA NI SPRA TSIL LTA BUR 'BYUNG BA'O, ,SNAR NI RNON PO BRNGUBS PA DANG, ,NYI 'OD SKUD PA RTZA SOGS DANG, ,RLUNG 'KHRUGS BYED PA GZHAN GYIS KYANG, ,SNA YI MTSUL PAR ZHUGS GYUR PAS, ,BSKYOD DE RLUNG NI 'KHRUGS GYUR PA, , SUM MDOR ZHUGS 'GYUR 'GAGS NAS NI, ,LDOG NAS MI BZAD SBRID PA NI, ,SNABS 'DZAG BCAS PAR SKYED PAR BYED, ,CES BYA BA LA, SNA TSA ZHING DRO BA BRNGUBS PAS RLUNG 'KHRUGS PAR BYED PA DANG, DE BZHIN DU DE DANG 'DRA BA GZHAN GYIS KYANG 'KHRUGS NAS SNA'I MTSUL PA'I RUS PA 'JAM PA GZHON NU BSKYOD CING BSGUL BAS RLUNG 'KHRUGS PAR GYUR LA, DE MTSUL PA'I SUM MDOR ZHUGS PA DANG, RGYU BA 'GAGS TE SLAR LDOG NAS SBRID PA MI BZAD PA SKYED PAR BYED PA STE, DE'I MING NI CHAM PA MA RUNGS PA ZHES BYA'O, ,SNA YI BU GA SKEM BYED CING, ,RLUNG GIS BAD KAN SKYED PAR BYED, ,SNA NANG GRA MAS GANG SNYAM SEMS, ,DBUGS 'BYUNG DKA' BAR GYUR PA DE, ,SNA SKAMS PA ZHES BYA BAR BSHAD, ,SNA RGYAS PA NI 'BYUNG 'GYUR BA, ,SNA NI BKAG PA 'DRAR SEMS SHING, ,RLUNG GIS 'GAG PAR BYED PAR 'GYUR, ,DBUGS 'BYUNG DBUGS RNGUB 'GAGS PA LAS, ,BU GA GDANGS PA LTA BU YIN, ,ZHES BYA BA LA, RLUNG GIS SNA'I BU GA SKAMS TE BAD KAN SKYED PAR BYED PA LA SOGS PA'I NAD DE NI SNA SKAMS PA ZHES BYA'O ZHES DRANG SRONG RNAMS KYIS BSHAD DO, ,SNA RGYAS PA ZHES BYA BA'I SNA NAD NI SNA BUS SHING BRGYANGS PA LTA BUR 'BYUNG BAR 'GYUR BA LA SOGS PA YIN NO, ,MKHRIS PAS SNA KHUNG RNAGS GYUR PA, ,SHA LPAGS TSA ZHING GZER DANG BCAS, ,DE NI SNA YI SHU BAR BSHAD, ,CES BYA BA LA, MKHRIS PA 'PHEL BAS SNA KHUNG GI NANG RNAGS PAR GYUR CING SMIN LA DE'I SHA DANG LPAGS PA TSA BA DANG GZER BA DANG
, ,BCAS PAR 'GYUR TE, NAD DE'I MING NI SNA'I SHU BA ZHES BYA'O, ,BAD KAN LAS GYUR CHU SER NI, ,CHU 'DRA RGYUN DU 'DZAG PA DANG, ,MCHOG TU MTSAN 'DZAG DE MING CAN, ,ZHES BYA BA LA, BAD KAN LAS GYUR PA'I CHU SER NI CHU DANG 'DRA BA RGYUN DU 'DZAG CING, KHYAD PAR DU MTSAN MO 'DZAG PA NI DE'I MING CAN DE SNA CHU 'DZAG PA ZHES BYA'O, ,BAD KAN 'PHEL BAS SNA KHUNG DU, ,BU GA 'GAGS SHING CHAM PA SKYED, ,DBUGS NI NGAR NGAR POR 'BYIN CING, ,CHAM PA LAS KYANG NAD TSABS CHE, ,SNA LAS LUG LTAR RNAG 'DZAG CING, ,RGYUN DU SPYI BAG SER PO DANG, , SMIN MA'I RNAG NI 'DZAG 'GYUR ZHING, ,DE YI SNA NI SNABS BCAS YIN, ,ZHES BYA BA LA, SNA'I NANG DU BAD KAN 'PHEL BAS SNA KHUNG GI BU GA 'GAGS PAR BYAS TE DBUGS NGAR NGAR POR 'BYIN PAR BYED LA, CHAM PA BAS NAD TSABS CHE ZHING LHAG PA DANG SNA'I NANG NAS LUG LTAR RNAG 'DZAG PA DANG, RNAG DE YANG RGYUN DU 'DZAG CING, SPYI BAG LA SOGS PAR 'BYUNG BAR 'GYUR BA STE NAD DE NI LUG GI CHAM PA ZHES BYA'O, ,KHRAG GI SNA NI TSIG SNYAM SEMS, ,PHYI DANG NANG DU REG MI BZOD, ,DU BA LTA BU'I DBUGS 'BYIN PA, ,BSREGS 'DRA DE NI 'BAR BA YIN, ,ZHES BYA BA LA, KHRAG 'KHRUGS PAS SNA'I NANG NAS TSIG PA SNYAM DU SEMS SHING SNA'I NANG DANG, PHYI ROL DU REG MI BZOD PA DANG, DU BA LTA BU 'BYIN PA'I NAD DE NI BSREGS PA DANG 'DRA BA YIN PAS NA SNA NAD 'BAR BA ZHES BYA'O, ,RKAN GYI PHUGS SU NAD 'KHRUGS PAS, ,RLUNG NI KHA DANG SNA NAS 'BYUNG; ,MCHIL SNABS DRI NGA 'BYUNG 'GYUR BA, ,DE NI SNA NAD RUL PA YIN, ,ZHES BYA BA LA, RKAN GYI RTZA BA'I PHUGS SU RLUNG LA SOGS PA'I NAD 'KHRUGS PAS RLUNG KHA DANG SNA NAS RLUNG 'BYUNG ZHING MCHIL SNABS DRI MNAM PA 'BYUNG BA'I NAD DE NI SNA NAD RUL PA ZHES BYA BA YIN NO, ,'DUS PA 'AM SNAD PA LAS GYUR PA'I, ,RNAG DANG KHRAG NI SNA NAS 'DZAG ,MGO BO TSA ZHING NA BYED PA, ,DE NI RNAG KHRAG CAN ZHES BSHAD, ,CES BYA BA LA, SNAD CING RMA BYUNG BA LAS GYUR PA'I RNAG DANG KHRAG 'DRES PA 'DZAG PA LA SOGS PA DE NI MING RNAG KHRAG CAN ZHES BYA'O, ,RLUNG GIS MKHRIS PA
BAD KAN DAG ,SNA NI SKAMS PAR GYUR PA LAS, ,BAD KAN SKAMS TE GONG POR GYUR, ,DE NI BSGONGS PA ZHES BYA'O, ,ZHES BYA BA LA, RLUNG GIS MKHRIS PA DANG BAD KAN SNA'I NANG DU SKAMS SHING, GONG GONG POR GYUR PA DAG NI SNA NAD BSGONGS PA ZHES BYA'O, ,'BRUM BU [?] [?] BU NAD GZHI YI, ,MTSAN NYID CI 'DRA DAG LAS DBYE, ,ZHES BYA BA LA, SNA'I 'BRUM BU DANG, SNA'I THOR BU NI NAD GZHI GSUM GYI MTSAN NYID LAS JI LTA BA BZHIN DU SHES PAR BYA ZHING DBYE BAR BYA'O, ,KUN LAS DBUGS 'BYUNG DKA' BA DANG, ,RGYUN DU CHU 'DZAG SBRID PA 'BYUNG, ,SNA 'GAGS LTA BUR SMRA BA DANG, ,SNA NAS RNAG 'DZAG KLAD PA NA, ,ZHES BYA BA LA, 'BRUM BU DANG THOR BU'I NAD KUN LAS KYANG DBUGS 'BYUNG BAR DKA' BA NAS, KLAD PA NA BA'I BAR GYI NAD 'BYUNG BAR 'GYUR RO, ,DE LTAR RNAM PA BCO BRGYAD LAS, ,CHAM PA MA RUNGS 'TSO BA TZAM, ,ZHES BYA BA LA, TSUL DE LTAR SNA NAD RNAM PA BCO BRGYAD LAS CHAM PA MA RUNGS PA ZHES BYA BA NI RE ZHIG 'TSO BA TZAM DU GSOR RUNG BA YIN LA LHAG MA RNAMS KYANG GSOR RUNG BA NYID YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U BCU DGU PA'I RNAM PAR 'GREL PA'O,, ,,DE NAS SNA NAD GSO BA BSHAD PAR BYA'O, ,ZHES BYA BA LA, GO RIMS SNGA MA'I TSUL GYIS NA LE'U 'DI BRTZAMS PA YIN NO, ,SNA NAD KUN LA DANG POR NI, ,RLUNG MED KHANG PAR 'DUG NAS, NI; ,SNUM CHOS DUGS DANG SKYUG SMAN DANG, DUD PA BRNGUB [?] DANG MKHUR BKANG BSTEN, ,GOS NI LCI ZHING DRO BA BGO, ,MGO BO SHIN TU MTHUG PAS DKRI, ,KHA ZAS YANG SKYUR LAN TSVA SNUM, ,DRO BA DANG NI BSKA BA BZA', ,BU RAM 'O MA SKAM SA'I SHA, ,LAN TSVA TSA BA GSUM SHAS CHE, , NAS DANG GRO NI MANG PO DANG, ,ZHO DANG SE 'BRU'I KHU BA BSTEN, ,ZHES BYA BA LA, SNA NAD CHAM PA THAMS CAD LA NI KHO NAR RLUNG MED PA'I KHANG PAR 'DUG PA DANG, DE BZHIN DU SNUM CHOS LA SOGS PA BSTEN PA DANG, GOS LCI BA BGO BA LA SOGS PA DANG, KHA ZAS YANG ZHING SKYUR BA LA
, ,SOGS PA BZA' BA DANG, BU RAM LA SOGS PA'I BZA' BTUNG BSTEN PAR BYA'O, ,LA PHUG GZHON NU'I KHU BA DANG, ,KU LANGTHA YI KHU BA'ANG BSNGAGS, ,ZHES BYA BA LA, CHAM PA DE DAG LA LA PHUG BSKOL BA'I KHU BA DANG, RGYA SRAN KU LANGTHA BSKOL BA'I KHU BA YANG PHAN PA YIN NO, ,RTZA BCU'I KHU BA DRO 'JAM MAM, ,CHANG SNYING DANGS MA BLUD PAR BYA, ,ZHES BYA BA LA, GAL TE SKOM PAR GYUR NA RTZA BA BCU BSKOL BA'I KHU BA LA SOGS PA BLUD PAR BYA'O, ,TZA RONG AAGNI MANTHA DANG, ,SHU DAG ZIR GO SNYOD SNOM, ,ZHES BYA BA LA, YANG NA TZA RONG ZHES BYA BA SMAN TZOR KA DANG, AAGNI MANTHA LA SOGS PA BTAGS PA'I THUM PO CHAM PA CAN GYIS SNOM PAR BYA'O, ,BAL BU'I LO MA TSA BA GSUM, ,DBYI MO DA TRIG STAR BU DANG, ,ZIR TZI TRA SRANG GNYIS GNYIS, ,SHING TSA GANDHA BHA DRA DANG, ,SUG SMEL ZHO NI GNYIS GNYIS DANG, ,BU RAM RNYING PA SRANG LNGA BCU; ,BSKOL TE RI LUR BYAS PA NI, ,ZOS NA CHAM PA DBUGS MI BDE, ,LUD PA LU BA 'JOMS BYED CING, ,SKAD SNYAN YIG 'BYED MCHOG YIN, ,ZHES BYA BA LA, BAL BU'I LO MA LA SOGS PA JI SKAD SMOS PA'I SBYOR BAS BSKOL TE, DE THAMS CAD LAS RI LUR BYAS PA ZOS NA CHAM PA LA SOGS PA 'JOMS SHING SKAD SNYAN PAR BYED PA DANG, YI GA 'BYED PAR BYED PA'I MCHOG YIN NO, ,SHU TI'I SHUN PA BA LA DANG, ,SO NA KA DANG AE RAndA, ,BIL BA'I RTZA BA DONG GRAR BCAS, ,ZHAG MAR SPRA TSIL DUD PA BRNGUB, ,CES BYA BA LA, SHU TI LA SOGS PA'I SMAN ZHAG DANG MAR DANG SPRA TSIL DANG BSRES PA'I DUD PA BRNGUBS NA YANG CHAM PA LA PHAN NO, ,YANG NA PHYE DANG MAR DANG BCAS, ,KHAM PHOR SBYAR BA'I NANG DU BCUG ,BSREGS PA'I DUD PA BRNGUB PAR BYA, ,ZHES BYA BA LA, YANG NA PHYE DANG MAR SBYAR BA KHAM PHOR NANG DU BCUG PA'I DUD PAS BRNGUBS NA YANG PHAN NO, ,KHRUS DANG MYA NGAN KHRO BA DANG, ,SHAS CHER GNYID LOG CHU GRANG SPANG, ,ZHES BYA BA LA, CHAM PA CAN GYIS SPANG BAR BYA'O, ,DE YAN CHAD NI THAMS CAD SPYI'I GSO BA BSHAD PA YIN NO, ,RLUNG GYUR CHAM PA RLUNG 'JOMS PA'I, ,SMAN NI BSKOL BA'I KHU BA
'AM; ,ZHES BYA BA LA, RLUNG LAS GYUR PA'I CHAM PA LA NI RLUNG 'JOMS PA'I SMAN DANG BSKOL BA'I KHU BA BLUD PAR BYA'O, ,LAN TSVA LNGA NI BSKOL BA 'AM, ,BI DA RI SOGS SDE BSKOL BLUD, ,CES BYA BA LA, YANG NA SMAN GYI KHU BA GNYIS PO 'DI LAS GANG YANG RUNG BA DANG BSKOL BA'I MAR BLUD NA YANG PHAN NO, ,DUGS DANG SNA SMAN LA SOGS BYA, ,GZHOGS PHYED NAR BSHAD GSO BA'ANG BYA, ,ZHES BYA BA LA, YANG NA RLUNG LAS GYUR PA'I CHAM PA LA DUGS LA SOGS PA'AM GZHOGS PHYED NA BA'I GSO BA GANG DAG YIN PA DE BSHAD PAR BYA'O, ,KHRAG MKHRIS LAS GYUR THUG PA NI, ,MAR SAR MNGAR BA'I SMAN BSKOL BLUD, ,CES BYA BA LA, KHRAG DANG MKHRIS PA LAS GYUR PA'I CHAM PA LA NI SMAN MNGAR BA DANG MAR DANG BSKOL BA'I THUG PA BLUD PAR BYA'O, ,SMAN CHU BLUGS SHING BYUG PA DANG, ,NUS BSIL GRANG MO DAG GIS BYA, ,ZHES BYA BA LA, YANG NA KHRAG DANG MKHRIS PA LAS GYUR PA'I CHAM PA LA NI NUS PA BSIL BA'I SMAN BSKOL BA'I CHU GRANG MO BLUGS PA DANG, DE'I LDE GUS BSKU BA LA SOGS PA BYA'O, ,DVA BA'I SHUN PA 'BRAS BU GSUM, ,SHI RI PARnI PRI YANG KU, ,SHING MNGAR SENG PHROM TIL MAR GYI, ,BCU 'GYUR 'O MA SKYER PAR BCAS, ,BSKOL BA'I SNA SMAN GTANG BAR BYA, ,ZHES BYA BA LA, SHING DVA BA LA SOGS PA'I LDE GU DANG, TIL MAR GYI BCU 'GYUR GYI 'O MA DANG SKYER PAR BSKOL BA'I SNA SMAN GTANG BAR BYA'O, ,BAD KAN LAS GYUR SMYUNG BA DANG, ,YUNGS KAR LDE GUS MGO BSKU 'AM, ,ZHES BYA BA LA; BAD KAN LAS GYUR PA'I CHAM PA LA NI SMYUNG BA'AM YUNGS KAR GYI LDE GUS BSKU BAR BYA'O, ,THAL SMAN BCAS PA'I MAR BLUD DE, ,SLON GZHUG CES BYA BA LA, YANG NA BAD KAN LAS GYUR PA'I CHAM PA LA NI THAL SMAN DANG BCAS PA'I MAR BLUD LA DE'I 'OG TU SLON DU GZHUG PAR BYA'O, ,RGYAM TSA TSA BA GSUM, ,BYI DANG GA DANG DUG MO NYUNG, ,ZI RA RA GCIN SBYAR BA YI, ,SNA SMAN DAG NI GTANG BAR BYA, ,ZHES BYA BA LA, RGYAM TSA LA SOGS PA RA'I GCIN DANG SBYAR TE BTZAGS PA'I SNA SMAN BTANG NA YANG BAD KAN LAS GYUR PA'I CHAM PA LA PHAN NO, ,'DUS
, ,GYUR TSA DANG RNO SBYAR BA'I, ,MAR GYI SNA SMAN BLUGS PAS GSO, ,ZHES BYA BA LA, 'DUS PA LAS GYUR PA'I CHAM PA LA NI SMAN TSA BA DANG RNO BA DANG SBYAR BA'I SMAN MAR LA SOGS PAS GSO BAR BYA'O, ,GCONG CHEN SRIN GSO'I RIM GYIS NI, ,CHAM PA MA RUNGS 'TSO TZAM BYA, ,ZHES BYA BA LA, GCONG CHEN PO DANG SRIN BU GSO BA'I RIM GYIS NI, CHAM PA MA RUNGS PA RE ZHIG 'TSO BA TZAM DU BYA'O, ,TSA BA GSUM DANG AE RAndA, ,THANG SHING RU RTA BYI DANG KA ,BONG NGA DKAR PO AINGGU DANG, ,DUR BYID PARTA KA'I SA BON, ,YUNGS KAR NYE'U 'PHRAL RUS PA, ,AAGNI MANTHA'I ME TOG DANG, ,PI LU SHI KRU'I SA BON DANG, ,RTA SBANGS KHU BA GCIN DANG NI, ,GLANG PO'I GCIN DANG GCIG TU SBYAR, ,ZAR MA'I SKUD DKRIS RENG BU YI, ,DUD PA KHA DANG SNA NAS BRNGUB, ,CES BYA BA LA, TSA BA GSUM LA SOGS PA'I SMAN RTA SPANGS BTZIR BA'I KHU BA DANG GCIN DANG GLANG PO CHE'I GCIN DANG GCIG TU SBYAR BA'I RENG BU ZAR MA'I SKUD PAS DKRIS PA'I DUD PA BRNGUB PAR BYA'O, ,SMIN DANG SBRID PA 'BYUNG ZHES PA, ,SNA SMAN RNON PO BUD PAS PHAN, ,ZHES BYA BA LA, SMIN PA ZHES BYA BA DANG SBRID PA 'BYUNG BA ZHES BYA BA'I SNA NAD LA NI SNA SMAN RNON PO'I PHYE MA BUD PAR BYA'O, ,BCA' SGA RU RTA PI PI LING, ,RGUN 'BRU BYI DANG GA'I LDE GU, ,MAR RAM TIL MAR BCAS BSKOL BA'I, ,SNA SMAN SBRID PA RNAGS PA SEL, ,ZHES BYA BA LA, BCA' SGA LA SOGS PA'I LDE GU DANG, MAR RAM TIL MAR BSKOL BA'I SNA SMAN BTANG NA SBRID PA DANG RNAGS PA SEL BAR BYED DO, ,SNA SKAM PA LA BA LA'I MAR, ,BTUNG SOGS SHA KHUR SBYAR BA BZA', ,SNUM GYI DUD PA DUGS KYIS GSO, ,ZHES BYA BA LA, SNA SKAMS PA ZHES BYA BA'I SNA NAD LA NI BA LA'I TIL MAR RLUNG NAD GSO BA'I SKABS SU BSHAD PA BTUNG BA DANG SNA NAS GTANG BA LA SOGS PA BYA BA DANG, DE BZHIN DU SHA KHU DANG SBYAR BA'I KHA ZAS BZA' BA DANG, SNUM GYI DUD PA BRNGUB PA DANG, DUGS BYA BAS GSO BAR BYA'O, ,SNA RGYAS LA YANG CHO GA 'DI'O, ,ZHES BYA BA LA, SNA RGYAS PA ZHES BYA BA'I SNA NAD LA YANG SNA SKAMS PA'I GSO BA 'DI NYID SBYAR BAR BYA'O, ,SNA RNAGS
'BAR LA MKHRIS 'JOMS SMAN, ,CHU 'DZAG SNA SMAN SOGS RNOS BYA, ,ZHES BYA BA LA, SNA RNAGS PA DANG SNA 'BAR BA SNYAM DU SEMS PA'I SNA NAD GNYIS LA NI MKHRIS PA 'JOMS PA'I SMAN BSTEN CING, PHAN TSUN NAS CHU 'DZAG PA'I SNA NAD LA NI SNA SMAN DANG MKHUR BA BKANG BA LA SOGS PA RNON POS BYA'O, ,RNAG CAN LA NI BAD KAN GYI, ,GSO BA DANG NI 'DRA BAR BYA'O, ,ZHES BYA BA LA, SNA NAD RNAG CAN DANG SNA NAD CHAM PA LA NI BAD KAN GYI CHAM PA DANG 'DRA BAR GSO BAR BYA'O, ,RGYA SKYEGS DANG NI KA RANYDZA, ,NA LE SHAM DANG BYI DANG GA ,SHING KUN BU RAM PI PI LING, LUG THUG GCIN SBYAR SNA SMAN NI, ,SLON BYAS 'OG TU GTANG BAR BA, ,ZHES BYA BA LA, SNA NAD RNAG CAN DANG CHAM PA LA NI SLON SMAN BTANG NAS RGYA SKYEGS LA SOGS PA LUG GI GCIN DANG SBYAR BA'I SNA SMAN GTANG BAR BYA'O, ,SHI KRU DAN DA BRI HA TI, ,TSA BA GSUM DANG LCE MYONG TSA, , BYE'U RUG PA DANG BYI DANG GA ,TIL MAR BSKOL BA'I SNA SMAN YANG, ,BTANG NA MCHOG TU PHAN PA YIN, ,ZHES BYA BA LA, SHI KRU ZHES BYA BA NA LE SHAM DKAR PO DANG, DAN DA DANG BRI HA TI'I SA BON TSA BA GSUM LA SOGS PA DANG BCAS PA'I TIL MAR DANG BSKOL BA'I SNA SMAN NI SNA NAD RNAG CAN DANG CHAM PA LA MCHOG TU PHAN PA YIN NO, ,RNAG DANG KHRAG CAN SAR PA NI, ,KHRAG GI CHAM PA LTA BUR GSO, ,ZHES BYA BA LA, RNAG DANG KHRAG CAN GYI SNA NAD SAR PA SKYES MA THAG PA LA NI KHRAG LAS GYUR PA'I CHAM PA LTAR GSO BAR BYA'O, ,SHIN TU 'PHEL LA RMA 'KHYIMS LTAR, ,ZHES BYA BA LA; RNAG DANG KHRAG SHIN TU 'PHEL BA LA NI RMA 'KHYIMS PA LTAR GSO BAR BYA'O, ,'BRUM BU RMEN BU TSA BA LA, ,DAN TI DUR BYID LCE MYONG TSA, ,LDONG ROS DANG NI PI PI LING, ,TZI TRA KA YI LDE GU NI, ,MAR DANG SBRANG RTZIR SBYAR BA YI, ,RENG BU SNAR NI GZHUG PAR BYA, ,ZHES BYA BA LA, SNA'I 'BRUM BU DANG RMEN BU TSA BAR GYUR PA LA NI DAN TI LA SOGS PA'I LDE GU MAR DANG SBRANG RTZI DANG SBYAR BA'I RENG BU SNAR GZHUG PAR BYA'O, ,SHI KRU LA SOGS SNA SMAN YANG, ,RNAG CAN GSO BA'I SKABS SU BSHAD, ,CES BYA BA LA, 'BRUM BU RMEN BU'I SNA NAD 'DI LA NI, ,SHI KRU LA SOGS PA'I
, ,SNA SMAN YANG PHAN PA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U NYI SHU PA'I RNAM PAR 'GREL PA'O,, ,,DE NAS KHA NAD KYI DMIGS SHES PA BSHAD PAR BYA'O, ,ZHES BYA BA LA, STOD KYI YAN LAG YIN PA'I PHYIR, ,GO RIMS KYIS NA KHA NAD KYI NAD GZHI DANG RGYU LA SOGS PA BSTEN PAR BYA BA'I PHYIR LE'U 'DI BRTZAMS PA YIN NO, ,NYA DANG MA HE PHAG GI NI, ,SHA DANG LA PHUG RJEN PA DANG, ,MA SHA'I SRAN TSOD 'O MA ZHO, ,TSA DANG BU RAM SHING KUN DANG, ,BUR BRAN KHA SBUB NYAL BSTEN DANG, ,SO SHING GIS SNAD GOMS PA SPONG, ,DUD PA MKHUR BKANG SKYUGS PA DANG, ,GTAR GA DBUG NI NYES PA YIS, ,BAD KAN SHAS CHE'I NAD 'KHRUGS PAS, ,KHA YI NANG GI NAD SKYED 'GYUR; ,ZHES BYA BA LA, NYA DANG MA HE'I SHA LA SOGS PA ZA ZHING BSTEN PAR BYED PA DANG, KHA SBUB TU NYAL BA DANG, SO SHING GIS SNAD CING MA RUNGS PAR GYUR PA DANG, KHA ZAS GOMS PA LA MI DGA' ZHING SPONG BA DANG, DUD PA BRNGUBS PA LA SOGS PA NYES PAR GYUR PA DAG GIS BAD KAN SHAS CHE BAR GYUR PA'I RLUNG LA SOGS PA'I NAD 'KHRUGS SHING LDANG BAR GYUR NAS KHA'I NANG GI NAD SNA TSOGS PA DAG 'BYUNG BAR 'GYUR RO, ,DE LA RLUNG GIS MCHU GAS 'GYUR, ,MCHU RAL BA YI NAD CES BSHAD, ,CES BYA BA LA, DE LA KHA'I NAD DE DAG GI NANG NAS RLUNG GIS MCHU GANG GAS SHING GNYIS SU BYAS PA DE NI MING MCHU RAL BA ZHES BYA'O ZHES DRANG SRONG RNAMS KYIS BSHAD DO, ,RLUNG GIS MCHU LA GNOD GYUR PA, ,MCHU SRA NAD TSABS CHE BA YIN, ,MCHU 'GAS RDOL BAR 'GYUR BA DANG, ,GNAG CING RTZUB PA MCHU 'KHRUGS YIN, , ZHES BYA BA LA, RLUNG GIS MCHU LA GNOD PAR GYUR PA'I NAD NI MCHU SRA ZHING RGYAS TE SHING LTAR 'DUG PA DANG, SHAS CHER NA BA DANG, MCHU 'GAS SHING ZHIG PA DANG, RDOL ZHING ZAGS PAR 'GYUR BA DANG, MDOG GNAG CING RTZUB PAR GYUR PA NI, ,MCHU 'KHRUGS PA ZHES BYA'O, ,
MKHRIS PAS TSA BA MI BZOD SER, ,'BRUM PHRAN YUNGS KAR 'DRA BAS KHYAB, ,MYUNG SMIN MANG DU RNAGS PA YIN, ,ZHES BYA BA LA, MKHRIS PA LAS GYUR PA'I MCHU NAD TSA BA'I DNGOS PO MI BZOD PA DANG KHA DOG SER BA DANG, YUNGS KAR 'DRA BA'I 'BRUM PHRAN GYIS KUN TU KHYAB CING G-YOGS PA DANG, MYUR DU SMIN CING RNAGS PA DANG, RNAG DANG CHU SER MANG BA DANG LDAN PA NI MKHRIS PAS GNOD PA'I MCHU NAD YIN NO, ,BAD KAN LAS GYUR GRANG BA YIS, ,MI BZOD LCI ZHING SKRANG BA DANG, ,'BRUM PHRAN DKAR POS KHYAB PA YIN, ,ZHES BYA BA LA, BAD KAN LAS GYUR PA'I MCHU NAD LA NI GRANG BAS REG NA MI BZOD PA DANG LCI ZHING SKRANG BA DANG, 'BRUM PHRAN KHA DOG DKAR POS TZEM TZEM POR KHYAB PA YIN NO, ,'DUS GYUR SNA TSOGS PAR SNANG ZHING, ,DRI NGA'I SPYI BAG 'DZAG PA DANG, ,GLO BUR SHAS CHER SKRANG ZHING ZHUM, ,NA DANG MIN [?] RNAG MI SNYOMS, ,ZHES BYA BA LA, 'DUS PA LAS GYUR PA'I MCHU NAD NI MDOG SNA TSOGS PAR SNANG BA DANG, MCHU'I LJAN LJIN DRI MI ZHIM PA DANG, ,SPYI BAG NAL NAL POR 'DZAG PA DANG, GLO BUR DU RGYU MED PAR LAN 'GA' NI SHAS CHER SKRANGS PA DANG, PHYED 'GA' NI ZHUM ZHING SKRANG; LAN 'GA' NI NA, LAN 'GA' NI NA BAR MI BYED PA DANG, RNAG CING SMIN PA MI SNYOMS TE, LAN 'GA' NI MYUR DU SMIN LA, LAN 'GA' NI RING NAS SMIN PA YIN NO, ,KHRAG LAS GYUR PA KHRAG 'DZAG CING, ,KHRAG GI MDOG DANG 'DRA BA DANG, ,'DI LA 'BRA GO LTA BU YI, , KHRAG ZAD CHU BUR 'BYUNG BA YIN, ,ZHES BYA BA LA, KHRAG LAS GYUR PA'I MCHU NAD NI RGYUN DU KHRAG 'DZAG PA DANG KHRAG GI MDOG CAN DU SNANG BA DANG MCHU NAD 'DI LA KHRAG ZAD PAR GYUR PA DANG, CHU BUR 'BRA GO LTA BUR 'PHYANG BA YIN NO, ,SHA GYUR SHA YI GONG PO 'DRA, ,RIM GYIS SRIN BU SKYE ZHING 'GUL, ,ZHES BYA BA LA, SHA LAS GYUR PA'I MCHU NAD NI SHA'I GONG PO 'DRA BAR GYUR PA DANG RIM GYIS SRIN BU SKYE ZHING 'GUL BAR GYUR PA YIN NO, ,TSIL GYUR G-YA' ZHING 'DRUL BA DANG, ,SKRANG 'JAM TIL MAR LTA BUR 'DZAG ,CES BYA BA LA, TSIL GYI GNOD
, ,PA LAS GYUR PA'I MCHU NAD G-YA' ZHING 'DRUL BA DANG, SKRANG ZHING LJAN LJIN DANG CHU SER TIL MAR LTA BUR 'DZAG CING 'JAM POR 'DUG PA YIN NO, ,SNAD PA LAS GYUR GAS PA DANG, ,YANG DANG YANG DU 'BYE 'GYUR LA, ,SLAR YANG 'DRUB PAR 'GYUR BA DANG, ,MCHU NI G-YA' BAR BYED PA YIN, ,ZHES BYA BA LA, SNAD CING RMA BYUNG BA LAS MCHU NAD DU GYUR PA NI, YANG DANG YANG DU GAS PAR 'GYUR BA DANG, YANG DANG YANG DU 'BYE BAR 'GYUR BA DANG, ,SLAR YANG DE LAS 'DRUBS TE RMEN BUR 'GYUR BA DANG, MCHU DE YANG DANG YANG DU G-YA' BAR BYED PA YIN NO, ,RLUNG DANG BAD KAN 'DRES PA LAS, ,CHU YI CHU BUR LTA BUR 'BYUNG, ,ZHES BYA BA LA, RLUNG DANG BAD KAN 'DRES PAR GYUR PA LAS MCHU NAD CHU'I CHU BUR LTA BUR MTHO BA DAG 'BYUNG BA NI, MCHU NAD CHU'I CHU BUR ZHES BYA STE, ,DE LTAR NA MCHU'I NAD BCU GCIG TU BSHAD PA YIN NO, , MKHUR BA'I 'BRAS 'BYED SKRANG ZHING BRTAN, ,MKHUR BA TSA ZHING RIMS DANG BCAS, ,ZHES BYA BA LA, MKHUR TSOS SU SKRANG ZHING BRTAN PA DANG, MKHUR BA TSA BA 'UR 'UR POR GYUR CING RIMS DANG BCAS PA GANG YIN PA DE NI MKHUR BAR 'BRAS 'BYED PA'I NAD CES BYA STE, DE LTAR NA MKHUR BA'I NAD NI GCIG YIN NO, ,RLUNG GYUR SO NAD DRO LA SRED, ,GRANG BAS REG NA LHAG PAR NA, ,GZER ZHING BCAG PA SNYAM DU SEMS, ,GRANG BAS ZHIG PAR DE BSHAD DO, ,ZHES BYA BA LA, RLUNG LAS GYUR PA'I SO'I NAD DRO BA LA SRED CING BSTAN PA BZOD PA DANG, GRANG BAS REG NA LHAG PAR NA ZHING LHANG LHANG POR ZUG PA DANG, DE BZHIN DU GZER BA DANG NA BAS BCAG CING 'BRUL PA SNYAM DU SEMS PA'I SO NAD DE GRANG BAS ZHIG PA ZHES BYA'O, ,RLUNG DANG CHU YIS SO BRTZE BA, ,GRANG DANG SKYUR BA MI BZOD PAR, ,SKYUR BA ZOS PA NYID KYIS 'GYUR, ,NAD BCAS 'GUL PAR BYED PA YIN, ,ZHES BYA BA LA, SO BRTZE BA ZHES BYA BA'I NAD NI RLUNG DANG GRANG BA LA SOGS PA SOS BSTEN PAR MI BZOD PA DANG, NAD DE YANG SKYUR PA ZOS PA NYID LAS GYUR PA DANG DE BZHIN DU NAD DANG BCAS SHING 'GUL BAR BYED PA YIN NO, ,SO GAS SO NI ZEGS PA DANG, ,NA ZHING ZUG LA
G-YO BA YIN, ,ZHES BYA BA LA, SO ZEGS SHING NA BA LA SOGS PA YIN NO, ,SO 'GUL SO NI G-YO BA DANG, ,ZA BA'I TSE NA LHAG PAR NA, ,ZHES BYA BA LA, SO 'GUL BA ZHES BYA BA'I NAD NI SO G-YO ZHING LDEG PA DANG, LHAG PAR YANG ZAS ZA BA'I TSE NA NA BAR GYUR PA YIN NO, ,SO STO SO NI MI SDUG PAR, ,SO RNAMS SKYE BAR 'GYUR BA YIN, ,ZHES BYA BA LA, SO STO ZHING MI SDUG PAR GYUR PA SKYE BAR 'GYUR BA YIN NO, ,SO LHAG SO NI SKYES PA STE, ,DE NI 'PHEL BA ZHES KYANG BSHAD, ,CES BYA BA LA, SO RNAMS LAS GANG LHAG PA'I SO SKYES PAR GYUR PA DE NI, SO LHAG CES BYA BA'I SO NAD YIN TE DE NI SLOB DPON LA LAS DE SO 'PHEL BA'I NAD YIN NO ZHES ZER RO, ,SKYE BAR 'GYUR BA'I TSE NA NI, ,NA ZHING SKYES NAS DE ZHI BYED, ,CES BYA BA LA, SO LHAG DE SKYE BAR 'GYUR BA'I TSE NA NI SHIN TU NA BAR 'GYUR LA, DE SKYES ZIN NAS NI ZHI BAR 'GYUR BA YIN NO, ,MA BKRUS SO YI DRI MA 'AM, ,BAD KAN RLUNG GIS SKAMS PA LAS, ,DRI NGA BRTAN GYUR SO DREG YIN, ,ZHES BYA BA LA, KHA MA SBYANGS SHING MA BKRUS LA SO SHING LA SOGS PAS DAG PAR MA BYAS PA'I SO'I DRI MA GANG DAG YOD PA DE RLUNG GIS SKAM PAR BYAS PA LAS SO DREG DRI MI ZHIM ZHING BRTAN PAR CHAGS PA'I NAD DE NI MING SO DREG CES BYA'O, ,DE NI YAL BAR BOR BA LAS, ,SO NI DUM BUR ZEGS GYUR PA, ,GRUGS SHING SO NI GOGS PA YIN, ,ZHES BYA BA LA, DE NYID YAL BAR BOR NA SO NAD KHAR LTA BU ZHES BYA BA 'BYUNG NGO, ,YANG GANG GIS SO DUM BUR DUM BUR YANG DANG YANG GOGS PA DE NI DUM BUR GOGS PA'I SO NAD CES BYA'O, ,KHRAG DANG MKHRIS PA RLUNG GIS SO, ,SNGON POR GYUR PA SO SNGON YIN, ,ZHES BYA BA LA, SO KHRAG DANG MKHRIS PA DANG, ,RLUNG GI NAD ZHUGS PAR GYUR PAS SO'I MDOG SNGON POR GYUR PA NI SO SNGON GYI NAD CES BYA'O, ,NAD KYI RLUNG NI SHAS CHER 'GYUR, ,RTZA BAR BCAS PA'I SO LA BRTEN, ,SO DBUS SKAMS TE STONG PAR BYAS, ,SO NI ZAS KYI DRI MAS GANG, ,RUL BAS SRIN BU PHRA MO NI, ,SKYE BAR 'GYUR TE DE 'OG TU, ,RGYU MED BRNAG DKA' LDANG DUB CAN, ,SBOM CHE GNAS LA SHAS CHER NA, ,BCAD PA 'DRAR
, ,SNANG RNAG KHRAG 'DZAG ,DE NI SO SRIN CAN ZHES BYA, ,ZHES BYA BA LA, RLUNG LA SOGS PA'I NAD KYI TSOGS RLUNG GI SHAS CHE ZHING RGYAS PAR GYUR BA RTZA BA DANG BCAS PA'I SO LA BRTEN CING GNAS PAS SO'I DBUS SKAMS PAR GYUR PA LAS SO DE'I NANG KHONG STONG DU BYAS LA; KHONG STONG GI SO DER ZAS KYI DRI MAS GANG BDE RUL BAR GYUR PA DANG, SRIN BU'I RIGS PHRA MO SKYE BAR 'GYUR LA DE'I 'OG TU NAD PA DE LA RGYU MED PAR SO'I NAD CHED 'GA' 'BYUNG ZHING CHED 'GA' ZHI BA'I LDANG DUB CAN DU 'BYUNG BA DANG, NAD KUN 'BYUNG BA DANG NAD KUN G-YO ZHING BSKYOD PA DANG, MDOG GNAG PA DANG, SHAS CHER NA BA DANG, SO BCAD PA LTA BUR SNANG BA DANG, RNAG DANG KHRAG GI TSOGS 'DZAG PAR GYUR PA'I NAD DE NI SO SRIN BU CAN GYI NAD CES BSHAD DO, ,DE LTAR NA SO'I NAD NI GRANGS BCUR BSHAD PA YIN NO, ,BAD KAN DANG NI KHRAG GIS RNYIL, ,RNAGS SHING RUL PAR GYUR PA DANG, ,MNYEN LA ZAGS SHING GNAG PA DE, ,GRANG BAS NYEN PA YIN PAR BSHAD, ,CES BYA BA LA, BAD KAN DANG KHRAG GI NAD DE G-YOS PAR GYUR PAS RNYIL RNAGS SHING DRING BAR GYUR LA, RUL ZHING 'DRUL LA RGYU MED PAR KHRAG RGYUN DU 'DZAG PA DANG, DE MNYEN ZHING 'JAM PA DANG, KHRAG ZAGS PAR GYUR PA DANG, MDOG GNAG PAR GYUR PA DE NI RNYIL NAD GRANG BAS NYEN PA ZHES BYA BAR BSHAD DO, ,KHRAG MKHRIS RNAGS PA LAS BYUNG BA, ,RNYIL NI TSA BAR BYED PA DANG, ,KHRAG GIS SKRANGS PA MTHO BA DANG, ,G-YA' ZHING KHRAG NI 'DZAG PA DANG; ,KHRAG CHAD NAS NI RGYAS PAR 'GYUR, ,SO NA 'GUL ZHING NAD TSABS CHUNG, ,KHA DRI MNAM 'GYUR NYER BDAR YIN, ,ZHES BYA BA LA, KHRAG DANG MKHRIS PA LAS GYUR PA'I RNYIL GYI NAD NYE BAR BDAR BA ZHES BYA BA NI RNYIL TSA BA 'UR 'UR POS KHYAB PAR GYUR PA DANG, DE BZHIN DU KHRAG LAS GYUR PA'I SKRANGS PA DE MTHON POR 'GYUR BA DANG, DE BZHIN DU KHRAG 'DZAG PA DANG, SHAS CHER G-YA' BA DANG, DE BZHIN DU KHRAG DE CHAD CING 'KHYIL BAR GYUR PA NA NI RNYIL GYI SHA DE RGYAS PAR 'GYUR BA DANG, SO NA ZHING 'GUL BAR 'GYUR BA DANG, NAD TSABS CUNG ZAD CHUNG BAR 'GYUR BA DANG,
KHA'I NANG DRI MI ZHIM ZHING MNAM PAR 'GYUR BA'I RNYIL GYI NAD DE NI NYE BAR BDAR BA'I NAD CES BYA'O, ,SO NI GNYIS SAM GSUM THAD KAR, BAD KAN LAS GYUR RGYA SHUG TZAM, ,SKRANGS PA SRA ZHING MI BZAD NA, ,MYUR DU SMIN PA SO 'BUD YIN, ,ZHES BYA BA LA, SO GNYIS SAM GSUM GYI THAD KAR BAD KAN 'KHRUGS PAR GYUR PA LAS RGYA SHUG GI TSI GU TZAM DU SKRANG ZHING SRA BA DANG, SKRANGS PA DE MI BZAD PAR NA ZHING MYUR DU SMIN PAR 'GYUR BA DE NI SO'I SHA 'BUR BA ZHES BYA BA'I NAD CES BYA'O, ,RNYIL NI NAD BCAS KHRAG GIS NI, ,PHYI DANG NANG DU SKRANG ZHING LCI, ,NA ZHING TSA LA GAS PA LAS, ,RNAG KHRAG 'DZAG SO'I KHONG 'BRAS YIN, ,ZHES BYA BA LA, RLUNG LA SOGS PA'I NAD DANG BCAS PA'I KHRAG GIS RNYIL GYI SHA PHYI DANG NANG DU SKRANGS PA DANG, LCI BAR 'DUG PA DANG, NA ZHING TSA BA 'UR 'UR POR GNAS PA DANG, DE GAS PAR GYUR PA LAS RNAG DANG KHRAG 'DZAG PAR GYUR PA NI SO'I KHONG 'BRAS ZHES BYA'O, ,SO RTZAR KHRAG MKHRIS LAS GYUR NA, ,SKRANG ZHING NAD DANG BCAS PA DANG, ,KHA CHU 'DZAG CING RNYIL 'DRUL BA, ,KHONG STONG GI NI NAD CES BYA, ,ZHES BYA BA LA, SO RNAMS KYI RTZA BAR KHRAG DANG MKHRIS PA LAS GYUR PA'I NAD SKRANGS PA DANG, KHA CHU 'DZAG PA LA SOGS PA NI KHONG STONG GI NAD CES BYA'O, ,'DUS PA LAS GYUR RIMS DANG BCAS, ,RNAG DANG BCAS PA'I KHRAG 'DZAG LA, ,SO YI SBREL MTSAMS ZHIG PA NI, ,KHONG STONG CHEN PO ZHES BSHAD DO, ,ZHES BYA BA LA, SKRANGS PA DE NYID 'DUS PA'I NAD LAS GYUR CING SKRANGS PA DANG, RIMS KYIS 'DEBS PA DANG, DE BZHIN DU RNAGS DANG BCAS PA LA SOGS PA'I MTSAN NYID DANG LDAN PA NI, MING KHONG STONG CHEN PO ZHES BYA'O ZHES DRANG SRONG CHEN PO RNAMS KYIS BSHAD DO, ,BAD KAN GYIS NI SO YI MTHAR, ,SHA MDZER LTAR SKRANG 'GRAM PA DANG; ,RNA BA NA BYED SPYOD LAM NYAMS, ,DE NI SHA LHAG CES BYAR BSHAD, ,CES BYA BA LA, BAD KAN 'KHRUGS PAR GYUR PAS SHA'I MDZER PA LTA BU'I SKRANGS PA 'BYUNG BAR 'GYUR ZHING, DES 'GRAM PA DANG RNA BA NA BAR BYED PA, RANG GI SPYOD LAM KHA ZAS ZA BA NYAMS PAR BYED PA'I NAD DE NI
, ,SHA LHAG SKYES PA 'AM, SHA'I RMEN BU ZHES BYA BAR BSHAD DO, ,RNYIL NI BDAR BAR GYUR PA LAS, ,NAD TSABS CHEN POR 'BYUNG 'GYUR ZHING, ,GANG ZHIG SO NI 'GUL GYUR PA, ,DE NI SNAD PA LAS BYUNG YIN, ,ZHES BYA BA LA, SO SHING LA SOGS PAS BDAR CING BRUD PAR GYUR PA LAS SHAS CHER NA BA LA SOGS PAR GYUR PA'I NAD DE NI SO SNAD PA LAS BYUNG BA ZHES BYA'O, ,RNYIL LA BRTEN PAR BYED PA'I NAD, ,GSOR RUNG YAL BAR BOR BA GANG, ,NANG DU DE NI NAD 'DZAG PAS, ,DES NI RGYUN LAM PHRA BA SKYED, ,DE NI YANG YANG RNAG 'DZAG CING, , PAGS PA SHA DANG RUS PA 'BIGS, ,ZHES BYA BA LA, MI GANG GI RNYIL LA BRTEN PA LA NI NAD GSOR RUNG ZHING BCOS SU 'DOD PA GANG YIN PA DAG YAL BAR BOR BAR GYUR NA NAD DE'I SKYON NANG DU 'DZAG PAS DE'I NANG GI RGYUN LAM GYI BU GA PHRA MO BSKYED LA BU GA DE LAS YANG DANG YANG DU RNAG 'DZAG CING PAGS PA DANG SHA DANG RUS PA 'BIGS PAR BYED DO, ,DE YANG RANG RANG MTSAN NYID NI, ,JI SKAD BSHAD PAS LNGAR SHES BYA, ,ZHES BYA BA LA, PHRA MOR 'BIGS PA'I NAD DE YANG NAD RANG RANG GI MTSAN NYID KYIS RNAM PA LNGAR 'GYUR BA YIN PAR SHES PAR BYA'O, ,DE LTAR NA RNYIL GYI NAD NI BCU GSUM DU SHES PAR BYA'O, ,LCE NI SHA KHA'I LO LTAR RTZUB, ,TSOR BA MED GAS RLUNG GNOD YIN, ,ZHES BYA BA LA, RLUNG GI NAD KYIS GNOD PAR GYUR PA'I LCE'I NAD NI, SHING SHA KHA ZHES BYA BA'I LO MA LTAR REG NA RTZUB PA DANG, TSOR BA MED CING BEM BEM POR 'DUG PA DANG, KHA MANG DU GAS PA YIN NO, ,MKHRIS PAS TSA ZHING NAD BCAS 'GYUR, ,MDZER PA DMAR POS KHYAB PA YIN, ,ZHES BYA BA LA, MKHRIS PAS GNOD PAR GYUR PA'I LCE NI TSA BA 'UR 'UR POR 'DUG PA DANG, NAD DANG BCAS PA YIN LA, DE BZHIN DU MDZER PA DMAR POS KHYAB PAR GYUR PA YIN NO, ,BAD KAN LAS GYUR SHAL MA LI'I, ,TSER MAS KHYAB GYUR LCI ZHING MTHUG ,CES BYA BA LA, BAD KAN GYIS GNOD PAR GYUR PA'I LCE NI SHAL MA LI'I TSER MA 'DRA BA'I SHA'I MDZER PAS KHYAB PAR GYUR PA DANG, RANG BZHIN LCI ZHING MTHUG PAR
GYUR PA YIN NO, ,BAD KAN MKHRIS PAS 'OG TU SKRANG, ,MTHO ZHING GYONG BAR BYED PA DANG, ,SMIN NA NYA YI DRI 'DRA LA, ,SHA 'DRUL CHU SER CAN ZHES BYA, ,ZHES BYA BA LA, BAD KAN DANG MKHRIS PA LAS GYUR PA'I NAD KYIS 'OG TU SKRANG ZHING MTHO BA DANG, DE NYID KYIS NI LCE GYONG ZHING SRAB PAR BYED PA DANG; SMIN CING RNAGS PAR GYUR NA NYA RUL BA'I DRI 'DRA LA, LCE'I SHA 'DRUL CING ZHIGS PA DE NI LCE NAD CHU SER CAN ZHES BYA'O, ,LCE RTZA'I 'OG DANG 'BREL PA NI, ,SKRANG ZHING LCE YI RTZE MO 'DRA, ,MDZER PA BYUNG ZHING KHA CHU 'DZAG ,LCE NI RINGS SHING RTZUB PA DANG, ,G-YA' DANG NAD BCAS TSIG MI THON, ,ZA BAR MI NUS LCE LHAG YIN, ,ZHES BYA BA LA, LCE'I PHUGS KYI RTZA'I 'OG DANG 'BREL PA DE SKRANG ZHING LCE'I RTZE MO 'DRA BA'I MDZER PA BYUNG BA DANG, KHA CHU DANG KHRAG 'DZAG PA DANG, ,LCE RENGS SHING GYONG BA DANG, KHA ZAS ZA MI NUS PA DE NI MING LCE LHAG CES BYA BA YIN NO, , DE DANG 'DRA BA LCE STENG NA, ,GNAS PA NYE BA'I LCE ZHES BYA, ,ZHES BYA BA LA, BSHAD MA THAG PA'I MTSAN NYID DANG 'DRA BA'I SKRANGS PA'I NAD LCE'I STENG NA GNAS PA NI NYE BA'I LCE ZHES BYA BA'I MING 'DIS BSHAD PA YIN NO, ,DE LTAR NA LCE'I NAD NI DRUG YOD PA YIN NO, ,RLUNG 'KHRUGS PA NI RKAN GYI SHAR, ,'BRUM PHRAN SRA ZHING NAD BCAS 'GYUR, ,MANG ZHING MTHUG LA 'DZAG PAR BCAS, ,RKAN GYI 'BRUM PHRAN ZHES DE BSHAD, ,CES BYA BA LA, RLUNG GI NAD 'KHRUGS PAS RKAN GYI SHA LA GNOD PAR GYUR NA 'BRUM PHRAN SRA ZHING NA BA DANG BCAS PA DANG, MANG BA DANG; MTHUG CING 'BRUM BU 'DUS PA DANG, CHU SER 'DZAG PA DANG BCAS PAR 'BYUNG STE, 'BRUM BU DE NI MING BAD KAN GYI 'BRUM PHRAN ZHES BYA'O ZHES DRANG SRONG RNAMS KYIS BSHAD DO, ,BAD KAN KHRAG GIS RKAN PHUGS SU, ,NYA YI LGANG PA 'DRA ZHING 'JAM, ,'PHYANG ZHING SKRANGS LA SPYI BAG CAN, ,KHA ZAS SNA NAS 'BYUNG BAR BYED, ,LKOG 'GAGS SKOM DAD LUD PA DANG, ,SLON BYED LKOG MA'I SHA LHAG YIN, ,ZHES BYA BA LA, BAD KAN KHRAG DANG 'DRES PAS RKAN GYI PHUGS SU NYA'I LGANG PA 'DRA BA 'JAM ZHING RAB TU 'PHYANG LA SPYI [?] BAG CAN CU
, ,SKRANGS PA DANG, DE'I DBANG GIS KHA ZAS SNA NAS 'BYUNG BAR BYED PA DANG, LKOG MA 'GAGS PA LA SOGS PA SKYED PAR BYED DO, ,NAD DE NI LKOG MA'I SHA LHAG CES BYA BA YIN NO, ,RKAN GYI DBUS SU NAD MED SHA, ,'DUS PA RKAN 'DUS ZHES BYA'O, ,ZHES BYA BA LA, RKAN GYI DBUS KYI PHYOGS SU SHA 'DUS SHING SBUNGS PA NAD MED PAR SKYES PA GANG YIN PA DE NI MING RKAN 'DUS PA ZHES BYA'O, ,RKAN GYI DBUS SU PADMA 'DRA, ,KHRAG LAS SKYES PA CHU BUR YIN, ,ZHES BYA BA LA, RKAN GYI DBUS KYI PHYOGS SU PADMA 'DRA BAR SKRANGS BA KHRAG LAS SKYES PA'I NAD GANG YIN PA DE NI MING CHU BUR ZHES BYA'O, ,BAD KAN 'KHRUGS PAS RING NAS 'PHEL, ,NAD MED RUS SBAL 'DRA ZHES BYA, ,ZHES BYA BA LA, BAD KAN 'KHRUGS PAR GYUR PA LAS SKRANGS PA'I NAD GANG YANG YUN RING ZHIG NAS 'PHEL BA GANG YIN PA DE NI MING RUS SBAL 'DRA BA ZHES BYA'O, ,BAD KAN TSIL GYIS RGYA SRAN 'DRA, ,NAD MED BRTAN PA 'BUR BA YIN, ,ZHES BYA BA LA, BAD KAN DANG TSIL 'PHEL BAR GYUR PA LAS SKRANG NAD GANG RGYA SRAN GYI DBYIBS 'DRA ZHING YUN RING DU GNAS PAR 'BYUNG BA GANG YIN PA DE NI MING 'BUR BA ZHES BYA'O, ,MKHRIS PAS RNAGS PA SMIN ZHES BYA, ,RNAG 'DZAG NAD DKYEL CHE BA YIN, ,ZHES BYA BA LA, MKHRIS PA 'KHRUGS PAS RKAN GYI NANG DU RNAGS PAR GYUR PA NI SMIN PA ZHES BYA'O, ,DE NI RNAG 'DZAG PA DANG NAD KYI DKYEL CHE BA YIN NO, ,RLUNG MKHRIS LAS GYUR TSA NYON MONGS, ,RKAN SKAM DE YI MING CAN YIN, ,ZHES BYA BA LA, RLUNG DANG MKHRIS PA LAS GYUR PA'I RKAN GYI NAD TSA ZHING SKRANGS PA DE SHAS CHER SDUG BSNGAL BA DANG, RKAN GYI PHYOGS SKAM PA GANG YIN PA DE NI DE'I MING CAN TE RKAN SKAM PA ZHES BYA'O, ,DE LTAR NA RKAN GYI NAD RNAM PA BRGYAD YIN NO, ,LCE DANG 'BREL PA LKOG MA'I NAD, ,SHA YI MYU GU MYUR 'PHEL ZHING, ,MI BZAD LAM NI 'GOG BYED PA, ,,MYUR GSOD BYED PA GAG PA YIN, ,ZHES BYA BA LA, LKOG MA'I PHYOGS SU LCE DANG 'BREL CING LCE RTZA LAS BYUNG BA LKOG MA'I NANG SHA'I MYU GU LTA BU'I SHA LHAG SKYE ZHING 'PHEL BAR BYED LA, MI BZAD
CING BRNAG PAR DKA' BA LKOG MA'I LAM 'GOG PAR BYED PA MYUR DU GSOD CING 'JOMS PAR BYED PA GANG YIN PA DE NI MING GAG PA ZHES BYA'O, ,DE NI RLUNG GYUR LKOG MA KHA, ,SKAM BYED 'GRAM PA RNA NAD SKYED, ,CES BYA BA LA, GAG PA DE RLUNG LAS GYUR PA LA NI LKOG MA DANG KHA SKAM PAR BYED PA DANG, 'GRAM PA DANG RNA BA'I NAD SKYED PAR BYED PA YIN NO, ,MKHRIS PAS RIMS SKOM RMONGS BAG CAN, ,LKOG 'GAGS DUD PAS BDUGS SNYAM SEMS, ,MYUR SMIN MYUR DU 'PHEL BA DANG, ,DMAR ZHING REG NA MI BZOD BYED, ,CES BYA BA LA, MKHRIS PA LAS GYUR PA'I GAG PA NI RIMS DANG SKOM DAD LA SOGS PA DANG LDAN PAR 'GYUR ZHING LKOG MA 'GAGS PA LA SOGS PA'I MTSAN NYID CAN YIN NO, ,BAD KAN GYIS DKAR 'BYAR BAG CAN, ,ZHES BYA BA LA, BAD KAN LAS GYUR PA'I GAG PA'I MTSAN NYID NI DKAR ZHING MA DOG SKYA BA DANG SBYIN ZHING 'BYAR BAG CAN DU 'DUG PA YIN NO, ,KHRAG GYUR 'BRUM BUS KHYAB PA DANG, ,ME MA DAG 'DRA ZHING RNA NAD SKYED, ,MKHRIS PA LAS GYUR MTSAN NYID MTSUNGS, ,ZHES BYA BA LA, KHRAG 'KHRUGS PA LAS GYUR PA'I GAG PA NI 'BRUM BU PHRA MOS KHYAB PA DANG, ME MDAG DANG REG PA'I TSUL 'DRA BA 'AM MDOG 'DRA BA DANG, RNA BA GNYIS NA BAR BYED PA DANG, MKHRIS PA LAS GYUR PA'I GAG PA'I MTSAN NYID DANG MTHUN PA YIN PAR SHES PAR BYA'O, ,'DUS GYUR RNAG PHUGS GTING RING ZHING, ,MTSAN MA KUN DANG LDAN PA YIN, ,ZHES BYA BA LA, NAD GZHI GSUM 'DUS PA LAS GYUR PA'I GAG PA NI RNAG PHUGS GTING RING ZHING ZAB STE MI MNGON PA DANG, RLUNG LA SOGS PA'I MTSAN MA THAMS CAD DANG LDAN PA YIN NO, ,BAD KAN SHAS CHER SKANGS PA DANG, ,RMEN BU RGYA SHUG 'DRA ZHING MTHO, ,GRA MA TSER MAS GANG SNYAM BYED, ,LAM 'GAG BYED PA RTZA BA YIN, ,ZHES BYA BA LA, RLUNG LA SOGS PA'I NAD LAS BAD KAN SHAS CHE BAR GYUR PAS NI, LKOG MA'I PHYOGS SKRANGS PA DANG, ,RMEN BU SHA KHYUD RGYA SHUG GI DBYIBS 'DRA ZHING MTHO BA SKYE BA DANG, GRA MA'AM TSER MAS NANG DU GANG BA SNYAM BYED PA DANG,
, ,LKOG MA'I NGOS NA 'GAG PAR BYED PA NI, MING PADMA 'AM, KU MU DA'I RTZA BA 'DRA BA'I PHYIR RTZA BA ZHES BYA'O, ,BLUM ZHING MTHO LA TSA BA DANG, ,LKOG MA'I NGOS GNAS 'DUS PA YIN, ,ZHES BYA BA LA, LKOG MA'I NGOS NA GNAS PA'I SKRANGS PA'I NAD ZLUM PA LA SOGS PA'I MTSAN NYID CAN DE NI MING 'DUS PA ZHES BYA'O, ,'GRAM PA'I MTSAMS GNAS MGUL PA'I NAD, ,RAS BAL SA BON LTA BUR ZLUM, ,SPYI BAG NAD TSABS CHUNG BAR SKRANG, ,SRA BA MCHU RTZE CAN ZHES BYA, ,ZHES BYA BA LA, MGUL PA'I PHYOGS SU SKRANGS PA'I NAD GANG [?] RAS [?] BAL GYI SA BON DANG DBYIBS 'DRA BA'I ZLUM PO SPYI BAG CAN SHAS CHE RA MIN BA SKRANG ZHING SRA BA DE NI MING MCHU RTZE CAN ZHES BYA'O, ,PHYI DANG NANG DU MI BZAD SKRANG, ,LKOG MA'I LAM GYI GTAN PA 'DRA, ,MGO LCI SNUM DANG KHA CHU 'DZAG ,RIMS SKYED LKOG MCHU 'DZINGS PA YIN, ,ZHES BYA BA LA, LKOG MA'I PHYOGS SU SKRANGS PA'I NAD GANG PHYI NANG DU SHAS CHE RA SKRANG ZHING LKOG MA'I RGYUN LAM GYI GTAN PA 'DRA BAR SKYE ZHING MGO BO LCI BA LA SOGS PA GANG YIN PA DE NI, LKOG MA'I MCHU 'DZINGS PA ZHES BYA'O, ,SKRANGS PA SHAS CHER MIN ZHING, ,CHU ZHENG DE DANG GDU BU YIN; ,ZHES BYA BA LA, LKOG MA'I PHYOGS SU SKRANGS PA GANG NAD TSABS CHUNG ZHING DPANGS DANG RGYAR CHU DANG ZHENG GDU BU DANG 'DRA BAR SKRANGS PA'I NAD GANG YIN PA DE NI MING GDU BU ZHES BYA STE, ,GDU BU DANG DBYIBS 'DRA BA'I PHYIR RO, ,NAD KYIS LKOG MAR SHA MDZER NI, ,GCIG GAM MANG SKYES NAD TSABS CHUNG, ,DBUGS 'BYIN DKA' ZHING ZAS MID DKA', ,RTZA BA CHE BA LKOG MA'I MTSON, ,ZHES BYA BA LA, RLUNG LA SOGS PA'I NAD 'KHRUGS PAR GYUR PAS LKOG MA'I GNAS SU SHA'I MDZER PA GCIG GAM, MANG PO 'BYUNG BAR GYUR CING DBUGS 'BYIN PAR DKA' BA LA SOGS PA'I MTSAN NYID CAN GANG YIN PA DE NI LKOG MA'I MTSON ZHES BYA'O, ,SHA YI MDZER PA MANG POS KHYAB, ,RAB SKAM TSA LA MGO BON, ,MDUNG LTAR SHIN TU NAD SKYED BYED, ,MDZER PAS KHYAB PAS MDUNG 'DRA YIN, ,ZHES BYA BA LA, SHA'I MDZER PA MANG POS KHYAB CING G-YOGS
PA RAB TU SKOM PA LA SOGS PA DANG LDAN PA'I MDZER PA MANG PO MDUNG LTAR SHIN TU NAD SKYED PAR BYED PA'I LKOG MA'I NAD DE NI MDUNG LTA BU'I NAD CES BYA'O, ,LKOG MA KUN NI MYUR KHYAB CING, ,MYUR SKYE MYUR SMIN SHAS CHER NA, ,RUL BA'I RNAG 'DRA 'DZAG GYUR PA, ,SKRANGS PA LKOG MA'I KHONG 'BRAS YIN, ,ZHES BYA BA LA, LKOG MAR SKRANGS PAS KHYAB PA'I NAD GANG LKOG MA THAMS CAD KHYAB PAR BYED PA DANG, DE BZHIN DU MYUR DU SKYE ZHING MYUR DU SMIN PAR BYED PA DANG, DE BZHIN DU SHAS CHER NA BA LA SOGS PA'I NAD DE NI LKOG MA'I KHONG 'BRAS ZHES BYA'O, ,LCE YI MTHA' MA LKOG MA SOGS, ,SKRANG ZHING SMIN PA MED PA'I NAD, ,BRTAN PA KHRAG GIS SKYED BYED PA, ,NAD MED LKOG MA'I RMEN BU YIN, ,ZHES BYA BA LA, LCE'I MTHA' MA DANG LKOG MA'I PHYOGS LA SOGS PAR SKRANGS PA LA SOGS PA'I MTSAN NYID DANG LDAN PA DE NI LKOG MA'I RMEN BU ZHES BYA'O, ,RLUNG DANG BAD KAN TSIL GYIS NI, ,LKOG MA'I PHYI ROL LBA BA SKYES, ,DE NI 'PHEL BAR GYUR PA'I TSE, ,RLIG PA LTAR 'PHYANG NA BA MED, ,CES BYA BA LA, RLUNG DANG BAD KAN DANG TSIL GYIS NAD 'KHRUGS PAR GYUR PA LAS, LKOG MA'I PHYI ROL DU LBA BA SKYES PAR GYUR CING, DE SHAS CHER NA BA MED LA RLIG PA LTAR 'PHYANG BA YIN NO, ,DE NI RLUNG GYUR DMAR BA'AM GNAG ,NA ZUG RTZA RIS NAG POR BCAS, ,'PHEL BAS LKOG MA KHA SKAM ZHING, ,LCE YIS RO MI TSOR BAR BYED, ,CES BYA BA LA, LKOG MA'I LBA BA DE RLUNG SHAS CHE BA LAS GYUR PA YIN NA NI, DMAR BA'AM SHAS CHER GNAG PAR SNANG ZHING NA ZHING ZUG PA SHAS CHE BAR GYUR PA DANG, RTZA'I RI MO NAG PO DANG BCAS PA DANG, DE 'PHEL BAR GYUR NA LKOG MA SKAMS PA LA SOGS PA'I MTSAN NYID DANG LDAN PA YIN NO, ,BAD KAN LAS LCI REG NA GRANG, ,BRTAN ZHING SKYA LA G-YA' DANG BCAS, ,'PHEL NA RKAN DANG LKOG MAR CHAGS, ,KHA NI MDAR BA BRO BAR BYED, ,CES BYA BA LA, LKOG MA'I LBA BA DE BAD KAN LAS GYUR PA'I RANG BZHIN LCI BA DANG, REG CING MYANG NA GRANG BA LA SOGS PA YIN LA, DE 'PHEL BAR GYUR NA BAD KAN DANG LKOG MA'I PHYOGS SU SPYI BAG
, ,CAN CHAGS PAR 'GYUR BA DANG, KHA'I NANG RO MNGAR BA BRO BAR BYED PA YIN NO, ,TSIL GYUR BAD KAN LTA BUR NA, ,DE NI 'PHEL 'BRI LUS 'DAR BYED, ,'PHEL BAR BYED PA'I TSE NA NI, ,LKOG MAR SGRA BCAS SKAD GSANG NYAMS, ,ZHES BYA BA LA, TSIL 'PHEL BA LAS GYUR PA'I LBA BA NI BAD KAN GYI LBA BA DANG RANG BZHIN 'DRA ZHING DE CHED 'GA' NI 'PHEL LA, CHED 'GA' NI 'BRI BAR BYED DE, TSIL RGYAS NA NI 'PHEL LA, TSIL BRIN 'BRI BAR SHES PAR BYA'O, ,GZHAN YANG LBA BA 'PHEL BAR BYED PA'I TSE NA NI LKOG MAR SGRA NGAR NGAR PO DANG BCAS PA DANG; SKAD GSANG NYAMS SHING CHUNG BAR 'GYUR RO, ,BAD KAN GYIS NI RLUNG RGYUN BKAG ,LKOG SKAM SKAD GSANG NYAMS PA DANG, DKA' BAS DBUGS 'BYIN MUN ZHUGS SNYAM, ,RLUNG LAS SKAD NYAMS GANG YIN 'GYUR, ,ZHES BYA BA LA, BAD KAN 'KHRUGS PAR GYUR PA LAS GANG GI TSE RLUNG RGYU BA'I RGYUN BKAG PAR 'GYUR ZHING, DE BZHIN DU MI DE LKOG MA SKAMS PA DANG, SKAD GSANG SHIN TU NYAMS PAR 'GYUR BA DANG, DBUGS NYAM THAG PAR 'BYIN PA DANG, MUN PAR ZHUGS PA SNYAM DU MUN 'THIBS ZHES BYED PAR 'GYUR BA DANG, RLUNG GI NAD GANG GIS SKAD GSANG NYAMS PA ZHES BYA BAR NYAMS PAR 'GYUR TE, DE LTAR NA LKOG MA'I NAD BCO BRGYAD YIN NO, ,RLUNG NI KUN TU 'GRO BYED PAS, ,KHA NANG RMA NI 'PHO BAR BYED, ,DMAR LA RTZUB PA SKYED BYED CING, ,MCHU DMAR PAGS PA LHOD PA DANG, ,LCE YIS GRANG BA MI BZOD LCI; ,GAS SHING TSER MAS KHYAB 'DRAR SNANG, ,KHA MNAM GDANGS PAR DKA' BA NI, ,KHA YI SHU BA ZHES BYAR BSHAD, ,CES BYA BA LA, RLUNG KUN 'GRO BA G-YO BAR BYED PAS KHA'I NANG DU RMA 'PHO ZHING YAN MAN DU GNAS 'PHO BAR BYED PA DANG, MDOG DMAR ZHING RTZUB PA SKYED PAR BYED PA DANG, DE BZHIN DU MCHU ZANGS LTAR DMAR BA DANG, PAGS PA LHOD CING 'GUL BA DANG, ,LCES GRANG BA MI BZOD CING RANG BZHIN LCI BA DANG, MCHU GAS SHING TSER MAS KHYAB PA LTAR SNANG BA DANG, RNAGS SHING SHU BA BYUNG BAS KHA GDANGS PA BKA' BAR GYUR PA'I NAD DE NI MING
KHA'I SHU BA ZHES BSHAD DO, ,BAD KAN GZHANG 'BRUM SKRAN SOGS KYIS, ,'OG TU GNOD PAR BYAS PA'I RLUNG, ,GYEN 'BYUNG KHA NI DRI MI ZHIM, ,DE NI STENG GI RKUB CES BYA, ,ZHES BYA BA LA, BAD KAN LA SOGS PAS RLUNG 'OG TU RGYU BA BKAG PAR GYUR PAS GNOD PAR GYUR NA, RLUNG DE GYEN DU 'BYUNG BAS KHA DE DRI MI ZHIM PAR 'GYUR TE, DE'I MING NI STENG GI RKUB CES BYA STE, 'PHYEN GYI RLUNG STENG DU 'BYUNG BAR 'GYUR BA'I PHYIR RO, ,MKHRIS GYUR KHA SHU KHA RNAG CING, ,TSA NA KHA NI TSA BROL, ,RMA LA LAN TSVAS BYUGS SNYAM SEMS, ,ZHES BYA BA LA, MKHRIS PA LAS GYUR PA'I KHA'I SHU BA NI KHA RNAGS PAR 'GYUR BA DANG, TSA BA DANG, NA BA DANG, KHA'I NANG TSVA BRO BAR 'GYUR BA DANG, RMA LAN TSVAS BYUGS SHING BSKUS PA DANG 'DRA BAR 'GYUR BA YIN NO, ,KHRAG LAS GYUR PA'ANG DE DANG 'DRA, ,ZHES BYA BA LA, KHRAG LAS GYUR PA'I KHA SHU NI MKHRIS PA LAS GYUR PA'I KHA SHU DANG MTSAN NYID 'DRA BAR SHES PAR BYA'O, ,BAD KAN LAS GYUR KHA MNGAR BRO, ,G-YA' ZHING RMA NI 'BYIL BAG CAN, ,ZHES BYA BA LA, BAD KAN LAS GYUR PA'I KHA SHU NI, KHA'I NANG RO MNGAR BA BRO BA DANG, SHU BA'I RMA DE G-YA' BA LA SOGS PA'I MTSAN NYID CAN YIN NO, ,MKHUR TSOS NANG DU BRTEN NAS NI, ,'BRUM BU GNAG CING SKYA BA 'BYUNG, ,DE NI MNYE ZHING BCAD PA DANG, ,BSKYOD NA 'PHEL BAR BYED PA YIN, ,ZHES BYA BA LA, BAD KAN 'PHEL BAR BYED PA MKHUR TSOS KYI NANG DU BRTEN CING GNAS NA 'BRUM BU GNAG CING SKYA BA 'BYUNG BAR 'GYUR TE, 'BRUM BU DE LAG PAS MNYE ZHING BSKYOD PA LA SOGS PA BYAS NA, SLAR 'PHEL ZHING RGYAS PAR 'GYUR RO, ,NAD NI KHRAG BCAS GYUR KHA SHU, ,KHA SHU NAD NI KHRAG BCAS 'GYUR, ,'DUS PA'I MTSAN NYID KUN DANG LDAN, ,ZHES BYA BA LA, RLUNG LA SOGS PA'I NAD KHRAG DANG BCAS PA LAS GYUR PA'I KHA SHU NI, MTSAN NYID SNGAR SMOS PA THAMS CAD DANG LDAN PA YIN NO, ,DE NYID SO SHING LA SOGS LA, ,MI DGA' KHA DRI MI ZHIM 'GYUR, ,ZHES BYA BA LA, NAD KHRAG DANG BCAS PA DE NYID SO SHING LA SOGS PA LA MI DGA' ZHING BSTEN PAR MI BYED PAS, KHA DRI MI
, ,ZHIM ZHING DRI MNAM PAR 'GYUR RO, ,MCHU DANG MKHUR TSOS SO RTZA DANG, ,LCE DANG RKAN DANG MGUL PA DANG, ,KHA DANG THAMS CAD DAG GI NI, ,NAD NI BDUN CU RTZA LNGA YIN, ,BCU GCIG GCIG DANG BCU DANG NI, ,BCU GSUM DE BZHIN DRUG DANG BRGYAD, ,BCO BRGYAD BRGYAD PO DAG DANG NI, ,DE DAG GO RIMS BZHIN DU SBYAR, ,ZHES BYA BA LA, MCHU'I NAD NI BCU GCIG YOD PAR BSHAD DO, ,MKHUR TSOS LA NI GCIG YOD DO, ,SO LA NI BCU YOD DO, ,SO RTZAL NI BCU GSUM YOD DO, ,LCE LA NI DRUG YOD DO, ,RKAN LA NI BRGYAD YOD DO, ,MGUL PA LA NI BCO BRGYAD YOD DO, ,KHA LA NI BRGYAD YOD DO, ,DE LTAR NA KHA NAD NI SPYIR BDUN CU RTZA LNGA YOD PA YIN NO, ,SO STO SHA DANG KHRAG GYUR MCHU, ,CHU BUR CHU NI MED PA DANG, ,RGAN GYI RUS SBAL 'BRUM PHRAN DANG, ,MID KHONG STONG STONG CHE MCHU 'DZINGS, ,SKAD NYAMS SO SNGON STENG GI RKUB, ,MDUNG 'DRA GDU BU CHU SER CAN, ,'DUS GYUR MID PA MCHU NAD DANG, ,KHRAG DANG 'DUS GYUR GAG PA DANG, ,SO GOGS SO NI CHAG PA DANG, ,SMIN PA'I NYE BA'I LCE DANG NI, ,LKOG MA'I LBA BA SKAD NYAMS DANG, ,DBUGS MI THON PA LO GCIG LON, ,ZHES BYA BA LA, NAD DE RNAMS KYI NANG NAS, SO STO BA LA SOGS PA'I NAD NI GSOR MI RUNG BA YIN TE, SO NAD LAS NI SO STO BA'O, ,MCHU NAD LAS NI SHA LAS GYUR PA DANG, KHRAG LAS GYUR PA'O, ,CHU BUR RAM RMEN BU LAS NI NANG NA CHU YOD PA'I CHU BUR MA GTOGS PAR 'BRUM BU'I CHU BUR LTA BU DANG, RLUNG GI CHU BUR DANG, BAD KAN GYI CHU BUR DANG SKRANG PA GSOR MI RUNG NGO, ,BAD KAN GYI NAD LAS NI RUS SBAL LTA BU DANG, 'BRUM PHRAN [?] ZHES BYA BA DAG GSOR MI RUNG NGO, ,YANG SO NAD LAS NI KHONG STONG DANG KHONG STONG CHEN PO GSOR MI RUNG NGO, ,MID PA'I NAD LAS NI MCHU 'DZINGS DANG, SKAD 'GAGS PA DANG, YANG SO'I NAD LAS NI SNGON PO DANG, KHA'I NAD LAS STENG GI RKUB DANG, MGUL PA'I NAD LAS MDUNG 'DRA BA DANG, GDU BU LTA BU DANG, LCE'I NAD CHU SER CAN DANG, 'DUS PA LAS GYUR PA'I MID PA DANG, MCHU NAD DANG, KHRAG DANG 'DUS PA LAS GYUR PA'I GAG PA DANG, SO GOGS PA DANG CHAG PAR GYUR
PA DANG, SMIN PA'I NYE BA'I LCE YANG GSO DKA'O, ,LKOG MA'I LBA BA LA SOGS PA LO GCIG LON PA YANG GSO DKA' BA YIN NO, ,SO BRTZE SOGS 'TSO BA TZAM, ,ZHES BYA BA LA, SO BRTZE BA DANG GAS PA'I NAD GNYIS NI RE ZHIG 'TSO BA TZAM DU BYA BA YIN NO, ,LHAG MA MTSON DANG SMAN GYIS GSO, ,ZHES BYA BA LA, MCHU LA SOGS PA'I NAD LHAG MA RNAMS NI 'OG BSHAD PA'I TSUL DU MTSON DANG SMAN GYI SBYOR BAS GSO BAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U NYI SHU RTZA GCIG PA'I RNAM PAR 'GREL PA'O,, ,,DE NAS KHA NAD GSO BA BSHAD PAR BYA'O, ,MCHU RAL PA YI MTHA' BRUD DE, ,BTZEMS LA RMA LTAR GSO BAR BYA, ,ZHES BYA BA LA, MCHU RAL BA ZHES BYA BA'I MCHU NAD KYI MTHA' MA BRUD DE; GTZAGS BUS BRUD CING ZHAL ZHAL BYAS TE SBYAR LA LEGS PAR BTZEMS TE RMA GSO BA'I TSUL LTAR GSO BAR BYA'O, ,SHING MNGAR SENG PHROM KRA KU NI, ,THAL TRES AUTPAL SHRA PA NI, ,MON SNE'U DME RU PA TO LA, ,TIL MAR BSKOL BAS BSKU BAR BYA, ,ZHES BYA BA LA, YANG NA MCHU RAL BA LA SHING MNGAR LA SOGS PA'I SMAN GYI LDE GU DANG, TIL MAR BSKOL BAS BSKU BAR BYA'O, ,RLUNG 'JOMS MNGAR BA'I SDE TSAN DANG, ,BSKOL BA'I TIL MAR SNA SMAN GTANG, ,ZHES BYA BA LA, YANG DE LA RLUNG 'JOMS PA'I SMAN GYI SDE TSAN DANG, MNGAR BA'I SMAN GYI SDE TSAN DANG BSKOL BA'I TIL MAR SNA NAS GTANG BAR BYA'O, ,RLUNG GYUR MCHU NAD SRA RTZI BOG ,SPRA TSIL GU GUL THANG SHING NI, ,SNUM CHEN BSKOL BA'I RAS BAL DAG ,SBANGS PA'I YE'US GLAN BAR BYA, ,ZHES BYA BA LA, RLUNG LAS GYUR PA'I MCHU NAD LA NI SRA RTZI BOG LA SOGS PA DANG SNUM CHEN PO GANG YANG RUNG BA BSKOL BA'I NANG DU SBANGS PA'I RAS BAL GYI YE'US GLAN PAR BYA'O, ,SHING MNGAR PHYE MAR BCAS PA DANG, ,DE NYID KYIS NI BSKU BAR BYA, ,ZHES BYA BA LA, YANG NA SHING MNGAR GYI PHYE MA DANG, SNUM CHEN PO DE NYID SBYAR BAS BSKUS NA YANG RLUNG LAS GYUR PA'I MCHU NAD LA
, ,PHAN NO; ,AE RAndA YI LO MA NI, ,'O MAR BSKOL BAS SBUBS DUGS BYA, ,ZHES BYA BA LA, YANG NA RLUNG LAS GYUR PA'I MCHU NAD LA, AE RAndA'I LO MA 'O MAR BSKOL BA'I SBU GU LAS DUGS BYA'O, ,MCHU RAL SKABS BSHAD SNA SMAN DANG, ,MGO BO BRTA BA DAG KYANG BYA, ,ZHES BYA BA LA, YANG NA GONG DU MCHU RAL BA'I SKABS SU BSHAD PA'I SNA SMAN DANG, DE BZHIN DU MGO BO BRTA ZHING BSKU BA DAG KYANG BYA'O, ,MKHRIS PAS SNAD PA'I MCHU NAD LA, ,SRIN BU PAD PAS KHRAG DBYUNG BYA, ,ZHES BYA BA LA, MKHRIS PA LAS GYUR PA'AM, SNAD PA LAS GYUR PA'I MCHU NAD LA NI SRIN BU PAD PA LA SOGS PAS GTAR GA GDAB CING KHRAG DBYUNG BAR BYA'O, ,SENG PHROM SBRANG RTZI SRA RTZI BOG ,SHING MNGAR BCAS PA'I PHYE MA GDAB, ,CES BYA BA LA, YANG NAD DE LA SENG PHROM LA SOGS PA'I PHYE MA 'AM LDE GUS BSKUS NA PHAN NO, ,SLE TRES SHING MNGAR RMA SHING DANG, ,BSKOL BA'I MAR GYIS BSKUS NA 'ANG PHAN, ,ZHES BYA BA LA, YANG NA KHRAG DANG SNANG BA'I MCHU NAD LA SLE TRES LA SOGS PA DANG BSKOL BA'I MAR GYIS BSKUS NA YANG PHAN NO, ,MKHRIS PA'I KHONG 'BRAS LTAR YANG GSO, ,ZHES BYA BA LA, 'DIR MKHRIS PA DANG KHA SNAD PA LAS GYUR PA'I MCHU NANG [?] LA NI MKHRIS PA'I KHONG [?] 'BRAS KYI GSO BA JI SKAD SMOS PA DAG KYANG BYA'O, ,KHRAG LAS GYUR PA SAR PA LA, ,DE DAG NYID KYIS GSO BAR BYA, ,ZHES BYA BA LA, ,KHRAG LAS GYUR PA'I MCHU NAD SAR PA YUN RING DU MA LON PA LA NI MKHRIS PA'I GSO BAR BSHAD PA 'DI DAG NYID KYIS GSO BAR BYA'O, ,BAD KAN LAS GYUR MCHU NAD LA, PA TO'I THAL BA TSA BA GSUM, ,SBRANG RTZI DANG NI SBYAR BAS BSKU, ,GTAR GA BYAS NAS PHYE MA GDAB, ,BAD KAN 'JOMS PAR BYED PA YIN, ,DUD BRNGUB SNA SMAN MKHUR BKANG BYA, ,ZHES BYA BA LA, BAD KAN LAS GYUR PA'I MCHU NAD KYIS NYEN PA LA NI PA TO LA LA SOGS PA'I SMAN GYI LDE GUS BSKU BA DANG, GTAR GA GDAB PA LA SOGS PA BYA'O, ,TSIL GYUR DUGS BYAS DBRAL NAS NI, ,ME YIS NGES PAR BSREG PAR BYA, ,ZHES BYA BA LA, TSIL LAS GYUR PA'I
MCHU NAD LA NI DUGS BYAS LA DBRAL BA LA SOGS PA BYA'O, ,PRI YANG KU DANG 'BRAS BU GSUM, ,SENG PHROM SBRANG RTZIR SBYAR BAS BSKU, ,ZHES BYA BA LA, TSIL LAS GYUR BA'I MCHU NAD LA NI PRI YANG KU LA SOGS PAS BSKU BAR BYA'O, ,CHU YI CHU BUR BRTOL NAS SBYANG, ,SMAN RNON SBRANG RTZIS BSKU BAR BYA, ,ZHES BYA BA LA, CHU'I CHU BUR NI DANG POR BRTOL NAS SBYANG ZHING DAG PAR BYAS LA, SMAN RNON PHO PI PI LING LA SOGS PAS BSKU BAR BYA'O, ,GTING RIR BA'AM RAB 'PHEL LA, ,THAD SMAN DRAG [?] GAM ME BTZAS GSO, ,ZHES BYA BA LA, CHU'I CHU BUR GTING RING ZHING NANG DU ZHUGS PA 'AM RAB TU 'PHEL BA LA NI THANG SMAN NAM ME BTZAS BSREG PAR BYA'O ZHES BYA'I DON TO, ,MKHUR BA'I CHU SER SMIN SKABS SU, ,SKRANGS PA'I NAD LTAR GSO BAR BYA, ,ZHES BYA BA LA, MKHUR PA CHU SER 'BYUNG BA SMIN CING RNAGS PAR GYUR PA'I SKABS SU NI MDO'I GNAS SU BSHAD PA'I SKRANGS PA'I NAD LTAR GSO BAR BYA'O, ,SO GRANG BA LA DUGS BYA STE, ,SO RTZA BRUD DE TIL MAR BSREG ,CES BYA BA LA, SO GRANG BAR GYUR PA LA NI DANG POR DUGS BYAS LA, RTZE MO DKYIL 'KHOR 'DRA BA'I GTZAGS BUS BRUD DE TIL MAR BSKOL BAS BSREGS PAR BYA'O, ,GLA SGANG RGYAM TSA SBRANG RTZI DANG, ,SE 'BRU'I SHUN PA 'BRAS BU GSUM, ,SKYER PA'I KHAndA 'DZAM BU'I RKANG, ,BCA' SGA SBYAR BAS BSKU BAR BYA, ,ZHES BYA BA LA, YANG SO'I PHRENG BA DE GLA SGANG LA SOGS PA'I SMAN SBYAR BA'I LDE GUS BSKU BAR BYA'O, , 'O MA CAN BSKOL MKHUR BA BKANG, ,AE RAndA MAR SNA SMAN GTANG, ,ZHES BYA BA LA, 'O MA CAN GYI SHING BSKOL BA'I KHU BAS MKHUR BA DGANG BA'AM, AE RAndA'I MAR GYI SNA SMAN GTANG BAR BYA'O, ,SO BRTZE DE BZHIN BYE BA LA, ,RLUNG 'JOMS GSO BA THAMS CAD BYA, ,ZHES BYA BA LA, SO BRTZE BA DANG PO GAS SHING BYE BA LA NI RLUNG 'JOMS PA'I ZAS DANG SKOM DANG SMAN THAMS CAD KYIS GSO BAR BYA'O, ,TIL DANG SHING MNGAR SBRANG RTZI NI, ,'O MAR BSKOL BA'I MKHUR BKANG BCAD, ,ZHES BYA BA LA, YANG NA NAD DE GNYIS LA TIL LA SOGS PA DANG BSKOL BA'I KHU BA
, ,MKHUR BAR BCANGS NA PHAN NO, ,SO 'GUL BA LA RTZA BA BCU'I, ,KHU BA MAR BSKOL MKHUR BA BKANG, ,ZHES BYA BA LA, SO 'GUL BA'I NAD LA NI RTZA BA BCU BSKOL BA'I KHU BA DANG, ZHUN MAR RAM TIL BSKOL BA MKHUR BAR BCANGS NA PHAN NO, ,SPANGS MA SENG PHROM PI PI LING, ,'BRAS BU GSUM DANG RMA SHING DANG, ,RGYAM TSA YIS NI BDAR BAR BYA, ,ZHES BYA BA LA, YANG SO 'GUL BA LA SPANGS MA LA SOGS PAS SO BDAR NA YANG PHAN NO, ,SNUM BAG GIS NI SNA SMAN DANG, ,MKHUR BKANG GNAS SKABS JI BZHIN BSTEN, , ZHES BYA BA LA, YANG SO 'GUL BA LA SNUM BAG CAN GYI SNA SMAN LA SOGS PA GNAS SKABS JI LTA BA BZHIN DU BSTEN PAR BYA'O, ,SO LHAG SKYES LA BRAL SMAN GYIS, ,BSKUS TE GOGS PAR GYUR PA DANG, ,SRIN CAN SO LTAR PHYUNG NAS NI, ,DE TSE DE DANG 'DRA BAR GSO, ,ZHES BYA BA LA, SO LHAG SKYES PA ZHES BYA BA'I SO NAD LA NI THAL SMAN GYIS BSKUS TE GOGS SHING BYE BAR GYUR PA DANG, SRIN BUS ZOS PA'I SO LTAR BYUNG [?] LA, DE DANG 'DRA BA KHO NAR GSO BAR BYA'O, ,KHRAG NI CHOD PAR MA GYUR NA, ,BSREGS LA RMA LTAR GSO BAR BYA, ,ZHES BYA BA LA, SO LHAG SKYES PA DE PHYUNG BA'I TSE KHRAG CHOD PAR MA GYUR NA GNAS DE BSREGS LA, DE'I 'OG TU RMA LTAR GSO BAR BYA'O, ,SO DREG CHAGS LA SO RTZA LA, ,GNOD PA MED PAR BSAL BAR BYA, ,ZHES BYA BA LA, SO DREG CHAGS PA LA NI SO'I RTZA BA LA GNOD PA MED PAR BYAS TE, SO BRUD PA'I GTZAGS SPYAD KYIS DE BRUD CING BSAL BAR BYA'O, ,THAL SMAN SBRANG RTZIR BCAS PAS NI, ,DE YI 'OG TU BSKU BAR BYA, ,ZHES BYA BA LA, DE LTAR SO DREG BZHAR NAS THAL SMAN GYI PHYE MA SBRANG RTZI DANG SBYAR BA'I LDE GUS SO LA BSKU BAR BYA'O, ,SO GOGS PA LA'ANG 'DI NYID DANG, SO BRTZER BSHAD PA'I GSO BA BYA, ,ZHES BYA BA LA, SO GOGS PA'I NAD LA YANG SO DREG CHAGS PA'I GSO BA 'DI NYID DANG, SO BRTZE BA LA BSHAD PA'I GSO BA THAMS CAD BYA'O, ,SRIN CAN SO NI MI 'GUL LA, ,DUGS BYAS NAS NI KHRAG DBYUNG BYA, ,SNUM GYIS
BSKU ZHING MKHUR BKANG DANG, ,SNA SMAN KHA ZAS RLUNG 'JOMS SBYIN, ,ZHES BYA BA LA, SO SRIN BUS ZOS PA MI 'GUL BAR GNAS PA LA NI DANG POR DUGS BYAS LA KHRAG DBYUNG BAR BYA LA RLUNG LA PHAN PA'I SNUM GYIS BSKU BA LA SOGS PAS GSO BAR BYA'O, ,KHONG STONG BU RAM SPRA TSIL GYIS, ,GANG BA'I THUR MAS BSREG PAR BYA, ,ZHES BYA BA LA, SO KHONG STONG DU 'DUG PA LA NI BU RAM MAM SPRA TSIL GYIS GANG BA'I THUR MAS DE BSREG PAR BYA'O, ,LO MA BDUN PA AARKA YI, ,LO MAS BKANG NA SRIN GZER 'JOMS, ,ZHES BYA BA LA, YANG KHONG STONG DE LA LO MA BDUN PA 'AM, AARKA'I LO MAS BKANG NA SRIN BUS ZOS PA'I GZER 'JOMS PAR BYED DO, ,SHING KUN NAG TSUR KAD PA LA, ,SVARDZI KA DANG BYI DANG GA ,RU RTA'I PHYE MA RAS LA GTUMS, ,SOR GLAN ZUG GZER MYUR DU 'JOMS, ,ZHES BYA BA LA, SHING KUN LA SOGS PA'I PHYE MA RAS GTZANG MAR GTUMS TE SO'I STENG DU BZHAG NA YANG ZUG GZER GYI NANG MYUR DU SEL BAR BYED DO, ,YANG NA 'DI NYID BSKOL BA YI, ,TIL MAR MKHUR BAR DGANG BAR BYA, ,ZHES BYA BA LA, YANG NA SHING KUN LA SOGS PA 'DI NYID DANG, BSKOL BA'I TIL MAR GYIS MKHUR BA BKANG BAR BYA'O, ,YANG NA BRI HA TI RNAM GNYIS, ,BU GA DAM PA AE RAndA, ,BSKOL BA'I KHU BAS MKHUR BA BKANG, ,ZHES BYA BA LA, YANG NA BRI HA TI GNYIS NI KAndA KA RI DANG, BRI HA TI DANG, DE LA SOGS PA SMAN GYI SBYOR BA BYA'O, ,DE LTAR GSO BA MANG PO YIS, ,NAD NI ZHI BAR MA GYUR NA, ,SKAM PA PHRA MO DAG GIS SAM, ,SO DBYUNG BA YI CHA SPYAD KYIS, ,DANG POR RTZA BA NAS BSLANGS TE, ,GTAN NAS DE NI DBYUNG BAR BYA, ,ZHES BYA BA LA, RNAM PA DE LTA BU'I SMAN GYI GSO BA SNA TSOGS PA DAG GIS NAD DE ZHI ZHING MED PAR MA SONG NA SKAM PA PHRA MO 'AM; YANG SO DBYUNG BA'I CHA SPYAD DU BYAS PAS DE MI 'GUL BA YIN YANG DBYUNG BAR BYA'O, ,TIL MAR SHING MNGAR PHYER BCAS PA 'AM, ,SBRANG RTZIS DE 'OG MKHUR BKANG BYA, ,ZHES BYA BA LA, DE LTAR SO PHYUNG NAS TIL MAR DANG SHING MNGAR GYI PHYE MA SBYAR BA 'AM, YANG NA SHING
, ,MNGAR GYI PHYE MA DANG SBRANG RTZIR SBYAR BAS MKHUR BA BKANG BAR BYA'O, ,DE 'OG SHING MNGAR BI DA RI, ,BRID TA KA DANG KA SHE RU, ,TIL MAR BCU 'GYUR 'O MA DANG, ,BSKOL BA'I SNA SMAN GTANG BAR BYA, ,ZHES BYA BA LA, DE'I 'OG TU BI DA RI LA SOGS PA DANG BSKOL BA'I SNA SMAN GTANG BAR BYA'O, ,RID CING NYAM CHUNG RGAN PO DANG, ,RLUNG NAD KYIS NYEN SO MI DBYUNG, ,YA SO DBYUNG BAR MI BYA STE, ,DE NI BLA BRNAN MANG PO SKYED, ,CES BYA BA LA, RID PA LA SOGS PA DANG, DE BZHIN DU GZHAN DAG GI YA SO NI DBYUNG BAR MI BYA STE, CI'I PHYIR ZHE NA, DE NI NAD KYI BLA BRNAN SKYED PAR BYED PA YIN PA'I PHYIR RO, ,DE YANG 'BYIN NA SNUM PA DANG, ,MNGAR DANG BSIL BA'I RIM PAS GSO, ,ZHES BYA BA LA, DE LTAR DBYUNG DU MI RUNG BA DE YANG 'BYIN NAS SNUM PA LA SOGS PAS GSO BAR BYA'O, ,GRANG BAS NYEN LA KHRAG DBYUNG ZHING, ,SBRANG RTZIR BCAS PAS BSKU BAR BYA, ,GLA SGANG AARDZU NA'I SHUN PA, ,PRI YANG KU DANG SKYER KHAndA, ,BCA' SGA SBRANG RTZIR SBYAR BA BSKU, ,ZHES BYA BA LA, GRANG BAS NYEN PA'I SO NAD LA NI KHRAG PHYUNG LA GLA SGANG LA SOGS PA'I SMAN SBRANG RTZI DANG SBYAR BA'I LDE GUS BSKU BAR BYA'O, ,DE BSKOL BAS NI MKHUR BKANG DANG, , MNGAR SMAN TIL MAR BSKOL SNAR BLUGS, ,ZHES BYA BA LA, GLA SGANG LA SOGS PA'I MKHUR BA BKANG BA BCANG BA DANG, DE BZHIN DU MNGAR BA'I SMAN GYI SDE TSAN DANG TIL MAR BSKOL BA'I SNA SMAN GTANG BAR BYA'O, ,RNYIL NI NYE BAR BDAR BA LA, ,CHU TSAN MKHUR BKANG BAS DUGS BYA, , DKYIL 'KHOR 'DRA BA'AM SHA KHA YI, ,LO MAS MANG DU BRUD PAR BYA, ,ZHES BYA BA LA, RNYI LA NYE BAR 'DAR BA ZHES BYA BA'I SO NAD LA NI, CHU TSAN MKHUR BA BKANG BAS DUGS BYA BA DANG, GTZAGS BU'I RTZE MO DKYIL 'KHOR 'DRA BA 'AM, ,SHING SHA KHA LA SOGS PA'I LO MA RTZUB MOS MANG DU BRUD PAR BYA'O, ,RGYA SKYEGS RMA SHING PRI YANG KU, ,RGYAM TSA RU RTA BTZAG YUG SNAM, ,NA LE SHAM DANG BCA' SGA DANG, ,SHING MNGAR SKYER PA'I KHAndA DANG, ,MAR GYI SNYING PO SBRANG RTZI DANG, ,SBYAR BA DE 'OG BSKU BAR BYA, ,DE'I 'OG TU RGYA SKYEGS LA
SOGS PA'I SMAN MAR KHU'I SNYING PO DANGS MA DANG SBYAR BAS BSKU BAR BYA'O, ,MAR KHU 'AM TIL MAR MKHUR SPO BA, ,DRO 'JAM DE YI RJES LA BYA, ,ZHES BYA BA LA, DE LTAR BYAS PA'I RJES LA MAR KHU 'AM TIL MAR DRO 'JAM TZAM GYIS DE MKHUR BA BKANG ZHING SPO BAR BYA'O, ,MNGAR BA'I SDE DANG BSKOL BA'I MAR, ,MKHUR BKANG SNA SMAN BYAS NA PHAN, ,ZHES BYA BA LA, YANG NA MNGAR BA'I SMAN GYI SDE TSAN BSKOL BA'I KHU BA 'AM, LDE GU DANG BSKOL BA'I MAR GYIS MKHUR BA BKANG BA'AM SNA SMAN BYA'O, ,SO 'BUR BA LA DUGS BYAS LA, ,BCAD DANG DBUG DANG BRUD PAR BYA; ,SHING MNGAR BCA' SGA SVARDZI KA ,RGYAM TSA'I PHYE MA BSKU BAR BYA, ,ZHES BYA BA LA, SO 'BUR BA'I NAD LA NI DUGS BYA STE, BCAD PA LA SOGS PA BYAS LA, DE'I 'OG TU SHING MNGAR LA SOGS PA'I LDE GUS BSKU BAR BYA'O, ,SO YI KHONG 'BRAS TSA RNO DRO, ,RTZUB PA'I MKHUR BKANG BSKU BAR BYA, ,ZHES BYA BA LA, SO'I KHONG 'BRAS ZHES BYA BA'I NAD BYUNG BA LA NI SMAN TSA BA LA SOGS PA'I KHU BAS MKHUR BA BKANG BA DANG, LDE GUS BSKU BAR BYA'O, ,PU TZE SHEL DANG BA SPRU BA, ,RU RTA NAS TSIG 'KHUS PHYES BDAR, ,ZHES BYA BA LA, ,SO'I KHONG 'BRAS DE LA PU TZE SHEL DANG BTAGS PA'I PHYES BDAR NA YANG PHAN NO, ,BSIL SMAN GYIS NI SMIN MI GZHUG ,SMIN NAS DRAL LA GTING RING BSREG ,CES BYA BA LA, SO'I KHOD 'BRAS DE NUS PA BSIL SMAN PHYI DANG NANG NAS BTANG BAS SMIN DU MI GZHUG PAR RNAGS PA LAS ZLOG PA'I PHYIR BSRUNG BAR BYA LA, SMIN CING RNAGS NAS GTZAGS BUS DRAL LA GTING RING BAR 'DUG NA BSREG PAR BYA'O, ,KHONG SDONG BCAD DE BRUD NAS NI, ,GLA SGANG SENG PHROM 'BRAS BU GSUM, ,SHU TI RMA SHING SKYER KHAndA, ,RGYA SKYEGS SHING MNGAR KAD PA LA, ,SBRANG RTZIR SBYAR BAS BSKU BAR BYA, , ZHES BYA BA LA, SO KHONG STONG DU GYUR PA LA NI, ,DANG POR BRUD CING BZHAR LA, DE'I 'OG TU GLA SGANG LA SOGS PAS BSKU BAR BYA'O, ,DE NYID KHU BAS MKHUR BA BKANG, ,ZHES BYA BA LA, YANG NA GLA SGANG LA SOGS PA'I SMAN DE DAG NYID KYI KHU BAS MKHUR BA BKANG NA PHAN NO, ,
, ,SHING MNGAR SENG PHROM D'UR BA DKAR, ,THAL TRES TZANDAN AA GA RU, ,KHA RA DKAR PO BTZAG YUG SNAM, ,PADMA DKAR PO STAG TSER BA, ,BSKOL BA'I TIL MAR SNA SMAN GTANG, ,ZHES BYA BA LA, YANG NA KHONG STONG GI NAD DE LA SHING MNGAR LA SOGS PA'I LDE GU DANG BSKOL BA'I TIL MAR SNA SMAN BTANG NA YANG PHAN NO, ,SHA LHAG SKYES PA BCAD NAS NI, ,SHU DAG TE DZO BA TI DANG, ,PA THA NAS TSIG 'KHUS THAL BA, ,SVARDZI KA DANG SBRANG RTZIS BSKU, ,ZHES BYA BA LA, SHA LHAG SKYES PA'I NAD LA NI SHU DAG LA SOGS PA'I SMAN GYI LDE GUS BSKU BAR BYA'O, ,'BRAS BU GSUM DANG PA TO LA, ,NIM PA BSKOL BAS MKHUR BA BKANG, ,ZHES BYA BA LA, SHA LHAG SKYES PA DE BCAD NAS 'BRAS BU GSUM LA SOGS PA BSKOL BA'I KHU BA BLUD NA YANG PHAN NO, ,SNAD PA LAS BYUNG NAD LA NI, , DKYIL 'KHOR RTZE MO 'DRA BAS SBYANGS, ,DE NAS THAL SMAN SNA SMAN GTANG, ,MKHUR BKANG LA SOGS BSIL SMAN GTANG, ,ZHES BYA BA LA, SNAD PA LAS BYUNG BA ZHES BYA BA'I SO NAD LA NI DKYIL 'KHOR GYI RTZE MO 'DRA BA'I GTZAGS BUS SO'I RTZA BA SBYANGS SHING DAG PAR BYAS LA; DE'I 'OG TU THAL SMAN GYIS BSKUS LA SMAN BSIL BA'I NUS PA DANG LDAN PA'I SNA SMAN DANG MKHUR BA BKANG BA DAG BYA'O, ,LUS KYI GONG 'OG NAS SBYANG BYA, ,DE 'OG MGO BO'I BKRU SMAN BYA, ,SO YI RTZA NI GSOS NAS KYANG, ,PHYUNG STE NAD DANG LDAN PA YI, ,BU RAM SPRA TSIL BKANG BAS BSREG ,CES BYA BA LA, LUS KYI GONG 'OG SKYUG SMAN DANG BKRU SMAN GYIS SBYANGS LA, DE'I 'OG TU SO'I RTZAR RGYU BA'I RTZA SBUBS LA GNOD PA MED PAR GSOS LA SO PHYUNG STE, NAD SNA TSOGS DANG LDAN PA'I RTZA SBUBS YAN MAN KUN KHYAB PAR BYED PA BU RAM MAM, SPRA TSIL GYIS BKANG BA'I THUR MAS BSREG PAR BYA'O, ,DZ'A TI SENG LDENG SPRA TSIL DANG, ,GZI MA BSKOL BA'I KHU BAS BKRU, ,ZHES BYA BA LA, YANG RTZA DE SENG LDENG LA SOGS PA BSKOL BA'I KHU BAS BKRU BAR BYA'O, ,'O MA CAN SHES SHING CHUS MKHUR
BKANG; ,DE BSKOL TIL MAR SNA SMAN BTANG, ,ZHES BYA BA LA, 'O MA CAN GYI SHING BSKOL BA'I KHU BAS MKHUR BA BKANG BAR BYA BA'AM, YANG NA 'O MA CAN GYI SHING GI LDE GU DANG BSKOL BA'I TIL MAR SNA SMAN GTANG BAR BYA'O, ,RLUNG GYUR LCE NI RTZUB PA LA, RLUNG GI MCHU NAD GSO BAR BYA, ,ZHES BYA BA LA, RLUNG LAS GYUR PA'I LCE'I NAD TSER MA LTAR RTZUB PA LA NI, RLUNG GI MCHU NAD KYI GSO BA GANG YIN PA DAG BYA'O, ,MKHRIS PA LAS GYUR LCE NAD LA, ,BZHAR TE KHRAG NI DBYUNG BAR BYA, ,BSKU DANG MKHUR BA BKANG BA DANG, , SNA SMAN MNGAR BA DAG KYANG BYA, ,ZHES BYA BA LA, MKHRIS PA LAS GYUR PA'I LCE'I NAD TSER MA LTA BU BYUNG BA LA NI BZHAR ZHING GTAR GA BYA STE KHRAG PHYUNG LA, DE'I 'OG TU MNGAR BA'I SMAN GYI SDE TSAN GYI LDE GUS BSKU BA DANG, SMAN DE DAG BSKOL BA'I KHU BAS MKHUR BA BKANG BA DANG SNA SMAN BYA'O, ,DE BZHIN BAD KAN LAS GYUR LA, ,YUNGS KAR CHA BA GSUM LA SOGS, ,SMAN NI RNON POS GSO BAR BYA, ,ZHES BYA BA LA, DE BZHIN DU BAD KAN LAS GYUR PA'I LCE'I NAD TSER MAS KHYAB PA LTA BU LA NI SNGA MA BZHIN DU BDAR LA, YUNGS KAR LA SOGS PA'I SMAN RNON POS BSKU BA DANG, MKHUR BA BKAR BA LA SOGS PA BYA'O, ,LCE LAS CHU SER 'DZAG PA GSAR, ,MTSON MI REG PAR DE BZHIN GSO, ,ZHES BYA BA LA, CHU SER 'DZAG PA ZHES BYA BA'I LCE NAD LAS SKYES NAS RING POR MA LON PA'I SAR PA LA YUNGS KAR LA SOGS PA'I SMAN BSKU BA LA SOGS PA SNGA MA BZHIN DU BYAS LA, CHU SER 'DZAG PA'I NAD DE LA KHYAD PAR DU MTSON GYIS BZHAR BA DANG GTAR GA MI BYA'O, ,LCE LHAG SKYES PA LCE BTEG STE, ,LCAGS KYUS LCE LHAG DRANGS NAS NI, ,RTZE MO DKYIL 'KHOR 'DRA BAS BCAD, ,RNO DANG DRO BAS BDAR SOGS BYA, ,ZHES BYA BA LA, LCE LHAG SKYES PA NI LCE BTEG STE LCAGS KYUS LCE LHAG DE PHYIR DRANGS NAS, RTZE MO DKYIL 'KHOR 'DRA BA'I GTZAGS SPYAD KYIS BCAD PAR BYA ZHING, SMAN RNO BA DANG DRO BAS GTAR GA LA SOGS PA
, ,BYA'O; ,NYE BA'I LCE LA KHRAG GZAGS TE, ,NAS TSIG 'KHUS PA'I THAL BAS BDAR, ,ZHES BYA BA LA, NYE BA'I LCE LA NI SHA KHA LA SOGS PA'I LO MA RTZUB PO 'AM, SOR GDUB LTA BU'I MTSON GYIS GTAR ZHING KHRAG GZAGS LA, DE'I 'OG TU NAS TSIG 'KHUS PA'I THAL BAS BDAR ZHING BRUD PAR BYA'O, ,SHA LHAG SKYES LA BAD KAN 'JOMS, ,SNA SMAN MKHUR BKANG BDAR BAR BYA, ,ZHES BYA BA LA, LKOG MA SHA LHAG GAM RMEN BU SKYES PA LA NI BAD KAN 'JOMS PAR BYED PA'I SMAN LA SOGS PA BTANG BAS GSO BAR BYA'O, ,GA GON SA BON LTA BUR NI, ,'PHEL ZHING RTZA NI MI MNGON DANG, ,RTZE MOS LCE YI RTZA BAR SLEBS, ,LCAGS KYU YIS NI BZUNG NAS KYANG, ,RTZE MO DKYIL 'KHOR 'DRA BA YIS, ,RTZE MO RTZA BA RAN PAR GCAD, ,CES BYA BA LA, LKOG MAR SHA LHAG SKYES PA 'PHEL BAR GYUR CING, GA GON GYI SA BON DANG 'DRA BAR SKYES PA DANG, RTZA RIS MI MNGON PAR GYUR PA DANG, LCE DE'I RTZE MO LCE'I RTZA BAR BABS SHING SLEBS PA NI MU TZU TRI 'AM LCAGS KYUS BZUNG LA, RTZE MO DKYIL 'KHOR 'DRA BA'I GTZAGS BUS DE RAN BAR GCAD PAR BYA'O, ,BCAD DRAGS KHRAG ZAGS 'CHI BAR BYED, ,BCAD CHUNG NAD NI 'PHEL BAR BYED, ,CES BYA BA LA, LCE CHUNG NGAM SHA LHAG SKYES PA BCAD DRAGS NA NI KHRAG ZAGS PAR BYAS NAS 'CHI BAR 'GYUR LA, RTZE MO NAS BCAD DAM CHUNG NA NI NAD ZHAR LA 'PHEL ZHING SKYE BAR 'GYUR RO, ,BONG NGA PA THA NA LE SHAM, ,SHU DAG RU RTA PA RI LA, ,RGYAM TSA SBRANG RTZIR BCAS PA YIS, ,BCAD PA DAG NI BDAR BAR BYA, ,ZHES BYA BA LA, LEGS PAR BCAD NAS BOD NGA LA SOGS PA'I SMAN SBRANG RTZI DANG SBYAR BAS BDAR ZHING BSKUS NA PHAN NO, ,PA RI PE LA NI KUN TAN NA TA'O, ,PU TZE SHEL DANG BONG NGA DKAR, ,PA TA NIM PA RA SNA DANG, ,SHU DAG CHU YIS MKHUR BKANG BYA, ,ZHES BYA BA LA, PU TZE SHEL LA SOGS PA DE BSKOL BA'I KHU BAS MKHUR BA DGANG BAR BYA'O, ,'DUS DANG SO 'BUR
RUS SBAL 'DRA, ,DE BZHIN BZHAR TE GSO BAR BYA, ,ZHES BYA BA LA, SO 'DUS PA DANG 'BUR BA DANG RUS SBAL 'DRA BA'I NAD LA YANG SNGA MA BZHIN DU BZHAR TE GSO ZHING BCOS PAR BYA'O, ,RKAN RNAGS MA SMIN PA LA NI, ,NAG TSUR SBRANG RTZI SKYER KHAndA, ,BSKU BAR BYA'O, , ZHES BYA BA LA, RKAN GYI RNAGS PA'I NAD SMIN PAR MA GYUR PA LA NI NAG TSUR LA SOGS PA'I SMAN GYIS BDAR BAR BYA'O, ,BSIL DANG MNGAR, SMAN BSKOL KHU BAS MKHUR BKANG BYA, ,ZHES BYA BA LA, NUS PA BSIL BA DANG, RO MNGAR BA'I SMAN DANG, BSKOL BA'I KHU BAS MKHUR BA BKANG BA BYAS NA YANG PHAN NO, ,SMIN NAS NA YA'I GZHI LTAR DRAS, ,DRO DANG RNO BAS BSKU BAR BYA, ,ZHES BYA BA LA, RKAN RNAGS PA SMIN NAS NI MTSON GYIS NA YA'I GZHI LTAR DRAS LA MAR SAR DANG, SMAN DRO BA DANG RNO BA SBYAR BAS BSKU BAR BYA'O, ,NA YA'I GZHI NI GANG DU NA YANG RTZE BA'I GZHI SPANG LEB LA SOGS PAR MIG MNGAS RIS SU BRIS PA STE, DE DANG 'DRA BAR DKYIL 'KHOR 'DRA BA'I GTZAGS BUS RI MO MANG POR DRA ZHING DAGS PAR BYA'O, ,BA SHA KA DANG PA TO LA, ,NIM PA LA SOGS RNO BA YI, ,SMAN GYI KHU BAS MKHUR BA DGANG, ,ZHES BYA BA LA, RKAN RNAGS PA'I SMAN RNON PO NI, BA SHA KA LA SOGS PA'I SMAN KHA BA LA BYA STE, DE'I KHU BA MKHUR BAR BCANGS NA YANG PHAN NO, ,RKAN SKAM SKOM DAD GDUNG MED PA, ,ZAS ZOS RJES LA ZHUN MAR NI, ,BCA' SGA PI PI LING BSKOL BLUD, ,SKYUR BAS MKHUR BA SPOB [?] BCAD, ,ZHES BYA BA LA, YANG RKAN SKAM PA'I NAD SKOM DAD KYI GDUNG BA MED PA LA NI, ZAS ZOS PA'I 'OG TU ZHUN MAR BCA' SGA LA SOGS PA BSKOL BA BLUD LA, DE BZHIN DU CHANG DANGS MA LA SOGS PA SKYUR BAS MKHUR BA SPO BA BCANGS NA YANG PHAN NO; ,SKAM SA'I SHA KHU SNUM PA DANG, ,ZHUN MAR 'O MA'I SNA SMAN GTANG, ,ZHES BYA BA LA, YANG RKAN SKAM PA'I NAD DE LA, SKAM SA'I SROG CHAGS KYI SHA KHU SNUM DANG BCAS PA ZAS KYI RJES LA BLUD NA PHAN LA, DE BZHIN DU ZHUN MAR LA SOGS PA'I SNA SMAN BTANG NA YANG
, ,PHAN NO; ,LKOG MA'I NAD LA GTAR GA GDAB, ,SNA SMAN LA SOGS RNON PO BYA, ,ZHES BYA BA LA, LKOG MA'I NAD THAMS CAD LA NI GTAR GA GDAB CING KHRAG DBYUNG BA DANG, SMAN RNON PO'I SNA SMAN DANG, MKHUR BA BKANG BA DANG BSKU BA LA SOGS PA'I LAS BYAS NA PHAN NO, ,SKYER PA'I SHUN PA SKYER KHAndA, ,DUG MO NYUNG BSKOL KHU BA BLUD, ,CES BYA BA LA, SKYER PA'I SHUN PA LA SOGS PA'I SMAN BSKOL BA'I KHU BA RKAN GYI NAD LA BLUD PAR BYA'O, ,AA RU RA YI KHU BA NI, ,SBRANG RTZIR LDAN PA SBYIN PAR BYA, ,ZHES BYA BA LA, YANG NA AA RU RA BSKOL BA'I KHU BA SBRANG RTZI DANG LDAN PA BLUD NA YANG LKOG MA'I NAD LA PHAN NO, ,'BRAS BU GSUM DANG TSA BA GSUM, ,NAS TSIG 'KHUS THAL SKYER PA DANG, ,TZI TRA KA DANG SKYER KHAndA, ,PA TA TE DZO BA TI DANG, ,NIM PA TSA DANG RA GCIN BSKOL, ,MKHUR BA SPO DANG RI LU DANG; ,PHYE MA GDAB PA DAG KYANG BYA, ,ZHES BYA BA LA, DE LA LKOG MA'I NAD DE DAG LA 'BRAS BU GSUM LA SOGS PA DANG, TSA BA GSUM LA SOGS PA DANG BSKOL BA'I MKHUR BA SPO BA DANG, RI LU BCANG BA DANG, PHYE MAS GDAB PA DAG KYANG BYA'O, ,LCANG MA GI RI KARnI DANG, , GLA SGANG THANG SHING BCA' SGA DANG, ,SHU DAG DAN DA MUR BA YI, ,LDE GU DRO BSKUS SKRANGS NAD SEL, ,ZHES BYA BA LA, LCANG MA LA SOGS PA'I PHYE MA DANG SBYAR BA'I LDE GU DRO 'JAM TZAM BSKUS NA LKOG MA'I NAD KYI SKRANGS PA DANG NA BA SEL BAR BYED PA YIN NO, ,DE NAS PHYI NANG DUGS BYAS TE, ,SOR GDUB CHA SPYAD DAG GIS SAM, ,RGYAM TSA LDAN PA'I SEN MO YIS, ,RLUNG GYUR GAG PA BZHAR BAR BYA, ,ZHES BYA BA LA, ,DE NAS RLUNG LAS GYUR PA'I GAG PA LA PHYI DANG NANG NAS DUGS LEGS PAR BYAS LA, SOR GDUB LTA BU'I CHA SPYAD DAM RGYAM TSA DANG BCAS PA'I SEN MOS BRUD CING BZHAR BAR BYA'O, ,RTZA BA LNGA BSKOL MKHUR BKANG DANG, ,TIL MAR MKHUR SPO SNA SMAN GTANG, ,ZHES BYA BA LA, RLUNG LAS GYUR PA'I GAG PA DE LA RTZA BA LNGA PA CHEN PO BSKOL BA'I KHU BAS MKHUR BA BKANG BA DANG, DE BZHIN DU TIL MAR GYIS MKHUR BA SPO BA DANG,
SNA SMAN DAG BYAS NA PHAN NO, ,MKHRIS PA LAS GYUR GTAR GA GDAB, ,KHAR SBRANG RTZI PRI YANG KU, ,SENG PHROM RMA SHING BCAS PA BDAR, ,DE BSKOL KHU BA MKHUR BAR BCANG, ,ZHES BYA BA LA, MKHRIS PA LAS GYUR PA'I GAG PA LA NI, DANG PO GTAR GA GDAB CING KHRAG PHYUNG LA, KHA RA LA SOGS PA'I SMAN GYIS BSKUS SHING BDAR BA DANG, KHA RA LA SOGS PA DE DAG BSKOL BA'I KHU BA NYID MKHUR BAR BCAD PAR BYA'O, ,RGUN 'BRU BA RU SHA KA BSKOL, ,MKHUR BA BKANG PA'ANG PHAN PA YIN, ,ZHES BYA BA LA, YANG NA MKHRIS PA LAS GYUR PA'I GAG PA LA RGUN 'BRU LA SOGS PA'I SBYOR BA 'DI BYAS NA YANG PHAN NO, ,KHRAG LAS GYUR PA'ANG DE BZHIN DU, ,GTAR GA GDAB STE GSO BAR BYA, ,ZHES BYA BA LA, KHRAG LAS GYUR PA'I GAG PA LA NI DE BZHIN DU MKHRIS PA LAS GYUR PA DANG 'DRA BAR GSO ZHING GTAR GA GDAB PA DANG KHRAG DBYUNG BAR BYA'O, ,BAD KAN LAS GYUR GAG PA YI, ,DUD PA TSA BA'I SMAN BCAS GDAB, ,AA PA MARGA'I 'BRAS BU DANG, ,GI RI KARnI BYI DANG GA ,RGYAM TSA TZANDAN TIL MAR BSKOL, ,SNA SMAN MKHUR BKANG BYA BA BSNGAGS, ,ZHES BYA BA LA, BAD KAN LAS GYUR PA'I GAG PA LA NI, KHANG PA'I DUD PA LA SOGS PA'I SMAN GYIS BTAB CING, AA PA MARGA LA SOGS PA'I SMAN BSKOL BA'I KHU BA MKHUR BAR BCANG BAR BYA'O, ,DE BZHIN 'DUS DANG RTZA BA DANG, ,MCHU RTZE LKOG MA'I MTSON LA'ANG BYA, ,ZHES BYA BA LA; LKOG MA'I NAD 'DUS PA DANG RTZA LA SOGS PA BZHI PO DAG LA YANG, BAD KAN LAS GYUR PA'I GAG PA DANG 'DRA BAR GSO BAR BYA'O, ,KHONG 'BRAS KHRAG GZAGS 'BRAS BU GSUM, ,GI WANG YUG SNAM SKYER KHAndA, ,SENG PHROM RGYAM TSA RMA SHING DANG, ,PI PI LING BSKU MKHUR BKANG BYA, ,ZHES BYA BA LA, LKOG MA'I KHONG 'BRAS LA NI GTAR GAS KHRAG PHYUNG LA, 'BRAS BU GSUM LA SOGS PA'I SMAN GYI LDE GUS BSKU ZHING BSKOL BA'I KHU BAS MKHUR BA BKANG BA BCAD BAR BYA'O, ,RLUNG LAS GYUR PA'I LBA BA LA, ,DUGS BYAS NAS NI
, ,KHRAG DBYUNG ZHING, ,TIL DANG ZAR MA LE BRGAN RTZI, ,PI LA YA DANG GSO 'BRAS KYIS, ,RMA 'DRUBS NAS BSKUS DKRI BAR BYA, ,ZHES BYA BA LA, RLUNG LAS GYUR PA'I LKOG MA'I LBA BAL [?] NI DUGS BYA ZHING GTAR GAS KHRAG PHYUNG LA RMA 'DRUBS PAR GYUR PA DANG, TIL LA SOGS PA'I SA BON GYIS BSKUS TE DKRI BAR BYA'O, ,SHI KRU SENG PHROM TARKA RI, ,TA LA HA TI PI PI LING, ,BA SPRU BA DANG AA RU RA, ,AARKA'I RTZA BA PO SON CHA, ,AE KEE shI KAR BCAS PA NI, ,CHANG SNGAM RANG SKYUR BTAGS PAS BSKU, ,LDE GUS YANG DANG YANG DU BSKU, ,ZHES BYA BA LA, RLUNG LAS GYUR PA'I LBA BA DE LA SHI KRU LA SOGS PA'I SMAN CHANG NGAM RANG SKYUR KANYDZI DANG BTAGS PA'I LDE GUS YANG NAS YANG DU BSKU BAR BYA'O, ,SLE TRES NI MA PA [?] DUG MO NYUNG, ,HA NAS BTI BAL GNYIS, ,THANG SHING DANG NI PI PI LING; ,BSKOL BA'I TIL MAR BLUD PAR BYA, ,ZHES BYA BA LA, RLUNG LAS GYUR PA'I LBA BA LA SLE TRES LA SOGS PA DANG BSKOL BA'I TIL MAR BSKUS NA YANG PHAN NO, ,BAD KAN LA YANG 'DI DAG NI, ,BYA ZHING LHAG PAR DUGS BSKU BYA, ,ZHES BYA BA LA, BAD KAN LAS GYUR PA'I LBA BA LA YANG RLUNG LAS GYUR PA'I GSO BA 'DI DAG NYID BYA ZHING, DE LAS KYANG LHAG PAR DUGS DANG LDE GUS BSKU BA DAG SHAS CHER BYA'O, ,AA ZA GANDHA BONG NGA DKAR, ,AA ZA SHING GI BI SHA LYA, ,KU BA KHA BO 'OL MA SE, ,SHI RI SHA DANG RGYA SKYEGS SHING, ,THAL CHU'I LDE GUS BSKU BAR BYA, ,ZHES BYA BA LA, BAD KAN LAS GYUR PA'I LBA BA LA NI AA ZA GANDHA LA SOGS PA'I SMAN GYI PHYE MA RGYA SKYEGS KYI SHING NGAM THAL BA'I CHU DANG LDE GUR BYAS LA BSKU BAR BYA'O, ,THAL BA DRAG PO GCIN BSKOL BTZAGS, ,KHRE RGOD BZA' ZHING BTUNG BAR BYA, ,ZHES BYA BA LA, THAL BA DRAG PO NI RTZA'I THAL BA DANG CHU BTZAGS PA LAS BYAS PA STE, MING GI RNAM GRANGS CHU'I THAL BA ZHES KYANG BYA'O, ,DE GCIN DANG BSKOL BA BTZAGS TE KHRE RGOD ZA ZHING DE BLUD NA BAD KAN LAS GYUR PA'I LNGA PA SEL TO, ,DUG MO NYUNG SOGS
LAN TSVA LNGA, ,TIL MAR LHAN CIG BSKOL BA BLUD, ,CES BYA BA LA, YANG NA DUG MO NYUNG GI SDE TSAN LA SOGS PA'I SMAN DANG LAN TSVA LNGA PO DANG BCAS PAR TIL MAR BSKOL LA, KHRI RGOD BZA' ZHING DE BLUD BAR BYA'O, ,BAD KAN 'JOMS BA'I DUD PA DANG, ,SLON SMAN SNA SMAN LA SOGS BSTEN, ,ZHES BYA BA LA, BAD KAN LAS GYUR PA'I LBA BA LA DUD PA BRNGUB PA LA SOGS PA BAD KAN SEL BA RNAMS BSTEN PAR BYA'O, ,TSIL GYUR PA LA GTAR GA GDAB, ,BAD KAN 'JOMS PA'I CHO GA BSTEN, ,ZHES BYA BA LA, TSIL LAS GYUR PA'I LBA BA LA NI, SNUM CHOS BYAS LA GTAR GA GDAB PA DANG, BAD KAN BSAL BA'I SBYOR BA BYA'O, ,'DI LA AA SA LA SOGS PA'I, ,KHU BA GCIN NI SNGA DRO BLUD, ,CES BYA BA LA, TSIL LAS GYUR PA'I LBA BA LA AA SA NA LA SOGS PA'I SDE TSAN BSKOL BA'I KHU BA GCIN DANG SBYAR BA SNGA DRO DANG PO'I CHA LA BLUD PAR BYA'O, ,DES MA ZHIN THAMS CAD NI, ,SMIN BYAS RMA LTAR GSO BAR BYA, ,ZHES BYA BA LA, LKOG MA'I NAD THAMS CAD GSO BA'I SBYOR BA DE DAG BYAS SU ZIN KYANG ZHI ZHING MED PAR MA GYUR NA, DE SMIN BAR BYAS LA RMA'I GSO BA LTAR BYA'O, ,KHA SHU LA NI 'BRAS BU GSUM, , PA TA RGUN 'BRU DZ'A TI NI, ,'O MAR BSKOL BA'I SBRANG RTZIR BCAS, ,KHA NI BSKU ZHING BCANG BAR BYA, ,ZHES BYA BA LA, KHA SHU'I NAD THAMS CAD LA 'BRAS BU GSUM LA SOGS PA BSKOL BA'I KHU BA BSGRANGS PA'I NANG DU SBRANG RTZI BTAB PA STE, KHAR BCANG ZHING BSKU BAR BYA'O, ,YANG NA ZIN THIG LA SOGS SDE, ,BZA' ZHING BSTEN PA NYID DU BYA, ,ZHES BYA BA LA, YANG NA KHA'I SHU BA LA 'BRAS BU GSUM LA SOGS PA ZOS NAS ZIN THIG LA SOGS PA'I SDE TSAN BZA' BAR BYA'O, ,RLUNG GI KHA SHUR PI PI LING, ,RGYAM TSA SUG SMEL PHYE MA GDAB, ,CES BYA BA LA, RLUNG LAS GYUR PA'I KHA SHU LA NI PI PI LING LA SOGS PA'I PHYE MAS GDAB BA'AM, 'DE GUS BSKU BAR BYA'O, ,YANG NA RLUNG 'JOMS SMAN BSKOL BA'I, ,TIL MAR SNA SMAN MKHUR BKANG PHAN, ,ZHES BYA BA LA, YANG RLUNG LAS GYUR PA'I KHA SHU LA RLUNG SEL BA'I SMAN GYI SDE TSAN
, ,BSKOL BA'I TIL MAR SNA SMAN DANG MKHUR BA BKANG BA BYAS NA PHAN NO, ,KHRAG MKHRIS GYUR LA KHRAG MKHRIS 'JOMS, ,BAD KAN LAS GYUR DE 'JOMS BSTEN, ,ZHES BYA BA LA, KHRAG DANG MKHRIS PA LAS GYUR PA'I KHA SHUL NI KHRAG DANG MKHRIS PA SEL BA'I CHO GAS PHAN NO; ,BAD KAN LAS GYUR PA'I KHA SHUL NI BAD KAN SEL BAR BYED PA'I CHO GA BSTEN PAR BYA'O, ,'BRUM PHRAN SRA ZHING BRTAN PA LA, ,SHA KHA'I LO MA SOGS KYIS BZHAR, ,ZHES BYA BA LA, BAD KAN LAS GYUR PA'I KHA SHUR 'BRUM BU PHRA MO BRTAN ZHING MI 'GYUR BAR GNAS PA GANG YIN PA DE LA NI SHA KHA'I LO MA LA SOGS PAS BZHAR ZHING BSAL BAR BYA'O, ,'DUS BA LAS GYUR GSO BA NI, ,NAD GZHI JI BZHIN SHAS CHER BYA, ,ZHES BYA BA LA, 'DUS BA LAS GYUR PA'I KHA SHU LA NI NAD GZHI GANG SHAS CHE BA'I DBANG DU BYAS TE GSO BAR BYA'O, ,CHU BUR GSAR ZHING MA 'PHEL BA, , BCAD LA SVARDZI KA'I THAL BA, ,BCA' SGA SBRANG RTZI GDAB PAR BYA, ,ZHES BYA BA LA, MDZER BA CHU BUR GSAR DU BYUNG ZHING RING PO MA LON PA MA 'PHEL BA LA NI DKYIL 'KHOR 'DRA BA'I GTZAGS BUS BCAD LA, SVARDZI KA LA SOGS PA'I PHYE MAS GDAB PAR BYA'O, ,DE BSKOL MKHUR BA BKANG BAR BYA, , SLE TRES NIM PA'I LDE GU NI, ,SBRANG RTZI TIL MAR BCAS PA'ANG RUNG, ,ZHES BYA BA LA, DE LTAR CHU BUR BCAD NAS SMAN SNGA MA DE BSKOL BA'AM, SLE TRES LA SOGS PA'I KHU BAS MKHUR BA BKANG BAR BYA'O, ,NAS ZAN ZA ZHING TIL MAR RNOS, ,SNA SMAN DANG NI BSKU BYUG BYA, ,ZHES BYA BA LA, YANG CHU BUR CAN DE LA NAS KYI ZAN BZA' BA LA SOGS PA'I SBYOR BA BYA'O, ,KHA DRING LA SLON SMAN DANG, ,DUD PA [?] SNA SMAN RNON PO GTANG, ,ZHES BYA BA LA, KHA DRI MI ZHIM PA LA SLON SMAN BTANG LA, SLON PA'I 'OG TU DUD PA BRNGUB PA RNON PO DANG SNA SMAN GTANG BAR BYA'O, ,BTZOD DANG SENG PHROM DA TA KI ,SHUG BA PRI YANG KU YI CHUS, ,KHA YI NANG NI BKRU BA DANG, ,PHYE MAS KHA NI DAG PAR BYA, ,ZHES BYA BA LA, YANG KHA'I NANG DRING ZHING MNAM BA LA SOGS PA'I PHYE MA DANG BCAS PA'I CHU DANG KHA BKRU ZHING DAG PAR BYA'O, ,GRANG NYEN NYE BAR BDAR BSHAD PA'I, ,SNA SMAN LA SOGS BSTEN PAR BYA, ,ZHES BYA BA LA, YANG KHA DRING BA LA NI GRANG BAS NYEN PA DANG NYE BAR
BDAR BA ZHES BYA BA'I NAD GSO BA'I SKABS SU BSHAD PA'I SNA SMAN LA SOGS PA YANG BYA'O, ,'BRAS BU GSUM DANG RTZA MKHRIS TZI TRA KA ,SHING MNGAR YUNGS KAR GLA SGANG TSA BA GSUM, ,YA BAKshAR SER PO RNAM GNYIS DANG, ,DA TRIG TZANDAN LCANG MA STAR BU DANG, ,AA SHVATTHA DANG 'DZAM BU'I MYU GU DANG, ,DA NAN DZ'A YA KA RA B'I RA'I SHUN, ,SENG LDENG SNYING PO BSKOL TE SKA BAR GYUR, ,DE YI PHYE MA BTAB STE RI LU BYA, ,DE NI KHA NANG RTAG TU BZHAG GYUR NA, ,MCHU DANG RKAN SOGS NAD NI MI BZAD 'JOMS, ,MCHOG TU KHA SKAMS PA DANG GAG PA DANG, ,RO MI TSOR SEL LUS 'PHAGS BA DAG POS BSHAD, ,CES BYA BA LA, 'BRAS BU GSUM LA SOGS PA BSKOL BA'I TSOGS BTZOS TE SKA BAR GYUR PA DANG, YANG 'BRAS BU GSUM LA SOGS PA DE NYID KYI PHYE MA BTAB STE RI LUR BYAS TE KHA'I NANG DU RTAG TU BZHAG NA MCHU DANG RKAN LA SOGS PA'I NAD MI BZAD CING GSO DKA' BA DAG KYANG SEL BAR BYED LA, MCHOG GAM KHYAD PAR DU KHA SKAMS PA DANG, GAG PA LA SOGS PA'I NAD SEL BAR BYED LA, SBYOR BA 'DI NI LUS 'PHAGS BO'I RGYAL PO ZHES BYA BA'I RGYAL BOS BSHAD PA YIN NO, ,SENG LDENG SRANG BRGYA CHU BRE BCU DRUG BSKOL, ,KHU BA DE DANG TZANDAN AA GA RU, ,GUR GUM BA LA PA RI PE LA DANG, ,THANG SHING SENG PHROM RGUN 'BRU PU SHEL TZE, ,BTZOD DANG TZO TZA SHUG PA BYI DANG GA ,PRI KA RGYA SPOS KAD PA LA CHU SRIN SDER, ,SUG SMEL DHE MA KA DANG RMA SHING BCAS, ,ZHO NI GNYIS GNYIS TIL MAR BRE GANG BSKOL, ,DE NI BTUNG DANG SNA SMAN MKHUR BKANG BYAS, ,KHA YI NAD KUN 'JOMS BYED BYA RGOD LTAR, ,MIG GSAL RNA BA PHAG 'DRAR GSANG BAR BYED, ,CES BYA BA LA, SENG LDENG SRANG BRGYA LA SOGS PA JI SKAD SMOS PA BZHIN DU BSKOL LA, TIL MAR DE BTUNG BA DANG SNA SMAN LA SOGS PA'I SBYOR BA BYAS NA MIG NI BYA RGOD LTAR GSAL BAR 'GYUR LA, RNA BA PHAG DANG 'DRA BAR GSANG BAR 'GYUR RO, ,TZA KRA MARDA SKYER BA SENG PHROM GYI, ,LDE GUS GDONG LA BYUGS PAR GYUR NA NI, ,NGO KHABS SME BA DRI MA LA SOGS SEL, ,ZLA BA LTA BU'I MDANGS DANG LDAN PAR 'GYUR, ,ZHES BYA BA LA, SNGAR BSHAD MA THAG BA'I TIL MAR GYIS BSKUS LA TZAKRA MARDA ZHES
, ,BYA BA PRA PUN DA DANG SKYER PA LA SOGS PA'I LDE GUS BSKUS NA, NGO KHABS SEL BA LA SOGS PA'I YON TAN DANG LDAN PAR 'GYUR RO, ,SA HA RA DZA SRANG STONG CHU BRE NI, ,BCU DRUG NANG BSKOL BRGYAD CHA LUS PA RU, ,SENG LDENG 'DZAM BU SHING MNGAR AE RAndA, ,AA MRA AA TI MA RA AUTPAL SNGO; ,ZHIB BTAGS TIL MAR BRE GANG NANG DU BSKOL, ,DE NI KHA YI NANG DU BCANGS GYUR NA, ,KHA YI NAD KUN 'JOMS SHING KHYAD PAR DU, ,SO YI PHRENG BA 'GUL BA BRTAN PAR BYED, ,CES BYA BA LA, SA HA RA DZA N'I LA PUshPA STE ME TOG SNGON PO CAN YIN TE, DE LAS SRANG STONG CHU BRE BCU DRUG GI NANG DU BSKOL TE, DE'I BRGYAD CHA LUS PA'I NANG DU SENG LDENG LA SOGS PA'I SMAN SRANG RE LHAG TZAM BCUG STE, TIL MAR BRE GANG LHAN CIG BSKOL BA'I TIL MAR DE MKHUR BA BKANG ZHING KHA'I NANG DU BCANGS PAR GYUR NA, KHA NAD SEL CING SO BRTAN PAR BYED PA'I YON TAN DANG LDAN PA YIN NO, ,SENG LDENG SNYING PO SRANG NI NYIS BRGYA DANG, ,AA RI ME DA SA NI SRANG BRGYAD DAG ,CHU BRE DRUG CU BZHI BSKOL BZHI CHA LUS, ,BTZAGS TE SLAR YANG SKA BA'I BAR DU BSKOL, ,DE NANG DBYI MO RMA SHING BA LA KA ,TZANDAN RNAM GNYIS SENG PHROM STAG TSER BA, ,SHING MNGAR RGYA SKYEGS AA DZA RI RNAM GNYIS, ,DA TA KI DANG KATPA LA'I 'BRAS BU, ,SER PO RNAM GNYIS 'BRAS BU GSUM DANG NI, ,DRI SNA BZHI DANG GLA SGANG AA GA RU, ,BTZOD DANG SPANG SPOS N+YA GRO DHA'I MYU GU, ,SHUG PA BTZOD DANG AE LA BA LU KA ,ZHO NI GNYIS GNYIS BTAB STE BSGRANGS PA RU, ,DZ'A TI PA TRA DZ'A TI PHA LA DANG, ,LI SHI AA KO LA DANG KA KO LA, ,SRANG RE GA BUR SRANG BZHI BCUG PAR BYA, ,DE LAS RI LUR BYAS LA RTAG TU NI, ,KHAR BZHAG NA NI KHA NAD THAMS CAD SEL, ,ZHES BYA BA LA, SENG LDENG GI SNYING PO SRANG NYIS BRGYA DANG, AA RI ME DA SA ZHES BYA BA AA TI LA'I SHUN PA SRANG BRGYAD, CHU BRE DRUG CU RTZA BZHI'I NANG DU BSKOL LA, DE LAS CHU BRE BCU DRUG LUS PA DANG BTZAGS TE SLAR SKA BAR GYUR GYI BAR DU BSKOL LA, DE'I NANG DU DBYI MO LA SOGS PA ZHO GNYIS GNYIS BTAGS PA'I PHYE MA ZHIB MO BCUG LA DE GRANGS PAR GYUR PA DANG, DZ'A TI PA TRA LA SOGS BA SRANG RE RE DANG, GA BUR SRANG BZHI DE'I NANG DU BCUG LA, DE'I 'OG TU DE LAS RI LUR BYAS LA, DUS RTAG TU KHAR BZHAG NA KHA'I NAD THAMS CAD SBYONG BAR BYED DO, ,
BSKOL DANG RENG BU'I SMAN NI GO BZLOG PA, ,BTAGS PA 'DI YI TIL MAR BSKOL BAR BYA, ,KHA NAD KUN SEL BAR NI DE BSHAD DO, ,SO BRTAN BYED PA'I MCHOG KYANG 'DI NYID YIN, ,ZHES BYA BA LA, BSKOL BA DANG RENG BUR BYAS PA'I SMAN SENG LDENG GI SNYING PO DANG, SA HA TZA RA'I SMAN TSAN GNYIS GO BZLOG PA'I TSUL 'DI NAS BSHAD PA'I CHO GA LTAR BYAS TE, DES NA HA TZA RA SRANG BRGYAD BYAS LA, SENG LDENG SRANG GCIG TU BYAS TE, GZHAN THAMS CAD GONG MA BZHIN SBYAR BAR BYAS TE, TIL MAR DES NI KHA NAD THAMS CAD SEL BAR BYED PA YIN NO, ,RI LU 'DI NI SENG LDENG SBYAR TIL MAR, ,AA RI ME DA SA DANG BSKOL BA DAG ,NYIN RE BSTEN PAR BYED NA NAD MED PA'ANG, ,SO NI NGES PAR BRTAN PAR BYED PA YIN, ,ZHES BYA BA LA, RI LU 'DI NYID SENG LDENG DANG BYAS LA, DE BZHIN DU TIL MAR DANG, AA RI ME DA [?] SA BSKOL BA'I RI LU DANG, TIL MAR DE DAG THA MAL PAR GNAS PA DAG GIS KYANG RTAG TU BSTEN NA SO BRTAN PAR 'GYUR RO, ,RGUN 'BRU SLE TRES DZ'A TI'I MYU GU DANG, ,SKYER PA BYI TSER 'BRAS BU GSUM BSKOL BA'I, SBRANG RTZIR SBYAR BA 'DI NI MKHUR BAR BCANGS, ,KHA YI NAD DU GTOGS PA THAMS CAD SEL, ,ZHES BYA BA LA, RGUN 'BRU LA SOGS PA BSKOL BA'I KHU BA BSGRANGS PA SBRANG RTZI DANG SBYAR BA YANG NAD DE LA PHAN NO, ,SKYER PA PA THA RU RTA GLA SGANG BTZOD, ,YUNG BA SENG PHROM TE DZO BA TI DANG, ,PU TZE SHEL GYI PHYE MA SBRANG RTZIR SBYAR, ,BSKUS NA RNYIL NAD NYAM THAG G-YA' BA DANG, ,RNAG DANG 'DZAG PA'I NAD RNAMS SEL BAR BYED; ,CES BYA BA LA, SKYER PA'I SHUN PA LA SOGS PA'I PHYE MA SBRANG RTZI DANG SBYAR BA BSKUS NA YANG RNYIL GYI NAD KYIS NYEN PA LA SOGS PA SEL BAR BYED DO, ,KHYIM GYI DUD PA PA THA SKYER KHAndA, ,TSA BA GSUM DANG NAS TSIG 'KHUS THAL BA, TZI TRA KA DANG LCAGS PHYE 'BRAS BU GSUM, , TE DZO BA TI SBRANG RTZIR SBYAR BA NI, ,NAG PO KHAR BCANGS SO DANG 'GUL NAD SEL, ,ZHES BYA BA LA, KHYIM GYI STENG GI NGOS LA CHAGS PA'I DUD PA NAG PO DANG, PA THA LA SOGS PA'I SMAN SBRANG RTZI DANG SBYAR BA'I LDE GU NAG PO ZHES BYA BA KHAR BCANGS NA, SO 'GUL BA'I NAD SEL BAR BYED DO, ,
, ,SKYER PA'I SHUN PA LDONG ROS RGYAM TSA DANG, ,BA BLA NAS TSIG 'KHUS PA'I THAL BA'I PHYE, ,SBRANG RTZI MAR SBYAR PHYE MA SER PO CAN, ,KHAR BZHAG SO DANG MGUL PA'I NAD RNAMS SEL, ,ZHES BYA BA LA, SKYER BA'I SHUN PA LA SOGS PA'I PHYE MA NI SER PO CAN ZHES BYA STE, DE KHA DANG SO'I NAD LA BCANG BAR BYA'O, , BA GCIN AA RU RA BSKOL THIM GYUR PAR, ,SHU TI RU RTA BA LE KA'I PHYE ZOS, ,NANG GI KHA NAD PHRA MO YAN CHAD NI, ,RGYAL POR BRTEN NA GNOD PAS MI TSUGS SHING, ,NANG DU BZHAG NA NAD RNAMS SEL BAR BYED, ,CES BYA BA LA, BA GCIN GYI NANG DU AA RU RA BSKOL TE, BA GCIN DE AA RU RA'I NANG DU THIM PAR GYUR PA DE LTA BU'I AA RU RA DANG SHU TI LA SOGS PA'I PHYE MA DANG BCAS PA MIS ZOS PAR GYUR NA, KHA'I NANG GI NAD PHRA MO RNAMS KYIS GNOD PAR MI 'GYUR TE, JI LTAR 'GRO BA RNAMS KYIS SKYOB PAR GYUR PA'I RGYAL PO DAM PA LA BRTEN NA 'TSE BA'I TSOGS KYIS MI TSUGS PAR 'GYUR RO, ,LO MA BDUN PA GLA SGANG PU SHEL TZE, , AA RU RA DANG TIG TA PA TO LA, ,SHING MNGAR DONG GRA TZANDAN PU SHEL TZE, ,BSKOL BA 'THUNGS NA KHA YI SHU BA 'JOMS, ,ZHES BYA BA LA, LO MA BDUN PA LA SOGS PA'I SMAN BSKOL BA'I KHU BA 'THUNGS NA KHA'I NANG GI SHU BA DANG RNAGS PA SEL BAR 'GYUR RO, ,PA TO LA DANG BCA' SGA 'BRAS BU GSUM, ,BI SHA LYA DANG TIG TA KYI LCE BA, ,SLE TRES BSKOL BA SBRANG RTZIR BCAS BLUD DAM, ,KHAR BZHAG KHA YI NAD KUN MA LUS 'JOMS, ,ZHES BYA BA LA, PA TO LA SOGS PA BSKOL BA'I KHU BA BTZAGS PA'I NANG DU SBRANG RTZI DANG BCAS BA BLUD CING BTUNG BA'AM, KHAR BZHAG CING MKHUR BA BKANG BA BYAS NA KHA'I NAD THAMS CAD SEL BAR BYED DO, ,SKYER BA BSKOL BA'I KHU BA NI, ,SKA GYUR YUG SNAM BTZAG DANG BCAS, ,SBRANG RTZIR BCAS PA KHA NANG BZHAG ,SHU BA RMA 'KHYIMS SEL BAR BYED, ,CES BYA BA LA, SKYER PA BSKOL BA'I KHU BA SKA BAR GYUR PA YUG SNAM DANG SBRANG RTZI SBYAR BA KHAR BZHAG NA SHU BA LA SOGS PA SEL BAR BYED DO, ,NIM PA SHING MNGAR PA TO LA, ,BA SHA KA DANG DZ'A TI DANG; ,SENG LDENG AA RI ME DAS, ,'BRAS BU GSUM PO RE RE LA'ANG, ,DE BZHIN DU NI GTANG BAR BYA, ,ZHES BYA BA LA, NIM PA LA SOGS PA'I SMAN RE RE ZHING BSHAD MA THAG PA'I KHU BA'I CHO GA DANG 'DRA BAR BTANG NA YANG YON TAN DE DANG 'DRA'O, ,SENG LDENG LCAGS PHYE 'BRAS BU GSUM, ,MA DA YAN TI AARDZU NA, ,AA TI MA RA BSKOL
BA NI; ,MKHUR BCANGS KHA NAD SO NAD SEL, ,ZHES BYA BA LA, SENG LDENG LA SOGS PA'I SMAN CHU DANG BSKOL BA MKHUR BAR BCANGS NA YANG KHA NAD DANG SO'I NAD RNAMS SEL BAR BYED DO, ,KHA DANG SO RTZA MGUL NAD PHAL CHER NI, ,BAD KAN KHRAG LAS MANG DU 'BYUNG BA YIN, ,DE BAS NAD DE BSAL BAR BYA BA'I PHYIR; ,NAD KHRAG LAN MANG DU NI DBYUNG BAR BYA, ,MGO DANG LUS KYI SKYUG SMAN BKRU SMAN DANG, ,KHA DANG TSA DANG MKHUR BKANG BCANG BAR BYA, ,ZHES BYA BA LA, KHA'I NAD DANG, SO RTZA'I NAD DANG, MGUL PA'I NAD PHAL MO CHE NI BAD KAN DANG KHRAG LAS MANG DU 'BYUNG BAR 'GYUR BA YIN PAS, DE'I PHYIR NAD DE RNAMS LA NAD KHRAG YANG DANG YANG DU DBYUNG BAR BYA BA DANG, DE BZHIN DU MGO BO DANG LUS KYI BKRU SMAN GTANG BAR BYA BA DANG, DE BZHIN DU SKYUG SMAN DANG BKRU SMAN KHA BA DANG, TSA BA SA MKHUR BA BKANG BAR BYA BA YIN NO, ,DE BZHIN BAD KAN KHRAG NI SEL BA YI, ,GSO BA'I NAD NI PHAL CHER BSNGAGS PA YIN, ,ZHES BYA BA LA; YANG NA BSHAD MA THAG PA'I NAD DE DAG LA BAD KAN DANG KHRAG SEL BA'I GSO BDAG BYAS NA MANG DU PHAN PA YIN NO, ,NAS DANG RTZA 'BRU PHUB MA MED BYAS LA, ,THAL SMAN NANG DU SBANGS SHING SNUM MED BZA', ,KHU BA BSTEN PA LA SOGS GANG GZHAN NI, ,BAD KAN SEL BAR BYED PA PHAN PA YIN, ,ZHES BYA BA LA; NAS DANG RTZA 'BRU TZI TZE LA SOGS PA PHUB MA MED PAR DRUS PA THAL SMAN GYI NANG DU SBANGS NAS SNUM MED PA'I BZA' BA DANG, DE DAG GI KHU BA LA SOGS PA BSTEN PA DANG, ,GZHAN YANG BAD KAN SEL BAR BYED PA'I KHA ZAS DAG KYANG PHAN PA YIN NO, ,SROG NI RLUNG GI LAM LA GNAS PAS NA, ,BAG MED PA YIS 'GAG PAR 'GYUR BA YIN, ,DE BAS LKOG MA'I NAD KYI GSO BA NI, ,SHIN TU MYUR BAR BYA BA KHO NA YIN, ,ZHES BYA BA LA, SROG CES BYA BA'I RLUNG NI LKOG MA'I LAM LA GNAS SHING, DE LAS RGYU BAS NA BAG MED PAR GYUR PA'I MI DBUGS RGYU BZHIN DU YANG NAD DES 'GAG PAR BYED PAS NA, DE BAS NA DE RNAMS KYI NANG NAS LKOG MA'I NAD KYI GSO BA NI SHIN TU RINGS PA KHO NAR GSO BA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U NYI SHU RTZA GNYIS PA'I RNAM PAR 'GREL PA'O,, ,,
, ,DE NAS MGO BO'I NAD KYI DMIGS SHES PAR BYA BA BSHAD PAR BYA'O ZHES BYA BA LA, GO RIMS KYIS NA LE'U 'DI NYID BRTZAMS PA YIN NO, ,DU BA NYI TSAN KHA BA DANG, ,CHU DANG RTZE DANG GNYID DRAGS DANG, ,GNYID YAR RDUL DANG MDUN GYI RDUL, ,MCHI MA BKAG DANG DUS DRAGS DANG, ,CHU 'THUNGS CHANG 'THUNGS DRAGS PA DANG, ,SRIN BUS SHUGS NI BKAG PA DANG, ,SNGAS DANG BSKU BYUGS DRIL PHYIS LA, ,MI DGA' RGYUN DU THUR DU BLTA, ,MA GOMS DRI DANG ZAS GNOD ZOS, ,MANG DU SMRAS PAS MGO BO YI, ,NANG DU NAD NI SKYED PAR BYED, ,CES BYA BA LA, DU BA DANG NYI TSAN LA SOGS PA BSTEN PA'I RGYU DANG, SRIN BU'I SHUGS 'BYUNG BA BKAG PA DANG, SNGAS LA SOGS PA LA MI DGA' BA DANG, RGYUN DU THUR DU BLTA BA DANG, SNGAR MA GOMS PA'I DRI SNOMS PA DANG, KHA ZAS GNOD PA ZOS PA DANG, MANG DU SMRAS PAS NAD LANGS PAR GYUR TE, MGO BOR ZHUGS NAS MGO BO'I NAD DU GTOGS PA RNAMS SKYED CING 'BYUNG BAR BYED DO, ,DE LA RLUNG NI 'KHRUGS PA LAS, ,MUR 'GRAM GNYIS SU SHIN TU ZUG ,'GRAM SO PHUG PA SNYAM DU SEMS, ,SMIN MA'I MTSAMS DANG DPRAL BA NI, ,LTUNG BA SNYAM SEMS RAB TU NA, ,RNA BAR SGRA YIS GNOD PAR BYED, ,MIG NI PHYUNG BA SNYAM DU SEMS, ,MGO BO 'KHOR BA LTA BUR SEMS, ,TSIGS RNAMS BYE BA SNYAM DU BYED, ,RTZA YI DRA BA SHIN TU 'PHAR, ,MJING PA 'GRAM PA 'BYAR SNYAM BYED, ,GSAL BA MTHONG BAR MI BZOD CING, ,SNA CHU 'DZAG CING GLO BUR DU, ,NA BA DANG NI NAD GZHI BYED; ,MNYE ZHING SNUM BSKUS DUGS BYAS DANG, ,BCINGS PAS BDE BAR 'GYUR BA YIN, ,MGO BO TSA BA'I NAD CES BYA, ,ZHES BYA BA LA, MGO BO'I NAD DE DAG GI NANG NAS, RLUNG LAS GYUR PA'I MGO BO'I NAD KYI MTSAN MA NI MUR 'GRAM GNYIS SHIN TU NA ZHING ZUG PA LA SOGS PA 'BYUNG BA DANG, RNA BA GNYIS SU SGRA 'UR 'UR PO GRAG PA LAS GNOD PAR BYED CING NA BA DANG, MIG PHYIR PHYUNG BA SNYAM DU SEMS PA DANG, MGO BO THAMS CAD BSKOR BA LTAR SEMS PA DANG, DE BZHIN DU RUS PA'I TSIGS RNAMS BYE BA SNYAM DU BYED PA LA SOGS PA DANG, SNANG BA'I PHYOGS LA SOGS PA GSAL BA
MTHONG BAR MI BZOD PA LA SOGS PA DANG, MNYE BA DANG, SNUM BSKU BA LA SOGS PAS NAD RTZE ZHIL ZHING BDE BAR 'GYUR BA YIN TE, NAD 'DI NI MGO BO TSA BA'I NAD CES BYA'O, ,GLAD PA'I GZHOGS PHYED NA BA NI, ,GZHOGS BYED NAD CES BYA BAR BSHAD, ,ZLA GCIG ZLA PHYED NAS LNGA DE, ,RANG NYID ZHI BAR 'GYUR BA YIN, ,SHAS CHER 'PHEL NA MIG DANG NI, ,RNA BA DAG KYANG MA RUNGS BYED, ,CES BYA BA LA, GLAD PA'I GZHOGS PHYED DE SPYI BO'I PHYED KYI CHA SHIN TU NA BAR GYUR PA NI MING GZHOGS PHYED KYI NAD CES BYA LA, DE YANG ZLA BA GCIG GAM ZLA BA PHYED NAS LDANG ZHING NA LA, DE NAS NI SMIN MI DGOS LA RANG NYID ZHI BAR 'GYUR LA, DE SHAS CHER 'PHEL BAR GYUR NA NI, MIG LA SOGS PA MA RUNGS PAR BYED DO, ,MKHRIS GYUR MGO BO TSA BA DANG, ,DUD PAS BDUGS SNYAM SEMS RIMS 'DEBS, ,RDUL ZHING MIG TSA BA RGYAL BA DANG, ,MTSAN MO GRANG BAS RTZE 'JIL 'GYUR; ,ZHES BYA BA LA, MKHRIS PA LAS GYUR PA'I MGO BO TSA BA'I NAD NI MGO BO DUD PAS BDUGS PA SNYAM DU SEMS PAR 'GYUR BA LA SOGS PA DANG, MTSAN MO'I DUS DANG GRANG BA LA RTZE 'JIL BAR 'GYUR BA YIN NO, ,BAD KAN LAS GYUR YIG 'CHUS, ,MGO LCI TSOR BA MED CING GRANG; ,RTZA MI 'PHAR ZHING SGYID SNYOM LA, ,NYIN MO NAD CHUNG MTSAN MO LDANG, ,RMYA ZHING MIG NI SKRANGS PA DANG, ,RNA BA G-YA' ZHING SLON PA YIN, ,ZHES BYA BA LA, BAD KAN LAS GYUR PA'I MGO BO TSA BA'I NAD LA YIG 'CHUS PA LA SOGS PA DANG, RTZA THAMS CAD MI 'PHAR BA LA SOGS PA NAS, SLON PA'I BAR GYI MTSAN NYID DANG LDAN PA YIN NO, ,KHRAG GYUR MKHRIS PA LAS CHER NA, ,ZHES BYA BA LA, KHRAG LAS GYUR PA'I MGO BO TSA BA'I NAD NI, MKHRIS PA'I MTSAN NYID DANG LDAN PAR GYUR PA LAS, SHIN TU DRAG PAR NA BAR GYUR PA YIN NO, ,'DUS GYUR MTSAN NYID KUN DANG LDAN, , ZHES BYA BA LA, NAD GZHI GSUM CHAR 'DUS PA LAS GYUR PA'I MGO BO NA BA'I MTSAN NYID NI NAD GZHI GSUM CHAR 'DUS PA'I MTSAN NYID DANG LDAN PA YIN NO, ,'DREN MA'I ZAS KYIS SPYI BO YI, ,KHRAG DANG SHA NI 'DRUL BYAS PAS, ,'DUS PA'I NAD NI 'KHRUGS 'GYUR ZHING, ,MGO BO'I SRIN BU
, ,SKYE BAR 'GYUR, ,DES NI MGO BO'I KHRAG 'THUNG ZHING, ,SEMS NI 'KHRUL PAR BYED PA YI, ,MI BZAD NAD NI SKYED PAR BYED, ,LUD PA RIMS DANG NYAMS STOBS ZAD, ,MGO BO RTZUB SKRANG DBUG SNYAM NA, ,TSA ZHING MGO 'GUL RNAGS PA DANG, ,THOD PA RKAN DANG MGO BOR NI, ,G-YA' ZHING SKEM LA TSOR BA MED, ,SNABS KYI MDOG NI DMAR BA LA, ,RNA BA SGRA BCAS SRIN SKYES NAD, ,CES BYA BA LA, SRIN BU LAS BYUNG BA'I MGO BO TSA BA'I NAD KYI MTSAN NYID NI 'DI DAG YIN TE, 'PHROD PA DANG MI 'PHROD PA'I KHA ZAS 'DRES MAR ZOS PAS, SPYI BO'I KHRAG DANG SHA'I TSOGS 'DRUL ZHING RNAGS PAR GYUR PA LA, 'DUS PA'I NAD 'KHRUGS PAR GYUR PA LAS, DE LAS MGO BO'I SRIN BU'I NAD SKYED PAR 'GYUR TE, 'BU DE RNAMS MGO BO NA GNAS PA'I KHRAG 'THUNG BAR BYED CING, SEMS 'KHRUL BA SKYED PAR BYED PA'I NAD MI BZAD PA BRNAG PAR DKA' BA SKYED PAR BYED [?] PA DANG, DE BZHIN DU LUD PA LA SOGS PA'I NAD SKYED PAR BYED PA DANG, KHAB KYIS PHUG PA SNYAM DU NA BA LA SOGS PA DANG, RNA BA NAS SGRA ZI ZI'O 'BYUNG BA STE, DE DAG NI SRIN BU LAS GYUR PA'I MGO NAD KYI MTSAN NYID YIN NO, ,RLUNG SHAS CHE BAS MGO 'DAR ZHING, ,DE YI MING CAN NAD SKYED BYED, ,CES BYA BA LA, NAD GZHI GSUM RLUNG GI SHAS CHE BA LAS MGO 'DAR ZHING 'DAM PA'I NAD SKYE BAR 'GYUR LA, DE NI DE'I MING CAN TE MGO BO 'DAR BA DANG, MGO BO 'DAM PA ZHES BYA'O, ,MKHRIS SHAS CHE BA'I RLUNG SOGS KYIS, ,MUR 'GRAM SKRANG ZHING KHRAG BCAS LA, , MI BZAD TSA ZHING NA LA DMAR, ,GLAL ZHING RIMS 'DEBS SKOM MGO 'KHOR, ,KHA NANG KHA BRO GDONG SER ZHING, ,MYUR DU GSOD BYED MUR 'GRAM CAN, ,ZHAG GSUM NAS NI SROG 'JOMS SHING, ,MYUR DU GSON 'TSO BA YIN, ,ZHES BYA BA LA, RLUNG LA SOGS PA'I NAD GZHI GSUM PO LA, MKHRIS PA SHAS CHE ZHING KHRAG DANG BCAS PA 'KHRUGS PA LAS, MUR 'GRAM SKRANG BAR 'GYUR BA DANG, DE YANG MI BZOD PAR TSA BA LA SOGS PA DANG LDAN PAS MYUR DU GSOD PAR BYED PA YIN TE, DE'I MING NI MUR 'GRAM CAN ZHES BYA STE, DE GSO BAS MA BYAS NA ZHAG GSUM NAS GSOD PAR 'GYUR BA
YIN LA, GAL TE MYUR DU GSO BA BYAS NA NI 'TSO BAR 'GYUR BA YIN NO, ,RLUNG MKHRIS RJES 'BREL MUR 'GRAM MIG ,SMIN MA 'PHRAL BA NA BA DANG, ,'PHAR BAR BYED PA SKYED PAR BYED, ,NYI MA 'CHAR BAR GYUR PA NAS, ,NYI MA PHYED KYI BAR DU 'PHEL, ,DE PHAN CHAD NI BDE BAR 'GYUR LTOGS NA DE NI LHAG PAR NA, ,GRANG DANG DRO LA NGES PA MED, ,DE NI NYI MA 'KHOR ZHES BYA, ,ZHES BYA BA LA, RLUNG GI NAD MKHRIS PA DANG 'BREL ZHING 'DRES PAR GYUR NA MUR 'GRAM LA SOGS PAR NYI MA 'CHAR BA'I TSE NA ZHING 'PHAR BAR BYED PA SKYED PAR BYED LA, DE YANG NYI MA PHYED KYI BAR DU NI NAD 'PHEL ZHING SHAS CHER NA LA GLAL TE, LTOGS NA YANG LHAG PAR NA BA YIN NO, ,DE BZHIN DU GRANG BA DANG DRO BAS BDE BAR 'GYUR BA LA NGES PA MED DE LAN 'GA' NI DRO NA BDE BAR 'GYUR LA, LAN 'GA' NI GRANG NA BDE BAR 'GYUR BA YIN LA, NYI MA PHYED YOL BAR GYUR PA DE PHAN CHAD NI NAD DE ZHI ZHING BDE BAR 'GYUR BA YIN TE, NAD DE NI GLAD NAD NYI MA LTAR 'KHOR BA ZHES BYA'O, ,DE LTAR MGO BOR GTOGS PA'I NAD, ,RNAM PA BCUR NI BSHAD PA YIN, ,ZHES BYA BA LA, DE LTAR BSHAD MA THAG PA'I TSUL GYIS NA MGO BO'I NAD NI GRANGS BCUR BSHAD PA YIN NO, ,GZHAN YANG THOD PA LA BRTEN NAD, ,DGU BO MGO BO BZHIN BSHAD BYA, ,ZHES BYA BA LA, MGO BO'I NAD DANG 'DRA BAR THOD PA LA BRTEN PA'I NAD NI RNAM PA DGUR BSHAD PA YIN NO, ,GLAD PA RLUNG NI 'KHRUGS GYUR LA, ,NANG NA GNAS PA'ANG NAD SKYED BYED, ,MDOG GNAG NAD CHUNG SKRANGS PA YIN; ,DE NI NYE BA'I MGO ZHES BYA, ,ZHES BYA BA LA, MNGAL GYI NANG NA GNAS PA'I 'GRO BA LA YANG RLUNG 'KHRUGS PAR GYUR NA KLAD PAN PAR BYED DE, DE YANG MDOG GNAG PA DANG NAD TSABS CHUNG BAR SKRANGS PA YIN TE NAD DE NI NYE BA'I MGO NAD CES BYA'O, ,'BRUM PHRAN THOR BU KHONG 'BRAS NI, NAD GZHI JI BZHIN BRJOD PAR BYA, ,ZHES BYA BA LA, THOD PAR 'BRUM PHRAN LA SOGS PA BYUNG BA YANG NAD GZHI'I TSUL JI LTA BA NYID LAS BSHAD PAR BYA'O, ,THOD PAR LJAN LJIN MANG PO DANG, ,KHRAG DANG MKHRIS PA'I 'BU LAS NI, ,KHRE DANG YUNGS KAR LTA BUR 'BYUNG, ,'BRUM PHRAN
, ,SRIN GYI NAD SKYED 'GYUR, ,ZHES BYA BA LA, THOD PAR RNAG DANG LDAN LJIN MANG PO YOD PA LAS KHRAG DANG MKHRIS PA LAS GYUR PA'I 'BU LAS KHRE DANG YUNGS KAR LTA BU 'BYUNG BAR BYED PA GANG YIN PA DE NI SRIN NAM GLOG PA'I NAD CES BYA'O, ,RLUNG DANG MKHRIS PA 'KHRUGS PA LAS, ,PAGS PA RTZUB CING GAS PA DANG, ,G-YA' ZHING SKRA 'BYI TSOR BA MED, ,GYUR PA MI BZAD YIN ZHES BYA, ,ZHES BYA BA LA, RLUNG DANG MKHRIS PA GNYIS 'KHRUGS PA LAS PAGS PA RTZUB CING GAS PA LA SOGS PAR GYUR NA, DE NI THOD PA'I MI BZAD PA ZHES BYA'O, ,MKHRIS PA RLUNG DANG 'DRES PA NI, ,BA SPU'I NANG DU ZHUGS GYUR PA, ,SKRA NI 'BYI BAR BYED PA YIN, ,DE NAS BAD KAN KHRAG BCAS PAS, ,BA SPU'I BU GA 'GAG BYED DE, ,DE YIS GZHAN DAG MI 'BYUNG BA, ,'KHOR LING SKRA 'BYI ZHES BYA STE, ,GZHAN DAG SKRA 'BYI ZHES BYAR 'DOD, ,CES BYA BA LA, BA SPU'I BU GA NA GNAS PA'I MKHRIS PA'I NAD RLUNG 'DRES PAR GYUR PA BA SPU'I NANG DU ZHUGS TE SKRA'I TSOGS 'BYI BAR BYED LA, DE'I 'OG TU BAD KAN DANG KHRAG DANG BCAS PAS BA SPU'I BU GA 'GAG PAR BYED DE, RGYU DES NA DE LA SPU GZHAN DAG 'BYUNG BAR MI 'GYUR BA'I NAD GANG YIN PA DE NI KOR LING DU SKRA 'BYI BA ZHES BYA'O, ,ZHES SLOB DPON GYIS BSHAD DO, ,DRANG SRONG GZHAN DAG NI NAD DE LA SKRA 'BYI BA ZHES BYA'O, ,ZHES ZER RO, ,SPYI CER SKYE BA'ANG DE BZHIN DU, ,SKRA 'BYI DE LA RIM GYIS 'BYUNG, ,ZHES BYA BA LA, SPYI CER YANG BSHAD MA THAG PA'I TSUL DE BZHIN DU 'BYUNG BA YIN LA, SPYI CER DE LA NI SKRA RIM GYIS 'BYI BAR 'GYUR RO, ,DE NI RLUNG GYUR MES TSIG 'DRA, ,MKHRIS GYUR RLAN CAN RTZA YIS KHYAB, ,BAD KAN PAGS PA'I MDOG DKAR MTHUG ,PAGS PA RANG GI JI BZHIN SNANG, ,ZHES BYA BA LA, SPYI CER RLUNG LAS GYUR PA NI SKRA 'BYI BA'I RJES MES TSIG PA 'DRA LA, MKHRIS PA LAS GYUR PA'I RJES DE RNGUL [?] GYI RLAN CAN YOD CING RTZA RGYAS PA YIN NO, ,BAD KAN LAS GYUR PA'I PAGS PA'I MDOG DKAR ZHING MTHUG PA YIN NO, ,GZHAN YANG PAGS PA RANG GI NAD GZHI JI LTA BA BZHIN DU SNANG STE, GNAG PA DANG, DMAR BA DANG, DKAR BAR SNANG BA YIN NO, ,'DUS
GYUR MTSAN NYID KUN DANG LDAN, ,SEN MO'I MDOG 'DRA GSOR MI RUNG, ,ZHES BYA BA LA, NAD GZHI GSUM CHAR LAS GYUR PA'I SKRA 'BYI BA NI MTSAN NYID THAMS CAD DANG LDAN LA, MDOG SEN MO'I MDOG LTAR SNANG BA YIN TE, DE NI GSOR MI RUNG BA YIN NO, ,MES BSREGS LTA BUR SPU MED GANG; ,TSA BCAS DE YANG GSOR MI RUNG, ,ZHES BYA BA LA, SPYI CER GANG MES BSREGS PA LTA BUR SNANG LA SPU MED CING, TSA BA DANG BCAS PAR GYUR PA DE YANG GSOR MI RUNG BA YIN NO, ,MYA NGAN KHRO DANG NGAL LAS BYUNG, ,LUS KYI DROD NI MGOR ZHUGS PAS, ,NAD DES SKRA NI BTZOS NAS NI, ,DE LAS SKRA DKAR SKYE BAR 'GYUR, ,ZHES BYA BA LA, MYA NGAN LA SOGS PA LAS BYUNG BA'I LUS KYI DROD MGO BO'I NANG DU ZHUGS PAS DES SKRA BTZOS TE DE'I PHYIR SKRA DKAR SKYE BAR 'GYUR BA YIN NO, ,DE NI RLUNG GYUR YID TZAM GNAG ,SRA ZHING RTZUB LA CHU MDOG CAN, ,ZHES BYA BA LA, SKRA DKAR DE RLUNG LAS GYUR PA LA NI SKRA YID TZAM GNAG CING SRAB PA LA SOGS PA YIN NO, ,MKHRIS PAS TSA ZHING MDOG SER YIN, ,ZHES BYA BA LA, MKHRIS PA LAS SKRA DKAR BA NI TSA BA DANG BCAS SHING MDOG SER BA YIN NO, ,BAD KAN LAS GYUR SNUM ZHING 'PHEL, ,SBOM ZHING MDOG NI DKAR BA YIN, ,ZHES BYA BA LA; BAD KAN LAS GYUR PA'I SKRA DKAR NI SNUM PA LA SOGS PA'I MTSAN NYID CAN YIN NO, ,'DUS GYUR MTSAN MA 'DREN MA YIN, ,ZHES BYA BA LA, NAD GZHI GSUM CHAR LAS GYUR PA'I SKRA DKAR NI MTSAN NYID GSUM CHAR DANG LDAN PA YIN NO, ,MGO BO'I NAD LAS BYUNG BA GZHAN, ,MDOG GANG NA REG NA MI BZOD YIN, ,ZHES BYA BA LA, SKRA DKAR MGO BO'I NAD LAS GYUR PA GZHAN DAG NI MDOG NGAN PA LA SOGS PA YIN NO, ,'DUS PA LAS NI GYUR PA YI, ,SPYI CER SKRA DKAR GSOR MI RUNG, ,ZHES BYA BA LA, NAD GZHI GSUM 'DUS PA LAS GYUR PA DANG, DE BZHIN DU 'DUS PA LAS GYUR PA'I SPYI CER NI GSOR MI RUNG BA YIN NO, ,LUS KYI 'GYUR BA LAS BYUNG BA, ,BCUD KYIS LEN GYIS GSO BAR BYA, ,ZHES BYA BA LA, LUS KYI 'GYUR BA RGAS PA ZHES BYA BA LAS BYUNG BA'I SKRA DKAR NI BCUD KYIS LEN PA LA LTOS SHING DE LA BRTEN TE GSO DGOS PA YIN NO, ,YAN LAG BRGYAD PA'I SNYING PO'I RNAM
, ,PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U NYI SHU RTZA GSUM PA'I RNAM PAR 'GREL PA'O,, ,,DE NAS MGO BO'I NAD GSO BA BSHAD PAR BYA'O, ,ZHES BYA BA LA, RLUNG LAS GYUR PA'I MGO NAD LA, ,RLUNG NAD GSO BA'I CHO GA BSHAD, ,CES BYA BA LA, RLUNG LAS GYUR PA'I MGO BO'I NAD LA NI RLUNG NAD GSO BA'I CHO GA JI SKAD SMOS PA DAG BSHAD PAR BYA'O, ,'DI NI MTSAN MO ZHUN MAR BLUD, ,DE RJES 'O MA DRON MO BLUD, ,CES BYA BA LA, YANG NA MGO BO'I NAD 'DI MTSAN MO NA BA NI ZHUN MAR BLUD CING DE'I RJES LA 'O MA DRON MO BLUD PAR BYA'O, ,MA SHA RGYA SRAN MUD GA'ANG RUNG, ,MAR DANG LDAN PA DE BZHIN SBYIN, ,ZHES BYA BA LA, DE BZHIN DU SRAN MA SHA MAR DANG LDAN PA'AM, RGYA SRAN MAR DANG LDAN PA'AM, MU DAG MAR DANG LDAN PA BYIN LA, DE BZHIN DU 'O MA DRON MO BLUD PAR BYA'O, ,TIL MAR TIL GYI LDE GU NI, ,'O MA DANG NI LHAN CIG BLUD, ,CES BYA BA LA, TIL MAR DANG TIL GYI LDE GU NI 'O MA DANG LHAN CIG SBYAR BA BLUD NA YANG PHAN NO, ,GLAN DANG BCING BA'I DUGS DAG NI, ,SHA DANG 'U SU LAS BYAS PHAN, ,ZHES BYA BA LA, RLUNG LAS GYUR PA'I MGO BO TSA BA'I NAD LA SHA DANG 'U SU'I 'BRAS BU SBYAR BA LAS BYAS PA GLAN CING, SBYAR BA'I DUGS DANG BCING ZHING DKRI BA'I DUGS BYAS NA YANG PHAN NO, ,RLUNG 'JOMS RTZA BA BCU LA SOGS, ,BSKOL BA'I 'O MA SNUM CAN BLUD, ,CES BYA BA LA, RTZA BA BCU LA SOGS PA'I RLUNG 'JOMS PA'I SMAN DANG BSKOL BA'I 'O MA'I RGYUN BLUD NA YANG PHAN NO, ,SNA SMAN DUD BRNGUB SNUM CAN DANG, ,MGO DANG RNA BA BRTA BAR BYA, ,ZHES BYA BA LA, RLUNG LAS GYUR PA'I MGO BO'I TSA BA LA SNA SMAN SNUM CAN LA SOGS PA BYAS NA PHAN NO, ,BA RA [?] NA SOGS SDE TSAN BRDUNG, ,'O MA CHU PHYED BSKOL BA YI, ,'O MA LUS PA DE BSGRANGS LA, ,BSRUBS TE SNYING PO BLANGS NAS NI, ,DE NAS MNGAR BA'I SDE TSAN BSKOL, ,MAR GYI SNA SMAN BLUGS PA BSNGAGS, ,ZHES BYA BA LA, BA RA [?] NA LA SOGS PA'I SDE TSAN GTUN GYI NANG DU BRDUNGS PA 'O MA PHYED KYI CHU DANG BSRES PA'I NANG DU
BSKOL TE, 'O MA LUS PA DANG BSGRANGS TE BSRUBS LA DE LAS DE'I SNYING PO MAR SAR BLANGS NAS, DE'I 'OG TU DZI BANTI LA SOGS PA MNGAR BA'I SDE TSAN DANG BSKOL BA'I MAR DES SNA SMAN BLUGS NA YANG PHAN NO, ,'DIR NI 'O MA'I SDE TSAN BSKOL, ,MAR DANG KHA RAR BCAS PA BLUGS, , ZHES BYA BA LA, YANG NAD 'DIR 'O MA'I SDE TSAN LAS BSHAD PA'I 'O MA BRGYAD PO BSKOL BA LAS BSRUBS PA'I MAR KHA RA DANG BCAS PA BLUGS NA YANG PHAN NO, ,RAS BAL SA BON SHING TSA DANG, ,GLA SGANG DZ'A TI KHA 'BUS PA, ,CHU DRON BTAGS PA'I SNA SMAN NI, ,MGO BO'I NAD KUN 'JOMS BYED YIN, ,ZHES BYA BA LA, RAS BAL GYI SA BON LA SOGS PA CHU DRON LA BTAGS TE BTZAGS PA'I SNA SMAN BTANG NA MGO BO'I NAD THAMS CAD SEL BAR BYED PA YIN NO, ,KHRAG DANG MKHRIS PA LAS GYUR PA, ,KHA RA GUR GUM MAR BSKOL GTANG, ,ZHES BYA BA LA, KHRAG DANG MKHRIS PA LAS GYUR PA'I MGO BO'I NAD LA NI KHA RA DANG GUR GUM DANG MAR BSKOL BA'I SNA SMAN GTANG BAR BYA'O, ,RU RTA RGYA SPOS AUTPA LA, ,TZANDAN MAR SBYAR MGO BOR BSKUS, ,ZHES BYA BA LA, YANG DE LA RU RTA LA SOGS PA'I SMAN SBYAR BAS BSKU BAR BYA'O, ,RLUNG SHAS CHE LA 'JIGS YOD PAS, ,GTAR GA 'DI LA MI BYA'O, ,ZHES BYA BA LA, RLUNG GI SHAS CHE BA'I MGO BO'I TSA BA'I NAD LA NI GTAR GA BYAR MI RUNG STE, DES NI RLUNG 'KHRUGS PAR 'GYUR BA'I SKYON YOD DO, ,DES MA ZHIN BAD RLUNG LA, ,ME BTZA' JI SKAD BSHAD PA BYA, ,ZHES BYA BA LA, SMAN GYI SBYOR BA DE DAG GIS NAD DE ZHI BAR MA GYUR NA, RLUNG DANG BAD KAN LAS GYUR PA'I MGO BO'I NAD LA JI SKAD BSHAD PA BZHIN DU ME BTZA' GDAB PAR BYA'O, ,GZHOGS PHYED NA LA'ANG DE BZHIN TE, ,NAD DANG 'BREL BA'I GSO BA BYA, ,ZHES BYA BA LA, RLUNG LAS GYUR PA'I MGO BO'I TSA BA'I GSO BA BSHAD MA THAG PA 'DI NI GZHOGS PHYED NA BA LA YANG PHAN LA, ,NAD GZHAN DANG 'BREL PA DAG LA YANG 'BREL PA'I TSUL LAS GSO BA CI RIGS PAR BYAS NA PHAN NO, ,SHI RI SHA YI SA BON [?] DANG, ,AA PA MARGA'I RTZA BA DANG, ,KHA RU TSA BCAS SNA SMAN GTANG, ,ZHES BYA BA LA, SHI RI SHA'I SA BON LA SOGS PA'I SNA SMAN BTANG NA YANG DE
, ,LA PHAN NO, ,YANG NA SA LA PARnI 'AM, ,TZAKRA MARDA GANG YANG RUNG, ,SKYUR KHU DANG SBYAR LDE GUS BSKU, ,ZHES BYA BA LA, YANG NA SA LA PARnI'I SMAN GYI SNA SMAN GTANG BA'AM, YANG NA 'DI GNYIS GANG YANG RUNG BA'I LDE GUS BSKU BAR BYA'O, ,NYI MA LTAR 'KHOR DE YI TSE; ,GTAR GAS KHRAG NI DBYUNG BAR BYA, ,ZHES BYA BA LA, GLAD NAD NYI MA LTAR 'KHOR BA LA YANG CHO GA 'DI NYID LTAR BYA STE, RLUNG LAS GYUR PA'I MGO BO TSA BA'I GSO BA'I SBYOR BA BYA'O, ,DE LA KHYAD PAR DU NI NAD 'DI LA GTAR GA GDAB PAR BYA'O, ,MKHRIS PA LAS GYUR MGO NAD LA, ,SNUM CHOS BYAS NAS GTAR GA GDAB, ,CES BYA BA LA, MKHRIS PA LAS GYUR PA'I MGO BO'I TSA BA'I NAD LA NI DANG POR SNUM CHOS BYAS LA, DE'I 'OG TU GTAR GA GDAB PAR BYA'O, ,MGO DANG GDONG BYUGS SMAN CHU BLUGS, ,SLON KHRUS MAS GTONG BSIL BAR BYA, ,ZHES BYA BA LA, MKHRIS PA LAS GYUR PA'I MGO BO'I TSA BA LA NI MGO BO DANG GDONG BSKU BA LA SOGS PA'I SBYOR BA NUS PA BSIL BA'I SMAN GYIS BYA'O, ,'TSO BYED DANG BSKOL 'O MA DANG, ,MAR NI SNA SMAN BTUNG BA BLUGS, ,ZHES BYA BA LA, YANG NAD DE LA 'TSO BYED KYI SDE TSAN DANG BSKOL BA'I 'O MA DANG MAR GYI SNA SMAN GTANG BA DANG BTUNG BA BLUGS PAR BYA'O, ,KHRAG LAS GYUR PA'ANG 'DI NYID BYA, ,MUR 'GRAM CAN LA GTAR GA SPANG, ,ZHES BYA BA LA, KHRAG LAS GYUR PA'I MGO BO'I TSA BA'I NAD LA YANG MKHRIS PA GSO BAR BSHAD PA'I CHO GA 'DI NYID BYA ZHING, DE BZHIN DU MUR 'GRAM CAN ZHES BYA BA'I MGO NAD LA GTAR GA MA GTOGS PA GSO BA 'DI DAG NYID BYA'O, ,BAD KAN MGO NAD MAR RNYING DANG, ,SNUM CHOS BYAS LA TSA BAS SLON, ,ZHES BYA BA LA, BAD KAN LAS GYUR PA'I MGO BO'I TSA BA'I NAD LA NI MAR RNYING SNUM CHOS BYAS LA, SMAN TSA BA'I SLON SMAN BLUD PAR BYA'O, ,DUGS DANG BYUGS PA SNA SMAN TSOGS, ,RTZUB DRO RNO BA'I SMAN GYIS GSO, ,ZHES BYA BA LA, YANG BAD KAN LAS GYUR PA'I MGO BO'I TSA BA'I NAD LA SMAN RTZUB CING DRO BA LA SOGS PA'I MGO BO'I TSA BA'I NAD LA MAR RNYING PAS GSO BAR BYA'O, ,'DIR NI SMYUNG BA 'ANG BSNGAGS PA YIN, ,ZHES BYA BA LA, BAD KAN LAS GYUR
PA'I MGO BO'I TSA BA'I NAD 'DI LA SMYUNG BA BYAS PA NA YANG PHAN PA YIN NO, ,'DUS PA LAS NI 'DREN MAR GSO, ,ZHES BYA BA LA, 'DUS PA LAS GYUR PA'I MGO BO'I TSA BA'I NAD LA NI GSO BA SNGA MA DE DAG 'DREN MAS BYA'O, ,SRIN GYUR SNA SMAN KHRAG BLUGS TE, ,DE YIS 'BU NI BRGYAL BAR 'GYUR, KHRAG GI DRI YIS RA RO NAS, ,KHA DANG SNA NAS 'BYUNG BAR 'GYUR, ,ZHES BYA BA LA, SRIN BU LAS GYUR PA'I MGO BO'I NAD LA NI SNA SMAN DU KHRAG BLUGS PAR BYA STE, KHRAG DE'I DRIS 'BU DE BRGYAL ZHING RA RO BAR GYUR NAS DE'I 'OG TU KHA DANG SNA'I BU GA NAS PHYIR 'BYUNG BAR 'GYUR RO, ,DE NAS SNA SMAN DUD BRNGUB RNOS, , DE NI NYE BAR DBYUNG BAR BYA, ,ZHES BYA BA LA, DE'I 'OG TU 'BU DE RNAMS SMAN DANG DUD PA BRNGUB PA SHIN DU RNO BAS PHYIR DBYUNG BAR BYA'O, ,YUNGS KAR NIM PA AING GU DANG, ,PI LU'I MAR DANG SBYAR BA YI, ,BYI DANG GA DANG SARDZI KA, ,DAN DA SHING KUN BA GCIN BSKOL, ,SNA SMAN SO SOR GTANG BAR BYA; ;ZHES BYA BA LA, YUNGS MAR RAM NIM PA'I MAR RAM, AING GU'I MAR RAM PI LU'I MAR DANG BYI DANG GA LA SOGS PA'I LDE GU SO SOR GTANG BAR BYA'O, ,BYI DANG GA NI RA GCIN DANG, ,SBYAR BA'I SNA SMAN 'BU 'JOMS MCHOG ,CES BYA BA LA, BYI DANG GA RA GCIN DANG SBYAR BA'I SNA SMAN YANG SRIN BU 'JOMS PAR BYED PA'I MCHOG YIN NO, ,NYA RUL BCAS PA'I SNA SMAN DANG, ,DUD PA DAG KYANG BRNGUB PAR BYA, ,ZHES BYA BA LA, NYA RUL PA DANG BCAS PA'I SNA SMAN DANG DUD PA BRNGUB PA DAG KYANG BYA STE, DON DU NA SMAN DANG DUD PA'I SKABS SU BSHAD PA'I SMAN DANG NYA RUL PAS BYA BA'I DON TO, , SRIN BUS KHRAG NI 'THUNGS PA'I PHYIR, ,'DI LA KHRAG NI DBYUNG MI BYA, ,ZHES BYA BA LA, SRIN BU LAS GYUR PA'I MGO NAD 'DI LA SNGAR SRIN BUS KHRAG 'THUNGS ZIN PA'I PHYIR GTAR GA GDAB CING KHRAG DBYUNG DU MI RUNG NGO, ,MGO 'DAR RLUNG GI MGO NAD KYI, ,GSO BA ME BTZA' MA GTOGS BYA, ,ZHES BYA BA LA, MGO 'DAR ZHING 'DAM PA'I MGO BO'I NAD LA RLUNG LAS GYUR PA'I MGO BO'I TSA BA'I NAD KYI GSO BA LAS ME BTZA'AM GTOGS PA THAMS CAD BYA'O, ,NYE BA'I MGO NAD SKYES PA YI, ,RJES DANG SKYES MA THAG LA NI, ,RLUNG NAD KYI NI GSO BA BYA, ,SMIN NAS KHONG 'BRAS GSO LAS BYA, ,
, ,ZHES BYA BA LA, NYE BA'I MGO NAD CES BYA BA NAD DE SKYES PA'I RJES LA DANG, SKYES MA THAG PA'I GSAR BA LA NI RLUNG NAD KYI GSO BA JI SKAD SMOS PA BYA LA, NYE BA'I MGO NAD SMIN NAS NI KHONG 'BRAS KYI GSO BA'I LAS BYA'O, ,'BRUM PHRAN 'BRUM BU KHONG 'BRAS LA, ,SMIN DANG MA SMIN JI BZHIN BYA; ,ZHES BYA BA LA, ,'BRUM PHRAN DANG 'BRUM BU DANG KHONG 'BRAS LA NI SMIN PA DANG MA SMIN PA'I GNAS SKABS KYI SMAN JI LTA BA BZHIN DU SBYAR BAR BYA'O, ,SRIN LA SRIN BU PAD PA YIS, ,GTAR GA BYAS TE NIM PA'I CHU, ,BLUGS SHING RTA SBANGS KHU BA NI, ,LAN TSVA SHAS CHER BTAB PAS BSKU, ,ZHES BYA BA LA, SRIN PHRA MO 'AM GLOG PA BYUNG BA LA NI SRIN BU PAD PAS GTAR GA BYAS LA, NIM PA'I CHU BLUGS PA LA SOGS PA'I SBYOR BA BYA'O, ,NIM PA PA TO LA'I LO MA, ,YUNGS MAR BCAS PA ZHIB BTAGS BSKU, ,ZHES BYA BA LA, YANG NA GLOG PA LA NIM PA DANG, PA TO LA'I LO MA DANG YUNGS MAR DANG BCAS PA ZHIB TU BTAGS PAS BSKU BAR BYA'O, ,BA GCIN 'BA' CHA RNYING PAR SBYAR, ,KHYIM BYA'I RTUG PA DAG GIS BSKU, ,ZHES BYA BA LA, YANG NA NAD DE LA BA GCIN LA SOGS PAS BSKU BAR BYA'O, ,GYO MOR RU RTA BRNGOS PA DANG, ,TIL GYI PHYE MAR BCAS PA YIS, ,GLOG PAR BSKUS NA G-YA' BA'AM, , CHU 'DZAG TSA BA SEL BAR BYED, ,CES BYA BA LA, RU RTA GYO MO'I DUM BU'I NANG DU BRNGOS SHING TSOGS PAR BYAS LA, TIL GYI PHYE MA DANG BCAS PA'I LDE GUS GLOG PA 'AM SRIN NAD LA BSKUS NA CHU 'DZAG PA LA SOGS PA SEL BAR BYED DO, ,MA LA TZI DANG TZI TRA KA, ,KA RA B'I RA KA RANYDZA, ,TIL MAR SPU GRIS BREGS PA YI, ,RJES BSKUS 'KHOR LING 'BYI BA SEL, ,ZHES BYA BA LA, MA LA TZI LA SOGS PA'I SMAN DANG BSKOL BA'I TIL MAR SPU GRIS BREGS PA'I RJES LA BSKUS NA 'KHOR LING DU 'BYI BA DANG, GLOG PA SEL BAR BYED DO, ,DES MA ZHI NA MGO BO YI, ,SBYANG BYA SLON SMAN SOGS PA BYA; ,ZHES BYA BA LA, SBYOR BA DE DAG GIS MA ZHI NA MGO BO'I BKRU SMAN LA SOGS PAS MGO BO SBYANG BA LA 'BAD PAR BYA'O, ,MI BZAD PA LA DANG POR NI, ,DPRAL BA'I RTZA LA GTAR GA BYA, ,MGO BO'I BKRU SMAN SNA SMAN GTANG, ,ZHES BYA BA LA, MI BZAD PA ZHES BYA BA'I MGO BO'I NAD LA NI DPRAL
BA'I RTZA NAS GTAR GA GDAB PA LA SOGS PA BYA'O, ,SHING MNGAR BI LA YA'I SA BON, ,RU RTA MA SHA YUNGS KAR BCAS, ,SBRANG RTZIR BCAS PA'I 'DE GUS BSKU, ,ZHES BYA BA LA, MI BZAD PA'I MGO BO'I NAD LA, SHING MNGAR LA SOGS PA'I 'DE GUS BSKUS NA YANG PHAN NO, ,RGYA SKYEGS DONG GA'I LO MA DANG, ,TZA KRA MARDA SKYU RU RA, ,SBRANG RTZIR SBYAR BAS BSKUS KYANG PHAN, ,ZHES BYA BA LA, YANG DE BZHIN DU NAD DE LA RGYA SKYEGS LA SOGS PA'I 'DE GUS BSKUS NA YANG PHAN NO, ,KHRE RGOD RTZA BSREGS THAL BA NI, ,CHU DANG SBYAR BAS BSKUS NA PHAN, ,ZHES BYA BA LA, YANG NA DE LA KHRE RGOD LA SOGS PA BSREGS PA'I THAL BA CHU DANG SBYAR BA BSKUS NA YANG PHAN NO, ,'KHOR LING SKRA 'BYI'I NAD LA NI, ,NYE BAR GTAR GA GDAB PA DANG, ,ZHAL ZHAL BYAS TE NA LE SHAM, ,LDONG ROS SBANGS [?] MA NAG TSUR BSKU, ,ZHES BYA BA LA, 'KHOR LING DU 'BYI BA ZHES BYA BA'I NAD LA NI NAD GANG NA YOD PA DANG NYE BA'I PHYOGS NAS GTAR GA GDAB LA, DE'I 'OG TU RAB TU ZHAL ZHAL BYAS NAS, NA LE SHAM LA SOGS PA'I SMAN GYIS BSKU BAR BYA'O, ,YANG NA 'BA' N+YA THANG SHING NGAM, ,'OL MA SE YI 'BRAS BU RTZA, ,ZHES BYA BA LA, YANG NA 'BA' N+YA ZHES BYA BA PA RI BE LA BA DANG, KU TAN NA DA ZHES BYA BA DANG, THANG SHING GI 'DE GU 'AM, 'OL MA SE'I 'BRAS BU DANG RTZA BA'I 'DE GUS RAB TU ZHAL ZHAL BTAB PAR BSKU BAR BYA'O, ,YANG NA LONGKA LI'I RTZA BA'AM, ,KA RA B'I RA'I KHU BA 'AM, ,ZHES BYA BA LA, YANG NA LANGKA LI ZHES BYA BA BI SHA LYA'I RTZA BA 'AM, KAR B'I RA ZHES BYA BA AA SHO MARDA'I KHU BAS BSKU BAR BYA'O, , KAndA KA RI'I KHU BA NI, ,SBRANG RTZIR BCAS PAS BSKU BA 'AM, ,DHA DU RA YI LO MA 'AM, ,BSE SHING 'BRAS BU'I KHU BAS BSKU, ,ZHES BYA BA LA, YANG NA KAndA KA RI'I 'BRAS BU'I KHU BA SBRANG RTZI DANG BCAS PAS BSKU BA 'AM, YANG NA DHA DU RA'I LO MA 'AM 'BRAS BU'I 'DE GUS BSKU BA 'AM, YANG NA BSE SHING GI 'BRAS BU'I 'DE GUS BSKU BAR BYA'O, ,TIL GYI ME TOG GZE MA DANG, ,MAR DANG SBRANG RTZIR BCAS PA 'AM, ,ZHES BYA BA LA, YANG NA TIL GYI ME TOG LA SOGS PAS BSKU BAR BYA'O, ,GLANG PO'I SO BSREGS TIL MAR BSRES, ,'KHOR LING 'BYI BA'I SMAN MCHOG YIN, ,ZHES BYA BA LA,
, ,YANG NA GLANG PO CHE'I SO BSREGS PA DANG TIL MAR DU BA BSRES PA'I SNAG TSA LTA BU NI 'KHOR LING DU 'BYI BA'I SMAN GYI MCHOG YIN NO, ,SKRA DKAR SKYES LA LUG GI RVA'I, ,SNAG TSAS DE BZHIN BSKU BAR BYA, ,ZHES BYA BA LA, SKRA DKAR SKYES PA LA NI LUG GI RVA BSREGS PA'I SNAG TSA DANG TIL MAR BSRES PAS DE BZHIN DU BSKU BAR BYA'O, ,JI SRID SKRA NI SKYES KYI BAR, ,CHU BLUGS PA NI SPANG [?] BAR BYA, ,ZHES BYA BA LA, SKRA 'BYI BA LA SMAN GYI SBYOR BA BYED PA'I TSE, SKRA SKYES KYI BAR DU CHU BLUGS PA SPANG BAR BYA'O, ,SPYI CER SKRA DKAR GNYER MA MANG, ,SKRA SER SKYES LA SBYANG BYAS NAS; ,SNA SMAN GTANG DANG MGO BKRUS LA, ,BYUG PA RNAMS KYIS GSO BAR BYA, ,ZHES BYA BA LA, SPYI CER LA SOGS PA LA SBYANG BA LEGS PAR BYAS NAS SNA SMAN LA SOGS PAS GSO BAR BYA'O, ,BRI HA TI SOGS TIL MAR BSKOL, ,'TSO BYED BSKOL BA'I SNA SMAN BLUGS, , ZHES BYA BA LA, YANG DE LA BRI HA TI LA SOGS PA LNGA DANG, TIL MAR BSKOL BA DANG, 'TSO BYED KYI SDE TSAN DANG BSKOL BA'I TIL MAR GYI SNA SMAN BLUGS PAR BYA'O, ,NIM PA'I MAR GYIS ZLA BA GCIG ,SNA SMAN BTANG STE 'O MA BLUD, ,CES BYA BA LA, YANG NA NIM PA'I MAR GYI SNA SMAN BLUGS SHING 'O MA BLUD LA, SHIN TU GDAMS PA DANG BCAS PAR BYA'O, ,SHIR SHA AE RAndA DANG RAMS, ,BRING GA R'A DZA'I KHU BAR SBANGS, ,SE'U LU TIL DANG BA RU RA, ,PRI YANG KA KA TA'I SA BON, ,CHA MNYAM LCAGS LA BSKOL NAS NI, ,NYI MI'I 'OD LA BSKAMS NAS NI, ,MAR 'JAG PA YI SNA SMAN GTANG; ,'O MA 'THUNGS PAS SKRA DKAR SEL, ,ZHES BYA BA LA, SHIR SHA LA SOGS PA'I SMAN JI SKAD SMOS PA'I SBYOR BA'I SNA SMAN DU BYA BA STE, DE YANG SE'U LU ZHES BYA BA SLE SMAN TA KA DANG, TIL DANG, BA RU RA DANG, PRI YANG KU DANG, KA KA AAN TA'I SA BON CHA MNYAM PA SHRI SHA LA SOGS PA'I KHU BAR SBANGS PA 'O MA DANG BTAGS LA LCAGS KYI SNOD LA BSKOL TE NYI MA'I 'OD LA SKAMS PA LAS MAR 'DZAG PA GANG YIN PA'I SNA SMAN BTANG ZHING, DE'I RJES LA 'O MA BLUD NA SKRA DKAR SEL BAR 'GYUR RO, ,SA HA TZA RA BYE'U RUG PA, ,BRING GA R'A DZA'I KHU BA NI, ,BRE GANG TIL MAR PHUL GANG DANG, ,
SHING MNGAR SRANG GCIG BTAB STE BSKOL, ,AA SA NA'AM RDO SNOD DAM, ,LUG GI RVA YI NANG DU GZHUG ,CES BYA BA LA, SA HA TZA RA LA SOGS PA'I KHU BA BRE GANG DANG, 'O MA DANG TIL MAR PHUL RE 'AM, SHING MNGAR SRANG GCIG LHAN CIG BSKOL BA'I TIL MAR AA SA NI'I SNOD DAM, RDO'I SNOD DAM, LUG GI RVA'I NANG DU GZHUG LA SNA SMAN GTANG BAR BYA'O, ,KA RA B'I RA PA YA SYA, ,'O MA DANG NI ZHIB BTAGS PAS, ,SKRA DKAR PHYUNG BA'I RJES BSKUS SHING, ,SPANGS NA SKRA DKAR SEL BAR BYED, ,CES BYA BA LA, KAR B'I RA DANG BA LA SYA 'O MA DANG ZHIB TU BTAGS TE, SKRA DKAR DANG PO PHYUNG LA SKRA DKAR GYI RJES LA BSKUS NA SKRA DKAR SEL BAR BYED DO, ,PI LA YA DANG SHING MNGAR DANG, ,'TSO BYED SDE TSAN TIL NAG DANG, ,SA NAG 'O MA'I LDE GU YIS, ,GDONG BSKUS GNYER MA SPU SER SEL, ,ZHES BYA BA LA, PI LA YA LA SOGS PA'I LDE GUS BSKUS NA YANG GNYER MA LHAGS PA DANG; BA SPU SER PO SKYES PA SEL BAR BYED DO, ,TIL DANG PADMA GE SAR DANG, ,SHING MNGAR SBRANG RTZI SKYU RU RA, ,LDE GU 'DI YIS MGO BSKUS NA, ,SKRA 'PHEL GNAG PAR 'GYUR BA YIN, ,ZHES BYA BA LA, TIL LA SOGS PA'I SMAN LDE GUR BYAS PA 'DIS MGO LA BSKUS NA SKRA 'PHEL BA DANG NAG POR 'GYUR BA YIN NO, ,SPANG SPOS RU RTA TIL NAG DANG, ,THAL TRES AUTPAL SNGON PO DANG, ,'O MAR BTAGS TE SBRANG RTZIR SBYAR, ,SKRA NI 'PHEL BAR BYED PA'I MCHOG ,CES BYA BA LA, SPANG SPOS LA SOGS PA'I LDE GUS BSKUS NA YANG SKRA 'PHEL BAR BYED PA YIN NO, ,LCAGS PHYE BRING GA R'A DZA DANG, ,'BRAS BU GSUM DANG SA NAG PO, ,BU RAM SHING KHUR ZLA GCIG GZHUG ,SKRA DKAR RTZAD NAS SKYUR BAR BYED, ,CES BYA BA LA, LCAGS PHYE LA SOGS PA BU RAM SHING GI KHU BAR ZLA BA GCIG GI BAR DU GZHUG LA, DE'I LDE GUS SKRA DKAR RTZA BA NAS TSON SGYUR BAR BYED CING NAG POR BYED DO; ,MA SHA KHRE RGOD SKYUR RTZABS DANG, ,NAS THUG LCAGS PHYE TSA MANG BTAB, ,ZHAG GSUM BZHAG STE BTAGS PA YIS, ,BYA DKAR YANG NA NAG POR BYED, ,CES BYA BA LA, MA SHA ZHES BYA BA MON SRAN SDE'U DANG, KHRE RGOD LA SOGS PA DANG SBYAR BA'I NAS THUG BYAS TE, LCAGS PHYE DANG
, ,TSA MANG DU BTAB STE, ZHAG GSUM GYI BAR DU BZHAG LA, DE'I 'OG TU BTAGS TE SKRA LA BSKUS NA BYA DKAR YANG NAG POR BYED NA, SKRA LTA SMOS KYANG CI DGOS TE 'DI NI KHYAD PAR CAN YOD PAR BSTAN PA'I PHYIR SMOS PA YIN NO, ,SHING MNGAR TZANDAN STAG TSER DANG, ,PI PI LING DANG AUTPAL DANG, ,SKYU RU RA KHU TIL MAR BSKOL, ,SNA SMAN BSKU BA BYAS GYUR NA, ,SKRA DKAR DANG NI KLAD PA YI, ,NAD KUN 'JOMS PAR BYED PA YIN, ,ZHES BYA BA LA, SHING MNGAR LA SOGS PA'I 'DE GU DANG SKYU RU RA'I KHU BA DANG TIL MAR SBYOR BA JI LTA BA BZHIN DU BSKOL TE, SNA SMAN DANG BSKU BA BYAS NA SKRA DKAR DANG KLAD PA'I NAD THAMS CAD SEL BAR BYED DO, ,NYE'U SHING DZI BANTI'I KHU BA, ,'O MA MAR DANG TIL MAR DANG, ,'TSO BYED BSKOL BA'I SNA SMAN GYIS, ,NAM TSONG YAN CHAD NAD KUN SEL, ,ZHES BYA BA LA, NYE'U SHING DZI BANTI BSKOL BA'I KHU BA DANG, 'O MA DANG 'TSO BYED KYI SDE TSAN DANG BCAS PAR BSKOL BA'I SNA SMAN 'DIS NI NAM TSONG YAN CHAD KYI NAD THAMS CAD SEL BAR BYED DO, ,RMA BYA'I SGRO MKHRIS RGYU MA DANG, ,RKANG PA RTUG PA CHU BOR BA'I, ,SHA DANG BA LA RTZA BA BCU, ,RA SNA SHING MNGAR SRANG GSUM GSUM, ,CHU BSKOL KHU BA MAR BRE GANG, ,'O MA BRE GANG BCAS BSKOL BA, ,MNGAR BA'I SMAN SDE'I LDE GU BTAB, ,DE BTUNG MAS GTONG BSKU BA DANG, ,SNA SMAN RTAG TU BSTEN PA YIS, ,NAM TSONG YAN CHAD NAD KUN SEL, ,ZHES BYA BA LA, RMA BYA'I SHA SGRO LA SOGS PA BOR BA DANG, RTZA BA BCU LA SOGS PA'I SMAN LA LTOS PA'I CHU BCU DRUG 'GYUR DU BYAS PA YIN GYI, SHA LA LTOS PA NI MA YIN TE, 'DIR DPER BRJOD PA NA, RA SNA LA SOGS PA'I SMAN MAR DANG 'DRA'O, ,CHU DER BSKOL BA BRE BZHI LUS PA'I NANG DU MAR BRE GANG DANG 'O MA BRE GANG DANG BCAS PAR BSKOL LA MNGAR BA'I SMAN GYI SDE TSAN SRANG BRGYAD KYI LDE GU BTAB STE BSKOL LA, DE BTUNG BA LA SOGS PA'I SBYOR BAS BSTEN NA NAM TSONG YAN CHAD KYI NAD THAMS CAD SEL BAR BYED DO, ,SMAN 'DI DAG GI LDE GU DANG, ,DZI BANTI DANG 'BRAS BU GSUM, ,ME DA RGUN 'BRUM DBYI MO DANG, ,PA RU SHA KA SA MANG GA, ,GA BRA'I RTZA BA TANG PAL DANG, ,KARKA TA SRING KHA
SRAL PHRE'U, ,MA H'A ME DA TA LA DANG, ,'BRA GO PADMA'I RTZA BA DANG, ,PADMA'I SDONG BU KHARDZUN, ,SHING MNGAR NYE'U SHING DZI BA KA, ,BI DA RI DANG BU RAM SHING, ,THAL TRES RNAM GNYIS BRI HA TI, ,MUR BA GZEM [?] ZANGS [?] RTZI BA, ,SRING GA TA DANG KA SHE RU, ,RA SNA STHI RA LCA BA DANG, ,SUG SMEL ZUR PA MA NU DANG, ,BA SPRU BA DANG CU GANG DANG, ,RAM NYE BA DANG BYI TSER BA, ,MA DU KA DANG STAR GA DANG, ,AA BI SHU KA MUNYDZA KA, ,ZHO NI GNYIS GNYIS PHYER BTAGS DANG, ,MAR BRE GANG DANG 'O MA NI, ,BZHI 'GYUR DAG DANG BSKOL BA'I MAR, ,'DI NI RMA BYA CHEN PO STE, ,RMA BYA LAS NI YON TAN LHAG, LUS ZUNGS DBANG PO NYAMS SKAD 'GAGS, ,LUD PA DBUGS MI BDE NYEN 'JOMS, ,ZLA MTSAN KHU BA'I SKYON LA'ANG PHAN, ,MO GSHAM LA YANG BU SKYED BYED, ,CES BYA BA LA, SMAN BSHAD MA THAG PA 'DI DAG GI 'DE GU DANG, ,DZI BAN TI LA SOGS PA ZHO GNYIS GNYIS KYI 'DE GU DANG, MAR BRE GANG DANG, 'O MA BZHI 'GYUR DANG BCAS PA BSKOL BA 'DI NI RMA BYA CHEN PO'I MAR BAS YON TAN CHE BA YIN TE, LUS ZUNGS NYAMS PA LA SOGS PA 'JOMS PA DANG, ZLA MTSAN DANG KHU BA'I SKYON LA SOGS PA NAD PHRA MO YANG SEL CING MO GSHAM LTA BU LA YANG BU SKYED PAR BYED PA YIN NO, ,BYI BA KHYIM BYA NGANG PA DANG, ,RI BONG DANG YANG DE BZHIN SBYAR, ,ZHES BYA BA LA, BYI BA LA SOGS PA RE RE ZHING YANG RMA BYA'I SMAN MAR GYI TSUL DU SBYAR BAR BYA BA'I DON NO, ,NAM TSONG YAN CHAD GTOGS PA'I NAD, ,NYIS BRGYA SUM CU RTZA GCIG YIN, ,DE DAG PHAN TSUN MA 'DRES PAR, ,RGYA CHER RAB TU BSHAD PA YIN, ,ZHES BYA BA LA, NAM TSONG YAN CHAD DU GTOGS PA'I NAD SPYIR GRANGS NYIS BRGYA SUM CU RTZA GCIG YOD PA YIN LA, DE DAG KYANG PHAN TSUN MTSAN NYID MA 'DRES PAR RGYA CHER RAB TU BSTAN CING BSHAD PA YIN NO, ,DRANG SRONG RNAMS KYIS SKYES BU'I MGO, ,RTZA BA 'OG NI YAL GAR BSHAD, ,DE PHYIR RTZA BA LA GNOD PA'I, ,NAD NI MYUR DU GSO BAR BYA, ,ZHES BYA BA LA, DRANG SRONG RNAMS KYIS SKYES BU'I MGO BO NI RTZA BA YIN LA, MGO BO MAN CHAD KYI 'OG TU MA LUS PA THAMS CAD NI YAN LAG YIN PAR BSHAD DE, DE BAS NA, SMAN PAS LUS KYI RTZA
, ,BAR GYUR PA MGO BO LA GNOD PAR GYUR PA'I NAD RNAMS NI SHIN TU RINGS PA KHO NAR GSO BAR BYA BA YIN NO, ,GANG LA DBANG PO KUN RTEN ZHING, ,GANG LA SROG NI GNAS BYED PAS, ,DES NA YAN LAG DAM PA YI, ,BSRUNG BA LA NI 'BAD PAR BYA, ,ZHES BYA BA LA, MGO BO GANG LA RGYU GANG GIS MIG LA SOGS PA'I DBANG PO KUN RTEN PAR BYED PA DANG, GANG LA SROG GI DBANG PO GNAS PAR BYED PA'I RGYU DES NA YAN LAG DAM PAR GYUR PA'I MGO BO DE BSRUNG ZHING GNOD PA MED PAR BYA BA LA SMAN PAS 'BAD CING BRTZON PA NYID DU BYA'O, ,MGO BO'I NAD GSO BA'I RGYUD RDZOGS SO,, ,, YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYANG BA LAS, PHYI MA'I GNAS KYI LE'U NYI SHU RTZA BZHI PA'I RNAM PAR 'GREL PA'O,, ,,DE NAS RMA GSO BA BSHAD PAR BYA'O, ,ZHES BYA BA LA, YAN LAG BRGYAD PA'I GSO BA LAS YAN LAG BZHI BSHAD NAS, DA NI GO RIMS KYIS NA RAB TU BYED PA LNGA PA BRTZAMS PA YIN TE, DE LA RMA RNAMS KYI NAD KYI NYES PA DGAG PA'I RMA GSO BA STE, DE'I LE'U BSHAD PAR BYA'O ZHES PA'O, ,RMA NI LHAN CIG SKYES GLO BUR, ,RED DANG MA RED DBYE BA GNYIS, , ZHES BYA BA LA, RMA NI LHAN CIG SKYES PA DANG, GLO BUR BA'I DBYE BA DANG, RED CING GNOD PA DANG BCAS PA DANG, MA RED CING SKYON MED PA'I DBYE BAS RNAM PA GNYIS KHO NA YIN NO, ,LUS KYI NAD GZHIS SKYED LHAN CIG ,PHYI ROL RGYUS BYUNG GLO BUR BA'O, ,ZHES BYA BA LA, DE LA LHAN CIG SKYES PA'I RMA NI LUS LAS BYUNG BA'I NAD RLUNG LA SOGS PAS SKYED PA YIN NO, ,GLO BUR BA'I RMA NI MTSON CHA DANG MTSON CHA PHRA MO DANG RDO DANG DBYIG PA DANG SEN MO DANG SO DANG DUG DANG BSE ZHO LA SOGS PA PHYI ROL GYI RGYU LAS BYUNG BA YIN NO, ,NAD DANG 'DRES PA RED PA YIN, ,DE MED DAG PA MA RED YIN, ,ZHES BYA BA LA, RLUNG LA SOGS PA'I NAD DANG 'DRES SHING DES SKYED PA'I RMA NI RED PA'AM MA DAG CES BYA LA, NAD DE DAG MED CING DAG PAR GYUR PA NI MA RED PA ZHES BYA BA'O, ,RMA RED KHA RGYAS ZHUM PA DANG, ,SHIN TU SRA BA 'AM SHIN TU SNYI, ,SHIN TU MTHO 'AM SHIN TU DMA', ,SHIN TU GRANG NGAM SHIN TU TSA, ,DMAR
ZHING SKYA 'AM GNAG PA NYID, ,RNAG NI DRI MNAM YONGS SU 'DZAG ,SHA DANG RTZA RGYUS 'DRUL BA DANG, ,G-YOS SHING MCHED LA RAB TU NA, ,G-YO ZHING TSA LA SKRANG BA DANG, ,G-YA' BA LA SOGS BLA BRNAN BCAS, ,YUN RING DU NI 'TSO BA DKA', ,RMA RAD MTSAN MAR SHES PAR BYA, ,ZHES BYA BA LA, DE LA RMA RED CING MA DAG PA'I MTSAN MA NI RMA'I KHA RGYAS SHING BYE BA DANG, ZHUM ZHING 'KHUMS PA DANG, SHIN TU SRA ZHING RTZUB PA'AM SHIN TU SNYI BA LA SOGS PA DANG, KHA DOG SHIN TU DMAR BA LA SOGS PA 'AM, GNAG PA LA SOGS PA 'AM, RMA MCHED CING RAB TU NA LA BLA BRNAN DANG BCAS PA DANG, YUN RING DU GNAS SHING 'TSO BAR DKA' BA STE, RMA SHIN TU MA RUNGS PA'I MTSAN MA NI DE DAG YIN PAR SHES PAR BYA'O, ,DE NI KHRAG BCAS NAD BCO LNGA, ,ZHES BYA BA LA, DE LA RLUNG LAS GYUR PA DANG, MKHRIS PA LAS GYUR PA DANG, BAD KAN LAS GYUR PA DANG, KHRAG LAS GYUR PA DANG, RLUNG DANG MKHRIS PA LAS GYUR PA DANG, RLUNG DANG BAD KAN LAS GYUR PA DANG, RLUNG DANG MKHRIS PA DANG BAD KAN LAS GYUR PA DANG, RLUNG DANG KHRAG LAS GYUR PA DANG, MKHRIS PA DANG KHRAG LAS GYUR PA DANG, BAD KAN DANG KHRAG LAS GYUR PA DANG, RLUNG DANG MKHRIS PA DANG KHRAG LAS GYUR PA DANG; RLUNG DANG BAD KAN DANG KHRAG LAS GYUR PA DANG, BAD KAN DANG RLUNG DANG KHRAG LAS GYUR PA DANG, BAD KAN DANG MKHRIS PA DANG KHRAG LAS GYUR PA DANG, RLUNG DANG MKHRIS PA DANG BAD KAN DANG KHRAG LAS GYUR PA STE, DE LA RNAM PA BCO LNGA YIN NO, ,DE LA RLUNG LAS GYUR PA'I RMA, ,GNAG CING SMUG DMAR THAL MDOG DANG, ,THI BA'I RUS PA LTA BUR SNANG, ,ZHO GA CHU 'AM 'BRAS BKRUS CHU, ,'DRA BA'I CHU SLA NYUNG DU 'DZAG ,SHA ZAD SHAS CHER NA ZHING ZUG ,RTZUB CING TZEG TZEG TSA BA YIN, ,ZHES BYA BA LA, DE LA RMA DE DAG GI NANG NAS RLUNG LAS GYUR PA'I RMA NI KHA DOG GNAG CING SNGO BA DANG, SMUG PA DANG DMAR BA LA SOGS PA DANG, ZHO GA CHU LTAR SNANG BA 'AM, 'BRAS BKRUS PA'I CHU DANG 'DRA BAR SNANG BA'I CHU SER SLA BA NYUNG SHAS SHIG 'DZAG PA DANG, DE BZHIN DU SHA ZAD PA DANG, SHAS CHER ZUG CING NA BA DANG, REG NA RTZUB PA DANG, STENG NA TSA BA TZEG TZEG BYED
, ,CING GAS PA YIN NO, ,MKHRIS GYUR MYUR RNAGS SEL BA DANG, ,SNGO ZHING SER SKYA'AM KHAM PAR 'DUG ,GCIN DANG THAL CHU RGYA SKYEGS KHU, ,TIL MAR 'DRA CHU MANG DU 'DZAG, ,RMA LA THAL SMAN BTAB LTAR NA, ,DMAR ZHING TSA LA RNAGS PA YIN, ,ZHES BYA BA LA, MKHRIS PA LAS GYUR PA'I RMA NI MYUR DU RNAGS SHING NA BAR BYED PA DANG, KHA DOG SER PO LA SOGS PA GANG YANG RUNG BAR SNANG BA DANG, CHU SER GCIN LA SOGS PA DANG 'DRA BA MANG DU 'DZAG PA DANG, DE BZHIN DU RMA'I NANG DU THAL SMAN GYI CHU BTAB PA LTAR TSA ZHING NA BA DANG, SHAS CHER DMAR ZHING TSA BA LA SOGS PA DANG LDAN PA YIN NO, ,BAD KAN LAS GYUR MDOG SKYA G-YA', ,CHU NI SKA BA MANG DU 'DZAG, ,RMA KHA SBOM ZHING NA BA DANG, ,RTZA RGYUS KYIS KHYAB NAD TSABS CHUNG, ,ZHES BYA BA LA, BAD KAN LAS GYUR PA'I RMA NI MDOG SKYA BA LA SOGS PA DANG LDAN PA DANG, RMA KHA SBOM ZHING MTHUG PA DANG, RMA SRA BA DANG; RTZA RGYUS PA'I TSOGS KYI DRA BAS KHYAB BAR SNANG BA YIN NO, KHRAG GYUR BYI RU'I MDOG LTAR DMAR, ,KHRAG DANG BCAS PA'I RNAG 'DZAG CING, ,RTA BRES KYI NI DRI LTAR BRO, ,MKHRIS PA'I MTSAN MA DAG DANG LDAN, ,ZHES BYA BA LA, KHRAG LAS GYUR PA'I RMA NI BYI RU LTAR DMAR BA LA SOGS PA DANG; RTA BRES KYI GNAS KYI DRI BRO ZHING DE DANG MTSUNGS PA'I DRI DANG LDAN PA DANG, DE BZHIN DU MKHRIS PA'I MTSAN MA JI SKAD BSHAD PA DAG DANG YANG LDAN PA YIN NO, ,GNYIS SAM GSUM MAM THAMS CAD LAS, ,GYUR PA'I MTSAN MA 'DREN MA YIN, ,ZHES BYA BA LA, NAD GZHI GNYIS GNYIS SAM GSUM GSUM MAM; KHRAG DANG BCAS PA THAMS CAD LAS GYUR PA'I MTSAN MA NI GANG DANG GANG GI SHAS 'DRES PA DE DANG DE'I MTSAN MA 'DREN MAR SNANG BA YIN NO, ,LCE YI MDOG 'DRA 'JOM ZHING MNYEN, ,RMA KHA SMUG CING 'BRUM PHRAN CAN, ,MNYAM PA DBUS MA CUNG ZAD MTHO, ,BLA BRNAN MED RMA DAG PA YIN, , ZHES BYA BA LA, RMA MA RED CING SKYON MED PA'I MTSAN MA NI LCE'I MDOG 'DRA BAR SNANG BA DANG, REG NA 'JAM PA DANG, MNYEN ZHING GYONG BAG MED PA DANG, RMA KHA CUNG ZAD SMUG PA DANG, PHYI ROL NA 'BRUM PHRAN YOD PA DANG, DBYIBS MTHO DMAN MED CING MNYAM PA DANG, RMA'I DBUS YID
TZAM MTHO BA 'AM, BLA BRNAN GYI BAG MED PA'I RMA NI DAG CING SKYON MED PA YIN NO, ,PAGS PA SHA DANG RTZA RGYUS DANG, ,TSIGS DANG RUS PA NANG GROL GNAD, ,BRGYAD PO DER NI RMA GNAS PA, ,PHYI MA BZHIN DU GSO BAR DKA', ,ZHES BYA BA LA, PAGS PA NAS GNAD KYI BAR BRGYAD PO NI RMA'I GNAS YIN PA LAS, DE DAG PHYI MA BZHIN DU GSO DKA' BA YIN TE, DE LA PAGS PA'I RMA BAS NI SHA LA BRTEN PA'I RMA GSO DKA'O, ,DE BAS NI RTZA'I 'O, ,DE BAS NI RGYUS PA'I 'O, ,DE BAS NI TSIGS NAS JI SRID GNAD LA GNAS PA'I BAR THAMS CAD BAS KYANG GSO DKA' BA YIN NO, ,GSO SLA SNYING STOBS ME DROD SHA, ,NA TSOD NYAMS STOBS LDAN PA'I RMA; ,ZLUM ZHING DKYUS RING RIM GSUM PA, ,ZUR BZHI PA NI GANG YIN DANG, ,DE BZHIN DPYI RKUB PHO MTSAN MCHU, ,RGYAB DANG KHA NANG MKHUR TSOS 'BYUNG, ,ZHES BYA BA LA, RMA MI SNYING STOBS DANG LDAN PA DANG, RUS TSIGS SHA DANG BCAS PA DANG; NANG GI ME DROD 'BAR BA DANG, NA TSOD DAR LA BAB PA DANG, NYAMS STOBS DANG LDAN PA'I RMA GANG YIN PA DE NI GSO BAR SLA BA YIN NO, ,DE BZHIN DU RMA'I DBYIBS ZLUM PA DANG, DKYUS RING BA DANG, RIM PA GSUM YOD PA DANG, ZUR BZHIR GNAS PA GANG YIN PA DANG, DE BZHIN DU GSO SLA BA'I RMA NI DPYI DANG RKUB TSOS DANG, PHO MTSAN DANG, MCHU DANG, RGYAB DANG, KHA'I NANG DANG MKHUR TSOS SU BYUNG BA NI GSO SLA BA YIN NO, ,GSO DKA' MIG DANG SO DANG NI, ,SNA DANG MIG ZUR LTE BA DANG, ,SRUB MTSAMS LTO BA RNA BA DANG, ,RTZIB LOGS MCHAN KHUNG NU MAR BYUNG, ,ZHES BYA BA LA, RMA GSO DKA' BA NI, MIG LA SOGS PA LAS BYUNG BA YIN NO, ,LBU BA RNAG 'DZAG RLUNG 'BYUNG ZHING, ,ZUG RNGUR BCAS SHING STOD NAS 'DZAG ,MTSAN BAR RDOL ZHING KHA NANG BLTAS, ,DE BZHIN RKED PA'I RUS PAR GNAS, ,ZHES BYA BA LA, YANG RMA GANG LBU BA 'JAG PA DANG; RNAG 'DZAG PA DANG, RLUNG 'BYUNG BA DANG, NANG NA ZUG RDU DANG BCAS PA DANG, STOD KYI CHA NAS RNAG 'DZAG CING LJAN LJIN 'BYUNG BAR BYED PA DE YANG GSO DKA' BA YIN LA, DE BZHIN DU MTSAN BAR RDOL LA KHA NANG DU BLTAS PA DANG, RKED BA'I RUS PAR GNAS PA NI GSO
, ,DKA'O, ,MDZE CAN DUG GIS PHOG PA DANG, ,LUS SKEM GCIN NAD SBRANG RTZI 'DRA, ,RMA STENG RMA NI BYUNG BA GANG, ,RMA DE GSO BAR DKA' BA YIN, ,ZHES BYA BA LA, MDZE'I NAD YOD PA'I PHYIR MDZE CAN NO, ,DUG GIS PHOG PA NI DUG GIS NYEN PA'O, ,LUS SKEM PA NI ZAD BYED KYI NAD GCONG CHEN POS BTAB PA'O, ,GCIN NAD SBRANG RTZI 'DRA BAS BTAB PA'I GCIN SNYI BA'I NAD MDOG SBRANG RTZI 'DRA BAS BTAB PA STE, DE DAG GI RMA NI GSO BAR DKA' BA YIN NO, ,DE BZHIN DU RMA'I STENG DU RMA BYUNG BA GANG YIN PA DE YANG GSO BAR DKA' BA YIN NO, ,ME DBAL RIMS DANG TSAD PAR 'KHRU, ,LUD PA LU DANG SKOM DAD CHE, ,GNYID MED PA DANG DBUGS MI BDE, ,ME DROD CHUNG BAR GYUR PA YI, ,RMA NI 'TSOB PAR MI 'GYUR RO, ,ZHES BYA BA LA, ME DBAL LA SOGS PA GNAS ME DROD CHUNG ZHING SMIN MI SHES PA'I RMA NI 'TSOBS SHING 'DRUBS PAR MI 'GYUR RO, ,MGO BO'I THOD PA CHAG GYUR ZHING, ,KLAD RGYAS MTSAN MA SNANG DE BZHIN, ,ZHES BYA BA LA, MGO BO'I THOD PA'I RUS PA CHAG BAR GYUR NAS, KLAD RGYAS ZHES BYA BA KLAD PA'I MTSAN MA SNANG BAR GYUR PA'I RMA YANG 'TSO BAR MI 'GYUR RO, ,CHU BA RUL ZHING RTZA CHAD DANG, ,RMA PHUGS RING DANG SRIN BUS ZOS, RUS PA CHAG DANG ZUG RNGUR BCAS, ,DUG BCAS PA DANG MA RTOGS DANG, ,BCING BA NYES DANG SNUM CHES DANG, ,RTZUB PAS SPU TSOGS BDAR BA DANG, ,BSKYOD DANG KHONG BA MA DAG DANG, ,'GRANGS DRAGS NYAMS DMAN DRAGS BA DANG, ,CHANG 'THUNGS NYIN PAR GNYID LOG DANG, ,NYAL PO LA BRTEN MTSAN GNYID YAR, ,RMA NI LOG PAR GSOS PA DAG, ,GSOS KYANG 'GRUB PAR MI 'GYUR RO, ,ZHES BYA BA LA, RMA GSO BAR BYA BA YIN YANG CHU BA RUL BA GANG YIN PA DE NI GSOS KYANG GSO BA 'GRUB CING BDE BAR MI 'GYUR RO, ,DE BZHIN DU RTZA RNAMS CHAD PAR 'GYUR BA DANG, RMA'I PHUGS SHIN TU GTING RING BAR 'GYUR BA DANG, DE BZHIN DU SRIN BUS ZOS PA DANG, RUS PA DUM BUR CHAD PA DANG, NANG NA ZUG RNGUR BCAS PA DANG, DUG DANG BCAS PA DANG, GANG NA YOD PA NGOS MA ZIN CING MA RTOGS PA DANG, BCING BA NYES PAR GYUR PA DANG, SNUM DRAGS PA DANG,
RTZUB CHES PAS SPU LA SOGS PA BDAR ZHING REG PA DANG, LUS BSKYOD CING G-YENG BA DANG, KHONG PA MA DAG CING NANG GI NANG MA SBYANGS PA DANG, HA CANG 'GRANGS DRAGS PA DANG, NYAMS DMAN PA'I SMYUNG BA BYAS PA HA CANG DRAGS PA DANG, CHANG MANG DU 'THUNGS PA DANG, NYIN PAR GNYID 'OG PA DANG, NYAL PO'I LAS 'KHRIG PA LA BRTEN PA DANG, DE BZHIN DU MTSAN MO GNYID YAR BA DANG, GSO BA LOG PAR BYAS PA STE, RGYU DE DAG GIS NI RMA GSOR RUNG BA YIN YANG GSO BA'I LAS 'GRUB PAR MI 'GYUR RO ZHES RE RE LA SBYAR RO, ,GANG ZHIG NANG NI THI BA'I MDOG ,'DRA ZHING RNAGS PA MED PA DANG, ,BRTAN ZHING 'BRUM PHRAN RNYID BCAS PA, ,'TSOB PAR 'GYUR BAR DE BSHAD DO, ,ZHES BYA BA LA, RMA GANG ZHIG GI NANG THI BA'I MDOG 'DRA BAR SNANG BA DANG, NANG NA RNAG DANG LJAN LJIN MED PA DANG, BRTEN ZHING MI 'GYUR BA DANG, 'BRUM PHRAN RNYID PA LTA BU DANG BCAS PA'I RMA DE NI 'TSOB CING 'DRUBS PAR 'GYUR BA YIN PAR SHES BAR BYA'O, ,DES NA 'DIR SKRANGS GNAS SKABS SU, ,GANG LA NYE BA DE LAS SBYANG, ,SBYANGS BAS SKRANGS BAR GYUR PA DANG, ,RMA NI MYUR DU 'TSOB BAR 'GYUR, ,ZHES BYA BA LA, DA NI 'DI DAG GI GSO BA STON TE, DES NA 'DI LA SKRANGS PA'I GNAS SKABS SU NI, RMA DE DANG GANG DANG NYE BA'I STENG NGAM 'OG NAS SBYANG BA STE, BKRU SMAN DANG SKYUG SMAN LA SOGS PAS SBYANG BAR BYA STE, DE LTAR SBYANGS PAR GYUR NA SKRANGS PA DANG, RMA DE MYUR DU ZHI ZHING 'TSOB BAR 'GYUR RO, ,SKRANGS PA'I SKABS SU RGYUN DU NI, ,NYE BAR SPYOD PA BSIL BAS GSO, ,DE YIS NAD MED CHU LTA BUR, ,MOD LA ZHI BAR 'GYUR BA YIN, ,ZHES BYA BA LA, RMA DE SKRANGS BA'I SKABS SU NI RTAG BAR RGYUN DU BSIL BAR BYA BA'I GSO BA'I CHO GAS NYE BAR GSO BAR BYA STE, GSO BA'I CHO GA BYAS BA DES NAD KYI TSA BA ME LTA BU ME LA CHU BLUGS PA LTAR MOD LA ZHI BAR 'GYUR RO, ,RMA SKRANG SRA BAR GYUR PA DANG, ,NAD BCAS MDOG NI MI SDUG DANG, ,DUG CAN LA NI KHYAD PAR DU, ,PADMA SOGS SHES KHRAG DBYUNG NGO, ,ZHES BYA BA LA, RMA SKRANG BAR BYED PA SRA BAR GYUR PA RTZUB CING NAD DANG BCAS PA MDOG MI SDUG PAR 'GYUR BA DANG, RMA DUG CAN LA NI KHYAD PAR DU SRIN BU PAD
, ,PA DANG RNGABS RVA LA SOGS PAS KHRAG DBYUNG BAR BYA'O, ,NAD KHRAG BRAL NAS MOD LA NI, ,SKRANG DANG MDOG DMAR NAD ZHIR 'GYUR, ,ZHES BYA BA LA, NAD KHRAG BSAL CING, DE DANG BRAL NAS NI MOD LA DE NYID KYI TSE SKRANG PA LA SOGS PA ZHI BAR 'GYUR RO, ,KHRAG DBYUNG NAS NI CHUNG ZAD LUS, ,REG NA NUS PA RAB BSIL BA, ,SHIN TU ZHIB PAR DE NYID BTAGS, ,BU RAM SHING KHU 'O MAS SPRUS, ,LAN BRGYAR BSKUS PA'I MAR DANG BCAS, ,GZHAN MA SKAM PAR YANG DANG YANG, ,RJES SU MTHUN PAR BSKUS NA PHAN, ,BYUG DANG BLUGS PA DE BZHIN BYA, ,ZHES BYA BA LA; KHRAG PHYUNG BA'I RJES LA, DE'I NAD KHRAG CUNG ZAD LUS PAR GYUR PA LA REG NA BSIL BA NUS PA BSIL BA'I SMAN ZHIB TU DE'I NYIN ZHAG NYID LA BTAGS SHENG [?] SBYAR GYI ZHAG LON PA MA YIN PA DANG, BU RAM SHING GI KHU BA DANG 'O MAS SPRUS TE LAN BRGYAR BSKUS PA'I MAR DANG BCAS PAR BYAS LA; SMAN SNGAR BSKUS TE MA SKAM PAR YANG DANG YANG DU RJES SU MTHUN PAR BSKU BAR BYA ZHING, DE BZHIN DU RIG PA DANG, NUS BA BSIL SMAN GYI 'DAG GUS BYUG CING DE'I CHU BLUGS NA YANG PHAN NO, ,AU DUM W'A RA N+YA GRO DANG, ,BLAG SHA LCANG MA AASHVATTHA'I, ,SHUN BA MAR DANG BCAS BSKUS NA, , SKRANGS PA SEL BA'I MCHOG YIN NO, ,ZHES BYA BA LA, AU DUM W'A RA LA SOGS PA'I SHUN PA BTAGS PA'I MAR DANG BSRES PAS BSKUS NA YANG SKRANGS PA ZHI BAR BYED PA'I DAM PA YIN NO, ,RLUNG SHAS CHE ZHING MKHRANG BA DANG, ,SRA ZHING NAD TSABS CHE BA DANG, ,KHRAG 'DZAG BA DANG RMA SKRANG BA, ,'DI LTA BU YI RMA LA NI, ,RLAN CAN SHA BTAGS LA DUGS BYA, ,ZHES BYA BA LA, RLUNG GI SHAS CHE BA'I RMA MKHRANG ZHING MI 'GYUR BA DANG, SRA BA LA SOGS PA'I RMA 'DI LTA BU LA NI RLAN CAN GYI SHA BTAGS SHING BRDUNGS PA LA SOGS PAS DUGS BYAS NA PHAN NO, ,ZAR MA TIL NI BRDOS PA DANG, ,'O MAS DBAL NI BSAD PA DAG ,DE BTAGS BSKUS NA TSA NA SEL, ,ZHES BYA BA LA, ZAR MA DANG TIL CHA MNYAM DU BRDOS BA 'O MAS DBAL BSAD DE, 'O MA DE NYID DANG BTAGS PA'I LDE GUS BSKUS NA TSA BA DANG NA BSEL BAR BYED DO, ,RMA SKRANGS BRTAN ZHING NAD TSABS CHUNG, ,BAD KAN RLUNG 'JOMS
SNUM BSKU ZHING, ,DE YI RJES LA 'OD MA YI, ,SPU GUS RIM GYIS DUGS BYA'O, ,ZHU BAR BYA PHYIR LAG MTHIL LAM, ,MTHE BO YIS NI MNYE BAR BYA, ,ZHES BYA BA LA, RMA SKRANGS PA BRTAN ZHING NAD KYI SHUGS DAL BA LA NI BAD KAN DANG RLUNG 'JOMS PAR BYED PA'I SNUM GYIS BSKU ZHING, DE'I 'OG TU 'OD MA'I SBU GUS MNYE ZHING DUGS BYAS LA, GZHAN YANG ZHU BAR BYA BA'I PHYIR LAG MTHIL LAM MTHE BOS DAL GYIS MNYE BAR BYA'O, ,NAS DANG GRO DANG MON SRAN SDE'U, ,BTZOS TE BTAGS PA'I LDE GUS BSKU, ,ZHES BYA BA LA, YANG NA SKRANGS PA SRA ZHING NAD TSABS CHUNG BA LA NAS LA SOGS PA DANG POR BTZO BAS SAM BRNGO BA BYAS LA DE BTAGS PA'I LDE GUS BSKU BAR BYA'O, ,GAL TE DE YIS MA ZHUM NA, ,DE NAS DE NI DKRI BAR BYA, ,MA SMIN PA NI ZHI 'GYUR LA, ,SMIN NA RNAGS PA NYID DU 'GYUR, ,ZHES BYA BA LA, DE LTAR BYAS SU ZIN KYANG SKRANGS PA DE SMIN CING ZHUM PAR MA GYUR NA, DE'I 'OG TU SKRANGS PA DE DKRI BA'I DUGS KYIS DKRI BAR BYA'O, ,DE LTAR BYAS PAS MA SMIN CING MA RNAGS PA'I SKRANGS PA NI ZHI BAR 'GYUR LA, SMIN CING RNAGS PA NI LEGS PAR SMIN PAR 'GYUR RO, ,RGYA SHUG TIL DANG ZAR MA DANG, ,RGYAM TSA PHABS DANG RU RTA'I PHYE, ,ZHO SKYUR ZAN DRON GYIS GLAN ZHING, ,DUGS BYAS NAS NI DKRI BAR BYA, ,ZHES BYA BA LA, RGYA SHUG LA SOGS PA LAS BYAS PA'I ZAN DRON 'JAM TZAM GLAN ZHING DKRI BAR BYA'O, ,LEGS SMIN SKRANGS PA PHYOGS GCIG 'DUS, ,BTZIR BAS NYE BAR BTZIR GYUR BA, ,DRAL BAR 'OS LA DRAL BYA ZHING, ,SHIN TU 'JAM POR GYUR PA'ANG DRAL, ,ZHES BYA BA LA; SKRANGS PA DE SMIN CING RNAGS PAR GYUR PA DANG, PHYOGS GCIG TU 'DUS SHING BSGONGS PAR 'GYUR LA, BTZIR BA'I SMAN GYIS NYE BAR BTZIR ZHING, BSDUS PAR GYUR NAS DRAL BAR 'OS PA NI DRAL BAR BYAS LA, DE BZHIN DU SHIN TU 'JAM POR GYUR PA YANG DRAL BAR BYA'O, ,GU GUL ZAR MA BA LANGS SO, ,KHRON BU PHUG RON RTUG PA DANG, ,THAL SMAN 'PHROD DANG THAL SMAN DE, ,SMIN PA'I SMAN GYIS BRTOL BAR BYA, ,ZHES BYA BA LA, GU GUL LA SOGS PA'I SMAN DANG, THAL SMAN GYI 'PHROD KYI SMAN DANG THAL SMAN NYID DE, DE LTAR SMIN PA'I SMAN DAG GIS KYANG SMIN PA'I RNAG DE BRTOL BAR
, ,BYA'O; ,NANG NA RNAG 'BYUNG SGO PHRA ZHING, ,MTHO BAR GYUR DANG GNAD LA GNAS, ,SNUM MED BTZIR PA'I SMAN GYIS NI, ,KUN NAS RAB TU BTZIR BAR BYA; ,ZHES BYA BA LA, NANG NA RNAG YOD BA DANG, 'BYUNG BA'I SGO PHRA ZHING KHA CHUNG BA DANG, RMA'I KHA MTHO BAR GYUR PA DANG, GNAD KYI GNAS NA GNAS PA'I RMA LA NI BTZIR BA'I SMAN GYIS THAMS CAD NAS BTZIR BAR BYA'O, ,BSKU BA SKAMS NA BTZIR BA YI, ,LAS LA BTANG SNYOMS NYID DU BYA, ,ZHES BYA BA LA, LDE GU SKAMS PAR GYUR NA NI BTZIR BA'I SBYOR BA DE BTANG SNYOMS NYID DU BYA ZHING BSHOL BAR BYA'O, ,DE YI RMA SGOR MI BSKU STE, ,DE 'DRAS NAD NI DBYUNG MI 'GYUR, ,ZHES BYA BA LA, RMA 'DI'I RMA KHA'I STENG DU NI BSKU BAR MI BYA STE, DE LTAR BYAS NA RNAG CES BYA BA'I NAD DE 'BYUNG BAR MI 'GYUR RO, ,SRAN MA NAS DANG GRO DANG NI, ,MA SHA MUD GA BRA BO DANG, ,SMAN NI SPYI BAG CAN DAG GIS, ,PAGS PA'I RTZA BAR RAB TU BSDAMS, ,ZHES BYA BA LA, SRAN MA LA SOGS PA DANG, SMAN SPYI BAG CAN DE GU GUL DANG THANG CHU LA SOGS PA PAGS PA'I RTZA BAR RMA RAB TU BSDAMS PAR BYA'O, ,GCIN SNYI MDZE YI RMA DANG NI, ,SHAS CHER RED PA'I RMA DAG LA, ,DONG GA BYE'U RUG PA SOGS KYIS, ,LAN NI BDUN BDUN BKRU SOGS BYA, ,ZHES BYA BA LA, GCIN SNYI BA LA SOGS PA'I RMA LA BYI'U RUG PA LA SOGS PA'I SDE TSAN GYIS 'OG NAS BSHAD PA'I TSUL LAN BDUN BDUN BKRU BA LA SOGS PA BYA'O, ,MA DAG NIM PA PA TO LA'I, ,LO MA BSKOL BAS BKRU BAR BYA, ,ZHES BYA BA LA, RMA MA DAG PA LA NI NIM PA DANG PA TO LA'I LO MA BSKOL BA'I CHUS BKRU BAR BYA'O, ,RMA DAG PA LA N+YA GRO DHA, ,LA SOGS SHUN LPAGS BSKOL BAS BKRU, ,ZHES BYA BA LA, RMA DAG PAR GYUR PA LA NI, N+YA GRO DHA LA SOGS PA'I SHUN LPAGS BSKOL BA'I KHU BAS BKRU BAR BYA'O, ,SHING MNGAR TIL DANG PA TO LA, ,DUR BYID DAN DA SER PO GNYIS, ,NIM PA'I LO MA RGYAM TSAR BCAS, ,LDE GUS BSKUS NA RMA SBYONG BYED, ,CES BYA BA LA, SHING MNGAR LA SOGS PA'I LDE GUS BSKUS NA YANG RMA SBYONG BAR BYED PA YIN NO, ,RMA NI KHA PHRA GNAD MTSAMS GNAS, ,DAN DA RGYAM TSA LANGKA LI, ,DUR BYID SPRANG RTZIR SBYAR BA YIS, ,
RENG BUR BYAS PAS RMA SBYANG BYA, ,ZHES BYA BA LA, RMA BUG PHRA ZHING KHA CHUNG BA DANG, ,GNAD DANG MTSAMS NA 'DUG PA LA NI DAN DA LA SOGS PA'I SMAN RENG BUR BYAS PAS SBYANG BAR BYA'O, ,RLUNG GIS GNOD CING KHRAG BCAS SHING, ,MI BZAD NA LA NAS DANG GRO, ,SPRA TSIL SHRI BEshtA KA DANG, ,THANG SHING MAR BCAS DUD PAS BDUG ,CES BYA BA LA, RMA RLUNG GIS SHAS CHER GNOD PAR GYUR CING KHRAG DANG BCAS PA LA SOGS PA LA NI NAS LA SOGS PA'I DUD PAS BDUG PAR BYA'O, ,KHRAG MKHRIS DAG GI SHAS CHE BA'I, ,SHIN TU BSIL BA'I SMAN GYIS BSKU, ,ZHES BYA BA LA, KHRAG LA SOGS PA'I SHAS CHE BA'I RMA LA NI SHIN TU BSIL BA'I SMAN GYIS YANG NAS YANG DU BSKU BAR BYA'O, ,SKAM ZHING SHA NYUNG GTING RING RMA, ,SHA SKYED PA YI SMAN BYA STE, ,SHUG PA N+YA GRO DHA SOGS DANG, ,BA LA AA SHVA GAN DHA TIL, ,BSKUS TE SHA NI BSKYED BAR BYA, ,ZHES BYA BA LA, RMA SKAM ZHING SHA NYUNG BA DANG ZAB CING GTING RING BA LA SHUG PA LA SOGS PA'I LDE GU BSKU BAS SHA CHER BSKYED PAR BYA'O, ,SHA ZA'I SHA NI CHO GA BZHIN, ,G-YOS SU BYAS TE SBYIN PAR BYA, ,SEMS DGA' BA DANG SHA ZA YI, ,SHA ZOS NA NI SHA 'PHEL 'GYUR, ,ZHES BYA BA LA, GZHAN YANG SHA ZA BA'I SROG CHAGS SENG GE DANG STAG DANG BYA RGOD LA SOGS PA'I SHA CHO GA BZHIN DU LEGS PAR G-YOS SU BYAS TE, SHA SKYED PA'I PHYIR SBYIN PAR BYA STE, GANG GI PHYIR NAD PA SEMS DGA' ZHING SRED PA DANG LDAN PAS SHA ZA BA'I SROG CHAGS KYI SHA ZOS NA NAD PA'I SHA 'PHEL BAR 'GYUR BA YIN NO, ,SHA SNYI 'BUR BAR GYUR PA LA, ,DZ'A TI'I ME TOG NAG TSUR DANG; ,LDONG ROS BA BLA GU GUL DANG, ,TZI TRA KA SOGS LDE GUS BSKU, ,ZHES BYA BA LA, RMA'I SHA SNYI ZHING 'BUR BAR GYUR PA LA NI DZ'A TI'I ME TOG LA SOGS PA DAG GIS BSKU ZHING SHA BSKYED PAR BYA'O, ,SHA 'BUR BAR NI SRA BA DANG, ,G-YA' ZHING RING NAS 'TSO BA DANG, ,RMA NI NA ZHING SBYANG DKA' LA, ,THAL SMAN LAS KYIS SBYANG BAR BYA, ,ZHES BYA BA LA, RMA SHA 'BUR BA LA SOGS BA LA NI THAL SMAN GYI LAS KYIS GSO BAR BYA'O, ,RDE'U 'BYUNG RMA NI GCIN 'DZAG DANG, ,GANG GZHAN KHRAG NI 'BYUNG BA DANG, ,GANG ZHIG BCAD NAS SBYAR BA DAG ,JI SKAD BSHAD PA'I CHO GA YIS, ,GSO BAR BYED BZHIN
, ,MI 'GRUB NA, ,DE NI ME YI LAS KYIS GSO, ,ZHES BYA BA LA, RMA GANG RDE'U 'BYUNG BA'I LAM NAS GCIN 'DZAG PA DANG, RMA GANG RTAG TU KHRAG 'BYUNG BA DANG, RMA GANG ZHIG BCAD NAS SBYOR BA DANG, RMA GANG JI SKAD BSHAD PA'I CHO GA BYAS KYANG 'TSOB PAR MA GYUR CING RMA DE GSO BA'I LAS GRUB PAR MA GYUR PA DE LA NI MES BSREG PA'I LAS KYIS GSO BAR BYA'O, ,SKYON MED RMA LA RMA 'BYOR BA'I, ,SMAN DANG SHA SKYED GANG YIN SBYAR, ,ZHES BYA BA LA, RMA SKYON MED CING DAG PAR 'GYUR BA LA NI RMA 'BYOR PA DANG, SHA SKYED PA'I SBYOR BA BSHAD PA GANG DAG YIN PA DAG BYA'O, ,AA SHVA GAN DHA SENG PHROM DANG, ,SHING MNGAR BTZOD DANG KAD PA LA, ,DA TA KA YI ME TOG GI, ,PHYE MAS RMA 'TSO BA BYED PA'I MCHOG ,CES BYA BA LA, AA SHVA GAN DHA LA SOGS PA'I PHYE MAS BTAB PA NI RMA 'TSOB PAR BYED PA'I DAM PA YIN NO, ,RNAG DANG SHA NI MED PA DANG, ,SHA YI GNAS SUM 'DRUBS PAR; ,TIL DANG SHING MNGAR BCAS PA YI, ,LDE GUS RMA NI 'TSOB PAR BYA, ,ZHES BYA BA LA, RMA RNAG DANG SHA MED BA DANG, SHA'I GNAS MA SOBS SHING MA 'DRUBS PA LA NI, TIL DANG SHING MNGAR SBYAR BA'I LDE GUS BSKUS NA 'TSOB BAR 'GYUR RO, ,SNUM DRO MNGAR DANG KHA BA DANG, ,BSKA BAS [?] THAMS CAD SEL BAR BYED, ,CES BYA BA LA, SNUM PA NYID DANG DRO BA DANG, MNGAR BA LA SOGS PA'I LDE GUS NI NAD THAMS CAD LAS BYUNG BA'I RMA YANG SEL BAR BYED DO, ,NIM PA'I LO MA SBRANG RTZIR BCAS, ,BSKUS PAS RMA SBYOR MCHOG YIN NO, ,ZHES BYA BA LA, NIM PA'I LO MA LA SOGS PA'I 'DAG GUS BSKUS NA YANG RMA 'TSOB BA'I MCHOG YIN NO, ,SNGA MA GNYIS DANG ZHUN MAR SBYAR, ,MYUR DU RMA 'TSOB BYED PA YIN, ,ZHES BYA BA LA, SNGA MA NIM PA'I LO MA DANG SBRANG RTZI GNYIS DANG, ZHUN MAR DANG SBYAR BAS KYANG RMA MYUR DU 'TSOB BAR BYED PA YIN NO, ,TIL 'DRAR NAS KYI LDE GU NI; ,DE DANG 'DRA BAR LA LA 'DOD, ,CES BYA BA LA, SLOB DPON LA LA NI THANG LA 'BAR GYIS NAS KYI LDE GU DANG TIL GYI LDE GU 'DRA BAR 'DOD DO, ,TIL GYI LDE GU JI LTAR SBYAR BA DE BZHIN DU NAS KYI LDE GU YANG SBYAR BAR BYA'O, ,KHRAG MKHRIS DUG DANG GLO BUR DANG, ,GTING RING TSA DANG BCAS PA'I RMA, ,'O MA
RMA 'BYOR SMAN DANG NI, ,BSKOL BA'I MAR GYIS RMA 'TSO BA BYA, ,ZHES BYA BA LA, RMA GANG KHRAG DANG MKHRIS PA DANG BCAS PA LA, 'O MA DANG RMA 'BYOR BA'I SMAN DANG BSKOL BA'I MAR GYIS BSKUS NA RMA 'TSOB PAR 'GYUR RO, ,BAD KAN RLUNG GYUR RMA 'BYOR SMAN, ,TIL MAR BCAS PAS RMA 'TSOB 'GYUR, ZHES BYA BA LA, BAD KAN DANG RLUNG LAS GYUR PA'I RMA LA NI RMA 'BYOR PAR BSHAD PA'I SMAN DANG TIL MAR DANG BCAS PAS RMA 'TSOB PAR 'GYUR RO, ,NAG TSUR SENG PHROM AA RU RA, ,LI KHRI DNGUL RDO SRA RTZI BOG ,SPANGS MA PO SON CHA'I PHYE MA, ,TIL MAR BCAS PA RMA 'TSOB MCHOG ,CES BYA BA LA, NAG TSUR LA SOGS PA'I PHYE MA TIL MAR DANG BCAS PA BSKUS NA YANG RMA 'TSOB PAR BYED PA'I MCHOG YIN NO, ,MNYAM ZHING SHA NI BRTAN PA DANG, ,PAGS PAR GNAS LA PHYE MA PHAN, ,ZHES BYA BA LA, RMA MTHON DMAN MED PAR MNYAM DU GNAS SHING SHA BRTEN PA DANG, PAGS PA TZAM LA GNAS PA LA RMA 'TSOB PA'I SMAN GYI PHYE MAS BSKUS NA PHAN NO, ,AU DUM W'A RA AA SHVAD THA, ,'DZAM BU SENG PHROM KAD PA LA, ,KA KU SENG PHROM PHYE MAS BTAB; ,PAGS PA MYUR DU SKYED BAR BYED, ,CES BYA BA LA, AU DUM W'A RA NAS KA KU BA DANG SENG PHROM KYI BAR GYI PHYE MAS BTAB NA PAGS PA MYUR DU SKYED PAR BYED DO, ,RGYA SKYEGS LDONG ROS BTZOD DANG NI, ,PA LA DANG NI SER PO GNYIS, ,SBRANG RTZI MAR SBYAR LDE GU YIS, ,BSKUS NA PAGS PA DAG BYED MCHOG, ,CES BYA BA LA, RGYA SKYEGS LA SOGS PA'I LDE GUS BSKUS PA NI PAGS BDAG BAR BYED PA'I MCHOG YIN NO, ,SKYER BA AA MRA'I RUS PA DANG, ,N'A GA GE SAR PRI YANG KU, ,TZANDAN SER PO DNGUL CHU RNAMS, ,LDE GU BA LANG LCI KHU DANG, ,SBYAR BA BSKUS PAR GYUR NA NI, ,BAGS PA MDOG 'DRAR BYED MCHOG YIN, ,ZHES BYA BA LA, SKYER BA LA SOGS PA'I LDE GU BA LANG GI LCI BA'I KHU BA DANG SBYAR TE BSKUS NA YANG PAGS PA'I MDOG CHA 'DRA BAR BYED PA'I MCHOG YIN NO, ,BA SO DUD BA MA SHOR BSREGS, ,SKYER KHAndA DANG TIL MAR SBYAR, ,BSKUS NA SPU NI SKYED BAR BYED, ,CES BYA BA LA, GLANG PO CHE'I SO DU BAM SHOR BAR BSREGS BA DANG SKYER BA'I KHAndA DANG, TIL MAR SBYAR BA'I LDE GUS BSKUS NA RMA LAS SPU SKYED PAR BYED
, ,BA'I MCHOG YIN NO, ,DE BZHIN RKANG BZHI'I SEN MO SPU, ,RUS PA PAGS PA R'A [?] RMIG BSREGS, ,SNAG TSA TIL MAR DANG SBYAR BAS, ,BSKUS NA SPU NI SKYED PAR BYED, ,CES BYA BA LA, SROG CHAGS RKANG BZHI PA'I SEN MO LA SOGS PA BSREGS TE, TIL MAR DANG SBYAR BA BSKUS NA YANG RMA LAS SPU SKYED PAR BYED DO, ,SMIN MA LA NI CHA SPYAD KYI, ,LAS BSHAD PHAN DANG GNOD PA BSTEN, ,ZHES BYA BA LA, RMA YOD PA'I SMIN MA LA NI CHA SPYAD KYI LE'U LAS BSHAD PA'I RMA LA PHAN PA DANG GNOD PA'I ZAS DAG KYANG BSTEN PAR BYA'O, ,RLUNG GYUR RMA LA RTZA BA LNGA, ,GNYIS DANG RLUNG 'JOMS SDE TSAN PHAN, ,ZHES BYA BA LA, RLUNG LAS GYUR PA'I RMA LA NI RTZA BA BCU PA DANG BI DA RI LA SOGS PA SMAN GYI SDE TSAN PHAN NO, ,MKHRIS GYUR SHUG PA N+YA GRO DANG, ,SDE TSAN GNYIS DANG MKHRIS 'JOMS GTANG, ,ZHES BYA BA LA, MKHRIS PA LAS GYUR PA'I RMA LA NI SHUG PA LA SOGS PA'I SDE TSAN DANG, N+YA GRO DHA LA SOGS PA'I SDE CHAN DANG, DE BZHIN DU MKHRIS PA SEL PA'I SMAN RNAMS PHAN NO, ,BAD KAN LAS GYUR DONG GA'I SDE, ,BAD KAN 'JOMS PAR BYED PA GTANG, ,ZHES BYA BA LA, BAD KAN LAS GYUR PA'I RMA LA NI DONG GA LA SOGS PA'I SDE CHAN DANG, BAD KAN 'JOMS PAR BYED PA'I SMAN GZHAN DAG KYANG BYA'O, ,'DREN MA LAS GYUR 'DREN MAR BYAS, ,ZHES BYA BA LA, LDAN PA DANG 'DUS PA LAS GYUR PA'I RMA LA NI SMAN GYI SDE TSAN 'DREN MA PHAN TE, BYE'U RUG PA LA SOGS PA DANG GLA SGANG DANG AARKA LA SOGS PA'I SDE TSAN 'DREN MA PHAN NO, ,'DI DAG GIS BKRU BYUG PA DANG, ,SMAN MAR TIL MAR SMAN KHU DANG, ,PHYE MA RIL BU BDUN PO NI, ,RMA LA CI RIGS SBYAR BAR BYA, ,ZHES BYA BA LA, BSHAD MA THAG PA'I RLUNG DANG MKHRIS PA DANG BAD KAN LA PHAN PAR BSHAD PA'I SDE TSAN DAG GIS BKRU BA DANG BYUG PA LA SOGS PA'I SBYOR BA BDUN PO DE DAG JI LTAR RIGS PA BZHIN DU SBYAR BAR BYA'O, ,DZ'A TI NIM PA BA TO LA'I LO MA, ,SKYER PA YUNG BA THAL TRES BU TZE SHEL, ,SPRA TSIL SPANGS MA SHING MNGAR AA RU RA, KARANYDZA YI SA BON BTZOD DANG BCOS, ,MAR BSKOL 'DIS NI RMA KHA CHUNG BA DANG, ,GNAD LA BRTEN CING RNAG NI 'JAG PA DANG, ,RMA YI PHUGS RING NAD BCAS PHUGS RING BA'I, ,RMA NI DAG CING
'TSOB BAR BYED PA YIN, ,ZHES BYA BA LA, DZ'A TI LA [?] SOGS PA'I SMAN GYI LDE GU NGANG BSKOL BA'I SMAN MAR GYIS NI RMA KHA CHUNG BA LA SOGS PA'I RMA DE DAG CING 'TSOB PAR BYED PA YIN NO, YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U NYI SHU RTZA LNGA BA'I RNAM PAR 'GREL PA'O,, ,,DE NAS 'PHRAL DU BYUNG BA'I RMA'I GSO BA BSHAD PAR BYA'O, ,RMA GANG SNAD PAS 'PHRAL DU NI, ,BYUNG GYUR BLO BUR RMA ZHES BYA, DE NI MTHA' YAS KYANG YAN LAG ,GNAS PA RNAM PA BRGYAD DU BSHAD, ,CES BYA BA LA, RMA GANG ZHIG SNAD PA LAS 'PHRAL DU BYUNG BAR GYUR PA DE NI GLO BUR BA'I RMA ZHES BYA'O, ,DE NI MTHA' YAS PA YIN DU ZIN KYANG YAN LAG LA GNAS PA'I DBANG PO DAG GIS RNAM PA BRGYAD DU BSHAD DO, SHUS DANG BCAD DANG RNAM PAR BCAD, ,RAB TU 'PHYANG DANG LTUNG BA DANG, ,PHUG DANG GSHAGS DANG GRUGS BA'O [?], ,ZHES BYA BA LA, BRGYAD PO DE DAG KYANG SHUS PA LA SOGS PA'I DBYE BAS BRGYAD DU BSHAD DO, ,DE LA SHUS PA CHU SER RAM, ,KHRAG NI NYUNG ZAD 'BYUNG 'GYUR ZHING, ,PAGS PA TSOS PAS TSA 'GYUR YIN, ,ZHES BYA BA LA, DE LA DE DAG GI NANG NAS SHUS PA NI BDAR CING PAGS PA SHUS PA'I DBANG GIS CHU SER RAM KHRAG NYUNG SHAS ZHIG 'BYUNG BAR 'GYUR BA DANG, PAGS PA TSOS BAS TSA BAR 'GYUR PA YIN NO, ,DE LA TSOS GYUR BCAD PA YIN, ,ZHES BYA BA LA, SHUS PA DE LAS KYANG RMA NANG DU ZHUGS SHING PAGS PA SHAS CHER TSOS PAR GYUR PA NI BCAD PA ZHES BYA LA, DE LAS KYANG ZAB PAR GYUR PA NI RNAM PAR BCAD PA ZHES BYA'O, ,RAB 'PHYANG RUS PAR LHAG MA LUS, ,LTUNG BA LUS LAS BOGS PA YIN, ,ZHES BYA BA LA, RAB TU 'PHYANG BA NI RUS PAR LHAG MA TZAM LUS SHING DE DANG 'BREL PA LAS BYA LA, LTUNG BA NI GANG YANG LUS LAS NYID LAG LA SOGS PA'I CHOGS POGS [?] SHING SA LA LHAGS PA LA LTUNG BA ZHES BYA'O, ,ZUG RNGU PHRA MO 'BIGS PAS PHUG, ,KHONG PA MA GTOGS BSNUN PA YIN, ,ZHES BYA BA LA, MTSON RTZE MOS PHUG PA GANG YIN PA DE NI PHUG PA ZHES BYA STE, DE YANG KHONG PA MA GTOGS PA GNAS GZHAN DU
, ,BSNUN PA LA PHAN NO, ,SNGA MA LAS GZHAN GSHAGS PA YIN, ,ZHES BYA BA LA, SNGAR BSHAD PA LAS GZHAN PA STE MTSON KHA ZHENG CHE BAS BSNUN PA DANG, KHOD PAR SONG BA LA NI GSHAGS PA ZHES BYA'O, ,KHRAG DANG RKANG NI 'DRES GYUR PAR, ,MTSON GYIS DRAG TU BSNUN PA YIS, , RUS BCAS RGYA CHER SNANG GRUGS PA, ,ZHES BYA BA LA, GRUGS PA NI MTSON GYIS PHOG PA'I RGYU GANG GIS KHRAG DANG RKANG 'DRES PAR GYUR CING, RUS PA DANG BCAS BRGYA CHER SNAD PAR GYUR BA NI GRUGS PA ZHES BYA'O, ,DE NAS 'PHRAL DU BYUNG BA'I RMA, ,ZUG GZER SHIN TU CHE BA LA, ,SHING MNGAR MAR DANG BSKOL BA 'AM, ,BA LA'I TIL MAR DRO 'JAM BLUGS, ,ZHES BYA BA LA, 'PHRAL DU RNA BYUNG BA MI BZAD PAR NA BA LA NI SHING MNGAR BSKOL BA'I MAR DRO 'JAM TZAM 'PHRAL DU BLUGS PAR BYA BA 'AM, YANG NA BA LA'I TIL MAR DRO 'JAM TZAM GYIS BLUGS PAR BYA'O, ,SNAD BA'I TSA BZHI BYA'I PHYIR, , BSKU BA LA SOGS SNUM PA DANG, ,BSIL DANG MNGAR BA'I SMAN GYIS NI, ,DE YI MOD LA BLUGS PAR BYA, ,ZHES BYA BA LA, SNAD CING RMA 'BYUNG BA LAS GYUR PA'I TSA BA ZHI BAR BYA BA'I PHYIR BSKU BA LA SOGS PA BSIL BA DANG MNGAR BA'I SMAN DAG GIS BYA'O, ,'PHRAL GYI RMA NI RGYA CHE LA, ,SBYAR BA'I PHYIR NI SBRANG RTZI DANG, , MAR GYIS MCHOG TU BSKU BYA ZHING, ,MKHRIS 'JOMS BSIL BA'I GSO BA BYA, ,ZHES BYA BA LA, 'PHRAL DU BYUNG BA RMA RGYA CHER GYUR BA SLAR SBYAR BA'I PHYIR NI SBRANG RTZI DANG MAR SBYAR BAS BSKUS NA MCHOG TU PHAN NO, ,DE BZHIN DU MKHRIS BSEL BA'I GSO BA BSIL BDAG GI BYA BA YANG PHAN NO, ,NAD KYI RTZOM PA CHE BA LA, ,STENG DANG 'OG NAS SBYANG BAR BYA, ,ZHES BYA BA LA, RMA NAD KYI RTZOM PA CHE ZHING SHAS CHER ZHUGS PA LA NI, STENG DANG 'OG NAS SKYUG SMAN DANG BKRU SMAN GYIS SBYANG BA BYA'O, ,SMYUNG BA BYA ZHING 'BRAS CHAN SBYIN, ,RGYUN DU GTAR GA GDAB PAR BYA, ,ZHES BYA BA LA, YANG NA NAD TSABS CHER G-YO BA'I RMA LA NI SMYUNG BA BYA ZHING ZAS BCAD PA DANG, 'BRAS CHAN NYUNG ZHING SBYIN PA DANG, RGYUN DU GTAR GA GDAB CING KHRAG DBYUNG BA PHAN NO, ,SHUS DANG GRUGS PA 'DI NYID DE, ,CHO GA 'DI NI LHAG PAR SBYAR, ,DE GNYIS KHRAG NI NYUNG SHAS 'DZAG, ,SMIN PA'ANG MYUR
BA NYID DU 'GYUR, ,ZHES BYA BA LA, SHUS PA DANG GRUGS PA DAG LA NI BSHAD MA THAG PA'I CHOG 'DI DAG LHAG PAR SBYAR BAR BYA STE, DE CI'I PHYIR ZHEN, SHUS PA DANG GRUGS PA DE GNYIS NI KHRAG NYUNG SHAS 'DZAG PAR BYED PAS NA RGYU DE'I PHYIR DE GNYIS NI MYUR DU SMIN PAR 'GYUR BA YIN NO, ,PHAL CHER RMA NI SHAS CHER 'BYUNG, ,GZHAN LAS KHRAG NI 'BYUNG GYUR LA, ,DE YIS KHRAG NI ZAD GYUR PAS, ,RLUNG 'KHRUGS NAD NI BSKYED PA LAS, ,RLUNG 'JOMS SMAN DANG BSKOL BA YI, ,SNUM BLUGS PA DANG SMAN CHU BLUGS, ,DUGS DANG BSKU DANG DKRI BA DANG, ,SNUM GYI 'DZAM RTZI RNAMS KYANG BYA, ,ZHES BYA BA LA, PHAL CHER RMA TSABS PO CHE BYUNG BA LA RMA LAS GZHAN PA'I PHYOGS NAS KHRAG 'BYUNG BAR GYUR LA, RGYU DES KHRAG ZAD PAR GYUR CING, ZHES RLUNG SHIN TU 'KHRUGS TE NAD MI BZAD BA BSKYED PAR GYUR PA LA NI RLUNG 'JOMS PA'I SMAN DANG BSKOL BA'I SNUM BLUGS PA LA SOGS BA'I SBYOR BA BYA'O, ,DE LTAR ZHAG BDUN PAR BSHAD PA'I, ,'PHRAL GYI RMA BYUNG CHOG BSHAD, ,CES BYA BA LA, DE LTAR BSHAD MA THAG PA'I TSUL GYIS ZHAG BDUN GYI BAR DU BYA BAR BSHAD PA'I 'PHRAL DU BYUNG BA'I RMA'I CHOG BSHAD PA YIN NO, ,ZHAG BDUN NAS NI SHUGS ZAD NAS, , SNGAR BSHAD PA YI CHO GAS SPYAD, ,CES BYA BA LA, RMA SAR PA'I SHUGS ZAD PAR GYUR CING ZHAG BDUN 'DAS PA'I 'OG TU NI SNGAR BSHAD PA'I RMA GSO BA'I CHOG JI SKAD SMOS PAS SPYAD PAR BYA'O, ,'DI NI PHAL CHER SPYI'I CHO GA, ,RE RE'I GSO BA BSHAD BYA STE, ,ZHES BYA BA LA, SHUS PA LA SOGS PA'I RMA GSAR PA LA, 'DI DAG NI SPYI'I CHO GA TZAM DU BSHAD PA YIN ZHING THUN MONG GI GSO BAR BSTAN PA YIN LA, DE RNAMS KYI RE RE'I GSO BA NI DA GZOD BSHAD PAR BYA'O, ,SHUS LAN PA MYUR BSAL PHYIR, ,RMA LA PHAN PA'I PHYE MAS GDAB, BCAD PA RMA SEL LDE GUS BSKU, ,ZHES BYA BA LA, SHUS PA'I RMA LA NI NAD DE MYUR DU BSAL BA'I PHYIR, RMA LA PHAN BA'I PHYAM GDAB PAR BYA'O, ,BCAD PA'I RMA LA NI RMA LA PHAN PA'I SMAN GYI LDE GUS BSKU BAR BYA'O, ,RNAM PAR BCAD DAD RAB 'PHYANG LA, ,CHO GA BZHIN DU BTZEM PA DANG, ,BCING BA DANG NI BTZIR BAR BYA, ,ZHES BYA BA LA, RNAM PAR
, ,BCAD BA DANG RAB TU 'PHYANG BA'I RMA LA NI SNGAR JI SKAD BSHAD PA BZHIN DU BTZEM PAR BYA BA 'AM, DE BZHIN DU BCING BA DANG, BTZIR BA'I SBYOR BA DAG BYA'O, ,MIG BCAR NA NI GSOR MI RUNG, ,ZHES BYA BA LA, MIG GI 'BRAS BU BCAR ZHING NYAMS PAR GYUR BA DE GSOR MI RUNG NGO; ,MA ZHAR PHYIR NI 'PHYANG BA LA, ,RANG GI GNAS SU LEGS BZHAG CING, ,RTZAM 'CHOL BAR BYAS NAS NI, ,PADMA'I 'DAB MAS G-YOGS NAS NI, ,LAG PAS DAL GYIS MNAN PAR BYA, ,ZHES BYA BA LA, MIG GANG ZHAR BAR MA GYUR LA GNAS LAS 'PHAGS TE PHYIR 'PHYANG BAR GYUR BA DE NI RANG GI GNAS SU LEGS PAR MA 'CHUG PAR BZHAG STE RTZAB MA 'CHOL BAR BYAS LA, SMAN BAS SNREL ZHIR MA GYUR PAR GZHAG LA, DE'I 'OG TU PADMA'I 'DAB MAS G-YOGS LA, DE'I STENG NAS SMAN BA'I LAG PAS DAL GYIS MNAN BAR BYA'O, ,DE NAS SHING MNGAR DZI BAKA ,ZANGS RTZIB DANG AUTPAL, ,MAR DANG 'O MA BCAS BSKOL BA'I, ,SMAN THIGS BLUGS DANG SNA SMAN DANG, ,BRTA BA'I CHOG DAG KYANG BYA, ,MIG NAD THAMS CAD SEL MCHOG YIN, ,ZHES BYA BA LA, DE'I 'OG TU MIG DE LA SHING MNGAR LA SOGS BA'I LDE GU DANG MAR DANG 'O MAR BCAS PA BSKOL BA'I SNA SMAN LA SOGS PA BYA STE, GANG GI PHYIR DE NI MIG SNAD [?] PA THAMS CAD SEL BAR BYED PA'I MCHOG YIN PA'I PHYIR RO, ,MIG PHUGS ZHUGS LA MGUL PA BSDAM, ,SLON DANG LUD BA SBRID PA 'BYUNG, ,YANG NA DBUGS 'BYUNG DBUGS BRNGUB BSDAM, ,RMA BYUNG MIG GI GSO BA BYA, ,ZHES BYA BA LA, MIG PHUGS SU ZHUGS SHING GTING DU BROS PA LA NI MGUL PA BSDAM PAR BYA BA DANG, SLON ZHING SKYUGS PA DANG LUD PA DANG SBRID PA 'BYUNG BAR BYA BA DANG, YANG NA DBUGS 'BYUNG BA DANG, BRNGUB PA DANG BSDAM PAR BYA BA DANG, DE BZHIN DU RMA BYUNG BA'I MIG GI GSO BA JI SKAD BSHAD PA DAG BYA'O; ,RNA BA POGS PA BTZEMS NAS NI, ,BU GA TIL MAR DAG GIS DGANG, ,ZHES BYA BA LA, RNAB GNAS LAS BOGS PA LA NI DE LA LEGS PAR BTZEMS LA RNA BA'I BU GA TIL MAR GYIS DGANG BAR BYA'O, ,LTAG PA'I SUM MDO CHOD GYUR TE, ,RLUNG NI 'BYUNG BAR GYUR PA LA'ANG, ,MNYAM
DUG ZHAG STE BAR MTSAMS NI, ,MED PAR BTZEMS TE BCING PAR BYA, ,ZHES BYA BA LA, LTAG PA'I SUM MDO CHOD PAR GYUR TE RLUNG BYUNG BAR GYUR NA YANG LTAG PA DE LTAR MNYAM POR GZHAG STE, LEGS PAR BTZEMS LA DE'I 'OG TU CI RIGS PA'I BCING BAS BCING BAR BYA'O, ,DE LANG [?] YI MAR SAR GYIS, ,BLUGS PA DAG NI RAB TU BSNGAGS, ,ZHES BYA BA LA, DE LTAR BCINGS PA'I LTAG BA DE LA RA'I MAR SAR BLUGS PA DAG PHAN NO, ,GAN RKYAL BZHAG STE KHA ZAS SBYIN, ,LEGS PAR SPYOD LAM BSDAMS TE NYAL, ,ZHES BYA BA LA, LTAG PA CHOD DE BCINGS PA DE NI KHA ZAS KYANG GAN RKYAL DU BZHAG STE ZAR GZHUG PA DANG, DE BZHIN DU NYAL BA NA YANG RMA LA MI GNOD PAR NYAL DU GZHUG PAR BYA'O, ,YAN LAG THAD KAR GNAS PA YI, ,RMA BYUNG YAN LAG LEGS GZHAG STE, ,BTZEMS LA DKRI ZHING BCING BYA ZHING, ,GOS NI MTHUG POS BCING BAR BYA, ,ZHES BYA BA LA; LAG NGAR DANG BYIN PA DAG TU THAD KAR GNAS PA'I RMA BYUNG BA LA NI YAN LAG LEGS PAR GZHAG STE, DAM DU BTZEMS LA, DE'I 'OG TU CHINGS MAS DKRI ZHING GOS MTHUG POS BCING BAR BYA'O, ,PAGS PA'I 'UR MTHIL BCING BAS NI, ,PHRAG BA'I RMA LA BCING BAR BYA, ,ZHES BYA BA LA, PHRAG PA RMA BYUNG BA LA NI, PAGS PA LAS 'UR MTHIL LTA BUS BCING BAR BYA'O, RLIG PA 'PHYANG LA RKANG PAR NI, ,SPU GUS CHU NI GTOR NAS KYANG, ,RLIG PA BCUG STE RAS BAL DANG, ,BCAS PA'I KHAB KYIS BTZEM PAR BYA, ,'UR MTHIL BCINGS BA BYAS PA LA, ,RKED PA NAS NI SRAD BUS GDAGS, ,ZHES BYA BA LA, RLIG PA 'PHYANG BAR GYUR PA LA NI RKANG PA CHU'I NANG DU BCUG CING MIG CHUS GTOR LA, RLIG BSLAR BCUG STE RAS BAL GYI SKUD PA DANG BCAS PA'I KHAB KYIS BTZEM PAR BYA'O, ,DE LTAR BTZEMS NAS, MDO'I GNAS LAS SMOS PA'I 'UR MTHIL 'DRA BA'I BCING BAS BCINGS LA RKED PA NAS CHINGS MA'I SRAD BUS BRTOD PAR BYA'O, ,DER NI RMA NI 'DRUL GYUR PAS, ,SNUM DANG DUGS KYI LAS MI BYA, ,ZHES BYA BA LA, RLIG PA 'PHYANG BA'I RMA DE LA NI SNUM DANG DUGS KYI CHO GA BYAR MI RUNG STE, RMA 'DRUL BAR BYED PA'I PHYIR RO, ,BRI YANG KU NGAG AA
, ,GA RU, ,SUG SMEL DZ'A TI BAR BA TA, ,DAN DA LDONG ROS SKYER BA DANG, ,SLE TRES DANG NI SPANGS MA DANG, ,TIL MAR BSKOL BAS RMA 'TSOB BYED, ,CES BYA BA LA, PRI YANG KU LA SOGS PA DANG BSKOL BA'I TIL MAR GYIS NI RLIG PA 'BYUNG BA'I RMA 'TSOB PAR BYED PA'I PHYIR RO, ,PRI YANG KU NI KA RA NU PAR TE, LA LA NI 'DIR PRI YANG KU MA YIN GYI THAL TRES NAG PO KRI SNA SHA RIB ZHES BYA BA YIN ZHES ZER RO, ,YAN LAG MA LUS CHAD PA LA, ,TIL MAR BSKOL BAS BSREGS NAS NI, ,SGYE'U BCING BAS BCING BAR BYA, ,DE NAS RMA LTAR GSO BAR BYA, ,ZHES BYA BA LA, LAG DAR RAM BYIN PA LHAG MA MA LUS PAR 'UR POR CHAD PA LA NI TIL MAR BSKOL BA'I NANG DU BSREGS LA SNGAR BSHAD PA'I SGYE'U BCING BA'I NANG DU BCINGS TE, DE'I 'OG TU RMA GSO BA'I CHO GAS GSO BAR BYA'O, ,PHUG PA ZUG RNGU DBYUNG BAS GSO, ,GRUGS DANG CHAG GRUGS GSO PAR BYA, ,ZHES BYA BA LA, PHUG PA'I RMA NI ZUG RNGU DBYUNG BA'I GSO BA JI SKAD SNGAR MDO'I GNAS SU BSHAD PA BZHIN GSO BAR BYA'O, ,GRUGS PA NI CHAG GRUGS GSO BA'I LE'U LAS JI SKAD SMOS PA LTAR GSO BAR BYA'O, ,MGO BO'I ZUG RDU DBYUNG BA LA, ,SKRA YI YE'U GZHUG PAR BYA, ,GZHAN DU GLANG RGYAS 'DZAG PA YIS, ,RLUNG 'KHRUGS DE NI GSOD PAR 'GYUR, ,ZHES BYA BA LA, MGO BO'I ZUG RDU DBYUNG BA LA NI SKRA'I YE'U GZHUG PAR BYA'O, ,GZHAN DU DE LTAR MA BYAS NA, GLAD RGYAS ZHES BYA BA 'DZAG PAR 'GYUR BA LAS RLUNG 'KHRUGS TE NAD PA DE GSOD PAR 'GYUR RO, ,RMA 'TSOBS [?] NAS NI RIM GYIS NI, ,SKRA NI DAL GYIS DBYUNG BAR BYA, ,ZHES BYA BA LA, RMA DE 'TSOBS [?] NAS NI SKRA DE RE RE NAS RIM GYIS DAL GYIS DBYUNG BAR BYA'O, ,GLAD RGYAS 'DZAG LA SROG CHAGS NI, ,GZHAN GYI GLAD PA SBYIN PAR BYA, ,ZHES BYA BA LA, GLAD RGYAS 'DZAG PAR GYUR NA SROG CHAGS GZHAN DAG GI GLAD PA DANG, MGO BOR BCAS PA SBYIN PAR [?] BYA'O, ,GZHAN LAS ZUG RNGU PHYUNG NAS NI, ,RMA DER RING BU SNUM CAN GZHUG, ,CES BYA BA LA, YAN LAG GZHAN DAG LAS ZUG RDU PHYUNG NAS NI RMA DE LA RENG BU YE'U SNUM CAN GZHUG PAR BYA'O, ,PHUGS RING KHA NI CHUNG BA DANG, ,RMA
GANG RNAG DANG KHRAG 'DZAG LA, ,'KHOR LOS BTZIR BA'I TIL MAR BLUGS, ,DE NI SPU GU CHUNG DUS GTANG, ,ZHES BYA BA LA RMA GANG PHUGS RING ZHING GTING DU ZABS PA DANG, RMA KHA CHUNG ZHING PHRA BA DANG, RNAG DANG KHRAG 'DZAG PAR GYUR BA LA 'KHOR LOS BTZIR BA'I TIL MAR SAR BA BLUGS SHING DE SBU GU CHUNG DU LAS NANG DU GTANG BAR BYA'O, ,KHONG BA BRTOL TE KHRAG GIS GANG, ,BRGYAL ZHING SNYING GA RTZIB LOGS NA, ,RIMS 'DEBS LUS TSA LTO SBOS SKOM, ,ZAS LA MNGON PAR MI DGA' ZHING, ,BSHAD PA GCIN DANG 'PHYEN 'GAGS LA, ,MIG DMAR RDUL 'BYUNG DBUGS MI BDE, , KHA NANG KHRAG GI DRI BRO ZHING, ,LUS KYANG DRI MI ZHIM PAR 'GYUR, ,ZHES BYA BA LA, KHONG BA'I NANG GROL BRTOL TE, KHRAG GIS GANG NA NI KHRAG SKYUGS PA LA SOGS PAR 'GYUR TE, MI ZHIM PA'I BAR DU 'GYUR RO, ,MA ZHU'I GNAS NA GNAS PA'I KHRAG ,KHRAG TU YANG NI SKYUG PAR BYED, ,SHIN TU SHAS CHER LTO SBO ZHING, ,GZER NAD KYIS KYANG GNOD PAR BYED, ,CES BYA BA LA, KHRAG DE MA ZHU BA'I GNAS NA 'DUG NA NI KHRAG SKYUGS PA LA SOGS PAR 'GYUR RO, ,ZHU BA'I GNAS NA GNAS PA'I KHRAG ,GZER BCAS LUS NI LCI BAR BYED, ,LTO BA MAN CHAD GRANG BA DANG, ,BU GA LAS NI KHRAG 'BYUNG 'GYUR, ,ZHES BYA BA LA, KHRAG DE ZHU BA'I GNAS NA 'DUG NA NI GZER BA DANG BCAS SHING LUS LCI BA LA SOGS PAR 'GYUR RO, ,GNAS NI ZHIG PAR MA GYUR KYANG, ,KHRAG NI 'DZAG PAR GYUR BA YIS, ,BUG LAS NI 'GENGS BYED DE, ,LGANG BA'I NGOS NAS 'GENGS DANG 'DRA, ,ZHES BYA BA LA, GNAS ZHES BYA BA KHONG PA'I NANG GROL ZHIG PAR MA GYUR KYANG KHRAG 'DZAG PAR GYUR PAS NGOS KYI BU GNAS LTO BA'I SNOD 'GENGS PAR BYED DE, DPER NA GCIN 'DZAG PA YANG LGANG PA'I NGOS KYI BU GNAS ZHUGS PAS NANG DU 'GENGS PAR BYED PA DANG 'DRA'O, ,KHRAG NANG YOD PA DE LA NI, ,RKANG LAG KHA DANG DBUGS GRANG ZHING, ,MIG DMAR GDONG NI SKYA BA DANG, ,LTO SBO BA NI SPANG BAR BYA, ,ZHES BYA BA LA, DE LA NANG GROL RDOL ZHING NANG NA KHRAG YOD PA DE NI RKANG PA DANG LAG PA DANG KHA DANG DBUGS GRANG BA DANG, MIG DMAR BA LA SOGS PA YIN TE, DE NI
, ,GSOR MI RUNG BAS SPANG BAR BYA'O, ,MA ZHUR GNAS LA SKYUG SMAN GTANG, ,ZHES BYA BA LA, MA ZHU BA'I GNAS NA KHRAG YOD PA'I MI LA NI SKYUG SMAN GTANG BAR BYA'O, ,ZHU BA'I GNAS LA GNAS PA LA, ,BKRU SMAN DANG NI NI RU HA, ,SNUM MED DRO BAS SBYANG BAR BYA, ,ZHES BYA BA LA, ZHU BA'I GNAS LA KHRAG GNAS PA LA NI BKRU SMAN DANG NI RU HA SNUM MED PA DANG DRO BA BTANG LA SBYANG BAR BYA'O, ,NAS DANG RGYA SHUG RGYA SRAN GYI, ,KHU BA SNUM NI MED PA DANG, ,NAS THUG KHA ZAS ZA BA DANG, ,LCE MYAD [?] TSA DANG LDAN PA SBYIN, ,ZHES BYA BA LA, DE LTAR SBYANGS BA BYAS NAS, NAS LA SOGS PA'I KHA ZAS SNUM MED PA DANG, NAS THUG LA SOGS PA LCE MYANG TSA DANG LDAN BA SBYIN PAR BYA'O, ,KHRAG NI MANG DU 'DZAG PA DANG, ,KHONG PA SNAD LA KHRAG BLUD BYA, ,ZHES BYA BA LA, KHRAG MANG DU 'JAG CING KHOD PA SNAD CING 'KHRUGS PA LA NI GZHAN DAG GI KHRAG BLUD PAR BYA'O, ,RGYU MA 'BYAR DANG CHAD PAR NYAN, ,KHANG PA SUD PA GNYIS SU BSHAD, ,CES BYA BA LA, KHONG PA SNAD CING RDOL BA NI RGYU MA 'BYAR BA DANG, RGYU MA CHAD PA'I DBYE BAS RNAM PA GNYIS SU BSHAD DO, ,DANG POR BRGYAL SOGS CHUNG BA YIN, ,GNYIS PA SHAS CHER GNOD PAR BYED, ,CES BYA BA LA, DANG PO RGYU MA 'BYAR BA NI BRGYAL BA LA SOGS PA'I GNOD BA CHUNG PA YIN LA, GNYIS PA RGYU MA CHAD PA NI SHIN TU GNOD PA SKYED PA YIN NO, ,RGYU MA 'BYAR BA THE TSOM BCAS, ,RGYU MA CHAD PA 'TSO MI 'GYUR, ,ZHES BYA BA LA, RGYU MA RDOL CING 'BYAR BA NI 'TSO 'AM MI 'TSO THE TSOM DANG BCAS PA YIN LA, RGYU MCHAD PA NI NGES PAR 'CHIB YIN NO, ,GANG GI BSHAD DANG GCI DANG 'PHYEN, ,RANG GI LAM NAS BYUNG GYUR LA, ,BLA BRNAN MED PAR RDOL GYUR KYANG, ,'TSO BAR 'GYUR BAR THE TSOM MED, ,CES BYA BA LA, GANG GI NANG GROL RDOL YANG BSHAD PA LA SOGS PA RANG GI RGYU LAM NAS LUGS BZHIN DU 'BYUNG BA DANG, BLA BRNAN GYI NAD MED PA DAG NI RDOL BA YIN DU ZIN KYANG NGES PAR 'TSO BAR 'GYUR RO, ,MA RDOL RGYU MA 'BYUNG BA NI, ,GZHUG PAR BYA ZHING GZHAN DU MIN, ,ZHES BYA BA LA, RGYU MA MA RDOL ZHING 'PHRAL DU BYUNG BA NI SLAR BCUG NA 'TSO'I, DE LAS GZHAN DU CHAD PAR
GYUR PA NI SLAR BCUG KYANG MI 'CHO'O, ,GROG MA'I MGO BO BCAD NAS NI, ,DE YANG GZHUG CES LA LA SMRA, ,ZHES BYA BA LA, SLOB DPON LA LA DAG NI RGYU MA RDOL BA YIN DU ZIN KYANG GROG MA'I MGO BOS KHA BKAB LA SLAR GZHUG PAR BYA'O ZHES ZER RO, ,RDUL DANG KHRAG DANG RTZA YIS GOS, 'O MAS LEGS PAR BKRUS NAS NI, ,SEN MO BREGS TE MAR GYIS BSKUS, ,RIM GYIS LEGS PAR GZHUG BAR BYA, ,ZHES BYA BA LA, RGYU MA GSAR DU PHYIR BYUNG BA DE RDUL DANG KHRAG LA SOGS PAS GOS PA'O MAS BKRU LA, MAR GYIS BSKUS TE SEN MO BREGS PA'I LAG PAS RIM GYIS DAL BUS GZHUG PAR BYA'O, SKAM PO'O MAS SPANGS NAS NI, ,MAR SAR MANG PO BSKU BAR BYA, ,ZHES BYA BA LA, RGYU MA SKAM PO NI 'O MAS SPANGS LA BKRUS TE MAR SAR PA MANG POS BSKUS LA GZHUG PAR BYA'O, ,SOR MOS MGUL BA MNYE BA DANG, ,CHU YIS KYANG NI GTOR BAR BYA, ,DE LTAR RGYU MA NANG ZHUGS NAS, ,DE YI CHEN BTZIR PAR BYA, ,ZHES BYA BA LA, RGYU MA BYUNG BAR GYUR BA LA SOR MOS MGUL BA MNYES PA DANG, CHUS GTOR NAS SPANGS PAR BYAS TE, DE LTAR RGYU MA DE NANG DU GZHUG PAR BYAS LA DE NAS DUS GZHAN DU RGYU MA DE BTZIR BAR BYA'O, ,RMA KHA CHUNG DANG SBOM PA YIS, , RGYU MA KHONG PAR MA TSUD NA, ,DE YI TSAD TZAM LTO BA NI, ,DBRAL TE NANG DU GZHUG PAR BYA, ,ZHES BYA BA LA, RMA KHA SHIN TU CHUNG BA'AM, RGYU MA SBOM PA'I RGYUS NANG DU MA TSUD NA, RGYU MA'I TSAD TZAM LTO BA DBRAL TE RGYU MA NANG DU GZHUG PAR BYA'O, ,GNAS SU LEGS PAR 'DUG GYUR NAS, ,DE RJES RGYU MA'I RMA BTZEM BYA, ,ZHES BYA BA LA, RGYU MA GNAS SUM 'PHYUGS PAR TSUD NA NI DE'I 'OG TU RMA LEGS PAR BTZEM PAR BYA'O, ,GNAS SU LEGS PAR MA BZHAG NA, ,DE NI 'KHRUGS PAS 'CHI PAR 'GYUR, ,ZHES BYA BA LA, RGYU MA DE GNAS LAS 'PHYUGS NA NI SKYIS BU DE 'CHI BAR 'GYUR RO, ,DE RJES RAS KYIS DKRIS NAS NI, ,MAR GYIS BSKU ZHING BLUGS PAR BYA, ,ZHES BYA BA LA, DE'I 'OG TU RMA DE RAS KYIS DKRIS LA, MAR BSKU ZHING BLUGS PAR BYA'O, DE NAS DAN DA [?] TIL MAR DANG, ,SBYAR BA'I 'OM DRO 'JAM BLUD, ,DES NI BSHAD PA SNYI BA DANG, ,RLUNG NI BDE BA
, ,'BYUNG BAR 'GYUR, ,ZHES BYA BA LA, DE'I 'OG TU BSHAD BA 'JAM PAR BYA ZHING RLUNG BDE BAR 'BYUNG BAR BYA BA'I PHYIR DAN DA TIL MAR DANG SBYAR BA'I 'O MA DRO 'JAM TZAM BLUD PAR BYA'O, ,JI SKAD BSHAD PA'I SPYOD BA BSRUNG, ,LO GCIG BAR DU 'BAD PAR BYA, ,ZHES BYA BA LA, DE LTAR BYAS NAS CHA SPYAD KYI LAM NAS BSHAD PA'I SPYOD PA LO GCIG GI BAR DU BSRUNG BAR BYA'O, ,LTO LAS TSIL NI BYUNG GYUR NA, ,THAL BA'AM NIS DAG GAM, ,RO BSKA BA YI RTZA BDAG ,ZHIB TU BTAGS PAS BTAB NAS NI, ,DE NAS SRAD BUS DAM DU BCING, ,SMAN PA MKHAS BAS GCAD BAR BYA, MTSON RNON ME LA BSREGS PA YIS, ,LAN CIG KHO NAR GCAD PAR BYA, ,ZHES BYA BA LA, TSIL GYI DUM BU LTO LAS BYUNG BAR GYUR NA, THAL BA'AM SA'AM RO BSKA BA'I TZA BA ZHIB TU BTAGS PAS BTAB LA, DE'I 'OG TU SRAD BU DAM PO KHO NAR BCINGS TE, SMAN BA MKHAS BAS GCAD PAR BYA LA, DE YANG MTSON RNON PO MES BSREGS BAS LAN CIG KHO NAR GCAD PAR BYA'O, ,GZHAN DU BYAS NAS GCOD PA'I TSE, ,NA ZHING SBO 'AM 'CHI BAR 'GYUR, ,ZHES BYA BA LA, RNAM PA GZHAN DU BYAS NAS GCOD PA'I TSE NA ZHING SBO BA LA SOGS PA 'BYUNG BAR 'GYUR BA'AM, YANG NA 'CHI BAR 'GYUR RO; ,SBRANG RTZIR BCAS PAS RMA BCINGS LA, ,KHA ZAS ZHU NAS 'O MA MAR, ,DAN TI RGYA SKYEGS GZE MA DANG, ,SHING MNGAR KHA RA BSKOL BA BLUD, ,SHING MNGAR BCAS PA SNGAR GYI NI, ,CHO GSAN DANG CHA BSEL, ,ZHES BYA BA LA, RMA DE SBRANG RTZI DANG BCAS PA'I CHINGS MAS BCINGS LA; KHA ZAS ZHU BAR GYUR NAS, DAN TIL SOGS PA DANG, SHING MNGAR DANG MAR BSKOL BA 'AM, SHING MNGAR DANG 'OM BSKOL BA BLUD BAR BYA STE, DE GNYIS KYANG NA BA DANG TSA BSEL BAR BYED DO, ,DE'I 'OG TU NI SNGA MA'I CHO GA BSHAD PAR BYA'O, ,TSIL GYI RMEN BUR BSHAD PA YI, , TIL MAR BSKUS NA'ANG PHAN PA YIN, ,ZHES BYA BA LA, DE LA TSIL BYUNG BA'I RMA LA NI, TSIL GYI RMEN BU'I NAD GSO BA'I SKABS SU BSHAD PA'I TIL MAR BSKUS NA YANG PHAN PA YIN NO, ,BAL BU'I LO MA SHUG PA DANG, ,SPANG SPOS HA RE nU KA DANG, ,AA KA RU DANG TZANDAN DANG, ,PADMA'I
SA BON SER PO GNYIS, ,AU SHIR DANG SHING MNGAR BCAS, ,BSKOL BA 'PHRAL GYI RMA LA NI, ,'TSO BAR BYED PA'I DAM BAR BSHAD, ,CES BYA BA LA, BAL BU'I LO MA LA SOGS PA DANG, TIL MAR BSKOL BA YANG 'PHRAL DU RMA BYUNG BA 'TSO BAR BYED PA YIN NO, ,MTSON GYIS BSNUN BAS MI MNGON PA, ,G-YANG SA MTHON PO NAS LTUNG BA, ,RLUNG MKHRIS 'JOMS SMAN 'GRANGS PA DANG, ,MNYE DANG BSKU DANG SBYANG BA BYA, ,ZHES BYA BA LA, SKYES BU MTSON GYIS BSNUN PA'I RMA MI MNGON BAR GYUR BA DANG, DE BZHIN DU G-YANG SA MTHON PO NAS LTUNG BAR GYUR PA LA NI RLUNG DANG MKHRIS PA 'JOMS PA'I SBYOR BA DANG, 'GRANGS PA LA SOGS PA SBYANG BA BYA'O, ,LUS TSIGS BYE DANG MNYES PA DANG, ,GNAD DU BSNUN BAS NYEN BA LA, ,SNOD CHEN TIL MAR GYIS BKANG BAR, ,GZHUG CING SHA KHU SBYIN PAR BYA, ,ZHES BYA BA LA, MI GANG LUS KYI TSIGS BYE BAR GYUR PA 'AM, MNYES ZHING DKRUGS BA'AM, GNAD DU BSNUN PAS NYEN BA LA NI GZHONG PA LA SOGS BA'I SNOD CHEN PO TIL MAR GYIS BKANG BA'I NANG DU LUS SBYING ZHING SHA KHU SBYIN PAR BYA'O, ,YAN LAG BRGYAD PA'I SNYING PO'I RNAM PAR 'GREL BA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES BAR SBYAR BA LAS, PHYI MA'I GNAS KYI LE'U NYI SHU RTZA DRUG PA'I RNAM PAR 'GREL PA'O,, ,,DE NAS CHAG GRUGS GSO BA'I LE'U BSHAD PAR BYA'O, ,LTUNG DANG SNAD SOGS KYIS RUS TSIGS, ,TSIGS DANG TSIGS MIN CHAG GYUR GNYIS, ,ZHES BYA BA LA, RUS PA CHAG PA'I DBYE BA NI RNAM PA GNYIS TE, YAR NA LHUNG BA LA SOGS PA'I RGYU LAS TSIGS BYUNG ZHING CHAG PA DANG, TSIGS MA YIN PAR CHAGS PA'O, ,TSIGS BYUNG GYUR NA BRKYANG DANG BSKUM, ,NUS BA MED PA NYID DU 'GYUR, ,ZHES BYA BA LA, GANG GI TSE TSIGS BYUNG BAR GYUR PA DE'I TSE NI TSIGS DE'I PHYOGS SU BRKYANG PA DANG BSKUM BA MI NUS PAR 'GYUR RO, ,GZHAN DAG SHIN TU SKRANGS PA DANG, ,GNAS SKABS KUN TU RAB TU NA, ,BSKYOD PA CHUNG DU'ANG MI NUS SHING, ,BTZIR NA SGRA DANG BCAS BA YIN, ,ZHES BYA BA LA, TSIGS SU CHAG PA MA YIN PA DAG ZHI SHAS CHER SKRANGS PA
, ,GNAS SKABS THAMS CAD DU YANG MI BZAD PAR NAB DANG, BSGUL [?] BSKYOD KYI RTZOL BA CHUNG DU YANG MI NUS PA DANG, BTZIR NA 'KHOR ZHING SGRA DANG BCAS PA YIN NO, DE LTAR CHAG GRUGS MDOR BSDUS PA'I, ,MTSAN NYID YIN TE, ZHES BYA BA LA, DE LTAR BSHAD MA THAG PA'I TSUL GYIS NA CHAGS GRUGS KYI MTSAN NYID MDOR BSDUS NAS BSHAD PA YIN NO, ,DE'I DBYE BA, CHAG BA'I DBYE BAS DU MAR 'GYUR, ,ZHES BYA BA LA, DE'I MTSAN NYID KYI DBYE BA NI CHAG PA'I TSUL RNAM PA DU MAR 'GYUR BA YIN NO, DE DAG KUN GYI GOS BA NI, , JI LTAR 'TSAM PA BZHIN DU NI, ,DE BZHIN DE NI NYE BAR BSTAN, ,ZHES BYA BA LA, CHAG GRUGS DE THAMS CAD KYI GSO BA GANG LA JI LTAR 'TSAM PA BZHIN DU BSTAN PA YIN NO, ,MANG DU PHRA MOR CHAG PA DANG, ,REG NA SGRA NA'I 'KHROL BA DANG, ,GANG DU RUS PA CHAG PA YI, ,BAR DU RUS PA PHRA MO ZHUGS, ,YANG NA SNAD PAS CHAG PA LAS, ,CUNG ZAD LUS PAR GYUR PA DANG, GANG YANG BTEG PA'I TSE NA NI, ,RMA LTAR RKANG DU NUB PA DANG, ,NUS ZHAN SBEG PAR GYUR BA DANG, ,RLUNG CAN NYUNG ZAD SPANG BAR BYA, ZHES BYA BA LA, GANG YANG RUS PA PHRA MOR MANG DU CHAG CING GRUGS PAR GYUR PA DANG, REG NA SGRA 'BYUNG BA DANG, GANG DU RUS PAGS SHING CHAG PA'I NANG DAM, BAR DU RUS PA PHRA MO ZHUGS PAR GYUR PA DANG, YANG GANG ZHIG SNAD NAS CHAG PA LAS MA CHAG PAR CUNG ZAD LUS PAR GYUR BA DANG, YANG NA GANG ZHIG GYEN DU BTEG CING DRANGS PA'I TSEM LTAR RKANG GI NANG DU RUS PA NUB PAR GYUR PA STE, LNGA PO DE DAG NI GSO BAR DKA' BA YIN NO, ,DE BZHIN DU NUS PA ZHAN PA DANG, SBEG PAR GYUR PA DANG, RLUNG NAD KYI SHAS CHE BA DANG, ZAS NYUNG SHAS SHIG ZAB DAG GIS RUS PA CHAG GRUGS SU GYUR PA GANG YIN PA DE YANG GSO BAR DKA' BA YIN NO, ,DBYI YI RUS MIG CHAG PA DANG, ,GANG YANG TSIGS BYE LTUNG BA DANG, ,RO SMAD ZHIB TU GRUGS PA 'AM, ,CHAG PAR GYUR PA GANG YIN DANG, THOD PA'I MTSAMS NI MA 'BYOR BA 'AM, ,DE BZHIN DPRAL BA PHYE MAR GYUR, GANG YANG MUR 'GRAM CHAG PA DANG, ,
LTAG PA NU MA'I BAR CHAG SPANG, ,ZHES BYA BA LA, DPYI'I RUS MIG CHAG PAR GYUR PA DANG, GANG TSIGS LAS BYE ZHING 'PHOS TE LHUNG BAR GYUR PA DANG, RO SMAD SHIN TU PHYE MAR BTAGS PA LTAR GRUGS PA'AM CHAG PA GANG YIN PA DE SPANG BAR BYA'O, ,DE BZHIN DU THOD PA'I MTSAMS 'BYOR BAR MA GYUR PA'AM, DE BZHIN DU DE PHYE MAR GYUR PA GANG YIN PA 'ANG SPANG BAR BYA'O, ,YANG MUR 'GRAM CHAG PAR GYUR PA DANG, MGO BO'I LTAG PA DANG NU MA'I BAR DU CHAG CING GRUGS PA GANG YIN PA DE YANG GSOR MI RUNG BAS SPANG BAR BYA'O, ,RUS PA LEGS PAR CHAG GYUR KYANG, BZHAG NYES BCING NI NYES PA DANG, ,GANG ZHIG BSKYOD PAS GNOD GYUR PA, ,DE YANG SPANG BAR BYA BA YIN, ,GDOD NAS RUS PA'I TSIGS DAG NI, ,NYES PAR SKYES GYUR DE YANG SPANG, ,ZHES BYA BA LA, RUS PA CHAG PA GSO BLA BA YIN YANG BZHAG NYES PA LA SOGS PA'I RGYUS GNOD PAR GYUR CING MA RUNGS PAR GYUR PA'I CHAG GRUGS DE YANG SPANG BAR BYA'O, ,GZHAN YANG RUS PA GANG DANG PO NYID NAS SKYE MA LEGS SHING NYES PAR SKYES PA 'AM, YANG NA TSIGS GANG GDOD MA NAS NYES PAR SKYES PA DE YANG SPANG BAR BYA'O, ,RUS PA GZHON NU GUG PA DANG, ,SBUBS CAN CHAG PAR GYUR PA DANG, ,THOD PA GYES PAR DANG, ,GZHAN YANG MANG DU GAS PA RNAMS, ,ZHES BYA BA LA, RUS PA GZHON ZHING SNYI BA GUG CING YON POR GYUR PA DANG, YANG SBUBS CAN KHONG STONG GI RUS PA CHAG PAR GYUR PA DANG, GANG YANG THOD PA LTA BUS RUS PA KOR KOR POR 'DUG PA GYES SHING DUM BUR GYUR PA DANG, GZHAN YANG RUS PA GZHAN DAG KYANG MANG DUGS SHING ZHIGS PAR GYUR PA GSO BAR BYA'O, ,DE NAS DMA' BA BSTOD PAR BYA, ,MTHON PO MNAN PAR BYA BA YIN, ,NANG DU NUB PA DRANG BAR BYA, ,'OG TU SONG BA STENG DU DRANG, ,ZHES BYA BA LA, DE NAS RUS PA DMA' PAR GYUR PA LA BSTOD CING 'DEGS PAR BYA'O, ,'ON TE SNGA MA'I SO LAS MTHON POR GYUR PA NI MNAN CING BTZIR BAR BYA'O, ,NANG DU NUB PA NI PHYIR DRANG BAR BYA'O, ,'OG TU SONG BA'I RUS PA NI STENG DU DRANG BAR BYA'O, ,'DEGS DANG MNAN DANG SMAD BA DANG, ,PAGS PA BSDUS TE BCING BA
, ,DANG, ,DE LTAR BZHAG PA'I THABS KYIS NI, ,LUS SU GTOGS PA'I TSIGS THAMS CAD, ,G-YO BA'AM MI G-YO GANG YANG RUNG, ,LEGS PAR BZHAG STE MI 'GYUR BYA, ,RAS MA MAR NI MANGS BAS DKRI, ,AU DUM W'A RA KA DAM'A, ,AA RDZUN DANG AA SHVATTHA, SA DZA DANG NI PA LA SHA, ,'OD MA LAS BYUNG SHUN SHUN ZHENG CHE, ,'JAM PA LEGS PAR 'JAR BA DANG, ,RTEN DANG BCAS SHING MI 'GYUR BA'I, ,SHUN PA 'AM DUM BU DAG DANG NI, ,'JAG MAS LEGS PAR DKRI BYA ZHING, ,RAS KYIS STENG DU GLAN PAR BYA, ,ZHES BYA BA LA, 'DEGS PA LA SOGS BA RUS PA MNYAM DU 'JOG PA'I THABS KYIS LUS SU GTOGS PA'I TSIGS G-YO BA'AM MI G-YO BA'I TSIGS DANG, CHAG GRUGS THAMS CAD LEGS PAR BZHAG STE MI 'GYUR BAR BYAS LA, DE'I 'OG TU RAS MAR MANG PO DANG BCAS PAS DKRIS LA, DE'I 'OG TU AU DUM W'AR LA SOGS BA'AM, 'OD MA LAS BYUNG BA'I SHING SHUN ZHENG CHE ZHING 'JAM PA LEGS PAR 'JAR BRTEN DANG BCAS PA MI 'GYUR BA DAG GI GLAN PA DANG, 'JAG MA RAS MAS DKRIS PA'I STENG DU DKRI BAR BYA'O, ,BCING BA LHOD PAR GYUR PA YIS, ,MTSAMS SBYOR BRTAN POR MI 'GYUR RO, ,DAM POS SHIN TU NA ZHING TSA RNAG DANG SKRANG PA 'BYUNG BAR 'GYUR, ,ZHES BYA BA LA, GANG GI PHYIR BCING BDE LHOD PAR GYUR NA NI RUS PA'I MTSAMS 'BYOR PA BRTAN POR MI 'GYUR TE, SHIG SHIG POR 'GYUR RO, ,GAL TE BCING BA DAM DRAGS NA NI NA BA DANG CHA BA LA SOGS PA 'BYUNG BAR 'GYUR RO, ,SO GA'I DUS SU ZHAG GSUM GSUM, ,DGUN GYI DUS SU BDUN NAS DGROL, ,THUN MONG DUS SU ZHAG LDA NAS, ,YANG NA CHAG BA'I DBANG LAS DGROL, ,ZHES BYA BA LA, CHAG GRUGS BCINGS PA NI SOG TSA BA'I DUS SU ZHAG GSUM GSUM NAS DGROL ZHING BCOS BAR BYA'O, ,DGUN STOD DANG DGUN SMAD GRANG BA'I DUS SU NI ZHAG BDUN BDUN NAS DGROL ZHING BCOS PAR BYA'O, ,THUN MONG GE DUS TE DRO GRANG GI DUS RAN PA STON DANG DPYID KYI DUS SU ZHAG LNGA LNGA NAS BCOS PAR BYA'O, ,YANG NA CHAG GRUGS SAM NAD TSABS CHE CHUNG GI DBANG DU BYAS NAS CHINGS MA BKROL ZHING BCOS PAR BYA'O, ,DE NAS N+YA
GRODHA SOGS PA'I, ,KHU BA BSIL BA'I CHU BLUGS BYA, ,ZHES BYA BA LA, DE'I 'OG TU TSIGS CHAG PAR GYUR BDE N+YA GRODHA LA SOGS PA'I KHU BA BSIL BA'I SMAN CHU BLUGS PAR BYA'O, ,DE NI NAD BCAS RTZA BA LNGA, ,'OM BSKOL BA BLUGS PAR BYA, ,ZHES BYA BA LA, CHAG GRUGS BCINGS BAS DE NAD DANG BCAS PAR GYUR NA NI RTZA BA LDA BAR 'O MA BSKOL BA BLUGS PAR BYA'O, ,MKHAS PAS TIL MAR 'KHOR LOS BTZIR, ,RLUNG 'JOMS SMAN DANG BCAS BA NI, ,DRO 'JAM CAM NI BSKU BAR BYA, ,DUS DANG YUL GYI DBYE BAS BYA, ,ZHES BYA BA LA, 'KHOR LOS BTZIR BA'I TIL MAR DANG, RLUNG 'JOMS PA'I SMAN DANG BCAS PA BSKOL BA'I TIL MA DRO 'JAM TZAM DAG KYANG DUS LA SOGS PA'I DBYE BA LAS DPAGS TE SMAN PA MKHAS BAS GTANG BAR BYA'O, ,KHU BA SHIN TU GRANG MO NI, ,RGYUN DU BLUGS SHING LDE GUS BSKU, ,ZHES BYA BA LA, GZHAN YANG LDE GUS BSKU BA DANG, SMAN CHU BLUGS BDAG KYANG RGYUN DU BYA'O, ,BAGS RA 'O MA RANG DANG BCAS, MNGAR BA'I SMAN DANG BSKOL BDAG ,RGYA SKYEGS KHU BAR BCAS PA NI, ,CHAG GRUGS CAN LA NANG RE BLUD, ,CES BYA BA LA, BA GSAR BA NI LAN CIG BE'U BCAS BA'I BSTE, DE'I 'OM DAR, MAR DANG, MNGAR BA'I SMAN DANG BSKOL BRGYA SKYEGS KYI KHU BA DANG BCAS PA GRANG MO DAG CHAG GRUGS CAN GYI NAD PA LA NANG RE BLUD PAR BYA'O, ,CHAG GRUGS RMA DANG BCAS PA NI, ,RMA LA SHING MNGAR MAR SHAS CHE, ,LDE GUS BSKU BA'AM YANG NA NI, ,LHAG MA CHAG GRUGS LTA BUR GSO, ,ZHES BYA BA LA, CHAG GRUGS RMA BYUNG BA DANG BCAS PA LA NI, RMA SMAN GYI KHU BA SHING MNGAR DANG MAR GYI SHAS CHE BA'I LDE GUS BSKU BAR BYA'O, ,GSO BA GZHAN DAG NI CHAG GRUGS GSO BA DAR MTHUN PAR BYA'O, ,RMA YI SHA NI 'PHYANG BA LA, ,SBRANG RTZI MAR GYIS BSKUS NAS NI, ,SMAN PAS RMA NI KHA SBYAR NAS, ,BCING BA DAG KYANG LEGS PAR BYA, ,ZHES BYA BA LA, RMA'I SHA CHAD DE 'PHYANG BA LA NI SBRANG RTZI DANG MAR SAR SBYAR BAS BSKUS LA, DE'I 'OG TU SMAN PAS KHA LEGS PAR SBYAR NAS BCING BLTA 'CHAM PA DAG GIS KYANG LEGS PAR BCING PAR BYA'O, ,DE NE MNYAM ZHING
, ,LEGS BZHAG NAS, ,PRI YANG KU DANG KA PHAL, ,SANG PHROM BTZOD DANG DA TA KI'I, ,PHYE MAS LEGS PAR GDAB BYA'AM, ,ZHES BYA BA LA, RMA DE MNYAM ZHING LEGS PAR GNAS PAR GYUR BAR SHES NAS GANDHA PRI YANG KU LA SOGS PA'I PHYE MAS LEGS PAR GDAB PAR BYA'O, SENG PHROM DA TA KI'I PHYE MA, ,BTAB NA MYUR DU 'TSO BAR 'GYUR, ,ZHES BYA BA LA, YAN NA DA TA KI NGAN SENG PHROM GNYIS KYI PHYE MA RMA LA GDAB PAR BYA STE, SBYAR BA DE DAG GIS NI RMA MYUR DU 'TSO BAR 'GYUR RO, ,DE LTAR CHAG GRUGS GSO BA YIN, ,ZHES BYA BA LA, DE LTAR BSHAD MA THAG BA'I RNAM BAS CHAG GRUGS GSO ZHING BCOS PAR BYA'O, ,LUS ZUNGS BRTAN LA DGUN GYI TSE, SHA CHEN NAD GZHI CHUNG BA'I RMA, ,GSO SLA GZHAN NI GSO BAR DKA', ,ZHES BYA BA LA, SKYES BU LUS ZUNGS BRTAN PA LA SOGS PA'I RGYUS NI RMA GSO BAR SLA BA YIN LA, DE LAS GO BZLOG PA STE, LUS ZUNGS MI BRTAN ZHING SBEG PA DANG, SO GAL SOGS PA'I CHE DANG, SHA CHUNG BA DANG, NAD GZHI SHAS CHE BA'I RMA NI GSO BAR DKA' BA YIN NO, ,NA TSOD DANG PO BAR MA MTHA', ,ZLA GCIG GNYIS DANG GSUM RIM GYIS, ,CHO GA JI SKAD BSHAD BSTEN NA, ,RMA 'BYOR BRTAN PAR 'GYUR BA YIN, ,ZHES BYA BA LA, NA CHOD DANG PO DANG BAR MA DANG THAM STA BYIS PA DANG LANG TSOL BAB PA DANG, RGAN POR GYUR PA NI GO RIMS BZHIN DU ZLA BA GCIG DANG ZLA BA GNYIS DANG, ZLA BA GSUM GYIS RMA 'BYOR PA BRTAN BAR 'GYUR TE, DES NA BYIS BA DAG NI ZLA BA GCIG GIS SO, ,DAR LA BAB PA DAG GIS NI ZLA BA GNYIS SO, ,RGAN PO DAG NI ZLA BA GSUM GYIS RMA 'BYOR PA BRTAN PAR 'GYUR TE, DE YANG JI SKAD BSHAD PA'I RMAG SO BA'I CHO GA'I 'BYOR PA BSTEN NA, DE LTAR 'GYUR GYI GZHAN DU NI MA YIN NO, ,RKED BA RJE NGAR BRLA CHAG NA, ,SPANG LEB LA NI NYAL NA PHAN, ,DE BZHIN BSDOM PHYIR PHUR BU LNGA, ,BYAS NAS NYA BAR BRTOD BYA STE, ,RJE NGAR NGOS GNYIS LA GNYIS GNYIS, ,RKANG MTHIL DRANG POR GCIG GZHAG BRTOD, ,CES BYA BA LA, RKED PA LA SOGS PA CHAG PA LA SPANG LEB NGOS 'JAM PA'I STENG DU NYAL
NA PHAN LA, DE BZHIN DU LUS MA 'CHOL BAR BSDAM PA'I PHYIR PHUR PA LNGA LA BRTOD PAR BYA STE, DE YANG RJE DAR GYI NGOS GNYIS LA PHUR PA GNYIS DANG, RKANG MTHIL GYI DRANG POR PHUR PA GCIG BTZUGS TE BRTOD PAR BYA'O, ,STA ZUR RAM NI SGAL TSIGS SAM, ,GDONG DAR DE BZHIN PHRAG PA RUS, , TSIGS BYUNG CHAG GRUGS BYUNG GYUR NA, ,CHO GA 'DI BZHIN SPYAD PAR BYA, ,ZHES BYA BA LA, STA ZUR LA SOGS PA'I TSIGS BYUNG ZHING CHAG GRUGS SU GYUR PA LA YANG BSHAD MA THAG BA'I CHOG 'DI BZHIN DU SBYAR BAR BYA STE, DE RNAMS LA YANG SPANG LEB LA NYAL BA LA SOGS BA BYA'O, ,TSIGS NI BYUNG NAS YUN RING LA, ,SNUM BSKU DUGS KYIS MNYEN BYAS TE, ,'DI BSHAD THABS DANG RANG GI BLOS, ,RANG GI GNAS SU LEGS PAR GZHUG ,CES BYA BA LA, TSIGS BYUNG NAS YUN RING PO LON PA LA NI SNUM DANG DUGS LA SOGS PA'I SNUM GYIS ZHEN CING MNYEN PAR BYAS NAS, BRTAN BAR GYUR NAS 'DEGS PA DANG MNAN BA LA SOGS PA'I CHO GA JI SKAD BSHAD PA'I THABS DANG, RANG GI BLOS KYANG CI RIGS PAR RJES SU DPAGS TE RANG GI GNAS SU LEGS PAR GZHUG PAR BYA'O, ,TSIGS MIN CHAG STE 'DRUBS PA DANG, ,BCING NYES PA YIN GSOS PA LA, ,BRDUNGS TE CHAG GRUGS BSRANG BAR BYA, ,DE NAS CHAG GRUGS BZHIN DU GSO, ,ZHES BYA BA LA, TSIGS MA YIN PA'I LUS KYI PHYOGS SU CHAG STE RMA 'DRUBS PAR GYUR PA DANG, DE BZHIN DU BCING BA MA LEGS BAR GSOS BAR GYUR NAS SBYOR BA NONGS PA LA NI BRDUNGS TE CHAG GRUGS DE BSRANG LA, DE'I 'OG TU CHAG GRUGS KYI GSO BA BZHIN DU GSO BAR BYA'O, ,CHAG NAS CI NAS MA RNAGS BA, ,DE LTAR SMAN BAS 'BAD PAR BYA, ,SHA DANG RTZA RGYUS 'DRUL NA NI, ,TSIGS NI 'DRUBS PAR MI 'GYUR RO, ,ZHES BYA BA LA, CHAG GRUGS SU GYUR BA LA NI CI NAS CHAG GRUGS DE RNAGS PAR MI 'GYUR BA DE LTAR 'BAD PAR BYA STE, GANG GI PHYIR SHA LA SOGS PA RNAGS PAR GYUR NA NI 'DRUBS PAR MI 'GYUR BA'I PHYIR RO, ,CHAG GRUGS CAN LA RLUNG NAD KYI, ,SKABS BSHAD SNUM NI SBYAR BAR BYA, ,STOBS SKYED SBYOR BA BZHI PO DANG, ,'JAM RTZI'I LAS KYANG BSTEN BAR BYA, ,ZHES BYA BA LA,
, ,RLUNG NAD KYI SKABS NAS BSHAD PA'I SNUM SA HA TZA RA'I TIL MAR LA SOGS PA DANG, SBYOR BA BZHI PO SKYED PAR BYED PA GTANG BAR BYA'O, ,DE BZHIN DU 'JAM RTZI'I LAS DAG KYANG BSTEN PAR BYA'O, ,S'A LU'I CHAN DANG KHA SHU MAR, ,'O MA RGYAS BYED BSIL BA BSTEN, ,CHAG GRUGS CAN LA RUS PA'I MTSAMS, ,'BYOR BYED TSAD TZAM SBYIN PAR BYA, ,ZHES BYA BA LA, S'A LU'I 'BRAS CHAN LA SOGS PA LUS RGYAS SHING RUS PA 'BYOR BAR BYED PA'I YON TAN LA SOGS PA LUS RGYAS SHING RUS PA 'BYOR BAR BYED PA'I YON TAN LA SOGS PA TSAM SBYIN PAR BYA'O, ,DE NI MTSAMS SBYOR BYED PAS NA, ,RMYA BAR BYED PA BSNGAGS MA YIN;, ,ZHES BYA BA LA, CHAG GRUGS CAN DE LA LUS RMYA ZHING ZHUM PAR BYED PA BSNGAGS PA MA YIN TE, ,RGYAS PAR BYAS PAS NI SHIN TU MTSAMS SBYOR BAR BYED PA YIN NO, ,LAN TSVA TSA DANG THAL SMAN DANG, ,SNUM DANG NYAL PO NYI TSAN DANG, ,RTZOL BA BSTEN PAR MI BYA ZHING, ,CHAG GRUGS ZAS RTZUB BSTEN MI BYA, ,ZHES BYA BA LA, CHAG GRUGS CAN GYI SKYES BUS LAN TSVA NAS KHA ZAS RTZUB PA'I BAR DU BSTEN PAR MI BYA'O, ,TIL NAG PHUB MA MED PA RAS SRA'I NANG DU GTUMS, ,CHU YI NANG DU ZHAG BDUN NYE BAR SPANGS GYUR CING, ,'DI NI BTOG STE NYIN RE LEGS PAR BSKAMS NAS NI, ,DE BZHIN 'O MA CHU DANG SHING MNGAR NANG DU BSKOL, ,SLAR YANG 'O MAR SNGA MA BZHIN DU SPANG TE BSKAM, ,PHUB MA MED CING RDUL MED ZHIB TU BTAGS NAS NI, ,SPANG SPOS PA LA KA DANG BTZOD DANG CHU SRIN SEN, ,SHU TI KU TAN NA TA RU RTA BA LA GSUM, ,TZANDAN GUR GUM DANG NI THAL TRES AA GA RU, ,SGRON SHING SRA RTZI PO GA DANG THANG SHIG SHUG PA'I SDE, ,DE YI PHYE MA DRI ZHIM 'O MA LHAN CIG BTAGS,, DRI YI SMAN NIM LUS 'O MAR BSKOL BA BTZIR, ,RDO DREG RA SNA AA SHU MA TI DANG, ,KA SHE RU DANG GANDHA DRI YANG KU, ,RGYA SPOS GAN DHA BHA DRA SENG PHROM DANG, ,BA YA SYA DANG MUR BA 'O MAR BCAS,, SPANG SPOS SOGS DANG TIL MAR DE BSKOL BA, ,DRI YI TIL MAR MCHOG 'DI RUS PA DAG ,BRTAN ZHING MYUR DU ZHI BAR BYED MCHOG YIN, ,RLUNG DANG MKHRIS PA LAS GYUR NAD KYIS BYA BA, ,SBYOR BA SNA TSOGS BSTAN PAS SEL BA YIN, ,ZHES BYA BA LA,
TIL NAG PO BU PHUB MA MED PAR BYAS SHING BKRUS PA RAS GTZANG ZHING SRA BA'I NANG DU GTUMS LA CHU BO 'BRUBS PA'I CHU'I NANG DU ZHAG BDUN GYI BAR DU SPANGS LA NYIN RE ZHING CHU LAS BTEG STE BSKAM PAR BYA'O, ,DE BZHIN DU 'O MA'I NANG DU ZHAG BDUN GYI BAR DU MTSAN RE SPANGS SHING NYIN RE BSKAM PAR BYA'O, ,DE BZHIN DU CHU DANG SHING MNGAR BSKOL BA'I NANG DU ZHAG BDUN NYIN RE SKAM ZHING NUB RE SPANGS PAR BYA'O, ,YANG NA TIL DE 'O MAR SNGA MA BZHIN DU SPANG LA SKAMS TE, PHUB MA DANG RDUL MED PAR BYAS LA BTAGS NAS SPANGS SPOS LA SOGS LA SOGS PA'I SMAN GYI PHYE MA DANG SBYAR TE, DE'I 'OG TU'O MA DANG DRI'I PHYE MA MA LUS PA DANG, TIL BTZOS PA LA BTZIR BAR BYA'O, ,SPANG SPOS LA SOGS PA'I DRI'I SMAN MA LUS PA DE DAG NI TIL GYI PHYE MA LA LTOS PA'I BRGYAD CHA GZHUG PAR BYA'O ZHES SMAN PA RGAD PO DAG 'CHAD DO, ,DRI'I SMAN MA LUS PA NI BA LA LA SOGS PA'I SDE TSAN LAS BSHAD PA DANG, DE BZHIN DU GA PHUR LA SOGS PA'O, ,DE LTAR BTZIR BA'I TIL MAR DE RDO DREG LA SOGS PA'I LDE GU DANG YANG BSKOL BAR BYA STE, TIL MAR GYI MCHOG 'DIS NI RUS BRTAN PAR BYED PA DANG, RLUNG DANG MKHRIS PA LAS SOGS PA'I NAD KYIS KHYAB PAR GYUR BA LA YANG BTUNG BA DANG SNA NAS GTANG BA LA SOGS PA'I SBYOR BA SNA TSOGS DAG BYAS PAS SEL CING 'JOMS PAR BYED PA YIN NO, ,YAN LAG BRGYAD PA'I SNYING PO'I RNAM PAR 'GREL BA TSIG GI DON GYI ZLA ZER ZHES BYA BA, ,SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U NYI SHU RTZA BDUN BA'I RNAM PAR 'GREL PA'O,, ,,DE NAS MTSAN PAR RDOL GYI LE'U BSHAD PAR BYA'O, ,ZHES BYA BA LA, 'DI BRTZAMS PA'I 'GREL PA NI 'DI YIN TE, MTSAN BAR RDOL BA KHA NANG DU BLTAS PAS ZHES SNGAR BSHAD PA DE'I RANG GI MTSAN NYID BSTAN PAR BYA BA'I PHYIR LE'U 'DI BRTZAMS PA YIN NO, ,GLANG BO RTA LA ZHON TE 'GRO, ,GNAS DANG MA LA GSAR TZOG PUR 'DUG ,GZHANG 'BRUM NAD KYI RGYUR BSHAD DANG, ,GZHAN LA 'ANG BRTEN PAR GYUR BA DANG, ,MI DGE SMIN PAR GYUR PA DANG, ,'PHRAL DU DAM PA LA SMAD PAS, ,PHAL CHER 'BRUM PHRAN DANG
, ,POR 'BYUNG, ,RKUB KYI PHYI 'AM NANG DU NI, ,RMA NI SOR TSAD GNYIS SAM GCIG ,SHA KHRAG GNOD PAR GYUR LAS 'BYUNG, ,CHU SOR GCIN GYI GNAS NYE BAR, ,BYUNG BAS 'DZAG PA'I RANG BZHIN CAN, ,DE NI MTSAN PAR RDOL ZHES BYA, ,ZHES BYA BA LA, MTSAN PAR RDOL GYI RGYU NI GLANG PO DANG RTA LA SOGS PA LA ZHON NAS 'GRO BA LA SOGS PA DANG, GZHAN YANG 'DI SKYE BAR BYED PA'I RGYU LA BRTEN CING GNAS PAR GYUR PA DANG, DE BZHIN DU SDIG PA MI DGE BA'I LAS SNGON CHAD BYAS PA'I 'BRAS BU SMIN PAR GYUR PA DANG, DE BZHIN DU 'PHRAL DU TSE 'DI NYID LA MCHOD PA'I GNAS DAM PA LA SMOD PAS PHAL CHER 'BRUM PHRAN DANG POR BYUNG NAS, RKUB KYI PHYI 'AM NANG DU RMA'I TSAD SOR GCIG TZAM MAM SOR GNYIS TZAM SHA DANG KHRAG GI NAD LAS 'BYUNG BAR 'GYUR LA, CHU SO DANG GCIN GYI GNAS LGANG PA DANG NYE BAR GYUR PAS 'DZAG PA'I RANG BZHIN CAN YIN TE, DE'I MING NI MTSAN BAR RDOL ZHES BYA'O, ,KUN KYANG MA GSOS 'DRUL BYED CING, ,MO MTSAN CHU SO GZHANG GI BAR, ,SHAS CHER 'JIG PAR BYED PA DANG, ,BSHANG GCI 'PHYEN DANG KHU CHU NI, ,BU GA'I NANG NAS RIM GYIS 'BYUNG, ,ZHES BYA BA LA, MTSAN BAR RDOL GYI NAD KUN YANG GSO BA MA BYAS NA 'DRUL ZHING RNAG PAR BYED DO, ,MO MTSAN LA SOGS PA ZHIG CING NYAMS PAR BYED DE, DE DAG NYAMS PAS BU GA'I NANG NAS BSHANG BA LA SOGS PA RIM GYIS MANG DU 'BYUNG BAR 'GYUR RO, ,NAD GZHI RE RE LDAN PA 'DUS, ,GLO BUR BA DANG BRGYAD DU BSHAD, ,CES BYA BA LA, MTSAN BAR RDOL GYI NANG NI NAD GZHI RE RE LAS GYUR PA GSUM DANG, LDAN PA LAS GYUR PA GSUM DANG, 'DUS PA LAS GYUR PA GCIG DANG, GLO BUR BA GCIG STE DE LTAR NA BRGYAD YIN NO, ,MA SMIN 'BRUM BU ZHES BYAR BSHAD, ,SMIN BA MTSAN BAR RDOL YIN NO, ,ZHES BYA BA LA, MTSAN BAR RDOL BA DE MA SMIN PA LA NI MING 'BRUM BU ZHES BYA BAR BSHAD LA, SMIN CING RNAGS NA NI MTSAN BAR RDOL BA ZHES BYA'O, ,RTZA BA MI MNGON NAD TSABS CHE, ,SHAS CHER G-YOS SHING RMA 'KHYIMS 'KHRUGS, ,MTSAN BAR RDOL 'GYUR SHES
PAR BYA, ,DE LAS GZHAN DU DE MI BYED, ,CES BYA BA LA, MTSAN PAR RDOL GYI NAD GANG RTZA BA MI MNGON PA LA SOGS PA'I MTSAN NYID CAN DANG, RMA 'DRUBS NAS KYANG SLAR YANG NAS YANG DU RMA RED CING ZHIG PAR 'GYUR BA NI MTSAN BAR RDOL DU 'GYUR GYI, DE LAS GZHAN BA DAG NI MTSAN PAR RDOL DU MI 'GYUR RO, ,DE LA RLUNG GYUR 'BRUM BU NI, ,DMAR ZHING GNAG LAN BA DANG, ,ZUG CING 'PHAR BAR BYED PA YIN, ,ZHES BYA BA LA, DE LA RLUNG LAS GYUR PA'I 'BRUM BU MDOG DMAR BA 'AM GNAG PA DANG, ,NA BA DANG ZUG PA DANG, 'PHAR BAR BYED PA YIN NO, ,MKHRIS GYUR RNGA MO'I MGRIN LTAR RING, ,DMAR ZHING SRAB LA SHAS CHER TSA, ,THAL MDOG DUD PA 'THUL BCAS YIN, ,ZHES BYA BA LA, MKHRIS PA LAS GYUR PA'I 'BRUM BU NI RNGA MO'I MGRIN BA LTAR RING BA DANG, DMAR BA NAS DROD CHE ZHING DUD PA 'THUL BLTA BU'I BAR YIN NO, ,BAD KAN LAS GYUR BRTAN ZHING SNUM, ,RTZA BA CHE ZHING MDOG SKYA G-YA', ,ZHES BYA BA LA, BAD KAN LAS GYUR PA'I 'BRUM BU NI BRTAN PA LA SOGS PA'I MTSAN NYID CAN YIN NO, ,RLUNG MKHRIS LAS GYUR MDOG GNAG CING, ,DMAR ZHING TSA LA MI BZOD NA, ,ZHES BYA BA LA, RLUNG DANG MKHRIS PA'I LDANG BA LAS GYUR PA'I 'BRUM BU NI MDOG GNAG PA LA SOGS PA YIN NO, ,BAD RLUNG LAS GYUR CUNG ZAD GNAG ,SMIN PAR DKA' BA'I MTSAN NYID CAN, ,ZHES BYA BA LA, BAD KAN DANG RLUNG LAS GYUR PA'I 'BRUM BU LA NI KHA DOG CUNG ZAD GNAG PA LA SOGS PA YIN NO, ,'DUS GYUR RKANG PA'I MTHE BO 'DRA, ,NAD NI SNA TSOGS 'BYUNG 'GYUR ZHING, ,GZER DANG SKOM DAD YI GA 'CHUS, ,RIMS DANG SLON SOGS KYIS GNOD BYED, ,CES BYA BA LA, NAD GZHI SUM CHAR GYUR PA'I 'BRUM BU NI MTHE BO 'DRA BA LA SOGS PA'I MTSAN NYID CAN YIN NO, ,YAL BAR BOR LA SMIN PA DANG, ,RMA NYID DU NI 'GYUR PA YIN, ,ZHES BYA BA LA, MTSAN BAR RDOL DU 'GYUR BA'I 'BRUM BU DE DAG BAG MED PAS YAL BAR BOR TE MA GSOS NA SMIN NAS 'PHRAL DU RMAR 'GYUR RO, ,DE LA RLUNG GYUR 'BRUM BU NI, ,KHA PHRA MANG BOS KHYAB BYED DE, ,KO TSAGS BZHIN DU KHA MANG ZHING, ,RIM 'PHEL
, ,CHU SER SLA BA DANG, ,LBU BA CAN NI RGYUN DU 'DZAG ,KO TSAGS KHA BRGYA PA ZHES BYA, ,ZHES BYA BA LA, RLUNG LAS GYUR PA'I 'BRUM BU NI KHA SHIN TU PHRA ZHING MANG BAS KHYAB PAR BYED DE, KO TSAGS KYI BU GA DANG 'DRA BA YIN LA, RIM GYIS 'PHEL ZHING CHU SER SLA BA LA SOGS PA 'DZAG PA YIN TE, DE'I MING NI KO TSAGS KHA BRGYA PA ZHES BYA'O, ,MKHRIS PA LAS GYUR RNGA MO'I MGRIN, ,ZHES BYA BA LA, MKHRIS PA LAS GYUR PA'I MTSAN BAR RDOL BA NI MING RNGA MO'I MGRIN ZHES BYA'O, ,BAD KAN LAS GYUR SPYI BAG NI, ,MANG 'DZAG YONGS SU 'DZAG CES BYA, ,ZHES BYA BA LA, BAD KAN LAS GYUR PA'I MTSAN BAR RDOL NI SPYI BAG CAN GYI CHU SER MANG DU 'DZAG STE, DE NI YONGS SU 'DZAG PA ZHES BYA'O, ,RLUNG MKHRIS LAS GYUR BSHANG SGOR NI, ,YONGS SU MCHED PA KUN KHYAB CING, ,DER NI RA BA'I 'OBS KYIS NI, ,BSKOR BA LTA BUR 'BYUNG BAR 'GYUR, ,ZHES BYA BA LA, RLUNG DANG MKHRIS PA LAS GYUR PA'I GZHANG 'BRUM NI 'OBS ZHES BYA STE, DES NI BSHANG SGO'I NYE 'KHOR KUN TU RA BAS BSKOR BA LTA BU 'BYUNG STE, JI LTAR RA BA'I PHYI ROL 'OBS KYIS BSKOR BA DANG 'DRA'O, ,RLUNG DANG BAD KAN LAS GYUR DANG; ,GZHAN DU DRANG POR SONG 'GAS BYED, ,CES BYA BA LA, RLUNG DANG BAD KAN LAS GYUR PA'I MTSAN BAR RDOL NI DRANG PO ZHES BYA STE, GZHANG GI NANG DRANG POR SONG NAS 'GAS SHING 'JIG PAR BYED PA YIN NO, ,BAD MKHRIS LAS GYUR SNGAR BSHAD PA'I, ,GZHANG 'BRUM LA BRTEN DE LDANG ZHING, ,DE LAS GZHANG 'BRUM RTZA BAR G-YA', ,SKRANG DANG TSA BA LA SOGS SKYED, ,DE NI MYUR SMIN RDOL GYUR NA, ,GZHANG 'BRUM RTZA BA RNAG CAN YIN, ,RGYUN MI CHAD BAR 'DZAG BYED DE, ,GZHANG 'BRUM 'DI NI MTSAN PAR RDOL, ,ZHES BYA BA LA, GZHANG 'BRUM SNGAR BYUNG BA LA BRTEN NAS BAD KAN DANG MKHRIS PA 'KHRUGS PAR GYUR BA DANG, GZHANG 'BRUM GYI RTZA BA G-YA' BA LA SOGS PA SKYED DE SKRANGS PA DES GZHANG 'BRUM GYI RTZA BA RNAG BAR BYED DE, RNAGS SHING BRTOL NAS KHRAG RGYUN MI 'CHAD PAR 'DZAG PAR BYED DE, 'DI NI GZHANG 'BRUM
GYI MTSAN BAR RDOL BA ZHES BYA'O ZHES DRANG SRONG RNAMS KYIS BSHAD DO, ,'DUS PA LAS GYUR DUNG 'DRA BA, ,DUNG NI 'KHYIL PA'I DBYIBS DANG 'DRA, ,'DI YIS GZHANG NI ZHIG BYED CING, ,MI BZAD LAM NI ZHIG PAR BYED, ,CES BYA BA LA, 'DUS PA LAS GYUR PA'I MTSAN BAR RDOL BA'I NAD NI DUNG 'DRA BA ZHES BYA STE, DE NI DBYIBS DUNG 'DRA BA YIN LA, MTSAN PAR RDOL BA 'DIS NI MI BZAD PAR NAD KYI SHUGS KYIS DE'I LAM ZHIG CING 'DRUL BAR BYED PA YIN NO, ,GANG TSE SHA LA BRKAM PA YIS, ,RUS PA'I DUM BU ZOS GYUR PAS, ,THAD KAR SONG BAS LAM LOG ZHUGS, ,RDOL ZHING SNAD PAR BYED PA YIN, ,DE TSAGS PAS RNAGS PA DANG, ,SHA NI 'DRUL BAR BYED PA YIN, ,DER NI SRIN BU SKYE 'GYUR ZHING, ,GZHANG NI KUN TU ZA BAR BYED, ,RING POR MI THOGS DES 'JIG BYED, ,DE NI LAM LOG RMA SKYES YIN, ,ZHES BYA BA LA, SHA LA BRKAM ZHING CHAGS PA'I DBANG GIS GANG GI TSE RUS PA'I DUM BU ZOS SHING MID PAR GYUR PA DE'I TSE RUS PA DE LAM LOG PAR ZHUGS TE THAD KAR 'PHRED DU SONG BAS RDOL ZHING SNAD PAR BYED LA, DES NA NANG DUGS SHING RNAGS PAR GYUR PA DANG, SHA RUL ZHING 'DRUL BAR 'GYUR LA, DES NA GZHANG GI PHYOGS DER SRIN BU SKYE BAR 'GYUR ZHING, SRIN BU DES NAD PA DE'I GZHANG KUN TU ZA BAR BYED DE, DES NI RING PO MI THOGS PAR GZHANG 'JIG BAR BYED DE, MTSAN PAR RDOL BA DE NI LAM LOG PAR ZHUGS BA DANG, RMA LAS SKYES PA'I MING GNYIS KYIS BSTAN PA YIN NO, ,DE LAS NA TSA G-YA' LA SOGS, ,RMA GSO BA LAS SHES PAR BYA, ,ZHES BYA BA LA, MTSAN BAR RDOL DE THAMS CAD LAS NA BA DANG, TSA BA LA SOGS PA'I MTSAN MA NI RMA GSO BA'I LE'U LAS JI LTA BA BZHIN DU SHES PAR BYA'O, ,DE LAS DRUG PO GSO DKA' YIN, , 'DUS GYUR RMA SKYES SPANG BAR BYA, ,SEL BA'I GNYER MAR PHYIN PA DANG, ,SRUBS MTSAMS LA NI BRTEN PA SPANGS, ,ZHES BYA BA LA, MTSAN BAR RDOL DE RNAMS KYI NANG NAS NAD GZHI RE RE LAS GYUR PA GSUM DANG LDAN PA LAS GYUR PA GSUM STE, DRUG NI GSO DKA' BA YIN NO, ,
, ,'DUS PA LAS GYUR PA DANG, RMA LAS SKYES PA NI SPANG BAR BYA'O, ,DE BZHIN DU PHYIR SEL BA'I GNYER MAR PHYIN PA YANG SPANG BAR BYA LA, DE BZHIN DU MDOMS KYI SRUBS MTSAMS LA BRTEN PA YANG SPANG BAR BYA'O, ,DE NAS 'BRUM BU'I TSE NYID NI, ,'DI NI 'BAD DE GSO BAR BYA, ,SBYANG DANG GTAR GA CHU BLUGS SOGS, ,CI NAS SMIN PAR MI 'GYUR BAR, ,'DI NI 'BAD DE GSO BAR BYA, ,ZHES BYA BA LA, DE NAS MTSAN PAR RDOL 'DI 'BRUM BU'I TSE NYID NI SBYANG BA LA SOGS PAS GSO BAR BYA ZHING CI NAS KYANG SMIN PAR MI 'GYUR BA DE LTAR GSO BAR BYA'O, ,SMIN NAS SLAR YANG SNUM CHOS DANG, ,DUGS BYAS NAS NI LUS SPYING BYA, ,GZHANG 'BRUM LTA BUR BSDAMS NAS NI, ,GTING RING LEGS PAR BRTAG BYA ZHING, ,RTZA BA 'AM NI RTZE MO 'AM, ,PHYI BLTAS NANG DU BLTAS PA BRTAG ,CES BYA BA LA, YANG NAD PA DE LA SNUM CHOS LA SOGS PA BYAS LA, GZHANG 'BRUM LTA BUR LEGS PAR BSDAMS NAS STENG DU SONG BA 'AM 'OG TU SONG BA'I RTZA BA DANG RTZE MO DANG, DE BZHIN DU KHA PHYI ROL DU BLTAS PA DANG, NANG DU BLTAS PA LEGS PAR BRTAG CING SHES PAR BYA'O, ,DE LA NANG BLTAS BTZAL NAS NI; ,GTZAGS BUS LEGS PAR GCAD PAR BYA, ,PHYIR BLTAS MA LUS PAR BCAD LA, ,THAL SMAN DAG GIS GSO BAR BYA, ,ZHES BYA BA LA, DE LAS MTSAN BAR RDOL BA NANG DU BLTAS PA NI LEGS PAR BTZAL CING BRTAGS NAS GTZAGS BUS GCAD CING DRAL BAR BYA'O, ,PHYI ROL DU BLTAS PA NI MTSAN PAR RDOL BA MA LUS PAR BCAD LA, DE'I 'OG TU THAL SMAN GYIS GSO BAR BYA'O, ,DE NAS THAL SMAN BTAB PA 'AM, ,YANG NA SMAN PAS ME BTZA' GDAB, ,CES BYA BA LA, DE'I 'OG TU MTSAN BAR RDOL GNYI GA YANG SMAN PAS THAL SMAN GYIS GSO BA'AM, ME BTZA' GDAB PAR BYA'O, ,RNGA MO'I MGRIN LA THAL SMAN BSKU, ,ZHES BYA BA LA, RNGA MO'I MGRIN PA LTA BU ZHES BYA BA'I MTSAN BAR RDOL NI THAL SMAN NYID KYIS GSO BAR BYA'O, ,ME BTZAS NI MA YIN NO, ,KO TSAGS KHA BRGYA SBUBS GCIG PA, ,
BCUG NAS LEGS PAR GCAD BAR BYA, ,ZHES BYA BA LA, MTSAN BAR RDOL KO TSAGS KHA BRGYA PA NI, SBU GU SBUBS GCIG PA'I NANG NA BAR MTSAMS GCIG PA'I NANG DU BAR MTSAMS GCIG YOD PA BCUG NAS GCAD PAR BYA'O, ,DE 'DRUBS NAS NI LHAG MA'ANG BCAD, ,GZHAN DU GZHANG NI ZHIG NAS 'CHI, ,ZHES BYA BA LA, RMA DE 'DRUBS PAR GYUR NA LHAG MA GCAD PAR BYA STE, GZHAN DU DUS GCIG TU BCAD NA NI GZHANG ZHIG NAS 'CHI BAR 'GYUR RO, ,'OBS LTAR KHYAB BA'ANG DE BZHIN DU, ,THAL SMAN BA GCIN SBU GUS GSO, ,ZHES BYA BA LA, DE BZHIN DU 'OBS LTA BUS KHYAB PA ZHES BYA BA'I MTSAN BAR RDOL LA YANG THAL SMAN DANG BA GCIN DANG, SBU GU'I SBYOR BAS GSO BAR BYA'O, ,GZHANG 'BRUM MTSAN MAR RDOL LA SNGAR, ,GZHANG 'BRUM LA NI SMAN PHYE GDAB, ,RMA SKYES PA LA RE THAG BCAD, ,ZUG RNGU DBYUNG BA'I CHO GA BZHIN, , ZUG RNGU PHYUNG STE SRIN 'JOMS PA'I, ,BZA' DANG BYUG PA SBYAR BAR BYA, ,ZHES BYA BA LA, GZHANG 'BRUM LAS GYUR PA'I MTSAN BAR RDOL BA LA NI DANG POR GZHANG 'BRUM NYID GSO BAR BYA'O, ,RMA LAS SKYES PA'I MTSAN BAR RDOL LA NI DANG POR RE THAG BCAD LA, DE'I 'OG TU ZUG RNGU DBYUNG PA'I CHO GA BZHIN DU GSO BAR BYA STE, DE'I 'OG TU 'BU 'JOMS PA'I BZA' BTUNG DANG BSKU BYUG SBYAR BAR BYA'O, ,GLAN DUG SA SBU GU CAN LA SOGS, ,SNUM CHOS LEGS SBYAR NAD LA PHAN, ,ZHES BYA BA LA, MTSAN BAR RDOL GYI NAD NA BA LA NI GLAN PA'I DUGS LA SOGS PAS PHAN NO, ,KO TSAGS 'DRA DANG THAMS CAD LA, ,BA LANG NGOGS DANG KUN TU BZANG, ,GSHOL PHYED PA DANG GSHOL GYIS BYA, ,BRTAGS TE NYE BAR SBYAR BAR BYA, ,ZHES BYA BA LA, KO TSAGS 'DRA BA DANG MTSAN BAR RDOL BA THAMS CAD LA BA LANG GI NGOGS ZHES BYA BA LA SOGS PA SPYAD BZHI PO NGES PAR BRTAGS TE SBYAR BAR BYA'O, ,NGOS SU 'DEBS PAR BYED PA'I MTSON, ,BA LANG NGOGS ZHES BYA BAR BSHAD, ,CES BYA BA LA, NGOS SU MTSON GANG NGOS SU 'DEBS SHING GCOD PAR BYED PA DE NI MING BA LANG GI NGOGS ZHES BYA'O, ,KUN TU
, ,GTONG BA KUN TU BZANG, ,ZHES BYA BA LA, THAMS CAD GTONG ZHING SPYOD PA'I CHA SPYAD NI KUN TU BZANG PO ZHES BYA'O, ,NGOS LA GCOD BA GSHOL PHYED PA, ,NGOS GNYIS SU NI GSHOL GYIS BCAD, ,CES BYA BA LA, NGOS PHAN TSUN GCIG GCOD PAR BYED PA'I CHA SPYAD NI GSHOL PHYED BA ZHES BYA'O, ,NGOS GNYIS KAR GCOD PAR BYED PA NI GSHOL ZHES DRANG SRONG RNAMS KYIS BSHAD DO, ,'DZAG PA'I LAM NI MA LUS PA, ,THAMS CAD ME YIS BSREG PAR BYA, ,SLAR YANG 'DI LTA'I GNOD MI SKYED, ,CES BYA BA LA, 'DZAG PAR BYED PA'I LAM MA LUS PA THAMS CAD LA YANG MES BSREG PAR BYA STE, DE LTAR BYAS NA MTSAN BAR RDOL GYIS SLAR GNOD PAR MI BYED DO, ,SMAN PAS DE YI BAR BAR DU, ,DE LTO SBYANG LA 'BAD BAR BYA, ,ZHES BYA BA LA, YANG MTSAN BAR RDOL DANG LDAN PA'I NAD PA DE LA BAR BAR RAM, SKABS SKABS SU SKYUG SMAN LA SOGS PAS SBYANG BAR BYA'O, ,BYI LA'I RUS PA 'BRAS BU GSUM, ,KHU BA LDE GUR BYAS PAS BSKU, ,ZHES BYA BA LA, MTSAN BAR RDOL LA BYI LA'I RUS PA LA SOGS PA'I LDE GUS BSKUS NA YANG PHAN NO, ,DZO TI SMRA TI MA LA YU, ,SLE SMAN TA KA BI SHA LYA, , DUR BYID PA TI BA TRA KA, ,KA RA B'I RA SRA RTZI POG ,SHU DAG SU DH'AKshI RA DANG, ,AA RKA'I LO MA TIL MAR BSKOL, ,MTSAN BAR RDOL LA BSKUS NA NI, ,'DI NI PHAN BYED MCHOG TU BSHAD, ,CES BYA BA LA, DZO TI SMA TIL SOGS PA'I LDE GU DANG TIL MAR BSKOL LA, TIL MAR DE MTSAN BAR RDOL BA'I NAD DANG LDAN PA LA BSKUS NA YANG MCHOG TU PHAN PA YIN NO, ,DZO TI SMA TI NI KA KA DA NA'O, ,MA LA YU NI SO MA RA DZA 'AM PHAL GU'O, ,SLE SMAN TA KA NI SE LU'O, ,BI SHA LYA NI LANG GA LI'O, ,DUR BYID NI TRI BYID DO, ,SHING MNGAR SING PHROM PI PI LING, ,SUG SMEL HA RE NU KA DANG, ,SER PO GNYIS DANG PRI YANG KU, ,RGYAM TSA THAL TRES SHUG BA DANG, ,PADMA'I SNYING PO DA TA KI, ,SPRA TSIL RU RTA SRA RTZI POG ,KHA LUNG 'O MAR BCAS PA DANG, ,TIL MAR LHAN CIG BSKOL BA YIS, ,BSKUS NA 'BRUM BU MDZE DANG RMA, ,GCIN NAD SBRANG RTZI
'DRA PA 'JOMS, ,ZHES BYA BA LA, SHING MNGAR LA SOGS PA'I SMAN LDE GU BYAS PA DANG, TIL MAR LHAN CIG BSKOL BAS BSKUS NA 'BRUM BU LA SOGS PA'I NAD SEL BAR BYED DO, BYI DANG GA SNYING 'BRAS BU GSUM, ,PI PI LING RTZA PI PI LING, ,SBRANG RTZI TIL MAR SBYAR BA YI, , LDE GU ZOS NA SRIN BU'I NAD, ,MTSAN BAR RDOL DANG MDZE NAD DANG, ,GCIN SNYI BA DANG SMAS PA DANG, ,RMA 'KHYIMS 'TSO BAR BYED PA YIN, ,ZHES BYA BA LA, BYI DANG GA'I SNYING PO LA SOGS PA'I LDE GU ZOS NA SRIN BU'I NAD LA SOGS PA SEL BAR BYED DO, ,SLE TRES SUG SMEL BYI DANG GA ,DUG MO NYUNG BA RU RA, ,SKYU RU RA DANG AA RU RA, ,GU GUL RIM GYIS CHA NGES BSKYED, ,SBRANG RTZIR SBYAR BA 'DI ZOS NA, ,'BRUM BU SBOM DANG MTSAN BAR RDOL, ,NAD NI SEL BAR BYED PA YIN, ,ZHES BYA BA LA, SLE TRES LA SOGS PA'I SMAN CHA RE RES BSKYED DE SBYAR BA'I LDE GU ZOS NA 'BRUM BU SNGON PO LA SOGS PA'I NAD SEL BAR BYED DO, ,PI PI LING DANG TZI TRA KA ,BYI DANG GA DANG DUG MO NYUNG, ,CHA SNYOMS PHYED KYI 'BRAS BU GSUM, ,KUN DANG CHA MNYAM GU GUL DANG, ,SBRANG RTZIR SBYAR BA'I LDE GU YIS, ,NAD NI THAMS CAD 'JOMS PAR BYED, ,CES BYA BA LA, PI PI LING LA SOGS PA SRANG RE DANG, 'BRAS BU GSUM SRANG DRUG DANG, GU GUL SMAN DE DAG KUN DANG CHA MNYAM PAR BYAS PA DANG, SBRANG RTZIR SBYAR BA'I LDE GU TSAD DANG LDAN PAR ZOS NA YANG MTSAN BAR RDOL BA'I NAD THAMS CAD 'JOMS PA YIN NO, ,GU GUL SRANG LNGA PI PI LING, ,'BRAS BU GSUM NI SRANG RE DANG, ,SHING TSA SUG SMEL ZHO GNYIS GNYIS, ,SBRANG RTZIR SBYAR BA'I LDE GU NI, ,ZOS NA MTSAN BAR RDOL BA DANG, ,MDZE DANG SKRAN NAD 'JOMS PAR BYED, ,CES BYA BA LA, GU GUL SRANG LNGA DANG, PI PI LING 'BRAS BU GSUM SMAN SNA RE ZHING SRANG RE, SHING TSA DANG, SUG SMEL SNA RE ZHING ZHO GNYIS GNYIS SBRANG RTZI DANG SBYAR BA'I LDE GU ZOS NA YANG MTSAN PAR RDOL BA LA SOGS PA'I NAD SEL BAR BYED DO, ,DE NYID DANG NI BCA' SGA'I PHYE, ,LEGS PAR BSRES
, ,PAR GYUR PA DANG, ,RTZA BA BCU YI KHU BAR BSRES, ,MCHOG TU RLUNG GI NAD SEL BYED, ,CES BYA BA LA, BSHAD MA THAG PA'I SMAN DE DAG NYID BCA' SKA'I PHYE MA LA SOGS PA DANG BSRES PAS KYANG MCHOG TU RLUNG LAS GYUR PA'I MTSAN BAR RDOL BSEL BAR BYED DO, ,SENG LDENG SNYING PO 'BRAS BU GSUM GYI PHYE, ,AA SAN BSKOL KHU BA DANG BSRES DANG, ,CHA MNYAM GU GUL SBRANG RTZI LDE GUR BYAS, ,MDZE 'BRUM GCIN SNYI MTSAN BAR RDOL NAD SEL, ,ZHES BYA BA LA, SENG LDENG GI SNYING PO LA SOGS PA DANG, GU GUL CHA MNYAM PAR AA SA NA BSKOL BA'I KHU BA DANG BSRES TE ZOS NA MDZE LA SOGS PA'I NAD SEL TO, ,'DI NI MTSAN BAR RDOL GSO'I BYE BRAG BSHAD, ,SMAN GYI MTSAN NYID LHAG MA GANG YIN PA, ,RMA YI DBANG BYAS YONGS SU BSTAN PA DANG, ,GSO THABS DGOS PA LEGS PAR BRTAGS TE SBYAR, ,ZHES BYA BA LA, SNGAR BSHAD PA'I MTSAN BAR RDOL GYI GSO BA BYE BRAG GAM KHYAD PAR TZAM SMRAS PA YIN GYI, SPYI'I BSHAD PA NI MA YIN TE, SNGON GYI MTSAN NYID DE LA PHAN PA LHAG MA GANG YIN PA NI RMA'I DBANG DU BYAS PA YONGS SU BRTAGS TE BSTAN PA DANG, DE DANG 'TSAM PA'I GSO THABS GANG YIN PA DAG GIS GSO BAR BYA'O, ,RTA ZHON STOBS 'GYED SHUGS NI 'GEGS PA DANG, ,CHANG 'THUNGS NYAL PO MA ZHU MA GOMS DANG, ,DRAG SHUL LAS NI SNA TSOGS RMA 'DRUBS NAS, ,LO GCIG BAR RAM DE LAS LHAG PA SPANGS, ,ZHES BYA BA LA, MTSAN BAR RDOL GYI RMA 'TSOBS SU ZIN KYANG, RTA ZHON PA LA SOGS PA LO GCIG GAM, DE LAS LHAG PA'I BAR DU YONGS SU SPANG BAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES BAR SBYAR BA LAS, PHYI MA'I GNAS KYI LE'U NYI SHU RTZA BRGYAD PA'I RNAM PAR 'GREL PA'O,, ,,DE NAS RMEN BU DANG THOR BU DANG RKANG BAM DANG 'BRAS KYI PHRENG BA'I NAD DMIGS SHES PA BSHAD PAR BYA'O, ,ZHES BYA BA LA, RMA DANG 'BRUM BU'I SKABS KYI GO
RIMS KYIS NA LE'U 'DI NYID BRTZAMS PA YIN NO, ,NAD NI BAD KAN SHAS CHE BA, ,KHRAG DANG SHA DANG TSIL LA BRTEN, ,ZLUM ZHING MTHO BAR SKRANGS PA DE, ,MDUD PA 'DRA BAS RMEN BUR BSHAD, ,CES BYA BA LA, RLUNG LA SOGS PA'I NAD BAD KAN GYI SHAS CHE BA GANG YIN PA SHA DANG KHRAG LA BRTEN CING GNAS PA DE [?] LAS SKRANGS PA GANG ZLUM ZHING MTHO BAR GYUR PA DE RNAG 'DZAG PA'I RJES LA MDUD PA 'DRA BA'I RMEN BUS KHYAB PAR 'GYUR BAS DE LA MING RMEN BU ZHES BYA'O, ,DE NI NAD GZHI KHRAG SHA TSIL, ,RUS RTZA RMA LAS GYUR PA DGU, ,ZHES BYA BA LA, RMEN BU DE NI NANG GZHI SO SO LAS GYUR PA GSUM DANG, KHRAG LAS GYUR PA DANG, SHA DANG TSIL DANG RUS PA DANG RTZA DANG, RMA LAS GYUR PA DANG DGU'O, ,DE LA RLUNG GYUR RGYA CHE ZHING, ,BRUG CING BYE BA SNYAM SEMS NA, ,GNAS NAS GNAS GZHAN DAG TU 'PHO, ,RGYU MED PAR NI 'PHEL ZHING 'BRI, ,'JAM ZHING LGANG PA LTA BUR RGYAS, ,BRTOL NA KHRAG NI SLA BAR 'DZAG ,CES BYA BA LA, DE LA RMEN BU DE DAG GI NANG NAS RLUNG LAS GYUR PA'I RMEN BU NI RGYA CHE ZHING LHUN MTHUG PA DANG, ZUG PA LA SOGS PA NAS, KHRAG SLA BA 'DZAG PA'I BAR DU YIN NO, , MKHRIS GYUR TSA ZHING MDOG SER LA, ,DMAR ZHING MYUR DU SMIN PA YIN, ,BRTOL NA KHRAG NI DRON MO 'DZAG ,CES BYA BA LA, MKHRIS PA LAS GYUR PA'I RMEN BU NI TSA BA DANG BCAS PA DANG KHA DOG SER PO YIN LA, DE BZHIN DMAR BA LA SOGS PA YIN NO, ,BAD KAN LAS GYUR NAD MED SRA, ,REG NA GRANG ZHING DKAR LA G-YA', ,SMIN NA RNAG NI SKA BA 'JAG ,CES BYA BA LA, BAD KAN LAS GYUR PA'I RMEN BU NI NAD TSABS CHUNG ZHING REG NA GRANG BA LA SOGS PA YIN NO, ,NAD 'KHRUGS KHRAG LAS GYUR RMEN BU, ,SRIN BU DANG NI BCAS PAR 'GYUR, , SHA DANG RTZA LA GNAS PA YI, ,RMEN BU TSOR BA CHUNG BA DANG, ,MKHRIS PA'I MTSAN NYID 'DRA BA YIN, ,ZHES BYA BA LA, RLUNG LA SOGS PA'I NAD 'KHRUGS PA'I KHRAG LAS RMEN BUR GYUR PA NI KHRAG DE SRIN BU SKYE BA LA PHYOGS PAR 'GYUR BA DANG BCAS PA DANG, SHA DANG RTZA LA GNAS
, ,PA LA SOGS PA'I MTSAN NYID DANG LDAN PA YIN NO, ,SHA CHE'I GNOD GYUR SHA LAS NI, ,SHA SKYED ZAS LA RMEN BU 'BYUNG, ,SNUM ZHING CHE LA SRA BA DANG, ,RTZA YIS KHYAB CING BAD KAN 'DRA, ,ZHES BYA BA LA, SHA SKYED PAR BYED PA'I KHA ZAS KYIS SHA LA GNOD PAR GYUR PA LAS BYUNG BA'I RMEN BU NI SNUM PA NAS BAD KAN DANG MTSAN NYID 'DRA BA'I BAR YIN NO, ,TSIL SKYED PA YIS TSIL 'PHEL BA, ,SHA 'AM PAGS PAR PHYIN GYUR BA, ,RLUNG GI RMEN BU SHIN TU SNUM, ,'JAM DANG BRTAN PAR BYED PA YIN, ,BAD KAN DANG NI MTSAN NYID MTSUNGS, ,LUS 'PHEL 'BRI BA MTSUNGS PA YIN, ,DE BRTOL TSIL MTHUG DMAR BA DANG, ,DKAR DANG GNAG PA 'DZAG BAR 'GYUR, ,ZHES BYA BA LA, TSIL SKYED PAR BYED PA'I KHA ZAS KYIS TSIL 'PHEL BAR 'GYUR BA SHA'AM PAGS PAR PHYIN PAR RGYUR PA LAS RLUNG GI RMEN DU SHIN TU SNUM PA LA SOGS PA'I MTSAN NYID CAN LUS 'PHEL ZHING TSON NI 'PHEL BAR 'GYUR LA, SBEG NA 'GRIB PAR 'GYUR BAR 'BYUNG LA, DE BRTOL NA TSIL MTHUG CING MDOG DMAR BA LA SOGS PA 'DZAG PAR 'GYUR RO, ,RUS PA CHAG DANG SNAD PA LAS, ,MTHO DANG DMA' BAR GYUR PA DE, ,RUS PA'I RMEN BU ZHES BYA'O, ,ZHES BYA BA LA, RUS PA CHAG GRUGS SU GYUR PA LAS RUS PA GANG MTHO BA 'AM DMA' BAR GYUR PA DE NI RUS PA'I RMEN BU ZHES BYA'O, ,RKANG GIS SONG BA 'AM DRAG SHUL GYIS, ,DUB PAR GYUR NAS CHU BRGAL BAS, ,RLUNG GIS RTZA GRANG KHRAG BCAS PA, ,RLUNG GIS BTZIR TE 'KHRUGS NAS NI, ,YON POR BYAS TE SKAMS PA DANG, ,MI 'PHAR NANG BYUNG RMEN BU CHAGS, ,DE NI RTZA YI RMEN BUR BSHAD, ,CES BYA BA LA, RKANG GIS LAM DU ZHUGS PA LAS 'PHRAL DU CHU BRGAL BAR GYUR PA DANG, YANG NA DE BZHIN DU DRAG SHUL GYIS DUB PAR GYUR PA LAS MOD LA CHU BRGAL BAR GYUR PAS, RLUNG 'KHRUGS PAR GYUR TE, RLUNG DES RTZA LA GNOD PAR BYAS SHING BTZIR TE 'KHUMS PAR BYAS SHING SKAMS BA LAS MI 'PHAR BAR NAD BYUNG BA'I RMEN BU CHAGS BAR 'GYUR TE DE NI MING RTZA'I RMEN BU
ZHES BYA'O, ,RMA NI MA 'DRUBS 'DRUBS MA THAG ,RO NI THAMS CAD ZOS GYUR PA 'AM, ,RLON PA DKRIS PA MED PA 'AM, ,YANG NA LUS NI SNAD GYUR PAS, ,RLUNG NI NAD KHRAG MA PHYUNG BA, ,MA SBYANGS RMA NI BSRUBS PA LAS, ,TSA ZHING G-YA' DANG BCAS GYUR PA, , RMA YI RMEN BUR DE BSHAD DO, ,ZHES BYA BA LA, RMA SHAM 'DRUBS PA 'AM, 'DRUBS MA THAG RO THAMS CAD DANG ZAS 'CHOL BAR ZOS PA 'AM, YANG NA RMA RLON PA DKRIS MA MED PAR GZHAG PA 'AM, YANG NA LUS SNAD PAR GYUR PAS RLUNG 'KHRUGS PAR GYUR NAS NAD KHRAG MA PHYUNG BA 'AM MA SBYANGS PAR GYUR PA LAS RMA BSRUBS SHING 'TSOBS PA LAS NI TSA ZHING G-YA' BA DANG BCAS PA'I RMEN BUR 'GYUR TE, DE NI RMA'I RMEN BU ZHES DRANG SRONG DAG GIS BSHAD DO, ,GSOR RUNG NAD GZHI KHRAG TSIL GYUR, ,ZHES BYA BA LA, RMEN BU DE DAG LAS GSOR RUNG BA NI RLUNG DANG MKHRIS PA DANG BAD KAN DANG KHRAG DANG TSIL LAS GYUR PA STE, LNGA PO YIN NO, ,SRA ZHING 'GYUR DANG SBOM PA DANG, ,GNAD DANG MGUL PA LTOR GNAS YIN, ,ZHES BYA BA LA, RMEN BU GANG SRA BAR 'GYUR ZHING G-YA' BA DANG, SBOM PA LA SOGS PA NI GSOR MI RUNG BA YIN NO, ,MDUD PA CHER CHAGS THOR BU STE, ,RMEN BU DE YI MTSAN NYID CAN, ,NAD GZHI LA SOGS GYUR DRUG YIN, ,PHAL CHER BAD KAN TSIL RGYAS YIN, ,BRTAN PAS SMIN PAR MI 'GYUR RO, ,ZHES BYA BA LA, SNGAR BSHAD PA'I RMEN BU LAS CHEN POR GYUR PA GANG YIN PA DE NI THOR BU ZHES BYA STE, DE YANG RMEN BU'I MTSAN NYID DANG LDAN PA YIN LA, DE YANG NAD GZHI THA DAD PA DANG, TSIL LAS GYUR PA'I BAR RNAM PA DRUG YOD LA, DE YANG PHAL CHER BAD KAN DANG TSIL RGYAS PA YIN PA'I PHYIR DANG, BRTAN ZHING SRA BAS SMIN PAR MI 'GYUR RO, ,RTZA LA GNAS PA'I KHRAG NAD KYIS, ,'KHUMS PA'I RJES LA GNOD 'GYUR ZHING, ,SMIN PA DE TSE RGYAS PAR 'GYUR, ,SHA YI GONG PO BCAS PAR 'GYUR, ,SHA YI MYU GUS KHYAB GYUR ZHING, ,SKYES PA DE LAS NAD KHRAG NI, ,RGYUN MI CHAD
, ,PAR MANG DU 'DZAG ,DE NI KHRAG GI THOR BU YIN, ,ZHES BYA BA LA, RTZA LA GNAS PA'I KHRAG NI NAD KHRAG RLUNG LA SOGS PA'I NAD KYIS 'KHUMS PAR GYUR PA NA KHRAG DE RGYAS PAR 'GYUR LA, SHA'I GONG PO RIL PO DANG BCAS PAR 'GYUR BA DANG, SHA'I MYU GUS KHYAB CING DE 'PHEL BAR GYUR PA LAS KHRAG GI RGYUN MANG PO RGYUN DU 'DZAG PA YIN TE, DE NI KHRAG GI THOR BU ZHES BYA'O, ,DE LAS SHA KHRAG LAS GYUR SBANG, ,BZHI PO GZHAN DAG GSO BAR BYA, ,ZHES BYA BA LA, THOR BU DE DAG GI NANG NAS KHRAG DANG SHA LAS GYUR PA'I THOR BU GNYIS PO NI SPANG BAR BYA LA, RLUNG LAS GYUR PA LA SOGS PA BZHI PO NI GSO BAR BYA'O, ,DANG POR CHU SOR GNAS PA'AM, ,RO SMAD LA BRTEN BAD KAN RGYAS, ,SHA KHRAG NAD KYIS RKANG PAR NI, ,DUS SU SKRANG PAR BYED 'GYUR ZHING, ,RIM GYIS STUG PO NYID DU 'GYUR, ,DE NI RKANG BAM ZHES BYA'O, ,ZHES BYA BA LA, BAD KAN GYI SHAS CHE BA'I NAD DANG POR CHU SO'AM RO SMAD GANG YANG RUNG BA LA GNAS NAS SHA DANG KHRAG LA BRTEN TE, DE LTA BU'I NAD DE RIM GYIS SKRANG ZHING RKANG PA'I BAR DU 'BYER BA'AM, RKANG PA 'BA' ZHIG SKRANG PAR BYED PA DE NI RKANG BAM ZHES BYA'O, ,RLUNG GYUR GAS SHING GNAG PA DANG, ,RGYU MED NA ZHING RTZUB CING NA, ,ZHES BYA BA LA, RLUNG LAS GYUR PA'I RKANG BAM NI RKANG PA GAS PAR BYED PA DANG, MDOG GNAG PA LA SOGS PA YIN NO, ,MKHRIS PA LAS GYUR SER BA DANG, ,TSA DANG RIMS KYIS 'DEBS PA YIN, ,ZHES BYA BA LA, MKHRIS PA LAS GYUR BA'I RKANG BAM NI TSA BA MDOG SER BA LA SOGS PA YIN NO, ,BAD KAN SNUM LCI NAD TSABS CHUNG, ,SHA YI MDZER PA CHEN POS KHYAB, ,CES BYA BA LA, BAD KAN LAS GYUR PA'I RKANG BAM NI SNUM PA DANG LCI BA LA SOGS PA YIN NO,, DE NI MANG DU 'DZAG PA DANG, ,LO GCIG 'DAS PA SPANG BAR BYA, ,ZHES BYA BA LA, RKANG BAM GYI NAD DE NI CHU SER MANG DU 'DZAG PA DANG, LO GCIG LON PA'I RNYING PA SPANG BAR BYA'O, ,KHA CIG LAG PA SNA DANG MCHU, ,RNA BA RKANG PA LTAR 'BYUNG GZER, ,RKANG BAM SKYES
, ,BAR GYUR PA DE, ,RLAN CAN GNAS SU MI BZAD SKYE, ,ZHES BYA BA LA, DRANG SRONG LA LA NI LAG PA GNYIS DANG SNA DANG MCHU DANG RNA BA DANG RKANG PA DANG 'DRA BAR RKANG BAM 'BYUNG BAR 'GYUR RO ZHES ZER LA, RKANG BAM GYI NAD DE NI RLAN CAN GYI GNAS SU YANG DANG YANG DU SHAS CHER SKYE BAR 'GYUR RO, ,NAD NI TSIL MGRIN MJING PA MIG ,MTSAN KHUNG CHU SOR GNAS PA DAG ,MDOG 'DRA SRA ZHING SNUM PA DANG, ,PAR TA SKYU RU RA 'DRA DANG, ,GTIR ZUG 'BRAS NI CHER 'BYUNG BA, ,RING ZHIG LON NA SMIN PAR BYED, ,CES BYA BA LA, RLUNG LA SOGS PA'I NAD TSIL LA GNAS SHING MGRIN PA DANG MJING PA LA SOGS PAR BRTEN PA DAG NI MDOG 'DRA ZHING SRA BA LA SOGS PA'I MTSAN NYID DANG LDAN PA BAR TA KA'AM, SKYU RU RA 'DRA BA GTING ZUG CING NANG DU CHUD PA'I 'BRAS CHEN PO 'BYUNG ZHING DUS YUN RING ZHIG LON NA SMIN PAR BYED PA YIN NO, ,DE LAS KHA CIG NAD MED SMIN, ,KHA CIG 'DZAG DANG G-YA' BA YIN, KHA CIG SKAM ZHING KHA CIG SKYE, ,YUN RING DU NI GNAS PAR BYED, ,D'UR BA BZHIN DU 'BRI ZHING 'PHEL, ,'BRUM CHEN 'BRAS PHRENG ZHES BYA'O, ,ZHES BYA BA LA, 'BRAS KYI NAD DE KHA CIG NI NAD CHEN PO MED PAR SMIN PAR GYUR LA, KHA CIG NI G-YA' BAR BYED PA YIN LA, KHA CIG NI SKAM ZHING 'DZAG ,KHA CIG NI SKYE ZHING 'BYUNG BAR BYED DE, DE DAG KYANG YUN RING DU GNAS PAR BYED PA DANG, RTZA D'UR BA DANG 'DRA BAR 'PHEL ZHING RGYAS PAR BYED DE, JI LTAR D'UR BA NI 'BRI BAR GYUR NAS SLAR 'PHEL BAR 'GYUR TE, 'BRAS KYI PHRENG BA YANG DE DANG 'DRA'O, ,DE YANG 'BRUM CHEN DANG 'BRAS KYI PHRENG BA ZHES BYA BA STE, MING GNYIS THOB PAR 'GYUR PA YIN NO, ,DE NI RIMS BCAS SKYUGS PA DANG, ,CHAM LUD RTZI BA LOGS ZUG PA SBANG, ,ZHES BYA BA LA, 'BRAS KYI PHRENG BA DE RIMS LA SOGS PA'I BLA BRNAN DANG BCAS PA SPANG BAR BYA'O, ,RMA LA MI 'PHROD BSTEN PA YIS, ,SKRA DANG SMIN PA KHYAD PAR MED, ,SHA SOGS NANG DU RNAG ZHUGS 'GYUR, ,RING DU 'GRO BAR BYED PA YIN, ,DE NI RING DU 'GRO BAS 'GRO, ,SBUBS LTAR 'DZAG PA SBU GU YIN, ,ZHES BYA BA LA,
, ,SMIN PA DANG MA SMIN PA KHYAD PAR RMA LA MI 'PHROD PA BSTEN PAR GYUR PAS SHA LA SOGS PA'I NANG DU RNAG ZHUGS PAR GYUR CING RING DU PHUG CING 'GRO BAR BYED PA YIN LA, DE'I RING DU 'GRO BAS NA MING 'GRO BA ZHES BYA LA, DE BZHIN DU SBU GU LTAR 'DZAG BAS NA SBU GU ZHES BYA'O, ,DRANG PO SBU GU GCIG YIN TE, ,DE NYID SNA TSOGS 'GRO BAS 'GRO, ,ZHES BYA BA LA, SLOB DPON GZHAN DAG GI GZHUNG GIS NI DRANG POR 'DUG PA LA NI SBU GU GCIG PA ZHES BYA BA LA DE NYID SNA TSOGS SU 'GRO ZHES BYA'O, ,DE NI NAD GZHI RE RE 'DUS, ,ZUG RNGU'I RGYUS 'BYUNG LNGAR 'GYUR RO, ,ZHES BYA BA LA, SBU GU 'DRA BA DE NI NAD GZHI RE RE LAS GYUR PA DANG, 'DUS PA LAS GYUR PA DANG, ZUG RNGUS ZUG PAR GYUR PA STE, RNAM PA LNGAR 'GYUR RO, ,RLUNG GYUR NAD BCAS RMA SGO SRA, ,MDOG MI SDUG CING LBU BA 'DZAG ,NUB MO LHAG PAR 'DZAG BA YIN, ,ZHES BYA BA LA, RLUNG LAS GYUR PA'I SBU GU NI NAD DANG BCAS PA LA SOGS PA YIN NO, ,MKHRIS GYUR SKOM TSA RIMS KYIS 'DEBS, ,SER DRO RNAG NI DRI MNAM 'DZAG ,NYIN PAR LHAG PAR 'DZAG PA YIN, ,ZHES BYA BA LA, MKHRIS PA LAS GYUR PA NI SKOM DAD CHE BA DANG; TSA BA LA SOGS PA DANG LDAN PA YIN NO, ,BAD KAN SKA ZHING SPYI BAG 'DZAG ,G-YA' ZHING SRA BAR GYUR BA DANG, ,MTSAN MO LHAG PAR 'DZAG PA YIN, ,ZHES BYA BA LA, BAD KAN LAS GYUR BA NI SKA ZHING SPYI BAG 'DZAG PA LA SOGS PA'I MTSAN NYID CAN YIN NO, ,'DUS GYUR MTSAN MA KUN LDAN SPANG, ,ZHES BYA BA LA, 'DUS PA LAS GYUR BA NI NAD GZHI SUM CHAR GYI MTSAN NYID DANG LDAN PA YIN TE, DE NI GSOR MI RUNG BAS SPANG BAR BYA BA YIN NO, ,NANG NA GNAS PA'I ZUG RNGU MA PHYUNG ZHING, ,SBU GU SKYED PAR BYED PA GANG YIN DE, ,LBU BA CAN LA SLA ZHING DRO BA DANG, ,KHRAG BCAS RNAG NI NAD BCAS RTAG TU 'BYUNG, ,ZHES BYA BA LA, RMA'I NANG NA GNAS PA'I ZUG RNGU MA PHYUNG NA RMA'I SBU GU SKYED PAR BYED DE, SBU GU DE NI NAD PA DE LA LBU BA CAN GYI RNAG SLA ZHING DRO BA DANG KHRAG DANG BCAS PA DANG, NAD SKYED PAR BYED PA RTAG TU 'BYUNG
BA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U NYI SHU RTZA DGU PA'I RNAM PAR 'GREL PA'O,, ,,DE NAS RMEN BU LA SOGS PA'I NAD GSO BA BSHAD PAR BYA'O, ,RMEN BU MA SMIN PA LA NI, ,RANG RANG SKRANGS PA'I NAD LTAR GSO, ,ZHES BYA BA LA, RMEN BU MA SMIN ZHING RNAGS PAR MA GYUR PA LA NI SKRANGS PA'I NAD JI LTAR GSO BA DE BZHIN DU GSO BAR BYA'O, ,KAndA KA RI BRI HA TI, ,TZI TRA KA DANG PI PI LING, , BSKOL BA'I MAR GYIS LUS SBYANG BAR, ,'DOD PA DAG GIS SNUM CHOS BYA, ,SBYANG BYAS SMAN RNON LDE GUS BSKU, ,ZHES BYA BA LA, RMEN BU'I NAD SBYONG BAR BYED PAR 'DOD PAS NI, KAndA KA RI LA SOGS PA'I SMAN MAR GYIS SNUM CHOS BYAS LA, BKRU SMAN DANG SKYUG SMAN GYIS SBYANG BAR BYAS TE, DE'I 'OG TU SMAN RNON PO'I LDE GUS BSKU BAR BYA'O, ,RMEN BU LAN MANG DUGS BYAS TE, ,YANG DANG YANG DU MNYE BAR BYA, ,ZHES BYA BA LA, YANG RMEN BU LA DUGS MANG DU BYAS TE SOR MO LA SOGS PAS YANG DANG YANG DU MNYE BAR BYA'O, ,'DI NI MCHOG TU RLUNG LA BYA, ,ZHES BYA BA LA, BSHAD MA THAG PA'I CHO GA 'DI DAG NI MCHOG TU YANG RLUNG LAS GYUR PA LA BYA'O, ,KHRAG DANG MKHRIS PA LAS GYUR PA'ANG, ,GTAR GA BSIL BA'I SBYOR KUN BYA, ,ZHES BYA BA LA, KHRAG LAS GYUR PA DANG MKHRIS PA LAS GYUR PA'I RMEN BU LA NI GTAR GA'I SBYOR BA DANG, BSIL SMAN GYIS BSKU BA DANG, SMAN CHU BLUGS PA LA SOGS PA'I SBYOR BA BYA'O, ,BAD KAN LAS GYUR RLUNG LTAR GSO, ,ZHES BYA BA LA, BAD KAN LAS GYUR PA'I RMEN BU LA NI RLUNG LAS GYUR PA'I GSO BA JI SKAD SMOS PA BYA'O, ,'ON KYANG SMIN NA DE BCAD DE; ,KHRAG YOD PA NI MES BSREG BYA, ,ZHES BYA BA LA, DE LTAR GSO BA BYAS SU ZIN KYANG, SMIN PAR GYUR NA RMEN BU GCAD CING GSHAGS LA KHRAG YOD PA'I RJES SU MES BSREG PAR BYA'O, ,MA LUS PAR BCAD LUS GYUR NA, ,SLAR YANG 'PHEL BAR BYED PAR 'GYUR, ,
, ,ZHES BYA BA LA, DE BCAD PA NA MA LUS PAR GCAD BAR BYA STE, LUS NA SLAR 'PHEL BA'I SKYON YOD PA'I PHYIR RO, ,SHA YI RMA LAS GYUR RMEN BU, ,DE BZHIN 'TSO BA TZAM DU BYA, ,ZHES BYA BA LA, SHA'I RMEN BU NI GONG DU BSHAD PA BZHIN DU GSOS LA RE ZHIG 'TSO BA TZAM DU BYA'O, ,TSIL LAS GYUR PA'ANG 'DI NYID DANG, ,TIL DANG 'O MA'I LDE GUS BSKU, ,RAS NI NYIS RIM DAG GIS DKRI, ,TOG LCAGS LA SOGS BSREGS BAS BSRO, ,ZHES BYA BA LA, TSIL LAS GYUR PA'I RMEN BU LA NI TSIL LAS GYUR PA'I GSO BA 'DI NYID DANG, TIL DANG 'O MA'I LDE GUS BSKUS LA RAS NYIS RIM GYIS DKRIS TE TOG LCAGS LA SOGS PA BSREGS BAS BSRO BAR BYA'O, ,YANG NA MTSON GYIS DBRAL NAS NI, ,TSIL PHYUNG NAS NI LEGS PAR BSREG ,CES BYA BA LA, YANG NA TSIL LAS GYUR PA'I RMEN BU GTZAGS BUS DBRAL LA, TSIL PHYUNG STE BSREG PAR BYA'O, ,RTZA YI THOR BU SAR PA LA, ,SA HA RA DZA'I TIL MAR BLUD, ,RLUNG 'JOMS SMAN GYIS DKRI DUGS BYA, ,'JAM RTZI DANG NI GTAR GA BYA, ,ZHES BYA BA LA, RTZA'I THOR BU LA NI SA HA RA DZA DANG BSKOL BA'I TIL MAR BLUD PAR BYA'O, ,YANG NA DE LA RLUNG SEL BA'I SMAN GYIS DKRI BA'I DUGS LA SOGS PA BYA'O, ,THOR BU RMEN BU LTA BUR NI, ,RANG GI JI BZHIN BYAS RAB PHAN, ,ZHES BYA BA LA, THOR BU'I NAD LA NI RMEN BU RLUNG LAS GYUR PA LA SOGS PA JI LTAR GSO BA BZHIN DU THOR BU YANG DE LTAR GSO BAR BYA'O, ,RKANG BA MA RLUNG GYUR 'PHEL BA LA, ,SNUM ZHING DUGS BCAS DKRI BA DANG, ,LONG MO'I SOR GNYIS GONG DU NI, ,GTAR GA GDAB BAR BYA BA DANG, ,AE RAndA'I MAR 'O MA DANG, ,BA GCIN SBYAR BA ZLA GCIG BLUD, ,CES BYA BA LA, RLUNG LAS GYUR PA'I RKANG BA MA LA NI SNUM CHOS LA SOGS PA BYAS TE, LONG MO'I GONG DU SOR GNYIS GZHAL BAR GTAR GA GDAB PAR BYA ZHING, AE RAndA'I MAR LA SOGS PA SBYAR LA ZLA BA GCIG GI BAR DU BLUD PAR BYA'O, ,ZHU NAS 'BRU RNYING BCA' SKRA [?] DANG, ,'O MA DANG SBYAR KHA ZAS
SBYIN; ,ZHES BYA BA LA, AE RAndA'I MAR DE ZHU NAS 'BRAS RNYING PA'I CHAN DANG BCA' SGA DANG 'O MA DANG SBYAR BA SBYIN PAR BYA'O, ,DE BZHIN DUR BYID 'O MA BLUD, ,CES BYA BA LA, YANG NA RLUNG LAS GYUR PA'I RKANG BAM LA NI DUR BYID DANG 'O MA BSKOL BA BLUD PAR BYA'O, ,DES MA ZHIN MES BSREG BYA, ,ZHES BYA BA LA, DE LTAR BYAS SU ZIN KYANG SOS PAR MA GYUR NA RKANG BAM DE MES BSREG PAR BYA'O, ,MKHRIS GYUR LONG MO'I 'OG TU NI, ,KHRAG DBYUNG MKHRIS PA SEL KUN SBYAR, ,ZHES BYA BA LA, MKHRIS PA LAS GYUR PA'I RKANG BA MA LA NI LONG MO'I 'OG TU GTAR GA BYA BA DANG, DE BZHIN DU MKHRIS BA SEL BA'I ZAS DANG SMAN LA SOGS PA THAMS CAD SBYAR BAR BYA'O, ,BAD KAN LAS GYUR MTHE BO LAS, ,KHRAG GTAR NAS KYI KHA ZAS NI, ,SBRANG RTZI BCAS PA'I SMAN KHU BLUD, ,'PHEL BA'I TSE NA PI PI LING, ,AA RU RA NI BSTEN PAR BYA, , ZHES BYA BA LA, BAD KAN LAS GYUR PA'I RKANG BAM LA NI RKANG PA'I MTHE BO LAS KHRAG GTAR BA DANG, KHA ZAS SBRANG RTZI DANG BZA' ZHING SMAN GYI KHU BA BLUD PA DANG, 'PHEL BA'I TSE NA PI PI LING LA SOGS PA BZA' BAR BYA'O, ,YUNGS KAR BRI HA TI GNYIS KYI, ,RTZA BA'I LDE GUS BYUG PAR BYA, ,ZHES BYA BA LA, YANG BAD KAN LAS GYUR PA'I RKANG BAM LA YANG YUNGS KAR DANG, BRI HA TI'I RTZA BA'I LDE GUS BYUG PAR BYA'O, ,YANG NA 'U SU'I LDE GUS BYUG ,CES BYA BA LA, YANG NA 'U SU'I 'BRAS BU'I LDE GUS BSKU BAR BYA'O, ,'BRAS KYI PHRENG BA STENG 'OG NAS, ,SBYANG ZHING DAN DA TRA BAN TI, ,DUR BYID KO SHA TA KI DANG, ,DE BA TA LA'I MAR BSKOL BLUD, ,CES BYA BA LA, 'BRAS KYI PHRENG BA ZHES BYA BA'I NAD LA NI BKRU SMAN DANG SKYUGS SMAN GTANG BA DANG, ,DAN DA LA SOGS PA DANG BSKOL BA'I MAR BLUD PAR BYA'O, ,BAD KAN TSIL NI 'JOMS PA YI, ,DUD PAS MKHUR BKANG SNA SMAN GTANG, ,ZHES BYA BA LA, YANG NA 'BRAS KYI PHRENG BA LA SBYOR BA 'DI DAG BYAS NA YANG PHAN NO, ,GTAR GAS KHRAG NI DBYUNG BA DANG, ,SKYER PA'I KHAndA GCIN YANG BLUD, ,CES BYA BA LA, YANG NA 'BRAS KYI PHRENG BA
, ,LA GTAR GA LA SOGS PA'I SBYOR BA BYA'O, ,RMEN BU MA SMIN PA LA NI, ,RGYAM TSA BCA' SGAN [?] KU LI, ,BSKU ZHING SRA BAR RGYAM TSA YI, ,THUM BUS DUGS BYAS MNYE BAR BYA, ,ZHES BYA BA LA, RMEN BU MA SMIN PA LA, RGYAM TSA LA SOGS PA BSKU BAR BYA'O, , SRA BA LA NI RGYAM TSA GTUMS PA'I THUM BUS MNYE BAR BYA'O, ,SHA MI LA PHUG SHI KRU YI, ,SA BON NAS DANG YUNGS KAR BCAS, ,DAR BA SKYUR PO BTAGS BSKUS NA, ,RMEN BU'I MDUD PA ZHI BAR BYED, ,CES BYA BA LA, YANG SHA MI LA SOGS PA'I LDE GUS BSKUS NA RMEN BU'I MDUD PA CHAGS PA ZHI BAR 'GYUR RO, ,SMIN PAR 'KHRIGS NA KHRAG 'BYUNG ZHING, ,BAD KAN MKHRIS PA SEL BAS GSO, ,ZHES BYA BA LA, RMEN BU SMIN PAR BSKYOD PA LA NI GTAR GA GDAB PA LA SOGS PA BYA'O, ,MA SMIN BA NI PHYUNG NAS KYANG, ,THAL SMAN ME BTZAS GSO BAR BYA, , ZHES BYA BA LA, RMEN BU MA SMIN PA NI RTZA NAS PHYUNG STE THAL SMAN GDAB PA DANG, ME BTZA' GDAB BAS GSO BAR BYA'O, ,DZO TI SHMA TI LANGGA YI, ,SHU KAN SA'I 'BRAS BU DANG, ,KA KA TIG TA KARKO tI, ,DE BA TA LA'I SA BON DANG, ,BI SHA LYA DANG NI RGUN THI, ,KO SHA TA KI PA THA RNAMS, , SRANG NI PHYED PHYED DUG ZHO GNYIS, ,KA RANYDZA'I MAR BRE GANG DANG, ,NI RGUN THI YI KHU BA NI, ,BRE BZHI BSKOL BAR GYUR BA 'DI'I, ,BTUNG DANG BSKU BYUG SNAR BTANG NA, ,'BRAS KYI PHRENG BA GSOR MI RUNG, ,YUN RING LON ZHING RNAG 'DZAG SEL, ,ZHES BYA BA LA, DZO TI SHMA TI NI KA TA NA'O, , LANG GA LI NI BI SHA LYA'O, ,SHU KA NAS NI NA HI KA'O, ,KA KA TIG TA NI AU DUM DI KA'O, ,DE BA TA LA NI DZI MU DKA'O [?], ,KO SHA TA KI NI KRI TA BE DA NE'O, ,SMAN DE DAG SRANG PHYED PHYED DANG DUG LAS ZHO GNYIS DANG SBYAR LA, ,KA RANYDZA'I MAR BRE GANG DANG NI RGUN THI'I KHU BA BRE BZHI BSKOL BAR GYUR BA'I MAR 'DI BTUNG BA LA SOGS PA BTANG NA 'BRAS KYI PHRENG BA LA SOGS PA SEL BAR 'GYUR RO, ,LANGGA LI YI SDONG BU YI, ,LDE GU TIL MAR DE BZHI 'GYUR, ,NI RGUN THI YI KHU BAR BSKOL, ,SNA SMAN SOGS BTANG 'BRAS PHRENG SEL, ,ZHES BYA BA LA, LANGGA LI'I SDONG
BU'I LDE GU TIL MAR GYI BZHI CHA DANG, NI RGUN THI'I KHU BA TIL MAR GYI BZHI 'GYUR DANG BSKOL TE SNA SMAN LA SOGS PAR BTANG NA 'BRAS KYI PHRENG BA SEL BAR BYED DO, ,TZANDAN THANG SHING NA LE SHAM, ,DUR BYID GLA SGANG SER PO GNYIS, ,SRANG RE DUG NI SRANG PHYED DANG, ,BA GCIN SBYAR TE ZHIB TU BTAGS, ,BRAMHI'I KHU BA AARKA YI, ,LO MA BA LANG LCI KHUR BCAS, ,YUNGS MAR BRE GANG BCAS BSKOL BA, ,BTUNG BA LA SOGS PAR BSTEN NA, ,MDZE DANG RMA NI 'KHYIMS PA DANG, ,'BRAS KYI PHRENG BA MYUR DU SEL, ,ZHES BYA BA LA, TZANDAN DKAR PO LA SOGS PA JI SKAD SMOS PA'I SBYOR BA BSKOL BA BTUNG BA LA SOGS PAR BSTEN NA YANG MDZE LA SOGS PA SEL BAR BYED DO, ,SHU DAG RGYA SKYEGS AA RU RA, ,PU TZE SHEL DANG TZANDAN DANG, ,TIL MAR BSKOL BA BLUD NA NI, ,'BRAS PHRENG RTZA BAR BCAS PA SEL, ,ZHES BYA BA LA, SHU DAG LA SOGS PA'I LDE GU DANG BSKOL BA'I TIL MAR GYIS KYANG 'BRAS KYI PHRENG BA SEL BAR BYED DO, ,SHA RA PUNG KA'I RTZA BA NI, ,'BRAS KYI CHU DANG BTAGS GYUR PA, ,SNA SMAN BSKU BAS 'BRUM BU DANG, ,DUG SRIN 'BRAS KYI PHRENG BA 'JOMS, ,ZHES BYA BA LA, SHA RA [?] PUNG KA'I RTZA BA LA SOGS PA SBYOR BA JI SKAD SMOS PA BZHIN DU BTANG NA YANG DUG LA SOGS PA SEL BAR BYED DO, ,AU TA DA MA KA RI'I RTZA BA DANG, ,PI LU'I LO MA SENG PHROM DANG, ,SA HAR DZA AA RU RA, ,SHING MNGAR SHU TI TZI TRA KA ,THANG SHING TIL MAR 'O MA MNYAM, ,SNA SMAN BSKU BYUG BYAS PA'ANG PHAN, ,ZHES BYA BA LA, AU TA DA MA KA RI'I RTZA BA LA SOGS PA'I LDE GU DANG TIL MAR DANG 'O MA CHA MNYAM DU BYAS TE, BSKOL BA'I SBYOR BA NI 'BRAS KYI PHRENG BA LA PHAN PA YIN NO, ,BA LANG RA LUG RTA RMIG BSREGS, ,YUNGS MAR SBYAR TE BSKU BA'AM, ,ZHES BYA BA LA, BA LANG LA SOGS BA'I RMIG BA BSREGS PA'I SNAG TSA DANG, YUNGS MAR SBYAR TE BSKUS NA PHAN NO, ,SBRUL NAG BYA ROG RANG NYID SHI, AING GU DANG NI SBYAR BA BSKU, ,ZHES BYA BA LA, YANG SBRUL NAG PO RANG NYID KYIS SHI BA 'AM, BYA ROG RANG NYID SHI BA GANG
, ,YANG RUNG BA BSREGS PA AING GU DANG SBYAR TE BSKUS NA YANG PHAN NO, ,DE LTAR MA ZHI NAD KYI NI, ,LOGS GZHAN BYIN PA LA GNAS PA'I, ,CHU SO'I STENG NGAM 'OG NAS NI, ,TSIL PHYUNG NAS NI MES BSREG BYA, ,ZHES BYA BA LA, SBYOR BA DE DAG GIS MA ZHI NA NAD KYI LOGS GZHAN PA STE, G-YON LOGS SU NAN G-YAS LOGS SU GNAS PA'I DBANG PO'I CHU SO'I STENG NGAM 'OG NAS NYA'I SGO NGA'I TSOGS LTA BU'I TSIL PHYUNG NAS MES BSREG PAR BYA'O, ,GYEN DU 'GRENG BA'I RKANG PA GZHAL, ,DE YI TSAD KYIS RTING BA RU, ,DE LAS RMEN BU DBYUNG BYA ZHES, ,DRANG SRONG MU KHYUD KYIS BSHAD DO, ,ZHES BYA BA LA, SKYES BU GYEN DU 'GRENG BA'I RKANG PA GZHAL LA DE'I TSAD KYIS RTING PA NAS BYIN PA GZHAL LA DE NAS RMEN BU DBYUNG BAR BYA'O ZHES DRANG SRONG CHEN PO MU KHYUD KYIS BSHAD DO, ,RTING PA NAS BZUNG SOR NI BCU GNYIS NA, ,DBANG PO'I CHU SO YOD SPANG NAD KYI NI, ,G-YON DU DBRAL TE NYA SGONG 'DRA DBUS NAS, ,DRA BA DRANG ZHES LEGS THOS KYIS BSHAD DO, ,ZHES BYA BA LA, RTING PA NAS SOR BCU GNYIS DOR BA DANG DE BZHIN DU DBANG PO'I CHU SO ZHES BYA BA BYIN SNYING YANG DOR LA, NAD KYI LOGS CIG SHOS SU DBRAL TE, NYA'I SGO NGA 'DRA BA RIS SU 'DUG PA DBUS NAS DRANG BAR BYA'O ZHES DRANG SRONG LEGS THOS KYIS BSHAD DO, ,MI YI LONG MO RNA BA'I BAR DU GZHAL, ,DE YIS BRGYAD PA RTING PA'I CHA BGOS TE, ,BYIN SNYING GNAD KYI DRANG THAD MA GTOGS DBRAL, ,TSIL NI DBYUNG BAR BYA ZHES GZHAN DAG 'CHAD, ,CES BYA BA LA, MI'I LONG MO NAS RNA BA'I RTZE MO'I BAR GZHAL LA DE'I RTING PA NAS BRGYAD CHA DOR TE BYIN SNYING GI GNAD KYI DRANG THAD MA GTOGS PA, DE'I TSAD GNYIS TZAM GTZAGS BUS DBRAL LA TSIL DBYUNG BAR BYA'O ZHES DANG SRONG GZHAN DAG SMRA'O, ,RLUNG GYUR SPU GUR DUGS BYAS LA, ,DBRAL TE AA PA MARGA YI, ,SBU GU'I TIL DANG RGYAM TSAR BCAS, ,BTAGS PA'I LDE GUS LEGS PAR BSKU, ,ZHES BYA BA LA, RLUNG LAS GYUR PA'I SBU GU'I RMA LA NI DUGS BYAS LA DBRAL TE AA PA MARGA LA SOGS PA'I LDE GUS
BSKU BAR BYA'O, ,MKHRIS PA LAS GYUR TIL DANG BTZOD, ,N'A GA DANTI SER PO GNYIS, ,ZHES BYA BA LA, MKHRIS PA LAS GYUR PA'I RMA SBUBS SU GYUR PA LA NI TIL LA SOGS PA'I LDE GUS BSKU BAR BYA'O, ,BAD KAN LAS GYUR RGYAM TSA TIL, ,DAN DA NIM PA LAN TSVAS BSKU, , ZHES BYA BA LA, BAD KAN LAS GYUR PA LA NI RGYAM TSA LA SOGS PA'I SMAN BTAGS PA'I LDE GUS BSKU BAR BYA'O, ,ZUG RDU LAS BYUNG DBRAL TE DBYUNG, ,TIL DANG MAR DANG SPRANG RTZIS BSKU, ,ZHES BYA BA LA, ZUG RNGU LAS GYUR PA'I RMA 'KHYIMS PA LA NI DBRAL TE ZUG RNGU PHYUNG LA TIL DANG MAR DANG SBRANG RTZI'I LDE GUS BSKU BAR BYA'O, ,MTSON DBRAL MI RUNG CHU TSOD KYIS, ,LEGS PAR BTZAL TE NANG DU DBUG ,THAL SMAN LA SPANGS SKUD PA YI, ,RMA TSOL KHA NI SHAS CHER DRAL, ,ZHES BYA BA LA, MTSON GYIS DBRAL DU MI RUNG BA'I RMA 'KHYIMS PA LA NI CHU TSOD KYIS RMA LEGS BAR BTZAL TE NANG NAS PHUG LA THAL SMAN LA SPANGS PA'I SKUD PAS RMA TSOL GYIS BTZAL BA'I KHA DE SHAS CHER BSKYED PAR BYA'O, ,RMA RED KHA NI DOG PA DANG, ,PHUGS RING LA YANG SBYAR BAR BYA, ,RENG BU GANG DANG TIL MAR GANG, ,DE NI RMA 'KHYIMS LA YANG BSNGAGS, ,ZHES BYA BA LA, RMA RED CING KHA PHRA BA LA SOGS PA LA RMA LA PHAN PAR BSHAD PA'I TIL MAR DANG RENG BU GANG DAG YIN PA DE 'KHYIMS SHING SBU GUR CHAGS PA LA BSNGAGS PA YIN NO, ,AE RAndA'I 'BRAS LDE GUS BSKU, ,SBU GU'I RMA SBYOR BYED MCHOG YIN, ,ZHES BYA BA LA, AE RAndA'I 'BRAS BU CHU THAGS SU BYAS PA'I LDE GUS BSKUS NA YANG SBU GU'I RMA SBYOR BAR BYED BA'I MCHOG YIN NO, ,RGYA SHUG 'BRAS BU SHUN PA DANG, ,LAN TSVA RGYA SKYEGS BCAS PA DANG, ,GLA GOR ZHO SHA'I LO MA DANG, ,BRI YANG KU DANG NU ZHO DANG, ,AARKA SNU HA'I 'O MAR SBYAR; ,RENG BUS RMA 'KHYIMS MYUR 'TSOB BYED, ,CES BYA BA LA, RGYA SHUG GI 'BRAS BU LA SOGS PA'I SMAN DANG BUD MED KYI NU ZHO DANG, AARKA DANG, SHING SNU HA'I 'O MA DANG SBYAR BA'I RENG BUS KYANG RMA 'KHYIMS SHING SBU GUR CHAGS PA MYUR DU 'TSOB PAR BYED DO, ,RGYA MTSO'I TSA DANG
, ,RTZABS RU TSA, ,LCE MYANG TSA NI LEGS PAR BSREGS, ,GLA GOR ZHO SHA KHYIM DUD PA, AA MRA DA KA SENG LDENG GI ,LO MA DZI NA SKYER PA GNYIS, ,LDE GUS BSKU BA SOGS BSTEN NA, ,SKYABS MED MI BRTAN SKYES BU YI, ,'BYOR BA BZHIN DU 'GRIB PAR BYED, , CES BYA BA LA, RGYA MTSO'I LAN TSVA DANG RTZABS RU TSA LA SOGS PA NAS SER PO RNAM GNYIS KYI BAR LDE GUR BYAS TE BSKUS NA YANG RMA 'KHYIMS PA'I SBUBS SEL BAR BYED DE, DPER NA SKYES BU RANG BZHIN MI BRTAN ZHING BAG MED PAR GYUR PA DE'I 'BYOR PA SHIN TU 'GRIB PAR BYED PA DANG MTSUNGS SO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U SUM CU PA'I RNAM PAR 'GREL PA'O,, ,,DE NAS NAD PHRA MO'I DMIGS SHES PA BSHAD PAR BYA'O, ,BAD RLUNG LAS GYUR 'BRUM PHRAN NI, ,SNUM ZHING MDOG 'DRA DUD PA CAN, ,NAD MED MUNGGA 'DRA BA NI, ,BYIS PA LAS SKYES RA'I 'GRAM PA, ,ZHES BYA BA LA, BAD KAN DANG RLUNG LAS GYUR PA'I 'BRUM PHRAN SNUM PA LA SOGS PA'I MTSAN NYID CAN BYIS PA DAG LAS GANG ZHIG 'BYUNG BA DE NI MING RA'I 'GRAM PA ZHES BYA'O, ,DE GNYIS LAS BYUNG SHAR GNAS MTHUG ,NAS 'DRA NAS ZHES BYA BA YIN, ,ZHES BYA BA LA, BAD KAN DANG RLUNG DE GNYIS LAS BYUNG BA'I 'BRUM PHRAN LA GNAS PA MTHUG PO NAS 'DRA BA NI MING YANG NAS 'DRA BA'I 'BRUM PHRAN ZHES BYA'O, ,'BRAS BYER ZLUM PO RTZE MO MED, ,RNAG NYUNG RTAG MTHO 'BRAS BYER YIN, ,ZHES BYA BA LA, 'BRUM PHRAN ZLUM PO LA SOGS PA'I MTSAN NYID DANG LDAN PA NI MING 'BRAS BYER BA ZHES BYA'O, ,RMEN BU LNGA'AM DRUG 'BYUNG ZHING, ,RUS SBAL LTAR MTHO RUS SBAL YIN; ,ZHES BYA BA LA, RMEN BU'I 'BRUM PHRAN LNGA 'AM DRUG 'BYUNG ZHING, DBYIBS RUS SBAL LTAR 'DUG PA DE NI MING RUS SBAL ZHES BYA'O, ,RNA BA'I STENG NGAM KUN TU NI, ,'BRUM PHRAN SRA ZHING MI BZAD NA, AUTPAL RTZA 'DRA PA NAS, ,ZHES BYA BA LA, 'BRUM PHRAN GANG RNA BA'I STENG NGAM RNA
BA'I THOG THAG TU SRA ZHING SHAS CHE RAN BA DANG, AUTPA LA'I RTZA BA LTA BUR SKYES BA DE MING PA NAS ZHES BYA'O, ,SKRANG ZHING CUNG ZAD NAL BRTAN, ,'GRAM PA'I MTSAMS SU DE GNYIS LAS, ,BYUNG BA RDO YI BONG BU YIN, ,ZHES BYA BA LA, YANG BAD KAN DANG RLUNG GNYIS LAS SKRANG ZHING NAD TSABS CHUNG LA BRTAN ZHING SRA BA 'GRAM PA'I MTSAMS SU BYUNG BA NI MING RDO'I BONG BU ZHES BYA'O, ,SHAL MA LI YI TSER MA 'DRA, ,'BRUM PHRAN NAD BCAS MTHUG PO NI, ,NANG NA TSIL YOD LANG TSO LA, ,BYUNG BA BZHIN NI MA RUNGS BYED, ,CES BYA BA LA, YANG BAD KAN DANG RLUNG LAS BYUNG BA'I 'BRUM PHRAN SHING SHAL MA LI'I TSER MA 'DRA BA LA SOGS PA'I MTSAN MA CAN LANG TSO DANG LDAN PA LA BYUNG BA GANG YIN PA DE NI BZHIN MA RUNGS PAR BYED PA ZHES BYA'O, ,BAD KAN RLUNG GYUR PADMA YI, ,TSER MA 'DRA BAS KHYAB GYUR CING, ,DKAR ZHING NAD NI MED PA DAG ,PADMA'I TSER MA CAN ZHES BYA, ,ZHES BYA BA LA, YANG BAD KAN DANG RLUNG LAS GYUR PA PADMA'I TSER MA 'DRA BAS KHYAB PAR GYUR PA DE NI MING PADMA'I TSER MA ZHES BYA BA STE, JI LTAR PADMA'I TSER MA DKAR PO PHRA MOS KHYAB PA LTA BU'O, ,MKHRIS PA LAS GYUR 'BRUM PHRAN ZLUM, ,AU DUM W'A RA'I 'BRAS SMIN 'DRA, ,SHAS CHER TSA ZHING RIMS 'DEBS BYED, ,GAS BA KHA BYE ZHES BYA'O, ,ZHES BYA BA LA, 'BRUM PHRAN GANG MKHRIS PA LAS GYUR PA AU DUM W'A RA'I 'BRAS BU SMIN PA 'DRA BA LA SOGS PA'I MTSAN NYID CAN NI MING KHA BYE BA ZHES BYA'O, ,LUS KYI NAD DANG GDONG LA NI, , TSA ZHING NAD DANG RI MAS SKYED CING, ,SRAN CHUNG TZAM LA DE MDOG CAN, ,'BRUM PHRAN MTHUG PO SRAN CHUNG YIN, ,ZHES BYA BA LA, LUS KYI YAN LAG RNAMS DANG, GDONG LA TSA BA LA SOGS PA'I MTSAN NYID CAN GYI 'BRUM PHRAN BYUNG BA DE NI MING SRAN CHUNG ZHES BYA'O, ,DE BAS 'BRUM BU NAD TSABS CHE, ,SDUG BSNGAL BYED PA 'BRUM BU YIN, ,ZHES BYA BA LA, SRAN CHUNG DE BAS KYANG 'BRUM BU NAD TSABS CHE BA LA SOGS PA'I MTSAN NYID CAN NI MING 'BRUM BU ZHES BYA BA YIN NO, ,RLUNG MKHRIS LAS GYUR 'BRUM BU'I NAD, ,PADMA'I SNYING PO LTA BU YI, ,'BRUM
, ,PHRAN GYIS NI PHUG PA YIN, ,ZHES BYA BA LA, RLUNG DANG MKHRIS PA LAS GYUR PA'I PADMA'I SNYING PO'I DBYIBS 'DRA BA'I 'BRUM BU PHRA MOS KHYAB PA NI MING PHUG PA ZHES BYA'O, ,DE DAG NYID SKYED BONG BU YIN, ,ZLUM ZHING RGYA CHE MTHO BA DANG, ,MDOG DMAR 'BRUM PHRAN DAG GIS KHYAB, ,CES BYA BA LA, RLUNG DANG MKHRIS PA DE GNYIS LAS THOR BU GANG ZLUM ZHING LHUN CHE PA LA SOGS PA 'BYUNG BA GANG YIN PA DE NI MING BONG BU ZHES BYA'O, ,PHAL CHER RLUNG LAS MCHAN KHUNG DU, ,NYE BAR SKYES PA MCHAN KHUNG 'BRUM, ,ZHES BYA BA LA, 'BRUM PHRAN GANG PHAL CHER RLUNG LAS GYUR CING MCHAN KHUNG GI PHYOGS SU BYUNG BAR GYUR PA DE NI MING MCHAN KHUNG ZHES BYA'O, ,MKHRIS PA LAS GYUR 'BRUM PHRAN NI, ,PHRA ZHING MTHUG PA 'BRAS YOS 'DRA, ,ZHES BYA BA LA, MKHRIS PA LAS GYUR PA'I 'BRUM PHRAN GANG PHRA ZHING MTHUG LA 'BRAS YOS DANG DBYIBS 'DRA BA NI MING 'BRAS YOS ZHES BYA'O, ,DE 'DRA'I CHEN PO GCIG BYUNG BA, ,DRI CAN ZHES NI GRAGS PA YIN, ,ZHES BYA BA LA, 'BRUM BU'I THOR BU GANG CHEN PO GCIG BYUNG ZHING 'BRAS YOS DANG DBYIBS 'DRA BA DE NI MING DRI CAN ZHES BYA'O, ,TSA BA'I RDUL GYIS LUS GDUNGS LA; ,'BRUM PHRAN NAD BCAS STUG PO NI, ,DBYIBS DANG TSAD MDOG SKE TSE 'DRA, ,DE NI SKE TSE ZHES BYA'O, ,ZHES BYA BA LA, 'BRUM PHRAN GANG RDUL DANG TSA BA LAS BYUNG BA NAD DANG BCAS PA LA SOGS PA'I MTSAN NYID CAN NI MING SKE TSE ZHES BYA'O, ,MKHRIS PA SHAS CHE'I NAD KYIS NI, ME DBAL LTA BUR DAL GYIS MCHED, ,SKRANG ZHING SNUM LA SRAB CING DMAR, ,RIM SKYED DRA BA'I BONG BU YIN, ,ZHES BYA BA LA, RLUNG LA SOGS PA'I NAD MKHRIS PA'I SHAS CHE BA LAS ME DBAL LTA BUS RIM GYIS DAL BU'I MCHED PA LA SOGS PA'I MTSAN NYID CAN NI MING DRA BA'I BONG BU ZHES BYA'O, ,MKHRIS SHAS CHE BA'I 'BRUM BU NI, ,RIM SKYED SHA LA GNOD BYED PA, ,MCHAN KHUNG PHYOGS BYUNG ME'I MDOG CAN, ,'DRA BA DE NI ME SKYED YIN, ,ZHAG LNGA 'AM NI ZHAG BDUN NAM, ,ZLA BA PHYED NAS SROG 'PHROG BYED, ,CES BYA BA LA, NAD GZHI GSUM
MKHRIS PA'I SHAS CHE BA LA MCHAN KHUNG GI PHYOGS SU 'BRUM BU ME'I MDOG DANG 'DRA BA LA SOGS PA'I MTSAN NYID CAN SKYED PA GANG YIN PA DE NI ME SKYED PA ZHES BYA STE, DES NI ZHAG LNGA LA SOGS PA NAS SROG 'PHROG PAR BYED DO, ,NAD GZHI GSUM SKYES 'BRUM BU ZLUM, ,NAM TSONG YAN CHAD SKYES SA SKOR, ,ZHES BYA BA LA, NAD GZHI 'DUS PA LAS GYUR PA'I 'BRUM BU GANG ZLUM PA LA SOGS PA'I MTSAN NYID CAN DE NI MING SA SKOR ZHES BYA'O, ,MCHAN KHUNG CHU SOR BI DA RI'I, ,RTZA BA LTAR SRA BI DA RI, ,ZHES BYA BA LA, MCHAN KHUNG DANG CHU SOR BI DA RI'I RTZA BA LTAR 'BRUM PHRAN BYUNG BA DE'I MING NI BI DA RI ZHES BYA'O, ,TSIL DANG BAD RLUNG LAS GYUR PA'I, ,RMEN BU RTZA RGYUS SHA LA GNAS, ,BRTOL NA MAR ZHAG SBRANG RTZI 'DRA, ,'DZAG GYUR DE LA RLUNG SHAS CHE, ,SHA SKAM RMEN BUR BYAS NAS NI, ,GSEG MA LTA BUR SKYED PAR BYED, ,KHRAG NI DRI MNAM RNAGS PA DANG, ,KHA DOG SNA TSOGS 'BYUNG BA YI, , NAD KYIS DE LA KHRAG 'DZAG PA, ,DE NI 'BRUM BU GSEG MA CAN, ,ZHES BYA BA LA, TSIL LA SOGS PA LAS GYUR PA'I RMEN BU GANG RTZA LA SOGS PA LA GNAS PA 'BYUNG LA, DE BRTOL NA MAR DANG, ZHAG DANG SBRANG RTZI 'DRA BA 'DZAG PAR 'GYUR LA, DE DAG GI NANG NAS GAL TE RLUNG GI SHAS CHEN NI SHA SKAM PAR BYED PA NAS SHA'I RMEN BU GSEG MA LTA BU SKYED PAR BYED CING, DER DRI MA LA SOGS PAS KHRAG DRI MNAM PA LA SOGS PA'I MTSAN NYID CAN DE LAS 'DZAG PAR 'GYUR BA'I NAD DE NI 'BRUM BU GSEG MA CAN ZHES BYA'O, ,LAG PA RKANG MTHIL TSIGS DANG NI, ,NAM TSONG YAN CHAD GROG MO YI, ,MGO LTAR RIM GYIS RMEN BU NI, ,PHRA MO MANG POS KHYAB BYED LA, ,NA ZHING TSA LA G-YA' ZHING 'DRUL, ,KUN DU SKYES TE GROG MO'I MGO ,ZHES BYA BA LA, LAG PA DANG RKANG PA'I MTHIL LA SOGS PAR 'BRUM PHRAN GYIS KHYAB NAS RIM GYIS RMEN BUR 'BYUNG ZHING DE LTA BU MANG POS KHYAB PAR 'GYUR LAN BA LA SOGS PA'I MTSAN NYID CAN SKYES PA GANG YIN PA DE NI NAD GZHI GSUM LAS BYUNG BA'I NAD GROG MO'I MGO BO ZHES BYA'O, ,RKANG MTHIL GSHAGS MAS BRUD PA'AM, ,TSER MA SOGS KYIS SNAD PA YI, ,'BRUM BU PHUR BA LTAR MTHO BA, ,SKYES TE MDZER PA 'DRA ZHES BYA, ,ZHES BYA BA LA,
, ,TSER MA LA SOGS PAS RKANG PA BRUD PA'AM, SNAD PAS PHUR PA LTA BU'I THOR BU SKYES PA DE NI MDZER PA 'DRA BA ZHES BYA'O, ,SHUGS BKAG PA YIS RLUNG DAG NI, ,GZHANG DANG RKANG PA LA GNAS PA, ,PHYI DANG NANG DU RGYU BYED PA, ,LAM RGYU DE LAS BSHAD BA NI, ,DKA' BAS 'BYUNG BAR BYED PA'I NAD, GZHANG 'GAGS PA ZHES BYA BAR 'DOD, ,CES BYA BA LA, SHUGS BKAG PA'I DBANG GIS GZHANG GI PHYI DANG NANG DU 'KHRUGS PAS, BSHANG BA SHIN TU DKA' BAS 'BYUNG BAR BYED PA NI GZHANG 'GAGS PA ZHES BYA BAR SLOB DPON RNAMS 'DOD DO, ,RLUNG MKHRIS KYIS NI SEN MO YI, , NANG GI SHA SMIN NAD SKYED PA, ,MA SNAD NAD DANG TSIM PA DANG, ,NYE BA'I SEN MO ZHES BYA'O, ,ZHES BYA BA LA, RLUNG DANG MKHRIS PA 'KHRUGS PA LAS SEN MO'I NANG GI SHA SMIN CING NAD SKYED PA NI MA SNAD PA'I NAD DANG, TSIM PA DANG, NYE BA'I SEN MO ZHES BYA'O, ,SNAD PAS GNAG CING RTZUB PA DANG, SRA BA SEN MO NGAN ZHES BYA, ,ZHES BYA BA LA, SEN MO GANG SNAD PAS GNAG PA LA SOGS PAR GYUR PA NI MING SEN MO NGAN PA ZHES BYA'O, ,'DAM NI GNOD BYED LA REG LAS, ,NAD NA G-YA' ZHING RNAG BCAS PA, ,SOR MO'I 'BRAS 'BYER ZHES BYA'O, ,ZHES BYA BA LA, SOR MO'I 'DAM GNOD PAR BYED PA LA REG PAS G-YA' BA LA SOGS PA'I MTSAN NYID CAN 'BYUNG BA GANG YIN PA DE NI MING 'BRAS 'BYER BA ZHES BYA'O, ,PAGS PA TIL 'DRA GNAG PA LA, ,NAD MED BYUNG GYUR RME BA STE, ,DE NYID 'BUR BA MDZER PA YIN, ,ZHES BYA BA LA, PAGS PA LA GNAS SHING TIL 'DRA BA LA SOGS PA'I MTSAN NYID CAN DE NI RME BA ZHES BYA'O, , RME BA DE NYID CHER 'BUR BAR GYUR PA NI MDZER PA ZHES BYA'O, ,MDZER PA LAS KYANG CHEN POR GYUR, ,DKAR NAG PAGS PA'I MDZER PA YIN, ,ZHES BYA BA LA, MDZER PA LAS KYANG SHAS CHER MTHO BAR GYUR CING MDOG DKAR NAG TU GNAS PA DE'I MING PAGS PA'I MDZER PA CHEN PO CAN ZHES BYA'O, ,DE 'DRA'I 'BRUM BU SKYES PA NI, ,DMAR PO RGYA SKYEGS NOR BU YIN, ,ZHES BYA BA LA, YANG TSUL MDZER PA SBOM PO 'DRA BA 'BRUM BU CHEN PO'I MDOG DMAR BA SKYES PA'I MING NI RGYA SKYEGS KYI NOR BU ZHES BYA'O, ,DKAR BA 'AM GNAG PAR LHAN CIG SKYES, ,ZLUM PA 'AM MTSAN MA ZHES BYA'O, ,ZHES BYA BA LA, ZLUM PO LA MDOG DKAR BA'AM
GNAG PAR GNAS PAR SKYES PA NI MING MTSAN MA ZHES BYA'O, ,MYA NGAN KHRO DANG RLUNG MKHRIS SOGS, ,'KHRUGS TE GDONG NI SRAB GYUR CING, ,THIG LE NAG PO NGO SHIG CAN, ,ZHES BYA BA LA, MYA NGAN DANG KHRO BA DANG RLUNG MKHRIS PA LA SOGS PA LAS GDONG LA SRAB CING ZLUM PA BYUNG BA GANG YIN PA DE NI MING NGO SHIG CAN ZHES BYA'O, ,GDONG LAS GZHAN BYUNG KHABS ZHES BYA, ,ZHES BYA BA LA, THIG LE TAL TIL TE GDONG LAS GZHAN DU BYUNG BA NI KHABS ZHES BYA'O, ,RLUNG GYUR NGO SHIG RTZUB PAR SNANG, REG NA RTZUB CING GNAG PA YIN, ,ZHES BYA BA LA, RLUNG LAS GYUR PA'I NGO SHIG NI RTZUB BAR SNANG ZHING REG NA YANG RTZUB PA DANG GNAG PA YIN NO, ,MKHRIS GYUR MTHA' MA CUNG ZAD SNGO, ,ZHES BYA BA LA, MKHRIS PA LAS GYUR PA'I NGO SHIG NI MTHA' MA DMAR ZHING CUNG ZAD SNGO BA YIN NO, ,BAD KAN LAS GYUR MTHA' DKAR G-YA', ,ZHES BYA BA LA, BAD KAN LAS GYUR PA'I NGO SHIG NI MTHA' MA DKAR ZHING G-YA' BA YIN NO, , KHRAG GYUR MTHA' MA ZANGS MDOG CAN, ,SKAM ZHING TSA BA TZAG TZAG BYED, ,CES BYA BA LA, KHRAG LAS GYUR PA'I NGO SHIG NI MTHA' MA DMAR BA LA SOGS PA'I MTSAN NYID CAN YIN ZHING YUNGS KAR GYI LDE GUS BSKUS PA LTAR TSA BA TZAG TZAG POR BYED PA YIN NO, ,RLUNG GIS BAD KAN BSLANGS GYUR PA, ,PAGS PAR PHYIN TE SKAMS GYUR NAS, ,DE LAS PAGS PA SKYA 'GYUR ZHING, ,RIM GYIS TSOR BA MED 'GYUR LA, ,G-YA' BA CHUNG ZHING 'DRUL BA MED, ,BEM PO DE NI TSONG MED YIN, ,ZHES BYA BA LA, RLUNG GIS BAD KAN BSLANGS SHING SKYED PAR GYUR BA DANG, DE'I 'OG TU PAGS PAR PHYIN NAS SKAMS PAR GYUR PA DANG; PAGS PA SKYA BAR 'GYUR LA RIM GYIS TSOR BA MED PAR 'GYUR ZHING, 'DRUL BA MED PA DE NI BEM PO LTA BUR 'DUG PA'I PHYIR TSOR BA MED PA ZHES BYA'O, ,SKYUG SMAN NYES DANG MA ZHU DANG, ,BAD MKHRIS LUS LA GNAS BSLANGS PAS, ,RAB G-YA' ZLUM PO GOR GOR PO, ,DMAR PO MANG DU 'BYUNG 'GYUR ZHING; ,RJES 'BREL LDAN PA ZLUM POR BSHAD, ,CES BYA BA LA, SKYUG SMAN GYI SBYOR BA NYES PAS MA ZHU BA DANG, BAD KAN LA SOGS PA LUS LA GNAS PA BSLANGS SHING BSKYOD PAS LUS RAB TU G-YA' ZHING ZLUM PO GOR GOR BO MDOG DMAR PA MANG DU 'BYUNG BAR GYUR PA DE NI RJES SU 'BREL BA'I NAD
, ,ZLUM PO ZHES BYA BAR DRANG SRONG DAG GIS BSHAD DO, ,DE LTAR NAD NI PHRA MO YI, ,DBYE BA SUM CU DRUG TU BSTAN, ,ZHES BYA BA LA, DE LTAR NA NAD PHRA MO'I DBYE BA NI SPYIR SUM CU RTZA DRUG YOD DO, ,ZHES SLOB DPON GYIS BSHAD CING BSTAN PA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U SUM CU RTZA GCIG PA'I RNAM PAR 'GREL PA'O,, ,,DE NAS NAD PHRA MO'I GSO BA BSHAD PAR BYA'O, ,RA YI 'GRAM PA MA SMIN PA, ,SRIN BU PANG [?] PAS KHRAG DBYUNG NGO; ,ZHES BYA BA LA, RA YI 'GRAM PA ZHES BYA BA'I 'BRUM BU MA SMIN PA LA NI, SRIN BU PAD PA'I GTAR GAS KHRAG DBYUNG BAR BYA'O, ,NAS 'DRA DUGS NI BYAS NAS SU, THANG SHING RU RTA LDONG ROS DANG, ,BA BLA'I LDE GU BSKUS TE BZHU, ,ZHES BYA BA LA, NAS 'DRA BA ZHES BYA BA NI DANG POR DUGS BYAS NAS BZHU BAR BYA BA'I PHYIR THANG SHING LA SOGS PA'I LDE GUS BSKU BAR BYA'O, ,RDO YI BONG BU 'ANG DE LTAR GSO, ,SMIN PAR 'GRAM RMA LTAR GSO, ,ZHES BYA BA LA, RDO'I BONG BU ZHES BYA BA NI BSHAD MA THAG PA'I TSUL DU GSO'O, ,RA'I 'GRAM PA ZHES BYA BA SMIN PA'I RMA DANG 'DRA BAR GSO BAR BYA'O, ,BZHIN GNOD SENG PHROM 'U SU DANG, ,SHU DAG BTAGS PA'I LDE GU 'AM, ,ZHES BYA BA LA, BZHIN LA GNOD BA 'AM MA RUNGS PAR BYED PA ZHES BYA BA'I NAD NI SENG PHROM LA SOGS PA'I LDE GUS BSKU BAR BYA'O, ,N+YA GRO DHA YI LO MA 'AM, ,RGYA STAR LO MA TSA SBYAR BSKU, ,ZHES BYA BA LA, YANG NA BZHIN MA RUNGS PAR BYED PA LA N+YA GRO DHA LA SOGS PA'I LDE GUS BSKU BAR BYA'O, ,DES MA ZHIN SKYUG SMAN DANG, ,SNA SMAN DPRAL BAR GTAR GA GDAB, ,CES BYA BA LA, SBYOR BA DES KYANG MA ZHIN SKYUG SMAN LA SOGS PA'I SBYOR BA BYA'O, ,PADMA'I TSER MA NIM PA YI, ,KHU PA 'AM NIM PA MAR BSKOL BAR, ,SBRANG RTZI DANG NI BCAS PA BLUD, ,NIM PA DONG GAR SBYAR PAS BYUG ,CES BYA BA LA, PADMA'I TSER MA LTA BU ZHES BYA BA LA NI NIM PA'I KHU BA DANG, NIM PA DANG MAR BSKOL BA'I NANG DU SBRANG RTZI DANG BCAS PA BLUD PAR BYA BA 'AM, NIM PA DANG DONG GAR SBYAR BA'I LDE GUS BSKU BAR BYA'O, ,KHA BYE SOGS NAS DRA BONG BAR, ,SA SKOR BCAS PA MKHRIS PA YI, ,ME DBAL LTA BUR GSO BAR BYA, ,ME SKYED PA NI SPANG BAR BYA, ,ZHES BYA
BA LA, KHA BYE BA NAS SNGO BA'I BONG BU'I BAR GYI 'BRUM PHRANS [?] SKOR DANG BCAS PA NI MKHRIS PA LAS GYUR PA'I MING ME DBAL LTA BUR GSO BAR BYA LA, ME SKYED PA ZHES BYA BA NI SPANG BAR BYA'O, ,DRA BA'I BONG BU SMYUNG BA DANG, ,GTAR GA GDAB DANG RTZUB CHOS DANG, ,LUS KYI SBYANG BA SKYU RU RA'I, ,SBYOR BA'I BSIL SMAN BYUG PAS GSO; ,BI DA RI LA KHRAG GTAR ZHING, ,BAD KAN RMEN BU LTA BUR GSO, ,ZHES BYA BA LA, DRA BA'I BONG BU ZHES BYA BA NI RTAG TU SMYUNG BA BYAS PA DANG, GTAR GA GDAB CING KHRAG DBYUNG BA DANG, ZAS DANG SMAN GYIS RTZUB CHOS BYA BA DANG, SKYUG SMAN LA SOGS PA'I LUS KYI SBYONG BA LA SOGS PAS GSO BAR BYA'O, ,BI DA RI LA NI RNGABS RVA LA SOGS PAS KHRAG DBYUNG ZHING BAD KAN GYI RMEN BU LTAR GSO BAR BYA'O, ,GSEG MA LTA BU'I 'BRUM PHRAN LA, ,TSIL GYI RMEN BU LTA BUR GSO, ,ZHES BYA BA LA, GSEG MA LTA BU'I 'BRUM BU LA NI TSIL GYI RMEN BU DANG 'DRA BAR GSO BAR BYA'O, ,GROG MA'I MGO 'DRA BU GA MANG, ,CHER SKYES SKRANG ZHING GNAD LA GNAS, , RKANG PA LAG PAR BYUNG BA SPANG, ,ZHES BYA BA LA, GROG MA'I MGO 'DRA ZHING BU GA MANG BA LA SOGS PA NI SPANG BAR BYA'O, ,CIG SHOS LAS NI KHRAG DBYUNG LA, ,RGYAM TSA DONG GA SLE TRES DANG, ,CI TZE RGYA SRAN RTZA BA DANG, ,DAN DA TIL BTAGS NAS PHYES BSKU, ,ZHES BYA BA LA, SNGA MA DANG MI MTHUN PAR GNAS PA'I GROG MA LTA BU'I 'BRUM PHRAN NI GTAR GA BYAS LA RGYAM TSA LA SOGS PAS BSKU BAR BYA'O, ,SMIN PA LA NI NAD CAN SHA, ,THAMS CAD LEGS PAR SBYANG BAR BYA, ,MTSON GYIS BCAD LA DE RJES LA, ,THAL SMAN YANG NA ME YIS BSREG ,CES BYA BA LA, GROG MA 'DRA BA'I SMIN PA LA NI THAMS CAD LEGS PAR SBYANG BA LA SOGS PA BYA'O, ,MDZER BA 'DRA BA GTZAGS BU YIS, ,MA LUS BCAD LA SNUM GYIS BSREG ,CES BYA BA LA, MDZER BA 'DRA BA'I NAD LA NI GTZAGS BUS KUN BCAD LA, DE'I 'OG TU MAR BSKOL BAS BSREG PAR BYA'O, ,GZHANG 'GAGS PA LA NOR BU NI, ,'GAGS PA LTA BUR GSO BAR BYA, ,ZHES BYA BA LA, GZHANG 'GAGS PA'I NAD LA NI NOR BU 'GAGS PA LTAR GSO BAR BYA'O, ,NYE BA'I SEN MO SBYANG BA YIS, ,TSA BA BSAL TE MTSON GYIS GSO, ,ZHES BYA BA LA, NYE BA'I SEN MO ZHES BYA BA'I NAD NI SKYUG SMAN LA SOGS PAS SBYANG BA BYAS LA, TSA BA BSAL TE, MTSON GYIS BCAD
, ,PA'I LAS KYIS GSO BAR BYA'O, ,SEN MO NGAN LA'ANG DE BZHIN BYA, ,ZHES BYA BA LA, SEN MO NGAN PA ZHES BYA BA'I NAD LA YANG BSHAD MA THAG PA'I SBYOR BAS GSO BAR BYA'O, ,RKANG PA'I CHU SER DAG LA YANG, ,'BRAS BU SKYUR PO NAG TSUR BCAS, ,TIL DANG GI'U WANG NIM PA YI, , LO MA'I LDE GUS BSKU BAR BYA, ,ZHES BYA BA LA, RKANG PA'I CHU SER GYI NAD LA NI 'BRAS BU SKYUR PO KANYDZI ZHES BYA BAS BKRUS LA NAG TSUR LA SOGS PAS BSKU BAR BYA'O, ,SME BA MDZER PAR BCAS PA NI, ,ME SHEL THAL SMAN DAG GIS BSREG ,YANG NA ME BTZA' GDAB PAR BYA, ,ZHES BYA BA LA; SME BA DANG MDZER PA DAG NI ME SHEL LAM, THAL SMAN NAM ME BTZAS BSREG PAR BYA'O, ,DE BZHIN LPAGS MDZER RGYA SKYEGS NOR, ,MTSON GYIS BCAD DE DE BZHIN GSO, ,ZHES BYA BA LA, DE BZHIN DU MDZER PA CHEN PO DANG RGYA SKYEGS KYI NOR BU ZHES BYA BA NI GTZAGS BUS BCAD DE ME SHEL LA SOGS PAS BSREG PAR BYA'O, ,MTSAN MA CAN SOGS GSUM PO LA, ,NYE BA'I PHYOGS LA GTAR GA GDAB, ,CES BYA BA LA, MTSAN MA CAN DANG KHYE MA YANG 'DIR BSDU, NGO SHIG DANG KHABS TE GSUM PO NI NAD GANG NA YOD PA DANG NYE BA'I PHYOGS LA GTAR GA GDAB PAR BYA'O, ,'O MA CAN SHING MYU GU SHUN, ,'O MAR BTAGS PAS BSKU BAR BYA, ,ZHES BYA BA LA, MTSAN MA CAN LA SOGS PA GSUM PO LA NI 'O MA CAN GYI SHING GI MYU GU DANG SHUN PA 'O MA DANG BTAGS PAS BSKU BAR BYA'O, ,NGO SHIG AARDZU NA'I SHUN PA 'AM, ,BTZOD DANG SBRANG RTZI SBYAR BA YI, ,LDE GU 'AM RTA DKAR RMIG PA NI, ,BSREGS PA'I SNAG TSA MAR SBYAR BSKU, ,ZHES BYA BA LA, NGO SHIG LA NI AARDZU NA'I SHUN PA'I LDE GU LA SOGS PAS BSKU BAR BYA'O, ,TZANDAN DMAR PO BTZOD DANG NI, ,RU RTA SENG PHROM PRI YANG KU, ,SRAN CHUNG N+YA GRO DHA'I MYU GU, ,LDE GUS NGO SHIG SEL BYED CING, ,BZHIN MDANGS GSAL BAR BYED PA YIN, ,ZHES BYA BA LA, TZANDAN DMAR PO LA SOGS PA'I LDE GUS BSKUS NA NGO SHIG LA SOGS PA SEL BAR BYED DO, ,ZI RA GNYIS DANG TIL NAG DANG, ,YUNGS KAR 'O MAR BCAS PA NI, ,BTAGS PA'I LDE GUS GDONG BSKUS NA, ,NGO SHIG SEL ZHING ZLA 'DRAR BYED, ,
CES BYA BA LA, ZI RA GNYIS NI ZIR NAG PO DANG DKAR PO'I DBYE BAS GNYIS TE, DE LA SOGS PA'I LDE GUS BSKUS NA NGO SHIG DANG MTSAN MA CAN GYI SKYON MED PAR BYED DE ZLA BA DANG 'DRA BAR 'GYUR RO, ,SRAN CHUNG PHUB MA MED BRDOS PA, ,'O MA SBRANG RTZI MAR BTAGS BSKU, ,ZHES BYA BA LA, YANG NA SRAN CHUNG SPUN PA MED PAR BYAS TE BRNGOS PA 'O MA DANG BTAGS TE SBRANG RTZI DANG MAR DANG SBYAR BAS BSKUS NA YANG GDONG GI NGO SHIG LA SOGS PA'I SKYON SEL BAR BYED DO, ,TSER MA RNO BA'I SHAL MA LI'I, ,'O MAR BTAGS PAS BSKUS NA 'ANG PHAN, ,ZHES BYA BA LA, YANG NA SHAL MA LI'I TSER MA RNON PO 'O MA DANG BTAGS LA, GDONG BSKUS NA YANG NGO SHIG LA SOGS PA SEL ZHING BZHIN ZLA BA DANG 'DRA BAR BYED DO, ,RGYA SHUG TSI GU BU RAM BCAS, ,SBRANG RTZI RI BONG KHRAG SBYAR BSKU, ,ZHES BYA BA LA, YANG NA RGYA SHUG GI TSI GU LA SOGS PA'I LDE GUS BSKUS NA YANG YON TAN SNGA MA DANG 'DRA'O, ,RU RTA KHA LUNG KHU BA YI, ,NANG SBANGS SBRANG RTZIR BCAS PA'AM, ,ZHES BYA BA LA, YANG NA RU RTA KHA LUNG GI KHU BA'I NANG DU ZHAG BDUN SBANGS PA'I LDE GU DANG SBRANG RTZIR SBYAR BA BSKUS NA YANG YON TAN DE DANG 'DRA'O, ,RKANG MAR RTZA BA RA'I 'O MA, ,SBRANG RTZIR BCAS PA'I LDE GU'ANG PHAN, ,ZHES BYA BA LA, YANG NA RKANG MAR LA SOGS PA'I LDE GUS BSKUS NA YANG PHAN NO, ,RKANG MAR RTZA BA BA LANG RUS, ,SBRANG RTZI MAR DANG BCAS PAS BSKU, ,ZHES BYA BA LA, YANG NA RKANG MAR GYI RTZA BA DANG BA LANG GI SO LDE GUR BYAS LA, SBRANG RTZI MAR DANG SBYAR BAS BSKUS NA YANG PHAN NO, ,'DZAM BU AA MRA'I LO MA DANG, ,SER PO RNAM GNYIS ZHO GA CHU, ,BU RAM SAR PA SBYAR BA'AM, ,TIN DU KA YI LO MA YI, ,KHU BAR BTAGS PA 'ANG MDOG GSAL BYED, ,CES BYA BA LA, 'DZAM BU DANG AA MRA'I LO MA DANG SER PO RNAM GNYIS LA SOGS PA SBYAR BA'I LDE GU 'AM YANG NA TIN DU KA'I LO MA 'AM, SHUN PA RANG GI KHU BA DANG BCAS PA'I LDE GUS BSKUS NA YANG BZHIN GYI MDOG GSAL BAR BYED DO, AUTPAL SNGO DANG RU RTA DANG, ,TZANDAN SER PO BRI YANG KU, ,RGYA SHUG TSIG GU'I LDE GU YIS, ,GDONG NI BSKUS ZHING DRIL GYUR NA, ,PADMA'I MDOG DANG 'DRA BAR BYED, ,CES BYA BA LA, AUTPAL SNGON PO LA
, ,SOGS PA'I LDE GUS GDONG BSKUS SHING DRIL NA YANG, GDONG PADMA'I MDOG DANG 'DAB MA 'DRA BAR 'GYUR RO, ,TZANDAN SER PO NI KA LI YI KA STE, TZANDAN GSUM PA'O, ,SMAN NI 'DI DAG BTAGS PA DANG, ,SHING MDAR DANG BCAS BSKOL SNUM NI, ,NAD GZHI JI BZHIN MA LUS LA, , BTUNG DANG BSKU BA LA SOGS BYA, ,ZHES BYA BA LA, LDE GU'I DON SMOS PA'I SMAN GONG DU SMOS PA 'DI DAG NYID DANG, SHING MNGAR DANG BCAS PAR BSKOL BA'I SNUM NAD GZHI DANG DUS LA SOGS PA JI LTA BA BZHIN DU BTUNG BA DANG, BSKU BA LA SOGS PA'I SBYOR BA BYA'O, ,NAS DANG SENG PHROM SRA RTZI POG, SPRA TSIL SBRANG RTZI PU SHEL TZE, ,MAR DANG BU RAM BA GCIN NI, ,GZAR BUR CHAGS KYI BAR DU BSKOL, ,DE BSKUS PA YIS SME BA DANG, ,NGO SHIG MDZER PA MYUR SEL BYED, ,GDONG NI PADMA 'DRAR BYED CING, ,RKANG PA PADMA'I 'DAB 'DRAR BYED, ,CES BYA BA LA, NAS LA SOGS PA NAS BA GCIN GYI BAR GZAR BU LA CHAGS KYI BAR GYI LDE GUS BSKUS NA NGO SHIG SEL BAR BYED PA LA SOGS PA'I YON TAN SKYED PAR BYED DO, ,GUR GUM SHING MNGAR BU SHEL TZE, TZANDAN SER DANG RGYA SKYEGS DANG, ,TZANDAN DKAR DANG N+YA GRO DHA'I, ,RKANG PA GZHON NU SHUG PA DANG, ,DE BZHIN PADMA GE SAR DANG, AUTPAL SNGON PO BTZOD DANG BCAS, ,SRANG RE CHU BRE BZHI NANG DU, ,BSKOL TE BZHI CHA LUS PA RU, ,RGYA SKYEGS BTZOD DANG LE BRGAN RTZI, ,SHING MNGAR GUR GUM ZHO GNYIS GNYIS, ,PHYI MA TIL MAR SRANG BRGYAD DANG, ,DE YI NYIS 'GYUR 'O MA BSKOL, ,DE NI SNA SMAN TSUL BSTEN NA, ,SME BA NGO SHIG SKRA DKAR DANG; ,GNYER MA GDONG GI DRI MA SEL, ,GDONG GI SHA RGYAS MDOG GSAL BYED, ,CES BYA BA LA, GUR GUM LA SOGS PA SRANG RE JI SKAD SMOS PA BZHIN DU BSKOL LA TIL MAR DE SNA SMAN DU BSTEN NA SME BA LA SOGS PA SEL BAR BYED CING GDONG GI SHA RGYAS PA DANG, MDOG GSAL BAR BYED PA YIN NO, ,BTZOD DANG SENG PHROM SHA BA RI, ,RGYA SKYEGS LDONG ROS DU PA RI, ,GUR GUM RU RTA SER PO GNYIS, ,GI'U WANG TZANDAN RNAM GNYIS DANG, ,N+YA GRO DHA YI LO MA DANG, ,DNGUL CHU RMA SHING TZANDAN SER, ,DHA DU RA YI SHUN PA YI, ,SA BON PADMA GE SAR DANG, ,SBRA TSIL SPANGS MA SHUG PA
SOGS, ,ZHAG DANG 'O MA RKANG DANG MAR, ,'O MA CAN SHING 'O MA NI, ,BSKOL BA'I MAR NI BSKUS GYUR NA, ,RO SHIG GNYER MA SOGS 'JOMS SHING, ,BZHIN NI PADMA'I MDANGS 'DRAR 'GYUR, ,ZHES BYA BA LA, SHA BA RI NI BA TI KA RI 'DRA'O, ,DU PA RI NI AA DA KA'O, ,GZHAN NI GO BAR ZAD DO, BTZOD LA SOGS PA'I SMAN MAR BSKOL BA'I TSUL DU BSKOL BA'I SMAN MAR DE BTUNG BA DANG, SNA SMAN LA SOGS PAR BSTEN NA NGO SHIG DANG KHABS DANG GNYER MA LA SOGS PA SEL PAR BYED CING, BZHIN RAS ZLA BA'I MDANGS DANG LDAN PAR BYED DO, ,BRING GA RA DZA'I KHU BAR NI, ,'O MA CHU BSKOL SNA SMAN BSNGAGS, ,ZHES BYA BA LA, BRING GA RADZA'I KHU BA LA SOGS PA'I SNA SMAN BTANG NA YANG PHAN NO, ,PAGS PA TSOR MED LA RLUNG GI ,GSO BA DANG NI ME BTZA' BYA, ,ZHES BYA BA LA, PAGS PA TSOR BA MED PA'I NAD LA NI RLUNG LAS GYUR PA'I MDZE NAD KYI GSO BA DANG, ME BTZA' GDAB PAR BYAS NA PHAN NO, ,LPAGS NAD ZLUM POR BAD MKHRIS BSHAD, ,MDZE NAD SEL BA THAMS CAD PHAN, ,ZHES BYA BA LA, LPAGS NAD ZLUM PO KOR KOR POR NA BA LA NI, BAD KAN DANG MKHRIS PA LA PHAN PA'I SMAN THAMS CAD DANG, DE BZHIN DU MDZE NAD LA PHAN PA'I SMAN DANG KHA ZAS LA SOGS PA THAMS CAD PHAN NO, ,YAN LAG BRGYAD PA'I SNYING PO'I RNAM PAR 'GREL BA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U SUM CU RTZA GNYIS PA'I RNAM PAR 'GREL PA'O, ,,DE NAS GSANG BA'I GNAS KYI NAD DMIGS SHES PA BSHAD PAR BYA'O, , BUD MED NYAL PO SPANGS PA LAS, ,MOD LA BSTEN PAR GYUR PA 'AM, ,NAD DANG BCAS SHING DOG PA LAS, ,DRI MA CAN DANG ZLA MTSAN NAM, ,SKYE GNAS GZHAN DANG MI 'DOD DANG, ,BGROD MIN GSAR DU BTZAS PA DANG, ,DGA' BA'I MTHAR NI DUG CAN SOGS, ,CHUS REG PA'AM MA BKRUS DANG, ,BSKYED BA'I BSAM PAS SMAN RNON PO'I, ,LDE GU LA SOGS BSKUS PA DANG, ,KHU TSUR SO DANG SEN MO DANG, ,GRA MA DUG CAN GYIS REG DANG, ,SHUGS DGAG PA DANG YUN RING DU, ,REG PA RTZUB PAS BDAR BA'AM, ,NAD GZHI 'KHRUGS PAS GSANG BAR ZHUGS, ,
, ,SOS 'DZIN LTA BU LA SOGS NAD, ,NYI SHU RTZA GSUM 'BYUNG BAR 'GYUR, ,ZHES BYA BA LA, SKYES PA BUD MED LA 'KHRIG PA SPYOD PA'I NYAL PO SPANGS PAR GYUR PA LAS MOD LA 'PHRAL DU BUD MED BSTEN CING SPYOD PAR GYUR PA'AM, YANG BUD MED NAD DANG BCAS PA'AM, MTSAN DOG PA'AM, DRI MA CAN ZLA MCHAN 'DZAG BZHIN PA'AM, YANG NA SKYE GNAS MI MTHUN PAR GYUR PA GZHAN DAG GAM, BUD MED MI 'DOD BZHIN DU NAN GYIS 'JUG PA'AM, YANG NA BGROD PAR BYA BA MA YIN PA STE SLOB DPON GYI CHUNG MA LA SOGS PA LTA BU'AM, GSAR DU BU BTZAS PAR GYUR PA DANG, YANG NA DGA' BA'I MTHA' STE, 'KHRIG PA SPYAD PA'I RJES LA DUG LA SOGS PA DANG 'DRES PA'I CHUS BKRUS SHING REG PAR GYUR PA'AM, CHUS BKRUS PAR MA GYUR PA'AM, YANG NA PO MTSAN BSKYED PAR BYA BA'I BSAM PAS SMAN RNON PO'I LDE GUS PHO MTSAN LA BSKUS PA DANG, DE BZHIN DU KHU TSUR RAM SO 'AM SEN MO DANG GRAM DUG CAN GYIS REG PAR BYAS PA DANG, DE BZHIN DU BSHANG BA LA SOGS PA'I SHUGS DGAG PA DANG YANG NA YUN RING DU REG PA SHIN TU RTZUB PAS BDAR BAR GYUR PA'AM, RLUNG LA SOGS PA'I GNAD GZHI 'KHRUGS PAS GSANG BA ZHES BYA BA MTSAN GYI NANG DU ZHUGS PA STE, RGYU DE DAG GIS SOS 'DZIN PA LA SOGS PA'I NAD NYI SHU RTZA GSUM SKYED PAR BYED DO, ,SOS 'DZIN LTA BU 'DIR LNGA STE, ,NAD GZHI RE RE KHRAG LAS GYUR, ,'DUS PA'I NAD LAS GYUR PA'O, ,ZHES BYA BA LA, 'DIR DE DAG GI NANG NAS SOS 'DZIN PA'I NAD RNAM PA LNGA STE, RLUNG LA SOGS PA NAD GZHI RE RE LAS GYUR PA GSUM DANG, KHRAG LAS GYUR PA DANG, 'DUS PA LAS GYUR PA'O, ,DE LA RLUNG GYUR PHO MTSAN SKRANGS, ,NAD MANG RTAG LDANG LPAGS GAS PA'O, ,ZHES BYA BA LA, DE LA SOS 'DZIN PA ZHES BYA BA RNAM PA LNGA LAS RLUNG LAS GYUR PA'I SOS 'DZIN PA NI SKRANGS PA DANG, NAD MANG PO SNA TSOGS KYIS 'DEBS PA DANG, RTAG TU LDANG BA DANG, PAGS PA GAS PAR 'GYUR BA YIN NO, ,MKHRIS PA LAS GYUR SKRANGS RIMS 'DEBS, AU DUMB'A RA'I 'BRAS SMIN 'DRA, ,ZHES BYA BA LA, MKHRIS PA LAS GYUR
PA'I SOS 'DZIN PA NI SKRANGS PA DANG, RIMS KYIS 'DEBS PA DANG, SKRANGS PA'I MDOG AU DUMB'A RA'I 'BRAS BU SMIN PA 'DRA BA YIN NO, ,BAD KAN GYIS MKHRANG SNUM PA DANG, ,G-YA' ZHING SKRANGS LA LCI BA YIN, ,ZHES BYA BA LA, BAD KAN LAS GYUR PA'I SOS 'DZIN PA NI PHO MTSAN MA BRAD [?] PA [?] DANG SNUM PA LA SOGS PA YIN NO, ,KHRAG GYUR 'BRUM BU NAG PO 'BYUNG, ,KHRAG 'DZAG RIMS KYIS 'DEBS PAR BYED, ,CES BYA BA LA, KHRAG LAS GYUR PA'I SOS 'DZIN PA NI 'BRUM BU PHRA MO NAG PO 'BYUNG BAR 'GYUR BA DANG, DE BZHIN DU KHRAG 'DZAG PA LA SOGS PA YIN NO, , 'DUS GYUR MTSAN NYID KUN DANG LDAN, ,RLIG 'BRAS GNYIS KYANG SKRANGS PAR BYED, ,MI BZAD NA ZHING LTUNG BA DANG, ,GAS SHING SRIN BU SKYE BA YIN, ,ZHES BYA BA LA, NAD GZHI GSUM CHAR 'DUS PA LAS GYUR PA'I SOS 'DZIN PA'I MTSAN MA NI NAD GZHI GSUM CHAR GYI MTSAN NYID DANG LDAN PA DANG, DE BZHIN DU RLIG PA'I 'BRAS BU GNYIS SKRANGS PAR BYED PA DANG, DE BZHIN BRNAG PAR DKA' ZHING MI BZAD PAR NA LA LTUNG BAR 'GUR BA DANG, SRIN BU RNAMS SKYE BAR 'GYUR BA YIN NO, ,DE LAS KHRAG GYUR 'TSO BA TZAM, ,'DUS PA LAS GYUR 'CHI BAR BYED, ,CES BYA BA LA; LNGA PA DE DAG LA KHRAG LAS GYUR PA'I SOS 'DZIN PA MI LA BA TZAM DU RE ZHIG 'TSOR RUNG BA YIN LA, 'DUS PA LAS GYUR PA NI GSOR MI RUNG BA YIN NO, ,NAD 'KHRUGS PA LAS PHO MTSAN GNAS, ,SHA KHRAG LAS NI PHO MTSAN GYI, ,PHYI 'AM YANG NA NANG DU NI, ,MDZER PA G-YA' BAR BYED PA 'BYUNG, ,KHRAG NI SPYI BAG 'DZAG PAR BYED, ,CES BYA BA LA, RLUNG LA SOGS PA'I NAD 'KHRUGS PA LAS PHO MTSAN GYI GNAS SU SHA KHRAG LA BRTEN TE, DE'I PHYI ROL LAM NANG DU SHA'I MDZER PA G-YA' BAR BYED PA LA SOGS PA 'BYUNG BAR BYED PA YIN NO, ,MO MTSAN DE 'DRA GDUGS LTAR 'DUG ,DE NI 'BRUM NAD, CES BYA BA LA, DE BZHIN DU MO MTSAN DU YANG SHA'I MDZER PA SNGA MA DE DANG 'DRA BAR MDZER PA DANG G-YA' BAR BYED PA LA SOGS PA LA DBYIBS GDUGS LTAR 'DUG PAR 'GYUR TE, MDZER PA'I NAD DE NI 'BRUM NAD
, ,CES BYA'O, ,MA GSOS NA, PHO MO'I KHU KHRAG NYAMS BYED GSOD, ,CES BYA BA LA, NAD DE DAG GSO BAR MA BYAS NA SKYES PA'I PHO MTSAN NYAMS SHING KHU BA 'BYUNG BAR MI BYED PAR GSOD PA DANG, BUD MED KYI KHRAG NYAMS SHING GSOD PAR BYED DO, ,PHO MTSAN GYI NI PHYI 'AM NANG, ,BAD KAN KHRAG GYUR 'BRUM PHRAN NI, ,TSAD DANG DBYIBS NI YUNGS KAR 'DRA, ,STUG PO'I YUNGS KAR ZHES BYAR BSHAD, ,CES BYA BA LA, PHO MTSAN GYI PHYI ROL LAM NANG DU BAD KAN DANG, KHRAG LAS GYUR PA'I 'BRUM PHRAN TSAD DANG DBYIBS YUNGS KAR 'DRA BA STUG POR BYUNG BA DE NI; YUNGS KAR LTA BU'I 'BRUM PHRAN ZHES BYA'O ZHES DRANG SRONG RNAMS KYIS BSHAD DO, ,BAD KAN KHRAG GYUR 'BRUM BU NI, ,RING ZHING MANG POR GYUR BA LA, ,DBUS NAS GAS PA GANG YIN PA, ,DE NI NGES PAR 'JOMS ZHES BYA, ,NA ZHING BA SPU BRTZE BAR BYED, ,CES BYA BA LA, BAD KAN DANG KHRAG 'KHRUGS PAR GYUR PA LAS, 'BRUM BU PHRA MO DBYIBS RING ZHING MANG BOR 'BYUNG BAR 'GYUR LA, DES MTSAN GYI DBUS NAS GAS BAR GYUR PA GANG YIN PA DE NI MING NGES PAR 'JOMS PA ZHES BYA STE, DE NI NA BA DANG BA SPU BRTZE BAR BYED PA YIN NO, ,KHRAG MKHRIS LAS GYUR 'DZAM BU YI, , RUS PA LTAR 'DUG KHONG STONG CAN, ,ZHES BYA BA LA, PHO MTSAN KHRAG DANG MKHRIS PA LAS GYUR PA'I 'BRUM BU 'DZAM BU'I RUS PA 'AM, TSI GU 'DRA BA MYUR DU SMIN PAR BYED PA 'BYUNG BA GANG YIN PA DE NI MING KHONG STONG CAN ZHES BYA'O, ,'BRAS BYER GCIN SNYI 'DRAR SHES BYA, ,ZHES BYA BA LA, 'BRAS BYER BA ZHES BYA BA'I MTSAN NYID KYI NAD NI RANG BZHIN GCIN SNYI BA DANG 'DRA BAR SHES PAR BYA'O, ,KHRAG MKHRIS LAS GYUR 'BRUM PHRAN NI, ,MA SHA MUNGGA 'DRA MCHOG YIN, ,ZHES BYA BA LA, KHRAG DANG MKHRIS PA LAS GYUR PA'I 'BRUM PHRAN MON SRAN RDE'U'I DBYIBS 'DRA BA SKYES PA GANG YIN PA DE NI MCHOG CES BYA BA YIN PAR SHES PAR BYA'O, ,PADMA'I STENG DU GSER BZHIN, ,'BRUM BU 'BRUM PHRAN GYIS KHYAB PA, ,DE NI PADMA CAN ZHES BYA, ,ZHES BYA BA LA, 'BRUM BU GANG MCHAN GYI STENG DU PADMA LA GE SAR BYUNG BA LTA BU'I 'BRUM PHRAN GYIS KHYAB PA GANG YIN PA DE NI PADMA CAN ZHES BYA'O, ,LAG PA GNYIS KYIS RAB MNYES PA, ,DE NI MNYES
PA'I 'BRUM BUR 'GYUR, ,ZHES BYA BA LA, MTSAN LAG PA GNYIS KYIS SHIN TU MNYES PA LAS 'BRUM BUR GYUR PA NI MNYES PA'I 'BRUM BU ZHES BYA'O, ,MTSAN NI MNYES PAR GYUR PA LAS, ,RLUNG 'KHRUGS GYUR PA MNYES PA YIN, ,ZHES BYA BA LA, MTSAN MA LAG PAS YANG DANG YANG DU MNYES PAR GYUR PA LAS RLUNG 'KHRUGS PAR GYUR PA'I NAD NI MING MNYES PA ZHES BYA'O, ,MI MNYAM SRA ZHING YON POR NI, ,RLUNG 'KHRUGS GYUR PA GTUN SHING YIN, ,ZHES BYA BA LA, RLUNG LAS GYUR PA'I MTSAN NAD RANG BZHIN MI MNYAM PA DANG, SRA BA DANG YON POR GYUR PA NI DRANG SRONG RNAMS KYIS GTUN SHING ZHES BSHAD DO, ,RLUNG GIS MNYES PA LA SOGS PA'I, ,NAD 'KHRUGS MTSAN GYI PAGS PA NI, ,LDOG CING TSA LA NAD BCAS SHING, ,LA LAR SHU BA DAG TU 'GYUR, ,'DUS SHING MDUD PA CHAGS PA NI, ,DE YI NOR BU THUR DU 'PHYANG, ,PAGS PA LDOG PA'I NAD CES BYA, ,ZHES BYA BA LA, RLUNG LAS MNYES PA LA SOGS PA'I NAD 'KHRUGS BAR 'GYUR BA DANG, PHO MTSAN GYI PAGS PA PHYIR LDOG CING NAD DANG BCAS PAR GYUR PA DANG, LA LAR PAGS PA DE SHU BA BYUNG BAR GYUR LA, DE YANG PHYOGS GCIG TU 'DUS SHING MDUD PA 'AM, RMEN BU CHAGS PAS MTSAN DE'I MGO BO NOR BU ZHES BYA BA, THUR DU 'PHYANG BAR GYUR PA DE NI PAGS PA LDOG PA'I NAD CES BYA'O ZHES DRANG SRONG RNAMS KYIS BSHAD DO, ,BAD KAN BCAS LAS G-YA' ZHING SRA, ,RMA 'TSOB DKA' ZHING PAGS PA GAS, ,GAS PA'I NAD CES BYA BAR BSHAD, ,CES BYA BA LA; PAGS PA DE BAD KAN DANG BCAS PAS G-YA' BA DANG SRA BA LA SOGS PA'I MTSAN NYID DANG LDAN PA'I NAD DE NI GAS PA ZHES BYA'O, ,RLUNG GIS PAGS PA GNOD 'GYUR ZHING, ,NOR BU 'BYAR ZHING GCIN 'GAG 'GYUR, ,DE LAS RGYUN PHRAN NAD MED 'BYUNG, ,NOR BU'I KHA NI 'GAGS GYUR PAS; ,DE NI NOR BU'I NAD CES BYA, ,ZHES BYA BA LA, PHO MTSAN GYI PAGS PA LA RLUNG GIS GNOD CING MA RUNG BAR GYUR PAS, NOR BU'I PHYOGS SU 'BYAR CING GCIN GYI RGYUN 'GAGS PAR GYUR PA DE NAS GCIN GYI RGYUN PHRA ZHING NAD MED PAR 'BYUNG BAR 'GYUR LA, NOR BU KHA 'GAGS PAR
, ,GYUR PA NI PHO MTSAN GYI RTZE MO'I NOR BU'I NAD CES BYA'O, ,BAD KAN LAS GYUR MTSAN GYI NANG, ,GRA MAS GANG SNYAM MDUD PA'I NAD, ,CES BYA BA LA, PHO MTSAN GYI NANG GRA MAS GANG BSNYAM DU SEMS PA'I NAD DE NI BAD KAN LAS GYUR PA YIN TE, DE NI MDUD PA CAN GYI NAD CES BYA'O, ,GRA MAS GNOD PA'I KHRAG GI NAD, ,TSOR BA NYAMS PA DE MING CAN, ,ZHES BYA BA LA, GRA MAS GANG BA LTA BU'I NAD KYIS KHRAG LA GNOD PAR GYUR LA, DES NA TSOR BA NYAMS PAR GYUR PA DE NI DE'I MING CAN TE TSOR BA NYAMS PA ZHES BYA'O, ,RLUNG DANG KHRAG MKHRIS LAS GYUR PA; ,BU GA'I RTZE MO PHRA BA YIS, ,MTSAN GYI NANG NI KUN TU KHYAB, ,DE NI KHA BRGYA PA ZHES BYA, ,ZHES BYA BA LA, MTSAN GYI NANG NA BU GA PHRA MO DANG LDAN PAS KUN TU KHYAB PAR GYUR PA'I NAD RLUNG DANG KHRAG DANG MKHRIS PA LAS GYUR PA DE'I MING NI KHA BRGYA PA ZHES BYA'O, ,KHRAG MKHRIS LAS GYUR PAGS PA RNAMS, ,TSA ZHING RIMS BCAS PAGS PA SMIN, ,ZHES BYA BA LA, PHO MTSAN GYI PAGS PAR KHRAG DANG MKHRIS PA LAS GYUR PA'I NAD RNAGS PA LA SOGS PA GANG YIN PA DE NI PAGS PA SMIN PA ZHES BYA'O, ,'DUS PA LAS GYUR SHA RNAMS NI; ,THAMS CAD NGAN PAS SMIN PA YIN, ,ZHES BYA BA LA, NAD GZHI GSUM 'DUS PA LAS GYUR PA'I NAD PAGS PA RNAGS SHING NAD SNA TSOGS PA THAMS CAD DANG LDAN PA NI MING SHA SMIN PA ZHES BYA'O, ,'BRUM BU GNAG CING DMAR BA YI, ,'BRUM BU DAG GIS GNOD GYUR ZHING, ,PHO MTSAN SHIN TU NA BA GANG, ,DE NI KHRAG GI 'BRUM BU YIN, ,ZHES BYA BA LA, MTSAN GANG LA 'BRUM BU GNAG PA LA SOGS PA DAG GIS GNOD PAR GYUR PA GANG YIN PA DE NI MING KHRAG GI 'BRUM BU ZHES BYA'O, ,SHA YI MDZER PA SNGAR BSHAD DO, ,ZHES BYA BA LA, MTSAN LA SHA YI MDZER PA SKYES PA GANG YIN PA DE NI SNGAR BSHAD PA YIN NO, ,KHONG 'BRAS NAD GZHI GSUM LAS SKYES, ,ZHES BYA BA LA, MTSAN LA KHONG 'BRAS NAD GZHI GSUM LAS GYUR PA 'BYUNG STE, ,DE YANG SNGAR BSHAD PA YIN NO, ,'DUS PAS MTSAN NI RNAGS GYUR ZHING, ,SHA NI
NAG POR GYUR PA DANG, ,KUN NAS ZHIG PAR BYED PA GANG, ,DE NI TIL NAG CES BRJOD BSHAD, ,CES BYA BA LA, 'DUS PA'I NAD 'KHRUGS PA LAS PHO MTSAN RNAGS PA LA SOGS PAR GYUR PA GANG YIN PA DE NI TIL NAG CES BYA'O, ,SHA LAS GYUR BA'I 'BRUM BU RNAGS, ,KHONG 'BRAS TIL NAG CES BYA'O, ,BZHI PO 'DI DAG SPANG BAR BYA, ,LHAG MA RNAMS NI MYUR DU GSO, ,ZHES BYA BA LA, MTSAN GYI NAD DE RNAMS KYI NANG NAS SHA'I 'BRUM BU LA SOGS PA BZHI PO DAG NI YONGS SU SPANG BAR BYA'O, ,LHAG MA NAD BCU DRUG PO NI MYUR DU GSO BAR BYA'O, ,KHA ZAS GNOD PA ZOS PA DANG, ,MAL STAN MI BDER NYAL BA DANG, ,NYAL PO BSTEN NI DRAGS PA DANG, ,NANG NA NAD KHRAG SMAN GNOD DANG, ,SA BON NYES PA RNAM SMIN LAS, ,MNGAL GYI NAD NI NYI SHUR 'GYUR, ZHES BYA BA LA, KHA ZAS MI 'PHROD PA LA SOGS PA'I RGYUS MNGAL GYI NAD NYI SHU 'BYUNG BAR 'GYUR TE, ,KHA ZAS GNOD PA ZOS PA DANG, MAL STAN MI BDE BAL GNOD PA DANG BCAS PAR NYAL BA DANG, 'KHRIG PA'I NYAL PO HA CANG BSTEN DRAGS PA DANG, DE BZHIN DU NAD KHRAG CAN GYI ZLA MTSAN 'DZAG PA DANG, GNOD PAR BYED PA'I SMAN BSTEN PA DANG, SA BON NYES PA DANG LDAN PA DANG, SNGON GYI LAS NI MI DGE BA BYAS PA'I RNAM PAR SMIN PAS NAD DU 'GYUR RO, ,RLUNG GIS MNGAL LA GNOD GYUR PAS, ,NA ZUG YANGS SHING TSOR BA MED, ,GROG MAS KHYAB PA SNYAM DU SEMS, ,SRA ZHING RTZUB PA SGRA DANG BCAS, ZLA MTSAN SLA ZHING LBU BA CAN, ,NYUNG ZHING GNAG PA 'DZAG PAR BYED, ,CHU SO RTZIB LOGS LHOD PA DANG, ,NA ZHING RIM GYIS SKRAN BSKYED LA, ,RANG NGAN NYES PA DE DANG DE, ,DE NI RLUNG CAN YIN ZHES BSHAD, ,CES BYA BA LA, ,RLUNG GIS NAD 'KHRUGS PAR GYUR PA LAS MO MTSAN NAM MNGAL DU NA ZHING ZUG PAR 'GYUR BA DANG, YANGS SHING KHA 'BYE BA DANG, TSOR BA MED CING BEM BEM POR 'DUG PA DANG, GROG MAS KHYAB CING RGYU BSNYAM DU SEMS PA DANG, SRA ZHING RENGS PA DANG, RTZUB PA
, ,DANG; SGRA DANG BCAS PAR BYED PA DANG, ZLA MTSAN SLA BA LA SOGS PA 'DZAG PA DANG, CHU SO LA SOGS PA LHOD PA DANG, LHANG LHANG POR NA BA DANG, RIM GYIS GNAS DER SKRAN SKYE BAR 'GYUR BA DANG, DE BZHIN DU RLUNG LAS GYUR PA'I NAD KYI NYES PA 'DIR MA SMOS PAS GZHAN YANG BYED DE, NAD DE NI MING RLUNG CAN ZHES BYA'O, ,DE NYID SHAS CHER SPYAD NA SKRANG, ,BCAS PA NYAL PO DRAGS ZHES BYA, ,ZHES BYA LA, RLUNG CAN GYI NAD DE NYID LA SHAS CHER NYAL PO SPYAD CING BSTEN DRAGS NA SKRANG PA DANG BCAS PAR 'GYUR TE, DE NI NYAL PO DRAGS PA'I NAD CES BYA'O, ,SHIN TU GZHON LA 'KHRIG PA SPYAD, ,RGYAB DANG CHU SO BYIN PAR NI, ,NA ZHING MNGAL LA GNOD BYED PA, ,DE NI SPYAD SNGAS PA ZHES BYA, ,ZHES BYA BA LA, BUD MED SHIN TU GZHON PA LA 'KHRIG PA SPYAD PAS, RGYAB DANG, CHU SO DANG, BYIN PA NA ZHING, MNGAL LAM MO MTSAN LA GNOD PAR BYED PA DE NI SPYAD SNGAS PA'I NAD CES BYA'O, ,SHUGS 'KHYIL PA YI MNGAL DU NI, ,RLUNG GIS GNOD PA 'GYUR PA LAS, ,ZLA MTSAN LBU BA CAN 'BYUNG BA, ,'KHYIL BA LTA BUR SNANG GYUR PA, ,NAD 'DI 'KHYIL PA CAN ZHES BYA, ,ZHES BYA BA LA, GANG GI TSE SHUGS BKAG PA LA SOGS PA'I RGYUS MNGAL DU RLUNG GIS GNOD PA SKYED PAR GYUR PAS ZLA MTSAN LBU BA CAN 'BYUNG BAR 'GYUR ZHING, DE YANG DBA' 'KHYIL BA LTAR SNANG BA 'DI NI 'KHYIL PA CAN ZHES BYA'O, ,GANG TSE RLUNG NI RTZUB POS BU, ,SKYE ZHING SKYE ZHING GSOD BYED PA, ,SKYES NAS GSOD PA ZHES BYAR BSHAD, ,CES BYA BA LA, GANG GI TSE RLUNG 'KHRUGS PA'I RTZUB PA'I DBANG GIS MNGAL GYI NANG DU SKYE ZHING SKYE ZHING 'CHI BAR BYED PA DE NI SKYES NAS GSOD PA ZHES BYA'O, ,'GRANGS DRAGS MI MNYAM GNAS PAR NI, ,'DOD PA SPYAD PAS RLUNG 'KHRUGS SHING, ,GZHAN GYIS GNOD PAR GYUR PA LAS, ,MTSON GYI BU GA SHA RUS LA, ,GNOD GYUR MNGAL NI YON POR 'GYUR, ,NA GYUR NANG DU KHA BLTAS YIN, ,ZHES BYA BA LA, BUD MED KHA ZAS KYIS 'GRANGS DRAGS PA MI MNYAM PAR GNAS PA LA 'DOD PA SPYAD PAS
RLUNG NAD GZHAN GYIS BSKYOD CING GNOD PAR GYUR PA LAS, MO MTSAN GYI BU GA DANG SHA DANG RUS PAS GNOD PAR GYUR PAS YON POR 'GYUR TE, NAD DE'I MING NI NANG DU KHA BLTAS PA ZHES BYA'O, ,KHA ZAS RLUNG CAN BSTEN PA YIS, ,ZLA MTSAN RLUNG GIS GNOD GYUR ZHING, BUD MED MO MTSAN ZHUM GYUR PAR, ,BYED PA DE NI KHABS MIG YIN, ,ZHES BYA BA LA, KHA ZAS RLUNG CAN BSTEN PA'I DBANG GIS RLUNG 'KHRUGS PAR 'GYUR ZHING, BUD MED KYI MO MTSAN ZHUM PAR GYUR PA DE NI MING KHABS MIG CAN ZHES BYA'O, ,DUS SU SHUGS BKAG RLUNG 'PHEL BAS; ,BSHANG DANG GCI BA 'GAG BYED CING, ,MO MTSAN SKAM PAR BYED PA DANG, ,SHAS CHER NA BA MNGAL SKAMS YIN, ,ZHES BYA BA LA, DGA' BAR SPYOD PA'I DUS SU SHUGS BKAG PAS RLUNG 'KHRUGS TE, BSHANG BA DANG GCI BA 'GAG PAR BYED PA'I NAD DE NI MO MTSAN SKAM ZHING SHIN TU NA BAR BYED PA YIN PAS NA MNGAL SKAMS PA ZHES BYA'O, ,ZHAG DRUG GAM NI ZHAG BDUN NAS, ,RLUNG GIS MNGAL GNAS KHU BA 'BYIN, ,NAD BCAS PA 'AM NAD MED PA, ,DE NI KHU BSLON [?] ZHES BYA, ,ZHES BYA BA LA, BUD MED GANG 'DOD PA SPYAD NAS ZHAG DRUG GAM BDUN RLUNG GIS MNGAL GYI GNAS NAS KHU BA NAD MED PA 'AM NAD DANG BCAS PA 'BYIN PAR BYED PA'I NAD DE NI KHU BA SLON PA ZHES BYA'O, ,BUD MED MNGAL DANG SA BON GYI, ,NYES PA RLUNG GIS GNOD GYUR ZHING, ,'KHRIG PAR MI DGA' NU MA MED, ,MA NING YIN TE GSOR MI RUNG, , ZHES BYA BA LA, BUD MED KYI MNGAL DU SKYES PA'I SA BON GYI NYES PAR RLUNG GIS NAD SKYED DE 'KHRIG PA LA MI DGA' ZHING SKYES PA MI 'DOD PAR GYUR PA DANG, NU MA MED PAR GYUR PA NI MING MA NING ZHES BYA STE, DE NI GSOR MI RUNG BA YIN NO, ,MNGAL GYI NANG DU RLUNG GIS NI, ,GNOD GYUR MO MTSAN KHONG KHAR GNAS, ,BYE BA 'AM LHOD PAR GYUR PA DANG, ,RLUNG CAN BZHIN DU NA GYUR PA, ,SHA NI MTHO BAR GYUR PA STE, ,MO MTSAN CHE NAD TSABS CHE BYA, ,ZHES BYA BA LA, MNGAL GYI NANG DU RLUNG GIS GNOD PA BYAS NAS, MNGAL GYI KHA DANG KHONG PAR GNAS TE MO MTSAN BYE BA 'AM, LHOD
, ,LHOD POR GYUR CING RLUNG CAN GYI NAD LTAR NA BA DANG, SHA MTHO LA MO MTSAN CHE ZHING RGYAS PAR GYUR PA NI, MO MTSAN CHE BA DANG NAD TSABS CHE BA ZHES BYA'O, ,MKHRIS PA MNGAL NA GNAS PA YI, ,NANG GI NAD GZHIS GNOD GYUR PA, ,TSA BA'AM RNAGS PAR BYED 'GYUR ZHING; ,DRI MNAM RIMS KYIS 'DEBS PA DANG, ,SHIN TU TSA ZHING RO LTAR MNAM, ZLA MTSAN SNGO NAG SER POR 'DZAG ,NAD DE MKHRIS PA CAN ZHES BYA, ,ZHES BYA BA LA, MKHRIS PA RANG GI GNOD PA'I RGYUS 'KHRUGS PAR GYUR PA MNGAL NA GNAS PA DE CHA BA LA SOGS ZLA MTSAN 'DZAG PAR 'GYUR TE, NAD DE NI MKHRIS PA CAN ZHES BYA'O, ,ZLA MTSAN CHER 'DZAG KHRAG CAN YIN, ,ZHES BYA BA LA, ZLA MTSAN SHAS CHER 'DZAG PA NI MING KHRAG CAN ZHES BYA'O, ,BAD KAN SKYED PAR BYED PA YIS, ,MO MTSAN GNOD GYUR NA BA MED, ,GRANG ZHING G-YA' LA DKAR BA DANG, ,SPYI BAG TU NI 'DZAG PAR BYED, ,NAD DE BAD KAN LAS GYUR YIN, ,ZHES BYA BA LA, BAD KAN SKYED PAR BYED PA'I KHA ZAS LA SOGS PAS BAD KAN 'KHRUGS TE, DE'I DBANG GIS MO MTSAN NA BA MED CING GRANG BA LA SOGS PA'I NAD DANG LDAN PA NI BAD KAN CAN GYI MNGAL NAD CES BYA'O, ,RLUNG MKHRIS 'KHRUGS PAS ZLA MTSAN ZAD, ,TSA ZHING LUS SKEMS MDOG MI SDUG ,DE NI KHRAG ZAD PA ZHES BYA, ,ZHES BYA BA LA, RLUNG DANG MKHRIS PA 'KHRUGS PAS ZLA MTSAN ZAD PA LA SOGS PA KHRAG ZAD PA'I NAD CES BYA'O, ,MKHRIS PA SHAS CHE NYAL PO BSTEN, ,SBRID PA SGREGS PA BKAG PA LAS, ,MKHRIS PAR BCAS PA'I RLUNG GIS NI, ,MNGAL DU GNOD PA SKYED PAR 'GYUR, ,SKRANG ZHING NYAM THAG REG MI BZOD, ,ZLA MTSAN SNGO DANG SER PO 'BYUNG, ,PHO BA'I LTO NI LCI BA DANG, ,'KHRU ZHING YI GA 'CHUS PAR BYED, ,CHU SO BRLA NI NA ZHING ZUG ,RIMS SKYED YONGS RGYAS NAD CES BYA, ,ZHES BYA BA LA, BUD MED MKHRIS PA SHAS CHE BA LA NYAL PO BSTAN PAR 'GYUR PA DANG; SBRID PA SGREGS PA BKAG PAR GYUR PA'I RGYU LAS MKHRIS PA DANG RLUNG 'KHRUGS PAR GYUR PAS MNGAL DU NAD SKYED PAR BYED DO, ,DE NI SKRANGS PA LA SOGS PA'I MTSAN NYID CAN GANG YIN PA DE NI YONGS SU RGYAS PA'I NAD CES BYA'O, ,RLUNG DANG BAD KAN NAD GYIS KHYAB, ,MNGAL
NAS SKYA ZHING SPYI BAG 'DZAG ,NYE BAR 'DZAG PA ZHES BYA'O, ,ZHES BYA BA LA, MNGAL DU RLUNG DANG BAD KAN GYI NAD KYIS KHYAB PAR GYUR PA LAS SKYA BA LA SOGS PA 'DZAG PA'I NAD DE NI NYE BAR 'DZAG PA ZHES BYA'O, ,SRIN BU SKYES ZHING G-YA' BAS 'DOD PA LA; ,RAB GDUNGS DE NI RNAM PAR G-YENG ZHES BYA, ,ZHES BYA BA LA, MNGAL DU SRIN BU SKYES SHING G-YA' BA LA SOGS PA'I MTSAN NYID DANG LDAN PA DE NI RNAM PAR G-YENG BA ZHES BYA'O, ,DUS MIN SPYOD PAR GYUR PAS RLUNG, ,BAD KAN KHRAG DANG 'DRES GYUR TE, ,ZLA MTSAN LAM NI 'GAGS BYED DE, ,MNGAL DU LTE BA SKYED PAR BYED, ,DE NI PADMA'I SNYING PO YIN, ,ZHES BYA BA LA, DUS MA YIN PAR SPYAD PA'I RGYUS RLUNG 'KHRUGS SHING BAD KAN DANG KHRAG 'DRES PAR GYUR PA LAS MNGAL DU ZLA MTSAN 'GAGS PAR BYAS NAS LTE BA LTA BUR SKYED PAR BYED PA DE NI PADMA'I SNYING PO CAN ZHES BYA'O, ,NAD GZHI GSUM NI MO MTSAN GYI, ,MNGAL GNAS RANG RANG GNOD PA SKYED, ,'DUS PA LAS GYUR NYES PA YIN, ,ZHES BYA BA LA, RLUNG LA SOGS PA'I NAD GZHI GSUM PO MO MTSAN DANG MNGAL DU GNAS PA LAS RANG RANG GI GNOD PA SKYED CING NAD 'BYIN PA NI 'DUS PA LAS GYUR PA ZHES BYA'O, ,DE LTAR BUD MED MNGAL NAD KYIS, ,KHU BA 'DZIN PAR MI BYED DE, ,DES NA MNGAL DU BU MI CHAGS, ,MI BZAD NAD KYANG SKYE 'GYUR ZHING, ,KHRAG 'BYUNG GZHANG 'BRUM SKRAN LA SOGS, ,RLUNG SOGS NAD NI KUN SKYED BYED, ,CES BYA BA LA, TSUL DE LTAR NA MNGAL GYI NAD RNAM PA NYI SHUR BSHAD PA YIN LA, DES NA BUD MED KYI MNGAL DU SA BON 'DZIN PAR MI BYED DE, DE'I PHYIR BU MI CHAGS PA DANG, MI BZAD PA'I NAD KHRAG 'BYUNG BA DANG, GZHANG 'BRUM LA SOGS PA'I NAD DANG RLUNG LAS GYUR PA'I NAD THAMS CAD SKYED PAR BYED DO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U SUM CU RTZA GSUM PA'I RNAM PAR 'GREL PA'O,, ,,
, ,DE NAS GSANG BA'I GNAS KYI NAD GSO BA BSHAD PAR BYA'O, ,SOS 'DZIN 'DRA BA GSAR BYUNG LA, ,PHO MTSAN DBUS NAS GTAR GA GDAB, ,BSIL BA'I GSO BAS SBYANG BAR BYA, ,KHYAD PAR DU NI BKRU SMAN GTANG, ,ZHES BYA BA LA, ,SOS 'DZIN PA'I NANG DU SKYES MA THAG PA LA NI RNAGS PAR MI 'GYUR BAR BYA BA'I PHYIR, ,PHO MTSAN GYI DBUS NAS GTAR GA GDAB PA LA SOGS PA'I GSO BA BYA'O, ,SMIN NA TIL GYI LDE GU NI, ,SBRANG RTZI MAR DANG BCAS PA BSKU, ,ZHES BYA BA LA, NAD DE GAL TE SMIN PAR GYUR NA GTZAGS BUS BRTOL NAS TIL GYI LDE GU DANG SBRANG RTZI DANG MAR SBYAR BAS BSKU BAR BYA'O, ,'DZAM BU AA MRA KLU SHING DANG, ,NIM PA KAM PO DZA'I MYU GU, ,RGYA SHUG BIL BAS LI KA, ,RGYA SKYEGS TI NI SHA SHING SHUN, ,'O MA CAN GYI SHING GI SHUN, ,'BRAS BU GSUM NI CHUR BSKOL BA'I, ,KHU BA DES NI BKRU BA DANG, ,DE BSKOL TIL MAR GYIS RMA 'TSOB, , CES BYA BA LA, ,GZHAN YANG 'DZAM BU LA SOGS PA'I MYU GU DANG, RGYA SHUG LA SOGS PA'I SHUN PA DANG, 'O MA CAN GYI SHING GI SHUN LPAGS DANG, 'BRAS BU GSUM SMAN KHU BA BSKOL BA'I SBYOR BAS BSKOL LA, DES SOS 'DZIN PA'I NAD LA BKRU BAR BYA ZHING, DE DANG BSKOL BA'I TIL MAR GYIS BSKU BAR BYA'O, ,SPANGS MA SENG PHROM BTZAG YUG SNAM, ,SUG SMEL LDONG ROS BA BLA DANG, ,NAG TSUR RGYA TSA SKYER KHAndA, ,RGYA MA TSA HA RE nU KA YI, ,PHYE MA SBRANG RTZI SBYAR BAS BSKU, ,SOS 'DZIN LTA BU'I RMA 'TSOB BYED, ,CES BYA BA LA, SPANGS MA LA SOGS PA'I SMAN JI SKAD SMOS PA'I SBYOR BAS LDE GU BYAS PAS BSKUS NA YANG NAD DE'I RMA 'TSOB PAR BYED DO, ,KHAM PHOR SBYAR BAR 'BRAS BU GSUM, ,BSREGS PA MAR BCAS RMA 'TSOB BYED, ,CES BYA BA LA, 'BRAS BU GSUM KHAM PHOR KHA SBYAR GYI NANG DU BSREGS PA'I PHYE MA MAR DANG BCAS TE BSKUS NA YANG RMA 'TSOB PAR BYED DO; ,'DI NI SPYI YI GSO BA YIN, ,RE RE SKRANG PA LTA BUR GSO, ,ZHES BYA BA LA, GSO BA 'DI NI SOS 'DZIN PA LTA BU'I SPYI'I YIN GYI, ,NAD GZHI THA DAD PA LAS GYUR PA NI SKRANG PA'I NAD LTAR GSO BAR BYA'O, ,SMAN PAS CI NAS RNAGS PAR NI, ,MI 'GYUR DE LTAR 'BAD PAR BYA, ,RNAGS
NA RGYUS PA RTZA DANG SHA ,ZHIG PAS PHO MTSAN MA RUNG 'GYUR, ,ZHES BYA BA LA, SMAN PAS SBYOR BA THAMS CAD KYIS NAD DE RNAGS PAR MI 'GYUR BA LA 'BAD PAR BYA STE, RNAGS NA NI THAMS CAD DU MA RUNGS PAR 'GYUR BA'I SKYON YOD DO, ,'BRUM PA BCAD DANG BSREGS PA YI, ,GSO BA SOS 'DZIN LTA BUR BYA, ,ZHES BYA BA LA, MTSON GYIS 'BRUM PA BCAD PA DANG, BSREGS PA'I RMA GSO BA YANG SOS 'DZIN PA DANG 'DRA BAR BYA'O, ,BRUD NAS YUNGS KAR BYE ZHIB DANG, ,BSKOL SMAN PHYE MAS GDAB PAR BYA, ,ZHES BYA BA LA, YANG NA DE LA DANG POR BRUD CING BZHAR LA, YUNGS KAR GYI PHYE MA ZHIB TU BTAGS PA BTAB PAR BYA BA DANG, BSKOL SMAN SNGA MA'I PHYE MAS GDAB BAR BYA'O, ,TIL MAR DE NYID KYIS BSKU ZHING, ,RMA 'TSOB PA YI GSO BA BYA, ,ZHES BYA BA LA, YANG SMAN GYI PHYE MA DE DANG BSKOL BA'I TIL MAR GYIS BSKU ZHING RMA GSO BAR BYA'O, ,MNYE GSO BA NI 'DI NYID BYA, ,DE DAG GNYI GAR GTAR GA GDAB, ,CES BYA BA LA, YANG SBYOR BA 'DI NYID NI MNYE BA ZHES BYA BA MTSAN GYI NAD LA YANG BYA LA, DE BZHIN DU MNYE BA YUNGS KAR LTA BU ZHES BYA BA GNYI GA LA GTAR GA GDAB PAR BYA'O, ,KHONG STONG LA NI GTAR GA BYA, ,RNAGS LA RMA NI DAG PAR BYA, ,TIN DU KA DANG 'BRAS BU GSUM, ,SENG PHROM LDE GU TIL MAR BSKU, ,ZHES BYA BA LA, KHONG STONG ZHES BYA BA LA NI DANG POR GTAR GA GDAB PAR BYA LA, RNAGS PA LA NI BRTOL TE RMA DAG PAR BYAS NAS, TIN DU KA LA SOGS PA'I LDE GUS BSKU BAR BYA BA DANG, YANG NA SMAN DE NYID DANG BSKOL BA'I TI LA MAR GYIS BSKUS NA RMA 'TSOB PAR BYED DO, ,'BRAS BYER LA NI GTAR GA GDAB, ,GSO BA'I RIM PA 'DI NYID BYA, ,ZHES BYA BA LA, 'BRAS BYER BA LA NI GTAR GA GDAB CING, BSHAD MA THAG PA'I GSO BA 'DI NYID BYA'O, ,MCHOG CES BYA BA'I 'BRUM BU NI, ,BRTOL TE LCAGS KYUS BLANGS TEG CAD, ,LDE GU PHYE MA SMAN KHU NI, ,SBRANG RTZIR BCAS PAS GSO BAR BYA, ,ZHES BYA BA LA, MCHOG LA NI GCAD PA DANG, LDE GUS GSO BAR BYA'O, ,MNYE DANG PADMA CAN LA NI, ,MKHRIS PA'I ME DBAL GSO BAR BYA, ,ZHES BYA BA LA, MNYE BA DANG PADMA CAN ZHES BYA BA LA NI,
, ,MKHRIS PA LAS GYUR PA'I ME DBAL GYI GSO BA JI SKAD SMOS PA BYA'O, ,PAGS SMIN TSOR BA MED PA LA'ANG, ,PHO MO'I GSO BA 'DI NYID BYA, ,ZHES BYA BA LA, PAGS PA SMIN PA DANG TSOR BA MED PA'I NAD SKYES PA DANG, BUD MED GNYI GA LA YANG MKHRIS PA'I ME DBAL GSO BA JI SKAD SMOS PA BYA'O, ,MNYE LA DUGS NI BYA BA DANG, ,BA LA'I SMAN MAR DRO 'JAM BLUGS, ,MNGAR BA'I SMAN SBYAR DKRI DUGS BYA, ,ZHES BYA BA LA, MNYE BA ZHES BYA BA'I MTSAN GYI NAD LA NI DUGS BYA BA DANG, BA LA'I SMAN MAR DRO 'JAM TZAM BLUGS PA DANG, MNGAR BA'I SMAN GYI SDE TSAN SBYAR BA'I DKRI BA'I DUGS BYA'O, ,GTUN SHING 'DRA LA GTAR GA GDAB, ,BAD KAN RMEN BU LTA BUR GSO, ,ZHES BYA BA LA, GTUN SHING 'DRA BA LA NI RNGABS RVA LA SOGS PAS KHRAG DBYUNG LA, DE'I 'OG TU BAD KAN LAS GYUR PA'I RMEN BU DANG TSUL MTHUN PAR GSO BAR BYA'O, ,PAGS PA LDOG LA MAR GYIS BSKU, ,SA LBA LA SOGS SNUM GYUR PAS, ,ZHAG GSUM MAM NI ZHAG LNGA RU, ,DKRI BA'I DUGS NI SPYAD PAR BYA, ,ZHES BYA BA LA, PAGS PA LDOG PA'I MTSAN GYI NAD LA NI MAR GYIS BSKUS LA, DE'I 'OG TU SA LBA LA SOGS PA DUGS KYI LE'U LAS BSHAD PA BZHIN DU SNUM LAS ZHAG LNGA'AM ZHAG GSUM GYI BAR DU DKRI BA'I DUGS BYA'O, ,DUGS BYA DE YI 'OG TU NI, ,SNUM GYUR PAGS PA DRANG BAR BYA, ,NOR BU RIM GYIS BTZIR NAS NI, ,CHUD NAS NYE BAR DKRI BAR BYA, ,NOR BU YANG YANG SNUM CHOS BYA, ,KHA ZAS SNUM CAN SBYIN PA'ANG PHAN, ,ZHES BYA BA LA; DE'I 'OG TU YANG DUGS BYAS LA, MAR GYI SNUM CHOS BYAS TE, PAGS PA DRANGS LA NOR BU CHUD PAR BYA'O, ,CHUD NAS KYANG YANG DKRI BAR BYA'O, ,YANG NAD 'DI LA KHA ZAS SNUM PA DANG BCAS PA YANG SBYIN PAR BYA'O, ,GAS PA LA YANG CHO GA YI, ,RIM PA JI BZHIN BYAS PA 'ANG PHAN, ,ZHES BYA BA LA, BSHAD MA THAG PA RE SBYOR BA 'DI NI GAS PA ZHES BYA BA'I NAD LA YANG SBYAR BAR BYA'O, ,'GAGS PA SBU GU KHA GNYIS PA, ,RGYA SKYEGS KYIS NI DKRIS PA LA, ,SNUM BSKUS BU GAR BCUG NAS NI, ,RLUNG 'JOMS SNUM NI BLUGS PAR BYA, ,ZHES BYA BA LA, NOR BU 'GAGS PAR GYUR
PA LA NI, SBU GU KHA GNYIS PA RGYA SKYEGS KYIS BSGOS PA LA SNUM BSKUS PA BCUG LA, RLUNG 'JOMS PA'I SMAN BLUGS PAR BYA'O, ,SBU GU ZHAG NI GSUM GSUM NAS, ,LEGS PAR BSKYED DE SPANG BAR BYA, ,ZHES BYA BA LA, DE'I 'OG TU ZHAG GSUM GSUM NAS SBU GU DE BSKYED DE SBANG [?] BAR BYA'O; ,SBU GU'I SBYOR BAS MA GRUB NA, ,MKHAS PAS MDO MAS KYI SRUBS CAN NI, ,BOR TE MTSON GYIS DRAL NAS KYANG, ,DE 'OG RMA GSAR CHO GA BYA, ,ZHES BYA BA LA, DE LTA BU SBU GU'I SBYOR BA NI GSO BAS GRUB CING, SOS PAR MA GYUR NA, SMAN PA MKHAS PAS SRUBS CAN MA GTOGS PAR MTSON GYIS DRAL LA, DE'I 'OG TU RMA GSAR PA GSO BA'I CHO GA LTAR GSO BAR BYA'O, ,RMEN BUR SBU GU'I DUGS BYAS LA, ,SNUM ZHING DRO BAS DKRI BAR BYA, ,ZHES BYA BA LA, RMEN BU MDUD BA CAN GYI MTSAN GYI NAD LA NI SBU GU'I DUGS KYIS DUGS BYAS LA, SNUM PA DRO BA'I DUGS KYIS DKRI BAR BYA'O, ,KHA BRGYA PA NI BZHAR NAS KYANG, ,BSKA BA SBRANG RTZIR SBYAR BAS BSKU, ,ZHES BYA BA LA, KHA BRGYA PA ZHES BYA BA'I MTSAN GYI NAD LA NI GTZAGS BUS BZHAR LA SMAN RO BSKA BA DANG SBRANG RTZIS BSKU BAR BYA'O, ,KHRAG GI 'BRUM BU KHRAG GI NI, ,KHONG 'BRAS BZHIN DU GSO BAR BYA, ,ZHES BYA BA LA, KHRAG GI 'BRUM BU ZHES BYA BA'I NAD LA NI KHRAG LAS GYUR PA LI BONG 'BRAS DANG 'DRA BAR GSO'O, ,KUN LA RMA YI GSO BA NI, ,GNAS SKABS JI BZHIN SBYAR BAR BYA, ,ZHES BYA BA LA, MTSAN GYI NAD THAMS CAD LA YANG GNAS SKABS DANG SBYAR TE, RMA GSO BA'I CHO GA SBYAR BA DANG, LDE GUS BSKU BA LA SOGS PA'I GSO BA BYA'O, ,MNGAL GYI NAD LA MANG DU NI, ,SNUM CHOS DUGS DANG MAS GTONG SOGS, ,RLUNG 'JOMS PA YI GSO BA BSNGAGS, ,RLUNG LAS GYUR LA MCHOG TU SBYAR, ,ZHES BYA BA LA, MNGAL GYI NAD THAMS CAD LA NI PHAL CHER SNUM CHOS DANG, DUGS LA SOGS PA'I RLUNG GSO BA'I SBYOR BA BYA'O, ,DE LAS KYANG KHYAD PAR DU RLUNG LAS GYUR PA LA NI LHAG PAR BYA'O, ,BUD MED KYI NI MNGAL GYI NAD, ,RLUNG MA GTOGS PAR 'BYUNG MI 'GYUR, ,DE BAS RLUNG NI BSAL BYAS LA, ,NAD GZHAN GYIS NI GSO SMAN BYA, ,ZHES BYA BA LA, GANG GI PHYIR NAD DE NI RLUNG MA YIN PA GZHAN
, ,LAS SHAS CHER MI 'BYUNG BAS, DE'I PHYIR DANG POR DE BSAL LA, DE'I 'OG TU GZHAN GSO BAR BYA'O, ,BA LA'I TIL MAR BLUD BYA ZHING, ,'DREN MA SKYE DE'I 'O MA BLAD, ,CES BYA BA LA, YANG BUD MED DE LA BA LA'I TIL MAR LA SOGS PA BLUD PAR BYA'O, ,SNUM CHOS DUGS NI BYAS TE MNGAL, ,NYES PAR GNAS PA MNYAM DU GZHAG ,YON PO LAG PAS DRANG POR BSRANG, ,ZHUM PA SLAR NI BSKYED PAR BYA, ,BYUNG BA SLAR NI GZHUG BYA ZHING, ,GYES PA YONGS SU BZLOG PAR BYA, ,MNGAL NI GNAS NAS G-YOS GYUR PA, ,BUD MED ZUG RNGUR GYUR PAR 'DOD, , CES BYA BA LA, MNGAL NYES PAR GNAS PA LA SNUM CHOS LA SOGS PA BYA STE, DE'I 'OG TU LAG PAS MNYAM DU LEGS PAR GZHAG PA DANG, YON PO NI DRANG POR BSRANG BAR BYA BA DANG, ZHUM PA BSKYED PA LA SOGS PA BYA STE, GANG GI PHYIR BUD MED KYI MNGAL RANG GI GNAS LAS G-YOS PAR GYUR PA DE NI ZUG RNGU DANG 'DRA BA'I PHYIR RO, ,BUD MED LA NI SLON SMAN SOGS, ,'JAM POS YONGS SU SBYAR BAR BYA, ,ZHES BYA BA LA, BUD MED MNGAL GYI SKYON YOD PA LA NI SLON SMAN LA SOGS PA'I LAS RNAM PA LNGA PO 'JAM POS GSO BAR BYA'O, ,RNAM PA KUN TU DAG GYUR NAS; ,'JAM RTZI BSKU BYUG SMAN KHU BLUGS, ,BYUG DANG YE'U GZHUG LA SOGS, ,GSO BA'I LAS NI LHAG MA SPYAD, ,CES BYA BA LA, BUD MED LA RNAM PA THAMS CAD DU SBYANG BA BYAS NAS, DE'I 'OG TU 'JAM RTZI LA SOGS PA'I GSO BA LHAG MA RNAMS BYA'O, ,RGUN 'BRUM TANG PA LA 'BRAS BU GSUM, ,KA SA MAR DANG SER PO GNYIS, ,SLE TRES NYE'U SHING SHERYA KA ,SHU KA NA YA BA SPRU BA, ,PA RU SHA KA ZHO GNYIS GNYIS, ,MAR NI BRE GANG BCAS PAR BSKOL, ,DE BLUD MNGAL GYI RLUNG NAD DANG, ,BU SKYED BYED PA'I MCHOG YIN NO, ,ZHES BYA BA LA, RGUN 'BRUM LA SOGS PA'I SMAN GYI SBYOR BA JI SKAD BSHAD PA'I SMAN MAR BLUD NA YANG MNGAL GYI RLUNG NAD SEL BA LA SOGS PA'I YON TAN DANG LDAN PA YIN NO, ,ZI RA GO SNYOD PI PI LING, ,SHU DAG RGYAM TSA BA SHA KA, ,NAS TSIG 'KHUS THAL TI MU SA, ,TZI TRA KA DANG KHA RAR BCAS, ,BTAGS TE
CHANG GI DANGS MAR SBYAR, ,MAR BRNGOS DE NI BYIN GYUR NA, ,MNGAL NAD RTZIB LOGS SNYING NAD DANG, ,SKRANG DANG GZHANG 'BRUM SEL BAR BYED, ,CES BYA BA LA, ZI RA LA SOGS PA'I SMAN GYI SBYOR BA JI SKAD SMOS PA BTANG NA YANG MNGAL NAD LA SOGS PA SEL BAR BYED DO, ,KHA LUNG KHU BA SHA KA'I RTZAB, ,ZI RA NAG PO GO SNYOD DANG, ,SEN RTZI RGYAM TSA'I PHYE MA NI, ,CHANG DANG SBYAR TE BLUD PAR BYA, ,ZHES BYA BA LA, KHA LUNG LA SOGS PA'I PHYE MA CHANG DANG SBYAR TE BLUD NA YANG PHAN NO, ,RA SNA GZEM [?] BA SHA KA ,BSKOL BA GZER 'JOMS MCHOG YIN NO, ,ZHES BYA BA LA, YANG NA RA SNA LA SOGS PA'I KHU BA BLUD NA YANG PHAN NO, ,SLE TRES DAN DA 'BRAS BU GSUM, ,BSKOL BA'I KHU BA'ANG BLUGS PAR BYA, ,ZHES BYA BA LA, YANG SLE TRES LA SOGS PA'I SMAN GYI KHU BA BSKOL BA'I CHU BLUGS NA YANG PHAN NO, ,RGYA SPOS KAndA KA RI DANG, ,RU RTA RGYAM TSA THANG SHING RNAMS, ,BSKOL BA'I KHU BA TIL MAR BSKOL, ,SPANGS PA'I YE'US MNGAL NAD SEL, ,ZHES BYA BA LA, YANG RGYA SPOS LA SOGS PA'I SMAN DANG, TIL MAR BSKOL BA'I TIL MAR LA SPANGS PA'I YE'U MNGAL GYI NANG DU BCUG NA YANG PHAN NO, ,MNGAL NAD MKHRIS PA LAS GYUR LAS, ,CHU BLUGS BSKU BYUG YE'U YI, ,GSO BA BSIL ZHING MKHRIS 'JOMS PA, ,SNUM CHOS DON DU MAR GYIS BYA, ,ZHES BYA BA LA, MKHRIS PA LAS GYUR PA'I MNGAL GYI NAD PA NI BSIL ZHING MKHRIS PA SEL BA'I SMAN CHU BLUGS PA LA SOGS PA BYA BA DANG, DE BZHIN DU SNUM GYI CHO GA YANG ZHUN MAR GYIS BYA'O, NYE'U SHING RTZA BA SRANG BZHI BRGYA, ,BRDUNGS TE BTZIR BA'I KHU BA DANG, ,'O MA DE MNYAM MAR BRE NI, ,BZHI YI NANG DU BSKOL BAR BYA, ,'TSO BYED SDE TSAN NYE'U SHING DANG, ,PA RU shA KA RGUN 'BRUM DANG, ,BI LA YA DANG BA LA GNYIS, ,SHING MNGAR ZHO NI GNYIS GNYIS PHYE, ,BSKOL TE BSGRANGS PAR SBRANG RTZI DANG, ,PI PI LING NI SRANG BRGYAD BRGYAD, ,KHAR DKAR PO SRANG BCU GZHUG, ,DE LAS SRANG NI PHYED PHYED SBYIN, ,MNGAL KHRAG KHU BA'I NAD SEL ZHING, ,RO TZA BU SKYED BYED MCHOG YIN, ,GLO RDOL ZAD BYED KHRAG MKHRIS DANG, ,LUD PA DBUGS MI BDE BA DANG, ,MIG SER RLUNG DANG KHRAG DANG
, ,NI; ,ME DBAL DANG NI SNYING NAD DANG, ,BRJED BYED KYIS NYEN DA RGAN DANG, ,MYOS BYED SKEM BYED 'JOMS PAR BYED, ,CES BYA BA LA, NYE'U SHING SRANG BZHI BRGYA'I KHU BA DANG, 'O MA DE DANG CHA MNYAM PAR BYA BA DANG, 'TSO BYED KYI SDE TSAN DANG, NYE'U SHING LA SOGS PA ZHO GNYIS GNYIS DANG, MAR BRE BZHI BSKOL LA BSGRANGS PA'I NANG DU SBRANG RTZI SRANG BRGYAD DANG, PI PI LING SRANG BRGYAD DANG, KHA RA SRANG BCU BCUG STE, DE LAS SRANG PHYED PHYED BYIN NA MNGAL GYI KHU BA KHRAG GI NAD SEL BA LA SOGS PA DANG, SMYO BYED KYI BAR GYI NAD NGES PAR 'JOMS PAR BYED PA YIN NO, ,DE BZHIN 'O MA ZHUN MAR DANG, ,'TSO BYED SDE TSAN BSKOL BA NI, ,BU SKYED MKHRIS LAS GYUR PA'AM, ,MNGAL NAD SEL BA'I DAM PA YIN, ,ZHES BYA BA LA, DE BZHIN DU 'O MA DANG ZHUN MAR DANG, 'TSO BYED KYI SDE TSAN DANG BSKOL BA'I SMAN MAR BYIN NA YANG YON TAN DE DANG 'DRA ZHING BU SKYED PA DANG MKHRIS PA'I MNGAL NAD SEL BA'I MCHOG YIN NO, ,BA LA BRE NI SUM CU GNYIS, ,BSKOL BA'I TIL MAR MAR BRE BZHI, ,'O MA BZHI 'GYUR PI PI LING, ,KA KA NA MI KA RA DKAR, ,DZI BAN TI DANG RAM NYE BA, ,STHI RA NYE'U SHING ZIR GNYIS, ,MON SRAN GRE'U PA YA SYA, , MA SHA PARnI SRA BA NI, ,PI LU'I LO MA LHAN CIG BSKOL, ,BLUD NA RLUNG MKHRIS LAS GYUR PA'I, ,MNGAL NAD SEL ZHING BU SKYED BYED, ,CES BYA BA LA, BA LA BRE SUM CU RTZA GNYIS LA SOGS PA JI SKAD BSHAD PA BZHIN DU BSKOL BA'I MAR DANG TIL MAR DE BLUD NA RLUNG DANG MKHRIS PA LAS GYUR PA'I MNGAL NAD SEL BAR BYED CING BU SKYED PAR BYED PA YIN NO, ,KHRAG GI MNGAL NAD KHRAG MDOG LAS, ,RJES SU 'BREL PA BRTAGS NAS KYANG, ,NAD GZHI BSAGS PA'I TSUL LAS NI, ,KHRAG BCAD PA YI SMAN GTANG BYA, ,ZHES BYA BA LA, KHRAG GI MNGAL NAD LA NI GTAR GA'I CHO GA LAS BSHAD PA'I TSUL GYIS NAD GZHI'I MTSAN NYID SHES PAR BYAS LA NAD GZHI DANG RJES SU MTHUN PA'I KHRAG GCOD PA'I SMAN GTANG BAR BYA'O, ,SHING MNGAR SBRANG RTZI CHU SHING RTZA, ,TA LA'I SA BON SKYER PA'I RTZA, ,DRI YANG KU DANG 'BRAS DRUS CHU, ,SBYAR BA BLUD NA KHRAG 'DZAG PA, ,MDOG SKYA DMAR PO SEL BAR
BYED; ,CES BYA BA LA, SHING MNGAR LA SOGS PA SBYAR BA'I CHU BLUD NA YANG KHRAG 'DZAG PA SEL BAR BYED DO, ,PA THA 'DZAM BU AA MRA YI, ,TSI GU DANG NI BRAG ZHUN DANG, ,SKYER BA'I KHAndA AAM BAshtA, ,BTZOD DANG SHAL MA LI'I THANG CHU, ,DUG MO NYUNG GI SHUN LPAGS DANG, ,GUR GUM BIL BA BONG NGA DKAR, ,SENG PHROM GLA SGANG BTZAG YUG SNAM, ,SHING MNGAR TZANDAN DMAR PO DANG, ,KAD PA LA DANG M'A TZI KA, ,KA tANGKA DANG DUG MO NYUNG, ,BYI TSER BA DANG DA TA KI, ,MA DU KA DANG STANG ZIL NI, ,SKAR MA RGYAL LA BAB PA LA, ,BTUS SHING BTAGS TE SBRANG RTZI DANG, ,'BRAS KYI CHUR SBYAR BLUD NA NI, ,GZHANG 'BRUM TSAD PAR 'KHRU BA DANG, ,GANG YANG KHRAG TU 'KHRU BA DANG, ,GANG YANG SRIN BU'I NAD RNAMS DANG, ,BYIS PA'I NAD GANG YIN PA 'JOMS, ,MNGAL GYI NAD DANG ZLA MTSAN NAD, ,GNAG CING DKAR DANG DMAR BA SEL, ,PHYE MA RGYAL GYI RJES 'GRO BA, ,PHAN ZHES RGYUN SHES BU YIS BSHAD, ,CES BYA BA LA, 'DZAM BU DANG AA MRA'I TSI GU NI SHA BOR BA'I RUS PA'O, ,AA MA BAshtA NI MA YO RA SHA KHA'O, ,SHAL MA LI'I THANG CHU NI MO TZA RA SA'O, ,KA tANGKA NI SO NA KA'O, ,GZHAN DAG NI GO BAR ZAD DE, PA TA LA SOGS PA'I SMAN DE DAG SKAR MA RGYAL LA BAB PA'I TSE BTUS LA BTAGS TE SBRANG RTZI DANG 'BRAS KYI CHUR SBYAR TE BLUD NA NI GZHANG 'BRUM LA SOGS PA'I NAD SEL PAR BYED CING, ,MNGAL GYI NAD ZLA MTSAN NAG PO 'DZAG PA LA SOGS PA SEL BAR BYED DO, ,PHYE MA 'DI NI RGYAL GYI RJES SU 'GRO BA ZHES BYA STE, NAD THAMS CAD LA PHAN PA YIN NO, ,BAD KAN LAS GYUR MNGAL NAD LA, ,RTZUB DANG DRO BA'I SMAN KUN SBYAR, ,ZHES BYA BA LA, BAD KAN LAS GYUR PA'I MNGAL NAD LA NI ZAS DANG SGOM DANG SMAN DANG SPYOD LAM LA SOGS PA RTZUB PA DANG, DRO BA'I PHYOGS SBYAR BAR BYA'O, ,SKYU RU'I LO MA DA TA KI, ,SHING MNGAR AUTPAL LIG BU MIG, ,'DZAM BU AA MRA'I TSI GU DANG, , SENG PHROM SA NAG KAD BA LA, ,SE'U 'BRU SHING TSA TINDU KA ,AU DUM W'A RA BIL BA GZHON, ,ZHO NI GNYIS GNYIS BTAGS BA'I PHYE, ,RA GCIN 'O MA NYIS 'GYUR DANG, ,TIL MAR BRE GANG BSKOL BAR BYA, ,DE BSKU BA DANG 'JAM RTZI DANG, ,RAS BAL YE'U GZHUG PAR BYA, ,SKRANG ZHING PHYIR LOGS MZO [?]
, ,ZHING SRA, ,DE BZHIN SPYI BAG 'DZAG PA DANG, ,PHYIR 'BUR NAD DU ZHUM PA DANG, ,'BRUM BU GZER DANG BCAS LA PHAN, ,ZHES BYA BA LA, SKYU RU RA'I LO MA LA SOGS BA'I SBYOR BA JI SKAD SMOS PA'I TSUL DU BSKOL BA'I TIL MAR BSKU BA LA SOGS PA'I SBYOR BA BYAS NA MNGAL SKRANG BA LA SOGS PA'I NAD LA PHAN NO, ,NAS ZAN AA RU SBYAR CHANG DANG, ,BU RAM CHANG DANG TIL MAR BSTEN, ,PI PI LING DANG LCAGS PHYE DANG, ,AA RU RA SBYAR SBRANG RTZI PHAN, ,ZHES BYA BA LA, ,NAS ZAN DANG AA RU RA SBYAR BA'I CHANG BSTEN ZHING, BU RAM CHANG LA SOGS PA BSTEN PA DANG, PI PI LING GI SBYOR BA DANG, LCAGS PHYE'I SBYOR BA DANG, AA RU RA'I SBYOR BA SBRANG RTZI DANG BCAS PA BTANG NA YANG PHAN NO, ,NAG TSUR RGYAM TSA 'BRAS BU GSUM, ,AA MRA 'DZAM BU'I TSI GU BCAS, ,DA TA KI'I PHYE SBRANG RTZIR SBYAR, ,SPYI BAG 'DZAG PA DAG PAR BYED, ,CES BYA BA LA, NAG TSUR LA SOGS PA'I PHYE MA SBRANG RTZI DANG SBYAR BA BYIN NA YANG MNGAL NAS SPYI BAG 'DZAG PA DAG PAR BYED DO, ,RGYA SKYEGS 'DZAM BU DA TA KI ,MO TZA RAS LA MANG GI ,SRA RTZI POG GI PHYE MA YIS, ,DRI MI ZHIM DANG SPYI BAG 'DZAG ,RNAGS SHING SRA BA SEL BAR BYED, ,CES BYA BA LA, RGYA SKYEGS LA SOGS PA'I SBYOR BAS NI DRI MI ZHIM PA LA SOGS PA'I SBYOR BSEL BAR BYED DO, ,DONG GA LA SOGS SDE TSAN NI, ,BSKOL BA'I KHU BA BLUGS PAR BYA, ,ZHES BYA BA LA, YANG DONG GA LA SOGS PA'I SDE TSAN GYI KHU BA BLUGS NA DRI MI ZHIM PA LA SOGS PA SEL BAR BYED DO, ,SRA ZHING RTZUB PAR GYUR PA LA, ,MNYEN PA'I CHO GA BYA BA DANG, ,SHA BRDUNGS PA YIS GLAN PA DANG, ,KRI SA RA DANG 'O THUG GZHUG ,CES BYA BA LA, MNGAL SRAB LA SOGS PA LA NI SHA BRDUNGS TE BTZOS SHING SPOD BTAB STE GLAN PA DANG, DE BZHIN DU TIL DANG 'BRAS LA SOGS PA'I KRI SAR DANG, 'O MA DANG 'BRAS BTZOS PA'I 'O THUG GZHUG CING GLAN PAR BYA'O, ,DRI NGAR TIL MAR DRI ZHIM PA'AM, ,LDE GU DRI ZHIM BSKU BA 'AM, ,DRI BZANGS KUN GI PHYE MA'AM, ,RUL BA'I DRI NI SEL BYED GZHUG ,CES BYA BA LA, MNGAL DRI MI ZHIM PAR GYUR PA LA NI DRI ZHIM PA'I SMAN THAMS CAD DANG SBYAR BA'I TIL MAR RAM LDE GU'AM PHYE MAS BSKUS SHING BTAB
PAS DRI NGA BA SEL BAR BYED DO, ,BAD KAN CAN LA PHAL CHER SMAN, ,TSA BA BA GCIN MAS GTONG PHAN, ,ZHES BYA BA LA, MNGAL BAD KAN GYI NAD SHAS CHE BA LA NI SMAN TSA BA'I SHAS CHE BA BA GCIN DANG BCAS SHING SBYAR BA MAS GTONG BA PHAN NO, ,MKHRIS PA SHING MNGAR 'O MAR BCAS, ,RLUNG GYUR SKYUR BCAS TIL MAR PHAN, ,ZHES BYA BA LA, MKHRIS PA SHAS CHE BA'I MNGAL GYI NAD LA NI SHING MNGAR DANG 'O MAR SBYAR BA MAS GTONG BA PHAN NO, ,RLUNG GI SHAS CHE BA'I NAD LA NI SKYUR BA'I BAG DANG LHAN CIG BSKOL BA'I TIL MAR GYI MAS GTONG BA PHAN NO, ,'DUS PA LAS GYUR NAD LA NI, ,THUN MONG GIS NI GSO BA PHAN, ,ZHES BYA BA LA, 'DUS PA LAS GYUR PA'I MNGAL NAD LA NI GSO BA'I SBYOR BA THUN MONG BYAS NA PHAN NO, ,DE LTAR MNGAL NAD DAG GYUR NA, ,SA BON SKYON MED THA MAL BAR, ,RNAM PAR SHES PA 'JUG PAS NA, ,BUD MED LA NI BU CHAGS 'GYUR, ,ZHES BYA BA LA, 'DUS PA LAS GYUR PA'I MNGAL DAG PA DANG LDAN PA DANG, SA BON ZLA MTSAN NYES PA'I SKYON MED PA THA MAL PA DANG LDAN PA LA NI SRID PA BAR MA'I RNAM PAR SHES PA 'JUG PAS NA, BUD MED GAL TE NAD DANG BCAS PA YIN NA DE LTA BU LA BU CHAGS PAR 'GYUR RO, ,SKYES PA YI NI DBANG PO YANG, ,LAS RNAM LNGA YIS DAG BYA ZHING, ,MDOG LAS NAD GZHI BRTAGS NAS NI, ,NAD BCAS DE 'JOMS SMAN GYIS GSO, ,ZHES BYA BA LA, SKYES PA'I DBANG PO YANG LAS RNAM PA LNGAS SBYANG BAR BYA ZHING, KHU BA'I MDOG LAS NAD GZHI BRTAGS LA, GAL TE NAD DANG BCAS PA YIN NA NI, NAD RANG RANG SEL ZHING 'JOMS PA'I SMAN GYIS GSO BAR BYA'O, ,RU RTA RGYA SBOS SHU DAG BTZOD, ,'BRAS BU GSUM DANG KHAR DKAR, ,SHING MNGAR ME DA SER PO GNYIS, ,LA LA PHUD DANG PU TZE SHEL, ,SHING MNGAR RAM NYE PA YA SYA, ,AA SHVA GANDHA NYE'U SHING PA, ,ZHO NI GNYIS GNYIS BTAGS PA'I PHYE, ,MAR BRE GANG DANG 'O MA NI, ,BZHI 'GYUR DANG NI BCAS PA BSKOL, ,BLUD NA MNGAL DANG KHU BA YI, ,NYES PA THAMS CAD SEL BYED CING, ,TSE RING LUS NI RGYAS BYED LA, ,YID GZHUNGS PA DANG BKRA SHIS DANG, ,BU SKYED PAR NI BYED MCHOG YIN, ,'BRAS BU'I SMAN MAR ZHES BYAR BSHAD, ,ZLA MTSAN RGYU TSE 'THUNGS GYUR NA, ,BU NI
, ,'CHI BAR BYED PA YANG, ,'TSO ZHING SBRUM MA RNAMS LA BSNGAGS, ,'DI NI MCHOG TU BYIS PA YI, ,LUS RGYAS GDON 'JOMS BYED PA YIN, ,ZHES BYA BA LA, RU RTA DANG RGYA SPOS LA SOGS PA'I SMAN SNA RE ZHO GNYIS GNYIS ZHIB TU BTAGS PA'I PHYE MA MAR BRE GANG DANG 'O MA BRE BZHI DANG BSKOL TE, MAR 'BA' ZHIG LUS PA BLUD NA MNGAL DANG KHU BA'I NYES PA THAMS CAD SEL BAR BYED CING TSE RING BA NAS MNGAL DU BU CHAGS PAR BYED PA'I MCHOG YIN TE, 'DI NI MING 'BRAS BU'I SMAN MAR ZHES BYA BAR BSHAD DO, ,'DI ZLA MTSAN RGYU ZHING MNGAL CHAGS PAR BYED PA'I DUS SU BLUD NA BU 'CHI BAR BYED NA YANG 'TSO ZHING MNGAL CHAGS PAR 'GYUR BA 'AM, SBRUM MA RNAMS LA YANG BSNGAGS SHING PHAN PA DANG MAR 'DI KHYAD PAR DU BYIS PA RNAMS KYI LUS RGYAS SHING BRTAS PA DANG, GDON 'JOMS PAR BYED PA'I MCHOG YIN NO, ,YAN LAG BRGYAD PA'I SNYING PO'I RNAM PAR 'GREL PA'I TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U SUM CU RTZA BZHI PA'I RNAM PAR 'GREL PA'O,, ,,MTSON SPYAD KYIS GSO BA'I RGYUD RDZOGS SO,, ,,DE NAS DUG NAD GSO BA BSHAD PAR BYA'O, ,SNGON NI LHA DANG LHA MA YIN; ,BDUD RTZI 'DOD PAS BSRUBS PA NA, ,BDUD RTZI 'BYUNG BA'I SNGON ROL DU, ,SKYES BU SHIN TU 'JIGS PA'I GZUGS, ,MCHE BA BZHI PA GZI BRJID 'BAR, ,SKRA SER MIG NI ME 'BAR BA, ,DE MTHONG 'GRO BA SDUG BSNGAL GYUR, ,DES NA 'DI NI DUG CES BYA, ,ZHES BYA BA LA, SNGON THOG MAR LHA DANG LHA MA YIN BDUD RTZI 'DOD PA'I PHYIR 'O MA CAN GYI RGYA MTSO BSRUBS PA LAS, BDUD RTZI 'BYUNG BA'I SNGON DU SKYES BU SHIN TU 'JIGS PA'I GZUGS CAN MCHE BA BZHI PA LUS KYI GZI BRJID CHE BA, SKRA SER ZHING KHAM PA, MIG ME LTAR 'BAR BA ZHIG BYUNG BAR GYUR LA, DE MTHONG BAS 'GRO BA RNAMS SDUG BSNGAL BAR GYUR TE, DES NA 'DI LA MING DU DUG CES BYA BA YIN LA, DE'I PHYIR DE'I CHA LAS BYUNG BA SDUG BSNGAL SKYED PAR BYED PA THAMS CAD LA YANG DUG CES BYA BA YIN NO, ,TSANGS PAS H'Um ZHES BRJOD PA DANG, ,BSLU BA'I BDAG NYID CAN SPONGS TE, ,GZUGS DE RGYU DANG MI RGYU BA'I,
GZUGS LA DE NI ZHUGS PAR GYUR, ,ZHES BYA BA LA, DE'I 'OG TU TSANGS PAS H'Um ZHES BRJOD DE TSAR BCAS PA DANG, SDUG BSNGAL BAR BYED PA'I BSLU BA'I BDAG NYID CAN DE RANG GZUGS SPANGS TE GNOD PAR BYED PA'I GZUGS DE RGYU BA DANG MI RGYU BA'I GZUGS LA ZHUGS PAR GYUR TO, ,BRTAN DUG NUS PA MI BZAD PAR, ,SDONG BU LA NI GNAS PA GANG, ,KA LA KU TA DBANG PO'I BU, ,BTZAN DUG HA LA HA LA SOGS, ,ZHES BYA BA LA, DUG DE SDONG BU LA SOGS PA LA GNAS PAR GYUR PA GANG YIN PA DE NI NUS PA MI BZAD CING RANG BZHIN BRTAN PAR GYUR PA KA LA KU TA DANG, DBANG PO'I BU STE AINDRA BAD TSA DANG, BTZAN DUG STE SRING GI DANG, HA LA HA LA LA SOGS PA'I DUG TU GYUR PA NI SEMS MED CING BRTAN LA MI G-YO BA'I GZUGS LA GNAS PAS NA, BRTAN PA'I DUG CE 'AM MI RGYU BA'I DUG CES BYA'O, ,RGYU BA'I DUG NI MI BZAD GYUR, ,SBRUL DANG PHAG DANG MCHE BA CAN, , ZHES BYA BA LA, DUG MI BZAD PA GANG SBRUL DANG SROG CHAGS PHAG DANG, MCHE BA CAN LA SOGS PA LA GNAS PA'I DUG DE NI SEMS CAN LA BRTEN PA YIN PAS RGYU BA'I DUG CES BYA'O, ,RGYU BA DANG NI MI RGYU BA'I, ,BCOS MA MA YIN DUG TU BSHAD, ,CES BYA BA LA, DE LTAR RGYU BA DANG MI RGYU BA'I DUG NI BCOS MA MA YIN BA'I DUG CES BYA STE, RANG BZHIN GYI DUG YIN PA'I PHYIR RO, ,BCOS MA SNA TSOGS SMAN LA NI, ,SBYAR BA SBYAR BA'I DUG CES BYA, ,ZHES BYA BA LA, GANG DUG TU GYUR PA'I SMAN SNA TSOGS PA LA SOGS PA SBYAR BA NI BYA BA'I LAS KYIS BSGRUBS PA YIN BAS NA, SBYAR BA'I DUG CES BYA STE, BCOS MA'I DUG KYANG DE NYID YIN NO, ,DE NI SBYOR BA'I DBANG LAS NI, ,SHIN TU RING NAS GSOD PA'AM, ,SKRANG DANG SKYA RBAB DMU RDZING DANG, ,SMYO BYED GZHANG 'BRUM LA SOGS SKYED, ,CES BYA BA LA, SBYAR BA'I DUG DE NI SBYOR BA'I DBANG GIS DUG YUN RING ZHIG NA GSOD PAR BYED PA'AM, SKRANG BA LA SOGS PA'I NAD SKYED PAR BYED PA YIN NO, ,RNO DRO RTZUB CING DANG BA DANG, ,KHYAB CING MYUR GSOD YANG BA DANG, ,'DAR ZHING PHRA LA RO MI GSAL, ,'JU BAR MI BYED PA YIN NO, ,ZHES BYA BA LA, DUG DE NI RNO BA LA SOGS PA'I MTSAN NYID BCU PO DE DANG LDAN ZHING 'JU BAR MI BYED PA YIN NO,
, ,RNO SOGS YON TAN DANG LDAN PAS, ,DE NI MDANGS LAS GO BZLOG YIN, ,MI NI RLUNG MKHRIS SHAS CHE BA, ,SROG NI 'PHRAL DU 'PHROG PAR BYED, ,CES BYA BA LA, DUG DE NI RNO BA LA SOGS PA YON TAN BCU DANG LDAN PAS MDANGS KYI YON TAN LAS GO BZLOG PAR GYUR PA YIN LA, DE BZHIN DU MI RLUNG DANG MKHRIS PA SHAS CHE BA DAG NI SROG MOD LA 'PHROG PAR BYED PA YIN NO, ,DUG GIS LUS SU PHYIN PA DANG, ,DANG POR KHRAG LA GNOD PAR BYED, ,BAD KAN MKHRIS PA RLUNG RJES LA, ,NAD GZHI GROGS DANG LHAN CIG 'BYUNG, ,ZHES BYA BA LA, GANG GI PHYIR DUG GIS LUS LA PHYIN CING SONG BA NA, DANG POR KHRAG LA GNOD PAR BYED NAS, DE'I RJES LA BAD KAN DANG MKHRIS PA DANG RLUNG LA GNOD PAR BYED DE, NAD GZHI GSUM CHA MNYAM PA LA NI BAD KAN LA SOGS PA LA GNOD CING LHAN CIG 'BYUNG BAR BYED DO, ,DE NAS SNYING LA GNAS NAS NI, ,LUS LA GNOD PA BYED PAR 'GYUR, ,ZHES BYA BA LA, DE NAS DUG DE SNYING LA GNAS NAS LUS 'JOMS SHING GNOD PAR BYED PAR 'GYUR RO, ,MI RGYU'I DUG NI BTANG GYUR NA, ,LCE GNAG LUS NI RENGS PA DANG, ,BRGYAL DANG SLON DANG SDANG DANG NGAL, ,GNAS SKABS DANG POR 'BYUNG BAR 'GYUR, ,ZHES BYA BA LA, DE NAS DUG DE SNYING LA GNAS NAS LUS 'JOMS SHING GNOD PAR BYED, 'DUG PAR GYUR NAS DUG GI SHUGS DANG PO LA LCE GNAG CING LUS RENGS PA LA SOGS PAR 'GYUR RO, ,GNYIS BAR 'DAR ZHING RDUL BA DANG, ,TSA ZHING LKOG MA NA BA DANG; ,DUG GIS MA ZHU'I GNAS PHYIN NA, ,SNYING NI NA BAR BYED PAR 'GYUR, ,ZHES BYA BA LA, DUG GI SHUGS GNYIS PA LA NI LUS 'DAR BA DANG, RDUL LA SOGS PA 'BYUNG ZHING SHUGS DE'I TSE DUG GIS MA ZHU BA'I GNAS SU PHYIN PAS LHAG PAR YANG SNYING NA BAR BYED DO, ,GSUM PAR RKAN NI SKAMS PA DANG, ,MA ZHU'I GNAS SU SHIN TU GZER, ,DE'I MIG NYAM CHUNG SER BA DANG, ,SKRANG BA NYID DU 'GYUR BA DANG, ,ZHU BA'I GNAS PHYIN ZUG PA DANG, ,SKYIGS BU LUD PA RGYU MA 'KHRUGS, ,ZHES BYA BA LA, DUG GI SHUGS GSUM PAR NI RKAN SKABS PA LA SOGS PA DANG, NAD
PA DE'I MIG NYAM CHUNG ZHING SER BA LA SOGS PAR 'GYUR BA YIN NO, ,DUG GI SHUGS NI BZHI PA LA, ,MGO BO LHAG PAR LCI BAR 'GYUR, ,ZHES BYA BA LA, DUG GI SHUGS BZHI PA LA NI MGO BO LHAG PAR LCI BAR 'GYUR RO, ,LNGA PAR MCHIL SNABS 'DZAG PA DANG, ,LHU TSIGS NA BA 'BYUNG 'GYUR LA, ,MDOG MI SDUG CING NAD KUN 'KHRUGS, ,ZHU BA'I GNAS KYI 'OG TU NA, ,ZHES BYA BA LA, DUG GI SHUGS LNGA PAR NI LHU TSIGS NA BA LA SOGS PA DANG, RLUNG LA SOGS PA'I NAD KUN 'KHRUGS PA DANG, ZHU BA'I GNAS KYI 'OG TU LHAG PAR NA BAR 'GYUR RO, ,DRUG PAR 'DU SHES NYAMS PA DANG, ,SHIN TU 'KHRUL BAR BYED PAR 'GYUR, ,ZHES BYA BA LA, DRUG PAR NI 'DU SHES NYAMS BA LA SOGS PAR 'GYUR RO, ,BDUN PAR PHRAG GONG RGAL TSIGS DANG, ,DPYI TSIGS BYE NA 'CHI 'GYUR YIN, ,ZHES BYA BA LA, DUG GI SHUGS BDUN PA LA NI RGAL TSIGS NA BA LA SOGS PAR 'GYUR RO, ,DUG GI SHUGS NI DANG PO LA, ,SLON ZHING CHU GRANG DAG GIS GTOR, ,MAR DANG SBRANG RTZIR BCAS PA YI, ,DUG GI SMAN NI MYUR DU BLUD, ,CES BYA BA LA, DUG GI SHUGS DANG PO LA NI SLON SMAN LA SOGS PA BYA'O, ,GNYIS PAR SKYUG SMAN BKRU SMAN GTANG, ,SNGA MA BZHIN DU DUG SMAN BLUD, ,CES BYA BA LA, DUG GI SHUGS GNYIS PA LA NI BKRU SMAN DANG SKYUG SMAN BTANG LA SNGA MA BZHIN DU DUG GI SMAN ZHUN MAR DANG, SBRANG RTZI DANG SBYAR BA SBYIN PAR BYA'O, ,GSUM PAR DUG GI SMAN BLUD CING, ,DE BZHIN MIG SMAN SNA SMAN GTANG, ZHES BYA BA LA, DUG GI SHUGS GSUM PA LA NI DUG SMAN BLUD PA LA BA'I GSO BA JI SKAD SMOS PA LTAR BYA'O, ,BDUN PAR SNA SMAN DUD BTANG NA PHAN, ,ZHES BYA BA LA, BZHI PA LA NI DUG GI SMAN LA SOGS PA SBYIN PAR BYA'O, ,LNGA PAR SHING MNGAR KHU BA DANG, ,SBRANG RTZIR SBYAR BA BLUD NA PHAN; ,ZHES BYA BA LA, DUG GI SHUGS LNGA PA LA NI DUG SMAN SHING MNGAR LA SOGS PA BLUD PAR BYA'O, ,DRUG PAR 'KHRU BA LTA BUR GSO, ,ZHES BYA BA LA, DUG GI SHUGS DRUG PA LA NI 'KHRU BA'I GSO BA JI SKAD SMOS PA LTAR BYA'O, ,BDUN PAR SNA SMAN DUD BA DANG, ,SPYI BOR RGYA GRAM BYAS
, ,NAS NI, ,SHA 'AM KHRAG NI GZHUG PAR BYA, ,ZHES BYA BA LA, DUG GI SHUGS BDUN PA LA NI SNA SMAN GYI DUD PA BDUG PA DANG, SPYI BOR RGYA GRAM BYAS TE BTRAL LA SHA DANG KHRAG DER GZHUG PAR BYA'O, ,KO SHA TA KI LANG GA LI, ,PA THA LCAM PA AA RU RA, ,S'A LU SLE TRES SHI RI SHA ,GI RI KAR NI YUNG BA DANG, ,AA H'A SBRANG RTZI BA SPRU BA, ,BRI HA TI GNYIS TSA BA GSUM, ,SHA RI BA DANG PA LA STE, ,'DI RNAMS BSKOL BA'I KHU BA DANG, ,BSKOL BA'I NAS THUG BSGRANGS PAR NI, ,SBRANG RTZI MAR DANG BCAS PA GZHUG ,GNAS SKABS GZHAN LA DUG 'JOMS PA'I, ,SMAN DANG GSO BA THAMS CAD BYA, ,ZHES BYA BA LA, KO SHA TA KI LA SOGS PA BSKOL BA'I KHU BA DANG, NAS THUG BYAS PA LAS BSGRANGS TE SBRANG RTZI LA SOGS PA BCUG NAS, SKABS GZHAN DU ZHES BYA BA NAS SKABS KYI BAR DU DUG 'JOMS PA'I SMAN NAS THUG DE DANG, SKYUG SMAN LA SOGS PA THAMS CAD BYA'O, ,SHING MNGAR TZANDAN MA DU KA ,PADMA GE SAR DE BZHIN BYA, ,ZHES BYA BA LA, DE BZHIN DU SHING MNGAR LA SOGS PA BSKOL BA'I KHU BA DANG NAS THUG BYAS TE BSGRANGS PAR SBRANG RTZI DANG, MAR BCUG PA'I DUG SMAN GNAS SKABS KYI BAR DU GTANG BAR BYA'O, , DNGUL RDO RGYA SPOS RU RTA DANG, ,BA BLA LDONG ROS PRI YANG KU, ,TSA BA GSUM DANG 'BU SU HANG, ,N'A GA PUshPA GE SAR BCAS, ,SHING MNGAR SPANG SPOS HA RE nU, ,GI'U WANG MON SNE'U RME RU DANG, ,SHI RI BEshtA SRA RTZI PO GA, ,SHU TI GUR GUM BA LA DANG, ,BAL BU TAM LI'I LO MA, ,STAG PA DANG NI ME SHEL LCI, ,SER PO GNYIS NI SBRANG RTZIR SBYAR, ,BU MO KHRUS DANG SMYUNG BA BYAS, ,GOS DKAR BGOS PA BYAS NAS NI, ,DGE SBYONG BRAM ZE MCHOD BYAS TE, ,DUG SMAN MCHOG NI SBYAR BAR BYA, ,DE TSE SMAN PAS SNGAGS 'DIS NI, ,BDAG NYID BSNGAGS TE BRJOD PAR BYA, ,SKYES BU SENG GER PHYAG 'TSAL LO, ,SRED MED BU LA PHYAG 'TSAL LO, ,JI LTAR KHYAB 'JUG G-YUL NGOR NI, ,GZHAN GYIS PHAM PAR MA MTHONG STE, ,BDEN PA'I TSIG NI 'DI YIS KYANG, ,BDAG LA DUG MED GRUB PAR SHOG ,NA MO BEE d'URYA YA MA DE, HU tu [?] HU tu [?] RAKshA M'Am, SARBA BI SHE BHYA:GOO RI,
GANDHA RI TZAndA LI MA TANG GI SV'A H'A, ,'THAG PA'I SNGAGS GNYIS PA NI, HA RI M'A YE SV'A H'A, ,ZHES BYA BA LA, DNGUL RDO LA SOGS PA SMAN BU MO KHRUS DANG GTZANG SBRAR BCAS PA SMYUNG BAR GNAS PA GOS DKAR PO BGOS PAS DANG PO DGE SBYONG DANG BRAM ZE LA MCHOD PA BYAS TE, SKAR MA RGYAL LA BAB PA NA; DUG SMAN GYI MCHOG 'DI SBYAR BAR BYA ZHING SBRANG RTZI DANG BSRE BAR BYA'O, ,DE NAS DE'I SMAN PAS SNGAGS DANG TSIGS SU BCAD PA 'DI DAG GIS BSNGAGS TE, SKYES BU SENG GE ZHES BYA BA NAS SV'A H'A'I BAR DU BRJOD PAR BYA'O, ,DE BZHIN DU 'THAG PA'I TSE YANG SNGAGS GNYIS PA BA HA M'A YE SV'A H'A, ,ZHES BYA BA BRJOD PAR BYA'O, ,MA LUS DUG DANG RO LANGS DANG, ,GDON GYI LAS DANG SDIG PA DANG, ,GSOD BYED NAD DANG MU GE DANG, ,'THAB PAR 'DOD DANG 'JIGS PA LA, ,SMAN BTUNG SNA SMAN MIG SMAN BSKU, ,GDU BU LA SOGS LA SBYAR BYA, ,'DI NI ZLA SHAR ZHES BYA STE, ,ZHI DANG BDE LEGS BYED MCHOG YIN, ,ZHES BYA BA LA, DUG SMAN 'DI NI MING ZLA BA SHAR BA ZHES BYA STE, MA LUS PA'I DUG DANG RO LANGS LA SOGS PA ZHI BAR BYED PA NAS, 'JIGS PA'I BAR LA SNA SMAN LA SOGS PAS BTANG NA, ZHI BA DANG BDE LEGS DAM PA'I MCHOG YIN NO, ,DUG RNYING DUG SEL SMAN GYIS ZIL MNAN PA, ,NAGS ME RLUNG DANG NYI TSAN GYIS SKAMS PA 'AM, ,RANG BZHIN GYIS NI YON TAN MI LDAN PAS, ,NYAMS PA'I DUG CES BYA BA'I DUG TU 'GYUR, ,ZHES BYA BA LA, DUG GANG RNYING PAR GYUR PA 'AM, DUG SEL BA'I SMAN GYI ZIL GYIS MNAN PA'AM, YANG NA NAGS KYI ME DANG RLUNG LA SOGS PAS SKAMS PA'AM, YANG NA RANG BZHIN GYIS RNO BA LA SOGS PA'I YON TAN DANG MI LDAN PA NI NYAMS PA'I DUG CES BYA BAR 'GYUR BA YIN NO, ,'DI NI NUS PA CHUNG BAS MI RTOGS TE, ,BAD KAN DANG 'DRES LO NI MANG BOR GNAS, ,ZHES BYA BA LA, NYAMS PA'I DUG CES BYA BA 'DI NI NUS PA CHUNG BA'I PHYIR 'DI NI 'PHRAL DU GSAL BAR MI RTOGS TE, GAL TE BAD KAN DANG 'DRES NA NI LO MANG BO'I BAR DU YANG GNAS BAR 'GYUR BA YIN NO, ,DES NYEN GYUR BA MDOG NGAN 'KHRU BAR BYED, ,NAD KHRAG SKOM DAD
, ,YI GA 'CHUS PAS NYEN, ,BRGYAL ZHING SLON LA RNAM RMONGS SKAD 'DZER DANG, ,DUG GI DMU RDZING MTSAN MAS GNOD PAR 'GYUR, ,ZHES BYA BA LA, NYAMS PA'I DUG DES NYEN PAR GYUR PA'I SKYES BU NI MDOG NGAN PA DANG, BSHANG BA 'KHRU BAR GYUR PA DANG, NAD KHRAG DANG BCAS PA DANG, SKOM DAD DANG YI GA 'CHUS PA'I NAD GNYIS KYIS NYEN PA DANG, BRGYAL ZHING MYOS PA DANG, SLON ZHING SKYUGS PA DANG, SEMS RNAM PAR RMONGS ZHING SKAD NGAR NGAR POR 'DZER BA DANG, DUG LAS GYUR PA'I DMU RDZING GI MTSAN MA GANG DAG YIN PA DAG DANG LDAN PAR 'GYUR RO, ,MA ZHU'I GNAS BRTEN BAD KAN RLUNG NAD SKYED, ,ZHU BA'I GNAS BRTEN MKHRIS DANG RLUNG NAD SKYED, ,MI YI YAN LAG ZHIG CING SKRA 'BYI BAS, ,JI LTAR BYA NI SPU BTOGS LTA BUR BYED, ,CES BYA BA LA, NYAMS PA'I DUG DE MA ZHU BA'I GNAS LA BRTEN PA NI BAD KAN DANG RLUNG GI NAD SKYED PAR BYED LA, ZHU BA'I GNAS LA BRTEN NA NI MKHRIS PA DANG RLUNG GI NAD SKYED PAR BYED PA DANG, MI'I YAN LAG ZHIG CING SKRA 'BYI BAR BYED PAS NA, JI LTAR BYA SGRO GSHOG DANG SPU BTOGS PA LTA BUR BYED PA YIN NO, ,DANGS MA'AM KHRAG LA GNAS PAR BYED NA NI, ,LUS ZUNGS LAS BYUNG NAD NI SNA TSOGS SKYED, ,CES BYA BA LA, YANG NA GNOD PA'I DUG DE DANGS MA LA SOGS PA LA GNAS NA NI LUS ZUNGS LA BRTEN PA'I NAD RNAM PA THA DAD PA SKYED PAR BYED DO, ,MDUN GYI RLUNG DANG MA ZHU GRANG, ,YUL DMUS GNOD ZAS NYIN PAR NYAL; ,LUS ZUNGS GNOD PAR BYAS PA NA, ,DE BAS GNOD PA'I DUG CES BSHAD, ,CES BYA BA LA, MDUN NAS LDANG BA'I RLUNG DANG MA ZHU BA DANG, GRANG BA LA SOGS PAS LUS ZUNGS LA GNOD PA NA DUG DE LHAG PAR GNOD PAR BYED PAS NA, DE'I PHYIR NYAMS PA'I DUG LA GNOD PA'I DUG CES KYANG BYA'O, ,GNOD PA'I DUG NYEN DUGS BYAS LA, ,STENG DANG 'OG NAS SBYANG BAR BYA, ,GNOD PA'I DUG NI SEL BA'I SMAN, ,SBRANG RTZI SBYAR TE LDE GU SBYIN, ,ZHES BYA BA LA, GNOD PA'I DUG GAM NYAMS PA'I DUG GIS NYEN PA'I MI NI DANG POR LEGS PAR DUGS BYAS
LA; SKYUG SMAN DANG BKRU SMAN GYIS STENG 'OG SBYANGS LA, GNOD PA'I DUG 'JOMS PA'I SMAN SBRANG RTZI DANG SBYAR BA SBYIN PAR BYA'O, ,PI PI LING DANG BYA MA KA ,SPANG SPOS SENG PHROM SUG SMEL DANG, ,KU TAN NA TA SARDZI KA ,RU RTA SHING MNGAR TZANDAN DANG, ,YUG SNAM BTZAG DANG BCAS PA'I SMAN, ,GNOD PA'I DUG SEL ZHES BYA STE, ,GZHAN YANG ZLOG PAR BYED PA YIN, ,ZHES BYA BA LA, PI PI LING LA SOGS PA'I DUG SMAN NI GNOD PA'I DUG SEL ZHES BYA STE, DES NI DUG GZHAN YANG SEL BAR BYED PA YIN NO, ,DUG MDAS PHOG PAR GYUR PA DAG; YANG DANG YANG DU MUN THIBS BYED, ,MDOG NI MI SDUG GYUR PA DANG, ,MYUR DU YID 'BYUNG SDUG BSNGAL 'THOB, ,'DIS NI SRIN BUS KHYAB PA LTAR, ,LUS TSA TZAG TZAG POR 'GYUR RO, ,GDONG MO RGYAB DANG PHRAG PA MGO ,LHU TSIGS RNAMS SU NA BAR BYED, ,KHRAG NI NAD CAN GNAG PA 'DZAG ,SKOM DAD BRGYAL TSA RIMS KYIS 'DEBS, ,MIG NI GNAG CING SLON PA DANG, ,BTUD MAR LUD PA DBUGS MI BDE, ,RMA DMAR MTHA' MAR SER BA DANG, ,DBUS NA GNAG CING SHIN TU NA, ,'PHRAL DU SKRANGS SHING RNAGS PA DANG, ,SHA YANG NAG POR GYUR NAS NI, ,GNAG CING SHIN TU 'DRUL BAR BYED, ,SPYI BAG CAN DU 'DZAG PAR BYED, ,CES BYA BA LA, SKYES BU DUG MDAS PHOG PA NI YANG DANG YANG DU MUN THIBS ZHES BYED CING MUN PAR ZHUGS PA SNYAM DU SEMS PA DANG, MDOG MI SDUG PA LA SOGS PAR 'GYUR BA DANG, RMA'I MTHA' SHIN TU SER CING DBUS NA DUG GI GNOD PAS GNAG PA DANG, 'PHRAL DU SKRANGS SHING RNAGS PA LA SOGS PA'I MTSAN NYID DANG LDAN PA YIN NO, ,GNAD DU PHOG PAR MA GYUR PA, ,MYUR DU SNYING LA PHAN BYED BYA, ,ZHES BYA BA LA, GNAD KYI STENG DU MA PHOG PA LA NI MYUR DU SNYING LA PHAN PAR BYED PA'I SBYOR BA MAR LA SOGS PA GANG DAG YIN PA BYA'O, ,ZUG RNGU PHYUNG LA LCAGS BSREGS PAS, ,RMA NI LEGS PAR BSREG PAR BYA, ,ZHES BYA BA LA, LUS LA ZUG RNGU PHYUNG LA, DE'I 'OG TU LCAGS BSREGS PAS RMA BSREG PAR BYA'O, ,YANG NA MU KA KA DANG NI, ,
, ,GI RI KARnI DKAR PO DANG, ,KAD PA LA YI SHUN PA DANG, ,BTZOD DANG SHIR SHA BYA RGOD SEN, ,BSREGS PA'I THAL BAS BSKU BAR BYA, ,ZHES BYA BA LA, YANG NA RMA DE MU KA KA LA SOGS PA BSREGS PA'I THAL BAS BSKU BAR BYA'O, ,SHU KA NA SA BONG NGA DKAR, ,KUndA [?] KA RI'I RTZA BAS BSKU, ,ZHES BYA BA LA, YANG NA RMA DE SHU KA NA SA LA SOGS PA'I RTZA BA'I LDE GUS BSKU BAR BYA'O, ,DUG 'THUNG SOS BTAB GSO BA DAG ,CI RIGS PAR NI DE LA BYA, ,ZHES BYA BA LA, DUG MDAS PHOG PA DE LA DUG 'THUNGS PA'I GSO BA DANG SBRUL LA SOGS PAS SOS BTAB PA'I GSO BA DAG GIS KYANG CI RIGS PAR GSO BAR BYA'O, ,RMA YI SHA NI RNAGS PA DE, ,MKHRIS PA'I ME DPAL LTA BUR GSO, ,ZHES BYA BA LA, RMA'I SHA RNAGS PA LA SOGS PA LA NI MKHRIS PA'I ME DBAL DANG 'DRA BAR GSO BAR BYA'O, ,BDE PHYIR KHYO LA BUD MED DANG, , RGYAL PO LA NI DGRAS BSLABS TE, ,ZAS DANG SBYAR BA'I DUG BSRES PA, ,NYE 'KHOR SKYE BOR STER BAR 'GYUR, ,ZHES BYA BA LA, RANG GI BDE BA BSKYED PA'I PHYIR DGRA BOS BUD MED LA BSLABS TE DUG STER DU 'JUG PA DANG, DE BZHIN DU RGYAL PO LA DE'I DGRA BOS NYE 'KHOR GYI SKYE BO LA BSLABS TE KHA ZAS DANG SBYAR BA'I DUG BSRES TE STER BAR BYED PAR 'GYUR RO, ,SNA TSOGS LUS KYI DRI MAR BCAS, ,MI MTHUN SMAN DANG THAL BA DANG, ,NUS PA CHUNG BAR GYUR PA'I DUG ,SBYAR BA'I DUG NI SBYAR MA YIN, ,ZHES BYA BA LA, SROG CHAGS SNA TSOGS PA'I LUS KYI DRI MA DANG MI MTHUN ZHING MI 'PHROD PA'I SMAN DANG THAL BA DANG, NUS PA CHUNG BAR BYED PA'I DUG GCIG TU BSRES TE SBYAR BA NI DUG SBYAR MA ZHES BYA'O, ,DES NYEN MDOG SKYA RID PA DANG, ,ME DROD NYAMS SHING LUD PA DANG, ,DBUGS MI BDE DANG RIMS KYIS NYEN, ,RLUNG NI MI MTHUN RGYU BA DANG, ,GNYID CHE YID NI ZHUM PAR BYED, ,GCIN SNYI LTO BA MCHIN PA DANG, ,MCHER PA NA ZHING SKAD GSANG DMA', ,NYAM CHUNG SGYID NI ZHAN PA DANG, ,SKRANGS SHING RTAG TU SBO BA DANG, ,RKANG PA LAG PA SKAM ZHING ZAD, ,RMI LAM DU NI CE SBYANG DANG, ,BYI LA SBRUL DANG NE'U LE DANG, ,SPRE'U MTHONG ZHING
PHAL CHER NI, ,NAGS TSAL MTSO NI SKAMS PAR MTHONG, ,BDAG NYID NAG POR MTHONG 'GYUR ZHING, ,SER BO NAG POR MTHONG BAR BYED, ,MIG SNA RNA BA MED PA DANG, ,DE YI DBANG PO NYAMS PAR MTHONG, ,'DI DANG GZHAN YANG GNOD PA YI, ,BLA BRNAN MI BZAD MANG POS GTZES, , ZHES BYA BA LA, SBYAR BA'I DUG DES GZIR BAR GYUR PA'I MI NI MDOG SKYA BO BSENG BSENG POR GYUR PA DANG, LUS RID CING RJUD PA LA SOGS PA DANG, SGYID ZHAN ZHING LAS LA SPRO BA CHUNG BA LA SOGS PA DANG, ZAD BYED KYIS BTAB PA DANG, RMI LAM DU YANG PHAL CHER CE SBYANG LA SOGS PA MTHONG BA DANG, BDAG NYID NAG PO LA SOGS PA MTHONG BAR 'GYUR BA DANG, RNA BA DANG MIG LA SOGS PA'I DBANG PO NYAMS PAR MTHONG BA DANG, 'DI DAG DANG GZHAN YANG GNOD PA'I BLA BRNAN MI BZAD PA RNAM PA MANG POS GTZES PAR 'GYUR BA YIN NO, ,'GA' ZHIG 'PHRAL DU MA GSOS NA; ,SBYAR DUG GIS NYEN 'CHI BAR 'GYUR, ,ZHES BYA BA LA, SBYAR BA'I DUG GIS NYEN PA LAS 'PHRAL DU GSO BA MA BYAS NA NGES PAR 'CHI BAR 'GYUR RO, ,DBYIG DUG SLON BYAS KHA ZAS NI, ,DE LA PHAN PA'I BZA' BTUNG SBYIN, ,SBYANGS NAS GSER NI BSTEN BYA ZHING, ,MDO NAS BSTAN PA BZHIN DU BYA, ,ZHES BYA BA LA, DBYIG DUG GIS ZIN PA LA NI DANG POR SKYUG SMAN BTANG STE, DE LA PHAN PA'I KHA ZAS BYIN LA KHONG PA SBYANGS NAS GSER LA SOGS PA'I BSTEN PA'I CHO GA MDO'I GNAS LAS BSTAN PA BZHIN DU BYA'O, ,GSER DANG ZANGS KYI PHYE MA NI, ,SBRANG RTZI KHA RA DKAR POR SBYAR, ,LDE GUS DUG NI MI BZAD DANG, ,DBYIG DUG THAMS CAD SEL BAR BYED, ,CES BYA BA LA, GSER DANG ZANGS MA'I PHYE MA SBRANG RTZI DANG KHA RAR SBYAR TE, LDE GU BYAS PA ZOS NA YANG MI BZOD PA'I SBYAR BA'I DUG SEL BAR BYED DO, ,MUR BA SLE TRES PI PI LING, ,RGYA SPOS DBYI MO PA TO LA, , GLA SGANG SHU DAG TZI TRA KA ,BYI DANG KA NI DAR BA DANG, ,CHU DRON ZHO GA CHUR SBYAR BA, ,SKYUR KHU DANG SBYAR BLUD NA NI, ,DBYIG DUG GIS BCOM ME DROD SBYONG, ,ZHES BYA BA LA, DBYIG DUG GIS ME DROD NYAMS PAR GYUR PA LA NI MUR BA LA SOGS PA'I SMAN CHU DRON LA SOGS PA GANG RUNG DANG SBYAR BA
, ,BLUD PAR BYA'O, ,ZUR PA MA NU PHUG RON GYI, ,SHA BSKOL KHU BA BSGRANGS PA NI, ,DBYIG DUG SKOM DANG LUD PA NA, ,SKYIGS BU DBUGS MI BDE RIMS SEL, ,ZHES BYA BA LA, ZUR PA DANG MA NU ZHES BYA BA PUshKAR M'U LA SHA KHU DANG SBYAR TE BSKOL BA'I KHU BA BSGRANGS PA BLUD NA YANG DBYIG DUG LAS GYUR PA'I SKOM DAD LA SOGS PA SEL BAR BYED DO, ,DUG GI RANG BZHIN DUS DANG ZAS, ,NAD GZHI LUS ZUNGS TSOGS 'DUS PA, ,DUG GI NYAM NGA ZHES BSHAD DO, ,ZHES BYA BA LA, DUG GI RANG BZHIN MI BZAD PA DANG, DE MTHUN RKYEN DU BYAD PA'I DUS DANG KHA ZAS LA SOGS PA 'DUS SHING GCIG TU PHRAD PA NI DUG GI NYAM NGA BA ZHES BYA STE, TSOGS PA DE DANG LDAN PA BRGYA LAS GCIG CIG 'TSO BAR GYUR PA YIN NO, ,BKRES SKOM NYAM NI CHUNG BA DANG, ,KHRO DANG MYA NGAN 'JIGS NGAL DANG, ,MA ZHU BA DANG 'KHRU BA DANG, ,MKHRIS PA RLUNG NI 'PHEL BA DANG, ,TIL GYI ME TOG 'BRAS BU SNUM, ,SA YI RLANGS PA 'BRUG SGRA DANG, ,GLING BU PI WANG ROL MO YI, ,SGRA DANG MDUN GYI SER BU DANG, ,AUTPAL DRI DANG MYOS PA YI, ,DUG GI NYAM NGA 'PHEL BAR BYED, ,DBYAR NI CHAR GYI DUS YIN PAS, ,BU RAM LTA BUR RLAN CAN 'GYUR, ,LUS LA KHYAB BYED DBYAR 'DAS NAS, ,RI BYI 'CHAR BAS DE MED BYED, ,DE BAS SPRIN BRAL DUS SU NI, ,NUS PA CHUNG BA NYID DU 'GYUR, ,ZHES BYA BA LA, DUG NI BKRES SKOM LA SOGS PA 'PHEL BAR BYED CING SPRIN LAS BYUNG BA YIN PA'I PHYIR DBYAR BU RAM RLAN CAN LTA BUR ZHU ZHING LUS LA KHYAB PAR BYED LA DBYAR 'DAS NAS SKAR MA RI BYI 'CHAR BA DE'I TSE NI NUS PA DE 'BRI ZHING MED PAR BYED DO, ,DE BAS NA SPRIN DANG BRAL BA'I DUS STON GYI TSE NI DUG GI NUS PA CHUNG BAR 'GYUR RO, ,DE LTAR RANG BZHIN GOMS PA DANG, ,GNAS DUS SHUGS STOBS CHE CHUNG BA, ,BRTAGS TE MKHAS PAS SHES BYAS LA; ,DE RJES GSO BA'I LAS SPYAD BYA, ,ZHES BYA BA LA, DE LTAR TSUL 'DIS NI RANG BZHIN DANG GOMS PA DANG GNAS DANG DUS DANG SHUGS DANG STOBS CHE BA DANG, CHUNG BA BLOS BRTAGS TE DE LA MKHAS PAR BYAS NAS, DE'I 'OG TU GSO BA'I LAS LA 'JUG PAR BYA'O, ,BAD KAN CAN NI
SLON DANG DRO, ,RTZUB DANG RNO BA'I SMAN BSKU ZHING, ,BSKA DANG KHA DANG TSA BA YI, ,ZAS KYI DUG NI BSAL BAR BYA, ,ZHES BYA BA LA, BAD KAN GYI DUG NI SLON PA LA SOGS PAS BSAL BAR BYA'O, ,MKHRIS CAN BKRU SMAN SMAN CHU BLUGS, ,SHIN TU BSIL BA'I SMAN BSKU ZHING, ,BSKA DANG KHA DANG MNGAR BA DANG, ,MAR BCAS KHA ZAS SBYIN BAS GSO, ,ZHES BYA BA LA, MKHRIS PA CAN GYI DUG NI BKRU SMAN DANG, ,SHIN TU BSIL BA'I SMAN GYI CHU BLUGS PA LA SOGS PAS BSAL BAR BYA'O, ,RLUNG GI BDAG NYID CAN MNGAR DANG, ,SKYUR DANG LAN TSVA MAR BCAS PA'I, ,BZA' BA MAR BCAS BSKU BYUG DANG, ,DE BZHIN SHA NI BZA' BAS GSO, ,ZHES BYA BA LA, RLUNG GI BDAG NYID CAN GYI DUG NI KHA ZAS MNGAR BA LA SOGS PA MAR DANG BCAS PA DANG, DE BZHIN DU BSKU BYUG DANG BCAS PAS GSO BAR BYA'O, ,BKRU SMAN BSKU BYUG KHA ZAS SMAN, , MAR MED BSNGAGS PA MA YIN NO, ,ZHES BYA BA LA, DUG GI NAD LA BKRU SMAN LA SOGS PA'I SBYOR BA GANG YANG RUNG BA LA MAR MED PA NI BSNGAGS PA MA YIN TE, GZHAN DU NI DE THAMS CAD LA MAR DANG BCAS PA MCHOG TU PHAN PA YIN NO, ,DUG KUN GNAS SKABS THAMS CAD DU, ,DUG 'JOMS MAR DANG 'DRA BA YI, ,SMAN NI GZHAN DAG YOD MIN TE, ,MCHOG TU RLUNG SHAS CHE LA PHAN, ,ZHES BYA BA LA, DUG THAMS CAD LA GNAS SKABS THAMS CAD DU DUG 'JOMS PAR BYED PA'I KHA ZAS NI MAR DANG 'DRA BA GZHAN MED LA, KHYAD PAR DU YANG RLUNG GI SHAS CHE BA LA MCHOG TU PHAN NO, ,BAD KAN GNAS ZHUGS GSO BAR SLA, ,MKHRIS PA'I GNAS BRTEN 'BAD PAS GSO, ,RLUNG GI GNAS SU ZHUGS PA'I DUG ,SHIN TU GSO DKA' GSOR MI RUNG, ,ZHES BYA BA LA, BAD KAN GYI GNAS SU ZHUGS PA'I DUG NI GSO BAR SLA BA YIN PAS NA 'BAD PA MED PAS 'TSO BAR 'GYUR RO, ,MKHRIS PA'I GNAS LA BRTEN PA'I DUG NI SHIN TU 'BAD PAS GSO BAR BYA BA YIN NO, ,RLUNG GI GNAS SU ZHUGS PA'I DUG NI SHIN TU GSO DKA' BA 'AM GSOR MI RUNG BA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER
, ,ZHES BYA BA, SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U SUM CU RTZA LNGA PA'I RNAM PAR 'GREL PA'O,, ,,DE NAS SBRUL GYIS ZIN PA GSO BA BSHAD PAR BYA'O, ,MDOR NA SA YI STENG NA SBRUL, ,GSUM STE GDANGS KA CAN LUS BSKYIL, ,KHRA BO YIN TE, ZHES BYA BA LA, SA'I STENG NA SBRUL GYI TSOGS MDOR BSDUS NA RNAM PA GSUM STE, LA LA NI GDENGS KA CAN GZAR BU'I MGO LTA BU YIN NO, ,LA LA NI LUS BSKYIL BA YIN NO, ,LA LA NI KHRA BO YIN NO, ,DE YI NI, DBYE BA MTHA' YAS GYUR PA DAG ,SKYE GNAS DBYE BAS RGYAS PAR NI, ,DGOS PA MED PHYIR MA BSHAD DO, ,ZHES BYA BA LA, GDENGS KA CAN LA SOGS PA'I DBYE BAS PHYE BA'I SBRUL DE DAG NI SKYE GNAS KYI DBYE BAS RGYAS PAR PHYE NA DBYE BA MTHA' YAS MOD KYI, DE NI SKABS 'DIR DGOS PA MED PA'I PHYIR BDAG GIS 'DIR MA BSHAD DO, ,MCHOG TU RTZUB DANG TSA BA DANG, ,SKYUR DRO MNGAR BSIL DAG LAS NI, ,GDENGS KA CAN LA SOGS PA'I DUG ,RIM GYIS RLUNG SOGS 'KHRUG PAR BYED, ,CES BYA BA LA, GDENGS KA CAN GYI DUG NI MCHOG TU RTZUB PA DANG TSA BA YIN PAS RLUNG NAD SKYED PAR BYED PA YIN NO; ,LUS BSKYIL BA'I DUG NI SKYUR BA DANG DRO BA YIN PAS MKHRIS PA SKYED PAR BYED PA YIN NO, ,SBRUL KHRA BO'I DUG NI KHYAD PAR DU MNGAR BA DANG BSIL BA YIN PAS BAD KAN SKYED PAR BYED PA YIN NO, ,GZHON DANG RGAN PO BAR MA DANG, ,DBYAR DANG DGUN DANG SOS KAR NI, ,'DI DAG DUG NI 'PHEL 'GYUR ZHING, ,GZHAN DAG DUS TSIGS RNAMS SU 'GYUR, ,ZHES BYA BA LA, DE LTAR NA GDENGS KA CAN DANG, LUS 'KHYIL PA DANG, KHRA BO NI RIM GYIS GZHON PA DANG RGAN PO DANG BAR MA NA TSOD KYI RIM PA DANG, DBYAR DANG DGUN DANG SOS KA'I DUS DAG TU 'PHEL ZHING SHAS CHE BA YIN TE, DE YANG GDENGS KA CAN NI GZHON PA DANG, DBYAR GYI TSE NI DUG GI SHAS CHE BA YIN LA, LUS 'KHYIL PA NI RGAN PA DANG, DGUN STOD DANG, DGUN SMAD KYI DUS TE, DGUN SMAD KYI TSE DUG BDO BA YIN LA, KHRA BO NI BAR MA DANG
SOS KA'I TSE DUG BDO BA YIN NO, ,SBRUL DE DAG LAS GZHAN PA THA MAL PA NI DUS TSIGS RNAMS LA DUG GI SHAS CHE BA YIN NO, ,'KHOR LO GSHOL DANG G-YUNG DRUNG GDUGS, ,LCAGS KYU'I MTSAN MAR LDAN PA YIN, ,GDENGS KA CAN NI MYUR 'GRO BA, ,THAMS CAD GDENGS KA CAN ZHES BYA; ,ZHES BYA BA LA, SBRUL GDENGS KA CAN NI 'KHOR LO DANG GSHOL LA SOGS PA'I MTSAN MA DANG LDAN ZHING, MGO BO'I GDENGS KA CAN YOD PA DANG MYUR DU 'GRO BAR BYED PA YIN NO, ,LUS 'KHYIL SNA TSOGS PA YI NI, ,ZLUM POR 'DUG PA LUS 'KHYIL ZHING, ,RING ZHING 'GROS NI BUL BA YIN, ,ZHES BYA BA LA, LUS 'KHYIL PA ZHES BYA BA'I SBRUL NI RI MO ZLUM PO SNA TSOGS PAS KHYAB PA DANG, DE BZHIN DU GZUGS RING ZHING 'GRO BA'I 'GROS BUL BA YIN NO, ,RI MO SNA TSOGS LDAN PA DANG, ,SNUM ZHING KHA DOG SNA TSOGS PAS, ,CHU ZHENG BRIS 'GYUR KHRA BO YIN, ,ZHES BYA BA LA, SBRUL KHRA BO NI RI MO SNA TSOGS DANG LDAN PA KHA DOG SNA TSOGS PAS 'PHRED DANG GYEN DU CHU ZHENG DU BRIS PA YIN NO, ,GO DHA'I BU NI GO DHA CAN, ,DUG NI GDENGS KA CAN MNYAM LA, ,RKANG BZHI PA YI, ZHES BYA BA LA, ,GO DHA'I BU MING GO DHA CAN ZHES BYA BA'I SBRUL GYI BYE BRAG STE, DE NI GDENGS KA CAN GYI DUG DANG MNYAM PAR LDAN PA'AM, YANG NA RKANG BZHI PA YIN NO, ,SBRUL GZHAN NI, 'DI DAG NYID NI 'DRES PA LAS, ,'DREN MA'I MTSAN NYID CAN TE DES, ,'DUS PA'I NAD NI LDANG BAR BYED, ,CES BYA BA LA, GDENGS KA CAN DANG, LUS BSKYIL BA DANG, SBRUL KHRA BO 'DI DAG GI MTSAN NYID 'DREN MA YIN PAR SHES BAR BYED PA STE, DE DAG GIS NI 'DUS PA'I NAD SKYED PAR BYED PA YIN NO, ,ZAS KYI DON DANG 'JIGS PA DANG, ,RKANG PAS REG LAS DUG RAB 'KHRUGS, ,RKANG GI RGYU DANG 'DRES PA DANG, ,LHA DANG DRANG SRONG GSHIN RJES BSKUL, ,SBRUL GYIS ZIN BAR GANG BSHAD BA, ,PHYI MA BZHIN DU DUG SHES CHE, ,ZHES BYA BA LA, SBRUL GYI RIGS THA MAL PA DE DAG NI ZAS KYI DON DANG RNAM PAR 'JIGS PA LA SOGS PA'I RGYUS SAM, LHA DANG DRANG SRONG DANG GSHIN RJES BSKUL ZHING RBAD BA'I
, ,DBANG GIS SBRUL GYIS 'DZIN PAR BYED LA, DE YANG PHYI MA BZHIN DU DUG GI SHAS CHE BA YIN NO, ,DES NA THAMS CAD BAS KYANG GSHIN RJE'AM 'CHI BA DAG GIS BSKUL BAS 'DZIN BAR BYED PA DE'I DUG MI BZAD PA YIN NO, ,'JUG PA'I RGYU NI SHES BYAS NAS, , GSO [?] BA JI BZHIN BYA BA YIN, ,ZHES BYA BA LA, SBRUL RNAMS KYI 'JUG PA'I RGYU SHES PAR BYAS NAS, RANG GI GSO BA JI LTA BA BZHIN DU BYA'O, ,PHAL BA SDIG CAN NGANG TSUL BAS, ,LAM BKAG NAS NI GNAS PA YIN, ,GANG DU KHA CHU GSHER BA TZAM, ,LUS LA SNANG BAR BYED 'GYUR ZHING, ,MCHE BA'I RMA NI MI MNGON GANG, ,DE NI MCHUS GNOD BYED CES BYA, ,ZHES BYA BA LA, SBRUL PHAL PA NI RANG BZHIN NGAN PA CAN YIN PAS LAM BKAG NAS 'DUG PA YIN LA, LUS KYI PHYOGS GANG DU KHA CHU 'AM GSHER BA TZAM SNANG BAR 'GYUR GYI, MTSE BAS ZIN PA'I RMA MI MNGON PAR GYUR PA GANG YIN PA DE NI MCHUS GNOD PAR BYED PA ZHES BYA'O, ,MCHE BA GCIG LAS RJES GNYIS MNGON, ,KHRAG MED GYUR PA BLDAGS ZHES BYA, ,ZHES BYA BA LA, SBRUL GANG GIS ZIN PAN LUS LA MCHE BA GCIG GI RJES LAS GNYIS SU MNGON ZHING DE YANG KHRAG MED PAR GYUR PA NI MING BLDAGS PA ZHES BYA'O, ,MCHE BA'I RJES NI KHRAG BCAS GNYIS, ,RNAM PAR GCAD PA'O, ,ZHES BYA BA LA, LUS LA SBRUL GYI MCHE BA'I RJES GNYIS KHRAG DANG BCAS PAR SNANG BA NI RNAM PAR GCAD PA ZHES BYA'O, ,DE GSUM NI, SHA BCAD SHIN TU PHUG PA DANG, ,KHRAG DBYUNG SO YIS ZIN ZHES BYA, ,ZHES BYA BA LA, MCHE BAS ZIN PA GSUM PO DE DAG NI SHA BCAD PA LAS KHRAG RGYUN DU 'DZAG PA NE SOS 'DZIN PA ZHES BYA'O, ,MCHE BA'I RJES NI BZHI SNANG BA, ,DE BZHIN SOS 'DZIN BTZIR BAR BSHAD, ,CES BYA BA LA, MCHE BA'I RJES GANG LA LUS LA RJES BZHI SNANG ZHING, DE BZHIN DU KHRAG RGYUN MI CHAD PAR SNANG BA DE NI SOS 'DZIN PA BTZIR BA ZHES BYA'O, ,DE LA DANG PO DUG MED GNYIS, ,PHYI MA GNYIS PO GSOR MI RUNG, ,ZHES BYA BA LA, SOS BTAB PA DE DAG GI NANG NAS MCHUS GNOD PAR BYED PA DANG,
BLDAGS PA ZHES BYA BA GNYIS NI DUG MED PA YIN NO, ,PHYI MA SOS 'DZIN PA DANG, SOS 'DZIN PA BTZIR BA ZHES BYA BA NI GSOR MI RUNG BA YIN NO, ,SBRUL GYI DUG NI KHRAG DAG LA, ,MA BRTAN LUS LA GNOD MI BYED, ,CES BYA BA LA, SBRUL GYI DUG NI KHRAG LA MA BRTEN PAR LUS LA GNOD PAR MI BYED KYI, DE LA BRTEN NAS GNOD PAR BYED PA YIN NO, ,KHRAG NI CHUNG ZAD LA BRTEN YANG, ,TIL MAR THIGS PA BZHIN DU MCHED, ,CES BYA BA LA, DUG NI KHRAG CUNG ZAD LA BRTEN YANG TIL MAR GYI THIGS PA CHU LA BLUGS PA BZHIN DU MCHED PAR 'GYUR RO, , SNGAR MA SBRUL GYIS REG PA LAS, ,'JIGS PAS RLUNG NI 'KHRUG PAR BYED, ,LAN 'GA' SKRANG BAR BYED PA DE, ,SBRUL GYIS LUS NI BCOM ZHES BYA, ,ZHES BYA BA LA, SKYES BU SNGAR MA SBRUL GYIS REG STE SDANGS PA LAS RLUNG 'KHRUG PAR 'GYUR ZHING, LAN 'GA' SKRANG BAR BYED PA YANG YIN TE, DE NI SBRUL GYIS LUS BCOM PA ZHES BYA'O, ,BGROD DKA' MUN PAR ZUG GYUR PA, ,LA LA RTOG BAS ZIN PA DANG, ,DUG GI SHUGS DANG SLON DANG RIMS, ,BRGYAL BA'AM TSA BA SKYE BA 'AM, ,NA ZHING RMONGS BAG 'KHRU BAR 'GYUR, ,DE NI RTOG PA'I DUG CES BYA, ,ZHES BYA BA LA, SKYES BU LA LA LAM BGROD DKA' BAR MUN PA'I NANG DU RGYU BA LAS TSER MA LA SOGS PA 'GA' ZHIG GIS ZUG PAR GYUR PA DANG, DE SBRUL GYIS ZIN PA'I RTOG PA SKYES TE, DE'I DBANG GIS DUG GI SHUGS SLON PA LA SOGS PA 'BYUNG BAR 'GYUR TE, DE LTA BU DE LA NI RTOG PA'I DUG CES BYA'O, ,DUG BCAS NAD KYIS ZUG PA DANG, ,SKRANG DANG G-YA' DANG RIMS BCAS PA, ,LA LA TSA ZHING RMEN BUR 'GYUR, ,DE LAS BZLOG PA DUG MED YIN, ,ZHES BYA BA LA, MCHE BA'I DUG DANG BCAS PA NI SHAS CHER ZUG PA DANG SKRANGS PA LA SOGS PA DANG LDAN PA YIN NO, ,DUG MED PA NI ZUG PA LA SOGS PA'I MTSAN MA MED PA YIN NO, ,GDENGS KA CAN SHUGS DANG PO LA, ,NAD KHRAG NAG POR 'DZAG PAR 'GYUR, ,MIG DANG GDONG SOGS GNAG PA DANG, ,SRIN BU RGYU BA SNYAM DU SEMS, ,ZHES BYA BA LA, GDENGS KA CAN
, ,GYI SHUGS DANG PO LA NI NAD KHRAG NAG POR 'DZAG PAR 'GYUR BA DANG, GDONG GNAG PA DANG, LUS LA SRIN BU RGYU BA SNYAM DU SEMS PA YIN NO, ,SHUGS GNYIS PAR NI RMEN BU SKYE, ,GSUM PAR MGO NI LCI BAR 'GYUR, ,ZHES BYA BA LA, DUG GI SHUGS GNYIS PA LA NI RMEN BU SKYE BAR 'GYUR BA DANG, SHUGS GSUM PAR MGO BO LCI BAR 'GYUR BA YIN NO, ,BZHI PAR MIG 'BYED DKA' BA DANG, ,SOS BTAB RNAGS SHING MCHIL MA SLON, ,ZHES BYA BA LA, GDENGS KA CAN GYIS ZIN PA'I SHUGS BZHI PA LA NI MIG 'BYED PAR DKA' BA LA SOGS PA YIN NO, ,LNGA PAR TSIGS 'BYE SNYAM SEMS DANG, ,RGYUD GZHAN TSIGS NI 'JIG PA DANG, ,LUS TSA SKYIGS BU 'BYUNG BA YIN, ,ZHES BYA BA LA, DE'I SHUGS LNGA PA LA NI LHU TSIGS 'BYE BA SNYAM DU SEMS PA LA SOGS PA YIN NO, ,DRUG PAR SNYING NA LUS LCI ZHING; ,BRGYAL ZHING 'KHRU LA ZAS MI 'JU, ,ZHES BYA BA LA, SHUGS DRUG PA LA NI SNYING NA BA LA SOGS PA YIN NO, ,BDUN PAR KHU BA'I GNAS PHYIN NAS, ,PHRAG GONG RGYAB DANG RGAL TSIGS DANG, ,RKED PA ZHIG PA SNYAM SEMS ZHING, ,SPYOD LAM THAMS CAD LAS NYAMS 'GYUR, ,ZHES BYA BA LA, GDENGS KA CAN GYI SHUGS BDUN PA LA NI KHU BA'I GNAS SU DUG DE PHYIN PAR 'GYUR TE, PHRAG GONG NA BA LA SOGS PAR 'GYUR RO, ,DE NAS LUS BSKYIL BAS ZIN NA, ,NAD KHRAG SER POR 'GYUR BA DANG, ,DE YIS LUS SER TSA BA SKYED, ,CES BYA BA LA, SBRUL LUS 'KHYIL PA ZHES BYA BAS ZIN PA NI KHRAG SER POR GYUR PA LA SOGS PA YIN NO, ,GNYIS PAR SKRANG BAR 'GYUR BA YIN, ,ZHES BYA BA LA, LUS BSKYIL BA'I SHUGS GNYIS PA LA NI LUS SKRANG PAR 'GYUR RO, ,GSUM PAR SOS BTAB RNAGS PA DANG, ,RDUL DANG SKOM DAD SKYE BAR 'GYUR, ,ZHES BYA BA LA, SHUGS GSUM PA LA NI SOS BTAB PA'I RJES RNAGS PA LA SOGS PAR 'GYUR RO, ,BZHI PAR KHONG TSA RIMS KYIS 'DEBS, ,LNGA PAR LUS KUN KHYAB PAR TSA [?], ,ZHES BYA BA LA, BZHI PA DANG LNGA BA'I DUG GI SHUGS
NI KHONG TSA BA LA SOGS PAR 'GYUR RO, ,SBRUL NI KHRA BOS ZIN GYUR NA, ,KHRAG NI SKYA BOR 'GYUR BA DANG, ,DES NI LUS MDOG SKYA BOR 'GYUR, ,ZHES BYA BA LA, SBRUL KHRA BOS ZIN PAR GYUR NA KHRAG GI TSOGS SKYA BAR 'GYUR LA, RGYU DES NA LUS KYANG MDOG SKYA BONG 'GYUR RO, ,GNYIS PAR LUS NI LCI BAR 'GYUR, ,ZHES BYA BA LA, SHUGS GNYIS PA LA NI LUS SHIN TU LCI BAR 'GYUR RO, ,GSUM PAR SOS BTAB RNAGS PA DANG, ,MIG DANG KHA SNA LAS 'DZAG 'GYUR, ,ZHES BYA BA LA, SHUGS GSUM PA LA NI RNAGS PA LA SOGS PAR 'GYUR RO, ,BZHI PAR MGO LCI GNYE'U RENGS 'GYUR, ,ZHES BYA BA LA, DUG GI SHUGS BZHI PA LA NI MGO BO LCI BA LA SOGS PAR 'GYUR RO, ,LNGA PAR LUS TSIGS NA BA DANG, ,GRANG BA'I RIMS KYIS 'DEBS PAR BYED, ,CES BYA BA LA, SHUGS LNGA PA LA NI LUS TSIGS NA BA LA SOGS PAR 'GYUR RO, ,LHAG MA GNYIS PO SNGA MAR MTSUNGS, ,ZHES BYA BA LA, SHUGS DRUG PA DANG BDUN PA LA NI GDENGS KA CAN GYI MTSAN NYID DANG LDAN PA YIN NO, ,SHUGS NI LNGA PAR GSO BA DAG ,BYA YIS DE LAS PHAN CHAD MIN, ,ZHES BYA BA LA, DE DAG GI SHUGS LNGA PA'I BAR GYIS GSO BAR BYA'I, DRUG PA DANG BDUN PA LA NI GSO BAR MI BYA'O, ,CHU YIS G-YENGS DANG CHAGS PA ZAD, ,SKRAG DANG NE'U LES 'PHEN PA DANG, ,GRANG LHAGS NYI TSAN RLUNG DANG NAD, ,BKRES SKOM NGAL BAS GZIR BA DANG, ,PHYOGS GZHAN NAS NI RING PAR 'ONG, ,DUG SPANGS [?] LPAGS PA BRJES PA DANG, ,'JAG MA SMAN DANG TSER MA CAN, ,NAGS NA RGYU BA GANG YIN DANG, ,RIG PA LA SOGS BRTEN PHYOGS GNAS, ,SBRUL DE DUG NI CHUNG BAR 'DOD, ,CES BYA BA LA, SBRUL GANG CHUS G-YENGS PA DANG, CHAGS PA SPYOD PA ZAD PA DANG, SKRAG PA LA SOGS PA DANG, YUL PHYOGS GANG RIG SNGAGS LA SOGS PA GANG RIGS BRTEN ZHING GRUB PA'I PHYOGS NA GNAS PA STE, SBRUL DE DAG NI DUG CHUNG BA YIN NO, ,DUR KHROD BSTI GNAS SHING GCIG SOGS, ,TSES LNGA DANG NI DUS TSIGS DANG, ,TSES BRGYAD TSES DGU THUN
, ,MTSAMS DANG, ,NAM PHYED DANG NI NYI MA'I GUNG, ,BRA NYE SMIN DRUG MCHU DANG SKAG ,SA GA CHU STOD KHRUMS STOD DANG, ,SNUBS DANG BRA NYE YUD TZAM LA, ,GNAD DU BZUNG BA SPANG BAR BYA, ,ZHES BYA BA LA, DUR KHROD LA SOGS PA'I GNAS SU SBRUL GYIS ZIN PA DANG, TSES LNGA LA SOGS PA'I DUS DANG, BRA NYE LA SOGS PA'I SKAR MA LA BABS PA DANG, DE BZHIN DU YUD TZAM ZHES BYA BA'I DUS LA ZIN PA DANG, GNAD DU BZUNG BA GANG YIN PA DE NI GSOR MI NUS PAS SPANG BAR BYA'O, ,ZIN PA'I MOD LA BZHIN SKYA ZHING, ,SKRA NI 'BYI BAR BYED PA DANG, , LCE 'KHUMS YANG DANG YANG DU BRGYAL, ,DBUGS GRANG GANG YIN DE MI 'TSO, ,ZHES BYA BA LA, SKYES BU GANG SBRUL GYIS ZIN MA THAG BZHIN SKYA BOR GYUR PA DANG, SKRA 'BYI BAR BYED PA LA SOGS PA GANG YIN PA DE MI 'TSO'O, ,SKYIGS BU DBUGS MI BDE ZHING SLON, ,LUS CAN ZIN PA'I MOD LA NI, ,SNYING NAS GZER BAR 'GYUR BA DANG, ,CIG CAR 'BYUNG BA DE MI 'TSO, ,ZHES BYA BA LA, YANG SKYIGS BU LA SOGS PAS ZIN PA'I MOD LA DUS GCIG TU 'BYUNG BA DE YANG MI 'TSO'O, ,'DU SHES STOR CING LBU BAR SKYUGS, ,RKANG PA LAG PA BZHIN GNAG CING, ,SNA ZHOM YAN LAG ZHIG PA DANG, ,TSIGS LHOD BSHANG BA 'KHRU BA YI, ,DUG 'THUNGS PA DANG SBRUL GYIS ZIN, ,DUG CAN MDA' YIS PHOG GYUR PA, ,TSUL NI 'DI DAG SNANG GYUR NA, ,SROG ZAD PAR NI 'GYUR BA YIN, ,ZHES BYA BA LA, SKYES BU GANG SBRUL GYIS ZIN PA'AM, DUG MDAS PHOG PA 'DU SHES STOR CING LBU BA SLON PA LA SOGS PA'I MTSAN NYID DANG LDAN PA DE NI NYE BAR 'CHI BAR 'GYUR RO, ,SNA SMAN RNON PO MI TSOR ZHING, ,RMA NAS KHRAG NI MI 'BYUNG LA, ,DBYIG PAS BSNUN NA RJES MI MNGON, ,GSHIN RJE'I THAD DU 'GRO BA YIN, , ZHES BYA BA LA, SNA SMAN RNON PO BTANG YANG TSOR BA MED PA LA SOGS PA DE YANG MI 'TSO'O, ,DE LAS GZHAN DU SMAN PA YIS, ,'BAR BA'I KHYIM NAS 'BYUNG BA BZHIN, ,LKOG MAR PHYIN PA'I SROG BSRUNG ZHING, ,DUG NI MYUR DU BSAL BAR BYA, ,ZHES BYA BA LA, SNGAR BSHANG PA'I MTSAN
NYID DANG MI LDAN PA GZHAN DAG NI SMAN PAS NGES PAR BSRUNG BAR BYA STE, JI LTAR 'BAR BA'I KHYIM NAS 'BYUNG BA BZHIN DU LKOG MAR PHYIN ZHING 'GAGS SU NYE BA'I SROG DE BSRUNG BAR BYA'O, ,LUS CAN DUG GIS ZIN GYUR PA, ,GRANGS BRGYA'I BAR DU GNAS NAS NI, ,LUS ZUNGS KHRAG SOGS LA GNOD CING, ,LUS LA KHYAB PAR BYED PA YIN, ,ZHES BYA BA LA, MI SBRUL GYI DUG GIS ZIN PAR GYUR NA RMA'I SGOR GRANGS BRGYA BGRANGS PA'I DUS TSIGS TZAM DU GNAS NAS, DE'I 'OG TU KHRAG LA SOGS PA'I LUS ZUNGS LA GNOD PAR BYED CING LUS LA KHYAB PAR BYED DO, ,DUS 'DI'I BAR DU GDUG PA YI, ,MCHE BAS ZIN PA BCAD SOGS LAS, ,BYA ZHING CI NAS LUS LA NI, ,DUG GI YAL GA MA 'PHROS BYA, ,ZHES BYA BA LA, GRANGS BRGYA RDZOGS PA'I DUS 'DI'I BAR DU DUG GIS ZIN PA LA, BSREGS PA LA SOGS PA BYA ZHING DUG GI YAL GAS LUS LA KHYAB PAR MI 'GYUR BAR BYA'O, ,ZIN PA'I MOD LA MYUR DU NI, ,SBRUL NI DE NYID ZA BA 'AM, ,SA 'AM BONG BA GCOD BYED NA, ,RINGS PA KHO NAR SMAN PA YI, ,MCHIL MAS BYUG PAR BYA BA'AM, ,RNA SPABS KYIS NI SO RJES BSKU, ,ZHES BYA BA LA, ,MI SBRUL GYIS ZIN MA THAG SBRUL DE NYID MYUR DU ZA BAR BYED PA 'AM, SA 'AM BONG BA SOS 'DEBS PAR GYUR NA SMAN PAS RINGS PA KHO NAR MCHIL MAS BYUG PA LA SOGS PA BYA'O, ,MCHE BAS BTAB PA'I GONG DU NI, ,SOR BZHIR RAS MA LAS BYAS PA, ,GSO MA'AM 'OD MA LA SOGS BCING, ,SNGAGS SHES PA YIS GRUB SNGAGS BZLA, , ZHES BYA BA LA, SMAN PAS SBRUL GYI MCHE BAS BTAB PA'I SOR BZHI'I LTAG TU RAS MA LAS BYAS PA'AM, GSO MA LA SOGS PA LAS BYAS PA'I CHINGS MAS BCING ZHING, SNGAGS ZHES BYA BA'I GSANG SNGAGS BZLA BAR BYA'O, ,CHU LON GYIS NI CHU LTA BUR, ,BCINGS PAS DUG NI 'PHROS MI 'GYUR, ,DUG GI BCING SOGS NYEN PA YI, ,RTZA LAS RGYU BAR MI 'GYUR RO, ,ZHES BYA BA LA, DUG BCINGS PA GANG YIN PA DES BKAG PAR GYUR NA CHU LON GYIS CHU BZLOG PA DANG 'DRA BAR RTZA'I SGO LAS DUG DE RGYU BAR MI 'GYUR RO, ,BTZIR NAS SOS BTAB DBYUNG BYA ZHING, ,TSIGS DANG GNAD DU
, ,MA CHUD DE, ,SA BON NYAMS PA'I MYU GU BZHIN, ,DUG SHUGS DE NI 'BYUNG MI 'GYUR, ,ZHES BYA BA LA, SOS BTAB PA DE BTZIR ZHING BSDAMS NAS TSIGS DANG GNAD DU MA SONG BAR DE DBYUNG BAR BYA STE, DE LTAR BYAS NA SA BON NYAMS PA DANG 'DRA BAR DUG GI SHUGS 'BYUNG BAR MI 'GYUR RO, ,LUS 'KHYIL SO RJES MKHRIS BSKYED PAS, ,DE MA GTOGS PA GZHAN DAG NI, ,LCAGS DANG GSER LA SOGS PAS SAM, ,MGAL ME YIS NI MYUR DU BSREG ,ME YIS THAL BAR BYED 'GYUR NA, ,CI PHYIR DE NI 'BYUNG BAR 'GYUR, ,ZHES BYA BA LA, LUS 'KHYIL BA ZHES BYA PA'I SO RJES NI MKHRIS PA SKYED PAR BYED PA YIN PAS, DE MA GTOGS PA GDENGS KA CAN DANG KHRA BO STE GZHAN DAG GI DUG NI LCAGS LA SOGS PA MER BSREGS PA 'AM, MGAL ME ZHES BYA BA SHING PHYED TSIG BA'I MES BSREG PAR BYA STE, DE LTA BUS NI MYUR BAR THAL BA NYID DU BYED PAR 'GYUR GYI; MI BYED PA MA YIN NO, ,SA DANG LCI BA SMAN SOGS KYIS, ,KHA BKANG NAS NI GZHIB PAR BYA, ,ZHES BYA BA LA, YANG NA RMA DE LA SA LA SOGS PA GANG YANG RUNG BAS KHA BKANG BA DANG GZHIB PAR BYA'O, ,CHINGS MA'I NANG DU SHA CHE'I PHYOGS, ,MCHOG TU ZHAL ZHAL BYA BA DANG, ,YAN LAG MCHE BAS ZIN BCAS PA, ,DUG SMAN GYI SA NI YANG YANG BSKU, ,TZANDAN PU SHEL TZE LDAN PA'I, ,CHU YIS KYANG NI BLUGS PAR BYA, ,ZHES BYA BA LA, RMA'I SOR BZHI'I GONG DU BCINGS PA'I NANG DU SHA CHE BA'I PHYOGS SU ZHAL ZHAL BYAS LA DE DUG SMAN BSKU ZHING TZANDAN LA SOGS PA'I SMAN GYI CHU BLUGS PAR BYA'O, ,DUG GIS KHYAB PAR GYUR PA LA, ,GTAR GA GDAB PA GSO MCHOG STE, ,KHRAG NI PHYUNG BAR GYUR PA NA, ,MA LUS DUG NI 'BYUNG BAR 'GYUR, ,ZHES BYA BA LA, DUG GIS LUS LA KHYAB PAS GTAR GAS KHRAG GDON PA NI GSO BA'I MCHOG YIN TE, KHRAG PHYUNG BAS DUG 'BYUNG BA'I PHYIR RO, ,DUG BCAS KHRAG NI DRI MI ZHIM, ,MER BSREGS SGRA NI TZEG TZEG ZER, ,ZHES BYA BA LA, DUG DANG BCAS PA'I KHRAG NI DRI MI ZHIM PAR 'GYUR BA DE BZHIN DU MER BSREGS NA SGRA 'TSAG CING TZEG TZEG ZER BA 'BYUNG BAR 'GYUR RO, ,NAD GZHI JI BZHIN DAG
GYUR PA, ,KHRAG NI SNGA MA BZHIN SHES BYA, ,ZHES BYA BA LA, SKYON MED PA'I KHRAG JI LTA BU YIN PA YANG SNGAR BSHAD PA'I TSUL LAS SHES PAR BYA'O, ,RTZA NI SNANG BAR MA GYUR NA, ,RNGABS RVA SRIN BU PAD PAS GTAR, ,ZHES BYA BA LA, GAL TE RTZA MI MNGON NA RNGABS RVA LA SOGS PAS KHRAG DBYUNG BAR BYA'O, ,KHRAG PHYUNG BA YI LHAG MA NI, ,DUG GI DROD KYIS ZHU GYUR PA, ,SHIN TU BSIL BA'I SMAN BSKU DANG, ,BLUGS PA YIS NI BSAL BAR BYA, ,ZHES BYA BA LA, GTAR GAS KHRAG PHYUNG BA'I LHAG MA DUG GI DROD KYIS LUS LA ZHU ZHING KHYAB PAR GYUR PA NI BSIL SMAN BSKU BA LA SOGS PAS BSAL BAR BYA'O, ,DUG GI SHUGS KYIS MA ZHU BAS, ,BRGYAL DANG MYOS DANG SNYING 'DZAG 'BYUNG, ,DE NI BSIL SMAN BLUGS PA DANG, ,RLUNG YAB SPU LDANG BYED PAS BSAL, ,ZHES BYA BA LA, GANG GI PHYIR DUG GI SHUGS KYIS KHRAG MA ZHU ZHING 'THAS PAR GYUR NA BRGYAL BA LA SOGS PA 'BYUNG BAR 'GYUR TE, DE LAS DANG PO NI BSIL SMAN LA SOGS PAS BSAL BAR BYA'O, ,KHRAG NI SLA BAR GYUR NA DUG ,'PHRAL DU SHUGS NI ZHI BAR 'GYUR, ,ZHES BYA BA LA, GAL TE DUG NI SLA ZHING ZAG PAR GYUR NA, MOD LA SHUGS ZHI BAR 'GYUR RO, ,DUG NI RNO BAS SNYING 'DAR BYED, , DE BSRUNG PHYIR NI ZHUN MAR DANG, ,MAR DANG BCAS PA'I SBRANG RTZI 'AM, ,DUG SMAN MAR DANG SBRUS PA BLUD, ,CES BYA BA LA, DUG NI SHIN TU RNO BA YIN PA'I PHYIR SNYING LA GNOD CING 'DAR BAR BYED LA, DE BAS NA SNYING DE BSRUNG BA'I PHYIR ZHUN MAR LA SOGS PA BLUD PAR BYA'O, ,DE YI SNYING NI 'GAG BYED PAS, ,SNYING GAR BAD KAN SOGS PAR BYED, ,CES BYA BA LA, SKYES BU DE LA SNYING GI GNAS SU NAD KYIS 'GAG PAR BYED CING, BAD KAN SOGS PAR BYED PAR 'GYUR RO, ,LUS LCI NAD NI BSLANGS PA DANG, ,SNYING 'PHAR DE NI SLON DU GZHUG ,GSHER RDZAS SKYUR RTZABS RGYA SRAN DANG, ,TIL DANG CHANG SOGS MA GTOGS PA, ,DUG SEL BA YI SLON SMAN GTANG, ,DES NI LUS LA KHYAB MI 'GYUR, ,ZHES BYA BA LA, DE'I 'OG TU LUS LCI BA LA SOGS PA 'BYUNG BAR 'GYUR LA, DES NA SKYUR RTZABS KAN DZI LA SOGS PA MA GTOGS PA DUG SEL BA'I SMAN GYI SLON SMAN GTANG BAR BYA STE,
, ,DE LTAR BYAS NA DUG DES LUS LA KHYAB PAR MI 'GYUR RO, ,SBRUL DANG NYES PA RANG BZHIN DANG, ,GNAS DANG SHUGS KYI KHYAD PAR NI, ,PHRA MO YAN CHAD LEGS BRTAGS LA, ,GSO BA KHYAD PAR CAN BYA'O, ,ZHES BYA BA LA, SBRUL GYI KHYAD PAR DANG, NYES PA NAS SHUGS KYI KHYAD PAR PHRA MO YAN CHAD KYANG LEGS PAR BRTAGS LA, DE DANG 'TSAM PA'I GSO BA KHYAD PAR CAN BYA'O, ,SRIN BU BA RI'I RTZA BA DANG, ,GI RI KAR nI DKAR PO'I CHU, ,BTUNG BA GDENGS KA CAN BZHIN SBYAR, ,SNA SMAN RU RTA SBRANG RTZI GTANG, ,ZHES BYA BA LA, SRIN BU BA RI'I RTZA BA LA SOGS PA'I SMAN NI GDENGS KA CAN GYIS ZIN PA LA BLUD PAR BYA'O, ,DE BZHIN DU RU RTA'I SNA SMAN YANG GTANG BAR BYA'O, ,SBRUL NAG GIS NI ZIN PA LA, ,KHRAG GTAR NAS NI BCA' BA DANG, ,NA GO LI NI SBYAR BA BSKU, ,YANG NA RTZA RNON DUG GIS BSKU, ,ZHES BYA BA LA, MI SBRUL NAG POS ZIN PA LA GTAR GA GDAB PA DANG BCA' BA LA SOGS PA'I LDE GU DANG, RTZA RNO BA'I DUG GIS SOS 'DZIN PA GSO BAR BYA'O, ,BTUNG BAR BTZOD DANG SBRANG RTZI DANG, ,KHANG PA'I DUD PA MAR SBYAR BLUD, ,CES BYA BA LA, SBRUL NAG POS ZIN PA LA BTZOD LA SOGS PA BLUD NA PHAN NO, ,GDENGS KA CAN DANG RI MO CAN, , MI BZAD DUG GIS ZIN PA LA, ,TANDU LI YA TANG PAL DANG, ,GI RI KAR nI RNAM GNYIS DANG, ,KHA LUNG KHAndA SE 'BRU NI, ,BTUNG DANG SNA SMAN MIG SMAN BYA, ,ZHES BYA BA LA, GDENGS KA CAN DANG RI MO CAN GYI DUG MI BZAD PA LA TANDU LI YA LA SOGS PA'I DUG SMAN BTUNG BA LA SOGS PA BTANG NA PHAN NO, , AA SHVA GANDHA RGUN 'BRU DANG, ,GI RI KAR nI SA NAG DANG, ,HA TI PI PI LING DANG NI, ,BYE'U RUG PA'I LO MA DANG, ,BIL BA SE'U 'BRU KA PIDTHA, ,CHA NI PHYED PHYED SBRANG RTZIR SBYAR, ,DUG SMAN YIN TE KHYAD PAR DU, ,LUS 'KHYIL SBRUL GYI DUG LA PHAN, ,ZHES BYA BA LA, AA SHVA GANDHA LA SOGS PA'I CHA PHYED PHYED DANG SBRANG RTZI DANG SBYAR BA'I DUG SMAN NI DUG THAMS CAD SEL ZHING MCHOG TU GDENGS KA CAN GYI DUG LA PHAN NO, ,LO MA LNGA DANG 'BRAS BU GSUM, ,SHING MNGAR N'A GA PUshPA DANG, ,AE LA BA LU DZI BA KA ,ZANGS RTZI BA DANG PU SHEL TZE, ,KHA RA SHUG PA AUTPA LA, ,SBRANG RTZI DANG SBYAR KHA BA CAN, ,ZHES
BYA LUS 'KHYIL DUG 'JOMS SO, ,BSKUS NA SKRANG DANG SHU BA MCHED, ,'BRUM BU RIMS DANG LUS LCI SEL, ,ZHES BYA BA LA, LO MA LNGA PA LA SOGS PA'I DUG SMAN DU SBYAR BA NI MING KHA BA CAN ZHES BYA STE, DES NI LUS 'KHYIL BA'I DUG SEL BA DANG BSKUS NA SKRANG PA LA SOGS PA SEL BAR BYED DO, ,TANG PAL N+YA GRO DHA'I MYU GU, ,DZI BA KA DANG ZANGS RTZI BA, ,KA RA DKAR PO SHING MNGAR BTZOD, ,KHU BA LUS 'KHYIL DUG LA BLUD, ,CES BYA BA LA, LUS 'KHYIL BA'I DUG GIS ZIN PA LA NI TANG PAL LA SOGS PA'I SMAN CHU DANG SBYAR BA BLUD PAR BYA'O, ,'OD MA'I SHUN BAS BON DANG, , BCA' SGA PA TO LA'I SA BON, ,SHIR SHA'I SA BON PU TZE SHEL, ,'BRAS KYI RTZA BA BONG NGA DKAR, ,SHU DAG BA GCIN BCAS PAR BTAGS, ,YAN LAG BRGYAD PA ZHES BYA STE, ,GO NAS YI DUG 'JOMS SO, ,ZHES BYA BA LA, 'OD MA'I SHUN PA DANG SA BON LA SOGS PA SMAN GYI YAN LAG BRGYAD PO BA GCIN DANG SBYAR BA BTAGS TE BYIN NA GON SA'I DUG SEL BAR 'GYUR RO, ,RU RTA BONG NGA PU TZE SHEL, ,HA RE nU KA KHYIM DUD PA, ,RGYA SPOS SBRANG RTZI TSAB GSUM, ,SBYAR BAS RI MO CAN DUG SEL, ,ZHES BYA BA LA, RU RTA LA SOGS PA'I DUG SMAN GYIS SBRUL RI MO CAN GYI DUG SEL BAR BYED DO, , 'DAM BU KHRA BO 'DRAS ZIN NA, ,SA BRKOS 'OG TU THUN GNYIS GZHUG ,PHYUNG STE BZHAR LA MAR SAR DANG, ,'BRAS DANGS YI LDE GUS BYUG ,CES BYA BA LA, 'DAM BU KHRA BO ZHES BYA BA'I DUG GIS ZIN PA LA NI SA BRKOS PA'I 'OG TU THUN GNYIS KYI BAR DU RMA DE BCUG LA, DE'I 'OG TU PHYUNG STE, GTZAGS BUS BZHAR LA MAR SAR DANG 'BRAS DANG SA'I LDE GUS BSKU BAR BYA'O, ,'BRAS BU GSUM GYI PHYE BTAB PA'I, ,MAR NI RNYING PA BLUD PAR BYA, ,ZHES BYA BA LA, YANG NA SBRUL GYIS ZIN PA LA 'BRAS BU GSUM LA SOGS PA'I MAR BLUD PAR BYA'O, ,ZHU ZHING BKRUS NAS NAS ZAN NI, ,SRAN TSOD DANG NI BCAS PA SBYIN, ,ZHES BYA BA LA, MAR DE ZHU NAS BKRU SMAN BYA STE, NAS ZAN LA SOGS PA SBYIN PAR BYA'O, ,KA RA B'I RA AARKA YI, ,ME TOG LANGGA LI'I RTZA BA, ,PI PI LING DANG NA LE SHAM, ,PA THA SKYUR RTZABS LDE GUR BYAS, ,'DI NI SBRUL GZHAN GYIS ZIN PA'I, ,SBRUL GYI DUG KUN SEL
, ,BA YIN, ,ZHES BYA BA LA, KA RA B'I RA LA SOGS PA SKYUR RTZABS DANG LDE GUR BYAS TE BSKUS PA'I SMAN 'DI NI SBRUL GZHAN GYIS ZIN PA THAMS CAD KYI DUG SMAN YIN NO, ,SHRI SHA'I ME TOG KHU BA DANG, ,NA LE SHAM DKAR ZHAG BDUN SPANGS, ,BTUNG DANG SNA SMAN BYAS GYUR NA; ,SBRUL GYI MCHE BAS ZIN PA SEL, ,ZHES BYA BA LA, NA LE SHAM DKAR PO ZHES BYA BA SHI KRU'I SA BON SHI RI SHA'I ME TOG BSKOL BA'I KHU BA'I NANG DU ZHAG BDUN SBANGS TE SBRUL GYIS ZIN PA LA BTUNG BA LA SOGS PA BYIN PAS PHAN NO, ,RGYA SBOS RU RTA SRANG GNYIS GNYIS, ,MAR DANG SBRANG RTZI SRANG BZHI BZHI, ,'DI BLUD 'JOG POS ZIN PA YANG, ,BDE BA SKYED PAR BYED PA YIN, ,ZHES BYA BA LA, YANG NA RGYA SPOS LA SOGS PA YANG JI SKAD SMOS PA'I YON TAN DANG LDAN PA YIN NO, ,DE NAS GDENGS KA CAN GYI SHUGS, ,DANG POR KHRAG NI DBYUNG BAR BYA, ,DUG SMAN SBRANG RTZI ZHUN MAR DANG, ,BCAS PA [?] MYUR DU BLUD PAR BYA, ,ZHES BYA BA LA, GDENGS KA CAN GYIS ZIN PA'I SHUGS DANG PO LA NI KHRAG DBYUNG BA LA SOGS PA'I SBYOR BA BYA'O, ,GNYIS PAR SLON SMAN BTANG NAS NI, ,DE BZHIN DUG SMAN BLUD PAR BYA, ,ZHES BYA BA LA, SHUGS GNYIS PA LA NI SLON SMAN BTANG BA DANG, GTAR GA LA SOGS PA SNGA MA BZHIN DU BYA'O, ,GSUM PAR DUG SMAN SBYAR BYA ZHING, ,MIG SMAN DANG NI SNA SMAN GTANG, ,ZHES BYA BA LA, GSUM PAR NI DUG SMAN GYI MIG SMAN LA SOGS PA SBYAR BAR BYA'O, ,BZHI PAR SKYUG SMAN BTANG NAS NI, ,SNGAR BSHAD PA YI NAS THUG BLUD, ,CES BYA BA LA, SHUGS BZHI PA LA NI DANG POR SKYUG SMAN BTANG NAS GONG DU BSHAD PA'I NAS THUG BLUD PAR BYA'O, ,LNGA PA DRUG PAR BSIL SMAN GYIS, ,BSKU ZHING SMAN CHU YANG YANG BLUGS, ,SLON SMAN RNON PO GTANG BYA ZHING, ,DUG SEL NAS THUG BLUD PAR BYA, ,ZHES BYA BA LA, SHUGS LNGA PA DANG DRUG PA LA NI DE LA BSIL SMAN BSKU BA LA SOGS PA'I SBYOR BA RNAMS BYA'O, ,BDUN PAR DUG SMAN RNON PO YI, ,MIG SMAN DANG NI SNA SMAN GTANG, ,ZHES BYA BA LA, SHUGS BDUN PAR NI DUG SMAN GYI SBYOR BA LA SOGS PA BYA'O, ,DE NAS SPYI BOR RGYA GRAM DU, ,ZAB MO'I MTSON GYIS BTRAL NAS NI, ,DER NI SH'AM KHRAG GAM NI, ,PAGS PA DAG NI
GZHUG PAR BYA, ,ZHES BYA BA LA, DE'I 'OG TU MI DE'I MGO BOR RGYA GRAM BYA ROG RJES 'DRA BAR BTRAL LA DER SH'AM KHRAG GAM PAGS PA GZHUG PAR BYA'O, ,LUS BSKYIL SHUGS NI GSUM PA LA, ,SLON SMAN BTANG LA NAS THUG BLUD, ,CES BYA BA LA, LUS BSKYIL BA'I DUG GI SHUGS GSUM PA LA SLON SMAN BTANG BA'I RJES LA NAS THUG BLUD PAR BYA'O, ,DRUG PAR SMAN NI RTUL PO 'AM, ,SHUG PA LA SOGS SDE TSAN BLUD, ,CES BYA BA LA, LUS BSKYIL BA'I SHUGS DRUG PAR SMAN RNON PO MA YIN PA 'AM, SHUG PA LA SOGS PA'I SDE TSAN BSKOL BA BLUD PAR BYA'O, ,KHRA BO'I SHUGS NI DANG PO LA; ,ZHAL ZHAL ZAB TU GDAB BYA ZHING, ,KU BAS KHRAG NI BTON NAS NI, ,SNGA MA BZHIN DU DUG SMAN BLUD, ,CES BYA BA LA, SBRUL KHRA BOS ZIN PA'I SHUGS DANG PO LA NI ZHAL ZHAL GTING ZAB TU GDAB LA, DE'I 'OG TU KU BA BTAB PAS KHRAG DBYUNG BA'AM SNGA MA BZHIN DU DUG SMAN BLUD PAR BYA'O, ,DRUG PAR MIG SMAN RNON PO DANG, ,SNA SMAN PHYE MA BUD PA GTANG, ,ZHES BYA BA LA, KHRA BOS ZIN PA'I SHUGS DRUG PA LA MIG SMAN SHIN TU RNON PO LA SOGS PA BYA'O, ,MA SMOS PA YI SHUGS LAS NI, ,GDENGS KA CAN SKABS BSHAD LTAR GSO, ,ZHES BYA BA LA, MA SMOS PA'I SHUGS DANG PO DANG GNYIS PA DANG BZHI PA LA SOGS PA LA NI GDENGS KA CAN GYI SKABS SU BSHAD PA LTAR BYA'O, ,SBRUM MA BYIS PA RGAN PO LA, ,GTAR GA MI GDAB 'JAM POS GSO, ,ZHES BYA BA LA, SBRUM MA LA SOGS PA SBRUL GYIS ZIN PA LA NI GTAR GA MI GDAB PAR GSO BA 'JAM POS BYA'O, ,SHING TSA LDONG ROS RGYA SPOS YUNG, ,KU SHA'I KHU BA CHU SRIN SEN, ,TA MA LA YI GE SAR DANG, ,'BRAS BU CHU GRANG SBYAR BA BLUD, ,'DI YIS DBANG PO'I RDO RJES NI, ,LHA MIN LTA BUR DUG 'JOMS BYED, ,CES BYA BA LA, SHING TSAL SOGS PA'I SMAN 'DI DAG 'BRAS BKRUS PA'I CHU DANG SBYAR TE BLUD PA NI MING RDO RJE ZHES BYA STE, JI LTAR BRGYA BYIN GYI RDO RJES LHA MA YIN 'JOMS PA LTAR DUG SEL BAR BYED DO, ,BIL BA'I RTZA BA BYE'U RUG PA'I ME TOG ,RGYA SPOS THANG SHING KA RANYDZA'I 'BRAS BU, ,SER PO RNAM GNYIS 'BRAS BU GSUM DANG NI, ,TSA BA GSUM POR RA GCIN ZHIB BTAGS PA, ,BTUNG DANG SNA SMAN MIG SMAN
, ,SBYAR BA YIS, ,SBRUL DANG LU DBYI BSDIG PA SOGS, ,DUG DANG DBYIG DUG MA ZHU GSUD DANG RIMS, ,MI NI GDON GYIS ZIN PA BDE BAR BYED, ,CES BYA BA LA, BIL BA'I RTZA BA'I SMAN RA GCIN DANG ZHIB TU BTAGS TE BTUNG BA LA SOGS PAR BTANG NA SPRUL LA SOGS PAS ZIN PA DANG, MA ZHU BA DANG, GDON GYIS ZIN PA LA SOGS PA RNAMS BDE BAR BYED DO, ,SOS BTAB BSKU BA LA SOGS KYIS, ,MA LUS BTON PAR GYUR KYANG NI, ,NYAMS PA'I DUG NI JI BZHIN DANG, ,SLAR YANG SHUGS NI SKYE BAR BYED, ,CES BYA BA LA, MCHE BA'I DUG GIS ZIN PA LA BSKU BA LA SOGS PAS MA LUS PAR BTON PAR GYUR KYANG SLAR GNOD PA'I SHUGS BSKYED PAR GYUR PA NI NYAMS PA'I DUG GAM DUG THA MAL PA LA SOGS PA DANG 'DRA BAR BYED PA YIN NO, ,DUG DANG BRAL NAS RLUNG 'KHRUGS NA, ,SNUM LA SOGS PAS GSO BYA ZHING, ,TIL MAR CHANG DANG RGYA SRAN CHU, ,MA GTOGS RLUNG NI SEL BA SBYIN, ,ZHES BYA BA LA, DUG GI SHUGS DANG BRAL NAS RLUNG GI NAD 'KHRUGS PAR GYUR NA SNUM GYI MAR LA SOGS PAS GSO BAR BYA'O, ,MKHRIS PAR MKHRIS PA'I RIMS SEL BA'I, ,SMAN KHU SMAN MAR 'JAM RTZIS GSO, ,ZHES BYA BA LA, GAL TE MKHRIS PA 'KHRUGS NA NI MKHRIS BSEL BAR BYED PA DANG, RIMS SEL BAR BYED PA'I SMAN GYIS SEL BAR BYED DO, ,BAD KAN SBRANG RTZIR BCAS PA YI, ,DONG KA LA SOGS SDE YIS GSO, ,ZHES BYA BA LA, DUG DANG BRAL NAS BAD KAN 'KHRUGS PAR GYUR NA DONG KA LA SOGS PA'I SDE TSAN SBRANG RTZI DANG SBYAR BA BLUD PAR BYA'O, ,SBRUL GYI RUS PAS GNOD GYUR DANG, ,DE BZHIN RTOG PA'I DUG GIS NYEN, ,KA RA RGUN 'BRUM PA YA SYA, ,SHING MNGAR KHA RA SBRANG RTZIR SBYAR, ,SNGAGS KYIS BTAB PA'I CHU DANG BCAS, ,GTOR ZHING SPRO BSRID [?] DGA' BAR BYA, ,ZHES BYA BA LA, SBRUL GYI RUS PAS ZUG PA LA SOGS PA LA NI KA RA DANG, RGUN 'BRUM LA SOGS PA'I SMAN LA SOGS PAS GSO BAR BYA'O, , KE KE RU DANG MU TIG MARGAD DANG, ,BEEd'URYA DANG RDO RJE MTHON KA CHE, ,RAS PAL SA BON DUG GIS GNOD PA 'AM, ,KHA BA CAN GYI RI LAS SKYES PA YI, ,SO MA RA DZA DANG NI BA SPRU BA, ,DE BZHIN DRO NA MA H'A DRO NA DANG, ,SBRUL LA YOD PA'I NOR BU MA NA SI, ,NUS PA DANG NI LDAN PAR GYUR PA YI, ,DUG NI DUG GZHOM BYA
PHYIR BCANG BAR BYA, ,ZHES BYA BA LA, KE KE RU DANG MU TIG LA SOGS PA'I RIN PO CHE DANG, SMAN SBRUL GYI DUG SEL BA'I NUS PA DANG LDAN PA RKANG PA DANG LAG PA DANG, MGUL DANG MGO LA GDAGS PAR BYA'O, ,NUB MO'I DUS SU RGYU TSE KHYAD PAR DU, ,GDUGS DANG KHAR SIL SGRA DANG BCAS PA BCANG, ,DE YI GRIB MA SGRA YI SKAD PHYUNG NAS, ,SBRUL GYI TSOGS NI 'BYER BAR BYED PAR 'GYUR, ,ZHES BYA BA LA, MI NUB MO'I DUS SU RGYU BA'I TSE GDUGS DANG KHAR BA SGRA DANG BCAS PA BCANG BAR BYA STE, GDUGS DE'I GRIB MA DANG KHAR SIL DE'I SGRA SKAD KYIS SBRUL GYI TSOGS 'BYER ZHING MTHONG BA'I YUL LAS 'DAS PAR 'GYUR RO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U SUM CU RTZA DRUG PA'I RNAM PAR 'GREL PA'O,, ,,DE NAS SRIN BU'I DUG GSO BA BSHAD PAR BYA'O, ,SBRUL NYID KYI NI BSHANG GCI DANG, ,KHA CHU SGO NGA LUS RUL SKYES, ,NAD NI RE RE 'DUS PA DANG, ,LDAN PA'I SRIN BU'I DUG RNAM BZHI, ,ZHES BYA BA LA, 'BU GANG SBRUL NYID KYI BSHANG GCI LA SOGS PA RUL PA LAS SKYES PAR GYUR CING, DE DAG KYANG NAD SNA RE RE DANG 'DUS PA LAS GYUR PA'I SRIN BU'I DUG RNAM PA BZHI YIN NO, ,RLUNG GI SRIN BUS ZIN GYUR NA, ,SHAS CHER NA ZHING ZUG PAR BYED, ,CES BYA BA LA, RLUNG GI RANG BZHIN CAN GYI SRIN BUS ZIN PAR GYUR NA, TSA BA LA SOGS PAS MTSAN LHAG PAR NA BA DANG ZUG PAR BYED PA YIN NO, ,ME YI SRIN BUS 'DZAG PA CHUNG, ,TSA ZHING DMAR LA SHU BA MCHED, ,BA LU'I 'BRAS BU SMIN PA 'AM, ,'BRA GO'I 'BRAS BU SMIN PA 'DRA, ,ZHES BYA BA LA, ME'I RANG BZHIN CAN GYI SRIN BUS ZIN PA NA MCHU'I RJES 'DZAG PA CHUNG BA DANG, TSA BA LA SOGS PA'I MTSAN NYID DANG LDAN PA YIN NO, ,BAD KAN SHAS CHES NAD TSABS CHUNG, ,AU DUMB'A RA SMIN PA 'DRA, ,SHAS CHER 'DZAG PA'O, ,ZHES BYA BA LA, BAD KAN GYI RANG BZHIN CAN GYI 'BUS ZIN PAR GYUR NA MCHUS BTAB PAS NAD TSABS CHUNG BA LA SOGS PA YIN NO, ,'DUS PA YI, MTSAN NYID THAMS CAD LDAN PA DANG, ,SHUGS NI SBRUL DANG 'DRA BA DANG, ,SKRANG PA 'PHEL ZHING KHRAG DRI MNAM, ,MGO DANG MIG LCI BRGYAL MGO 'KHOR, ,DBUGS MI BDEN SPANG BAR BYA, ,
, ,ZHES BYA BA LA, 'DUS PA'I RANG BZHIN CAN GYI 'BUS ZIN PA NI MCHU RJES MTSAN NYID THAMS CAD DANG LDAN PA DANG, SBRUL GYI SHUGS BDUN DANG LDAN PA DANG, SKRANG PA LA SOGS PA DANG LDAN PA YIN TE, DE NI GSOR MI RUNG BAS SPANG BAR BYA'O, ,KUN TU SKRANGS PA LTE BA CAN, , TSA BA G-YO ZHING YI GA 'CHUS, ,ZHES BYA BA LA, 'BU THAMS CAD KYIS ZIN PA NI DBUS LTE BA CAN DU MTHO BAR SKRANGS PA DANG, TSA BA LA SOGS PA DANG LDAN PA YIN NO, ,SDIG PA'I DUG NI RNO BA STE, ,DANG POR ME LTAR SREG PAR BYED, ,STENG DU MYUR DU MCHED BYED CING, ,MCHE BA 'OG TU 'DUG PA YIN, , ZHES BYA BA LA, SDIG PA ZHES BYA BA'I 'BUS ZIN PA'I DUG NI RANG BZHIN RNO BA DANG, DANG POR ME LTAR SREG PAR BYED PA DANG, SOS BTAB PA'I STENG DU MYUR DU MCHED CING 'PHEL BA DANG, MCHE BA 'OG TU 'DUG PA YIN NO, ,ZIN MA THAG NI RAB TU GNAG ,GAS PA SNYAM DU SEMS SHING ZUG ,CES BYA BA LA, SDIG PA'I MCHE BAS ZIN PA NI 'PHRAL DU SHAS CHER NA BAR 'GYUR BA DANG, DE BZHIN DU RAB TU NA ZHING GNAG PA DANG, GAS SHING GYES PA SNYAM DU SEMS PA YIN NO, ,DE NI LCI BA SOGS RUL DANG, ,DUG GIS PHOG SOGS RUL BA DANG, ,SBRUL RUL BA LAS SKYES PA NI, ,DUG TSABS CHUNG DANG 'BRING DANG CHE, ,ZHES BYA BA LA, SDIG PA DE DAG GI LCI BA LA SOGS PA RUL BA LAS BYUNG BA DE NI DUG GI TSABS CHUNG BA YIN NO, ,DUG GIS PHOG PA'I SHA RUL BA LA SOGS PA LAS 'BYUNG BA NI 'BRING YIN NO, ,SBRUL GYI SHA RUL PA LAS SKYES PA NI DUG GI TSABS CHE BA YIN NO, ,TSABS CHUNG SER ZHING DKAR DANG GNAG ,RTZUB DANG KHRA ZHING GZIG MDOG CAN, ,SPU DANG TSIGS NI DMAR BA DANG, ,DMAR ZHING LTO BA DKAR BA YIN, ,ZHES BYA BA LA, DUG GI TSABS CHUNG BA'I SDIG PA NI SER BA LA SOGS PA'I MTSAN NYID DANG LDAN PA YIN NO, ,BAR MA LTO RU TSIGS GSUM PA, ,RKED PA SER SKYA DMAR BA YIN, ,ZHES BYA BA LA, SDIG PA'I DUG BAR MA'I LTO BAR DUD KA CAN LA SOGS PA YIN NO, ,DUG CHE SER SKYA KHRA BA DANG, ,RI MO CAN LA KHRAG 'DRA ZHING, ,ME 'DRA TSIGS NI GNYIS SAM GCIG ,LTO BA DKAR ZHING DMAR RAM GNAG ,CES BYA BA LA, SDIG PA CHE BA NI SER SKYA
LA SOGS PA'I MTSAN NYID CAN YIN NO, ,DES ZIN LCE NI SKRANGS PA DANG, ,LUS RENGS RIMS KYIS NYEN PA DANG, ,BU GA LAS NI KHRAG RNAG SLON, ,DBANG PO'I DON NI MI SHES SHING, ,RDUL ZHING BRGYAL LA KHA SKOM DANG, ,RMONGS ZHING NAD KYIS NYEN PA DANG, ,SHA NI ZHIG PAR BYED PA STE, , PHAL CHER SROG NI 'DOR BAR BYED, ,CES BYA BA LA, SDIG PA DES ZIN PA'I MTSAN MA NI LCE SKRANGS PA LA SOGS PA DANG, DE BZHIN DU DBANG PO'I DON GYI YUL MI SHES SHING RTOGS PAR MI 'GYUR PA DANG, SHA ZHIG PA'I BAR YIN TE, DE LTA BU'I NAD KYIS ZIN PA'I MI NI PHAL CHER SROG DANG BRAL BAR 'GYUR RO, ,MCHU SBOM PAS NI KHA YIS NI, ,'DEBS SHING GSOR RUNG SDIG PA LAS, ,LHAG PAR NA BYED LUS RENGS SHING, ,MTSAN GYI SBUBS NI LDANG BA DANG, ,LUS NI RDUL BAR BYED 'GYUR ZHING, ,SOS 'DEBS CHU GRANG SNYAM DU SEMS, ,ZHES BYA BA LA, MCHU SBOM PA ZHES BYA BA'I 'BU NI MCHUS 'DEBS PAR BYED LA, ,DE YANG GSOR RUNG BA'I SDIG PA'I NAD LAS LHAG PAR NA BAR BYED PA DANG LUS RENGS PA LA SOGS PAR BYED PA YIN NO, ,DE NYID RNGA MO'I DUD KA DANG, ,MTSAN MO RGYU BAS MTSAN MO CAN, ,ZHES BYA BA LA, DE NYID NI RNGA MO'I DUD KA DANG, MTSAN MO RGYU BA DANG MTSAN MO CAN ZHES SLOB DPON GYIS MING DU BTAGS PA YIN NO, ,SRIN BU RLUNG MKHRIS SHAS CHE ZHING, ,RNGA MO BYI BA BAD KAN CAN, ,RNGA MO'I DUD PA ZHES BYA BA, ,PHAL CHER RLUNG SHAS CHE BA YIN, ,ZHES BYA BA LA, 'BU SRIN BU ZHES BYA BA NI PHAL CHER RLUNG DANG MKHRIS PA'I SHAS CHE BA YIN LA, RNGA MO DANG BYI BA ZHES BYA BA NI PHAL CHER BAD KAN GYI SHAS CHE BA YIN LA, RNGA MO'I DUD PA ZHES BYA BA NI PHAL CHER RLUNG GI SHAS CHE BA YIN NO, ,NAD NI GANG DANG GANG GI NI, ,MTSAN MA SHAS CHE BA LAS BRTAG ,DE DANG DE LAS GSO BA'I SMAN, ,YON TAN MI MTHUN PA YIS GSO, ,ZHES BYA BA LA, RLUNG LA SOGS PA'I NAD GANG DANG GANG GI SHAS CHE BA SHES PAR BYAS LA, NAD DE DANG DE'I YON TAN DANG MI MTHUN PA'I SMAN GYIS GSO BAR BYA'O, ,SNYING GZER STOD RLUNG GIS RENGS SHING, ,RTZA MI SNANG ZHING RUS TSIGS NA, ,MGO 'KHOR LUS BCINGS SNYAM DU SEMS, ,MDOG GNAG RLUNG LAS GYUR
, ,PA'I DUG ,CES BYA BA LA, RLUNG GI SHAS CHE BA'I DUG NI SNYING GZER BA LA SOGS PA'I MTSAN NYID DANG LDAN PA YIN NO, ,DRAN NYAMS DBUGS NI TSA BAR BYED, ,SNYING TSA KHA NI KHA BROL, ,SHA 'GAS SKRANG BAR BYED PA DANG, ,KHRAG SER BA NI MKHRIS PA CAN, ,ZHES BYA BA LA, MKHRIS PA CAN GYI DUG GIS ZIN PA'I MTSAN MA NI DRAN PA NYAMS PA DANG, DBUGS TSA BA LA SOGS PA YIN NO, ,SLON ZHING SNYING NA YI GA 'CHUS, ,KHA CHU 'DZAG CING CHAM PAS 'DEBS, ,GRANG BCAS KHA NI MNGAR BAR BRO, ,BAD KAN SHAS CHE'I DUG NAD YIN, ,ZHES BYA BA LA, BAD KAN GYI BDAG NYID CAN GYI DUG GIS ZIN PA NI SLON PA LA SOGS PA'I MTSAN NYID DANG LDAN PA YIN NO, ,'BA' CHAS RMA NI BSKU BA DANG, ,RLUNG SEL TIL MAR GYIS BSKU DANG, ,SBU GUM SMIN 'BRU DUGS DANG, ,BRTA BAR BYA BA'I CHO GAS PHAN, ,ZHES BYA BA LA, DE DAG GI GSO BA NI RLUNG GI BDAG NYID CAN GYI DUG LA NI TIL LA SOGS PA'I 'BA' CHAS BSKU BA DANG, TIL MAR GYIS BSKU BA LA SOGS PA BYAS NA PHAN NO, ,MKHRIS PA CAN LA SMAN CHU BLUGS, ,SHIN TU GRANG BA'I LDE GUS BSKU, ,ZHES BYA BA LA, MKHRIS PA CAN GYI DUG LA NI SHIN TU BSIL BA'I SMAN GYI CHU BLUGS PA DANG LDE GUS BSKU BAS PHAN NO, ,BAD KAN CAN LA BZHAR ZHING BCAD, ,DUGS DANG SKYUG SMAN BTANG BAS GSO, ,ZHES BYA BA LA, BAD KAN CAN GYI DUGS NI BZHAR BA LA SOGS PAS BSAL BAR BYA'O, ,SRIN BU RNAM PA GSUM PO LA, ,GSO BA RNAM PA GSUM POS PHAN, ,ZHES BYA BA LA, 'BU'I RIGS GSUM PO LA NI GSO BA RNAM PA GSUM PO BYAS NA PHAN NO, ,DUGS DANG BSKU DANG SMAN CHU BLUGS, ,PHAL CHER DRO 'JAM GTANG BAR BYA, ,GZHAN DU BRGYAL DANG MCHE BA YI, ,RNAGS DANG 'DRUL BAR BYED MA GTOGS, ,ZHES BYA BA LA, 'BU'I DUG PHAL CHER LA DUGS LA SOGS PA DRO 'JAM TZAM BYA BA STE, GZHAN DU NA BRGYAL BA LA SOGS PA LA NI DE DAG BYAR MI RUNG NGO, ,MI SKRA YUNGS KAR SER PO DANG, ,BU RAM RNYING PA'I DUD PAS BDUG ,DUG DANG MCHE BA'I DUG KUN LA, ,MCHOG TU PHAN PAR 'DROB SKYONG 'CHAD, ,CES BYA BA LA, DUG GIS ZIN PA THAMS CAD LA MI'I SKRA LA
SOGS PA'I DUD PAS BDUG PA PHAN PAR DRANG SRONG 'DROB SKYONG GIS BSHAD DO, ,DUG SEL SMAN NI THAMS CAD DANG, ,SBYANG BA'I LAS KYANG BYA BA YIN, ,ZHES BYA BA LA, MCHE BA DUG CAN GYIS ZIN PA THAMS CAD LA SBYOR BA 'DI DAG BYAS NA YANG PHAN NO, ,SRIN BU SDIG PA MI BZAD DUG ,'BUS ZIN SBRUL GYIS ZIN LTAR GSO, ,ZHES BYA BA LA, SRIN BU RNAMS KYI DUG LA NI SBRUL GYI DUG LTAR GSOS NA YANG PHAN NO, ,TAN DU LI YA CHA MNYAM PA'I, ,DUR BYID DANG NI ZHUN MAR BLUD, ,'BU YI DUG GIS GANGS CAN LTAR, ,BSKYOD PAR NUS PA MA YIN NO, ,ZHES BYA BA LA, SKYES BUS TAN DU LI YA LA SOGS PA'I SMAN 'THUNGS NA YANG SRIN BU'I DUG GIS GANGS CAN BSKYOD PAR MI NUS PA DANG 'DRA BAR BSKYOD MI NUS PAR BYED DO, ,'O MA CAN SHUN LDE GUS BSKU, ,SBYANGS BYAS SRIN BU'I DUG SEL BYED, ,CES BYA BA LA, MI SBYANGS PA BYAS NAS 'O MA CAN GYI SHING GI SHUN PA'I LDE GUS BSKUS NA YANG SRIN BU'I DUG SEL BAR BYED DO, ,MU TIG LDE GUS BSKUS NA YANG, ,SKRANG DANG DUG DANG TSA BA SEL, ,ZHES BYA BA LA, MU TIG BTAB PA'I LDE GUS BSKUS NA YANG SKRANG BA DANG, ZUG PA LA SOGS PA SEL BAR BYED PA'I MCHOG YIN NO, ,SHU DAG SHING KUN BYI DANG KA , RGYAM TSA HA TI PI PI LING, ,PA THA BONG NGA TSA BA GSUM, ,'DROB SKYONG GIS NI BSHAD PA YIN, ,YAN LAG BCU PA'I DUG SMAN NI, ,'DROB SKYONG GIS NI BSHAD PA DAG ,BLUD NA SRIN BU'I DUG KYANG SEL, ,ZHES BYA BA LA, SHU DAG LA SOGS PA'I DUG SMAN YAN LAG BCU PA NI 'DROB SKYONG GIS BSHAD PA YIN TE, DES KYANG SRIN BU'I DUG THAMS CAD SEL BAR BYED DO, ,SDIG PA'I DUG GIS 'PHRAL ZIN LA, ,'KHOR LOS BTZIR BA'I TIL MAR BSKU, ,SA LA PARnI BSKOL BA YI, ,DRO 'JAM YANG NA GZHAN DAG BLUGS, ,ZHES BYA BA LA, SDIG PA'I MCHE BA'I DUG GIS ZIN PA LA, 'KHOR LOS BTZIR BA'I TIL MAR SAR PA DANG, SA LA PAR nI DRO 'JAM TZAM MAM, YANG NA TIL GZHAN DAG LAS BYUNG BA'I TIL MAR BLUGS PAR BYA'O, ,RGYAM TSA DANG NI BCAS PA YI, ,ZHUN MAR YANG DANG YANG DU BLUGS, ,ZHES BYA BA LA, YANG NA MAR DANG RGYAM TSA SBYAR BA BLUGS PAR BYA'O, ,YANG
, ,NA SKYUR RTZABS DRO 'JAM MAM, ,RGYAM TSA 'O MAR BCAS PA BLUGS, ,ZHES BYA BA LA, GZHAN DU NA SBYOR BA 'DI NYID BYAS NA YANG PHAN NO, ,MAR DANG BRNGOS PA'I GO SNYOD DANG, ,RGYAM TSAR BCAS PAS DKRI BAR BYA, ,ZHES BYA BA LA, YANG GO SNYOD DANG RGYAM TSA'I LDE GU MAR DANG BRNGOS PAS DKRIS NA PHAN NO, ,MCHE BAS ZIN PA DUGS BYAS LA, ,ZHAL ZHAL BTAB STE 'BRAS BU GSUM, ,SER PO GNYIS DANG TSA BA GSUM, SHIR SHA'I ME TOG BSKU BAR BYA, ,ZHES BYA BA LA, MCHE BAS ZIN PA LA NI DANG POR DUGS BYAS LA, GTZAGS BUS ZHAL ZHAL BYAS TE 'BRAS BU GSUM PO LA SOGS PA'I PHYE MAS BTAB PA 'AM, LDE GUS BSKU BAR BYA'O, ,RGYAM TSA KHA LUNG BA GCIN SKYUR, ,BYE'U RUG PA'I RTZE MO BTAGS, ,'BA' CHA 'AM LCI BA DRO 'JAM TZAM, ,BSKUS NA'ANG PHAN PAR 'GYUR BA YIN, ,ZHES BYA BA LA, YANG NA RGYAM TSA LA SOGS PA'I LDE GU 'AM 'BA' CHA 'AM, BA'I LCI BA DRO 'JAM TZAM BSKUS NA YANG PHAN NO, ,BTUNG BA ZHUN MAR SBRANG RTZIR BCAS, ,YANG NA 'O MAR KHA RA BTAB, ,CES BYA BA LA, YANG NA ZHUN MAR LA SOGS PA'I BTUNG BA BYIN NA YANG PHAN NO, ,PHUG RON RTUG PA AA RU RA, ,RGYA SPOS BCA' SGA KHA LUNG GI , KHU BA DANG SBYAR BLUD PA NI, ,SDIG PAS ZIN PA'I SMAN MCHOG YIN, ,ZHES BYA BA LA, YANG PHUG RON GYI RTUG PA LA SOGS PA YANG MCHOG TU PHAN PA YIN NO, ,RNGA MO'I SO NI CHU BAL BCAS, ,SDIG PA'I DUG NI 'JOMS PAR BYED, ,CES BYA BA LA, YANG NA RNGA MO'I SO LA SOGS PA YANG PHAN NO, ,SHING KUN PA LA KHA LUNG GI ,KHU BA DANG SBYAR LDE GU DANG, ,MIG SMAN RI LUR BYAS NA NI, ,SDIG PA'I DUG NI SEL MCHOG YIN, ,ZHES BYA BA LA, YANG NA SHING KUN LA SOGS PA'I SMAN GYI SBYOR BAS PHAN NO, ,KA RANYDZA DANG AARDZUN, ,GI RI KARnI SE LU DANG, ,SHIR SHA'I ME TOG DUG MO YUNGS, ,ZHO GA CHU DANG BTAGS BSKUS NA, ,SDIG PA'I DUG NI SEL BAR BYED, ,CES BYA BA LA, YANG NA KA RANYDZA LA SOGS PA'I SBYOR BA YANG PHAN NO, ,GANG ZHIG RMUGS SHING RNGAM PA 'THON, ,BLA ZHING MI BZAD NA GYUR PA, ,DE LA YUNG DANG AA RU RA, ,BTZOD DANG BONG NGA PI PI LING, ,BIL BA GZHON NU NA LE SHAM, ,BA'A
TA KA YI KHU BAR BTAGS, ,LDE GUS BYUGS NA PHAN PA YIN, ,ZHES BYA BA LA, MI GANG SEMS RMUGS PA DANG, RNGAM PA 'THON PA DANG, BLA ZHING 'BREL PA DANG, 'BREL PA'I TSIG MANG DU SMRA BA DANG, BRNAG PAR DKA' BA NA BAR GYUR PA GANG YIN PA DE LA YUNG BA LA SOGS PA'I LDE GUS BSKU BAR BYA'O, ,SBRANG MA GDUG PA'I DUG KUN LA, ,ZHO DANG MAR NI BLUD BYA ZHING, ,GTAR GA GDAB CING SNA SMAN DANG, ,MIG SMAN GYI NI CHO GA BYA, ,DRO ZHING SNUM DANG SKYUR BA DANG, ,RLUNG 'JOMS KHA ZAS SBYIN PAR BYA, ,ZHES BYA BA LA, SBRANG MA GDUG PA'I DUG GIS ZIN PA LA NI ZHO DANG MAR BLUD PA LA SOGS PA'I SBYOR BA DANG, KHA ZAS DRO BA LA SOGS PA RLUNG SEL BA SBYIN PAR BYA'O, ,DONG GRA BYI BA'I RTUG PA DANG, ,KHA LUNG KHU BAB [?] BLA DANG, ,RGYAM TSA PU SHEL TZE SBYAR BA'I, ,LDE GUS SBRANG MA'I DUG MYUR 'JOMS, ,ZHES BYA BA LA, DONG GRA LA SOGS PA'I LDE GUS BSKUS NA SBRANG MA GDUG PA'I RIGS THAMS CAD KYI DUG 'JOMS PAR BYED DO, ,SDIG PAS ZIN PA'I THA MAR NI, ,DUG NI SHAS CHER LANGS GYUR PA, ,ZIN PA'I RMA LA DUG GIS BSKU, ,AUTZTSE tIm KA'I GSO BA'ANG 'DI, ,ZHES BYA BA LA, SDIG PAS ZIN PA'I MI LA GSO BA THAMS CAD BYAS PA'I THA MAR DUG MI BZAD PA LANGS PAR GYUR NA RMA DE LA DUG GIS BSKU BAR BYA'O, ,AUTZTSE tIm KA ZHES BYA BA'I 'BUS ZIN PA YANG CHO GA 'DI NYID BYA'O, ,GLANG PO CHE YI RTUG PA'I STENG, ,RO HI SHA'I RTZA SE'U'I CHU, ,LDE GUR BYAS BTAGS BSKUS NA NI, ,'DI NI SBRANG MA'I DUG 'JOMS MCHOG ,CES BYA BA LA; GLANG PO CHE'I RTUG PA'I STENG DU, RO HI SHA'I RTZA BA DANG, SE'U'I CHU LDE GUR BYAS LA BSKUS NA SBRANG MA'I DUG THAMS CAD 'JOMS PA'I MCHOG YIN NO, ,SHIR SHA'I SA BON AARGA YI, ,'O MAS LAN GSUM BSGOS PA NI, ,PI PI LING GI PHYE MAR BSRES, ,DUG SMAN 'DIS NI SRIN BU'I DUG ,SBRUL DANG LU TA BYI BA YI, ,DUG NI SEL BAR BYED PA YIN, ,ZHES BYA BA LA, SHIR SHA'I SA BON PI PI LING GI PHYE MA DANG BSRES LA, AARGA'I 'O MAS LAN GSUM BSGOS TE SBYAR BA'I SMAN 'DIS NI SRIN BU'I DUG THAMS CAD SEL BAR BYED DO, ,SHIR SHA KA RANYDZA YI SA BON DANG, ,GUR GUM
, ,RU RTA LDONG ROS BCAS PA YI, ,DUG SMAN 'DIS NI MTSAN RGYU'I SDIG PAS ZIN, ,SEL BAR BYED PA YIN PAR RGYAL BAS GSUNGS, ,ZHES BYA BA LA, SHIR SHA'I SA BON LA SOGS PA SBYAR BA'I DUG SMAN 'DIS NI MTSAN MO RGYU BA'I SDIG PAS ZIN PA SEL BAR BYED PA'I DAM PA YIN PAR RGYAL BA STE, SANGS RGYAS BCOM LDAN 'DAS KYIS GSUNGS SO, ,SRIN BU LAS NI RAB GDUG PA, ,BA NI BCU DRUG YIN PAR BSHAD, ,GZHAN DAG NYI SHU RTZA BRGYAD 'DOD, ,KHA CIG DE BAS MANG BAR 'DOD, ,NYI MA'I 'OD KYI RJES 'BRANG BA, ,STONG PHRAG YOD CES GZHAN DAG 'CHAD, , CES BYA BA LA, SRIN BU RNAMS LAS RAB TU GDUG CING GSO DKA' BA NI SROG CHAGS BA ZHES BYA BA YIN LA, DE'I DBYE BA YANG BCU DRUG YOD PAR SLOB DPON GYIS BSHAD DO, ,KHA CIG NI DE NYI SHU RTZA BRGYAD YOD PAR 'DOD DO, ,DRANG SRONG GZHAN DAG NI DE BAS KYANG MANG BAR 'DOD DO, , DRANG SRONG KHA CIG NI NYI MA'I 'OD KYI RJES SU 'BRANG ZHING SKYE BA STONG PHRAG DU MA YOD PAR 'CHAD DO, ,BLA BRNAN GZUGS NI MANG GYUR PA, ,DUG CAN PA NI GCIG PUR 'DOD, ,CES BYA BA LA, SROG CHAGS BA NI BLA BRNAN MANG ZHING GZUGS MANG BA'I DUG CAN NI GCIG PU KHO NAR 'DOD DO, , DE YI GZUGS DANG MING DAG NI, ,SHIN TU 'DRES PAS SHES PAR DKA', ,GNAS KYI NGES PA YOD MIN PAS, ,DE PHYIR NAD LAS BSHAD PAR BYA, ,ZHES BYA BA LA, BA DE'I GZUGS LA SOGS PA NI SHIN TU SHES PAR DKA' ZHING, GNAS KYI NGES PA YANG YOD PA MA YIN PAS DE'I RANG BZHIN NI NAD KYI TSUL LAS BSHAD PAR BYA'O, ,NAD GZHI SO SO'I GSO BA DKA', ,'DUS PA LAS GYUR GSOR MI RUNG, ,ZHES BYA BA LA, BA DE NI NAD GZHI THA DAD PA LAS GYUR PA NI GSO DKA' BA YIN LA, 'DUS PA LAS GYUR PA NI GSOR MI RUNG BA YIN NO, ,DES ZIN MKHRIS GYUR TSA BA DANG, ,SKOM DAD CHU BUR RIMS KYIS 'DEBS, ,RMONGS BAG RAB TSA DMAR SER MDOG ,RNAGS SHING RGUN 'BRU'I 'BRAS BU 'DRA, ,ZHES BYA BA LA, BA DES ZIN PA'I MKHRIS PA LAS GYUR PA'I MTSAN MA NI TSA BA LA SOGS PA YIN NO, ,BAD KAN LAS GYUR SRA ZHING SKYE, ,PA RU SHA KA'I 'BRAS BU 'DRA, ,GNYID CHE GRANG RIMS
LUD PA LU, ,SHIN TU G-YA' BAR BYED PA YIN, ,ZHES BYA BA LA, BAS ZIN PA'I BAD KAN CAN GYI MTSAN NYID NI SRA ZHING MDOG SKYA BA LA SOGS PA YIN NO, ,RLUNG GYUR RTZUB CING GNAG PA DANG, ,TSIGS NA RIMS KYIS 'DEBS PAR BYED, ,CES BYA BA LA, DE LA RLUNG LAS GYUR PA NI, REG NA RTZUB CING KHA DOG GNAG PA LA SOGS PA YIN NO, ,DE YI DBYE BA NAD KYI NI, ,RANG GI MTSAN NYID LAS SHES BYA, ,ZHES BYA BA LA, BA DE'I DBYE BA NI DE LTAR NAD KYI RANG GI MTSAN NYID LAS SHES PAR BYA'O, ,GSOR MI RUNG BA SNYING TSA ZHING, ,LUD PA SKYIGS BU MGO NAD DANG, ,'BRUM PHRAN DKAR DANG SER DANG GNAG ,DMAR DANG SKYA BA LAS 'BYUNG 'GYUR, ,'DAR ZHING SKRANGS LA TSA BA DANG, ,SKOM DAD LANG ZHING SNA 'CHUS LA, ,MCHU GNAG SO NI G-YO BA DANG, ,RGYAB DANG MID PA BCOM SNYAM SEMS, ,'DZAM BU'I 'BRAS BU SMIN 'DRA BA'I, ,KHRAG NI MCHUS BLDAGS RMA LAS 'DZAG ,CES BYA BA LA, BAS BLDAGS PA GSO BAR MI RUNG BA NI, SNYING TSA BA LA SOGS PA DANG, 'BRUM PHRAN MDOG DKAR BA LA SOGS PA 'BYUNG BAR 'GYUR BA DANG, 'DAR BA LA SOGS PA'I MTSAN NYID CAN NAS MCHUS BLDAGS PA LAS 'DZAM BU SMIN PA'I 'BRAS BU 'DRA BA'I KHRAG 'DZAG PAR 'GYUR BA'I BAR YIN NO, ,'DUS GYUR MTSAN NYID KUN LDAN ZHING, ,MING NI MANG POR GYUR PA YIN, ,ZHES BYA BA LA, BA THAMS CAD KYANG 'DUS PA LAS GYUR PA YIN ZHING, NAD SKYED PAR BYED PA YIN LA, DE'I MING YANG DU MAR GYUR PA YIN NO, ,DE'I DUG RNON PO BAR MA DANG, , DMAN PA'I DBYE BAS GSUM DU 'GYUR, ,ZHES BYA BA LA, BA DE NI DUG RNON PO LA SOGS PA'I DBYE BAS RNAM PA GSUM DU 'GYUR RO, ,MA BCOS ZHAG BDUN ZHAG BCU DANG, ,ZLA BA PHYED KYI RIMS KYIS GSOD, ,CES BYA BA LA, BA DE'I DUG NI MA BCOS SHING GSO BA MA BYAS NA DUG RNON POS NI ZHAG BDUN NAS GSOD DO, ,DUG BAR MAS NI ZHAG BCU NAS GSOD DO, ,DUG DMAN PAS NI ZLA BA PHYED KYIS GSOD DO, ,BA DANG MCHU RINGS THAMS CAD KYANG, ,GLANG SHU KOR KOR POR BYED CING, ,DKAR DANG GNAG DANG DMAR DANG SER, ,GNAG PA 'AM 'JAM ZHING MTHO BA
, ,DANG; ,DBUS SU GNAG PA 'AM SNGO BA LA, ,MTHA' MA DRA BA LTA BUS KHEBS, ,MCHED CING SKRANG BAR BYED PA DANG, ,TSA ZHING MANG DU NA BA DANG, ,RIMS 'DEBS MYUR DU RNAGS SHING 'DRUL, ,RUL ZHING GAS PAR BYED PA DANG, ,RNAG GIS GANG DU REG GYUR PA'I, , PHYOGS DER YANG NI RMA SKYED BYED, ,CES BYA BA LA, BA DANG SBRANG BU MCHU RING LA SOGS PA THAMS CAD KYANG GLANG SHU ZLUM PO KOR KOR PO DANG 'DRA BA SKYED PAR BYED CING, MDOG NI DKAR PO LA SOGS PA GANG YANG RUNG BAR GYUR LA, DE BZHIN DU 'JAM PA LA SOGS PA'I MTSAN NYID DANG LDAN PA DANG, SHU BA MCHED PA LA SOGS PA DANG, RIMS LA SOGS PA SKYED PAR BYED PA YIN NO, ,DBUGS DANG MCHE BA BSHANG GCI DANG, ,KHU CHU KHA CHU SEN MO KHRAG ,BRGYAD PO GNOD BYED KHYAD PAR DU, ,DUG NI KHA LA GNAS PA YIN, ,ZHES BYA BA LA, BA LA SOGS PA'I SRIN BU GDUG PA 'DI DAG NI, DBUGS LA SOGS PA BRGYAD LA DUG YOD PAS GNOD PAR BYED LA, KHYAD PAR DU NI DUG DE KHA LA GNAS PA YIN NO, ,BA NI LTE BA YAN CHAD 'DZIN, ,SRIN BU STOD SMAD KUN TU GNOD, ,CES BYA BA LA, BA NI LTE BA YAN CHAD DU GNOD CING DUG 'DEBS PAR BYED LA; SRIN BU NI LUS KYI STOD SMAD KUN TU GNOD PAR BYED DO, ,DES GNOD BYAS PA'I GOS LA SOGS, ,LUS LA REG NA NAD SKYED BYED, ,CES BYA BA LA, BA DANG SRIN BU GDUG PA DES GNOD CING GOS PAR BYAS PA'I GOS LA SOGS PAS LUS LA REG NA YANG DUG GI NAD SKYED PAR BYED DO; ,BA DANG SRIN BU LAS GYUR DUG ,NYIN PHYED BAR DU TSOR MI 'GYUR, ,ZHES BYA BA LA, BA DANG SBRANG BU GDUG PA LA SOGS PAS ZIN PA'I DUG NI NYI MA PHYED KYI BAR DU TSOR BAR MI 'GYUR RO, ,DE NAS DANG PO'I NYIN ZHAG LA, ,KHAB KYIS GTZAGS PA SNYAM DU SEMS, ,MDOG MI GSAL ZHING GSO BA DANG, ,CUNG ZAD G-YA' ZHING NAD DANG LDAN, ,ZHES BYA BA LA, DE'I 'OG TU SRIN BUS ZIN PA DE DANG PO'I NYIN ZHAG LA KHAB KYIS GTZAGS PA SNYAM DU SEMS PA LA SOGS PAR 'GYUR RO, ,GNYIS PAR MTHA' MA SHIN TU MTHO, ,'BRUM BU PHRA MOS KHYAB PA 'DRA, ,MDOG
GSAL GYUR NAS DBUS DMA' ZHING, ,G-YA' ZHING RMEN BU LTA BUR SNANG, ,ZHES BYA BA LA, SBRANG BU GDUG PAS ZIN NAS ZHAG GNYIS PA'I MTHA' MA NI SHIN TU MTHO BA LA SOGS PAR 'GYUR RO, ,GSUM PAR RIMS BCAS SPU LDANG ZHING, ,'KHOR LING DMAR POR SNANG BA DANG, ,KHAM PHOR GZUGS 'DRA PHAL CHER NI, ,BA SPU'I BU GA 'DZAG PAR 'GYUR, ,ZHES BYA BA LA, ZHAG GSUM PAR NI RIMS DANG BCAS PA LA SOGS PAR 'GYUR ZHING, BA SBU'I BU GA NAS CHU SER LA SOGS PA 'DZAG PAR 'GYUR RO, ,NYIN ZHAG BZHI PAR RAB SKRANG ZHING, ,MGO 'KHOR LUS TSA DBUGS MI BDE, ,ZHES BYA BA LA, DE'I NYIN ZHAG BZHI PA LA NI DE LAS GYUR PA'I NAD SKRANG BA LA SOGS PAR 'GYUR RO, ,LNGA PAR DUG LDANG LAS GYUR PA'I, ,NAD NI DE DANG DE DAG SKYED, ,DRUG PAR GNANG DU KHYAB PAR BYED, ,BDUN PAR SROG NI 'JOMS PAR BYED, ,CES BYA BA LA, GDUG PA'I DUG DES DRUG PA LA NI GNAD RNAMS LA KHYAB PAR BYED LA, ZHAG BDUN PA LA NI GSOD PAR BYED DO, ,DE LTAR DUG NI RNON PO DANG, ,BAR MA DMAN PA DBYE BAR BYA, ,ZHES BYA BA LA, TSUL DE LTAR NA RNON PO LA SOGS PA'I DUG GI DBYE BA BSTAN PA YIN NO, ,DE NAS NYIN ZHAG NYI SHU NI, ,GCIG NA YONG YE ZHI BAR 'GYUR, ,ZHES BYA BA LA, DE NAS NYIN ZHAG NYI SHU RTZA GCIG 'DAS NAS NI RNAM PA THAMS CAD DU ZHI BAR 'GYUR RO, ,DE NAS BA YIS ZIN PA NI, ,MTSON GYIS RMA NI GNOD PAR BYA, ,'DZAM BU'I MCHU LA SOGS PAS BSREG ,MKHRIS PA LAS GYUR BSREG MI BYA, ,ZHES BYA BA LA, DE'I 'OG TU BAS BLDAGS PA'I RMA MTSON GYIS BCAD DE GNOD PA DANG, 'DZAM BU'I MCHU LA SOGS PA'I CHA SPYAD KYIS BSREG PAR BYA'O, ,MKHRIS PA LAS GYUR PA'I RMA NI BSREG TU MI RUNG STE, MES NI MKHRIS PA LAS GYUR PA'I RMA'I NAD SKYE BA'I PHYIR RO, ,RTZUB CING SPU NI GYES PA DANG, ,GNAD DANG TSIGS LA SOGS PA NAS, ,ZIN NAS KUN TU KHYAB GYUR PA, ,GCAD PAR MI BYA BSREG MI BYA, ,ZHES BYA BA LA, RTZUB PA LA SOGS PA'I MTSON GYIS GCAD DU YANG MI RUNG LA MES BSREG TU YANG MI RUNG NGO, ,BSREG PA DUG SMAN RGYAM TSA DANG, ,SBRANG RTZIR SBYAR BAS BSKU BAR BYA, ,ZHES
, ,BYA BA LA, MCHE BAS ZIN PA BSREG PA LA NI RGYAM TSA DANG SBRANG RTZIR SBYAR BA'I DUG SMAN BSKU BAR BYA'O, ,DE RJES 'O MA CAN SHING BSKOL, ,SMAN KHU SHIN TU BSIL MO BLUGS, ,ZHES BYA BA LA, 'BUS ZIN PA'I RMA BSREGS PA DE'I 'OG TU SMAN GYI KHU BA YANG BLUGS PAR BYA'O, ,RNGABS RVA SOGS SAM GTAR GA YIS, ,THAMS CAD LA NI KHRAG DBYUNG BYA, ,ZHES BYA BA LA, GDUG BA'I SRIN BUS ZIN PA THAMS CAD LA RNGABS RVA LA SOGS PAS KHRAG DBYUNG BAR BYA'O, ,DE NAS BSIL SMAN BSKU BLUGS BYA, ,ZHES BYA BA LA, DE NAS DE'I 'OG TU BSIL BA'I SMAN GYI LNGA GUS BSKU BA DANG; SHIN TU BSIL BA'I SMAN GYI CHU BLUGS PAR BYA'O, ,SLE SMAN TA KA AA SHVAD THA, ,BA RU RA DANG PRI YANG KU, ,SHUG PA SER GNYIS SBRANG RTZIR SBYAR, ,BA DANG SRIN BU LA SOGS PA'I, ,DUG 'JOMS LAS NI THAMS CAD BYED, ,CES BYA BA LA, SLE SMAN TA KA LA SOGS PA SBRANG RTZI DANG SBYAR BA'I LDE GUS BAS BLDAGS PA DANG, SRIN BU GDUG PAS ZIN PA LA SOGS PA'I DUG SEL ZHING LAS THAMS CAD BYED PA YIN NO, ,SER PO RNAM GNYIS RMA SHING BTZOD, ,PADMA GE SER RGYA SPOS NI, ,SBRANG RTZI MAR SBYAR TZAM PA KA ,SNGA MA BAS KYANG YON TAN LHAG ,CES BYA BA LA, SER PO RNAM GNYIS LA SOGS PA SBYAR BA'I DUG SMAN NI TZAM PA KA ZHES BYA STE, SNGA MA BAS YON TAN CHE BA YIN NO, ,LCI KHU BTZIR DANG KA RA DKAR, ,AA PA MARGA LDONG ROS DANG, ,BA BLA SKYER PA BYA MA KA ,YUG SNAM SBRANG RTZI MAR DE BZHIN, ,ZHES BYA BA LA, LCI KHU BTZIR BA LA SOGS PA'I SMAN NI DE BZHIN TE, BA LA SOGS PA'I DUG 'JOMS SHING LAS THAMS CAD BYED PA YIN NO, ,RGYA SPOS NA LE SHAM SUG SMEL, ,RU RTA SHING MNGAR SBRANG RTZI MAR, ,SBYAR BA'I SMAN NI MAN DA RA, ,ZHES BYA BA LA, RGYA SBOS LA SOGS PA SBYAR BA'I SMAN NI MING MAN DA RA ZHES BYA STE, DE'I YON TAN YANG DE DANG 'DRA'O, ,RGYA SBOS SENG PHROM PU TZE SHEL, ,SHU DAG BA THA SUG SMEL DANG, ,GUR GUM SPOS NGAD LDANG DE BZHIN, ,ZHES BYA BA LA, GZHAN YANG RGYA SPOS LA SOGS PA SBYAR BA'I SMAN NI SPOS NGAD LDANG BA ZHES BYA STE, YON TAN YANG SNGA MA DANG 'DRA BA YIN NO, ,NAD GZHI MNGAL DUG 'JOMS PA'I, ,SBYANG BA BYAS
PAS GSO BAR BYA, ,ZHES BYA BA LA, SKYES BU NAD GZHI MANG BA LA DUG 'JOMS PA'I SMAN GYIS DANG POR SBYANG BAR BYA'O, ,SHING MNGAR DANG NI PO SON CHA, ,KO SHA TA KI AANG KO LA, ,SIN DU BAR 'BRAS CHUR SBYAR, ,'THUNGS NA BAD KAN LAS GYUR DUG ,MYUR DU SLON BAR BYED PA YIN, ,ZHES BYA BA LA; BAD KAN GYI SHAS CHE BA LA NI SHING MNGAR LA SOGS PA'I SMAN 'BRAS KYI CHU DANG BLUD NA, DUG MYUR DU 'BYIN BAR BYED DO, ,SHIR SHA'I LO MA MED DANG, ,RTZA BA 'BRAS BU AANG KO LA'I, ,RTZA BAR BCAS PA'ANG DE BZHIN NO, ,ZHES BYA BA LA, SHI RI SHA'I LO MA DANG RTZA BA DANG 'BRAS BU DANG, AANG KO LA'I RTZA BA DANG BCAS PA 'BRAS KYI CHU DANG SBYAR TE 'THUNGS NA YANG BAD KAN LAS GYUR PA'I SRIN BU'I DUG DE MYUR DU SLON PAR BYED DO, ,'BRAS BU GSUM DANG NI LI NI, ,DUR BYID LA SOGS BKRU SMAN GTANG, ,ZHES BYA BA LA, GAL TE BKRU SMAN GYIS GSO BAR 'OS PA YIN NA NI, 'BRAS BU GSUM LA SOGS PA'I BKRU SMAN GTANG BAR BYA'O, ,SKRANG DANG TSA SOGS ZHI GYUR NA, ,RMA YI LTE BA DPOG PAR BYA, ,ZHES BYA BA LA, GAL TE SKRANG PA LA SOGS PA ZHI BAR GYUR NA 'OG NAS BSHAD PA'I SMAN GYIS RMA'I LTE BA DPOG PAR BYA'O, ,BA BLA LE BRGAN RTZI'I ME TOG ,KHRON BU BYI BA'I RTUG PA DANG, ,DUR BYID DAN DA RGYAM TSAR SBYAR, ,LTE BA 'BYIN PAR BYED PA YIN, ,ZHES BYA BA LA, BA BLA LA SOGS PA'I SMAN SBYAR TE BSKUS NA YANG LTE BA 'BYIN PAR BYED DO, ,DE BZHIN AU TA MA KA RI'I, ,RTZA BA SMIN PA'I SHUN BCAS PA'I, ,ZHES BYA BA LA, DE BZHIN DU AU TA MA KA RI'I RTZA BA DANG, SMIN PA'I SHUN PA GNYIS KYIS KYANG LTE BA 'BYIN PAR BYED DO, ,RGYAM TSA RU RTA PU TZE SHEL, ,DAN DA PA YASYA [?] SBYAR BA 'AM, ,R'A DZA KO SHA TA KI'I RTZAR, ,DAR BA'I TSIGS MA SBYAR BAR BYA, ,ZHES BYA BA LA, YANG LTE BA MTHO BA DE DBYUNG BA'I PHYIR RGYAM TSAL SOGS PA'I SBYOR BA 'AM, R'A DZA KO SHA TA KI'I RTZA BA DANG, DAR BA'I TSIGS MA SKA BA DANG SBYAR BAS KYANG BYA'O, , LTE BA BCAD PA'I DUS SU NI, ,DUG SEL BA YIS BRTA BAR BYA, ,ZHES BYA BA LA, LTE BA BCAD PA'I DUS SU DUG SEL BAR BYED PA'I KHA ZAS DANG, SMAN GYIS BRTA BAR BYA'O, ,SNUM CHOS MA LUS BYA BA NI, ,ZHUN MAR NYID KYIS BYA BA YIN, ,ZHES BYA BA LA, SRIN BU'I DUG GI SNUM CHOS LA NI KUN KYANG ZHUN MAR
, ,GYIS BYA'O, ,TIL MAR GYIS NI RTZVA SOGS LA, ,ME MCHED LTA BUR DUG 'PHEL BYED, ,CES BYA BA LA, GAL TE TIL MAR GYIS SNUM CHOS BYAS NA NI, RTZVA SNGON POR ME MCHED PA LTAR DUG DE 'PHEL BAR 'GYUR RO, ,BE KAM [?] KA TA BA LI KA, ,THAL TRES GLA SGANG SPRI KA DANG, ,TZANDAN NYA LCIBS SO NA KA ,AUTPAL RGYA SPOS SHING MNGAR DANG, ,SHING TSA SHUG PA NA GU LI, ,PO SON CHA'I RKANG LHAN CIG SBYAR, ,SKYER PA GLA SGANG SAR PA KshI, ,BCA' SGA PI PI LING RTZA BA, ,PI PI LING DANG TZI TRA KA ,BA RUN DANG AA GA RU, , BIL BA NIM PA BA TA LI, ,RU RTA N'A GA GE SAR DANG, ,SE'U LU LHAN CIG SBYAR BA DANG, ,BIL BA TZANDAN AUTPA LA, ,RGYA SPOS BCA' SGA PI PI LING, ,LCANG MA NIM PA RU RTA DANG, ,CHU SRIN SDER MO DZI BAN TI, ,GA BRA'I RTZA BA PA TA LI, ,DZI BAN TI DANG PO SON CHA, , SHING TSA SBYAR BA DE DAG NI, ,MIG SMAN SNAR BLUGS BYUG PA DANG, ,SMAN CHU BLUGS PA'I SBYOR BA YIS, ,MKHRIS PA BAD KAN RLUNG GYUR PA'I, ,LU TA'I DUG NI JI SNYED PA, ,TSUL KHRIMS LA GNAS NGAN 'GRO BZHIN, ,'DI YIS DUG NAD KUN 'JOMS BYED, , CES BYA BA LA, BE KANG KA TA LA SOGS PA'I DUG SMAN GYI MCHOG 'DI NI SMAN GYI SDE TSAN GSUM POS MKHRIS PA LA SOGS PA'I SRIN BU'I NAD GSUM PO 'JOMS PAR BYED DO, ,JI LTAR TSUL KHRIMS LA GNAS PA'I MIS NGAN 'GRO'I TSOGS ZLOG PAR BYED PA DANG 'DRA'O, ,SPRI KA NI SHA RTZI'O, ,NYA LCIBS NI CHU BAL LO, ,KU LI NI GANDHAN KU LI'O, ,SE'U LU NI SLE SMAN TA KA'O, ,GZHAN NI GO BAR ZAD DO, ,SBYOR BA TSAN GSUM NI BE KAM [?] KA TA NAS PO SON CHA'I RKANG GI BAR DU SBYOR BA GCIG GO, ,GNYIS PA NI SKYER PA NAS SE'U LU'I BAR RO; ,GSUM PA NI BIL BA NAS SHING TSA'I BAR RO, ,SENG PHROM SHUG PA PADMA GE SAR DANG, ,TZANDAN DMAR SER PRI YANG KU'I ME TOG ,PADMA PU SHEL TZE DANG BA YA SYA'I, ,SBYOR BA KUN GYIS BA YI DUG RNAMS 'JOMS, ,ZHES BYA BA LA, SENG PHROM LA
SOGS PA'I SMAN GYI SBYOR BA STE, BTUNG BA DANG, SNA SMAN DANG, MIG SMAN DANG, BSKU BA DANG, SMAN CHU BLUGS PA'I SBYOR BAS SBYAR NA NI BA'I DUG THAMS CAD 'JOMS PAR BYED DO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS, PHYE MA'I GNAS KYI LE'U SUM CU RTZA BDUN PA'I RNAM PAR 'GREL PA'O,, ,,DE NAS BYI BA DANG AA LANG GA'I DUG GSO BA BSHAD PAR BYA'O, ,KHA CHU CAN DANG MI BRTAN BU, ,RGOD DANG SGRA CAN PAGS PA DANG, ,RNYING PA'I SO DANG KHU BYUG DANG, ,SER SKYA DANG NI NAG PO DANG, ,DMAR SER KHRA BO DKAR PO DANG, ,THI BA SKRA DKAR BYI BA DANG, ,PHUS PA DANG NI BRA BYI STE, ,BYI BA'I DBYE BA BCO BRGYAD YIN, ,ZHES BYA BA LA, BYI BA'I DBYE BAS NI, KHA CHU CAN LA SOGS PA'I DBYE BAS BSTAN PA GRANGS BCO BRGYAD YIN NO, ,GANG DU 'DI YI KHU CHUS PHOG ,KHU BAS PHOG DANG REG PA NI, ,LUS KYIS LUS LA REG PA DER, ,KHRAG LA GNOD CING MDOG SKYA LA, ,THOR BU RMEN BU DRI MNAM DANG, ,SHU BA 'KHOR LING [?] YI GA 'CHUS, ,MGO 'KHOR SKRANG RIMS RAB TU NA, ,NYAM CHUNG 'DAR ZHING LHU TSIGS NA, ,SPU LDANG DRAN NYAMS KHRAG 'DZAG DANG, ,YUN RING DU NI GNAS PAR BYED, ,BAD KAN CAN GYI BYI BA YI, ,PHRU GU MANG REG SKOM SLON 'GYUR, ,ZHES BYA BA LA, BYI BA 'DI DAG GI KHU CHUS LUS GANG LA PHOG PA DANG, YANG NA KHU BAS PHOG PA'I LUS DANG REG PAR GYUR NA DER MDOG SKYA BA LA SOGS PA'I NAD DANG, YUN RING DU 'BREL ZHING GNAS PAR BYED PA'I BAR DU 'GYUR LA, BAD KAN CAN GYI MI BYI BA'I PHRU GU MANG POS REG NA SKOM DAD CHE BA DANG, SLON PAR 'GYUR RO, ,BYI BA 'KHRIG SPYOD DUG GSO DKA', ,YANG DANG YANG DU LDANG BAR BYED, ,CES BYA BA LA, 'KHRIG PA SPYOD PA'I DUG GIS REG PA NI SHIN TU GSO DKA' ZHING, DE YANG DANG YANG DU LDANG ZHING 'KHRUG PAR BYED PA YIN NO, ,YAN
, ,LAG KUN SKRANGS MDOG MI SDUG ,RNAGS SHING 'ON LA RIMS KYIS 'DEBS, ,MGO LCI KHA CHU KHRAG 'BYUNG ZHING, ,SLON PA GSO DKA'I MTSAN NYID YIN, ,ZHES BYA BA LA, BYI BA'I DUG GSOR MI RUNG BAS ZIN PA'I MTSAN MA NI YAN LAG KUN SKRANGS PA NAS, SLON PA'I BAR YIN PAR SHES PAR BYA'O, ,PHUS PAS ZIN PA DE DRI BRO, ,LGANG PA SKRANGS SHING CHU MDOG NYAMS, ,SBRANG RTZI 'DRA BA'I RMEN BUS KHYAB, ,CES BYA BA LA, MI PHUS PA'I DUG GIS ZIN PA'I MTSAN MA NI DE'I DRI BRO BA NAS RMEN BUS KHYAB PA'I BAR YIN TE, DE NI GSOR MI RUNG BAS SPANG BAR BYA'O, ,KHYI'I DUG BAD KAN SHAS CHER 'KHRUGS, ,'DU SHES RGYU BA'I RTZA MANG GNAS, ,GNOD CING 'KHRUG PAR BYED PA DANG, ,LUS ZUNGS LA NI MI BZAD GNOD, , CES BYA BA LA, KHYI'I MCHE BA'I DUG GIS ZIN PA NI, BAD KAN GYI NAD SHAS CHER LDANG ZHING 'KHRUGS PA DANG, 'DU SHES RGYU BA'I RTZA MANG PO LA GNAS NAS 'DU SHES STOR CING BRGYAL BAR BYED PA DANG, LUS ZUNGS RNAMS LA LHAG PAR GNOD PAR BYED PA YIN NO, ,KHA CHU 'DZAG DANG LONG DANG 'ON, ,KUN TU RGYUG PAR BYED PA DANG, ,MJUG MA 'GRAM PA PHRAG GONG LHOD, ,MGO NA GDONG NI DUD PA YIN, ,ZHES BYA BA LA, KHYI KHA CHU 'DZAG CING LONG BA DANG 'ON PA DANG, PHYOGS KUN TU RGYUG PAR BYED PA DANG, MJUG MA LHOD CING RANG GI GNAS NAS BSKYOD PA DANG, 'GRAM PA DANG, PHRAG PA YANG LHOD PA DANG, MGO NA ZHING TSA BA DANG, GDONG DUD PAR BYED PA NI KHYI GDUG PA YIN NO, ,DE YI SO YIS ZIN NA RMA, ,TSOR BA CHUNG ZHING KHRAG NAG 'DZAG ,MGO SNYING NA ZHING RIMS 'DEBS RENGS, ,DE RJES SKOM DANG BRGYAL BAR 'GYUR, ,ZHES BYA BA LA, DE KHYI'I SOS ZIN PAR GYUR PA'I MI NI RMA'I TSOR BA CHUNG BA DANG, DE BZHIN DU KHRAG NAG PO 'DZAG PA LA SOGS PA YIN NO, ,'DI YIS
GDUG CING MCHE BA CAN, ,CE SPYANG DOM DANG DRED DANG GUNG, ,STAG DANG SPYANG KI LA SOGS PA, ,GZHAN DAG KYANG NI SHES PAR BYA, ,ZHES BYA BA LA, TSUL 'DIS NI GCAN GZAN GDUG CING MCHE BA DANG LDAN PA'I MCHE BA CAN CE SBYANG LA SOGS PA GZHAN DAG KYANG SHES PAR BYA'O, ,G-YA' ZHING ZUG LA MDOG MI SDUG ,TSOR BA MED GNAS RIMS MGO 'KHOR, ,TSA ZHING DMAR LAN ZHING RNAGS, ,SKRANG ZHING RMEN BU SKYE ZUG 'KHUMS, ,RMA NI 'GAGS SHING 'BRUM BU 'BYUNG, ,LTE BA CAN DU ZLUM POR 'GYUR, ,KUN TU DUG BCAS MTSAN MA 'DI, ,DUG MED DE LAS BZLOG PA YIN, ,ZHES BYA BA LA, THAMS CAD DU DUG DANG LDAN PA NI, G-YA' BA LA SOGS PA'I MTSAN NYID DANG LDAN PAR SHES PAR BYA LA, DUG MED PA NI G-YA' BA LA SOGS PA'I MTSAN NYID DE DAG MED CING SNGA MA LAS GO BZLOG PA YIN PAR SHES PAR BYA'O, ,GANG GIS BZUNG BA DE'I SPYOD TSUL, ,SGRA SGROGS RGYU MED PAR DE'I GZUGS, ,CHU DANG ME LONG SOGS MTHONG 'CHI, ,ZHES BYA BA LA, MI CE SPYANG LA SOGS PA DAG GIS BZUNG BAR GYUR PA GANG YIN PA DE MOD LA DE'I SPYOD TSUL DE CE SPYANG LA SOGS PA'I SPYOD TSUL BYED CING, DE LTAR MTHONG BA'I RGYU MED PAR CHU LA SOGS PAR DE'I GZUGS MTHONG NA 'CHI BAR 'GYUR BA YIN NO, ,MA BZUNG BAR YANG SGRA DANG NI, ,MTHONG BAS SNGANGS PAR BYED PA NI, ,CHU YIS SKRAG CES BYA BA STE, ,ZIN PA DE YANG SPANG BAR BYA, ,ZHES BYA BA LA, MI GANG SROG CHAGS DE DAG GIS MA BZUNG DU ZIN KYANG SGRA LA SOGS PAS SNGANGS SHING CHUS SKRAG PAR BYED PA'I MI DE NI CHUS SKRAG PA ZHES BYA BA'I NAD KYIS ZIN PA YIN TE, DE YANG SPANG BAR BYA'O, ,BYI BA'I DUG GIS ZIN MA THAG ,RMA NI MDE'U BSREGS PAS BSREG ,YANG NA ME LONG DAG GIS BYA, ,GZHAN DU LTE BAR MI BZOD NA, ,ZHES BYA BA LA, BYI BAS ZIN MA THAG PA'I MI'I RMA LA
, ,MDE'U BSREGS PA 'AM, YANG NA ME LONG BSREGS PAS DE BSREG PAR BYA'O, ,GZHAN DU MA BSREGS NA RMA'I LTE BA MI BZOD PAR NA BAR 'GYUR RO, ,BSREGS NAS RMA LAS KHRAG DBYUNG ZHING, ,ZHAL ZHAL BYAS LA SHIR SHA DANG, ,YUNG BA RGYA SPOS GUR GUM DANG, ,SLE TRES KYI NI LDE GUS BSKU, ,ZHES BYA BA LA, SOS BZUNG BA BSREGS PA'I RMA LA RNGABS RVA LA SOGS PAS KHRAG DBYUNG BA DANG, ZHAL ZHAL BYAS LA SHI RI SHA LA SOGS PA'I LDE GUS BSKU BAR BYA'O, ,KHYIM GYI DUD BA SKYER PA DANG, ,RGYAM TSA DANG NI BTZOD DAG GI ,LDE GUS BYI BA'I DUG SEL ZHING, ,LTE BA 'BUR BA'ANG 'JOMS PAR BYED, ,CES BYA BA LA, KHYIM GYI DUD PA LA SOGS PA'I SMAN GYI LDE GUS BSKUS NA BYI BA'I DUG SEL BAR BYED CING, DE NYID KYIS RMA'I LTE BA 'BUR BA YANG SEL BAR BYED DO, ,DE NAS SKYUR BAS BKRUS NAS NI, ,GI RI KAR nI PA LIN TI, ,BIL BA'I RTZA BA SLE TRES DANG, ,CHU DANG BTAGS PA'I LDE GUS BSKU, ,ZHES BYA BA LA, DE'I 'OG TU KAN DZA DANG DAR BA LA SOGS PA KHU BA SKYUR BAS BKRUS LA, DE'I RJES LA GI RI KAR nI LA SOGS PA CHU DANG BTAGS PA'I LDE GUS BSKU BAR BYA'O, ,DUG DANG SKRANG SEL SMAN GZHAN DANG, ,YANG NA GTAR GA MYUR DU GDAB, ,CES BYA BA LA, DE BZHIN DU DE LA DUG DANG SKRANG PA SEL BA'I SMAN GZHAN DAG GIS KYANG BSKU BA DANG, GTAR GA GDAB PAR YANG BYA'O, ,NI LI NI BSKOL SHI RI SHA, ,AANG KO LA YI KHU BAS SLON, ,ZHES BYA BA LA, BYI BA'I DUG DE LA NI LI NI BSKOL BA'I KHU BA BLUD PA'AM, SHI RI SHA DANG AANG KO LA'I KHU BA BLUD DE SLON PAR BYA'O, ,KO SHA TA KI SHIR SHA DANG, ,DZI MU TA KA'I 'BRAS BU DANG, ,PO SON CHA NI PHYE MAR BTAGS, ,ZHO SBYAR BLUD LA DUG SLON GZHUG ,CES BYA BA LA, YANG NA KO SHA TA KI LA SOGS PA'I SMAN BZHI'I PHYE MA DANG ZHOR SBYAR TE BLUD LA BYI BA'I DUG SLON DU GZHUG PAR BYA'O, ,SHU DAG RU RTA PO SON CHA'AM, ,DZI BAN TI NI BA GCIN BTAGS, ,CHO GA SNGA MA BZHIN BLUD
NA; ,DUG GI NAD NI THAMS CAD SEL, ,ZHES BYA BA LA, SHU DAG LA SOGS PA'I SMAN BA GCIN DANG BTAGS PA'I LDE GU DANG SNGA MA BZHIN DU ZHO DANG SBYAR TE BLUD NA YANG BYI BA'I DUG GI NAD THAMS CAD SEL BAR BYED DO, ,DUR BYID NI LI NI DANG NI, ,'BRAS BU GSUM GYI BKRU SMAN BSNGAGS, ,ZHES BYA BA LA, YANG NA DUR BYID LA SOGS PA'I BKRU SMAN YANG BSNGAGS SO, ,SHIR SHA'I SNYING PO'I 'BRAS BU YIS, ,MGO BO'I BKRU SMAN DAG KYANG PHAN, ,ZHES BYA BA LA, YANG NA SHIR SHA'I NANG GI SNYING PO DANG, DE NYID KYI 'BRAS BU MGO BO'I BKRU SMAN BTANG NA YANG PHAN NO, ,BA LCI'I KHU BA TSA BA GSUM, ,PHYE MA ZHIB BTAGS LDE GUS PHAN, ,ZHES BYA BA LA, YANG NA BA'I LCI BA LA SOGS PA'I MIG SMAN YANG PHAN NO, ,BA LANG LCI BA KA PID TA'I, ,PHYE MA SBRANG RTZI'I LDE GU BZA', ,ZHES BYA BA LA, YANG NA BA LANG GI LCI BA LA SOGS PA'I LDE GU ZOS NA YANG PHAN NO, ,TAndU LI YI RTZA BA DANG, ,BSKOL BA'I MAR NI BLUD NA 'ANG PHAN, ,ZHES BYA BA LA, YANG NA TAndU LI'I RTZA BA'I SMAN MAR YANG PHAN NO, ,GI RI KAR nI SER PO GNYIS, ,SHING MNGAR BTZOD DANG SLE TRES PHAN, ,ZHES BYA BA LA, YANG NA GI RI KARnI LA SOGS PA'I SMAN DANG BSKOL BA'I MAR BLUD NA YANG PHAN NO, ,THAL TRES RTZA BA MAR BSKOL BA, ,KA PID TA YI RNAM LNGA'ANG PHAN, ,ZHES BYA BA LA, YANG NA THAL TRES ZHES BYA BA SHA RI BA DANG BSKOL BA'I SMAN MAR RAM, YANG NA KA PID TA LNGA PA ZHES BYA BA KA PID THA'I SHUN PA DANG, LO MA DANG RTZA BA LA SOGS PA DANG BSKOL BA'I MAR YANG PHAN NO, ,SIN DU BA RA RGYA SPOS DANG, ,SHI KRU BIL BA'I RTZA BA DANG, ,SHU DAG GZE MA BA SPRU BA, ,DZI MU TA DANG BCAS PA STE, ,DE RNAMS KHU BA SBRANG RTZIR BCAS, ,BLUD NAS 'BRAS CHAN S'A LU ZHO, ,BYIN NA BYI BA'I DUG NAD SEL, ,ZHES BYA BA LA, YANG BYI BA'I DUG GIS NYEN PA LA NI SIN DU BA RA LA SOGS PA'I KHU BA SBRANG RTZI DANG BCAS PA BLUD PA LA SOGS PA'I SBYOR BA BYAS NA YANG PHAN NO, , SHAR BUNG GA'I PHYE MA NI, ,DAR BAR SBYAR BA BLUD PA'ANG PHAN, ,ZHES BYA BA LA, YANG NA SHA RA PUNG GA'I SA BON BTAGS PA'I PHYE MA DAR BA DANG SBYAR TE BLUD NA YANG PHAN NO, ,AANG KO LA YI RTZA BA NI, ,RA THUG GCIN SBYAR LDE GUS NI, ,BTUNG DANG BSKU BA LA SBYAR NA, ,BYI BA'I DUG KUN SEL BAR BYED, ,CES
, ,BYA BA LA, YANG NA AANG KO LA'I RTZA BA JI SKAD SMOS PA BZHIN DU BTANG BA YANG PHAN NO, ,KA PID TA YI SNYING PO DANG, ,TI LA KA DANG TIL DANG NI, ,AANG KO LA YI RTZA BA NI, ,BA YI 'O MA'AM GCIN SBYAR BLUD, ,CES BYA BA LA, YANG NA KA PID TA'I SNYING PO LA SOGS PA GCIN DANG SBYAR BA BLUD NA YANG PHAN NO, ,TI LA KA'I SDONG YAL GA NI, ,BA YI 'O MA SBYAR BA BLUD, ,CES BYA BA LA, YANG NA SBYOR BA 'DI BYAS NA YANG PHAN NO, ,YANG NA SHERYA KA'I RTZA BA, ,SBRANG RTZI 'BRAS BU SBYAR BA BLUD, ,CES BYA BA LA, YANG NA SHERYA KA ZHES BYA BA HA TZA RA'I RTZA BA DANG, SBRANG RTZI DANG 'BRAS BKRUS PA'I CHU DANG SBYAR TE BLUD NA YANG PHAN NO; ,KU BA KHA BO ZHAG GCIG NI, ,CHU LA SBANGS BA'ANG BLUD PAR BYA'O, ,ZHES BYA BA LA, YANG NA KU BA KHA BO ZHAG GCIG CHUR SBANGS PA'I KHU BA BLUD PAR BYA'O, ,SIN DU BA RA'I RTZA BA DANG, ,BYI BA'I RUS PA BO DANG DKAR, ,RGYA SBOS CHUR BTAGS SNA SMAN SOGS, ,SBYAR BAS BYI BA'I DUG SEL BYED, ,CES BYA BA LA; YANG SIN DU BA RA'I RTZA BA LA SOGS PA'I SMAN SNA SMAN LA SOGS PA BYAS NA YANG PHAN NO, ,BYI BA'I DUG NI LHAG LUS PA, ,SPRIN MTHONG BAS NI LDANG BYED PA'AM, ,NAD NI 'PHEL BAR BYED PA'I RGYU, ,JI LTA BAR NI 'PHEL BAR BYED, ,CES BYA BA LA, BYI BA'I DUG LUS LA LHAG PAR LUS PA GNAS NA SPRIN MTHONG NA LDANG BAR BYED PA'AM, YANG NA 'PHEL BAR BYED PA'I DUS DBYAR LA SOGS PA'I TSE 'PHEL ZHING LDANG BAR BYED PA YIN NO, ,DE LA GNAS SKABS THAMS CAD DU, ,GSO BA THAMS CAD SBYAR BYA ZHING, ,RANG GI GSO BAR GANG BSHAD DANG, ,DE BZHIN NYAMS PA'I DUG SEL SBYOR, ,ZHES BYA BA LA; DE LA RANG GI 'PHEL BAR BYED PA'I GNAS SKABS SU LDANG BAR BYED NA GNAS SKABS THAMS CAD DU JI SKAD DU BSTAN PA'I GSO BA SBYAR BAR BYA ZHING, RANG GI GSO BA'I SMAN GANG DAG YIN PA DANG NYAMS PA'I DUG SEL BA'I SBYOR BA DAG BYA'O, ,AA LANG KA YI SO YIS ZIN, ,MAR BSKOL BA YIS BSREG PAR BYA, ,DUG SMAN DE DANG DE BSKU ZHING, ,MAR GYI SNYING PO BLUD PAR BYA, ,ZHES BYA BA LA, AA LANG KA'I SOS ZIN PA'I MI LA NI MAR BSKOL BAS SOS BTAB PA'I RJES BSREG PAR BYA'O, ,'DI LA AARKA'I 'O MAR BCAS, ,BKRU SMAN DAG KYANG MYUR DU GTANG, ,ZHES
BYA BA LA, AA LANG KA'I DUG GIS ZIN PA 'DI LA AARGA'I 'O MA DANG SBYAR BA'I SMAN GTANG BAR BYA'O, ,AANG KO LA'I RTZA BYANG PHYOGS CHU, ,SRANG GSUM MAR NI SRANG GCIG BLUD, ,CES BYA BA LA, AANG KO LA BYANG PHYOGS NA GNAS PA'I RTZA BA BSKOL BA'I CHU SRANG GSUM DANG MAR SRANG GCIG BSRES TE BLUD NA YANG PHAN NO, ,DHA DU RA YI 'BRAS BU DANG, ,GI RI KAR nI BA SPRU [?] BA, ,BSKOL BA'I KHU BA BLUD PAR BYA, ,ZHES BYA BA LA, DHA DU RA'I 'BRAS BU DANG GI RI KARnI DKAR PO BSKOL TE BLUD PA 'AM, YANG NA DHA DU RA'I 'BRAS BU DANG, BA SPRU BA DKAR PO BSKOL TE BLUD PAR BYA'O, , TIL BTAGS LDE GU AARKA LCAGS, ,'O MA BU RAM BSRES BYIN NA, ,SPRIN TSOGS RLUNG GIS GTOR BA BZHIN, ,AA LANG KA YI DUG 'JOMS BYED, ,CES BYA BA LA, TIL BTAGS PA'I LDE GU LA SOGS PA'I SMAN GCIG TU BSRES TE BYIN NA YANG JI SKAD SMOS PA'I YON TAN SKYED PAR BYED DO; ,SNGAGS BCAS SMAN DANG RIN CHEN BCAS, ,ZHI BAR BYED PA DAG KYANG SBYAR, ,ZHES BYA BA LA, AA LANG KAS ZIN PA DE LA SNGAGS LA SOGS PA DES ZHI BAR BYED PA'I SBYOR BA DAG KYANG BYA'O, ,RKANG BZHI PA DANG RKANG GNYIS PA'I, ,SO 'AM SEN MOS SNAD GYUR PA, ,SKRANG ZHING RNAGS LA MDOG DMAR ZHING, ,TSA NA CHU SER 'DZAG PA LA, ,ZHES BYA BA LA, RTA DANG GLANG PO CHE LA SOGS PA RKANG BZHI PA DANG, RKANG GNYIS PA STE MI DANG, RMA BYA DANG KHYIM BYA LA SOGS BA'I SO 'AM SEN MOS SNAD PAR GYUR NAS SKRANGS BA DANG RNAGS PA LA SOGS PA'I NAD LA NI 'OG NAS BSHAD PA'I SMAN GYI SBYOR BA BYA'O, ,AA SHVA KAR nA KAD PA LA, ,HAN SA PA TI GO DZI HA, ,YUG SNAM SER PO GNYIS KYIS BSKU, ,SO DANG SEN MO'I DUG 'JOMS BYED, ,CES BYA BA LA, AA SHVA KAR nA LA SOGS BA'I LDE GUS BSKUS NA SO LA SOGS BAS SNAD PA'I DUG SEL BAR BYED DO; ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U SUM CU RTZA BRGYAD PA'I RNAM PAR 'GREL PA'O,, ,,DUG GSO BA'I RGYUD RDZOGS SO,, ,,
, ,DE NAS BCUD KYIS LEN GYI LE'U BSHAD PAR BYA'O, ,DE LTAR RE ZHIG NAD KYIS NYEN PA DAG GI SMAN GYI SBYOR BA BSHAD NA, BDE ZHING NAD MED PAR GNAS PA'I LUS KYI STOBS DANG GZI BYIN SKYED PA STON PA YIN LA DE YANG BCUD KYIS LEN DANG RO TZA BAR BYED PA YIN PA LAS BCUD KYIS LEN NI DE DAG LAS KYANG MCHOG TU GYUR PA YIN PAS DE SNGAR BSHAD PA YIN NO, ,TSE RING DRAN DANG YID GZHUNGS DANG, ,NAD MED GZHON DANG LANG TSO DANG, ,GZUGS BZANG MDOG DANG SKAD GSAL DANG, ,LUS DANG DBANG PO'I STOBS SKYED CING, ,TSIG 'GRUB RO TZA MDANGS LDAN PA, , BCUD KYIS LEN GYIS 'THOB PAR 'GYUR, ,ZHES BYA BA LA, BCUD KYIS LEN GYI CHO GA YANG DAG PAR GYUR PA'I SKYES BUS NI, TSE RING BA LA SOGS PA 'THOB PAR 'GYUR BA YIN NO, ,DANGS MA LA SOGS YON TAN CAN, ,THOB GNAS YIN PHYIR BCUD KYIS LEN, ,ZHES BYA BA LA, DANGS MA DANG KHRAG DANG SHA LA SOGS PA YON TAN DANG LDAN PA KHYAD PAR CAN THOB CING RNYED PAR 'GYUR BA'I RGYU YIN PAS NA BCUD KYIS LEN CES BYA'O, ,NA TSOD DANG PO'AM BAR MA'I TSE, ,DBANG PO THUL BAS DE SBYAR TE, ,SNUM CHOS BYA ZHING GTAR GA GDAB, ,RNAM PA KUN TU SBYANG BYAS GTANG, , ZHES BYA BA LA, BCUD KYIS LEN DE YANG NA TSOD DANG PO'I TSE 'AM, NA TSOD BAR MA'I TSE GTANG BAR BYAS LA, DE YANG SKYES BU DBANG PO THUL CING YUL GYIS SEMS MA PHROGS PAS DE BSTEN CING SBYAR BAR BYA LA, DE YANG SNUM CHOS BYAS SHING GTAR GA GDAB PA DANG, SLON SMAN DANG BKRU SMAN LA SOGS PA LAS RNAM PA LNGAS LUS SBYANGS NAS GTANG BAR BYA'O, ,MA SBYANGS PA YI LUS LA NI, ,BCUD KYIS LEN DANG RO TZA BA'I, ,SBYOR BYAS DRI MA CAN GYI NI, ,GOS KYI TSON LTAR DON MED 'GYUR, ,ZHES BYA BA LA, GANG GI PHYIR LUS MA SBYANGS SHING DAG PAR MA BYAS PA LA, BCUD KYIS LEN GYI SBYOR BA'AM, RO TZA BA BYAS NA DE DON MED PAR 'GYUR TE, DPER NA DRI MA CAN GYI GOS LA TSON GYIS KHA BSGYUR NA DE LEN DU MI BTUB PA DANG 'DRA'O, ,BCUD KYIS LEN GYI SBYOR BA NI, ,RNAM PA GNYIS SU DRANG SRONG 'DOD, ,SPYIL POR 'DUG PA GTZO BO STE, ,RLUNG DANG THAN PAS NYEN
CIG SHOS, ,ZHES BYA BA LA, BCUD KYIS LEN GYI SBYOR BA NI DRANG SRONG RNAMS KYIS RNAM PA GNYIS SU BSHAD DE, SPYIL PO 'AM KHANG PAR ZHUGS TE BSGRUB PA NI GTZO BO YIN LA, RLUNG DANG THAN PAS NYEN PA'I SBYOR BA NI CIG SHOS TE GTZO BO MA YIN PA'O, ,KHANG PA RLUNG MED 'JIGS PA MED, , CHOS LDAN YO BYAD 'BYOR BA'I GRONG, ,SA PHYOGS SHIS PA'I BYANG PHYOGS SU, ,KHANG PA SUM RIM DKAR KHUNG CHUNG, ,DUD PA NYI TSAN SBRUL DANG RDUL, ,BUD MED GLEN MAS MA BGROD PAR, ,YO BYAD SMAN PA STA GON BYAS, ,KHANG PA LEGS PAR BYI DOR BYA'O, ,ZHES BYA BA LA, SMAN BSTEN PA'I KHANG PAR RLUNG MED PA DANG, 'JIGS SHING BAG TSAB MED PA DANG, CHOS DANG MI 'GAL BA'I SPYOD PA DANG LDAN PA DANG, SMAN LA SOGS PA'I YO BYAD 'BYOR BA DANG GRONG GI BYANG SHAR GYI MTSAMS KYI SA PHYOGS SHIS PAR KHANG PA SUM RIM DU BRTZIGS PA SKAR KHUNG CHUNG DU DANG LDAN PA DANG, DUD PA LA SOGS PAS MA NYEN PA, YO BYAD DANG SMAN PA STA GON BYAS PA KHANG PA SKYANG NUL LA SOGS PA BYI DOR BYA'O, ,DE NAS TSES GRANGS BZANG KHRUS BYAS, ,MCHOD 'OS MCHOD NAS 'JUG PAR BYA, ,ZHES BYA BA LA, DE'I 'OG TU BCUD KYIS LEN BSGRUB PAR 'DOD PA DES ZLA BA YAR NGO'I TSES GRANGS BZANG POR KHRUS DANG GTZANG SBRA BYAS TE, MCHOD PAR 'OS PA LHA DANG BLA MA LA MCHOD PA BYAS TE DER 'JUG PAR BYA'O, ,DER NI SBYANG BYAS DAG GYUR NAS, ,BDE ZHING STOBS NI SKYED PA DANG, ,TSANGS PAR SPYOD DANG BRTAN PAR LDAN, ,DAD PAR LDAN ZHING DBANG PO THUL, ,SBYIN DANG TSUL KHRIMS BDE BA DANG, , BRTUL ZHUGS CHOS LA MCHOG TU GZHOL, ,LHA NI RJES SU DRAN PAR LDAN, ,RIGS PAS GNYID LOG GNYID MI LOG ,SMAN LA DGA' ZHING TSIG 'JAM PAS, ,BCUD KYIS LEN NI BRTZAM PAR BYA, ,ZHES BYA BA LA, DE NAS KHANG PAR DER BKRU SMAN DANG, SKYUG SMAN LA SOGS PAS SBYANG BAR BYA ZHING, DE BZHIN DU NYAMS BRTA BA LA SOGS PAS STOBS THOB CING NUS PA RNYED PA'I MI TSANGS PAR SPYOD PA DANG LDAN ZHING BUD MED LA NYAL PO BYA BA SPANG BA BRTAN ZHING SRAN THUB PA, DAD PA DANG LDAN ZHING MOS PA CHE BA, DBANG PO THUL ZHING YUL GYIS SEMS MI PHROGS PA SBYIN PA DANG TSUL KHRIMS LA
, ,SOGS PA'I YON TAN GYI TSOGS LA MCHOG TU GZHOL BA, DE BZHIN DU LHA RJES SU DRAN ZHING YID LA BYED PA'I GTAM DANG LDAN PA DANG, DE BZHIN DU RIGS SHING RAN PAR GNYID LOG PA DANG, MA LOG PA DANG LDAN PA DANG, DE BZHIN DU SMAN GYI SBYOR BA LA DGA' ZHING MOS PA DANG, TSIG 'JAM ZHING DES PA'I NGANG TSUL DANG LDAN PA DE LTA BUS BCUD KYIS LEN GYI CHO GA BRTZAM PAR BYA ZHING DE LA 'JUG PAR BYA'O, ,DE NYID SNUM CHOS DUGS BYAS NAS, ,AA RU RA DANG SKYU RU RA, ,RGYAM TSA BCA' SGA PI PI LING, ,SHU DAG YUNG BA BYI DANG GA, ,BU RAM CHU DRON SBYAR BA NI, ,BLUD NA LEGS PAR 'KHRU BAR 'GYUR, ,ZHES BYA BA LA, SKYES BU DE DANG PO SNUM CHOS DANG DUGS BYAS NAS, ,AA RU RA DANG BU RAM GYI BAR DU CHU DRON DANG SBYAR TE BLUD NA, MI DE LEGS SHING BDE BAR 'KHRU BAR 'GYUR RO, ,DE NAS LUS NI DAG 'GYUR ZHING, ,THUG SOGS RIM PAR SPYAD NAS KYANG, ,ZHAG GSUM MAM NI ZHAG LNGA'AM, ,ZHAG BDUN BAR DU ZHUN MAR BCAS, ,NAS THUG DAG PAR GYUR GYI BAR, ,SBYIN ZHING BSHANG RNYING DAG PAR BYA, ,ZHES BYA BA LA, DE'I 'OG TU LUS KYI SBYANG BA BYAS PA'I SKYES BU DES THUG PA LA SOGS PA'I RIM PA JI SKAD BSHAD PA SPYAD NAS, ZHAG GSUM MAM, ZHAG LNGA'AM, ZHAG BDUN GYI BAR DU ZHUN MAR DANG BCAS PA'I NAS THUG SBYIN PAR BYA BA 'AM, YANG NA SNGAR GYI BSHANG BA RNYING PA DE DAG PAR GYUR GYI BAR DU NAS THUG SBYIN PAR BYA'O, ,DE LTAR LTO NI SBYANG BYAS NAS, ,GOMS PAR SHES PAS GANG ZHIG LA, ,GANG ZHIG 'TSAM PA DE KUN BRTAGS, ,BCUD KYIS LEN NI SBYIN PAR BYA, ,ZHES BYA BA LA, TSUL DE LTAR LTO SBYANG BA BYAS PA'I SKYES BU GOMS PA'I SBYOR BA SHES PA'I SMAN PAS LUS ZUNGS NAD GZHI LA SOGS PA'I TSUL THAMS CAD BRTAGS TE, GANG LA JI LTAR 'TSAM PA'I BCUD KYIS LEN DE SBYIN PAR BYA'O, ,AA RU RA STONG DE'I SUM 'GYUR, , SKYU RU RA DANG BCAS PA DANG, ,RTZA BA LNGA PO LNGA RNAMS NI, ,SRANG NI NYIS BRGYA LNGA BCU DAG ,CHU NI BCU 'GYUR NANG DU BSKOL, ,KHU BA BCU CHA LUS PA RU, ,AA RU RNAM RGYAL SKYU RU RA, ,BRDUNGS LA RUS PA PHYUNG NAS NI, ,KHU BA DE YI NANG DU NI, ,SHING TSA SUG SMEL PI PI LING, ,GA DUR SKYER
PA AA RU RA, ,TZANDAN MA DU KA PAR NI, ,SHANG KA PUshPA KA NA YA, ,SHU DAG GLA BA SHING MNGAR DANG, ,BYI DANG GA NI PHUL RE'I TSAD, ,KHAR DKAR SRANG STONG CHIG BRGYA, ,ZHUN MAR BRE NI BCU GNYIS DANG, ,TIL MAR BRE NI BRGYAD BCAS PA, ,LDE GUR GYUR GYI BAR DU BSKOL, ,PHAB LA BSGRANGS PAR SBRANG RTZI NI, ,SRANG NI SUM BRGYA NYI SHU GZHUG ,DE NAS GZAR BUS DKRUGS NAS NI, ,MAR GYI SNOD DU GZHUG PAR BYA, ,GANG ZHIG ZAS GCIG LA MI GNOD, ,DE NI 'DI YI TSAD DU BSHAD, ,ZHU BA'I TSE NA DRUG CU PA, ,'O MAR BCAS BA'I KHA ZAS SBYIN, ,BCUD KYAS LEN 'DI TSANGS PAS BSHAD, , DGE ZHING DPAL YON CAN YIN ZHING, ,MKHA' LA GNAS DANG BYIS PA RTZE, ,DE BZHIN DKA' THUB PAS BSTEN BYAS, ,LUS SNYOM NGAL DANG SKRA DKAR DANG, ,GNYER MA'I SKYON NI SPANG 'GYUR ZHING, ,YID GZHUNGS DRAN DANG STOBS LDAN ZHING, ,TSE RING PAR YANG 'GYUR BA YIN, ,ZHES BYA BA LA; AA RU RA RDOG MA STONG DANG, DE'I SUM 'GYUR GYI SKYU RU RA DANG BCAS PA STE SKYU RU RA SUM STONG DANG, SMAN GYI SDE TSAN SNA TSOGS NAS BSHAD PA'I RTZA BA LNGA PO LNGA SBYIR [?] SRANG NYIS BRGYA LNGA BCU STE, 'DI DAG NI SMAN RE RE ZHING BCU BCU GZHUG PAR BYA STE, DE DAG THAMS CAD BSDUS PA SRANG GIS BSDUS TE; DE'I BCU 'GYUR GYI CHU'I NANG DU BSKOL LA DE'I KHU BA BCU CHA LUS PA DANG, DE'I 'OG TU AA RU RA RNAM PAR RGYAL BA DANG, SKYU RU RA BRDUNGS LA RUS PA BYUNG STE, KHU BA DE'I NANG DU SHING TSA NAS BYI DANG GA'I BAR DU SMAN SNA RE ZHING PHUL RE GZHUG PAR BYA'O, ,DE BZHIN DU KHAR DKAR PO SRANG STONG CHIG BRGYA DANG, DE BZHIN DU ZHUN MAR BRE BCU GNYIS DANG, DE BZHIN DU TIL MAR BRE BRGYAD DE, DE DAG THAMS CAD GCIG TU BSRES LA, GZAR BU LA CHAGS SHING LDE GUR GYUR GYI BAR DU BSKOL LA THAB LAS PHAB STE BSGRANGS PA'I NANG DU SBRANG RTZI SRANG SUM BRGYA NYI SHU GZHUG PAR BYA'O, ,DE NAS DE'I 'OG TU GZAR BUS LEGS PAR DKRUGS LA DE MAR GYI SNOD DU BCUG CING BZHAG BAR BYA LA, DE LAS TSAD BZHIN DU BZA' BAR BYA STE, DE'I TSAD NI JI TZAM ZHIG ZOS PAS NANG PAR GYI ZAS BZA' BA'I DUS LA MI GNOD CING BDE BAR 'JU NUS PA DE TZAM DU BZA' BAR BYA'O, ,SMAN DE ZHU BA'I TSE
, ,NA 'BRAS DRUG CU PA'I CHAN 'O MA DANG BCAS PA'I KHA ZAS SBYIN PAR BYA'O, ,BCUD KYIS LEN PA 'DI NI TSANGS PAS BSHAD PA YIN TE, DGE ZHING DPAL SKYED PA LA SOGS PA'I YON TAN DANG LDAN NO, ,DRANG SRONG MKHA' LA GNAS PA DANG, BYIS PA DANG RTZE BA DANG, DE BZHIN DU DKA' THUB PA GZHAN RNAMS KYIS KYANG BSTEN CING GOMS PAR BYAS PA YIN LA, DE DAG KYANG BCUD KYIS LEN 'DI LUS KYI SNYOM PA DANG, NGAL BA LA SOGS PA SPANG BAR 'GYUR BA DANG, YID GZHUNGS PA DANG, DRAN PA LA SOGS PA DANG LDAN PA NAS TSE SHIN TU RING BA LA SOGS PA'I YON TAN DANG LDAN PAR 'GYUR BA YIN NO, ,SKYON MED AA RU RA DANG SKYU RU RA, ,STONG DANG PI PI LING NI STONG DANG BCAS, ,RGYA SKYEGS SHING GZHON THAL BA'I CHU SBYAR BA, ,SNOD DU BZHAG STE LEGS PAR SBANGS NAS NI, ,SLAR PHYUNG GRIB MAR SKAMS TE PHYE MAR BYAS, ,KHA RA DKAR PO BZHI CHA MAR DANG NI, ,SBRANG RTZI BZHI 'GYUR BCAS PA MAR GYI NI, ,BUM PAR BCUG STE SA BRKOS PAR BZHAG LA, ,ZLA BA DRUG LON NAS NI SLAR PHYUNG STE, ,SNGA DRO'I DUS SU ME DROD JI BZHIN BZA', ,RTAG TU MTHUN PA'I ZAS NI BZA' BAR BYA, ,DE LTAR MA LUS ZOS NA LO BRGYA 'TSO, ,NAD MED PA DANG SKRA DKAR GNYER MA MED, ,LUS KYI STOBS 'PHEL RGYAS PAR 'GYUR BA DANG, ,MCHOG TU DRAN GSAL YID NI GZHUNGS PAR 'GYUR, ,ZHES BYA BA LA, AA RU RA DANG SKYU RU RA SKYON MED CING KHU BA DANG SMAN GYI NUS PA LA SOGS PA RDZOGS PAR GYUR PA DANG, DE BZHIN DU PI PI LING STONG DANG BCAS PA DANG, DE BZHIN DU RGYA SKYEGS SHING PA LA SHA ZHES BYA BA THAL BAR BYAS TE CHUR GZAGS PA DANG SBYAR TE, SNOD DU BZHAG LA SBANGS PAR GYUR NAS SLAR PHYUNG STE GRIB MA'I NANG DU SKAMS NAS PHYE MAR BYAS PA DANG, KHA RA DKAR PO PHYE MA'I BZHI CHA LAS, DE BZHIN DU MAR DANG SBRANG RTZI SMAN GYI BZHI 'GYUR DANG BCAS PA DE DAG THAMS CAD GCIG TU BSDOMS TE MAR GYI BUM PAR BCUG NAS SA BRKOS PA'I NANG DU BZHAG LA, ZLA BA DRUG LON PA DANG, DE'I 'OG TU SLAR PHYUNG STE SNGA DRO'I DUS SU JI TZAM DU RAN PAR ZOS LA, DE ZHU BA DANG RJES SU MTHUN PA'I KHA ZAS S'A LU'I CHAN LA SOGS PA BZA' BAR BYA'O, ,DE LTA BU'I SBYOR BAS SMAN THAMS CAD ZOS NA, LO BRGYA'I
BAR DU 'TSO BAR 'GYUR ZHING NAD DANG SKRA DKAR DANG GNYER MA MED PAR 'GYUR BA DANG, LUS KYI STOBS 'PHEL BA LA SOGS PAR 'GYUR RO, ,SKYON MED RGYA SKYEGS SHING RLON PA, ,THOR TO BCAD LA BZHOG PA YI, ,SDONG BU KHRU GNYIS BRKOS PA'I NANG, ,SKYU RU RA NI SAR PAS DGANG, ,RTZA BA'I BAR DU 'JAG MAS DKRI, ,PADMA SKYES PA'I 'DAM GYIS BSKU, ,DE NAS RLUNG MED GNAS SU NI, ,LCI BA SAR PA GTZANG MAS BTZO, ,TSOS SHING SKYU RU RA SBANGS NAS, ,SBRANG RTZI MAR BCAS MI YIS BZA', ,DE RJES 'O MA MAR BCAS PA, ,CI 'DOD PAR NI BTUNG BAR BYA, ,DE NYID KYIS NI ZLA GCIG PAR; ,BSTEN ZHING SPANG BAR BYA BA RNAMS, ,DE NI 'BAD DE SPANG BAR BYA, ,CHU NI GRANG MO LAG PA YIS, ,REG PA TZAM YANG MI BYA'O, ,DE LTAR ZHAG NI BCU GCIG 'DAS, ,SKRA SO SEN MO LHAGS PAR 'GYUR, ,DE NAS NYIN ZHAG NYUNG ZAD NAS, ,GZUGS BZANG BUD MED LA PHOD CING, ,STOBS NI GLANG PO DANG 'DRAR 'GYUR, ,MCHOG TU YID GZHUNGS SNYING STOBS DANG, ,BLO LDAN LO STONG 'TSO BAR 'GYUR, ,ZHES BYA BA LA, PA LA SHA RUL PA LA SOGS PA'I SKYON MED PA RLON PA'I THOR TO BCAD LA BZHOG PA'I NANG GI SDONG BU KHRU GNYIS PA BRKOS LA, DE'I NANG DU SKYU RU RA SAR PAS BKANG LA, DE'I 'OG TU 'JAG MAS RTZA BA'I BAR DU DKRI BAR BYA'O, ,DE NAS PADMA SKYES PA'I 'DAM GYIS BSKU BAR BYA'O, ,DE'I 'OG TU RLUNG MED PA'I GNAS SU DGON PA'I LCI BA SAR PA'I MES BTZOS LA, DE NAS SKYU RU RA DE SBRANG RTZI DANG MAR DANG BCAS PAR BZA' BAR BYA'O, ,DE'I 'OG TU SKOM DU 'O MA NGOMS PAR BLUD PAR BYA ZHING, 'O MA DE NYID DANG ZLA BA GCIG GI BAR DU GNAS PAR BYA ZHING, ZAS GZHAN MI BZA' BAR BYA BA DANG, DE'I BCUD KYIS LEN GYI SPANG BAR BYA BA'I SPYOD LAM NI, 'BAD DE SPANG BAR BYA BA DANG, CHU GRANG MO NI THA NA LAG PAS KYANG MI REG PAR BYA'O, ,DE LTA BU'I TSUL GYIS ZHAG BCU GCIG 'DAS PAR GYUR PA DANG, SKRA DANG SO LA SOGS PA LHAGS PAR 'GYUR RO, ,DE NAS NYIN ZHAG GI DUS NYUNG ZAD CIG NA GZUGS BZANG PO 'BYUNG BAR 'GYUR BA DANG, BUD MED LA PHOD PA LA SOGS PA'I YON TAN RNAMS 'BYUNG BAR 'GYUR RO, ,RTZA BA BCU PA BA BLA DANG, ,GLA SGANG THAL TRES DZI BA KA, ,
, ,AUTPA LA DANG PARnI GNYIS, ,KAR KA TA SRING PI PI LING, ,MED SUG SMEL TA MA LA, ,'TSO BYED RGUN 'BRUM AA GA RU, MA NU ZUR PA BA SPRU PA, ,RAM NYE BA GNYIS SLE TRES DANG, ,KA KA NA SA AA RU RA, ,BA SHA KA'I RTZA BI DA RI, ,SRANG RE GCIG TU BSRES NAS NI; ,SKYU RU RA'I 'BRU LNGA BRGYA NI, ,CHU BRE BCU DRUG NANG DU BSKOL, ,DE YI KHU BA BZHI CHA LUS, ,SKYU RU RA YI RUS PA BSAL, ,MAR DANG TIL MAR SRANG BCU GNYIS, ,NANG DU LEGS PAR BRDOS NAS NI, ,KHA RA DKAR PO SRANG LNGA BCU, ,BTAGS TE LDE GU'I TSUL DU BSKOL, ,SNUM PHYED KYI NI SBRANG RTZI GZHUG ,SMIG RKANG SRANG NI BZHI DAG DANG, ,PI PI LING NI SRANG GNYIS DANG, ,DRI BZANGS BZHI NI SRANG GCIG GZHUG ,DE LAS TSAD TZAM BZA' BYA ZHING, ,KHANG PAR GNAS SHING 'PHROD ZAS BSTEN, ,'DI NI DRANG SRONG 'PHO BAS BSTEN, ,DRANG SRONG 'PHO BAS GANG ZOS PAS, , RGAS PAS NYEN PAR GYUR PA YANG, ,BUD MED KYI NI MIG TU SDUG ,CHO GA BZHIN DU BSTEN GYUR NA, ,LUD PA DBUGS MI BDE RIMS DANG, ,SKEMS DANG SNYING NAD DREG NAD DANG, ,GCIN DANG KHU CHU LA GNAS DANG, ,SKAD 'GAGS PA YANG SEL BAR BYED, ,BYIS PA RGAN DANG GLO 'GRAM GCOD, , RID PA'I NYAMS STOBS 'PHEL BAR BYED, ,YID GZHUNGS DRAN DANG MDANGS LDAN DANG, ,NAD MED NYID DANG TSE 'PHEL DANG, ,RLUNG NI BDE BAR RGYU BYED CING, ,BUD MED LA PHOD STOBS DANG NI, ,DBANG PO GSAL ZHING ME DROD SKYED, ,CES BYA BA LA, RTZA BA BCU DANG BA BLA LA SOGS PA'I SMAN SNA RE ZHING SRANG RE GCIG TU BSRES PA DANG, SKYU RU RA'I RDOG MA LNGA BRGYA CHU BRE BCU DRUG GI NANG DU BSKOL LA, DE'I KHU BA BZHI CHA LUS PA DANG, DE LAS SKYU RU RA BTUS TE RUS PA BSAL LA MAR DANG TIL MAR SRANG BCU GNYIS KYI NANG DU BRNGOS LA, DE'I 'OG TU KHA RA DKAR PO SRANG LNGA BCU DANG BCAS PA DE LDE GU'I SBYOR BAS BSKOL LA TSOS NAS BSGRANGS LA, SBRANG RTZI SNUM GYI PHYED DE SRANG DRUG LA SOGS PA BCUG LA, LDE GU DE LAS TSAD TZAM BZA' ZHING, KHANG PAR GNAS TE KHA ZAS 'PHROD PA BSTAN PAR BYA'O, ,'DI NI DRANG SRONG 'PHO BAS BSTEN ZHING ZOS PA ZHES BYA BA'I BCUD KYIS LEN YIN TE, BCUD
KYIS LEN GANG ZHIG ZOS PAS DE RGAS 'KHOGS PAR GYUR PA YANG GZUGS BZANG ZHING BUD MED KYI MIG TU SDUG PAR 'GYUR RO, ,'DI CHO GA BZHIN BSTEN PAR GYUR NA, LUD PA DANG DBUGS MI BDE BA LA SOGS PA NAS, DBANG PO GSAL ZHING ME DROD SKYED PAR BYED PA'I BAR GYI YON TAN DANG LDAN PA YIN NO, ,SHING MNGAR SMIG RKANG PI PI LING, ,LCE MYANG TSA DANG BCAS PA DANG, ,LCAGS NI SNA RE GSER DANG NI, ,SHU DAG SBRANG RTZI ZHUN MAR RAM, ,KHA RA DKAR PO 'BRAS BU GSUM, ,LO GCIG BSTEN NA BCUD LEN 'GYUR, ,NAD KUN 'JOMS SHING DRAN PA DANG, ,YID GZHUNGS BLO NI SKYED PAR BYED, ,CES BYA BA LA, SHING MNGAR RAM, SMIG RKANG NGAM, PI PI LING NGAM, LCE MYANG TSA 'AM, LCAGS LNGA BO RE RE'AM, SO SOR RAM, GSER RAM, SHU DAG GAM, MAR DANG SBRANG RTZI'AM, KHA RA DKAR PO 'BRAS BU GSUM DANG BCAS PA LO GCIG TU BSTEN NA, BCUD KYIS LEN DU 'GYUR ZHING NAD THAMS CAD 'JOMS PAR BYED PA YIN NO, ,MA DU KA PARnA YI KHU BA'AM, ,SHING MNGAR PHYE MA 'O MAR BCAS PA NI, ,LHAN CIG SBYAR BA ME DROD JI BZHIN SBYIN, ,SLE TRES SHANG KA PUshPA'I ME TOG BCAS, ,LDE GUR SBYAR BA ME DROD JI BZHIN DU, ,BSTEN NA TSE NI SBYIN PAR BYED PA DANG, ,NAD 'JIG STOBS SKYED MDOG NI GSAL BYED CING, ,ME DROD SKAD GSAL YID GZHUNGS SKYED PAR BYED, ,BCUD KYIS LEN GYI SBYOR BA 'DI DAG LAS, ,SHANG KA PUshPA'I SBYOR 'DI YID GZHUNGS MCHOG ,CES BYA BA LA, MA DU KA PARnI ZHES BYA BA BSKOL BA'I KHU BA 'AM; SHING MNGAR GYI PHYE MA'AM, SLE TRES KYI PHYE MA'AM, SHANG KA PUshPA'I RTZA BA'I LDE GU ME DROD JI LTA BA BZHIN DU BSTEN NA BCUD KYIS LEN DU 'GYUR ZHING, TSE SBYIN PAR BYED PA LA SOGS PA YIN NO, ,BCUD KYIS LEN GYI SBYOR BA 'DI DAG LAS SHANG KA PUshPA'I SBYOR BA NI MCHOG TU YANG YID GZHUNGS PAR BYED BA YIN NO, ,SPANGS MA PU TZE SHEL DANG BA YA SYA, ,SHING MNGAR THAL TRES TZANDAN 'BRAS BU GSUM, ,SHU DAG TSA BA GSUM DANG SER PO GNYIS, ,PA TO LI'I RTZA RGYAM TSA ZHIB TU BTAGS, ,MAR DANG 'O MA BRE NI BCU DRUG DANG, ,SHANG KA PAshPU'I KHU BA SUM 'GYUR BSKOL, ,
, ,BLUD NA GLEN PA 'ANG TSIG LA DBANG 'GYUR ZHING, ,THOS 'DZIN SPOBS PA CHE ZHING NAD MED 'GYUR, ,ZHES BYA BA LA, SPANGS MA LA SOGS PA DE DAG ZHIB TU BTAGS LA MAR DANG 'O MA BRE BCU DRUG DANG, SHANG KA PUshPA'I KHU BA MAR GYI SUM 'GYUR DANG BSKOL TE BLUD NA SKYES BU BLUN PO DAG KYANG TSIG GSAL ZHING NGAG LA DBANG BA DANG, THOS PA 'DZIN PA DANG, NAD MED PA NYID DU 'GYUR RO, ,PADMA'I RTZA BA SDONG BU DANG, ,GE SAR NANG GI SA BON RNAMS, ,GSER BCAS MAR DANG 'O MA NI, ,BRE NI BCU DRUG NANG DU BSKOL, ,PADMA LNGA PA'I THIG LE ZHES, ,SA STENG DAG DU GRAGS PA YIN, ,TSUL BZHIN BSTEN NA SKYES BU NI, ,NYAMS STOBS ZAD PA 'PHEL BAR BYED, ,CES BYA BA LA, PADMA'I RTZA BA LA SOGS PA TSUL BZHIN DU BSKOL BA'I BCUD KYIS LEN NI MING PADMA LNGA PA ZHES GRAGS PA YIN TE, DE TSUL BZHIN DU BSTEN NA MCHOG TU SKYES BU'I NYAMS STOBS SKYED PAR BYED PA YIN NO, ,GANG ZHIG AUTPAL SDONG BU LO, ,RTZA BA GE SAR LDAN BSKOL BA, ,AUTPAL BZHI PAR GRAGS PA YIN, ,GSER DANG BCAS PA'I BCUD LEN GYI, ,SBYOR BA BSTEN NA BA LANG YANG, ,YID GZHUNGS 'GYUR NA MIR CI SMOS, ,ZHES BYA BA LA, SMAN MAR GANG AUTPA LA'I SDONG BU DANG LO MA DANG RTZA BA DANG LDAN PAR BSKOL ZHING GSAR DANG BCAS PA SBYAR BA'I BCUD KYIS LEN NI AUTPA LA BZHI PA YIN TE, DE BSTEN NA BA LANG YANG YID GZHUNGS SHING BLO DANG LDAN PAR 'GYUR BA YIN NA, MIR SKYES NAS LTA SMOS KYANG CI DGOS, ,BRAMHI SHU DAG SHANG KA PUshPA DANG, ,RGYAM TSA MANG TSA KshA RA BI SHA LA, , BRAMHI SO BAR TZA LA PI PI LING, ,RE RE NAS NI GSUM GSUM TZAM GYI TSAD, ,GSER NI NAS GNYIS DUG NI TIL 'BRU TZAM, ,ZHUN MAR SRANG GCIG 'DI DAG ZHIB TU SBYAR, ,LEGS PAR BTANG STE ZHU BAR GYUR NAS NI, ,MAR BCAS KHA ZAS LO GCIG BAR DU BSTEN, ,DRAN DANG YID GZHUNGS BLO NI 'PHEL 'GYUR ZHING, ,NA DANG RGAS BA DAG LAS 'DAS PA DANG, ,SNYOM DANG NGAL DUB SEL BYED LO BRGYAR 'TSO, ,DPAL DANG GZI BRJID MDANGS DANG LDAN PAR 'GYUR, ,KHYAD PAR DU NI MDZE NAD SHA BKRA SKRAN, ,DUG DANG DBYIG DUG RIMS DANG SMYO BYED DANG, ,SRID SRUNG RIG BYED SNGAGS BYAS GSHED
BYED DANG, ,RLUNG NAD STOBS CHEN 'DIS NI ZHI BAR BYED, ,CES BYA BA LA, BRAMHI NAS PI PI LING GI SMAN SNA RE RE ZHING NAS GSUM GYI TSAD DANG, GSER NI GNYIS KYI TSAD DANG, DUG TIL 'BRU GCIG TZAM DANG, ZHUN MAR SRANG GCIG STE, DE DAG THAMS CAD GCIG TU SBYAR NAS ZOS TE, DE ZHU BAR GYUR PA DANG, KHA ZAS MAR DANG SBRANG RTZI MANG PO ZOS LA TSUL DE LTAR LO GCIG GI BAR DU BSTEN NA DRAN PA DANG, YID GZHUNGS PA RNAM PAR 'PHEL BAR 'GYUR ZHING, NAD LA SOGS PA LAS 'DAS PA DANG, LO BRGYA TSANG BA'I BAR DU 'TSO ZHING DPAL LA SOGS PA DANG LDAN PAR 'GYUR BA DANG, KHYAD PAR DU YANG BCUD KYIS LEN 'DIS MDZE LA SOGS PA SEL BAR BYED PA DANG, DE BZHIN DU SRID SRUNG GI RIG BYED LAS BSHAD PA'I CHO GAS GSHED BYED DANG, GNOD PA'I LAS KYI SBYOR BA BYAS PA DANG, RLUNG NAD SHIN TU MI BZAD PA DAG KYANG ZHI BAR BYED PA YIN NO, ,NAG PA LA STON GYI TSE, ,SKAR MA RGYAL LA BAB PAR BTU, ,DE YI RTZA BA ZHO GNYIS TZAM, ,PHYER BTAGS 'O MA SBYAR TE BTUNG, ,YANG NA MAR DANG SBRANG RTZIR SBYAR, ,BLDAG CING ZAS MED 'O MAS 'TSO, ,DE LTAR LO GCIG ZOS GYUR NA, ,LO BRGYAR 'TSO ZHING STOBS LDAN 'GYUR, ,ZHES BYA BA LA, NAG PA LA ZHES BYA BA'I SMAN STON GYI DUS LA BAB PA DANG, SKAR MA RGYAL DANG GZA' ZLA BA LA BABS PA'I DUS SU BTUS TE, DE'I RTZA BA ZHO GNYIS TZAM GYI PHYE MA 'O MA DANG SBYAR TE BTUNG BA'AM, YANG NA MAR DANG SBRANG RTZI SBYAR TE BLDAG CING 'O MAS 'TSO BAR BYAS TE, DE LTAR LO GCIG GI NANG DU BSTEN NA LO BRGYA'I BAR DU 'TSO BA DANG, STOBS SHIN TU CHE BAR 'GYUR RO, ,GZE MA 'BRAS BU SKYES PA RTZA BAR BCAS, ,GRIB MAR SKAMS TE ZHIB TU BTAGS NAS NI, ,RANG GI KHU BAR SBANGS PA DE LAS NI, ,CHE TSAD KHYOR GANG TZAM DU BYAS GYUR GANG, ,DE DANG 'O MA SBYAR NAS BZA' BYA ZHING, ,ZHU NAS 'O MA SRANG NI NYIS BRGYA ZOS, ,GZUGS BZANG SKAL LDAN LO BRGYA THUB PA DANG, ,'DOD SPYOD KHYU MCHOG BA LANG TSOGS GNAS 'DRA, ,ZHES BYA BA LA, GZE MA 'BRAS BU SKYES PA RTZA BA DANG BCAS PA GRIB MAR SKAMS TE ZHIB TU BTAGS PA'I PHYE MA RANG GI KHU BA'I NANG DU SBANGS TE, GZE MA DE LAS CHE TSAD RANG GI KHYOR GANG TZAM STE SRANG
, ,GNYIS KYI TSAD TZAM YANG 'O MA DANG SBYAR TE, BZA' ZHING LONGS SPYOD LA, SMAN DE KHU BAR GYUR NAS 'O MA NYID SRANG NYIS BRGYA DANG, 'BRAS CHAN BSRES PA ZOS PAR GYUR NA GZUGS BZANG BA LA SOGS PA 'THOB PAR 'GYUR ZHING, JI LTAR BA LANG GI TSOGS KYI NANG NA KHYU MCHOG 'DOD PA SPYOD PA DANG 'DRA BAR 'DOD PA SPYOD NUS PAR 'GYUR RO, ,BA RA HI YI SDONG BU RLON PA NI, ,'O MAR SBYAR BA ZOS SHING 'O MA BTUNG, ,ZLA GCIG BAR DU KHA ZAS 'O MAS 'TSO, ,RGAS PA'I TSOGS LAS NGES PAR RGYAL 'GYUR RO, ,ZHES BYA BA LA, SMAN BA RA HI'I SDONG BU RLON PA 'O MA DANG SBYAR BA BSTEN CING ZLA BA GNYIS PA LA YANG SDONG BU DE ZAS GZHAN MI BZA' BAR 'O MA DANG BCAS PAR BSTEN NA SKYES BU DE SBYOR BA DES RGAS PA LAS NGES PAR RGYAL BAR 'GYUR RO, ,YANG NA DE YI SDONG BU'I PHYE ZHIB MO, ,RANG GI KHU BA DANG NI LEGS SBYAR TE, ,MAR DANG SBRANG RTZIR SBYAR BA'I LDE GU BZA', ,YANG NA DE BSKOL MAR NI BTUNG BAR BYA, ,ZHES BYA BA LA, YANG NA DE'I SDONG BU PHYE MA ZHIB MOR BTAGS LA RANG NYID BSKOL BA'I KHU BA DANG SBYAR TE, JI SKAD SMOS PA'I LDE GU 'AM, SMAN MAR ZOS NA YANG YON TAN SNGA MA DANG 'DRA'O, ,DE BZHIN AA TI BA LA BI DA RI, ,SHING MNGAR DANG NI MON SNE'U DA ME RU DANG, , DZI BAN TI DANG RA SNA AA RU RA, ,SA LA PARnI SLE TRES SKYU RU RA, ,SHANG KA PUshPA MAN DU KA PARnI, ,AA SHVA GANDHA DANG NI NYE'U SHING RNAMS, ,SBYAR BA BTANG NA YID GZHUNGS BLO DANG NI, ,RGAS SRAN TSOD BRTAN ZHING STOBS SKYED BYED, ,CES BYA BA LA, DE BZHIN DU AA TI BA LA LA SOGS PA YANG BA RA HI'I SBYOR BA DANG 'DRA BAR SMAN SNA GANG YANG RUNG BA RE RE BTANG BAR GYUR NA YID GZHUNGS PA LA SOGS PAR 'GYUR RO, ,STHI RA NI SA LA BARnI'O, ,MAN DU KA PARnI MAN DU KI'O, ,GZHAN NI GO BAR ZAD DO, ,TZI TRA KA YI ME TOG NI, ,SER PO DKAR NAG LAS SHES BYA, ,CHO GA BZHIN DU BCUD LEN SBYAR, ,GO RIMS BZHIN DU YON TAN CHE, ,ZHES BYA BA LA, TZI TRA KA'I ME TOG RNAM PA GSUM PO SER PO DANG DKAR PO DANG NAG PO JI LTA BA BZHIN DU SHES PAR BYAS LA, DE BCUD KYIS LEN DU SBYAR NA GO RIMS JI LTA BA BZHIN DU YON TAN CHE BA YIN TE, ME TOG SER PO CAN BAS NI DKAR PO YON TAN DANG LDAN LA
DKAR PO BAS NI NAG PO YON TAN CHE BA YIN NO, ,DE YI RTZA BA GRIB MAR SKAM, ,PHYE MAR BCAS PA SBRANG RTZI MAR, ,'O MA CHU DANG ZLA GCIG PAR, ,BRTUL ZHUGS CAN GYIS BSTEN BYAS LA, ,PHAN PA'I ZAS NI ZA BYED NA, ,LO BRGYAR 'TSO ZHING NAD MED LA, ,YID GZHUNGS STOBS DANG MDANGS LDAN ZHING, , LUS RGYAS ME DROD 'BAR BAR 'GYUR, ,ZHES BYA BA LA, TZI TRA KA DE'I RTZA BA'I PHYE MA MAR DANG SBRANG RTZI GNYI GA'AM, 'O MA'AM, CHU DANG BCAS PAR ZLA BA GCIG GI BAR DU BSTEN NAS 'PHROD PA'I ZAS ZOS NA LO BRGYAR 'TSO BA LA SOGS PA'I YON TAN SKYED PAR 'GYUR RO, ,TIL MAR LDE GU ZLA GCIG BAR, , BSTEN NA RLUNG NAD GSO DKA' 'JOMS, ,GCIN SBYAR SHA BKRA MDZE NAD 'JOMS, ,DAR BAR SBYAR BAS GZHANG 'BRUM SEL, ,ZHES BYA BA LA, TZI TRA KA DE TIL MAR DANG BCAS PA ZLA BA GCIG GI BAR DU BSTEN NA RLUNG NAD MI BZAD PA DAG KYANG SEL BAR BYED LA, DE GCIN DANG SBYAR TE ZLA BA GCIG GI BAR DU BSTEN NA NI MDZE DANG SHA BKRA 'JOMS PAR BYED DO, ,TZI TRA KA DANG SBYAR TE ZLA GCIG GI BAR BSTEN NA NI GZHANG 'BRUM SEL BAR BYED DO, ,GO BYE LEGS PAR SMIN PA NI, ,'BRAS KYI PHUNG PO'I NANG DU GZHUG ,SO GA'I TSE BTUS DGUN TSE PHYUNG, ,MNGAR ZHING SNUM DANG BSIL BA YI, ,SMAN SBYAR DE YI RDOG MA BRGYAD, ,BRGYAD 'GYUR CHUR NI BSKOL NAS NI, ,KHU BA DE YI BRGYAD CHA LUS, ,'O MA SBYAR BA GRANG MO BTUNG, ,DE RJES NYI MA RE RE ZHING, ,GO BYE RDOG MA RE RES BSKYED, ,NYI SHU RTZA GCIG BAR DU NI, ,GSUM GSUM GYIS BSKYED DE PHAN CHAD, ,BZHI BCU'I BAR BSKYED DE 'OG TU, , BSKYED PA BZHIN DU DBRI BAR BYA, ,BDUN PHRAG BDUN GYI BAR DU NI, ,STONG GI BAR DU GTANG BAR BYA, ,BDAG NYID BSDAMS SHING 'O MA MAR, ,S'A LU DRUG CU'I 'BRAS CHAN BZA', ,DE BZHIN DUS NI SUM 'GYUR BYA, ,SBYOR BA'I MTHA' YANG SPYAD PAR BYA, ,SNGON GYI LEGS SMON THOB 'GYUR ZHING, ,KHYAD PAR DU NI ME DROD SKYED, ,GCIN SNYI SRIN BU GZHANG 'BRUM MDZE, ,TSIL LAS GYUR PA'I GZHANG 'BRUM 'JOMS, ,ZHES BYA BA LA, GO BYE ZHES BYA BA BSE SHING GI 'BRAS BU SO GA'I DUS SU LEGS PAR SMIN ZHING KHU BCUD YONGS SU RDZOGS PAR GYUR PA BTUS LA 'BRAS KYI PHUNG PO'I NANG DU BCUG STE, ,
, ,DE DGUN GYI DUS SU PHYUNG LA RO MNGAR BA DANG RANG BZHIN SNUM ZHING BSIL BA'I SMAN DANG LEGS PAR SBYAR TE, DE'I RDOG MA BRGYAD CHU BRGYAD 'GYUR GYI NANG DU BSKOL LA KHU BA BRGYAD CHA LUS PAR BYAS TE, DE 'O MA DANG SBYAR BA GRANG MO BTUNG ZHING GO BYE RDOG MA BRGYAD PO DE DAG ZHAG BDUN GYI BAR DU RDOG MA RE RES BSKYED PAR BYA'O, ,DE'I 'OG TU GO BYE LAS NYI MA RE ZHING GSUM GSUM GYIS BSKYED LA BZHI BCU'I BAR DU BSKYED PAR BYA'O, ,DE'I 'OG TU GO BYE DE SNGAR BSKYED PA'I TSUL GYI GRANGS DANG 'DRA BAR GSUM GSUM GYIS DBRI ZHING BSTEN PAR BYA'O, ,DE'I 'OG TU NI RE RES DBRI BAR BYA'O, , TSUL DE LTAR ZHAG BDUN PHRAG BDUN GYI BAR DU GTANG ZHING, RDOG MA STONG GI BAR DU GTANG BAR BYA'O, ,DE'I TSE BDAG NYID BSDAMS PA LA SOGS PA'I SPYOD PA DANG LDAN PAR BYA ZHING SBYOR BA'I MTHA' YANG SPYOD LAM BSDAMS PA'I DUS SUM 'GYUR DU BYAS LA SNGON GYI LEGS PAR SMON PA TZI TRA KA'I SKABS SU BSHAD PA'I NAD MED PA DANG, YUN RING DU 'TSO BA LA SOGS PA 'THOB PAR 'GYUR LA, KHYAD PAR DU NI ME DROD BSKYED PA DANG, GCIN SNYI BA LA SOGS PA'I NAD 'JOMS PA YIN NO, ,GO BYE'I 'BRAS BU SKYON MED PA, ,BRDUNGS SHING ZHIB TU BTAGS PA NI, ,BUM PAR BCUG STE SA NAG BSKUS, ,SA BRKOS PA YI NANG DU GZHUG ,KUN NAS BA YI LCI BAS BSKOR, ,DE SBYAR ME LA BTZOS NAS NI, ,DE LAS 'DZAG PA'I KHU BA GANG, ,BLANGS PA NYIN ZHAG GZHAN LA NI, ,DE YI BRGYAD 'GYUR SBRANG RTZI DANG, ,NYIS 'GYUR MAR DANG SBYAR BA NI, ,CHO GA SNGA MA BZHIN BSDAMS TE, ,BSTEN NA YON TAN DE NYID THOB, ,CES BYA BA LA, GO BYE'I 'BRAS BU SKYON MED PAR 'GYUR BA LA SOGS PA'I SBYOR BA BYAS LA DE TSUL BZHIN DU BTZOS LA, DE LAS KHU BA GANG ZHIG 'DZAG PA DE NYI MA GNYIS PA LA BLANGS LA, RANG GI KHU BA DE'I BRGYAD 'GYUR GYI SBRANG RTZI DANG NYIS 'GYUR GYI MAR DANG SBYAR TE, CHO GA SNGA MA BZHIN DU BSDAMS PA DANG BCAS PAS BSTEN NA YANG SKYES BU DE SNGAR BSHAD PA'I YON TAN DE NYID 'THOB PAR 'GYUR RO, ,GO BYE'I 'BRAS BU SMIN TE LHUNG GYUR PA, ,BRE BZHI'I TSAD TZAM DANG NI SO PHAG DANG, ,BDAR BA'I PHYE MA DAG DANG CHU DANG MNYE, ,BKRUS TE RLUNG LA LEGS PAR BSKAMS NAS NI, ,BRDUNGS TE CHU
BRE BCU DRUG NANG DU BSKOL, ,BZHI CHA LUS PA BTZAGS TE BSGRANGS PA YI, ,KHU BA DE DANG 'O MA BRE BCU DRUG ,BSKOL TE BZHI CHA LUS PAR GYUR PA DANG, ,DE DANG MNYAM PA'I ZHUN MAR BCAS PAR BSKOL, ,DE'I NANG KHA RA'I PHYE MA CI RAN GZHUG ,DE NI GZAR BUS DKRUGS PAS GCIG TU GYUR, , 'BRAS KYI PHUNG POR ZHAG BDUN LEGS PAR SBA, ,BDUD RTZI 'DRA BA DE BSTEN SKYES BU GANG, ,CHU 'AM 'O MA SHA KHU 'THUNG GYUR NA, ,DRAN DANG YID GZHUNGS BLO GROS STOBS DANG LDAN, ,SNYING STOBS DANG LDAN GSER GYI MDOG DANG 'DRA, ,TSE RING BA YANG DES NI 'THOB PAR 'GYUR, ,ZHES BYA BA LA, GO BYE SMIN PAR GYUR NAS, ,RANG NYID LHUNG BAR GYUR PA BRE BZHI TZAM SO PHAG BDAR BA'I PHYE MA DANG, CHU DANG BCAS PAR MNYES LA, YANG SLAR CHUR BKRUS LA RLUNG LA SKAMS PA GTUN GYI NANG DU BRDUNGS TE, JI SKAD SMOS PA BZHIN DU BSKOL LA, DE'I NANG DU KHA RA'I PHYE MA RANG NYID JI TZAM 'DOD PA BCUG STE, DE DKRUGS LA ZHAG BDUN GYI BAR DU 'BRAS KYI PHUNG POR SBAS LA, SKYES BU GANG GIS BDUD RTZI BZA' BA LTA BU'I SMAN MAR DE BSTEN LA DE'I 'OG TU CHU LA SOGS PA GANG YANG RUNG BA 'THUNGS NA, DE DRAN PA LA SOGS PA 'THOB PAR 'GYUR RO, ,CHU BRE BCU DRUG NANG DU GO BYE NI, ,SUM BRGYA BSKOL TE BZHI CHA LUS PA RU, ,TIL MAR SRANG BZHI DER NI BCUG NAS KYANG, ,TIG TA BONG NGA GNYIS DANG 'BRAS BU GSUM, ,BRAG ZHUN SKYER SHUN DA LIS PHYE MA GDAB, ,BSKOL NA MDZE NAD MA LAS 'JOMS PAR BYED, ,CES BYA BA LA, CHU BRE BCU DRUG GI NANG DU BSE SHING GI 'BRAS BU SUM BRGYA JI SKAD SMOS PA BZHIN DU BSKOL BA'I SMAN MAR NI MDZE NAD THAMS CAD 'JOMS PAR BYED PA'I MCHOG YIN NO, ,GO BYE SKYU RU RA 'AM TSA 'AM NI, ,ZHO YI SPRIS MA TIL MAR 'O MA'AM, ,BU RAM 'O THUG MAR RAM SBRANG RTZI'AM, ,NAS ZAN DAG GAM TIL BTAGS LDE GUR BYAS, ,SRAN TSOD DAG DANG LHAN CIG SBYAR BA NI, ,LUS RGYAS YID GZHUNGS TSE RING BYED MCHOG YIN, ,ZHES BYA BA LA, GO BYE SKYU RU RA DANG BCAS PA TSA LA SOGS PA GANG YANG RUNG BA DANG, LDE GUR BYAS LA, SRAN MUNGGA'I TSOD MA DANG BCAS PA LHAN CIG SBYAR TE BSTEN PA YANG LUS RGYAS PAR BYED PA LA SOGS PA'I MCHOG YIN NO, ,GO BYE'I 'BRAS BU RNON PO NI, ,
, ,SMIN PA ME DANG 'DRAR GYUR PA, ,CHO GA BZHIN DU SBYAR BA NI, ,BDUD RTZI DANG NI 'DRA BAR 'GYUR, ,ZHES BYA BA LA, GO BYE'I 'BRAS BU RANG BZHIN GYIS RNO BA DANG DE BZHIN DU SMIN CING TSOS PA ME DANG 'DRA BA CHO GA JI SKAD BSHAD PA BZHIN DU BSTEN CING SPYAD PAR GYUR NA BDUD RTZI DANG 'DRA BAR YON TAN CHE BA YIN NO, ,BSE SHING 'BRAS BU MA BCOS PA'I, ,BAD KAN NAD DANG NAD RNYING NI, ,'BREL BA GANG YIN DE MED CING, ,ME YI DROD KYANG MYUR DU SKYED, ,CES BYA BA LA, GANG BSE SHING GI 'BRAS BU BSTEN NA DES MA BCOS PA'I BAD KAN GYI NAD DAM NAD RNYING PA DANG RJES SU 'BREL ZHING YUN RING DU LON PA'I NAD GANG YANG MED CING ME DROD SHIN TU SKYED PA YIN NO, ,RLUNG DANG TSA BAR 'DUG PA NI, ,KHYAD PAR DU NI SPANG BYA ZHING, ,RGYA SRAN ZHO DANG TSA DANG NI, ,TIL MAR BSKU DANG ME BSTEN SPANG, ,ZHES BYA BA LA, BSE SHING GI 'BRAS BU BSTEN PAR BYED PA NA RLUNG DANG NYI TSAN LA SOGS PA SPANG BAR BYA ZHING KHYAD PAR DU RGYA SRAN LA SOGS PA SPANG BAR BYA'O, ,DU BAR [?] YI SHING ZHES BYA, ,NUB PHYOGS RGYA MTSO'I NGOS NAS SKYE, ,CHU RLABS G-YO BAS BSKYOD PA DANG, ,RLUNG GIS LO MA G-YENGS PA YIN, ,ZHES BYA BA LA, SHING DU BA RA [?] ZHES BYA BA NUB PHYOGS KYI RGYA MTSO'I NGOGS NA SKYE BA YOD DE, DE NI CHU RLABS G-YO BAS BSKYOD PA LA SOGS PA'I KHYAD PAR DANG LDAN PA YIN NO, ,DE YI 'BRAS BU DBYAR GYI TSE, ,LEGS PAR SMIN PA BTU BAR BYA, ,ZHES BYA BA LA, DU BA RA DE'I 'BRAS BU SHIN TU LEGS PAR SMIN PA DBYAR GYI TSE BTU ZHING BLANG BAR BYA'O, ,'BRAS BU DE LAS RKANG PHYUNG NAS, ,BSKAMS TE PHYE MAR BTAGS NAS NI; ,TIL BZHIN BTZIR BAR BYA BA'AM, ,LE BRGAN ME TOG BZHIN DU BSKOL, ,ZHES BYA BA LA, SHING DE'I 'BRAS BU LAS RKANG PHYUNG STE BSKAMS LA BTAGS NAS GTUN LA TIL BZHIN DU BTZIR BAR BYA BA 'AM LE BRGAN RTZI BZHIN DU BSKOL LA, MAR DBYUNG BAR BYA'O, ,DE YI MAR BSAGS GYUR PA NI; ,CHUNG ZAD PA YI BAR DU BSKOL, ,PHAB STE BA YI LCI BA YI, ,NANG DU ZLA PHYED TZAM DU GZHUG ,CES BYA BA LA, DE'I MAR BSAGS PAR BYA BA NI CHUNG NGU'I BAR DU BSKOL BAR BYA'O, ,DE'I 'OG TU PHAB LA BA'I LCI BA'I NANG DU ZLA BA PHYED KYI BAR DU GZHAG PAR BYA'O, ,DE 'OG DE LAS PHYUNG NAS NI, ,
SNUM ZHING DUGS BYAS DRI MA BSAL, ,ZAS KYI DUS NI BZHI CHOD PAR, ,NANG PAR ZHO GNYIS TZAM ZHIG BTUNG, ,MAR DE NYI MA SHIS PA LA, ,SNGAGS 'DI YIS NI DAG PAR BYA, ,RKANG PA GNYIS PO BRTZON PA CHE, ,LUS ZUNGS THAMS CAD SKYONG BYED PAR, ,'KHOR LO DBYIG PA DUNG THOGS LA, ,MI 'PHO BAS NI KHYOD LA BSGO, ,DE GANG 'DI YI NAD STENG DANG, ,'OG GI NAD NI DU MA SEL, ,DGONGS KA SNUM DANG LAN TSVAR BCAS, ,NAS THUG GRANG MO BTUNG BAR BYA, ,ZHES BYA BA LA, DE LA DE'I 'OG TU PHYUNG LA DANG POR SNUM DANG DUGS BYAS LA DRI MA'I TSOGS BSAL TE ZAS KYI DUS BZHI BZHIS CHOD PA'I DUS SU NANG PAR GYI DUS SU ZHO GNYIS GNYIS KYI TSAD TZAM BTUNG LA, BTUNG BA DE YANG NYIN ZHAG SHIS PA LA, RKANG PA GNYIS PO BRTZON PA CHE, ,ZHES BYA BA'I SNGAGS KYI TSIGS BCAD BZLAS LA BTUNG BAR BYA'O, ,MAR DE SBYAR BAS SKYES BU DE'I NAD STENG DANG 'OG TU GTOGS PA SEL BAR BYED DO, ,DE LTAR SMAN 'THUNGS NAS DGONGS KA'I SNUM DANG LAN TSVAR BCAS PA'I NAS THUG GRANG MO BTUNG BAR BYA'O, ,MAR DE ZHAG LNGA'I BAR DU BTUNG, ,SPANG BAR BYA BA THAMS CAD SPANG, ,ZLA PHYED MUD GA'I KHU BA BTUNG, ,MDZE NAD KUN LAS THAR BAR 'GYUR, ,ZHES BYA BA LA, TSUL DE LTAR MAR DE ZHAG LNGA'I BAR DU BTUNG BAR BYA ZHING ZAS SKOM DANG SPYOD LAM LA SOGS PA SPANG BAR BYA BA GANG YIN PA SPANG BAR BYA BA DANG, ZLA BA PHYED KYI BAR DU MON SRAN SDE'U'I KHU BA 'THUNGS NA MDZE'I NAD THAMS CAD LAS THAR BAR 'GYUR RO, ,DE NYID SENG LDENG KHU BA NI, ,SUM 'GYUR DANG NI LEGS PAR BSKOL, ,SNGA MA BZHIN DU ZLA PHYED BZHAG ,LEGS PAR BSDAMS TE ZLA GCIG BTUNG, ,DE YIS LUS NI BSKU BA DANG, ,JI SKAD BSHAD PA'I ZAS ZOS PA'I, ,SBYOR BA 'DI YIS MYUR DU NI, ,MDZE CAN MI NI GSO BAR BYA, ,ZHES BYA BA LA, MAR DE NYID SENG LDENG GI KHU BA SUM 'GYUR DANG LEGS PAR BSKOL BA JI SKAD SMOS PA BZHIN DU BZHAG STE, ZLA BA GCIG GI BAR DU 'THUNGS NA YANG JI SKAD SMOS PA'I YON TAN THOB PAR 'GYUR ZHING, KHYAD PAR DU SBYOR BA 'DIS MDZES BTAB PA'I NAD PA GSO BAR BYA'O, ,DE NYID SENG LDENG MED PAR NI, ,ZHUN MAR SBRANG RTZI LDAN PAR BTUNG, ,ZLA PHYED BAR DU SHA KHU BTUNG, ,
, ,LO NI NYIS BRGYAR 'TSO BAR 'GYUR, ,ZHES BYA BA LA; DU BA RA'I MAR DE NYID SENG LDENG GI KHU BA MED PAR ZHUN MAR DANG BSKOL TE SBRANG RTZI BTAB PAS ZLA BA PHYED KYI BAR DU BSTEN ZHING SHA KHU 'THUNGS NA DE LO NYIS BRGYA 'TSO BAR 'GYUR RO, ,DE NYID ZHAG NI LNGA BCU'I BAR, ,SNA SMAN DU NI BTANG GYUR NA; ,LUS RGYAS THOS PA 'DZIN PA DANG, ,LO NI SUM BRGYAR 'TSO BAR 'GYUR, ,ZHES BYA BA LA, SMAN MAR DE NYID ZHAG LNGA BCU'I BAR DU SNA SMAN BTANG NA LUS RGYAS PA LA SOGS PAR 'GYUR RO, ,PI PI LING NI PA LA SHA'I, ,THAL CHUR SPANGS SHING MAR DANG BRNGOS, ,RDOG MA GSUM GSUM SNGA DRO DANG, , ZAS KYI SNGON DU BZA' BAR BYA, ,BCUD LEN YON TAN 'DOD PA YIS, ,SBRANG RTZI DANG NI SBYAR TE BZA', ,ZHES BYA BA LA, PI PI LING GI RDOG MA LNGA 'AM BRGYAD DAM BDUN NAM BCU MAR DANG SBRANG RTZIR SBYAR BA BCUD KYIS LEN 'DOD PAS CHO GA BZHIN DU LO GCIG GI BAR DU SPYAD PAR BYA'O, ,PI PI LING DE NYID PA LA SHA ZHES BYA BA RGYA SKYEGS SHING KING SHU KA'I THAL BA BTZAGS PA'I CHUR SPANGS LA MAR DANG BRNGOS PA RDOG MA GSUM NI SNGA DRO, GSUM NI ZAS ZOS PA'I SNGON DU SBRANG RTZI DANG BCAS PAR BZA' BAR BYA STE, DE NI BCUD KYIS LEN GYI YON TAN DU 'GYUR RO, ,PI PI LING BCU NYIN RE BZHIN, ,RIM GYIS BSKYED PAR GYUR PA DAG, ,DE BZHIN 'O MAR SBYAR TE BZA', ,DE BZHIN DU NI DBRI BAR BYA, ,SMAN ZHU NAS NI DRUG CU PA'I, ,'BRAS CHAN 'O MA MAR BCAS BZA', ,PI PI LING NI STONG NI BAR, ,BTANG NA 'DI NI BCUD LEN 'GYUR, ,STOBS DANG LDAN LA DE BTAGS SBYIN, ,STOBS DBRI BA LA BSKOL TE BLUD, ,CES BYA BA LA, NYIN RE ZHING PI PI LING BCU BCUS RIM GYIS BSKYED DE ZHAG BCU'I BAR DU 'O MA DANG LHAN CIG BZA' BAR BYA LA, DE BZHIN DU ZHAG BCU'I BAR DU BCU BCUS DBRI ZHING 'O MA DANG BCAS PAR BSTEN PAR BYA'O, ,DES NA 'DI SKAD STON TE, DE NAS ZHAG DANG PO LA NI PI PI LING BCU 'O MA DANG SBYAR TE GTANG BAR BYA'O, ,DE BZHIN DU GNYIS PA LA NI NYI SHU, GSUM PA LA NI SUM CU, DE NAS ZHAG BCU PA LA BRGYA'I BAR DU BSKYED CING 'O MA DANG BCAS PAR BZA' LA, DE NAS NI RIM BZHIN DU DBRI BAR BYA STE, DE NAS ZHAG BCU GCIG PA LA DGU BCU, ZHAG BCU GNYIS
PA LA BRGYAD CU NAS ZHAG BCU DGU PA LA BCU'I BAR BZA' STE, DE LTAR NA STONG TSANG BAR 'GYUR RO, ,SBYOR BA 'DI LA SMAN ZHU NAS 'O MA DANG ZHUN MAR DANG DRUG CU PA'I 'BRAS CHAN DANG BCAS PAR BZA' STE, 'DI NI PI PI LING STONG GI BCUD LEN ZHES BYA'O, ,PI PI LING DE MI NYAMS STOBS CHEN PO DANG LDAN PA LA NI BTAGS PA'I PHYE MA SBYIN PAR BYA LA, STOBS BAR MA DAG LA NI BSKOL TE BLUD PAR BYA'O, ,DE BZHIN RA YI 'O MA DANG, ,NYIS STONG GI NI BAR DU GTANG, ,ZHES BYA BA LA, DE BZHIN DU RA'I 'O MA DANG PI PI LING DU BCAS PAR BSKYED DBRI SNGA MA BZHIN DU BYAS TE NYIS STONG GI BAR DU YANG GTANG BAR BYA'O, ,PI PI LING GI SBYOR BA 'DIS, ,LUD PA DBUGS MI BDE MGUL NAD, ,GCONG CHEN GZHANG 'BRUM PHO BA'I NAD, ,GCIN SNYI SKYA RBAB MI BZAD RIMS, ,'OR NAD SLON DANG SKYIGS BU DANG, ,MDZER PA DREG NAD 'JOMS PAR BYED, ,CES BYA BA LA, BSHAD MA THAG PA'I PI PI LING GI SBYOR BA 'DIS NI LUD PA DREG NAD KYI BAR DU 'JOMS PAR BYED DO, ,PI PI LING NI SRANG PHYED LDE GUR BYAS, ,LCAGS KYI SNOD BSKUS NAS NI NUB GCIG BZHAG ,DE DANG CHU NI SNYIM GANG NANG PAR BTUNG, ,LO GCIG BZA' BTUNG SPYOD PA CI 'DOD BSTEN, ,ZHES BYA BA LA, PI PI LING SRANG PHYED LDE GUR BYAS PAS LCAGS KYI SNOD BSKUS TE MTSAN MO BZHAG LA DE NANG PAR CHU SNYIM PA GANG DANG BCAS PAR 'THUNGS NAS, LO GCIG GI BAR DU BSTEN ZHING BZA' BTUNG JI LTAR 'DOD PA BZHIN DU SPYAD PAR BYA'O, ,BCA' SGA SLE TRES SHING MNGAR BYI DANG GA ,BA LA AA TI BA LA 'BRAS BU GSUM, ,GLA SGANG THANG SHING YUNG BA AA GA RU, ,MU ZI PADMA AUTPAL KRU TRUG TRES, ,DA TA AA SHVA KARnA AA SA NA, ,BA LA'I LO MA'AM SNYING PO DE BZHIN DU, ,PI PI LING BZHIN LCAGS SNOD BSKU SOGS BYA, ,LO BRGYA 'TSO ZHING RGAS DANG NAD LAS THAR, ,'O MA SNYIM GANG GI NI BCUD LEN SMAN, , SBYAR BA 'DI YIS LCAGS SNOD BSKUS PAS NI, ,SNGAR BSHAD YON TAN PAS KYANG LHAG BSKYED CING, ,TSE YANG DE LAS NYIS 'GYUR SKYED PAR BYED, ,CES BYA BA LA, BCA' SGA LA SOGS PA PI PI LING GI CHO GA BZHIN DU BSTEN PAR BYAS PAS KYANG LO BRGYAR 'TSO BA LA SOGS PA DANG, LCAGS KYI SNOD
, ,LA PI PI LING BSKUS PA'I SBYOR BAS YON TAN CHE ZHING TSE YANG DE'I NYIS 'GYUR GYIS 'PHEL BAR BYED DO, ,AA SA NA DANG SENG LDENG GI ,KHU BAR SO MA RA DZA SPANGS, ,SBRANG RTZI RU RTA MAR DANG NI, ,AA RU RA DANG LCAGS PHYER BCAS, ,LDE GU LO GCIG BAR ZOS NA, ,RGAS DANG MI 'PHROD ZOS PA LAS, ,NAD NI YONGS SU 'DOR BAR BYED, ,CES BYA BA LA, AA SA NA DANG SENG LDENG BSKOL BA'I KHU BAR SO MA RA DZA SBANGS PA SBRANG RTZI DANG BCAS PA'I LDE GU MI SA LO GCIG GI BAR DU BSTEN NA RGAS PA DANG KHA ZAS MI 'PHROD PA ZOS PA LAS NAD DU GYUR PA YONGS SU 'DOR BAR BYED DO, ,MDZE NAD MI BZAD PA YIS NI, ,LUS NYEN GYUR PA GANG YIN PAS, ,SO MA RA DZA TIL NAG GNYIS, ,LO GCIG BAR DU BSTEN NA NI, ,DE NI ZLA RGYAS LTA BUR 'GYUR, ,ZHES BYA BA LA, MDZE NAD MI BZAD PAS THEBS PAR GYUR PA GANG YIN PA DES SO MA RA DZA DANG TIL NAG PO GNYIS LO GCIG GI BAR DU BSTEN NA DE'I LUS ZLA BA LTA BUR 'GYUR RO, ,GANG ZHIG SO MA RA DZA SBUN PA MED, ,BTAGS PA 'O MA LHAN CIG ZHOR MNAN PA'I, ,SNYING PO PHYUNG LA SBRANG RTZI'I LDE GU BLDAGS, ,DE RJES DE NYID KYI NI DAR BA BTUNG, ,MDZE YI NAD KYIS YAN LAG NYAMS PA DANG, ,SNA CHAD SOR MO 'BRUL BA LA SOGS PA, ,SHING BCAD RJES LA LJON SHING SKYE BA LTAR, ,DE NI NGES PAR SKYE BAR 'GYUR BA YIN, ,ZHES BYA BA LA, MI GANG ZHIG SO MAR DZA SBUN BA MED PA LA SOGS PA'I SBYOR BAS DE'I SNYING BO MAR SAR PHYUNG LA SBRANG RTZI DANG SBYAR BA BLDAGS PAR GYUR NAS, DE'I RJES LA DAR BA DE NYID 'THUNGS NA MDZE NAD KYIS SNA CHAD CING SOR MO 'BRUL BA LA SOGS PA'I GNOD PA DANG LDAN PAR GYUR PA YANG SNA DANG SEN MO LA SOGS PA MDZES PAR SKYE STE, DPER NA SHING BCAD PA LAS LJON SHING SKYES PA DANG 'DRA BAR 'GYUR RO, ,SGRA GCAN BDUD RTZI BRKUS PA NA, ,SKE BCAD PA LAS 'DZAG GYUR PA'I, ,BDUD RTZI'I THIGS PA SAR LTUNG BA, ,SGOG SKYA NYID DU GYUR PA YIN, ,LHA MIN LUS LAS BYUNG BAS NA, ,DE PHYIR BRAM ZES DE MI BZA', ,ZHES BYA BA LA, SGRA GCAN 'DZIN GYIS BDUD RTZI BRKUS BAR GYUR NAS KHYAB 'JUG GIS SKE BCAD PAR GYUR PA NA BDUD RTZI'I
THIGS PA DES LA LHUNG BA NA SGOG SKYA NYID DU GYUR PA YIN LA, DE BAS NA SGOG SKYA DE NI LHA MA YIN GYI LUS LAS BYUNG BA YIN PA'I PHYIR BRAM ZE DAG MI ZA'O, ,MNGON DU BDUD RTZI LAS BYUNG BAS, ,DE NI BCUD KYIS LEN MCHOG YIN, ,ZHES BYA BA LA, SGOG SKYA DE NI BDUD RTZI LAS MNGON SUM DU BYUNG BA YIN PA'I PHYIR BCUD KYIS LEN THAMS CAD KYI YANG MCHOG YIN NO, ,GRANG BA'I DUS NA'ANG SGOG SKYA BSTEN, ,DPYID DUS BAD KAN SHAS CHER BZA', ,SOS KA'I DUS SU'ANG SPYAD BYA ZHING, ,DBYAR NI RLUNG GIS GZIR TSE BZA', ,DGUN NI SNUM ZHING BSIL BA DANG, ,MNGAR BAS NYE BAR BSRES PA DANG, ,DE NI PHRENG BA RGYAN DAG DANG, ,'KHOR DANG LHAN CIG BSTEN PAR BYA, ,ZHES BYA BA LA, MI LUS SNUM ZHING BSIL BA DANG MNGAR BAR BSRES LA GRANG BA'I DUS DGUN STOD DANG, DGUN SMAN NA NI SGOG SKYA BSTEN PAR BYA LA, DE BZHIN DU DPYID KYI TSE LA SOGS PA'I TSE NA YANG PHRENG BA LA SOGS PA'I LONGS SPYOD THAMS CAD DU BSTEN PAR BYA'O, ,DE YI LDE GU DPYID KYI TSE, ,KHA BA CAN GYI YUL SKYES PA, ,SHUN PA BSHUS NAS MTSAN MO NI, ,CHANG SOGS LA NI SBANG BAR BYA, ,DE YI KHU BA NANG PAR NI, ,RAS NI GTZANG MAS BTZAGS NAS KYANG, ,CHANG NI LEGS PAR LANGS GYUR PA, ,CHA GSUM DANG NI SBYAR BA 'AM, ,CHANG GZHAN DAG GAM TIL MAR RAM, ,RANG SKYUR RAM NI ZHO GA CHU, ,DE TSE NYID SBYAR NANG PAR NI, ,TSAD DANG LDAN PAR SBYIN BYA ZHING, ,'O MA ZHUN MAR ZHAG DANG RKANG, ,SKAM SA'I SHA KHU SO SOR NI, ,BSKOL BA NAD GZHI JI BZHIN BLUD, , YANG NA SMAN KHU 'BA' ZHIG BLUD, ,DANG POR MKHUR GANG TZAM 'THUNGS NA, ,MID PA'I SBUBS NI DAG PAR BYED, ,CES BYA BA LA, SGOG SKYA DE'I LDE GU DPYID KYI TSE NI JI SKAD SMOS PA BZHIN DU BTZAGS PA'I KHU BA CHANG CHA GSUM MAM, CHANG GZHAN NAM, TIL MAR LA SOGS PA GANG YANG RUNG BA'I CHA GSUM DANG BTUNG BA DE NYI TSE SBYAR LA, TSAD DANG LDAN PAR BYAS TE, 'O MA LA SOGS PA GANG YANG RUNG BA DANG, NAD GZHI JI LTA BA LA BLUD PAR BYA BA'AM, YANG SGOG SKYA'I KHU BA 'BA' ZHIG BLUD PA LA SOGS PAS KYANG MID PA'I SBUBS DAG BAR BYED DO, ,RGYUN DU BLUGS PA'I DUGS
, ,BYAS NA, ,NA ZHING ZUG PA DAG LA PHAN, ,ZHES BYA BA LA, SGOG SKYA RANG GI KHU BA RGYUN DU BLUGS PA'I DUGS BYAS NA NA ZHING ZUG PA LA SOGS PA'I NAD SEL BAR BYED DO, ,SKYUG CING BRGYAL BA'I NAD LA NI, ,'PHRAL DU CHU GRANG DAG KYANG BLUD, ,CES BYA BA LA, SKYUG PA LA SOGS PA LA NI 'PHRAL DU CHU GRANG LA SOGS PA BLUD PAR BYA'O, ,NGAL BA MED CING LUS KYI NI, ,GZI MDANGS BRTAN PAS LHAG MA SBYIN, ,ZHES BYA BA LA, NGAL BA LA SOGS PA LA NI SGOG SKYA BTZIR BA'I LHAG MA SBYIN PAR BYA'O, ,TSA BA BSAL BAR BYA BA'I PHYIR, ,SHIN TU BSIL BAS BSKU BYA ZHING, ,MU TIG GA BUR PHRENG BA CAN, ,CHU THIGS PHRE'U BSTEN PAR BYA, ,ZHES BYA BA LA, LUS TSA BA BSAL BA'I PHYIR NI SGOG SKYA'I KHU BA BSIL SMAN LA SOGS PA'I CHU DANG BCAS PA BLUD PAR BYA'O, ,'DI YI TSAD CHEN PHUL GANG STE, ,NYI TSE LA NI DE YI PHYED, ,CES BYA BA LA, SGOG SKYA 'DI'I KHU BA'I TSAD CHEN PO NI PHUL GANG STE, SRANG BRGYAD YIN LA, SMAN GYI SBYOR BA GZHAN MED PA NI SRANG BZHI STE BSTEN PAR BYA'O, ,SGOG SKYA SRANG GCIG BTAGS PA NI, ,ZAS DANG BCAS PA'ANG BSTEN PAR BYA, ,ZHES BYA BA LA, SGOG SKYA BTAGS PA SRANG GCIG ZAS DANG BCAS PA BSTEN PAR BYA LA, 'ANG ZHES BYA BA'I SGRAS NI ZAS MED PAR YANG BSTEN PA'I DON TO, ,ZHU NAS S'A LU RNYING PA'I CHAN, ,DUNG DANG KUN DA LTAR DKAR BA, ,YU SHA 'O MA SKAM SA YI, ,SHA KHU DANG NI LHAN CIG BZA', ,ZHES BYA BA LA, SMAN DE ZHU NAS 'BRAS S'A LU RNYING PA'I CHAN LA SOGS PA BZA' BAR BYA'O, ,SKOM PAR GYUR NA CHANG DANG NI, ,CHUR SBYAR BA NI BLUD PAR BYA, ,CHANG MI BTUNG NA RANG SKYUR RAM, ,RGUN 'BRU'I CHU NI BLUD PAR BYA, ,ZHES BYA BA LA, GAL TE GNAS SKABS DER SKOM PAR GYUR NA, CHANG CHUR SBYAR BA BTUNG BAR BYA LA, CHANG SPANGS PA YIN NA NI RGUN 'BRU'I CHU 'AM RANG SKYUR BLUD PAR BYA'O, ,DE YI LDE GU MAR DANG BCAS, ,MAR NI SNOD DU GZAR BUS DKRUG ,ZHAG BCU GZHAG GAM DE BZHIN DU, ,ZHAG DANG MNYAM SBYAR SPYAD PAR BYA, ,ZHES BYA BA LA, SGOG SKYA DE'I LDE GU MAR DANG BCAS PA JI SKAD SMOS PA'I SBYOR BAS SPYAD PAR BYA'O, ,SGOG SKYA SHUN PA BSHUS
PA'I SNYING PO NI, ,SREG SHA DAG GAM BZA' BA SNA TSOGS SAM, ,SHA GTUBS PA'AM MAR DANG TSAR BCAS BZA', ,KHA ZAS NYUNG BA CI 'DOD SPYAD PAR BYA, ,ZHES BYA BA LA, YANG SGOG SKYA SHUN PA BSHUS PA DE SREG SHA LA SOGS PA GANG YANG RUNG BA DANG LHAN CIG BZA' ZHING 'DOD PAR LONGS SPYAD PAR BYA'O, ,KHRAG DANG MKHRIS PA'I NAD NI MA GTOGS PA, ,NAD GZHI MA LUS LDAN PAR 'GYUR BA 'AM, ,RLUNG NAD NYI TSE DANG NI LDAN GYUR LA, ,SGOG PA LAS LHAG SMAN GZHAN YOD MA YIN, ,ZHES BYA BA LA, KHRAG DANG MKHRIS PA MED PA'I RLUNG NAD DAM, ,YANG NA RLUNG NAD 'BA' ZHIG LA NI SMAN GYI MCHOG SGOG SKYA 'BA' ZHIG YIN NO, ,CHU DANG BU RAM 'O MA SRED, ,SHA CHANG SKYUR LA MI DGA' ZHING, ,MA ZHU BA NI SPONG MI NUS, ,SGOG SKYA NGES PAR GNOD PA SKYED, ,CES BYA BA LA, MI CHU DANG BU RAM LA SRED PAR GYUR CING SHA DANG CHANG DANG SKYUR LA NI SRED PA MED PAR GYUR PA DAG MA ZHU BA'I NAD SEL ZHING SPONG BAR MI NUS PA DAG LA NI SGOG SKYA NGES PAR GNOD PA SKYED PAR 'GYUR RO, ,MKHRIS PA LDANG BA'I 'JIGS PA YI, ,THA MAR BKRU SMAN 'JAM PO GTANG, ,DE LTAR BCUD LEN YON TAN NI, ,YONGS SU RDZOGS PA THOB PAR 'GYUR, ,ZHES BYA BA LA, SGOG SKYA BSTEN PA DAG GIS MKHRIS PA'I NAD LDANG BAR DOGS NA, SMAN BTANG BA'I THA MAR BKRU SMAN GTANG BAR BYA STE, DES NI BCUD KYIS LEN GYI YON TAN RDZOGS PA KHO NAR 'GYUR RO, ,SO GA'I TSA BAS GDUNGS DRAGS LAS, ,RGYA SKYEGS KHU BA LTAR 'DZAG GANG, ,GSER SOGS 'BYUNG KHUNGS DRUG GI BCUD, ,DE NI BRAG ZHUN ZHES BYAR BSHAD, ,CES BYA BA LA, SO GA'I DUS SU BRAG NYI MA TSA BAS GDUNGS PA LAS GSER LA SOGS PA 'BYUNG KHUNGS KYI KHAMS DRUG GI BCUD RGYA SKYEGS KYI KHU BA ZHU BA LTAR 'DZAG PAR GYUR PA GANG YIN PA DE NI MING BRAG ZHUN ZHES BYA'O, ,DE NI KUN KYANG KHA ZHING TSA, ,SHAS CHER ME DROD ZHU RJES TSA, ,GCOD PAR BYED DE DE LA NI, ,LCAGS LAS BYUNG BA RAB TU BSNGAGS, ,ZHES BYA BA LA, BRAG ZHUN DE THAMS CAD KYANG RO NI KHA LA NUS PA NI SHIN TU DRO BA MA YIN LA ZHU RJES NI TSA BA DANG GCOD PAR BYED PA YIN TE, DE DAG LA LCAGS KYI
, ,KHAMS LAS BYUNG BA NI SHIN TU YANG BSNGAGS PA YIN NO, ,BA GCIN DRI BRO GNAG PA DANG, ,GU GUL 'DRA ZHING GSEG MA MED, ,SBYIN BAG SNUM ZHING SKYUR BA DANG, ,BSKA ZHING 'JAM LA LCI BA YI, ,BRAG ZHUN DE NI MCHOG YIN NO, ,ZHES BYA BA LA, BRAG ZHUN GANG DRI NI BA GCIN DANG 'DRA LA, KHA DOG NI GNAG PA MTSAN NYID GU GUL 'DRA ZHING RDO PHYE'I GSEG MA MED PA MNYES NA SPYIN BAG TU 'DUG CING SNUM PA RO SKYUR ZHING BSKA BA RANG BZHIN 'JAM ZHING LCI BAS DE NI BRAG ZHUN KYI DAM PA YIN NO, ,NAD DANG NAD PA RJES MTHUN PAR, ,SMAN DANG BRAG ZHUN CHA MNYAM BYAS, ,LCAGS KYI SNOD DU SBYAR BAR BYA, ,ZHES BYA BA LA, BRAG ZHUN DE NAD PA DANG NAD PA'I GOMS PA'I TSUL GANG DAG YIN PA SHES PAR BYAS LA LCAGS KYI SNOD DU SBYAR BAR BYA'O, ,DANG POR CHU NI NYI TSES BKRU, ,DE 'OG BSKAMS LA BSKOL DANG BSRE, ,ZHES BYA BA LA, BRAG ZHUN DE DANG POR NI CHU 'BA' ZHIG GIS BKRUS LA, DE'I 'OG TU BSKAMS TE BSKOL BA DANG BSRE BAR BYA'O, ,BRAG ZHUN SMAN DANG MNYAM BYAS LA, ,BRGYAD CHA'I NANG DU BSKOL BAR BYA, ,ZHES BYA BA LA, BSRES PA'I BRAG ZHUN GYI 'PHROD KYI SMAN DANG BRAG ZHUN CHA MNYAM PAR BYAS LA CHU DE'I BRGYAD 'GYUR GYI NANG DU BSKOL BAR BYA'O, ,DE LA GAL TE BRAG ZHUN SRANG GCIG DANG SBYAR NA DE'I 'PHROD KYI SMAN YANG SRANG GCIG LA SBYAR LA DE CHU BRGYAD 'GYUR DANG BSKOL BAR BYA'O, ,KHU BA BRGYAD CHA LUS BTZAGS PA, ,DRO 'JAM NANG DU BRAG ZHUN GZHUG ,CES BYA BA LA, KHU BA BSKOL BA DE BRGYAD CHA LUS PA DANG BTZAGS PA DRO 'JAM TZAM GYI NANG DU BRAG ZHUN GZHUG PAR BYA'O, ,DE DANG 'DRES GYUR BSKAMS NAS NI, ,SMAN CHU'I NANG DU SLAR YANG GZHUG ,CES BYA BA LA, BRAG ZHUN 'DRES PAR GYUR TE DE BSKAMS NAS SLAR YANG GZHUG PAR BYA'O, ,DE LTAR RANG RANG SMAN 'PHROD NI, ,BSKOL BA'I KHU BAR LAN BDUN SPANGS, ,ZHES BYA BA LA, TSUL DE LTAR RANG GI SMAN 'PHROD PA'I KHU BA DANG LAN BDUN GYI BAR DU SPANGS SHING BSRE BAR BYA'O, ,DE NAS TIG TA'I SMAN MAR GYIS, ,SNUM CHOS BYAS NAS SBYAR BYAS TE, ,'BRAS BU GSUM GYI KHU BA DANG, ,
SHING MNGAR PA TO LA'I KHU BA, ,BRAG ZHUN DAG NI RE RE YANG, ,ZHAG GSUM BAR DU BLUD PAR BYA, ,ZHES BYA BA LA, DE NAS DE LTAR SNUM CHOS BYAS PA'I MI DE LA TIG TA'I SMAN MAR ZHAG GSUM GYI BAR DU SBYIN PAR BYA'O, ,DE BZHIN DU BRAG ZHUN DANG, 'BRAS BU GSUM GYI KHU BA DANG, SHING MNGAR GYI KHU BA DANG, PA TO LA'I KHU BA ZHAG GSUM GYI BAR DU BLUD PAR BYA'O, ,DE NAS DE LA SBYOR BA NI, ,DUS DANG SBYAR TE BLUD PAR BYA, ,ZHES BYA BA LA, DE NAS MI DE LA 'TSAMS SHING 'OS PA'I SBYOR BA DUS DANG SBYAR TE SMAN BAS BLUD PAR BYA'O, ,DE LTAR BRAG ZHUN MI RNAMS LA; SHIN TU PHAN PAR BYED PA YIN, ,YON TAN MA LUS SKYED BYED CING, ,'PHRAL DU GNOD PAR MI BYED DO, ,ZHES BYA BA LA, TSUL DE LTAR BRAG ZHUN BSTEN ZHING GOMS PAR BYED PA DAG NI SHIN TU PHAN PAR BYED PA YIN LA, DE BZHIN DU BCUD KYIS LEN GYI YON TAN MA LUS PA YANG SKYED PAR BYED LA, 'PHRAL DU DE'I MOD LA GNOD PA YANG SKYED PAR MI BYED PA YIN NO, ,ZHAG BDUN PHRAG GCIG PHRAG GSUM DANG, ,PHRAG BDUN ZHO GNYIS SRANG PHYED GCIG ,DMAN DANG BAR MA CHEN PO YI, ,BRAG ZHUN GO RIMS BZHIN DU SBYAR, ,ZHES BYA BA LA, BRAG ZHUN ZHAG BDUN PHRAG GCIG DANG, TSAD ZHO GNYIS NI DMAN PA'I TSAD YIN NO, ,ZHAG BDUN PHRAG BDUN DANG SRANG GCIG NI PHYED TSAD YIN NO, ,LUS NI SHIN TU SBYANGS BYAS LA, ,BRAG ZHUN SBYANGS PA GTANG BAR BYA, ,ZANGS DANG LCAGS DANG DNGUL DANG GSER, ,KUN DANG YANG NA RE RER SBYAR, ,'O MA DANG NI LHAN CIG GTANG, ,BCUD LEN 'BRAS BU MYUR DU 'GRUB, ,CES BYA BA LA, BRAG ZHUN NI LUS SHIN TU SBYANGS PAR GYUR PA LA BRAG ZHUN LEGS PAR SBYANGS SHING BTUL BA GTANG BAR BYA LA, DE BZHIN DU ZANGS LA SOGS PA SNA RE 'AM, KUN DANG YANG SBYAR BAR BYA ZHING 'O MA DANG LHAN CIG BTANG NA BCUD KYIS LEN GYI 'BRAS BU GANG DAG YIN PA 'GRUB PAR 'GYUR RO, ,RGYA SRAN MON SNE'U DME RU DANG, ,PHUG RON SHA NI RTAG TU SPANG, ,ZHES BYA BA LA, BRAG ZHUN GYI SBYOR BA BSTEN PA'I DUS SU RGYA SRAN LA SOGS PA RTAG TU SPANG BAR BYA'O, ,GANG ZHIG BRAG ZHUN GYIS NI MNGON SUM DU, ,
, ,MA BSAL NAD NI SA STENG YOD MA YIN, ,DUS SU CHO GA BZHIN DU BSTEN GYUR NA, ,NAD MED NYAMS STOBS RGYA CHEN SKYED PAR BYED, ,CES BYA BA LA, MI YUL SA STENG 'DI NA BRAG ZHUN GYI SMAN GYIS MNGON DU MA BCOM PA'I NAD NI YOD PA MA YIN LA, DE BZHIN DU DE'I CHO GA BZHIN DU BSTEN NA NAD MED PA LA SOGS PA'I YON TAN SKYED PAR BYED DO, ,KHANG PAR GNAS PA'I KHOM LDAN CAN, ,PHUN SUM TSOGS DANG LDAN LA PHAN, ,DE LAS GZHAN DU DE RNAMS LA, ,NYI MA RLUNG GI TSE NA BSTEN, ,ZHES BYA BA LA, KHANG PAR GNAS PA LA SOGS PA KHOM LDAN YOD CING 'KHOR DANG YO BYAD PHUN SUM TSOGS PA DANG LDAN PA LA NI PHAN PAR GYUR PA YIN LA, DE LAS GZHAN PA STE, KHANG PAR GNAS PA LA SOGS PA'I KHOM LDAN MED PA LA NI NYI MA DANG RLUNG LA GNAS PA'I TSUL GYIS BSTEN NA PHAN PAR 'GYUR RO, ,RLUNG DANG NYI TSAN BCAS SBYOR BA, ,BDE BA'I LONGS SPYOD MED NA YANG, ,GANG ZHIG LUS LA MI GNOD PA, ,MCHOG TU DE NI BSHAD PAR BYA, ,ZHES BYA BA LA, DA NI RLUNG DANG NYI TSAN DANG BCAS PAR YANG BSTEN DU RUNG BA'I SBYOR BA BDE BA'I LONGS SPYOD LAS NYAMS SU ZIN KYANG LUS LA GNOD PAR MI 'GYUR BA'I SPYOR BA'I MCHOG DE BSHAD PAR BYA'O, ,CHU GRANG 'O MA SBRANG RTZI DANG, ,MAR NI RE RE GNYIS GNYIS DANG, ,GSUM MAM YANG NA THAMS CAD DANG, ,ZAS SNGAR 'THUNGS NA RGAS SRA BYED, ,CES BYA BA LA, CHU GRANG LA SOGS PA RE RE 'AM, GNYIS GNYIS SAM, GSUM MAM, BZHI CHAR KUN ZAS KYI SNGAR 'THUNGS NA YANG RGAS SRA BAR BYED DO, ,BU RAM SBRANG RTZI BCA' SGA DANG, ,PI PI LING NGAM RGYAM TSA DANG, ,AA RU RA NI GNYIS GNYIS DAG ,RTAG ZOS BDO ZHING LO BRGYAR 'TSO, ,ZHES BYA BA LA, BU RAM LA SOGS PA GANG YANG RUNG BA DANG, AA RU RA GNYIS GNYIS RTAG TU ZOS NA YANG MI DE LO BRGYA'I BAR DU 'TSO BAR 'GYUR RO, ,AA RU RA NI MAR NANG BSROS, ,BZA' ZHING MAR DE 'THUNGS NA NI, ,RGAS SRA LUS NI YUN RING GNAS, ,STOBS NI 'PHEL BAR BYED 'GYUR TE, ,JI LTAR DAM PA BYAS GZO BA, ,LAN CIG PHAN GDAGS JI LTA
BZHIN, ,ZHES BYA BA LA, AA RU RA MAR GYI NANG DU BSROS TE BZA' BA DANG BSROS PA'I MAR DE 'THUNGS PAR GYUR NA LUS RGAS SRA BA LA SOGS PAR 'GYUR RO, ,JI LTAR BYAS BA GZO BA'I MI LA PHAN BTAGS NA DE'I MI BRJED PAR SEMS LA 'JOG PA DANG 'DRA'O, ,SKYU RU RA'I KHU SBRANG RTZI DANG, , KHA RA MAR DANG LDE GUR BYAS, ,BSTEN ZHING 'PHROD PA ZA BA'I MI, ,RGA BA'I GNOD PA 'JIG 'GYUR TE, ,NYES BSRUNG BSTAN BCOS RGYA CHEN MTSUNGS, ,ZHES BYA BA LA, SKYU RU RA'I KHU BA DANG SBRANG RTZI DANG MAR DANG KHA RA LDE GUR BYAS PA ZOS SHING KHA ZAS 'PHROD PA LA BSTEN PA'I MI RGAS PA'I GNOD PA GANG YIN PA DE 'JIG PAR 'GYUR TE, JI LTAR BSTAN BCOS RGYA CHEN PO LEGS PAR BZUNG NAS BRJED DU MI RUNG BAR 'GYUR BA DANG MTSUNGS SO, ,SKYU RU RA DANG BYI DANG GA ,AA SA NA YI SNYING PO PHYE, ,LCAGS PHYE TIL MAR SBRANG RTZI YI, ,MAR BCAS LDE GU BSTEN NA NI, , NA TSOD MDZES PA MA NYAMS 'GYUR, ,ZHES BYA BA LA, SKYU RU RA LA SOGS PA JI SKAD SMOS PA BZHIN BSTEN NA YANG NA TSOD MDZES PA LA SOGS PAR 'GYUR RO, ,LCAGS PHYE BYI DANG GA YI BYE MA DANG, ,MAR DANG SBRANG RTZIR BCAS PA LO GCIG TZAM, ,AA SA NA YI ZA MA TOG NANG GZHUG , BSTEN NA STOBS LDAN TSE RING SKRA GNAG 'GYUR, ,ZHES BYA BA LA, LCAGS NAG PO'I PHYE MA LA SOGS PA JI SKAD SMOS PA BZHIN DU BSTEN NA YANG TSE RING ZHING SKRA GNAG PAR 'GYUR RO, ,BYI DANG GA DANG GO BYE BCA' SGA RNAMS, ,MAR DANG SBRANG RTZIR BCAS PA GANG GIS ZOS, ,RGAS PA'I CHU BO NAD KYI RBA RLABS CAN, ,NA TSOD LDAN PA'I SKYES BU DE RGAL 'GYUR, ,ZHES BYA BA LA, MI GANG BYI DANG GA LA SOGS PA'I LDE GU ZOS PA DE NI NA TSOD DAR LA BAB PA DANG LDAN PAR 'GYUR ZHING, RGAS PA'I CHU BO'I RBA RLABS LAS NGES PAR RGAL BAR 'GYUR RO, ,SENG LDENG AA SA NA YI KHU BA DANG, , 'BRAS BU GSUM DANG SBRANG RTZI MAR SBYAR BA, ,CHO GA BZHIN DU BSTEN PA'I MI RNAMS NI, ,TSE RING 'GYUR BA 'DI LAS NGO MTSAR MED, ,CES BYA BA LA, SENG LDENG LA SOGS PA'I LDE GU BSTEN NA YANG NGES PAR TSE RING BAR 'GYUR BA YIN NO, ,DZI BA KA YI KHU BA SOR MOR CHAGS, ,KHA RA
, ,SBRANG RTZI MAR DANG 'BRAS BU GSUM, ,SKYES BU DAM PAS BSTEN PAR GYUR NA NI, ,RGAS DANG NAD NI NGES PAR BZLOG PAR 'GYUR, ,ZHES BYA BA LA, DZI BA KA ZHES BYA BA AA SA NA'I KHU BA LA SOGS PA'I LDE GU BSTEN NA YANG RGAS PA LA SOGS PA'I 'TSE BA MED PAR 'GYUR RO, ,BA SPRU BA NI SAR PA SRANG PHYED DANG, ,'O MAR BTAGS PA ZLA PHYED ZLA BA GNYIS, ,ZLA DRUG LO GCIG BAR DU 'THUNGS NA NI, ,RGAS SHING RNYING PA'ANG SLAR NI GZHON PAR 'GYUR, ,ZHES BYA BA LA BA SPRU BA ZHES BYA BA PURnA BA SRANG PHYED BTAGS PA ZLA BA PHYAD DAM GNYIS SAM DRUG GAM LO GCIG GI BAR DU 'O MA DANG SBYAR TE 'THUNGS NA RGAS SHING 'KHOGS PA DE SLAR GZHON PA NYID DU 'GYUR RO, ,MUR BA AANG SHU MA TI BRI HA TI, ,BA LA PU SHEL TZE DANG PA TA DANG, ,AA SA NA DANG THAL TRES AA KA RU, ,PRI YANG KU DANG TZANDAN RE RE YI, ,CHO GA'ANG BA SPRU BA DANG MTSUNGS PA YIN, ,ZHES BYA BA LA, MUR BA LA SOGS PA SMAN SNA RE RE ZHING YANG BA SBRU BA'I CHO GA BZHIN BSTEN NA YON TAN DE DANG MTSUNGS PA YIN NO, ,NYE'U SHING LDE GU KHU BAR BSKOL BA DANG, ,ZHUN MAR KHA RAR BCAS PA ZA BYED PA, ,DE NI 'TSO BA'I LAM DU ZHUGS GYUR TSE, ,NAD KYI RKUN POS CHOMS PAR MI 'GYUR RO, ,ZHES BYA BA LA, NYE'U SHING GI LDE GU DANG KHU BA BSKOL BA'I SMAN MAR GYI NANG DU KHA RA BTAB STE ZOS NA MI 'TSO BA'I LAM DU ZHUGS PAR GYUR PA'I TSE SROG 'PHROG PAR BYED PA'I NAD KYI RKUN POS CHOMS PAR MI 'GYUR RO, 'GYUR RO, ,AA SHVA GANDHA 'O MAR BCAS PA NI, ,MAR RAM TIL MAR CHU DRON SBYAR BA DANG, ,ZLA PHYED BSTEN NA NYAM CHUNG LUS RGYAS SHING, ,JI LTAR LO TOG GZHON LA CHAR BAB MTSUNGS, ,ZHES BYA BA LA, AA SHVA GANDHA 'O MA 'AM, MAR RAM, TIL MAR RAM, CHU DRON DANG SBYAR TE 'THUNGS NA NI LUS SHIN TU NYAM CHUNG BA YANG RGYAS SHING 'PHEL BAR 'GYUR RO, ,JI LTAR LO TOG SHIN TU GZHON PA LA CHAR BAB PA DANG MTSUNGS SO, ,NYIN RE TIL NAG SRANG NI RE RE DAG ,ZOS PA'I RJES LA CHU GRANG 'THUNGS GYUR NA, ,LUS NI SHAS CHER RGYAS PA NYID 'GYUR ZHING, ,'CHI BA'I BAR DU SO NI BRTAN PAR 'GYUR, ,ZHES BYA BA LA, TIL NAG PO NYIN RE SRANG RE ZOS LA
DE'I 'OG TU CHU GRANG 'THUNGS PAR GYUR NA MI'I LUS SHAS CHER RGYAS PAR 'GYUR ZHING RTAG TU SO BRTAN PAR 'GYUR RO, ,GZE MA SLE TRES SKYU RU RA'I PHYE MA, ,MAR DANG SBRANG RTZI CHA MNYAM LDE GU ZOS, ,RO TZA LUS BRTAN NAD KYI SDUG BSNGAL ZHI, ,LO BRGYAR 'TSO ZHING SKRA NI NAG POR 'GYUR, ,ZHES BYA BA LA, GZE MA LA SOGS PA'I LDE GU ZOS NA YANG RO TZA BA LA SOGS PA'I YON TAN SKYED DO, ,TIL NAG AA RU RA DANG SKYU RU RA, ,BA RU RA DANG BCAS PA BRDUNGS NAS BSTEN, ,MI DE RMA BYA LTA BUR MDANGS LDAN ZHING, ,YID DU 'ONG BA'I BDE BA 'THOB PAR 'GYUR, ,BRAG ZHUN MAR DANG SBRANG RTZI BYI DANG GA ,AA RU RA DANG LCAGS PHYE DNGUL CHU DANG, ,TA BYA BSTEN NA LUS ZUNGS RDZOGS 'GYUR TE, ,YAR DO ZLA PHYED RDZOGS PA'I ZLA BA 'DRA, ,ZHES BYA BA LA, SKYES BU GANG TIL DANG LHAN CIG TU SKYU RU RA LA SOGS PA BRDUNGS PA BCAS TE ZOS NA YANG MI DE JI SKAD SMOS PA'I MDANGS DANG LDAN PAR 'GYUR LA; DE BZHIN DU BRAG ZHUN LA SOGS PA ZOS NA YANG LUS ZUNGS ZLA BA YAR GYI NGO LTAR RGYAS PAR 'GYUR RO, ,GANG ZHIG BRING GA RA DZA'I KHU BA ZLA BA GCIG ,NYIN RE RGYUN DU BSTEN PAR BYED PA DANG, ,'O MA 'THUNGS STE STOBS DANG BRTZON 'GRUS LDAN, ,LO BRGYAR 'TSO BA DAG KYANG THOB PAR 'GYUR, , ZHES BYA BA LA, SKYES BU GANG BRING GAR DZA BSKOL BA'I KHU BA NYIN RE ZHING ZLA BA GCIG GI BAR DU 'THUNG BAR BYED PA DANG 'O MA 'THUNGS PA DE NI STOBS LA SOGS PA 'THOB PAR 'GYUR RO, ,SHU DAG KYANG NI ZLA BA GCIG BSTEN ZHING, ,'O MA'AM MAR RAM TIL MAR BCAS PA BSTEN, ,GDON GYIS MI TSUGS PA YI LUS 'GYUR ZHING, ,YID GZHUNGS TSIG NI SHIN TU GSAL BAR 'GYUR, ,ZHES BYA BA LA, MI GANG ZLA BA GCIG GI BAR DU SHU DAG 'O MA 'AM MAR DANG TIL MAR DANG BCAS PAR BSTEN NA GDON GYIS MI TSUGS PA LA SOGS PA'I YON TAN 'THOB PAR 'GYUR RO, ,MAN DU KA PARnI NI MAR DANG BRDOS, ,ZLA GCIG BAR DU ZAS MA ZOS PAR BSTEN, ,GZUGS NI RGYA CHER 'TSO ZHING SPOBS PA CHE, ,GZHON ZHING MDANGS LDAN YON TAN LDAN PAR 'GYUR, ,ZHES BYA BA LA, MAN DU KA PARnI ZHES BYA BA SMAN MAR DANG BRDOS PA ZLA BA GCIG GI BAR DU ZOS NA YANG YUN RING
, ,DU 'TSO ZHING SPOBS PA CHE BA LA SOGS PAR 'GYUR RO, ,'BRAS BU GSUM DANG TZANG GI RI DANG NI, ,LCAGS PHYE SRANG NI LNGA BCU LAS BYAS SHING, ,KO SHA DA KI'I KHU BA'I NANG DU BTAGS, ,RI LU SUM BRGYA BYAS NAS RI LU DE, ,GRIB MAR BSKAMS TE RIM GYIS MA LUS PAR, ,BKRU SMAN BYA ZHING THUG SLA'I RIM PA DANG, ,THUG SKA GAR PO SHA KHU 'BRAS CHEN DANG, ,MAR LA BSTEN ZHING ZLA GCIG LUS BSDAMS LA, ,ZLA GCIG 'DAS NAS RANG DGA' NYID DU SPYAD, ,'BAD PAS DUS KUN DU NI MA ZHU SPANG, ,LO GCIG BAR DU SBYOR BA 'DI BSTEN NA, ,GANG ZHIG GSO DKA'I NAD KYIS NYEN PA YANG, ,SHIN TU STOBS CHE SKYES BU'I BYA BA RDZOGS, ,LUS RGYAS 'JAM ZHING MIG DANG RNA BA GSAL, ,GZHON PA NYID DANG LO NI LNGA BRGYAR 'TSO, ,ZHES BYA BA LA, 'BRAS BU GSUM DANG, TZANG GI RI DANG, LCAGS KYI PHYE MA TSAD SRANG LNGA BCU KO SHA TA KA'I KHU BA'I NANG DU BTAGS PA LAS RIL BUR SBYAR TE GRIB MAR BSKAMS NAS DE MA LUS PAR ZOS LA, BKRU SMAN DANG THUG PA'I RIM PA LNGA LA SOGS PA'I TSUL GYIS ZLA BA GCIG 'DAS PAR BYAS NAS DE'I 'OG TU SPYOD PA BSDAMS PA MED PAS GNAS PAR BYA STE, 'DIR NI RNAM PA THAMS CAD DU MA ZHU BA'I BAG SPANG PAR BYA'O, ,TSUL DE LTAR SBYOR BA 'DIS LO GCIG GI BAR DU BSTEN NA GSO DKA' BA'I NAD KYANG SEL BA LA SOGS PA'I YON TAN DANG LDAN PAR 'GYUR RO, ,SENG LDENG SHIR SHA BA DANG AA SA NA, ,RMA BYA AA RU RA DANG SKYU RU RA, ,GO BYE BYI DANG GA BTAGS CHU 'GYUR NI, ,BCO BRGYAD NANG BSKOL LCAGS KYI DUM BU BCUG ,LCAGS KYI SNOD DU ZHAG GSUM NYI MA YI, ,'OD KYIS BSROS LA DE RJES ME LA NI, ,LCAGS KYI PHYE MA ZHIB PAR BYAS TE BSKOL, ,DE BTZAGS KHU BA CHA GCIG 'O MA NI, ,CHA GCIG DE BZHIN GSO MA'I KHU BA GCIG , NYE'U SHING BSKOL BA'I KHU BA CHA GSUM DANG, ,'DIR NI MAR SAR CHA NI BZHI DANG SBYAR, ,'DI DAG GCIG TU LCAGS NAG SNOD DU BSKOL, ,KHA RA RDUL MED DE BZHIN SBRANG RTZI DANG, ,DE BZHIN MAR DANG BSRES PAR GYUR PA DANG, ,'PHROD PA'I ZAS DANG SKOM DANG SPYOD LAM BCAS, ,SRANG RE
RTAG TU BSTEN PAR GYUR NA NI, ,DPAL DANG LDAN ZHING NYES PA BSAL BA DANG, ,NAGS KYI MA HE LTA BU'I STOBS LDAN ZHING, ,RTA LTAR MGYOGS LA LUS NI BRTAN PA DANG, ,SKRA NI BUNG BA'I MDOG LTAR GNAG PA DANG, ,KHA NI DRI ZHIM BUD MED MANG BSTEN NUS, ,TSIG GSAL YID GZHUNGS PHUN SUM TSOGS PA DANG, ,ZLA GCIG BSTEN NA ME DROD CHE BA YIN, ,DE NI MI YI SENG GE'AM ME'AM NI, ,BTZO MA GSER GYI MDOG 'DRA'I LUS 'DZIN GYUR, ,MI YI SENG GE'I SBYOR BA 'DI, ,ZOS NA NAD KYIS MI NYEN TE, ,'KHOR LO 'BAR BA'I LAG PA YIS, ,LHA MIN TSOGS NI 'JIGS DANG 'DRA, ,ZHES BYA BA LA, SENG LDENG LA SOGS PA CHA MNYAM PAR BYAS TE BTAGS LA, SMAN GYI BCO BRGYAD 'GYUR NANG DU BSKOL LA LCAGS KYI DUM BU BCUG STE, LCAGS KYI SNOD KYI NANG DU BZHAG LA NYI MA GSUM DU NYI MA'I 'OD KYIS BSROS LA, DE'I RJES LA ME CHUNG DU LA DE BZHI CHA LUS KYI BAR DU BSKOL LA, DE BTZAGS NAS CHA GCIG TU BYAS PA DANG, 'O MA'I CHA YANG DE DANG MNYAM PA DANG, DE BZHIN DU GSO MA'I KHU BA'I CHA DANG MNYAM PA DANG, DE BZHIN DU NYE'U SHING GI KHU BA CHA GSUM DANG, MAR SAR BZHI CHA STE DE THAMS CAD GCIG TU BSDUS LA LCAGS KYI SNOD CHEN PO'I NANG DU SMAN MAR DE BSKOL BAR BYA'O, ,DER YANG KHA RA DKAR PO NAG NOG MED PA DANG, SBRANG RTZI LA SOGS PA BCUG LA DE LAS SRANG RE BSTEN NA DPAL DANG LDAN PA LA SOGS PA'I YON TAN DANG LDAN ZHING YID GZHUNGS PA PHUN SUM TSOGS PA'I BAR DU 'GYUR RO, ,SBYOR BA DE ZLA BA GCIG GI BAR DU BSTEN NA ME DROD CHE BA LA SOGS PA'I YON TAN THOB PAR 'GYUR TE, 'DI NI MI'I SENG GE ZHES BYA BA KHYAB 'JUG GIS BSHAD PA'I SBYOR BA YIN TE, 'DI ZOS NA NAD KYI TSOGS KYIS NYEN PAR MI 'GYUR TE, JI LTAR KHYAB 'JUG 'KHOR LO 'BAR BA LAG NA THOGS PAS LHA MA YIN GYI TSOGS 'JIGS SHING 'BYER BAR BYED PA DANG 'DRA'O, ,BRING GAR DZA MYU GU'I CHO GA 'DIS, ,BRNGOS SHING MAR BCAS ZOS LA BSDAMS DANG BCAS, ,LTO SBYANGS PA LA AA SA NA'I KHU BA, ,'O MA 'THUNG ZHING ZAS KYI BYA BA BYED, ,ZLA GCIG BAR DU
, ,BSTEN PAR GYUR NA NI, ,BDE ZHING LO NI NYIS BRGYA'I BAR DU 'TSO, ,LAN CIG SMRAS PA'I TSIG KYANG ZIN GYUR ZHING, ,DRAN DANG DBANG PO NYAMS PA MED PAR 'GYUR, ,ZHES BYA BA LA, BRING GAR DZA'I MYU GU MAR DANG BRNGOS PA LA SOGS PA'I SBYOR BAS ZLA BA GCIG GI BAR DU BSTEN NA BDE ZHING LO NYIS BRGYA'I BAR DU 'TSO BA LA SOGS PA 'THOB PAR 'GYUR RO, ,GANG ZHIG SBYOR BA 'DI YIS NI, ,TIL MAR BSTEN PAR BYED PA DAG ,DE YIS YON TAN DE THOB CING, ,LUS NI NAG PO NYID DU 'GYUR, ,ZHES BYA BA LA, SNGAR BSHAD PA'I SBYOR BA 'DI NYID KYIS MAR JI LTAR BSKOL BA DE BZHIN DU TIL MAR BSKOL LA BSTEN PAR BYED PA DE YANG YON TAN SNGAR JI SKAD SMOS PA NYID THOB PAR 'GYUR RO, ,'ON KYANG KHYAD PAR NI TIL MAR GYI SBYOR BAS LUS NAG PO NYID DU 'GYUR RO, ,BCUD KYIS LEN NI DUS DANG RJES MTHUN ZHING, ,BSTEN NUS 'BRAS BUR BCAS PA BSHAD PA YIN, ,GZHAN DAG PHAN YON BCAS PA YOD MOD KYI, ,RNYED PAR DKA' BAS BDAG GIS MA BSHAD DO, ,ZHES BYA BA LA, BCUD KYIS LEN DA LTAR GYI DUS DANG RJES SU MTHUN ZHING, BSTEN CING SPYAD PAR NUS PA 'BRAS BU DANG BCAS PA GANG DAG YIN PA DE BDAG GIS BSHAD PA YIN GYI, BCUD KYIS LEN GYI SBYOR BA GZHAN DAG PHAN YON DANG BCAS PA MANG PO DRANG SRONG RNAMS KYIS BSHAD PA YOD MOD KYI, DE NI RNYED PA DANG BSGRUB PAR DKA' BA YIN PAS BDAG GIS 'DIR MA BSHAD DO, ,BCUD KYIS LEN GYI CHO GA LAS, ,NYAMS PAS GAL TE NAD SKYE NA, ,BCUD KYIS LEN DE SPANGS NAS NI, ,DE YI SMAN NI JI BZHIN BYA, ,ZHES BYA BA LA, BCUD KYIS LEN GYI CHO GA BSTAN PA LAS LEGS PAR MA SPYAD PA NYAMS PAR GYUR TE, GAL TE NAD SKYES NA BCUD KYIS LEN GYI CHO GA DE SPANGS SHING DOR LA NAD NI DE'I SMAN JI LTA BA BZHIN DU BYA'O, ,BDEN PAR SMRA ZHING KHRO BA MED, ,DBANG PO BSDAMS SHING BDAG NYID THUL, ,ZHI ZHING DAM PA'I SPYOD LA DGA', ,RTAG TU BCUD LEN YIN ZHES BYA, ,ZHES BYA BA LA, MI RTAG PAR BDEN PAR SMRA BA DANG, ,DE BZHIN DU KHRO BA MED PA DANG, DBANG PO BSDAMS
SHING YUL LA MI G-YENG BAR BDAG NYID THUL BA DANG, SPYOD LAM ZHIB DANG, DAM PA'I SPYOD LAM LA DGA' BA RNAMS NI RTAG TU BCUD GYIS LEN YIN PAR SHES PAR BYA'O, ,YON TAN 'DI DAG LDAN GYUR PAS, ,GANG ZHIG BCUD LEN BSTEN GYUR PA, ,DE NI DGA' ZHING TSE RING LA, ,'JIG RTEN 'DI DANG GZHAN DU BDE, ,ZHES BYA BA LA, BDEN PAR SMRA BA LA SOGS PA'I YON TAN 'DI DAG DANG LDAN PAS, MI GANG ZHIG BCUD KYIS LEN BSTEN ZHING SPYOD PAR BYED PA DE DAG NI BDE ZHING DGA' BA DANG TSE RING BA DANG, 'JIG RTEN 'DI DANG 'JIG RTEN GZHAN DAG TU BDE BA PHUN SUM TSOGS PA DANG LDAN PAR 'GYUR RO, ,SPYOD PA BSTAN BCOS RJES 'JUG CING, ,GAM NA GNAS PA'I SEMS DANG MTHUN, ,DON LA BLO NI MI 'KHRUGS LA, ,BCUD KYIS LEN NI RDZOGS PA YIN, ,ZHES BYA BA LA, MI GANG GI SPYOD PA BSTEN BCOS LAS JI SKAD STON PA'I RJES SU 'JUG PAR BYED PA DANG, GANG NA NYE 'KHOR DU GNAS PA'I GROGS KYI SEMS DANG RJES SU MTHUN PAR 'JUG PA DANG, DE BZHIN DU GZUGS DANG SGRA LA SOGS PA'I DON LA BLO MA 'KHRUGS PAR GYUR PA GANG YIN PA DE NI BCUD KYIS LEN YONGS SU RDZOGS PA YIN PAR SHES PAR BYA'O, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA SLOB DPON ZLA BA LA DGA' BAS NGES PAR SBYAR BA LAS, PHYI MA'I GNAS KYI LE'U SUM CU RTZA DGU PA'I RNAM PAR 'GREL PA'O,, ,,DE NAS RO TZA BAR BYA BA'I LE'U BSHAD PAR BYA'O, ,SKYES BUS RTAG TU YUL BSTEN PAS, ,RO TZA BAR NI 'DOD BYA STE, ,DGA' DANG BRTA DANG BU RGYUD NI, ,YON TAN LDAN PAS DE LA GNAS, ,ZHES BYA BA LA, SKYES BU RTAG TU YUL BSTEN PAR BYED PAS RO TZA BAR BYA BA'I SMAN 'DOD PAR BYA ZHING DE BSTAN PAR BYA STE, GANG GI PHYIR RO TZA BAR BYA BA'I CHO GA DE LA NI DGA' BA DANG LUS RGYAS SHING BRTA BA DANG, YON TAN DANG LDAN PA'I BU RGYUD 'PHEL BAR BYA BA DAG DE LA GNAS PA YIN NO, ,BU TSA'I RGYUD NI SKYED BYED CING, ,'PHRAL DU YANG DAG DGA' BYED GANG, ,GANG GIS RTA LTAR RAB STOBS LDAN, ,BUD MED LA NI THOGS
, ,MED 'GRO, ,BUD MED LA RAB CHAGS 'GYUR BA, ,GANG DANG GANG GIS 'PHEL 'GYUR BA, ,DE NI RO TZA BYED PA STE, ,LUS KYI STOBS KYANG SKYED PA'I MCHOG ,CES BYA BA LA, BCUD KYIS LEN GANG BU TSA'I RGYUD NI SKYED CING MI RABS GNAS PAR BYED PA DANG, GANG 'PHRAL DU YANG DGA' ZHING BDE BAR BYED PA DANG, DNGOS PO GANG ZHIG BSTEN PAS BUD MED LA 'JUG PAR BYED PA'I NUS PA DANG LDAN TE, JI LTAR RTA 'DOD PA SPYOD PA LA NUS PA DANG LDAN PA LTA BUR 'GYUR ZHING, GANG ZHIG LA GNAS NA BUD MED LA RAB TU CHAGS PAR 'GYUR BA DE 'PHEL ZHING RGYAS PAR 'GYUR BA GANG YIN PA DE LA NI RO TZA BAR BYED PA ZHES BYA STE, DE NI LUS KYI STOBS DANG GZI BRJID SKYED PAR BYED PA'I MCHOG YIN NO, ,CHOS DANG GRAGS DANG TSE RING DANG, ,'JIG RTEN GNYIS KA'I BCUD LEN 'GYUR, ,GCIG TU SKYON NI MED PA YI, ,TSANGS PAR SPYOD LA BDAG YI RANG, ,ZHES BYA BA LA, GANG ZHIG TSANGS BAR SPYOD PA GCIG TU SKYON MED PA LA GNAS PA NI CHOS DANG GRAGS PAR 'GYUR BA DANG, TSE RING BAR BYED PA DANG, 'JIG RTEN 'DI DANG PHYI MAR BCUD KYIS LEN DU GYUR PA'I TSANGS PAR SPYOD PA LA GNAS PA LA BDAG SHIN TU YI RANG NGO, ,SNYING STOBS CHUNG BA NYON MONGS PAS, ,GNOD PAR GYUR PA'I NAD BU CAN, ,LUS MI ZAD PA BSRUNG BA'I PHYIR, ,RO TZA'I CHO GA BRJOD PA YIN, ,ZHES BYA BA LA, SEMS CAN SNYING STOBS CHUNG BA DANG, NYON MONGS PA SHAS CHE BAR GYUR PA DANG, NAD BU CAN GYI 'DOD PA SPYAD PAS LUS ZAD PAR 'GYUR BA BSRUNG BA'I PHYIR RO TZA BA'I CHO GA BSHAD PA YIN NO, ,NAD MED LANG TSO LDAN PA DANG, ,RO TZA BA NI BSTEN BYED PA, ,DUS TSIGS KUN LA NYIN RE ZHING, ,NYAL POR BYA BA DGAG PA MED, ,CES BYA BA LA, SKYES BU NAD MED PA DANG LANG TSO DANG LDAN PA DAG RO TZA BA'I CHO GA LA BSTEN PAR BYED PA LA NI, DUS TSIGS DRUG PO KUN LA YANG NYIN RE ZHING NYAL PO BYA ZHING 'KHRIG PA SPYOD PA LA DGAG PA MED DO, ,DE NAS SNUM 'GYUR SBYANG BYAS PA, ,NI RU HA DANG 'JAM RTZIR BCAS, ,MAR DANG TIL MAR SBRANG RTZI DANG, ,SHA KHU 'O MA KHA RAR
BCAS, ,'O MA SHA DANG SHA KHU BZA', ,SBYOR BA SHES PAS DANG POR GTANG, ,DE NAS RO TZA BYED SBYOR BA, ,KHU BA BU TSA 'PHEL BYED BYA, ,ZHES BYA BA LA, DE NAS DE'I 'OG TU MI SNUM GYI CHO GA BYAS SHING SKYUG SMAN LA SOGS PA'I SBYANG BA BYAS PA DANG, NI RU HA LA SOGS PA SBYOR BA SHES PA'I SMAN PAS DANG PO GTANG BAR BYA'O, ,DE'I 'OG TU RO TZA BA'I SBYOR BA JI SKAD BSHAD PA DANG KHU BA DANG BU TSA 'PHEL BAR BYED PA'I SBYOR BA DAG BYA'O, ,ME TOG DRI MA NAM GRIB MA MED, ,'BRAS BU MED PAR GYUR PA'I SHING, ,YAL GA GCIG PA'I SHING GCIG BZHIN, , BUD MED MED MI DE DANG 'DRA, ,ZHES BYA BA LA, JI LTAR SHING ME TOG DRI MNAM PA YOD CING GRIB MA DANG 'BRAS BU MED PA'I SHING GCIG PU YOD CING YAL GA GCIG YOD KYI MANG PO MED PA JI LTA BA BZHIN DU BUD MED MED PA'I MI YANG DE DANG 'DRA BAR SHES PAR BYA'O, ,GOM 'GROS 'KHYOR ZHING TSIG MI GSAL, ,RDUL GYIS YOGS PA LTAR SNANG ZHING, ,BZHIN RAS SNABS KYIS GOS PA YANG, ,SNYING NI DGA' BAR BYED PA YIN, ,REG PA DANG NI MTHONG SOGS LA, ,BU MNYAM BDE BA YOD MIN NA, ,GANG ZHIG CHOS DANG GRAGS PAR LDAN, ,NGA RGYAL RIGS 'PHEL SMOS CI DGOS, ,ZHES BYA BA LA, BU GANG SHIN TU NGAN CING GOM 'GROS 'KHYOR BA DANG, TSIG MI GSAL BA LA SOGS PA'I RANG BZHIN CAN DAG KYANG SNYING DGA' BAR BYED PA YIN ZHING DE DANG REG PA DANG MTHONG BA LA SOGS PA DE DANG MNYAM PA'I BDE BA YOD PA MA YIN NA, BU GANG ZHIG CHOS DANG GRAGS PA LA SOGS PA 'PHEL BAR BYED PA DE LTA SMOS KYANG CI DGOS TE, DE LA MNYAM PA'I DPE GANG ZHIG GZHAL BAR BYA STE DPE MED PA YIN NO, ,LUS SBYANG BYAS TE CI NUS PAR, ,RO TZA'I SBYOR BA BRTZAM PAR BYA, ,ZHES BYA BA LA, MI'I LUS SKYUG SMAN LA SOGS PAS SBYANG BA BYAS NAS, DE'I 'OG TU NUS PA DANG LCOGS PA CI YOD PAS RO TZA BA'I SBYOR BA BRTZAM PAR BYA'O, ,'DAM BU GUNG SHING 'JAG MA SOGS, ,PU SHEL TZE DANG BI DA RI, ,KAndA KA RI'I RTZA BA DANG, ,BA LA 'TSO BYED ZANGS RTZI BA, ,RAM NYE BA GNYIS MED GNYIS, ,NYE'U SHING PARnA RNAM GNYIS DANG, ,
, ,AA SHRA GANDHA KHA SRAL PHRE'U, ,AA TI BA LA BA SPRU BA, ,BI DA RI TI PA YA SYE, ,RA SNA GZE MA DZ'I BAN TI, ,SHING MNGAR SA LA PARnI RNAMS, ,RE RE'ANG SRANG NI GSUM GSUM CHA, ,MON SRAN GRE'U BRE BZHI DANG, ,CHU BRE SUM CU GNYIS NANG BSKOL, ,KHU BA BRE BZHI LUS PA RU, ,MAR BRE BZHI DANG BI DA RI, ,SKYU RU RA DANG BU RAM SHING, ,BRE NI BZHI BZHI GZHUG PAR BYA, ,'O MA MAR GYI BZHI 'GYUR DANG, ,BI RA KHA SRAL RA MNYE GNYIS, ,SHING MNGAR PHAL GU PI PI LING, ,RGUN 'BRUM 'BRA GO BI DA RI, ,MA DU KA DANG NYE'U SHING PA, ,'DI DAG BTAGS TE BCUG NAS NI, ,DE BSKOL BTZAGS PA'I NANG DU NI, ,KHA RA DKAR PO SMIG RKANG NI, ,SMAN NI BRE RE GZHUG PA DANG, ,PI PI LING NI SRANG BZHI DANG, ,NA LE SHA MA NI SRANG GCIG DANG, ,SHING TSA SUG SMEL GE SAR RNAMS, ,RE RE SRANG NI PHYED PHYED PHYE, ,SBRANG RTZI SRANG NI BCU DRUG SBYAR, ,DE LAS NYIN RE SRANG RE BZA', ,'O MA DANG NI SHA KHU 'THUNG, ,DES NI RTA LTAR SPYOD 'GYUR ZHING, ,MCHIL PA LTA BUR 'DOD PA SPYOD, ,CES BYA BA LA, 'DAM BU NAS KAndA KA RI'I BAR GYI RTZA BA DANG, DE BZHIN DU BA LA LA SOGS PA'I SMAN SNA RE ZHING SRANG GSUM GSUM BYAS LA, MON SRAN GRE'U LA SOGS PA'I NANG DU BSKOL TE, DE'I KHU BA BZHI CHA LUS PAR MAR LA SOGS PA'I KHU BA BZHI PO BRE BZHI BZHI BCUG LA 'O MA BRE BCU DRUG BCUG STE, BI RA NAS NYE'U SHING GI BAR DU BSKOL BA'I CHO GA BZHIN DU LDE GUR BYAS PA BCUG NAS MAR DE BSKOL LA BTZAGS PA'I NANG DU KHA RA DANG CU GANG BRE RE BCUG LA, DE BZHIN DU PI PI LING LA SOGS PA YANG JI SKAD SMOS PA BZHIN DU BCUG STE SBYAR LA, DE NAS NYIN RE SRANG RE ZOS SHING 'O MA DANG SHA KHU 'THUNGS NA RO TZA BA'I SBYOR BA DES RGOD MA'I NANG GI RTA LTA BU 'AM, BYE'U MCHIL PA DANG 'DRA BAR 'DOD PA SPYOD NUS SO, ,BI DA RI DANG PI PI LING, ,SHA LI 'BRAS RTZA PI YA LI, ,KHA SRAL PHYE MA PHUL RE DANG, ,DE BZHIN SBRANG RTZI SRAD BRGYAD DANG, ,KHA RA'I PHYE MA SRANG LNGA BCU, MAR SAR SRANG NI BCU DRUG SBYAR, ,DE LAS ZHO NI GNYIS GNYIS BZA', ,BUD MED
BRGYA LA SPYOD PAR NUS, ,ZHES BYA BA LA, BI DA RI LA SOGS PA'I PHYE MA PHUL RE DANG, SBRANG RTZI LA SOGS PA JI SKAD SMOS PA BZHIN DU SBYAR BA'I RO TZA BA'I SBYOR BA 'DI BSTEN NA BUD MED BRGYA LA YANG 'DOD PA SPYOD NUS PAR 'GYUR RO, ,KHA SRAL PHRE'U ZHO 'AM NI, ,MA SHA 'O MAR BSKOL TE BSGRANGS, ,MAR DANG SBRANG RTZIR BCAS PA DAG ,ZOS LA BA SAR 'O MA BTUNG, ,MTSAN MO THOG THAG GNYID MA LOG ,DUB PA MED PAR NYAL PO SPYOD, ,CES BYA BA LA, KHA SRAL PHRE'U LA SOGS PA 'O MAR BSKOL BA'AM, MA SHA 'O MA DANG BSKOL BA BSGRANGS PA'I NANG DU MAR LA SBRANG RTZI BTAB STE SKYES BUS ZOS LA, DE'I 'OG TU BA SAR PA BE'U LAN CIG BTZAS PA'I 'O MA 'THUNGS NA MTSAN RANGS BUD MED LA NYAL PO SPYOD KYANG NGAL BA MED BAR 'GYUR RO, ,RA THUG RLIG PA 'O MAR BTZOS, ,TIL DANG LAN MANG BSRES PA DANG, ,KHA RAR BCAS ZOS GANG YIN DE, ,BUD MED BRGYA LA'ANG GSAR SNYAM SEMS, ,ZHES BYA BA LA, RA THUG GI RLIG PA 'O MA'I NANG DU BTZOS LA TIL DANG YANG DANG YANG DU LAN MANG POR BSRES LA KHA RA DANG BCAS PA ZOS NA BUD MED BRGYA LA SPYOD PA NA YANG SNGON CHAD MA SPYAD PA'I SAR PA SNYAM DU SEMS PAR 'GYUR RO, ,BI DA RI YI PHYE MA NI, ,RANG GI KHU BAR LAN MANG SPANGS, ,ZHUN MAR SBRANG RTZIR BCAS BLDAGS NA, ,BUD MED BCU LA SPYOD PAR NUS, ,ZHES BYA BA LA, BI DA RI'I PHYE MA BI DA RI RANG NYID BSKOL BA'I KHU BA'I NANG DU SPANGS PA ZHUN MAR DANG SBRANG RTZI DANG LDE GUR BYAS TE ZOS NA YANG NYIN RE ZHING BUD MED BCU LA SPYOD PAR NUS SO, ,PI LING SKYU RU RA YI PHYE, ,RANG GI KHU BAR LEGS SPANGS LA, ,SHA KHA RA MAR SBRANG RTZIR SBYAR, ,ZOS RJES 'O MA 'THUNGS PA GANG, ,MI DE BRGYAD CU LON NA YANG, , LANG CHOR GNAS SHING 'DOD SPYOD NUS, ,ZHES BYA BA LA, PI PI LING DANG SKYU RU RA'I PHYE MA JI SKAD SMOS PA BZHIN DU BSTEN NA YANG MI DE LO BRGYAD CU LON YANG DAR LA BAB PA BZHIN DU BUD MED LA 'DOD PA SPYOD NUS PAR 'GYUR RO, ,SHING MNGAR PHYE MA ZHO GNYIS DANG, ,MAR DANG SBRANG RTZI DE MNYAM PA, ,ZOS RJES 'O MA 'THUNGS GYUR NA, , MI DE RTAG TU 'DOD SPYOD NUS, ,ZHES BYA BA LA, SKYES BU GANG SHING MNGAR BTAGS PA'I PHYE MA ZHO GNYIS MAR DANG SBRANG RTZI DE DANG MNYAM PAR SBYAR BA ZOS LA DE'I 'OG TU 'O MA 'THUNGS NA YANG RTAG TU CHAGS PA SPYOD NUS BAR 'GYUR RO, ,KAR KA TA LI SRING GI PHYE, ,'O MAR SBYAR TE 'THUNGS BA DANG, ,KHA RA 'O MA MAR BCAS PA'I, ,
, ,ZAS ZOS BUD MED LA PHOD 'GYUR, ,ZHES BYA BA LA, YANG MI GANG KAR KA TA SRING GI PHYE MA JI SKAD SMOS PA LTAR BSTEN NA YANG BUD MED LA 'DOD PA SPYOD PA KHYU MCHOG LTAR NUS PAR 'GYUR RO, ,BA YA SYA DANG 'O MA BSKOL, ,MAR DANG SBRANG RTZI BCAS ZA ZHING, ,BA NI YAR MA'I 'O MA 'THUNGS, ,DE YI SA BON ZAD MI SHES, ,ZHES BYA BA LA, YANG MI GANG PA YA SYA DANG 'O MA BSKOL BA MAR DANG SBRANG RTZI DANG ZA ZHING, DE BZHIN DU BA YAR MA STE BE'U SKYES NAS LO GCIG LON PA'I 'O MA 'THUNGS NA DE BUD MED LA SPYOD KYANG SA BON ZAD MI SHES PAR 'GYUR RO, , KHA SRAL PHRE'U BU RAM GYI, ,SA BON PHYE MA KHA RAR BCAS, ,'O MA BZHOS MA THAG 'THUNGS NA, ,LUNG BONG LTA BUR SPYOD PAR NUS, ,ZHES BYA BA LA, KHA SRAL PHRE'U DANG BCAS PA BU RAM SHING PHRA MO SA BON GYI PHYE MA KHA RA DANG BCAS PAR ZOS LA, 'O MA BZHOS MA THAG 'THUNGS NA BUD MED RNAMS LA LUNG BONG LTAR 'DOD CHAGS SPYOD NUS PAR 'GYUR RO, ,AU TZTSA tA YI PHYE MA DANG, ,NYE'U SHING SBYAR BA'ANG DE BZHIN NO, ,ZHES BYA BA LA, AUTZTSA tA'I PHYE MA KHA RA DANG BCAS PA ZOS LA 'O MA BZHOS MA THAG 'THUNGS PA 'AM NYE'U SHING GI SBYOR BA GONG MA LTAR BYAS NA YANG LUD BONG LTAR SPYOD PAR 'GYUR RO, ,ZHO SPRIS ZLA BA LTAR DKAR BA, ,TSAGS KYIS BTZAGS PA ZOS NAS NI, ,KHA RA DRUG CU'I 'BRAS CHAN ZOS, ,RGAN PO 'ANG GZHON NU BZHIN DU SPYOD, ,CES BYA BA LA, ZHO'I SPRIS MA ZLA BA LTAR RAB TU DKAR BA TSAGS KYIS BTZAGS PA DANG, 'BRAS DRUG CU PA'I CHAN DANG KHA RAR BCAS PA ZOS NA YANG RGAN PO ZHIG YIN YANG DAR LA BAB PA BZHIN DU 'DOD PA SPYOD PAR NUS SO, ,GZEM MA SHA AA RU RA, ,KHA SRAL SA BON NYE'U SHING PA, ,'O MA BCAS 'THUNGS RGAN PA YANG, ,BUD MED BRGYA LA SPYOD PAR NUS, ,ZHES BYA BA LA, GANG ZHIG GZE MA LA SOGS PA 'O MA DANG BSKOL BA 'THUNGS NA MI DE RGAS PA YIN YANG BUD MED BRGYA LA SPYOD PAR 'GYUR RO, ,GANG YANG SNUM ZHING MNGAR BA DANG, ,STOBS 'PHEL NYAMS NI RTAS BYED DANG, ,YID NI DGA' BAR BYED PA GANG, ,DE DAG THAMS CAD RO TZAR BSHAD, ,
DE BAS RDZAS NI 'DI LTA BUS, ,BRTAS BYAS BUD MED LA 'JUG BYA, ,RANG GI SHUGS KYIS SPYOD PA DANG, ,BUD MED YON TAN GYIS DGA' SPYAD, ,CES BYA BA LA, GANG YANG RO MNGAR BA DANG SNUM PA DANG, NYAMS 'PHEL ZHING RGYAS PAR BYED PA DANG, YID DGA' BAR BYED DE, ,DE THAMS CAD KYANG RO TZA ZHING KHU BA 'PHEL BAR BYED PAR BSHAD DO, ,DE BAS NA MNGAR BA LA SOGS PA'I RDZAS 'DI LTA BUS MI BRTAS PAR BYAS NAS BUD MED LA 'JUG PA DANG, DE BZHIN DU RANG GI DGA' BA'I SHUGS BDO BAS BSKYOD PA DANG, BUD MED KYI YON TAN GYIS DGA' BAR BYED PA'I SEMS DANG, BUD MED LA 'JUG CING DGA' BAR 'DOD PA SPYOD PAR BYA'O, ,CHOS KYI DPAG BSAM SHING MYU GU, ,DBANG PO'I BDE BA KUN BSTEN BYA, ,YUL NI YID DU 'ONG BA LNGA, ,'DOD PA'I LHA YI MDA' YIN NO, ,ZHES BYA BA LA, 'DOD PA'I CHOS KYI LHA'I DPAG BSAM GYI MYU GU LTA BU YIN ZHING 'DOD PA'I LHA'I SDER GYUR PA GZUGS LA SOGS PA'I YUL LNGA PO GANG DAG YIN PA DBANG PO'I BDE BA SKYED PAR BYED PA DE BSTEN PAR BYA'O, ,YID 'ONG YUL NI RE RES KYANG, ,TSIM ZHING DGA' BYED MCHOG YIN NO, ,BUD MED LUS LA [?] DUS NAS GANG, ,GNAS PA DE NI SMOS CI DGOS, ,ZHES BYA BA LA, YID DU 'ONG BA'I YUL SGRA LA SOGS PA YUL RE RES KYANG TSIM PA DANG DGA' BAR BYED PA'I MCHOG YIN NA YUL THAMS CAD 'DUS PAR GYUR PA'I BUD MED LTA SMOS KYANG CI DGOS, GANG GI MING THOS NA YANG SNYING DGA' ZHING, ,MTHONG NA NGOMS PAR 'GYUR BA MED PA DANG, ,DBANG PO KUN 'DREN LCAGS KYUR 'GYUR BA YIN, ,BUD MED KHYO YI RJES 'JUG 'PHYON MA MIN, ,SGYU RTZAL 'JO SGEG NA TSOD LUS KYIS BRGYAN, ,DGA' BA'I PHYIR NI NGO TSA DBEN PAR SPYOD, ,TSIG SNYAN SMRA ZHING MTSUNGS PAR MNGON DGA' BCAS, ,BUD MED DE NI RO TZA'I DON MCHOG BYED, , CES BYA BA LA, BUD MED GANG GI MING TZAM THOS NA YANG SNYING DGA' ZHING RO TZA BAR BYED PA DANG, BUD MED GANG MTHONG NA YID NGOMS PAR 'GYUR BA MED PA DANG, GANG DBANG PO THAMS CAD 'GUGS SHING 'DREN PA'I LCAGS KYUR GYUR PA DANG, BUD MED KHYO'I RJES SU 'JUG CING GZHAN LA MI 'PHO
, ,PA'I KHYIM THAB KYI BRTUL ZHUGS CAN DU GYUR PA DANG, DE BZHIN DU SGYU RTZAL DANG LUS KYI 'JO SGEG DANG, NA TSOD GZHON PAS BRGYAN PAR GYUR PA DANG, DE BZHIN DU PHYI ROL MANG PO 'DUS PA'I NANG DU NGO TSA DANG BCAS PA DANG, DBEN PAR GCIG PU GNAS PA DANG, SPYOD PA'I BAG YANGS LA MKHAS PA DANG, TSIG 'JAM ZHING SNYAN PAR SMRA BA DANG, ,'DOD PA LA MTSUNGS PAR DGA' BAR GYUR PA'I BUD MED DE NI RO TZA BA'I DON GYI MCHOG GRUB PAR BYED PA YIN NO, ,'DOD PA'I BSTAN BCOS LAS BSHAD SKYON MED PA'I, ,YUL DANG DUS DANG NYAMS STOBS RJES MTHUN ZHING, ,SMAN DPYAD BSTAN BCOS SBYOR DANG MI 'GAL BA, ,'DOD PA'I SPYOD PA MA LUS SPYAD PAR BYA, ,ZHES BYA BA LA, 'DOD PA'I BSTAN BCOS BHA TZA YA NA LA SOGS PA LAS BSHAD PA'I NYES PA'I SKYON MED PA DANG, YUL DANG DUS DANG NYAMS STOBS KYI RJES SU MTHUN PAR SPYOD PA DANG, SMAN DPYAD DE BSTAN BCOS LAS BSHAD PA'I SBYOR BA DANG MI 'GAL BA'I 'DOD PA SPYOD PA DE LTA BU DAG GIS 'DOD PA SPYOD PAR BYA'O, ,BSKU BYUG LUS DRIL SMAN CHU BLUGS DANG DRIL, ,ME TOG PHRENG BA SNA TSOGS RGYAN DANG LDAN, ,GLU DANG SNYAN NGAG LA SOGS GTAM LA MKHAS, ,RANG BZHIN NA TSOD MTSUNGS SHING DBANG GYUR GROGS, ,ZHES BYA BA LA, GROGS PO MDZA' BSHES KYANG BSKU BYUG LA SOGS PA DANG LDAN ZHING GLU LA SOGS PA LA MKHAS PA, RANG BZHIN DANG NA TSOD MNYAM PA DANG RANG GI DBANG DU GYUR PA YANG YID DANG MTHUN ZHING MGU BAR BYED PA YIN PAS RO TZA BAR BYED PA YIN NO ZHES BYA BA NAS BSHAD PA DANG SBYAR RO, ,RANG GI KHANG PA'I NYE 'KHOR KHRUS RDZING BU, ,PADMA'I GE SAR SBRANG RTZIS MYOS PA YI, ,SBRANG MA BYA DANG BCAS PAR GYUR PA NI, ,SNGO ZHING GZHI MNYAM RI YI 'DAB NA NI, ,NAGS TSAL KHYIM DANG NYE BAR 'GYUR BA DANG, , ZHES BYA BA LA, RANG GI KHANG PA'I NYE 'KHOR NA KHRUS KYI RDZING BU YID DU 'ONG BA PADMA'I GE SAR GYI RDUL LAS BYUNG BA'I SBRANG RTZIS MYOS PAR GYUR PA'I SBRANG MA'I TSOGS DANG BCAS PA YANG YID DU 'ONG BA YIN PAS NA RO TZA BAR BYED PA YIN LA, DE BZHIN DU BYA SNA TSOGS DANG BCAS PA'I NAGS TSAL [?]
GZHI MNYAM ZHING YID DU 'ONG BA YANG KHYIM GYI 'DAB NYE BAR 'DUG PA DE YANG NYAMS DGA' BAR BYED PA YIN PAS NA RO TZA BAR BYED PA YIN NO, ,MTHONG NA DGA' BA'I SHING NI SNA TSOGS SKYES, ,MNYAN NA BDE BA'I KHU BYUG SGRA SNYAN SGROGS, ,LUS BDE BUD MED RGYAN LDAN DUS DBANG 'GYUR, , SEMS BDE MA LUS 'KHOR GYIS BSKOR BA DANG, ,ZHES BYA BA LA, SKYED MOS TSAL MTHONG NA NYAMS DGA' ZHING BDE BA SKYED PA SNA TSOGS PA MTHONG BAS DGA' BA SKYED PA DE YANG RO TZA BAR BYED PA YIN LA, DE BZHIN DU MNYAN NA BDE BA'I SGRA KHU BYUG LA SOGS PA DAG GI SGRA YID DU 'ONG BA THOS PA YANG RO TZA BAR BYED PA YIN NO, ,BUD MED RGYAN GYIS BRGYAN ZHING DUS KYI BDE BA'I DBANG DU GYUR PA SKYED PAR BYED PA YANG RO TZA BA BSKYED PA YIN LA, DE BZHIN DU SEMS BDE BAR BYED PA'I 'KHOR GYI TSOGS KYIS BSKOR TE, GNAS PA YANG RO TZA BAR BYED PA'I RGYU YIN NO, ,SO RTZI DANG NI CHANG DANG CHUNG MA NI, ,YID 'ONG MTSAN MO ZLA ZER BCAS PAR 'DUG ,YID NI DGA' BAR BYED PA GANG DANG GANG, ,DE DANG DE NI RO TZAR BYED PA YIN, ,ZHES BYA BA LA, SO RTZI TAMBU LA ZHES BYA BA BSTEN ZHING BZA' BA DANG CHANG DANGS MA 'THUNG BA DANG, CHUNG MA YID DU 'ONG BA DANG 'GROGS SHING MTSAN MO ZLA ZER DANG BCAS PA LA 'DUG PA YANG RO TZA BAR BYED PA'I RGYU YIN TE, MDOR NA YID DGA' BAR BYED PA GANG DANG GANG YIN PA DE DAG THAMS CAD RO TZA BAR BYED PA YIN NO, ,CHUNG MA'I KHA NI AUTPA LA LTAR DRI ZHIM, ,PI WANG SNYAN PA'I SGRA NI NYAN BYED DANG, ,MAL STAN YID 'ONG ME TOG GCAL BKRAM PA, ,LCUG MA ME TOG MYU GUS BRGYAN PA 'DRA, ,ZHES BYA BA LA, CHUNG MA'I KHA AUTPA LA LTAR SHIN DU DRI ZHIM PAR BYED PA DANG, PI WANG SNYAN PA'I SGRA NYAN PAR BYED PA DANG, DE BZHIN DU MAL STAN YID DU 'ONG ZHING ME TOG DRI ZHIM PA'I GCAL BKRAM PA LCUG MA RTZE MO ME TOG DANG MYU GUS BRGYAN PA LTAR YID DU 'ONG BA YANG 'DOD PA'I DON YONGS SU RDZOGS PAR BYED PA YIN NO, ,YUL DANG DUS LA GNOD PA GANG YANG MED, ,YUL GYI YID LA GNOD PA CHUNG NGU'ANG MED, ,RO TZA'I SBYOR BA NYE BAR LDAN GYUR PA, ,'DOD PA'I 'DOD
, ,PA YONGS SU RDZOGS PAR BYED, ,CES BYA BA LA, GANG NA GNAS PA'I YUL NA GNOD PA'I 'TSE BA GANG YANG MED PA DANG, DE BZHIN DU LUS LA GNOD PA'I 'TSE BA GANG YANG MED PA DANG, DE BZHIN DU GZUGS LA SOGS PA'I YUL GYI YID LA GNOD PA CHUNG ZAD TZAM YANG MED PAR GYUR PA DANG, DE BZHIN DU RO TZA BA'I SBYOR BA JI SKAD SMOS PA DANG NYE BAR LDAN PA STE, DE DAG THAMS CAD NI 'DOD PA'I 'DOD CHAGS KYI 'DOD PA YONGS SU RDZOGS PAR BYED PA YIN NO, ,GLA SGANG BAR PA TA NI RIMS LA PHAN, ,SKOM DAD CHE LA BONG PA BSREGS PA NI, ,CHU YI NANG DU GSUR BA'I DANGS MA PHAN, ,SLON LA 'BRAS YOS CHU SO'I NAD BRAG ZHUN, ,GCIN SNYI SKYU RU RA DANG SER PO GNYIS, ,SKYA RBAB NAD LA LCAGS KYI PHYE MA MCHOG, ,RLUNG DANG BAD KAN LA NI AA RU RA, ,MCHER BA'I NAD LA PI PI LING MCHOG YIN, ,GLO RDOL BA LA RGYA SKYEGS KHU BA BSNGAGS, , DUG GI NAD LA SHIR SHA RAB BSNGAGS TE, ,TSIL DANG RLUNG NAD LA NI GU GUL PHAN, ,KHRAG DANG MKHRIS PAR BA SHA KA RAB BSNGAGS, ,'KHRU BA'I NAD LA DUG MO NYUNG PHAN ZHING, ,GZHANG 'BRUM GO BYED BYIG DUG LA GSER PHAN, ,TSO CHES PA LA SKYER KHAndA BSNGAGS SHING, ,SRIN BU'I NAD NI BYI DANG GA YIS 'JOMS, ,GCONG CHEN LA CHANG RA SHA 'AM 'O MA PHAN, ,MIG GI NAD LA 'BRAS BU GSUM RAB PHAN, ,DREG NAD LA NI SLE TRES RAB BSNGAGS SHING, ,PHO BA'I NAD LA DAR BA GSAR PA MCHOG ,MDZE LA SENG LDENG SNYING PO BSTEN PAS MCHOG, ,NAD KUN LA NI BRAG ZHUN RAB TU BSNGAGS, ,SMYO BYED NAD LA MAR NI RNYING PA PHAN, ,BRJED BYED NAD LA BRAMHI PHAN PA YIN, ,MYA NGAN LA NI CHANG NI BLUD PA PHAN, ,GNYID MED PA YI NAD NI 'O MAS SEL, ,CHAM PA ZHO NI SBYAR MA THAG GIS SEL, ,RID PA'I NAD LA SHA NI SBYIN PAR BYA, ,RLUNG GI NAD LA SGOG SKYA RAB TU BSNGAGS, YAN LAG RENGS PA'I NAD NI DUGS KYIS SEL, ,PHRAG PA PHRAG GONG LAG NGAR NA BA LA, ,THANG CHU KHA POR YI SNA SMAN GTANG, ,KLAD PA'I NAD LA MAR SAR HVAGS KYIS SEL, ,DMU RDZING RNGA MO'I GCIN DANG 'O MAS SEL, ,MGO BO'I NAD KUN LA NI SNA SMAN BSNGAGS, ,KHONG 'BRAS GSAR DU BYUNG
LA GTAR GA GDAB, ,KHA YI NAD RNAMS LA NI MKHUR BKANG PHAN, ,MIG NAD SNA SMAN MIG SMAN BRTA BAS SEL, ,RGAS PA LA NI 'O MA ZHUN MAR PHAN, ,BRGYAL LA CHU GRANG BLUGS DANG GRIB MA PHAN, ,DROD CHUNG NGAL DANG SGE'U GSHER TSA RAN PHAN, ,DUB LA CHANG 'THUNGS LUS NI KHRUS BYAS PHAN, ,SDUG BSNGAL BZOD DANG BRTAN LA RTZOL BA PHAN, ,GCIN SRI BA LA GZE MA PHAN PA YIN, ,LUD PA LU LA KAndA KA RI PHAN, ,RTZIB LOGS GZER LA PUshKAR M'U LA PHAN, ,RGAS SRA BA LA SKYU RU RA PHAN ZHING, ,RMA LA 'BRAS BU GSUM DANG GU GUL PHAN, ,DE LTAR NAD RNAMS KYI NI SMAN GYI MCHOG ,BSHAD PAS NAD RNAMS ZHI BAR NUS PA YIN, ,DE NI YUL DANG DUS KYI STOBS LAS NI, ,CI RIGS PAR NI BRTAGS TE SBYAR BAR BYA, ,ZHES BYA BA LA, RIMS KYI NAD LA NI GLA SGANG DANG PAR PA TA MCHOG YIN NO, ,SKOM DAD CHE BA LA NI SO PHAG BSREGS PA CHU'I NANG DU GSUR TE BGRUNGS PA'I CHU BLUD NA MCHOG YIN NO, ,SLON PA'I NAD LA NI 'BRAS YOS MCHOG YIN NO, ,CHU SO'I NAD LA NI BRAG ZHUN GTANG BA MCHOG YIN NO, ,GCIN SNYI BA'I NAD LA NI SKYU RU RA DANG YUNG BA DANG SKYER PA MCHOG YIN NO, ,SKYA RBAB KYI NAD LA NI LCAGS KYI PHYE MA MCHOG YIN NO, ,RLUNG DANG BAD KAN LDAN PA'I NAD LA NI AA RU RA MCHOG YIN NO, ,MCHER PA'I NAD LA NI PI PI LING MCHOG TU PHAN NO, ,GLO RDOL BA'I NAD LA NI RGYA SKYEGS KYI KHU BA BLUD PA MCHOG YIN NO, ,DUG GI NAD LA NI SHRI SHA ZHES BYA BA SHU KA TA RU MCHOG YIN NO, ,TSIL DANG RLUNG LAS GYUR PA'I NAD LA NI GU GUL MCHOG YIN NO, ,KHRAG DANG MKHRIS PA'I NAD LA NI BA SHA KA MCHOG YIN NO; TSAD PA RNYING PA LA SOGS PA 'KHRU BA'I NAD LA NI DUG MO NYUNG MCHOG YIN NO, ,GZHANG 'BRUM LA NI GO BYE ZHES BYA BA BSE SHING GI 'BRAS BU MCHOG YIN NO, ,DBYIG DUG LA GSER BDAR BA MCHOG YIN NO, ,TSO CHES PA LA SKYER PA'I KHAndA BSNGAGS PA YIN NO, ,SRIN BU LAS GYUR PA'I NAD LA NI BYI DANG GA MCHOG YIN NO, ,GCONG CHEN PO'I NAD LA NI CHANG DANG RA SHA 'AM 'O MA BYIN PA MCHOG YIN NO, ,MIG GI NAD THAMS CAD LA NI 'BRAS BU GSUM MCHOG YIN NO, ,DREG NAD LA NI SLE TRES KYI KHU BA MCHOG YIN NO, ,PHO BA'I NAD LA NI DAR BA GSAR BA MCHOG YIN NO, ,MDZE'I NAD THAMS CAD LA NI SENG LDENG GI SNYING
, ,PO BSTEN PA MCHOG YIN NO, ,NAD THAMS CAD LA NI BRAG ZHUN BSTEN PA MCHOG YIN NO, ,SMYO BYED KYI NAD LA NI MAR RNYING PA LO MANG PO LON PA MCHOG YIN NO, ,BRJED BYED KYI NAD LA NI BRAMHI ZHES BYA BA MCHOG YIN NO, ,MYA NGAN LA NI CHANG BLUD PA MCHOG YIN NO, ,GNYID MED PA SEL BA'I MCHOG NI 'O MA YIN NO, ,CHAM PA LA NI ZHO SBYAR BA ZHES BYA BA ZHO DKRUGS PA'I NANG DU DRI BZANG BZHI DANG PI PI LING DANG KHA RA BTAB PA MCHOG YIN NO, ,SKYES BU RID CING NYAM CHUNG BA LA NI SHA SBYIN PA MCHOG YIN NO, ,RLUNG GI NAD LA NI SGOG SKYA MCHOG YIN NO, ,YAN LAG RENGS BA'I NAD SEL BA'I MCHOG NI DUGS YIN NO, , PHRAG PA DANG LAG NGAR DANG BCAS PA NA BA LA NI, THANG CHU KHA POR ZHES BYA BA DZI DZIN NA'I SMAN GTANG BA MCHOG YIN NO, ,RLUNG GIS KLAD PA'I GZHOGS PHYED NA BA LA NI MAR SAR HVAGS SBYAR BA MCHOG YIN NO, ,DMU RDZING GI NAD LA NI RNGA MO'I GCIN DANG 'O MA MCHOG YIN NO, ,NAM TSONG YAN CHAD KYI MGO BO'I NAD KUN LA NI SNA SMAN GTANG BA MCHOG YIN NO, ,KHONG 'BRAS DANG PO BYUNG BA LA NI GTAR GA GDAB CING KHRAG DBYUNG BA MCHOG YIN NO, ,KHA'I NAD THAMS CAD LA NI SMAN KHUS MKHUR BA BKANG ZHING DBO BA MCHOG YIN NO, ,MIG NAD LA NI SNA SMAN DANG MIG SMAN DANG MIG BRTAB BYA BA MCHOG YIN NO, ,RGAS PA LA NI 'O MA DANG ZHUN MAR BSTEN PA MCHOG YIN NO, ,BRGYAL BA SEL BA'I MCHOG NI CHU GRANG DANG GRIB MA YIN NO, ,KHONG PA'I ME DROD CHUNG BA SEL BA'I MCHOG NI NGAL BA DANG SGE'U GSHER DANG, TSA RAN PA BSTEN PA MCHOG YIN NO, ,LUS DUB PA LA NI CHANG 'THUNGS BA DANG, LUS KHRUS BYAS PA PHAN NO, ,SDUG BSNGAL BZOD CING DKA' BA BSTEN NUS PA DANG, LUS BRTAN PAR GYUR PA LA NI RTZOL BA DANG DRAG SHUL BYAS PA PHAN PA'I MCHOG YIN NO, ,GCIN SRI BA SEL BA'I MCHOG NI GZE MA YIN NO, ,LUD PA LU BA LA NI KAndA KA RI MCHOG YIN NO, ,RTZIB LOGS SU GZER BA LA NI PUshKAR M'U LA ZHES BYA BA MA NU MCHOG YIN NO, ,RGAS SRA BAR BYA BA LA NI SKYU RU RA MCHOG YIN NO, ,RMA SEL BA'I MCHOG NI 'BRAS BU GSUM DANG GU GUL YIN TE, DE LTAR BSHAD MA THAG PA'I TSUL GYIS NAD RNAMS SEL BA'I SMAN GYI MCHOG BSHAD CING BSTAN PA DE DAG GIS NI NAD ZHI ZHING SEL BAR NUS PA YIN LA, DE LA YUL DANG DUS KYI STOBS LAS SMAN GYI SBYOR
BA CI RIGS PAR SBYAR BAR BYA'O, ,DE LTAR RGYUN SHES BU LAS GZHUNG GI MDO, ,LEGS PAR BSHAD PA DES NI MA NGOMS PAS, ,ME BZHIN 'JUG SOGS BLO MTHUN DAD PAS 'DUD, ,THE TSOM 'DI NI ME BZHIN 'JUG GIS DRIS, ,ZHES BYA BA LA, RNAM PA DE LTA BU'I TSUL GYIS DRANG SRONG RGYUN SHES KYI BU LAS GZHUNG GI DON GYI MDO THOS PA DANG LEGS PAR BSHAD CING TSAD MAS BRTAGS PA'I RANG GI DON BRTAN PA RTOGS SLA ZHING DON CHE BA DES ME BZHIN 'JUG LA SOGS PA'I SLOB MA RNAMS NGOMS SHING TSIM PAR MA GYUR PAS, DE DAG BLO MTHUN PAR DAD PAS MGO BOS BTUD NAS DRANG SRONG LUG CES BYA BA LA SOGS PA SLOB MA RNAMS KYI NANG NA BSNGAGS LA, ME BZHIN 'JUG CES BYA BAS BLO LA NGES PA MA RNYED PA'I THE TSOM 'DI RGYUN SHES KYI BU LA DRIS PAR GYUR TO, ,SKAL LDAN KHA CIG BDAG NYID MKHAS, ,SMAN DANG NAD G-YOG PHUN SUM TSOGS, ,SMAN PA RGAN PO'I LUNG GIS NI, ,RJES SU 'JUG KYANG NAD BCAS SHING, , NAD KYI SROG NI ZAD PAR SNANG, ,GZHAN DAG DE LAS GO BZLOG SNANG, ,DE PHYIR PHAN DANG GNOD PA YI, ,'BRAS BU NGES PA MA MCHIS NA, ,'DIR NI BSTAN BCOS KYIS CI BSTAN, ,ZHES BYA BA LA, 'DI DAG NI DRI BA'I TSIG STE, KYE SKAL LDAN RGYUN SHES KYI BU KHA CIG BDAG NYID MKHAS SHING RIG PA YIN ZHING, SMAN DANG YO BYAD PHUN SUM TSOGS PA DANG, NAD G-YOG PHUN SUM TSOGS PA'I BDAG PO DANG YANG LDAN LA, SMAN PA RGAN ZHING MKHAS PA'I GDAMS NGAG GIS RJES SU 'JUG PAR BYED DU ZIN KYANG NAD KYI SROG ZAD PAR BYED PA DAG SNANG LA, NAD PA GZHAN KHA CIG NI DE LAS GO BZLOG PA STE, BDAG NYID MI MKHAS PA DANG, SMAN PA YO BYAD MED PA DANG, NAD G-YOG MED PA DANG, SMAN PA MI MKHAS PA DAG GIS BCOS SU ZIN KYANG SROG ZAD PAR MA GYUR PAR SNANG NGO, ,DE'I PHYIR PHAN PAR 'GYUR BA DANG, GNOD PAR 'GYUR BA'I 'BRAS BU LA NI NGES PA YOD PA MA YIN TE, PHAN PA'I SBYOR BA BYAS KYANG 'BRAS BU DE NYID DU ZAD PAS DE BAS NA SROG BSRUNG BA'I GSO BA'I MTSAN NYID 'DI NI GCIG TU CHAD PA MED CING NGES PA MED PA YIN NO, ,DE LTAR BYA BA LA NGES PA MED PA'I PHYIR GSO BA'I BSTAN BCOS KYIS 'DIR DON GYI DNGOS PO CI ZHIG BSTAN CING DGOS PA CI ZHIG BYA STE, YUL DE LA NI 'BRAS BU NGES PA
, ,MED PA'I PHYIR BSTAN PA CI YANG MED DE, DES NA SMAN BSTEN PA DANG, MA BSTEN PA DAG TSUL MNYAM PA'I PHYIR BSTAN BCOS 'DI NI BRTZAM PAR MI BYA BA'I RIGS SO, ,DE LTAR ME BZHIN 'JUG SOGS SLOB MA'I TSOGS, RTOG PA SKYES LA RGYUN SHES BU YIS NI, ,DE NYID MA LUS RNAM PAR BSHAD GYUR PA, ,GSO BYAS MA BYAS MNYAM POR BYA MI RIGS, ,ZHES BYA BA LA, TSUL DE LTAR ME BZHIN 'JUG LA SOGS PA'I SLOB MA'I TSOGS THE TSOM SKYES SHING RTOG PAR GYUR PA DE LAS DRANG SRONG CHEN PO RGYUN SHES KYI BUS DON GYI DE KHO NA NYID PHYIN CI MA LOG PA MA LUS PA THAMS CAD RNAM PAR BSHAD PAR GYUR PA NI, KYE ME BZHIN 'JUG GSO BA YAN LAG BZHI BA'I YON TAN PHUN SUM TSOGS PA YON TAN BCU DRUG GIS NYE BAR BRGYAN PAR GYUR PA DANG, GSO BA MA BYAS PA STE, YAN LAG BZHI DANG YAN LAG BCU DRUG GI TSOGS PA DANG MI LDAN PAR GYUR PA DE MNYAM ZHING CHA MTSUNGS PAR BRTAGS PA NI RIGS SHING 'OS PA MA YIN NO, ,CI'I PHYIR ZHE NA, YAN LAG BCU DRUG LDAN PA YI, ,GSO BYED BDE 'GYUR YOD MOD KYI, ,NAD KYI 'DAM DU BYING BA LA, ,LAG NAS 'DREN THABS SMAN YIN NO, ,ZHES BYA BA LA, GANG GI PHYIR NAD PA GANG YANG YAN LAG BCU DRUG DANG LDAN PA'I 'BYOR BA TSAD DU ZIN KYANG NAD MED CING BDE BAR 'GYUR BA YOD MOD KYI, 'ON KYANG NAD KYI 'DAM DU BYING BA LA NI LAG NAS 'DREN ZHING BSLANG BA'I THABS SMAN KHO NA YIN PAR SHES PAR BYA'O ZHES BYA BA'I DON TO, ,DE YANG TZA RA KA LAS NAD PA GANG SMAN MED PAR NAD LAS THAR ZHING LDANG BA YOD KYANG, DE NI SMAN GYI YAN LAG PHUN SUM TSOGS PAS GSOS PA LAR NAD MED PA YIN TE, DPER NA SKYES BU LTUNG ZHING 'GYEL BAR GYUR PA LA LA ZHIG LDANG BAR NUS PA CUNG ZAD YOD DU ZIN PA LA YANG, SKYES BU GZHAN ZHIG GIS LAG NAS DRANGS NA DE SHIN TU MYUR BAR NYAM NGA BA MED PAS LDANG BAR 'GYUR RO, ,NAD PA GSO BA'I SMAN GYI SBYOR BA YONGS SU RDZOGS PA YANG DE DANG 'DRA'O, , ZHES BYA BA BSHAD PA LTA BU'O, ,'TSO DANG 'CHI BAR 'GYUR BA LA, ,KUN LA SMAN YOD MA YIN ZHING, ,THABS LA LTOS PA MA YIN LA, ,GZHAN DU THABS LA LTOS PA'I NAD, ,THABS KYIS BSGRUBS NA 'GRUB 'GYUR BAS, ,RGYU MED PAR NI GTAN TSIGS MIN, ,ZHES BYA BA LA, NAD PA 'CHI BAR
'GYUR BA THAMS CAD NI SMAN GYIS 'TSO BAR 'GYUR BA MA YIN TE, GANG GI PHYIR NAD THAMS CAD GSO BA'I THABS LA RAG LAS SHING LTOS PA MA YIN GYI, GZHAN THABS LA LTOS DGOS PA'I NAD NI GSO BA'I THABS MED PAR 'GYUR BA MA YIN NO, ,DE BAS NA KHYED KYIS BSHAD PA'I RGYU MED PAR BSHAD PA DE NI GTAN TSIGS SU RUNG BA MA YIN NO, ,'DI YANG TZA RA KA LAS NAD PA GANG SMAN MED PA 'GA' ZHIG GIS 'CHI BAR 'GYUR BA DE NI SMAN GYI SBYOR BA PHUN SUM TSOGS PA RDZOGS PAS SOS BAR 'GYUR BA YIN TE, GANG GI PHYIR NAD THAMS CAD KYANG GSO BA'I THABS LA LTOS DGOS PA DAG KYANG GSO BA MED PAR 'GYUR BA MA YIN NO ZHES BSHAD PA YIN NO, ,GANG YANG KHYED KYIS PHUN TSOGS NI, ,KUN DANG LDAN PAS GSOS NA YANG, ,'CHI 'GYUR ZHES SMRA DE MA YIN, ,THABS NI THABS MIN 'GYUR YOD MIN, ,ZHES BYA BA LA, GANG YANG KHYOD KYIS YAN LAG BCU DRUG GI PHUN SUM TSOGS PA THAMS CAD DANG LDAN PAS GSOS SU ZIN KYANG 'CHI BAR 'GYUR BA DAG SNANG NGO ZHES SMRA BA MA YIN TE, DE NI MI RIGS SO ZHES BYA BA'I DON TO, ,CI'I PHYIR ZHE NA, SMAN GYIS GSOR MI RUNG BA'I NAD PA YANG SMAN DE DAG GSO BA'I THABS SU 'GYUR BA MA YIN NO, ,SMAN PA SHIN TU MKHAS PA DAG KYANG NAD PA LA YONGS SU RTOG CING GSO BA'I SBYOR BA 'JUG TU ZIN YANG GSOR MI RUNG BA LA 'TSO BA YOD PA MA YIN NO, ,ZHES BSHAD PA YIN NO, ,GAL TE DE LTA'I THABS LDAN ZHING, ,BLO LDAN GSO BA BYAS GYUR KYANG, ,SNGON LAS NYES PA MA GRUB PA, ,YAN LAG BCU DRUG LDAN MED YIN, ,ZHES BYA BA LA, GAL TE NAD PA GSO BA'I THABS YAN LAG BCU DRUG PHUN SUM TSOGS PA DANG LDAN ZHING NAD PA BLO DANG LDAN PA LA GSO BA'I DPYAD BYAS SU ZIN KYANG, GSO BA MA GRUB PAR GYUR PA 'DI NI SNGON GYI LAS KYI NYES PAS TSE ZAD PA LA SOGS PA'I DBANG GIS MA GRUB PA YOD NA YANG YAN LAG BCU DRUG DANG LDAN PA'I GSO BA NI MED PA MA YIN NO, ,ME DANG CHU SOGS DUGS DANG NI, ,RENGS SOGS MI 'GRUB SU ZHIG ZER, ,ZHES BYA BA LA, ME DANG CHU LA SOGS PAS DUGS DANG RENGS PA LA SOGS PA'I LAS MI BYED DO, ,ZHES SU ZHIG ZER TE, DUGS KYI LAS NI MES BYED PA YIN LA, RENGS PA NI CHUS BYED PA YIN TE, SOGS PA'I SGRAS NI RLUNG GIS NI DRAN PA RNYED PA'I LUS BYED PA YIN PAR NI KUN
, ,LA GRAGS PA DE LTAR SU ZHIG MI 'DOD, ,BRTA DANG NYAMS SMAD 'O MA DANG, ,'BRAS NGAN MI BYED SU ZHIG 'DOD, ,CES BYA BA LA, SKYES BU SU ZHIG 'O MAS LUS BRTA BA DANG, 'BRAS NGAN PA GA BE DU ZHES BYA BAS NYAMS SMAD PAR MI 'GYUR BAR SU ZHIG MI 'DOD DE, DE YANG KUN LA GRAGS PA YIN NO, ,MA SHA KHA SRAL LA SOGS LA, ,RO TZA MI NUS SU ZHIG ZER, ,ZHES BYA BA LA, GZHAN YANG MON SRAN SDE'U MA SHA DANG, KHA SRAL PHRE'U AAD MA KUB TA ZHES BYA BA LA SOGS PAS RO TZA BAR MI 'GYUR RO ZHES SU ZHIG ZER TE KUN LA YANG 'DI GRAGS PA YIN NO ZHES BYA BA'I BAR DU'O, , BSHANG GCI SKYED DANG MANG BAR NI, ,NAD LA THE TSOM SU ZHIG ZA, ,ZHES BYA BA LA, BSHANG BA SKYED PAR BYED PA DANG GCI BA MANG BAR GYUR PA NI NAD YIN PAR SU ZHIG THE TSOM ZA STE, THE TSOM MED PA YIN NO, ,SNGAGS DANG RGYUD NI MED PA RU, ,GANG GIS DUG NI 'JUG PAR 'GYUR, ,ZHES BYA BA LA, YANG SROG CHAGS SU ZHIG LA DUG SNGAGS KYIS MA BTAB CING, GSO BA'I RGYUD KYI CHO GA LAS BSHAD PA'I DUG BSAL BA'I THABS ZAS DANG SKOM SMAN SNA TSOGS PA MED PAR DUG DE SUS 'JU BAR 'GYUR TE, GANG GIS KYANG 'JU BAR MI 'GYUR RO, ,ZHES BYA BA'I DON TO, ,GAG PA LA SOGS GSO BA NI, ,MED PAR GANG ZHIG BDE BAR 'GYUR, ,ZHES BYA BA LA, SKYES BU GANG ZHIG GAG PA DANG GNYE'U RENG DANG MUR 'GRAM GYI NAD LA GSO BA'I SBYOR BA MA BYAS PAR, GANG ZHIG BDE BAR 'GYUR TE SU YANG MI 'GYUR RO ZHES BYA BA'I DON TO, ,'ON KYANG DUS MIN 'CHI LA SOGS, ,GRUB MTHA' KUN DU NGES PAR GRAGS, ,'BAD PA CHEN PO DAG GIS NI, ,JI LTAR GZHAN GYIS BZLOG PAR NUS, ,ZHES BYA BA LA, 'ON KYANG DUS MA YIN PAR 'CHI BA LA SOGS PA'I BSTAN BCOS KYI GRUB PA'I MTHA' THAMS CAD LA GRAGS PA YIN PAS NA DE SBYIN PA DANG, SBYIN SREG DANG, DKA' THUB DANG SDOM PA LA SOGS PA 'BAD PA CHEN PO YIN YANG GSO BA'I BSTAN BCOS LTAR MA BYAS NA JI LTAR BZLOG PAR 'GYUR TE GANG GIS KYANG BZLOG PAR MI NUS SO, ,TZANDAN LA SOGS TSA SOGS PA, ,LUNG LAS GRAGS PA BZHIN DU SEL, ,ZHES BYA BA LA, TZANDAN DANG AA RU RA LA SOGS PA'I SMAN TSA BA DANG GRANG BA LA SOGS PA SEL BA YIN PAR NI BSTAN BCOS KYI LUNG LAS
GRAGS PA YIN NA DE YANG DE BZHIN DU 'GYUR BA YIN NO, ,RIMS LA SMYUNG DANG BRTA BA DAG ,BSTAN BCOS NYID LAS GRAGS PA YIN, ,ZHES BYA BA LA, RIMS LA DANG POR SMYUNG BA DANG, PHYIS BRTAB BYAS PAS PHAN PA NI GSO BA'I BSTAN BCOS LAS 'JIG RTEN DU GRAGS PA YIN NO, ,YAN LAG BZHI PA'I YON TAN 'BYOR, ,LEGS PAR BRTAGS NAS SBYAR BYA ZHING, ,GZHAN DU NAD KYI TSOGS 'JOMS PA, ,GSO BA THE TSOM BCAS MI BYA, ,ZHES BYA BA LA, ME BZHIN 'JUG NAD SEL BA'I GSO BA NI YAN LAG BZHI PO SMAN PA DANG NAD PA DANG, NAD G-YOG DANG, NAD PA'I YON TAN BZHI PO LAS YON TAN BZHI BZHIR 'PHROS PA MKHAS SHING ZHES BYA BA LA SOGS PA BSTAN PA DE DAG 'BYOR ZHING PHUN SUM TSOGS PA DANG, DE BZHIN DU GNOD PA DANG, GNOD BYA LA SOGS PA BCU GNYIS LEGS PAR BRTAGS NAS NYE BAR SBYAR BAR BYA ZHING GZHAN DU NA NAD KYI TSOGS 'JOMS PAR BYED PA MIN PAR GSO BA ZHES BYA BA DE LA THE TSOM DANG BCAS PAR MI BYA'O, ,'DI NI DUS MIN 'CHI ZHAGS PA, ,BRTAN PO BCOM PAR BYED PA YIN, ,NAD KYIS SKRAG CING 'JIGS PA LA, ,SNGAGS MED PA YI SRUNG SKUD YIN, ,ZHES BYA BA LA, BSTAN BCOS 'DI NI DUS MA YIN PAR 'CHI BA'I ZHAGS PA BRTAN PO 'JOMS PAR BYED PA YIN TE, JI LTAR ZHAGS PA 'DI MTSON RNON POS GCOD PAR BYED MI NUS TE, GSO BA'I THABS KYIS GCOD PA YIN NO, ,DE BZHIN DU NAD KYIS SKRAG CING 'JIGS PA'I SKYES BU LA BSTAN BCOS 'DI SNGAGS MED CING SNGAGS KYIS MA BTAB PA'I SRUNG SKUD KYANG YIN NO, , 'DI NI 'GRO BA'I SDUG BSNGAL RNAMS, ,SEL BYED BDUD RTZI MNGON SUM YIN, ,SNOD NGAN GNAS NA 'PHRAL DU NI, ,HA LA HA LAR 'GYUR BA YIN, ,ZHES BYA BA LA, SMAN DPYAD KYI GSO BA'I RGYUD 'DI NI 'GRO BA'I SDUG BSNGAL RNAMS SEL BAR BYED CING RGAS PA DANG, NA BA DANG, 'CHI BA'I SDUG BSNGAL 'JOMS PAR BYED PA YIN PAS RTZI DANG 'DRA BA YIN TE, GANG GI PHYIR BDUD RTZI DON DU GNYER BA'I PHYIR LHA DANG LHA MA YIN GYIS SDUG BSNGAL GYI 'BAD PA CHEN PO BYAS NAS, 'THOB PAR GYUR PA YIN TE, 'DI LA NI SDUG BSNGAL 'GA' YANG YOD PA MA YIN NO, ,DE LTAR NA YANG SNOD NGAN PA BSTAN BCOS LA
, ,THOS PA MED PA'I SMAN PA'I RGYUD LA GNAS PAR GYUR NA, 'PHRAL DU DE'I MOD LA HA LA HA LA ZHES BYA BA'I DUG CHEN POR 'GYUR BA YIN NO, ,BSTAN BCOS NGES PA MI SHES SHING, ,TSIG TZAM LA NI RJES GZHOL BA'I, ,GSHIN RJE'I ZHAGS PA THOGS PA BZHIN, ,SMAN PA NGAN PA RING DU SPANG, ,ZHES BYA BA LA, SMAN PA GANG GSO BA'I BSTAN BCOS KYI NGES PA'I DE KHO NA NYID LEGS PAR MI SHES SHING KHONG DU CHUD PAR MA GYUR LA, TSIG TZAM GYI RJES SU 'BRANG ZHING GZHOL BAR BYED PA'I SMAN PA NGAN CING SMAD PAR BYA BA DE NI RING DU SPANG BAR BYA STE, JI LTAR GSHIN RJE'I ZHAGS PA DAG KYANG RING DU SPANG BAR BYA BA YIN PA DANG 'DRA'O, ,SMAN PA GZHUNG LA LEGS MKHAS SHING, ,LUNG LA MKHAS PA'I BZANG PO DANG, ,LAS LA GOMS ZHING DGE BA NI, ,BZANG POR 'DOD PA DAM PA YIN, ,ZHES BYA BA LA, SMAN PA SMAN DPYAD KYI LUNG GI GZHUNG LUGS LA SHIN TU MKHAS SHING BYAD PA DANG, DE BZHIN DU LAS LA GOMS SHING RANG BZHIN DGE BA'I BYA BA LA SOGS PA DAG DANG, DE BZHIN DU BZANG POR 'DOD CING BDE BA DANG DGE BA LA DGA' BA DAG NI DAM PAR 'GYUR BA YIN NO, ,DE LTAR RGYUD KYI YON TAN LDAN, ,RGYUD KYI SKYON NI SPANG GYUR PA, ,GSO BA'I BSTAN BCOS MA LUS PA, ,KHYAB STE YONGS SU GNAS PA YIN, ,DRANG SRONG CHEN PO'I GZHUNG RJES 'JUG ,RGYA CHE'I DRI MA MED PA'I GNAS, ,RGYA MTSO CHEN PO LTAR ZAB CING, ,BSDUS DON NYE BAR MTSON BYED YIN, ,ZHES BYA BA LA, DE LTAR ZHES BYA BA'I DON NI GANG GI PHYIR ZHES BYA BA'I DON TE, GANG GI PHYIR BSTAN BCOS 'DI NI DON CHEN PO DANG LDAN PA YIN NO ZHES BYA BA'I DON TO, ,YANG NA DE LTAR ZHES BYA BA'I SGRA NI RDZOGS PA'I DON TE, RGYUD NI TSUL 'DI LTAR RDZOGS PAR BYAS LA, DE LTAR RDZOGS PAR BYAS PA'I RGYUD KYI YON TAN THAMS CAD NI LDAN LA, RGYUD KYI SKYON THAMS CAD NI SPANGS PA YIN NO, ,DE YANG 'DIS LUS 'DZIN CING SDUD PA'I DON GYIS NA RGYUD DE, RGYUD DE'I YON TAN NI DRANG SRONG TZA RA KAS BSHAD DE; DE 'DIR BRJOD PAR BYA'O, ,GRAGS PA CHEN PO DANG LDAN PA'I SKYES BU DAM PAS KUN DU BRTEN PA, DON SHIN TU MANG BA NYAMS DANG LDAN BA'I SKYE BO RNAMS KYIS BSNGAGS PA, SLOB MA DAM PA GSUM GYI BLO LA PHAN PA, TSIG ZLOS PA'I NYES PA DANG BRAL BA, LUNG DU GYUR PA, MDO DANG BSHAD PA DANG, BSDU BA'I RIM PA LEGS
PAR BSHAD PA, GZHI BZANG BA, TSIG ZUR CHAG PA MED PA, MI GO BAR BYA BA'I SGRA MED PA, MING YONGS SU RDZOGS PA, BRGYUD PA'I RIM PAS RTOGS PA'I DON DANG LDAN PA, DON GYI DE KHO NA NYID NGES PA, GTZO BOR GYUR PA, DON MTHUN PA DANG LDAN PA, DON TSOL ZHING 'DRES PA MED PA, RAB TU BYED PA MA 'DRES PA; MYUR DU 'JUG CING RTOGS PAR BYED PA, MTSAN NYID DANG LDAN ZHING DPE DANG BCAS PA STE, BSTAN BCOS 'DI NI DE LTA BU YIN PAR SHES PAR BYA'O, ,DE YANG JI LTAR NYI MA'I DKYIL 'KHOR DRI MA MED PAS MUN PA'I TSOGS THAMS CAD BSAL TE, DNGOS PO THAMS CAD SNANG BA DANG 'DRA BAR BYAS PA YIN NO, , DE LA RGYUD KYI SKYON NI THE TSOM DANG BCAS PA DANG, DON MED PA DANG, TSIG ZLOS PA DANG, GO RIMS 'CHOL BA DANG, CHO GA DANG MI LDAN PA DANG, SHIN TU MANGS PA DANG, 'GAL BA LA SOGS PA'O, ,RGYUD DE YANG GSO BA'I BSTAN BCOS MA LUS PA LA KUN NAS KHYAB STE GNAS PA YANGS BRGYA CHE BA, DRI MA MED CING SKYON MED PA STE, GANG 'DI DRANG SRONG CHEN PO RGYUN SHES KYI BU LA SOGS PA'I GZHUNG RGYA CHE ZHING DRI MA MED PA'I RJES SU 'GRO BA'I RGYUD DE NI RGYA MTSO CHEN PO LTAR ZAB CING 'JUG PAR BYED CING, RGYUD DE NI TSANGS PAS BSHAD PA'I BSDUS PA ZHES BYA BA'I GZHUNG CHEN PO 'DI DE'I DON YANG MTSON PAR BYED PA YIN TE, RGYUD 'DIS BSDUS PA'I DON DE YANG MTSON ZHING STON PAR BYED PA YIN NO, ,SMAN DPYAD YAN LAG BRGYAD PA'I RGYA MTSO BSRUBS PA LAS, ,YAN LAG BRGYAD BSDUS BDUD RTZI'I TSOGS THOB GANG, ,DE LAS DON CHEN RTZOL BA ZHEN PA RNAMS, ,DGA' BAR BYA PHYIR RGYUD 'DI LOGS SHIG BYAS; ZHES BYA BA LA, SMAN DPYAD GANG LA YAN LAG BRGYAD YOD PA DE NI SMAN DPYAD YAN LAG BRGYAD PA STE, DE NYID DU NI RGYA MTSO LTA BU STE BDUD RTZI 'BYUNG BA CHOS DANG MTHUN PA DANG, DON ZAB PAR MTHUN PA'I PHYIR RGYA MTSO ZHES BYA STE, DE BSRUBS SHING RNAM PAR GLONGS PA'I TSUL GYIS 'BAD PAR BYA BA'I RGYU DE LAS YAN LAG BRGYAD PA BSDUS PA'I BDUD RTZI'I PHUNG PO CHEN PO THOB PAR 'GYUR BA YIN LA, YAN LAG BRGYAD PA BSDUS PA'I BDUD RTZI'I TSOGS THOB PA DE LAS DON CHE ZHING DGOS PA CHEN PO DANG LDAN PA 'DI SMAN PA RTZOL BA ZHAN ZHING 'BAD PA CHUNG DU DANG LDAN PA RNAMS KYI DGA' BA
, ,BSKYED PAR BYA BA'I PHYIR YAN LAG BRGYAD PA'I SNYING PO ZHES BYA BA'I RGYUD 'DI LOGS SHIG TU GUD DU BYAS PA YIN NO, ,'DI NI LUNG CHEN LAS GRAGS SHING, ,'BRAS BU MNGON DU STON BYED PAS, ,SNGAGS DANG 'DRA BAR LEGS SBYAR GYI, ,LOG DPYOD NAM YANG MI BYA'O, ,ZHES BYA BA LA; RGYUD 'DI NI SMAN DPYAD KYI LUNG CHEN PO LAS GRAGS SHING, LUNG GI TSAD MA DANG LDAN BA DANG, 'BRAS BU 'PHRAL DU MNGON SUM DU STON PAR BYED PA'I PHYIR SNGAGS DANG 'DRA BAR YANG DAG PAR SBYAR BAR BYA STE, JI LTAR SNGAGS KYI 'BRAS BU NI RGYU GANG GIS GNOD PA SEL BAR DPYAD PAR MI BYA BA'I YID CHES PA NYID KYIS BSGRUB PAR BYA BA YIN PA DANG 'DRA BAR, 'DI'I SBYOR BA LA YANG YID CHES PA NYID KYIS BSGRUB KYI, LOG PAR RTOG PA'I DPYOD PA DAG NI YANG MI BYA'O, ,'DI BKLAGS RTOGS DANG NYAMS BLANGS PAS, ,TSE RING BA DANG NAD MED DANG, ,CHOS DANG NOR DANG BDE DANG GRAGS, ,NGES PAR 'THOB PAR 'GYUR BA YIN, ,ZHES BYA BA LA, YAN LAG BRGYAD PA'I SNYING PO ZHES BYA BA'I SMAN DPYAD KYI RGYUD 'DI BKLAGS PA DANG, RTOGS SHING KHONG DU CHUD PA DANG, SBYOR BA JI SKAD SMOS PA DANG NYAMS SU BLANGS PA LAS TSE RING BA DANG, NAD MED PA DANG, CHOS DANG NOR DANG BDE BAR 'GYUR BA DANG, GRAGS PAR 'GYUR BA NGES PAR GDON MI ZA BAR 'THOB PAR 'GYUR RO, ,'DI NI BLTAS NA BSDUS DON RTOGS NUS PAS, ,RANG GI GOMS LAS SMAN PAS BSKYOD MI NUS, ,RGYA CHEN RGYUD GZHAN DAG LAS GOMS GYUR PAS, ,MI BSKYOD GYUR GANG DE NI NGO MTSAR MED, ,CES BYA BA LA, YAN LAG BRGYAD PA'I SNYING PO ZHES BYA BA'I GZHUNG 'DI BKLAGS SHING BLTAS NA BSDUS PA ZHES BYA BA'I SMAN DPYAD KYI BSTAN BCOS KYI DON RTOGS SHING SHES PAR NUS PA DANG, DE BZHIN DU RANG GI GOMS PA'I LAS DE YANG DANG YANG DU BSTAN ZHING NYAMS SU BLANGS PAR GYUR PA'I LAS LA SMAN PA 'DI LA MA BRTEN PA GZHAN DAG GIS BSKYOD PAR MI NUS SHING, THE TSOM GYIS SUN 'BYIN ZHING RGOL BAS TSAR BCAD PAR MI NUS SO ZHES BYA BA'I DON YIN LA, GAL TE SMAN DPYAD KYI RGYUD RGYA CHEN PO GZHAN DAG LAS DKA' BA CHEN POS BSLABS TE BYANG BAR GYUR NAS, LAS LA GLAGS MI THOD CING MI BSKYOD PAR GYUR PA YOD MOD KYI, DE LTA BU GANG YIN PA DE NI
'BAD PA CHEN PO LAS BYUNG BA YIN PA'I 'BRAS BU YIN PAS NGO MTSAR MI CHE'I, 'DI NI TSEGS CHUNG DUS GOMS PA CHEN PO THOB PA YIN PAS NGO MTSAR CHE'O, ,GAL TE TZA RA KAS NI BSLABS GYUR DES NI LEGS THOS SOGS, ,LAS BSHAD NAD KYI MING TZAM YANG NI SHES PAR 'GYUR MA YIN, ,TZA RA KA LAM BSLABS GSO BA DAG NI MA GOMS PA'I, ,NYON MONGS DES NI NAD PA RNAMS KYI GSO BA JI LTAR BYA, ,ZHES BYA BA LA, GAL TE SMAN PA TZA RA KA 'BA' ZHIG BSLABS SHING BYANG BAR BYAS PAR GYUR PA DES NI DRANG SRONG LEGS THOS KYIS BYAS PA LA SOGS PA'I GZHUNG LAS BSHAD PA'I NAD KYI TSOGS NAD PHRAN TSEGS DANG, MGO BO'I NAD DANG, MIG GI 'BRAS BU DKAR NAG DANG, RAB RIB KYI NAD DANG, RNA BA DANG, SNA'I NAD RNAMS KYI MING GI THA SNYAD TZAM YANG SHES PAR 'GYUR BA MA YIN ZHING, DE YANG PHYI ROL DU GYUR PA MA YIN NO, ,YANG ZHES BYA BA'I SGRAS NI DE'I NAD GZHI DANG MTSAN NYID DANG GSO BA DAG MI SHES PA DAG SMOS KYANG CI DGOS SO ZHES STON PA YIN NO, ,GAL TE ZHES BYA BA LA NI PHYOGS GNYIS PA STON PA'I PHYIR SMOS PA YIN TE, GAL TE TZA RA KA ZHES BYA BAS GZHUNG LA MA BSLABS SHING SHES PAR MA GYUR GYI, LEGS THOS KYIS BSHAD PA LA SOGS PA'I GZHUNG 'BA' ZHIG TZAM BSLABS PAR GYUR NA NI, NAD GZHI DANG LUS ZUNGS LA SOGS PA GNOD PAR BYA BA DANG, YUL DANG, DUS DANG, LUS DANG, KHA ZAS DANG, SNYING STOBS DANG, RANG BZHIN LA SOGS PA DANG 'BREL PA'I GSO BA'I BYA BA LA MA GOMS SHING MI SHES PA YIN PAS, DE'I PHYIR NYON MONGS PA'I SHES PA DANG MI LDAN PA'I SMAN PA NGAN PA DES NAD KYIS GZIR BA'I NAD RNAMS LA GSO BA JI LTAR BYA STE, DE LTA BUS KYANG NAD BSAL BA'I BYA BA CI YANG BYA BAR MI NUS TE, GSO BA'I BYA BA LA MA BSLABS PA'I PHYIR RO, ,YAN LAG BRGYAD PA'I SNYING PO'I SNYING PO 'DIR NI DE GNYIS KA'I DON STON PA YIN PAS 'DI LA BSLABS PAS NI NGES PAR NAD GSO BAR NUS PA YIN NO, ,MNGON PAR ZHEN PA'I DBANG GIS LEGS PAR BSHAD PAR GYUR PA 'ANG, ,SHIN TU RMONGS BAS MNGON PAR SPYAD PAR MI BYED GANG YIN DE, ,DE NI DANG BOR SMAN DPYAD BSTAN BCOS SKYON MED BKLAGS GYUR ZHING, ,SKYES BU'I TSE YIS JI SRID THUB KYI
, ,BAR DU BSLAB PAR BYED, ,CES BYA BA LA, RANG GI BLO'I STOBS LA SOGS PA'I TSUL GYIS BSGRUB PAR MI NUS PA'I DNGOS PO RANG GI YUL MA YIN PA DAG LA PHYOGS 'DZIN PAR BYED PA NI MNGON PAR ZHEN PA ZHES BYA STE, DE'I DBANG NI NUS PA STE, MNGON PAR ZHEN PA DE LTA BU'I DBANG DE LAS LEGS PAR BSHAD CING BSTAN PA'I SMAN DPYAD KYI RGYUD LAS SHIN TU RMONGS SHING YON TAN DANG, SKYON GYI BYE BRAG MI SHES PAS MNGON PAR MI BRTZON ZHING KLOG PA DANG RTOGS BAR BYA BA'I PHYIR BRTZON PAR MI BYED PA DE DAG NI NGES PAR RMONGS PAR GYUR PAS DANG PO SMAN DPYAD KYI BSTAN BCOS TSANGS PAS BSHAD LA, SHLO KA 'BUM YOD PA'I GZHUNG LA SKYO BA MED PAR BSLAB CING SKYES BU'I TSE JI SRID THUB PA'I TSAD LO BRGYA'I BAR DU BKLAGS SHING SLOB PAS MNGON PAR ZHEN PA MI 'DOR BA DE YANG RMONGS BA ZHES BYA'O, ,RLUNG DANG MKHRIS PA BAD KAN ZHI BYA'I PHYIR, ,TIL MAR MAR SAR SBRANG RTZI RIM BZHIN BSTEN, ,DE LTAR TSANGS PA 'AM TSANGS PA'I BU YIS BSHAD, ,TSIG GI DBYE BAS BSHAD KYANG KHYAD 'PHAGS MED, ,STON PA PO YI DBANG GIS NI, ,SMAN GYI NUS PA KHYAD 'PHAGS YIN, ,DE BAS PHRAG DOG SPANGS NAS NI, ,BAR MA NYID LA BSTEN PAR BYA, ,ZHES BYA BA LA, GAL TE GZHAN DAG 'DI SKAD CES SMRA BA PO'I KHYAD PAR LAS RDZAS KYI NUS PA YANG PHUL DU BYUNG BAR 'GYUR RO, ,ZHES RGOL NA, DE NI DE LTAR MA YIN TE, GANG GI PHYIR RLUNG GI NAD LA NI TIL MAR PHAN LA, MKHRIS PA'I NAD LA NI MAR SAR PHAN ZHING, BAD KAN GYI NAD LA NI SBRANG RTZI PHAN LA, DE LTAR RIM BZHIN PHAN PAR 'GYUR RO ZHES BYA BA DE LTAR TSANGS PAS BSHAD PA'AM, TSANGS PA'I BU SA MA KU M'A RAS BSHAD PA'AM, 'AM ZHES PA'I SGRAS NI KHO BO CAG LA SOGS PAS BSHAD DU ZIN KYANG, DE NI DE DAG NYID LA GCIG NAS GCIG TU LUNG BRGYUD PA YIN GYI, SNGAGS MED PAR TSIG GI SGRAS BSTAN PA'I KHYAD PAR NUS PA'I KHYAD PAR DU GYUR PA YANG MA YIN TE, SMRA BA PO'I KHYAD PAR LAS SMAN GYI KHYAD PAR DU 'PHAGS PA MA YIN PAS, DE'I PHYIR GNAS PA MA YIN PA LA PHRAG DOG BYED PA DE SPANGS SHING BOR NAS PHYOGS SU MA LHUNG BA'I LAM BAR MA NYID LA BLOS MA BSTEN ZHING GNAS PAR BYA ZHING,
RANG NYID DUS DANG BLO DANG 'TSAM PA'I BSTAN BCOS GANG YIN PA YANG SHES PAR BYA ZHING, 'DI NI DGOS PA MED PA YIN NO ZHES BRTAGS SHING SHES PAR BYA'I, GNAS MA YIN PA LA MNGON PAR ZHEN PAR MI BYA'O, ,DRANG SRONG GIS BSHAD PHYIR DGA' NA, ,LEGS THOS TZA RA KAR MA ZAD, ,LUG SOGS KYIS BYAS CIS MI SLOB, ,DE BAS LEGS BSHAD GZUNG BAR BYA, ,ZHES BYA BA LA, GAL TE KHYOD 'DI SKAD DU KHO BO NI DRANG SRONG GIS BSHAD PA'I SMAN DPYAD KYI RGYUD LA DGA' ZHING DANG BAS DE NYID LA SLOB PAR BYED KYI, KHYOD KYI RGYUD 'DI LA SLOB BAR MI BYED DO ZHES ZER NA, DE LTAR NI TZA RA [?] KA DANG LEGS THOS ZHES BYA BA'I GZHUNG DE DAG 'BA' ZHIG TU MA ZAD KYI, DRANG SRONG LUG LA SOGS PAS BSHAD PA'I LUNG GI GTZUG LAG RNAMS LA KHYOD KYIS CI'I PHYIR SLOB PAR MI BYED, DRANG SRONG GIS BYAS PA KUN LA SLOB PAR RIGS NA LEGS PAR BSHAD PA LA DGA' BA'I PHYIR SMAN PA THAMS CAD KYANG TZA RA KA DANG LEGS THOS LA MANG DU SLOB PAR BYED KYI, DRANG SRONG LUG LA SOGS PAS BSHAD PA'I LUNG GTZUG LAG YOD DU ZIN KYANG SLOB PAR MI BYED DO, ,DE BAS LEGS PAR BSHAD PA'I TSIG GI SDEB SBYOR DANG LDAN PA LA DGA' NA YANG KHO BOS BSHAD PA 'DI NYID GZUNG ZHING BSLAB PAR BYA'O ZHES BYA BA'I DON TO, ,'DI NI TSE YI RIG BYED RGYA MTSO YI, ,SNYING PO LAS NI SNYING PO BLANGS NAS SU, ,RNAM PAR SBYAR LAS DGE BA GANG THOB PA, ,DE YIS 'GRO BAS DE NYID MTHONG BAR SHOG ,CES BYA BA LA, TSIG 'DIS NI GZHUNG RTZOM PAR BYED PAS DE YAN CHAD GSO BA'I BSTAN BCOS RDZOGS PAR BYAS NAS, DGE BA'I RTZAB BSNGO BAR BYA BA'I PHYIR SMOS PA YIN TE, YAN LAG BRGYAD PA'I SNYING PO ZHES BYA BA'I RGYUD 'DI NI SNYING PO DANG 'DRA BA YIN LA, GZHUNG GI DON TSIG TU RNAM PAR SBYAR BA'O, ,GANG GIS SHE NA, TSE'I RIG BYED KYI TSIG GI TSOGS RGYA MTSO LTAR ZAB CING RGYA CHE BA'I SNYING POR GYUR PA YIN TE, DE YANG SNYING PO ZHES BYA BA NI JI LTAR 'GRO BA RNAMS KYI SNYING NI LUS KYI PHYOGS GCIG NA GNAS SU ZIN KYANG LUS KYI TSOGS THAMS CAD LA KHYAB PAR BYED PA YIN NO, ,DE BZHIN DU YAN LAG BRGYAD PA 'DIS YAN LAG BRGYAD DANG LDAN PA'I TSE'I RIG BYED THAMS CAD KHYAB PAR BYED DE, GNAS PAS SNYING PO DANG CHOS MTHUN
, ,PA'I PHYIR SNYING PO ZHES BYA LA, DE LTA BU'I SNYING PO ZHES BYA BA'I DON GYI MDO BLANGS SHING BTUS NAS, GZHUNG GI DON TSIG TU RNAM PAR SBYAR ZHING BSDEBS PA DE LAS DGE BA'I RTZA BA DE DAM PA'I RGYUR GYUR PA GANG ZHIG THOB CING RNYED PAR GYUR PA'I DGE BA'I RTZA BA DAM PA DES 'GRO BA LNGA POS BSDUS PA'I 'JIG RTEN 'DI DAG THAMS CAD BDE BA THAMS CAD KYI MCHOG TU GYUR PA DE KHO NA NYID KYI DON MTHONG BA ZHES BYA BA'I BDE BA'I DAM PA DANG LDAN PAR GYUR CIG CES BYA BA RJES SU BSNGOS PA YIN NO, ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, SLOB DPON ZLA BA LA DGA' BAS NGES PAR SBYAR BA LAS PHYI MA'I GNAS KYI LE'U BZHI BCU PA'I RNAM PAR 'GREL PA'O,, ,,DPAL LDAN PHA KHOL SMAN PA'I MCHOG ,TSE YI RIG BYED PHA ROL PHYIN, ,DRI MED SHES PA LDAN GYUR PA, ,DE YI GZHUNG BSHAD BDAG GIS BYAS, ,'GREL PA DON MTHUN MING BTAGS PA; ,GSAL ZHING MDOR NI BSDUS PA YI, ,TSIG DON ZLA ZER ZHES BYA DE, ,SLOB MA RTAG TU DGA' PHYIR DANG, ,GANG 'DIR CUNG ZAD MA SMRAS PA'AM, ,LEGS BSHAD GANG YIN DE DAG KUN, ,BDAG GIS RTOGS NYES LAS GYUR GYI, ,BDAG GI BLA MAS NYES MA YIN, , BDAG GI MES POR GYUR PA NI, ,DPAL CHEN DGA' BA ZHES GRAGS YIN, ,DENG SANG NA YANG MKHAS PA RNAMS, ,GRAGS PA'I DRI MED SGROGS PAR BYED, ,DE YI BUR GYUR CHAGS LA DGA', ,DE BU ZLA BA LA DGA' DAG ,SLOB DPON BLO GROS CHEN PO NI, ,RGYUN SHES DON LDAN MING BTAGS PA, ,DON DAM ZHES BYA SMAN PA'I MCHOG ,KHA CHE'I YUL DU SKYES PA YIN, ,RGYAL PO DPAL LDAN THA GA NA, ,DPA' BA LA SOGS YON TAN LDAN, ,SA STENG DGRA LAS RGYAL BA YI, ,SA BDAG KUN TU RGYAL GYUR CIG ,YAN LAG BRGYAD PA'I SNYING PO'I RNAM PAR 'GREL PA TSIG GI DON GYI ZLA ZER ZHES BYA BA, CHAGS PA LA DGA' BA'I BU SLOB DPON ZLA BA LA DGA' BA ZHES BYA BA TSE'I RIG BYED KYI BSTAN BCOS MTHA' DAG LA MKHAS PAS MDZAD PA RDZOGS SO,, ,,RGYA GAR GYI MKHAN PO DZA RAN DHA RA DANG, ZHU CHEN KYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA'O,, ,,