,,RGYA GAR SKAD DU, SHR'I TZA TU: B'I th'A KHYA TA TANTA R'A JO MANTA AAm SA N'A MA, BOD SKAD DU, DPAL GDAN BZHI PA'I BSHAD PA'I RGYUD KYI RGYAL PO SNGAGS KYI CHA ZHES BYA BA, BCOM LDAN 'DAS DPAL RNAL 'BYOR NAM MKHA' LA PHYAG 'TSAL LO, ,BYANG CHUB SEMS DPA' SEMS DPA' CHEN PO THUGS RJE CHEN PO DANG LDAN PA 'PHAGS PA SPYAN RAS GZIGS DBANG PHYUG LA PHYAG 'TSAL LO, ,DAM TSIG LA SPYOD PA'I RDO RJE MKHA' 'GRO DANG, RDO RJE MKHA' 'GRO MA RNAMS LA GUS PAR PHYAG 'TSAL LO, ,GDAN BZHI PA YI RGYUD KYI NI, ,GSUM PA YI NI DANG PO'O, ,DE YI SBYOR BA RNYED NAS NI, ,SNGAGS KYI DE NYID KHYAD PAR NYID, ,SNYING PO YI NI SNYING PO'I CHOS, ,RAB SBYOR GSANG ZHING GSANG BA YI, ,DE NYID DE NYID DE LAS MCHOG, SNYING PO'I DE NYID BSDUS PA 'O, ,BLA MA'I MA NING GNYIS BZUNG LA, ,RTZA BAR BSKOR ZHING MNAN PAR BYA, ,SPYI BOR 'OD DANG ZLA BA 'O, ,SA BON BSKYED PA'I RIM PA BZHIN, ,ZLA BA DKAR DANG KUNDA'I
, ,MDOG, GTZO BO'I SNGON DU SBYOR BAR BYA, ,SNGAGS KYI BZLAS PA RDZOGS BYA ZHING, ,DBYANGS YIG MNGON PAR MTHONG BA NI, ,LAS RNAMS GSUM GYI SNGON DU NI, , BLA MA'I YI GE SNGON DU'O, ,DKAR DANG SER DANG DMAR PO'O, ,BZHI PA DAG PA RU NI BRJOD, ,MYU GU'I GNAS NI GTZO BO NYID, ,SRID PA MCHOG TU SGROL BA'O, ,DBYANGS YIG DBYANGS KYI BSGOM PA NI, ,RNAL 'BYOR PA YIS MTSON PAR BYA, ,DON GRUB 'DOD PA'I BZLAS PA YI, ,BAN DU KA YI ME TOG 'DRA, ,RDO RJE DBYUG PA LA RTAG TU, ,DE NYID DU NA RNAM PAR THIM, ,DKAR PO ZLA BAS MNAN PA YI, ,GNYIS KA BSGOMS PAS BKRU BAR BYA, ,PADMA RDO RJE ZLA BA DANG, ,BDUD RTZI YIS NI BKRU BAR LDAN, ,DANG PO'I SA BON GTZO BO YIS, ,DBYANGS YIG KUN LA KHYAB PA'O, ,DKAR ZHING DAG LA MNYAM PA'I 'OD, ,GSUM PA'I LAS KYI SA BON NI, ,BZHI PAR NAM YANG MA YIN NO, ,JI LTAR DANG PO MTHAR GNAS PA'I, ,KHYAD PAR DBYANGS YIG SA BON NYID, ,MTHA' YI SNGON DU SA BON NYID, ,DE BZHIN SNGON DU NYIS 'GYUR RO, ,BZHI PO MNYAM PA'I CHA RU NI, ,MNYAM PAR GNAS SU SBYAR BAR BYA, ,BZHI PA GSUM PA'I SA BON NI, ,MGO SMOS GO BA'I LUS NYID DO, ,YI GE GSUM GYI LUS NYID NI, ,RANG BZHIN GYIS NI DBYANGS YIG DNGOS, ,LUS DANG LUS SOGS YI GE NI, ,LCAGS KYU YIS NI MNAN PAR BYA, ,DMAR DANG GNAG SOGS
SA BON NI, ,RNAL 'BYOR PA YIS KHYAD PAR DU, ,LNGA PA DRUG PA'I SA BON NI, ,THAMS CAD SGRA YI YI GE'O, ,DKAR DANG SER LA LCI BAR BSHAD, ,DMAR DANG SNGON PO DE BZHIN YANG, ,ZHI RGYAS DBANG LA SOGS PA NI, ,KUN KYANG SGRA YI DBYE BA'O, ,THAMS CAD LAS LA SGRA YIS NI, ,KHA DOG BZHI RU RAB TU GRAGS, ,BDUN PA BRGYAD PA'I SA BON GYIS, ,SKYES BU RANG 'DOD PA YI LAS, ,NGES PAR LUS NI SNGOM PA DANG, ,GNYIS PA'I SA BON GYIS MNAN PA'O, ,YANG BAS DMAR DANG GNAG LA SBYAR, ,RNAL 'BYOR PA YI KHYAD PAR DU, ,MTSAMS NI BCAD CING MNAN PA'I LAS, , GNYIS PA LCAGS KYU'I YI GE NI, ,RANG BZHIN YI GE MING GI NI, ,DE NYID LAS RNAMS 'GUGS PA DANG, ,SA BON 'DI NI DBYE BA'O, ,KHA DOG DMAR PO MCHOG GI 'OD, ,THAMS CAD 'DRES PA'I SA BON NI, ,DBYANGS YIG BSKYED PA'I SA BON NI, ,LAS RNAMS THAMS CAD BYED PA'O, ,MA NING GIS BSKYED SA BON NI, ,BRTAN ZHING RTAG PA'I SA BON NO, ,BUD MED DANG NI SKYES PA'AM, ,'DI NYID KUN NAS RAB TU SBYAR, ,SDE TSAN BZHI PA'I BZHI PA NI, ,THA MA BZHI NI RNAM SPANGS PA, ,DKAR DANG KUNDA ZLA BA'I MDOG ,NYI MA'I YI GE RNAM PAR SHES, ,THA MA BZHI NI LNGA PA DANG, ,SDE TSAN DRUG PA YANG DAG LDAN, ,KUN NAS MTSAN MO'I STONG PAR NI, ,KHYAD PAR DU NI SHES PAR BYA, ,BDUD RTZI CHU YI SA BON NI, ,DKAR ZHING SHEL LTAR MNYAM PA'I
, ,'OD, ,DE NYID KUN GYI DE NYID NI, ,KUN NAS BDUD RTZI'I GRUB PA'O, ,LHA MIN GRUB PAS 'GUGS PA DANG, ,LHA DANG MI DANG GNOD SBYIN DANG, ,THAMS CAD LAS RNAMS GRUB PA NI, ,SA BON 'DI NI KHYAD PAR NYID, ,SBOM PO MA NING GNYIS KYIS LA, ,LCAGS SGROGS BZHIN DU KHA SPRAD PA, ,RTZA BAR YANG BA NYIS 'GYUR RO, ,SPYI BOR BDUD RTZI RNAM PAR DGOD, ,STENG DU THIG LE 'BAR BA'I MCHOG ,SANGS RGYAS LNGA YI RANG BZHIN SKU, ,SA BON LNGA YI NGO BO NYID, ,RNAM BZHIR PHYE ZHING PHYE BA YIS, ,LCE RTZE LCE RTZER GSUNGS PA NI, ,KHA DOG DMAR PO MNYAM PA'I 'OD, ,ZHI DANG CHU YI BYE BRAG LA, ,H'Um GI RNAM PA RKAN LA SBYAR, ,RTZA BAR SGRA DANG 'OD BRAL BA, ,BAR MA YI NI DBYANGS SU GSUNGS, ,GAL TE 'DOD NA LHA YI LUS, ,KHYAD PAR DU NI ZHI BA'I LAS, ,SNYING GA'I RTZA BAR GSUNGS PA NI, ,KHA DOG SER PO'I 'OD MNYAM PA, ,SBOM PO'I SGRA DANG THIG LE DANG, ,RGYAS PA DANG NI ME YI LAS, ,LTE BAR SGRA DANG 'JOMS PA NI, ,KHA DOG DMAR PO 'OD MNYAM PA, ,SBOM PO'I SGRA DANG LDAN PA'I 'OD, ,DBANG GI LAS LA RAB TU SBYAR, ,SNA RTZER SBRID PA GSUM PA NI, ,KHA DOG SNGON PO MNYAM PA'I 'OD, ,YANG BA'I SGRA YI 'OD DU NI, ,LDAN PAR BLO DANG LDAN PAR BSKUL, ,BSKRAD DANG GSAD DANG BCING BA DANG, ,MNAN DANG GDUG SOGS BSKRAD PA DANG, ,GTOR MA LA
SOGS NAG PO'I LAS, ,H'Um GI RNAM PA SPRID PAR SBYAR, ,DE NYID DE NYID BZHI PAR NI, ,H'Um GI RNAM PA NYE BAR MTSON, ,SA BON THAMS CAD 'BYIN MDZAD PA, ,H'Um GI RNAM PA DBANG PHYUG MCHOG , THAMS CAD 'BYIN BA'I NGO BO BAS, ,H'Um GI YI GE MCHOG GI LHA, ,STONG NYID YI GE'I H'Um GYUR PAS, ,H'Um GI RNAM PA PHYAG 'TSAL BSTOD, ,STONG PA'I GZUGS DANG RAB LDAN PA, ,DNGOS DANG DNGOS MED 'BYIN MDZAD PA, ,BTZO MA GSER DANG 'DRA BA'I MDOG, SGRA DANG THIG LA YANG DAG LDAN, ,RI RAB RGYA MTSO RI NI GRAGS, ,BRTAN PA DANG NI G-YO BAR LDAN, ,LHA DANG LHA MIN GRUB PA DANG, , MI DANG GNOD SBYIN RNAL 'BYOR PA, ,LHA RNAMS KUN NAS G-YO BA NI, ,GSUNGS PA'I SA BON GYIS 'GUGS BYED, ,SDE TSAN DANG PO'I SA BON NI, ,RTZA BAR RE PHA MNAN PA DANG, ,LCAGS KYUS MGOR NI RNAM PAR DGOD, ,STENG DU ZLA BA'I 'OD DANG BCAS, ,KHA DOG DMAR PO MNYAM PA'I 'OD, ,LCAGS KYU YIS NI SNYING PO SGRUB, ,LCAGS KYU YI GE SA BON BZHIN, ,LCAGS KYU YIS NI KUN 'GUGS PA'O, ,STONG PAR RLUNG GI SA BON NI, ,SDE TSAN BRGYAD KYI DANG PO LA, ,RTZA BAR SGRA YIS DKRI BAR BYA, ,SPYI BOR ZLA TSES THIG LE DANG, ,RLUNG GI KHA DOG DRAG PO YIS, ,LUS CAN KUN NI BSKUL BAR BYA, ,BSKUL BA'I LAS KYI SA BON GYIS, ,SA BON DE NYID KUN TU SBYAR, ,LNGA PA SDE TSAN GNYIS PA YIS, ,GSUM PA'I YI GE GZUNG BYAS LA, ,YI GE GSUM PAS
, ,MNAN PAR BYA, ,RE PHA RTZA BAR SBYAR BA DANG, ,STENG DU BDUD RTZI'I THIGS PA'O, ,KHA DOG DKAR PO MNYAM PA'I 'OD, ,DGYES PA LA SOGS SA BON GYIS, ,LHA SOGS KUN NAS MNYES PAR BYED, ,SDE TSAN DANG PO'I GSUM PA NI, ,GSANG BA'I SGRA NI RTZA BAR RO, ,STENG DU BDUD RTZI'I THIG LE DANG, ,DKAR ZHING YID 'ONG SHIN TU 'BAR, ,MCHOD PA'I SNGAGS KYI DUS DANG NI, ,GTOR MA SBYIN SREG PHYAG RGYA SOGS, ,RGYAS PA'I LAS NI THAMS CAD LA, ,RGYAS PA'I SA BON DU NI GRAGS, ,DANG PO'I SDE TSAN BZHI PA LA, ,RTZA BAR RE PHA SGRA DANG NI, ,SPYI BO'I STENG DU 'BAR BA'O, ,KHA DOG DMAR PO MNYAM PA'I 'OD, ,ZHI BA'I LAS NI RNAM SPANGS PA, ,LAS RNAMS KUN GYI SNGON DU 'O, ,RMONGS SHING LUS KUN RMONGS BYED PAS, ,RMONGS PA'I SA BON DU NI GRAGS, ,SDE TSAN LNGA PA'I GSUM PA DANG, ,GNYIS PA'I SA BON BLANG BYAS PAS, ,MTHA' RU STONG PA GNYIS KYIS SO, ,KHA DOG DKAR PO MNYAM PA'I 'OD, ,LHA DANG LHA MIN GSANG BA SOGS, ,RANG GI 'DOD PA'I GNAS SU BZHAG, BZHAG PA'I LAS LA RNAL 'BYOR PAS, ,BLO LDAN YI GE 'DI YIS BZHAG, STONG PA'I SDE TSAN LA SPYAD LA; ;DE YI BZHI PA GZUNG BAR BYA, ,RTZA BAR MA NING SBOM PO DANG, ,STENG DU BDUD RTZI'I THIG LE'O, ,'JIGS PA BSRUNG BA'I LAS NYID LA, ,KHA DOG DKAR PO MNYAM PA'I 'OD, ,
RNAL 'BYOR DE NYID 'DOD PA YI, ,SA BON 'DI NYID KYIS BSRUNG NGO, ,SREG PA'I YI GE SNGAGS NYID NI, ,DBYE BA RNAM PA GSUM DU BSHAD, ,DKAR DANG SER DANG DMAR SOGS KYI, ,LAS GSUM GYI NI MTHA' RU 'O, ,BDUN PA YI NI MTHA' BZUNG LA, ,BRGYAD PA GNYIS PA YI NI GDAN, ,BDUD RTZI YI NI GDAN DU CHU, ,KHA DOG DKAR PO MNYAM PA'I 'OD, ,MA NING SDE TSAN GYIS BSKYED PA'I,, ME LTAR DMAR BA MNYAM PA'I 'OD, ,LOGS SU DBYANGS YIG DBYUG PA 'O, ,ZHI BA LA NI SREG PA'I MTHAR, ,BDUD RTZI'I SA BON KHA DOG SER, ,CHU YI SA BON DKAR BA'I GDAN, ,LOG SU DBYANGS YIG DBYUG PA 'O, ,BRGYAD KYI MTHA' MA KUN NAS 'BAR, ,RDO RJE 'OD BZHIN 'BAR BA'I ME, ,SA BON 'OD BZHIN 'BAR BCAS PA, ,DBYANGS YIG DBYUG PA'I SREG PA'O, , RGYAS PA'I SREG PA'I MTHA' MAR RO, ,DE YI BDUD RTZI 'BAR BA'I NI, ,BRGYAD MTHA'I LOGS SU DBYUG PA 'O, ,KUN NAS DMAR DANG DMAR BA YI, ,MTHAR NI DBYUG PA LCAGS KYU 'O, , DBU MAR DRANG BA'I SEMS KYIS NI, ,DBYUG PA'I DBUGS KYIS BZLA BAR BYA, ,CHAGS PA'I LAS LA RNAL 'BYOR PAS, ,SREG PA'I YI GE RNAM PA GSUM, ,RNAM PA BZHI LAS DON GNYER BAS, , 'JOMS PA'I YI GE GNYIS SU SHES, ,BSKRAD DANG GSAD DANG DBYE BA DANG, ,MNAN DANG NYE BAR BZLOG PA LA, ,STONG PA'I SDE TSAN GNYIS PA NI, ,DBYUG PA GLO RU RNAM PAR SBYAR, ,NYI MO'I
, ,SDE TSAN GSUM PA LAS, ,DANG PO GNYIS PA'I GLO RU 'O, ,KHA DOG NAG PO 'JIGS CHEN PO, ,'OD ZER ME BZHIN KUN NAS LDAN, ,RDO RJE SA BON MNYAM 'BAR LAS,, LUS KYI DBUS SU DBUG PAR BYA, ,GSANG DANG GDUG PA BSKRAD LA SOGS, ,DRAG PO'I LAS NI THAMS CAD LA, ,DNGOS GRUB 'DOD PA RNAL 'BYOR PAS, ,'JOMS PA'I YI GA MTHA' MAR RO; ;DE YI SA BON LDAN PA NI, ,SNGON GYI DBYUG TSOGS RNAM PAR SPANGS, ,DANG PO DBU YI STENG RNAMS SU, ,KHA DOG SNGON PO RAB RNO BAS, ,GSAD DANG DBYE DANG GDUG PA NI, , KHRO BO'I LHA YIS BSKRAD PAR BYA, ,'JOMS PA'I YI GE'I MTHA' MAR NI, ,SA BON 'DI YIS SBYAR BAR BYA, ,DKAR PO'I SDE DANG SDE TSAN GYIS, ,DANG PO'I DANG PO BLANG BYAS LA, ,KUN NAS RDO RJE'I SA BON GYIS, ,SA BON YI GE PHYED DANG GNYIS, ,'PHO BAR SBYOR BA'I SNGON DUS SU, ,RNAM SHES GONG DU BSKUL BA'O, ,LTE BAR RTZA BA'I PHYOGS NAS NI, ,YI GE PHYED DANG GNYIS KYI DANG, ,BRGYAD PA'I MTHA' NI SNGON DU 'O, ,MA LA TA YI SBYOR DUS SU, ,'PHO BAR SBYOR BAS SNGON DU 'O, ,'PHO BA'I DUS KYI SNGON DU NI, ,RNAL 'BYOR PA YIS RAB TU SPYAD, ,AU LA PA LI TA SA BON, ,SBYANG BYA'I YI GE PHYED DANG GNYIS, ,DNGOS DANG DNGOS MED SA BON LAS, ,SGRA DANG THIG LE RNAM PAR SBYAR, ,RLUNG GI RTZA BA'I GNAS SU NI, ,SGRA DANG SGRA YIS BSTAN
PA'O; ;CHU SHING ME TOG LTE BAR GNAS, ,SA BON 'DI YIS BSGYUR BAR BYA, ,SNGON DU SBYOR BA'I BSAM GTAN DANG, ,MNYAM PAR GZHAG PA'I SEMS KYIS BCING, ,BDUN PA'I MTHA' YI SA BON NI; ;BDUD RTZI'I SA BON SA BON GYIS, ,BZLOG BYAS RGYAS PA'I GNAS SU NI, ,CHU SHING ME TOG LTA BUR GYIS, ,JI LTAR SDE TSAN GSUM PA NI, ,YI GE GSUM PA GZUNG BYAS LA, ,DBYUG PAR PHYI MA'I SA BON DANG, ,'OG PAG GIS NI SNGON DKRIS PA, ,DE NYID DE NYID KUN DANG NI, ,SA BON SA BON MCHOG GI GTZO, ,THEG PA RNAM GSUM DAG BYED PA, ,A'A LI'I SA BON RAB TU GRAGS, ,SDE TSAN BRGYAD PA'I GNYIS PA LA, ,LCAGS KYU YIS NI SPYI BOR GNAS, ,SPYI BOR ZLA TSES THIG LE DANG, ,KHA DOG DMAR PO MCHOG GI 'OD, ,SEMS CAN KUN NAS RMONGS BYED PAS, ,YID DBYE BA LA KUN NAS SBYAR, ,KUN TU RMONGS NI SA BON NO, ,RMONGS PA'I LAS LA RAB TU SBYAR, ,BRGYAD PA'I MTHA' YI SA BON NI, ,SPYI BOR LCAGS KYU 'DREN PA DANG, ,RTZA BAR RE PHA'I SA BON NO, ,KHA DOG SNGON PO 'BAR BA YI, ,DRI DANG ME TOG RO SOGS MING, ,LAS KYIS KUN NAS 'PHROG PAR BYED, ,'PHROG BYED MING GI SA BON GYIS, ,'PHROG PA'I LAS LA KUN TU SBYAR, ,BDUN PA DKAR PO'I SA BON NI, ,DUNG DANG KUNDA MNYAM PA'I 'OD, ,BDUD RTZI CHU YI SA BON NO, ,CHU YI YI GE MING CAN NO, ,KA SHAR LDAN PA'I SA BON NI, ,KHA DOG SER PO 'OD MNYAM PA, ,ME BZHIN 'BAR
, ,ZHING 'BAR BA YIS, ,ME YI YI GER RNAM PAR GRAGS, ,SDE TSAN BRGYAD KYI DANG POR NI, ,DE NYID STONG PA'I DNGOS PO DANG, ,RLUNG GI SA BON DMAR PO NI, ,RLUNG GI SA BON DU NI GRAGS, ,BRGYAD PA'I MTHA' YI SA BON NI, ,KHA DOG SNGON PO'I 'OD MNYAM PA, ,SNYING GAR SA YI SA BON NO, ,DE NYID PA YI SA BON NO, ,'DI RNAMS SA BON SA BON LA, ,THIG LE YI GE RTZA BAR RO, ,RTZA BAR NYIS 'GYUR RE PHA DANG, ,RLUNG GI SA BON GSUM PAR RO, ,RTZA BAR SGRA NI BZHI PA 'O, ,STENG DU THIG LE SBYAR BA DANG, ,DE NYID BZHI PA'I SA BON NI, ,BZHI PA'I YI GE DRUG PA 'O, ,RMONGS PA CHU YI SA BON NI, ,G-YO BA'I RLUNG GI SA BON DANG, ,SA NYI NYON MONGS PAR 'GYUR RO, ,PHYUGS NI ME LA KUN TU SBYAR, ,YI GE BRGYAD PA'I SA BON NI, ,RNAL 'BYOR MA BRGYAD SEMS DANG BCAS, ,BDAG NYID DE NYID GTZO BO YI, ,'KHOR BA THAMS CAD GCOD MDZAD PA, ,THAMS CAD KUN NAS SPYI BO DANG, ,YI GE KUN NAS GNAS PA 'O, ,SA BON 'DI NI KUN NAS BZUNG, ,YE SHES SA BON ZHES BYA'I MING, ,RTAG PA'I RTZA BAR MNAN PA DANG, ,SGRA DANG THIG LER SBYAR BAR BYA, ,DKAR PO KUNDA ZLA BA'I MCHOG, YE SHES RNAM SHES SA BON NYID; ;RGYU BA'I GZUGS KYI SA BON NI, ,SA BON SA BON DE BAS MCHOG, YE SHES RNAM SHES BYA BA'I MING, ,LAS KUN LA NI RAB SBYAR BYA, ,BYANG CHUB SEMS DPA' ZHI BA NI, ,ZHI BA'I
GZUGS CAN RDZU 'PHRUL CHE, ,MTHAR NI SV'AH'A RING POR LDAN, ,SNGON DU BSNYEN PA'I SNGAGS PA YIS, ,GNYI GA LUS LA BSGOMS NAS NI, ,'DI YIS LHA MO SBYAR BAR BYA, ,SNGAGS PAS SREG PA'I SNGAGS LA NI; ;SNGON DU DBYUG PA MED PA 'O, ,LHA MO'AM YANG NA LHA MO LA, ,KHRO BO'I GZUGS 'JOMS LA SOGS PA'I, ,'JOMS PA'I YI GE MTHAR BZHAG STE, ,BZLAS SHING BSNYEN PA LA SOGS BYA, , GZUGS DANG GZUGS CAN DNGOS PO YIS, ,KHRO BO KHRO MO KHYAD PAR NYID, ,BSREG DANG 'JOMS PA'I SA BON NI, ,KHYAD PAR DANG NI KHYAD PAR CAN, ,DE NYID DE NYID KUN GYIS NI, ,RAB TU SPYAD CING BLTA BAR BYA, ,DE NYID MED PA'I SNGAGS PA NI, ,DNGOS GRUB RING DU BSTAN PA YIN, ,SGRUB PA'I DUS SU LHA NYID KYI, ,SA BON MTHA' RU BZLAS PA BYA, ,MCHOG TU ZHI BA'I DE NYID LA, ,DANG PO DBYANGS YIG MTHA' RU 'O, ,KHRO BO KHRO MO'I LHA LA NI, ,RDO RJE'I SA BON MTHA' MAR RO, ,LHA MO KUN GYI DE NYID LA, ,BDUD RTZI YI GE MTHA' MAR RO, ,DANG PO SNGAGS KYI SA BON NI, ,PHYAG 'TSAL GCIG NI RNAM SPANGS NAS, ,BDAG NYID MING GI SA BON DANG, ,GNYI GA YONGS SU RDZOGS PA'I RGYU, ,STONG DANG STONG PA'I SA BON NI, ,BAR MA SGRUB PA'I LHA NYID DO, ,NYIN MO'I YI GE DANG PO RU; ;BSGRUB BYA SGRUB PA'I MING NYID NI, ,DE YI SGRUB PA'I LAS RNAMS NI, ,RNAL 'BYOR MA YI RNAM PAR MTSON, ,SNGAGS PAS SNGON GYI DUS SU NI, ,RAB TU LTA ZHING SPYAD PAR BYA'O, ,NYIN
, ,MO STONG PA'I SGRUB PA NI, ,'CHI BAR YANG NI THE TSOM MED, ,NYIN MO NYIN MO NYIN MO SGRUB, ,STONG PA STONG PA BAR MA'O, ,GO BZLOG PA YI SA BON NI, ,LHAG PA'I YI GE BRTZI BAR BYA, ,NYIN PAR BSGRUB BYA LHAG PA NI, ,SGRUB PA PO LA BU LON NI, ,BSGRUB BYA STONG PA LHAG PA NI, ,DGRA NYID PAS NA 'BRAS BU MED, ,RAB TU LTA ZHING SPYAD PA YIS, ,SNGAGS KYI SGRUB PA SHES PA YIN, ,SNGON DU MA NING SA BON DANG, ,DE BZHIN BSGRUB BYA'I MA NING NYID, ,DBUS SU MA NING YI GE NI, ,DNGOS GRUB STONG PAR BSHAD PA YIN, ,DE NYID 'DI YI SA BON GYIS, , RANG 'DOD LHA NYID BSGRUB PAR BYA, ,THOG MA THA MA KHYAD PAR DU, ,DBUS SU BSGRUB BYA'I MING NYID DO, ,MTHO DANG DMA' DANG BAR MA DANG, ,KHYAD NYID KYANG NI KHYAD PAR RO, ,ZHI DANG RGYAS PA LA SOGS LA, ,KHYAD PAR SA BON LDAN PA NYID, ,STONG PA'I SDE TSAN GNYIS PA LA, ,RTZA BAR RE PHA SGRA NYID DANG, ,STENG DU ZLA TSES THIG LE DANG, ,KHA DOG SER PO KUN 'OD LA, ,LHA MO RNAL 'BYOR MA KUN GYI, ,SNYING PO YIS NI SNYING PO MCHOG ,GONG DU PHYAG 'TSAL YI GE DANG, ,'DON BZHIN MING NI DBUS SU'O, ,MTHA' DANG MTHA' NI SREG SOGS NYID, ,THAMS CAD DU NI KUN NAS LDAN, ,STONG PA'I SDE TSAN GNYIS PA LA, ,SPYI BOR AE YI RNAM PAS MTSAN, ,RTZA BAR N'A DA THIG LER BCAS, ,KHA DOG DKAR PO MNYAM PA'I 'OD, ,DGA' BYED LAS
KYI SA BON GYI, ,RNAL 'BYOR MA KUN DGA' BAR BYED, ,DE NYID KUN GYI SA BON NI, ,RNAL 'BYOR MA KUN GYIS RAB SPYAD, ,DE NAS SMAN SOGS RIM PA NI, ,KHYAD PAR NYID DU SBYAR BAR BYA, ,BLA RE BLA RE NYID, DANG NI, ,SPOS DANG BDUG PA DRI LA SOGS, ,SNGAGS DANG PHYAG RGYA'I CHO GA YIS, ,MKHA' 'GRO'I GTOR MA BYIN BRLABS PA, ,SNGON DU GNYIS MED GTOR MAR LDAN, ,DRI YI MAndAL GRU BZHI PA,, DBUS SU RNAL 'BYOR PAS BRI BA, ,GUR GUM SHIN TU DRI ZHIM LDAN, ,RE MIG NYI SHU RTZA LNGA PA, ,BLO DANG LDAN PAS GRU BZHI BRI, ,DBANG PO LA SOGS RE MIG GNAS, ,BLO DANG LDAN PAS YI GE DGOD; ;DNGOS DANG DNGOS MED LDAN PA YIS, ,DE YI SA BON SPANG DBUS SO, ,NYIN MO'I YI GE THAMS CAD NYID, ,LHAG MA'I SDE TSAN BRGYAD PA YIS, ,SA BON MNYAM PAR GZHAG PA DGOD, ,SGRA DANG THIG LER YANG DAG LDAN, ,KHA DOG DMAR PO 'OD MNYAM PA'O, ,GU GUL DBANG PO'I LAG PA DANG, ,RMONGS BYED RENGS BYED DE BZHIN SGRA, ,SATTA SI H'A TZAM PA KA, KU TU RU DANG KO LI KI, SON TZI KA DANG BA BLA DANG, ,GU GUL RURTA D'UR BA KAR, ,ME DANG DRI DANG GUR GUM DANG, ,TZANDA NA GI WANG YANG DAG LDAN, ,SHA KHA RA DANG LI SHI DANG, ,PRI YANG KU DANG GE SAR DANG, ,CHU SRIN SDER MO NUB PHYOGS CHA, ,RE MIG KUN DANG GNAS KUN TU, ,DBANG PO LA SOGS SMAN RIM BZHIN, ,RDZAS NI RE RE RE RE DANG, ,CHA LA SA BON BZLAS PAR BYA, ,PHYAG 'TSAL DANG PO SREG PA MTHA', ,BRGYAD
, ,DANG BRGYAD DU BZLAS PA BYA, ,CHA DANG LDAN SOGS SA BON NI, ,SMAN DANG LDAN NA DE BAS MCHOG ,BDUD RTZI LNGA DANG YANG DAG LDAN, ,GU GUL LA SOGS SBYAR BYAS NAS; ;RGYAL PO'I BTZUN MO RGYAL DBANG LA, ,MKHAS PAS BYIN PAS DBANG DU BYED, ,BDAG NYID LNGA YI LNGA DANG NI, ,SHA DA WA SOGS SBYAR BYAS NAS, ,RE PHA'I RDZAS LA BSGOMS BYAS NA; ;JI LTAR SNGON DANG SNGON BZHIN NYID, ,RJE RIGS BRAM ZE DMANGS RIGS DANG, ,SKYES PA'AM YANG NA BUD MED LA, ,BZA' BA'I DNGOS PO BYIN PA YIS, ,DBANG DU 'GYUR BAR YONGS SU GRAGS, ,SMYO BYED LA SOGS RNAM PA LNGA, ,SON RTZI KA YI CHA DANG SBYAR, ,BRTUL ZHUGS DMAN PA'I RIGS RNAMS NI, ,BDAG NYID KYIS NI DBANG DU BYED, ,ME DA LA SOGS SMAN RIM DANG, ,MI YI MAR KHU YANG DAG LDAN, ,MKHAS PAS DPYAD CING BRTAGS PA YIS, ,MNYAM PA'I CHA DANG CHA RU BYA, ,THIG LE RU NI SBYIN BYAS NA, ,RGYAL PO'I RIGS LA 'GRO BA DANG, THA SNYAD LAS NI RNAM PAR RGYAL, ,'GRO BA YANG DAG RMONGS PAR BYED, ,DANG PO SHA KHA RA SOGS DANG, ,TZANDAN DANG NI RNAM PAR SBYAR, ,SDE TSAN GCIG GI CHA DANG NI, ,TZANDAN GYI NI CHA NYID DANG, ,BYAMS PA'I GNAS SU RNAL 'BYOR PA, ,YAN LAG NYING LAG BYUG BYAS NAS, ,DRI NI SNA LA MNAMS TZAM GYIS, ,NGES PAR DBANG DU BYED PA'O, ,MTSAMS DANG
MTSAMS KYI SHA KHA RA, ,SBRANG RTZI'I CHA DANG SBYAR NAS NI, ,MCHOG TU BSGOMS SHING BDUG PA YIS, ,KUN NAS NGES PAR DBANG DU BYED, ,MTSAMS KYI NANG GI KUN BZUNG NAS, ,SHA KHA RA YI CHA DANG BSRE, ,BDUG PAS BDUG CING BDUG BYAS NAS, ,MI NI KUN NAS RMONGS PAR BYED, ,ZLA BA'I DKYIL 'KHOR DBUS GNAS PAR, ,YE SHES MKHA' 'GRO SPRUL NAS NI, ,SA BON SE SO'I SA BON NYID, ,KUN NAS BRGYA PHRAG GCIG TU'O, ,DE BZHIN DU NI DMAR PO'I LAS, ,DE YI RJES NI KUN BZUNG LA, ,BDAG NYID YE SHES LHA RU'O, ,NYI MA'I LAG PA'I RDZAS RNAMS NI, ,KHA DOG DMAR PO MNYAM PA'I 'OD, ,DE NYID SA BON BZLAS PA YIS, ,G-YO BA DANG NI LTUNG BAR BYED, ,SNYING GA'I DKYIL 'KHOR DBUS GNAS PAR, ,NYI MA'I DKYIL 'KHOR BSAMS NAS NI; ;DE YI DBUS SU SA BON NI, ,BSKYED PAR RE PHA THIG LE CAN, ,KHRI PHRAG GCIG TU BZLAS PA YIS, ,GNYIS KYIS LTUNG BA'AM G-YO BAR BYED, ,PHYI NAS GTOR MA'I LAS KYI NI, ,G-YO DANG MI G-YO GRUB PAR BYED, ,GU GUL LA SOGS SRIN BU LNGAS, ,RTZA BA BRGYAD DANG SBYAR BYAS NAS, ,PHRA BA'I SGO NGA TZAM ZOS PAS, ,MOD LA MYUR DU 'CHI BAR 'GYUR, ,SHA TA TZA SOGS BRIN [?] BU NI, ,'O MA BDUN PAR SPYAR BYAS PA'I, ,ZHAG BDUN LAS LHAG PAR ZOS NA, ,'CHI BA 'DI LA THE TSOM MED, ,SON RTZI KAR SOGS SRIN BU LNGA, ,SBRANG RTZI SMYO BYED LNGA PA YI, ,BZA'
, ,DANG BTUNG BA SBYIN BYAS NAS, ,SMYO BYED MYOS PAR 'GYUR BA'O, ,ME DA LA SOGS SRIN BU LNGA, ,SPRUL GYI SGO NGAR BZLAS BYAS NAS, ,THIG LE TZAM ZHIG ZOS PAS NI; ;SKAD CIG DE LA MDZE YIS 'DZIN, ,KHA RA'I SDE TSAN SRIN BU NI, ,MGO LA SGO NGA DANG LDAN PAR, ,DE YI PHYE MA ZOS PA YIS, ,ME NI DBYANGS DANG BRAL BAR 'GYUR, ,MTSAMS KYI KHA RA KUN BZUNG LA, ,SBRANG RTZI MAR GYI CHA DANG SBYAR, ,DE YI PHYE MA BZA' BYAS NA, ,DE YI MOD LA GZIR BAS 'DZIN, ,MTSAMS KYI NANG GI YANG DAG BZUNG, ,SBRANG RTZI LHAN CIG BSGO BYAS PA'I; ;PHRA RAB TZAM ZHIG ZOS PA YI, ,MOD LA RIMS KYIS GDUNG BAR BYED, ,DE NYID RAB SBYOR SNYING PO NI, ,GSANG ZHING GSANG BA'I LUNG GI DON, ,YE SHES LDAN ZHING BLO LDAN PA'I,, LUS KYI RIM PA RNAM PAR BLTA, ,DKON MCHOG GSUM LA GNOD PA DANG, ,SLOB DPON DANG NI GSANG SMOD LA, ,SDIG GIS GOS PAR MI 'GYUR TE, ,RNAL 'BYOR MA NI KUN GYIS GSUNGS, ,LNGA PA'AM, LNGA PA'I RIM PA ZHES BYA BA BSTAN PA RDZOGS SO,, ,,DE NAS GZHAN GYI RIM PA NI, ,SMAN RNAMS KYI NI KHYAD PAR NYID, ,DE NYID KUN GYI MCHOG 'GYUR BA, ,MCHOG GI SNYING PO SNYING PO NYID, ,SNGON GYI MTSAN NYID DANG LDAN PAS, ,CHO GA RIN BZHIN SMAN DANG SNGAGS, ,DE NYID GTOR MA'I LAS DANG NI, ,DRI YI RI'U MIG
DGOD PAR BYA, ,BCU DGU DANG NI SUM CU YI, ,GRU BZHI PA YI RE MIG DGOD, ,NYIN MO STONG PA'I SA BON DANG, ,SDE TSAN THA MA DGOD PAR BYA, ,DBANG PO LA SOGS GNAS RNAMS SU, ,DANG POR DBYANGS YIG RIM JI BZHIN, ,RE MIG KUN GYI SA BON NI, ,SMAN SOGS BZHIN DU GZHAG PAR BYA, ,NA KI BHA LA BING LING GA ,RU RTA BU RAM BHA SA KA ,KA SA LA SOGS BDUN PA NI, ,DBANG LDAN LA SOGS GNAS SU DGOD, ,DBANG PO'I LAK PA SHU DAG DANG, ,RMONGS BYED DANG NI TZANDAN DANG, ,TZANDAN DANG NI GUR GUM NYID, ,BDUN PA'I GNAS SU GZHAG PAR BYA, ,CHA MNYAM PA NI GNYIS PA'O; ;GA BUR S'A LI SHU DAG DANG, ,GUR GUM RKUN MO GI WANG DANG, ,SBRANG RTZI BDUN PA YI NI CHA, ,GSUM PA'I RE MIG SDE TSAN NO, ,SA RDZAR GU GUL RU RTA DANG, ,GHAN DHE KHA RA KU TU RU, ,ME TOG PHRENG BA BDUN PA NI, ,BZHI PA'I RE MIG GNAS SU'O, ,KA KO LA DANG SHA TA DANG, ,GE SAR SON RTZI RGYA SKYEGS DANG, ,PA TRA BDUN PA'I CHA NYID DO, ,LNGA PA'I LAS SU YONGS SU GRAGS, ,DRI DANG BCUD LEN KshA RA DANG, ,YUNG BA DANG NI KHAR TRA, ,KshO'U DRI PI PI LING GI CHA, ,DRUG PA'I RE MIG MIG YIN NO, ,DAN TA DAN TA KU SUM MA, ,RAMS DANG GAR SMA BE TA KI ,SA RA RNAMS NI BDUN PA'I CHA; ;BDUN PA'I SMAN GYI RIM PA'O, ,BRGYA PHYED GCIG GIS MA TSANG BAR, ,RE MIG KUN SOGS SMAN NYID DO, ,RE RE LA YANG SNGAGS 'DI NI, ,BRGYA PHRAG MNGON PAR RAB BSNGAGS TE,,
, ,DANG PO CHU SRIN SDE TSAN SOGS, ,BDAG NYID BDUN GYI BDUN PA NI, ,MTHAR NI PHYE MA SBYAR BYAS TE, ,SHIN TU ZHIB MOR MKHAS PAS BTAGS, ,'DUS PA RGYAL PO RGYAL DBANG GI ,BZA' DANG BTUNG DANG LDAN PAR SBYIN, ,THAMS CAD BDAG NYID 'DOD PA BZHIN, ,KUN NAS THAMS CAD DBANG DU 'GYUR, ,DBANG PO LA SOGS SDE TSAN NI, ,PHRA ZHING ZHIB PAR RAB TU BYA, ,PHYE MA KUN NAS BLANGS NAS NI, ,BDAG NYID MCHIL MAS DE BZHIN BDUN, ,BZA' DANG STON MOR CHO GA BZHIN, ,RAB TU MNYAM PAR GZHAG PAS BYA, ,SKYES PA'AM NI BUD MED DAM, ,THAMS CAD KUN NAS 'ONG 'GYUR RO, ,DANG POR SHEL GYI SDE TSAN NI, ,MNYAM POR CHA DE PHYED MAR BYA, ,MI YI SNUM DANG KUN DU SBYAR, ,GRIB PA MA DANG NI GRIB MAR BSKAMS, ,CHO LOR 'JUG CING DGA' BA DANG, ,SNGA DRO THIG LE SBYIN BYAS NA, ,RGYAL PO'I RIGS LA NYER 'GRO BA, ,SKYE BO SKAL CAN MYUR DU 'GYUR, ,SA RDZA SNGON SOGS DBANG POR SBYAR, ,PHYE MA ZHIB TU BYAS NAS NI, ,SBRANG RTZI KHA RA'I CHA NYID DANG, ,RANG 'DOD SPOS CHU RAB SBYAR NAS, ,MI DGA' BA KUN DGA' BA DANG, ,DAG GI 'DREN PA NYID DU 'GYUR, , DE YI BDUG PAS BDUG PA'I LUS, ,'GRO BA KUN TU RMONGS PAR 'GYUR, ,KA KO LA SOGS DANG LDAN PAS, ,PHYE MA MNYAM PAR CHAR BYAS TE, ,TZANDAN DANG PO THAMS CAD KUN,,
CHA GSUM DU NI BYE BAR BYA, ,MI BYAMS SMAN ZHING BKUR BA NI, ,SKAL LDAN MJES PAR 'DOD 'GYUR NA, ,DE YI YAN LAG LA BYUGS LA, ,'GRO BA RNAM PAR RMONGS BYED YIN, ,DRI YI SDE TSAN BDUN PAR NI; ;KA KO LA SOGS DANG LDAN PAR, ,MAR DANG 'O MA DANG BSRES NAS, ,KUN GYI CHA DANG SBYAR BYAS NAS, ,GRIB MA'I GRIB MAR BSKAM PAR BYA, ,RIGS DMAN KLA KLO LA SOGS KUN, ,YID MI 'ONG BA BYAMS PAR 'GYUR, ,'DI YI SBYOR BA SBYIN BYAS NAS, ,RANG GI 'DOD BZHIN BYED PA'O, ,DAN TI MNYAM PA'I CHA NYID DANG, ,RGYA SKYEGS LA SOMS KUN GYI CHA, ,ME LA BSO BAR RAB TU SBYAR; ;KA RAN DZA YI RDOG MA TZAM, ,YID DU MI 'ONG BA YI GNAS, ,KHAR BCUG KUN TU DE YI DAG ,TSIG GSUM TSIG TU BRJOD PA YIS, ,BDUG 'DOD PA BZHIN DBANG DU BYED, ,MTSAMS KYI DAN TIN LA SOGS PA, ,SMYO BYED CHU NI LNGA PA DANG, ,BDAG NYID BCINGS PAR SNGON LDAN PAS, ,MCHOG TU BSGOMS NA 'DUG PAR BYA, ,BDUG PA 'DI YIS BDUG BYAS NA, ,SGRUB POS SNA LA MNAMS TZAM GYIS, ,DE YI RANG 'DOD SU LA NI, ,DBANG DU GYUR PAR YONGS SU GRAGS, ,MTSAMS KYI SA RA LA SOGS BLANG, ,PHYE MA ZHIB MOR BYAS NA NI, ,BDAG NYID DRI MA LNGA DANG NI, ,KUN NAS CHA NI MNYAM BYAS LA, ,PHYE MA ZHIB MO YANG DAG LDAN, ,'DI YI SMAN DANG LDAN PA YIS, ,SGRUB BYA'I LUS LA REG BYAS NA, ,NGES PAR DBANG DU BYED PA'O, ,CHA DANG CHA YI
, ,BYE BRAG NI, ,MKHAS SHING BZO BAR SBYAR BAR BYA, ,KHYAD PAR SMAN GYI LAS NYID NI, ,CHO GA BZHIN DU RNAM PAR BLTA, ,RDO RJE SEMS DPAR SBYOR BA NI, ,PADMA'I GDAN GYI GDAN LA BZHUGS, ,KUN NAS YONGS SU RDZOGS PA YI, ,BCOM GSER DANG 'DRA BA'I 'OD, ,SNYING GAR NYI MA'I DKYIL 'KHOR LA, ,AA NI THIG LE YANG DAG LDAN, ,'BAR ZHING RAB TU 'BAR BA YIS, ,BSGRUB BYA'I SEMS NI 'GUGS PAR BYED, ,MI 'GYUR YI GE'I THIG LE DANG, ,RTZA BAR SGRA YIS RAB TU SBYAR, ,MTHAR NI BDUD RTZI'I YI GE'I MING, ,'BUM PHRAG GCIG GIS RAB TU BSGRUB, ,SMAN GYI SBYOR BAR LDAN PA NI, ,ZLA BA'I DKYIL 'KHOR KUN NAS BYA, ,GTOR MA DE NYID BYIN BRLABS NAS, ,'BUM DANG 'BUM DU BSNYEN PA BYA, ,SNGON DU DAN TI'I YAN LAG DANG, ,THIG LE BRGYA PAR KUN NAS LDAN, ,BZA' BA'I DNGOS POR SBYIN BYAS NA, ,MI YI SKAD CIG RNAM PAR SPANGS, ,DAN TI LA SOGS SRIN BU DANG, ,RA YI 'O MAR BSRES BYAS NA, ,GANG GIS ZOS PA TZAM GYIS NI, ,ZHAG BDUN NA NI NGES PAR 'CHI, ,KU GSUM SRIN BU BDUN DANG NI, ,SMYO BYED CHU NI RNAM PA LNGA, ,BZA' BAR ZOS PA TZAM GYIS NI, ,SMYO ZHING SMYO PAR 'GYUR BA'O, ,RAMS KYI LAM SOGS SDE TSAN DANG, ,DKAR POR SRIN BU SBYAR NAS NI, ,BZA' BA'I DNGOS POR SBYIN BYAS NA, ,THAMS CAD KUN NAS 'THAB PAR 'GYUR, ,KA MI SRIN
BU'I SDE TSAN DANG, ,MI YI MAR KHU DANG SBYAR NAS, ,PHYE MAS YAN LAG LA REG NA, ,SKAL NGAN MI BYAMS PA DAG NI, ,TZI TE SDE TSAN BDUN PA NI, ,NOR BUR SGO NGA LDAN BZLAS NAS, ,THIG LE TZAM ZHIG ZOS PA YIS, ,MOD LA TSOR BA MI BZAD 'BYUNG, ,SA LA LA SOGS SDE TSAN DANG, ,NYI SHUR RA YI CHA YIS SPANGS, ,CUNG ZHIG TZAM ZHIG ZOS PA YIS, ,NYI MA NYI SHU NA DE 'CHI, ,DAN TE MTSAMS KYI SRIN BU DANG, ,MAR DANG SBRANG RTZI SBYAR NAS NI, ,BZA' DANG BTUNG BZOS NAS NI, ,MDZE NAD KYIS NI YAN LAG GZIR, ,MTSAMS SOGS THANG CHU'I SRIN BU NI, ,BZA' DANG BTUNG BAR RAB BYIN NA; ;RNAM PAR RMONGS CING DRAN PA NYAMS, ,DE NYID MED CING MNYAM GZHAG MED, ,RAB SBYOR SNYING PO BSDUS PA NYID, ,GSANG ZHING GSANG BAR BYAS PA YI, ,RMONGS SHING BLUN PA'I SEMS CAN SOGS, ,SBYOR BA 'DI YIS LONGS SPYOD LDAN, ,DKON MCHOG GSUM LA BRNYAS PA DANG, ,SLOB DPON DANG NI GSANG SMOD DANG, ,SDIG GIS GOS PAR MI 'GYUR BA, ,RNAL 'BYOR MA NI KUN GYIS GSUNGS, ,NYON MONGS RMONGS SOGS BAG CHAGS DANG, ,SHES RAB ZHAN ZHING YID MI GZHUNGS, ,SNGAGS KYI SMON MIN SNYING RJE MOD, ,SMAN GYI BYA BA LA 'JUG PA'O, ,GDAN BZHI PA YI RGYUD KYIS NI, ,GSUM PA YI NI GSUM PA'O, ,DE YI SBYOR BA MTHONG NAS NI, ,BRDA YI SKAD KYIS BSDUS PA'O, ,LE'U BZHI PA ZHES BYA BA RDZOGS SO,, ,,DE YI RTZA
, ,BA'I SNYING PO'I DON, ,SNGAGS KYI SBYOR PA'I RIM PA YI, ,DE NYID BSDUS PA'I 'GRUB PA'O, ,DE NYID SMAN PAS LUS NYON MONGS, ,SHES RAB THABS NI RGYU GYUR PAS, ,RANG 'DOD LAS NI BSGRUB PAR BYA, ,SHES RAB YE SHES SNANG BA'O, ,THABS NI RIGS PA'I TSUL NYID DO, ,RNAL 'BYOR SHES RAB RTZA BA 'DI, ,THABS NI DE YI GROGS NYID DO; ;GANG ZHIG THABS DANG SHES RAB LDAN, ,NYON MONGS LUS LAS RNAM PAR RGYAL, ,SRID PA'I NYES SKYON DU MA YANG, ,SRID PA DANG NI RMONGS PA GZHI, ,DNGOS PO'I GNAS NI MI RTAG PAS, ,DE PHYIR SHES RAB YONGS SU SPANGS, ,DNGOS MED DNGOS PO YANG MA YIN, ,SKYE BA DANG NI 'GAG PA MED, ,DNGOS PO YONGS SU GNAS PA MED, ,'JIGS PA YI NI RNAM PA MED; ;DNGOS DANG DNGOS MED LA SOGS MTHA', ,DAG DANG MA DAG DBUS SU NI, ,DE YI MTSAN NYID SNGON SHES NAS, ,MNYAM PO'I LTA BA LDAN PAR BZUNG, ,GZUNG DANG 'DZIN PA RNAM GROL BA'I, ,DNGOS PO'I 'DU SHES RNAM PAR SPANGS, ,SANGS RGYAS KYIS RTOGS BSTAN BCOS LAS, ,YONGS SU BRTAGS NAS SNYING PO BLANG, ,DNGOS MED DNGOS POR GZUNG BAR BYA; ;DNGOS PO'I RANG BZHIN RNAM PAR SPANGS, ,DNGOS DANG DNGOS MED MNYAM BYAS PAS, ,'O MA BSRUBS PA LAS NI MAR, ,MCHOG GI SNYING PO YANG DAG BLANG, ,MNYAM PAR
LTA BA 'BA' ZHIG GO, BSTAN BCOS BSTAN ZHING YONGS SHES NA, ,DE YI MTSAN NYID DNGOS PO MED, ,YANG DAG LAM LA DMIGS PA YIS, ,DNGOS PO MCHOG DANG MCHOG TU 'GRUB, ,JI BZHIN GNAS KYI RIM PA BRTEN, ,YE SHES MCHOG TU GONG NAS GONG, ,GZHAN GYIS GNAS LAS 'PHANGS PA YI, ,MDA' YIS MDA' NI BSNUN PAR BYA, ,GONG NA GONG LA SOGS PAR BLTA; ;RANG 'DOD DNGOS POR YANG DAG BLANG, ,BDUN PA'I SGRA LAS RNAM PAR RGYAL, ,'KHOR BA'I DGRA YI G-YUL NYID NI, ,GANG ZHIG THABS DANG SHES RAB LDAN, ,DGRA NI DNGOS PO GANG DU GNAS, ,LE LO GNYID DANG 'DOD PA DANG, ,KHRO DANG RMONGS PA SRED PA DANG, ,KHRO BA YIS NI YAN LAG GZIR, ,THABS KYIS BDUD NI RNAM PAR SPANGS, ,LE LO NYES SKYON KUN GYI GNAS, , GNYID KYIS DGE BA RNAM PAR 'JOMS, ,KHRO BA YIS NI SRID PA 'DREN, ,'DOD PAS DRAN PA RNAM PAR NYAMS, ,RMONGS PA YIS NI GNYID KYIS NON, ,BSRES PA YIS NI 'KHOR BAR 'JUG , BKRES PAS DMAN ZHING SDANG BA YI, ,BDUD BDUN PO NI YONGS SU SPANGS, ,KUN NAS BDUD KYIS 'BIGS PA YI, ,LUS NI NYON MONGS SDUG BSNGAL GNAS, ,RANG 'DOD PA YI SEMS KYIS NI; ;DUL BAR BSRUB CING MNAN PAR BYA, ,GANG DANG GANG GI LAM DU NI, ,RANG 'DOD SEMS KYIS 'BAD PA YIS, ,THAMS CAD SNYING PO BSDUS NAS NI, ,RNAL 'BYOR MCHOG NI BRTZAM PAR
, ,BYA; ;RDO RJE KHU TSUR DAM BCINGS NAS, ,SMON LAM BLA MED RGYU YI NI, ,AOm SVA BH'A BA SHUDDHA:SARBBA DHARM'A: SVABH'A BA SHUDDHONYAHAm, YO GA SHUDDHA:SARBA DHARMMA YO GA SHUDDHONYAHAm, BADZRA SHUDDHA:SARBBA DHARM'A BADZRA SHUDDHONYAHAm, SMON LAM KUN MCHOG DON DU NI, ,LHA NYID DMIGS PAR BYA BA YIS, ,RNAM SHES RANG 'DOD PAR BYAS PAS, ,SRED DANG RMONGS PA RNAM PAR SPANGS,, ZLA BA'I DKYIL 'KHOR DBUS GNAS PAR, ,BDAG NYID LUS NI RNAM PAR BRGYAN, ,SANGS RGYAS LNGA YI COD PAN CAN, ,DUNG DANG KUN DA MNYAM PA'I 'OD, ,BDAG NYID SEMS DPA'I SKYIL MO KRUNG, ,PHYAG NA RDO RJE DRIL BU DANG, ,SKU LA RGYAN RNAMS KUN GYIS BRGYAN, ,RDO RJE ME 'OD RAB 'PHRO BA, ,'JIGS PA MED CING 'TSE MED PAR, ,DNGOS PO DNGOS POR BSGOM PAR BYA, , A'A LI K'A LI RAB SBYOR BAS, ,SA BON SA BON BYUNG BA YI, ,PHYAG 'TSAL SREG PA MTHAR BZHAG PA, ,RANG 'DOD PA YI SEMS KYIS BZLA, ,RIM BZHIN 'GAGS PA'I PHYI NAS NI, ,BDAG MED SHIN TU MNYAM PAR GZHAG ,GZUGS KUN RNAM PAR DBUS NAS NI, ,KHAMS GSUM DU NI MI RTOG GO, ZLA BA LA SOGS BDAG NYID MED, ,KUN NAS THAMS CAD STONG PAR RIG ,STONG NYID STONG PA STONG CHEN DANG, ,DNGOS MED DNGOS POR BSGOMS PA YIS, ,BSGOMS NAS LHAG MA'I MTHA' RU NI, ,RNAM SHES SGRON ME LTA BUR 'BAR, ,DE YI 'OD ZER
SNANG BA YIS, ,KHAMS GSUM MUN PA BSAL NAS NI, ,'BAR ZHING RAB TU PHRA BA'O, ,RNAM SHES YE SHES SNANG BA NYID, ,DNGOS DANG DNGOS PO MED PA'I DBUS, ,GZUGS DANG GZUGS MED DBUS NYID DANG, ,'DU SHES 'DU SHES MED PAR LDAN, ,YUD TZAM LTA BAR REG PA'O, ,GZUGS DANG STONG PA LA SOGS DBUS, ,'DI YI MTSAN NYID MTSON PA NYID, ,'GOG PA'I SBYOR BA'I RIM PA NI, ,SHIN TU MNYAM PAR BZHAG PAS BSGOM, ,YAN LAG GZIR BA MED PA DANG, ,SEMS KYI SKYO BA MED PA YIS, ,RIM DANG RIM PA BRTZAM BYAS NAS, ,'KHOR BA GCOD CING GCOD PA'O, ,RTAG TU NYID KYIS SEMS KYIS NI, ,YANG DAG BYANG CHUB RIM PA BSTAN, ,SHIN TU BCAD CING BLTAS NAS NI, ,RNAL 'BYOR 'DI NI BLANG BAR BYA, ,AOm BHA TA LI BHA TA LI PE TA MU KHI H'Um PHAt SV'AH'A, ,RDO RJE MKHA' 'GRO RNAL 'BYOR GYIS, ,BRGYAD BRGYA RU NI BZLAS PAR BYA, ,GZUGS KUN RDZOGS SHING MDZES PA YI, ,BTZO MA'I GSER DANG 'DRA BA'I 'OD,, PADMA'I GDAN LA BZHUGS NAS NI, ,RDO RJE 'OD ZER KUN NAS 'PHRO, ,YE SHES SBYOR BA'I SEMS KYIS NI, ,SNGAGS PAS 'BUM PHRAG GSUM BZLAS NA, ,'DOD DANG GROL BA RGYA CHEN PO'I; ;PHYIS NI LAS RNAMS BRTZAM PAR BYA, ,DUR KHROD THAL BA SOGS BLANGS LA, ,SNOD LA DKYIL 'KHOR BRI BAR BYA, ,DE YI SOL BA'I PHYE MA YIS, ,GANG DU DKYIL 'KHOR SPRUL PA
, ,YIS, ,GRU BZHI PA LA SGO BZHI PA, ,RTA BABS BZHIS NI RNAM PAR BRGYAN, ,DE YI DBUS SU PADMA BRI, ,THOD PA BRGYAD KYIS RNAM PAR BRGYAN, ,DRI DANG BDUG PA MAR ME DANG, ,GTOR MA'I DE NYID DE NYID DANG, ,KUN NAS NYA PHYIS DNGOS PO YIS, ,SNA TSOGS MCHOD PA RGYA CHEN PO, ,YE SHES MKHA' 'GRO DGUG PA NI, ,PHO NYA BZHI DANG KUN TU LDAN, ,SENG GE STAG MO CE SPYANG DANG, ,'UG PA MO NI PHYOGS BZHIR RO, ,THAMS CAD KUN NAS KUN TU NI, ,MNYAM PA NYID KYI SEMS KYIS MCHOD, ,DE YI SHAR GYI GNAS SU NI, ,ME YI LAS NI RAB TU BYAS, , DUR KHROD SHING GI LHAG MA DANG, ,DE YI SHING GI BA DAN GSUM, ,DE'AM 'ON TE GDOL BA'I MES, ,'BAD PAS ME NI RAB TU SBAR, ,RDO RJE LCAGS KYU RGYA CHEN PO, ,MAR DANG SBRANG RTZI BSRES BYAS PAS, ,MCHOG GI SNGAGS NI BZLA BYA ZHING, ,BSREGS PAS LHA MO TSIM PAR 'GYUR, ,THAMS CAD GNAS DANG PHYOGS NAS NI, ,SNA TSOGS GZUGS NI 'JIGS PA DANG, ,MI BZAD KU CO RAB BSGROGS NA, ,'JIGS PAR MI BYA 'JOMS PAR 'GYUR, ,DPUNG GI TSOGS NI YAN LAG BZHI, ,RGYAL PO MYUR DU 'ONG 'GYUR NA, ,DE LA TSAM NGAM SBYIN PAR BYA, ,RI RAB RI LA SOGS PA DANG, ,SA GZHI 'UR 'UR 'GUL BA DANG, ,SNA TSOGS MI BZAD DRI DANG NI, ,'DREN PA'I SEMS NI 'JIGS MI BYA, ,SEMS CAN CHEN PO'I RNAL 'BYOR PAS, ,KHRI
PHRAG GCIG TU SREG BYAS NA, ,RDO RJE MKHA' 'GRO BDUN NYID NI, ,'GRUB PAR 'DI LA THE TSOM MED, ,SNGAGS DANG PHYAG RGYA'I BYA BA DANG, ,GTOR MA'I LAS DANG LAS NYID DANG, ,LUS LA LTOS PA MED PA YIS, ,'GRUB PAR 'DI LA THE TSOM MED, ,PHYI NAS YE SHES LHA MO NI, ,ME YI DBUS SU STON PAR BYED, ,BDUD RTZI LNGA DANG LDAN PA YIS, ,GTOR MA DANG NI AARGHAm DBUL, , ZAB CING RGYA CHER SGROGS PA YI, ,DE LA LHA MO TSIG TU BRJOD, ,SEMS CAN CHEN PO CI ZHIG 'GRUB, ,GANG 'DOD DNGOS GRUB RAB TU SMROS, ,DE LA SGRUB POS SMRAS PA NI, ,DNGOS GRUB CHEN PO GRUB LDAN PA'I, ,GAL TE MCHOG GI DNGOS GRUB 'DOD, ,GRUB PA BRGYAD NI GSOL BA GDAB, ,BDUD DANG NYON MONGS GZA' SOGS KYIS, ,GAL TE YID GNYIS SKYES NA NI, ,TIL MAR CHEN PO DANG LDAN PA'I, ,LCAGS KYU CHEN PO SBYIN SREG BYA, ,RDO RJE SEMS DPAS GSUNGS PA BZHIN, ,'GRUB PAR 'DI LA THE TSOM MED, ,DNGOS GRUB THAMS CAD RAB STER BA'I, ,MCHOG GI LHA MO SGRUB PA NI, ,LUS DANG SROG LA MI LTOS PAR, ,MKHAS PA YIS NI BSGRUB PAR BYA, ,DE NAS YE SHES DE NYID MCHOG, SHIN TU PHRA LA RAB ZHI BA, ,GZUNG DANG 'DZIN PA RNAM PAR SPANGS, ,'BYUNG BA KUN LA 'DIS KHYAB PA, ,'OD KYI BDAG NYID GNAS PA'I MI, ,MA RIG NYON MONGS GCOD BYED PA, ,SRID PA LA SOGS NYON MONGS RNAMS, ,GANG DU GNAS KYI RNAM
, ,PA 'BYUNG, ,LUS LA SEMS SHING SEMS DPA' DANG, ,BCU GNYIS DUS KYI GNAS SU YANG, ,GZUGS MED SEMS KYI LONGS SPYOD PA'O, ,RMONGS PA'I GNAS DANG GNAS SU NI, ,SRID PA'I NGO BO NYID DU MCHOD, ,RMONGS PA GCOD SOGS RNAL 'BYOR PA, ,SRID PA 'DAM SOGS RGAL DKA' BA, ,DAG PA'I CHOS KYI SGRON MA YIS, ,SGRIB PA'I MTSAN MA 'JOMS PA YI, ,CHOS DAG PA YI THABS KYIS NI, ,DAG PA'I LUS NI SKYON MED PA'O, ,DNGOS DANG DNGOS MED LDAN PA YIS, ,LEGS BYAS NYES BYAS 'DU SHES CAN; ;'DOD CHAGS LA SOGS NYON MONGS DANG, ,RGYA MTSO LTA BUR GTING DPAG DKA', ,BCU GNYIS LUS KYI BDAG NYID CAN, ,RMONGS PA YE SHES RNAM PAR GNAS, ,DAG PA'I CHOS KYI CHU YIS NI, ,LHAN CIG GNAS PA'I DRI MA 'KHRU, ,RANG BZHIN PADMA'I DBYE BA YIS, ,NYON MONGS LA SOGS GDUNG BA GCOD, ,RNAM RTOG 'JIGS PA CHEN PO NI, , SRID PA'I RGYU STE ME BZHIN NO, ,DE PHYIR RNAM RTOG RING DU SPANGS, ,RNAL 'BYOR PA YI 'GRO BA RTOGS, ,MNYAM NYID SEMS NI BSKYED BYAS NAS, ,KUN NAS THAMS CAD MNYAM PAR LTA; ;RAB TU MI GNAS MING CAN LA, ,LAS DANG LAS KYI MTSAN NYID MED, ,BDUD RTZI LNGA YI RANG BZHIN YANG, ,BDUD RTZIS LUS NI TSIM PAR BYA, ,RTAG TU BDUD RTZIS MCHOD
PA'O; ;DNGOS SU MED NA RNAM PAR BRTAG ,LCAGS KYU RNAM PA LNGA DRANGS NAS, ,THAMS CAD KUN NAS RIM PAS MCHOD, ,SBYOR BAS MKHA' 'GRO LA SOGS NI, ,BDAG NYID DBANG DU MYUR DU 'GYUR, , RTAG TU DE NYID KYIS BZA' ZHING, ,MED NA GZHAN LAS RNAM PAR BRTAG, GSHER BA'I BDUD RTZI KUN NAS BSAM, ,BZA' BA YANG NA SHA NYID DU, ,RTAG TU DGA' BA'I NGO BO YIS, ,RTAG DANG RNAM RTOG RNAM PAR SPANGS, ,RANG BZHIN DAG PA'I DPA' BO NI, ,DAG BA'I LUS SU GDON MI ZA, ,RTAG TU RNAL 'BYOR PA SPANGS PA, ,BGROD DANG BGROD MIN RNAM PAR SPANGS, ,LO MA'I DANG NI 'DAB MA'I RGYU, ,SNOD LA THAMS CAD MYU GU'O, ,DE YI PADMA RGYAS BYED PA, ,DAG PA'I MTSAN MA DANG PO'O, ,KHA DOG NGAN ZHING DRI MI ZHIM, ,BTUNG BA DRO BA RNAM PAR SPANGS, ,DAG PA'I NGO BO GCOD BYED PA; ;GNYIS PA'I MTSAN MAR BSTAN PA'O, ,KUN LA DGA' ZHING BYAMS PA DANG, ,GNOD PA NAM YANG MI BYED CING, ,SEMS CAN KUN LA SNYING BRTZE BA, ,GSUM PA'I MTSAN MA NYID DU BSTAN,, RTAG TU STONG PA'I BLO LDAN PAS, ,ZAB CING RGYA CHE'I SEMS KYIS NI, ,THAMS CAD RTZA BZHIN DU NI STONG, ,BZHI PA'I MTSAN MA NYID DU BSTAN, ,DAG CING BSTAN PA'I NGO BO NYID, ,LUS GCIG LA NI RAB LTOS PA, ,RTAG TU GSANG SOGS ZA BA NI, ,LNGA PA'I MTSAN MA RU NI GSUNGS, ,BRTZON 'GRUS KUN NAS LDAN PA DANG, ,SBYIN DANG TSUL KHRIMS BZOD PA DANG, ,BSAM GTAN MCHOG TU
, ,BRTAN BYED PA, ,DRUG PA'I MTSAN MA RU NI BRTAG, BZO DANG RGYU RTZAL NYAN PA DANG, ,RTAG TU MNYAM PA'I SEMS DANG NI, ,RTAG TU SEMS CAN DON LA BRTZON, ,BDUN PA YI NI MTSAN MAR BSTAN, ,MI SHES 'DAM DU BYING BA YI, ,SEMS CAN KUN GYI BLO RTOGS BYED, ,SRID PA YANG DAG BYANG CHUB LAM, ,MTSAN MA BRGYAD PA RU NI BSTAN, , 'GA' YANG NAM DU MI SMOD CING, ,RDZAS DANG RDZAS MIN RNAM RTOG BCAS, ,GDUG PA'I BDUD DANG BGEGS SOGS DANG, ,RNAM PAR RTOG PAS SRID PAR LTUNG, ,DKA' THUB SDUG BSNGAL MI BZAD PAS, ,BSNYEN PA 'GRUB PAR MI 'GYUR TE, ,LUS NI DKA' BAR SPYOD PA YIS, ,'KHOR ZHING SRID PA'I MTHA' RU'O, ,RNAM RTOG MED PAS MNYAM PAR BYAS, ,DNGOS PO MTSAN MA'I SEMS DANG BCAS, ,SBYOR BA GRUB PA'I DON DU NI, ,RNAM PAR MI RTOG SEMS KYIS BZA', ,BSGRUBS PA RANG 'DOD SNYING PO NI, ,G-YO DANG MI G-YO DNGOS GRUB RGYU, ,CHOS KYI SNYING PO SNYING PO NYID, ,SEMS NI YE SHES RANG BZHIN LDAN, ,SBYOR BA'I BSTAN BCOS CHA NYID NI, ,DE NYID DE NYID KHYAD PAR RO, ,SBYAR DANG BSAM GTAN BYAS PA YIS, ,RTAG TU SEMS NI SBYANG BAR BYA, ,RNAL 'BYOR RJES SU RNAL 'BYOR DANG, ,RNAL 'BYOR LAS 'DAS GNAS CHEN PO, ,LAS BZHI DANG NI RAB LDAN PA'I, ,YE SHES KYIS NI 'KHOR BA SGROL, ,DANG POR
BSKYED RIM SPYOD PA DANG, ,DBUGS KYI SBYOR BA RIM SOGS DANG, ,LAS LA SEMS SHING SEMS PA DANG, ,DANG PO'I SBYOR BA'I MTSAN NYID DO, ,ME BZHIN DU NI ZLA BA DANG, ,MNYAM PA'I NYI MA BZHIN DU BLTA, ,RNA DBANG RLUNG GI RANG BZHIN DU, ,RNA BA SGRA YI MCHOD PAR LDAN, ,DNGOS PO KUN GYI RANG BZHIN NI, ,GZUGS BRNYAN LA SOGS MCHOD PA'O, ,GTOR MAS JI SKAD GSUNGS PA BZHIN, ,GNYIS PA SHIN TU SBYOR BA'O, ,DNGOS DANG DNGOS MED MNYAM BYAS NAS, ,SANGS RGYAS BYANG CHUB YANG DAG SBYOR, ,PHYAG RGYA CHEN PO YI NI THABS, ,SBYOR BA LAS 'DAS 'DI YID DO, ,RANG BZHIN GYIS NI LEGS SPYAD NA, ,THAMS CAD BDAG MED PA LAS BYUNG, ,LUS SOGS STONG PAR RTOGS PA NI, ,BZHI PA RNAL 'BYOR CHEN PO'O, ,'DI RNAMS MTSAN NYID LDAN PA NI, ,CHEN PHO'I SEMS KYI SDOM PA'O, ,RTAG TU BYA BA DER 'JUG PAS, ,'BYUNG ZHING 'KHOR BAR SGROL PA'O, ,SPYAN NI PADMA LTAR YANGS SHING, ,BZHIN NI ME TOG RGYAS PA 'DRA, ,'DOD PA LNGA PO NYE BAR BSTEN, ,BDE BAR SPYOD CING BDE BAR REG, 'DOD PA KUN DANG NYER LDAN PA, ,BDE BA'I SEMS KYIS BSGRUB PAR BYA, ,RNAM PAR RTOG PA'I RNAL 'BYOR PAS, ,SRID PAR 'KHOR ZHING 'JUG PA'O, ,YID DU 'ONG BA'I SA PHYOGS SU, ,BDE BA'I STAN LA 'DUG NAS NI, ,RANG BZHIN LDAN PA'I LAS KYIS NI, ,MKHAS PA YIS NI BSGOM
, ,PAR BYA, ,ZLA BA NYI MA KHA SBYAR NAS, ,SOR MO 'BREL BAR BYAS NAS NI, ,DRI MED GSUM DANG DUD PAS SBREL, ,SEMS MA RDO RJE RAB TU GRAGS, ,TSANG NGAM PHUR BU RA BA DANG, ,DRA BA THAMS CAD LAS NYID DO, ,'BAR BA'I PHRENG BA MNYAM PA'I 'OD, ,'DI YI PHYAG RGYAR BSTAN PAR BYA, ,KHA GA'I PHYOGS GZHAN NYID DANG NI, ,RTZA BAR RLUNG DBANG GNON PA DANG, ,SPYI BOR 'BAR BA'I RE PHA DANG, ,MTSAN MA'I MNGA' BDAG GIS BRGYAN CING, ,RTAG TU ZHI ZHING MCHOG GI GNAS, ,'BAR BA'I PHRENG BA MNYAM PA'I 'OD, , 'DI LTAR SA BON MDOR BYAS PA, ,THAMS CAD LAS NI SGRUB PA'O, ,LUS LA SGRA YIS KUN TU DGANG, ,GZUGS LA SOGS PA ZAD PAR BYED, ,SA BON LUS KYE BDAG NYID NI, ,SA BON LHAG MA BSAM PAR BYA, ,GO CHA'I SRUNG BA DANG BRAL ZHING, ,THAMS CAD YAN LAG DRUG GI LAS, ,STONG PA'I DE NYID SNYING PO NI, ,SNGON GYI MTSAN NYID YANG DAG LDAN, SMAD PA DANG NI BSTOD PA'ANG MED, ,CI 'BYOR DAG PA'I BZA' BA DANG, ,DBANG PO YUL DANG LONGS SPYOD NI, ,MNYAM PA NYID DU SEMS KYIS BYA, ,SNGON DU RIGS PAS SMON LAM RNAMS, ,BSGRUB BYA SGRUB PA'I 'BRAS BU RTOGS, ,GANG ZHIG YID LA 'DOD SPYOD PA, ,DE YI THABS NI RDO RJE'O, ,RDO RJE KHU TSUR GNYIS BCINGS NAS, ,RKED PA'I PHYOGS SU BZUNG
NAS NI, ,H'Um GI DBYANGS KYIS KUN BGANG ZHING, ,GRUB PA'I GLU YIS MNYAM PAR BYA, ,DZA DZA DZA DZA, RDO RJE SEMS DPA'I DNGOS GRUB BZHUGS PA'I BDAG PO KHYOD, ,HA HA HA HA, H'Um YIG MGON PO DAM TSIG BDAG PO BDAG PHYAG 'TSAL, ,BA BA BA BA, RDO RJE SGROG GI GSANG BA LAS BYUNG SKU 'DZIN PA, ,AA AA AA AA, AA HO MGU BA'I RDO RJE AA LI GCIG TU THIM PAR H'Um, , 'DI LTAR GSANG BA'I GLU CHEN PO, ,RNAL 'BYOR MA KUN TSIM BYED PA, ,RTZE GCIG RNAL 'BYOR SEMS BCAS PAS, ,KHU BYUG SKAD LTAR SNYAN PA'I SGRAS, ,NAM MKHA'I KHAMS KYI MTHA' KLAS PA; ;KHAMS GSUM SNYING PO'I DBUS SU NI, ,RLUNG GI NAM MKHA' LTAR DAG PAS, ,SEMS NYID RLUNG BZHIN NAM MKHAR BRJOD, ,RLUNG GIS DKYIL 'KHOR DBUS GNAS PAR, ,ZLA BA'I DKYIL 'KHOR BSAM PAR BYA, ,DE YI DBUS SU RAB MDZES PA'I, ,A'A LI SA BON 'OD DANG BCAS, ,LAS KYI SA BON MDOG TU NI, ,MNYAM PAR GZHAG PAS BSGOM PAR BYA, ,'BYIN DANG SDUD CING GCOD MDZAD MA, ,A'A LI'I SA BON RAB TU GRAGS, ,JI LTAR SDE TSAN GSUM PA YI, ,YI GE GSUM PA BZUNG BYAS TE, ,GLO RU DBYUG PA RDO RJE DANG, ,'OG PAG GIS NI DKRI BAR BYE, ,'DI LTAR RNAL 'BYOR MCHOG SGOM PA, ,'KHOR BA THAMS CAD GCOD PAR BYED, ,PHYI NAS BDAG NYID LUS PO NI, ,SEMS DPA' CHEN PO RDO RJE 'DZIN, ,KUN NAS CHU YIS
, ,GANG BAR NI, ,PHYOGS BRGYAD DU NI MNYAM PAR RO, ,DE YI DBUS SU RAB MDZES PA'I, ,PADMA DKAR PO YID 'ONG BA'I, ,RLUNG GI DKYIL 'KHOR DBUS GNAS PAR, ,'AO [?] MA ZLA BA'I SA BON 'DZIN, ,GDUGS DKAR PO YI MNGON PAR BKAB, ,'OD ZER 'BAR BA RNAMS MANG PO, ,DE YIS SA BON LAS SKYES PA, ,RDO RJE SEMS DPA'I BDAG NYID NI; ;KUNDA DKAR DANG ZLA BA'I MDOG, PHYAG GNYIS PA LA MDZES PA'I BRANG, ,DBU RGYAN SANGS RGYAS LNGA YI DNGOS, ,SEMS DPA'I SKYIL MO KRUNG GIS BZHUGS, ,RDO RJE SNYING GAR MTHA' 'DZIN CING, ,G-YON PA DRIL BU DKU RU BSTEN, ,SGEG CING SPRO BA'I RANG BZHIN DANG, ,RGYAN RNAMS KUN NI RNAM PAR BRGYAN, ,'OD ZER 'BAR BA RNAMS MANG PO, ,DNGOS PO'I TSON GYIS BTZO BAR BYA, ,SANGS RGYAS SPRIN GYIS RAB RGYAS PA'I, ,RDO RJE RNON PO'I 'OD 'PHRO BA, ,'JIGS PA MED CING GNOD MED PAR, ,DNGOS POS DNGOS PO BSGOM PAR BYA; ;BZLAS 'DOD PA YI RNAL 'BYOR PAS, ,SPRO BA'I SEMS KYIS MNYAM PAR BSGOM, ,DBUS SU MCHOG GI SA BON DANG, ,PHYAG 'TSAL A'A LIR MTHAR BZHAG PA, ,YI GE DRUG PA'I SNGAGS CHEN PO, ,SANGS RGYAS KUN GYIS GSUNGS PA'O, ,ZLOS DANG BSAM GTAN RNAL 'BYOR PAS, ,RANG 'DOD LAS NI MNGON PAR 'GRUB, ,'BUM PHRAG GSUM DU BSNYEN
PA YIS, ,DE NAS DE YI MNGON DU 'GRUB, ,DE NAS KUN GYI SNYING PO NI, ,SKYE DANG 'JIG DANG RNAM BRAL BA, ,GNYIS MED YE SHES RNAL 'BYOR PAS, ,'DOD BZHIN YE SHES GNAS RNYED PA'O,, RDO RJE DRIL BU DE NYID DANG, ,YE SHES SKU NI GNYIS KYI GZUGS, ,RDO RJE G-YAS BRKYANG GNAS NAS NI, ,DRIL BU MNAN PA'I RKANG PAS MNAN, ,PADMA RDO RJE SBYAR BYAS NAS, ,PHYAG RGYA 'CHING BAR MCHOG TU BRTZON, ,DRIL BU LAG GNYIS KYIS MGRIN PAR, ,RDO RJE GCIG GIS NU MAR REG, G-YON PAS GZHUNG TSIGS MTHA' RU 'O, ,TSEMS KYIS MA MCHU BTZIR MDZAD CING, ,GNYIS KYI SEMS KYIS MCHOG BRTZON PAR, ,DNGOS POS DNGOS PO BSGOM PAR BYA, ,STENG DANG 'OG DANG DBUS GNYIS DANG, ,NAM MKHA'I DBYINGS KYI MTHA' KLAS PAR, , THAMS CAD STONG PA'I DE NYID NI, ,SEMS KYIS RAB TU SBYANG PAR BYA, ,MTHAR NI SGROL MA'I RNAM PA 'O, ,DBUS SU A'A LI SA BON NI, ,'BAR BA'I PHRENG BA RAB TU 'PHRO, ,KHAMS GSUM KUN GYI CHA DANG BCAS, ,PHYIS NI GZUGS NYID YONGS RDZOGS PA, ,GNYIS KA YID 'ONG GZUGS MDZES PA'O, ,DBYIG PA RDO RJE 'JAM PA'I MGON, ,'OD DPAG SHES RAB KYI NI BZHI, ,RDO RJE DRIL BU RAB SBYOR BAS, ,MCHOG GI GO 'PHANG BSGRUB BAR BYA, ,RDO RJE GSANG BAS MTSAN NAS NI, ,GNYIS KA 'KHYUD NAS BZLAS PAR BYA, ,PHYAG 'TSAL BSREG PA MTHAR
, ,BZHAG NAS, ,DBUS SU A'A LI'I SA BON NI, ,RTAG PA MCHOG TU PHRA BA NYID, ,BDE BA'I SEMS KYIS BSGRUB PAR BYA, ,YID KYI MCHOD PA'I CHO GA YIS, , KUN NAS YID KYIS BSGRUB PAR BYA, ,SHES RAB RDO RJE YANG DAG PAR SBYOR BA'I LE'U RDZOGS SO,, ,,DE NAS THAMS CAD SNYING PO NI, ,MCHOG GI GTZO BOS BSDUS PA 'O; ;SBYOR BA'I RGYUD KYI RJES 'BRANGS NAS, ,GUS PA YIS NI GZUNG BAR BYA, ,SHEL GYI RNAM PA'I SEMS KYIS NI, ,DAG PA'I DNGOS POR BZA' BAR BYA, ,SNGON GYI MTSAN NYID DANG LDAN PA; ;DAG PA'I NGO BOR BSGOM PA NYID, ,DE NAS RTOG PA MI RTOG PA, ,BZA' DANG BZA' MIN MNYAM PA NYID, ,BTUNG DANG MI BTUNG RANG 'DOD DU'O, ,'KHOR BA'I PHA ROL RGAL 'DOD PAS; ;SNGON DU DBANG BSKUR DPA' BO RNAMS, ,'BAD PAS BRTUL ZHUGS GZUNG BAR BYA, ,RIM PA BZHIN DU ZLA BA LA, ,NYI MA 'AM NI LO DUS SU, ,BRTUL ZHUGS MTSAN NYID BZHI PA'O; ;YON TAN DE YI YONGS SU BZA', ,BCO LNGA DANG NI BCU BZHI DANG, ,KHYAD PAR DU NI TSES BRGYAD LA'O, ,BRTUL ZHUGS RIM PA 'DI NYID NI, ,NAN TAN GYIS NI GTOR MA SBYIN; ;DE YI LAS RNAMS THAMS CAD NI, ,YE SHES DE NYID 'BRAS BU SOGS, ,DE LTAR BDEN PA'I SNGAGS KUN GYIS, ,'GRUB PAR 'DI LA THE TSOM MED, ,BZA' SOGS
STON MO'I RNAL 'BYOR PAS, ,ZLA BA THA MA'I NYI MA BZUNG, ,RANG 'DOD CHOS NI RAB BRTAGS NA, ,THAMS CAD SNGAGS NI 'GRUB PAR 'GYUR, ,BRTUL ZHUGS LDAN PA NYIN RE 'AM, ,GAL TE MA 'BYOR PA NA YANG, ,DBYAR ZLA 'BRING PO'I THA MA NI, ,LO YI NYI MA GZUNG BAR BYA, ,MTSAN NYID JI LTAR GSUNGS PA BZHIN, ,SKYON MED SNGAGS KYIS SBYIN BYAS NAS, ,DE YIS DUS RNAMS THAMS CAD DU, ,DPAL DANG PHUN TSOGS BDUN NA GNAS, ,RNAL 'BYOR CHOS SOGS LA DGA' BAS, ,GNYIS MED GROGS MCHOG RAB LDAN PAS, ,DE YIS CHOS LA BSTEN NAS NI,, MCHOG GI GO 'PHANG BSGRUB PAR BYA, ,STONG NYID KYIS NI GZUGS 'JIG CING, ,BLANGS PA'I CHOS RNAMS ZAD PAR BYED, ,THAMS CAD SDOM PA NAM MKHA' NI, ,SHIN TU MNYAM PAR GZHAG PAS BSAM, ,THAMS CAD NAM MKHA'I GNAS SU NI, ,'O MA ZLA BA'I SA BON BSAM, ,'OD ZER 'BAR BA MANG PO NI, ,DKAR DANG KUNDA ZLA BA'I MDOG, A'A LI'I SA BON MCHOG GTZO BO, ,DBUGS MI G-YO PAS BSGOM PAR BYA, ,SKAD CIG RNAM PAR SBYOR BA YIS, ,YE SHES MKHA' 'GRO BDAG NYID NI, ,ZHAL GSUM PHYAG NI DRUG PA NYID, ,KHA DOG SNGON PO MNYAM PA'I 'OD, ,SEMS DPA'I SKYIL MO KRUNG GIS BZHUGS, ,NYI MA'I DKYIL 'KHOR GYIS BRGYAN PA, ,STENG DU RDO RJE COD PAN DANG, ,SANGS RGYAS LNGA YIS DBU LA BRGYAN, ,DGOD DANG KHRO DANG
, ,SGEG PA DANG, ,SPYAN GSUM GYIS NI RNAM PAR BRGYAN, ,SMAD G-YOGS GLANG CHEN PAGS PA DANG, ,MI YI PAGS PA RAB TU GSOL, ,MI YI YAN LAG LNGA RUS PA'I, ,RGYAN KUN GYIS NI RAB TU BRGYAN, ,SKRA YI RTZE MO RAB 'JAM ZHING, ,ME 'BAR BA DANG MNYAM PA'I 'OD, ,DANG PO'I PHYAG NA KHA tV'Am GA, GNYIS PA NA NI DGRA STA BSNAMS,, GSUM PA NA NI RDO RJE 'O, ,G-YON PA SDIGS MDZUB ZHAGS PA DANG, ,GNYIS PA THOD PA KHRAG GIS BKANG, ,RAL GRI'I PHYAG NI STENG DU 'O, ,RDO RJE 'OD ZER DRI MA MED, ,SANGS RGYAS SPRIN LTAR RAB 'PHRO BA, ,SA YI DBUS SU RNAM ROL BAR, ,DNGOS POS DNGOS PO BSGOM PAR BYA, ,'UG PA LCE SPYANG SENG GE DANG, ,STAG MO PHYOGS SU RNAM PAR BSGOM, ,BYA ROG CE SBYANG BYA RGOD DANG, ,TZA LI KA NI MTSAMS SU DGOD, ,'JIGS PA'I SGRA SGROGS MCHE BA GTZIGS, ,HA H'Um RNAM PAR 'JIGS PAR BYED, ,'DI LTAR MKHA' 'GRO RGYAL DBANG MA, ,BDAG NYID SEMS KYIS BSGOM PAR BYA, ,RANG GI DBUGS LAS PHYUNG NAS NI, ,GZUGS BRNYAN LA SOGS DGOD PAR BYA, ,RNAL 'BYOR PA YIS BRIS SKU SOGS, ,DE YI GNAS SU KUN TU BSAM, ,'DOD DANG GROL BA'I GO 'PHANG GNAS, ,GNYIS MED GTOR MA'I LHA NYID YIN, ,SBYOR BA'I SGO NAS SGRUB PA POS, ,'DI YI MCHOD PA'I CHO GA BSHAD, ,BZA' DANG
STON MO DE NYID DANG, ,GSANG BA'I MCHOD PAS RAB TU MCHOD, ,SNYING GA'I DKYIL 'KHOR DBUS GNAS PAR, ,SEMS KYIS H'Um GI SA BON LAS, ,DE YI GZUGS LA SOGS BSKYED PA, ,RDO RJE SEMS DPA'I BDAG NYID DGOD, ,BZA' BA LA SOGS KHYAD PAR NYID, ,DAG PA'I DNGOS POR BSGOMS NAS NI, ,SGRUB PA SHIN TU MNYAM GZHAG PAS, ,YUD TZAM GYIS NI SBYOR BA YIS, ,AOm HA HO HR'I:SV'AH'A, AOm GYIS 'BAR BAR BSAM PA DANG, ,HA YI RNAM PAS SO SOR RTOGS, ,SA BON HO YIS SNANG BAR BYAS, ,HR'I:YI RNAM PAS DRI MA SBYONG, ,LUS KYIS LHA NYID TSIM PA'I PHYIR, ,AA YI RNAM PAS RTOGS PAR BYA, ,SA BON LNGA YIS LHA NYID NI, ,SANGS RGYAS LNGA NYID MNGON PAR THIM, ,AOm DZAm GHRAm TR'Am H'Um AA SV'AH'A, BZA' BA LA SOGS KHYAD PAR NYID, ,SNGAGS 'DI YIS NI GZUNG BAR BYA, ,AOm GYIS RNAM PAS LUS DANG NI, ,DZAm GYIS RNAM PAR BZUNG BA DANG, ,GHRAm GYIS RNAM PAR LTO BA DANG, ,TR'Am GIS RNAM PAR DRI MED LUS, ,H'Um GI RNAM PAS SPYAD PAR BYA,, SEMS KYIS SNYING GAR YI GE AA, ,DE NYID RTAG TU MCHOD BYAS NA, ,RNAL 'BYOR PA YIS SDIG SBYANG BYA, ,DRI DANG MAR ME ME TOG DANG, ,LHA BSHOS DANG NI GTOR MA YIS, ,GLU YI DUS SU DBYANGS SNYAN DANG, ,PI WANG GLING BU LA SOGS SBYAR, ,RTAG TU DE DAG GES MCHOD CING, ,RDO RJE SEMS DPA' BDAG NYID BRJOD, ,'GRO DANG NYAL DANG 'DUG PA DANG, ,'CHAG
, ,DANG THAMS CAD DUS NYID DU, ,RTAG TU SEMS SHING SEMS DPA' YIS, ,RDO RJE SEMS DPA' BSAM PAR BYA, ,AOm AA MU H'Um SV'AH'A, YE SHES GZUGS BRNYAN SBYOR BA YIS, ,SA BON 'DI NI BZLAS BYAS NA, ,SDIG PA THAMS CAD THAG BSRINGS SHING, ,RANG 'DOD LAS NI 'GRUB PAR 'GYUR, ,'BYUNG BA LNGA LAS GYUR PA'I SDIG ,GANG GIS GSANG BA DBYE BYAS PA'ANG, ,RTAG TU BSGOM SHING BZLAS BYAS NA, ,SDIG PA KUN LAS GROL BAR 'GYUR, ,AOm KA RA KA RA PRADZNY'A MAH'A T'IKshA PANYTZA AOm BUDDHE HA, AOm KRO DHA H'Um H'Um H'Um, AA AA AA MU MU MU SV'AH'A, SNGAGS CHEN PO YI SA BON 'DI, ,SANGS RGYAS SEMS NI MDOR BSDUS PA'O, ,SKYON MED SBYOR BA'I SGRUB PA POS, ,THAMS CAD LDAN PA'I SA BON NI, ,MTSAN MO YI NI MTHA' NYID DANG, ,DANG POR RO HI TA DUS LA, ,NYA PHYIS SNOD DU CHU DANG NI, ,MA GA DHA NI SRANG GNYIS NYID, ,KUN NAS ZLA BA'I DKYIL 'KHOR BSAM, ,BDUD RTZI'I DBUS SU YANG DAG LDAN, ,BDUD RTZI BSAM PA'I THABS KYIS NI, ,SHIN TU MNYAM GZHAG RNAL 'BYOR PAS, ,LAN BDUN MNGON PAR SNGAGS BYAS PA'I, ,DE YI CHU NI BTUNG BYAS NA, ,SDIG PA THAMS CAD 'JIG PA DANG, ,YE SHES BDUD RTZI YE SHES SKU, ,YID GZHUNGS SHES RAB RNO BA DANG, ,RLUNG DANG GZI BRJID DPAL 'PHEL ZHING, ,KUN NAS SKAL LDAN DAG DANG NI, ,
THOS DANG SHES RAB NOR DANG NI, ,RLUNG MKHRIS DUG DANG BAD KAN DANG, ,'DUS DANG GLO SOGS KYIS GZER DANG, ,MIG DANG YAN LAG GZER BA NI, ,CHU 'DI YIS NI NAD KUN 'PHROG, AOm RA TA AA BRTA NI, SARBA P'A PAm HA RANTU MAm H'Um, PI KRi TA KRO DHA H'Um PHAt SV'AH'A, 'DI YI SNGAGS NI SNGAGS CHEN PO, ,SRUNG BA KUN GYI BLA NA MED, ,SNGON GYI DUS SU BZHAG BYAS NAS, ,RNAL 'BYOR LUS NI SRUNG BA 'O, ,LAN BDUN MNGON PAR BSNGAGS BYAS LA, ,GNAS LNGA RU NI LAN GSUM MO, ,SANGS RGYAS LNGA NI MNGON BSAMS NAS, ,SPYI BO'I STENG DU BSKUR BYAS NAS, ,RGYAL PO SENG GE DGRA SOGS DANG, ,RKUN MO DANG NI ME DANG CHU, ,RLUNG DANG MKHRIS PA LA SOGS NAD, ,'JIGS BYED 'JIGS PA 'JOMS PAR BYED, ,AOm BI MO HA NI SAm MO HA NI, SARBA PRI YE TI H'Um H'Um H'Um SV'AH'A, 'DI YI SNGAGS NI SNGAGS CHEN POS, ,'GRO KUN RMONGS PAR BYED PAR GSUNGS, ,MI BYAMS PA SKYED BYED CING, ,KUN NAS MDZA' BAR GYUR PA 'O, ,LAG PA G-YON PA YI NI CHU, ,SNGA DRO'I DUS SU KHA BKRUS NAS, ,RNAL 'BYOR PA NI GRUB 'DOD PA, ,DGOS PA THAMS CAD 'GRUB PAR 'GYUR, ,DE NAS SBYOR BA MCHOG TU BSHAD, ,SNYING PO LAS NI SNYING PO MCHOG, RDO RJE LA SOGS SGOM PAR BYA, ,GNYIS SU MED PAR MNYAM PAR 'DRES, ,YAN LAG 'DI YIS THA DAD SGOM, ,DUG MED PA YANG DUG GIS BSNUN, ,SHIN TU
, ,MI BZAD RMONGS PA YIS, ,RMONGS PA RNAL 'BYOR BDAG NYID 'JIGS, ,'BAD PAS CHOS KYI THABS KYIS NI, ,DAG PA'I LUS NI RNAM DAG BYED, DAG PA'I SGRON MA BLTAS PA YIS, ,NYON MONGS LA SOGS MUN PA 'JOMS, ,NAM MKHA'I RDO RJE RDO RJE LA, ,SEMS DANG SEMS NI RNAM PAR THIM, ,GCIG SOGS DNGOS PO SGOM PA NI, ,'DI YI RNAL 'BYOR MTSAN NYID DO, ,ME YI LHAG MA SOGS LHAG PA, ,DBUS DANG DBUS SU RNAM PAR 'TSER, ,DE YI 'OD KYIS NAM MKHA'I KHAMS, ,SHIN TU MNYAM PAR GZHAG PAS BLTA, ,SA BON 'DI YI MYU GU LAS, ,A'A LI K'A LI RNAM PAR 'BYUNG, ,SA BON SA BON RAB 'PHRO BA, ,NAM MKHA'I KHAMS SU YANG DAG GNAS, ,NYI MA'I DKYIL 'KHOR DBUS GNAS PA'I, ,RO LANGS MA YI DBUS SU BSAM, ,PADMA'I GDAN LA RNAM PAR BZHUGS, ,GDUGS DKAR PO YIS MNGON PAR G-YOGS, ,PHYAG GNYIS SEMS DPA'I SKYIL MO KRUNG, ,KHA DOG DMAR PO 'OD MNYAM PA, ,LCAGS KYU ZHAGS PA SDIGS MDZUB DANG, ,SPYAN GSUM GYIS NI RNAM PAR BRGYAN, ,SGEG PA'I NYAMS KYIS BLTA BA DANG,, NA BZA' DMAR PO MNGON PAR G-YOGS, ,MCHOG GI SEMS DANG SEMS PA LA, ,BDUD RTZI'I YI GE RNAM PAR BSAM, ,LCAGS KYU'I RTZE MOR YI GE KshUm, ,BZLAS SHING 'DI
YIS DRANG BAR BYA, ,GZUGS BRNYAN GYIS NI YID BSKYOD CING, ,RANG GI DBUGS KYIS DGAS PAR BYA, ,AOm R'A GA RA R'A GA TA BHA TI H'Um KshUm SV'AH'A, LCAGS KYU'I SNGAGS DANG PHYAG RGYA YIS, , RNAL 'BYOR PA YIS 'DOD BZHIN DRANG, ,RMONGS CHEN SHIN TU RMONGS PA NI, ,MNYAM PAR GZHAG NAS RAB TU BSGRUB, ,GDAN BZHI PA YI RGYUD KYIS NI, ,SBYOR BA'I GDAN GYIS GSUM PA LAS, ,GRUB PA'I SNYING PO BSDUS PA NI, ,MDOR BSDUS NAS NI BSDUS PA 'O, ,DE NAS YE SHES LUS LA NI, ,SHIN TU MNYAM GZHAG RNAL 'BYOR PAS, ,BZA' DANG BZA' BA'I BSAM PA YIS, ,SBYANG DANG RTOGS PA SPYAN PAR BYA, ,DNGOS PO RMAD PA MA YIN ZHING, ,GANG YANG BRTAG PAR MI BYA 'O, ,MTHO DANG DMA' BA'I RIGS LA SOGS, ,MNYAM NYID LHA NI LNGA PA 'O, ,GANG ZHIG SKYE BA PO SOGS PA, ,SEMS KYIS GNOD PAR MI BYA 'O, ,GAL TE GNOD PA BYED SEMS NA, ,RNAL 'BYOR SDOM PA RING BAR 'GYUR, ,GANG ZHIG CHE DANG PHRA BA YI,, GZHAN RDZAS RANG GIR BYED PA YI, ,RKU BA'I SEMS NI MI BYA 'O, ,RNAL 'BYOR SDOM PA RING BA NYID, ,RDZUN DANG TSIG RTZUB PHRA MA DANG, ,'KHYAL PA'I NGAG NI RING DU SPANG, ,GZHAN GYI SEMS LA GNOD BYAS PAS, ,RNAL 'BYOR SDOM PA RING BA NYID, ,DON DANG LING GA RAB SBYOR BAS, ,SBYOR BA'I CHOS KYI SNYING PO NYID, ,RMONGS PAS LOG DKRIS NGAG SOGS
, ,KYIS, ,DE YI RAB SBYOR SMOD PA NYID, ,LEGS PAR BYAS PA'I LAS KYIS NI, ,BDE BA BSKYED PA'I LUS KYIS NI, ,SEMS CAN BDE BA LHUR LEN PAS, , THEG PA CHE LA LEGS PAR BSLABS, ,GAL TE SEMS CAN GNOD SOGS PA'I, ,MI DGA' BA YI TSIG MI SMRA, ,SDIG PA'I LAS NI MI BYA ZHING, ,RNAL 'BYOR GTZUG LAG MI SMAD DO, ,RNAL 'BYOR 'DOD DGA' MA YIN ZHING, ,RMONGS PAS RGYAGS BAR MI BYA 'O, ,PHYAG RGYA 'CHING BAR RAB SBYOR BAR, ,RANG 'DOD KYIS NI BSTEN PAR BYA, ,BSTEN CING BSTEN PA'I RAB SBYOR BAS, ,LHA NYID TSIM ZHING BSGRUB PAR BYA, ,SEMS CAN DON GYI NGO BO YIS, ,SEMS CAN BDE BAS PHAN 'DOGS BYED, ,THEG PA CHEN PO'I 'BRAS BU CHE, ,'DI YI LAM GYIS BSTEN PAR BYA, ,GANG DANG GANG DU RAB SBYOR BAS, ,DE DANG DER NI PHAN PAS BDE, ,SEMS CAN SDOM PA LA SOGS PAS, ,DE YI SEMS NI GNOD MI BYA, ,'KHOR PAR SKYES PA'I DUS NA NI, ,THABS DANG SHES RAB YANG DAG LDAN, ,DNGOS PO DNGOS MED BYED PA DANG, ,SEMS CAN DON NI A'A LIR BSGYUR, ,PHYAG RGYA BZHI DANG LDAN PA'I RGYA, ,GSANG BA'I GSANG BA BCINGS PA YIS, ,DE YIS DBUS SU BDUD RTZI NI, ,SKYE ZHING MYU GU 'BYUNG BA'O, ,'DAB MA GSUM DANG KUN LDAN PA'I, ,A'A LI MCHOG NI MTHA' MED DO, ,GZHAN
YANG BDUD RTZI MCHOG NYID NI, ,PHYI ROL KUN GYI SNYING PO NYID, ,BDUD RTZI YID 'ONG SKAL LDAN ZHING, ,SEMS CAN LA NI SNYAN PAR STON, ,SANGS RGYAS LNGA YI KUN GYI LUS, ,BTZOM GSER LTAR 'BAR BA'O, ,COD PAN BCINGS SHING 'PHYAR BA DANG, ,PHYAG BZHI YIS NI RNAM PAR SPRAS, ,DGOD DANG SGEG PA'I NYAMS DANG NI, ,RGYAN KUN GYIS NI RNAM PAR BRGYAN, ,STENG DU RDO RJE LCAGS KYU DANG, ,GNYIS PA RDO RJE ZHAGS PA 'O, ,G-YON PA RDO RJE DRIL BU DANG, ,GSUM PA LCAGS SGROGS 'CHING BA YIS, ,PHYAG BZHI PO YI PHYAG RGYA NI, ,GSANG BA GSANG SOGS 'CHING BA DANG, ,LUS DANG KHA DOG 'BAR BA RU, ,SNANG BA MTHA' YAS MNYAM PAR GZHAG, HA YI RNAM PA'I SA BON NI, ,YI GE MCHOG GI DGA' BAR BYED, ,HO YI RNAM PAS LUS DANG LUS, , RNAM SNANG MNGA' BDAG LHA NYID DO, ,SEMS DANG SEMS PA BSGOMS PAS NI, ,LHA NYID DU NI YONGS SU GRAGS, ,THAMS CAD LUS DANG LUS CAN GYI, ,SROG DANG SEMS NI 'PHROG PA'O; ;HR'I: YI RNAM PA'I SA BON NI, ,PHYAG NA RDO RJE STOBS PO CHE, ,AOm GYI RNAM PA GSAL BAR 'GRO, ,KUN NAS SEMS NI RTOGS MDZAD PA'O, ,AA YI RNAM PA DES TSIM BYED, , BLO DANG LDAN PAS YONGS SU BSTAN, ,BDUD RTZI CHU YI LHA MO NI, ,DE YI SHES BYA RTOGS PA 'O, ,BDUD RTZI GANG GIS MYANG BA YIS, ,BDUD RTZI YI NI 'BRAS BU THOB, ,DE BZHIN GSHEGS
, ,DGES LHA MO NI, ,GZUGS MDZES MCHOG TU YID 'ONG BA'O, ,SANGS RGYAS KUN GYI RNAM PA YIS, ,PHYAG RGYA BZHI PA BCING BAR BYA, ,RNAL 'BYOR PA NI SGRUB 'DOD NA, ,GNYIS NI GNYIS SU MED PAR BSGOM, ,GNYIS NI DNGOS PO DNGOS MED PAS, ,YE SHES LDAN PAS YONGS SU GSAL, ,NGA RGYAL CHEN POS BCINGS BA NI, ,SPROS PA'I SEMS DANG LDAN PAS BCINGS, ,SGEG DANG KHRO DANG TSUL GYIS NI, ,LHA MO 'I SNYING PO NYID DU THIM, ,NYI MA'I LAG PA'I GDAN LA NI, ZLA BA'I LAG PAS REG BYAS LA, ,DE YIS 'KHYUD CING 'KHYUD NAS NI, ,LHA MO'I YE SHES NYID DU THIM, ,LTO BA'I YE SHES ME YI LHA, ,DE YIS GNAS SU TSIM PAR BYA, ,SHES RAB THABS LA THIM PA YIS, ,GNYIS MED SBYOR BAS TSIM PAR BYA, ,AOm HA HO HR'I: AA, SA BON CHEN PO'I SA BON NI, ,'DI YIS SA BON BSAM PAR BYA, ,RIM PA 'DI YIS MCHOD PA NI, ,SMAN GYI RGYUR NI MA YIN NO, ,LHA MO BKRES DANG SDUG BSNGAL 'PHROG ,SGEG CING SNYAN PAR SMRA BA DANG, ,NGA RGYAL MED PA'I NGA RGYAL BYED, ,BRTZON MED PA YI BRTZON 'GRUS BCAS, ,KUN NAS SKAL LDAN LHA MOS NI, , RMONGS BYED 'JIGS DANG 'GUGS PAR BYED, ,YID MI GZHUNGS DANG NGO TSA 'JIGS [?], ,LHA MO SNYAN MAS 'JOMS PAR BYED, ,DE LTAR YON TAN LHA MO LDAN, ,YID 'ONG BDUD RTZI
SNYAN PA MO, ,'DOD DANG THAR PA'I GO 'PHANG GNAS, ,GANG ZHIG LHA MO 'DI YI LAM, ,CHU [?] SKYAR NE TZO GTAM DANG NI, ,SGEG DANG GAR NI LNGA LDAN PA'O, ,LHA MIN BRTZON 'GRUS BDUN PA STE, ,DRAN PA NYAMS BYED BRGYAD PA 'O, ,LHA MO PHO NYA BRGYAD KYI LAS, ,MYUR DU SEMS NI 'PHROG PA 'O, ,RNAL 'BYOR PA YI BDAG NYID SEMS, ,'DOD PA'I SEMS KYIS RNAM PAR BYED, ,JI LTAR GSUNGS PA'I MTSAN NYID KYIS, ,'BAD PAS THANG GA SNA TSOGS DGRAM, ,PADMA'I GDAN LA BZHUGS BA NI, ,NYI MA'I DKYIL 'KHOR GYIS BRGYAN PAR, ,KUN NAS PHO NYA BRGYAD PA NI,, BUD MED GZUGS SU DE YI TSUL, ,PHYOGS KYI MDOG DANG MDOG TU'O, ,GZUGS MDZES YON TAN LDAN PA YI, ,DUNG CHEN LA SOGS LAG PA NA, ,GNAS DANG GNAS LA BDUD RTZI'I CHU; ;SHA LNGA YI NI SNOD LA SOGS, ,BZA' DANG STON MOS NYE BAR MDZES, ,DE YI GZUGS BRNYAN MDUN DU NI, ,MKHAS PA YIS NI BSGRUB PAR BYA, ,ME TOG SPOS DANG DRI LA SOGS,, GNYIS MED GTOR MAR YANG DAG LDAN, ,DANG PO RE ZHIG DAM TSIG GI, PHYAG RGYAL SOGS BCING BAR BYA, ,ZLA BA'I LAG PA RAB BRKYANG NAS, ,RNAM SHES BYED PAR KUN TU LDAN, ,AOm HI LI HI LI H'Um PHAt, DAM TSIG SNGAGS DANG PHYAG RGYA YIS, ,MCHOD PA'I LAS LA RAB TU SBYAR, ,AOm AA MRi TA KUndA LI HA HO HR'I: AA SV'AH'A, NYE BAR SPYOD PA'I SNGAGS
, ,DANG, PHYAG RGYA'O, ,NYI MA'I LAG PA'I GDAN LA NI, ,ZLA BA'I LAG PA KUN SBYAR LA, ,SNYING PO'I SNYING DANG PHYAG RGYA YIS, ,RANG 'DOD LAS NI RAB TU BYED, ,'BUM PHRAG GCIG ZLOS RNAL 'BYOR PAS, ,SNGON DU BSNYEN PA LA SOGS BYA, ,PHYIS NI ME LA SOGS PA'I LAS, ,GNYIS MED GTOR MA'I LAS KYIS SO, ,ME THAB KHA RAN GSUM PAR NI, ,SNANG BYED SHING NI RAB SBAR LA, ,LHA MO'I ME TOG RGYAS PA NI, ,SBRANG RTZIS BSKU ZHING SBYAR BYAS LA, ,BDUD RTZI'I CHU DANG KUN NAS BSRE, ,GANG GI MING NAS YANG DAG BZUNG, ,BRGYAD BRGYA RU NI BSREG BYAS NAS, ,NGES PAR DBANG DU 'GYUR BA'O, ,ME YI LHA SOGS THAL BA DANG, ,BDAG NYID KHU BA LAN LNGA RU, ,BDUD RTZI DBUS SU SBYIN BYAS NA, ,BDAG NYID 'DOD BZHIN DBANG DU BYED, ,SMYO BYED SBRUL NI LNGA PA DANG, ,AU DZA'I SHING NI CHA MNYAM PA, ,BDUD RTZIR LDAN PAR BYIN BYAS NA, ,MYUR DU SMYO BAR 'GYUR BA'O, ,NIM PA LA SOGS RTZE MO LA, ,MKHAS PA YIS NI BSGRUB PAR BYA, ,ME TOG BDUG PA DRI SOGS DANG, ,GNYIS MED GTOR MA'I LAS KYIS NI, ,AARGA DKAR PO'I RTZA BA LAS, ,'BAD PAS ME NI RAB TU SBAR, ,PADMO ZHIB MO PHYE MA NI, ,'O MA DANG NI BDUD RTZIS BSKU, ,BRGYAD BRGYA RU SREG BYAS PA YI, ,LHAG MA'I THAL BA BGOS PA'O, ,TZI TRA KA YI RTZA BA'I CHUS, ,LAN BDUN BGOS LA GRIB MAR BSKAM, ,MCHOD
PA'I DUS SU RNAL 'BYOR PAS, ,DE YI THAL BA BDUD RTZI CHUS, ,MYUR BA NYID DU BGOS PA NI, ,KHA BA KUNDA 'O MA RU, ,LUS NI RMONGS PA'I GZUGS DANG NI, ,SHIN TU RMONGS SHING RMONGS PA'I DRI, ,PHO NYA BRGYAD KYI LHA MO NI, ,STOBS DANG GZI BRJID DON MED PA'O, ,RNAM RTOG RMONGS PA'I SEMS CAN LA, ,'DI YI LAS KYIS RAB TU SBYAR, ,RMONGS PA SPANGS PA'I RNAL 'BYOR PAS, ,'GRO BA MYUR DU RTOGS PAR 'GYUR, ,'DI YI PHYE MAR BLANGS BYAS LA, ,DZ'A TI MAR KHU LAN GSUM SPANG, ,BDUD RTZI MCHOD PA'I DUS DU NI, ,THAL BA LHAN CIG BSRES BYAS NAS, ,THIG LE LCE YIS MYANGS PA YIS, ,PHO NYA BRGYAD KYIS 'DZIN PAR 'GYUR, ,PHO NYA'I MTSAN MA YONGS RDZOGS PA, ,SMYO ZHING RGYAGS SHING RGYAGS PA 'O, ,SMYO BYED SHING NI YANG DAG BLANG, ,'BAD PAS ME NI RAB SBAR LA, , ME TOG SPRANG RTZI BDUD RTZIR LDAN, ,BRGYA BRGYA RU NI BSREG PAR BYA, ,DE YI THAL BA BLANG NAS NI, ,RAB TU SBYOR BA LA SOGS BYA, ,BDUD RTZI BSKYED PA'I GNAS SU NI, ,THAL BA DE YIS BYUGS BYAS NA, ,CHU YI MDOG NI GZHAN DU DANG, ,DE YI RO NI GZHAN DU 'GYUR, ,SBRANG RTZI 'O MAR LDAN PA YIS, ,DE GZUGS SDU MA BZHIN DU 'GYUR, ,DE YI THAL BA BLANGS BYAS LA,, SKU GSUM PA YI CHA DANG BSRE, ,BDUD RTZI YI NI CHA BDUN DANG, ,MA RU RTZE YI CHA BRGYAD NI, ,MCHOD PA'I DUS SU CHANG LA NI, ,DE YI THAL BA BLUGS BYAS NA, ,GANG LA BYIN PA TZAM
, ,GYIS NA, ,BDUD RTZI KUN NAS RANG 'DOD RIG, GANG DANG GANG GI LAM GYIS NI, ,DE DANG DE YI RMONGS PA RNAMS, ,SEMS CAN DON DU RMONGS BSAL PHYIR, ,RTAG TU LAM NAm BSTAN PAR BYA, ,GZHAN GYI DON LA BRTZON PAR BYA, ,RANG GI 'DOD 'DI BSDUS PA 'O, ,SMAN DANG SNGAGS KYI SBYOR BA YANG, ,SHES RAB SMAN LA SOGS PAS DMAN, ,GDAN BZHI PA YI RGYUD KYIS NI, ,GSUM PA GTOR MA'I LAS KYI NI, ,DNGOS GRUB SNYING PO BTUS PA NI, ,DE YI DNGOS PO BSDUS PA 'O, ,SNGAGS SGRUB PA YI DON DU NI, ,GZUGS BRNYAN RAB TU SBYAR BAR BYA; ;MCHOG GI GZUGS BRNYAN RAB SBYAR BAS, ,BYIN GYIS BRLABS KYIS RIM PAS BSGRUB, ,ZHI DANG RGYAS DANG DBANG DANG NI, ,GSAD DANG BSKRAD DANG DBYE BA NI, ,GZUGS BRNYAN GYIS NI THAMS CAD 'GRUB, ,GZUGS BRNYAN MTSAN NYID LDAN PAR BYA, ,SNGON DU RAS KYI MTSAN NYID DANG, ,GNYIS PA TA LA'I MTSAN NYID DANG, ,GSUM PA KHA DOG RIM PA DANG, , BZHI PA GTOR MA SBYIN SREG NYID, ,GLENG GZHI RANG 'DOD BSKYED NAS NI, ,MA NYAMS KHA TSAR YANG DAG LDAN, ,STENG 'OG LA SOGS RAB RGYAS PA, ,RAS LA ZHI BA'I RI MO BRI, ,MA LHUNG BA YI YI DVAGS GOS, ,MA NYAMS KHA TSAR BGO BAR BYA, ,TSON GYIS MA PHOG CHA LA NI, ,RGYAS PA YI NI MTSAN NYID DO, ,YI DVAGS MO YI DMAR PO'I RAS, ,MA LHUNG BAR NI RAB TU SPYAD, ,TSON GYIS
MA PHOG RAB SBYAR BA, ,DBANG NYID DU NI YONGS SU GRAGS, ,RA NAG PO YI PAGS PA DANG, ,BA LANG RTA SOGS GZHAN DAG LA, ,GNAG CING DRAG SOGS PA YI LAS, ,MNGON SPYOD LAS KYI MTSAN NYID NGO,, DE YI MNAN PA'I GNAS SU NI, ,THIG GI MTSAN NYID GDAB PAR BYA, ,CHA GSUM DU NI RAB TU BGO, GCIG NI 'OG TU DOR BAR BYA, ,CHA GNYIS LNGA PA'I STENG DU 'O, ,GSUM PA GSUNGS PA'I THIG NYID NI, ,TSANGS PA'I RI MO DBYUG PA NI, ,CHA LNGA PA NI BDUN DU 'O, ,LUS NI CHA GSUM NYID DU 'DOD, ,ZHI DANG YAN LAG MNYAM PA 'O, ,ZHAL NI BCU GNYIS CHA NYID DO, ,MGRIN PA LA NI SOR BZHI 'O, ,MGO DANG SKRA LA'ANG DE NYID DO, ,RNA BA NYID KYANG DE YI TSAD, ,ZHAL GYI CHA NI GSUM PA NYID, ,DPRAL BA LKOG MA SNA NYID DO, ,SMIN MA'I MTHA' NI RNA BA'I LTAG, MIG NI SOR GNYIS PA YI TSAD, ,BUG PA SOR MO BZHI PA 'O, ,DE NI MIG GI MTSAN NYID DO, ,MGRIN PA'I MTHA' YI DBUS SU NI, ,BRANG GI CHA NI GNYIS KYIS MNAN, ,SNYING GA'I GNAS DANG LTE BAR NI, ,MNAN CING KUN TU MNAN PA 'O, ,NU MA'I MTHAR NI MNAN BCAS PA, ,BRANG DU NU MA GNYIS MNAN LA, ,LAG PA GNYIS KAS MNAN PA NI, ,LAG GNYIS KUN TU GNON PA 'O, ,SOR BZHI PA DANG LDAN PA NI; ;BRLA DANG RDZA NGAR KUN TU LDAN,, PUS MO GNYIS LA SOR BZHI 'O, ,RKANG PA'I TSAD KYANG DE BZHIN NO, ,BCU GNYIS TA LA'I TSAD KYIS NI, ,LHA YI GZUGS NI RI MOR DRI, ,LHAG PA'I SOR MO
, ,BZHI PO NI, ,LHA BRGYAD KYI NI GDAN DU 'O, ,DGU PA YI NI GDAN NYID NI, ,SOR MO GNYIS SU BSHAD PA'O, ,DBUS KYI ZLA BA'I DKYIL 'KHOR NI, ,KUN NAS NA BZA'I 'OD ZER SOGS, ,RAB ZAB RDO RJE'I LHA NYID NI, ,TA LA BCU GNYIS KYI NI TSAD, ,'OG MA'I CHA DANG CHA SOGS DANG, ,NYE BAR MDZES SOGS RE MO BRI, ,STENG GI LHAG PA'I CHA LA NI, ,RIGS NI LNGA PA BSTAN PA'O, ,LAS KYI MDOG SOGS MDOG TU NI, ,'DOD BZHIN LHA NYID BSGRUB PAR BYA, ,GZUGS BRNYAN RAB TU SBYOR BA NI, ,BCU GNYIS TA LA'I RNAM PA'O, ,DE YI TA LA'I TSAD LA NI, ,PHYAG GNYIS KUN NAS BKUG PA NI, ,SOR MO GNYIS NI RAB DOR LA, ,ZHI BA'I LHA YI RNAM PA'O, ,DE YI TA LAS ZHAL BZHIN BYA, ,GSUS KHYIM CHE ZHING CHE BA NYID, ,KUN NAS TSIGS DANG TSIGS NYID NI, ,SOR MO GNYIS NI DOR BAR BYA, ,KHRO BO KHRO MO DBANG PHYUG MA, ,PHRAN PHO BRAN MO MNGAG GZHUG NI, ,DRAG PO 'JIGS SU RUNG BA'I GZUGS, ,TA LA BCUR NI BRI BA'O, , DKYIL 'KHOR SGRUB PAR 'DOD PA YIS, ,MCHOD PA'I LHA MO MNGON PAR LDAN, ,RAS KYI BRGYAD KYI CHA NYID NI, ,TA LA'I STENG DU DOR BAR BYA, ,DKYIL 'KHOR LHA MO'I RIM PA NI, ,RIM DANG RIM BZHIN SBYAR BAR BYA, ,DBUS SU MNGA' BDAG RDO RJE'I LHA, ,GCIG PA'I MTSAN NYID RNAM PAR BRI, ,MGRIN PA KOS KO ZHABS NYID NI, ,DE GSUM RING NA NYES SKYON NO, ,SNGAGS PA
NGES PAR BDAG NYID NI, ,SKROD DANG GNAS NI BRLAG PA'O, ,SHANGS DANG SNYAN DANG SOR MO NI, ,DE GSUM THUNG BA'I NYES PA NI, ,NGES PAR DNGOS GRUB BRLAG PA DANG, ,DE YI DPAL YANG RING BA NYID, ,RJE NGAR ZHABS DANG MKHUR TSOS NI, ,DE GSUM SBOM PA NYES PA CHE, ,NGAS PAR SGRUB PO'I BDAG NYID NI, ,BDUD DANG BGEGS DANG DPAL RING NGO, ,'GRAM PA BRANG DANG RTZIBS LOGS NI, ,DE GSUM DMA' NA SKYON CHE 'O, ,YUN MI RING BA MYUR DU NI, ,NOR NI BRLAG PAR 'GYUR BA 'O, ,NU MA RNA BA DPRAL BA NI, ,DE GSUM YON SKYON CHE 'O, ,'THAB MO DANG NI DGRAS 'TSE BAR, ,MYUR DU SGRUB PO 'GYUR PA'O, ,BRANG DANG LUS DANG BRLA GNYIS NI, ,DE GSUM DMA' NA SKYON CHE 'O, ,DGRAS NI 'JIGS PAR 'GYUR BA DANG, ,'CHI BAR YANG NI THE TSOM MED, ,SNA ZHOM MIG NI YO BA DANG, ,RNA BA MCHU DANG DPRAL BA NI, ,BGEGS DANG BDUD DANG MES 'JIGS SHING, ,DNGOS GRUB RING BAR 'GYUR BA NYID, ,GYEN DU LTA BA'I DBUGS DANG NI, ,GDAN NI G-YO ZHING THA DAD PA, ,BRANG DANG MGRIN PA YAN LAG NI, ,NYES SKYON GRANGS NI MED PAR GRAGS, ,'OD ZER YO ZHING THA DANG DANG, ,PHYAG RGYA PHYAG MTSAN NOR BAS NI, ,MYA NGAN GDUNG BAS SDUG BSNGAL BAR, ,SGRUB PO'I GZUGS BRNYAN NYES SKYON NO, ,RGYAB YOL GDUGS DANG GDAN RNAMS NI, ,RNAM GSUM DOG PA'I NYES PA NI, ,'CHI ZHING DPAL NYAMS BRLAG PA DANG, ,MI MDZA' MDZA' BA 'JOMS PA'O, ,DE LTAR NYES PA'I
, ,SKYON CHEN POS, ,DUL ZHING DUL LA BZOD PA DANG, ,SEMS NI SHIN TU MNYAM BZHAG PAS, ,RNAM PAR BRTAG CING RAB TU DPYOD, ,MTSAN NYID THAMS CAD YONGS RDZOGS SHING, ,MDZES PA'I TSUL GYIS MCHOD PAR BSTAN, ,SNGAGS GRUB RGYU YI DON DANG NI, ,DBANG DANG DGUG PA YI NI LHA, ,ZHI BA LA NI ZHI BA'I TSUL, ,DRAG LA DRAG CING 'JIGS SU RUNG,, DPA' ZHING DPA' BA'I NGA RGYAL GYIS, ,DGOD CING KHRO DANG SGEG PA DANG, ,KHRO BO'I GZUGS KYI TSUL DANG NI, ,BRAN DANG BRAN MO'I RNAM PAR SPRUL, ,LAS KYIS GNAS DANG GNAS NYID DU, ,BDAG NYID KYI NI KHA DOG BSGYUR, ,DE LTAR MTSAN NYID MTSON PA YIS, ,DNGOS GRUB MYUR DU RDZOGS PA DANG, ,RNAL 'BYOR PA YI 'DOD PA LAS, ,SNGAGS PAS THANG GA'I RI MO BRI, ,NA MA:SA MANTA BU DDHA N'Am; SAm BO DHA NI, BI SHU DDH'A, NA MA:SARBA BHI GA HA RE NAMTU H'Um H'Um H'Um PHAt PHAt SV'A H'A, SNGAGS PA YIS NI SNGAGS 'DI YIS, ,RAS DANG SKUD PA BKRU BA'O, ,THAMS CAD LAS KYI SNGAGS KYIS NI, , SANGS RGYAS LNGA YI BYIN GYIS BRLABS, ,GZUGS BRNYAN SO SOR RAB SBYOR BAS, ,SGRUB POS THANG KA BSGRUB PAR BYA, ,GZUGS BRNYAN 'GRUB PA'I RGYU RU NI, ,SBYIN SREG PHYAG RGYA SNGAGS BYA'O, , YI DVAGS KYI NI GOS BLANGS LA, ,GTOR MA LA SOGS LDAN PA YI, ,NAN TAN GYIS NI THANG KA BRGYAD, ,THIG SKUD KYIS NI RI MO BYA, ,PADMA'I GDAN LA BZHUGS PA NI, ,ZLA BA'I DKYIL 'KHOR
DBUS GNAS PAR, ,SEMS DPA'I SKYIL MO KRUNG GIS BZHUGS, ,PHYAG GNYIS PA LA THANG GA MDZES, ,RDO RJE COD PAN THON KA'I RTZE, ,SANGS RGYAS LNGA YIS RNAM PAR BRGYAN, ,RGYAN RNAMS KUN GYIS BRGYAN PA'I SKU, ,DAR GYIS DKRI ZHING RNAM PAR 'PHYANG, ,RDO RJE PHYAG GIS GSOR MDZAD CING, ,SNYING GAR GNON PA MCHOG TU BRTZON, ,G-YON PAR DRIL BU MNGON LDAN PAS, ,RKED PA'I MTSAMS SU RNAM PAR GNON, ,BTZO MA GSER GYI KHA DOG DANG, ,SGEG CING SHIN TU BZHAD PA'I ZHAL, ,RDO RJE DKYIL 'KHOR LA BRTEN PAR, ,KHRO BO'I 'OD ZER RNAM PAR SPRO, ,DKAR DANG ZLA BA KUNDA'I MDOG, LHA MO GSANG BA'I SNOD MDZAD CING, ,RKANG PAS 'KHYUD PAS THAL MO SBYAR, ,PHYAG GNYIS KYIS NI MGRIN PAR 'KHYUD, ,TSEMS KYIS MA MCHU BRTZIR NAS NI, ,MYOS PAS KHRO BO MCHOG GI STE, ,RGYAN RNAMS KYIS NI BRGYAN PA'I SKU, ,CHAGS PA'I GOS DKAR BSNAMS PA NYID, ,PA SBU NAS NI RDO RJE 'PHRO, ,GDUGS DKAR PO YIS MNGON G-YOGS PA'I, ,'DI LTAR RDO RJE DBANG PHYUG RGYAL, ,PADMA'I LUS CAN RDO RJE 'DZIN, ,RDO RJE SHAR GYI CHA RU NI, ,MI GZUGS RI MOR BRIS PA NI, ,GZUGS KUN LA SOGS RAB RGYAS PA'O, ,GNOD SBYIN MO NI RGYAL DBANG 'DI, ,RIN CHEN GDAN LA BZHUGS PA NI, ,RGYAN KUN GYIS NI RNAM PAR BRGYAN, ,PHYAG NA GTOR MA'I SNOD SOGS PA, ,PHYOGS KYI MDOG TU BTZO BAR BYA, ,DNGOS GRUB KUN STER LHA MO NI, ,LUS NGAN GYI NI SRING MO'O, ,PHYAG 'TSAL TSUL GYIS 'DUD PA NI, ,LHA MO SGRUB
, ,PA'I MTSAN NYID DO, ,RDO RJE BYANG GI CHA LA NI, ,LHA MO SNYAN PAR SMRA BA NI, ,DE LTAR RDO RJE DBANG PHYUG RGYAL, ,PADMA'I LUS CAN YE SHES 'DZIN, ,SNYAN PA'I GSER BTZO MA YI MDOG, BZANG PO'I GDAN LA BZHUGS PA NI, ,RGYAN RNAMS KUN GYIS RNAM PAR BRGYAN, ,GNYIS KYI PHYAG NA BDUD RTZI'I SNOD, ,SGEG PA'I NYAMS KYI LTA BA RU, ,MKHAS PA YIS NI BRI BAR BYA,, YE SHES NUB KYI CHA LA NI, ,LHA MO SNYAN PA'I DBANG PHYUG MA, ,BTZOM GSER GYI MDOG DANG NI, ,RGYAN RNAMS KUN GYIS RNAM PAR BRGYAN, ,THAMS CAD MTSAN NYID YONGS RDZOGS PA'I, ,LHA MO GZHON NU GRUB PA NI, ,LCAGS KYU LNGA SOGS SNOD KYIS NI, ,GNYIS PA'I PHYAG NI RNAM PAR BRGYAN, ,RDO RJE LHO YI CHA RU NI, ,'BYUNG MO'I MING NI SKA RAGS CAN, ,SKU MDOG SNGON MO GZUGS MDZES PA'I, ,RGYAN KUN GYIS NI RNAM PAR BRGYAN, ,BDUD RTZI'I BUM PA PHYAG GNYIS NA, ,GZHAN GYI SGEG PA'I YAN LAG DANG, ,GSHIN RJE YI NI SRING MO NYID, ,DNGOS GRUB KUN STER LHA MO NI, ,THAMS CAD KUN LA GZUGS MDZES PAR, ,RNAM PAR BRTAG TE RI MOR BRI, ,RDO RJE DRIL SOGS RI PAR YANG, ,DBANG LDAN LA SOGS RIM PAR SBYAR, ,PHYAG GNYIS SEMS DPA'I SKYIL MO KRUNG, ,PHYAG NI PHYAG RGYA MTSAN MA SOGS, ,DE LTAR RDO RJE DBANG PHYUG RGYAL, ,ROL PA'I 'KHOR LO BSAM PAR BYA, ,LHA RNAMS DMIGS BA DANG BCAS PA, ,SNGAGS DANG PHYAG RGYA GTOR MAS MCHOD, ,AOm SARBA
SIDDHI KU RU H'Um, NYE BAR SPYOD PA'I SNGAGS SO, ,AOm BDZRA H'Um PHAt, NYI MA'I LAG PA RAB BRKYANG NAS, ,YE SHES KYI NI PADMA MNAN, ,DAM TSIG SNGAGS DANG PHYAG RGYA'O, ,DE YI SNGAGS DANG PHYAG RGYA YIS, ,YAN LAG DRUG TU BSRUNG BAR BYA, ,YE SHES KHU TSUR GNYIS BCINGS NAS, ,DKAR PO DANG NI SA GDUGS SGRENG, ,'KHYIL PAR SA GDUGS 'KHYUD BYAS LA, ,DKAR PO'I LCAGS KYUS SPYAN DRANG NGO, ,AOm BDZRA AAm KU SHA DZA: PHYAG RGYA DE NYID BRTAN BCINGS LA, DKAR PO DANG NI GI WANG SBREL, ,ZHAGS PA'I DAM TSIG PHYAG RGYA YI, ,KUN NAS LHA MO BZHUGS PAR LDAN, ,AOm BDZRA P'A SHA H'Um, PHYAG RGYA DE NYID DAM BCINGS NAS, ,RGYAB DANG RGYAB TU SBYAR BAR BYA, ,GSANG ZHING GSANG BA'I LCAGS SGROG GIS, ,LHA RNAMS KUN NAS MNYES PAR BYA, ,KHU TSUR DE NYID DAM BCINGS NAS, ,RGYAB DANG RGYAB TU YANG DAG LDAN, ,SA GDUGS PADMA SBREL BYAS LA, ,KUN NAS LHA NYID TSIM BYED PA'O, ,SPOS KYI PHYAG GNYIS RAB LDAN PAS, ,SOR MO GNYIS KA SGRENG BYAS LA, ,ZLA BA NYI MAR BZHUGS BYAS LA, ,SNYING RJE CHEN PO'I PHYAG RGYA'O, ,AOm SU RA TA BDZRA H'Um DZA, KHU TSUR GNYIS NI BCINGS BYAS LA, ,NYI MA'I STENG DU KHA SBYAR LA, ,SHAR GYI PHYOGS KYI LHA MO NI, ,SNYING PO SNGAGS DANG PHYAG RGYA'O, ,AOm SHRI YE BA TI H'Um PHU SR'A H'A, PHYAG RGYA DE NYID DAM BCINGS TE, ,YE SHES DANG NI RNAM SHES SGRENG, ,AOm SU RTI MA [?] H'Um PHU SV'A H'A, BYANG GI PHYOGS KYI LHA MO NI, ,SNYING PO SNGAGS DANG PHYAG RGYA'O, ,PHYAG RGYA DE NYID DAM BCINGS NAS, ,DKAR PO DANG NI GI WANG SGRENG, ,AOm SU RU SU RU MA DU RE H'Um PHU
, ,SV'A H'A, NUB KYI PHYOGS KYI LHA MO NI, ,SNYING PO SNGAGS DANG PHYAG RGYA'O, ,PHYAG RGYA DE NYID DAM BCINGS NAS, ,SA GDUGS PADMA'I KHA SBYIN BYA, ,AOm PRI YE ME KHA L'A H'Um PHU SV'A H'A, ,LHO PHYOGS LHA MO RGYAL DBANG GIS, ,SNYING PO SNGAGS DANG PHYAG RGYA'O, ,GNYIS MED CHO GA'I SNGAGS KYIS NI, ,MKHAS PA YIS NI MCHOD PAR BYA, ,BDUG PA ME TOG SOGS GLU DANG, ,MKHAS PAS MCHOD PA NYI SHUS MCHOD, ,'DOD DANG THAR PA DGE BA'I GNAS, ,LAS RNAMS THAMS CAD 'GRUB BYED PA, ,RDO RJE CHOS KYI BDE SBRO BA, ,RNAL 'BYOR SNGAGS KYIS SGRUB PAR BYED, ,DE NAS KUN GYI SNYING PO NI, ,KHRO BO GNOD BYED KHRO MO NI, ,DBYE BA RNAM GSUM SKU RANG BZHIN, ,SANGS RGYAS BYANG CHUB YAN LAG BZHI, ,KHROS PA'I KHRO BO'I MCHOG TU SPRO, ,'JIGS PA THEG PA RNAM PA GSUM, ,LHA MO'I LTA BAS 'JIGS PAR BYED, ,BDUD DANG 'BYUNG PO GCOD BYED CING, ,BDUD DANG GDUGS PA SKEMS PA DANG, ,GNON CING YUL NAS SKROD PA DANG, ,'DOD DANG THAR PA'I GO 'PHANG SGRUB, ,TSANGS PA MNAN CING NYED PA DANG, ,TZA MUndI NI DRAG POS 'GUGS, ,'JIGS BYED KUN NAS BSGRUBS PA YANG, ,MKHAS PA YIS NI BSGRUB PAR BYA, ,RE ZHIG DANG PO BRIS PA'I SKU, ,MTSAN NYID JI LTAR GSUNGS PA BZHIN, ,BYE BA BCU BZHI'I TSOGS DANG NI, ,SNA TSOGS GZUGS CAN BZHIN NGAN PA, ,LHA MO DKA' BZLOG GDAN DU NI, ,RGYAN KUN RAS RNAM PAR MANNA, ,NYI MA'I DKYIL 'KHOR DBUS SU NI, ,
RDO RJE MKHA' 'GRO RNAM PAR SPRUL, ,ZHAL GSUM PHYAG NI DRUG PA NYID, ,'OD ZER SNGON PO 'BAR BA'I ZHAL, ,ROL PAS 'PHEL BA'I GDAN LA NI, ,TSANGS PA'I MGO NI ZHABS KYIS MNAN, ,SPYAN GSUM KHRO LANG RGYAL CAN, ,DMAR ZHING DMAR PA'I SPYAN DANG LDAN, ,'KHYIL ZHING RNAM PAR DGYES PA YI, ,DBU SKRA DMAR POS RNAM PAR BRGYAN, ,RUS PA'I THOD PA'I PHRENG BA YIS, ,SANGS RGYAS MI BZAD COD PAN MO, ,BGEGS KYI MGO BO BSAM PA YI, ,KLU GNYIS KYIS NI RNAM PAR BRGYAN, ,SHIN TU DGOD CING MCHE BA GTZIGS, ,ZHAL GSUM KHA DOG GSUM PA'O, ,GLANG CHEN PAGS PA BSNAMS PA'O, ,MI YI PAGS PA RAB TU GSOL, ,RGYAN BRGYAD KYI NI GNAS NYID DU, ,DKAR ZHING RAB 'BAR RUS PA'O, ,SANGS RGYAS MGO BO'I PHRENG BA DANG, ,MCHE BA RNO ZHING SOR MO 'BAR, ,STENG GI PHYOGS SU MDA' DANG NI; ;GNYIS PA LA NI KHA tV'Am GA, ,GSUM PAS RDO RJE GSOR BA'O, ,G-YAS PA SDIGS MDZUB ZHAGS PA DANG, ,GNYIS PA LA NI THOD PA'O, ,GSUM PA GZHU DANG KUN NAS LDAN, ,RGAN BYED DRAG MO 'JIGS SU RUNG, ,ZHAGS PAS BCINGS SHING RNAM PAR BRGYAN, ,DRAG MO MNAN CING MCHE BA GTZIGS, ,KHRAG 'DZAG PA DANG BRGYAL BA NI, ,SO SOR DBUS SU BRGYAN PA NA, ,SO SO'I PHO NYA RAB TU SGRUB, ,TSON BDUN GYIS NI GOS PA YI, ,RGYUN MI 'CHAD PAR RTAG TU SPRO, ,KHRO BO MCHE BA GTZIGS PA'I LUS, ,'BAR BA'I 'OD ZER RDO RJE CAN, ,MI YI KENG RUS KENG RUS DANG, ,GDUGS DKAR PO YIS MNGON PAR
, ,G-YOGS, ,YE SHES KHRO BO DBANG PHYUG BDAG ,DRAG CING SHIN TU DRAG PA 'DUL, ,BDUD RNAMS THAMS CAD GNON MDZAD PA, ,SHIN TU GDUG PA'I SEMS CAN RNAMS, ,ZHI BAS 'DUL BAR MI 'GYUR BAS, ,THABS DANG SHES RAB SBYOR BA YI, ,KHRO BO'I GZUGS LA SOGS PA BSTAN, ,KHVA DANG 'UG PA BYA RGOD DANG, ,CE SBYANG SRIN PO KHYI LA SOGS, ,'JIGS PA'I KU CO RAB SGROGS DANG, ,MI YI KENG RUS KYIS BKANG BA'I, ,DE LTAR GZUGS BRNYAN RAB SBYOR BAS, ,'DOD DANG THAR PA DON GNYER DANG, ,THAMS CAD KHRO BO 'JIGS MDZAD PA'I, ,SNGAGS PAS GZUGS BRNYAN BSGRUB PAR BYA, ,AOm TA H'Um MA THAM THA DUsht'A NA GH'A TA YA H'Um PHAt SV'A H'A, BA DAN GSUM SOGS PHYAG RGYA YIS, ,LAS RNAMS KUN NAS RAB TU BYED, ,SPOS DANG BDUG PA LA SOGS DRI, ,RGYAS PA'I MCHOD PA KUN LDAN PAS, ,DPA' BO MCHOD SOGS YANG DAG LDAN, ,DKYIL 'KHOR CHO GA MTHONG BA YIS, ,CHO GA'I YAN LAG SBYIN SREG LAS, ,GTOR MA'I LAS NI KHYAD PAR NYID, ,MA BRTAGS PA YI SHA DANG NI, ,KHRAG GIS KYANG NI DE NYID LAS, ,GANG GANG DNGOS GRUB 'DOD PA YIS, ,DE YI RNAM PAS TSIM PAR BYA, ,AOm BA TRI TTI N'I MAH'A KRO DHA H'Um PHAt, ZLA BA NYI MA BRKYANG NAS NI, ,RGYAB DANG RGYAB TU SBYAR BAR BYA, ,DKAR PO GI WANG SPREL BYAS NAS, ,SA YI GDUGS DANG PADMA SPREL, ,DE NYID SNYING PO PHYAG RGYA DANG, ,SNGAGS DE NYID NI RNAM PAR SBYANG, ,PHUR BU RA BA TSAM NGAM DANG, ,DRA BA GO CHA MTSON CHA
RNAMS, ,LAS KYI GNAS SU DGOD PA NI, ,PHYAG RGYA 'DI NI RAB TU GRAGS, ,PHYAG RGYA 'DI NYID SNYING GAR BCING, ,YE SHES DANG NI RNAM SHES SBYAR, ,AOm KRO DHA NI H'Um AA, SNYING PO MCHOG GI SA BON DANG, ,PHYAG RGYA DE NYID RNAM PAR BYA, ,LUS DANG SROG LA LTOS MED PAR, ,CHEN PO'I SEMS KYIS BSGRUB PAR BYA, ,DRAG CING RNO BA'I LHA MO NI, ,RNO BA'I SEMS KYIS BSGRUB PAR BYA, ,CUNG ZAD ZHI BA'I LHA MO NI, ,THABS GCIG GIS NI MTSAN NYID DO, ,CHU YI 'GRAM GYI SA PHYOGS SU, ,SNGON DU BSNYEN PA LA SOGS BYA, ,'BUM PHRAG LNGA NI BZLAS PA DANG, ,PHYIS NI 'BUM PHRAG GCIG GIS SO, ,ZHI BA'I MCHOD PA PHUL NAS NI, ,ME YI LAS LA SOGS PA BYA, ,NAG PO RA YI SHA DANG NI, ,KHRAG DANG RNAM PAR BSRES NAS NI, ,BRIS SKU LA SOGS GZUGS BRNYAN MDUN, ,RDZOGS PA'I CHO GAS SBYIN SREG BYA, ,GTOR MA SBYIN SREG GIS TSIM BYA, ,THAMS CAD LAS NI 'GRUB PAR 'GYUR, ,ZHI DANG RGYAS DANG DBANG DRAG DANG, ,MNGON PAR SPYOD PA LA SOGS 'GRUB, ,DRI ZHIM CHU YIS BKANG BA YIS, ,BUM PA RGYA CHER MCHOD PA YIS, ,NAD KYI YAN LAG GZIR BA LA; ;SNGON DU DBANG BSKUR BYIN BYAS NAS, ,NAD KUN DANG NI BRAL BA DANG, ,DE BZHIN GZA' YIS GNOD PA NYID, ,SKAL PA DMAN DANG MI BYAMS PAS, ,THAMS CAD ZHI BA THOB PAR 'GYUR, ,SER PO'I MTSON DANG SPRA TSIL LAS, ,LOG 'DREN LHA YI GZUGS BRNYAN NYID, ,MNYAM PPA'I GDAN LA THAL MO SBYAR, ,PHYAG BZHI YIS NI RNAM PAR SPRAS, ,MCHE BA GRTZIGS PA YAN LAG RGYAS, ,PADMA'I SNOD LA GNAS PA
, ,NI; ;RTZE GSUM DANG NI BZA' BA'I SNOD, ,DGRA STA LA PHUG PHYAG NA'O, ,SOR MO BZHI YI TSAD DU NI, ,RGYAN KUN GYIS NI RNAM PAR BRGYAN, ,BRIS SKU'I GZUGS BRNYAN MDUN DU NI, , 'KHRUL 'KHOR 'DI NI BRI BAR BYA, ,GRO GA 'AM NI SHING SHUN LA, ,GI WANG DANG NI GUR GUM GYIS, ,SGRUB PA PO YI GZUGS BRNYAN BRI, ,GZUGS DANG RNAM PA KUN LDAN PA, ,SNYING GAR MING NI BRI BAR BYA, ,G-YO DANG LHUNG DANG SROG 'DREN PA, ,LCAGS KYU KUN NAS LDAN PA DANG, ,DPRAL BAR DRANGS NAS GZHAG PAR BYA, ,BGEGS KYI DBANG PO YI NI GDAN, ,SNYING GAR MNAN NAS GZHAG PAR BYA, ,ME TOG BDUG PA SOGS PAS MCHOD, ,NAN TAN GYIS NI GTOR MA'I LAS, ,DON 'DOR 'BRAS BU DON GNYER BA'I, ,RNAL 'BYOR PAS NI SNGAGS YIG BZLAS, ,AOm TRAm THA THA THA H'Um DZA SV'A H'A, ME TOG DKAR PO LA BZLAS SHING, ,RE RE ZHING NI BRDEG PAR BYA, ,BRGYA RTZA BRGYAD DU YONGS RDZOGS NA, ,'GRUB PAR 'DI LA THE TSOM MED, ,SNGAGS 'DI YIS NI SBYOR BA YIS, ,SGRUB PA PO YI YID G-YO ZHING, ,MYUR DU 'GUGS SHING LON PA'O, , RGYAL PO'I DBANG PO DBANG PHYUG SOGS, ,RGYAL PO DANG NI RGYAL TSAB DANG, ,PHYUG PO'I BYIS PA LA SOGS DANG, ,SHIN TU MDZES PA'I BDAG NYID LUS, ,SHA RTZI DANG NI BRGYA BYIN SOGS, ,GAL TE KUN NAS 'DOD TZAM GYIS, ,SGRUB PA PO YI DBANG DU 'GYUR, ,JI SRID LUS NI 'TSO BA'I BAR, ,DUS RTAG TU NI RNAM PAR 'DUD, ,NGA RGYAL YAN LAG GTZO BO BAS, ,NGA RGYAL GYIS NI 'GRUB PAR 'GYUR, ,KHRO BO'I
LUS NI BSTAN PA YIS, ,LAS DANG LAS NI MYUR DU 'GRUB, ,KHRO BO'I LUS RNAM PAR BSTAN PA ZHES BYA BA RDZOGS SO,, ,,SPYOD PA'I CHOS CAN KUN BSDUS PA, ,BRTUL ZHUGS MTSAN NYID BRTAN PA'O, ,YE SHES LONGS SPYOD 'BRAS 'DOD PAS, ,SPYOD PA'I MTSAN NYID SHES PAR BYA, ,MI BZAD 'KHOR BA 'JIGS PA NI, ,CHAGS PAS SRID PAR LTUNG BA'O, ,CHAGS PA SPANGS PA'I LUS KYIS NI, ,RGYUN DU BRTUL ZHUGS YANG BZUNG NGO, ,DBEN PAR SHIN TU MNYAM BZHAG PAS, ,DNGOS PO THAMS CAD MDOR BSDUS PA'O, ,CHAGS PAS SRID PAR LTUNG BA DANG, ,ZHEN PAS 'KHOR BAR 'JUG PAR BYED, ,RMONGS PA'I BDAG NYID RING DU SPANGS, ,SEMS CAN DON DU CHOS BSTAN PHYIR, ,SEMS CAN DON BYED GYUR BAS KYANG, ,BRTUL ZHUGS DKA' THUB MI BZAD PAS, ,DBEN PAR SBYOR BAS 'GRUB PAR 'GYUR, ,CHAGS PA'I NYES PA RGYA MTSOR 'KHOR,, BDAG NYID NYON MONGS LAS RGYAL PHYIR, ,SEMS CAN DON BLO 'BA' ZHIG GO, ,SEMS CAN DON 'GYUR DUS SU NI, ,SPYOD DANG SDOM PA'I SNGON BZHIN NO, ,'DU 'DZI DANG BRAL DBEN PA NI, ,DGA' BA RU NI LUS SRUNG NGO, , DANG PO RO ZHIG RNAL 'BYOR PAS, ,BSTAN BCOS TSIG RNAMS BLANGS BYAS NAS, ,SDOM PA THAMS CAD YANG DAG LDAN, ,RAB TU RNO BAS CHOS SPYOD DO, ,GNAS DANG GNAS LA'ANG MI GNAS PA'I, ,NAM DU YANG NI MI BZUNG NGO, ,BZA' DANG BZA' MIN PAR RTOGS PA'I, ,DMAN SOGS NGES PAR MI BYA'O, ,'BAD PAS RTAG TU DGA' BA YIS, ,LHAM MKHAN NYA PA BSHAN PA DANG, ,BRAM ZE DMANGS RIGS RGYAL RIGS
, ,RNAMS, ,MNYAM PA'I SEMS KYI LAM GYIS NI, ,RTAG TU SLONG MO BSLANG BAR BYA, ,GAL TE GONG DU SPYOD PA'I TSE, ,GANG ZHIG BZA' STON ZOS PA DANG, ,MAL CHA RAS DANG MCHIL LHAM YANG, ,LONGS SPYOD LONGS SPYOD YID 'ONG BA'I, ,BRTUL ZHUGS LA GNAS TZAM GYIS NI, ,RNAL 'BYOR SDOM PA RING BA NYID, ,SPYOD PA SPYOD DGUR RNAL 'BYOR PAS, ,BSOD NAMS LAG TU BLANG BAR BYA, ,THAMS CAD BLANGS KYANG NYES MED DE, ,DNGOS PO YANG NI MI BZUNG NGO, ,SEMS NI RNAM PAR DAG PA YI, ,THAMS CAD BZA' ZHING BZA' BA NYID, ,DAG CING GUS BCAS NGA RGYAL GYIS, ,DE YIS GNAS NI YONGS SU SPANG, ,DAD PAS DKYIL 'KHOR 'DRI BA DANG, ,YANG NA GTOR MA'I LAS LA NI, ,BSAGS PA'I RDZAS KYI DNGOS PO NI, ,DE YI GNAS SU DBUL BAR BYA, ,CHOS GOS GSUM GYI LHAG MA NI, , SLAR YANG GUS PA YIS NI BZUNG, ,SPYI BOR DUR SMRIG MTSAN MA DANG, ,SANGS RGYAS BYANG CHUB YAN LAG DANG, ,SNYING PO'I CHEM BER CHOS GOS GSUM, ,STENG DU RDO RJE DBYUG PA DANG, ,LHUNG BZAD MCHAN KHUNG CHU TSAGS BCAS, ,DE LTAR 'DZIN PA'I LUS LA NI, ,GLEGS BAM LA SOGS GZHAN YANG MED, ,GROG MO LA SOGS BSAL BA'I PHYIR, ,RNGA MA'I CHUN PO BSNGAGS PA YIN, ,SANGS RGYAS BYANG CHUB YAN LAG DANG, ,CHOS DON RTZA BA SNYING RJE NYID, ,DE NAS BSLAB PAR BYA BA NI, ,BLA MA'I TSIG GI SDOM PA'O, ,SANGS RGYAS YE SHES RDZU 'PHRUL CHE, ,MCHOG LA SKYABS DANG SKYABS SU MCHI, ,RDO RJE DBANG PHYUG MCHOG GI
LUS, ,RDO RJE SEMS DPA' BDAG PHYAG 'TSAL, ,LHA MO SHES RAB SBYOR RANG BZHIN, ,MKHA' 'GRO LNGA LA PHYAG 'TSAL LO, ,AOm AA MU KA SA MA YO HAm SA MA YA, AA MU KA SA MA YO, AOm AA MU KA SA MA YO HAm SA MA YA, AOm BDZRA BDZRA, MAH'A BDZRA BDZRA, K'A YA SU PA RA, HI HI HI, HO HO HO, H'Um NA NI PA TA DAm, 'DI YI SLOB MA RAB TU BZUNG, ,BRTUL ZHUGS RDO RJE RDO RJE CAN, ,GNYIS PA'I LAS KYIS BSGRUB PAR BYA, ,SBYOR DANG GSANG BA'I SNGAGS RIGS PAS, ,THAMS CAD DUS DANG DUS NYID DU, ,TSIGS BCAD GNYIS NI BRJOD PAR BYA, ,GANG ZHIG PHA DANG GANG ZHIG MA, ,GANG ZHIG MDZA' BA'ANG MI RTAG PA'O, ,SANGS RGYAS LUS NI SGYU MA NYID, ,RTAG TU CHOS KYIS YONGS SU SKYOB, ,KYE MA STONG PA NYID KYI MTHUS, ,DNGOS KUN RNAM PAR MNAN PA'O, ,SANGS RGYAS 'BRAS BU RAB STER BA'I, ,MKHAS PA YIS NI GZUNG BAR BYA, ,RMONGS PA BCAD PA'I DON DU NI, ,DUS GSUM DU NI TSIGS BCAD BRJOD, ,'CHAG DANG NYAL DANG 'GRO BA DANG, ,'DUG DANG 'GRO BA THAMS CAD DU; ;SNGAGS KYI SBYOR BA BRTAN BYAS NAS, ,SEMS DANG SEMS KYIS NYAL BAR BYA, ,BSKYED DANG SKYE BAR BRGYUD PA YI, ,'BYUNG BA LNGA YI LUS KYI SDIG, NYIN MTSAN GNYIS KYI SPYOD PA YIS, ,LUS KYI DRI MA DAG PA NYID, ,ZLA BA DRUG TU SPYAD BYAS PAS, ,RANG 'DOD LHA NI 'GRUB PA'O, ,BRTUL ZHUGS SPYOD PA'I RNAL 'BYOR PAS, ,MI SHES PAS KYANG YE SHES 'THOB, ,DE LTAR
, ,YON TAN RANG BZHIN ZHING, ,BRTUL ZHUGS SPYOD PA YI NI RGYU, ,BRTUL ZHUGS SBYOR BA SBYOR BA YIS, ,THAMS CAD RMONGS PA RNAM PAR SPANGS, , THABS KYI MTSAN NYID MTSON PA YIS, ,MNYAM NYID LTA BA RDZOGS BYAS NAS, ,RNAM DAG LTA BA 'BA' ZHIG GO ,KUN NAS STONG PA MNYAM PA'I ROS, ,DNGOS PO KUN GYI MTSAN NYID MED; ;KUN NAS STONG PA NYID KYI MTHAR, ,RNAM PAR RTOG PA JI LTA BUR, ,RMONGS PAS BRTAGS SHING RNAM BRTAGS PA'I, ,DAG PA'I SEMS DANG SEMS PAR BCAS, ,RMONGS PA NYON MONGS RGYA MTSO'I LUS, ,'DOD PA KHRO BO'I GZHI DE NI, ,RNO BA'I SEMS KYIS RMONGS PA NI, ,YE SHES LDAN PA'I LUS KYI DBYE, ,SNUN PA'I BZA' DANG 'JAM PA'I GOS, , SNA TSOGS DBANG POS REG PA YIS, ,GTI MUG CHAGS PAS GO BZLOG PAS, ,SRID PAR LTUNG BA'I LAS SU 'GYUR, ,LAS NI BYA BA'I DBANG POR 'GYUR, ,RMONGS PA YE SHES MI RTAG PA'O, ,'DOD DANG KHRO DANG NGA RGYAL 'JOMS, ,SRID PAR 'CHI BA'I BZA' BA'O, ,'BYUNG PO 'BYUNG LA BRTZE BA DANG, ,KUN NAS SDIG PA MI BRTAG GO, ,MGON MED SDUG BSNGAL PHONGS PA LA, ,NOR PAS MNAR MED GYUR BA BZHIN, ,'JIG RTEN 'DIR NI SMA 'BEBS DANG, ,MTSANG 'DRU BA NI MCHOG TU GTZO, ,THEG PA CHE LA LEGS BSLABS PAS, ,
NGAN 'GRO'I DNGOS POR YANG MA YIN, ,KUN NAS BZA' DANG LEGS BZA' PAS, ,YANG DAG DGA' BAS LUS SRUNG NGO, ,RNYING PA'I BZA' STON NGAN PA YIS, ,DES PAR BDAG NYID DGA' BAR BYA, ,SNGON GYI BSLAB SOGS BSLAB PA DANG, ,SNGON DU THAMS CAD BSNGAMS PA NYID, ,BRTUL ZHUGS SPYOD PA MNYAM GZHAG PAS, ,MNAR MED DMIGS PA MED PA'O; ;SNGON GYI MTSAN NYID MTSON PA YIS, ,SNGON DU BSLAB SOGS BSLAB PAR BYA, ,BRTUL ZHUGS SPYOD PA MNYAM GZHAG PAS, ,BSLAB PA GUS PAS BSLAB PAR BYA, ,BUD MED 'JIGS GZUGS DRAG MO NYID, ,SKRA NI 'DZINGS SHING 'KHYIL PA DANG, ,DUR SMRIG DMAR PO 'JAM PA NYID, ,PHRA MO'I RDUL GYIS 'JAM PA BGO, ,MI YI RUS PAS BYAS PA YANG, BUD MED RGYAN DU RNAM PAR BRGYAN, ,RNYING PA'I TSEM BER DMAR PO NI, ,MI YI PAGS PAS G-YOGS PAR BYA, ,SNOD CHEN PO NI GNYIS PA RU, ,GZUNG LA DBANG PO LNGA NI BZUNG, ,STENG DU RDO RJE'I DBYUG PA NI, ,MI YI YAN LAG RUS PAS BRGYAN, ,BA DAN DRIL BU PHRENG BA NI, ,DBYUG PA LAG PA G-YON PAS GZUNG, ,DA LTAR BSDUS PA'I LUS KYIS NI, ,'BAD PAS BRTUL ZHUGS SPYOD PAR BYA, ,'DI LTAR RDZAS SOGS DNGOS PO NI, ,ME BZHIN 'BAR BAS REG MI BYA, ,BZA' DANG BTUNG BA LA SOGS GZHAN, ,DANG PO BSDU BAR YANG MI BYA, ,SNYING RJER
, ,PHAN PA'I SEMS KYIS NI, ,KUN NAS DGA' ZHING BZA' BAR BYA, ,THAMS CAD GNOD PA DON MED PAS, ,DNGOS PO KUN NAS YONGS SU SPANG, ,LUS NI SRUNG PA TZAM GYIS NI, ,SLONG MO'I BZA' BA BSLANG BAR BYA, ,STONG PA'I KHYIM DANG DUR KHROD DANG, ,BAS MTHA' DANG NI DGON PAR GNAS, ,MTSAN MO KUN NAS BGROD PAR BYA, ,BZLAS DANG BSAM GTAN MCHOG TU MTSON, ,'CHAG DANG NYAL DANG 'DUG PA 'AM, ,SHEL GYA RNAM PA'I SEMS DANG NI, ,RANG BZHIN YONGS SU DAG PA NYID, ,BZLAS DANG BSAM GTAN 'BA' ZHIG GO, ,DE YIS THAMS CAD 'GRUB 'GYUR BAR, ,SANGS RGYAS KUN GYIS GSUNGS PA NYID, ,SDIG SPANGS RNAM PAR SPYOD PA YIS, ,'KHOR BA RU NI MI GNAS PA'O, , THAMS CAD DNGOS PO DNGOS MED PAR, ,RTAG TU SEMS KYIS LTA BA NYID, ,BDAG NYID SANGS RGYAS RGYU RU NI, ,DE NAS TSIG BCAD GNYIS NI BRJOD, ,SBYIN PA CHOS KYIS SRUNG BAR NI; ;TSIGS BCAD GCIG GIS GNANG BAR BYA, ,AE MA'O RMONGS PA YI NI MTHUS, ,LUS CAN KUN NAS DBANG DU BYAS, ,'DOD SOGS CHOS SOGS MI BZAD PAS, ,MKHAS PA YIS NI YONGS SU SPANGS, ,DNGOS MED DNGOS PO YANG MA YIN, ,GZUNG DANG 'DZIN PA MI RTOG PAS, ,SRID PA'I DGON PA LAS RGAL ZHING, ,DMIGS PA MED PA'I BDE BA 'THOB, ,
GZHAN GYIS BRTAGS PA'I LONGS SPYOD SOGS, ,NYAL DANG 'CHAG PAR DUS GSUM DU, ,RNAL 'BYOR TSIGS BCAD GCIG GIS NI, ,RNAL 'BYOR RMONGS PA GCOD BYED PA'O, ,SEMS CHEN PO YI SEMS KYI NI, ,RNYING PA'I RAS NI BSAGS PA YIS, ,DE YIS GOS SU RAB TU BGOS, ,KENG RUS KYI NI YAN LAG KUN, ,SHIN TU MDZES PA'I DBYIG PA BZUNG, ,PA tA HA YI CHOS KYIS BRDUNG, ,RDO RJE'I GLU NI BLANG BA NYID, ,SEMS CAN SGROL BA'I RGYU RU NI, ,GRONG NAS GRONG DU KUN TU RGYU, ,DMIGS PA MED PA'I RANG BZHIN GYIS, ,BRTUL ZHUGS SPYOD PAS MNYAM PAR GZHAG ,DAG PA'I SEMS NI MI DMIGS PAS, ,DGA' BA YIS NI BSRUNG BAR BYA, ,SPYOD PA YIS NI RGYUR GYUR PAS, ,RNAL 'BYOR SPYOD PA DON KYI RGYU, ,SDIG PA THAMS CAD RNAM BSAL ZHING, ,NYES PA KUN NAS RNAM SPANGS LA, ,BRTUL ZHUGS ZLA DRUG SPYAD PA YIS, ,RANG 'DOD YE SHES 'GRUB PAR 'GYUR, ,BRTUL ZHUGS KYI SPYOD PA RNAM PAR BSTAN PA'I LE'U ZHES BYA BA RDZOGS SO,, ,,DE NAS THAMS CAD SNYING PO NI, ,DE NYID KUN GYI DON BSDUS PA, ,'KHOR BAR BRTAN DANG G-YO BCAS PA'I, ,KUN GYI SNYING POR RAB SBYOR BA'O; ;DANG POR RE ZHIG RNAL 'BYOR PAS, ,YID DU 'ONG BA'I SA PHYOGS SU, ,BDE BA'I STAN LA 'DUG NAS NI, ,SNGON DU BSNYEN PA LA SOGS BYA, ,RDO RJE 'AM SHES RAB RNAL 'BYOR GYIS, ,
, ,'BUM PHRAG GSUM DU BZLAS BYAS NAS, ,PHYIS NI RANG 'DOD PA YI LAS, ,'GRUB PAR 'DI LA TSO MA MED, ,SBRA TSIL LA NI GZUGS BRNYAN BYA, ,TSA BA'I MAR KHUS BYUG BYAS LA, ,SNYING GAR MING NI BZHAG PA DANG, ,TSIGS DANG TSIGS SU TSER MAS DGANG, ,SKYUR PO TSA DANG MA RU RTZER, ,GZUGS BRNYAN DANG NI YANG DAG LDAN, ,SNOD DU BSRES LA YANG DAG GZHAG ,YE SHES LUS LA LUS KYI NI, ,RKANG PA G-YAS BAS MNAN PAR BYA, ,RNO BA'I SEMS KYIS BZLAS BYAS PAS, ,MTSAN MO GCIG GI MTHA' RU NI, , 'GRUB PAR 'DI LA THE TSOM MED, ,SMIN PA'I ME LA BZHAG BYA BYA, ,RGYAL PO MYUR DU GDUNG BAR 'GYUR, ,DKON MCHOG GSUM LA GNOD PA LA, ,LAS 'DI YIS NI SBYAR BAR BYA, ,HR'I:AA MO GHA SI SI DA HA DA HA GRI HNA GRIHNA H'Um HR'I: SNGA DRO NYI MA SHAR DUS LA, ,ME TOG DKAR PO'I MANTAL DANG, ,SPOS DANG MAR ME'I CHO GA YIS, ,ZHI BA'I LA SNI RNAM PAR BYA; ;CHU DANG 'O MA BSRES PA'I SNOD, ,DER NI GTOR MA SBYAR NAS NI, ,SNGAGS NI BRGYA RTZA BRGYAD DU BZLAS, ,RGYAL PO NAD DANG BRAL BAR 'GYUR, ,AOm AA MRI TA BA RA DE H'Um H'Um H'Um AA AA AA, THAMS CAD LAS NI BSDUS BYAS LA, ,CHU BO CHEN PO'I RGYUN LA BSKUR, ,RIMS NAD RAB TU ZHI BAR BYED PA ZHES BYA BA'I LE'U RDZOGS SO,, ,,DE NAS RAB SBYOR
SNYING PO 'DI, ,SNGAGS PAS RAB TU RNAM PAR SPYAD, ,YUNGS KAR LAS NI GZUGS BRNYAN BYA, ,SNYING GAR MING NI RNAM PAR SBYAR, ,RDO DANG TSER MA LTE BAR RO, ,RKANG PAS MNAN CING BZLAS PAR BYA, ,SU T'I Kshn'A SH'U LA H'Um RDZA PHAt HR'I:, ME LA BSRO ZHING GDUNG BA DANG, ,LHAG PAR BZLAS SHING GZHAG PAR BYA, 'DI LTAR MTSON PA'I MTSAN NYID KYIS, ,MOD LA GZER BAS YANG 'DZIN TO; ;ZHI BA'I MCHOD PA'I CHO GA LAS, ,'O MA DANG NI SBRANG RTZIS BKRU, ,CHU BO'I RGYUN LA BSKUR BYA NA, ,GZER ZHING GZER BA'I NAD DANG BRAL, ,AOm SARBA KA RI H'Um DZA SV'A H'A, GZER BA RAB TU ZHI BAR BYED PA'I SNGAGS SO, ,DE NAS THAMS CAD SNYING PO YIS, ,GZHAN GYI LAS KYIS MTSAN NYID NI, ,SNGON DU BSNYEN SOGS BSTEN BYAS PAS, ,LAS KUN 'GRUB PAR 'GYUR PA'O, , NAG PO'I MTHA' DANG THA MA LA, ,BA SKAM GYI NI LCI BA LAS, ,BSGRUB BYA YI NI MING DANG GZUGS, ,DMAR PO'I TZANDAN GYIS NI BSKU, ,BSGRUB BYA'I MING NI KUN NAS BZHAG ,SENG LDENG PHUR PAS MIG 'BRAS LA, ,G-YON PA'I RKANG PAS MNAN NAS NI, ,BRGYA RTZA BRGYAD DU BZLAS BYAS SHING, ,ME LA BDUG CING BDUGS PA YIS, ,MIG NI GZER BAS 'DZIN PAR 'GYUR, ,AOm TZAKshU MA LI NI H'Um PHAt, 'DI YI SNGAGS DANG SNGAGS KYIS NI, ,'GRUB PAR 'DI LA THE TSOM MED, ,ZHI BA'I MCHOD PAS MCHOD BYAS NAS, ,AOm BDZRA T'I Kshn'A YA H'Um SV'A H'A, LAN BDUN MNGON
, ,PAR BSNGAGS BYAS NAS, ,DE YI 'O RGYUN LA BKRUS NA, ,BSGRUB BYA'I NAD DANG GNOD PA SEL, ,MIG 'BRAS RNO ZHING GSAL BAR 'GYUR, ,MIG NAD RAB TU ZHI BAR BYED PA ZHES BYA BA'I CHO GA'O, ,LHANG TSER LAS NI BSGRUB PAR BYA, ,MKHAS PAS KHRAG GIS BRIS PA'O, ,DUG DANG DUR KHROD SOL BA YIS, ,MIG GI 'BRAS BU BYUGS BYAS LA, ,RKANG PA G-YON PAS MNAN NAS NI, ,BRGYA RTZA BRGYAD DU BZLAS PA'O, ,AOm KRishn'A PING+GA LI H'Um KHAm PHAt, 'DI YI SNGAGS DANG SNGAGS KYIS NI, ,BDAG NYID LCI BAS BRAN PAR BYA, ,DE LTAR MTSAN NYID KUN LDAN PAS, ,BSGRUB BYA MYUR DU LONG BAR 'GYUR, ,SBRANG RTZI MAR GYIS BSKU BYAS NAS, ,BSGRUB BYA'I NAD DANG GNOD PA SEL, ,BRGYA RTZA BRGYAD DU MNGON PAR BZLAS, ,AOm AA MRi TA LO TZA NE AA SV'AH'A, LONG BA RAB TU ZHI BAR BYED PA'I SNGAGS SO, ,GZHAN YANG BSGRUB BYA SGRUB PA POS, ,LAS NI SHIN TU RNAM PAR SPYAD, ,DKON MCHOG GSUM LA GNOD BYED PA, ,SDIG GIS GOS PAR MI 'GYUR RO, ,BAG ZAN LAS NI PADMA'I DBYIBS, ,BSGRUB BYA'I MING NI DBUS NYID DU'O, ,KHYI YI SPU YIS BUG PA DGANG, ,TSA BA'I MAR KHUS BSKUS BYAS LA, ,G-YON PA'I RKANG PAS MNAN NAS NI, ,BRGYA RTZA BRGYAD DU BZLAS PAR BYA, ,AOm BADZRA BA KE H'Um PHU PHAt, ME LA SO ZHING BSROS PA YIS, ,BHA GA MYUR DU BZLOG PAR
BYA, ,SHIN TU GDUG PA'I CHUNG MA NI, ,'DI YIS LAS KYIS RAB TU SBYAR, ,LAN BDUN DU NI MNGON BSNGAGS NAS, ,SBRANG RTZI 'O MA'I RGYUN GYIS BKRU, ,AOm SU KO BHA BI H'Um HE SV'AH'A, ZHI BAR BYED PA'I SNGAGS SO, ,'JIM PA'I SNOD NI BLANGS BYAS LA, ,PADMA'I DBYIBS KYI RNAM PAR BYA, ,RNO BA'I TIL MAR YUNGS KAR GYIS, ,BUG PA DGANG ZHING SBYAR BAR BYA, ,RKANG PA G-YON PAS MNAN NAS NI, ,SENG LDENG PHUR PAS BRDUNG BYA ZHING, ,SNGAGS NI BRGYAD BRGYA RAB 'DAS NA, ,BHA GA GZIR ZHING GZIR BAR 'GYUR, ,HRI BI LA TA H'Um PHAt, 'DI YI SNGAGS DANG SNGAGS KYIS NI,, BHA GA GZIR BA'I LAS NYID DO, ,CHU DANG 'O MAR BKRU BYA ZHING, ,SNGAGS DANG MNGON DU SBYAR BAR BYA, ,AOm SARBA SHO DHA NI SV'AH'A, 'DI YI SNGAGS DANG SNGAGS KYIS NI, ,BHA GA GZIR SOGS LAS GROL LO, ,GZHAN YANG LAS KYI MTSAN NYID NI, ,SHIN TU RNAL 'BYOR PAS SPYAD DO, ,RGYAL PO LAM GYI SA RDUL BLANG, ,YANG NA BZHI MDO'I SA RDUL LAS, ,PADMA'I MTSAN NYID MTSAN NYID NI, ,BHA GA'I SNYING PO KHRAG DANG NI, ,YI DVAGS PHYAG RGYA PHYAG RGYA YI, ,BRGYA RTZA BRGYAD DU MNGON PAR BZLAS, ,HRI PRI PHAt, 'DI YI SNGAGS DANG SNGAGS KYIS NI, ,PADMA SDOM PA'I LAS SU 'GYUR, AOm AA MRi TA WA TI SV'AH'A, ,DKON MCHOG GSUM LA GNOD PA DANG, ,BLA MA DANG NI SLOB DPON SMOD, ,DAM TSIG SPYOD LA 'PHYA BA NI, ,SDIG GIS GOS PAR MI 'GYUR
, ,RO; ;GAL TE RMONGS SHING KHRO BA NI, ,LAS KYI RTAG TU BYAS NAS NI, ,'DIS NI NGES PAR LTUNG BA RU, ,SANGS RGYAS KYIS GSUNGS THE TSOM MED, ,LAS KYI RAB TU DBYE BA ZHES BYA BA'I LE'U RDZOGS SO,, ,,GSANG ZHING GSANG BA'I DE NYID DON, ,SNYING PO'I MCHOG NI MDOR BSDUS PA, ,ROL MO BSTAN BCOS SOGS GLU YI, ,DE NYID THAR PA GO 'PHANG GNAS, ,GNYIS MED DNGOS PO'I NGO BO LAS, ,GZUNG DANG 'DZIN PA JI LTAR 'GYUR, ,GNYIS KYI DNGOS PO BDAG MIN PAS, ,GNYIS DNGOS DNGOS PO MED PA'O,, DNGOS PO DNGOS MIN DNGOS MED LA, ,MNYAM NYID LTA BA'I SEMS KYIS SU, ,RNAM PAR RTEN DANG RTEN BYA MED, ,RTOG CING RNAM RTOG 'KHRUL PA DANG, ,GZUGS DANG GZUGS CAN ZAD PAR BYED, ,RANG BZHIN MED PA'I RANG BZHIN NYID, ,SEMS KYIS BRTAN PA'I GNAS SU NI, ,BSAM GTAN BSAM BYA BSAM PAR BYA, ,DMIGS PA MED PA'I RANG BZHIN NYID,, THAMS CAD DBYINGS SU 'JIGS PAR BYED, ,STONG NYID STONG LA SOGS STONG PA'O, ,NAM MKHA'I KHAMS KYI MTHA' CAN NYID, ,DAG CING PHRA LA PHRA BA'I DON, ,SEMS DANG SEMS PA DANG BCAS PA, ,KUN TU DNGOS PO DNGOS MED PAS, ,THAMS CAD NAM MKHA' BSDAMS PA'O, ,RTAG CING RTAG LA RTAG PA'I DON, ,NAM MKHA'I KHAMS LTAR BRTAN SEMS PAS, ,ME
STAG RDUL PHRAN YAN LAG 'PHRO, ,CHU SKYAR BZHIN DU BRTAG PA YI, ,RNAM SHES YE SHES LHAG MA NI, ,NAM MKHAR 'PHRO ZHING SNANG BA'O, ,NYON MONGS DE BZHIN MUN PA NI, ,YE SHES RDO RJES BCOM NAS SU, ,RNAM PAR SHES PA LHAN CIG 'BAR, ,YE SHES SNANG BA SOGS THOB 'GYUR, ,SEMS DANG SEMS BYUNG SEMS PA YIS, ,RNAM PAR LTA ZHING RAB TU SPYAD, ,'JIGS PA MED CING 'TSE MED PAR, ,DNGOS POS DNGOS PO BSGOM PAR BYA, ,THAMS CAD KUN TU SNANG BYED CING, ,THAMS CAD 'OD ZER KUN BSDUS PA, ,SNYING PO'I SA BON SA BON NI, ,DKAR DANG KUNDA ZLA BA'I MDOG , A'A LI K'A LI RAB SBYOR BAS, ,PHYUNG BA YI NI SA BON MCHOG ,SBYOR BA 'GRUB PA'I RGYU RU NI, ,MNYAM NYID RNAL 'BYOR PA YIS BSGOM, ,SA BON NAM MKHAR SPROS PA YIS, ,'JIG RTEN GSUM PO SNANG BAR BYAS, ,MA LUS SPRIN LTAR SPRO BA NYID, ,SKAD CIG GIS NI SPRO ZHING BSDU, ,PHYIS NI RANG 'DOD DMIGS MED CING, ,YI GE MED PAS YANG BSAM MO, ,GZUGS NI STONG PAR BRTAGS PA YI, ,MNYAM NYID SEMS DANG SEMS KYIS NI, ,MA LUS RNAM PAR BLTAS PA YIS, ,KHAMS GSUM SNANG BAR BYED PA'O, ,DE LTAR SEMS KYIS BSAMS PA YIS, , BYANG CHUB RIM PA MTHONG BAR 'GYUR, ,SKAD CIG GZUGS DANG GZUGS NYID DANG, ,SKAD CIG PHUNG PO'I RNAM PA DANG, ,SKAD CIG THAMS CAD DBYIBS RNAMS NI, ,DE PHYIR MI RTAG PA YI
, ,GNAS, ,LEGS BYAS NYES BYAS MING CAN NI, ,NYES PAS SMAD PAR MI BYA'O, ,GZUGS DANG STONG PA LA SOGS DBUS, ,SEMS DANG SEMS BYUNG RNAM PAR MTSON, ,DNGOS PO'I LHAG MA DNGOS MED PAS, ,DE YI LHAG MA GZUGS MED PA'O, ,YE SHES RI MO 'BAR BA YIS, ,'OD ZER MNYAM PAR GNAS PA NYID, ,DE YI MTSAN NYID MTSON PA NYID; ;RNAL 'BYOR PA YIS RAB TU SPYAD, ,RTAG TU ZHI ZHING MCHOG GI LAS, ,YANG DAG BYANG CHUB RTAG PA'O, ,YID DU 'ONG BA'I SA PHYOGS SU, ,BDE BA'I STAN LA 'DUG NAS NI, ,SNGON DU BSNYEN PA RAB BRTZAMS NAS, ,LAS DANG DON KUN RAB GRUB PA'O, ,RI RAB RTZE MOR KUN BSAMS PA, ,RANG 'DOD RGYAL CHEN GZHAL YAS KHANG, ,SNA TSOGS RIN CHEN RANG BZHIN MCHOG ,DRIL BU DRA BAS MNGON PAR BRGYAN, ,GDUGS DKAR PO DANG BA DAN DANG, ,SNA TSOGS MCHOD PAS MNGON PAR BRGYAN, ,RDO RJE SEMS DPA'I BDAG NYID NI, ,DKAR DANG KUNDA ZLA BA'I 'OD, ,DE NI RGYAN KUN GYIS BRGYAN CING, ,SANGS RGYAS LNGA YIS MNGON PAR CHAS, ,RAB TU MDZES PA'I GOS MNABS CING [?] , ,PHYAG GNYIS NA NI RDO RJE DRIL, ,'OD ZER 'PHRO BA RNAM MANG PO, ,KUN NAS RDO RJE'I 'OD ZER 'PHRO, ,KHAMS GSUM PA YI RNAM PA NI, ,SEMS DANG SEMS KYIS BSGOM PA'O, ,SNYING GAR DKYIL 'KHOR DBUS GNAS PAR, ,DMAR PO'I H'Um NI RAB
'BAR BA, ,SPYI BOR THIG LE ME RI'O, ,BA SPU'I BU GNAS 'PHRO BA'O, ,SHAR DU RDO RJE GZHAG PA DANG, ,LHO RU MDA' NI RNAM PAR DGOD, ,NUB TU RAL GRI MTSON PA DANG, ,BYANG DU GZHU NI YANG DAG LDAN; ;RDO RJE'I ZHAGS PA LA SOGS BZHI, ,MTSAMS DANG MTSAMS SU GZHAG PAR BYA, ,'DI LTAR MTSAN NYID SNGON LDAN PAS, ,SHIN TU MNYAM PAR GZHAG PAS BSGOM, ,A'A LI'I SA BON GTZO MO NI, ,DE NYID LDAN PAS YANG SNGAGS BZLAS, ,PHYAG 'TSAL BSREG PAS MTHAR BZHAG PA, ,'BUM PHRAG GSUM DU RAB BSNYEN PAS, ,RDO RJE'I LUS DANG LUS NYID NI, ,RDO RJE SEMS DPA' DANG MNYAM 'GYUR, ,SBAS PA'I SNYING PO SNYING PO DANG, ,RDO RJE CHOS DANG CHOS MCHOG GO ,RDO RJE SEMS NI RJES MCHOD PA'I, ,H'U GI GLU YI RNAM PAS BYA, ,BKRA SHIS SGRA NI SNYAN PA YIS, ,MNYAM PAR GZHAG PAS BLANG BAR BYA, ,TRI BHU BA BA NA DZ'A L'I TA M'U RTI AA NU RA YA NA WA TI, RA SMI SAm HA SRA T'IKshnA DHA SA SU PA RA SU PA RA SVA WA TI, BA HU BI DA RU PA PE SHA AA NU RA YA NA TA TA TA WA TI, NA TA AI BADZRA SA PA RA BE SA RA LI MA LA WA TI SV'AH'A, GDAN BZHI'I RGYUD NI RGYA CHEN LAS, ,STONG PHRAG BCU GNYIS MDOR BSDUS PA, ,DE YIS DNGOS PO MDOR BSDUS LAS, ,SNYING PO MDOR NI BSDUS PA'O, ,SDEB SBYOR SGRA DANG RTOG SOGS MED, ,DON DANG DON NI YANG DAG BSDUS, ,RNAL 'BYOR SBYOR PA'I DON NI SBAS PA NYID, ,BRDA' YI SKAD KYIS BSHAD PA'O, ,GDAN BZHI PA
, ,LAS, YANG DAG PAR BTUS PA SNGAGS KYI CHA'I RGYUD BSHAD PA SBYOR BA'I DKYIL 'KHOR ZHES BYA BA RDZOGS SO,, ,,BSHAD PA'I RGYUD MANTRA AANG SA ZHES BYA BA'I LE'U BDUN PA, RGYA GAR GYI MKHAN PO GA YA DHA RA DANG, ZHU CHEN GYI LOTZTSA BA 'GOS KHUG PA LHAS BTZAS KYIS BSGYUR CING ZHUS TE GTAN LA PHAB PA'O,, ,,