4267 · GMLW-003488

DE KHO NA NYID BSDUS PA'I TSIG LE'UR BYAS PA (Tattva Saṃgraha Pañjikā)

נושאי-מדףSubjects:

TSAD MALogic & Perceptual Theory (Pramāṇa)

נושאיםTopics:Comparative PhilosophyStudy of Accurate Perceptionthe Four Truths

מחברauthor

מחברauthorKA MA LA SH'I LA SLOB DPON CHEN PO

פנדיטה הודיIndian panditaMKHAS PA CHEN PO DE BEN DRA BHA DRA

לוצאווה טיבטיTibetan lotsawaSH'AKYA'I DGE SLONG GRAGS 'BYOR SHES RAB

מהקולופוןfrom the colophon

נמצא בfound inLogic & Perceptual Theory (Pramāṇa)

מספר טוהוקוTohoku numberToh 4267 · Logic

מהדורהrecensionDerge

כותרת בסנסקריטSanskrit titleTATVA SAm GRA HA PANYDZI KA

כניעה לhomage to'PHAGS PA 'JAM DPAL GZHON NUR GYUR PA

הפנדיטה ההודיIndian panditaMKHAS PA CHEN PO DE BEN DRA BHA DRA

הלוצאווה הטיבטיTibetan lotsawaSH'AKYA'I DGE SLONG GRAGS 'BYOR SHES RAB

פוליוfolios133b–363a

צורהformprose

מצב תרגוםtranslationno English of the text

גשה מייקל לימד אותו בGeshe Michael taught it inDestroying the Darkness

כיסוי המילון לכותרתdictionary coverage of the title50%

ז'אנרgenreA Commentary upon Phrasesthe text's own title line is DE KHO NA NYID BSDUS PA'I DKA' 'GREL and the Sanskrit is PANJIKA — a word-by-word commentary on the difficult points

פירוש עלa commentary onDE KHO NA NYID BSDUS PA — Shantarakshita's Compendium on Suchnessthe title names it; the root text is work 4266, read in batch 58

אנשים ומקומותpeople and places namedKamalashilathe colophon: KA MA LA SH'I LAS, by Kamalashila

רמת קושיleveladvanced scholastic

תלות קדםread firstthe Compendium on Suchnessit is a commentary upon it

הכותרת אומתה מול הטקסטtitle verified against the textnothe filename carries the ROOT TEXT'S title — see the note

הקבציםThe files

TD04267-1_DE KHO NA NYID BSDUS PA'I TSIG LE'UR BYAS PA (Tattva Saṃgraha Kārikā).txt/11 TSAD MA_Logic & Perceptual Theory (Pramāṇa)/VOL 18 (ZE)

TD04267-2_DE KHO NA NYID BSDUS PA'I TSIG LE'UR BYAS PA (Tattva Saṃgraha Kārikā).txt/11 TSAD MA_Logic & Perceptual Theory (Pramāṇa)/VOL 19 ('E)

הטקסטThe text

טיבטיתTibetanTD04267-1_DE KHO NA NYID BSDUS PA'I TSIG LE'UR BYAS PA (Tattva Saṃgraha Kārikā).txt944,472 תוויםcharacters

133b

, ,RGYA GAR SKAD DU, TATVA SAm GRA HA PANYDZI KA ,BOD SKAD DU, DE KHO NA NYID BSDUS PA'I DKA' 'GREL, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,GANG ZHIG SHES BYA'I RGYA MTSO BSRUBS PA'I STOBS KYIS GZHAN DON DMYAL BA LA SOGS KYI, , SDUG BSNGAL ZHI BYED DE NYID RTOGS PA'I BDUD RTZI THUGS RJES 'GRO BA TSIM MDZAD PA, ,DE NYID RIG MCHOG 'GRO BA RNAMS KYI STON PA DE LA GUS PAS PHYAG 'TSAL NAS, ,DE NYID BSDUS PA 'DI YI DKA' 'GREL CHES RAB GSAL BA RAB TU BRTZAM PAR BYA, ,BDAG 'DRA'I BLO GROS BLUN PO RNAMS KYIS SNGON MED DNGOS PO NAM YANG BRJOD MI NUS, ,MKHAS PAS NYIN RE LAM 'DI MANG DU MA DPYAD PA YANG 'GA' TZAM GANG NA YOD, ,'ON KYANG BSOD NAMS 'PHEL BAR 'DOD PAS RANG DON MCHOG GI BDAG GI BLO GROS 'DI, ,DGE BA 'PHEL BA'I 'BRAS BU CAN GYI DE NYID GOMS PAS 'DI BYED PA LA BRTZON, ,BSTAN BCOS 'DI LA NI RTOGS PA DANG LDAN PA RNAMS DANG POR BRJOD PAR BYA BA DANG, DGOS PA DES PAR SNGON DU 'GRO BA CAN GYI 'JUG PA DANG, CHEN PO DAG LA RAB TU DANG BA NI LEGS PA THAMS CAD 'THOB PA'I RGYU YIN NO ZHES NGES PAR BYAS NAS BCOM LDAN 'DAS LA DANG BA BSKYED PA'I DON DANG, NYAN PA PO BSTAN BCOS 'DI LA GUS PAS 'JUG PAR BYA BA'I PHYIR RANG GI STON PA LA MCHOD PA'I CHO GA SNGON DU 'GRO BAS, GANG GIS RTEN CING 'BREL PAR 'BYUNG, ,ZHES BYA BA LA SOGS PA'I TSIGS SU BCAD PA DE NYID BSDU BAR BYA ZHES BYA BA 'DI'I BAR DAG GIS BSTAN BCOS 'DI'I BRJOD PAR BYA BA DANG DGOS PA BSTAN TO, ,'DI LTAR GAL TE 'DI'I BRJOD PAR BYA BA MA BSTAN NA DE'I TSE SMYON PA LA SOGS PA'I TSIG DANG 'DRA BAR DON MED PA NYID SRID PAS RTOGS PA DANG LDAN PA, NYAN PA LA YANG 'JUG PAR MI 'GYUR BA'I PHYIR 'DI'I BRJOD PAR BYA BA GDON MI ZA BAR BSTAN PAR BYA BA YIN NO, ,DE BZHIN DU BRJOD PAR BYA BA YOD NA YANG MNGON PAR 'DOD PA'I DGOS PA DANG BRAL BA'I BSTAN BCOS NI BYA ROG GI SO BRTAG PA LA SOGS PA BZHIN DU RTOG PA DANG LDAN BA NYAN PA LA YANG GUS PAR MI BYED PA'I PHYIR, DE LTA BAS NA DANG BOR DE LA 'JUG PA'I DON DU DGOS PA BRJOD BAR BYA'O, ,'JUG PA'I YAN

134a

, ,LAG LA GTZO BO NYID DGOS PA YIN TE, DE DON DU GNYER BAS NYAN PA PO'I SKYE BO BSTAN BCOS LA 'JUG PA'I PHYIR RO, ,DE YANG BRJOD BYAS STONG PA'I BSTAN BCOS KYIS BSGRUBS PAR MI NUS PA'I PHYIR, BSTAN BCOS KYI DGOS BA'I THABS BSTAN PA'I DON DU BRJOD PAR BYA BA SMRAS SO, ,DGOS PA DE YANG RJES SU MTHUN PA'I THABS CAN DU BSTAN PAR BYA BA'I PHYIR DE BSGRUB PA NYAMS SU LEN PAR MI NUS PA NI MA YIN TE, DE LTA MA YIN NA DGOS PA YOD NA YANG 'JOG PO'I GTZUG GI RIMS NAD SEL BA'I RIN PO CHE, RGYAN GYI MAN NGAG GI BSTAN BCOS BZHIN DU DE BSGRUB PAR MI NUS PAR RIG NAS RTOG PA DANG LDAN PA 'JUG PAR MI 'GYUR RO, ,DE NYID KYI PHYIR, 'BREL PA DANG NI RJES MTHUN THABS, ,SKYES BU'I DON NI RJOD BYED DAG ,YONGS BRTAGS DBANG DU BYAS YIN GYI, ,DE LAS GZHAN PA'I DBANG BYAS MIN, ,ZHES BSHAD DO, ,DE LTA BAS NA BSTAN BCOS LA 'JUG PAR BYA BA'I PHYIR BRJOD PAR BYA BA LA SOGS PA BSTAN TO, ,'ON TE RTOG PA DANG LDAN PA RNAMS KYI 'JUG PA NI NGES PA NYID LAS YIN ZHING, NGES PA YANG TSAD MA NYID LAS YIN LA, 'DIR DGOS PA'I TSIG 'DI NI BRJOD PAR BYA BA LA SOGS PA PHYI ROL GYI DON LA TSAD MA MA YIN TE, DE DANG DE LA 'BREL PA MED PA'I PHYIR TE, 'DI LTAR RE ZHIG DE'I BDAG NYID KYI MTSAN NYID KYI 'BREL PA NI MED DE, SHIN TU THA DAD PA'I PHYIR RO, ,DE LAS BYUNG BA'I MTSAN NYID KYI 'BREL BA YANG MED DE, TSIG NI 'DOD PA TZAM DANG RJES SU 'BREL BA NYID YIN PA'I PHYIR RO, ,TSIG 'BREL PA MED PA'I PHYIR SHES PAR 'DOD PA'I DON LA SHES PA SKYED BZHIN PA NA TSAD MAR RIGS PA YANG MA YIN TE, HA CANG THAL BAR 'GYUR BA'I PHYIR RO, ,TSIG NI BRJOD PAR 'DOD PA LA TSAD MA NYID YIN MOD KYI, 'ON KYANG DE RTOG PA DANG LDAN PA 'JUG PA'I YAN LAG NI MA YIN TE, 'DI LTAR JI LTAR BRJOD PAR 'DOD PA GANG DAG YIN PA DE DAG DE KHO NA BZHIN DU SGRUB PA'I DUS SU BYED PA NI MA YIN TE, DAM BCAS NA YANG SLU BA'I BSAM PAS RNAM PA GZHAN DU BSTAN BCOS BYED PA SRID PA'I PHYIR RO, ,GZHAN YANG BSTAN BCOS KYI DGOS PA TSAD MA GZHAN GYIS RTOGS PA GANG YIN PA DE LA DGOS PA'I NGAG NYE BAR BKOD PA DON

134b

MED PA NYID YIN TE, DE NI TSAD MA GZHAN KHO NA LAS 'JUG PA'I PHYIR RO, ,GANG YANG BSTAN BCOS KYI DGOS PA TSAD MA GZHAN GYIS GNOD PA DE LA YANG DON MED PA GSAL RAB PA NYID DE, DE NI TSAD MA GZHAN GYIS GNOD PA NYID KYI PHYIR 'JUG PA MI SRID PA'I PHYIR RO, ,'DI GNYI GA YANG KHAS BLANGS NAS BRJOD KYI, GANG GIS 'DI DAG YOD PA'AM MED PAR RTOGS PAR 'GYUR BA TSU ROL MTHONG BA RNAMS KYIS 'JUG PA LAS SNGAR DGOS PA LA SOGS PA'I SGRUB PAR BYED PA'AM, GNOD PAR BYED PA'I TSAD MA NI CUNG ZAD KYANG MED DE, DE NI 'JUG PA LAS RTOGS PA YIN PA'I PHYIR RO, ,'ON KYANG BSTAN BCOS KYI DGOS PA LA SOGS PA MA RTOGS PA GANG YIN PA DE LA NGAG 'DI BRTZAM PAR BYA BA YIN NA, RTOG PA DANG LDAN PA DE YANG NGAG 'DI LAS THE TSOM NYID SKYE'I, NGES BA NI MA YIN TE, TSAD MA MED PA'I PHYIR RO, ,THE TSOM DE YANG DAG NYE BAR BKOD PA LAS SNGAR YANG YOD PA'I PHYIR RO, ,DGOS PA LA SOGS PA'I NGAG NYE BAR BKOD PA DON MED PA MA YIN NAM ZHE NA, DE LTA BAS NA 'DI LA BRJOD PAR BYA STE, RE ZHIG RTOGS PA DANG LDAN PA RNAMS KYI 'JUG PA NI NGES PA NYID LAS YIN ZHING ZHES SMRAS PA GANG YIN PA DE NI MI BDEN TE, ZHING PA LA SOGS PA BZHIN DU THE TSOM LAS KYANG 'JUG PA MTHONG BA'I PHYIR RO, ,'DI SNYAM DU ZHING PA LA SOGS PA'I 'BYUNG BAR 'GYUR BA 'BRAS BU LA THE TSOM ZA BA YIN MOD KYI, 'ON KYANG DE DAG LA 'DI'I 'BRAS BU BSGRUB PA'I NGES PA YOD PA NYID YIN NO, ,DES NA DE DAG NGES PA SNGON DU 'GRO BAS 'JUG GO SNYAM DU SEMS NA, DE NI YANG DAG PA NYID MA YIN TE, 'DIR GANG ZHIG GANG GI DON DU 'JUG PA DE NI DE LA THE TSOM ZA NA YANG 'JUG PAR 'GYUR RO ZHES BYA BA DE TZAM ZHIG SKABS SU BAB PA YIN NO, ,GANG GIS SGRUB PAR BYED PA'I YUL LA NGES PA SRID PA'I PHYIR NGES PA SNGON DU 'GRO BA CAN GYI 'JUG PAR BRJOD PA ZHING PA LA SOGS SGRUB PAR BYED PA'I DON DU DE DAG LA 'JUG PA YANG MA YIN NO, ,'ON CI ZHE NA, 'BRAS BU'I DON DU DE DAG DE LA 'JUG LA, 'BRAS BU DE LA GEGS BYED PA LA SOGS PA SRID PA'I PHYIR NGES PA YOD PA MA YIN NO, ,DE LTA BAS NA DE DAG THE TSOM SNGON DU 'GRO BA NYID KYIS 'JUG PA YIN NO, ,YANG DANG PO'I 'JUG PA NI SGRUB PAR BYED PA NGES PA'I DON DU 'JUG PA GANG

135a

, ,YIN PA DE LA YANG SGRUB PAR BYED PA NGES PA MED DE, DE'I DON NYID KYI PHYIR DE LA 'JUG PA'I PHYIR RO, ,GZHAN YANG DE DAG GI SGRUB PAR BYED PA NGES PA YANG 'BYUNG BAR 'GYUR BA'I 'BRAS BU LA LTOS NAS 'DI 'BRAS BU MA 'ONGS PA'I RNAM PA DE LTA BU GDON MI ZA BAR SGRUB PAR 'GYUR BA YIN NO ZHES DE LTA BU'I NGO BO YIN PA'AM, YANG NA GEGS BYED PA DANG LHAN CIG BYED PA MA TSANG BA MED PA YIN NA GDON MI ZA BAR 'DI MNGON PAR 'DOD PA'I 'BRAS BU BSGRUB PAR NUS PA DE LTA BU'I NGO BO YIN GRANG, DE LA RE ZHIG DANG PO NI RIGS PA'I NGO BO MA YIN TE, LHAN CIG BYED PA MTSANG BA DANG GEGS BYED PA NYE BA SRID PA'I PHYIR 'GA' ZHIG DMIGS KYANG S'A LU LA SOGS PA RNAM PA DE LTA BU'I 'BRAS BU MA 'ONGS PA LA SGRUB PA MI BYED PAR MTHONG BAS, THAMS CAD DU DOGS PA MI LDOG PA'I PHYIR TE, TSOGS PA'I 'BRAS BU NUS PA RNAMS, ,'GYUR BA DANG 'BREL 'BRAS BU LA, ,MA NGES PA NI NYID YIN TE, ,GEGS BYED PA DAG SRID PHYIR RO, ,ZHES GANG BSHAD PA YIN NO, ,CI STE GNYIS PA'O ZHE NA, DE'I TSE 'DI NI CHES RIGS PA MA YIN TE, TSAD MA SNGON DU 'GRO BA CAN GYI 'JUG PA THAMS CAD NI DE LTA BU'I NGO BO YIN PA'I PHYIR RO, ,DE NYID KYI PHYIR SLOB DPON GYIS, 'DI'I RUNG BA NYID NI GEGS BYED PA MED NA'O ZHES DE LTAR RUNG BA NYID RJES SU DPAG PA LA KHYAD PAR SMRA BA YIN NO, ,'ON KYANG 'BRAS BU YANG TSUL 'DIS NGES PA'I PHYIR SGRUB PAR BYED PA NYID NI NGES PA MA YIN NO, ,DE LTA BU'I 'JUG PA LA DON DAM PA'I 'BRAS BU NGES PA SNGON DU 'GRO BA CAN GYI 'JUG PA 'GRUB PA YANG MA YIN TE, TSU ROL MTHONG BA RNAMS KYIS GEGS BYED PA LA SOGS PA MED PA NYID NGES PAR MI NUS PA'I PHYIR RO, ,'DI SNYAM DU DON DAM PAR GEGS BYED PA MED PAR NGES PAR MI NUS MOD KYI, 'ON KYANG GAL TE GEGS BYED PA MED PA YIN NA, DE'I TSE NGES PA KHO NAR 'DI LAS 'BRAS BU THOB PAR NGES PA YIN NO ZHES BYA BA RNAM PA DE LTA BU NGES PA TSAD MA SNGON DU 'GRO BA CAN GYI 'JUG PA LA YOD PA NYID YIN GYI, TSAD MA MA YIN PA SNGON DU 'GRO BA CAN LA NI YOD PA NI MA YIN NO, ,DE LTA MA YIN NA TSAD MA DANG TSAD MA MA YIN PA SNGON DU 'GRO BA CAN DAG GI 'JUG PA LA KHYAD PAR MED PAR 'GYUR RO, ,RNAM PA DE LTA BU'I NGES PA DE YANG TSIG LAS PHYI ROL GYI DON LA 'BYUNG BAR MI 'GYUR BA KHO NA STE,

135b

DE DANG DE LA 'BREL PA MED PAS TSAD MA MA YIN PA'I PHYIR RO SNYAM DU SEMS NA, 'DI NI BDEN TE, 'ON KYANG GAL TE TSIG LAS RTOGS PA DANG LDAN PA 'GA' ZHIG 'JUG PA MED PA DE GRUB PA YIN NA DE'I TSE DE THAMS CAD 'GYUR BA YIN NO, ,JI TZAM DU MNGON SUM DU MA GYUR PA'I 'BRAS BU LA 'GA' ZHIG GI 'JUG PA DANG LDOG PA'I PHAN YON CHEN PO DANG NGAN SONG DAG THOS PA'I PHYIR LUNG GI TSAD MA LAM BRTEN PAR GNAS PAR MI NUS PA 'GA' ZHIG DAG TSIG GI 'JUG PA MTHONG NGO, ,DE TZAM GYIS NI DE DAG RTOGS PA DANG LDAN PA LAS NYAMS PA YANG MA YIN TE, THABS KHYAD PAR CAN NYID KYIS 'JUG PA'I PHYIR RO, ,GANG GI PHYIR LUNG LAS MA RTOGS PA'I SHIN TU LKOG TU GYUR PA'I DON GYI YUL LA 'JUG PA'I THABS GZHAN YOD PA MA YIN TE, LUNG LAS GDON MI ZA BAR 'JUG PAR BYA BA YIN PA'I PHYIR RO, ,'GAL BA'I LUNG YONGS SU 'DZIN PAR BYED PA NA RTOG PA DANG MI LDAN PAR 'GYUR GYI, GNOD PA MED PA'I LUNG LA BRTEN NAS 'JUG PA NI JI LTAR RTOG PA DANG MI LDAN PAR 'GYUR TE, DE NYID YANG DAG PA'I THABS YIN PA'I PHYIR RO, ,LUNG KHYAD PAR DU 'PHAGS PA'I SKYES BUS BYAS PA NYID KYIS DON JI LTA BA BZHIN NGES PAR BZUNG NAS DE LA NGES PA NYID KYIS 'JUG PA YIN NO ZHES KYANG BRJOD PAR MI RIGS TE, KHYAD PAR DU 'PHAGS PA'I SKYES BU NYID TSU ROL MTHONG BA RNAMS KYIS NGES PAR MI NUS PA'I PHYIR RO, ,RTOG PA DANG LDAN PA YIN NA YANG LUNG LAS MI 'JUG PA YANG MA YIN PA DE BZHIN DU 'DI LA YANG GNOD PA MED PA'I DGOS PA LA SOGS PA'I TSIG THOS PA LAS BSTAN BCOS LA 'JUG PA RNAMS NI RTOG PA DANG MI LDAN PAR MI 'GYUR TE, THABS NYID KYIS 'JUG PA'I PHYIR RO, ,'DI LA 'JUG PA'I THABS GZHAN YOD PA MA YIN TE, 'JUG PA LAS SNGAR BSTAN BCOS KYI DON SHIN TU LKOG TU GYUR PA'I PHYIR RO, ,TSIG NI BRJOD PAR 'DOD PA LA TSAD MA YIN ZHES BYA BA LA SOGS PA SMRAS PA GANG YIN PA DE YANG SNYING PO MED DE, GANG GI PHYIR JI LTAR BRJOD PAR 'DOD PA'I DON LA BSTAN BCOS KYIS MTHAR PHYIN PAR DMIGS SO, ,DE BZHIN DU 'DI LA YANG RES 'GA' JI LTA BA ZHIG DU DAM BCAS PA'I DON MTHAR PHYIN PAR 'GYUR BA YIN NO SNYAM DU RIG NAS RTOG PA DANG LDAN PA 'JUG PA GANG GIS BZLOG MED PAR DOGS PAS

136a

, ,BZLOG PAR RIGS PA YANG MA YIN TE, DON LA THE TSOM ZAB LAS KYANG 'JUG PA'I PHYIR RO, ,GZHAN DU NA TSAD MA SNGON DU 'GRO BA CAN GYI 'JUG PA LA YANG 'BRAS BU MED PAR DOGS PA SRID PA'I PHYIR SU YANG 'JUG PAR MI 'GYUR RO, ,GNOD PA THOB PA'I DOGS PAS KYANG MI 'JUG PA MA YIN TE, BSTAN BCOS LAS MI 'DOD PA'I 'BRAS BU THOB PA MI SRID PA'I PHYIR RO, ,MNGON PAR 'DOD PA'I 'BRAS BU MI 'THOB PA'I SRID PA'I MTSAN NYID KYI GNOD PA THOB PAR DOGS PA YIN NO ZHES KYANG BRJOD PAR MI NUS TE, DE NI 'JUG PA THAMS CAD LA MTSUNGS PA NYID KYI PHYIR RO, ,GANG YANG BSTAN BCOS KYI DGOS PA LA SOGS PA MA GTOGS PA GANG YIN PA DE LA NGAG 'DI BRTZAM PAR BYA BA YIN NO ZHES GANG SMRAS PA KHO BO CAG KYANG DE SKAD DU SMRA'O, ,'ON KYANG SKYES BU DE'I THE TSOM NI DGOS BA'I NGAG NYE BAR BKOD PA LAS GANG YANG YOD MOD KYI, DE NI CI 'DI DGOS PA DANG BCAS PA YIN NAM, 'ON TE MA YIN ZHES DE NI DGOS PA'I SPYI LA YIN NO, ,DGOS PA TZAM LA THE TSOM ZA BA LAS 'JUG PAR RIGS PA YANG MA YIN TE, THAMS CAD LA 'JUG PA NYID DU THAL BAR 'GYUR BA'I PHYIR DANG, DGOS PA TZAM YANG DON DU GNYER BAR BYAS PA MA YIN PA'I PHYIR RO, ,'ON KYANG SO SOR NGES PA'I SGRUB PA'I THABS NYE BAR LEN PA'I RGYU DGOS PA'I KHYAD PAR GYI YUL CAN GYI THE TSOM LAS 'JUG PA MTHONG STE, SGRUB PA DON DU GNYER BA RNAMS 'GA' ZHIG KHO NA LA 'JUG PA NI DGOS PA'I KHYAD PAR 'DOD PA NYID YIN PA'I PHYIR RO, ,GANG GIS BSTAN BCOS GZHAN YONGS SU SPANGS NAS SO SOR NGES PA'I BSTAN BCOS YONGS SU 'DZIN PAR BYED PA DGOS PA'I TSIG LAS SNGAR DGOS PA'I KHYAD PAR GYI YUL LA THE TSOM SKYED PA'I RGYU 'GA' ZHIG YOD PA YANG MA YIN NO, ,'ON TE DGOS PA'I KHYAD PAR DON DU GNYER BA NYID KYI SKYES BU DGOS PA'I KHYAD PAR LA THE TSOM SKYE BA'I RGYU SNGAR YOD PA NYID MA YIN NAM, 'DI LTAR DGOS PA'I KHYAD PAR DON DU GNYER BA'I YID DANG LDAN PA CHES DANG POR CI 'DI KHO BO CAG GIS MNGON PAR 'DOD PA'I DGOS PAS DGOS PA DANG BCAS PA YIN NAM, CI STE GZHAN GYIS DGOS PA DANG BCAS SAM, 'ON TE DGOS PA MED PA YIN ZHES DE LTA BUR 'GYUR BA NYID YIN TE, DE'I SGRUB PAR BYED PA DANG GNOD PAR

136b

BYED PA'I TSAD MA MED NA DE RIGS PAS THOB PA NYID YIN PA'I PHYIR DANG, DGOS PA'I KHYAD PAR STON PAR BYED PA'I BSTAN BCOS GZHAN DMIGS PA'I PHYIR RO, ,NGES NA DGOS PA'I KHYAD PAR GYIS YUL LA THE TSOM SNGAR YANG YOD PA NYID YIN PA'I PHYIR DGOS PA'I TSIG NYE BAR BKOD PA DON MED PA YIN NO ZHE NA, DE NI YOD PA MA YIN TE, DGOS PA'I KHYAD PAR DON DU GNYER BA YANG THE TSOM GYI KHYAD PAR GYI RGYUR 'GYUR BA YIN MOD KYI, 'ON KYANG DE THAMS CAD LA MNGON SUM DU GYUR PA NI MA YIN TE, SKYES BU'I DON LA MI MKHAS PA RMONGS BA'I BLO CAN KHA CIG LA MNGON DU MI 'GYUR BA'I PHYIR TE, 'DI LTAR THAR PA NI SKYES BU'I DON MCHOG NYID DU GRUB MOD KYI, CI STE YANG, GANG DAG MI MKHAS PA KHA CIG SKYES BU'I DON GYI MCHOG DE LA SKYES BU'I DON NYID DU MI SHES PA YOD DE, DE LA SNGAR DANG PO NYID DU DON DU GNYER BAR MI 'GYUR RO, ,DGOS PA'I KHYAD PAR 'DOD PA MNGON DU MA GYUR PA RNAMS NI DGOS PA'I KHYAD PAR GYI YUL LA THE TSOM SKYE BA'I RGYUR RIGS PA YANG MA YIN TE, 'BRAS BU RNAMS NI RGYU YOD PA LA RAG LAS PA'I PHYIR RO, ,'GA' ZHIG GI MNGON SUM DU 'GYUR BA YIN MOD KYI, 'ON KYANG SGRUB PAR BYED PA GZHAN SPANGS NAS SO SOR NGES PA'I SGRUB PA NYE BAR LEN PA'I RGYU THE TSOM GYI KHYAD PAR GYI RGYUR MI 'GYUR RO, ,THAMS CAD SGRUB PAR BYED PA DANG GNOD PAR BYED PA'I TSAD MA MED PAS DE'I RGYU NYID DU RIGS PAS THOB PA'I PHYIR RO, ,DE TZAM GYIS 'JUG PAR RIGS BA YANG MA YIN TE, THAMS CAD LA 'JUG PAR THAL BAR 'GYUR BA'I PHYIR RO, ,'GA' ZHIG GIS KYANG THAMS CAD DU 'JUG PAR MI NUS PA DE'I PHYIR 'BRAS BU'I KHYAD PAR DON DU GNYER BA RNAMS KYIS KYANG SO SOR NGES PA'I SGRUB PAR BYED PA YONGS SU 'DZIN PA'I RGYU MTSAN MED PAS YAL BAR 'DOR BAR BYA'O, ,DE'I PHYIR SO SOR NGES PA'I SGRUB PA YONGS SU 'DZIN PA'I RGYUD DGOS PA'I KHYAD PAR GYI YUL LA THE TSOM BSKYED PA'I PHYIR SHIN TU LKOG TU GYUR PA'I DON GYI YUL LA LUNG BYED PA BZHIN DU 'BRAS BU'I KHYAD PAR DON DU GNYER BA RNAMS SO SOR NGES PA'I SGRUB PA GZUNG BA'I PHYIR DGOS PA'I NGAG BRJOD PAR BYA BA NYID YIN TE, 'DI LTAR DES NI BSTAN BCOS 'DI'I DON GYI KHYAD PAR BSTAN GYI GZHAN GYI NI MA YIN NO, ,DES NA 'DIS SO SOR NGES PA'I SGRUB PA'I BSGRUB BYA 'BRAS BU'I KHYAD PAR GYI YUL

137a

, ,CAN GYI THE TSOM SKYED PAR BYED DO, ,NYAN PA PO DE YANG RES 'GA' BDAG GI DON GYI KHYAD PAR 'DI SGRUB PAR 'GYUR RO ZHES SHIN TU LKOG TU GYUR PA'I DON LA LUNG GIS BSKYED PA BZHIN DU DGOS PA'I KHYAD PAR GYI YUL CAN DGOS PA'I TSIG GIS BSKYED PA'I THE TSOM LAS 'JUG PA YANG YIN PA'I PHYIR DES NA DGOS PA'I NGAG NYE BAR BKOD PA YIN NO, ,'DI NI GDON MI ZA BAR DE LTA BU YIN PAR SHES PAR BYA'O, ,DE LTA MA YIN NA SHIN TU LKOG TU GYUR PA'I DON GYI YUL CAN LA LUNG BYED PA YANG DON MED PAR 'GYUR TE, 'BRAS BU'I KHYAD PAR DON DU GNYER BA RNAMS NI SGRUB PAR BYED PA DANG GNOD PAR BYED PA'I TSAD MA MED PAR SPYIN PA LA SOGS PA LA DANG POR YANG THE TSOM DE YOD PA'I PHYIR RO, ,'ON KYANG THE TSOM NI MTHO RIS LA SOGS PA'I 'BRAS BU LA MI MKHAS PA RNAMS LA MI SKYE BA NYID DE, DE'I RGYUR 'GYUR BA'I 'BRAS BU'I KHYAD PAR DON DU GNYER BA MNGON DU MA GYUR PA'I PHYIR RO, ,GANG DAG LA SKYE BA DE DAG LA YANG RDO LA SOGS PA ZA BA THAMS CAD DU YANG 'JUG PA RGYU NYID DU THAMS CAD DU THUN MONG MA YIN PA'I PHYIR RO, ,DE YONGS SU SPANGS NAS SPYIN PA LA SOGS PA SO SOR NGES PAR YONGS SU 'DZIN PA'I RGYUR MI 'GYUR RO SNYAM NAS DE'I DON DU LUNG BYED PA PO RNAMS KYIS BYED PA DE BZHIN DU BSTAN BCOS BYED PA RNAMS KYIS DGOS PA'I NGAG KYANG BKOD PA'I PHYIR GLAN KA 'DI MED DO, ,GANG GIS DE DMIGS PA'I STOBS KYIS MNGON PAR 'DOD PA'I DGOS PA'I KHYAD PAR GYI YUL LA THE TSOM DU GYUR PA SHES PAR 'DOD PA'I DGOS PA'I KHYAD PAR STON PAR BYED PA'I BSTAN BCOS GZHAN DMIGS PA YANG MA YIN NO, , MNGON PAR 'DOD PA'I DGOS PA'I KHYAD PAR SGRUB PA'I BSTAN BCOS GZHAN SRID PA YIN NA RTOG PA DANG LDAN PA 'GA' ZHIG BSTAN BCOS GZHAN RTZOM PA NI MA YIN TE, RTOG PA DANG LDAN PA NYID NYAMS PAR THAL BA'I PHYIR RO, ,DE'I PHYIR BSTAN BCOS GZHAN DMIGS NA YANG BRJOD PAR 'DOD PA'I DGOS PA'I KHYAD PAR LA THE TSOM GYI RGYUR MI 'GYUR RO, ,DE LTA BAS NA NYAN PA PO'I SKYE PO 'JUG PAR BYA BA'I DON DU DGOS PA LA SOGS PA'I NGAG NYE BAR BKOD DO ZHES BYA BAR GNAS SO, ,GANG YANG NYAN PA PO'I SKYE BO 'JUG PA'I DON DU DGOS PA LA SOGS PA BRJOD PA NI MA YIN TE, DE LAS THE TSOM SKYE BA'I PHYIR LA,

137b

RTOG PA DANG LDAN PA THE TSOM GYIS 'JUG PA MI SRID PA'I PHYIR RO, ,'ON KYANG GANG DGOS PA DANG BRAL BA'AM, DON MED PA DE NI BRTZAM PAR BYA BA MA YIN TE, DPER NA BYA ROG GI SO BRTAG PA DANG SMYON PA LA SOGS PA'I TSIG BZHIN NO, ,BSTAN BCOS 'DI YANG DGOS PA DANG BRAL BA YIN NO, ,DES NA MNYAN PA'AM BYA BA BRTZAM PAR MI BYA'O ZHES BYA BA DE LTA BU'I KHYAB PAR BYED PA MI DMIGS PAS RTZOD PAR BYED PA GANG YIN PA DE'I GTAN TSIGS MA GRUB PAR BSTAN PAR BYA BA'I DON DU DANG POR DGOS PA LA SOGS PA'I NGAG NYE BAR BKOD PA YIN NO SNYAM DU SEMS NA, DE NI YANG DAG PA MA YIN PA LTA BUR MNGON TE THE TSOM GYIS KYANG 'JUG PA NYID BSGRUBS ZIN PA'I PHYIR DANG, MA GRUB PAR BSTAN PA DON MED PA'I PHYIR RO, ,GAL TE PHA ROL PO DE TSIG 'DI LAS 'JUG PAR 'GYUR BA DE LTA NA DE DON DANG LDAN PAR 'GYUR RO, ,GANG GIS 'DI 'JUG PAR 'GYUR BA'I JI TZAM DU NGAG 'DIS MA GRUB PA BRJOD DU ZIN KYANG RTOG PA DANG LDAN PA TSIG 'DI LAS JI SKAD DU BSHAD PA'I KHYAD PAR BYED PA YOD PA NYID LA NGES PA SKYE BA MA YIN TE, SNGA MA BZHIN DU TSIG MA MA YIN PA'I PHYIR DANG, KHYED KYI LUGS KYIS THE TSOM GYIS KYANG RTOG PA SNGON DU GTONG BA 'JUG PA MI SRID PA'I PHYIR RO, ,DE'I PHYIR MA GRUB PAR BSTAN PA 'BRAS BU MED PA NYID YIN NO; ,RTOG PA DANG LDAN PA 'GA' ZHIG BSTAN BCOS KYI LUNG MI SHES PA GLO BUR DU KHYAB PAR BYED PA MED PAR NGES TE, GONG GI RIGS PA 'DIS PHYIR RGOL BA GZHAN PA YANG MA YIN NO, ,GANG GIS DE DAG 'JUG PA'I DON DU MA GRUB PA BRJOD PAR BYA BAR 'GYUR BA DE LA PHYIR RGOL BA 'GOD PA'I PHYIR RANG NYID KYIS BSTAN BCOS KYI DGOS PA SHES PA YANG BSTAN BCOS BYED PAR RTZOM PA'AM, NYAN PA PO RTOG PA SNGON DU GTONG BA RGYU MTSAN MED PA'I PHYIR RGOL LAN GDAB RIN MO CHOG GI NGAG LAS LDOG PA YANG MA YIN NO, ,CI STE YANG RTOG PA SON DU MI GTONG BA GANG YIN PA DE GLO BUR DU RGYU MTSAN DANG BCAS PAR YANG JI SKAD DU BSHAD PA'I KHYAD PAR BYED PA MED PA LEN CING GZHAN DAG KYANG LEN DU 'JUG STE, DE'I PHYIR DE LA MA GRUB PAR BSTAN PAR BYA'O SNYAM NA DE YANG MI RIGS TE, GAL TE DE NGAG DE DAG BSTAN BCOS LA 'JUG PA'I YAN LAG MA YIN PA DE'I TSE DE LA MA GRUB PAR BSTAN PA DGOS PA MED PA NYID DE, DE LTA MA YIN TE HA CANG

138a

, ,THAL BAR 'GYUR RO, ,'DI LTAR KHA CIG 'BREL PA MED PA CHES MANG DU SMRA BA YANG YOD DE, DE DAG LA YANG MI RIGS PA BRJOD PA NYID BSTAN PAR BYA BA'I PHYIR BSTAN BCOS LA 'JUG PA'I NYE BAR MI MKHO BA CHES MANG PO DAG KYANG BRJOD PAR BYA DGOS PAR 'GYUR RO, ,DE LTA BAS NA GDON MI ZA BAR BSTAN BCOS BRTZAM PA LA GTAN TSIGS MA GRUB PAR BSTAN PA 'DI NI 'BRAS BU MED PA DANG, HA CANG THAL BAR 'GYUR DU 'ONGS PAS DE LTAR NA 'BRAS BU NI NYAN PA'I SKYE BO 'JUG PA NYID YIN PAR BRJOD PAR BYA'O, ,DE LTA BAS NA GANG YANG KHYAB BAR BYED PA MI DMIGS PAS MI RTZOD PA DANG; DGOS PA MA THOB PAR MI 'JUG PA DE LA CI'I PHYIR DON DANG BCAS PAR MI 'GYUR TE, JI SKAD DU SNGAR BSTAN PA BZHIN NO, ,DE LTA BAS NA NYAN PA PO'I SKYE BO 'JUG PA'I DON DU BRJOD PAR BYA BA LA SOGS PA BSTAN TO ZHES BYA BAR GNAS SO, ,RANG GI DON DU YANG MA YIN TE, DE LAS RANG NYID MI 'JUG BA'I PHYIR RO, ,DE LTA MA YIN NA SMYON PA'I SMRE SNGAGS LA SOGS PA BZHIN DU 'BREL PA MED PA KHO NAR 'GYUR RO, ,GANG YANG SLOB DPON GYIS RIGS PA'I THIGS PA RANG NYID KYANG DE LTAR RTOGS PAR 'GYUR ZHES BSAMS NAS, RANG GI DON GYI RJES SU DPAG PA LA YANG SBYOR BA 'DI YIN NO ZHES BSHAD PA DE YANG PHYI ROL GYI SBYOR BA'I DBANG DU BYAS PA MA YIN NO, ,'O NA CI ZHE NA, NANG DU BRJOD PA'I BDAG NYID KHO NA YIN TE, RANG GI DON GYI RJES SU DPAG PA NI SHES PA'I BDAG NYID YIN PA'I PHYIR RO, ,GANG YANG SKYE BO PHAL CHER PHAL LA CHAGS SHING ZHES BYA BA LA SOGS PA BSHAD PA DE YANG GZHAN DAG PHRAG DOG LA SOGS PA'I DRI MAS NYAMS PA'I YID CAN SNOD DU BYA BA'I PHYIR BSHAD PA YIN TE, SPROS PAS CHOG GO, ,STON PA LA MCHOD PAR BYED PA NI LEGS PA THAMS CAD THOB PA'I RGYU BCOM LDAN 'DAS LA DANG BA BSKYED PA'I DON DU STE, 'DI LTAR YON TAN BRJOD PA'I SGO NAS MCHOD PA BYAS PA 'DIS BCOM LDAN 'DAS KYI CHE BA'I BDAG NYID KHYAD PAR DU 'PHAGS PA DANG LDAN PA STON PAR BYED DO, ,DE THOS NAS KYANG RE ZHIG DAD PA'I RJES SU 'BRANG BA RNAMS NI THE TSOM MED PAR MYUR DU BCOM LDAN 'DAS LA DANG BA SKYE'O, ,GANG YANG CHOS KYI RJES SU 'BRANG BA DE DAG KYANG DE LTA BU LA GNOD PA MA MTHONG STE, SHES RAB LA SOGS PA'I YON TAN GOMS PAS

138b

KHYAD PAR DU 'PHAGS PAR 'GYUR BA DANG, 'CHAD PAR 'GYUR BA'I DBANG PO LAS 'DAS PA'I DON DU SGRUB PAR BYED PA'I TSAD MAS RNAM PA DE LTA BU'I MKHAS PAR 'GRO BA NI SRID PAR NGES SO SNYAM DU NGES PAR BZUNG NAS BCOM LDAN 'DAS LA DANG BA SKYED PAR BYED PA NYID YIN NO, ,DE LA DANG BAS KYANG DE'I YON TAN MNGON PAR 'DOD PA RNAMS DE'I GSUNG RAB DANG, DE LA BRTEN PA'I BSTAN BCOS LA SOGS PA LA BRTAG PA SNGON DU 'GRO BAS 'DZIN PA LA SOGS PA'I DON DU GUS PAR BYED DO, ,DE LAS THOS BA LAS BYUNG BA LA SOGS PA'I SHES RAB SKYE BA'I RIM GYIS LEGS PA'I MCHOG THOB PA'I BAR DU 'GYUR BA'I PHYIR CHEN PO DAG LA DANG BA NI LEGS PA THAMS CAD THOB PA'I RGYU'I GTZO BO YIN NO, ,DE NYID KYI PHYIR BSTAN BCOS BYED PA PHAL CHER STON PA PO RAB TU GRAGS PA LA BRTEN NAS, BSTAN BCOS BYED PA LA BSTAN BCOS KYI DANG POR RE ZHIG RANG GI STON PA LA MCHOD PA BYED PA YIN TE, DE NI DE LA 'JUG PA'I YAN LAG GI CHA TZAM YOD PA'I PHYIR RO, ,DE NYID KYI PHYIR BSTAN BCOS BYED PAR 'DOD PAS RANG GI STON PA'I CHE BA'I BDAG NYID SHES PAR BYA BA'I PHYIR DE LA PHYAG 'TSAL BA RTZOM MO ZHES BSHAD DO, ,DE LTA NA STON PA LA MCHOD PAR BYED PA NI DON MED PA MA YIN NO, ,DE LA PHYAG 'TSAL NAS SHES BYA BA'I BAR GYIS NI STON PA LA MCHOD PAR BRJOD PA BSTAN TO, ,DE KHO NA NYID BSDU BA BYA, ,ZHES PA 'DIS NI BRJOD PAR BYA BA DANG, DGOS PA GNYIS BSTAN TE, 'DI LTAR BSTAN BCOS 'DI'I BRJOD PAR BYA BA NI RANG BZHIN LA SOGS PA'I BYED PA DANG BRAL BA'I DE KHO NA NYID LA SOGS PA'I RTEN CING 'BREL PAR 'BYUNG BA'I KHYAD PAR GYI MTSAN NYID KYI DE KHO NA LA SOGS PA'I BYED PA DANG BRAL BA NYID YIN NO, ,DE DAG KYANG DE KHO NA NYID KYI SGRAS SHUGS KYIS BSTAN PA KHO NA STE, GZHAN DAG NI DE KHO NA NYID KYI DON NYID DU MI 'THAD PA'I PHYIR RO, ,'ON TE NGAG NYID BRJOD PAR BYA BA DANG LDAN PA YIN GYI GZHAN NI MA YIN NO ZHES RIGS PA MA YIN NAM, BSTAN BCOS MTHA' DAG NI DAG MA YIN GYI, 'ON KYANG NGAG GI TSOGS YIN NO, ,DES NA 'DI LA BRJOD PAR BYA BA GAL SRID CE NA, DE NI YOD PA MA YIN TE, NGAG TSOGS PA'I BDAG NYID BSTAN BCOS YIN MOD KYI, 'ON KYANG NGAG DE NI PHAN TSUN LTOS NAS

139a

, ,'BREL PAR GNAS TE, DE LTA MA YIN NA SMYON PA LA SOGS PA'I TSIG GI TSOGS BZHIN DU DON 'BREL PA MED PA NYID DU 'GYUR RO, ,DE LTA BAS NA PHAN TSUN 'BREL PA CAN SGRA DU MA TSOGS PA'I BDAG NYID YIN PA'I PHYIR DE LAS GZHAN PA'I NGAG BZHIN DU BSTAN BCOS NI NGAG NYID YIN NO, ,TSIG KHO NAS NGAG RTZOM PA YANG MA YIN GYI, 'ON KYANG NGAG GIS KYANG RTZOM PA YIN PA DE BAS NA BSTAN BCOS NI DAG CHEN PO YIN PA'I PHYIR BRJOD PAR BYA BA DANG LDAN PA YIN PA'I PHYIR KLAN KA MED DO, ,DGOS PA NI BSDUS PA'I TSIG GIS BSTAN TE, 'DI LTAR BSTAN BCOS LA 'JUG PAR 'DOD PA RNAMS KYI DGOS PA NYE BAR BSTAN PA NA DE LTAR GTOGS PA NYID BSTAN PAR BYA'I, GZHAN DU GTOGS PA NI MA YIN NO, ,DE LTA MA YIN NA SMRA BA PO 'BREL PA MED PA BRJOD PA NYID DU 'GYUR RO, ,SMRA BA PO BSTAN BCOS LA SOGS PA'I DGOS PA BRJOD PA YANG BSTAN BCOS LA GZHAN DAG GZHUG PAR 'DOD PAS YIN GYI ZHES PAS NI MA YIN NO, ,JI LTAR NA GZHAN DAG DGOS PA BSTAN PAS BSTAN BCOS LA 'JUG PAR 'GYUR BA, GAL TE DER GTOGS PA NYID KYI DGOS PA BRJOD PA YIN GYI GZHAN DU GTOGS PAS NI MA YIN NO, ,GANG GI PHYIR GZHAN GYI DGOS PA BRJOD PAS RTOG PA DANG LDAN PA GZHAN LA 'JUG PA NI MA YIN NO, ,KHYAD PAR CAN GYI DON STON PAR NUS PA'I TSIG NI BSTAN BCOS SU BRJOD KYI, ,BRJOD PAR BYA BTZAM YANG STON PA LHUR LEN PA NI MA YIN LA, SGRA TZAM DON STON PA'I NUS PAS STON PA YANG MA YIN NO, ,DE LTA BAS NA BRJOD PAR BYA BA LA SOGS PAR GTOGS PA'I DGOS PA NI BSTAN PAR BYA BA MA YIN NO, ,GANG YANG SLOB DPON GYIS YANG DAG PA'I SHES PA NI SKYES BU'I DON THAMS CAD 'GRUB PA'I SNGON DU 'GRO BA CAN YIN PAS NA ZHES GANG BSTAN PA DE NI DGOS PA BSTAN PA YIN GYI BA RJOD PAR BYA BA'I DGOS PA NI MA YIN TE, YANG DAG PA'I SHES PA RTOGS PA NYID YANG DAG PA'I SHES PA'I SGRAR BRJOD PAR 'DOD PA'I PHYIR TE, YANG DAG PA'I SHES PA RTOGS PA SNGON DU 'GRO BA CAN ZHES BYA BA'I DON TO, ,DE LTA YIN DANG DE BSTAN TO, ,ZHES BYA BA 'DI NI DGOS PA BRJOD PA'I DON DU 'BREL PA YIN GYI, DE LTA MA YIN NA 'BREL PA MED PA NYID DU 'GYUR RO, ,BSTAN BCOS KYI DGOS PA DE YANG RNAM PA GSUM

139b

TE; BYA BA'I NGO BO DANG, BYA BA'I 'BRAS BU DANG, BYA BA'I 'BRAS BU'I 'BRAS BU'O, ,'DI LTAR PHA ROL RTOGS PAR BYA BA'I DON DU BRTZAMS PA'I BSTAN BCOS NI BYED PA NYID DAM BYED PA PO NYID DU 'GYUR TE, BYED PA PO DANG BYED PA DAG KYANG SGRUB PAR BYED PA YIN PA'I PHYIR JI SKAD DU BSHAD PA'I DGOS PA LAS MA GTOGS PA'I DGOS PA NI YOD PA MA YIN TE, SGRUB PAR BYED PA NI BYA BA LA LTOS BA'I PHYIR DANG, BYA BA LA SOGS PA RNAM PA GSUM PO DE MED NA MI 'BYUNG BA'I PHYIR DE DGOS PA NYID DU RIGS LA, DNGOS DANG BRGYUD PAS BYAS PA'I KHYAD PAR NI YOD DO, ,BYA BA RTZOM PA NI DE'I DON DU YIN PA'I PHYIR DGOS PA NI 'BRAS BU DE'I GTZO BO YIN NO, ,DE LA NGAG THAMS CAD RANG GI BRJOD PAR BYA BA STON PAR BYED PA'I MTSAN NYID KYI BYA BA NI THUN MONG BA YIN NO, ,DE YANG SHIN TU GRAGS PA'I PHYIR DGOS PA NYID DU BSTAN PAR BYA BA MA YIN TE, DE NI BSTAN BCOS LA 'KHRUL PA MED PA'I PHYIR RO, , GAL TE BRJOD PAR BYA BA MED PAR DOGS PA BSAL BA'I DON DU BSTAN PAR BYA BA YIN NO ZHE NA MA YIN TE, BRJOD PAR BYA BA'I KHYAD BAR BSTAN PA NYID KYIS DOGS PA BSAL ZIN PA'I PHYIR RO, ,BRJOD PAR BYA BA'I KHYAD PAR BSTAN PAR 'DOD PA'I DON DU DE BSTAN PA YANG MA YIN TE, BRJOD PAR BYA BA'I KHYAD PAR BSTAN PA NYID KYIS DE BSTAN ZIN PA'I PHYIR RO, ,DE LTA BAS NA GANG THUN MONG MA YIN PA'I BYA BA DE BSTAN PAR BYA'O, ,DE KHO NA NYID BSDU BA'I MTSAN NYID DE YANG BSTAN BCOS 'DI LA YOD PA NYID YIN NO, ,GANG GI PHYIR BSTAN BCOS 'DIS DE KHO NA NYID DE DAG DE DANG DER 'THOR BA RNAMS NYAN PA PO'I BLO GCIG LA 'GOD BA'I MTSAN NYID KYI BSDU BA BYED PA YIN NO, ,DE'I PHYIR DE NYID BSDU BA'I SGRAS BSTAN PA YIN NO, ,DE KHO NA NYID BSDUS PA'I BYA BA 'DI'I 'BRAS BU NI BSTAN PAR BYA BA'I RGYUD DU GTOGS PA'I DE KHO NA NYID BDE BLAG TU RTOGS PA YIN TE, DE YANG BSDUS PA'I SGRAS BSAL BAR BYAS PA NYID YIN NO, ,DE KHO NA NYID GCIG TU BSDUS PA NI RTOGS PA POS BDE BLAG TU RTOGS PAR 'GYUR GYI, ,RNAM PAR 'THOR BA NI DKA' BAS 'DZIN PA'I PHYIR BDE BLAG TU 'DZIN PA'I RGYUR BSDUS PA'I SGRAS BSDUS PA STON PA NA DE KHO NA NYID BDE BLAG TU RTOGS PAR BYA BA'I DON DU 'DI BRTZAMS SO ZHES BSTAN PA YIN NO, ,DE KHO NA NYID RTOGS PA

140a

, ,TZAM NI 'DI'I 'BRAS BU MA YIN TE, DE LTA NA NI SNGON GYI SLOB DPON DAG GIS DE KHO NA NYID BSTAN ZIN PA'I PHYIR BSTAN BCOS BYED PA DON MED PAR 'GYUR RO, ,DE'I PHYIR PHA ROL RJES SU 'DZIN BA KHYAD PAR CAN MED PA'I PHYIR DANG, BSTAN BCOS KYANG GZHAN GYI DON DU YIN PA'I PHYIR RO, , DE'I PHYIR SNGON GYI SLOB DPON RNAMS KYIS DE KHO NA NYID BSTAN ZIN NA YANG BLO DMAN PAS SHIN TU 'THOR BA NYID KYIS BDE BLAG TU GZUNG BAR MI NUS PA GANG YIN PA DE LA BDE BLAG TU GZUNG BAR BYA BA'I PHYIR DE KHO NA NYID BSDUS PA BRTZAM BA NI 'BRAS BU MED PA MA YIN PAR 'DOD DO SNYAM DU BSAMS NAS BSTAN BCOS 'DI BRTZAMS SO; ,DE NYID KYI PHYIR DE KHO NA NYID BSDUS PA ZHES BSHAD KYI, GZHAN DU NA, DE NYID GTAN LA DBAB PA BYA, ,ZHES DE SKAD DU BSTAN PAR BYA BAR 'GYUR RO, ,DE LTAR NA BRJOD PAR 'DOD PA'I DON JI LTA BA BZHIN GSAL POR BSTAN PAR BYAS PAR 'GYUR RO, ,DE LTA BAS NA BSDU BA BYED PA'I 'BRAS BU NI DE KHO NA NYID BDE BLAG TU RTOGS PA KHO NA YIN NO, ,BDE BLAG TU RTOGS PA DE'I YANG DGOS PA NI YUN MI RING BAS MNGON PAR MTHO BA DANG NGES PAR LEGS PA THOB PA YIN NO, ,DE YANG RAB TU GRAGS PA'I PHYIR MA BRJOD DE, DE KHO NA NYID SHES PA LAS MNGON PAR MTHO BA DANG NGES PAR LEGS PA 'THOB PAR 'GYUR RO ZHES BYA BA NI THAMS CAD YOD PAR SMRA BA RNAMS LA GRAGS PA'I PHYIR RO, ,YANG NA; 'GRO LA PHAN PA MDZAD BZHED PAS, ,ZHES BYA BA'I 'OG TU DE YANG BSTAN PA YIN NO, ,'DI LTA STE DE GANG GI DON DU ZHE NA, 'GRO LA PHAN PA MDZAD BZHED PAS, ,DE KHO NA NYID BSDU BA BYA, ,ZHES BYA BA 'BYUNG NGO, ,JI LTAR DE KHO NA NYID BSDU BA'I BYA BA 'GRO LA PHAN PA'I RGYUR 'GYUR ZHE NA, GAL TE 'GRO BA LA PHAN PA SGRUB PA NI DE KHO NA NYID BSDU BA'I 'BRAS BU YIN NA 'GYUR TE, DPER NA SKOM PAS CHU 'ON CIG CES BYA BA 'DI LA CHU 'THUNG BA DE NI LEN PA'I BYA BA'I 'BRAS BU YIN PAR RTOGS PA DE BZHIN DU 'DI LA YANG NGO, ,DE'I PHYIR 'GRO BA LA PHAN PA BSGRUB PA'I DON DU DE KHO NA NYID BSDUS PA BYA 'O ZHES BYA BA'I DON DU GNAS SO, ,DGOS PA 'DI LA RJES SU MTHUN PA'I THABS CAN DU BSTAN PA YIN TE, 'DI LTAR MNGON PAR MTHO BA DANG NGES BAR LEGS PAR THOB BA NI 'GRO BA LA PHAN PAR BRJOD LA, DE'I RGYU NI PHYIN CI MA LOG PA YIN TE, KUN NAS NYON MONGS PA THAMS CAD KYI RTZA BA NI PHYIN CI LOG

140b

YIN PA'I PHYIR DANG, 'GRO BA LA PHAN PA YANG KUN NAS NYON MONGS PA LAS BZLOG PA YIN PA'I PHYIR RO, ,DE'I PHYIR DE'I RGYU LAS BZLOG PA 'DI'I RGYU YIN PAR GNAS SO, ,PHYIN CI MA LOG PAR YANG LAS DANG 'BRAS BU'I 'BREL PA JI LTA BA BZHIN DU YID CHES PA DANG, GANG ZAG DANG CHOS LA BDAG MED PAR PHYIN CI MA LOG PAR RTOGS PA YIN TE, DE YANG RTEN CING 'BREL PAR 'BYUNG BA PHYIN CI MA LOG PAR STON PAR BYED PA'I BSTAN BCOS 'DI LAS THOS PA DANG BSAM PA DANG BSGOM PA'I RIM GYIS 'BYUNG BA'I PHYIR, DES NAS DE KHO NA NYID BSDU BA'I BYA BAS 'GRO BA LA PHAN PA YANG SGRUB PA YIN NO ZHES BYA BA YANG KHONG DU CHUD DO, ,MNGON PAR MTHO BA DANG NGES PAR LEGS PA THOB PA YIN NA MNGON PAR 'DOD PA'I DON YONGS SU RDZOGS PAS SKYES BU'I 'DOD PA TZAM CHAD PA'I PHYIR DE LAS GONG DU DGOS PA GZHAN BTZAL BAR BYA BA MA YIN PA'I PHYIR DGOS PA YONGS SU MA RDZOGS PA MA YIN NO, ,'BREL PA YANG 'BRAS BU MED PA'I PHYIR BRJOD PAR BYA BA DANG, DGOS PA DAG LAS LOGS SHIG TU BSTAN PAR BYA BA MA YIN TE, 'DI LTAR DE STON PA NA BSTAN BCOS DANG DGOS PA GNYIS BSGRUB PAR BYA BA DANG SGRUB PAR BYED PA'I NGO BO'I MTSAN NYID BSTAN PAR BYA BA YIN GYI, GZHAN BLA MA BRGYUD PA'I RIM PA LA SOGS PA'I MTSAN NYID NI MA YIN TE, DE NI DON LA 'JUG PA'I YAN LAG MA YIN PA'I PHYIR RO, ,BSGRUB PAR BYA BA DANG SGRUB PAR BYED PA'I NGO BO DE YANG DGOS PA BRJOD PA NYID KYIS BSTAN TE, 'DI LTAR 'DI NI 'DI'I DGOS PA YIN NO ZHES BSTAN PA NA 'DI NI 'DI'I SGRUB PAR BYED PA YIN NO ZHES BSTAN PAR 'GYUR RO, ,GANG ZHIG GANG SGRUB PAR BYED PA MA YIN PA DE NI DE'I DGOS PA MA YIN TE, HA CANG THAL BA'I PHYIR RO, ,DE LTA BAS NA SHUGS KYIS THOB PA'I PHYIR 'DI'I BRJOD PAR BYA BA DANG, DGOS PA DAG LAS LOGS SHIG TU BRJOD PAR MI BYA'O, ,GANG ZHIG GANG BRJOD NA YANG MI RTOGS PA NI DPER NA BRJOD PAR BYA BA DANG, DGOS PA GNYIS GANG YANG RUNG BA BRJOD KYANG CIG SHOS MI RTOGS PA YIN PA LTAR DE LAS LOGS SHIG TU BSTAN PAR 'OS SO, ,GANG GI PHYIR DGOS PA BRJOD KYANG JI SKAD DU BSTAN PA'I 'BREL PA MI RTOGS PA NI MI SRID PA'I PHYIR, BRJOD PAR BYA BA DANG DGOS PA

141a

, ,GNYIS KHO NA BRJOD PAR BYA'O, ,BRJOD PAR BYA BA LA SOGS PA 'DI DAG KYANG KHO BO CAG GIS NGAG GI DON NYID DU RNAM PAR MA PHYE'I, 'ON KYANG NGAG LAS DE'I DON DU CHA SHAS BSDUS NAS BYE BA YIN NO, ,NGAG GI DON NI JI SKAD DU BSHAD PA'I BSDU BA BYED PA NYID YIN NO, , YANG NA BRJOD PAR BYA BA LA SOGS PA PHAL PAR GYUR PA YANG NGAG 'DI LAS RTOGS PAR BYA BA YIN PA'I PHYIR NGAG GI DON NYID DU YANG 'GAL BA MED PA NYID DO, ,NGAG GTZO BOS DON DU MA RJOD PAR BYED PA NI 'GAL GYI, GTZO BO DANG PHAL PA'I NGO BOS NI MA YIN NO, ,CI STE YON TAN GYI TSOGS DPAG TU MED PA'I RTEN BCOM LDAN 'DAS LA CI'I PHYIR RTEN CING 'BREL PAR 'BYUNG BA STON PA KHO NAS BSTOD PA BRJOD CE NA, KLAN KA 'DI NI MED DE, THAMS CAD DU BRTAG PA MTSUNGS PA'I PHYIR DANG, YON TAN DPAG TU MED PA BRJOD PA NYID KYIS MCHOD PAR BRJOD PAR BYA BAR YANG MI NUS PA'I PHYIR, YON TAN GYI PHYOGS GCIG BRJOD PA NYID KYIS DE BRJOD DO, ,DES NA RTEN CING 'BREL PAR 'BYUNG BA STON PA BRJOD PA NYID KYIS DE BRJOD PA'AM, YANG NA RNAM PA GZHAN DU YIN PA'I PHYIR KHYAD PAR CUNG ZAD KYANG MED DO, ,DE LTA NA YANG KHYAD PAR BRJOD PA, 'DI LTAR YON TAN PHUN SUM TSOGS PA YANG DAG PA'I LTA BA DANG LDAN PA'I PHYIR 'GRO BA MNGON PAR MTHO BA DANG NGES PAR LEGS PA THOB BAR MDZAD PA'I PHYIR BCOM LDAN 'DAS STON PA YIN NO, ,DE NYID MNGON PAR MTHO BA DANG NGES PAR LEGS PA DON DU GNYER BA RNAMS BCOM LDAN 'DAS LA SKYABS SU 'GRO BA LA SOGS PA'I RGYUR BRJOD PAR BYA'O, ,RTEN CING 'BREL PAR 'BYUNG BA STON PA NYID KYIS KYANG BCOM LDAN 'DAS MNGON PAR MTHO BA LA SOGS PA THOB PAR MDZAD PA YIN TE, 'DI LTAR RTEN CING 'BREL PAR 'BYUNG BA PHYIN CI MA LOG PAR STON PA'I PHYIR, DE'I DON NGES PAR BZUNG BA LAS BDE 'GRO'I RGYU LAS DANG 'BRAS BU PHYIN CI MA LOG PA LA YID CHES PA SKYE ZHING, NGES PAR LEGS PA'I RGYU GANG ZAG DANG CHOS LA BDAG MED PAR RTOGS PA YANG THOS PA DANG BSAM PA DANG SGOM PA'I RIM GYIS SKYE'O, ,DE SKYES NA YANG 'KHOR BA'I RGYU MA RIG PA LDOG GO, ,DE LOG NA YANG DE'I TSE RTZA BA CAN NYON MONGS PA DANG SHES BYA'I SGRIB PA MTHA' DAG LDOG PA'I PHYIR SGRIB BA THAMS CAD DANG BRAL

141b

BAS BYANG GROL THOB PAR 'GYUR RO, ,DES NA RTEN CING 'BREL PAR 'BYUNG BA STON PA'I BCOM LDAN 'DAS KYI GSUNG MNGON BAR MTHO BA LA SOGS PA 'THOB PAR MDZAD PA'I RIN PO CHE 'DI NI GTZO BO YIN PA'I PHYIR RTEN CING 'BREL PAR 'BYUNG BA PHYIN CI MA LOG PA BRJOD PA NYID KYIS BCOM LDAN 'DAS LA BSTOD PA BRJOD DO, , RTEN CING 'BREL PAR 'BYUNG BA DE YANG GZHAN DAG GIS MI MTHUN PA'I RGYU DANG TSAD MA DANG 'GAL BA'I DNGOS PO LA BRTEN PAR 'DOD DE, DE LTA BAS NA DE BSAL BA'I SGO NAS BCOM LDAN 'DAS KYIS JI LTA BA BZHIN DU GSUNGS PA YIN NO ZHES BSTAN PA'I DON DANG, 'CHAD PAR 'GYUR BA'I BSTAN BCOS MTHA' DAG GI BRJOD PAR BYA BA'I DON DE KHO NA NYID BSDU BA'I PHYIR JI SKAD DU BSHAD PA'I RTEN CING 'BREL PAR 'BYUNG BA KHYAD PAR MANG PO RNAMS BZUNG BA YIN NO ZHES BYA BA NI SPYI'I DON TO, ,YAN LAG GI DON BRJOD PAR BYA STE, DE LA, GANG GIS RTEN CING 'BREL PAR 'BYUNG, ,ZHES BYA BA NI, RANG BZHIN DBANG DANG GNYI GA DANG, ,BDAG SOGS BYA BA DANG BRAL BA, ,ZHES BYA BA LA SOGS PA THAMS CAD DU SBYAR BAR BYA'O, ,DE LA GANG GIS ZHES BYA BA LA SOGS PA LA, GANG ZHES BYA BA SPYIR BRJOD DU ZIN KYANG SANGS RGYAS BCOM LDAN 'DAS LA 'JUG STE, GZHAN LA JI SKAD DU BSHAD PA'I YON TAN MI SRID PA'I PHYIR RO, ,RTEN CING 'BREL PAR 'BYUNG BA ZHES BYA BA NI RGYU DANG RKYEN LA BRTEN NAS DE YANG DAG PAR BRTEN NAS PHUNG PO LAS SOGS PA RNAMS KYI SKYE BA GANG YIN PA DE NI RTEN CING 'BREL PAR 'BYUNG BA'O, ,JI SKAD DU RGYU DANG RKYEN GYI STOBS KYIS BSKYED PA'I PHUNG PO LA SOGS PA GANG GIS GSUNGS BA ZHES BSTAN PA YIN NO, ,'BYUNG BA ZHES BYA BA THA DAD PA LTA BUR BSTAN PA YIN MOD KYI, 'ON KYANG RTEN CING 'BREL PAR 'BYUNG BA'I DNGOS PO NYID KHYAD PAR GZHAN SPANG BA RTZAM SHES PAR 'DOD PA LA DE SKAD DU BSTAN TO, ,YANG NA 'BYUNG BAR BYED PAS 'BYUNG BA STE, KRi TYA LYA tOO BAR BA HU LAm ZHES BYA BAR BA HU LA ZHES 'BYUNG BAR BYED PA PO'I RKYEN GHA YIN NO, ,DE NAS PRA TI TYA'I SGRA DANG BSDU BA BYA STE, SUB SU PE TI MA YU R'A BHY'Am SA KA LA SOGS PA NYID BYUNG BA'I PHYIR RO, ,YANG NA BSDU BA MED BA KHO NA YIN NO, ,DE LTAR NA SNGAR NI MED PA KHO NA YIN PAS MA BYAS LA, ,PHYIS NI DGOS SAM SEMS NAS BCUG GO, ,RANG BZHIN NI GRANGS CAN GYIS KUN TU BRTAGS PA'I RDUL DANG MUN PA DANG

142a

, ,SNYING STOBS KYI RANG BZHIN TE GTZO BO'O, ,DBANG NI DBANG PHYUG GO, ,GNYIG NI DE DAG KHO NA GNYIS SO, ,BDAG NI 'BYIN PA DANG SDUD PAR BYED PA'I SKYES BU STE DE LAS GZHAN YANG 'KHOR BA YIN NO, ,SOGS PA SMOS PAS DUS LA SOGS PA GZUNG STE, DE DAG GI BYA BA NI RGYU'I NGO BO'O, ,DE DANG BRAL BA NI DE'I BYA BAS STONG PA ZHES BYA BA'I DON TO, ,DE LA 'DI NI BCOM LDAN 'DAS KYIS MYU GU DE YANG RANG NYID KYIS BYAS PA MA YIN, GZHAN GYIS BYAS PA MA YIN, GNYI GAS BYAS PA MA YIN, DBANG PHYUG GIS SPRUL PA MA YIN, ,DUS YONGS SU GYUR PA MA YIN, RANG BZHIN LAS BYUNG BA MA YIN, RGYU GCIG LA RAG LAS PA MA YIN, RGYU MED PA LAS SKYE BA YANG MA YIN NO ZHES GSUNGS SO, ,'DIS NI GTZO BO DANG, DBANG PHYUG DANG, GNYI GA'I RGYU CAN DANG, SGRA'I TSANGS PA DANG, BDAG BRTAG PA RNAMS BSTAN TO, ,CI STE DE LTA BUR GYUR PA'I RTEN CING 'BREL PAR 'BYUNG BA DE CI SKAD CIG MA MA YIN PAR GSUNGS SAM ZHE NA MA YIN NO ZHES SMRAS PA, G-YO BA STE G-YO BA ZHES BYA BA NI MI BRTAN PA SKAD CIG MA ZHES BYA BA'I THA TSIG STE, GZHAN LA NI G-YO BA NYID MI RUNG BA'I PHYIR RO SNYAM DU BSAMS PA YIN NO, ,DE LA 'DI NI BCOM LDAN 'DAS KYIS, 'DUS BYAS THAMS CAD SKAD CIG MA, ,MI GNAS BYA BA GA LA YOD, ,'DI DAG 'BYUNG BA DE NYID NI, ,BYA BA DE NYID BYED PAR BRJOD, ,CES GSUNGS SO, ,'DIS NI BRTAN PA'I DNGOS PO BRTAG PA BSTAN TO, ,GAL TE DE LTA NA RTEN CING 'BREL PAR 'BYUNG BA LA BRTEN NAS LAS DANG 'BREL BU'I 'BREL PA LA SOGS PA'I RNAM PAR GZHAG PA THOB PAR MI 'GYUR TE, GYO BA'I PHYIR RO ZHE NA, DE'I PHYIR LAS DANG ZHES BYA BA LA SOGS PA SMOS TE, 'DI YANG PHYIS STON PAR 'GYUR RO SNYAM DU BSAMS PA'O, ,DE LA LAS NI DGE BA DANG MI DGE BA'O, ,DE'I 'BRAS BU NI 'DOD PA DANG MI 'DOD PA'O, ,DE DAG GI 'BREL PA NI BSKYED PAR BYA BA DANG SKYED PAR BYED PA'I NGO BO'I MTSAN NYID DO, ,DE'I RNAM PAR GZHAG PA NI YANG DAG PAR GNAS PA DANG THA SNYAD CES BYA BA'I THA TSIG GO, ,SOGS PA'I SGRAS NI DRAN PA DANG, NGO SHES BA DANG, THE TSOM DANG, NGES BA DANG, RANG GIS GTAMS PA LEN PA DANG, DON MTHONG BA LA NGO MTSAR DANG BRAL BA DANG, RGYU DANG 'BRAS BU'I DNGOS PO DANG, DE RTOGS PAR BYED PA'I TSAD MA DANG, BCINGS PA DANG, THAR PA LA SOGS PA'I RNAM PAR GZHAG PA

142b

GZUNG NGO, ,DE DAG GI RTEN ZHES TSIG RNAM PAR SBYAR RO, ,DE LA BCOM LDAN 'DAS KYIS KYE DGE SLONG DAG 'DI LA LAS YOD DO, ,'BRAS BU YOD DO, ,GANG CHOS SU BRDAR BTAGS PA MA GTOGS PA PHUNG PO 'DI 'DOR ZHING PHUNG BO GZHAN NYE BAR LEN PA'I BYED PA PO NI MI DMIGS SO, ,DE LA CHOS SU BRDAR BTAGS PA NI 'DI YIN TE, 'DI LTA STE 'DI YOD NA 'DI 'BYUNG ZHES BYA BA LA SOGS PA GSUNGS SO, ,'DIS NI LAS DANG 'BRAS BU'I 'BREL PA BRTAG PA BSTAN TO, ,RTEN CING 'BREL PAR 'BYUNG BA 'DI YANG PHUNG PO DANG, KHAMS DANG, SKYE MCHED RNAMS SU YANG BLTA BAR BYA STE, DE DAG NYID RTEN NAS BYUNG BA YIN PA'I PHYIR RO,, 'ON TE RDZAS DANG, YON TAN DANG, LAS LA SOGS PA YANG DAG PA'I DNGOS PO YANG YOD PA MA YIN NAM, DE DAG CI'I PHYIR MA YIN ZHE NA, YON TAN ZHES BYA BA LA SOGS PA SMROS TE, YON TAN DANG, RDZAS DANG, BYA BA DANG, RIGS DANG, 'DU BA DANG ZHES ZLAS DBYE'O, ,RIGS KYI SGRAS KHYAB PA DANG, NYI TSE BA'I SPYI RNAM PA GNYIS GZUNG NGO, ,SOGS KYI SGRAS BRTAG PA'I RANG BZHIN GYI KHYAD PAR RNAMS TE, GANG DAG GIS CHOS CAN LAS THA DAD PA'I CHOS 'GA' ZHIG BRJOD PA DPER NA TSIG GI DON DRUG PO'I YOD PA NYID DMIGS PA DANG BCAS PA'I TSAD MA'I YUL YIN NO ZHES BYA BA DE LTA BU LA SOGS PA DE DAG GZUNG NGO, ,YON TAN LA SOGS PA YANG DE YIN LA KHYAD PAR TE BYE BRAG KYANG YIN NO ZHES BYA BA NI KHYAD PAR GYI BSDU BA'O, ,DE DAG GIS STONG PA NI BRAL BA ZHES BYA BA'I DON TO, ,DE LA 'DI NI BCOM LDAN 'DAS KYIS GSUNGS TE, BRAM ZE THAMS CAD THAMS CAD CES BYA BA NI PHUNG PO LNGA DANG, SKYE MCHE DA BCU GNYIS DANG, KHAMS BCO BRGYAD KYI BAR DAG GO CES BYA BA YIN NO, ,'DIS NI TSIG GI DON DRUG BRTAG PA BSTAN TO, ,'ON TE KHYAD PAR MED NA JI LTAR RTEN CING 'BREL PAR 'BYUNG BA SGRA DANG RNAM PAR RTOG PA DAG GIS YUL DU BYED DE, DE DAG GI YUL DU MA BYAS NA BRJOD PAR MI NUS SHING, KHYAD PAR MED NA SGRA DANG RNAM PAR RTOG PA DAG 'JUG PA YANG MED NA DE JI LTAR BCOM LDAN 'DAS KYIS BSTAN CE NA, SGRO BTAGS PAS RNAM PA ZHES BYA BA LA SOGS PA SMOS TE, SGRO BTAGS PA NI PHYI ROL NYID DU SGRO BTAGS PA'I RNAM PA'I RANG BZHIN SGRA DANG SHES PA'I SPYOD YUL GANG LA YOD

143a

, ,PA DE LA DE SKAD CES BYA'O, ,RTEN CING 'BREL PAR 'BYUNG BA GANG LA SGRO BTAGS PA'I RNAM BA SGRA DANG SHES PA'I SPYOD YUL GYI YUL YIN PA DE LA DE SKAD CES BYA'O, ,SHES PA ZHES BYA BA NI SGRA DANG NYA BA'I PHYIR NANG GI BRJOD PA'I BDAG NYID KYI SHES PA'I KHYAD PAR RNAM PAR RTOG PA YIN PAR BLTA BAR BYA'O, ,DE DAG NI YUL GCIG LA 'KHRUL PA MED PA NYID KYIS LHAN CIG SPYOD PA'I PHYIR RO, ,DES NA 'DI SKAD DU BSTAN PA YIN TE, KHYAD PAR MED PA YIN MOD KYI, 'ON KYANG PHAN TSUN LDOG PA'I DNGOS PO MTHONG BA'I SGO NAS 'ONGS PA'I PHYI ROL GYI NGO BO NYID DU ZHEN PA RNAM PAR RTOG PA'I GZUGS BRNYAN GYI BDAG NYID SGRA'I DON DE LA YOD PA YIN NO, ,'DIR SGRA RNAMS KYI SPYOD YUL NI DON DAM PAR MA YIN TE, DE NI RNAM PAR RTOG PA THAMS CAD LAS 'DAS PA'I PHYIR RO, ,'ON KYANG 'JIG RTEN NA MA BRTAGS NA NYAMS DGA' BAR SGRA'I DON GRUB PA JI LTA BA DE KHO NA LTAR DE KHO NA NYID KYI DON BTANG SNYOMS SU MDZAD PA'I BCOM LDAN 'DAS KYIS KYANG GLANG PO CHE'I LTA STANGS KYIS DON DAM PA LA 'JUG PA'I DON DU BRJOD PA'I KUN RDZOB TU BSTAN TE, THABS GZHAN MED PA'I PHYIR RO, ,SGRO BTAGS PA'I RNAM PA CAN YIN NA YANG SGRA'I DON BRGYUD PAS DNGOS PO DANG 'BREL PA'I PHYIR, DE RTOGS PA'I RGYU NYID YOD PAS RNAM PA DE LTA BU'I DNGOS PO DE DAG SHUGS KYIS RTOGS PAR 'GYUR BA'I PHYIR SLU BA MI SRID DO, ,DE LA 'DI NI SKYOB PAS, MING NI GANG DANG GANG DAG GIS, ,CHOS NI GANG DANG GANG BRJOD PA, ,DE NI CHOS RNAMS CHOS NYID DO, ,DE NI DE LA YOD MA YIN; ,ZHES GSUNGS PA YIN NO, ,'DIS NI SGRA'I DON BRTAG PA BSTAN TO, ,YANG CI 'DI MU STEGS BYED KYIS KUN TU BRTAGS PA'I DNGOS PO BZHIN DU RTOGS PAR BYED PA'I TSAD MA'I NOR GYIS DBUL BA NYID KYIS TSIG BKOD PA'I RTZOM PA TZAM SNYING POR GYUR PA YIN NAM, 'ON TE 'DI'I RTOGS PAR BYED PA'I TSAD MA CUNG ZAD CIG YOD CE NA, SMRAS PA, YOD DO, ,GSAL BA'I MTSAN NYID CES BYA BA LA SOGS PA LA, DE NI MTSAN NYID KYANG YIN LA GSAL BA YANG YIN PAS ZHES KHYAD PAR GYI BSDU BA'O, ,GSAL BA'I MTSAN NYID NI MI SRID PA DANG, MA KHYAB PA DANG, HA CANG KHYAB PA'I SKYON DANG

143b

BRAL BA'I PHYIR RO, ,MU STEGS BYED KYI TSAD MA'I MTSAN NYID NI MI GSAL BA YIN NO ZHES BSTAN PA'I DON DU GSAL BA'I MTSAN NYID CES BSTAN TO, ,DE DANG LDAN PA NI DE DANG YANG DAG PAR LDAN PA'O, ,MNGON SUM DANG RJES SU DPAG PA ZHES BYA BA'I TSAD MA GNYIS PO GANG YIN PA DES GTAN LA PHAB PA'O, ,'DI YANG BRTAG PA THAMS CAD DU STON PAR 'GYUR RO, ,'DI NI BCOM LDAN 'DAS KYANG BZHED PA YIN TE, JI SKAD DU, DGE SLONG DGAG GAM MKHAS RNAMS KYIS, ,BSREG BCAD BRDAR BAS GSER BZHIN DU, ,YONGS SU BRTAGS NA NGA YI BKA', ,BLANG BAR BYA YI GUS PHYIR MIN; ,ZHES GSUNGS PA BZHIN NO, ,DE LA MNGON SUM GYI MTSAN NYID NI MA 'KHRUL PA DANG RTOG PA DANG BRAL PA NYID DE, DE YANG BCOM LDAN 'DAS KYIS, MIG GI RNAM PAR SHES PA DANG LDAN PAS SNGON PO SHES KYI SNGON PO'I SNYAM DU NI MA YIN NO ZHES GSUNGS TE, 'DI LTAR SNGON PO ZHES BYA BA 'DIS NI PHYIN CI MA LOG PA'I YUL CAN DU BSTAN PA'I PHYIR MA 'KHRUL BA BRJOD LA, SNGON PO'I SNYAM DU NI MA YIN NO ZHES BYA BA 'DIS NI MING DANG 'BREL PA'I DON 'DZIN PA SPANGS PA'I PHYIR RTOG PA DANG BRAL BA NYID BRJOD DO, ,RJES SU DPAG PA'I MTSAN NYID KYANG RJES SU DPAG PA'I RTEN RTAGS STON PA NA GSUNGS TE, 'DI LTAR BSGRUB PAR BYA BA'I DON MED NA MI 'BYUNG BA'I RTAGS NGES PA NI RJES SU DPAG PA'I SHES PA'I RGYU YIN NO, ,DE YANG DGE SLONG DAG GANG CUNG ZAD KUN 'BYUNG BA'I CHOS YIN PA DE THAMS CAD 'GOG PA'I CHOS CAN YIN NO ZHES BYA BA DE LTA BU BSGRUB BYAS GTAN TSIGS LA KHYAB BA BSTAN PAS NA GSAL BA RAB TU BSTAN PA NYID YIN NO, ,JI SKAD DU, MED NA MI 'GYUR MTSAN NYID CAN, ,RTAGS NI RJES DPAG RTEN YIN NO, ,BSGRUB BYAS GTAN TSIGS KHYAB PA NI, ,BSTAN PA DE YANG GSAL BAR BSHAD, ,CES GSUNGS PA BZHIN YIN NO, ,RTAGS DE YANG RANG BZHIN DANG 'BRAS BU DANG, MI DMIGS PA'I KHYAD PAR GYI BYE BRAG GIS RNAM PA GSUM DU DBYE STE, DE LA DGE SLONG GANG DAG CUNG ZAD SKYE BA'I CHOS CAN ZHES BYA BA 'DIS RANG BZHIN GYIS RTAGS BSTAN TO, ,'BRAS BU YANG, DU BA LAS NI MER SHES TE, ,CHU SKYAR LAS NI CHU YIN NO, ,BYANG CHUB SEMS DPA' BLO LDAN GYI, ,RIGS NI MTSAN MA

144a

, ,RNAMS LAS SHES, ,ZHES GSUNGS PAS BSTAN PA YIN NO, ,MI DMIGS PA'I KHYAD PAR YANG MI DMIGS PA TZAM TSAD MA YIN PA SPONG PA NA BSTAN PA NYID DE, JI SKAD DU, DGE SLONG DAG GANG ZAG GIS GANG ZAG GI TSOD MA 'DZIN CIG ,DGE SLONG DAG GANG ZAG GIS GANG ZAG GI TSOD 'DZIN PA NI NYAMS PAR 'GYUR TE, DA 'AM NGA DANG 'DRA BAS GANG ZAG GI TSOD GZUNG BAR BYA'O ZHES GSUNGS PA YIN TE, 'DIS NI RANG BZHIN GYIS BSKAL PA LA SOGS PA LA DMIGS PA TZAM TSAD MA YIN PA SPANGS PA YIN NO, ,NGA'AM ZHES BYA BA LA SOGS PA GSUNGS PAS NI MI DMIGS BA'I KHYAD PAR TSAD MA YIN NO ZHES BYA BA 'DI YANG GSAL BAR RAB TU BSTAN PA YIN NO, ,'DIS KYANG MNGON SUM DANG RJES SU DPAG PA LA SOGS PA BRTAG PA BSTAN TO, ,YANG CI STE RTEN CING 'BREL PAR 'BYUNG BA 'DI 'GYUR BA SMRA BAS JI SKAD DU BRJOD PA BZHIN DU DNGOS PO LA SOGS PA'I NGO BO 'GA' ZHIG GIS RJES SU 'GRO BA DANG BCAS PA YIN NAM, 'O NA TE MA 'DRES PA'I NGO BO YIN, ,DE LAS CIR 'GYUR, RJES SU 'GRO BA DANG BCAS PA NYID YIN NA MNGON SUM LA SOGS PA'I MTSAN NYID 'CHOL BA YIN PA DANG, RGYU DANG 'BRAS BU DAG KYANG RANG BZHIN THA MI DAD PA'I PHYIR BSKYED PAR BYA BA DANG SKYED PAR BYED PA NYID MA YIN NO, ,DE LTA BAS NA GSAL BA'I MTSAN NYID DANG LDAN PA'I TSAD MA GNYIS GYIS NGES PA MA YIN LA, RTEN CING 'BREL PAR 'BYUNG BA'I DON YANG RIGS PA MA YIN TE, RANG GI NGO BO MA 'DRES PA NYID YIN NA YANG LHAN CIG BYED PA RNAMS KYI BYE BRAG KHYAD PAR MED PA'I PHYIR SKYED PAR BYED PA MA YIN PAR MNGON PAR 'DOD PA'I DNGOS PO BZHIN DU DON GYI BYA BA GCIG BYED PA NYID DU MI 'GYUR RO, ,'DIR SMRAS PA, GZHAN GYI BDAG NYID CES BYA BA LA SOGS PA LA, 'DIR 'DI SNYAM DU PHYOGS PHYI MA NYID MA YIN NO SNYAM DU BSAMS PA YIN NO, ,'DI LA JI SKAD DU BSHAD PA'I SKYON GYI GO SKABS MED DO ZHES PHYI NAS BSTAN PAR BYA'O, ,'BRAS BU LA GZHAN GYI BDAG NYID DANG 'DRES PA STE, 'CHOL BA ZHES TSIG RNAM PAR SBYAR RO, ,RGYU LA SOGS PA'I RANG GI NGO BO GZHAN 'BRAS BU LA SOGS PA GANG LA CHA TZAM YANG RJES SU 'GRO BA MED DO ZHES BYA BA'I DON TO, ,PHRA RAB KYIS KYANG ZHES BYA BA LA KYANG GI

144b

SGRAS NI YOD PA DANG ZHES BYA BA LA SOGS PA MANG PO 'BA' ZHIG TU MA ZAD SHIN TU PHRA BAS KYANG ZHES BSTAN TO, ,NGO BO GCIG RJES SU 'GRO BA YIN NA YANG BDAG NYID THAMS CAD RJES SU 'GRO BAR 'GYUR RO SNYAM DU BSAMS PA YIN NO, ,'DI YANG PHYIS STON PAR 'GYUR RO, ,DE YANG BCOM LDAN 'DAS KYIS JI LTAR MYU GU RTAG BA MA YIN ZHE NA, GANG GI PHYIR MYU GU YANG GZHAN SA BON YANG GZHAN YIN LA, MYU GU GANG YIN PA DE NYID SA BON MA YIN TE, DE LTA BAS NA SA BON 'DRA BA LAS MYU GU 'BYUNG NGO ZHES GSUNGS SO, ,DE LTA BAS NA MI 'PHO ZHES BYA BA'O, ,'DIS KYANG MA NGES PA SMRAS PA BRTAGS PA BSTAN TO, ,'ON TE CI PHUNG PO LA SOGS PA'I RANG GI NGO BO MA 'DRES PA RNAMS KYANG THAMS CAD YOD PAR SMRA BAR 'PHO BAR SMRA BA KHA CIG GIS JI SKAD DU SMRAS PA BZHIN DU DUS RNAMS SU RANG GI NGO BO MDOR BAR 'JUG PA YIN NAM ZHE NA, DE LTA MA YIN NO ZHES SMRAS PA, MI 'PHO ZHES BYA BA LA, GAL TE 'PHO BA YIN NA DE'I TSE BDAG NYID THAMS CAD KYIS YOD PA'I PHYIR CUNG ZAD KYANG BSKYED PAR BYA BAR MI 'GYUR BA'I PHYIR RTEN CING 'BREL PAR 'BYUNG BA NYID MI RUNG NGO SNYAM DU BSAMS PA YIN NO, ,GANG LA PHUNG PO LA SOGS PA RNAMS DUS RNAMS SU RGYU BA'I 'PHO BA YOD PA MA YIN ZHES TSIG RNAM PAR SBYAR RO, ,'DI LAS BCOM LDAN 'DAS KYIS GSUNGS TE, JI SKAD DU, MIG NI SKYE BA NA YANG GANG NAS KYANG MA 'ONGS, 'GAG PA NA YANG GANG DU YANG THIM NAS MI 'GRO STE, DGE SLONG DAG MIG NI MA BYUNG BA LAS BYUNG ZHING BYUNG NAS KYANG 'JIG PAR 'GYUR RO ZHES GSUNGS SO, ,'DIS KYANG DUS GSUM BRTAG PA BSTAN TO, , 'ON TE CI 'DI JI LTAR, TSU ROL MDZES PA BA RNAMS KYIS, ,SHI NAS THAL BAR GYUR PA LA, ,SLAR SKYE BA LTA GA LA YOD, ,CES SMRAS PA LTAR MTHONG BA'I DUS TZAM DU 'BYUNG BA YIN NAM ZHE NA, MA YIN NO ZHES SMRAS PA, THOG MA THA MED PA ZHES BYA BA LA, 'DI LA THOG MA DANG THA MA YOD PA MA YIN ZHES TSIG RNAM PAR SBYAR RO, ,'DI YANG BCOM LDAN 'DAS KYIS DGE SLONG DAG 'KHOR BA'I SKYE BI NA THOG MA DANG THA MA MED PA YIN NO ZHES BYA BA LA SOGS PA GSUNGS TE, THOG MA ZHES BYA BA NI DANG PO LA BRJOD LA, THA MA NI MTHAR BRJOD DO, ,DE DAG BKAG PAS THOG MA THA MED BA ZHES BYA'O, ,'DI

145a

, ,YANG 'PHAGS PA'I LAM MA SKYES PA'I DBANG DU MDZAD NAS GSUNGS KYI, 'PHAGS PA'I LAM SKYES PA RNAMS LA NI 'KHOR BA MTHA' DANG BCAS PA NYID YIN NO, ,DE NYID KYI PHYIR, DAM CHOS RNAM PAR MI SHES PA'I, ,BYIS PA RNAMS LA 'KHOR BA RING, ,ZHES GSUNGS SO, , 'DIS KYANG 'JIG RTEN RGYANG PHAN PA BRTAG PA BSTAN TO, ,'ON TE RTEN CING 'BREL PAR 'BYUNG BA 'DI PHYI ROL GYI DON GYI BDAG NYID DAM, 'ON TE SEMS TZAM GYI RANG BZHIN YIN ZHE NA, GZUGS BRNYAN LA SOGS LTA BU STE, ,ZHES BYA BA SMOS SO, ,'DIS NI SEMS TZAM GYI BDAG NYID YIN NO ZHES BSTAN PA YIN TE, 'DI LTAR 'DI SKAD DU JI LTAR GZUGS BRNYAN DANG MGAL ME'I 'KHOR LO DANG, DRI ZA'I GRONG KHYER LA SOGS PA SEMS TZAM GYI RANG BZHIN YIN PA DE BZHIN DU 'DI YANG YIN NO ZHES BSTAN PA YIN NO, ,'DI YANG BCOM LDAN 'DAS KYIS, JI LTAR BYIS PA RNAMS BRTAGS LTAR, , PHYI ROL DON NI YOD MA YIN, ,BAG CHAGS KYIS NI DKRUGS PA'I SEMS, ,DON DU SNANG BA RAB TU 'BYUNG, ,ZHES GSUNGS SO, ,'DIS KYANG PHYI ROL GYI DON BRTAG PA BSTAN TO, ,DE'I PHYIR DE LTAR RTEN CING 'BREL PAR 'BYUNG BA JI SKAD DU BSHAD PA'I DON MED PA'I RTOG PA'I 'DRA BA DANG BRAL BA NYID BSTAN NAS; MJUG BSDU BA'I PHYIR SPROS PA'I TSOGS KUN ZHES BYA BA LA SOGS PA SMOS TE, JI SKAD DU BSHAD PA'I RANG BZHIN GYI RGYU CAN YIN PA NYID LA SOGS PA SPROS PA THAMS CAD KYI TSOGS NI 'DUS PA STE NGE LAS GROL BA'O, ,'ON TE CI 'DI KHYAB 'JUG DANG DBANG PHYUG CHEN PO DANG DBYIG GI SNYING PO LA SOGS PA GZHAN DAG GIS KYANG DE BZHIN DU RTOGS SAM ZHE NA, MA YIN NO ZHES SMRAS PA, GZHAN GYIS RTOGS PHA MA YIN ZHES BYA BA LA, MU STEGS BYED THAMS CAD NI JI LTA BA BZHIN NYID MA YIN PA'I BDAG TU LTA BA LA MNGON PAR ZHEN PA'I PHYIN CI LOG 'DI NI BCOM LDAN 'DAS NYID KYI MA 'DRES PA'I MKHYEN PA YIN NO ZHES BA STAN TO, ,'DI YANG BRTAG PA THAMS CAD DU STON PAR 'GYUR RO, ,CI STE DE LTA BUR GYUR PA'I RTEN CING 'BREL BAR 'BYUNG BA 'DI BCOM LDAN 'DAS RANG NYID KYIS MKHYEN NAS GSUNGS SAM, 'ON TE RGYAL DPOG PA RNAMS JI SKAD DU, ,DE PHYIR DBANG PO LAS 'DAS DON, ,DNGOS

145b

SU MTHONG BA YOD MA YIN, ,TSIG NI RTAG PA GANG ZHIG GIS, ,MTHONG BA DE NI MTHONG MA YIN, ,ZHES SMRAS PA LTAR GZHAN GYIS MNGON PAR 'DOD PA'I SKYES BUS MA BYAS PA'I RIG BYED KYI TSIG LA BRTEN NAS MKHYEN TE GSUNGS SHE NA, DE LTAR MA YIN NO ZHES SMRAS PA, RANG DBANG THOS DANG 'BREL MED CING, ,ZHES SMOS TE, RANG DBANG THOS PA NI RANG LAS TSAD MAR GYUR PA STE TSIG RTAG PA ZHES BYA BA'I THA TSIG GO, ,DE DANG 'BREL PA MED PA NI MI GNAS PA DE LA LTOS PA MED PA NYID KHO NA STE, DNGOS SU GZIGS NAS RTEN CING 'BREL PAR 'BYUNG BA GSUNGS PA ZHES BYA BA'I DON TO, ,SKYES BUS MA BYAS PA'I NGAG KYANG YOD PA MA YIN TE, JI SKAD DU BCOM LDAN 'DAS KYIS, KUN DGA' BO DE LTAR NA SNGON GYI DRAN SRONG CHEN PO DE DAG RIG BYED DAG GI BYED PA PO DANG, SNGAGS RNAMS KYI 'JUG PAR BYED PA YIN NO ZHES GSUNGS SO, ,'DI YANG PHYIS BSTAN BAR BYA'O SNYAM DU BSAMS PA YIN NO, ,'DIS KYANG THOS PA BRTAG PA DANG, RANG LAS TSAD MA BRTAG PA BSTAN TO, ,CI STE BCOM LDAN 'DAS RANG GI DON PHUN SUM TSOGS PA MA LUS PA THUGS SU CHUD NA CI'I PHYIR RTEN CING 'BREL PAR 'BYUNG BA 'DI STON PAR MDZAD CE NA, 'GRO PHAN MDZAD PAR BZHED PA YIS, ZHES BYA BA SMOS TE; ,'GRO PHAN NI 'GRO BA LA PHAN PA'O, ,DE YANG RTEN CING 'BREL PAR 'BYUNG BA PHYIN CI MA LOG PAR RTOGS PA'I THABS CAN NYON MONGS PA DANG SHES BYA'I SGRIB PA MA LUS PA SPANGS PA YIN NO, ,DE MDZAD PAR BZHED PA NI 'GRO LA PHAN BAR MDZAD PA BZHED PA'O, ,DE NI DE STON PA'I RGYU YIN NO, , 'DI'I 'GRO BA LA PHAN PAR MDZAD PAR BZHED PA DE YANG GA LAS BYUNG ZHE NA, BSKAL BA GRANGS MED CES BYA BA LA SOGS PA SMOS TE, GANG LA BSKAL PA GRANGS MED PA MI NYUNG BAR THUGS RJE CHEN PO'I BDAG NYID DU GYUR PA ZHES TSIG RNAM PAR SPYAR RO, ,BCOM LDAN 'DAS RANG GI DON PHUN SUM TSOGS PA MA LUS PA BRNYES NA YANG GZHAN GYI DON MDZAD PA'I BYA BA YONGS SU MI 'DOR BA'I PHYIR THUGS RJE CHEN PO DE YANG MNGA' BA YIN NO, ,CI STE THUGS RJE CHEN PO'I BDAG NYID DU 'GYUR PA 'DIS CI ZHIG MDZAD CE NA, GOMS MDZAD PA GANG GIS ZHES BYA BA SMOS TE, GANG GIS ZHES BYA BA SPYI'I TSIG YIN YANG

146a

, ,SANGS RGYAS BCOM LDAN 'DAS LA 'JUG STE, GZHAN LA JI SKAD DU BSHAD PA'I YON TAN MED PA'I PHYIR RO, ,RTEN CING 'BREL PAR 'BYUNG BA NI ZHES BYA BA NI RGYU DANG RKYEN LA BRTEN PA STE, YANG DAG PAR KUN NAS BRTEN PAS YANG DAG PAR KUN NAS BRTEN NAS PHUNG PO LA SOGS PA 'BYUNG BA DAG GO, ,DE SKAD DU RGYU DANG RTEN GYI STOBS LAS 'BYUNG BA'I PHUNG PO LA SOGS PA GANG GIS GSUNGS BA ZHES BSTAN PAR 'GYUR RO, ,'DI LTAR YANG 'BREL PAR 'BYUNG BA ZHES BYA BA THA DAD PA NYID DU BSTAN PA DE LTA NA YANG RTEN CING 'BREL PAR 'BYUNG BA KHO NA DNGOS PO YIN TE, THA DAD PA GZHAN DOR BA TZAM SHES PAR 'DOD PAS DE LTAR BSHAD PA'O, ,YANG NA 'BREL PAR 'BYUNG BAS NA 'BREL PAR 'BYUNG BA STE, MANG PO'I TSIG GI BYED PA'I RKYEN SBYAR TE, RTEN CING 'BREL BAR 'BYUNG BA NYID YIN PAS NA ZHES BYA BA'AM, BSDU BA MED PA NYID YIN TE, 'DI THAMS CAD KYIS BCOM LDAN 'DAS GZHAN LA PHAN PA BSGRUB PA PHUN SUM TSOGS PA YANG DAG PA'I THABS CAN YIN BAR GSAL BAR BYAS PA YIN TE, 'DI LTAR RTEN CING 'BREL PAR 'BYUNG BA DE LTA BUR GYUR PA GANG GIS GSUNGS PA ZHES BYA BA 'DIS BCOM LDAN 'DAS JI LTA BA BZHIN DU GZHAN LA PHAN PAR SGRUB PA YIN PAR BSTAN TO, ,BCOM LDAN 'DAS GZHAN DAG LA MTHO RIS DANG BYANG GROL GYI LAM PHYIN CI MA LOG PA STON PA GANG YIN PA 'DI NYID PHAN PA SGRUB PA YIN TE, JI SKAD DU, DE BZHIN GSHEGS PA STON PA PO, ,KHYED CAG NYID KYIS BYA BA YIN, ,ZHES GSUNGS PA BZHIN NO, , GZHAN LA PHAN BA SGRUB PA PHUN SUM TSOGS PA PHYIN CI MA LOG PA 'DI'I THABS NI, CHOS RNAMS DNGOS SU GZIGS PA DANG, THUGS RJE CHEN PO YIN NO, ,GANG GI PHYIR SNYING RJE CAN YIN YANG YANG DAG BA JI LTAR BA BZHIN DU MI SHES NA GZHAN LA PHAN PA YANG DAG PA STON PAR MI NUS SO, , YONGS SU SHES PA DANG LDAN PA YIN NA YANG BRTZE BA LAS NYAMS PAS NI MI STON PA YIN LA, STON NA YANG MI PHAN PA STON PAR 'GYUR RO, ,DE LTA PAS NA BCOM LDAN 'DAS KYI SNYING RJE DANG SHES RAB GNYI GA YANG GZHAN LA PHAN PA YANG DAG PHAN SGRUB PA'I THABS YIN NO, ,DNGOS SU GZIGS

146b

PA DE YANG RANG DBANG CAN GYI THOS PA DANG MA 'BREL BA NYID KYIS BSTAN TO, ,THUGS RJE CHEN PO'I BDAG NYID DU GYUR PA NYID KYIS KYANG THUGS RJE CHEN PO DANG LDAN PA YIN NO, ,'ON TE RTEN CING 'BREL BAR 'BYUNG BA PHYIN CI MA LOG PA NI BYANG CHUB SEMS DPA' DANG NYAN THOS LA SOGS PAS KYANG STON PA MA YIN NAM, DES NA BCOM LDAN 'DAS 'DI LA KHYAD PAR DU 'PHAGS PA CI ZHIG YOD CE NA, SMRA RNAMS KYI DAM BA ZHES BYA BA SMOS TE, NYAN THOS LA SOGS PA DE DAG RTEN CING 'BREL PAR 'BYUNG BA STON PA YIN MOD KYI, 'ON KYANG BCOM LDAN 'DAS NYID DE DAG GI SMRA RNAMS KYI DAM PA STE GTZO BO YIN NO, ,CHOS KYI DE KHO NA NYID BCOM LDAN 'DAS KYIS BSTAN PA NYID KYIS STON PAR BYED PA'I PHYIR RO, ,GANG GI PHYIR DE DAG NI RANG NYID KYIS JI SKAD DU BSHAD PA'I RTEN CING 'BREL PAR 'BYUNG BA STON PAR NUS PA MA YIN TE, YON TAN DANG SKYON THAMS CAD 'PHEL BA DANG 'GRIB PA MTHAR PHYIN PA LA BRTEN PA'I PHYIR, BCOM LDAN 'DAS KHO NA MCHOG YIN GYI, GZHAN DAG NI MA YIN TE, DE DAG NI DE LAS BZLOG PA YIN BA'I PHYIR RO, ,'DIS NI BCOM LDAN 'DAS NYAN THOS LA SOGS PA LAS KHYAD PAR CAN DU BSTAN PAS BAG CHAGS DANG BCAS PA'I NYON MONGS PA DANG SHES BYA'I SGRIB PA MA LUS PA SPANGS PA'I MTSAN NYID CAN RANG GI DON PHUN SUM TSOGS PA BSTAN PA YIN NO, ,GAL TE DE LTA MA YIN NA BCOM LDAN 'DAS JI SKAD DU BSHAD PA'I YON TAN DANG LDAN PA MA YIN NA JI LTAR DE DAG LAS KHYAD PAR CAN DU 'GYUR, ,DE NYID KYI PHYIR THAMS CAD MKHYEN PA ZHES BYA BA SMOS TE, 'DIS NI THAMS CAD MKHYEN PA SGRUB PA BSTAN TO, ,CI STE DE LA PHYAG 'TSAL NAS CI ZHIG BYED CE NA, DE KHO NA NYID BSDU BA BYA, ,ZHES BYA BA SMOS TE, JI SKAD DU BSHAD PA'I KHYAD PAR DU BYAS PA'I RTEN CING 'BREL PAR 'BYUNG BA KHO NA DE KHO NA NYID DE, PHYIN CI MA LOG PA'I PHYIR RO, ,DE DAG DE DANG DER RNAM PAR 'THOR BA RNAMS GCIG TU SDUD PA NI DON BSDUS PA STE, DON DE STAN BAR BYED PA'I PHYIR GZHUNG LA YANG DE SKAD DU BSTAN TE, S'A'I TA PHROGS PA'I SNYAN DNGAGS BZHIN NO, ,YANG NA YANG DAG PAR RAM KUN NAS DE KHO NA NYID RNAMS 'DIS SDUD PAR BYED PAS GZHUNG NYID LA BSDUS PA ZHES BYA BA'O, ,BYA ZHES BYA BA NI

147a

, ,RTZOM PA NA YONGS SU MA RDZOGS PA'I DUS LA LTOS NAS DA LTAR GYI DUS NYID BSTAN TO, ,DE LA RANG BZHIN GYI BYA BA DANG BRAL BA'I DE KHON NYID BSTAN PAR BYA BA'I PHYIR GRANGS CAN GYI LUGS BSTAN PA'I DON DU, ,NUS PA MA LUS DANG LDAN PA'I, ,ZHES BYA BA LA SOGS PA SMOS TE, SER SKYA PA RNAMS NA RI CHEN PO LA SOGS PA 'BRAS BU'I TSOGS SKYED PAR BYED PA'I DBANG YID DU GYUR PA'I NUS PA MA LUS PA DANG RAB TU LDAN ZHING YANG DAG PAR LDAN PA RDUL DANG MUN PA DANG SNYING STOBS DAG CHA MNYAM PA'I GNAS SKABS KYI MTSAN NYID CAN NI GTZO BO'O, ,DE DANG YID LAS CHEN PO LA SOGS PA 'BRAS BU'I BYE BRAG DE DAG 'BYUNG NGO ZHES ZER TE, GTZO BO KHO NA ZHES NGES BAR BZUNG BA NI SKYES BU LA SOGS PA RNAM PAR BCAD PA'I DON DU'O, ,'BA' ZHIG LAS ZHES BYA BA'I TSIG NI DBANG PHYUG DANG BCAS PA'I GRANGS CAN GYIS BRTAGS PA'I DBANG PHYUG LA SOGS PA BSAL BA'I DON DU'O, ,RAB TU 'BYUNG ZHES BYA BA NI DNGOS SAM BRGYUD PAS SKYES CES BYA BA'I DON TE, 'DI LTAR DE DAG GI THA SNYAD NI DANG POR GTZO BO LAS BLO SKYE'O, ,BLO LAS KYANG NGA RGYAL LO, ,NGA RGYAL LAS SGRA DANG, REG BYA DANG, RO DANG, GZUGS DANG, DRI'I BDAG NYID DE TZAM LNGA DANG, DBANG PO BCU GCIG SKYE BAR 'GYUR TE, BLO'I DBANG PO LNGA NI, RNA BA DANG, PAGS PA DANG, MIG DANG, LCE DANG, SNA'I MTSAN NYID CAN NO, ,LAS KYI DBANG PO LNGA NI, NGAG DANG, LAG PA DANG, RKANG PA DANG, RKUB DANG, MDOMS SO, ,BCU GCIG PA NI YID DO, ,DE TZAM LNGA LAS 'BYUNG BA LNGA SKYE STE, SGRA LAS NAM MA LA 'O, ,REG LAS RLUNG NGO, ,GZUGS LAS ME'O, ,RO LAS CHU 'O, ,DRI LAS NI SA'O ZHES BYA'O, ,JI SKAD DU DBANG PHYUG NAG POS, RANG BZHIN LAS CHEN DE LAS NGA RGYAL TE, ,DE LAS TSOGS NI RNAM PA BCU DRUG GO, ,BCU DRUG PO NI DE DAG RNAMS LAS KYANG, ,LNGA PO RNAMS LAS 'BYUNG BA CHEN PO LNGA, ,ZHES BSHAD DO, ,DE LA CHEN PO ZHES BYA BA NI BLO LA BRJOD DO, ,BLO YANG 'DI BUM PA'O, ,SNAM BU'I ZHES YUL NGES PA'I MTSAN NYID CAN NO, ,NGA RGYAL NI BDAG NI SKAL BA DANG LDAN PA'O, ,BDAG NI LTA NA SDUG PA'O ZHES BYA BA LA SOGS PA'I MNGON PA'I NGA RGYAL GYI MTSAN NYID CAN NO, ,YID NI KUN DU RTOG PA'I MTSAN NYID CAN TE, 'DI LTA STE, DPER NA BYIS BA 'GA' ZHIG GIS GRONG GZHAN NA STON MO YOD

147b

DO ZHES THOS TE, DER BDAG 'GRO BAR BYA NA CI DE NA BU RAM DANG ZHO YOD DAM, 'ON TE ZHO GCIG PU YOD CES DE'I KUN TU RTOG PAR 'GYUR BA DE LTA BU'I RTOG PA 'JUG PA NI YID CES BYA'O, ,DE LTA BAS NA BLO DANG, NGA RGYAL DANG, YID RNAMS KYI PHAN TSUN GYI KHYAD PAR NI DE LTA BU YIN PAR SHES PAR BYA'O, ,LHAG MA NI GO BAR BLA'O, ,CHEN PO LA SOGS PA 'DI DAG DANG, GTZO BO DANG, SKYES BU ZHES BYA BA 'DI DAG NI DE KHO NA NYID NYI SHU RTZA LNGA YIN TE, JI SKAD DU, DE NYID NYI SHU LNGA SHES NA, ,RAL BA'AM MGO ZLUM COD BAN CAN, ,GNAS NI GANG DANG GAR GNAS KYANG, ,GROL 'GYUR 'DI LA THE TSOM MED, ,CES BSHAD DO, ,JI SKAD DU BSHAD PA'I 'BRAS BU'I KHYAD PAR GTZO BO LAS BYUNG BA 'DIS NI SANGS RGYAS PA LA SOGS PAS 'DOD PA BZHIN DU 'BRAS BU'I KHYAD PAR RNAMS NI RGYU LAS SHIN TU THA DAD PA MA YIN TE, 'ON KYANG DE NI NGO BO NYID YIN NO, ,GANG DAG LA DE'I STE GTZO BO'I NGO BO STE BDAG NYID YOD BA ZHES TSIG RNAM PAR SBYAR RO, ,YON TAN GSUM LA SOGS PA'I NGO BOS RANG BZHIN GYI BDAG NYID DU GYUR PA NYID CES BYA BA'I THA TSIG GO, ,'DI LTAR 'JIG RTEN NA RGYU'I BDAG NYID DU GYUR PA GANG YIN PA DE'I BDAG NYID DU GYUR PA'I 'BRAS BU DMIGS TE DPER NA, SNAL MNAG PO DAG LAS BYAS PA'I SNAM BU NI NAG PO DANG, DKAR PO LAS BYAS PA NI DKAR PO YIN NO, ,DE BZHIN DU GTZO BO DANG YON TAN GSUM GYI BDAG NYID YIN PA DE LTAR BLO DANG, NGA RGYAL DANG, DE TZAM DANG, DBANG PO DANG, 'BYUNG BA'I BDAG NYID KYI GSAL BA YANG YON TAN GSUM YIN PAR DMIGS SO, ,DE'I PHYIR DE'I NGO BO YIN NO, ,GZHAN YANG DBYE BA MED PA NI 'DI LTAR 'DI DAG NI SNYING STOBS LA SOGS PA YIN LA, 'DI DAG NI CHEN PO LA SOGS PA GSAL BA YIN NO ZHES LOGS SHIG TU BYA BAR MI NUS KYI, 'ON KYANG YON TAN GANG DAG YIN PA DE NI GSAL BA YIN LA, GSAL BA GANG YIN PA DE DAG NI YON TAN RNAMS YIN NO ZHES BYA'O, ,GZHAN YANG GSAL BA DANG MI GSAL BA GNYI GA YANG YUL YIN TE, LONGS SPYOD PAR BYA BA'I RANG BZHIN YIN PA'I PHYIR RO, ,SPYI YANG YIN TE, SKYES BU THAMS CAD KYI YONGS SPYAD PAR BYA BA YIN PA'I PHYIR GYAD DANG 'BANGS MO BZHIN NO, ,SEMS MED PA'I BDAG NYID KYANG YIN

148a

, ,TE; BDE BA DANG, SDUG BSNGAL BA DANG, RMONGS PA LAM DU BYA BA RIG BAR BYED PA YIN PA'I PHYIR RO, ,SKYE BA'I CHOS CAN YANG YIN TE, 'DI LTAR GTZO BOS NI BLO SKYED PAR BYED DO, ,BLOS KYANG NGA RGYAL DANG, NGA RGYAL LAS KYANG DE TZAM LNGA DANG, DBANG PO BCU GCIG GO, ,DE TZAM GYIS 'BYUNG BA CHEN PO SKYED PAR BYED PA YIN NO, ,DE LTA BAS NA YON TAN GSUM LA SOGS PA'I NGO BOS 'BRAS BU'I KHYAD PAR 'DI DAG DE'I NGO BO NYID DU 'JUG GO, ,JI SKAD DU, YON TAN GSUM DANG DBYE BA MED YUL DANG, ,SPYI DANG SEMS MED SKYE BA'I CHOS CAN NI, ,GSAL BA DANG NI DE BZHIN GTZO BO STE, ,DE BZHIN DE LAS BZLOG PA'I SKYES BU'O, ,ZHES BSHAD DO, ,GAL TE 'BRAS BU'I KHYAD PAR DE'I NGO BO MA YIN NAM, DE'I PHYIR CI LTAR BSTAN BCOS SU GSAL BA DANG MI GSAL BA MTSAN NYID THA DAD PAR BRJOD, 'DI LTAR DBANG PHYUG NAG POS, RGYU LDAN MI RTAG MA KHYAB PA, ,BYED BCAS DU MA RTEN PA BA RTAGS,, CHA SHAS DANG BCAS GZHAN DBANG GSAL, ,BZLOG PA DAG NI MI GSAL BA'O, ,ZHES BSTAN TE, DE LA DON NI 'DI YIN TE, GSAL BA NYID NI RGYU DANG LDAN PA YIN TE, 'DI LTAR GTZO BOS RGYU DANG LDAN PA NI BLO'O, ,BLOS RGYU DANG LDAN PA NI NGA RGYAL LO, ,NGA RGYAL GYIS RGYU DANG LDAN PA NI DE TZAM LNGA DANG DBANG PO BCU GCIG GO, ,DE TZAM GYIS NI 'BYUNG BA RNAMS SO, ,MI GSAL BA NI DE LTA BU MA YIN TE, DE NI GANG LAS KYANG MA SKYES PA'I PHYIR RO, ,DE BZHIN DU GSAL BA NA MI RTAG PA YIN TE, SKYE BA'I CHOS CAN YIN PA'I PHYIR RO, ,DE LTAR MI GSAL BA NI MA YIN TE, DE NI SKYE BA DANG MI LDAN PA'I PHYIR RO, , JI LTAR GTZO BO DANG SKYES BU DE DAG NI LHA YUL DANG SA STENGS DANG, BAR SNANG THAMS CAD DU KHYAB PA NYID KYIS 'JUG PA DE BZHIN DU GSAL BA NI 'JUG STE, 'ON KYANG DE NI MA KHYAB PA YIN NO, ,JI LTAR 'KHOR BA'I TSE BLO DANG, NGA RGYAL DANG, DBANG PO'I MTSAN NYID CAN BYED PA RNAM PA BCU GSUM DANG LDAN PA PHRA BA'I LUS LA BA RTEN PA'I GSAL BA 'KHOR BA DE BZHIN DU MI GSAL BA NI MA YIN TE, DE NI KHYAB PA NYID KYIS BYA BA DANG BCAS PA NYID DU MI RUNG BA'I PHYIR RO, ,BLO DANG NGA RGYAL LA SOGS PA'I BYE BRAG GIS GSAL BA RNAM PA DU MA DMIGS LA, MI GSAL BA NI MA YIN TE, DE NI GCIG NYID DU YOD PA NA 'JIG RTEN

148b

GSUM GYI RGYU YIN PA'I PHYIR RO, ,GSAL BA NI RTEN PA YANG YIN TE, GANG ZHIG GANG LAS SKYE BA DE NI DE LA BRTEN PA YIN PA'I PHYIR RO, ,MI GSAL BA NI DE LTA MA YIN TE, DE NI 'BRAS BU MA YIN PA'I PHYIR RO, ,GSAL BA NI 'GRO BA YIN TE THIM PAR 'GYUR BA'I PHYIR RO, ,'DI LTAR 'JIG PA'I DUS NA 'BYUNG BA RNAMS NI DE TZAM LA THIM MO, ,DE TZAM NI DBANG PO LNGA'O, ,DBANG PO NI NGA RGYAL LA'O, ,NGA RGYA LA NI BLO LA'O, ,BLO NI GTZO BO LA THIM STE, MI GSAL BA NI DE LTAR GANG LA YANG THIM BA MA YIN TE, DE LA RGYU MED PA'I PHYIR RO, ,GSAL BA NI CHA SHAS DANG BCAS PA YANG YIN TE, SGRA DANG, REG DANG, RO DANG, GZUGS DANG DRI'I BDAG NYID KYI CHA SHAS RNAMS DANG LDAN PA'I PHYIR RO, ,MI GSAL BA NI DE LTA MA YIN TE, GTZO BO'I BDAG NYID LA SGRA LA SOGS PA RNAMS MI DMIGS PA'I PHYIR RO, ,GZHAN YANG DPER NA PHA GSON BA NA BU LA RANG DBANG YOD PA MA YIN PA DE BZHIN DU GSAL BA NI RGYU'I RNAM PA THAMS CAD LA RAG LAS PA'I PHYIR GZHAN DBANG YIN NO, ,MI GSAL BA DE LTA MA YIN TE, DE NI RTAG TU RGYU LA RAG MA LAS PA'I PHYIR RO, ,DE LTA BAS NA 'DI THAMS CAD DOGS PAR BYAS NAS YANG DAG TU ZHES BYA BA SMOS SO, ,YANG DAG TU STE, DON DAM PAR DE'I NGO BO NYID YIN GYI, RANG BZHIN DANG 'GYUR BA'I BYE BRAG GIS NI YONGS SU GYUR PA'I KHYAD PAR LAS THA DAD PA JI SKAD DU BSHAD PA LA 'GAL BA MED DO ZHES BYA BA'I DON TO, ,YANG NA YANG DAG TU ZHES BYA BA NI RANG BZHIN GYIS YON TAN GSUM GYI NGO BOS DE'I NGO BO NYID DU 'JUG STE, SNYING STOBS DANG, RDUL DANG, MUN PA PHRA BA DANG RAGS PA'I KHYAD PAR LAS CHEN PO LA SOGS PA'I DBYE BA 'KHOR BA SNA TSOGS PA 'GAL BA MED DO ZHES BYA BA'I DON TO, ,DE'I PHYIR 'DIS NI 'BRAS BU RGYU'I BDAG NYID DU YOD DO ZHES DAM BCAS PA YIN NO, ,DE LA JI LTAR SKYES PA LAS SNGAR 'BRAS BU YOD DO ZHES RTOGS PAR BYA ZHE NA, GAL TE ZHES BYA BA LA SOGS PA SMOS TE, GZHAN DAG GIS 'BRAS BU YOD PA NYID BSGRUB PAR BYA PA'I PHYIR GTAN TSIGS LNGA SMRAS TE, MED PA MI BYED PA'I PHYIR DANG, RGYU LEN PA'I PHYIR DANG, THAMS CAD MI SKYE BA'I PHYIR DANG, NUS PA NI NUS PA BYED PA'I PHYIR DANG, RGYU YOD PA'I PHYIR 'BRAS BU YOD PA YIN NO, ,DE LA GTAN TSIGS DANG PO BSGRUB PA'I PHYIR 'DI BRJOD DE, GAL TE RGYU YI BDAG NYID LA, ,

149a

, ,'BRAS BU NUS PA YOD MIN NA, ,ZHES BYA BA LA SOGS PA LA, GAL TE RGYU'I BDAG NYID LA SKYES PA LAS SNGAR 'BRAS BU YOD PA MA YIN PA DE'I TSE NAM MKHA'I PAD MA BZHIN DU DE SUS KYANG BYED PAR MI 'GYUR RO, ,SBYOR BA NI GANG MED PA DE NI GANG GIS KYANG BYA BA MA YIN TE, NAM MKHA'I PAD MA BZHIN NO, ,GZHAN GYI LUGS KYIS KYANG 'BRAS BU NI SKYES BA LAS SNGAR YOD PA MA YIN NO ZHES BYA BA NI KHYAB PAR BYED PA 'GAL BA DMIGS PA'I THAL BAR 'GYUR BA'O, ,DE LTA YANG MA YIN TE, GANG GI PHYIR TIL LA SOGS PAS TIL MAR LA SOGS PA'I 'BRAS BU GANG ZHIG BYED DE, DE'I PHYIR SNGAR YANG YOD DO ZHES BYA BAR GRUB BO, ,NUS PAS ZHES BYA BA NI NUS PA'I NGO BOS YIN GYI, SER SKYA PA YANG DAG GSAL BA'I NGO BOS NI SNGAR YOD PAR MI 'DOD PA'I PHYIR RO, ,NGO BO MED PA'I PHYIR ZHES BYA BA NI RANG BZHIN MED PA'I PHYIR RO, ,GTAN TSIGS GNYIS PA BSGRUB PA DON DU MED PAR MTSUNGS NA ZHES BYA BA LA SOGS PA SMOS TE, GAL TE 'BRAS BU MED PA YIN PA DE'I TSE SKYES BU RNAMS SO SOR NGES PA'I RGYU NGAS LEN PAR MI 'GYUR TE, 'DI LTAR S'A LU'I 'BRAS BU DON DU GNYER BA RNAMS S'A LU'I SA BON KHO NA LEN PAR BYED KYI, KO TRA PA'I SA BON NI MA YIN NO, ,DE BZHIN DU BDAG SANG BRAM ZE LA STON MO BYA'O SNYAM NAS ZHO DON DU GNYER BA 'O MA NYID LAN GYI CHU NI MA YIN NO, ,DE LA JI LTAR S'A LU'I SA BON LA SOGS PA DAG LA S'A LU LA SOGS PA MED PA DE BZHIN DU KO TRA PA'I SA BON LA SOGS PA LA YANG MED PA YIN PAS, DES NA CI'I PHYIR THAMS CAD DU S'A LU'I 'BRAS BU LA SOGS PA MED PAR MTSUNGS NA YANG SO SOR NGES PA NYID KYI S'A LU'I SA BON LA SOGS PA LEN GYI, KO TRA PA'I SA BON LA SOGS PA NI MA YIN, S'A LU'I 'BRAS BU DON DU GNYER BA RNAMS KYIS KO TRA PA LA SOGS PA YANG CI STE LEN PAR MI BYED DE, KHYAD PAR MED PA'I PHYIR RO, ,CI STE DE'I 'BRAS BUS STONG PA NYID KYIS DE DAG DES LEN PAR MI BYED PA GAL TE DE LTA YIN NA, S'A LU'I SA BON YANG S'A LU'I 'BRAS BU DON DU GNYER BAS LEN PAR MI 'GYUR TE, KO TRA PA'I SA BON BZHIN DU DE'I 'BRAS BUS STONG PA'I PHYIR RO, ,DE LTA NA YANG MA YIN TE, DE LTA BAS NA DE LA DE'I 'BRAS BU YOD DO ZHES RTOGS SO, ,GTAN TSIGS GSUM PA BSGRUB

149b

PA'I PHYIR, 'DI NA KUN LA ZHES BYA BA LA SOGS PA SMOS TE, GAL TE YANG KHYOD KYI LUGS KYIS 'BRAS BU MED PA SKYE'I ZHES BYA BA YIN NA DE'I TSE, RTZVA DANG, RDUL DANG, BOD PA LA SOGS PA'I DNGOS PO KUN RTZVA LAS GSER DNGUL LA SOGS PA'I 'BRAS BU THAMS CAD SKYE BAR 'GYUR RO, ,CI'I PHYIR ZHE NA, DE'I BDAG NYID DANG BRAL BAR THAMS CAD LA KHYAD PAR MED PA'I PHYIR RO, ,KHYOD KYI LUGS KYIS BRJOD PAR 'DOD PA'I RTZVA LA SOGS PA'I DNGOS PO'I BDAG NYID BRAL BAR SKYE BA DANG LDAN PA'I DNGOS PO THAMS CAD LA KHYAD PAR MED PA'I PHYIR RO ZHES BYA BA'I DON TO, ,SNGAR NI RGYU'I SGO NAS THAL BAR 'GYUR BA BRJOD LA, DA LTA NI 'BRAS BU'I SGO NAS YIN NO ZHES BYA BA NI BYE BRAG GO, ,THAMS CAD LAS THAMS CAD 'BYUNG BA YANG MA YIN TE, DE'I PHYIR DE NYID LA DE YOD PA YIN NO ZHES BYA BAR 'DI NI NGES PA YIN PAR RTOGS SO, ,'DI SNYAM DU SO SOR NGES PA'I 'BRAS BU DAG LA RGYU RNAMS KYI NUS PA NGES PA YIN TE, DES NA 'BRAS BU MED NA YANG 'BRAS BU CUNG ZAD CIG BYED KYI, NAM MKHA'I PAD MA LA SOGS PA NI MA YIN NO, ,NUS PA GANG YIN PA'I RGYU CUNG ZAD LEN PAR BYED KYI THAMS CAD NI MA YIN NO, ,'GA' ZHIG NYID 'GA' ZHIG LAS SKYE'I THAMS CAD THAMS CAD LAS NI MA YIN NO SNYAM DU SEMS PA'I RTZOD PA 'DI BSLANG NAS LAN GDAB PA'I ZOL GYIS, GTAN TSIGS BZHI PA BSGRUB PA'I PHYIR, ,'DI YI NUS PA NGES PA'I PHYIR, ,ZHES BYA BA LA SOGS PA SMOS TE, 'DI'I ZHES BYA BA NI RGYUR MNGON PAR 'DOD PA'I DNGOS PO RNAMS KYI'O, ,DE MIN ZHES BYA BA NI JI SKAD DU BSHAD PA'I SKYON DU MI 'GYUR RO ZHES BYA BA'I DON TO, ,SANGS RGYAS PA LA SOGS PA'I LAM DE 'DI NI MA YIN TE, CI'I PHYIR ZHE NA, RGYU NUS PA RNAMS KYANG 'BRAS BU BYED PA NA BYA BAR NUS PA NYID BYED KYI MI NUS PA NI MA YIN NO, ,'ON TE GANG GIS DE KHYED CAG 'GEGS PAR BYED PA MI NUS PA KHO NA BYED DO ZHES BYA BA 'DI SU ZHIG GIS SMRAS, 'ON TE 'BRAS BU MED KYANG BYED DO ZHES BYA BA DE TZAM ZHIG BRJOD DE, DE YANG DE DAG GIS BYA BAR MI NUS PA YIN NO ZHE NA, DE'I PHYIR, KHYAD PAR BYAR MED GANG YIN PA, ,ZHES BYA BA LA SOGS PA SMOS SO, ,'DI SNYAM DU SEMS TE, KHYED KYIS 'BRAS BU MED PA BYED PA NYID DU KHAS BLANGS PA NYID KYIS

150a

, ,BYA BAR MI NUS PA BYED DO ZHES BSTAN TO, ,'DI LTAR GANG MED PA DE NI NGO BO MED PA RANG BZHIN MED PA YIN LA, GANG NGO BO MED PA DE NI RI BONG GI RVA LA SOGS PA BZHIN DU KHYAD PAR BYAR MED CING KHYAD PAR BSGRUB TU MED PA YIN NO, ,GANG YANG KHYAD PAR BSGRUB TU MED PA DE NI NAM MKHA' BZHIN DU MI 'GYUR BA YIN NO, ,KHYAD PAR GYI RANG BZHIN BSGRUB TU MED PA LTA BU DE JI LTAR 'GA' ZHIG GIS BYA BAR NUS, CI STE YANG DE NI YOD PA'I GNAS SKABS THOB PA'I PHYIR 'GYUR BA NYID YIN NO SNYAM DU SEMS NA, DE'I PHYIR, 'GYUR BA BDAG NYID NYAMS 'GYUR PHYIR, ,ZHES BYA BA SMOS TE, GANG GI PHYIR RNAM PAR 'GYUR BAR 'DOD PA GANG YIN PA DE NI BDAG NYID KYI RANG BZHIN GYIS NGO BO MED PA ZHES BYA BAR BRJOD PA YIN TE, DE NYAMS PAR 'GYUR RO, ,MED PA'I RANG BZHIN YONGS SU MA SPANGS PA YIN NA YOD PA'I NGO BO THOB PAR RIGS PA MA YIN LA, YONGS SU BTANG NA YANG 'ON NI MED PA NYID MA YIN PA YOD PA'I NGO BO THOB PO ZHES BYA BA 'GRUB PAR MI 'GYUR RO, ,YOD PA'I NGO BO NI GZHAN YIN LA, MED PA'I NGO BO YANG GZHAN YIN TE, DE DAG NI PHAN TSUN SPANGS TE GNAS PA'I PHYIR RO, ,DE LTA BAS NA GANG MED PA DE BYA BAR NUS PA MA YIN NO, ,DE LTA BUR GYUR PA'I DNGOS PO BYED PA NYID KHAS BLANGS PA YIN NA NI RGYU RNAMS MI NUS PA BYED PA NYID KHO NAR KHAS BLANGS PAR 'GYUR RO, ,NAM MKHA'I PAD MA BZHIN DU GANG GIS KYANG MI NUS PA BYA BA YANG MA YIN PA KHO NA'O, ,DE'I PHYIR NUS PA SO SOR NGES PA'I PHYIR RO ZHES BYA BA 'DI NI LAN MA YIN NO, ,GTAN TSIGS LNGA PA BSGRUB PA'I PHYIR, DE LTAR 'BRAS BU MI RUNG PHYIR, ,ZHES BYA BA LA SOGS PA SMOS TE, DE LTAR BSHAD MA THAG PA'I RIGS PAS SAM, JI SKAD DU BSHAD PA'I GTAN TSIGS BZHI KAS 'BRAS BU MED PAR SMRA BA LA RNAM PA THAMS CAD DU 'BRAS BU MI RUNG BA'I PHYIR CI ZHIG BYED PA NA SA BON LA SOGS PA RGYUR 'GYUR, DE'I PHYIR SA BON LA SOGS PA NI RGYU MA YIN TE, 'BRAS BU MED PA'I PHYIR NAM MKHA'I PAD MA BZHIN NO ZHES DE SKAD DU BRJOD PAR NUS NA DE LTA YANG MA YIN TE, DE'I PHYIR SKYES PA LAS SNGAR 'BRAS BU YOD DO ZHES BZLOG PAS GRUB PA YIN NO, ,'DI SNYAM DU GAL TE 'BRAS BU YOD PA ZHES BYA

150b

BAR GRUB NA YANG 'BRAS BU'I KHYAD PAR 'DI DAG GTZO BO NYID LAS RAB TU 'BYUNG NGO ZHES BYA BA 'DI JI LTAR 'GRUB CE NA, GSAL BA 'DI NI BDE SOGS KYI, ,ZHES BYA BA LA SOGS PA SMOS TE, DE LA GTZO BO YOD PA NYID DU SGRUB PA LA LDAN PA'I SBYOR BA LNGA SMRAS TE, JI SKAD DU, KHYAD PAR TSAD PHYIR RJES 'GRO'I PHYIR, ,NUS PA'I SGO NAS 'JUG PA'I PHYIR, ,RGYU DANG 'BRAS BU DBYER YOD PHYIR, ,RANG BZHIN SNA TSOGS DBYER MED PHYIR, ,MI GSAL BA YI RGYU YOD DO, ,ZHES BSHAD PA LTA BU'O, ,DON 'DI YIN TE, GTZO BO YOD PA YIN TE, KHYAD PAR RNAMS LA TSAD YOD PA'I PHYIR RO, ,'JIG RTEN 'DI NA GANG LA BYED PA PO YOD PA DE LA TSAD YOD PAR MTHONG STE, DPER NA RDZA MKHAN DANG LDAN PAS 'JIM GONG LAS BRE LNGA SHONG BA DANG, BRE DO SHONG BA DANG, BRE BCU SHONG BA'I TSAD DANG LDAN PA'I BUM PA BYED PA BZHIN NO, ,CHEN PO LA SOGS PA'I GSAL BA 'DI YANG BLO GCIG DANG, NGA RGYAL GCIG DANG, DE TZAM LNGA DANG, DBANG PO BCU GCIG DANG, 'BYUNG BA LNGA ZHES BYA BA'I TSAD DANG LDAN PAR MTHONG NGO, ,DE'I PHYIR GANG LAS TSAD DANG LDAN PA'I GSAL BA SKYE BAR BYED PA'I GTZO BO YOD PAR RJES SU DPAG PAS BSGRUB PAR BYA'O, ,GAL TE YANG GTZO BO MED NA GSAL BA 'DI TSAD DANG MI LDAN PAR 'GYUR RO, ,'DI LAS KYANG GTZO BO YOD DE, KHYAD PAR RNAMS RJES SU 'GRO BAR MTHONG BA'I PHYIR RO, ,GANG RIGS DANG LDAN PAR DMIGS PA GANG YIN PA DE NI DE'I BDAG NYID KYI RGYU LAS BYUNG BA YIN TE, DPER NA BUM PA DANG KHAM PHOR LA SOGS PA'I KHYAD PAR 'JIM PA'I RIGS DANG LDAN PA DE DAG NI 'JI BA'I BDAG NYID KYI RGYU LAS BYUNG BA BZHIN NO, ,GSAL BA'I KHYAD PAR 'DI YANG BDE BA DANG, SDUG BSNGAL DANG, RMONGS PA LA SOGS PA'I RIGS DANG LDAN PAR DMIGS SO, ,GA LAS SHE NA, RAB TU DANG BA DANG, GDUNG PA DANG, ZHUM PA LA SOGS PA'I 'BRAS BU DMIGS PA'I PHYIR RO, ,'DI LTAR SNYING STOBS KYI 'BRAS BU NI RAB TU DANG BA DANG, YANG BA DANG, ZHEN PA DANG, 'PHEL BA DANG, DGA' BA RNAMS YIN NO, ,BDE BA ZHES BYA BAS KYANG SNYING STOBS NYID BRJOD DO, ,RDUL GYI 'BRAS BU NI GDUNG BA DANG, SKEM PA DANG, THA DAD PA DANG, RENGS PA DANG, SKYO BA RNAMS YIN NO, ,RDUL YANG SDUG BSNGAL GYI SGRAS BRJOD DO, ,MUN PA'I 'BRAS BU NI ZHUM PA DANG, SGRIB PA DANG, SDOM PA DANG, RNAM PAR 'TSE BA DANG, LCI BA RNAMS YIN NO, ,MUN PA YANG RMONGS PA'I SGRAS BRJOD DO, ,CHEN PO

151a

, ,LA SOGS PA DE DAG THAMS CAD KYI 'BRAS BU RAB TU DANG BA DANG, GDUNG BA DANG YANG BA LA SOGS PA DMIGS SO, ,DE LTA BAS NA 'DI NI BDE BA DANG, SDUG BSNGAL BA DANG, RMONGS PA RNAM PA GSUM PO RNAMS KYI GNAS LUGS KYI KHYAD PAR YIN NO ZHES NGES PAR BYA'O, ,DES NA 'DI DAG NI RAB TU DANG PA LA SOGS PA'I 'BRAS BU LAS BDE BA LA SOGS PA DANG LDAN PA NYID DU GRUB CING DE'I RJES SU 'GRO BA LAS KYANG DE'I BDAG NYID KYI RANG BZHIN LAS BYUNG BA NYID GRUB PO, ,DE GRUB PA NA YANG SHUGS KYIS RANG BZHIN GANG YIN PA DE NI GTZO BO YIN NO ZHES BYA BAR GRUB BO, ,GTZO BO YOD NA THA DAD PA DAG RJES SU 'GRO BAR MTHONG BA'I PHYIR RO, ,'DI LAS KYANG GTZO BO YOD PA YIN TE, NUS PA'I SGO NAS 'JUG PA'I PHYIR RO ZHES BYA BA 'DI LAS KYANG GTZO BO YOD PA YIN NO, ,'JIG RTEN 'DI NA GANG ZHIG DON GANG LA 'JUG PA DE NI DE LA NUS PA YIN TE, DPER NA THAG PA SNAM BU BYED PA LA 'JUG PA BZHIN NO, ,DE'I PHYIR GANG GIS GSAL BA SKYED PAR BYED PA'I GTZO BO'I NUS PA YOD DO ZHES BSGRUB PAR BYA'O, ,NUS PA DE YANG RTEN MED PA CAN MA YIN TE, ,DE'I PHYIR GANG LA NUS PA 'JUG PAR BYED PA'I GTZO BO YOD DO, ,'DI LAS KYANG GTZO BO YOD PA YIN TE, RGYU DANG 'BRAS BU RNAM PAR DBYER YOD PA'I PHYIR 'JIG RTEN 'DI NI RGYU DANG 'BRAS BU DAG GI RNAM PAR DBYE BA MTHONG STE, 'DI LTA STE DPER NA 'JI BA'I GONG BU NI RGYU YIN LA BUM PA NI 'BRAS BU YIN PA'I RANG BZHIN NO, ,DE YANG 'JI BA'I GONG BU LAS THA DAD PA'I NGO BO YIN TE, 'DI LTAR BUM PA NI SBRANG RTZI DANG CHU DANG 'O MA 'DZIN PAR NUS KYI, 'JIM PA'I GONG BU NI MA YIN NO, ,DE LTAR NA CHEN PO LA SOGS PA'I 'BRAS BU 'DI MTHONG NAS GANG LAS CHEN PO LA SOGS PA'I 'BRAS BU 'DI SKYED PAR BYED PA'I RGYU GTZO BO YOD DO ZHES BSGRUB BO, ,'DI LAS KYANG GTZO BO YOD DE, RANG BZHIN SNA TSOGS DBYER MED PA'I PHYIR RO, ,RANG BZHIN SNA TSOGS ZHES BYA BA NI 'JIG RTEN GSUM LA BRJOD DO, ,'DI DAG NI 'JIG PA'I DUS NA 'GA' ZHIG TU DBYER MED PAR 'GYUR TE, 'DI LTAR 'BYUNG BA LNGA NI DE TZAM LNGA LA DBYER MED PAR 'GYUR RO, ,DE TZAM DANG, DBANG PO DAG NI NGA RGYAL LA, NGA RGYAL NI BLO LA, ,BLO NI GTZO BO LA DBYER MED PAR 'GYUR RO, ,DE'I PHYIR DE LTAR NA 'JIG PA'I DUS SU 'JIG RTEN GSUM DBYER MED PAR 'GYUR RO, ,DBYER MED PAR ZHES BYA BA NI

151b

RNAM PAR DBYE BAR MI NUS PA'O, ,DE LTA BAS NA GANG DU CHEN PO LA SOGS PA ZHUM PAR DBYER MED PAR 'GRO BA'I GTZO BO YOD PA YIN NO SNYAM DU SEMS SO, ,DE LTA BAS NA 'DIR SLOB DPON GYIS RJES SU 'GRO BA'I PHYIR ZHES LHAG MA RNAMS NYE BAR MTSON PA'I DON DU GTAN TSIGS KHO NA BSTAN TO, ,DE LA BDE SOGS ZHES BYA BA LA SOGS PA'I SGRAS SDUG BSNGAL DANG RMONGS PA GNYIS GZUNG NGO, ,GSAL BA ZHES BYA BA NI CHEN PO LA SOGS PA 'BYUNG BA'I MTHAR THUG PA'O, ,GSAL BAR SNANG ZHES BYA BA NI GSAL BAR DMIGS ZHES BYA BA'I DON TO, ,JI LTAR ZHE NA, RAB DANG ZHES BYA BA LA SOGS PA SMOS TE, SOGS PA'I SGRA RE RE DANG SBYAR BAR BYA'O, ,'DI NI KHO BO CAG GIS DANG PO NYID DU BSHAD ZIN TO, ,DE LTAR RJES SU 'GRO BA'I PHYIR ZHES BYA BA'I GTAN TSIGS 'DI GRUB PAR BSTAN NAS, TSAD MA DGOD PA'I PHYIR, DE BAS DE RIGS ZHES BYA BA LA SOGS PA SMOS SO, ,DE RIGS RJES 'GRO MTHONG BA'I PHYIR, ,ZHES BYA BA NI GTAN TSIGS TE, YON TAN GSUM GYI MTSAN NYID DE NYID KYI RIGS RJES SU 'GRO BAR MTHONG BA'I PHYIR RO ZHES BYA BA'I DON TO, ,DE'I DNGOS LAS BYUNG ZHES BYA BA NI BDE BA LA SOGS PA'I DNGOS PO'I RGYU GANG YIN PA DE LAS BYUNG ZHES BYA BA'I DON TO, ,'DIS KYANG BSGRUB BYA BSTAN TO, ,BUM SOGS BYE BRAG BZHIN ZHES BYA BA NI BUM PA LA SOGS PA'I KHYAD PAR BZHIN NO, ,DE'I RANG BZHIN GYI RGYU GANG YIN PA DE NI GTZO BO YIN NO ZHES SER SKYA PA STE GRANGS CAN RNAMS SMRA BAR BYED DO, ,DE PHYIR 'DI LA ZHES BYA BA LA SOGS PAS LAN 'DEBS PAR BYED PA YIN NO, ,DE LA RE ZHIG GTZO BO KHO NA LAS 'BRAS BU'I KHYAD PAR 'DI DAG DE'I NGO BOR RAB TU 'BYUNG NGO ZHES GANG SMRAS PA DE LA 'DI DPYAD PAR BYA STE, GAL TE 'BRAS BU'I KHYAD PAR 'DI DAG GTZO BO'I RANG BZHIN KHO NA YIN NA DE'I PHYIR JI LTAR 'DI DAG LA 'BRAS BU NYID DU 'JUG PAR 'GYUR, GANG ZHIG GANG LAS THA MI DAD PA DE NI DE'I 'BRAS BU'AM, RGYU NYID DU RIGS PA MA YIN TE, RGYU DANG 'BRAS BU DAG NI MTSAN NYID THA DAD PA'I PHYIR RO, ,DE LTA MA YIN NA 'DI NI 'BRAS BU'O, ,'DI NI RGYU'O ZHES BYA BA'I MA 'DRES PA'I RNAM BAR GZHAG PA BYAS PA GANG YIN PAR 'JI LTAR 'GYUR, DE'I PHYIR KHYED CAG GIS RTZA BA'I RANG BZHIN NI RGYU KHO NA YIN LA, 'BYUNG BA DANG DBANG PO'I MTSAN NYID KYI TSOGS BCU DRUG NI 'BRAS BU KHO NA YIN ZHING, BLO DANG, NGA RGYAL DANG,

152a

, ,DE TZAM RNAMS NI SNGA MA DANG PHYI MA LA LTOS NA RGYU YANG YIN LA 'BRAS BU YANG YIN NO ZHES RNAM PAR GZHAG PA BYAS PA GANG YIN PA DER MI 'GYUR RO, ,JI SKAD DU, RTZA BA'I RANG BZHIN 'GYUR BA MIN, ,CHEN PO SOGS BDUN RANG BZHIN 'GYUR, ,BCU DRUG PO RNAMS 'GYUR PA STE, , SKYES BU RANG BZHIN 'GYUR BA MIN, ,ZHES BSHAD PA LTA BU'O, ,PHAN TSUN THA DAD PA MA YIN PA'I PHYIR THAMS CAD RGYU 'AM 'BRAS BU NYID DU THAL BAR 'GYUR BA'AM, YANG NA RGYU DANG 'BRAS BU'I DNGOS PO NI LTOS BA DANG BCAS PA NYID KYI PHYIR DANG, LTOS PAR BYA BA NGO BO GZHAN YANG MI SRID PA'I PHYIR, SKYES BU BZHIN DU THAMS CAD RANG BZHIN YANG MA YIN LA 'GYUR BA YANG MA YIN PAR 'GYUR RO, ,GZHAN DU NA SKYES BU YANG RANG BZHIN DANG 'GYUR BA'I THA SNYAD DU BYA BAR 'GYUR RO, ,ZHO GANG YIN PA DE 'OM, ,'O MA GANG YIN DE ZHO ZHES, ,DRAG PO LEN GYIS BSTAN PA STE, ,DE BZHIN 'BIGS BYED GNAS PA'ANG 'CHAD, ,CES BSHAD DO, ,YANG RGYU DANG LDAN PA NYID LA SOGS PA'I CHOS DANG LDAN NI GSAL BA YIN LA, ,BZLOG PA NI MI GSAL BA YIN NO ZHES GANG YIN BRJOD PA DE YANG BYIS PA'I TSIG NYID YIN TE, GANG ZHIG GANG LAS RANG BZHIN THA MI DAD PA DE NI DE LAS BZLOG PAR MI RIGS TE, BZLOG PA'I MTSAN NYID NI NGO BO GZHAN YIN PA'I PHYIR RO, ,DE LTA MA YIN NA THA DAD PA'I THA SNYAD CHAD PA NYID DU 'GYUR RO, ,DE'I PHYIR RDUL DANG, MUN PA DANG, SNYING STOBS RNAMS DANG, SEMS CAN RNAMS PHAN TSUN THA DAD PAR KHAS BLANGS PA RGYU MTSAN MED PA KHO NAR 'GYUR BA DANG; SNA TSOGS PA THAMS CAD NGO BO GCIG TU 'GYUR RO, ,DE'I PHYIR LHAN CIG SKYE BA DANG 'JIG PAR THAL BAR 'GYUR RO, ,THA MI DAD PAR RNAM PAR GZHAG PA'I MTSAN NYID NI GRUB PA DANG BDE BA GCIG PA YIN PA'I PHYIR RO, ,DE LTA BAS NA GSAL BA'I NGO BO DANG THA MI DAD PA'I PHYIR MI GSAL BA YANG GSAL BA'I NGO BO BZHIN DU RGYU DANG LDAN PA LA SOGS PA'I CHOS DANG LDAN PAR 'GYUR BA DANG, GSAL BA YANG MI GSAL BA'I NGO BO DANG THA MI DAD PA'I PHYIR RGYU DANG MI LDAN PA LA SOGS PA'I CHOS DANG LDAN PAR 'GYUR RO, ,DE NI RANG GI NGO BO BZHIN DU NGES PA NYID YIN TE, GZHAN DU NA HA CANG THAL BAR

152b

'GYUR RO, ,GZHAN YANG 'JIG RTEN NA RJES SU 'GRO BA DANG LDOG PA NGES PA RTOGS NA RGYU DANG 'BRAS BU'I DNGOS POR 'GRUB KYI, GANG GIS GTZO BO LAS CHEN PO DANG, CHEN PO LAS NGA RGYAL ZHES BYA BA LA SOGS PA 'GRUB PAR 'GYUR BA GTZO BO LA SOGS PA LAS CHEN PO LA SOGS BA SKYE BAR NGES PA LA RJES SU 'GRO BA DANG, LDOG PA RTOGS PA 'GA' YANG YOD PA MA YIN NO, ,DE'I PHYIR GTZO BO LA SOGS PA LAS CHEN PO LA SOGS BA SKYE BA'I THA SNYAD 'DI NI RGYU MTSAN MED PA KHO NA'O, ,GANG GIS GTZO BO LAS 'BRAS BU'I KHYAD PAR SKYED PA NYID DU 'GRUB BAR 'GYUR BA RTAG PA LA NI RGYU'I DNGOS PO YOD PA YANG MA YIN TE, RTAG PA NI RIM DANG RIM MA YIN PA DAG GIS DON BYED PA 'GAL BA'I PHYIR RO, ,'DI SNYAM DU GANG GIS NGO BO THA DAD MED BA NA DE 'GAL BAR 'GYUR BA KHO BO CAG NI SNGA NA MED PA'I RANG BZHIN SKYE BAS RGYU DANG 'BRAS BU'I DNGOS PO MI 'DOD DE, GANG GI PHYIR GTZO BO SPRUL 'KHYIL PA LA SOGS PA BZHIN DU CHEN PO LA SOGS PA'I NGO BOR YONGS SU 'GYUR BAR 'GRO BAS CHEN PO LA SOGS PA DE DAG GI RGYU YIN NO ZHES BSTAN LA, CHEN PO LA SOGS PA DE DAG KYANG GTZO BO DE YONGS SU GYUR PA'I NGO BO YIN PA'I PHYIR DE'I 'BRAS BU NYID DU BSTAN TO, ,YONGS SU 'GYUR BA YANG DNGOS PO GCIG LA GNAS PA'I PHYIR THA MI DAD KYANG 'GAL BA MED DO SNYAM DU SEMS NA, DE NI YANG DAG BA MA YIN TE YONGS SU 'GYUR BA MA GRUB PA'I PHYIR RO, ,'DI LTAR YONGS SU 'GYUR BA NA SNGA MA'I NGO BO YONGS SU DOR NAS SAM, YONGS SU MA DOR BAR YIN GRANG, GAL TE MA DOR BAR YIN NA DE'I TSE GNAS SKABS 'CHOL BAR 'GYUR TE, RGAN PO NYID LA SOGS PA'I GNAS SKABS NA YANG LONG TSO NYID LA SOGS PA'I GNAS SKABS RNAMS DMIGS PAR THAL BA'I PHYIR RO, ,'ON TE YONGS SU DOR NAS YIN NA DE'I TSE RANG GI NGO BO LAS NYAMS PAR THAL BAR 'GYUR RO, , DE'I PHYIR RANG BZHIN GZHAN SNGA MA 'GAG CING, SNGA NA MED PA'I RANG BZHIN GZHAN SKYE BA YIN PA'I PHYIR, YONGS SU GYUR PA 'GA' YANG I 'GRUB BO, ,GZHAN YANG YONGS SU 'GYUR BA'I MTSAN NYID NI DE NYID GZHAN DU 'GYUR BAR BRJOD LA, GZHAN DU 'GYUR BA DE YANG PHYOGS GCIG GIS SAM, BDAG

153a

, ,NYID THAMS CAD KYIS 'GYUR BA YIN GRANG, RE ZHIG PHYOGS GCIG GIS NI MA YIN TE, GCIG LA PHYOGS GCIG MI SRID PA'I PHYIR RO, ,BDAG NYID THAMS CAD KYIS KYANG MA YIN TE, DON GZHAN SKYE BA NA SNGA MA 'JIG PAR THAL BA'I PHYIR RO, ,DE LTA BAS NA DE NYID GZHAN DU 'GYUR BAR RIGS PA MA YIN TE, DE'I RGYU MTSAN NI RANG BZHIN GZHAN SKYE BA YIN PA'I PHYIR RO, ,CI STE YANG CHOS CAN RNAM PAR GNAS PA LA CHOS GZHAN LOG PAS CHOS GZHAN SKYE BA NI YONGS SU 'GYUR BAR BRJOD KYI, RANG BZHIN GZHAN DU 'GYUR BA NYID NI MA YIN NO SNYAM DU SEMS NA, 'DI NI YANG DAG PA MA YIN TE, 'DI LTAR 'JUG PA DANG LDOG PA'I CHOS DE CHOS CAN LAS DON GZHAN DU GYUR PA ZHIG GAM, DON GZHAN DU MA GYUR PA ZHIG YIN GAL TE DON GZHAN DU GYUR PA YIN NA DE'I TSE, CHOS CAN GYI GNAS SKABS DE NYID YIN PA'I PHYIR JI LTAR 'DI YONGS SU 'GYUR BA ZHES BYA, DON GZHAN DU GYUR PA'I SNAM BU DANG RTA DAG SKYE BA DANG 'JIG PA NA G-YO BA MED PA'I BDAG NYID KYI RANG GI NGO BO'I BUM PA LA SOGS PA YONGS SU 'GYUR BA NI MA YIN TE, HA CANG THAL BAR 'GYUR BA'I PHYIR RO, ,DE LTA NA SKYES BU YANG YONGS SU 'GYUR BAR 'GYUR RO, ,GAL TE DE DANG 'BREL PA'I CHOS GNYIS SKYE BA DANG 'JIG PAS DE YONGS SU 'GYUR BAR GZHAG GI GZHAN NI MA YIN NO ZHE NA, MA YIN TE, YOD PA DANG MED PA DAG LA 'BREL PA MED NA DE DANG 'BREL PA MA GRUB PA'I PHYIR RO, ,'DI LTAR 'BREL PAR 'GYUR NA YOD PA LA 'AM, MED PA LA YIN GRANG, RE ZHIG YOD PA LA NI MA YIN TE, DE NI RANG BZHIN PHUN SUM TSOGS PA MA LUS PA THOB PAS LTOS PA MED PA NYID KYIS 'GA' LA YANG RAG LAS PAR MI 'THAD PA'I PHYIR RO, ,MED PA LA YANG MA YIN TE, DE NI NYE BAR BRJOD PA'I MTSAN NYID THAMS CAD DANG BRAL BA YIN PA NYID KYIS 'GA' LA YANG BRTEN PA NYID DU MI 'THAD PA'I PHYIR RO, ,GANG GI PHYIR RI BONG GI RVA LA SOGS PA RNAMS NI 'GA' LA YANG BRTEN PAR MI RIGS SO, ,CHOS GZHAN THA DAD PA SKYE BA DANG 'JIG PA NA KHYED CAG GIS YONGS SU 'GYUR BAR RNAM PAR 'JOG PA YANG MA YIN NO, ,'O NA CI ZHE NA, GANG LA GNAS SKABS THA DAD KYANG BDAG

153b

NYID DU GYUR PA'I RANG BZHIN GCIG RJES SU 'JUG PA NA DE LA KHYED CAG GIS YONGS SU 'GYUR BAR RNAM PAR GZHAG LA, CHOS CAN LAS CHOS DAG THA DAD PA NA RANG BZHIN GCIG RJES SU 'JUG PA YOD PA YANG MA YIN NO, ,DE DAG GI GCIG GI BDAG NYID NI CHOS CAN NYID YIN LA, CHOS LAS DE YANG THA DAD PA'I PHYIR, RANG BZHIN GCIG GI BDAG NYID DU GYUR PA RJES SU 'JUG PA MA YIN NO, ,'JUG PA DANG, LDOG PA'I CHOS GNYIS LAS THA DAD PA'I CHOS CAN DMIGS PA'I MTSAN NYID DU GYUR PA MTHONG BA'I LAM DU 'JUG PA NI 'GA' YANG MED PA'I PHYIR DE 'DRA BA NI MKHAS PA RNAMS KYI MED PA'I THA SNYAD KYI YUL NYID YIN NO, ,CI STE DON GZHAN DU MA GYUR PA'I PHYOGS YIN PA DE LTA NA YANG CHOS CAN GYI RANG GI NGO BO GCIG LAS THA MI DAD PA'I PHYIR SKYE BA DANG 'JIG PA DANG LDAN PA'I CHOS GNYIS KYANG CHOS CAN GYI RANG GI NGO BO BZHIN DU GCIG NYID YIN PA'I PHYIR GANG ZHIG LA BRTEN NAS CHOS CAN NAM CHOS SU 'GYUR PA YIN, CHOS GNYIS CHOS CAN GYI GNAS SKABS CAN LAS THA MI DAD PA'I PHYIR GNAS SKABS CAN GYI RANG GI NGO BO BZHIN DU LDOG PA YANG MED, SKYE BA YANG MED DO, ,CHOS GNYIS LAS CHOS CAN GZHAN MA YIN PA'I PHYIR CHOS KYI RANG GI NGO BO BZHIN DU SNGA NA MED PA SKYE ZHING SNGA MA 'JIG PA YIN PA'I PHYIR GCIG 'GA' YANG YONGS SU 'GYUR BAR MI 'GRUB PO, ,DE'I PHYIR YONGS SU 'GYUR BA'I DBANG GIS KYANG KHYED CAG GI RGYU DANG 'BRAS BU'I THA SNYAD RIGS PA MA YIN NO, ,SKYON 'DI NI GSAL BA NYID YIN PA'I PHYIR DE YAL BAR DOR NAS 'BRAS BU MED PAR SMRA BA'I SKYON GZHAN GYIS SMRAS PA GANG YIN PA 'DI DE LA YANG PHYIS 'CHAD PAR 'GYUR RO SNYAM DU BSAMS NAS, SKYON MTSUNGS PAR BSTAN PA'I ZOL GYIS, RE ZHIG 'BRAS BU YOD PAR SMRA BA NYID SUN 'BYIN PAR BYED PA NI, DE'I PHYIR 'DI LA ZHES BYA BA LA SOGS PA'O, ,BLO BZANGS RNAMS ZHES BYA BA NI BDE BAR GSHEGS PA PA'O, ,DE DAG GIS SMRAS PA'I MED PA MI BYED PA'I PHYIR ZHES BYA BA LA SOGS PAS RTZOD PA LNGA BYAS PA GANG YIN PA DE NI YOD PA LA YANG STE, 'BRAS BU YOD PAR SMRA PA'I PHYOGS LA YANG MTSUNGS PA YIN TE, 'DI LTAR 'DI LA 'DI SKAD DU BRJOD PAR NUS TE, YOD PA MI BYED PA'I PHYIR DANG, RGYU LEN PA'I PHYIR DANG, THAMS

154a

, ,CAD SKYE BA MED PA'I PHYIR DANG, NUS PAS NI NUS PA BYED PA'I PHYIR DANG, RGYU YOD PA'I PHYIR 'BRAS BU YOD PA ZHES BYA BA LA, GANG NA YOD PA'I 'BRAS BU YOD PA MA YIN NO ZHES PAR DU CHOD PA DANG 'BREL TO, ,CI'I PHYIR ZHE NA, YOD PA MI BYED PA'I PHYIR DANG, RGYU LEN PA'I PHYIR ZHES BYA BA LA SOGS PA'I GTAN TSIGS GNYI GA'I SKYON GANG YIN PA DE GCIG LA KLAN KAR RIGS PA MA YIN NO SNYAM DU BSAMS PA YIN NO, ,'ON TE 'DIR MED PA MI BYED PA'I PHYIR ZHES BYA BA DE LTA BU'I RTZOD PA YIN LA, GZHAN DU YOD PA MI BYED PA'I PHYIR RO ZHES BYA BA DE LTA BU'I RTZOD PA 'DI MA YIN NAM, JI LTAR 'DI MTSUNGS PAR 'GYUR ZHE NA, MA YIN TE, BSAM PA YONGS SU MA SHES PA'I PHYIR RO, ,MI BYED PA DANG, NGES PA'I RGYU LEN PA LA SOGS PA TZAM BRJOD PAR 'DOD NAS 'DI BRJOD LA, 'BRAS BU YOD PAR SMRA BA LA YANG MI BYED PA LA SOGS PA MTSUNGS PA'I PHYIR RO, ,'BRAS BU YOD PAR SMRA BA KHYED CAG GI RTZOD PA'I LEN GANG YIN PA DE NI 'BRAS BU MED PAR SMRA BA BLO BZANGS TE, SANGS RGYAS PA RNAMS KYI YANG YIN PAR 'GYUR RO, ,'DI JI LTAR MTSUNGS SHE NA, GAL TE ZHO SOGS ZHES BYA BA LA SOGS PA SMOS TE, 'DI YOD PA MI BYED PA'I PHYIR ZHES BYA BA 'DI BSGRUB PA'I DON DU'O,, GAL TE 'O MA LA SOGS PA'I BDAG NYID LA STE, 'O MA LA SOGS PA RNAMS KYI RANG BZHIN LA, ZHO LA SOGS PA'I MTSAN NYID KYI 'BRAS BU RNAMS RNAM KUN TE, RO DANG, NUS PA DANG, RNAM PAR SMIN PA LA SOGS PA BDAG NYID THAMS CAD KYI KHYAD PAR GYI DBYE BA'I NGO BOS ZHO LA SOGS PA'I GNAS SKABS BZHIN DU YOD PA DE'I TSE DE DAG YOD NA GANG GIS DE DAG 'O MA LA SOGS PA'I RGYUS BSKYED PAR BYA BAR 'GYUR BA BSKYED PAR BYA BA'I NGO BO CI ZHIG YOD, RGYU LA SOGS DANG 'DRA BDAG NYID, ,CES BYA BA LA, RGYU LA SOGS PA DANG 'DRA BA'I BDAG NYID GANG LA YOD PA ZHES TSIG RNAM PAR SBYAR RO, ,RGYU NI RANG BZHIN NO; ,SOGS PA'I SGRAS NI SEMS PA CAN DANG, DE DAG GI SGRA NI ZHO LA SOGS PA'I GNAS SKABS YANG BSKYED PAR BYA BA MA YIN PAR GRUB PA'I NGO BO BZUNG NGO, ,'DIS NI RGYU DANG 'BRAS BU MED PAR THAL BSGRUB PA'I TSAD MA GNYIS BSTAN TO, ,DA NI TSAD MA GSAL BAR BSTAN PA'I PHYIR, 'BRAS DE YOD

154b

PHYIR RGYU YI SA NI, ,ZHES BYA BA LA SOGS PA SMOS TE, 'BRAS DE ZHES BYA BA NI CHEN PO LA SOGS PA DANG, 'JIG RTEN NA GRAGS PA ZHO LA SOGS PA'O, ,YOD PHYIR ZHES BYA BA NI YOD PA'I PHYIR RO, ,RGYU RIG BZHIN ZHES BYA BA LA, RGYU NI GTZO BO DANG, 'JIG RTEN NA GRAGS PA NI 'O MA LA SOGS PA'O, , RIG PA NI SEMS PA CAN NO, ,DE DAG DANG MTSUNGS PAR 'JUG PA'I PHYIR RGYU RIG BZHIN NO, ,SBYOR BA NI GANG ZHIG RNAM PA THAMS CAD KYIS YOD PA DE NI SU ZHIG GIS KYANG BSKYED PAR BYA BA MA YIN TE, DPER NA RANG BZHIN NAM SEMS PA CAN BZHIN NO, ,GZHAN GYI 'DOD PAS 'O MA LA SOGS PA'I GNAS SKABS SU YANG ZHO LA SOGS PA'I 'BRAS BU BDAG NYID THAMS CAD KYIS YOD PA YIN NO ZHES BYA BA NI KHYAB PAR BYED PA 'GAL BA DMIGS PA'I THAL BAR 'GYUR BA'O, ,GTAN TSIGS MA NGES PA YANG MA YIN TE, KHYAD PAR BSKYED PAR BYA BA MA YIN PA YANG BSKYED PAR BYA BA NYID YIN NA THAMS CAD BSKYED PAR BYA BA NYID DU THAL BAR 'GYUR BA DANG, THUG PA MED PAR THAL BAR 'GYUR BA NI GNOD PA CAN GYI TSAD MA STE, BSKYED ZIN PA YANG BSKYED PAR BYA BA NYID DU THAL BAR 'GYUR BA'I PHYIR RO, ,DE LTAR NA RE ZHIG 'BRAS BU NYID DU MNGON PAR 'DOD PA RNAMS 'BRAS BU MA YIN PAR THAL BAR 'GYUR PA BSGRUBS NAS, DA NI RGYUR MNGON PAR 'DOD PA RNAMS RGYU MA YIN PA NYID DU THAL BAR 'GYUR BAR BSGRUB PAR BYA BA'I DON DU, DE PHYIR MNGON 'DOD RGYU MIN TE, ,ZHES BYA BA LA SOGS PA SMOS SO, ,MNGON PAR 'DOD PA'I DNGOS PO ZHES BYA BA NI LHAG MA'O, ,DES NA DON NI 'DI YIN TE, RTZA BA'I RANG BZHIN LA SOGS PA DANG, SA BON DANG 'O MA LA SOGS PA MNGON PAR 'DOD PA'I DNGOS PO RNAMS NI BRJOD PAR 'DOD PA'I CHEN PO LA SOGS PA DANG ZHO LA SOGS PA'I RGYU MA YIN TE, SKYED PAR BYED PA'I RGYU'I THA SNYAD DU RUNG BAR MI 'GYUR RO ZHES BYA BA'I DON TO, ,CI'I PHYIR ZHE NA, BSGRUB PAR BYA BA MED PA'I PHYIR RO, ,'DI LA BSGRUB BYA YOD PA MA YIN PA'I PHYIR BSGRUB BYA MED PA'O, ,DE'I NGO BO NI BSGRUB BYA MED PA NYID DO, ,'DI YANG DE MA THAG TU BRJOD PA'I 'BRAS BU NYID BKAG PA LAS GRUB STE, DE NYID KYI PHYIR DE PHYIR ZHES SMOS SO, ,GZHAN BDAG BZHIN ZHES BYA BA NI GZHAN GYI RANG BZHIN BZHIN TE, RGYU MA YIN PAR MNGON PAR 'DOD

155a

, ,PA'I DNGOS PO'I RANG BZHIN BZHIN NO ZHES BYA BA'I DON TO, ,RGYU MA YIN PAR 'DOD PA'I DNGOS PO YANG SEMS PA CAN TE, SKYES BU 'GYUR MIN RANG BZHIN MIN, ,ZHES SMRAS PA'I PHYIR RO, ,SBYOR BA NI GANG ZHIG BSGRUB BYA MED PA DE NI RGYU MA YIN TE, DPER NA SEMS PA CAN LTA BU'O, ,MNGON PAR 'DOD PA'I DNGOS PO YANG BSGRUB BYA MED PA CAN YIN NO ZHES BYA BA NI KHYAB PAR BYED PA MI DMIGS PA'O, ,'DI GNYI GA YANG THAL BA SGRUB PA YIN TE DES NA GNYI GA LA GRUB PA'I DPES CI ZHIG BYA, GANG YANG GRANGS CAN RNAMS SKYES BU LA YANG GZUGS BRNYAN 'CHAR BA'I TSUL GYIS LONGS SPYOD LA BYED PA PO YIN NO SNYAM DU SEMS PA DE LA DE SKAD DU BSHAD DE, 'DI NI GZHAN YANG YIN LA BDAG KYANG YIN TE, GROL BA ZHES BYA BA'I DON TO, ,DE NI GROL BA YIN PA'I PHYIR LONGS SPYOD PAR BYED PA PO GNYIS MA YIN PA'I PHYIR DPE MA GRUB PA MA YIN NO, ,'ON TE GSAL SOGS ZHES BYA BA LA SOGS PAS, GZHAN GYI LUGS KYIS GTAN TSIGS MA GRUB PA DOGS PAR BYED DE, DE LA GAL TE GTAN TSIGS DANG PO MNGON PAR GSAL BA LA SOGS PA'I BDAG NYID THAMS CAD KYI NGO BO YOD PA'I PHYIR ZHES KHYAD PAR DANG BCAS PA BYED PA DE'I TSE NI MA GRUB STE, KHO BO CAG GIS MNGON PAR GSAL BA LA SOGS PA'I NGO BOS KYANG 'BRAS BU YOD PAR NI MI 'DOD DO, ,'O NA CI ZHE NA, NUS PA'I NGO BOS SO, ,CI STE SPYIR KHYAD PAR MED PA YIN PA DE'I TSE MA NGES PA YIN TE, 'DI LTAR MNGON PAR GSAL BA LA SOGS PA'I MTSAN NYID KYI KHYAD PAR NI BSKYED PAR BYA BA MA YIN PA'I PHYIR, DES THAMS CAD 'BRAS BU MA YIN PAR THAL BAR MI 'GYUR RO, ,DE NYID KYI PHYIR GTAN TSIGS GNYIS PA YANG MA GRUB PA YIN TE, BSGRUB BYA YOD PA'I PHYIR RO, ,GSAL SOGS MTSAN NYID CES BYA BA LA SOGS PA'I SGRAS SHAS CHE BA DANG SHAS CHUNG BA LA SOGS PA'I GNAS SKABS KYI KHYAD PAR BZUNG NGO, ,DE ZHES BYA BA NI KHYAD PAR RO, ,THA SNYAD CES BYA BA NI GLAN KA'O, ,DE PHYIR MNGON 'DOD RGYU MIN TE, ,BSGRUB BYA MED PHYIR ZHES BYA BA LA SOGS PA'I NYES PAR MI 'GYUR RO ZHES BYA BA'I THA TSIG GO, ,GAL TE DE LTAR SNGAR DE YOD CES BYA BA LA SOGS PAS LAN 'DEBS PAR BYED DE, DE LA RNAM PA GNYIS SU BRTAG STE, KHYAD

155b

PAR 'DI MNGON PAR GSAL BA'I GNAS SKABS LAS SNGAR RANG BZHIN GYI GNAS SKABS 'GA' ZHIG GI TSE YANG YOD DAM, 'ON TE MED, GAL TE YOD PA YIN NA DE'I TSE KHYED CAG GIS GTAN TSIGS GNYI GA YANG MA GRUB PA LA SOGS PA LA LAN BTAB PA 'GA' YANG MED DO, ,'ON TE SNGAR YOD PA MED PA DE LTA NA YANG KHYAD PAR DE LTAR RGYU DE DAG LAS 'BYUNG BAR 'GYUR, KHYED KYI MED PA MI BYED PA'I PHYIR ZHES BYA BA RIGS PA MA YIN NO SNYAM DU DGONGS PA'O, ,DE LTAR RE ZHIG MED PA MI BYED PA'I PHYIR RO ZHES BYA BA'I GTAN TSIGS 'DI BSGRUBS NAS, DA NI RGYU LEN PA'I PHYIR ZHES BYA BA LA SOGS PA'I GTAN TSIGS BZHI PO BSGRUB PA'I PHYIR, DE PHYIR BSGRUB BYA MED PAS NA, ,ZHES BYA BA LA SOGS PA SMOS SO, ,JI SKAD DU BSHAD PA'I RIGS PAS BSGRUB PAR BYA BA MED PA'I PHYIR RGYU LEN PAR MI 'GYUR TE, BSGRUB PAR BYA BA'I 'BRAS BU DE 'DOD PA NYID KYIS DE DAG RTOG PA DANG LDAN PA RNAMS KYIS LEN PA'I PHYIR RO, ,'O MA LA SOGS PA'I NGES PA LAS ZHO LA SOGS PA SKYE'I ZHES BYA BA 'DI YANG MI 'GYUR TE, BSGRUB PAR BYA BA MED PA NYID KYI PHYIR RO, ,'DIS KYANG THAMS CAD SKYE BA MED PA'I PHYIR ZHES BYA BA 'DI BSGRUBS PA YIN TE, 'DI LTAR THAMS CAD LAS SKYE PA MED PA NYID NGES PA LAS SKYE BA ZHES BYA'O, ,DE YANG 'BRAS BU YOD PAR SMRA BA'I PHYOGS LA MI RUNG STE, BSGRUB BYA MED PA'I PHYIR RO, ,DE BZHIN DU NUS PA NI NUS PA BYED PA'I PHYIR ZHES BYA BA 'DI GNYIS KYANG RIGS PA MA YIN TE, BSGRUB BYA MED PA NYID KYI PHYIR RO, ,GAL TE 'GA' ZHIG GIS 'GA' ZHIG MNGON PAR SGRUB PAR BYED PA DE'I TSE SGRUB PAR BYED PA NI NUS PAR GZHAG LA, BSGRUB PAR BYA BA YANG BYED PAR GRUB KYI, GZHAN DU NI MA YIN NO, ,DE STON PAR BYED PA NI, ,NUS PA MED CING BYA BA'ANG MED, ,CES BYA BA'O, ,DNGOS PO RNAMS KYI RGYU YOD PA YANG RIGS PA MA YIN TE, BSGRUB BYA MED PA'I PHYIR RO, ,DE STON PA NI, BDAG NYID THAMS CAD RDZOGS PA'I PHYIR, ,ZHES BYA BA LA SOGS PA'O, ,'DI YANG RGYU YOD PA'I PHYIR RO ZHES BYA BA'I GTAN TSIGS 'DI BSGRUBS PA YIN NO, ,DE LTA YANG MA YIN TE, DE'I PHYIR 'BRAS BU YOD PA MA YIN NO ZHES GTAN TSIGS THAMS CAD THAL BA LAS BZLOG PAR SBYAR BAR BYA'O, ,YANG SKABS GZHAN GYIS 'BRAS BU YOD PAR SMRA

156a

, ,BA SUN DBYUNG BA'I PHYIR, ,SGRUB PA ZHUGS PA THAMS CAD NI, ,ZHES BYA BA LA SOGS PA SMOS SO, ,ZHUGS PA ZHES BYA BA NI 'JUG PA'O, ,PHYIN CI LOG SMOS PAS THE TSOM YANG BZUNG STE, 'DI NI GNYI GA'I CHA LA DMIGS PA NYID KYIS SGRO 'DOGS PA NYID YIN PA'I PHYIR RO, ,GANG GI PHYIR SGRUB PAR BYED PA THAMS CAD RANG GI YUL LA 'JUG PA NA, GNYIS BYED DE, GZHAL BAR BYA BA'I DON GYI YUL LA 'JUG PA NA, PHYIN CI LOG DANG THE TSOM ZLOG PAR BYED PA DANG, YUL DE LA NGES PA SKYED PAR BYED PA'O, ,'DI NI 'BRAS BU YOD PAR SMRA BA LA RIGS PAS MI 'THAD DO, ,JI LTAR ZHE NA, THE TSOM DANG NI PHYIN CI LOG ,CES BYA BA LA SOGS PA SMOS TE, 'DI LTAR KHYED CAG GI LUGS KYIS THE TSOM DANG PHYIN CI LOG DAG SEMS PA CAN GYI BDAG NYID YIN NAM, BLO DANG YID KYI RANG BZHIN YIN, PHYOGS GNYI GA LA YANG DE DAG BZLOG TU MED PA YIN TE, SEMS PA CAN BLO DANG YID RNAMS RTAG PA NYID KYIS DE DAG KYANG RTAG PA'I PHYIR RO, ,SGRUB PAR BYED PA LAS NGES PA BSKYED PA YANG MA YIN TE, GNAS SKABS THAMS CAD DU GNAS PA'I RGYU 'DI NYID KYI PHYIR RO, ,DE'I PHYIR 'DI LA KHYED CAG GIS SGRUB PAR BYED PA GANG YIN PA 'DI SMRAS PA DE KUN TE THAMS CAD DON MED PA YIN NO, ,'DI NI RANG GI TSIG DANG 'GAL BA BSTAN PA YIN TE, 'DI LTAR NGES PA BSKYED PA'I DON DU SGRUB BYED SMRA BA NA NGES PA YANG MED PA SKYE BA KHAS BLANGS PA YIN LA, 'BRAS BU YOD PA YIN NO ZHES KYANG DAM BCAS NAS, DE BKAG PA'I PHYIR RANG GI TSIG DANG 'GAL LO, ,CI STE SGRUB PAR BYED PA'I SBYOR BA DON MED PAR 'GYUR DU 'ONG BAS NGES PA YANG DAG PA MA YIN PA DE MED PA NYID SGRUB PAR BYED PA LAS SKYE'O ZHES KHAS BLANGS PA YIN NO, ,DE LTA NA 'O NA MED PA MI BYED PA'I PHYIR ZHES BYA BA LA SOGS PA'I GTAN TSIGS KYI TSOGS MTHA' DAG MA NGES PA NYID DU 'GYUR TE, NGES PA BZHIN DU MED PA YANG SKYE BA 'GAL BA MED PA'I PHYIR RO, ,DE'I PHYIR JI LTAR NGES PA MED KYANG BYED PA DANG, JI LTAR DE BSGRUB PAR BYA BA'I PHYIR SGRUB PAR BYED PA'I KHYAD PAR LEN PA DANG, JI LTAR DE SGRUB PAR BYED PA LTAR SNANG BA LA SOGS PA THAMS CAD LAS 'BYUNG BA MA YIN PA DANG, JI LTAR 'DI MED NA YANG NUS PA'I RGYU DAG

156b

GIS BYED PA DANG, JI LTAR DE LA RGYU RNAMS KYI BYED PA YOD PA DE BZHIN DU GZHAN LA YANG 'GYUR RO, ,CI STE SGRUB PAR BYED PA'I SBYOR BA LAS SNGAR NGES PA YOD PA YIN MOD KYI, 'ON KYANG SGRUB PAR BYED PA DON MED PA NI MA YIN TE, 'DI LTAR DE 'DI SNGAR MNGON PAR MI GSAL BA LAS PHYIS SGRUB PAR BYED PA DE DAG LAS MNGON PAR GSAL BAR SGRUB PAR BYED DO, ,DE'I PHYIR MNGON PAR GSAL BAR BYA BA'I DON DU SGRUB PAR BYED PA'I BYA BA YOD PAS 'DI DAG DON MED PA MA YIN NO SNYAM DU BSAMS NA, DE NI RIGS PA MA YIN TE, GSAL BA MA GRUB PA RI PHYIR RO, ,'DI LTAR GSAL PA RANG BZHIN GYI KHYAD PAR SKYED PA'AM, YANG NA DE'I YUL CAN GYI SHES PA'AM, DE LA DMIGS PA'I SGRIB PA BSAL BA YIN GRANG, DE LA RE ZHIG RANG BZHIN GYI KHYAD PAR BSKYED PA NI MA YIN TE 'DI LTAR RANG BZHIN GYI KHYAD PAR 'DI NGES PA'I RANG GI NGO BO LAS THA MI DAD PA 'AM, THA DAD PAR GYUR PA ZHIG YIN GRANG, GAL TE THA MI DAD PA YIN NA DE'I TSE, DE NI NGES PA LAS DBYER MED PAS THA MI DAD PA'I PHYIR, NGES PA'I RANG GI NGO BO BZHIN DU THAMS CAD DU GNAS PAS SKYE BAR MI RIGS SO, ,CI STE THA DAD PA YIN NA, DE LTA NA YANG DE'I 'DI ZHES BYA BA'I 'BREL PA MI 'THAD DO, ,'DI LTAR RTEN DANG BRTEN PA'I MTSAN NYID KYI 'BREL PA YIN NAM, BSKYED PAR BYA BA DANG SKYED PAR BYED PA'I MTSAN NYID KYI 'BREL PA YIN, RE ZHIG DANG PO NI MA YIN TE, PHAN TSUN PHAN GDAGS PAR BYA BA DANG, PHAN 'DOGS PAR BYED PA MA YIN PA LA DE MED PA'I PHYIR RO, ,PHAN PA YIN NA YANG PHAN 'DOGS PAR BYED PA DE THA DAD PA NYID YIN NA 'BREL PA MA ZUB CING THUG PA MED PA THAL BAR 'GYUR BA'I PHYIR RO, ,THA MI DAD NA YANG SGRUB PAR BYED PA'I SBYOR BA DON MED DE, NGES PA NYID LAS PHAN GDAGS PAR BYA BA THA MI DAD PA'I KHYAD PAR SKYED PA'I PHYIR RO, ,LUS CAN MA YIN PA'I PHYIR KHYAD PAR THUR DU LTUNG BA MED PA'I PHYIR DE LA RTEN 'GA' ZHIG RIGS PA YANG MA YIN TE, 'OG TU LTUNG BA'I GEGS BYED PA NYID KYIS RTEN DU RNAM PAR GZHAG PA'I PHYIR RO, ,BSKYED BYA SKYED BYED KYI MTSAN NYID KYI 'BREL PA YANG MED DE, THAMS CAD DU NGES PA ZHES BYA BA'I RGYU NYE BA'I PHYIR, KHYAD PAR RTAG TU SKYED PAR THAL BAR 'GYUR BA'I PHYIR RO, ,SGRUB PAR

157a

, ,BYED PA'I SBYOR BA LA LTOS NAS NGES PA KHYAD PAR SKYED PAR BYED PA NYID DU RIGS PA YANG MA YIN TE, PHAN 'DOGS PAR BYED PA MA YIN PA LA LTOS PA MI RUNG BA'I PHYIR RO, ,PHAN 'DOGS NA YANG GONG DU SKYON SNGA MA BZHIN DANG, THUG PA MED DO, ,GZHAN YANG KHYAD PAR GANG YIN PA 'DI THA DAD PAR GYUR PA YIN NA, DE CI MED PA ZHIG GAM, 'ON TE YOD PA ZHIG CES BYA BA'I RNAM PAR RTOG PA GNYIS PO 'DI YANG 'JUG PA NYID DO, ,DE LA MED PA YIN NA SNGA MA BZHIN DU SGRUB PAR BYED PA RNAMS MA NGES PA NYID DU 'GYUR LA, YOD NA YANG SGRUB PAR BYED PA DON MED PAR 'GYUR RO, ,DE LA YANG MNGON PAR GSAL BAR 'DOD PA NA MNGON PAR GSAL BA 'DI YANG CI ZHIG CES THUG PA MED PAR THAL BA BZLOG PAR DKA'O, ,DE LTA BAS NA THA DAD PA'I PHYOGS LA YANG MA 'BREL BA'I PHYIR TE, 'BREL PA MED PA'I PHYIR NGO BO'I KHYAD PAR SKYED PAR MI RIGS SO, ,DE'I YUL LA SHES PA SKYED PA'I MTSAN NYID KYANG GSAL BAR RIGS PA MA YIN TE DE'I YUL RIG PA NI RTAG PA NYID KYI PHYIR TE, 'DI LTAR DE'I YUL YANG DAG PAR RIG PA GANG YIN PA DE 'BRAS BU YOD PAR SMRA BA KHYED CAG GI LUGS KYIS RTAG PA NYID YIN PA'I PHYIR DE CI ZHIG BSKYED PAR BYA BAR 'GYUR, DMIGS PA GNYIS PA MI SRID PA'I PHYIR YANG, DE'I YUL CAN GYI SHES PA SKYED PA YANG MNGON PAR GSAL BA'I MTSAN NYID DU MI RIGS SO, ,YANG GI SGRA NI SDUD PA DANG, RIM PA GZHAN DU SBYAR BA STE, MI SRID PA'I PHYIR ZHES BYA BA'I 'OG TU BLTA BAR BYA'O, ,DES NA 'DI SKAD DU BSTAN PA YIN TE, SPRO BA NAS SDUD PA'I BAR DU BLO NI GCIG YIN NO ZHES BYA BA NI GRUB PA'I MTHA' YIN PA'I PHYIR KHYED CAG GI LUGS KYIS RIG PA NI GCIG NYID YIN PA LA DE NYID NGES PA YIN TE, GANG ZHIG SGRUB PAR BYED PA RNAMS KYIS BYED PAR 'GYUR BA DE LA DMIGS PA'I GSAL BA ZHES BYA BA GZHAN CI ZHIG YOD, 'DI SNYAM DU DE'I YUL CAN GYI RIG PA BLO'I RANG BZHIN NI MA YIN NO, ,'O NA CI ZHE NA, YID KYI RANG BZHIN YIN NO SNYAM DU SEMS NA, DE NI YANG DAG PA MA YIN TE, BLO DANG DMIGS PA DANG, NGES PA DANG, YID DANG, YANG DAG PAR RIG PA ZHES BYA BA LA SOGS PA RNAMS NI DON GZHAN MA YIN PA'I PHYIR RO, ,'DI YANG PHYIS STON PAR 'GYUR RO, ,DE'I YUL LA

157b

DMIGS PA'I SGRIB PA ZAD PA'I MTSAN NYID KYANG GSAL BA MA YIN TE, RGYU RNAM PA GNYIS PO DE NYID KYI PHYIR RO, ,'DI LTAR DE LA DMIGS PA'I SGRIB PA GANG YIN PA DE NI RTAG PA'I PHYIR ZAD PAR 'GYUR BA MA YIN NO, ,MI MNGON PA'I MTSAN NYID KYI ZAD PA YANG RIGS PA MA YIN TE, SNGAR GYI NGO BO MA BTANG BAR MI MNGON PA SRID PA'I PHYIR RO, ,DMIGS PA GNYIS PA YANG MED PA'I PHYIR DMIGS PA'I SGRIB PA NI YOD PA MA YIN NO, ,MED PA LA NI SGRIB PA MI RIGS TE, DE NI DNGOS PO YOD PA'I YUL CAN YIN PA'I PHYIR RO, ,DE LTA BAS NA DE ZAD PA NI RIGS PA MA YIN NO, ,YANG NA RTAG PA'I PHYIR ZHES BYA BA NI DE'I YUL CAN GYI RIGS PA NI RTAG PA'I PHYIR SGRIB PA MED LA, DE MED PA'I PHYIR ZAD PAR MI RIGS SO ZHES BYA BA'I DON 'DI YIN NO, ,SGRIB PA ZAD PA YANG SUS KYANG BYA BA MA YIN TE, DE NI RANG BZHIN MED PA'I PHYIR RO, ,'BRAS BU YOD PAR SMRA BA'I PHYOGS LA SGRUB PAR BYED PA'I SBYOR BA DON MED PAR 'GYUR BA 'BA' ZHIG TU MA ZAD KYI, BCINGS PA DANG THAR PA MED PAR THAL BA DANG, 'JIG RTEN GYI THA SNYAD THAMS CAD CHAD PAR THAL BA YANG MI ZLOGS TE, 'DI LTAR KHYED CAG GI GTZO BO DANG SKYES BU DAG SO SOR DMIGS PA'I MTSAN NYID DE KHO NA NYID SHES PA SKYE BA NA THAR PA NI 'DOD LA, DE KHO NA NYID SHES PA DE YANG THAMS CAD DU GNAS PA NYID KYI PHYIR, ,LUS CAN THAMS CAD THAR PA NYID DU 'GYUR RO, ,DE'I PHYIR BCINGS PA MED DO, ,LOG PA'I SHES PA'I DBANG GIS KYANG BCINGS PAR 'DOD LA, DE NI THAMS CAD DU GNAS PA NYID KYIS THAMS CAD DU THAMS CAD BCINGS PA'I PHYIR, GANG LAS THAR PA YIN, 'JIG RTEN YANG PHAN PA DANG MI PHAN PA THOB PA DANG, SPONG BA'I DON DU 'JUG LA 'BRAS BU YOD PAR SMRA BA'I PHYOGS LA YANG CUNG ZAD THOB PAR BYA BA 'AM SPANG BAR BYA BA MED PA'I PHYIR, 'GRO BA BYED PA MED PA NYID DU 'GYUR RO, ,DE LTA BAS NA THA SNYAD THAMS CAD CHAD PAR THAL BAR 'GYUR RO, ,DE LTAR RE ZHI GA [*ZHIG?] 'BRAS BU YOD PAR SMRA BA BSAL NAS, 'BRAS BU MED PAR SMRA BA'I PHYOGS LA YOD PA'I SKYON SPANG PA'I PHYIR, YON TAN GSUM LDAN DBYER MED KYANG, ,ZHES BYA BA LA SOGS PA SMOS TE, 'BRAS BU YOD PA BKAG PA NYID KYI SHUGS KYIS 'BRAS BU MED PA YIN PAR GRUB PA NYID DE, YOD PA DANG MED PA DAG NI, PHAN,

158a

, ,TSUN SPONGS TE GNAS PA'I MTSAN NYID KYIS RNAM PA GZHAN MED PA'I PHYIR RO, ,DE YANG BSHAD PA DON MED DO ZHE NA, DE LTA NA YANG DAG GZHAN GYIS BKOD PA'I SKYON LTAR SNANG BAR BSTAN PA'I PHYIR BRJOD PAR BYA'O, ,DE LA RE ZHIG DE NI BYA BAR MI NUS TE, ,NGO BO MED PHYIR ZHES GANG SMRAS PA DE NI MA GRUB STE, DNGOS PO'I RANG BZHIN NYID BYA BAR KHAS BLANGS PA'I PHYIR LA DNGOS PO'I NGO BO DE YANG NGO BO MED PAR MA GRUB PA'I PHYIR RO, ,GAL TE DE SKYES PA LAS SNGAR RANG BZHIN MED PA NYID YIN NO ZHE NA MA YIN NO, ,DE NYID RANG BZHIN MED PA NYID DU MI RIGS PA'I PHYIR RO, ,RANG BZHIN NYID RANG BZHIN MED PAR RIGS PA NI MA YIN TE, RANG BZHIN MED PA NYID GYI MTSAN NYID NI DNGOS PO'I RANG BZHIN BKAG PA YIN PA'I PHYIR RO, ,GANG GIS DE NYID RANG BZHIN MED PAR 'GRUB PAR 'GYUR BA SKYE BA LAS SNGAR BYA BA'I DNGOS PO DE YOD PA YANG MA YIN NO, ,CI STE DNGOS PO DANG BRAL BA'I MTSAN NYID KYI NGO BO MED PA'I CHOS CAN PHYOGS SU BYAS NAS NGO BO MED PHYIR ZHES BYA BA'I GTAN TSIGS SU BYED PA DE'I TSE GRUB PA LA SGRUB STE, DNGOS PO DANG BRAL BA NI SUS KYANG BYED PAR KHAS MA BLANGS SO, ,GZHAN YANG GTAN TSIGS MA NGES PA YIN TE, MI MTHUN PA'I PHYOGS LA GNOD PAR BYED PA'I MTSAN MA MA BSTAN PA'I PHYIR RO, ,'DI LTAR RGYU'I NUS PA SO SOR NGES PA'I PHYIR GANG LA SKYED PAR BYED PA'I RGYU YOD PA'I MED PA 'GA' ZHIG NI BYED LA, NAM MKHA'I PAD MA LA SOGS PA GANG LA RGYU MED PA DE NI MI BYED PA'I PHYIR MA NGES PA YIN NO, ,THAMS CAD THAMS CAD KYI RGYUR MI 'DOD CING GANG DANG GANG MED PA DE DANG DE BYED PA NYID DO ZHES BYA BA'I KHYAB PA YANG MI 'DOD DO, ,'O NA CI ZHE NA, GANG BYED PA DE NI SKYE BA LAS SNGAR MED PA NYID DO ZHES 'DOD DO, ,'DI SNYAM DU RGYU RNAMS MED PA BYED PAR MTSUNGS PA LA, CI'I PHYIR RGYU THAMS CAD MED PA THAMS CAD KYI RGYUR MI 'GYUR SNYAM DU SEMS NA, RTZOD PA 'DI NI KHYED CAG LA YANG YOD PAR MTSUNGS PA LA CI'I PHYIR RGYU THAMS CAD YOD PAR THAMS CAD KYI RGYUR MI 'GYUR ZHES MTSUNGS SO, ,GANG GIS DE MI BYED PA KHYED CAG GI LUGS KYIS MED PA NI CUNG ZAD KYANG YOD PA MA YIN NO, ,RGYU'I NUS PA NGES PA'I PHYIR YOD PA YIN NA YANG RI BONG GI RVA LA SOGS PA MI BYED DO ZHE NA, DE NI CIG SHOS LA YANG

158b

MTSUNGS SO, ,GANG GI YANG DPER NA KHYED CAG GI YON TAN GSUM DANG LDAN PA THAMS CAD DU KHYAD PAR MED NA YANG NUS PA NGES PA'I PHYIR, THAMS CAD THAMS CAD BYED PA MA YIN NO, ,THAMS CAD KYI 'AM 'DI LA 'BRAS BU THAMS CAD KYI BYED PA ZHES TSIG RNAM PAR SBYAR RO, ,DE BZHIN 'BRAS BU MED PA 'AM NGO BO 'GA' ZHIG RJES SU 'GRO BA MED PA YIN YANG THAMS CAD THAMS CAD BYED PAR NI MI 'GYUR RO, ,GANG YIN DE 'DRA MED NA YANG, ,ZHES BYA BA 'DI YANG KHAS BLANGS NAS BRJOD PA YIN GYI MTSUNGS PA YANG MA YIN TE, 'DI LTAR BYE BRAG YOD NA YANG 'GA' ZHIG 'GA' ZHIG NYID KYI RGYUR 'GYUR TE, DE LTA BUR GYUR PA'I RANG BZHIN GYI KHYAD PAR NGES PA NI RANG GI RGYU BRGYUD PA LAS YANG DAG PAR 'ONGS PA'I PHYIR 'GAL BA MED DO, ,THA MI DAD PA NI GCIG LA DUS GCIG TU RGYU DANG RGYU MA YIN PA PHAN TSUN 'GAL BA JI LTAR SRID PA YIN TE, DNGOS PO THA DAD PA'I RGYU MTSAN NI, 'GAL BA'I CHOS DANG LDAN PA YIN PA'I PHYIR RO, ,DE SKAD DU YANG, THA DAD NA YANG 'GA' ZHIG NI, ,DNGOS CHOS NYID KYI BYED POR 'GYUR, ,THA DAD MED NA GCIG DE YIS, ,BYA BA BYED PA 'GAL BAR 'GYUR, ,ZHES BSHAD DO, ,NGES PA GRUB PA MA RDZOGS PHYIR, ,ZHES BYA BA LA SOGS PAS GZHAN DAG NUS PA NGES PA MED PA BSTAN PA'I DON DU RTZOD PAR BYED DO, ,KHYOD KYI ZHES BYA BA NI 'BRAS BU MED PAR SMRA BA SANGS RGYAS PA KHYOD KYI RGYU DAG NI NUS PA NGES PA MI 'THAD PA'O, ,CI'I PHYIR ZHE NA, NGES PA RNAMS TE 'BRAS BUR GYUR PA RNAMS MA GRUB PA'I PHYIR RO, ,'BRAS BU MED PAR 'BRAS BU RGYU DANG LDAN PA YOD PA NI MA YIN NO, ,SBYOR BA NI GANG DAG YOD PAR GYUR PA'I 'BRAS BU'I NGES PAS STONG PA DE DAG NI NUS PA NGES PA MA YIN TE, DPER NA RI BONG GI RVA LA SOGS PA BZHIN NO, ,S'A LU'I SA BON LA SOGS PA'I DNGOS PO YANG YOD PAR GYUR PA'I 'BRAS BU NGES PAS STONG PA YIN NO ZHES BYA BA NI KHYAB PAR BYED PA MI DMIGS PA'O, , RANG GI PHYOGS LEGS PAR GNAS PAR BSTAN PA'I PHYIR, ,YOD NA DE YI NGES PA NI, ,ZHES BYA BA LA SOGS PA SMOS TE, YOD NA STE, 'BRAS BU RNAMS YOD PA YIN NA ZHES BYA BA'I DON TO, ,DE'I ZHES BYA BA NI NUS PA'I 'O, ,DE LTA MIN ZHES BYA BA LA SOGS PAS GTAN TSIGS MA NGES PA NYID DU

159a

, ,BRJOD DO, ,'DI LTAR NGES PA DE DAG MA GRUB PA NA GAL TE ZHO SKYED PA LA 'O MA NUS SO ZHES BYA BA'I THA SNYAD 'DI MED DU ZAD MOD, GANG YANG RNAM PA DE LTA BU'I KHYAD PAR THAMS CAD KYIS STONG PA SGRO MA BTAGS PA'I DNGOS PO SNGAR MA MTHONG BA GANG GI DE MA THAG TU DNGOS PO GZHAN SKYE BA DE LA 'GAG PA MED DO, ,'DI SNYAM DU GANG LA SGRA DANG RNAM PAR RTOG PA DAG MI 'JUG PA DE LA DNGOS PO'I RANG BZHIN YANG LDOG PA NYID YIN NO SNYAM DU SEMS NA, MING NI DNGOS PO'I NGO BO MIN, ,ZHES BYA BA LA SOGS PA SMOS TE, KHYAD PAR BYED PA'I RANG BZHIN NYID LOG NA RANG GI KHYAD PAR BYA BA LDOG PAR BYED LA, RGYU LOG PA NA YANG 'BRAS BU LDOG STE, 'BREL BA YOD PA'I PHYIR RO, ,GZHAN NI MA YIN TE, HA CANG THAL BAR 'GYUR BA'I PHYIR RO, ,GANG GIS DE LOG PA NA RNAM PA DE LTA BU'I DNGOS PO LDOG PAR 'GYUR BA 'O MA LA NI ZHO'I NUS PA YOD DO ZHES BYA BA NI DE LTA BU LA SOGS PA'I MING STE, THA SNYAD DNGOS PO RNAMS KYI RANG GI NGO BO'I RANG BZHIN NI YOD PA MA YIN NO, ,GANG GIS DE LDOG PA NA DE LTA BU'I RNAM PA'I DNGOS PO LDOG PAR 'GYUR RO, ,MING SMOS PA NI MTSON PA STE, RNAM PAR RTOG PA YANG DE DANG BSRES LA BZUNG NGO, ,NGO BO SMOS PA YANG MTSON PA STE MING DNGOS PO RNAMS KYI RGYU YANG MA YIN TE, DE MED NA YANG DNGOS PO YOD PA'I PHYIR RO, ,'DIR RGYU NI, 'DI LTAR RNAM RTOG BRJOD PA NI, ,ZHES BYA BA LA SOGS PA SMOS TE, 'DI LTAR NI GANG GI PHYIR TE, RNAM RTOG NI MING DANG 'DRES PA LA BRTEN PA'O, ,BRJOD PA YANG SGRA'O, ,RTOG PA SNA TSOGS RNAM PA DU MA NI DBYER MED CING CHA SHAS MED PA'I DNGOS PO'I RANG BZHIN GCIG LA, JI LTAR GOMS PA BZHIN DU 'JUG GO, ,'DI LTAR SGRA LA SOGS PA'I DNGOS PO GCIG KHO NA LA RTAG PA LA SOGS PA'I NGO BOS GZHUNG LUGS THA DAD PA LA GNAS PA'I RGOL BA RNAMS KYIS RTOG PAR BYED CING RJOD PAR BYED DO, ,SGRA DANG RNAM PAR RTOG PA DE DAG DNGOS PO DE'I BDAG NYID DAM DE'I YUL CAN YIN NA DNGOS PO SNA TSOGS PAR 'GYUR BA'AM, DNGOS PO'I RANG GI NGO BO BZHIN DU SGRA DANG RNAM PAR RTOG PA RNAMS, GCIG GI NGO BO NYID DU THAL BAR 'GYUR RO, ,GCIG NYID SNA TSOGS PA YIN NO ZHES NI RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA BAS NA NUS PA NGES PA'I PHYIR MED PA

159b

'GA' ZHIG BYED KYI, THAMS CAD NI MA YIN PAS NGO BO MED PHYIR ZHES BYA BA'I GTAN TSIGS MA NGES PA YANG YIN NO, ,DE NYID KYI PHYIR RGYU LEN PA'I PHYIR ZHES BYA BA LA SOGS PA GTAN TSIGS BZHI PO YANG MA NGES PA YIN TE, 'DI LTAR GAL TE 'BRAS BU YOD PA BYAS PA NYID NGES PA'I RGYU LEN PA 'GA' ZHIG TU GRUB PAR GYUR NA DE'I TSE DE LTA YIN PAR GYUR NA, JI SRID DU RGYU'I NUS PA NGES PAS BYAS PA YANG NGES PA'I RGYU LEN PAR RIGS PA MA YIN NO, ,RGYU'I NUS PA NGES PA KHO NA'I PHYIR YANG THAMS CAD THAMS CAD LAS SKYE BA MA YIN TE, THAMS CAD DON GYI BYA BA THAMS CAD BYED PA'I RANG BZHIN MED PA'I PHYIR RO, ,GANG YANG, KHYAD PAR BYAR MED GANG YIN PA, ,ZHES BYA BA LA SOGS PA GANG SMRAS PA DE YANG BSAM PA MA SHES NAS SMRAS PA YIN TE, GANG GIS 'GYUR BA YIN NA DE'I RANG BZHIN NYAMS PAR THAL BAR 'GYUR BA KHO BO CAG GIS NI MED PA BYED DO ZHES MA BRJOD DO, ,'ON KYANG DNGOS PO NYID BYED DO ZHES SNGAR BSTAN ZIN TO, ,DNGOS PO DE YANG DMIGS PA'I MTSAN NYID KYIS GYUR PA LAS MA DMIGS PA'I PHYIR DANG GRUB PA YANG 'BRAS BU NYID DU MI 'THAD PA'I PHYIR, SKYE BA LAS SNGAR MED PA YIN NO ZHES BYA'O, ,RGYU GANG ZHIG NYE BA TZAM GYIS DE DE LTA BUR GYUR PA SKYED PA NA DES DE BYED DE ZHES THA SNYAD DU BYAS KYI, BYA BA DANG 'BREL PAS 'GA' ZHIG GIS 'GA' ZHIG BYED PA NI MA YIN TE, CHOS THAMS CAD NI BYA BA MED PA NYID YIN PA'I PHYIR RO, ,MED PA ZHES BYA BA GANG ZHIG CUNG ZAD YOD PA 'AM, RNAM PAR 'GYUR BA NI MA YIN TE, MED PA'I MTSAN NYID NI DNGOS PO'I RANG BZHIN BKAG PA TZAM YIN PA'I PHYIR RO, ,GZHAN YANG GAL TE KHYAD PAR DU BYAR MED PA'I PHYIR MED PA MI BYED DO ZHES BRJOD LA, YOD PA YANG RANG BZHIN THAMS CAD GRUB PA'I KHYAD PAR DU BYAR MED PA'I PHYIR DE JI LTAR BYED, DE LTA BAS NA NUS PAS NI NUS PA BYED PA'I PHYIR ZHES BYA BA 'DI NI MA NGES LA, 'BRAS BU MED PAR SMRA BA LA YANG RGYU'I DNGOS PO RIGS PA YIN PA'I PHYI RGYU YOD PA'I PHYIR ZHES BYA BA 'DI YANG MA NGES PA YIN NO, ,YANG NA SNGAR YOD PA 'BRAS BU NYID DU MI SRID PAR BSTAN PA'I PHYIR DANG, 'BRAS BU MED PAR SMRA BA KHO NA'I RGYU LEN PA LA SOGS PA'I NGES PA RIGS PA YIN PA'I PHYIR, RGYU LEN PA'I PHYIR ZHES BYA BA LA SOGS PA'I GTAN TSIGS BZHI PO 'GAL BA

160a

, ,YIN TE, BSGRUB PAR BYA BA LAS BZLOG PA SGRUB PAR BYED PA'I PHYIR RO, ,GAL TE KHYED CAG GI LUGS KYIS MED PA NYID SKYE'O ZHES BYA BA MA YIN NAM, DE'I PHYIR JI LTAR MDO LAS YOD PA DANG MED PA'I SKYE BA BKAG STE, JI SKAD DU, BLO GROS CHEN PO CHOS THAMS CAD NI MA SKYES PA STE, YOD PA DANG MED PA NI MA SKYES PA'I PHYIR RO ZHES GSUNGS SO ZHE NA, 'DI LA SKYE BA DNGOS PO'I NGO BO 'ANG ZHES BYA BA LA SOGS PA SMOS TE, 'ANG GI SGRA NI NGES PAR BZUNG BA'I DON TO, ,KHYAD PAR GZHAN SPANGS PAS DE TZAM ZHIG SHES PAR 'DOD PA NA, DNGOS PO RNAMS KYI SNGON DANG PHYI MA'I MTHA' STONG PA SKAD CIG MA TZAM GYI GNAS SKABS KYI RANG BZHIN NYID LA SKYE BA ZHES BRJOD DO, ,BYE BRAG TU SMRA BAS KUN DU BRTAGS PA'I 'DUS BYAS KYI MTSAN NYID KYI SKYE BA MA YIN TE, DE NI DGAG PAR BYA BA YIN PA'I PHYIR RO, ,BYE BRAG PAS YONGS SU BRTAGS PA'I YOD PA'I 'DU BA SKYE BA 'AM, RANG GI RGYU 'DU BA YANG MA YIN TE DE DAG KYANG 'GEGS PAR 'GYUR BA'I PHYIR RO, ,GZHAN GYI LUGS KYIS KYANG DE DAG RTAG PA'I PHYIR DANG, BRTAG PA YANG SKYE BA MI 'THAD PA'I PHYIR RO, ,JI SKAD DU, YOD PA RANG RGYU DANG 'BREL PA, ,BYED PAS RGYU NI YIN PAR GRAGS, ,YOD PA DE DANG 'BREL PA DE, ,BRTAG PA 'DI LA 'BRAS BU GANG, ,ZHES BSHAD DO, ,DE LTA BU'I BDAG NYID KYI SKYE BA DE NI MED PA DANG DE'I BDAG NYID KYI 'BREL PA NI MED DE, YOD PA DANG MED PA DAG NI 'GAL BA'I PHYIR RO, ,GANG GI PHYIR MED PA NI MED PAR YANG 'GYUR BA MA YIN NO, ,YOD PA DANG MED PA SNGAR BYUNG BA DANG 'BREL PA MED DE, ,DE NI SNGAR MED PA'I PHYIR RO, ,DE NI 'BRAS BU MED PAR SMRA BA KHYED CAG LA JI LTAR ZHE NA, BRTAGS PA'I BLOS ZHES BYA BA LA SOGS PA SMOS TE, BRTAGS PA'I BLO BYED PA BOR GYUR PA 'AM BYED PAR GYUR PAS MED PA'I BYED PA PO DANG SBREL BA 'BA' ZHIG TU ZAD DE, 'BREL PA THOB PAR BYED CES BYA BA'I DON TO, ,GANG SKYE BAR 'GYUR BA MED PA ZHES BYA BA NI CUNG ZAD KYANG MED DE, 'ON KYANG GANG MED PA SKYE BA ZHES BYA BA 'DI NI BTAGS PA'I THA SNYAD YIN NO ZHES BYA BA'I THA TSIG GO, ,YANG GANG GIS 'DI LTA BU'I THA SNYAD 'DI 'DOD PAS BRTAGS PA'I SA BON GANG ZHIG YIN ZHE NA, GCIG GI RJES LA DNGOS PO YI, ,ZHES BYA BA LA SOGS PA SMOS TE, ,

160b

GCIG GI STE SO SOR NGES PA'I DNGOS PO GANG YIN PA 'GA' ZHIG GI DE MA THAG TU SNGAR MA MTHONG BA'I DNGOS PO DMIGS TE, DE BAR GYI GNAS SKABS LAS SNGAR YOD PA MA YIN TE, DMIGS PA'I MTSAN NYID DU GYUR PA LAS MA DMIGS PA'I PHYIR RO, ,DE LTA BAS NA 'DI NI SNGAR MED PA SKYE'O ZHES BYA BA BRTAGS PA 'DIS SA BON YIN NO, ,CI'I PHYIR ZHE NA, SNGA NA YOD PA ZHES BYA BA LA SOGS PA SMOS TE, BAR GYI GNAS SKABS LAS SNGAR BAR GYI GNAS SKABS BZHIN DU YOD NA STE, BDOG PA DNGOS PO'I NGO BO YOD PA YIN NA MED PA SKYE'O ZHES BYA BA'I BRTAGS PA'I RGYU MTSAN 'DI YOD PA MA YIN NO, ,'DI LTAR SKYE BA ZHES BYA BA 'DIS BAR MA'I GNAS SKABS SU 'BYUNG BA NGES PA'I NGO BO KHO NA BRJOD DO, ,GAL TE DE SNGAR YANG YOD PA YIN NA DE'I TSE DE BAR GYI GNAS SKABS 'BYUNG BA'I PHYIR BYA BA'I RANG GI NGO BO NGES PA GANG YIN PA DE NYAMS PAR 'GYUR TE, NAM MKHA' BZHIN DU THAMS CAD DU GNAS PA LA SNGAR DANG PHYIS DANG BAR GYI GNAS SKABS MED PA'I PHYIR RO, ,DE'I PHYIR THAMS CAD DU THAMS CAD SKYE BA ZHES BYA BA DE LTA BU'I THA SNYAD DU 'GYUR TE, KHYAD PAR MED PA'I PHYIR RO, ,GZHAN YANG 'BRAS BU YOD PAR SMRA BA RNAM PA GZHAN GYIS SUN DBYUNG BA'I PHYIR, 'O MA SOGS LA ZHO LA SOGS, ,ZHES BYA BA LA SOGS PA SMOS TE, KHYED CAG GIS RGYU LA 'BRAS BU YOD DO ZHES GANG BRJOD PA DE NI DON CI LA BSAMS, CI GSAL BA'I NGO BOS SAM, 'ON TE NUS PA'I NGO BOS YIN GRANG, GAL TE GSAL BA'I NGO BOS YIN NA DE'I TSE 'O MA LA SOGS PA'I GNAS SKABS NA YANG ZHO LA SOGS PA PHYIS BZHIN DU DMIGS PAR THAL BA'I PHYIR RO, ,CI STE NUS PA'I NGO BOS YIN NA, DE LA YANG NUS PA'I NGO BO GANG YIN PA DE CI DMIGS PA'I MTSAN NYID DU GYUR PA'I NGO BO ZHO LA SOGS PA'I 'BRAS BU LAS GZHAN YIN NAM, 'ON TE DE NYID YIN GAL TE DE NYID YIN NA DE'I TSE SNGA MA BZHIN DU DMIGS PAR THAL BAR 'GYUR RO, ,'ON TE GZHAN YIN NO ZHES BYA BA'I PHYOGS YIN NA DE'I TSE 'BRAS BU RGYU'I BDAG NYID DU YOD PA YIN NO ZHES BYA'I PHYOGS BTANG BAR 'GYUR TE, 'BRAS BU LAS THA DAD PA'I NUS PA ZHES BYA BA'I DNGOS PO GZHAN YOD PAR KHAS BLANGS PA'I PHYIR RO, ,'DI LTAR RO DANG NUS PA DANG SMIN PAR BYED PA LA SOGS PA'I YON TAN DANG LDAN PA'I NGO BO'I KHYAD PAR GSAL PO GANG YIN PA DE NYID ZHO LA SOGS PA'I 'BRAS

161a

, ,BU ZHES BYA'O, ,DE YANG 'O MA LA SOGS PA'I GNAS SKABS SU DMIGS SU RUNG BA LAS MA DMIGS PA'I PHYIR MED PA'I THA SNYAD KYI YUL YIN NO, ,GZHAN NUS PA'I NGO BOR YOD PA GANG YIN PA DE NI 'BRAS BU NYID MA YIN NO, ,GZHAN YOD PA NA GZHAN YOD PA YANG MA YIN TE, HA CANG THAL BAR 'GYUR BA'I PHYIR RO, ,'ON TE MAR NI TSE YIN NO, ,LTENG KA'I CHU NI RKANG NAD DO ZHES GZHAN YOD PA NA GZHAN DU BRJOD PAR MTHONG BA MA YIN NAM ZHE NA, JI LTAR DNGOS SU ZHES BYA BA SMOS TE, DNGOS SU STE, NYE BAR MA BTAGS PAR ZHES BYA BA'I DON TO, ,RGYU LA 'BRAS BU BTAGS NAS MAR LA TSE ZHES BRJOD KYI DNGOS SU NI MA YIN NO, ,GAL TE KHYED CAG KYANG BTAGS NAS 'BRAS BUS RGYU LA YOD DO ZHES BRJOD NA DE'I TSE NI 'GAL BA CUNG ZAD KYANG MED KYI, DNGOS SU YIN NA NI 'GAL BAR BRJOD DO, ,'DI NYID DPE'I SGO NAS BSTAN PA'I PHYIR SNYING STOBS YOD PAS SDUG BSNGAL DANG ZHES BYA BA LA SOGS PA SMOS SO, ,KHYED KYIS SNYING STOBS KYI NGO BO GANG YIN PA DE NYID SDUG BSNGAL DANG RMONGS PA DAG TU MA BZHAG STE, DE DAG NI PHAN TSUN MTSAN NYID THA DAD PAR GNAS PA'I PHYIR RO, ,DA NI KHYAD PAR RNAMS RJES SU 'GRO BAR MTHONG BA'I PHYIR RO ZHES BYA BA'I GTAN TSIGS 'DI MA GRUB PA NYID DU BSTAN PA'I PHYIR, GSAL BA'I SNYING STOBS SOGS LDAN PAR, ,ZHES BYA BA LA SOGS PA SMOS TE, SGRA LA SOGS PA'I MTSAN NYID KYI GSAL BA BDE BA LA SOGS PA'I NGO BOR NGED LA STE KHO BO CAG LA MA GRUB STE, GANG GI PHYIR BDE BA LA SOGS PA NI NANG GI YIN PAS RIG PA'I NGO BO YIN PA'I PHYIR, SGRA LA SOGS PA YANG SEMS PA MED PA NYID YIN PAS DE'I PHYIR 'DI DAG JI LTAR BDE BA LA SOGS PA DANG LDAN PAR 'GYUR RO, ,SBYOR BA NI GANG DAG RIG PA'I NGO BO MA YIN PA DE DAG NI BDE BA LA SOGS PA'I RANG BZHIN MA YIN TE, DPER NA GZHAN GYIS KHAS BLANGS PA'I SEMS PA MED PA'I SKYES BU BZHIN NO, ,SGRA LA SOGS PA YANG RIG PA'I NGO BO DANG BRAL BA YIN NO ZHES BYA BA NI KHYAB PAR BYED PA MI DMIGS PA'O, ,'DI SNYAM DU GAL TE BDE BA LA SOGS PA'I RANG BZHIN YIN PA LA RIG PA'I NGO BOS NYID KYIS KHYAB PA GRUB PAR 'GYUR NA, DE'I TSE DE LOG NA SGRA LA SOGS PA LA BDE BA LA SOGS PA'I RANG BZHIN NYID LDOG PAR 'GYUR RO, ,GANG GI PHYIR DE NYID MA GRUB STE,

161b

SKYES BU NYID RIGS PA'I NGO BOR 'DOD PA'I PHYIR RO SNYAM DU SEMS NA, DE YI RANG RIG GSAL PHYIR RO, ,ZHES BYA BA SMOS TE, DE'I PHYIR BDE BA LA SOGS PA RNAMS NI RIGS PA'I NGO BO NYID DU GRUB STE, CI'I PHYIR ZHE NA, BDE BA LA SOGS PA RNAMS NI RANG RIG PA YIN LA RANG RIG PA YANG GSAL BA'I PHYIR RO, , BDE BA LA SOGS PA RNAMS DGA' BA DANG GDUNG BA LA SOGS PA'I NGO BOS SGRA LA SOGS PA'I YUL NYE BAR YOD DAM MED KYANG RUNG GSAL BA GZHAN LA MI LTOS PAR RANG GSAL BA'I BDAG NYID KYI MTSAN NYID RANG RIG PA 'DI'I KHYAD PAR NI GSAL BA YIN PA'I PHYIR RO, ,GSAL BA GZHAN LA MI LTOS PA'I SIM PA LA SOGS PA'I NGO BO GANG YIN PA DE RANG NYID KYIS GRUB STE, DE NI SEMS PA CAN DANG BDE BA DANG RIG PA DANG, SHES PA ZHES BYA BA LA SOGS PA'I RNAM GRANGS DAG GIS BSTAN TO, ,GAL TE BDE BA LA SOGS PA RNAMS RIG PA GZHAN GYIS NYAMS SU MYONG BAS MYANG BA ZHES BYA BAR 'GYUR NA, DE'I TSA DE DAG RIG PA YIN PA SIM PA MA YIN PA LA SOGS PA'I NGO BOR 'GYUR TE, RANG NYID DE'I BDAG NYID MA YIN PA'I PHYIR DPER NA RNAL 'BYOR PA DANG RJES SU DPOG PA PO GZHAN GYI BDE BA LA SOGS PA MYONG BAR BYED PA BZHIN NO, ,DE LTA MA YIN NA RNAL 'BYOR PA LA SOGS PA DE DAG KYANG, NAD PA LA SOGS PA BZHIN DU DNGOS SU BDE BA LA SOGS PA NYAMS SU MYONG BAR 'GYUR RO, ,YANG NA RNAL 'BYOR PA LA SOGS PA BZHIN DU GZHAN DAG LA YANG PHAN PA DANG GNOD PAR MI 'GYUR TE, KHYAD PAR MED PA'I PHYIR RO, ,RIG PA YANG SIM PA LA SOGS PA'I NGO BOR KHAS BLANGS PA NA BDE BA LA SOGS RIG PA'I NGO BO NYID DU GRUB PO, , SIM PA DANG SIM PA MA YIN PAR MYONG BA GANG YIN PA 'DI NYID KHO BO CAG GI BDE BA DANG SDUG BSNGAL YIN NO, ,DE LTA BAS NA GTAN TSIGS MA NGES PA MA YIN NO, ,MA GRUB PA YANG MA YIN TE, PHYI ROL GYI DON YOD PAR SMRA BA THAMS CAD LA SGRA LA SOGS PA RIG PA'I NGO BO DANG BRAL BAR GRUB PA'I PHYIR RO, ,GZHAN DU RNAM PAR SHES PAR SMRA BA'I LUGS NYID KHAS BLANGS PA BYAS PAR 'GYUR LA, DE YANG 'DOD PA KHO NA'O, ,GTAN TSIGS 'GAL BA YANG MA YIN TE, MTHUN PA'I PHYOGS LA YOD PA'I PHYIR RO, ,'DI SNYAM DU JI LTAR RIG PA NI SNGON PO MA YIN PA LA SOGS PA'I NGO BO YIN NA YANG PHYI ROL NA GNAS PA'I SNGON PO LA SOGS PA NYE BA'I

162a

, ,PHYIR; SNGON PO LA SOGS PA'I NGO BOR SNANG BA DE BZHIN DU SIM PA MA YIN PA LA SOGS PA'I NGO BO NYID YIN NA YANG PHYI ROL GYI BDE BA LA SOGS PA'I NYE BAR LEN PA'I STOBS KYIS SIM PA LA SOGS PA'I NGO BO BZHIN DU RLOM MO, ,DES NA RIG PA NI SIM PA LA SOGS PA'I NGO BO NYID YIN NA YANG BDE BA LA SOGS PA RIG PA'I NGO BO NYID DU GRUB PA MA YIN NO, ,DE'I PHYIR, ,RTZA BA'I GTAN TSIGS MA NGES PA, ,YIN NO SNYAM DU DGOS PA LA, ,SGRA SOGS GCIG BU KHO NA LA, ,ZHES BYA BA LA SOGS PA SMOS SO, ,GOMS DANG RIGS KYI BYE BRAG LAS, ,ZHES BYA BA LA, GOMS PA NI MANG DU BYAS PA'O, ,RIGS NI RANG GI RANG BZHIN NO, ,DE DAG GI BYE BRAG NI KHYAD PAR RO, ,CHAGS PA LA SOGS ZHES BYA BA LA, CHAGS PA NI MNGON PAR ZHEN PA'O, ,SOGS PA'I SGRAS DGA' BA LA SOGS PA DANG, SDANG BA DANG SKYO BA LA SOGS PA DANG, DMAN PA DANG SGRIB PA LA SOGS PA YON TAN GSUM DANG LDAN PA'I 'BRAS BU'I TSOGS GZUNG NGO, ,NGES PA ZHES BYA BA NI GCIG GI RNAM PA STE, 'DI LTAR GOMS PA'I KHYAD PAR GYIS CHAD DANG BUD MED LA SOGS PA RNAMS LA SDUG PA DANG MI SDUG PA'I MTSAN MAR GOMS PA'I 'DOD PA LA SOGS PA RNAMS DANG RIGS KYI KHYAD PAR YANG STE, RTA DANG GLANG PO'I PHRU GU LA SOGS PA SO SOR NGES PA 'GA' ZHIG GI DGA' BA LA SOGS PA 'BYUNG BA YIN GYI THAMS CAD LA NI MA YIN NO, ,SGRA LA SOGS PA RNAMS BDE BA LA SOGS PA'I NGO BO NYID YIN PA NA 'DI YANG MI RIGS SO, ,CI'I PHYIR ZHE NA, DNGOS GCIG RJES SU 'BRANGS NAS NI, ,ZHES BYA BA LA SOGS PA SMOS TE, DE DAG THAMS CAD NI DNGOS PO THA DAD PA MED PA'I YUL CAN YIN PA'I PHYIR, SNGON PO LA SOGS PA'I YUL CAN GYI RIG PA BZHIN DU RIG PA RE RE YANG SNA TSOGS PAR THAL BAR 'GYUR RO, ,'DI SNYAM DU DNGOS PO GSUM GYI BDAG NYID YIN MOD KYI 'ON KYANG MA MTHONG BA LA SOGS PA LA STE, CHOS THAMS CAD LA SOGS PA'I MTSAN NYID KYI LHAN CIG SKYED PA'I DBANG GIS 'GA' ZHIG 'GA' ZHIG GI NGO BOR SNANG GI, THAMS CAD THAMS CAD KYI NI MA YIN NO SNYAM DU SEMS NA, SOGS PA'I SGRAS NI GOMS PA DANG RIGS KYI BYE BRAG DANG LEN PAR 'DOD PA LA SOGS PA GZUNG NGO, ,GAL TE

162b

DE LTA BAS NA, DNGOS PO'I RJES SU 'BRANG MI 'GYUR, ,RIG PA DE DNGOS PO LA DMIGS PAR MI 'GYUR TE, DE'I RNAM PAS STONG PA'I PHYIR RO SNYAM DU BSAM PA'O, ,DE'I RNAM PAS STONG PA DE NYID BSTAN PA'I PHYIR, DNGOS PO'I NGO BO RNAM GSUM PA, ,ZHES BYA BA SMOS TE, SNYING STOBS DANG RDUL DANG MUN PA'I NGO BO'O, , DE YI RIG PA RNAM PA GCIG ,CES BYA BA'I SKYES BU DE DAG GI RIG PA NI YANG DAG PAR RIG PA DAG STE, RE RE LA YANG ZHEN PA LA SOGS PA TZAM NGO BO GCIG NGES PA'I PHYIR, RNAM PA GCIG RIG PAR 'GYUR ZHES BYA BA'I DON TO, ,DE DAG NI ZHES BYA BA NI RIG PA RNAMS SO, ,DE LA ZHES BYA BA NI SGRA LA SOGS PA LA'O, ,YANG DAG CES BYA BA NI DON DAM PAR ZHES BYA BA'I THA TSIG GO ,CI'I PHYIR MI RIGS SHE NA, DE DANG MI MTHUN ZHES BYA BA SMOS TE, DE'I DMIGS PA'I DNGOS PO DANG MTSAN NYID MI MTHUN ZHES BYA BA'I DON TO, ,SBYOR BA NI GANG ZHIG GANG GI RNAM PA RIG PA MA YIN PA DE NI DE'I YUL CAN MA YIN TE, DPER NA MIG GI RNAM PAR SHES PA SGRA'I YUL CAN MA YIN PA BZHIN NO, ,JI SKAD DU BSHAD PA'I RIG PA YANG GSUM GYI BDAG NYID KYI DNGOS PO'I RNAM PAS STONG PA YIN NO ZHES BYA BA NI KHYAB PAR BYED PA MI DMIGS PA'O, ,HA CANG THAL BAR 'GYUR BA NI, BZLOG PA LA GNOD PA CAN GYI TSAD MA'O, ,'DI SNYAM DU JI LTAR SGRA LA SOGS PA'I DNGOS PO RNAMS BDAG NYID THAMS CAD KYIS MNGON SUM GYIS BZUNG NAS GOMS PA LA SOGS PA'I DBANG GIS SKAD CIG MA LA SOGS PA 'GA' ZHIG NYID DU NGES PA SKYE BAR 'GYUR GYI, THAMS CAD LA NI MA YIN PA DE BZHIN DU MA MTHONG BA LA SOGS PA'I DBANG GIS RIG PA RNAM PA GCIG PA CAN DU 'GYUR BA YIN NO SNYAM DU SEMS NA, DE NI YANG DAG PA MA YIN TE, KHO BO CAG NI SKAD CIG MA NYID LA SOGS PA'I RNAM PAR RTOG PA YANG DON DAM PAR DNGOS PO'I YUL CAN NYID YIN PAR MI 'DOD DE, DNGOS PO NI RNAM PAR RTOG PA THAMS CAD LAS 'DAS PA YIN PA'I PHYIR RO, ,BRGYUD NAS DNGOS PO DANG 'BREL BA'I PHYIR, RNAM PA DE LTA BU'I DNGOS PO THOB PA'I RGYU NYID KYIS DE TSAD MA NYID YIN NO, ,GZHAN DAG GIS DGA' BA LA SOGS PA NI DON DAM PAR DNGOS PO'I YUL CAN NYID YIN PAR 'DOD DE, RNAM PA GZHAN DU NA DMIGS PA MED PA NYID YIN NA BDE BA LA SOGS PA'I BDAG NYID KYI SGRA

163a

, ,LA SOGS PA RNAMS NYAMS SU MYONG BAS BDE BA LA SOGS PA MYONG BA GSAL BA DER MI 'GYUR RO, ,DGA' BA LA SOGS PA DE DAG KYANG RTOG PA DANG BCAS PA YIN PA'I PHYIR, MA NGES PA'I NGO BO CUNG ZAD KYANG YOD PA MA YIN PAS BDAG NYID THAMS CAD KYIS NYAMS SU MYONG BA GSAL BAR 'GYUR RO, ,RANG GI DON RTOGS PA GANG YIN PA DE 'DI NYID NGES PA RNAMS KYI NGES PA YIN NO, ,JI SKAD DU RAB TU DANG BA DANG GDUNG BA DANG SPONG BA LA SOGS PA'I 'BRAS BU DMIGS PA'I PHYIR SGRA LA SOGS PA RNAMS BDE BA LA SOGS PA DANG LDAN PA NYID DU GRUB PA YIN NO ZHES SMRAS PA GANG YIN PA DE NI MA NGES PA YIN NO ZHES BSTAN PA'I PHYIR, SKYES BU GCIG LA ZHES BYA BA LA SOGS PA SMOS TE, 'DI LTAR SER SKYA PA'I RNAL 'BYOR PA RNAMS THA DAD PAR SKYES BU LA SGOM PAR BYED PA NA RNAL 'BYOR PA LEGS PAR GOMS PA RNAMS SKYES BU LA DMIGS NAS RAB TU DANG BA DANG DGA' BAR 'GYUR RO, ,RNAL 'BYOR LAM GOMS PA CHES MYUR BAR MA MTHONG BAS SKYO BAR 'GYUR LA, YANG GANG DAG RANG BZHIN GYIS BLO GROS BLUN PA DE DAG LA SGRIB PA SKYE'I, GZHAN DAG GIS SKYES BU DE YON TAN GSUM GYI BDAG NYID DE'I NGO BOR 'DOD PA YANG MA YIN TE, DE LTA BAS NA RAB TU DANG PA DANG GDUNG BA DANG, SPONG BA LA SOGS PA'I 'BRAS BU DMIGS PA'I PHYIR RO ZHES BYA BA 'DI NI MA NGES PA YIN NO, ,GAL TE DGA' BA LA SOGS PA DE DAG KUN DU RTOG PA LAS 'GYUR GYI SKYES BU LAS NI MA YIN NO ZHE NA, 'DI NI SGRA LA SOGS PA LA YANG MTSUNGS SO, ,DE'I PHYIR KUN DU RTOG PA TZAM LAS BYUNG BA NYID YOD NA PHYI ROL GYI BDE BA LA SOGS PA MI 'GRUB STE, KUN DU RTOG PA NI RIG PA'I NGO BO YIN PA'I PHYIR RO, ,DE NYID KYI PHYIR PHYI ROL GYI BDE BA LA SOGS PA'I RGYU'I DBANG GIS RIG PA SIM PA LA SOGS PA'I NGO BO YIN NO ZHES BYA BA 'DI YANG 'KHRUL PA CAN YIN TE, PHYI ROL GYI YUL GYI NYE BAR LEN PA MED NA YANG SKYES BU LA DMIGS NAS DGA' BA LA SOGS PA RNAMS SKYE BAR MTHONG BA'I PHYIR RO, ,GANG YANG 'DOD PA DANG, MI 'DOD PA'I RNAM PAR RTOG PA LAS PHYI ROL GYI YUL NYE BA LA MI LTOS PAR BDE BA LA SOGS PA RIG PA YIN PAR 'GRUB PA DE JI LTAR GZHAN GYI NYE BAR LEN PA LAS 'GYUR TE, GAL

163b

TE YON TAN GSUM GYI YID KYANG DE'I NYE BAR LEN PA LAS BYUNG NGO ZHE NA, MA YIN TE, DE LA YANG GSAL BA GZHAN LA MA LTOS PAR RANG NYID KYIS GRUB PA GANG YIN PA ZHES BYA BA LA SOGS PAS RIG PA'I NGO BO NYID DU BSTAN PA NYID YIN PA'I PHYIR RO, ,DE LTA BAS NA RJES SU 'GRO BA'I PHYIR ZHES BYA BA'I GTAN TSIGS MA GRUB PA YIN NO, ,DA NI GTAN TSIGS GRUB PAR KHAS BLANGS NAS YANG MA NGES PAR BSTAN PA'I PHYIR, GSAL BA ZHES BYA BA LA SOGS PA SMOS TE, GAL TE GSAL BA YON TAN GSUM GYI BDAG NYID DU GRUB PA YIN MOD KYI, 'ON KYANG DE'I RGYU GTZO BOR 'DOD PA GANG YIN PA DE MI 'GRUB STE; DE LTA BUR GYUR PA'I RGYU DANG GANG DU YANG GTAN TSIGS RJES SU 'GRO BA MA GRUB BO SNYAM DU BSAMS PA YIN NO, ,'DI LTAR DE'I RGYU YON TAN GSUM GYI BDAG NYID GCIG PU RTAG PA KHYAB PA SGRUB PAR 'DOD PA YIN LA, DE LTA BU'I RGYU DANG GANG DU YANG GTAN TSIGS DANG 'BREL PA MA GRUB PA YIN NO, ,'BRAS BU GANG GI BDAG NYID DU GYUR PA DMIGS PA RGYU RNAMS KYANG GDON MI ZA BAR DE'I BDAG NYID DU 'GYUR BAR BYA DGOS PA YANG MA YIN TE, RGYU DANG 'BRAS BU DAG NI THA DAD PA'I PHYIR RO, ,'DI LTAR KHYED KYIS GSAL BA ZHES BYA BA'I 'BRAS BU RGYU DANG LDAN PA NYID DANG, MI RTAG PA NYID DANG, KHYAB BYED MA YIN PA LA SOGS PA'I CHOS DANG LDAN PAR 'DOD LA, DE'I RGYU NI DE'I NGO BOR 'DOD PA YANG MA YIN NO, ,DE LTA BAS NA GTAN TSIGS MA NGES PA YIN NO, ,CHOS CAN GYI KHYAD PAR PHYIN CI LOG TU SGRUB PA'I PHYIR 'GAL BA YANG YIN NO ZHES BSTAN PA'I PHYIR, DE RGYU ZHES BYA BA LA SOGS PA SMOS TE, GCIG PU DANG, RTAG PA DANG, YON TAN GSUM GYI BDAG NYID RGYUR GYUR PA'I CHOS CAN BSGRUB PAR 'DOD LA, DE YANG DE LTA BUR GYUR PA MA GRUB BO, ,'O NA CI ZHE NA, PHYIN CI LOG TU'O SNYAM DU BSAMS PA'O, ,CI'I PHYIR ZHE NA, DE NI RIGS GCIG LDAN MA YIN, ,ZHES BYA BA SMOS TE, NI'I SGRA NI RGYU'I DON TE, GANG GI PHYIR GSAL BA ZHES BYA BA'I 'BRAS BU DE GCIG PU YON TAN GSUM GYI BDAG NYID KYI RANG GI NGO BOR GYUR PA'I RIGS DANG LDAN PAR GRUB PA NI MA YIN NO, ,'O NA CI ZHE NA, DU MA NYID DANG, MI RTAG PA NYID LA SOGS PA'I CHOS DANG LDAN PA NYID DU DMIGS SO, ,GAL TE GSAL BA JI SKAD DU BSHAD PA'I RIGS GCIG DANG

164a

, ,LDAN PA YIN NA, DE'I TSE DE'I RGYU YANG JI SKAD BSHAD PA'I CHOS KYI KHYAD PAR DANG LDAN PAS GRUB PO, ,JI SRID DU 'BRAS BU MI RTAG PA NYID DANG, DU MA NYID KYI CHOS DANG LDAN PAR MTHONG BA'I PHYIR DE'I RGYU YANG DE LTA BU NYID DU RJES SU DPAG PAR BYA STE, RTAG PA NI RIM DANG RIM MA YIN PA DAG GI DON BYED PAR 'GAL BA'I PHYIR DANG, 'BRAS BU SNA TSOGS PA NI RGYU THA DAD PAS BYAS PA'I PHYIR RO, ,DE LTA MA YIN NA RGYU MED PA NYID DU THAL BAR 'GYUR BA'I PHYIR RO, ,DE LTA BAS NA GTZO BO RTAG PA DANG GCIG PU'I NGO BOR MA GRUB PO, ,GAL TE YANG RGYU MI RTAG PA DANG DU MA'I NGO BO NYID LA GTZO BO ZHES MING 'DOGS NA DE'I TSE MING LA MI RTZOD DO SNYAM DU BSAMS PA YIN NO, ,YANG CI'I PHYIR GSAL BA RIGS GCIG DANG LDAN PA MA YIN ZHE NA, GSAL BA THAMS CAD LCAGS KYI NI, ,ZHES BYA BA LA SOGS PA SMOS TE, JI LTAR LCAGS KYI RANG BZHIN GYI THUR MA PHAN TSUN MA 'BYAR BA DE BZHIN DU SGRA LA SOGS PA'I GSAL BA 'DI DAG RANG RANG GI NGO BO LA GNAS PA NYID KYIS YUL DANG DUS DANG NUS PA DANG SNANG BA LA SOGS PA THA DAD PAS PHAN TSUN DU MA 'DRES PA YIN NO, ,'DIS NI DU MA NYID DU BSTAN TO, ,MI RTAG PA NYID DU BSTAN PA'I PHYIR RIM PA DANG 'BREL PA'I LUS ZHES BYA BA SMOS TE, SKYE BA'I RIM PA DANG 'BREL PA STE, YANG DAG PAR SPREL BA'I LUS GANG LA YOD PA ZHES TSIG RNAM PAR SBYAR RO, ,'ON CI LTAR YOD PA ZHES BYA BA LA SOGS PA GCIG GI NGO BO DANG, DE BZHIN DU DE NYID 'DI YIN NO ZHES DNGOS PO RNAMS BSTAN PA'I RANG BZHIN DANG LDAN PAR NGES PA YIN ZHE NA, RTOG DANG 'DRES PA'I BDAG NYID CAN, ,ZHES BYA BA SMOS TE, DON RNAMS LA GCIG GI BDAG NYID DU 'DZIN PA 'DI NI LOG PA'I RNAM PAR RTOG PA YIN NO ZHES BYA BA'I DON TO, ,'DI YANG SKAD CIG MA 'JIG PA LA SOGS PAR PHYIS STON PAR 'GYUR RO, ,DE LTAR RE ZHIG RJES SU 'GRO BA'I PHYIR ZHES BYA BA'I GTAN TSIGS 'DI MA GRUB PA DANG 'GAL BA DANG MA NGES PA NYID DU BSTAN NAS, DA NI BUM SOGS BYE BRAG BZHIN, ,ZHES BYA BA'I DPE LA BSGRUB BYA DANG SGRUB BYED KYI CHOS RJES SU 'GRO BA MED PAR BSTAN PA'I PHYIR, DE BZHIN 'JI BA'I 'GYUR LA SOGS, ,ZHES BYA BA SMOS TE, SOGS PA'I SGRAS NI GSER LA SOGS PA'I 'GYUR BA GZUNG NGO, ,DE BZHIN ZHES BYA BA NI SKYON GZHAN SDUD PA'AM, 'DRE

164b

PA NYID YIN NO, ,KHYAD PAR RIGS GCIG LDAN MA YIN, ,ZHES BYA BA 'DIS NI SGRUB PAR BYED PA'I CHOS DANG BRAL BAR BSTAN TO, ,RGYU MTSAN GCIG PAR MA GRUB STE, ,ZHES BYA BA LA, MA GRUB CES SKABS DANG SBYAR RO, ,'DIS KYANG BSGRUB BYA'I CHOS RJES SU 'GRO BA MED PAR BSTAN TO, ,'ON TE 'JI BA'I GONG BU DANG GSER LA SOGS PA GCIG DE DAG GI RGYUR GRUB PA NYID YIN LA, DE BZHIN DU 'JI BA DANG GSER LA SOGS PA'I RIGS DE DAG GI RJES SU 'GRO BAR MTHONG BA MA YIN NAM, DE JI LTAR GNYIS KA MED PAS YIN ZHE NA, 'JIM GONG LA SOGS THA DAD PHYIR, ,ZHES BYA BA SMOS TE, 'JIM GONG LA SOGS PA'I YAN LAG CAN GCIG NI YOD PA MA YIN TE, PHYOGS GCIG BSGRIBS PA NA THAMS CAD BSGRIBS PAR THAL BA'I PHYIR RO, ,RIGS GCIG KYANG MA YIN TE, GSAL BA SO SO SNANG BA THA DAD PA'I PHYIR RO, ,GZHAN YANG RJES SU 'GRO BA'I PHYIR ZHES BYA BA'I GTAN TSIGS 'DI RANG BZHIN GYIS MA NGES PA YIN NO ZHES BSTAN PA'I PHYIR, SKYES BU SEMS PA SOGS LDAN NA'ANG, ,ZHES BYA BA LA SOGS PA SMOS TE, 'DI LTAR SKYES BU NI SEMS PA CAN NYID DANG, ZA BA PO NYID LA SOGS PA'I CHOS TSAD MED PA RNAMS DANG LDAN PAR 'DOD DE, KHYED CAG GIS NI DE DAG RNAM PA DE LTA BU'I RGYU GCIG SNGON DU 'GRO BA CAN DU YANG MI 'DOD DO, ,CI STE YANG SEMS PA CAN LA SOGS PA DANG LDAN PA'I SKYES BU RNAMS NI DNGOS SU MI 'DOD DO, ,'ON CI ZHEN, NYE BAR BTAGS PA YIN NO, ,GANG GI PHYIR SKYES BU THAMS CAD SEMS PA CAN LA SOGS PA LAS LDOG PA DES NA, DON GZHAN LAS LDOG PA'I NGO BO SEMS MED PA CAN GYI RIGS DE'I RJES SU 'GRO BAR BTAGS PA YIN GYI, DE NI DE KHO NA NYID DU GCIG TU YOD PA NI MA YIN NO SNYAM DU SEMS NA, GAL TE DE LTA NA BDE BA LA SOGS PA DANG LDAN PA NYID DE LTA BUR GYUR PA'I RGYU GCIG SNGON DU SONG BA NYID MED NA YANG DNGOS MA YIN PA'I SKYES BU BZHIN DU GSAL BA 'DI LA YANG CI'I PHYIR MTSUNGS PA STE, 'DRA BAR MI RTAG ,DE LTA BAS NA GTAN TSIGS MA NGES PA YIN NO, ,SKYES BU ZHES BYA BA NI NYE BAR MTSON PA YIN NO, ,DE BZHIN DU RTZA BA'I RANG BZHIN GYI GNAS SKABS YOD PA'I BDE BA LA SOGS PA NYID YON TAN NYID DANG SEMS PA MED PA NYID DANG ZA BA PA LA SOGS PA

165a

, ,RNAMS DANG LDAN PA DANG, GTZO BO DANG SKYES BU NI RTAG PA NYID LA SOGS PA RNAMS DANG LDAN LA, DE DAG NI DE LTA BUR GYUR PA'I RGYU GCIG SNGON DU 'GRO BA CAN YANG MA YIN ZHES BYA BA 'DIS MA NGES PA NYID DO, ,DE LTAR RE ZHIG RJES SU 'GRO BA'I PHYIR ZHES BYA BA'I GTAN TSIGS 'DI BKAG GO, ,DA NI MJUG BSDU BA'I THABS KYIS GTAN TSIGS LHAG MA SUN DBYUNG BA'I PHYIR PHYOGS TZAM ZHIG BSHAD PA, DE BAS GTZO BO'I RGYU MED KYANG, ,ZHES BYA BA LA SOGS PA'O, ,DE LA RE ZHIG TSAD YOD PA'I PHYIR DANG, NUS PA'I SGO NAS 'JUG PA'I PHYIR DANG, RGYU DANG 'BRAS BU DBYER YOD PA'I PHYIR DANG, GTZO BO YOD DE ZHES GANG SMRAS PA'I GTAN TSIGS 'DI GSUM CHAR MA NGES PA YIN TE, BSGRUB PAR BYA BA LAS BZLOG PA LA GNOD PAR BYED PA'I TSAD MA MA BSTAN PA'I PHYIR DANG, GTZO BO ZHES BYA BA'I RGYU MED NA YANG TSAD LA SOGS PA 'DI DAG MI 'GAL BA'I PHYIR RO, ,'DI LTAR GAL TE RE ZHIG RGYU TZAM YOD PA NYID DU SGRUB PA DE'I TSE GRUB PA LA SGRUB PA YIN TE, KHO BO CAG NI RGYU MED PAR 'BRAS BU SKYE BAR MI 'DOD DO, ,RGYU TZAM LA GTZO BO ZHES MING 'DOGS PA NI CUNG ZAD KYANG GNOD PA MED DO, ,CI STE GSAL BA TSAD NGES PAR SKYED PAR BYED PA DANG, NUS PA'I SGO NAS 'JUG PAR BYED PA GANG YIN PA ZHES BYA BA DE LTA BU'I RTOG PA DANG LDAN PA'I RGYU YOD PA DE LTAR BSGRUB PA YIN NA, DE'I TSE MA NGES PA YIN TE, RTOG PA DANG LDAN PA'I BYED PA PO MED NA YANG RANG GI RGYU'I NUS PA LAS TSAD NGES PA LA SOGS PA DANG LDAN PA SKYED PA LA 'GAL BA MED PA'I PHYIR RO, ,GTZO BO NI RTOG PA DANG LDAN PAR RIGS PA YANG MA YIN TE, DE NI SEMS PA CAN MA YIN PA'I PHYIR DANG, RTOG PA YANG SEMS PA CAN GYI RNAM GRANGS YIN PA'I PHYIR RO, ,GZHAN YANG NUS PA'I SGO NAS 'JUG PA'I PHYIR ZHES BYA BA 'DIS NI GAL TE THA MI DAD PA'I NUS PA DANG LDAN PA'I RGYU TZAM SGRUB PA DE'I TSE SGRUB PA LA SGRUB PO, ,'ON TE NUS PA SNA TSOGS DANG LDAN PA'I RGYU THA DAD PA GCIG PU YIN NA, DE'I TSE GTAN TSIGS MA NGES PA YIN TE, DE LTA BUR GYUR PA DANG GANG DU YANG RJES SU 'GRO BA MA GRUB PA'I PHYIR RO, ,GTAN TSIGS MA GRUB PA YANG YIN TE, THA DAD PA'I NUS PA'I DBANG GIS RGYU 'GA' ZHIG 'BRAS BU 'GA' ZHIG LA 'JUG

165b

PA MA GRUB STE, NUS PA RNAMS NI RANG GI BDAG NYID DU GYUR PA'I PHYIR RO, ,GANG YANG RANG BZHIN DBYER MED PA'I PHYIR ZHES BYA BA SMRAS PA DE YANG MA GRUB STE, RJES SU 'GRO BA MED PAR 'JIG PA'I CHOS NYID YIN PA'I PHYIR RO, ,GANG DU YANG THIM PA MA GRUB STE, 'DI LTAR THIM PAR 'GYUR BA RANG GI NGO BO THAMS CAD ZHIG PA LA'AM, MA ZHIG PA LA YIN GRANG, GAL TE RE ZHIG ZHIG PA LA YIN PA DE'I TSE RJES SU 'GRO BA MED PAR 'JIG PAR THAL BAR 'GYUR RO, ,'ON TE MA ZHIG PA LA YIN NA DE'I TSE THIM PA MI 'THAD DE, MA TSANG BA MED PA'I BDAG NYID KYI DE KHO NA NYID NYAMS SU MYONG BA LA NI THIM PA 'GA' YANG MI 'THAD DE, HA CANG THAL BAR 'GYUR BA'I PHYIR RO, ,DE'I PHYIR RANG BZHIN SNA TSOGS DBYER MED PA'I PHYIR, ,ZHES BYA BA 'DI NI PHAN TSUN 'GAL BA YIN NO, ,DE LTA BAS NA DE LTAR GTZO BO RGYU MED NA YANG RGYU'I NUS PA'I KHYAD PAR LAS 'BRAS BU'I TSAD LA SOGS PA'I NGO BO SNA TSOGS PA DANG, RGYU DANG 'BRAS BU'I RNAM PAR DBYE BA LA SOGS PA 'THAD PA'I PHYIR GTAN TSIGS RNAMS MA NGES PA YIN NO, ,SOGS PA'I SGRAS NUS PA'I SGO NAS 'JUG PA'I PHYIR ZHES BYA BA 'DI GZUNG NGO, ,YANG NA; DE BAS GTZO BO'I RGYU MED KYANG, ,ZHES BYA BA LA, KYANG GI SGRA NI NGES PAR GZUNG BA'I DON TO, ,DES NA DON NI 'DI YIN TE, GTZO BO'I RGYU MED PA KHO NAR RGYU'I NUS PA'I BYE BRAG GIS 'BRAS BU'I TSAD LA SOGS PA'I NGO BO SNA TSOGS PA DANG, RGYU DANG 'BRAS BU LA SOGS PA'I RNAM PAR DBYE BA 'THAD PA YIN PA'I PHYIR, GTAN TSIGS RNAMS MA NGES PA YIN NO, ,'DI LTAR GANG GI TSE GSAL BA'I RGYU GTZO BO YIN NA, DE'I TSE SNA TSOGS THAMS CAD DE'I BDAG NYID YIN PAS DE DANG 'DRA BAR RDZAS GCIG TU 'GYUR RO, ,DE LTA YIN DANG BLO GCIG DANG, ,NGA RGYAL GCIG DANG DE TZAM LNGA, ,ZHES BYA BA LA SOGS PA'I TSAD KYI RNAM PAR DBYE BAR MI 'GYUR RO, ,DE LTA YIN DANG 'GRO BA TSAD MED PA KHO NAR 'GYUR RO, ,DE BZHIN DU RDZA MKHAN LA SOGS PA RNAMS BUM PA LA SOGS PA BYED PA NA, NUS PA'I SGO NAS 'JUG PA NI GTZO BO'I RGYU MED PA KHO NAR 'THAD KYI, DE YOD NA NI MA YIN TE, NUS PA MED CING BYA BA'ANG MED, ,CES SNGAR JI SKAD DU BSHAD PA YIN NO, ,RGYU DANG 'BRAS BU'I RNAM PAR DBYE BA YANG GTZO BO RGYU MED PA KHO NA YIN

166a

, ,NA RIGS SO ZHES SNGAR NYID DU SHES PAR BYAS SO, ,RANG BZHIN SNA TSOGS PA YANG GTZO BO YOD NA MI 'THAD PA NYID DE, 'GRO BA THAMS CAD DE'I BDAG NYID YIN PAS DE'I RANG GI NGO BO BZHIN DU GCIG NYID DU THAL BAR 'GYUR RO ZHES BSHAD ZIN TO, ,DE LTA YIN DANG GANG LAS 'DI RNAM PAR DBYE BA MED PAR 'GYUR BA RANG BZHIN SNA TSOGS PA DANG PO NYID NAS YOD PA MA YIN NO, ,DE KHO NA NYID BSDUS PA'I DKA' 'GREL LAS RANG BZHIN BRTAG PA STE DANG PO'O,, ,,DA NI DBANG PHYUG GI BYA BA DANG BRAL BA NYID BSTAN PA'I PHYIR, GZHAN DAG SKYE LDAN THAMS CAD KYI, , ZHES BYA BA LA SOGS PA SMOS TE, SKYE BA DANG MI LDAN PA NAM MKHA' LA SOGS PA LA NI RTAG PA'I PHYIR RGYU CUNG ZAD KYANG YOD PA MA YIN PAS, DE'I PHYIR SKYE LDAN ZHES BSTAN TO, ,GZHAN DAG CES BYA BA NI RIGS PA CAN LA SOGS PA'O, ,DBANG NI DBANG PHYUG GO, ,DE LA KHA CIG NI DBANG PHYUG YON TAN KHYAD PAR CAN DANG LDAN PA DAG LAS, GZHAN 'GRO BA THAMS CAD KYI BYED PA PO THAMS CAD SHES PA YIN NO ZHES ZER RO, ,GZHAN DAG NI BDAG LAS THA DAD PA RTAG PA GCIG PU DON THAMS CAD KYI YUL CAN GYI BLO DANG LDAN PA NYID KYIS YON TAN THA DAD PA'I PHYIR RDZAS GZHAN NYID YIN NO ZHE'O, ,'ON TE CHOS DANG, CHOS MA YIN PA DANG, RDUL PHRA RAB LA SOGS PA 'GRO BA'I RGYU YOD PA MA YIN NAM, DE CI'I PHYIR GZHAN DBANG PHYUG RGYU NYID DU RTOG PAR BYED CE NA DE'I PHYIR, SEMS PA MED PA RANG NYID KYIS, ,ZHES BYA BA LA SOGS PA SMOS TE, CHOS LA SOGS PA RGYU YIN MOD KYI, 'ON KYANG DE NI SEMS PA MED PA YIN PA'I PHYIR BYIN GYIS RLOB PA PO MED PAR RANG NYID KYIS RANG GI 'BRAS BU RTZOM PAR NUS PA MA YIN NO, ,DES NA DE BYIN GYIS RLOB PA PO 'GA' ZHIG BYED PA POR 'GYUR BAR BYA DGOS SO, ,GANG GI PHYIR SEMS PA MED PA 'GA' ZHIG RANG DBANG CAN DANG BYIN GYIS RLOB PA POR MA MTHONG NGO, ,SBYOR BA NI GANG SEMS PA MED PA DE NI BYIN GYIS RLOB PA PO MED PAR RANG GI 'BRAS BU RTZOM PA MA YIN TE, DPER NA 'JIM PA'I GONG BU DANG, DBYI GU DANG, CHU DANG, SKUD PA LA SOGS PA RDZA MKHAN DANG BRAL BA'I BUM PA LTA BU'O, ,CHOS LA SOGS PA YANG

166b

SEMS PA MED PA CAN YIN NO ZHES BYA BA NI KHYAB PAR BYED PA 'GAL BA DMIGS PA'O, ,DE LTA BAS NA BYIN GYIS RLOB PA PO GANG YIN PA 'DI NYID DBANG PHYUG YIN PAR GRUB PO, ,DE LTAR NA CHOS DANG CHOS MA YIN PA LA SOGS PA DON MED PA YANG MA YIN TE, DBANG PHYUG NI RGYU MTSAN GYI RGYU YIN PA'I PHYIR RO; ,'DI SNYAM DU CHOS DANG CHOS MA YIN PA DANG 'DU BA'I BDAG GANG YIN PA DE NYID BYIN GYIS RLOB PA PO YIN PAR 'GYUR NA, DE'I PHYIR DBANG PHYUG BRTAGS PAS CI ZHIG BYA SNYAM DU SEMS NA, DE NYI YANG DAG PA MA YIN TE, BDAG DE'I TSE SHES PA MED PA YIN PA'I PHYIR RO, ,DE JI SRID DU LUS DANG DBANG PO LA SOGS PA'I RGYU DANG 'BRAS BU TSOGS PA MA SKYES PA DE SRID DU 'DI SHES PA MED PA YIN LA, DMIGS SU RUNG BA YIN NA YANG DE SRID DU GZUGS LA SOGS PA'I YUL MI DMIGS NA, DMIGS SU MI RUNG BA'I CHOS DANG CHOS MA YIN PA GANG LAS DMIGS PAR 'GYUR, JI SKAD DU, SKYE BA PO 'DI SHES PA YOD MIN TE, ,BDAG GI BDE SDUG BDAG LA RANG DBANG MED, ,DBANG PHYUG GIS BTANG YANG NA MTHO RIS SAM, ,G-YANG SA DAG TU 'GRO BA KHO NAR 'GYUR, ,ZHES SMRAS PA LTA BU'O, ,'DI LA RNAM PHUG PAS DBANG PHYUG SGRUB PA LAS TSAD MA GNYIS BKOD PA NI, RANG RTZOM BYED PA'I CHA SHAS DAG ,CES BYA BA LA SOGS PA SMOS TE, 'DI SKAD DU, DBANG PO GNYIS KYIS GZUNG BAR BYA BA DANG GZUNG BAR BYA BA MA YIN PA'I BLO MI MTHUN PA'I GZHI NYID DU GYUR PA NI BLO DANG LDAN PA'I RGYU SNGON DU 'GRO BA CAN YIN TE, RANG RTZOM PAR BYED PA'I CHA SHAS KYI DBYIBS KYI KHYAD PAR DANG LDAN PA'I PHYIR BUM PA LA SOGS PA BZHIN NO, ,CHOS MI MTHUN PA NI RDUL PHRA RAB LTA BU'O ZHES SMRAS TE, DE LA MTHONG BA DANG REG PA'I DON DBANG PO GNYIS PO DE DAG GIS GZUNG BA CHEN PO DANG, RDZAS DU MA DANG LDAN PA DANG, GZUGS LA SOGS PA DMIGS PA'I RGYU DANG LDAN PAS SA DANG, CHU DANG, ME'I MING CAN RDZAS RNAM PA GSUM NI MTHONG BA DANG REG PA'I DBANG PO DAG GIS GZUNG BAR BYA BA NI, DBANG PO GNYIS KYIS GZUNG BAR BYA BA YIN LA, RLUNG LA SOGS PA NI GZUNG BAR BYA BA MA YIN PA'O, ,GANG GI PHYIR CHEN PO NYID DANG, RDZAS DU MA DANG LDAN PA NYID DANG, GZUGS DANG, 'DU BA LA

167a

, ,SOGS PA NI DMIGS PA'I RGYUR 'DOD LA, DE YANG RLUNG LA SOGS PA LA MED DO, ,JI SKAD DU, CHEN PO DANG RDZAS DU MA NI GZUGS DANG LDAN PA'I PHYIR DANG, GZUGS YIN PA'I PHYIR DMIGS PA YIN LA, RLUNG NI GZUGS DANG MI LDAN PA'I PHYIR MI DMIGS SO, ,GZUGS DANG LDAN PA NI GZUGS DANG 'DU BA'O, ,RDUL PHRA RAB GNYIS PA LA SOGS PA NI DMIGS PA MA YIN TE, CHEN PO MA YIN PA'I PHYIR RO ZHES BSHAD PA LTA BU'O, ,DE LA SPYIR DBANG PO GNYIS KYIS GZUNG BAR BYA BA DANG GZUNG BAR BYA BA MA YIN PA DANG LDAN PA'I RGYU SNGON DU 'GRO BA NYID DU SGRUB PAR BYED NA GRUB PA LA SGRUB PA'I SKYON YOD DE, BUM PA LA SOGS PA NI GNYI GA LA GRUB PAS RTZOD PA MED PA'I PHYIR DANG, KHAS BLANGS PAS GNOD PA'I PHYIR DANG, RDUL PHRA RAB DANG NAM MKHA' LA SOGS PA RNAMS NI DE LTAR KHAS MA BLANGS PA'I PHYIR RO, ,DE DAG KYANG RTAG PA'I PHYIR MNGON SUM LA SOGS PAS GNOD DO, ,DE LTA BAS NA DE'I DON DU BLO MI MTHUN PA'I RTEN DU GYUR PA SMOS TE, BLO SNA TSOGS PA NI MI MTHUN PA STE LOG PAR RTOG PA ZHES BYA BA'I THA TSIG GO, ,'DI'I GZHIR GYUR PA NI RTZOD PA'I RTEN DU GYUR PA ZHES BYA BA'I DON TO, ,DE LTAR YIN NA LUS DANG, DBANG PO DANG, GNAS LA SOGS PA NYID PHYOGS SU BYAS PA YIN PA'I PHYIR, RDUL PHRA RAB LA SOGS PA LA THAL BAR 'GYUR BA MED DO, ,RGYU TZAM SNGON DU 'GRO BA NYID DU SGRUB NA GRUB PA LAS SGRUB PAR 'GYUR DU 'ONGS PAS BLO DANG LDAN PA'I RGYU'I ZHES SMOS SO, ,GRANGS CAN LA LDAN PA'I DON MI 'THAD PAS GRUB PA NA GRUB PA MA YIN NO, ,GRANGS CAN GYI BLO GTZO BO LAS THA MI DAD PAR 'DOD PA LA DE DE NYID KYIS DE DANG LDAN PA NI MA YIN NO, ,RANG RTZOM PAR BYED PA'I CHA SHAS KYI DBYIBS NA BSAGS PA'I BDAG NYID DU SBYOR BA'O, ,DE KHYAD PAR DANG LDAN PA NI RNAM PAR GCOD PA'O, ,DE YIN PAS NA STE DE'I PHYIR RO, ,CHA SHAS BKOD PA'I KHYAD PAR NYID NI BA LANG NYID LA SOGS PAS 'KHRUL PA YIN NO, ,DE'I PHYIR RANG RTZOM BYED PA ZHES SMOS SO, ,BA LANG NYID LA SOGS PA NYID NI RDZAS RTZOM PA'I CHA SHAS KYI DBYIBS KHYAD PAR DU GYUR PA YIN GYI, RANG RTZOM PAR BYED PA'I CHA SHAS KYI DBYIBS KYI KHYAD PAR NI MA YIN NO, ,DES NA BLO DANG

167b

LDAN PA GANG YIN PA DE NYID DBANG PHYUG YIN NO, ,TSAD MA 'DI NI RANG RTZOM BYED PA ZHES BYA BA LA SOGS PA'I TSIGS SU BCAD PA GNYIS KYIS BSTAN TO, ,RANG RTZOM PAR BYED PA'I CHA SHAS KYI DBYIBS KYI KHYAD PAR GYIS KHYAD PAR DU BYAS PA DE 'DI LA YOD PA DE LA DE SKAD CES BYA STE, DES KHYAD PAR DU BYAS PA ZHES BYA BA'I DON TO, ,'DIS NI GTAN TSIGS KYI KHYAD PAR BSTAN NAS PHYOGS KYI CHOS NYID LA SOGS PA BSTAN PA'I PHYIR, DBANG PO GNYIS GZUNG ZHES BYA BA LA SOGS PA SMOS TE, RTZOD PA'I GZHI'O ZHES BYA BA NI RTZOD PA'I RTEN DU GYUR PA ZHES BYA BA'I DON TO, ,DES SMRAS PA'I TSAD MA GNYIS PA BSTAN PA'I PHYIR, DE BZHIN LUS LA SOGS PA'I RGYU, ,ZHES BYA BA LA SOGS PA SMOS TE, LUS LA SOGS PA STE, LUS LA SOGS PA'I NYE BAR LEN PA'I RGYUR RDUL PHRA RAB LA SOGS PA SEMS PA CAN GYI RGYUS BYIN GYIS BRLABS PA YOD NA RANG GI 'BRAS BU BYED CES 'BREL TO, ,GZUGS SOGS LDAN PHYIR ZHES BYA BA NI GTAN TSIGS SO, ,SNA LAM LA SOGS PA BZHIN NO ZHES BYA BA NI DPE'O, ,JI SKAD DU LUS DANG, GNAS DANG, DBANG PO NYE BAR LEN PA SEMS PA CANG YI BYIN GYIS BRLABS PA RNAMS NI RNAG GI 'BRAS BU RTZOM PAR BYED DO ZHES KHO BO CAG GIS SHES TE, GZUGS LA SOGS PA DANG LDAN PA'I PHYIR SNAL MA LA SOGS PA BZHIN NO ZHES BSTAN PA LTA BU'O, ,GSAL BYED PA NI GNAS PA LA SOGS PA'I RGYU GTZO BO RDUL PHRA RAB DANG MA MTHONG BA RNAMS NI RANG GI 'BRAS BU SKYED PA LA KHYAD PAR DU 'PHAGS PA'I BLO DANG LDAN PA'I BYIN GYIS RLOB PA PO LA LTOS PA YIN TE, BSDAD NAS 'JUG PA'I PHYIR SNAL MA LA SOGS PA DANG THAG BZANGS LA SOGS PA BZHIN NO ZHES TSAD MA STON PAR BYED DO, ,DE 'DIR STON PA NI, CHOS DANG CHOS MIN RDUL PHRAN KUN, ,ZHES BYA BA SMOS TE, GO SLA'O, ,BLO GROS BZANG POS KYANG 'BYIN PA'I THOG MAR SKYES BU RNAMS KYI THA SNYAD NI GZHAN GYIS NYE BAR BSTAN PA SNGON DU 'GRO BA CAN YIN TE, DUS PHYIS RAB TU BYANG BA DAG DON SO SOR NGES PA'I PHYIR RO, ,DPER NA TSIG GI THA SNYAD MA GRUB PA'I BYIS PA RNAMS LA BA LANG LA SOGS PA LA TSIG GI THA SNYAD DON SO SOR NGES PA NI MA LA SOGS PA'I NYE BA

168a

, ,BSTAN PA SNGON DU 'GRO BA CAN BZHIN NO ZHES ZER RO, ,SHES LDAN DAG LA DON NGES PHYIR, ,ZHES BYA BA NI RAB TU BYANG BA YOD PA DAG LA DON NGES PA'I PHYIR ZHES BYA BA'I DON TO, ,THA SNYAD 'DI DE 'BYIN PA'I DANG POR GANG ZHIG SNGON DU 'GRO BA DES STON PAR BYED PA DE NI DBANG PHYUG GO, , 'JIG PA'I DUS NA YANG SHES PA'I KHYAD PAR DU 'PHAGS PA MI 'JIG GO ZHES BYA BAR GRUB PO, DE STON PA NI, 'BYIN PA'I DANG PO SKYES BU YI, ,ZHES BYA BA LA SOGS PA LA, 'BYIN PA NI 'BYUNG BA DANG SKYED PA ZHES BYA BA'I THA TSIG GO, ,DE'I DANG PO NI THOG MA'I DUS SO, ,LHAG MA NI GO SLA'O, ,DE BZHIN DU TSAD MA GZHAN 'OD BYED PAS BSTAN PA NI, 'BYUNG BA CHEN PO LA SOGS PA'I GSAL BA NI BLO DANG LDAN PA'I RGYUS BYIN GYIS BRLABS NAS BDE BA DANG SDUG BSNGAL GYI RGYU MTSAN DU 'GYUR BA YIN TE, SEMS PA CAN MA YIN PA'I PHYIR DANG, 'BRAS BU YIN PA'I PHYIR DANG, 'JIG PA DANG LDAN PA'I PHYIR DANG, GZUGS LA SOGS PA DANG LDAN PA'I PHYIR, STE'U LA SOGS PA BZHIN NO ZHES BYA BA'O, ,'DI DAG STON PA NI 'BYUNG BA CHE LA SOGS ZHES BYA BA LA SOGS PA'O, ,BLO DANG LDAN PAS BYIN BRLABS ZHES BYA BA NI BLO DANG LDAN PA POS BYIN GYIS BRLABS PA'O, ,DE PHYIR ZHES BYA BA NI JI SKAD DU BSHAD PA'I GTAN TSIGS KYI TSOGS LAS SO, ,DE NI ZHES BYA BA NI 'GRO BA'I RGYU DBANG PHYUG GO, ,CI STE GANG GIS MNGON PAR MTHO BA DANG, NGES PAR LEGS PA 'DOD PA RNAMS KYIS GUS PA'I YUL DU 'GYUR BA DE THAMS CAD SHES PA NYID DU JI LTAR 'GRUB CE NA, KUN GYI BYED PO NYID GRUB NA, ,ZHES BYA BA LA SOGS PA SMOS TE, DE SKAD DU, YANG BLO GROS BZANG PO LA SOGS PAS, 'DI GNAS PA MTHA' DAG GI RGYU YIN PA'I PHYIR THAMS CAD SHES PA NYID DU GRUB STE, BYED PA POS NI 'BRAS BU DANG, NYE BAR LEN PA DANG, LHAN CIG BYED PA DANG, DGOS PA DANG, YANG DAG PAR SPYIN PA SHES PA'I PHYIR RO, ,'DI LA GANG ZHIG GANG GI BYED PA PO YIN PA DE NI DE'I NYE BAR LEN PA SHES PA YIN TE, DPER NA KHAM GZHONG LA SOGS PA'I BYED PA PO RDZA MKHAN GYIS DE'I NYE BAR LEN PA NI 'JIM GONG NGO, ,LHAN CIG BYED PA NI 'KHOR LO LA SOGS PA'O, ,DGOS PA NI CHU LA

168b

SOGS PA LEN PA LA SOGS PA'O, ,YANG DAG PAR SPYIN PA NI GNYEN YIN PAR SHES PA ZHES BYA BA 'DI RAB TU GRUB PA BZHIN NO, ,DE BZHIN DU GNAS PA THAMS CAD KYI BYED PA PO DBANG PHYUG GIS DE'I NYE BAR LEN PA RDUL PHRA RAB LA SOGS PA'I MTSAN NYID DO, ,DE'I LHAN CIG BYED PA NI CHOS DANG, CHOS MA YIN PA DANG, PHYOGS DANG DUS LA SOGS PA'O, ,THA SNYAD KYI LHAN CIG BYED PA NI SPYI DANG KHYAD PAR DANG 'DU BA'I MTSAN NYID DO, ,DGOS PA NI NYE BAR LONGS SPYOD PA'O, ,YANG DAG PAR SPYIN PA'I MING CAN NI SKYES BU RNAMS SHES PA YIN NO ZHES BYA BA'O, ,DE'I PHYIR 'DI THAMS CAD SHES PA NYID DU GRUB PA YIN NO ZHES SMRAS SO, ,'BRAS BU'I NGO BO LA SOGS SHES, ,ZHES BYA BA NI GANG 'BRAS BU'I NGO BO LA SOGS PA NI RANG BZHIN LA SOGS PA'O, ,SOGS PA'I SGRAS NYE BAR LEN PA LA SOGS PA GZUNG NGO, ,DE DAG GI SHES PA ZHES BYA BA NI BSDU BA'O, ,YA DZA KA LA SOGS PA'I TSOGS MA RDZOGS PA NYID KYI PHYIR RAM, LAS LA AAn GYI SGRA'I RKYEN BSGRUBS NAS RANG GI DON KA'I SGRUB PA YIN NO, ,LHAG MA NI GO SLA'O, ,DE BZHIN DU DE DAG GIS SMRAS PA'I TSAD MA'I TSOGS GZHAN SNA TSOGS PAR 'BYUNG BA DANG, RAB TU G-YO BA DANG, GZHI DANG GZHI MA YIN PA BLO MI MTHUN PA'I GZHIR GYUR PA NI GNYIS PA LA SOGS PA'I TSAD MA LNGA LAS THA DAD PA'I TSAD MA GZHAN GYIS GCAD PAR BYA BA YIN TE, DNGOS PO NYID LA SOGS PA YIN PA'I PHYIR GZUGS LA SOGS PA BZHIN NO, ,CHOS MI MTHUN PA NI RUS SBAL GYI SPU LA SOGS PA BZHIN NO ZHE'O, ,DE LA SNA TSOGS PAR 'BYUNG BA NI YON TAN GYI TSIG GI DON LA BRJOD DE, 'DI SNA TSOGS PAR 'BYUNG BA YIN PA'I PHYIR RO, ,RAB TU G-YO BA NI LAS KYI TSIG GI DON TO, ,DE DAG GI GZHI NI 'DU BA'I RGYU STE RDZAS SO, ,GZHI MA YIN PA NI YON TAN LA SOGS PA NAS 'DU BA'I BAR LNGA PO RNAMS SO,, GNYIS PA LA SOGS PA'I TSAD MA LNGA NI RJES SU DPAG PA NAS BZUNG NAS DNGOS PO MED PA'I BAR RO, ,DE LAS THA DAD PA'I TSAD MA GZHAN NI MNGON SUM MO, ,LHAG MA NI GO SLA'O, ,DE DAG GIS SMRAS PA'I GTAN TSIGS GZHAN 'DI YANG YIN TE, YOD PA LA SOGS PA KHYAD PAR MED PA NON

169a

, ,PA DANG MA NON PA BLO MI MTHUN PA GZHI'I NGO BOR GYUR PA 'GA' ZHIG NI MNGON SUM YIN TE, YOD PA'I PHYIR GZUGS LA SOGS PA BZHIN NO ZHE'O, ,DE LA YOD PA LA SOGS PA KHYAD PAR MED PA RNAMS DRUG PA STE, YOD PA DANG, MI RTAG PA DANG, RDZAS DANG LDAN PA DANG, RGYU DANG 'BRAS BU DANG, SPYI'I KHYAD PAR LDAN PA ZHES BYA BA NI RDZAS DANG, YON TAN DANG, LAS RNAMS KYI KHYAD PAR MED PA NI DE DAG GIS NON PA STE, MNAN PA NI JI LTAR SRID PAR RDZAS DANG, YON TAN DANG, LAS KYI BDAG NYID KYI TSIG GI DON GSUM MO, ,MA NON PA NI SPYI LA SOGS PA'O, ,LHAG MA NI GO SLA'O, ,TSAD MA'I TSOGS DE DAG NYID STON PA NI, MI MTHUN BLO BZHI'I DNGOS PO NI, ,ZHES BYA BA LA SOGS PA'O, ,'DI LA SGRUB BYED DANG PO YI, ,ZHES BYA BA LA SOGS PAS PHYOGS PHYI MA RTZOM STE, DE LA GANG SEMS PA CAN MA YIN PA DE NI BYIN GYIS RLOB PA PO MED PAR RANG GI 'BRAS BU RTZOM PA MA YIN TE ZHES BYA BA LA SOGS PA'I SBYOR BA LA, BSGRUB PAR BYA BA BZLOG PA LA GNOD PAR BYED PA'I TSAD MA MED PA'I PHYIR MI MTHUN PA'I PHYOGS LA LDOG PA LA THE TSOM ZA BA NYID KYIS GTAN TSIGS MA NGES PA YIN NO SNYAM DU BSAMS PA YIN NO, ,GANG YANG RANG RTZOM PAR BYED PA'I CHA SHAS KYI KHYAD PAR DANG LDAN PA'I PHYIR ZHES BYA BA'I SGRUB PAR BYED PA'I GTAN TSIGS KYI SBYOR BA DANG PO NI MA GRUB BO, ,CI'I PHYIR ZHE NA, GANG GI PHYIR ZHES BYA BA LA SOGS PA SMOS TE, CHA SHAS KYI DBYIBS KYI SGRAS NI LDAN PA'I KHYAD PAR MNGON PAR 'DOD PA'O, ,DE'I KHYAD PAR DU BYAS PA YANG YAN LAG CAN ZHES BYA BA'I RDZAS SO, ,KHYAD PAR DANG KHYAD PAR CAN DE DAG GNYI GA YANG MA GRUB PA'I PHYIR GTAN TSIGS MA GRUB PA RNAM PA GNYIS SO, ,YANG JI LTAR GNYI GA MA GRUB PA YIN ZHE NA, BLTAR RUNG NYID DU ZHES BYA BA LA SOGS PA SMOS TE, DE LA MDOR BSDUS NAS RANG BZHIN MI DMIGS PA ZHES PA NYID GNOD PAR BYED PA'I TSAD MAR BSHAD DO, ,RGYAS PAR NI 'DI DAG GI SKYON TSIG GI DON DRUG BRTAG PAR STON PAR 'GYUR RO, ,GNYI GA ZHES BYA BA NI DBYIBS DANG CHA SHAS CAN DU YANG DAG PAR 'DOD PA'O, ,'DI LTAR DBYIBS LTAR RUNG BA NYID DU KHAS BLANGS TE, GRANGS DANG, TSAD DANG, THA DAD PA NYID DANG LDAN PA DANG, RNAM PAR DBYE BA DANG, GZHAN DANG GZHAN MA YIN PA

169b

DAG DANG, LAS NI GZUGS CAN DANG 'DU BA'I PHYIR MIG GIS GZUNG BAR BYA BA YIN NO ZHES BRJOD PA'I PHYIR RO, ,CHA SHAS CAN YANG BLTAR RUNG BA NYID DU 'DOD DE, CHEN PO NI DU MA DANG LDAN PA'I PHYIR DANG, GZUGS YIN PA'I PHYIR DMIGS PA YIN NO ZHES BRJOD PA'I PHYIR RO, ,GZUGS LA SOGS PA LAS THA DAD PAR LDAN PA'AM, CHA SHAS CAN SNANG DU RUNG BA NYID DU 'DOD PA NI BLO LA SNANG BA MA YIN PAS, DE'I PHYIR DMIGS PA'I MTSAN NYID DU GYUR PA LAS MA DMIGS PA'I PHYIR, RI BONG GI RVA BZHIN DU MED PA'I THA SNYAD KYI YUL YIN NO, ,RDUL PHRA RAB RNAMS DBANG PO LAS 'DAS PA'I PHYIR GZUGS LA SOGS PA RNAMS MI DMIGS PAR THAL BAR 'GYUR BA YANG MA YIN TE, KHYAD PAR CAN RNAMS DBANG PO'I YUL DU KHAS BLANGS PAS DBANG PO LAS 'DAS PA MA GRUB PA'I PHYIR RO, ,DE NYID KYI PHYIR LDAN PA DANG CHA SHAS CAN DAG MED PA'I PHYIR CHOS MTHUN PA'I DPE BUM PA SGRUB PAR BYED PA'I CHOS DANG BRAL BA YIN NO ZHES STON PAR BYED PA NI, DE LTA BAS NA DPE 'DI YANG ZHES BYA BA LA SOGS PA'O, ,DE LTAR RE ZHIG KHYAD PAR DANG KHYAD PAR CAN MA GRUB PAS GTAN TSIGS RANG GI NGO BO MA GRUB PA NYID DU BSTAN NAS, DA NI GZHI'I PHYOGS GCIG MA GRUB PAS KYANG MA GRUB PA YIN NO ZHES STON PAR BYED PA NI, MIG DANG REG PA'I ZHES BYA BA LA SOGS PA'O, ,'DI LA CHOS CAN RNAM PA GNYIS BSTAN TE, DBANG PO GNYIS KYIS GZUNG BAR BYA BA DANG, GZUNG BAR BYA BA MA YIN PA'O, ,DE LA DBANG PO GNYIS KYIS GZUNG BAR BYA BA'I CHOS CAN NI CUNG ZAD KYANG MA GRUB STE, 'DI LTAR MIG DANG REG PA'I RNAM PAR SHES PA GNYIS KA GO RIMS BZHIN DU SNGON PO LA SOGS PA'I GZUGS TZAM SNANG BA CAN YIN PA'I PHYIR DANG, RTZUB PA LA SOGS PA'I REG BYA'I KHYAD PAR TZAM SNANG BA CAN YIN PA'I PHYIR THA DAD PA SNANG BA CAN DU NYE BAR SKYE'O, ,DE LTA YIN DANG MIG DANG REG PA'I RNAM PAR SHES PA DE DAG YUL GCIG PA NYID YOD PA MA YIN TE, THA DAD DU SNANG BA'I PHYIR DRI DANG RO LA SOGS PA'I RIG PA BZHIN NO, ,SBYOR BA NI GANG DAG THA DAD DU SNANG BA CAN GYI RNAM PAR SHES PA DE DAG NI YUL GCIG PA CAN MA YIN TE, DPER NA DRI DANG RO'I RNAM PAR SHES PA GNYIS BZHIN NO, ,MIG DANG

170a

, ,REG PA'I RNAM PAR SHES PA GNYIS KYANG THA DAD PAR SNANG BA CAN YIN NO ZHES BYA BA NI KHYAB PAR BYED PA 'GAL BA DMIGS PA'O, ,SNANG BA THA DAD PA CAN YANG YUL GCIG PA NYID YIN NA GZUGS DANG SGRA LA SOGS PA'I SEMS KYANG YUL GCIG PA NYID DU THAL BAR 'GYUR RO ZHES BYA BA 'DI NI 'DIR GNOD PA CAN GYI TSAD MA'O, ,'O NA GAL TE DE DAG YUL GCIG PA MA YIN NA DE JI LTAR NGAS SNANG BA LA MTHONG BA YIN PA'I BUM PA GANG YIN PA DE NYID MUN PAR REG GO ZHES BYA BA'I NYID MTSAMS SBYOR BA'I RNAM PAR SHES PAR 'DIR 'GYUR, DE LTA BAS NA DAM BCAS PA 'DI RJES SU DPAG PAS GNOD PA YIN NO, ,DE LA 'OD BYED PAS SMRAS PA'I RJES SU DPAG PA NI 'DI YIN TE, YUL DPYAD PAR GYUR PA'I MTHONG BA DANG REG PA'I SHES PA DAG NI YUL GCIG PA YIN TE, NYING MTSAMS SBYOR BA'I PHYIR AUTPALA SNGON PO'I SHES PA BZHIN NO ZHES BYA BA'O, ,DE LA, BSHAD PA DE DAG MTHU LAS YANG DAG BYUNG, ,ZHES BYA BA LA SOGS PA STE, DE DAG STE KHA DOG DANG REG PA TZAM DU SNANG BA'I MIG DANG REG PA'I RNAM PAR SHES PA DAG GI MTHUN NI NUS PA STE, DE LAS YANG DAG PAR BYUNG BA'I RTOG PA DANG 'BREL PA'I BDAG NYID 'DI LA YOD PAS ZHES TSIG RNAM PAR SBYAR RO, ,DE'I PHYIR 'DIS NI NYING MTSAMS SBYOR BA'I SHES PA MNGON SUM MA YIN PA NYID DU BSTAN PA YIN TE, DU MA LA GCIG TU ZHEN PA NYID KYIS 'DI 'KHRUL PA YIN PA'I PHYIR DANG RTOG PA DANG RJES SU 'BREL PA'I PHYIR RO, ,TSAD MA GZHAN YANG YOD PA MA YIN TE, SHES PA SNGA MAS YONGS SU BCAD PA'I YUL NGES PA NYID KYIS BZUNG ZIN PA 'DZIN PA'I PHYIR DANG, 'KHRUL PA NYID YIN PA'I PHYIR RO, ,DE LTA BAS NA NYID MTSAMS SBYOR BA'I PHYIR RO ZHES BYA BA'I GTAN TSIGS MA NGES PA YIN NO, ,GAL TE NYID MTSAMS SBYOR BA'I SHES PA TSAD MA NYID DU GRUB PAR GYUR NA, DE'I TSE GTAN TSIGS NGES PA KHO NAR 'GYUR NA, JI TZAM DU GZUGS LA SOGS PA DAG LA THUN MONG PA'I NUS PA BSTAN PA'I PHYIR BUM PA LA SOGS PAR BRDA BYAS TE, BDAG NYID JI LTA BA BZHIN DU MIG DANG REG PA DAG GIS NYAMS SU MYONG BA DE DAG LA DUS PHYIS JI LTAR MTHONG BA'I YUL CAN RJES SU MTHUN PA'I BRDA

170b

BYAS PA'I 'DU BYED KYI KHYAD PAR GCIG NYID DU ZHEN PA 'KHRUL PA'I RANG BZHIN GYIS DRAN PA'I SHES PA 'DI SKYE'O, ,'DI LTAR DE LTAR ZHEN PA DE LA SNGON PO LA SOGS PA'I KHA DOG SNANG GI ,REG PA'I SHES PA LA NI KHA DOG SNANG BAR RIGS PA MA YIN TE, DE NI MIG GI RNAM PAR SHES PA'I YUL YIN PA'I PHYIR RO, ,DE LTA BAS NA 'DI NI SLOB DPON GYIS MIG DANG REG PA DAG GIS BDAG NYID JI LTA BA BZHIN DU YUL THA DAD PA DMIGS PA DE DANG LHAN CIG SPYOD PA'I SPYI'I YUL CAN GZHAN THA MI DAD PA DRAN PA'I SHES PA SKYE'O ZHES BSHAD PA GANG YIN PA DE NYID RIGS SO, ,GAL TE SPYI THA DAD PA NYAMS SU MYONG BA YIN NA DE'I TSE DRAN PA 'DI RIGS KYI, JI SRID DU KHYED CAG GANG DAG GIS 'DI NYAMS SU MYONG BAR 'GYUR BA GZUGS LA SOGS PA LAS THA DAD PA'I SPYI MI 'DOD DE, GZUGS LA SOGS PA NYAMS SU MYONG BA LA GZUGS LA SOGS PA'O SNYAM PAR 'GYUR GYI BUM PA'O SNYAM DU NI MA YIN NO, ,NYAMS SU MA MYONG BA DRAN PAR MI RIGS PA MA YIN NAM, DE JI LTAR SPYI'I YUL CAN GYI DRAN PA'I SHES PA 'DI SKYE BAR 'GYUR ZHE NA, DE NI MED DE, GANG GIS DER 'GYUR BA GZUGS LA SOGS PA LAS GZHAN SPYI SNGAR MYONG BA YIN NO ZHES NI MI BRJOD KYI, 'ON KYANG CHU LA SOGS PA 'DZIN PA'I DON BYA BA BYED PA GZUGS LA SOGS PA DE DAG NYID TSOGS PA DANG BUM PA ZHES BSTAN PA YIN NO, ,DBANG PO'I SHES PAS SO SOR NYAMS SU MYONG BA DE DAG LA JI LTA BA BZHIN DU BRDA BYAS PA'I KHYAD PAR BUM PA ZHES DRAN PA SKYE'O ZHES BRJOD PA YIN NO, ,YANG NA SPYI NI BRTAGS PA YIN TE, RTOG PA'I SHES PA'I BDAG NYID YIN PA'I PHYIR RIG PA NYAMS SU MYONG BA NYID YIN NO, ,DE LTA BAS NA CI'I PHYIR DE'I DRAN PA MI 'THAD, DE'I PHYIR RANG RTZOM PAR BYED PA'I CHA SHAS KYI DBYIBS KYI KHYAD PAR DANG LDAN PA'I PHYIR RO ZHES BYA BA'I GTAN TSIGS 'DI GZHI MA GRUB PA YIN NO, ,CI'I PHYIR ZHE NA, JI SKAD DU BSHAD PA'I CHOS CAN NI MA GRUB PHYIR NA ZHES BYA BA SMOS TE, JI SKAD DU BSHAD PA'I DBANG PO GNYIS KYIS GZUNG BAR BYA BA'I CHOS CAN MA GRUB PA'I PHYIR TE, RGYU'I PHYIR GZHI'I PHYOGS GCIG MA GRUB PAS GTAN TSIGS MA GRUB BO, ,DES NA DE LTAR NA KHYAD PAR CAN DANG, KHYAD

171a

, ,PAR DANG, GZHI MA GRUB PA'I PHYIR GTAN TSIGS MA GRUB PA RNAM PA GSUM BSTAN TO, ,SLOB DPON GYIS BSTAN PA'I MA GRUB PA RNAM PA BZHI PA NI DBYIBS KYI KHYAD PAR ZHES BYA BA LA SOGS PA SMOS SO, ,GANG ZHIG MTHONG BAS BYED PA PO MA MTHONG BA DAG KYANG BLO DANG LDAN PA'I RGYU RTOGS PAR 'GYUR BA LHA KHANG LA SOGS PA LA DBYIBS KYI KHYAD PAR GANG ZHIG RJES SU 'GRO BA DANG LDOG PA DAG GIS BLO DANG LDAN PA'I SKYES BU'I BYED PA SNGON DU 'GRO BA CAN NYID DU 'JIG RTEN NA GRUB PA YIN NO, ,GAL TE DE LTA BUR GYUR PA LUS DANG, SHING DANG, RI LA SOGS PA BSGRUB PAR BYA BA'I CHOS CAN LA GTAN TSIGS NYID DU KHAS LEN NA, DE'I TSE KHYED CAG GI 'DOD PA'I BSGRUB BYA 'GRUB PAR 'GYUR RO, ,RJES SU 'GRO BA DANG LDOG PA DAG GIS SHIN TU RNAM PAR PHYE BA'I 'BRAS BU NI RGYU LA 'KHRUL PA MED DE, DE RGYU MED PA NYID DU THAL BAR 'GYUR BA'I PHYIR RO, ,DE LTA BUR GYUR PA'I DBYIBS KYI KHYAD PAR NI SHING LA SOGS PA LA GRUB PA YANG MA YIN TE, DBYIBS ZHES BYA BA'I MING TZAM GRUB PA 'BA' ZHIG TU ZAD DO, ,CHOS NI RANG BZHIN GYIS PHAN TSUN DON GZHAN NYID DU GNAS NA YANG SGRA TZAM GYIS THA MI DAD PAR GTAN TSIGS NYID DU LEN PA NA MNGON PAR 'DOD PA'I BSGRUB BYA SGRUB PAR NUS PA YANG MA YIN TE, BSGRUB BYA LAS BZLOG PA YANG DE YOD PAR 'GAL BA MED PA'I PHYIR RO, ,DPER NA CHOS CAN GROG MKHAR LA RDZA MKHAN GYIS BYAS PA NYID DU BSGRUB PAR BYA BA LA, 'JIM PA'I RNAM PAR GYUR PA TZAM GTAN TSIGS NYID DU KHAS BLANGS PA LTA BU'O ZHES BYA BA NI SPYI'I DON TO, , YAN LAG GI DON YANG BRJOD PAR BYA STE, GANG MTHONG BLO DANG LDAN RTOGS PA, ,ZHES BYA BA NI DBYIBS GANG ZHIG MTHONG BA YOD NA BLO DANG LDAN PA'I RGYU RTOGS TE, RJES SU DPOG PAR 'GYUR RO ZHES BYA BA'I DON TO, ,LUS DANG RI SOGS ZHES BYA BA LA, LUS NI LUS SO, ,RI NI RI BO'AM SHING NGO,, SOGS PA'I SGRAS RGYA MTSO LA SOGS PA GZUNG NGO, ,JI LTA BUR 'DOD PA ZHES BYA BA NI BLO DANG LDAN PA SNGON DU 'GRO BA'O, ,SGRUB PA ZHES BYA BA NI SGRUB PA'O, ,JI LTAR RIGS SHE NA, RJES SU 'GRO DANG ZHES BYA BA LA SOGS PA SMOS TE, 'BRAS BU GANG ZHES BYA BA NI DU BA LA SOGS PA'O, ,GANG GIS

171b

ZHES BYA BA NI ME LA SOGS PA'O, ,DE MTHONG ZHES BYA BA NI DU BA LA SOGS PA'I 'BRAS BU MTHONG BA YOD NA'O, ,DE NGES ZHES BYA BA NI ME LA SOGS PA NYID DU'O, ,GAL TE DE LTA NA 'DI LA YANG DE KHO NA BZHIN DU 'GYUR RO ZHE NA, DBYIBS KYI KHYAD PAR DE LTA BU ZHES BYA BA LA SOGS PA SMOS TE, 'O NA DBYIBS KYI SGRA'I SPYI GRUB PA GANG YIN PA DE NYID GTAN TSIGS SU 'GYUR RO ZHE NA, ,DE LTA BU NI RAB BRJOD NA'ANG, ,ZHES BYA BA LA SOGS PA SMOS TE, DE LTA BU NI SGRA TZAM GYIS THA MI DAD PA'O, ,RDZA MKHAN GYIS NI BYAS PA BZHIN, ,ZHES BYA BA LA, 'JI BA'I RNAM PAR 'GYUR BA TZAM NYID CES BYA BA LHAG MA'O, ,DE LTA BAS NA DE LTAR DBYIBS KYI KHYAD PAR NI MA GRUB LA, DBYIBS TZAM YANG MA NGES PA YIN NA ZHES BSTAN PAR 'GYUR RO, ,CHOS KYI KHYAD PAR ZHES BYA BA LA SOGS PAS GZHAN GYI LTAG CHOD RJOD PAR BYED DE, 'DI NI 'BRAS BU DANG MTSUNGS PA'I LTAG CHOD YIN NO, ,'DI LTAR SGRA NI MI RTAG STE, BYAS PA'I PHYIR RO ZHES SMRAS PA LA, LTAG CHOD SMRA BA KLAN KA BYED DE, CI 'DI BUM PA LA SOGS PAR GTOGS PA'I BYAS PA NYID GTAN TSIGS SU BRJOD DAM, CI SGRAR GTOGS PA'AM, 'ON TE GNYI GAR GTOGS PA YIN GRANG, PHYOGS DANG PO LTAR NA GTAN TSIGS MA GRUB PA YIN TE, 'DI LTAR CHOS GZHAN GZHAN DU 'JUG PA NI MED DO, ,GNYIS PA LA YANG DPE SGRUB BYED DANG BRAL BA YIN LA, GSUM PA LA YANG SKYON DE DAG NYID YOD PA YIN PA'I PHYIR 'DI 'BRAS BU DANG MTSUNGS BA ZHES BYA BA'I LTAG CHOD YIN NO ZHES BSTAN TO, ,JI SKAD DU 'BRAS BU NYID GZHAN GYI SHAN GYIS GRUB PAR BSTAN PA GANG YIN PA DE NI 'BRAS BU DANG MTSUNGS PA'O ZHES SMRAS PA LTA BU'O, ,GANG GI PHYIR 'BRAS BU NYID KYI SPYI BZUNG NAS MI RTAG PA NYID RJES SU DPOG PAR 'DOD KYI, KHYAD PAR NI MA YIN NO, ,DES NA SPYI'I SGO NAS SGRUB BYED DU 'DOD LA, CHOS KYI KHYAD PAR RNAM PAR RTOG PA'I SGO NAS LAN 'DEBS PA GANG YIN PA DE NI 'BRAS BU DANG MTSUNGS PA'I LTAG CHOD CES RNAM PAR GZHAG GO, ,'DI YANG CHOS KYI KHYAD PAR GYIS RNAM PAR RTOG PA YIN NO, ,DE PHYIR LTAG CHOD YIN NO, ,DE YIS NGO BO MIN LAS LOG ,CES BYA BA LA SOGS PAS LAN 'DEBS PA'O, ,GANG BYAS PA

172a

, ,NYID TZAM MI RTAG PA NYID SGRUB PAR BYED DO ZHES BYA BA 'DI NI RIGS TE, DE LA DE'I BDAG NYID KYI MTSAN NYID KYI 'BREL PA YOD PA'I PHYIR RO, ,RANG RTZOM PAR BYED PA'I CHA SHAS KYI DBYIBS KYI KHYAD PAR CAN NYID TZAM GYI SGRUB PAR BYED PA 'DI LA 'DI MI RIGS TE, DBYIBS KYI SPYI LA NI BZLOG PA LA GNOD PAR BYED PA ME DPAS 'BREL PA MA GRUB PA'I PHYIR RO, ,GANG ZHIG DMIGS PAS BYED PA MA MTHONG YANG BYAS PA'I BLOR 'GYUR BA DE LAS BYUNG BA'I MTSAN NYID KYI 'BREL PA GRUB PA'I KHYAD PAR GANG ZHIG MA GRUB PA'I PHYIR RO SNYAM DU BSAMS PA YIN NO, ,CI STE DE LAS BYUNG BA'I 'BREL PA'I KHYAD PAR SPANGS NAS SPYI NYID RTAGS SU BRJOD PA DE'I TSE 'KHRUL PA YIN NO ZHES BSTAN PA'I PHYIR, DU BA'I BDAG NYID SKYA BO DAG ,CES BYA BA LA SOGS PA SMOS TE, DU BA'I BDAG NYID KYI SKYA BO'I DNGOS PO ME MED NA MI 'BYUNG BAR MTHONG BA ZHES BYA BA DE TZAM GYIS SKYA BO'I SGRAS BRJOD PAR BYA BA TZAM GYI SPYI YIN PA'I PHYIR, KHA BA LAS KYANG ME DE RTOGS PAR 'GYUR RO, ,'O NA JI LTAR 'BRAS BU DANG MTSUNGS PA LTAG CHOD DU BRJOD CE NA, SPYIR 'BREL PA LA GANG GI TSE, ,ZHES BYA BA LA SOGS PA LA, BSGRUB BYA DANG LHAN CIG SGRUB PAR BYED PA'I CHOS SPYIR MI MTHUN PA'I PHYOGS LA GNOD PAR BYED PA'I TSAD MA 'JUG PAS 'BREL PA GRUB NA YANG GANG DU CHOS KYI KHYAD PAR LA BRTEN NAS KLAN NA BYED PA DE NI LTAG CHOD YIN NO, ,'DI LA NI SPYIR 'BREL PA MA GRUB LA, GANG LA DBYIBS LA KHYAD PAR GYI 'BREL PA YOD PA DAM GRUB PA'I PHYIR 'DI LTAG CHOD MA YIN NO, ,'ON TE 'BREL PA MED KYANG SPYI GO BAR BYED PA YIN NA, DE'I TSE HA CANG THAL BAR 'GYUR RO ZHES BSTAN PA'I PHYIR, GAL TE RNAM PA GZHAN DU NA, ,ZHES BYA BA LA SOGS PA SMOS TE, DE LTA NA MTHO RIS DANG, PHYOGS DANG, SA DANG, NGAG DANG, MIG DANG, 'OD ZER DANG, RDO RJE DANG, CHU RNAMS KYANG GO'I SGRAS BRJOD PAR BYA BA TZAM YIN PA'I PHYIR KHU YU'I BE'U LA SOGS PA BZHIN DU RVA CAN DU RJES SU DPOG PAR THAL BAR 'GYUR RO, ,'DI SNYAM DU BYAS PA LA SOGS PA BZHIN DU DBYIBS KYI KHYAD PAR LDAN PA 'DI YANG BLO DANG LDAN PA'I RGYU SNGON DU 'GRO BA NYID KYIS 'BREL PA YOD PA NYID DO SNYAM DU SEMS NA, GAL TE 'DI LA

172b

'BREL PA NI, ,ZHES BYA BA LA SOGS PA SMOS SO, ,'ON KYANG 'BREL PA DE NYID MA GRUB PA YIN NO ZHES BSTAN PA'I PHYIR 'ON KYANG RTAG GCIG CES BYA BA LA SOGS PA SMOS TE, KHYED CAG GIS BLO DANG LDAN PA SNGON DU 'GRO BA NYID TZAM BSGRUB PAR 'DOD PA NI MA YIN TE, 'ON KYANG DBANG PHYUG CES BYA BRTAG PA GCIG PU THAMS CAD SHES PA'I BLO RTAG PA'I RTEN SRID PA THAMS CAD KYI RGYU BLO DANG LDAN PA'I DNGOS PO GANG YIN PA DE SNGON DU 'GRO BA CAN 'DI BSGRUB PAR 'DOD PA YIN TE, DE NYID RTZOD PA'I GZHIR GYUR PA'I PHYIR RO, ,DE LTA BUR GYUR PA DE YANG GRUB PA MA YIN NO, ,CI'I PHYIR ZHE NA, BSGRUB BYA MTSANG BAS KHYAB PA MA GRUB PA'I PHYIR RO, ,BUM PA LA SOGS PA CHOS MTHUN PA NYID KYI DPE LA JI SKAD DU BSHAD PA'I BSGRUB BYA'I CHOS MA TSANG BA'I PHYIR, DE LTA BUR GYUR PA'I BSGRUB BYA'I CHOS KYI GTAN TSIGS LA KHYAB PA MA GRUB PA'I PHYIR RO ZHES BYA BA'I DON TO, ,DPE 'GA' ZHIG LA YANG JI SKAD DU BSHAD PA'I BSGRUB BYA'I CHOS DANG GTAN TSIGS 'BREL PA YOD PA MA YIN NO ZHES BYA BA'I THA TSIG GO, ,'DI NYID BSTAN PA'I PHYIR, 'DI LTAR SKAR KHUNG ZHES BYA BA LA SOGS PA SMOS SO, ,GZHAN YANG GTAN TSIGS MA GRUB PA DANG MA NGES PA 'BA' ZHIG TU MA ZAD DE, 'ON KYANG 'GAL PA YANG YIN NO ZHES STON PA NI, DE NYID KYI PHYIR 'DI ZHES BYA BA LA SOGS PA LA DE NYID KYI PHYIR ZHES BYA BSGRUB BYA LAS BZLOG PA'I CHOS KYIS KHYAB PA'I PHYIR RO, ,YANG GI SGRAS NI SNGAR BSHAD PA'I TSUL GYIS MA GRUB PA DANG MA NGES PA 'BA' ZHIG TU MA ZAD KYI 'GAL BA YANG YIN NO ZHES BSHAD DO, ,'ON TE BZLOG PA LA 'BREL BA YOD NA 'GAL BAR 'GYUR NA, BLO DANG LDAN PA SNGON DU 'GRO BA TZAM LA YANG 'BREL PA MED PA MA YIN NAM, DE JI LTAR DE'I KHYAD PAR 'GYUR ZHE NA, BLO DANG LDAN PA TZAM RGYU LA, ,ZHES BYA BA LA SOGS PA SMOS TE, DBANG PHYUG RGYU SMRA BA KHYOD KYIS BLO DANG LDAN PA'I RGYU TZAM DANG 'BREL PAR BRJOD LA, GZHAN DU SPYI DANG YANG 'BREL PA MA GRUB NA, JI LTAR DNGOS PO RNAMS DBANG PHYUG GI RGYU CAN DU 'GRUB PAR 'GYUR, DE LTA BAS NA KHYED CAG GIS 'DOD PA BLO DANG LDAN PA SNGON DU 'GRO BA TZAM GRUB PA NYID DU KHAS BLANGS NAS, KHYED CAG GIS 'DOD PA'I BSGRUB BYA'I

173a

, ,KHYAD PAR LAS GNYIS PA MI RTAG BA DU MA'I RNAM PAR SHES PA SNGON DU 'GRO BA CAN GYI MTSAN NYID 'DOD PA LAS BZLOG PA'I BSGRUB PAR BYA BA GNYIS PA GANG YIN PA DE LA KHO BO CAG GIS BSGRUB BYA'I KHYAD BAR DANG, GTAN TSIGS KYI 'BREL PA GSAL BAR BRJOD PA YIN NO, , JI LTAR 'DI GSAL BAR BRJOD CE NA, RTAG PA RIM DANG RIM MA YIN, ,ZHES BYA BA LA SOGS PA SMOS TE, DBANG PHYUG LA SOGS PA RTAG PA'I DNGOS PO RNAMS NI 'BRAS BU BYED PA MA YIN TE, RTAG BA NI RIM DANG CIG CAR DAG GIS DON BYED PAR 'GAL BA'I PHYIR RO, ,DE LTA BAS NA MI RTAG PA KHO NA DON GYI BYA BA BYED DE, DE DAG KYANG SKAD CIG RE RER RANG BZHIN GZHAN DANG GZHAN 'BYUNG BA YIN PAS MI RTAG PA NYID DANG, DU MA NYID KYI BLO DANG LDAN PA'I BYED PA PO GRUB PA YIN NO, ,GANG YANG DBANG PHYUG RTAG PA GCIG PU'I BLO DANG LDAN PA NYID DU DAM BCAS PA DE YANG RJES SU DPAG PA DANG 'GAL BA YIN NO ZHES BSTAN PA'I PHYIR, YUL RNAMS RIM CAN ZHES BYA BA LA SOGS BA SMOS SO, ,SHES BYA RIM CAN ZHES BYA BA LA SOGS PAS TSAD MA STON TE, GANG RIM PA CAN GYI SHES BYA'I YUL CAN GYI SHES PA DE NI RIM GYIS 'BYUNG BA YIN TE, DPER NA LHA SPYIN LA SOGS PA'I ME LCE LA SOGS PA'I YUL CAN GYI RNAM PAR SHES PA BZHIN NO, ,DBANG PHYUG GI SHES PA YANG SHES BYA RIM CAN GYI YUL CAN YIN NO ZHES BYA BA NI RANG BZHIN GYI GTAN TSIGS SO, ,'DI NI THAL BA BSGRUB PA YIN TE, DES NA GTAN TSIGS GZHI MA GRUB PA NYID DU DOGS PAR MI BYA'O, ,SPYI LA SOGS BA'I TSIG GI DON GYI YUL CAN GYI LHA SPYIN LA SOGS PA'I SHES PA NI SGRUB PAR BYED PA'I CHOS DANG BRAL BA YIN PA'I PHYIR, ME LCE LA SOGS BA'I YUL CAN DPER BRJOD DO, ,YANG 'DI LA GNOD PA CAN GYI TSAD MA GANG YIN ZHE NA, BRJOD PA, GAL TE RIM PA DANG LDAN PA'I YUL GYI DBANG PHYUG GI SHES BA DE SNA TSOGS SU SNANG BA SKYE BAR 'GYUR NA, DE'I TSE RIM PA CAN DU GRUB BA NYID DO, ,GAL TE MI SKYE NA DE'I TSE NYE BA'I RGYU MTSAN MED PA'I PHYIR DE SHES PA MA YIN NO, ,YUL MED NA YANG 'BYUNG BA SKYE BA KHAS BLANGS PA'I TSAD MA NYID NYAMS PAR 'GYUR RO, ,ZHIG

173b

BA DANG MA SKYES PA'I YUL CAN LA YUL MED PA NYID DU THAL BAR 'GYUR RO ZHES BYA BA 'DI NI 'DIR GNOD PAR BYED PA'I TSAD MA'O, ,GANG YANG, CHOS MI MTHUN PA RDUL DU 'DOD, ,CES GANG BRJOD PA DE YANG CHOS MI MTHUN PA'I DPE LA BSGRUB BYA'I CHOS LDOG PA MED PA YIN NO ZHES BSTAN PA'I PHYIR, KHO BO CAG GIS ZHES BYA BA LA SOGS PA SMOS TE, YAN LAG CAN RGYAS PAR 'GEGS PAR 'GYUR BA'I PHYIR DANG, BGAG ZIN BAS DE'I PHYIR RDZA MKHAN LA SOGS BA RDUL PHRA RAB KHO NA'I BYED PA PO NYID DU GRUB PO, ,DE'I PHYIR BLO DANG LDAN BA SNGON DU 'GRO BA CAN BSGRUB BYA'I CHOS CHOS MI MTHUN PAR BSTAN PA'I RDUL PHRA RAB DAG LAS LDOG PA MED PA'I PHYIR BSGRUB BYA'I CHOS LDOG PA MED PA NI CHOS MI MTHUN PA'I DPE'I SKYON YIN NO, ,'DI SNYAM DU GAL TE KHO BO CAG GIS KHYAD PAR BSGRUB BYAR 'DOD PA YIN NA DE'I TSE CHOS MTHUN PA'I DPE BSGRUB BYA DANG BRAL BA SNGAR BSTAN PAR 'GYUR, JI TZAM DU SPYIR BLO DANG LDAN PA SNGON DU 'GRO BA TZAM SGRUB STE, DE GRUB PA NA SHUGS KYIS DBANG PHYUG LUS LA SOGS PA'I BYED PA POR 'GRUB PO, ,BUM PA LA SOGS PA BZHIN DU DE DAG GI BYED PA PO RDZA MKHAN LA SOGS PA NI MA YIN TE, DES NI SPYIR KHYAD PAR GYI MTHAR THUG PA'I PHYIR DANG, LUS LA SOGS PA LA YANG BYED PA PO GZHAN MI SRID PA'I PHYIR SHUGS KYIS KHYAD PAR BZUNG BA MED PAR YANG DE DAG GI BYED PA POR DBANG PHYUG KHO NA YIN PAR GRUB PO SNYAM DU SEMS NA, GAL TE SPYIR NA BLO LDAN PA, ,ZHES BYA BA LA SOGS PA SMOS TE, DE LTA NA NI GRUB PA LA SGRUB PA'I NYES PA YOD DO, ,DE CI'I PHYIR ZHE NA, NGO BO SNA TSOGS ZHES BYA BA LA SOGS PA SMOS TE, NGO BO SNA TSOGS NI SEMS CAN DANG SNOD KYI 'JIG RTEN SNA TSOGS BA'O, ,LAS LAS SKYES ZHES BYA BA NI THUN MONG DANG THUN MONG MA YIN PA'I DGE BA DANG MI DGE BA'I LAS LAS BYUNG BA'O, ,DE'I PHYIR DGE BA DANG MI DGE BA'I LAS BYED PA'I SKYES BU BLO DANG LDAN PA RNAMS 'DI'I RGYU NYID DU GRUB PAS GRUB PA LA SGRUB PA'O, ,'O NA KHYAD PAR BSGRUB PAR BYA'O SNYAM NA, RTAG GCIG BLO CAN ZHES BYA BA LA SOGS PA SMOS TE, 'DI SNGAR BSTAN ZIN NA YANG MJUG BSDU BA'I DON DU YANG MNGON PAR BRJOD DO, ,'DI LA BLO GCIG YOD PAS NA BLO GCIG GO, ,

174a

, ,'DI NI RTAG PA YANG YIN LA BLO GCIG PA YANG YIN PAS ZHES TSIG RNAM PAR SBYAR BA'AM, YANG NA 'DI LA RTAG BA DANG GCIG PA'I BLO YOD CES BSDU BAR BYA'O, ,BSGRUB BYAS STONG PA NYID CES BYA BA NI CHOS MTHUN PA'I DPE ZHES BYA BA'I LHAG MA'O, ,'KHRUL PA YIN ZHES BYA PA NI GTAN TSIGS ZHES BYA BA KHONG NAS DBYUNG NGO, ,JI LTAR ZHE NA, SKAR KHUNG LA SOGS BA ZHES BYA BA LA SOGS PA SMOS TE, GANG YANG LUS LA SOGS BA ZHES BYA BA LA SOGS PA GANG SMRAS PA DE LA SUN DBYUNG 'DI NYID CES BYA BA LA SOGS PA SMOS TE, GZUGS LA SOGS PA DANG LDAN PA'I PHYIR ZHES BYA BA LA SOGS PA'I SGRUB PAR BYED BA DE DAG LA YANG JI LTAR RIGS PAR SUN 'BYIN PA 'DI NYID BRJOD PAR BYA'O, ,'DI NYID CES BYA BA NI MA GRUB PA NYID DANG, 'BREL PA MED PA'I PHYIR 'KHRUL PA DANG, 'BREL PA YOD NA 'GAL BA NYID DANG, BSGRUB BYA MA TSANG BA DANG, SPYIR GRUB PA LA SGRUB PA LA SOGS PA'O, ,'DI LTAR GZUGS LA SOGS PA DANG LDAN PA NYID SEMS DANG LDAN PAS BYIN GYIS BRLABS PA CI 'DRA BA DE 'DRA BA LUS LA SOGS PA DE LA YANG MA GRUB BO, ,GZUGS LA SOGS PA DANG LDAN PA TZAM DANG 'BREL BA MA GRUB PA'I PHYIR 'KHRUL PA YIN NO, ,'BREL PA YOD PAR KHAS LEN NA 'DOD PA LAS BZLOG BA SGRUB PA'I PHYIR 'GAL BA YIN LA, CHOS MTHUN PA'I DPE BSGRUB BYA DANG BRAL BA YIN TE, RTAG PA DANG GCIG BU'I SEMS DANG LDAN PAS BYIN GYIS BRLABS PA NYID KYIS BSGRUB BYA'I CHOS RJES SU 'GRO BA MA GRUB PA'I PHYIR RO, ,SPYIR SGRUB NA GRUB PA LA SGRUB LA, KHYAD PAR NI 'KHRUL PA STE, BUM PA LA SOGS PA LA GZHAN DU MTHONG BA'I PHYIR ZHES BYA'O, ,DE LTAR GTAN TSIGS GZHAN DAG LA YANG SPYAR BAR BYA'O, ,GANG YANG SDOD NAS 'JUG PA'I PHYIR RO ZHES BYA BA'I SGRUB PAR BYED PA SMRAS PA DE LA YANG LHAG PA'I SUN 'BYIN PA NI, SKAD CIG 'JIG PHYIR ZHES BYA BA LA SOGS PA SMOS TE; DNGOS PO THAMS CAD SKYES PA'I DE MA THAG TU 'JIG PA NYID KYIS SKAD CIG TZAM YANG MI GNAS PA'I PHYIR, GA LAS SDOD NAS 'JUG PAR 'GYUR, DE LTA BAS NA GTAN TSIGS PHYIR RGOL BA LAM GRUB BO, ,DBANG PHYUG DE NYID KYIS MA NGES PA YANG YIN TE, GANG GI PHYIR DBANG PHYUG NI RIM PA CAN

174b

GYI 'BRAS BU RNAMS LA SDOD NAS 'JUG PA YIN MOD KYI, 'ON KYANG 'DI SEMS DANG LDAN PAS BYIN GYIS BRLABS PA NI MA YIN TE, THUG PA MED PAS THAL BAR 'GYUR BA'I PHYIR RO, ,CI STE JI LTAR BLO GROS BZANG POS BYAS PA BZHIN DU SEMS PA MED PA CAN ZHES KHYAD PAR DANG BCAS PA GTAN TSIGS SU BYED PA DE LTA NA YANG MI MTHUN PA'I PHYOGS LAS LDOG PA LA THE TSOM ZA BA NYID KYIS MA NGES PA NYID MI ZLOGS PA KHO NA'O, ,GTAN TSIGS MI MTHUN PA'I PHYOGS LAS LDOG PAR BYED PA GANG YIN PA DE NYID KHYAD PAR DU RIGS KYI, MI MTHUN PA'I PHYOGS LA THE TSOM ZLOG PAR MI BYED PA GANG YIN PA KHAS BLANGS NA YANG MED PA DANG 'DRA BA NYID YIN NO, ,KHYAD PAR DANG BCAS PA NYID YIN NA YANG SNGAR BSHAD PA'I MA GRUB PA LA SOGS PA'I NYES PA'I GNAS SKABS SO NA 'DUG PA YIN NO, ,GANG YANG, 'BYIN PA'I THOG MAR SKYES BU YI, ,THA SNYAD CES BYA BA LA SOGS PA DE LA, 'JIG PA'I TSE NA SKYES BU RNAMS,, ZHES BYA BA LA SOGS PA SMOS TE, DUS PHYIS RAB TU BYANG BA RNAMS KYI ZHES BYA BA'I KHYAD PAR DE MA GRUB PO, ,'DI LTAR KHO BO CAG GI LUGS KYIS 'JIG PA'I TSE NA SKYES BU RNAMS SHES PA DANG, DRAN PA 'JIG PA DANG, LUS DANG DBANG PO DANG BRAL BAR GNAS PA MA YIN TE, 'ON KYANG SHES PA GSAL BA KHYAD PAR DU 'PHAGS PA DANG LDAN PA'I 'OD GSAL LA SOGS PA'I LHA'I RIS DE DAG TU SKYE BAR 'GYUR RO, ,GANG YANG DMYAL BA LA SOGS PA'I RNAM PAR SMIN PA NGES PA SGRUB PAR BYED PA'I LAS CAN DE DAG NI 'JIG RTEN GYI KHAMS GZHAN DAG TU SKYE BAR 'GYUR RO ZHES 'DOD LA, CHAGS PA'I DUS NA YANG 'OD GSAL LA SOGS PA DE DAG NYID NAS SHI 'PHOS NAS, 'DIR SHES PA DANG DRAN PA MI 'JIG PA NYID DU 'BYUNG NGO, ,DE LTA BAS NA DUS PHYIS RAB TU BYANG BA RNAMS KYI ZHES BYA BA'I KHYAD PAR MA GRUB BO, ,GTAN TSIGS MA NGES PA YIN TE, MI MTHUN PA'I PHYOGS LAS LDOG PA LAS THE TSOM ZA BA'I PHYIR RO, ,GZHAN YANG GZHAN GYIS NYE BAR BSTAN PA SNGON DU 'GRO BTZAM SGRUB NA GRUB PA LA SGRUB STE, THAMS CAD KYI THA SNYAD THOG MA MED PA NI GZHAN GYIS NYE BAR BSTAN PA SNGON DU 'GRO BA CAN NYID DU 'DOD PA'I PHYIR RO, ,'ON TE DBANG PHYUG GI MTSAN NYID KYI SKYES BUS NYE BAR BSTAN PA SNGON DU 'GRO BA

175a

, ,NYID DU SGRUB NA, DE'I TSE GTAN TSIGS MA NGES PA NYID YIN TE, GZHAN DU YANG THA SNYAD SRID PA'I PHYIR RO, ,DPE YANG BSGRUB PAR BYA BA DANG BRAL BA NYID YIN NO, ,SKYON 'DI YANG SPYIR SNGAR BSHAD ZIN TO, ,GTAN TSIGS 'GAL BA DANG DAM BCAS PA KHAS BLANGS PAS GNOD PA YIN NO ZHES BSTAN PA'I PHYIR, KHA MED PA YI STON PA PO, ,ZHES BYA BA LA SOGS PA SMOS TE, GAL TE THA SNYAD DBANG PHYUG GIS BSTAN PA SNGON DU 'GRO BA CAN SRID PA YIN NA, DE'I TSE GTAN TSIGS MI 'GAL BAR 'GYUR NA, JI SRID DU 'DI KHA DANG BRAL BA'I PHYIR STON PA POR MI RIGS LA, KHA MED PA DE YANG LUS DANG BRAL BA NYID KYIS TE, LUS DANG BRAL BA'I PHYIR RO ZHES BYA BA'I DON TO, ,'DI'I LUS DANG 'BREL PA DE YANG CI LTAR GRUB CE NA, CHOS DANG CHOS MIN MED PHYIR RO, ,ZHES BYA BA SMOS TE, LUS KYI RGYU'I CHOS DANG CHOS MA YIN PA DANG BRAL BA'I ZHES BYA BA'I DON TO, ,DE SKAD DU YANG BYED PAS, JI LTAR DBANG PHYUG GI BLO LA TSAD MA YOD PA DE BZHIN DU CHOS DANG CHOS MA YIN PA LA SOGS PA'I RTAG PA NYID LA NI TSAD MA YOD PA MA YIN NO ZHES BSHAD DO, ,DE LTA BAS NA DANG BRAL BA'I ZHES BYA BA'I DON TO, ,DE SKAD DU YANG BYED BAR BSTAN PA SNGON DU 'GRO BA CAN NYID DU MA GRUB BO, , 'ON KYANG DBANG PHYUG LAS THA DAD PA'I SKYES BU GZHAN GYIS BSTAN PA SNGON DU 'GRO BA CAN NYID YIN NO, ,DE'I PHYIR 'DOD PA LA GNOD PAR BYED PA'I PHYIR GTAN TSIGS 'GAL BA YIN NO, ,'ON TE DBANG PHYUG STON PA PO NYID DU KHAS LEN PAR BYED PA DE'I TSE, KHA MED PA NYID DU KHAS BLANGS PA NYAMS PAS KHAS BLANGS PA LA GNOD DO, ,'BYUNG BA CHE LA SOGS GSAL BA, ,ZHES BYA BA LA SOGS PA'I SPYOR BA LA SNGA MA BZHIN DU GTAN TSIGS RNAMS MA NGES PA YIN TE, MI MTHUN PA'I PHYOGS LA GNOD PAR BYED PA'I TSAD MA MED PA'I PHYIR RO, ,SPYI SGRUB NA GRUB PA LA SGRUB PA NYID DANG, KHYAD PAR DPE LA BSGRUB BYA MED PA ZHES BYA BA YANG SBYAR BAR BYA'O, ,DE LTAR DBANG PHYUG SGRUB PAR BYED PA'I TSAD MA RNAMS RGYAS PAR BKAG NAS, DA NI KHYAB PA'I SKYON BRJOD PA'I SGO NAS DE'I GNOD PAR BYED PA'I TSAD MA RANG GI PHYOGS BSGRUB PAR BYA BA'I DON DU BSTAN PA'I PHYIR, SGRUB BYED KUN LA KHYAB PA NI, ,

175b

ZHES BYA BA LA SOGS PA SMOS TE, JI SKAD DU BSHAD PA'I SGRUB PAR BYED PA THAMS CAD LA, BSGRUB PAR BYA BAS GTAN TSIGS LA KHYAB BA GANG YIN PA DE NI 'CHAD PAR 'GYUR BA'I RJES SU DPAG PA DANG 'GAL LO, ,CI STE CI'I PHYIR DAM BCA' BA LA RJES SU DPAG PA DANG 'GAL BAR MI BRJOD CE NA, 'DI SNYAM DU SEMS TE, GAL TE DAM BCA' BA SGRUB PAR BYED PA'I YAN LAG YIN NA, DE'I TSE DE'I NYES PA BRJOD PAR BYA BA YOD NA, JI SRID DU DNGOS SAM BRGYUD PAS 'DI BSGRUB BYA 'GRUB PA'I YAN LAG TU 'GYUR BA MA YIN NO, ,DE LTA YIN DANG SGRUB PAR BYED PA'I NYES PA BRJOD PA'I SKABS SU DAM BCA' BA'I SKYON BRJOD PA GANG YIN PA DE NI RGOL BA TSAR GCAD PA'I GNAS SU 'GYUR RO, ,DE LTA BAS NA SGRUB PAR BYED PA'I SBYOR BA LA DAM BCA' BA'I SKYON BRJOD PAR MI BYA'O, ,GANG LA 'BA' ZHIG TU DAM BCA' BA DANG 'GAL BA BRJOD PA DE LA DE'I SGO NAS KHYAB BA NYID LA DE SBYOR BAR BYED DO ZHES GZUNG BAR BYA'O, ,YANG NA DE SGRUB PAR BYED PA'I SBYOR BA LAS GZHAN DU BLTA BAR BYA'O, ,CI STE KHYAB PA'I DUS SU YANG JI LTAR RJES SU DPAG PA DANG 'GAL BA BRJOD CE NA, 'GAL BA'I CHOS KYIS ZHES BYA BA LA SOGS PA SMOS TE, 'GAL BA'I CHOS KYIS ZHES BYA BA NI TSAD MAS GNOD PAS SO, ,DE TSAD MAS GNOD PA DE NI MED PA YIN PAS MED PA NYID KYI PHYIR KHYAB PA MI RIGS TE, MED PAS KHYAB PA MI 'GRUB PO ZHES BYA BA'I THA TSIG GO, ,GANG GIS KHYAB PA LA GNOD PAR 'GYUR BA'I RJES SU DPAG PA DE YANG GANG YIN ZHE NA, SKYE BA MED PHYIR DBANG PHYUG NI, ,ZHES BYA BA LA SOGS PA SMOS TE, GANG SKYE BA MED PA DE NI 'GA' ZHIG GI YANG RGYU MA YIN TE, DPER NA NAM MKHA'I BAD MA BZHIN NO, ,DBANG PHYUG KYANG SKYE BA MED PA YIN NO ZHES BYA BA NI KHYAB PAR BYED PA 'GAL BA DMIGS PA'O, ,'DI NI THAL BAR 'GYUR BA SGRUB PAR BYED PA YIN TE, DES NA GZHI MA GRUB PAR BRTZAD PAR MI BYA'O, ,GZHAN DU THAMS CAD CIG CAR 'BYUNG, ,ZHES BYA BA NI RGYU NUS PA THOGS PA MED PA YIN PA'I PHYIR, DUS GCIG TU MNGON PAR 'DOD PA'I 'BRAS BU'I TSOGS BZHIN DU THAMS CAD CIG CAR 'BYUNG NGO ZHES BYA BA'I DON TO, ,'DI LA

176a

, ,'DI GNOD PAR BYED PA'I TSAD MA YIN NO, ,YANG NA 'DI DON BRJOD PA TZAM YIN NO, ,THAL BAR 'GYUR BA'I SGRUB PAR BYED PA 'DI LTAR BYA STE, GANG ZHIG RGYU MA TSANG BA MED PA DE NI 'BYUNG BA KHO NA YIN TE, DPER NA THA MA'I GNAS SKABS SU PHYIN PA'I TSOGS PA LAS RGYU MA TSANG BA MED PA'I MYU GU 'BYUNG BA LTA BU'O, ,DBANG PHYUG GI RGYU CAN GYI 'GRO BA THAMS CAD DU RGYU MA TSANG BA MED PA YIN PA'I PHYIR CIG CAR 'BYUNG BAR 'GYUR RO, ,'DI SNYAM DU DBANG PHYUG 'BA' ZHIG RGYU MA YIN GYI, 'ON KYANG CHOS DANG CHOS MA YIN PA LA SOGS PA'I LHAN CIG BYED PA'I RGYU GZHAN LA LTOS NAS BYED DE, DBANG PHYUG NI RGYU MTSAN GYI RGYU NYID YIN PA'I PHYIR RO, ,DES NA CHOS LA SOGS PA RGYU GZHAN MA TSANG BAS RGYU MA TSANG BA MED PA NYID MA GRUB PO SNYAM DU SEMS NA, DE NI YANG DAG PA MA YIN TE, GAL TE DE'I LHAN CIG BYED PA RNAMS KYIS PHAN GDAGS PAR BYA BA 'BA' ZHIG YOD NA, DE'I TSE DE LHAN CIG BYED PA LA LTOS PA YIN NO, ,JI SRID DU RTAG PA'I PHYIR GZHAN GYIS KHYAD PAR CUNG ZAD TZAM YANG BYAR MED PA DE NI LHAN CIG BYED PA DAG LAS THOB PAR BYA BA MED PA'I PHYIR CI'I PHYIR DE LTA BUR GYUR PA'I PHAN PA MI BYED PA DE DAG LA LTOS, GZHAN YANG GANG YANG KHYED KYI LHAN CIG BYED PA DE DAG THAMS CAD KYANG DBANG PHYUG LA RAG LAS TE, SKYE BA CAN NYID KYIS RTAG TU NYE BA YIN PA'I PHYIR JI LTAR GTAN TSIGS MA GRUB BA YIN, MA NGES PA YANG MA YIN TE, RGYU MA TSANG BA MED PA NYID NYAMS PAR THAL BAR 'GYUR BA'I PHYIR RO, ,RGYU MA TSANG BA MED PA YANG MI SKYE NA KHYAD PAR MED PA'I PHYIR THAMS CAD LAS MI SKYE BAR THAL BAR 'GYUR BA'I PHYIR RO, ,GSAL BYED PA NA RE, DBANG PHYUG CES BYA BA RTAG PA'I DNGOS PO RNAMS RGYU MA TSANG BA MED PA RTAG TU NYE BA YIN MOD KYI, 'ON KYANG CIG CAR MI SKYED DE, DBANG PHYUG NI BLO SNGON DU BTANG NAS BYED PA'I PHYIR RO, ,GANG GI PHYIR GAL TE DBANG PHYUG YOD PA TZAM NYID KYIS BLO SNGON DU MA SONG BAR YANG DNGOS PO RNAMS SKYED PAR BYED PA YIN NA DE'I TSE KLAN KA DER 'GYUR BA YIN NA, GANG GI TSE BLO SNGON DU BTANG STE BYED PA DE'I TSE SKYON MED DE, DE NI RANG GI 'DOD PAS 'BRAS BU RNAMS LA 'JUG PA'I PHYIR RO, ,DE'I PHYIR GTAN TSIGS MA NGES PA YIN NO

176b

ZHES ZER RO, ,'DI YANG MI RIGS TE, GANG GIS DBANG PHYUG CES BYA BA RGYU NUS PA THOGS PA MED PA RTAG TU NYE NA YANG DE'I 'DOD PA MED PAS 'JUG PAR MI 'GYUR BA 'BRAS BU RNAMS NI RGYU'I 'DOD PA YOD PA DANG MED PA LA LTOS NAS 'JUG PA DANG LDOG PA NI MA YIN NO, ,'O NA CI ZHE NA, DNGOS PO RNAMS NI RGYU LAS YOD PA'I NUS PA YOD PA DANG MED PA'I RJES SU BYED PA YIN NO, ,'DI LTAR BYED PA PO 'DOD NA YANG MI NUS PA MI SKYED LA, MI 'DOD NA YANG SA BON LA SOGS PA NUS PAS BSKYED DO, ,DE LA GAL TE DBANG PHYUG CES BYA BA'I RGYU 'BRAS BU SKYE BA'I DUS BZHIN DU DNGOS PO RNAMS KYI NUS PA THOGS PA MED PA RTAG TU GNAS NA DE CI'I PHYIR, GANG GIS SKYE BA'I DUS BZHIN DU CIG CAR SKYE BAR MI 'GYUR BA DE'I PHAN PA MI BYED PA'I 'DOD PA DE LA LTOS, GAL TE CIG CAR 'BYUNG BA YIN NA DE DAG GIS BDAG NYID RGYU MA TSANG BA MED PA NYID DU DE LTAR BSTAN PA YIN NA GANG GIS NA 'DOD PA LA LTOS PAR 'GYUR BA GZHAN GYIS PHAN MA BTAGS PA'I DBANG PHYUG KYANG LTOS PA CUNG ZAD KYANG MED PA YIN NA, GZHAN YANG BLO LAS MA GTOGS PA'I 'DOD PA GZHAN NI MED LA, DBANG PHYUG GI BLO YANG KHYED KYIS RTAG PA GCIG PUR 'DOD DO, ,DE LTA YIN DANG DBANG PHYUG BLO SNGON DU GTONG BAR BYED PA YIN NAM, YANG CI'I PHYIR DNGOS PO RNAMS CIG CAR SKYE BAR MI 'GYUR TE, DBANG PHYUG BZHIN DU DE'I BLO YANG RTAG TU NYE BA'I PHYIR RO, ,GANG GI TSE YANG 'ON TE YANG DE'I BLO MI RTAG PA NYID DU KHAS LEN PAR BYED PA DE'I TSE YANG DBANG PHYUG YOD PAS YOD PA'I PHYIR TE DBANG PHYUG BZHIN DU RTAG TU YOD PA NYID YIN NO ZHES BYA BA'I NYES PA DE NYID SON 'DUG PA YIN NO, ,DE LTA BAS NA BLO DANG LDAN PA'I PHYIR ZHES BYA BA'I KHYAD PAR CUNG ZAD KYANG MI BYED PA KHO NA'I PHYIR GTAN TSIGS MA NGES PA MA YIN NO, ,'GAL BA NYID KYANG MA YIN TE, MTHUN PA'I PHYOGS LA YOD PA'I PHYIR RO, ,DE LTAR YOD PA YANG MA YIN TE, DE LTA BAS NA BZLOG PA'I SBYOR BA NI; GANG ZHIG GANG GI TSE MI 'GYUR BA DE NI DE'I TSE RGYU MA TSANG BA MED PA MA YIN TE, DPER NA SBYANG NA GNAS PA'I SA BON GYI GNAS SKABS KYI SKYE BZHIN PA MA YIN PA'I MYU GU LTA BU'O, ,DNGOS PO GCIG SKYE PA'I DUS NA YANG SNA TSOGS THAMS CAD 'BYUNG BA MA YIN NO ZHES BYA BA KHYAB PAR BYED PA

177a

, ,MI DMIGS PA'O, ,SGRUB PA LA SGRUB PA YANG MA YIN TE, DBANG PHYUG RGYU YIN NA RGYU MA TSANG BA MI 'THAD BAR BSGRUBS ZIN PA'I PHYIR RO, ,TSAD MA GZHAN YANG, GANG DAG RIM GYIS 'BYUNG BA YANG, ,ZHES BYA BA LA SOGS PA SMOS TE, RANG RTZOM PAR BYED PA'I CHA SHAS KYI DBYIBS KYI KHYAD BAR DANG LDAN PA LA SOGS PA'I SGRUB PAR BYED PA JI SKAD DU BSHAD PA DAG LAS BYUNG BA'I 'DOD PA'I BSGRUB BYA'I CHOS KYI YUL CAN BLUN PO RNAMS DE DBANG PHYUG RGYUR MNGON BAR ZHEN PA RNAMS KYI YID CHES PA STE, NGES PA BZHIN NO ZHES BYA BA'I DON TO, ,'ON TE JI SKAD DU NYES PAS SUN DBYUNG BA'I PHYIR DE DAG LAS 'DOD PA'I BSGRUB PAR BYA BA LA YID CHES PA MI SKYE BA'I PHYIR DPE'I CHOS CAN MA GRUB PA MA YIN NAM ZHE NA, 'DI NI BDEN TE, DE NYID KYI PHYIR BLUN PO YI, ,ZHES BYA BA SMOS TE, BLUN PO RNAMS NI SGRUB PA LTAR SNANG BA 'BYED PAR MI NUS PA NYID KYIS SGRUB PAR BYED PA LTAR SNANG BA DAG LAS KYANG DE DAG YID CHES SKYE BA NYID YIN NO, ,'ON TE DE LTA NA YANG DPE LA BSGRUB BYA MED PA YIN TE, BLUN PO'I YID CHES PA DE DAG GI YANG DBANG PHYUG RGYU MTSAN GYI RGYUR 'DOD PAS DE'I PHYIR, DE DAG KYANG ZHES BYA BA LA SOGS PA SMOS TE, DE DAG KYANG ZHES BYA BA NI BLUN PO'I YID CHES PA'O,, DES BYUNG ZHES BYA BA NI DBANG PHYUG LAS BYUNG BAR 'DOD NA, SGRUB PA BRJOD PA DON MED DE, ,SGRUB BYED RJOD PA DON MED PAR 'GYUR RO, ,DBANG PHYUG KHO NA LAS DE DAG SKYE'O SNYAM DU BSAMS PA'O, ,DBANG PHYUG SGRUB PAR BYED PA BRJOD PA'I LHAN CIG BYED PA LA LTOS NAS DE DAG GI SKYED PAR BYED PA YIN GYI; 'BA' ZHIG PA NI MA YIN TE, DES NA 'DI 'BRAS BU MED PAR MI 'GYUR BA MA YIN NAM ZHE NA, RTAG PHYIR GSOS 'DEBS MED PA LAS, ,ZHES BYA BA LA SOGS PA SMOS TE, GAL TE SGRUB PAR BYED PA BRJOD PA 'DI DBANG PHYUG 'DI'I NUS PA MED PA'I RANG BZHIN BSAL NAS, NUS PA SKYED PA DE'I TSE LHAN CIG BYED PAR 'GYUR NA, JI SRID DU RTAG BA'I PHYIR DBANG PHYUG BSKYED PAR BYA BA MA YIN ZHING, BZLOG PAR BYA BA MA YIN PA'I RANG BZHIN NYID KYIS SU ZHIG GIS KYANG GSOS GDAB PAR BYA BA MA YIN PAS DE 'DI'I LHAN CIG BYED PAR MI RIGS SO, ,GZHAN YANG JI LTAR SGRUB

177b

PAR BYED PA'I RGYU NUS PA YONGS SU MTHONG BA LAS MA GTOGS PAR NUS PA YONGS SU MA MTHONG BA'I RGYU NYID DBANG PHYUG LA YANG RTOG NA KHYED CAG LA HA CANG THAL BAR 'GYUR BA KHO NA STE, GANG GI PHYIR DBANG PHYUG DER YONGS SU RTOG NA DBYIG PA LA SOGS PA YANG BRTAG PAR BYA BA NYID YIN TE, KHYAD PAR MED PA'I PHYIR RO ZHES BSTAN PA'I PHYIR, GANG DAG YOD NA ZHES BYA BA LA SOGS PA SMOS TE, 'BYUNG GYUR MTHONG BAR ZHES KHA BSKANG NGO, ,DE'I RGYU GZHAN NYID RTOG CES BYA BA NI JI LTAR NUS PA YONGS SU MTHONG BA'I RGYU DAG LAS 'DI'I RGYU GZHAN YIN PAS RGYU GZHAN TE, DE'I DNGOS PO NI RGYU GZHAN NYID DO,, DE RTOG PA NI RTOG PA ZHES TSIG RNAM PAR SBYAR RO, ,GANG YANG, KUN GYI BYED PO NYID GRUB NA, ,ZHES BYA BA LA SOGS PA SMRAS PA DE LAS BYED PA PO NYID CES BYA BA LA SOGS PA SMOS TE, THAMS CAD KYI BYED PA PO NYID YIN PA'I STOBS KYIS 'DI THAMS CAD SHES PAR KHYED CAG GIS 'DOD DE, DES NA DE BKAG PA'I PHYIR DE'I THAMS CAD SHES PA YANG 'BAD PA MED PAR MI DGOS PAR BSAL BA YIN NO, ,SGRUB PAR BYED PA RNAMS SUN MA PHYUNG BAR KHAS BLANGS NAS, SKYON GZHAN JI SKAD BSHAD PA'I NYES PA ZHES BYA BA LA SOGS PA SMOS TE, JI SKAD DU BSHAD PA'I NYES PA NI, RJES SU DPAG PA DANG 'GAL BA'I MTHAR THUG PA RNAMS SO, ,'DI LA BSDUS PA'I DON NI 'DI YIN TE, SGRUB PAR BYED PA DE DAG LAS LUS DANG RI LA SOGS PA RNAMS KYI BYED PA PO BLO DANG LDAN PA YIN PAR GRUB PA YIN MOD KYI, 'ON KYANG 'DI GCIG GI RGYU GANG YIN PA DE KHO NA GZHAN GYI YANG YIN PAR MA NGES PA NYID DE, 'BRAS BU SO SO LA BYED PA PO YANG THA DAD PA SRID PA'I PHYIR RO, ,SKAR KHUNG LA SOGS PA GCIG KYANG RGYU MAR BOS BYAS PAR MTHONG BAS, DE'I PHYIR BYED PA PO GCIG MA GRUB PO, ,JI SRID DU BYED PA PO GCIG MA GRUB PA DE SRID DU, GANG LAS THAMS CAD SHES PAR 'GYUR, 'DI LA BLO GROS BZANG POS BYED PA PO GCIG BSGRUB PA'I PHYIR TSAD MA BYED DE, TSANGS PA LA SOGS PA NAS SHA ZA'I BAR NI GCIG GIS BYIN GYIS BRLABS PA YIN TE, PHAN TSUN KHYAD PAR DU 'JUG PA'I PHYIR RO, ,'DI NA GANG DAG PHAN TSUN KHYAD PAR GYIS 'JUG PA DE DAG NI GCIG LA RAG LAS PAR MTHONG STE, DPER NA

178a

, ,'JIG RTEN 'DI'I GRONG DANG, GRONG RDAL DANG, GRONG KHYER DANG, YUL GYI BDAG PO RNAMS NI SA THAMS CAD KYI MI'I BDAG PO GCIG LA RAG LAS PA BZHIN NO, ,DE BZHIN DU KLU DANG, SRIN PO DANG, GNOD SPYIN LA SOGS PA RNAMS KYANG PHAN TSUN KHYAD PAR GYIS 'JUG PA NYID DE, DE DAG KYANG DBANG PHYUG GCIG GI GZHAN GYI DBANG YIN NO SNYAM DU KHO BO CAG SEMS SO, ,DE 'DIS GAL TE DBANG PHYUG CES BYA BA BYIN GYIS RLOB PA PO GCIG GIS BYIN GYIS BRLABS PA ZHES BYA BA'I DON 'DI SGRUB PAR 'DOD PA DE'I TSE GTAN TSIGS MA NGES PA YIN TE, BZLOG PA LA GNOD PAR BYED PA'I TSAD MA MED PAS 'BREL PA MA GRUB PA'I PHYIR RO, ,DPE YANG BSGRUB PAR BYA BA DANG BRAL BA NYID YIN NO, ,'ON TE BYIN GYIS RLOB PA PO TZAM GYIS BYIN GYIS BRLABS PA YIN NO ZHES SGRUB NA DE'I TSE GRUB PA LA SGRUB PA YIN TE, 'DI LTAR BCOM LDAN 'DAS YANG DAG PAR RDZOGS PA'I SANGS RGYAS 'JIG RTEN MTHA' DAG GI GTZUG GI NOR BUS 'GRO BA THAMS CAD SNYING RJE'I DBANG GIS BYIN GYIS BRLABS PAR KHO BO CAG 'DOD PA KHO NA YIN TE, GANG GI STOBS KYIS DE LTAR YANG DAM PA DAG MNGON PAR MTHO BA DANG NGES PAR LEGS PA'I PHUN SUM TSOGS PA SGRUB PAR BYED PA YIN NO, ,BRJOD PA'I SGRUB BYED GZHAN 'DI YANG YIN TE, SRID PA BDUN NI BLO GCIG GIS SPRUL PA YIN TE, DNGOS PO GCIG GI KHONGS SU 'DUS PA'I PHYIR, KHANG PA GCIG GI NANG DU GTOGS PA'I KHANG MIG BZHIN TE, JI LTAR KHANG PA GCIG GI KHONGS SU 'DUS PA'I KHANG MIG RNAMS THIG MKHAN GYI BLO GCIG GCIG GIS BYAS PA NYID DU MTHONG BA DE LTAR SRID PA BDUN YANG SRID PA GCIG GI KHONGS SU 'DUS PA YIN TE, DE'I PHYIR DE DAG KYANG BLO GCIG GIS BYAS PAR NGES SO, ,GANG 'DI DAG BLO GCIG GIS SGRUB PAR BYED PA DE NI SRID PA MTHA' DAG GI THIG MKHAN GCIG PU STE, LEGS LDAN DBANG PHYUG CHEN PO YIN NO ZHES BYA'O, ,DE'I PHYIR GTAN TSIGS MA GRUB PA YIN TE, GNAS DANG KHANG PA DAG NI DNGOS PO GCIG MA YIN TE, THA SNYAD ZOR YANG BAR BYA BA'I PHYIR MANG PO DAG LA MING 'DI BYAS SO, ,DE NYID KYI PHYIR DPE YANG SGRUB PAR BYED PA DANG BRAL BA YIN TE, KHANG PA GCIG TU GTOGS

178b

PA'I KHANG MIG LA SOGS PA NI THIG MKHAN DU MAS BYAS PAR MTHONG BA'I PHYIR YANG GTAN TSIGS MA NGES PA YIN NO, ,DE BZHIN DU SGRUB PAR BYED PA GZHAN DAG LA YANG JI LTAR RIGS PA SUN 'BYIN PA BRJOD PAR BYA'O, ,GANG YANG, MI MTHUN BLO GZHI YI DNGOS PO, ,ZHES BYA BA LA SOGS PA SMOS PA DE LA, DE BSGRUB BYA PHYIR SGRUB SMRAS PA, ,ZHES BYA BA LA SOGS PA SMOS TE, GAL TE SPYIR THAMS CAD SHES PA 'GA' ZHIG YOD DO ZHES SGRUB NA DE'I TSE KHO BO CAG LA KHYED KYIS SGRUB PAR BYED PA 'DI MDZES PA MA YIN TE, GRUB PA LA SGRUB PA'I SKYON YOD PA'I PHYIR RO, , 'ON KYANG GANG DAG THAMS CAD MKHYEN PA LA SKUR PA 'DEBS PA'I RGYAL DPOG PA DE DAG LA MDZES PA YIN NO, ,'ON TE DBANG PHYUG TU BRJOD PA'I THAMS CAD SHES PA NYID SGRUB NA DE NI MI RIGS TE, 'BREL PA MA GRUB PAS GTAN TSIGS MA NGES PA NYID YIN NO, ,DPE YANG BSGRUB PAR BYA BAS STONG PA NYID YIN NO, ,DE'I PHYIR KHO BO CAG LA SGRUB PAR BYED PA 'DI MDZES PA MA YIN NO SNYAM DU BSAMS PA YIN NO, ,GANG YANG SNA TSOGS PAR 'BYUNG BA, ,ZHES BYA BA LA SOGS PA CHOS CAN GYI KHYAD PAR BSTAN PA DE GANG DU YANG NYE BAR MI MKHO STE, KHYED KYIS GZHAN MGO RMONGS PAR BYA BA'I PHYIR, RANG GI GRUB MTHA' BSGRAGS PA 'DI BYAS PA 'BA' ZHIG TU ZAD DO, ,'DI LTAR RNAM PA DE LTA BU'I CHOS CAN GYI KHYAD PAR MED NA YANG, GAL TE SGRUB PAR BYED PA MA GRUB PA LA SOGS PA'I SKYON DANG BRAL BA DE'I TSE MNGON PAR 'DOD PA'I BSGRUB BYA 'GRUB PAR 'GYUR BA KHO NA'O, ,'ON TE SGRUB PAR BYED PA MA GRUB PA LA SOGS PA'I SKYON GYIS SKYON CAN YIN PA DE'I TSE RNAM PA DE LTA BU'I KHYAD PAR BZUNG NA YANG BSGRUB BYA MI 'GRUB PAS, RNAM PA THAMS CAD DU KHYAD PAR DON MED DO, ,GANG YANG MI MTHUN PA'I PHYOGS LAS GTAN TSIGS ZLOG PAR BYED PA DE NYID KHYAD PAR DU RIGS SO, ,GZHAN YANG GTAN TSIGS GZHI MA GRUB STE, JI SKAD DU BSHAD PA'I KHYAD PAR GYIS KHYAD PAR DU BYAS PA'I CHOS CAN NI PHYIR RGOL BA LA MA GRUB PA YIN NO, ,DE LTA BAS NA BSTAN BCOS LA GRAGS PA NI CHOS CAN DU BYA BA MA YIN NO, ,DE KHO NA NYID BSDUS PA'I DKA' 'GREL LAS DBANG PHYUG BRTAG PA

179a

, ,STE GNYIS PA'O,, ,,GNYI GA'I BYA BA DANG BRAL BA NYID DU BSTAN PA'I PHYIR, DE LTAR RANG BZHIN DBANG PHYUG DAG ,CES BYA BA LA SOGS PA SMOS TE, DE LA GRANGS CAN KHA CIG NI GTZO BO 'BA' ZHIG LAS 'BRAS BU THA DAD PA 'DI DAG 'JUG PA MA YIN TE, DE NI SEMS PA MED PA NYID KYI PHYIR RO, ,SEMS PA MED PA NI BYIN GYIS RLOB PA PO MED PA RANG GI 'BRAS BU RTZOM PAR BYED PA MA MTHONG LA, SKYES BU BYIN GYIS RLOB PA POR YANG MI RIGS TE, DE'I TSE MI SHES PA'I PHYIR RO, ,'DI LTAR BLO NGES PA'I DON NYID SKYES BUS SHES PAR BYED DE, 'BYIN PA'I SNGAR BLO 'DI NI MI SHES PA KHO NA STE, NAM YANG DON 'GA' YANG SHES PA MA YIN NO, ,DON MI SHES PAR YANG 'GA' YANG BYA BAR MI NUS PAS 'DI BYED PA PO MA YIN NO, ,DE LTA BAS NA DBANG PHYUG NYID GTZO BO LA LTOS NAS 'BRAS BU THA DAD BA'I BYED PA PO YIN GYI 'BA' ZHIG NI MA YIN NO, ,LHA SPYIN LA SOGS PA GCIG PU SKYED PAR BYED PA NI MA YIN LA, RDZA MKHAN 'BA' ZHIG KYANG BUM PA BYED PA MA YIN NO ZHES ZER RO, ,RANG BZHIN DANG DBANG PHYUG DAG SO SOR RGYU YIN PA BKAG PA'I PHYIR, DBANG PHYUG DANG GTZO BO ZHES BYA BA GNYI GA LHAN CIG PA 'DI YANG SKYE BA CAN TE, SKYE BA DANG LDAN PA'I BYED PA STE, SKYED PAR BYED PA ZHES BYA BAR MA GRUB PA'O, ,'ON TE 'DI DAG SO SOR BYED PA PO NYID BKAG MOD KYI, 'ON KYANG LHAN CIG PA MA BKAG PA NYID DE, MIG LA SOGS PA 'BA' ZHIG PA RNAMS NI MIG GI RNAM PAR SHES PA SKYED PA LA NUS PA MED LA, LHAN CIG PA RNAMS MI 'GYUR BA NI MA YIN LA ZHES DOGS PA LA, LHAN CIG DE DAG CES BYA BA LA SOGS PA SMOS TE, LHAN CIG PA ZHES BYA BA NI LHAN CIG BYED PA NYID DO, ,DE YANG RNAM PA GNYIS TE, PHAN TSUN KHYAB PAR BYED PA'AM, DON GCIG BYED PA YIN GRANG, DE LA RE ZHIG KHYAD PAR SKYED PAR BYED PA'I MTSAN NYID KYI LHAN CIG BYED PA NYID KYIS BRTAG PA DANG PO NI RIGS PA MA YIN TE, CI'I PHYIR ZHE NA, DBANG PHYUG DANG GTZO BO DE RTAG PA NYID KYIS 'GYUR BA MED PA'I PHYIR RO, ,RTOG PA GNYIS PA YANG RIGS PA MA YIN TE ZHES SKABS DANG SBYAR RO, ,CI'I PHYIR ZHE NA, 'BRAS BU RNAMS CIG CAR THAL BAR 'GYUR

179b

BA'I PHYIR RO, ,NUS PA THOGS PA MED CING MA TSANG BA MED PA'I DBANG PHYUG DANG GTZO BO ZHES BYA BA'I RGYU RTAG TU NYE BA NYID KYIS RGYU MA TSANG BA MED PA NYID KYI PHYIR RO, ,'DIR YANG SNGA MA BZHIN DU GANG RGYU MA TSANG BA MED PA ZHES BYA BA LA SOGS PA'I THAL BA'I SGRUB PAR BYED PA BRJOD PAR BYA'O, ,CI STE BRJOD PA ZHES BYA BA LA SOGS PAS GZHAN GYI LUGS KYIS GANG RGYU MA TSANG BA MED PA ZHES BYA BA'I GTAN TSIGS 'DI MA GRUB PA NYID DU RJOD PAR BYED DO, ,RGYU GNYIS PO DE DAG RTAG TU NYE BA YIN MOD KYI, 'ON KYANG RIM GYIS 'BRAS BU THA DAD PA 'DI DAG LA 'JUG PAR 'GYUR TE, 'DI LTAR DBANG PHYUG GI LHAN CIG BYED PA NI GTZO BO LA YOD PA'I SNYING STOBS LA SOGS PA'I YON TAN GSUM YIN TE, DE DAG KYANG RIM GYIS 'JUG PA'I PHYIR DE'I 'BRAS BU LA YANG RIM GYIS 'GYUR RO, ,'DI LTAR GANG GI TSE RDUL SHAS CHER 'PHEL BA DANG LDAN PA DE'I TSE DBANG PHYUG SKYE DGU RNAMS KYI 'BYIN PA'I RGYU YIN TE, RDUL NI 'BYIN PA'I RGYU YIN PA'I PHYIR RO, ,GANG GI TSE SNYING STOBS SHAS CHER 'PHEL BA LA RTEN PAR BYED PA'I TSE 'JIG RTEN GNAS PA'I RGYUR 'GYUR TE, SNYING STOBS NI GNAS PA'I RGYU YIN PA'I PHYIR RO, ,GANG GI TSE MUN PA SHAS CHE BA'I NUS PA DANG LDAN PA DE'I TSE 'GRO BA THAMS CAD 'JIG PA DANG NYAMS PAR BYED PAR 'GYUR TE, MUN PA NI 'JIG PA'I RGYU YIN PA'I PHYIR RO, ,JI SKAD DU, SKYE BA DANG LDAN RDUL LA RTEN, ,SNYING STOBS 'PHEL BA GNAS PA YIN, ,MUN PA LA REG SKYE DGU 'JIG ,SKYE MED 'BYIN GNAS 'JIG PA'I RGYU, ,GSUM GYI RANG BZHIN YON TAN NI, ,GSUM GYI BDAG LA PHYAG 'TSAL LO, ,ZHES SMRAS PA LTA BU'O, ,GRAG CAS BYA BA'I SGRA NI MI SRID PA'I DON TO, ,'DIR BSHAD CES BYA BA LA SOGS PAS LAN 'DEBS PAR BYED DO, ,DE DAG CES BYA BA NI RANG BZHIN DANG DBANG PHYUG GO, ,GCIG BYED TSE ZHES BYA BA NI 'BYIN PA DANG, GNAS PA DANG, 'JIG PA DAG LAS GANG YANG RUNG BA GCIG BYED PA'I TSE DE LAS GZHAN PA'I 'BRAS BU GNYIS SKYED PAR BYED PA'I NUS PA CI YOD DAM, 'ON TE MED CES BYA BA'I RNAM PAR RTOG PA GNYIS SO, ,DE LA GAL TE YOD NA DE'I TSE 'BYIN PA'I TSE YANG RGYU MA TSANG BA MED PA'I PHYIR GNAS PA DANG 'JIG PA'I BDAG NYID

180a

, ,KYI 'BRAS BU GZHAN GNYIS KYANG SKYE BA BZHIN DU 'GYUR RO, ,DE BZHIN DU GNAS PA'I DUS SU YANG SKYE BA DANG 'JIG PA THOB PAR 'GYUR LA, 'JIG PA'I DUS NA YANG SKYE BA DANG GNAS PAR 'GYUR RO, ,DE LTAR YANG RIGS PA MA YIN TE, PHAN TSUN SPANGS TE GNAS PA DAG NI CHOS CAN GCIG LA DUS GCIG TU SRID PAR RIGS PA YANG MA YIN NO, ,'DI SNYAM DU 'BRAS BU GCIG PO DE SKYE BA'I DUS NA RANG BZHIN DANG DBANG PHYUG DE DAG 'BRAS BU GZHAN SKYE BA LA NGO BO GZHAN MI NYE STE, DES NA DE'I TSE DE DAG TU THAL BAR MI 'GYUR RO SNYAM DU SEMS NA, DE NI NGO BO GZHAN ZHIG GIS ZHES BYA BA LA SOGS PA SMOS TE, DE NI ZHES BYA BA NI RANG BZHIN DANG DBANG PHYUG TU BRJOD PA'I RGYU'O, ,GZHAN ZHIG GIS ZHES BYA BA NI PHYIS KYI 'BRAS BU GNYIS PA'O, ,GZHAN ZHIG GI NGO BOS NI MA YIN TE, 'O NA CI ZHE NA, RANG GI NGO BO KHO NAS RGYU YIN NO SNYAM DU BSAMS PA YIN NO; ,'DI SNYAM DU GZHAN GYI NGO BOS BYED PA MA YIN MOD KYI, 'ON KYANG 'BRAS BU GCIG SKYED PA'I DUS NA 'BRAS BU LHAG MA GNYIS PO SKYED PA LA 'DI LA NUS PA MED DE, DES NA DE'I TSE 'BRAS BU GNYIS PO MI SKYED DO SNYAM DU SEMS NA, DE YI NUS PA DANG BRAL NA, ,ZHES BYA BA LA SOGS PA SMOS TE, GZHAN TSE ZHES BYA BA NI MNGON PAR 'DOD PA'I 'BRAS BU RTZOM PA'I TSE'O, ,'DI SNYAM DU GTZO BO LAS NUS PA THAMS CAD NYE BA YIN MOD KYI, 'ON KYANG GANG KHO NA SHAS CHER 'PHEL BA NYID RGYU YIN PAR KHONG DU CHUD PAR BYA'I, GZHAN NI MA YIN NO, ,DES NA 'BRAS BU RNAMS CIG CAR 'BYUNG BAR MI 'GYUR RO SNYAM NA, NUS PA'I NGO BO SHAS CHER YANG, ,ZHES BYA BA LA SOGS PA SMOS TE, SNYING STOBS LA SOGS PA SHAS CHE BA'I NGO BOS 'DI NI RE ZHIG RTAG GO ZHES NI BRJOD PAR MI RIGS TE, RES 'GA' BA NYID YIN PA'I PHYIR RO, ,DE LTA YIN PAS NA DNGOS PO 'DI 'GA' ZHIG GI TSE RANG BZHIN DANG DBANG PHYUG TU BRJOD PA'I RGYU LAS SAM, RGYU GZHAN LAS SAM, RANG DGA' BA YIN ZHES RNAM PAR RTOG PA GSUM MO, ,DE LA PHYOGS DANG PO LA NI SHAS CHE BA'I NGO BO DE THAMS CAD DU 'GYUR TE, RANG BZHIN DANG DBANG PHYUG CES BYA BA'I RGYU NI RTAG PA'I NGO BO NYID KYIS RTAG TU NYE BA

180b

NYID KYI PHYIR RO, ,PHYOGS GNYIS PA LA YANG, GZHAN GYIS GZHAN DAG MI 'DOD PA, ,ZHES BYA BA LA SOGS PA SMOS TE, GANG GIS DE GZHAN LAS 'BYUNG BA'I NGO BOR 'GYUR BA RANG BZHIN DANG DBANG PHYUG LAS MA GTOGS PA'I RGYU GZHAN 'DOD PA NI MA YIN NO, ,PHYOGS GSUM PA YANG RIGS PA MA YIN NO ZHES BSHAD PA, RES 'GA' NYID NI SRID PA'I PHYIR, ,ZHES BYA BA LA SOGS PA'O, ,CI STE RANG DGA' BA YIN MOD, RES 'GA' BA NYID NI CI 'GAL ZHE NA, RANG LAS YIN NA ZHES BYA BA LA SOGS PA SMOS TE, RANG LAS TE RANG BZHIN LAS SKYE BA YIN NA RGYU MED PA CAN NYID DU NGES PAR 'GYUR RO, ,'ON TE RANG BZHIN LAS SKYE NA JI LTAR RGYU MED PAR 'GYUR, JI SRID DU RANG BZHIN KHO NA NYID DE'I RGYU YIN PAR RTOGS PA MA YIN NAM ZHE NA, RANG LA BYED PA 'GAL BA'I PHYIR RO ZHES BYA BA SMOS TE, RANG RANG GI NGO BO LA BYED PA RGYU'I NGO BOR 'GAL BA'I PHYIR RO, ,'DI SNYAM DU RGYU MED PA NYID YIN LA RAG MOD, DE LTA NA YANG CI'I PHYIR RES 'GA' BAR MI RIGS SNYAM DU SEMS NA, DNGOS PO RNAMS NI LTOS PA YIN, ,ZHES BYA BA LA SOGS PA SMOS TE, DNGOS PO RNAMS RANG BZHIN GZHAN LA RAG LAS NAS 'JUG PA NI RES 'GA' ZHIG RIGS TE, DE DAG GI YOD PA DANG MED PA DAG NI GZHAN YOD PA DANG MED PA DANG 'BREL PA'I PHYIR RO, ,GANG GI PHYIR GANG DAG GZHAN LA RAG MA LAS PAR 'JUG PA DE DAG NI LTOS PAR BYA BA 'GA' ZHIG KYANG MED PA'I PHYIR, CI STE RES 'GA' BAR 'GYUR, 'ON TE YANG RANG LA BYED PA 'GAL BA NYID JI LTAR 'GRUB CE NA, 'DI LTAR ZHES BYA BA LA SOGS PA SMOS TE, DNGOS PO BDAG NYID SKYE BA YIN NA, GRUB PA ZHIG GAM, MA GRUB PA ZHIG SKYE GRANG, RE ZHIG GRUB PA NI MA YIN TE, DE'I GNAS SKABS NA YANG BDAG NYID KYANG GRUB PA'I NGO BO LAS, THA MI DAD PA NYID KYIS RANG GI NGO BO BZHIN DU RAB TU GRUB PA'I PHYIR TE YONGS SU GRUB PA'I PHYIR RO, ,DE LTA YIN DANG BSKYED PAR BYA BA MED PA'I PHYIR DNGOS PO 'DI GANG DU BYED PAR 'GYUR, MA GRUB PA YANG MA YIN NO ZHES STON PA NI, BDAG GI DE NYID MA GRUB NA, ,ZHES BYA BA LA SOGS PA LA 'GA' ZHIG CES BYA BA NI SPYI'I TSIG STE, RANG GI BDAG NYID DU GYUR PA MA YIN LA, GZHAN GYI BDAG NYID DU GYUR PA YANG MA YIN ZHES BYA BA'I DON

181a

, ,TO; ,BYA BA YOD NA GRUB PA'I BDAG NYID KYI DE KHO NA NYID DU 'GYUR TE, GRUB PA'I MTSAN NYID NI DE TZAM YIN PA'I PHYIR RO SNYAM DU BSAMS PA YIN NO, ,DE KHO NA NYID BSDUS PA'I DKA' 'GREL LAS GNYI GA BRTAG PA STE GSUM PA'O,, ,,SOGS PA'I SGRAS 'PHANGS PA RANG BZHIN SMRA BA'I RTZOD PA NI BRJOD PAR BYA BA NYUNG BA NYID KYIS GO RIMS LA MA BRTEN PAR SEL BAR BYED PA NI RANG BZHIN SMRA BA ZHES BYA BA LA SOGS PA SMOS TE, RANG BZHIN SMRA BA NI SOGS PA'I SGRAS DNGOS SU MA 'PHANGS MOD KYI, 'ON KYANG RANG BZHIN RGYUR SMRA BA'I LUGS BLANGS NAS BSTAN PA KHO NA'O, ,DE LA GANG DAG DNGOS PO RNAMS RANG NYID LAS SKYE BA YIN NO ZHES SMRA BA DE DAG RANG LAS BYED PAR 'GAL BA'I PHYIR RO ZHES BYA BA LA SOGS PA BKAG NAS DA NI RANG BZHIN SMRA BA 'GEGS SO, ,DE DAG NI 'DI SKAD DU SMRA STE DNGOS PO RNAMS RANG LAS SKYE BA MA YIN ZHING GZHAN LAS KYANG MA YIN NO, ,'O NA CI ZHE NA, RGYU RNAMS KUN LA MI LTOS PAR RANG DANG GZHAN GYI RGYU LA LTOS PA MED PAR ZHES BYA BA'I DON TO, ,'ON TE GANG DAG DNGOS PO RNAMS RANG NYID LAS SKYE BA YIN NO ZHES SMRA BA DE DAG LAS 'DI DAG KHYAD PAR CI YOD CE NA, DE DAG RANG YANG ZHES BYA BA LA SOGS PA SMOS TE, DE DAG NI RANG BZHIN DU SMRA BA DAG GO, ,RANG YANG ZHES BYA BA NI RANG GI NGO BO'O, ,YANG GI SGRAS NI GZHAN GYI NGO BO YANG NGO, ,SNGA MA NI RANG BZHIN RGYUR 'DOD LA, 'DI NI DE YANG MI 'DOD DO, ,ZHES BYA BA NI KHYAD PAR RO, ,'DI LA RIGS PA BRJOD PA GANG ZHIG YOD PAR MI DMIGS PA DE NI RTOG PA DANG LDAN PA RNAMS KYI MED PA'I THA SNYAD KYI YUL YIN TE, DPER NA RI BONG GI RVA BZHIN NO, ,DNGOS PO RNAMS KYI RGYU YANG YOD PAR MI DMIGS SO ZHES BYA BA NI RANG BZHIN GTAN TSIGS MI DMIGS PA'O, ,GTAN TSIGS 'DI MA GRUB PA YANG MA YIN NO ZHES BSTAN PA'I PHYIR, 'DAM SKYES SOGS KYI ZHES BYA BA LA SOGS PA SMOS TE, 'DAM SKYES NI PADMA'O, ,DE'I GE SAR LA SOGS PA ZHES TSIG RNAM PAR SBYAR RO, ,SOGS PA SMOS PAS MGUL PA DANG, 'DAB MA DANG, ZE 'BRU LA SOGS PA DANG, TSER MA'I RNO BA LA SOGS PA GZUNG NGO, ,SNA TSOGS ZHES BYA BA NI KHA DOG DANG, DBYIBS DANG, RTZUB PA LA SOGS

181b

PA'I BYE BRAG GO, ,GANG GIS BYED CES BYA BA NI SUS KYANG MA YIN TE, DBANG PHYUG LA SOGS PA'I RGYU MI DMIGS PA'I PHYIR RO SNYAM DU BSAMS PA'O, ,'DI SNYAM DU PHYI ROL GYI DNGOS PO RNAMS KYI RGYU MI DMIGS PA'I PHYIR RGYU MED PA CAN DU GRUB MOD KYI, SDUG BSNGAL BA LA SOGS PA NANG GI BDAG NYID CI LTAR GRUB SNYAM DU SEMS NA, DPER NA TSER MA ZHES BYA BA LA SOGS PA SMOS TE, GAL TE MNGON SUM GYIS SDUG BSNGAL LA SOGS PA RGYU MED PA CAN DU MA GRUB PA YIN MOD KYI, 'ON KYANG RJES SU DPAG PAS GRUB PA KHO NA STE, 'DI LTAR GANG ZHIG RES 'GA' BA DE NI RGYU MED PAR NGES TE, DPER NA TSER MA RNO BA LA SOGS PA LTA BU'O, ,SDUG BSNGAL LA SOGS PA YANG RES 'GA' BA YIN NO ZHES BYA BA NI RANG BZHIN GYI GTAN TSIGS SO, ,GANG ZHIG YOD PA DANG MED PA NA NGES PAR 'GA' ZHIG YOD PA DANG MED PAR 'GYUR BA DE NI DE'I RGYU YIN NO ZHES BYA BA YANG RIGS PA MA YIN TE, 'KHRUL PA'I PHYIR RO, ,'DI LTAR REG PA YOD NA MIG GI RNAM PAR SHES PA 'BYUNG LA MED NA MI 'BYUNG BA YIN NA YANG 'DI MIG GI RNAM PAR SHES PA'I RGYU MA YIN NO, ,DE LTA BAS NA RGYU DANG 'BRAS BU'I DNGOS PO'I MTSAN NYID 'DI NI 'KHRUL PA YIN PAS DE'I PHYIR, RGYU RNAMS KUN LA MI LTOS PAR, ,DNGOS PO SKYE BA ZHES BYA BAR GRUB BO, ZHE NA; 'DAM SKYES GE SAR ZHES BYA BA LA SOGS PAS LAN 'DEBS PAR BYED DO, ,'DI NI GTAN TSIGS MA GRUB PA DANG, DAM BCA' BA'I DON MNGON SUM DANG 'GAL BAR STON TE, PAD MA'I GE SAR LA SOGS PA'I RGYU MI DMIGS SO ZHES GANG SMRAS PA DE NI MA GRUB STE, MNGON SUM DANG MI DMIGS PA DAG GIS SA BON DANG, 'DAM DANG CHU LA SOGS PA RJES SU 'GRO BA DANG LDOG PA DANG LDAN PAS RGYU NYID DU NGES PA'I PHYIR RO, ,'DI LTAR GANG ZHIG YOD PA KHO NA GANG ZHIG SKYE LA, GANG ZHIG 'GYUR BAS GANG 'GYUR BA DE NI DE'I RGYU NYID DU BRJOD DO, ,DE YANG DE LTA BUR GYUR PA 'DAM SKYES KYI GE SAR LA SOGS PA'I SA BON LA SOGS PA BONG BA LA SOGS PA'I GNAS SKABS KYI KHYAD PAR THOB PA LA RJES SU 'GRO BA DANG LDOG PA DANG LDAN PA STE, YOD PA DANG MED PA DANG LDAN PAR MNGON SUM DU MI DMIGS PA DAG GIS NGES PA'I PHYIR GTAN TSIGS MA GRUB PO, ,GANG YANG RGYU DANG 'BRAS BU'I MTSAN

182a

, ,NYID 'KHRUL LO ZHES SMRAS PA DE YANG MA GRUB STE, REG PA YANG GZUGS KYI RGYU NYID KYIS MIG GI RNAM PAR SHES PA LA YANG RGYU MTSAN GYI DNGOS POR 'DOD PA'I PHYIR RO, ,'DI LTAR REG PA NI 'BYUNG BA DAG LA BRJOD LA, DE DAG LA YANG BRTEN NAS GZUGS LA 'JUG GO, ,DE'I PHYIR MIG GI RNAM PAR SHES PA LA REG PA'I RGYU MTSAN GYI DNGOS PO YOD PA NYID DE, DNGOS DANG BRGYUD PAS BYAS PA'I KHYAD PAR 'BA' ZHIG TU ZAD DO, ,KHO BO CAG GIS NI LDOG PA TZAM RGYU DANG 'BRAS BU'I DNGOS PO NGES PA'I RGYU NYID DU KHAS MA BLANGS SO, ,'O NA CI ZHE NA, KHYAD PAR CAN NYID DO, ,'DI LTAR NUS PA'I RGYU GZHAN GANG DAG YOD NA YOD LA, GANG ZHIG MED PAS GANG MI 'BYUNG BA DE NI DE'I RGYU YIN NO ZHES SMRA'I, GANG ZHIG MED PAR GANG MI 'BYUNG BA ZHES BYA BA'I LDOG PA TZAM NI MA YIN NO, ,DE LTA MA YIN NAM BAG MAR LEN PAR 'OS PA'I YUL DU SKYE BA'I 'BRA GO, ,MA BAG MAR LEN PA MED NA MED PA'I PHYIR 'KHRUL PAR 'GYUR RO, ,DE LTA BUR GYUR PA'I LDOG PA LA REG PAS 'KHRUL PA MED DO, ,'DI LTAR GAL TE GZUGS LA SOGS PA NYE BAR BSTAN NAS, REG PA GCIG PU MED PA'I PHYIR MIG GI RNAM PAR SHES PA MI 'BYUNG NGO ZHES DE LTAR BSTAN NA DE'I TSE 'KHRUL PAR 'GYUR NA, 'DI YANG BSTAN PAR MI NUS TE, DE'I PHYIR RGYU DANG 'BRAS BU'I MTSAN NYID KYI DNGOS PO LA 'KHRUL PA YOD PA MA YIN NO, ,SA BON LA SOGS PA DNGOS PO RNAMS KYI RGYU NYID DU NGES PA 'BA' ZHIG TU MA ZAD KYI, SO SOR NGES PA'I YUL DANG DUS KYANG NGES PA YIN NO ZHES STON PA NI, YUL DANG DUS KYI NGES PA LA 'ANG, ,ZHES BYA BA LA SOGS PA LA, GAL TE PAD MA LA SOGS PA DE'I RGYU NYID SO SOR NGES PA'I YUL DANG DUS RGYU NYID DU MI 'GYUR NA NI, DE'I TSE GANG 'DI RDO LA SOGS PA'I YUL SPANGS NAS CHU LA SOGS PA SO SOR NGES PA'I YUL LA 'JUG PA DANG, GANG DGUN LA SOGS PA'I DUS YONGS SU SPANGS NAS SOG LA SOGS PA'I DUS SU 'JUG PA DER MI 'GYUR GYI, 'ON KYANG YUL THAMS CAD DANG DUS THAMS CAD DU PAD MA LA SOGS PA'I DNGOS PO DE DAG 'BYUNG BAR 'GYUR TE, DE NI LTOS PA MED PA YIN PA'I PHYIR RO, ,DE LTA BAS NA GANG ZHIG DE LAS GZHAN PA'I YUL DANG DUS YONGS

182b

SU SPANGS NAS SO SOR NGES PA'I YUL LA SOGS PAR NGES PAR 'JUG PA DE NI LTOS PA DANG BCAS PA YIN NO ZHES BYA BAR NGES SO, ,BSAM PA MED PA'I DNGOS PO 'DI DAG CI LA LTOS SHEN, DE LTOS DE LTAR 'JUG PA YIN, ,ZHES BYA BA SMOS TE, DE BZHIN DU DE LAS GZHAN PA'I YUL LA SOGS PA SPANGS NAS YUL LA SOGS PA NGES PA LA 'JUG PA GANG YIN 'DI NYID LTOS PA ZHES BYA BA'I BSAM PA'I BDAG NYID CAN NI MA YIN NO, ,'DI SNYAM DU DE LA LTOS NAS 'JUG PA DE DE LTAR GRUB MOD KYI, 'ON KYANG DE'I 'BRAS BU NYID DU JI LTAR NGES SNYAM DU SEMS NA, LTOS PA 'BRAS BU NYID DU BRJOD, ,CES BYA BA SMOS TE, DE'I 'BRAS BU NYID GZHAN NI MED DO, ,'O NA CI ZHE NA, DE'I PHYIR RANG BZHIN SMRA BA'AM, DE DAG LA RANG BZHIN SMRA BA'AM, DE RANG BZHIN SMRA BA ZHES BSDU BA'O, ,GANG 'DI DE LTAR 'JUG PA'I MTSAN NYID KYI LTOS PA DE NYID DE'I 'BRAS BU ZHES BYA'O, ,'DI DAG GI LTA BA GNAS PA DE YANG JI LTAR GRUB CE NA, DE LTAR 'JUG PA'ANG MNGON SUM YIN, ,ZHES BYA BA LA SOGS PA SMOS SO, ,DE'I PHYIR ZHAS BYA BA NI DE LTA BAS NA'AM, DE DAG LA STE, PAD MA LA SOGS PA LA RANG BZHIN DU SMRA BA DAG CES BSDU'O, ,MNGON SUM GYIS NI RAB GNOD 'GYUR, ,ZHES BYA BA NI MI DMIGS PA YANG GZHAN DMIGS PA'I BDAG NYID YIN PAS MNGON SUM GYI BDAG NYID YIN PA'I PHYIR RO, ,GANG YANG BDE BA LA SOGS PA RNAMS RGYU MED PA CAN DU BSGRUB PA'I PHYIR, RES 'GA' BA LA SOGS PA'I SGRUB BYED BRJOD PA DE NI BSGRUB BYA LAS BZLOG PA SGRUB PAR BYED PA'I PHYIR 'GAL BA YIN TE, LTOS PA MED PA'I PHYIR RGYU MED PA NI RES 'GA' BA NYID DU MI 'THAD PA'I PHYIR RO, ,DPE YANG OBSGRUB PAR BYA BA MA TSANG BA YIN NO SNYAM DU BSAMS PA'O, ,DE LTAR RE ZHIG DAM BCAS PA'I DON MNGON SUM DANG 'GAL BA DANG, GTAN TSIGS MA GRUB PA NYID DU BSTAN NAS, DA NI GTAN TSIGS GRUB PAR KHAS BLANGS NAS MA NGES PA NYID DU BSTAN PA'I PHYIR, RGYU YOD PAR NI GRUB PA LA, ,ZHES BYA BA LA SOGS PA SMOS TE, GAL TE MI DMIGS PA TZAM GTAN TSIGS NYID DU KHAS LEN PA DE'I TSE MA NGES PA YIN NO, ,'DI LTAR TSAD MA MED PA STE,

183a

, ,TSAD MA MED PA TZAM GYI GTAN TSIGS KYIS DON MED PA STE MI BDOG PAR NGES PA MA YIN NO, ,CI'I PHYIR MA YIN ZHE NA, GANG PHYIR ZHES BYA BA LA SOGS PA SMOS TE, KHYAD PAR BYED PA'I RANG BZHIN DANG RGYU LDOG NA RANG GI KHYAB PAR BYA BA DANG 'BRAS BU LDOG PAR BYED DE, DE LA DE'I BDAG NYID DANG DE LAS BYUNG BA DAG GIS KHYAB PAR BYA BA DANG 'BRAS BU DAG 'BREL PA'I PHYIR RO, ,TSAD MA NI DON YOD PA'I KHYAB PAR BYED PA YANG MA YIN NO, ,CI'I PHYIR ZHE NA, THA DAD PA NI YOD PA'I PHYIR THA MI DAD PA KHO NA KHYAB PAR BYED PA YIN TE, DPER NA SHING SHA PA'I SHING LTA BU'O, ,THA DAD PA NI RGYU NYID KYI KHONGS SU 'DUS PA'I PHYIR RO, ,TSAD MA DANG DON YOD PA GNYIS THA MI DAD PA YANG MA YIN TE, SNANG BA THA DAD PA'I PHYIR RO, ,TSAD MA DON GYI RGYU YANG MA YIN TE, 'KHRUL PA'I PHYIR RO, ,'DI LTAR YUL DANG, DUS DANG, RANG BZHIN GYIS BSKAL PA'I DON RNAMS TSAD MAS YUL DU MA BYAS NA YANG YOD PAR MI 'GAL BA NYID DO, ,GANG MED PAR YANG GANG BYUNG BA DE NI DE'I RGYUR RIGS PA YANG MA YIN TE, HA CANG THAL BAR 'GYUR BA'I PHYIR RO, ,RGYU NYID DU KHAS LEN NA YANG RANG GI PHYOGS BTANG BA YIN NO, ,DE LAS BYUNG BA'I PHYIR YANG TSAD MA NI DON DE YOD PA'I RGYU MA YIN NO, ,'DI LTAR YUL DU GYUR PA'I DON NYID LAS TSAD MA BYUNG GI ,TSAD MA LAS GZHAL BAR BYA BA'I DON NI MA YIN NO, ,CI STE YANG 'BREL PA MED PAR YANG TSAD MA DON YOD PA LDOG PAR KHYAD PAR 'GYUR RO ZHE NA, GANG DNGOS DE LTA'I RNAM PA MIN, ,ZHES BYA BA LA SOGS PA SMOS TE, DE LTA'I RNAM PA MIN ZHES BYA BA NI RGYU YANG MA YIN KHYAB PAR BYED PA YANG MA YIN PA'O, ,'BREL PA MED PA'I CHOS LOG PAS NI NGES PAR GZHAN LOG PAR RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA NA NI RTA LOG PA NA BA LANG YANG LDOG PAR 'GYUR RO, ,GZHAN YANG MI DMIGS PA GTAN TSIGS NYID DU KHAS LEN PA NA SKYES BU THAMS CAD KYI DMIGS PA LOG PA'I MTSAN NYID LEN NAM, RANG GI DMIGS PA LOG BA'I MTSAN NYID LEN GRANG, RE ZHIG DANG PO NI MA YIN TE, DE NI TSU ROL MTHONG BAS NGES PAR MI NUS PA NYID KYIS THE TSOM ZA BA'I PHYIR RO, ,GANG GI PHYIR SKYES BU THAMS CAD KYIS RMA BYA'I MDONGS LA

183b

SOGS PA'I RGYU MA MTHONG BA'I MI DMIGS PA ZHES BYA BA 'DI LA TSU ROL MTHONG BA RNAMS KYI TSAD MA CUNG ZAD KYANG YOD PA MA YIN NO, ,GANG YANG RUNG GIS MA MTHONG BA STE, THE TSOM 'KHRUL PA YIN NO, ,CI'I PHYIR ZHE NA, RI'I PHUG LA SOGS PA'I NANG NA YOD PA'I D'UR BA DANG, RTZVA DANG, RDO'I DUM BU LA SOGS PA MI DMIGS KYANG YOD PA'I PHYIR TE, YOD PA MI 'GAL BA'I PHYIR RO ZHES BYA BA'I DON TO, ,YOD PA NYID DU NGES PA MA YIN TE THE TSOM ZA BA'I PHYIR RO, ,GZHAN YANG 'DI LTAR KHYED LA BRGAL ZHING BRTAG PAR BYA STE, CI DNGOS PO RNAMS RGYU MED PA ZHES BYA BA'I RANG GI PHYOGS 'DI GRUB PAR BYA BA'I PHYIR, KHYED GTAN TSIGS 'GA' ZHIG LEN NAM, 'ON TE MA YIN, DE LA GAL TE MI LEN PA DE'I TSE KHYOD KYI PHYOGS MI 'GRUB STE, TSAD MA MED PAR DON GRUB PA YOD PA YIN PA'I PHYIR RO, ,CI STE LEN PA DE LTA NA YANG KHYED KYI PHYOGS MI 'GRUB PO ZHES 'CHAD PAR 'GYUR BA DANG 'BREL TO, , CI'I PHYIR ZHE NA, GRUB PA DE RGYUS SKYED NYID PHYIR, ,ZHES BYA BA NI GZHAL BYA'I YUL GYI DON GRUB PA STE, NGES PA NI RGYU DES BSKYED PAR BYA BA YIN PA'I PHYIR RO, ,DE SKAD DU YANG SLOB DPON DPA' BO'I ZHAL SNGA NAS KYIS, RGYU DANG BCAS PAR SMRA BA RGYU MED CES, ,DAM BCA' RANG NYID KYIS GNOD MA YIN NAM, ,CI STE'ANG GTAN TSIGS SGRUB LA SNYOM LAS NA, ,DAM BCA' GCIG PUS 'DI LA CI ZHIG 'GYUR, ,ZHES BSHAD DO, ,'DI SNYAM DU BDAG GIS SHES PAR BYED PA'I RGYUR SBYAR GYI, BYED PA PO NI MA YIN NO, ,DES NA CI'I PHYIR BDAG GI PHYOGS SGRUB PAR MI 'GYUR SNYAM DU SEMS NA; 'DI LTAR ZHES BYA BA LA SOGS PA SMOS TE, SHES BYED GTAN TSIGS ZHES BYA BA NI RANG GI DON GYI RJES SU DPAG PA'I DUS NA TSUL GSUM PA'I RTAGS SO, ,TSIG CES BYA BA NI GZHAN GYI DON GYI RJES SU DPAG PA'I TSE'O, ,DE RAB GSAL BYED CES BYA BA NI GTAN TSIGS DE GSAL BAR BYED PA'O; ,GRUB PA'I ZHES BYA BA NI GZHAL BAR BYA BA'I DON NGES PA'O, ,DE LTA MA YIN NA GAL TE GRUB PA'I RGYU MTSAN GYI DNGOS POR MA GRUB PA DE'I TSE JI LTAR DE'I SHES PAR BYED PAR 'GYUR, ,DE LTA NA NI THAMS CAD THAMS CAD KYI SHES PAR BYED PAR 'GYUR RO, ,GAL TE DE LTA NA JI LTAR SLOB DPON GYIS

184a

, ,BYED PA PO LAS SHES PAR BYED PAR MDZAD DE, 'DIR YANG SHES PA'I DBANG GIS DON BSTAN GYI, SKYED PAR BYED PA BZHIN DU YANG DAG PA'I DON GYIS NI MA YIN NO ZHE NA, BSGRUB BYA SKYED PAR MI BYED PHYIR, ,ZHES BYA BA LA SOGS PA SMOS TE BSGRUB BYA'I DON SKYED PAR MI BYED PA'I PHYIR 'DI SHES PAR BYED PA ZHES BYA BA'I BYED PA PO NI MA YIN NO, ,GANG YANG MYU GU LA SOGS PA'I BSGRUB PAR BYA BA SKYED BAR BYED PA DE NI BYED PA POR BRJOD DO ZHES BYA BA LA SKYON MED DO, ,'DI THAMS CAD KYIS NI SLOB DPON DPA' BOS BSHAD PA'I SKYON GYI THOG TU RTZOD PA PHAB PA GANG YIN PA DE'I LAN BTAB PA YIN NO, ,'DI LTAR DE LA RTZOD PA NI 'DI YIN TE, RGYU MED DO ZHES RGYU DANG BCAS PAR SMRA BA LA YANG CI'I PHYIR DAM BCA' BA LA GNOD PAR BYED, DE NI SHES PAR BYED PA'I RGYU SMRA ZHING BYED PA PO NI SPONG NGO, ,DE'I PHYIR 'DIR LAN NI SHES PAR BYED PA YANG BYED PA NYID YIN TE SHES PA'I RGYU YIN PA'I PHYIR RO,, 'DIS NI RANG GI TSIG DANG 'GAL BAR BSTAN TO, ,RGYU MED PA NYID LA NI SGRUB PAR BYED PA'I GTAN TSIGS 'GA' YANG YOD PA MA YIN TE, KHYAB PA LA MNGON SUM LA SOGS PAS GNOD PA'I PHYIR RO, ,DE'I PHYIR ZHES BYA BA LA SOGS PAS MJUG BSDU BA'I THABS KYIS DAM BCAS PA'I DON RJES SU DPAG PAS GNOD PAR STON PAR BYED DO, ,GZHAN DAG KYANG ZHES BYA BA NI PAD MA'I GE SAR LA SOGS PA BSGRUB PAR BYA BA'I DON GYI YUL CAN GYI SHES PA LAS MA GTOGS PA RNAMS SO, ,SKYE BAR NGES PHYIR RO ZHES BYA BA NI NGES PA'I DNGOS PO NYE BA NA ZHES BYA BA LHAG MA'O, ,SBYOR BA NI GANG ZHIG SO SOR NGES PA'I DNGOS PO NYE BA NA SKYE BAR NGES PA DE DAG NI RGYU DANG BCAS PA YIN TE, DPER NA KHYED CAG GIS SGRUB PAR BYED PA NYE BA NA 'BYUNG BA'I BSGRUB BYA'I DON GYI YUL CAN GYI SHES PA LTA BU'O, ,PAD MA LA SOGS PA'I DNGOS PO YANG DE BZHIN NO ZHES BYA BA NI RANG BZHIN GYI GTAN TSIGS SO, ,DE KHO NA NYID BSDUS PA'I DKA' 'GREL LAS 'GRO BA RANG BZHIN DU SMRA BA BRTAG PA STE BZHI PA'O,, ,,SKYE 'JIG DAG DANG MI LDAN PA'I, ,ZHES BYA BA LA SOGS PAS SGRA'I TSANGS PAR SMRA BA'I GZHUNG BKOD NAS SUN 'BYIN PAR BYED DO, ,DE LA SGRA'I TSANGS PAR SMRA BA RNAMS NA RE, SHAR DANG NUB LA SOGS PA'I PHYOGS KYI CHA DANG BRAL BA, SKYE BA MED PA,

184b

'JIG PA MED PA, SGRA'I RANG BZHIN GYI TSANGS PA GANG YIN PA DE'I YONGS SU 'GYUR BA NI GZUGS LA SOGS PA'I DNGOS PO'I TSOGS 'DI YIN NO ZHES NGES PAR BYA'O, ,JI SKAD DU, THOG MTHA' MED PA'I TSANGS PA NI, ,SGRA YI DE NYID YI GE GANG, ,GANG LAS 'GRO BA'I THA SNYAD 'BYUNG, DON GYI DNGOS POR YONGS GYUR PA, ,ZHES BSHAD DE, DE LA THOG MA NI SKYE BA'O, ,THA MA NI 'JIG PA'O, ,DE DAG MED PA'I PHYIR THOG MA DANG MTHA' MED PA'O, ,YI GE ZHES BYA BA NI AA LA SOGS PA'I RGYU MTSAN YIN PA'I PHYIR RO, ,'DIS NI RJOD PAR BYED PA'I NGO BOS YONGS SU 'GYUR BA BSTAN TO, ,DON GYI DNGOS POR ZHES BYA BA LA SOGS PAS KYANG BRJOD PAR BYA BA'I 'GYUR BA BSTAN TO, ,THA SNYAD CES BYA BA NI KHYAD PAR RO, ,TSANGS PA NI ZHES BYA BA NI MING YANG DAG PAR BSGRAGS PA'O, ,TSIGS SU BCAD PA 'DI NYID KYI DON STON PA NI, SKYE 'JIG DAG DANG MI LDAN PA'I, , ZHES BYA BA LA SKYE 'JIG SMOS PA NI NYE BAR MTSON PA STE, SHAR DANG NUB LA SOGS PA'I PHYOGS CHA DANG BRAL BA ZHES BYA BA 'DI YANG 'DI LTAR RTOGS PAR BYA STE, THOG MA DANG THA MA NYID KYI CHA MED CING, SHAR DANG NUB KYI PHYOGS CHA DANG BRAL BA YANG DER BSTAN TO, ,TSANGS PA'I SGRA'I RANG BZHIN NI SGRA'I RANG GI NGO BO DE NYID KYI PHYIR 'DI NI SGRA'I DE KHO NA NYID YIN PAS DE NI SGRA'I DE KHO NA NYID CES BYA'O, ,'DI NI SGRA'I PHYIN CI MA LOG PA'I NGO BO ZHES BYA BA'I DON TO, ,MCHOG NI ZHES BYA BA NI AOm GYI BDAG NYID DE, AOm NI SGRA THAMS CAD DANG DON THAMS CAD KYI RANG BZHIN YIN PAR GRAGS PAS DE YANG RIG BYED YIN TE, 'DI NI YI GE DANG TSIG GI RIM PA'I NGO BOS GNAS PA'I RIG BYED DE RTOGS PA'I THABS YIN TE, DE'I GZUGS BRNYAN GYI TSUL DU GNAS SO, ,TSANGS PA MCHOG GI BDAG NYID DE NI MNGON PAR MTHO BA DANG NGES PAR LEGS PA'I 'BRAS BU'I CHOS RJES SU 'DZIN PA'I NANG GI BYED PAS MTHONG BA YIN NO ZHES ZER RO, ,'DIR YANG TSAD MA BYED DE, GANG ZHIG GANG GI RNAM PA DANG LDAN PA DE DAG NI DE'I RANG BZHIN YIN TE, DPER NA BUM PA DANG KHAM PHOR DANG BLUG MA LA SOGS PA 'JI BA'I RNAM PAR 'GYUR BA 'JI BA'I RNAM PA'I RJES SU BYED PA DANG, 'JI BA'I RANG BZHIN NYID DU

185a

, ,GRAGS PA LTA BU'O, ,DNGOS PO THAMS CAD KYANG SGRA'I RNAM PA DANG LDAN PA YIN NO ZHES BYA BA NI RANG BZHIN GYI GTAN TSIGS SO, ,GTAN TSIGS MA GRUB PA YANG MA YIN TE, GANG GI PHYIR DON THAMS CAD SGRA'I RJES SU BYED PAR MNGON SUM NYID KYIS GRUB STE, 'DI LTAR SHES PA THAMS CAD DON LA SKYE BA NA SGRA'I RNAM PA DANG LDAN PA KHO NAR SKYE STE, JI SKAD DU, SGRA YI RJES 'JUG MA GTOGS GANG, ,SHES DE 'JIG RTEN NA YOD MIN, ,SHES PA THAMS CAD SGRA DANG NI, ,LDAN PA BZHIN DU GNAS PA YIN, ,ZHES BSHAD PA LTA BU'O, ,DNGOS PO RNAMS KYI RANG BZHIN DU GDAGS PA'I RGYU MTSAN YANG SHES PA'I RNAM PA YIN NO, ,DE'I PHYIR 'DI DAG SGRA'I RNAM PA DANG LDAN PA NYID GRUB PO, ,DE GRUB PA NA DE'I RANG BZHIN YIN PA NYID KYANG GRUB PA KHO NA STE, DE'I RANG BZHIN NYID NI DE TZAM GYI NGO BO YIN PA'I PHYIR RO ZHES BYA'O, ,DE LA BRJOD BYA ZHES BYA BA LA SOGS PAS RE ZHIG DAM BCAS PA'I DON SUN 'BYIN PAR BYED DO, ,'DIS 'GRO BA SGRA'I RANG BZHIN DU BSGRUB PAR 'DOD PA, RES 'GA' SGRA YONGS SU GYUR PA'I NGO BO NYID YIN PA'I PHYIR RAM, RES 'GA' SGRA LAS SKYES PA'I PHYIR YIN TE, DPER NA SROG CHAGS RNAMS NI ZAS LAS BYUNG BA YIN NO ZHES BYA BA DANG, RGYU'I DON LA RGYU MA YIN PA BRJOD PA'I PHYIR DANG, RGYU LAS BYUNG BA'I RKYEN DU BRJOD PA'I PHYIR RO, ,DE LA RE ZHIG PHYOGS DANG PO NI MA YIN TE, YONGS SU 'GYUR BA NYID MI 'THAD PA'I PHYIR RO, ,'DI LTAR SGRA'I BDAG NYID KYI TSANGS PA SNGON PO LA SOGS PA'I NGO BOR 'GYUR BA NA RES 'GA' RANG NYID KYI SDE RANG GI NGO BO YONGS SU BTANG NAS 'GYUR BA'AM, MA BTANG NAS 'GYUR BA YIN GRANG, DE LA GAL TE BTANG NAS ZHES BYA BA'I DANG PO'I PHYOGS LA BRTEN PA DE'I TSE, THOG MTHA' MED PA ZHES BYA BA'I TSIG 'DIS 'GYUR BA MED PA NYID MI 'JIG PA NYID DU KHAS BLANGS PA GANG YIN PA DE NYAMS PAR 'GYUR TE, SNGON GYI RANG BZHIN ZHIG PA'I PHYIR RO, ,CI STE YONGS SU MA BTANG NAS ZHES BYA BA DE MA THAG PA'I PHYOGS YIN PA DE'I TSE SNGON PO LA SOGS PA RIG PAR BYED PA'I DUS NA YANG MA THOS PAS KYANG SGRA RIG PAR 'GYUR TE, SNGON PO LA SOGS PA'I RIG PA BZHIN DU DE LAS

185b

THA MI DAD PA'I PHYIR RO, ,SBYOR BA NI GANG ZHIG GANG LAS THA MI DAD BA DE NI DE RIG PA NA RIG PA YIN TE, DPER NA SNGON PO LA SOGS PA RIG PA'I GNAS SKABS NA SNGON PO LA SOGS PA DE'I BDAG NYID BZHIN NO, ,SGRA'I BDAG NYID KYANG SNGON PO LA SOGS PA LAS THA MI DAD DO ZHES BYA BA NI RANG BZHIN GYI GTAN TSIGS SO, ,DE LTA MA YIN NA GRUB PA DANG BDE BA THA DAD PA'I PHYIR, DE'I RANG BZHIN NYID MI 'GRUB PO ZHES BYA BA 'DI NI 'DIR GNOD PAR BYED PA'I TSAD MA'O, ,'DI NYID RGYAS PAR BSTAN PA'I PHYIR GANG GIS THAMS CAD CES BYA BA LA SOGS PA SMOS PA LA, GANG GIS TE, GANG GI PHYIR KHYED CAG GIS DNGOS KHO NAR 'GRO BA SGRA'I RANG BZHIN NO ZHES RJOD PAR BYED DO, CI'I PHYIR ZHE NA, SGRA YI NGO BOS MA BTANG BAR, ,ZHES BYA BA SMOS SO, ,GAL TE DNGOS SU SGRA'I RANG BZHIN DU GNAS PA YIN NA DE LAS CIR 'GYUR ZHE NA, DE LTAR SNGON PO ZHES BYA BA LA SOGS PA SMOS TE, SNGON PO LA SOGS PA GCIG NYID CES BYA BA LA, SGRA DANG LHAN CIG CES BYA BA LHAG MA'O, ,DE RIG PA'I DUS SU NI ZHES BYA BA NI SNGON PO LA SOGS PA DE DAG RIG PA'I GNAS SKABS NA'O, ,JI LTAR 'DI RIG YOD MA YIN, ,ZHES BYA BA NI DE YANG SNGON PO LA SOGS PA'I RANG BZHIN DU DMIGS PA'I MTSAN NYID DU GYUR PA'I PHYIR TE, RIG PA NYID DU RIGS SO SNYAM DU BSAMS PA'O, ,CI STE 'DI RIG PA NYID DU MI 'DOD PA DE'I TSE SGRA'I RANG BZHIN BZHIN DU SNGON PO LA SOGS PA YANG MI RIGS PAR THAL BAR 'GYUR TE, GCIG GI BDAG NYID YIN PA'I PHYIR RO, ,SNGON PO LA SOGS PA RNAMS NI SGRA DANG LHAN CIG GI RANG BZHIN NYID YIN PA'I PHYIR ZHES BYA BA'I DON TO, ,DE LTA MA YIN NA SNGON PO LA SOGS PA RNAMS SGRA DANG LHAN CIG CHOS THA DAD PAR KHAS LEN NA SHIN TU THA DAD PAR KHAS BLANG BAR BYA DGOS SO, ,CI'I PHYIR ZHE NA, 'GAL BA'I CHOS DANG ZHES BYA BA LA SOGS PA SMOS TE, GCIG DUS GCIG TU RTOG PA PO GCIG LA LTOS NAS 'DZIN PA DANG MI 'DZIN PA NI MI RIGS TE GCIG NYAMS PAR THAL BA'I PHYIR RO, ,DE LTA MA YIN NA GAL TE 'GAL BA'I CHOS DANG LDAN PA YANG GCIG NYID DU 'GYUR BA DE'I TSE BUM PA LA SOGS PA'I GSAL BA THA DAD PA BRTAG PAR 'DOD PA'I GSAL BA THA DAD

186a

, ,PA GANG YIN PA DER YANG MI 'GYUR RO, ,YANG GI SGRA NI TSANGS PA'I RANG GI NGO BO THA DAD PA MED PA 'BA' ZHIG TU MA ZAD CES BYA BA'O, ,GANG GI PHYIR RANG GI BDAG NYID DU RNAM PAR GNAS PA DE LA THA DAD PA MED DE, 'DI NI 'GYUR BA MED PA'I RANG BZHIN YIN PA'I PHYIR DANG, THA DAD PA MED PA'I RANG BZHIN YIN PA'I PHYIR RO ZHES BYA BA GRUB PA'I MTHA' YIN NO, ,'DI LTAR DE NI BUM PA LA SOGS PA'I BDAG NYID DU THOG MA DANG THA MA MED PA NYID DU MI 'DOD DO, ,'O NA CI ZHE NA, MCHOG GI BDAG NYID DU STE, BUM PA LA SOGS PA SNANG BZHIN PA NA SKYE BA DANG 'JIG PA YONGS SU CHAD PA'I YUL CAN RNAMS SU DMIGS PA TSANGS PA YIN NO, ,MA THOS KYANG SGRA GSAL BAR RIG PAR 'GYUR RO ZHES BYA BA'I THAL BAR 'GYUR BA SMRAS PA'I GANG YIN PA DE YANG GAL TE TSANGS PA'I NGO BO DMIGS PA'I MTSAN NYID DU GYUR PAR 'DOD PA DE'I TSE BLTA BAR BYA'O, ,GAL TE YANG SHIN TU PHRA BA DBANG PO LAS 'DAS PA'I ZHES SMRA BA DE'I TSE SKYON 'DI MED DO, ,'ON KYANG SNGON PO LA SOGS PA YANG DE'I NGO BO YIN PA'I PHYIR DE'I RANG GI NGO BO BZHIN DU MI 'DZIN PAR THAL BAR 'GYUR RO ZHES BYA BA'I SKYON 'DI BRJOD PAR BYA'O, ,DE LTA YIN DANG TSU ROL MTHONG BA RNAMS KYIS SKYE BA DANG 'JIG PA DANG LDAN PA'I DON TZAM SHES SO ZHES BYA BA'I NGES PA 'DI MI 'THAD DO, ,'DI SNYAM DU JI LTAR KHYED CAG GI SKAD CIG MA NYID LAS SNGON PO LA SOGS PA THA MI DAD LA, SNGON PO LA SOGS PA MYONG NA YANG MI MYONG BA DE BZHIN DU SGRA'I NGO BO LA YANG YIN NO SNYAM DU SEMS NA, DE NI YANG DAG PA MA YIN TE, SNGON PO LA SOGS PA RIG PA NA SKAD CIG MA NYID MI RIG PA NI MA YIN TE, 'ON KYANG RTOG PA MED PA'I SHES PAS GZUNG DU ZIN KYANG 'KHRUL PA'I RGYU MTSAN GYIS YON TAN GZHAN SGRO BTAGS PA'I PHYIR MA NGES PA YIN PAR BRJOD DO, ,DES NA NYAMS SU MYONG BA LA LTOS NAS DE BZUNG BA NYID YIN LA, NGES PA'I SHES PA LA LTOS NAS NI MA BZUNG BA YIN PA'I PHYIR, SHES PA THA DAD PAS GCIG BZUNG BA DANG MA BZUNG BA NYID NI MI 'GAL BA KHO NA'O, ,DE LTAR KHYED CAG GI PHYOGS LA NI SGRA BZUNG BA DANG MA BZUNG BAR RIGS PA MA YIN TE, SHES PA THAMS CAD RTOGS PA DANG BCAS PA NYID DU KHAS LEN PA'I

186b

PHYIR DANG, SHES PA GCIG GIS KYANG DE'I BDAG NYID THAMS CAD NGES PAS MA BZUNG BA'I RANG BZHIN GZHAN MI 'THAD PA'I PHYIR RO, ,JI SKAD DU, NGES PA RNAMS KYIS MA NGES GANG, ,DE NI JI LTAR DE DAG YUL, ,ZHES BSHAD DO, ,CI STE RTOG PA MED PA'I SHES PA YANG CUNG ZAD CIG KHAS LEN NA 'O NA, SGRA YI RJES 'JUG MA GTOGS GANG, ,SHES DE 'JIG RTEN NA YOD MIN, ,ZHES BRJOD PAR MI BYA'O, ,SGRA'I RNAM PA DANG LDAN PA'I PHYIR ZHES BYA BA'I GTAN TSIGS KYANG 'GRUB PAR MI 'GYUR RO, ,DE LTA BAS NA TSAD MA MED PA'I PHYIR DNGOS PO RNAMS SGRA'I BDAG NYID DU GNAS PA RGYU MTSAN MED PA CAN KHO NAR 'GYUR RO, ,GZHAN YANG DNGOS PO RNAMS KYI SKAD CIG MA NYID NI TSAD MA GZHAN LAS GRUB PA'I PHYIR NYAMS SU MYONG BA YANG MA NGES PA YIN NO ZHES BSTAN GYI, GANG GIS DE RNAM PAR 'JOG PAR BYED PA DNGOS PO RNAMS SGRA'I BDAG NYID DU GA LAS GRUB, SUN 'BYIN PA'I LAN GZHAN YANG, GAL TE DNGOS PO SO SO YI, ,ZHES BYA BA LA SOGS PA SMOS TE, SGRA'I BDAG NYID DE YONGS SU GYUR PAR 'GRO BA NA DON THA DAD PAR 'GYUR RAM, MA YIN PAR 'GYUR GRANG, DE LA GAL TE THA DAD PA MED PA ZHES BYA BA'I PHYOGS YIN NA DE'I TSE SNGON PO LA SOGS PA THAMS CAD YUL GCIG PA NYID DU 'GYUR RO, ,YUL GCIG PA NYID DU ZHES BYA BA NI MTSON PA YIN TE, DUS DANG YONGS SU 'GYUR BA DANG, BYA BA DANG GNAS SKABS KYI KHYAD PAR LA SOGS PA YANG GZUNG NGO, ,'DI RNAMS KYANG GCIG TU 'GYUR RO, ,GCIG GI RNAM PAR RIG PAR YANG STE, SO SO SNANG BAR 'GYUR ZHING THOB PA YIN TE, SNGON PO LA SOGS PA THAMS CAD SGRA GCIG GI NGO BOR THA MI DAD PA'I PHYIR RO, ,CI STE SGRA'I BDAG NYID 'DIR RANG GI MTSAN NYID GSAL BA SO SO THA DAD PA NYID DU KHAS LEN PAR BYED PA DE'I TSE, TSANGS PA DU MA NYID DU 'GYUR TE, DNGOS PO THA DAD PA NI DU MA'I NGO BO NYID DU YIN PA'I PHYIR RO, ,THA DAD PA DU MA'I DNGOS PO'I BDAG NYID DNGOS PO DU MA'I RANG BZHIN GYI NGO BO GANG LA YOD PA ZHES TSIG RNAM PAR SBYAR RO, ,DE'I DNGOS PO NI DE NYID DE, TSANGS PA MCHOG KYANG GCIG TU 'DOD DE, DES NA DAM BCA' BA LA KHAS BLANGS PAS GNOD PA YIN NO SNYAM DU BSAMS PA'O, ,NYES PA

187a

, ,GZHAN YANG; SGRA YI RANG BZHIN RTAG NYID NI, ,ZHES BYA BA LA SOGS PA SMOS TE, SGRA RTAG PA LAS 'BYUNG BA NYID DE, 'GRO BA SGRA RTAG PA'I RANG BZHIN NYID YIN NA SGRA'I NGO BO BZHIN DU DNGOS PO RNAMS KYANG RTAG PA NYID DU 'GYUR RO, ,DE LTA YIN DANG DUS THAMS CAD DU DNGOS PO RNAMS SGRA DANG LHAN CIG CIG CAR GRUB PA NA STE, GRUB PA'I PHYIR YONGS SU 'GYUR BAR MI 'GYUR RO, ,DE DAG CES BYA BA NI DE'I PHYIR GYI DON NAM DE DAG STE SNGON PO LA SOGS PA DE DAG RNAMS KYI CIG CAR TE, DE DAG CIG CAR ZHES TSIG RNAM PAR SBYAR RO, ,CI STE CIG CAR BA GRUB NA YANG CI'I PHYIR YONGS SU 'GYUR BA MA YIN ZHE NA, NGO BO GCIG NI ZHIG 'GYUR ZHES BYA BA LA SOGS PA SMOS TE, NI'I SGRA NI GO RIMS MED PA LA NI DNGOS PO YONGS SU 'GYUR BA 'GRUB PAR MI 'GYUR RO ZHES RIM PA GZHAN DU BYA'O, ,DE LTAR RE ZHIG YONGS SU 'GYUR BAS BYAS PA'I DNGOS PO RNAMS SGRA'I RANG BZHIN NYID DU MI RIGS SO, ,PHYOGS GNYIS PA YANG RIGS PA MA YIN NO ZHES BSTAN PA'I PHYIR, CI STE YANG ZHES BYA BA LA SOGS PA SMOS TE, DE LTA NA YANG SGRA RTAG PA NYID KYIS 'GYUR BA MED PA'I PHYIR DE LAS RIM GYIS 'BRAS BU SKYE BAR MI 'GYUR RO, ,THAMS CAD LA RGYU NUS PA THOGS PA MED PA MA TSANG BA MED PA'I PHYIR CIG CAR KHO NAR SKYE BAR 'GYUR RO, ,RGYU MA TSANG BA'I PHYIR 'BRAS BU SDOD PA YIN NA, GANG GIS CIG CAR BAR MI 'GYUR BA GAL TE DE MA TSANG BA MED NA DES NA CI'I PHYIR GZHAN LA LTOS, GZHAN YANG GAL TE RANG BZHIN GCIG PO DE LAS SGRA'I RANG GI NGO BO GZHAN THA DAD PA SKYE BAR KHAS LEN PA DE'I TSE, TSANGS PA DE DON GYI NGO BOR RNAM PAR 'GYUR BA YIN NO ZHES BYA BA 'DI 'GRUB PAR MI 'GYUR RO, ,DON GZHAN SKYE BA NA GZHAN DE'I RANG BZHIN DU MI 'JUG PA DE'I NGO BO RNAM PAR 'GYUR BA NI MI RIGS SO, ,DE LTA BAS NA THAMS CAD DU YANG DAM BCAS PA'I DON BRTAG PAR MI BYA'O, ,SGRA'I RNAM PA DANG LDAN PA'I PHYIR RO ZHES BYA BA'I GTAN TSIGS KYANG MA GRUB PAR BSTAN PA'I PHYIR, DE YI NGO BO MI LAS LOG ,CES BYA BA LA SOGS PA SMOS TE, DNGOS PO RNAMS LA NI DON DAM PAR NGO BO GCIG RJES SU 'GRO BA YOD PA MA YIN TE, THAMS CAD RANG RANG GI NGO BO LA GNAS PA

187b

NYID KYIS RIGS MTHUN PA DANG MI MTHUN PA LAS LDOG PA'I RANG BZHIN YIN PA'I PHYIR RO, ,'DI DAG LA NI RTOG PAS ZHEN PA RIGS MI MTHUN PA LAS LDOG PAS BYAS BA RNAM PA GCIG DANG LDAN PA NYID RNAM PAR 'JOG PAR BYED DE, DPER NA BUM PA DANG KHAM PHOR DANG, BLUG MA LA SOGS PA DON DAM PAR THA DAD PA RNAMS LA YANG 'JI BA'I BDAG NYID MA YIN PA'I DNGOS PO LAS LDOG PAS BYAS BA 'JI BA'I BDAG NYID DU RTOG PA LTA BU'O, ,DE LA SNGON PO LA SOGS PA 'DI DAG GIS BRTAGS PA DE YANG SGRA'I RNAM PA DANG LDAN PA NYID DU SRID PA MA YIN TE, SNGON PO DANG SER PO LA SOGS PA RNAMS LA SGRA'I NGO BO MA DMIGS LA, MA DMIGS PA NA YANG JI LTAR SGRA'I BDAG NYID MA YIN PA RNAM PAS BCAD PAS BYAS PA'I SGRA'I RNAM PA DANG LDAN PA NYID RTOG ,DE PHYIR RTOG PA'ANG SA BON MED, ,CES BYA BA NI GTAN TSIGS MA GRUB PA'O, ,GANG YANG, THAMS CAD YUL GCIG NYID DANG NI, ,GCIG GI RNAM PAR RIG PAR 'GYUR, ,ZHES SMRAS PA DE LA GZHAN KYI LUGS KYI DOGS PA BSU BA NI, 'ON TE TSANGS PA'I DE NYID CES BYA BA LA SOGS PA'O, ,CI STE YANG TSANGS PA'I BDAG NYID KYI DE KHO NA NYID MI 'GYUR BA DBYER MED PA NYID DU RTAG TU DON DAM PAR GNAS PA GANG YIN PA DE NI DON DAM PAR YONGS SU 'GYUR BA MA YIN GYI, 'ON KYANG MA RIG PA'I LING TOG GIS BLO'I MIG NYAMS PA RNAMS SNGON PO LA SOGS PA'I DBYE BAS SNA TSOGS PA BZHIN DU RLOM MO, ,JI SKAD DU, JI LTAR NAM MKHA' DAG PA LA, ,RAB RIB KYIS BSLAD SKYE BO YIN, ,RAB RIB SNA TSOGS DAG DANG NI, ,LDAN PA BZHIN DU MNGON PAR RLOM, ,DE LTAR BDUD RTZI 'GYUR MED PA'I, ,TSANGS PA 'DI NI MA RIG PAS, ,RNYOG PA BZHIN DU 'GYUR BA STE, ,THA DAD NGO BOR RNAM PAR 'GYUR, ,ZHES BSHAD PA LTA BU'O, ,DES NA THAMS CAD YUL GCIG PA NYID DU THAL BAR MI 'GYUR TE, DE DAG NI DNGOS PO MED PA'I NGO BO NYID YIN PA'I PHYIR RO, ,RIG PA THA DAD PAR YANG MI 'GYUR TE, DE NI MA RIG PAS BSLAD PA BYAS PA NYID KYI PHYIR RO SNYAM DU BSAMS PA YIN NO, ,DE LA'ANG ZHES BYA BA LA SOGS PAS LAN 'DEBS PAR BYED DE GANG GI PHYIR TSAD MA'I DBANG GIS GZHAL BYA YOD PAR RNAM

188a

, ,PAR 'JOG PA YIN LA, DE LTA BU'I NGO BO'I TSANGS PA GRUB PAR BYA BA'I PHYIR TSAD MA CUNG ZAD KYANG MED DO, ,'DI LTAR RE ZHIG DE NI MNGON SUM GYIS DE GRUB PA MA YIN TE, SNGON PO LA SOGS PA PHAN PA DANG MI PHAN PA THOB PA DANG SPONG BA'I RTEN LAS THA DAD PA'I SGRA'I NGO BO GZHAN SNANG BA NI MED LA, MI SNANG BA YANG JI LTAR DE MNGON DU PHYOGS PA'I SEMS TE, RIGS PA'I LAM LA GNAS PAS YOD PA NYID DU MA NGES PAR 'GYUR, 'DI SNYAM DU SHES PA'I BDAG NYID KYI NGO BO BZHIN DU RANG RIG PA'I MNGON SUM KHO NAS DE GRUB PA YIN TE, 'DI LTAR DE NYID GSAL BA YIN TE, SGRA'I BDAG NYID YIN PA'I PHYIR DANG, SEMS PA CAN GYI NGO BO YIN PA'I PHYIR RO SNYAM DU SEMS NA, 'DI NI RANG RIG PA DANG 'GAL TE 'DI LTAR YID GZHAN LA YANG YENGS KYANG MIG GIS GZUGS LTA BA NA, MNGON PAR BRJOD PA DANG MI LDAN PA SNGON PO LA SOGS PA'I SHES PA NYAMS SU MYONG BA KHO NA YIN NO, ,'DI LTAR RGYAS PAR 'CHAD PAR 'GYUR RO, ,NGES NA, SHES DE 'JIG RTEN NA YOD MIN, ,ZHES BYA BA LA SOGS PA SMRAS PA DE YANG BSAL BA YIN NO, ,DE LTA BAS NA DBYER MED PA'I SGRA'I RANG BZHIN GYI TSANGS PA MNGON SUM GYIS GRUB PA MA YIN TE, DE LTA BUR GYUR PA DE MI SNANG BA'I PHYIR RO, ,RJES SU DPAG PAS KYANG MA YIN TE, 'DI LTAR RJES SU DPAG PA YIN NA 'BRAS BU'I RTAGS YIN PA'AM, RANG BZHIN GYI RTAGS YIN GRANG, MI DMIGS PA NI DGAG PA'I YUL CAN YIN PA'I PHYIR SGRUB PA LA DBANG DU BYED PA NYID MA YIN NO, ,DE LA RE ZHIG 'BRAS BU'I RTAGS NI MA YIN TE, RTAG PA LAS 'BRAS BU 'GA' YANG MI SKYE BA'I PHYIR TE, RTAG PA NI RIM DANG CIG CAR DAG GIS DON BYED PA 'GAL BA'I PHYIR RO, ,RANG BZHIN GYI RTAGS KYANG YOD PA MA YIN TE, TSANGS PAR BRJOD PA'I CHOS CAN DE NYID MA GRUB PA'I PHYIR RO, ,CHOS CAN MA GRUB NA DE'I RANG BZHIN DU GYUR PA'I CHOS RANG RGYUD DU GRUB PAR MI 'GYUR RO, ,'O NA GZHAN RTAGS SU 'GYUR RO ZHE NA, DE DAG LAS NI MA GTOGS PA'I, ,ZHES BYA BA LA SOGS PA SMOS TE, RANG BZHIN DANG 'BRAS BU LAS MA GTOGS PA GZHAN BSGRUB BYA'I DON DANG 'BREL PA MED PA'I PHYIR LA, 'BREL PA MED PA'I RTAGS

188b

KYANG RIGS PA MA YIN TE, HA CANG THAL BAR 'GYUR BA'I PHYIR RO, ,GANG YANG DNGOS PO RNAMS SGRA'I NGO BO NYID DU SGRA'I RJES SU 'GRO BA NYID SMRAS PA GANG YIN PA DE MA GRUB PA'I PHYIR DANG, BRDZUN PA NYID YIN PA'I PHYIR DON DAM PA'I TSANGS PA SGRA'I NGO BO NYID DU SGRUB PAR NUS PA MA YIN LA, LUNG LAS KYANG DE GRUB PA MA YIN TE, DE MI GNAS PA'I PHYIR RO, ,GANG YANG MI DMIGS PA ZHES BYA BA'I RTAGS YOD MOD KYI, DE NI RANG BZHIN GYI GTAN TSIGS KYI KHONGS SU GTOGS PA YIN NO SNYAM DU BSAMS PA'O, ,YANG NA YOD PA SGRUB PAR BYED PA BRJOD PAR 'DOD PA'I PHYIR RO, , DE NYID KYI PHYIR, YOD PA'I SGRUB BYED RTAG YOD MIN, ,ZHES BYA BA SMOS SO, ,GZHAN YANG TSANGS PA SHES PA TZAM GYI DON BYED PAR YANG MI RUNG BAR SHES PAR GYIS SHIG ,DE MI RUNG BA NYID KYIS DE'I NGO BO MED PA NI DNGOS PO MED PA RNAMS KYI MTSAN NYID YIN NO ZHES BYA'O, ,'DI NYID STON PA NI SHES PA GO RIMS DANG LDAN PA NI ZHES BYA BA LA SOGS PA SMOS TE, 'DI YANG DANG PO NYID DU DBANG PHYUG RTAG PAR BSTAN ZIN TO, ,DE LAS GZHAN ZHES BYA BA BLANG BA DANG DOR BA'I RGYU MTSAN CAN SNGON PO LA SOGS PA LAS GZHAN THA DAD PA ZHES BYA BA'I DON TO, ,YANG NA DE LAS ZHES BYA BA NI MJUG SDUD PA'O, ,GZHAN ZHES BYA BA NI DE KHO NA NYID DO, ,MO GSHAM GYI BU DANG MTSUNGS PA ZHES BYA BA NI MO GSHAM GYI BU DNGOS PO MED PA NYID DU RNAM PAR 'JOG PA LA DON BYA BA BYED PAR NUS PA DANG BRAL BA LAS MA GTOGS PA RGYU MTSAN GZHAN YOD PA NI MA YIN NO, ,CI STE 'DI SKAD DU, TSANGS PA MCHOG GI BDAG NYID DE NI MNGON PAR MA THOB DANG NGES PAR LEGS PA'I 'BRAS BU'I CHOS RJES SU 'DZIN PA'I NANG GI BYED PA CAN RNAL 'BYOR PA RNAMS KYIS MTHONG NGO ZHES BRJOD PA DE YANG MI 'THAD DO ZHES BYA BA LA SOGS PA LA, GAL TE RNAL 'BYOR GOMS PA'I SHES PA LA DE'I BYA BA YOD PA YIN NA DE'I TSE RNAL 'BYOR PAS DE'I NGO BO MTHONG NGO ZHES BYA BAR 'GYUR NA 'DI NI RIGS PA MA YIN TE, DE TZAM DU JI SKAD DU BSHAD PA'I RNAM PAR SHES PA LA DE'I BYA BA MED PA'I PHYIR RO, ,'DI SNYAM DU DE'I YUL CAN GYI SHES PA SKYED PAS RNAL 'BYOR PA RNAMS KYIS DE MTHONG BA NI MA YIN TE, DE LAS MA GTOGS

189a

, ,PA'I RNAL 'BYOR PA DANG, RNAL 'BYOR PA'I SHES PA MED PA'I PHYIR RO, ,'ON KYANG RNAL 'BYOR GYI GNAS SKABS NA RANG GI BDAG NYID GSAL BA'I NGO BO DE GSAL BA NA RNAL 'BYOR PA RNAMS KYIS MTHONG BAR BRJOD DO SNYAM DU SEMS NA, GAL TE DE LTA NA SNGAR RNAL 'BYOR PA MA YIN PA'I GNAS SKABS NA DE'I NGO BO JI LTA BU ZHIG YIN PA BRJOD PAR BYA'O, ,GAL TE RTAG TU GSAL BA'I NGO BO YIN PA DE'I TSE, 'O NA RNAL 'BYOR PA MA YIN PA'I GNAS SKABS NAM YANG YOD PA MA YIN TE, TSANGS PA NI RTAG TU BDAG NYID GSAL BA'I NGO BO YIN PA'I PHYIR RO, ,DE LTA YIN DANG THAMS CAD LA 'BAD BA MED PAR THAL BAR 'GYUR RO, ,CI STE YANG, JI LTAR KHYED KYI RMI LAM LA SOGS PA'I GNAS SKABS SU SHES PA GNYIS SU MED PA YIN NA YANG SNA TSOGS KYI RNAM PA 'DZIN PAR SNANG NGO, ,DE BZHIN DU DE GNYIS SU MED PA YIN NA YANG MA RIG PA'I DBANG GIS RGYUD RNAM PAR MA DAG PA RNAMS LA DE LTAR SNANG BA YIN NO SNYAM NA; DE NI YANG DAG PA MA YIN TE, GANG DAG LA DE DE LTAR SNANG BAR 'GYUR BA DE LAS MA GTOGS PA'I RNAM PAR MA DAG PA'I RGYUD GZHAN 'GA' ZHIG YOD PA NI MA YIN NO, ,GAL TE TSANGS PA NYID DE LTAR SNANG BA YIN NO ZHE NA, DE LTA NA 'O NA THAR PA MED PAR THAL BAR 'GYUR TE, TSANGS PA NI THAMS CAD DU GNYIS KYI NGO BOR SNANG BA'I BDAG NYID YIN PA'I PHYIR RO, ,KHO BO CAG LA NI RNAM PAR DAG PA'I SHES PA GZHAN SKYE BA'I PHYIR GROL BAR RIGS PA NYID YIN LA, KHYED CAG LA NI GANG GI DBANG GIS DE DE LTAR SNANG BA ZHES BYA BAR 'GYUR BA, DE LAS MA GTOGS PA'I MA RIG PA YOD PA YANG MA YIN NO; ,YANG NA THA MI DAD PA'I MA RIG PA DE'I DBANG GIS DE NYID DE LTAR SNANG NGO ZHES BYA BA 'DI NI LEGS PAR BSHAD PA'O, ,CI STE YANG MA RIG PA'I DBANG GIS DE GSAL BA YIN NO ZHES BYA BA 'DIS NI DE'I MA RIG PA'I BDAG NYID GSAL BAR BYAS PA YIN NO SNYAM NA, GAL TE DE LTA NA THAR BA MED PAR THAL BA NYID CHES SHIN TU GSAL BAR BYAS PAR 'GYUR RO, ,GANG GIS MA RIG PA DANG BRAL BAS GROL BAR 'GYUR BA RTAG PA GCIG PU'I NGO BO TSANGS PA MA RIG PA'I BDAG NYID DU GNAS PA YIN NA, DE'I BDAG NYID KYI MA RIG PA DANG BRAL BA NI MA YIN NO, ,'ON TE MA RIG PA THA DAD PAR KHAS LEN PAR BYED NA DE LTA NA YANG

189b

RTAG PA NYID KYI PHYIR KHYAD PAR BYAR MED PA'I TSANGS PA LA DE NI CUNG ZAD KYANG MI BYED PA'I PHYIR MA RIG PA'I DBANG GIS DE LTAR SNANG BAR MI RIGS SO, ,DE LTA YIN DANG MA RIG PA DANG LHAN CIG DE 'BREL PA MED PA'I PHYIR 'KHOR BA MED PAR THAL BAR 'GYUR RO, ,DE NI DE NYID DANG GZHAN NYID DU BRJOD PAR MI NUS SO ZHES KYANG BRJOD PAR MI RIGS TE, DNGOS PO'I CHOS LA GO SKABS GZHAN MED PA'I PHYIR RO, ,DE LTA MA YIN NA DNGOS PO'I CHOS NYID DU MI 'GYUR RO, ,DNGOS PO MED PA'I DBANG GIS DE DE LTAR GSAL BAR YANG RIGS PA MA YIN TE, HA CANG THAL BAR 'GYUR BA'I PHYIR RO, ,KHO BO CAG LA NI DE LTA BUR GYUR PA'I DON BYA BA BYED PA'I RANG BZHIN LA YANG DNGOS MED CES MING BYED NA RTZOD PA MED DE, DE KHO BO CAG LA JI LTA BA BZHIN MA YIN PAR ZHEN PA'I BAG CHAGS NYID MA RIG PA YIN TE, BAG CHAGS DE YANG HA CANG ZHES BYA BA LA, NUS PA YANG RGYU'I BDAG NYID KYI SHES PA'I BDAG NYID DU GYUR PA NYID YIN NO, ,DES NA MA RIG PA'I BDAG NYID KYI SHES PA RGYUR GYUR PA SNGA MA SNGA MAS JI LTA BA BZHIN MA YIN PAR ZHEN PA'I 'BRAS BU'I SHES PA PHYI MA PHYI MA SKYE BA'I PHYIR MA RIG PA'I DBANG GIS DE LTAR GSAL BAR RIGS SO, ,MA RIG PA DE YANG RNAL 'BYOR GOMS PA'I PHYIR NUS PA MED PA'I SKAD CIG GONG NAS GONG DU SKYE BA'I RIM GYIS BRAL BA LAS SHES PA'I RGYUD RNAM PAR DAG PA SKYE BA'I PHYIR BYANG GROL THOB PA, DES NA BCINGS PA DANG THAR PA'I RNAM PAR GZHAG PA RIGS PA DANG LDAN PA YIN NO, ,KHYED LA NI DE LTA BU YOD PA MA YIN TE, TSANGS PA NI RTAG PA GCIG PU'I NGO BO NYID YIN PA'I PHYIR RO, ,GNAS SKABS GNYIS MED PA'I TSANGS PA NI GCIG NYID YIN PA'I PHYIR, GCIG THAR PA NA THAMS CAD THAR PAR THAL BAR 'GYUR BA DANG, GCIG MA GROL NA THAMS CAD KYANG MA GROL BAR THAL BAR 'GYUR BA MI ZLOGS SO, ,RNAL 'BYOR PA MA YIN PA'I GNAS SKABS NA BDAG NYID GSAL BA'I NGO BO NYID DU SGRUB PAR BYED PA'I TSAD MA 'DI LA CUNG ZAD KYANG YOD PA MA YIN LA, SHES PA NI GSAL PA'I BDAG NYID DU RANG RIG PAS GRUB PO, ,DE LTAR SGRA'I BDAG NYID NI SHES PA'I BDAG NYID THAMS CAD LA RIGS PA MA YIN NO ZHES BYA BA 'DI NI BSTAN ZIN TO, ,CI STE RNAL 'BYOR PA MA YIN PA'I GNAS SKABS NA TSANGS PA 'DI BDAG NYID GSAL BAR KHAS LEN PAR

190a

, ,MI BYED NA, DE LTA NA YANG SNGAR MED PA'I GSAL BA'I BDAG NYID DE TSANGS PA SNGAR GYI NGO BO MA DOR BAR PHYIS RNAL 'BYOR PA'I GNAS SKABS SU GA LAS BYUNG ZHES BRJOD PAR BYA'O, ,DE LTA BAS NA KHYED KYIS SGRA'I TSANGS PA SMRA BA NI LOG PAR SMRA BA YIN PA'I PHYIR SPROS PAS CHOG GO, , GTZO BO YONGS SU 'GYUR PA DANG, ,ZHES BYA BA LA SOGS PAS SNGAR BSHAD PA'I SKYON GYI LAM 'DI LA YANG BSGRE BAR BYED DO, ,DE LA, 'BRAS DE YOD PHYIR RGYU YIS NA, ,BSKYED BYA MIN TE RGYU RIG BZHIN, ,DE PHYIR MNGON 'DOD RGYU MIN TE, ,BSGRUB BYA MED PHYIR GZHAN DAG BZHIN, ,ZHES BYA BA LA SOGS PA DE LTA BU'I SKYON BRJOD PAR BYA'O, ,DE KHO NA NYID BSDUS PA'I DKA' 'GREL LAS SGRA'I TSANGS PA BRTAG PA STE LNGA PA'O,, ,,RIG BYED SMRA BA'I GZHUNG LUGS, GRUB MTHA' NYES PAR BSHAD PA'I ZHES BYA BA LA SOGS 'GOD PAR BYED DE, DE DAG NI 'DI SKAD DU SKYES BU GCIG NYID 'JIG RTEN MTHA' DAG 'BYIN PA DANG, GNAS PA DANG, 'JIG PA'I RGYU YIN LA, 'JIG PA NA YANG SHES PA'I NUS PA KHYAD PAR DU 'PHAGS PA MI 'JIG GO ZHES ZER TE, DE SKAD DU YANG, SNAL MA RNAMS LA BA THAG BZHIN, ,CHU LA CHU SHEL JI BZHIN DANG, ,LCUG MA RNAMS KYI BLAG SHA BZHIN, ,DE NI SKYE LDAN KUN GYI RGYU, ,ZHES BSHAD DO, ,DE BZHIN DU GANG YANG BYUNG BAR GYUR PA DANG GANG YANG 'BYUNG BA 'DI THAMS CAD KYI NI SKYES BU NYID YIN NO ZHES BYA'O, ,DBANG PHYUG CHOS MTSUNGS ZHES BYA BA NI DBANG PHYUG DANG CHOS MTSUNGS PA STE, GNYI GA YANG SNA TSOGS 'BYIN PA DANG, GNAS PA DANG, 'JIG PA'I RGYU MTSAN YIN PA'I PHYIR RO, ,'DI TZAM ZHIG NI KHYAD PAR YIN TE, DBANG PHYUG PAR SMRA BA RNAMS KYI DBANG PHYUG LAS THA DAD PA GZHAN YANG BDAG LA SOGS PA DANG, 'DU BA LA SOGS PA RGYUR 'DOD LA, SKYES BU SMRA BA RNAMS KYIS NI,, SKYES BU KHO NA RGYUR 'DOD DO, ,GNYI GA YANG SNA TSOGS PA 'BYIN PA DANG, GNAS PA DANG, 'JUG PA'I RGYU MTSAN GYI DNGOS POR NI MTSUNGS SO, ,GRUB MTHA' NYES PAR BSHAD PA YI, ,RJES 'JUG BLO CAN ZHES BYA BA NI GANG DAG LA GRUB MTHA' NYES PAR BSHAD PA'I RJES SU 'JUG PA'I

190b

BLO YOD PA ZHES TSIG RNAM PAR SBYAR RO, ,BAL GYI LTE BA NI BA THAG PA RKYONG NGO, ,'DI DAG LA YANG ZHES BYA BA LA SOGS PAS SUN 'BYIN PA RTZOM MO, DBANG PHYUG BZHIN ZHES BYA BA NI DRUG PA'I MTHA' CAN LAS RANG BZHIN GYI RKYEN YIN NO, ,DE LA YANG 'DI SKAD DU SKYES BU NI SKYE BA DANG LDAN PA'I RGYU MA YIN TE, SKYE BA DANG BRAL BA'I PHYIR NAM MKHA'I PAD MA BZHIN NO, ,DE LTA MA YIN NA THAMS CAD CIG CAR BAR 'GYUR RO ZHES BYA BA'I NYES PA BRJOD PAR BYA'O, ,YANG JI LTAR GZHAN DAG GIS DBANG PHYUG BSGRUB PA'I PHYIR SGRUB PAR BYED PA BRJOD PA DE LTAR SKYES BU SMRA BA RNAMS KYIS SKYES BU GRUB PAR BYA BA'I PHYIR LEN PAR BYED PA DE'I TSE DE BZHIN DU MA GRUB PA LA SOGS PA'I SKYON BRJOD PAR BYA'O, ,SUN 'BYIN PA'I RNAM PA GZHAN YANG 'DI 'DRA'I BYED PA DE DAG CES BYA BA LA SOGS SMOS TE, RTOG PA SNGON DU GTONG BA'I 'JUG PA LA DGOS PA DANG LDAN PAS KHYAB PA DE BAS NA CI'I PHYIR SKYES BU 'DI YANG 'GRO BA 'GOD PAR BYED PA 'DI 'DRA BA BYED CES BRJOD PAR BYA'O, ,GAL TE DBANG PHYUG LA SOGS PA GZHAN GYIS BSKUL BAS MI 'DOD KYANG BYED PA DE'I TSE 'DI RANG DBANG CAN DU KHAS BLANGS PA GANG YIN PA DE NYAMS PAR 'GYUR RO, ,CI STE SNYING RJES GZHAN RJES SU GZUNG BA'I DON DU BYED PA DE'I TSE, DMYAL BA LA SOGS PA SDUG BSNGAL DANG LDAN PA'I SEMS CAN SPRUL PAR BYED PAR MI 'GYUR GYI, GCIG TU BDE BA DANG LDAN PA KHO NA BYED PAR 'GYUR RO, ,GZHAN YANG 'BYIN PA STE SKYED PA'I SNGAR BRTZE BAR BYA BA SEMS CAN MED PA'I PHYIR, RJES SU BRTZE BA GANG GI DBANG GIS 'DI BYED PA PO DANG 'BYIN PA POR RTOG PA CI LA DMIGS NAS DE'I RJES SU BRTZE BAR 'GYUR, GAL TE YANG 'DI RJES SU BRTZE BAS BYED NA LHA DANG MI LA SOGS PA GANG DAG RTAG TU MNGON PAR MTHO BA DANG LDAN PA DE DAG CI'I PHYIR 'JIG PAR BYED DE, GANG YANG SDUG BSNGAL DANG LDAN PA'I RGYUD NGAN SONG BA'I SEMS CAN DE DAG NYID 'JIG PAR BYED PAR NGES SO SNYAM DU DGONGS PA'O, ,CI STE YANG RJES SU BRTZE BAR BYA BA DE DAG GIS MA MTHONG BA'I CHOS DANG CHOS MA YIN PA'I MTSAN NYID GANG YIN PA DE LA LTOS NAS 'JIG RTEN BDE BA DANG SDUG BSNGAL DANG LDAN PAR BYED DO SNYAM NA, DE YANG YOD PA MA YIN TE, DE LTA NA NI RANG DBANG CAN DU KHAS

191a

, ,BLANGS PA NYAMS PAR 'GYUR RO, ,NUS PA YIN NA 'GA' LA YANG MI LTOS PA'AM, NUS PA MED NA LTOS NAS LHA'I 'JIG RTEN DU SKYE BA'I PHYIR SKYES BU 'DI DE'I RGYU NYID NYAMS PAR 'GYUR RO, ,DE MA MTHONG BA NA LTOS PA YIN MOD KYI, 'ON KYANG YANG MA MTHONG BA'I CHOS CAN MA YIN PA'I BDAG NYID KYI SDUG BSNGAL GYI RGYU GANG YIN PA DE LA LTOS NA BRTZE BA DANG LDAN PAR MI RIGS SO, ,'ON KYANG DE DE LA BRTZE BA'I GZHAN DBANG DU GYUR PA NYID LA BTANG SNYOMS SU BYA BA NYID DU RIGS SO, ,BRTZE BA DANG LDAN PA RNAMS NI GZHAN GYI SDUG BSNGAL GYI RGYU TSOL BA MA YIN TE, DE DAG NI GZHAN SDUG BSNGAL DANG BRAL BAR 'DOD PA NYID KYIS 'JUG PA'I PHYIR RO, ,CI STE RJES SU BRTZE BAS BYED PA NI MA YIN NO, ,'O NA CI ZHE NA, RTZED MO'I DON DU'O, ,'DI YANG YANG DAG PA MA YIN TE, DE LTA NA NI RTZED MO'I DON DU BSKYED NA 'DI RANG DBANG CAN DU MI 'GYUR TE, SKYE BA DANG GNAS PA DANG, 'JIG PA'I BDAG NYID KYI RTZED MO'I RNAM PA SNA TSOGS KYI THABS LA LTOS PA'I PHYIR RO, ,GZHAN YANG RTZED MO SNA TSOGS KYI THABS GANG DAG YIN PA DE BYED PA LA GAL TE 'DI NUS PA YIN NA, DE'I TSE DE DAG CIG CAR KHO NAR BYED PAR 'GYUR LA, 'ON TE DANG POR DE LA NUS PA MED PA DE'I TSE RIM GYIS KYANG BYED PAR MI 'GYUR TE, MI NUS PA'I GNAS SKABS DANG KHYAD PAR MED PA'I PHYIR RO, ,GCIG DNGOS PO GCIG LA NUS PA'AM MI NUS PA PHAN TSUN 'GAL BA'I CHOS GNYIS RIGS PA MA YIN NO, ,CI'I PHYIR BYA BA 'DI 'DRA BA RTZOM ZHES BYA BA LA SOGS PA RTOG PA THAMS CAD DBANG PHYUG LA YANG THUN MONG YIN TE, DE'I PHYIR GANG BLO GROS BZANG POS GZHAN RJES SU GZUNG BA'I DON DU DBANG PHYUG 'JUG STE, DPER NA DON BYAS PA THUG PA KHA CIG BDAG LA PHAN PA DANG MI PHAN PA THOB PA DANG SPONG BA'I DON MED NA YANG GZHAN RJES SU GZUNG BA'I DON DU 'DOMS PAR BYED PA DE BZHIN DU DBANG PHYUG KYANG BDAG NYID KYI DBANG PHYUG GI 'BYOR PA STON CING SROG CHAGS RNAMS RJES SU 'DZIN PA LA 'JUG PAR 'GYUR RO ZHES BYA BA DANG, YANG NA NUS PA'I NGO BO NYID YIN PA'I PHYIR DPER NA DUS NI DPYID LA SOGS PA MNGON PAR GSAL BA LA RNAM GRANGS KYIS RGYU BA DANG MI RGYU BA'I

191b

RNAM PAR 'GYUR BSKYED PA'I RANG BZHIN YIN PA DE BZHIN DU DBANG PHYUG KYANG 'BYIN PA DANG, RJES SU 'DZIN PA DANG, SDUD PA'I NUS PA RNAMS GSAL BA LA RNAM GRANGS KYI SROG CHAGS RNAMS KYI SKYE BA DANG, GNAS PA DANG 'JIG PA'I RGYU NYID YIN NO ZHES SMRAS PA DE YANG 'DI NYID KYIS LAN BTAB PA YIN NO, ,'DI LTAR GZHAN RJES SU GZUNG BA'I DON DU 'JUG PA YIN NO ZHES BYA BA 'DI LA RJES SU 'DZIN PA LHUR BYED PA NA 'GRO BA GCIG TU BDE BA DANG LDAN PA BYED DO ZHES BYA BA LA SOGS PA 'DI NYID LAN YIN NO, ,NUS PA'I RANG BZHIN YIN PA'I PHYIR RO ZHES BYA BA 'DI LA YANG, 'BYIN DANG GNAS DANG SDUD PA LA, ,CIG CAR NUS PA GSAL BA NA, ,'GRO BA CIG CAR BYED PAR 'GYUR, ,DE LTA MIN NA NUS GSAL MIN, ,DBANG PHYUG 'DI NI NUS GSAL BAR, ,RIM GYIS KYANG NI 'THAD MA YIN, ,GAL TE NUS GSAL 'DI LAS GZHAN, ,DNGOS PO GCIG TU JI LTAR 'GYUR, , ZHES BYA BA'I SUN 'BYIN PA 'DI NYID YIN NO, ,DUS NI DPYID LA SOGS PA MNGON PAR GSAL BA LA RNAM GRANGS KYIS 'JUG PA LA NYES PA 'DI NYID YIN NO, ,GRANG BA DANG DRO BA THA DAD PA GNYIS BSTAN PA'I DNGOS PO NYID SKAD CIG RE RE LA 'JIG PA NI DUS ZHES BYA BA 'DI NI PHYIS STON PAR 'GYUR RO,, 'ON TE 'DI 'BYIN LA SOGS PA, ,ZHES BYA BA LA SOGS PAS GSAL BYED PA'I LUGS KYI DOGS PA BSU BA YIN TE, DES SMRAS PA, LEGS LDAN BYED NI RTZED MO'I DON DU 'JUG PA NI MA YIN GYI, 'ON KYANG JI LTAR SA LA SOGS PA'I 'BYUNG BA CHEN PO RNAMS RANG GI 'BRAS BU LA 'JUG PA GANG YIN PA NI RANG BZHIN NYID DE 'DRA BA YIN TE, DE BZHIN DU DBANG PHYUG KYANG YIN NO ZHE'O, ,DE YANG 'DI MI RIGS TE, DE LTA NA DNGOS PO THAMS CAD DE'I BYA BA TZAM DU 'BYUNG BA'I RGYU NUS PA MA TSANG BA MED PA NYE BA'I PHYIR CIG CAR SKYE BAR 'GYUR RO, ,BLO DANG LDAN PA'I KHYAD PAR YANG RIGS PA MA YIN NO ZHES KHO BO CAG GIS DANG PO NYID DU BSTAN ZIN TO, ,GAL TE DE LTA NA ME LA SOGS PA'I 'BRAS BU YANG CI'I PHYIR CIG CAR 'BYUNG BAR MI 'GYUR ZHE NA, RANG RGYU'I STOBS LAS BYUNG BA YI, ,ZHES BYA BA LA SOGS PA SMOS TE, DE DAG GI ZHES BYA BA NI ME LA SOGS PA'I 'O, ,'ANG GI SGRA NI DBANG PHYUG

192a

, *, ,KHO NAR MA ZAD CES BYA'O, ,NGES PA 'DI ZHES BYA BA NI RANG GI RGYU'I STOBS KYIS BYAS PA'O, ,'DI SNYAM DU BAL GYI LTE BA CAN CI'I PHYIR RANG GI 'BRAS BU BRGYA LA SOGS PA LA NGO BO NYID KYIS 'JUG PAS CIG CAR MI BYED NA, BAL GYI LTE BA'AM RANG BZHIN GYIS, ,ZHES BYA BA LA SOGS PA SMOS TE, BA THAG PA RKYONG YANG RANG BZHIN GYIS 'JUG PA MA YIN NO, ,'O NA CI ZHE NA, SROG CHAGS ZA BAR 'DOD PA'I PHYIR, ,RES 'GA' YIN PA'I PHYIR DANG, NGES PA'I RGYU LAS BYUNG BA'I PHYIR RO SNYAM DU DGONGS PA'O, ,'DI NI RTAG PA DANG GCIG PU'I NGO BO MA YIN TE, DE LA YANG RANG GI RGYU'I STOBS LAS BYUNG BA'I NUS PA RES 'GA' BA YIN NO, ,CI STE YANG BRTZE BAS KYANG MA YIN LA, RTZED MOS KYANG MA YIN TE, 'ON KYANG BLO DANG MI LDAN PA GANG DU 'GRO BAS CI ZHIG LTAR 'JUG PA YIN NO SNYAM NA, GAL TE JI ZHIG LTAR ZHES BYA BA LA SOGS PA SMOS TE, DE LTA NA NI SHIN TU MI SHES PA NYID KYIS NYA PA LA SOGS PA THA MAL PA'I SKYES BU LAS 'DI'I TSIG JI LTAR RTOG PA DANG LDAN PAS GZUNG BAR 'OS PAR 'GYUR, BLO LDAN ZHES BYA BA NI RTOG PA DANG LDAN PA'O, ,NYA PA NI NYA SHOR BA'O, ,SKYES BU SUN 'BYIN PA 'DI NYID KYIS GANG YANG DPA' BO'I BU LA SOGS PA GZHAN DAG GIS 'GRO BA'I BYED PA POR BRTAGS PA DE DAG KYANG GSAL BAR SHES PAR BYA'O ZHES STON PA NI, DPA' BU BDAG SKYES ZHES BYA BA LA SOGS PA'O, ,DE LA DPA' BU NI KHYAB 'JUG GO, ,BDAG SKYES NI TSANGS PA'O, ,SOGS PA'I SGRAS GZHAN GYIS 'DOD PA'I BLO DANG LDAN PA'I DUS GANG YIN PA DE GZUNG NGO, ,JI SKAD DU, DUS KYI 'BYUNG BA MIN PAR BYED, ,DUS KYIS SKYE DGU SDUD PAR BYED, ,DUS KYIS GNYID LOG SAD PAR BYED, ,DUS NI 'DA' BAR DKA' BA YIN, ,ZHES SMRAS PA LTA BU'O, ,GNYID LOG PA LA ZHES BYA BA NI 'JIG PA'I DUS 'JIG RTEN NA THIM PA ZHES BYA BA'I DON TO; ,DE LTA BUR GYUR PA BLO NGAN PAS KUN DU BRTAGS PA GZHAN DAG KYANG SOGS PA SMOS PAS BSDU'O, ,DE KHO NA NYID BSDUS PA'I DKA' 'GREL LAS SKYES BU BRTAG PA STE DRUG PA'O,, ,,BDAG GI BYA BA DANG BRAL BA NYID DU BSTAN PA'I PHYIR, GZHAN DAG KYANG NI ZHES BYA BA LA SOGS PA

192b

SMOS TE, GZHAN DAG KYANG NI ZHES BYA BA NI RIGS PA CAN DANG, BYE BRAG PA RNAMS SO, ,DE DAG NI LUS DANG DBANG PO DANG BLO LAS THA DAD PA'I BDAG CES BYA BA'I RDZAS 'DOD PA DANG, SDANG BA DANG 'BAD PA DANG, BDE BA DANG, SDUG BSNGAL DANG, SHES PA DANG, CHOS DANG, CHOS MA YIN PA DANG, 'DU BYED RNAMS KYI RTEN 'DU BA'I RGYU SEMS MED PA'I NGO BO MI 'JIG PA THAMS CAD DU 'GRO BA, DGE BA DANG MI DGE BA'I LAS THA DAD PA RNAMS KYI BYED PA PO DE'I 'BRAS BU 'DOD PA DANG MI 'DOD PA'I ZA BA POR YONGS SU RTOG PAR BYED DO, ,DE LTA MA YIN TE GAL TE BDAG MED PAR 'GYUR NA DE'I TSE SHI NAS LAS KYI 'BRAS BU LA LONGS SPYOD PA DE SU YIN, GZHAN GYIS BYAS PA GZHAN LONGS SPYOD PA NI MA YIN TE, DE LTA NA NI MA BYAS PA DANG PHRAD PA'I SKYON DU 'GYUR TE, BYED PA PO MA YIN PA NYID 'BRAS BU DANG 'BREL PA'I PHYIR RO, ,BYAS PA CHUD GSON PAR YANG 'GYUR TE, BYED PA PO 'BRAS BU DANG 'BREL PA MED PA'I PHYIR RO, ,DE LTAR 'DOD PA YANG MA YIN TE, DE LTA BAS NA GDON MI ZA BAR GANG KHO NA BYED PA PO DE KHO NA ZA BA POR KHAS BLANG BAR BYA BA YIN NO ZHES YONGS SU RTOG PAR BYED DO, ,DES NA BYED PA PO DANG ZA BA PO GANG YIN PA DE NI BDAG YIN NO, ,YANG GAL TE 'DI SEMS KYI NGO BO MA YIN NA DE'I PHYIR JI LTAR MI SHES PA BYED PA POR RIGS SHE NA, SEMS 'BREL PHYIR ZHES BYA BA LA SOGS PA SMOS TE, 'DI SEMS DANG 'BREL BA'I PHYIR SHES PAR BYED PA YIN PAS SEMS YIN GYI, JI LTAR SER SKYA PA SKYES BU'I RANG GI NGO BO SEMS CAN YIN NO ZHES RJOD PAR BYED PA LTAR SEMS KYI NGO BO NYID YIN PA'I PHYIR RANG GI NGO BO NI MA YIN NO, ,'O NA GAL TE RTAG PA 'DI NYID JI LTAR BYED PA PO DANG ZAB PO MA YIN PA'AM, JI LTAR DE'I SKYE BA'AM, 'CHI BA'AM, GSON PA RNAM PAR 'JIG STE, RTAG PA DANG GCIG PU'I NGO BO LA NI 'DI THAMS CAD RUNG BA MA YIN TE, DPER NA NAM MKHA' BZHIN NO ZHE NA, SHES DANG ZHES BYA BA LA SOGS PA SMOS TE, SHES PA DANG, 'BAD PA DANG, BYED PAR 'DOD PA LA SOGS PA RNAMS BDAG DE LA 'DU BA NI BYED PA PO NYID DO, ,BDE BA LA SOGS PA NYAMS SU MYONG BA DANG 'DU BA NI ZA BA PO NYID DO, ,RIS MTHUN PA KHYAD PAR CAN DANG, LUS DANG, DBANG

193a

, ,PO DANG, BLO DANG, TSOR BA SNGA NA MED PA DAG DANG 'BREL PA NI, BDAG DE'I SKYE BA YIN PAR BRJOD DO, ,RIS MTHUN PA NI LHA DANG MI LA SOGS PA'I BYE BRAG GO, ,TSER BA DAG DANG ZHES BYA BA LA, DANG GI SGRAS LUS DANG DBANG PO DAG SDUD PAR BYED DO, ,DE LA LUS DANG DBANG PO DANG YANG DAG PAR LDAN PA'I MTSAN NYID NI DE'I 'BREL PA'O, ,BLO DANG TSOR BA DAG NI 'DU BA'I MTSAN NYID DO, ,JI LTAR LDAN PA DANG LDAN ZHE NA, DE LA YANG LDAN PA DANG LDAN PA YOD DO, ,DE'I MA MTHONG BAS MNGON PAR 'DUS BYAS PA'I RNA BA'I BU GA NI BDAG DANG LDAN LA, DE DANG YANG NAM MKHA'I BDAG NYID KYI RNA BA DANG LDAN NO, ,SNGAR THOB PA STE, SNGON NYE BAR BLANGS PA'I LUS DANG, DBANG PO DANG, BLO DANG, TSOR BA RNAMS DANG BRAL BA NI 'DI'I 'CHI BAR BRJOD DO, ,DE'I GSON PA NI LUS DANG BCAS PA CHOS DANG CHOS MA YIN PA LA LTOS PA'I YID DANG LDAN PA GANG YIN PA'O, ,'TSE BA NI LUS DANG MIG LA SOGS PA LA GNOD PA'I PHYIR BDAG 'DI LA 'TSE BAR RTOG STE BRJOD DO ZHES BYA BA'I DON TO, ,DE BZHIN DU YANG 'BRAS BU'I RTEN DANG BYED PA PO LA GNOD PA NI 'TSE BA YIN NO ZHES BYA BA NI MDO YIN NO, ,'BRAS BU'I RTEN NI LUS TE, BDE BA LA SOGS PA 'BRAS BU'I RTEN YIN PA'I PHYIR RO,, BYED PA PO NI DBANG PO YIN TE, YUL DMIGS PA'I BYED PA PO YIN PA'I PHYIR RO, ,YANG JI LTAR BDAG 'DI YOD PA NYID DU SHES PAR BYA BA ZHES BYA BA 'DI LA, RE ZHIG RNA MA PHUG PA TSAD MA BYED PA NI BDAG CAG GI YOD PA LA SOGS PAR KHYAD PAR MED PA'I YUL DANG, YUL MA YIN PA'I SHES BYA'I YUL CAN BDAG GI MNGON SUM DANG RJES SU DPAG PA DANG, NYE BAR 'JAL BA DANG, SGRA DANG, DRAN PA DANG, NGO SHES PA DANG, GRUB PAS MTHONG BA DANG, GTZUG LAG DANG, THE TSOM DANG, PHYIN CI LOG DANG, MA NGES PA DANG, RMI LAM DANG, RMI LAM GYI MTHA'I SHES RAB KYI KHYAD PAR RNAMS NI BDAG GI LUS LA SOGS PA LAS THA DAD PA'I RIG PAR BYED PAS RIG PAR BYA BA YIN TE, RANG GI RGYU LA RAG LAS PA DANG, SKYE BA DANG LDAN PA DANG, SPYI DANG KHYAD PAR DANG LDAN PA DANG, RTOGS PA'I BDAG NYID DANG, SHIN TU MYUR BA DANG, 'JIG PA NYID DANG, 'DUS BYAS SKYED PAR BYED PA NYID DANG, SHES PA

193b

NYID YIN PA DAG GI PHYIR SKYES BU GZHAN GYI SHES PA BZHIN NO, ,CHOS MI MTHUN PAS NI ZHIG PA'I BUM PA LA SOGS PA BZHIN NO ZHES BYA BA YIN NO, ,DE LA YOD PA LA SOGS PAR KHYAD PAR MED PA NI SNGAR BSHAD PA DRUG GO, ,YOD PA LA SOGS PA DRUG PO DA DAG GI YUL NI RDZAS DANG, YON TAN DANG, LAS RNAMS SO, ,YUL MA YIN PA NI SPYI DANG, KHYAD PAR DANG, 'DU BA RNAMS SO, ,DE GNYI GA'I BDAG NYID KYI SHES BYA'I YUL CAN MNGON SUM LA SOGS PA'I SHES RAB KYI KHYAD PAR GANG DAG LA YOD PA DE DAG LA DE SKAD CES BYA'O, ,MNGON SUM DANG, RJES SU DPAG PA DANG, NYE BAR 'JAL BA ZHES BYA BA LA SOGS PA NI ZLAS DBYE BAR BSTAN TO, ,GRUB PAS MTHONG BA NI GANG SKAR MA SHES PA'I BSTAN BCOS LA SOGS PA STON PA STE, DE NI GRUB PA RNAMS KYI MTHONG BA'AM, MTHONG BA GRUB PA YIN PAS GRUB PA MTHONG BA ZHES BYA'O, ,GTZUG LAG NI SPOBS PA'I SHES PA STE, DPER NA SNGAR BDAG GI SPUN ZLA'I NGO SHES ZHES BYA BA LTA BU'O, ,DE YANG PHAL CHER DRANG SRONG RNAMS LAS 'BYUNG BAS GTZUG LAG CES BYA'O, ,THE TSOM NI YID GNYIS SO, ,PHYIN CI LOG NI BZLOG PA'O, ,MA NGES PA NI YUL MA NGES PA'O, ,DANG PO RMI LAM GYI GNAS SKABS SU BYUNG BA'I SHES PA NI RMI LAM MO, ,RMI LAM GYI MTHA' NI DE'I YUL LA RMI LAM NA YANG SHES PA GZHAN 'BYUNG BA GANG YIN PA DE YIN TE, SHES RAB KYI KHYAD PAR RO, ,LHAG MA NI GO BLA'O, ,TSAD MA DE DON GYIS BSTAN PA'I PHYIR, BDAG GI ZHES BYA BA'I SHES PA LA ZHES BYA BA LA SOGS PA SMOS TE, LUS LA SOGS PA ZHES BYA BA 'DI LA SOGS KYI SGRAS BLO DANG, DBANG PO DANG, TSOR BA RNAMS GZUNG NGO, ,SHES PHYIR ZHES BYA BA NI MTSON PA STE, RGYU LA RAG LAS PA DANG, SKYE BA DANG LDAN PA LA SOGS PA DE LAS KYANG GZHAN PA DAG KYANG GZUNG BAR BYA'O, ,BDE BYED BDAG PO YANG TSAD MA RNAM PA GZHAN DU BYED DE, 'DOD PA LA SOGS PA NI 'GA' ZHIG LA BRTEN PA YIN TE, DNGOS PO YOD PA'I 'BRAS BU YIN PA'I PHYIR GZUGS LA SOGS PA BZHIN NO ZHES BYA BA STE, DE STON PA NI 'DOD PA LA SOGS ZHES BYA BA LA SOGS PA'O, ,DNGOS PO SMOS PA'I PHYIR ZHES BYA BA LA SOGS PAS DNGOS PO YOD PA'I ZHES BYA BA'I KHYAD PAR 'BRAS BU DANG BCAS PAR STON PAR BYED DO, ,GSAL BYED PAS TSAD MA

194a

, ,SBYOR BA NI LHA SPYIN GYI GZUGS DANG, RO DANG, DRI DANG, REG PA'I SHES PA RNAMS NI GCIG DANG DU MA RGYU MTSAN CAN TE, BDAG GIS ZHES BYA BA'I SHES PAS MTSAMS SBYOR BAR BYED PA'I PHYIR DANG, BRDA BYAS PA RNAMS GAR MKHAN GYI SMIN MA BSKYOD PA LA CIG CAR SKYES BU DU MA'I SHES PA BZHIN NO, ,'DI'I DON NI 'DI YIN TE, DPER NA GAR MKHAN SMIN MA BSKYOD MA THAG TU KHO BO CAG GIS GOS 'PHANG PAR BYA'O ZHES BYA BA DE LTA BU BRDAR BYAS PA MANG PO RNAMS KYI BYED PA PO DU MA SHES PA DU MAR GYUR PA'I RGYU MTSAN NI SMIN MA BSKYOD PA GCIG YIN PA'I PHYIR BDAG GIS MTHONG NGO, ,BDAG GIS MTHONG NGO ZHES MTSAMS SBYOR BAR BYED DO; ,DE BZHIN DU 'DI LA YANG SNA TSOGS PA'I YUL CAN GYI SHES PA'I RGYU MTSAN GCIG NYID KYI PHYIR MTSAMS SBYOR BA YIN TE, RGYU MTSAN GCIG PO GANG YIN PA DE NI BDAG CES BYA'O, ,DANG POR MTSAMS SBYOR BA NGAS MTHONG NGO, ,NGAS THOS SO ZHES BYA BA DE LTA BU LA SOGS PA'I SHES PA RNAMS SHES PA GCIG GI RGYU MTSAN GYIS BYAS PA YIN LA, GAR MKHAN GYI SMIN MA BSKYOD PA NI SHES PA RNAMS YUL GCIG PA NYID DU BSTAN PA NI MTSAMS SBYOR BA YIN NO, ,RNAM PA THAMS CAD DU DON GCIG RGYU MTSAN DU BYAS PA GANG YIN PA SHES PA RNAMS KYI 'BREL PA NI MTSAMS SBYOR BA ZHES BRJOD DO, ,TSAD MA DE 'DI NYID KYIS BSTAN PA'I PHYIR, GZUGS SOGS SHES PA ZHES BYA BA LA SOGS PA SMOS TE, GO BAR SLA'O, ,'DI NI DE'I SBYOR BA GZHAN YIN TE, BDAG GO ZHES BYA BA'I TSIG NI LUS DANG, DBANG PO DANG, YID DANG, BLO DANG, TSOR BA'I TSOGS LAS MA GTOGS PA RJOD PAR BYED PA YIN TE, RNAM GRANGS NGES PA LAS THA DAD PA NYID YIN PA NA GCIG GI TSIG YIN PA'I PHYIR BUM PA LA SOGS PA'I SGRA BZHIN NO, ,DE 'CHAD PA NI 'DI LTAR BDAG CES BYA BA LA SOGS PA STE, RNAM GRANGS NGES LAS THA DAD NA, ,ZHES BYA BA NI BLO DANG DBANG PO LA SOGS PA RNAM GRANGS GRUB PA'I BLO LA SOGS PA GANG DAG YIN PA DE DAG LAS THA DAD PA YIN PA NA ZHES BYA BA'I DON TO, ,JI SKAD BSTAN PA'I CHOS KYIS NI, ,ZHES BYA BA NI BLO LA SOGS PA LAS THA DAD PA'I DON BRJOD PA NYID KYIS SO, ,GANG YANG DE LTAR YONGS NGES PA, ,ZHES BYA BA NI RNAM GRANGS NGES PA LAS THA DAD PA'I GCIG GI TSIG NYID KYIS SO, ,YANG DE NYID LDOG PA'I SGO NAS BDAG

194b

GRUB PAR BYA BA'I PHYIR GTAN TSIGS SBYOR BAR BYED PA NI, GSON PA'I LUS 'DI NI BDAG MED PA MA YIN TE, SROG LA SOGS PA DANG MI LDAN PAR THAL BAR 'GYUR BA'I PHYIR BUM PA LA SOGS PA BZHIN NO ZHES BYA BA'O, ,DE STON PAR BYED PA NI, GSON PO YIN NI ZHES BYA BA LA SOGS PA'O, ,'DI LA BDAG MED CES BYA BA NI GSON PO'I LUS 'DI LA'AM, YANG NA BDAG 'DI LA BDAG MED PA DANG RANG BZHIN MED PA MED KYI, 'ON KYANG YOD PAR GRUB PO ZHES BYA BA'I DON TO, ,CI STE RTAG PA NYID DANG KHYAB BDAG NYID DU JI LTAR RTOGS PAR BYA ZHES BYA BA 'DI LA, RE ZHIG RNAM PHUG PA TSAD MA STON PA NI, DE MA YIN PA'I DUS SU NGA'I RAB TU SHES PA NI, MA'I LTO NAS BYUNG MA THAG PA'I DUS KYI BDAG GI DANG PO'I RIG PAR BYED PA'I RAB TU SHES PA DAG GIS RIG PAR BYA BA YIN TE, NGA'I RAB TU SHES PA YIN PA'I PHYIR BDAG GI DANG PO'I RAB TU SHES PA BZHIN NO, ,DE BZHIN DU SDUG BSNGAL LA SOGS PA YANG PHYOGS SU BYA'O, ,'DI YANG RTAG PA NYID DU RJES SU DPAG PA'O, ,DA 'DI NYID STON PAR BYED PA NI, SHES PA PHYI MA THAMS CAD NI, ,ZHES BYA BA LA SOGS PA'O, ,DE DANG PO BZHIN ZHES BYA BA NI DUS PHYIS BYUNG BA'I SHES PA DE'I DANG PO NI DE'I DANG PO'O, ,DE NYID KYI KHYAB PA NYID BSGRUB PA'I PHYIR TSAD MA STON PA NI, SA DANG, CHU DANG, ME DANG, YID LOG PAR RTOGS PA'I YUL DU GYUR PA'I CHES RING DU GNAS PA RNAMS NI NGA'I BDAG DANG LHAN CIG 'BREL PA YIN TE, LUS CAN NYID DANG, SHUGS DANG LDAN PA DANG, GZHAN NYID DANG, GZHAN MA YIN PA NYID DANG, PHAN TSUN YANG DAG PAR SBYOR BA DANG, RNAM PAR DBYE BA DANG LDAN PA DAG GI PHYIR NGA'I LUS PO BZHIN NO ZHES BYA'O, ,DE STON PA NI YUL THAG RING POR 'JUG PA'I ZHES BYA BA LA SOGS PA'O, ,DE LTAR ZHES BYA BA LA SOGS PAS MJUG SDUD PA'O, ,DE'I PHYIR RE ZHIG CES BYA BA LA SOGS PAS LAN 'DEBS PAR BYED DO, , SGRUB BYED DANG PO ZHES BYA BA NI NGA'I ZHES BYA BA'I SHES PA DANG ZHES BYA BA LA SOGS PA DE LA GRUB PA LA SGRUB PA NYID DE, KHYED CAG GI SHES PA RNAMS KHO BO CAG GIS KHYED KYI LUS LA SOGS PA LAS THA DAD PA THAMS CAD MKHYEN PA DANG, NYAN THOS DANG, RANG SANGS RGYAS LA SOGS PA DANG, DE LAS

195a

, ,GZHAN PHA ROL GYI SEMS SHES PA RNAMS KYIS NYAMS SU MYONG BAR KHAS BLANGS PA'I PHYIR RO, ,GANG YANG SKYES BU GZHAN GYI SHES PA BZHIN NO ZHES BYA BA'I CHOS MTHUN PA'I DPE DE BSGRUB PAR BYA BA DANG BRAL BA YIN NO ZHES BSTAN PA'I PHYIR, GSAL BAR BYED PA LTOS MED PAR, ZHES BYA BA LA SOGS PA SMOS TE, GANG GI PHYIR SKYES BU GZHAN DANG 'BREL BA'I SHES PA YANG GSAL BAR BYED PA GZHAN LA MI LTOS PAR RANG RIG PA'I NGO BO NYID DU SKYE STE, DES NI LUS LA SOGS PA LAS THA DAD PA'I RIG PAR BYED PAS RIG PAR BYA BA NYID KYI BSGRUB BYAS DPE 'DI STONG PA NYID YIN NO, CI STE YANG GZHAN DAG GIS SEMS TZAM DPER BRJOD PAR MI 'DOD MOD KYI, 'ON KYANG YUL LA SOGS PA'I SHES PA GANG LAS YONGS SU 'DZIN PA'I SHES PA DE'I RNAM PA SKYE BA DE 'DIR DPER BRJOD PAR 'DOD DO SNYAM NA, DE YI RNAM PAR NYER BSGYUR BAS, ,ZHES BYA BA LA SOGS PA SMOS TE, DE LTA NA YANG GANG RANG RIG PA'I NGO BO NYID KYIS SHES PA RIG PAR BYED PA'I SHES PA GZHAN DANG BRAL BA SKYE LA, DES NA THE TSOM DU 'GYUR TE, GTAN TSIGS MA NGES PA YIN NO ZHES BYA BA'I THA TSIG GO, ,CI STE DE YANG RANG LAS THA DAD PA'I RIG PAR BYED PAS RIG PAR BYA BA YIN TE, SKYE BA DANG 'JIG PA'I CHOS DANG LDAN PA NYID DANG, GZHAL BYA NYID DANG, DRAN PAR BYA BA YIN PA'I PHYIR YUL BZHIN NO ZHES BYA BAR 'DOD NA DE'I PHYIR 'DI LA YANG BSGRUB PAR BYA BA LAS BZLOG PA LA GNOD PAR BYED PA MED PA'I PHYIR BZLOG PA MA NGES SO, ,SHES PA PHYI MA PHYI MAS NYAMS SU MYONG NA YANG THUG PA MED DO, ,GSAL BA MI GSAL BA CAN NI YUL DU MI 'GRUB STE, DE'I PHYIR YUL GCIG BSGRUB PA'I PHYIR SHES PA'I RGYUD PA KHAS BLANGS NA SKYES BU'I TSE MTHA' DAG DGOS SO, ,CI STE YANG THUG PA MED PAS 'JIG PAS SHES PA CUNG ZAD CIG RANG RIG PA'I NGO BOR SKYE'O ZHES BYA BAR 'DOD NA, DE'I TSE DE DAG NYID KYI SKYE BA DANG 'JIG PA'I CHOS DANG LDAN PA'I PHYIR ZHES BYA BA LA SOGS PA'I GTAN TSIGS RNAMS MA NGES PA YIN NO, ,DE BZHIN DU SHES PA GZHAN DAG LA YANG RANG RIG PA NYID KHAS LAN PA LA SDANG DU CI YOD, CI STE YANG DE NI RIG PA MA YIN PA'I NGO BO NYID DU 'DOD NA, DE LTA NA YANG MA GRUB PA NA SHES PA SNGA MA

195b

SNGA MA THAMS CAD LA SGRUB STE, GSAL BA MI GSAL BA CAN YIN PA'I PHYIR RO, ,DE LTA YIN DANG YUL YANG 'GRUB PAR MI 'GYUR RO, ,RNAM PAR SHES PAR SMRA BA GANG DAG SHES PA THAMS CAD NI GZUNG BA DANG 'DZIN PA DANG BRAL BA'I PHYIR RANG NYID GSAL BA YIN GYI, SHES PA GZHAN GYIS RTOGS PAR BYA BA NI MA YIN NO ZHES 'DOD PA DE LA BSGRUB PAR BYA BA MA TSANG PA'I NYES PA G-YO BA MED PA NYID DO, ,DA BZHIN DU RGYU LA RAG LAS PA DANG, SKYE BA DANG LDAN PA LA SOGS PA'I SGRUB PAR BYAD PA GZHAN DAG LA YANG GRUB PA LA SGRUB PA LA SOGS PA'I SKYON BRJOD PAR BYA'O, ,GANG YANG YOD PA LA SOGS PA ZHES BYA BA LA SOGS PA CHOS CAN KHYAD PAR DU BYAS PA DE YANG SNGA MA BZHIN DU DON MED PA YIN NO, ,'DI YANG SKABS SU BAB PA'I BSGRUB BYA SGRUB PA LA YAN LAG MA YIN TE, 'DI LTAR NGA'I MNGON SUM LA SOGS PA'I SHES PA NI NGA'I LUS LA SOGS PA LAS THA DAD PA'I RIG PAR BYED PAS RIG PAR BYA BA YIN TE ZHES BYA BA 'DI CAM ZHIG GIS CI ZHIG MA RTOGS, MNGON SUM DANG RJES SU DPAG PA LA SOGS PA'I RNAM PAR DBYE BAS CHOS CAN RAB TU DBYE BA YANG DON MED PA NYID YIN TE, NGA'I SHES PA ZHES BYA BA DE TZAM ZHIG KHO NAS RTOGS PA'I PHYIR RO, ,JI SKAD BSHAD PA'I KHYAD PAR GYIS KHYAD PAR DU BYAS PA'I CHOS CAN PHYIR RGOL BDAG LAM GRUB PA NYID YIN PA'I PHYIR GTAN TSIGS RNAMS GZHI MA GRUB PA KHO NA'O, ,CI STE YANG 'BRAS BU MED PA'I KHYAD PAR BLANGS NAS, DE BSGRUB PA'I DON DU SGRUB BYED GZHAN NYID BRJOD PA DE LTA YIN NA, SKABS KYI DON LAS SKABS MA YIN PA MA 'BREL PA'I DON CAN DON GZHAN NI TSAR GCAD PA'I GNAS SU 'GYUR RO, ,GANG YANG 'DOD PA LA SOGS PA, ,ZHES BYA BA LA SOGS PA SMRAS PA DE LA, 'DI LTAR 'DOD PA LA SOGS PA, ,ZHES BYA BA LA SOGS PA SMOS TE, DE LA 'DOD PA LA SOGS PA'I RTEN RGYU TZAM ZHIG SGRUB NA, DE'I TSE GRUB PA LA SGRUB STE, KHO BO CAG 'DOD PA LA SOGS PA RGYU MED PAR NI MI 'DOD DE, GZHI YI SEMS DANG SEMS BYUNG RNAMS, ,ZHES BSHAD PA'I PHYIR RO, ,YONGS SU RTOG NA NI ZHES BYA BA NI SMRA BAR BYED NA ZHES BYA BA'I DON TO, ,CI STE GZHI'I MTSAN NYID KYI RTEN SGRUB NA DE'I TSE DAM BCAS PA'I DON RJES SU

196a

, ,DPAG PAS GNOD PA'I PHYIR DES GTAN TSIGS LA KHYAB PA MI 'GRUB PO ZHES STON PA NI, GAL TE DE RTEN NI ZHES BYA BA LA SOGS PA'O, ,'DOD PA LA SOGS PA DE DAG GI GZHI NI DE'I RTEN YIN NO, ,DNGOS PO LUS CAN THUR DU LTUNG BA'I CHOS CAN YIN NA LTUNG BA'I GEGS BYAS PAS RTEN DU BRTAG NA, GANG DAG BDE BA LA SOGS PA LTUNG BAS STONG PA DE DAG LA 'OG TU LTUNG BA MI SRID PA'I PHYIR, CI ZHIG BYED PA NA BDAG LA SOGS PA RTEN DU 'GYUR, 'ON TE DPER NA BUM PA LA SOGS PA CUNG ZAD MI BYED PA RNAMS KYANG RGYA SHUG LA SOGS PA'I RTEN MA YIN NAM, DE BZHIN DU BDE BA LA SOGS PA'I RTEN DU 'GYUR RO ZHE NA, RGYA SHUG 'BRAS BU ZHES BYA BA LA SOGS PA SMOS TE, LTUNG BA'I GEGS DAG BYED PHYIR RAM, ,ZHES BYA BA NI SKAD CIG MA MA YIN PA'I PHYOGS LA'O, ,KHYAD PAR SKYED PAR BYED PHYIR RO, ,ZHES BYA BA NI SKAD CIG MA'I PHYOGS LA'O, ,KHYAD PAR SKYED PAR BYED PA NI NYE BAR LEN PA'I RGYU DANG YUL MTSUNGS PAR SKYED PAR BYED PA'O, ,'DOD PA LA SOGS PA DE DAG LA RNAM PA 'DI GNYI G-YANG MI SRID PA'I PHYIR, DE DAG LA RTEN 'GA' YANG RIGS PA MA YIN NO, ,GANG YANG DNGOS PO YOD PA'I ZHES BYA BA'I KHYAD PAR DE NI DON MED PA NYID YIN TE, RNAM PAR GCAD PAR BYA BA MED PA'I PHYIR RO ZHES BSTAN PA'I PHYIR, 'JIG PA'I NGO BO MED PA LA, ,ZHES BYA BA LA SOGS PA SMOS TE, GAL TE 'JIG PA'I 'BRAS BU YIN PAR GYUR NA DE'I TSE RNAM PAR GCAD PAR BYA BA'I PHYIR, DNGOS PO YOD PA'I ZHES BYA BA'I KHYAD PAR DON DANG BCAS PAR 'GYUR NA, JI TZAM DU DE DNGOS PO MED PA'I PHYIR RGYU DAG GIS CUNG ZAD KYANG BYA BA MA YIN PA'I PHYIR JI LTAR RGYU DANG LDAN PAR 'GYUR, SBYOR BA NI GANG DNGOS PO MED BA DE NI 'GA'I YANG 'BRAS BU MA YIN TE, DPER NA RI BONG GI RVA BZHIN NO, ,'JIG PA YANG DNGOS PO MED PA YIN NO ZHES BYA BA NI KHYAB BYED 'GAL BA DMIGS PA'O, ,'BRAS BU YIN NA DNGOS PO NYID DU THAL BAR 'GYUR TE, BDE BA LA SOGS PA BZHIN NO ZHES BYA BA 'DI NI 'DIR GNOD PA CAN GYI TSAD MA'O, ,GZHAN YANG KHYED CAG KHAS BLANGS PA DANG 'GAL BA YANG YIN TE, 'DI LTAR 'BRAS BU ZHES BYA BA NI RANG GI RGYU DANG 'DU BAS SAM, YOD PA DANG 'DU BAS BDAG THOB PA ZHES

196b

BRJOD PA NI KHYED CAG GI NGES PA YIN NO, ,RDZAS LA SOGS PA'I RANG BZHIN DANG BRAL BA'I 'JIG PA LA NI RANG GI RGYU LA 'DU BA 'AM, DE LA YOD PA DANG MED PA YANG MA YIN TE, DE NI NGO BO MED PA YIN PA'I PHYIR RO, ,DE LTA MA YIN NA 'DI NA 'DI RDZAS LA SOGS PA BZHIN DU STON PA DANG DNGOS POR YANG 'GYUR BA'I PHYIR GTAN TSIGS KYI KHYAD PAR GYIS RNAM PAR DPYAD PAR BYA BA CUNG ZAD DU YANG MI 'GYUR RO, ,DE'I PHYIR DNGOS PO YOD PA ZHES BYA BA'I KHYAD PAR DON MED DO, ,GZUGS SOGS SHES PA ZHES BYA BA LA SOGS PA LA, MA RIG PA YIS ZHES BYA BA LA SOGS PA SMOS TE, NGAS MTHONG NGO, , NGAS THOS SO ZHES BYA BA DE LTA BU'I SHES PA PO GCIG GI RGYU MTSAN GYIS SHES PA RNAMS SBYOR BA'I MTSAN NYID KYI MTSAMS SBYOR BA GANG YIN PA DE 'DI MA NGES PA YIN TE, 'DI LTAR DNGOS PO SKAD CIG MA RNAMS LA YANG 'KHRUL PAS BYED PA PO GCIG TU MNGON PAR RLOM PAS MTSAMS SBYOR BA SRID PA'I PHYIR RO, , DE LTA BAS NA DE LTA BUR GYUR PA'I MTSAMS SBYOR BA LAS DNGOS PO RNAM PAR 'JOG PAR RIGS PA MA YIN NO, ,YANG JI LTAR SKAD CIG MA MANG BO MTSAMS SBYOR BA'I RGYU MTSAN DU 'GRO BA YIN ZHE NA, NUS PA'I DBYE BAS THA DAD KYANG, ,ZHES BYA BA LA SOGS PA SMOS TE, NUS PA'I KHYAD PAR LAS DON DU MA YIN YANG GCIG GI RNAM PAR MTSAMS SBYOR BA LA SOGS PA 'BRAS BU GCIG NI RGYU MTSAN GYI RGYUR 'GYUR TE, DPER NA SLE TRES LA SOGS PAS RIMS LA SOGS PA ZHI BAR BYED DO ZHES BYA BA 'OG NAS RGYAS PAR STON PAR 'GYUR RO, ,CI STE YANG 'DI'I 'KHRUL PA NYID JI LTAR NGES SHE NA, GZUGS DANG SGRA SOGS ZHES BYA BA LA SOGS PA SMOS TE, GAL TE BDAG LA SOGS PA RTAG PA GCIG PU SNGA MA DANG PHYI MA'I DUS SU RJES SU 'GRO BA'I 'BRAS BU SNGON PO LA SOGS PA'I SHES PA DE DAG YIN PAR GYUR NA, DE'I TSE DE DAG GIS RIM GYIS 'BYUNG BA DANG 'GAL TE, RGYU MA TSANG BA MED PA NYID KYIS CIG CAR KHO NAR SKYE BAR THAL BAR 'GYUR BA'I PHYIR RO, ,RTAG PA NI GZHAN LA LTOS PA YANG MA YIN TE, DE NI 'GA' ZHIG GIS PHAN GDAGS PAR BYA BA MA YIN PA'I PHYIR RO, ,GZHAN YANG GAL TE SPYIR GCIG RGYU SNGON DU 'GRO BA TZAM SGRUB NA, DE'I TSE GRUB PA LA SGRUB PA YIN NO ZHES STON PA NI, RNAM

197a

, ,SHES GCIG GI MJUG THOGS SU, ,ZHES BYA BA LA SOGS PA SMOS TE, 'DI LTAR SHES PA GCIG GI MJUG THOGS SU STE, MTSUNGS PA DE MA THAG PA'I RKYEN GCIG LAS MIG LA SOGS PA'I RNAM PAR SHES PA DRUG PO SKYE BA GSAL POR SHES TE, 'DI LTAR GANG KHO NA'I TSE GAR MKHAN GYI GZUGS MTHONG BA DE KHO NA'I TSE RNGA ZLUM LA SOGS PA'I SGRA THOS SHING, AUTPALA LA SOGS PA'I DRI SNOM PA DANG, GA PHUR LA SOGS PA'I RO MYANG BA DANG, BSIL YAB KYI RLUNG LA SOGS PA'I REG BYA NYAMS SU MYONG BAR 'GYUR ZHING, YID KYIS GOS SPYIN PAR BYA'O SNYAM DU SEMS PAR BYED DO, ,MGAL ME'I 'KHOR LO MTHONG BA BZHIN DU MTHONG BA MYUR BAR RGYU BA'I PHYIR RO ZHES BRJOD PA YANG MI RIGS TE, MI GSAL BAR SNANG BAR THAL BA'I PHYIR RO, ,'DI LTAR KHYED CAG GIS MTHONG BA LA SOGS PA RNAMS MTSAMS SBYOR BA LA CIG CAR BZUNG BAR MNGON PAR RLOM PA 'DI BRJOD PA YIN TE, MTSAMS SBYOR BA YANG DRAN PAS BYAS PA YIN LA, DE YANG 'DAS PA'I YUL CAN YIN PA'I PHYIR MI GSAL BA YIN NO, ,CIG CAR GZUGS LA SOGS PA SNANG BA 'DI NI GSAL BA KHO NAR RIG GO, ,GZHAN YANGS RAL SOGS PA YI GE 'DZIN PA'I SHES PA RNAM SKYE BA YOD PA'I PHYIR SA RA RAS LA SOGS PA DE LA YANG CHOS CIG CAR 'DZIN PAR 'GYUR RO, DE LTAR YIN DANG 'GA' ZHIG BZUNG YANG RIM PAR NGES PA MA YIN TE, 'DI YANG 'GO NAS RGYAS PAR 'CHAD PAR 'GYUR RO, ,'DI NI GSAL BA ZHES SMOS PAS LAN PHYOGS TZAM ZHIG BSTAN PA YIN NO, ,CI STE RTAG PA DANG, GCIG PU'I DNGOS PO'I RGYU NYID YIN PA'I PHYIR, 'DI DAG NI GCIG GI RGYU MTSAN NYID DU SGRUB PAR BYED NA DE'I TSE KHYAB PA RJES SU DPAG PAS GNOD PA NYID DU STON PA NI, RIM BZHIN PA NI ZHES BYA BA LA SOGS PA STE, DE MA THAG TU ZHES BYA BA NI GCIG RJES SHUGS LAS ZHES BYA BA LA SOGS PAS SO, ,DE LA GNOD PAR BYED PA'I RJES SU DPAG PA 'DI YIN TE, GANG DAG RGYU NUS PA THOGS PA MED PA NYE BA DE DAG NI CIG CAR 'BYUNG PA YIN TE, DPER NA TSOGS PA TSANG BA CIG CAR 'BYUNG BA'I MYU GU LA SOGS PA LTA BU'O, ,LHA SPYIN GYI GZUGS LA

197b

SOGS PA'I YUL CAN GYI SHES PA YANG RGYU NUS PA THOGS PA MED PA NYE BA YIN NO ZHES BYA BA NI RANG BZHIN GYI GTAN TSIGS SO, ,DE LTAR 'GYUR BA YANG MA YIN TE, DE'I PHYIR BZLOG PA YIN NO, ,DPE YANG BSGRUB BYA DANG MI LDAN PA YIN NO ZHES STON PA NI, GAR MKHAN GYI SMIN MA ZHES BYA BA LA SOGS PA'O, ,GAR MKHAN GYI SMIN MA BSKYOD PA LA SOGS PA NI GCIG MA YIN TE, DE NI RDUL PHRA RAB DU MA 'DUS PA'I BDAG NYID YIN PA'I PHYIR RO, ,GAL TE DE LTA NA JI LTAR DE SGRA GCIG GI YUL DU 'GYUR ZHE NA, DE LA GCIG TU BTAGS PA'I PHYIR, ,ZHES BYA BA SMOS SO, ,'ON TE BTAGS PA'I RGYU MTSAN YANG GANG YIN ZHE NA, 'BRAS BU GCIG LA NYER SBYOR PHYIR, ,ZHES BYA BA LA SOGS PA SMOS TE, GANG GI PHYIR SMIN MA BSKYOD PA 'DI MIG GI RNAM PAR SHES PA LA SOGS PA 'BRAS BU GCIG LA NYE BAR SBYOR TE, DE LTA BAS NA THA DAD KYANG SGRA GCIG GI YUL DU 'GYUR RO, ,CI STE YANG KHO BO CAG GIS RNAM PA DE LTA BU'I RTAG PA GCIG BSGRUB PAR BYA BAR 'DOD DE, DES NA DPE BSGRUB BYA DANG BRAL BAR MI 'GYUR RO ZHE NA, GAL TE BSGRUB BYA YANG ZHES BYA BA LA SOGS PA SMOS TE, DE LTA NA NI GRUB PA LA SGRUB STE, SHES PA GCIG GI RGYU MTSAN GYI 'DU BYED SNGA MA DANG PHYI MAR GYUR PA RNAMS GCIG TU YOD PAR GDAGS PA'I YUL YIN PA'I PHYIR RO, ,GANG YANG JI LTAR BDAG CES BYA BA'I TSIG CES BYA BA LA SOGS PA DE LA, NGED KYI BLO DANG SEMS SOGS KYI, ,ZHES BYA BA LA SOGS PA SMOS TE, TSIG GCIG YIN PA'I PHYIR ZHES BYA BA'I GTAN TSIGS MA NGES PA YIN TE, 'DI LTAR BLO DANG, DBANG PO DANG, TSOR BA DANG, LUS KYI RNAM GRANGS NI BLO NI SEMS DANG SHES PA'O, ,DBANG PO NI AA KshI DANG, TSOR BA NI RIG PA'O, ,LUS NI SKU DANG LUS SO ZHES BYA BA LA SOGS PA YIN TE, TSIG GCIG YIN PA'I PHYIR NA YANG KHO BO CAG GI LUGS LA DE LAS THA DAD PA'I DANG PO'I DNGOS PO BRJOD PAR BYA BA MA YIN PA'I PHYIR, DES NA GTAN TSIGS MI MTHUN PA'I PHYOGS LAS LDOG PAR MA GRUB PA'I PHYIR MA NGES PA NYID YIN NO, ,'ON TE 'DI NYID DOGS PAR BYAS NAS, RNAM GRANGS NGES PAR GRUB PA LAS THA DAD PA ZHES BYA BA'I GTAN TSIGS DE'I KHYAD PAR BRJOD PA MA

198a

, ,YIN NAM, DE JI LTAR MA NGES PAR 'GYUR ZHE NA, DE LTA BAS NA 'DI LA BRJOD PA, GTAN TSIGS KYI KHYAD PAR 'DI NI MA GRUB PO, CI'I PHYIR ZHE NA, SEMS KYI RNAM GRANGS SU GNAS PA'I PHYIR RO, ,BDAG CES BYA BA'I TSIG 'DI SEMS KYI RNAM GRANGS NYID DU RNAM PAR GZHAG PA'I PHYIR RO, ,JI SKAD DU, SEMS NYID NGA RGYAL GYI RTEN YIN PA'I PHYIR, BDAG CES BTAGS PA YIN NO ZHES BSHAD DO, ,NYE BAR BTAGS TE THA SNYAD DU BYAS ZHES BYA BA'I DON TO, ,DES NA GANG YANG GSAL BYED PAS DNGOS KYI DON MI SRID PA'I PHYIR NYE BAR BTAGS PAR MI RIGS SO ZHES BSHAD PA DE NI BSAM PA YONGS SU MA SHES PA'I PHYIR RO ZHES GZUNG BAR BYA'O, ,'DI NYID BRJOD CES BYA BA 'DIS GSAL BAR BYED DO, ,DE LTA BAS NA GTAN TSIGS KYI KHYAD PAR MA GRUB PO, KUN RDZOB TU YUL DANG BCAS PA NYID DU KHAS BLANGS NAS GTAN TSIGS 'DI MA NGES PA NYID DU BSTAN TO, ,GAL TE DON DAM PAR BLO LA SOGS PA LAS THA DAD PA'I DON RJOD PAR BYED PA NYID DU SGRUB NA, DE'I TSE KHYAB PA RJES SU DPAG PAS GNOD PA'I PHYIR GTAN TSIGS 'DI RIGS PA MA YIN NO ZHES BSTAN PA'I PHYIR, DON DAM DU ZHES BYA BA LA SOGS PA SMOS TE, SGRA'I THA SNYAD THAMS CAD KYI YUL NI SGRO BTAGS PA'I DON YIN PA'I PHYIR RO ZHES 'OG NAS STON PAR 'GYUR RO, ,DE'I PHYIR BDAG GI SGRA 'DI YUL MED PA YIN PAS, JI LTAR GTAN TSIGS BSGRUB BYAS KHYAB PAR 'GYUR SNYAM DU DGONGS PA'O, ,KHYAD PAR DANG BCAS PA YIN NA YANG GTAN TSIGS MA NGES PA YIN NO ZHES BSTAN PA'I PHYIR, NAM MKHA'I DKYIL GYI PADMA SOGS, ,ZHES BYA BA LA SOGS PA SMOS TE, DPER NA NAM MKHA'I ME TOG LA SOGS PA GTAN MED PA LA 'GA' ZHIG GIS BYED PA PO LA SOGS PA'I TSIG SBYOR BA DE'I TSE GNYI GA LA GRUB PA'I LUS LA SOGS PA'I RJOD PAR BYED PA'I SGRA THA DAD PA YIN NA TSIG GCIG YOD DE, LUS LA SOGS PA LAS THA DAD PA'I DNGOS PO'I YUL NYID MA YIN PAS GTAN TSIGS MA NGES PA YIN NO, ,YANG JI LTAR NYE BAR BRJOD PA MED PA LA SOGS PA'I TSIG SBYOR BAR NUS SHE NA, BRDA TZAM GYIS NI 'JUG PA YI, ,ZHES BYA BA SMOS TE, RANG DBANG CAN 'DOD PA TZAM GYIS YOD PA BRDA DE TZAM GYIS 'BYUNG BA'I

198b

TSIG 'DI DAG JI LTAR DE 'GA' ZHIG TU 'JUG PA'I RGYUN BZLOG PAR 'GYUR, CI STE YANG GTAN TSIGS KYI DON DE YANG RANG BZHIN GYI TSIG GCIG YIN PA'I PHYIR ZHES BYA BA 'DI BRJOD PAR 'DOD DO, ,DES NA 'KHRUL PAR MI 'GYUR RO ZHE NA, BDAG LA SOGS PA'I TSIG DAG KYANG, ,ZHES BYA BA LA SOGS PA SMOS TE, SGRA RNAMS BRDA MED PAR RANG BZHIN GYIS DON GSAL BAR BYED PA MA YIN TE, MA BYANG BA YANG DE LAS DON RTOGS PAR THAL BA'I PHYIR DANG, RANG GI 'DOD PAS SBYOR BA MED PAR THAL BA'I PHYIR DANG, BRDA DON MED PAR THAL BA'I PHYIR RO, ,DE LTA BAS NA BDAG LA SOGS PA'I TSIG RNAMS NI NGO BO NYID KYIS DON GSAL BAR BYED PA GRUB PA MA YIN PA'I PHYIR GTAN TSIGS MA GRUB PA YIN NO, ,CI STE SNANG BRAL GYIS KHYAD PAR MED PA'I GZHI'I DNGOS PO GZHAN DU GYUR PA'I SHES BYA'I YUL YIN PA ZHES BYA BA'I KHYAD PAR GZHAN MED PAR BYED PA DE LTA NA YANG JI SKAD DU BSHAD PAR KHYAD PAR MA GRUB PA'I PHYIR GTAN TSIGS MA GRUB PA DANG, KHYAB PA MED PA'I PHYIR MA NGES PA YIN NO, ,GANG YANG GSON PO'I LUS PO 'DI, ,ZHES BYA BA LA SOGS PA SMOS PA DE LA, GAL TE BDAG DANG LHAN CIG TU, ,ZHES BYA BA LA SOGS PA SMOS TE, GAL TE SROG LA SOGS PA BDAG DANG LHAN CIG DE'I BDAG NYID KYI MTSAN NYID DAM, DE LAS BYUNG BA'I MTSAN NYID KYI 'BREL PA 'GA' ZHIG GRUB PA YIN ZHE NA, DE'I TSE BDAG LOG PA NA LUS LA SROG LA SOGS PA LDOG PAR THAL BA RIGS PA DANG LDAN PAR 'GYUR GYI, DE LTA MA YIN NA 'BREL PA MED PA LOG NA GZHAN LDOG PAR THAL BA 'BREL PA MED PA NYID DU 'GYUR TE, HA CANG THAL BAR 'GYUR BA'I PHYIR RO, ,MO GSHAM GYI BU LOG PA NA DE DANG 'BREL PA MED PA SROG LA SOGS PA LDOG PA NI MA YIN NO, ,DE'I PHYIR JI LTAR MO GSHAM GYI BU LOG PA NA DE DANG 'BREL PA MED PA'I SROG LA SOGS PA RNAMS KYANG LDOG PAR 'GYUR TE, BUM PA LA SOGS PA BZHIN NO ZHES KHA CIG GIS THAL BA SGRUB PAR BYED PAS NA MA NGES PAR 'GYUR BA DE BZHIN DU KHYOD LA YANG BDAG LOG PA NA SROG LA SOGS PA LDOG PAR THAL BA NI MA NGES PA NYID YIN NO, ,'BREL PA MA GRUB PA'I PHYIR RO SNYAM DU DGONGS PA YIN NO, ,YANG JI LTAR 'BREL PA MA GRUB PA YIN SNYAM

199a

, ,NA; 'DI LA RE ZHIG DE'I BDAG MIN, ,ZHES BYA BA LA SOGS PA SMOS SO, ,DE DAG THA DAD KHAS LEN PHYIR, ,ZHES BYA BA NI BDAG DANG SROG LA SOGS PA DE DAG LA DE'I BDAG NYID KYI MTSAN NYID KYI 'BREL PA YOD PA MA YIN TE, RANG BZHIN THA DAD PAR KHAS LEN PA'I PHYIR RO, ,'DI LTAR SROG LA SOGS PA NI MI RTAG PA DANG, MA KHYAB PA DANG, LUS CAN MA YIN PA YIN LA, BDAG NI DE DAG LAS BZLOG PA YIN NO, ,DE LAS BYUNG BA'I MTSAN NYID KYANG MA YIN TE, SROG LA SOGS PA RNAMS RGYU MA TSANG BA MED PA NYID KYIS CIG CAR BAR THAL BAR 'GYUR BA'I PHYIR RO, ,DE DAG LAS MA GTOGS PA'I 'BREL PA GZHAN YANG YOD PA MA YIN NO, ,DE'I PHYIR 'BREL PA DANG BRAL BA'I SROG LA SOGS PA LUS DE GSON POS KHYAD PAR DU BYAS PA'I LUS LA CI'I PHYIR LDOG STE MI LDOG PA NYID DO, ,DES NA GTAN TSIGS MA NGES PA YIN NO SNYAM DU DGONGS PA YIN NO; ,'DIS NI 'DOD PA DANG, SDANG BA DANG, 'BAD PA DANG, SDUG BSNGAL DANG, BDE BA DANG, SHES PA LA SOGS PA DAG GI RTAGS NYID DU GZHAN DAG GIS SMRAS PA GANG YIN PA DE DAG BKAG PAR BLTA BAR BYA STE, 'BREL PA MA GRUB PA'I PHYIR RO, ,SBYOR BA NI GANG DAG GANG DANG 'BREL PA MED PA DE DAG NI DE'I GO BAR BYED PA MA YIN TE, DPER NA TIL LA SOGS PA LA CHU SKYAR 'GRO BA LA SOGS PA BZHIN NO, ,SROG LA SOGS PA YANG BDAG LA 'BREL PA MED PA YIN NO ZHES BYA BA NI KHYAB PAR BYED PA MI DMIGS PA'O, ,MA GRUB PA YANG MA YIN TE, 'BREL PA RNAM PA GNYIS KA YANG GONG DU BKAG ZIN PA'I PHYIR RO, ,MA NGES PA YANG MA YIN TE, THAMS CAD THAMS CAD KYI GO BAR BYED PA NYID DU THAL BAR 'GYUR BA'I PHYIR RO, ,'GAL BA YANG MA YIN TE, MTHUN PA'I PHYOGS LA YOD PA'I PHYIR RO ZHES BYA BA'O, ,GANG YANG BYED PA GRUB PA'I PHYIR BYED PA PO GRUB PA MA YIN NO ZHES SMRAS PA DE YANG MA GRUB PA STE, MIG LA SOGS PA RNAMS NI DON DAM PAR BYED PA NYID DU MA GRUB STE, THAMS CAD MIG GI RNAM PAR SHES PA SKYED PA LA RGYU'I DNGOS POR MTSUNGS PA'I PHYIR DANG, BYED PA PO DANG BYED PA'I LAS KYI THA SNYAD NI RANG GI 'DOD PA TZAM GYIS YONGS SU

199b

BRTAGS PA'I PHYIR RO, ,BYED PA PO TZAM SGRUB NA GRUB PA LA SGRUB STE, LUS LA SOGS PA BRTAGS PA'I BYED PA PO 'DOD PA'I PHYIR RO, ,DON DAM PA'I BYED PA PO NYID SGRUB PAR BYED NA MA NGES PA YIN TE, DE LTA BUR GYUR PA'I BYED PA PO 'BA' ZHIG TU YANG MIG LA SOGS PA RNAMS 'BREL PAR MA GRUB PA'I PHYIR RO, ,GANG YANG; SKYES MA THAG PA'I DANG PO'I SHES, ,ZHES BYA BA LA SOGS PA SMRAS PA DE LA, DE LTAR SGRUB BYED THAMS CAD KYIS, ,ZHES BYA BA LA SOGS PA SMOS TE, DANG PO'I SHES PA BZHIN NGA'I LUS BZHIN NO ZHES BYA BA'I DPE SMRAS PA GANG YIN PA DE JI SKAD DU BSHAD PA'I BSGRUB BYA'I CHOS DANG BRAL BA YIN TE, BDAG MA GRUB PA'I PHYIR RO, ,DE BAS NA GTAN TSIGS MA NGES PA YIN NO, ,GZHAN DAG CES BYA BA LAS YANG GSAL BAR BYED PA DANG, LEGS LDAN PA LA SOGS PA'I LUGS KYIS DOGS PA BSU BA YIN TE, DE DAG 'DI SKAD CES SMRA STE, BDAG MNGON SUM NYID KYIS GRUB STE, 'DI LTAR RTAGS DANG RTAGS CAN GYI 'BREL PA DRAN PA LA LTOS PA MED PAR NGA'O SNYAM PA'I SHES PA NI, GZUGS LA SOGS PA'I SHES PA BZHIN DU MNGON SUM YIN NO, ,'DI YANG GZUGS LA SOGS PA'I YUL CAN MA YIN TE, DE'I SHES PA LAS THA DAD DU SNANG BA'I PHYIR RO, ,DE LTA BAS NA BDAG KHO NA YUL YIN NO SNYAM NA, DE NI MI RIGS ZHES BYA BA LA SOGS PAS LAN 'DEBS PAR BYED DO, ,BDAG NGA RGYAL GYI YUL NYID DU MA GRUB STE, DE'I RNAM PAS STONG PA'I PHYIR RO, ,SBYOR BA NI GANG ZHIG GANG GI RNAM PAS STONG PA DE NI DE'I YUL CAN MA YIN TE, DPER NA MIG GI SHES PA SGRA'I YUL CAN MA YIN PA BZHIN NO, ,NGA'O SNYAM PA'I SHES PA YANG BDAG GI RNAM PAS STONG PA YIN NO ZHES BYA BA NI KHYAB PAR BYED PA MI DMIGS PA'O, ,GTAN TSIGS 'DI MA GRUB PA YANG MA YIN NO ZHES STON PA NI, DE LA RTAG DANG KHYAB BYED SOGS, ,ZHES BYA BA LA SOGS PA'O, ,'DI LTAR BDAG NI RTAG BA DANG, KHYAB PA DANG, SEMS PA MED PA CAN LA SOGS PA'I YON TAN DANG LDAN PAR 'DOD LA, NGA'O SNYAM PA'I SHES PA 'DI LA RTAG PA LA SOGS PAR SNANG BA YANG MI MNGON NO, ,'ON KYANG THA DAD PAR BDAG DKAR SHAM MO, ,MI

200a

, ,GZHAN BA'O, ,RID PA'O, ,TSOR BA DRAG POS GZIR BA'O ZHES BYA BA LA SOGS PA LUS KYI GNAS SKABS KYI REG PAS BSKYED PA'I PHYIR KHA DOG DKAR SHAM LA SOGS PA'I MTSAN NYID DU SNANG BA'I RNAM PA'I NGA RGYAL CAN 'DIR SHES TE, DE'I PHYIR LUS LA SOGS PA'I GNAS SKABS KYI REG PAS BSKYED PA'I NGA RGYAL LUS LA SOGS PA LA DMIGS PA YIN NO ZHES BYA BAR SHES SO, ,GSAL BAR ZHES BYA BA NI GSAL POR TE 'KHRUL PA MED PAR 'JUG PA'I PHYIR RO, ,DE LTA YIN DANG GANG YANG GSAL BYED PA LA SOGS PA RNAMS KYIS LONGS SPYOD PA'I GNAS KYI LUS LA BDAG 'DI NYE BAR 'DOGS TE, DPER NA RJES SU MTHUN PA'I G-YOG LA RGYAL POS SMRAS PA NGA GANG YIN PA DE KHO NA BDAG GI G-YOG PO 'DI YIN NO ZHES BYA BA LTA BU'O ZHES SMRAS PA DE GSAL BA YIN NO, ,'DI LTAR GAL TE 'DI PHAL PA YIN PAR GYUR NA DE'I TSE 'KHRUL PAS 'JUG PAR 'GYUR TE, 'JIG RTEN NA SENG GE DANG BRAM ZE'I KHYE'U DAG LA DNGOS DANG BTAGS PAS DE GNYI GA YANG SENG GE'O SNYAM DU BLO MI 'KHRUL PAR 'JUG PAR MI 'GYUR RO, ,NGA'I LUS LA SOGS PA ZHES THA DAD PAR MTHONG BA'I PHYIR LUS LA SOGS PA LA NGA'O SNYAM PA NI 'KHRUL PAS 'JUG PA YIN TE, BDAG LA YANG 'KHRUL PAS 'JUG PA NYID DU THAL BAR 'GYUR PA'I PHYIR RO, ,DE LA YANG NGA'I BDAG CES THA DAD PAR MTHONG BA YIN NO, ,'DI LA BTAGS PA'I THA DAD PA YIN NO ZHE NA, GCIG SHES PA LA YANG MTSUNGS SO, ,'O NA BDAG DKAR SHAM MO ZHES BYA BA LA SOGS PA'I SHES PA 'DI DNGOS YIN LA RAG MOD, DE LTA NA YANG CI'I PHYIR BDAG 'DI'I YUL DU MI 'GYUR ZHE NA, DE'I NGO BOR ZHES BYA BA LA SOGS PA SMOS TE, DKAR SHAM LA SOGS PA'I RANG BZHIN TE, DE LA GZUGS LA SOGS PA'I YON TAN MED PA'I PHYIR RO, ,DE LTAR RE ZHIG DE'I RNAM PAS STONG PA'I PHYIR NGA RGYAL GYI YUL BDAG YIN PAR MI RIGS PAR BSTAN TO, ,DE LA RTZOD PA MED PAR THAL BAR 'GYUR BA'I PHYIR YANG MI RIGS SO ZHES STON PA NI, GAL TE SKYES BU YANG BDAG TU, ,ZHES BYA BA LA SOGS PA STE, DE YOD SOGS ZHES BYA BA NI BDAG DE'I YOD PA DANG RTAG PA DANG KHYAB PA LA SOGS PA'O, ,'DI SNYA MA [*SNYAMS?] DU JI LTAR

200b

KHYED CAG GIS MNGON SUM DU BYAS KYANG SNGON PO LA SOGS PA DE'I RANG BZHIN LAS THA MI DAD PA'I SKAD CIG MA LA SOGS PA LA RTZOD PA 'JUG PA DE BZHIN DU BDAG LA YANG 'GYUR RO SNYAM DU SEMS NA, 'DI LTAR ZHES BYA BA LA SOGS PA SMOS TE, SNGON PO LA SOGS PA MNGON SUM GYIS GZUNG NA YANG DE LAS THA MI DAD PA'I SKAD CIG MA LA SOGS PA RTZOD PA RIGS TE, MNGON SUM DE NI RTOG PA MED PA NYID KYIS MA NGES PA'I BDAG NYID YIN PAS SKAD CIG MA NYID LA SOGS PA MA NGES PA'I PHYIR RO, ,KHYED KYI PHYOGS LA NI MI RIGS TE, NGA'O SNYAM PA'I SHES PA RTOGS PA DANG BCAS PA NYID KYIS NGES PA'I BDAG NYID YIN PAS BDAG NGES PA'I PHYIR RO, ,GANG GIS RTZOD PAR 'GYUR BA NGES PAS YUL DU BYAS PA'I DNGOS PO LA NI DE LAS BZLOG PA'I RNAM PA 'DZIN PA'I SGRO 'DOGS PA'I SHES PA 'JUG PA YOD PA YANG MA YIN TE, DE DAG NI LHAN CIG MI GNAS PA NYID KYIS GNOD PAR BYA BA DANG, GNOD PAR BYED PA'I NGO BO YIN PA'I PHYIR RO, ,DE NGES PA GANG YIN PA 'DI NYID NGES PA RNAMS KYI RANG RANG GI DON RTOGS PA YIN NO, ,GAL TE DE DAG NGES PA DANG LDAN PA MA YIN NAM MA BZUNG BA KHO NAR 'GYUR RO, ,DE'I PHYIR DE LTAR GZHAN GYI PHYOGS BSAL BAS RANG GI PHYOGS GZHAG PA'I PHYIR, DE'I PHYIR ZHES BYA BA LA SOGS PA SMOS SO, ,SBYOR BA NI GANG DAG RIM GYIS SKYE BA DE DAG NI BDAG DANG 'DU BA MA YIN TE, DPER NA SA BON DANG MYU GU LA SOGS PA BZHIN NO, ,BDE BA LA SOGS PA YANG RIM GYIS SKYE BA YIN NO ZHES BYA BA NI 'GAL BAS KHYAB PA DMIGS PA'O, ,BDAG DANG 'DU BA NYID DANG 'GAL BA BDAG MED PA DANG 'DU BAS RIM GYIS SKYE BA LA KHYAB PA'I PHYIR RO, ,RGYU MA TSANG BA MED PA NYE BA'I PHYIR CIG CAR SKYE BAR THAL BAR 'GYUR BA NI BZLOG PA LA GNOD PA CAN GYI TSAD MA'O, ,YANG NA GANG DAG DNGOS PO NYID DANG, BYAS PA NYID DANG, SKYE BA DANG LDAN BA NYID LA SOGS PA'I CHOS DANG LDAN PA DE DAG THAMS CAD NI BDAG MED PA YIN TE, DPER NA PHYI ROL GYI BUM PA LA SOGS PA BZHIN NO, ,NANG GI SROG DANG LUS DANG, YID DANG BLO DANG SDUG BSNGAL DANG, BDE BA LA SOGS PA YANG DNGOS PO NYID LA SOGS PA'I CHOS CANG LDAN PA YIN NO ZHES BYA BA NI RANG BZHIN GYI GTAN

201a

, ,TSIGS SO, ,YANG JI LTAR 'DI LA KHYAB BA GRUB CE NA, BDAG BCAS NYID NA ZHES BYA BA LA SOGS PA SMOS TE, GAL TE BDAG DANG BCAS PA NYID YIN TE, LUS LA SOGS PA BDAG GIS BYIN GYIS BRLABS PA NYID YIN NA, DE'I TSE 'DI DAG GI RGYU BDAG YIN PAR 'GYUR RO, ,RGYU MA YIN PA NI BYIN GYIS RLOB PA BOR RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA YIN DANG DE'I RGYU CAN TE, BDAG GI RGYU CAN GYI LUS LA SOGS PA RNAMS RGYU MA TSANG BA MED PA NYID KYIS RTAG PA NYID DANG, RIM CAN MA YIN PAR THAL BAR 'GYUR RO GAL TE 'DI SNYAM DU 'DI DAG RTAG PA NYID DU THAL BA YIN MOD KYI, 'ON KYANG DNGOS PO NYID LA SOGS PA MI LDOG PA KHO NA'O SNYAM DU SEMS NA, RTAG PA YANG ZHES BYA BA LA SOGS PA SMOS TE, RTAG PAR YOD PA'I LUS LA SOGS PA RNAMS DON BYED NUS PA MA YIN PAR THAL BAR 'GYUR RO ZHES BYA BA'I SKABS NI SHUGS KYIS TSIG YONGS SU BSGYUR NAS SBYAR BAR BYA STE, RTAG PA NI RIM DANG CIG CAR DAG GIS DON BYED PAR 'GAL BA'I PHYIR RO SNYAM DU DGONGS PA YIN NO, ,DON BYED PAR NUS PA LOG NA YANG DNGOS PO NYID LDOG STE, DNGOS PO'I MTSAN NYID NI DON BYED NUS PA YIN PA'I PHYIR RO, , DNGOS PO NYID LOG NA DNGOS PO'I CHOS YOD PA LA SOGS PA YANG LDOG PA'I PHYIR KHYAB PA GRUB PO, ,GSAL BYED PAS 'ON TE YANG BDAG MED PA ZHES BYA BA'I DON CI ZHIG BSGRUB BYA NYID DU 'DOD, GAL TE RE ZHIG BDAG LA PHAN 'DOGS PAR BYED PA MA YIN NO ZHES BYA BA YIN NA DPE MED DE, BDAG LA PHAN 'DOGS PAR BYED PA MA YIN PA NI 'GA' YANG YOD PA MA YIN NO, ,'ON TE LUS BDAG MA YIN NO ZHES BDAG 'GEGS NA SU ZHIG GIS LUS BDAG TU 'DOD, MED PA NI TSIG PHYI MA'I YUL CAN YIN PA'I PHYIR BDAG DANG BCAS PA ZHES BYA BA YANG GANG ZHIG YIN PA BRJOD PAR BYA'O, ,DPER NA SBRANG BU MED DO ZHES BYA BA LTA BUR MED PA'I SBYOR PA TSIG PHYI MA MED PAR MA MTHONG NGO, ,CI STE LUS LA BDAG 'GEGS NA GRUB PA LA SGRUB PA YIN TE, LUS LA BDAG YOD PAR SU ZHIG 'DOD, YANG LUS BDAG DANG 'BREL PA MA YIN NO ZHES BYA BA YIN NA YANG DPE YOD PA MA YIN NO, ,'DI THAMS

201b

CAD NI KHYAD PAR BKAG PA YIN LA, KHYAD PAR BKAG NA YANG SPYI RTOGS PA MA YIN NO, ,DE LTA YIN NA GANG DGAG BAR BYA BA DE RJES SU GNANG BA BYAS PAR 'GYUR RO, ,CI STE BDAG GI SGRA NI MI RTAG PA'I YUL CAN YIN TE SGRA YIN PA'I PHYIR RO ZHES SGRUB PA DE LTA NA YANG RTAG PA'I SGRAS MA NGES PA YIN NO, , LUS LA SOGS PA RNAMS NI NYE BAR BTAGS NAS BDAG GI SGRAS BRJOD PAR BYA BA YIN PA'I PHYIR GRUB PA LA SGRUB PA YIN NO, ,GAL TE LUS LA SOGS PA LAS THA DAD PA MI RTAG PA'I DNGOS PO YIN PA NYID KYIS BDAG GI SGRA'I YUL MI RTAG PA YIN PAR SGRUB PAR BYED NA, DE LTA NA YANG GZUGS LA SOGS PA LAS THA DAD PA'I YUL KHAS BLANGS PA'I PHYIR 'GAL BA YIN NO ZHES SMRAS PA, DE 'DI LA LAN 'DEBS PAR BYED PA NI, BUM SOGS LA YANG MTSUNGS ZHES BYA BA LA SOGS PA SMOS TE, KLAN KA DE 'DI NI KHYED LA YANG MTSUNGS TE, 'DI LTAR KHYED CAG GIS KYANG PHYI ROL GYI BUM PA LA SOGS PA RNAMS LA BDAG GIS BYIN GYIS BRLABS PA MED PA NYID DANG, DE NYE BAR LONGS SPYOD PA'I GZHI MA YIN PA NYID KYIS BDAG MED PAR 'DOD PA KHO NA'O, ,DE LTA MA YIN NA GSON PO'I LUS NI BDAG MED PA MA YIN TE, SROG LA SOGS PA DANG MI LDAN PAR THAL BAR 'GYUR BA'I PHYIR BUM PA LA SOGS PA BZHIN NO ZHES BYA BA'I THAL BAR 'GYUR BA'I DPE NYID DU DE DAG MI LEN PAR 'GYUR RO, ,DE LTA YIN DANG BUM PA LA SOGS PA DE LA YANG JI LTAR DE DAG BDAG MED PA YIN, GAL TE RE ZHIG BDAG LA PHAN 'DOGS PAR BYED PA MA YIN ZHES BYA BA LA SOGS PA LA KLAN KA MTSUNGS PA YIN NO, ,DE'I PHYIR BDAG GIS BYIN GYIS BRLABS PAS SAM, DE NYE BAR LONGS SPYOD PA'I GZHI MA YIN PA'I RNAM PA GANG GIS PHYI ROL GYI BUM PA LA SOGS PA DE DAG THAMS CAD LA KHYED CAG DANG YANG BDAG MED PA NYID THUN MONG DU GRUB LA, GANG YANG GSON PO'I LUS 'DI NI BDAG MED PA MA YIN TE ZHES KHYED CAG GIS GSON PO'I LUS LA 'GEGS TE, GANG ZHIG BKAG PAS GSON PO'I LUS KHO NA BDAG DANG BCAS PAR RTOGS KYI, SHI BA'I LUS DANG BUM PA LA SOGS PA NI MA YIN NO, ,DE NYID KHO BO CAG GIS GSON PO'I LUS NI BDAG MED PA MA YIN TE, DNGOS PO NYID LA SOGS PA'I PHYIR RO ZHES SGRUB PAR BYED

202a

, ,DO; ,DE LTA BAS NA BDAG LA PHAN 'DOGS PAR BYED PA MA YIN NO ZHES BYA BA LA SOGS PA'I RNAM PAR RTOG PA NI GZHI MED PA KHO NA YIN TE, KHYED CAG LA YANG MED PAR RAB TU GRUB PA'I PHYIR RO, ,GZHAN YANG RE ZHIG BDAG LA PHAN MI 'DOGS PAR GRUB PA'I DPE MED DO ZHES GANG SMRAS PA DE YANG YANG DAG PA MA YIN TE, 'DI LTAR SGRUB PAR NUS PA KHO NA STE, GANG ZHIG GANG GIS RANG BZHIN GYI KHYAD PAR SKYED PAR BYED PA MA YIN PA DE NI DE'I PHAN 'DOGS PAR NUS PA MA YIN TE, DPER NA GANGS CAN DANG 'BIGS BYED DAG LTA BU'O, ,LUS LA SOGS PA YANG BDAG RTAG PA DANG GCIG PU'I RANG BZHIN GYI KHYAD PAR SKYED PAR BYED PA MA YIN NO ZHES BYA BA NI KHYAB PAR BYED PA MI DMIGS PA'O, ,GTAN TSIGS MA GRUB PA YANG MA YIN TE, RANG BZHIN GYI KHYAD PAR NI BDAG LAS THA MI DAD PA'I PHYIR RO, ,DE BYED NA BDAG KHO NA'I BYED PAR 'GYUR TE, DE LTA NA MI RTAG PAR THAL BAR 'GYUR RO, , RANG BZHIN GYI KHYAD PAR THA DAD PA YIN NA YANG 'BREL PA'I RGYU MTSAN MED PA'I PHYIR DE'I 'DI ZHES BYA BA'I 'BREL BAR MI 'GYUR RO, ,DE LTA BAS NA RTAG PA LA CUNG ZAD KYANG PHAN 'DOGS PAR BYED PA MA YIN TE, DES DE LA CUNG ZAD KYANG MI BYED PA'I PHYIR RO, ,GANG YANG SU ZHIG GIS LUS BDAG TU 'DOD CES SMRAS PA DE YANG YANG DAG PA MA YIN TE, DE SKAD DU SMRA BA KHA CIG KYANG YOD DE, DPER NA RIG BYED SMRA BA RNAMS LTAR GANG DAG LUS LA SOGS PA RNAMS NI BDAG YONGS SU 'GYUR BA'I NGO BO YIN PAR SMRA BAR BYED DO, ,DE LTA BAS NA DE LA BRTEN NAS DGAG PA BYED DO, ,GANG YANG MED PA NI TSIG PHYI MA'I YUL CAN YIN PA'I PHYIR BDAG DANG BCAS PA YANG GANG ZHIG YIN PA BRJOD PAR BYA'O ZHES SMRAS PA DE YANG 'BREL PA MAD DE, TSIG PHYI MA'I DON YOD PA KHO NA DGAG PAR BYA BA MA YIN TE, 'O NA CI ZHE NA, SGRO BTAGS PA YIN TE, YOD PA DGAG PAR MI NUS PA'I PHYIR RO, ,DE LTA PAS NA GZHAN GYIS 'KHRUL PAS SGRO BTAGS PA'I DON GANG YIN PA DE NYID TSIG PHYI MA'I DON YIN NO, ,'DI LUNG DE NYID RJES SU BRJOD NAS GZHAN GYI LOG PA'I SHES PA NYID DU BRJOD PAR BYA BA 'GEGS PAR BYED DO, ,DE LTA MA YIN NA SGRON MA LA SOGS PA SKAD CIG MA MA YIN NO ZHES BYA BA LA SOGS PAR SANGS RGYAS PAS KUN DU

202b

BTAGS PA'I SKAD CIG MA NYID KHYED KYIS 'GEGS PAR BYED NA DGAG PA'I SBYOR BA TSIG PHYI MA MED PA LA MTHONG NGO ZHES BYA BA'I RTZOD PA 'DI 'BYUNG BA KHO NA'O, ,GANG YANG LUS LA BDAG YOD PAR SU ZHIG 'DOD CES SMRAS PA DE YANG YANG DAG PA MA YIN TE, 'DI LTAR GANG DAG GI LTA BA LA BDAG CES BYA BA MTHE BO'I RI MO SNGO BSANGS 'DRA BA'I 'BRAS BU PHYED KYI TSAD YIN PA DE DAG GI LUGS KYIS BDAG LUS CAN YIN PA'I PHYIR LUS LA GNAS PAR YOD PA NYID YIN PAS DE DGAG PAR RIGS PA NYID YIN NO, ,GANG YANG LUS BDAG DANG 'BREL PA 'GEGS NA DPE MED DO ZHES BYA BA YANG MA GRUB STE, PHAN TSUN PHAN GDAGS PAR BYA BA DANG PHAN 'DOGS PAR BYED PA MED PA'I PHYIR GANGS CAN DANG 'BIGS BYED BZHIN DU BDAG DANG LUS GNYIS 'BREL PA MED DO ZHES SNGA MA BZHIN DU BSGRUB PAR NUS PA'I PHYIR RO, ,GANG YANG KHYAD PAR BKAG NA SPYI RTOGS PA YIN NO ZHES BYA BA DE NI MA NGES TE, KHYED CAG GIS SGRON MA LA SOGS PA RNAMS SKAD CIG MA NYID YIN PA BKAG NA YANG SKAD CIG MA'I SPYI 'GA' ZHIG KHAS MI LEN PA'I PHYIR RO, ,CI STE YANG KHO BO CAG GIS DUS YUN MI RING BAR GNAS PA'I RGYU MTSAN GYIS SGRON MA LA SOGS PA SKAD CIG MA'I SGRA 'JUG PAR 'DOD PA KHO NA YIN TE, DE LTA BAS NA SPYIR SKAD CIG MA NYID GRUB PA YIN NO SNYAM NA, GAL TE DE LTAN BDAG GI SGRA 'JUG PA YANG KHO BO CAG GI NGA RGYAL GYI RTEN SEMS YIN PAR 'DOD PA NYID YIN PAS SPYIR BDAG GRUB PO, ,GANG YANG CI STE BDAG GI SGRA NI MI RTAG PA'I YUL CAN YIN TE ZHES BYA BA LA SOGS PA PHYOGS GNYIS SMRAS BA DE YANG 'BREL PA MED PA NYID DE, KHAS MA BLANGS PA'I PHYIR RO, ,RANG GIS 'KHRUL PAR 'GYUR BA BDAG GI SGRA LA DON DAM PAR YUL 'GA' ZHIG KYANG KHAS MA BLANGS LA, GZUGS LA SOGS PA LAS THA DAD PA YANG MA YIN NO, ,RTAG PA'I SGRA YANG DON DAM PAR DNGOS PO RTAG PA 'GA' ZHIG LA 'JUG PAR GRUB PA YANG MA YIN NO, ,LUS LA SOGS PA LA BDAG GI SGRA NYE BAR BRTAGS NAS 'JUG PA MA YIN TE, 'KHRUL PA MED PAR RTOGS PA'I PHYIR RO ZHES BSTAN TE, DES NA GRUB PA LA SGRUB PA MA YIN NO, ,DE'I PHYIR DE LTAR NA BDAG CES BYA BA'I CHOS CAN TSAD MAS GNOD PA NYID KYIS MA GRUB PA'I PHYIR DE LA KHYED KYIS BYED PA PO NYID DANG ZA BA BO

203a

, ,NYID KYI THA SNYAD BTAGS PA GANG YIN PA DE MO GSHAM GYI BU BZHIN DU RTEN MED PA YIN PA'I PHYIR 'DI'I SUN 'BYIN PA LOGS SHIG TU MI BYED DE, ,RTEN BKAG PA NYID KYIS 'DI DAG SPANGS PA'I PHYIR RO, ,BYAS PA CHUD ZOS PA DANG MA BYAS PA DANG PHRAD PA'I SKYON YANG JI LTAR MI 'BYUNG BA DE LTAR LAS DANG 'BRAS BU'I 'BREL PA BRTAG PAR STON PAR 'GYUR RO, ,DE KHO NA NYID BSDUS PA'I DKA' 'GREL LAS RIGS PA CAN DANG BYE BRAG PAS KUN DU BRTAGS PA'I SKYES BU BRTAG PA STE BDUN PA'O,, ,,DPYOD PA PAS YONGS SU BRTAGS PA'I BDAG GSAL BAR BYA BA'I PHYIR, GZHAN DAG KYANG NI LDOG PA DANG, ,ZHES BYA BA LA SOGS PA SMOS TE, ,ZHES BYA BA LA SOGS PA SMOS TE, LDOG PA NI BDE BA DANG SDUG BSNGAL LA SOGS PA'I GNAS SKABS DAG GI PHAN TSUN THA DAD PA'O, ,RJES SU 'JUG PA NI SEMS PA CAN GYI RDZAS DANG, YOD PA LA SOGS PA RJES SU 'GRO BA'O ZHES PA DANG, RJES SU 'JUG PA 'DI DAG BDAG GI NGO BO GANG LA YOD PA ZHES TSIG RNAM PAR SBYAR RO, ,'DI SKAD DU BSTAN PA YIN TE, GZHAN DAG RGYAL DPOG PA RNAMS NI BDAG BA DE BAL SOGS PA'I NGO BOS LDOG CING, YOD PA LA SOGS PA'I NGO BOS RJES SU 'JUG PA SEMS PA CAN GYI NGO BOR RJOD PAR BYED DO, ,SEMS PA CAN DE YANG JI LTAR GRANGS CAN PAS 'DOD PA LTAR BLO LAS THA DAD PA GZHAN NI MA YIN NO, ,'O NA CI ZHE NA, SEMS PA CAN BLO'I MTSAN NYID YIN ZHES BYA BAS BLO NYID DO ZHES BSTAN PA YIN NO, ,BLO'I MTSAN NYID NI BLO'I RANG GI NGO BO ZHES BYA BA'I DON TO, ,BLO LAS THA DAD PA'I SEMS KYI NGO BO GZHAN MA GTOGS SO SNYAM DU DGONGS PA YIN NO, ,YANG JI LTAR BDAG GCIG PU LA LDOG PA DANG RJES SU 'JUG PA'I BDAG NYID KYI PHAN TSUN 'GAL BA'I RANG BZHIN GNYIS RIGS PA YIN ZHE NA, DPER NA SBRUL BDAG CES BYA BA LA SOGS PA SMOS TE, JI LTAR SBRUL GCIG YIN NA YANG 'KHYIL PA LA SOGS PA'I GNAS SKABS LOG NAS DRANG PO'I GNAS SKABS 'BYUNG BA'I GNAS SKABS GNYI GA LA YANG SBRUL NYID RJES SU 'JUG PA DE BZHIN DU BDAG KYANG SEMS PA CAN GYI RANG BZHIN RTAG NGA GCIG PU YIN NA YANG RANG BZHIN MA LUS PA DANG BRAL BA MA YIN NA, ,RIGS PA CAN LA SOGS PAS KUN DU BRTAGS PA'I BDAG BZHIN DU RANG

203b

BZHIN MA LUS PA RJES SU 'JUG PA YANG MA YIN TE, 'O NA CI ZHE NA, BDE BA LA SOGS BA'I GNAS SKABS LDOG PA DANG 'JUG PA YANG YIN LA, SEMS PA CAN GYI NGO BO NI THAMS CAD DU RJES SU 'GRO BA YIN NO ZHES BYA BA 'DI MI 'GAL LO ZHES GRAG STE BSDUS PA'I DON TO, ,YAN LAG GI DON YANG BRJOD PAR BYA STE, SEMS PA CAN RTAG PA'I RANG BZHIN ZHES BYA BA NI SEMS PA CAN GYI RANG BZHIN RTAG PA GANG LA YOD PA ZHES TSIG RNAM PAR SBYAR RO, ,KUN GYI ZHES BYA BA LA NGO BO ZHES BYA BA LHAG MA'O, ,RJES SU 'JUG PA ZHES BYA BA LA MA YIN ZHES SKABS DANG SBYAR RO, ,DE DAG CES BYA BA NI BDE BA DANG SDUG BSNGAL LA SOGS PA'I GNAS SKABS SO, ,CI STE YANG CI'I PHYIR JI LTAR SANGS RGYAS BA RJES SU 'GRO BA MED PA'I 'JIG PA SMRA BA DAG GIS 'DOD PA BZHIN DU GCIG TU NGES PAR GCIG TU LDOG PA'I PHYOGS SAM, JI LTAR RIGS PA CAN LA SOGS PA RNAMS KYIS RTEN PA BZHIN DU GCIG TU NGES PAR MTHA' GCIG TU RJES SU 'GRO BA LA MI RTEN CE NA, GTAN DU 'JIG NA ZHES BYA BA LA SOGS PA SMOS TE, GAL TE 'JIG PA RJES SU 'GRO BA MED PA YIN NA DE'I TSE LAS BYAS PA CHUD ZOS PAR 'GYUR TE, BYED PA PO 'BRAS BU DANG 'BREL PA MED PA'I PHYIR RO, ,MA BYAS PA DANG PHRAD PAR YANG 'GYUR TE, BYED PA PO MA YIN PA 'BRAS BU DANG 'BREL PA'I PHYIR RO, ,BDAG NGO BO GCIG NYID YIN NA BDE BA DANG SDUG BSNGAL LA SOGS PA LONGS SPYOD PAR MI 'GYUR TE, NAM MKHA' BZHIN DU ZA BA PO MA YIN PA'I GNAS SKABS LAS ZA BA PO'I GNAS SKABS LA KHYAD BAR MED PA'I PHYIR RO, ,DE SKAD DU YANG, GZHON NU MA LEN GYIS; DE PHYIR GNYIG DOR NAS NI, ,LDOG DANG RJES 'JUG BDAG NYID CAN, ,SKYES BU ZHIG NI KHAS BLANG BYA, ,'KHYIL PA SOGS LA SPRUL BZHIN NO, ,ZHES BSHAD DO, ,'ON TE GNYI GA'I NGO BO'I SKYES BU'I GNAS SKABS BYED PA PO GANG YIN PA DE ZA BA PO MA YIN PA'I PHYIR BYAS PA CHUD ZOS PA DANG MA BYAS PA DANG PHRAD PA DE DAG 'DI LA 'ANG 'ONG BA MA YIN NAM ZHE NA, SKYES BU'I BYED PO ZA PO NI, ,ZHES BYA BA LA SOGS PA SMOS TE, SKYES BU BYED PA PO DANG ZA BA PO DAG GNAS SKABS LA RTEN PA MA YIN GYI, ,'ON KYANG SKYES BU NYID LA'O, ,'DI LTAR SKYES BU NYID BYED PA DANG LONGS SPYOD PA YIN GYI, GNAS

204a

, ,SKABS NI MA YIN NO, ,DE'I PHYIR TE, DE LTA BAS NA GNAS SKABS CAN SKYES BU NI, DE NYID PHYIR TE, SNGAR GYI NGO BO YONGS SU MA BTANG BA'I PHYIR, BYED PO NYID KYIS DE'I 'BRAS BU STE, LAS DE'I 'BRAS BU THOB BA DE'I PHYIR SKYON MED DO, ,YANG 'DI LA BDAG 'DI YOD PA NYID DU SGRUB PAR BYED PA'I TSAD MA CI YOD CE NA, NGO SHES PA YI NGO BO'I PHYIR, ,ZHES BYA BA LA SOGS BA SMOS TE, ,NGA KHO NAS SHES PAR 'GYUR RO, ,NGA KHO NAS RIG PAR BYED DO ZHES BYA BA DE LTA BU BYED PA PO GCIG NYID KYIS YUL CAN NGO SHES PA'I NGO BO'I PHYIR TE, YOD PA'I PHYIR TE BDAG GRUB PO, ,'DI NYID KYIS TE, NGO SHES PAS SANGS RGYAS PA LA SOGS PAS KUN BRTAGS PA'I BDAG MED PAR SMRA BA LA GNOD PA YANG GRUB PO, ,JI SKAD DU, DES NA NGO SHES PA TSAD MAR BSGRUBS PA DES NA 'JIG RTEN THAMS CAD KYIS NGES PAR BZUNG BA'I NGO SHES PA 'DIS BDAG MED PAR SMRA BA LA GNOD PAR 'GYUR RO ZHES BSHAD DO, ,YANG JI LTAR NGO SHES PA'I SHES PAS 'DI GNYIS KA GRUB PAR 'GYUR ZHE NA, NGAS RIG CES BYA'I ZHES BYA BA LA SOGS PA SMOS TE, NGAS RIG GO ZHES BYA BA 'DI NGA'I SHES PAS SHES PA PO 'DI RTOGS PAR 'GYUR RO ZHES BYA BA 'DI LA RTZOD PA MED PA NYID YIN TE, NGAS RIG GO ZHES BYA BA BYED PA BO'I RKYEN GZHI MTHUN PA NYID YIN PA'I PHYIR RO, ,SHES PA PO DE YANG YIN NA BDAG TU GYUR BA ZHIG GAM, KHYED CAG GIS KUN BRTAGS PA'I GCIG TU 'JIG PA'I DANG CAN SKAD CIG MA'I SHES BA YIN ZHES BYA BA'I RNAM PAR RTOGS PA GNYIS SO, ,DE LA GAL TE BDAG CES BYA BA'I PHYOGS YIN NA DE'I TSE THAMS CAD 'TSAMS TE THAMS CAD MDZES SO ZHES BYA BA'I DON TE MNGON PAR 'DOD PA GRUB PA'I PHYIR RO, ,'ON TE SHES PA'I PHYOGS YIN NA DE'I TSE THAMS CAD SHIN TU 'BREL PAR DKA' STE, 'DI LTAR NGAS SHES PAR GYUR TO, ,NGAS DA LTAR RIG GO ZHES NGO SHES PA'I BYED BA PO GCIG LA BRTEN NAS BA'I BLO GANG YIN PA 'DI 'BYUNG STE, DE'I YUL SHES PA'I SKAD CIG YIN PAR RTOG PA NA, RIS 'GA' 'DAS PA'AM, YANG NA DA LTAR TE DA LTAR BYUNG BA'AM, GNYI GA'AM TE, 'DAS PA DANG, DA LTAR DAG GAM, YANG NA RGYUN YIN ZHES BYA BA PHYOGS BZHI'O, ,DE LA DANG PO STE 'DAS

204b

PA'I SHES PA'I YUL NYID DU RTOG PAR BYED NA SHES BAR GYUR TO ZHES BYA BA DE LTAR RNAM PA'I NGES PA 'DI RIGS TE, DES SNGAR SHES PA'I PHYIR RO, ,DA LTAR SHES SO ZHES BYA BA 'DI MI RIGS TE, 'DAS PA'I SHES PA'I SKAD CIG 'DI NI DA LTAR TE, DA LTAR BYUNG BA'I DUS NA RIG PA MA YIN TE, ,DE NI SNGAR 'GAGS ZIN PA'I PHYIR RO, ,CI STE DA LTAR YUL YIN NO ZHES BYA BA'I PHYOGS GNYIS PA DE'I TSE, NGAS RIG GO ZHES BYA BA 'DI RIGS TE, DA LTAR DE RIG PAR BYED PA'I PHYIR RO, ,SHES PAR 'GYUR ZHES BYA BA DE LTA BU'I RNAM PAR 'DZIN PAR NI MI RIGS SO, ,GANG PHYIR 'DI NI SNGAR YOD MIN, , 'DI NI ZHES BYA BA NI DA LTAR BYUNG BA'I SHES PA'O, ,DE NYID KYI PHYIR BLO 'DI SGO GNYIS NAS 'JUG PA'I PHYIR 'DAS PA DANG, DA LTAR BA'I SHES PA 'DIS MA BZUNG NGO ZHES BYA BAR RIGS SO, ,DA LTAR DANG 'DAS PA GNYIS KA'I SHES PA'I SKAD CIG SHES PAR GYUR PA MA YIN LA, DA LTAR SHES PA YANG MA YIN NO; ,'O NA CI ZHE NA, SHES PAR GYUR PA GCIG YIN LA, GZHAN NI SHES PA YIN NO, ,DE NYID KYI PHYIR RGYUN YANG NGA'I BLO DE NYID KYIS GZUNG BAR BYA BA MA YIN TE, GNYIS PA STE 'DAS PA DANG DA LTAR GYI SHES PA'I BYA BA GNYIS MED PA'I PHYIR RO, ,'DI LTAR RGYUN 'DI SNGAR SHES PAR GYUR PA MA YIN ZHING; DA LTAR SHES PA YANG MA YIN TE, DE NI BRTAGS PA NYID KYIS DNGOS PO MA YIN PA'I PHYIR RO, ,DNGOS PO MED PA'I SHES PA PO YANG YOD PA MA YIN TE, DE NI DNGOS PO'I CHOS YIN PA'I PHYIR RO, ,DE LTA BAS NA JI SKAD DU BSHAD PA'I SHES PA MA GTOGS PAR YUL GANG LA NGA RGYAL 'DI 'JUG PA GANG YIN PA DE NI BDAG YIN NO ZHES BYA BAR GRUB BO, ,CI STE 'DI DAG SHES PA'I NGO BOR JI LTAR 'GRUB CE NA, 'DAS PA'I NGA RGYAL GYIS ZHES BYA BA LA SOGS PA SMOS NYE, GANG ZHIG NGA'I SHES PAR RTOGS PAR BYA BA DE NI DA DUNG YANG 'JUG PA YIN TE, DPER NA DA LTAR BA'I RTOGS PA BZHIN NO, ,'DAS PA'I NGA RGYAL GYI YUL RTOGS PA YANG NGA'I SHES PAS RTOGS PAR BYA BA YIN NO ZHES BYA BA NI RANG BZHIN GYI GTAN TSIGS SO, ,RNAM PA GCIG TU NA GANG ZHIG SHES PA PO YIN PA'AM, NGA'I SHES PAS GZUNG BAR BYA BA DE NI 'DAS PA'I NGA RGYAL GYIS GZUNG BAR BYA BA YIN TE, KHAR TSANG GI SHES PA PO BZHIN NO, ,DA LTAR

205a

, ,BA'I BLO 'DI YANG SHES PA PO DANG NGA'I SHES PAS RTOGS PAR BYA BA YIN NO ZHES BYA NI RANG BZHIN GYI GTAN TSIGS SO, ,'DI ZHES BYA BA NI DA LTAR BA'I RTOGS PA'O, ,DE NYID LAS SAM ZHES BYA BA NI NGA'I SHES PAS RTOGS PAR BYA BA'I PHYIR RO, ,DE LTAR SHES PA PO CHOS CAN DU BYAS NAS SBYOR BA GNYIS BSTAN TE, ,DA NI NGA'I SHES PA BSGRUB PAR BYA BA'I CHOS CAN DU BYAS NAS SBYOR BA GZHAN BSTAN PA'I PHYIR, SHES PA DE DAG CES BYA BA LA SOGS PA SMOS TE, DE DAG CES BYA BA NI 'DAS PA DANG, DA LTAR GYI NGA'I SHES PA BSGRUB BYA STE, BSGRUB BYA'I CHOS CAN NYID CES BYA BA'I DON TO, , JI LTAR ZHE NA, RGYUD GCIG DANG 'BREL ZHES BYA BA LA SOGS PA SMOS TE, KHAR TSANG DANG NI DI RING YOD PA KUN GYI NGA'I SHES PA ZHES BYA BA 'DI NI BSGRUB BYA'I CHOS CAN STON PA'O, ,DON MTSUNGS CAN ZHES BYA BA NI BSGRUB BYA'I CHOS TE, YUL GCIG PA CAN ZHES BYA BA'I DON TO, ,LHA SPYIN LA SOGS PA'I RGYUD GCIG DANG 'BREL PA'I SHES PA PO'I DON BDUN PA DER RAM, DE'I NGA'I SHES PA GANG YIN PA DE DAG NI RGYUD GCIG DANG 'BREL PA'I SHES PA PO'I NGA'I SHES PA'O, ,DE'I DNGOS PO NI DE NYID DE, 'DI YANG GTAN TSIGS STON PA'O, ,DA'I SHES PA NYID TZAM NI SKYES BU GZHAN GYING RGYAL LA 'JUG PAS DE'I PHYIR MA NGES PA SPANG BA'I DON DU RGYUD GCIG DANG 'BREL PA'I SHES PA PO'I YUL NYID GTAN TSIGS KYIS KHYAD PAR DU BYAS SO, ,BLO GCIG BZHIN ZHES BYAS BA NI DPE STE, NGA'I SHES PA DE DAG NYID KYI NANG NAS BLO GCIG TU BRJOD PAR 'DOD PA BZHIN ZHES BYA BA'I DON TE, ,DE'I PHYIR 'DI LA ZHES BYA BA LA SOGS PAS PHYOGS PHYI MA RTZOM PAR BYED DO, ,GAL TE RTAG PA DANG GCIG BU'I NGO BO SEMS PA CAN KHAS LEN PAR BYED NA, DE'I CHO BLO YANG SEMS PA CAN GYI NGO BO LAS THA MI DAD PA'I PHYIR RTAG PA DANG GCIG BU'I NGO BOR 'GYUR RO, ,DE LTAR YANG MI 'DOD DE, DE'I PHYIR DAM BCA' BA KHAS BLANGS PA DANG 'GAL BA YIN NO; ,'DI LTAR BSHAD SBYAR BYED PAS, DE NI SKAD CIG MA YIN TE, BLO GZHAN GYI DUS NA MI GNAS SO ZHES BSHAD DO, ,DE BZHIN RGYAL DPOG PAS KYANG YOD PA DANG 'BREL PA NA SKYES BU'I DBANG PO'I BLO SKYE BA DE NI MNGON SUM MO ZHES BSHAD DE, RTAG PA NYID YIN NA SKYE BAR MI RUNG BA'I PHYIR RO, ,GZHON NU

205b

MA LEN GYI YANG RANG GI TSIG DANG 'GAL BA YIN TE, JI SKAD DU DE NYID KYIS, GANG GIS PHYI NAS DON 'DZIN PAR, ,DBANG PO BZHIN DU BYA BYED PA, ,DE NI SKAD CIG KYANG 'DOD LA, ,TSAD MA MED PAR SKYE BA MIN, ,ZHES BSHAD DO, ,BLO GCIG YIN PA'I PHYIR TSAD MA DRUG KHAS BLANGS BA DANG YANG 'GAL LO, ,DE BZHIN DU MNGON SUM DANG 'GAL BA YANG YIN TE, BAR MED PAR SGRO 'DOGS PA RNAM PA DU MA SEMS PA NA SKYE BA DANG 'JIG PA DANG 'BREL PA'I BLO RNAMS SHIN TU GSAL BAR NYAMS SU MYONG PA'I PHYIR RO, ,GZHON NU MA LEN GYIS 'GAL BA'I PHUNG PO 'DI THAMS CAD MTHONG NAS, BLO DAG KYANG NI ZHES BYA BA LA SOGS PA SMOS TE, BLO RNAMS DANG SKYES BU NI RTAG PA NYID DANG, GCIG PA NYID DU 'DOD DE, CI'I PHYIR ZHE NA, SEMS BA CAN GYI RANG BZHIN YIN PA'I PHYIR RO, ,SKYES BU NI BLO'I MTSAN NYID KYI SEMS PA CAN GYI RANG BZHIN YIN PA'I PHYIR, KHO BO CAG STE, NGED KYI LUGS KYIS ZHES BYA BA'I DON TO, , 'O NA JI LTAR GZUGS KYI BLO RO'I BLO ZHES BYA BA LA SOGS PA THA DAD DU RTOGS PAR 'GYUR ZHE NA, YUL RTEN THA DAD YIN ZHE NA, ,ZHES BYA BA LA SOGS PA SMOS TE, ZHE NA'I SGRA NI GZHAN GYI LUGS KHAS LEN PA STE, GAL TE DE LTAR RTOG NA ZHES BYA BA'I DON TO, ,'DI SNYAM DU GAL TE BLO RTAG PA DANG GCIG PU YIN NA DE'I TSE CI'I PHYIR GZUGS LA SOGS PA'I YUL RIM GYIS RTOGS PAR 'GYUR, GANG GI PHYIR CIG CAR KHO NAR RTOGS PAR 'GYUR TE, KHYAD PAR MED PA'I PHYIR RO SNYAM DU SEMS NA, DPER NA RANG GI NGO BOS ME, ,ZHES BYA BA LA SOGS PA SMOS TE, DPER NA ME RTAG TU SREG PA'I BDAG NYID YIN PAR GRAG NA YANG THAMS CAD THAMS CAD KYI TSE SREG PA NI MA YIN NO, ,'O NA CI ZHE NA, NYE BA STE BSNYEN PA KHO NA SREG GO ,DE LA YANG BSREG PAR BYA BA GANG KHO NA SREG PAR NUS PA DE KHO NAS SREG GI ,SPRIN LA SOGS PAS NI MA YIN PA'I PHYIR BSREG BYA ZHES SMOS SO, ,DPER NA ME LONG ZHES BYA BA LA SOGS PAS DPE GZHAN BSHAD PA YIN TE, DRI MA CAN LA GZUGS BRNYAN SNANG BA MED PA'I PHYIR DANG BA ZHES BYA BA SMOS SO, ,NYER GZHAG PA ZHES BYA BA NI DRUNG DU BZHAG PA ZHES BYA BA'I DON TO, ,DE BZHIN ZHES BYA BA NI DON LA NYE BAR BSTAN PA YIN NO, ,SKYES BU KHYAB PAR BYED PA YIN MOD KYI, 'ON KYANG MA MTHONG BA'I

206a

, ,DBANG GIS LUS 'DI NYID LA 'JUG PA NA MIG LA SOGS PA'I DBANG POS BYAS PA'I GZUGS LA SOGS PA'I YUL 'DZIN PA YIN GYI, GZHAN DU NI MA YIN NO, ,SEMS PA CAN GANG YIN PA DE NYID KHO BO CAG GI BLO STE, BLO GROS YIN GYI GRANGS CAN GYI BA ZHIN DU SEMS PA CAN LAS THA DAD PA NI MA YIN NO, ,GAL TE DE LTA NA JI LTAR 'DI'I BLO 'JIG PA ZHES BYA BAR 'GRUB PAR 'GYUR ZHES BYA BA 'DI DOGS PAR BYAS NAS BSHAD PA, DE'I PHYIR DBANG PO'I ZHES BYA BA LA SOGS PAS RGYU STON PA NYID NYE BAR BSTAN PA NA BLO 'JIG PA NYID SGRUB PAR BYED DO, ,DBANG PO STE GZUGS LA SOGS PA'I YUL THOB PAR BYED PA MIG LA SOGS PA'O, ,DE DAG GI RTZOM PA NI BYA BA STE, DE 'JIG PHYIR TE, RNAM PAR 'JIG PA'I PHYIR, BLO 'JIG PAR MNGON GYI, 'DI RANG LAS 'JIG PA NI MA YIN NO, ,GAL TE RANG LAS 'JIG PA MA YIN NA, DE'I TSE'O NA DON THAMS CAD RTOGS PAR 'GYUR RO ZHES BYA BA'I KLAN KA'I GNAS SKABS DE NYID YIN NO ZHE NA, DE'I PHYIR, DPER NA RTAG TU SREG BYED ME, ,ZHES BYA BA LA SOGS PA SMOS TE, DE BZHIN DU BLO NI RTAG TU DON THAMS CAD DMIGS PA MA YIN TE, DUS THAMS CAD DU MI NYE BA'I PHYIR RO SNYAM DU BSAMS PA YIN NO, ,CI STE 'DI'I BLO RTAG PA NYID JI LTAR RTOGS PAR BYA ZHE NA, DE LA ZHES BYA BA LA SOGS PA SMOS TE, DE LA ZHES BYA BA NI NGAG NYE BAR DGOD PA'O, ,RTOGS PA'I BDAG NYID YIN PAS BLO BLO ZHES BYA BAR NGO SHES PAR BYA BA YIN PA'I PHYIR SGRA BZHIN DU BLO RTAG PA YIN NO, ,GAL TE DE LTA NA 'DI NI GLANG PO CHE'I BLO 'O, ,SHING RTA'I BLO 'O ZHES BYA BA BLO RNAMS MTSAN NYID MI MTHUN PA'O, ,'DI CI STE 'JIG RTEN NA RTOGS PA GZHAN DU 'GYUR ZHE NA, BUM PA ZHES BYA BA LA SOGS PA SMOS TE, DE'I DBYE BAS ZHES BYA BA NI GLANG PO LA SOGS PA THA DAD PA'I PHYIR RO, ,'DI NYID DON THA DAD PA'I ZHES BYA BA LA SOGS PAS GSAL BAR BYED DO, ,DON THA DAD PA'I RJES 'BRANG BAS, ,ZHES BYA BA NI RTOGS PA PO RNAMS KYIS SO, ,'DIS NI BLO'I BLO THA DAD PA NI RJES SU 'GRO BA DANG LDOG BA DAG GIS DON THA DAD PA NYID KYIS BYAS PA YIN NO ZHES STON PAR BYED DE, NGO SHES PA YOD PA MA YIN NO ZHES BYA BA'I DON TO, ,'ON TE GLANG PO ZHES BYA BA LA SOGS PAS LAN 'DEBS PAR BYED DE, GAL TE BLO THA DAD PAS BYAS PA KHO NA YIN NA DE'I TSE GANG DAG GLANG PO LA

206b

SOGS PAS STONG PA'I SAR RIM GYIS RTA DANG GLANG PO LA SOGS BA MI GNAS PA'I SGRO 'DOGS PAR BYED PA'I SHES PA RNAMS 'JUG PA DE DAG LA THA DAD PAR RTOGS PA CI LA RTEN BAR 'GYUR, THA DAD PA RNAM PAR GZHAG PA'I RTEN 'GA' YANG YOD PA NYID MA YIN NO ZHES BYA BA'I THA TSIG GO, ,'DI LTAR RANG LAS THA DAD PA YOD PA MA YIN TE, BLO THAMS CAD GCIG NYID DU KHAS BLANGS PA'I PHYIR RO, ,KHYAD PAR DU BYED PAR 'GYUR BA'I YUL SNA TSOGS PA'I PHYIR YANG MA YIN TE, DER KHYAD PAR DU BYED PA'I DON 'GA' YANG MED PA'I PHYIR RO, ,'DI SNYAM DU DON GYIS STONG PA NYID MA GRUB STE, DE SKAD DU YANG GZHON NU MA LEN GYIS, RMI LAM LA SOGS SHES BA LA, ,PHYI ROL RNAM KUN MED MI 'DOD, ,YUL DUS GZHAN GYI BDAG NYID CAN, ,PHYI ROL KUN LA DMIGS PA YIN, ,ZHES BSHAD DO ZHES BYA BA DE'I DOGS PA BSU BA NI, GAL TE YUL SOGS GZHAN YOD PA'I, ,ZHES BYA BA LA SOGS PA SMOS TE, RGYU MTSAN YIN ZHES BYA BA NI BLO RNAM PAR GZHAG PA LA RGYU YIN NO ZHES BYA BA'I DEN TO, ,YUL DANG DUS RNAM PA GZHAN GYI BDAG NYID DE, RNAM PA GZHAN GANG LA YOD PA DE LA DE SKAD CES BYA'O, ,YANG NA YUL DANG DUS DAG GIS SAM GZHAN GYI BDAG NYID GANG LA YOD PA ZHES TSIG RNAM PAR SBYAR RO, , 'ON TE DE DAG CES BYA BA LA SOGS PAS LAN 'DEBS PA YIN NO, ,YUL GANG LA RIM PA GANG GIS SGRO 'DOGS PA'I GSAL BA DE DAG SNANG BA DE'I TSE, YUL DE DANG YUL GZHAN DANG DUS GZHAN GNAS PA RNAMS 'BREL PA MED PA NYID MA YIN ZHING, DE BZHIN DU RIM PA NGES YOD PA MA YIN NO, ,DE CI'I PHYIR ZHE NA; RANG GI 'DOD PAS SGRO BTAGS PA'I NGO BO DES SNANG GI, ,GZHAN NGO BO GZHAN GYIS SNANG BAR NI RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA YIN NA THAMS CAD SHES PA THAMS CAD KYI YUL DU THAL BAR 'GYUR RO, ,DE LTA YIN DANG SO SOR NGES PA'I DON GYI RNAM PAR GZHAG PA CHAD PA KHO NAR 'GYUR RO, ,GZHAN YANG KHYED CAG SPYOD PA'I LUGS KYIS SNANG BZHIN PA'I RNAM PA DE NI BLO MA YIN GYI, 'ON KYANG 'DI PHYI ROL GYI DON GYI RANG BZHIN DU BRJOD DE, RNAM PA DANG LDAN BA NI PHYI ROL GYI DON YIN LA, BLO NI RNAM PA MED PA YIN NO ZHES BSHAD PA'I PHYIR RO, ,GAL TE DE LTAR GYUR NA DE LAS

207a

, ,CIR 'GYUR ZHE NA, BRJOD PAR 'DOD PA'I YUL NA NI, ,ZHES BYA BA LA SOGS PA SMOS TE, BRJOD PAR 'DOD PA'I YUL NI GANG DU SGRO BTAGS PA BYAS PA STE, DE LTA BAS NA YUL DANG DUS GANG DANG 'BREL PA GLANG PO LA SOGS BA DE DAG YUL DE DANG 'BREL PA NYID DU SNANG BA YIN NA, RANG DANG BRAL PA'I YUL DANG DUS GZHAN DU CI'I PHYIR SNANG, DE LTA BAS NA SHES PA DE DAG NI DON DAM PAR MA 'DRES PA'I RANG BZHIN DANG G-YO BA'I BDAG NYID YIN TE, RES 'GA' BA YIN PA'I PHYIR RO ZHES BYA BAR GRUB PO, ,DE'I RANG BZHIN GYI SKYES BU YANG DU MA NYID DANG, MI RTAG PA NYID DU GRUB PO, ,'DI SNYAM DU SHES PA NI SKYES BU DE'I CHOS YIN LA, DES NA DE THA DAD NA YANG SKYES BU THA DAD PA MA YIN TE, DE NI CHOS CAN NYID YIN PA'I PHYIR RO ZHES BYA BAR 'DOD NA, DE NI MI RIGS TE, RTOGS PA DANG, SEMS PA CAN DANG, BLO DANG, SHES PA ZHES BYA BA NI DON GZHAN MA YIN PA'I PHYIR RO, ,MING THA DAD PA TZAM NYID KYIS DNGOS PO RNAMS RANG BZHIN THA DAD BA NI MA YIN NO, ,GZHAN YANG MING THA MI DAD NA YANG SHES PA DE DAG GI SEMS PA CAN GYI BDAG NYID GCIG RJES SU 'GRO BA'I NGO BOR 'DOD PA KHO NA'O, ,SEMS PA CAN DE THA MI DAD PA NA DE'I RANG BZHIN GYI SHES PA RNAMS KYANG CHA MED PA NYID YIN NO, ,DE LTA MA YIN NA 'GAL BA'I CHOS DANG LDAN PA'I PHYIR GCIG TU THA DAD PA KHO NAR 'GYUR RO, ,SHES PA DMIGS PA MED BAR BSTAN PA 'DI NYID KYIS BLO MNGON SUM MA YIN PA YANG SUN BYUNG BA YIN TE, 'DI LTAR YONGS SU GSAL BA'I RNAM PA DE NI PHYI ROL MA YIN PAR BSGRUBS PA YIN NO, ,DE LTA YIN DANG DE LTAR YONGS SU GSAL BA'I RNAM PA DE'I BDAG NYID DU GYUR BA NYID DU RTOGS PA NA RANG NYID GSAL BA'I NGO BO NYID YIN PA'I PHYIR BLO RNAMS RANG RIG PA'I NGO BOR GYUR PA YIN NO, ,GANG YANG, DPER NA RANG GI NGO BOS ME, ,ZHES BYA BA LA SOGS PA SMRAS PA, DE SUN DBYUNG BA'I PHYIR, 'DI NYID DU NYE BAR BSAG PA BSTAN PA NI, GAL TE BLO NI RTAG GNAS DANG; ,ZHES BYA BA LA SOGS PA STE, GAL TE BLO'I GNAS SKABS DON THAMS CAD RTOGS PA'I NGO BO DANG RTAG TU BA YIN NA, DE'I TSE DON THAMS CAD DU RIG PAR THAL BAR 'GYUR RO, ,JI LTAR ZHE NA, BLO NI SGRA YI YUL CAN GANG, ,ZHES BYA BA LA SOGS PA SMOS TE, 'DI LTAR SGRA'I YUL CAN SGRA'I RNAM

207b

BA CAN GANG YIN PA DE NYID RO DANG GZUGS LA SOGS PA'I YUL CAN YIN GYI, GZHAN NI MA YIN NO, ,DE LTA YIN DANG DON GCIG NYAMS SU MYONG BA'I DUS NA DON THAMS CAD NYAMS SU MYONG BAR THAL BAR 'GYUR TE, DE LA DMIGS PA'I BDAG NYID KYI BLO THAMS CAD DU GNAS PA'I PHYIR RO, ,GANG YANG; BLO GCIG GIS NI DU MA YI, ,RNAM SHES DE NI CIG CAR NYID, ,KHYAD PAR MED PHYIR RIM GYIS KYANG, ,MI 'GYUR DE KHYAD MED PHYIR RO, ,ZHES BSHAD DO, ,MIN ZHE NA ZHES BYA BA NI GAL TE SGRA'I YUL CAN GYI BLO DE NYID KYI RO LA SOGS PA'I SPYOD YUL CAN DU KHAS LEN PAR MI BYED NA, DE LTA NA BLO RNAMS KYI THA DAD PA KHYOD KYI RANG GI TSIG NYID KYIS BSTAN PAR 'GYUR RO, ,MED DPER BYAS PA NYID GANG YIN PA DE YANG MA GRUB PO ZHES BSTAN PA'I PHYIR, ME YANG BSREG BYA MA LUS PA'I, ,ZHES BYA BA LA SOGS PA SMOS TE, BSREG PAR BYA BA THAMS CAD SREG PA'I RANG BZHIN GYIS SREG PAR BYED PA RTAG TU GNAS BA NI MA YIN NO; ,DE LTA MA YIN NA BSREG BYA MTHA' DAG THAL BAR BYAS PAR 'GYUR TE, SREG PAR BYED PA 'BAR BA DANG 'BREL PA'I BSREG PAR BYA BA BZHIN DU RANG SREG PAR BYED PA NYID DU RTAG TU NYE BA'I PHYIR RO, ,YANG GI SGRAS NI BLO DON THAMS CAD RTOG PA'I RANG BZHIN MA YIN PA 'BA' ZHIG TU MA ZAD CES STON PAR BYED DO, , GAL TE DE LTA NA MI RTAG TU SREG PAR BYED PA'I BDAG NYID DU MI 'GYUR NA, 'O NA JI LTAR DON NYE BA YANG SREG PAR BYED CE NA, BSREG PAR BYA DON NYE NYID NA, ,ZHES BYA BA LA SOGS PA SMOS TE, DE LTA YIN NA ZHES BYA BA NI DE MA THAG TU BRJOD PA'I DON KHAS BLANGS PA NA, DON THAMS CAD CIG CAR SREG PAR THAL BAR MI 'GYUR TE, THAL BAR 'GYUR BA MI 'BYUNG NGO ZHES BYA BA'I DON TO, ,GANG YANG DPER NA ME LONG DANG BA'AM ZHES BYA BA LA SOGS PA SMRAS PA LA, ME LONG LA SOGS PA DE YANG RTAG PA DANG GCIG BU'I NGO BO NYID YIN NA MI RIGS SO ZHES BSTAN PA'I PHYIR, AUTPALA SNGON PO SOGS 'BREL LAS, ,ZHES BYA BA LA SOGS PA SMOS TE, SHEL DANG ME LONG LA SOGS BA SKAD CIG RE RER 'JIG BA YIN NA AUTPALA SNGON PO LA SOGS PA DANG PHRAD PAS PHYIN CI LOG PA'I SHES PA SKYE BA'I BDAG NYID DU 'GYUR RO, ,DE LTA MA YIN NA GAL TE SKAD CIG MA MA YIN PA DE'I GZUGS BRNYAN 'DZIN PAR 'GYUR NA, DE'I TSE NYE BAR BSGYUR

208a

, ,PA DANG BCAS PA'I GNAS SKABS GANG YIN PA DE KHO NA DE NYE BAR SGYUR BA MED PA'I GNAS SKABS YIN PA'I PHYIR SNGON PO LA SOGS PA'I NYE BAR SGYUR BA DANG BRAL BA LA YANG SNGON PO LA SOGS PA'I GZUGS BRNYAN YANG DAG PAR DMIGS PAR 'GYUR TE, SNGAR GYI NGO BO YONGS SU MA BTANG BA'I PHYIR RO, ,YANG NA NYE BAR BSGYUR BA'I GNAS SKABS NA YANG SNGON BO LA SOGS PA'I RNAM PA DANG BRAL BAR MTHONG BAR 'GYUR TE, SNGAR GYI NGO BO DANG KHYAD PAR MED PA'I PHYIR RO, ,'DIS NI SKAD CIG MA MA YIN PA'I PHYOGS LA SPYIR SHEL DANG ME LONG LA SOGS PA THAMS CAD KYI GZUGS BRNYAN RTOGS PA BSTZAL PA YIN NO, ,DA NI SKAD CIG MA DANG SKAD CIG MA MA YIN BA DAG GIS PHYOGS LA GZUGS BRNYAN RTOGS PA RE RE SEL BAR BYED PA NI BRTAN PA'I PHYIR ZHES BYA BA LA SOGS PA'O, ,BRTAN PA'I PHYIR TE, SKAD CIG MA MA YIN PA'I PHYIR SNGAR BZHIN DU ME LONG GI NGOS KYI GZUGS BRNYAN 'DZIN PA MA YIN NO ZHES 'BREL TE; SKAD CIG MA MA YIN NA YANG CHA MED PA'I PHYIR 'DZIN PA MA YIN ZHES SBYAR BAR BYA'O, ,'DI LTAR KHRON PA'I NANG DU CHUD PA'I CHU BZHIN DU ME LONG GI NGOS LA GZUGS BRNYAN NANG DU CHUD PAR DMIGS NA ME LONG GI NGOS LA BU GA YOD PA MA YIN TE, DBYIBS KYI YAN LAG CHES BAR MTSAMS MED PA NYID YIN PA'I PHYIR RO, ,DE LTA BAS NA 'DI NI 'KHRUL PA YIN NO, ,YANG NA MED PA NI SNGA MA DANG PHYI MA'I GNAS SKABS SNA TSOGS PA MED PA STE, 'DI LA RGYU NI BSTAN PA'I PHYIR, ,ZHES BYA BA YIN NO, ,DES NA DON 'DI YIN TE, BSTAN PA NYID KYIS CHA MED PA'I PHYIR TE, SNGA MA DANG PHYI MA'I GNAS SKABS DANG BRAL BA'I PHYIR RO ZHES BYA BA'I DON TO, ,GZHAN YANG, LUS CAN LDAN CIG MI GNAS PHYIR, ,ME LONG NGOS KYI GZUGS BRNYAN DAG ,'DZIN PA MA YIN ZHES SBREL BAR BYA'O, ,'DI LTAR ME LONG GI NGOS LA YUL DE KHO NAR RIL SOGS PA'I GZUGS BRNYAN DMIGS TE, LUS CAN GYI DNGOS PO RNAMS NI NAM YANG YUL GCIG PA NYID DU MI 'GYUR TE, BDAG NYID GCIG TU THAL BAR 'GYUR PA'I PHYIR RO, ,'DI YANG SKAD CIG MA DANG SKAD CIG MA MA YIN PA'I THUN MONG GI SUN 'BYIN PA YIN NO, ,SHEL LA YANG YANG DAG PAR NYE BAR BSGYUR BA'I GZUGS BRNYAN RTOGS PA MA YIN NO ZHES STON PA NI, ZUR GNYIS

208b

NA NI GNAS PAS KYANG, ,ZHES BYA BA LA SOGS PA SMOS TE, 'DI LTAR GANG KHO NA'I TSE RTOGS PA PO MDUN NA GNAS PAS THANG GI PADMA DANG PHRAD PAS SHEL DMAR POR DMIGS PA KHO NA'I TSE GANG DAG ZUR GNYIS NA GNAS PA DE DAG GI SHEL RDO MTHA' DAG SHIN TU DKAR BAR DMIGS KYI, CHA SHAS KYIS NI MA YIN NO; ,DE LTA YIN DANG GAL TE DE'I GZUGS BRNYAN 'DZIN PAR 'GYUR BA DE'I TSE MDUN NA GNAS PA'I SKYES BU BZHIN DU ZUR GNYIS NA GNAS PA'I RTOGS PA PO DAG GIS KYANG DMAR POR SNANG BA 'DZIN PAR 'GYUR RO, ,'DI YANG SKAD CIG MA DANG SKAD CIG MA MA YIN PA DAG LA YANG THUN MONG BA'I SKYON YIN NO, , GAL TE GZUGS BRNYAN DE 'DZIN PA LA SOGS PAS NI SKAD CIG MA YIN PA'I PHYOGS KYI SKYON BSHAD DE, GAL TE DON DAM PAR SHEL LA SOGS PA'I YUL GYI GZUGS BRNYAN 'DZIN PAR 'GYUR NA, DE'I TSE GO RIMS BZHIN DU 'BYUNG BA'I YUL GYI GZUGS BRNYAN RNAMS KYI RANG BZHIN THA DAD PA'I PHYIR GCIG GI BDAG NYID DU MI 'GYUR RO, ,DE BZHIN DU DE'I BDAG NYID KYI SHEL LA SOGS PA LA YANG BSGYUR BYA DANG, SGYUR BYED LA SO SO'I SGYUR BYED THA DAD PAR THAL BAR 'GYUR RO, ,GAL TE YANG 'DI 'KHRUL PA YIN NO ZHES KHAS LEN PAR BYED NA DE'I TSE 'DI NYID LA NYES PA 'DI MED DO ZHES SHES PAR BYED PA'I DON DU DE NYID DU YOD NA ZHES SMOS SO, ,GANG GI PHYIR YANG DE LTAR PHYOGS GNYIS KA LA YANG GZUGS BRNYAN 'DZIN PA MI 'THAD DE, DE PHYIR 'DI NI 'KHRUL PA YIN NO ZHES BYA BAR GNAS SO, ,GAL TE DE LTA NA CI'I PHYIR SHEL LA SOGS PA KHO NA LA 'KHRUL PA DER 'GYUR GYI, RTZIG PA LA SOGS PA LA NI MA YIN ZHE NA, DE PHYIR BSAM GYIS MI KHYAB PA'I, ,NUS PA SNA TSOGS ZHES BYA BA SMOS TE, SNA TSOGS NI RNAM PA DU MA BSAM GYIS MI KHYAB PA'I NUS PA DAG GANG DAG BKOD PA DE LA DE SKAD CES BYA'O, ,DNGOS PO RNAMS KYI NUS PA SO SOR NGES PA NI BRGAL ZHING BRTAG PAR 'OS PA MA YIN TE, DE NI RANG GI RGYU BRGYUD BAS BYAS PA'I PHYIR RO, ,CHA 'DI LA KHYED CAG DANG RTZOD PA MED DE, JI SKAD DU, ME NI SREG BYED NAM MKHA' MIN, ,'DI LA BRTZAD DU CI ZHIG YOD, ,CES BSHAD PA LTA BU'O, ,GAL TE DE LTA NA 'O NA BLO LA YANG YUL GYI GZUGS BRNYAN 'DZIN PA 'KHRUL PA YIN MOD, GZUGS BRNYAN 'DZIN PAR 'GYUR BA NI MA YIN NO ZHE NA,

209a

, ,BLO 'KHRUL NGO BO YANG ZHES BYA BA LA SOGS PA SMOS TE, BLO LA 'KHRUL PA SRID PAR RIGS PA MA YIN TE, YANG GI SGRAS NI, GZUGS BRNYAN 'DZIN PAR MI RIGS PA 'BA' ZHIG TU MA ZAD CES BYA'O, ,CI'I PHYIR ZHE NA, THA DAD PA DANG BRAL PHYIR TE, THA DAD PA MED PA'I PHYIR RO, , SHEL LA SOGS PA DAG LA NI 'KHRUL PAR RIGS TE, DE DAG LAS THA DAD PA'I 'KHRUL PA'I BLO YOD PA'I PHYIR RO, ,DE BZHIN DU BLO LA 'KHRUL PA'I NGO BO'I BLO GZHAN YOD PA NI MA YIN TE, ,'DI LTAR BLO GCIG KHO NAR 'DOD DO, ,BLO NI RANG NYID KYIS 'KHRUL PA'I NGO BOR SKYE'O ZHES BRJOD PAR YANG MI RIGS TE, BLO RTOG PA NYID DU KHAS BLANGS PA'I PHYIR RO, ,GANG YANG RTAG PA NYID DANG GCIG PU NYID BSGRUB PA'I DON DU, ,DE LA RTOGS PA'I BDAG NYID DU, ,BLO NI NGO SHES PAR BYED DE, ,ZHES SMRAS PA DE LA, RTOGS MED NGO BO LAS LDOG PA, ,ZHES BYA BA LA SOGS PA SMOS TE, NGO BO SHES PA 'DI NI MA NGES PA YIN TE, 'DI LTAR RTOGS BA MED PA'I NGO BO BUM PA LA SOGS PA LAS LDOG BA THA DAD PA SGRO BTAGS NAS BLO THAMS CAD NI SNA TSOGS PA YIN NA YANG NGO SHES PA 'JUG PA 'GAL BA MED PA KHO NA'O, ,GANG SNA TSOGS PA NYID YIN PA NGO SHES PA 'DI NI RIGS MI MTHUN PA LAS LDOG PA'I RGYU MTSAN GYIS BYAS PA YIN NO ZHES BYA BA 'DI NI GDON MI ZA BAR SHES PAR BYA'O, ,SNA TSOGS PA NYID MA YIN PA KHO NA BYA BA NI MA YIN NO, ,'DI LTAR DMIGS PA MED PA'I SGRO BTAGS PA'I BLO LA DON THA DAD PA LA MI RTEN NA YANG NGO MI SHES PA YOD PA NYID DO, ,DE LA GANG KHO NA LA GLANG PO'I BLO 'GYUR BA DE NYID LA RTA DANG SHING RTA'I BLOR 'GYUR BA DE LTA BU NI YOD PA MA YIN NO, ,BLO 'DI DAG NI DMIGS PA MED PA YIN NO ZHES BSGRUBS ZIN PAS YANG MI BRJOD DO, ,DES NA GANG, THA DAD DON LA MI RTEN PAR, ,NGO SHES MED PA YOD MA YIN, ,ZHES SMRAS PA DE NI MA GRUB BO ZHES GZUNG BAR BYA'O, ,GZHAN YANG GAL TE KHYED CAG GIS RTAG PA DANG GCIG PU'I NGO BO'I BDAG 'DOD PA DE'I TSE BDE BA LA SOGS PA'I GNAS SKABS THA DAD PAR MI 'GYUR RO, ,'ON TE BDE BA LA SOGS PA'I GNAS SKABS THA DAD PA KHAS LEN NA'O NA 'DI NI RTAG PA DANG GCIG PU'I NGO BO NYID KHAS BLANG PAR MI BYA'O, ,GCIG LA THA DAD BA DANG THA MI DAD PA PHAN TSUN 'GAL BA'I RANG

209b

BZHIN RIGS PA NI MA YIN NO, ,RTZOD PA 'DI SPANG BA'I DON DU GZHON NU MA LEN GYIS SMRAS PA GANG YIN PA DE RE ZHIG SUN DBYUNG BA'I PHYIR BSTAN PA NI, GNAS SKABS THA DAD THA DAD PAS, ,ZHES BYA BA LA SOGS PA SMOS TE, BDE BA LA SOGS PA'I GNAS SKABS RNAMS KYI THA DAD PA STE, SNA TSOGS PA NYID DE, DES THA DAD PA SKYES BU SNA TSOGS PA NYID DE, DES SDONG ZHES BSDU'O, ,GNAS SKABS SNA TSOGS PA YIN NA YANG RANG BZHIN GCIG GO ZHES BYA BA'I DON TO, ,'DI LA RGYU BSTAN PA'I BDAG NYID CES BYA BA SMOS TE, BRTAN PA BRTAG PA'I BDAG NYID DE RANG BZHIN GYI BDAG GANG YIN PA DE LA DE SKAD CES BYA'O, ,YANG NA GNAS SKABS THA DAD PA NI GNAS SKABS KYI KHYAD PAR TE, BDE BA LA SOGS PA'O, ,DE DAG LAS MTHA' GCIG TU THA DAD PA STE LOGS SHIG PA'I NGO BO DES STONG PA STE DE DANG THA MI DAD PA YIN NA YANG ZHES BYA BA'I DON TO, ,YONGS SU BRTAGS PA DE CI ZHIG YIN ZHE NA, BDE SDUG LA SOGS ZHES BYA BA LA SOGS PA SMOS TE, RTOGS PA YIN NA YANG ZHES BYA BA SHES PA YIN NA YANG NGO, ,MI ZHES BYA BA NI BDAG GO, ,SEMS CAN RDZAS YOD NYID SOGS LA, ,ZHES BYA BA LA, SOGS PA'I SGRAS SHES BYA NYID DANG, GZHAL BYA NYID DANG, BYED PA PO NYID DANG, ZA BA PO NYID LA SOGS PA'I SPYI'I CHOS GZUNG NGO, ,KHYAD PAR GYI CHOS SHIN TU CHAD PA YANG MA YIN ZHES BSTAN PA'I PHYIR, GNAS SKABS GZHAN NI ZHES BYA BA LA SOGS PA SMOS TE, SNGA MA ZHES BYA BA NI BDE BA LA SOGS PA'I GNAS SKABS SO, ,GAL TE DE LTA NA BDE BA LA SOGS PA'I GNAS SKABS NA YANG CI'I PHYIR SDUG BSNGAL LA SOGS PA MI MYONG ZHE NA, PHYI MA'I RJES SU MTHUN BYA'I PHYIR, ,ZHES BYA BA LA SOGS PA SMOS TE, RANG GI NGO BO NYID KYIS GNAS SKABS NA PHYIS KYI SDUG BSNGAL GYI GNAS SKABS MI 'BYUNG BAS DE'I PHYIR, SEMS PA CAN DANG RDZAS LA SOGS PA'I MTSAN NYID CAN GNAS SKABS THAMS CAD DU RJES SU 'GRO BA'I SPYI'I BDAG LA DE THIM PA YIN TE, PHYIS KYI SDUG BSNGAL GYI GNAS SKABS SKYE BA DANG RJES SU MTHUN PAR 'GYUR BAS DE'I DON DU DE DE LA THIM PA YIN NO, ,GAL TE DE LTA YIN NA GNAS SKABS GZHAN BZHIN DU SPYI'I BDAG LA YANG GNAS SKABS THIM PA MI RIGS TE, 'GAL BA'I PHYIR RO ZHES DOGS PA LA GNAS

210a

, ,SKABS RANG GI NGO BO YIS, ,ZHES BYA BA LA SOGS PA SMOS TE, BDE BA DANG SDUG BSNGAL LA SOGS PA'I RANG GI NGO BOS GNAS SKABS RNAMS PHAN TSUN 'GAL BA'I PHYIR PHAN TSUN THIM PAR MI RIGS SO, ,GANG GIS 'DI DE LA MI 'GYUR BA GNAS SKABS CAN SPYI'I BDAG LA NI THIM PA LA 'GAL BA CI YOD; 'DI LTAR SPYI'I BDAG 'DI GNAS SKABS THAMS CAD DU 'GAL BA MED BAR RJES SU 'JUG PAR MTHONG STE GNAS SKABS THAMS CAD LA SEMS PA CAN LA SOGS PA DMIGS PA'I PHYIR RO, ,DE LA ZHES BYA BA LA SOGS PAS LAN 'DEBS PAR BYED DO, ,GAL TE SKYES BU LAS GNAS SKABS RNAMS NGES PAR THA DAD PAR MI 'DOD NA, DE'I TSE DE DAG SKYE BA DANG 'JIG PA NA STE, GNAS SKABS DE DAG SKYE BA DANG 'JIG PA YIN NA SKYES BU 'DI LA YANG DE DAG STE, SKYE BA DANG 'JIG PA DAG TU 'GYUR RO, ,GCIG TU ZHES BYA BA'I TSIG NI CUNG ZAD THA MI DAD PA YIN YANG GNAS SKABS BZHIN DU SKYE BA DANG 'JIG PAR THAL BA BZLOG PAR DKA'O ZHES SHES PAR BYA BA'I PHYIR RO, ,SBYOR BA NI GANG ZHIG GANG LAS THA MI DAD PA DE NI DE SKYE BA DANG 'JIG PA NA SKYE BA DANG 'JIG PA DAG TU 'GYUR TE, DPER NA BDE BA LA SOGS PA'I RANG GI NGO BO'I DE DAG NYID BZHIN NO, ,SKYES BU LA YANG BDE BA LA SOGS PA DANG THA MI DAD PA'I RANG BZHIN YIN NO ZHES BYA BA NI RANG BZHIN GYI GTAN TSIGS SO, , GTAN TSIGS 'DI MA NGES PA YANG MA YIN NO ZHES BSTAN PA'I PHYIR, 'GAL BA'I CHOS DANG LDAN NA NI, ,ZHES BYA BA LA SOGS PA SMOS TE, GAL TE GNAS SKABS DAG KHO NA SKYE BA DANG 'JIG PA YIN GYI, SKYES BU NI MA YIN NO ZHES BYA BA DE LTA BU SKYE BA DANG MI SKYE BA'I MTSAN NYID 'GAL BA'I CHOS DANG LDAN PA KHAS LEN NA, DE'I TSE THA DAD PAR THAL BAR 'GYUR TE, DPER NA SKYES BU MANG PO RNAMS KYI PHAN TSUN RANG NYID SO SOR NGES PA'I BDAG NYID KYI RANG BZHIN GYIS PHAN TSUN THA DAD PA BZHIN NO, ,THA DAD PA'I THA SNYAD KYI RGYU MTSAN NI 'DI TZAM DU ZANG PA'I PHYIR RO SNYAM DU DGONG SA PA YIN NO, ,SKYES BU YANG DNGOS PO LA SOGS PA'I NGO BOS PHAN TSUN THA DAD PA MED PAS DE'I PHYIR BSGRUB BYA MA TSANG BA BZLOG PA'I CHED DU BDAG NYID SO SOR NGES PA ZHES BYA BA SMOS SO, ,BDAG NYID SO SOR NGES PA'I NGO BO 'DI DAG NI NGES PAR THA DAD PA YIN TE, DE LTA MA YIN NA NYAMS SU MYONG BA DANG DRAN PA LA SOGS PA SO SOR NGES PA MED PA'I PHYIR RNAM PAR GZHAG PA

210b

'CHOL PAR 'GYUR RO, ,SBYOR BA NI GANG DANG GANG GRUB PA DANG BDE BA GCIG PA MA YIN PA DE NI DE DANG LHAN CIG THA MI DAD PA MA YIN TE, DPER NA PHAN TSUN SO SOR NGES PA'I BDAG NYID KYI NGO BOS SKYES BU BZHIN NO, ,BDE BA LA SOGS PA'I GNAS SKABS KYANG SKYES BU DANG LHAN CIG GRUB PA DANG BDE BA THA DAD PA YIN NO ZHES BYA BA NI KHYAB PAR BYED PA MI DMIGS PA'O, ,GANG YANG, GNAS SKABS GZHAN NI SKYE 'GYUR TSE, ,SNGA MA GTAN DU 'JIG MI 'GYUR, ,ZHES BYA BA LA SOGS PA SMRAS PA DE LA, GAL TE KHYOD KYI SKYES BU LA, ,ZHES BYA BA LA SOGS PA SMOS TE, SPYI'I GNAS SKABS LA THIM PA NA RANG GI NGO BO NYID KYIS SAM, GZHAN GYI NGO BOS THIM PA YIN GRANG, DE LA GAL TE RANG GI NGO BOS YIN NA DE'I TSE BDE BA LA SOGS PA 'BYUNG NA YANG STE, BDE BA LA SOGS PA'I GNAS SKABS NYAMS SU MYONG BA NA YANG DE SDUG BSNGAL LA SOGS PAR NYAMS SU MYONG BAR 'GYUR TE, DMIGS PA'I MTSAN NYID DU GYUR PA'I PHYIR RO, ,'ON TE GZHAN GYI NGO BOS ZHES BYA BA'I PHYOGS YIN NA, DE LA GZHAN GYI NGO BO ZHES BYA BA LA SOGS PA SMOS SO, ,GZHAN YANG SKYES BU LA SDUG BSNGAL LA SOGS PA 'PHO BA DE'I BDAG NYID DU 'DOD DE, DE LTA YIN DANG SDUG BSNGAL LA SOGS PA BZHIN DU DE LAS THA MI DAD PA'I PHYIR, BDAG DE SKYES NA SKYE LDAN TE, ,SKYE BA DANG LDAN PAR 'GYUR RO, ,GANG LA; SKYES BU BYED PO ZA PO NI, ,GNAS SKABS LA NI MI RTEN ZHES SMRAS PA DE LA, GAL TE BYED PO ZA BA PO, ,ZHES BYA BA LA SOGS PA SMOS TE, GAL TE BYED PA PO NYID LA SOGS PA SKYES BU KHO NA LA RTEN PAR GYUR NA, DE NI SNGA MA'I NGO BO MA MA BTANG BA'I BDAG LA SRID PA MA YIN NO, ,SBYOR BA NI GANG ZHIG BYED PA PO DANG ZA BA PO MA YIN PA'I GNAS SKABS YONGS SU MA BTANG BA DE NI BYED PA MA YIN LA, ZA BA YANG MA YIN TE, DPER NA NAM MKHA' BZHIN NO, ,SKYES BU YANG THAMS CAD DU BYED PA PO DANG ZA BA PO MA YIN PA'I GNAS SKABS YONGS SU MA BTANG BA YIN NO ZHES BYA BA NI KHYAB BYED 'GAL BA DMIGS PA'O; ,SLOB DPON PHYOGS KYI GLANG PO'I ZHAL SNGA NAS KYIS, SKYES BU'I BLO NI SKYE BA NA, ,GAL TE 'GYUR NA MI RTAG NYID, ,'ON TE 'GYUR BA MA YIN NA, ,BDAG GZHAN 'JAL BYED MI DMIGS SO, ,ZHES BYA BA GANG YIN PA 'DI BSHAD PA NA, DE LA GZHON NU MA LEN GYIS, MI RTAG SGRA YI

211a

, ,BRJOD BYA NYID, ,BDAG NI ZLOG PAR BYED MA YIN, ,RNAM PAR 'GYUR BA TZAM BRJOD PHYIR, ,DE TZAM GYIS 'DI CHAD MI 'GYUR, ,ZHES SMRAS TE, ,DE 'DIR MJUG BSDU PA'I THABS KYIS SKYON BSHAD PA'O, ,DE STE DE'I PHYIR, RTAG PA'I SGRA'I BRJOD BYA NYID KHO BOS MA BZLOG STE, RANG GI NYE BAR LEN PA SNGON DU SONG BA'I SKAD CIG RE RER 'JIG PA'I SEMS PA CAN 'KHOR BA JI SRID PAR RGYUN MI 'CHAD PA'I PHYIR RO, ,'ON KYANG RANG GI NGO BO STE, RANG BZHIN 'GYUR LDAN PHYIR TE, NGES PA SNGA MA'I RANG BZHIN YONGS SU BTANG NAS RANG BZHIN GZHAN SKYE BA'I PHYIR CHAD PA STE 'DI'I 'JIG PA GSAL RAB PA NYID DU 'GYUR RO, , GANG YANG SBRUL LA SOGS PA DPE NYID DU BLANGS PA DE YANG RTAG PA DANG GCIG PU'I NGO BO NYID DU MA GRUB PO ZHES BSTAN PA'I PHYIR, SBRUL YANG ZHES BYA BA LA SOGS PA SMOS TE, JI LTAR SKYES BU BSTAN PA GCIG PU'I NGO BO YIN PA'I PHYIR, GNAS SKABS GZHAN 'BYUNG BA RIGS PA MA YIN PA DE BZHIN DU SPRUL LA YANG MI RIGS PA YIN NO, ,GANG GI TSE YANG 'DI SKAD CIG MA 'JIG PAR 'GYUR BA'I TSE GNAS SKABS GZHAN 'BYUNG BA RIGS PA YIN TE, GNAS SKABS GZHAN 'BYUNG BA'I MTSAN NYID NI RANG BZHIN GZHAN SKYE BA YIN PA'I PHYIR RO, ,GANG YANG NGAS, RIG CES BYA BA'I BDAG GI BLOS, ,SHES PA PO NYID RTOGS PAR 'GYUR, ,ZHES SMRAS PA DE LA MA GRUB PO ZHES BSTAN PA'I GNAS SKABS DMIGS PA MED PA NYID KYIS NI ZHES BYA BA LA SOGS PA SMOS TE, NGA RGYAL 'DI LA NI GANG GIS 'DI'I YUL SHES PA PO YIN PAR 'GYUR BA DON DAM PAR DMIGS PA CUNG ZAD YOD PA YANG MA YIN NO, ,GAL TE DE LTA NA 'DI SKYE BA'I RGYU MTSAN GANG YIN ZHE NA, THOG MED CES BYA BA LA SOGS PA SMOS TE, SEMS CAN DU LTA BA NI 'JIG TSOGS LA LTA BA'O, ,DE'I SA BON NI BAG CHAGS TE NUS PA ZHES BYA BA'I DON TO, ,THOG MA MED PA YANG DE YIN LA SEMS CAN DU LTA BA'I SA BON YANG YIN NO ZHES TSIG RNAM PAR SBYAR RO, ,DE'I STOBS NI BDAG PO'O, , 'GA' ZHIG LA ZHES BYA BA NI NANG GI BDAG NYID DU NGES PA NYID KYI SKYE MCHED DRUG LA'O, ,'ON TE CI'I PHYIR THAMS CAD DU MI 'JUG CE NA, 'DU BYED 'GA' ZHIG CES BYA BA LA SOGS PA SMOS SO, ,DE YI NGO BOR NGES BYAS LA, ,ZHES BYA BA NI, SNGA MA DANG PHYI MA'I DUS SU 'JUG PA'I SHES PA PO'I NGO BO NGES PA'I NGA RGYAL

211b

LA'O; ,KUN DU ZHES BYA BA NI RGYUD GZHAN DANG BUM PA LA SOGS PA RNAMS LA'O, ,GZHAN YANG NGA RGYAL GYI DMIGS PA BDAG YIN NA YANG CI'I PHYIR BDAG GZHAN LA YANG 'JUG PAR MI 'GYUR ZHES BYA BA'I BRGAL ZHING BRTAG PA MTSUNGS SO, ,NUS PA SO SOR NGES PA'I PHYIR DE LTA MA YIN NO ZHE NA, GLA TE DE LTA NA KHO BO CAG LA YANG NUS PA NGES PA'I PHYIR NANG GI DNGOS PO 'GA' ZHIG KHO NA LA 'JUG GI ,THAMS CAD LA NI MA YIN NO ZHES BYA BA'I RNAM PAR GZHAG PA THAMS CAD 'CHOL BA MED PA NYID DO, ,'DI SNYAM DU RNAM BAR GZHAG PA 'DI YIN LA RAG MOD, 'ON KYANG 'DI'I DMIGS PA MED PA NYID JI LTAR 'GRUB SNYAM DU SEMS NA, RTAG PAR DMIGS PA'I PHYOGS LA NI, ,ZHES BYA BA LA SOGS PA SMOS TE, 'DI LTAR 'DI'I DMIGS PAR 'GYUR BA RTAG PA'AM, MI RTAG PA ZHIG YIN GRANG, GAL TE RTAG PA YIN NA DE'I TSE NGA RGYAL THAMS CAD DE, NGA RGYAL RNAMS CIG CAR DU 'GYUR TE, RGYU MA TSANG BA MED PA'I PHYIR RO, , RGYU MA YIN BA NI DMIGS PAR MI RIGS TE, HA CANG THAL BAR 'GYUR BA'I PHYIR RO, ,NUS PA'I RGYU NI LHAN CIG BYED PA DAG LA LTOS PA YANG MA YIN NO ZHES BYA BA 'DI NI LAN CIG MA YIN PAR DPYAD ZIN TO, ,NGA RGYAL 'DI NI GCIG KHO NA YIN NO ZHES KYANG BRJOD PAR MI NUS TE, RES 'GA' BA NYID KYIS DU MA NYID DU GRUB PA'I PHYIR RO, ,'DI LTAR GNYID STUG PO LOG PA DANG, MYOS PA DANG, BRGYAL BA'I GNAS SKABS SU NGA RGYAL RIGS PA MA YIN LA, YANG GZHAN GYI TSE RIGS PA YIN PA'I PHYIR THAMS CAD DU MA DMIGS PAS 'DI RES 'GA' NYID DU GRUB BO, ,RES 'GA' BA NYID KYIS KYANG DU MA YIN NO, ,DE'I PHYIR NGA RGYAL THAMS CAD DE YOD PA TZAM NA YOD PA RNAMS CIG CAR SKYE BAR 'GYUR RO, ,YANG MI RTAG PA DMIGS PA YIN NO ZHES BYA BA'I PHYOGS YIN NA, DE'I TSE MIG LA SOGS PA'I RNAM PAR SHES PA BZHIN DU NGA RGYAL THAMS CAD CHES GSAL BAR SNANG BAR THAL BAR 'GYUR TE, RANG GI MTSAN NYID KYI DNGOS PO DNGOS SU 'DZIN PA'I PHYIR RO, ,DE'I PHYIR NI DE LTA BAS NA'O, ,GZHAN GYI ZHES BYA BA NI GZHON NU MA LEN LA SOGS PA MU STEGS BYED PA DAG GIS SHES PA'I SKAD CIG DE'I YUL DU CI ZHIG RTOG CES BYA BA LA SOGS PA 'DI'I DMIGS PA BRGAL ZHING BRTAG PA DON MED DO, ,DE LA NGA RGYAL 'DI NI DMIGS PA MED PA KHO

212a

, ,NA YIN TE, THOG MA MED PA'I 'JIG TSOGS LA LTA BA'I BAG CHAGS KYI STOBS KYIS 'KHRUL PA 'JUG PA YIN NO ZHES GANG SMRAS PA, 'DI LA GZHON NU MA LEN GYIS BRJOD PA'I SUN 'BYIN PA 'DOGS PAR BYED PA NI, SHES PA PO LA ZHES BYA BA LA SOGS PA SMOS TE, BAG CHAGS NI SHES PA PO'I YUL LA NGO SHES PA'I BYED PA POR 'OS KYI, DE MIN LA STE, SHES PA PO MA YIN PA LA, DE ZHES TE SHES PA PO ZHES SHES PA STE, NGO SHES PA'I BAG CHAGS BYED PA POR 'OS PA MA YIN NO ZHES SBREL BAR BYA'O, ,CI'I PHYIR ZHE NA, 'DI NI 'KHRUL PA'I RGYU MA YIN GYI, 'ON KYANG 'DI NI JI LTAR NYAMS SU MYONG BA'I RGYU YUL GYI DON NYID LA SHES PA SKYED PAR BYED PA YIN GYI, 'KHRUL PA NI MA YIN NO ZHES BYA BA'I DON TO, ,DE LTA BAS NA NGA RGYAL 'DI NI BAG CHAGS KYIS BSKYED PA'I PHYIR DANG, GNOD PAR BYED PA'I TSAD MA MED PA'I PHYIR 'KHRUL PAR RIGS PA MA YIN NO, ,GAL TE SGRA NI GNOD MED PHYIR, ,ZHES BYA BA 'DI'I MJUG THOGS SU RIM PA BZHIN DU BLTA BAR BYA'O, ,MA YIN ZHES BYA BA LA SOGS PAS LEN 'DEBS PA YIN NO, ,BSHAD MA THAG PA'I RIGS PA NI, RTAG PA DMIGS PA'I PHYOGS LA NI, ,ZHES BYA BA LA SOGS PA SMRAS PA DANG, GANG YANG, BAG CHAGS 'KHRUL PA'I RGYU MA YIN, ,ZHES SMRAS PA, DE NI MA NGES PA YIN NO ZHES BSTAN PA'I PHYIR, DBANG PHYUG SOGS LA ZHES BYA BA LA SOGS PA SMOS TE, GAL TE BAG CHAGS 'KHRUL PA'I RGYU MA YIN NA, DE'I TSE DBANG PHYUG SKYE BA DANG LDAN PA THAMS CAD RGYU THAMS CAD SHES PA BLO RTAG PA'I RTEN YIN NO ZHES BYA BA LA SOGS PA'I 'KHRUL PA JI LTAR BAG CHAGS TZAM YONG PAS 'BYUNG BAR 'GYUR, 'DI LTAR GZHON NU MA LEN GYIS KYANG DBANG PHYUG LA SOGS PA 'GRO BA'I BYED PA PO YIN PA BKAG PA KHO NA'O, ,BAG CHAGS TZAM GYI NGO BO LAS, ,ZHES BYA BA LA TZAM SMOS PA NI, DE LTA BUR GYUR PA'I DMIGS PA'I DON RNAM PAR BCAD PA'I DON DU'O, ,DE LTA BAS NA NGA RGYAL DMIGS PA MED PA'I PHYIR DES GZUNG BAR BYA BA'I SHES PA PO 'GA' ZHIG GRUB PA YOD PA MA YIN PAS DE'I PHYIR BDAG GRUB PA MA YIN NO, ,GANG YANG, 'DAS PA'I NGA RGYAL GYIS GZUNG BYA, ,ZHES BYA BA LA SOGS PA RTAG PA NYID DU SGRUB PAR BYED PA SMRAS PA, DE LA DE'I

212b

PHYIR TSAD MA ZHES BYA BA LA SOGS PA SMOS TE, 'GA' YANG ZHES BYA BA NI RTAG PA'AM MI RTAG PA'I SHES PA PO DPE'I CHOS CAN YOD PA MA YIN PAS DPE MA GRUB BO, ,'DI LTAR SBYOR BA DANG PO DANG GYIS PA DAG LA CHOS CAN MA GRUB PA'I DPE'I SKYON YIN TE, DA LTAR DANG KHAR TSANG GI NGA'I SHES PAS RTOGS PAR BYA BA'I SHES PA PO 'GA' YANG MED PA'I PHYIR RO, ,SBYOR BA GSUM PA LA YANG BLO GCIG BZHIN NO ZHES BYA BA'I DPE BSGRUB PAR BYA BA DANG SGRUB PAR BYED PA MA TSANG BA YIN TE, MNGON BAR 'DOD PA NYID GYI BLO GCIG RGYUD GCIG DANG 'BREL PA'I SHES PA PO NGA'I SHES PAN YID DAM, YUL CIG ,NYID DU MA GRUB PA'I PHYIR RO, ,DE BAS NA CHOS GNYIS MA GRUB PA'I SGO NAS 'DI YANG MA GRUB PA NYID DU BSTAN TO, ,JI LTAR RIGS PA BSTAN PA YIN, ,ZHES BYA BA LA, BSTAN PA NI SNGAR NYE BAR BKOD PA'I GTAN TSIGS GANG DAG YIN PA DE DAG JI LTAR RIGS PAR TE, JI LTAR SRID PA GZHI MA GRUB PA YIN NO ZHES BYA BA'I DON TO, ,'DI LTAR SBYOR BA DANG PO DANG GNYIS PA DAG LA GTAN TSIGS GSUM KA YANG GZHI MA GRUB PA YIN TE, NGA'I SHES PAS GZUNG BAR BYA BA'I CHOS CAN SHES PA PO 'GA' YANG MA GRUB PA'I PHYIR RO, ,SBYOR BA GSUM PA LA NI CHOS CAN SHES PA RNAMS GRUB PA'I PHYIR GZHI MA GRUB PA MA YIN MOD KYI, 'ON KYANG DE DAG LA RGYUD GCIG DANG MA 'BREL PA'I SHES PA PO'I YUL NYID KYIS KHYAD PAR MA GRUB STE, DMIGS PA MED PA NYID DU BSGRUBS ZIN PA'I PHYIR RO, ,DE'I PHYIR JI LTAR RIGS PAR ZHES BSHAD DO, ,DE KHO NA NYID BSDUS PA'I DKA' 'GREL LAS DPYOD PA BAS KUN DU BRTAGS PA'I BDAG BRTAG PA STE BRGYAD PA'O,, ,,DA NI GRANGS CAN GYIS KUN DU BRTAGS PA'I BDAG DGAG PAR BYA BA'I PHYIR, GZHAN DAG CES BYA BA LA SOGS PA SMOS TE, GZHAN DAG CES BYA BA NI GRANGS CAN RNAMS SO, ,DE DAG NI SEMS PA CAN BDAG GI RANG GI NGO BO BLO LAS THA DAD PAR RTOG PAR BYED DE; 'DI LTAR BLO NI GTZO BO'I RANG BZHIN YIN LA, SEMS PA CAN NI SKYES BU NYID KYI RANG GI NGO BO YIN NO ZHES BYA BA NI DE DAG GI GZHUNG LUGS YIN NO, ,SKYES BU DE YANG DGE BA DANG MI DGE BA'I LAS KYI 'BRAS BU GTZO BOS DRANGS PA'I ZA BA PO YIN GYI, LAS RNAMS KYI BYED PA PO NI MA YIN TE, 'GRO BA

213a

, ,THAMS CAD KYI YONGS SU 'GYUR BA NGO BO'I RANG BZHIN NYID BYED PA BO NYID DU 'DOD BA'I PHYIR RO, ,'DIR YANG TSAD MA DAG STON PA NI, GANG ZHIG 'DUS PA'I NGO BO NYID KYIS DNGOS PO YIN BA DE NI GZHAN GYI DON BYED BAR MTHONG STE, DPER NA MAL CHA DANG STAN LA SOGS BA'I YAN LAG BZHIN NO, , MIG LA SOGS PA YANG BSAGS PA'I NGO BO YIN NO ZHES BYA BA NI RANG BZHIN GYI GTAN TSIGS SO, ,GZHAN GANG YIN PA DE YANG SHUGS KYIS BDAG YIN NO ZHES BYA BAR GRUB PO ZHES BYA BA NI GZHAN GYI BSAM BA'O, ,DE LA YANG ZHES BYA BA LA SOGS PAS RE ZHIG DAM BCA' BA'I DON SUN 'BYIN BAR BYED DE, 'DI LTAR SEMS BA CAN SKYES BU'I RANG GI NGO BO YIN NO ZHES SMRA BA NA, SEMS PA CAN RTAG PA DANG GCIG BU'I NGO BO YIN NO ZHES BYA BAR DAM BCAS PAR 'GYUR TE, RTAG PA DANG GCIG BU'I NGO BO'I SKYES BU LAS DE THA MI DAD PA'I PHYIR RO, ,'DI YANG MNGON SUM DANG 'GAL BA YIN NO, ,GANG GI PHYIR GZUGS DANG SGRA LA SOGS PA'I SEMS RANG RIG PA'I NGO BO THA DAD PA DANG LDAN PA RANG BZHIN THA DAD PA CHES GSAL BAR SHIN TU GSAL BA NYID DU RIG STE, DE YANG SEMS PA CAN GCIG YIN NA 'THAD PA MA YIN NO, ,KHAS BLANGS PA DANG 'GAL BAR YANG BSTAN PA'I PHYIR SEMS BA CAN GYI NGO BO GCIG CES BYA BA LA SOGS PA SMOS TE, BDAG NGO BO GCIG PA YANG YIN LA, DON RNAM BA SNA TSOGS PA'I ZA ZAB PO YANG YIN NO ZHES JI LTAR PHAN TSUN 'GAL BA YIN TE, ZA BA PO MA YIN PA'I GNAS SKABS DANG KHYAD PAR MED PA'I PHYIR RO, ,BLTA BAR 'DOD PA LA SOGS PA DANG LDAN PAR 'GAL BA MED DO ZHE NA, BLTA 'DOD LA SOGS ZHES BYA BA LA SOGS PA SMOS TE, GANG DAG GZUGS LA SOGS PA LA LTA BAR 'DOD PA DANG NYAN BAR 'DOD PA LA SOGS PA DE'I PHAN TSUN THA DAD PA LA LONGS SPYOD PA'I RGYU MTSAN NYID DU BRTAGS BA DE DAG KYANG BDAG 'DI LA 'GYUR BA MIN TE, 'BYUNG BA MA YIN NO, ,GAL TE 'BYUNG NA DE'I TSE DE LTAR DE THA DAD PAR SKYE BA YIN NA NI SKYES BU SKYE BA DANG LDAN PA YIN PAR 'GYUR TE, BLTA BAR 'DOD PA LA SOGS PA BZHIN DU DE DAG LAS THA MI DAD PA'I PHYIR RO, ,'DI NYID GSAL BAR BYED BA NI, ,SEMS BA CAN LAS MA GTOGS PA'I, ,ZHES BYA BA LA SOGS PA SMOS SO, ,THA DAD PA YIN NA NI 'DI 'DI'I ZHES BYA BA'I 'BREL BA NI MI 'THAD DE, 'BREL

213b

PA'I RGYU MTSAN PHAN 'DOGS PA MED PA'I PHYIR RO, ,'DI ZHES BYA BA NI SKYE BA DANG 'JIG PAR 'GYUR BA'O, ,SBYOR BA NI GANG ZHIG GANG GI NGO BOR RNAM PAR 'JOG BA'I RGYU MTSAN MED PA DE NI RTOG PA DANG LDAN PAS DE'I NGO BOR RNAM PAR 'JOG PA MA YIN TE, NAM MKHA' LUS CAN NYID BZHIN NO, ,SKYES BU'I BLTA BAR 'DOD PA LA SOGS PA LA YANG ZA BA POR 'JOG PA'I RGYU MTSAN MED PA YIN NO ZHES BYA BA NI RGYU MI DMIGS PA'O, ,GTAN TSIGS 'DI MA GRUB PA YANG MA YIN NO ZHES BSGRUBS ZIN TO, ,BYED BA PO MED PA'I PHYIR DE'I ZA BA PO 'DI YANG RIGS PA MA YIN NO ZHES BSTAN PA'I PHYIR, GAL TE DGE DANG MI DGE'I LAS, ,ZHES BYA BA LA SOGS PA SMOS TE, MA BYAS PA'I LAS KYI 'BRAS BU LONGS SPYOD PA NI 'GA' YANG YOD BA MA YIN TE, MA BYAS PA DANG PHRAD PA LA SOGS PA'I SKYON DU THAL BAR 'GYUR BA'I PHYIR RO, ,'DI LA YANG GZHAN GYI LAN GYI DOGS PA BSU BA NI, GAL TE 'DOD DANG RJES MTHUN PAR, ,ZHES BYA BA LA SOGS PA SMOS TE, SKYES BU LAS RNAMS KYI BYED PA PO MA YIN MOD KYI, 'ON KYANG RANG BZHIN 'DI'I JI LTAR MNGON PAR 'DOD PA'I DON GTOD PAR BYED PA DE LA 'DI LONGS SPYOD DO ZHES BYA BAS NYES PA MED DO, ,'ON TE RANG BZHIN SEMS PA CAN MA YIN NA, GANG GIS 'DI JI LTAR MNGON PAR 'DOD PA'I LAS KYI 'BRAS BU SKYES BU LA SGRUB PAR BYED LA, JI LTAR DGE BA LA SOGS PA'I LAS RNAMS KYI BYED PA POR 'GYUR ZHE NA, DE DAG ZHA BO LONG BA BZHIN, ,ZHES BYA BA LA SOGS PA SMOS PA YIN TE, JI LTAR LONG BA MIG DANG LDAN PA'I SKYES BU DANG 'BREL BA LAS DON LA 'JUG PAR 'GYUR BA DE BZHIN DU CHEN PO LA SOGS PA THIM PAR 'GYUR BA SEMS PA CAN GYI SKYES BU DANG PHRAD PA LAS SEMS PA CAN BZHIN DU CHOS LA SOGS PA'I 'BRAS BU LA NGES PAR BYED PA YIN NO ZHES BYA BA LA SKYON MED DO, ,DE SKAD DU YANG, SKYES BU MTHONG BA'I DON DU DANG, ,DE BZHIN GTZO BO 'BA' ZHIG DON, ,ZHA LONG BZHIN DU GNYI GA'I YANG, ,'BREL PA DE YIS 'KHOR BA BYAS,, ZHES BSHAD PA YIN NO, ,GAL TE DE LTAR ZHES BYA BA LA SOGS PAS LEN 'DEBS PAR BYED DO, ,GAL TE RANG BZHIN NI MA BYAS PA'I YANG LAS KYI MNGON PAR 'DOD PA 'BRAS BU GTOD PAR BYED PAR 'GYUR NA, DE'I TSE THAMS CAD DU 'DOD PA DON DU GNYER BA NA SKYES BU'I MNGON PAR 'DOD PA'I DON THAMS CAD CI'I PHYIR

214a

, ,'GRUB PAR MI 'GYUR, 'DI SNYAM DU DE'I RGYU CHOS MED PA'I PHYIR, 'GRUB PAR MI 'GYUR RO SNYAM NA, CI'I PHYIR NA RANG BZHIN NI ZHES BYA BA LA SOGS PA SMOS TE, RANG BZHIN GYI 'BRAS BU NI CHOS YIN TE, DE YANG DE LAS THA MI DAD PA'I PHYIR RTAG TU YOD PA NYID YIN PAS MNGON PAR 'DOD PA'I 'BRAS BUR 'GYUR RO, ,'DI LTAR THAMS CAD NI 'DI KHO NA STE, 'DI LTA STE RANG BZHIN DANG SKYES BU DAG GO, ,DE DAG KYANG RTAG TU NYE BAS DES NA RTAG TU 'BRAS BU NYID DU 'GYUR RO, ,GZHAN YANG GAL TE MNGON PAR 'DOD PA'I RANG BZHIN GYIS STER BAR BYED PA DE'I TSE CI'I PHYIR MI 'DOD PA STER BAR BYED, MI 'DOD BA NI 'GA' YANG DON DU GNYER BA MA YIN NO, ,GZHAN YANG RANG BZHIN GYIS 'DI LA DON GTOD PAR BYED BA MED KYI, 'ON KYANG 'DI ZA BA PO NYID DU RIGS PA MA YIN TE 'GYUR BA MED PA'I PHYIR RO ZHES STON PAR BYED PA NI, DON LONGS SPYOD DUS RTAG TU ZHES BYA BA LA SOGS BA STE, GAL TE BDE BA DANG SDUG BSNGAL LA SOGS PAS SIM PA DANG, YONGS SU GDUNG BA LA SOGS PA'I NGO BO'I 'GYUR BA STER BAR MI BYED PA DE'I TSE, NAM MKHA' BZHIN DU 'DI ZAB PO NYID DU MI 'GYUR RO, ,RANG BZHIN PHAN BYED MI 'GYUR RO, ,ZHES SBYAR TE, RANG BZHIN 'GYUR BA MED PA YIN NA PHAN PA BYA BAR MI NUS PA'I PHYIR RO, ,CI STE 'GYUR BA NYID DU KHAS LEN NA DE'I TSE RTAG PA NYID NYAMS PAR THAL BAR 'GYUR RO, ,'DI LTAR MI RTAG PA NYID LA DE'I GNAS SKABS MA YIN PA NYID DU SMRA BA NA, DE YANG 'GYUR BA NA YOD PAS JI LTAR 'DI RTAG PA NYID DU 'GYUR TE, RTAG PA NYID NI DE'I GNAS SKABS KYI NGO BO YIN PA'I PHYIR RO, ,GAL TE YUL GYI RNAM CAN BLO; ,ZHES BYA BA LA SOGS PAS GZHAN GYI LUGS KYIS RNAM PA GZHAN DU ZAB PO NYID DU DOGS PA BSU STE, 'DI RNAM PAR 'GYUR BAR GYUR NAS ZA BA PO NYID DU 'DOD PA NI MA YIN NO, ,'O NA CI ZHE NA, BLOS NGES PAR BYAS PA'I DON GYI GZUGS BRNYAN 'CHAR BA'I SGO NAS SHES PA'I PHYIR TE, 'DI LTAR BLO'I ME LONG LA ZHUGS PA'I GZUGS BRNYAN ME LONG GNYIS PA LTA BU'I SKYES BU LA 'PHO BA DE NYID 'DI'I ZA BA PO YIN GYI, RNAM PAR 'GYUR BAR GYUR PA NI MA YIN NO, ,GZUGS BRNYAN TZAM 'PHO BA NA YANG SKYES BU'I RANG GI NGO BO 'DOR BA NI MA YIN TE, ME LONG BZHIN DU DE'I GNAS SKABS YIN PA'I PHYIR RO, ,DES NA ZA BA

214b

BO MA YIN PA'I GNAS SKABS KYI LAS KHYAD PAR MED PA ZHES BYA BA'I SBYOR BA 'DI LA GTAN TSIGS MA NGES PA YIN NO, ,BRJOD PA ZHES BYA BA LA SOGS PAS LAN 'DEBS PAR BYED PA YIN TE, BLO'I ME LONG LA ZHUGS PA'I DON GYI GZUGS BRNYAN ME LONG GNYIS PA LTA BU'I SKYES BU LA SKYE BA GANG YIN PA DE YIN NO ZHES BYA BAR 'DOD DE, DE GAL TE SKYES BU LAS THA MI DAD PA DE'I TSE DE MA THAG TU BSHAD BA'I SKYE BA DANG 'JIG PA DANG LDAN PAR THAL BAR 'GYUR BA SO NA 'DUG PA YIN TE, SKYE BA DANG LDAN PA'I GZUGS BRNYAN GYI NGO BO BZHIN DU DE LAS THA MI DAD PA'I PHYIR RO, ,CI STE THA DAD PA ZHES BYA BA'I PHYOGS YIN NA DE'I TSE ZA BA PO NYID DU MI 'GYUR TE, ZAB PO MA YIN PA'I GNAS SKABS LA KHYAD PAR CUNG ZAD KYANG MED PA'I PHYIR RO, ,SKYES BU DON GYI GZUGS BRNYAN DANG LHAN CIG 'BREL PA LAS ZA BA PO NYID DU RIGS PA YANG MA YIN TE, PHAN TSUN PHAN PAR BYED PA MA YIN PA DAG NI 'BREL PA MA GRUB PA'I PHYIR RO, ,GZHAN YANG GAL TE GTZO BOS SKYES BU'I BLTA BAR 'DOD PA LA SOGS PA SHES NA DE'I TSE DE DE DANG RJES SU MTHUN PAR SKYES BU DON LA 'JUG PAR RIGS NA, JI SRID DU BEMS PO'I NGO BO YIN PA'I PHYIR, SEMS PA CAN DANG 'BREL PA YOD NA YANG ZHA BO DANG LONG BA BZHIN DU 'JUG PAR MI RIGS SO, ,'DI LTAR LONG BAS LAM MA DMIGS MOD KYI, 'ON KYANG 'DI ZHA BO'I BRJOD PAR 'DOD PA RIGS PA NYID MA YIN TE, DE NI SEMS DANG LDAN PA YIN PA'I PHYIR RO, ,DE LTAR GTZO BO NI SKYES BU'I BLTA BAR 'DOD PA LA SOGS PA RIGS PA MA YIN TE, DE NI SEMS BA MED PA'I BDAG NYID YIN PA'I PHYIR RO, ,PHAN TSUN DU PHAN PA BYED PA MA YIN PA DE DAG NI ZHA BO DANG LONG BA BZHIN DU 'BREL BA YOD PA YANG MA YIN NO, ,CI STE GTZO BO NI SKYES BU'I BLTA BAR 'DOD PA LA SOGS PA RIGS PA YIN NO ZHES 'DOD PA DE LTA NA YANG 'DI ZA BA PO NYID DU THAL BAR 'GYUR RO, ,BYED PA NYID DU SHES PA GANG YIN PA DE JI LTAR ZA BA YANG SHES PAR MI 'GYUR, DE LTA BAS NA BYED BA SHES PA ZA BA MI SHES SO ZHES BYA BA 'DI LAS MI RIGS PA GZHAN CI YOD DE, CUNG ZAD KYANG MED DO ZHES BYA BA'I DON TO, ,BYAN PO TSOD MA LA SOGS PA'I BYED PA PO YIN LA, DE ZA BAR NI MI SHES PA STE, ZA BA NYID DU MI SHES PA ZHES BYA BA LA, 'DI LA ZHES BYA BA'I SGRA ZHIG KHONG NAS

215a

, ,DBYUNG NGO, ,GTZO BO BLO DANG LDAN PA'I PHYIR, ,ZHES BYA BA LA SOGS PAS GZHAN GYI LAN GYI DOGS PA BSU BA YIN NO, ,'DI ZHES BYA BA NI GTZO BO'O, ,KUN ZHES BYA BA NI LTA BAR 'DOD PA DANG RJES SU MTHUN PAR 'JUG PA'O, ,'DI SKAD DU BSTAN PAR 'GYUR TE, GTZO BO SEMS PA'I NGO BO MA YIN PA DE LTA MOD KYI, 'ON KYANG NGES PA'I MTSAN NYID KYI BLO DANG LDAN PA'I PHYIR SKYES BU LA GNAS PA'I BLTA BAR 'DOD PA LA SOGS PA SHES NAS, 'JUG PAR 'GYUR BAS DE'I PHYIR THAMS CAD 'GAL BA MED PA YIN NO, ,DE LA LAN SMRAS PA NI, BLO LDAN NYID NA ZHES BYA BA LA SOGS PA STE; GAL TE GTZO BO BLO DANG LDAN PAR KHAS LEN PAR BYED NA, DE'I TSE 'DI SKYES BU BZHIN DU SEMS PA CAN NYID DU THAL BAR 'GYUR TE, BLO LA SOGS PA RNAMS NI SEMS PA CAN GYI RNAM GRANGS YIN PA'I PHYIR RO, ,'DI LTAR GANG ZHIG GSAL BA'I BDAG NYID KYIS RANG RIG PA'I NGO BO GSAL BA GZHAN LA MI LTOS PA DE NI SEMS PA CAN ZHES BYA BA'O, ,DE LA NI BLO LA YANG YOD PA'I PHYIR DE SEMS PA'I NGO BOR 'GYUR RO, ,GANG GIS DE LAS THA DAD PA'I SKYES BU 'GRUB PAR 'GYUR BA KHO BO CAG GI BLO LAS MA GTOGS PA'I SEMS PA'I NGO BO GZHAN DMIGS PA YANG MA YIN NO, ,'DIR GZHAN GYI BLO SEMS KYI NGO BO LAS THA DAD PA SGRUB PA'I PHYIR, SGRA DRI RO LA SOGS PA BZHIN, ,ZHES BYA BA LA SOGS PA SMOS TE, SBYOR BA NI GANG DANG GANG SKYE BA DANG 'JIG PA LA SOGS PA'I CHOS DANG LDAN PA DE NI SEMS PA MED PA CAN YIN TE RO LA SOGS PA BZHIN NO, ,BLO YANG DE BZHIN NO ZHES BYA BA NI RANG BZHIN GYI GTAN TSIGS SO, ,RANG RGYUD SGRUB PAR BYED BAR 'DOD NA ZHES BYA BA LA SOGS PAS LAN 'DEBS PA YIN TE, RES 'GA' 'DI RANG RGYUD KYIS SGRUB PAR BYED DAM, THAL BAR 'GYUR BA'I SGRUB PAR BYED BAS YIN GRANG, DE LA GAL TE RANG RGYUD KYIS NA DE'I TSE GTAN TSIGS GANG YANG RUNG BA LA MA GRUB PA YIN TE, 'DI LTAR SNGA NA MED PA SKYE BA'I MTSAN NYID KYI RNAM PA JI LTA BU'I SKYE BA DANG LDAN PA DANG, GTAN NAS 'JIG PA'I BDAG NYID KYI 'JIG PA NYID SANGS RGYAS PA LA GRAGS PA'I RNAM PA DE LTA BU NI KHYED CAG GRANGS CAN LA MA YIN TE, DE DAG NI KHYED CAG GIS YONGS SU 'GYUR BA DANG, MI GSAL BA'I NGO BO NYID DU KHAS LEN PA'I PHYIR RO, ,KHYED CAG GIS JI LTA BA DE LTA

215b

BU NI SANGS RGYAS PA LA MA GRUB PAS DE'I PHYIR GTAN TSIGS GANG YANG RUNG BA LAM GRUB PA YIN NO, ,SGRA TZAM GRUB PA NA GTAN TSIGS GRUB PA YANG MA YIN TE, DNGOS PO LAS DNGOS PO 'GRUB PA'I PHYIR TE, DNGOS PO KHO NA GTAN TSIGS YIN PA'I PHYIR RO, ,JI SKAD DU, DE NYID 'KHRUL LA SOGS YIN NA, ,SGRA NI 'KHRUL BA MED NA YANG, ,SGRUB BYED SKYON LDAN SHES BYA STE, ,DNGOS LAS DNGOS PO GRUB PHYIR RO, ,ZHES BSHAD PA LTA BU'O, ,CI STE THAL BA LA BSGRUB PA ZHES BYA BA'I PHYOGS YIN NA DE'I TSE YANG BSGRUB BAR BYA BA LA BZLOG PA LA GNOD PA CAN GYI TSAD MA NYE BAR MA BSTAN PA'I PHYIR, GTAN TSIGS MA NGES PA YIN NO, ,GANG SEMS PA CAN LA SKYE BA DANG LDAN PA DANG 'JIG PA DAG TU MI 'GYUR BA ZHES BYA BA 'DI LA 'BREL BA CI ZHIG YOD, GANG YANG, 'DI RTOG PA, JI LTAR 'O MA SHES PA MED NA YANG, ,BE'U 'PHEL BA'I RGYU MTSAN YIN PA LTAR, ,DE LTAR GTZO BO SKYES BU RNAM GROL BA'I, ,RGYU MTSAN NYID DU 'JUG PAR 'GYUR BA YIN, ,ZHES BYA BA DE YANG RTOG PA NYID MA YIN NO, ,'O MA NI RANG DBANG DU BE'U 'PHEL BA'I RGYU MTSAN DU 'JUG PA MA YIN NO, ,'O NA CI ZHE NA, SO SOR NGES PA'AM, RES 'GA' BA'I RANG GI RGYU DANG RKYEN DAG LAS SKYE STE, DE BA SKYES PA NA BE'U SKYED PA'I RGYU MTSAN DU 'GYUR BA YIN PAS SHES PA MED KYANG 'JUG PA YIN NO ZHES BSTAN TO, ,DE LTAR GTZO BO 'JUG PA NI MI RIGS TE, 'DI LTAR RTAG PA'I PHYIR DANG, DE LAS GZHAN PA'I RGYU MED PA'I PHYIR, RE ZHIG RES 'GA' BA'I RGYU NYE BA LA RAG LAS PA DE'I NUS PA RES 'GA' BA RIGS PA MA YIN LA, RANG BZHIN YANG MA YIN TE, RGYU MTSAN BA MED PA RTAG TU NYE BA NYID KYIS MNGON PAR MTHO BA DANG NGES PAR LEGS PA'I MTSAN NYID KYIS SKYES BU'I DON THAMS CAD CIG CAR SKYE BAR THAL BAR 'GYUR BA'I PHYIR RO, ,CI STE YANG BLO DANG SEMS PA CAN THA MI DAD PA YIN DU CHUG MOD, DE LTA NA YANG 'DI'I BDAG MA BKAG PA NYID DO ZHE NA, SEMS PA CAN LA BDAG GI SGRAR, ,ZHES BYA BA LA SOGS PA SMOS TE, KHO BO CAG GIS SEMS PA CAN LA BDAG GI SGRAS 'DOGS PA TZAM NI MA BKAG GO ,'O NA CI ZHE NA, DE LA RTAG PA'I MTSAN NYID DU SGRO BTAGS PA'I CHOS GANG YIN PA DE BKAG GO, ,

216a

, ,CI'I PHYIR ZHE NA, DBANG BO DANG SNANG BA DANG YID LA BYED PA LA SOGS PA 'BRAS BU DANG BCAS PA'I PHYIR RO, ,DE LTA MA YIN TE, GAL TE SEMS PA CAN RTAG PA BRTAN PAR GYUR NA DE'I TSE DBANG PO LA SOGS PA 'BRAS BU MED PA KHO NAR 'GYUR TE, DE DAG NI DE SKYED PA'I DON DU YIN PA'I PHYIR DANG, RTAG PA YANG SKYE BA MI SRID PA'I PHYIR RO, ,'DI NYID LA DPE BSHAD PA, GAL TE ME NI RTAG GYUR NA, ,ZHES BYA BA LA SOGS PA STE, GAL TE ME RTAG PAR GYUR NA, DE'I TSE SKYE BO ME'I DON DU BUD SHING SOGS PA NYID DU MI 'GYUR RO, ,DE LTA BAS NA SEMS PA CAN RTAG PA DANG GCIG BU'I NGO BOR RIGS PA MA YIN NO, ,JI SKAD DU 'DUS PA'I NGO BO GANG YIN PA DE NI GZHAN GYI DON DU MTHONG STE ZHES BYA BA LA SOGS PA SMRAS PA GANG YIN PAR 'DOD CES BSTAN PA'I PHYIR, MAL CHA STAN GYI DPE DANG NI, ,ZHES BYA BA LA SOGS PA SMOS TE, BYA BA'I KHYAD PAR DU 'DOD PA YIN NAM, YANG NA BYA BA'I KHYAD PAR MA YIN PA'I NGO BO YIN PA'I PHYIR MI 'GYUR BA'AM, RNAM PA GCIG TU NA SPYIR GZHAN GYI DON TZAM MA BRTAGS NA NYAMS DGA' BA BSGRUB PAR BYA BA YIN ZHES BYA BA RNAM PAR RTOG PA GSUM MO, ,DE LA PHYOGS DANG PO YIN NA GRUB PA LA SGRUB STE, 'DI LTAR MIG LA SOGS PA DE DAG KHO BO CAG GIS RNAM PAR SHES PA LA PHAN 'DOGS PAR 'DOD DE, MIG DANG GZUGS LA BRTEN NAS MIG GI RNAM PAR SHES PA SKYE BA NAS, LUS DANG RIG BYA LA BRTEN NAS LUS KYI RNAM PAR SHES PA SKYE BAR 'GYUR RO ZHES BYA BA'I BAR DU GSUNGS PA'I PHYIR RO, ,'ON TE PHYOGS GNYIS PA YIN NA DE'I TSE GTAN TSIGS 'GAL BA YIN NO ZHES BYA BA BSTAN PA'I PHYIR, 'GYUR BA MED PA'I PHAN PA NYID, ,CES BYA BA LA SOGS BA SMOS TE, 'GYUR BA MED PA STE, RTAG PA'I PHAN PA NYID NI 'GYUR BA MED PA'I PHAN PA NYID DO, ,DE MIG LA SOGS PAS SGRUB NA DPE LA BSGRUB PAR BYA BA LAS BZLOG PA NYID KYIS GTAN TSIGS LA KHYAB PA'I PHYIR 'GAL BA NYID DO, ,'DI LTAR MAL CHA DANG STAN LA SOGS PA DE DAG NI G-YO BA NYID DE, MI RTAG PA KHON PHAN BA RIGS PA YIN TE, 'GYUR BA MED PA LA BOGS DBYUNG BAR MI NUS PA NYID KYI PHYIR RO, ,CI STE SPYIR BYA BA'I KHYAD PAR DANG, BYA BA'I KHYAD PAR MA YIN PA'I RNAM PAR RTOG PA BSAL NAS GZHAN GYI

216b

DON TZAM GRUB PA ZHES BYA BA'I PHYOGS GSUM PA YIN NA, DE'I TSE YANG GRUB PA LA SGRUB PA YIN TE, MIG LA SOGS PA RNAMS SEMS LA PHAN 'DOGS PAR 'DOD PA'I PHYIR RO, ,JI STE JI LTAR RIGS PA CAN GYIS KHAS BLANGS PA BZHIN DU SEMS KYANG BSGRUB BYA'I CHOS CAN NYID DU KHAS LEN PAR BYED BA DE LTA NA YANG KHYED CAG GI 'DOD PA MI 'GRUB STE, BDAG SEMS LAS THA DAD DU MI 'DOD PA'I PHYIR RO, ,RIGS PA CAN GYIS MNGON PAR 'DOD PA'I DON YANG MA GRUB STE, PHAN TSUN PHAN PA BYED PA NYID KYIS MIG LA SOGS PA RNAMS GZHAN LA PHAN 'DOGS PA NYID DU 'DOD PA'I PHYIR RO, ,GZHAN NYID NI PHA ROL DANG TSU ROL BZHIN DU LTOS PA CAN YIN BA'I PHYIR RO, ,SEMS NI RGYU DU MAS BYAS PA'I PHAN PA 'DZIN BA NYID KYIS SKYE BA'I PHYIR DANG, 'DUS PA NYID NI BRTAGS PA YIN PA'I PHYIR GTAN TSIGS KYANG MA GRUB PA YIN NO, ,DE KHO NA NYID BSDUS BA'I DKA' 'GREL LAS SER SKYA BAS KUN DU BRTAGS PA'I BDAG BRTAG PA STE DGU BA'O,, ,,NAM MKHA'I GOS CAN GYIS KUN DU BRTAGS PA'I BDAG DGAG PA'I DON DU, RGYAL DPOG PA BZHIN RGYAL BA PA, ,ZHES BYA BA LA SOGS PA SMOS TE, RGYAL BA PA ZHES BYA BA NI NAM MKHA'I GOS CAN DAG GO, ,DE DAG NI 'DI SKAD DU BDAG NI SEMS KYI MTSAN NYID KHO NA YIN TE, DE YANG RDZAS KYI NGO BOS GNAS SKABS THA DAD LA GNAS SKABS CAN THA MI DAD PA'I PHYIR RJES SU 'GRO BA'I BDAG NYID YIN LA, RNAM GRANGS KYI NGO BOS NI GNAS SKABS RE RE LA THA DAD PA'I PHYIR LOG PA'I BDAG NYID YIN PAR SMRA'O, ,BDAG GI TSUL GNYIS PO 'DI YANG MNGON SUM NYID KYIS GRUB PA'I PHYIR TSAD MA GZHAN GYIS BSGRUB PAR MI BYA'O, ,'DI LTAR BDE BA LA SOGS PA'I GNAS SKABS THA DAD KYANG GNAS SKABS PA'I BDAG NYID GANG YIN PA'I SEMS PA CAN GNAS SKABS THAMS CAD LA DMIGS PA DE NI RDZAS YIN NO, ,RNAM GRANGS NI RIM GYIS 'BYUNG BA'I BDE BA LA SOGS PA'I GNAS SKABS THA DANG BA RNAMS SO, ,DE DAG KYANG MNGON SUM GYIS GRUB PO ZHES BYA BA NI GZHAN GYI BSAM PA'O, ,DE LA YANG ZHES BYA BA LA SOGS PAS LAN 'DEBS PAR BYED DE, 'DI LA PHYOGS GNYIS TE, SEMS PA CAN GYI BDAG NYID GANG YIN PA'I RDZAS TE, RNAM GRANGS DAG DANG 'BREL PA NA RES 'GA' 'GYUR BA MED

217a

, ,BA STE, SNGAR YOD PA MDOR BA'I SEMS PA CAN LA SOGS PA RANG GI NGO BO DANG 'BREL BA YIN NAM, SNGAR GYI NGO BO DOR BA DANG 'BREL PA YIN, DE LA GAL TE PHYOGS PHYI MA YIN NA DE'I TSE RTAG PA NYID NYAMS PAR THAL BAR 'GYUR TE, GNAS SKABS CAN 'GA' YANG MED PA'I PHYIR RO; ,CI STE MI 'GYUR BA'I NGO BO ZHES BYA BA'I PHYOGS DANG PO YIN NA DE'I TSE SNGA MA DANG PHYI MA'I GNAS SKABS DAG DE LA KHYAB PAR TE, GZHAN NYID DU YOD PA MA YIN PA'I PHYIR, SEMS PA NGES YONGS SU 'GYUR BAR MI 'GYUR ZHES MI 'THOB STE, YONGS SU 'GYUR BA NI GZHAN DU 'GYUR BA'I MTSAN NYID CAN YIN PA'I PHYIR, YONGS SU 'GYUR BAR 'DOD PA YIN NO, ,SBYOR BA NI GANG ZHIG SNGA MA DANG PHYI MA'I GNAS SKABS SU KHYAD PAR MED PA DE NI YONGS SU 'GYUR BAR MI 'GYUR TE NAM MKHA' BZHIN NO, ,SEMS PA CAN GANG GNAS SKABS THAMS CAD DU KHYAD PAR MED DO ZHES BYA BA NI KHYAB PAR BYED PA MI DMIGS PA'O,, YUL DANG DUS DANG RANG BZHIN DAG ,CES BYA BA LA SOGS PAS GZHAN GYI LUGS KYI GTAN TSIGS MA GRUB PA'I DOGS PA BSU BA YIN TE, 'DI LTAR GAL TE GCIG TU RNAM GRANGS DAG LAS RDZAS THA DAD PA YIN NA, DE'I TSE KHYAD PAR MED PAR 'GYUR NA JI SRID DU YUL DANG DUS DANG RANG BZHIN THA MI DAD PA'I PHYIR RDZAS DANG RNAM GRANGS DAG GCIG TU 'DOD LA, GRANGS LA SOGS PA'I BYE BRAG NI THA DAD DE, DE LA GRANGS NI GCIG DANG MANG PO NYID LA SOGS PA'O, ,'DI LTAR RDZAS NI GRANGS GCIG DANG LDAN LA, BDE BA LA SOGS PA RNAMS NI GRANGS DU MA'I KHYAD PAR CAN YIN NO, ,MTSAN NYID KYANG THA DAD PA YIN TE; 'DI LTAR RDZAS KYI MTSAN NYID NI RJES SU 'JUG PA YIN LA, RNAM GRANGS KYI MTSAN NYID NI LDOG PA YIN NO, ,MING NI MING DU BTAGS PA'O, ,DON NI 'BRAS BU'O, ,DE SKAD DU YANG, YUL DANG DUS DANG RANG BZHIN THA MI DAD PA'I PHYIR CHOS DANG CHOS CAN THA MI DAD PA YIN NO, ,GRANGS DANG, MING DANG MTSAN NYID DANG, 'BRAS BU THA DAD PA'I PHYIR NA THA DAD DE, 'DI LTA STE DPER NA, GZUGS LA SOGS PA RNAMS BUM PA LTA BU'O ZHES BSHAD DO, ,'DI LTAR BUM PA LAS GZUGS LA SOGS PA DE DAG YUL LA SOGS PA DAG GIS THA MI DAD DE, BUM PA'I YUL DANG RANG BZHIN GANG YIN PA DE NYID GZUGS LA

217b

SOGS PA RNAMS KYI YIN NO, ,GRANGS LA SOGS PA DAG GIS NI BUM PA LA SOGS PA LAS DE DAG THA DAD BA YIN TE, 'DI LTAR BUM BA NI GCIG YIN LA, GZUGS LA SOGS BA NI MANG PO YIN NO ZHES BYA BA NI GRANGS THA DAD PA'O, ,BUM PA LA SOGS PA'I RDZAS NI RJES SU 'JUG PA'I MTSAN NYID YIN NO, , GZUGS LA SOGS BA'I RNAM GRANGS NI LDOG PA'I MTSAN NYID YIN NO ZHES BYA BA NI MTSAN NYID THA DAD PA'O, ,BUM PAS CHU LEN PA'I BYA BA BYED LA, GZUGS LA SOGS PA NI GOS DMAR PO LA SOGS PA ZHES BYA BA NI 'BRAS BU THA DAD BA'O, ,DE BZHIN DU SEMS PA CAN GYI BDAG NYID KYI BDAG GI RDZAS DANG, BDE BA DANG, SDUG BSNGAL LA SOGS BA RNAM GRANGS DAG LA YANG SBYAR BAR BYA'O, ,'BRAS BU THA DAD BA NI 'DI LTAR RTOGS BAR BYA STE, SEMS BA CAN GYIS NI DON NYAMS SU MYONG BAR BYED LA, BDE BA LA SOGS PA NI PHAN BA DANG GNOD PA YIN NO ZHES BRJOD DO, ,DE STON PA NI, GZUGS SOGS BUM PA ZHES BYA BA LA SOGS PA STE, GRANGS DANG MING NI THA DAD NYID, ,CES BYA BA NI RDZAS DANG RNAM GRANGS DAG CES 'CHAD PAR 'GYUR BA DANG 'BREL ZHING, 'BRAS BU RJES 'JUG LDOG PA DAG ,MTSAN NYID DON GYI THA DAD NYID, ,CES BYA BA NI CI RIGS SU SBYAR BAR BYA STE, 'BRAS BU'I THA DAD PA STE DON GYI THA DAD PA NYID DANG, RJES SU 'JUG PA DANG LDOG BA DAG NI MTSAN NYID THA DAD PA'O ZHES SBYAR BAR BYA'O, ,RDZA DANG RNAM GRAGS DAG CES BYA BA 'DIR BCAD DO, ,DE LTAR ZHES BYA BA LA SOGS PAS GTAN TSIGS MA GRUB PA MJUG SDUD PAR BYED DO, ,DE LTAR BYAS NA RDZAS NI GCIG TU KHYAD PAR MED PA MA YIN GYI, 'ON KYANG RNAM GRANGS KYI NGO BO THA DAD PAS KHYAD PAR DU 'GYUR BA YIN TE, DES NA RNAM GRANGS DAG LAS RDZAS GCIG TU THA MI DAD PA'I PHYIR RO ZHES BYA BA NI GTAN TSIGS MA GRUB PA YIN NA, ,RANG BZHIN DBYER MED CES BYA BA LA SOGS PAS LAN 'DEBS PAR BYED DO, ,GAL TE RDZAS DANG RNAM GRANGS DAG THA MI DAD PAR KHAS LEN PAR BYED NA DE'I TSE BDAG NYID THAMS CAD KYIS THA MI DAD PA YIN DU CHUG MOD, DE LAS BZLOG PA THA DAD PAR JI LTAR 'GYUR, GCIG LA GCIG GI CHO SGRUB PA DANG DGAG PA PHAN TSUN 'GAL BA REGS PA MA YIN TE, 'DI LTAR GCIG CES BYA BA 'DIS THA DAD PA BKAG PA MED NA MI 'BYUNG BA'I RANG BZHIN THA DAD PA BRJOD

218a

, ,DO; ,RANG BZHIN THA MI DAD PA DE YIN NA DE NYID KYI TSE JI LTAR DE BKAG PA'I BDAG NYID KYI THA DAD PAR 'GYUR, SBYOR BA NI GANG LA THA DAD PA MED PA DE LA, DE LAS BZLOG PA'I THA DAD PA'I GO SKABS RNYED PA MA YIN TE, DPER NA RNAM GRANGS DE DAG NYID DANG, SO SOR NGES PA'I THUN MONG MA YIN PA'I BDAG NYID KYI NGO BO'I RDZAS GANG YIN PA DE'I RANG BZHIN LAS THA MI DAD PA BZHIN NO, ,RDZAS DANG RNAM GRANGS DAG GI RNAM PAR GZHAG PA YANG THA MI DAD PA YIN NO ZHES BYA BA NI KHYAD PAR BYED PA 'GAL BA DMIGS PA'O, ,DE LTA YIN DANG DON DAM PAR RDZAS DANG RNAM GRANGS DAG THA MI DAD NA MTSAN NYID THA DAD PAR YANG MI 'GYUR RO ZHES STON PA NI, DE LTAR RDZAS DANG RNAM GRANGS DAG ,CES BYA BA LA SOGS PA LA, GANG LDOG PA'I NGO BO DANG THA DAD PA'I RANG BZHIN DE NI LDOG PA DANG LDAN PA YIN TE, RNAM GRANGS DAG GI RANG BZHIN BZHIN NO, ,RDZAS KYANG LDOG PA DANG LDAN PA'I NGO BO LAS THA MI DAD PA YIN NO ZHES BYA BA NI RANG BZHIN GYI GTAN TSIGS SO, ,YANG NA GANG ZHIG RJES SU 'JUG PA'I BDAG NYID KYI NGO BO DANG THA MI DAD PA DE NI RJES SU 'JUG PA'I BDAG NYID YIN TE RDZAS KYI NGO BO BZHIN NO, ,BDE BA LA SOGS PA RNAM GRANGS RNAMS KYANG RJES SU MTHUN PA'I BDAG NYID KYI NGO BO DANG THA MI DAD PA'I RANG BZHIN YIN NO ZHES BYA BA NI RANG BZHIN GYI GTAN TSIGS KHO NA'O, ,DE LTA MA YIN NA GRUB PA DANG BDE BA THA DAD PA'I PHYIR RO, ,THA DAD PA KHO NAR MI 'GYUR RO, ,'GAL BA'I CHOS DANG LDAN PA YANG GCIG YIN NA THA MI DAD PA'I THA SNYAD CHAD PA KHO NAR 'GYUR RO ZHES BYA BA NI BZLOG PA LA GNOD PA CAN GYI TSAD MA'O, ,DE'I PHYIR ZHES BYA BA LA SOGS PAS MJUG SDUD PAR BYED DE, BDAG LA SOGS PA KHO NAR ZHES BYA BA LA SOGS PA'I SGRAS BUM PA DANG 'BRU LA SOGS PA GZUNG NGO, ,SKYE BA DANG 'JIG PA ZHES BYA BA LA SOGS PAS THAL BA BSGRUB PA'I GNYIS PA'I 'BRAS BU 'CHAD DE, RDZAS DE YANG RNAM GRANGS KYI NGO BOS SKYE BA DANG 'JIG PA DANG LDAN PAR 'DOD PA'I PHYIR RO, ,DE'I PHYIR THAL BAR BSGRUB PA BSGRUB BYA MA TSANG BAR 'GYUR DU DOGS PAS NGES PA'I BDAG NYID BZHIN ZHES BSHAD DE, 'DI NI NGES PA YANG YIN LA, RDZAS LA SOGS PA'I NGO BO'I BDAG STE RANG BZHIN YANG YIN NO ZHES KHYAD PAR BSDU BA'O, ,DE'I PHYIR RJES 'GRO MED 'JIG PA, ,ZHES BYA BA LA SOGS PAS MJUG

218b

SDUD PAR BYED DO, ,RNAM GRANGS LAS THA MI DAD PA'I RANG BZHIN NYID KYI PHYIR RDZAS KYI NGO BO'I RJES SU 'GRO BA'I BDAG NYID MA GRUB PA 'BA' ZHIG TU MA ZAD KYI, 'DI LAS KYANG STE RNAM GRANGS LAS THA DAD PA DMIGS PA'I MTSAN NYID DU GYUR PA LAS MI DMIGS PA'I PHYIR 'DI NI MED PA'I THA SNYAD KYI YUL NYID YIN NO ZHES BSTAN PA'I PHYIR, RNAM GRANGS RJES 'GRO'I BDAG NYID KYI, ,ZHES BYA BA LA SOGS PA SMOS TE, DES NA RJES SU 'JUG PA'I RDZAS KYI BDAG NYID MNGON SUM NYID KYIS GRUB PO ZHES GANG SMRAS PA DE MA GRUB STE, MNGON SUM DU 'DOD PA'I SHES PA 'GA' ZHIG LA RNAM GRANGS LAS THA DAD PA'I LUS SO SOR SNANG BA RJES SU 'JUG PA RO GCIG PA'I RDZAS KYI BDAG NYID NI SNANG BAR MI MNGON NO, ,GAL TE DE LTA YIN NA GANG GI TSE RNAM GRANGS LAS THA DAD PA'I RDZAS KYI BDAG NYID YOD PA MA YIN PA DE'I TSE GRANGS LA SOGS PA'I THA DAD PA JI LTAR GRUB CE NA, RNAM PA SNA TSOGS DON BYED RUNG, ,ZHES BYA BA LA SOGS PA SMOS TE, GZUGS LA SOGS PA RNAM GRANGS RNAMS NI THUN MONG DANG THUN MONG MA YIN PA THA DAD PA'I PHYIR RNAM PA SNA TSOGS PA DU MA'I RNAM PA'I DON BYED PA YIN NO, ,DE LA THUN MONG BA NI CHU 'DZIN PA LA SOGS PA'I MTSAN NYID DO, ,THUN MONG MA YIN PA NI GOS KHA BSGYUR BA DANG MIG LA SOGS PA'I SHES PA SKYED PA'I MTSAN NYID DO, , DER RUNG BA NI NUS PA'O ZHES TSIG RNAM PAR SBYAR RO, ,DE LA THAMS CAD CIG CAR THUN MONG BA'I 'BRAS BU LA NYE BAR SBYOR BA'I PHYIR THAMS CAD RGYU NYID DU SHES PAR BYA'I DON DU THA MI DAD PA'I RDZAS KYI NGO BO MED NA YANG THA DAD PA DE DAG NYID BUM PA ZHES BYA BA LA SOGS PA'I SGRAS GRANGS GCIG GI KHYAD PAR BRJOD DO, ,THUN MONG MA YIN PA'I 'BRAS BU NYE BAR SBYOR BA NYID BRJOD PAR 'DOD PA LA NI, GRANGS SNA TSOGS PA NI, DE DAG LA GRANGS THA DAD PA DANG 'BRAS BU THA DAD PA YANG GZHAG PAR BYA'O, ,'O NA JI LTAR MTSAN NYID THA DAD PA YIN ZHE NA, MTSUNGS SOGS SHES BYA'I RGYUR GYUR PA, ,ZHES BYA BA SMOS TE, RJEN PA DANG SMIN PA LA SOGS PA'I GNAS SKABS DAG TU SKAD CIG RE RER 'JIG NA YANG DBYIBS KYI KHYAD PAR 'DRA BA NYID DU SKYE BA NA RTOG PA MED PAS NYAMS SU MYONG BA'I YUL NYAMS SU MYONG NAS GNAS SKABS THAMS CAD DU BUM PA ZHES BYA BA LA SOGS PA'I 'DRA BA'I SHES PA'I RGYUR GYUR PA YIN NO, ,LJANG GU DANG DMAR PO LA SOGS PA'I

219a

, ,KHA DOG MI MTHUN PAR SKYE BA NA MI 'DRA BA'I SHES PA'I RGYU YIN PA DE LTA NA NGO BO GCIG RJES SU 'GRO BA MED NA YANG MTSUNGS PA DANG, MI MTSUNGS PA'I RGYUR 'GYUR RO, ,RJES SU 'JUG PA DANG LDOG PA'I TSUL DU RNAM PAR GZHAG GO ZHES BYA BA'I MTSAN NYID THA DAD PAR RNAM PAR GZHAG PA'O, , MTSUNGS SOGS ZHES BYA BA LA SOGS PAS MI 'DRA BA'I SHES PA GZUNG NGO, ,'O NA CI LTAR MING THA DAD CE NA, RNAM PA DE LTA'I ZHES BYA BA LA SOGS PA SMOS TE, RNAM PA DE LTA'I STE, RNAM PA SNA TSOGS PA'I DON BYED PAR RUNG BA 'DRA BA LA SOGS PA'I SHES PA'I RGYU GZUGS LA SOGS PA'I YUL GYI DNGOS PO BUM PA ZHES BYA BA DANG, GZUGS LA SOGS PA ZHES BYA BA'I BRDA GANG LA YOD PA DE LA DE SKAD CES BYA'O, ,RNAM PA DE LTA BU'I DON GANG LA SGRA DANG SHES PA YOD PA DE DAG LA DE SKAD CES BYA STE, DE DAG GI SPYOD YUL ZHES TSIG RNAM PAR SBYAR RO, ,DES NA DNGOS PO RNAMS KYI BDAG MED PA MNGON SUM NYID KYIS GRUB PO ZHES MJUG SDUD PA'I SGO NAS STON PA NI, SKYE DANG 'JIG PA ZHES BYA BA LA SOGS PA'O, ,RNAM GRANGS DAG CES BYA BA NI GZUGS LA SOGS PA DANG RANG RIG PA'I RANG BZHIN GYI SDUG BSNGAL LA SOGS PA'O, ,'BA' ZHIG CES BYA BA NI THA MI DAD PA'I RDZAS GCIG GI NGO BO DANG BRAL BA STE, RTAG PA NI RIM DANG CIG CAR DAG GIS DON BYED PAR 'GAL BA'I PHYIR RO, ,'DI DAG SKYE BA DANG MI SKYE BA'I CHOS CAN NYID YIN, DON BYA BA BYED PA NYID RIGS PA YIN TE, DE'I PHYIR 'DI DAG BYA BA BYED PA'I MTSAN NYID KYI YOD PA'I RTAGS LAS BDAG MED PAR RJES SU DPAG PA LAS KYANG GRUB PO, ,GANG YANG RDZAS NI DMIGS PA'I NGO BO NYID SNANG BA MED DE ZHES BYA BA LA SOGS PA SMRAS PA DE LA 'ON TE ZHES BYA BA LA SOGS PAS GZHAN GYI LEN GYI DOGS PA BSU BA YIN TE, 'DRES PA NI GCIG GI NGO BOR GYUR PA'O, ,DE'I PHYIR RDZAS KYI NGO BO YOD DU ZIN KYANG RNAM PAR PHYE NA MI SNANG NGO SNYAM DU BSAMS PA'O, ,'DRES PA NYID LA RGYU BSHAD PA NI DE'I PHYIR TSUL GNYIS CHA MED PA ZHES BYA BA LA SOGS PA STE, DE'I PHYIR TE BDAG LA SOGS PA'I DNGOS PO GANG GI PHYIR TSUL GNYIS PA YIN NA YANG MI'I SENG GE BZHIN DU CHA MED PAR 'DOD DE, DE LTA BAS NA CHA MED PA'I PHYIR DE NI 'DRES PA STE, GNYI GA'I NGO BO YIN PA'I PHYIR LOGS SHIG TU MI DMIGS SO,,

219b

DE 'DI NI KHYED KYIS PHAN TSUN 'GAL BA BRJOD PA YIN NO ZHES BSTAN PA'I PHYIR, 'ON TE TSUL GNYIS ZHES BYA BA LA SOGS PA SMOS TE, GAL TE CHA MED PA YIN NA DE'I TSE TSUL GNYIS ZHES BYA BA 'DI 'GAL BA YIN TE, THA SNYAD 'DI NI DON SNA TSOGS PA'I RGYU MTSAN CAN YIN PA'I PHYIR RO, ,CI'I PHYIR ZHE NA, TSUL GYI SGRAS RANG BZHIN RJOD PAR BYED PA'I PHYIR RO, ,'DI LTAR TSUL GNYIS TE, RANG BZHIN GNYIS LA YOD PA DE NI TSUL GNYIS KYI NGO BO ZHES BYA'O, ,RANG BZHIN GCIG LA GNYIS RIGS PA MA YANG MA YIN TE, GCIG NYID NYAMS PAR THAL BAR 'GYUR BA'I PHYIR RO, ,KHYED KYIS RANG BZHIN GNYIS BSTAN PA KHO NAR ZAD KYI, DNGOS PO GCIG LA TSUL GNYIS YOD PA YANG MA YIN TE, GCIG DANG DU MA NYID DAG NI PHAN TSUN SPANGS TE GNAS PA'I MTSAN NYID YIN PA'I PHYIR RO, ,GANG YANG MI'I SENG GE DE YANG GCIG PUR TE TSUL GNYIS SU MI 'GRUB PO ZHES STON PA NI, MI'I SENG GE YANG ZHES BYA BA LA SOGS PA SMOS TE, YANG GI SGRAS NI RTZOD PA'I RGYU GZHIR GYUR PA MI 'THAD BA 'BA' ZHIG TU MA ZAD CES BYA BA'O, ,DE NI ZHES BYA BA NI MI'I SENG GE'O, ,DE LTAR ZHES BYA BA NI YAN LAG SNA TSOGS KYIS CHES RGYA CHE BA'I YUL GNOD PA'I NGO BOR RO, ,GZHAN DU NA DE LTAR SNANG BAR MI 'GYUR TE, SBRANG BU'I RKANG RJES TZAM GYIS BSGRIBS NA YANG DE'I RNAM PA DE LTA BUS BSGRIBS PAR THAL BAR 'GYUR BA'I PHYIR RO, ,'DIS NI NOR BU GZI'I KHA DOG SNA TSOGS PA LA SOGS PA YANG GSAL BA YIN NO, ,'DI YANG RGYAS PAR YAN LAG CAN DGAG PAR STON PAR 'GYUR RO SNYAM DU BSAMS PA YIN NO, ,DE KHO NA NYID BSDUS PA'I DKA' 'GREL LAS NAM MKHA'I GOS CAN KYIS KUN DU BRTAGS PA'I BDAG BRTAG PA STE BCU PA'O,, ,,GZHAN GNYIS MED PAR LTA BA LA DMIGS PA'I GSANG BA PA RNAMS NI SA LA SOGS PA YONGS SU GYUR PA'I NGO BO SHES PA RTAG PA DANG GCIG PU'I RANG BZHIN DU RTOG PAR BYED DE, DE'I PHYIR DE DAG GI GZHUNG BSTAN PA'I PHYIR, SA DANG ZHES BYA BA LA SOGS PA SMOS TE, DE'I BDAG NYID CES BYA BA NAS LA SOGS PA YONGS SU GYUR PA'I NGO BO RTAG PA DANG, GCIG PU'I SHES PA'I BDAG NYID CES BYA BA'I DON TO, ,GZHAN DAG CES BYA BA NI GSANG BA PAR SMRA BA DAG GO, ,'DI'I TSAD MA GANG YIN ZHE NA, GZUNG

220a

, ,BA'I MTSAN NYID CES BYA BA LA SOGS PA SMOS TE, GANG GIS DE DAG SNANG BAR 'GYUR BA SA LA SOGS PA SHES PA LAS MA GTOGS PA'I GZUNG BA'I MTSAN NYID DU GYUR PA YOD PA MA YIN TE, YAN LAG CAN DANG RDUL PHRA RAB RNAMS MED PA'I PHYIR RO, ,DE LTA BAS NA SHUGS KYIS SA LA SOGS PA 'DI DAG NI RNAM PAR SHES PA LA SNANG BA'I NGO BO KHO NA YIN NO ZHES NGES PAR BYED DE, 'DI DAG CES BYA BA NI SA LA SOGS PA'O, ,DE DAG CES BYA BA LA SOGS PAS LAN 'DEBS PAR BYED DO, NYES PA CHUNG LDAN ZHES BYA BA NI, SHES PA TZAM RIGS PA DANG LDAN PA KHAS LEN PA'I PHYIR RO, ,GAL TE DE LTA NA CI'I PHYIR DE LA NYES PA CHUNG DU YANG BRJOD CE NA, RTAG BA NYID BRJOD PHYIR ZHES BYA BA SMOS SO, YANG CI'I PHYIR RTAG PA NYID DU KHAS BLANGS BA MI RIGS PA YIN ZHE NA, GZUGS SGRA LA SOGS ZHES BYA BA, ,LA SOGS PA SMOS TE, RTAG PA ZHES BYA BA NI DE'I GNAS SKABS LA BRJOD LA, DE'I GNAS SKABS MA YIN PA NI MI RTAG PA NYID DO, ,RNAM PAR SHES PA'I GNAS SKABS GCIG THAMS CAD NYID DU GZUGS DANG SGRA LA SOGS PA SNANG BAR NYAMS SU MYONG BA YANG MA YIN GYI 'ON KYANG RIM GYIS RES 'GA' GZUGS SNANG LA, YANG GZHAN GYI TSE SGRA LA SOGS PA SNANG NGO, ,DE'I PHYIR GAL TE SGRA LA SOGS PA 'DI DAG RTAG PA DANG GCIG PA'I SHES PA LA SNANG BA'I BDAG NYID DU GYUR NA DE'I TSE GOS KHRA BO SNANG BA BZHIN DU CIG CAR SNANG BAR 'GYUR TE, DE SNANG BA'I BDAG NYID KYI SHES PA NI RTAG TU GNAS PA'I PHYIR RO, ,CI STE YANG RIM GYIS SGRA LA SOGS PA SNANG BA'I SHES PA SKYE BA NI GNAS SKABS GZHAN NYID YIN TE, DES NA CIG CAR SGRA LA SOGS PA RIG PAR MI 'GYUR RO SNYAM NA, RTAG NA GNAS SKABS GZHAN YANG MED, ,CES BYA BA SMOS TE, GNAS SKABS DAG NI GNAS SKABS CAN LAS GZHAN MA YIN PA'I PHYIR, GNAS SKABS BZHIN DU GNAS SKABS CAN YANG SKYE BA DANG 'JIG PAR 'GYUR BA'AM, GNAS SKABS CAN BZHIN DU GNAS SKABS RNAMS KYANG RTAG PA NYID DU THAL BAR 'GYUR RO, ,GNAS SKABS RNAMS THA DAD PA YIN NA YANG 'DI'I 'DI ZHES BYA BA'I 'BREL PA MI 'GRUB STE, PHAN 'DOGS PA MED PA'I PHYIR DANG RTAG PA DANG GCIG PU'I SHES PA TZAM KHAS LEN PA 'GAL BA'I PHYIR RO, ,GZHAN YANG SHES PA'I BDAG NYID RTAG PA MNGON SUM GYIS GRUB PA'AM, RJES SU DPAG PAS SGRUB PAR 'GYUR GRANG RE ZHIG MNGON SUM

220b

GYIS NI MA YIN NO ZHES STON PA NI, GZUGS LA SOGS PA RIGS LAS SHES, ,ZHES BYA BA LA SOGS PA'O, ,GANG GIS MNGON SUM GYIS GRUB PAR 'GYUR BA RIM GYIS SNANG BA'I GZUGS LA SOGS PA RIGS PA LAS MA GTOGS PA'I RTAG PA DANG GCIG PU'I NGO BO'I GNAS SKABS PA'I SHES PA NYAMS SU MYONG BA NI MED DE, GZUGS LA SOGS PA RIGS PA DE YANG RIM GYIS NYAMS SU MYONG BAS SKAD CIG RE RER 'JIG PAR GRUB NA THA MI DAD PA GZHAN CI ZHIG YOD CES BRJOD PAR BYA'O, ,DE LTA BAS NA RNAM PA DE LTA BU'I SHES PA'I BDAG NYID DMIGS PA'I MTSAN NYID KYIR GYUR PA MI DMIGS PA'I PHYIR MED PA'I THA SNYAD KYI YUL YIN NO SNYAM DU BSAMS PA'O, ,RJES SU DPAG PAS KYANG MI GRUB PO SNYAM STE, 'DI LTAR RJES SU DPAG PA YIN NA RANG BZHIN GYI RTAGS SAM, 'BRAS BU'I RTAGS YIN GRANG, RE ZHIG RANG BZHIN NI MA YIN TE, DE LTA BUR GYUR PA'I CHOS CAN 'GA' YANG MA GRUB PAS DE'I RANG BZHIN MA GRUB PA'I PHYIR RO, ,CHOS CAN SHES PA TZAM GRUB NA YANG DE LA RTAG PA NYID KYI BSGRUB BYA'I CHOS KYIS 'GA' LA YANG KHYAB PA MA GRUB PA'I PHYIR RO, ,'BRAS BU'I RTAGS KYANG MA YIN TE, RTAG PA NI RIM DANG CIG CAR DAG GIS DON BYED PAR MI 'THAD PA'I PHYIR DANG, DE'I 'BRAS BU 'GA' YANG MED PA'I PHYIR DANG, DE LAS THA DAD PA'I 'BRAS BU GZHAN KHAS MA BLANGS PA'I YANG PHYIR RO, ,DES NA DE LTA YIN NA DE LTA BUR GYUR PA'I SHES PA'I BDAG NYID LA SGRUB PAR BYED PA'I TSAD MA 'GA' YANG YOD PA MA YIN LA, GNOD PAR BYED PA NI MNGON SUM LA SOGS PA YOD PAS SHES PA RTAG PA'I RNAM PAR 'GYUR BA YIN PAR MI RIGS SO; ,GZHAN YANG PHYOGS 'DI LA BCINGS PA DANG THAR PA'I RNAM PAR GZHAG PA YANG MI 'GYUR RO ZHES STON PA NI, PHYIN CI LOG DANG ZHES BYA BA LA SOGS PA'O, ,GANG GIS SKAD CIG RE RER 'JIG CING SKYES BU SO SO'I SHES PA DU MA RGYUD THA DAD PA 'JUG PA YIN NO ZHES BYA BA DE'I PHYOGS LA PHYIN CI LOG DANG PHYIN CI MA LOG PA'I SHES PA'I RGYUN SKYE BA'I DBANG GIS BCINGS PA DANG THAR PA'I RNAM PAR GZHAG PA RIGS PA DANG LDAN PA MA YIN TE, RNAM 'BYOR GOMS PA'I RIMS GYIS KYANG YONGS SU DAG PA'I SHES PA GONG NAS GONG DU SKYE BA'I PHYIR YONGS SU MA DAG PA'I SHES PA'I RGYUN LOG PA LAS BYANG GROL THOB PAR 'GYUR BA'I PHYIR THAR PA THOB PAR BYA

221a

, ,BA'I DON GYI PHYIR 'BAD PA 'BRAS BU DANG BCAS PA YIN NO, ,GANG YANG KHYED CAG GIS BDAG RTAG PA DANG GCIG PU'I SHES PA'I RANG BZHIN ZHES BYA BA DO'I PHYOGS DE LA NI JI LTAR SHES PA GCIG GI BDAG NYID KYI SKYES BU LA BCINGS PA DANG THAR PAR 'GYUR, 'DI LTAR GAL TE SHES PA RTAG TU PHYIN CI LOG GI RANG BZHIN YIN NA DE'I TSE GNAS SKABS GZHAN LOGS SHIG PA MED PA'I PHYIR THAR PA RNAM PAR GZHAG PAR MI 'GYUR RO, ,CI STE YANG PHYIN CI MA LOG PA YIN PA DE'I TSE RTAG TU YONGS SU DAG PA'I RANG BZHIN YIN PA'I PHYIR BCINGS PAR MI 'GYUR RO, ,KHO BO CAG LA NI RGYUN THA DAD PAS KUN NAS NYON MONGS PA CAN DANG, DAG PA RNAMS RNAM PAR RIG PAR 'DOD DE DE'I PHYIR BCINGS PA DANG THAR PA'I RNAM PAR GZHAG PA'I RIGS PA MA YIN NO, ,JI SKAD DU, KUN NAS NYON MONGS RNAM PAR DAG ,DE NI DRIR BCAS DRI MA MED, ,GAL TE NYON MONGS DE MA GYUR, ,LUS CAN THAMS CAD GROL BAR 'GYUR, ,GAL TE RNAM DAG DE MA GYUR, ,'BAD PA 'BRAS BU ME DPAR 'GYUR, ,ZHES GSUNGS PA LTA BU'O, ,CI STE YANG BCINGS PA DANG THAR PA NI BTAGS PA KHO NA YIN MOD, DON DAM PA NI MA YIN NO SNYAM NA, DE LA BTAGS PA LA YANG RGYU MTSAN BRJOD PAR BYA DGOS SO, ,SHES PA MI RTAG PA'I PHYOGS LA NI RGYU MTSAN BSTAN ZIN TO, ,DE LTA YIN DANG KHYED CAG BYANG GROL THOB PAR BYA BA'I PHYIR DANG, 'KHOR BA LAS 'DA' BAR BYA BA'I PHYIR DE KHO NA NYID SGOM PA'I 'BAD PA GANG YIN PA DE NI 'BRAS BU NGAL BA 'BA' ZHIG TU ZAD DO ZHES BYA BA STON PA NI, RNAL 'BYOR GOMS PA'I ZHES BYA BA LA SOGS PA STE, GAL TE RNAL 'BYOR PA DE KHO NA NYID BSGOMS PAS CUNG ZAD CIG ZLOG PA'AM 'JUG PAR BYED PA DE'I TSE 'DI 'BAD PA 'BRAS BU DANG BCAS PAR 'GYUR NA, 'DI LTAR RE ZHIG 'DI PHYIN CI LOG PAR MI BYED DE, GANG GI PHYIR PHYIN CI LOG 'DI DE'I BDAG NYID YIN TE, SHES PA RTAG PA'I BDAG NYID YIN PAS DE'I PHYIR SPANG BAR MI NUS TE, RTAG PA NI MI 'JIG PA NYID KYIS 'DOR BA MI SRID PA'I PHYIR RO, ,DE KHO NA NYID KYI SHES PA BSGOMS PAS SGRUB PAR BYED PA YANG MA YIN TE, DE'I BDAG NYID YIN PA'I PHYIR TE, SHES PA RTAG PA'I BDAG NYID YIN PAS DE KHO NA NYID KYI SHES PA THAMS CAD KYI TSE GNAS PA'I PHYIR RO, ,DE LTA BAS NA 'DI NI RIGS

221b

PA MA YIN NO, ,DE KHO NA NYID BSDUS PA'I DKA' 'GREL LAS GSANG BA BA'I BDAG BRTAG PA STE BCU GCIG PA'O,, ,,GNAS MA'I BU BAS KUN DU BRTAGS PA'I GANG ZAG DGAG PA'I PHYIR, LA LA ZHES BYA BA LA SOGS PA SMOS TE, LA LA ZHES BYA BA NI GNAS MA'I BU PA DAG GO, ,DE DAG NI BDAG NYID BDE BAR GSHEGS PA'I SRAS SU RLOM NA YANG BDAG GANG THAG GI THABS KYIS PHUNG PO DAG LAS DE NYID DANG GZHAN DU BRJOD DU MED PA RTOGS PAR BYED DO, ,GANG DAG BCOM LDAN 'DAS BDAG MED PA GSUNG BA'I BDE BAR GSHEGS PA'I SRAS NYID DU KHAS LEN PA DE DAG JI LTAR DE KHO NA NYID MA YIN PA'I BDAG TU LTA BA LA MNGON PAR ZHEN PAR 'GYUR ZHES BSTAN PA'I PHYIR BZHAD GAD DU BYED PA'I TSIG GIS STON PAR BYED PA NI, BDE BAR GSHEGS PA PAR RLOM YANG ZHES BYA BA SMOS SO, ,'DI LTAR DGE BA DANG MI DGE BA'I LAS THA DAD PA RNAMS KYI BYED PA PO DANG, RANG GIS BYAS PA'I LAS KYI 'BRAS BU 'DOD PA DANG MI 'DOD PA'I ZA BA PO DANG, GANG YANG PHUNG PO SNGA MA YONGS SU DOR NAS PHUNG PO GZHAN LEN PAS 'KHOR BA PA DANG GROL BA GANG YIN PA DE BDAG YIN NO ZHES PA 'DI NI BDAG GI MTSAN NYID DO, ,'DI THAMS CAD KYANG GANG ZAG LA 'DOD PA'I PHYIR MING LA RTZOD PA 'BA' ZHIG TU ZAD DO, ,CI STE YANG GANG ZAG PA BRJOD DU MED PA NYID LA RIGS PA GANG YIN ZHE NA, MU STEGS ZHES BYA BA LA SOGS PA SMOS TE, DE NI GANG ZAG PHUNG PO DAG LAS THA DAD PA YIN NA DE NI MU STEGS BYED KYIS KUN DU BRTAGS PA'I BDAG TU LTA BAR 'GYUR RO, ,DE LTA YIN DANG BDAG RTAG PAR THAL BAR 'GYUR RO, ,BDAG RTAG PA NI BYED PA PO DANG ZAB PO LA SOGS PAR MI RIGS TE, DE NI NAM MKHA' BZHIN DU THAMS CAD DU KHYAB PAR MED PA'I PHYIR RO, ,BCOM LDAN 'DAS KYIS KYANG BDAG RTAG PA'I MTHA' BKAG PA DANG, CHOS THAMS CAD BDAG MED PA'O ZHES GSUNGS PA DANG, 'GAL LO, ,'O NA GZHAN MA YIN PA YIN LA RAG MOD CE NA, DU MA SOGS 'GYUR ZHES BYA BA LA SOGS PA SMOS TE, GAL TE GANG ZAG GZUGS LA SOGS PA'I PHUNG PO NYID YIN PAR GYUR NA, DE'I TSE PHUNG PO MANG PO DAG LAS GZHAN MA YIN PA'I PHYIR DE'I RANG GI NGO BO BZHIN DU GANG ZAG DU MA NYID DU 'GYUR NA GCIG TU YANG 'DOD DE, JI SKAD DU 'JIG RTEN SKYE BA NA GANG ZAG GCIG SKYE STE,

222a

, ,'DI LTA STE DPER NA DE BZHIN GSHEGS PA BZHIN NO ZHES BSHAD PA LTA BU'O, ,SOGS PA'I SGRAS NI MI RTAG PA NYID LA SOGS PA GZUNG NGO, ,DE LTA YIN DANG GANG ZAG KYANG PHUNG PO BZHIN DU CHAD PAR 'GYUR RO, ,DE LTA BAS NA BYAS PA CHUD ZOS PAR THAL BAR 'GYUR RO, ,BCOM LDAN 'DAS KYIS KYANG CHAD PA SMRA PA DGAG PA MDZAD PAS DE'I PHYIR BRJOD DU MED PA'I GANG ZAG YOD DO ZHES BYA BAR GRUB PO, ,DE DAG LA BRJOD CES BYA BA LA SOGS PAS KHYED CAG GIS BRJOD DU MED PA'I PHYIR ZHES BYA BA'I RANG GI TSIG NYID KYIS GANG ZAG DNGOS POR YOD PA MA YIN PAR BSTAN PA YIN NO ZHES STON PAR BYED PA YIN NO; ,SBYOR BA NI GANG ZHIG DNGOS PO LAS DE NYID DANG, GZHAN DAG TU BRJOD PAR BYA BA MA YIN PA DE NI DNGOS PO MA YIN TE NAM MKHA'I PADMA BZHIN NO, ,GANG ZAG KYANG BRJOD PAR BYA BA MA YIN NO ZHES BYA BA KHYAD PAR BYED PA MI DMIGS PA'O, ,CHOS MI MTHUN PA NI TSOR BA LA SOGS PA'O, ,YANG JI LTAR 'DI LA KHYAB PA GRUB CE NA, DNGOS PO GZHAN ZHES BYA BA LA SOGS PA SMOS TE, DNGOS PO NI DNGOS PO LAS DE NYID DANG, GZHAN NYID LAS MI 'DA' STE, GO SKABS GZHAN MED PA'I PHYIR RO, ,DE LTA MA YIN NA GZUGS LA SOGS PA RNAMS KYANG PHAN TSUN BRJOD DU MED PA NYID DU 'GYUR RO, ,DE LTA BAS NA NGO BO MED PA RANG BZHIN MED PA LA BRJOD DU MED PAR BRTAGS KYI DNGOS PO LA NI MA YIN NO, ,JI LTAR ZHE NA, THA DAD THA DAD MED RNAM RTOG ,CES BYA BA LA SOGS PA SMOS TE, DNGOS PO NYID LA THA DAD PA DANG THA MI DAD PA'I RNAM PAR RTOG PA RTEN GYI, DNGOS PO MED PA LA NI MA YIN NO, ,DES NA DE NYID DANG GZHAN NYID LA SOGS PAR BRJOD DU MED PA NI DNGOS MED NYID LA STE, RANG BZHIN DANG BRAL BA NYID LA RIGS KYI DNGOS PO LA NI DE NYID DANG GZHAN NYID LA SOGS PAR BSTAN DU MED PAR RIGS PA MA YIN NO ZHES SPREL TE, DE LA THA DAD PA DANG THA MI DAD PA DAG LAS GO SKABS GZHAN MED PA'I PHYIR RO, ,YANG JI LTAR GO SKABS GZHAN MED CE NA, GANG 'DI ZHES BYA BA LA SOGS PA SMOS TE, 'DI LTAR GANG ZAG GZUGS LA SOGS PA'I RANG BZHIN MA YIN NO ZHES BYA BA GANG YIN PA 'DI NI DE LA MED CES DGAG PA DE NI GZUGS LA SOGS PA DE DAG LAS GZHAN NYID DU BRJOD PA YIN TE, DNGOS PO LA DNGOS PO GZHAN DGAG PA NI RANG BZHIN GZHAN

222b

SGRUB PA MED NA MI 'BYUNG BA YIN PA'I PHYIR RO, ,SBYOR BA NI DNGOS PO GANG ZHIG GANG GI RANG BZHIN DANG BRAL BA DE NI DE LAS GZHAN YIN TE TSOR BA LA GZUGS BZHIN NO, ,GANG ZAG TU BRJOD PA'I DNGOS PO YANG GZUGS LA SOGS PA'I RANG BZHIN DANG BRAL BA YIN NO ZHES BYA BA NI RANG BZHIN GYI GTAN TSIGS SO, ,GANG YANG DNGOS 'DI DE NYID MIN PA BKAG PA NI DE'I NGO BO MA YIN PA BKAG PA YIN TE, DE NI DE NYID DANG THA MI DAD PA KHO NA BRJOD PA YIN TE, DNGOS PO YOD PA LA DON GZHAN BKAG PA NI DE NYID SGRUB PA ME DPAR MI 'BYUNG BA'I PHYIR RO, ,DE LTA MA YIN NA GAL TE DE NI RANG BZHIN 'GA' YANG BRJOD PA MA YIN PA DE'I TSE RANG BZHIN THAMS CAD BKAG PA'I PHYIR DNGOS PO MED PA KHO NAR 'GYUR RO, ,DNGOS PO MED PA NYID KYI MTSAN NYID NI RANG BZHIN THAMS CAD BKAG PA YIN PA'I PHYIR RO, ,SBYOR BA NI DNGOS PO GANG ZHIG GANG LAS, DON GZHAN NYID BKAG PA'I BDAG NYID KYI DE NYID YIN PA DE NI DE KHO NA YIN TE, DPER NA GZUGS RANG GI RANG BZHIN LAS DON GZHAN NYID BKAG PA'I BDAG NYID KYI DE NYID YIN PA BZHIN NO, ,GANG ZAG KYANG GZUGS LA SOGS PA LAS DON GZHAN NYID BKAG PA'I BDAG NYID KYI DE NYID YIN NO ZHES BYA BA NI RANG BZHIN GYI GTAN TSIGS SO, ,DNGOS PO NI DNGOS PO DE LAS DE NYID DANG GZHAN NYID LAS MI 'DA' BA'I PHYIR RTZA BA'I GTAN TSIGS KYI KHYAB PA GRUB PO, ,DE LTAR RE ZHIG BRJOD DU MED PA NYID DU KHAS BLANGS PA NA GANG ZAG RTAGS SU YOD PAR 'GYUR RO ZHES BSTAN TO, ,DE NI GANG ZAG DNGOS PO NYID DU KHAS LEN NA YANG BRJOD DU MED PAR RIGS PA MA YIN TE, DE LTA MA YIN NA DAM BCAS PA RANG GI TSIG DANG 'GAL BAR 'GYUR RO SNYAM DU BSAMS NAS MJUG SDUD PAR BYED PA NI, GANG ZAG PHUNG PO LAS GZHAN MIN, ,ZHES BYA BA LA SOGS PA'O, ,GZHAN YANG KHYED CAG GANG ZAG BRJOD DU MED PA YIN NO ZHES SMRA BA NA, GANG ZAG PHUNG PO DAG LAS GZHAN NYID DU CHES GSAL POR 'THON PA'I SGRAS BRJOD PA YIN NO ZHES STON PA NI, 'GAL BA'I CHOS DANG 'BREL PA NI, ,ZHES BYA BA LA SOGS PA'O, ,SBYOR BA NI GANG ZAG PHUN TSUN SPANGS TE GNAS PA'I CHOS DANG LDAN PA DE DAG NI PHAN TSUN THA DAD PA YIN TE, DPER NA LUS CAN DANG LUS CAN MA YIN PA'I CHOS LDAN PA'I GZUGS DANG TSOR BDAG LTA BU'O, ,PHUNG PO DANG GANG ZAG DAG KYANG BRJOD PAR BYA BA DANG BRJOD DU MED

223a

, ,PA LA SOGS PA PHAN TSUN 'GAL BA'I CHOS DANG LDAN PA YIN NO ZHES BYA BA NI RANG BZHIN GYI GTAN TSIGS SO, ,GTAN TSIGS 'DI MA GRUB PA YANG MA YIN NO ZHES BSTAN PA'I PHYIR, 'DI LTAR TSOR BA LA SOGS LAS, ,ZHES BYA BA LA SOGS PA SMOS TE, 'DI LTAR GANG ZAG NI TSOR BA DANG 'DU SHES LA SOGS PA DAG LAS DE NYID DANG GZHAN DAG TU BRJOD DU MED PAR 'DOD LA, GZUGS DANG TSOR BA LA SOGS PA NI TSOR BA LA SOGS PA DE DAG LAS PHAN TSUN GZHAN NYID DU BRJOD PAS DE'I PHYIR GTAN TSIGS MA GRUB PA MA YIN NO, ,'DI LAS KYANG 'GAL BA'I CHOS DANG LDAN PA GRUB BO ZHES STON PA NI, GZUGS LA SOGS PA'I PHUNG PO DAG ,CES BYA BA LA SOGS PA LA, 'DUS BYAS THAMS CAD NI MI RTAG PA'O ZHES GSUNGS PA'I PHYIR GZUGS LA SOGS PA NI MI RTAG PA NYID DU BRJOD PAR BYA BA YIN NO, ,GANG ZAG NI DE LTAR MI RTAG PA NYID DU BRJOD PAR BYA BA MA YIN PAR 'DOD DE, DE NI RNAM PA THAMS CAD DU BRJOD DU MED PA'I PHYIR RO, ,GTAN TSIGS MA NGES PA YANG MA YIN TE, THA DAD PA'I THA SNYAD KYI RGYU MTSAN NI 'DI TZAM DU ZAD PA'I PHYIR RO, ,DE LTA MA YIN NA SNA TSOGS PA THAMS CAD DNGOS PO GCIG TU 'GYUR RO, ,DE LTA YIN DANG LHAN CIG SKYE BA DANG 'JIG PAR THAL BAR 'GYUR RO, ,DE NYID DANG GZHAN DAG TU BRJOD DU MED PA'I PHYIR GANG ZAG DNGOS PO MA YIN NO ZHES BSTAN PA 'BA' ZHIG DU MA ZAD KYI, 'DI LAS KYANG STE, MI RTAG PA NYID DU BRJOD DU MED PA NYID KYI PHYIR DNGOS PO MED PA YIN NO ZHES BSTAN PA'I PHYIR, YOD PA NYID KYI MTSAN NYID NI, ,ZHES BYA BA LA SOGS PA SMOS TE, 'DI NYID NI YOD PA NYID KYI MTSAN NYID DE, DNGOS PO NYID KYI RANG BZHIN NI 'DI YIN TE, 'DI LTA STE DON BYED PAR NUS PA'O, ,DNGOS PO MED PA NYID KYI MTSAN NYID NI NUS PA THAMS CAD DANG BRAL BA YIN PA'I PHYIR RO ZHES BYA BA'I SHUGS KYIS DON BYED PAR NUS PA'I MTSAN NYID CAN NI DNGOS PO NYID DU GNAS PA YIN NO, ,DON BYED PA DE YANG SKAD CIG MA RNAMS KHO NA LA NGES PA YIN TE, SKAD CIG MA NYID KYIS KHYAB PO ZHES BYA BA'I THA TSIG STE, RTAG PA NI RIM DANG CIG CAR DAG GIS DON BYED PA 'GAL BA'I PHYIR RO, ,DE'I PHYIR DE LTAR SKAD CIG MA NYID DU GANG ZAG BRJOD DU MED NA DNGOS PO YOD PA MA YIN TE, DE LA DE'I KHYAB PAR BYED PA SKAD

223b

CIG MA NYID LDOG PA'I PHYIR SHING NYID LOG PA NA SHING SHA PA NYID LDOG PA BZHIN NO, ,JI SKAD DU, MI RTAG NYID DU BRJOD MIN GANG, ,DE NI 'GA'I YANG RGYU MA YIN, ,ZHES GANG BSHAD PA YIN NO, ,GAL TE 'DI SNYAM DU GANG ZAG RTAG PAR GYUR NA, DE'I TSE DE NI RIM DANG CIG CAR DAG GIS DON BYED PA 'GAL BAR GYUR NA, GANG GI PHYIR 'DI LTAR MI RTAG PA NYID DU BRJOD DU MED PA DE LTAR RTAG PAR YANG YIN PAS SO, ,DE'I PHYIR 'DI DON DAM PAR NUS PA 'GAL BA MED PA NYID DO SNYAM DU SEMS NA, DE NI YANG DAG PA MA YIN TE, 'DI LTAR RNAM PA GNYIS KA DANG BRAL BA'I DNGOS PO'I RANG GI MTSAN NYID NI RIGS PA MA YIN TE, RTAG PA DANG MI RTAG PA DAG NI PHAN TSUN SPANGS TE GNAS PA'I MTSAN NYID YIN PA'I PHYIR RO, ,DNGOS PO'I RNAM PA GCIG GTONG BA DANG YONGS SU LEN PA DAG NI DE LAS GZHAN GYI RNAM PA YONGS SU GZUNG BA DANG BTANG BA MED NA MI 'BYUNG BA'I PHYIR RO, ,KHO BO CAG GIS NI GANG ZAG BRJOD DU MED PA'I SGRAR MNGON PAR ZHEN PA NA MA BKAG STE, RANG DBANG CAN 'DOD PA TZAM LA RAG LAS PA NI SUS KYANG DGAG PAR MI NUS PA'I PHYIR RO, ,'ON KYANG GANG ZAG CES BYA BA'I DNGOS PO RANG BZHIN THAMS CAD DU YOD DAM, 'ON TE MED CES BYA BA DNGOS PO'I RANG BZHIN 'DI 'DIR DPYAD PAR BYA'O, ,GAL TE YOD NA DE'I TSE RTAG PA NYID YIN TE, RTAG PA ZHES BYA BA GZHAN 'GA' YANG MA YIN TE, 'ON KYANG RANG BZHIN RTAG TU GNAS PA 'JIG PA MED PA GANG YIN PA DE NI RTAG PA ZHES BYA STE, JI SKAD DU, GANG GI RANG BZHIN 'JIG MED PA, ,DE LA MKHAS RNAMS RTAG CES BRJOD, ,CES BSHAD PA BZHIN NO, ,CI STE MED DO ZHES BYA BA'I PHYOGS YIN NA DE'I TSE 'DI MI RTAG PA NYID YIN TE, MI RTAG PA'I MTSAN NYID NI MI GNAS PA'I RANG BZHIN YIN PA'I PHYIR RO, ,DE'I PHYIR SKAD CIG MA DANG SKAD CIG MA MA YIN PA DAG LAS MA GTOGS PA'I PHUNG PO GZHAN MED PA'I PHYIR LA, SKAD CIG MA YIN PA NI RIM DANG CIG CAR DAG GIS DON BYED PAR 'GAL BA'I PHYIR SKAD CIG MA NYID KYIS DON BYA BA BYED PA NUS PA'I MTSAN NYID KYI YOD PA LA KHYAB PA'I PHYIR, GANG ZAG LA SKAD CIG MA NYID LOG PA NA YOD PA LDOG PAR GRUB PO, ,GAL TE GANG ZAG MED PA DE LTA YIN NA CI'I PHYIR BCOM LDAN 'DAS KYIS SROG GANG YIN PA DE LUS

224a

, ,YIN NAM, SROG KYANG GZHAN LA LUS KYANG GZHAN YIN ZHES ZHUS PA LA, 'DI NI LUNG DU MI STON PA YIN NO ZHES GSUNGS, GANG GI PHYIR MED PA NYID DO ZHES CI'I PHYIR MA GSUNGS SHE NA, LUNG DANG 'GAL BA DAG LA NI, ,ZHES BYA BA LA SOGS PA SMOS TE, GAL TE CHOS CAN GANG ZAG GRUB PAR GYUR NA DE'I TSE DE'I CHOS DE NYID DANG GZHAN NYID LA SOGS PA LUNG BSTAN PAR 'OS NA JI TZAM DU CHOS CAN DE NYID MA GRUB NA DE JI LTAR MED PA DE'I CHOS STON PAR 'GYUR, RI BONG GI RVA LA SOGS PA MED PA LA NI GANG GIS 'DI LUNG BSTAN PAR 'GYUR BA RNO BA LA SOGS PA SRID PA MA YIN NO, ,DE'I PHYIR GANG ZAG BRTAGS SU YOD PA NYID GSAL BAR BYA BA'I PHYIR BCOM LDAN 'DAS KYIS 'DI NI LUNG DU MI STON PA YIN NO ZHES GSUNGS KYI, MED DO ZHES NI MA GSUNGS TE, GZHAN GYI CHOS CAN GYI RANG BZHIN MI 'DRA BA'I PHYIR RO, ,YANG NA BRTAGS SU YOD PA YANG MED PA MNGON PAR ZHEN PA SPANG BA'I DON DU STONG PA NYID BSTAN PA'I SKAL BA DANG MI LDAN PA'I GDUL BYA'I SKYE BO'I BSAM PA LA LTOS NAS MED DO ZHES DE SKAD DU MA GSUNGS SO, ,JI SKAD DU, LTA BA'I MCHE BAS SMAS PA DANG, ,LAS RNAMS 'JIG PA LA LTOS NAS, ,STAG MOS PHRU GU KHYER BA LTAR, ,RGYAL BAS CHOS RNAMS BSTAN PA MDZAD, ,CES BYA BA DE LTA BU SLOB DPON DBYIG GNYEN LA SOGS PAS MDZOD DANG DON DAM PA BDUN CU PA LA SOGS PAR DGONGS PA GSAL BAR BYAS PA'I PHYIR RO, ,BRTZON PA BYAS PA YIN NA DE'I PHYIR RTOGS PA DE NYID DU GO BAR BYA'O, ,'DIR NI GZHUNG MANGS KYIS 'JIGS NAS MA BRIS SO SNYAM DU BSAMS PA'O, , GAL TE DE LTA NA, RDZUS TE BYUNG BA'I SEMS CAN YOD DO ZHES BYA BA 'DI JI LTAR DRANG ZHE NA, MED PA DAG DGAG PA'I PHYIR, ,ZHES BYA BA LA SOGS PA SMOS TE, SEMS CAN YOD PAR BRJOD PA BRTZE BA DANG LDAN PA SNA TSOGS PA STON PA NI 'GAL BA MED DO ZHES BYA BA NI TSIG GI LHAG MA'O, ,SEMS KYI RGYUD GANG LAS SEMS CAN BTAGS PA DE NI 'KHOR BA RGYUN MI 'CHAD PA LA DGONGS NAS BCOM LDAN 'DAS KYIS SEMS CAN YOD DO ZHES GSUNGS SO, ,DE LTA MA YIN NA RGYU DANG 'BRAS BU'I SKAD CIG LDOG PA MED PA BRGYUD PA'I 'DU BYED RNAMS KYANG MED PAR GO BA'I PHYIR 'JIG RTEN PHA ROL MED PAS 'JIG RTEN PHA ROL MA GRUB

224b

PO ZHES GDUL BYA MED PAR BLTA BAR 'GYUR RO, ,'O NA DGE SLONG DAG KHUR YANG BSTAN PAR BYA'O, ,KHUR LEN PA DANG KHUR 'DOR BA DANG, KHUR KHYER BA YANG BSTAN PAR BYA STE, DE LA KHUR NI NYE BAR LEN PA'I PHUNG PO LNGA PO RNAMS SO, ,KHUR LEN PA NI SRID PA'O, ,KHUR 'DOR BA NI THAR PA'O, ,KHUR KHYER BA NI GANG ZAG GO ZHES GANG GSUNGS PA DE JI LTAR DRANG, KHUR NYID KHUR KHYER BAR RIGS PA NI MA YIN NO ZHE NA, TSOGS PA LA SOGS ZHES BYA BA LA SOGS PA SMOS TE, DE LA TSOGS PA NYID DU BRJOD PAR 'DOD PA DUS MTSUNGS PA'I PHUNG PO RNAMS KHO NA TSOGS PA'I THA SNYAD RTEN PA YIN TE, RGYU DANG 'BRAS BUR GYUR PA DE DAG NYID CIG CAR MI 'BYUNG BA LA RGYUN ZHES BSTAN TE, RNAM PA GCIG TU RTOG PA'I RGYUR GYUR PA'I RGYUN DANG TSOGS PA DAG GI SGRAS BSTAN PAS DES NA TSOGS PA LA SOGS PA'I THUGS KYIS TE, TSOGS PA LA SOGS PA'I DGONGS PAS KHUR DANG DE KHYER PA LA SOGS PA BSTAN PA LA 'GAL BA MED DO ZHES BYA BA NI LHAG MA'O, ,SOGS PA'I SGRA DANG POS RGYUN LA SOGS PA GZUNG NGO, ,GNYIS PAS NI KHUR LA SOGS PA'O, ,DE LA PHUNG PO TSOGS PA DE DAG NYID RGYUN LA SOGS PA'I NGO BOS BRJOD PAR 'DOD PAS GANG ZAG KHUR KHYER BA ZHES BSTAN TE, DE NYID LA 'JIG RTEN NA GANG ZAG TU RLOM PA'I PHYIR RO, ,DE NYID KYI PHYIR BCOM LDAN 'DAS KYIS KHUR KHYER BA'I GANG ZAG GANG YIN ZHES SMRAS PA LA, TSE DANG LDAN PA GANG ZAG 'DI'I RIGS NI 'DI LTA BU, RUS NI 'DI LTA BU, ZAS NI 'DI LTA BU ZHIG ZA ZA, BDE BA DANG SDUG BSNGAL NI 'DI LTA BU ZHIG MYONG, 'DI LTAR TSE RING ZHES BYA BA LA SOGS PAS GANG ZAG BSTAN PA YIN NO, ,PHUNG PO TSOGS PA'I MTSAN NYID DE NYID LA CI NAS KYANG BTAGS PAR YOD PA SHES PAR BYA BA YIN GYI, GZHAN GYIS KUN DU BRTAGS PA'I RTAG PA RDZAS SU YOD PA GZHAN NI SHES PAR MI BYA'O ZHES BSTAN PA'I DON DU'O, ,GDON MI ZA BAR DE LTAR SHES PAR BYA STE, DE LTA MA YIN NA KHUR LEN PA YANG PHUNG PO DAG LAS LOGS SHIG TU BSTAN PA'I PHYIR GANG ZAG BZHIN DU PHUNG PO'I NANG DU MA GTOGS PAR 'GYUR RO, ,DE'I PHUNG PO GZHAN DE DAG BSKYED PAR BYA BAR 'JUG PA'I PHYIR PHUNG PO SNGA MA DE DAG NYID KHUR ZHES BYA BAR GSUNGS LA, GANG DAG 'BRAS BUR GYUR PA'I SKYE BA DE DAG NI KHUR KHYER BA ZHES GSUNGS PAS 'DI NI SHES

225a

, ,PAR BYED PA MA YIN NO, ,GSAL BAR BYED PAR SMRAS PA, BDAG KHAS MI LEN NA DE BZHIN GSHEGS PA'I GSUNG 'DI DON DANG LDAN PAR GZHAG PAR MI NUS TE, GANG GI PHYIR BTZUN PA GZUGS BDAG MA LAGS, BTZUN PA TSOR BA DANG, 'DU SHES DANG, 'DU BYED RNAMS DANG; RNAM PAR SHES PA BDAG MA LAGS, DE BZHIN DU DGE SLONG DAG GZUGS 'DI NI KHYOD MA YIN, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA NI KHYOD MA YIN ZHES BYA BA 'DI GSUNGS TE, 'DIS NI GZUGS LA SOGS PA'I PHUNG PO RNAMS NGA RGYAL GYI YUL NYID BKAG LA 'DI NI KHYAD PAR BKAG PA YIN GYI, SPYI BKAG PA NI MA YIN NO, ,BDAG KHAS MI LEN NA YANG SPYI NYID DGAG PAR BYA BA YIN GYI, KHYOD NYID DANG, BDAG NYID NI MA YIN PA'I PHYIR KHYAD PAR DGAG PA NI GZHAN SGRUB PA MED NA MI 'BYUNG BA YIN TE, DPER NA MIG G-YON PAS MI MTHONG NGO ZHES BRJOD PA NA G-YAS PAS MTHONG NGO ZHES GO BA NYID YIN NO, ,DES KYANG MI MTHONG NA G-YON PA SMOS PA DON MED DE MI MTHONG NGO ZHES BYA BA KHO NA BRJOD PAR 'GYUR RO, ,DE BZHIN DU 'DI LA YANG GZUGS BDAG MA YIN PA NAS RNAM PAR SHES PA BDAG MA YIN ZHES BYA BA'I BAR DU GSUNGS PA NA, DE DANG MI MTHUN PA'I BDAG YOD DO ZHES STON [*SNGON?] PAR 'GYUR RO, ,DE YANG BRJOD DU MED PA'AM GZHAN YIN DU CHUG MOD, THAMS CAD DU BDAG YOD DO ZHE'O, ,'DIR SMRAS PA, KHYAD PAR DAG NI DGAG PA YANG, ,ZHES BYA BA LA SOGS PA LA, 'DI SKAD DU BSTAN PA YIN TE, 'JIG TSOGS LA LTA BA'I RI'I RTZE MO NYI SHU MTHO BA BLO GROS NGAN PA RNAMS LA 'JUG PA 'DI LTA STE, GZUGS BDAG YIN PA NAS RNAM PAR SHES PA BDAG YIN PA'I BAR DANG, GZUGS LA BDAG GNAS PA NAS RNAM PAR SHES PA LA BDAG GNAS PA'I BAR DANG, BDAG GZUGS DANG LDAN PA NAS BDAG RNAM PAR SHES PA DANG LDAN PA'I BAR DANG, GZUGS BDAG GI YIN PA NAS RNAM PAR SHES PA BDAG GI YIN PA'I BAR DU ZHES BYA BA'O, ,DE LA LTA BA DANG PO LNGA DGAG PA'I PHYIR, DE'I LTA BA CAN LA KHYAD PAR GYI TSUL GYIS BKAG PA MDZES PA YIN NO, ,GZUGS BDAG YIN ZHES BYA BA LA SOGS PA'I LTA BA DE DAG GANG DAG LA YOD PA DE DAG NI DE'I LTA BA CAN TE,

225b

BLO GROS BLUN PO'I DOGS PA'I GNAS GANG KHO NA YIN PA DE KHO NA RJES SU BRJOD NAS BZLOG PA YIN GYI, 'DI LA SGRUB PA 'GA' ZHIG BZHED PA NI MA YIN NO, ,DE LTA MA YIN NA NYAN PA PO LEGS PAR MI SBYOR BA'I TSIG SMRA BA NA STON PA PO RTOG PA DANG LDAN PAR MI 'GYUR RO, ,DE KHO NA NYID BSDUS PA'I DKA' 'GREL LAS GNAS MA'I BU PA'I BDAG BRTAG PA STE BCU GNYIS PA'O,, ,,G-YO BA ZHES BYA BA'I KHYAD PAR 'DI BSGRUB PA'I PHYIR, YANG NA ZHES BYA BA LA SOGS PA SMOS TE, DNGOS PO MTHA' DAG LA KHYAB PA'I SKAD CIG MAR 'JIG PA BSGRUB PA NYID KYIS GZHAN GYIS KUN DU BRTAGS PA'I RANG BZHIN DANG DBANG PHYUG LA SOGS PA DNGOS PO MTHA' DAG GI TSOGS SGRUB PA GCIG GIS GSAL BA YIN NA YANG KHO BO CAG GIS GZHUNG SHIN TU RGYAS PAR BKOD PAS TSIG RE RE NAS BRJOD NAS SUN 'BYIN PA RTZOM PA GANG YIN PA DE NI NGAL BAR BYED PA 'BA' ZHIG TU ZAD DE, THABS SLA LA NYUNG BA NYID KYIS DE SUN 'BYIN PA'I PHYIR RO SNYAM DU DGONGS PA YIN NO, ,'DI LTAR GZHAN KHA CIG DAG GIS RANG BZHIN LA SOGS PA THAMS CAD NI SKYES MA THAG TU 'JIG PA'AM RJES SU 'GRO BA MED PAR BKAG PA'I CHOS CAN DU MI 'DOD DO, ,DE LTA BAS NA 'DI DANG DNGOS PO MTHA' DAG GI KHYAB PAR BYED PA'I MTSAN NYID KYI SKAD CIG MAR 'JIG PA BSGRUBS PA NYID KYIS BSAL BA YIN NO SNYAM DU BSAMS NAS, KHO BO CAG GIS RANG BZHIN LA SOGS PA NAS GANG ZAG GI MTHAR THUG PA BSHAD ZIN PA DANG, 'CHAD PAR 'GYUR BA'I RIGS DANG, YON TAN DANG, RDZAS LA SOGS PA DANG SGRA DANG, DON DAG DANG, TSAD MA DANG, GZHAL BYA DAG DANG, NOR BU'I GZI LTA BUR KHA DOG SNA TSOGS PA'I DNGOS PO DANG, DUS GSUM DU 'JUG PA'I NGO BO DANG, TSU ROL MDZES PA PAS KHAS BLANGS PA'I 'BYUNG BA BZHI DANG, RGYAL DPOG PAS 'DOD PA'I RIG BYED KYI SGRA'I TSOGS KHYAD PAR MED PAR GSAL BAR BYA BA'I PHYIR SKAD CIG MAR 'JIG PA BSGRUB PAR BYA'O; ,GSAL BAR ZHES BYA BA NI DE SGRUB PAR BYED PA'I TSUL GSUM PA'I GTAN TSIGS STON PA'I PHYIR RO, ,DE'I PHYIR BSTAN PA'I DNGOS PO BRTAGS PA 'DI NYID LA BSTAN BCOS MTHA' DAG GI DON YONGS SU RDZOGS PA YIN NO ZHES BSTAN PAR 'GYUR RO, ,'DI JI LTAR BSGRUB PAR BYA ZHE NA, BYAS DANG MA BYAS NYID SGO

226a

, ,NAS, ,ZHES BYA BA LA SOGS PA SMOS TE, 'DI NI RIGS PA CAN LA SOGS RNAMS SKAD CIG MA'I DNGOS PO GCIG KYANG YOD PA MA YIN NO SNYAM DU SEMS PA NA, BYAS PA DANG MA BYAS PA NYID KYI SGO NAS DNGOS PO RNAMS PHUNG PO GNYIS KHO NAR RNAM PAR 'JOG PAR BYED DO, ,DE LA KHA CIG NI BYAS PA YIN TE BUM PA LA SOGS PA LTA BU'O, ,LA LA NI MA BYAS PA YIN TE, RDUL PHRA RAB DANG NAM MKHA' LA SOGS PA LTA BU'O, ,GZHAN DAG GIS TE, GNAS MA'I BU PA LA SOGS PA DAG GIS NI SKAD CIG MA DANG SKAD CIG MA MA YIN PA NYID KYIS DNGOS PO RNAMS PHUNG PO GNYIS SU 'DOD DE, 'DI LTAR DE'I 'DOD PAS BLO DANG SGRA DANG ME LCE LA SOGS PA SKAD CIG MA DAG YIN LA, SA DANG NAM MKHA' LA SOGS PA DAG NI SKAD CIG MA MA YIN PA DAG YIN NO ZHE'O, ,DE'I PHYIR DE LTAR LTA BA'I DBYE BAS GNAS PA NA RE ZHIG GANG DAG BYAS PA NYID DU 'DOD PA DE DAG PHYOGS SU BYAS NAS TSAD MA BRJOD PAR BYA'O ZHES BSTAN PA'I PHYIR, DE LA ZHES BYA BA LA SOGS PA SMOS SO, ,THAMS CAD KYI 'JIG PA RGYU GZHAN LA LTOS PA MED PA NYID KYIS GNAS PA'I PHYIR ZHES BYA BA 'DIS MTSAN NYID GSUM PA'I GTAN TSIGS STON TO, ,DE NYID GSAL BAR BYA BA'I PHYIR, DNGOS GANG ZHES BYA BA LA SOGS PA SMOS TE, SBYOR BA NI GANG DAG DNGOS PO GANG LA LTOS PA MED PA DE DAG NI DE'I NGO BOR NGES PA YIN TE, DPER NA DE MA THAG PA'I 'BRAS BU'I TSOGS PA RANG GI 'BRAS BU SKYED PA LA NGES PA BZHIN NO, ,SKYE BA DANG LDAN PA'I BYAS PA'I DNGOS PO RNAMS KYANG 'JIG PA LA LTOS PA MED PA YIN NO ZHES BYA BA NI RANG BZHIN GYI GTAN TSIGS SO, ,RGYU GZHAN ZHES BYA BA'I RANG BZHIN GTAN TSIGS DE YANG NI SKYED PAR BYED PA LAS THA DAD PA'O, ,NGES PA ZHES BYA BA 'DI LA RGYU SMRAS PA, DE LTAR RANG GI RGYU LAS SKYE'I, ,ZHES BYA BA LA SOGS PA LA, DE LTAR ZHES BYA BA NI DER NGES PA'I NGO BOS SKYE BA'I PHYIR RO ZHES BYA BA'I DON TO, ,YANG NA GANG DAG GANG DU YANG MA NGES PA DE DAG NI DE LA LTOS PA MED PA YANG MA YIN PAR 'GYUR TE, DPER NA BUM PA LA SOGS PA SO MA BTANG BA SO BTANG BA DAG LA SOGS PA DAG TU 'GYUR BA BZHIN NO ZHES BYA BA 'DI NI 'DIR CHOS MI MTHUN PA'I DPE'O, ,'ON TE GTAN TSIGS 'DI MA NGES PA NYID MA YIN NAM, 'DI LTAR DNGOS PO RNAMS 'JIG PA LA RGYU GZHAN LA LTOS PA MED PA DE LTA YANG

226b

YIN MOD KYI, 'ON KYANG GNAS NAS YUL DANG DUS GZHAN DU DNGOS PO 'JIG PA SRID PA'I PHYIR RO, ,'DI DAG SKYES MA THAG TU 'JIG PA NYID DU BSGRUB PAR 'DOD PA MA GRUB PA'O, ,GAL TE 'DI NI LTOS MED NA, ,ZHES BYA BA LA SOGS PA SMOS TE, 'DI ZHES BYA BA NI 'JIG PA'O, ,DE LA LTOS PA MED PA NYID KYI PHYIR ZHES BYA BA NI YUL DANG DUS GZHAN LA LTOS PA MED PA'I PHYIR RO, ,GANG ZHIG GANG LA LTOS PA MED PA DE NI 'GA' ZHIG TU 'AM RES 'GA' 'GYUR NA DE'I TSE DE'I YUL DANG DUS LA LTOS PA'I PHYIR, LTOS PA MED PA NYID DU MI 'GYUR RO, ,DE'I PHYIR GA LAS MA 'KHRUL PA YIN, 'DI LTAR YUL DANG DUS GCIG YONGS SU SPANGS NAS YUL DANG DUS LA SOGS PA GZHAN DU 'JUG PA NA, JI LTAR MI LTOS PA ZHES BYA BA YIN, 'DI LTAR DE'I LTOS PA NI DE LTAR GNAS PA NYID YIN GYI, 'DOD PA NI MA YIN TE, DE NI BSAM PAS STONG PA'I PHYIR RO, ,'O NA GAL TE RNAM PA THAMS CAD DU LTOS PA MED PA'I PHYIR RO ZHES BYA BA GTAN TSIGS KYI DON YIN PAR 'DOD NA, 'O NA GTAN TSIGS MA GRUB STE, 'DI LTAR 'GA' ZHIG DAG 'JIG PA LA THOB PA LA SOGS PA LA LTOS PAR MTHONG STE, BUM PA LA SOGS PA BZHIN NO, ,GANG YANG BLO DANG SGRA LA SOGS PA LTOS PA MED PA NYID DU GRAGS PA DE DAG KYANG GAL TE THO BA LA SOGS PA LA MI LTOS PA DE LTA NA YANG YUL DANG DUS LA LTOS PAS DE'I PHYIR GTAN TSIGS MA GRUB PA YIN NO ZHES DOGS PAR BYAS NAS LAN GDAB PAR BYA BA'I PHYIR, SKYE BA CAN KUN 'JIG PA LA, ,ZHES BYA BA LA SOGS PA SMOS TE, THAMS CAD DU ZHES BYA BA NI YUL DANG DUS LA SOGS PA THAMS CAD DU SKYE BA DANG LDAN PA RNAMS 'JIG PA'I RGYU LA MI LTOS SO ZHES BYA BA'I DON TO, ,'JIG PA'I RGYU NYID DU KHAS BLANGS PA RNAMS CUNG ZAD KYANG MI BYED PA'I PHYIR TE, PHAN MI 'DOGS PA'I PHYIR RO, ,PHAN MI 'DOGS PA YANG LTOS PAR MI RIGS TE, HA CANG THAL BAR 'GYUR BA'I PHYIR RO, ,JI LTAR CUNG ZAD KYANG MI BYED PA YIN ZHE NA, 'DI LTAR ZHES BYA BA LA SOGS PA SMOS TE, 'JIG PA BYED NA RES 'GA' DNGOS PO 'AM DNGOS PO MED PA YIN GRANG, DE LA GAL TE DNGOS PO YIN NA DE'I TSE 'JIG PA DANG LDAN PA 'DI DNGOS PO LAS DON GZHAN DU MA GYUR PA BYED DAM, DON GZHAN DU GYUR PA BYED, DNGOS PO YOD PA LA NI RNAM PAR RTOG PA

227a

, ,GNYIS LAS MI 'DA' BA'I PHYIR, GNYI GA'AM GNYIG MA YIN PA'I PHYOGS NI RIGS PA MA YIN TE, DNGOS PO GCIG GTONG BA DANG YONGS SU LEN PA DAG NI DE LAS GZHAN YONGS SU GTONG BA DANG LEN PA MED NA MI 'BYUNG BA'I PHYIR RO, ,GCIG LA SGRUB DANG DGAG PA MI RUNG BA'I PHYIR RO ZHES BSTAN ZIN TO, ,DE LA RE ZHIG DON GZHAN DU GYUR BA MA YIN PA ZHES BYA BA'I PHYOGS NI MA YIN TE, DNGOS PO'I RANG BZHIN NI RANG GI RGYU KHO NA LAS SKYE BA'I PHYIR TE, MI MTHUN PA DANG RGYU MED PAR MI 'BYUNG BA'I PHYIR RO, ,DE YANG DNGOS PO'I RANG BZHIN BZHIN DU DE LAS THA MI DAD PAR GRUB PA'I PHYIR RO, ,GRUB PA YANG BYED PAR MI RIGS TE, RGYU LDOG PA MED PAR THAL BAR 'GYUR BA'I PHYIR RO, ,'DI SNYAM DU DNGOS PO 'DI RANG GI RGYU KO NA LAS BDAG NYID THAMS CAD GRUB PA NI MA YIN TE, DE'I PHYIR RGYU GZHAN GYIS 'JIG PAR BRJOD PA'I RANG BZHIN GZHAN THOB PA YIN NO ZHE NA, DNGOS PO'I BDAG NYID CES BYA BA, , LA SOGS PA SMOS TE, GANG GIS NA CHA SHAS KYIS 'GRUB PAR 'GYUR BA GCIG GI RANG BZHIN LA GNYIS YOD PA NI MA YIN NO, ,'ON KYANG DNGOS PO'I CHA SHAS MED PA KHO NA YIN LA, DE YANG RANG GI RGYUS BSKYED PA NA BDAG NYID THAMS CAD KYIS BSKYED PA'I PHYIR, JI LTAR DE'I DUS PHYIS RGYU GZHAN GYIS RANG BZHIN GZHAN BYED PAR 'GYUR, GANG ZHIG GRUB PA NA GANG MA GRUB PA DE NI DE'I RANG BZHIN DU RIGS PA MA YIN TE, THA MI DAD PA'I MTSAN NYID NI GRUB PA DANG BDE BA GCIG PA YIN PA'I PHYIR RO, ,DE'I PHYIR GANG ZHIG DUS PHYIS SKYE BA'I 'JIG PA'I DNGOS PO DE NI RANG BZHIN NO, ,GANG NA GANG YIN PA DE YANG JI LTAR DER 'GYUR BA YIN TE, DE'I PHYIR 'DI NI CI YANG MA YIN NO, ,CI STE DON GZHAN DU GYUR PA ZHES BYA BA'I PHYOGS YIN NA DE LA YANG 'JIG PA'I RGYUS NI DNGOS PO LA CI YANG MI BYED PA NYID DO ZHES STON PA NI, DNGOS PO LAS NI THA DAD PA'I, ,ZHES BYA BA LA SOGS PA SMOS TE, GZHAN BYED PA NA PHAN BTAGS PA ZHES BYA BA NI MA YIN TE, HA CANG THAL BAR 'GYUR BA'I PHYIR RO, ,DE DANG 'BREL PA'I 'JIG PA BYED PA'I PHYIR DNGOS PO LA PHAN BTAGS PAR 'GYUR RO ZHES KYANG BRJOD PAR MI RIGS TE, 'BREL PA MA GRUB PA'I PHYIR RO, ,'DI LTAR THA DAD PAR KHAS BLANGS PA'I PHYIR DE'I BDAG NYID KYI MTSAN NYID KYI 'BREL BA

227b

MED LA, DE LAS BYUNG BA'I MTSAN NYID KYANG MED DE, DE NI 'JIG PA'I RGYU NYID LAS SKYE BA'I PHYIR RO, ,DNGOS PO'I 'BREL PA GZHAN YANG YOD PA MA YIN NO, ,'BREL PA YOD NA YANG DNGOS PO GZHAN PA'I PHYIR, DE KHO NA BZHIN DU 'BRAS BU DMIGS PA LA SOGS PAR THAL BAR 'GYUR RO, ,DMIGS PA NYID 'BRAS BU YIN PAS DMIGS PA'I 'BRAS BU'O, ,SOGS PA'I SGRAS NI CHU 'DZI PA DANG, RJE NGAR GCOG PA LA SOGS PA GZUNG NGO, ,'JIG PA THA DAD PA DES BSGRIBS PA'I PHYIR DANG, GEGS BYAS PA'I PHYIR DMIGS PA LA SOGS PA'I 'BRAS BU BYED PA MA YIN NO ZHE NA, DE'I GNAS SKABS ZHES BYA BA LA SOGS PA SMOS TE, DNGOS PO'I RANG BZHIN GYI KHYAD PAR NYAMS PAR MI BYED PA'AM, SKYED PAR MI BYED PA DE LA SGRIB PAR BYED PA'AM, GEGS BYED PAR RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA BAS NA MDOR BA SGRIB PA MED PA GEGS BYED PA MED PA SNGAR GYI RANG BZHIN YIN PA'I PHYIR DE'I SGRIB PA DANG GEGS BYED PA MI RIGS SO, ,'DI SNYAM DU SNGA MA BZHIN DU DMIGS PA LA SOGS PA THAL BAR 'GYUR BA MA YIN TE, 'JIG PA THA DAD PA DES DNGOS PO 'JIG PA'I PHYIR RO ZHE NA, 'JIG PA'I MING CAN DNGOS PO YIS, ,ZHES BYA BA LA SOGS PA SMOS TE, 'JIG PA DNGOS PO'I 'JIG PA BYED PA NA CI GZHAN NAM, GZHAN MA YIN PA'AM, YANG NA ZHIG PA'I MTSAN NYID KYIS 'JIG PAR BYED PA NA 'JIG PAR BYED CES 'DI LA YANG THO BA LA SOGS PA BZHIN DU RNAM PAR RTOG PA MTSUNGS PA NYID LA'ANG RJES SU 'JUG STE, DE LA YANG NYES PA BSHAD ZIN PA DANG, 'CHAD PAR 'GYUR BA YIN NO, ,DON DE LA YANG ZHES BYA BA NI GANG 'DI 'JIGS PAS 'JIG PA GZHAN BYED NA DE LA YANG 'JUG PA'I PHYIR RO ZHES BYA BA NI GZHAN NYID LA SOGS PA'I RNAM PAR RTOG PA DAG RJES SU 'JUG PA'I PHYIR RO ZHES BYA BA'I DON TO, ,DE LTAR RE ZHIG DNGOS POR GYUR PA MI BYED DO ZHES BSTAN NAS DNGOS PO MED PAR GYUR PA YANG MA YIN NO ZHES BSTAN PA'I PHYIR, GAL TE DNGOS PO MED PA'I BDAG ,CES BYA BA LA SOGS PA SMOS TE, DNGOS PO'I RGYUR 'GYUR GYI DNGOS PO MED PA LA NI MA YIN NO, ,RANG BZHIN MTHA' DAG DANG BRAL BA'I MTSAN NYID YIN PA'I PHYIR DE LA RGYU MTSAN DU BYA BA BSKYED PAR BYA BA'I NGO BO CUNG ZAD KYANG MED

228a

, ,DO; ,DE'I PHYIR DNGOS PO MED PA'I BDAG NYID DE, DNGOS PO BKAG PA'I BDAG NYID KYI 'JIG PA 'GA' ZHIG GIS BYED PA MA YIN TE, BONG BU'I RVA BZHIN DU DNGOS PO MED PA'I PHYIR RO, ,DE LTA MA YIN NA 'BRAS BU YIN PA'I PHYIR MYU GU LA SOGS PA BZHIN DU DNGOS PO NYID DU 'GYUR RO, ,SBYOR BA NI GANG 'BRAS BU YIN PA DE NI DNGOS PO YIN TE MYU GU LA SOGS PA BZHIN NO, ,'JIG PA YANG 'BRAS BU YIN NO ZHES BYA BA NI RANG BZHIN GYI GTAN TSIGS SO, ,'DI YI KHYAB PA BSGRUB PA'I PHYIR, ,RGYU YI NUS PAS SKYED PHYIR RO, ,ZHES BYA BA SMOS TE, RGYU'I NUS PAS THOB PA'I BDAG NYID KYI KHYAD PAR GANG YIN PA DE NYID LA 'BRAS BU ZHES BYA BA STE, SGRUB PA'I BDAG NYID KYI KHYAD PAR NYID DNGOS PO YIN NO, ,DON 'DI LA RIGS PA CAN LA SOGS PA LA YANG RTZOD PA MED DE, 'DI LTAR YOD PA DANG 'DU BA 'AM, RANG GI RGYU DANG 'DU BA NI 'BRAS BU NYID DU BRJOD LA, 'JIG PA LA NI YOD PA DANG 'DU BA 'AM, RANG GI RGYU LA 'DU BA MED DE, DE NI RDZAS LA SOGS PA BZHIN DU YOD PA NYID DANG RTEN PA NYID DU THAL BAR 'GYUR BA'I PHYIR RO, ,GAL TE DE LTA NA 'JIG PA DNGOS PO NYID LA RAG MOD, DE LA NYES PA CI YOD CE NA, DE LTAR DNGOS MED GANG YIN PAS, ,ZHES BYA BA LA SOGS PA SMOS TE, YANG JI LTAR MED PA SGRUB PAR BYED CES DGOS PA LA 'DI SKAD DU, MA YIN DGAG RTEN ZHES BYA BA SMOS TE, MA YIN BAR DGAG PA LA RTEN PA'I PHYIR RO ZHES BYA BA'I DON TO, ,BRJOD PAR 'DOD PA'I DBANG GIS DNGOS PO 'GA' ZHIG LAS MTSAN NYID MI MTHUN PA'I DNGOS PO NYID DNGOS PO MED PA ZHES BYA BA BRJOD DO, ,DE LA YANG SNGAR BSHAD PA'I NYES PA THA DAD PA LA SOGS PA'I RNAM PAR RTOG PA YANG RJES SU 'JUG GO, ,CI STE NYES PA 'DIS 'JIGS NAS MA YIN PAR DGAG PA'I BDAG NYID KYI 'JIG PA DNGOS PO MED PA'I RGYU DAG GIS BYED PA NI MA YIN NO, ,'O NA CI ZHE NA, MED BAR DGAG PA'I BDAG NYID DO ZHES KHAS LEN PAR BYED NA, DE LA YANG KHYED CAG GIS 'JIG PA'I RGYU CUNG ZAD MI BYED PA NYID GSAL RAB PA NYID DU BSTAN TO ZHES BSTAN PA'I PHYIR ,'ON TE DNGOS PO MI BYED PA NYID CES BYA BA LA SOGS PA SMOS TE,

228b

'DI LTAR MED PAR DGAG PA YIN NA DGAG PA BYED PA DANG 'BREL PA'I PHYIR MED PA BYED PA NI DNGOS PO MI BYED DO ZHES BYA BA BKAG PA'I PHYIR 'JIG PA'I RGYU BYED PA PO NYID MA YIN PAR BSTAN PAR 'GYUR RO, ,GANG YANG BYED PA PO MA YIN PA DE JI LTAR RGYUR 'GYUR, DE'I PHYIR 'JIG PA'I RGYU 'GA' YANG MED DO, ,'DI RNA MA BUG PAS SMRAS PA'I 'JIG PA RGYU DANG LDAN PA NYID DU SGRUB PA LA TSAD MA DAG BSTAN PAR 'DOD NA, DNGOS PO YOD PA'I DUS DAG TU, ,ZHES BYA BA LA SOGS PA SMOS TE, 'DI LTAR DNGOS PO YOD PA'I DUS SU 'JIG BA NI MA YIN TE, SKAD CIG TZAM YANG GNAS PA MED PAR THAL BAR 'GYUR BA'I PHYIR RO, , SKYES PA LAS SNGAR YANG MA YIN TE, MA SKYES PA 'JIG PAR MI RIGS PA'I PHYIR RO, ,MO GSHAM GYI BU LA SOGS PA MA SKYES PA NYID 'JIG PA NI MA YIN NO, ,PHYIS YUN RING PO NAS KYANG MA YIN TE, SKAD CIG MA GSUM PA LA SOGS PA RNAMS SU ZHIG PA NI YANG 'JIG PAR MI RUNG BA'I PHYIR TE, THAL BAR BYAS PA LAS 'BAR BA BZHIN NO, ,'ON KYANG DNGOS PO'I DE MA THAG TU SKAD CIG GNYIS PA LA 'JIG PA YIN NO, ,DE LTAR NA MYU GU LA SOGS PA BZHIN DU DUS NGES PA'I PHYIR 'JIG PA RGYU DANG LDAN PA ZHES BYA BA GRUB PO, DUS NGES PA ZHES BYA BA NI RES 'GA' BA YIN PA'I PHYIR RO ZHES BYA BA'I DON TO, ,'DI YIS KHYAB PA BSGRUB PA'I PHYIR, ,LTOS PA MED PAR 'GYUR PA LA, ,ZHES BYA BA LA SOGS PA SMOS TE, LTOS PA MED PA NI RES 'GA' BA NYID DU RIGS PA MA YIN TE, RTAG TU YOD PA LA SOGS PAR THAL BAR 'GYUR BA'I PHYIR RO, ,DE LTA BAS NA RES 'GA' BA NYID YIN PA'I PHYIR 'DI NI RGYU DANG BCAS PA NYID DU GRUB PO, ,'DI LAS KYANG 'GRUB PO ZHES BSTAN PA'I PHYIR, DNGOS PO'I DE MA THAG BYUNG PHYIR, ,ZHES BYA BA LA SOGS PA'O, ,DE'I PHYIR DE LTAR GTAN TSIGS GSUM PO 'DI DAG SMRAS TE, 'JIG PA RGYU DANG BCAS PA YIN TE, RES 'GA' BA YIN PA'I PHYIR DANG, DNGOS PO SKYE PA'I DE MA THAG TU 'BYUNG BA NYID DU SANGS RGYAS PAS KYANG KHAS BLANGS PA'I PHYIR DANG, MA BYUNG BA'I BDAG NYID THOB PA'I PHYIR SKAD CIG GZHAN BZHIN NO, ,CHOS MI MTHUN PAS NI RI BONG GI RVA LA SOGS PA'O, ,'DIR GSAL BYED PAS SMRAS PA'I RIGS PA YANG GZHAN YANG ZHES BYA BA LA SOGS PA SMOS TE, DE 'DI SKAD DU SMRAS TE 'JIG PA LA RGYU MED DO ZHES

229a

, ,SMRA BA LA BRGAL ZHING BRTAG PAR BYA STE, CI RGYU MED PA'I PHYIR NAM MKHA'I AUTPALA LA SOGS PA BZHIN DU 'JIG PA MED PA YIN NAM, 'ON TE RGYU MED PA'I PHYIR NAM MKHA' LA SOGS PA BZHIN DU RTAG PA NYID GCIG YIN, KHYED KYI PHYOGS LA RGYU MED PA GNYIS DMIGS TE, RTAG PA DANG MED PA'O, ,'DI LTAR YOD PA DANG MED PA LAS MA GTOGS PA'I RNAM PA GZHAN MED DO, ,DE LA GAL TE RGYU MED PA'I PHYIR 'JIG PA MED PA YIN NA, DE'I TSE DNGOS PO THAMS CAD RTAG PA NYID DU THAL BAR 'GYUR TE, 'JIG PA MED PA'I PHYIR RO, ,GZHAN YANG 'DUS BYAS THAMS CAD 'JIG PA YIN NO ZHES BYA BA'I NGES PA 'DI RGYU MTSAN MED PA CAN DU 'GYUR TE, MED PA LA 'ONG BA DANG 'GOR BA ZHES BYA BAR 'GYUR BA MA YIN NO, ,CI STE RTAG PA YIN NA DE'I TSE DNGOS PO 'JIG PA DANG LHAN CIG GNAS PAR 'GYUR TE, THAMS CAD DU GNAS PA'I PHYIR RO, ,DE YANG RIGS PA MA YIN TE, DNGOS PO DANG DNGOS PO MED PA DAG NI PHAN TSUN SPANGS TE GNAS PA'I MTSAN NYID CAN YIN PA'I PHYIR RO, ,'ON TE YANG LHAN CIG GNAS PAR MI 'DOD NA DE'I TSE 'BRAS BU SKYE BAR MI 'GYUR TE, DE'I SGRAR GYUR PA 'JIG PA RTAG TU GNAS PA NYID KYI PHYIR RO, ,DE LTA YIN DANG MA SKYES PA 'JIG BAR YANG MI RIGS TE 'JIG RTEN NA RI BONG GI RVA LA SOGS PA MA SKYES PA 'JIG PAR 'GYUR RO ZHES GRAGS PA NI MED DO, ,DES NA MA SKYES PA 'JIG GO ZHES BYA BA'I TSIG RIG PA DANG LDAN PA MA YIN NO, ,DE'I PHYIR 'DI LA ZHES BYA BA LA SOGS PAS THAMS CAD KYI LAN 'DEBS PA YIN TE, 'JIG PA NI RNAM PA GNYIS TE, SGRUB PA DANG, DGAG PA'I MTSAN NYID DO, ,'DI LTAR SKAD CIG MAR GNAS PA'I CHOS RNAMS KYI NGO BO'I RANG BZHIN NYID KYI G-YO BA NI 'JIG PA YIN PA'I PHYIR 'JIG PAR BRJOD PA 'AM, YANG NA DNGOS PO'I RANG BZHIN BKAG PA'I MTSAN NYID ZHIG PA'I MING CAN GZHAN GYIS 'JIG PA LA 'JIG PA ZHES BYA BA LA, DE 'JIG PA SNGA MA LA GAL TE JI SKAD BSHAD PA'I GTAN TSIGS DAG GIS RGYU DANG LDAN PA NYID DU SGRUB PA'I BRGAL ZHING BRTAG PA 'DI BYED NA DE'I TSE GRUB PA LA SGRUB PA NYID DO, ,GRUB PA LA SGRUB PA DE NYID DNGOS GANG ZHES BYA BA LA SOGS PAS STON PAR BYED DO, ,GAL TE DE LTA NA JI LTAR KHYED LA 'JIG PA RGYU MED PAR GRAGS SHE NA, GZHAN

229b

MED PHYIR NA RGYU MED CAN, ,ZHES BYA BA SMOS TE, GZHAN MED PA PO LAS THA DAD PA DUS PHYIS KYI THO BA LA SOGS PA 'JIG PAR BYED PA MED PA'I PHYIR, RGYU MED CAN DU 'DOD CES SKABS DANG SBYAR RO, ,DE LTA BUR GYUR PA'I 'JIG PA'I CHOS CAN 'DI YANG RES 'GA' BA YIN PA'I PHYIR DANG, SNGAR MA BYUNG BA'I BDAG NYID THOB PA'I PHYIR ZHES BYA BA'I GTAN TSIGS 'DI GNYIS GRUB PO, DNGOS PO'I DE MA THAG TU BYUNG BA YANG GAL TE SPYIR BRJOD PAR 'DOD PA YIN NA DE'I TSE GRUB PA NYID YIN TE, DNGOS PO 'DI RGYUR GYUR PA'I DNGOS PO'I DE MA THAG TU GRUB PA'I PHYIR RO, ,CI STE 'DI 'JIG PA'I BDAG NYID DU GYUR PA'I DNGOS PO'I DE MA THAG TU 'BYUNG BA NYID 'DI BRJOD PAR 'DOD PA YIN NA DE'I TSE GTAN TSIGS MA GRUB PA YIN NO ZHES STON BA NI, DNGOS PO'I DE MA THAG BYUNG NYID, ,CES BYA BA LA SOGS PA'O, ,DE 'DRA ZHES BYA BA NI DNGOS PO G-YO BA'I RANG BZHIN LAS THA MI DAD PA'O, ,GANG GIS 'DI DE MA THAG TU 'BYUNG BAR 'GYUR BA CHA SHAS MED PA'I DNGOS PO LA NI CHA SHAS YOD PA MA YIN TE, DE'I RANG BZHIN BZHIN DU DE LAS THA MI DAD PA'I 'JIG PA DE GRUB NA GRUB PA'I PHYIR RO, ,DE LTA MA YIN NA DE DE'I RANG BZHIN NYID DU MI 'GYUR RO ZHES BSTAN TO, ,GANG YANG 'DUS BYAS THAMS CAD 'JIG PA'I NGES PA YANG RGYU MTSAN MED PA CAN ZHES SMRAS PA DE YANG DE NYID KYI PHYIR SPANGS PA YIN NO ZHES BSTAN PA NI, DE'I PHYIR ZHES BYA BA'O, ,DNGOS PO SKAD CIG MAR GNAS PA'I CHOS DE LTAR NGES PAR BYAS PA'I LUS CAN RNAMS NI BLO DE'I RGYU MTSAN YIN PA'I PHYIR RGYU MTSAN MED PA NYID THAL BAR MI 'GYUR RO, ,'ON TE ZHIG PA'I MTSAN NYID KYI 'JIG PA'I CHOS CAN MNGON PAR 'DOD PA DE'I TSE GTAN TSIGS GSUM CHAR YANG MA GRUB PA YIN NO ZHES BSTAN PA'I PHYIR, ZHIG PA NYID NI ZHES BYA BA LA SOGS PA'O, ,DE MA THAG TU BYUNG BA NYID LA SOGS PA'I CHOS NI DNGOS PO KHO NA LA RTEN GYI RI BONG GI RVA LA SOGS PA DNGOS PO MED PA LA NI MA YIN NO, ,ZHIG PA YANG BDAG MED BA STE, RANG BZHIN MED PA DE JI LTAR 'DI DE MA THAG TU BYUNG BA LA SOGS PA SRID PAR 'GYUR, MA BYUNG DNGOS PO LDAN PA'ANG MED, ,CES BYA BA LA 'ANG GI SGRAS RES 'GA' BA NYID GZUNG NGO, ,GAL TE DE LTA NA ZHIG PA LA DE MA THAG TU BYUNG BA NYID MED PA DE'I TSE JI LTAR DNGOS PO ZHIG PAR 'GYUR RO ZHES BRJOD PA GANG ZHIG MI 'GYUR BA DE 'GYUR RO ZHES BYA BAR DOGS PA

230a

, ,LA; ZHIG GYUR ZHES BYA BA LA SOGS PA SMOS TE, ZHIG PA GRUB PA NYID DU STON PA YIN MOD KYI, 'O NA KYANG DNGOS PO BKAG PA NYID STON PAR BYED GYI, DON DAM PAR DNGOS PO'I RANG BZHIN 'GA' ZHIG SGRUB PA NI MA YIN NO, ,'ON TE NAG PA'I BUR 'GYUR RO, ,ZHES BYA BA LA SOGS PA LTA BUR 'GYUR BA'I SGRA SBYOR BA'I PHYIR DE LA YANG DNGOS PO NYID SGRUB BAR BYED PA MA YIN NAM ZHE NA, MI 'GA' ZHIG LA ZHES BYA BA LA SOGS PA SMOS TE, DNGOS PO RNAMS LA SGRA SBYOR BA TZAM GYI RJES SU BYED PA'I YOD PA DANG MED PA DAG NI YOD PA MA YIN TE, DE NI 'DOD PA TZAM DANG 'BREL PAS 'JIG PA'I PHYIR RO; ,DE LTA MA YIN NA SKYES BU 'GA' ZHIG LA 'GA' ZHIG GI 'DOD PA'I DBANG GIS BONG BU ZHES BYA BA'I MING SBYOR BAR BYED PA NA, DE LA BONG BU'I CHOS THAMS CAD YOD PAR THAL BAR 'GYUR RO, ,B'A LE K'A DANG R'A SA BHA'I SGRA DAG NI BONG BU'I RNAM GRANGS DAG GO, ,GDON MI ZA BAR 'DI LTAR SHES PAR BYA STE, DNGOS PO'I RANG BZHIN BKAG PA NYID YIN GYI SGRUB PA NI CUNG ZAD KYANG YOD PA MA YIN NO, ,DE LTA MA YIN NA ZHIG PA ZHES BYA BA DNGOS PO GZHAN SGRUB NA DNGOS PO LA CUNG ZAD KYANG SKYE BA MED PA'I PHYIR, DNGOS PO DE'I PHYIR LDOG PAR 'GYUR, GANG YANG MED PA YIN NA 'JIG MED PHYIR ZHES BYA BA LA SOGS PA SMRAS PA DE LA, DNGOS PO'I NGO BO DANG BRAL BAS, ,ZHES BYA BA LA SOGS PA SMOS TE, DE LTAR ZHES BYA BA NI DNGOS PO'I RANG BZHIN DANG BRAL BA'I NGO BO YIN PA'I PHYIR RO, ,DNGOS PO'I RANG BZHIN DU YOD PA'I RANG GI NGO BO LOG PA'I PHYIR NI MED PA TZAM STE, DE LTAR NA DNGOS PO THAMS CAD RTAG PA NYID DU 'GYUR RO, , GAL TE 'DI DAG GI RANG BZHIN BKAG PA'I MTSAN NYID KYI 'JIG PA MED PAR GYUR NA, DE'I PHYIR 'DI DAG RTAG PAR 'GYUR NA, JI SRID DU RANG BZHIN BKAG PA'I MTSAN NYID KYI 'JIG PA RANG NYID MED PA'I NGO BO YOD PA NYID YIN NO ZHES BYA BA YIN NA, JI LTAR RTAG PAR 'GYUR, 'DUS BYAS THAMS CAD 'JIG PAR NGES PA NYID KYIS RGYU MTSAN YANG BRJOD PA KHO NA'O, ,GANG YANG RTAG PA NYID NA 'JIG PA DANG LHAN CIG GNAS TE ZHES BYA BA LA SOGS PA SMRAS PA DE LA, 'DI LA RTAG PA'I NGO BO NYID, ,CES BYA BA LA SOGS PA SMOS TE, LDOG PAR 'GYUR RO ZHES BYA BA'I TSIG 'DIS KYANG ZHIG PA 'DI LA SGRUB PA'I NGO BO LDOG PA'I

230b

NGO BO BRJOD PA NI MA YIN NO, ,GANG GI PHYIR 'DI LA SGRUB PA'I NGO BO CUNG ZAD KYANG YOD PA NI MA YIN NO, ,'O NA CI ZHE NA, DNGOS PO'I RANG GI NGO BO SKAD CIG LAS PHYIS RANG BZHIN 'JUG PA BKAG PA YIN NO, ,DE LTA BAS NA 'DI NI GCIG BU DNGOS PO'I NGO BO NYID YIN PA'I PHYIR, RTAG PA'I RNAM PAR RTOG PA'I GNAS MA YIN PA NYID DO, ,RANG BZHIN MED PA NYID KYIS RTAG TU GNAS PA'I NGO BOR MI RUNG BA'I PHYIR TE, RTAG PA DANG MI RTAG PA'I CHOS DAG NI RANG BZHIN LA RAB TU 'BREL PA NYID YIN PA'I PHYIR RO, ,GANG YANG KHYED CAG GI RGYU MED PA NI RNAM PA GNYIS TE, RTAG PA DANG MED PA'O ZHES SMRA BA NI GZHAN GYI GRUB PA'I MTHA' MI SHES PA NYID YIN TE, 'DI LTAR RIGS PA SMRA BA SANGS RGYAS PA RNAMS KYI RGYU MED PA NI MED PA KHO NA YIN TE, JI SKAD DU BCOM LDAN 'DAS KYIS CHOS LA CHOS KYI RJES SU LTA ZHING GNAS PA'I BYANG CHUB SEMS DPA' DES KYANG RTEN CING 'BREL PAR 'BYUNG BA LAS MA GTOGS PA'I CHOS GANG YIN PA DE YANG DAG PAR RJES SU MA MTHONG NGO ZHES GSUNGS PA LTA BU'O, ,BYE BRAG TU SMRA BA GANG DANG NAM MKHA' LA SOGS PA DNGOS PO YOD PA NYID DU RTOG PAR BYED PA DE DAG NI KHYED CAG GI PHYOGS SU BLAN PAR BYA BA MA YIN TE, SH'AKYA'I SRAS MA YIN BA'I PHYIR DE DAG GI LUGS KYI DNGOS PO NI BZANG PO MA YIN TE, DE LTAR 'JIG PA'I RGYU THAMS CAD CUNG ZAD KYANG MI BYED PA'I PHYIR GTAN TSIGS MA GRUB PA MA YIN NO, ,'DI LAS KYANG 'JIG PA'I RGYU RNAMS CUNG ZAD KYANG MI BYED PAR BRJOD PAR BYA STE, 'JI LTAR DNGOS PO RANG GI RGYU LAS SKYE BZHIN PA NA RANG BZHIN GYIS RANG NYID 'JIG PA'I BDAG NYID DU SKYE BAR 'GYUR RAM, MI 'JIG PA'I BDAG NYID DU SKYE BAR 'GYUR GRANG, GAL TE 'JIG NA DE LA 'JIG PA'I RGYUS CUNG ZAD KYANG BYAS BA MED DE, RANG NYID DE'I RANG BZHIN YIN PA NYID KYIS 'JIG PA'I PHYIR RO, ,GANG ZHIG GANG GI RANG BZHIN YIN PA DE NI RANG GI RGYU LAS SKYE BA NI DE 'DRA BAR 'GYUR GYI, YANG DE'I DNGOS PO'I RGYU GZHAN LA LTOS PA NI MA YIN TE, DPER NA SNANG BA DANG, ZHU BA DANG, DRO BA DANG, SRA BA LA SOGS PA DE'I BDAG NYID DU SKYES BA SLAR YANG SNANG BA LA SOGS PA NYID DU SKYE BA RGYU GZHAN LA LTOS PA NI MA YIN NO, ,'DI SNYAM DU DPER NA SA BON LA SOGS PA MYU GU LA SOGS PA SKYED PAR BYED PA'I RANG

231a

, ,BZHIN YIN NA YANG 'BA' ZHIG PA NI SKYED PAR MI BYED DE, CHU LA SOGS RGYU GZHAN LA LTOS PA'I PHYIR RO, ,DE BZHIN DU DNGOS PO 'JIG PA'I RANG BZHIN YIN NA YANG 'JIG PA RGYU GZHAN LA LTOS PAR 'GYUR RO SNYAM DU SEMS PA NA, 'DI NI YANG DAG PA MA YIN TE, MTHA'I GNAS SKABS THOB PA NYID SKYED PAR BYED PA'I RANG BZHIN DU KHAS BLANGS PA'I PHYIR, GZHAN NI MA YIN NO, ,DES NA GANG 'DI DE'I RANG BZHIN YIN PA DE NI SKYED PAR BYED PA KHO NA YIN GYI 'DI GZHAN LA LTOS PA NI MA YIN NO, ,GANG SBYANG LA SOGS PA LA GNAS PA SKYED PAR BYED PA MA YIN NA DE NI DE'I RANG BZHIN MA YIN TE, RGYU'I RGYU YIN PA'I PHYIR DE LA YANG RGYU ZHES THA SNYAD DU BYAS KYI DNGOS SU NI MA YIN PA'I PHYIR 'KHRUL PA MED DO, ,CI STE MI 'JIG PA'I BDAG NYID CES BYA BA'I PHYOGS YIN NA, DE'I TSE YANG 'JIG PA'I RGYUS CUNG ZAD KYANG MI BYED PA KHO NA STE, DE NI SUS KYANG RANG BZHIN GZHAN DU BYA BAR MI NUS PA'I PHYIR RO, ,'DI LTAR GAL TE DNGOS PO DE SKYES MA THAG TU 'JIG PAR MI 'GYUR NA ,DE'I TSE PHYIS KYANG DE'I GNAS SKABS GNAS PA'I CHOS KYI RANG BZHIN DE NYID YIN PA'I PHYIR, GANG GIS 'JIG PAR 'GYUR BA DE LA 'JIG PA'I RGYUS CI ZHIG BYA, YANG CI'I STE JI LTAR ZANGS LA SOGS PA SRA BA'I NGO BO NYID YIN NA YANG ME LA SOGS PA DANG PHRAD PA LAS RNAM PA GZHAN DU 'GYUR TE, DE BZHIN DU DNGOS PO YANG MI 'JIG PA'I RANG BZHIN YIN NA YANG 'JIG PA'I RGYUS RNAM PA GZHAN NYID DU BYED DE, DES NA 'JIG PA'I RGYU THOB NAS 'JIG PAR BYED DO SNYAM PA DE 'DI NI YANG DAG PA MA YIN TE, DE NYID GZHAN DU GYUR PA NI MA YIN TE, RNAM PA GZHAN NYID NI RANG BZHIN GZHAN SKYE BA'I MTSAN NYID YIN PA'I PHYIR RO, ,'DI LTAR RNAM PA GZHAN NYID CES BYA BA GANG YIN PA DE CI DNGOS PO LAS DON GZHAN YIN NAM, 'ON TE DNGOS PO NYID YIN, RE ZHIG DNGOS PO NYID NI MA YIN TE, DE NI RANG GI RGYU KHO NA LAS SNGAR GRUB ZIN PA'I PHYIR RO, ,CI STE DON GZHAN YIN PA DE LTA NA DNGOS PO MI 'PHO BA'I CHOS CAN DE KHO NA BZHIN DU GNAS PA YIN PA'I PHYIR DE LA RNAM PA GZHAN DU 'GYUR BA MED DO, ,ZANGS MA LA SOGS PA'I DPE YANG MA GRUB PA NYID DE, 'DI LTAR ZANGS MA LA SOGS PA'I SNGAR GYI SKAD CIG SRA BA LA SOGS PA RANG GI RANG GI DANG GIS 'GAG PA'I PHYIR 'JIG PA

231b

NA RANG GI NYE BAR LEN PA DANG, ME LA SOGS PA'I LHAN CIG SPYOD PA LAS TSOGS PA GZHAN ZHU BAR BRJOD PA'I RANG BZHIN GZHAN NYID SKYE BA KHO NA'O, ,SLAR YANG ZHU BA LA SOGS PA'I RANG BZHIN RANG GI DANG GIS 'GAG PA NYID KYIS 'JIG PA NA RANG GI NYE BAR LEN PA'I RGYU DANG, GRANG BA LA SOGS PA'I LHAN CIG BYED PA'I RGYU GZHAN LAS SRA BAR BRJOD PA'I RANG BZHIN GZHAN NYID SKYE BA'I PHYIR GCIG LA GZHAN DU 'GYUR BA NYID YOD PA MA YIN NO, ,DE LTA BAS NA RNAM PA THAMS CAD DU 'DI LA 'JIG PA'I RGYUS CUNG ZAD KYANG MI BYED PA'I PHYIR GTAN TSIGS MA GRUB PA MA YIN NO, ,'GAL BA YANG MA YIN TE MTHUN PA'I PHYOGS LA YOD PA'I PHYIR RO, ,MA NGES PA YANG MA YIN TE, SNGAR BSGRUBS ZIN PA'I PHYIR RO, ,'DI SNYAM DU DPER NA NAM MKHA' LUS CAN NYID DU GZHAN LA LTOS PA MED PA DE LTA YIN NA NGES PA NI MA YIN NO, ,DE BZHIN DU DNGOS PO BYAS PA YIN NA 'GA' ZHIG KYANG 'JIG PAR NGES PAR MI 'GYUR RO SNYAM DU SEMS NA DE 'DI NI YANG DAG PA MA YIN TE, GZHAN GYIS MI RTAG PAR MI 'DOD PA GANG YIN PA'I BYAS PA DE NI 'GA' YANG YOD PA MA YIN TE, RGYU DANG LDAN PA THAMS CAD MI RTAG PA NYID DU KHAS BLANGS PA'I PHYIR RO, ,DE DAG NYID 'DIR PHYOGS SU BYAS KYI GZHAN NI MA YIN PAS MA NGES PA NYID DU GA LAS 'GYUR, GANG DAG BYAS PA NYID YIN NA YANG MI 'JIG PA NYID KYIS RTAG PA NYID DU 'GYUR RO SNYAM DU BSAM PA, DE DAG DON DAM PAR MA BYAS PA'I PHUNG POR 'DUS PA NYID KYIS DE BKAG PAR SHES PAR BYA BA YIN PAS SKYON MED DO, ,NAM MKHA' LA SOGS PA LUS CAN NYID LA SOGS PA'I CHOS LA LTOS PA MED PA NYID MA GRUB STE, GANG LA CHOS GANG MED PA DE NI DE LA LTOS PA DANG BCAS PA KHO NA'O, ,DNGOS PO RNAMS KYI THOB PA'I CHOS LA 'GA' ZHIG LTOS PA MED PA NYID DU RNAM PAR 'JOG PA NI MA YIN NO, ,'O NA CI ZHE NA, MA THOB PA NYID LA YIN PA'I PHYIR DPE MA GRUB PO, ,DA NI MA BYAS PA'I PHUNG PO'I DBANG DU BYAS NAS, GANG DAG NAM MKHA' ZHES BYA BA LA SOGS PA SMOS TE, GAL TE NAM MKHA'I SOGS PA DNGOS PO YIN PAR GRUB PAR GYUR NA DE'I TSE DE DAG LA SKAD CIG MA NYID LA SOGS PA'I CHOS KYI BSAM PA 'JUG PA 'GYUR NA, CHOS RNAMS RANG DBANG DU BYAS GRUB PA YOD PA NI MA YIN NO, ,DE LTA MA YIN NA DE DAG GI CHOS NYID NYAMS PAR 'GYUR RO, ,NAM

232a

, ,MKHA' LA SOGS PA MA BYAS PA'I CHOS CAN DU GRUB PA YANG MA YIN TE, DE DAG NI NUS PA THAMS CAD DANG BRAL BA NYID KYIS MO GSHAM GYI BU BZHIN DU MED PA'I THA SNYAD KYI YUL YIN PA'I PHYIR RO, ,SBYOR BA NI GANG NUS PA THAMS CAD KYIS STONG PA DE NI DNGOS PO MED PA YIN TE MO GSHAM GYI BU BZHIN NO, ,NAM MKHA' LA SOGS PA YANG NUS PA THAMS CAD KYIS STONG PA YIN NO ZHES BYA BA NI RANG BZHIN GYI GTAN TSIGS SAM, DNGOS SU KHYAB PAR BYED PA MI DMIGS PA YIN NO, ,GTAN TSIGS MA NGES PA YANG MA YIN TE, MED PA'I THA SNYAD NI DE TZAM GYI RGYU MTSAN CAN YIN PA'I PHYIR RO, ,MA GRUB PA YANG MA YIN NO ZHES PHYIS BSTAN PAR BYA'O, ,MTHUN PA'I PHYOGS LA YOD PA'I PHYIR 'GAL BA YANG MA YIN NO, ,YANG CI'I PHYIR DNGOS PO MED PA LA SKAD CIG DANG SKAD CIG MA MA YIN PA'I RNAM PAR RTOG PA MI 'JUG CE NA, SKAD CIG MAR GNAS NGO BO YI, ,ZHES BYA BA LA SOGS PA SMOS TE GO SLA'O, , GSAL BYED PAS SMRAS PA, SKAD CIG MA ZHES BYA BA LDAN PA'I DON MI 'THAD DE, 'DI LTAR GAL TE NGES PA'I TSIG GI TSUL GYIS NI ZAD PA NI SKAD CIG GO, ,DE 'DI LA YOD PAS NA SKAD CIG MA'O ZHES SGRUB NA, DE RIGS PA MA YIN TE, DUS THA DAD PA'I PHYIR RO, ,GANG GI TSE ZAD PA DE'I TSE ZAD PA CAN MED PA'I PHYIR DUS THA DAD PA DAG LA NI LDAN PA'I DON MA MTHONG NGO, ,YANG CI STE DNGOS PO NYID DE MA THAG TU 'JIG PAS KHYAD PAR DU BYAS PA LA SKAD CIG CES RJOD PA DE LTA NA YANG DE DE NYID KYIS DE DANG LDAN PAR MI 'GYUR BA'I PHYIR LDAN PA'I DON MI RIGS SO, ,'ON TE SKAD CIG TU GNAS PA'I DUS NI SKAD CIG MA STE, THAMS CAD KYI MTHA'I DUS NI SKAD CIG GO, ,DE GANG LA GNAS PA DE DAG NI SKAD CIG MA YIN NA 'DI YANG MI RIGS TE MING TZAM DU DUS KHAS BLANGS PA'I PHYIR RO, ,MING TZAM DNGOS PO'I KHYAD PAR NYID DU MI RIGS SO ZHE'O, ,'DIR SMRAS PA, SKYES MA THAG TU MI GNAS PA'I, ,ZHES BYA BA LA SOGS PA LA, DNGOS PO SKYES MA THAG TU 'JIG PA'I RANG BZHIN NI SKAD CIG CES BYA BA LA DE GANG LA YOD PA DE NI SKAD CIG MA YIN NO, ,DE SKAD DU YANG, BDAG THOB MA THAG TU 'JIG PA NI SKAD CIG GO, ,DE GANG LA YOD PA DE NI SKAD CIG MA'O ZHES BSHAD DO, ,'ON TE DE LTA NA YANG RANG BZHIN DON GZHAN MA YIN PA'I PHYIR DE 'DI LA YOD DO

232b

ZHES BYA BA'I THA DAD PA'I RGYU MTSAN CAN GYI SHES PA MI 'THAD PA MA YIN NAM ZHE NA, DON LA THA DAD MED NA YANG, ,ZHES BYA BA LA SOGS PA SMOS TE, DPER NA NAM MKHA'I RANG BZHIN DANG MCHI GU'I LUS ZHES BYA BA LA SOGS PA LA DNGOS BO THA DAD PA MED NA YANG BLOS KUN DU BRTAGS PA'I THA DAD PA LA BRTEN NAS THA DAD PA'I RNAM PAR DBYE BAR 'GYUR BA DE BZHIN DU 'DI LA YANG 'GYUR RO, ,TSIGS DNGOS PO'I RANG BZHIN GYI RJES SU BYED PA MA YIN GYI, 'O NA CI ZHE NA, SMRA BA BO'I 'DOD PA'I RJES SU BYED PA YIN NO, ,GZHAN YANG JI LTA BU'I DON LA SMRA BA BO RNAMS KYI JI SNYED CIG SBYAR BA'I SGRA DE SNYED PA DE NI DON DE LA BRDA'I DBANG GIS RTOGS PAR BYED KYI, DON DAM PAR RANG BZHIN NAM RKYEN NI YOD PA MA YIN NO, ,SKAD CIG MA ZHES BYA BA'I SGRA 'DI YANG MKHAS PA RNAMS KYIS SKYES MA THAG TU MI GNAS PA'I DNGOS PO TZAM LA SBYAR BA YIN NO, ,DE LA DE LTA BUR GUR PI DNGOS PO LA SKAD CIG MA'I SGRAS BRJOD BAR 'DOD PA NA RKYEN DANG BCAS PA SKAD CIG MA'I SGRA 'AM RKYEN DANG BRAL BA YANG SBYAR BAR BYA'O, ,KHO BO CAG NI 'DOD PA TZAM GYI NGOR BYED PA'I BRDA TZAM GYI TSIG 'DI LA SHIN TU GUS PA MA YIN NO ZHES STON PA NI, SKYES MA THAG TU MI GNAS PA'I, ,ZHES BYA BA LA SOGS PA LA, DE LTAR ZHES BYA BA LA, SKAD CIG MA ZHES BYA BA 'DIS SO, , RKYEN DANG LHAN CIG LDAN PA'I DON GYIS 'JUG PAS NA RKYEN BCAS SO, ,DE LTAR NAM MKHA' LA SOGS PA BYAS PA NYID DU KHAS BLANGS BA NA NGES PA MED PA'I THA SNYAD KYI YUL YIN NO ZHES BSTAN NAS, DA NI YOD PA NYID DU KHAS BLANGS PA NA 'DI DAG SKAD CIG MA NYID DU THAL BAR 'GYUR RO ZHES BSGRUB PA'I PHYIR GAL TE NAM MKHA' ZHES BYA BA LA SOGS PA SMOS TE, BYAS PA BZHIN ZHES BYA BA NI BYAS PA LTA BU'O ZHES BYA BA'I DON TO, ,'DIS NI YOD PA'I PHYIR RO ZHES BYA BA'I GTAN TSIGS 'DI ZUR GYIS BSTAN PA YIN NO, ,DE NYID GSAL BAR BYA BA'I PHYIR BSHAD PA, 'DI LTAR ZHES BYA BA LA SOGS PA'O, ,SBYOR BA NI GANG YOD PA DE THAMS CAD NI SKAD CIG MA YIN TE, DPER NA DE MA THAG TU BSGRUB PA'I SKAD CIG MA'I DNGOS PO RNAMS BZHIN NO, ,KHYED CAG GIS DNGOS POR 'DOD PA'I NAM MKHA' LA SOGS PA YANG YOD PA YIN NO ZHES BYA BA NI RANG BZHIN GYI GTAN TSIGS SO, ,DE LTAR GRUB CES BYA BA NA'I SKAD CIG MA

233a

, ,NYID DU'O, ,'DIS NI BSGRUB BYA MA TSANG BA'I DPE YIN PAR DOGS BAR MI BYA BAR BSGRUBS ZIN PA'I PHYIR RO ZHES STON PAR BYED DO, ,KHYED KYIS YONG BAR 'DOD CES BYA BA 'DIS NI 'DI THAL BAR SGRUB PA YIN NO ZHES STON PAR BYED DO, ,DE LTA MA YIN NA GTAN TSIGS GANG YANG RUNG BA LA MA GRUB PAR 'GYUR RO, ,YANG JI LTAR GTAN TSIGS 'DI'I KHYAB PA GRUB CE NA, SKAD CIG MA DANG BRAL BA NA, ,ZHES BYA BA LA SOGS PA SMOS TE, 'DI LA DON BYED NUS PA'I MTSAN NYID KYI YOD PA GTAN TSIGS NYID DU 'DOD LA, DE YANG SKAD CIG MA LOG PA NA LDOG STE, 'DI LTAR DNGOS PO RNAMS DON BYA BA BYED PA NA RIM GYIS BYED DAM, CIG CAR DU BYED, RIM DANG CIG CAR DAG LAS RNAM PA GZHAN SRID PA NI MA YIN TE, DE DAG NI PHAN TSUN RNAM PAR GCOD PA'I NGO BO YIN PA'I PHYIR RO, ,'DI YANG MNGON SUM NYID KYIS GRUB STE, 'DI LTAR BUM PA SBRANG RTZI DANG CHU LA SOGS PA DANG DE LAS GZHAN PA'I RDZAS DAG THA MI DAD PAR MA 'DRES PAR RIM GYIS 'DZIN PA DANG, RANG GI SHES PA DANG CHU 'DZIN PA CIG CAR BYED PAR MNGON SUM NYID KYI YONGS SU GCOD DO, ,DE LA GANG GI TSE BUM PA 'AM RDZA MKHAN 'BRAS BU'I KHYAD PAR KHAM PHOR DANG BLUGS MA LA SOGS PA RIM GYIS BYED PA DMIGS PA DE NYID KYI TSE DE DAG CIG CAR SKYED PAR MI NUS SO, ,GANG KHO NA'I TSE RANG GI YUL CAN GYI SHES PA LA SOGS PA CIG CAR SKYED PAR DMIGS PA DE KHO NA'I TSE DE DAG RIM GYIS MA YIN NO ZHES 'DI THAMS CAD MNGON SUM NYID KYIS NGES SO, ,DE'I PHYIR RIM PA NI CIG CAR RNAM PAR GCAD PA NYID KYIS YONGS SU GCOD PA'I PHYIR DANG, CIG CAR YANG RIM PA RNAM PAR GCAD PA NYID KYIS YIN PA'I PHYIR TSAD MA GCIG 'JUG PA NA GNYIS LAS GZHAN YONGS SU GCOD CING DE LAS GZHAN MI MTHUN PA RNAM PAR GCOD LA, RNAM PA GZHAN YANG MED PAR STON PA YIN PAS MNGON SUM GYI TSAD MA NYID KYIS NGES TE, 'DI DAG NI PHAN TSUN SPANGS TE GNAS PA'I MTSAN NYID KYIS 'GAL BA YIN NO, ,DES NA PHUNG PO GSUM PA MED PA'I PHYIR RIM DANG CIG CAR DAG GI DON BYED PA LA KHYAB LA, DE YANG BSTAN PA'I DNGOS PO RNAMS LA RANG GI KHYAB PAR BYED PA LDOG PA NA DE'I MTSAN NYID KYI YOD PA BZLOG BZHIN PAR LDOG PAR BYED PA'I PHYIR KHYAB PA GRUB

233b

PO; ,DUS KYI DNGOS PO THA DAD PA KHAS MA BLANGS PA'I PHYIR DNGOS PO RNAMS KYI RIM DANG CIG CAR BA NYID MA GRUB CES BYA BA 'DI NI BRJOD PAR MI NUS TE, KHO BO CAG NI DNGOS PO RNAMS KYI RIM DANG CIG CAR DON GZHAN DU GYUR BA'I DUS KYI DNGOS POS BYAS PAR MI SMRA'O, ,'O NA CI ZHE NA, DE LTA DE LTAR SKYES PAS BYAS PA YIN TE, 'DI LTAR GANG KHO NA'I TSE GCIG YOD PA NYAMS SU MYONG BA DE KHO NA'I TSE GZHAN GANG YIN PA YANG DE BZHIN DU DE'I RJES SU 'JUG STE, DE DAG THAMS CAD NYID DE BZHIN DU SKYE BA NA RIM MA YIN PA'I THA SNYAD KYI RGYU MTSAN YIN TE, 'DI LTA STE DPER NA TSOGS PA'I TSOGS LAS MYU GU MANG PO SKYE BA LTA BU'O, ,BZLOG PA NI RIM PA'I THA SNYAD LA BRTEN PA YIN TE, MYU GU DANG SDONG BU DANG 'DAB MA LA SOGS PA BZHIN NO, ,'DI DAG KYANG MNGON SUM NYID KYIS GRUB LA, SKYE BO RNAMS KYIS KYANG DE KHO NA BZHIN DU THA SNYAD DU BYED DO, ,DE LTA BUR GYUR PA'I DON GYI YUL GYI DNGOS PO YANG RGYU'I BYA BA YIN LA, DE'I YUL YIN PA NYID KYIS RIM DANG CIG CAR DAG GI THA SNYAD KYI BYED PA YIN PAS RTZOD PA 'DI MED DO, ,'ON TE BRTEN PA'I DNGOS PO GRUB PAR GYUR NA DE'I TSE DE LA RIM DANG CIG CAR LOG NA DON BYED PAR NUS PA LDOG PAR 'GRUB PAR 'GYUR BA MA YIN NAM, DPER NA CHOS CAN GYI PHYOGS 'GA' ZHIG TU SHING LOG NA SHING SHA PA LDOG PA BZHIN NO, ,DE LTA MA YIN TE CHOS CAN SA PHYOGS MA GRUB NA GANG DU SHING SHA PA MED PAR RTOGS PAR BYED, 'DI GRUB PA YANG MA YIN TE, DE NYID DGAG PAR 'DOD PA'I PHYIR RO, ,CI STE YANG GRUB PAR KHAS LEN NA 'O NA DE SPANG BAR MI RIGS TE, DE CHOS CAN GYI NGO BOR GRUB PAR KHAS BLANGS PA'I PHYIR RO, ,DE LTA YIN DANG YOD PA'I PHYIR ZHES BYA BA 'DI YANG GTAN TSIGS MA NGES PA KHO NA YIN TE, MI MTHUN PA'I PHYOGS LA 'ANG 'JUG PA'I PHYIR RO SNYAM NA, DE NI YOD PA MA YIN TE, KHO BO CAG GIS RANG RGYUD KYI TSAD MA NYID KYIS BKAG PA SGRUB PAR BYED PA'I KHYAB BYED MI DMIGS PA 'DI SBYOR BAR BYED PA NI MA YIN NO, ,'O NA CI ZHE NA, GZHAN LA THAL BA SGRUB PAR BYED PA YIN NO, ,GAL TE KHYED CAG 'DI DAG BRTAN PA'I DNGOS PO NYID DU KHAS LEN PAR BYED NA DE'I TSE DON BYED NUS PA YANG KHAS BLANG BAR MI BYA STE, DE LA RIM DANG CIG CAR DANG LDAN PA DE'I KHYAB PAR BYED PA MED PA'I PHYIR RO, ,KHYAB PAR

234a

, ,BYED PA LOG PA NA KHYAB PAR BYA BA GNAS PAR NUS PA NI MA YIN NO, ,DE LTA MA YIN NA DE DAG KHYAB PAR BYA BA DANG KHYAB PAR BYED PA'I DNGOS PO NYID DU MI 'GYUR RO, ,DE LTA NA YIN DANG DON BYED PAR NUS PAR LOG NA DE DAG GI YOD PA YANG KHAS BLANG PAR MI BYA STE, YOD PA'I MTSAN NYID NI DON BYED NUS PA YIN PA'I PHYIR RO ZHES BYA BA'I THABS 'DIS DE DAG MED PA NYID DU BSTAN TO, ,CHOS MI MTHUN PA CAN GYI DPE YANG GDON MI ZA BAR DNGOS POR GYUR PA'I CHOS LA BRTEN PAR BYA BA YANG MA YIN TE, DE LA BSGRUB PAR BYA BA LOG NA SGRUB PAR BYED PA LDOG PA TZAM BSTAN PAR 'DOD PA'I PHYIR RO, ,DE YANG KHYAB PAR BYA BA DANG KHYAB PAR BYED PA'I CHOS DAG KHYAB PAR BYED PA'I DNGOS POR GRUB NA, CHOS CAN GYI KHYAB PAR YONGS SU BZUNG BA MED PA NYID DU SPYIR KHYAB PAR BYED PA MED NA KHYAB PAR BYA BA YANG MED PAR 'GYUR RO ZHES TSIG TZAM NYID KYIS RTOGS PAR 'GYUR TE, DPER NA SHING MED NA SHING SHA PA MED PA YIN NO ZHES BYA BA LTA BU'O, ,JI SKAD DU, DE'I PHYIR CHOS MI MTHUN DPE LA, ,NGES PAR 'DI LA GZHI MI 'DOD, ,DE DAG MED NA DE MED CES, ,BRJOD PA LAS KYANG DE RTOGS PHYIR, ,ZHES BSHAD PA LTA BU'O, ,RE ZHIG BSTAN PA'I DNGOS PO RIM GYIS DON BYED PAR RIGS PA MA YIN NO ZHES STON PAR BYED PA NI; RGYU RNAMS NYE BA MA YIN PHYIR, ,ZHES BYA BA LA SOGS PA LA, 'BRAS BU RANG GI 'DOD PAS YOD PA DANG MED PA NI MA YIN TE, 'ON KYANG DE'I YOD PA DANG MED PA DAG NI RGYU YOD PA DANG MED PA'I RJES SU BYED PA YIN NO, ,DE LA GAL TE BRTAN PA GCIG BU'I NGO BO 'DI THAMS CAD DU 'BRAS BU 'DI THAMS CAD KYI SKYED PA'I RGYU'I NGO BOS GNAS PA YIN NA DE'I TSE CI'I PHYIR DE YOD PA TZAM DON DU GNYER BA 'BRAS BU THAMS CAD CIG CAR SKYED PAR MI BYED, GANG GIS NA RIM GYIS 'BYUNG BAR 'GYUR, 'GRO BA ZHES BYA BA NI SDOD PA'O, ,DES NA DE'I 'BRAS BU PHYIS 'BYUNG PAR 'GYUR BA YANG DANG PO NYID DU 'GYUR TE, RGYU NUS PA THOGS PA MED PA'I PHYIR MNGON PAR 'DOD PA'I 'BRAS BU BZHIN NO SNYAM DU DOGS PA'O, ,'ON TE YANG ZHES BYA BA LA SOGS PAS GZHAN GYI LAS KYI DOGS PA BSU BA STE, BRTAN PA'I DNGOS PO THAMS CAD 'BRAS BU THAMS CAD KYI RGYU NYID DU NYE BA YIN MOD KYI, 'ON KYANG DE'I LHAN CIG BYED PA RIM GYIS NYE BAR

234b

'GYUR TE, DE'I PHYIR 'DI DE LA LTOS NAS 'DI RIM GYIS 'BRAS BU SKYED PAR BYED PAR 'GYUR RO ZHE NA DE LEGS ZHES BYA BA LA SOGS PAS LAN 'DEBS PAR BYED DE, RTAG PA DE LA LHAN CIG BYED PA 'GA' YANG YOD PA MA YIN TE, 'DI LTAR DPER NA SA BON BANG BA LA SOGS PA'I GNAS SKABS KYI KHYAD PAR BYED PA'I LHAN CIG BYED PA LA SOGS PA LTA BUR KHYAD PAR BYED PA'I LHAN CIG PA YIN NAM, JI LTAR PHYE BA TZAM GYIS GZUGS MTHONG BA LA MIG DANG GZUGS LA SOGS PA LTA BUR DON GCIG BYED PA YIN, DE LA RE ZHIG PHYOGS DANG PO NI MA YIN TE, 'DI LTAR KHYAD PAR 'DI DE'I LHAN CIG BYED PA DAG GIS BYED PA NA RES 'GA' RANG BZHIN DE LAS THA MI DAD PAR GYUR PA'AM, THA DAD PA'AM, YANG NA NAM MKHA'I GOS CAN PA DAG SMRA BA BZHIN DU GNYI GA 'AM, GNYI GA MA YIN PA'I NGO BO YIN ZHES BYA BA PHYOGS BZHI'O, ,DE LA RE ZHIG PHYOGS DANG PO NI MA YIN TE, DE'I RANG GI NGO BO BZHIN DU DE LAS THA MI DAD PA NYID KYIS DE YANG RTAG TU GNAS PA'I PHYIR DANG, YOD PA YANG BYED PAR MI RIGS PA'I PHYIR RO, ,DE BYED NA YANG DE KHO NA BZHIN DU DNGOS PO YANG BYED PAR THAL BAR 'GYUR BA'I PHYIR RO, ,DE LTA BAS NA RTAG PA NYID NYAMS SO, ,'ON TE PHYOGS GNYIS PA YIN NA DE'I TSE KHYAD PAR KHO NA LAS 'BRAS BU SKYE BA'I PHYIR DNGOS PO RGYU NYID MA YIN PAR THAL BAR 'GYUR RO, ,'DI ZHES BYA BA NI RTAG PA'I DNGOS PO'O, ,'DI NYID GSAL BAR BYED PA NI DE YOD PA NA 'BRAS BU DAG CES BYA BA LA SOGS PA'O, ,DE YOD PA NA ZHES BYA BA NI KHYAD PAR YOD PA NA'O, ,DE ZHES BYA BA NI KHYAD PAR RO, ,DE LTAR NA ZHES BYA BA NI DER GTOGS PA'I RJES SU 'GRO BA DANG LDOG PA'I RJES SU BYED PA'I PHYIR RO, ,'ON KYANG ZHES BYA BA LA SOGS PAS 'DI NYID LA GZHAN GYI DOGS PA BSU BA YIN NO, ,DE DANG ZHES BYA BA NI KHYAD PAR DANG NGO, ,DE LA YANG ZHES BYA BA NI RTAG PA LA'O, ,DE DANG 'BREL PA ZHES BYA BA LA SOGS PAS LAN BSHAD DO; ,'BREL PA GANG YIN TE, CUNG ZAD KYANG MA YIN NO ZHES BYA BA'I DON TO, ,'BREL PA NI GNYIS KHO NA STE, DE'I BDAG NYID DANG, DE LAS BYUNG BA'O, ,DE LA RE ZHIG DE'I BDAG NYID KYI MTSAN NYID NI MA YIN TE, THA DAD DU KHAS BLANGS PA'I PHYIR RO, ,DE LAS BYUNG BA'I MTSAN NYID KYANG MA YIN

235a

, ,TE; LHAN CIG BYED PA DAG KHO NA LAS DE SKYE BA'I PHYIR RO, ,CI STE DE LAS DE SKYE NGAR KHAS LEN PAR BYED NA, DE'I TSE DE TZAM DE LAS BYUNG BA YIN PAS KHYAD PAR RNAMS CIG CAR NYID DU SKYE BAR 'GYUR RO, ,DE LTA YIN DANG 'BRAS BU THAMS CAD CIG CAR SKYE BAR THAL BAR 'GYUR TE, KHYAD PAR DANG LDAN PA'I RGYU THAMS CAD DU GNAS PA'I PHYIR RO, ,CI STE KHYAD PAR SKYED PA DE LA YANG LHAN CIG BYED PA'I RGYU LA LTOS PA'I PHYIR KHYAD PAR RIM GYIS SKYED PAS 'BRAS BU RNAMS CIG CAR 'BYUNG BAR MI 'GYUR RO SNYAM DU SEMS NA NI MI RIGS TE, DE LTA NA NI THUG PA MED PAR 'GYUR RO, ,'DI LTAR LHAN CIG BYED PA RNAMS KHYAD PAR GZHAN BYED PA'I PHYIR LHAN CIG BYED PA NYID BRJOD PAR BYA DGOS SO, ,KHYAD PAR DE YANG THA DAD PA NYID YIN NA 'BREL BA GRUB BO, ,DE LAS BYUNG BA YIN NA CIG CAR SKYE BAR THAL BAR 'GYUR RO, ,DE LA YANG LHAN CIG BYED PA LA LTOS SO SNYAM PA 'DI NYID YANG 'JUG GO, ,DE LTA YIN DANG THUG PA MED PA YIN NA RES 'GA' YANG KHYAD PAR DANG LHAN CIG STE 'BREL PA GRUB PAR MI 'GYUR LA, DE MA GRUB NA DE LAS 'BRAS BU SKYE BA MA YIN TE, KHYAD PAR NYID LAS 'BRAS BU SKYE BA'I PHYIR RO, ,CI STE YANG DE NI KHYAD PAR DANG LHAN CIG DE LAS BYUNG BA'I MTSAN NYID KYI 'BREL PA MA YIN NO, , 'O NA CI ZHE NA, DE NI 'DU BA'I MTSAN NYID YIN LA, RTAG PA'I CHOS CAN DE LA KHYAD PAR DE 'DU BA'I PHYIR RO, ,DE 'DIR RIGS PA MA YIN NO ZHES BSTAN PA'I PHYIR, DE LA YANG ZHES BYA BA LA SOGS PA SMOS TE, DE LTAR MIN ZHES BYA BA NI PHAN PAR BYED PA MA YIN PA DE LA DE'I 'DU BAR BYED DO ZHES BYA BA DANG SBYAR RO, ,DE LA PHYOGS DANG PO LA PHAN 'DOGS PA NI PHAN GDAGS PAR BYA BA LAS THA MI DAD PA'I PHYIR DE LAS BYUNG PA'I MTSAN NYID KYI 'BREL PA DE NYID KHAS BLANG BAR BYA BAR 'GYUR NA, DE YANG DE MA THAG TU BSAL ZIN TO, ,'ON TE PHYOGS GNYIS PA YIN NA DE'I TSE KHYAD PAR MED PA'I PHYIR THAMS CAD THAMS CAD KYI 'DU BAR 'GYUR RO, ,DE STON PAR BYED PA NI GAL TE DE NI 'DI LA YANG ZHES BYA BA LA SOGS PA 'O, ,DE NYID BZHIN ZHES BYA BA NI MNGON PAR 'DOD PA'I DNGOS PO BZHIN DU PHAN MI 'DOGS PA NYID DU KHYAD PAR MED PA'I PHYIR RO, ,GNYI GA DANG GNYI GA MA YIN PA'I PHYOGS KYI DBANG DU BYAS NAS, THA DAD

235b

THA DAD MED CES BYA BA LA SOGS PA SMOS TE, PHYOGS RE RE BSAL BA NYID KYIS GNYI GA'I BDAG NYID KYI PHYOGS KYANG BSAL BA YIN TE, DE LAS MA GTOGS PA GNYI GA'I BDAG NYID PHYOGS MED PA'I PHYIR RO , ,GZHAN YANG RNAM PA GCIG LEN PA DANG GTONG BA DAG NI DE LAS GZHAN GYI RNAM PA GTONG BA DANG LEN PA MED NA MI 'BYUNG BA YIN PA'I PHYIR RO, ,DNGOS PO YOD PA LA NI GNYI GA DANG GNYI GA MA YIN PA'I NGO BO NYID RIGS PA MA YIN NO, ,GCIG LA GCIG GI TSE SGRUB PA DANG DGAG PA PHAN TSUN 'GAL BA GNYIS RIGS PA YANG MA YIN TE, GCIG PA NYID NYAMS PAR THAL BAR 'GYUR PA'I PHYIR RO, ,'DI YANG GANG ZAG LA SOGS PA BRTAG PAR BSTAN ZIN PA DANG, DE STON PA NI GANG ZAG LA SOGS PA'O, ,CI STE DON GYI BYA BA GCIG BYED PA LA DE'I LHAN CIG BYED PA YIN NO ZHES PHYOGS GNYIS PA LA BRTAN PA YIN NA JI SKAD DU KHA CIG 'DI LHAN CIG BYED PA LA LTOS PA MA YIN LA, LHAN CIG BYED BA DANG BRAL BA LA 'BRAS BU'I BYED PA PO YANG MED DE, 'DI LTAR GANG GI PHYIR LHAN CIG BYED PA'I RGYU MTHA' DAG NYE BA NA MTHA'I RGYU BZHIN DU BYED PA PO YIN GYI, 'GA' ZHIG PA NI MA YIN PA DE'I RANG BZHIN 'DI 'DRA BA THOG MA MED PA NAS GRUB PA YIN NO, ,DES NA DE YOD NA YANG THAMS CAD DU 'BRAS BU SKYED PAR THAL BAR MI 'GYUR RO ZHES ZER BA DE 'DIR STON PAR BYED PA NI, RTAG PA LHAN CIG BYED PA'I ZHES BYA BA LA SOGS PA'O, ,MA YIN ZHES BYA BA NI BYED PA PO ZHES BYA BA 'DI DANG SBREL BAR BYA'O, ,MTHA' RGYU BZHIN ZHES BYA BA NI CHOS MI MTHUN PA'I DPE'O, ,YANG NA 'OG GI BYED PA PO NYID YIN ZHES BYA BA 'DI DANG SBREL LA CHOS MTHUN PA'I DPER BYA'O, ,BZHIN NI DRUG PA'I MTHA' CAN DU BYA'O, ,DE YOD NYID NA ZHES BYA BA NI DNGOS PO'I RANG BZHIN DE YOD NA YANG NGO, ,DE LTA YIN MOD CES BYA BA LA SOGS PAS LAN 'DEBS PAR BYED DE, DE LTAR BRTAG PA DE YIN DU CHUG MOD, 'ON KYANG 'DIR 'DI DPYAD PAR BYA STE, DE'I LHAN CIG BYED PA TSANG BA'I GNAS SKABS KYI RANG BZHIN GANG YIN PA DE NYID CI MA TSAD BA'I GNAS SKABS YIN NAM, 'ON TE GZHAN YIN, GAL TE DE NYID YIN NA DE'I TSE LHAN CIG BYED PA RNAMS DANG RTAG PAR 'GYUR RO, ,JI LTAR ZHE NA, DE 'BREL RANG BZHIN ZHES BYA BA LA SOGS PA SMOS TE, LHAN CIG BYED PA

236a

, ,DE DAG DANG 'BREL PA'I RANG BZHIN GANG LA YOD CES TSIG RNAM PAR SBYAR RO, ,DE DAG KYANG ZHES BYA BA NI LHAN CIG BYED PA RNAMS TE, LCAGS SU BCUG PA'I SKYES BU BKUG NA, LCAGS KYANG BKUG PA BZHIN DU DE DAG KYANG RJES SU 'JUG PA'I PHYIR RO, , DE LTA YIN NA NI DE NYID RANG BZHIN SNGA MA MA BTANG BAR RJES SU 'JUG PAR 'GYUR RO, ,GAL TE LHAN CIG BYED PA'I RGYU DANG 'BREL PA'I RANG BZHIN MI 'DOR NA DE DANG 'BREL PA'I RANG BZHIN MA DOR BA NA SHUGS KYIS LHAN CIG BYED PA RNAMS KYANG MI 'DOR TE, 'BREL PA CAN NYID NI GNYIS PA LA LTOS PA'I PHYIR RO, ,DE LTA MA YIN NA DE NYID DE'I RANG BZHIN DU MI 'GYUR RO, ,'ON TE GZHAN YIN NO ZHES BYA BA'I PHYOGS YIN NA, DE LA SMRAS PA, GAL TE MA TSANG ZHES BYA BA LA SOGS PA'O, ,GAL TE 'DI'I LHAN CIG BYED PA MA TSANG PA'I NGO BO GZHAN YIN NO ZHES BYA BAR 'DOD NA, DE'I TSE RTAG PA NYID NYAMS PAR THAL BAR 'GYUR TE, NGO BO DNGOS PO LAS THA MI DAD PA'I PHYIR RO, ,DE LTA BAS NA LHAN CIG BYED PA'I RGYU LA LTOS PA YIN NA YANG BSTAN PA, RIM GYIS DON BYED PAR RIGS PA MA YIN LA, CIG CAR YANG MA YIN NO ZHES STON PA NI, DE YI 'BRAS BU CIG CAR DU, ,ZHES BYA BA LA SOGS PA'O, ,GZHAN GYIS RTAG PA'I DNGOS PO'I 'BRAS BU CIG CAR BA NYID DU MI 'DOD DE, 'DI LTAR RTAG PA DAG GI 'BRAS BU NI 'DI DAG YIN PAR BRJOD PAR BYA STE, BDAG GI BDE BA DANG SDUG BSNGAL LA SOGS PA'O, ,NAM MKHA'I NI SGRA'O, ,YID KYI NI SHES PA RIM PAS 'JUG PA RNAMS SO, ,RDUL PHRA RAB RNAMS KYI NI RDUL GNYIS PA LA SOGS PA'I RIM GYIS RAGS PA RNAMS SO, ,DUS DANG PHYOGS DANG DBANG PHYUG RNAMS KYI NI SKYE BA DANG LDAN PA THAMS CAD DO, ,'DI DAG KYANG RIM GYIS SKYE BAR MNGON SUM NYID KYIS GRUB PO, ,DE'I PHYIR DE LTAR CIG CAR BAR KHAS BLANGS NA MNGON SUM DANG 'GAL BA DANG, KHAS BLANGS PA DANG 'GAL BAR YANG BSTAN PAR 'GYUR RO, ,DA NI RJES SU DPAG PA DANG 'GAL BAR BSTAN PA'I PHYIR, GAL TE 'BRAS BU MTHA' DAG CES BYA BA LA SOGS PA SMOS TE, 'DI LTAR 'BRAS BU MTHA' DAG CIG CAR BYAS NAS GANG GIS DUS PHYIS KYANG 'BRAS BU DAG SKYED PAR MI BYED PA DE'I DON BYED PA'I RANG

236b

BZHIN TE LDOG PA YIN NAM, 'O NA TE RJES SU 'JUG PAR 'GYUR ZHES BYA BA PHYOGS GNYIS SO, ,DE LA GAL TE LDOG PAR 'GYUR RO ZHES BYA BA'I PHYOGS YIN NA, DE'I TSE DE'I SKAD CIG MA 'JIG PA NYID GRUB STE, SKAD CIG RE RE RA RANG BZHIN GZHAN DANG GZHAN SKYE BA'I PHYIR DANG, SNGA MA SNGA MA'I RANG BZHIN RANG GI DANG GIS 'JIG PA'I PHYIR RO, ,'ON TE PHYOGS GNYIS LA RTEN PAR BYED NA DE'I TSE DE'I NGO BO NUS PA'I BDAG NYID RJES SU 'JUG PA NA YANG 'BRAS BU SKYED PAR BYED PAR 'GYUR TE, SNGAR GYI GNAS SKABS BZHIN DU SNGAR GYI RANG BZHIN MA DOR BA'I PHYIR RO, ,DE LTAR YIN DANG DE NYID RIM GYIS SKYED PA YIN PA'I PHYIR CIG CAR BAR KHAS BLANGS PA RJES SU DPAG PA DANG 'GAL LO, ,CI STE YANG DE RIM DANG CIG CAR DAG GIS DON BYED PA MA YIN DU CHUG MOD, DE LTA NA YANG 'DI NUS PA YOD PA NYID DO SNYAM NA, CUNG ZAD MI BYED CES BYA BA LA SOGS PA SMOS TE, DNGOS PO RNAMS KYI NUS PA RNAM PAR 'JOG PA'I RGYU MTSAN NI 'BRAS BU SKYED PA YIN NA, GANG YANG CUNG ZAD KYANG MI BYED PA DE NUS PAR JI LTAR 'GYUR, DE LTA MA YIN NA NAM MKHA'I PADMA LA SOGS PA YANG CI'I PHYIR NUS PAR RNAM PAR MI 'JOG ,GAL TE 'DI SNYAM DU 'DI LA NUS PA LDOG PA DE LTA NA YANG YOD PA NYID LDOG PA MED DO, ,DE LTA YIN DANG YOD PA'I PHYIR RO ZHES BYA BA'I GTAN TSIGS MA NGES PA YIN NO SNYAM DU SEMS NA, SKAD CIG MA YIN THAMS CAD MED, ,CES BYA BA LA SOGS PA SMOS TE, DNGOS PO'I MTSAN NYID NI 'DI LTA BU YIN TE, 'DI LTA STE, DON BYED PAR NUS PA'O, ,GLA TE DE LDOG NA JI LTAR DE'I MTSAN NYID KYI DNGOS PO NYID DE DAG LA GNAS PA RNYED PAR 'GYUR, DE'I PHYIR DE LTAR SKAD CIG MA NYID MA YIN PAR 'DOD PA'I NAM MKHA' LA SOGS PA RNAMS RIM DANG RIM MA YIN PA DAG GIS DON BYED PAR NUS PAS STONG PA'I PHYIR, MO GSHAM GYI BU LA SOGS PA BZHIN DU MED PA'I THA SNYAD DU BYAR RUNG BA YIN NO ZHES BYA BAR GRUB PO; ,CI STE YANG GAL TE DNGOS PO'I MTSAN NYID DON BYED PAR NUS PA KHO NA YIN PAR GYUR NA DE'I TSE 'DI THAMS CAD MDZES PA YIN NO, ,GAL TE DE LTA MA YIN NA DNGOS PO'I MTSAN NYID GZHAN GANG YIN PA BRJOD DGOS TE, 'DI LTAR RI BONG GI RVA LA SOGS PA GANG DNGOS PO MED PAR 'DOD PA DE LA RGYU MTSAN

237a

, ,NI DON BYED PAR NUS PA DANG BRAL BA KHO NA YIN TE, DNGOS PO DANG DNGOS PO MED PA DAG NI PHAN TSUN RNAM PAR GCOD PA'I NGO BO YIN PA'I PHYIR, SHUGS KYIS DNGOS PO MED PA'I MTSAN NYID LAS BZLOG PA DON BYED PAR NUS PA KHO NA'I DNGOS PO'I MTSAN NYID DU GNAS SO SNYAM DU DGONGS PA'O; ,'DI LA GZHAN GYI LAN GYI DOGS PA BSU BA NI, GAL TE DNGOS PO'I MTSAN NYID NI ZHES BYA BA LA SOGS PA'O, ,DNGOS PO'I MTSAN NYID DON BYED PAR NUS PA NI MA YIN NO, ,'O NA CI ZHE NA, YOD PA DANG 'BREL PA STE, YOD PA DANG 'DU BA ZHES BYA BA'I THA TSIG GO, ,DE MIN ZHES BYA BA LA, DNGOS PO'I MTSAN NYID DU RIGS PA ZHES BYA BA LHAG MA'O, ,CI'I PHYIR ZHE NA, 'DU BA LA SOGS PA MA GRUB PA'I PHYIR DANG, SOGS PA'I SGRAS NI YOD PA GZUNG NGO, ,GAL TE YOD PA'AM YOD PA DANG 'DU BA GRUB PAR GYUR NA DE'I TSE DNGOS PO'I MTSAN NYID YOD PA DANG 'DU BA YIN PAR 'GYUR NA, GANG GI PHYIR DE DAG NYID BSGRUB PAR BYA BA NYID KYI SKABS YIN PA'I PHYIR DANG, 'CHAD PAR 'GYUR BA'I GNOD PAR BYED PA'I TSAD MA YOD PA'I PHYIR RO, ,YANG NA SNGAR BSHAD PA NYID KYIS GNOD PAR BYED PA'I PHYIR TSAD MA YOD PA'I PHYIR 'DU BA MA GRUB PO, ,YOD PA NI 'GA' ZHIG DANG LHAN CIG 'BREL PA MA GRUB PA DE NI PHAN GDAGS PAR BYA BA MA YIN PA'I PHYIR RO, ,PHAN TSUN DU PHAN MI 'DOGS PA DAG NI 'BREL PAR RIGS PA MA YIN TE, HA CANG THAL BAR 'GYUR BA'I PHYIR RO ZHES BSTAN TO, ,GZHAN YANG YOD PA DANG 'DU BA DE DAG NI MTHA'I KHYAD PAR DAG GI YANG DNGOS PO NYID LA MTSAN NYID GANG YIN ZHES BYA BA BRJOD PAR BYA'O, ,'DU BA DANG KHYAD PAR DAG LA YOD PA DANG 'DU BA MA YIN ZHING, YOD PA YANG MA YIN NO, ,'O NA CI ZHE NA, RDZAS DANG YON TAN DANG LAS RNAMS LA STE, DNGOS PO GSUM YOD PAR BYED PA NI YOD PA YIN NO ZHES BYA BA'I GZHUNG GI PHYIR RO, ,DE LTAS NA DNGOS PO'I MTSAN NYID 'DI NI MI LA KHYAB PA YIN NO, ,YOD PA LA SOGS PA GRUB PA YIN DU CHUG MOD, DE LTA NA YANG YOD PA DANG 'DU BA MTSAN DU RIGS PA MA YIN TE, DON GZHAN YIN PA'I PHYIR RO, ,GANG GIS DE DE'I MTSAN NYID DU 'GYUR BA DON GZHAN NI GZHAN GYI NGO BO MA YIN NO, ,'DI LTAR DNGOS PO'I RANG GI NGO BO MA SHES PAS BLO GROS BLUN PO TSAD MA DANG LDAN PA LA

237b

GANG GIS DNGOS PO DE NYID KYI NGO BO NYID KYIS 'DZIN PAR BYED PA DE'I MTSAN NYID KYI RANG BZHIN NYID 'GA' ZHIG LAS LDOG PAR RTOGS PA MTSAN NYID NYID DU BRJOD PAR BYA STE, DPER NA SRA BA NYID KYIS SA BZHIN NO, ,DNGOS PO GZHAN GYI NGO BO NI MA YIN TE, GZHAN NYID NYAMS PAR THAL BAR 'GYUR BA'I PHYIR RO, ,DE JI LTAR DE'I MTSAN NYID YIN TE, MTSAN NYID KYI SGRAS NI RANG BZHIN RJOD PAR BYED PA'I SKABS YIN PA'I PHYIR RO, ,KHA CIG NA RE GANG DANG GANG YOD PA DE THAMS CAD SKAD CIG MA YIN NO ZHES THAMS CAD NYE BAR BSDU BA'I KHYAB PA 'DI GRUB PAR 'GYUR BA DNGOS PO GANG ZHIG THA NA THAMS CAD MKHYEN PA'I YE SHES KYANG SKYED PAR BYED PAR MI BYED PA DE NI DE 'DRA BA YOD PA NYID LA GNOD PAR BYED PA'I TSAD MA CI YOD, DE YONGS SU MA SHES PA NA THAMS CAD MKHYEN PA NYID NYAMS PA YANG MA YIN TE, DE NI SHES BYA MTHA' DAG KHO NA LA DBANG BA'I PHYIR TE, SHES PAR RUNG BA'I DNGOS PO MA SHES NA, THAMS CAD MKHYEN PA MA YIN PAR 'GYUR NA, DE NI SHES BYA MA YIN TE, DE NI SHES PA SKYED PA LA YANG MI NUS PA'I PHYIR RO ZHES ZER RO, ,DE LA BSHAD PA DON BYED DON, ,ZHES BYA BA LA SOGS PA'O, ,DON DNGOS PO TZAM LA YOD PA NYID DANG, MED PA NYID DU SPYOD PA GANG YIN PA DE THAMS CAD NI DON BYED PA DON DU GNYER BAS YIN GYI CHAGS PAS NI MA YIN TE, GZHAN DU NA SMYON PAR 'GYUR RO, ,DES NA DNGOS PO'I TSIGS GANG KHO NA DON BYED PA DON DU GNYER BA 'GA' ZHIG LA CI LTAR DNGOS SAM BRGYUD PAS YUL 'GA' ZHIG TU DUS RES 'GA' NYE BAR SBYOR BA DE NYID LA RTOGS PA DANG LDAN PA DNGOS PO NYID DU RNAM PAR 'JOG PA RIGS PA YIN GYI ,GZHAN LA NI MA YIN TE, RGYU MTSAN MED PA'I PHYIR DANG DGOS PA MED PA'I PHYIR RO SNYAM DU BSAMS PA YIN NO, ,SOGS PA SMOS PAS ME DANG CHU LA SOGS PA'I DON GYI KHYAD PAR DAG LA SPYOD PA GZUNG NGO, ,DE LTA YIN DANG RTOG PA SNGON DU GTONG BA RNAMS KYIS GANG KHO NA DON BYED PA DE KHO NA DNGOS PO YIN NO ZHES BYA BA GANG YIN PA DE GRUB PO, ,DE'I NGO BO NYID KYI DON BYA BA BYED PA'I NGO BO DE NYID KHO BO CAG GIS SKAD CIG MA NYID DU BSGRUB STE, DE NA DON BYED PAR NUS PA'I MTSAN NYID KYI YOD PA GTAN TSIGS NYID DU MNGON PAR 'DOD PA'I PHYIR 'KHRUL PA MED DO, ,DE LTA BUR GYUR

238a

, ,PA'I GTAN TSIGS DE LA BSGRUB PAR BYA BAS THAMS CAD NYE BAR SDUD PAS KHYAB PA GRUB PA'I PHYIR RO, ,PHYOGS DANG MTHUN PA'I PHYOGS KYI RNAM PAR DBYE BA MA BYAS PAR SPYIR GTAN TSIGS KYI KHYAB PA BSTAN PA GANG YIN PA DE NI THAMS CAD NYE BAR BSDU BA'I KHYAB PA'O, ,CI STE DON BYED PAR NUS PAS STONG NA YANG CI'I PHYIR DNGOS PO NYID DU MI 'DOD CE NA, NUS PA MTHA' DAG GIS STONG GANG, ,ZHES BYA BA LA SOGS PA SMOS TE, THAMS CAD MKHYEN PA'I THUGS LA YANG, ,ZHES BYA BA LA, YANG GI SGRA NI RIGS 'DRA BA'I SKAD CIG DANG, CHU SKYOR BA LA SOGS PA'I 'BRAS BU 'BA' ZHIG TU MA ZAD CES BYA BA'O, ,NGO BO 'BRAS SOGS MA MTHONG PHYIR, ,ZHES BYA BA NI RGYU MTSAN MED PA CAN GYI GTAN TSIGS TE, NGO BO NI DE'I RANG BZHIN NO, ,'BRAS NI DE'I 'BRAS BU'O, ,SOGS PA'I SGRAS DE'I YUL DANG DUS DANG, GNAS SKABS KYI KHYAD PAR YANG GZUNG NGO, , DE LTA BU'I NGO BO DE NI RI BONG GI RVA LA SOGS PA DAG LAS KHYAD PAR 'GA' YANG MED DO SNYAM DU BSAMS PA YIN NO, ,DE LTA BUR GYUR PA'I DNGOS PO DE LA SKAD CIG MA NYID DU BSGRUBS PAS DON BYED PA DON DU GNYER BA LA DGOS PA CUNG ZAD KYANG MED DE, DE NI MTHONG BA DANG MA MTHONG BA DAG TU PHAN PA DANG MI PHAN PA THOB PA DANG SPONG BAR MI RUNG BA'I PHYIR RO, ,JI SKAD DU, DON BYED NUS PA MA YIN LA, ,DE 'DOD BRTAGS PAS CI ZHIG BYA, ,MA NING GZUGS BZANG MI BZANG ZHES, ,'DOD LDAN RNAMS KYIS BRTAGS CI PHAN, ,ZHES BSHAD PA BZHIN NO, ,DE NYID KYI PHYIR SKAD CIG MA DE LA 'DI JI LTAR RTOGS PAR BYA ZHES BYA BA LA SOGS PAS BRGAL ZHING BRTAG PA'I PHYIR RGOL BAS BYED PA'I 'BRAS BU MED PA NYID DE, DE NI RGOL BAS SKAD CIG MA NYID DU BSGRUB PAR BYA BA MI 'DOD PA'I PHYIR RO, ,DA NI GZHAN GYI DON BYED PAR NUS PA YANG DNGOS PO'I MTSAN NYID DU MI RIGS TE, HA CANG KHYAB CHES PA'I PHYIR RO ZHES STON PAR BYED PA NI, 'ON TE NAM MKHA'I PADMA ZHES BYA BA LA SOGS PA'O, ,'DI LTAR NAM MKHA'I PADMA LA SOGS PA LAS NAM MKHA'I PADMA NAM MKHA'I PADMA SNYAM PA LA SOGS PA'I SHES PA SKYE BA'I MTSAN NYID KYI DON BYED PA LA NUS PA YIN LA, DE DAG DON DAM PAR YOD PA MA YIN TE, DE'I PHYIR DNGOS PO'I

238b

MTSAN NYID NI NUS PA YIN NO ZHES BYA BA 'DI KHYAB CHES PA YIN NO, ,'DI LA LAN DU, NAM MKHA'I PADMA LA SOGS LA, ,ZHES BYA BA LA SOGS PA SMOS TE, NAM MKHA'I PADMA LA SOGS PA RNAMS LA DON BYED PAR NUS PA MA GRUB STE, DE'I RNAM PAR RTOG PA RNAMS NI RANG GI RNAM BAR RTOG PA'I BAG CHAGS YONGS SU SMIN PA TZAM KHO NA LAS SKYE BAS DMIGS PA MED PA'I PHYIR RO, ,CI STE NAM MKHA'I PADMA LA SOGS PA LAS SKYE BA LA GNOD PAR BYED PA'I TSAD MA CI YOD CE NA, MED BA RGYU NYID YIN NA NI, ,ZHES BYA BA LA SOGS PA SMOS TE, NAM MKHA'I PADMA LA SOGS PA MED PA RGYU GANG LA YOD PA DE LA DE SKAD CES BYA STE, DE'I DNGOS PO NI DE NYID DO, ,DE YOD NA NAM MKHA'I PADMA LA SOGS PA'I SHES PA DE THAMS CAD DU 'BYUNG BA STE, SKYE BAR 'GYUR TE, RGYU MA TSANG BA MED PA RTAG PA'I PHYIR RO, ,GANG GIS RGYU MA TSANG BAS RES 'GA' MI SKYED PA ZHES BYA BAR 'GYUR BA GZHAN GYI PHAN GDAGS PAR BYA BA MA YIN PA DE NI LTOS PAR RIGS PA YANG MA YIN NO; ,SKAD CIG MA YI DNGOS RNAMS LA, ,ZHES BYA BA LA SOGS PAS BTZUN PA SBYOR BA'I SDE'I LUGS DOGS PAR BYA BA YIN TE, DES SMRAS PA, DNGOS PO RNAMS SKAD CIG MA YIN NA YANG RIM DANG CIG CAR DAG GIS DON BYED PA 'GAL PA NYID YIN TE, 'DI LTAR DE DAG RANG NYID NUS PAR 'GYUR RAM MI NUS, GAL TE NUS NA DE'I TSE LHAN CIG BYED PA'I RGYU LA LTOS PAR MI 'GYUR TE, NUS PA NI 'GA' LA YANG LTOS PAR RIGS PA MA YIN NO, ,CI STE MI NUS PA DE LTA NA YANG DE DAG GI DE LA LTOS PA DE RIGS PA DANG MI LDAN PA GSAL RAB PA NYID DE, 'DI LTAR TSOGS PA DANG PO'I NANG DU CHUD PA'I LUS GANG YIN PA DE DAG NI PHAN TSUN DU KHYAD PAR THOB PAR BYED PA MA YIN TE, SKYES BA DANG MA SKYES PA'I GNAS SKABS DAG GIS YOD PA DANG MED PAS PHAN GDAGS PAR BYA BA DANG PHAN 'DOGS PAR BYED PA MED PA'I PHYIR RO, ,DE LTA YIN DANG DNGOS PO'I GNAS SKABS LA DE DAG GIS KHYAD PAR MED PA'I PHYIR, DE LAS KHYAD PAR CAN SKAD CIG GZHAN SKYE BAR MI 'GYUR RO, ,KHYAD PAR MED PA DE DAG LAS SKAD CIG GZHAN GYI KHYAD PAR SKYE NA, 'BRAS BU YANG CI'I PHYIR SKYED PAR MI BYED, KHYAD PAR CAN DE DAG NI TSOGS PA SNGA MA LAS BYUNG NGO ZHES BRJOD PAR RIGS PA YANG MA YIN TE, TSOGS PA DE'I NANG DU GTOGS PA RNAMS KYANG DE NYID KYI

239a

, ,PHYIR PHAN TSUN KHYAD PAR MED PA'I PHYIR RO, ,DE DAG KYANG KHYAD BAR GZHAN LAS SKYE NA NI THUG PA MED PAR 'GYUR RO, ,DE'I PHYIR DE LTAR KHYAD PAR MED PA'I PHYIR DE JI LTAR RGYU'I TSOGS PA KHYAD PAR MED PA LAS 'BRAS BU SKYE BAR 'GYUR, KHYAD PAR MED PA LAS KYANG SKYE NA THAMS CAD THAMS CAD LAS 'GYUR RO, , DE LTA YIN DANG RIM DANG CIG CAR DAG GIS DE LTAR DON BYED PA MI 'GAL NA YANG JI LTAR DE DAG DON BYA BA BYED PAR 'GYUR BA DE BZHIN DU RTAG PA YANG YOD PAR 'GYUR BA'I PHYIR DE DAG GI SKAD CIG MA NYID LA RTEN PA DON MED DO, ,DES NA YOD PA'I PHYIR RO ZHES BYA BA'I GTAN TSIGS NI MA NGES PA NYID YIN NO SNYAM DU BSAMS PA YIN NO, ,RGYUN GYI GNAS SKABS KHYAD PAR THOB PAS 'BRAS BU SKYE BAR 'GYUR GYI, THAMS CAD DU NI MA YIN NO ZHES KYANG BRJOD PAR MI RIGS TE, JI SKAD DU BSHAD PA'I RIGS PAS LHAN CIG BYED PAS BYAS PA'I KHYAD PAR MED PAS RGYUN THAMS CAD DU KHYAD PAR MED PA'I PHYIR RO, ,RGYUN NI RANG GI NYE BAR LEN PA'I RGYU TZAM DANG LDAN PA'I KHYAD PAR YIN NO ZHES KYANG BRJOD PAR MI RIGS TE, MTHONG BA DANG 'GAL BA'I PHYIR RO, ,'DI LTAR LHAN CIG BYED PA RNAMS YOD PA DANG MED PA DAG LAS 'BRAS BU GSAL BA DANG BRAL BA MTHONG STE, GAL TE RANG GI NYE BAR LEN PA TZAM DANG LDAN PA'I KHYAD PAR DU 'GYUR NA DE'I TSE LHAN CIG BYED PA LA LTOS PA MED PA KHO NAR SKYED PAR BYED PA NYID DU 'GYUR RO, ,GZHAN YANG JI SKAD DU BSHAD PA'I RIGS PAS RGYUN LA THAMS CAD DU KHYAD PAR MED PA'I PHYIR, BUM PA LA SOGS PA RNAMS LA GYO MO LA SOGS PA'I KHYAD PAR SKYE BAR MI SRID PA'I PHYIR RIGS 'DRA BA'I SKAD CIG RGYUN CHAD PA'I MTSAN NYID KYI 'JIG PA GAL TE RGYU MED PA CAN DU 'GYUR NA, DE'I TSE LTOS PA MED PA'I PHYIR DANG PO NYID DU 'GYUR RO, ,'ON TE DANG PO MI 'GYUR NA PHYIS KYANG MI 'GYUR TE, SNGA MA BZHIN DU KHYAD PAR MED PA'I PHYIR RO, ,GZHAN YANG GAL TE DNGOS PO RNAMS KYIS 'JIG PA LA RANG GI RGYU LAS THA DAD PA GZHAN RGYUR MI 'DOD NA DE'I TSE ME LA SOGS PA DANG GRANG BA LA SOGS PA RNAMS LA JI LTAR 'GAL BAR 'GYUR, CUNG ZAD KYANG MI BYED PA NI 'GAL BAR RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA NA NI THAMS CAD THAMS CAD DANG 'GAL BAR THAL BAR 'GYUR RO, ,DE LTA YIN DANG

239b

'GAL BA'I SGO NAS MI DMIGS PA'I SBYOR BA DANG, SROG GCOD PA LA SOGS PA'I RNAM PAR GZHAG PA YANG CHES 'BREL PAR DKA'O SNYAM DU BSAMS PA'O, ,SMRAS PA ZHES BYA BA LA SOGS PAS LAN 'DEBS PAR BYED PA YIN TE, NUS PA KHO NA LAS 'BRAS BU SKYE ZHING LHAN CIG BYED PA DON MED PA YANG MA YIN TE, 'DI LTAR LHAN CIG BYED PA NI RNAM PA GNYIS TE, DON GYI BYA BA GCIG BYED PA DANG, PHAN TSUN PHAN PA BYED PA NYID KYIS SO, ,DE LA BAR DU MA CHOD PA'I 'BRAS BU LA LTOS NAS DON GYI BYA BA GCIG BYED PA NYID YIN GYI, PHAN TSUN DU PHAN PA BYED PA NYID NI MA YIN TE, SKAD CIG GCIG LA CHA MED PA NYID KYIS KHYAD PAR BSKYED PAR MI NUS PA'I PHYIR RO, ,CHOD PA'I 'BRAS BU LA LTOS NA NI PHAN TSUN DU KHYAD PAR CAN GYI SKAD CIG GONG NAS GONG DU SKYE BA'I PHYIR, RGYUN LA LTOS NAS PHAN TSUN DU PHAN 'DOGS PAS CHOD PA'I 'BRAS BU SKYED PAR BYED PA'I PHYIR PHAN TSUN PHAN PA BYED PA'I PHYIR MTSAN NYID LHAN CIG BYED PA NYID YIN NO, ,DE LA DANG PO'I GNAS SKABS SU BYUNG BA RNAMS LA GAL TE YANG PHAN TSUN KHYAD PAR MED PA DE LTA NA YANG DE DAG GIS LHAN CIG BYED PA 'GAL BA MED PA NYID DE, DON GYI BYA BA GCIG BYED PA'I PHYIR RO, ,DE DAG NI DE MA THAG TU KHYAD PAR CAN GYI SKAD CIG SKYE BA LA KHYAD PAR MED PA YANG MA YIN TE, RANG GI RGYU DANG RKYEN SNGA MA DAG KHO NA LAS RNAM PA DE LTA BU'I 'BRAS BU'I TSOGS SKYED PA NA NUS PA RNAMS SO SOR SKYES PA'I PHYIR RO, ,RGYU DANG RKYEN DE DAG KYANG RANG GI RGYU DANG RKYEN GZHAN DAG LAS YIN LA, DE DAG KYANG GZHAN DAG LAS YIN PA'I PHYIR, RGYU'I BRGYUD PA THOG MA MED PA NYID DU 'DOD PA'I PHYIR, THUG PA MED KYANG SUN MI PHYIN PA NYID DO, ,NUS PA SO SO YIN NA YANG GZHAN 'DI DAG DON MED PA YANG MA YIN TE, RANG GI RGYU'I STOBS KYIS DE DAG DE LTAR SKYE BA'I PHYIR RO, ,DE DAG THA DAD PA'I DO BOR YOD PA MA YIN TE, RNAM PA DE LTA BU'I RGYU'I DNGOS PO MED PA'I PHYIR RO, ,PHYIS KYI SKAD CIG MA NYID YIN PA'I PHYIR TSOGS PA LOGS SHIG TU SKYED PA YANG MA YIN TE, SKAD CIG GNYIS PAR 'BYUNG BA'I TSOGS PA RE RE SKYED PA'I NUS PA ZHES BYA BA'I DON TO, ,RANG GI NYE BAR LEN PA SMOS PA NI DANG PO'I GNAS SKABS SU BYUNG BA'I LHAN CIG BYED PAS BYAS PA'I NYE BAR SBYOR BA 'GEGS PA LHUR LEN PA YIN PAR BLTA BAR BYA'O, ,RANG GI NYE BAR LEN PA

240a

, ,TZAM LAS BYUNG BA'I 'BRAS BU 'GA' ZHIG YOD PA NI MA YIN TE, THAMS CAD NI TSOGS PA LAS 'BYUNG BA'I PHYIR RO, ,CI SKAD DU, 'GA' YANG GCIG LAS GCIG MA YIN, ,THAMS CAD TSOGS PA NYID LA 'BYUNG, ,ZHES BSHAD PA LTA BU'O, ,DE LAS BRTZAMS NAS ZHES BYA BA NI DUS PHYIS SKAD CIG GNYIS PA NAS BZUNG NAS ZHES BYA BA'I DON TO, ,DES BYAS PA'O ZHES BYA BA NI LHAN CIG BYED PAS BYAS PA'I KHYAD PAR GYI RGYUS BYAS PA'O, ,CI'I PHYIR ZHE NA, DE'I NGO BO'I RANG BZHIN YIN PA'I PHYIR TE, DE RNAMS TE DE'I NGO BO KHYAD BAR LHAN CIG BYED BAS BYAS PA'I KHYAD PAR GYI RGYUS BSKYED PAR BYA BA'I RANG BZHIN TE, NGO BO NYID GANG LA YOD PA DE LA DE SKAD CES BYA'O, ,DE LA NYER SBYOR ZHES BYA BA NI, DE YI NGO BO'I RANG BZHIN PHYIR, ,ZHES BYA BA DANG SBREL BAR BYA'O, ,DE LA NYER SBYOR TE ZHES BYA BA 'DIR DANG GI SGRA MI MNGON PAR BYAS PAR BSTAN PA YIN NO, ,DES NA DON 'DIR 'GYUR TE, DE LAS GNAS SKABS GSUM PAR 'BYUNG BA'I 'BRAS BU LA SKAD CIG GNYIS PAR 'BYUNG BA'I KHYAD PAR GANG DAG RGYU'I DNGOS POS NYE BAR SBYOR TE, DE LA NYE BAR SBYOR BA DE DAG KYANG LHAN CIG BYED PAS BYAS PA'I KHYAD PAR GYI RGYUS BSKYED PAR BYAS PA'I 'BRAS BU SKYED PAR RUNG BA'I RANG BZHIN YIN PA'I PHYIR RO, ,DE'I PHYIR SKAD CIG GSUM PA LA SOGS PA 'BYUNG BA'I KHYAD PAR NGES BYAS PA YIN NO ZHES BYA BA'O, ,'DI DAG GI NGES PA 'DI YANG JI LTAR 'BYUNG BA YIN ZHE NA, NUS NGES ZHES BYA BA LA SOGS PA SMOS TE, DNGOS PO RNAMS KYI RANG BZHIN NI BRGAL ZHING BRTAG PAR 'OS PA MA YIN TE, ME'I SREG BAR BYED PA MI RTOGS BA NYID LTA BUR DE DAG GI RANG BZHIN THA DAD PA NI RANG GI RGYU DANG RKYEN BRGYUD PAS BSKYED PA NYID KYI PHYIR RO, ,GANG GI PHYIR DE DAG RKYEN GZHAN DANG GZHAN GYI SBYOR BAS SKAD CIG RE RE LA NUS PA THA DAD PAR SKYE STE, DE'I PHYIR 'DI MTSUNGS PA 'GA' ZHIG LAS 'DRA BAR SHES PAR BYED PA YIN MOD KYI, 'ON KYANG 'DI DAG GI RANG BZHIN THA DAD PA KHO NA'O, ,DES NA 'GA' ZHIG 'GA' ZHIG GI RGYU YIN GYI, THAMS CAD THAMS CAD KYI NI MA YIN, CI'I PHYIR 'DI NI CI YANG MA YIN NO, ,'BYUNG BA'I ZHES BYA BA NI SKYE BA'I ZHES BYA BA'I DON TO, ,GANG YANG, GAL TE 'JIG PA RGYU MED 'GYUR, ,ZHES SMRAS PA DE LA BSHAD PA, RGYUN

240b

CHAD NGO BO GANG YIN PAS, ,ZHES BYA BA LA SOGS PA STE, 'JIG PA NI RNAM PA GNYIS TE, RGYUN CHAD PA'I NGO BO DANG, RGYUN MI 'DRA BAR SKYE BA'I MTSAN NYID DO, ,DE LA GAL TE RGYUN CHAD PA'I NGO BO'I 'JIG PA'I DBANG DU BYAS NAS SMRA NA, DE MI RIGS TE, DE NI MTHAR YANG YOD PA MA YIN ZHES BYA BA LA, NGO BO MED PA'I PHYIR, DE NI MTHAR YANG JI LTAR 'GYUR, ,ZHES BYA BA DE CI STE RJOD PAR BYED, DE LTA BAS NA 'DI NI RES 'GA' YANG YOD PAR KHAS MA BLANGS PA'I PHYIR DANG PO DANG MTHAR DNGOS PO MED PAR THAL BA GANG YIN PA DE 'BREL PA MED PA NYID DO, ,DE BZHEN DU TSE RIGS 'DRA BA'I SKAD CIG GZHAN MTSAMS SBYOR BAS SKYE BA 'BYUNG BA DE LA BKAG PA 'BA' ZHIG YIN TE, BUM PA LA SOGS PA 'CHAD PAR 'GYUR BA NA, DE NYID MI 'BYUNG NGO ZHES BYA BA'I DON YIN GYI, DE LA CUNG ZAD SGRUB PAR NI MA YIN NO, ,CI STE MI 'DRA BA'I SKAD CIG SKYE BA'I MTSAN NYID KYI 'JIG PA GNYIS PA MNGON PAR 'DOD NA DE NI RGYU MED PA NYID DU MA GRUB STE, DNGOS SU DE NI THO BA LA SOGS PA'I RGYU'I STOBS KYIS SKYE BAR KHAS BLANGS PA'I PHYIR RO, ,DE NYID KYI PHYIR 'DI DANG POR MI SKYE STE, RANG GI RGYU THO BA LA SOGS PA DE'I DUS SU MED PA'I PHYIR RO, ,'GAL BA'I RNAM PAR GZHAG PA BSGRUB PA'I PHYIR, SKAD CIG MA YI DNGOS RNAM GNYIS, ,ZHES BYA BA LA SOGS PA SMOS TE, DNGOS PO KHA CIG 'BA' ZHIG GI NYAM CHUNG BA DANG, CHE BA DANG, CHES CHER CHUNG BA'I SKAD CIG SKYED PA'I RIM GYIS BSKUM PA GANG YIN PA DE LA RGYUR 'GYUR TE, DPER NA GRANG BA LA SOGS PA'I ME LA SOGS PA BZHIN NO, ,GZHAN NI DE LTA MIN PA NI 'GRIB PA'I RGYU MA YIN PA STE, 'DI LTA STE DPER NA DU BA LA SOGS PA RNAMS KYI ME LA SOGS PA DE DAG NYID BZHIN NO, ,DE LA DANG POR BSTAN PA'I BSKUM PA'I RGYU DAG LA RGYU DANG 'BRAS BU'I DNGOS PO YIN NA YANG SHES PA'I SNANG BA MI SHES PA'I RAB RIB KYIS BSGRIBS BZHIN PA'I 'JIG RTEN 'GAL BA NYID DU MNGON PAR RLOM MO, ,RNAM PA DU MA ZHES BYA BA NI GRANG BA DANG 'GAL BA ME DANG, SGRON MA'I RLUNG DANG, SNANG BA'I MUN PA ZHES BYA BA LA SOGS PA'I BYE BRAG GIS SO, ,DON DAM PAR DNGOS PO RNAMS LA GNOD PAR BYA BA DANG GNOD PAR BYED PA'I DNGOS PO YONG PA NI MA YIN TE, YOD PA NI BDAG NYID THAMS CAD KYIS GRUB PAS RANG BZHIN GZHAN

241a

, ,DU BYA BAR MI NUS PA'I PHYIR RO, ,DE NI THA DAD PA DANG THA MI DAD PAS BRTAGS PA NA GNYI GA LTAR YANG BYED PA MI SRID PA'I PHYIR RO, ,MED NA YANG DNGOS PO MA YIN PA NYID KYIS CUNG ZAD KYANG MI BYED PA'I PHYIR GNYI GA LTAR YANG 'GAL BA NI CUNG ZAD KYANG MED DO, ,DE NYID KYI PHYIR SLOB DPON GYIS RGYU MA TSANG BA MED PAR 'BYUNG BA LA GZHAN YOD NA MED PA'I PHYIR 'GAL BAR RTOGS SO ZHES BSHAD DE, 'GAL BAR RTOGS PA NI 'GAL BAR NGES PA YIN GYI, 'GAL BA DE KHO NA NYID NI MA YIN NO SNYAM DU DGONGS PA YIN NO, ,YANG GI SGRAS NI DANG GI DON DANG RIM PA GZHAN DU SBYAR BA YIN TE, DE NYID PHYIR ZHES BYA BA 'DI'I MJUG TU BLTA BAR BYA'O, ,'ON TE DE NYID CES BYA BA LA SOGS PA NI RGYAL DPOG PA LA SOGS PA'I GZHUNG GIS SKAD CIG MA 'JIG PAR DAM BCAS PA MNGON SUM GYIS GNOD PA NYID KYI DOGS PA BSU BA YIN TE, 'DI LTAR RI DANG LUS DANG KHANG BZANGS LA SOGS PA LA DE NYID 'DI YIN NO SNYAM PA'I MNGON SUM GYIS BYED PA'I MJUG THOGS SU NGO SHES PAR BRJOD PA'I MNGON SUM GYI TSAD MA DNGOS PO RNAMS KYI SKAD CIG MA 'JIG PA 'JOMS PAR BYED PA SKYE'O, ,BREGS NAS YANG SKYES PA'I SEN MO DANG SKRA DANG RTZVA LA SOGS PA LA NGO SHES PAR MTHONG BA YIN MOD KYI, 'ON KYANG RDO RJE LA SOGS PA'I YUL CAN GYI NGO SHES PA TSAD MA MA YIN PAR DMIGS PA YIN TE, GNOD PA MED PA'I YUL CAN NYID YIN PA'I PHYIR RO, ,DE NYID KYI PHYIR, G-YO BA MED CING GNOD MED PA'I, ,ZHES BYA BA SMOS TE, RAB RIB KYIS NYAMS PA'I MIG GIS BSKYED PA'I SKRA SHAD KYI SHES PA TSAD MA MA YIN PA'I DMIGS PA YIN PA DE TZAM GYIS THA MAL PA'I MIG GIS BSKYED PA'I BDEN PA'I SKRA SHAD KYI YUL CAN GYI MIG GI RNAM PAR SHES PA YANG TSAD MA MA YIN NO ZHES SEMS RNAL DU GNAS PAS BRJOD PAR RIGS PA NI MA YIN NO SNYAM DU BSAMS PA YIN NO, ,DE LA G-YO BA MED PA NYID KYIS THE TSOM MED PA'I NGO BO NYID BRJOD PA YIN TE; DE NYID 'DI YIN NAM 'ON TE GZHAN YIN ZHES BYA BA RNAM PA DE LTA BU'I THE TSOM MED PA'I PHYIR RO, ,GNOD PA MED PA ZHES BYA BA 'DIS NI PHYIN CI MA LOG PAR BSTAN TO, ,DO SHES PA'I SHES PA NI ZHES BYA BA LA SOGS PAS LAN 'DEBS PAR BYED DE, DE LA RE ZHIG 'DI NI MNGON SUM NYID DU MI 'GRUB STE,

241b

'DI LTAR DNGOS PO'I RANG GI MTSAN NYID RJES SU 'GRO BA MED PA NYID KYIS BRDA BYA BAR MI NUS PA'I PHYIR DE 'DZIN PA'I SHES PA RNAMS MNGON PAR BRJOD PA MED PA NYID YIN TE, 'BREL PA MA BZUNG BA'I DON SGRA DANG LHAN CIG SBYAR NAS 'DZIN PAR MI SRID PA'I PHYIR RO, ,DE'I PHYIR MNGON SUM NI YOD PA'I RANG GI MTSAN NYID NI YUL CAN NYID YIN PA'I PHYIR GDON MI ZA BAR RTOG PA DANG BRAL BA DANG, TSAD MA YIN PA'I PHYIR MA 'KHRUL PAR 'GYUR BAR BYA DGOS SO, ,DE NYID KYI PHYIR MKHAS PA RNAMS KYIS, MNGON SUM RTOG BRAL MA 'KHRUL PA'O, ,ZHES BYA BA RIGS PA'I RJES SU 'GRO BA 'DI MNGON SUM GYI MTSAN NYID DU RJOD PAR BYED DO; ,NGO SHES PA NI RTOG PA DANG BRAL BA YANG MA YIN TE, DE NYID 'DI YIN NO ZHES BYA BA DE LTA BU'I BRJOD PA'I RNAM PA NYID KYIS RIGS PA'I PHYIR RO, ,MA 'KHRUL PA YANG MA YIN TE, THA DAD PA LA THA MI DAD PAR NGES PAR 'JUG PA'I PHYIR RO, ,JI LTAR ZHE NA, 'DI NI SNGAR RTOGS ZHES BYA BA LA SOGS PA SMOS TE, GAL TE 'DI SNGAR DMIGS PA'I DON GYIS YUL CAN YIN PAR GYUR NA DE'I TSE SNGAR NYID DU SKYE PAR 'GYUR TE, DE YUL YIN PA NYID KYIS RGYU MA TSANG BA MED PA NYID KYI PHYIR SNGAR GYI SHES PA BZHIN NO, ,DE DON CAN PHYIR ZHES BYA BA NI DE NI SNGAR RIG PA'I DNGOS PO DON YUL DU GANG LA YOD PA DE NI DON CAN DE'I DNGOS PO NI DE'I DON CAN NYID DO, ,DE LTA YANG MA YIN ZHES BYA BA NI THAL BA LAS BZLOG PA 'CHAD PA'O, ,SBYOR BA NI GANG ZHIG GANG DU MA TSANG BA MED PA YOD NA YANG MI 'GYUR BA DE NI DE'I YUL CAN MA YIN TE, DPER NA MA TSANG BA MED PA'I GZUGS YOD NA YANG DE LA RNA BA'I RNAM PAR SHES BA MI 'BYUNG BA BZHIN NO, ,RDO RJE LA SOGS PA'I SHES PA DE'I DUS SU NGO SHES PA YANG MA TSANG BA MED NA MI 'BYUNG BA'I PHYIR ZHES BYA BA NI KHYAB PAR BYED PA MI DMIGS PA'O, ,DE'I PHYIR DE LTAR RDO RJE LA SOGS PA GZHAN LA LTOS PA MED PA RTAG PA NYID YIN NA DE'I YUL CAN GYI SHES PA NI RGYU MA TSANG BA MED PA NYID KYI PHYIR SNGAR NYID DU 'GYUR NA DE LTA YANG MA YIN TE, DE LTA BAS NA 'DI MI RTAG PA NYID DU GRUB PO, ,DE LTA YIN DANG THA DAD PA DAG LA THA MI DAD PAR NGES PAS 'JUG PA'I PHYIR SGYU MA'I RI LU 'I RNAM PAR SHES PA BZHIN DU 'DI NI 'KHRUL PA YIN NO ZHES BYA BA 'DI NI MA TSANG BA MED PA NYID YIN NO, ,DE NYID KYI PHYIR GNOD PA

242a

, ,MED PA'I YUL CAN YANG MA GRUB PA YIN TE, 'KHRUL PA NYID DU GRUB PA JI SKAD DU BSHAD PA'I GTAN TSIGS LAS GNOD PA'I YUL CAN YIN PA'I PHYIR RO, ,'DI YANG BZUNG ZIN PA 'DZIN PA'I PHYIR 'DI TSAD MA MA YIN TE, DRAN PA BZHIN NO ZHES BSTAN PA'I PHYIR GRUB ZIN PA DON GYI ZHES BYA BA LA SOGS PA SMOS TE, GANG GI PHYIR GANG KHO NA GZHAL BA'I BYA BA GRUB PA LA KHYAD PAR CAN GYI PHAN 'DOGS PAR BYED PA DE KHO NA GRUB PAR BYED PA DAM PA'I BYED PA PO TSAD MA ZHES BYA'O, ,GAL TE NGO SHES PA TSAD MA SNGA MAS BZUNG ZIN PA DON GYI YUL CAN DU GYUR NA, DE'I TSE GZHAL BAR BYA BA GRUB PA'I DON LA 'JUG PAS SGRUB PAR BYED PA DAM PA NYID MED PA'I PHYIR JI LTAR TSANG MA NYID DU 'GYUR, ,GZHAN DU NA DRAN YANG TSAD MA NYID DU 'GYUR RO, ,TSAD MA'I DNGOS POR GYUR PA MA YIN NA GNOD PAR BYED PA NYID DU RTOG PA YANG MA YIN TE, HA CANG THAL BAR 'GYUR BA'I PHYIR RO, ,'DI SNYAM DU 'DI LOGS SHIG TU TSAD MA NYID DU MA GYUR MOD; DE LTA NA YANG SNGA MA'I DON YUL YIN PA NYID KYIS 'DI SKAD CIG MA 'JIG PA LA GNOD PAR BYED PA NYID YIN NO SNYAM DU SEMS NA, DE NI YANG DAG PA MA YIN TE, 'DI LA DON DAM PAR SNGA MA'I YUL YIN PA NYID YOD PA MA YIN TE, BRJOD PA DANG BCAS PA'I PHYIR RO, ,YUL MED NA YANG 'KHRUL PA'I STOBS KYIS SNGAR MTHONG BA'I DON LA NGES PA SKYE BA'I PHYIR NGES PA'I DBANG GIS SNGAR MTHONG BA'I DON YUL YIN NO ZHES BRJOD PA 'BA' ZHIG TU ZAD NGO, ,DE'I PHYIR RANG BZHIN GYIS 'KHRUL PA'I NGO SHES PA 'DI LAS SKAD CIG MA 'JIG PA SEL BAR GA LA 'GYUR, DA LTA'I DUS SU YOD PA NYID CES BYA BA LA SOGS PAS GZHON NU MA LEN GYI LUGS KYIS BZUNG ZIN PA 'DZIN PA NYID KYIS MA GRUB PAR STON PAR BYED PA YIN TE, DES SMRAS PA, MNGON SUM SNGA MAS DON DA LTA'I DUS SU YOD PA NYID DU RTOGS PA NI MA YIN TE, DE NI DE NYID 'DI YIN NO ZHES BYA BA'I RNAM PA 'DZIN PAR MI 'THAD PA'I PHYIR RO, ,DE LTA BAS NA NGO SHES PA 'DI LA DRAN PA LAS KHYAD PAR YOD DO, ,JI LTAR ZHE NA, SNGA ROL GZHAN PA TZAM ZHES BYA BA LA SOGS PA SMOS TE, DRAN PA NI DE'O SNYAM PAS SHES PA SNGA MA'I RNAM PA 'DZIN PA NYID KYIS 'JUG LA, NGO SHES PA NI 'DI'O SNYAM PA DE LTA BU'I THA DAD PAR YANG DON GYI RNAM PAR 'DZIN PA SKYE STE, DE'I PHYIR DRAN

242b

BA LAS KHYAD PAR DU GYUR PA YIN TE, BYE BRAG CAN YIN NO ZHES BYA BA'I DON TO, ,DE LTA BAS NA GANG DAG THE TSOM DANG PHYIN CI LOG YIN PA DE DAG LA GNOD PAR BYAS NAS NGO SHES PA TSAD MA NYID DU THOB PAR 'GYUR BA YIN NO, ,GANG LAS 'DI DAG LA GNOD PA YIN ZHES BYA BA 'DI LA RGYU BSHAD PA NI, RTOGS PA LA NI YOD MIN PHYIR, ,ZHES BYA BA LA, RTOGS PA'I DON LA DE DAG MED PA'I PHYIR ME 'BAR BA'I TSOGS CHEN PO DANG LDAN PA'I DUS SU GRANG BA LTA BU'O, ,'ON TE JI LTA BU LA SOGS PAR RTOGS PA'I SNGO BSANGS LA SOGS PA BZHIN DU JI LTAR RJES SU DPAG PAS BSGRUBS PA'I DON LA DUS GZHAN YANG MNGON SUM GYIS GNOD PA GZHAN NYID DU 'GYUR BA DE BZHIN DU 'DI LA YANG MA YIN NAM, GAL TE NGO SHES PAS RTAG PA NYID KYI DON GRUB PA DE LTA NA YAN DUS PHYIS DE'I 'BRAS BU'I RIM PAS DE'I RIM PA RJES SU DPAG PAS GRUB PA'I PHYIR GZHAN NYID DU 'GYUR BA NYID MA YIN NA, DE JI LTAR SKAD CIG MA 'JIG PA NYID LA GNOD PAR BYED CES DOGS PA LA, CIG SHOS KYIS NO ZHES BYA BA LA SOGS PA SMOS TE, CIG SHOS KYIS ZHES BYA BA NI DPER NA DE NI SNGO BSANGS YIN TE, DE'I BU YIN PA'I PHYIR, DE'I BU SNANG BA BZHIN NO ZHES BYA BA'I RJES SU DPAG PA LA SOGS PA DAG GIS SO, ,MNGON SUM GYIS NI GZHAN DU 'GYUR, ,ZHES BYA BA NI MNGON SUM DU GYUR BAS GZHAN DU STE, RJES SU DPAG PA LA SOGS PAS GZHAL BA'I RNAM PA LAS PHYIN CI LOG TU 'GYUR RO ZHES BYA BA'I DON TO, ,BCAS PA ZHES BYA BA NI YUL DU BYAS PA ZHES BYA BA'I DON TO, ,CIG SHOS SKYE BA SRID PA MIN, ,ZHES BYA BA NI MNGON SUM LAS CIG SHOS KYI RJES SU DPAG PA LA SOGS PA GNOD PAR BYED PA NYID DU SKYE BA SRID PA NYID MA YIN NO ZHES BYA BA'I DON DU'O, ,CI'I PHYIR ZHE NA, TSAD MA'I THU BO ZHES BYA BA LA SOGS PA SMOS TE, GANG GI PHYIR RJES SU GRUB PA'I DON LA MNGON SUM GYIS GZHAN NYID DU BYED PA ZHES BYA BA NI RIGS TE, DE NI TSAD MA THAMS CAD KYI THU BO YIN PA'I PHYIR RO; ,RJES SU DPAG PA LA SOGS PAS MNGON SUM GYI GRUB PA'I DON GZHAN NYID BYA BAR NUS PA NI MA YIN TE, DA DAG STOBS CHUNG BA'I PHYIR RO, ,BRTAN PO YIS ZHES BYA BA NI THE TSOM DANG, PHYIN CI LOG DAG DANG DRAL BAS SO, ,BZLOG PAR ZHES BYA BA NI GZHAN NYID DU'O, ,GAL TE ZHES BYA BA LA SOGS

243a

, ,PAS LEN 'DEBS PAR BYED PA YIN TE, NGO SHES PA'I YUL DA LTA'I DUS SU YOD PA NYID GANG YIN PA DE CI MNGON SUM SNGA MAS BZUNG BA'I YOD PA NYID LAS THA DAD DAM, 'ON TE NGE NYID YIN, GAL TE THA DAD NA DE'I TSE RANG GI TSIG NYID KYIS THA DAD DU BSTAN PA'I PHYIR KHYED CAG GIS KHAS BLANGS PA NYAMS PAR 'GYUR LA, KHO BO CAG GI NI 'DOD PA GRUB PA YIN NO, ,'ON TE GZHAN MA YIN NO ZHES BYA BA'I PHYOGS YIN NA DE'I TSE GANG GIS SNGA MA'I BLO YIS RTOGS PA YIN ZHES BRJOD PA DE JI LTAR BLO SNGA MAS MI RTOGS, 'DI SNYAM DU GAL TE SGRA LA SOGS PA LAS SKAD CIG MA NYID THA MI DAD PA YIN NA YANG DE BZUNG NA MA BZUNG BAR BRJOD PA DE BZHIN DU 'DI YANG 'GYUR RO SNYAM DU SEMS NA, DE NI MI RIGS TE, CHOS CAN SGRA BZUNG NA YANG DE LAS THA MI DAD PA'I SKAD CIG MA NYID MA BZUNG NGO ZHES RNAM PAR GZHAG PAR NI MI BYA'O, ,'ON KYANG DE BZUNG DU ZIN KYANG NGES PA SKYE BA'I RGYU MED PA'I PHYIR MA NGES SO ZHES BRJOD PAR BYA'O, ,NYAMS SU MYONG BA NYID TZAM LAS NGES PAR 'GYUR BA NI MA YIN TE, DE NI DON DU GA NYER BA DANG GOMS PA DANG DRIN DU GZO BA LA SOGS PA LA LTOS PA'I PHYIR RO, ,KHYED LA NI DE LTA BU SRID PA MA YIN TE, MNGON SUM SNGA MA YANG NGES PA'I BDAG NYID YIN PA'I PHYIR TE, DES KYANG DNGOS PO'I RANG GI NGO BO NGES PA NA DE LAS THA MI DAD PA'I DA LTA'I DUS SU YOD PA NYID KYANG NGES PA NYID YIN NO, ,DE MA NGES NA DNGOS PO'I RANG GI NGO BO YANG DE BZHIN DU MA NGES PA'I NGO BO LAS THA MI DAD PA'I PHYIR MA NGES PA NYID DU THA LA BAR 'GYUR RO, ,GANG YANG THE TSOM ZA BA'I DNGOS PO YOD PA NA GTAN LA PHAB PA'I RGYU MTSAN GYI NGO SHES PA TSAD MA NYID YIN NO ZHES ZER BA DE YANG 'DI NYID KYIS BSAL BA YIN NO, ,'DI LA THE TSOM ZA BA'I DNGOS PO YOD PA NA GTAN LA PHAB PA YOD PA YANG MA YIN TE, 'DRA BA GZHAN DANG GZHAN SKYE BA NA YANG SGRA LA SOGS PA BZHIN DU NGO SHES PA MTHONG BA NI THE TSOM MI ZA BA'I PHYIR RO, ,GANG YANG, CIG SHOS KYIS NI DON RTOGS PA'ANG, ,ZHES BYA BA LA SOGS PA SMRAS PA DE LA, RJES SU DPAG PA LA SOGS ZHES BYA BA LA SOGS PA SMOS TE, DE'I BU YIN PA'I PHYIR ZHES BYA BA LA SOGS PA RJES SU DPAG PA LA SOGS PA GANG GI SPYOD YUL TE, YUL LA MNGON SUM GYIS GNOD PA SRID PA YIN NA, DE TSAD MA NYID MA YIN TE,

243b

GNOD BZHIN DU YUL YIN PA NYID KYIS DON LA MI SLU BA MED PA'I PHYIR RAB RIB CAN LA SOGS PA'I SHES PA BZHIN NO, ,NGES NA, CIG SHOS KYIS NI DON RTOGS LA, ,MNGON SUM GYIS NI GZHAN DU 'GYUR, ,ZHES GANG SMRAS PA DE NI MA 'BREL PA NYID DE, MI SRID PA'I PHYIR RO, ,GANG YANG MNGON SUM THU BO NYID DU BRJOD PA DE YANG 'BREL PA MED PA YIN NO ZHES BSTAN PA'I PHYIR, DON LA MI SLU ZHES BYA BA LA SOGS PA SMOS TE, TSAD MA RNAMS KYI TSAD MA NYID NI 'DI NYID YIN TE, DON THOB PAR NUS PA'O, ,DE YANG TSAD MA THAMS CAD LA KHAS BLANG BAR BYA STE, DES NA CI'I PHYIR MNGON SUM 'DI THU BO NYID DU 'GYUR YANG CI STE MNGON SUM KHO NA DON LA MI SLU BA NYID YIN GYI, RJES SU DPAG PA LA SOGS PA NI MA YIN NO SNYAM NA, DE YOD MIN NA ZHES BYA BA LA SOGS PA SMOS TE, DE'I DON LA MI SLU BA NYID DE MED PA YIN NA, RJES SU DPAG PA LA SOGS PA TSAD MA MA YIN PA NYID DU 'GYUR TE, TSAD MA'I THA SNYAD KYI RGYU MTSAN NI DON LA MI SLU BA NYID YIN PA'I PHYIR LA, DE YANG 'DI LA MED PA'I PHYIR RO, ,GAL TE RJES SU DPAG PA 'DIS, ,ZHES BYA BA LA SOGS PA SNANG BRAL GYIS SMRAS PA'I TSAD MA DAG DOGS PAR BYED DE, RJES SU DPAG PA DE GANG YIN ZHE NA, BRJOD 'DOD NYI MA ZHES BYA BA LA SOGS PA SMOS TE, DES SMRAS PA, BLO MI MTHUN PA'I GZHIR GYUR PA'I DNGOS PO BRJOD PAR 'DOD PA'I NYI MA DANG, ZLA BA DANG, GZA' DANG, RGYU SKAR LA SOGS PA'I SHES PA RNAMS NI, DE'I DUS SU BCAD PA'I ZLA BA DANG, NYI MA DANG, GZA' DANG, RGYU SKAR DANG, SKAR MA LA SOGS PA'I YUL NYID YIN TE, SA DANG 'BREL PA NYID DU MI DMIGS PA'I NYI MA DANG, ZLA BA DANG, GZA' DANG, RGYU SKAR DANG, SKAR MA LA SOGS PA'I SHES PA'I SGRA'I BRJOD PAR BYA BA NYID YIN PA'I PHYIR, DUS DANG POR BYUNG BA'I LHA SPYIN GYI ZLA BA DANG NYI MA DANG, GZA' DANG, RGYU SKAR DANG, SKAR MA LA SOGS PA'I SHES PA BZHIN NO ZHE'O, ,BRJOD PAR 'DOD PA'I NYI MA LA SOGS PA YUL YIN NO ZHES BYA BA NI NYI MA'I GZI BRJID LA SOGS PA'I RDZAS YUL YIN PA'O, ,SA DANG 'BREL PA NYID DU MI DMIGS BAS ZHES BYA BA'I KHYAD PAR NI RI MO LA SOGS PAR GTOGS PA'I NYI MA LA SOGS PA'I YUL CAN GYI SHES PA DAG GIS 'KHRUL PA LA SOGS PA'I DON DU'O, ,GZHAN ZHES BYA BA NI DE LAS GZHAN TE, DE

244a

, ,MA YIN PA'I DUS SHES ZHES BYA BA'I DON TO, ,DE NYID KYI TSAD MA GZHAN 'DI YANG YIN TE GANG DAG GZUGS NYID LA SOGS PA SPYI LA BRTEN PA DANG, GANG YANG DE'I RTEN DANG, GANG YANG DE'I YUL CAN GYI MNGON SUM DANG, RJES SU DPAG PA DANG, NYE BAR 'JAL BA DANG, SGRA DANG; DRAN PA DANG, NGO SHES PA DANG, DPYOD PA DANG, GRUB PAS BSTAN PA DANG, THE TSOM DANG, PHYIN CI LOG DANG, MA DES PA DANG, RMI LAM DANG, RMI LAM GYI MTHA'I SHES RAB KYI KHYAD PAR DE DAG THAMS CAD NI BDAG NYID THOB MA THAG TU 'JIG PAR 'GYUR BA MA YIN TE, SHES BYA NYID DANG, GZHAL BYA NYID DANG, BRJOD BYA NYID DANG, YOD PA DANG, MED PA GANG YANG RUNG BA NYID DANG, YOD PA DANG, MED PA LAS THA DAD PA'I SHES BYA'I YUL CAN GYI SHES PAS GCAD PAR BYA BA MA YIN PA NYID DANG, GZUNG BAR BYA BA MA YIN PA'I YUL 'DZIN PA'I GZUNG BAR BYA BA MA YIN PA NYID DANG, BRJOD PAR BYA BA MA YIN PA'I RJOD PAR BYED PAS BRJOD PAR BYA BA MA YIN PA NYID DANG, RIGS MTSUNGS PA DANG MI MTSUNGS PA'I RDZAS LDAN BA DANG RNAM PAR DBYE BA LAS SKYES PA SGRA'I 'BRAS BU'I SGRA'I BRJOD PAR BYA BA YIN PA'I PHYIR, SNGA NA MED PA LA SOGS PA BZHIN NO, ,DE LA GZUGS NYID LA SOGS PA SPYI LA BRTEN PA NI GZUGS LA SOGS PA'O, ,GZUGS LA SOGS PA DE DAG GI RTEN NI DE'I RTEN NO, ,DE DAG KYANG GANG ZHE NA, BUM PA LA SOGS PA'O, ,GRUB PAS BSTAN PA NI RNAL 'BYOR BA'I SHES PA'O, ,LHAG MA NI SNGA MA BZHIN DU BSHAD PAR BYA'O, ,YOD PA DANG MED PA YANG GANG RUNG BA NI YOD PA NYID DAM MED PA NYID DO, ,YOD PA DANG MED PA DAG LAS THA DAD PA'I SHES BYA MED PA NYID KYI PHYIR, DE'I YUL CAN GYI SHES PA YANG MED DO, ,DE YANG MED PA NYID KYI PHYIR DES GCAD PAR BYA BA MA YIN PA NYID GRUB PO, ,DE BZHIN DU GZUNG BAR BYA BA MA YIN PA'I YUL 'DZIN PA MED PA NYID KYI PHYIR DE YI SA GZUNG BAR BYA BAM YIN PA NYID GRUB PO, ,DE BZHIN DU GANG LA BRJOD PAR BYA BA YOD PA MA YIN PA DE NI RJOD PAR BYED PA STE BRJOD PAR BYA BA MA YIN PA'O, ,DES BRJOD PAR BYA BA MA YIN PA NYID SGRUB STE, DON MED PA NYID KYI PHYIR RO, ,RIGS MTSUNGS PA'I RDZAS NI CHU DANG SA LA SOGS PA STE, BYAS PA NYID LA SOGS PAR MTSUNGS PA'I PHYIR RO, ,RIGS MI MTSUNGS PA

244b

NI NAM MKHA' LA SOGS PA STE, DE DAG PHAN TSUN LDAN PA DANG RNAM PAR DBYE BA DE DAG GI SA BSKYED BA'I SGRA DANG BO GANG YIN PA DE'I BRGYUD PA'I 'BRAS BUR GYUR PA RNA PA'I LAM DU PHYIN PA GANG YIN PA DES BRJOD PAR BYA BA YIN PA'I PHYIR RO, ,'DI LTAR 'DI DAG GI THA SNYAD NI 'DI YIN TE, SGRA'I DANG PO'I SKYE GNAS NI LDAN PA DANG RNAM PAR DBYE BA'O, ,DE LAS PHO LONG RDE BA PA'I TSUL DU SGRA GZHAN DAG SKYE'O, ,DE DAG LAS KYANG SO SOR SGRA RE RE LAS ZHAN PA DANG, CHES ZHAN PA DANG, CHES CHER ZHAN BA'I RIM PAS SKYE STE, DE LA GANG ZHIG RNA BA'I SBUBS KYI DBUS KYI NAM MKHA'I YUL DU PHYIN PA DE DMIGS KYIS, CIG SHOS NI DMIGS PA MA YIN NO ZHE'O, ,DES NA 'DI'I TSAD MA'I TSOGS STON PA NI, GZUGS NYID LA SOGS DON KUN DANG, ,ZHES BYA BA LA SOGS PA'O, ,GZHAN BYA NYID DANG BRJOD BYA NYID SMOS PA NI NYE BAR MTSON PA YIN TE, DE LAS GZHAN PA'I GTAN TSIGS DAG KYANG BLTA BAR BYA'O, ,MKHA' STE NAM MKHA'I PADMA NI NAM MKHA'I PADMA STE NAM MKHA'I PADMA BZHIN NO ZHES BYA BA'I THA TSIG GO, ,GSAL BYED PAS SMRAS PA, LOG PAR RTOGS PA'I CIG CAR BA MA YIN PA'I DUS KYI SHES PA RNAMS NI YUL GCIG YIN TE, DE'I SHES PA GZHI MTHUN PA MA GSAL BA MTSUNGS PA'I SGRA'I BRJOD BAR BYA BA YIN PA'I PHYIR DA LTAR GYI SKAD CIG LA SKYES BU DU MA'I SHES PA BZHIN NO, ,DE LA GNOD PAR BYED PA'I TSAD MA'I DBANG GIS BSAL BA STE, GZHAN DU BYA BA'I DANG TSUL 'DI LA YOD PAS BSAL BA'O, ,BAS LA BA MA YIN PA NI MA BSAL BA'O, ,BUM PA LA SOGS PA'I SHES PA DE DAG GI GZHI MTHUN PA NI DE'I SHES PA GZHI MTHUN PA'O, ,'DI NI MA BSAL BA YANG YIN LA DE'I SHES PA GZHI MTHUN PA YANG YIN PA DE LA DE SKAD CES BYA'O, ,GZHI MA THUN BA LA GNOD PA MED PA ZHES BYA BA'I DON TO, ,KHYAD PAR 'DI YANG SGRON MA LA SOGS PA'I SHES PA DAG GIS 'KHRUL PA BSAL BA'I DON DU STE, MTSUNGS PA'I SGRA'I BRJOD PAR BYA BA NYID NI NAG PA'I SHES PA ZHES BYA BA LA SOGS PA'O, ,DE 'DI STON PA NI, GANG DAG RNAM PA RTZOD PA'I ZHES BYA BA LA SOGS PA LA SGROGS PA STE ZHES BYA BA NI DAM BCA' BAR BYED PA'O, ,GCIG LA BSTEN PA STE GZHI MTHUN PAR GNOD PA MED NA DE GNOD PA YOD PA MA YIN PA YANG DE YIN LA, GCIG LA BRTEN PA YANG YIN ZHES TSIG RNAM PAR SBYAR RO, ,'DI LA LEN 'DEBS PAR BYED PA NI

245a

, ,RE ZHIG CES BYA BA LA SOGS PA STE, GTAN TSIGS DANG PO ZHES BYA BA NI, DE SHES NYID DU BRJOD PA'I PHYIR, ,ZHES BYA BA 'DI LA ZLA BA LA SOGS PA'I SHES PA DANG PO YANG DE'I DUS SU GCOD PA'I ZLA BA'I YUL CAN DU MI 'GYUR TE, RGYUR GYUR BA NYID YUL YIN PA'I PHYIR RO, ,DUS MTSUNGS PA YANG RGYU DANG 'BRAS BU NYID DU MI 'THAD PA'I PHYIR TE, JI SKAD DU, MED PA SNGAR NUS MED PHYIR DANG, ,PHYIS KYANG NYE PAR MI SBYOR PHYIR, ,RGYU RNAMS THAMS CAD SNGAR YOD YIN, ,DE PHYIR RANG BLO BCAS DON MIN, ,ZHES BSHAD PA BZHIN NO, ,GANG TSE ZHES BYA BA LA SOGS PAS SA DANG 'BREL BA NYID DU MI DMIGS PA ZHES KHYAD PAR DANG BCAS PA YIN NA YANG GTAN TSIGS MA NGES PA YIN NO ZHES STON PA YIN NO, ,GTAN TSIGS GNYIS PA'I TSOGS LA CHOS CAN RIGS LA SOGS PA MED PA NYID KYIS SKAD CIG MA 'JIG PA MI 'DOD PA'I PHYIR, DE LA DE MED PA SGRUB NA GRUB PA LA SGRUB PA YIN NO ZHES STON PA NI RIGS LA SOGS PA ZHES BYA BA LA SOGS PA'O, ,SOGS PA'I SGRAS NI DE LA BRTEN PA'I GZUGS DANG LDAN PA LA SOGS PA DANG, DE'I YUL CAN GYI SHES PA RNAMS GZUNG STE, JI SKAD DU BSHAD PAS KHYAD PAR DU BYAS PA'I KHYAD PAR CAN 'DI DAG KYANG MED PA NYID DO, ,DE'I PHYIR DE DAG LA DE'I SKAD CIG MA 'JIG PA NYID MED PAR BSGRUB PAR BYA BA'I PHYIR SGRUB PAR BYED PA SMRAS PA GANG YIN PA DE NI LOG PA YIN TE, DE LA RTZOD PA MED PA'I PHYIR RO SNYAM DU DOGS PA YIN NO, ,'DI LA YANG ZHIB TU DPYAD PA MA BYAS TE, GAL TE DE BYED NA DE'I TSE DE LA SKYON GYI TSOGS CHES MANG BA 'JUG STE, 'DI LTAR 'DI YOD PA DANG MED PA GANG YANG RUNG BA SGRUB BYED DU SMRAS PA GANG YIN PA'I RNAM PA DE NI BSGRUB PAR BYA BA'I CHOS CAN DANG DPE'I CHOS CAN LA MA GRUB STE, GANG YANG RUNG BA'I SGRA NI RNAM PAR RTOG PA'I YUL YIN PA'I PHYIR RNAM PAR RTOG PA YANG DNGOS PO DU MA SRID PA YIN NA 'GYUR GYI, GCIG LA NI MA YIN NO, ,BSGRUB PAR BYA BA'I CHOS CAN GCIG LA YOD PA DANG MED PA GNYIS SRID PA MA YIN TE, DE LA NI DNGOS PO'I NGO BO YIN PA NYID GYIS YOD PA KHO NA SRID PA'I PHYIR RO, ,DPE'I CHOS CAN LA YANG GNYIS SRID PA MA YIN TE, DE NI DNGOS PO MED PA NYID KYIS MED PA KHO NA YIN PA'I PHYIR RO, ,GTAN TSIGS KYI KHYAD PAR YANG DON MED PA YIN TE, 'DI LTAR SGRA'I BRJOD PAR BYA BA YIN PA'I PHYIR ZHES BYA BA'I

245b

DE LTA BU SBYOR BA YANG 'DIR RE ZHIG MI RIGS TE, BRJOD PAR BYA BA NYID SMOS PA NYID KYIS SGRAR GRUB PA'I PHYIR RO, ,GANG YANG RIGS MTSUNGS PA ZHES BYA BA LA SOGS PA'I TSIG DAG GI KHYAD PAR DE NI SHIN TU STOBS CHUNG BA NYID YIN NO, ,DE LTAR GTAN TSIGS KYI KHYAD PAR GZHAN YANG DON MED PA NYID DO ZHES GZUNG BAR BYA'O, ,GTAN TSIGS 'DI DAG THAMS CAD KYANG MA NGES PA DAG YIN TE, 'DI DAG BSGRUB PAR BYA BA LAS BZLOG PA LA GNOD PA BYED PA'I TSAD MA MA BSTAN PA'I PHYIR RO, ,'DI YANG PHYIS STON PAR 'GYUR RO, ,GANG YANG GANG DAG RNAM PAR RTZOD PA'I YUL ZHES BYA BA LA SOGS BA SMRAS PA DE LA, MTSUNGS PA'I SGRA'I ZHES BYA BA LA SOGS PA SMO TE, MAR ME'I SHES PA MAR ME'I SHES PA'O SNYAM PA MAR ME LA SOGS PA'I SHES PA YUL CAN THA DAD PA YIN NA YANG MTSUNGS PA'I SGRA 'JUG PAR MTHONG BA'I PHYIR RO, ,DE'I PHYIR DES NA STE SGRON MA LA SOGS PA'I SHES PA'I YUL CAN MTSUNGS PA'I SGRAS BRJOD PAR BYA BA NYID KYIS MTSUNGS PA'I SGRAS BRJOD PAR BYA BA'I PHYIR ZHAS BYA BA'I GTAN TSIGS 'DI 'KHRUL BA CAN YIN NO, ,YANG NA BZLOG PA'I GNOD PA STE, DE'I PHYIR DE DAG LA 'JUG PA'I PHYIR GTAN TSIGS 'DI KHYOD KYI 'KHRUL PAR 'GYUR BA MA YIN NAM STE, 'ON KYANG 'GYUR BA'I DON TE, ,DE DAG LA NI GZHI MTHUN PHYIR NYID CES BYA BA GZHAN GYI LUGS KYI DOGS PA BSU BA YIN TE, DE'I SHES PA GZHI MTHUN PA MA BSAL BA ZHES BYA BA'I GTAN TSIGS KYI KHYAD PAR NI SGRON MA LA SOGS PA'I SHES PAS 'KHRUL BA BSAL BA'I DON KHO NAR BYAS PA YIN TE, MAR ME LA SOGS PA SHES PA DE DAG NI YUL GCIG PA CAN GNOD PA NYID KYI PHYIR TE, 'DI LTAR DE'I SKAD CIG NYID LA MAR ME RTZE MO MTHO BA DANG RTZE MO DUD PA DANG, GSAL BA DANG CHES GSAL BA DMIGS TE, DE'I PHYIR, RTZA BA'I GTAN TSIGS 'KHRUL BAR GA LA 'GYUR ZHES BYA BA NI GZHAN GYI BSAM PA'O, ,DE'I KHYAD PAR 'DI MA GRUB PO ZHES BSTAN PA'I PHYIR, BRJOD 'DOD LA YANG ZHES BYA BA LA SOGS PA SMOS TE, DE LA GANG BSGRUB BYA'I CHOS CAN NYID KYIS BRJOD PAR 'DOD PA DE LA YANG GNOD PA CI'I PHYIR MA MTHONG, 'DI LTAR NAG PA LA SOGS PA LA YANG BYIS PA DANG GZHON NU DANG DAR LA BAB PA LA SOGS PA'I BYE BRAG GIS 'GYUR BA'I RNAM PA NYID KYI SHES PA SKYE'O, ,DRIL SOGS PA

246a

, ,LA GRANG BA DANG DRO BA'I NGO BOS DE LAS MAR ME LA SOGS PA BZHIN DU 'DI DAG GI RNAM PA GZHAN GSAL RAB PA NYID DU GRUB STE, DE LTA MA YIN NA GANG KHO NA GRANG BA DANG 'BREL PA DE KHO NA GRANG BA DANG GAL TE PHYIS KYI DRO BA DANG 'BREL PA YIN PAR 'GYUR NA, DE'I TSE GRANG BA DANG DRO BA'I GNAS SKABS GNYI GA DMIGS PAR 'GYUR RO, ,DE DANG 'BREL BA'I RANG BZHIN YOD NA DE DAG KYANG YOD PAR THAL BAR 'GYUR TE, LCAGS SU BCUG PA'I SKYES BU BKUG NA LCAGS BKUG PA BZHIN NO ZHES 'DI NI PHAL CHER BSHAD ZIN TO, ,DE'I PHYIR KHYAD PAR DANG BCAS PA'I GTAN TSIGS KYANG MA GRUB PO, ,RJES SU DPAG PAS GNOD PA'I YANG, ,RTZOD PA'I GZHI LA GNAS PA YI, ,ZHES BYA BA LA SOGS PA SMOS TE, SBYOR BA NI GANG RIM GYIS 'BYUNG BA DE NI RGYU MA TSANG BA MED PA RTAG TU NYE BA MA YIN TE, GLOG DANG MAR ME LA SOGS PA'I BLO BZHIN NO, ,RTZOD PA'I GZHIR GYUR BA'I BLO RNAMS KYANG RIM GYIS 'BYUNG BA YIN NO ZHES BYA BA NI KHYAB BYED 'GAL BA DMIGS BA'O, ,GTAN TSIGS MA DES PA NYID KYANG MA YIN TE, DNGOS PO GCIG GI YUL CAN YIN NA RGYU MA TSAD BA MED PA NI RIM GYIS 'BYUNG BAR MI 'THAD PA'I PHYIR RO, ,RGYU GZHAN LA LTOS PA YANG MA YIN TE, RTAG PA NA DES PHAN GDAGS PAR BYA BA MA YIN PA'I PHYIR RO,, PHAN GDAGS PAR BYA BA MA YIN PA YANG LTOS NGA' [?] MI RIGS TE, HA CANG THAL BAR 'GYUR BA'I PHYIR RO, ,PHAN 'DOGS NA YANG RTAG PA NYID NYAMS PAR THAL BAR 'GYUR RO ZHES BYA BA LAN BRGYAR DPYAD ZIN TO, ,SBYOR BA THAMS CAD LA GTAN TSIGS DAG MA NGES PA NYID YIN TE, MI MTHUN PA'I PHYOGS LA GNOD PAR BYED PA'I TSAD MA MED PA'I PHYIR RO ZHES BYA BA BSTAN PA NI, GTAN TSIGS DE DAG CES BYA BA LA SOGS PA STE, RTOGS PAR ZAD DO, ,DE KHO NA NYID BSDUS PA'I DKA' 'GREL LAS BRTAN PA'I DNGOS PO BRTAG PA STE BCU GSUM PA'O,, ,,DA NI LAS DANG DE 'BREL PA'I, ,RNAM PAR GZHAG LA SOGS PA'I RTEN, ,ZHES BYA BA 'DI BSGRUB PA'I PHYIR, RTZOD PA NYE BAR BKOD PA SNGON DU 'GRO BA BSHAD PA, DNGOS PO THAMS CAD CES BYA BA LA SOGS PA'O, ,SKAD CIG MA'I MI RTAG PA SMOS PA NI DUS GZHAN DU GNAS PA'I MI RTAG PA RNAM PAR GCAD PA'I DON DU'O, ,SKAD CIG MAR YOD PA'I MI RTAG PA NYID NI SKAD CIG

246b

MA'I MI RTAG PA'O, ,DES KHYAB PA NI YANG DAG PAR BSNAN PA'O, ,GAL TE KHYED CAG GIS DNGOS PO'I TSOGS THAMS CAD MI RTAG PAR DAM 'CHA' BAR BYED PA DE'I TSE LAS DANG 'BRAS BU'I 'BREL PA LA SOGS PA GANG DAG 'JIG RTEN DANG BSTAN BCOS DAG LA GRAGS PA DE DAG JI LTAR BSGRUB PAR 'GYUR, SOGS PA SMOS PAS RGYU DANG 'BRAS BU'I DNGOS PO RTOGS PA'I TSAD MA DANG, NYAMS SU MYONG BA NI NGO SHES PA DANG, GZHAN DU MTHONG BA'I DON GZHAN LA MNGON PAR 'DOD PA DANG BCINGS PA DANG, THAR PA DANG, DRAN PA DANG, THE TSOM SNGON DU 'GRO BA CAN GYI GTAN LA PHAB PA DANG, RANG GIS BCOL BA LEN PA DANG, MTHONG BA'I DON LA TSOR NGAS DANG BRAL BA ZHES BYA BA'I RNAM PA DE LTA BU BLO NGAN PAS KUN DU BRTAGS PA'I KLA NA KA'I PHUNG PO DAG GZUNG NGO, ,'JIG RTEN DANG BSTAN BCOS LA GRAGS PA'I DON DANG 'GAL BA'I DAM 'CHA' BAR BYED PA NA DON GRUB PA GRUB PA MA YIN PAS DE'I PHYIR DAM BCA' BA'I NYES PA LA KHAS BLANGS PA GRAGS PAS GNOD PA YIN NO SNYAM DU BSAMS PA YIN NO, ,'DI LTAR DGE BA DANG MI DGE BA LA SOGS PA'I LAS GANG KHO NA BYAS PA DE KHO NAS DE'I 'BRAS BU LONGS SPYOD DO ZHES 'JIG RTEN NA GRAGS TE, LHA SPYIN GYIS BYAS PA'I DGE BA DANG MI DGE BA'I LAS DE'I 'BRAS BU 'DOD PA DANG MI 'DOD PA MCHOD SPYIN GYIS LONGS SPYOD DO ZHES BYA BAR GRAGS PA NI MED LA, BSTAN BCOS LA YANG MA YIN TE, JI SKAD DU, 'DI NYID KYIS BYAS PA'I LAS GZHAN GANG ZHIG GIS NYAMS SU MYONG BAR 'GYUR ZHES BSHAD PA LTA BU'O, ,DE 'DI YANG SKAD CIG MA'I PHYOGS LA 'GAL TE, LAS DANG 'BRAS BU 'DZIN PA PO'I BYED PA GCIG MED PAS BYAS PA CHUD ZOS PA DANG MA BYAS PA DANG PHRANG PA'I SKYON DU THAL BAR 'GYUR BA'I PHYIR RO, ,JI LTAR ZHE NA, DGE SOGS SKABS KYI ZHES BYA BA LA SOGS PA SMOS TE, RJES SU 'JUG PA NYID MA YIN, ,ZHES BYA BA NI, DE NI SKYES MA THAG KHO NAR 'GAG PA'I PHYIR RO, ,BYED PO GCIG GIS MA BZUNG PHYIR, ,ZHES BYA BA NI BYED PA PO GCIG GIS LAS DANG 'BRAS BU DE DAG YONGS SU MA BZUNG BA'I PHYIR RO ZHES BYA BA'I DON TO, ,BYED PA PO 'BRAS BU DANG 'BREL PA MED PA'I PHYIR, BYAS PA CHUNG ZOS PA DANG BYED PA PO MA YIN PA 'BRAS BU DANG LDAN PA'I PHYIR MA BYAS PA DANG PHRAD PAR 'GYUR RO, ,SHIN TU 'GAL BAR THAL BAR 'GYUR,,

247a

, ,ZHES BYA BA NI DE LTA BU NI 'JIG RTEN DANG BSTAN BCOS DAG TU MA MTHONG BA'I PHYIR RO SNYAM DU BSAMS PA'O, ,DE LTAR RE ZHIG 'JUG PA KHAS BLANGS NAS BYAS PA CHUD ZOS PA DANG BYAS PA DANG PHRAD PAR THAL BAR 'GYUR BA BRJOD NAS, DA NI GZHON NU MA LEN GYI LUGS BKOD PA'I SGO NAS 'JUG PA NYID MI SRID DO ZHES BYA BA NI, BDAG MED SMRA PA'I PHYOGS LA YANG, ,ZHES BYA BA LA SOGS PA SMOS TE, DNGOS PO THAMS CAD SKAD CIG MA NYID DU KHAS BLANGS PA NA BDAG MED PA NYID KHAS BLANGS PAR 'GYUR TE, RGYU'I GZHAN GYI DBANG NYID KYIS THAMS CAD RANG DBANG MA YIN PA'I PHYIR RO, , DE LTA YIN NA RTOG PA DANG LDAN PAR BYA BA LA 'JUG PA'I DANG PO NYID DU STE, SNGAR RTOGS TE NGES PAR 'DZIN PAR BYED DO, ,DE CI ZHIG CE NA KHO BO ZHIG PAS ZHES BYA BA LA SOGS PA SMOS TE, KHO BO ZHIG PAS PHYIS BDAG GI 'BRAS BU MED DE, 'BRAS BU SKYE BA'I DUS SU BDAG MED PA'I PHYIR RO, ,CI STE YANG 'BRAS BU YOD NA DE'I TSE KHO BO LAS SKAD CIG GZHAN LA YOD DO SNYAM DU SEMS NA, RTOGS PA DANG LDAN PA 'JUG PA NYID DU YANG MI 'GYUR NA, 'JUG PA SNGON DU 'GRO PA CAN GYI LAS KYIS BSKYED PA'I 'BRAS BU 'BYUNG BA LTA CI SMOS TE, DE NI MI SRID PA NYID KYI RING BA NYID KYIS GNAS PA'I PHYIR RO, ,DE LTAR LAS DANG 'BRAS BU'I 'BREL PA MI 'THAD DO ZHES BSTAN NAS, DA NI GZHON NU MA LEN GYI LUGS KYIS RGYU DANG 'BRAS BU'I DNGOS PO MI 'THAD PA NYID DU BSTAN PA'I PHYIR, DNGOS RNAMS BYA BA BYED NUS PA, ,ZHES BYA BA LA SOGS PA SMOS TE, DE SRID KYI ZHES BYA BA NI SKYES NAS DUS JI SRID DU 'BRAS BU 'GRUB PAR BYED PA'I DUS DE SRID DU MI GNAS TE, SKAD CIG MA YIN PA'I PHYIR RO SNYAM DU BSAMS PA YIN NO, ,MA 'ONGS PA MIN ZHES BYA BA LA SOGS PA GO RIMS BZHIN DU BSGRUB PA'I PHYIR RO, ,BDAG NYID MA THOB PA'I ZHES BYA BA LA SOGS PA SMOS TE, MA 'ONGS PA'I ZHES BYA BA NI BDAG GI DE NYID MA THOB PA GANG YIN PA LA BRJOD LA, GANG YANG BDAG GI DE NYID MA THOB PA DE YANG MED PA YIN LA, MED PA GANG YIN PA DE YANG NUS PA MA LUS PAS STONG PA YIN NO, ,GANG NUS PA MA LUS PA DANG BRAL BA DE JI LTAR GZHAN GYI YAN LAG TU RTOGS PAR BYED DE, GZHAN LA RGYU YI DNGOS POR 'GYUR, ,ZHES BYA BA'I DON TO, ,NUS PA KHO NA RGYU'I

247b

DNGOS POS NGES PA'I PHYIR RO, ,DE BZHIN DU ZHIG PA YANG NUS PA THAMS CAD KYIS STONG PA'I PHYIR, GZHAN GYI YAN LAG TU BRTAG MIN, ,ZHES 'BREL TE, GANG 'BRAS BU BYA BA DANG 'BRAS BU BYED PAR NUS PAR 'GYUR BA DA LTAR YANG GNAS PA MA YIN NO, ,GZHAN YANG GAL TE SKAD CIG SNGA MA RJES SU 'GRO BA MED PAR 'JIG PAR 'GYUR RO ZHES RTOG PAR BYED NA DE'I TSE RGYU MTSAN MED PA'I PHYIR PHYIS KYI SKAD CIG SKYE BAR MI 'GYUR RO, ,'DI SNYAM DU DPER NA SRANG MDA'I MTHON DMAN DANG MTSUNGS PA YIN PA DE BZHIN DU RGYU DANG 'BRAS BU DAG GI 'JIG PA DANG SKYE BA DAG KYANG 'DOD DE, DE'I PHYIR DA LTAR BYUNG BA MA ZHIG PA NYID LAS 'BRAS BU SKYE BAR 'DOD PA'I PHYIR, DE RGYU MTSAN MED PAR SKYE BAR MI 'GYUR RO SNYAM DU SEMS NA, SKYE DANG 'JIG PA DUS MTSUNGS NA, ,ZHES BYA BA LA SOGS PA SMOS TE, SKYE BA DANG 'JIG PA DAG DUS MTSUNGS NA YANG STE 'DRA BAR RTOG NA YANG 'JIG PA DANG SKYE BA DAG GAM, DE DANG LDAN PA RGYU DANG 'BRAS BU NYID DU YOD PA STE SRID PA MA YIN TE; DE DAG NI PHAN TSUN LTOS PA MED PA'I PHYIR RO, ,JI LTAR LTOS PA MED CE NA, ,DE YI BYA BA MA 'DZIN PHYIR, ,ZHES BYA BA SMOS TE, DE'I STE 'JIG PA'AM, DE DANG LDAN PA'I BYA BAS 'BRAS BU MI 'DZIN PA'I PHYIR TE MA BZUNG BA'I PHYIR RO ZHES BYA BA'I DON TO, ,'DZIN PA NI NGO BO MED PA'I PHYIR TE BYA BA MED DO, , RGYUR MNGON PAR 'DOD PA'I DNGOS PO NI 'BRAS BU YOD PA'I DUS SU NYE BA MA YIN PA'I PHYIR BA MED DO ZHES BYA BAR BSAMS PA'O, ,'DI SNYAM DU BYA BA MED NA YANG DE MA THAG TZAM GYIS RGYU DANG 'BRAS BU'I DNGOS POR 'GYUR RO SNYAM DU SEMS NA, BUM PA'I GZUGS NI ZHES BYA BA LA SOGS PA SMOS TE, GAL TE GANG ZHIG GANG GI DE MA THAG TU SKYE BA DE DE'I 'BRAS BU ZHES BYA BA YIN NO, ,DE'I TSE BUM PA LA SOGS PAR RTOGS PA'I GZUGS KYI SKAD CIG GI DE MA THAG TU RIGS 'DRA BA'I GZUGS KYI SKAD CIG BZHIN DU TSOGS PA DE'I KHONGS SU GTOGS PA NYID KYI DRI LA SOGS PA SKYE BA'I PHYIR DE YANG DE'I 'BRAS BUR 'GYUR RO, ,DE MA THAG YIN NA YANG DE'I 'BRAS BUR MI 'DOD DE, RGYU THA DAD PA'I PHYIR 'BRAS BU RNAMS JI LTA BA BZHIN DU 'BYUNG BA LAS GYUR PA RNAMS NI PHAN TSUN RGYU DANG 'BRAS BU'I DNGOS PO YANG YOD PA MA YIN NO ZHES GZHAN DAG SEMS SO, ,GZUGS GZHAN LA YANG DE BZHIN NO, ,ZHES BYA BA NI RIGS 'DRA BA'I GZUGS KYI SKAD CIG

248a

, ,GZHAN NI GZUGS KYI DE MA THAG PA TZAM GYIS DE'I 'BRAS BU NYID DU GZUNG BAR BYA BA MA YIN TE, HA CANG THAL BAR 'GYUR DU 'ONG BAS SO SNYAM DU BSAMS PA YIN NO, ,DE'I PHYIR DE LTAR DE MA THAG PA TZAM RGYU DANG 'BRAS BU'I DNGOS PO'I RNAM PAR GZHAG PA'I RGYU MTSAN DU RIGS PA MA YIN NO ZHES BSTAN NAS, RANG GI PHYOGS NYE BAR BSDUS PA'I SGO NAS STON PA NI DE'I PHYIR ZHES BYA BA LA SOGS PA'O, ,MJUG THOGS 'BYUNG BA TZAM MA YIN ZHES BYA BA NI, RGYU DANG 'BRAS BUR RNAM PAR GZHAG PA'I RGYU MTSAN ZHES BYA BA LHAG MA'O, ,JI SKAD DU BSHAD PA'I DON NYID MDOR BSDUS TE BSTAN PA'I PHYIR, 'DI NI MDOR BSDUS PA YIN ZHES BYA BA LA SOGS PA SMOS TE, 'DI LA RTOG PA GNYIS TE, RGYU ZHIG PA LAS 'BRAS BU 'BYUNG NGAM, MA ZHIG PA LAS 'BYUNG, ZHIG PA DANG MA ZHIG PA LAS MA GTOGS PA'I DNGOS PO MED PA'I PHYIR RO, ,DE LA RE ZHIG PHYOGS DANG PO NI MA YIN TE, ZHIG PA NI MED PA NYID KYIS DE LAS SKYE BAR KHAS LEN PA NA; 'BRAS BU RGYU MED PA NYID DU THAL BAR 'GYUR BA'I PHYIR RO, ,DE LTA YIN DANG RTAG TU YOD PA LA SOGS PAR THAL BAR 'GYUR RO, ,GNYIS PA YANG YOD PA MA YIN TE, SKAD CIG MA DU MAR GNAS PA NYID KYIS DNGOS PO RNAMS SKAD CIG MA MA YIN PAR THAL BAR 'GYUR BA'I PHYIR RO, ,JI LTAR NYAMS PAR 'GYUR BA MIN, ,ZHES BYA BA NI NYAMS PA KHO NA'O ZHES BYA BA'I DON TO, ,'DI LTAR RE ZHIG DANG POR DNGOS PO SKYE'O, DE NAS BYA BA LA 'JUG GO, ,DE LAS 'BRAS BU BSKYED NAS PHYIS 'JIG PAR 'GYUR RO ZHES BYA BA DE LTA BU DNGOS PO GCIG LA SKAD CIG MA DU MA YOD PA'I PHYIR SKAD CIG MA NYAMS PAR 'GYUR RO, ,DE LTAR RGYU DANG 'BRAS BU'I DNGOS PO MI 'THAD PAR BSTAN NAS DE'I RTOG PA PO'I TSAD MA MI 'THAD PAR BSTAN PA'I PHYIR, SKAD CIG GNAS PA'I BUM PA SOGS, ,ZHES BYA BA LA SOGS PA SMOS TE, RGYU DANG 'BRAS BU'I DNGOS PO SGRUB PAR BYED PA NI MNGON SUM DANG MI DMIGS PA YIN LA, DNGOS PO RNAMS SKAD CIG MA NYID YIN NA RANG GI SHES PA'I DUS SU YANG MI GNAS PA'I PHYIR DNGOS PO DE MNGON SUM YIN PA KHO NA STE RGYU DANG 'BRAS BU'I DNGOS PO DUS MTSUNGS PA MI 'THAD PA'I PHYIR RO, ,DE LTA YIN DANG MNGON SUM DANG MI DMIGS PA DAG MED PA KHO NA'O, ,GZHAN DANG MA 'DRES PA'I DNGOS PO LA DMIGS PA'I BDAG NYID KYI NGO BO NYID YIN PA NYID KYIS NGO BO YIN PA

248b

YANG MNGON SUM GYI BYE BRAG GIS BDAG NYID YIN PA'I PHYIR RO, ,DE'I PHYIR DNGOS PO DMIGS PA MED NA DE YANG MI 'THAD PA'I PHYIR, JI LTAR MNGON SUM DANG MI DMIGS PA RGYU DANG 'BRAS BU'I DNGOS PO'I SGRUB BYED DU 'GYUR, DNGOS PO DMIGS PA YIN DU CHUG MOD DE LTA NA YANG SKAD CIG SNGA MA DANG PHYI MA DAG MTSAMS SBYOR BA GCIG PA NI 'GA' YANG MED PA'I PHYIR 'BREL PA 'GRUB PAR MI 'GYUR RO ZHES BSTAN PA'I PHYIR, RNAM PAR 'JIG PA'I BYED PA SUS, ,ZHES BYA BA LA SOGS PA SMOS TE, SHES PA NI DMIGS PA'O, ,'DI NI RIM PA DANG LDAN PA YANG YIN LA SHES PA YANG YIN PAS RIM LDAN SHES PA'O, , DE DAG SUS MTSAMS SBYOR BAR BYED DE, SBYOR BAR BYED PA DE SUS KYANG MA YIN NO, ,GAL TE LA LA ME 'DI DMIGS PAS DU BA LA SOGS PA 'DI DMIGS LA, 'DI MA DMIGS NA MI DMIGS SO ZHES BYA BA DE LTA BU'I RIM PA DANG LDAN PA'I SHES PA LA BYED PO GCIG GIS MTSAMS SBYOR BAR 'GYUR NA, DE'I TSE RGYU DANG 'BRAS BU'I DNGOS PO GRUB NA KHYED KYI LUGS KYIS MTSAMS SBYOR BA PO DE YANG YOD PA MA YIN PA'I PHYIR RGYU DANG 'BRAS BU'I DNGOS PO 'GRUB PAR 'GYUR BA MA YIN NO ZHES BYA BA'I DON TO, ,DA NI NGO SHES PA MI 'THAD PAR BSTAN PA'I PHYIR, SKAD CIG GIS 'JIG CES BYA BA LA SOGS BA SMOS TE, NGAS SNGON MTHONG BA'I DON GANG YIN PA DE NYID DA LTA MTHONG BA 'DI YIN NO SNYAM PA DE LTA BU'I SNGA MA DANG PHYI MAR MTHONG BA DAG YUL GCIG PA NYID DANG, SHES PA PO GCIG PA NYID DU GO BA DE NI NGO SHES PA YIN NO, ,DE YANG DNGOS PO THAMS CAD SKAD CIG MAR 'JIG PA NYID YIN NA MI 'THAD DE, SHES PA PO DANG SHES PAR BYA BA GCIG PO 'GA' YANG MED PA'I PHYIR RO, ,LHA SPYIN GYIS MTHONG BA'I DON KHYAB 'JUG BSHES GNYEN GYIS NGO SHES PA NI MED DO, ,SKYES BU GZHAN GYIS ZHES SMOS PA NI NYE BAR MTSON PA'I DON DU STE, DON GZHAN NGO SHES PAR BYED PA YANG MA YIN NO ZHES BYA BAR YANG BLTA BAR BYA'O, ,'ON TE SKRA DANG SEN MO LA SOGS BREGS PA YANG SKYES PA RNAMS BZHIN DU THA DAD PA NA YANG 'DRA BA'I PHYIR NGO SHES PAR 'GYUR RO ZHES DOGS PA BSU NAS, SHES PA GCIG YIN PA'I PHYIR ZHES BYA BA LA SOGS PA SMOS TE, GAL TE SHES PA PO GCIG TU 'GYUR NA DE'I TSE MTSAMS SBYOR BA PO'I DBANG GIS SHES BYA THA DAD NA YANG 'DRA BAS BYAS PA'I NGO SHES PAR 'GYUR RO, ,THA DAD NA NI

249a

, ,STE SHES PA PO DANG SHES BYA GNYIS THA DAD PA NI THA DAD PA'O, ,DE LTA YIN NA NGO SHES PA'I RGYU MTSAN MED PA NYID YIN NO, ,GZHAN YANG MTSAMS SBYOR PA PO'I SKYES BU GCIG PO 'GA' YANG MED NA DE'I TSE, GANG 'DI MA DU LUNG GA'I 'BRAS BU LA SOGS PA'I GZUGS MTHONG BA NA GZUGS DE MED NA MI 'BYUNG BA'I DRI DANG RO LA SOGS PA LA DRAN PA SNGON DU SONG BA'I 'DOD PA DANG LONGS SPYAD PAR BYA BA'I PHYIR 'JUG PA DER JI LTAR 'GYUR TE, GZHAN GYIS MTHONG BA LA GZHAN GYIS MNGON PAR 'DOD PA LA SOGS PAR 'GYUR BA NI MA YIN NO, ,BCINGS PA DANG THAR PAR YANG MI 'GYUR RO ZHES BSTAN PA'I PHYIR, SRID PA'I BTZON DAR [*RAR?] ZHES BYA BA LA SOGS PA SMOS TE, 'DOD CHAGS LA SOGS PAS BCINGS PA'I SKAD CIG KYANG GZHAN YIN LA GROL BA YANG GZHAN YIN NO ZHES BYA BA 'DI RTOGS PA MA YIN TE SRID PA MA YIN NO ZHES BYA BA'I THA TSIG GO, ,SRID PA'I BTZON RA ZHES BYA BA LA, SRID PA NI 'KHOR BA'O, ,DE NYID BTZON RA STE, 'CHING BA NI BTZON DONG NGO, ,THAR PA DON DU GNYER BA'I 'BAD PA YANG DON MED PA YIN TE, THAR PA MED PA'I PHYIR RO ZHES BSTAN PA'I PHYIR, GANG PHYIR BCINGS PA ZHES BYA BA LA SOGS PA SMOS SO, ,'ON TE MA BCINGS PA KHO NA THAR BAR 'GYUR MOD, DE LTA BAS NA 'DI LA 'GAL BA CI ZHIG YOD CE NA, LCAGS LA SOGS PA ZHES BYA BA LA SOGS PA SMOS TE, BCINGS PA GANG YIN PA DE NYID GROL LO ZHES 'JIG RTEN NA GRAGS PA DANG, MTHONG BA YIN TE, MA BCINGS BA GROL LO ZHES DAM BCA' BA NI 'JIG RTEN GYI GRAGS PA DANG MNGON SUM GYIS GNOD PA YIN PA'I PHYIR, DAM BCA' BA MNGON SUM DANG GRAGS PA DANG 'GAL BA YIN NO SNYAM DU BSAMS PA YIN NO, ,RJES SU DPAG PAS GNOD PA YANG BSHAD PA NI, BCINGS PA DANG GROL BA DE DAG NI ZHES BYA BA LA SOGS PA LA, SBYOR BA NI GANG BCINGS PA DANG THAR PA YIN PA DE DAG NI GZHI GCIG YIN TE, 'JIG RTEN PA'I BCINGS PA DANG THAR PA DAG BZHIN NO, ,RTZOD BA'I GZHIR GYUR PA'I BAG LA NYAL DANG DE DANG BRAL BA'I MTSAN NYID DE DAG KYANG BCINGS PA DANG THAR PA YIN NO ZHES BYA BA NI RANG BZHIN GYI GTAN TSIGS SO, ,DE DAG NI ZHES BYA BA NI BCINGS PA DANG THAR PA DAG GO, ,DE LTAR GNAS PHYIR RO ZHES BYA BA NI BCINGS PA DANG THAR PA'I BDAG NYID DU GNAS PA'I PHYIR TE, BCINGS PA DANG THAR PA'I NGO BO YIN PA'I PHYIR

249b

RO ZHES BYA BA'I DON TO, ,DE LTA BAS NA GZHI GCIG PA'I BDAG NYID DU GRUB PA'I PHYIR RO, ,THAMS CAD DE LAS DANG 'BRAS BU'I 'BREL PA LA SOGS PA SHIN TU MDZES PAR GNAS TE, SHIN TU RIGS PA DANG LDAN PAR GNAS ZHES BYA BA'I DON TE, JI SKAD BSHAD PA'I NYES PA MED PA'I PHYIR RO, ,RNAM PA 'DI DAG NYID KYIS NI, ,ZHES BYA BA NI, BYED PA PO GCIG MED PA'I PHYIR SNGAR BSHAD PA'I DRAN PA DANG, NGES PA DANG, RANG GIS BCOL BA LEN PA LA SOGS PA MI SRID PAR RTOGS PAR BYA'O, ,DE LA YANG GZHI THA DAD PA NYID YIN NA MTHONG BA LA SOGS PA DANG 'GAL BAR THAL BAR 'GYUR BA'I PHYIR RO, ,NAG PAS NYAMS SU MYONG BA DANG, THE TSOM ZA BA DANG, BCOL BA DANG, 'DOD PA DAG LA BYAMS LDAN GYIS DRAN PA DANG, NGES PA DANG, LEN PA DANG, TSOR NGAS DANG BRAL BA LA SOGS PA SRID PA NI MA YIN NO, ,'DI LA BRJOD PA ZHES BYA BA LA SOGS PAS LAN 'DEBS PAR BYED DE, BDAG MED PA YIN NA YANG DNGOS PO RNAMS LA LAS DANG 'BRAS BU'I 'BREL PA'I RNAM PAR GZHAG PA 'DI NI RGYU DANG 'BRAS BU NYID DU RAB TU DBYE BA YIN LA, RGYU DANG 'BRAS BU'I DNGOS PO YIN PA NA YANG THAMS CAD DANG 'GAL BA MED PA YIN PA'I PHYIR CUNG ZAD KYANG NYAMS PA MED DO, ,'DI SNYAM DU BDAG MED NA YANG RGYU DANG 'BRAS BU'I NGES PA DE NYID MI 'THAD DE SNYAM DU DOGS PA LA, MYU GU SOGS LA SA BON SOGS, ,ZHES BYA BA SMOS TE, JI LTAR BYIN GYIS RLOB PA PO'I BDAG MED NA YANG SA BON LA SOGS PA MYU GU LA SOGS PA NUS PA NGES PA DE BZHIN DU NANG GI DNGOS PO LA YANG 'GYUR RO, ,SA BON LA SOGS PA NI LUS BZHIN DU LONGS SPYOD PA'I RTEN NYID KYI BDAG GIS BYIN GYIS BRLABS PA NI MA YIN TE, DE LTA MA YIN NA GSON PO'I LUS 'DI NI BDAG MED PA MA YIN TE, SROG LA SOGS PA DANG MI LDAN PAR THAL BAR 'GYUR RO ZHES BYA BA 'DI MI 'THAD DE, BUM PA LA SOGS PA LA BDAG LDOG PA NA SROG LA SOGS PA LDOG PAR MTHONG NGO ZHES GRAGS PA'I LDOG PA CAN GYI GTAN TSIGS GRUB PAR MI 'GYUR RO, ,GAL TE BUM PA LA SOGS PA YANG BDAG DANG BCAS PAR GYUR NA, DE'I TSE JI LTAR GTAN TSIGS 'DI LDOG PA CAN DU 'GYUR, RJES 'GRO'I BDAG DANG BRAL BA NA 'ANG, ,ZHES BYA BA NI RJES SU 'GRO BA'I RANG BZHIN 'GA' ZHIG DANG BRAL NA YANG ZHES BYA BA'I DON TO, ,YANG NA GNAS PA 'DI GANG YIN

250a

, ,ZHE NA, DNGOS SAM YANG NA ZHES BYA BA LA SOGS PA SMOS TE, JI LTAR PHYI ROL GYI RGYU DANG 'BRAS BU'I RNAM PAR GZHAG PA NGES PA DE BZHIN DU NANG GI 'DU BYED KYI PHUNG PO LA YANG RGYU'I NUS PA NGES PAS DGE BA DANG MI DGE BA'I LAS 'GA' ZHIG LAS SKAD CIG BRGYUD PAS 'DOD PA DANG MI 'DOD PA'I NGES PA'I 'BRAS BU GSAL POR 'GYUR RO, ,GZUGS LA SOGS PA NYAMS SU MYONG PA LAS DRAN PA DANG THE TSOM LAS NGES PA DANG BCOL BA LAS LEN PA DANG, 'DOD PA LAS DON MTHONG BA DANG, DE LAS TSOR NGAS DANG BRAL BA ZHES BYA BA THAMS CAD 'GAL BA MED DO, ,SANGS RGYAS PA DAG LA NI DNGOS PO GCIG RJES SU 'GRO BA NYID KYIS DRAN PA LA SOGS PA GANG DU YANG MA GRAGS SO, ,'O NA CI ZHE NA, RKYEN NYID 'DI PA TZAM STE, JI SKAD DU LAS YOD DO, ,'BRAS BU YOD DO, ,CHOS SU BRDAR BTAGS PA LAS MA GTOGS PA PHUNG PO 'DI DOR NAS PHUNG PO GZHAN LEN PA GANG YIN PA'I BYED PA PO NI MA DMIGS SO, , DE LA CHOS SU BRDAR BRTAGS PA NI 'DI YIN TE, 'DI YOD NA 'DI 'BYUNG, 'DI SKYES PAS 'DI SKYE ZHES GSUNGS SO, ,DE'I PHYIR LAS 'BRAS LA SOGS PA'I, ,ZHES BYA BA'I SOGS PA'I SGRAS DRAN PA LA SOGS PA BZUNG NGO, ,'BREL PA NI BSKYED PAR BYA BA DANG SKYED PAR BYED PA NYID DO, ,'O NA GAL TE DE LTA NA JI LTAR 'JIG RTEN DANG BSTAN BCOS LAS GANG ZAG DE DANG DE'I DBANG DU BYAS NAS 'DI NYID KYIS BYAS PA'I LAS SU ZHIG GIS NYAMS SU MYONG BAR 'GYUR ZHES BRJOD CE NA, BYED PA PO LA SOGS ZHES BYA BA LA SOGS PA SMOS TE, MI SHES PA'I RAB RIB KYI TSOGS SHIN TU CHEN POS YE SHES KYI SNANG BA NYAMS PAR BYAS PA'I 'JIG RTEN PA BDAG LA DE NYID DANG, GZHAN NYID YOD PA LA SOGS PA'I RNAM PAR DPYAD PA SPANGS NAS KHYAD PAR CAN GYI RGYU DANG 'BRAS BU'I DNGOS PO'I NGO BO NGES PA'I RGYUN GCIG NYID DU NGES NAS DE NYID 'DI YIN PA DANG BDAG GIS BYED DO ZHES THA SNYAD BYED PA DANG, THAR PA'I DON DU YANG 'JUG PA DE'I MNGON PA'I NGA RGYAL GYI NGOR BCOM LDAN 'DAS DE BZHIN GSHEGS PAS GDUL BYA'I SKYE BO CHAD PA'I LTA BAR LTUNG BA LAS BSRUNG BA'I DON DU RGYU GCIG TU STON PA NA BYED PA LA SOGS PA RNAM PAR GZHAG PA MDZAD DO, ,RNAM PA DE LTA BU'I RNAM PAR BZHAG PA NYID LAS DNGOS PO GRUB PO ZHE NA, DE NYID

250b

GNAS LA YAN LAG MIN, ,ZHES SMOS TE, BYIS PA'I SKYE BO DE KHO NA NYID BRTAG PA LA RGYAB KYIS PHYOGS PAS KUN RDZOB TU LTUNG BA RNAMS KYI MNGON PAR ZHEN PA'I DBANG GIS DE KHO NA NYID RNAM PAR GZHAG PAR MI NUS TE, DE'I MNGON PAR ZHEN PA LA NI BDAG MED PA'I SKAD CIG 'JIG PA SGRUB PAR BYED PA'I TSAD MAS GNOD PA'I PHYIR RO, ,SA BON LA SOGS PA LA RJES SU 'GRO BA'I BDAG NYID DANG, BRAL BAR MA GRUB PA'I PHYIR, DPE MA GRUB PAR GRAGS PAR SEMS PA NA GZHAN GYI KLAN KA DOGS PAR BYED PA NI, RJES SU 'GRO BA MED PA NI ZHES BYA BA LA SOGS PA SMOS TE, RJES SU 'GRO BA NI RJES SU 'JUG PA'O, , RANG BZHIN 'GA' ZHIG CES BYA BA NI LHAG MA'O, ,'DI SNYAM DU SA BON LA SOGS PA LA YANG RJES SU 'GRO BA YOD PA KHO NA STE, BYIS PAS DE LA YANG SA BON LA SOGS PA'I CHA SHAS GANG YIN PA DE DAG KYANG BKOD PA SNGA MA YONGS SU BTANG NAS BKOD PA GZHAN 'THOB STE, BKOD PA GZHAN THOB PA NA YANG SA'I KHAMS CHU'I KHAMS KYIS BZUNG NAS NANG MES SMIN PA NA RO'I RDZAS SGRUB PAR BYED LA, RO DANG BCAS PA'I SNGA MA'I CHA SHAS DAG DANG LHAN CIG MYU GU LA SOGS PA'I DNGOS PO SGRUB PAR BYED DO ZHES SMRAS PA, DES NA JI LTAR DE LA CHA SHAS PHRA MO YANG MED DO ZHES RJOD PAR BYED SNYAM NA, ZHING SOGS KHYAD PAR MED PA NA; ,ZHES BYA BA LA SOGS PA SMOS TE, 'DI SKAD DU BSTAN PA YIN TE, GAL TE SA LA SOGS PA PHYIS DBYIBS 'JUG PA NA SNGA MA'I RANG GI RANG BZHIN MA BTANG BA KHO NAR 'JUG NA, DE'I TSE DE DAG GIS NGAR GYI BKOD PA BTANG BA DANG, BKOD PA GZHAN THOB PA PO MI 'THAD DE, DE'I BDAG NYID YIN PA'I PHYIR SNGA MA BZHIN NO, ,DE LTA YIN DANG SA BON DANG MYU GU LA SOGS PA PHAN TSUN THA DAD PAR MI 'GYUR TE, RANG BZHIN GCIG YIN PA'I PHYIR RO, ,CI STE MYU GU LA SOGS PA THA DAD DU KHAS LEN PAR BYED NA DE'I TSE NGES PAR ZHING LA SOGS PA SNGA MA'I RANG BZHIN YONGS SU SPANGS PA NA BKOD PA SNGA MA BTANG NAS BKOD PA GZHAN THOB PAR YANG KHAS BLANGS BAR BYA DGOS SO, ,DE LTA MA YIN NA THA DAD PA NYID DU MI 'GYUR RO ZHES BSTAN TO, ,DE LTA BAS NA RANG BZHIN GZHAN DANG GZHAN SKYE BA'I PHYIR RJES SU 'GRO BA NYID GAL YOD, GANG GI PHYIR DE LTAR RGYU DANG 'BRAS BU'I DNGOS PO BSGRUBS PA NA LAS DANG 'BRAS BU'I 'BREL PA LA SOGS

251a

, ,PA THAMS CAD 'THAD PA YIN LA SUN 'BYIN PA YANG MI 'THAD PA YIN NO, ,DE'I PHYIR LAS DANG 'BRAS BU LA SOGS PA'I YOD PA BSGRUB PAR BYA BA'I PHYIR, RGYU DANG 'BRAS BU NYID BSGRUB PA LA GZHAN GYIS 'BAD PA BYA STE, DAM PA'I GZHUNG LUGS KYI RJES SU 'BRANG BA NI MCHOG YIN PA STE SANGS RGYAS PA ZHES BYA BA'I THA TSIG GO, ,DE DAG GI MED PA BSGRUB PAR BYA BA'I PHYIR RGYU DANG 'BRAS BU DE NYID KYI MED PA SGRUB PA LA GZHAN GYIS TE MU STEGS PAS 'BAD PA BYA'O ZHES BYA BA'I DON TO, ,RGYU DANG 'BRAS BU SGRUB PA LA ZHES BYA BA 'DI LAN GNYIS SU BZLAS LA GCIG LA DGAG PA'I TSIG DBYE BAR BYA'O, , 'DI LA GZHAN GYIS BYAS PA'I ZHIG PA DANG MA ZHIG PA GANG DAG YIN PA DE BSAL BA'I SGO NAS RNAM PAR GZHAG PA THAMS CAD KYI RTZA BA RGYU DANG 'BRAS BU'I DNGOS PO BSGRUB PAR BYA BA'I PHYIR, ,DE LA BRJOD BYA ZHES BYA BA LA SOGS PA SMOS TE, RGYU MA ZHIG PA KHO NA LAS 'BRAS BU 'BYUNG NGO ZHES BYA BA NI KHO BO CAG GI PHYOGS YIN NO, ,CIG CAR BAR THAL BA YANG MA YIN TE, 'DI LTAR SKAD CIG MA DANG POR BYUNG BA'I RGYU'I BDAG NYID THOB PA MA ZHIG PA KHO NA LA BRTEN NAS SKAD CIG GNYIS PA LA 'BRAS BU SKYE STE, DE YANG DE LTAR SKYE BA NA MA ZHIG PA NYID LAS SKYE STE SKAD CIG MA DANG PO LA DE MA ZHIG PA'I PHYIR RO, ,'BRAS BU YOD PA'I DUS SU RGYU RJES SU 'JUG PA YANG MA YIN TE, SKAD CIG MA NYID KYIS MI GNAS PA'I PHYIR RO, ,RJES SU 'JUG PA YIN NA YANG DE NI DE'I DUS NA RGYU NYID MA YIN TE, DE'I 'BRAS BU GRUB PA LA CUNG ZAD KYANG MI BYED PA'I PHYIR RO, ,CUNG ZAD KYANG MI BYED PA DE NYID STON PA NI, SKYES ZIN PA YANG ZHES BYA BA LA SOGS PA'O; ,GZHAN DU GNAS MA YIN ZHES BYA BA NI, GZHAN DU GNAS PAR TE NGES PAR MI 'GYUR TE, THUG PA MED PAR 'GYUR RO ZHES BYA BA'I THA TSIG GO, ,GAL TE SKYES PA YANG BSKYED PAR BYA BA YIN NA DE'I TSE KHYAD PAR MED PA'I PHYIR DE NI SLAR YANG SKYED PAR BYED PAR THAL PAR 'GYUR RO, ,DE LTA BAS NA SKYE BA RNAMS THUG PA MED PAR 'GYUR LA, RGYU RNAMS KYANG BYA BA DANG MI 'BRAL BA YIN NO, ,RGYU RNAMS KYANG BSKYED PAR BYA BA NYID DU THAL BAR 'GYUR TE, KHYAD PAR MED PA'I PHYIR RO, ,DE LTA YIN PAR BYED CES JI LTAR BYE BRAG TU SMRA BAS KHAS BLANGS PA BZHIN GZHAG PAR MI 'GYUR RO, ,DE'I PHYIR ZHES BYA BA LA SOGS

251b

PAS MJUG BSDUS NAS GNAS PA'I PHYOGS SUN PHYIN PAR STON PA YIN NO, ,KHAS MA BLANGS PA NYID KYI PHYIR ZHIG PA'I RNAM PAR RTOG PA YANG MI RIGS TE, 'DI LTAR GCIG NI 'DAS PAS 'BYIN PAR BYED CES JI LTAR BYE BRAG TU SMRA BAS KHAS BLANGS PA BZHIN DU GAL TE SKAD CIG MA GSUM PA LA SOGS PA LA 'BRAS BU 'BYUNG NGO ZHES KHAS BLANGS PA YIN NA DE'I TSE RGYU ZHIG PA LAS 'BRAS BU SKYE BAR KHAS BLANGS PA BYAS PAR 'GYUR RO, ,PHYOGS 'DI LA YANG KHO BO CAG GI MA YIN TE, RIGS PA DANG MI LDAN PA'I PHYIR RO, ,CIG CAR BAR THAL BAR 'GYUR BA YANG GANG GI TSE 'GYUR ZHE NA, JI LTAR BYE BRAG TU SMRA BA DE DAG NYID KYIS LHAN CIG 'BYUNG BA'I RGYU 'DOD PA BZHIN DU GAL TE SKAD CIG MA DANG PO NYID LA 'BRAS BU 'DOD PA NA'O, ,DE 'DI YANG MI RIGS TE, CI'I PHYIR ZHE NA, MED PA SNGAR NUS ZHES BYA BA LA SOGS PA SMOS TE, LHAN CIG 'BYUNG BA 'BRAS BU SKYED BA NA RGYU MA SKYES PAS SAM, SKYES PAS SKYES PA YIN GRANG, RE ZHIG MA SKYES PAS NI MA YIN TE, DE NI 'BRAS BU SKYE BA'I SNGAR MED PA'I PHYIR LA, MED NA YANG NUS PA MTHA' DAG GIS STONG PA'I PHYIR RO, ,'O NA GANG GI TSE SKYES PA DE'I TSE NUS PA'I PHYIR, SKYED PAR 'GYUR RO ZHE NA, NUS PA'I TSE NA 'BRAS BYUNG PHYIR, ,ZHES BYA BA SMOS TE, GAL TE DE SKYES PA'I GNAS SKABS NA NUS PA YIN NA DE'I TSE DE'I RANG GI NGO BO BZHIN DU 'BRAS BU YANG SKYES PA'I PHYIR 'DI NUS PA GANG DU NYE BAR MKHO BAR 'GYUR, DE LTA BAS NA RGYU DANG 'BRAS BU CIG CAR BAR KHAS LEN PA NI, RJES SU DPAG PA'I TSAD MA DANG 'GAL LO, ,'ON TE RGYU DANG 'BRAS BU'I NGO BO NI LAS DANG BYED PA PO MA YIN NAM, DE YANG DUS THA DAD PAR 'GAL TE, BUM PA DANG RDZA MKHAN DAG CIG CAR MA YIN PA NA LAS DANG BYED PA PO'I DNGOS PO MA MTHONG NGO ZHE NA, GANG PHYIR CIG CAR BAR 'GYUR ZHES BYA BA LA SOGS PA SMOS TE, GAL TE SOGS 'DZIN PA'I TSUL GYIS RGYUS 'BRAS BU BSKYED PA LA BYA BA YIN PA 'AM, 'BRAS BU YANG CHUNG MA LA 'KHYUD PA BZHIN DU RANG GI RGYU LAS 'BYAR BAS RANG SKYED PA'I BYA BA LA SGRUB PAR BYED PA YIN NA, DE'I TSE NGES PAR LHAN CIG 'BYUNG BAR 'GYUR RO, ,JI SRID DU SNA TSOGS PA DE NI BYA BA BYED PA STE, DON DAM PAR CHOS SU BRDAR BTAGS PA LAS MA GTOGS PAR BYED PA PO 'AM LAS 'BA' ZHIG YOD PA NI

252a

, ,MA YIN ZHES BYA BA NI SPYI'I DON TO, ,RANG BZHIN NI ZHES BYA BA NI RGYU'O, ,GAL TE RGYU 'AM 'BRAS BU BYA BA DANG BRAL BA DE LTA YIN NA, DE'I PHYIR JI LTAR SMRA BA PO DAG ME NI DU BA SKYED PAR BYED LA DU BA NI ME LA BRTEN NAS SKYE'O ZHES SHES PAR 'GYUR RO ZHE NA, RANG RGYUS BSLANGS PA'I NGES PA'I PHYIR ZHES BYA BA LA SOGS PA SMOS TE, RANG GI RGYU DANG RKYEN GYIS KUN NAS BSLANG BA'I RGYU'I NUS PA SO SOR NGES PA'I RGYU'I PHYIR, 'BRAS BU GANG ZHIG SKAD CIG MA DANG PO LA BYUNG BA'I KHYAD PAR CI 'DRA BA ZHE NA, SKAD CIG MA GNYIS PA 'BYUNG BA GANG YIN PA STE, SKAD CIG MA GNYIS PA LA 'BYUNG BA STE YOD PA GA LA YOD CES TSIG RNAM PAR SBYAR RO, ,RGYU DE 'BRAS BU DE'I SKYED PAR BYED PA YIN NO ZHES BYA BA'O, SKYED BYED YIN ZHES BYA BA NI NYE BAR MTSON PA STE, DE NI DE LA BRTEN NAS SKYE'O ZHES BYA BA YANG SHES PAR BYA'O, ,YANG DE LTAR SMRA BA DE DAG GANG DAG YIN ZHE NA, 'DOD PA TZAM LAS ZHES BYA BA LA SOGS PA SMOS TE, PHYI ROL GYI DON LA LTOS PA MED PAR BRJOD PAR 'DOD PA LAS BYUNG BA'I BRDA'I RJES SU BYED PA'I THA SNYAD DU 'DOGS PA PO DAG DE LTAR SMRA'O ZHES BYA BA'I DON TO, ,GAL TE DNGOS PO SKYES ZIN PA BYA BA DANG MI LDAN PA MA YIN NAM, DE JI LTAR RGYUR 'GYUR ZHEN, SKYE BA LAS NI DUS GZHAN PA'I, ,ZHES BYA BA LA SOGS PA SMOS TE, RGYU YOD PA'I DE MA THAG NYID DU 'BRAS BU 'GRUB PA'I PHYIR, RGYU SKYE BA LAS DUS PHYIS BYUNG BA'I BYA BA NI 'BRAS BU LA RGYU CUNG ZAD KYANG MI BYED PA NYID YIN NO, ,'DI LTAR RGYU'I BYA BA ZHES GANG LA BYA ZHE NA, GANG GI MJUG THOGS NYID DU 'BRAS BU SKYED PA SGRUB PAR BYED PA'O, ,RGYU YOD PA'I MJUG THOGS NYID DU YANG 'BRAS BU 'BYUNG BA YIN PA'I PHYIR YOD PA NYID BYA BA'I SGRAS BRJOD PAR BYA BA YIN LA RAG MOD SKYE BA LAS MA GTOGS PA'I BYA BA BRTAGS PAS CI ZHIG BYA, GAL TE DNGOS PO RNAMS KYI BYA BA MED PA DE LTA YIN NA, 'BRAS BU NI RGYU LA LTOS LA RGYU YANG 'BRAS BU LA BYED NGO ZHES BYA BA 'DI JI LTAR RJOD PAR BYED CE NA, DE MA THAG PAR NGES PA GANG, ,ZHES BYA BA LA SOGS PA SMOS TE, 'BRAS BU'I RGYU LA LTOS PA NI 'DI NYID YIN TE, MJUG THOGS SU 'BYUNG BA NYID GANG YIN PA'O, ,RGYU'I YANG 'BRAS BU LA BYA BA NI 'DI NYID YIN TE 'BRAS BU SKYE BA'I

252b

DUS SU RNAM PA THAMS CAD DU NYE PA NYID GANG YIN PA'O, ,GZHAN YANG BYA BA 'AM, BYA BA DANG LDAN PA'I DNGOS PO 'BRAS BU LA RGYU'I DNGOS PO KHYED CAG GIS DE YOD PA NA YOD PA KHO NA'I PHYIR 'BRAS BUR GZUNG BAR BYA'O, ,RJES SU 'GRO BA DANG LDOG BA DAG LAS GZHAN RGYU DANG 'BRAS BU'I DNGOS PO RTOGS PA'I THABS YOD PA MA YIN TE; DE'I PHYIR DE LTAR YIN NA DNGOS PO TZAM YANG CI 'I PHYIR RGYU'I DNGOS POR 'DZIN PAR MI BYED, 'BRAS BU NI DNGOS PO TZAM DU GTOGS PA'I RJES SU 'GRO BA DANG LDOG PA'I RJES SU BYED PA NYID LAS MA GRAGS PA NI MA YIN NO, ,DE'I PHYIR GANG DU GTOGS PA'I RJES SU 'GRO BA DANG LDOG PA'I RJES SU BYED PA NYID 'BRAS BU YIN PAR GRUB PA NYID DE DNGOS PO TZAM MCHOG STE, YOD PA LA RAG MOD CES STON PA NI, DE YOD PA NA ZHES BYA BA LA SOGS PA'O, ,KUN DU BRTAGS PA YIN ZHES BYA BA NI, GZHAN NAM GNYI GA 'AM GNYIG MA YIN PA'I NGO BO'I BYA BA GANG YIN PA DE NI KHYED CAG GIS KUN DU BRTAGS PA YIN NO ZHES BYA BA'I DON TO, ,DE LDAN ZHES BYA BA NI BYA BA DANG LDAN PA STE, DE YOD PA NA 'BYUNG BA TZAM LAS RGYU NYID DO ZHES SKABS DANG SBYAR RO, ,DE NYID CES BYA BA NI MI MTHUN PA'I BYA BA DANG BRAL BA'I DNGOS PO TZAM RGYU YIN LA RAG MOD CES BYA BA'I DON TO, ,GANG GIS MCHOG TU RJOD PAR BYED PA DE LA KHYAD PAR CI YOD CE NA, SA BON ZHES BYA BA LA SOGS PA SMOS TE, YOD PA STE DNGOS PO TZAM NAS BON LA SOGS PA BYA BA GZHAN DANG LDAN PAS STONG PA NA ZHES BYA BA'I DON TO, ,'DIS NI 'BRAS BU RNAMS DNGOS PO TZAM DU RTOGS PA'I RJES SU 'GRO BA DANG LDOG PA'I RJES SU BYED PA NYID DU GRUB KYI, BYA BAR RTEGS PA'I RJES SU 'GRO BA LA SOGS PA'I RJES SU BYED PA NYID NI MA YIN NO ZHES BSTAN PA YIN NO, ,'DI SNYAM DU 'BRAS BU BYA BAR RTOGS PA'I RJES SU 'GRO BA LA SOGS PA'I RJES SU BYED PAR MA GRUB MOD KYI 'ON KYANG DE'I RGYU'I DNGOS POR 'GYUR RO SNYAM DU SEMS NA, NUS PA MA MTHONG ZHES BYA BA LA SOGS PA SMOS TE, DE LTA YIN NA BYA BA YANG RGYUR BRTAGS NAS GZHAN YANG BRTAG PAR BYA BAR 'GYUR TE; NUS PA MA MTHONG BA NYID DU KHYAD PAR MED PA'I PHYIR RO, ,DE LTA YIN DANG THUG PA MED PAR 'GYUR RO, ,CI STE RGYU MTSAN MED PA'I PHYIR GZHAN MI BRTAG PA DE'I TSE BYA BA YANGS RTAG PAR BYA BAR MI 'GYUR TE, DE LA YANG RGYU MTSAN MED PAR MTSUNGS PA'I PHYIR RO, ,GZHAN YANG BYA BA 'DI 'BRAS BU SKYED PAR BYED PA DE CI BYA BA

253a

, ,GZHAN DANG LDAN PAS SAM, 'ON TE YOD PA TZAM GYIS YIN GAL TE BYA BA GZHAN DANG LDAN PAS YIN NA DE'I TSE BYA BA GZHAN KHO NA RGYU NYID DU 'GYUR GYI BYA BA NI MA YIN NO, ,DE LA YANG BYA BA GZHAN RGYU NYID DU BRGAL ZHING BRTAG PA MTSUNGS SO, ,DE LA YANG GAL TE BYA BA GZHAN DANG LDAN PA RGYU'I DNGOS POR RTOG PAR BYED NA DE'I TSE THUG PA MED PAR 'GYUR RO, ,CI STE YOD PA TZAM GYIS ZHES BYA BA'I PHYOGS YIN DE'I TSE BYA BA BZHIN DU DNGOS PO YANG YOD PA TZAM NYID KYIS 'BRAS BU BSKYED PAR 'GYUR BA'I PHYIR BYA BA BRTAGS PA DON MED DO ZHES STON PA NI, JI LTAR GZHAN ZHES BYA BA LA SOGS PA'O, ,JI LTAR BYA BA GZHAN TE BYA BA GZHAN MYU GU YANG ME LA SOGS PA'I 'BRAS BU'I RGYUR 'DOD PA DE BZHIN DU DNGOS PO GZHAN LA YANG MI MTHUN PA'I BYA BAS STONG PA NYID RGYUR CI STE MI 'DOD, CI STE YANG DNGOS SU BYA BA 'BRAS BU LA BYED PA MA YIN NO, ,'O NA CI ZHE NA, BYA BA DANG LDAN PA'I DNGOS PO NYID YIN NO ZHE NA, YANG NA DNGOS LA ZHES BYA BA LA SOGS PA SMOS TE, RGYUR 'DOD DO ZHES SKABS DANG SBYAR RO, ,BYA BA DANG LDAN PA'I DNGOS PO LA YANG 'DI RGYUR 'GYUR BA NA, BYA BA GZHAN DANG LDAN PA DANG BRAL BA NYID DU 'GYUR BA'I PHYIR DE NYID DPER 'GYUR RO SNYAM DU BSAMS PA'O, ,YOD PA LAM GTOGS PA'I BYA BA'I DNGOS PO YOD PA MA YIN TE, DMIGS PA'I MTSAN NYID DU GYUR PA MI DMIGS PA'I PHYIR RO ZHES STON PA NI, SNANG RUNG NYID DU ZHES BYA BA LA SOGS PA LA, KHYED CAG GIS NI BYA BA SNANG RUNG NYID DU BSTAN TE, JI SKAD DU GZHON NU MA LEN GYIS, DE'I PHYIR 'BRAS GRUB SNGA ROL DU, ,GANG GI BYA BA MTHONG GYUR PA, ,ZHES BYA BA LA SOGS BA BSHAD PA BZHIN NO, ,GZHAN YANG BYA BA'I BDAG NYID KYI DNGOS PO DE BYA BA DANG LDAN PA'I DNGOS PO DE LAS DON GZHAN DU GYUR PA ZHIG GAM, DON GZHAN DU GYUR PA MA YIN PA ZHIG YIN GRANG, DNGOS PO YOD PA LA RNAM PA GZHAN MED PA'I PHYIR GNYI GA DANG GNYI GA MA YIN PA'I RNAM PAR RTOG PA NI MI SRID PA NYID DO, ,DE LA GAL TE DON GZHAN DU GYUR PA YIN NA DE'I TSE DNGOS PO RGYU NYID DU MI 'GYUR TE, DE LAS THA DAD PA'I BYA BA NYID RGYU YIN PA'I PHYIR RO, ,DE LA YANG BYA BA DANG 'BREL PA'I PHYIR RGYU NYID DU 'GYUR RO ZHE NA, MA YIN TE PHAN TSUN DU PHAN 'DOGS PA MA YIN PA NI 'BREL PAR MI 'GRUB PA'I PHYIR RO, ,CI STE DNGOS POS BYA BA LA PHAN 'DOGS PAR BYED PA YIN

253b

NO SNYAM NA, DE YANG MI RIGS TE, GANG GIS BYA BA LA PHAN 'DOGS PAR BYED PA DE LA BYA BA GZHAN YOD PA NI MA YIN NO, ,DE LTA MA YIN NA THUG PA MED PAS NA BYA BA RNAMS NYID PHAN TSUN BYED PA'I PHYIR DNGOS PO DANG LHAN CIG BYA BA 'BREL PA NAM YANG 'GRUB PAR MI 'GYUR RO, ,CI STE BYA BA GZHAN MED PA KHO NAR DNGOS PO BYA BAR PHAN 'DOGS SO ZHES BYA BA YIN NA DE'I TSE BYA BA BZHIN DU 'BRAS BU YANG BYA BA DANG BRAL BA'I YOD PA NYID TZAM GYIS CI'I PHYIR MI BYED DE, GANG GIS NA BYA BA DON GZHAN DU GYUR PA RTOGS PAR BYED, 'BRAS BU LA YANG DE YOD PA TZAM GYIS PHAN 'DOGS PAR BYED PA LA 'GEGS PA 'GA' YANG YOD PA NI MA YIN NO, , DE LTA BAS NA DON GZHAN DU GYUR PA'I BYA BA RIGS PA MA YIN NO, ,CI STE DON GZHAN DU GYUR PA MA YIN PA ZHES BYA BA'I PHYOGS YIN NA, DE'I TSE YOD PA NYID BYA BA YIN NO ZHES 'GRUB STE, DNGOS PO'I RANG BZHIN NYID YOD PA'I SGRAS BRJOD PAR BYA BA YIN PA'I PHYIR RO, ,DE LTA YIN DANG SKYE BA LAS THA DAD PA NYID BYA BAR MA GRUB PO; ,GZHAN YANG JI LTAR BLO SKYE BA NA BYA BA DANG BRAL YANG YOD PA TZAM GYIS DON YONGS SU GCOD PAR BYED PA DE LTAR DNGOS PO THAMS CAD LA YANG RGYU NYID DU DUS PHYIS 'BYUNG BA'I BYA BA MED NA YANG 'BYUNG NGO ZHES BYA BA 'DI STON PA NI JI LTAR BLO NI ZHES BYA BA LA SOGS PA STE, BLO LA SKYE BA LAS MA GTOGS PA'I BYA BA YOD PA MA YIN TE 'DI LTAR YOD PA DANG 'BRAL PA LA SKYES BU'I DBANG PO'I BLO SKYE BA NI MNGON SUM MO ZHES BYA BA'I MDO 'DI LA SKYE BA SMOS PA'I DGOS PA RJOD PAR BYED PA'I GZHON NU MA LEN GYIS, BLO NI SKYE BA ZHES BRJOD LA, ,SKYE BZHIN PA NA TSAD MA NYID, ,SKYE BA LAS NI MA GTOGS PAR, ,RGYU RNAMS BYA BA MTHONG BA YIN, ,TSAD MA'ANG DE LTAR 'GYUR 'ONG ZHES, ,DE LTAR SKYE BAR BRJOD PAR 'DOD, ,CES SMRA'O, ,DE'I RGYU NYID DU ZHES BYA BA NI, DE'I RGYU STE SKYE BA'I RGYU GANG DAG LA YOD PA DE DAG LA DE SKAD CES BYA BA'O, ,DE'I DNGOS PO NI DE NYID DO, ,'DI SNYAM DU BLO LA BYA BA MED PAR RIGS TE, DE'I DUS PHYIS GNAS PA MA YIN TE, SKAD CIG MA NYID YIN PA'I PHYIR RO SNYAM NA, JI LTAR BLO NI ZHES BYA BA LA SOGS PA SMOS TE, BSGRUBS ZHES BYA BA NI SNGAR BSTAN PA'I DNGOS PO BRTAG PAR DNGOS PO MTHA' DAG LA KHYAB PA'I SKAD CIG MA 'JIG PA NYID BSGRUBS ZIN PA'I PHYIR RO, ,DE BZHIN DU ZHES BYA BA NI BLO NYID BZHIN DU'O, ,DE'I PHYIR ZHES BYA BA NI SKAD CIG MA YIN PA'I PHYIR RO, ,SBYOR BA NI GANG DAG

254a

, ,SKAD CIG MA YIN PA DE DAG NI SKYE BA LAS THA DAD PA'I BYA BAS STONG PA YIN TE, BLO BZHIN NO, ,SA BON LA SOGS PA LA YANG SDAR SKAD CIG MA NYID DU BSGRUBS ZIN TO ZHES BYA BA NI RANG BZHIN KYI GTAN TSIGS SO, ,PHYIS GNAS PA MA YIN PAS RTEN MED PA'I BYA BA MI RIGS PA NI GNOD PA CAN GYI TSAD MA'O, ,DE LTA BAS NA RGYU DANG 'BRAS BU RNAM PAR 'JOG PA'I RGYU MTSAN NI DE MA THAG PA TZAM NYID YIN GYI BYA BA NI MA YIN NO ZHES BYA BA 'DIS GNAS PA YIN NO, ,GANG YANG ROL SOGS PA SKYE BZHIN PA ZHES BYA BA LA SOGS PA SMRAS PA DE LA YANG 'KHRUL PA MA YIN NO ZHES BSTAN PA'I PHYIR, RGYUN GYIS 'JUG PAS ZHES BYA BA LA SOGS PA SMOS TE, RGYUN LA LTOS NAS GZUGS DANG ROL SOGS PA PHAN TSUN LHAN CIG BYED PA'I RGYU'I DNGOS POR 'DOD PA NYID YIN TE, JI SKAD DU, NUS PA 'JUG PA MED PAR NI, ,RO MED DE NYID GZHAN GYI RGYU, ,DE LTAR 'DAS DUS GCIG RNAMS RTOGS, ,DE NI 'BRAS BU'I RTAGS LAS SKYES, ,ZHES BSHAD PA BZHIN NO, ,'ON TE MED BZHIN DU RES 'GA' BA LANG DANG RTA LA SOGS PA'I DE MA THAG TU YANG DU BA 'BYUNG BA MA YIN NAM, DE JI LTAR DE MA THAG PA 'KHRUL PA MA YIN ZHE NA, GZHAN GYI DE MA THAG BYUNG NA'ANG ZHES BYA BA LA SOGS PA SMOS TE, KHO BO CAG NI RGYU DANG 'BRAS BU'I DNGOS POR RTOGS PA'I RGYU MTSAN DE MA THAG BA TZAM YIN PAR NI MI SMRA'O,, 'O NA CI ZHE NA, NGES PA GANG YIN PA'O, ,'DI LTAR GANG ZHIG GANG KHO NA'I DE MA THAG TU 'BYUNG BA DE NI DE'I RGYU YIN PAR 'DOD LA, DU BA NI BA LANG LA SOGS PA NYID KYI DE MA THAG TU 'BYUNG PA NI MA YIN TE, ,BA LANG LA SOGS PA MED NA YANG DE YOD PA'I PHYIR RO, ,GZHAN YANG 'DI LA BRTEN PA'I DNGOS PO SMRA BA KHYED CAG LA YANG CI'I PHYIR DU BA [*DUB?] BA LANG LA SOGS PA'I MJUG THOGS SU 'BYUNG NA YANG DE RGYU MA YIN NA ZHES BYA BA'I RTZOD PA 'DI 'JUG PA YIN NO, ,'DIR GZHAN GYIS, GAL TE GANG ZHIG 'BRAS GANG LA, ,ZHES BYA BA LA SOGS PA SMOS PA LA GANG LA GANG ZHIG CES BYA BA LA SOGS PAS RANG GI PHYOGS LA LAN BSHAD DO, ,DE LTAR RE ZHIG DNGOS PO RNAMS SKAD CIG MA NYID YIN NA YANG RGYU DANG 'BRAS BU'I DNGOS PO BSGRUBS NAS, DA NI DE'I RTOGS PA PO'I TSAD MA BSGRUB PA'I PHYIR, MNGON SUM DANG NI ZHES BYA BA LA SOGS PA SMOS TE, JI LTAR KHYED CAG GI BRTAN PA'I DNGOS PO DMIGS PA YIN PAR GRUB PA DE LTAR KHO BO CAG GI SKAD CIG MA YANG 'GRUB PAR

254b

'GYUR TE, 'DI LTAR DNGOS PO DMIGS PAR 'GYUR BA NA, RNAM PA DANG BCAS PA'I SHES PAS SAM, RNAM PA MED PAS YIN GRANG, DE LA GAL TE RNAM PA DANG BCAS PAS YIN TE, DE'I TSE RANG GI RNAM PA NYAMS SU MYONG BA NYID KYI SHES PA DON NYAMS SU MYONG BA YIN PA'I PHYIR BRTEN PA DANG MI BRTEN PA'I PHYOGS DAG LA KHYAD PAR 'GA' YANG MED DO, ,CI STE RNAM PA MED PAS YIN NA DE'I TSE LANG KHYAD PAR MED PA NYID YIN TE, 'DI LTAR GANG GI DUS MNYAM DU 'BYUNG BA'I GZUGS LA SOGS PA KHO NA RTOGS KYI GZHAN NI MA YIN PA RANG GI RGYU SNGA MA DAG KHO NA LAS DE'I SHES PA DE LTA BU NYE BAR SKYE BA YIN TE, DE NI DE RTOGS PA BDAG NYID KHO NAS SKYES PA'I PHYIR RO, ,DE'I PHYIR DUS MTSUNGS PAR 'BYUNG BA'I GZUGS LA SOGS PA RTOGS PA'I RANG BZHIN GYI SHES PA KHAS LEN PAR BYED PAN BRTAN PA DANG MI BRTEN PA'I DON LA KHYAD PAR 'GA' YANG MED DO, ,GANG GIS DUS MNYAM PA'I NGO BO NYID DU MTSUNGS NA YANG GZUGS LA SOGS PA NYID SHES PAS GCOD KYI DBANG POS NI MA YIN PA ZHES BYA BAR 'GYUR BA KHYED CAG GIS RGYU SNGA MAS BYAS PA NYID KYI DUS MTSUNGS PAR 'BYUNG BAR NGES PA'I GZUGS LA SOGS PA 'DZIN PA'I RANG BZHIN GYI SHES PA KHAS BLANG BAR BYA GOR MA CHAG GO, ,DE YANG DNGOS PO RNAMS SKAD CIG MA NYID YIN NA YANG MTSUNGS PA YIN PA'I PHYIR 'DI NI CI YANG MA YIN NO, ,GAL TE RNAM SHES RNAM PA DANG, ,ZHES BYA BA LA SOGS PAS PHA ROL PO GNYI GA LA KLAN KA BYED DE, GAL TE SHES PA RNAM PA DANG BCAS PA YIN NA, DE'I TSE ZA 'OG GI GDING BA LA SOGS PA LA SHES PA SNA TSOGS DU MA NYID DU 'GYUR RO, ,GCIG LA SNA TSOGS PA NYID RIGS PA YANG MA YIN TE, HA CANG THAL BAR 'GYUR BA'I PHYIR RO, ,CI STE RNAM PA MED PA YIN NA DE'I TSE, 'DI NI SNGON PO RIG PA YIN GYI, SER PO RIG PA NI MA YIN NO ZHES BYA BA'I RNAM PAR GZHAG PA 'GRUB PAR MI 'GYUR TE, THAMS CAD DU RTOGS PA'I NGO BO NYID DU KHYAD PAR MED PAS NYE BA'I RGYU MTSAN MED PA'I PHYIR RO, ,'DI LA ZHES BYA BA LA SOGS PAS LEN 'DEBS PAR BYED DO, ,KLAN KA 'DI NI GNYIS KA LA YANG MTSUNGS TE, GANG GI PHYIR KHYED CAG GIS KYANG GDON MI ZA BAR RNAM PA DANG BCAS PA DANG, RNAM PA MED PA'I PHYOGS DAG LAS GANG YANG RUNG BA'I PHYOGS ZHIG KHAS BLANG BAR BYA DGOS TE, GZHAN DU NA DON 'DZIN PA'I SHES PA 'GRUB PAR

255a

, ,MI 'GYUR RO, ,GANG GIS NA SHES PAS DON 'DZIN PAR 'DOD PA'I PHYOGS 'DI GNYIS LAS MA GTOGS PA'I RNAM PA GZHAN YOD PA YANG MA YIN NO, ,GNYI GA'I SKYON GANG YIN PA DE YANG GCIG LA KLAN KAR RIGS PA MA YIN NO, ,DES NA 'DI LA KHYED CAG GI LAN GANG YIN PA DE NI KHO BO CAG GIR YANG 'GYUR TE, 'DI LTAR RNAM PA DANG BCAS PA'I PHYOGS LA, KHYED KYIS GDON MI ZA BAR RNAM PA RNAMS BRDZUN PA NYID DAM LHAN CIG DMIGS PA NGES PA'I PHYIR THA DAD PA YIN NA YANG SHES PA GCIG DANG THA MI DAD PA NYID YIN NO ZHES LAN GDAB PAR BYA DGOS LA, DE NYID KHO BO CAG GI LAN YANG YIN NO, , RNAM PA MED PA'I PHYOGS LA YANG SHES BA RGYU SNGA MAS BYAS PA NYID KYI NGES PA'I DON RTOGS PA'I RANG BZHIN DU BRJOD PAR BYA DGOS LA, DE NYID KHO BO CAG SHES PA RNAM PA MED PAR SMRA BA'I SANGS RGYAS PA RNAMS KYI YANG LAN DU 'GYUR BAS 'DI NI KLAN KA MA YIN NO, ,LAN ZHES BYA BA NI LAN GDAB PA'O,, DE LTA BAS NA DE LTAR RGYU DANG 'BRAS BU'I DNGOS PO RTOGS PA'I TSAD MA BSTAN NAS, BYAS PA CHUD ZOS PA DANG MA BYAS PA DANG PHRAD PA'I SKYON SPANG BAR BYA BA'I PHYIR, GAL TE 'BRAS BUR 'DOD PA RGYUS, ,ZHES BYA BA LA SOGS PA SMOS TE, GAL TE DON DAM PAR BYED PA PO'AM ZA BA PO 'GA' ZHIG 'DOD PAR GYUR NA DE'I TSE SKAD CIG 'JIG PA NYID DU KHA SA LEN PA BYED NA BYAS PA CHUNG ZOS PA LA SOGS PAR THAL BAR 'GYUR RO, ,GANG GI PHYIR SNA TSOGS PA NI RKYEN NYID 'DI PA TZAM STE, BYED PA PO 'GA' ZHIG GIS CUNG ZAD BYAS PA MA YIN LA LONGS SPYAD PA YANG MA YIN NA DE'I PHYIR JI LTAR BYAS PA CHUD ZOS PA LA SOGS PAR THAL BAR 'GYUR, CI STE SNGON GYI DGE BA LA SOGS PA'I SEMS PAS BSGOS PA'I 'DOD PA DANG MI 'DOD PA'I 'BRAS BU SKYED PAR BYED PA'I NUS PA ZHIG PA DANG SNGON GYI LAS KYIS MA BSGOS PA'I NUS PA'I KHYAD PAR GYI RGYU LAS 'BRAS BU SKYE BA'I PHYIR, GO RIMS BZHIN DU BYAS PA CHUD ZOS PA DANG MA BYAS PA DANG PHRAD PA'I SKYON DU THAL BAR 'GYUR BA BRJOD NA DE NI MI RIGS TE, SNGON GYI LAS KYIS BSGOS PA'I NUS PA'I RGYUN LA BDAG MED PA DANG LHAN CIG 'GAL BA 'GA' YANG YOD PA MA YIN TE, 'DI LTAR RGYA SKYEGS LA SOGS PA'I KHU BAS BCUS PA'I SA BON LA SOGS PA'I RGYUN RJES SU 'JUG PA NYID YIN PA DE BZHIN DU SNGON GYI LAS KYIS BSGOS PA'I NUS PA'I KHYAD PAR YANG YIN TE, GANG GI PHYIR

255b

DUS PHYIS YONGS SU SMIN PA THOB PA LAS 'DOD PA'AM MI 'DOD PA'I 'BRAS BU SKYE BA YIN GYI, SNGON GYI LAS KYIS MA BSGOS PA'I 'DU BYED KYI RGYUN LAS 'BRAS BU SKYE BAR 'DOD PA YANG MA YIN PAS DE'I PHYIR GANG LAS MA BYAS PA DANG, PHRAD PA'I SKYON DU 'GYUR, GSAL BYED PA NA RE BRTAN PA'I PHYIR SEMS BA LAS DAG GIS DGOS PA YOD PA MA YIN NO ZHES ZER TE, DE NI MI RIGS TE, SNGA MA'I RANG BZHIN YONGS SU MA DOR BA'I BRTAN PA LA BAG CHAGS ZHES BYA BA YOD PA MA YIN NO, ,BRTAN PA MA YIN PA LA NI RANG BZHIN GYI KHYAD PAR GZHAN SKYED PA NYID BAG CHAGS YIN NO, ,GANG YANG BSTAN BCOS LAS, BRTAN LUNG MA BRTAN BSGO BYA BA, , ZHES BSHAD PA DE NI RGYUN GYIS BRTAN PA LAS DGONGS PA YIN NO, ,GANG RGYUN CHAD PA DE'I DUS CHES RING BAR 'BYUNG BA'I 'BRAS BU SKYE BA'I DUS SU NYE BA MED PA'I PHYIR RGYU NYID YOD PA MA YIN NO, ,DES NA DE'I RNAM PA DE LTA BUR 'BRAS BU SKYE BA LA BAG CHAGS KYI RTEN MI RIGS SO ZHES BYA BAR DGOS PA'O, ,DE LTA BAS NA 'DIS GANG CUNG ZAD BRJOD PA DE NI GZHAN GYI GRUB PA'I MTHA' MI SHES PA NYID YIN PA'I PHYIR BTANG SNYOMS SU BYA BAR 'OS SO, ,GZHON NU MA LEN NA RE KHO BO CAG NI BYED PA PO 'GA' ZHIG GIS BYAS PA'I LAS 'JIG PA'I PHYIR BYAS PA CHUD ZOS SHING MA BYAS PA DANG PHRAD PAR NI MI SMRA'O, ,KHYED CAG GI GZHUNG GIS BYED PA PO 'GA' ZHIG YOD PA NI MA YIN NO, ,'O NA CI ZHE NA, LAS DANG DE'I 'BRAS BU DAG SKYE BA DANG 'JIG PA RJES SU 'GRO BA MED PA KHAS BLANG BA'I PHYIR, BYAS PA CHUD ZOS PA DANG, MA BYAS PA DANG PHRAD PAR THAL BAR 'GYUR BAR SMRA'O ZHES ZER RO, ,DE'I PHYIR 'DI LA RNAM PA DE LTA BU'I BYAS PA CHUD ZOS PA DANG, MA BYAS PA DANG MI 'DOD PA THOB PAR MI RIGS SO ZHES BSTAN PA'I PHYIR, SKAD CIG GIS 'JIG RNAM RTOG GIS, ,ZHES BYA BA SMOS TE, LAS KYI SKAD CIG SNGA MA RJES SU 'GRO BA MED PAR ZHIG PA'I PHYIR BYAS PA CHUD ZOS PA DANG, 'BRAS BU'I SKAD CIG SNGA MA MED PA NYID SKYE BA'I PHYIR MA BYAS PA DANG PHRAD PA ZHES BYA BA DE LTA BU SKAD CIG THA DAD PA'I RNAM PAR RTOG PAS BYAS PA CHUD ZOS PA LA SOGS PA'I RTZOD PA DE NI 'DOD PA NYID YIN NO, ,RJES SU 'GRO BA'I DNGOS PO'I CHA NYUNG DU 'GA' ZHIG KYANG YOD PA MA YIN NO ZHES BSTAN PAR BYA'O, ,GANG YANG, DE PHYIR RTOG PA DANG LDAN RNAMS, ,'BRAS BU 'DOD PAS RJES 'JUG MIN, ,ZHES SMOS PA DE LA,

256a

, ,SEMS CAN YOD LTA MA NYAMS PAS, ,ZHES BYA BA LA SOGS PA SMOS TE, RE ZHIG GANG DAG LHAN CIG SKYES PA LAS GZHAN PA'I 'JIG TSOGS LA LTA BA LA SOGS PA MA SPANGS PA DE DAG LA SKAD CIG MA THA DAD PA'I RNAM PAR RTOG PA 'DI MED PA NYID DE, 'DI LTAR RGYUN LA GCIG PA NYID DU ZHEN NAS BDAG CAG BDE PAR 'GYUR RO ZHES YONGS SU DGA' BAR BYAS NAS LAS LA 'JUG PAR 'GYUR RO, ,GANG DAG SO SO'I SKYE BO DGE BA DE DAG NI DE LTAR RIGS PA DANG LUNG DAG GIS JI LTA BA BZHIN DU SKAD CIG MA DANG BDAG MED PA DAG RTOGS PA'I PHYIR DE KHO NA NYID MNGON PAR RTOGS PA DE DAG KYANG, DE LTAR RTEN CING 'BREL PAR 'BYUNG BA'I CHOS NYID RTOGS PAR 'GYUR TE, SNYING RJE LA SOGS PA SNGON DU 'GRO BA'I SPYIN PA LA SOGS PA DAG LAS BDAG DANG GZHAN LA PHAN PAR 'BYUNG BAR BYED PA'I 'DU BYED SKAD CIG MA NYID GZHAN DU BRGYUD PA SKYE'I, 'TSE BA LA SOGS PA DAG LAS NI MA YIN BAS DES NA DE DAG RGYU DANG 'BRAS BU'I SO SOR NGES PA BZUNG NAS DGE BA LA SOGS PA'I BYA BA DAG LA 'JUG PAR 'GYUR RO, ,JI SKAD DU, JI SRID DE NI BDAG LA NI, ,JI SRID DE NI BDAG LA NI, ,SRID PA YONGS SU BCOM PAR, ,DE SRID SDUG BSNGAL SGRO BTAGS NAS, ,RANG BZHIN DU NI GNAS MI 'GYUR, ,GROL BA BO NI MED NA YANG, ,LOG PAR SGRO 'DOGS GZHOM PHYIR RTZOM, ,ZHES BSHAD BA LTA BU'O, ,RGYU DANG 'BRAS BU'I DNGOS PO DE RTOGS PA PO TSAD MA JI LTAR GRUB PA DE LTAR BSTAN ZIN PA KHO NA 'O, ,GANG YANG, SKAD CIG 'JIG PA'I DNGOS RNAMS LA, ,NGO SHES PA YANG 'THAD PAR DKA', ,ZHES SMRAS PA DE LA, SEMS RNAMS 'GA' ZHES BYA BA LA SOGS PA SMOS TE, 'BRAS BU 'BRAS BU CAN NYID CES BYA BA NI 'DI LA 'BRAS BU YOD PAS 'BRAS BU CAN TE, RGYU ZHES BYA BA'I DON TO, ,'BRAS BU DANG 'BRAS BU CAN GYI DNGOS PO NI 'BRAS BU DANG 'BRAS BU CAN NYID DE, RGYU DANG 'BRAS BU'I DNGOS PO ZHES BYA BA'I DON TO, ,'DI LTAR GANG GIS NYAMS SU MYONG BA GANG KHO NA DE NYID KYIS DRAN PA ZHES BYA BAR 'GYUR BA DRAN PA PO DON DAM PAR YOD PA NYAMS SU MYONG PA NI 'GA' YANG YOD PA NI MA YIN NO, ,'ON CI ZHE NA, RGYUN GANG LA NYAMS SU MYONG BA SHIN TU GSAL POS GONG NAS GONG DU SHIN TU CHES KHYAD PAR CAN GYI SKAD CIG SKYE BAS DRAN PA LA SOGS PA'I SA BON BSGOS PA DE NYID LA DRAN PA LA SOGS PA SKYE BAR 'GYUR GYI GZHAN

256b

DU NI MA YIN TE, RGYU DANG 'BRAS BU'I DNGOS PO NI SO SOR NGES PA'I PHYIR RO ZHES BYA BA SPYI'I DON TO, ,JI SKAD DU, GZHAN GYIS DRAN DANG LONGS SPYONG SOGS, ,THAL BAR 'GYUR BA'ANG GNOD BYED MIN, ,DE YIS 'GA' YANG MA DRAN PHYIR, ,'DI LTAR MYONG LAS DRAN PA 'BYUNG, ,ZHES BSHAD PA LTA BU'O, ,DO SHES PA LA SOGS PA SKYE BA YANG DRAN PA LA SOGS PA SNGON DU 'GRO BA CAN YIN PA'I PHYIR 'GAL BA MED DO, ,GANG GIS BLO THA DAD NA YANG RGYU MTSAN MED CES BRJOD, NGO SHES PA LA SOGS PA'I RGYU MTSAN SHES PA PO GCIG PU 'GA' ZHIG GRUB PA YOD PA YANG MA YIN TE, THAMS CAD DU RGYU DANG 'BRAS BU'I DNGOS PO TZAM GYIS DE KHAS BLANGS PA'I PHYIR RO, ,GANG YANG SRID PA'I BTZON RAR 'DOD CHAGS LA SOGS ZHES BYA BA LA SOGS PAS BCINGS PA DANG, THAR PA'I RNAM PAR GZHAG PA MI 'THAD DO ZHES BYA BA SMRAS PA DE LA, MA RIGS LA SOGS PA ZHES BYA BA LA SOGS PA SMOS TE, KHO BO CAG LA NI SKYES BU GCIG LA BRTEN PA'I BCINGS PA DANG THAR PA DAG GANG DU YANG MA GRUB STE, BCINGS BAR BYA BA DANG GROL BAR BYA BA 'GA' YANG MA GRUB PA'I PHYIR TE, MA RIG PA LA SOGS PA 'DU BYED RNAMS NAS RGA SHI'I MTHAR THUG PA'I SDUG BSNGAL SKYE BA'I RGYU NYID KYIS BCINGS PA ZHES THA SNYAD DU BYED PA 'BA' ZHIG TU ZAD DO, ,DE SKAD DU YANG, DE LTA NA SDUG BSNGAL GYI PHUNG PO CHEN PO 'DI 'BA' ZHIG SKYE BAR 'GYUR RO ZHES GSUNGS SO, ,MA RIG PA LA SOGS PA DE DAG KYANG DE KHO NA NYID SHES PA LAS BRAL BA NI DRI MA DANG BRAL BA'I BLO GANG YIN PA DE NI GROL BA ZHES BYA STE, JI SKAD DU, GANG PHYIR CHAGS SOGS NYON MONGS BAS, ,BSGOS PA'I SEMS NYID 'KHOR BA STE, ,DE NYID DE DAG LAS GROL BA, ,SRID MTHAR PHYIN CES BRJOD PA YIN, ,ZHES BYA BA GSUNGS PA YIN NO, ,GANG YANG BCINGS DANG GROL BA DE DAG NI, GZHI GCIG CES BYA BA LA SOGS PA SMRAS PA DE LA YANG DPE LA BSGRUB BYA MA TSANG BA YIN NE ZHES BSTAN PA'I PHYIR, BCINGS PA DANG THAR BA 'DI DAG NI ZHES BYA BA LA SOGS PA SMOS TE, GANG GIS TSE DNGOS PO THAMS CAD SKYES MA THAG KHO NAR 'JIG PA YIN NO ZHES BSGRUBS PA DE'I TSE BCINGS PA DANG THAR PA DE DAG GZHI GCIG PA NYID GANG DU YANG GRUB PA YOD PA MA YIN PA'I PHYIR DPE MA GRUB BO, ,DE'I PA'I DE LTAR RANG GI PHYOGS RNAM PAR BZHAG

257a

, ,NAS; BDAG LA KUN DU ZHES BYA BA LA SOGS PAS GZHAN GYI PHYOGS 'GEGS BAR BYED DO, ,GAL TE 'DOD CHAGS LA SOGS PA NYON MONGS PA DANG, DE KHO NA NYID BSGOM PA LA SOGS PA DAG GIS BDAG LA KHYAD PAR 'GA' ZHIG BYED NA, DE'I TSE DE'I BCINGS PA DANG THAR PA LA SOGS PA'I RNAM PAR GZHAG PAR 'GYUR NA, GANG GIS RGYU DANG 'BRAS BU NGES PA'I MTSAMS KYI MTSAN NYID CAN GYI BCINGS PA DANG THAR PA LA SOGS PA'I RNAM PAR GZHAG PA 'DI 'DRA BA 'DI BYED PAR 'GYUR BA GANG GI PHYIR RTAG PA NYID KYIS DE LA KHYAD PAR SGRUB PAR BYED PA YOD PA MA YIN PA DE'I PHYIR NGES PAR RGYU DANG 'BRAS BUR 'DOD PA'I MTSAN NYID BCINGS PA DANG THAR BA RNAM PAR GZHAG PA BYED PA MA YIN TE, DPER NA NAM MKHA' BZHIN NO SNYAM DU BSAMS PA YIN NO, ,GZHAN DU ZHES BYA BA NI GAL TE BDAG LA KHYAD PAR SKYED PA YIN NA DE'I TSE KHYAD PAR BDAG NYID DU 'GYUR BA YIN PA'I PHYIR LA, BDAG KYANG DE LAS THA MI DAD PA'I PHYIR KHYAD PAR BZHIN DU MI RTAG PA NYID DU 'GYUR RO, ,KHYAD PAR GZHAN DU GYUR PA NI MI RIGS TE, 'BREL PA MA GRUB PA'I PHYIR RO ZHES BYA PA 'DI MI LAN BRGYAR BRTAGS ZIN TO, ,DE KHO NA NYID BSDUS PA'I DKA' 'GREL LAS, LAS DANG 'BRAS BU'I 'BREL PA BRTAG PA STE BCU BZHI PA'O,, ,,DA NI, YON TAN RDZAS DANG LAS RIGS PA, ,'DU SOGS KHYAD PAR GYIS STONG PA, ,ZHES BYA BA DE BSGRUB PAR BYA BA'I PHYIR TSIG GI DON DRUG BRTAG PA NYE PAR 'GOD PAR BYED PA NI, RKANG MIG PA DANG ZHES BYA BA LA SOGS PA SMOS TE, RKANG MIG PA LA SOGS PA RNAMS NA RE, SNGAR BSTAN PA'I DNGOS PO BRTAG PAR, RIGS LA SOGS PA DNGOS MED PHYIR, ,SKAD CIG 'JIG PAR 'DOD PA MIN, ,ZHES BYA BA 'DIS SNGAR RIG PA LA SOGS PA RANG BZHIN MED PA NYID DANG LDAN PA GANG YIN PA DE NI MI RIGS TE, GANG GI PHYIR RDZAS DANG, YON TAN DANG, LAS DANG, SPYI DANG, BYE DRAG DANG, 'DU BA ZHES BYA BA TSIG GI DON DRUG DAM PA'I DON DU RDZAS SU YOD DO ZHES ZER RO, ,RKANG MIG GI SLOB MA YIN PA'I PHYIR RKANG MIG PA STE, RIGS PA CAN RNAMS SO, ,BYE BRAG PA RNAMS NI GZEGS ZAN GYI SLOB MA STE GZEGS ZAN PA ZHES BYA'O, ,LUNG TZAM DAG CES BYA BA NI 'DI DAG LA RIGS PA DANG BRAL BA LUNG TZAM YOD PA YIN PAS LUNG TZAM BDAG GO, ,DE LA RE ZHIG SA LA SOGS, ,ZHES BYA BA LA SOGS PAS, RE ZHIG

257b

RDZAS KYI TSIG GI DON DGAG PAR BYA BA'I DON DU DE'I RNAM PA DBYE BA 'CHAD DE, THA DAD DU RNAM PAR PHYE NA BDE BLAG TU SUN DBYUNG BA BRJOD PAR NUS PA'I PHYIR RO SNYAM DU BSAMS PA YIN NO, ,RNAM PA DGU ZHES BYA BA NI, MDO LAS SA DANG CHU DANG, ME DANG RLUNG DANG, NAM MKHA' DANG, DUS DANG PHYOGS DANG, BDAG DANG YID CES BYA BA NI RDZAS DAG YIN ZHES BYA'O, ,DE LA YANG, ,SA DANG CHU DANG ME DANG RLUNG, ,ZHES BYA BA'I RDZAS KYI GRANGS BZHI PO 'DI NI, RTAG PA DANG MI RTAG PA'I KHYAD PAR GYI BYE BRAG GIS RNAM PA GNYIS TE, 'DIR RNAM PA GNYIS PO 'DI BSTAN PA'I PHYIR, RE ZHIG GANG DAG CES BYA BA LA SOGS PA SMOS TE, SA LA SOGS PA RDUL PHRA RAB KYI BDAG NYID RNAMS NI RTAG PA YIN TE, RDUL PHRA RAB RNAMS RTAG PA NYID YIN PA'I PHYIR RO, ,DE LA SOGS PAS BRTZAMS BA NI MI RTAG PA STE, RGYU DANG LDAN PA NI MI RTAG PA'O ZHES BYA BAR RIGS PAS SO, ,DE SOGS KYIS ZHES BYA BA RDUL PHRA RAB DAG LA SOGS PA DE DAG GANG LA YOD PA'I RDUL PHRA RAB GNYIS 'BYAR BA GNYIS PA LA SOGS PA DE DAG NI DE SOGS SO, ,NAM MKHA' LA SOGS PA NI BRTAG PA KHO NA'O SNYAM DU BSAMS PA'O, ,RE ZHIG RDZAS KYI GRANGS BZHI PO DE 'DIR DGAG PAR 'DOD NAS, DE LA ZHES BYA BA LA SOGS PA SMOS TE, DE LA SOGS PA 'DI DAG ,RDUL PHRA RAB RTAG PA'I RANG BZHIN DU BRJOD PA GANG YIN PA DE DAG LA NI DNGOS PO MTHA' DAG LA KHYAB PA'I SKAD CIG MA 'JIG PA BSGRUBS PA'I PHYIR RTAG PA'I NGO BO MED PAR BSGRUBS PA NYID YIN NO, ,GANG YOD PA DE THAMS CAD NI SKAD CIG MA YIN TE, SKAD CIG MA MA YIN PA NI RIM DANG CIG CAR DAG GIS DON BYED PA 'GAL PA'I PHYIR, DE'I MTSAN NYID CAN GYI YOD PA NYID NYAMS PA YIN NO ZHES KHYAB PA BSGRUBS ZIN TO, ,'DI LA YANG GNOD PAR BYED PA'I TSAD MA BSHAD PA NI, RTAG NA ZHES BYA BA LA SOGS PA STE, GAL TE RI LA SOGS PA RAGS PA RNAMS LA RGYUR GYUR PA'I RDUL PHRA RAB DAG RTAG PAR YOD PA NI YIN NO ZHES KHAS LEN PAR BYED PA DE'I TSE, DE'I 'BRAS BU RAGS PA RNAMS RGYU MA TSAD PA MED PA'I PHYIR CIG CAR KHO NAR SKYE BAR 'GYUR RO, ,SBYOR BA NI GANG DAG RGYU'I TSOGS PA THOGS PA MED PA CAN DE DAG NI CIG CAR 'BYUNG BA YIN TE, MTSUNGS PAR SKYES PA'I MYU GU MANG PO DAG BZHIN NO, ,RDUL PHRA RAB RTAG PA'I 'BRAS BU NYID DU MNGON PAR 'DOD PAR GAS PA'I

258a

, ,DNGOS PO RNAMS KYANG RGYU'I TSOGS PA THOGS PA MED PA CAN YIN NO ZHES BYA BA NI RANG BZHIN GYI GTAN TSIGS SO, ,RGYU TSOGS KYANG MI SKYE NA KHYAD PAR MED PA'I PHYIR THAMS CAD KYI TSE MI SKYE BAR THAL BAR 'GYUR RO ZHES BYA BAR NI GNOD PAR BYED PA'I TSAD MA'O, ,'DI SNYAM DU RGYU RNAM PA GSUM DU 'DOD DE, 'DU BA'I RGYU DANG, 'DU BA MA YIN PA'I RGYU DANG, RGYU MTSAN GYI RGYU 'O, ,DE LA GANG LA 'BRAS BU GANG 'DU BA DE NI DE'I RGYU STE, DPER NA RDUL PHRA RAB GNYIS PA LA RDUL PHRAN GNYIS LTA BU'O, ,GANG ZHIG GANG LA MI 'DU BA'I RGYU'I DNGOS PO TZAM DU GYUR PA DE NI 'DU BA MA YIN PA'I RGYU YIN TE, DPER NA YAN LAG CAN GYI RDZAS TZAM BO LAS YAN LAG GI LDAN PA LTA BU'O, ,RGYU LHAG MA'I RGYU MTSAN GYI RGYU STE, DPER NA CHOS LA SOGS PA'O ZHES BYA BA 'DI NI 'DI DAG GI RNAM PAR DBYE BA YIN NO, ,DE LA LDAN PA LA SOGS PA LA LTOS PAR 'GYUR BA NI MI NYA BA'I PHYIR RGYU MA TSANG BA NYID DU MA GRUB STE, DE'I PHYIR GTAN TSIGS MA GRUB BO ZHES DOGS PA LA, ,DE DAG LDAN PA LA SOGS LA, ,ZHES BYA BA LA SOGS PA SMOS TE, GAL TE RDUL PHRA RAB RNAMS LA LDAN PA LA SOGS PAS KHYAD PAR 'GA' ZHIG BYED NA DE'I TSE DE DAG LA LTOS PAR 'GYUR NA, JI SRID DU RDUL PHRA RAB RNAMS RTAG PA'I PHYIR, GZHAN DAG GIS KHYAD PAR DU BYAR MED PA NYID YIN NA DE JI LTAR NA DE DAG LDAN PA LA SOGS PA LTOS PAR 'GYUR, LUS DANG SA LA SOGS PA RAGS PA RNAMS CIG CAR SKYE BA YOD PA YANG MA YIN TE, LUS LA SOGS PA RIM GYIS SKYE BAR MTHONG BA'I PHYIR RO, ,DE LTA BAS NA BZLOG PA'I SBYOR BA NI, GANG DAG 'BRAS BU RIM PA DANG LDAN PA'I RGYU YIN PA DE DAG NI MI RTAG PA YIN TE, RIM PA DANG LDAN PA'I MYU GU LA SOGS PA'I 'BRAS BU 'GRUB PAR BYED PA'I SA BON LA SOGS PA BZHIN NO, ,RDUL PHRA RAB RNAMS KYANG DE BZHIN NO ZHES BYA BA NI RANG BZHIN GYI GTAN TSIGS SO, ,RNAM PHUG BAS RDUL PHRA RAB RNAMS RTAG PA NYID DU SGRUB PA'I PHYIR TSAD MA SMRAS PA, RDUL PHRA RAB RNAMS SKYED PAR BYED PAR MNGON PAR 'DOD PA NI, YOD PA'I CHOS DANG LDAN PA MA YIN TE, YOD PAR SGRUB PAR BYED PA'I TSAD MA'I YUL MA YIN PA'I PHYIR, BOD BU'I RVA BZHIN NO ZHE'O, ,YOD PA STE BDOG PA'I CHOS NI YOD PA'I CHOS TE YOD PA NYID DO, ,DE DANG LDAN PA NI THOB PA STE, YOD PA ZHES BYA BA'I

258b

THA TSIG GO, ,DE BKAG PA 'DI NI RDUL PHRAN SKYED BYED DE, RDUL PHRA RAB RNAMS SKYED PAR BYED PA'I RGYU MED DO ZHES BYA BA'I DON TO, ,TSAD MA DE DAG 'DI DOGS PA BSU BA SNGON DU 'GRO BA CAN BSTAN PA'I PHYIR, GAL TE RDUL PHRAN SKYED BYED 'DOD, ,CES BYA BA LA SOGS PA SMOS TE, RDUL PHRA RAB SKYED PAR BYED PA'I CHOS DANG LDAN PA MA YIN PAR 'DOD CES SBREL LO, ,YOD PA DMIGS PA STE, RTOGS PA DE'I DON TE DGOS PA TSAD MA GANG LA YOD PA DE LA DE SKAD CES BYA'O, ,LHAG MA NI RTOGS PAR BLA'O, ,'DIS NI RDUL PHRA RAB RNAMS MI RTAG PA NYID DU DAM BCAS PA LA RJES SU DPAG PAS GNOD PA NYID BSTAN TE, YOD PA RGYU DANG MI LDAN RTAG ,CES BSHAD PA'I PHYIR RGYU MED PA NYID KYIS RDUL PHRA RAB RNAMS RTAG PA NYID DU GRUB PA'I PHYIR RO, ,MIN TE MA GRUB PHYIR ZHES BYA BA LA SOGS PAS GTAN TSIGS MA GRUB PA NYID DU BSHAD DO, ,'ON TE THAG PA LA SOGS PA SNAM BU LA SOGS PA KHO NA'I RGYU NYID DU GRAGS PA MA YIN NAM, RDUL PHRA RAB RNAMS KYI NI MA YIN NA, DE JI LTAR RDUL PHRA RAB RNAMS KYI RGYU THAG PA LA SOGS PA MTHONG ZHES BYA ZHE NA, GANG PHYIR SNAM BU SOGS ZHES BYA BA LA SOGS PA SMOS TE, 'DI YANG 'OG NAS STON PAR 'GYUR RO SNYAM DU BSAMS PA'O, ,GZHAN YANG YUL DANG DUS DANG, RANG BZHIN GYIS BSKAL BA'I DON RNAMS DMIGS PAR BYED PA'I TSAD MA LOG NA YANG YONG PAR MI 'GAL BA'I PHYIR, DES NA GTAN TSIGS MA NGES PA YIN NO ZHES STON PA NI, YOD 'DZIN ZHES BYA BA LA SOGS PA SMOS TE, DON MED PA LA NGES PA MED, ,CES BYA BA NI SHA ZA LA SOGS PA BZHIN NO SNYAM DU BSAMS PA'O, ,DE LTAR RE ZHIG RGYU'I RDZAS BKAG NAS, 'BRAS BU'I RDZAS DGAG PAR BYA BA'I PHYIR, DES BRTZAMS ZHES BYA BA LA SOGS PA SMOS TE, YON TAN NI GZUGS LA SOGS PA'O, ,YAN LAG NI SNAL MA LA SOGS PA'O, ,DE 'DI YOD PAS NA DE SKAD CES BYA'O, ,DE LTA BUR GYUR PA YON TAN DANG YAN LAG LAS THA DAD PA YAN LAG CAN DE MA DMIGS TE, SNAM BU LA SOGS PA'I MTSAN NYID KYI YAN LAG CAN GYI RDZAS DKAR PO LA SOGS PA'I YON TAN THAMS CAD DANG SNAL MA LA SOGS PA YAN LAG DAG LAS DON GZHAN DU GYUR PA GANG DU YANG MIG LA SOGS PA'I RNAM PAR SHES PA LA MI SNANG NGO, ,DE'I PHYIR 'DIR YON TAN DAG LAS DON GZHAN DU GYUR PA'I RDZAS MI DMIGS PAS

259a

, ,YON TAN DANG YON TAN CAN DU SMRA BA DANG, ,YAN LAG LAS MA GTOGS PA'I YAN LAG CAN MI DMIGS PAS YAN LAG CAN DU SMRA BA BSAL TO, ,SBYOR BA NI GANG DMIGS PA'I MTSAN NYID DU GYUR PA GANG NA MA DMIGS PA DE NI DE NA MED PA YIN TE, DPER NA PHYOGS KYI BYE BRAG 'GA' ZHIG NA BUM PA LA SOGS PA MI DMIGS PA LTA BU'O, ,YUL DE NYID DU YON TAN DANG YAN LAG LAS DON GZHAN DU GYUR BA'I SNANG BA NYID DU MNGON PAR 'DOD PA'I YON TAN CAN DANG YAN LAG CAN YANG MI DMIGS SO ZHES BYA BA NI RANG BZHIN MI DMIGS PA'O, ,GTAN TSIGS MA GRUB PA YANG MA YIN TE, CHEN PO DANG RDZAS DU MA DANG LDAN PA NYID DANG, GZUGS NI DMIGS PA YIN NO ZHES BSHAD PA'I PHYIR SNANG RUNG NYID DU MNGON PAR 'DOD PA'I PHYIR RO, ,NYE BAR BSGYUR DANG PHRAD PA NA, ,ZHES BYA BA LA SOGS PAS GSAL BYED PA DANG SNANG BRAL LA SOGS PA RNAMS GTAN TSIGS MA GRUB PA NYID DU STON PAR BYED DE, DE DAG GIS SMRAS PA, YON TAN LAS MA GTOGS PA'I YON TAN CAN YANG DAG PAR DMIGS PA KHO NA STE, DE'I GZUGS LA SOGS PA'I YON TAN MA BZUNG NA YANG DE 'DZIN PA'I PHYIR RO, ,'DI LTAR NYE BAR SGYUR BA NYE BA'I GNAS SKABS KYI SHEL RDO'I RI LA YOD PA'I DKAR PO'I YON TAN MA DMIGS NA YANG MTHONG BA NYID DO, ,CHU SKYAR LA SOGS PA YANG MTSAN MO NYUNG ZAD NYUNG ZAD SNANG BA NA YANG DER GTOGS PA'I SKYE BO LA SOGS PA'I GZUGS MA MTHONG YANG BZUNG BA KHO NA'O, ,DE BZHIN DU LUS RKANG PA'I BAR DU RAL GAS G-YOGS PA'I SKYES BU LA, DE'I SNGO BSANGS LA SOGS PA'I GZUGS MA BZUNG BAR YANG SKYES PA SKYES PA ZHES RTOGS PA SKYE BA YIN NO, ,DUR SMRIG DANG GUR GUM LA SOGS PAS GOS DMAR PO LA DE'I NGO BO 'DRES PA'I NGO BO NYID KYIS ZIL GYIS MNAN PA MA DMIGS NA YANG GOS KYI BLOR 'GYUR BA YIN NO, ,DE'I PHYIR RE ZHIG DE LTAR MNGON SUM NYID KYIS YON TAN DANG YON TAN CAN THA DAD PAR GRUB PAR BSTAN NAS, DA NI RJES SU DPAG PAS KYANG GRUB BO ZHES BSTAN PA'I PHYIR; PADMA SOGS LA ZHES BYA BA LA SOGS BA SMOS TE, PADMA LA SOGS PA LAS GZUGS LA SOGS PA YON TAN YIN TE, PADMA'I GZUGS LA SOGS PA ZHES BYA BA DE LTA BU'O, ,PADMA LA SOGS PA DE YIS GZUGS LA SOGS PA DE NI RNAM PAR GCOD PA'I PHYIR TE, DPER NA NAG PA'I RTA ZHES NAG PAS

259b

BDAG PO GZHAN DAG LAS RNAM PAR GCOD PA NA RTA DE LAS THA DAD PA YIN PA BZHIN NO, ,DE BZHIN DU SBYOR BA GZHAN NI SA DANG CHU DANG ME DANG RLUNG GI RDZAS RNAMS NI SO SOR GZUGS DANG, RO DANG DRI DANG REG PA'I YON TAN DAG LAS THA DAD PA YIN TE, GCIG GI TSIG DANG MANG PO'I TSIG GI YUL YIN PA'I PHYIR, ZLA BA DANG RGYU SKAR RNAMS BZHIN NO ZHES BYA BA LTA BU'O, ,GANG GI PHYIR JI LTAR ZLA BA ZHES BYA BA NI GCIG GI TSIG YIN LA, RGYU SKAR RNAMS ZHES BYA BA MANG PO'I TSIG STE, ZLA BA DANG RGYU SKAR RNAMS THA DAD PA'I RGYU MTSAN DU DMIGS PA DE BZHIN DU 'DI LA YANG SA ZHES BYA BA NI GCIG GI TSIG GO, ,GZUGS DANG, RO DANG, DRI DANG; REG PA RNAMS ZHES BYA BA NI MANG PO'I TSIG GO, ,DE BZHIN DU CHU LA SOGS PA LA YANG SBYAR BAR BYA'O, ,RGYU SKAR THA DAD PA NI RGYAL LA SOGS PA'O, ,DE LTAR YON TAN DANG YON TAN CAN THA DAD PAR BSGRUBS NAS, YAN LAG DANG YAN LAG CAN THA DAD PAR BSGRUB PAR BYA BA'I PHYIR, DE BZHIN SNAM SNAL THA DAD DE; ,ZHES BYA BA LA SOGS PA SMOS TE, SBYOR BA RNAMS NI, SNAM BU NI SPYAD PA'I YUL DU GYUR PA'I SNAL MA DAG LAS GZHAN YIN TE, BYED PA PO THA DAD PA'I PHYIR, BUM PA LA SOGS PA BZHIN NO, ,SNAL MA DANG SNAM BU DAG NI GZHAN YIN TE, NUS PA THA DAD PA'I PHYIR, DUG DANG GNYEN PO BZHIN NO, ,DUS DANG SNGA DANG PHYIS 'BYUNG BA'I PHYIR YANG STE, PHA DANG BU BZHIN NO, ,TSAD MA THA DAD PA'I PHYIR TE, AUTPALA DANG SKYU RU RA DANG BIL BA LA SOGS PA BZHIN NO ZHES BYA BA'O, ,'DI DAG GI KHYAB PA BSGRUB PA'I PHYIR, 'GAL BA'I CHOS DANG LDAN PAS NA ZHES BYA BA SMOS TE, DNGOS PO RNAMS PHAN TSUN THA DAD PA'I RGYU MTSAN NI 'GAL BA'I CHOS DANG LDAN PA TZAM YIN TE, KA BA LA SOGS PA BZHIN NO, ,DE YANG YAN LAG CAN DAG LA YANG YOD DE, 'DI LTAR SNAL MA DAG GI BYED PA PO NI BUD MED YIN LA SNAM BU'I NI THA GA PA'O, ,SNAM BU NI GRANG BSEL BA LA SOGS PA'I 'BRAS BU NUS KYI SNAL MA RNAMS NI MA YIN NO; ,SNAL MA RNAMS NI DANG POR DMIGS TE, DUS SNGAR BYUNG BA'I PHYIR RO, ,SNAM BU NI PHYIS THAG PA LA SOGS PAS BYED PA'I DUS PHYIS DMIGS PA'I PHYIR DUS PHYIS BYUNG BA NYID YIN NO, ,SNAM BU'I ZHENG DANG SRID DU TSAD JI TZAM YOD PA DE TZAM SNAL MA RE RE LA YOD PA MA YIN PA'I PHYIR TSAD THA DAD PA YIN NO,,

260a

, ,DE'I PHYIR GTAN TSIGS RNAMS MA NGES PA MA YIN NO SNYAM DU BSAMS PA YIN NO, ,DE LTAR RE ZHIG RDZAS SU DPAG PAS YAN LAG DANG YAN LAG CAN DAG THA DAD PAR BSGRUBS NAS, MNGON SUM GYIS KYANG THA DAD BAR BSGRUB PA'I PHYIR, RAGS PA'I DON ZHES BYA BA LA SOGS PA SMOS TE, GAL TE YAN LAG CAN MED PAR GYUR NA THAMS CAD MI 'DZIN PAR THAL BAR 'GYUR TE, RDUL PHRA RAB RNAMS NI DBANG PO LAS 'DAS PA YIN PA'I PHYIR RO, ,RAGS PA MED PA NA RDUL PHRA RAB CES BYA BA'I THA SNYAD NYID DU YANG MI 'GYUR TE, CI'I PHYIR ZHE NA, REGS PA'I DNGOS PO LA LTOS NAS ZHES BYA BA LA SOGS PA SMOS TE, RTOGS PAR BLA BAR ZAD DO, ,'ON TE SHEL LA SOGS ZHES BYA BA LA SOGS PAS LAN 'DEBS PAR BYED DE, SHEL LA SOGS PA RANG LA YOD PA'I YON TAN LA DMIGS NAS YANG 'BA' ZHIG LA DMIGS SO ZHES GANG SMRAS PA DE NI MA GRUB STE, DE'I SHES PA NI DON JI LTA BA BZHIN MA YIN PA NYID KYIS 'KHRUL PAS YUL MED PA YIN PA'I PHYIR RO, ,'DI LTAR, THAD SKYES KYI ME TOG LA SOGS PAS NYE BAR SGYUR BAS SHEL RDO MED PA NYID KYI DMAR PO LA SOGS PA'I NGO BO DMIGS LA, CHU SKYAR DANG LHA KHANG LA SOGS PA DKAR PO YIN NA YANG SRE BO'I NGO BOR MTHONG STE, DE DAG DE'I DNGOS TE DMAR PO LA SOGS PA'I NGO BO NYID DE KHO NA NYID DU YOD PA YANG MA YIN TE, CI'I PHYIR ZHE NA, RANG GI PHYOGS 'JIG PAR 'GYUR BA'I PHYIR TE, GAL TE DE DAG DE'I DNGOS NYID DE KHO NA NYID DU GYUR NA DE'I TSE DE'I NGO BO MA BZUNG NA YANG DE DAG 'DZIN PA YOD PA MA YIN NO ZHES KHYED KYIS DE MA THAG TU BRJOD PA GANG YIN PA'I PHYOGS DE 'JIG PAR 'GYUR RO; ,'DI SNYAM DU DMAR PO LA SOGS PA'I NGO BO LAS MA GTOGS PA'I SHEL LA SOGS PA YANG DMIGS PA KHO NA'O SNYAM NA, DE'I NGO BO ZHES BYA BA LA SOGS PA SMOS TE, DMAR PO LA SOGS PA'I NGO BO DE LAS THA DAD BA SHEL LA SOGS PA'I MTSAN NYID BDAG GI RANG BZHIN MA MTHONG STE, DMAR PO LA SOGS PA'I NGO BO KHO NAR DMIGS PA'I PHYIR RO, ,GAL TE SHEL LA SOGS PA DE'I NGO BO MA YIN PA YANG DMAR PO LA SOGS PA'I NGO BOS DMIGS PA YIN NO ZHE NA, GZHAN RNAM RIG BLO'I ZHES BYA BA LA SOGS PA SMOS TE, GANG GI PHYIR RNAM PA'I DBANG GI SHES PA DON SO SOR NGES PA'I YUL CAN DU 'JOG

260b

STE; GAL TE GZHAN GYI RNAM PA CAN GYI SHES PA YANG GZHAN GYI YUL CAN DU 'GYUR BA DE LTA YIN NA GZUGS KYI SHES PA YANG SGRA LA SOGS PA'I YUL DU 'GYUR TE KHYAD PAR MED PA'I PHYIR RO, ,GZHAN YANG SHES PA GZHAN GYI RNAM PA CAN YANG GZHAN GYI YUL CAN YIN DU CHUG MOD, DE LTA NA YANG 'DOD PA 'GRUB PAR 'GYUR BA MA YIN NO ZHES BSTAN PA'I PHYIR, DE BZHIN DKAR SOGS ZHES BYA BA SMOS TE, 'DI LTAR DKAR PO LA SOGS PA KHO DE LAS MA GTOGS PA'I YON TAN CAN GYI DNGOS PO DANG BRAL BA DE LTAR DMAR PO LA SOGS PA'I RIG GO ZHES BYA BA DE LTA BU YANG SRID BAR 'GYUR NA DE LTA NA YANG YAN LAG CAN MI 'GRUB PO, ,'ANG ZHES BYA BA NI RIM PA BZHIN DU SBYAR BA DANG NGES PAR BZUNG BA YIN TE, DKAR SOGS ZHES BYA BA 'DI'I DE MA THAG TU BLTA BAR BYA'O, ,'DI 'KHRUL PA ZHES BYA BA NI DON JI LTA BA BZHIN MA YIN PA'I PHYIR RO ZHES BYA BA LHAG MA'O, ,GANG YANG, RAL GA'I NANG GNAS SKYES BU LA, ,ZHES BYA BA LA SOGS PA SMRAS PA DE LA YANG MNGON SUM MA YIN TE, RTOG PA DANG BCAS PA'I PHYIR DANG, RNAM PA MI GSAL BA'I PHYIR RO, ,'O NA CI ZHE NA, SHES PA 'DI NI RJES SU DPAG PA YIN NO, ,GZUGS LA SOGS BA 'DUS PA TZAM GYI MTSAN NYID KYI SKYES BU YUL CAN YIN PAS DE'I PHYIR YAN LAG CAN MA GRUB PO ZHES STON PA NI, DE'I RGYU CAN ZHES BYA BA LA SOGS PA SMOS TE, SKYES BU GZUGS LA SOGS PA'I TSOGS PA TZAM GYIS BDAG NYID DE GNAS LUGS GANG LA RGYUR YOD PA DE LA DE SKAD CES BYA BA LA DE'I RGYU CAN GYI GNAS LUGS TE, DBYIBS KYI KHYAD PAR RAL GA GANG LA YOD PA DE LA DE SKAD CES BYA'O, ,'DIS NI 'BRAS BUR BRJOD PA'I RTAGS KYI KHYAD PAR GYIS BSKYED PA'I RJES SU DPAG PA'I SHES PA YIN PAR BSTAN PA YIN NO, ,GANG YANG GOS DMAR LA NI GO ZHES SMRAS PA DE LA, DUR SMRIG GUR GUM ZHES BYA BA LA SOGS PA SMOS TE, DE LA GOS SKAD CIG MA YIN BA'I PHYIR DKAR PO LA SOGS PA SNGAR RANG BZHIN ZHIG PA NI, TSOGS PA GZHAN GYI STOBS KYIS SNGA MA MED PA'I GZUGS LA SOGS PA SKYE BA YIN TE, DE MNGON SUM GYIS BZUNG BA NA, PHYIS BRDA JI LTA BA BZHIN DU GOMS PA'I KHYAD PAR GYI SPYI'I YUL CAN GOS SO GOS SO ZHES BYA BA'I MNGON SUM GYI RJES LA BYUNG BA'I KUN RDZOBS DON

261a

, ,DAM PAR YUL MED PA NYID KYI SRED PA'I SHES PA SKYE BA'I PHYIR 'DI LA MNGON SUM NYID MA GRUB BO, ,'DI RJES SU DPAG PA YANG MA YIN TE, MNGON SUM SNGA MAS BZUNG ZIN PA YUL YIN PA'I PHYIR DANG, RTAGS MED PA'I PHYIR RO, ,DE LTA BAS NA 'DI LA ZIL GYIS GNON PA'I DNGOS PO CUNG ZAD KYANG YOD PA NI MA YIN NO, ,'DI SNYAM DU GAL TE GOS KYI DKAR PO LA SOGS PA'I GZUGS MA NYAMS PA MED PA NYID YIN NA DE LTAR BKRUS PA LA SOGS PA'I GNAS SKABS SU YANG DMIGS PAR 'GYUR SNYAM NA, SLAR YANG CHU SOGS ZHES BYA BA LA SOGS PA SMOS TE, JI LTAR LCAGS LA SOGS PA ME DANG 'BREL PA LAS 'BAR BA LA SOGS PA'I NGO BOR SKYE LA, YANG SNGON PO LA SOGS PA'I NGO BOR SKYE BA DE BZHIN DU DKAR PO LA SOGS PA'I GZUGS GZHAN NYID SKYE BA'I PHYIR 'GAL BA MED DO, ,'DI SNYAM DU GZUGS GZHAN KHO NA SKYE'I SNGA MA'I RANG BZHIN ZIL GYIS MNAN PA'I PHYIR SNGA MA MI DMIGS PA YIN LA, PHYIS ZIL GYIS GNON PA MED PA'I PHYIR DMIGS PAR 'GYUR BA MA YIN NO ZHES BYA BA 'DI JI LTAR RTOGS PAR BYA SNYAM DU SEMS NA, GZUGS NI GNAS SKABS DE NYID NA, ,ZHES BYA BA LA SOGS PA SMOS TE, SBYOR BA NI GANG ZHIG ZIL GYIS MA MNAN PA'I RANG BZHIN YONGS SU MA DOR BA DE NI, GZHAN GYI ZIL GYIS GNON PA NI MA YIN TE, SNGAR GYI GNAS SKABS DE NYID BZHIN NO, ,ZIL GYIS GNON PA'I GNAS SKABS KYI GZUGS KYANG ZIL GYIS MA MNAN PA'I RANG BZHIN YONGS SU MA DOR BA YIN NO ZHES BYA BA NI KHYAB PAR BYED PA 'GAL BA DMIGS PA'O, ,ZIL GYIS MA MNAN PA'I RANG BZHIN YANG YONGS SU 'DOR BA KHAS LEN PAR BYED NA 'DI GZHAN NYID DU GRUB BO, ,PADMA SOGS LA GZUGS LA SOGS, ,ZHES BYA BA LA, THA DAD TSIG DANG DRUG LA SOGS, ,ZHES BYA BA LA SOGS PA SMOS TE, GAL TE DRUG PA LA SOGS PA RNAMS DNGOS PO JI LTA BA BZHIN DU 'JUG PAR GYUR NA DE'I TSE LAS DNGOS PO GRUB PAR 'GYUR NA, JI SRID DU RANG DBANG GI 'DOD PA TZAM GYIS 'BYUNG BA 'DI DAG PHYI ROL GYI DNGOS POR GTOGS PA'I THA DAD PA LA SOGS PA LA LTOS PA MA YIN NA DE JI LTAR 'DI DAG LAS DON 'GRUB PA YIN, DE LA TSIG THA DAD PA NI GZUGS LA SOGS PA RNAMS ZHES BYA BA'O, ,DRUG PA NI SNAM BU'I ZHES BYA BA'O, ,SOGS PA SMOS

261b

PAS SNAM BU 'DI LA GZUGS LA SOGS PA ZHES BYA BA BDUN PA DANG, SNAM BU'I DNGOS PO NI SNAM BU NYID DO ZHES BYA BA DE LA PHAN PA ZHES BYA BA LA SOGS PA BZUNG NGO, ,'DI LTAR GZHAN GYIS ZHES BYA BA LA SOGS PAS MA NGES PA NYID SGRUB PAR BYED DE, 'DI LTAR TSIG GI DON DRUG PO RNAMS KYI YOD PA NYID DANG DRUG PO DE, DAG GI SDE TSAN ZHES BYA BA LA SOGS PA LA DNGOS PO'I THA DAD PA MED NA YANG DRUG BA LA SOGS PAR 'GYUR BA KHO NA'O, ,KHYED CAG GIS NI TSIG GI DON DRUG LAS MA GTOGS PA'I YOD PA NYID MI 'DOD DO, ,'DI NI NYE BAR MTSON PA STE, DE BZHIN DU, BTZUN MO RNAMS BYE MA RNAMS ZHES BYA BA LA SOGS PA MANG PO'I TSIG YOD NA YANG DON THA DAD PA MA MTHONG NGO, ,NAM MKHA'I RANG BZHIN NAM MKHA' NYID, ,CES BYA BA LA YANG RANG BZHIN GZHAN DU MI 'DOD DO, ,YOD PAR SHES BYED CES BYA BA LA SOGS PAS GZHAN GYI LEN GYI DOGS PA BSU BA YIN TE, YOD PAR SHES PAR BYED PA'I TSAD MA'I YUL NI DNGOS PO'I DE KHO NA NYID YIN TE, YOD PA LA DMIGS PA'I BYED PA'I TSAD MA'I YUL NYID CES BYA BA NI DRUG PO RNAMS LA CHOS GZHAN YOD PA NYID 'DOD DO ZHES BYA BA'I DON TO, ,DE'I PHYIR 'KHRUL PA MED DO SNYAM DU BSAMS PA YIN NO, ,'DIR LAN BSHAD PA, KHYED LA DRUG LAS GZHAN TSIG GI DON KHYED LA THAL ZHES BYA BA LHAG MA STE, TSIG GI DON BDUN PAR 'GYUR RO, ,DE LTA YIN DANG TSIG GI DON DRUG TU KHAS BLANGS PA NYAMS PAR 'GYUR RO SNYAM DU BSAMS PA YIN NO, ,'DOD PA'I PHYIR SKYON MED DO ZHE NA, GAL TE DE LTA NA JI LTAR TSIG GI DON DRUG GO ZHES BRJOD CE NA, DE DRUG CHOS CAN DU BRJOD DE, ,ZHES BYA BA SMOS TE, DNGOS PO GANG DAG CHOS CAN GYI NGO BO NYID YIN PA DE DAG TSIG GI DON DRUG GO ZHES BRJOD DE, CHOS KYI NGO BO NI TSIG GI DON DRUG LAS MA GTOGS PA 'DOD PA KHO NA'O, ,JI SKAD DU TSIG GI DON LA 'JUG PA'I GZHUNG LAS, DE LTAR CHOS LAS MA GTOGS PA'I CHOS CAN DAG BSTAN PAR BYAS SO ZHES BSHAD PA LTA BU'O, ,DE DANG DE 'BREL ZHES BYA BA LA SOGS PAS LAN BSHAD DO, ,DE DANG ZHES BYA BA NI TSIG GI DON DRUG PO DAG DANG NGO, ,DE ZHES BYA BA NI YOD PA NYID LA SOGS PA'I CHOS SO, ,GANG GIS CHOS 'DI DE DAG GI YIN PAR 'GYUR BA 'BREL PA GANG ZHIG YIN, 'BREL PA MED PAR NI CHOS DANG CHOS CAN GYI DNGOS POR RIGS PA MA YIN TE, HA CANG THAL PAR 'GYUR BA'I PHYIR RO, ,DE LTA

262a

, ,YIN NA NI THAMS CAD THAMS CAD KYI CHOS SU 'GYUR RO, ,DE DAG DANG LHAN CIG 'BREL PA 'GA' YANG MED DE 'DI LTAR 'BREL BA NI GNYIS KHO NA STE, ,LDAN PA'I MTSAN NYID DANG 'DU BA'I MTSAN NYID DO, ,DE LA RE ZHIG LDAN PA'I MTSAN NYID NI MA YIN TE, DE NI YON TAN YIN PA NYID KYIS RDZAS KHO NA LA NGES PA'I PHYIR RO, ,'DU BA'I BDAG NYID KYANG MA YIN TE, DE NI DNGOS PO BZHIN DU GCIG NYID DU 'DOD PA'I PHYIR RO, ,'DU BA'I BDAG NYID LA YANG 'DU BAS 'BREL BA YIN NA 'DU BA GNYIS PA KHAS BLANG BAR 'GYUR RO, ,'BREL PA MED PAR YANG CHOS DANG CHOS CAN GYI DNGOS POR 'GYUR RO ZHE NA, 'BREL PA MI 'THAD CES BYA BA LA SOGS PA SMOS TE, DE LTA NA HA CANG THAL BAR 'GYUR RO ZHES BSHAD ZIN TO, ,CI STE TSIG GI DON DRUG PO DE DAG GIS CHOS SKYED PA'I PHYIR DE DAG GI CHOS 'DI 'BREL PAR BRJOD DO ZHE NA, 'O NA GAL TE DE LTA NA DE LAS BYUNG BA'I 'BREL PA TZAM NYID LAS CHU LA SOGS PA GZHAN LA YANG 'KHAR GZHONG RNAM PA DE LTA BU LA SOGS PA DANG 'BREL PAR 'GYUR RO, ,DE LTA YIN DAD DE DAG LA LDAN PA DAN 'DU BA ZHES BYA BA'I 'BREL PA GZHAN BRTAGS PA DON MED PAR 'GYUR RO, ,GZHAN YANG, DRUG PO DAG LA YOD PA NYID, ,CES BYA BA'I CHOS GZHAN YOD DU CHUG MOD, ,DE LTA NA YANG 'KHRUL PA KHO NA STE, 'DI LTAR DE LA YANG STE YOD PA NYID LA YOD PA YIN TE, DNGOS PO YIN PA'I PHYIR RO, ,DE LTA YIN DANG DE LA THA DAD PA'I RGYU MTSAN GYI RNAM PAR DBYE BAR JI LTAR 'GYUR, CI STE DE LA YANG YOD PA NYID GZHAN KHAS LEN PAR BYED NA DE'I TSE THUG PA MED PAR 'GYUR RO, ,'DOD PA'I PHYIR THUG PA MED PA MI GNOD DO ZHE NA, CHOS GZHAN ZHES BYA BA LA SOGS PA SMOS TE, THAMS CAD PHYI MA PHYI MA'I CHOS DANG LDAN PA'I PHYIR CHOS CAN NYID DU 'GYUR RO, ,DE LTA NA YANG DRUG PO 'DI DE DAG NI CHOS CAN KHO NAR BRJOD PA ZHES BYA BA 'DI MI 'THAD DE, TSIG GI DON DRUG LAS THA DAD PA'I CHOS CAN GZHAN DAG KYANG YOD PA'I PHYIR RO SNYAM DU BSAMS PA YIN NO, ,YANG CI STE CHOS CAN GYI NGO BO GANG DAG YIN PA DE DAG KHO NA DRUG NYID DU NGES PAR BZUNG NGO SNYAM PA 'DI YANG SNYING PO MED DO, ,DE LTA NA NI YON TAN DANG LAS DANG SPYI DANG KHYAD PAR DANG, 'DU BA RNAMS MI STON PAR 'GYUR TE, 'DI DAG NI CHOS CAN GYI NGO BO KHO NA NI MA YIN NO, ,'O NA CI

262b

ZHE NA; CHOS KYI NGO BO NYID KYANG YIN TE, 'DI DAG NI RDZAS LA BRTEN BA'I PHYIR RO, ,'DI NYID LAS ZHES BYA BA NI CHOS GZHAN DANG LDAN PA LAS SO, ,YANG GZHAN GYI DRUG PO RNAMS YOD PA NYID YIN TE, YOD PA DMIGS PAR BYED PA'I TSAD MAS RTOGS PAR BYA BA YIN PA'I PHYIR RO, ,RTOGS PAR BYA BA YANG TSIG GI DON DRUG GI YUL CAN GYI SHES PA GANG YIN PA STE, DE YOD PA'I THA DAD 'JUG PA'I PHYIR RO, ,DE BZHIN DU, SHES BYAS BSKYED PA'I SHES PA NI, ,ZHES BYA BA NYID YIN LA RJOD PAR BYED PAS BSKYED PA NI BRJOD PAR BYA BA NYID YIN NO, ,DE'I PHYIR THA DAD PA'I RGYU MTSAN GYI DRUG PAR 'GYUR BA YIN LA, THUG PA MED PA YANG MA YIN ZHING TSIG GI DON DRUG LAS MA GTOGS PA'I TSIG GI DON GZHAN DU THAL BAR 'GYUR BA YANG MA YIN NO ZHES ZER BA DE LA YANG 'DI NI RNAM PAR RTOG PA TZAM NYID YIN TE, GAL TE TSIG GI DON DRUG PO DAG LA DON BYED PAR NUS PA'I DNGOS PO'I BDAG NYID KYI BDAG GI DE KHO NA NYID MED PAR 'GYUR NA DE'I TSE DE DAG NAM MKHA'I PADMA LTA BUR 'GYUR TE, DON BYED PA DAG LA NUS PA MED PA'I PHYIR RO, ,DE LTA YIN DANG YOD PA DMIGS PAR BYED PA'I TSAD MAS RTOGS PAR BYA PAR MI 'GYUR RO, ,CI STE 'DI DAG LA RNAM PA DE LTA BUR GYUR PA'I BDAG NYID KYI DE KHO NA NYID YOD PA YIN PA DE'I TSE DON BYED PAR NUS PA DE DAG DNGOS PO NYID KHYAD PAR GZHAN SPANGS PA TZAM SHES PAR 'DOD PA LA DE DAG GI YOD PA NYID CES BYA BA DE LTA BU GAL TE THA DAD PA'I RNAM PAR DBYE BAS STON PAR 'GYUR BA DE'I TSE 'GAL BA CI YOD, RANG GI NGO BO THA DAD PA MED PA DE YANG BLOS DE LA BRTEN NAS THA DAD PA LTA BUR ,BRJOD PA 'GAL BA MED PA NYID DE, TSIG NI 'DOD PA TZAM GYIS 'JUG PA'I PHYIR RO, ,BCOS MA'I GTAM NYE BAR SBYAR BA RNAMS LA BYIS PA DANG DPA' BO LA SOGS PA'I CHOS YONGS SU BRTAGS PA LTA BU YIN PA'I PHYIR 'DI NI CIR YANG MI 'GYUR RO, ,BYED PAR NUS SOGS THA DAD PHYIR, ,ZHES BYA BA LA SOGS PA LA, GAL TE DANG PO'I SNAL MA LAS ZHES BYA BA LA SOGS PA SMOS TE; GAL TE SNAM BU'I MING YANG DAG PAR THOS PA'I GNAS SKABS DANG POR BYUNG BA'I SNAL MA DAG LAS SNAM BU THA DAD PAR SGRUB NA DE'I TSE GRUB PA LA SGRUB STE, DNGOS PO THAMS CAD SKAD CIG MA NYID KYIS RDZAS SNAL MA DAG LAS SNAM BU'I SGRAS BRJOD PAR BYA BA'I SNAL MA RNAMS DE DANG MI 'DRA BA'I DNGOS PO MED

263a

, ,NA YANG SKYE BAR KHAS LEN PA'I PHYIR RO, ,CI STE GANG DAG SNAM BU DANG DUS MTSUNGS PAR 'BYUNG BA'I SNAL MA DE DAG LAS SNAM BU GZHAN NYID DU SGRUB NA, DE'I TSE GTAN TSIGS RNAMS MA GRUB PA YIN NO ZHES BSTAN PA'I PHYIR, BYA BA NYID GCIG CES BYA BA LA SOGS PA SMOS TE, GAL TE DE'I DUS SU SNAL MA LAS MA GTOGS PA DE DANG DUS MTSUNGS PAR 'BYUNG BA'I SNAM BU GRUB PAR GYUR NA, DE'I TSE DE SNAL MA LA LTOS NAS BYED PA PO THA DAD PA LA SOGS PA'I CHOS 'GRUB PAR 'GYUR NA, GANG GI PHYIR SNAL MA LAS THA DAD PA'I SNAM BU DE NYID 'DIR MA GRUB STE, DE DAG LAS THA DAD PA NYID BSGRUB PAR BYA BA YIN PA'I PHYIR RO, ,SNAM BU DANG SNAL MA RNAMS ZHES BYA BA'I MING TZAM LAS DNGOS PO RNAMS THA DAD PA YANG MA YIN TE, DGOS PA GZHAN GYI DBANG GIS KYANG MING GZHAN SBYOR BA'I PHYIR RO, ,'DI LTAR SNAL MA KHA CIG KHYAD PAR CAN GYI GNAS SKABS THOB PA NI GRANG BA LA SOGS PA DON GCIG BYED PAR NUS PA YIN GYI, GANG DAG BYED BA PO CUNG ZAD YIN PA GZHAN NI MA YIN NO, ,DE LA THA SNYAD 'DOGS PA PO RNAMS KYIS THA SNYAD MA 'CHOL BAR BYA BA'I PHYIR, DON GZHAN MED NA YANG DON GCIG BYED PA LA NYE BAR MKHO BA'I SNAL MA KHYAD PAR CAN RNAMS BSTAN PAR 'DOD NAS SNAM BU ZHES SGRA GCIG NYE BAR SBYOR RO; ,YANG CI'I PHYIR SGRA GCIG NYE BAR SBYOR ZHE NA, SGRA RE RE ZHES BYA BA LA SOGS PA SMOS TE, SO SOR SGRA RE RER BRJOD NA DKA' BA'I SKYON YOD DE, 'DI LTAR DE LA BRJOD PAR 'DOD PA'I DNGOS PO 'BRAS BU GCIG SGRUB PAR BYED PAR RUNG BA'I DNGOS PO JI SNYED PA LA SGRA DE SNYED SBYAR BAR BYA BA YIN PA'I PHYIR DKA' BA'I SKYON NO, ,'DI DAG GI THUN MONG MA YIN PA'I NGO BO BSTAN PAR MI NUS PA'I PHYIR YANG MI NUS PA'I SKYON NO, ,RLOMS TE SPYI'I RNAM PAS STON PA NA, SGRA GCIG NYID BSTAN PA MCHOG YIN GYI, SO SO SO SOR STON PA'I SBYOR BA 'DI LA 'BRAS BU 'GA' YANG MA DMIGS PA'I PHYIR 'BRAS BU MED PA'I SKYON NO; ,DNGOS PO MTHA' DAG BRJOD PAR 'DONG PA NA DON MA LUS PA BRJOD PAR BYAS NA THA SNYAD SLA BA YON TAN YIN TE, 'GRO BA DANG, SRID PA GSUM DANG, SNA TSOGS PA'I SGRA BZHIN NO, ,BRJOD PA GCIG CES BYA BA NI SNAM BU ZHES BYA BA TSIG GCIG CES BYA BA'I DON TE, BYED PA PO DANG NUS PA DANG,

263b

YONGS SU GYUR PA LA SOGS PA'I CHOS KYANG YIN PAS DE DAG LA DE SKAD CES BYA'O, ,DE NAS THA DAD PA'I SGRA DANG KHYAD PAR GYI BSDU BA BYAS NAS BSTAN PAR BYA'O, ,GANG YANG RAGS PA'I DON YOD PA MA YIN NO ZHES BYA BA LA SOGS PA DE LA, GANG DAG RDUL PHRAN ZHES BYA BA LA SOGS PA SMOS TE, RDUL PHRA RAB RNAMS DBANG PO LAS 'DAS PA NYID MA GRUB STE, KHYAD PAR CAN GYI GNAS SKABS THOB PA RNAMS KYI DBANG POS GZUNG BAR BYA BA YIN PA'I PHYIR RO, ,GANG GI PHYIR RDUL PHRA RAB RNAMS RTAG PA YIN NO ZHES BYA BA'I PHYOGS DE LA RDUL PHRA RAB RNAMS KHYAD PAR MED PA'I PHYIR THAMS CAD DU DBANG PO LAS 'DAS PA NYID DU 'GYUR GYI KHO BO CAG LA NI MA YIN NO, ,PHAN TSUN DU LHAN CIG CES BYA BA NI GCIG LA GCIG GROGS BYAS PA ZHES BYA BA'I DON TO, ,SNGON PO LA SOGS ZHES BYA BA LA SOGS PA DBANG PO SPYOD YUL DE NYID STON PAR BYED DO, ,'ON TE RDUL PHRA RAB RNAMS SHAR DANG NUB LA SOGS PA'I PHYOGS KYI DBYE BAS GNAS PAR 'DOD KYI DE DAG DE'I NGO BOS MTSON PA NI MA YIN NA, DE'I PHYIR JI LTAR 'DI DAG MNGON SUM NYID YIN ZHE NA, GAL TE'ANG 'DI DAG SHAR NUB TU ZHES BYA BA LA SOGS PA SMOS TE, MNGON SUM GYI GNOD PA MED PA NI MNGON SUM GNOD PA MED PA'I ZHES BSDU BA'AM, 'DI BSDU BA MED PA YIN TE, GNOD PA YOD PA MA YIN PA'I PHYIR GNOD PA MED PA STE, SBYAR BA'I BTUNG BA LA SOGS PA BZHIN DU MNGON SUM NYID DU GNAS SO ZHES BYA BA'I DON TO, ,'DI LTAR SBYAR BA'I BTUNG BA DANG, RDO TSAN DANG CHU DANG GSER LA SOGS PA LA 'DRES PA'I RDUL PHRA RAB RNAMS DE LTAR DMIGS TE, RIGS MI MTHUN PA RNAMS RDZAS MI RTZOM BA'I PHYIR DE LA YAN LAG CAN GYI RDZAS YOD PA MA YIN LA RDUL PHRA RAB LAS THA DAD PA'I LDAN PA MTHONG BA YANG MI 'THAD DE, RTEN MA MTHONG BA'I PHYIR RO, ,GANG DU LDAN PA CAN GCIG KYANG MA MTHONG BA DE LA LDAN PA MTHONG BA MA YIN TE, DPER NA SHA ZA DANG BUM PA'I LDAN PA DANG ZLA BA'I DKYIL 'KHOR DANG; NAM MKHA'I PHYOGS DANG YUL GYI LDAN PA BZHIN NO, ,YANG GANG DU RDUL PHRA RAB KYI BDAG NYID KYI THAMS CAD KYI LDAN BCAD MA MTHONG BA DER JI LTAR DE LA BRTEN PA'I LDAN PA MTHONG BAR 'GYUR, GAL TE DE LTA NA RNAM PA THAMS CAD KYIS MA NGES NA, JI LTAR 'DI DAG MNGON SUM NYID DU RIGS PA

264a

, ,DANG LDAN PA YIN ZHE NA, KUN LAS LOG PA'I ZHES BYA BA LA SOGS PA SMOS TE, TSUL ROL MTHONG BA RNAMS KYI DNGOS PO MNGON SUM GYIS BZUNG NA YANG RNAM PA THAMS CAD DU NGES PA NI GANG NA YANG MED DE, JI TZAM DU DNGOS PO DON GZHAN LAS LDOG PAS BYAS PA'I NGO BOS DE NGES PA DE TZAM DU MNGON SUM MO ZHES RNAM PAR 'JOG PA YIN GYI RNAM PA THAMS CAD KYIS NI MA YIN NO, ,RNAM PA GZHAN BZUNG DU ZIN KYANG NGES PA MI 'THAD PAS THA SNYAD DU MI RUNG BA NYID KYIS MA BZUNG BA DANG 'DRA BA'I PHYIR RO, ,DE BZHIN DU ZHES BYA BA NI JI LTAR DNGOS PO NYAMS SU MYONG BA BZHIN DU'O, ,'ON TE DNGOS PO NI CHA MED PA NYID KYIS BDAG NYID THAMS CAD KYIS MNGON SUM GYIS NYAMS SU MYONG BA'I PHYIR CI'I PHYIR BDAG NYID THAMS CAD KYIS NGES MI 'GYUR ZHE NA, RANG GI MTSAN NYID CHA MED CES BYA BA LA SOGS PA SMOS TE, DBANG PO LA YOD PA NI DBANG PO CAN TE, DBANG PO'I SHES PA ZHES BYA BA'I DON TO, ,RTOG PA YOD PA MA YIN PA STE RTOG PA MED PA DE YIN LA DBANG PO CAN YANG YIN NO ZHES TSIG RNAM PAR SBYAR RO, ,DES RTOGS BYA NI RTOG PA MED PA'I DBANG PO'I SHES PAS RTOG PAR BYA BA ZHES BYA BA'I DON TO, ,GANG LAS THA DAD NGES PA ZHES BYA BA NI GANG LAS THA DAD PA STE LDOG PA NI GANG LAS THA DAD PA'O, ,DER NGES PA NI GTAN LA PHAB PA'O, ,DE'I RGYU NI GOMS PA DANG; NYE BA DANG CHES CHER NYE BA DANG BLO GSAL BA ZHES BYA BA LA SOGS PA'O, ,NYAMS SU MYONG BA TZAM KHO NA NGES PA'I RGYU NI MA YIN GYI, 'ON KYANG GOMS PA LA SOGS PA YANG YIN NO, ,NGES NA GANG NA DE DAG YOD PA DER NGES PA SKYE BAR 'GYUR RO ZHES BYA BA'I DON TO, ,'DI THAMS CAD KYANG RDUL PHRA RAB RNAMS GRUB CING PHYI ROL GYI DON MNGON SUM GYIS GRUB PA NYID DU KHAS BLANGS NAS BRJOD DE, RNAM PAR SHES PAR SMRA BA GANG GI LTAR NA PHYI ROL GYI DON SNGON PO LA SOGS PA'I NGO BOR MNGON SUM GYIS MA GRUB STE, RMI LAM LA SOGS PA'I PHYI ROL GYI DON MED PAR YANG RNAM PA DE LTA BU'I SNGON PO LA SOGS PA SNANG BAR DMIGS PAS THE TSOM ZA BA'I PHYIR RO, ,SNGON PO LA SOGS PA'I NGO BO DE YANG GCIG DANG DU MA'I RANG BZHIN GYIS STONG PA NYID KYIS 'KHRUL PA'I SHES PA SNANG BA'I BDAG NYID YIN PA'I PHYIR RO, ,RDUL PHRA RAB RNAMS KYANG GRUB PA MA YIN TE, DE DAG SHAR DANG GZHAN DU GNAS PA NYID KYIS PHYOGS CHA THA DAD PAS

264b

GCIG TU MI 'GRUB PA'I PHYIR RO, ,DE LA JI LTAR SNGON PO LA SOGS PA'I NGO BOS RDUL PHRA RAB RNAMS MNGON SUM NYID YIN, SHAR DANG GZHAN DU YANG SHES PAR MI NUS TE, 'KHRUL PA'I RGYU MTSAN GYIS DON GZHAN SGRO BTAGS PA'I PHYIR RO ZHES BRJOD PAR NUS SO, ,'DI SNYAM DU GAL TE YAN LAG CAN MED PAR 'GYUR NA, DE'I TSE JI LTAR RDUL PHRA RAB MANG PO DAG LA, MIG BYED PA DAG DANG LDAN PA RO GCIG CES NGES PAR 'GYUR SNYAM DU SEMS NA, JI LTAR 'BAR MTSUNGS 'BYUNG BA'I ZHES BYA BA LA SOGS PA SMOS TE, JI LTAR MAR ME LA SOGS PA THA DAD PA YIN NA YANG 'BAR BA LA SOGS PA'I DNGOS PO BAR MED PA 'DRA BA GZHAN DANG GZHAN 'BYUNG BA'I PHYIR, GCIG NYID DU 'KHRUL PAR 'GYUR BA DE BZHIN DU CHES PHRA BA'I DNGOS PO DU MA BAR MED PAR RIGS PAS GCIG NYID DU 'KHRUL PA DE'I PHYIR SKYON 'DI MED DO, ,GAL TE DE LTA NA THA DAD DU MI DMIGS PA NA JI LTAR RDUL PHRA RAB RNAMS MNGON SUM GYIS GRUB PAR 'GYUR PA YIN ZHE NA; RNAM DBYE MI LDOG PA ZHES BYA BA LA SOGS PA SMOS TE, GAL TE RNAM PAR PHYE NAS NGES PAR MA BZUNG NA MNGON SUM DU MI 'DOD NA, DE'I TSE MAR ME LA SOGS PA SNGA MA DANG PHYI MA'I RNAM PAR DBYE BA MA SHES PA NA, DE JI LTAR MNGON SUM NYID DU MTHONG BA YIN, YAN LAG CAN YANG YAN LAG RNAM PAR DBYE BAS MA BZUNG BA GANG YANG YOD, DE BZHIN DU CI'I PHYIR MNGON SUM NYID DU 'DOD, DE'I PHYIR 'DI NI MA NGES SO, ,'DI TZAM ZHIG TU 'GYUR ZHES BYA BA LA SOGS PAS RGOL BAR 'DOD PA GZHAN DAG LA SLOB PAR BYED PA'O, ,'DI DAG CES BYA BA NI RDUL PHRA RAB RNAMS SO, ,DE YANG ZHES BYA BA NI RDUL PHRA RAB RNAMS RNAM PAR PHYE NAS MI SHES PA GANG YIN PA DE YANG RDUL PHRA RAB TU GTOGS PA'I SNGON PO LA SOGS PA MI 'DZIN PA'I RGYU MA YIN TE GZHAN LAS KYANG NGES PA SKYE BAR 'GYUR BA'I PHYIR TE, 'DI LTAR RE ZHIG PHYI ROL GYI DON YOD PAR SMRA PAS SHES PA 'DI YUL MED PAR 'DOD PAR MI BYA STE, GZHAN DU NA RNAM PAR SHES PA TZAM NYID DU LTA BA KHO NAR 'GYUR RO, ,RAGS PA'I NGO BO NYID KYIS SNANG BA'I GZUGS LA SOGS PA'I YUL 'DI YANG GCIG YIN NAM DU MA YIN GRANG, GCIG YIN NA YANG YAN LAG RNAMS KYIS BRTZAMS PA ZHIG YIN NAM, MA BRTZAMS PA ZHIG YIN DE LA RE ZHIG 'DI NI GZUGS SOGS GNYI GA'I BDAG GCIG TU

265a

, ,REGS PA MA YIN TE, MNGON SUM LA SOGS PA DANG 'GAL BA'I PHYIR RO, ,'GAL BA 'DI GANG ZHE NA, RAGS PA GCIG GI RANG BZHIN NA, ,ZHES BYA BA LA SOGS PA SMOS TE, GAL TE RAGS PA GCIG YIN NA, DE'I TSE PHYOGS GCIG BSGRIBS PA NA THAMS CAD BSGRIBS PA DANG, PHYOGS GCIG KHA BSGYUR BA NA THAMS CAD KHA BSGYUR BAR 'GYUR TE, BSGRIBS PA DANG, MA BSGRIBS PA DANG, KHA BSGYUR BA DANG, MA BSGYUR BA DAG LA KHYED CAG GI 'DOD PAS THA MI DAD PA'I PHYIR RO, ,GCIG LA PHAN TSUN 'GAL BA'I CHOS DANG LDAN PA RIGS PA YANG MA YIN TE, HA CANG THAL BAR 'GYUR BA'I PHYIR RO, ,DE LTAR NA, SNA TSOGS RDZAS GCIG TU 'GYUR LA, ,DE'I PHYIR LHAN CIG SKYE BA LA SOGS PAR THAL BAR 'GYUR RO, ,PHYOGS GCIG BSGRIBS PA NA THAMS CAD BSGRIBS PAR MTHONG BA YANG MA YIN PA'I PHYIR MNGON SUM DANG 'GAL LO, ,DE BZHIN DU RJES SU DPAG PA DANG 'GAL BA YANG YIN TE, 'DI LTAR GANG ZHIG PHAN TSUN 'GAL BA'I CHOS DANG LDAN PA DE NI GCIG MA YIN TE, DPER NA BA LANG DANG MA HE BZHIN NO, ,RAGS PA YANG DMIGS PA DANG MI DMIGS PA'I NGO BO DANG, BSGRIBS PA DANG MA BSGRIBS PA'I NGO BOS 'GAL BA'I CHOS DANG LDAN PA YIN NO ZHES BYA BA NI KHYAD PAR BYED PA 'GAL BA DMIGS PA'O, ,THAMS CAD GCIG NYID DU THAL BAR 'GYUR BA NI GNOD PA CAN GYI TSAD MA'O, ,GSAL BYED PA NA RE GCIG LA THA DAD PA MED PA'I PHYIR THAMS CAD KYI SGRA SBYOR BA MI 'THAD DO ZHES ZER TE, DE 'DI 'ON TE GCIG GI RANG BZHIN ZHES BYA BA LA SOGS PAS DOGS PA BSU STE, 'DI LTAR THAMS CAD KYI SGRA DON DU MA'I YUL CAN YIN ZHING YAN LAG CAN NI DU MA'I BDAG NYID MA YIN PA'I PHYIR, DE LA JI LTAR GANG GIS THAMS CAD BSGRIBS PAR THAL BAR 'GYUR RO ZHES BRJOD PA THAMS CAD KYI SGRA SBYOR BAR BYED, GANG DAG CES BYA BA LA SOGS PAS LAN 'DEBS PAR BYED DE, 'JIG RTEN NA GOS DANG LUS LA SOGS PA GRUB PA GANG YIN PA DE KHO NA KHYED CAG GIS YAN LAG CAN NYID DU BRTAGS TE, DE LA YANG 'JIG RTEN NA THAMS CAD DANG PHYOGS GCIG GI SGRA DAG 'JUG PAR GRUB PA KHO NA'O, ,DE SKAD DU YANG GOS THAMS CAD DMAR POR ZHES BYA BA LA SOGS PAR SMRA BA POR 'GYUR

265b

BA YIN NO, ,RNAM PA DE LTA BU'I BRJOD PAR 'DOD PA'I 'JIG RTEN GANG YIN PA 'DI, YUL SHIN TU CHES YANGS PA NON PAR GNAS PA'I RAS YUG LA SOGS PA'I DNGOS POR RTOGS PA'I DMAR PO LA SOGS PAR BSTAN PAR 'DOD PA DE LA YANG KHO BO CAG GIS KYANG GRAGS PA'I RJES SU 'BRANGS NAS KHYED CAG LA 'GAL BA BSGRUB PA'I PHYIR, THAMS CAD LA SOGS PA'I SGRA SBYOR BAR BYED PA YIN NO, ,KHYED CAG RAGS PA GCIG NYID DU KHAS LEN PA LA SKYON 'DI 'ONG GI ,KHO BO CAG LA NI MA YIN NO, ,KHO BO CAG GIS NI RAGS PA GCIG NYID DU 'DOD PA MA YIN NO, ,'DI SNYAM DU KHO BO CAG LA YANG SKYON MED PA KHO NA STE; 'DI LTAR BTAGS NAS TE, 'DI NI NYE BAR BTAGS PA YIN TE, SNAL MA LA SOGS PA'I YAN LAG RNAMS LA DE'I RGYU NYID KYI SNAM BU LA SOGS PAR BRJOD DE, DES NA THAMS CAD LA SOGS PA'I SGRA SBYOR BAR 'GYUR RO SNYAM DU SEMS NA, GAL TE DE LTA NA TSIG THA DAD DE, THAMS CAD RNAMS, GOS RNAMS DMAR PO RNAMS ZHES THAMS CAD DU MANG PO'I TSIG TU THAL BAR 'GYUR TE, KHYED CAG NI MANG PO RNAMS LA TSIG GCIG 'DOD PA MA YIN NO, ,CI STE YANG YAN LAG CAN DU GTOGS PA'I GRANGS GCIG BLANGS NAS YAN LAG RNAMS LA RANG GI BRJOD PAR BYA BA LA GNAS PA'I RTAGS KYI GRANGS GOS LA SOGS PA'I SGRA MDOR BA KHO NAR 'JUG PA YIN NO SNYAM DU SEMS NA, DE YANG MI RIGS SO ZHES BSTAN PA'I PHYIR, DNGOS DANG BTAGS PAR 'DOD PA DAG ,CES BYA BA LA SOGS PA SMOS TE, GAL TE BSTAN PA 'DI BRTAGS PA YIN NA DE'I TSE DNGOS DANG BTAGS PA'I YUL LA BLO THA DAD PA'I BLO STE, MI 'DRA BA 'KHRUL PA'I RTOGS PA DANG, MA 'KHRUL PA'I RTOGS PA NYID DU 'GYUR NA THA DAD PA YANG YOD PA MA YIN TE, 'DI LTAR GOS THAMS CAD DMAR PO ZHES BYA BA 'DI LA GOS DMAR BA YIN GYI, 'ON KYANG DE'I RGYUR GYUR PA'I SNAL MA RNAMS LA DMAR PO'O ZHES BYA BA DE LTA BU'I BLO 'JUG PA MA YIN NO, ,YANG GI SGRA LAS KHYED CAG GIS GOS LA THAMS CAD KYI SGRAS BRJOD PAR BYA BAR 'DOD PA MA YIN TE, DE GCIG YIN PA'I PHYIR DE JI LTAR DE'I GRANGS BLANGS NAS THAMS CAD KYI SGRA GOS LA SOGS PA DANG LHAN CIG YAN LAG RNAMS LA 'JUG PAR 'GYUR, YANG NA DNGOS DANG BTAGS PAR 'DOD PA DAG GI BLO THA DAD PA NI SNA TSOGS PA

266a

, ,NYID DE, DE NI 'DI LA YOD PA MA YIN TE, GZUGS DANG RO LA SOGS PA BZHIN DU SNAL MA DANG SNAM BU DAG NGO BO THA DAD PAR MI DMIGS PA'I PHYIR RO, ,NGO BO THA DAD DAG TU MI DMIGS PA DAG LA NI DNGOS DANG BTAGS PA NYID YOD PA MA YIN NO, ,'ON TE LDAN PA ZHES BYA BA LA SOGS PAS BDE BYED BDAG POS LAN 'DEBS PA'I DOGS PA BSU BA STE, DES SMRAS PA DUR SMRIG DANG GUR GUM LA SOGS PA'I RDZAS DANG LDAN PA'I GOS NI DMAR POR BRJOD LA, LDAN PA YANG MA KHYAB PAR 'JUG STE, DES NA GCIG DMAR BA NA THAMS CAD DMAR BAR NI MI 'GYUR LA, GOS LA SOGS PAS KYANG LUS KYI PHYOGS GCIG BSGRIBS PA NA THAMS CAD BSGRIBS PA MA YIN NO ZHE'O, ,DE 'DI NI MI RIGS SO ZHES BSTAN PA NI, CI STE CHA SHAS MED CES BYA BA LA SOGS PA STE, GAL TE SNAM BU LA SOGS PA RDZAS GCIG NYID YIN NA DE'I TSE GANG GIS LDAN PA MA KHYAB PAR 'JUG PAR 'GYUR BA CHA SHAS MED PA'I RDZAS DE LA DUR SMRIG LA SOGS PAS MA KHYAB PA CI ZHIG YOD, CI STE MA KHYAB PA'I RANG BZHIN GYI GNAS SKABS RNAMS KHAS LEN PAR BYED NA, DE'I TSE DE'I GNAS SKABS NA, DE NYID KYI PHYIR THA DAD PAR GRUB STE, KHYAB PA DANG MA KHYAB PA DAG 'GAL BAS RANG BZHIN GCIG NYID DU MI RUNG BA'I PHYIR RO; ,GCIG YUL SHIN TU CHES YANGS PAR GNAS PA YANG RIGS PA MA YIN TE, CHA SHAS MED PA'I PHYIR RO, ,GZHAN DU CHU'I SKYE BO DANG GLANG PO CHE LA SOGS PA THAMS CAD GCIG PA NYID KYIS KHYAD PAR MED PA'I PHYIR, RAGS PA DANG PHRA BA LA SOGS PA'I BYE BRAG TU MI 'GYUR RO, ,YAN LAG NYUNG DU DANG CHES MANG BAS BRTZAMS PA LA SOGS PAS BYAS PA'I KHYAD PAR YOD DO ZHE NA, 'O NA YAN LAG RNAMS NYID NYUNG DU DANG CHES MANG BA DAG DE LTA DE LTAR SKYE BA NA RAGS PA DANG PHRA BA'I RNAM PAR GZHAG PA'I RGYU MTSAN YIN LA RAG MONG, DE BRTZAMS PA'I YAN LAG CAN GYIS CI ZHIG BYA STE, DE'I NUS PA MA MTHONG BA'I PHYIR RO, ,YAN LAG RNAMS LA NYUNG BA NYID DANG MANG BA NYID YOD NA YANG GANG GIS RAGS PA DANG PHRA BA LA SOGS PA'I BYE BRAG TU 'GYUR BA YAN LAG CAN RNAMS CHA SHAS MED PA NYID KYIS PHAN TSUN DU KHYAD PAR 'GA' ZHIG YOD PA NI MA YIN NO, ,DE DAG LA YAN LAG MANG BA DANG NYUNG BA NYID

266b

BZUNG BAS BYAS PA'I KHYAD PAR YOD NA YANG YAN LAG CAN NYID DU KHAS BLANGS PAR 'GYUR TE, DE NYID LA RAGS PA LA SOGS PAR THA SNYAD BYAS PA'I PHYIR RO, ,DE LTA YIN DANG RDUL PHRA RAB TZAM NYID MTHONG BA NYID DU KHAS BLANGS PAR 'GYUR TE, RAGS PA DANG PHRA BA LA SOGS PA LAS MA GTOGS PA GZHAN MA MTHONG BA'I PHYIR RO, ,GZHAN YANG LDAN PA MA KHYAB PAR 'JUG PA YIN NO ZHES BYA BA DON CI YIN, GAL TE RDZAS THAMS CAD LA MA KHYAB PA YIN NO ZHES BYA BA'I DON YIN NA, DE MI RIGS TE RDZAS LA THAMS CAD KYI SGRA'I YUL MA YIN PA NYID DU KHAS BLANGS PA'I PHYIR RO, ,CI STE DON GYI PHYOGS GCIG LA, 'JUG PA'O ZHES BYA BA YIN NA DE YANG MI RIGS TE, DE LA PHYOGS GCIG MED PA'I PHYIR RO, ,DE RTZOM PAR BYED PA'I YAN LAG LA 'JUG PA YIN NO ZHE NA, GAL TE DE LTA NA YAN LAG RNAMS NYID DMAR PO YIN PA'I PHYIR LA, YAN LAG CAN GYI NGO BO DMAR PO MA YIN PA'I PHYIR DMAR PO DANG DMAR PO MA YIN PA MTSUNGS PAR MTHONG BAR 'GYUR RO, ,GZHAN YANG GANG YANG DE'I RTZOM PAR BYED PA'I YAN LAG 'DI GAL TE YAN LAG CAN GYI NGO BO YIN NA, DE'I TSE DE LA YANG LDAN PA'I PHYOGS GCIG TU 'JUG PA NYID DO ZHES BRGAL ZHING BRTAGS PA MTSUNGS SO, ,CI STE RDUL PHRA RAB KYI NGO BO YIN NA DE'I TSE RDUL PHRA RAB RNAMS DBANG PO LAS 'DAS PA YIN PA'I PHYIR, DE LA BRTEN PA'I LDAN PA YANG DBANG PO LAS 'DAS PA YIN PA'I PHYIR DMAR POR DMIGS PAR MI 'GYUR RO, ,'DI SNYAM DU DPER NA SOR MO'I GZUGS KHYAB PA RTEN DMIGS PA KHO NA NA DMIGS PAR 'DOD PA DE BZHIN DU LDAN PA NI RTEN DMIGS PA KHO NA NA DMIGS PA MA YIN PAS DES NA 'DI MA KHYAB PAR 'JUG PAR BRJOD PA YIN NO SNYAM DU SEMS NA, DE NI YANG DAG PA MA YIN TE, DPER NA BUM PA DANG SHA ZA BA'I LDAN PA BZHIN DU RTEN DMIGS PA'I LDAN PA DMIGS PA YOD PA MA YIN NO, ,DE LTA YIN DANG DMAR PO YANG RTEN MA DMIGS PAR MI MTHONG LA RTEN DMIGS PA NYID NA DMIGS PA YIN PA'I PHYIR, DE LTAR DE YANG KHYAB PAR 'JUG PAR 'GYUR RO, ,'DI SNYAM DU DMAR PO MA YIN PA'I YAN LAG GZHAN LA 'DU BA'I RDZAS DMIGS NA YANG LDAN PA'I BDAG NYID KYI DMAR PO DMIGS PA MA YIN NO, ,DES NA 'DI RTEN DMIGS

267a

, ,PA NA DMIGS PA MA YIN NO SNYAM DU SEMS NA, DE YANG MI RIGS TE, DE LTAR NA DMAR PO DANG DMAR PO MA YIN PA LA 'DU BA'I YAN LAG CAN NI GCIG YIN PA'I PHYIR DMAR PO'I YAN LAG LA YANG DE'I SGO NAS DMAR PO MI DMIGS PAR THAL BAR 'GYUR TE, RTEN DMIGS NA YANG DE MA DMIGS PA'I PHYIR RO, ,RTEN DMIGS PA LAS GZHAN PA'I LDAN PA 'DZIN PA'I THABS YOD PA MA YIN NO, ,DE LTA BAS NA NGO BO GCIG PA YUL YIN PAR RIGS PA MA YIN NO, ,DU MA'I NGO BO YIN NA YANG SHUGS KYIS RDUL PHRA RAB 'DUS PA'I BDAG NYID KHO NAR GNAS PA YIN TE, YAN LAG GI YOD PA NI GCIG NYID DU MI RUNG BA'I PHYIR RO, ,DE'I PHYIR BUM PA LA SOGS PA RNAMS RDUL PHRA RAB KYI NGO BO NYID DU GRUB LA, DES NA SNGON PO LA SOGS PA RDUL PHRA RAB KYI RNAM PA YIN PAR GRUB STE, GZHAN YUL GCIG MED PA'I PHYIR RO, ,GANG YANG, RDUL PHRAN BRJOD PA LA'ANG MED PAR 'GYUR, ,ZHES SMOS PA DE LA, DE NYID DON NI MI SHES PA'I; ,ZHES BYA BA LA SOGS PA SMOS TE, BRTAGS PA DE LA LTOS PA CAN, ,ZHES BYA BA NI BRTAGS PA'I RAGS PA DE LA LTOS PA GANG LA YOD PA ZHES TSIG RNAM PAR SBYAR RO, ,LAN GZHAN BSHAD PA NI YANG NA RGYU MTSAN ZHES BYA BA LA SOGS PA STE, DE 'DRA'I ZHES BYA BA NI CHA MED PA LA THOGS PA DANG BCAS PA LA STE, DPER NA DBUL PO LA YANG PHYUG PO'I MING SGRA BRDA'I DBANG GIS PHYUG POR BRJOD PA'I RGYU MTSAN MED PAR YANG 'JUG PA DE BZHIN DU RDUL PHRA RAB KYI SGRA 'DI YANG ZHES BYA BA LA SKYON MED DO, ,RE ZHIG DE LTAR SPYIR YAN LAG RNAMS KYIS BRTZAMS PA'AM MA BRTZAMS PA YANG RUNG STE, RAGS PA'I RDZAS GCIG MI MTHANG DO ZHES BSGRUBS NAS DA NI GANG GIS YAN LAG DAG GIS BRTZAM PAR 'DOD PA DE'I KHYAD PAR SUN DBYUNG BA'I PHYIR, SNAL MA DANG NI ZHES BYA BA LA SOGS PA SMOS TE, SBYOR BA NI GANG DU MA YIN PA DE NI RDZAS GCIG GIS RJES SU 'JUG PA MA YIN TE, DPER NA RTZIG PA LA SOGS PA MANG PO RNAMS RDZAS GCIG GIS RJES SU 'JUG PA MA YIN PA BZHIN NO, ,SNAL MA DANG LAG PA LA SOGS PA 'DI YANG DU MA YIN NO ZHES BYA BA NI KHYAB BYED 'GAL BA DMIGS PA'O, ,YANG NA GANG GCIG YIN PA DE NI RDZAS DU MA LA BRTEN PA MA YIN TE, RDUL PHRA RAB GCIG BZHIN NO, ,YAN LAG CAN GYI MING CAN GYI RDZAS

267b

KYANG GCIG YIN NO ZHES BYA BA NI KHYAB PAR BYED PA 'GAL BA DMIGS PA'O, ,'DI NI THAL BA BSGRUB PA YIN NO, ,SBYOR BA GNYIS KA LA YANG BZLOG PA LA GNOD PAR BYED PA'I TSAD MA BSHAD PA NI, 'JUG PAR NI MI RIGS GNOD PA'I TSAD MA YIN ZHES BYA BA'O, ,YAN LAG RNAMS LA YAN LAG CAN 'JUG PA GANG YIN PA DE MI RUNG BAR TSAD MA DAG GIS BSGRUBS PA DE NI 'DIR GNOD PA CAN GYI TSAD MA'O, ,YANG JI LTAR MI RUNG ZHE NA, DE GCIG LA 'JUG RTEN ZHES BYA BA LA SOGS PA SMOS TE, RDZAS GCIG PO DE YAN LAG GCIG GIS BZUNG BA DE'I GANG YIN DE NYID KYI YAN LAG LAS YAN LAG GZHAN DAG LA 'JUG PAR 'GYUR BA'AM, GZHAN GYIS YIN ZHES BYA BA PHYOGS GNYIS SO, ,DNGOS PO LA NI DE NYID DANG GZHAN DAG LAS MA GTOGS PA'I RNAM PA GZHAN YOD PA MA YIN NO, ,DE LA RE ZHIG PHYOGS DANG PO NI MA YIN TE, RDZAS DE NI YAN LAG GCIG GIS BZUNG BA'I PHYIR, RDZAS 'DI NYID KYI TSE YAN LAG GZHAN LA 'JUG PA'I GO SKABS YOD PAR GAL 'GYUR, GZHAN DU NA GAL TE GZHAN LA 'JUG PAR 'GYUR BA DE'I TSE 'DIR MNGON PAR 'DOD PA'I RDZAS NYID DU BDAG NYID THAMS CAD KYIS 'JUG PAR MI 'GYUR TE, GANG GIS GZHAN LA YANG 'JUG PAR 'GYUR BA DE LA RANG BZHIN GZHAN YOD PA NI MA YIN TE, GCIG NYID NYAMS PAR THAL BAR 'GYUR BA'I PHYIR RO, ,TSAD MA DGOD PA'I PHYIR, DPER NA BU CHUNG ZHES BYA BA LA SOGS PA SMOS TE, SBYOR BA NI GANG DNGOS PO GCIG GIS BZUNG BA'I DNGOS PO DE NI DE NYID KYI TSE GZHAN DU 'JUG PA MA YIN TE, DPER NA MA MA GCIG GIS BANG DU BLONGS PA'I BU CHUNG MA MA GZHAN GYIS PANG DU BLANGS PA MI BSTEN PA BZHIN NO, ,RDZAS KYANG YAN LAG GCIG GIS YONGS SU BZUNG BA YIN NO ZHES BYA BA NI KHYAB PAR BYED PA 'GAL BA DMIGS PA'O, ,RDZAS NI GZHAN LA RTEN MA YIN, ,ZHES BYA BA NI TSAD MA'I 'BRAS BU STON PA'O, ,BSGRUB BYA LAS BZLOG PA LA GNOD PAR BYED PA'I TSAD MA 'DI BSHAD PA DE DANG 'BREL PA'I RANG BZHIN CAN ZHES BYA BA LA SOGS PA LA, MNGON PAR 'DOD PA'I YAN LAG DANG 'BREL BA'I RANG BZHIN GYI RDZAS DE MIN YUL DU STE YAN LAG CAN LA GAL TE 'JUG PAR 'GYUR NA, DE'I TSE YAN LAG DE DAG YUL GCIG PA NYID DU 'GYUR

268a

, ,RO; ,DE LTA YIN DANG GCIG BDAG NYID DE YAN LAG RNAMS RANG BZHIN GCIG TU 'GYUR RO, ,DE CI'I PHYIR ZHE NA, DBYER MED PHYIR TE, RNAM PAR MA PHYE BA'I NGO BO NYID KYIS GNAS PA'I PHYIR RO, ,DE LTA MA YIN NA RNAM PAR PHYE BA'I DO BOR GNAS PA NA YUL GCIG PA NYID DU MI 'GYUR RO, , CI STE RANG BZHIN GZHAN GYIS ZHES BYA BA PHYOGS GNYIS PA YIN NA, DE'I TSE GCIG DU MA LA GNAS PA ZHES BYA BA 'GRUB PAR MI 'GYUR TE, RANG BZHIN GZHAN DU 'JUG PA'I PHYIR TE, DNGOS PO THA DAD PA NI RANG BZHIN THA DAD PA'I BDAG NYID YIN PA'I PHYIR RO, ,GSAL BYED PA NA RE YAN LAG RNAMS YAN LAG CAN 'JUG GO ZHES BYA BA 'DI NI RTEN DANG BRTEN PA'I CHOS BSTAN PA TZAM YIN TE, KHYAB PAR 'JUG PA NI BRTEN PA'I DNGOS PO'I MTSAN NYID 'DU BA'I NGO BO LA BRJOD DO ZHES ZER BDE LA, DE DE RNAMS ZHES BYA BA LA SOGS PA SMOS TE, DE LA YANG STE RNAM PA DE LTA BU'I 'JUG PA LA CI YAN LAG GCIG LA 'DU BA'I RANG BZHIN DE NYID KYIS YAN LAG GZHAN DAG LA 'JUG GAM 'ON TE GZHAN GYIS YIN ZHES BYA BA DE MA THAG TU BSTAN PA'I RNAM PAR DPYAD PA 'DI BLO GROS NGAN PAS BKOD PA'I SKYON GYI DRA BA 'DI MI BZOD PA NA KHROS PA BZHIN DU SNYEG GO, ,DE LTAR RE ZHIG MA LUS PA DANG PHYOGS GCIG GI RNAM PAR RTOG PA BYAS NAS 'JUG PA BSAL NAS, DA NI NYE BAR BTAGS PA SGRUB PA'I RNAM PAS 'JUG PA DGAG PA'I PHYIR, YANG NA ZHES BYA BA LA SOGS PA SMOS TE, RES 'GA' RDZAS DE YAN LAG RE RE LA BDAG NYID THAMS CAD KYIS SAM, PHYOGS GCIG GIS 'JUG PAR 'GYUR GRANG GAL TE BDAG NYID THAMS CAD KYIS NA DE'I TSE YAN LAG RNAMS JI SNYED PA DE SNYED KYI DE'I BDAG NYID THOB PAR 'GYUR RO, ,YAN LAG RE RE LA DE'I RANG BZHIN THA DAD PA NA BDAG NYID THAMS CAD KYIS 'JUG PA YOD PA MA YIN NO, ,YOD BA MA YIN PA'I BDAG NYID KYIS 'JUG PA MI SRID PA'I PHYIR RO, ,DE LTA BAS NA BDAG NYID THAMS CAD KYIS CIG CAR 'JUG PA'I PHYIR 'KHAR GZHONG LA SOGS PA DU MA NA GNAS PA'I AUTPALA LA SOGS PA BZHIN DU YAN LAG CAN RNAMS DU MAR 'GYUR RO, ,YANG PHYOGS GCIG GIS ZHES BYA BA'I PHYOGS YIN NA DE'I TSE PHYOGS GCIG PA RNAMS THUG PA MED PAR 'GYUR TE, 'DI LTAR RDZAS DE PHYOGS GCIG

268b

PO GANG DAG GIS YAN LAG RNAMS LA 'JUG LA, DE DAG KYANG DE'I PHYOGS GCIG LA ZHES BYA LA, DE DAG LA YANG 'DIS 'JUG PAR BYA DGOS LA, DE KHO NA BZHIN DU GZHAN DAG LA YANG YIN PA'I PHYIR MTHA' MED DO, ,YANG CI STE 'DI PHYOGS GCIG PO GANG DAG GIS YAN LAG RNAMS LA 'JUG PA DE DAG DE'I RANG GI BDAG NYID DU GYUR PA KHO NA YIN, DON GZHAN DU GYUR BA MA YIN LA, DE LAS MA GTOGS PA'I PHYOGS GCIG PO GZHAN MED PAS DES NA MTHAR THUG PAR MI 'GYUR RO SNYAM DU DOGS PA BSU NAS, DE GCIG MIN PA'AM ZHES SMOS TE, DE LTA YIN NA YAN LAG CAN GCIG CES BYA BAR MI 'GYUR TE, DE'I YAN LAG 'DUS PA TZAM GYI NGO BO YIN PA'I PHYIR RO, ,DE LTA YIN DANG 'DI MA MTHONG BA'I LAG PA LA SOGS PA'I TSOGS 'DUS BA TZAM GYI BDAG NYID YIN LA RAG MOD, DE'I BDAG NYID DU GYUR BA'I YAN LAG CAN GZHAN KUN DU BRTAGS PAS CI ZHIG BYA, SKYON GZHAN YANG BSHAD PA, GANG DU'ANG MIN ZHES BYA BA STE, 'JUG PAR GYUR PA ZHES BYA BA LHAG MA'O, ,'DI SKAD DU BSTAN PA YIN TE, GAL TE YAN LAG CAN RE RE PHYOGS GCIG TU GYUR NA, DE'I TSE YAN LAG RNAMS LA YAN LAG CAN 'JUG PAR 'GYUR RO, ,GANG GI PHYIR YAN LAG CAN RE RE PHYOGS GCIG PA MA YIN NA, DE DAG GI PHYOGS GCIG PA NYID NYAMS PAR THAL BAR 'GYUR BA'I PHYIR RO, ,YAN LAG CAN GZHAN GYI NGO BOS KYANG YOD PA MA YIN NA DE'I PHYIR JI LTAR 'DI YAN LAG RNAMS LA 'JUG PA ZHES BYA BA, 'ON TE RANG RGYUD CES BYA BA LA SOGS PAS BDE BYED BDAG PO'I DOGS PA BSU BA STE, DES SMRAS PA, RANG RGYUD DAM THAL BAR 'GYUR BA'I SGO NAS SGRUB PAR BYED PA GANG YIN PA DE RANG NYID DMIGS PA YIN NA 'THAD PAR 'GYUR GYI DE LTA MA YIN NA MA GRUB PA'I SKYON DU 'GYUR RO, ,KHYED CAG GIS NI GCIG DU MA LA MA LUS PA DANG PHYOGS GCIG DAG GIS 'JUG PA GANG DU YANG MI DMIGS TE; GANG GI 'JUG BA YOD PA MA YIN PA'I PHYIR YAN LAG CAN GYI RDZAS MED PAR 'GYUR BA'AM YOD PA YIN NA GZHAN DU'ANG STE, YAN LAG GAM YAN LAG CAN DU YANG 'GYUR RO, ,KHA CIG TU GANG GI YOD PA MA YIN PA'I PHYIR ZHES 'DON PA DER NI 'DI LTAR SBYAR TE, CI RIGS PAR GANG GI

269a

, ,'JUG PA YOD PA DANG GANG GI 'JUG PA YOD PA MA YIN PA NA RDZAS MED PAR 'GYUR BA'AM, DE GZHAN DU'ANG STE YAN LAG GAM YAN LAG CAN DU 'GYUR RO ZHE'AM, CI STE LA LAR RNAM PA DE LTA BU'I 'JUG BA DMIGS PAR GYUR NA, DE'I TSE DE BZHIN DU DE'I RDZAS LA SOGS PA LA YANG 'GYUR BA'I PHYIR DGAG TU MED DO, ,'ON TE YANG 'JUG PA MA MTHONG NA DE'I TSE CI PHYOGS GCIG GIS SAM, 'ON TE BDAG NYID THAMS CAD KYIS ZHES BYA BA DE LTA BU PHYE STE DRI BAR MI RIGS SO, ,CHOS CAN GRUB NA KHYAD PAR 'GAG PAR RIGS KYI, GANG GI TSE CHOS CAN NYID MA GRUB PA DE'I TSE DE NYID DGAG PA BZANG NGO, ,DES NA 'JUG PA NYID MED DO ZHES BYA BA DE TZAM ZHIG BRJOD PAR BYA'I, KHYAD PAR DGAG PA NI MA YIN NO, ,DE YANG MI RIGS TE, MNGON SUM KHO NAS YAN LAG RNAMS LA YAN LAG CAN 'JUG PAR GRUB PA'I PHYIR RO, ,MNGON SUM CI 'DRA BA LAS ZHE NA, 'DI LA 'DI ZHES PA'I MNGON SUM BLO YIS ZHES BYA BA SMOS TE, SNAL MA 'DI LA SOGS PA 'DI ZHES BYA BA'I DE LTA BUR GYUR PA'I MNGON SUM LAS ZHES BYA BA'I DON TO, ,YANG CI STE BLO 'DI MNGON SUM NYID DU MA GRUB BO SNYAM NA, GAL TE DE LTA NA GANG LAS MNGON SUM NYID MA YIN PAR 'GYUR PA 'DI LA GNOD PAR BYED PA'I TSAD MA CUNG ZHIG BRJOD DGOS SO, ,CI STE GNOD PAR BYED PA'I TSAD MA MED PAR YANG MNGON SUM NYID DU MI 'GYUR NA, 'O NA DE LTA NA KHYED CAG GI GZUGS LA SOGS PA'I SHES PA YANG MNGON SUM NYID DU MI 'GYUR TE KHYAD PAR MED PA'I PHYIR RO, ,'DI LA ZHES BYA BA LA SOGS PAS LAN 'DEBS PAR BYED DE, DE GCIG LA 'JUG RTEN ZHES BYA BA LA SOGS PAS SPYIR GCIG DU MA LA 'JUG PA SNGAR BSAL ZIN TE, ,GANG YANG 'DI LA 'DI'O SNYAM PA'I BLO'I MNGON SUM NYID KYIS 'JUG PA GRUB BO ZHES 'DI BRJOD PA DE YANG 'JIG RTEN DANG MI MTHUN TE, 'JIG RTEN NA RVA CAN 'DI LA BA LANG SNAL MA 'DI LA SNAM BU ZHES BYA BA DE LTA BU'I RNAM PAR RTOG PA'I BLO YANG JI LTAR 'JUG PA MA YIN NO, ,'O NA CI ZHE NA, ,BA LANG 'DI LA RVA SNAM BU 'DI LA SNAL MA RNAMS SNYAM PA YIN NO, ,MNGON SUM GYI BLO LA SNAL MA LA SOGS PA 'DU BA DE LAS THA DAD PA'I GOS LA SOGS PA'I RANG BZHIN SNANG BA YANG MA YIN LA, RNAM PAR

269b

PHYE NAS MI SNANG BA NI 'DI 'DI LAS 'JUG GO ZHES BYA BA'I BLOR 'GYUR BA YANG MA YIN NO, ,KHAR GZHONG LA SOGS PA LA CHU PHYE NAS MI SNANG BA NA 'DI NA CHU 'O ZHES SHES PAR 'GYUR BA MA YIN NO, ,GANG YANG MA LUS PA'AM, PHYOGS GCIG GIS 'JUG PA GANG DU'ANG MA DMIGS NYID CES SMRAS PA DE LA, MA LUS PHYOGS GCIG SGRA DAG GIS, ,ZHES BYA BA LA SOGS PA SMOS TE, MA LUS PA'I SGRAS DPER NA SNOD 'GA' ZHIG TU BZHAG PA'I DPAL GYI 'BRAS BU LA SOGS PA DMIGS PA BZHIN DU, CI RANG GI NGO BO CHA SHAS MED PA CI 'DRA BA DE LTA BU KHO NA'I CHA SHAS MED PA'I YAN LAG THAMS CAD NYID KYIS DE LA 'JUG PA ZHES BYA BA'I DON 'DI BSTAN PA YIN NAM, 'ON TE PHYOGS GCIG GI SGRAS DPER NA GNAS MAL DU MAN NYAL BA'I NAG PA LA SOGS PA DMIGS PA BZHIN DU RNAM PA GZHAN DU ZHES BYA BA 'DI BSTAN PA YIN ZHES BYA BA YIN PAS 'DI NI CIR YANG MI RUNG NGO, ,GANG YANG GSAL BYED PA NA RE YAN LAG CAN GCIG LA MA LUS PA DANG PHYOGS GCIG GI SGRA 'JUG PA MI SRID PA'I PHYIR CI PHYOGS GCIG GIS 'JUG GAM, 'ON TE MA LUS PAS 'JUG CES BYA BA'I DRI BA 'DI RIGS PA MA YIN NO, ,MA LUS PA ZHES BYA BA NI MTHA' DAG RJOD PAR BYED LA, PHYOGS GCIG CES BYA BA YANG DU MA NYID YIN NA YANG 'GA' ZHIG BRJOD PA YIN NO, ,MA LUS PA DANG PHYOGS GCIG GI SGRA DE DAG YAN LAG CAN GCIG LA MI 'THAD DO ZHES ZER BA DE YANG 'DI NYID KYIS BSAL BA YIN NO, ,DE SKAD DU 'JIG RTEN NA SNAM BU 'DI MA LUS PA'AM, PHYOGS GCIG GIS GZHONG PA NA GNAS SO ZHES BYA BAR SNAM BU LA SOGS PA LA MA LUS PA DANG PHYOGS GCIG PA'I SGRA 'JUG PA MTHONG BA NYID YIN NO, ,'DI NYE BAR BTAGS PA YIN NO ZHES BYA BA YANG RIGS PA MA YIN TE, 'KHRUL PA MED PAR 'JUG PA'I PHYIR RO ZHES BYA BA 'DI NI SNGAR BSHAD ZIN TO, ,DE LTAR RLUNG GI MTHAR THUG PA'I RDZAS RNAM PA BZHI PO BSAL TE; BDAG CES BYA BA NI BDAG RTAG PAR DANG PO NYID DU BSAL NAS, DA NI NAM MKHA' DANG DUS DANG PHYOGS DANG YID RNAMS DGAG PA'I PHYIR, 'JIG PA LA SOGS GTAN TSIGS KYIS, ,ZHES BYA BA LA SOGS PA SMOS TE, DE LA RE ZHIG GZHAN DAG GIS NAM MKHA' ZHES BYA BA'I RDZAS SGRUB

270a

, ,PAR BYED DE, NAM MKHA' ZHES BYA BA'I RDZAS RTAG PA GCIG BU SGRA'I RTAGS CAN YOD DO, ,'DI'I RTAGS NI SGRA YIN TE YON TAN YIN PA'I PHYIR RO, ,SBYOR BA NI GANG DAG 'JIG PA DANG SKYE BA DANG LDAN PA LA SOGS PA'I CHOS DANG LDAN PA DE DAG 'GA' ZHIG LA BRTEN PA YIN TE, BUM PA DANG MAR ME LA SOGS PA BZHIN NO, ,SGRA 'DI DAG KYANG DE BZHIN TE, DE LTA BAS NA 'DI DAG GIS 'GA' ZHIG LA BRTEN PAR 'GYUR BAR BYA DGOS SO, ,GANG 'DI DAG GI RTEN DE NI SHUGS KYIS NAM MKHA' STE NAM MKHAR 'GYUR BA YIN NO, ,DE LTAR SGRA 'DI NI SA LA SOGS PA BZHI PO RNAMS KYI YON TAN DU RIGS PA NI MA YIN TE, MNGON SUM NYID YIN PA NA YON TAN GYI RGYU SNGON DU 'GRO BA CAN MA YIN PA'I PHYIR DANG, RDZAS JI SRID DU 'BYUNG BA MA YIN PA'I PHYIR DANG, RTEN LAS GZHAN DU DMIGS PA'I PHYIR RO, ,REG PA DANG LDAN PA'I YON TAN DAG NI JI SKAD DU BSHAD PA'I CHOS LAS BZLOG PA YIN PAR MTHONG NGO, ,MNGON SUM NYID YIN PA NA ZHES BYA BA'I KHYAD PAR NI RIM PAR 'BYUNG BA'I RDUL PHRA RAB TU GTOGS PAS MA NGES PA NYID BSAL BA'I DON DU'O, ,PHYI'I DBANG PO'I MNGON SUM YIN PA'I PHYIR DANG, BDAG GZHAN GYIS GZUNG BAR BYA BA YIN PA'I PHYIR, NGA RGYAL GYIS RNAM PAR PHYE NAS 'DZIN PA'I PHYIR BDAG GI YON TAN MA YIN TE, BDAG GI YON TAN BDE BA LA SOGS PA RNAMS NI DE LAS BZLOG PAR MTHONG BA'I PHYIR RO, ,RNA BAS GZUNG BAR BYA BA YIN PA'I PHYIR PHYOGS DANG DUS DANG YID KYI MA YIN NO, ,DES NA LHAG PAR GYUR PAS YON TAN DU GYUR PA'I NAM MKHA'I RTAGS YIN NO, ,NAM MKHA' DE YANG SGRA'I RTAGS CAN DU KHYAD PAR GYI RTAGS MED PA'I PHYIR GCIG YIN NA, YON TAN THAMS CAD DU DMIGS PA'I PHYIR KHYAB PA YIN NO, ,YON TAN CAN YIN PA'I PHYIR DANG BRTEN PA MA YIN PA'I PHYIR RDZAS SO, ,MA BYAS BA'I PHYIR RTAG PA'O ZHES BYA BA 'DI NI GZHAN DAG GI THA SNYAD YIN NO, ,SNGON DANG PHYIS SOGS ZHES BYA BA LA SOGS PAS DUS DGAG PA'I PHYIR BSHAD PA STE, RDZAS KYI SGRAS GNYER MA DANG SKRA DKAR LA SOGS PA GZUNG BAR BYA'O, ,SNGON NI PA'O, ,PHYI MA NI BU'O, ,CIG CAR DANG, YUN RING MO DANG MYUR DU DANG BYED BA DANG, BYAS PA DANG,

270b

BYED PAR 'GYUR BA ZHES BYA BA GANG YIN PA 'DI SNGON DANG PHYIS LA SOGS PA'I SHES PA DE NI NYI MA LA SOGS PA'I BYA BA DANG, RDZAS LAS THA DAD PA'I RGYU MTSAN CAN YIN TE, GNYER MA DANG SGRA DKAR LA SOGS PA'I SHES PA DANG MI 'DRA BA'I PHYIR, BUM PA LA SOGS PA'I SHES PA BZHIN NO, ,'DI'I RGYU GANG YIN PA DE YANG SHUGS KYIS DUS YIN NO, ,'DI LTAR RE ZHIG SNGON DANG PHYI MA'I SHES PA 'DI YUL GYIS BYAS PA MA YIN TE, PHYI MA'I PHYOGS CHA NA GNAS PA'I RGAN PO LA SNGON ZHES SHES PA SKYE BA'I PHYIR DANG, DE BZHIN DU SNGA MA'I PHYOGS CHA NA GNAS PA'I GZHON NU MA YANG PHYI MA ZHES BYA BA YIN BAS SO, ,SKRA DKAR DANG GNYER MA LA SOGS PAS BYAS PA YANG MA YIN TE, DE'I SHES PA DANG 'DRA BA'I PHYIR RO, ,BYA BA BYAS PA YANG MA YIN TE, DE'I SHES PA DANG MI 'DRA BA NYID KYI PHYIR RO, ,DE SKAD DU YANG MDO LAS 'PHYI BA DANG, SNGA BA DANG CIG CAR BA DANG CIG CAR MA YIN PA DANG, YUN RING PO DANG, MYUR DU ZHES BYA BA NI DUS KYI RTAGS DAG YIN NO ZHES 'BYUNG NGO, ,'DI'I MI RTAG PA NYID DANG GCIG NYID LA SOGS PA'I CHOS RNAMS NI NAM MKHA' BZHIN DU RTOGS PAR BYA'O, ,PHYOGS BSGRUB PA'I DON DU SHAR DANG NUB LA SOGS BLO RNAMS LAS ZHES BYA BA SMOS TE, LUS CAN GYI RDZAS KYI DBANG DU BYAS NAS LUS CAN GYI RDZAS DAG KHO NA LA DE LAS 'DI NI SHAR RO, ,LHO DANG, NUB DANG, BYANG DANG, SHAR LHO DANG, LHO NUB DANG, NUB BYANG DANG, BYANG SHAR DANG, 'OG DANG STENG LA SOGS PA ZHES BYA BA SHES PA BCU PO 'DI DAG LAS BYUNG BA DE NI PHYOGS ZHES BYA'O, ,DE SKAD DU YANG MDO LAS, 'DI'O SNYAM PA GANG LAS YIN PA DE NI PHYOGS KYI RTAGS YIN NO ZHES 'BYUNG NGO, ,GANG LAS 'DI'O ZHES BYA BA NI KHYAD PAR GYI SHES PA YIN LA, KHYAD PAR GYI SHES PA YANG GLO BUR BAR RIGS PA MA YIN NO, ,PHAN TSUN DU LUS CAN GYI RDZAS LA LTOS PA YANG MA YIN TE, PHAN TSUN BSTEN PA NYID KYIS GNYI GA MED PAR THAL BAR 'GYUR BA'I PHYIR RO, ,DE'I RGYU MTSAN GZHAN MED PA'I PHYIR RTAGS 'DI DAG NI PHYOGS KYI YIN NO, ,PHYOGS DE'I YANG GCIG PA NYID DANG, RTAG PA NYID DANG, KHYAB PA NYID LA SOGS PA'I YON TAN RNAMS NI DUS GZHAN DU SHES PAR BYA'O, ,PHYOGS GCIG YIN NA YANG 'BRAS BU'I KHYAD PAR LAS

271a

, ,SHAR LA SOGS PA'I BYE BRAG GIS SNA TSOGS PA NYID YIN NO, ,SBYOR BA NI GANG 'DI SHAR DANG NUB LA SOGS PA'I SHES PA DE NI LUS CAN GYI RDZAS LAS THA DAD PA'I DNGOS PO'I RGYU MTSAN CAN YIN TE, DE'I SHES PA DANG MI 'DRA BA'I PHYIR BDE PA LA SOGS PA'I SHES PA BZHIN NO, ,YID KYI RTAGS BSHAD BA, SHES PA RIM GYIS ZHES BYA BA LA SOGS PA SMOS TE, DBANG PO DANG DON DU MA PHRAD PA CIG CAR NYE BAR YOD NA YANG SHES PA RIM GYIS SKYE BAR MTHONG BA'I PHYIR RO, ,GANG ZHIG NYE BA DANG MI NYE BA DAG LAS SHES PA SKYE BA DANG, MI SKYE BAR 'GYUR BA DBANG PO DANG DON LAS MA GTOGS PA'I RGYU GZHAN YOD PA YIN NO, ,DE'I PHYIR SHES PA RIM GYIS SKYE BA NA STE SHES PA 'BYUNG BAS YID RJES SU DPOG PAR BYED DO, ,DE SKAD DU YANG MDO LAS SHES PA CIG CAR MI SKYE BA NI YID KYI RTAGS SO ZHES 'BYUNG NGO, ,SBYOR BA NI GANG 'DI GZUGS LA SOGS BA RTOGS BA DE NI, MIG LA SOGS PA LAS MA GTOGS PA'I RGYU LA LTOS PA YIN TE, RIM GYIS SKYE BA'I PHYIR, SHING RTA LA SOGS PA BZHIN NO ZHES BYA BA'O, ,ZIN SOGS ZHES BYA BA LA SOGS PAS LAN 'DEBS PAR BYED DE, GAL TE SPYIR SGRA 'DI DAG BRTEN PA YIN PA TZAM ZHIG SGRUB NA DE'I TSE GTAN TSIGS GRUB PA LA SGRUB PA YIN TE, 'DI LTAR SGRA RNAMS NI ZIN PA DANG MA ZIN PA'I 'BYUNG BA CHEN PO'I RGYU CAN DU 'DOD PA YIN TE, DE DAG KYANG 'BYUNG BA RNAMS LA DE'I 'BRAS BU NYID KYIS BRTEN PA KHO NA YIN TE, DE DAG LA ZHES BYA BA NI ZIN PA LA SOGS SOGS DE DANG 'BREL PA'I BDAG NYID THOB PAS 'BRAS BU RNAMS NI RGYU RNAMS LA BRTEN PA'I PHYIR RO, ,ZIN BA NI SEMS DANG, SEMS LAS BYUNG BA RNAMS KYIS BDAG GIR BYAS PA'O, ,SOGS PA'I SGRAS MA ZIN PA'I 'BYUNG BA CHEN PO'I RGYU CAN NYID BZUNG NGO, ,DE DAG LA ZHES BYA BA NI ZIN PA LA SOGS PA'I 'BYUNG BA CHEN PO RNAMS LA'O, ,PHYIR ZHES BYA BA NI DE'I PHYIR ZHES BYA BA'I DON TO, ,SNGA MA ZHES BYA BA NI, SGRA RNAMS 'GA' ZHIG LA BRTEN TE ZHES BYA BA LA SOGS PA GANG SMRAS PA DE NI GRUB PA LA SGRUB PA'I SKYON YOD PA'I PHYIR SGRUB BYED MA YIN NO, SNYAM DU BSAMS PA YIN NO, ,CI STE LUS CAN MA YIN PA RTAG PA GCIG PU KHYAB PA'I RDZAS DANG 'DU BA NYID KYIS 'DI DAG KHYAD PAR CAN LA BRTEN PAR SGRUB PAR 'DOD NA, DE'I TSE BSGRUB BYA

271b

RJES SU 'GRO BA'I DPE MED PA'I PHYIR, GTAN TSIGS GIS MA NGES PA YIN NO ZHES BYA BA 'DI STON PA NI NAM MKHA' GCIG CES BYA BA LA SOGS PA'O, ,'DI DAG CES BYA BA NI 'GRUB MIN ZHES BYA BA SNGA MA DANG 'BREL TO, ,DAM BCA' BA YANG RJES SU DPAG PA DANG 'GAL BA NYID YIN NO ZHES STON PA NI, DE BZHIN RIM MIN SOGS THOB 'GYUR, ,ZHES BYA BA'O, ,'DI DAG NI JI SKAD DU BSHAD PA'I NAM MKHA' DANG 'DU BA MI 'GRUB BO ZHES 'BREL TO, ,GAL TE 'DI DAG RTAG PA DANG GCIG BU'I NAM MKHA'I RDZAS DANG 'DU BAR GYUR NA, DE'I TSE CIG CAR SKYES PA'I SGRA DU MA BZHIN DU DE MA YIN PA'I 'DUS PA'I SGRA DAG KYANG MNGON PAR 'DOD PA'I DUS KHO NAR 'GYUR TE, RGYU MA TSANG BA MED PA'I PHYIR DANG, RTEN GCIG PA'I PHYIR RO, ,RTAG PA 'DI GZHAN LA LTOS PA YANG MA YIN NO ZHES BYA BA 'DI NI BSTAN ZIN TO, ,PHAN 'DOGS PAR BYED PA MA YIN PA YANG 'DU BA NYID DU MI RIGS TE, HA CANG THAL BAR 'GYUR BA'I PHYIR RO, ,DE'I PHYIR DE LTAR RIM CAN MA YIN PAR THAL BAR 'GYUR RO, ,SOGS PA'I SGRAS NI SKYES BU THAMS CAD KYIS 'DZIN PA LA SOGS PA'I SKYON DU YANG THAL BAR 'GYUR RO, ,'DI LTAR RNA BA NI NAM MKHA'I BDAG NYID YIN LA, NAM MKHA' YANG GCIG NYID YIN TE, DE LTA YIN DANG DER PHYIN PA'I SGRA RNAMS THAMS CAD KYIS KYANG THOS PAR 'GYUR RO, ,DE NI CHA SHAS MED PA NYID KYIS 'DI NI BDAG GI RNA BA'O, ,'DI NI GZHAN GYI'O ZHES BYA BA NI SO SOR NGES PA 'DI NI MI RIGS SO, ,'DI SNYAM DU GANG GIS MA MTHONG BA'I 'DU BYED KYIS RNA BA'I SBUBS SU DER YONGS SU GCOD PA'I NAM MKHA' NI RNA BA NYID YIN TE, DE NYID KYI PHYIR KHA DANG SNA LA SOGS PA'I BU GA'I NANG DU SGRA DMIGS PA 'BYUNG BA YIN NO, ,RNA BA'I SBUBS DE NYID LA GNOD PAS 'ON PA LA SOGS PAR GZHAG GO ZHES BYA BAR 'DOD NA, 'DI YANG MI RIGS PA KHO NA STE, NAM MKHA' NI CHA MED PA NYID KYIS RNAM PA DE LTA BU'I DBYE BA MI RUNG BA'I PHYIR RO, ,KUN DU BRTAGS PA'I YAN LAG GI RNAM PAR DBYE BA RNAMS NI DON DAM PAR DNGOS PO'I RNAM PAR DBYE BA SGRUB PAR BYED PA DON BYED PA SGRO BTAGS PA'I DBANG GIS BSGRUB PAR NUS PA MA YIN TE, CHU LA ME ZHES NYE BAR BTAGS PA NA 'BAR BA'AM SREG PAR BYED PA NI MA YIN NO, ,CI STE NAM MKHA'I PHYOGS

272a

, ,GCIG CES BYA BA NI, LDAN PA MA KHYAB PAR 'JUG PA NYID BRJOD PA YIN PAR 'DOD DO ZHES BYA BA 'DI YANG SPANGS PA NYID YIN NO, ,GZHAN YANG BUM PA DANG RNA BA'I SBUBS LA SOGS PA YANG THA MI DAD PA'I NAM MKHA' GCIG DANG 'BREL PA NYID KYIS YUL MTSUNGS PA NYID DU 'GYUR RO, ,NAM MKHA'I RANG BZHIN GANG YIN PA KHO NAS GCIG DANG 'BREL PA DE KHO NAS GZHAN LA YANG YIN NO, ,DE LTAR NA GZHAN NA YOD PA'I BUM PA LA SOGS PA YANG MNGON SUM 'DOD PA'I YUL DU 'BYUNG BA KHO NAR 'GYUR TE, DE DANG 'BREL PA'I RANG BZHIN GYI NAM MKHA' DANG LDAN PA'I PHYIR, DE'I YUL NA GNAS PA'I BUM PA LA SOGS PA BZHIN NO, ,DE NYID KYI PHYIR SGRA RNAMS KYANG YUL GCIG PA NYID DU 'GYUR RO, ,DE LTA YIN DANG DNGOS PO 'GA' ZHIG SHIN TU NYE BA DANG RING PA'I YUL THA DAD NA GNAS PAR SHIN TU GRAGS BA GANG YIN PA DE 'GAL BAR 'GYUR RO ZHES BYA BA DE LTA BU LA SOGS PA'I NYES PA MANG PO 'JUG PAR 'GYUR RO, , DE BZHIN DU DUS DANG PHYOGS SGRUB PAR BYED PA DAG LA YANG SPYIR GRUB PA LA SGRUB LA KHYED PAR DU GTAN TSIGS RJES SU 'GRO BA MA GRUB CING DAM BCA' BA YANG RJES SU DPAG PA DANG 'GAL BA YIN NO ZHES STON PA NI, KHYAD PAR CAN GYI BRDA 'BYUNG BA'I ZHES BYA BA LA SOGS PA'O, ,KHYAD BAR CAN GYI BRDA NI MDUN DANG RGYAB LA SOGS PA LAS SKYES PA'I DON RNAMS LA MDUN DANG RGYAB KYI BRDA'O, ,DE LAS BYUNG BA'I YID LA BYED PA NI RTZOL BA'O, ,DE 'DI LA RGYU MTSAN DU YOD PA DE LA DE SKAD CES BYA'O, ,DE NYID KYI PHYIR PHAN TSUN BSTEN PA'I NYES PA MED DE, SHES PA 'DI NI KHYAD PAR CAN GYI DNGOS PO'I BRDA'I RGYU MTSAN YIN BA'I PHYIR RO, ,DE'I PHYIR RGYU TZAM SGRUB NA GRUB BA LA SGRUB PA YIN NO, ,KHYAD PAR GRUB NA RJES DPAG PAS GNOD PA DANG, RJES SU 'GRO BA MED PA YANG SNGA MA BZHIN NO ZHES STON PA DANG, GTAN TSIGS KYANG 'DOD PA LAS BZLOG PA SGRUB PAR BYED PA'I PHYIR 'GAL BA NYID YIN NO ZHES STON PA NI, CHA MED DNGOS GCIG CES BYA BA LA SOGS PA'O, ,DE DAG CES BYA BA NI DUS DANG PHYOGS DAG GO, ,MDUN RGYAB LA SOGS PA'I SHES PA DUS DANG PHYOGS ZHES BYA BA DNGOS PO CHA MED PA GCIG PA ZHIG RGYU MTSAN CAN DU 'DOD, DE YANG MA GRUB STE, 'DI LTAR RANG GI RNAM PA'I RJES SU BYED PA'I SHES BSKYED PAR

272b

BYED PA'I YUL YIN TE GANG GIS MDUN DANG RGYAB LA SOGS PA'I SHAS PA DES BYAS PAR 'GYUR BA CHA SHES MED PA LA NI MDUN DANG RGYAB LA SOGS PA'I RNAM PAR DBYE BA YOD PA YANG YIN NO, ,DE'I PHYIR 'DOD PA LAS BZLOG PA SGRUB PAR BYED PA'I PHYIR GTAN TSIGS 'GAL BA YIN NO, ,GAL TE 'BREL BA CAN THA DAD CES BYA BA 'DIS GZHAN GYI LEN DOGS PAR BYED DO, ,CI STE YANG GANG PHYOGS DANG DUS DANG 'BREL PA CAN GYI PHYI DANG NANG GI DNGOS PO ME MAR DANG LUS LA SOGS PA DE DAG LA MDUN DANG RGYAB LA SOGS PA YOD PA YIN TE, DES NA DUS DANG PHYOGS DE DAG KYANG 'BREL PA CAN DU GTOGS PA'I MDUN RGYAB LA SOGS PA 'DI BSTAN PA YIN TE, DE'I PHYIR GTAN TSIGS 'GAL BA MA YIN NO SNYAM DU 'DOD PA YIN NO, ,'DIR LAN SMRAS PA, DE LTA NA NI, DE DAG DON MED MA YIN NAM, ,ZHES BYA BA STE, DE LTAR RTOG NA DUS DANG PHYOGS DE DAG MED PAR 'GYUR BA YIN TE, DE'I BSGRUB PAR BYA BA MNGON PAR 'DOD PA'I 'BRAS BU 'BREL PA CAN DE NYID KYIS BSGRUBS PA'I PHYIR RO, ,'DI LTAR DUS NI, SNGA MA DANG, PHYI MA DANG, SKAD CIG DANG, THAD CIG DANG, MIG BTZUMS PA DANG, MTHAR DANG, CHA DANG, YUD TZAM DANG, NYIN ZHAG DANG, ZLA BA PHYED DANG, ZLA BA LA SOGS PA'I SHES PA SKYE BA'I RGYU YIN LA, PHYOGS KYANG SHAR DANG NUB LA SOGS PA RNAM PAR 'JOG PA'I RGYUR 'DOD DE, THA DAD PA 'DI MTHA' DAG KYANG DE DAG GI BDAG NYID LA YOD PA THA DAD PA DAG LA YANG YOD PA'I PHYIR THA DAD PA DAG LA YANG YOD PAR KUN DU RTOG PA DE NI DON MED DO, ,YID SGRUB PAR BYED PA'I GTAN TSIGS KYANG SPYIR RGYU TZAM SGRUB NA GRUB PA LA SGRUB PA YIN NO ZHES STON PA NI, MIG LA SOGS PA LAS GZHAN PA ZHES BYA BA LA SOGS PA'O, ,KHYAD PAR DU RTAG PA GCIG BU'I YID SGRUB PAR BYED NA RJES SU 'GRO BA MED PA DANG, DAM BCA' BA LA RJES SU DPAG PAS GNOD BA DANG, GTAN TSIGS KYANG 'GAL BA YIN NO ZHES STON BA NI, YID NI RTAG NA ZHES BYA BA LA SOGS PA STE, 'DOD PA LA GNOD PA BYED PAR 'GYUR ZHES BYA BA NI, MIG LA SOGS PA LAS THA DAD PA'I MI RTAG PA'I RGYU LA LTOS PA DANG BCAS PA NYID DU SGRUB PA BYED PA'I PHYIR RO, ,DE LTA MA YIN TE RGYU RTAGS PA NYID YIN NA RGYU MA TSANG MED PA'I PHYIR SHES PA RNAMS RIM GYIS SKYE BA 'GAL BAR

273a

, ,'GYUR RO; ,GTAN TSIGS 'GAL BA DE NYID BZHAD GAD DU BYED PA SNGON DU 'GRO BAS BSTAN PAR BYA BA'I PHYIR, BDE GSHEGS PA DANG ZHES BYA BA LA SOGS PA SMOS TE, DE NYID KYI PHYIR BDE BAR GSHEGS PA DANG, MU STEGS BYED DAG 'DOD PA'I YID GRUB PA DANG MA GRUB PAR BYA BA'I PHYIR, SHES PA CIG CAR MI SKYE BA NI YID KYI RTAGS MA YIN NO ZHES BYA BA'I MDO 'DI BYAS BA YIN TE, PHYOGS GCIG LA DGAG PA'I TSIG GDON PAR BYA BA'I PHYIR RO SNYAM DU SEMS TE, BSDUS PA'I DON TO, ,YAN LAG GI DON BRJOD PA, BDE GSHEGS PA DANG PHYI ROL PA STE MU STEGS BA DE DAG GIS BSTAN PA YANG DE DAG YIN LA, YID KYANG YIN ZHES TSIG RNAM PAR SBYAR RO, ,DE DAG GO RIMS BZHIN DU GRUB PA DANG MA GRUB PA'AM, YANG DAG PAR GRUB PA'AM, LHAN CIG PA'I GRUB PA DE'I PHYIR TE, DE'I RGYU MTSAN DU'O, ,DE YANG JI LTAR MDO GCIG GIS DON 'GAL BA GNYIS GO BAR BYED CE NA DGAG BCAS ZHES BYA BA LA SOGS PA SMOS TE, DGAG PA DANG LHAN CIG TU 'JUG PA ZHES BYA BA GZHAN GYI YID MA GRUB PAR BYA BA'I PHYIR RTAGS MA YIN NO ZHES DGAG PA'I TSIG BTON NAS BSTAN LA, BDE BAR BSHEGS PA PA'I YID GRUB PAR BYA BA'I PHYIR GZHAN DU DGAG PA MED PA ZHES BYA BA'I DON TO,, YANG 'ON TE JI LTAR TSIG GCIG LA DGAG PA DANG BCAS PA DANG DGAG PA MED PA GNYIS 'GRUB PAR 'GYUR ZHE NA, BZLAS PA YIS ZHES BYA BA LA SOGS PA SMOS TE, 'DI BZLAS PA'I TSUL GYIS ZHES BYA BA'I THA TSIG GO, ,DE KHO NA NYID BSDUS PA'I DKA' 'GREL LAS, RDZAS KYI TSIG GI DON BRTAG PA STE BCO LNGA PA'O,, ,,YON TAN LA SOGS PA RNAMS DGAG PA'I PHYIR RDZAS RNAMS ZHES BYA BA LA SOGS PA SMOS TE, RDZAS RNAMS BKAG PA NYID KYIS YON TAN DANG LAS LA SOGS PA KHYAD PAR GYI MTHAR THUG PA RNAMS BSAL BA YIN TE, DE DAG NI DE LA BRTEN PA NYID YIN PA'I PHYIR RO, ,RTEN MED PA NA YANG BRTEN PA RNAMS GZHAN GYI DBANG NYID KYIS GNAS PA MI 'THAD PA'I PHYIR RO, ,DER BRTEN PA STE DE LTAR 'DOD PA ZHES BYA BA NI DNGOS SAM BRGYUD PAS RDZAS LA BRTEN PA NYID DU 'DOD PA'O, ,'DI LTAR YON TAN DANG LAS DAG NI DNGOS KHO NAR RDZAS LA BRTEN PA NYID DU 'DOD DE, DE SKAD DU YANG MDO LAS,

273b

YON TAN GYI MTSAN NYID NI RDZAS LA BRTEN PA, YON TAN GYI LDAN PA DANG, RNAM PAR DBYE BA DAG LA RGYU MA YIN PA LTOS PA MED PA ZHES BYA'O, ,LAS KYI MTSAN NYID NI RDZAS GCIG PA CAN YON TAN MED PA CAN LDAN PA DANG RNAM PAR DBYE BA DAG LA LTOS BA MED PA'I RGYU MA YIN PA ZHES BYA BA'O, ,RDZAS GCIG PA ZHES BYA BA NI RDZAS GCIG LA BRTEN PA ZHES BYA BA'I DON TO, ,YON TAN KHA CIG NI RDZAS DU MA LA 'JUG PA YIN TE, JI LTAR LDAN PA DANG RNAM PAR DBYE BA LA SOGS PA LTA BU'O, ,SPYI DANG BYE BRAG RNAMS KYANG KHA CIG NI RDZAS LA 'JUG PA KHO NA YIN TE, DPE NAS NYID LA SOGS PA BZHIN NO, ,YON TAN DANG LAS NYID LA SOGS RDZAS DANG 'BREL PA'I YON TAN DANG LAS KYI TSIG GI DON LA 'JUG GO, ,SPYI CHEN PO YOD PA ZHES BYA BA NI RDZAS LA SOGS PA TSIG GI DON GSUM LA 'JUG GO, ,DE LTA BAS NA RDZAS BKAG NAS 'BAD MI DGOS PAR YON TAN LA SOGS PA YANG BKAG PAR 'GYUR BA'I PHYIR TSIG GI DON LHAG MA BRTAGS PA'I 'BRAS BU NI RDZAS BRTAG PA NYID DU RDZOGS PA YIN NO ZHES BSTAN PA YIN NO, ,'O NA 'DU BA DGAG PA LOGS SHIN TU BRTZAM PAR BYA DGOS SO ZHE NA, 'DU BA'ANG GANG DU GANG GI YIN, ,ZHES BYA BA SMOS TE, TSIG GI DON LNGA LA 'JUG PA'I NGO BO NI 'DU BA YIN PAR BRJOD DE, RDZAS LA SOGS PA 'BREL PA CAN RNAM PA LNGA BSAL BA YIN NA GANG DU GANG GIS 'DU BA YIN TE, GANG DU YANG 'GA' YANG MA YIN NO ZHES BYA BA'I DON TE, RTEN DANG BRTEN PA THAMS CAD BKAG PA'I PHYIR RO, ,DE LA RE ZHIG YON TAN RNAMS KHYAD PAR DU DGAG PA BRJOD PAR BYA STE, DE LA MDO LAS GZUGS DANG, RO DANG, DRI DANG, REG PA RNAMS DANG, GRANGS DANG, TSAD DANG, SO SO PA NYID DANG, LDAN PA DANG, RNAM PAR DBYE BA DANG, GZHAN DANG, GZHAN MA YIN PA NYID DANG, BLO RNAMS DANG, BDE BA DANG, SDUG BSNGAL DAG DANG, 'DOD PA DANG, SDANG BA DAG DANG, 'BAD PA NI YON TAN DAG GO ZHES 'BYUNG STE, DANG GI SGRA LAS LCI BA NYID DANG, GSHER BA NYID DANG, SNUM PA DANG, 'DUS BYAS PA DANG, CHOS DANG CHOS MA YIN PA DANG, SGRA RNAMS GZUNG NGO, ,DE LA GZUGS NI MIG GIS GZUNG BAR BYA BA STE, SA DANG CHU DANG ME LA GNAS SO, ,RO NI LCE'I DBANG POS GZUNG BAR BYA BA STE, SA DANG CHU LA GNAS SO, ,DRI NI SNAS GZUNG BAR BYA STE, SA LA GNAS SO, ,REG PA NI LUS KYI DBANG

274a

, ,BOS GZUNG BAR BYA STE, SA DANG, CHU DANG, ME DANG RLUNG LA GNAS SO, ,'DI DAG GI GZUGS LA SOGS PA DANG PO BZHI DGAG PA'I PHYIR, RAGS PA'I RDZAS LA ZHES BYA BA LA SOGS PA SMOS TE, RAGS PA NYID GYI RDZAS LA 'DU BA RNAMS NI DMIGS PA'I MTSAN NYID DU 'GYUR BA NYID YIN TE; DE'I PHYIR RAGS PA LA ZHES BSHAD DO, ,RDZAS DE LA YANG SNGON PO LA SOGS PA RNAM PA BZHI PO GAL TE GCIG PA NYID DE CHA SHAS MED PAR 'DOD NA, DE'I TSE SGO GSEB LA SOGS PA'I BU GAR 'JUG PA'I SGRON MA LA SOGS PA'I SNANG BA PHRA MOS KYANG KHANG PA'I PHUGS LA SOGS PAR GNAS PA'I BUM PA LA SOGS PA'I RDZAS CHES CHE BA DANG 'DU BA'I SNGON PO LA SOGS PA'I NGO BO MNGON PAR GSAL BA NA RDZAS JI SNYED PA MTHA' DAG LA GNAS PA'I GZUGS LA SOGS PA MNGON PAR GSAL BA DANG DMIGS PAR 'GYUR TE, CHA SHAS MED PA'I PHYIR RO, ,GANG GIS PHYOGS GCIG GIS MNGON PAR GSAL BAR 'GYUR BA GCIG LA CHA YOD PA YANG MA YIN NO, ,BU GA'I SNANG BAS ZHES BYA BA NI MTSON BA STE, SA'I PHYOGS GCIG TU CHUS MNGON PAR GSAL BA NA PHYOGS GZHAN DU YANG MNGON PAR GSAL BA DANG DMIGS PAR THAL BAR 'GYUR RO, ,ME LA SOGS PA DANG AA MRA'I 'BRAS BU LA SOGS PA'I PHYOGS GCIG GI SHAN TZAM REG PA DANG MYANGS PA NA, RDZAS DE LA 'DU BA DE SNYED PA'I REG PA DANG, RO DMIGS PAR 'GYUR RO, ,'DI SNYAM DU SNGON PO LA SOGS PA MTHA' DAG DMIGS PA DANG, MNGON PAR GSAL BAR 'GYUR BA KHO NA'O SNYAM DU SEMS NA, YANGS PA'I YUL DU ZHES BYA BA LA SOGS PA SMOS TE, DE TSE ZHES BYA BA NI DE'I DUS NA'O, ,DE'I ZHES BYA BA NI BU GA'I SNANG BAS SO, ,DE'I NI ZHES BYA BA NI SNGON PO LA SOGS PA RDUL PHRA RAB RNAMS THA DAD PAR KHAS LEN PA NAS LA SOGS PA'I RDUL PHRA RAB KYI RDZAS BZHIN DU RDUL PHRA RAB TSAD DANG LDAN PA'I PHYIR RDZAS KYI RANG BZHIN NYID DU 'GYUR GYI, YON TAN NYID NI MA YIN NO, ,DE LTA BUR GYUR PA'I RDUL PHRA RAB THA DAD PA RNAMS LA YON TAN DU THA SNYAD BYED NA MING LA RTZOD PA MED DO, ,RDUL NYID YIN NA YANG BRTEN PA NYID LAS YON TAN NYID DU RIG PA NI MA YIN TE, YOD PA DANG MED PA LA RTEN MI 'THAD PA'I PHYIR DANG, HA CANG THAL BAR 'GYUR BA'I YANG PHYIR RO, ,'DI LTAR YAN LAG CAN GYI

274b

RDZAS KYANG YAN LAG GI RDZAS LA BRTEN PA'I PHYIR DE YANG YON TAN DU 'GYUR RO SNYAM DU BSAMS PA YIN NO, ,DE LA GCIG LA SOGS PA'I THA SNYAD KYI RGYU GCIG NYID LA SOGS PA'I MTSAN NYID KYI GRANGS TE, DE YANG RDZAS GCIG PA DANG RDZAS DU MA PA YIN NO, ,DE LA GCIG GI GRANGS NI RDZAS GCIG PA YIN LA, GNYIS NYID LA SOGS PA NI RDZAS DU MA YIN NO, ,DE LA RDZAS GCIG PA LA NI RTAG PA NYID DANG, MI RTAG PA NYID DAG TU SGRUB BAR CHU LA SOGS PA'I RDUL PHRA RAB LA SOGS PAR GTOGS PA'I GZUGS LA SOGS PA BZHIN DU RTOGS PAR BYA'O, ,RDZAS DU MA NI DU MA'I YUL CAN GYI BLO DANG LHAN CIG PA'I GCIG LAS GRUB PA LA LTOS PA'I BLO 'JIG PAS 'JIG PA DANG, LA LA RTEN 'JIG PAS KYANG 'JIG PA YIN TE ZHES RTOGS PAR BYA'O, ,GZHAN DAG GRANGS RNAM PA GNYIS PO 'DI YANG MNGON SUM NYID KYIS GRUB BA DANG, ,KHYAD PAR GYI BLO YANG RGYU MTSAN GZHAN LA LTOS PA'I PHYIR RJES SU DPAG PAS KYANG GRUB PAR SEMS SO ZHES GRAG GO, , DE LA 'DI'I 'GEGS PA BSHAD PA, DE MIN NGO BO LAS LDOG PA, ,ZHES BYA BA LA SOGS PA SMOS TE, BSDUS PA LA SOGS PA LAS LDOG PA'I GLANG PO LA SOGS PA GANG DAG LA MING SBYOR BA DE LAS MA GTOGS PA'I DMIGS PA'I MTSAN NYID DU CHUD PA'I GRANGS ZHES BYA BA YOD PA MA YIN PA'I PHYIR, DE RI BONG GI RVA BZHIN DU MED PA'I THA SNYAD KYI YUL YIN NO, ,'DI LTAR 'DI NI SNANG DU RUNG BAR 'DOD DE, DE SKAD DU YANG MDO LAS GRANGS DANG TSAD RNAMS DANG, SO SO BA NYID DANG, LDAN PA DANG, RNAM PAR DBYE BA DAG DANG, GZHAN DANG GZHAN MA YIN PA NYID DANG, LAS NI GZUGS CAN GYI RDZAS DANG 'DU BA'I PHYIR, MIG GIS GZUNG BAR BYA BA YIN NO ZHES 'BYUNG NGO, ,KHYAD PAR GYI BLO LAS GRANGS 'GRUB PA YANG MA YIN NO ZHES BSTAN PA'I PHYIR, 'DOD PAS RAB TU SBYAR BA'I ZHES BYA BA LA SOGS PA SMOS TE, 'DI LTAR SHES PA GCIG GO, ,SHES PA GNYIS SO ZHES BYA BA LA SOGS PA LA GRANGS MED PAR YANG GCIG LA SOGS PA'I BLOR 'GYUR BA DE BZHIN DU GROGS LA SOGS PA MED PA'I BUM PA LA SOGS PA'I DNGOS PO RNAMS LA YANG GCIG CES BYA BA LA SOGS PA RANG GI 'DOD PAS BRDA BYAS PA DE LA YID LA BYED PA GANG YIN PA GZO PA DE'I RJES SU 'GRO BA'I SHES PA GCIG 'BYUNG BAR 'GYUR BAS 'DI MA

275a

, ,NGES PA YIN NO, ,SHES PA DE DAG LA NI GRANGS YOD BA MA YIN TE, DE DAG RDZAS MA YIN PA'I PHYIR DANG, GRANGS NI YON TAN NYID YIN PAS RDZAS LA BRTEN PA'I PHYIR RO, ,CI STE SHES PA 'DI DAG LA 'DI NI NYE BAR BTAGS PA YIN TE, CI LTA BU NI GCIG YIN TE, 'DIR CHOS MTHUN PA YANG GROGS MED PA'I PHYIR RO SNYAM DU 'DOD NA SHES, DE ZHES BYA BA SMOS TE, SHES BA 'DI NI BTAGS PA YIN PAR MI RIGS PA MA YIN TE, SHES PA 'DI NI 'KHRUL PA MED PAR 'JUG PA'I PHYIR RO, ,DPER NA KHUNG BU PA LA BA LANG ZHES SHES PA 'KHRUL PA STE, BA LANG LTA BU NI BA LANG YIN GYI BA LANG NYID NI MA YIN TE, NOG LA SOGS PA MED PA'I PHYIR RO ZHES BYA BA DE BZHIN DU SHES PA GCIG LA SOGS PA 'DI 'KHRUL PA GCIG LTA BU NI GCIG DANG 'DRA BA YIN GYI GCIG NYID NI MA YIN NO ZHES BYA BA NI MA YIN NO, ,'O NA CI ZHE NA, BUM PA LA SOGS PA LA CI 'DRA BA'I BLO MA 'KHRUL BAR 'GYUR BA DE 'DRA BA SHES PA LA SOGS PA YANG MA YIN NO, ,'DI SNYAM DU SHES PA 'DI 'DRA BA LA LTOS NAS BRJOD PA MA YIN GYI 'ON KYANG DE DAG GI RTEN DU GYUR PA'I RDZAS GANG YIN PA DER GTOGS PA'I GCIG NYID LA SOGS PA LAS DON GCIG LA 'DU BA'I PHYIR, YON TAN DANG LAS DANG 'DU BA LA SOGS PA LA GCIG LA SOGS PA'I SHES PA 'DIR 'GYUR BA YIN NO ZHES BYA BA 'DI'I DOGS PA BSU BA NI; DON GCIG LA NI 'DU BA'I PHYIR, ,ZHES BYA BA LA SOGS PA SMOS SO, ,'DIR LAN SMRAS PA, DE LTAR ZHES BYA BA LA SOGS PA STE, GAL TE SHES PA 'DI RDZAS DE DANG 'DU BA'I GCIG NYID LA SOGS PA LAS SHES PA GCIG DANG BDE BA LA SOGS PA GCIG GI BDAG NYID KYI RDZAS DANG 'DU BA RNAMS LA DE'I TSE DE LTAR SHES PA GCIG GO ZHES BYA BA YIN DU CHUG MOD, SHES PA GNYIS DANG GSUM DANG BZHI ZHES BYA BA LA SOGS PA'I SHES PA LA RGYU CI ZHIG YOD, GCIG GI BDAG NYID DU GYUR PA DE LA GNYIS NYID LA SOGS PA YOD PA MA YIN NO, ,GANG YANG TSIG GI DON DRUG DANG, BDE BA DANG SDUG BSNGAL DAG DANG, 'DOD PA DANG SDANG BDAG DANG, LAS RNAM PA LNGA DANG, GZHAN DANG GZHAN KHYAB PA DANG MA KHYAB BA'I SPYI RNAM PA GNYIS DANG MA YIN PA'I SPYI RNAM PA GNYIS DANG, DNGOS PO GCIG DANG, 'DU BA GCIG CES BYA BA 'DI BRJOD PA DE LA RGYU CI ZHIG YOD, DE LA DON GCIG LA 'DU BA'I GRANGS NI YOD PA MA YIN TE, DE

275b

LTA BAS NA KHYAB PAR BYED PA MA YIN PA'I PHYIR 'DI YANG BRTAG BAR MI RIGS SO, ,GZHAN YANG GAL TE DON GCIG LA 'DU BA'AM GZHAN YANG RUNG STE, RANG GI BLOS BRTAGS PA'I RGYU BRJOD PA DE LTA BU YANG DON GCIG LA 'DU BA LA SOGS PA LAS SKYE BA'I SHES PA 'DI BRTAGS PAR 'GYUR TE, DNGOS PO GZHAN MED PA'I PHYIR RO; ,DE LTA YIN DANG 'KHRUL PAR 'GYUR RO, ,DE 'JUG PA'I RGYU MTSAN MED PA'I PHYIR DPER NA BRAM ZE'I KHYE'U LA ME'I SHES PA BZHIN NO, ,DE LTAR YANG MA YIN TE, DE'I PHYIR GANG BSHAD PA'I NYES PA LAS MI 'DA' BA KHO NA'O, ,GLANG PO LA SOGS SHES PA LAS, ,ZHES BYA BA LA SOGS PAS GRANGS GRUB PAR BYA BA'I PHYIR RNAM PHUG PAS SMRAS PA'I TSAD MA DOGS PAR BYED DO, ,DES SMRAS PA, DMAG GI SHES PA NI GLANG PO CHE DANG RTA DANG SHING RTA LA SOGS PA LAS MA GTOGS PA'I RGYU MTSAN CAN YIN TE, GLANG PO LA SOGS PA'I SHES PA DANG MI 'DRA BA'I PHYIR GOS SNGON PO'I SHES PA BZHIN NO ZHE'O, ,DE LAS GZHAN LAS BYUNG ZHES BYA BA NI, GLANG PO CHE DANG RTA DANG SHING RTA LA SOGS PA DE LAS GZHAN NI DE LAS GZHAN NO, ,DE LAS BYUNG BA GANG LA YOD PA ZHES TSIG RNAM PAR SBYAR RO, ,'DOD PAS SBYAR BA'I ZHES BYA BA LA SOGS PAS LAN 'DEBS PAR BYED DE, GLANG PO LA SOGS PA LAS THA DAD PA'I BRDA'I YID LA BYED PA LA SOGS PA NANG GI RGYU MTSAN CAN DU 'DOD PA'I PHYIR GRUB PA LA SGRUB PA NYID DO, ,SOGS PA'I SGRAS BRDA DRAN PA LA SOGS PA BZUNG NGO, ,CI STE BRDA GZO BA LA SOGS PA LAS THA DAD PA'I DNGOS PO RGYU MTSAN CAN NYID DU BSGRUB PAR 'DOD NA, DE'I TSE MA NGES PA YIN NO ZHES THAL BAR 'GYUR BA BRJOD PA'I THABS KYIS STON PA NI, 'DI NYID KYIS, BLO LA SOGS PA'ANG GRANGS SU 'GYUR, ,ZHES BYA BA SMOS TE, DE'I SHES PA DANG MI 'DRA BA'I PHYIR ZHES BSHAD PAS DE NYID KYIS, GCIG GI BLO DANG GNYIS KYI BLO DANG LAS LNGA ZHES BYA BA LA SOGS PA YANG GRANGS SU 'GYUR TE, GCIG LA SOGS PA'I BLO DE LA YANG DE'I SHES PA DANG MI 'DRA BA'I PHYIR RO, ,DE LTA YANG MA YIN TE, DE LTA BAS NA MA NGES PA YIN NO SNYAM DU BSAMS PA YIN NO, ,GZHAN YANG GNYIS NYID LA SOGS PA'I GRANGS RDZAS DU MA GANG YIN PA DE'I BLO DU MA DANG LHAN CIG BA'I GCIG NYID LAS GRUB PAR KHYED CAG GIS SMRAS PA GANG YIN PA DE NI RGYU MTSAN MED PA YIN NO,

276a

, ,ZHES STON PA NI, GAL TE BLO LA LTOS PA LAS ZHES BYA BA LA SOGS PA SMOS TE, TZAM SMOS PAS GCIG NYID DANG GNYIS NYID LA SOGS PA DE'I SPYI DANG 'BREL BA CAN GYI SHES PA RNAM PAR GCOD PA'I DON DU'O, ,BLO DE ZHES BYA BA NI BGRANG BAR BYA BA DAG LA GNYIS DANG GSUM DANG BZHI ZHES BYA BA LA SOGS PA'I BLO BRDA GZO BA TZAM GYIS CI'I PHYIR MI 'DOD, DE LTA NA NI NUS PA MTHONG BA RGYU NYID DU BRTAGS PAR MI 'GYUR RO, ,DE LTA MA YIN NA GTAN TSIGS RNAMS THUG PA MED PAR 'GYUR RO, ,'DI LTAR LTOS PA'I BLO YOD NA YOD PA'I PHYIR DE DANG DE MED NA YANG MED PA'I PHYIR DER GTOGS PA'I RJES SU 'GRO BA DANG LDOG PA'I RJES SU BYED PA'I PHYIR RO, ,DE KHO NA BRTAG PAR RIGS KYI GZHAN DU NI 'KHRU SMAN DANG PHRAD NAS LTO 'KHRU BAR BYED DO ZHES BYA BA YANG BRTAG PAR 'GYUR RO, ,BSDU BA LA SOGS PA LAS LDOG CING DNGOS PO LAS THA DAD PA DMIGS PA'I MTSAN NYID DU GYUR PAR MNGON PAR 'DOD PA'I GNYIS NYID LA SOGS PA SNANG BA'AM 'THAD PA YANG MA YIN TE, GCIG DU MA LA 'JUG PA BKAG PA'I PHYIR DANG, SPYI DANG 'DU BA YANG 'GOG PAR 'GYUR BA'I PHYIR SNYAM DU DGONGS PA'O, ,CHE DANG RING SOGS ZHES BYA BA LA SOGS PAS TSAD DGAG PA'I PHYIR BSHAD PA TSAD KYI THA DAD KYI RGYU NI MED DO, ,DE YANG CHEN PO DANG RDUL PHRA RAB DANG, RING PO DANG, THUNG NGU ZHES BYA BA RNAM PA BZHI STE, DE LA CHEN PO NI RNAM PA GNYIS TE, RTAG PA DANG MI RTAG PA'O, ,RTAG PA NI NAM MKHA' DANG, DUS DANG PHYOGS DANG BDAG RNAMS LA NI MCHOG TU CHEN PO NYID DO, ,MI RTAG BA NI RDUL PHRA RAB GSUM PA LA SOGS BA'I RDZAS RNAMS LA'O, ,DE BZHIN DU RDUL PHRA RAB KYANG RNAM PA GNYIS TE, RTAG PA DANG, MI RTAG PA'O, ,RTAG PA NI RDUL PHRA RAB DANG, YID LA ZLUM PA'I MTSAN NYID CAN NO, ,MI RTAG PA NI RDUL PHRA RAB GNYIS PA NYID DO, ,AUTPALA DANG, SKYU RU RA DANG, BIL BA LA SOGS PA CHEN PO LA YANG, KHYAD PAR DU 'PHAGS PAR 'BYUNG BA'I DNGOS PO LA LTOS NAS BTAGS NAS RDUL PHRA RAB TU BRJOD DE, SKYUR RU'I CHE BA'I TSAD CI 'DRA BA DE 'DRA BA'I AUTPALA MA YIN NO ZHES BYA BA STE, DE BZHIN DU GZHAN LA YANG SBYAR BAR BYA'O, ,CI STE RDUL PHRA RAB GSUM PA LA SOGS PA LA 'JUG PA'I CHEN PO DANG RING BA DAG DANG, RDUL PHRAN GNYIS 'BYAR PA'I RDUL PHRA RAB DANG, THUNG DU DAG

276b

BA KHYAD BAR CI YOD CE NA, BRJOD BA DE LA CHEN BO NYID DANG RING PO NYID DAG LA PHAN TSUN KHYAD PAR YOD DE, CHEN PO RNAMS LAS RING PO 'ON CIG ,RING PO RNAMS LAS CHEN PO 'ON CIG CES BYA BA'I THA SNYAD THA DAD PA MTHONG BA'I PHYIR RO, ,RDUL PHRA RAB DANG THUNG DU DAG GI KHYAD PAR YANG DE MTHONG BA'I RNAL 'BYOR PA RNAMS KYI MNGON SUM NYID DO ZHES BYA BA 'DI NI GZHAN DAG GI LUGS YIN NO, ,GZHAN DAG NI CHEN PO LA SOGS PA 'DI YANG GZUGS LA SOGS PA LAS DON GZHAN DU GYUR PA NYID DU 'GRUB PA STE, DE'I SHES PA DANG MI 'DRA'I BLOS GZUNG BAR BYA BA YIN PA'I PHYIR, BDE BA LA SOGS PA BZHIN NO ZHES SEMS TE, DE LA RE ZHIG GAL TE GZUGS LA SOGS PA'I YUL CAN GYI DBANG PO'I BLO DANG MI 'DRA BA'I MNGON SUM GYI SHES PAS GZUNG BAR BYA BA'I PHYIR RO ZHES BYA BA GTAN TSIGS KYI DON DU 'DOD NA, DE'I TSE GTAN TSIGS MA GRUB PA NYID YIN TE, DE LTAR GNAS PA'I GZUGS LA SOGS PA'I DNGOS PO LAS MA GTOGS PAR CHEN PO LA SOGS PA'I TSE DA BAB DA PO'I BLO LA SNANG BA BZHIN PAR MA DMIGS SO, ,CI STE RDUL PHRA RAB DANG CHEN PO'I ZHES BYA BA STE, DE LTA BU RNAM PAR RTOG PA'I BLO GANG YIN PA DE DE'I SHES PA DANG MI 'DRA BA'I BLOS ZHES BYA BAR 'DOD NA, DE LTA NA YANG GTAN TSIGS MA NGES PA NYID YIN TE, MI MTHUN PA'I PHYOGS LA GNOD PAR BYED PA'I TSAD MA MED PA'I PHYIR RO, ,'DI LA DON DAM PAR GZUNG BAR BYA BA CUNG ZAD KYANG YOD PA MA YIN TE, RTOG PA DANG BCAS PA'I PHYIR RO, ,PHYOGS GCIG TU MNGON DU PHYOGS PA LA SOGS PAR 'JUG PA'I GZUGS LA SOGS PA MTHONG BA DE DAG LA, DE DANG MI 'DRA BA'I GZUGS LA SOGS PA LAS THA DAD PAR BSTAN PAR BYA BA'I PHYIR BRDA BYAS PA'I DOR CHEN PO ZHES DES PA SKYE BA 'BA' ZHIG TU GRANG DO, ,DE'I PHYIR DNGOS PO GZHAN GRUB PA MA YIN NO, ,DE NYID KYI PHYIR 'DI GZUGS LA SOGS PA LAS MA GTOGS PA'I DES PA YOD PA MA YIN PA'I PHYIR GTAN TSIGS KYANG MA GRUB PA YIN NO, ,DAM BCA' YANG MNGON SUM GYIS GNOD PA YIN TE, MNGON SUM DU 'DOD PA'I CHEN PO LA SOGS PA GZUGS LA SOGS PA LAS MA GTOGS BAR MI DMIGS PA'I PHYIR, ,DE LTA BAS NA TSAD DE YANG PHYOGS GCIG TU PHYOGS PA LA SOGS PAR 'JUG PA'I GZUGS LA SOGS PA'I DON LA DON DE DE LTA BUR GYUR PA MA YIN PA LAS THA DAD PA LA BRTON

277a

, ,NAS DE'I BDAG NYID DU CI STE MI 'DOD, DE LTA NA NI MA MTHONG BA DANG MI RIGS PA'I DNGOS PO BRTAG PAR BYA MI DGOS PAR 'GYUR RO, ,THA DAD NYID KYIS NI ZHES NYID KYI SGRAS BSTAN TO, ,'DI LTAR PHYOGS GCIG TU MNGON DU PHYOGS PAR 'JUG PA'I GZUGS LA SOGS PA MANG PO MTHONG BA'AM, RIG PA NA RING PO'O ZHES THA SNYID DU BYED LA, DE LA LTOS PA'I NYUNG DUR SKYE BA LA THUNG NGO ZHES BYA BA'O, ,DE BZHIN DU CHEN PO LA SOGS PA DE DAG LA YANG SBYAR BAR BYA'O, ,GZUGS LA SOGS PA BKAG PA BZHIN DU GCIG DANG DU MA'I RNAM PAR RTOG PA DAG LAS CHEN PO LA SOGS PA DGAG PA YANG BRJOD PAR BYA'O, ,GZHAN LA YANG BSGRUB PAR BYA BA MED PA LA GTAN TSIGS 'JUG PA MTHONG BA'I PHYIR MA NGES PA NYID DU GSAL RAB PA NYID DO ZHES BSTAN PA'I PHYIR JI LTAR KHAD BZANGS ZHES BYA BA LA SOGS PA SMOS TE, KHYED KYI KUN DU BRTAGS PA'I CHEN PO NYID LA SOGS PA MED NA YANG KHANG BZANGS KYI PHRENG LA SOGS PA DAG LA CHEN PO LA SOGS PA'I SHES PA SKYE BAR NYAMS SU MYONG BA YIN NO, ,GANG KHO NAR KHANG BZANGS LA SOGS PA LA PHRENG ZHES BYA BA'I YON TAN DANG 'DU BA DE LA CHEN PO LA SOGS PA YANG YIN TE, DES NA DON GCIG LA 'DU BA'I STOBS LAS DE BZHIN DU CHEN PO ZHES BYA BA DE LTA BUR DE'I PHRENG BA LA SOGS PAR THA SNYAD DU BYAS BA YIN NO ZHES BYA BA DE SKAD DU YANG BRJOD PAR MI NUS TE, DE YANG RANG GI GZHUNG DANG 'GAL LO ZHES BSTAN PAR BYA BA'I PHYIR, BRJOD PAR 'DOD PA'I ZHES BYA BA LA SOGS PA SMOS TE, KHYIM RNAMS LA ZHES BYA BA NI KHANG BZANGS LA SOGS PA DAG LA'O, ,BRJOD PAR 'DOD PA ZHES BYA BA NI RGYANG GRAGS DANG RGYANG GRAGS KYI PHYED LA SOGS PA'I TSAD DO, ,CI'I PHYIR MED CE NA, KHANG BZANGS ZHES BYA BA LA SOGS PA SMOS TE, 'DI LTAR KHYED CAG GIS NI KHANG BZANGS LDAN PA'I BDAG NYID KYI YON TAN DU 'DOD KYI, YAN LAG CAN GYI RDZAS NI MA YIN TE, RIGS MI MTHUN PAS RDZAS MI RTZOM PA'I PHYIR RO, ,YON TAN RNAMS NI YON TAN MED PA YIN NO ZHES BYA BA'I GZHUNG YIN PAS YON TAN DE YANG TSAD DANG LDAN PA MA YIN NO, ,DE LTA YIN DANG KHANG BZANGS LA SOGS PA'I YON TAN RNAMS LA PHRENG BA ZHES BYA BA'I YON TAN GZHAN MED PA'I PHYIR KHANG BZANGS KYI PHRENG ZHES BYA BA 'DI NYID DU MI 'GYUR NA CHEN PO DANG THUNG DU ZHES BYA BA LA SOGS PAR LTA GA LA 'GYUR, 'DI LTAR PHRENG BA NI GRANGS KYI RANG BZHIN DU 'DOD LA GRANGS

277b

KYANG YON TAN YIN PA'I PHYIR, RDZAS KHO NA LA BRTEN GYI YON TAN LA NI MA YIN NO, ,CI STE YANG PHRENG BA YAN LAG CAN GYI RANG BZHIN DU 'DOD PA DE LTA NA YANG RDZAS KYI RTEN NI RDZAS KHO NA YIN GYI YON TAN NI MA YIN PA'I PHYIR PHRANG BA KHANG BZANGS LA BRTEN PA NYID MI RIGS SO, ,CI STE PHRENG BA RIGS KYI RANG BZHIN DU KHAS LEN PAR BYED NA DE LTA NA YANG RIGS RTEN SO SO LA BDAG NYID THAMS CAD KYIS YONGS SU RDZOGS PA'I PHYIR GCIG KYANG KHANG BZANGS KYI PHRENG BAR BRJOD PAR 'GYUR TE, SHING LJON PA BZHIN NO, ,JI SKAD DU, GAL TE'ANG KHYIM NI LDAN PA YIN, PHRENG STE DE LA JI LTAR 'GYUR, ,GAL TE RIGS YIN KHYIM GCIG LA'ANG, ,PHRENG ZHES BRJOD 'GYUR LJON SHING BZHIN, ,ZHES BSHAD PA BZHIN NO, ,GCIG DANG RING PO DANG CHEN PO LA SOGS PA THA SNYAD DU BYED PA MI 'THAD PA YANG DE'I GNAS SKABS KHO NA TE, PHRENG DANG DE'I RTEN KHANG BZANGS LA SOGS PA LA GCIG NYID LA SOGS PA'I YON TAN MED PA'I PHYIR DANG, SHING LA SOGS PA LA YANG BRJOD PAR 'DOD PA'I RING PO LA SOGS PA MED PA'I PHYIR RO, ,KHANG BZANGS KYI PHRENG MANG PO RNAMS LA PHRENG BA PHRENG BA ZHES SU 'GRO BA'I THA SNYAD DU MI 'GYUR TE, RIGS LA RIGS MED PA'I PHYIR RO, ,RIS PA, PHRENG MANG PO LA DE YI SGRA, ,JI LTAR RIGS LA RIGS MED PHYIR, ,ZHES GANG BSHAD PA YIN NO, ,DES NA BTAGS PA'I RTEN DE 'DZIN BA'AM, YANG RTEN DE GNAS PA MI RIGS SO ZHES BYA BA'I DON TO, ,PHRENG LA SOGS PA LA CHEN PO LA SOGS BA'I SHES PA 'DI 'KHRUL PAS 'JUG PA YANG MA YIN TE, DE LTA BAS NA NYE BAR BRTAGS PAR RIGS PA MA YIN NO, ,DNGOS KYI SHES PA DANG KHYAD PAR MED PA NI BRTAGS PAR RIGS PA MA YIN TE, HA CAD THAL BAR 'GYUR BA'I PHYIR RO, ,JI SKAD DU, PHRENG LA SOGS LA CHE NYID SOGS, ,NYE BAR BTAGS PA GANG 'DOD PA, ,BTAGS MIN DNGOS DANG KHYAD MED PA'I, ,SHES PA'I BZUNG BYA YIN PHYIR RO, ,ZHES GANG BSHAD PA YIN NO, ,DE LA GANG GI DBANG GIS 'DI 'DI LAS SO SO BA NYID YIN NO ZHES LDAN PA'I RDZAS LAS LOGS SU BYED PA DE NI LOGS SU BYED PA DE NI LOGS SU BYED PA'I RGYU SO SO BA NYID CES BYA BA YIN NO, ,DE YANG BUM PA LA SOGS PA LAS DON GZHAN DU GYUR BA YIN TE, DE'I SHES PA DANG MI 'DRA BA'I BLOS GZUNG BAR BYA BA YIN PA'I PHYIR ZHES BYA BA NI SNGA MA BZHIN DU GZHAN GYI BSAM PA'O, ,DE LA YANG TSAD BZHIN DU GTAN

278a

, ,TSIGS MA GRUB PA NYID DANG, MA NGES PA BZHIN NO ZHES ZHE LA BZHAG NAS SO SO BA'I RGYU NYID LAS ZHES BYA BA LA SOGS PA SMOS TE, 'DI LTAR 'DI LA YANG GZUGS LA SOGS PA LAS DBEN PA DON GZHAN DU GYUR BA GZHAN SO SO BA NYID CES BYA BA MNGON SUM GYI BLO LAS MI SNANG BA'I PHYIR, 'DI LA DE'I SHES PA DANG MI 'DRA BA'I BLOS GZUNG BAR BYA BA NYID MA GRUB PO, ,DE NYID KYI PHYIR DMIGS PA'I MTSAN NYID DU GYUR PA NYID DU MNGON PAR 'DOD PA DE NI MI DMIGS PA'I PHYIR MED PA NYID YIN NO, ,SO SO BA ZHES BYA BA DE RNAM PAR RTOG PA'I SHES PA'I DBANG GIS GRUB PA YANG MA YIN TE, ,GANG GI PHYIR GZUGS LA SOGS PA'I DNGOS PO DE DAG NYID RANG RANG GI NGO BO LA GNAS PA'I PHYIR, DNGOS PO THAMS CAD RIGS MTHUN PA DANG MI MTHUN PA LAS LDOG PA'I BDAG NYID KYIS LTOS PA NA SO SO ZHES BYA BA'I THA SNYAD KYI RGYU MTSAN DU 'GYUR BAS DE'I PHYIR DNGOS PO GZHAN MA GRUB PO, ,DE LTA BAS NA GANG DAG LOGS SHIG GI THA SNYAD DE BRJOD PA 'DI SO SO BA NYID KYI RGYU LAS YIN PAR BRJOD PA DE CI'I PHYIR, RIGS MTHUN PA DANG MI MTHUN PA LAS THA DAD PA'I RANG BZHIN GYI NGO BO DNGOS PO'I MTHAR THUG PAR MI 'DOD DE, DE'I MTHAR THUG PA NYID RIGS PA MA YIN NO SNYAM DU DGONGS PA'O, ,'DIS NI GTAN TSIGS MA NGES PA NYID DU BSTAN PA YIN NO, ,THA DAD PA'I BDAG NYID DE RANG BZHIN GANG DAG LA YOD PA DE DAG LA DE SKAD CES BYA'O, ,DE DAG KYANG YIN LA DNGOS PO YANG YIN TE, DE DAG LA MTHAR THUG PA STE, YONGS SU RDZOGS PA GANG LA YOD PA ZHES TSIG RNAM PAR SBYAR RO, ,BSGRUB PAR BYA BA'I MI MTHUN PA'I PHYOGS LA YANG GTAN TSIGS KYIS 'JUG PA MTHONG NGO ZHES BSTAN PA'I PHYIR, JI LTAR PHAN TSUN THA DAD PA'I, ,ZHES BYA BA LA SOGS PA SMOS TE, BDE BA LA SOGS PA YON TAN RNAMS LA SO SO BA NYID KYI YON TAN YOD PA NI MA YIN TE, YON TAN RNAMS LA YON TAN MED PA'I PHYIR RO, ,CI STE YANG PHUN TSUN LDOG PA'I BDAG NYID KYIS DE DAG SO SO ZHES BRJOD PAR 'GYUR NA, DE LA YANG LOGS SHIG GI THA SNYAD KYI YAN LAG GI RGYU MTSAN STON PAR BYED PA DE BZHIN DU RDZAS SU MNGON PAR 'DOD PA'I BUM PA LA SOGS PA, GZHAN LA YANG RANG LAS THA DAD PA'I SO SO NYID KYI MING CAN GYI YON TAN GZHAN MED PAR YANG 'GYUR RO, ,DE DAG LAS SHES PA 'DI BTAGS PA YANG MA YIN TE, DNGOS KYI SHES PA DANG KHYAD PAR MED PA'I PHYIR RO SNYAM

278b

DU BSAMS PA YIN NO, ,YANG NA LOGS SHIG GI THA SNYAD NI THA DAD PA'I BDAG NYID KYIS DNGOS PO'I RGYU MTSAN CAN DU BSTAN PAR BYA BA'I PHYIR DAM BCA' BA RJES SU DPAG PAS GNOD PA BSHAD PA NI JI LTAR PHAN TSUN ZHES BYA BA LA SOGS PA'O, ,SBYOR BA NI GANG DAG PHUN TSUN DU LDOG PA'I BDAG NYID DE DAG NI RANG GI THA DAD PA'I SO SO BA NYID LA BRTEN PA MA YIN NO, ,BDE BA LA SOGS PA BZHIN NO, ,BUM PA LA SOGS PA YANG PHAN TSUN LDOG PA'I BDAG NYID YIN NO ZHES BYA BA NI RANG BZHIN GYI GTAN TSIGS SO, ,GCIG LA DU MA YOD PA MA YIN ZHING, 'DU BA YANG 'GEGS PAR 'GYUR BA'I PHYIR 'BREL PA MI 'THAD PA DANG, BDE BA LA SOGS PA LA DE'I THA SNYAD MED PAR THAL BAR 'GYUR BA NI GNOD PA CAN GYI TSAD MA'O, ,DE LA LDAN PA DANG RNAM PAR DBYE BA DAG SUN DBYUNG BA'I PHYIR, GZHAN GYIS ZHES BYA BA LA SOGS PA SMOS TE, GO RIMS BZHIN DU RDZAS RNAMS LA LDAN PA DANG RNAM PAR DBYE BA'I SHES PA'I RGYU MA PHRAD PA DAG GI PHRAD PA DANG, PHRAD PA RNAMS KYI MA PHRAD PA'I RANG BZHIN GANG YANG RUNG BA DANG, GNYI GA'I LAS LAS BYUNG BA DANG, LDAN BA LAS BYUNG BA DANG, LDAN PA LAS BYUNG BA'I LDAN PA DANG, RNAM PAR DBYE BA DAG YIN NO ZHES BYA BA NI GZHAN GYI LUGS SO, ,'DI YANG GZHUNG LUGS TZAM YIN GYI, 'DI DAG DNGOS PO DE NYID DU SGRUB PA LA TSAD MA CUNG ZAD KYANG YOD PA NI MA YIN PAS DE'I PHYIR GZHAN GYIS DE DAG BRTAGS PA NI DON MED PA NYID YIN NO, ,SBYOR BA NI GANG LA SGRUB PAR BYED PA'I TSAD MA CUNG ZAD KYANG MED PA DE NI RTOGS PA DANG LDAN PA RNAMS KYI YOD PA'I THA SNYAD KYI YUL MA YIN TE, MO GSHAM GYI BU LA SOGS PA BZHIN NO, ,GZHAN GYI LDAN PA DANG RNAM PAR DBYE BA DAG LA YANG SGRUB PAR BYED PA'I TSAD MA MED DO ZHES BYA BA NI KHYAB PAR BYED PA MI DMIGS PA'O, ,'ON TE LDAN PA YOD MIN NA, ,ZHES BYA BA LA SOGS PAS NI GSAL BA'I LUGS BSTAN PAS GTAN TSIGS MA GRUB PA NYID DU DOGS PAR BYED DO, ,DE SMRAS PA, GAL TE LDAN PA ZHES BYA BA DON GZHAN DU 'GYUR BA MED PAR GYUR NA, DE'I TSE ZHING DANG SA BON DANG CHU LA SOGS PA KHYAD PAR MED PA'I PHYIR THAMS CAD KYI TSE MYU GU LA SOGS PA'I 'BRAS BU MED PAR GYUR NA DE LTA NA YANG MA YIN TE, DE LTA BAS NA THAMS CAD KYI TSE 'BRAS BU MI RTZOM PA'I PHYIR ZHING LA SOGS PA MYU GU LA SOGS PA'I 'BRAS BU SKYED PA LA

279a

, ,RGYU GZHAN LA LTOS PA DANG BCAS PA YIN TE, DPER NA 'JIM GONG DANG DBYUG GU DANG CHU DANG SKUD PA LA SOGS PA BUM PA LA SOGS PA BYED PA LA RDZA MKHAN LA SOGS PA LA LTOS PA DANG BCAS PA BZHIN NO, ,LTOS BA DANG BCAS PA GANG YIN PA 'DI NI LDAN PA YIN NO ZHES BYA BAR GRUB PO, ,GZHAN YANG LDAN PA 'DI RDZAS DAG GI KHYAD BAR NYID DU RTOGS BAR BYA BA YIN PA'I PHYIR DE LAS DON GZHAN NYID DU MNGON SUM NYID KYIS GRUB PO, ,'DI LTAR 'GA' ZHIG LA LA LAS LDAN PA'I RDZAS LONG SHIG CES BRJOD PA NA, RDZAS GANG DAG GI LDAN PA KHO NA DMIGS PA DE KHO NA LEN GYI RDZAS TZAM NI MA YIN NO, ,GZHAN DUN GANG YANG RUNG BA LEN PAR 'GYUR RO, ,'DI DAG THAMS CAD BZLOG NAS RNAM PAR DBYE BA SGRUB BA LA YANG SBYAR BAR BYA'O, ,GZHAN YANG GAL TE LDAN PA DANG RNAM PAR DBYE BA 'DI DAG DNGOS PO 'DI LAS DON GZHAN DU GYUR PAR MI 'GYUR NA, KHYAD BAR MED PAR YANG DNGOS PO 'DI NI BAR MED PA YIN LA, 'DI NI BAR DANG BCAS PA YIN NO ZHES BYA BA'I BLO THA DAD PAR JI LTAR RIGS PAR 'GYUR, KHYAD PAR GYI SHES PA NI DNGOS PO'I KHYAD PAR MED PAR SKYE PAR 'OS PA MA YIN TE, THAMS CAD DU THAMS CAD KYI TSE YOD BAR THAL BAR 'GYUR BA'I PHYIR RO, ,GZHAN YANG RDO BA DANG SENG LDENG LA SOGS PA SHIN TU RING BA NA GNAS PA NA YANG YUL THAG RING PO NA GNAS PA'I SKYES BU LA BAR MED PAR NGES PA'I BLO GANG YIN PA 'DI 'BYUNG BA DANG, GANG YANG SHING GI RTZE MO PHRA MO LA 'BREL PA NA CHU SKYAR LA SOGS PA CUNG ZAD RTZE MO PHRA MO DANG BAR MED PA YIN YANG BAR DANG BCAS PAR NGES PA GZHAN 'DI YANG YANG 'BYUNG STE, RNAM PA GNYIS PO 'DI YANG DE MA YIN PA LA DE LTA BU'I NGO BOS 'JUG PA'I PHYIR 'DI NI LOG PA'I BLO YIN NO, ,LOG PA'I BLO NI DNGOS KYI DON NYAMS SU MYONG BA MED PAR GANG DU YANG 'BYUNG BA MA YIN TE, BA LANG MTHONG BA NYAMS SU MYONG BA MED PAR BA MEN GYI DNGOS PO MTHONG BA LAS 'DI NI BA LANG NGO SNYAM DU 'KHRUL BA MA YIN NO, ,DE LTA BAS NA 'KHRUL PA'I BLO 'DI'I RGYU MTSAN DNGOS KYI DON 'GA' ZHIG BRJOD PAR BYA DGOS GOR MA CHAG GO, ,DE BRJOD NA YANG LDAN PA DANG RNAM PAR DBYE BA DE NYID GRUB LA, DE DAG LAS MA GTOGS PA'I BLO 'DI'I RGYU MTSAN GZHAN SGRUB PAR NUS PA NI MA YIN NO, ,GZHAN YANG LHA SPYIN RNA CHA CAN ZHES BYA BA'I BLO 'DI SKYE BA NA RGYU MTSAN GANG GIS SKYE BA YIN ZHES BRJOD PAR BYA DGOS SO, ,SKYES BU DANG RNA CHA TZAM DU

279b

'BYUNG BAS BSKYED PAR 'OS PA MA YIN TE, DER THAMS CAD DU LHA SPYIN DANG RNA CHA DAG GI DE YOD PAR THAL BAR 'GYUR BA'I PHYIR RO, ,GZHAN YANG GANG KHO NA 'GA' ZHIG GIS 'GA' ZHIG TU YOD PAR DMIGS PA DE KHO NA GZHAN DU SGRUB PA DANG DGAG PA'I SGO NAS 'JIG RTEN NA THA SNYAD 'JUG PAR MTHONG STE, GAL TE YANG KHYED CAG GIS LDAN PA NAM YANG MA DMIGS NA DE'I PHYIR 'DI DAG PA RNA CHA MED PA'AM, RNA CHA CAN ZHES BYA BA DE LTA BU'I RNAM PAR DBYE BA'I THA SNYAD DU 'GYUR RO, ,'DI LTAR 'DI LA NAG PA RNA CHA MED PA ZHES BYA BA 'DES RNA CHA BKAG PA NI MA YIN TE, YUL DANG DUS KYI BYE BRAG GIS YOD PHAR NGES PA'I LUS CAN DE NI DGAG PAR MI NUS PA'I PHYIR RO, ,NAG PA YANG MA YIN TE, DE NI DE DANG GRUB PA DANG BDE BA MTSUNGS PA'I PHYIR RO, ,DE LTA BAS NA NAG PA RNA CHA DANG LDAN PA 'GEGS PA YIN NO, ,DE BZHIN DU NAG PA RNA CHA CAN ZHES BYA BA SGRUB PA'I NGAG 'DIS KYANG NAG PA DANG RNA CHA DAG GANG YANG RUNG BA SGRUB PA NI MA YIN TE, DE DAG GRUB ZIN PA'I PHYIR RO, , LHAG MAR GYUR PAS MA GRAGS PA'I LDAN PA NYID SGRUB PA YIN PAR GO'O, ,DE LTA BAS NA GANG GI DBANG GIS NAG PA RNA CHA CAN DANG MA YIN NO ZHES BYA BA LA SOGS PA DGAG PA DANG SGRUB PA LA SOGS PA RAB TU RNAM BAR PHYE BA NAS RTOG PAR 'GYUR BA LDAN PA LA SOGS PA'I DNGOS PO YOD PA KHO NA'O, ,SOGS PA'I SGRAS KHYAD BAR NYID DU BLANGS PA ZHES BYA BA LA SOGS PA SNGAR BSHAD PA GZUNG NGO, ,BRJOD PA ZHES BYA BA LA SOGS PAS LAN 'DEBS PAR BYED DE, KHYAD PAR MED PA'I PHYIR SA BON LA SOGS PA RTAG TU 'BRAS BU BYED PAR 'GYUR RO ZHES GANG SMRAS PA DE LAS BON LA SOGS PA KHYAD PAR MED PA NYID DU MA GRUB STE, SKAD CIG 'JIG PA NYID KYI DNGOS PO THAMS CAD KHYAD PAR CAN GYI GNAS SKABS THOB PA NYID SKYED PAR BYED PA YIN PA'I PHYIR RO, ,GANG YANG, ZHING DANG SA BON CHU SOGS RNAMS, ,ZHES SMRAS PA DE LA YANG SPYIR LTOS PA NYID TZAM ZHIG SGRUB NA GRUB PA LA SGRUB PA'O ZHES BSTAN PA'I PHYIR, YOD NA YANG ZHES BYA BA LA SOGS PA SMOS TE; YOD NA YANG SA BON LA SOGS BAR CHAD MED PA LA SOGS PA'I GNAS SKABS GZHAN LA LTOS PA DANG BCAS PA MYU GU LA SOGS PA'I 'BRAS BU 'GRUB BAR NUS PA NI KHO BO CAG GIS KYANG 'DOD PA NYID YIN PAS GRUB PA LA SGRUB PA YIN NO, ,DE LA BAR CHAD MED PA LA SOGS PA'I GNAS SKAB [KABS?] KYI KHYAD PAR RNAMS

280a

, ,GANG DAG GNAS SKABS GZHAN LA YOD PA DE LA DE SKAD CES BYA'O, ,SOGS PA'I SGRAS NI 'GAL BA MED PA'I RKYEN GYIS GNOD PA MED PA LA SOGS PA GZUNG NGO, ,GNAS SKABS GZHAN GANG LA BAR TE, RING BA NA GNAS PA DANG 'GAL BAS GNOD PA ZHES BYA BA LA SOGS PA 'BRAS BU SKYE BA LA GEGS BYED PA MED PA ZHES BYA BA LA SOGS PA'I DON TO, ,GNAS SKABS KYANG RANG BZHIN LAS THA MI DAD PA'I PHYIR DON GZHAN DU GYUR PA'I LDAN PA MA GRUB BO, ,CI STE KHYED CAG GIS MNGON PA'I 'DOD PA'I LDAN PA ZHES BYA BA DNGOS PO GZHAN ZHIG LA LTOS PA DANG BCAS PA NYID SGRUB PAR 'DOD NA DE'I TSE RNAM PA DE LTA BU'I CHOS KYIS GTAN TSIGS LA RJES SU 'GRO BA MA GRUB PA'I PHYIR MA NGES PA NYID DANG, DPE YANG BSGRUB BYA MA TSANG BA YIN NO SNYAM DU BSAMS PA'O, ,'DI SNYAM DU KHYED CHAG LA GANG GI PHYIR LTOS PA DANG BCAS PA NYID TZAM SGRUB NA GRUB PA LA SGRUB PAR 'GYUR NA, GNAS SKABS KYI KHYAD PAR GZHAN LA LTOS PA'I ZHING LA SOGS PA'I 'BRAS BU SKYED PA'I RGYU YIN GYI, DON GZHAN DU GYUR PA'I LDAN PA LA LTOS PA DANG BCAS PA NI MA YIN NO ZHES BYA BA 'DI JI LTAR RTOGS PAR BYA ZHES DOGS PA LA, GAL TE CHU LA SOGS PA RNAMS ZHES BYA BA LA SOGS PA SMOS TE, GAL TE LDAN PA TZAM LA LTOS PA DANG BCAS PA YIN PAR GYUR NA DE'I TSE DANG PO BTAB PA NYID KYI ZHING LA SOGS PA'I 'BRAS BU SKYE BAR THAL BAR 'GYUR TE, PHYIS GZHAN DU RGYU MA TSANG BA MED PA'I PHYIR RO, ,CI STE DANG POR BTAB PA'I TSE MI 'BYUNG NA RGYU MA TSANG BA NYID KYIS SKYED PAR BYED PA MA YIN PA'I GNAS SKABS DANG KHYAD PAR MED PA'I PHYIR, SNGA MA BZHIN DU PHYIS KYANG MI SKYED PAR THAL BAR 'GYUR RO, ,ZHING LA SOGS PA NI PHAN 'DOGS PAR BYED PA MA YIN PA'I LDAN PA LA LTOS PA RIGS PA MA YIN TE HA CANG THAL BAR 'GYUR BA'I PHYIR RO, ,LDAN PA RNAMS NI RES 'GA' BA NYID DU RIGS PA YANG MA YIN TE, DE'I RGYU ZHING LA SOGS PA RNAMS RTAG TU NYE BA NYID KYI PHYIR RO, ,CI STE LDAN LA BSKYED PAR BYA BA DE YANG ZHING LA SOGS PA'I LAS LA SOGS LA LTOS PA DANG BCAS PA NYID DU 'DOD NA MA YIN TE, DE LA YANG BRGAL ZHING BRTAG PA MTSUNGS PA'I PHYIR RO, ,'DI LTAR LAS DE YANG CI'I PHYIR SKYED PAR MI BYED CES BRGAL ZHING RTOG NA CI ZHIG BRJOD PAR BYA BAR 'GYUR, DE'I RGYU

280b

SKUL BAR BYED PA MED PA'I PHYIR RO ZHE NA, DE LA CI'I PHYIR MED CES RGYU RTAG PAR KHAS LEN PA LA THAMS CAD DU BRGAL ZHING BRTAG PA MTSUNGS SO, ,GANG GI LTAR NA DNGOS PO THAMS CAD MI RTAG PA YIN PA DE'I LTAR NA RGYU'I RGYUD PA THOG MA MED PA'I PHYIR DNGOS PO THAMS CAD CIG CAR SKYE BAR THAL BAR 'GYUR BA MA YIN TE ,RGYU SNGA MA SNGA MA LA RAG LAS PAR 'GYUR BA'I PHYI MA PHYI MA DE DAG THAMS CAD CIG CAR BA'I RGYU MA TSANG BAS MI NYE BA'I PHYIR RO, ,DE LTA BAS NA KHYED CAG GI LTA BA KHO NA LA ZHING LA SOGS PA THAMS CAD DU MYU GU LA SOGS PA'I 'BRAS BU SKYE BA'I RGYU NYID DU THAL BAR 'GYUR BA'I PHYIR ZHING LA SOGS PA LDAN PA GZHAN LA LTOS PA DANG BCAS PA NI MA YIN NO ZHES BYA BA GRUB PO, ,GANG YANG, ,DE YANG KHYAD PAR NYID YIN PHYIR, ,ZHES BYA BA LA SOGS PA SMRAS PA DE LA, BAR CHAD MED PAR SKYES PA'I ZHES BYA BA LA SOGS PA SMOS TE, GANG GIS DE MTHONG BA LAS KHYAD PAR CAN GYI RDZAS LEN PAR BYED PA LDAN PA CAN GYI DNGOS PO LAS DON GZHAN DU GYUR PA'I LDAN PA RTOGS PA PO'I MTHONG BA'I LAM DU 'JUG PA NI MA YIN NO, ,'O NA CI ZHE NA, SNGAR BYUNG BA'I BAR DANG BCAS PA SKYE BA'I GNAS SKABS GANG YIN PA DE LAS KHYAD PAR CAN BAR MED PA SKYE BA'I DNGOS PO GANG DAG YIN BA DE DAG KHO NA LDAN PA'I SGRA'I BRJOD PAR BYA BA YIN TE, LDAN PA'I SGRA NI GNAS SKABS KYI KHYAD PAR LAS BYUNG BA NYID YIN BA'I PHYIR RO, ,DE NAS RNAM PA DE LTA BU'I DNGOS PO LDAN PA'I SGRA'I YUL GYI DNGOS POR GYUR PA MTHONG BA GANG YIN PA DE DAG KHO NA LAN PAR BYED KYI GZHAN DAG NI MA YIN NO, ,RTOG PA DANG LDAN PA RNAMS SGRAS MA BSKUL BA'I DON LA SGRAS 'JUG PA NI MA YIN NO, ,GANG YANG, GAL TE 'DI NA DE MED CES BYA BA LA SOGS BA SMRAS PA DE LA BAR CHOD GZHAN NYID DU ZHES BYA BA LA SOGS PA SMOS TE, BLO THA DAD PA'I RGYU MTSAN NI DE LTA DE LTAR SKYE BA'I DNGOS PO GZHAN NYID YIN TE DES NA 'DI NI MA NGES PA YIN NO ZHES BYA BA NI SPYI'I DON NO, ,DE LA BAR CHOD PAR SKYE BA'I DNGOS PO GANG YIN PA DE NI BAR CHAD DANG BCAS PA'I SHES PA'I RGYU MTSAN YIN NO ZHES SBREL LO, ,GZHAN NYID DU ZHES BYA BA NI BAR MED PAR SKYE BA GANG YIN PA ZHES SBYAR RO, ,KHYIM DANG 'BIGS BYED GANGS RI BZHIN, ,ZHES BYA BA NI 'DI DAG NYID KYI CI RIGS SU DPER BRJOD PA YIN TE, 'DI LTAR GZHAN GYI LUGS KYIS KYANG BAR MA CHAD PAR SKYES PA'I KHANG BA RANG NYID

281a

, ,LDAN BA'I BDAG NYID DAG LA BAR MED PA'I BLO'I RGYU MTSAN LDAN PA GZHAN YOD PA MA YIN LA, BAR CHAD NAS SKYES PA DE DAG NYID LA YANG BAR CHAD DANG BCAS PA'I BLO'I RGYU MTSAN GYI RNAM PAR DBYE BA YANG YOD PA MA YIN TE, YON TAN RNAMS LA YON TAN MED PA'I PHYIR ZHES BYA BA 'DI NI BSTAN ZIN TO, ,GANGS CAN DANG 'BIGS BYED DAG LA YANG BAR CHAD DANG BCAS PA'I BLO'I RGYU RNAM BAR DBYE BA YOD PA MA YIN TE, PHRAD PA SNGON DU 'GRO BA CAN GYI MA THOB PA NI RNAM PAR DBYE BA YIN NO ZHES BYA BA NI GZHUNG LUGS YIN PA'I PHYIR RO, ,GANG YANG, BAR CHAD BCAS LA BAR MED PAR, ,ZHES BYA BA LA SOGS PA SMRAS PA DES, LOG PA'I SHES PA ZHES BYA BA LA SOGS PA SMOS TE, LOG PA'I BLO THAMS CAD CHOS MTHUN PA 'DZIN PA LAS SKYE BA YIN NO ZHES BYA BA 'DI NI MA GRUB STE, 'GA' ZHIG CHOS MTHUN PA LA LTOS PA MED PAR YANG DBANG PO NYAMS PA TZAM GYIS SKYE BAR MTHONG BA'I PHYIR TE, DPER NA RNAM PAR RTOG PA'I SEMS GZHAN DU SONG BA YANG MDUN NA GNAS PA'I ZLA BA GCIG GI BDAG PO TZAM GYIS RAB RIB KYIS BYAS PA'I DBANG PO NYAMS PA LAS ZLA BA GNYIS KYI RNAM PA'I RJES SU BYED PA SHIN TU GSAL BAR SNANG BA RTOG PA'I CHA SHAS KYIS MA SBAGS PA'I BLO SKYE BA BZHIN NO, ,GZHAN DU GYUR PA'I SEMS CAN LA ZHES BYA BA 'DIS NI ZLA BA GNYIS KYI BLO LAS RNAM PAR RTOG BA MED BA NYID KYI BLO BRTAN PA YIN NO, ,RNAM PAR RTOG PA MED PA'I SEMS LA NI CHOS MTHUN PA 'DZIN PA YOD BA MA YIN TE, DE NI SNGAR DANG PHYIS MTHONG BA'I DNGOS PO GCIG NYID DU ZHEN PA'I BDAG NYID KYIS SNGAR NYAMS SU MYONG BA BRJOD BA'I BDAG NYID YIN PA'I PHYIR RO, ,CI STE YANG NA LOG PA'I BLO THAMS CAD GTZO BO'I DON 'PHEN PAR BYED PA NYID DU CHUG MOD, DE LTA NA YANG 'DOD PA 'GRUB PAR 'GYUR BA MA YIN NO ZHES STON PA NI, YANG NA BAR MED SOGS ZHES BYA BA LA SOGS PA LA SOGS PA SMOS PA NI BAR CHAD MED CING SKYE BA'I DNGOS PO GZUNG NGO, ,DNGOS PO DE NYID BAR CHAD PA DANG BAR MA CHAD PAR SKYE BA NI DE'I RIGS CAN MA YIN PA SPANGS NAS 'JUG PA'I DON DU CHES DANG POR SBYAR BA'I RNAM PAR DBYE BA LA SOGS PA'I BRJOD PA NYID KYIS DNGOS SU YOD PA'I PHYIR KHYED CAG GI 'DOD PA GRUB PA MA YIN NO, ,RNA CHA CAN ZHES BYA BA YANG ZHES BYA BA LA SOGS PA GANG SMRAS PA DE LA, BSHAD BA RNA CHA CAN ZHES BLO 'DI YANG, ,ZHES

281b

BYA BA LA SOGS PA LA, JI LTAR NAG PA DANG RNA CHA DAG GI GNAS SKABS KYI KHYAD PAR THOB PA NI LDAN PA SKYE'I THAMS CAD DU NI MA YIN PA DE BZHIN DU GNAS SKABS KYI KHYAD BAR GYI RGYU MTSAN CAN DU GYUR PA RNA CHA CAN ZHES BYA BA'I BLO 'DI YIN NA CI'I PHYIR THAMS CAD DU 'GYUR, NAG BA DANG RNA CHA GANG DAG LA GNAS SKABS KYI KHYAD PAR SKYES PA DE DAG LA DE SKAD CES BYA'O, ,GANG YANG, GZHAN DU MTHONG BA'I DNGOS PO NI, ,ZHES BYA BA LA SOGS PA SMRAS PA DE LA, DE 'DRA BA'I GNAS SKABS KHYAD PAR DE ZHES BYA BA LA SOGS PA SMOS TE, GNAS SKABS KYI KHYAD PAR GANG ZHIG BLO 'DI'I RGYU MTSAN DU BRJOD PA, DMIGS PA'I MTSAN NYID DU GYUR PA DE GNAS SKABS GZHAN DU MA DMIGS PAR DGAG PA SGRUB PAR BYED KYI, KHYED CAG GIS KUN DU BRTAGS PA'I LDAN PA DE, LDAN PA CAN GYI DNGOS PO LAS DBEN PA GANG DU YANG BLO LA MI SNANG BA'I PHYIR NI MA YIN NO, ,DE LTA BAS NA GTAN TSIGS MA GRUB PA NYID MA YIN NO, ,GAL TE 'DI SNYAM DU KHO BO CAG LA LDAN PA LA SGRUB PAR BYED PA'I TSAD MA MED NA KHYED CAG LA GNOD PAR BYED PA'I TSAD MA CI ZHIG YOD SNYAM DU SEMS NA, LDAN PA'I DNGOS PO BLO ZHES BYA BA LA SOGS PA SMOS TE, SBYOR BA NI GANG LDAN PA'I BLO GANG YIN PA DE NI KHYED CAG GIS KUN DU BRTAGS PA'I LDAN PA'I GZHI MED PAR DNGOS BO'I KHYAD PAR TZAM LAS BYUNG BA YIN TE, KHANG BZANGS LA SOGS PA'I LDAN PA BZHIN NO, ,NAG PA RNA CHA CAN ZHES BYA BA LA SOGS PA YANG LDAN PA'I BLO NYID YIN NO ZHES BYA BA RANG BZHIN GYI GTAN TSIGS SO, ,RNAM PA GCIG TU NA DNGOS PO DU MA NYE BA NA SKYE BA DE NI KHYED CAG GIS KUN DU BRTAGS PA'I LDAN PA DANG BRAL BA DNGOS PO DU MA LDAN PA TZAM LAS BYUNG BA YIN TE, SO SOR NGES PA'I GNAS SKABS RNAL MA DU MA'I YUL CAN BZHIN NO, ,LDAN PA'I BLO 'DI YANG DE BZHIN NO ZHES BYA BA NI RANG BZHIN GYI GTAN TSIGS SO, ,LDAN PA'I BLO ZHES BYA BA NI LDAN PA'I SHES PA ZHES BYA BA'I DON TO, ,TSAD MA GNYIS PO 'DI NYID RNAM PAR DBYE BA DGAG PA LA BRJOD PAR BYA STE, RNAM PAR DBYE BA'I BLO YIN PA'I PHYIR RAM DNGOS PO DU MA NYE BA LA RAG LAS TE, BYUNG BA'I PHYIR, GZHAN GYIS MNGON BAR 'DOD PA'I RNAM PAR DBYE BA DANG BRAL BA'I DNGOS PO'I KHYAD PAR TZAM RGYU MTSAN CAN YIN TE, DPER NA LUG LA SOGS PA LA RNAM PAR DBYE BA'I BLO'AM, THAG SHIN TU RING BA NA GNAS PA'I KHYIM GNYIS KYI YUL CAN NAM, 'BIGS

282a

, ,BYED DANG GANGS CAN GYI BLO BZHIN NO ZHES BYA BA DANG LDAN PA MA YIN PA'I BLO YIN NO ZHES BYA BA NI CI RIGS PA'I DON TO, ,CI STE GANG GIS GTAN TSIGS MI MTHUN PA'I PHYOGS LA 'JUG PA'I DOGS PA LDOG PAR 'GYUR BA 'DI LA BSGRUB PAR BYA BA LAS BZLOG PA LA GTAN TSIGS GNOD PA CAN GYI TSAD MA CI YOD CE NA, GCIG NI DU MA LA 'JUG PA ZHES BYA BA LA SOGS PA SMOS TE, JI LTAR GCIG DU MA LA 'JUG PA MI RIGS PA DE LTAR DE GCIG LA 'JIG RTEN NGO BOS ZHES BYA BA LA SOGS PAS YAN LAG CAN DGAG PAR RGYAS PAR BSTAN PA'I PHYIR YANG 'DIR RGYA MI BSKYED DO, ,GZHAN NYID DANG GZHAN MA YIN PA DAG NYID SUN 'BYUNG BAR BSHAD PA, GZHAN DANG GZHAN MIN BRJOD LA SOGS, ,ZHES BYA BA LA SOGS PA STE, GANG LAS 'DI NI GZHAN NO, ,'DI NI GZHAN MA YIN PA'O ZHES BYA BA'I BRJOD PA DANG RTOGS PA DAG TU 'GYUR BA GZHAN DANG GZHAN MA YIN PA DE'I RGYU MTSAN NI GO RIMS BZHIN DU GZHAN NYID DANG GZHAN MA YIN PA NYID YIN PAR GRUB PO, ,SOGS PA'I SGRAS RTOGS PA BZUNG NGO, ,SBYOR BA NI GANG 'DI GZHAN DANG GZHAN MA YIN PA'I BLO DE NI BUM PA LAS THA DAD PA'I DON GZHAN DU GYUR PA'I RGYU MTSAN CAN MA YIN TE, DE'I SHES PA DANG MI MTHUN PA'I PHYIR BDE BA LA SOGS PA'I BLO BZHIN NO ZHES BYA BA'O, ,'DI LTAR PHYOGS GCIG NA GNAS PA'I GANG BU DAG LA GZHAN DANG GZHAN MA YIN ZHES BYA BA'I BLO 'JUG PA'I PHYIR, RE ZHIG 'DI PHYOGS KYI RGYU MTSAN CAN MA YIN LA, DUS KYI RGYU MTSAN CAN MA YIN TE, DA LTAR BA'I DUS GCIG LA DA LTAR BAR GNAS PA PHYOGS DANG YUL MA NGES PA DANG LDAN PA'I GZHON NU DANG GNAS BRTAN DAG LA RNAM PAR DBYE NAS GZHAN DANG GZHAN MA YIN PA'I BLO 'JUG PA'I PHYIR TE, DE KHYAD PAR MED NA YANG KHYAD PAR YOD PA'I PHYIR RO SNYAM DU BSAMS PA YIN NO, ,BLO 'DI'I RGYU MTSAN GZHAN BRJOD PAR YANG MI NUS TE, DE LTA BAS NA 'DI'I RGYU MTSAN GANG YIN BDE NI GZHAN NYID DANG GZHAN MA YIN PA NYID DO ZHES BYA BAR GRUB PO, ,PHYOGS DUS DE YI RGYU MTSAN MIN, ,ZHES BYA BA NI PHYOGS DANG DUS KYIS PHYOGS DANG LDAN PA'I NYE BA DANG BSKAL PA'I DNGOS PO LA RGYU MTSAN CAN MA YIN NO ZHES BYA BA'I DON TO, ,PHYOGS DANG DUS KYI SGRA DAG GIS BTAGS NAS PHYOGS DANG DUS KYI YUL PHYOGS DANG LDAN PA DAG BSTAN TO, ,'DI LTAR GZHAN GYIS GZHAN NYID DANG GZHAN

282b

MA YIN PA NYID RNAM BA 'DI NYIS KYANG PHYOGS DANG DUS KYIS BYAS PA YIN NO ZHES BRJOD DE, DE LA PHYOGS KYIS BYAS PA'I SKYE BO NI 'DI LTA BU YIN TE, PHYOGS GCIG NA GNAS PA'I GANG BU DAG LA LTA BA PO GCIG NYE BA'I DBANG DU BYAS NAS, 'DI NI DE LAS BSKAL PA YIN NO ZHES GZHAN NYID LA MI BRTEN PA'I BLO SKYE LA, DE'I PHYIR DE LA LTOS NAS PHYOGS KYI PHYOGS GCIG GZHAN DANG LDAN PA LAS GZHAN NYID SKYE BA DANG, BSKAL BA'I DBANG DU BYAS NAS 'DI NI 'DI LAS NYE BA YIN NO ZHES GZHAN MA YIN PA NYID LA DMIGS PA'I BLO SKYE STA, DE LA LTOS NAS PHYOGS KYI PHYOGS GCIG GZHAN DANG LDAN BA LAS GZHAN MA YIN PA NYID SKYE BA YIN NO, , DUS KYIS BYAS PA'I SKYE BA'I RIM PA YIN TE, 'DI LTAR DA LTAR BA'I DUS KYI DANG YUL MA NGES PA PHYOGS DANG LDAN PA'I GZHON NU DANG, GNAS BRTAN DAG GI NANG NAS GANG ZHIG SKRA DKAR DANG GNYER MA DANG SMAR SPYI CER LA SOGS PAS NYI MA SHAR BA DANG NUB PA MANG BA NYID RJES SU DPAG PA'O, ,DE LA LTA BA PO GCIG LA GZHON NU'I DBANG DU BYAS NAS BSKAL PA'I BLO SKYE STE, DE LA LTOS NAS DUS KYI PHYOGS GCIG GZHAN DANG LDAN PAS GZHAN NYID SKYE BA DANG, GNAS BRTAN GYI DBANG DU BYAS NAS KYANG GANG ZHIG SPYI CER MA YIN PA LA SOGS PAS NYI MA 'CHAR BA DANG NUB PA DAG NYUNG BA NYID RJES SU DPAG PA DE LAS GZHON NU NYE BA'I BLO SKYE STE DE LA LTOS NAS DUS KYI PHYOGS GCIG GZHAN DANG LDAN PAS GZHAN MA YIN BA NYID SKYE'O ZHES BYA'O, ,GZHAN NYID DANG GZHAN MA YIN PA NYID SGRUB PAR BYED PA 'DI NI MA NGES PA YIN TE BSGRUB PAR BYA BA LAS BZLOG PA LA YANG GTAN TSIGS 'JUG PA'I PHYIR RO ZHES STON PA NI, JI LTAR SNGON PO LA SOGS GZUGS, ,ZHES BYA BA LA SOGS PA'I, ,'BYUNG BA NI SKYE BA STE, DE DANG LHAN CIG GNAS PA'O, ,ZHES TSIG RNAM PAR SBYAR RO, ,'DI SKAD DU BSTAN PA YIN TE, DPER NA SNGON PO LA SOGS PA DAG LA RIM GYIS SKYE BA'I PHYIR DUS KYI KHYAD PAR DANG RIM GYIS GNAS PAS, PHYOGS KYI KHYAD PAR YON TAN RNAMS LA YON TAN MED PA'I PHYIR GZHAN NYID DANG GZHAN MA YIN PA NYID KYI MTSAN NYID KYI YON TAN MED NA YANG SNGON PO GZHAN NI SNGON PO GZHAN MA YIN NO ZHES BYA BA GZHAN DANG GZHAN MA YIN PA BSTAN PA YIN NO, ,DE BZHIN DU BUM PA LA SOGS PAS YANG CI'I PHYIR MI 'DOD, 'DIS NI 'DI BSTAN PA YIN TE, GAL TE 'DI LA DON GZHAN DU GYUR PA'I RGYU

283a

, ,MTSAN NYID TZAM SGRUB PAR 'DOD NA DE'I TSE GTAN TSIGS MA NGES PA YIN TE, DE NI BSGRUB PAR BYAS PA LAS BZLOG PA LA YANG 'JUG PA'I PHYIR RO, ,CI STE RTAG PAR GYUR PA'I DUS DANG PHYOGS KYI DNGOS PO'I RGYU CAN GYI KHYAD PAR GANG YIN PA DE BLO'I RGYU MTSAN DU BSGRUB BAR 'DOD NA, DE'I TSE DPE MED LA DAM BCA' BA YANG RJES SU DPAG PAS GNOD PA YIN NO, ,'DI LTAR BRJOD BAR NUS TE, GANG GZHAN DANG GZHAN MA YIN PA'I BLO YIN PA DE NI GZHAN GYIS BRTAGS PA'I YON TAN DANG BRAL BA'I DON TZAM GYIS BYAS PA'I RIM GYIS SKYE BAR GNAS PA'I RGYU MTSAN CAN YIN TE, GZHAN DANG GZHAN MA YIN PA'I BLO YIN PA'I PHYIR, GZUGS LA SOGS PA LA GZHAN DANG GZHAN MA YIN PA'I BLO BZHIN NO, ,BUM PA LA SOGS PA LA YANG GZHAN DANG GZHAN MA YIN PA'I BLO 'DI YIN NO ZHES BYA BA NI RANG BZHIN GYI GTAN TSIGS SO, ,GAL TE SNGON PO LA SOGS PA RNAMS LA DON GCIG LA 'DU BAS GZHAN NYID DANG GZHAN NYID MA YIN PA'I BLO 'DI NI NYE BAR BTAGS PA YIN TE, DES NA GTAN TSIGS MA NGES PA YIN NO, ,SNGON PO LA SOGS PA LA YANG BRGYUD NAS GZHAN NYID LA SOGS PA'I RGYU MTSAN YOD PAR KHAS BLANGS PA'I PHYIR DPE LA BSGRUB PAR BYA BA MA TSANG BA YIN NO ZHE NA MA YIN TE, BLO 'KHRUL BA MED PA'I PHYIR NYE BAR BTAGS PA NYID DU MI RIGS SO ZHES 'DI NI BSAL ZIN TO, ,RANG GI RTEN LA YANG DE DAG DMIGS PA MED PA'I PHYIR DE'I STOBS KYIS SHES PA RIGS PA MA YIN NA, DE'I PHYIR GANG LAS GZUGS LA SOGS PA LA DE'I RGYU MTSAN DU 'GYUR, DUS SNGA MA DANG PHYI MAR 'BYUNG BA'I BDE BA LA SOGS PA DAG LA YANG CI ZHIG BRTAG STE, DE LA NI DON GCIG LA 'DU BA YOD PA MA YIN NO, ,GZHAN YANG DUS DANG PHYOGS DAG SNGAR BKAG PA NYID KYIS MED PA'I PHYIR DE'I RGYU CAN GYI GZHAN NYID DANG GZHAN MA YIN PA NYID DAG KYANG MED PA'I PHYIR GANG GIS GTAN TSIGS MA NGES PAR 'GYUR BA GANG LAS DE'I RGYU MTSAN CAN NYID DU DGOS, GANG GIS LTOS PA'I BLO DANG LHAN CIG PA'I DE DANG LDAN PA LAS GZHAN NYID LA SOGS PA SKYE BAR 'GYUR BA PHYOGS DANG DUS DAG NI PHYOGS GCIG YANG DAG PAR YOD PA MA YIN TE, DE DAG NI GCIG GI BDAG NYID KYIS CHA SHAS MED PA'I PHYIR RO, ,YAN LAG THA DAD PA NYE BAR BTAGS PA NI DON BYED PA'I RJES SU BYED PAR YANG RIGS

283b

PA MA YIN TE, DE NI DNGOS PO'I RANG BZHIN DANG RJES SU 'BREL PA'I PHYIR DANG, NYE BAR BTAGS PA DE YANG BRDZUN PA YIN PAS DE'I PHYIR MA NGES PA NYID MA YIN NO, ,GZHAN GYI GTAN TSIGS KYANG SNGA MA BZHIN DU MA GRUB PAR BRJOD PAR BYA'O, ,GRANGS DANG LDAN PA ZHES BYA BA LA SOGS PA GZHAN DAG NI SKABS SU BAB PA'I GRANGS LA SOGS PA'I YON TAN GYI DNGOS PO SGRUB PAR BYED PA DE DOGS PA BSU BA YIN NO, ,JI SKAD DU BSHAD PA'I GRANGS LA SOGS PA'I YON TAN 'DI THAMS CAD NI RDZAS LAS THA MI DAD PA MA YIN TE, DE DAG NI RDZAS DE RNAMS PAR GCOD PA'I RGYU NYID YIN PA'I PHYIR RO, ,GANG ZHIG GANG GZHAN LAS RNAM PAR GCOD PAR BYED PA DE DAG NI DE LAS THA MI DAD PA MA YIN TE, LHAS BYIN GYI DBYIG PA LA SOGS PA BZHIN NO, ,DE'I PHYIR 'DI LA RDZAS LAS THA MI DAD PA BKAG PA TZAM SGRUB NA DAM BCA' BA GRUB PA LA SGRUB PA'I SKYON YOD DE, KUN RDZOB TU YOD PA THAMS CAD NI DNGOS PO MED PA NYID KYIS DE NYID DANG GZHAN DAG TU BRJOD PAR BYA BA MA YIN PA NYID DU 'DOD PA'I PHYIR RO, ,'ON TE ZHES BYA BA LA SOGS PA 'DIR RNA MA PHUG PA'I LAN DOGS PAR BYED DE, DES SMRAS PA, TSOGS PA DANG RGYUN DANG GNAS SKABS KYI KHYAD PAR RNAMS NI, DE NYID DANG GZHAN DAG TU BRJOD PAR BYA BA MA YIN PA MA YIN TE, SO SOR NGES PA'I CHOS DANG LDAN PA'I PHYIR, GZUGS DANG RO LA SOGS PA BZHIN NO ZHE'O, ,DE NI DE KHO NA NYID DU ZHES BYA BA LA SOGS PAS LAN 'DEBS PAR BYED DE, GAL TE DON DAM PA'I CHOS DANG LDAN PA NYID GTAN TSIGS SU 'DOD NA, DE'I TSE GTAN TSIGS MA GRUB STE, SANGS RGYAS BA LA NI RGYUN LA SOGS PA KUN RDZOB TU YOD PA RNAMS LA DON DAM PAR NGES PA'I DON DANG LDAN PA NYID DU MA GRUB PO, ,'ON TE SPYIR GTAN TSIGS YIN TE, DE NI NAM MKHA'I PAD MA LA SOGS PA DAG LA YANG MED PA NYID DANG, LUS CAN MA YIN PA NYID KYI PHYIR LA SOGS PA BRTAGS PA'I NGES PA'I CHOS YOD PA'I PHYIR GTAN TSIGS MA NGES PA NYID YIN NO, ,DE SKAD NYID DU BRJOD PA NA ZHES BYA BA NI, SPYIR BRTAGS PAS NYE BAR BRJOD PA MED PA DANG LDAN PA'I CHOS MA SPANGS PAR BRJOD PA YIN NO ZHES BYA BA'I DON TE, 'DI'I GTAN TSIGS 'DI NI MA NGES PA YIN TE, GANG GI PHYIR THA DAD PA STE GZHAN NYID DANG, THA DAD MED

284a

, ,PA STE GZHAN MA YIN PA NYID 'DI DAG NI DNGOS PO KHO NA LA RNAM PAR GNAS KYI GZHAN DU MA YIN NO, ,RGYUN LA SOGS PA YANG BTAGS PAR YOD PA NYID KYIS DNGOS POR YOD PA MA YIN NA DE'I PHYIR JI LTAR 'DI DAG DNGOS PO LAS THA DAD PA DANG THA MI DAD PA GRUB PAR 'GYUR, DE'I PHYIR DE LTAR SBYOR BA DANG PO LA GRANGS LA SOGS PA RDZAS LAS THA MI DAD PA BKAG PA TZAM SGRUB NA GRUB PA LA SGRUB PO ZHES BSTAN PA YIN NO, ,YANG CI STE THA MI DAD PA BKAG PA TZAM SGRUB PA NI MA YIN NO, ,'O NA CI ZHE NA, DGAG PA NYID KYIS SGRUB BA GO BAR BYED PA YIN PA'I PHYIR, DGAG PA GNYIS KYIS RDZAS LAS THA DAD PA NYID BSGRUB PAR BYA BA YIN NO SNYAM NA, DE 'DIR GAL TE RDZAS LA SOGS PA YANG ZHES BYA BA LA SOGS PA DOGS PAR BYAS NAS, GRANGS LA SOGS PA MA GRUB PHYIR, ,ZHES BYA BA LA SOGS PAS 'GEGS PAR BYED DO, ,DE LTAR ZHES BYA BA NI RDZAS LAS THA DAD MED PA NI MA YIN NO, ,'O NA CI ZHE NA, GZHAN NYID DO ZHES BYA BA'I DON TO; ,GRANGS LA SOGS PA'I RTEN MA GRUB PA DE NYID STON PA NI, BSDU BA SOGS LA ZHES BYA BA LA SOGS PA'O, ,DE LTAR BRJOD PA YIN ZHES BYA BA NI GCIG GO GNYIS DAG GO MANG PO RNAMS SO ZHES BYA BA DE LTA BU LA SOGS PA'O, ,'DI SNYAM DU RDZAS KYI BDAG NYID DU YOD PA'I GRANGS LA SOGS PA THA DAD DU BSGRUB PAR BYA BA GZHAN NYID DO SNYAM DU SEMS NA, RANG GI NGO BO LAS ZHES BYA BA LA SOGS PA SMOS TE, DNGOS PO LA RANG GI NGO BO LAS THA DAD PA YOD PA MA YIN TE, DE RANG BZHIN MED PA NYID DU THAL BAR 'GYUR BA'I PHYIR RO, ,'GAL BAR 'GYUR ZHES BYA BA NI PHAN TSUN 'GAL BA STE, THA DAD PA DANG THA MI DAD PA DAG LA NI PHAN TSUN SPANGS TE GNAS PA'I MTSAN NYID KYIS CIG CAR GCIG LA 'GAL BA'I PHYIR RO, ,DE LTA NA RE ZHIG GZHAN NYID DANG GZHAN MA YIN PA NYID KYI MTHAR THUG PA'I YON TAN RNAMS BKAG NAS, BLO LA SOGS PA 'BAD PA'I MTHAR THUG PA RNAMS NI BDAG LA BRTEN PA NYID DU 'DOD DE, DE DAG KYANG BDAG BKAG PA NYID KYIS BKAG PAR BLTA BAR BYA'O, ,'DI DAG BDAG LA BRTEN PAR RIGS PA YANG MA YIN TE, 'DI LTAR 'DI DAG GI SKYE BA'I RGYU NYID KYIS BDAG LA BRTEN PAR 'GYUR RAM GNAS PA'I RGYU NYID KYIS YIN, RE ZHIG SKYE BA'I RGYU'I RGYU NYID KYIS NI MA YIN TE, BDE BA LA SOGS PA RGYU MTSANG BA MED PA NYID

284b

KYIS THAMS CAD KYI TSE SKYE BAR THAL BAR 'GYUR BA'I PHYIR RO, ,GZHAN GYI BOGS DBYUNG DU MED PA NI LHAN CIG BYED PA LA LTOS PA 'GA' YANG YED [*YENG?] PA MA YIN NO ZHES BYA BA 'DI LAN BRGYAR DPYAD ZIN TO, ,RTAG PA NI 'BRAS BU SKYED PAR NUS PA YANG MA YIN TE, DE NI RIM DANG CIG CAR DAG GIS KHYAB PA'I PHYIR LA, RTAG PA YANG RIM DANG CIG CAR DAG GIS DON BYED PA 'GAL BAR BSTAN ZIN PA'I PHYIR RO, ,GNAS PA'I RGYU NYID KYIS KYANG RIGS PA MA YIN TE, GNAS PA NI GNAS PA PO LAS THA MI DAD PA'I NGO BO NYID YIN PA'I PHYIR, DE'I RGYU YIN NA GNAS PA PO'I RGYU NYID BRJOD PAR 'GYUR RO, ,DE YANG DE MA THAG TU BKAG PA YIN TE, GNAS PA PO DE YANG YONGS SU MTHAR THUG PA'I BDAG NYID KYI NGO BO YIN PA'I PHYIR, RGYU 'GA' YANG YOD PA MA YIN TE, DE DE LA CUNG ZAD KYANG MI BYED PA'I PHYIR RO, ,GNAS PA LAS GNAS PA THA DAD PA YIN NA YANG DES CUNG ZAD KYANG MA BYAS TE, DON GZHAN DU GYUR PA'I GNAS PA'I RGYU YIN PA'I PHYIR RO; ,DE LTA YIN DANG CUNG ZAD KYANG MI BYED PA JI LTAR DE'I RTEN DU 'GYUR, DE DANG 'BREL PA'I GNAS PA'I RGYU YIN PAS 'DI DE'I PHAN 'DOGS PAR BYED PA YANG RIGS PA MA YIN TE, DE'I 'BREL PA NYID MA GRUB PA'I PHYIR RO, ,GNAS PA LA RGYU NYID RIGS PA YANG MA YIN TE, RTAG PA NI GANG DU YANG NUS PA MI 'THAD PA'I PHYIR RO ZHES BSTAN ZIN TO, ,GZHAN YANG GNAS PAR BYA BA'I DNGOS PO 'DI RANG NYID BSTAN PA MA YIN PA'I RANG BZHIN YIN NAM, BRTEN PA'I RANG BZHIN ZHIG TU 'GYUR, GAL TE BRTAN PA MA YIN PA'I NGO BO YIN NA, DE JI LTAR GZHAN GYIS GNAS PAR NUS TE, DE'I RANG BZHIN NYAMS PAR THAL BA'I PHYIR RO, ,CI STE BRTEN PA'I RANG BZHIN YIN NA DE LTAN YANG GNAS PA PO CUNG ZAD KYANG MI BYED PA NYID DE, RANG NYID BRTAN PA'I RANG BZHIN YIN PA NYID KYIS DE RANG NYID GNAS PAR GRUB PA'I PHYIR RO, ,GZHAN YANG RE ZHIG LUS CAN GYI DNGOS PO GANG DAG YIN PA DE DAG 'OG TU LTUNG BA'I GEGS BYED PA NYID KYIS BRTEN PA YIN NA BDE BA LA SOGS PA 'DI GANG DAG YIN PA DE DAG LUS CAN MA YIN PA NYID KYIS 'OG TU 'GRO BA YOD PA MA YIN PA'I PHYIR CI ZHIG BYED PA NA DE DAG GANG RTEN DU 'GYUR, YOD PA DANG MED PA NI CHA MED PA DANG DE BAS NYE BAR BRJOD PA MED PA NYID KYIS RTEN DU MI 'THAD PA'I PHYIR RO,,

285a

, ,DE LTAR BDE BA LA SOGS DANG GZHAN DAG KYANG CI RIGS PAR RTEN NYID DU MA GRUB PA'I PHYIR YON TAN ZHES BYA BA MED DO SNYAM DU BSAMS PA'O, ,GZHAN YANG GZHAN DAG GIS BLO SHES PA RANG BZHIN DU KHAS BLANGS PA YIN TE, JI SKAD DU BLO DANG, DMIGS PA DANG SHES PA ZHES BYA BA NI DON GZHAN DU GYUR PA MA YIN NO ZHES BSHAD PA YIN NO, ,DE YANG DE LTA BU'I NGO BO YIN NA YANG GZHAN DAG GIS RANG RIG PA'I NGO BOR NI MI 'DOD KYI, 'ON KYANG BLO GZHAN GYIS RTOGS PAR BYA BA NYID YIN TE, DE LTA BUR GYUR PA NI GZUGS LA SOGS PA BZHIN DU RANG LAS MA GRUB PA'I PHYIR BLO NYID DU RIGS PA MA YIN NO ZHES STON PAR 'GYUR RO, ,BDE BA DANG, SDUG BSNGAL DANG, 'DOD PA DANG, SDANG BA DANG, 'BAD PA RNAMS KYANG SHES PA MA YIN PA'I NGO BO NYID DU 'DOD PA YANG TSAD MA'I MTSAN NYID BRTAG PAR 'GEGS PAR 'GYUR RO, ,LCI BA NYID DANG GSHER BA NYID DANG SNUM BA LA SOGS PA BZHIN DU DGAG PA BSGRUB PAR BYA'O ZHES BYA BA DE LTAR NGES PAR BYAS NAS 'DI DAG GI DGAG PA MA BYAS PAR 'DUS BYAS PA DGAG PA NI, SHUGS BRJOD CES BYA BA LA SOGS PA SMOS SO, ,'DUS BYAS PA NI RNAM PA GSUM STE, SHUGS DANG, BAG CHAGS DANG, GNAS PA 'JIG PA'O, ,DE LA SHUGS ZHES BYA PA NI SA DANG CHU DANG ME DANG RLUNG DANG YID DE LUS CAN GYI RDZAS LNGA PO DAG LA 'BAD PAS BCOM PA'I KHYAD PAR LA LTOS PA LAS SKYES PA YIN TE, DE YANG PHYOGS KYIS BYA BA NGES PA'I RGYUN DANG REG PA DANG LDAN PA'I RDZAS DANG LDAN PA DANG 'GAL BA YIN NO, ,DE BZHIN DU MDA' LA SOGS PA GANG GI DBANG GIS MDA' BAR DU LTUNG BAR MI 'GYUR BA 'BAD PA'I KHYAD PAR GYIS SKYED PA LAS KYI KHYAD PAR GYI RGYU CAN YIN NO, ,DE NYID KYI PHYIR 'DI NI PHYOGS KYI BYA BA NGES PA'I 'BRAS BUS RJES SU DPAG PA YOD PA NYID DU GRUB BO, ,GYAL GA LA SOGS PA LA NI BOR BAS SNANG BA LAS BYUNG BA LAS SKYES PA'O, ,GOMS PA'I MING CAN NI BDAG GI YON TAN SHES PA LAS SKYES PA SHES PA'I RGYU GANG YIN PA 'DI BRJOD DO, ,DE YANG MTHONG BA DANG THOS PA DANG NYAMS SU MYONG BA DAG LA DRAN PA DANG, NGO SHES PA'I 'BRAS BUS DPAG PAS YOD PA NYID DU SGRUB PO, ,GNAS PA 'JIG PA NI LUS CAN GYI RDZAS KYI YON TAN GANG ZHIG 'BAD PAS GZHAN DU BYAS PA MKHRAD

285b

BA'I CHA SHAS BKOD PA'I KHYAD PAR DUS GZHAN DU GNAS PA CAN RANG GI RTEN DU SNGA MA BZHIN DU JI LTAR GNAS PA BZHIN DU 'JIG PAR BYED PA STE, DPER NA TA LA'I LO MA LA SOGS PA DUS YUN RING MOR BLTAB PA BRKYANG BAS GROL BA YANG DE LTA BU KHO NAR GNAS PA BZHIN NO, ,GZHU DANG YAL GA DANG RVA LA SOGS PA DANG GOS LA SOGS PA THUR DU BKUG PA DAG LA DE'I 'BRAS BU MNGON PA NYID YIN NO, ,MTHA' DAG CES BYA BA RNAM PA GSUM CHAR YANG NGO, ,DE LA SHUGS ZHES BYA BA NI LAS KYI RGYUN BRJOD PA'I 'BRAS BUR MA GRUB STE, DNGOS PO'I TSOGS MTHA' DAG LA KHYAB PA'I SKAD CIG MA 'JIG PA BSGRUB ZIN PA'I PHYIR RO; ,DE LTA BAS NA DE RU RANG GI NGO BO THOB PA LAS PHYIS DNGOS PO THAMS CAD MED PA'I PHYIR 'DI BYA BA GANG GI RGYUN GYI RGYUR 'GYUR BA BYA BA 'GA' YANG YOD PA MA YIN NO, ,'ON TE RANG GI NYE BAR LEN BA'I YUL YONGS SU SPANGS NAS DNGOS PO RNAMS YUL LA KHYAB PAR SKYE BA NYID KYI BYA BA'I RGYUN 'DOD NA, DE'I TSE YANG MA NGES PA NYID YIN TE, DE LTA BU'I RNAM PA'I BDAG NYID DU GYUR PA'I RGYUN LAS DE LTAR SKYE BA'I DNGOS PO RGYU DANG RKYEN SNGON DU 'GRO BA NYID RJES SU DPOG PAR BYED KYI, JI SKAD DU BSHAD PA'I 'DUS BYAS PA NI MA YIN TE, DE DANG LHAN CIG RJES SU 'GRO BA GANG DU YANG MA GRUB PA'I PHYIR RO, ,GZHAN YANG GAL TE RNAM PA DE LTA BU'I 'DUS BYAS PA'I STOBS KYIS MDA' LA SOGS PA MI LTUNG BAR GYUR NA DE'I TSE DE DAG NAM YANG LTUNG BAR MI 'GYUR TE, THAMS CAD DU LTUNG BA'I GEGS KYI RGYU SHUGS KYIS GNAS PA'I PHYIR RO, ,DE LTA YIN DANG KHYAD PAR MED PA'I NAM MKHA'I YUL DU 'PHANGS PA'I MDA' GLO BUR DU LTUNG BAR DMIGS PA GANG YIN DE JI LTAR 'THAD PAR 'GYUR, LUS CAN RLUNG LA SOGS PA DANG PHRAD BAS NUS PA NYAMS PAR BYAS PA'I PHYIR SHUGS ZHIG PAS LTUNG BA YIN NO ZHES BRJOD PAR NUS PA YANG MA YIN TE, DANG PO NYID DU LTUNG BAR THAL BAR 'GYUR BA'I PHYIR RO, ,DE DANG 'GAL BA'I RLUNG DANG PHRAD PA NI THAMS CAD DU YOD PA NYID YIN NO, ,CI STE YANG SHUGS NI NGES PA KHO NAR DANG PO STOBS DANG LDAN PA'I PHYIR 'GAL NA YANG RLUNG DANG PHRAD PA KHYAD PAR DU BSAD NAS 'DI MDA' YUL GZHAN DU KHYED PAR BYED PA YIN NO SNYAM NA, GAL TE DE LTA NA GANG GIS YUL SHIN TU THAG RING BAR YANG DE KHYER BAR MI BYED PA PHYIS DE STOBS CHUNG BAR

286a

, ,SUS BYAS, THAMS CAD DU KHYAD PAR MED PA'I RLUNG DANG PHRAD PA DANG LDAN PA'I NAM MKHA'I DKYIL DU 'PHANGS PA'I MDA' YANG BAR DU LTUNG BAR MTHONG BA YIN NO, ,PHYIS SHUGS GZHAN DU GYUR PAR YANG BRJOD MI NUS TE, GZHAN DU SKYE BA'I RGYU MED PA'I PHYIR RO, ,MDA' LA SOGS PA DE NI THAMS CAD DU 'DU BA'I RGYUN MED PA KHO NA'O, ,LAS ZHES BYA BA'I RGYU PHYIS KHYAD PAR DU 'GYUR BA YIN NO ZHES BRJOD PAR RIGS PA YANG MA YIN TE, DE LA YANG BRGAL ZHING BRTAG PA MTSUNGS PA'I PHYIR RO, ,SHUGS KYIS GZHAN DU GYUR NA YANG SNGA MA 'JIG PA'I RGYU MED PA'I PHYIR DE'I GNAS SKABS NYID YIN PAS MDA' MI LDUD BA KHO NAR 'GYUR RO, ,DE'I 'JIG PA'I RGYU RLUNG DANG PHRAD PA YANG MA YIN TE, DANG PO NYID DU LTUNG BAR THAL BAR 'GYUR BA'I PHYIR RO ZHES BYA BA 'DI NI BSTAN ZIN TO, ,RLUNG THAMS CAD DU KHYAD PAR GOMS PA ZHES BYA BA SUN DBYUNG BA'I PHYIR, GOMS PAR BRJOD PA'I ZHES BYA BA LA SOGS PA SMOS TE; GAL TE DRAN PA LA SOGS PA'I 'BRAS BU LAS PHYIR GOMS PA TZAM BSGRUB NA, DE'I TSE 'GRUB PA LA SGRUB PA YIN TE, 'DI LTAR SNGAR NYAMS SU MYONG BAS BSGOS PA'I NUS PA'I MTSAN NYID KYI RANG GI BDAG NYID DU GYUR PA'I DNGOS PO DE DANG PHRAD PA YANG KHYAD PAR MED PA DE'I PHYIR 'DI NA NI CI YANG MA YIN NO, ,GANG LA BAG CHAGS ZHES BYA BAR GRAGS PA DRAN PA LA SOGS PA'I RGYUR 'DOD PA KHO NA'O, ,CI STE BDAG GI YON TAN GYI RANG BZHIN GYIS DNGOS PO BSGRUB PAR 'DOD NA, DE'I TSE RNAM PA DE LTA BU DANG LHAN CIG GANG DU YANG DRAN PA LA SOGS PA RJES SU 'GRO BA MA GRUB PA'I PHYIR GTAN TSIGS MA NGES PA NYID DAD, DAM BCAS PA YANG RJES SU DPAG PA DANG 'GAL BA YIN TE, DE'I RTEN GYI BDAG SNGAR BKAG PA NYID KYIS MED PA'I PHYIR, DE YANG MED PAR GRUB PA'I PHYIR RO, ,SBYOR BA NI GANG ZHIG GANG LA BRTEN PA DE NI DE MED PA NA GNAS PA THOB PA MA YIN TE, RTZIG PA LA SOGS PA MED PA LA RI MO BZHIN NO, ,GZHAN GYI LUGS KYIS 'DUS BYAS PA YANG BDAG LA BRTEN PA YIN NO ZHES BYA BA NI KHYAB PAR BYED PA 'GAL BA DMIGS PA'O, ,MA GRUB PA YANG MA YIN TE, BDAG DE NI SNGAR BSAL ZIN PA'I PHYIR RO, ,DE LTA BAS NA 'DUS BYAS NI SEMS KYI BAG CHAGS KYI BDAG NYID DU RIGS KYI BDAG GI YON TAN MA YIN NO ZHES BYA BA NI

286b

TSAD MA'I 'BRAS BU STE, GCIG NI TSAD MAS GRUB PA'I PHYIR LA, GZHAN NI BZLOG PA'I PHYIR RO SNYAM DU BSAMS PA YIN NO, ,GSUM PA YANG SUN DBYUNG BA'I PHYIR, GNAS PA ZHES BYA BA LA SOGS PA SMOS TE, 'DI LTAR 'DI DNGOS PO GNAS PA GANG YIN PA 'JIG PAR BYED PA RES 'GA' 'DI RANG NYID MI BRTAN PA'I RANG BZHIN NYID YIN PA'AM, YANG NA BRTAN PA'I RANG BZHIN YIN ZHES BYA BA PHYOGS RNAM PA GNYIS SO, ,GAL TE MI BRTAN PA'I RANG BZHIN YIN NA DE'I TSE 'DI SKAD CIG LAS PHYIS MED PA'I PHYIR, 'DI GANG GI 'JIG PA POR 'GYUR, 'ON TE PHYOGS GNYIS PA YIN NA DE'I TSE DNGOS PO LA STE BRTAN PA'I DON RNAMS KYANG YOD PA LA DE'I NGO BO STE, RANG BZHIN GYIS BRTAN PA'I NGO BO YIN PA'I PHYIR RO, ,GNAS ZHES BYA BA NI GZHAN GYIS KUN DU BRTAGS PAS CUNG ZAD KYANG MI BYED PA'I 'JIG PA POS CI ZHIG BYA ZHES SNGA MA BZHIN DU SUN 'BYIN PA BRJOD PAR BYA'O, ,CI STE YANG DNGOS PO THAMS CAD SKAD CIG MA YIN NA YANG SKAD CIG MA GCIG TU GNAS PA'AM, RGYUN GYIS RJES SU 'JUG PA LA DE'I NUS PAR BRJOD DO SNYAM DU SEMS NA, 'DI LA YANG RANG GI RGYU NYID LAS ZHES BYA BA LA SOGS PA SMOS TE, RANG GI RGYU NYID LAS 'GRUB PA NA SKAD CIG GCIG NAS PA GRUB STE, 'DI LTAR 'DI DAG GI GNAS PA NI BDAG NYID THOB PA'I MTSAN NYID LA BRJOD KYI, RANG NYID G-YO BA'I BDAG NYID KYI DUS PHYIS GNAS PA MED PA'I PHYIR YOD PA'I BDAG NYID THOB BA RNAMS DUS PHYIS BDAG GI NGO BO 'DZIN PA'I MTSAN NYID NI MA YIN NO, ,GNAS NA YANG NAM YANG MI LDOG BAR THAL BAR 'GYUR TE, SNGA MA BZHIN DU PHYIS KYANG KHYAD PAR MED PA'I PHYIR DANG, DE'I RANG BZHIN MA YIN PA DE NYID DU THAL BAR 'GYUR BA'I PHYIR RO, ,PHYI MA PHYI MA'I 'BRAS BU SKYE BA NI SNGA MA SNGA MA'I RGYU'I NUS PAS BYAS PA'I PHYIR RGYUN LA YANG 'DUS BYAS PA'I NUS PA 'GRUB PA MA YIN NO, ,'O NA SKAD CIG MA YIN PA 'DI 'JIG PA POR 'GYUR RO ZHE NA, GZHAN DU ZHES BYA BA LA SOGS PA SMOS TE, SKAD CIG MA MA YIN PA GANG YIN PA DE NI GZHAN DU 'GYUR BA MI SRID PA'I PHYIR RANG NYID KYIS GNAS PA MA YIN PAS CI ZHIG BYED NA 'DI DE'I 'JIG PA POR 'GYUR ZHES BYA BA 'DI NI BSTAN ZIN TO, ,YANG JI STE 'DI 'JIG PAR BYED PA POR MA GYUR MOD, 'ON KYANG SKAD CIG MA NYID SKYED PAR BYED PAR 'GYUR RO SNYAM NA, 'DI'I

287a

, ,RGYU NYID MA MTHONG NA ZHES BYA BA LA SOGS PA SMOS TE, GZHAL BYA'I DE KHO NA NYID RNAM PAR 'JOG PA NI TSAD MA LA RAG LAS PA YIN NO, ,GANG GI DE'I THA SNYAD DU 'GYUR BA GOS LA SOGS PA LA 'DI'I RAB TU GRAGS PA'I RGYU LAS MA GTOGS PA MNGON SUM DANG MI DMIGS PA DAG GIS SAM, MIG LA SOGS PA BZHIN DU 'BRAS BU LDOG PA LAS RGYU NYID DU MTHONG BA STE, NGES PA NI MA YIN NO, ,CI STE NUS PA MA MTHONG BA YANG RGYU NYID DU RTOG PAR BYED NA, DE'I TSE 'DUS BYAS PA'AM GZHAN DBYUG PA LA SOGS PA YANG SKYE BA'I RGYUR 'GYUR TE, BRTAG PAR BYA'O ZHES BYA BA LHAG MA'O, ,GANG GIS KHYED CAG NUS PA YONGS SU MA NGES PA'I 'DUS BYAS PA'I BDAG NYID GCIG YONGS SU BRTAGS PAS YONGS SU TSIM PAR 'GYUR BA NUS PA MA MTHONG BA NYID DU NI KHYAD PAR 'GA' YANG MED DO, ,'DI KHYED CAG GI SKYE BA'I RGYUR 'DOD PA YANG MA YIN TE, 'ON KYANG GOS LA SOGS PA SKYES PA YOD PA'I DUS PHYIS 'JIG PAR 'GYUR BA'I YON TAN DU 'DOD DO, ,DE LA YANG 'DI NI CUNG ZAD KYANG MI BYED DO ZHES DANG POR BRJOD ZIN TO, ,SKYE BA'I RGYU NYID DU KHAS BLANGS NAS NYES PA 'DI BRJOD PA YIN TE, RES 'GA' LA RANG GI GZHUNG LUGS KYI LUGS LAS 'DAS NAS 'DI LTAR RTOGS PAR BYED DO SNYAM DU BSAMS PA YIN NO, ,DE LTAR ZHES BYA BA LA SOGS THAMS CAD KYI DON NYE BAR SDUD PAR BYED DO, ,CHOS DANG CHOS MA YIN PA'I MTSAN NYID KYI YON TAN SUN DBYUNG BA'I PHYIR, YID DANG LDAN PA ZHES BYA BA LA SOGS PA SMOS TE, MA MTHONG BA'I BYED PA PO NI 'BRAS BU STER BA BDAG GI YON TAN BDAG DANG YID LDAN PA LAS SKYES PA RANG GI 'BRAS BU DANG 'GAL BA MED PA'O, ,DE YANG CHOS DANG CHOS MA YIN PA'I BYE BRAG GIS RNAM PA GNYIS SO, ,DE LA CHOS NI BYED PA PO LA 'DOD PA DANG PHAN PA DANG THAR PA'I RGYU'O, ,CHOS MA YIN PA NI MI 'DOD PA DANG MI PHAN PA DANG 'CHING BA'I RGYU'O ZHES GZHAN DAG GIS MA MTHONG BA'I MTSAN NYID SMRAS PA DE 'DI NI BDAG DANG YID DAD DE DAG GI LDAN PA DE'I RGYU NYID DU 'DOD PA SNGAR BKAG PA'I PHYIR RGYU MED PAS MED DO ZHES BYA BAR GRUB BO, ,SGRA NI NAM MKHA'I YON TAN NYID DU 'DOD DE, DE NI DANG PO NYID DU RIM SOGS THOS ZHES BYA BA LA SOGS PAS BSAL ZIN PA'I PHYIR YANG 'DI'I SUN 'BYIN PA MI BRJOD DO, ,DE KHO NA NYID BSDUS PA'I

287b

DKA' 'GREL LAS, YON TAN GYI DON BRTAG PA STE BCU DRUG PA'O,, ,,LAS KYI TSIG GI DON DBYUNG BA'I PHYIR, SKAD CIG GIS 'JIG CES BYA BA LA SOGS PA SMOS TE, MDO LAS, 'DEGS PA DANG, 'JOG PA DANG, BSKUM PA DANG, BRKYANG BA DANG, 'GRO BA ZHES BYA BA RNAMS NI LAS YIN NO ZHES 'BYUNG NGO, ,DE LA 'DEGS PA NI STENG DANG 'OG GI PHYOGS DAG DANG LDAN PA DANG RNAM PAR DBYE BA'I RGYU LAS SKYE BA GANG YIN PA STE, DPER NA LUS KYI YAN LAG GAM DE DANG 'BREL PA'I LUS CAN GYI RDZAS BOD PA LA SOGS PA LA NAM MKHA' LA SOGS PA'I STENG DANG 'OG DANG THAD KA'I CHA'I KHYAD PAR DAG DANG LDAN PA'I RGYU 'OG PHYOGS KYI CHA RNAM PAR DBYE BA'I RGYU 'BAD PA LA SOGS PA'I DBANG GIS LAS SKYE BA GANG YIN PA DE NI 'DEGS PA ZHES BYA'O, ,'DI LAS BZLOG PA'I LDAN PA DANG RNAM PAR DBYE BA'I RGYU'I LAS NI 'JOG PA'O, ,RDZAS DRANG PO 'KHYOG PA NYID KYI RGYU NI BSKUM PA STE, JI SKAD DU DPUNG PA LA SOGS PA'I RDZAS DRANG PO'I SOR MO LA SOGS PA RTZE MO'I YAN LAG GANG DAG YIN PA DE DAG NAM MKHA' LA SOGS PA'I RANG DANG LDAN PA DAG DANG RNAM PAR DBYE BA DANG BDAG NYID RTZA BA'I YUL DAG DANG LDAN PA NA LAS GANG GIS DPUNG PA LA SOGS PA'I MTSAN NYID KYI YAN LAG CAN GUG POR GRUB PAR BYED PA DE NI BSKUM PA ZHES BYA'O, ,'DI LAS BZLOG PA'I LDAN PA DANG RNAM PAR DBYE BA SKYED PA LAS GANG GIS YAN LAG CAN DRANG POR SGRUB PAR BYED PA DE NI BRKYANG BA'O, ,YUL DANG PHYOGS MA NGES PA'I BUM PA LA SOGS PA DANG RNAM PAR DBYE BA'I RGYU GANG YIN PA DE NI 'GRO BA'O, ,'DEGS PA LA SOGS PA LAS RNAM PA BZHI NI YUL DANG PHYOGS NGES PA'I NAM MKHA' LA SOGS PA DAG DANG LDAN PA DAD RNAM PAR DBYE BA'I RGYU YIN LA, 'GRO BA NI MA NGES PA'I PHYOGS DANG PHYOGS KYI CHOS THAMS CAD DANG LDAN PA DANG RNAM PAR DBYE BAR BYED DO, ,DE NYID KYI PHYIR LAS RNAM PA LNGA KHO NAS 'GYUR TE, 'KHYAM PA DANG G-YO BA DANG SPRO BA LA SOGS PA RNAMS NI 'GRO BA NYID KYI KHONGS SU 'DUS PA'I PHYIR RO, ,LAS RNAM PA LNGA PO 'DI YANG LUS CAN GYI RDZAS LA GNAS PA'I LDAN PA DANG RNAM PAR DBYE BA'I 'BRAS BUS DPAG PAS YOD PA NYID DU GRUB PO, ,LDAN PA DANG RNAM PAR DBYE BA'I KHYAD PAR GYI THUN MONG GI 'BRAS BU YIN TE, DE'I PHYIR 'DI 'BRAS BU LAS GRUB BO, ,DE BZHIN DU MNGON SUM GYIS KYANG YIN

288a

, ,TE; JI SKAD DU GRANGS DANG TSAD DANG SO SO BA NYID DANG LDAN PA DANG RNAM PAR DBYE BA DAG DANG GZHAN NYID DANG, GZHAN MA YIN PA NYID DAG DANG, LAS RNAMS NI GZUGS CAN DANG 'DU BA'I PHYIR MIG GIS GZUNG BAR BYA BA YIN NO ZHES BSHAD DO, ,DE LTA BAS NA 'DI DAG NI MDOR BSDUS PAS GZHAN GYI GZHUNG LUGS BSTAN PA'O, ,DE'I PHYIR 'DI LA LDAN PA DANG RNAM PAR DBYE BA DAG NI SNGAR BKAG PA'I PHYIR DE'I 'BRAS BU NYID MA GRUB BO, ,CI STE BAR MA CHAD PAR SKYE BA TZAM GYI MTSAN NYID KYIS LDAN PA DANG RNAM PAR DBYE BA DAG DE'I 'BRAS BU YIN PA NYID KYIS RGYU NYID DU BRJOD NA DE LTA NA YANG GTAN TSIGS MA NGES PA YIN TE; RNAM PA DE LTA BU'I LAS DANG DE DAG GANG DU YANG RJES SU 'GRO BA MA GRUB PA'I PHYIR RO, ,BSGRUB PAR BYA BA LAS BZLOG PAS GTAN TSIGS LA KHYAB PA'I PHYIR 'GAL BA YANG YIN NO, ,RGYU RTZAM YOD PA NYID DU SGRUB NA YANG GRUB PA LA SGRUB PA YIN TE, RLUNG LA SOGS PA RNAM BA DE LTA BU'I LDAN PA DANG RNAM PAR DBYE BA'I RGYU NYID DU 'DOD PA'I PHYIR RO, ,KHYAD PAR SGRUB PA YANG DAM BCA' BA LA RJES SU DPAG PAS GNOD PA YIN TE, 'DI LTAR BYA BA DANG 'DU BA'I DNGOS PO SKAD CIG MA YIN PA'AM, SKAD CIG MA MA YIN PA YIN, RE ZHIG SKAD CIG MA NI MA YIN TE, DE NI SKYE BA'I YUL NYID DU ZHIG PA'I PHYIR TE, NYAMS PA'I PHYIR YUL GZHAN DU PHYIN PAR MI SRID PA'I PHYIR RO, ,SBYOR BA NI GANG DAG YUL GANG DU ZHIG PA DE NI DE'I DUS PHYIS DE LAS YUL GZHAN DU PHYIN PA MA YIN TE, SGRON MA LA SOGS PA BZHIN NO, ,BRJOD PAR 'DOD PA'I DNGOS PO THAMS CAD KYANG SKYE BA'I YUL NYID DU ZHIG PA YIN NO ZHES BYA BA NI KHYAB PAR BYED PA 'GAL BA DMIGS PA'O, ,GTAN TSIGS MA NGES BA YANG MA YIN NO ZHES BSTAN PA'I PHYIR, SHIN TU MYUR BAR ZHES BYA BA LA SOGS PA SMOS TE, CHES MYUR DU 'JIG PAR 'DOD PA GANG YIN DE DAG DE LTA BU YIN NO, ,YANG CHES MYUR DU 'JIG PAR 'DOD PA'I SGRON MA LA SOGS PA YANG SKYE BA'I DUS PHYIS KYI BYA BA YIN TE, 'DI NI SKAD CIG DRUG TU GNAS PA NYID KYIS SKAD CIG MA MA YIN PA'I PHYIR, CI LTAR ZHE NA, 'DI LTAR ZHES BYA BA LA SOGS PA SMOS TE, 'DI LTAR RE ZHIG RANG GI RGYU DANG 'BREL BA'I DUS NI DANG PO YIN NO, ,DE NAS PHYIS SPYI GSAL BA'I DUS SO, ,DE NAS YAN LAG GI LAS KYI DUS SO, DE'I MJUG THOGS SU

288b

YAN LAG RNAM PAR DBYE BA'I DUS SO, ,DE NAS RANG RTZOM BAR BYED PA'I YAN LAG GI LDAN PA ZHIG PA'O, ,DE NAS RDZAS 'JIG PA'O ZHES BYA BA SGRON MA LA SOGS PA'I DNGOS PO YANG SKAD CIG MA DRUG TU GNAS PAR 'DOD DE, DE'I PHYIR DNGOS PO SKAD CIG LA 'GRO BA DANG LDAN PA 'GA' YANG MED PA'I PHYIR BYA BA DANG LDAN PA THAMS CAD NI SKYES PA LAS DUS PHYIS BYUNG BA NYID KYI BYA BA YIN NO, ,GTAN TSIGS MA GRUB PA YANG MA YIN TE, ,GZHAN NI SKAD CIG MA NYID DU MI RUNG BA'I PHYIR RO, ,CI STE YANG GAL TE KHO BO CAG GIS KYANG DNGOS PO RNAMS SKAD CIG MA NYID DU 'DOD DE, DE LTA NA YANG 'DI DAG GI BYA BA SKYE BA'I DUS NYID DU 'BYUNG BAR CI'I PHYIR MI 'GYUR SNYAM NA, RGYAB DANG MDUN ZHES BYA BA LA SOGS PA SMOS TE, GANG GI RGYAB KYI YUL DANG BRAL LA MDUN YUL DANG 'JUG PA DANG, PHRAD PA NI 'GRO BA PO YIN PA'AM, ,RGYAB TU BRKYANG BA LA SOGS PA'I RTEN YIN GYI GZHAN DU NI MA YIN TE, DPER NA NAM MKHA' LA SOGS PA BZHIN NO; ,GANG GIS SNGAR GYI YUL YONGS SU SPANGS PA SNGON DU 'GRO BA CAN RGYAB KYI YUL NON PAR 'GYUR BA SKAD CIG GCIG TZAM DU 'BYUNG BA 'DI TZAM ZHIG SDOD PA NI YOD PA YANG MA YIN NO, ,YOD BA'I DUS SU YANG 'JIG PAS DBANG BYAS PA'I PHYIR YUL GZHAN DU PHYIN PAR MI NUS SO, ,DE LTA BAS NA SKYE BA'I DUS SU 'BYUNG BA'I BYA BA YANG RIGS PA MA YIN NO, ,SNGON DANG PHYI MA DAG GI MTHAR YANG MA YIN TE, DE NI DE'I DUS NA NYE BAR BRJOD PA MED PA YIN PA'I PHYIR RO, ,DE'I PHYIR SKAD CIG KYANG MED PA GANG YIN PA DE YUL SHIN TU THAG RING PAR PHYIN PAR 'GYUR BA LTA RE ZHIG ZHOG ,'ON KYANG RDUL PHRA RAB TZAM GYI YUL PHYOGS SU PHYIN PA YANG MED PA'I PHYIR SKAD CIG MA LA BYA BA GA LA YOD SKAD CIG MA MA YIN PA LA YANG MED DO ZHES STON PA NI, DNGOS PO BRTEN NA ZHES BYA BA LA SOGS PA'I RTAG TU GCIG GI NGO BO'I DNGOS PO NI SKAD CIG MA MA YIN PA ZHES BYA BA LA, DE NI BYA BA DANG MI 'DU BA GSAL RAB PA NYID DE, NAM MKHA' BZHIN DU THAMS CAD DU KHYAD PAR MED PA'I PHYIR RO, ,SBYOR BA NI GANG THAMS CAD DU KHYAD PAR MED PA'I DE LA NI BYA BA SRID PA MA YIN TE, NAM MKHA' BZHIN NO, ,SKAD CIG MA MA YIN PAR 'DOD PA'I DNGOS PO YANG THAMS CAD DU KHYAD PAR MED PA YIN NO ZHES BYA BA NI KHYAB PAR BYED PA 'GAL BA DMIGS PA'I THAL BAR

289a

, ,'GYUR BA'O, ,GAL TE 'DI SNYAM DU SKAD CIG MA MA YIN PA'I DNGOS PO KHYAD PAR MED PA DE LTA NA YANG RANG BZHIN GYIS DE 'GRO BA PO LA SOGS PA'I NGO BO YIN PA'I PHYIR BYA BA DANG LDAN PA NYID DU 'GYUR BAS DE'I PHYIR GTAN TSIGS MA NGES PA YIN NO SNYAM DU SEMS PA'I DOGS PA BSU NAS, GAL TE ZHES BYA BA LA SOGS PA SMOS SO, ,GAL TE LHA SPYIN LA SOGS PA SKAD CIG MA MA YIN PA NYID DU 'DOD PA 'DI DAG RANG BZHIN GYIS 'GRO BA DANG, 'DEGS PA LA SOGS PA DANG LDAN PA YIN NA DE'I TSE NAM YANG MI GNAS PAR MI 'GYUR TE, THAMS CAD DU 'GRO BA PO LA SOGS PA'I NGO BO YIN PA'I PHYIR RO, ,DE LTA YIN DANG 'GRO BA LA SOGS PA DANG LDAN PA'I LHA SPYIN LA SOGS PA'I 'DI MI G-YO BA'I GNAS SKABS SU 'GRO BA LA SOGS PA MED NA YANG DE DAG STE 'GRO BA LA SOGS THOB PAR 'GYUR TE, 'GRO BA LA SOGS PA RTZOM PA'I DUS BZHIN DU NGO BO MA DOR BA'I PHYIR RO, ,CI STE SKYON 'DIS 'JIGS NAS 'DI 'GRO BA PO MA YIN PA LA SOGS PA'I NGO BO NYID DU KHAS LEN PAR BYED PA DE LTA YIN NA THAMS CAD KYI TSE MI 'GRO BA LA SOGS PAR 'GYUR TE, GCIG GI NGO BO NYID YIN PA'I PHYIR NAM MKHA' BZHIN NO, ,SOGS PA'I SGRAS, 'DEGS PA LA SOGS PA GZUNG NGO, ,DE LTA YIN DANG 'GRO BA LA SOGS PA YOD NA YANG DE MI G-YO BA KHO NAR 'GYUR TE, 'GRO BA PO MA YIN PA'I NGO BO MA DOR BA'I PHYIR MI G-YO BA'I GNAS SKABS BZHIN NO, ,G-YO BA'I LAS 'DI LA YOD PAS G-YO LDAN NO, ,G-YO MIN NGO BO'I DUS BZHIN NO, ,ZHES BYA BA LA BZHIN NI BDUN PA'I MTHA' CAN NO, ,CI STE YANG 'DI GCIG GI NGO BO MA YIN NO, ,'O NA CI ZHE NA, 'GRO BA PO LA SOGS PA DANG 'GRO BA PO MA YIN PA LA SOGS PA'I NGO BO NYID KYIS GNYI GA'I NGO BO YIN PAS DE'I PHYIR JI SKAD DU BSHAD PA'I SKYON DU THAL BAR MI 'GYUR LA, GTAN TSIGS KYANG MA GRUB PA YIN NO ZHES DOGS PA BSU BA NI GAL TE GCIG CES BYA BA LA SOGS PA'O, ,GCIG TSE 'ANG ZHES BYA BA LA, 'ANG GI SGRA NI RIM PA THA DAD PA STE, YANG ZHES BYA BA'I MJUG TU BLTA BAR BYA'O, ,YANG GZHAN DU YANG ZHES BYA BA'I DON TO, ,GZHAN DU ZHES BYA BA NI 'GRO BA PO ZHES BYA BA'I DON TO, ,DE LTA NA NI 'GRO BA PO NYID DANG 'GRO BA PO MA YIN PA NYID LA SOGS PA 'GAL BA'I CHOS DANG LDAN PAS GCIG NYID NYAMS PAR THAL BAR 'GYUR RO, ,DE NYID KYI PHYIR DE SKAD CIG

289b

MA NYID DU GRUB PO ZHES BSTAN PA'I PHYIR, DE DAG SHIN TU ZHES BYA BA LA SOGS PA SMOS TE, DE DAG CES BYA BA NI G-YO BA DANG MI G-YO BA'I GNAS SKABS SU 'BYUNG BA DAG GO, ,G-YO DANG MI G-YO DNGOS PO BZHIN, ,ZHES BYA BA NI LCUG MA DANG RE LDE LA SOGS PA BZHIN NO, ,DE LTAR RE ZHIG DAM BCA' BA LA RJES SU DPAG PAS GNOD PA BSGRUBS NAS, MNGON SUM GYIS GNOD PA YANG BSGRUB PA'I PHYIR, MTHONG BA NYID DU ZHES BYA BA LA SOGS PA SMOS TE, GANG ZHIG DMIGS PA'I MTSAN NYID DU GYUR PA YIN PA MA DMIGS PA DE NI RTOG PA DANG LDAN PA RNAMS MED PA'I THA SNYAD 'JUG PA YIN TE, DPER NA PHYOGS 'GA' ZHIG NA BUM PA MA DMIGS PA BZHIN NO, ,GZUGS LA SOGS PA LAS MA GTOGS PA'I LAS KYANG MI DMIGS SO ZHES BYA BA NI RANG BZHIN MI DMIGS PA'O, ,DE LTA DE LTAR YUL GZHAN BDAG GIR BYED PAS SKYE BA'I GZUGS LA SOGS PA LAS MA GTOGS PA'I LAS NI DBANG PO'I SHES PA LA SNANG BAR RTOGS PA MA YIN NO, ,GANG YANG 'DEGS PA DANG 'JOG PA PO SNYAM PA'I BRJOD PA DANG LDAN PA'I BLO 'DI SKYE BA DE NI BRJOD PA DANG BCAS PA'I PHYIR MNGON SUM MA YIN NO, ,'DI NI LAS KYI TSIG GI DON NYAMS SU MYONG BA'I STOBS KYIS 'BYUNG BAR YANG RIGS PA MA YIN TE, GZUGS LA SOGS PA NYID DE LTA DE LTAR SKYE BA MTHONG BA'I PHYIR; BRDA JI LTA BA BZHIN DU DE DAG KHO NA LA ZHEN NAS 'JUG PA'I PHYIR RO, ,'DI YANG RTAG PA DANG MI RTAG PA DAG LA 'GRO BA LA SOGS PA MED PA'I PHYIR ZHES DE MA THAG TU BSTAN ZIN TO, ,DES NA MNGON SUM KHO NA LAS GRUB PA YIN NO ZHES GANG SMRAS PA 'DI NI MA GRUB PO, ,JI SKAD DU BSHAD PA NYID KYI DON NYE BAR BSDU BA'I PHYIR, DE LTAR ZHES BYA BA LA SOGS PA'O, ,DE LTAR ZHES BYA BA NI DE MA THAG TU BRJOD PA'I MNGON SUM DANG, RJES SU DPAG PA DAG GIS BSAL ZIN PA'I PHYIR RO, ,BYE DANG PHRAD PA MI RIGS PHYIR, ,ZHES BYA BA NI SNGON MA DANG BYE BA MI RIGS PA'I PHYIR LA, RGYAB MA DANG PHRAD PA MI RIGS PA'I PHYIR ZHES GO RIMS BZHIN DU SBYAR RO, ,'O NA GAL TE JI LTAR 'JIG RTEN NA 'GRO BA'I THA SNYAD DU 'GYUR ZHE NA, 'DRA BA GZHAN GYI ZHES BYA BA LA SOGS PA SMOS TE, 'DRA BA GZHAN GYI DNGOS RNAMS ZHES BYA BA NI DE DAG NI 'DRA BA YANG YIN LA GZHAN YANG YIN NO ZHES BSDU BA BYAS LA DE DAG KYANG YIN LA DNGOS

290a

, ,PO YANG YIN ZHES TSIG RNAM PAR SBYAR BAR BYA'O, ,'DRA BA GZHAN GYI DNGOS PO DE DAG BAR CHAD MED PAR RANG GI NYE BAR LEN PA'I RGYU'I YUL SPANGS NAS SKYE BA YOD PA GANG YIN PA DE'I SKYE BA DMIGS PA'I RGYU'I PHYIR DE NYID 'GRO BA 'DI YIN NO ZHES 'KHRUL PAR 'GYUR TE, DPER NA 'GA' ZHIG TU NGES PA'I SGRON MA YUL GZHAN DU 'GRO BA YIN NO ZHES BYA BA BLO'I RGYU NYID DU 'GYUR BA BZHIN TE, SGRON MA DE NYID YUL GZHAN DU PHYIN PA NI MA YIN TE, DE NI SKAD CIG MA DRUG TU GNAS PA NYID DU MNGON PAR 'DOD PA'I PHYIR RO, ,DNGOS PO'I RANG BZHIN NYID SNGON DANG PHYI MA'I MTHAS STONG PAR SKYE'O ZHES BRJOD DE, DES NA DE NI DMIGS PA NYID DU RIGS PA KHO NA'O, ,RNAM PA GCIG TU NA SKYE BA ZHES BYA BA 'DI NI LNGA PA'I MTHA' CAN TE, BAR MED PAR SKYE BA LAS 'DRA BA GZHAN GYI DNGOS PO RNAMS YUL GZHAN DU DMIGS PA'I PHYIR ZHES SBYAR RO, ,DE KHO NA NYID BSDUS PA'I DKA' 'GREL LAS, ,LAS KYI TSOGS KYI DON BRTAG PA STE BCU BDUN PA'O,, ,RDZAS LA SOGS PA ZHES BYA BA LA SOGS PAS SPYI DANG KHYAD PAR DBYUNG BA RTZOM MO, ,RIGS RNAMS ZHES BYA BA NI SPYI RNAMS SO, ,DE DAG KYANG RDZAS DANG YON TAN DANG LAS KYI BDAG NYID KYI TSIG GI DON GSUM LA BRTEN PA'I PHYIR DE BSAL BA NYID KYIS SPANGS PA YIN NO; ,RTEN MED PAR NI GANG DU YANG BRTEN PA RNAMS GNAS PA YOD PA MA YIN TE, MI BRTEN PA NYID DU THAL BAR 'GYUR BA'I PHYIR RO, ,RIGS SMOS PA NI NYE BAR MTSON PA STE BYE BRAG KYANG MTHA'I RDZAS LA 'JUG PA'I PHYIR BRTEN PA NYID DU 'DOD DO, ,DE'I PHYIR DE DAG KYANG BRTEN BRTZAM PA NYID KYIS SPANGS PA DE LTA NA YANG SLAR YANG KHYAD PAR DU SUN DBYUNG BA BRJOD PAR 'DOD PA RANG GI NGO BO NGES PAR SHES PA SUN DBYUNG BAR NUS PA'I PHYIR, RE ZHIG SPYI DANG BYE BRAG DAG GI RANG GI NGO BO BSTAN PA'I PHYIR, DE LA ZHES BYA BA LA SOGS PA SMOS TE, DE LA SPYI NI RNAM PA GNYIS TE, MCHOG DANG MCHOG MA YIN PA'O, ,MCHOG NI YOD PA ZHES BYA BA STE, DE YANG RDZAS DANG YON TAN DANG LAS GSUM PO MTHA' DAG LA 'JUG PA'I SHES PA'I RGYU YIN PA NYID KYI PHYIR, SPYI KHO NA YIN GYI BYE BRAG NI MA YIN NO, ,MCHOG MA YIN PA NI RDZAS DANG YON TAN DANG LAS NYID LA SOGS PA'I MTSAN NYID DE, DE

290b

YANG RANG GI RTEN RDZAS LA SOGS PA LA 'JUG PA'I SHES PA'I RGYU YIN PA NYID KYI PHYIR SPYI ZHES BYA BA LA, RANG GI RTEN RIGS MI MTHUN PA DAG LAS LDOG PA'I SHES PA'I RGYU NYID KYIS KHYAD PAR DU BYED PA'I PHYIR SPYI YIN NA YANG BYE BRAG CES BRJOD DO, ,'DI LTAR YON TAN LA SOGS BA LA RDZAS MA YIN PA DANG YON TAN MA YIN PA ZHES BYA BA LA SOGS PA BZLOG PA'I BLO 'DI SKYE BA SGRUB BAR BYED PA GANG YIN PA DE LA YON TAN NYID DANG RDZAS NYID LA SOGS PA 'DI DAG NYID KYI RNAM PAR GNAS KYI GZHAN GYI NI MA YIN TE, RDZAS MA YIN PA NYID CES BYA BA GZHAN NI YOD PA MA YIN NO, ,LTOS PA THA DAD PA'I PHYIR GCIG DANG SPYI DANG KHYAD PAR GYI DNGOS POR MI 'GAL BA KHO NA'O SNYAM DU BSAMS PA'O, ,BYE BRAG GZHAN GYI MTSAN NYID BSHAD PA, BYE BRAG DAG KYANG KHA CIG NYID CES BYA BA LA SOGS PA'O, ,KHA CIG NI BYE BRAG KHO NAR 'DOD KYI SPYI NI MA YIN TE, LDOG PA NYID YIN PAS LDOG STE, LDOG PA'I SHES PA NYID KYI RGYU ZHES BYA BA'I DON TO; ,DE DAG GANG ZHE NA, RTAG PA'I RDZAS ZHES BYA BA LA SOGS PA SMOS TE, DE SKAD DU YANG RTAG PA'I RDZAS LA 'JUG PA'I MTHA' NI BYE BRAG GO ZHES BSHAD DO, ,RTAG PA'I RDZAS LA 'JUG PA ZHES BYA BA NI RDUL PHRA RAB DANG NAM MKHA' DANG DUS DANG PHYOGS DANG BDAG DANG YID LA 'JUG PA'I PHYIR RO, ,'GRO BA 'JIG PA DANG RTZOM PA'I MTHAR GYUR PA'I PHYIR DANG, GROL BA'I BDAG DANG GROL BA'I YID NI 'KHOR BA'I MTHAR GYUR PA'I PHYIR MTHA' NYID YIN NO, ,DE'I PHYIR DE DAG LA YOD PA NI MTHA' ZHES BYA BA STE, DE DAG LA GSAL BAR MI DMIGS PA'I PHYIR RO, ,'JUG PA NI 'DI DAG RDUL PHRA RAB LA SOGS PA RTAG PA'I RDZAS LA 'JUG PA YIN NO, ,DE NYID KYI PHYIR RTAG PA'I RDZAS LA 'JUG PA DANG, MTHA' ZHES BYA BA GNYI GA GZUNG NGO, ,DE DAG KYANG PHAN TSUN DU THA DAD PA'I BLO'I RGYU NYID YIN PA'I PHYIR RANG GI RTEN GZHAN LAS KHYAD PAR BYED PAS BYE BRAG CES BYA'O, ,YANG 'DI DAG GA LAS GRUB CE NA, GANG GI STOBS KYIS ZHES BYA BA LA SOGS PA SMOS TE, JI LTAR BDAG CAG LA SOGS PAS BA LANG LA SOGS PA LA BYAD GZUGS DANG YON TAN DANG BYA BA DANG YAN LAG DANG LDAN PA'I RGYU MTSAN RTA LA SOGS PA'I SHES PA MTHONG STE 'DI LTAR BA LANG DANG DKAR PO DANG MYUR BAR 'GRO BA DANG NOG RGYAS PA ZHES BYA BA

291a

, ,DANG GO RIMS BZHIN NO, ,DE BZHIN DU BDAG CAG LAS KHYAD PAR DU GYUR PA'I RNAL 'BYOR BA RNAMS, BYAD GZUGS DANG YON TAN DANG BYA BA MTSUNGS PA'I RDUL PHRA RAB RTAG PA RNAMS DANG GROL BA'I BDAG DANG YID RNAMS LA RGYU MTSAN GZHAN MED PA NA GANG GI STOBS KYIS RTEN SO SO LA 'DI DANG MI 'DRA'O SNYAM PA'I SHES PA GANG LAS LDOG PA'I YUL DANG DUS DANG BSKAL BA MA MTHONG BA LA DE NYID 'DI YIN NO ZHES BYA BA'I NGO SHES PA RNAL 'BYOR PA RNAMS LA 'BYUNG BA KHYAD PAR GYI SHES PAS DPAG PA'I YOD PA MTHA' DANG KHYAD PAR GRUB BO, DE DAG KYANG BDAG NYID JI LTA BA BZHIN DU RTEN SO SO LA BRTEN PA YIN LA, RNAL 'BYOR PA RNAMS KYIS NI MNGON SUM NYID KYIS GRUB PO, ,CI STE RIGS RNAMS JI LTAR GRUB CE NA, YOD DANG ZHES BYA BA LA SOGS PA SMOS TE, GANG ZHIG GANG DU GTOGS PA'I RJES SU 'GRO BA DANG LDOG PA'I RJES SU BYED PAR 'GYUR BA DE NI DE LAS BYUNG BA YIN NO ZHES RNAM PAR GZHAG PAR BYA BA YIN LA, RDZAS LA SOGS PA LA YOD PA LA SOGS PA'I SHES PA SKYE BA YANG DBANG POR GTOGS PA'I RJES SU 'GRO BA DANG LDOG PA'I RJES SU BYED PA NI, DE LAS GZHAN PA'I DBANG PO'I SHES PA BZHIN DU CI'I PHYIR DBANG POS BSKYED PAR BYA BA'I THA SNYAD 'JUG PAR MI BYED DE DE LTA MA YIN NA HA CANG THAL BAR 'GYUR RO, ,RJES SU DPAG PAS KYANG 'DI DAG GI YOD PA NYID BSGRUB PA'I PHYIR RJES SU DPAG PA ZHES BYA BA LA SOGS PA SMOS TE, SHES PA'I BYE BRAG NI ZHES BYA BA NI RDZAS LA SOGS PA'I DNGOS PO DANG MI 'DRA BA'I RNAM PA'I SHES PA'O, ,RGYU MTSAN GZHAN LAS BYUNG BA CAN NI RGYU MTSAN GZHAN LAS BYUNG BA STE SKYES PA DE 'DI LA YOD PA'I PHYIR RO, ,SBYONG BA NI DNGOS PO GANG GI RNAM PA DANG MI 'DRA BA'I SHES PA GANG YIN PA DE NI DE LAS MA GTOGS PA'I RGYU MTSAN GZHAN LAS BYUNG PA YIN TE, GOS DANG 'PHAGS PA DANG BAL LA SOGS PA LA DMAR PO LA SOGS PA'I SHES PA BZHIN NO; ,RDZAS LA SOGS PA LA YOD PA LA SOGS PA'I SHES PA 'DI YANG DE BZHIN NO ZHES BYA BA NI RANG BZHIN GYI GTAN TSIGS SU GZHAN DAG SEMS SO, TSAD MA'I DON 'DI NYID, BA LANG GLANG CHEN LA SOGS ZHES BYA BA LA SOGS PAS DNGOS PO RNAM PAR 'BYED PA LA SOGS PAS BKOD PA'I TSAD

291b

MA STON PA YIN TE, DE DAG DNGOS PO RNAM PAR 'BYED PAS SMRAS PA, BA LANG DANG PHAG DANG GLANG PO CHE LA SOGS PA LA BA LANG LA SOGS PA'I SHES PA DANG BRJOD BA'I KHYAD PAR RNAMS NI, BRDA DANG CHA BYAD DANG GONG BU LAS THA DAD PA'I RANG GI NGO BO DANG RJES SU MTHUN PA'I 'DRA BA'I RGYU MTSAN GZHAN GYI RGYU MTSAN CAN YIN TE ZHES SMRAS TE, BA LANG LA SOGS YUL NYID YIN PA NA, GONG BU LA SOGS PAR RANG GI NGO BO'I SHES PA DANG BRJOD PA LAS THA DAD PA'I SHES PA DANG BRJOD PA YIN PA'I PHYIR RO, ,BA LANG LA SOGS PA DE DAG NYID LA BE'U DANG BCAS PA'I BA LANG KHAL BKAL BA'I MA HE ZUG RDU DANG BCAS PA'I PHAG ,LCAGS KYU DANG BCAS PA'I GLANG PO ZHES BYA BA LA SOGS PA'I BRJOD PA DANG SHES PA'I KHYAD PAR BZHIN NO, ,CHOS MI MTHUN PA NI GONG BU LA SOGS PA'I RANG GI NGO BO BRJOD PA DANG SHES PA'I KHYAD PAR RNAMS SO, ,GANG DAG RGYU MTSAN GZHAN YIN BA DE DAG NI BA LANG NYID LA SOGS PA YIN PAR GRUB PO, ,DE LA BRJOD PA NI SGRA'O, ,SHES PA NI SHES PA DANG BRJOD PA ZHES BYA BA'I DON TO, ,SHES PA BRJOD PA DAG NYID KHYAD PAR GYI BSDU BA'O, ,BRDA NI BRDAR BYAS PA'O, ,BYAD GZUGS NI DBYIBS SO, ,GONG BU NI RDZAS SO, ,SOGS PA'I SGRAS GZUGS LA SOGS PA GZUNG NGO, , DE DAG LAS THA DAD PA'I RANG GI NGO BO RANG GI BRJOD PA DANG SHES PA SO SO LA RJES SU MTHUN PA DANG KHYAD PAR YIN PA'I PHYIR 'DRA BA'I RGYU MTSAN GZHAN RNAMS GANG DAG YIN PA DE DAG RGYU MTSAN DU GANG DAG LA ZHES TSIG RNAM PAR SBYAR RO, ,YANG NA DE DAG NI BRDA LA SOGS PA LAS THA DAD PA YANG YIN LA YOD PA LA SOGS PA'I SHES PA DANG BRJOD BAR RANG GI NGO BO'I RJES SU BYED PA DANG 'DRES PA YIN ZHES TSIG RNAM PAR SBYAR BAR BYA'O, ,LHAG MA NI SNGA MA BZHIN NO, ,SMRAS STE ZHES BYA BA NI DAM BCA' BA'O, ,RI BONG GI RVA LA SOGS PA'I SHES PAS 'KHRUL PAR DOGS PA LA DE YONGS SU SPANG BA'I DON DU BA LANG LA SOGS PA YUL NYID YIN BA NA ZHES KHYAD PAR DU BYAS SO, ,GONG BU LA SOGS PA'I RANG GI NGO BO'I BRJOD PA DANG SHES PA LAS THA DAD PA'I BRJOD PA DANG SHES PA GANG LA YOD PA DE'I DNGOS PO NI DE NYID DO ZHES TSIG RNAM PAR SBYAR RO, ,CHOS MI MTHUN PA'I GONG BU LA SOGS PA'I RANG GI NGO BO'I YUL CAN GYI

292a

, ,BRJOD PA DANG SHES PA'I KHYAD PAR ZHES BYA BA DE LA SOGS PA LAS THA DAD PA'I RGYU MTSAN GZHAN MED PA NA JI SKAD DU BSHAD PA'I GTAN TSIGS KYANG MED PA'I PHYIR RO, ,'OD BYED PAS SMRAS PA, BA LANG LA SOGS PA LA RJES SU 'JUG PA'I SHES PA NI GONG BU LA SOGS PA LAS THA DAD PA'I RGYU MTSAN LAS BYUNG BA YIN TE, BYE BRAG DANG LDAN PA'I PHYIR, SNGON PO LA SOGS PA'I SHES PA BZHIN NO, ,DE BZHIN DU BA LANG NYID NI BA LANG LA DON GZHAN YIN TE, SHES PA THA DAD PA'I YUL YIN PA'I PHYIR, GZUGS DANG REG PA LA SOGS PA BZHIN NO, ,DE'I SHES BYA'I THA SNYAD KYI YUL YIN PA'I PHYIR, DPER NA NAG PA'I RTA BZHIN NO ZHES BYA BA NI NAG PA LAS THA DAD PAR BSTAN PA YIN NO; ,'DI NYID BSTAN PA NI BA LANG LA SOGS LA ZHES BYA BA LA SOGS PA STE GO BAR ZAD DO, ,DE KUN SNYING PO MED PA STE ZHES BYA BA LA SOGS PAS LAN 'DEBS PAR BYED DE, GANG YANG YOD PA LA SOGS PA'I SHES PA NI DBANG PO'I BYA BA YOD PA'I PHYIR DBANG PO LA BRTEN PA YIN NO ZHES SMRAS PA DE LA, GAL TE DNGOS SU DBANG PO'I BYA BA'I DE MA THAG TU 'BYUNG BA'I PHYIR ZHES BYA BA GTAN TSIGS KYI DON DU 'DOD NA DE'I TSE GTAN TSIGS MA GRUB STE RTOG PA DANG BCAS PA NYID KYIS BRDA GZO BA DANG DRAN PA LA SOGS PAS BAR CHOD PA'I PHYIR RO, ,RJES SU 'GRO BA GCIG MED PAR PHAN TSUN ZLOG PA'I BDAG NYID KYI DNGOS PO RNAMS BRGYUD PAS KYANG THA MI DANG PA RNAM PA'I SHES PA'I RGYU MTSAN DU RIGS PA MA YIN ZHES BYA BA 'DI YANG BRJOD PAR RIGS PA MA YIN TE ZHES DOGS PA LA DPER NA ZHES BYA BA LA SOGS PA SMOS TE, JI LTAR SKYU RU RA LA SOGS PA PHAN TSUN SHIN TU THA DAD PA'I LUS CAN RNAMS KYANG RE RE 'AM TSOGS PAS RJES SU 'GRO BA MED PA YANG NAD RNAM PA SNA TSOGS PA BZLOG PA DANG LDAN PA YIN NO, ,DE LA SPYI NYID RNAM PA DE LTA BU'I DON BYA BA BYED PA SGRUB PAR BYED DO ZHES KYANG BRJOD PAR MI RIGS TE, GANG GI PHYIR DE DAG LA DON BYED PA SNA TSOGS PA SGRUB PAR BYED PA'I SPYI YOD PA NI MA YIN NO, ,GAL TE YOD NA DE'I TSE GANG 'DI 'GA' ZHIG TU RES 'GA' SKYU RU RA LA SOGS PA MYUR BA DANG 'GRO BAR NAD LA SOGS PA ZHI BAR BYED PA'I NUS PA DMIGS PA DER MI 'GYUR TE, SPYI GCIG GI NGO BO YIN PA'I PHYIR RO, ,ZHING DANG 'O MAS BCUS PA LA SOGS PA'I 'DU BYED

292b

PA'I KHYAD PAR BSGRUB PA'I SPYI NYID DON BYA BA SNA TSOGS SGRUB PAR BYED PA YIN NO ZHES RIGS PA NI MA YIN TE, DE NI RTAG PA NYID KYIS ZHING LA SOGS PA'I KHYAD PAR LAS KYANG GZHAN GYIS RNAM PAR 'GYUR BAR MA SKYED PA LAS NI KHYAD PAR 'GA' YANG MED DE, GCIG GI NGO BO YIN PA'I PHYIR RO, ,SKYU RU RA LA SOGS PA MI RTAG PA RNAMS NI ZHING LA SOGS PA KHYAD PAR LAS KHYAD PAR DANG BCAS PA YOD PAS DE'I PHYIR DE NYID NAD LA SOGS PA ZHI BA LA SOGS PA ZHI BA'I NUS PA DANG LDAN PA YIN NO ,,DE LTA YIN DANG BUM PA LA SOGS PA DNGOS PO GZHAN YANG DE BZHIN TE, RGYU DANG RKYEN DAG LAS DE LTAR SKYE BA'I PHYIR RANG BZHIN GYIS RNAM PA GCIG GI NGO SHES PA LA SOGS PAR 'GYUR BA YIN PA'I PHYIR SKYON MED DO, ,'DRA BAR SHES PA LA SOGS PA'I ZHES BYA BA LA SOGS PA LA SOGS PA'I SGRA CHU 'DZIN PA LA SOGS PA'I DON BYED PAR NUS PA GZUNG NGO, ,YANG JI LTAR 'DI DAG GI BRDA GZO BA LA SOGS PA BAR DU CHOD PA NYID 'GRUB PA YIN ZHE NA, 'BRAS BU TZAM LA ZHES BYA BA SOGS PA SMOS TE BRDA MA BZUNG BA RNAMS LA YOD PA LA SOGS PA'I SHES PA SKYE BA MA YIN TE, GZHAN DU NA BRDA BYED PA DON MED PAR 'GYUR RO, ,DE LTA BAS NA GCIG GI RNAM PAR ZHEN PA 'DI LA BAR DU CHOD PA'I DON BYED PAR NUS PA TZAM BSTAN PAR 'DOD PA KHYAD PAR GZHAN MA SPANGS PAR YONG PA ZHES SGRA SBYOR BAR BYED PA YIN NO, ,BRDA BYED PA'AM JI LTAR DGA' BAR GZHAN LA YANG ZHES BYA BA NI GZHAN DNGOS PO'I SGRA'O, ,DE BZHIN BA LANG LA SOGS PA'I KHYAD PAR GYI SGRA YANG 'GAL BA LA SOGS PA'I NUS PA'I KHYAD PAR SHES PAR 'DOD PA NA BRDA BYED PA YIN NO ZHES SBYAR BAR BYA'O, ,DE LTA YIN DANG BRDA'I DUS SU PHYIS THA SNYAD KYI DUS SU MTHONG BA'I BA LANG LA SOGS PA LA YANG SNGAR BRDA GZO, ,DE LAS DE DRAN PAR BYA'O, ,DE'I 'OG TU YOD PA LA SOGS PA'I SHES PA SKYE BA YIN ZHES GSAL BA RAB TU SHES PA YIN NO, ,SHIN TU GOMS PA 'GA' ZHIG NI, CHES MYUR BAR SKYE BA'I PHYIR 'DI DAG GI RIM PA MI 'DZIN LA, GOMS PA ZHAN PA NI GSAL RAB TU 'DZIN PAR BYED PA NYID YIN NO, ,DE'I PHYIR ZHES BYA BA NI MJUG SDUD PA STE, DE'I PHYIR NI DE LTA BAS NA STE, DE'I PHYIR DE LTAR NA BRDA GZO BA LA SOGS PAS BAR DU CHOD PA'I PHYIR DNGOS SU MI SKYE BAS 'DI DAG MNGON SUM NYID DU MA GRUB PO, BRGYUD NAS SKYE BA NA YANG MNGON SUM NYID

293a

, ,DU RIGS PA MA YIN TE HA CANG THAL BAR 'GYUR BA'I PHYIR SNYAM DU BSAMS PA'O, ,DRAN PA YIN PA'I PHYIR DE LAS GZHAN PA'I DRAN PA BZHIN DU YOD PA LA SOGS PA'I SHES PA NI MNGON SUM NYID DU RIGS PA MA YIN NO ZHES BYA BA 'DI LAS KYANG NGO ZHES BSTAN PA'I PHYIR, DANG POR RTOG PA MED CES BYA BA LA SOGS PA SMOS TE, RANG GI MTSAN NYID LA BRDA MI BYED PA'I PHYIR MTHONG BA'I DON LA MI RTOGS PAS, DNGOS PO'I RANG GI MTSAN NYID YUL YIN PA NYID KYIS BRJOD PA DANG 'DRES PAS DBEN PA'I CHOS DANG POR YOD PA'I RNAM PAR SHES PA DBANG PO LA BRTEN PA SKYE'O, ,DE LAS TE PHYIS MTHONG BA'I DNGOS PO DE NYID LA BRDA GZO'O, ,DE'I 'OG TU BRDA JI LTA BA BZHIN DU MTHONG BA'I DON GYI YUL DE NGES PA NYID KYIS MTHONG BA'I DON DE NYID LA BRJOD PA'I YOD PA LA SOGS PA'I SHES PA SKYE PA CI LTAR DRAN PA NYID SGRUB PAR MI 'GYUR, DE LAS KYANG ZHES BYA BA NI JI LTAR MTHONG BA NGES PA LAS SO, ,DE DAG GO ZHES BYA BA NI YOD PA LA SOGS PA'I SHES PA'O, ,YANG GANG LAS SHES PA RNAMS KYI SKYE BA'I RIM PA 'DI NGES PA YIN ZHE NA, GZHAN DU ZHES BYA BA LA SOGS PA SMOS TE, GANG GI PHYIR YOD PA LA SOGS PA'I SHES PA DE DAG RIM PA 'DIS SKYE BA DE NYID KYIS GZHAN DU STE YUL GZHAN DU SONG BA'I SEMS NI, SEMS YENGS PA'O, ,MDUN NA GNAS PA'I DNGOS PO MTHONG BA DNGOS PO'I BRDA YID LA BYED PA LA SOGS PA 'JUG PA MNGON DU PHYOGS PA CHES DANG POR KHYAD PAR THAMS CAD KYI DBEN PA'I DNGOS PO TZAM MTHONG BAR 'JUG GO, ,DE LTA MA YIN TE GAL TE RNAM PAR SHES PA THAMS CAD RTOG PA DANG BCAS PA YIN NA DE'I TSE YID GZHAN DU SONG BAS KHYAD PAR THAMS CAD KYIS STONG PA'I DNGOS PO JI LTAR MTHONG BAR 'GYUR, DUS GCIG TU CIG CAR RNAM PAR RTOG PA GNYIS RIGS PA NI MA YIN TE, DE LTA BAS NA DE LTAR DNGOS SU DBANG PO'I RJES SU 'GRO BA DANG RTOG PA'I RJES SU BYED PA NYID MA GRUB PO, ,DE LA, BA LANG GLANG CHEN LA SOGS LA, ,ZHES GANG SMRAS PA DE LA, DE DAG BRDA LA GZO BA LAS ZHES BYA BA LA SOGS PA SMOS TE, GAL TE SPYIR RJES SU BYED PA'I 'BREL PA'I RGYU MTSAN GZHAN TZAM 'DI DAG GI RGYU MTSAN DU GRUB PA YIN TE, 'DI LTAR BA LANG LA SOGS PA'I SHES PA THA SNYAD RNAMS KYI RJES SU MTHUN PA'I

293b

'BREL PA CAN NI BA LANG LA SOGS PA'I BRDA GZO BA KHO NA YIN NO, ,'DI LTAR DE YOD NA 'BYUNG LA RIGS MI MTHUN BA'I YID LA BYED PA YOD NA MI 'BYUNG BA DE'I PHYIR RJES SU 'GRO BA DANG LDOG PA DANG LDAN PA DE NYID 'DI DAG GI RGYUR GRUB STE, DER GTOGS PA'I RJES SU 'GRO BA DANG LDOG PA'I RGYU 'DI 'GRUB PA NI; DE YOD PA DANG MED PA'I RJES SU 'GRO BA DANG LDOG PA NYID KYI RJES SU BYED PA'I PHYIR RO, ,DE'I PHYIR GTAN TSIGS KYI SBYOR BA NI DAL BA NI 'BRAS BU MED PA YIN NO, ,CI STE BRDA NYID LA BYED PA 'DI NI PHYOGS NYID KYI KHONGS SU 'DUS PA'I PHYIR DE DAG LAS MA GTOGS PA'I RJES SU 'GRO BA RTAG PA DANG GCIG PU'I SPYI ZHES BYA BA'I 'BREL PA CAN 'DI DAG GI RGYU MTSAN DU SGRUB NA, DE'I TSE DPE BSGRUB PAR BYA BA MA TSANG BA YIN NO, ,DE LTA BUR GYUR PA DANG GANG DU YANG RJES SU 'GRO BA MA GRUB STE, GANG YANG BE'U DANG MYU GU LA SOGS PA 'DI DAG BE'U DANG BCAS PA LA SOGS PA BRJOD PA DANG SHES PA'I RGYU NYID DU BRJOD DE, DE DAG KYANG DE'I RGYU CAN NYID DU MA GRUB STE, RANG GI MTSAN NYID THOB PA CAN GYI DNGOS PO 'DI RNAMS NI DNGOS SU BRJOD PA DANG SHES PA'I KHYAD PAR GYI RGYU NYID DU YOD PA NI MA YIN NO, ,RANG GI MTSAN NYID NI NGAG DANG RNAM PAR RTOG PA THAMS CAD KYI SPYOD YUL LAS 'DAS PA'I NGO BO YIN PA'I PHYIR RO, ,DE'I PHYIR DPE BSGRUB BYA MA TSANG BA YIN NO, ,BRGYUD PAS RGYU NYID DU RTOGS PAR BYED NA HA CANG THAL BAR 'GYUR TE, THAMS CAD THAMS CAD LA BRGYUD PAS NYE BAR SBYOR BA YIN PA'I PHYIR RO, ,'O NA GAL TE DE LTA NA PHYI ROL GYI LCAGS KYU LA SOGS PA 'DI RGYU NYID DU JI LTAR NGES BAR BYED CE NA, NANG TZAM LA NI BRTEN NAS ZHES BYA BA LA SOGS PA SMOS TE, RE ZHIG LCAGS KYU LA SOGS PA BRTAGS PA NYE BAR LEN PA'I RANG GI MTSAN NYID GANG YIN PA DE NI RNAM PAR RTOG PAR RIGS PA MA YIN NO ZHES BSTAN ZIN TO, ,KUN RDZOB PA GANG YIN PA DE NI RNAM PAR RTOG PA'I BZO BOS SBRUL PA'I BDAG NYID KYI NGO BO YIN PA NYID KYIS NANG TZAM LA YOD PA NYID YIN GYI, PHYI ROL NI MA YIN NO, ,SKYE BOS MTHONG BA DANG RNAM PAR BRTAG PA DAG GI RNAM PAR DBYE BA MI SHES PA NYID KYIS DE'I RNAM PA PHYI ROL LTA BUR ZHEN PA NA PHYI ROL GYI DNGOS PO NYID LA RGYUG PAS DE'I PHYIR LCAGS KYU LA SOGS PA RNAMS PHYI ROL GYI NGO BO NYID DU MA GRUB BO, ,

294a

, ,LCAGS KYU SOGS ZHES BYA BA DANG; DMIGS NAS ZHES BYA BA SNGA MA DANG SBREL BAR BYA'O, ,PHYI ROL GYI NGO BO NYID DU NGES PA'I NANG TZAM DU YOD PA'I LCAGS KYU LA SOGS PA LA DMIGS NAS PHYI ROL LA 'JUG PA YIN NO ZHES BYA BA'I DON TO, ,NANG TZAM NI BLO'O, ,GANG YANG, BA LANG LA SOGS YUL NYID NA, ,ZHES KHYAD PAR DU BYAS PA DE YANG MI RIGS PA NYID DE, RNAM PAR GCAD PAR BYA BA MED PA'I PHYIR RO ZHES BSTAN PA'I PHYIR DNGOS PO MED PA'I ZHES BYA BA LA SOGS PA RGYU NYID SMOS TE, KHYED CAG GI BYA BA DANG, YON TAN GYI THA SNYAD MED PA NYID KYANG MED PA'I SHES PA'I RGYU NYID DU BRJOD PA DE YANG MI RIGS SO ZHES BYA BA'O, ,BYA BA LA SOGS PA MED PA RGYU NYID DU BRJOD DO, ,'DI LTAR 'BRAS BU SKYED PAR BYED PAR NUS PA RGYU NYID DU BRJOD LA, NUS PA DE YANG DNGOS PO LA BRTEN PA NYID YIN PA'I PHYIR RO, ,GAL TE DNGOS MED PA YANG RNAM PA DE LTA BU'I NUS PA DANG LDAN PAR 'GYUR NA, DE'I TSE JI LTAR DNGOS PO NYID DU SGRUB PAR MI BYED DE, DNGOS PO'I RGYU MTSAN NYID DE TZAM NYID YIN PA'I PHYIR RO, ,DE LTA YIN DANG MED PA'I NGO BO NYID SPONG BAR 'GYUR TE, MED PA NI DNGOS PO'I RANG GI NGO BO NYAMS PA NYID YIN PA'I PHYIR RO, ,GZHAN YANG GAL TE BYA BA DANG YON TAN MED PA MED PA'I SHES PA'I RGYU NYID DU 'GYUR NA, DE'I TSE YOD PA LA SOGS PA YANG MED PA RGYU NYID DU 'GYUR RO, ,DE LA YANG RI BONG GI RVA LA SOGS PA BZHIN DU BYA BA YANG YON TAN GYI THA SNYANG MED PA'I PHYIR RO, ,GTAN TSIGS KYANG MA GRUB PO ZHES BSTAN PA'I PHYIR GONG BU GZUGS ZHES BYA BA LA SOGS PA SMOS TE, GANG GIS 'DI DAG DE'I SHES BA LAS GZHAN NYID DU 'GYUR BA BA LANG LA SOGS PA'I SHES PA RNAMS NI GONG BU LA SOGS PA LAS MA GTOGS PA'I DON GZHAN DU GYUR PAR DES PA YOD PA NI MA YIN NO, ,DAM BCA' BA YANG RJES SU DPAG PAS GNOD PA YIN NO ZHES BSTAN PA'I PHYIR, GANG PHYIR RJES 'GRO ZHES BYA BA LA SOGS PA SMOS TE, KHYED CAG GIS RJES SU 'GRO BA'I SHES PA GONG BU LA SOGS PA LAS THA DAD PA'I RGYU MTSAN DMIGS PAR GYUR PA SGRUB PAR 'DOD NA DE YANG MI RIGS TE, DE MI SNANG BA'I PHYIR DANG MI MTHUN PA'I KHA DOG DANG DBYIBS SNANG BA'I PHYIR RO, ,'DI LTAR KHYED CAG GIS KHA DOG DANG DBYIBS

294b

DANG YI GE DANG RNAM PAS STOD PA NI BA LANG NYID LA SOGS PA'I SPYI YIN PAR BRJOD LA, RNAM PAR SHES PA LA YANG KHA DOG LA SOGS PA SNANG BA DANG LDAN BAR NYAMS SU MYONG STE, DE'I PHYIR JI LTAR 'DI'I DMIGS PA YI GE LA SOGS PAS STONG PA MA YIN PAR 'GYUR, GZHAN GYI RNAM PA CAN GYI SHES PA NI GZHAN DMIGS PA YIN PAR RIGS PA NI MA YIN TE, HA CANG THAL BAR 'GYUR BA'I PHYIR RO, ,SBYOR BA NI GANG ZHIG GANG DANG MI 'DRA BA'I DON SNANG BA SHES PA DE NI DE 'DZIN PA MA YIN TE, DPER NA SGRA'I SHES PA GZUGS 'DZIN PAR BYED PA MA YIN PA BZHIN NO, ,RJES SU 'GRO BA'I SHES PA YANG RIGS DANG MI 'DRA BA'I KHA DOG LA SOGS PA SNANG BA YIN NO ZHES BYA BA NI KHYAB PAR BYED PA 'GAL BA DMIGS PA'O, ,SGRA DANG GSAL BAR SNANG BA CAN, ,ZHES BYA BA LA, ,SGRA NI BA LANG NGO ZHES BYA BA LA SOGS PA'I THA SNYAD DANG, GSAL BA NI KHA DOG DANG DBYIBS KYI BDAG NYID DO, ,DE DAG SNANG BA NI GSAL BA'O, ,DE 'DI LA YOD PAS DE DANG LDAN PA'O, ,YI GE NI PA DANG LA LA SOGS PA'O, ,BDE BYED BDAG POS SMRAS PA, SNGON PO LA SOGS SPYI NI SNGON PO LA SOGS PA RNAM PA NYID YIN TE, GZHAN DU NA SNGON BO ZHES BYA BA DE LTA BU'I RNAM PA RJES SU 'JUG PA'I SHES PAR MI 'GYUR RO, ,DE LTA YIN DANG GTAN TSIGS MA YIN LA RJES SU DPAG PA YANG MI 'GAL LO ZHE NA, DE LTA BAS NA 'DIR SPYI YANG ZHES BYA BA LA SOGS PA SMOS TE, DE LTA NA NI SNGON PO LA SOGS PA'I YON TAN LAS SNGON PO NYID LA SOGS PA'I SPYI BYE BRAG YOD PAR MI 'GYUR TE, RNAM PA THA MI DAD PA'I PHYIR RO, ,'DI SNYAM DU SNGON PO LA SOGS PA YON TAN NI RJES SU 'GRO BA MA YIN LA, SPYI NI YUL DANG DUS THA DAD PA'I GSAL BA LA RJES SU 'GRO BAS DES NA RNAM PA THA DAD PA YOD DO SNYAM NA, GCIG NYID CES BYA BA LA SOGS PA SMOS TE, MNGON SUM GYI SNGON PO LA SOGS PA'I YON TAN LA MA GTOGS PA'I SNGON PO LA SOGS PA'I RNAM PA'I RJES SU 'GRO BA GZHAN SNGON PO NYID LA SOGS PA RJES SU 'JUG PA SNANG BA NI MA NGES TE, THUN MONG MA YIN PA'I SNGON PO LA SOGS PA GCIG SNANG BA'I PHYIR RO, ,RNAM PAR RTOG PA'I SEMS LA YANG SNGON PO NYID LA SOGS PA GNYIS PA SNAD BA MA YIN TE, MTHONG BA JI LTA BA BZHIN DU DES NGES PA'I PHYIR RO, ,'DI

295a

, ,SNYAM DU JI LTAR KHYED CAG GI SKAD CIG MA NYID SNANG YANG ZHEN PA RNAMS KYIS RNAM PAR PHYE NAS MI MTSON PA DE BZHIN DU SPYI 'DI YANG YIN NO SNYAM DU SEMS NA, DE YANG MI RIGS PA KHO NA STE, DE MTHONG BA'I STOBS KYIS GSAL BA THA DAD PA'I SGRA DANG BLOR 'GYUR BA YIN NO ZHES GANG BRJOD PA DE MI 'THAD DE, KHYAD PAR BYED PA MA MTSON PAR KHYAD PAR DU BYA BA LA BLO SKYE BA NI MA YIN TE, DPER NA DBYIG PA MA MTHONG BAR DBYIG PA CAN NO SNYAM PA'I SHES PA MI 'BYUNG BA DE BZHIN DU 'DI LA YANG 'GYUR TE, 'DI LTAR KHYED CAG GIS KHYAD PAR RANG LA SGRA DANG SHES PA'I SPYOD YUL LAS 'DAS PAR BRJOD PA LA, RANG LAS BLO DANG SGRA'I YUL LAS 'DAS PA'I LUS CAN KHYAD PAR DE DAG KYANG SPYI MTHONG BA'I STOBS KYIS RTOGS PAS SHES PA JI LTAR DE NYID MI MTSON PA ZHES BYA BA, GZHAN YANG GANG GI LTAR NA MNGON SUM RTOGS PA MED PA YIN PA DE'I LTAR NA SNANG YANG MA MTSON TO ZHES BYA BA 'DI BRJOD PAR RIGS TE, MTSON PA NI NGES PA'I SHES PA'I BYA BA NYID YIN PA'I PHYIR RO, ,KHYED CAG GANG GI MNGON SUM THAMS CAD RTOG PA DANG BCAS PA YIN NO ZHES BYA BA'I PHYOGS DE'I MI MTSON PA NYID MI RIGS TE, MI 'DZIN PAR THAL BAR 'GYUR BA'I PHYIR RO, ,RANG GI DON RTOGS PA GANG YIN PA 'DI NYID NGES PA RNAMS KYI NGES PA YIN NO, ,DE DAG DES PA DANG LDAN PA MA YIN NO ZHE NA, DE NI 'DZIN PAR BYED PA NYID MA YIN PAR 'GYUR RO, ,SNGON PO LA SOGS PA LAS THA DAD PA'I DON GZHAN DU GYUR PA GRUB PAR KHAS BLANGS NAS KYANG KHYED CAG GI 'DOD PA GRUB PA MA YIN TE, MNGON PAR 'DOD PA'I BSGRUB PAR BYA BA'I DON RJES SU DPAG PAS GNOD PA NYID KYI PHYIR RO, ,DES NA KHYAB PA MA GRUB PO ZHES BSTAN PA'I PHYIR, RGYU MTSAN GZHAN NYID CES BYA BA LA SOGS PA SMOS TE, MI BRTAN PA LAS DBEN PA'I ZHES BYA BA NI MI RTAG PA LAS DBEN PA STE, RTAG PA ZHES BYA BA'I THA TSIG GO, ,CI'I PHYIR MI 'GRUB CE NA, RIM GYIS 'BYUNG BA'I PHYIR TE, BA LANG LA SOGS PA'I BRJOD PA DANG SHES PA RNAMS ZHES BYA BA LHAG MA'O, ,GAL TE RNAM PA DE LTA BU'I SPYI'I CHOS 'DI DAG GI RGYU NYID DU GYUR NA, DE'I TSE 'DI DAG RIM GYIS SKYE BAR MI 'GYUR GYI, RGYU MTSANG BA MED PA'I PHYIR CIG CAR SKYE BAR 'GYUR TE, CIG CAR SKYE BA'I DNGOS PO DU MA BZHIN NO, ,GZHAN GYIS

295b

PHAN GDAGS PAR BYA BA MA YIN PA LA NI LTOS PA 'GA' YANG YOD PA MA YIN NO, ,DA NI GTAN TSIGS GRUB PA NYID DU KHAS BLANGS NAS 'KHRUL PA NYID DU BSHAD PA NI, TSIG GI DON SGRA ZHES BYA BA LA SOGS PA STE, GANG GI TSIG GI DON ZHES RJES SU 'GRO BA'I SHES PAR 'GYUR BA TSIG GI DON DRUG PO RNAMS LA TSIG GI DON NYID CES BYA BA GZHAN YOD PA NI MA YIN NO, ,DE BZHIN DU GANG GIS DE DAG LA YOD CES BYA BA'I SHES PAR 'GYUR BA YOD PA DANG SPYI DANG BYE BRAG DANG 'DU BA DAG LA YOD PA NI MA YIN NO, ,YOD PA NI RDZAS DANG YON TAN DANG LAS RNAM PO KHO NA LA GNAS PA'I PHYIR RO, ,RDZAS LA SOGS PA LA SPYI'I RGYU MTSAN NYID KYI THA SNYAD GZHAN DGAG PAR 'DOD PA'I PHYIR DE'I SGO NAS 'KHRUL PA MA BRJOD DO, ,'DI SNYAM DU YOD PA LA SOGS PA 'DI LA YANG YOD PA DMIGS PA'I TSAD MA NYID KYI YUL CHOS YOD DE, DE'I PHYIR 'DI LA YANG THA SNYAD 'DI GZHAN GYI RGYU MTSAN CAN YIN PA'I PHYIR 'KHRUL PA MED PA KHO NA'O SNYAM DU SEMS NA, DE LA GZHAN CHOS ZHES BYA BA LA SOGS PA SMOS TE, CHOS GZHAN RGYU MTSAN NYID DU KHAS LEN NA 'KHRUL BA'I SKYON DE'I GNAS SKABS NYID YIN NO, ,GANG GI PHYIR CHOS GZHAN DE LA YANG CHOS DE YOD DO ZHES YOD PA'I BLO YOD PA KHO NA'O, ,DE LA YANG CHOS GZHAN LEN NA THUG PA MED PAR THAL BAR 'GYUR RO, ,GZHAN DAG KYANG CHOS GZHAN GYI RTEN YIN PA'I PHYIR CHOS CAN NYID DU THAL BA YIN NO, ,DE LTA YIN DANG CHOS CAN NI TSIG GI DON DRUG KHO NA'O ZHES BYA BA'I DRUG GI GRANGS NGES PAR MI 'GYUR RO, ,CI STE THUG PA MED PAS 'JIGS NAS CHOS GZHAN MI BRTEN PA DE'I TSE TSIG GI DON RNAMS LA YOD PA LA SOGS PA'I CHOS 'JUG PA'I SHES PA 'DI DAG GIS GTAN TSIGS 'KHRUL PA YIN NO, ,'DI THUN MONG GI MA NGES PA MA YIN MOD LDOG PA THE TSOM ZA BA GANG GIS SPANG ZHES BYA BA 'DI BSHAD PA NI THAMS CAD NYE BAR SDUD PA'I ZHES BYA BA LA SOGS PA'O, ,CHOS CAN THAMS CAD DU GTAN TSIGS LA BSGRUB BYAS KHYAB PA STON PA NI THAMS CAD NYE BAR SDUD PA'O, ,'DI SNYAM DU 'DIR KHYAB PA RIGS PA NYID YIN TE, RGYU MTSAN GZHAN MED NA DNGOS PO DE'I SHES PA MI 'DRA BAR JI LTAR 'THAD PAR 'GYUR, SHES PA MANG PO YUL MI GCIG PA RNAMS MI 'DRA BA YOD PA MA YIN NO, ,GAL TE YOD NA DE'I TSE GZUGS

296a

, ,DANG ROL SOGS PA'I SHES PA RNAMS KYANG YUL THA DAD PAR GRUB PAR MI 'GYUR RO, ,YUL THA DAD PA RNAM PAR 'JOG PA NI SHES PA THA DAD BYAS PA'I PHYIR RO SNYAM DU SEMS NA, DE YANG MI RIGS TE, DON DAM BAR SPYI'I SHES PA DNGOS PO'I RANG GI MTSAN NYID KYI YUL GCIG TU RIGS PA MA YIN TE, BRJOD PA DANG 'DRES PA'I SHES PAS RANG GI MTSAN NYID YUL DU MI BYED PA'I PHYIR RO, ,'ON KYANG DNGOS PO GCIG PO DE GANG LAS LDOG PA DE'I RGYU MTSAN CAN DE LA BRDA JI LTA BA BZHIN DU GOMS PA'I DNGOS PO DE YANG NYAMS SU MYONG BA'I SGO NAS 'ONGS PA RNAM PAR RTOG PA DANG BRJOD PA SPYI MED NA YANG GAL TE RNAM PAR RTOG PA 'JUG NA DE'I CHO 'GAL BA CI ZHIG YOD, DE'I PHYIR KHYAB PA MED DO ZHES BRJOD DE, GANG YANG, BA LANG SOGS LA RJES GANG LAS LDOG PA DE'I RGYU MTSAN CAN DE LA BRDA JI LTA BA ZHES BYA BA LA SOGS PA SMOS TE, 'DI NYID KYIS ZHES BYA BA NI DE MA THAG TU BSHAD PA'I GTAN TSIGS SUN 'BYIN BA NYID KYIS TE, DE LA SKYON MTSUNGS PA'I PHYIR RO, ,'DI LTAR 'DOD PA SGRUB PA LA SOGS PA 'DI LA YANG MTSUNGS SO, ,SOGS PA'I SGRAS DPE BSGRUB BYAS STONG PA DANG GTAN TSIGS MA GRUB DANG, 'KHRUL PA LA SOGS PA GZUNG NGO, ,RNAM PA GZHAN GYIS KYANG 'KHRUL PA NYID DU BSHAD PA RJES SU 'JUG PA ZHES BYA BAL SOGS PA SOGS PA SMOS PA STE, GANG GIS 'TSED PA PO DANG 'DON PA PO ZHES BYA BA RJES SU 'JUG PA'I SHES BAR 'GYUR BA DE LA GCIG RJES SU 'GRO BA'I RGYU MTSAN 'TSED PAR BYED PA NYID DANG 'DON PAR BYED PA NYID LA SOGS PA NI YOD PA MA YIN NO, ,DE BZHIN DU SNGA NA MED PA LA SOGS PA MED PA GZHI LA MED PA'O SNYAM PA'I SHES PA JI LTAR 'JUG PAR 'GYUR, DE LA YANG SPYI YOD PA NI MA YIN TE, DE NI DNGOS PO LA BRTEN PA NYID KYI PHYIR RO, ,'DOD PAS SBYAR BA'I NGO BO RGYAL PO ZLA BA GZIR BA LA SOGS PA DANG, NAM MKHA'I DKYIL DU BRTAGS PA'I KHANG PA DKAR PO LA SOGS PA DANG ZHIG PA DANG MA SKYES PA'I RGYAL PO MANG POS BKUR BA DANG DUNG LA SOGS PA'I BLO GCIG RJES SU 'GRO BA MED PAR JI LTAR 'GYUR, DE LA YANG SPYI YOD PA NI MA YIN TE, DE NI GSAL BA LA BRTEN PA'I PHYIR RO, ,'TSED PA PO'I ZHES BYA BA LA SOGS PAS 'TSED PA PO LA SOGS PA SHES PA SGRUB PAR BYED PA MA YIN NO, ,'TSED PA

296b

PO LA SOGS PA DAG LA LAS KYIS RGYU MTSAN CAN GYI BLO YIN NO ZHES BRJOD PAR RIGS PA MA YIN TE, LAS DE YANG GSAL BA RE RE LA GSAL BA BZHIN DU THA DAD PA KHAS BLANGS PA'I PHYIR RO, ,THA DAD PA DAG LA RJES SU 'GRO BA MED BAR RJES SU 'GRO BA'I SHES PA MI 'THAD PA'I PHYIR, KHYED CAG GIS GSAL BA THAMS CAD LA RJES SU ZHUGS PA'I SPYI BRTAGS PA YIN NO, ,GAL TE LAS RJES SU 'GRO BAS STONG YANG THA MI DAD PA'I SHES PA DANG BRJOD PA'I RGYUR 'GYUR NA, DE'I TSE GANG GIS DE DAG YONGS SU SPANGS NAS SPYI DE'I RGYU NYID DU RTOG BAR BYED PA GSAL BA DAG LA CI ZHIG GSUNG, GZHAN YANG GAL TE 'TSED PA PO LA SOGS PA LA SHES PA LAS KYI RGYU MTSAN CAN DU 'GYUR NA DE'I TSE BYA BA DANG BRAL BA STE 'TSED PAR MI BYED PA LA 'TSED PA PO ZHES BYA BA SHES PAR MI 'GYUR RO, ,GANG GIS BYA BA DANG BRAL BA LA YANG SHES PAR 'GYUR BO KHYED CAG GIS RIGS PA BZHIN DU LAS RTAG TU NYE BAR 'DOD PA NI MA YIN NO, ,GANG ZHIG GANG GI RGYU MTSAN YIN PA DE NI DE MED PAR 'BYUNG BAR 'OS PA MA YIN TE, HA CANG THAL BA'I PHYIR TE, DE LTA NA THAMS CAD KYI RGYUR 'GYUR RO, ,'DAS PA DANG MA 'ONGS PA'I LAS NI DE'I SHES PA'I RGYU MTSAN DU RIGS PA MA YIN TE, 'DAS PA LA SOGS PA DE DAG MED PA'I PHYIR RO, ,MED PA YANG RGYUR MI 'THAD PA'I PHYIR RO, ,BDE BYED BDAG PO NA RE, 'TSED PA PO LA SOGS PA RJES SU 'JUG PA'I SHES PA DE'I LAS KYI RIGS DANG 'BREL PA'I BYA BA DANG LDAN PA DE LAS 'GYUR TE, DES NA BYA BA DANG BRAL BA LA YANG BYA BAS BSTAN PA'I RGYU MTSAN PA'I PHYIR, 'TSED PA PO LA SOGS PA'I SHES PA ZHES NGES PAR BYED PA YIN NO ZHES ZER TE, DE STON PA NI GAL TE ZHIG PA'I ZHES BYA BA LA SOGS PA'O, ,DES ZHES BYA BA NI BYA BAS SO, ,BSTAN PA'I RGYU NI BYA BA NYID KYIS RIGS SO, ,'ON TE ZHES BYA BA LA SOGS PAS LAN 'DEBS PAR BYED DE, RANG GI RTEN NI BYA BA'I RIGS TE, DE NYID BYA BA YIN NO, ,RTEN 'DZIN PA MED PAR RIGS 'BA' ZHIG 'DZIN PA 'AM GNAS PA NI YOD PA MA YIN TE, MI BRTEN PA NYID DU THAL BAR 'GYUR BA'I PHYIR RO, ,'DI SNYAM DU LAN CIG RIGS MTSON PA NYID KYI PHYIR LAS DANG BRAL NA YANG DE'I RGYU MTSAN GYI SHES PA DE'I RTEN LA 'JUG GO SNYAM DU SEMS NA, DBYIG PA ZHES BYA BA LA SOGS PA SMOS TE, DE LTA

297a

, ,NA NI HA CANG THAL BAR 'GYUR RO, ,DBYIG PA LA SOGS PA'I RIGS RNAMS LAN CIG MTSON PA'I PHYIR LHA SPYIN LA SOGS PA DBYIG PA LA SOGS DOR BA DE DAG LA YANG DBYIG PA CAN DANG RNA CHA CAN ZHES BYA BA LA SOGS PA'I BLOR 'GYUR RO, ,'TSED PA PO NYID LA SOGS PA'I RIGS 'DI LA YANG YOD DO ZHES BYA BAR YANG MI RIGS TE, DENG SKYES PA LA YANG RIGS YOD PA'I PHYIR 'TSED PA PO LA SOGS PA'I BLOR 'GYUR RO, ,'DI SNYAM DU DPER NA YOD PA ZHES BYA BA'I BLO 'BYUNG BA'I RGYU MTSAN YOD PA YIN NA YANG THAMS CAD DU MI 'GYUR BA DE BZHIN DU RIGS KYANG RTEN GYI KHYAD PAR DANG 'DU BA CAN DU 'GYUR NA YANG THAMS CAD DU MI 'GYUR BA'I PHYIR, DES NA DENG SKYES PA'I GNAS SKABS SU RIGS DANG 'DU BA NYID DU MI 'GYUR RO, ,'DU BA CAN ZHES BYA BA MI MTSON PA STE, GSAL BA MA YIN PA ZHES BYA BA YANG SHES PAR BYA'O, ,'O NA DE LTA NA NAM YANG DE DE DANG 'DU BAR MI 'GYUR TE, 'DI LTAR CHES DANG POR RIGS DANG RDZAS DE DAG DE DANG 'BREL PA'I RANG BZHIN DANG MI MTHUN PA'I PHYIR 'DU BA MI SKYE LA, PHYIS KYANG DE DANG MI MTHUN BA DE'I GNAS SKABS NYID YIN PA'I PHYIR, JI LTAR 'DU BAR 'GYUR, GANG GIS DE PHYIS KHYAD PAR CAN DU 'GYUR BA KHYED CAG GI LUGS KYIS RDZAS SKAD CIG MA NI MA YIN NO, ,DE BZHIN ZHES BYA BA NI 'DU BA CAN NO, ,DE DAG GI ZHES BYA BA NI RIGS DANG RDZAS DAG GI'O, ,DE BDAG NYID CES BYA BA NI [?] MA'I RANG BZHIN MI MTHUN PA'I NGO BO MA DOR BA NYID PA'O, ,JI STE RDZAS MI RTAG PA NYID DU KHAS LEN NA DE'I TSE YANG NYES PA YOD DO ZHES BSTAN PA'I PHYIR, GAL TE GSAL BZHES BYA BA LA SOGS PA SMOS TE, GAL TE MI RTAG PA NYID KYIS GSAL BA KHYAD BAR DU 'GYUR BA YIN NA RIGS RTAG PA'I PHYIR SNGAR BZHIN DU BYIS KYANG DE DANG 'DU BA'I MI MTHUN PA'I NGO BO YOD PA'I PHYIR PHYIS KYANG 'DU BA CAN DU JI LTAR 'GYUR, DUS PHYIS 'BYUNG BA'I RDZAS 'DU BA DANG MI MTHUN PA'I NGO BO NYID YIN LA RIGS NI THAMS CAD GNAS PA YIN NO ZHES BRJOD PAR YANG MI NUS TE, DE DANG 'BREL BA'I RANG BZHIN GYI RIGS RTAG TU GNAS PA'I PHYIR RDZAS KYANG RTAG PA NYID DU THAL BAR 'GYUR BA'I PHYIR RO, ,'BREL PA CAN GNYIS PA MED NA, DE DANG 'BREL PA'I RANG BZHIN MI MTHUN PAR RIGS PA MA YIN NO, ,'TSED PA LA SOGS ZHES BYA BA LA SOGS PAS 'OD

297b

BYED PAR SMRAS PA'I LAN DOGS PAR BYED PA YIN TE DES SMRAS PA, 'DI NI GTAN TSIGS KYI DON BRJOD PA YIN TE, 'TSED PA PO LA SOGS PA'I SGRAS RJES SU 'JUG PA YANG YIN LA, ,'TSED PA PO NYID CES BYA BA'I SPYI YOD PA NI MA YIN NO, ,DE BZHIN DU BA LANG LA SOGS PA LA RJES SU 'JUG PA'I SHES PA ZHES BYA BA STE, 'DI LTAR KHYAD PAR GYI SHES PA GLO BUR BA MA YIN PAS DES NA 'DI'I GTAN TSIGS KYI DON GONG BU'I SHES PA LAS MA GTOGS PA'I SHES PA RGYU MTSAN GZHAN LAS SKYE BA ZHES BYA BA 'DI YIN GYI, RJES SU 'JUG PA'I SHES PA THAMS CAD SPYI NYID LAS BYUNG BA NI MA YIN NO, ,DE LTAR YIN NA 'TSED PAR BYA BA'I GTZO BO'I SGRUB BYED GANG YIN PA DE 'TSED PA PO'I SGRAS BRJOD PA, GTZO BO DE YANG 'TSED PA PO GZHAN LA YANG YOD PA'I PHYIR SKYON MED DO ZHE NA, GTZO BO ZHES BYA BA LA SOGS PAS LAN 'DEBS PAR BYED DE, GTZO BO ZHES BYA BA 'DI CI ZHIG ,GAL TE NUS PA YIN NA DE MI RIGS TE, DE'I RTEN SO SO LA NGES PA NYID KYIS GSAL BA GZHAN LA RJES SU MI 'GRO BA'I PHYIR RO, ,RDZAS LA SOGS PA'I BDAG NYID KYI RANG BZHIN RANG DBANG CAN YANG MA YIN TE, RDZAS SU 'GRO BA MED PA DE NYID KYI PHYIR RO, ,SOGS PA'I SGRAS NI TSIG GI DON DRUG LAS THA DAD PAR 'DOD PA'I CHOS BZUNG NGO, ,GANG YANG RGYU MTSAN GZHAN LAS SKYE BA ZHES BYA BA 'DI YIN GYI ZHES SMRAS PA DE LA, SPYI BRTZAL NAS RGYU MTSAN GZHAN CUNG ZAD CIG YOD DO ZHES SGRUB PAR BYED NA, GRUB PA LA SGRUB STE, BRDA YID LA BYED PA RGYU MTSAN DU 'DOD PA'I PHYIR RO, ,KHYAD PAR SGRUB NA RJES SU 'GRO BA MA TSANG BA DANG, 'TSED PA LA SOGS PA'I SHES PAS 'KHRUL PA YANG YIN NO, ,DES NA ZHES BYA BA LA SOGS PAS 'JUG SDUD PAR BYED DE, DES NA STE DE'I PHYIR RO, ,GANG GI PHYIR RGYU MTSAN GZHAN RNAM PAR DPYAD PA NA 'TSED PA PO LA SOGS PA'I YUL LA MI 'THAD PA DE'I PHYIR BRDA JI LTA BA BZHIN DU 'TSED PA PO'I ZHES BYA BA DE LTA BU'I RNAM PA DANG LDAN PA RIGS MI MTHUN PA RNAM PAR GCOD PA'I DNGOS PO TZAM NGES PA THA DAD PA'I DNGOS PO 'TSED PA PO LA SOGS PA LA YANG THA MI DAD PAS BLO STE SHES PA SKYE BA YIN TE, THAMS CAD DU RIGS MI MTHUN PA RNAM PAR GCOD PA YOD PA'I PHYIR RO, ,GANG GI PHYIR DE LTAR SPYI MED NA YANG BA LANG LA SOGS PA LA BRDA JI LTA BA BZHIN DU RNAM PA

298a

, ,THA MI DAD PA'I DES [*NGES?] PA'I SHES PA DAG 'BYUNG BA'I PHYIR GTAN TSIGS MA NGES PA YIN NO, ,DE LTAR YANG ZHES BYA BA LA SOGS PAS MED PA LA MED PA'I BLO ZHES BYA BA DE SGRUB PAR BYED DO, ,'DI NYID SPYI'I SHES PA'I RGYU MTSAN LA KHYAB PA YIN TE, 'DI LTA STE BRDA GZO BA'O, ,DE LTA MA YIN NA MO GSHAM GYI BU LA SOGS PA LA MED PA'O ZHES PAR RJES SU 'JUG PA'I SGRA DANG BLO GANG GIS 'GAL BAR 'GYUR, 'DI LA RIGS PA NI YOD PA MA YIN TE, DE NI DNGOS PO DANG 'DU BA NYID YIN PA'I PHYIR RO, ,CI'I PHYIR MI 'GAL ZHES BYA BA 'DI LA RGYU BSHAD PA, DE DAG DON MED PA'I NI BRDA'I RJES SU 'JUG PA'I PHYIR RO ZHES BYA BA NI RIGS LA SOGS PA'I DON MED PA BRDA GANG LA YOD PA DE LA DE SKAD CES BYA'O, ,DE'I RJES SU 'JUG PA'I PHYIR NI RJES SU 'GRO BA'I PHYIR RO, ,DE DAG NI SHES DANG SGRA DAG STE BRDA TZAM GYIS RJES SU 'GRO BA DANG LDOG PA'I RJES SU BYED PA'I PHYIR RO ZHES BYA BA'I THA TSIG GO, ,'DI NI BUM PA ZHES BYA BA LA SOGS PAS 'DIR BDE BYED BDAG PO'I LAN GYI DOGS PA BSU BA YIN TE, DES SMRAS PA, DNGOS PO MED PA DE DAG LA KHYAD PAR MED PA'I SHES PA MTHONG BA NI MA YIN NO, ,'O NA CI ZHE NA, BUM PA'I SNGA NA MED PA'O, ,BUM PA'I ZHIG NAS MED PA ZHES BYA BA DE LTA BU THAMS CAD DU MED PA'I SHES PA DNGOS PO KHYAD PAR CAN NYID LA MED PA DMIGS PA YIN TE, DE LTA BAS NA DE'I BLO THAMS CAD DU KHYAD PAR DU GTOGS PA'I SPYI'I DBANG GIS 'JUG PA'I PHYIR 'KHRUL PA MED DO, ,DE NI ZHES BYA BA NI BLO STE RNAL MA DANG SBREL LO, ,DE LTAR MIN ZHES BYA BA LA SOGS PAS LAN 'DEBS PAR BYED DO, ,MI 'DRA BA DANG LHAN CIG DE LA BRTEN PA MED PA ZHES BYA BA TSIG RNAM PAR SBYAR BA'AM, GCIG TU BSDU BA'I ZLAS DBYE BA YIN NO, ,MI 'DRA BA'I PHYIR DANG DE LA BRTEN PA MED PA'I PHYIR DE LTAR MI RIGS SO ZHES BYA BA'I DON TO, ,DE LA RE ZHIG MI 'DRA BA'I PHYIR ZHES BYA BA 'DI RGYAS PAR BSGRUB PA'I PHYIR, BUM PA ZHES BYA BA LA SOGS PA SMOS TE, KHYAD PAR GCIG RNAM PA THA MI DAD PA'I BLO'I RGYU MTSAN DU RIGS PA MA YIN TE, GCIG NYID KYIS SPYI THAMS CAD KYI 'BRAS BU BSGRUBS ZIN PA'I PHYIR, SPYI DU MA RTOG PA DON MED PAR THAL

298b

BAR 'GYUR PA'I PHYIR RO, ,DE LTA BAS NA BUM PA NYID LA SOGS PA'I SPYI'I DBANG GIS BUM PA ZHES BYA BA LA SOGS PA'I BLOR 'GYUR DU CHUG MOD, SHIN TU MI 'DRA BA'I DNGOS PO MED PA ZHES BYA BA LA SOGS PA NI JI LTAR DE'I RGYU MTSAN DU 'GYUR, YOD PA'I DBANG GIS BA LANG NYID LA SOGS PA'I BLOR 'GYUR BA NI MA YIN NO, ,DNGOS PO RNAM PAR 'BYED PAR SMRAS PA, RGYU MTSAN DANG RJES SU MTHUN PA'I SHES PA THAMS CAD DU 'DOD PA NI MA YIN TE, 'DI LTAR GLANG PO DANG RTA DANG RDA BA DANG SENG LDING LA SOGS PA 'DUS PA DANG MANG PO NYID KYI GRANGS DMAG DANG NAGS LA SOGS PA'I BLO RNAMS KYI RGYU MTSAN YIN LA, BTUNG BA SKYUR PO LA SOGS PA RNAMS KYI RGYU MTSAN NI RIGS MI MTHUN PA'I RDZAS SBYAR BA YIN NO, ,DE LTA MA YIN NA MANG PO SBYAR BA ZHES BYA BA'I SHES PAS 'GYUR RO ZHES BYA BA, GAL TE BLO NI ZHES BYA BAS DOGS PAR BYAS NAS, GAL TE THA DAD CES BYA BA LA SOGS PAS LAN 'DEBS PAR BYED DO, ,'DI ZHES BYA BA NI SPYI'I BLO'O,, BRDA'I THA DAD NI KHYAD PAR RO, ,YANG GANG GIS DE SKAD DU BRJOD PA 'DI LA KHYAD PAR DU 'PHAGS PA CI ZHIG YOD CE NA, KHYAD PAR SHES NA ZHES BYA BA LA SOGS PA SMOS TE, RGYU'I DNGOS PO NI RJES SU 'GRO BA DANG LDOG PAR RTOGS PAR BYA BA YIN NO, ,DE YANG SPYI'I BLO LA 'DOD PAS SBYAR BA'I BRDA GZO BA TZAM DU NGES PA YIN TE, 'DI LTAR RE ZHIG DANG POR KHYAD PAR GYI YUL LA NYAMS SU MYONG BA'I SHES PA SKYE'O, ,DE SKYES PA NA BRDA BYED PAR 'DOD PA 'BYUNG NGO, ,'DOD PA DE LAS BRDA DE BYED PA STE BYAS PA'O, ,DE NAS DE NYID THA SNYAD KYI DUS SU THOS PA STE MNYAN PA'O, ,'DI THOS PA LAS THOS PA JI LTA BA BZHIN DU BRDA'I YUL LA DUS PHYIS GZO BA'O, ,DE LAS TE GZO BA LAS THA DAD PA DE DAG NYID LA DE NGES PAS 'JUG PA LAS BUM PA'I SNYAM PA LA SOGS PA'I BLO SKYE BA SGRUB PAR BYED PAS GNAG RDZI'I BAR LA 'DI TZAM ZHIG BLO 'DI'I RGYU NYID DU NGES PA YIN NO, ,NUS PA MA MTHONG BA'I SPYI RGYU NYID DU RTOGS PA NA HA CANG THAL BAR 'GYUR RO, ,DE YANG RTOG NA NUS PA MA MTHONG BA NYID DU MTSUNGS PA'I PHYIR GZHAN YANG CI'I PHYIR MI RTOG 'DI RGYAS PA'I PHYIR, 'DRE BA RJES SU MTHUN ZHES BYA BA LA SOGS PA SMOS TE, RJOD PAR BYED PA KHYED CAG GIS SPYI'I BLO LA SOGS PA'I RGYU MTSAN THA DAD PA SPANGS NAS NGO BO MA YIN PA'I DMIGS PA ZHES

299a

, ,BYA BA'I SPYI RTOGS PAR BYED PA YIN NO, ,GAL TE YANG BRTAGS PA'I SPYI DE YANG GZHAN GYI RNAM PA CAN GYI BLO SKYE BA DE'I TSE JI SKAD DU BSHAD PA'I NUS PA MTHONG BA BRTAGS PAR 'GYUR BA NYID MCHOG YIN NO, ,DE LTA NA NI MA MTHONG BA'I BRTAG PA BYAS PAR MI 'GYUR RO, ,GZHAN YANG THA MI DAD PA'I SPYI JI LTAR MI 'DRA BA'I BLO SPYAD PAR BYED CES DRIS PA NA, 'DI LTA STE, 'DI NI DNGOS PO RNAMS GYIS NGES PA SO SOR NGES PA YIN TE, GAL TE GCIG YIN NA YANG RNAM PA DU MA'I SHES PA SKYED PAR BYA BAR NUS PA YIN NO ZHES BYA BAR GDON MI ZA BAR BRJOD PAR BYA DGOS SO, ,GAL TE DE LTA NA NUS PA SHES PA MTHU NGES PA'I THA DAD PA DE DAG NYID LA NUS PA NGES PA CI'I PHYIR RTOG PAR MI BYED, DE LTA YIN NA NYAMS SU MYONG BA DANG MI GSAL BA RJES SU BSGRUBS PAR 'GYUR RO, ,'DI SNYAM DU SPYI YANG RJES SU 'GRO BA DANG LDOG PA DAG GIS NUS PA NGES PA YIN NO SNYAM DU SEMS NA, RJES SU 'GRO BA'I ZHES BYA BA LA SOGS PA SMOS TE, MED PAS MA SKYES PA'I PHYIR YOD PA DANG MED PA LA SOGS PA'I SHES PA 'DI DAG DER GTOGS PA'I RJES SU 'GRO BA'I RJES SU BYED PA NYID RIGS PA MA YIN NO, ,GAL TE 'DI SPYI'I RJES SU BYED PAR 'GYUR NA, DE'I TSE SPYI THAMS CAD DU GNAS PAS CI'I PHYIR RTAG TU MI 'GYUR, SPYI NI 'GA' ZHIG LA LTOS PA MA YIN TE, DE'I KHYAD PAR GZHAN GYIS BOGS DBYUNG DU MED PA'I PHYIR RO, ,DE'I PHYIR 'DI DAG DER GTOGS PA'I RJES SU 'GRO BA'I RJES SU BYED PA MA YIN LA, LDOG PA'I RJES SU BYED PA YANG MA YIN TE, 'DI LTAR GANG GI TSE YOD PA LA SOGS PA'I SHES PA 'DI SKYE BA DE'I TSE DER SPYI MED PA RGYU YIN NO ZHES BYA BA NI BRJOD PAR MI NUS TE, RTAG PA RNAMS RTAG TU GNAS PA NYID KYIS LDOG PA MI SRID PA'I PHYIR RO, ,DE'I PHYIR 'DI DAG LA DER GTOGS PA'I LDOG PA'I RJES SU BYED PA YANG YOD PA MA YIN NO, ,GANG GI PHYIR DE BZHIN DU RGYU MTSAN GZHAN KHAS BLANGS PA NA SPYI LA SOGS PA'I BLO'I NYES PA YIN PA DE LTA BAS NA GZHAN GYI YON TAN LA SOGS PA LA RDZAS MA YIN PA DANG LAS MA YIN PA LA SOGS PA'I SHES PA'I RGYU YON TAN NYID LA SOGS PA'I SPYI'I KHYAD PAR YOD PA LA SOGS SPYI LA SPYI ZHES BYA BA'I RJES SU 'GRO BA SHES PA'I RGYU MTSAN DON DU MA DANG 'DU BA YIN NO ZHES GANG BRJOD PA DE YANG BSAL

299b

BA YIN NO ZHES BYA BA 'DI BSHAD PA NI, RDZAS LA SOGS PA MIN PA ZHES BYA BA LA SOGS PA SMOS TE, 'DI BRTAGS PA NA YANG HA CANG THAL BAR 'GYUR RO ZHES BSTAN PA'I PHYIR, DE'I PHYIR SPYI'I BLO ZHES BYA BA LA SOGS PA SMOS TE, GAL TE SPYI'I BLO'I GCIG GI RGYU MTSAN DON DU MA LA 'DU BA YIN NA, GRANGS DANG LDAN PA DANG RNAM PAR DBYE BA DANG YAN LAG CAN GYI RDZAS LA SOGS PA LA RDZAS DU MA STON PA NYID YOD PA'I PHYIR DE DAG LA YANG SPYI'O SNYAM PA'I BLO'I RGYU MTSAN 'GYUR BA YIN TE, KHYAD PAR MED PA'I PHYIR RO, ,YOD PA LA SOGS PA'I BLO GCIG GI RGYU NYID KYANG YOD PA LA SOGS BA'I RNAM PAS RANG GI BDAG NYID LA NGES PA'I PHYIR SPYI GZHAN LA BRTEN PA MA YIN NO, ,DE LTAR YIN DANG DE'I STOBS KYIS KYANG SPYI DAG LA SPYI'I SNYAM PA'I RJES SU 'JUG PA'I SHES PA SKYE BA MA YIN NO, ,DE LTAR NA, DE PHYIR THA DAD DAG LA GCIG ,'JUG PA'I RGYU MTSAN GANG YIN TE, ,YOD PA SOGS LA SPYI SGRA'AM, ,YANG NA BLO GCIG BYED PA YIN, ,ZHES KU M'A RA RI LAS SMRAS PA 'DI YANG 'BREL PA MED PA YIN NO, ,DE LTAR RE ZHIG MI 'DRA BA'I PHYIR ZHES BYA BA STE BSHAD ZIN TO, ,DE LA BRTEN PA MED PHYIR RO, ,ZHES BYA BA DE 'CHAD PAR 'DOD NAS, BUM PA NYID LA SOGS PA ZHES BYA BA SMOS TE SPYI BUM PA LA SOGS PA DAG LA 'DU BA MED PA DAG LA NI MA YIN TE DE DAG NI DNGOS PO MED PA'I PHYIR RO, ,DE'I PHYIR JI LTAR MED PA DE DAG LA BUM PA LA SOGS PA DE LAS GZHAN LA 'DU BAS SPYI'I RNAM PA'I RJES SU BYED PA'I SHES PAR 'GYUR, RTA LA SOGS PA GCIG GI RNAM PA SHES PA'I RGYU MTSAN NI GLANG PO NYID LA SOGS PA MA YIN NO, ,'ON TE 'DI LTA STE DPER NA RO MNGAR RO, ,NUB MO BSIL LO, ,LCI'O ZHES BYA BA LTA BUR GZHAN DU 'JUG PAS KYANG GZHAN DU SHES PA SKYE BAR MTHONG BA MA YIN NAM ZHE NA, DE LA SMRAS PA, 'DIR DON GCIG LA BRTEN PA MIN ZHES BYA BA LA, RDZAS GANG KHO NA LA MNGAR BA NYID 'DU BA DE KHO NA LA BSIL BA NYID LA SOGS PA YANG YIN PA'I PHYIR DON GCIG LA 'DU BA'I STOBS KYIS 'DIR GZHI MTHUN PAR 'GYUR GYI, MED PA BUM PA NYID LA SOGS PA'I SPYI DANG LHAN CIG GANG DU YANG RDZAS GCIG LA 'DU BA NI MA YIN TE, NYE BAR BRJOD PA MED PA DE NI GANG DU

300a

, ,YANG 'DU BA MI RUNG BA'I PHYIR RO, ,'DIR GAL TE KHYAD PAR ZHES BYA BA LA SOGS PAS 'OD BYED PA'I LAN GYI DOGS PA BSU BA YIN TE, DES SMRAS PA, BUM PA NYID LA SOGS PA'I SPYI NA BUM PA LA SOGS PA DANG LHAN CIG 'DU BA'I MTSAN NYID KYI 'BREL PA YIN LA, MED PA RNAMS NI KHYAD PAR DANG KHYAD PAR CAN GYI DNGOS PO'I MTSAN NYID YIN NO, ,DE LTA YIN DANG SPYI DANG MED PA DAG DON GCIG LA 'DU BA'I 'BREL PA 'DI LA YANG THA SNYAD KYI RGYU YOD PA KHO NA'O ZHE'O, ,DE LA LAN GDAB PA'I PHYIR, 'BREL PA GZHAN NI YOD PA NA, ,ZHES BYA BA LA SOGS PA SMOS TE, DNGOS PO RNAMS KYI PHAN TSUN KHYAD PAR DANG KHYAD PAR CAN GYI DNGOS PO NI 'BREL PA GZHAN GYIS BSKYED PA YIN TE, 'DI LTA STE, DPER NA DBYIG PA DANG LHA SPYIN DAG DANG RGYAL PO DANG SKYES BU DAG GI RJE KHOL GYI DNGOS PO LA SOGS PA'I 'BREL PA LA BRTEN NAS KHYAD PAR DANG KHYAD PAR CAN YIN NO, ,KHYAD PAR DANG KHYAD PAR CAN GYI DNGOS PO LA RGYU MTSAN DU GYUR PA'I 'BREL PA GZHAN DE MED PA LA KHYAD PAR CAN DANG KHYAD PAR DE CI LTAR 'GYUR, GZHAN DU NA HA CANG THAL BAR 'GYUR TE, DE LTA NA NI THAMS CAD KYI KHYAD PAR DU 'GYUR RO, ,DA NI JI LTAR 'BREL PA MED PAR 'JIG RTEN NA BUM PA'I SNGA NA MED PA ZHES BYA BA LA SOGS PA KHYAD PAR DANG KHYAD PAR CAN GYI DNGOS PO RTOGS SHE NA, BUM PA 'DI'I ZHES BYA BA LA SOGS PA SMOS TE, SNGAR MED PAR GYUR NAS YOD PA ZHES BYA BA'I DON DE TZAM ZHIG SHES PAR 'DOD PA LA BLO 'DI BRTAGS PA YIN TE, DNGOS PO LAS DON GZHAN DU GYUR PA LTA BU DANG 'BREL PA LTA BU'I SNGA NA MED PA RTOG PA SKYE BA YIN NO, ,DE'I BSAM PA'I DBANG GIS 'DIR KHYAD PAR DANG KHYAD PAR GYI DNGOS PO YIN GYI DON DAM PA NI MA YIN NO, ,JI LTAR RTOGS PA'I BZO BOS BCOS PA'I DPA' BA LA SOGS PA'I CHOS KYI KHYAD PAR NYID NYE BAR BZUNG BA YIN TE, GANG DU KHYED CAG GIS DNGOS PO LA BRTEN PA'I KHYAD PAR DANG KHYAD PA CAN GYI DNGOS PO BZUNG BA DER GDON MI ZA PAR 'BREL PA GZHAN BTZAL BAR BYA BA YIN NO, ,GZHAN DU NA RNAM PAR GZHAG PA NGES PAR MI 'GYUR RO, ,GZHAN YANG BDE BYED BDAG POS SMRAS PA'I LAN 'DI NI KLAN KA DANG RJES SU MTHUN PA NYID MA YIN NO ZHES BSTAN PA'I PHYIR MED PA MED PA ZHES BYA BA LA SOGS PA SMOS TE, GANG

300b

'DI BUM PA MED PA DANG SNAM BU MED PA DANG RI BONG GI RVA LA SOGS PA MED PA LA MED PA'I SNYAM PA'I RJE SU 'GRO BA'I SHES PA 'JUG PA'I SHES PA DE LA KHO BO CAG GI SPYI MED NA YANG RJES SU 'GRO BA'I SHES PA MTHONG BA'I PHYIR GZHAN DU SPYI RTOG PA DON MED DO ZHES KLAN KA BYAS KYI, BUM PA LA SOGS PA RIGS MTHUN PA MANG PO RNAMS KYIS GANG SNGA NA MED PA LA SOGS PA'I SHES PA GANG YIN PA DE LA NI MA YIN NO, ,GAL TE DE LTA YIN NA DE LAS CIR 'GYUR ZHE NA KHYAD PAR LA NI GNAS PA'I SPYI ZHES BYA BA LA SOGS PA SMOS TE, BUM PA LA SOGS PA'I KHYAD PAR LA GNAS PA'I SPYI BUM PA YID LA SOGS PA GANG YIN PA DE'I RTEN BUM PA LA SOGS PA NYID LA 'JUG GI SNAM BU LA SOGS PA RTEN GZHAN LA NI MA YIN NO, ,DE JI LTAR SNGA NA MED PA LA SOGS PA LA MI MTHUN PA'I SNAM BU LA SOGS PA LA YOD PA DE LAS SHES PAR 'GYUR ZHES BSAMS PA'O, ,THAMS CAD DU RJES SU 'GRO BA'I SPYI GCIG YOD DO ZHE NA, DE DAG LA NI RJES SU 'JUG ,CES BYA BA LA SOGS PA SMOS TE, GANG LAS 'DI'I SHES PAR 'GYUR BA RIGS MI MTHUN PA'I DNGOS PO DU MA BUM PA LA SOGS PA MTHA' DAG LA KHYAB PA'I SPYI GZHAN YOD PA NI MA YIN NO, ,'DI SNYAM DU DE'I STOBS KYIS MED PA'I SHES PAR 'GYUR BA YOD PA ZHES BYA BA'I SPYI CHEN PO YOD DO SNYAM NA, DE MI RIGS TE 'KHRUL PA'I PHYIR RO, ,'DI LTAR TSIG GI DON DRUG LAS MA GTOGS PA'I SO SOR BRTAGS PA'I 'GOG PA LA SOGS PA'I TSIG DON GZHAN MED PA'I PHYIR KHYED LA MED PA'I BLO GANG DAG KUN DU RGYU PA DANG, GANG YANG BRTAGS PA'I GTAM RGYUD SLU BA PA LA SOGS PA RDZAS MA YIN PA'I RANG BZHIN RNAMS KYI DON DAM PA MED PA ZHES BYA BA'I BLO RNAMS DE DAG LA KHYAD PAR DU GTOGS PA'I SPYI GANG YIN PA DE'I RGYU MTSAN DU 'GYUR BA GANG YIN KHYED KYI LUGS KYIS SO SOR BRTAGS PA LA SOGS PA 'DI DAG LA YOD PA NYID YOD PA NI MA YIN NO, ,'DIS NI GZHON NU MA LEN GYIS, ,SNGA NA MED PA LA SOGS SPYI, ,DNGOS PO MI 'DOD MA YIN NAM, ,'DI LA SPYI MED SOGS NGO BO, ,YOD PA NYID NI SPYI YIN NO, ,ZHES GANG SMRAS PA, DE YANG BSAL BA YIN TE, LA SOGS NGO BO NI SKYE BA MED PA LA SOGS PA'I KHYAD PAR ZHES BYA BA'I DON TO, ,DE LA YANG NYES PA

301a

, ,'DI NYID YIN TE, GANG GIS DE MED PA'I SHES PAR 'GYUR BA GZHUNG LUGS GZHAN GYI DNGOS PO RNAMS DANG BRTAGS PA'I GTAM RGYUD RNAMS LA NI YOD PA MA YIN NO, ,DE NGES PA'I BRTAGS PA'I YOD PA DE LA PHYI ROL GYI DON GYIS STONG PAR RTOGS PA YIN NO ZHE NA, GAL TE NGE LTA NA [*LTAN?] SGRA'I DON MTHA' DAG RTAG PA GCIG PU'I YOD PA DANG BRAL BA RNAM PAR RTOG PA TZAM GYI BDAG NYID DU CI'I PHYIR MI 'DOD, DE LTA MA YIN TE, RTAG PA DANG GCIG PUR YOD PA LA SOGS PA'I DON KHAS LEN NA YOD PA DANG SKYE BA THA MI DAD DE, BOGS DBYUNG DU MED PA'I PHYIR RO, ,JI LTAR THA DAD PA'I NGO BOR RTOGS PAR 'GYUR ZHES BYA BA'I KLAN KA SPANG DKA' BA NYID DU 'GYUR RO, ,DA NI 'DOD PAS BKOD PA'I NGO BO DANG, ZHIG PA'AM MA SKYES PA RNAMS LA ZHES BYA BA DE BSGRUB PA'I PHYIR, 'DOD PAS SBYAR BA'I GZUGS KYI ZHES BYA BA LA SOGS PA SMOS TE, 'DOD PAS SBYAR BA'I NGO BO STE RANG BZHIN GANG LA YOD PA DE LA DE SKAD CES BYA'O, ,DE DANG POR GANG LA YOD PA ZHES TSIG RNAM PAR SBYAR RO, ,SOGS PA'I SGRAS NI ZHIG PA DANG MA SKYES PA LA SOGS PA GZUNG NGO, ,GANG GIS DE'I RGYU MTSAN CAN DE DAG LA BLOS 'GYUR BA BRTAGS PA LA SOGS PA LA SPYI YOD PA NI MA YIN NO, ,'DI SNYAM DU BRTAGS PA LA SPYI MED MOD, 'DAS PA DANG MA SKYES BA LA NI DE'I RGYU MTSAN CAN GYI BLOR 'GYUR RO SNYAM DU SEMS NA, DE NI LOG YIN TE, RTEN MED PAR 'BA' ZHIG PA MI GNAS PA GANG YIN PA 'DI NI BRTEN PA RNAMS KYI CHOS YIN TE, MI BRTEN PA NYID DU THAL BAR 'GYUR RO, ,'BA' ZHIG PA RNAMS GNAS SU CHUG MOD, DE LTA NA YANG NYES PA YOD PA KHO NA STE, SPYI 'BA' ZHIG 'DZIN PAR KHAS MI LEN PA'I PHYIR RO, ,DE SKAD DU YANG, SPYI RTOGS PA NI RANG GI RTEN DANG DBANG PO PHRAD PA LA LTOS PA YIN NO ZHES BSHAD PA YIN NO, ,SPYI 'BA' ZHIG PA YANG 'DZIN NA SPYI'I BLO LAS GSAL BA NGES PAR MI 'GYUR TE, DE'I TSE GSAL BA MED PA'I PHYIR RO, ,'DI NI GSAL BA RNAMS KYI SPYI YIN NO ZHES BYA BA'I 'BREL PAR YANG MI 'GYUR TE, RGYU MTSAN MED PA'I PHYIR RO, ,'DI LTAR, 'BREL PA'I RGYU MTSAN YOD NA SPYI DE'I GSAL BYA YIN PA'AM, DE'I BSKYED PAR BYA BA NYID YIN PA'AM, DE

301b

'DZIN PA LA LTOS NA 'DZIN PA YIN GRANG DE LAR ZHIG DAS GSAL BAR BYAS PA'I PHYIR SPYI DE DANG 'BREL PA MA YIN TE, RTAG PA NYID KYIS GZHAN GYIS PHAN GDAGS PAR BYA BA MA YIN PA NI KHYAD PAR MED PA'I PHYIR GSAL BYA NYID DU MI 'THAD PA'I PHYIR RO, ,GANG ZHIG GANG GI PHAN 'DOGS PAR BYED PA MA YIN PA DE NI DE'I GSAL BAR BYED PA MA YIN TE, 'BIGS BYED KYI GANGS CAN BZHIN NO, ,SPYI'I GSAL BA YAG DE BZHIN NO ZHES BYA BA NI KHYAD PAR BYED PA 'GAL BA DMIGS PA'O, ,PHAN 'DOGS PAR BYED PA MA YIN PA YANG GSAL BAR BYED PA NYID YIN NA HA CANG THAL BAR 'GYUR TE, THAMS CAD THAMS CAD KYI GSAL BAR BYED PAR 'GYUR RO, ,DE NYID KYI PHYIR MI RTAG PA NYID DU KHAS BLANGS PA'I PHYIR DE DAG LA SKYE BA'I GZHAN GYI DBANG DU RIGS PA MA YIN LA 'BA' ZHIG 'DZIN PA'I PHYIR DE SHES PA'I GZHAN GYI DBANG YANG MA YIN PAS PHYOGS GSUM CHAR YANG SRID PA MA YIN NO, ,DE LTAR YIN DANG SPYIR RTOGS PA NI RANG GI RTEN DANG DBANG PO PHRAD PA LA LTOS PA YIN NO ZHES GANG BRJOD PA DE MI RIGS TE, RTEN NYID MI RUNG BA'I PHYIR DE LA YOD PA DANG DBANG PO PHRAD PA LA SOGS PA LA LTOS PAR GA LAS 'GYUR, SOGS PA SMOS PAS BDAG DANG YID PHRAD PA DANG, ,SNANG BA LA SOGS PA GZUNG NGO, ,RTOGS PA NYID KYIS KHYAD PAR GZHAN GYIS BOGS DBYUNG DU MED PA'I PHYIR 'DI 'GA' ZHIG TU GZHAN LA LTOS PA NI MA YIN NO, ,DE LTA YIN DANG GAL TE DE RANG GI YUL CAN GYI SHES PA SKYED PAR NUS NA DE'I TSE THAMS CAD DU DE BSKYED PAR 'GYUR LA, CI STE MI NUS NA NAM YANG BSKYED PAR CI 'GYUR RO, ,DE'I NUS PA'AM MI NUS PA'I RANG GI NGO BO DE SUS KYANG GZHAN DU BYA BAR MI NUS TE, RTAG PA NYID NYAMS PAR 'GYUR PA'I PHYIR RO, ,CI SKAD DU, DE YIS NUS PA'AM MI NUS PA'I, ,RANG BZHIN GYIS NI GNAS PA GANG, ,RTAG PAR KHYAD PAR BYAR MED 'DI, ,DE DAG SU YIS BSHIG PAR NUS, ,ZHES BSHAD PA LTA BU'O, , GANG YANG, BA LANG NYID NI BA LANG LAS, DON GZHAN YIN TE ZHES BYA BA LA SOGS PA SMRAS PA DE NI 'TSED PA PO LA SOGS PA DAG GIS MA NGES PA YIN NO ZHES STON PA NI, BA LANG NYID NI ZHES BYA BA LA SOGS PA'O, ,'DI LTAR 'TSED PA PO LA SOGS PA DAG LAS 'TSED PA PO NYID LA SOGS

302a

, ,PA LA DON GZHAN DU GYUR PA MED NA YANG 'TSED PA PO 'TSED PA PO ZHES BYA BA BLO THA DAD PA'I YUL NYID DU 'GYUR BA KHO NA'O, ,LHAS BYIN GYI 'TSED PA PO NYID CES THA DAD PA'I RNAM PAR DBYE BA YANG 'GYUR BAS DES NA GTAN TSIGS THUN MONG GI MA NGES PA YIN NO, ,RTAGS NGAN GZHAN YANG ZHES BYA BA NI KU M'A RA RI LAS SMRAS PA STE, DE LA RTAGS DAN DE DAG NI 'DI DAG TU BRJOD DE, BA LANG GI GONG BU THA DAD PA DAG LA, BA LANG GI BLO GANG YIN PA 'DI NI BA LANG NYID GCIG GI RGYU MTSAN CAN YIN TE, BA LANG DU SNANG BA'I PHYIR DANG, GCIG GI RNAM PA CAN YIN PA'I PHYIR BA LANG GI GONG BU GCIG GI YUL CAN GYI BLO BZHIN NO, ,YANG NA BA LANG GI BLO GANG YIN PA 'DI NI KHRA BO LAS BYUNG PA MA YIN PA'AM, DE LAS MA GTOGS PA DON GZHAN DU 'GYUR BA LA DMIGS PA YIN TE, DE MED PAS YANG 'BYUNG BA'I PHYIR BUM PA LA SA'I BLO BZHIN NO, ,DE'I THAMS CAD DU SONG BA CI LTAR 'GRUB CE NA, BRJOD PA, BA LANG GI BLO GANG YIN PA 'DI NI RE RE LA 'DU BA'I DON GYI YUL CAN YIN TE, GANG BU RE RE LA DNGOS PO'I RNAM PA MA LUS PA'I NGO BO YIN PA'I PHYIR BSAL BA SO SO'I YUL CAN GYI BLO BZHIN NO, ,'DI GCIG NYID DU YANG GRUB PA KHO NA STE, 'DI LTAR GAL TE YANG SO SO LA SPYI'I BDAG NYID THAMS CAD KYIS YONGS SU RDZOGS PA DE LTA NA YANG DE NI GCIG KHO NA STE, GCIG GI RNAM PA CAN GYI BLOS GZUNG BAR BYAS PA'I PHYIR DGAG PA DANG LDAN PA'I NGAG DAG LA BRAM ZE LA SOGS PA LDOG PA BZHIN NO, ,THA DAD PA DAG LA THA MI DAD PA'I RNAM PA CAN GYI SHES PA GANG YIN PA DE NI 'KHRUL PA YIN TE, DES NA DE'I STOBS KYIS DNGOS PO'I DE KHO NA NYID RNAM PAR 'JOG PA 'BREL PA MED PA YIN NO ZHES BYA BA 'DI YANG BRJOD PAR MI NUS TE, 'DI LTAR 'DI LA RGYU'I NYES PA MED LA GNOD PAR BYED PA'I SHES PA BSTAN PA YANG MA YIN NO, ,DE LTA BAS NA LOG PA NYID KYI RGYU MTSAN MED PA'I PHYIR 'DI NI MI RIGS SO ZHE'O, ,JI SKAD DU, THA DAD GONG BU BA LANG BLO, ,BA LANG NYID GCIG RGYU MTSAN CAN, ,BA LANG SNANG DANG GCIG NYID PHYIR, ,BA LANG GONG BU GCIG BLO BZHIN, ,KHRA BOS BA LANG BLO MIN PA'AM, ,DE LAS GZHAN PA DMIGS PA'ANG YIN, ,DE MED PAR NI YOD PA'I PHYIR, ,BUM PA LA NI SA BLO BZHIN, ,

302b

BA LANG BLO NI RE RE LA, ,'DU BA'I DON YUL CAN YANG YIN, ,SO SOR MA LUS NGO BO'I PHYIR, ,GSAL BA SO SO'I BLO BZHIN NO, ,RIGS NI RE RER 'DU BA 'ANG YIN, ,RE RE BA YI BLO YIN PHYIR, ,DGAG PA DANG LDAN NGAG RNAMS LA, ,BRAM ZE LA SOGS ZLOG PA BZHIN, ,BA LANG NYID LA GCIG NGOS BLO, , LOG PAR BRJOD PAR NUS MA YIN, ,'DI LA GNOD PA'I SHES PA'AM, ,RGYU YI NYES PA YOD MA YIN, ,ZHES KYANG BSHAD DO, ,DE'I PHYIR 'DIR RE ZHIG BSGRUB BYA MA MTSANG BA YIN TE, BA LANG GCIG NYID MA GRUB PA'I PHYIR DE'I RGYU MTSAN CAN GYI BA LANG GCIG GI BLO YANG GRUB PA YIN NO, ,JI STE PHYIR RGYU MTSAN GCIG NYID SGRUB PA DE'I TSE GRUB PA LA SGRUB PA YIN TE, RIGS MI MTHUN PA RNAM PAR GCOD PAS BA LANG GI LDOG PA GCIG BRTAGS PA RGYU MTSAN DU 'DOD PA'I PHYIR RO, ,BA LANG GI BLO KHRA BO LAS MA YIN NO ZHES PA 'DI YANG DNGOS SU DE LA SKYE BA DGAG PA SGRUB NA GRUB PA LA SGRUB PA YIN TE, DE NI RANG GI MTSAN NYID NYAMS SU MYONG BA DANG YID LA BYED PA LA SOGS PAR BAR DU CHOD PA'I PHYIR RO, ,'DI DE BRGYUD NAS KYANG DE LAS MI 'BYUNG NGO ZHES SGRUB NA DE'I TSE DAM BCA' BA NYAMS SU MYONG BA DANG 'GAL BA DANG DPE YANG BSGRUB BYA MA MTSANG BA YIN NO, ,GZHAN LA DMIGS PA NYID SGRUB NA YANG KHRO BO NYE BA NA 'DI NI BA LANG NGO ZHES BLO SKYE BA GANG YIN PA DE GAL TE DE LAS GZHAN LA DMIGS PA'O ZHES BSGRUB NA 'DI'I TSE 'DI LA YANG NYAMS SU MYONG BA DANG 'GAL TE, 'DI LTAR DE NI GONG BU NYE BA NGES PA NA 'JUG LA DPE YANG BSGRUB BYA MA TSANG BA YIN NO, ,CI STE DE MED CING KHU YUL SOGS PA NYE BA NA DE LTAR 'JUG PA'I BLO GANG YIN PA DE LAS GZHAN LA DMIGS SO ZHES BYA BAR BSGRUB NA DE'I TSE GRUB PA LA SGRUB PO, ,GAL TE DNGOS PO YOD PA LA DMIGS PA'O ZHES SGRUB NA DE'I TSE MA NGES PA YIN NO, ,'DI NI DON DAM PAR DNGOS PO YOD PA LA DMIGS PA NI CUNG ZAD KYANG YOD PA MA YIN NO ZHES BSTAN ZIN PA'I PHYIR RO, ,GANG YANG RE RE LA YONGS SU RDZOGS PA'I DON GYI YUL CAN NYID DU BSGRUB PA DE LA YANG SPYIR SGRUB PA LA GRUB PA SGRUB PA YIN TE, DNGOS PO RE RE LA DE MA YIN PA'I NGO BO LAS LOG PA'I DNGOS PO'I NGO BO NGES PAR 'JUG PA'I PHYIR RO, ,'ON TE SPYI ZHES BYA BA RTAG PA GCIG PU

303a

, ,RE RE LA YONGS SU RDZOGS PA'I DNGOS POR GYUR PA'I TSIG GI DON CAN NYID SGRUB NA DE'I TSE DPE BSGRUB BYA MA TSANG ZHING GTAN TSIGS KYANG MA NGES PA YIN TE, RNAM PA DE LTA BU'I CHOS KYIS GANG DU RJES SU 'GRO BA MA GRUB PA'I PHYIR RO, ,GCIG BDAG NYID THAMS CAD KYIS MANG PO DAG LA YONGS SU RDZOGS PA NYID YIN NA GSAL BA PHAN TSUN THA DAD PA THAMS CAD NGO BO GCIG NYID DU 'GYUR TE, GSAL BA GCIG GI MTHAR THUG PA'I RANG BZHIN GYI SPYI'I DNGOS POS REG PA'I PHYIR GSAL BA GCIG GI NGO BO BZHIN NO, ,YANG NA SPYI DU MA NYID DU 'GYUR TE, CIG CAR DNGOS PO DU MA LA YONGS SU RDZOGS PA'I BDAG NYID KYI NGO BO YIN PA'I PHYIR YUL CHES RING BA NA GNAS PA'I SNOD NA YOD PA'I CHES MANG BA'I BIL BA LA SOGS PA'I 'BRAS BU BZHIN NO ZHES BYA BA NI RJES SU DPAG PAS GNOD PA'O, ,DES NA 'DI LA GNOD PAR BYED PA'I SHES PA YOD PA YANG MA YIN NO ZHES GANG SMRAS PA DE NI MA GRUB STE, GNOD PA SNGAR BSHAD ZIN PA'I PHYIR DANG; 'CHAD PAR 'GYUR BA'I PHYIR RO, ,GAL TE YANG RIGS GCIG NYID DU SGRUB NA YANG RIGS RE RE DANG 'DU BA NYID DU MA GRUB PA'I PHYIR BLO GCIG GIS GZUNG BAR BYAS PA NYID DU MA GRUB PAS GTAN TSIGS GZHAN MA GRUB PA YIN NO, ,BRAM ZE LA SOGS PA ZLOG PA YANG DON DAM PAR DNGOS PO DU MA YIN TE, DNGOS PO MA YIN PA'I PHYIR ZHES BYA BA NI DPE BSGRUB BYA MA TSANG BA YIN NO, ,BTAGS PA'I GCIG NYID SGRUB NA GRUB PA LA SGRUB PA YIN TE, BTAGS PA'I SEL BA'I NGO BO GCIG TU 'DOD PA'I PHYIR RO, ,GANG YANG 'DI LA RGYU'I NYES PA YOD PA YANG YOD PA MA YIN NO ZHES BRJOD PA DE YANG MA GRUB PA NYID DE, MA RIG PA'I BAG CHAGS THOG MA MED PA'I MTSAN NYID KYI RGYU'I SKYON YOD PA'I PHYIR RO, ,DE'I PHYIR DE LTAR TSUL 'DIS RTAGS NGAN 'DI DAG SUN DBYUNG BAR BYA'O, ,DE LTAR RE ZHIG GZHAN GYIS SMRAS PA'I SPYI'I SGRUB BYED RNAMS RGYAS PAR SUN 'BYIN PA BRJOD NAS SPYI'I GNOD PAR BYED PA'I TSAD MA BRJOD PAR 'DOD NAS GZHAN YANG ZHES BYA BA LA SOGS PA SMOS TE, GDON MI ZA BAR SPYI THA DAD PA DAG LA 'JUG PAR 'DOD PAR BYA DGOS TE, DE LTA MA YIN NA JI LTAR DE DAG LA DE'I RGYU MTSAN CAN GYI GCIG GI RNAM PA CAN GYI BLO NGES PAR 'GRUB PAR 'GYUR, DE LA 'DI'I 'JUG PA GNAS PA'I MTSAN NYID YIN PA'AM,

303b

DE MNGON PAR GSAL BA'I MTSAN NYID YIN, GNAS PA YANG RNAM PA GNYIS TE, RANG GI NGO BO MI 'JIG PA'I MTSAN NYID YIN PA'AM, THUR DU LTUNG BA'I MTSAN NYID GEGS BYED PA'I MTSAN NYID YIN GRANG, DE LA RE ZHIG DANG PO NI MA YIN TE, RTAG PA'I PHYIR RANG NYID KYIS RANG BZHIN MI 'JIG PAR GRUB PA'I PHYIR RO, ,GNYIS PA YANG MA YIN TE, LUS CAN MA YIN PA DANG THAMS CAD DU SONG BA DAG GI PHYIR BYA BA MED PA NYID KYIS THUR DU LTUNG BA MI SRID PA'I PHYIR RO, ,DE'I PHYIR RTEN RNAMS DE'I GEGS BYED PA NYID DU MI RIGS SO, ,THA DAD PA DAG PA SPYI GNAS PA GANG YIN PA DE NI GNAS PA YIN NO ZHES BYA BA 'DI YANG LAN MA YIN PA NYID DE, 'DU BA DE NYID DPYAD PAR BYA BA YIN PA'I PHYIR RO, ,'DI LTAR RTEN DANG BRTEN PA LOGS SHIG MA YIN PAR GRUB PA'I NGO BO'I MTSAN NYID DE NI 'DU BA ZHES BYA'O, ,SPYI'I BRTEN PA DE YANG DE DANG 'BREL PA'I GNAS PA NYID KYIS SAM, DES GSAL BAR BYA BA NYID KYIS YIN ZHES BYA BA 'DI NYID DPYOD PA RTZOM PA YIN NO, ,PHAN TSUN MA 'DRES PA'I BDAG NYID RNAMS KYI CUNG ZAD KYANG MI BYED PA DON GZHAN DU 'GYUR BA RIGS PA NI MA YIN TE, HA CANG THAL BAR 'GYUR BA'I PHYIR RO, ,DE LTA NA NI THAMS CAD THAMS CAD KYI 'DU BAR 'GYUR RO, ,'DI LTAR PHAN TSUN LDOG PA'I LUS CAN GYI DNGOS PO SRE BAR BYED PA GANG YIN PA DE 'DU BAR BRTAGS TE, DON GZHAN DU GYUR PA YOD NA YANG RANG GI BDAG NYID LA GNAS PA'I PHAN TSUN THA DAD PA RANG BZHIN 'BREL PA YOD PA YANG MA YIN TE, RANG GI NGO BO NYAMS PAR THAL BAR 'GYUR BA'I PHYIR RO, ,DON GZHAN DU GYUR BA DE LA 'DU BA PO ZHES MI BYED NA NI RTZOD PA MED PAS DON GZHAN DU GYUR PA'I GNAS PA RIGS PA MA YIN NO, ,'BO BA'I GEGS NI ZHES BYA BA LA SOGS PAS SPYI LA RTEN DU RTOG PA SHIN TU 'BREL PA MED PAR STON PA YIN NO, ,'BO BA MED PA NI 'BO BA DANG BRAL BA RNAMS TE, LUS CAN MA YIN PA DANG THAMS CAD DU SONG BA DAG GIS 'BO BA MED PA'I PHYIR RO, ,DES NA GSAL BA'I MTSAN NYID KYI GNAS PA YANG RIGS PA MA YIN TE, 'DI LTAR DES GSAL BA NI DE'I YUL CAN GYI SHES PA SKYED PAR BYED PA NYID YIN GYI, RTAG PA GZHAN DU BYED PA MI SRID PA'I PHYIR, RANG BZHIN YONGS SU RGYAS PA'I MTSAN NYID NI MA YIN NO, ,DE LTA YIN DANG GAL TE RANG NYID KYIS SHES PA SKYED PAR NUS NA DE'I TSE CI'I PHYIR

304a

, ,GSAL BA'I RGYU LA LTOS PAR 'GYUR, 'ON TE MI NUS NA DE'I TSE YANG GZHAN GYIS KHYAD PAR BOGS DBYUNG DU MED PA'I PHYIR DE LA LTOS PA RIGS DANG LDAN PA MA YIN NO, ,GZHAN GYIS KHYAD PAR DU BYED PAR KHAS LEN NA YANG MI RTAG PA NYID DU THAL BAR 'GYUR TE, DE LTA NA GSAL BA BZHIN DU THUN MONG MA YIN PA'I PHYIR SPYI DNGOS POR MI 'GYUR RO SNYAM DU BSAMS PA'O, ,DE LTA BAS NA BRJOD PA DANG SGRA DAG YOD PA'I PHYIR MA LUS PA NYID NI SPYI'I TSIG GI DON YIN PAR BRJOD DO, ,SBYOR BA NI GANG ZHIG GANG LA 'JUG PA'I RGYU MTSAN CUNG ZAD MED PA DE NI DE LA 'JUG PA MA YIN TE, 'BIGS BYED LA GANGS CAN BZHIN NO, ,SPYI YANG THA DAD PA DAG LA 'JUG PA'I RGYU MTSAN CUNG ZAD KYANG MED DO ZHES BYA BA NI KHYAB PAR BYED PA MI DMIGS PA'O, ,BUM SOGS ZHES BYA BA LA SOGS PA SKYON GZHAN YANG 'CHAD DO, ,BUM PA LA SOGS PA'I RIGS THA DAD PA NI BUM PA NYID DANG SA NYID LA SOGS PA STE; THAMS CAD DU SONG BA NYID DU BRJOD PA NA RES 'GA' RANG GI RTEN TZAM LA KHYAB PA NYID DU BRJOD BA'AM, YANG NA GANG GSAL BAS STONG PA'I YUL THAMS CAD NA YOD PA YIN ZHES BYA BA RNAM PAR RTOG PA GNYIS SO, ,MCHOG GI RIGS BZHIN ZHES BYA BA LA MCHOG CES BYA BAS YUL CHEN PO NYID KYIS YOD PA BRJOD DO, ,'DI YANG YUL CHEN PO NYID TZAM DU MTSUNGS PA NYID KYIS DPER BYAS KYI GSAL BA'I BAR NA GNAS PA'I YUL LA KHYAB PA NYID KYIS DE YANG DE'I TSE CHOS MA GTOGS PA NI MA YIN NO, ,DE LA PHYOGS DANG PO LA NYES PA BSHAD PA, DE LA DNGOS PO ZHES BYA BA LA SOGS PA'O, ,BUM PA LA SOGS PA'I GSAL BAS STONG PA'I YUL DU BUM PA LA SOGS PA'I DNGOS PO SKYES PA NA DE DAG DE RIGS KYI BYE BRAG BUM PA LA SOGS PA RNAMS JI LTAR DE LA STE BUM PA LA SOGS PA LA 'JUG PA'AM MTHONG BAR 'GYUR ZHES BYA BA LA SOGS PA'O, ,MI SHES TE KHONG DU MI CHUD DO ZHES BYA BA'I THA TSIG GO, ,CI LTAR ZHE NA, RTAG PHYIR ZHES BYA BA LA SOGS PA SMOS TE, 'DI LTAR DE DAG BUM PA LA SOGS PA GSAL BA THA DAD PA DANG LHAN CIG SKYE BAR 'GYUR BA'AM, DE NA SNGA NAS GNAS PAR 'GYUR BA'AM, YUL GZHAN NAS 'ONGS PAR GYUR PA DE'I TSE DER MTHONG BA'AM 'JUG PAR 'GYUR, GANG GANG GI PHYIR DE DAG SKYE BA

304b

MA YIN TE, RTAG PA'I PHYIR RO, ,SNGA NAS GNAS PA YANG MA YIN TE, THAMS CAD DU KHYAB PA MA YIN PA'I PHYIR RO, ,YUL GZHAN NAS 'ONGS PA YANG MA YIN TE, BYA BA MED PA'I PHYIR RO, ,DE LTA BAS NA JI LTAR DE DAG LA DE DAG 'JUG PA'AM DMIGS PAR 'GYUR, SBYOR BA NI GANG ZHIG GANG DU SKYE BA MA YIN ZHING SNGA NAS GNAS PA YANG MA YIN ZHING PHYIS YUL GZHAN NAS 'ONGS PA DANG LDAN PA YANG MA YIN PA DE DAG DER DMIGS PA'AM 'JUG PA MA YIN TE, RI BONG GI MGO LA DE'I RVA BZHIN NO, ,BUM PA LA SOGS PA'I DNGOS PO LA DES STONG PA'I YUL DU SKYE BA DANG LDAN PA'I SPYI YANG DE BZHIN NO ZHES BYA BA NI KHYAB PAR BYED PA MI DMIGS PA'O, ,GTAN TSIGS MA NGES PA YANG MA YIN TE, DA LA 'JUG PA DANG DMIGS PA DAG GI RNAM PA GZHAN MED PA'I PHYIR RO, ,PHYOGS GNYIS PA LA YANG NYES PA BSHAD PA, RANG RTEN ZHES BYA BA LA SOGS PA SMOS TE, RANG GI RTEN DANG DBANG PO LDAN PA LA SOGS PA'I DMIGS PA'I RGYU LA STE, SOGS PA'I SGRAS NI BDAG DANG YID PHRAD PA LA SOGS PA GZUNG NGO, ,DE'I PHYIR GSAL BA THA DAD BA GCIG LA RIGS THA DAD PA DE DAG 'DZIN PA NA RIGS MI MTHUN PA GSAL BA THA DAD PA'I BAR THAMS CAD DU YANG DMIGS PAR 'GYUR TE, DE DAG BDAG NYID JI LTAR BA BZHIN DU NGO BO GCIG NYID KYIS RE RE LA GZUNG BA'I NGO BO LAS THA MI DAD PA'I PHYIR RO, ,'DI NYID GSAL BAR BYA BA'I PHYIR, GAL TE SHES LAS ZHES BYA BA LA SOGS PA SMOS TE, JI LTAR MTHONG BA'I GSAL BA DANG 'DU BA'I SPYI'I NGO BO SHES ZIN PA LAS GSAL BA'I PAR NA GNAS PA'I SPYI'I NGO BO THA DAD PA YIN NO ZHE NA, DE'I TSE DE YANG 'DZIN PAR 'GYUR TE; BZUNG ZIN PA'I RANG GI NGO BO BZHIN DU BZUNG ZIN PA LAS THA MI DAD PA'I PHYIR RO, ,JI STE DE 'DZIN PA MA YIN PA DE LTA YIN NA MA GZUNG BA'I NGO BO DANG THA MI DAD PA'I PHYIR, DE BZHIN DU MTHONG BA'I GSAL BA DANG 'DU BA YANG 'DZIN PAR MI 'GYUR RO, ,CI STE GNYI GA'I NGO BO NYID DU KHAS LEN PAR BYING NA DE'I TSE, PHAN TSUN 'GAL BA'I CHOS DANG LDAN PA'I PHYIR RANG BZHIN THA DAD PAR THAL BAR 'GYUR RO, ,'DZIN PA DANG MI 'DZIN PA PHAN TSUN 'GAL BA'I CHOS DANG LDAN PA YANG YIN LA GCIG KYANG YIN NO ZHES SEMS RNAL DU GNAS PAS BRJOD PAR RIGS PA MA YIN TE, HA CANG THAL BAR 'GYUR BA'I

305a

, ,PHYIR RO; ,DE LTA NA NI SNA TSOGS RDZAS GCIG TU 'GYUR LA, DE LTA YIN DANG LHAN CIG SKYE BA DANG 'JIG PA LA SOGS PAR THAL BAR 'GYUR RO, ,DE LTA MA YIN NA GCIG CES BYA BA MING TZAM DU 'GYUR LA MING LA NI RTZOD PA YANG MED DO, ,DE'I PHYIR DE LTAR RIGS RNAM PA THAMS CAD DU SUN PHYUNG NAS SBYOR BA DGOD PA'I PHYIR, SHING SOGS SHES PA ZHES BYA BA LA SOGS PA SMOS TE, GANG DAG RIM CAN NYID DAG RJES SU 'JUG PA NYID DANG, DNGOS PO NYID DANG, SKYE BA DANG LDAN PA NYID LA SOGS PA'I CHOS DANG LDAN PA DE DAG NI GZHAN GYIS KUN DU BRTAGS PA'I RTAG PA DANG GCIG PU DANG THAMS CAD DU SONG BA'I SPYI LAS BYUNG BA MA YIN TE, 'TSED PA PO LA SOGS PA'I SHES PA BZHIN NO, ,SHING SNGON PA LA SOGS PA'I SHES PA 'DI DAG KYANG DE BZHIN NO ZHES BYA BA NI 'GAL BAS KHYAD PA DMIGS PA STE, DE RTAG PA'I DNGOS PO DANG 'GAL BA MI RTAG PA'I DNGOS POS RIM CAN NYID LA SOGS PA LA KHYAB BA'I PHYIR RO, ,RTAG PA NI RIM DANG RIM MA YIN PA DAG GIS DON BYED PA 'GAL BA'I PHYIR GTAN TSIGS MA NGES PA YIN NO, ,DPE LA BSGRUB BYA MA TSANG BA YANG SNGAR RGYAS PAR BSGRUBS ZIN PA'I PHYIR DPE MA GRUB PA MA YIN NO, ,GNOD PAR BYED PA GZHAN YANG BSHAD PA, YANG NA LDAN PA ZHES BYA BA LA SOGS PA STE, DE LA LDAN PA SUN 'BYIN PA NA GCIG NYID DU MA LA 'JUG PA MI RIGS GNOD BYED TSAD MA'O ZHES BYA BA 'DIS GNOD PAR BYED PA BRJOD DO, ,DE NI JI LTAR GCIG DU MA 'JUG PA MI RIGS PA DE BZHIN DU YAN LAG CAN SUN 'BYIN PA NA DE GCIG 'JUG PA BSTAN PA'AM ZHES BYA BA LA SOGS PAS DE LTAR ZHES BYA BA LA SOGS PAS MJUG SDUD PAR BYED DE, GANG DAG BYE BRAG PA LA SOGS PAS GSAL BA LAS RIGS GCIG TU THA DAD PAR 'DOD PA DE DAG LA NYES PA 'DI BRJOD KYI, YANG GANG DAG RGYAL BA PA DANG RGYAL DPOG PA DANG GRANGS CAN PA LA SOGS PA RIGS THA MI DAD PA'AM GNYI GA'I NGO BOR 'DOD PA DE DAG GIS BRJOD PA'I RIGS NAM MKHA'I GOS CAN GYI ZHAR LA 'GEGS PAR 'GYUR RO, ,'DI NI BYE BRAG PA DANG RIGS PA CAN GYIS BRTAGS PA'I RIGS DGAG PA'I SKABS YIN PAS SUN MA PHYUNG STE, SKABS MA YIN PA'I PHYIR RO SNYAM DU BSAMS PA YIN NO, ,DE KHO NA NYID BSDUS PA'I DKA' 'GREL

305b

LAS SPYI'I TSIG GI NGON BRTAG PA STE BCO BRGYAD PA'O,, ,,BYE BRAG BA SUN DBYUNG BA'I PHYIR GANG YANG ZHES BYA BA LA SOGS PA SMOS TE, RE ZHIG KHYAD PAR GYI MTSAN NYID RTAG PA'I RDZAS LA 'JUG PA NYID DANG, MTHA'I RDZAS LA 'BYUNG BA NYID GANG YIN PA DE NI MI SRID PA'I SKYON GYIS SUN PHYUNG BA'I PHYIR MTSAN NYID MA YIN PA KHO NA'O, ,RTAG PA'I RDZAS NI CUNG ZAD KYANG YOD PA MA YIN TE, DE NI SNGAR RDZAS RTAG PAR BKAG ZIN PA'I PHYIR TE JI LTAR 'DI DAG GIS 'JUG PA DE 'GRUB PAR 'GYUR, GANG YANG RNAL 'BYOR PA RNAMS KYI KHYAD PAR GYI SHES PA'I STOBS KYIS 'DI DAG YOD PA NYID DU SGRUB PA DE LA YANG MA NGES PA YIN NO ZHES STON PA NI, DE'I GAL TE RDUL PHRAN ZHES BYA BA LA SOGS PA'O, ,'DI LTAR RDUL PHRA RAB LA SOGS PA'I NGO BO RANG RANG GI NGO BO LA GNAS PA'I PHYIR PHAN TSUN SIL BUR 'GYUR BA'AM, 'DRES PAR 'GYUR BA YIN GRANG, GAL TE PHYOGS DANG PO YIN NA DE'I TSE RANG NYID KYIS DNGOS PO MA 'DRES PAR DMIGS PA LAS DE DAG LA RNAL 'BYOR PA RNAMS KYI PHAN TSUN MI 'DRA BA'I BLOR GYUR PA'I PHYIR BYE BRAG GZHAN BRTAGS PA DON MED DO, ,CI STE PHYOGS GNYIS PA YIN NA DE'I TSE JI LTAR BYE BRAG GI TSIG GI DON GZHAN NYE BA NA YANG PHAN TSUN THA DAD PA'I NGO BO DAG LA RNAL 'BYOR PA RNAMS LA MI 'DRA BA'I SHES PA MA 'KHRUL BA SKYE BAR 'GYUR, DE NI 'KHRUL PA NYID DU 'GYUR TE, DE MA YIN PA LA DE LTAR 'JUG PA'I PHYIR RO, ,DE LTA YIN DANG RNAL 'BYOR PA NYID MA YIN PAR 'GYUR STE, 'KHRUL PA'I SHES PA DANG LDAN PA'I PHYIR RO SNYAM DU BSAMS PA YIN NO, ,GZHAN YANG GAL TE BYE BRAG CES BYA BA TSIG GI DON GZHAN MED PAR MI 'DRA BA'I BLO MI SKYE NA DE JI LTAR BYE BRAG DE DAG NYID LA MI 'DRA BA'I BLOR 'GYUR, DE DAG LA BYE BRAG GZHAN YOD PA NI MA YIN TE, THUG PA MED PAR THAL PAR 'GYUR BA'I PHYIR DANG, BYE BRAG LA MI 'JUG PA'I PHYIR RTAG PA'I RDZAS LA 'JUG PA DANG MTHA' YIN NO ZHES KHAS BLANGS PAS NYAMS PAR YANG THAL BAR 'GYUR BA'I PHYIR RO, ,CI STE RANG NYID KYIS DE DAG PHAN TSUN MI 'DRA BA'I BLO'I RGYU NYID DU KHAS LEN PAR BYED NA DE'I TSE RDUL PHRA RAB LA SOGS PA RNAMS KYI YANG DE'I RGYU NYID RANG NYID LAS YIN LA RAG MOD, GANG GIS DE DAG RANG NYID KYIS PHAN TSUN LDOG PA'I LUS CAN GYI YOD PA YANG RDUL PHRA RAB LA SOGS PA PHAN TSUN MI 'DRA BA'I SHES PA

306a

, ,SKYED PA'I RGYU MI 'DOD PA 'DIR DE DAG LA SDANG BA CI ZHIG YOD, BYE BRAG RNAMS LA YANG 'DOD PA ZHES BYA BA 'DI LA RMONGS PA LAS MA GTOGS PA 'DI LA RGYU CUNG ZAD KYANG MA MTHONG NGO, ,JI LTAR KHYI SHA ZHES BYA BA LA SOGS PAS 'DI LA BKRA SHIS BLO GROS KYI LUGS KYI LAN GYI DOGS PA BSU BA YIN TE; DES SMRAS PA, JI LTAR KHYI SHA LA SOGS PA RANG NYID KYIS MI GTZANG BA NYID YIN LA DE DANG 'BREL PAS GZHAN DAG KYANG YIN TE, DE BZHIN DU 'DI LA YANG DE'I BDAG NYID KYIS BYE BRAG GZHAN DAG LA RANG NYID KYIS LDOG PA'I SHES PA'I RGYU YIN LA DE DANG 'BREL BAS RDUL PHRA RAB DAG KYANG YIN NO, ,GZHAN YANG DE'I BDAG NYID LA YANG SHES PA GZHAN GYI RGYU MTSAN GZHAN CAN DU 'GYUR BA NYID YIN TE, DPER NA, SGRON MAS BUM PA LA SOGS PA LA YIN GYI SGRON MA LA BUM PA LA SOGS PA DAG GIS NI MA YIN ZHES BYA BAR NGES PA BZHIN NO, ,'DI NI ZHES BYA BA NI BUM PA LA SOGS PA'O, ,'DI DE BZHIN ZHES BYA BA NI MI 'DRA BA MTSON PA STE, RDUL PHRA RAB LA SOGS PA RNAMS NI BYE BRAG RNAMS KHO NA LAS YIN LA BYE BRAG RNAMS RANG NYID KYIS SO ZHES BYA BA'I DON TO, ,'ON TE MI GTZANG ZHES BYA BAS LAN 'DEBS PAR BYED DE, DNGOS PO RNAMS KYI MI GTZANG NYID, ,CES BYA BA NI RTOGS PAS SBYAR BA YIN GYI NGES PA MED PA'I PHYIR DON DAM PA NI MA YIN TE, 'DI LTAR RDZAS GANG KHO NA GTZANG SBRA CAN LA SOGS PA 'GA' ZHIG MI GTZANG BA NYID DU SNANG BA DE KHO NA GZHAN RO SREG MKHAN LA SOGS PA GTZANG BA NYID DU SNANG NGO, ,GCIG LA PHAN TSUN 'GAL BA'I NGO BO DU MA TSOGS PA RIGS PA YANG MA YIN TE, GCIG NYID NYAMS PAR THAL BAR 'GYUR BA'I PHYIR RO, ,RNAM PA GCIG TU MA DNGOS PO RNAMS DNGOS SU MI GTZANG BA YIN DU CHUG MOD DE LTA MA YIN NA 'DI DPE DANG MTSUNGS PA MA YIN TE, 'DI LTAR ZAS LA SOGS PA'I DNGOS PO KHYI SHA LA SOGS PA MI GTZANG BA'I RDZAS DANG PHRAD PA LAS SNGAR GYI GTZANG BA'I RANG BZHIN DOR NAS MI GTZANG BA GZHAN NYID SKYE BA YIN NO, ,DES NA 'DI DAG GI GZHAN GYI RGYU MTSAN CAN GYI MI GTZANG BA NYID RIGS PA YIN NO, ,DE BZHIN DU GANG GIS 'DI DAG GI MI 'DRA BA GZHAN GYI RGYU MTSAN CAN DU 'GYUR BRDUL PHRA RAB LA SOGS PA DAG LA RGYU MTSAN CUNG ZAD KYANG YOD PA MA YIN NO, ,RDUL PHRA RAB

306b

LA SOGS PA RTAG PA DE DAG NI SKYE BA MED PA'I PHYIR DE 'BYUNG BA MED PA'I PHYIR RO, ,DE BZHIN SGRON MA'I DPE LA YANG GZHAN GYI RGYU MTSAN CAN BUM PA LA SOGS PA'I SHES PA SKYED PA'I RGYU NYID SBYAR BAR BYA'O, ,MI MTHUN BLO NI ZHES BYA BA LA SOGS PAS BYE BRAG GIS GNOD PAR BYED PA'I TSAD MA BSHAD PA YIN TE, 'DI LA YANG SNGA MA BZHIN DU RANG GI NGO BO DANG 'BREL PA BRJOD PAR BYA'O, ,DE KHO NA NYID BSDUS PA'I DKA' 'GREL LAS BYE BRAG GI TSIG GI DON BRTAG PA STE BCU DGU BA'O,, ,,'DU BA SUN DBYUNG BA'I PHYIR, SNAL MA 'DI LA ZHES BYA BA LA SOGS PA SMOS TE, RTEN DANG BRTEN PAR GYUR PA SO SO MA YIN PAR GRUB PA RNAMS KYI 'DI'I BLO'I RGYU'I 'BREL PA GANG YIN PA 'DI DE YANG SNAL MA 'DI LA SNAM BU ZHES BYA BA LA SOGS PA 'DI LA BLO'I KHYAD PAR LAS DON GZHAN DU RTOGS TE, DPER NA YOD PA DANG RDZAS NYID LA SOGS PA RNAMS RANG GI RTEN LA BDAG DANG RJES SU MTHUN PA'I SHES PA'I PHYIR RANG GI RTEN LA SOGS PA DAG DANG PHAN TSUN LAS DON GZHAN DU GYUR PA YIN PA DE BZHIN DU 'DU BA YANG TSIG GI DON LNGA LA SNAL MA 'DI DAG LA SNAM BU, RDZAS 'DI RNAMS TSIG LA YON TAN DANG LAS DAG ,RDZAS DANG YON TAN DANG LAS 'DI DAG LA YOD LA, RDZAS 'DI LA RDZAS NYID YON TAN 'DI LA YON TAN NYID LAS 'DI LA LAS NYID, RDZAS 'DI LA MTHA'I BYE BRAG CES BYA BA LA SOGS PA BYE BRAG GI SHES PA MTHONG BA'I PHYIR TSIG GI DON LNGA PO DAG LAS DON GZHAN DU 'GYUR BA NYID YIN PAR SHES SO, ,SBYOR BA NI GANG DAG LA GANG GI RNAM PA DANG MI 'DRA BA'I SHES PA DE NI DE LAS DON GZHAN DU 'GYUR BA'I RGYU MTSAN CAN YIN TE, LHA SPYIN LA DBYIG PA CAN GYI SHES PA BZHIN NO, ,TSIG GI DON LNGA LA 'DI LA ZHES BYA BA'I SHES PA 'DI YANG DE BZHIN NO ZHES BYA BA RANG BZHIN GYIS GTAN TSIGS SU SEMS SO, ,'DI NI 'BREL BA BSTAN PA'I PHYIR 'DI LTAR DE MED CES BYA BA LA SOGS PA SMOS TE, RGYU MTSAN MED PAR 'BYUNG NA RTAG TU YOD PA LA SOGS PA THAL BAR 'GYUR BA NI GNOD PA CAN GYI TSAD MA'O, ,DE LTAR RE ZHIG BYE BRAG PA LA SOGS PA'I LUGS KYIS 'DU BA 'DI LA BLO'I RTAGS KYI RJES SU DPAG PAR BYA BA YIN LA RIGS PA CAN GYI LUGS KYIS NI 'DI LA BLO'I MNGON SUM GYIS RTOGS PAR BYA BA NYID YIN TE, 'DI LTAR DE

307a

, ,DAG NI MNGON SUM GYI BYA BA YOD PA NA SNAL MA 'DI DAG LA SNAM BU ZHES BYA BA LA SOGS PA'I SHES PA SKYE BA'I PHYIR MNGON SUM NYID YIN PAR SMRA'O, ,'DU BA DE YANG JI LTAR LDAN PA 'BREL PA CAN DAG LA THA DAD PA DE BZHIN DU THA DAD PA NI MA YIN NO, ,'O NA CI ZHE NA, DNGOS PO BZHIN DU STE, YOD PA BZHIN DU DE'I RTAGS KHYAD PAR MED PA'I PHYIR DANG, KHYAD PAR GYI RTAGS PA MED PA'I PHYIR THAMS CAD DU 'DU BA GCIG NYID YIN NO, ,LDAN PA BZHIN DU ZHES BYA BA NI CHOS MI MTHUN PA'I DPE YIN TE, RGYU MED PA NYID KYI PHYIR YOD PA NYID BZHIN DU RTAG PA NYID DU GRUB PA LA, TSAD MAS RGYU MA DMIGS PA'I PHYIR RGYU MED PA NYID DU GRUB PO, ,'DI NI 'DI LA'I ZHES BYA BA LA SOGS PAS SUN 'BYIN PA RTZOL TE, DE'I PHYIR 'DIS GTAN TSIGS GZHI MA GRUB PAR BSHAD DO, ,SNAL MA 'DI DAG LA SNAM BU ZHES BYA BA LA SOGS PA'I BLO RNAMS RANG GI GRUB PA'I MTHA' LA RJES SU CHAGS PAS BRTAGS PA NYID YIN GYI, 'JIG RTEN NA DE BZHIN DU SKYE BA RIGS PA NI MA YIN PAS DE'I PHYIR BSGRUB BYA'I CHOS CAN MA GRUB PA YIN NO, ,RTEN DANG BRTEN PAR ZHES BYA BA LA SOGS PAS CHOS CAN MA GRUB PA DE NYID SGRUB PAR BYED PA YIN TE, DE DAG LA SNA TSOGS PA NYID MTSON PAR 'GYUR BA DE DAG NYID BRTEN PAR 'GYUR BA YIN NA 'JIG RTEN PA 'DI LA'I BLO 'BYUNG BAR MTHONG STE, DPER NA KHAM GZHONG 'DI NA BIL BA ZHES BYA BA LA SOGS PA LTA BU'O, ,SNAL MA DANG SNAM BU DGAL SNA TSOGS PA NYID MTSON PA'AM YOD PA YANG MA YIN TE, DE JI LTAR DE LTAR DE LA 'DI LA'I BLOR 'GYUR, 'DI SNYAM DU GAL TE KHO BO CAG GIS 'DI LA'I BLO 'DI GRUB MTHA'I STOBS KYIS BRTAGS PA YIN PA DE LTA NA YANG KHYED CAG GIS 'DI'I RGYU MTSAN BRJOD PAR BYA DGOS SO SNYAM DU SEMS NA, RANG GI 'DOD PAS ZHES BYA BA LA SOGS PA SMOS TE, GANG DAG GANG GI RGYU NYID DU MI 'DOD PA DE NI JI LTAR RANG NYID KYIS 'BRAS BUR BRTAGS NAS DE'I RGYU BRGAL ZHING BRTAG PAR BYED GANG GIS 'DOD PA'I DBANG GIS 'BRAS BUR BRTAGS NAS DE'I RGYU BRGAL ZHING BRTAG PAR BYED PA KHYED CAG GIS 'DOD PA'I DBANG GIS 'BRAS BU 'DI RTOG PAR BYED PA KHYED CAG BDAG NYID LA BRGAL ZHING BRTAG PAR BYA'O, ,DNGOS PO'I RANG BZHIN NI 'DOD PA'I RJES SU BYED PA YANG MA YIN TE, 'DI DAG NI RANG

307b

DGAR 'JUG PA'I PHYIR DE LAS DNGOS PO GRUB PA MA YIN TE, THUG PA MED PAR THAL BAR 'GYUR BA'I PHYIR RO, ,'DI LTAR KHYED CAG GIS KUN DU BRTAGS PA'I DNGOS PO LA 'GA' ZHIG GZHAN DU YANG BRTAGS PAR NUS PA'I PHYIR RO, ,GZHAN YANG SNAL MA 'DI LA SNAM BU ZHES BYA BA LA SOGS PA'I BLO 'JIG RTEN NA MA GRUB PA 'GA' ZHIG TU MA ZAD KYI, 'ON KYANG DE LAS BZLOG PA NYID DU GRUB PO ZHES BSTAN PA'I PHYIR, SHING LA YAL GA ZHES BYA BA LA SOGS PA SMOS TE, SHING LA YAL GA RIL BRAG CES BYA BA LA SOGS PA DE LTA BU 'JIG RTEN NA MTHONG GI ,YAL GA LA SHING, BRAG DAG LA RI ZHES NI MA YIN NO; ,SHING LA YANG YAL GA ZHES BYA BA LA SOGS PA'I BLO DE YANG 'DU BA'I DBANG GIS MA YIN GYI, 'ON KYANG MI 'GRO BA ZHES BYA BA GANG YIN PA'I BRJOD PAR 'DOD PA'I YAL GA DANG BRAG DAG LAS THA DAD PA MA RTOGS PA NYID DU GNAS PA'I LHAG MA'I PHRAG PA LA SOGS PA'I YAL LAG DE DAG NI BAR MED PAR DMIGS PA'I PHYIR RO, ,'DIR MI 'GRO BA'I SGRAS 'GRO BA MED PA'I PHYIR SHING DANG RI LA 'DOD DO, ,DE DAG LA YANG ZHES BYA BA NI BRAG DANG YAL GA DAG LA'O, ,'DI DAG CES BYA BA NI RI DANG SHING DAG GO, ,'O NA BUM PA 'DI LA GZUGS SO, ,DRI 'O, ,RO'O, ,REG GO, ,G-YO BA'O ZHES BYA BA 'JIG RTEN NA RAB TU GRAGS PA'I SHES PA GANG YIN PA 'DI 'DU PA MA GTOGS PA GZHAN GANG ZHIG YUL ZHE NA, BUM PA LA ZHES BYA BA LA SOGS PA SMOS TE, DE'I BDAG NYID NI SHES PAS GZUGS LA SOGS PA RNAMS BUM PA'I RANG BZHIN DU RTOGS TE, 'JIG RTEN NA ZHES BYA BA LHAG MA'O, ,BUM PA LAS GZUGS NI BUM PA'I RANG BZHIN GYI GZUGS TE, BUM PA LA SOGS PA'I BDAG NYID CES BYA BA'I DON TO, ,GZUGS LA SOGS PA MANG PO DAG LA THUN MONG MA YIN PA'I NUS PA'I KHYAD PAR BSTAN PAR 'DOD NA DE LAS GZHAN PA'I GZUGS LA SOGS PA RNAM PAR BCAD NAS BUM PA LA SOGS PA'I SGRA SBYOR TE, BUM PA LA SOGS PA'I SGAR NI RE RE LA THUN MONG MA YIN PA'I MIG GI RNAM PAR SHES PA LA SOGS PA'I 'BRAS BU 'GRUB PA'I NUS PA GSAL BAR BYA BA'I DON DU SBYOR BAR BYED CES DE'I PHYIR BUM PA LA SOGS PA'I SGRA'I KHYAD PAR THA DAD 'PHEN PAR BYED PAS GZHI MTHUN PA MED PA'I PHYIR GZHI THA

308a

, ,DAD PA NYID KYIS DE'I BDAG NYID KYIS DE'I BDAG NYID DU RTOGS PA YIN NO, ,CI'I PHYIR GNYI GA SBYAR ZHE NA, GZUGS DANG BUM PA ZHES BYA BA LA SOGS PA SMOS TE, 'DI LTAR GZUGS LA SOGS PA'I SGRA NI GZUGS LA SOGS PA'I GNAS SKABS THAMS CAD KYI RJOD PAR BYED PA YIN TE, 'DI LTAR JI LTAR BUM PA'I BDAG NYID DU GNAS PA'I GZUGS LA SOGS PA NI GZUGS LA SOGS PA ZHES BRJOD PA DE BZHIN DU SNAM BU LA SOGS PA'I BDAG NYID DU GNAS PA DAG LA YANG YIN NO, ,DE LTAR NA GZUGS LA SOGS PA SGRA 'BA' ZHIG LAS GZUGS LA SOGS PA'I GNAS CI YIN PA ZHES BYA BA'I KHYAD PAR RTOGS PA MA YIN NO, ,BUM PA LA SOGS PA ZHES BYA BA DE LTA BU SBYOR BA NA DE DAG NI BUM PA'I BDAG NYID YIN NO ZHES RNAM PAR BCAD NAS RTOGS SO, ,DE BZHIN DU BUM PA'I SGRA YANG DKAR PO DANG SER PO DANG G-YO BA ZHES BYA BA LA SOGS PA BUM PA'I GNAS SKABS THAMS CAD BRJOD PA YIN TE, DE'I PHYIR 'BA' ZHIG PA LAS KHYAD PAR RTOGS PA MA YIN NO, ,BUM PA LA GZUGS DKAR PO ZHES BYA BA LA SOGS PA SBYOR BA NA NI DE LAS GZHAN PA'I GZUGS LA SOGS PA BCAD NAS RTOGS PAR 'GYUR TE, DE LTA YIN DANG DE LTAR 'GYUR BA'I KHYAD PAR DE BRJOD PA'I PHYIR DE BZHIN DE BUM PA LA SOGS PA LA GZUGS ZHES BYA BA GANG DAG SBYAR TE, SGRA ZHES BYA BA LHAG MA'O, ,SGRA DE DAG LA BRTEN NAS BUM PA LA SOGS PA 'DI DAG LA BUM PA LA GZUGS LA SOGS PA ZHES BYA BA LA SOGS PA'I RNAM PA DES SHES PA 'JUG GI ,'DU BA LA BRTEN NAS 'JUG PA NI MA YIN NO ZHES 'BREL TO, ,'DI'I RGYU SMRAS PA NI THAMS CAD KYIS KHYAD PAR MA MTHONG BA'I PHYIR RO ZHES BYA BA STE, GANG GIS BLO 'DI 'DU BA'I RGYU MTSAN CAN DU 'GYUR BA 'DU BA DANG BUM PA DANG GZUGS LA SOGS PA THAMS CAD PHAN TSUN THA DAD DU DMIGS PA NI MA YIN NO, ,'DIS NI GTAN TSIGS MA NGES PA NYID DANG DAM BCAS PA LA RJES SU DPAG PAS GNOD PA NYID BSTAN TO, ,GANG YANG 'DI LA'I BLO KHYAD PAR MED PA'I PHYIR ZHES BYA BA LA SOGS PA SMRAS PA DE LA, GAL TE DNGOS PO ZHES BYA BA LA SOGS PA SMOS TE, GAL TE 'JIG RTEN GSUM NA 'DU BA GCIG YOD PAR GYUR NA DE'I

308b

TSE GYO MO DAG LA SNAM BU'O ZHES BYA BA LA SOGS PA'I BLOR 'GYUR ZHING, RTA LA SOGS PA YANG BA LANG NYID LA SOGS PA YOD PA'I PHYIR DE LTAR 'GYUR RO, ,DE LTA YIN DANG KHRA BO LA SOGS PA'I BYE BRAG BZHIN DU GLANG PO LA SOGS PA LA YANG BA LANG LA SOGS PA'I SHES PAR 'GYUR RO, ,'DI LTAR GANG GI PHYIR 'DU BA'I STOBS KYIS SNAL MA DAG LA SNAM BU'I SNYAM PA'I RTOG PAR BRJOD PA SNAM BU'I 'DU BA 'DI GYO MO LA SOGS PA YANG YOD PAS CI'I PHYIR DE LTAR RTOGS PAR MI 'GYUR, 'DI SNYAM DU GYO MO DAG LA SNAM BU BRTEN PA NI MA YIN TE, DES NA DE LA DE LTAR RTOGS PAR MI 'GYUR RO SNYAM DU SEMS PA DE YANG LOG PA YIN TE; 'DI LTAR GANG GI SNAL MA DAG KHO NA LA SNAM BU YOD CING DE LA BLO MI 'GYUR BA 'DU BA'I DBANG GIS SNAL MA DAG LA YANG SNAM BU BRTEN PA ZHES BYA BAR BRJOD PA GANG YIN PA'I 'DU BA DE GYO MO DAG LA YANG CI STE MED, 'ON KYANG SNAL MA SNAM BU'I 'DU BA ZHES BSTAN PA GANG YIN PA DE KHO NA BUM PA'I GYO MO DAG LA YIN TE, DE'I PHYIR JI LTAR 'TSOL BAR MI 'GYUR, DES NA DE'I PHYIR BLO BAR CHAD MED PA STE BAR CHAD DANG BRAL BAR 'GYUR RO, ,DE'I PHYIR RDZAS DANG YON TAN DANG, LAS RNAMS KYI RDZAS NYID DANG, YON TAN NYID DANG, LAS NYID LA SOGS PA'I KHYAD PAR RNAMS KYI 'BREL PA GCIG YIN PA'I PHYIR TSIG GI DON LA RNAM PAR DBYE BA MED PAR 'GYUR RO, ,DE LTAR ZHES BYA BA LA SOGS PAS GLANG PO LA SOGS PA LA BA LANG LA SOGS PA'I BLOR THAL BAR 'GYUR BA SGRUB PAR BYED DO, ,DE KHA CIG NA YANG ZHES BYA BA LA SOGS PAS BKRA SHIS BLO GROS KYI LAN DOGS PAR BYED PA YIN TE, DES SMRAS PA, GAL TE YANG 'DU BA GCIG YIN PA DE LTA NA YANG RTEN DANG BRTEN PAR NGES PA'I PHYIR TSIG GI DON LNGA 'CHOL BAR 'GYUR BA MA YIN TE, ,'DI LTAR RDZAS DAG KHA NA LA RDZAS NYID DANG, YON TAN DAG KHO NA LA YON TAN NYID DANG, LAS DAG KHO NA LA LAS NYID CES BYA BA DE LTA BU LA SOGS PA SO SOR NGES PA'I RTEN RNAM PAR BCAD NAS RTOGS PA SKYE BA YIN NO, ,'O NA DE LTA NA TSIG GI DON RE RE LA 'DU BA THA DAD PAR 'GYUR RO ZHE NA, 'DI LA ZHES BYA BA LA SOGS PA SMOS TE, 'DI LA ZHES BYA BA'I 'DU BA'I RGYU MTSAN GYI SHES PA THAMS CAD DU THA MI DAD PA'I RNAM PAS RJES SU MI 'GRO BAR MTHONG BA'I PHYIR THAMS CAD DU 'DU BA NI GCIG YIN NO ZHES BYA BAR

309a

, ,RTOGS SO, ,GCIG NYID YIN NA YANG RDZAS NYID LA SOGS PA'I RGYU MTSAN GYI BLO SO SOR NGES PA'I RTEN RNAM PAR BCAD NAS LDOG PA STE, RJES SU MI 'GRO BAR MTHONG BA'I PHYIR RDZAS LA SOGS PA'I RIGS RNAMS LDOG PA NYID DU SHES TE, DES NA TSIG GI DON LNGA 'CHOL BAR MI 'GYUR RO, ,YANG JI LTAR 'BREL PA KHYAD PAR MED NA YANG 'DI DAG GI RTEN DANG BRTEN PA SO SOR NGES PAR RIGS SHE NA, DPER NA ZHES BYA BA LA SOGS PA SMOS TE, JI LTAR KHAM GZHONG DANG ZHO DAG GI LDAN PA GCIG YIN NA YANG RTEN DANG BRTEN PA NGES PAR 'GYUR BA DE BZHIN DU RDZAS LA SOGS PA RNAMS KYI 'DU BA GCIG YIN NA YANG GSAL BYA DANG GSAL BYED KYIS NUS PA THA DANG PA'I PHYIR RTEN DANG BRTEN PA SO SOR NGES PA YIN NO, ,DE ZHES BYA BA NI RTEN DANG BRTEN PA NGES PA'O, ,GCIG NA ZHES BYA BA LA SOGS PAS LAN 'DEBS PAR BYED DE, KHO BO CAG LA NI GZUGS LA SOGS PA NYID GZUGS LA SOGS PA LA BRTEN PA'I NGES PA MA GRUB KYI 'ON KYANG KHYED CAG NYID LA YIN NO, ,'DU BA DE YANG THAMS CAD DU GCIG NYID DU KHAS LEN PA NA 'THAD PAR DGA'O ZHES THAL BSGRUB PAR BYED DE, 'DI LTAR RDZAS KHO NA LA RDZAS NYID CES BYA BA DE LTA BU'I NGES PAR 'DOD PA GANG YIN PA DE NI 'DU BA'I STOBS NYID LAS YIN NO, ,RDZAS NYID LA SOGS PA DE'I YANG 'DU BA GANG YIN PA DE KHO NA YON TAN LA SOGS PA LA YANG YOD DE, YON TAN NYID LA SOGS PA DE DAG DANG 'BREL PA'I PHYIR RO, ,GAL TE 'BREL PA YOD PA DE LTA NA YANG DE NYID DE LA 'DU BA YIN NO ZHES JI LTAR NGES SHE NA, DE DAG GI 'DI ZHES BYA BA LA SOGS PA SMOS TE, DE DAG GI ZHES BYA BA NI RDZAS NYID DANG YON TAN NYID LA SOGS PA RIGS DAG GI'O, ,DE LTA YIN DANG RGYU MTSAN THA MI DAD PA'I PHYIR DE 'CHOL BAR THAL BAR 'GYUR BA BZLOG PAR DKA'O SNYAM DU BSAMS PA'O, ,GZHAN DU ZHES BYA BA LA, GAL TE RDZAS LA RDZAS NYID KYI 'DU BA GANG YIN PA DE KHO NA YON TAN LA SOGS PA DAG LA YON TAN NYID LA SOGS PA MI 'GYUR NA DE'I TSE LDAN PA BZHIN DU RTEN SO SO LA 'DU BA THA DAD PAR 'GYUR RO, ,GANG YANG RDZAS NYID SOGS RGYU MTSAN GYI ZHES BYA BA LA SOGS PA SMOS PA DE LA RDZAS NYID LA SOGS PA ZHES BYA BA LA SOGS PA SMOS TE, RGYU MTSAN MA TSANG BA MED PA YOD PA NA 'BRAS BU LDOG PA STE MED PA MI RIGS TE, DE'I 'BRAS BU MA YIN PA NYID DU

309b

THAL BAR 'GYUR BA'I PHYIR RO, ,DE LTA NA BLO LDOG PAR MI RUNG BA'I PHYIR RTEN DANG BRTEN PA DE'I NGES PA MI RIGS SO, ,'ON TE RDZAS KHO NA RDZAS NYID RTEN TE GNAS SO ZHES BYA BA LA SOGS PA'I THA SNYAD LAS NGES PAR 'GYUR BA MA YIN NAM ZHE NA, DE LA BRTEN PA ZHES BYA BA LA SOGS PA SMOS TE, KHYED CAG GIS 'DU BA DE NYID LAS BRTEN PA NYID LA SOGS PA'I RNAM PAR GZHAG PA BRJOD DE, DE YANG THAMS CAD LA KHYAD PAR MED PA NA JI LTAR NGES PA 'DI RIGS PA YIN, 'DI LTA BAS NA RTEN DANG BRTEN PA'I DNGOS PO DE'I BRTEN PA LA SOGS PA 'DI YANG RIGS PA MA YIN TE, 'DI DAG NI RTEN DANG BRTEN BA DANG LHAN CIG GRUB PA DANG BDE BA GCIG PA'I PHYIR RO, ,'ON GSAL BYA GSAL BYED KYI NUS PA NGES PA LAS NGES PAR 'GYUR RO ZHE NA, GSAL BYA ZHES BYA BA LA SOGS PA SMOS TE, RDZAS LA SOGS PA RNAMS NI RDZAS NYID KYI SPYI GSAL BAR BYED PA GANG BRJOD PA DE NI 'DU BA'I STOBS NYID KYIS YIN TE, 'DI LTAR GANG KHO NA LAS RDZAS NYID RDZAS LA 'DU BA DE KHO NA LAS DES DE GSAL BA'O ZHES BRJOD DO, ,GZHAN LAS ZHES BYA BA NI BDE BAR GSHEGS PA PAS BRJOD PA LAS TE, SHES PA SKYED PAR RUNG BA'I RANG BZHIN SKYED PA LAS SO, ,GANG GI PHYIR YONG PA LA SOGS PA'I RTAG PA RNAMS KYANG 'DU BAR 'DOD LA, RTAG PA RNAMS SKYE BAR RIGS PA YANG MA YIN NO, ,'DI NYID MAR ME LA SOGS ZHES BYA BA LA SOGS PAS SGRUB PAR BYED DE, GANG YANG KHAM GZHONG DANG ZHO'I LDAN PA DPE NYID DU SMRAS PA DE YANG KHO BO CAG LA MA GRUB PO ZHES STON PA NI, KHAM GZHONG ZHES BYA BA LA SOGS PA'O, ,GONG BU ZHES BYA BA NI LDAN PA'I TSIG GI DON SUN DBYUNG BAR 'GYUR RO, ,LDAN PA GCIG YIN DU CHUG MOD DE LTA NA YANG THAL BAR 'GYUR BA MTSUNGS PA KHO NA'O ZHES STON PA NI DE LAS ZHES BYA BA LA SOGS PA STE, DE LAS ZHES BYA BA LDAN PA LAS SO, ,HA CANG THAL BAR 'GYUR BA NI ZHO LA KHAM GZHONG ZHES BYA BA LDAN PA'I TSIG GI DON LA SOGS PA'I BLOR THAL BAR 'GYUR BA STE LDAN PA'I RGYU MTSAN KHYAD PAR MED PA'I PHYIR RO, ,GANG YANG RGYU MA DMIGS PA'I PHYIR 'DU BA RTAG PA YIN NO ZHES SMRAS PA DE LA, 'DI NI RTAG PA ZHES BYA BA LA SOGS PA SMOS TE, GAL TE 'DU BA RTAG PA NYID DU GYUR NA DE'I TSE RANG GI RTEN DAG LA DE DAG RTAG TU GNAS PA'I PHYIR BUM PA LA

310a

, ,SOGS PA RNAMS KYANG RTAG PAR THAL BAR 'GYUR TE, 'DI LTAR 'DU BA YOD PA NYID LAS 'DI DAG RANG GI RTEN DAG LA GNAS PAR 'DOD LA, 'DU BA DE YANG RTAG PAS CI'I PHYIR 'DI DAG RTAG TU GNAS PAR MI 'GYUR, RANG GI RTZOM BYED CES BYA BA LA SOGS PAS GZHAN GYI LAN GYI DOGS PA BSU BA YIN NO; ,'DI SNYAM DU BUM PA LA SOGS PA RANG RTZOM PAR BYED PA'I YAN LAG GANG DAG YIN PA DE DAG BYE BA'AM ZHIG PAS BUM PA LA SOGS PA 'JIG PA YIN TE, DPER NA SNAM BU'I 'KHAL BA DANG 'THAG PA DAG GI BYA BA LA SOGS PA RIG PA DANG LDAN PA'I RDZAS LA SOGS PA DAG LAS 'JIG PA BZHIN NO, ,JI SKAD DU REG PA DANG LDAN PA'I RDZAS DANG 'BREL PA DANG 'BRAS BU DANG 'GAL BA LAS 'JIG GO ZHES BSHAD PA LTA BU'O, ,DE BZHIN DU BLO NI BLO GZHAN GYIS 'JIG PA LA SGRA YANG SGRA GZHAN GYIS SO ZHES BYA BA NI GZHAN GYI LUGS YIN NO, ,DES NA 'DU BA YOD NA YANG GNAS PA'I RGYU LHAN CIG BYED PA'I RGYU GZHAN MED PA'I PHYIR DANG; 'GAL BA'I RKYEN DANG PHRAD PAS BUM PA LA SOGS PA RTAG PAR THAL BAR MI 'GYUR RO ZHES BYA BA NI GZHAN GYI BSAM PA'O, ,DE LTA MA YIN ZHES BYA BA LA SOGS PAS LEN 'DEBS PAR BYED PA YIN NO, ,'DI NI MI RIGS TE, 'DI LTAR GYO MO LA SOGS PA RANG RTZOM PAR BYED PA'I YAN LAG DE DAG RANG RTZOM PAR BYED PA'I YAN LAG GZHAN LA 'DU LA, DE DAG KYANG GZHAN DAG LA STE RDUL PHRA RAB KYI BAR DU 'DOD LA, RDUL PHRA RAB DE YANG RTAG PA'I PHYIR GZHAN DU 'GYUR BA YOD PA MA YIN NO, ,DE LTA YIN DANG THAMS CAD KYI RANG RTZOM PAR BYED PA'I YAN LAG RNAMS LA 'DU BA THAMS CAD DU YOD PA'I PHYIR 'JIG PA'AM BYE BAR GAL 'GYUR, KYANG GI SGRAS NI DE RTZOM PAR BYED PA'I RDZAS RNAMS 'BA' ZHIG TU MA ZAD BYA BA LA SOGS PA RNAMS KYANG YIN NO ZHES BSTAN TO, ,GAL TE RANG RTZOM PAR BYED PA'I YAN LAG RNAMS 'JIG PAR KHAS LEN NA DE'I TSE 'DU BA 'DI YANG NGES PAR 'JIG PAR 'GYUR TE, CI'I PHYIR ZHE NA, 'BREL PA CAN NI LDOG PA NA, ,ZHES BYA BA LA SOGS PA SMOS TE, 'DI NYID BSGRUB PAR BYA BA'I PHYIR 'BREL PA CAN NI ZHES BYA BA LA SOGS PA SMOS TE, DE LTA YIN DANG 'BREL PA CAN ZHIG PA'I PHYIR LDAN PA ZHIG PA BZHIN DU 'DU BA LA MI RTAG PA'O ZHES BSTAN PAR 'GYUR RO, ,YANG NA MA ZHIG PA'I

310b

LDAN PA'I RDZAS GNYIS BZHIN DU 'BREL PA MA ZHIG PA'I PHYIR 'BREL PA CAN RNAMS GNAS PAR 'GYUR RO, ,DE LTA MA YIN NA GNYIG YANG DE DANG 'BREL PA'I RANG BZHIN NYAMS PAR THAL BAR 'GYUR RO, ,'BREL PA CAN GCIG CES BYA BA LA SOGS PAS GZHAN DAG RTZOD PAR BYED DO, ,'DI SNYAM DU SEMS TE, GAL TE GTAN TSIGS DANG PO 'BREL PA CAN MTHA' DAG ZHIG PA'I PHYIR ZHES BYA BA GTAN TSIGS KYI DON DU 'DOD NA DE'I TSE GTAN TSIGS PHYOGS KYI PHYOGS GCIG LA MA GRUB STE, GANG DU YANG 'BREL PA CAN 'DI DAG 'JIG PA YOD PA MA YIN TE, 'JIG PA'I DUS NA YANG DUL PHRA RAB RNAMS LUS PA'I PHYIR RO, , CI STE JI ZHIG LTAR 'BREL PA ZHIG PA NYID SRID PA'I DBANG DU BYAS NAS GTAN TSIGS SU BRJOD NA DE'I TSE MA NGES PA YIN TE, GAL TE 'BREL PA CAN GCIG 'BA' ZHIG TU ZHIG PA DE LTA NA YANG 'BREL PA CAN GZHAN GYI RGYU MTSAN CAN 'DI'I GA NAS PAR 'GYUR RO, ,DE LTA NA TSUL 'DIS LDAN PA YANG RTAG PA NYID DU 'GYUR RO ZHES DOGS PAR BYAS NAS GZHAN DAG LEN 'DEBS PA NI LDAN MIN THA DAD PHYIR ZHES BYA BA SMOS TE, LDAN PA NI LDAN PA CAN SO SO LA THA DAD PA YIN TE, DES NA 'DI MI RTAG PA NYID DU RIGS KYI 'DU BA NI 'GRO BA 'DI LA ZHES BYA BA'I SHES PA'I RGYU MTSAN CAN THA MI DAD PA'I PHYIR GCIG KHO NA'O, , DES NA 'DI MI RTAG PA NYID DU MI RIGS TE, GZHAN DU YANG 'BREL PA CAN GZHAN LA DE DMIGS PA'I PHYIR RO, ,GAL TE DE LTAR ZHES BYA BA LA SOGS PAS LAN 'DEBS PAR BYED DE, 'DI LTAR GANG DAG RANG GI RGYU LA SOGS PA DANG 'DU BA'I BUM PA LA SOGS PA DE DAG ZHIG PA NA DE DAG NI RANG GI RGYU DAG LA 'GRUB PA'I BDAG NYID KYI 'DU BA 'DI BRTAGS PA DE NYID CI, DE DAG ZHIG PA NA 'BREL PA CAN GZHAN DAG LA YOD DAM 'ON TE DPER NA LDAN PA CAN SO SO LA LDAN PA CAN MANG PO THA DAD PA DE BZHIN DU GZHAN NYID YIN, SOGS PA'I SGRAS NI BYE BA BZUNG NGO, ,DE LA GAL TE PHYOGS DANG PO YIN NA DE'I TSE SNGAR GYI GNAS SKABS BZHIN DU 'JUG PA MA ZHIG PA'I PHYIR BUM PA LA SOGS PA GNAS PA KHO NAR 'GYUR LA, BUM PA LA SOGS PA DE DAG KYANG MI GNAS NA 'JUG PA MI GNAS PA'I PHYIR 'DU BA MI GNAS PAR 'GYUR TE, DE LTA MA YIN NA 'JUG PA'I BDAG NYID DU MI 'GYUR RO, ,

311a

, ,YANG NA DE LTA BUR GYUR PA'I RANG DBANG CAN PHAN MI 'DOGS PA LA 'DU BA 'JUG GO ZHES THA SNYAD 'DOGS NA MING TZAM DU 'GYUR GYI DE LTAR DNGOS PO YOD PA MA YIN NO, ,DE LTA NA ZHES BYA BA NI DE LA 'JUG PA'I BDAG NYID CAN ZHES BYA BA DE LTA YIN NA DE'I PHYIR MING TZAM NYID YIN GYI SKYON GANG YIN PA BRTAG PA NI DE'I PHYIR ZHES BYA BA LA SOGS PA'O, ,'BREL PA CAN ZHIG PA LAS SNGAR YANG 'BREL PA CAN MA ZHIG PA'I GNAS SKABS NA YANG ZHES BYA BA'I THA TSIG GO, ,BUM PA LA SOGS DE DAG RANG GI RTEN LA 'JUG PA'I 'DU BA DE YOD PA'I PHYIR TE, YOD PA'I STOBS KYIS 'GRUB PAR MI 'GYUR RO, ,PHYIS BZHIN TE, 'DU BA'I RGYU ZHIG PA BZHIN DU DON DAM PAR 'JUG PA MED PA'I PHYIR RO, ,'DI LTAR ZHES BYA BA LA SOGS PA GTAN TSIGS KYI DON STON PA YIN NO, ,CI STE GZHAN NYID YIN PA ZHES BYA BA'I PHYOGS GNYIS PA YIN NA DE'I TSE LDAN PA LA SOGS PA BZHIN 'DU BA MANG PO NYID DU 'GYUR TE, DE LTA YIN DANG 'DU BA THA DAD PA DANG LDAN PA MA YIN NO ZHES BYA BA 'DI'I KHAS BLANGS PA NYAMS PA YIN NO, ,DE LTA BU SOGS ZHES BYA BA LA SOGS PA'I SGRAS RGYU DON MED PA DANG, MNGON SUM LA SOGS PA DANG 'GAL BA DANG, DNGOS PO THAMS CAD RIM MA YIN PAR SKYE BA ZHES BYA BA LA SOGS PA'I NYES PA GZHAN GZUNG STE, 'DI LTAR RANG GI RGYU DANG 'DU BA'AM DAD PA DANG 'DU BA NI SKYE BAR BRJOD LA, 'DU BA YANG RTAG PA'I PHYIR GANG DU YANG 'BRAS BU SKYE BA LAS RGYU RNAMS NUS PA MED DO ZHES BYA BA NI RGYU DON MED PA'O, ,DE BZHIN DU LDAN PA NI LAS GANG YANG RUNG BA LAS SKYE BA DANG GNYI GA'I LAS LAS SKYE BA DANG, LDAN PA LAS SKYE BA YIN TE, DBANG PO DANG DON PHRAD PA LAS SKYES PA'I SHES PA ZHES BYA BA LA SOGS PA SKYE BAR STON PA'I MDO DANG 'GAL BA DANG, DE BZHIN DU MNGON SUM LA SOGS PAS RTOG PA'I RGYU S'A LU DANG MIG LA SOGS PA DANG 'GAL BA DANG, DE BZHIN DU 'DU BA'I MTSAN NYID KYI SKYE BA NI RTAG PA NYID KYIS RIM PA YOD PA MA YIN PA'I PHYIR DNGOS PO RNAMS RIM GYIS SKYE BAR MTHONG BA DANG 'GAL BA DANG, DE LTA YIN DANG SHES PA CIG CAR MI SKYE BA NI YID KYI RTAGS SO ZHES BYA BA'I RANG GI GRUB PA'I MTHA' DANG 'GAL BA DANG, SKYE BA RTAG PA'I PHYIR 'GRO BA LA PHAN GDAGS PAR BYA BA DANG PHAN 'DOGS PAR BYED PA MA YIN PAS BSTAN BCOS RTZOM PA DON MED DO ZHES BYA BA LA SOGS PA CHES MANG PO DAG

311b

GIS 'BREL PA MED PA STE, 'THAD PAR 'GYUR BA MA YIN NO, ,DE KHO NA NYID BSDUS PA'I DKA' 'GREL BAS 'DU BA'I TSIG GI DON BRTAG PA STE NYI SHU PA'O,, ,,SGRO BTAGS RNAM PA'I SGRA DANG SHES PA'I SPYOD YUL CAN, ,ZHES BYA BA BSGRUB PA'I DON DU SKABS DGOD PA'I PHYIR RO, ,GAL TE ZHES BYA BA LA SOGS PA SMOS TE; BSGRUB PA SGRA'I DON DU SMRA BA RNAMS KYI LTA BA NI DON DAM PA'I DNGOS PO NYID SGRA'I GZUNG BAR BYA BA STE, DES NA SGRA DAG GIS DNGOS SU SGRUB PA DANG DGAG PA DAG GIS DNGOS PO'I RANG BZHIN STON PAR BYED PA'I PHYIR SGRUB PA NYID SGRA'I DON NO ZHES BYA BA YIN NO, ,SEL BA SMRA BA RNAMS KYI LTA BA NI DON DAM PAR SGRA RNAMS KYI BRJOD PAR BYA BA DNGOS PO'I RANG GI NGO BO CUNG ZAD KYANG YOD PA MA YIN TE, THA MI DAD PA'I DON DAG LA THA DAD PA'I RNAM PAR ZHEN PAS 'JUG PA'I PHYIR SGRA LAS BYUNG BA'I SHES PA THAMS CAD NI 'KHRUL PA NYID YIN NO, ,'KHRUL PA NYID YIN NA YANG GANG DU BRGYUD PAS DNGOS PO DANG 'BREL PA DER DON LA MI SLU BA YIN NO ZHES BYA BA YIN NO; ,DE LA RNAM PAR RTOG PA'I BLOS DON THA MI DAD PA DAG LA SGRO BTAGS PA'I NGO BO GANG YIN PA DE NI GZHAN LAS LDOG PA'I DNGOS PO NYAMS SU MYONG BA'I STOBS KYIS 'ONGS PA'I PHYIR DANG, RANG NYID KYANG GZHAN LAS LDOG PA NYID DU SNANG BA'I PHYIR DANG, GZHAN LAS LDOG PAR BRJOD PA'I 'KHRUL PA DANG LHAN CIG GCIG NYID DU NGES PA'I PHYIR DANG, GZHAN SEL BA'I DNGOS PO RTOGS PA'I 'BRAS BU CAN YIN PA'I PHYIR GZHAN SEL ZHES BRJOD DO, ,DES NA SEL BA SGRA'I DON YIN NO ZHES BYA BAR GRUB PO, ,DE LA SGRUB PA SMRA BA RNAMS RTZOD PAR BYED DE, GAL TE KHYED CAG GI RDZAS DANG, YON TAN DANG, LAS DANG, SPYI DANG, BYE BRAG DANG, 'DU BA'I MTSAN NYID KYI KHYAD PAR DE BYE BRAG DAG DON DAM PAR SGRA 'JUG PA'I RGYU MTSAN DU YOD PA MA YIN NA, DE'I PHYIR JI LTAR 'JIG RTEN NA RDZAS LA SOGS PA'I KHYAD PAR GYI RGYU MTSAN DANG DBYIG PA CAN ZHES BYA BA LA SOGS PA'I BRJOD PA DANG YONGS SU RTOG PAR 'GYUR, 'DI LTAR 'JIG RTEN NA DBYIG PA CAN DANG RVA CAN ZHES BYA BA LA SOGS PA'I SGRA DANG BLO DAG RDZAS KYI KHYAD PAR CAN DU GRAGS LA, DKAR PO NAG PO ZHES BYA BA YON TAN GYI KHYAD PAR CAN DANG, G-YO'I 'KHOR RO ZHES BYA BA LAS KYI RGYU MTSAN CAN DANG, YOD DO SNANG NGO ZHES BYA BA YOD PA'I RGYU MTSAN DANG, BA LANG DANG, RTA DANG, GLANG

312a

, ,PO ZHES BYA BA SPYI DANG BYE BRAG GI KHYAD PAR CAN DANG, SNAL MA 'DI DAG LA SNAM BU ZHES BYA BA 'DU BA'I STOBS KYIS YIN TE, DE LA RDZAS LA SOGS PA 'DI DAG MED NA DBYIG PA CAN ZHES BYA BA LA SOGS PA'I SGRA DANG BLO DAG YUL MED PAR 'GYUR RO, ,SOGS PA SMOS PA RE RE DANG SBYAR BAR BYA STE, DES NA RE RE ZHING DBYIG PA CAN DANG RVA CAN ZHES BYA BA LA SOGS PA RIGS MTHUN PA'I SGRA BLO DAG GZUNG BA YIN NO, ,MTHA'I BYE BRAG NI RNAL 'BYOR PA RNAMS KHO NA'I GZUNG BAR BYA BA YIN PA'I PHYIR DE DAG NI SOGS PA'I SGRAS MI GZUNG NGO, ,DE DAG RGYU MTSAN MED PAR YANG MI RIGS TE, DE DAG THAMS CAD THAMS CAD KYI BYAD [*KHYAD?] PAR MED PAR 'JUG PAR THAL BAR 'GYUR BA'I PHYIR RO, ,DE DAG DBYE BA MED PAR 'JUG PA YANG MA YIN TE, DE LTA BAS NA RDZAS LA SOGS PA YOD DO ZHES BYA BA NI GZHAN GYI'O, ,SBYOR BA NI GANG DANG GANG PHAN TSUN MA 'CHOL BAR 'JUG PA DE DAG NI RGYU MTSAN DANG BCAS PA YIN TE, RNA BA LA SOGS PA'I SHES PA BZHIN NO, ,DBYIG PA CAN LA SOGS PA'I SGRA DANG SHES PA DAG KYANG 'CHOL BA MED PAR 'JUG PA YIN NO ZHES BYA BA NI RANG BZHIN GYI GTAN TSIGS SO, ,RGYU MTSAN MED PA NYID YIN NA THAMS CAD DU KHYAD PAR MED PAR 'JUG PAR THAL BAR 'GYUR BA NI GNOD PA CAN GYI TSAD MA'O, ,SMRAS PA ZHES BYA BA LA SOGS PAS LAN 'DEBS PAR BYED DE, DE LA GAL TE 'DI DAG DNGOS SU PHYI ROL GYI YUL DU GYUR PA'I RGYU MTSAN GYIS RGYU MTSAN DANG BCAS PA NYID DU SGRUB PAR 'DOD NA BSGRUB PAR BYA BA LAS BZLOG PA LA GNOD PAR BYED PA'I TSAD MA MED PA'I PHYIR GTAN TSIGS MA NGES PA YIN NO, ,CI STE GANG CI YANG RUNG BA'I RGYU MTSAN GYIS RGYU MTSAN DANG BCAS PA NYID DU 'DOD NA DE'I TSE GRUB PA LA SGRUB STE, 'DI LTAR KHO BO CAG GI 'DI DAG RGYU MTSAN GANG GI BRJOD PA'I BAG CHAGS SAD PAR 'DOD PA NYID YIN GYI, YUL DU 'GYUR BA NI MA YIN TE, 'KHRUL PA NYID KYIS SGRA LAS BYUNG BA'I SHES PA THAMS CAD YUL MED PA NYID YIN PA'I PHYIR RO, ,NAD TZAM LA GNAS ZHES BYA BA NI RNAM PAR SHES PA LA GNAS PA'I BAG CHAGS ZHES BYA BA'I THA TSIG GO, ,'DI DAG NYID LUNG GI KHUNGS KYIS BSTAN PA'I PHYIR SGRA RNAMS GANG DANG ZHES BYA BA LA SOGS PA SMOS TE, YUL DU GANG DANG GANG ZHES BYA BA NI RANG GI MTSAN NYID DANG SPYI LA SOGS PA'O, ,DE NI CHOS NYID YIN ZHES

312b

BYA BA NI DE'I RANG BZHIN YIN PA STE, DNGOS PO RNAMS KYI RANG BZHIN NI NGAG GI LAM THAMS CAD LAS 'DAS PA YIN NO ZHES BYA BA'I THA TSIG GO, ,JI SKAD DU, MING NI GANG DANG GANG GIS NI, ,CHOS NI GANG DANG GANG BRJOD PA, ,DE NI DE NA YOD PA MIN TE, ,DE NI DE RNAMS CHOS NYID YIN, ,ZHES GSUNGS SO, ,CI STE SGRA LAS BYUNG BA'I SHES PA 'KHRUL PA NYID DANG, YUL MED BDAG LA TSAD MA CI YOD CE NA, GANG THA DAD PA DAG LA THA MI DAD PAR ZHEN NAS 'JUG PA'I PHYIR SGRA LAS BYUNG BA'I SHES PA 'DI THAMS CAD 'KHRUL PA YIN NO ZHES PA 'DI LA KHO BO CAG GIS TSAD MA BSHAD ZIN TO, ,'DI LTAR GANG ZHIG YIN DE YIN PA LA DE'O SNYAM DU SHES PA DE NI 'KHRUL PA YIN TE, SMIG RGYU LA CHUR SHES PA LTA BU'O, ,DON THA DAD PA DAG LA THA MI DAD PAR ZHEN PA'I SGRA LAS BYUNG BA'I SHES PA 'DI YANG DE BZHIN NO ZHES BYA BA NI RANG BZHIN GYI GTAN TSIGS SO, ,GANG GIS GTAN TSIGS MA GRUB BO ZHES BYA BAR 'GYUR BA 'DI'I GZUNG BAR BYA BA SPYI DNGOS POR GYUR PA YOD PA YANG MA YIN TE, DE NI SNGAR RGYAS PAR BKAG ZIN PA'I PHYIR RO, ,YANG NA SPYI YOD DU CHUG MOD DE LTA NA YANG DE NI THA DAD PA DAG LAS DON GZHAN DU GYUR PA NYID YIN NA THA DAD PA DAG LA THA MI DAD PAR ZHEN PA NI 'KHRUL PA NYID YIN NO, ,DE DAG LDAN PA ZHES BYA BAR 'GYUR GYI GZHAN DANG GZHAN DU MTSUNGS PA NI RIGS PA MA YIN NO, ,SPYI DON GZHAN DU GYUR PA NYID MA YIN NA YANG DON DAM PAR SNA TSOGS PA THAMS CAD DNGOS PO GCIG YIN DU CHUG MOD, DE LA SPYI'I SHES PA NI 'KHRUL PA NYID YIN LA MTSUNGS PA'I SHES PA NI DNGOS PO GCIG GI YUL LA MA YIN TE, DE NI THA DA DPA'I 'DZIN PA SNGON DU 'GRO BA CAN YIN PA'I PHYIR RO, ,'KHRUL PA 'DI NYID DU GRUB PA NA YUL MED PAR YANG GRUB STE, RANG GI RNAM PA GTAN NAS SKYED PAR BYED PA'I DMIGS PA'I MTSAN NYID DU GYUR PA'I DON 'GA' YANG MED PA'I PHYIR RO, ,RNAM PA GCIG TU NA YUL MED PA NYID RNAM PA GZHAN DU BSGRUB PAR BYA STE, SGRA RNAMS GANG KHO NA LA BRDA BYAS PA DE KHO NA DE DAG GI YUL DU RIGS KYI GZHAN NI MA YIN TE, HA CANG THAL BAR 'GYUR BA'I PHYIR RO, ,'DI DAG DNGOS PO 'GA' ZHIG LA DON DAM PAR BRDA YANG DAG YOD PA MA YIN PAS DE'I PHYIR BLO DANG SGRA NI YUL MED PA YIN NO, ,SBYOR BA NI GANG ZHIG GANG LA DNGOS SU BRDA MA BYAS PA DE DAG

313a

, ,NI DON DAM PAR DE BRJOD PA MA YIN TE, NOG LA SOGS BA DANG LDAN PA'I GONG BU LA RTA'I SGRAS BRDA MA BYAS PA BZHIN NO, ,YANG DAG PAR DNGOS PO THAMS CAD LA SGRA THAMS CAD BRDA BYAS PA MA YIN NO ZHES BYA BA NI KHYAB PAR BYED PA MI DMIGS PA STE, BRDA BYAS PA NYID RJOD PAR BYED PA LA KHYAB PA'I PHYIR LA DE 'DI LA MED DO, ,GTAN TSIGS 'DI MA GRUB PA YANG MA YIN NO ZHES BSTAN PA'I PHYIR GANG PHYIR ZHES BYA BA LA SOGS PA SMOS TE, 'DI LTAR BRDA BZUNG BA'I DNGOS PO SGRA'I DON NYID DU RNAM PAR 'JOG PA NA RES 'GA' RANG GI MTSAN NYID DE THUN MONG MA YIN PA'AM, RIGS SAM, DE 'BREL TE RIGS DE DANG 'BREL PA'AM, RIGS DANG LDAN PA'I DNGOS PO PA'AM, BLO'I RNAM PA ZHIG RNAM PAR 'JOG PAR BYED CES BRTAG GRANG, DE LA THAMS CAD LA BRDA MI SRID PA'I PHYIR SGRA'I DON NYID DU MI RIGS SO, ,DE NYID DU ZHES BYA BA 'DIS NI KUN RDZOB PA'I SGRA'I DON MA BKAG PAR BSTAN PA YIN TE, DE'I PHYIR RANG GI TSIG DANG 'GAL BAR MI 'GYUR RO, ,DE LTA MA YIN NA DAM BCA' BA RANG GI TSIG DANG 'GAL BAR 'GYUR TE, 'DI LTA RANG GI MTSAN NYID LA SOGS PA 'DI DAG SGRAS BSTAN NAS 'DI DAG SGRA'I DON MA YIN PA NYID DU BSTAN PAR MI NUS TE, DE BSTAN PAR 'DOD NAS SGRAS RANG GI MTSAN NYID LA SOGS PA STON PA NI 'DI DAG SGRA'I DON NYID DU KHAS BLANGS PAR 'GYUR LA, YANG DAM BCA' BA DE NYID 'GEGS PA'I PHYIR RANG GI TSIG DANG 'GAL LO, ,'DIS NI 'DO BYED PAS, SGRA RNAMS RJOD BYED MA YIN NA, ,DAM BCA' GTAN TSIGS 'GAL BA YIN, ,ZHES GANG SMRAS PA DE YANG GSAL BA YIN NO, ,KHO BO CAG NI RNAM PA THAMS CAD DU SKRA'I DON LA SKUR PA 'DEBS PAR MI BYED DE, DE NI GNAG RDZI'I BAR LA SHIN TU GRAGS PA'I PHYIR RO, ,'ON KYANG DE LA GZHAN GYI SGRO BTAGS PA DE KHO NA NYID DU YOD PA'I CHOS GANG YIN PA DE 'GEGS PAR BYED KYI CHOS CAN MA YIN NO, ,DE LA RE ZHIG RANG GI MTSAN NYID LA BRDA MED PAR BSTAN PA'I PHYIR SGRA'I DON MA YIN PA NYID BSTAN PA'I DON DU DE LA ZHES BYA BA LA SOGS PA SMOS SO, ,RE ZHIG SGRA RNAMS KYIS, RANG GI MTSAN NYID RJOD PA MIN, ,ZHES BYA BA NI DE LA BRDA BYAS PA MED PA'I PHYIR RO SNYAM DU BSAMS PA'O, ,JI LTAR BRDA MED PA YIN ZHE NA, BRDA DANG ZHES BYA BA LA SOGS PA SMOS TE, BRDA DANG THA SNYAD DAG TU PHYIN PA STE

313b

THOB PA'I DUS GANG YIN PA DER KHYAB PA STE, KHYAB PAR BYED PA DE DANG BRAL BA'I RGYU'I PHYIR RANG GI MTSAN NYID DE LA BRDA MED DO ZHES BYA BA LHAG MA'O, ,'DI SKAD DU BSTAN PA YIN TE, BRDA NI THA SNYAD KYI DON DU BYED KYI ZHEN PAS NI MA YIN NO, ,DES NA GANG KHO NA'I BRDA DANG THA SNYAD DU PHYIN PA'I DUS SU KHYAB PA NYID YOD LA DE KHO NA LA THA SNYAD 'DOGS PA PO RNAMS BRDA BYED PAR RIGS KYI GZHAN DU NI MA YIN NO, ,RANG GI MTSAN NYID LA NI BRDA DANG THA SNYAD DU PHYIN PA'I DUS SU KHYAB PAR BYED PA NYID YOD PA MA YIN TE, DE LTA BAS NA DE LA BRDA BYED PA MA YIN NO, ,YANG CI'I PHYIR RANG GI MTSAN NYID LA BRDA DANG THA SNYAD DU PHYIN PA'I DUS SU KHYAB PAR BYED PA NYID MED CE NA, YUL DUS ZHES BYA BA LA SOGS PA SMOS TE, YUL LA SOGS PA THA DAD PAS KHRA BO LA SOGS PA'I GSAL BA THA DAD PA PHAN TSUN SHIN TU LDOG PA'I LUS CAN 'DI DAG NI PHAN TSUN RJES SU 'JUG PA MA YIN TE, DE LA GCIG LA BRDA BYAS PA'I SKYES BUS GZHAN LA THA SNYAD DU BYED PAR MI 'GYUR RO, ,SNANG BA LA SOGS PA ZHES BYA BA LA SOGS PA'I SGRAS KHA DOG DBYIBS DANG SKAD CIG MA NYID LA SOGS PA GZUNG NGO, ,THA SNYAD MTHONG BA MA YIN ZHES BYA BA NI DES NA DE LA BRDA MED PA'I PHYIR GTAN TSIGS MA GRUB PA MA YIN NO SNYAM DU BSAMS PA'O, ,MA NGES PA YANG MA YIN NO ZHES BSTEN PA'I PHYIR, BRDA MA BZUNG BA ZHES BYA BA LA SOGS PA SMOS TE, GANG LA BRDA GZUNG BA DE LA DE SKAD CES BYA LA, BRDA GZUNG BA MED PA DE NI BRDA MA BZUNG BA'O, ,SGRA LAS ZHES BYA BA NI MING LAS SO, ,GZHAN DU ZHES BYA BA NI RIGS MI 'DRA BA'I DON BZHIN NO, ,'DI SKAD DU BSTAN PA YIN TE, GAL TE SGRAS BRDA MA BZUNG BA'I DON STON PAR BYED NA DE'I TSE BA LANG GI SGRA YANG BRDA STON PAR BYED PAR 'GYUR LA, BRDA BYED PA YANG DON MED PA NYID DU 'GYUR RO, ,DE LTA BAS NA HA CANG THAL BAR 'GYUR BA NI GNOD PAR BYED PA'I TSAD MA YIN PA'I PHYIR KHYAB PA GRUB PO, ,BRDA MA BYAS PA NYID LA SOGS PA'I GTAN TSIGS 'DI NYID SLOB DPON PHYOGS KYI GLANG POS, SGRA YIS THA DAD NAM YANG NI, ,BRJOD PA MA YIN MTHA' MED PHYIR, ,ZHES BYA BA 'DIS BSTAN TE, 'DI LTAR MTHA' MED PA'I PHYIR ZHES BYA BA 'DIS BRDA MED PA NYID BSTAN TO, ,DES NA 'OD BYED PAS, GAL TE SGRA PHYOGS SU BYED NA DE'I TSE

314a

, ,MTHA' MED PA'I PHYIR ZHES BYA BA 'DI DNGOS PO'I CHOS YIN PA'I PHYIR GZHI THA DAD PA'I GTAN TSIGS YIN NO, ,'ON TE THA DAD PA RNAMS NYID PHYOGS SU BYED NA DE'I TSE RJES SU 'GRO BA CAN DANG LDOG PA CAN GYI DPE YOD PA MA YIN PA'I PHYIR MTHA' MED PA GTAN TSIGS MA YIN NO ZHES GANG SMRAS PA DE YANG BSAL BA YIN NO, ,YANG DE NYID KYIS SMRAS PA DAG GI LTAR NA KHYAD PAR MED PA'I THA DAD PA RNAMS SGRA DAG GIS RJOD PAR BYED PA DE'I LTAR NA NYES PA 'DI YIN GYI, KHO BO CAG NI YOD PA'I KHYAD PAR GYIS RDZAS DANG YON TAN DANG LAS RNAMS BRJOD PA YIN TE, 'DI LTAR GANG DANG GANG NA YOD PA LA SOGS PA'I SPYI MTHONG BA DE DANG DER YOD PA LA SOGS PA'I SGRA SBYOR LA, YOD PA LA SOGS PA'I SPYI NI GCIG NYID YIN TE, DE'I PHYIR SPYIS MTSON PA'I DON DAG LA BRDA BYED PA SRID PA'I PHYIR MTHA' MED PA RGYU MA YIN NO ZHES BYA BA DE YANG DAG PA MA YIN TE, YOD PA LA SOGS PA DNGOS POR GYUR PA'I SPYI DE DAG LAS THA DAD PA'AM THA MI DAD PA YIN NO ZHES BYA BA 'DI BSGRUBS ZIN TO, ,YANG NA SPYI YOD DU CHUG MONG DE LTA NA YANG THA DAD PA GCIG LA SPYI DU MA YOD PA'I PHYIR YOD PA LA SOGS PA'I SGRA MA 'CHOL BAR SBYOR BAR MI 'GYUR RO, ,YOD PA LA SOGS PA SGRAS MA BSTAN PAR YOD PA LA SOGS PA DES THA DAD PA GZHAN MTSON PAR BYA BA'I PHYIR BRDA BYED PAR NUS PA YANG MA YIN LA, BRDA MA BYAS PA'I YOD PA LA SOGS PA LA SGRA 'JUG PA YOD PA YANG MA YIN TE, DE LTA YIN DANG PHAN TSUN BSTEN PA'I SKYON DU 'GYUR RO, ,CI STE YANG RTOG PA PO RJES SU 'GRO BA DANG LDOG PA DAG LAS RANG NYID THA SNYAD DU BYED PA DMIGS PA'I PHYIR YOD PA LA SOGS PA'I SGRA DAG GIS BRDA STON PAR BYED DO SNYAM NA, DE YANG YANG DAG PA MA YIN TE, MTHA' MED PA THA DAD PA'I YUL CAN GYI THA SNYAD MA LUS PA 'GA' ZHIG DMIGS PAR 'GYUR BA NI MA YIN NO, ,GCIG GI TSE YOD PA LA SOGS PA DANG LDAN PA'I THA DAD PA DAG LA LAN CIG MA YIN PAR THA SNYAD DMIGS NAS DE'I RIGS CAN MA MTHONG BA DAG LA YANG SGRA DE SBYOR BAR BYED PA YIN NO ZHE NA MA YIN TE, MA MTHONG BA'I PHYIR RO, ,MA MTHONG BA'I 'DAS PA LA SOGS PA'I BYE BRAG GIS THA DAD PA MTHA' YAS PA'I THA DAD PA DAG LA BRDA SRID PA MA YIN TE, HA CANG THAL BAR 'GYUR BA'I PHYIR RO,,

314b

RNAM PAR RTOG PA'I BLOS SGRO BTAGS PA DAG LA STON PAR BYED DO ZHE NA, 'O NA DE LTA NA RNAM PAR RTOG PAS SGRO BTAGS PA'I DON GYI YUL NYID LA SGRA SBYOR GYI DON DAM PAR THA DAD PA DAG LA MA YIN NO ZHES BYA BA THOB STE, 'DI LTAR 'DAS PA DANG MA 'ONGS PA DAG GIS MED PAS MI NYE BA NYID KYI PHYIR DE LA RNAM PAR RTOG PA'I BLOR 'GYUR BA NI YUL MED PA NYID YIN PA'I PHYIR ZHES SGRO BTAGS PA NI MED PA NYID YIN NO, ,DE LTA YIN DANG DE LA BRDA MED PA'I PHYIR JI LTAR DON DAM PA DNGOS POR GYUR PA YIN TE, SPROS PAS CHOG GO, ,MTHUN PA'I PHYOGS LA YOD PA'I PHYIR GTAN TSIGS 'GAL BA YANG MA YIN PA'I PHYIR SGRA RNAMS KYI YUL RANG GI MTSAN NYID MA YIN PAR GRUB PO, ,'DI SNYAM DU GANG DAG RI GANGS CAN LA SOGS PA'I DNGOS PO DE DAG BSTAN PA DANG GCIG PU'I NGO BO YIN PA'I PHYIR YUL DANG DUS LA SOGS PA'I THA DAD PA SRID PA MA YIN TE, DE'I PHYIR BRDA DANG THA SNYAD PHYIN PA'I DUS SU KHYAB PA'I PHYIR DE LA BRDA SRID PAS DE'I PHYIR GTAN TSIGS PHYOGS KYI PHYOGS GCIG LA MA GRUB PA YIN NO SNYAM DU SEMS NA, GANG YANG GANGS RI ZHES BYA BA LA SOGS PA SMOS TE, SOGS PA'I SGRAS NI RI MA LA YA LA SOGS PA GZUNG NGO, ,GANG GI PHYIR 'DI DAG NI RDUL PHRA RAB TU MA TSOGS PA'I RANG BZHIN YIN TE, DE'I PHYIR 'DI DAG GI YAN LAG MA LUS PA BZUNG BAS BRDA BYED PA YOD PA MA YIN LA, SKYES MA THAG TU 'JIG PA YANG BSGRUBS ZIN TE, DES NA DE DAG LA YANG BRDA'I DUS SU MTHONG BA THA SNYAD KYI DUS SU RJES SU 'GRO BA YOD PA MA YIN PA'I PHYIR GTAN TSIGS MA GRUB PA YIN NO, ,DE LTAR RE ZHIG RANG GI MTSAN NYID LA THA SNYAD MI 'THAD PAS BRDA DON MED PAR THAL BAR 'GYUR BA'I PHYIR BRDA MI SRID DO ZHES BSTAN NAS, DE NI BRDA BYA BAR MI NUS PA'I PHYIR MI SRID DO ZHES BSTAN PA'I PHYIR, RANG GI MTSAN NYID 'DI DAG KUN ZHES BYA BA LA SOGS PA SMOS TE, DNGOS PO THAMS CAD SKYES MA THAG TU 'JIG PA NI SNGAR BSGRUBS ZIN TE, DE DAG LA BRDA BYED PA NA RES 'GA' MA SKYES PA LA BYED PA'AM SKYES PA DAG LA BYED, DE LA RE ZHIG MA SKYES PA RNAMS LA BRDA RIGS PA MA YIN TE, MED PA NI SHES PA DANG BRJOD PA THAMS CAD DANG BRAL BA NYID KYIS GZHIR MI 'THAD PA'I PHYIR RO, ,YANG DAG PA SMOS PA NI KUN RDZOB PA DGAG PA'I DON DU STE, DES NA BUM PA LA SOGS PA MA SKYES PA LA YANG

315a

, ,BRDA MTHONG BA'I PHYIR MTHONG BA DANG 'GAL BA MA YIN TE, DE'I YUL NI RNAM PAR RTOG PAS SPRUL PA'I DON NYID YIN PAS MED PA YIN PA'I PHYIR RO, ,RTA'I RVA BZHIN NO ZHES BYA BA NI BDUN PA'I MTHA' CAN GYI 'DRA BA YIN NO, ,SKYES PA LA YANG BRDA RIGS PA MA YIN TE, 'DI LTAR NYAMS SU MYONG BA SKYES PHA DE LA DE SNGON DU 'GRO BA CAN GYI MING NI KHYAD PAR DRAN PA NA BRDA BYED KYI GZHAN DU NI MA YIN TE, HA CANG THAL BAR 'GYUR BA'I PHYIR RO, ,DE LTA YIN DANG MING GI KHYAD PAR DRAN PA'I DUS NA SKAD CIG 'JIG PA NYID KYIS RANG GI MTSAN NYID 'GAGS NAS RING DU LON PA'I PHYIR MA SKYES PA BZHIN DU DNGOS PO SKYES PA RNAMS LA YANG BRDA YOD PA MA YIN TE, BRDA BYED PA'I DUS NA YANG GNYI GA YANG MI NYE BA'I PHYIR RO, ,'DI LTAR RE ZHIG NYAMS SU MYONG BA'I GNAS SKABS NA YANG DE'I RGYU YIN BA NYID KYIS RANG GI MTSAN NYID SKAD CIG MA NYE BA YOD PA CAN DU MI 'GYUR NA, NYAMS SU MYONG BA'I DUS PHYIS 'BYUNG BA'I MING GI BYE BRAG GZO BA DANG DRAN PA SKYE BA'I DUS NA 'BYUNG BAR 'GYUR BA LTA SMOS KYANG CI DGOS, CI STE YANG DE'I NUS PA'I MTHU LAS BYUNG BA DE'I RIGS CAN BRDA BYED PA'I DUS NA 'BYUNG BA'I SKAD CIG MA LA BRDA BYED PAR 'GYUR RO SNYAM NA, DE'I PHYIR GANG YANG ZHES BYA BA LA SOGS PA SMOS TE, GAL TE YANG BRDA BYED PA'I DUS NA NYE BA'I SKAD CIG GZHAN YOD PA DE LTA NA YANG BRDA GZO BA MI SRID PA'I PHYIR BRDA MI RIGS TE, 'DI LTAR RTA DMIGS NA DE'I MING DRANG BA'I RIM PA SNGON DU 'GRO BA CAN GYI BRDA BYED PA NA DE'I DUS NA NYE BA'I BA LANG LA SOGS PA LA GZO BA'I YUL DU BYAS NAS BRDA BYED PA 'GA' ZHIG RTA'O ZHES BRDA BYED PA NI MA YIN NO, ,CI STE YANG RANG GI MTSAN NYID KYI SKAD CIG THAMS CAD 'DRA BA YIN TE, DES NA GCIG NYID DU ZHEN PAR BYAS NAS BRDA BYED PAR 'GYUR SNYAM NA, DE'I PHYIR, 'DRA BA NYID KYANG BRTAGS PA YIN, ,ZHES BYA BA SMOS TE, 'DRA BA NI RNAM PAR RTOG PA'I BLOS SGRO BTAGS PA YIN TE, DE SGRA RNAMS KYIS STON NA RANG GI MTSAN NYID BRJOD PAR BYA BA MA YIN PA NYID DU 'GYUR RO, ,DE'I PHYIR DE LTAR RANG GI MTSAN NYID LA BRDA SRID PA MA YIN NO, ,SGRA RANG GI MTSAN NYID KYI BRDA YANG YOD PA MA YIN TE, DE LTAR BRDA BYED PAS GZHAN PA NYID KYI MING GI KHYAD PAR DON LA SBYOR BAR BYED LA, DON DAM PAS DRAN PAS NYAMS SU MYONG BA NYID KYI

315b

BRJOD PAR 'JIG PAR NUS PA YANG MA YIN TE, DE 'GAGS NAS RING DU LON PA'I PHYIR RO, ,GANG YANG BRJOD PA DE NI SNGAR NYAMS SU MYONG BA'I PHYIR DE DRAN PA MA YIN LA, YUL DU MA BYAS PA DES 'DZIN PAR NUS PA YANG MA YIN TE, DES NA DRAN PAS GZHAG PA'I RNAM PAR RTOG PA'I RGYU MTSAN GYIS MTSAMS SBYOR BA RNAMS NI RANG GI MTSAN NYID MA YIN PA NYID KYI PHYIR RANG GI MTSAN NYID KYI BRDA MA YIN NO, ,DE LTA BAS NA RANG GI MTSAN NYID NI BSTAN PAR BYA BA MA YIN NO ZHES BYA BAR GRUB PO, ,RANG GI MTSAN NYID BRJOD PAR BYA BA MA YIN PA 'DI NYID BSGRUB PAR BYA BA'I PHYIR TSAD MA GZHAN BSHAD PA NI DRO BA LA SOGS ZHES BYA BA LA SOGS PA'O, ,JI LTAR DRO BA LA SOGS PA'I DON GYI YUL CAN GYI DBANG PO GSAL BAR SNANG BAR RIG PA DE BZHIN DU DRO BA LA SOGS PA'I SGRA LAS BYUNG BA NI MA YIN NO, ,JI LTAR MIG LA SOGS PA MA NYAMS PA'I DBANG PO'I BLO DAG GIS NYAMS SU MYONG BA BZHIN DU MIG DANG LCE DANG SNA LA SOGS PA NYAMS PAS MA TU LUNG GA LA SOGS PA'I SGRA THOS PA LAS GZUGS DANG RO LA SOGS PA NYAMS SU MYONG BAR 'GYUR BA MA YIN NO, ,JI SKAD DU, ME DANG 'BREL PAS BSREG BYA BA, ,TSIG PAR SHES PA GZHAN YIN LA, ,TSIG PA'I SGRA YIS TSIG PA'I DON, ,YANG DAG GSAL BA GZHAN YIN NO, ,ZHES BSHAD BLTA BU'O, ,DE YI DON CAN DBANG SHES BZHIN, ,ZHES BYA BA NI CHOS MI MTHUN PA'I DPE YIN NO, ,DRO BA LA SOGS PA'I DON GYI YUL DE GANG LA YOD PA DE LA DE SKAD CES BYA LA, 'DI NI DE'I DON YANG YIN LA DBANG PO'I SHES PA YANG YIN NO ZHES TSIG RNAM PAR SBYAR RO, ,GAL TE DE DE LTA BU MA YIN PA DE LTA NA YANG CI'I PHYIR SGRA'I DON RANG GI MTSAN NYID DU MI 'GYUR ZHE NA, GANG ZHIG DES BYAS ZHES BYA BA LA SOGS PA SMOS TE, SBYOR BA NI GANG ZHIG GANG GIS BYAS PA'I SHES PA LA MI SNANG BA DE NI DE'I DON MA YIN TE, GZUGS KYI SGRAS BSKYED PA'I SHES PA LA RO BZHIN NO, ,SGRA LAS BYUNG BA'I SHES PA LA YANG RANG GI MTSAN NYID MI SNANG NGO ZHES BYA BA NI KHYAB PAR BYED PA MI DMIGS PA'O, ,'DIR YANG HA CANG THAL BAR 'GYUR BA NI GNOD PA CAN GYI TSAD MA STE, 'DI LTAR SGRA DES RJOD PAR BYED PA NYID NI YUL CAN GYI SHES PA SKYED PA NYID LA BRJOD KYI GZHAN NI MA YIN NO, ,RNAM PAR SHES PA GANG ZHIG GANG GI RNAM PAS STONG PA DE NI DE'I YUL

316a

, ,CAN DU RIGS PA MA YIN TE, HA CANG THAL BAR 'GYUR BA'I PHYIR RO, ,GANG GIS MI GSAL BA DNGOS POR GTOGS PA NYID KYI NGO BO'I SGRA RNAMS RJOD PAR BYED DO ZHES BYA BAR 'GYUR BA DNGOS PO GCIG LA GSAL BA DANG MI GSAL BA'I NGO BO GNYIS YOD PA NI MA YIN TE, GCIG LA GNYIS KYIS 'GAL BA'I PHYIR RO, ,GZHUNG LUGS THA DAD PA LA GNAS PA RNAMS KYANG, PHAN TSUN 'GAL BA'I RANG BZHIN DU BSGRUB PA'I PHYIR RO, ,RIGS PA CAN RNAMS NI GSAL BA DANG RNAM PA DANG RIGS RNAMS KYI TSIG GI DON NO ZHES SMRA STE, TSIG GI DON NI TSIG GI DON TE SGRA'I DON ZHES BYA BA'I THA TSIG GO, ,DE LA GSAL BA'I SGRAS NI RDZAS DANG, YON TAN GYI KHYAD PAR DANG, LAS RNAMS BRJOD DO, ,DE SKAD DU YANG MDO LAS YON TAN GYI KHYAD PAR GYI RTEN GYI LUS CAN NI GSAL BA'O ZHES 'BYUNG NGO, ,RE ZHIG 'DI'I DON RNAM 'GREL BYED PA'I LUGS KYI BRJOD PA, KHYAD PAR DU BYED PAS KHYAD PAR CAN LA YON TAN DAG LAS KHYAD PAR NI YON TAN GYI KHYAD PAR TE LAS LA BRJOD DO, ,KHYAD PAR GYI LUS KYI RTEN NI LUS CAN GCIG BSDUS PA BYAS PAS 'DI LA YON TAN GYI KHYAD PAR GYI SGRA GNYIS PA YANG BSTAN TE, DES NA YON TAN GYI TSIG DON GZUNG NGO, ,DE DAG NI YON TAN YANG YIN PAS YON TAN GYI PHYIR KHYAD PAR RO, ,KHYAD PAR SMOS PA NI RNAM PAR GSAL BA'I DON DU STE, 'DI LTAR RNAM PA NI LDAN PA'I KHYAD PAR GYI RANG BZHIN YIN PAS, ,LDAN PA YANG YON TAN GYI TSIG GI DON GYI KHONGS SU 'DU STE, DE LTA YIN DANG KHYAD PAR MA SMOS PA RNAM PA YANG BZUNG BAR 'GYUR RO, ,DE'I GSAL PA'I KHONGS SU 'DU BAR MI 'DOD DE, DE NI SGRAS LOGS SHIG TU GZUNG BA'I PHYIR RO, ,RTEN GYI SGRAS NI RDZAS BRJOD DE, YON TAN GYI KHYAD PAR DE DAG GI RTEN NI DE'I RTEN TE RDZAS ZHES BYA BA'I DON TO, ,'DIR NI DE'I SGRA MI MNGON PAR BYAS NAS BSTAN TO, ,'DI LTAR TSIG RNAM PAR SBYAR BAR BYA STE, YON TAN GYI KHYAD PAR RNAMS ZHES BYA BA YON TAN KHYAD PAR DAG STE, YON TAN GYI KHYAD PAR DAG DANG DE'I RTEN NI YON TAN GYI KHYAD BAR GYI RTEN NO, ,'DI NI GCIG TU BSDUS PA'I ZLAS DBYE BA STE, RTAGS NI 'JIG RTEN LA BRTEN PAS DE'I PHYIR MA NING GI RTAGS SU MA BSTAN TO, ,DES NA DON NI 'DI YIN TE GZHI YON TAN KHYAD PAR LA BRTEN PA NI

316b

GSAL BA DANG LUS CAN ZHES BYA BAR YANG BRJOD DE, DE LA GANG GI TSE RDZAS LA LUS CAN GYI SGRA YIN PA DE'I TSE GNAS BZHI BSGRUB PAR BLTA BAR BYA STE, 'DI LA YAN LAG GSAL BAS LUS CAN NO, ,GANG GI TSE GZUGS LA SOGS PA LA YIN PA DE'I TSE BYED PA PO SGRUB PA YIN TE, RDZAS LA 'JUG PA STE 'DU BAS GZUGS LA SOGS PA LUS CAN NO, ,LUS CAN GYI SGRA RDZAS LA LAS SU SGRUB PA YIN LA, GZUGS LA SOGS PA LA BYED PA SGRUB PA YIN NO, ,BSHAD PAR BYED PA'I LUGS KYIS MDO'I DON JI LTAR THOS PA BZHIN DU YIN TE, YON TAN GYI KHYAD PAR RNAMS KYI RTEN RDZAS NYID GSAL BA DANG LUS CAN YIN NO ZHES DE 'DOD DE, JI SKAD DU YON TAN GYI KHYAD PAR GZUGS DANG, RO DANG, DRI DANG, REG PA DANG, LCI BA DANG, GSHER BA NYID DANG, MKHRANG BA NYID DANG, 'DUS BYAS BA RNAMS DANG, KHYAB PA'I TSAD RNAMS KYI KHYAD PAR GYI RTEN NI JI LTAR SRID PAR DE'I RDZAS YIN LA; YAN LAG GSAL PA'I PHYIR LUS CAN ZHES BYA'O, ,RNAM PA'I SGRAS SROG CHAGS KYI YAN LAG LA SOGS PA'I CHA SHAS SOR MO LA SOGS PA'I LDAN PA BRJOD DE, DE SKAD DU YANG MDO LAS, RNAM PA NI RIGS KYI RTAGS SU BRJOD CES 'BYUNG NGO, ,'DI'I BSHAD PA NI GANG GIS RIGS DANG RIGS KYI RTAGS SU BRJOD PA NI RNAM PAR RIG PAR BYA STE, DE YANG SEMS CAN GYI YAN LAG RNAMS DANG, DE'I SHAS RNAMS KYI BKOD PA NGES PA LAS GZHAN MA YIN NO, ,BKOD PA'I SGRAS NI LDAN PA'I KHYAD PAR BRJOD CES NGES PA SMOS PAS BCOS MA'I LDAN PA BSAL TE, DE LA RIGS KYI RTAGS NI SROG CHAGS KYI YAN LAG NI MGO BO DANG LAG PA LA SOGS PA STE, DE DAG GIS BA LANG NYID LA SOGS PA'I MTSAN NYID KYI RIGS MTSON NO, ,RNAM PA NI RES 'GA' DNGOS SU RIGS GSAL BAR BYED DE, GANG GI TSE MGO BO DANG LAG PA LA SOGS PA'I GNAS LUGS MTHONG BA LAS BA LANG NYID GSAL BA NA'O, ,RES 'GA' NI RIGS KYI RTAGS TE, GANG GI TSE RVA LA SOGS PA'I YAN LAG SO SO BA'I CHA SHAS KYI GNAS LUGS KYI GSAL BA RNAMS KYIS BA LANG NYID LA SOGS PA GSAL BA KHO NA'O, ,DES NA RNAM PA NI RIGS DANG RTAGS GSAL BAR BYED PA YIN NO, ,RIGS

317a

, ,KYI SGRAS NI THA MI DAD PAR BRJOD PA DANG SHES PA SKYE BA'I RGYU MTSAN GYI SPYI BRJOD PA YIN TE, DE SKAD DU YANG MDO LAS, MTSUNGS PA SKYE BA'I BDAG NYID CAN NI RIGS YIN NO ZHES 'BYUNG STE, MTSUNGS PA'I SHES PA SKYE BA'I RGYU NI RIGS YIN NO ZHES BYA BA'I DON TO, ,DE LA GSAL BA DANG RNAM PA DAG NI RANG GI MTSAN NYID SGRA'I DON YIN PA GSAL BA 'DI GNYIS KYI SGRA'I DON YIN PA GSAL BAR RTOGS PAR BYA'O ZHES BSTAN PA'I PHYIR RNAM PA 'DI DAG NYID KYIS NI ZHES BYA BA LA SOGS PA SMOS TE, RIGS KYANG PHYIS SEL BAR 'GYUR RO SNYAM DU DGONGS PA'O, ,GSAL ZHES BYA BA NI SGRA'I DON NYID YIN PA ZHES BYA BA LHAG MA'O, ,CI'I PHYIR ZHE NA, GANG PHYIR ZHES BYA BA LA SOGS PA SMOS TE, DE DAG CES BYA BA NI GSAL BA DANG RNAM PA DAG GO, ,DES NA JI LTAR RANG GI MTSAN NYID LA BRDA MA BYAS PA'I PHYIR SGRA'I DON MA YIN PA DE DAG KYANG YIN PAS DE'I PHYIR BRDA MA BYAS PA'I PHYIR ZHES BYA BA'I GTAN TSIGS 'DI MA GRUB PA YIN ZHING MA NGES PA YANG MA YIN NO SNYAM DU BSAMS PA YIN NO, ,GZHAN YANG GSAL BA'I RDZAS DANG YON TAN GYI KHYAD PAR DANG LAS KYI MTSAN NYID YIN LA RNAM PA YANG LDAN PA'I BDAG NYID YIN TE, RDZAS LA SOGS PA 'DI DAG KYANG NYID DU BKAG ZIN PAS NA 'DI LAS KYANG 'DI DAG MED PA'I PHYIR YANG DAG PAR SGRA'I DON NYID DU RIGS PA MA YIN NO ZHES STON PA NI, RDZAS LA SOGS PA ZHES BYA BA LA SOGS PA'O, ,DE LTAR RE ZHIG DANG GI MTSAN NYID LA BRDA MI SRID PAR BSTAN NAS, RIGS LA SOGS PA GSUM LA BRDA MI SRID PAR BSTAN PA'I PHYIR RIGS DANG 'BREL PA DAG NI ZHES BYA BA LA SOGS PA SMOS TE, DE'I 'OG CES BYA BA NI RANG GI MTSAN NYID KYI 'OG TU BSHAD PA STE, RIGS DANG DE DANG 'BREL PA DANG, ,ZHES BYA BA'O, ,RIGS DANG LDAN PA MI SRID PA'I PHYIR DE DANG LDAN PA YANG MI SRID PA YIN TE, DE'I THA SNYAD NI DE DAG GIS BYAS PA'I PHYIR RO, ,DE DANG LDAN PA YANG RANG GI MTSAN NYID KYI BDAG NYID YIN PA'I PHYIR DE'I PHYOGS LA 'BYUNG BA'I SKYON MTSUNGS PA KHO NA'O SNYAM DU BSAMS PA YIN NO, ,TZAM PA'I BU NI RIGS SGRA'I DON YIN NO ZHES ZER ZHING, BYA CHEN GYI BU'I RDZAS YIN NO ZHES ZER LA, DRANG SRONG BA NI GNYI GA'O, ,ZHES ZER BA DE YANG 'DI NYID KYIS BSAL BA YIN NO, ,RIGS MI RUNG BA'I PHYIR DANG, RDZAS KYANG RANG GI MTSAN

317b

NYID KYI BDAG NYID YIN PA'I PHYIR DE'I PHYOGS LA 'BYUNG BA'I SKYON MI 'DOGS PA'I PHYIR RO, ,MJUG BSDU BA'I PHYIR, DE'I PHYIR ZHES BYA BA LA SOGS PA SMOS TE, DE'I PHYIR NI DE LTA BAS NA'O, ,NGO BO NYID MED DO ZHES BYA BA NI RANG BZHIN MED PA NYID DO, ,BLO'I RNAM PA LA YANG BRDA MI SRID PAR BSTAN BA'I PHYIR, BLO GNAS ZHES BYA BA LA SOGS PA SMOS TE, BLO'I RNAM PA NI DE'I BDAG NYID YIN PAS BLO LA GNAS PA'I PHYIR 'DI NI BLO DE'I NGO BO BZHIN DU BSTAN PAR BYA BA'I PHYIR DON NAM BLO GZHAN LA RJES SU 'JUG PA MA YIN NO, ,DE LTA YIN DANG BRDA DANG THA SNYAD DU PHYIN BA'I DUS SU MA KHYAB PA'I PHYIR RANG GI MTSAN NYID BZHIN DU DE LA YANG BRDA SRID PA MA YIN NO, ,THA SNYAD KYI DUS SU RJES SU 'GRO BA YIN DU CHUG MOD, DE LTA NA YANG DE LA THA SNYAD 'DOGS PA BO RNAMS BRDA BYED PAR RIGS PA MA YIN TE, 'DI LTAR SGRA THA DAD PA LAS DON BYED PA DON DU GNYER BA'I SKYES BU DON BYED PAR NUS PA'I DON SHES NAS 'JUG STE, DE DAG LA'O SNYAM DU SEMS PA'I THA SNYAD 'DOGS PA PO RNAMS KYIS RJOD PAR BYED PA SBYOR BAR BYED KYI ZHEN PAS NI MA YIN NO, ,RNAM PAR RTOG PA'I BLO'I RNAM PA 'DI NI GRANG BA SEL BA LA SOGS PA MNGON PAR 'DOD PA'I 'BRAS BU DE DON DU GNYER BAR BSGRUB PA MA YIN TE, DE NYAMS SU MYONG BA SKYES NA YANG DE MED PA'I PHYIR RO, ,DES NA DE LA YANG BRDA MED PA'I PHYIR BRDA MA BYAS PA'I PHYIR RO ZHES BYA BA'I GTAN TSIGS MA GRUB PA MA YIN NO, ,'DI SNYAM DU YOD PA'I DON LA SOGS PA SGRA'I DON GZHAN YOD DE, DE LTA BAS NA DE LA BRDA SRID PA'I PHYIR GTAN TSIGS MA GRUB PA NYID YIN NO SNYAM DU SEMS NA, 'DIS BSAL NYID CES BYA BA SMOS TE; RANG GI MTSAN NYID LA SOGS PA SGRA'I DON YIN PA BKAG PA NYID KYIS TE, DE DAG GI RANG GI MTSAN NYID LA SOGS PA KHO NA'I KHONGS SU BYAS PA'I PHYIR RO SNYAM DU BSAMS PA YIN NO, ,YOD PA'I DON LA SOGS PA DE DAG KYANG GANG YIN ZHE NA, BSTAN PA'I PHYIR, SGRA KUN ZHES BYA BA LA SOGS PA SMOS TE ZHES BYA BA'I RIM PA GZHAN DU STE, DON ZHES BYA BA'I MJUG TU SBREL BAR BYA'O, ,DES NA DON 'DI YIN TE, YOD PA'I DON ZHES BYA BA 'DI RTOGS PA GANG YIN PA DE NI SGRA THAMS CAD KYI BRJOD PAR BYA BA STE RTOGS PAR BYA BA'I MTSAN NYID DE SGRA'I DON GYI MTSAN NYID DO ZHES BYA BA'I THA

318a

, ,TSIG GO, ,DES NA YUL DU GYUR PA'I DON LA BA LANG LA SOGS PA LA BA LANG LA SOGS PA'I SGRA RTOGS PAR BYA BA GANG YIN PA DE NI SNGA NA MED PA DANG LHA DANG MTHO RIS DAG DANG MTSUNGS SO ZHES SMRA'O, ,SNGA NA MED PA LA SOGS PA'I SGRA'I DON DANG DE DAG MTSUNGS SO ZHES BYA BA DE BZHIN DU SMRAS SO ZHES BYA BA'I DON NO, ,JI LTAR SNGA NA MED PA LA SOGS PA'I SGRA RNAMS DON GYI RNAM PA'I YUL CAN GYI BLO RNAMS LA 'JUG PA MA YIN GYI, GANG DAG LA SNGA NA MED PA LA SOGS PA'I SGRA SBYOR BA'I DON 'GA' ZHIG YOD DO ZHES BYA BA DE TZAM ZHIG RTOGS PA 'BA' ZHIG TU ZAD DO, ,DE BZHIN DU MTHONG BA'I DON CAN BA LANG LA SOGS PA'I SGRA LA YANG MTSUNGS TE, GANG GI PHYIR DE DAG LAS KYANG 'DI LTAR RTOGS TE, BA LANG LA SOGS PA'I SGRAS BRJOD PAR BYA BA BA LANG NYID KYI SPYI'AM 'BREL PA ZHES BYA BA DON 'GA' ZHIG YOD DO, ,GANG DU DE LA RNAM PA'I KHYAD PAR YONGS SU 'DZIN PA 'GA' ZHIG 'BYUNG BA DE DAG GI DE NI GRUB PA'I MTHA'I STOBS LAS YIN GYI SGRA LAS NI MA YIN NO, ,SOGS PA'I SGRAS BZUNG BA YOD PA'I DON BSTAN PA'I PHYIR, YANG NA KHA CIG CES BYA BA LA SOGS PA SMOS TE, KHA CIG NI BRAM ZE LA SOGS PA'I SGRA DAG GIS BSDU BA DANG RNAM PAR BRTAG PA DAG MED PAR YANG DKA' THUB DANG, RIGS DANG, THOS PA LA SOGS PA'I TSOGS PA BRJOD PAR GYUR PA YIN NO ZHES SMOS TE, DPER NA NAGS TSAL LA SOGS PA'I SGRA DAG GIS DA BA LA SOGS PA BZHIN NO, ,'DI LTAR NAGS TSAL ZHES BRJOD PA NA DA BA'AM, SENG LDENG NGAM, PA LA SHA ZHES RNAM PAR BRTAGS PAS RTOGS PAR 'GYUR BA MA YIN LA, DA BA DANG, SENG LDENG DANG, PA LA SHA ZHES BSDU BAS RTOGS PA YANG MA YIN TE, 'ON KYANG DA BA LA SOGS PA MTHA' DAG RTOGS PA YIN NO, ,DE BZHIN DU BRAM ZE ZHES BRJOD PA NA DKA' THUB BAM, RIGS SAM, THOS PA ZHES BYA BA'AM, DKA' THUB DANG, RIGS DANG, THOS PA ZHES PAS KYANG RTOGS PAR 'GYUR BA MA YIN GYI, 'ON KYANG GZHAN DANG 'BREL PA RNAM PAR BCAD NAS DKA' THUB LA SOGS PA'I TSOGS PA MTHA' DAG RTOGS PA YIN NO, ,DE LA RNAM PAR BRTAG PA NI TSOGS PA LAS MANG PO DAG LA GCIG GI KHYAD PAR MA NGES

318b

PAR 'DZIN PA'O, ,BSDU BA NI GCIG LA GCIG MNGON PAR 'BREL PAR NGES PA DU MA'I NGO BO'O, ,GANG LA RNAM PAR BRTAG PA DANG BSDU BA YOD PA MA YIN PA DE LA DE SKAD CES BYA'O, ,GZHAN DAG NI RDZAS NYID LA SOGS PA NGES PAR GZUNG BA'I NGO BO DAG DANG 'BREL PA'I RDZAS LA SOGS PA GANG YIN PA DE SGRA'I DON YIN TE; DE YANG 'BREL PA CAN DAG GI SGRA'I DON YIN PA NYID KYIS MED PA'I PHYIR MED PA ZHES BYA'O, ,YANG NA YI GE GCIG BZHIN DU GCIG TU MI SNANG BA'I PHYIR DKA' THUB DANG THOS PA LA SOGS PA 'DI DAG PHAN TSUN MED PA SRE BA YIN TE, 'DI LTAR 'DI DAG NI RE RE'AM BSDUS NAS RANG GI NGO BOS DMIGS PA MA YIN TE, 'ON KYANG MGAL ME'I 'KHOR LO BZHIN DU 'DI DAG GI TSOGS PA NI RANG RANG GI NGO BO LAS 'DAS PA SNANG BA YIN NO, ,GZHAN DAG NI MED PA'I KHYAD PAR CAN GYI YOD PA GANG YIN PA DE NI SGRA'I DON YIN NO ZHES ZER RO, ,DE LA SGRA'I DON NYID KYIS MED PA'I KHYAD PAR GYI BYE BRAG GDU BU DANG SOR GDUB LA SOGS PA RNAMS THA DAD PA THAMS CAD KYI RJES SU 'JUG PA GSER LA SOGS PA'I SPYI'I BDAG NYID KYI YOD PA GANG YIN PA DE'I MED PA'I KHYAD PAR CAN GYI YOD PA NI SGRA'I RGYU MTSAN NYID YIN ZHES BYA STE, SGRA 'JUG PA'I RGYU MTSAN BRJOD BYA ZHES BYA BA'I DON TO, ,GZHAN DAG NI MNGON PAR BRJOD PAR GYUR PA'I SGRA NYID SGRA'I DON YIN NO ZHES ZER RO, ,DE LA MNGON PAR BRJOD PA ZHES BYA BA 'DI CI ZHIG CE NA, DE LA 'DI ZHES BYA BA LA SOGS PA SMOS TE, SGRA NYID DON YIN NO ZHES DE LTAR SGRA LA DON ZHUGS PA STE, DE 'DI LA ZHES 'BREL PA DE'I PHYIR TE, RGYU'I PHYIR GANG GI TSE SGRA DON DANG LHAN CIG TU BYAS PA'I NGO BO YIN PA'I DON GYI RNAM PA BDAG GIR BYAS PA'I SGRA DE NI MNGON PAR BRJOD PA ZHES BRJOD DO, ,GZHAN DAG GIS BLO LA YONG PA NYID KYI RNAM PA PHYI ROL GYI DNGOS PO'I YUL CAN PHYI ROL GYI DNGOS PO NYID DU BZUNG BA BLO'I NGO BO NYID DU RNAM PAR MA PHYED PA SGRA'I DON DU SMRA'O, ,DE STON PA NI, KHA CIG DON DAG CES BYA BA LA SOGS PA TE, BLO'I YUL ZHES BYA BA NI BLO LA 'JUG PA STE, BLO LA GNAS PA ZHES BYA BA'I THA TSIG GO, ,PHYI'I DNGOS PO'I RGYU MTSAN CAN ZHES BYA BA NI YOD PA DANG MED PA'I PHYI'I DNGOS PO'I RGYU MTSAN YI GE'I MTSAN MA LTA BU RANG GI NGO BO BSTAN PA'I DON DU 'JUG PA GANG LA YOD PA DE NI PHYI'I DNGOS PO'I RGYU MTSAN CAN NO, ,PHYI'I DNGOS PO ZHES

319a

, ,'DZIN TE ZHES BYA BA NI BLO'I NGO BO NYID DU RNAM PAR MA PHYED PA STE, PHYI ROL NYID DU NGES PA ZHES BYA BA'I DON TO, ,'DI LTAR JI SRID DU BLO'I NGO BO NYID KYI DON LA MI 'JOG PA DE NI BLO'I NGO BO NYID DO SNYAM DU DE KHO NA NYID SGOM PAS 'DZIN PA DE SRID DU DE SGRA'I DON NYID DU MA NGES TE, DE LA BYA BA'I KHYAD PAR DANG 'BREL PA MED PA'I PHYIR RO, ,BA LANG KHRID DE SHOG CIG ,ZHO 'THUNG SHIG CES BYA BA LA SOGS PA'I BYA BA DE 'DRA BA'I BLO'I NGO BO LA SRID PA MA YIN LA, BYA BA DANG LDAN PA SRID PA'I DON YANG SGRA RNAMS KYIS BRJOD PA YIN NO, ,DE'I PHYIR BLO'I NGO BO NYID DU BZUNG BA 'DI NI SGRA'I DON MA YIN NO, ,GANG GI TSE PHYI ROL GYI DNGOS PO LA 'JOG PA DE'I TSE DE LA RTOG PA PO PHYI ROL NYID DU PHYIN CI LOG YIN TE, DE BYA BSGRUB PAR BYED NUS PAR SEMS PA'I PHYIR SGRA'I DON YIN NO, ,'ON TE SEL BA SMRA BA'I PHYOGS DANG 'DI LA KHYAD PAR CI ZHIG YOD, 'DI LTAR SEL BA SMRA BA RNAMS KYIS KYANG BLO'I RNAM PA PHYI ROL GYI NGO BO NYID DU BZUNG BA SGRA'I DON DU 'DOD PA KHO NA STE, JI SKAD DU, DE YI NGO BOS SGRO BTAGS RTOGS, ,GZHAN LAS LDOG PA'I BLO RTOGS KYANG, ,SGRA DON DON DE NYID YIN ZHES, ,BRJOD PA LA NI 'GAL BA MED, ,CES BSHAD DO ZHE NA, DE NI YOD PA MA YIN TE, BLO'I RNAM PAR SMRA BA 'DI NI PHYI ROL GYI DNGOS PO LA MA 'KHRUL PA YUL DANG BCAS PA RDZAS LA SOGS PA DON DAM PA LA YANG DAG PAR BLO'I RNAM PAR MA NGES PA NI SGRA'I DON DU 'DOD KYI, THA DAD PA DAG LA THA MI DAD PAR ZHEN NAS 'JUG PA'I 'KHRUL PA PHAN TSUN LDOG PA'I RGYU MTSAN CAN 'DOD PA NI MA YIN NO, ,GAL TE, DE LTAS DON LA GCIG BDAG TU, ,'DZIN PA'I RNAM RTOG 'DI 'KHRUL PA, ,MING DON GANG LDAN PHAN TSUN DU, ,THA DAD PA 'DI'I SA BON YIN, ,ZHES JI LTAR KHO BO CAG BZHIN DU BRJOD PA DE'I TSE GRUB PA LA SGRUB STE, DE SKAD DU YANG, ,GAL TE PHAN TSUN THA DAD 'DI'I, ,SA BON 'DI NI NGED KYI PHYOGS, ,ZHES 'CHAD PAR 'GYUR RO, , SEL BA SMRA BA RNAMS KYIS DON DAM PAR SGRA RNAMS KYI DON PHYI ROL LAM, BLO'I RNAM PA'AM, GZHAN CUNG ZAD 'DOD PA YANG MA YIN NO, ,'DI LTAR GANG KHO NA SGRA LAS BYUNG BA'I SHES PA LA NGES PA NYID DU SNANG BA DE NI SGRA'I DON YIN GYI, BLO'I RNAM PA NI SGRA LAS BYUNG BA'I SHES PA DE LA NGES PAR 'GYUR BA NI

319b

MA YIN NO, ,'O NA CI ZHE NA, DON BYA BA BYED PA'I PHYI ROL GYI DNGOS PO NYID DO, ,DES DON DAM PAR PHYI ROL NGES PAR 'GYUR BA YANG MA YIN TE, DE KHO NA JI LTA BA BZHIN DU MA NGES PA'I PHYIR DANG, JI LTAR NGES PA BZHIN DU DE KHO NA NYID MA YIN PA'I PHYIR RO, ,DE'I PHYIR SGRO BTAGS PA KHO NA SGRA'I DON YIN LA, ,SGRO BTAGS PA GANG YIN PA DE YANG CI YANG MA YIN PA'I PHYIR SGRA DAG GIS YANG DAG PAR CUNG ZAD KYANG BRJOD PA MED DO, ,YANG SGRA'I DON GANG YIN ZHE NA, DON DE NYID DO ZHES SMRAS PA GANG YIN PA DE NI DON DANG MTSAMS SBYAR NAS SGRO BTAGS PA NYID YIN LA, ,BLO'I RNAM PA SMRA BA RNAMS KYIS NI DON DAM PAR BLO'I RNAM PA BRJOD BYAR 'DOD PA'I PHYIR KHYAD PAR CHE'O, ,GZHAN DAG GIS GOMS PA'I PHYIR SGRA SPOBS PA'I RGYU YIN GYI PHYI ROL GYI DON RJOD PAR BYED PA NI MA YIN NO ZHES ZER RO, ,DE STON PA NI, SGRA RNAMS THAMS CAD CES BYA BA LA SOGS PA'O, ,SGRA YUL 'GA' ZHIG LA YANG NAS YANG DU 'JUG PAR MTHONG BA NI GOMS PA YIN LA, NGES PA'I SGRUB PAR BYED PA RNAM PAR BCAD PA'I BYA BA'I RTOGS PAR BYA BA DANG RJES SU MTHUN PA'I SHES RAB NI SPOBS PA YIN NO, ,DE NI SBYOR BA MTHONG BA'I 'JUG PA DANG LHAN CIG PAS BSKYED PAR BYA BA YIN LA, NGAG SO SO DANG SKYES BU SO SO LA DE THA DAD PA YIN NO, ,DE'I THA DAD PA NI TSAD MED DE, SGRA'I THA SNYAD MTHA' YAS PA'I PHYIR BRJOD PAR MI NUS SO SNYAM NA, MDOR BSDUS NAS ZHES BYA BA SMOS SO, ,'DI LA DPE BSHAD PA DPER NA DON RTOGS BYED CES BYA BA LA SOGS PA STE, DPER NA LCAGS KYU LA SOGS PAS BTAB PA'I GLANG PO LA SOGS PA RNAMS KYI DON RTOGS PA'I BYA BA LA SOGS PA'I RGYUR 'GYUR BA BZHIN NO, ,DE BZHIN DU SHING LA SOGS PA'I SGRA DON DANG LDAN PAR 'DOD PA THAMS CAD GOM PA JI LTA BA BZHIN DU SPOBS PA TZAM NYE BAR SDUD PA'I RGYUR 'GYUR GYI DNGOS SU DON STON PAR BYED PA NI MA YIN NO, ,DE LTA MA YIN NA JI LTAR PHAN TSUN 'GAL BA'I TSIG THA DAD PA DANG, GTAM BRGYUD SAR PA RANG GI RNAM PAR RTOG PAS BKOD BA'I DNGOS PO'I KHYAD PAR GSAL BAR 'GYUR ZHE NA, DE LA ZHES BYA BA LA SOGS PA LAN 'DEBS PAR BYED DE, GAL TE YOD PA'I DON SNGAR BSHAD PA'I RANG GI MTSAN NYID LA SOGS PA'I RANG BZHIN DU 'DOD NA DE'I TSE SNGAR BSHAD PA'I SKYON DU THAL BAR 'GYUR LA,

320a

, ,GZHAN YANG YOD PA'I DON NI KHYAD PAR GYI NGO BO BZLOG PA'I PHYIR DE 'BA' ZHIG SGRA DAG GIS STON PAR BYED PA NA BA LANG DANG, BA MEN DANG, GLANG PO LA SOGS PA'I THA DAD PAS THA SNYAD DU BYED PAR MI 'GYUR TE, DE NI SGRAS MA BSTAN PA'I PHYIR RO, ,BA LANG NYID SGRA'I KHYAD PAR DON ZHES BYA BA LA SOGS PAS GZHAN GYI LAN GYI DGOS PA BSU BA YIN TE, 'DI SNYAM DU BA LANG NYID DANG SGRA DAG GIS KHYAD PAR GYI DON YOD PA TZAM KHRA PO LA SOGS PA'I THA DAD PA DANG BRAL BA SGRAS RTOGS TE RTOGS PA'I RGYU YIN PA'I PHYIR DE YIN TE THA DAD PA'I THA SNYAD DU 'GYUR RO SNYAM DU SEMS NA, 'O NA DE LTA NA JI LTAR YOD PA'I DON TZAM SGRA'I DON DU 'DOD, GANG GI PHYIR BA LANG LA SOGS PA'I KHYAD PAR RTOGS PA NYID YIN NO ZHES DOGS NAS GZHAN GYIS LAN SMRAS PA NI RVA DANG DBYIBS ZHES BYA BA LA SOGS PA'O, ,RVA LA SOGS PA'I KHYAD PAR SGRA LAS MI GSAL TE MI RTOGS PA'I RGYU'I PHYIR DE RTOGS PAR BYA BA'I DON 'GA' ZHIG YOD DO ZHES BYA BA DE BRJOD KYI, KHYAD PAR DU 'GYUR BA'I BA LANG NYID LA SOGS PA'I SGRA DAG MA RTOGS PA NI MA YIN PA'I PHYIR SKYON MED DO ZHE NA, DE LTA NA NI ZHES BYA BA LA SOGS PAS LAN 'DEBS PAR BYED DE, GAL TE BA LANG NYID LA SOGS PAS KHYAD PAR CAN GYI DON TZAM BRJOD DO ZHES BYA BAR 'DOD NA, DE'I TSE DE DANG LDAN PA'I DON BRJOD PAR KHAS BLANGS PAR BYAS PAR 'GYUR RO, ,DE LA YANG RIGS DE DANG 'DU BA BKAG PA'I PHYIR DE DANG LDAN PA'I DON MI SRID DO ZHES SNGAR BSHAD PA'I SKYON YOD DO, ,GZHAN YANG DE DANG LDAN PA'I DON NI RANG GI MTSAN NYID KYI BDAG NYID YIN PA'I PHYIR BRDA MI BYED PA NYID DANG, THA SNYAD MED PA NYID DANG, GSAL BAR SNANG BAR THAL BA SNGA MA BZHIN DU 'BYUNG BA KHO NA'O, ,YOD PA'I DON NI RANG GI MTSAN NYID LAS THA DAD PA YIN NO ZHE NA, YOD DON GZHAN YANG MTHONG MA YIN, ,ZHES BYA BA SMOS TE, RANG GI MTSAN NYID LA SOGS PA LA THA DAD PA'I YOD PA'I DON GZHAN DPYOD PHAN BLO'I SPYOD YUL DU 'JUG PA MA YIN NO, ,BSDU BA BRJOD PA'I PHYOGS LA SKYON BSHAD LA, BSDU BA BRJOD PA YIN NA YANG, ,ZHES BYA BA LA SOGS PA SMOS TE, BSDU BA BRJOD PA'I PHYOGS LA RIGS DANG DKA' THUB LA SOGS PA'I KHYAD PAR BRJOD PA GSAL POR KHAS BLANGS

320b

PA'I PHYIR SO SOR BRJOD PA'I PHYOGS LA 'BYUNG BA'I NYES PA BSDU BA BRJOD PA LA THAMS CAD CIG CAR 'BYUNG BAR 'GYUR RO, ,MED PA'I KHYAD PAR ZHES BYA BA LA SOGS PA'I PHYOGS GNYIS KYI SKYON BSHAD PA NI, NGES PAR MA BZUNG ZHES BYA BA LA SOGS PA STE, SNGAR TSIG GI DON DRUG BRTAG PAR LDAN PA DANG 'DU BA'I MTSAN NYID KYI 'BREL PA BSAL BA'I PHYIR GRANGS CAN PA'I THA MI DAD PA'I SPYI DANG, TSIG GI DON DRUG BRTAG PAR THA DAD PA YANG BSAL BA'I PHYIR MED PA'I LDAN PA DANG MED PA'I KHYAD PAR GYI SPYI YANG BRJOD PAR BYA BA MA YIN NO, ,MNGON PAR BRJOD PA'I PHYOGS LA YANG, ,THA DAD RIGS SOGS ZHES BYA BA LA SOGS PA SMOS TE, GAL TE SGRA LA DON 'GA' ZHIG YOD NA DE NI DE DANG LHAN CIG GCIG TU 'GYUR NA, JI SRID DU RANG GI MTSAN NYID LA SOGS PA'I NGO BO SGRA'I DON DU MI SRID PAR SNGAR BSTAN TE, DE JI LTAR DE DANG GCIG TU BYED PAR 'GYUR, GZHAN YANG MNGON PAR BRJOD PA 'DI NI BLO LA GNAS PA KHO NA YIN TE; 'DI LTAR PHYI ROL GYI SGRA DANG DON DAG DBANG PO THA DAD PAS GZUNG BAR BYA BA'I PHYIR 'DI DAG LAS THA DAD PAR 'DOD PAS DE DAG DON DAM PAR GCIG TU BYED PAR 'GYUR BA RIGS PA MA YIN NO, ,DE'I PHYIR SGRA DANG DON BLO LA GNAS PA KHO NA BLOS GCIG TU RTOGS PA'I PHYIR GCIG TU BYED PAR RIGS TE, 'DI LTAR BRJOD BYA'I RNAM PA 'DZIN PA SGRA'I RANG BZHIN BSGRIBS PA BLO LA GSAL BA SGRA'I BDAG NYID KYI RANG GI NGO BO DANG RJES SU MTHUN PA'I DON RNAM PAR MA PHYE BAS NANG DU 'JUG PA NI MNGON PAR BRJOD PA ZHES BYA'O, ,DE YANG BLO'I BDAG NYID DU RTOG PA'I RNAM PAR RIGS KYI, PHYI ROL NI MA YIN TE, DE NI GCIG TU PHAN TSUN DBEN BA'I RANG BZHIN YIN PA'I PHYIR RO, ,DE LTA YIN DANG DE MA THAG TU BRJOD PA'I BLO SGRA'I DON YIN PA'I PHYOGS LAS 'DI LA BYE BRAG CI YOD DE CI YANG MED DO, ,GNYI GA LA YANG BLO LA SNANG BA KHO NA DON YIN NO, ,SGRA DON GCIG TU BYAS PA ZHES, ,BYA 'DI TZAM ZHIG THA DAD LA, ,SHES LAS THA DAD MA YIN PA'I, ,JI LTAR DON GZHAN 'BRANG BAR 'GYUR, ,ZHES BYA BA'I SKYON NI MTSUNGS PA KHO NA'O, ,DE NYID STON PA NI, DE PHYIR DE MA THAG CES BYA BA LA SOGS PA'O, ,SPOBS PA'I PHYOGS LA SKYON BSHAD PA NI, GAL TE PHYI'I DON ZHES BYA BA LA SOGS PA STE, GAL TE SPOBS PA DON DAM

321a

, ,PAR PHYI ROL GYI DON GYI YUL CAN YIN NA, DE SGRA LA SOGS PA DNGOS PO GCIG LA GZHUNG LUGS 'GAL BA LA GNAS PA'I SPOBS PA SNA TSOGS PAR MI 'GYUR TE, GCIG LA RANG BZHIN DU MA MI SRID PA'I PHYIR RO, ,CI STE YUL MED PA YIN NA DE'I TSE DON LA 'JUG PA DANG RTOGS PA DAG TU MI 'GYUR TE, DE'I SGRA'I YUL MA YIN PA'I PHYIR RO, ,CI STE RANG GI SNANG BA DON MED PA LA DON DU ZHEN NAS 'KHRUL PAS 'JUG BA DANG SHES PA DE DAG TU 'GYUR BA DE'I TSE SGRA'I DON 'KHRUL PA NYID DU 'GYUR TE, 'KHRUL PA DE'I SA BON TE RGYU BRJOD PAR BYA DGOS SO, ,GZHAN DU 'KHRUL PA SA BON MED PA YIN NA THAMS CAD DU THAMS CAD KYI TSER 'GYUR TE, GAL TE DNGOS PO RNAMS KYI PHAN TSUN THA DAD PA NYID 'DI'I SA BON YIN PAR KHAS LEN NA DE'I TSE KHO BO CAG GI PHYOGS NYID KHYED KYIS SGRUB BAR BYED PA'I PHYIR GRUB PA LA SGRUB PO, ,DA NI PHYOGS THAMS CAD LA MTSUNGS PA'I SKYON BSHAD PA NI, GAL TE 'DI DAG CES BYA BA LA SOGS PA'O, ,RANG GI MTSAN NYID DANG RIGS LA SOGS PA 'DI THAMS CAD SKAD CIG PA'AM, SKAD CIG MA MA YIN GRANG, DE LA PHYOGS DANG PO LA BRDA'I DUS SU MTHONG BA THA SNYAD KYI DUS SU RJES SU MI 'GRO BA'I PHYIR DE LA BRDA BYED PA MA YIN NO, ,SKAD CIG MA MA YIN PA'I PHYOGS LA YANG RIM MA YIN PA LAS RIM CAN 'BYUNG BA MED PA'I PHYIR SGRA'I DON GYI SHES PA RIM CAN MED PAR THAL BAR 'GYUR RO, ,GZHAN DU ZHES BYA BA NI SKAD CIG MA MA YIN NO, ,GZHAN DAG NI SGRAS DON BRJOD PAR 'DOD PA RJES SU DPOG PAR BYED DO ZHES ZER TE, JI SKAD DU, BRJOD PAR 'DOD PA RJES DPOG PA,, SGRA LAS GZHAN PA YOD MA YIN, ,ZHES BSHAD PA LTA BU'O, ,DE LA BSHAD PA, 'DI NYID KYIS NI ZHES BYA BA LA SOGS PA SMOS TE, GAL TE DON DAM PAR BRJOD PAR 'DOD PA DON DAM PA PO SGRA'I DON GYI YUL DU 'DOD NA, DE MA GRUB STE RANG GI MTSAN NYID LA SOGS PA'I SGRA'I DON 'GA' YANG MI SRID PA'I PHYIR RO, ,DE'I PHYIR DON DAM PAR DON 'GA' ZHIG LA BRJOD PAR 'DOD PA MA YIN TE, RJES SU 'GRO BA CAN GYI DON MI SRID PA'I PHYIR RO, ,DE STON PAR BYED PA'I SGRA YANG YOD PA MA YIN TE, THOS PA GANG ZHIG CES BSHAD PA YIN TE, THOS PA NI SGRA'O, ,BRJOD PAR 'DOD PA STE RTOGS PAR BYA BA LA THOS PA STE

321b

SGRA LAS PHYI ROL LA 'JUG PAR MI 'GYUR TE, DE MA BRJOD PA'I PHYIR DON GZHAN BZHIN NO, ,CI STE BRJOD PAR 'DOD BA GSAL BA'I GZUGS LA SOGS PA'I DON GANG YIN PA DANG PHYI ROL GANG YIN PA DE DANG 'DRA BA YOD BA YIN TE, DES NA 'DRA BA'I PHYIR MA BRJOD NA YANG PHYI ROL GYI DON LA 'JUG PAR 'GYUR TE, MTSE MA BZHIN NO ZHES BYA BAR 'DOD DE, DES NA 'DRA PHYIR ZHES BYA BA SMOS SO, ,DE LTA NA NI THAMS CAD PHYI ROL LA 'JUG PAR MI 'GYUR TE, RES 'GA' BRJOD PAR 'DOD PA GSAL BA BRJOD PA LA YANG 'JUG PAR 'GYUR TE MTSE MA DAG NYID BZHIN NO, ,GANG YANG BYE BRAG TU SMRA BA RNAMS SGRA'I YUL MING DU BRJOD PA DANG MTSAN MAR BRJOD PA DON GYI NGO BO LDAN PA MA YIN PA'I 'DU BYED DU 'DOD PA DE YANG 'DIS SUN PHYUNG BAR BLTA BAR BYA'O, ,'DI LTAR MING LA SOGS PA DE GAL TE SKAD CIG MA YIN NA DE'I TSE RJES SU 'GRO BA MI RUNG LA, SKAD CIG MA MA YIN NA SHES PA RIM CAN DU MI 'THAD PA DANG, PHYI ROL LA 'JUG PA MED PAR THAL BAR 'GYUR BA DANG, 'DU BA'I PHYIR NA THAMS CAD DU MI 'GYUR RO ZHES BYA BA SUN 'BYIN PA GANG YIN PA THAMS CAD NYAMS PA MED BAR 'JUG GO, ,YANG NA 'DIS NI ZHES BYA BA NI JI LTAR SRID PA RANG GI MTSAN NYID LA SOGS PA SUN PHYUNG BAS SO, ,'DI LTAR DE LA YANG 'DI SKAD DU BRJOD PAR BYA STE, GZHAN LA BRTEN MIN BDAG NYID KYI, ,MING SOGS RNAMS LA BRDA NUS MIN, , DE PHYIR DE DAG CI ZHIG LTAR, ,BRJOD BYA NYID DU 'THAD MA YIN, ,ZHES BYA BA'O, ,BRJOD PAR 'DOD PA LA YOD PA'I DON GSAL BAR BYED PA NA SGRA RNAMS PHYI ROL LA 'JUG PAR MI 'GYUR RO ZHES GANG SMRAS PA 'DI LA GZHAN GYI LEN GYI DOGS PA BSU BA'I PHYIR, BRJOD 'DOD RJES SU DPAG CES BYA BA LA SOGS PA SMOS TE, BRJOD PAR 'DOD PA YANG SMRA BA PO'I RGYUD LA 'JUG LA BRJOD PAR 'DOD PA DE'I RJES SU DPAG PA NI NYAN PA PO'I RGYUD LA YOD PA'I PHYIR BRJOD PAR 'DOD PA DANG RJES SU DPAG PA DE DAG BSRES PA SBREL BA DE SNANG ZHES BYA BA'I DON TO, ,RNAM PA DE PHYI ROL NYID DU NGES NA SMRA BA PO DANG NYAN PA PO DAG 'DI LA STE PHYI ROL LA 'JUG PAR GYUR TO, ,'DI SKAD DU BSTAN PA YIN TE, DON DAM PAR RANG GI SNANG BA NYAMS SU MYONG BA LA SMRA BA PO 'DI LTAR ZHEN PAR 'GYUR TE, BDAG GIS 'DI LA PHYI ROL GYI DON NYID

322a

, ,BSTAN TO, ,NYAN PA PO YANG 'DI LTA STE, BDAG LA 'DIS PHYI ROL NYID STON PAR BYED DO ZHES DE'I PHYIR RAB RIB CAN NYID LA ZLA BA GNYIS SNANG BA BZHIN DU SGRA LAS BYUNG BA'I THA SNYAD 'DI THAMS CAD DE LTA BU YIN NO, ,GAL TE DE LTA NA KHO BO CAG GI PHYOGS SU LHUNG BA'I PHYIR GRUB PA LA SGRUB PO, SNGAR SPOBS PA'I SGO NAS SONG BAS DE'I PHYIR YANG ZHES BSHAD DO, ,DE'I PHYIR DE LTAR BRDA MA BYAS PA'I PHYIR ZHES BYA BA'I GTAN TSIGS 'DI MA GRUB PA MA YIN LA, MA NGES PA NYID DANG 'GAL BA NYID DAG NI DANG PO NYID DU BRTZAL ZIN TO, ,DE LTA BAS NA SGRAS JI SKAD DU BSHAD PA'I SEL BA BYED DO ZHES BYA BAR GRUB PO, , 'DIR GZHAN DAG SEL BA'I SGRA THOS PA LAS BLO SKRAG STE, BRJOD PAR 'DOD PA'I SEL BA'I NGO BO MI SHES PAS DAM BCA' BA GRAGS PA LA SOGS PA DANG 'GAL BAR BSTAN PA'I PHYIR, 'ON TE KHYED KYI PHYOGS LA SGRAS, ,GZHAN SEL BYED BAR BRJOD MIN NAM, ,ZHES BYA BA RGYAS PAR SMRAS TE, SGRAS GZHAN SEL BYED PA ZHES BYA BA 'DIR ZHES BYA BA'I SGRA KHONG NAS DBYUNG BAR BYA'O, ,SGRAS GZHAN SEL BAR BYED CES BYA BA DE LTAR JI LTAR BRJOD PAR BYED CES BYA BA'I DON TO, ,CI'I PHYIR BRJOD PAR MI BYA ZHE NA, SNANG BA 'DI LA ZHES BYA BA LA SOGS PA SMOS TE, GZHAN SEL BA NI DGAG PA TZAM NYID DU 'DOD PAR GRAGS LA, SGRA LAS BYUNG BA LA SNANG BA 'DI LA DGAG PA TZAM DU RTOGS PA NI MED DO, ,'O NA CI ZHE NA, DNGOS PO'I NGO BO NGES PA NYID KYIS SGRA LAS BYUNG BA'I BLO 'JUG PAR DMIGS LA, SGRA LAS BYUNG BA'I SHES PA LA MI SNANG BA GANG YIN PA DE'I SGRA'I DON DU RIGS PA YANG MA YIN PA DE HA CANG THAL BAR 'GYUR BA'I PHYIR RO, ,DE'I PHYIR DAM BCA' BA GRAGS PA DANG 'GAL BA YIN NO, ,GAL TE BA LANG ZHES BYA BA LA SOGS PA'I TSIGS SU BCAD PA GSUM GYIS SHES CHEN GYI LUGS KYIS GRAGS PA LA SOGS PA DANG 'GAL BA STON PAR BYED PA YIN TE, GAL TE BA LANG GI SGRA GZHAN RNAM PAR GCOD PA STON PAR BYED PA LHUR LEN PA YIN NA DE'I TSE DE NYID LA DON BYAS PA'I PHYIR NOG LA SOGS PA'I DNGOS PO BA LANG GI SGRA LAS RTOGS BAR MI 'GYUR TE, DE LTA YIN DANG NOG LA SOGS BA LDAN PA'I DNGOS PO'I YUL LA BA LANG GI BLO SKYED PAR BYED PA'I SGRA GZHAN BRTZAL BAR BYA DGOS PAR 'GYUR RO, ,'DI SNYAM DU BA LANG GI SGRA GCIG NYID KYIS BLO

322b

GNYIS BSKYED PA'I PHYIR SGRA GZHAN BRTZAL BAR MI BYA'O SNYAM DU SEMS NA, SGRA NI ZHES BYA BA LA SOGS PA SMOS TE, SGRUB PA'I YUL CAN DANG DGAG PA'I YUL CAN GYI 'BRAS BU SHES PA GNYIS GANG DAG LA YOD PA DE DAG LA DE SKAD CES BYA'O, ,DE LA CIR 'GYUR ZHE NA, GCIG LA ZHES BYA BA LA SOGS PA SMOS TE, SGRA GCIG LA SGRUB PAR BYED PA'AM, DGAG PAR BYED PA RNAM BAR SHES PA GNYIS KYI MTSAN NYID KYIS 'BRAS BU CIG CAR MA YIN TE, MI DMIGS BA ZHES BYA BA LHAG MA'O, ,DGAG PA DANG SGRUB PA 'BRAS BU'I SHES PA PHAN TSUN 'GAL BAS RIGS PA MA YIN NO, ,GANG GIS ZHES BYA BA LA SOGS PAS GTAN TSIGS BLA LHAG 'CHAD DE, GAL TE BA LANG GI SGRAS DNGOS SU BA LANG MA YIN PA LAS LDOG PA STON PAR BYED PA YIN NA DE'I TSE BA LANG GI SGRA THOS MA THAG TU NYAN PA POS CHES THOG MAR BA LANG MA YIN PA ZHES BYA BA 'DI RTOGS PAR 'GYUR RO, ,SGRA LAS BAR MCHOD PAR SHES PA SKYE BA GANG YIN PA DE NYID SGRA'I DON DU RNAM PAR GZHAG STE, BAR DU MCHOD PAR BA LANG MA YIN PA RNAM PAR GCOD PA'I BLO SKYE BA YANG MA YIN NO, ,DE'I PHYIR BA LANG GI BLO MI SKYE BAR THAL BA DANG, CHES DANG POR BA LANG MA YIN PAR RTOGS PAR THAL BAR 'GYUR BA'I PHYIR GZHAN SEL BA SGRA'I DON MA YIN NO ZHE'O, ,GANG GIS BA LANG MI LDOG PA'I, ,ZHES BYA BA LA SOGS PAS GZHON NU MA LEN GYI LUGS KYI DAM BCA' BA'I SKYON STON PA YIN TE, DE NI 'DI SKAD DU SMRAS TE, GZHAN SEL BA'I MTSAN NYID KYI SPYI BRJOD PAR BYA BA NYID DU BRJOD PAR BYA BA NA RES 'GA' MA YIN PAR DGAG PA'I MTSAN NYID DAM, MED PAR DGAG PA'I MTSAN NYID BRJOD PA YIN GRANG, DE LA PHYOGS DANG PO DAM BCAS PA GRUB PA LA SGRUB PA'I SKYON YIN TE, 'DI LTAR BA LANG NYID DU BRJOD PA'I SPYI BA LANG GI SGRA'I BRJOD BYA NYID DU 'DOD LA, KHYED CAG KYANG BA LANG MA YIN PA LDOG PA'I MTSAN NYID KYI SPYI BA LANG GI SGRAS BRJOD DO ZHES SMRA BA NA DE NYID SGRA GZHAN GYIS BRJOD PA'I PHYIR MING RTZOD PA 'BA' ZHIG TU ZAD DO, , YANG JI LTAR DE NYID SGRA GZHAN GYIS BRJOD PA YIN ZHE NA, 'DI LTAR DNGOS MED CES BYA BA LA SOGS PA SMOS TE, 'DI LTAR DE GANG GI PHYIR SNGA NA MED PA LA SOGS PA'I MTSAN NYID KYI DNGOS PO MED PA RNAM PA BZHI PO THAMS CAD NI DNGOS PO GZHAN GYI

323a

, ,BDAG NYID DU RNAM PAR GNAS TE, JI SKAD DU, ZHO SOGS 'O MA LA MED GANG, ,DE NI SNGA NA MED PAR BRJOD, ,ZHO LA 'O MA MED PA NYID, ,ZHIG NAS MED PA'I MTSAN NYID YIN, ,RTA SOGS BA LANG LA MED GANG, ,GCIG LA GCIG MED PAR BRJOD DE, ,MGO YI YAN LAG DMA' BA DANG, ,RI BONG RVA SOGS NGO BO YIS, ,'PHEL DANG MKHRANG BA SPANGS PA STE, ,GTAN NAS MED PAR BRJOD PA YIN, ,THA DAD DE DAG DNGOS MED PAR, ,MI 'GYUR NGES 'DI DNGOS PO NYID, ,CES BSHAD PA YIN NO, ,'DI NI 'O MA LA SOGS PA ZHO LA SOGS PA'I NGO BOR MED PA NI SNGA NA MED PA LA SOGS PAR BSTAN PA'I RTEN YIN NO ZHES BSTAN PA YIN NO, ,BA LANG MA YIN PA LAS LDOG PA YANG GCIG LA GCIG MED PA YIN TE, DE NI RTAGS LA SOGS PA RNAM PAR GCOD PA'I NGO BO YIN PA'I PHYIR RO, ,DE LTA BAS NA DE'I DNGOS PO YIN NO, ,DE LA DE LTAR DNGOS PO MED PA NI DNGOS PO GZHAN GYI BDAG NYID YIN PAR GNAS PA NA, KHYED CAG GI RTA LA SOGS PA LAS LDOG PA RANG BZHIN GYI DNGOS PO ZHES PA 'DI CI ZHIG LA 'DOD PA SMROS SHIG ,'DI SNYAM DU 'DIR CI ZHIG SMRA BAR BYA STE, 'DI NI BA LANG LA SOGS PA'I RANG GI MTSAN NYID KYI BDAG NYID YIN NO ZHES BYA BAR 'DOD NA, RE ZHIG CES BYA BA LA SOGS PA SMOS TE, THUN MONG MA YIN PA'I KHYAD PAR GANG YIN PA DE NI KHYED CAG GIS RTAG LA SOGS PA LAS LDOG PA'I BDAG NYID DU MI 'DOD DO, ,CI'I PHYIR ZHE NA, ,BSHAD PA, RTOG PA MED PHYIR TE, DE LA RNAM PAR RTOG PA THAMS CAD SPANGS PA'I PHYIR RO, ,SPYI KHO NA RNAM PAR RTOG PA'I SHES PA'I SPYOD YUL DU 'DOD LA, THUN MONG MA YIN PA'I DON NI RNAM PAR RTOG PA THAMS CAD KYI SPYOD YUL MA YIN TE, JI SKAD DU, DBANG PO'I SPYOD YUL NGO BO NI, ,RIG BYA BSTAN DU MED PA'O, ,ZHES BSHAD PA LTA BU'O, ,BYE BRAG GI BDAG NYID LA RGYU NI THUN MONG MIN PA'I BDAG NYID DE, THUN MONG MA YIN PA'I BDAG NYID KYIS KHYAD PAR GANG YIN PA ZHES BYA BA'I DON TO, ,DE LTAR BYE BRAG MED PA BSHAD NAS, DA NI DON DE NYID BYE BRAG TU BSHAD PA NI, DE BZHIN DU NI ZHES BYA BA LA SOGS PA'O, ,JI LTAR KHYED CAG THUN MONG MA YIN PA'I KHYAD PAR RTA LA SOGS PA LAS LDOG PA BDAG NYID BA

323b

LANG GI SGRA'I BRJOD BYAR MI 'DOD PA DE BZHIN DU KHRA BO LA SOGS PA KHRA BO LA SOGS PA'I SGRA BRJOD PAR BYA BA NYID DU MI 'DOD DO, ,RTA LA SOGS PA LAS LDOG PA'I BDAG NYID KYI DNGOS PO ZHES BYA BA 'DI LA YANG RJES SU 'JUG GO, ,CI'I PHYIR ZHE NA, SPYI MA YIN PAR THAL 'GYUR PHYIR, ,ZHES BYA BA SMOS TE, GAL TE 'DOD PA DE'I TSE SPYI'I SGRA'I BRJOD PAR BYA BA NYID DU MI 'GYUR TE, DE NI RJES SU 'GRO BA MED PA'I PHYIR RO, ,GANG KHO NA'I PHYIR RTA LA SOGS PA LAS LDOG PA'I BDAG NYID KYI DNGOS PO THUN MONG MA YIN PA MI 'THAD PA DE LTA BAS NA KUN LA STE, RIGS MTHUN PA'I KHRA BO LA SOGS PA'I GONG BU LA GANG ZHIG RE RE LA YONGS SU RDZOGS PA'I BA LANG GI BLO NI DE'I RGYU MTSAN CAN YIN TE, DE YANG BA LANG NYID CES BYA BA'I SPYI NYID YIN NO, ,DE LA BA LANG MA YIN PA SEL BA'I SGRAS BRJOD PA'I PHYIR MING 'BA' ZHIG GZHAN YIN PAS DE'I PHYIR DAM BCA' BA GRUB PA LA SGRUB PA'I SKYON YIN NO, ,CI STE MED PAR DGAG PA'I MTSAN NYID DO ZHES BYA BA'I PHYOGS DE LA, GAL TE DGAG TZAM ZHES BYA BA LA SOGS PA SMOS TE, MED PA SGRA'I BRJOD BYA ZHES BYA BA NA SGRA BA LANG MA YIN PA SEL BA'I MTSAN NYID KYI MED PA RJOD PAR BYED PA YIN LA, SGRA DE'I BRJOD BYA PHYI ROL GYI DON GYIS STONG PA NYID DU 'GYUR TE, DNGOS PO'I NGO BO LA STON PA'I PHYIR RO, ,GZHAN GYI RNAM PAR SHES PA TZAM, ,ZHES BYA BA NI SNGAR RNAM PAR SHES PA TZAM DU SGRA BA DGOD PA'I DUS SU KHYED CAG GIS BKOD LA KHO BO CAG GIS KYANG BSAL ZIN TO, ,YANG SGRA'I DON BSAM PA'I SKABS 'DIR GRAGS PAS GRUB PA'I DON BKAG PA'I PHYIR DE NYID GZHAN SEL BA'I THABS KYIS BSTAN TO, ,DE LAS SKYON CIR 'GYUR ZHE NA, DE LA YANG ZHES BYA BA LA SOGS PA SMOS TE, DE LA STE STONG PA NYID KYI BRJOD BYA LA SGRA LAS BYUNG BA'I RTA LA SOGS PA BLO'I BDAG NYID KYI CHA SHAS 'DZIN PAR 'GYUR TE, PHYI ROL GYI DNGOS PO'I NGO BO MI 'DZIN PA'I PHYIR RO, ,DE LTA YIN NA SKYON CI YOD CE NA, DER NI ZHES BYA BA LA SOGS PA SMOS TE, DE LA DE LTAR NA GNAS PA NA SEL BA BRJOD BYA NYID NI BRDZUN PAR KHAS BLANGS PAR 'GYUR TE, PHYI ROL GYI DON LA MI LTOS PA'I BLO'I RNAM PA NI SGRUB PA'I NGO BO NYID KYIS SGRA'I DON DU 'GYUR BA'I PHYIR RO, ,DE LTA YIN DANG DAM BCA' BA LA KHAS BLANGS PAS GNOD PA YIN NO SNYAM DU BSAMS

324a

, ,PA'O, ,DE NYID STON PA NI, ,BLO'I RNAM PA ZHES BYA BA LA SOGS PA'O, ,BLO'I RNAM PA NYID KYI DNGOS PO'I NGO BO'I SGRA'I DON DU 'GYUR RO ZHES 'BREL TO, ,'DI SNYAM DU BLO DE DMIGS PA MED PA YIN NA YANG BA LANG LA SOGS PA'I BLO DAG LAS RIGS MI MTHUN PA DAG LAS LDOG PA'I NGO BOR 'JUG STE, DES NA GZHAN SEL BA BRTAGS PA MI RIGS PA KHO NA'O SNYAM DU SEMS NA, BLO DE ZHES BYA BA LA SOGS PA SMOS TE, BLO DE ZHES BYA BA NI DMIGS PA MED PA'I RTA LA SOGS PA'O, ,SGRA'I DON LA ZHES BYA BA NI RTA LA SOGS PAR ZHEN PA DAG LA'O, ,DNGOS PO'I NGO BO ZHES BYA BA NI SGRUB PA'I NGO BOR ZHEN PA'O, ,DNGOS PO NYID CES BYA BA NI RTA LA SOGS PA'I GONG BUR NGES PA'I BLO'I BDAG NYID DO, ,NGES PAR BZUNG BA'I 'BRAS BU STON PA NI, BLO NI MI SEL BA'I ZHES BYA BA STE, BRJOD PAR BYA BA GANG LA SEL BA YOD PA MA YIN PA RTA LA SOGS PA'I BLO'I BDAG NYID KYI DNGOS PO DE LA DE SKAD CES BYA STE, BLO'I SEL BA MED PA'I BLO MI SEL BA STE, BLO GZHAN SEL BA DANG BRAL BA, ,ZHES BYA BA'I DON TO, ,RNAM PA GCIG TU NA SEL BAR BYED PAS SEL BA STE, SEL BA MED PA NI MI SEL BA'O, ,BLO'I SEL BA MED PA NI BLO MI SEL BA ZHES BSDU'O, ,'DI SKAD DU BSTAN PA YIN TE, GAL TE BLO GZHAN LAS RNAM PAR BCAD PA DE LTA NA YANG DE BLO GZHAN RNAM PAR GCOD PAR NGES PAR SKYE BA MA YIN NO, ,'O NA CI ZHE NA, RTA LA SOGS PA'I DON LA SGRUB PA'I NGO BOS ZHEN PA YIN NO, ,DES NA DNGOS PO SGRUB PA'I NGO BO NYID BRJOD BYAR RTOG PA RIGS PA DANG LDAN PA YIN GYI GZHAN SEL BA NI MA YIN TE, BLO GZHAN GYIS BLO GZHAN MI SEL BA'I PHYIR RO, ,GZHAN YANG KHYED CAG GIS SEL BA'I TSIG GI DON NYID DU BRTAGS PA GANG YIN PA DE NI NGAG LAS BTUS NAS BRTAGS PA'I TSIG GI DON DU 'DOD LA, NGAG GI DON NI SNANG BA'I MTSAN NYID KHO NA STE, JI SKAD DU, TSIG NI NGAG LAS BTUS PA LA, ,RNAM PAR DPEN PAS DON 'DI YIN, ,NGAG DON 'DI NI SNANG BAR BRJOD, ,DES NA 'DI NI BSKYED BYA YIN, ,ZHES SMRAS PA BZHIN NO, ,'DIR SMRAS PA, JI LTAR PHYI ROL DON MED KYANG, ,ZHES BYA BA LA SOGS PA LA, JI LTAR PHYI ROL GYI DON SGRA'I BRJOD BYA NYID DU MED NA YANG KHYED CAG GI NGAG GI DON SNANG BA'I MTSAN NYID DU BRJOD KYI GZHAN SEL BA'I MTSAN NYID NI MA YIN PA DE BZHIN DU

324b

TSIG GI DON YANG DAG GI DON BZHIN DU SNANG BA'I MTSAN NYID DU 'GYUR BAS DE'I PHYIR SEL BA SGRA'I DON NYID DU CI'I PHYIR RTOGS PAR BYED, TSIG DANG NGAG GI DON GNYI GA YANG SGRUB PA'I NGO BO NYID YIN LA RAG MOD SNYAM DU BSAMS PA'O, ,'DI SNYAM DU SNANG BA YANG SNANG BA GZHAN GNYIS PA LAS RNAM PAR BCAD PA YOD PA'I PHYIR SEL BAR RTOG GO SNYAM DU SEMS NA, DE'I PHYIR BLO NI GZHAN ZHES BYA BA LA SOGS PA SMOS TE, GAL TE 'DI RTOGS PA DE LTA NA YANG YOD PA NYID DO ZHE NA, RANG GI NGO BO ZHES BYA BA LA SOGS PA SMOS TE, GAL TE YANG BLO BLO GZHAN LAS LDOG PA YOD PA DE LTA NA YANG DE LA SGRA'I BYA BA YOD PA MA YIN TE, 'DI LTAR BLO 'DI SGRA LAS SKYE BZHIN PA NA RANG GI NGO BO SKYED PA LA MA RTOGS PA GZHAN GYIS RNAM PAR BCAD PA 'DI MTSAN NYID SGRA LAS ZHEN PA'I CHA 'DZIN PAR MNGON PAR MA YIN NO, ,'O NA CI ZHE NA, SGRUB PA'I NGO BOR ZHEN PA NYID SKYED PAR BYED DO ZHES BYA BA'I DON TE, SGRAS MA ZHEN PA'I DNGOS PO'I CHA YANG SGRA'I DON DU RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA BAS NA DAM BCA' BA GRAGS PAR GNOD PA YIN NO SNYAM DU BSAMS PA YIN NO, ,YANG THAL BAR 'GYUR BA SGRUB PAS GRAGS PA DANG 'GA' BA NYID BSTAN PA'I PHYIR, GAL TE GZHAN LA ZHES BYA BA LA SOGS PA SMOS TE, GANG DAG BA LANG RTA LA SOGS PA THA DAD PA'I SPYI BRJOD PA DANG, YANG GANG DAG KHRA BO LA SOGS PA BYE BRAG BRJOD PA DE DAG THAMS CAD KHYED LA RNAM GRANGS PAR 'GYUR TE, DON THA DAD PA MED PA'I PHYIR SHING LDON PA DANG RTZA BAS 'THUNG LA SOGS PA BZHIN NO, ,YANG CI'I PHYIR DON THA DAD PA MED CE NA, 'DRES DANG ZHES BYA PA LA SOGS PA SMOS TE, DNGOS PO KHO NA LA BSRE BA NYID DANG, GCIG NYID DANG, SNA TSOGS PA LA SOGS PA'I RNAM PAR RTOG PA SRID PA YIN GYI DNGOS PO MED PA LA NI MA YIN NO, ,GZHAN SEL BA RNAMS NI DNGOS PO MED PA'I PHYIR PHAN TSUN 'DRE BA LA SOGS PA'I RNAM PAR RTOG PA RIGS PA MA YIN NO; ,DE'I PHYIR JI LTAR 'DI DAG GI PHAN TSUN THA DAD PA 'GRUB PAR 'GYUR, CI STE DE DAG THA DAD KHAS LEN PAR BYED NA, DE LTA YIN NA NGES PAR DNGOS PO NYID DU 'GYUR RO ZHES STON PA NI, GAL TE THUN MONG ZHES BYA BA LA SOGS PA'O, ,DNGOS PO YIN ZHES BYA BA NI BSGRUB BYA STON PA'O, ,SBYOR BA

325a

, ,NI GANG DAG PHAN TSUN THA DAD PA DE DAG NI DNGOS PO YIN TE, RANG GI MTSAN NYID BZHIN NO, ,GZHAN SEL BA YANG PHAN TSUN THA DAD PA YIN NO ZHES BYA BA NI RANG BZHIN GYI GTAN TSIGS SO, ,DE LTA YIN DANG DNGOS PO NYID YIN NA SGRUB PA KHO NA SGRA'I DON YIN NO ZHES BYA BAR GRUB BO, ,'DIS NI DAM BCA' BA LA RJES SU DPAG BAS GNOD PA BSTAN PA YIN NO, ,YANG SEL BA RNAMS DNGOS PO MED PA NYID DU KHAS LEN PA NI DE'I TSE SNA TSOGS PA NYID MED PA'I PHYIR SNGA MA BZHIN DU RNAM GRANGS PA NYID DU THAL BAR 'GYUR RO ZHES BYA BA 'DI NI NGES SO, ,'DIR GZHAN GYIS SANGS RGYAS PA'I LEN GYI DOGS PA BSU BA NI, 'ON TE GSAL BYA ZHES BYA BA LA SOGS PA STE, JI SKAD DU, BSAL BYA'I DBYE BAS THA DAD DON, ,RANG DON THA DAD RTOGS PA BLUN, ,ZHES BSHAD PA BZHIN NO, ,DE LTA YIN DANG RANG LAS THA DAD PA MED NA YANG GSAL BAR BYA BA'I RTA LA SOGS PA THA DAD PAS BA LANG MA YIN PA LAS LDOG PA'I NGO BO'I SEL BA THA DAD DU GRUB PA NA RNAM GRANGS PA 'DI NYID DU MI 'GYUR RO, ,DE NI RANG LAS KHYAD PAR MED, ,CES BYA BA LA SOGS PAS GZHAN DAG SUN 'BYIN PA YIN TE, SEL BA DE NI RANG LAS KHYAD PAR TE SNA TSOGS PA NYID YOD PA MA YIN TE, MED PA RO GCIG PA'I PHYIR RO, ,'DI GZHAN LAS YIN NA YANG KUN BRTAG PA NYID DU 'GYUR GYI, DON DAM PA BA NI MA YIN NO, ,RANG LAS THA DAD PA MED PA DE NI GZHAN LAS SRID PA RIGS PA MA YIN NO, ,CI'I PHYIR RIGS PA MA YIN ZHE NA, GANG PHYIR RTEN NI ZHES BYA BA LA SOGS PA SMOS TE, 'DI LTAR 'DREN PA NI 'BREL PA STE KHRA BO LA SOGS PA NANG GI YAN LAG YIN NA YANG SEL BA 'DI NI NGO BO STE RANG BZHIN GYIS DBYE BAR MI NUS TE, KHRA BO LA SOGS PA MANG PO DAG LA YANG BA LANG MA YIN PA RNAM PAR GCOD PA'I MTSAN NYID KYIS SEL BA GCIG 'JUG PAR 'DOD PA'I PHYIR RO, ,DE JI LTAR PHYI ROL GYI YAN LAG TU GYUR PA GSAL BAR BYA BA RTA LA SOGS PA DAG GI THA DAD PAR 'GYUR, GANG ZHIG NANG GI YAN LAG GIS KYANG DON THA DAD PAR BYED PA MA YIN PA DE PHYI ROL GYI YAN LAG GIS 'GYUR BA MA YIN TE, PHYI ROL GYI YAN LAG NYAMS PAR THAL BAR 'GYUR BA'I PHYIR RO, ,DE LTA BAS NA 'DI NI KHYAD PAR DANG LDAN PAR BTAGS PA YIN NO ZHES BZHAD GANG DU BYED PA YIN NO, ,'O NA DE LTA NA NANG GI YAN LAG RTEN DANG 'DRES

325b

PA THA DAD DU BYED PAR 'GYUR RO ZHE NA, DE BZHIN ZHES BYA BA LA SOGS PA SMOS TE, 'DI NI ZHES BYA BA NI GZHAN SEL BA'O, ,CI'I PHYIR MI RIGS SHE NA, 'BREL PA CAN NI ZHES BYA BA LA SOGS PA SMOS TE, DE NI RANG BZHIN MED PA'I PHYIR DNGOS PO MED PA GANG YIN PA 'BREL PA CAN THA DAD DO ZHES BYA BA RE ZHIG LTA ZHOG ,JI SRID DU DNGOS PO LA YANG 'BREL BA CAN THA DAD PA THA DAD PAR MI DMIGS PA KHO NA STE, 'DI LTAR LHA SPYIN LA SOGS PA DNGOS PO GCIG YIN NA YANG RIM MAM CIG CAR GYIS STEN LA SOGS PA DU MA DANG 'BREL PA CAN THA DAD PA MI SGRUB PA NYID DU DMIGS SO, ,GANG ZHIG GZHAN LAS LDOG PA'I DNGOS PO MA YIN PA DNGOS PO MA YIN PA'I PHYIR GANG DU YANG MA 'DRES PA STE MA 'DRES PA DNGOS PO MED PA NYID KYIS GZHAN DAG LAS TE RIGS MI MTHUN PA LAS LDOG PA MA YIN PA LTA SMOS KYANG CI DGOS, DE NYID KYI PHYIR KHYAD PAR GYI CHA SHAS MA GTOGS PA DE DE 'DRA BA'I 'BREL PA CAN THA DAD PAS KYANG JI LTAR THA DAD PAR 'GYUR, GZHAN YANG 'BREL PA CAN THA DAD PAS THA DAD PA YIN DU CHUG MOD, DE LTA NA YANG GANG ZHIG THA DAD PAS DE THA DAD PAR RTOGS PA SPYI DNGOS POR GYUR PA KHAS MI LEN NA KHYED CAG GI SEL BA'I RTEN 'BREL PA CAN DE NYID MI 'GRUB BO ZHES BSTAN PA NI, 'DRA BA NYID DU MA GRUB PA ZHES BYA BA LA SOGS PA STE, GAL TE BA LANG LA SOGS PA'I DNGOS POR GYUR PA'I 'DRA BA GRUB PAR GYUR NA DE'I TSE 'DI DAG GI RTA LA SOGS PA SEL BA'I RTEN NYID KHYAD PAR MED 'GYUR GYI GZHAN DU NI MA YIN NO, ,DE LTA YIN DANG 'DI DAG SEL BA'I YUL CAN DU 'DOD NA GDON MI ZA BAR 'DRA BA KHAS BLANG BAR BYA DGOS LA, DE NYID SPYI DNGOS POR GYUR PA SGRA'I BRJOD BYAR 'GYUR BA'I PHYIR SEL BA BRTAGS PA DON MED PA YIN NO SNYAM DU BSAMS PA YIN NO, ,YUL GYI SGRA NI 'DIR RTEN RJOD PAR BYED PA YIN TE, DPER NA NYA YI YUL NI CHU YIN NO ZHES BYA BA LTA BU'O, ,GANG DAG GSAL BYA THA DAD DU RTOG PA DE DAG NI DE YANG SPYI DNGOS POR GYUR PA MED PAR 'GRUB PAR MI 'GYUR RO ZHES BYA BA STON PA NI, GSAL BAR BYA BA'I ZHES BYA BA LA SOGS PA STE, GAL TE RTA LA SOGS PA THAMS CAD LA THUN MONG PA'I CHOS GCIG PO 'GA' ZHIG RJES SU 'GRO BAR GYUR NA DE'I TSE DE DAG THAMS CAD LA BA LANG LA SOGS PA'I SGRA DAG GIS GSAL BAR

326a

, ,'GYUR GYI GZHAN DU NI MA YIN TE, KHYAD PAR YONGS SU MA SHES PA'I PHYIR RO, ,THUN MONG BA'I CHOS KHAS LEN NA YANG SEL BA BRTAGS PA DON MED PAR 'GYUR RO, ,DES NA STE DE'I PHYIR SEL BA MI 'GRUB BO, ,GZHAN YANG KHYED CAG GIS SGRA DANG RTAGS DAG GIS SEL BA RTOGS PAR BYED DO ZHES BYA BAR 'DOD LA, SGRA DANG RTAGS DE DAG SPYI DNGOS POR GYUR PA MED PAR 'JUG PAR MI RIGS TE, DE LTA BAS NA GANG GIS SEL BA RTOGS PAR BYED CES BYA BA 'DI STON PA NI, RJES SU 'GRO BA DANG BRAL ZHES BYA BA LA SOGS PA STE, RJES SU 'GRO BA DANG BRAL ZHES BYA BA NI RJES SU 'GRO BA MED PAR ZHES BYA BA'I DON TO, , DE DAG CES BYA BA NI SGRA DANG RTAGS DAG MED NA SEL BA MED DO RTOGS PA ZHES BYA BA LHAG MA'O, ,RANG GI MTSAN NYID KYIS RJES SU 'GRO BA BYAS NAS SGRA DANG RTAGS DAG 'JUG PAR 'GYUR RO ZHE NA, THUN MONG MIN LA RJES 'GRO MED, ,CES BYA BA SMOS TE, RANG GI MTSAN NYID THUN MONG MA YIN PA GZHAN LA MI BRTEN PA DE JI LTAR DES RJES SU 'GRO BAR 'GYUR, DE'I PHYIR DE LTAR SEL BA BRTAGS PA NA SGRA DANG RTAGS DAG 'JUG PA NYID DU MI 'GYUR RO, ,'JUG PA YIN DU CHUG MOD, DE LTA NA YANG 'DI DAG LA TSAD MA NYID DU KHAS LEN PA NYAMS PAR 'GYUR RO ZHES STON PA NI, SEL BA YANG NI ZHES BYA BA LA SOGS PA STE, RTOGS PAR BYA BA'I DON LA MA 'KHRUL PA YIN NA SGRA DANG RTAGS DAG TSAD MA NYID DU 'GYUR RO, ,RTOGS PAR BYA BA'I DON YANG KHYOD KYIS SEL BA LA 'DOD LA, DE YANG DNGOS PO MED PA'I PHYIR MA GRUB STE, RANG BZHIN MED PA NYID YIN NO, ,DE LTA BAS NA SGRA DANG RTAGS DANG LHAN CIG SPYOD PA STE MA 'KHRUL PA GANG DU STE YUL GANG LA YIN PA SMROS SHIG ,SMRAS PA, DES CIG ZHIG BYA ZHE NA, DE DAG CES BYA BA LA SOGS PA SMOS TE, DE DAG CES BYA BA NI SGRA DANG RTAGS DAG GO, ,DE LA ZHES BYA BA NI LHAN CIG SPYOD PA LA'O, ,TSAD MA'I MTSAN NYID NI MI SLU BA'I PHYIR RO SNYAM DU BSAMS PA'O, ,CI STE YANG RIGS MI MTHUN PA MA MTHONG BA TZAM GYIS SGRA DANG RTAGS DAG GIS LHAN CIG SPYOD PA MA BZUNG BAR RANG GI DON RTOGS PAR 'GYUR RO SNYAM NA, DE DAG MA MTHONG BA ZHES BYA BA SMOS TE, TZAM SMOS PA NI RJES SU 'GRO BA MTHONG BA RNAM PAR BCAD PA'I DON DU'O, ,CI'I PHYIR MI 'GYUR ZHE NA, THAMS CAD NI ZHES

326b

BYA BA LA SOGS PA SMOS TE, THAMS CAD LA STE RIGS MTHUN PA DANG, RIGS MI MTHUN PA DANG, RANG GI DON LA'O, ,DE LTA YIN DANG 'DI NI RANG GI DON NO, ,'DI NI GZHAN GYI DON NO ZHES BYA BA DE LTA BU RTOGS PA STE, SHES PA KHYAD PAR DU MI 'GYUR RO, ,RANG GI DON YANG MI RTOGS NA DE LA YANG MA MTHONG BA'I PHYIR GZHAN GYI DON BZHIN ZHES BYA BA'I THA TSIG GO, ,LA LAR RTOGS PAR BYA BA ZHES 'DON PA DER NI RTOGS PAR BYA BA STE BRJOD PAR BYA BA'I DON KHYAD PAR DU 'GYUR BA MA YIN NO ZHES BYA BA'I DON TO, ,DE'I PHYIR DE LTAR SGRA DANG RTAGS DAG GI 'JUG PA DANG TSAD MA KHAS BLANGS PA NYAMS PAR THAL BAR 'GYUR BA'I PHYIR SEL BA SGRA'I DON DU RIGS PA MA YIN NO, ,GANG YANG 'DRA BA NYID DU MA GRUB BO ZHES BYA BA LA SOGS PA SMOS PA DE LA GZHAN GYI LEN GYI DOGS PA BSU BA NI, 'ON TE 'DRA BA NYID MED KYANG ZHES BYA BA LA SOGS PA STE, GAL TE 'DRA BA MED PAR KHRA BO LA SOGS PA SEL BA RTOGS PAR 'GYUR NA DE'I TSE BA LANG DANG RTA YANG CI'I PHYIR RTOGS PAR MI BYED DE, KHYAD PAR MED PA'I PHYIR RO, ,BA LANG DANG RTA LA SOGS LA YANG ZHES BYA BA 'DI'I MTSAN NYID BRJOD PA'I PHYIR BRAM ZES BA LANG DANG RTA DAG GI ZHES BSHAD DO, ,KHYAD PAR MED PA DE NYID STON PA NI, KHRA BO LAS ZHES BYA BA LA SOGS PA STE, GANG DU BA LANG MIN SEL 'JUG ,CES BYA BA LA, JI LTAR KHRA BO LAS MI 'DRA BA'I PHYIR RTA LA MI 'JUG PA DE BZHIN DU SER ZAL LA YANG DE DANG MI MTHUN PA YOD PA'I PHYIR DE LA YANG 'JUG PAR MI 'GYUR RO, ,DE BZHIN DU KHRA BO LA SOGS PA LA YANG SBYAR BAR BYA STE, THAMS CAD DU MI 'DRA BAR KHYAD PAR MED PA'I PHYIR RO, ,GZHAN YANG JI LTAR RANG GI MTSAN NYID LA SOGS PA LA BRDA MI SRID PA'I PHYIR SGRA'I DON DU MI RIGS PA DE BZHIN DU SEL BA LA YANG NGO ZHES BSTAN PA'I PHYIR, BA LANG MIN SEL DBANG POS KYANG, ,ZHES BYA BA LA SOGS PA SMOS TE, RANG GIS NGES PA'I DON LA BRDA BYED PA POS BRDA BYED PA YIN TE, GZHAN SEL BA NI SU ZHIG GIS KYANG DBANG BO DAG GIS NGES PA MA YIN NO, ,DANG POR TE, THA SNYAD KYI DUS LAS SNGAR MING DANG MING CAN 'BREL PA'I DUS SU ZHES BYA BA'I DON TO, ,DE NI DNGOS PO MA YIN PA'I PHYIR LA DBANG PO RNAMS NI DNGOS PO'I YUL CAN YIN PA'I PHYIR RO SNYAM DU BSAMS PA YIN NO, ,'DI SNYAM DU GZHAN LAS LDOG PA'I RANG GI

327a

, ,MTSAN NYID DMIGS NAS SGRA SBYOR BAR BYED DO SNYAM DU SEMS NA, GZHAN LA SGRA 'JUG MA YIN ZHES BYA BA SMOS TE, GZHAN SEL BA LAS GZHAN RANG GI MTSAN NYID LA ZHES BYA BA'I DON TO, ,SEL BA DNGOS POS NGES PA MA YIN MOD KYI RJES SU DPAG PAR 'GYUR RO ZHE NA, SNGAR BSTAN PA'I ZHES BYA BA LA SOGS PA SMOS TE, DE LA SNGAR BSTAN PA'I RNAM PA RJES SU 'GRO BA DANG BRAL BA'O, ,SGRA DANG RTAGS DAG 'JUG PA MA YIN ZHES BYA BA LA SOGS PA'O, ,'BREL PA NYAMS SU MYONG BA ZHES BYA BA LA SGRA DANG LHAN CIG CES BYA BA NI LHAG MA'O, ,SNGAR BSTAN PA'I MI 'DRA BA LA SOGS PA MI 'THAD PA 'BA' ZHIG TU MA ZAD CES YANG GI SGRA BSTAN TO, ,DE NA NI DE'I PHYIR RO, ,DE'I PHYIR DE LTAR BRDA MA BYAS PAR YANG SEL BA YANG SGRA 'JUG PAR KHAS BLANGS PA'I PHYIR BRDA MA BYAS PA'I PHYIR ZHES BYA BA'I GTAN TSIGS 'DI MA NGES PA NYID DU BSTAN NAS, YANG SEL BA LA BRDA MI SRID PAR BSTAN PA'I PHYIR, BA LANG MIN PA'I SGRAS BRJOD BYA, ,ZHES BYA BA LA SOGS PA SMOS TE, JI LTAR RTA LA SOGS PA BA LANG MA YIN PA'I SGRA'I BRJOD PAR BYA BA NYID DE, BA LANG GI SGRAS BRJOD PAR BYA BA MA YIN PAR, KHYED CAG GIS RTOGS PAR BYA'O ZHES BYA BA 'DI KHYED CAG GIS BRJOD PAR 'OS SO, ,SANGS RGYAS PAS SMRAS PA, GANG DU 'BREL PA ZHES BYA BA LA SOGS PA LA 'BREL PA NYAMS SU MYONG BA'I TSE ZHES BYA BA NI BRDA RTOGS PA'I DUS NA ZHES BYA BA'I DON TO, ,'O NA BA LANG ZHES BYA BA LA SOGS PAS PHA ROL PO SUN 'BYIN PA 'CHAD DE, GAL TE BRDA NYAMS SU MYONG BA'I DUS NA DMIGS PA GANG YIN DE LAS GZHAN DU BA LANG GI SGRA 'JUG PAR MI 'DOD PA DE'I BRDA'I YUL DU BYAS PA'I KHRA BO LA SOGS PA'I BA LANG GI GONG DU GCIG LA GZHAN GANG YIN PA SER ZAL LA SOGS PA DE YANG BA LANG SEL BAR 'GYUR RO, ,DE LTA YIN DANG SPYI BRJOD PAR BYA BA YIN NO ZHES BYA BA MI 'GRUB BO, ,PHAN TSUN BSTEN PA'I SKYON DU THAL BAR 'GYUR BA ZHES BYA BA 'DI LAS KYANG SEL BA LA BRDA BYA BAR MI NUS SO ZHES BYA BA BSTAN PA'I PHYIR GRUB NA YANG ZHES BYA BA LA SOGS PA SMOS TE, BA LANG MA YIN PA RNAM PAR BCAD NAS BA LANG RTOGS LA, BA LANG MA YIN PA DE YANG BA LANG BKAG PA'I BDAG NYID YIN NO, ,DE LTA YIN DANG GANG GIS BA LANG

327b

MA YIN PA ZHES BYA BA 'DI LA BA LANG DGAG PAS 'GOGS PAR 'GYUR BA LANG MA YIN PA ZHES BYA BA 'DI LA TSIG PHYI MA'I DON BRJOD PAR BYA DGOS SO, ,RANG GI NGO BO MI SHES PA NI DGAG PAR NUS PA MA YIN NO, ,CI STE YANG 'DI LA CI ZHIG BRJOD PAR BYA, 'DI'I BA LANG ZHES BYA BA NI BA LANG MA YIN PA LAS LDOG PA'I BDAG NYID YIN NO SNYAM NA, GAL TE DE NI ZHES BYA BA LA SOGS PA SMOS TE, DE NI ZHES BYA BA NI BA LANG NGO, ,'DI LTAR BA LANG MA YIN PA LAS LDOG PA'I RANG BZHIN YIN PA'I PHYIR BA LANG NI BA LANG MA YIN PA RTOGS PA'I SGO NAS RTOGS PA LA, BA LANG MA YIN PA YANG BA LANG DGAG PA'I BDAG NYID YIN PA'I PHYIR BA LANG RTOGS PA'I SGO NAS RTOGS PA'I PHYIR PHAN TSUN BSTEN PA GSAL BAR RAB TU 'JUG PA YIN NO, ,CI STE YANG BA LANG MA YIN PA'I SGRAS BA LANG GANG YIN PA 'GEGS PA NA BA LANG MA YIN PA RNAM PAR GCOD PA'I MTSAN NYID KYI SEL BA GRUB PAR BYA BA'I DON DU SGRUB PA'I NGO BO DE NYID SEL BA'I DON DU GRUB STE, DES NA PHAN TSUN BSTEN PAR MI 'GYUR RO SNYAM NA, DE'I PHYIR GRUB MTHA' LA'ANG ZHES BYA BA LA SOGS PA SMOS TE, GAL TE DE LTA YIN NA SGRA THAMS CAD SEL BA'I DON CAN ZHES BYA BA DE LTA BU'I SEL BA RTOGS PA DON MED PA YIN TE, SGRUB PA'I NGO BO DON YANG YOD PA'I PHYIR RO, ,DE LTA BAS NA GRUB PA'I NGO BO 'GA' ZHIG SGRA'I DON DU GRUB PAR KHAS BLANG BAR BYA DGOS TE, DE KHAS MI LEN NA YANG PHAN TSUN BSTEN PA'I NYES PA BZLOG PAR DKA'O, ,PHAN TSUN BSTEN PA'I NYES PA DE NYID MJUG BSDU BA'I PHYIR, BA MA GRUB NA ZHES BYA BA LA SOGS PA SMOS TE, DE MED CES BYA BA NI BA LANG MA YIN PA MED NA'O, ,SLOB DPON PHYOGS KYI GLANG POS KHYAD PAR DANG KHYAD PAR CAN GYI DNGOS PO BSGRUB PA'I PHYIR AUTPALA SNGON PO LA SOGS PA'I SGRA NI DON GZHAN LA LDOG PA'I SGRA KHYAD PAR CAN BRJOD DO ZHES BYA BA BSHAD PA DE NI MI RIGS SO ZHES BSTAN PA'I PHYIR, RTEN DANG BRTEN PA ZHES BYA BA LA SOGS PA SMOS TE; GANG ZHIG GANG DANG LHAN CIG DNGOS PO PA'I 'BREL PA YOD PA DE NI DES KHYAD PAR DU BYAS PA YIN NO ZHES BYA BAR RIGS LA, SNGON PO DANG AUTPALA DAG GI SNGON PO MA YIN PA DANG AUTPALA MA YIN PA RNAM PAR BCAD PA'I NGO BO NYID KYIS DNGOS PO MED PA DAG LA NI RTEN DANG BRTEN PA LA SOGS PA'I 'BREL PA SRID PA

328a

, ,MA YIN TE, NGO BO MED PA'I PHYIR RO, ,SOGS PA SMOS PAS NI LDAN PA DANG 'DU BA DANG DON GCIG LA 'DU BA LA SOGS PA'I 'BREL PA GZUNG NGO, ,DNGOS PO BA'I 'BREL PA MED NA DES KHYAD PAR DU BYAS PA RTOGS PAR RIGS PA YANG MA YIN TE, HA CANG THAL BAR 'GYUR BA'I PHYIR RO; ,CI STE YANG GANG LAS SKYON 'DIR 'GYUR BA KHO BO CAG NI SNGON PO MA YIN PA LAS RTOGS PAS KHYAD PAR CAN GYI AUTPALA LA SOGS PA RNAM PAR GCOD PA NI MA YIN NO, ,'O NA CI ZHE NA, SNGON PO LA MA YIN BA DANG AUTPALA MA YIN PA DAG LAS LDOG PA'I DNGOS PO NYID DE LTAR RNAM PAR GNAS LA, DE LAS DON GZHAN LAS LDOG PA'I KHYAD PAR CAN BRJOD DO ZHES BYA BA'I DON 'DIR 'DOD DO SNYAM NA, DE'I PHYIR THUN MONG MIN PA'I ZHES BYA BA LA SOGS PA SMOS TE RANG GI MTSAN NYID NI BRJOD PAR BYA BA MA YIN PA'I PHYIR DANG, DE DANG LDAN PA'I PHYOGS LA YOD PA'I SKYON DU THAL BAR 'GYUR BA'I PHYIR RO SNYAM DU BSAMS PA YIN NO, ,THUN MONG MA YIN PA'I DNGOS PO GO BAR BYA BA YIN LA RAG MOD, DE LTA NA YANG DE GZHAN LAS LDOG PAS KHYAD PAR CAN NYID DU MI 'GRUB PO ZHES STON PA NI, DNGOS PO DANG NI ZHES BYA BA LA SOGS PA STE, DNGOS PO NI THUN MONG MA YIN PA'O, ,DNGOS MED NI SEL BA'O, ,DNGOS BO DANG DNGOS PO MED PA DAG LA 'BREL PA RIGS PA YANG MA YIN TE, DE'I RTEN NI DNGOS PO GNYIS YIN PA'I PHYIR RO, ,'BREL BA YOD DU CHUG MOD, DE LTA NA YANG SEL BA KHYAD PAR NYID DU MI RIGS SO ZHES STON PA NI, RANG GI NGO BO ZHES BYA BA LA SOGS PA'O, ,SNGON PO LA SOGS PA YOD PA TZAM GYIS AUTPALA LA SOGS PA'I KHYAD PAR DU 'GYUR BA NI MA YIN NO, ,'O NA CI ZHE NA, SHES PA YIN NA STE, GANG ZHIG RANG GI RNAM PA'I RJES SU BYED PA'I BLOS KHYAD PAR CAN GSAL BAR BYED PA DE NI KHYAD PAR ZHES BYA'O, ,SEL BA NI RNAM PA 'DI YOD PA YANG MA YIN NO ZHES STON PA NI, RTA LA SOGS PA ZHES BYA BA LA SOGS PA'O, ,RTA LA SOGS PA'I BLOS NI SEL BA NGES PA MA YIN NO, ,'O NA CI ZHE NA, DNGOS PO NYID DE, DE LTAR YIN DANG SEL BA'I RTOGS PA MED PA'I PHYIR BLO DES RTA LA SOGS PA GSAL BAR BYED BA MA YIN NO, ,'DI SNYAM DU SEL BA MA SHES NA YANG KHYAD PAR DU 'GYUR BA YIN NO SNYAM DU SEMS NA,

328b

'DI LA ZHES BYA BA LA SOGS PA SMOS TE, KHYAD PAR MA BZUNG BAR NI KHYAD PAR CAN GYI BLOR 'GYUR BA MA YIN TE, KHYAD PAR MI SHES PA GANG LA YOD PA DE LA DE SKAD CES BYA BA'O, ,BLO LA YOD PA'I SEL BA YIN DU CHUG MOD, DE LTA NA YANG DNGOS PO LA DE'I RNAM PA'I BLO MED PA'I PHYIR DE DE'I KHYAD PAR DU RIGS PA MA YIN NO ZHES BSTAN PA'I PHYIR, GZHAN GYI NGO BO ZHES BYA BA LA SOGS PA SMOS TE, KHYAD PAR THAMS CAD NI KHYAD BAR CAN LA RANG GI RNAM PA RJES SU BYED PA'I BLO SKYED PAR BYED PA MTHONG GI ,KHYAD PAR MI 'DRA BA NI KHYAD PAR CAN LA MI 'DRA BA'I BLO SKYED PAR BYED PA MA YIN NO, ,SNGON PO NI AUTPALA DMAR PO ZHES BYA BA LAS, DBYIG PA NI RNA CHA CAN ZHES BYA BA'I BLO SKYED PAR BYED PA MA YIN PA LTAR 'DI RTA LA SOGS PA LA MED BA DANG RJES SU MTHUN PA'I SGRA LAS BYUNG BA'I BLO SKYE BA MA YIN NO, ,'O NA CI ZHE NA, DNGOS PO'I RNAM PAR ZHEN PA YIN NO, ,'DI SNYAM DU MI 'DRA BA'I SHES PA SKYED BAR BYED PA YANG KHYAD PAR DU BRJOD DO SNYAM DU SEMS NA, JI LTAR ZHES BYA BA LA SOGS PA SMOS TE, MI 'DRA BA ZHES BYA BA NI KHYAD PAR DANG RJES SU MI MTHUN PA'O, ,GAL TE YIN NA SKYON CI YOD CE NA, CI STE ZHES BYA BA LA SOGS SMOS TE, CI STE GAL TE KHYAD CAG GI KHYAD PAR RJES SU MTHUN PA NYID KYI KHYAD PAR CAN LA RNAM PA GZHAN DU GNAS NA YANG KHYAD PAR DU RTOGS PA YIN NA, DE LTA NA NI SNGON PO LA SOGS PA THAMS CAD THAMS CAD KYI KHYAD PAR DU 'GYUR RO, ,DE LTA YIN DANG RNAM PAR MI GNAS PAR 'GYUR RO, ,CI STE YANG SEL PAS KYANG RANG GI BLOS KHYAD PAR DU BYAS PA'I DNGOS PO GSAL BAR BYED PA KHO NA'O SNYAM DU SEMS NA, MED PAS GO BYA ZHES BYA BA LA SOGS PA SMOS TE, MED PA NI SEL BA'O, ,MED PA DES GO BAR BYA BA NI MED PAS GO BYA'O, ,MED PAS GO BAR BYA BA'I RANG BZHIN RANG GI NGO BO KHYAD PAR DU BYA BA'I DNGOS PO GANG LA YOD PA DE LA DE SKAD CES BYA'O, ,GAL TE MED PA'I NGO BOS DNGOS PO RTOGS PAR 'GYUR NA DE'I TSE DE DNGOS PO NYID DU MI 'GYUR TE, DNGOS PO DANG DNGOS PO MED PA DAG NI 'GAL BA'I PHYIR RO, ,DKYUS MA NYID MJUG BSDU BA'I PHYIR, DE PHYIR SEL BAS ZHES BYA BA SMOS SO, ,'DI SNYAM DU GZHAN LAS LDOG PA NYID KYI DNGOS PO LA SGRA DANG RTAGS DAG 'JUG BAR MTHONG GI GZHAN SEL BA DANG

329a

, ,BRAL BA LA NI MA YIN NO, ,DES NA SGRA DANG RTAGS DAG GIS SEL BA BSTAN PAR BYA BA MA YIN NO ZHES BRJOD KYI, MED PAR DGAG PA TZAM BSTAN PA LAS NI MA YIN NO, ,DES NA GRAGS PA LA SOGS PA DANG 'GAL BA JI SKAD DU BSHAD PA THAMS CAD DU 'GYUR RO SNYAM DU DOGS PA BSU NAS, GAL TE SEL BA ZHES BYA BA LA SOGS PA SMOS TE, GAL TE DNGOS PO DE GZHAN LAS LDOG PA YIN PA DE LTA NA YANG DE LA SGRA DANG RTAGS LAS BYUNG BA'I RTOGS PA SKYE BA NA GZHAN LAS ZLOG PA YIN NA YANG DMIGS PA NI MA YIN NO, ,'O NA CI ZHE NA, DNGOS PO'I CHA NYID LA MNGON PAR RGYUGS PA YIN TE, DE LA RJES SU CHAGS PA'I PHYIR RO, ,DNGOS PO'I CHA GANG KHO NA SGRA'AM RTAGS LAS BYUNG BA'I SHES PAS NGES PA DE KHO NA'I YUL YIN GYI, YOD NA YANG MA NGES PA NI MA YIN NO, ,ME TOG MA LI KA LA SOGS PA'I SGRA NI DRI LA SOGS PA YOD PA NYID KYIS KYANG BRJOD BYA NYID DU RNAM PAR 'JOG PA NI MA YIN NO, ,GANG ZHIG GZHAN LAS LDOG PA'I DNGOS PO LA SGRA DANG RTAGS DAG 'JUG PA YIN NO ZHES BYA BA DE YANG RIGS PA MA YIN NO ZHES STON PA NI, THUN MONG MA YIN ZHES BYA BA LA SOGS PA STE, GZHAN LAS LDOG PA'I DNGOS PO YIN NA KHYED KYI LUGS KYIS RANG GI MTSAN NYID THUN MONG MA YIN PA NYID DU 'GYUR TE, DE NI SGRA DANG RTAGS LAS BYUNG BA'I BLO LA GSAL BA YANG MA YIN NO, ,KHYED KYI LUGS KYIS DE RTOGS PA MED PA'I BLO GZUNG BAR BYA BA YIN PA'I PHYIR DANG, SGRA DANG RTAGS LAS BYUNG BA'I BLO'I YUL YANG SPYI'I MTSAN NYID YIN PA'I PHYIR RO, ,CI STE YANG 'DI RANG GI MTSAN NYID KYI YUL CAN DU KHAS LEN PA DE YANG RIGS PA DANG 'BREL PA MA YIN NO ZHES BSTAN PA'I PHYIR, RNAM RTOG MED PA PA ZHES BYA BA LA SOGS PA SMOS TE, THUN MONG MA YIN PA'I DNGOS PO NI SGRA DANG RTAGS LAS SKYES PA'I SHES PA RTOGS PAR BYA BA MA YIN TE, DER RTOGS PA THAMS CAD NUB PA'I PHYIR RO,, 'DI LTAR RTOGS PA NI RIGS LA SOGS PA'I KHYAD PAR LA REG PA NYID KYIS 'JUG GI DAG PA'I DNGOS PO 'DZIN PAS NI MA YIN NO, ,YANG CI STE SGRAS GO BAR BYA BA MA YIN PA'I THUN MONG MA YIN PA'I DNGOS PO YANG LDOG PAR KHYAD PAR CAN DU BRJOD DO SNYAM NA, SGRA'I RTOGS BYA MA YIN ZHES BYA

329b

BA LA SOGS PA SMOS TE, RNAM PA GZHAN GYIS KYANG SPYI DNGOS PO NYID DU BSGRUB PA'I PHYIR, GANG TSE ZHES BYA BA LA SOGS PA SMOS TE, GSAL BA RNAMS ZHES BYA BA NI THUN MONG MA YIN PA'I DNGOS PO RNAMS TE, BRJOD BYA MA YIN PA'I PHYIR BSAL BAR BYA BA MA YIN TE, MA BRJOD PA NI BSAL BAR BYA BAR MI NUS PA'I PHYIR RO, ,DE TSE SPYI NI BSAL BYA YIN, ,ZHES BYA BA NI BRJOD PAR BYA BA YIN PA'I PHYIR RO SNYAM DU BSAMS PA YIN NO, ,'DI SNYAM DU GAL TE SPYI BSAL BAR BYA BA YIN PA DE LTA NA YANG JI LTAR DE DNGOS PO NYID DU 'GRUB PAR 'GYUR SNYAM DU SEMS NA, DE'I PHYIR, MED PA RNAMS NI BSAL BYA MIN, ,ZHES BYA BA LA SOGS PA SMOS TE, MED PA RNAMS ZHES BYA BA NI GZHAN SEL BA RNAMS SO, ,GAL TE YIN NA DNGOS PO NYID DU 'GYUR RO, ,'DI LA 'THAD PA SMRAS PA, MED PA'I MED PA SPANGS PHYIR RO, ,ZHES BYA BA LA, MED PA RNAMS KYI MED PA'I NGO BO DER BA'I PHYIR RO ZHES BYA BA'I DON TO,, 'DI SKAD DU BSTAN PA YIN TE, GAL TE SEL BA RNAMS BSAL BAR BYA BA NYID DU 'GYUR NA, DE'I TSE 'DI DAG GI MED PA'I NGO BO BKAG PA NYID DU 'GYUR RO, ,DE BKAG PA YIN NA YANG MED PAS MED PA'I NGO BO NYID DOR BAR 'GYUR RO, ,DE LTA BAS NA SEL BA'I MTSAN NYID KYI MED PA NYID KYI NGO BO DO YANG DOR BA'I PHYIR DNGOS PO NYID DU 'GYUR RO ZHES KHA CIG ZER RO, ,GZHAN DAG NA RE, MED PA'I MED PA SPANGS PHYIR RO, ,ZHES BYA BA NI MED PA RNAMS KYI MED BA'I PHYIR RO, ,MED PA'I RANG BZHIN GYI SEL BA NI BSAL BAR BYA BA MI RIGS TE, DGAG PA NI DNGOS PO'I YUL CAN YIN PA'I PHYIR RO ZHES BYA BA'I THA TSIG GO, , DE LTA BAS NA SEL BA GZHAN LA STE, RTA LA SOGS PA LA SEL BA GZHAN BA LANG LA SOGS PA'I SEL BA BSAL BA STE GSAL PO YIN TE, SPYIR GYUR PA NYID DO ZHES NGES PA YIN NO, ,DE'I PHYIR SPYI'I DNGOS PO NYID DU GRUB STE BSAL BAR BYA BA YIN PA'I PHYIR RO, ,GZHAN YANG GZHAN SEL BA RNAMS PHAN TSUN MI 'DRA BA'AM 'DRA BA YIN GRANG, DE LA RE ZHIG PHYOGS DANG PO LA NYES PA BSHAD PA NI MED PA'I ZHES BYA BA LA SOGS PA STE, MED PA STE BA LANG MA YIN PA'I SGRA'I BRJOD PAR BYA BA'I MED PA GANG YIN LA NI BA LANG GI SGRA'I BRJOD PAR BYA BA'I DON TO, ,GAL TE SNGAR BSHAD PA'I MED PA DE LAS

330a

, ,MI 'DRA BA STE, GZHAN ZHES BYA BA'I DON TO, ,DE'I TSE DNGOS PO NYID DU 'GYUR TE, DNGOS PO NI DNGOS PO MED PA LDOG PA TZAM GYI NGO BO YIN PA'I PHYIR RO, ,GAL TE MI 'DRA BA MA YIN NA DE'I TSE KHYED CAG LA BA LANG YANG BA LANG MA YIN PAR THAL BAR 'GYUR TE, DE DANG MI 'DRA BA NI DE'I BDAG NYID DU RTOGS PA MA YIN NO, ,'DI SNYAM DU BA LANG DANG RTA LA SOGS PA'I SGRA DAG GI RANG GI MTSAN NYID PHAN TSUN LDOG PA YIN GYI SEL BA GZHAN NI MED DO, ,DES NA BSAL BAR BYA BA NYID YIN PAS DE DAG DNGOS PO NYID DU THAL BAR 'GYUR BA NI MI 'DOD PA MA YIN NO SNYAM DU BSAMS NA, DE'I PHYIR GAL TE YANG ZHES BYA BA LA SOGS PA SMOS TE, GAL TE YANG YOD PA'I SGRA LAS GZHAN PA BA LANG LA SOGS PA'I SGRA LA DNGOS SU RI LA SOGS PA BSAL BAR BYA BA GRUB KYI YOD PA'I SGRA NI MED PAR BRJOD PA'I BSAL BAR BYA BA LAS GZHAN BA'I BSAL BAR BYA BA YOD PA MA YIN NO, ,MED PA KHO NA BSAL BAR BYA BA MA YIN NO ZHES BYA BA'I DON TO, ,YOD PA'I SGRA NI MED PA RNAM PAR BCAD NAS 'JUG PA'I PHYIR RO, ,DE LAS SKYON CIR 'GYUR ZHE NA, DE LA MED PA'I ZHES BYA BA LA SOGS PA SMOS TE, SNGA MA BZHIN DU MED PA'I MED PA'I SPANGS PA'I PHYIR MED PA'I SEL BA DNGOS PO NYID DU 'GYUR RO, ,DE LTA YIN DANG SEL BA SMRA BA RNAMS KYIS MED PA YANG DNGOS PO NYID DU THAL BAR 'GYUR BA ZHES BYA BA'I KHAS BLANGS PA DANG 'GAL BAS KYE MA DKA' BA CHEN POR LHUNG BA YIN NO, ,MED PA YANG YIN LA DNGOS PO NYID KYANG YIN LA RAG MOD CE NA, DE MA GRUB NA ZHES BYA BA LA SOGS PA SMOS TE, MED PA DE MA GRUB NA DNGOS PO 'GA' ZHIG GI YANG YOD PA 'GRUB PAR MI 'GYUR TE, KHYED CAG GI LUGS KYIS DE'I MTSAN NYID MED PA RNAM PAR BCAD NAS GNAS PA'I PHYIR RO, ,DNGOS PO MED PA DE BSAL BAR BYA BA NYID YIN NA DNGOS PO NYID DU THAL BAR 'GYUR BAS RANG GI NGO BO MA GRUB PA'I PHYIR MED PA YANG MI GRUB STE, DE NI MED PA RNAM PAR GCOD PA'I NGO BO YIN PA'I PHYIR DANG, YOD PA YANG JI SKAD DU BSHAD PAS MI RUNG BA'I PHYIR RO, ,BSAL BYA PHYI ROL GNAS PA YIS, ,DE NI 'BYED CES BYA BA LA SOGS PA SNGAR SMRAS PA GANG YIN PA DANG, GANG YANG, SEL BA RNAMS KYI THA DAD PA, ,YOD MIN DNGOS PO MIN

330b

PHYIR RO, ,ZHES BYA BA LA SOGS PA SMRAS PA DE LA SANGS RGYAS PA KHA CIG GIS LAN SMRAS PA, BSAL BAR BYA BA THA DAD PA'I RTEN THA DAD PAS SEL BA RNAMS THA DAD PA NI MA YIN GYI, 'ON KYANG THOG MA MED PA'I DUS NAS 'JUG PA SNA TSOGS PA DON JI LTA BA BZHIN MA YIN PA'I RNAM PAR RTOG PA'I BAG CHAGS KYI KHYAD PAR GYI RJES SU 'GRO BAS DE KHO NA NYID DU YUL MED NA YUNG YUL THA DAD PA LTA BUR DMIGS PA'I SHES BA DAG GIS PHYI ROL GYI DON THA DAD PA DAG LA THA DAD PA LTA BU DANG DON GYI BDAG NYID LTA BU'I RANG BZHIN MED PA'I SEL BA SGRO 'DOGS PAR BYED DE, DE DAG KYANG DE DAG GIS DE LTAR SGRO BTAGS PA'I THA DAD PA DANG YOD PAR SNANG LA, DES NA SEL BA RNAMS BAG CHAGS THA DAD BAS THA DAD PA DANG YOD PA'I NGO BOR 'GYUR RO ZHES BYA BA 'DI LA YOD PA'I NGO BO'AM ZHES BYA BA LA SOGS PA SMOS TE, 'DI SNYAM DU DNGOS PO MED PA LA NI BAG CHAGS ZHES BYA BA YOD PA MIN NO SNYAM DU SEMS TE, YUL MED PA'I SHES PA NI 'GA' YANG YOD PA MA YIN NO ZHES BYA BA 'DI NI RNAM PAR SHES PA SMRA BA DPYAD PAR GTAN LA PHAB ZIN TO, ,DE LTA YIN DANG DON JI LTA BA BZHIN MA YIN PA'I RNAM PAR RTOG PA RNAMS MI RUNG BA'I PHYIR DES BSGOM PA'I BAG CHAGS SU YANG GA LAS 'GYUR, MED LA ZHES BYA BA NI DMIGS PAR 'GYUR BA'I DNGOS PO MED PA LA STE, YUL MED PA'I SHES PA MI RUNG BAS BAG CHAGS 'JOG PAR BYED PA'I RNAM PAR SHES PA MED PA'I PHYIR BAG CHAGS GA LA YOD CES BYA BA'I DON TO, ,DE LTA YIN DANG BAG CHAGS MED PA'I PHYIR BAG CHAGS KYIS BYAS PA'I SEL BA RNAMS KYI THA DAD PA'AM YOD PA'I NGO BOR GA LAS 'GYUR ZHES BYA BAR DGONGS PA'O, ,DE LTAR RE ZHIG BRJOD PAR BYA BAR MNGON PAR 'DOD PA'I SEL BA BSAL NAS RJOD PAR BYED PAR MNGON PAR 'DOD PA YANG BSAL BAR BYA BA'I PHYIR, ,KHYED KYIS ZHES BYA BA LA SOGS PA SMOS TE, SGRA DAG GI THA DAD PA SPYI BRJOD PA DANG KHYAD PAR BRJOD PA PHAN TSUN DU THA DAD PA NI SGRA'I DBYE BA'O, ,DE'I RGYU MTSAN CAN ZHES BYA BA NI BAG CHAGS THA DAD PA'AM BRJOD PAR BYA BSAL BA THA DAD PA'I RGYU MTSAN CAN DE RGYU 'DI LA YOD PAS DE'I RGYU MCHAN CAN NO, ,'ON TE SGRA RNAMS KYI RGYU THA DAD PA'I PHYIR DANG, 'GAL BA'I CHOS DANG LDAN PA'I PHYIR

331a

, ,THA DAD DU MNGON SUM NYID KYIS GRUB PA YIN NA ZHE NA, THUN MONG MIN SGRA ZHES BYA BA LA SOGS PA SMOS TE, RJOD PAR BYED PA'I SGRA'I DBANG DU BYAS NAS 'DI BRJOD DE, GANG ZHIG RNA BA'I RNAM PAR SHES PAS GZUNG BAR BYA BA'I RANG GI MTSAN NYID THUN MONG MA YIN PA'I SGRA NI RJOD PAR BYED PA MA YIN NO, ,CI'I PHYIR ZHE NA, SNGAR MA MTHONG BA'I PHYIR RA ZHAS BYA BA SMOS TE, THA SNYAD KYI DUS SU GNAS PA'I SGRA GANG YIN PA DE NI THA SNYAD KYI DUS SU SNGAR BRDA'I DUS SU MA MTHONG LA, MA MTHONG BA GANG YIN PA DE NI 'GAGS NAS YUN RING DU LON PA'I PHYIR RO, ,DES NA THA SNYAD DU BYED PA MA YIN LA, BRDA'I DUS NA MA MTHONG BA GANG YIN PA DES THA SNYAD DU BYED PA RIGS PA YANG MA YIN TO, HA CANG THAL BAR 'GYUR BA'I PHYIR RO, ,DE LTA BAS NA RANG GI MTSAN NYID RJOD PAR BYED PA NYID MA YIN TE, 'DI LA NI KHYED CAG DANG YANG RTZOD PA YOD PA MA YIN NO, ,JI SKAD DU, DON DANG SGRA YI KHYAD PAR NI, ,BRJOD BYA RJOD BYED NYID MI 'DOD, ,DE NI SNGA ROL MA MTHONG PHYIR, ,SPYI NYID NYE BAR BSTAN PA YIN, ,ZHES BSHAD DO, ,DE LTA BAS NA RJOD PAR BYED PA'I SGRA'I DBANG DU BYAS NAS BRJOD PA'I PHYIR SKYON MED DO, ,DE LA DE LTAR GNAS PA LA JI LTAR DON GZHAN SAL BA'I DON GYI SPYI YIN PA BZHIN DU GAL TE SGRA GZHAN SEL BA SGRA'I DON SPYI YIN PA DE'I TSE, 'DRES DANG GCIG NYID SNA TSOGS KYI, ,ZHES BYA BA LA SOGS PA SNGAR BSHAD PA'I TSUL GYIS BRJOD BYA'I SEL BA BZHIN DU SGRA'I SEL BA YANG PHAN TSUN THA DAD PA GRUB PA MA YIN TE, NGO BO MED PA'I PHYIR RO, ,JI LTAR RJOD PAR BYED PA RNAMS PHAN TSUN THA DAD PA MI 'THAD PA DE BZHIN DU BRJOD PAR BYA BA DANG RJOD BAR BYED PA PHAN TSUN GCIG LA GCIG THA DAD DU MI 'THAD DE, RANG BZHIN MED PA'I PHYIR RO, ,'DI SNYAM DU BSAL BAR BYA BA THA DAD PAS THA DAD PAR 'GYUR RO SNYAM DU SEMS NA, BSAL BAR BYA BA THA DAD PA ZHES BYA BA LA SOGS PA SMOS TE, JI LTAR BSAL BAR BYA BA THA DAD PAS KYANG THA DAD DU MI 'THAD PA DE LTAR NI, DE NI RANG LAS KHYAD PAR MED, ,CES BYA BA LA SOGS PAS BSTAN ZIN TO, ,DE'I PHYIR DE LTAR DAM BCA' BA LA GRAGS PA DANG KHAS BLANGS PAS GNOD PAR BSTAN PA YIN NO, ,DA NI BRJOD PAR BYA BA DANG RJOD PAR BYED PA MED PAS THAL BAR 'GYUR BAS

331b

KHAS BLANGS PAS GNOD PA LA SOGS PA'I SKYON BSTAN PAR 'DOD NAS TSANG MA DGOD PA'I PHYIR, KHYED KYI PHYOGS LA ZHES BYA BA LA SOGS PA SMOS TE, GANG DAG DNGOS PO MED PA DE DAG LA NI GO BAR BYA BA DANG GO BAR BYAD PA MA YIN TE, NAM MKHA'I ME TOG DANG RI BONG GI RVA BZHIN NO, ,KHYED CAG GI BRJOD PAR BYA BA DANG RJOD PAR BYED PA'I SEL BA YANG DNGOS PO MED PA YIN NO ZHES BYA BA NI KHYAD PAR BYED PA 'GAL BA DMIGS PA'O, ,'ON TE SPRIN MED PA LAS CHAR BA MED PAR RTOGS PAS GTAN TSIGS MA NGES PA MA YIN NAM ZHE NA, GAL TE CHAR DANG SPRIN MED PA ZHES BYA BA LA SOGS PA SMOS TE, CHAR DANG SPRIN DAG MED PA NI YOD PA MA YIN PA STE, MED PA ZHES BYA BA'I THA TSIG GO, ,BSTAN PA NI DNGOS PO GTZO BO YIN PA'I PHYIR RO, ,CHAR 'BAB PA DANG SPRIN MED PA DE DAG MTHONG NA STE, GO BYA GO BYED CES BYA BA'I DBANG DU BYAS PA'O, ,GAL TE SANGS RGYAS PA DNGOS PO MED PA'I PHYIR ZHES BYA BA'I GTAN TSIGS MA NGES SO ZHES SMRA BA DE YANG RIGS PA MA YIN TE, 'DI LTAR DE DAG GIS DBEN PA'I NAM MKHA' DANG SNANG BA'I BDAG NYID KYI DNGOS PO 'DOR NGED KYI PHYOGS LA CHAR 'BAB PA DANG SPRIN MED PA'I SBYOR BA LA YANG YOD PA NYID DE, MED PA NI DNGOS PO NYID DU BSGRUBS ZIN PA'I PHYIR RO, ,KHYED CAG SANGS RGYAS PA'I PHYOGS LA 'DI LTA STE, CHAR 'BAB PA DANG SPRIN MED PA DAG GO BAR BYA BA DANG GO BAR BYED PA GA LAS TE MA YIN PA NYID DO, ,'ANG GI SGRA NI RIM PA GZHAN DU 'DI ZHES BYA BA'I MJUG TU 'BREL PAR BYA'O, ,DES NA DON 'DIR 'GYUR TE, KHYED CAG GI RTZOD PA GZHIR 'GYUR BA'I SEL BA DAG GO BAR BYA BA DANG GO BAR BYED PA NYID DU MI RIGS PA 'BA' ZHIG TU MA ZAD, CHAR MI 'BAB PA DANG SGRIN MED PA 'DI DAG KYANG GO BAR BYA BA DANG GO BAR BYED PA NYID DU MI RIGS PA KHO NA'O ZHES BYA BA MIN NO, ,GZHAN YANG KHYED CAG GI GANG ZHIG RJES SU 'GRO BA GTZO BO MA YIN ZHING LDOG PA GTZO CHE BA'I SGRA DANG RTAGS DAG RANG GI YUL RTOGS PAR BYED PA NYID DU SMRA STE, GANG YANG, MA MTHONG GZHAN GYI SGRA DON LA, ,RANG DON CHA YANG MTHONG BA'I PHYIR, ,SGRA YI 'BREL PA NGES PA'I PHYIR, ,'KHRUL PA YOD PA'ANG MA YIN NO, ,ZHES BYA BA LA SOGS PA SMRAS PA DE GZHAN SEL BA KHAS LEN NA MI RIGS SO ZHES BYA BA 'DI BSGRUB PA'I PHYIR, GANG GIS BSGRUB PA'I ZHES BYA BA LA

332a

, ,SOGS PA SMOS TE, DE SNGON 'GRO ZHES BYA BA NI SGRUB PA SNGON DU 'GRO BA'O, ,LDOG PA NI SGRUB PA LAS LDOG PA'I MTSAN NYID YIN PA'I PHYIR RO SNYAM DU BSAMS PA YIN NO, ,GZHAN YANG SEL BA SMRA BA RNAMS KYI AUTPALA SNGON PO LA SOGS PA'I SGRA DAG GI KHYAD PAR DANG, KHYAD PAR CAN GYI DNGOS PO DANG GZHI MTHUN PA'I 'JIG RTEN NA GRAGS PA GANG YIN PA DE LA BSNYON PAR 'GYUR RO, ,DE YANG 'DI SKAD DU KHYAD PAR CAN DANG GZHI MTHUN PA BSGRUB PA'I PHYIR, GSAL BYA'I DBYE BAS PHYE BA'I DON, ,RANG DON THA DAD RTOGS LA BLUN, ,GCIG PHYIR 'BRAS BU THA DAD PHYIR, ,KHYAD PAR KHYAD PAR CAN DAG GI ,DE TZAM ZHIG NI 'DOD PA'I PHYIR, , RANG SPYIS THA DAD SPANGS PA YIN, ,THE TSAM ZA PHYIR MI 'DZIN PA, ,DE DAG MTSUNGS PAS DON GCIG NYID, ,CES BRJOD PA NI DE MI 'THAD DO ZHES BSTAN PA'I PHYIR, GAL TE GZHAN SEL BA TZAM ZHIG CES BYA BA LA SOGS PA SMOS TE; SNGAR DON DAG GI KHYAD PAR DANG KHYAD PAR CAN GYI DNGOS PO BKAG NAS, NGA NI SGRA DAG GI YANG 'GEGS PA'I PHYIR ZLOG PA MA YIN NO, ,DE LA PHAN TSUN RNAM PAR GCAD PAR BYA BA DANG GCOD PAR BYED PA'I DNGOS PO NI KHYAD PAR DANG KHYAD PAR CAN GYI DNGOS PO YIN NO, ,DE YANG DPER NA AUTPALA SNGON PO ZHES BYA BA LTA BU'I NGAG NYID LA RNAM PAR GZHAG LA, DE BZHIN DU GZHI THA DAD PA LA YANG YIN TE, DPER NA RGYAL PO'I SKYES BU ZHES BYA BA LA SOGS PA LTA BU'O, ,'DUG PA'I RGYU MTSAN THA DAD PA'I SGRA DAG DON GCIG LA 'JUG PA NI GZHI MTHUN PA'O, ,DE YANG AUTPALA SNGON PO LA SOGS PA LTA BUR BSDU BA NYID LA 'JOG GO, ,DE LA TSOGS PA'I DON BRJOD PA'I AUTPALA SNGON PO LA SOGS PA'I SGRA DAG LA DE'I GZHI MTHUN PA GANG YIN PA DE NYID MI 'GRUB STE, TSOGS PA'I DON NI SNA TSOGS PA'O, ,JI SKAD DU, TSOGS PA BRJOD PAR BYA BA'I PHYIR, ,DE NI SNGON PO 'BA' ZHIG MIN, ,AUTPALA GCIG PU'ANG MA YIN TE, ,ZHES BSHAD PA LTA BU'O, ,CI'I PHYIR 'GRUB PAR MI 'GYUR ZHE NA, SNGON PO MIN PA ZHES BYA BA LA SOGS PA SMOS TE, GANG GI PHYIR SNGON PO MA YIN PA NYID BKAG PA NA AUTPALA MA YIN PA BKAG PA MA YIN LA, DE LA AUTPALA MA YIN PA BKAG PA NA CIG SHOS SNGON PO MA YIN

332b

PA BKAG PA YANG MA YIN NO, ,LA LAR CIG SHOS MA ZHES MO RTAGS SU 'DON PA DE NI GSAL BA'I SGRA LA LTOS PAR BLTA BAR BYA STE, CIG SHOS SNGON PO MA YIN PA BKAG PA MIN ZHES BYA BA'I DON TO, ,'DI DAG LA PHAN TSUN RTEN DANG BRTEN PA'I 'BREL PA YANG YOD PA MA YIN TE, NGO BO MED PA'I PHYIR ZHES BYA BA'I THA TSIG GO, ,'BREL PA MED PAR YANG KHYAD PAR DANG KHYAD PAR CAN GYI DNGOS PO RIGS PA MA YIN TE, HA CANG THAL BAR 'GYUR PA'I PHYIR RO ZHES BSTAN ZIN TO, ,'DI NI KHYED KYI LUGS KYI SGRA RNAMS TSOGS PA'I DON BRJOD PA NYID MA YIN TE, THAMS CAD KYANG MED BA BRJOD PAR BYED PA'I PHYIR RO ZHES BSTAN PAR 'GYUR RO, ,DE LTA BAS NA KHYAD PAR DANG KHYAD PAR CAN GYI DNGOS PO RIGS PA MA YIN NO, ,'DI SNYAM DU DON DAG KHYAD PAR DANG KHYAD PAR CAN GYI DNGOS POR MA GYUR MOD, DE RJOD PAR BYED PA'I SGRA'I SGRA DAG CI'I PHYIR MI 'GYUR SNYAM DU SEMS NA, BRJOD PAR BYA BA LA ZHES BYA BA LA SOGS PA SMOS TE, BRJOD PAR BYA BA'I SGO NAS DE RJOD PAR BYED PA'I SGRA DAG GI KHYAD PAR DANG KHYAD PAR CAN GYI DNGOS POR BTAGS PA YIN GYI, DE'I BYA BA MED NA RJOD PAR BYED PA YANG GA LAS YIN, GZHI MTHUN BA SUN DBYUNG BA'I PHYIR BSHAD PA, THA DAD PHYIR ZHES BYA BA LA SOGS PA SMOS TE, DON GCIG LA 'JUG PA YIN NA GZHI MTHUN PAR 'GYUR GYI, AUTPALA DANG SNGON PO'I SGRA DAG NI DON GCIG LA 'JUG PA SRID PA MA YIN TE, DE'I BRJOD PAR BYA BA AUTPALA MA YIN PA DANG SNGON PO MA YIN PA RNAM PAR GCOD PA'I MTSAN NYID KYIS SEL BA DAG NI THA DAD PA'I PHYIR RO, ,'DI LTAR KHYED CAG NYID KYIS NA, ,GSAL BYA'I DBYE BAS THA DAD DON, ,ZHES BSHAD DO; ,SBYOR BA NI SNGON PO DANG AUTPALA LA SOGS PA'I SGRA DAG NI GZHI MTHUN PA'I THA SNYAD KYI YUL CAN MA YIN TE, YUL THA DAD PA'I PHYIR BUM PA DANG SNAM BU LA SOGS PA'I SGRA BZHIN NO, ,CI STE YANG DON GANG KHO NA LA AUTPALA MA YIN PA RNAM PAR GCOD PAR 'JUG BA KHO NA LA SNGON PO MA YIN PA RNAM PAR GCOD PA YANG GNAS PAS DE'I PHYIR SNGON PO DANG AUTPALA'I SGRA'I BRJOD PAR BYA BA'I SEL BA DAG DON GCIG LA 'JUG BA'I PHYIR SGRA DAG KYANG DON GYI SGO CAN GZHI MTHUN PAR BSTAN PAR BYA'O SNYAM NA, DE'I PHYIR GAL TE DON LAS ZHES BYA BA LA SOGS PA SMOS TE, DE ZHES BYA BA NI GZHI MTHUN PA'O, ,DE

333a

, ,DAG CES BYA BA NI SNGON PO MA YIN PA DANG AUTPALA MA YIN PA BKAG BA NGAG GO, ,DE DAG GI RTEN DANG BRTEN PA DNGOS PO BA NI 'GA' YANG YOD PA MA YIN TE, NGO BO MED PA LA GANG DU YANG RTEN MI SRID PA'I PHYIR MO GSHAM GYI BU BZHIN NO, ,GZHAN YANG AUTPALA SNGON PO LA SOGS PA DAG LA DE DAG RTEN DANG BRTEN PA YIN PA DE LTA NA YANG DE YOD NA YANG SGRA DAG GIS BSTAN PAR BYA BA MA YIN NO ZHES STON PA NI, THUN MONG MIN DNGOS ZHES BYA BA LA SOGS PA SMOS TE, GANG GI PHYIR RE ZHIG AUTPALA SNGON PO LA SOGS PA'I DNGOS PO DE NYID SGRAS GO BAR BYA BA MA YIN TE, DER RNAM PAR RTOG PA THAMS CAD NUB PA'I PHYIR ZHES BSTAN ZIN TO, ,DE LTA YIN DANG RTEN DU GYUR PA'I DNGOS PO DE LA SHES PAR DE'I RTEN GYI SEL BA DAG DE'I DON NYID DU JI LTAR GZUNG BAR NUS, CHOS 'DZIN PA NI CHOS CAN 'DZIN PA MED PA NA 'BYUNG BA YIN PA'I PHYIR RO SNYAM DU BSAMS PA YIN NO, ,YANG CI STE THUN MONG MA YIN PA LAS LDOG PA DE DAG LAS GZHAN PA'I RTEN NYID YOD DE, DES NA SKYON 'DIR MI 'GYUR RO SNYAM NA, KHYED LA GZHAN YANG ZHES BYA BA LA SOGS PA SMOS TE, KHYED LA ZHES BYA BA NI KHYED CAG GI'O, ,'DI SNYAM DU GAL TE DON GCIG LA RTOG PA DE NA YANG DNGOS PO GNAS PAS GNAS PA YIN NO SNYAM NA, GO BYA MIN PA ZHES BYA BA LA SOGS PA SMOS TE, DON GCIG CES BYA BA NI GZHI MTHUN PA NYID LA'O, ,GANG DU NYE BAR MKHO ZHES BYA BA NI GANG DU YANG MA YIN NO ZHES BYA BA'I DON TE, YOD NA YANG MI SHES PA NI SGRA'I THA SNYAD LA YAN LAG MA YIN PA'I PHYIR RO, ,CI STE YANG GAL TE LDOG PA TZAM SGRAS BRJOD PA DE'I TSE SKYON 'DIR 'GYUR TE, GANG GI PHYIR LDOG PA DANG LDAN PA'I DNGOS PO BRJOD BYA YIN TE, DE'I PHYIR LDOG PA GNYIS KYI KHYAD PAR DANG LDAN PA'I SGRA DAG SEL BA DANG LDAN PA'I DNGOS PO GCIG LA 'JUG PA'I PHYIR GZHI MTHUN PA NYID YOD PA KHO NA'O SNYAM NA DE'I PHYIR, CI STE YANG ZHES BYA BA LA SOGS PA SMOS TE, DE LA YANG ZHES BYA BA NI SEL BA DANG LDAN PA'I DNGOS PO BRJOD BYA NYID DU KHAS LEN NA SNGON PO LA SOGS PA THA DAD PA DAG DANG AUTPALA LA SOGS PA DAG GI SNGON PO LA SOGS PA'I SGRA DAG GIS KHYAD PAR DE 'PHEN PA RNYED PAR DKA'O, ,CI'I PHYIR ZHE NA, SNGON PO LA SOGS PA'I

333b

SGRA NI GZHAN DBANG YIN PA'I PHYIR RO, ,DE NI BZLOG PA NYE BAR MTSON PA'I PHYIR DE DANG LDAN PA'I DON BRJOD PA YIN GYI, DNGOS SU NI MA YIN NO, ,DES NA DNGOS SU MA BRJOD PA'I PHYIR DE LA YOD PA'I KHYAD PAR 'PHEN PA YOD PA MA YIN TE, MNGAR BA'I SGRAS DKAR BA LA SOGS PA BZHIN NO, ,GAL TE YANG DKAR PO LA SOGS PA LA MNGAR BA LA SOGS PA'I KHYAD PAR GNAS PA YOD BA DE LTA NA YANG SGRAS DNGOS SU BRJOD PA'I DON LA YOD PA'I KHYAD PAR 'PHEN PAR NUS KYI, GZHAN GYI DBANG LA DON LA YOD PA MA BRJOD PA NI MA YIN NO SAM DU BSAMS PA'O, ,DE LTA YIN DANG SNGON PO LA SOGS PA'I SGRAS DE LA YOD PA'I KHYAD PAR MI SPONG BA'I PHYIR AUTPALA LA SOGS PA RNAMS LA DE'I KHYAD PAR NYID YOD PA MA YIN NO, ,DE'I KHYAD PAR NYID MA YIN NA GZHI MTHUN PA NYID DU MI 'GYUR TE, DE NI RIGS DANG LDAN PA TZAM GYI PHYOGS LA, SGRA YIS DE LDAN RJOD BYED MIN, ,RANG DBANG CAN GYI YIN PA'I PHYIR, ,ZHES KHYED KYIS SKYON BRJOD PA GANG YIN PA DE LDOG PA DANG LDAN PA TZAM GYI PHYOGS LA YANG MTSUNGS SO ZHES BSTAN PA YIN NO, ,'DI LTAR RIGS DANG LDAN PA TZAM GYI SGRA'I DON LA RIGS KYI RANG GI NGO BO NYE BAR MTSON PA'I RDZAS BRJOD KYI DNGOS SU NI MA YIN PA'I PHYIR DE LA YOD PA'I BUM PA LA SOGS PA'I KHYAD PAR MI 'PHEN PA'I PHYIR DE'I KHYAD PAR NYID MA YIN PA NA GZHI MTHUN PA MED PAR THAR BAR 'GYUR BA SMRAS PA DE NI LDOG PA DANG LDAN PA TZAM GYI PHYOGS LA YANG MTSUNGS SO, ,DE LA YANG YOD BA SGRAS LDOG PAR NYE BAR MTSAN PA'I RDZAS BRJOD KYI, DNGOS SU NI MA YIN PA'I PHYIR DE LA YOD PA'I THA DAD PA MI 'PHEN PA'I 'DI LA YANG MTSUNGS PA KHO NA STE, 'DIR RIGS DANG LDAN PA DANG LDOG PA DANG LDAN PA DAG LA KHYAD PAR CI ZHIG YOD, SKYON GZHAN SMAS BA NI, RTAGS DANG ZHES BYA BA LA SOGS PA SMOS TE, RTAGS NI PHO DANG, MO DANG, MA NING DAG GO, ,GRANGS NI GCIG DANG, GNYIS DANG, MANG PO NYID LA SOGS PA'O, ,SOGS PA'I SGRAS NI BYA BA DANG DUS LA SOGS PA'I 'BREL PA GZUNG NGO, ,SEL BA NI DNGOS PO MA YIN PA'I PHYIR 'DI DAG DANG 'BREL PA MED LA, RTAGS LA SOGS PAS DBEN PA'I DNGOS PO NI SGRAS BRJOD PAR BYA BA MA YIN TE, DE'I PHYIR DAM BCA' BA LA GRAGS PAS GNOD PAR THAL BAR

334a

, ,'GYUR RO SNYAM DU BSAMS PA YIN NO, ,CI STE YANG GSAL BA LDOG PA'I RTEN DU GYUR PA DNGOS PO YIN PA'I PHYIR RTAGS LA SOGS PA DANG 'BREL PA YOD LA, DE'I PHYIR DE'I SGO NAS SEL BA LA YANG RNAM PAR GZHAG GO SNYAM NA, GSAL BA YANG ZHES BYA BA LA SOGS PA SMOS TE, BSAL BA DE NI RTOGS PA MED PA'I PHYIR RTAGS DANG GRANGS LA SOGS PA DANG 'BREL PAS BSTAN PAR MI NUS TE, DE'I PHYIR JI LTAR SEL BA DE'I SGO NAS DE RNAM PAR GZHAG BA GRUB PAR 'GYUR, SEL BA SGRA'I DON DU RNAM PAR GZHAG PA MA KHYAB PAR BSTAN PA'I PHYIR, KUN BSHAD DAG LA ZHES BYA BA LA SOGS PA SMOS TE; KUN BSHAD DAG STE TI NGAN NYE 'TSED DO, ,'GRO'O ZHES BYA BA LA SOGS PA BYA BA GTZO BO'I SGRA DAG LA GZHAN SEL BA YOD PA MA YIN NO, ,CI'I PHYIR ZHE NA, DE LA MA YIN PAR DGAG PA'I ZHES BYA BA LA SOGS PA SMOS TE, DPER NA SU PA'I MTHA' CAN BUM PA LA SOGS PA'I SGRA DAG LA BUM PA MA YIN PA LA SOGS PA GRUB PA'I NGO BO MA YIN PA DGAG PAR BYA BA YOD PA DE BZHIN DU 'TSED PA LA SOGS PA DGAG PAR BYA BA YOD PA MA YIN TE, GRUB PA 'GA' ZHIG KYANG YOD PA MA YIN PA'I PHYIR RO, ,'DI SNYAM DU MI 'TSED PA MA YIN ZHES BYA BA DE LTA BU LA SOGS PA DAG LA MA YIN PAR DGAG PA'I NGO BO DGAG PAR BYA BA YOD PAR MA GYUR MOD, 'TSED DO ZHES BYA BA LA SOGS PA'I MED PAR DGAG PA'I DGAG PAR BYA BA YOD PAR 'GYUR RO SNYAM DU SEMS NA, MIN PA MIN ZHES BYA BA LA SOGS PA SMOS TE, BLO BSKYED PAR BYA BA YIN PA'I PHYIR MI 'TSED PA MA YIN NO ZHES BYA BA DE LTA BU BRJOD NA YANG MED PAR DGAG PA'I DGAG PA NYID BRJOD PAR 'GYUR RO, ,DE LAS SKYON CIR 'GYUR ZHE NA, 'TSED DO ZHES BYA'I DGAG MED PA, ,ZHES BYA BA LA SOGS PA SMOS TE, DGAG PA GNYIS KYI YUL SGRUB PA YIN PA'I PHYIR 'TSED DO ZHES BYA BA NI RANG GI NGO BO NYID KYIS RIG PAR BYA BA'I NGO BOR GNAS PA'I PHYIR SGRUB PA NYID SGRA'I DON DU 'GYUR RO, ,GZHAN YANG 'DIR 'TSED DO ZHES BYA BA LA SOGS PAR BYA BA GANG ZHIG YAN LAG KHA CIG GRUB LA YAN LAG KHA CIG MA GRUB PA DE NI SNGA MA DANG PHYI MAR GYUR PA'I YAN LAG GI BYA BA BSGRUB BYA NYID DU SHES PA'I YUL YIN PA NI BSGRUB BYA NYID DU RTOGS LA, ,DE BZHIN DU 'BYUNG BA DANG 'BYUNG BAR

334b

'GYUR BA LA SOGS PA LA BYUNG BA LA SOGS PA'I DUS KYI KHYAD PAR RTOGS PA YOD KYI SEL BA NI BSGRUB BYA NYID LA SOGS PA'I DUS KYI KHYAD PAR RTOGS PA SRID PA MA YIN TE, MED PAR RO GCIG PA NYID KYIS GRUB ZIN PA'I PHYIR RO, ,DE LTA BAS NA SEL BA SGRA'I DON YIN PA'I PHYOGS LA BSGRUB BYA NYED DU SHES PA DANG, BYUNG BA LA SOGS PA SHES PA NI RGYU MTSAN MED PAR 'GYUR RO ZHES BYA BA NI GNOD PA'O, ,BYUNG SOGS NGO BO ZHES BYA BA NI BYUNG BA LA SOGS PA NGES PA 'DZIN PA'I SHES PA ZHES BYA BA'I THA TSIG GO, ,YANG MA KHYAB PA NYID DU BSTAN PA'I PHYIR GRAGS PAS GNOD PA NYID STON PA NI, SGRUB PA LA SOGS PA ZHES BYA BA LA SOGS PA STE, SOGS PA SMOS PAS MGRON DU BOS PA DANG, BOD PA LA SOGS PA GZUNG NGO, ,'DI LA GZHAN SEL BA'I GZHAN RNAM PAR GCOD PA DES PAR BYED PA YOD KYI, DE LA MA YIN PAR DGAG PA'I NGO BO'I DGAG PAR BYA BA YOD PA MA YIN PA'I PHYIR ZHES BYA BA SNGAR BSHAD PA 'DI NYID 'DIR RGYU YIN NO SNYAM DU BSAMS PA YIN NO, LHA SPYIN MI 'TSED PA MA YIN NO ZHES BYA BA LA SOGS PA LA DGAG PA'I THOG TU 'GAG PA SBYOR NA SEL BA CI 'DRA 'GYUR BA YIN ZHE NA, CI YANG MA YIN TE, DGAG PA GNYIS KYIS SGRUB PA NYID LA REG PA'I PHYIR RO, ,GZHAN YANG DANG LA SOGS PA TSIG GI PHRAD DANG NYE BAR BSGYUR BA DANG LAS BRJOD PA LA SOGS PA RNAMS TSIG TU 'DOD LA, YOD PA RJOD PAR BYED PA MA YIN PA'I PHYIR 'DI DGAG PA DANG 'BREL PA YANG MA YIN TE, 'DI LTAR JI LTAR BUM PA LA SOGS PA'I SGRA RNAMS BUM PA MA YIN PA ZHES BYA BA LA SOGS PA'I DGAG PA DANG 'BREL PA YIN NA DON GZHAN BUM PA LA SOGS PA YONGS SU GZUNG BA'I PHYIR RNAM PAR BCAD PAS DGAG PA DANG BRAL BA'I BUM PA'I SGRA'I DON DU RTOG PA DE LTAR DANG LA SOGS PA DANG MA YIN PA LA SOGS PA'I DGAG PA DANG 'BREL PA YOD PA MA YIN PA LA, DGAG PA DANG MA 'BREL BA YANG SEL BAR RIGS PA MA YIN NO, ,DE'I PHYIR DANG LA SOGS PA SEL BA YOD PA MA YIN TE, SEL BA MED DO ZHES BYA BA'I DON TO, ,GZHAN YANG NGAG GI DON KHRA BO'I DNGOS PO NI KHRA BO'I GLANG DU 'DOD DE, DE'I PHYIR DE LA GZHAN LAS LDOG PAR BSTAN PAR MI NUS TE, GRUB PA'I NGO BO'I DGAG PA MA RTOGS PA'I PHYIR RO, ,GANG YANG NAG PA BA LANG KHRID DE SHOG CIG CES BYA

335a

, ,BA LA SOGS PA LA NAG PA MA YIN PA LA SOGS PA RNAM PAR GCOD PA'I NGO BO GZHAN LDOG PA'I YAN LAG YONGS SU 'DZIN PAS BRJOD PA DE NI TSIG GI DON DU 'GYUR GYI NGAG GI DON NI MA YIN NO, ,YAN LAG MA YIN PA DE NI DA LTAR RNAM PAR DBYE BAR MI NUS PA'I PHYIR DE LA SGRA'I DON MA KHYAB PAR RNAM PAR GNAS SO, ,GZHAN YANG GZHAN SEL BA MA YIN GZHAN SEL BA YIN ZHES BYA BA LA SOGS PA SGRA LA SGRUB PA'I NGO BO LAS GZHAN BA'I BRJOD PAR BYA BA MTHONG BA MA YIN TE, MA DMIGS SO ZHES BYA BA'I DON TO, ,'DI LTAR SEL BA'I NGO BO TZAM BRJOD BYA NYID DU MI RTOGS TE, DGAG PA GNYIS KYIS SGRUB BA NYID DES PA'I PHYIR RO, ,SOGS PA'I SGRAS GZHAN LAS LDOG PA DANG GZHAN RNAM PAR GCOD PA ZHES BYA BA'I RNAM GRANGS DANG GZUNG NGO, ,'ON TE DGAG PA YANG DGAG PA DANG LDAN ZHES BYA BA 'DI NYID KYI GO BA'I PHYIR 'DI ZLOG PA MA YIN NAM ZHE NA, 'DI NI BDEN MOD KYI, 'ON KYANG GZHAN SEL BA SGRA'I DO NA YIN NO ZHES BYA BA DE LTA BU LA SOGS PA SMRA BA'I RANG GI CHIG NYID KYIS SGRUB PAR 'DOD DO ZHES SHES PAR BYA BA'I DON DU YANG BRJOD DO, ,'DI LTAR SEL BA'I SGRA NI SGRA'I DON GZHAN SEL BA MA YIN PA RNAM PAR GCAD PAR BYA BA YIN LA, DE YANG SGRUB PA LAS GZHAN DU MI MNGON NO, ,GANG DAG GZHAL BYA DANG SHES BYA DANG BRJOD BYA LA SOGS PA'I SGRA DE DAG LA BSAL BAR BYA BA YOD PA MA YIN TE, THAMS CAD GZHAL BYA BA LA SOGS PA'I RANG BZHIN YIN PA'I PHYIR RO, ,'DI LTAR GANG YANG 'DI DAG LA RNAM BAR GCAD PAR BYA BA CUNG ZAD CIG RTOGS PAR BYED DE, THAMS CAD RNAM PAR GCAD PAR BYA BA'I RNAM PAS DMIGS PAR BYA BA YIN PA NA SHES BYA LA SOGS PA'I RANG BZHIN NYID DU GNAS TE, YUL DU MA BYAS PA NI RNAM PAR GCAD PAR BYA BA MI NUS PA'I PHYIR RO, ,DE LTA YIN DANG 'DI DAG LA BSAL BAR BYA BA MED PA'I PHYIR SGRA'I DON MA KHYAB PA NYID DU RNAM PAR GNAS SO, ,'ON TE RGYU'I SGRO NAS BSTAN PA'I SHES BYA MA YIN PA GANG ZHIG BRTAG PAR BYAS NAS DE RNAM PAR BCAD NAS SHES BYA NYID DU RJES SU DPOG PA'I PHYIR DE JI LTAR SGRA'I DON MA KHYAB PA NYID DU RNAM PAR GNAS SHE NA, BSAL BAR BYA BA RTOGS NA ZHES BYA BA LA SOGS PA SMOS TE, GAL TE SHES BYA NYID YIN NA YANG BSAL BAR BYA BA SHES BYA MA

335b

YIN PA NYID DU YANG YANG DAG PAR RTOGS PAR BYED PA DE'I TSE DNGOS PO NYID DE 'JIG RTEN GYIS NGES PA GANG YIN PA'I SGRUB PA NYID SGRA'I DON DU RTOG PA MCHOG YIN NO, ,DE LTA NA NI MTHONG BA SGRO 'DOGS PA DANG MTHONG BA'I DON LA BSNYON BAR BYA BAR MI 'GYUR RO SNYAM DU BSAMS PA'O, ,DE NYID KYI PHYIR MCHOG CES BSHAD DO, , GANG DAG SGRA THAMS CAD KYI DON NI RNAM PAR RTOG PA'I GZUGS BRNYAN NYID YIN LA, DE NYID KYANG BRJOD PAR BYA BA DANG RNAM PAR GCAD PAR BYA BA DANG RTOGS PAR BYED PA YIN NO ZHES ZER BA DE DAG LA SHES PA'I RNAM PA BKAG PA'I PHYIR ZHES BYA BA LA SOGS PA 'DI SMOS TE, BLO NI RNAM PA MED PA YIN LA PHYI ROL GYI NI DON NI RNAM BA DANG LDAN PA YIN NO, ,DE PHYI ROL GYI YUL LA 'BREL PA GSAL POR DMIGS SO ZHES BYA BA DE LTA BU KHO BO CAG GIS SHES PA'I RNAM PA BKAG PA DE'I PHYI NANG GI BLO LA YOD PA'I RNAM PA NI MED PA'I PHYIR DE RJOD PAR BYED PA NYID KYI SGRA DAG KYANG RIGS PA MA YIN LA, MED PA NYID KYI PHYIR NANG GI DON DE BSAL BAR BYA BA NYID DU RIGS PA YANG MA YIN NO, ,DE LA ZHES BYA BA NI GZHAL BYA LA SOGS PA'I SGRA DAG LA'O, ,GANG YANG DE LTA BU DANG ZHES BYA BA LA SOGS PA'I SGRA DE DAG LA YANG BSAL BAR BYA BA CUNG ZAD KYANG MA DMIGS TE, KHA CIG GI SBYOR BA NI MA YIN PAR DGAG PA'I NGO BO MED PA'I PHYIR RO, ,CI STE YANG DE LTA BU MA YIN NO ZHES BYA BA LA SOGS PA MED PAR DGAG PA'I NGO BO'I DGAG BAR 'GYUR RO SNYAM DU SEMS NA, 'DIR 'DI NI RIGS PA MA YIN TE, 'DI LTAR 'DI LA YANG DE LTAR MIN ZHES BSTAN NA, DGAG PA 'GEGS PAR BYED PA STE, DE LTAR ZHES BYA BA MA BKAG NA, RANG GI NGO BO NYID KYIS GNAS, ,ZHES BYA BA SNGAR BSHAD PA'I TSUL DE NYID 'JUG PA YIN NO, ,'DI THAMS CAD KU M'A RA RI LAS BSHAD PA NYE BAR BKOD PA YIN NO, ,DA NI THAMS CAD SGRA'I ZHES BYA BA LA SOGS PA NI 'OD BYED PAS SMRAS PA'I SEL BA SUN 'BYIN PA'I DOGS PA BSU BA YIN TE, DES SMRAS BA SEL BA'I SGRA'I DON ZHES BYA BA 'DI NI RIGS PA YIN TE, KHYAD PAR BYED PA MA YIN PA'I PHYIR RO, ,GANG DU PHUNG PO GNYIS YOD PA DER GCIG BKAG PAS CIG SHOS RTOGS PA YIN TE, JI LTAR BA LANG MA YIN ZHES BYA BA'I TSIG LA BA LANG RTOGS PA NA BA LANG MA YIN PA BKAG PA YIN PA, THAMS CAD KYI TSIG LA NI 'DI YOD PA MA YIN TE, GANG ZHIG

336a

, ,THAMS CAD KYI SGRAS BZLOG PAR BYA BA MA YIN PA ZHES BYA BA 'GA' YANG YOD PA MA YIN NO, ,CI STE 'DI SNYAM DU GCIG LA SOGS PA THAMS CAD MA YIN PA DE THAMS CAD KYI SGRAS ZLOG PAR BYED DO SNYAM DU SEMS NA DE NI MA YIN TE, RANG GI DON LA SKUR BA BTAB PA'I SKYON DU THAL BAR 'GYUR BA'I PHYIR RO, ,DE LTA NA THAMS CAD KYI SGRA GCIG LA SOGS PA SEL BAR 'JUG PA NA YAN LAG BKAG PA'I PHYIR LA, YAN LAG CAN THA MI DAD PAR KHAS MI LEN PA'I PHYIR DON MED PAR 'GYUR RO, ,YAN LAG GI SGRAS PHYOGS GCIG BRJOD DO, ,DE LTAR NA TSOGS PA LAS MA GTOGS PA TSOGS PA CAN GZHAN KHAS MI LAN PA'I PHYIR PHYOGS GCIG BKAG PA'I NGO BOS 'JUG PA'I TSOGS PA'I SGRA THAMS CAD DON MED PAR 'GYUR RO, ,GNYIS LA SOGS PA'I SGRA YANG TSOGS PA'I YUL CAN YIN PA'I PHYIR LA, GCIG LA SOGS PA'I DON BKAG PAS TSOGS PA'I DON BKAG PA'I PHYIR DON MED PA NYID YIN NO, , DE STON PA NI, RNAM PA DE LTAR 'GYUR MA YIN, ,ZHES BYA BA STE RNAM PA JI LTA BUR 'DOD PA'I TSOGS PA'I YUL CAN DE DAG NI RNAM PA DE LTA BUR MI 'GYUR RO ZHES BYA BA'I DON TO, ,GANG YANG BA LANG GI SGRA'I DON BA LANG MA YIN NO ZHES BYA BA'I BA LANG MA YIN PA'I SEL BA 'DI CI DNGOS PO'AM, YANG NA DNGOS PO MED PA YIN, GAL TE DNGOS PO YIN NA DE CI BA LANG YIN NAM YANG NA BA LANG MA YIN PA ZHIG YIN ZHES BYA, GAL TE BA LANG YIN NA MING LA RTZOD PA YIN NO, ,CI STE BA LANG GI SGRA'I DON BA LANG MA YIN PA ZHES BYA BA YIN NO, ,SGRA'I DON LA SHIN TU MKHAS SO, ,CI STE DNGOS PO MED PA YIN NA, DE NI MI RIGS TE, SKUL BAR BYED PA DANG YANG DAG PAR RTOGS PA'I YUL MA YIN PA'I PHYIR RO, ,DNGOS PO MED PA LA SGRA THOS PA LAS SKUL BA DANG RTOGS PAR MI 'GYUR RO, ,DE STON PA NI, MED BA 'DI YANG MI RIGS TE, ,ZHES BYA BA LA SOGS PA SMOS TE, SKUL BAR BYED PAS NA SKUL BA STE, STON PA POS NYEN PA PO DON LA SBYOR BA'O, ,DE YANG STON PA PO'I CHOS YIN LA, YANG DAG PAR RTOGS PA NI NYAN PA PO'I CHOS YIN NO, ,SOGS PA'I SGRAS BZHO BA DANG DGAL BA LA SOGS PA'I DNGOS PO'I CHOS THAMS CAD GZUNG NGO, ,GZHAN YANG SGRA'I DON NI SHES PAS RTOGS PA YIN LA, BA LANG GI SGRA LAS 'GA' ZHIG KYANG MED

336b

PA RTOGS PA YANG MA YIN NO, ,GZHAN YANG SEL BA NI BYA BA'I NGO BO YIN PA'I PHYIR YUL DU BRJOD PAR BYA DGOS LA, DE LA BA LANG MA YIN PA MA YIN NO ZHES BYA BA'I SEL BA 'DI BA LANG GI YUL LA'ANG, BA LANG MA YIN PA YUL MA YIN, GAL TE BA LANG YUL YIN NA BA LANG BA LANG MED PAR JI LTAR 'GYUR, 'ON TE BA LANG MA YIN NA SEL BA YUL GZHAN SEL BAR JI LTAR 'GYUR TE, SENG LDENG BCAD PA NA SHING PA LA SHA 'CHAD PAR 'GYUR BA MA YIN NO, ,CI STE BA LANG NI BA LANG MA YIN PA MA YIN NO ZHES BYA BAR BA LANG LA BA LANG MA YIN PA 'GEGS NA, GANG ZHIG DGAG PAR BYA BA GANG GIS BA LANG MA YIN PAR BRTAGS ZHES BYA BA'O, , DE'I PHYIR 'DI LA RNAM PAR RTOG PA DANG PO GNYIS SHIN TU 'BREL PA MED DO SNYAM DU BSAMS NAS, GSUM PA NYID BSTAN PA'I PHYIR, CI'I PHYIR ZHES BYA BA LA SOGS PA SMOS TE, 'ONG GI SGRA NI BSDU BA'O, ,CI'I PHYIR KHYED CAG BA LANG ZHES BYA BA 'DI'I SGRA'I DON BA LANG MA YIN NO ZHES BYA BA'I SEL BA'I MTSAN NYID 'DI BRJOD CES BYA BA NI NGAG GI DON NO, ,YANG CI'I PHYIR BRJOD PAR BYA BA MA YIN ZHE NA, GANG GIS ZHES PA LA SOGS PA SMOS TE, SEL BA'I RNAM PAR RTOG PA MI 'THAD PA'I PHYIR 'DI LAS KYANG MI RIGS TE, 'DI LTAR GANG 'DI BA LANG BA LANG MA YIN PA SEL BA DE CI BA LANG LAS THA DAD PA YIN NAM, 'ON TE THA MI DANG PA YIN, DE CI BRTEN BA YIN NAM, 'ON TE MI BRTEN PA YIN, GAL TE BRTEN PA YIN NA DE'I TSE BRTEN PA YIN PA'I PHYIR YON TAN DU 'GYUR TE, DE LTA YIN DANG BA LANG GI SGRAS YON TAN NYID BRJOD KYI BA LANG NI MA YIN PA'I PHYIR BA LANG GNAS SO, ,PA LANG 'GRO'O ZHES BYA BA'I GZHI MTHUN PAR MI 'GYUR RO, ,CI STE MI BRTEN PA YIN NA DE'I TSI DON GANG GIS BA LANG GI SEL BA ZHES DRUG PAR 'GYUR, 'ON TE THA MI DAD NA 'DI BA LANG NYID YIN PA'I PHYIR CUNG ZAD KYANG BYAS PA MA YIN, SEL BA 'DI YANG DNGOS PO SO SO LA GCIG YIN PA'AM DU MA YIN PAR BRJOD PAR BYA, GAL TE GCIG YIN NA DE'I TSE BA LANG NI RDZAS DU MA DANG 'BREL PA 'DI NI BA LANG NYID DU MI 'GYUR RO, ,CI STE DU MA YIN NA DE'I PHYIR GONG BU BZHIN DU MTHA' MED PA'I PHYIR RJOD PAR MI 'THAD PAS BRJOD BYA MA YIN PA NYID DU 'GYUR RO, ,GZHAN YANG CI GZHAN SEL BA BRJOD PAR BYA BA YIN NAM 'ON TE BRJOD PAR BYA BA

337a

, ,MA YIN ZHES BYA BA 'DI RE ZHIG KHYOD LA DRI BAR BYA STE, BRJOD PAR BYA BA YIN NA SGRUB PA'I NGO BOS BRJOD PAR BYA BA YIN NAM, GZHAN LAS LDOG PA'I SGO NAS YIN, DE LA GAL TE SGRUB PA'I NGO BOS YIN NA, DE'I TSE GZHAN SEL BA SGRA'I DON YIN NO ZHES BYA BA'I SGRA'I DON GCIG TU NGES PA MA YIN NO; ,'ON TE GZHAN LAS LDOG PA'I SGO NAS SO ZHES BYA BA'I PHYOGS YIN NA, GZHAN RNAM PAR GCOD PA DE YANG GZHAN RNAM PAR GCOD PA'I NGO BO GZHAN GYIS BRJOD PA'I PHYIR LA, DE LA YANG GZHAN YIN PAS THUG PA MED PAR 'GYUR RO, ,CI STE BRJOD BYA MA YIN PA YIN NA DE'I TSE SGRAS SGRA'I DON GZHAN SEL BAR BYED DO ZHES BYA BA DANG 'GAL BAR 'GYUR RO, ,'DI THAMS CAD 'OD BYED PAS SMRAS PA NYE BAR BKOD PA YIN NO, ,DE LA SLOB DPON PHYOGS KYI GLANG POS THAMS CAD LA THA DAD PA MED PA'I PHYIR DANG, RTEN RGYUN MI 'CHAD PA'I PHYIR DANG, DON MA LUS PA YONGS SU RDZOGS PA'I PHYIR GO RIMS BZHIN DU GCIG NYID DANG, RTAG PA DANG, SO SO LA YONGS SU RDZOGS PA'I MTSAN NYID KYI RIGS KYI CHOS SEL BA NYID LA GNAS TE, DE LTA BAS NA YON TAN GYI KHYAD PAR KHYAD PAR DU 'PHAGS PA'I PHYIR GZHAN SEL BA NYID SGRA'I DON DU LEGS PAR GNAS PAR YIN NO ZHES BSHAD PA DE DOGS PAR BYAS NAS KU M'A RA RI LAS BZHAD GANG DU BYA BA'I PHYIR MJUG SDUD PA NI GZHAN YANG ZHES BYA BA LA SOGS PA SMOS SO, ,DGAG LDAN PA, DE 'BA' ZHIG KHO NA LA ZHES BYA BA NI GRONG GI PHAG NI BZA' BAR BYA BA MA YIN NO ZHES BYA BA LA SOGS PA LA'O, ,RANG GI BDAG NYID CES BYA BA NI RANG GI NGO BO NYID DE MI 'DRA BA'O, ,GZHAN DU ZHES BYA BA NI DGAG PA DANG BRAL BA'O, ,DE LTAR GTZO BO JI LTA BA BZHIN DU GZHAN GYI LUGS KYI DOGS PA BSU NAS, DE LTAR GZHAN SEL MA SHES PHYIR, ,ZHES BYA BA LA SOGS PAS LAN 'DEBS PA RTZOM MO, ,MA YIN DGAG DANG MED PA'O, ,ZHES BYA BA NI MA YIN PAR DGAG PA MED PA STE, MA YIN PAR DGAG PA'I MTSAN NYID DANG MED PAR DGAG PA'I MTSAN NYID CES BYA BA'I THA TSIG GO, ,BLO DANG DON BDAG DBYE BAS ZHES BYA BA NI BLO'I BDAG NYID KYI DBYE BA DANG DON GYI BDAG NYID DBYE BAS ZHES BYA BA'I DON TO, ,DE LA BLO'I BDAG NYID NI BLO LA SNANG BA'I

337b

DON DAG LA RJES SU 'JUG PA GCIG GI NGO BO NYID DU NGES PA'O, ,DON GYI BDAG NYID NI DON GYI RANG BZHIN TE RIGS MI MTHUN PA LAS LDOG PA'I DON RANG GI MTSAN NYID CES BYA BA'I DON TO, ,'DI DAG GI NI THA DAD PA NI DBYE BA ZHES BSDU'O, ,DE LA BLO'I BDAG NYID KYI RANG GI NGO BO BSTAN PA'I PHYIR, SRE BAR BYED PA GCIG CES BYA BA LA SOGS PA SMOS TE, SNGAR ZHES BYA BA NI GONG DU SPYI DGAG PA JI LTAR DA T'A'I DANG MI 'JIG PA ZHES BYA BA LA SOGS PAS BSHAD PA STE, JI LTAR AA RU RA LA SOGS PA MANG PO RNAMS SPYI MED PAR YANG RIMS LA SOGS PA ZHI BA'I MTSAN NYID KYI 'BRAS BU GCIG BYED PA BZHIN DU KHRA BO LA SOGS PA YANG DON THA DAD NA YANG SPYI DNGOS POR GYUR PA MED KYANG RANG BZHIN GCIG PA CAN GYI SRE BA'I SHES PA'I RGYUR GYUR PA YIN NO, ,'JIGS MED SOGS MTSUNGS ZHES BYA BA NI AA RU RA LA SOGS PA DANG MTSUNGS PA STE, DON GCIG BYED PA NYID DU 'DRA'O, ,DE LA BRTEN NAS ZHES BYA BA NI MI 'JIGS PA LA SOGS PA DANG MTSUNGS PA'I DON DE LA BRTEN NAS TE RGYUR BYAS NAS DE NYAMS SU MYONG BAR STO BAS KYIS SKYES PA'I RNAM PAR RTOG PA'I SHES PA GANG YIN PA DE LA DON GYI RNAM PA NYID KYI DON GYI GZUGS BRNYAN GANG YIN PA DE'I BDAG NYID DU DON GYI RNAM PA SNANG BA DE LA GZHAN SEL BA ZHES BYA BA'I MING 'DI BRTAGS SO ZHES 'GREL TO, ,RTOG CAN GYI ZHES BYA BA NI RTOG PA DANG BCAS PA ZHES BYA BA'I THA TSIG GO, ,'DI YANG SHES PA ZHES BYA BA DANG GZHI MTHUN PA YIN NO, ,DON BDAG MED NA YANG ZHES BYA BA'I PHYIR ROL GYI DON GYI BDAG NYID MED PAR YANG NGO, ,NGES PA ZHES BYA BA NI ZHEN PA'O, ,CI STE DE LA JI LTAR GZHAN SEL BA ZHES BYA BA 'DI BSTAN ZHE NA, SNANG BA GZHAN LAS THA DAD PHYIR, ,ZHES BYA BA LA SOGS PA SMOS TE, RGYU MTSAN BZHIS 'DI SEL ZHES BSHAD PA YIN TE, DNGOS SU NI RNAM PAR RTOG PA GZHAN GYIS SGRO BTAGS PA'I SNANG BA GZHAN LAS THA DAD PAS RANG NYID SNANG BA'I PHYIR TE, BSAL BAR BYAS NA SLE BA YIN LA, GZHAN LAS SEL BA ZHES BSHAD PA'I PHYIR RO, ,BTAGS PA PA NI RGYU GSUM GYIS TE, RGYU LA 'BRAS BU'I CHOS BTAGS PA STE, GZHAN LAS LDOG PA'I DNGOS PO NI, THOB PA'I RGYU PHYIR ZHES GANG BSHAD PA YIN NO, ,'BRAS BU LA RGYU'I CHOS BTAGS PA'I PHYIR YANG STE, DE STON PA NI MA 'DRES

338a

, ,PA'I; DNGOS PO'I SGO NAS 'ONGS PA'I PHYIR, ,ZHES BYA BA LA MA 'DRES PA NI GZHAN DANG MA 'BREL BA GZHAN LAS LDOG PA ZHES BYA BA'I THA TSIG GO, ,DE NYID DNGOS PO'I SGO STE THABS SO, ,DE NYAMS SU MYONG BA'I STOBS KYIS RNAM PA DE LTA BU'I RNAM PAR RTOG PA SKYES PA'I PHYIR RO, , RIGS MI MTHUN PA SEL BA'I DNGOS PO DANG LHAN CIG TU 'KHRUL PA'I PHYIR DANG, RTOGS PA PO DAG GIS ZHEN PA'I PHYIR ZHES BYA BA'I RGYU BZHI PA STON PA NI RIGS MI MTHUN PA ZHES BYA BA LA SOGS PA STE, 'DI ZHES BYA BA NI RNAM PAR RTOG PA'I BLO LA YOD PA'I DON GYI GZUGS BRNYAN NO, ,RGYU MTSAN DANG BCAS ZHES BYA BA NI, SNANG BA GZHAN LAS THA DAD PHYIR, ,ZHES BYA BA LA SOGS PA RGYU MTSAN BZHI DANG LHAN CIG 'JUG PA'I PHYIR RGYU MTSAN DANG BCAS PA'O, ,DON GYI BDAG NYID KYIS SEL BA'I DON RANG BZHIN BSTAN PA'I PHYIR, DE'I RGYU RANG GI MTSAN NYID LA LDOG PA DE YOD PA'I PHYIR TE; RGYU MTSAN DANG BCAS PA'O, ,GZHAN SEL ZHES BYA BA'I MING 'DI BTAGS ZHES SKABS DANG SBYAR RO, ,DE LA RGYU MTSAN BSHAD PA, GZHAN MA 'DRES PA YOD PHYIR ZHES BYA BA STE, GZHAN LAS TE RIGS MI MTHUN PA LAS MA 'DRES PA STE, LDOG PA DE YOD PA'I PHYIR TE, RIGS MI MTHUN PA DANG MA 'DRES PA YOD PHYIR ZHES BYA BA'I THA TSIG GO, ,'DIS NI RANG GI MTSAN NYID GZHAN SEL PAR BSTAN PA NI DNGOS YIN NO ZHES BSTAN PA YIN NO, ,MED PAR DGAG PA'I MTSAN NYID KYI GZHAN SEL BA'I RANG BZHIN BSTAN PA'I PHYIR, MED PAR DGAG PA ZHES BYA BA LA SOGS PA SMOS TE, DE'I PHYIR DE LTAR SEL PA RNAM PA GSUM BSTAN NAS, SKABS KYI SGRA'I DON LA SBYAR BA'I PHYIR, DE LA GZHAN SEL DANG PO 'DI, ,ZHES BYA BA LA SOGS PA SMOS TE, DANG PO ZHES BYA BA NI JI SKAD DU BSHAD PA'I DON GYI GZUGS BRNYAN GYI BDAG NYID DO, ,'DI LA RGYU BSHAD PA NI, PHYI ROL DON DU ZHES BYA BA LA SOGS PA SMOS TE, GANG KHO NA SGRA LAS BYUNG BA'I SHES PA LA SNANG BA DE KHO NA SGRA'I DON DU RIGS KYI, 'DI LA DGAG PA NGES PA YOD PA MA YIN LA, DBANG PO'I SHES PA BZHIN DU RANG GI MTSAN NYID SNANG BA YANG MA YIN NO, ,'O NA CI ZHE NA, SGRA LAS BYUNG BA'I BLO'I

338b

BYI ROL GYI DON DU ZHEN PA NYE BAR SKYE BA 'BA' ZHIG TU ZAD DO, ,DES NA DON GYI GZUGS BRNYAN DE NYID SGRA LAS BYUNG BA'I SHES PA LA DNGOS PO DE'I BDAG NYID DU SNANG BA'I PHYIR, SGRA'I DON DU RIGS KYI GZHAN GYI MA YIN NO SNYAM DU BSAMS PA YIN NO, ,GANG YANG SGRA'I DON DANG LHAN CIG BRJOD PAR BYA BA DANG RJOD PAR BYED PA'I DNGOS PO'I MTSAN NYID KYI 'BREL PA GRUB PA DE NI RGYU DANG 'BRAS BU'I DNGOS PO'I BDAG NYID KHO NA YIN NO ZHES STON PA NI, BLO DE'I NGO BO ZHES BYA BA LA SOGS PA STE, PHYI ROL GYI DNGOS PO'I MTSAN NYID DU NGES PA DE'I NGO BO STE RANG BZHIN GANG LA YOD PA DE LA DE SKAD CES BYA STE; DE'I NGO BO YANG YIN LA GZUGS BRNYAN YANG YIN ZHES BSDU'O, ,BLO'I DE'I NGO BO'I GZUGS BRNYAN DE'I 'BREL PA NYID SGRA LAS SKYES PA NA STE 'BYUNG BA NA RJOD PAR BYED PA'I MTSAN NYID KYIS DNGOS PO'I MTSAN NYID DE DPYAD PA NA RGYU DANG 'BRAS BU'I DNGOS PO BDAG NYID KHO NAR GRUB STE 'DI LTAR SGRA NI GZUGS BRNYAN DE SKYED PAR BYED PA'I PHYIR RJOD PAR BYED PA BRJOD LA, GZUGS BRNYAN DE YANG SGRAS BSKYED PAR BYA BA YIN PA'I PHYIR BRJOD BYA'O, ,DE'I PHYIR SGRA LAS BYUNG BA'I SHES PA LA, DGAG PA TZAM 'DIR SNANG BA MIN, ,ZHES GANG SMRAS PA DE NI 'BREL PA MED PA YIN TE, DGAG PA TZAM SGRA'I DON DU KHAS MA BLANGS PA'I PHYIR RO SNYAM DU BSAMS PA YIN NO, ,DE LTAR RE ZHIG GZUGS BRNYAN GYI MTSAN NYID KYIS SEL BA NI DNGOS SU SGRAS BSKYED PAR BYA BA YIN PA'I PHYIR DNGOS KYI SGRA'I DON YIN NO ZHES BSTAN NAS, SEL BA LHAG MA RNAMS KYANG SGRA'I DON NYE BAR BTAGS PAR BRJOD PA NA 'GAL BA MED PA NYID DO ZHES BSTAN PA'I PHYIR DE LTAR RNAM PA ZHES BYA BA LA SOGS PA SMOS TE, DE LTAR ZHES BYA BA NI BSKYED PAR BYA BA YIN PAS SO, ,YANG CI'I PHYIR SHUGS KYIS MED PAR DGAG PA RTOGS ZHES BSTAN PA'I PHYIR, DE'I BDAG CES BYA BA LA SOGS PA SMOS TE, DE'I STE BA LANG LA SOGS PA'I GZUGS BRNYAN GYI BDAG NYID DE NI GZHAN TE RTA LA SOGS PA'I GZUGS BRNYAN GYI BDAG NYID DE RANG BZHIN MA YIN PA'I PHYIR RO, ,DE LTAR RTOGS PA NI MED PAR DGAG PA'I MTSAN NYID KYIS SEL BA MED NA MI

339a

, ,'BYUNG BA YIN PA'I PHYIR BRTAGS NAS SGRA'I DON NYID DU BSTAN NAS, RANG GI MTSAN NYID KYANG BSTAN PA'I PHYIR, DNGOS PO DAG DANG 'BREL PA NA, ,ZHES BYA BA LA SOGS PA SMOS TE, DE LA 'BREL PA NI SGRA DNGOS PO LA BRGYUD NAS RGYU DANG 'BRAS BU'I MTSAN NYID KYI 'BREL PA STE 'DI LTAR THOG MAR JI LTAR GNAS PA'I DNGOS PO NYAMS SU MYONG NGO, ,DE LAS BRJOD PAR 'DOD DO, ,DE NAS RKAN LA SOGS PA YONGS SU 'GUL LO, ,DE LAS SGRA'O ZHES BYA BA DE LTA BU'I RGYUD PA GANG GI TSE SGRA PHYI ROL GYI ME LA SOGS PA'I DNGOS PO DANG 'BREL PAR GYUR PA DE'I TSE 'BREL PA DE YOD NA RIGS MI MTHUN PA LAS LDOG PA'I DNGOS PO YANG DON GYIS GO BAS RTOGS PAR 'GYUR RO, ,DE'I PHYIR MED PAR DGAG PA DANG GZHAN LAS LDOG PA'I DNGOS PO'I BDAG NYID KYI SEL BA RNAM PA GNYI GA YANG SGRA'I DON YIN NO ZHES NYE BAR BTAGS PA YIN NO, ,'DI ZHES BYA BA NI RANG GI MTSAN NYID KYI BDAG NYID DO, , YANG GI SGRA LAS MED PAR DGAG PA'I BDAG NYID KYANG NGO, ,DE'I PHYIR SLOB DPON PHYOGS KYI GLANG PO LA 'OD BYED PAS, GAL TE SGRA'I BRJOD PAR BYA BA'I DON GZHAN SEL BA YIN PA DE'I TSE 'DI'I BRJOD PAR BYA BA'I DON LAS THA DAD PA'I RANG GI DON BRJOD PAR BYA BA DGOS LA, CI STE DE NYID 'DI'I RANG GI DON YIN PA DE LTA NA YANG, SGRA SGRA'I DON GZHAN SEL BA NA RANG GI DON BYED PA RJOD PAR BYED DO ZHES BYA'O ZHES BYA BA 'DI DANG 'GAL TE, DE'I TSON 'DI'I NGAG GI DON 'DI YIN TE RJOD PAR BYED PAS RJOD PAR BYED PA'O ZHES GANG SMRAS PA DE NI NGAG GI DON YONGS SU MA SHES NAS SMRAS PA YIN NO ZHES BSTAN PA'I PHYIR SLOB DPON GYI NGAG MI 'GAL BAR STON PA NI, SGRA NI DON GZHAN ZHES BYA BA LA SOGS PA SMOS TE, RANG GI MTSAN NYID KYANG BRTAGS NAS RANG GI DON ZHES BSTAN TE, DE'I PHYIR RANG GI MTSAN NYID KYI BDAG NYID KYI DON DE LA DON GZHAN RNAM PAR BCAD PA'I GZUGS BRNYAN GZHAN LAS LDOG PA'I GZUGS BRNYAN GYI BDAG NYID KYI SEL BA BYED CE NA TE SKYED PAR BYED PA SGRA RJOD PAR BYED DO ZHES BRJOD PA'I SLOB DPON GYI TSIG DANG MI 'GAL LO, ,GANG GIS 'DI NI ZHES BYA BA LA SOGS PAS SLOB DPON GYI TSIG 'DI 'CHAD DO, ,SLOB DPON GYI DGONGS PA NI 'DI YIN TE, SGRA LA PHYI

339b

ROL GYI DON DU ZHEN PA'I RNAM PAR RTOG PA'I GZUGS BRNYAN BSKYED PA LA MA GTOGS PA GZHAN PHYI ROL BRJOD PA'I BYA BA YOD PA MA YIN TE, CHOS THAMS CAD NI BYA BA MED PA YIN PA'I PHYIR RO, ,DE'I PHYIR PHYI ROL GYI DON DU ZHES PAS 'JUG PA'I RNAM PAR RTOG PA'I GZUGS BRNYAN SKYED PAR BYED PA NI SGRA RANG GI DON RJOD PAR BYED PA ZHES BYA'O, ,THA DAD PA STE RIGS MTHUN PA DANG RIGS MI MTHUN PA LAS LDOG PA'I RANG GI MTSAN NYID LA 'DI DAG REG PA NI MA YIN TE, CUNG ZAD KYANG MI BYED PA'I PHYIR RO, ,CHA SHAS DE TZAM MA RTOGS PA'I, ,ZHES BYA BA NI RNAM PA DE LTA BU'I GZUGS BRNYAN SKYED PAR BYED PA LAS MA GTOGS PA SGRA'I BYED PA YONG PA MA YIN NO ZHES BYA BA'I DON TO, ,DE LTAR GZHAN SEL BA'I RANG GI NGO BO NYID BRJOD NAS, DA NI GZHAN GYIS SMRAS PA'I SUN 'BYIN PA BSAL BA'I DON DU RTZOM PAR BYED DO, ,DE LA GAL TE BA LANG ZHES BYA BA'I SGRA ZHES BYA BA LA SOGS PA GANG SMRAS PA DE LA, DE'I GZUGS BRNYAN ZHES BYA BA LA SOGS PA SMOS TE, SGRAS BA LANG GI BLO NYID SKYED PAR BYED, GZHAN DANG MA 'DRES PA'I SHUGS KYIS RTOGS PA YIN TE, SGRA LAS NI MA YIN NO, ,DE'I BA LANG GI GZUGS BRNYAN NI SNANG BA GZHAN GYI BDAG NYID DANG BRAL BA'I PHYIR RO, ,GZHAN DU NA NGES PA'I NGO BO DE RTOGS PAR MI 'GYUR RO, ,DES NA BA LANG GI BLO SKYED PA'I SGRA GZHAN BTZAL MI DGOS TE, BA LANG GI SGRA DE NYID KYIS BA LANG GI BLO BSKYED PAR BYA BA YIN PA'I PHYIR, SGRA NI SHES PA'I 'BRAS CAN TE, ,ZHES BYA BA LA SOGS PA LA, NYIN MO ZA BA ZHES BYA BA LA SOGS PA SMOS TE, DPER NA LHA SPYIN TSON PO NYIN PAR ZAN MI ZA'O ZHES BYA BA'I NGAG 'DI NI DNGOS SU NYIN MO ZA BA SKAD LA, RANG GI DON BRJOD PAS MTSAN MO ZA BA SHUGS KYIS BSGRUB PA YIN GYI DNGOS SU NI MA YIN PA DE BZHIN DU BA LANG ZHES BYA BA LA SOGS PA'I RJES SU 'GRO BA STON PA'I SGRA'I DNGOS KYI 'BRAS BU NI RJES SU 'GRO BA SHES PA YIN LA, LDOG PA RTOGS PA'I SHUGS LAS YIN NO, ,DE LA RGYU BSHAD PA NI, GANG GI PHYIR ZHES BYA BA LA SOGS PA STE, GANG GI PHYIR RJES SU 'GRO BA SGRUB PA NI LDOG PA DANG MI LDAN PA LA YOD PA MA YIN NO, ,'O NA CI ZHE NA, RIGS MI MTHUN PA RNAM PAR GCOD PA LA

340a

, ,MI 'KHRUL PA NYID YIN NO, ,RIGS MI MTHUN PA LAS MI LDOG PA NI 'GA' YANG YOD PA MA YIN TE, DES NA SGRA GCIG GI 'BRAS BU GNYIS 'GAL BA MED PA KHO NA'O, ,DE CI'I PHYIR ZHE NA, DE'I PHYIR RANG DON ZHES BYA BA LA SOGS PA SMOS TE, GAL TE SGRA GCIG DNGOS SU SGRUB PA DANG DGAG PA'I SHES PA'I MTSAN NYID 'BRAS BU GNYIS CIG CAR 'DOD PAR GYUR NA, GANG GI TSE NA NYIN MO ZA BA'I TSIG BZHIN DU GCIG DNGOS SU DANG GZHAN SHUGS KYIS THOB PA'I 'BRAS BU SHES 'DOD PA DE'I TSE 'GAL BA MED DO, ,GANG YANG, GANG GIS BA LANG MIN DGAG PHYIR, ,ZHES BYA BA LA SOGS PA SMRAS PA DE YANG BSAL BA YIN TE, KHAS MA BLANGS PA'I PHYIR RO, ,KHO BO CIG GIS NI SGRAS DNGOS SU BA LANG MA YIN PA DGAG PA BYED DO ZHES KHAS BLANGS SO, ,'O NA CI ZHE NA, SHUGS KYIS SO ZHES BSTAN ZIN TO, ,GANG GIS BA LANG MIN LDOG PA'I, ,SPYI NI BRJOD BYA ZHES GANG SMRAS PA DE LA; DE 'DRA'I ZHES BYA BA LA SOGS PA SMOS TE, DE 'DRA ZHES BYA BA NI PHYI'I NGO BO NYID DU ZHEN PA'I BLO'I RNAM PA'O, ,'DI LA 'THAD PA BSHAD PA NI KHRA BO LA SOGS ZHES BYA BA LA SOGS PA STE, KHRA BO LA SOGS PA THAMS CAD LA BA LANG ZHES MTSUNGS PA'I NGO BO NYID DU NGES PA'I PHYIR DE DAG GI DE SPYI ZHES BRJOD DO, ,PHYI'I DNGOS PO'I NGO BO NYID KYANG 'KHRUL PA'I SHES PA'I DBANG GIS THA SNYAD DU BYED KYI DON DAM PAR NI MA YIN NO ZHES STON PA NI, DNGOS PO SNYAM DU ZHEN PA'I PHYIR, ,ZHES BYA BA'O, ,GAL TE PHYI ROL GYI DNGOS PO LA BRTEN PA'I SPYI DNGOS POR GYUR PA DNGOS PO ZHIG RES 'GA' DMIGS PAR GYUR NA, DE'I CHOS MTHUN PA MTHONG BA LAS DE LA SPYIR 'KHRUL BAR 'GYUR TE, JI SRID DU KHYED LA DNGOS KYI DON MI SRID PA NA DE NYID SPYIR 'KHRUL PA MI 'THAD PA MA YIN NO ZHES DOGS PA BSU NAS, SHES TE RANG GI NGO BO LA, ,ZHES BYA BA LA SOGS PA SMOS TE, SKAD CIG GIS NI ZHES BYA BA CHOS MTHUN PA MTHONG BA LA SOGS PA LA LTOS PA MED PAS ZLA BA GNYIS LA SOGS PA'I SHES PA BZHIN DU NANG GI BSLANG PA KHO NA LAS DE'I SHES PA SKYE BA YIN TE, 'KHRUL PA THAMS CAD CHOS MTHUN PA MTHONG BA NYID LAS 'BYUNG BA NI MA YIN NO, ,'O NA CI ZHE NA, NANG GI BSLAD PA LAS

340b

KYANG YIN PA'I PHYIR SKYON MED DO, ,DES NA GRUB PA LA SGRUB PA'I SKYON DU MI 'GYUR RO ZHES BSTAN PA'I PHYIR RO, ,DE YI RNAM PA DE NYID KYANG, ,ZHES BYA BA LA SOGS PA SMOS TE, PHYI ROL NYID DU ZHEN PA'I BLO'I RNAM PA DE NYID GZHAN SEL BA ZHES BYA BA DANG, SGRA'I DON ZHES PHYI ROL GYI SPYI DNGOS POR GYUR PA BZHIN DU BRJOD DO,, DE LA RGYU BSHAD PA, DE LTAR 'KHRUL PAS NGES PHYIR RO, ,ZHES BYA BA STE, DE LTAR ZHES BYA BA NI SPYI'I NGO BO NYID DANG DNGOS PO'I NGO BO NYID DU ZHEN PA'I PHYIR RO, ,SGRA'I DON NYID DANG SEL BA'I NGO BO NYID DAG GI RGYU NI, PHYI ROL DON DU ZHEN PA YIS, BLO NI SGAR LAS 'BYUNG PHYIR RO, ,SNANG BA GZHAN LA THA DAD PHYIR, , ZHES BYA BA LA SOGS PAS DANG PO NYID DU BSHAD ZIN TO, ,YANG CI'I PHYIR DON DAM PAR DE SPYIR MI 'GYUR ZHE NA, YANG DAG TU NA ZHES BYA BA LA SOGS PA SMOS TE, DON DAM PAR BLO LAS THA MI DAD PA 'DI DAG GIS DON GZHAN DU GYUR NAS SPYIR 'GYUR BA DE CI LTAR DON GZHAN GYI RJES SU 'BRANGS PA YIN, JI SKAD DU, SHES LAS THA DAD MA YIN PA, ,JI LTAR DON GZHAN 'BRANG BAR 'GYUR, ,ZHES BSHAD PA BZHIN NO, ,DE LTA BAS NA GRUB PA LA SGRUB PA'I SKYON DU MI 'GYUR RO, ,KHYED CAG GIS BA LANG NYID CES BYA BA'I SPYI RNAM PA DNGOS POR 'GYUR BA MA YIN PA'I NGO BOR NI MI 'DOD DO, ,'O NA CI ZHE NA, PHYI ROL GYI KHRA BO LA SOGS PA LA GNAS PA GCIG RJES SU 'GRO BA DON DAM PA PA'I BA LANG NYID LA SOGS PA'I SPYI BTAGS PA YIN TE, DE'I PHYIR GRUB PA LA BSGRUB PA MA YIN NO SNYAM DU BSAMS PA YIN NO, ,GAL TE DGAG PA TZA MA NGO BO NYID CES BYA BA LA SOGS PA GANG SMRAS PA DE NI KHAS MA BLANGS PA NYID KYI PHYIR SKYON MED DO, ,GANG YANG RTA SOGS BLO RNAMS KYI, ,ZHES BYA BA LA SOGS PA SMRAS PA GANG YIN PA DE LA, GAL TE YANG ZHES BYA BA LA SOGS PA SMOS TE, GO BAR ZAD DO, ,GANG YANG SGRA DON DU 'GYUR NA DON LA MI LTOS PA'O ZHES BYA BA SMRAS PA DE LA, DE NI DON LA ZHES BYA BA LA SOGS PA SMOS TE, GANG LA BRGYUD NAS DNGOS PO LA 'BREL PA YOD PA'I RNAM PAR RTOG PA DE NI 'KHRUL PA YIN YANG NO RA BU'I 'OD LA NOR BU'I BZHIN DU PHYI ROL GYI DON LA LTOS PA MED PA NYID MA YIN TE, DE'I PHYIR PHYI ROL GYI DON LA LTOS PA MED PA NYID MA GRUB PO, ,GANG YANG, BLO DE SGRA YI DON DAG LA, ,ZHES

341a

, ,BYA BA LA SOGS PA SMRAS PA DE LA, BDAG NYID DE YIS ZHES BYA BA LA SOGS PA SMOS TE, GAL TE YANG BLO DNGOS PO'I NGO BO YIN PA DE LTA NA YANG DE PHYI ROL GYI BDAG NYID DE DANG BLO GZHAN GYI BDAG NYID KYIS DNGOS PO NYID MA YIN NO ZHES, DE BDAG GZHAN GYI BDAG NYID MIN, ,ZHES BYA BA LA SOGS PAS BSTAN ZIN TO, ,DES NA BLO NI MI SEMS PA'I, ,DNGOS NYID BRJOD PA NYID DU BRTAGS, ,ZHES BYA BAR MI 'GRUB STE, SHUGS KYIS RTOGS PA'I PHYIR RO SNYAM DU BSAMS PA YIN NO, ,JI LTAR PHYI ROL DON MED KYANG, ,ZHES BYA BA 'DI LA, GZUGS BRNYAN BDAG NYID CES BYA BA LA SOGS PA SMOS TE, JI LTAR GZUGS BRNYAN GYI BDAG NYID SNANG BA ZHES BYA BA'I SEL BA KHO BO CAG GIS NGAG GI DON DU BRJOD PA DE BZHIN DU TSIG GI DON YANG YIN TE, GANG GI PHYIR TSIG LAS KYANG GZUGS BRNYAN GYI BDAG NYID KYI SEL BA 'THAD PA NYID YIN NO, ,DE'I PHYIR KHO BO CAG GI GZUGS BRNYAN GYI BDAG NYID SEL BA YIN NO, ,YANG GI SGRA NI NGAG GI DON 'BA' ZHIG TU MA ZAD KYI, TSIG GI DON YANG ZHES BYA'O, ,DES NA LOG PAR RTOG PA MED PA'I PHYIR KLAN KA MI RIGS SO SNYAM DU BSAMS PA'O, ,BLO NI BLO GZHAN PA DAG LAS, ,RNAM PAR GCOD PA RTOGS MA YIN, ,ZHES BYA BA 'DI LA, RANG GI NGO BO SKYES TZAM LAS, ,ZHES BYA BA LA SOGS PA SMOS TE, GANG KHO NA'I PHYIR RANG GI NGO BO SKYE BA TZAM LAS GZHAN GYI CHA BLO DES MI 'DZIN PA DE KHO NA'I PHYIR RANG RANG GI NGO BO LA GNAS PAS BLO BLO GZHAN LAS RNAM PAR GCOD PA RTOGS PAR 'GYUR BA YIN NO, ,DE LTA MA YIN TE, GZHAN GYI NGO BO 'DZIN NA JI LTAR DE LAS RNAM PAR BCAD PA RTOGS PAR 'GYUR, DES NA ZHES BYA BA NI RANG LAS THA DAD PA'I DNGOS PO'I RANG GI NGO BO NYID NGES PAR MI 'DZIN PAS SO, ,GAL TE GZHAN SEL BRJOD BYA NA, ,ZHES BYA BA LA SOGS PA LA JI LTAR ZHES BYA BA LA SOGS PA SMOS TE, JI LTAR GZHAN SEL BA RANG BZHIN MED PA'I PHYIR YOD PA MA YIN PA'I NGO BO LA PHAN TSUN THA DAD PA MED PAR BRJOD PA DE BZHIN DU THA DAD MED PA YANG YIN PAS DE'I PHYIR JI LTAR THA MI DAD PA'I DON MED NA RNAM GRANGS PA NYID DU THAL BAR BYED, 'DI NYID GSAL POR BYA BA'I PHYIR, ,THA DAD MED PA'ANG DNGOS GCIG NYID, ,CES BYA

341b

BA SMOS SO, ,GAL TE MED PA DAG LA DNGOS PO GCIG MED PA DE LTA NA YANG CI'I PHYIR RNAM GRANGS PA NYID DU MI 'GYUR ZHE NA, DON GCIG NYID NA ZHES BYA BA LA SOGS PA SMOS TE, GAL TE 'DI SNYAM DU MED PA DAG LA GCIG GI NGO BO NYING YANG DAG PAR MED PA DE LTA NA YANG BRTAGS PA PO YOD DE, DES NA RNAM GRANGS PA NYID DU THAL BAR 'GYUR BAR RIGS SO SNYAM DU SEMS NA, DE'I PHYIR, JI LTAR NGO BO MED NA YANG, ,ZHES BYA BA LA SOGS PA SMOS TE, NGO BO MED NA YANG ZHES BYA BA NI, RANG BZHIN MED NA YANG ZHES BYA BA'I DON TO, ,GAL TE DE LTA NA JI LTAR SGRA DAG NI RNAM GRANGS PA YIN PA'I RNAM PAR GZHAG PA SGRUB SNYAM NA, RJOD BYED DNGOS SU ZHES BYA BA LA SOGS PA SMOS TE, GAL TE DON DAM PAR SGRA RNAMS KYI BRJOD PAR BYA BA THA DAD PA'AM THA DAD PA MA YIN PA'I DNGOS PO 'GA' ZHIG TU GYUR NA DE'I TSE RNAM GRANGS PAR 'GYUR NA, JI SRID DU 'DI DAG GI BRJOD PAR BYA BA CUNG ZAD YOD PA MA YIN NO ZHES, GANG PHYIR RANG GI MTSAN NYID RIGS, ,DE 'BREL RIGS LDAN DE BZHIN DU, ZHES BSTAN ZIN TO, ,'O NA JI LTAR RNAM GRANGS LA SOGS PAR RNAM PAR GZHAG CE NA, 'ON KYANG ZHES BYA BA LA SOGS PA SMOS TE, DE LA SPYI MED NA YANG SPYI'I SGRA RNAM PAR GZHAG PA'I RGYU MTSAN NI 'DI YIN TE, MANG PO RNAMS KYI DON BYA BA GCIG BYED PA GANG YIN PA'O, ,DNGOS PO KHA CIG NI RANG BZHIN GYIS MANG PO YIN NA YANG DON GYI BYA BA GCIG BYED PAR 'GYUR LA, DON GCIG BYED PAR NUS PA DE DAG BSTAN PA'I PHYIR THA SNYAD 'DOGS PA PO RNAMS KYIS TSEGS CHUNG BAR BYA BA'I PHYIR GCIG GI NGO BOR SGRO BTAGS NAS SGRA GCIG SBYOR BA YIN TE, DPER NA SBRANG RTZI DANG CHU LA SOGS PA SBYOR BA'I MTSAN NYID KYI DON GCIG BYED PAR NUS PA'I GZUGS LA SOGS PA MANG PO DAG LA BUM PA ZHES BYA BA'I SGRA 'DI SBYOR BA BZHIN NO, ,DE'I YANG CI'I PHYIR RJES SU 'GRO BA GCIG MED PAR MANG PO DAG LA SGRA GCIG SBYOR BAR BYED CE NA, DPER NA RJES 'GRO GCIG MED NA YANG ZHES BYA BA LA SOGS PA SMOS TE, 'DOD PA TZAM LA RAG LAS TE SGRA RNAMS DON LA SBYOR TE, 'DI LTAR GZUGS KYI RNAM PAR SHES PAR 'BRAS BU GCIG PA CAN GYI MING DANG GZUGS DANG SNANG BA DANG YID LA BYED PA DAG LA GAL TE 'GA' ZHIG 'DOD PA'I DBANG

342a

, ,GIS RJES SU 'GRO BA'I SPYI GCIG MED NA YANG TSANG ZHES BYA BA LA SOGS PA'I SGRA SBYOR BAR BYED DE, DES NA SU ZHIG DE 'GEGS PAR 'GYUR RO, ,MIG LA SOGS PA DE DAG LA MIG GI RNAM PAR SHES PA SKYED PAR BYED PA'I SPYI GCIG YOD PA MA YIN TE, 'DI LTAR KHYED CAG GIS SPYI DANG BYE BRAG DANG 'DU BA DAG KYANG MING GI RNAM PAR SHES PA SKYED PAR BYED PAR 'DOD DE, DE DAG LA SPYI DANG 'DU BA YOD PA MA YIN TE, SPYI NI SPYI MED PA YIN PA'I PHYIR DANG, 'DU BA YANG 'DU BA GNYIS PA MED PA'I PHYIR RO, ,'ON TE BUM PA LA SOGS PA JI LTAR 'BRAS BU GCIG PAR BYED PAR BRJOD, JI SRID DU DE'I 'BRAS BU CHU 'DZIN PA LA SOGS PA DANG 'DZIN PA'I SHES PA NI RANG GI MTSAN NYID THA DAD PAS THA DAD PA YIN NO ZHE NA, GAL TE YANG ZHES BYA BA LA SOGS PA SMOS TE, GAL TE YANG RANG GI MTSAN NYID THA DAD PAS DE DAG GI 'BRAS BU THA DAD PA DE LTA NA YANG, RE ZHIG SHES PA ZHES BYA BA'I 'BRAS BU DON GCIG TU ZHES PA'I SRE BA'I SHES PA'I RGYU NYID KYIS GCIG CES BRJOD LA, SHES PA DE'I RGYU'I DNGOS PO YIN PA'I PHYIR DON KYANG YIN TE, SBRANG RTZI DANG CHU LA SOGS PA 'DZIN PA LA SOGS PA'I MTSUN NYID KYI BUM PA LA SOGS PA'I MTSAN NYID KYANG THA DAD MED PA ZHES BRJOD DO, ,DE STON PA NI, DE BZHIN DE YI RGYU YI PHYIR, ,ZHES BYA BA'O, ,RJOD PA YIN ZHES BYA BA'I RNAL MA'I TSIG YONGS SU BSGYUR NAS MANG BO'I TSIG GI MTHA' CAN DU SBYAR BAR BYA LA, YANG GI SGRA NI RIM PA THA DAD BA STE, DON ZHES BYA BA'I 'OG TU SBREL BAR BYA'O, ,DES NA DON GYI BYA BA GCIG BYED PA 'THAD PA NYID YIN NO, ,'ON TE DE LTA NA THUG PA MED PAR 'GYUR BA MA YIN NAM, 'DI LTAR 'DI'I SRE BA'I SHES PA GANG YIN PA DE YANG RANG GI MTSAN NYID THA DAD PAS THA DAD PAR 'GYUR PA'I PHYIR GCIG NYID DU MI 'GRUB LA, DE LTA YIN DANG DE LA YANG GCIG NYID DU BSGRUB PAR BYA BA'I PHYIR RO, ,GCIG GI RNAM PA CAN SRE'I 'BRAS BU GZHAN GYI RJES SU 'BRANG BAS THUG PA MED PAR 'GYUR RO, ,DE LTA BAS NA 'BRAS BU GCIG PA NYID DU MI GNAS PAS GANG DU YANG SGRA GCIG SBYOR BAR 'GRUB PAR MI 'GYUR RO ZHE NA, DE NI YOD PA MA YIN TE, SRE BA'I SHES PA 'BRAS BU GCIG PA NYID KYIS GCIG PA BRJOD PA NI MA YIN

342b

NO; ,'O NA CI ZHE NA, DON GCIG TU ZHEN PA NYID KYIS SO, ,DES NA THUG PA MED PAR MI 'GYUR TE, SRE BA'I SHES PA THAMS CAD DON GCIG TU ZHEN PA NYID DU RANG NYID LAS GRUB PA'I PHYIR RO, ,DES NA DON NA 'DI YIN TE, RNAM PA GCIG PA CAN GYI SRE BA'I SHES PA'I RGYU YIN PA'I PHYIR RO, ,SHES SPANG ZHES BYA BA'I 'BRAS BU GCIG CES BYA LA, DE'I RGYU'I DNGOS PO YIN PA'I PHYIR BUM PA LA SOGS PA'I DON YANG GCIG NYID DU THA SNYAD DU BYA BA'I SNOD YIN NA, ,DE'I PHYIR SPYI DNGOS POR GYUR PA MED NA YANG BUM PA LA SOGS PA SPYI BRJOD PAR GRUB PAR 'GYUR RO ZHES MJUG BSDU BA'I PHYIR, ,DE LA ZHES BYA BA LA SOGS PA SMOS SO, ,DNGOS PO GCIG LA SPYI DANG BYE BRAG MED NA YANG SGRA DU MA MA 'CHOL BAR 'JUG PAR 'GYUR BA NYID YIN NO ZHES BSTAN PA'I PHYIR, DE BZHIN ZHES BYA BA LA SOGS PA SMOS TE, 'GA' ZHIG GCIG YIN NA YANG RANG BZHIN GYIS TSOGS PA GZHAN GYI NANG DU GTOGS PA'I DBANG GIS DON GYI BYA BA DU MA BYED PAR 'GYUR BA YIN TE, DE LA SPYI DNGOS POR GYUR PA LA SOGS PA'I CHOS THA DAD PA MED NA YANG DE'I 'BRAS BU MA YIN PA'I DNGOS PO LAS THA DAD PA MANG PO STE CHOS DU MA SGRO BTAGS PA LAS SGRA DU MA SBYOR BAR BYED PA YIN NO, ,'DI LA DPER BRJOD PA BSHAD PA NI DPER NA ZHES BYA BA LA SOGS BA STE, GZUGS NI RANG GI YUL DU GZHAN 'BYUNG BA'I GEGS BYED PA'I PHYIR THOGS BCAS ZHES BYA LA, BSTAN PA NI MIG GI RNAM PAR SHES PA YIN LA DE BSKYED PA'I PHYIR, DE DANG LHAN CIG TU 'JUG PAS BSTAN DU YOD PA'O, ,DPER BRJOD PA GNYIS PA YANG STON PA NI, DPER NA SGRA NI ZHES BYA BA LA SOGS PA STE, DPER NA SGRA GCIG YIN NA YANG RNA BA'I RNAM PAR SHES PA'I 'BRAS BU CAN YIN PA'I PHYIR, MNYAN PAR BYA BA YIN LA, MNYAN PA NI SGRA STE, NYAN PA'I SHES PA ZHES BYA BA'I THA TSIG GO, ,DE LA SNANG BA NYID KYIS DE'I DNGOS PO NI MNYAN PAR BYA'O, ,YANG NA MNYAN PAS GZUNG BAR BYA BA YIN PA'I PHYIR MNYAN PAR BYA BA YIN LA BRTZAL MA THAG TU 'BYUNG BA'I SHES PA 'BRAS BU CAN YIN PA'I PHYIR BRTZAL MA THAG TU 'BYUNG BA'I SHES PA ZHES BRJOD DO, ,DE LTAR DE'I 'BRAS BU MA YIN PA LAS THA DAD PAS GCIG LA YANG SGRA DU MA SBYOR RO ZHES STON TO, DA NI DE MA YIN PA

343a

, ,LAS THA DAD PAS KYANG 'GA' ZHIG TU SGRA SBYOR BAR BYED DO ZHES STON PA NI, DE RGYU MIN LAS THA DAD PAS, ,ZHES BYA BA LA SOGS PA SMOS TE, SBRANG BU LAS BYUNG ZHES BYA BA NI RA RO BAR BYED PA'I SBRANG RGOD LAS BYUNG BA'I SBRANG RTZI LAS LDOG PA'O, ,DE LTAR DE'I 'BRAS BU DANG RGYU MA YIN PA'I DNGOS PO LAS THA DAD PAS DNGOS PO GCIG LA SGRA THA DAD PAR BSTAN TO, ,DA NI DE'I 'BRAS BU DANG RGYU'I DNGOS PO RNAM PAR BCAD PA TZAM BSTAN PAR 'DOD NAS SPYI MED PAR YANG SGRA THA DAD PAS SBYOR BAR BSTAN PA'I PHYIR RO, ,DE 'BRAS ZHES BYA BA LA SOGS PA SMOS TE, SNGAR BSHAD PA'I RGYU DANG 'BRAS BU DE DAG GANG DAG LA YOD PA DE DAG LA DE SKAD CES BYA'O, ,DE DAG MA 'DRES PA NI LDOG PA'O, ,YANG SGRA 'DI YANG GANG ZHIG CE NA, GZUGS NI MNYAN BYA MIN ZHES BYA BA LA SOGS PA SMOS TE, 'BRAS BU MNYAN PA'I SHES PA RNAM PAR BCAD PA'I SGO NAS GZUGS MNYAN PAR BYA BA MA YIN ZHES BRJOD LA DE BZHIN DU RTZOL BA'I RGYU BUM PA'I DNGOS PO RNAM PAR BCAD NAS GLOG GI RTZOL BA LAS MA BYUNG BA'O ZHES BRJOD DO, ,DE LTAR SPYI LA SOGS PA DNGOS POR GYUR PA MED PAR YANG SGRA RNAMS THA DAD DU SBYOR BA NI LDOG PAS BYAS PA NYID YIN NO ZHES BSTAN NAS, RNAM GRANGS PA NYID THAL BAR 'GYUR BA MED PAR BSTAN PA'I PHYIR, DE LTA BU SOGS ZHES BYA BA LA SOGS PA SMOS TE, SOGS PA SMOS PAS GNAS SKABS KYI KHYAD PAR RJOD PAR BYED PA BYAS PA LA SOGS PA'I SGRA DANG BDAG MED PA LA SOGS PA'I SGRA GZUNG NGO, ,THA DAD DON GYI RGYU MTSAN CAN, ,ZHES BYA BA NI THA DAD PA NI DE DANG DE LAS LDOG PA'I RGYU MTSAN LDOG PA GANG DAG LA YOD PA DE DAG LA DE SKAD CES BYA'O, ,DE BZHIN ZHES BYA BA'I LDOG PA BZHIN NO, ,DE'I MTHAR THUG CES BYA BA NI LDOG PA'I DON GYI MTHAR THUG PA STE, 'OL PHYIR RNAM PA DE LTA BU'I DNGOS PO RTOGS PA'I RGYU NYID YIN PA'I PHYIR RO, ,MNYAN PA ZHES BYA BA NI SGRA RNAMS SO, ,'DI SNYAM DU DON THA DAD DU BTAGS PA'I PHYIR 'DI DAG RNAM GRANGS PA NYID DU MA GYUR MOD, SPYI DANG BYE BRAG MED PAR 'DI DAG GI SPYI DANG BYE BRAG GI RNAM PAR GZHAG PA JI LTAR 'GRUB PAR 'GYUR SNYAM DU SEMS NA, DE'I PHYIR MANG DANG NYUNG ZHES BYA BA LA SOGS PA SMOS TE, SHING GI SGRA NI SENG LDENG DANG DA BA DANG PA LA SHA LA SOGS PA

343b

THAMS CAD LA SHING MA YIN PA RNAM PAR BCAD PA TZAM GYI GZUGS BRNYAN SKYED PAR BYED PA YIN NO, ,DES NA 'DI'I YUL MANG PO YIN PA'I PHYIR SPYI BRJOD BYAR BRJOD LA, DA BA LA SOGS PA'I SGRA NI SENG LDENG LA SOGS PA SHING GI LDOG PA CUNG ZAD CIG ZHEN PA'I RNAM PAR RTOG PA SKYED PA'I PHYIR KHYAD PAR BRJOD BYAR BRJOD DO, ,'ON TE BSAL BYA THA DAD PAS, ,ZHES BYA BA LA SOGS PA LA, RNAM RTOG BZO YIS ZHES BYA BA LA SOGS PA SMOS TE, GAL TE DON DAM PAR BSAL BAR BYA BA THA DAD PA DANG RTEN THA DAD PAS SEL BA THA DAD PAR 'DOD PAR 'GYUR NA DE'I TSE SKYON DER 'GYUR NA, JI SRID DU RNAM PAR RTOG PAS RIGS MTHUN PA DANG RIGS MI MTHUN PA'I DNGOS PO LAS THA DAD PA'I RGYU MTSAN CAN GYI LDOG PA THA DAD PA RTOG PAR BYED KYI DON DAM PAR NI MA YIN NO, ,DE DAG KYANG RTOG PA'I DBANG GIS DNGOS PO LAS THA DAD PA NYID SNANG GI DON DAM PAR NI MA YIN NO ZHES STON PA DE DAG CES BYA BA LA SOGS PA'O, ,CI'I PHYIR YANG DAG PA MA YIN ZHE NA, THA DAD THA DAD MED PA NI, ,ZHES BYA BA LA SOGS PA SMOS TE, ,DON DAM PAR RNAM PAR RTOG PA KHO NA THA DAD PAR 'GYUR BA YIN NO ZHES STON PA NI, ,SHING GI SA BON ZHES BYA BA LA SOGS PA STE, SA BON YANG THOG MA MED PA'I RNAM PAR RTOG PA'I BAG CHAGS YIN LA DU MA DAD MA 'DRES PA'I DNGOS PO YANG YIN LA, BRDA YANG YIN NO ZHES TSIG RNAM PAR SBYAR RO, ,'DI DAG GI NUS PA NI MTHUS TE DE LAS RIGS MI MTHUN PA'I DNGOS PO DU MA LAS LDOG PA'I DNGOS PO NGES PA'I RNAM PAR RTOG PA THA DAD PAR 'GYUR GYI, DON NI MA YIN TE, 'DI LTAR, SHING LA SOGS PA SPYI'I NGO BOS DA BA LA SOGS PA GCIG GI BDAG NYID DU MI RTOGS LA, SKAD CIG MA DANG BDAG MED PA LA SOGS PA'I CHOS THA DAD PAS PHYIR DUM BU DUM BUR 'BYED PAR 'GYUR BA YANG MA YIN, ,RNAM PAR RTOG PA NYID DU DE LTAR BSLAB PA 'BA' ZHIG TU ZAD DE, DON NI MA YIN NO, ,JI SKAD DU, DAM PA'I DON GYI DON RNAMS NI, ,RANG GIS 'DRE PA THA DAD MED, ,DE LA NGO BO GCIG PA DANG, ,DU MA BLO YIS BSLAD PA YIN, ,ZHES BSHAD PA BZHIN NO, ,GANG YANG, 'DRA BA NYID DU MA GRUB PA'I, ,ZHES BYA BA LA SOGS PA SMRAS PA DE LA, CHOS GCIG RJES 'GRO BA ZHES BYA BA LA SOGS PA SMOS TE, BSAL BAR BYA BA DANG SEL

344a

, ,BA'I SPYOD YUL ZHES TSIG RNAM PAR SBYAR RO, ,DE LTAR BSAL BAR BYA BA NI RTA LA SOGS PA STE, BA LANG GI SGRA NI DE BSAL NAS 'JUG PA'I PHYIR RO, ,SEL BA'I SPYOD YUL NI KHRA BO LA SOGS PA STE, SEL BA'I YUL NI DE YIN PA'I PHYIR RO, ,DES NA GAL TE YANG SPYI'I NGO BO RJES SU 'GRO BA GCIG MED PA DE LTA NA YANG 'DRA BA NYID DU GRUB PA GANG DAG YIN PA 'DI DAG NI GCIG TU RTOG PA'I SHES PA'I RGYU YIN LA, BZLOG PA GANG DAG YIN PA DE DAG NI PHYIN CI LOG YIN NO, ,'DI SNYAM DU SPYI GCIG MED PAR YANG DON THA DAD PA DAG JI LTAR GCIG TU RTOGS PA DE'I RGYUR 'GRUB PAR 'GYUR SNYAM DU SEMS NA, DE'I PHYIR, GCIG STE RTOG PA'I SHES PA LAS, ,ZHES BYA BA LA SOGS PA SMOS TE, JI LTAR SPYI MED PAR YANG STA TRI LA SOGS PA'I DON GYI BYA BA GCIG BYED PAR 'GYUR BDE BZHIN DU DNGOS PO THA DAD PA 'GA' ZHIG KYANG GCIG TU RTOG PA'I RGYUR 'GYUR BA YIN NO ZHES BYA BA 'DI NI SPYI BRTAG PAR BSTAN ZIN TO, ,RJES SU 'GRO BA DANG BRAL BA'I, ,ZHES BYA BA LA SOGS PA SMRAS PA DE LA, DE MIN NGO BO LAS LDOG PA'I, ,ZHES BYA BA LA SOGS PA SMOS TE, GAL TE YANG SPYI DNGOS POR GYUR PA MED PA DE LTA NA YANG RIGS MI MTHUN PA LAS LDOG PA'I RANG BZHIN MTSAN NYID TZAM NYID KYIS RJES SU BYED PAR 'GAL BA MED DO, ,JI LTAR ZHE NA, GANG NA ZHES BYA BA LA SOGS PA SMOS TE, GANG NA ZHES BYA BA NI SA PHYOGS GANG NA'O, ,'DI NA YANG DU BA MA YIN PA LAS THA DAD PA'I RANG GI MTSAN NYID YOD PA YIN NO ZHES BYA BA NI PHYOGS LA CHOS NYE BAR BSTAN PA'O, ,DE'I PHYIR ZHES BYA BA LA SOGS PA TSAD MA'I 'BRAS BU NYE BAR STON PA'O, ,YANG NA NGANG GI MTSAN NYID KYIS RJES SU 'GRO BA BYED PA NA YAN LAG LNGA YANG BSTAN PAR NUS PA YIN NO ZHES BSTAN TO, ,'DI YANG 'BRAS BU'I GTAN TSIGS BSHAD PA'O, ,RANG BZHIN GYI GTAN TSIGS SMRAS PA, MI'I RVA SOGS ZHES BYA BA LA SOGS PA SMOS TE, MED PA LAS LDOG PA'I RANG GI MTSAN NYID GANG YIN PA DE THAMS CAD NI DE'I NGO BO NYID MA YIN PA'I PHYIR BSTAN PA LAS KYANG LDOG PA YIN TE, BLO DANG SGRON MA LA SOGS PA BZHIN NO, ,DE BZHIN DU SGRA LA SOGS PA'I RANG GI MTSAN NYID 'DI YANG MED PA'I NGO BO MA YIN NO ZHES BYA'O, ,DE'I PHYIR RIGS PA 'DIS KHYAD PAR LA MA

344b

REG PA'I PHYIR RANG GI MTSAN NYID KYIS RJES SU 'GRO BA BYED PA NA MI 'GAL LO, ,'DI YANG YOD PA'I PHYIR ZHES BYA BA'I GTAN TSIGS 'DI NI RJES SU 'GRO BA BSTAN PA YIN NO, ,GAL TE RANG GI MTSAN NYID KYI RJES SU 'GRO BA DE LTA NA, DA NI JI LTAR RJES SU DPAG PA'I SPYI'I MTSAN NYID YUL CAN DU 'GRUB PAR 'GYUR ZHE NA, DE'I PHYIR, KHYAD PAR BRJOD PAR MI 'DOD PA'I, ,ZHES BYA BA LA SOGS PA SMOS TE, RANG GI MTSAN NYID DE NYID KHYAD PAR BRJOD PAR MI 'DOD PA NI SPYI'I MTSAN NYID CES BYA STE, KHYAD PAR YONGS SU MI 'DZIN PA'I SPYIR MTSON CING NGES PAR BYED PAS SPYI'I MTSAN NYID DO, ,GZHAN YANG MA YIN ZHES BYA BA NI MU STEGS BYED KYIS MNGON PAR 'DOD PA STE, DE MI 'DOD PA'I PHYIR RO, ,JI SKAD DU, DE NYID RANG GZHAN NGO BO YIS, ,RTOGS PHYIR GZHAL BYA GNYIS SU 'DOD, ,CES BSHAD PA BZHIN NO, ,DE BZHIN DU GZHAN YANG, DE MIN RANG BZHIN LAS LDOG PA'I, ,DNGOS PO TZAM ZHIG RAB BSGRUB PHYIR, ,RTAGS SPYI'I YUL CAN DU BRJOD DE, ,KHYAD PAR GNAS PA MED PHYIR RO, ,ZHES BSHAD DO, ,DE YANG SGRA DANG RTAGS DAG GI LHAN CIG SPYOD PA YANG RANG GI MTSAN NYID KYIS BSTAN TE, KHO BO CAG GIS MA MTHONG BA TZAM GYIS MI MTHUN PA'I PHYOGS LA GTAN TSIGS MED PAR NGES PAR BYED PA MA YIN NO, ,'O NA CI ZHE NA, MI DMIGS PA'I KHYAD PAR LAS SO SNYAM DU BSAMS PA YIN NO, ,GANG YANG, KHRA BO LAS NI THA DAD NYID, ,CES BYA BA LA SOGS PA SMRAS PA GANG YIN PA DE LA KHRA MO'I BU LAS ZHES BYA BA LA SOGS PA SMOS TE, SER SKYA'I BU DANG RTA GNYIS KHRA MO'I BU LAS THA DAD PAR MTSUNGS NA YANG CI'I PHYIR RTA YONGS SU SPANGS NAS KHRA MO LA SOGS PA DE DAG NYID LA BA LAD NYID 'JUG GI RTA LA NI MA YIN ZHES BYA BA 'DI KHYED CAG GIS BRJOD PAR 'OS SO, ,'DI SNYAM DU 'DI LA CI ZHIG BRJOD PAR BYA, DE'I BA LANG NYID DE MNGON PAR GSAL BA LA KHRA BO LA SOGS PA NYID NUS KYI, RTA LA SOGS PA NI MA YIN TE DE'I PHYIR DE NYID LA 'JUG GI GZHAN LA NI MA YIN NO, ,CI'I PHYIR DE MNGON PAR GSAL BA LA KHRA BO LA SOGS PA NYID NUS PA YIN GYI GZHAN NI MA YIN NO ZHES BYA BA 'DI YANG BRGAL ZHING BRTAG PAR RIGS PA MA YIN TE, 'DI LTAR 'DI NI DNGOS PO'I RANG BZHIN SO SOR NGES PA YIN NO, ,DNGOS PO RNAMS KYI RANG BZHIN LA NI BRGAL ZHING BRTAG PAR 'OS PA MA YIN TE,

345a

, ,DE DAG GI RANG BZHIN THA DAD PA SO SOR DES PA NI RANG GI RGYU BRGYUD PAS BYAS PA NYID KYI PHYIR RO, ,'DIR SMRAS PA, GAL TE DE GSAL ZHES BYA BA LA, DE ZHES BYA BA NI BA LANG NYID DO, DE NYID CES BYA BA NI KHRA BO LA SOGS PA STE RTA NI MA YIN NO, ,GAL TE DE LTA NA THA DAD KYANG SPYI MED PAR YANG MTSUNGS PAR RTOG PA SKYED PA LA KHRA BO LA SOGS PA KHO NA NUS KYI, RTA NI MA YIN NO ZHES BYA BA 'DI KHO BO CAG GI PHYOGS LA MI 'GAL BA KHO NA'O, ,DE LAS CIR 'GYUR ZHE NA, DNGOS PO GANG LA ZHES BYA BA LA SOGS PA SMOS TE, KHRA BO LA SOGS PA'I DNGOS PO GANG LA BA LAD NGO ZHES BYA BA DE LTA BU'I GCIG TU RTOG PA'I SHES PA SKYE BA DE NYID LA DNGOS POR GYUR PA'I BA LANG GI RIGS MED NA YANG BA LANG MA YIN PA SEL BA GZUGS BRNYAN GYI BDAG NYID 'JUG PA YIN NO, ,BA LANG MIN SEL DBANG POS KYANG, ,ZHES BYA BA LA SOGS PA GANG SMRAS PA DE NI MA GRUB PO ZHES BSTAN PA'I PHYIR, BA LANG MIN LDOG CES BYA BA LA SOGS PA SMOS TE, DE LA RE ZHIG RANG GI MTSAN NYID KYI SEL BA NI DBANG POS NGES PAR BYA BA KHO NA'O, ,GANG YANG DON GYI GZUGS BRNYAN GYI BDAG NYID KYI SEL BA DE NI DON DAM PAR BLO'I RANG BZHIN YIN PA'I PHYIR RANG RIG PA'I MNGON SUM NYID KYIS GRUB PO, ,KYANG GI SGRA NI MA BSHAD PA'I DON SDUD PA STE, DES NA MED PAR DGAG PA'I BDAG NYID KYANG SHUGS KYIS RTOGS PAR BYED PA YIN TE, DE'I BDAG NYID NI GZHAN GYI BDAG NYID MA YIN NO ZHES BSTAN PA YIN NO, ,DE'I PHYIR RANG GI MTSAN NYID LA SOGS PA'I NGO BO'I SEL BA 'DI NYID MTHONG NA STE SHES NAS 'JIG RTEN GYI SGRA SBYOR GYI SPYI DNGOS POR GYUR PA LA NI MA YIN TE, DE MED PA'I PHYIR DANG, MI SNANG BA'I PHYIR RO, ,GANG KHO NA MTHONG NAS 'JIG RTEN GYI SGRA SBYOR BA DE NYID KYIS DE'I 'BREL PA RTOGS KYI GZHAN GYIS NI MA YIN TE, ,HA CANG THAL BAR 'GYUR BA'I PHYIR RO, ,BA LANG MIN PA'I SGRAS RJOD BYED, ,JI LTAR YANG NI GO BAR BYA, ,ZHES GANG SMRAS PA 'DI LA, DNGOS PO GANG LA DE 'DRA BA'I, ,ZHES BYA BA LA SOGS PA SMOS SO, ,GANG YANG, GRUB NA 'ANG BA LANG MIN BSAL BYA, ,ZHES BYA BA LA SOGS PA SMOS TE, ,BA LANG LA SOGS PA'I DNGOS PO RNAMS NI RANG NYID KYIS THA DAD DU RTOGS PA'I SHES PA SKYED PAR BYED PA NA YANG RNAM PAR PHYE NAS YANG DAG PAR

345b

NGES PA YIN LA, DE LA THA SNYAD KYI DON DU THA SNYAD 'DOGS PA PO RNAMS KYIS JI LTAR 'DOD PA BZHIN DU MA GRUB PA'I SGRA SBYOR BA YIN NO, ,'DI LTAR GAL TE DNGOS PO THA DAD PA'I RANG GI NGO BO RTOGS PAR BYA BA'I DON DU DNGOS PO GZHAN 'DZIN PA LA LTOS BA DE'I TSE PHAN TSUN BSTEN PA'I SKYON DU 'GYUR NA, JI SRID DU GZHAN 'DZIN PA MED PA KHO NAR DNGOS PO'I THA DAD PA RIGS PA YIN LA, DE LA THA DAD PA'I RNAM PAR RTOG PA CAN GYI RGYU YIN PA NYID KYIS RNAM PAR PHYE NAS GRUB PA NA BA LANG DANG BA LANG MA YIN PA ZHES BYA BA JI LTAR 'DOD PAR BRDA BYED PA'I PHYIR JI LTAR, PHAN TSUN BSTEN PA NYID DU 'GYUR, ,RIG PA LA ZHES BYA BA RIG PA'I DON DU'O, ,GANG YANG, RTEN DANG BRTEN PAR 'JUG SOGS KYI, ,ZHES BYA BA LA SOGS PA SMRAS PA DE LA, SGRA LAS BYUNG BA'I BLO 'DI NI, ,ZHES BYA BA LA SOGS PA SMOS TE, DON DAM PAR SEL BAR BYA BA'I KHYAD PAR 'GA' ZHIG SGRA DAG GIS BRJOD PA MA YIN TE, GANG GI PHYIR JI LTAR SGRAS DNGOS PO 'GA' ZHIG LA YANG REG PA MA YIN TE, GANG DU YANG BRDA MA BYAS PA'I PHYIR RO ZHES BYA BA 'DI NI BSHAD ZIN TO, ,'DI LTAR SGRA LAS BYUNG BA'I BLO'I PHYIR ROL GYI DON YUL MA YIN NA YANG RANG GI GZUNG BA STE, RANG GI RNAM PA PHYI ROL NYID DU NGES PA SKYED PAR BYED KYI DON DAM PAR DNGOS PO'I RANG BZHIN LA REG PA NI MA YIN TE; DE KHO NA NYID JI LTA BA BZHIN MA NGES PA'I PHYIR RO, ,GAL TE DE LTA JI LTAR SLOB DPON GYIS AUTPALA SNGON PO LA SOGS PA'I SGRAS DON GZHAN LAS LDOG PA'I KHYAD PAR CAN GYI DON BRJOD DO ZHES BSHAD CE NA, DE'I PHYIR, MTSAN NYID BYED PA DAG GIS NI, ,ZHES BYA BA LA SOGS PA SMOS TE, 'DI BRJOD PAR 'DOD PA YANG GANG ZHIG CE NA, DNGOS GANG GZHAN LAS ZHES BYA BA LA SOGS PA SMOS TE, DON NI RNAM PA GNYIS TE, PHYI DANG BLO LA YOD PA'O, ,DE LA PHYI ROL NI DON DAM PAR SGRA RNAMS KYIS BRJOD PA MA YIN GYI, DE NGES PAR BYED PA'I RNAM PAR RTOG PA SKYED PA'I PHYIR NYE BAR BTAGS NAS SGRA'I DON DU BRJOD PA 'BA' ZHIG TU ZAD DO, ,BTAGS PA'I DGOS PA YANG RIGS BRJOD PA SEL BAR BYED PA YIN NO ZHES BYA BA NI SPYI'I DON TO,, ,,YAN LAG GI DON BRJOD PAR BYA STE, GZHAN LAS GZHAN ZHAS BYA BA NI GZHAN LAS GZHAN NYID DE LDOG PA'O, ,GZHAN LAS GZHAN PA'I RGYU'AM LHAN

346a

, ,CIG BYED PA DES SHING LA SOGS PA'I DNGOS PO'I KHYAD PAR NGES TE, GZHAN LAS LDOG PA DES ZHES BYA BA'I THA TSIG GO, ,'DIS NI, DON GZHAN LA NI LDOG PA YIS, ,KHYAD PAR CAN ZHES BYA BA YI, ,THA TSIG 'DI LA LDOG PA YIS, ,GSUM PA'I DON DU BSHAD PA YIN, ,ZHES BYA BA'O, ,SGRA YIS ZHES BYA BA NI MING GIS SO, ,BLO LA YOD PA'I DON GANG YIN PA DE NI DNGOS SU SGRA DAG GIS BRJOD PA YIN NO ZHES STON PA NI, GANG YANG BLO LA ZHES BYA BA LA SOGS PA STE, 'DI ZHES BYA BA NI SGRA'O, ,'DI DAG GIS DON GZHAN LAS LDOG PA'I KHYAD PAR CAN NYID JI LTAR SBYAR BAR BYA ZHE NA, 'DI'I LDOG PAS ZHES BYA BA LA SOGS PA SMOS TE, DE MA THAG TU ZHES BYA BA NI, DNGOS GANG GZHAN LAS GZHAN PA YIN, ,ZHES BYA BA LA SOGS PA STE, ,BLO LA YOD PA'I DON DE DAG KYANG GZHAN LAS LDOG PA NYID DU SNANG BA'I PHYIR RO, ,GAL TE SGRAS DNGOS PO'I CHA 'GA' ZHIG KYANG MI RTOGS PA MA YIN NAM, DE JI LTAR SLOB DPON GYIS DON GZHAN LAS LDOG PA'I DNGOS PO'I CHA 'GA' ZHIG RTOGS PAR 'GYUR ZHES BSHAD CE NA, DE'I PHYIR, DON GZHAN LAS NI LDOG PA YIS, ,ZHES BYA BA LA SOGS PA SMOS SO, ,'ON TE GZUGS BRNYAN NI BLO'I CHOS YIN PA'I PHYIR JI LTAR DNGOS PO'I CHA NYID DU 'THAD CE NA, DON GZHAN LAS NI ZHES BYA BA LA SOGS PA SMOS TE, DON GZHAN LA LDOG PA'I DNGOS PO MTHONG BA RIG PA'I PHYIR DANG, DON GZHAN LDOG PA'I DNGOS PO DE LA 'KHRUL PAS DE'I BDAG NYID DU SGRO BTAGS PA'I PHYIR, GZUGS BRNYAN DE NYID NYE BAR SGRO BTAGS NAS DNGOS PO'I CHA ZHES BSTAN TO, ,'DI YANG DON GZHAN LAS LDOG PAS ZHES GSUNGS PA'I DON DU SBYAR BA'I PHYIR, RGYU'I DON NA MA ZHES BYA BA LA SOGS PA SMOS TE, SNGA MA BZHIN DU ZHES BYA BA NI JI LTAR DON GZHAN LAS LDOG PA'I KHYAD PAR BRJOD DO ZHES BYA BA 'DIR, DNGOS GANG GZHAN LAS GZHAN PA YI, ,ZHES BYA BA LA SOGS PAS BSTAN PA DE BZHIN DU 'DIR YANG SBYAR BAR BYA'O ZHES BYI DON TO, ,YANG NA 'DI THAMS CAD DU DE LTA BU GYUR PA'I MTSAN NYID GSUM PA YIN NO ZHES STON PA NI BDAG NYID DES ZHES BYA BA'O, ,'ON TE DON GZHAN LAS LDOG PA'I PHYI ROL GYI DNGOS PO'I CHOS MA YIN NAM

346b

DE JI LTAR GZUGS BRNYAN RTOGS PA'I RGYU'I DNGOS PO'AM, BYED PA'I DNGOS POR 'GYUR ZHEN, DE'I PHYIR, GAL TE RIGS MI MTHUN LAS DNGOS, ,ZHES BYA BA LA SOGS PA SMOS TE, GAL TE DNGOS PO RIGS MI MTHUN PA'I DNGOS PO LAS LDOG PAR 'GYUR NA DE'I TSE, DE STE GZUGS BRNYAN GYI BDAG NYID DE, DE BZHIN TE RIGS MI MTHUN PA LAS LDOG PA'I DNGOS PO'I BDAG NYID DU MI 'GYUR NA, ,DE LTA BAS NA DON GZHAN LAS LDOG PA'I DNGOS PO'I BYED PA'I DNGOS PO'I RIG PA YIN NO SNYAM DU BSAMS PA'O, ,GZHAN GYI NGO BO'I KHYAD PAR NI, ,MI 'DRA'I SHES PA BYED PA MIN, ,ZHES BYA BA LA SOGS PA LA, BA LANG MIN PAS LDOG GZHAN NYID, ,CES BYA BA LA SOGS PA SMOS TE, GAL TE GZHAN LAS LDOG PA MED PA'I NGO BO DNGOS PO'I KHYAD PAR NYID DU MNGON PAR 'DOD PAR GYUR NA, DE'I TSE SUN 'BYIN PA 'DI THAMS CAD 'THAD PA YIN NA, JI SRID DU GZHAN LAS LDOG PA DNGOS PO'I KHYAD PAR NYID DU NYE BAR LEN PA YIN TE, DES NA KHYAD PAR CAN KHYAD PAR DANG RJES SU MTHUN PA NYID KYI BLOR 'GYUR BA NYID YIN NO, ,'DI LTAR BA LANG MA YIN PA LAS LDOG PA'I PA LANG DU BRJOD PA GANG YIN PA DE RTA LA SOGS PA LAS GZHAN PA NYID KYI BA LANG GANG YIN PA NI DE'I RANG BZHIN NYID YIN GYI GZHAN NI MA YIN NO, ,DE LTA YIN DANG GANG YANG KHYAD PAR GZHAN SPANGS PA TZAM GZHAN SHES PAR 'DOD PA LA, 'DI THA DAD PAS BA LANG MA YIN PA LAS LDOG PA'I BA LANG ZHES BRJOD PA DE LTA NA YANG DON DAM PAR DE BA LANG DE'I BDAG NYID DU RTOGS PA KHO NA YIN TE, DPER NA GZHAN NYID BZHIN NO, ,GZHAN NYID CES BYA BA GZHAN PA'I DNGOS PO LAS GZHAN NI MA YIN GYI 'ON KYANG DE NYID YIN TE DE LTA MA YIN NA DNGOS PO DE DE LAS GZHAN DU 'GRUB PAR MI 'GYUR RO, ,DE NI STE DE LAS KHYAD PAR GYI DNGOS PO YIN NA YANG GZHAN LAS LDOG PA NI KHYAD PAR CAN LA DNGOS PO NI BLOR 'GYUR BA NYID YIN NO, ,'DI SNYAM DU 'JIG RTEN NA KHYAD PAR CAN LA KHYAD PAR THA MI DAD PAR GRAGS TE, DPER NA SKYES BU DANG DBYIG PA BZHIN NO, LDOG PA YANG DNGOS PO YIN NA, DES NA 'DI JI LTAR 'DI DE'I KHYAD PAR DU RIGS SNYAM DU SEMS NA, THA DAD PA MED NA YANG ZHES BYA BA LA SOGS PA SMOS TE, DON DAM PAR 'GA' ZHIG GI KHYAD PAR 'GA' YANG RIGS PA MA YIN

347a

, ,TE; PHAN 'DOGS PAR BYED PA MA YIN PA NI KHYAD PAR NYID DU 'GYUR RO, ,PHAN 'DOGS PAR BYED PA NYID DU KHAS LEN PAR BYED PA NA YANG 'BRAS BU'I DUS NA RGYU MI GNAS PA'I PHYIR DUS CIG CAR 'BYUNG BA MA YIN PA NI KHYAD PAR DANG KHYAD PAR CAN GYI DNGOS POR RIGS PA MA YIN NO, ,DUS CIG CAR 'BYUNG NA YANG DE'I TSE BDAG NYID THAMS CAD YONGS SU RDZOGS PA'I PHYIR, PHAN TSUN PHAN 'DOGS PAR BYED PA MED PAS KHYAD PAR DANG KHYAD PAR CAN GYI DNGOS PO'I RIGS PA MA YIN NO, ,DE LTAR NA DNGOS PO THAMS CAD RANG RANG GI NGO BO LA GNAS PA NYID KYIS LCAGS KYI THUR MA DANG MTSUNGS PA'I PHYIR, 'DI DAG RTOG PAS BSRE BAR BYED PA 'BA' ZHIG TU ZAD DO, ,DES NA GAL TE YANG DON DAM PAR RTOG PA DANG DE DANG LDAN PA THA MI DAD PA DE LTA NA YANG RTAGS BKOD PA'I THA DAD PA LA BRTEN NAS KHYAD PAR CAN DANG KHYAD PAR GYI DNGOS POR 'GYUR BA YIN NO, ,GANG YANG, GANG TSE GSAL BA RNAMS SGRA YI, , BRJOD BYA MIN PHYIR GSAL BYA MIN, ,ZHES BYA BA LA SOGS PA SMRAS PA DE LA SNANG BA YANG ZHES BYA BA LA SOGS PA SMOS TE, GSAL BA RNAMS BRJOD PAR BYA BA MA YIN PA'I PHYIR ZHES BYA BA MA GRUB STE 'DI LTAR KHO BO CAG GIS GSAL BA RNAMS BRJOD PAR BYA BA MA YIN PAR BRJOD PA GANG YIN PA DE NI DON DAM PA BSAMS PA NA YIN GYI KUN RDZOB TU YANG MA YIN NO, ,KUN RDZOB TU NI MA BRTAGS NA NYAMS DGA' BA NYID KYIS GSAL BA RNAMS NYID BRJOD PAR BYA BA NYID YIN PAR GRAGS PA'I PHYIR GTAN TSIGS MA GRUB PA YIN NO, ,SNANG BA NI PHYI ROL TE RANG GI MTSAN NYID KYI BDAG NYID DO, ,BRTAGS PA NI RNAM PAR RTOG PA'I SHES PA LA GNAS PA'I SNANG BA'O, ,CI STE DON DAM PAR BRJOD PAR BYA BA MA YIN PA NYID GTAN TSIGS NYID DU KHAS LEN PAR BYED NA, DE'I TSE GSAL BA RNAMS KYI GSAL BAR BYA BA NYID KYANG DON DAM PAR MI 'DOD PAS DE'I PHYIR GRUB PA LA BSGRUB PA YIN NO ZHES STON PA NI, DE NYID DU NA ZHES BYA BA LA SOGS PA'O, ,DE LTAR ZHES BYA BA LA SOGS PAS GTAN TSIGS MA GRUB PA NYID MJUG SDUD PAR BYED DO, ,GANG YANG, DE'I TSE SPYI NI GSAL BYA NYID, ,DE NI GSAL BYA'I DNGOS PO NYID, ,CES SMRAS PA DE LA YANG, BSAL BAR BYA BA YIN PA'I PHYIR ZHES BYA BA'I GTAN TSIGS 'DI

347b

MA GRUB PA DANG, MA NGES PA NYID YIN NO ZHES STON PA NI SPYI NI ZHES BYA BA LA SOGS PA SMOS TE, SEL BA MA YIN TE ZHES BYA BA NI BSAL BA RNAMS KYI SEL BA BSTAN ZIN PA'I PHYIR RO, ,SEL BA YANG DNGOS PO NYID MA YIN ZHES BYA BA NI BSGRUB PAR BYA BA LAS BZLOG PA LA GTAN TSIGS GNOD PA CAN GYI TSAD MA MED PA'I PHYIR RO ZHES BSTAN PA YIN NO, ,GANG YANG, MED PA RNAMS NI GSAL BYA MIN, ,ZHES BYA BA LA SOGS PA SMRAS PA DE LA, DE LTAR MED PA ZHES BYA BA LA SOGS PA SMOS TE, GANG GIS MED PA'I NGO BO NYID DOR BAR BYA BAR 'GYUR BA MED PA MA YIN NO ZHES BYA BA DE LTA BU'I MED PA GSAL BAR BYA BA MA YIN NO, ,'O NA CI ZHE NA, DNGOS PO GANG YIN PA DE BSGRUB PA'I NGO BO YIN PA'I PHYIR MED PA'I NGO BOS DBEN PAR GNAS PAS SHUGS KYIS MED PA DE GSAL BAR BYA BA NYID DU 'DOD DO, ,'DI NYID GSAL POR BYA BA'I PHYIR, ,GANG ZHIG GANG GI ZHES BYA BA LA SOGS PA SMOS SO, ,DE SEL BA NA ZHES BYA BA NI MED PA DE NYID SEL BA NA DNGOS PO NYID DU 'GYUR BA MA YIN NO, ,'DIR GNYI GA'I PHYOGS LA GRUB PA'I DPE BSTAN PA'I SGO NAS MA NGES PA NYID BSAL BAR BYA BA'I PHYIR, RANG BZHIN DBANG PHYUG CES BYA BA LA SOGS PA SMOS TE, 'DI LTAR KHYED CAG SPYOD PA PA RNAMS KYIS KYANG RANG BZHIN DANG DBANG PHYUG DANG DUS LA SOGS PAS DNGOS PO RNAMS BYAS PA NYID DU 'DOD DO, ,DE 'GEGS PA YIN NA YANG JI LTAR DNGOS PO NYID DU MI 'GYUR BA BZHIN DU MED PA BSAL BAR BYA BAN YID YIN NA YANG DNGOS PO NYID DU 'GYUR BA MA YIN PA'I PHYIR MA NGES SO, ,DE LA MED PA'I DNGOS PO NYID CES BYA BA NI NGAL BA CHE POR 'GYUR ZHES SMRAS PA DE YANG MA NGES PAR BSTAN PA 'DI NYID KYIS BSAL BA YIN NO ZHES STON PA NI, DE'I PHYIR MED PA'I DNGOS PO NYID, ,CES BYA BA LA SOGS PA SMOS TE, DE MA GRUB NA YOD PA MED, ,MED PA'ANG GRUB PA MA YIN NO, ,ZHES BYA BA 'DI LA, DE GRUB NA YANG YOD CES BYA BA LA SOGS PA SMOS TE, DNGOS PO MED PA DE JI SKAD DU BSHAD PA'I RNAM PAR GRUB PA NA MED PA'I YOD PA GRUB PA NYID YIN TE, DE NI RANG RANG GI NGO BO LA GNAS PA'I PHYIR RO, ,GANG YANG DNGOS PO MED PA JI SKAD DU BSHAD PA'I RNAM PAS GRUB PA DE KHO NA MED PA'O ZHES GRUB PA YIN NO, ,'DI YANG LEN GDAB PA MTSUNGS PA'I PHYIR 'DIR GSAL BA YIN NO, ,

348a

, ,DA NI GO RIMS JI LTA BA BZHIN DU LAN GDAB PA'I PHYIR BSHAD PA, DE LA, MED PA'I MED PA GANG YIN PA, ,ZHES BYA BA LA SOGS PA GANG SMRAS PA, DE LA DNGOS PO NYID DU 'GYUR, ,ZHES BYA BA 'DI MI 'DOD PAR 'GYUR BA MA YIN TE, 'DOD PA'I PHYIR RO, ,'DI LTAR BA LANG MA YIN BA'I NGO BO RTA LA SOGS PA LAS BA LANG GI DNGOS PO'I KHYAD PAR GYI NGO BO NYID MI 'DRA BAR 'DOD KYI, MED PA'I BDAG NYID NI MA YIN TE, DES NA DNGOS PO NYID DU 'GYUR RO, ,BA LANG MA YIN PA LAS KYANG BA LANG MI 'DRA BAR 'DOD PA'I PHYIR BA LANG MA YIN PA LANG DU THAL BAR MI 'GYUR RO, ,GANG YANG, MED LA BAG CHAGS MED PA'I PHYIR, ,ZHES SMRAS PA DE NI MA GRUB PA DANG MA NGES PA YIN NO ZHES BSTAN PA'I PHYIR, DNGOS MED YUL LAM ZHES BYA BA LA SOGS PA SMOS TE, DNGOS PO MED PA'I YUL LA SEMS PA MED DO ZHES BYA BA 'DI MA GRUB STE, 'DI LTAR SEMS PA NI BTAGS PA'I GTAM RGYUD KYI YUL DNGOS PO MED PA DNGOS PO'I RNAM PAR SGRO BTAGS PAS 'JUG PA YIN TE, DE YANG DON LA RIGS MTHUN PA'I RNAM PAR RTOG PA MA 'ONGS PA BSKYED PAR BYA BA'I PHYIR, MJUG THOGS KYI SEMS LA BAG CHAGS 'JOG PA NYID YIN TE, GANG GI PHYIR YANG RGYUD YONGS SU SMIN PA'I DBANG GIS SAD PAR BYED PA'I SKYON BSGRUBS NAS RNAM PA DE LTA BU'I SEMS PA SKYE BA YIN LA, DE SEL BA RNAMS KYANG PHAN TSUN DU THA DAD PA DANG YOD PA'I NGO BO NYID RTOGS PA'I DBANG GIS 'BYUNG BAR 'GYUR BA'I PHYIR MA NGES PA NYID YIN NO, ,YAN LAG GI DON NI GO SLA BA'I PHYIR RNAM PAR MI PHYE'O, ,GANG YANG, KHYED KYI DE YI RGYU MTSAN CAN, ,SGRA YI DBYE BAS RNYED MA YIN, ,ZHES SMRAS PA DE LA, CI 'DRA'I ZHES BYA BA LA SOGS PA SMOS TE, CI 'DRA'I ZHES BYA BA'I GZUGS BRNYAN GYI BDAG NYID DE, DE YANG GZUGS BRNYAN GZHAN LAS THA DAD PAR GSAL BAR RAB TU RIG PAR BYA BA YIN PAS DE'I PHYIR RGYAS PAR SMRAS PA GANG YIN PA DE THAMS CAD 'BREL PA MED PA YIN NO SNYAM DU BSAMS PA YIN NO, ,SEL DAG GO BYA GO BYED MIN, ,ZHES BYA BA LA SOGS PA'I SBYOR BA LA LAN 'DEBS PA NI DNGOS PO NYID DU ZHES BYA BA LA SOGS PA'O, ,GAL TE DNGOS PO MED PA'I PHYIR, ,ZHES BYA BA SPYIR LEN PAR BYED NA DE'I TSE GTAN TSIGS MA GRUB

348b

PA YIN TE, GANG GI PHYIR GZUGS BRNYAN GYI BDAG NYID KYI BRJOD PAR BYA BA DANG, RJOD PAR BYED PA'I SEL BA DAG 'KHRUL PAS DNGOS PO NYID KYI BRJOD BYAR NGES PA'I PHYIR KUN RDZOB TU DNGOS PO NYID YOD PA KHO NA'O, ,CI STE DON DAM PAR DNGOS PO MED PA LA BRTEN NAS GTAN TSIGS SU BRJOD PA DE'I TSE GRUB PA LA BSGRUB PA YIN TE, KHO BO CAG GIS DON DAM PAR BRJOD PAR BYA BA DANG RJOD PAR BYED PA CUNG ZAD 'DOD PA NI MA YIN NO, ,'DI NYID STON PA NI DAM PA'I DON DU ZHES BYA BA LA SOGS PA SMOS SO, ,KHYAB PAR BYED PA DANG BRAL PHYIR, ,ZHES BYA BA NI RANG GI MTSAN NYID SKAD CIG MA NYID YIN NA YANG BRDA DANG THA SNYAD DU PHYIN PA'I DUS SU KHYAB PAR BYED PA NYID MED PA'I PHYIR RO ZHES BYA BA'I DON TO, ,'DI SNYAM DU KHO BO CAG DE KHO NA NYID KYI BRJOD PAR BYA BA DANG RJOD PAR BYED PA'I DNGOS PO 'GOG PA NI MA YIN NO, ,'O NA CI ZHE NA, SEL BA DAG GIS TE, DE KHO NA NYID DU DNGOS PO MED PA LA BRTEN NAS SEL BA DAG NI KUN RDZOB NYID KYIS GO BAR BYA BA DANG GO BAR BYED PA 'GEGS KYI YANG DAG PA PA NI MA YIN NO, ,DES NA GTAN TSIGS MA GRUB PA MA YIN LA, DAM BCA' BA GRUB PA LA BSGRUB PA'I SKYON DU 'GYUR BA YANG MA YIN NO, ,GNYI GA YANG KUN RDZOB DANG DE KHO NA NYID LA BRTEN NA SKYON 'DI GNYIS SU 'GYUR BA YIN NO ZHE NA, DE'I PHYIR DE NI GO BYA GO BYED CES BYA BA LA SOGS PA SMOS SO, ,DE LTAR YIN NA GTAN TSIGS MA NGES PA NYID YIN NO, ,RTOGS PAS SBYAR BA'I DON RGYAL PO DKAR CHEN LA SOGS PA DANG, DE RJOD PAR BYED PA'I SGRA DAG LA, DON DAM PAR DNGOS PO NYID MED NA YANG KUN RDZOB TU BRJOD BYA DANG RJOD BYED DU MTHONG BA'I PHYIR RO, ,DE STON PA NI RTOGS PAS SBYAR BA ZHES BYA BA LA SOGS PA'O, ,'DI SNYAM DU RGYAL PO DKAR CHEN LA SOGS PA DE LA YANG DON DAM SPYI'I BRJOD PAR BYA BA DANG RJOD PAR BYED PA YOD PA NYID YIN TE, DES NA DE DAG GIS 'KHRUL PA MA YIN NO SNYAM DU DOGS PA BSU NAS, DE DAG BRJOD BYA'I ZHES BYA BA LA SOGS PA SMOS TE, SPYI NI SPYI RTAG PAR RGYAS PAR BKAG ZIN PA'I PHYIR, DE DAG LA BRJOD PAR BYA BA'AM RJOD PAR BYED PA YOD PA MA YIN PA'I PHYIR GTAN TSIGS MA NGES PA MA YIN NO, ,DE'I ZHES BYA BA NI SPYI'O, ,RJOD BYED CES BYA BA 'DIR YANG SPYI ZHES RNAL MA DANG SPYAR RO, ,'DI SNYAM DU GAL TE

349a

, ,YANG DE LA DNGOS POR GYUR PA'I BRJOD BYA MED MOD, RJOD PAR BYED PA NI DKAR CHEN LA SOGS PA'I SGRA RANG GI MTSAN NYID YOD PA NYID DO SNYAM DU SEMS NA, DE'I PHYIR SGRA'I ZHES BYA BA LA SOGS PA SMOS TE, DNGOS PO THAMS CAD LA KHYAB PA'I SKAD CIG MA 'JIG PA BSGRUBS ZIN PA'I PHYIR, SGRA RANG GI MTSAN NYID RJOD PAR BYED PA NYID DU RIGS PA MA YIN TE, SKAD CIG 'JIG PA NYID KYIS DE LA BRDA BYED PA MI SRID PA'I PHYIR DANG, THA SNYAD KYI DUS SU RJES SU MI 'GRO BA'I PHYIR RO ZHES BSTAN ZIN TO, ,DE'I PHYIR ZHES BYA BA LA SOGS PAS MJUG SDUD PAR BYED DO, ,DE GNYIS ZHES BYA BA'I BRJOD PAR BYA BA DANG RJOD PAR BYED PA'O,, GZUGS BRNYAN LA SOGS PA ZHES BYA BA'I SGRA NI SHES PA RNAM PA MED PAR KHAS LEN NA YANG, RNAM PAR SHES PA DON MED PA LA DON DU ZHEN PA'I NGO BO NYID RANG LA YOD PA'I NGES PA GZHAN CUNG ZAD CIG GDON MI ZA BAR KHAS BLANG PAR BYA DGOS SO ZHES BSTAN PA YIN NO, ,DE DAG RNAMS LA ZHES BYA BA NI RTOG PAS BKOD PA'I DON DAG LA'O, ,DE'I ZHES BYA BA NI DE'I PHYIR RAM DE'I GTAN TSIGS 'KHRUL PA NYID NI DE'I 'KHRUL PA NYID DO, ,GANG ZHIG BSGRUB PA'I NGO BO YANG SGRA'I DON DU KHAS MI LEN ZHES BYA BA 'DI LA, SGRUB PA'I NGO BO ZHES BYA BA LA SOGS PA SMOS TE, GANG GI MI 'DOD PAR THAL BAR SGRUB PA 'DI BYED PA KHO BO CAG THAMS CAD KYIS THAMS CAD DU SGRUB PA'I NGO BO SGRA'I DON DU KHAS MI LEN PA NI MA YIN NO, ,GANG GI PHYIR SGRA LAS DON NGES PA'I SHES PA SKYE BA'I PHYIR KUN RDZOB TU SGRUB PA'I NGO BO SGRA'I DON DU MNGON PAR 'DOD PA NYID YIN LA, DE KHO NA NYID DU NI SGRA RNAMS LA BRJOD PAR BYA BA CUNG ZAD KYANG YOD PA MA YIN PA'I PHYIR DE KHO NA NYID KYI SGRUB PA'I NGO BO 'GEGS PA YIN GYI SGRUB PA'I NGO BO SGRA'I DON DU 'DOD PA'I PHYIR, ,KUN RDZOB PA NI MA YIN NO, ,RANG DON BRJOD NA STE SGRUB PA'I NGO BO YIN, GZHAN LAS LDOG PA SHUGS KYIS RTOGS PA'I PHYIR, SGRUB PA SNGON DU 'GRO BA'I LDOG PA NI RIGS PA NYID YIN NO, , GAL TE 'DI SNYAM DU SGRUB PA'I NGO BO SGRA'I DON DU KHAS LEN PAR BYED NA, 'O NA GTAN TSIGS KYI SGOR MTSAN NYID MDZAD PA SGRUB PA MI SRID DO ZHES BSTAN PA DE CI LTAR ZHE NA, DE'I PHYIR, SPYI LA SOGS PA MI SRID PHYIR, ,ZHES BYA BA LA SOGS PA SMOS TE, DON DAM PAR SPYI DANG RANG GI MTSAN

349b

NYID LA SOGS PA'I BRJOD PAR BYA BA DANG RJOD PAR BYED PA MI SRID PA'I PHYIR, SGRA RNAMS DANG RNAM PAR RTOG PA RNAMS DNGOS SU STE, DON DAM PAR YUL MED PA NYID KYI PHYIR DON DAM PA LA BRTEN NAS SLOB DPON GYIS SGRUB PA MI SRID PAR BSTAN TO ZHES BYA BA MI 'GAL LO, ,GAL TE GZHAN SEL BA TZAM ZHIG ,BRJOD BYA NYID DU KHAS LEN NA, ,ZHES BYA BA LA SOGS PA LA, AUTPALA SNGON PO ZHES BYA BA LA SOGS PA SMOS TE, SNGON PO MA YIN PA DANG AUTPALA MA YIN PA LAS LDOG PA'I DON GYI RNAM PA GCIG NYID GNYI GA'I NGO BO'I GZUGS BRNYAN AUTPALA SNGON PO SGRA SKYED KYI MED PA TZAM NI MA YIN NO, ,DE'I PHYIR ZHEN PA'I DBANG GIS AUTPALA SNGON PO LA SOGS SGRA RNAMS KYIS SNA TSOGS PA'I DON NGES PA NYID YIN PAS DE'I NGO BOR GZHI MTHUN PA NYID 'THAD PA YIN NO, ,CI STE GZHAN SEL LDAN DNGOS PO, ,BRJOD BYA YIN ZHES RJOD BYED NA, ,ZHES GANG SMRAS PA DE LA, NGED KYI ZHES BYA BA LA SOGS PA SMOS TE, GAL TE LDOG PA'I DNGOS PO LA LDOG PA ZHES BYA BA GZHAN YIN PAR GYUR NA, DE'I TSE DE DANG LDAN PA'I PHYOGS LA BRJOD PA'I SKYON DU THAL BAR 'GYUR NA, CI SRID DU KHO BO CAG GIS GZHAN LAS LDOG PA'I DNGOS PO LAS LDOG PA GZHAN NI MA YIN GYI 'ON KYANG LDOG PA'I DNGOS PO NYID KHYAD PAR GZHAN SPANGS PA TZAM SHES PAR 'DOD PA LA DE SKAD DU BRJOD PA YIN NO, ,DES NA JI LTAR GTZOR RIGS BRJOD PAR BYA BA YIN NA DE DANG LDAN BA GZHAN GYI DBANG GIS BRJOD PA'I PHYIR DER RTOGS PA'I KHYAD PAR MA 'PHAGS PAS DE DAG DANG LHAN CIG GZHI MTHUN PA LA SOGS PA MED PAR THAL BAR 'GYUR BA BRJOD PA DE LTAR SEL BA'I PHYOGS LA MI 'JUG STE, GZHAN SEL BA DANG LDAN PA THA DAD PA MA BRJOD PA'I PHYIR RO, ,DE STON PA NI, DES NI GZHAN DBANG NYES PA SOGS, ,ZHES BYA BA LA SOGS PA'O, ,DES NA ZHES BYA BA NI DE'I PHYIR RO, ,BLO GROS BZANG POS GSUNGS PA YIS, ,ZHES BYA BA NI BLO GROS RNAM PAR DAG PA'I SLOB DPON PHYOGS KYI GLANG POS GSUNGS PA'I GZHAN SEL BA'I SGRA'I DON LA'O, ,'DI LA RGYU SMRAS PA, LOGS MIN PHYIR ZHES BYA BA LA GZHAN SEL BA'I MTSAN NYID KYI SGRA'I DON TE GZHAN SEL BA'I DNGOS PO LAS LOGS SHIG PA MA YIN PA'I PHYIR TE, THA MI DAD PA'I PHYIR ZHES BYA BA'I THA TSIG GO, ,JI LTAR GZHI MTHUN PA LA SOGS PA MI 'GAL BA DE LTAR BSTAN PA'I

350a

, ,PHYIR; SNGON PO'I SGRA SOGS ZHES BYA BA LA SOGS PA SMOS TE, 'DI LTAR SNGON PO ZHES BRJOD PA NA SER PO LA SOGS PA LAS LDOG PA'I DNGOS POR NGES PA'I BUNG BA DANG KHU BYUG DANG MIG SMAN LA SOGS PA LA THE TSOM ZA BZHIN PA'I NGO BO'I RNAM PAR RTOG PA'I GZUGS BRNYAN SKYE LA DE YANG AUTPALA'I SGRAS KHU BYUG LA SOGS PA LAS RNAM PAR BCAD NAS AUTPALA MA YIN PA LAS LDOG PA'I YUL CAN DU RNAM PAR 'JOG PA NI NGES PA'I BDAG NYID DU RTOGS PA YIN NO, ,DES NA PHAN TSUN DU JI SKAD DU BSHAD PA'I BLO'I GZUGS BRNYAN LA LTOS NAS RNAM PAR GCAD PAR BYA BA DANG GCOD PAR BYED PA'I DNGOS PO YIN PA'I PHYIR SNGON PO DANG AUTPALA'I SGRA DAG KHYAD PAR DANG KHYAD PAR CAN GYI DNGOS POR MI 'GAL LO, ,GNYI GAS KYANG SNGON PO MA YIN PA DANG AUTPALA MA YIN PA LAS LDOG PA'I GZUGS BRNYAN GYI BDAG NYID KYIS DNGOS PO GCIG STON PAR BYED PA'I PHYIR, DON GCIG LA 'JUG PA NYID KYI GZHI MTHUN PA NYID DU 'GYUR RO ZHES BYA BA NI SPYI'I DON TO, ,YAN LAG GI DON BRJOD PAR BYA STE, YID GNYIS KYI ZHES BYA BA NI GNAS PA MI RNYED PA STE, THE TSOM GYI NGO BO ZHES BYA BA'I THA TSIG GO, ,SNYAN SGROGS ZHES BYA BA NI KHU BYUG GI RNAM GRANGS SO, ,LHAG MA NI GO BAR ZAD DO, ,'DI SNYAM DU KHO BO CAG GI PHYOGS LA YANG GZHI MTHUN PA LA SOGS PA MI 'GAL BA KHO NA'O SNYAM DU SEMS NA, DE'I PHYIR GZHAN GYI PHYOGS LA ZHES BYA BA LA SOGS PA SMOS TE, RNAM PAR GZHAG PA ZHES BYA BA NI GZHI MTHUN PA LA SOGS PA'I RNAM PAR GZHAG PA'O, ,JI LTAR 'THAD PAR DKA' ZHE NA, 'DI LTAR ZHES BYA BA LA SOGS PA SMOS TE, SGRUB PA SGRA'I DON YIN PAR SMRA BA'I PHYOGS LA SNGON PO LA SOGS PA'I SGRA GCIG NYID KYIS AUTPALA SOGS PA'I RANG GI MTSAN NYID BRJOD PA NA, CI AUTPALA YIN NAM 'ON TE MIG SMAN YIN ZHES BYA BA DE LTA BU KHYAD PAR GZHAN LA MI SHES PAR 'GYUR TE, DNGOS PO DE'I BDAG NYID THAMS CAD KYIS BSTAN PA'I PHYIR RO, ,GCIG LA GCIG GI TSE RTOG PA PO GCIG LA LTOS NAS SHES PA DANG MI SHES PA NYID 'GAL BA'I PHYIR RO, ,DE STON PA NI, CI PHYIR LDOG GZHAN LA BLO MED, ,CES BYA BA LA BLO MED PA NI MI SHES PA'AM, BLO GROS DMAN PA'I BLO MED PA STE, THE TSOM DANG PHYIN CI LOG CES BYA BA'I DON TO, ,DE LTA YIN DANG THE TSOM DANG PHYIN CI

350b

LOG MED PA'I PHYIR, AUTPALA LA SOGS PA'I SGRA GZHAN LA SBYOR BA POS SBYOR BAR 'DOD PAR MI 'GYUR RO ZHES BYA BA DE STON PA NI, GANG GI DON DU ZHES BYA BA LA SOGS PA STE, GANG GI DON DU ZHES BYA BA NI BLO MED PA GANG ZHIG BZLOG PA'I DON DU ZHES BYA BA'I DON TO, ,CI STE YANG DNGOS PO DE PHYOGS GCIG GIS BRJOD KYI BDAG NYID THAMS CAD KYIS NI MA YIN NO, ,DES NA RANG BZHIN GZHAN BRJOD PA'I PHYIR SGRA GZHAN BRTZAL BAR BYA BA NYID YIN NO SNYAM NA, DE'I PHYIR GAL TE RNAM KUN ZHES BYA BA LA SOGS PA SMOS TE, GANG GIS PHYOGS GCIG BRJOD PAR 'GYUR BA DNGOS PO GCIG LA PHYOGS GCIG YOD PA NI MA YIN NO, ,GCIG NYID DANG DU MA NYID DAG NI PHAN TSUN SPANGS TE GNAS PA'I MTSAN NYID YIN PA'I PHYIR RO, ,DE LTA YIN DANG KHYED KYI DNGOS PO PHYOGS GCIG PA JI SNYED PA DE SNYED BSTAN PA KHO NAR ZAD PAS GCIG DU MAR 'GRUB PAR MI 'GYUR RO, ,'DI SNYAM DU SNGON PO'I SGRAS RDZAS BRJOD PA MA YIN NO, ,'O NA CI ZHE NA, SNGON PO ZHES BYA BA'I YON TAN NAM, DE DANG 'DU BA'I SNGON PO NYID KYI RIGS YIN LA, AUTPALA'I SGRAS KYANG AUTPALA NYID KYI RIGS KHO NA BRJOD KYI RDZAS NI MA YIN NO, ,DES NA DON THA DAD PA BRJOD PA'I PHYIR, AUTPALA LA SOGS PA'I SGRA GZHAN 'DOD PAR RIGS NYID DO SNYAM DU SEMS NA, ,AUTPALA RIGS ZHES BYA BA LA SOGS PA SMOS TE, AUTPALA RIGS GZHAN ZHES BYA BA 'DI NI GZHAN YANG YIN LA AUTPALA'I RIGS KYANG YIN NO ZHES BSDU'O, ,DES NA ZHES BYA BA NI NGES PAR BYA'O, ,AUTPALA'I SGRA LAS ZHES BYA BA LNGA PA'I SGRA CAN NO, ,PHYOGS 'DI LA GZHI MTHUN PA MI 'THAD PA CHES BSAL BA YIN TE, BA KU LA DANG AUTPALA'I SGRA DAG BZHIN DU DON GCIG LA SNGON PO DANG AUTPALA'I SGRA DAG 'JUG PA MED PA'I PHYIR RO, ,AUTPALA BA KU LA ZHES BYA BAR 'GYUR BA NI MA YIN NO, ,'DI SNYAM DU GAL TE YANG SNGON PO'I SGRAS RIGS DANG YON TAN DANG BYE BRAG RJOD PAR BYED PA DE LTA NA YANG DE'I SGO NAS SNGON PO'I YON TAN DANG DE'I RIGS DAG DANG 'BREL PA'I RDZAS KYANG DES BRJOD PA YIN LA, DE BZHIN DU DE AUTPALA'I SGRAS KYANG RIGS KYI SGO NAS RDZAS DE NYID BRJOD PA YIN PAS DES NA DE DAG DON GCIG LA 'JUG PA SRID PA'I PHYIR GZHI MTHUN PAR 'GYUR BAS BA KU LA DANG AUTPALA'I SGRA DAG NI MA YIN NO SNYAM DU SEMS NA, DE'I PHYIR GAL TE ZHES BYA BA LA SOGS PA SMOS TE,

351a

, ,SNGON PO ZHES BYA BA'I YON TAN YANG YIN LA SNGON PO NYID CES BYA BA'I RIGS KYANG YIN PAS YON TAN DE'I RIGS TE, DE DAG DANG 'BREL BA ZHES TSIG RNAM PAR SBYAR RO, AUTPALA SGRA DON MED PAR 'GYUR ZHES BYA BA NI RDZAS DE SNGON PO'I SGRA NYID KYIS BSTAN PA'I PHYIR RO, ,'DI NYID STON PA NI, GANG NYID DE DAG CES BYA BA LA SOGS PA STE, DE DAG CES BYA BA NI YON TAN DANG DE'I RIGS DAG GO, ,'DI SNYAM DU GAL TE YANG SNGON PO'I SGRA YON TAN DE'I RIGS DANG LDAN PA'I RDZAS BRJOD PA DE LTA NA YANG SNGON PO DE DON GCIG LA 'JUG PA MTHONG BA'I PHYIR RTOG PA BO'I BLO AUTPALA'I DON LA NGES PA'I NGO BOR SKYE BA MA YIN TE, KHU BYUG LA SOGS PA YANG SNGON PO YIN PA'I PHYIR RO, ,DE'I PHYIR DON GZHAN DU THE TSOM ZAB BCAD PA'I DON DU AUTPALA'I SGRA SBYOR BA DON DANG BCAS BA KHO NA'O SNYAM DU SEMS NA, DE NI YANG DAG PA MA YIN TE, SKABS KYI DON MI SHES PA NYID KYIS BRJOD PA'I PHYIR RO, ,SGRA'I DON SGRUB PA YIN PA'I PHYIR GSAL BA GZHI MTHUN PA LA SOGS PA MI 'THAD DO ZHES BYA BA 'DIR SKABS YIN NO, ,GAL TE AUTPALA'I SGRA THE TSOM BCAD PA'I DON DU BRJOD KYI RDZAS RTOGS PAR BYA BA'I PHYIR NI MA YIN NO, ,'O NA SGRUB PA SGRA'I DON DU MI 'GYUR TE, AUTPALA'I SGRA 'KHRUL PAR SGRO BTAGS PA'I RNAM PAR BCAD PA TZAM NYID STON BAR BYED PA'I PHYIR RO, ,SNGON PO'I SGRAS AUTPALA LA SOGS PA'I RDZAS BRJOD KYI, YANG RTOGS PA PO DE RES PA MI SKYE'O ZHES BYA BA 'DI NI PHAN TSUN 'GAL BA BRJOD PA YIN NO, ,GANG LA THE TSOM SKYE BA DE NI SGRA'I DON DU RIGS PA MA YIN TE, HA CANG THAL BAR 'GYUR BA'I PHYIR RO, ,NGES PAR YUL DU BYA BA'I DNGOS PO LA NI THE TSOM GYI GO SKABS RNYED PA YANG MA YIN TE, NGES PA DANG SGRO 'DOGS PA'I YID NI GNOD PAR BYA BA DANG GNOD PAR BYED PA'I DNGOS PO YIN PA'I PHYIR RO, ,'DI SNYAM DU GAL TE YANG SNGON PO DANG AUTPALA'I SGRA DAG NI DON GCIG LA 'JUG PA MED MOD, DE'I DON YON TAN DANG RIGS DAG NI RDZAS GCIG LA 'JUG PA YOD PA DE'I DON CAN 'DI DAG GZHI MTHUN PA NYID DU 'GYUR RO SNYAM DU SEMS NA, 'DI NI MI RIGS TE HA CANG THAL BAR 'GYUR BA'I PHYIR RO, ,DE LTA NA NI GZUGS DANG RO'I SGRA DAG KYANG GZHI MTHUN PAR 'GYUR TE, DE'I DON GZUGS DANG RO DAG NI SA LA SOGS PA'I RDZAS GCIG LA 'JUG PA'I PHYIR RO, ,GZHAN YANG

351b

AUTPALA SNGON PO ZHES BYA BA'I DON GCIG GI YUL CAN GYI BLO DER YANG MI 'GYUR TE, RDZAS GCIG LA 'DU BA'I YON TAN DANG RDZAS KYI RIGS DAG NI GNYIS KYI SO SOR BRJOD PA'I PHYIR RO, ,DON GCIG GI YUL CAN GYI SHES PA MA SKYES PA NA SGRA DAG GI GZHI MTHUN PA YOD PA MA YIN NO, ,SPROS PAS CHOG GO, ,'DI SNYAM DU GANG KHO NA SNGON PO'I YON TAN DANG DE'I RIGS DAG DANG 'BREL PA'I DNGOS PO DE NYID AUTPALA'I SGRAS BRJOD PA NI MA YIN NO, ,'O NA CI ZHE NA, GZHAN NYID YIN TE, DES NA AUTPALA'I SGRA DON MED PAR MI 'GYUR RO SNYAM DU SEMS NA, DE'I PHYIR YON TAN DE YI RIGS, ,ZHES BYA BA LA SOGS PA SMOS TE ZHEN ZHES BYA BA 'DIR BCAD DO, ,RTEN NI THA DAD DU YANG 'GYUR, ,ZHES BYA BA NI, GZHI THA DAD PAR 'GYUR ZHES BYA BA'I DON TO, ,YANG CI STE GAL TE YANG RDZAS DE NYID SNGON PO'I SGRAS BRJOD CING AUTPALA'I SGRAS KYANG YIN SNGON PO'I SGRAS NI AUTPALA'I RIGS DANG 'BREL PA'I NGO BOR RDZAS BRJOD PA NI MA YIN NO, ,'O NA CI ZHE NA, SNGON PO'I YON TAN DANG DE'I RIGS DANG 'BREL PA'I NGO BO NYID KYIS TE, DES NI 'DI'I SNGON PO DANG AUTPALA NYID KYIS RIGS DANG 'BREL PA'I NGO BO NYID BRJOD PAR 'DOD NAS AUTPALA'I SGRA 'JUG PA NA DON MED PAR MI 'GYUR RO ZHES BYA BA 'DI DOGS PA BSU NAS LEN 'DEBS PA NI, CI STE SNGON PO ZHES BYA BA LA SOGS PA SMOS TE, CI STE SNGON PO ZHES BYA BA'I SGRA AUTPALA NYID DANG 'BREL PA'I NGO BO NYID KYI YON TAN DANG DE'I RIGS DANG 'BREL PA'I RDZAS MI BRJOD NAS ZHES 'BREL TE, DE NI YANG DAG PA MA YIN TE, GANG GIS SNGON PO DANG DE'I RIGS DANG 'BREL PA'I NGO BO NYID BRJOD PA NA AUTPALA NYID KYI RIGS DANG 'BREL PA'I NGO BO NYID KYIS RDZAS BRJOD PAR MI 'GYUR BA SNGON PO'I YON TAN DANG DE'I RIGS DANG 'BREL PA'I NGO BO NYID LAS AUTPALA NYID KYI RIGS DANG 'BREL PA'I NGO BO NYID GZHAN NYID NI MA YIN TE, CI TZAM DU RDZAS GCIG LA 'BREL PA CAN NYID KYIS NGO BO GNYI GA YANG THA MI DAD PA'I PHYIR RO, ,DE BZHIN DU DE DAG KYANG GCIG NYID YIN NO ZHES BYA BA NI RIGS PA MA YIN TE, NGO BO GCIG BRJOD PA NA NGO BO GZHAN MA BRJOD PA'I PHYIR RO, ,GZHAN YANG KHAS BLANGS NAS KYANG BRJOD DE, AUTPALA NYID DANG 'BREL PA'I NGO BO NYID NI SNGON PO DANG DE'I RIGS DANG 'BREL PA'I RANG BZHIN LAS GZHAN NYID YIN DU CHUG MOD, DE LTA NA

352a

, ,YANG AUTPALA'I SGRA NI DON MED PA NYID YIN TE, 'DI LTAR AUTPALA DANG 'BREL PA'I DNGOS PO'I CHA GANG YIN PA DE NYID SNGON PO'I YON TAN DANG DE'I RIGS DAG GNYI GA DANG 'BREL GYI GZHAN NI MA YIN NO, ,DE YANG CHA MED PA'I PHYIR BDAG NYID THAMS CAD KYI SNGON PO'I SGRA NYID KYIS BRJOD LA, NGES PA'I BDAG NYID KYI SGRA LAS BYUNG BA'I BLOS KYANG YUL DU BYAS PA'I PHYIR GANG ZHIG BRJOD PA'I DON DU AUTPALA'I SGRA DON DANG BCAS PAR 'GYUR BA 'DI'I RANG GI NGO BO MA BRJOD PA GZHAN CI ZHIG YOD, ,'OD PAS SMRAS PA, CHA MED PA'I DNGOS PO LA BDAG NYID THAMS CAD KYIS YUL DU BYAS KYI YUL CHA SHAS KYIS NI MA YIN NO ZHES BYA BA'I RNAM PAR RTOG PA 'DI 'JUG PA MA YIN TE, THAMS CAD KYI SGRA NI DON DU MA'I YUL CAN YIN PA'I PHYIR DANG, GCIG GI SGRA NI CHA SHAS LA 'JUG PA'I PHYIR RO ZHES BYA BA 'DI DOGS PA BSU NAS LEN 'DEBS PA NI, GAL TE ZHES BYA BA'O, ,CHA SHAS LAS GROL ZHES BYA BA NI CHA MED PA'I DNGOS PO ZHES BYA BA'I DON TO, ,MA LUS CHA'I RNAM RTOG CES BYA BA NI BDAG NYID THAMS CAD KYI YUL DU BYAS KYI PHYOGS GCIG GIS NI MA YIN NO ZHES BYA BA DE LTA BU MA LUS PA DANG CHA DAG GI RNAM PAR RTOG PA NI, MA LUS CHA YI RNAM RTOG GO, ,'DI NI NGAG GI DON YONGS SU MA SHES NAS BRJOD PA YIN TE, 'DI LTAR; DANG PO NYID DU SNGON PO'I SGRAS, ,BDAG NYID THAMS CAD KYIS DE BSAL, ,ZHES BYA BA'I DON 'DI BRJOD PAR 'DOD PA YIN TE DE'I DNGOS PO CI 'DRA BA DE 'DRA BA NYID BRJOD PA YIN GYI GANG ZHIG BRJOD PA'I DON DU SNGON PO'I SGRA SBYOR BAR BYED PA DE'I RANG BZHIN 'GA' ZHIG DOR PA NI MA YIN TE DNGOS PO DE NI CHA MED PA'I PHYIR RO, ,DE LTA BAS NA 'DI NI TSIG GI DON TZAM MA YIN NO, ,DE BZHIN DU JI LTAR AUTPALA'I SGRA DON MED PA DE LTAR SGRA'I MI RTAG PA LA SOGS PA GZHAN DAG KYANG SBYOR BA DON MED PAR 'GYUR RO, ,SBYOR BA YIN NA YANG RNAM GRANGS PA NYID DU 'GYUR TE, SHING DANG RTZA BA MTHUN PA LA SOGS PA'I SGRA BZHIN NO ZHES BSGRE BAR BYA BA'I PHYIR, RNAM PA 'DI DAG NYID KYIS NI, ,ZHES BYA BA LA SOGS PA SMOS TE, BRJOD PA ZHES BYA BA NI SBYOR BA'O, ,BRJOD PA ZHES BYA BA NI SMRA BA'O, ,BRJOD NA ZHES BYA BA NI SMRA BA'O, ,DE NI, GZHAN DU DNGOS PO GCIG PU LA, ,SGRA'AM BLO GCIG GIS KHYAB NA, ,GZHAN YUL MA YIN DE YI PHYIR, ,RNAM GRANGS

352b

PA NI NYID DU 'GYUR, ,ZHES BSHAD DO, ,'DI SNYAM DU KHYED KYI PHYOGS LA YANG SKAD CIG GIS BRJOD PA'I DNGOS PO'I KHYAD PAR LA THE TSOM DANG PHYIN CI LOG MED PAR THAL BA DANG, SGRA GZHAN MI 'JUG PAR THAL BAR CI'I PHYIR MI 'GYUR SNYAM DU SEMS NA, DE'I PHYIR KHO BO CAG NI ZHES BYA BA LA SOGS PA SMOS SO, ,DE DAG GNYIS KYIS ZHES BYA BA NI SGRA DANG SHES PA DE DAG GIS SO, ,PHYI MA ZHES BYA BA NI DUS PHYIS SO, ,CI STE SGRA'I DON DU KUN RDZOB PA LA YANG CI'I PHYIR GZHI MTHUN PA LA SOGS PA MED PA'I SKYON 'DI 'BYUNG BAR MI 'GYUR ZHE NA, DE'I PHYIR SGRA YIS RNAM RTOG CES BYA BA LA SOGS PA SMOS TE, SNGON PO'I SGRAS CHES DANG POR SNGON PO MA YIN PA'I DNGOS PO LAS LDOG PA'I AUTPALA LA SOGS PA LA YID GNYIS KYI NGO BO NYID KYIS DE DAG MI SPONG BA PHYI ROL GYI NGO BOR ZHEN PA'I RNAM PAR RTOG PA'I GZUGS BRNYAN SKYED PAR BYED LA, YANG AUTPALA'I SGRAS DE NYID AUTPALA MA YIN PA LAS LDOG PA'I PHYIR ROL GYI DNGOS PO DANG GCIG GIS NGO BO SGRO 'DOGS PA SKYE'O, ,DE'I PHYIR RIGS PA DES SNGON PO MA YIN PA DANG AUTPALA MA YIN PA LAS LDOG PA'I PHYI ROL DANG GCIG GI NGO BOR ZHEN PA'I 'KHRUL PA'I RNAM PAR RTOG PA'I GZUGS BRNYAN SKYED PA'I PHYIR DE'I NGOR BYAS NAS KUN RDZOB TU GZHI MTHUN PA LA SOGS PAR RIGS PA NYID YIN NO, ,CI'I PHYIR DON DAM PAR MI RIGS PA YIN ZHE NA, DAM PA'I DON DU ZHES BYA BA LA SOGS PA SMOS SO, ,RTAGS DANG GRANGS SOGS 'BREL PA NI, SEL BA LA NI YOD MA YIN, ,ZHES GANG SMRAS PA 'DI NI, RTAGS DANG GRANGS SOGS ZHES BYA BA LA SOGS PA SMOS TE, RTAGS DANG GRANGS LA SOGS PA 'DI DAG NI DNGOS PO'I CHOS NYID DU MA GRUB STE, RANG DBANG CAN MI 'DOD PAS 'DOD PA BKOD PA'I BRDA TZAM LAS BYUNG BA'I PHYIR RO, ,BSAL BA RNAMS LA YANG ZHES BYA BA'I YANG GI SGRA LAS SEL BA YANG NGO, ,SBYOR BA NI GANG ZHIG GANG GI RJES SU 'GRO BA DANG LDOG PA'I RJES SU MI BYED PA DE NI DE'I CHOS CAN MA YIN TE, ME'I GRANG BA NYID BZHIN NO, ,RTAGS DANG GRANGS LA SOGS PA GANG YANG DNGOS PO'I RJES SU 'GRO BA DANG LDOG PA'I RJES SU MI BYED DO ZHES BYA BA NI KHYAB PAR BYED PA MI DMIGS PA'O, ,GTAN TSIGS 'DI MA GRUB PA YANG MA YIN NO ZHES BSTAN

353a

, ,PA'I PHYIR, MTHA' MA 'GRAM PA DOGS RNAMS KYIS, ,ZHES BYA BA LA SOGS PA SMOS TE, GAL TE RTAGS DNGOS POR GTOGS PA'I CHOS YIN NA DE'I TSE 'GRAM ZHES BYA BA 'DI DNGOS PO GCIG LA 'GRAM PA DANG, MTHA' MA DANG DOGS ZHES BYA BA'I RTAGS GSUM DANG LDAN PA'I SGRA 'JUG PAS DNGOS PO GCIG NGO BO GSUM DU THAL BAR 'GYUR BA'I PHYIR RO, ,GCIG LA PHO DANG MO DANG MA NING ZHES BYA BA'I RANG BZHIN GSUM RIGS PA YANG MA YIN TE, GCIG NYID NYAMS PAR THAL BAR 'GYUR BA'I PHYIR RO, ,'GAL BA'I CHOS DANG LDAN PA YANG GCIG NYID NI SNA TSOGS THAMS CAD GCIG NYID DU 'GYUR TE, DE LTAR YIN DANG LHAN CIG SKYE BA DANG 'JIG PAR THAL BAR 'GYUR RO, ,GZHAN YANG DNGOS PO THAMS CAD SGRA GCIG GIS SAM, SGRA GZHAN GYIS RTAGS GSUM STON PAR MTHONG BA'I PHYIR, DE'I YUL CAN GYI SHES PA THAMS CAD NOR BU GZI LA SOGS PA BZHIN DU KHRA BOR SNANG BAR THAL BAR 'GYUR RO, ,YANG CI STE DNGOS PO THAMS CAD RTAGS GSUM DANG LDAN PA YIN NA YANG STON PA PO NGO BO GANG ZHIG BRJOD PAR 'DOD PA DE TZAM ZHIG BRJOD PAR 'DOD PA'I DBANG GIS SNANG BA SHES PA 'BYUNG BAR 'GYUR GYI, KHRA BOR SNANG BA NI MA YIN NO SNYAM NA, DE'I PHYIR, BRJOD 'DOD RJES SU BYED NA YANG, , ZHES BYA BA LA SOGS PA SMOS SO, ,BRJOD PAR 'DOD PA'I RJES SU BYED PA NYID YIN NA YANG STE, SHES PA RNAMS KYIS ZHES BYA BA NI LHAG MA'O, ,GAL TE BRJOD PAR 'DOD PAS GCIG GI NGO BO LA SEMS PA GCIG GI NGO BOR 'GYUR RO ZHES KHAS LEN PAR BYED NA, DE'I TSE SHES PA DE DAG DNGOS PO GSUM GYI BDAG NYID KYI YUL CAN DU MI 'GYUR TE, DE'I RNAM PAS STONG PA'I PHYIR MIG GI RNAM PAR SHES PA'I YUL DU SGRA BZHIN NO, ,DE'I DBANG GIS ZHES BYA BA NI BRJOD PAR 'DOD PA'I DBANG GIS SO, ,GANG YANG 'DI SNYAM DU 'JIG PA DANG, SKYE BA DANG GNAS PA RNAMS LA GO RIMS BZHIN DU MO DANG PHO DANG MA NING NYID DU RNAM PAR GZHAG PA ZHES BYA BA DE YANG RIGS PA MA YIN NO ZHES BSTAN PA'I PHYIR, GAL TE GNAS DANG ZHES BYA BA LA SOGS PA SMOS TE, GNAS PAR GYUR NA ZHES BYA BA 'DIR BCAD DO, ,GAL TE GNAS PA LA SOGS PA LA BRTEN PA'I RTAGS RNAMS GNAS PA STE, RTAGS RNAM PAR GZHAG PAR 'GYUR NA DE'I TSE

353b

'GRAM DANG LU GU RGYUD LA SOGS PA BZHIN DU DNGOS PO THAMS CAD LA RNAM PHAR MA PHYE BAR RTAGS GSUM DU 'GYUR TE, THAMS CAD LA 'GRAM LA SOGS PA BZHIN DU GNAS PA LA SOGS PA YOD PA'I PHYIR RO, ,DE LTA MA YIN NA 'GRAM PA DANG MTHA' MA DANG DOGS ZHES BYA BA LA SOGS PA LA YANG RTAGS GSUM DU MI 'GYUR TE, KHYAD PAR MED PA'I PHYIR RO, ,DE LTA BAS NA MTSAN NYID HA CANG THAL BA'I SKYON YIN NO, ,'KHRUL PA MTHONG BA'I PHYIR YANG MA KHYAB PA YIN NO ZHES BSTAN PA'I PHYIR, MED PA ZHES BYA BA LA SOGS PA SMOS TE, RI BONG GI RVA LA SOGS PA MED PA'I NGO BO DAG LA GNAS PA LA SOGS PA MED NA YANG MED PA DANG NYE BAR BRJOD PA MED PA DANG GSOL BA ZHES BYA BA LA SOGS PA'I SGRA DAG GIS RTAGS GSUM STON PAR MTHONG BA'I PHYIR RO, ,RTAGS RNAM PAR GZHAG PA MA KHYAB PA MA YIN PA YIN NO, ,'DI LAS KYANG MA KHYAB PA MA YIN TE, GNAS PA LA SOGS PA DE DAG NYID RE RE LA RTAGS GSUM DANG LDAN PA'I SGRA 'JUG PAR MTHONG BA'I PHYIR TE, 'DI LTAR SKYE BA NI 'BYUNG BA LA BRJOD DO, ,'JIG PA NA NYAMS PA'O, ,BDAG GI RANG GI NGO BO NI GNAS PA'O, ,DE LA SKYE BA DANG GNAS PA DANG 'JIG PA MED PA'I PHYIR, JI LTAR SKYED PA DANG 'BYUNG BA DANG SKYE BA ZHES BYA BA LA SOGS PA MO DANG PHO DANG MA NING GI RTAGS KYI SGRA 'JUG PAR 'GYUR RO, ,DE BZHIN DU 'JIG PA LA GNAS PA DANG SKYE BA DAG MED PA'I PHYIR JI LTAR 'JIG PA DANG ZHIG PA DANG NYAMS PA ZHES BYA BA LA SOGS PA'I SGRA DAG GIS BSTAN PAR 'GYUR, YANG GI SGRAS NI 'JIG PA ZHES BYA BA YANG RANG GI SGRAS JI LTAR STON ZHES STON PA YIN NO, ,DE BZHIN DU GNAS PA LA 'JIG PA DANG SKYE BA DAG MED PA'I PHYIR GNAS PA DANG RANG BZHIN LA SOGS PA'I SGRA DAG GIS GNAS PA DE RGYU GANG GIS ZHES BRJOD PAR BYA DGOS SO, ,CI STE YANG GNAS PA LA SOGS PA 'DI DAG PHAN TSUN RNAM PAR DBYE BA MED PA'I NGO BO YIN PA'I PHYIR 'DI DAG RE RE LA RTAGS GSUM DANG LDAN PA NYID DU 'GYUR RO SNYAM NA, DE'I PHYIR, CI STE 'DI DAG DBYER MED PA'I, ,ZHES BYA BA LA SOGS PA SMOS TE, GAL TE 'DI DAG PHAN TSUN DU DBYE BA MED PA'I NGO BOR GYUR NA DE'I TSE DON DAM PAR RTAGS GCIG KHO NAR 'GYUR GYI RTAGS GSUM NI MA YIN NO, ,GZHAN DAG NA RE GAL TE MO LA SOGS PA SPYI DANG KHYAD PAR RNAMS NI

354a

, ,BA LANG NYID LA SOGS PA BZHIN NO ZHES ZER BA DE LA, GAL TE MO LA SOGS PA ZHES BYA BA LA SOGS PA SMOS TE, SNGAR SPYI BRTAG PAR SPYI DANG BYE BRAG BSAL ZIN PA'I PHYIR RO, ,DE'I NGO BO'I MO NYID LA SOGS PA MI SRID PA'I PHYIR, MTSAN NYID MI SRID PA YIN NO, ,GZHAN YANG SPYI DANG BYE BRAG DE DAG NYID LA SPYI DANG BYE BRAG GZHAN MED NA YANG RIGS DANG YOD PA DANG SPYI ZHES BYA BA LA SOGS PA'I MO DANG PHO DANG MA NING GI RTAGS KYI SGRA 'JUG PAR MTHONG BA'I PHYIR MTSAN NYID MA KHYAB PA MA YIN NO ZHES STON PA NI, RIGS DANG YOD DANG ZHES BYA BA LA SOGS PA'O, ,SPYI RNAMS LA YANG GZHAN PA YI, ,SPYI NI RIGS BA MA YIN NO, ,ZHES BYA BA NI SPYI MED PA YIN NO ZHES BYA BA NI GRUB PA'I MTHA' YIN PA'I PHYIR RO, ,'DI YANG BYE BRAG PA'I GRUB PA'I MTHA' LA BRTEN NAS BRJOD PA YIN GYI, GANG GI TSE BRDA SPROD PA BA RNAMS KYI SPYI LA YANG SPYI GZHAN YOD DO ZHES BRJOD DO, ,JI SKAD DU, DON GYI RIGS NI BRJOD NA YANG, ,THAMS CAD RIGS NI RJOD BYED YIN, ,GANG PHYIR DNGOS RNAMS BYA BA YI, ,MTSAN NYID DU NI GNAS PA YIN, ,ZHES BSHAD DO, ,BSTAN BCOS GZHAN DU MTHONG BA'I RIGS RNAM PAR GZHAG PA'I NGES PA NI BRDA SPROD PA RNAMS KYIS KHAS BLANG BAR BYA BA MA YIN TE, RIGS RNAMS NI SHES PA DANG BRJOD PA'I RJES SU 'GRO BAR BYA BA'I 'BRAS BUS DPAGS PA'I NGO BO YIN TE, DE DAG LA NGES PA 'GA' YANG YOD PA MA YIN NO, ,DES NA JI SKAD DU BSHAD PA'I 'BRAS BU MA MTHONG BA'I PHYIR SPYI'I RTEN GYI RIGS NI RIGS MTHUN PA ZHES BYA BA'I SGRA'I RGYU MTSAN YIN NO ZHES BYA BA NI BYA BA'I MTSAN NYID CAN YIN TE, BRJOD PA DANG SHES PA'I BYA BAS RNAM PAR GZHAG PA'I MTSAN NYID CAN YIN NO ZHES BYA BA'I DON TO, ,SPYI GSAL BA YANG DE 'DRA BA DE DAG GSAL BA KHO NA YIN ZHES DE MA THAG PA'I SKYON NYID YIN NO, ,THUN MONG BA'I SKYON 'DI YANG BSHAD PA, MED PA DANG ZHES BYA BA LA SOGS PA STE, RI BONG GI RVA LA SOGS PA MED PA DAG LA RIGS YOD PA MA YIN TE, DE NI DNGOS PO'I CHOS YIN PA'I PHYIR RO, ,DES NA DE DAG LA MED PA LA SOGS PA'I SGRA SBYAR BAR MI 'GYUR RO, ,DE LTA BAS NA RTAGS RNAM PAR GZHAG PA NI MA KHYAB PA CAN YIN NO, ,DES NA RTAGS GSUM RNAM PAR GZHAG PA 'DI NI 'DOD PAS SBYOR BA'I BRDA TZAM LAS BYUNG BA NYID YIN NO ZHES BYA

354b

BAR GRUB PO, ,GRANGS KYANG DNGOS POR GTOGS PA'I RJES SU 'GRO BA DANG LDOG PA'I RJES SU BYED PA MED PAR BSTAN PA'I PHYIR GRANGS KYANG ZHES BYA BA LA SOGS PA SMOS TE, GRANGS KYANG BRDA LAS BYUNG BA NYID YIN GYI DNGOS PO BA NI MA YIN TE, BTZUN MO RNAMS LA SOGS PA DAG LA DNGOS PO THA DAD PA MED KYANG RJOD PAR 'DOD PA'I DBANG GIS NYE BAR RTOGS PA'I PHYIR RO, ,DE'I PHYIR GTAN TSIGS MA GRUB PA MA YIN TE, 'DI LTAR MANG PO NYID DANG GCIG NYID LA SOGS PA'I GRANGS NI DNGOS POR GTOGS PA'I THA DAD PA DANG THA MI DAD PA'I MTSAN NYID CAN YIN LA, DE LA CHU RNAMS DANG, BTZUN MO RNAMS DANG, BYE MA RNAMS DANG, CHAR PA RNAMS ZHES BYA BA LA SOGS PA LA DNGOS PO THA DAD PA MED PAR YANG MANG PO NYID KYI GRANGS 'JUG CING, DE BZHIN DU NAGS DANG, SA PHUG DANG, 'GRO BA DANG GRONG KHYER DRUG CES BYA BA LA SOGS PA LA DON THA DAD PA YOD NA YANG GCIG NYID KYI GRANGS SU STON PA YIN NO, ,DE'I PHYIR GTAN TSIGS MA GRUB PA MA YIN LA, MA NGES PA YANG MA YIN TE, THAMS CAD THAMS CAD KYI CHOS NYID DU THAL BAR 'GYUR BA'I PHYIR RO, ,MTHUN PA'I PHYOGS LA YOD PA'I PHYIR 'GAL BA YANG MA YIN NO, ,GAL TE GSAL BA DANG ZHES BYA BA LA SOGS PAS GZHON NU MA LEN GYI LUGS KYI GTAN TSIGS MA NGES PA NYID DU DOGS PA BSU BA STE, DE SMRAS PA BTZUN MO RNAMS LA SOGS PA'I SGRA RES 'GA' RIGS LA SBYOR LA, RES 'GA' NI GSAL BA LA SBYOR TE, DE LA GANG GI TSE RIGS LA YIN PA DE'I TSE GSAL BAR RTOGS PA'I GRANGS BLANGS NAS 'JUG STE, GSAL BA RNAMS KYANG BUD MED MANG PO YIN NO, ,GANG GI TSE GSAL BA LA SBYOR BA LA DE'I TSE GSAL BA DE'I CHA SHAS LAG PA DANG RKANG PA LA SOGS PA MANG PO NYID KYI GRANGS BLANGS NAS 'JUG GO, ,NAGS KYI SGRAS DHA BA DANG SENG LDENG DANG PA LA SHAL SOGS PA'I MTSAN NYID KYI GSAL BA RNAMS DE DANG 'DU BA'I SHING NYID KYI RIGS SU GTOGS PA'I GRANGS KYI KHYAD PAR CAN STON PAR BYED PA YIN TE, DES NA NAGS ZHES GCIG GI TSIG TU 'GYUR TE, RIGS SU GTOGS PA'I GRANGS GCIG GI KHYAD PAR CAN GYI RDZAS BRJOD PA'I PHYIR RO, ,YANG NA RTA LA SOGS PA'I GSAL BA LA BRTEN PA'I RIGS NYID NAGS KYI SGRAS BRJOD DO, ,DES NA GCIG GI TSIG TU 'GYUR BA YIN TE, RIGS GCIG YIN PA'I PHYIR RO ZHES SO, ,'ON TE RNAM PA 'DI

355a

, ,YIN NI, ,ZHES BYA BA LA SOGS PAS LEN 'DEBS PA YIN TE, JI SKAD DU BSHAD PA'I RNAM PA 'DIS SHING DANG BUM PA ZHES BYA BA LA SOGS PA GCIG GI TSIG THAMS CAD NYAMS PAR 'GYUR PA NI, CHAD PAR 'GYUR BA STE THAMS CAD DU RIGS PA 'DI MTSUNGS PA'I PHYIR RO, ,'DI LTAR 'DI LA YANG DE LA RIGS DANG GSAL PA LA GAL TE SHING LA SOGS PA SBYOR RO ZHES BYA BA LA SOGS PA DE LTA BU BRJOD PAR NUS SO, ,CI STE SHING LA SOGS PA GZHAN DU GSAL BA DANG YAN LAG RNAMS LA GRANGS SU BRJOD PAR 'DOD PA MED PAR 'DOD NA GAL TE DE LTAN DNGOS POR RTOGS PA'I RJES SU 'GRO BA LA SOGS PA'I RJES SU BYED PA'I GRANGS MED DE BRJOD PAR 'DOD PA KHO NA'I RJES SU 'GRO BA DANG LDOG PA'I RJES SU BYED PA'I PHYIR RO, ,DE LTA YIN DANG BRJOD PAR 'DOD PA DE NYID BTZUN MO RNAMS ZHES BYA BA LA SOGS PA LA MANG PO'I TSIG 'DI'I RGYU MTSAN YIN LA RAG MOD THA DAD PA MED NA YANG DNGOS PO GCIG KYANG MANG PO NYID KYI BRJOD PAR 'DOD PAS DE'I PHYIR GTAN TSIGS MA GRUB PA MA YIN NO, ,GANG YANG, NAGS KYI SGRA YANG GSAL MANG PO, ,RIGS DANG GRANGS KYI KHYAD PAR RAM, ,ZHES GANG SMRAS PA DE LA RIGS LA ZHES BYA BA LA SOGS PA SMOS TE, RIGS LA NI GRANGS YOD PA MA YIN TE, DES NI RDZAS LA BRTEN PA'I PHYIR RO, , CI STE DE LTAR BYE BRAG PA'I GRUB PA'I MTHA' LA MI BRTEN PA DE'I TSE GRANGS MED PA NA DE JI LTAR DHA BA LA SOGS PA'I GSAL BA KHYAD PAR CAN DU 'GRUB PAR 'GYUR, 'DI SNYAM DU 'BREL PA DANG, 'BREL PA LAS SAM DE DANG 'BREL PA LAS 'GRUB PA YIN TE, 'DI LTAR GANG GI TSE GRANGS RIGS DANG THA DAD PA DE'I TSE DHA BA LA SOGS PA GSAL BA RNAMS GRANGS GCIG NYID DANG 'BREL PA'I RIGS DANG 'BREL PA'I PHYIR, BRGYUD PAS DE DHA BA LA SOGS PA'I GSAL BA KHYAD PAR DU BYED PA YIN NO, ,GANG GI TSE GRANGS RIGS DANG THA MI DAD PA NYID YIN PA DE'I TSE DNGOS SU 'BREL PA'I PHYIR, DES KHYAD PAR DU BYED PAS DE'I PHYIR RIGS DANG GRANGS KYI KHYAD PAR CAN DU GRUB PO, ,GAL TE DE LTA YIN NA ZHES BYA BA LA SOGS PAS LEN 'DEBS PAR BYED DE, GAL TE 'BREL PA DANG 'BREL PA LAS SAM DE DANG 'BREL PA LAS DHA BA LA SOGS PA'I GSAL BA RNAMS LA NAGS KYI SGRA 'JUG PA DE'I TSE SHING GCIG KYANG DE LTAR

355b

NAGS ZHES BRJOD PAR 'GYUR TE, 'JUG PA'I RGYU MTSAN YOD PA'I PHYIR RO, ,'DI LTAR DHA BA LA SOGS PA MANG PO RNAMS LA YANG RIGS DANG GRANGS DANG 'BREL PA NYID LAS NAGS ZHES BRJOD KYI GZHAN LA NI MA YIN NO, ,'BREL PA DE YANG SHING GCIG LA YANG YOD PA'I PHYIR CI'I PHYIR DE LTAR RJOD PAR MI BYED, YANG NA GSAL BA MANG PO LA BRTEN PA RIGS PA YIN NO ZHE NA, DE'I PHYIR GSAL BA MANG PO ZHES BYA BA LA SOGS PA SMOS TE, PHYOGS 'DI LA YANG SHING GCIG KYANG NAGS ZHES BRJOD PAR 'GYUR TE, 'DI LTAR GSAL BA MANG PO LA BRTEN PA'I RIGS NAGS KYI SGRAS BRJOD PA GANG YIN PA DE NYID DHA BA LA SOGS PA'I GSAL BA GCIG LA YANG GNAS TE, DE LTAR YIN DANG DHA BA'I BLO DE'I RGYU MTSAN THAMS CAD DU MTSUNGS PA'I PHYIR TE DE 'ANG SHING GCIG LA YANG CI'I PHYIR NAGS KYI BLOR MI 'GYUR, RJES SU 'GRO DANG LDOG PA LAS, ,ZHES BYA BA LA SOGS PAS GTAN TSIGS KYI DON NYE BAR SDUD PAR BYED DO, ,DE 'KHRUL PA'I PHYIR ZHES BYA BA NI DON DE'I 'KHRUL PA'I PHYIR RO, ,RTAGS DANG GRANGS SOGS 'BREL PA NI, ,SEL BA LA NI YOD MA YIN, ,ZHES BYA BA 'DIR BYA BA DANG DUS LA SOGS PA 'BREL PA BSTAN PA NI, DE LA BYA BA DUS SOGS ZHES BYA BA LA SOGS PA SMOS TE, LAS DANG BYA BA LA SOGS PA'I TSIG GIS DON DANG PO NYID DU BKAG PA NA BYA BA LA SOGS PA DANG LDAN PA BSAL BA'I PHYIR 'DI DAG GI DNGOS PO'I CHOS NYID KYANG RIGS PA MA YIN NO, ,BRDA LAS BYUNG BA NI BRDA YIS BYAS PA'O, ,YANG NA 'DI DAG DNGOS PO'I CHOS NYID YIN DU CHUG MOD, DE LTA NA YANG GZUGS BRNYAN GYI BDAG NYID KYI SEL BA 'KHRUL PAS PHYI ROL GYI GSAL BA'I BDAG NYID DU LEN PA'I PHYIR, ZHEN PA'I DBANG GIS KYANG BSAL BA'I SGO NAS RTAGS DANG GRANGS LA SOGS PA'I 'BREL PAR 'GYUR BA YIN LA, DES NA, GSAL BYA BSTAN BYA MA YIN PHYIR, ,'DI DE'I SGO NAS KYANG YOD MIN, ,ZHES GANG SMRAS PA DE NI MA NGES PA YIN NO, ,KUN RDZOB KYI PHYOGS LA YANG MA GRUB PA YIN NO ZHES STON PA NI RNAM PA GCIG TU ZHES BYA BA LA, ,BSAL BA'I ZHES BYA BA LA SOGS PA STE, SEL BAR BRJOD CES BYA BA LA SGRAS ZHES BYA BA LHAG MA'O, ,DE'I PHYIR ZHES BYA BA NI DE LTA BAS NA'O, ,'DI LA ZHES BYA BA NI SEL BA LA'O, ,KUN BSHAD DAG LA GZHAN DAG MIN, ,ZHES BYA BA LA SOGS PA SMRAS

356a

, ,PA DE LA, ,BLO LA MNGON PAR 'DOD PA NI, ,ZHES BYA BA LA SOGS PA SMOS TE, KUN BSHAD DAG LA GZHAN LAS LDOG PA SHES PA YOD PA MA YIN NO ZHES BYA BA MA GRUB STE, 'DI LTAR SHES PAR 'DOD PA NI DON GANG ZHIG LA THA SNYAD 'DOGS PA PO RNAMS KYIS NYEN PA PO'I BLO BSKYED PA'I PHYIR SGRA SBYOR GYI ZHEN PAS MA YIN NO, ,DE BAS NA MNGON PAR 'DOD PA'I DON BSTAN PA NA SHUGS KYIS MI 'DOD PA RNAM PAR BCAD PA RTOG PA NYID YIN TE, 'DOD PA DANG MI 'DOD PA DAG NI PHAN TSUN RNAM PAR GCOD PA'I NGO BO YIN PA'I PHYIR RO, ,THAMS CAD MNGON PAR 'DOD PA YIN NO ZHE NA, THAMS CAD CES BYA BA LA SOGS PA SMOS TE, GAL TE THAMS CAD 'DOD PA NYID DU 'GYUR NA DE'I TSE SGRA'I DON SO SOR NGES PAR MI 'GYUR RO, ,DE LTA YIN DANG DON 'GA' ZHIG YONGS SU SPANGS NAS NYAN PA PO DON 'GA' ZHIG LA RIGS YOD PA MA YIN PA ZHIG LA SGRA LAS 'JUG PA GANG YIN PA DER MI 'GYUR RO, ,DE LTA BAS NA THAMS CAD 'DOD PA YIN NO ZHES BYA BA 'DI MI RIGS SO, ,DE'I PHYIR DE LTA BAS NA 'TSED PA LA SOGS PA'I SGRA RNAMS SHUGS KYIS MI 'DOD PA GCOD PAR RTOGS PA GSAL RAB PA NYID YIN NO, ,'DI LTAR ZHES BYA BA LA SOGS PAS SHUGS KYIS RTOGS PAR BYA BA MI 'DOD PA GCOD PA DE NYID STON PA YIN NO, ,DE LTA BAS NA 'TSED DO ZHES BYA BA 'DI NI BTANG SNYOMS SU 'DUG PA DANG GZHAN YANG ZA BA'AM, RGYAN PO 'GYED PA LA SOGS PA'I BYA BA GZHAN MA YIN PAR DGAG PA'I BDAG NYID KYIS GSAL BAR BYA BA YOD DE DES NA, DE LA MA YIN DGAG PA MIN, ,NGO BO YOD PA MA YIN NO, ,ZHES GANG SMRAS PA DE GRUB PA'O, ,MA YIN DGAG BDAG BSAL BYA BA, ,ZHES BYA BA NI MA YIN PAR DGAG PA'I MTSAN NYID KYANG YIN LA, GSAL BAR BYA BA YANG YIN NO ZHES TSIG RNAM PAR SBYAR RO, ,NGES PA GANG DANG GANG 'DOD PA, ,ZHES BYA BA NI BTANG SNYOMS SU 'DUG PA LA SOGS PA'I MA YIN PAR DGAG PA'I BDAG NYID KYI BSAL BAR BYA BA DE DANG DE YOD DO ZHES 'BREL TO, ,GANG YANG, MTSED DO ZHES LA DGAG MED PAR, ,RANG GI NGO BOR GNAS PA YIN, ,ZHES SMRAS PA DE LA GZHAN LA RANG GI TSIG DANG 'GAL BAR BSTAN PA'I PHYIR 'TSED DO ZHES BYA BA LA SOGS PA SMOS SO, ,YANG 'DI JI LTAR PHAN TSUN DU 'GAL BA YIN ZHE NA, GZHAN GYI NGO BO DGAG

356b

PA 'DI, ,ZHES BYA BA LA SOGS PA SMOS TE, 'TSED DO ZHES BYA BA 'DI'I DON DU RANG GI NGO BO NYID KYI GNAS SO ZHES BYA BA'I NGES PAR BZUNG BA 'DIS NGES PAR BZUNG BA 'DI'I NGO BO BSTAN PA YIN TE, 'TSED DO ZHES BYA BA 'DI GZHAN GYI NGO BOR BKAG NAS BDAG NYID GNAS SO ZHES BSTAN PA YIN NO, ,DE LTA MA YIN NA RANG GI NGO BO NYID KYIS ZHES BYA BA KHYED CAG GIS SBYAR BA'I NGES PAR BZUNG BA 'DI DON MED PAR 'GYUR TE, RNAM PAR GCAD PAR BYA BA MED PA'I PHYIR RO, ,'DI NI BSGRUB BYA NYID DU SHES, ,ZHES BYA BA LA SOGS PA GANG SMRAS PA DE LA NYE BAR BRJOD MED CES BYA BA LA SOGS PA SMOS TE, GAL TE KHYED CAG GZHAN SEL BA NYE BAR BRJOD PA MED PA'I RANG BZHIN NYID DU 'DZIN NA, DE JI LTAR GRUB PA YIN PA'I PHYIR ZHES BYA BA 'DI RJOD PAR BYED, NAM MKHA'I AUTPALA LA SOGS PA RNAMS LA GRUB PA 'GA' ZHIG YOD PA NI MA YIN TE, DE DAG NI NYE BAR BRJOD PA THAMS CAD DANG BRAL BA'I MTSAN NYID CAN YIN PA'I PHYIR RO, ,'DI SNYAM DU GAL TE YANG 'DI DON DAM PA'I NYE BAR BRJOD PA MED PA YIN PA DE LTA NA YANG RTOGS PA PO 'KHRUL PAS PHYI ROL GYI DNGOS PO'I NGO BO NYID DU ZHEN PA'I PHYIR SEL PA'I NYE BAR BRJOD PA DANG BCAS PA NYID DU SNANG BA YIN NO SNYAM DU SEMS NA, 'DIR SMRAS PA, DE LAS CIR 'GYUR ZHES BYA BA STE; GAL TE 'DI NYE BAR BRJOD PA NYID DU SNANG BA DE LTA NA YANG 'DIR SKABS KYI DON DANG RJES SU MTHUN PA CI ZHIG THOB CES BYA BA'O, ,'DIR GZHAN GYIS SMRAS PA, DNGOS PO DANG 'DI NI CHOS MTSUNGS PA RTOGS PAR 'GYUR ZHES BYA BA STE, DES NA JI LTAR DNGOS PO GRUB PA'I NGO BOR RTOGS PA DE BZHIN DU SEL BA YANG DNGOS PO RNAMS DANG CHOS MTSUNGS PA NYID DU SNANG STE, GRUB PA BZHIN DU RTOGS PA'I PHYIR RO ZHES BYA BA'I TSIG DRUG PA YIN NO, ,GAL TE DE LTAR KHYED CAG NYID KYIS BSGRUB BYA NYID DU SHES PA DANG, BYUNG BAR GYUR PA LA SOGS PA'I SHES PA'I RGYU MTSAN DU BSTAN PA'I PHYIR, RGYU MTSAN MED PAR THAL BAR 'GYUR RO ZHES BYA BA 'DI BRJOD PAR MI BYA'O, ,DE BSTAN PA'I PHYIR, DE'I PHYIR BSGRUB BYA NYID SHES DANG, ,ZHES BYA BA LA SOGS PA SMOS TE, DE'I RGYU MTSAN ZHES BYA BA NI DNGOS PO RNAMS DANG CHOS MTSUNGS PA NYID DU NGES PA'I RGYU MTSAN NO, ,SGRUB PA SOGS DON GNYER

357a

, ,GTZANG SBRA GZHAN SEL BRJOD PA MA YIN NO ZHES GANG SMRAS PA DE LA, SGRUB PA SOGS LA ZHES BYA BA LA SOGS PA SMOS TE, SGRUB PA LA SOGS PA'I DON DGAG PA LA SOGS PA NYID KYIS GNAS PA'I PHYIR, DE BSTAN PA NA MED PA LA SOGS PA BRJOD PAR MI 'DOD PA SHUGS KYIS 'GEGS PA'I PHYIR 'DI LA YANG GZHAN SEL BAR BRJOD PA YIN NO, ,DGAG PA LA YANG DGAG LDAN NA, ,ZHES BYA BA 'DI LA YANG, DE BZHI ZHES BYA BA LA SOGS PA SMOS TE, DE BZHIN YOD PA ZHES BYA BA NI DGAG PA BZHIN YOD NA'O, ,DE CI 'DRA BA ZHIG RTOGS PAR BYA BA YIN ZHE NA, DGAG PA ZHES BYA BA LA SOGS PA SMOS TE, DON GYI SGRA NI SGRUB PA'I SGRA DANG 'BREL PAR BYA'O, ,DE'I 'BREL PA NI DGAG PA DE'I DGAG PA'O, ,DE DGAG BYA PHYIR ZHES BYA BA NI DGAG PA GSUM PAS BSTAN PA SGRUB PA DANG BRAL BA DGAG PA'I PHYIR ZHES BYA BA'I DON TO, ,BZHI PA ZHES BYA BA NI BZHI PA'O, ,BRJOD PAR 'DOD PA DE LA NI, ,ZHES BYA NI DGAG PA BZHI PA SBYOR BA DE LA ZHES BYA BA'I DON TO, ,DE YIS ZHES BYA BA NI DGAG PA BZHI PAS SO, ,GZHAN LAS RTOG PA RTOGS ZHES BYA BA NI DGAG PA GSUM PAS BSTAN PA'I DGAG PAS DBEN PA SGRUB PA'I NGO BO'I DON GZUGS BRNYAN STON PAR BYED PA'I PHYIR RO, ,'DI DAG NYID DPE DAG GIS BSAL BAR BYA BA'I PHYIR, 'DI NI MI 'TSED PA MIN ZHES BYA BA LA SOGS PA SMOS TE, 'DI NI DES DBEN PA'I ZHES BYA BA NI BTANG SNYOMS SU 'DUG PA LA SOGS PA LAS DBEN PA'O, ,SGRUB PA'I NGAG DANG GZHAN LAS LDOG PAR MTSUNGS, ,ZHES BYA BA NI JI LTAR 'TSED DO ZHES BYA BA LA SOGS PA SGRUB PA'I NGAG GI SHUGS KYIS BTANG SNYOMS SU 'DUG PA LA SOGS PA LAS LDOG PA RTOG PA DE BZHIN DU DGAG PA GNYIS PA LA YANG YIN PA'I PHYIR 'DI LA YANG GZHAN LAS LDOG PAR GRUB PA'O, ,BSAL BAR BYA BA'I PHYIR DGAG PA BZHIN PA DPER BRJOD DO, ,DANG LA SOGS PA DGAG PA DANG, ,LDAN PA MED PHYIR ZHES BYA BA 'DI LA, ,DANG LA SOGS PA SDUD LA SOGS, ,ZHES BYA BA LA SOGS PA SMOS TE, SOGS PA'I SGRA SA'AM GYI NI RNAM PAR RTOG PA'I DON YIN LA, YANG GI SGRA NI DNGOS PO SRID PA DANG 'JIG PA LA SOGS PA'O, ,NI'I SGRA NI KHYAD PAR YIN LA NYID NI NGES PAR GZUNG BA'I ZHES BYA BA

357b

LA SOGS PA BZUNG NGO, ,DE LAS GZHAN PA ZHES BYA BA NI BSDU BA LA SOGS PA DE LAS GZHAN PA'O, ,DE YIS ZHES BYA BA NI DANG LA SOGS PAS SO, ,NGAG GI DON LA GZHAN LDOG PAS, ,BSTAN PAR NUS PA MA YIN NO, ,ZHES BYA BA 'DI LA NGAG GI DON LA ZHES BYA BA LA SOGS PA SMOS TE, LHAN CIG PA ZHES BYA BA NI PHAN TSUN RGYU DANG 'BRAS BU'I DNGOS POS 'BREL PA ZHES BYA BA'I DON TO, ,DE DAG CES BYA BA NI DNGOS PO RNAMS SO, ,'ON TE TSIG GI DON GZHAN YIN LA, NGAG GI DON YANG GZHAN MA YIN NAM, DE JI LTAR TSIG GIS GSAL BAR BYA BA GANG YIN PA DE NYID NGAG GI DON NYID YANG NO ZHES BRJOD CE NA, DE'I PHYIR DE NI DAG PA GZHAN MED CES BYA BA SMOS TE, TSIG GI DON LAS MA RTOGS PA CHA MED PA'I KHRA BO'I BDAG NYID DAM, ,'DRES PA'I KHA DOG DANG MTSUNGS PA'I NGAG GI DON YOD PA NI MA YIN NO, ,DMIGS PA'I MTSAN NYID DU GYUR PA DE 'DRA BA MA DMIGS PA'I PHYIR RO SNYAM DU BSAMS PA YIN NO, ,'DI NYID DPER BRJOD PA'I SGO NAS GSAL BAR BYA BA'I PHYIR, NAG PA BA LANG ZHES BYA BA LA SOGS PA SMOS TE, NGAG 'DI LA NAG PA LA SOGS PA'I DNGOS PO LAS DON GZHAN PA BLO LA SNANG BA MA YIN TE, NAG PA LA SOGS PA'I DON RTOG PA NA, YANG SHUGS KYIS NAG PA MA YIN PA LA SOGS PA GCOD PA RTOGS PA YIN NO, ,DE LTA MA YIN TE GAL TE BYED PA PO LA SOGS PA GZHAN RNAM PAR GCOD PAR MI 'DOD PAR 'GYUR NA, DE'I TSE NAG PA LA SOGS PA BLANGS PA DON MED PA NYID DU 'GYUR RO, ,DE LTA YIN DANG 'GA' ZHIG LA 'GA' ZHIG GI THA SNYAD MED PA'I PHYIR 'GRO BA'I NGAG GI G-YO BA MED PAR 'GYUR RO, ,GZHAN SEL MIN PA'I SGRA SOGS LA, ,BRJOD BYA MTHONG BA MA YIN NO, ,ZHES BYA BA 'DI LA GZHAN SEL MIN PA'I SGRA ZHES BYA BA LA SOGS PA SMOS TE, 'DIR DON DAM PAR KHYED CAG GIS 'DOD PA'I RIGS LA SOGS PA'I MTSAN NYID SGRA'I DON SGRUB PA'I NGO BO NGES PA MA YIN TE, RIGS LA SOGS PA DE DAG SNGAR SPYI BRTAG PAR RGYAS PAR BKAG PA'I PHYIR RO, ,'O NA CI ZHIG NGES PAR BYED CE NA, 'ON KYANG ZHES BYA BA LA SOGS PA SMOS TE, DE LTA NA GAL TE SEL BA'I SGRA'I DON 'GEGS PA'I BLO SKYE'O ZHES BYA BA LA 'DOD NA 'O NA

358a

, ,SEL BA SGRA'I DON DU KHAS BLANG BAR MI BYA STE, DE 'GEGS PA'I PHYIR RO ZHE NA DE'I PHYIR, DE NI SLU BYED MIN ZHES BYA BA SMOS TE, DE NI ZHES BYA BA NI SEL BA MA YIN PA'I SGRA LA SOGS PA'O, ,SLU BYED YIN ZHES BYA BA NI MI SLU BAR MI BYED PAS NA SLU BYED DAM 'DI LA MI SLU BA MED PAS SLU BYED DO, , CI'I PHYIR ZHE NA, DNGOS PO DANG 'BREL PA NYAMS PHYIR TE, DE LTA BUR GYUR PA'I DNGOS PO DANG 'BREL PA MED PA'I PHYIR LA, SNGAR RIGS LA SOGS PA'I MTSAN NYID KYI SGRA'I DON DNGOS PO BKAG PA'I PHYIR RO, ,'ON GAL TE DE LTA NA GZHAN SEL BA MA YIN PA'I SGRA LA SOGS BA LAS SEL BA'I SGRA'I DON BKAG PA LA JI LTAR BLO SKYE BA YIN ZHE NA, SGRA LAS BYUNG BA'I SHES PA KUN, ,ZHES BYA BA SMOS TE, SGRA LAS BYUNG BA'I SHES PA 'GA' ZHIG NI JI LTA BA BZHIN MA YIN PA'I RNAM PAR RTOG PA GOMS PA'I BAG CHAGS KYI MTHU NYID KYIS YANG DAG BA MA YIN PA'I DON MNGON PAR ZHEN PA SKYE BA NYID KYI PHYIR DE'I DBANG GIS DNGOS PO RNAMS YOD PA DANG MED PAR 'GYUR BA MA YIN NO, ,GZHAL BYA ZHES BYA'I SGRA SOGS KYI, ,ZHES BYA BA LA SOGS PA GANG SMRAS PA DE LA, GZHAL BYA ZHES BYA'I SGRA SOGS PA SMOS TE, GZHAL BYA LA SOGS PA'I SGRA'I BSAL BAR BYA BA MED DO ZHES GANG LA RJOD PAR BYED, RE ZHIG GAL TE DAG LA MI GNAS PA 'BA' ZHIG PA TSIG GZHAN DANG 'BREL PA DANG BRAL BA'I GZHAL BYA LA SOGS PA'I SGRA LA BRTEN PA BRJOD PA DE'I TSE GRUB PA LA SGRUB STE, DON MED PA'I PHYIR 'BA' ZHIG LA SBYOR BA MED PA'I PHYIR RO, ,DE STON PA NI, RTOG LDAN RNAMS KYIS GLO BUR DU, ,ZHES BYA BA LA, 'BA' ZHIG CES BYA BA NI SGRA GZHAN DANG 'BREL PA'O, ,GLO BUR DU ZHES BYA BA SKABS LAS GZHAN DU'O, ,GANG GI PHYIR RTOG PA DANG LDAN PA RNAMS KYIS SGRA SBYOR BA NI NYAN PA PO'I SKYE BO RJES SU GZUNG BAR BYA BA'I PHYIR YIN GYI ZHEN PAS NI MA YIN NO, ,'BA' ZHIG LA SBYAR BAS NYAN PA PO 'BA' ZHIG THE TSOM DANG PHYIN CI LOG PA BZLOG PA'I MTSAN NYID KYI RJES SU 'DZIN PAR BYAS PAR 'GYUR BA MA YIN NO, ,'DI LTAR GAL TE STON PA PO NYAN PA PO DE 'BA' ZHIG LA THE TSOM DANG PHYIN CI LOG GI BLO SKYES PA BZLOG NAS THE TSOM MED PA'I SHES PA SKYED PA'I PHYIR YIN NA, DE LTA NA DES 'DI RJES SU GZUNG BAR BYAS PAR 'GYUR GYI, GZHAN

358b

DU NI MA YIN NO, ,'BA' ZHIG LA SBYAR BAS DE LTAR RJES SU GZUNG BAR NUS PA YANG MA YIN NO, ,DE LTA BAS NA THE TSOM LA SOGS PA BZLOG PA DANG, NGES PA SKYED PA NA NYAN PA PO RJES SU GZUNG BA'I PHYIR SGRA SBYOR BA 'BRAS BU DANG BCAS PA 'DI DAG LA GNAS PA NYID SBYOR BA YIN NO ZHES BYA BA STON PA NA 'ON KYANG ZHES BYA BA LA SOGS PA SMOS TE, THE TSOM DANG NI YID GNYIS SO, ,LA LA ZHIG CES BYA BA NI DON LA'O, ,DE BZLOG BYA'I PHYIR ZHES BYA BA NI THE TSOM DANG PHYI CI LOG DE DAG BZLOG PA'I DON DU'O, ,DE DAG GIS ZHES BYA BA NI RTOG PA DANG LDAN PA RNAMS KYIS SO, ,DES ZHES BYA BA NI SHES PAR BYA BA LA SOGS PA'I TSIG GIS SO,, CI STE NGAG LA GNAS PA NYID, ,CES BYA BA LA SOGS PA'I SGRA'I DBANG DU BYAS NAS BRJOD NA, DE NI MA GRUB PO ZHES STON PA NI, DE LA ZHES BYA BA LA SOGS PA'O, ,DE LA NGAG LA GNAS PA'I GZHAL BYA LA SOGS PA'I SGRAS, BLO GROS BLUN PO RNAMS TE SHES PA BLUN PO RNAMS KYIS DOGS PA'I GNAS SU 'DOD PA GANG YIN PA DE NYID BZLOG PAS DE'I PHYIR GZHAL BYA LA SOGS PA'I SGRA RNAMS LA BZLOG PAR BYA BA MED DO ZHES BYA BA NI MA GRUB PO, ,GZHAN DU NA ZHAS BYA BA NI GAL TE BLO GROS BLUN PO RNAMS KYIS DOGS PA ZLOG PAR MI BYED NA ZHES BYA BA'I DON TO, ,'DI SNYAM DU NYAN PA PO LA DOGS PA CUNG ZAD KYANG MED DO ZHE NA, 'DI LA CUNG ZAD CES BYA BA LA SOGS PA SMOS TE, GAL TE NYAN PA PO DON 'GA' ZHIG LA THE TSOM DU MI 'GYUR NA, DE CI'I PHYIR GZHAN GYIS GDAMS PA LA LTOS PAR 'GYUR, GZHAN NGES PA DON DU GNYER BA 'DRI BAR BYED KYI GZHAN DU NA BSNYON PAR 'GYUR RO, ,GAL TE 'DI SNYAM DU NYAN PA PO'I DOGS PA'I GNAS YOD PA DE LTA NA YANG DE SGRAS ZLOG PAR MI BYED DO SNYAM NA, JI LTAR RANG BZHIN DU GNAS BLO, ,ZHES BYA BA LA SOGS PA SMOS TE, DE STE NYAN PA PO'I MI SHES PA LA SOGS PA ZLOG PA'I MTSAN NYID KYI 'DU BYED DO, ,NGAG GANG LA DE'I 'DU BYED YOD PA MA YIN PAS DE NYID 'DU MI BYED PA'O, ,BRJOD CES BYA BA NI STON PA PO'O, ,JI LTAR RANG BZHIN DU GNAS BLO, ,ZHES BYA BA NI BSNYON PA NYID DU 'GYUR RO ZHES BYA BA'I DON TO, ,SGRA RNAMS NI NYAN PA PO 'DU BYED PA'I DON DU SBYOR BA'I PHYIR RO, ,CI STE NGAG GANG LA GANG ZHIG BZLOG PAR BYA BA BLO GROS MA NGES PA'I DOGS PA'I GNAS GANG ZHIG YIN ZHES DOGS PA LA, GZUGS SOGS

359a

, ,ZHES BYA BA LA SOGS PA SMOS TE, DE YIS ZHES BYA BA NI GZUGS NI MIG GI RNAM PAR SHES PAS SHES PAR BYA BA YIN NO ZHES BYA BA'I NGAG 'DIS SO, ,'DU BYA BA DE MED PA NI 'DU BYED PA GANG LA YOD PA'I 'DU BYED DO, ,BRJOD NYID CES BYA BA'I SGRUB PA PO THA MAL PA'I BLO CAN JI LTAR ZHES BYA BA BSNYON PA NYID DU 'GYUR BAR BYED CES BYA BA'I DON TO, ,SLOB MA 'DU BYED PA KHO NA'I SGRA RNAMS SBYAR BA YIN PA'I PHYIR RO, ,'ON TE GANG LA RMONGS PA'I BLO CAN YID GNYIS KYI GNAS YIN PAS SEL BA DE CI ZHIG YIN ZHE NA, SHES PA'I SHES BYAR ZHES BYA BA LA SOGS PA SMOS TE, DES NI ZHES BYA BA MIG GI RNAM PAR SHES PA'I SHES PAR BYA BA NI GZUGS YIN NO ZHES BYA BA'I NGAG 'DIS SO, ,DE LA JI LTAR SGRO BTAGS PA DE LA GANG YIN ZHE NA, MIG LA BRTEN PA ZHES BYA BA LA SOGS PA SMOS TE, RNA BA LA BRTEN PA'I SHES PA RTAG PAS SNGON PO LA SOGS PA'I NGO BOR RIG PAR BYA BA YIN NO ZHES BYA BA DE LTA BU GRANGS CAN LA SOGS PA'I BLO GROS RMONGS PAS SGRO BTAGS PA GANG YIN PA DE GZUGS NI MIG GI RNAM PAR SHES PA'I SHES PAR BYA BA YIN NO ZHES BYA BA'I NGAG 'DIS 'GEGS PA YIN NO, ,GZUGS NI MIG LA BRTEN PA'I RNAM PAR SHES PAS SHES PAR BYA BA YIN GYI, RNA BA LA SOGS PA'I RNAM PAR SHES PAS SHES PAR BYA BA NI MA YIN NO ZHES BYA BA'I DON TO, ,DE BZHIN DU CI CHOS THAMS CAD SKAD CIG MA DANG BDAG MED PA'I NGO BOR SHES PAR BYA'AM 'ON TE MA YIN, CI THAMS CAD MKHYEN PA'I THUGS KYIS GZUNG BAR BYA BA'AM 'ON TE MA YIN, CI GANG DAG SHES PA'ANG MI SKYED PA'I NYE BAR BRJOD PA THAMS CAD BRAL BA'I MTSAN NYID KYI DNGOS PO MED PA RNAMS KYANG SHES BYA YIN NAM ZHES THE TSOM DU GYUR PA LA, CHOS THAMS CAD NI SKAD CIG MA NYID LA SOGS PA'I NGO BO SHES PAR BYA LA, DE BZHIN DU CHOS THAMS CAD THAMS CAD MKHYEN PA'I YE SHES KYIS SHES PAR BYA BA YIN ZHING, DNGOS PO MED PA RNAMS KYANG SHES PAR BYA BA YIN NO ZHES BYA BA 'DI BRJOD DO, ,DE LA CHOS RNAMS LA SKAD CIG MA NYID MA YIN PA LA SOGS PAR SHES BYA NYID LA SOGS PA'I NGO BOR SGRO BTAGS PA GANG YIN PA DE LA BZLOG PAR BYA BA YIN NO, ,JI LTAR DE TSIG TZAM GYIS BZLOG PAR NUS SHE NA, DE 'DRA'I ZHES BYA BA LA SOGS PA 'DI SMOS TE, DE 'DRA'I ZHES BYA BA NI SKAD CIG MA NYID LA SOGS PA'I NGO BOS TE, DE NI TSAD MAS GRUB PA'I PHYIR RO, ,CI STE DNGOS

359b

PO MED PAR SHES BYA NYID DU JI LTAR 'GRUB CE NA, MED PA YANG ZHES BYA BA LA SOGS PA SMOS TE, BDAG NYID 'DI YIS ZHES BYA BA NI MED PA'I NGO BOS SO, ,DNGOS PO MED PA RNAMS KYANG CI ZHIG LTAR BLOS RNAM PAR 'JOG PA'I PHYIR SHES BYA NYID YIN TE, DE LTA MA YIN NA DE LA THA SNYAD NYID DU MI 'GYUR RO SNYAM DU BSAMS PA YIN NO, ,'ON TE CI SGRA RNAMS MI RTAG PA NYID KYIS GZHAL BYA YIN NAM, 'ON TE MA YIN ZHES BYA BA'I SKABS SU GZHAL BYA ZHES SBYOR BA NA, DE LA SKABS MI SHES PA GANG YIN PA RTOG PA PO DE YANG GZHAL BYA 'BA' ZHIG PA'I SGRA THOS PA LAS SGRA LA SOGS PA DAG LA YID GNYIS DANG BCAS PA'I NGO BO'I BLO NYE BAR SKYE BA NYID YIN LA, DE GAL TE 'BA' ZHIG PA'I SGRA DON MED PA NYID YIN NA DE JI LTAR DON RTOGS PAR 'GYUR ZHE NA, DE'I PHYIR, DE LTAR DAG LA GNAS PA'O, ,ZHES BYA BA LA SOGS PA SMOS TE, 'DIR BSDUS PA'I DON NI 'DI YIN TE, 'BA' ZHIG PA'I SGRA THOS PA LAS DON RTOGS PA NYID NI MA YIN GYI, ,'ON KYANG DAG DAG LA DMIGS PA'I DON DANG LDAN PA'I SGRA NI 'DRA BAS BLO 'KHRUL PA 'BA' ZHIG PA'I SGRA THOS PA LAS DON RTOGS PAR RLOM PA YIN TE, 'DI LTAR NGAG GANG DAG LA GZHAL BYA'I SGRA DMIGS PA'I NYAN PA PO'I DON LA BLO DE RAB TU MI GNAS PA YID GNYIS KYIS NGO BO NYE BAR SKYE BA YIN NO, ,DE YANG BUM PA LA SOGS PA'I SGRA DAG LA YANG MTSUNGS TE, 'DI LTAR CI BUM PAS CHU LAN NAM 'ON TE SNYIM PAS YIN ZHES SBYOR BA NA SKABS MI SHES PA DAG JI SNYED CIG LA DES BUM BAS ZHES SBYOR BA MTHONG BA DE SNYED KYI DON LA NGAG SNGA MA'I RJES SU 'BRANGS NAS, 'DOD PA DANG LDAN PA'I RTOG PA SKYE BA YIN NO, ,DE LTA BAS NA JI LTAR BUM PA LA SOGS PA'I SGRA RNAMS KHYAD PAR CAN GYI DON RJOD PAR BYED PA DE BZHIN DU GZHAL BYA LA SOGS PA'I SGRA RNAMS KYANG YIN NO ZHES STON PA NI, DE'I PHYIR ZHES BYA BA LA SOGS PA'O, ,GANG YANG GSAL BAR RTOGS NA YANG, ,ZHES BYA BA LA SOGS PA SMRAS PA DE LA, GANG NYID BRJOD PAR 'DOD PA YI, ,ZHES BYA BA LA SOGS PA SMOS TE, GANG NYID BRJOD PAR 'DOD PA'I DNGOS PO NYID NI ZHE NA PA'I DBANG GIS KHO BO CAG GIS SGRA'I DON NYID DU BRTAGS KYI DNGOS PO MED PA NI MA YIN NO, ,DES NA DE RTOGS PA NA SHUGS KYIS BRJOD PAR MI 'DOD PA SEL TE LDOG PA RTOGS PA NYID KYI PHYIR SGRA'I DON RNAM PAR GZHAG PA LA MA KHYAB PA MA YIN NO, ,BLO GROS RMONGS PA'I DOGS PA'I GNAS

360a

, ,GANG YIN PA DE NYID KYI DBANG DU MDZAD NAS SLOB DPON GYIS SHES BYA MA YIN PA BRTAGS PA BYAS NAS, DE RNAM PAR BCAD NAS SHES BYA RJES SU DPOG PAR BYED DO ZHES BSHAD DO, ,SHES PA'I RNAM PAR BKAG PA'I PHYIR, ,ZHES BYA BA LA SOGS PA LA, RANG NYID RIG PHYIR ZHES BYA BA LA SOGS PA SMOS TE, NUS MA YIN ZHES BYA BA LA, BYA BAR ZHES BYA BA LHAG MA'O, ,JI LTAR SHES PA'I RNAM PAR RANG GIS RIG PAR BYAS PA NYID DU GRUB CE NA, DMIGS PA MED BA ZHES BYA BA LA SOGS PA SMOS TE, RMI LAM LA SOGS PA LA DON MED PAR YANG DMIGS PA MED DE DON GYI RNAM PA KUN NAS 'DZIN PA'I SGRO BTAGS PA'I SHES PA GNAG RJI'I BAR DU RANG RIG PA NYID DU MNGON SUM GYIS SHIN TU GSAL BAR GRUB PO, ,YUL DANG DUS GZHAN DU GNAS PA'I DON RANG GI NGO BAR GRUB PO, ,YUL DANG DUS GZHAN DU GNAS PA'I DON RANG GI NGO LA DE'I NGO BO MED PA'I PHYIR RO, ,GZHAN GYI NGO BOS GZHAN YANG DAG PAR RIG PA YANG MA YIN TE, HA CANG THAL BAR 'GYUR BA'I PHYIR RO, ,GZHAN YANG GANG GIS RTOGS PA'I NGO BOR MTSUNGS NA YANG YUL SO SO LA 'DI NI SNGON PO'I RIGS PA YIN GYI SER PO NI MA YIN NO ZHES SHES PA RNAM PAR PHYE NAS 'JOG PAR 'GYUR, KHYED KYIS SHES PA'I BDAG NYID DU RTOGS PA'I DON GYIS BYAS PA'I KHYAD PAR 'GA' ZHIG KHAS BLANG BAR BYA DGOS PA GOR MA CHAG GO, ,DE KHAS BLANGS NAS YANG SHUGS KYIS SHES PA RNAM PA DANG BCAS PA NYID DU KHAS BLANGS PAR 'GYUR TE, RNAM PA LAS MA GTOGS PA GZHAN RANG BZHIN GYI KHYAD PAR NYID DU NGES PAR BZUNG BAR MI NUS PA'I PHYIR RO, ,DE'I PHYIR KHYED CAG GI RANG BZHIN GYI KHYAD PAR ZHES BYA BA DE NYID KHO BO CAG GI SGRA GZHAN RNAM PA DANG SNANG BA ZHES BYA BA LA SOGS PA'I SGRAS BRJOD PA'I PHYIR MING LA RTZOD PA 'BA' ZHIG TU ZAD DO, ,DE LTAR ZHES SOGS SGRA DAG GIS, ,ZHES BYA BA LA SOGS PA LA, ,DE LTAR ZHES SOGS ZHES BYA BA LA SOGS PA SMOS TE, 'DI NI DE LTA BU'I YIN GYI DE LTA BU NI MA YIN NO ZHES RNAM PA GZHAN SGRO BTAGS PA DE LTA BU ZHES ZHES BYA BA LA SOGS PA'I SGRAS RNAM PAR BCAD PA GSAL RAB TU NGES PA NYID YIN PA'I PHYIR SGRA'I DON RNAM PAR GZHAN PA MA KHYAB PA CAN YIN NO, ,DE LTAR KU M'A RA RI LAS SMRAS PA'I SKYON BSAL NAS DA NI 'OD BYED PAS SMRAS PA SEL BAR BYED DO, ,DE LA, THAMS CAD SGRA YIS DON

360b

GANG ZHIG ,RNAM PAR GCAD PAR BYA BAR RTOGS, ,ZHES GANG SMRAS PA DE LA THA SNYAD NI ZHES BYA BA LA SOGS PA SMOS TE, 'DI LA YANG ZHES BYA BA LA SOGS PA'I TSIG BZHIN DU 'BA' ZHIG PA'I THAMS CAD KYIS GRA MI SBYOR BA'I PHYIR RTAG TU NGAG LA GNAS PA NYID LA SBYOR BAS BLO GROS RMONGS PA'I DOGS PA'I GNAS GANG YIN PA DE NYID BZLOG PAR BYA BA YIN NO, ,BSGRUB PAR 'DOD PA YIN ZHES BYA BA NI BRJOD PAR 'DOD PA'O, ,BRJOD PAR 'DOD PA'I DON DE YANG GANG YIN ZHE NA, CHOS RNAMS THAMS CAD CES BYA BA LA SOGS PA SMOS SO, ,CHA SHAS BSAM PAR BYA BA GANG ZHIG YIN ZHE NA, PHYI ROL ZHES BYA BA LA SOGS PA'O, ,GCIG SOGS THAMS CAD MIN ZHE NA, ,ZHES BYA BA LA SOGS PA LA, CHA SHAS THAMS CAD DGAG PA NI, ,ZHES BYA BA LA SOGS PA SMOS TE, GAL TE THA SNYAD LA SBYOR BA'I NGAG LA GNAS PA'I SGRA DE THAMS CAD CHA SHAS THAMS CAD DGAG PAR BRJOD PAR 'DOD NA, DE'I TSE RANG GI DON SEL BAR 'GYUR NA, GANG GI PHYIR BLO GROS RMONGS BA'I DOGS PA'I GNAS GANG YIN PA DE NYID DGAG PAR BYA BA YIN PA'I PHYIR RANG GI DON LA SKUR PA 'DEBS PA NYID KYI SKYON DU THAL BAR GA LA 'GYUR, DE BZHIN GNYIS LA SOGS PA'I SGRA DAG LA YANG BRJOD PAR BYA'O, ,GANG YANG, DE CI DNGOS PO'AM DNGOS PO MED, ,CES BYA BA LA SOGS PA SMRAS PA DE LA, ,SEL BA'I DNGOS PO DANG ZHES BYA BA LA SOGS PA SMOS TE, CI'I PHYIR DANG PO MA YIN ZHE NA, 'DI NI JI LTAR NGES PA BZHIN, ZHES BYA BA LA SOGS PA SMOS TE, 'DI NI 'KHRUL PAS PHYI ROL NYID DU MNGON PAR ZHEN LA, 'DI DE LTAR GNAS PA YANG MA YIN PAS DE'I PHYIR PHYI ROL GYI NGO BO NYID DU MED PA'I PHYIR DNGOS PO MA YIN NO; ,YANG CI'I PHYIR DNGOS PO MED PA MA YIN ZHE NA, DNGOS POR ZHE NA PHYIR MED PA MIN, ,ZHES BYA BA SMOS TE, PHYI ROL GYI DNGOS PO NYID DU NGES PA'I PHYIR GCIG TU DNGOS PO MED PA YIN NO ZHES KYANG BRJOD PAR MI NUS SO, ,YANG CI'I PHYIR THA DAD PA NYID LA SOGS PA'I MTSAN NYID MA YIN ZHE NA, THA DAD THA MI DAD CES BYA BA LA SOGS PA SMOS TE, THA DAD THA MI DAD LA SOGS PA NI THA DAD LA SOGS PA'O, ,SOGS PA'I SGRAS RTEN NYID LA SOGS PA GZUNG NGO, ,'DI DAG NI DNGOS POR RTOGS PA'I CHOS YIN NA JI LTAR RTOGS PA'I BZO BOS BYAS PA'I LUS CAN GYI SEL BA GNAS PA RNYED PAR 'GYUR, GANG YANG SEL BA NI BYA BA'I

361a

, ,NGO BO YIN PA'I PHYIR YUL BRJOD PAR BYA DOGS SO ZHES BYA BA DE NI MA GRUB PA STE, SGRA'I BRJOD PAR BYA BA'I SEL BA NI GZUGS BRNYAN GYI BDAG NYID YIN PA'I PHYIR DANG GZUGS BRNYAN DE YANG PHYI ROL GYI DNGOS PO'I NGO BOR ZHEN PA'I PHYIR DGAG PA TZAM NI MA YIN NO, ,DE NYID KYI PHYIR CI BA LANG GI YUL CAN YIN NAM 'ON TE BA LANG MA YIN PA'I YUL CAN ZHES BYA BA'I RNAM PAR RTOG PA 'DI GNYIS 'THAD PA MA YIN TE, DE NI BA LANG GI YUL CAN NYID KYIS BSGRUB PA'I NGO BOR ZHEN PA'I PHYIR RO, ,GANG GIS 'DI LA BSAL BYA BA, ,SU YIS BA LANG BA MIN BRTAGS, ,ZHES SMRAS PA DE LA, SGRA YIS DNGOS SU DON GZHAN PA, ,ZHES BYA BA LA SOGS PA SMOS TE, GAL TE GZHAN LAS LDOG PA NYID GTZOR SGRAS BSTAN PAR BYA BA YIN NA DE'I TSE 'DIR 'GYUR NA, JI SRID DU DON GYI GZUGS BRNYAN GYI BDAG NYID YIN TE, GANG CUNG ZAD BRJOD PA DE NI, JI SKAD DU, DANG PO KHO NAR SGRA YIS NI, ,DON GYI GZUGS BRNYAN BYED PA YIN, ,DE RTOGS NA YANG SHUGS KYIS NI,, GZHAN LAS LDOG PA RTOGS PA YIN, ,ZHES JI SKAD DU BSHAD PA'I GRUB PA'I MTHA' MNGON PAR MI SHES PAS YIN NO ZHES BYA BA NI BSDUS PA'I DON TO, ,LHAG MA NI DON GO BAR ZAD DO, ,THA DAD LA SOGS PA'I RNAM PAR RTOG PA NI DNGOS PO NYID DU BSAL ZIN TO, ,GZHAN SEL BA NI 'DI BRJOD BYA'AM ZHES BYA BA LA SOGS PA GANG SMRAS PA DE LA, GZHAN SEL BA YI BRJOD BYA NYID, ,CES BYA BA LA SOGS PA SMOS TE, DE LA GZHAN SEL BA'I BRJOD PAR BYA BA'I RNAM PAR RTOG PA GAL TE GZHAN SEL BA'I SGRA'I DBANG DU BYAS NAS BYED NA, DE'I TSE 'DI BSGRUB PA'I NGO BO NYID KYI SGRA DES BRJOD PAR BYA BA YIN NO ZHES KHAS BLANGS PA'I PHYIR MI 'DOD PA THOB PAR RIGS PA MA YIN TE, 'DI LTAR CI SGRUB PA SGRA'I DON NAM 'ON TE GZHAN SEL BA YIN ZHES BYA BA'I SKABS SU GZHAN SEL BA SGRA'I DON YIN NO ZHES BRJOD PA NA, RTOG PA POS JI SKAD DU BSHAD PA'I GZUGS BRNYAN GYI MTSAN NYID KYIS SEL BA NGES PA SKYE BA YIN LA, SHUGS KYIS SGRUB PA SGRA'I DON YIN PA BKAG PA YIN NO, ,CI STE BUM PA LA SOGS PA'I SGRA'I DBANG DU BYAS NAS YIN NA, DE LA YANG JI SKAD DU BSHAD PA'I GZUGS BRNYAN GYI MTSAN NYID SEL BA DNGOS SU BUM PA LA SOGS PA'I SGRA DAG GIS BSKYED PAR BYA BA YIN PA'I PHYIR SGRUB PA'I NGO BO NYID DE DAG GIS BSTAN LA SHUGS KYIS NI GZHAN LAS LDOG PA RTOG PA'I PHYIR MI 'DOD PAR 'GYUR BA MA

361b

YIN PA'I PHYIR LA, THUG PA MED PA'I SKYON YANG MED DE, SHUGS KYIS GZHAN LAS LDOG PA RTOGS PA'I PHYIR TE, BRJOD PAR BYA BA NYID KYIS NI MA YIN NO, ,BRJOD PAR BYA BA MA YIN PA'I PHYOGS NI KHAS MA BLANGS PA'I PHYIR DE'I PHYOGS LA YOD PA'I SKYON 'BYUNG BA'I SKYON GYI GO SKABS MED DO ZHES STON PA NI, BRJOD BYA MIN PHYOGS ZHES BYA BA SMOS SO, ,GZHAN YANG NYE BAR BRJOD MED PA'I, ,ZHES BYA BA LA SOGS PA LA, RTOG PA GCIG PU ZHES BYA BA LA SOGS PA SMOS TE, GAL TE DON DAM PAR GCIG NYID LA SOGS PA NYE BAR BRJOD PAR BYAS PAR 'GYUR NA, DE'I TSE KHYED CAG BZHAD GANG BYED PA NYID DU 'GYUR NA, GANG GI TSE 'KHRUL PA'I RTOG PA PO'I NGO BO SLOB DPON GYIS 'DI RTOG PA NYID DU BRJOD PA DE'I TSE JI LTAR MKHAS PA RNAMS BZHAD GAD DU BYED PA 'JUG PAR 'GYUR, 'ON KYANG BRJOD PAR 'DOD PA MI SHES PAR SUN 'BYIN PAR KHYED CAG LA MKHAS PA RNAMS SHIN TU BZHAD DAG KYI GNAS SU 'GYUR BA YIN NO, ,DE PHYIR GANG DAG DGAG LDAN PA, ,DE DAG 'BA' ZHIG KHO NA LA, ,ZHES BYA BA LA SOGS PA LA, NGES PAR BZUNG BA'I SHUGS KYIS NI, ,ZHES BYA BA LA SOGS PA SMOS TE, GANG DU DGAG PA'I SBYOR BA DER GZHAN LAS LDOG PA'I CHA RTOG PA 'BA' ZHIG TU MA ZAD, GANG DU DGAG PA SBYOR BA MED PA DER YANG RTOG PA NYID YIN NO ZHES RANG GI BDAG NYID KHO NA RTOGS SO ZHES NGES PAR GZUNG BAR BYED PA NA KHYED CAG GI RANG GI TSIG NYID KYIS 'DI BSTAN PA YIN NO, ,DE LTA MA YIN NA NGES PAR GZUNG BA DON MED PAR 'GYUR RO, ,DE LTA BAS NA GANG DU RANG GI BDAG NYID KHO NA RTOG PA DER NGES PAR GZUNG BA'I SHUGS KYIS GZHAN SEL BA YANG RTOGS SO ZHES GSAL RAB TU NGES PA YIN NO, ,'O NA ZHES BYA BA LA SOGS PA GZHAN DAG SEL BA'I SGRA'I DON DU RNAM PAR GZHAG PA MA KHYAB PA YIN PAR STON PA YIN TE, 'DI LTAR MO GSHAM GYI BU LA SOGS PA'I SGRA GANG ZHIG PHYI ROL GYI BUM PA LA SOGS PA'I DNGOS PO GZHAN LAS LTOS PA NI SEL BA LA BRTEN PA MED PA DE CI LA GNAS NAS SEL BA BRJOD PAR BYA BA YIN PAR BRJOD, GDON MI ZA BAR SEL BA NI DNGOS PO LA GNAS PAR 'GYUR BAR BRJOD PAR BYA DGOS TE, DE NI GZHAN SEL BA'I DNGOS PO DANG THA MI DAD PA'I PHYIR RO, ,MED PA RNAMS LA ZHES BYA BA LA SOGS PAS LEN 'DEBS PAR BYED DE, MO GSHAM GYI BU LA SOGS PA MED PA RNAMS LA RANG BZHIN GYI NGO BO 'GA' ZHIG MED PA'I

362a

, ,PHYIR, DE'I YUL CAN GYI SGRA RNAMS RIGS LA SOGS PA RJOD PAR BYED PA NYID DU DOGS PAR MI BYA STE, DNGOS PO LA 'JUG PA'I SGRA RNAMS NI CI'I NGO BO BRJOD PA YIN NAM, 'ON TE GZUGS BRNYAN YIN ZHES DOGS PAR 'GYUR GYI MED PA NI DNGOS POS DPEN PA'I MTSAN NYID CAN YIN PA'I PHYIR DE LA 'JUG PA'I SGRA RNAMS JI LTAR DNGOS PO'I YUL CAN NYID DU DOGS PAR 'GYUR, DE'I PHYIR DE LA SGRA RNAMS NI GZUGS BRNYAN TZAM SKYED PA'I PHYIR YUL MED PA NYID DU GSAL RAB TU NGES PA'I PHYIR DOGS PA'I GNAS MED DO, ,DE NYID STON PA'O, ,DON GYIS STONG PA ZHES BYA BA LA SOGS PA'O, ,SGRA RNAMS KYIS ZHES BYA BA NI MO GSHAM GYI BU LA SOGS PA'I SGRA DAG GIS SO, ,YANG GANG DAG DNGOS PO'I YUL CAN GYI SGRA DE DAG GZUGS BRNYAN TZAM BRNYAN TZAM RJOD PAR BYED PA BSGRUB PA'I PHYIR TSAD MAS DGOD PAR BYED PA NI, THE TSOM DANG BCAS ZHES BYA BA LA SOGS PA SMOS TE, GANG DAG BRDA LA LTOS PA DANG BCAS PA DE DAG DON GYIS STONG PA'I MNGON PAR BRJOD PAS BSGOS PA'I BAG CHAGS TZAM GYIS SPRUL PA'I RNAM PAR RTOG PA'I GZUGS BRNYAN TZAM GYI DON GSAL BAR BYED PA YIN TE, DPER NA MO GSHAM GYI BU LA SOGS PA'I SGRO BTAGS PA'I DON RJOD PAR BYED PA RNAMS BZHIN NO, ,THE TSOM DANG RTZOD PA'I GZHIR GYUR PA'I BUM PA LA SOGS PA'I SGRA RNAMS KYANG BRDA LA LTOS PA DANG BCAS PA YIN NO ZHES BYA BA NI RANG BZHIN GYI GTAN TSIGS SO, ,DE LTAR RANG NYID KYIS RANG GI PHYOGS BSGRUBS NAS, ,GZHAN GYI PHYOGS DGAG PA'I DON DU TSAD MA DGOD PA'I PHYIR, SGRA RNAMS GZHAN GYI KHAS BLANGS PA'I, ,ZHES BYA BA LA SOGS PA SMOS TE, THA DAD RANG GI MTSAN NYID DO, ,SOGS PA'I SGRAS NI RIGS LA SOGS PA GZUNG NGO, ,DE'I PHYIR ZHES BYA BA NI BRDA LA LTOS PA DANG BCAS PA'I PHYIR RO, ,DE BZHIN NYID DU ZHES BYA BA NI BRTAGS PA'I DON BRJOD PA BZHIN NO, ,GTAN TSIGS GNYI GA YANG MA NGES PA NYID SPANG PA'I PHYIR, THA DAD PA LA SOGS 'DI PA, ,ZHES BYA BA LA SOGS PA SMOS TE, BRDA BYA BAR MI NUS PA'I PHYIR DANG GZHAN LA BRTEN PA MA YIN PA'I PHYIR RO ZHES SNGAR RANG GI MTSAN NYID LA BRDA MI SRID PA DANG BRDA DON MED PA BSGRUBS ZIN PA'I PHYIR RO, ,DES NA STE DE'I GTAN TSIGS GNYI GA YANG MI MTHUN PA'I PHYOGS LA LDOG PA LA THE CHOM ZA BA MA YIN NO, ,'ON TE ZHES BYA BA LA SOGS

362b

BAS GZHAN DAG GTAN TSIGS DANG PO MA NGES PA NYID DU STON PA YIN TO, JI LTAR RANG GI MTSAN NYID LA SOGS PA LA BRDA MI SRID PA DANG, DON MED PA DE BZHIN DU GZHAN SEL BA'I PHYOGS LA YANG MTSUNGS TE, DE LTA YIN DANG BRDA MI SRID PA'I PHYIR SGRA RNAMS DE TZAM GSAL BAR BYED PA NYID DU YANG MI RIGS PA'I PHYIR GTAN TSIGS MA NGES PA YIN NO, ,DE NI ZHES BYA BA NI BRDA'O, ,JI LTAR 'BRAS BUR BCAS ZHES BYA BA LA SRID PA ZHES BYA BA LHAG MA'O, ,YANG JI LTAR DE LA BRDA MI SRID PA YIN ZHE NA, 'CHAD PA PO DANG ZHES BYA BA LA SOGS PA SMOS TE, NI'I SGRA NI RGYU'I DON TO, GANG GI PHYIR GZUGS BRNYAN GYI BDAG NYID KYIS SEL BA BRDA'I YUL GANG YIN PA DE 'CHAD PA PO DANG NYAN PA PO GNYIS LA CIG CAR GRUB PO, ,CI'I PHYIR ZHE NA, SHES PA DE NI ZHES BYA BA LA SOGS PA SMOS TE, TSU ROL MTHONG BA RNAMS KYI SHES PA NI SO SOR RANG GIS RIG PAR BYA BA NYID YIN TE, GZHAN GYI SHES PA NI TSU ROL MTHONG BA GZHAN GYIS RIG PAR BYA BA MA YIN NO, ,DON DAM PAR SHES PA LAS THA MI DAD PA GZUGS BRNYAN GYI BDAG NYID KYI MTSAN NYID NI SEL BA YIN TE, DE LTA YIN DANG 'CHAD PA PO DANG NYAN PA PO GNYI GA LA BRDA'I YAL GYI NGON GCIG PO 'GA' ZHIG MA GRUB PA'I PHYIR, GANG DU BRDA BYED PA'AM 'DZIN PA YIN, DNGOS PO MA GRUB PA LA SMRA BA POR BRDA BYA BAR NUS PA MA YIN LA, NYAN PA POS GZUNG BAR NUS PA YANG MA YIN TE, HA CANG THAL BAR 'GYUR BA'I PHYIR RO, ,'DI LTAR RANG GI RNAM PAR SHES PA YOD PA'I DON GYI GZUGS BRNYAN NYAN PA POS RTOGS PA GANG YIN PA DE 'CHAD PA POS RIG PA MA YIN LA, GANG YANG 'CHAD PA POS RIG PA DE NI NYAN PA POS MA YIN TE, RANG RANG GI SNANG BA RIG PA'I PHYIR RO, ,DON MED PA NYID DU BSTAN PA'I PHYIR, BRDA'I DUS SU ZHES BYA BA LA SOGS PA SMOS TE, 'CHAD PA PO'AM NYAN PA PO BRDA'I DUS SU GZUGS BRNYAN NYAMS SU MYONG BA DE THA SNYAD KYI DUS SU NYAMS SU MYONG BA MA YIN TE, DE NI SKAD CIG GIS 'JIG PA NYID KYI 'GAGS NAS RING DU LON PA'I PHYIR RO, ,GANG YANG THA SNYAD KYI DUS SU NYAMS SU MYONG BA DE BRDA'I DUS SU MTHONG PA MA YIN TE, DE'I TSE NA GZHAN NYID NYAMS SU MYONG BA'I PHYIR RO, ,GZHAN DU BRDA BYAS NAS GZHAN GYI THA SNYAD DU BYED PAR RIGS PA MA YIN TE, HA CANG THAL BAR 'GYUR BA'I PHYIR RO, ,RANG DANG RANG GI ZHES BYA BA LA SOGS PAS LEN 'DEBS PAR BYED PA YIN TE, GANG GIS DE LA BRDA MI SRID PA'I

363a

, ,SKYON GYIS KLAN KA BYED BA DON DAM PAR SHES PA'I RNAM PA YANG SGRA RNAMS KYIS BRJOD PAR BYA BA'I DON NYID DU 'DOD PA MA YIN TE, DE'I PHYIR SGRA LAS BYUNG BA'I THA SNYAD 'DI THAMS CAD RANG GI SNANG BA'I NGO BOR RAB RIB CAN GNYIS KYIS ZLA BA GNYIS MTHONG BA BZHIN DU 'KHRUL BAR 'DOD DE, DON GYIS STONG PA'I BRJOD PA'I BAG CHAGS SAD PA LAS SGRA LAS DON NGES PA'I RNAM PAR RTOG PA TZAM SKYE BA KHO NAR ZAD PA'I PHYIR BSKYED PAS GZUGS BRNYAN DE BSKYED PA'I PHYIR SGRA RNAMS KYIS BRJOD PAR BYA BA YIN NO ZHES BRJOD KYI, BRJOD PA NYID KYIS NI MA YIN NO, ,DE LA GAL TE YANG 'CHAD PA PO DANG NYAN PA PO DAG GIS DON DAM PAR RANG RANG GI SNANG BA RIG PA DE LTAR YANG RAB RIB CAN GNYIS BZHIN DU 'KHRUL PA'I SA BON MTSUNGS PA'I PHYIR 'CHAD PA PO DANG NYAN PA PO DE DAG KYANG PHYI ROL GYI DON ZHEN PA NYID DU MTSUNGS SO, ,'DI LTAR 'CHAD PA PO 'DI SNYAM DU NGAS RTOG PA'I DON GANG YIN PA DE NYID 'DIS RTOGS SO SNYAM DU BSAM PA 'DIS 'JUG LA DE BZHIN DU NYAN PA PO LA YANG SBYAR BAR BYA'O, ,JI LTAR 'CHAD PA PO DANG NYAN PA PO 'DI DAG PHAN TSUN DU DON GCIG TU ZHEN PA NYID DU SHES SHE NA, MA YIN TE GAL TE DON DAM PAR MI SHES PA DE LTA NA YANG 'KHRUL PA'I SA BON MTSUNGS PA'I PHYIR, DON DAM PAR RANG GI SNANG BA'I NGOR BYAS NAS KYANG RAB RIB CAN GNYIS BZHIN DU THA SNYAD 'DI 'KHRUL PA NYID DU YOD PA YIN NO ZHES BYA BA 'DI NI BSTAN ZIN TO, ,DES NA DON GCIG TU ZHEN PA'I DBANG GIS BRDA BYED PAR 'THAD PA NYID DO, ,'DIR DPE SMRAS PA DPER NA RAB RIB KYIS NYAMS ZHES BYA BA LA SOGS PA STE, RANG DANG MTSUN PAS ZHES BYA BA NI BDAG DANG 'DRA BAS TE, RAB RIB CAN GZHAN DANG ZHES BYA BA'I DON TO, ,BRDA DON MED PA YANG MA YIN NO ZHES STO NA PA NI, DE'I KHYAB PAR BYED PA 'DI ZHES BYA BA STE BRDA DANG THA SNYAD DU PHYIN PA'I DUS SU KHYAB PAR BYED PA NYID KYI 'CHAD PA PO DANG NYAN PA PO DE DAG GIS NGES PA'I DON GYI GZUGS BRNYAN DE ZHEN PA'I DBANG GIS 'DOD KYI, DON DAM PA NI MA YIN TE, THA SNYAD KYI DUS SU YANG 'CHAD PA PO DANG NYAN PA PO DAG SNGAR DANG PHYIS MTHONG BA'I DON DAG GCIG TU MNGON PAR ZHEN PA'I PHYIR RO, ,YANG CING PHYIR DON DAM PA NYID DU MI 'DOD CE NA, SGRA YIS SPRUL PA'I ZHES BYA BA LA SOGS PA SMOS SO, ,DE KHO NA NYID BSDUS PA'I DKA' 'GREL LAS SGRA'I DON BRTAG PA STE NYI SHU RTZA GCIG PA'O,, ,,

טיבטיתTibetanTD04267-2_DE KHO NA NYID BSDUS PA'I TSIG LE'UR BYAS PA (Tattva Saṃgraha Kārikā).txt1,301,220 תוויםcharacters

, ,DE LA TSAD MA'I RANG GI NGO BO DANG 'BRAS BU DANG SPYOD YUL DANG RNAM GRANGS LA GZHAN DAG GIS LOG PAR RTOG PA RNAM PA BZHI YOD DE, DE DAG BSAL BA'I SGO NAS TSAD MA'I MTSAN NYID [DD] GSAL BAR BSTAN PA'I DON DU, GSAL BA'I MTSAN NYID DANG LDAN PA'I TSAD MA GNYIS KYIS GTAN LA PHAB CES BYA BA DE BSGRUB PAR BYA BA'I PHYIR, MNGON SUM ZHES BYA BA LA SOGS PA SMOS TE, GZHAN GYIS ZHES BYA BA NI BYE BRAG PA LA SOGS PA RNAMS KYIS SO, ,KHYAB PAR GRUB PAR BYA BA'I PHYIR ZHES BYA BA NI YON TAN DANG RDZAS DANG BYA BA DANG RIGS DANG 'DU BA LA SOGS PA'I KHYAB PAR GRUB PAR BYA BA'I PHYIR RO, , 'DI LTA BU ZHES BYA BA NI 'CHAD PAR 'GYUR BA'O, ,DE LA MNGON SUM GYIS RANG GI NGO BO LOG PAR RTOGS PA NI RTOG PA DANG BCAS PA'AM MIG LA SOGS PA SHES PA MED PA'I RANG BZHIN GYI MNGON SUM NI TSAD MA'O ZHES BYA BA STE, DE GSAL BA'I SGO NAS DE'I MTSAN NYID BSHAD PA, MNGON SUM RTOG BRAL MA 'KHRUL PA, ,ZHES BYA BA STE, DE LA SHES PA'I RTOG PA DANG BRAL BA'AM MA 'KHRUL PA NYID RJES SU BRJOD NAS, MNGON

, ,SUM NYID DU GRUB PAR BYED DE, THAMS CAD DU MTSON PAR BYA BA NI BSGRUB PAR BYA BA YIN PA'I PHYIR TE, DPER NA GANG G-YO BA DE NI MYA NGAN TSAD MA YIN NO ZHES BYA BA LTA BU'O, ,'DIR MNGON SUM NI MTSON PAR BYA BA YIN TE, DE'I MTSAN NYID BSTAN PA'I SKABS YIN PA'I PHYIR RO, ,GANG GIS DE BSGRUB PAR BYA BA YIN NO ZHES BYA BAR 'GYUR BA MTSAN NYID RTOG PA DANG BRAL ZHING MA 'KHRUL PA'I SKABS NI MA YIN NO, ,RTOG PA BKAG PAS SHES PA SHUGS KYIS THOB PA'I PHYIR, DPER NA BE'U MED PA'I BZHON MA 'ON CIG CES BYA BAS BE'U BKAG PAS BA LANG BZHON MA RTOGS PA LTA BU YIN PAS DE'I PHYIR SHES PA ZHES BRJOD DO, ,YANG 'DIR RTOG PA YANG GANG LA MNGON PAR 'DOD CING GANG DANG BRAL BA'I SHES PA MNGON SUM YIN ZHE NA, RTOG PA MNGON PAR BRJOD CAN GYI, ,SHES PA ZHES BYA BA SMOS TE, CI STE BTAGS PA'I RGYU NYID LA SOGS PA'I BDAG NYID GANG LA BDE BYED BDAG PO LA SOGS PAS RGYAS PAR SUN 'BYIN PA BRJOD PA DE YANG CI GZUNG BAR BYA BA YIN NAM, 'ON TE MA YIN ZHE NA, NYE BAR BTAGS PA'I RGYU NYID LA SOGS BDAG NYID MIN, ,ZHES BYA BA LA, GZUNG BAR BYA BA ZHES BYA BA LHAG MA'O, ,DES NA DE LA BRTEN PA'I GZHAN GYIS BRJOD

PA'I SKYON GANG DAG YIN PA DE DAG DE'I PHYOGS KHAS MA BLANGS PA'I PHYIR MI 'JUG GO ZHES BSTAN PA YIN NO, ,BTAGS PA NI THA SNYAD DU BYAS PA'O, ,DE'I RGYU NYID NI RIGS LA SOGS PA RNAMS YIN NO ZHES RIGS PAR BYA BA STE, GANG GI PHYIR RIGS LA SOGS PA'I KHYAD PAR MED PAR THA SNYAD YOD PA MA YIN NO, ,SOGS PA'I SGRAS SGRA DANG 'DRES PA DANG, SEMS RTZINGS [?] PA DANG ZHIB PA'I RGYU RTOG PA DANG DPYOD PA DANG, DE BZHIN DU GZUNG BA DANG 'DZIN PA'I RTOG PA ZHES BYA BA DE LTA BU LA SOGS PA GZUNG BAR BYA'O, ,MNGON PAR BRJOD PA NI SMRA BAR BYED PA'I SGRA'O, ,DE YANG SPYI'I RNAM PA YIN TE, SNANG BA GANG LA 'DI YOD PA DE LA DE SKAD CES BYA'O, ,YANG SHES PA 'DI 'DRA BA GANG LAS GRUB CE NA, SGRA DON ZHES BYA BA LA SOGS PA SMOS TE, SHING ZHES BYA SOGS NGO BO YIS, ,GANG ZHIG BRJOD DANG MI LDAN YANG, ,ZHES SBREL BAR BYA BA'AM, YANG NA, SHING ZHES BYA SOGS NGO BO YIS, ,SGRA DON SBYOR BAR RUNG BA YIS, ,ZHES SNGA MA DANG SBREL BAR BYA'O, ,'DIS NI MNGON SUM NYID KYIS RTOG PA GRUB PAR BSTAN PA YIN TE, RNAM PAR RTOG PA NI SROG CHAGS THAMS CAD KYIS NYAMS SU MYONG BAS GRUB PA'I PHYIR RO, ,'DI LTAR BYIS PA'I BAR DU BYA BA'I RGYU NYID DU GRUB PO ZHES STON PA NI, 'DAS PA'I SRED PA ZHES BYA BA LA SOGS PA STE, 'DAS PA'I SRID PA NI 'DAS PA'I SKYE BA'O, ,DER MING DANG DON GOMS PA NI SGRA DON BYANG BA'O, ,DES BSGOS PA'I BAG CHAGS NI NUS PA STE, DE'I RJES SU 'GRO BA RJES SU 'JUG PA GANG GI PHYIR BYIS PA LA YANG YOD DE, DES NA MNGON PAR BRJOD PA CAN GYI SHES PA DE LA YANG 'GYUR BA NYID YIN NO, ,RTOG PA GANG ZHIG DANG LDAN PAS 'DI LTAR BYAS PA STE, 'DZUM PA DANG DU BA DANG NU MA 'THUNG BA DANG DGA' BA LA SOGS PA'I MTSAN NYID DAG LA, SGRIN POR TE GRIMS PAR 'GYUR BA YIN TE, 'BRAS BUR 'GYUR BA 'DIS JI SKAD DU BSHAD PA'I RTOG PA BYIS PA LA YANG RJES SU DPAG PAR BYA BA KHO NA STE, JI SKAD DU, 'DI LTAR BYA NYID 'JIG RTEN NA, ,THAMS CAD SGRA LA BRTEN PA YIN, ,BYIS PA LA YANG SNGON GOMS PA'I, ,'DU BYED GANG ZHIG RAB TU RTOGS, ,ZHES BSHAD PA LTA BU'O, ,YI GE DANG RNAM PAR MA PHYED PA'I RNAM PA CAN TE, YANG SGRA'I KHYAD PAR CAN NANG TZAM DU YONGS SU GSAL BA PHYI ROL GYI DON LTA BUR TE STON

, ,PA GANG GIS PHYIS BRDA 'DZIN PA LA MKHAS PAR 'GYUR BA DE YANG DE DAG LA NYE BAR SKYE BA YIN NO, ,SEMS KYIS DPYOD SOGS ZHES BYA BA LA SOGS PA SLAR YANG RTOG PA MNGON SUM GYIS GRUB PA NYID BSTAN TO, ,DE LAS YANG ZHES BYA BA LA SOGS PAS SGRA'I THA SNYAD CES BYA BA'I 'BRAS BU'I RTAGS LAS KYANG GRUB PAR BSHAD DE, GANG GI PHYIR SNGAR SGRA DON RNAM PAR GZHAG PA DE KHO NA NYID DU YOD PA BKAG PA DANG 'KHRUL PA YIN NO ZHES KYANG RNAM PAR GZHAG PA YIN NO, ,GAL TE RTOG PA 'DI MED PAR GYUR NA DE'I TSE SGRA'I DON RNAM PAR GZHAG PA DE 'DI 'DRA'I 'KHRUL PAR YANG MI 'GYUR RO, ,DE'I BSAM PA'I DBANG GIS DE RNAM PAR GZHAG PA'I PHYIR DANG, PHYI ROL GYI RANG GI MTSAN NYID LA SOGS PA GZHAN DAG KYANG BRJOD BYA NYID DU MI RIGS PA NI BSGRUBS ZIN PA'I PHYIR RO, ,'ON TE GZHAN DAG KYANG MNGON PAR BRJOD PA CAN GYIS SHES PA RTOGS PAR BRJOD PA 'BA' ZHIG TU MA ZAD, 'ON KYANG RIGS DANG YON TAN DANG BYA BA LA SOGS PA DANG 'BREL BAR RUNG BA YANG YIN NA, CI'I PHYIR MI GZUNG ZHE NA, RIGS LA SOGS ZHES BYA BA LA SOGS PA SMOS TE, MI SNANG PHYIR NA ZHES BYA BA NI RIGS LA SOGS PA ZHES 'BREL TO, ,'DI YANG RIGS LA SOGS PA KHAS BLANGS NAS LAN GDAB PA BSHAD PA YIN NO, ,RIGS LA SOGS PAS MI 'DOD PAS, ,ZHES BYA BA LA SOGS PAS MI SNANG BA DE NYID SGRUB PAR BYED DO, ,CHU DANG 'O MA LA SOGS BZHIN, ,ZHES BYA BA NI DPER NA CHU DANG 'O MA LA SOGS PA 'DRES PAR GYUR BA RNAM PAR PHYE NAS MI SNANG BA'I PHYIR RNAM PAR GZHAG PAR MI NUS PA DE BZHIN DU RIGS LA SOGS PA RNAMS 'BREL BA YOD PA YIN NA YANG RTEN LAS RNAM PAR PHYE NAS MI SNANG BA'I PHYIR RTEN DE DANG LHAN CIG MI NUS SO ZHES BYA BA'I DON TO, ,'O NA GAL TE RIGS LA SOGS PA DANG SBYOR BA RTOGS PA NYID DU MI RIGS PA YIN NA, DE JI LTAR MTSAN NYID MDZAD PAS MING DANG RIGS SOGS DANG 'BREL PAS RTOGS PA ZHES BSHAD CE NA, BLANG BAR BYA BA DANG ZHES BYA BA LA SOGS PA SMOS TE, DE LA DOR BAR BYA BA NI RIGS LA SOGS PA DANG SBYOR BA STE, GZHAN DAG LA GRAGS PA'I RTOG PA'O, ,BLANG BAR BYA BA NI RANG LA GRAGS PA STE MING DANG SBYOR BA'I RTOG PA'O ZHES

BSTAN PA'I PHYIR, RTOG PA RNAM PA GNYIS BSTAN TO, ,JI LTAR RTOGS PAR BYA ZHE NA, BSHAD PA, GNYIS SU BSHAD PA'I PHYIR TE, GANG GI PHYIR MING DANG RIGS LA SOGS PA NI MING DANG RIGS LA SOGS PA STE, DE DAG SBYOR BA ZHES BYA BA DE LTA BU'I SDE TSAN GNYIS BSHAD DE, DE LTA MA YIN NA MING LA SOGS PA SBYOR BA LA YANG NA RIGS LA SOGS PA DANG SBYOR BA ZHES BYA BA NYID BRJOD PAR BYA BAR 'GYUR RO, ,'DI YONGS SU BGRANG BA YANG MA YIN TE, SOGS PA'I SGRA DON MED PAR THAL BAR 'GYUR BA'I PHYIR RO, ,'ON TE RTOGS PA NI SHES PA'I CHOS YIN LA, MNGON SUM GYI DBANG DU BYAS PA'I PHYIR DE DANG BRAL BA BSTAN PA'I SKABS YIN GYI, DON GYI CHOS DANG BRAL BAR BSTAN PA NI MA YIN PA YIN NAM, MING DANG RIGS LA SOGS PA NI MING DANG RIGS LA SOGS PA DE DANG LDAN PA DANG SBYOR BA GANG YIN PA DE NI DON GYI CHOS YIN GYIS SHES PA MA YIN NO, ,DE LTA YIN DANG MTSAN NYID BYED PA SKABS MA YIN PA BRJOD PA POR BYED PA YIN NO ZHES BYA BA'I RGOL BA'I DOGS PA BSU NAS MING LA SOGS PA ZHES BYA BA SMOS TE, DE MA THAG PA NI BAR MA CHOD PA'O, ,RGYU MTSAN NI DE'I RGYU GANG YIN PA STE, DE YANG MNGON PAR BRJOD PA 'JUG PA'I SHES PA YIN LA, DE YANG DNGOS PO GNYIS NYID MTSAMS SBYOR BA'I RNAM PA BSKYED PA LAS DE LTAR SBYAR RO ZHES BSTAN PA YIN GYI, 'BA' ZHIG CUNG ZAD SBYOR BA NI YOD PA MA YIN TE, CHOS THAMS CAD NI BYA BA MED PA YIN PA'I PHYIR RO, ,DE BLANGS PA NI RNAM PA GNYIS KYIS TE, MING LA SOGS PA SBYOR BA GANG LAS 'BYUNG BA DE BDE SKAD CES BYA'O, ,GZHI THA DAD PA YIN NA YANG GO BAR BYED PA'I PHYIR 'BRU MANG PO PA'AM RGYU LAS 'BRAS BU NYE BAR BTAGS PA'I PHYIR TE NYE BAR BTAGS PA'I DGOS PA YANG, DE LAS GZHAN PA'I RGYU LAS KHYAD PAR CAN GYI 'BRAS BU BYED PA'I RANG BZHIN BRJOD PAR BYA BA'I DON DU'O, ,RNAM PA GCIG TU NA 'DIS SBYOR BAR BYED PAS NI SBYOR BA STE, MING DANG RIGS LA SOGS PA SBYOR BA'O ZHES BSDU BA BYAS NAS, MNGON PAR BRJOD PA CAN NYID RTOGS PAR BSTAN PA'I PHYIR SKYON MED DO ZHES STON PA NI, YANG NA MING DANG RIGS SOGS KUN, ,ZHES BYA BA LA SOGS PA'O, ,YANG NA RANG GZHUNG ZHES BYA BA LA SOGS PAS LAN GZHAN BSHAD DO, ,GAL TE DE LTA NA SLOB DPON GYIS 'BREL BA'I GZHUNG JI LTAR DRANG, 'DI LTA STE DPER NA,

, ,'DOD RGYAL BA'I SGRA DAG LA MING GI KHYAD PAR CAN GYI DON BRJOD PA NI KHO BO ZHES BYA BA LTA BU DANG RIGS KYI SGRA DAG LA RIGS KYIS TE BA LANG ZHES BYA BA LTA BU DANG, YON TAN GYI SGRA DAG LA YON TAN GYIS TE DKAR PO ZHES BYA BA LTA BU DANG, BYA BA'I SGRA DAG LA BYA BAS TE 'TSED PA ZHES BYA BA LTA BU DANG, RDZAS DAG LA RDZAS KYIS TE, RVA CAN DANG DBYIG PA CAN ZHES BYA BA LTA BU ZHES BYA BA'I GZHUNG 'DIS RIGS LA SOGS PA'I KHYAD PAR DANG LDAN PA'I DON BRJOD PA NA LOGS SHIG TU BRJOD DO ZHE NA, DE'I PHYIR KUN DU ZHES BYA BA LA SOGS PA SMOS TE, KUN DU ZHES BYA BA NI RIGS LA SOGS PA'I SGRA DAG LA YANG NGO, ,'DI SKAD DU BSTAN PA YIN TE, JI LTAR 'DOD RGYAL BA'I SGRA SBYAR BA DAG LA MING GI KHYAD PAR CAN GYI DON BRJOD PA DE BZHIN DU BA LANG ZHES BYA BA LA SOGS PA'I RIGS LA SOGS PA'I SGRA DAG LAS, YANG MING GI KHYAD PAR CAN GYI DON BRJOD PA YIN NO ZHES BYA BA 'DI NI GZHUNG THAMS CAD DU SBYAR BAR BYA'O, ,'O NA JI LTAR RIGS DANG YON TAN DANG BYA BA DANG RDZAS KYIS ZHES BYA BA GSUM PA'I MTHA' CAN GZHAN 'DI SBYAR BAR BYA BA YIN ZHE NA, 'DI YIS ZHES BYA BA LA SOGS PA SMOS TE, BA LANG ZHES BYA BAS RIGS KYIS TE BYED PAR GYUR BAS MING GI KHYAD PAR CAN GYI DON CAN BRJOD PA DE BZHIN DU YON TAN LA SOGS PA DAG GIS YIN NO, ,DE BZHIN DU RIGS LA SOGS PA DE DAG GIS BYED PA'I RNAM PAR DBYE BA DANG 'BREL BA'I PHYIR, 'BRAS BU DANG BCAS PA NYID DU BSGRUB PA YIN NO, ,GAL TE DE LTA NA MING DANG RIGS SOGS SBYOR BA YIN, MDO 'DIR JI LTAR 'BREL PAR BYA ZHE NA, MING DANG RIGS LA SOGS RNAMS KYIS ZHES BYA BA SMOS TE, SBYOR BA ZHES BYA BA LHAG MA'O, ,'DI ZHES BYA BA 'DIS NI BSDU BA'I DON GYIS THOB PA'I RTOG PA NYID DU BSTAN TE, RIGS LA SOGS PA DAG GIS SBYOR BA NI RIGS LA SOGS PA SBYOR BA YIN LA, MING DANG RIGS LA SOGS PA SBYOR BA 'DI NI MING DANG RIGS LA SOGS PA SBYOR BA YIN NO ZHES BYA BA 'DI NI BSDU BA'I DON GYIS GNAS SO ZHES BYA BA'I DON TO, ,GAL TE DE LTA NA 'DOD RGYAL BA'I SGRA DAG LA, 'JUG PA'I RGYU MTSAN RIGS LA SOGS PA MED PA'I PHYIR RNAM PAR GZHAG PA MA KHYAB PA CAN DU 'GYUR RO ZHES DOGS PA BSU

NAS, 'DOD RGYAL SGRA YIS BRJOD BYA LA, ZHES BYA BA SMOS TE, 'DI SKAD DU BSTAN PA YIN TE, GANG YANG KHRA BO LA SOGS PA'I SGRA DE DAG 'DOD RGYAL BA'I SGRA NYID DU GRAGS PA DE DAG KYANG SKYE BA NAS BRTZAMS NAS, 'CHI BA'I BAR DU RJES SU 'JUG PA SKAD CIG RE RE'I DBYE BAS THA DAD PA, THUN MONG MA YIN PA 'DI NI DNGOS PO THA DAD PAR GO BAR MI NUS PA RNAMS DUS KYI KHYAD PAR MTSAMS BCAD PA'I DNGOS PO DANG LDAN PA'I RIGS BRJOD PA NYID KYIS LEN PAR BYED DE, GZHAN DU NA BYIS PA LA SOGS PA'I GNAS SKABS KYI KHYAD PAR YONGS SU BCAD PA'I DNGOS PO'I CHA'I YUL CAN NYID KYIS YOD PA JI LTAR RGAN PO LA SOGS PA'I GNAS SKABS KYI KHYAD PAR STON PAR 'GYUR, GANG DAG GI LTAR NA LUS SKAD CIG MA NI MA YIN NO, ,'O NA CI ZHE NA, DUS GZHAN DU GNAS PA YIN NO ZHES LTA BA DE DAG GI LTAR NA YANG DUS JI LTA BA BZHIN DU BSAM PA'I YAN LAG DANG 'BREL BA'I PHYIR, GNAS SKABS THA DAD PA DAG TU RDZAS GZHAN DANG GZHAN YIN NO ZHES BYA BAR GRUB PO, ,YONGS SU 'GYUR BA'I LTA BA LA YANG GANG ZHIG GNAS SKABS KYI KHYAD PAR DANG 'BREL BA'I DNGOS PO DE NI SGRA'I BRJOD BYA NYID DU DAM BCA' STE, DE LTA YIN DANG GNAS SKABS GZHAN LA BRTEN PA NA DNGOS PO DE NYID SGRA DES BRJOD PAR MI 'GYUR RO, ,DPER NA 'O MA LA NGES PA'I BRJOD PA CAN GYIS BRJOD PA'I NUS PA'I 'O MA'I SGRA ZHOL MI 'JUG PA DE BZHIN DU LUS LA YANG GNAS SKABS GZHAN DU 'JUG PAR MI 'GYUR BA'I PHYIR GDON MI ZA BAR RIGS KHAS BLANG BAR BYA'O, ,CI STE RIGS DNGOS POR 'GYUR BA MED MOD KYI, DE LTA NA YANG MA KHYAB PAR RNAM PAR GZHAG PA MA YIN TE, 'DI LTAR THA DAD PA DE DAG NYID BRJOD PAR MI 'DOD PA LAS THA DAD PA NI SPYI YIN PAS THA DAD PA NYID THAMS CAD DU RIGS KYI SGRAS LEN PAR BYED PA'I PHYIR 'DOD RGYAL BA'I SGRA YANG RIGS RJOD PAR BYED PA YIN NO, ,DE SKAD DU YANG, RIGS NI TSIG GI DON YIN NA, , RIGS SAM RIGS LDAN KHYAD PAR NI, ,SGRA YIS BYED CES GANG GI PHYIR, ,DE PHYIR DE DAG RIGS RJOD BYED, ,CES BSHAD PA YIN NO, ,'O NA CI'I PHYIR MTSAN NYID MDZAD PAS 'DOD RGYAL BA'I SGRA RNAMS RIGS KYI SGRA DAG LAS LOGS SHIG TU BSTAN CE NA, RAB TU GRAGS PHYIR ZHES BYA BA SMOS TE,

, ,'JIG RTEN NA BA LANG LA SOGS PA'I SGRA RNAMS NI RIGS BRJOD PA NYID DU GRAGS LA, DPUNG RGYAN BZANG LA SOGS PA NI MING GI SGRA NYID DU GRAGS PA'I PHYIR LOGS SHIG TU BRJOD DO, ,'ON TE ZHES BYA BA LA SOGS PAS GZHAN DAG RTZOD PAR BYED LA, BDEN TE ZHES BYA BA LA SOGS PAS LAN 'DEBS PAR BYED DE, 'DI LTAR 'DI TZAM ZHES BYA BA NI MING DANG RIGS DANG YON TAN DANG BYA BA DANG RDZAS KYI SGRA'I KHYAD PAR DAG GIS RNAM PA LNGA YIN NO, ,GAL TE RANG GI LUGS LA GRAGS PA NYID KYI RTOGS PA MNGON PAR 'DOD PA MA YIN NAM, 'O NA CI'I PHYIR, GZHAN DAG DON GYIS STONG PA'I SGRAS, ,KHYAD PAR CAN GYI DON RJOD BYED, ,CES BYA BA'I GZHUNG 'DIS SLOB DPON GYIS RANG GI GZHUNG LA GRAGS PA'I RTOGS PA PHYIS LOGS SHIG TU BRJOD CE NA, RIGS SOGS DE DAG KYANG ZHES BYA BA SMOS TE, 'DI SKAD DU BSTAN PA YIN TE, DON DAM PAR KHRA BO LA SOGS PA'I GSAL BA LAS MA GTOGS PA'I RIGS LA SOGS PA YOD PA MA YIN TE, 'DI DAG NI KUN RDZOB TU YOD PA YIN NO ZHES BYA BA'I DON TO, ,'DI BSTAN PA'I DON DU, MTSAN NYID MDZAD PAS 'DI BRJOD KYI RTOGS PA GZHAN LOGS SHIG TU BSTAN PA NI MA YIN NO ZHES BYA'O, ,GZHAN DAG CES BYA BA NI SANGS RGYAS PA'O, ,DON GYIS STONG PA ZHES BYA BA NI RIGS LA SOGS PA LTOS PA MED PA'I GZHAN SEL BA TZAM GYI SPYOD YUL CAN GYI SGRAS ZHES BYA BA NI SLOB DPON GYI GZHUNG GI DON YIN NO, ,KHO BA CAG GIS NI MNGON PAR BRJOD PA TZAM GYIS SHES PA NI RTOGS PAR KHAS BLANGS PA 'BA' ZHIG TU MA ZAD, GZHAN DAG GIS KYANG GDON MI ZA BAR KHAS BLANG BAR BYA DGOS TE, GZHAN DU NA 'GRO BA'I THA SNYAD MED PA NYID DU 'GYUR RO ZHES BSTAN PA'I PHYIR, GANG YANG RIGS SOGS SBYOR BA YI, ,ZHES BYA BA LA SOGS PA SMOS TE, RIGS DANG YON TAN RDZAS SBYOR BA'I RTOG PA GZHAN GYIS KHAS BLANGS PA NA YANG MI SBYOR BA NYID RTOG PA YIN TE, 'DI LTAR DE LA RIGS LA SOGS PA RNAM PAR GCAD PA'I DNGOS PO MING NYID KYIS KHYAD PAR DU BYAS PA GZUNG STE, GZHAN DU NA RANG DBANG DU DNGOS PO DU MA 'DZIN PA DE BZHIN DU SBYOR BA MED PA'I PHYIR JI LTAR RTOGS PAR 'GYUR, DE LTA YIN DANG 'GRO BA LKUGS PA NYID DU

'GYUR RO, ,DE NYID KYI PHYIR DBYIG PA DANG LDAN PA'I SKYES BU MTHONG BA NA YANG JI SRID DU MING GI KHYAD PAR MI 'DRA BA DE SRID DU DBYIG PA CAN ZHES BYA BAR MI BYED DO, ,GANG GI PHYIR DE LTAR SBYOR BA THAMS CAD LA SGRA SBYOR BAS KHYAB PA'I PHYIR RO, ,DE NYID KYI PHYIR SLOB DPON GYIS BA LANG NGO ZHES BYA BA LA SOGS PA'I SGRA DAG LA RIGS KYIS KHYAD PAR DU BYAS PA'I DON BRJOD PA YIN NO ZHES GANG BRJOD PA'I TSIG 'DI 'BRAS BU DANG BCAS PA YIN NO, ,DE LTA MA YIN TE, MING MED NA JI LTAR BRJOD DO ZHES BYA BAR 'GYUR RO, ,BRJOD PA'I BYA BA NI SGRA'I CHOS YIN PA'I PHYIR RO, ,DE'I PHYIR ZHES BYA BA LA SOGS PAS RTOGS PA GRUB PA MJUG SDUD PAR BYED DO, ,YANG NA MTSAN NYID MDZAD PA'I GRUB PA'I NGO BO RTOG PA RNAMS BSTAN PA'I DGONGS PA BSHAD PA 'DI DAG THAMS CAD CES BYA BA NI BLANG BAR BYA BA DANG DOR BAR BYA BA'I YUL STON PA'O, ,RIGS LA SOGS PA'I SBYOR BA NI MI SBYOR BA MED NA MI 'BYUNG BA YIN NO ZHES BYA BA LA SOGS PA SNGAR BSHAD PA, MING DANG RIGS LA SOGS BRJOD PA, ,ZHES BYA BA NI BYAS ZHES BYA BA DANG 'BREL TO, ,RANG DANG GZHANG YI YUL STON PA NI, BLANG BYA DANG DOR BYA'I YUL BSTAN PA'I DON DU'O, ,'O NA RIGS PA'I SGO'I GZHUNG JI LTAR DRANG ZHE NA, DE BZHIN ZHES BYA BA LA SOGS PA SMOS TE, DE LA SHES PA GANG ZHIG GZUGS LA SOGS PA'I DON LA KHYAD PAR RJOD PAR BYED PA THA MI DAD PA NYE BAR BRTAGS PAS RTOGS PA MED PA DBANG PO DANG, DBANG PO LA BRTEN NAS 'JUG PA DE NI MNGON SUM MO ZHES BYA BA 'DI NI RIGS PA'I SGO'I GZHUNG YIN NO, ,KHYAD PAR NI RIGS LA SOGS PA'O, ,RJOD PAR BYED PA NI MING NGO, ,DE DAG GIS THA MI DAD PAR NYE BAR BRTAGS PA NI RIGS LA SOGS PA DANG LDAN PA DAG DANG MING DAG GO, ,THA MI DAD PAR NYE BAR BRTAGS PA NI MTSON PA STE, GANG LA THA DAD DU 'DZIN PA 'DI'I BA LANG NYID 'DI'I ZHES BYA BA 'DI LA YANG RTOG PAR 'DOD PA KHO NA'O, ,'ON TE 'DIR RTOG PA SHES PA'I ZHES MA BRJOD PA MA YIN NAM, DE LTAR JI SKAD DU BSHAD PA'I RNAM PAR RTOG PA LAS RNYED CE NA, SHES PA ZHES BYAR 'BREL BA'I PHYIR, ,ZHES BYA BA SMOS TE, 'DI SKAD DU BSTAN PA YIN TE, RTOG PA LAS BZLOG PA'I SHES PA MNGON SUM NYID

, ,DU BSTAN PA NA, RTOG PA SHES PA'I CHOS NYID DU BSTAN PA YIN TE, DE LTA YIN DANG DON 'DI YIN TE, SHES PA GANG ZHIG MING LA SOGS PA DANG THA MI DAD PA DANG BTAGS PA'I SGO NAS RTOG PA MED PA DE NI MNGON SUM YIN LA, RNAM PA DE LTA BU'I RTOG PA'I SHES PA GANG YIN PA DE NI RTOG PA'I BDAG NYID YIN PA'I PHYIR MNGON SUM MA YIN PA SHUGS KYIS MNGON PAR BRJOD PA CAN GYIS SHES PA NI RTOG PA YIN NO ZHES MNGON SUM LAS BZLOG PA NYID DU GRUB PO, ,DE LTAR NA BDAG DANG GZHAN GYI GZHUNG BSDUS TE BSTAN PA YIN NO, ,RNAM PA GCIG TU NA SLOB DPON GYIS GZHUNG BRJOD PA 'BA' ZHIG MDZAD PA YIN NO ZHES STON PA NI, YANG NA GANG YIN ZHES BYA BA'I, ,THA DAD KHYAD PAR DE LDOG PA, ,ZHES BYA BA'I DON TO, ,DE'I RJOD PAR BYED PA YIN GYI RIGS LA SOGS PA NI MA YIN NO, ,DE'I THA MI DAD PA BTAGS PA ZHES TSIG RNAM PAR SBYAR RO, ,GAL TE MNGON PAR BRJOD PA CAN GYI RTOGS PA NI SHES PA YIN LA, DE YANG CHOS CAN MA YIN NAM, GANG GIS DE'I CHOS NYID KYANG DE 'GEGS PAR BYED PA DE LTAR 'BREL PA MED PA RJOD PA'I PHYIR CHOS CAN GZHAN DU THAL BAR 'GYUR BA YANG MA YIN NO, ,DE BZHIN DU GAL TE MNGON SUM RTOG PA DANG BRAL BA YIN NA, DE JI LTAR MNGON SUM GYI SGRAS BRJOD CES RTOG PA DANG, BRAL BA'I DON BRJOD PAR BYA BA MA YIN PA'I DON YIN NO SNYAM DU BSAMS NAS BHA TRE DANG BHA RA DHVA DZA LA SOGS PA GZHAN KLAN KA BYED DO ZHES GRAGS TE, 'DI THAMS CAD KYANG GSAL BA YIN NO ZHES SBYAR BAR BYA BA'I PHYIR, DE LTAR GANG TSE ZHES BYA BA LA SOGS PA SMOS TE, DE'I BDAG NYID DGAG PA ZHES BYA BA NI GANG LA RTOG PA 'DI MED PA DE NI MNGON SUM YIN NO ZHES BYA BA'I GZHUNG 'DIS MTSAN NYID MDZAD PA DE'I BDAG NYID 'GEGS PAR MDZAD PA YIN NO, ,DE LTA BUR GYUR BA'I RTOG PA'I BDAG NYID SHES PA GANG LA MED PA ZHES BYA BA'I DON YIN GYI, BRTEN PA 'GEGS PA MA YIN PA'I PHYIR RE ZHIG DANG POR KLAN KA MA YIN NO, ,GNYIS PA YANG KLAN KA MA YIN PA NYID DE, RTOG PA DANG BRAL BA'I DON BRJOD PAR BYA BA MA YIN PA'I DON DU BRJOD PA NI MA YIN NO, ,'O NA CI ZHE NA, RTOG PA MED PA'I DON YIN NO, ,GAL

TE YANG RTOG PA MED PAR ZHES BYA BA'I SHES RAB MNGON PAR ZHEN PA'I NGOR BYAS NAS SGRAS BRJOD PA DE LTA NA YANG GZUGS LA SOGS PA BZHIN DU RTOG PA DANG BCAS PAR 'GYUR BA MA YIN PA'I PHYIR 'DI NI CIR YANG MA YIN NO 'DI SNYAM DU, JI SKAD DU BSHAD PA'I RTOG PA DE LTA BU YIN PA NI BLA STE SHES PA CI LTAR RTOG PA DANG BRAL BAR 'GYUR ZHE NA, MNGON SUM RTOG PA DANG BRAL BAR ZHES BYA BA SMOS TE, 'DIS NI RANG RIG PA'I MNGON SUM GYIS RTOG PA DANG BRAL BAR GYUR BA YIN NO ZHES BSTAN PA YIN NO, ,'DI SNYAM DU GZHAN LA SPANGS PA'I RNAM PAR RTOG PAS 'DI NYID MDUN NA GNAS PA SNGON PO LA SOGS PA RTOGS PA YIN NO SNYAM DU SEMS NA, RNAM PAR RTOG PA 'DI NYID NI ZHES BYA BA LA SOGS PA SMOS TE, GAL TE RNAM PAR RTOG PA DE NYID DON DE RTOGS PAR BYED PA YIN NO, ,DE'I TSE 'DAS PA LA SOGS PA DON RJOD PAR BYED PA 'GAGS PAS SNGON PO LA SOGS PA DE NYID MING DANG SBYOR BAR BYED DE, GCIG LA BRJOD PAS GNYIS DANG 'DRES PAR RTOGS PA MED PA'I PHYIR 'DAS PA LA SOGS PA'I BRJOD PA 'GAG PA ZHES BSHAD DO, ,MNGON DU GYUR PA DE'I MING NI DE MING NGO, ,DE SBYOR BA NA BSRE BA STE DER 'GYUR BA NI THOB PA STE THAL BAR 'GYUR BA'I PHYIR ZHES BYA BA'I THA TSIG GO, ,'DI SNYAM DU RNAM PAR RTOG PA GZHAN NYID DE'I TSE DON DE RTOGS PAR BYED DO ZHES BYA BA DE LTA BUR CI'I PHYIR SHES PAR BYED SNYAM NA, DE'I MING DANG ZHES BYA BA LA SOGS PA SMOS TE, 'DIS NI RNAM PAR RTOG PA GNYIS CIG CAR 'BYUNG BA DAM BCAS NI GO RIMS BZHIN DU MNGON SUM DANG 'GAL BA DANG KHAS BLANGS PA DANG 'GAL BAR BSHAD DO, ,GNYIS ZHES BYA BA LA RNAM PAR RTOG PAR ZHES BYA BA LHAG MA'O, RNAM RTOG CES BYA BA LA SOGS PAS MJUG SDUD PAR BYED DO, ,RNAM PAR RTOG PA LHAN CIG TU 'BYUNG BA NYID MA GRUB PO SNYAM DU RES 'GA' PHA ROL PO SMRA BA DE'I PHYIR DE'I DOGS PA BSU NAS, RNAM PAR SHES PA ZHES BYA BA LA SOGS PA SMOS SO, ,GAL TE RIM GYIS SKYE BA YIN NA JI LTAR DE CIG CAR RIGS PAR 'GYUR ZHE NA, MGAL ME BZHIN DU MGYOGS PAR 'BYUNG, ,ZHES BYA BA LA SOGS PA SMOS TE, MGAL ME LTA BU'I MGAL ME BZHIN TE, DPER NA MGAL ME LA MYUR DU

, ,BSKOR BA'I PHYIR CIG CAR 'KHOR LO'I RNAM PAR SHES TE, DE LA LTA BA RNAMS SBYOR BA NYID KYI PHYIR RO, ,DE BZHIN DU SHES PA RNAMS MGYOGS PAR 'BYUNG BA'I PHYIR CIG CAR 'BYUNG BA RLOM PA YIN NO, ,RNAM PA GCIG TU NA MGAL ME'I SGRAS YUL CAN GYI SHES PA LA YUL NYE BAR BTAGS PA'I PHYIR DE'I YUL CAN GYI SHES PA BRJOD LA GZHAN NI SNGA MA BZHIN NO, ,MA YIN ZHES BYA BA NI PHYOGS SNGA MA SPONG BAR BYED PA YIN NO, ,'DI SNYAM DU SEMS TE, 'DIR CIG CAR 'BYUNG BA SGRUB PAR BYED PA'I SKABS NI MA YIN NO, ,'O NA CI ZHE NA, BLO RTOG PA DANG BRAL BAR 'GRUB PA'I SKABS YIN NO, ,DE YANG YID GZHAN DU SONG BA LA YANG MNGON DU GYUR BA'I DNGOS PO NYAMS SU MYONG BA'I DUS NA DE'I MING DANG BSRE BA'I RNAM PAR RTOG PA DMIGS PA MTSAN NYID KYI RGYUR GYUR PA MA DMIGS PAS 'GRUB PA ZHES BYA BA 'DI LA SKYON CUNG ZAD MA BRJOD DE, 'DI LTAR GAL TE NYES PAR RIM GYIS RIG PAR BYA BA YIN GYI, RNAM PAR RTOG PA NI RIG PAR BYA BA MA YIN NO ZHES BYA BA'I SKABS LA GNOD PA MED DO, ,CIG CAR 'BYUNG BAR RLOM PA 'DI YANG 'KHRUL PA MA YIN NO ZHES BSTAN PA'I PHYIR, DE NI RLOM PA YANG ZHES BYA BA LA SOGS PA SMOS TE, 'KHRUL PA MA YIN ZHES SKABS DANG SBYAR BAR BYA'O, , DE NI RLOM PA ZHES BYA BA NI CIG CAR 'BYUNG BA DE'I RLOM PA ZHES TSIG RNAM PAR SBYAR RO, ,GNOD PAR BYED PA'I TSAD MA'I DBANG GIS 'KHRUL PAR RNAM PAR GZHAG LA GANG GIS 'KHRUL PAR 'GYUR BA 'DI LA GNOD PA BYED PA'I TSAD MA YOD PA YANG MA YIN NO, ,JI LTAR MED CE NA, DE NI BAR MED PAR GSAL TE ZHES BYA BA SMOS TE, DE NI STE MNGON DU GYUR BA'I DON RIG PA BAR MED PA STE, YUL GZHAN LA YENGS PA'I SEMS DANG DUS MTSUNGS PAR GSAL BAR NYAMS SU MYONG LA DE NYID SNANG BA'I DON RNAM PAR SHES PA NI MNGON SUM DU RJOD PA'I PHYIR GA LAS 'KHRUL PA YIN CIG CAR 'BYUNG BA 'KHRUL PA NYID DU RNAM PAR GZHAG PA LA GRUB PAR BYED PA CUNG ZAD KYANG YOD PA MA YIN PA 'BA' ZHIG TU MA ZAD KYI, SLAR YANG GNOD PAR BYED PA NYID YOD DO ZHES BSTAN PA'I PHYIR, GAR MKHAN ZHES BYA BA LA SOGS PA SMOS TE, BLO RE RE BLO LDAN LNGAS BAR DU BCAD PA NA YANG GAR MKHAN LA BLTA BA LA SOGS PA'I GNAS

SKABS NA BAR MCHOD PA NYID DU SNANG STE, 'DI LTAR GANG KHO NA'I CHE GAR MKHAN MTHONG BA DE KHO NA'I TSE GLU LA SOGS PA'I SGRA THOS PA DANG, GA PUR LA SOGS PA'I RO MYANG BA DANG SNA BUG TU CHUD PA'I ME TOG LA SOGS PA'I DRI SNOM PA DANG RLUNG YAB LA SOGS PA'I REG BYA LA REG PA DANG, GOS DANG RGYAN SBYIN PA LA SOGS PA SEMS PAR BYED DE, DE LTA YIN DANG MANG PO DAG GIS BAR DU CHOD NA YANG MGYOGS PAR 'BYUNG BA'I STOBS KYIS BLO RNAMS CIG CAR 'BYUNG BA 'KHRUL PA SKYE BA DE'I TSE LCUG MA DANG LA DANG MTSO DANG RO ZHES BYA BA DE LTA BU LA SOGS PA LA SHES PA RE RES PAR DU CHOD PA'I PHYIR YI GE THOS PA RNAMS SHIN TU MYUR BAR 'JUG PA YOD PA'I PHYIR YI GE CIG CAR SNANG BAR 'GYUR LA, DE LTA YIN DANG MTSO DANG RO ZHES BYA BA LA SOGS PA'I SGRA THOS PA NA THOS PA THA DAD PA'I RTOG PA THA DAD PAR MI 'GYUR RO, ,GZHAN YANG RIGS MI MTHUN PA'I MING GI RNAM PAR SHES PA LA SOGS PAS BAR MA CHOD PA'I RNAM PA DU MA'I RTEN SEMS PA'I NGO BO'I RNAM PAR RTOG PA LA 'BA' ZHIG SKYE BA NA MGYOGS PAR 'JUG PA YOD PA'I PHYIR, RIM GYIS NGES PAR MI 'GYUR TE, BLO THAMS CAD SKAD CIG MA NYID KYIS YUN RING DU MI GNAS PA'I PHYIR MGYOGS PAR 'JUG PA YOD PAS DON 'GA' YANG RIM PA DANG LDAN PAR RTOGS PAR MI 'GYUR RO, ,SGRA LA SOGS PA'I BLO BZHIN DU ZHES BYA BA NI GAR MKHAN LA LTA BA'I GNAS SKABS NA SGRA LA SOGS PA RIG PA BZHIN NO, ,GANG YANG MGAL ME BZHIN NO ZHES BYA BA'I DPE 'DI NI BSGRUB BYAS STONG PA YIN NO ZHES BSTAN PA'I PHYIR, MGAL ME YANG ZHES BYA BA LA SOGS PA SMOS TE, GANG GI PHYIR 'DI NI RIM PA DANG LDAN PAR MTHONG BAR SBYOR BA SKYE BA'I YID KYI 'KHRUL BA NI MA YIN NO, ,'O NA CI ZHE NA, CIG CAR DBANG PO LAS SKYES PA'I 'KHOR LO'I RNAM PA CAN GYI 'KHRUL PA TSOGS PA'I KHYAD PAR GYI STOBS KYIS GCIG NYID SKYE BA YIN TE, GSAL BAR SNANG BA'I PHYIR RO, , RNAM PAR RTOG PA'I RJES SU 'BREL PA LA GSAL BAR SNANG BA NYID RIGS PA MA YIN TE, 'DI LTAR SBYOR BAR BYED PA NI DRAN PA NYID KYIS BYED KYI DBANG PO'I SHES PAS NI MA YIN TE, DE NI DNGOS PO NYE BA'I STOBS KYIS 'BYUNG BAS 'DAS PA'I DON 'DZIN PA'I NUS PA MED PA'I PHYIR RO, ,DRAN PA'I YUL GANG YIN

, ,PA DE NI GSAL BA MA YIN TE, CI'I PHYIR ZHE NA, ZHIG PA'I PHYIR RO, ,DE LTA BAS NA MI GSAL BAR SNANG BAR THAL BAR 'GYUR BA'I PHYIR 'DI YID KYI 'KHRUL PA NI MA YIN NO, ,'O NA CI'I PHYIR ZHE NA, DBANG PO LAS SKYES PA STE, DE'I PHYIR DPE BSGRUB BYAS STONG PA YIN NO; ,DE LTAR MNGON SUM GYIS BLO RTOGS PA DANG BRAL BAR BSGRUBS NAS, DA NI RJES SU DPAG PAS SGRUB PAR BYED PA NI, YANG NA ZHES BYA BA LA SOGS PA'O, ,SBYOR BA NI GANG ZHIG GANG GI NGO BOR RNAM PAR GZHAG PA'I RGYU MTSAN MED PA DE NI THA SNYAD 'DOGS PA PO RTOG PA DANG LDAN PA RNAMS KYIS DE LTAR RNAM PAR GZHAG PAR BYA BA MA YIN TE, DPER NA BA LANG DU THA SNYAD GDAGS PA'I RGYU MTSAN DU GYUR BA'I LKOG SHAL LA SOGS PA MED PA RTA DANG BA LA BA LANG NYID BZHIN NO, ,SNGON PO LA SOGS PA THUN MONG MA YIN PA'I YUL GYI STOBS LAS BYUNG BA'I MNGON SUM LA YANG RNAM PAR RTOG PA GZHAN PA'I RGYU MTSAN KHYAD PAR DANG KHYAD PAR CAN GYI DON 'DZIN PA YOD PA MA YIN NO ZHES BYA BA'I RGYU MI DMIGS PA'O, ,CHOS MI MTHUN PA NI KHRA BO DANG KHU YU LA SOGS PA'O, ,RNAM PA THAMS CAD DU THAMS CAD RNAM PAR 'JOG PAR THAL BAR 'GYUR BA DANG RNAM PAR 'JOG NA YANG RTOG PA SNGON DU GTONG BA NYID MA YIN PAR THAL BAR 'GYUR BA NI GNOD PA CAN GYI TSAD MA'O ZHES BYA BA NI SPYI'I DON TO, ,DANG PA NI RTA DKAR PO'O, ,RIGS LA SOGS PA BKAG PA'I PHYIR ZHES BYA BA NI KHYAD PAR ZHES BYA BA LHAG MA'O, ,RIGS LA SOGS PA DNGOS POR GYUR PA YOD KYANG BLA STE, DE LTA NA YANG MA GRUB PA MA YIN NO ZHES BSTAN PA'I PHYIR, THA DAD DU NI MA BCAD PHYIR, , ZHES BYA BA SMOS TE, KHYAD PAR NYID DU MNGON PAR 'DOD PA'I GZUGS LA SOGS PA LAS ZHES KHONG NAS DRANG NGO, ,GAL TE RIGS THA DAD DU MA BCAD PA DE LTA NA YANG CI'I PHYIR KHYAD PAR DU MI 'GYUR ZHE NA, DE LTAR KHYAD PAR YOD MA YIN, ,ZHES BYA BA SMOS TE, DE LTAR ZHES BYA BA THA SNYAD DU MA BCAD NA'O, ,DE LTA BAS NA KHYAD PAR KHYAD PAR CAN GYI DON 'DZIN PA YOD PA YANG MA YIN NO ZHES BYA BA'I GTAN TSIGS 'DI MA GRUB PA NYID MA YIN NO, ,'DI SNYAM DU RIGS LA SOGS PA KHYAD PAR MA YIN MOD, SGRA'I RANG BZHIN NYID KHYAD PAR DU 'GYUR BA YIN NO SNYAM DU SEMS NA, SGRA'I RANG BZHIN NYID CES BYA BA LA SOGS PA

SMOS TE, RANG GI MTSAN NYID LA BRDA BYED PA MA YIN LA SGRA RANG GI MTSAN NYID LA YANG MA YIN TE, DE DAG NA THA SNYAD KYI DUS SU RJES SU MI 'GRO BA'I PHYIR RO, ,RANG GI MTSAN NYID LAS MA GTOGS PA SGRA'I RANG GI NGO BO GZHAN YOD PA MA YIN LA, BRDA MA BYAS PA'I DON LA SGRAS SBYAR BAR BYA BA YANG MA YIN TE, HA CANG THAL BAR 'GYUR BA'I PHYIR RO, ,SGRA SBYAR BA MED PA'I RNAM PAR RTOG PA YANG MED DE, DE LTA BAS NA BRJOD PAR BYA BA DANG RJOD PAR BYED PA'I DNGOS PO NI SGRO BTAGS PA NYID YIN GYI, DON DAM PA NI MA YIN NO, ,'DI SNYAM DU 'O NA MNGON SUM GYIS SGRO BTAGS PA NYID KYI DON RTOGS PA NI RTOG PA DANG BCAS PA NYID DU 'GYUR RO SNYAM DU SEMS NA, MNGON SUM GYIS NI ZHES BYA BA LA SOGS PA SMOS TE, DE NI MED PAS ZHES BYA BA NI DE YANG LDOG PA YIN PHYIR ZHES BYA BA DANG 'BREL TO, ,DE STE RANG GI MTSAN NYID MED PA LAS DE YANG STE MNGON SUM GYIS LDOG PA YIN TE, MED PA'I PHYIR RO ZHES BYA BA'I THA TSIG GO, ,GANG GI TSE RANG GI MTSAN NYID MED CE NA, CHOD PA LA SOGS PA SRID PHYIR, ,ZHES BYA BA LA SOGS PA SMOS TE, SOGS PA'I SGRAS NI YUL DANG DUS KYIS BSKAL PA LA SOGS PA'O, ,GZHAN LA BRTEN MIN ZHES BYA BA LA SOGS PAS TSAD MA GZHAN YANG 'CHAD DE, SNGON PO LA SOGS PA'I BDAG NYID KYI RANG BZHIN LA BRDA MI NUS PA NI BRDA BYA BAR MI NUS PA'O, ,JI LTAR ZHES 'DRIN RGYU BSHAD PA, GZHAN LA BRTEN MIN ZHES BYA BA STE, GZHAN LA BRTEN MIN NI THUN MONG MA YIN PA STE, THA SNYAD KYI DUS SU MI GNAS PA ZHES BYA BA'I THA TSIG GO, ,BRDA NI THA SNYAD KYI DON DU YIN PA'I PHYIR 'DI LA SGRAR BYED PA MA YIN NO, ,GZHAN YANG BRDA 'DI YUL DU BYAS PA MA YIN NAM YUL DU MA BYAS PA YIN LA, YIN NA RE ZHIG MNGON SUM MA SKYES PA NI SNGON PO LA SOGS PA'I BDAG NYID YUL DU BYED PA MA YIN LA, SKYES PA NA YANG BRJOD PA BLANGS NAS SBYOR BA MA YIN TE, SKYE BA'I DUS DANG MNGON PAR BRJOD PA 'DZIN PA'I DUS NA SKAD CIG MA NYID YIN PA'I PHYIR YUL MA YIN LA, MNGON SUM YUL CAN YANG MA YIN PA'I PHYIR, GANG GIS GANG DU SBYOR BAR BYED, ,CES BYA BA 'DI LAS KYANG SNGON PO LA SOGS PA'I

, ,BDAG NYID LA BRDA BYA BAR MI NUS SO, ,DE DAG CES BYA BA NI SNGON PO LA SOGS PA'O, ,BRJOD DANG RJES 'BREL CAN MA YIN, ,ZHES BYA BA NI BRJOD PA DANG MI LDAN PA'O, ,DE LA SBYOR BA NI GANG ZHIG GANG LA BRDA MA BZUNG BA DE NI DE LA RTOG PA DANG BCAS PAR 'GYUR BA MA YIN TE, DRIL MIG GI RNAM PAR SHES PA BZHIN NO, ,MNGON SUM GYIS KYANG SNGON PO LA SOGS PA'I BDAG NYID LA BRDA GZUNG BA MA YIN NO ZHES BYA BA NI, KHYAB PAR BYED PA 'GAL BA DMIGS PA'O, ,'ON TE ZHES BYA BA LA SOGS PAS GCER BU PA LEGS PA'I BLO GROS KYI LUGS KYIS GTAN TSIGS DANG PO MA GRUB PAR RTOGS PAR BYED PA YIN TE, DE NI DNGOS PO THAMS CAD SPYI DANG KHYAD PAR GYI BDAG NYID KYIS GNYI GA'I NGO BOR BRJOD LA, SPYI'I NGO BO YANG GNYIS TE, KHYAB PA RNAM PAR CHAD PA NI DPER NA BA LANG NYID LA SOGS PA BZHIN NO, ,RNAM PAR MA CHAD PA NI DPER NA YOD PA DANG DNGOS PO NYID LA SOGS PA BZHIN NO, ,DE LA MA CHAD PA GCIG GI NGO BO GANG YIN PA DE NI TOG PA MED PA LTA BA TZAM GYI MNGON SUM GYI SPYOD YUL YIN LA, GCIG SHOS NI RTOG PA DANG BCAS PA'O ZHES BYA BA 'DI NI DE DAG GI LUGS YIN NO, ,GZHON NU MA LEN GYIS NI LTA BA'I SHES PA RTOG PA MED PA GSAL BA RANG GI MTSAN NYID KYI YUL CAN YIN LA, SPYI'I YUL CAN NI RTOG PA DANG BCAS PA'I MNGON SUM DU BRJOD DO, ,'DIR LEGS PA'I BLO GROS DANG GZHON NU MA LEN LA SOGS PAS MNGON PAR 'DOD PA'I LTA BA TZAM GYIS MNGON SUM DGAG PA'I PHYIR, GAL TE DON GZHAN ZHES BYA BA LA SOGS PA SMOS TE, DE SKAD DU SMRAS PA LA DBANG PO'I MDUN NA GNAS PA'I DON TZAM PO DE CI RANG GI NGO BOS DON GZHAN MED PAS KHYAD PAR DU BYAS PA 'DZIN NAM, 'ON TE MA YIN ZHES BYA BA 'DI DRI BAR BYA'O, ,GAL TE 'DI MA YIN NO ZHES SMRA NA, 'DIR BRJOD PA, GAL TE DON GZHAN RNAM GCOD PA'I, ,NGO BOS 'DZIN PA MA YIN NA, ,BRJOD PAR 'DOD PA'I DON GZHAN GANG YIN PA DE LAS RNAM PAR GCAD PA DE LA YOD PA MA YIN NO, ,BRJOD PAR 'DOD PA'I DON LA GNAS PA'I NGO BO GANG YIN PA STE, RANG BZHIN KHYAD PAR CAN GYI DON DE GAL TE 'DZIN PAR 'DOD NA, DE'I TSE DON TZAM 'DZIN PAR 'GYUR BA LAS DON TZAM

GANG YIN PA DE NI DON GZHAN MI SRID PAR RANG BZHIN DANG BRAL BA DE NYID 'DZIN PAR 'GYUR BA'AM, CI STE DE YANG MI 'DZIN PA DE'I TSE 'DZIN PAR MI 'GYUR, MI 'DZIN PA KHO NAR 'GYUR RO, ,BUM PA BZHIN ZHES BYA BA NI DPER BRJOD PA'O, ,DE NYID TSIGS SU BCAD PA GZHAN GYIS BSTAN PA'I PHYIR, GAL TE BUM GZHAN ZHES BYA BA LA SOGS PA SMOS TE, LDOG PA'I MTSAN NYID KYIS BYAS PA'I BUM PA MED PA'I NGO BOS GAL TE BUM PA DE MI 'DZIN NA, DE'I TSE BUM PA TZAM ZHIG 'DZIN PA'AM, DNGUL DANG ZANGS MA LA SOGS PA'I KHYAD PAR 'GA' ZHIG GIS KHYAD PAR DU MA BYAS PA'I BUM PA TZAM ZHIG 'DZIN PAR MI 'GYUR BA'AM, CI STE BUM PA TZAM YAG 'DZIN PAR MI 'GYUR BA DE'I TSE MNGON PAR 'DOD PA 'GA' ZHIG KYANG MI 'DZIN PAR 'GYUR BAS BUM PA'I 'DZIN PAR MI 'GYUR GRANG, DE BZHIN DU KHYAD PAR MA BZUNG BA'I DPE DON 'DI LA YANG DON TZAM 'DZIN PA'AM MI 'DZIN PAR 'GYUR ZHES BYA BAR NGES SO, ,CI STE PHYOGS DANG PO YIN NA, 'DIR SMRAS PA, GZUNG BAR BYA BA GZHAN ZHES BYA BA LA SOGS PA STE, GAL TE DBANG PO'I SHES PA GZHAN LA MED PA'I RANG BZHIN NGO BOS KHYAD PAR DU BYAS PA'I DON 'DZIN PAR 'DOD NA, DE'I TSE RTOG PA DANG BCAS PA NYID DU 'GYUR TE, NGO BO 'GA' ZHIG GIS KHYAD PAR DU BYAS PA'I DON 'DZIN PA'I PHYIR 'DI NI SHING NGO ZHES BYA BA LA SOGS PA'I SHES PA BZHIN NO, ,'DI SNYAM DU GANG ZHIG RANG GI NGO BOS KHYAD PAR CAN DU GZUNG BAR BYA BA DON TZAM ZHES BYA BA CUNG ZAD YOD PA MA YIN NO, ,'O NA CI ZHE NA, KHYOD KYIS KHYAD PAR DU MNGON PAR 'DOD PA KHYAD PAR CAN GYI NGO BO GANG YIN PA DE NYID YOD PA YANG YIN LA 'DZIN PA YANG YIN NO SNYAM NA, DE'I PHYIR, SPYI YIS REG PA MA YIN PA'I, ,KHYAD PAR 'GA' YANG YOD MA YIN, ,ZHES BYA BA SMOS TE, GANG ZHIG YOD PA ZHES BYA BAS BRJOD PA DON TZAM ZHES BYA BA SPYIR BRJOD DE, GANG ZHIG GZUNG BAR BYA BA DE LA LTOS PA MED PA'I KHYAD PAR 'GA' YANG YOD PA MA YIN NO, ,DE LA 'DI SNYAM DU KHYOD KYI LUGS KYIS GAL TE SPYI DE YOD NA YANG 'DZIN PA'I DUS SU DE LA MI REG GO ZHE NA, GAL TE 'DZIN TSE DE MA REG ,DNGOS POR MED PHYIR GZUNG BYA'AM, ,ZHES BYA BA SMOS TE, GAL TE

10a

, ,YOD PA ZHES BYA BA'I PHYIR DE 'DZIN PA'I DUS NA DBANG PO'I SHES PAS MI REG GI KHYAD PAR TZAM NYID 'DZIN PA DE'I TSE, KHYAD PAR TZAM 'DZIN PA DE NI YOD PA ZHES BYA BA'I DNGOS PO DANG BRAL BAR RANG BZHIN GYIS STONG PA RANG BZHIN MED PAR 'GYUR BA'I PHYIR DBANG PO'I SHES PA'I GZUNG BAR BYA BAR MI 'GYUR RO, ,DNGOS PO MED PA'I PHYIR TE, DNGOS PO DANG BRAL BA'I PHYIR NAM MKHA'I ME TOG BZHIN NO ZHES BYA BA'O, ,DE LTA BAS NA KHYAD PAR CAN GYI YUL CAN GYI BLO YIN ZHING YANG RTOG PA YANG MA YIN NO ZHES TSAD MAS GNOD PA KHAS LEN PA NA KHYOD KYI 'DI GZU LUMS YIN NO ZHES MJUG SDUD PA YIN NO, ,'DI NYID LA 'THAD PA BSHAD PA, KHYAD PAR 'BREL BA ZHES BYA BA LA SOGS PA SMOS TE, DBYIG PA DANG 'BREL PA MED PAR DE DANG LDAN PAR 'GYUR BA MA YIN PA DE BZHIN DU KHYAD PAR DANG 'BREL BA CAN YANG RIGS PA MA YIN NO SNYAM DU BSAMS PA YIN NO, ,DE LTA BAS NA GANG ZHIG KHYAD PAR DANG 'BREL PA 'DZIN PA DE NI RTOG PA DANG BCAS PA ZHES BYA'O, ,SBYOR BA NI RTZOD PA'I GZHIR GYUR BA'I KHYAD PAR CAN GYI YUL CAN GYI SHES PA NI RTOG PA DANG BCAS PA YIN TE, KHYAD PAR CAN GYI YUL CAN YIN PA'I PHYIR 'DI BUM PA'O SNYAM PA SOGS PA'I SHES PA BZHIN NO, ,RIGS MTHUN RIGS MA MTHUN ZHES BYA BA LA SOGS PAS LAN 'DEBS PAR BYED DE, DE'I PHYIR 'DIR GAL TE THA DAD PA'I PHYIR KHYAD PAR DANG 'BREL BA LAS KHYAD PAR CAN GYI YUL CAN YIN PA'I PHYIR ZHES BYA BA GTAN TSIGS KYI DON YIN NA, DE'I TSE GTAN TSIGS MA GRUB PA YIN TE, 'DI LTAR GANG GIS DE DANG 'BREL BA GZUNG BA LAS KHYAD PAR CAN GYI YUL CAN GYI SHES PAR 'GYUR BA SANGS RGYAS PA LA KHYAD PAR ZHES BYA BA CUNG ZAD YOD PA NI MA YIN NO, ,'O NA CI ZHIG NA, RIGS MTHUN PA DAG LAS LDOG PA'I DON TZAM 'DZIN PAS KHYAD PAR GYI YUL CAN GYI SHES PA 'DZIN PAR 'DOD PA DE KHAS LEN PA YIN NO, ,'O NA 'DI NI KHYAD PAR YIN NO, ,'DI NI KHYAD PAR CAN NYID YIN NO ZHES BYA BA LA SOGS PA'I THA SNYAD DANG THA DAD PA JI LTAR YIN ZHE NA, THA DAD CES BYA BA LA SOGS PA SMOS TE, THA DAD PA NI RIGS MTHUN PA DANG RIGS MI MTHUN PA DAG LAS LDOG PA YIN LA,

10b

DE YANG LOG PA LAS GZHAN MA YIN NO, ,DNGOS PO NYID KHYAD PAR GZHAN SPANGS NAS DE TZAM SHES PAR 'DOD PA NA DE SKAD CES BYA'O, ,'DI SNYAM DU GAL TE RIGS MTHUN PA DANG RIGS MI MTHUN PA DAG LAS THA DAD PA'I DNGOS PO 'DZIN NA 'O NA 'DZIN PA NGES PAR RTOGS PA DANG BCAS PAR 'GYUR TE, 'DIR THA DAD PA YIN NO ZHES BYA BA DE LTA BU'I RNAM PAR 'JUG PA'I PHYIR RO, ,DE LTA MA YIN NA JI LTAR 'DI'I YUL DU 'GYUR, GAL TE GZHAN GYI RNAM PAS 'JUG PAR 'GYUR NA, GZHAN GYI RNAM PAS 'JUG PA NI DE'I YUL CAN DU RIGS PA MA YIN TE, HA CAN THAL BAR 'GYUR BA'I PHYIR ZHES DOGS PA BSU NAS, DE NI THA DAD CES SGRA DANG, ,ZHES BYA BA LA SOGS PA SMOS TE, 'O NA JI LTAR THA DAD CES BRJOD CING, RANG BZHIN LAS GZHAN ZHES BYA BA LA SOGS PA SMOS TE, RANG BZHIN LAS GZHAN PA DNGOS PO MA LUS PA GANG DAG YIN PA DE DAG LAS LDOG PA THA DAD PA GZUNG BA NA THUN MONG MA YIN PA'I SNGON PO LA SOGS PA'I RNAM PAR SNANG BA'I PHYIR THA DAD PAR NGES PA'I SGRA'I RNAM PA'I RJES SU BYED PA THA DAD PA ZHES BRJOD PA CAN GYI RNAM PAR RTOG PA SKYE BA YIN NO, ,GANG GIS THA DAD PA ZHES MING SBYOR BA MA BZUNG BA NA MI 'DZIN PAR 'GYUR BA DNGOS PO BRJOD PA'I RANG BZHIN NAM DE DANG LDAN PA'I BDAG NYID KYANG MA YIN NO, ,DE LTA BAS NA GTAN TSIGS MA GRUB PA NYID YIN NO, ,CI STE DOGS PA'I DBANG GIS KHYAD PAR DU BYAS PA'I KHYAD PAR CAN GYI YUL CAN NYID YIN PA'I PHYIR ZHES BYA BA GTAN TSIGS KYI DON YIN NA, KHYAD PAR DON GZHAN DANG 'BREL BA MED PA'I PHYIR, DE'I TSE YANG RANG NYID KYIS GTAN TSIGS MA NGES PA YIN NO ZHES BSTAN PA'I PHYIR, GZHAN GYIS BYI NI ZHES BYA BA LA SOGS PA SMOS TE, SPYI'I NGO BO NI GNYIS TE, KHYAD PAR GYI RNAM PAR BCAD PA'I NGO BO DANG, RNAM PAR MA BCAD PA'I NGO BO'O, ,DE LA RNAM PAR BCAD PA'I NGO BO GANG YIN PA DE NI RNAM PAR RTOG PA MED PA'I SHES PA'I GZUNG BAR BYA BA 'DOD DO, ,DE LA YANG NI SPYI LA'O, ,'DI DANG RNAM PAR RTOG PA NI SHES PAS GZUNG BAR BYA BA 'DI DANG MTSUNGS SO, ,JI LTAR ZHE NA, CI DE KHYAD PAR NYID LAS NI, ,ZHES BYA BA LA SOGS PA SMOS TE, GANG GI PHYIR KHYAD PAR LAS KHYAD PAR CAN DE LDOG PA'I

11a

, ,PHYIR RTOGS TE, DE LTA MA YIN TE, GAL TE DES MI LDOG NA NI SPYI NYID DU MI 'GYUR RO, ,DE LTA YIN DANG SPYI 'DI KHYAD PAR LAS LDOG PAR 'DZIN PA'I SHES PA RTOG PA DANG BCAS PAR 'GYUR TE, KHYAD PAR GYI YUL CAN YIN PA'I PHYIR RO, ,KHYED KYI LUGS KYIS 'GYUR BA YANG MA YIN TE, DE LTA BAS NA RANG NYID KYIS MA NGES PA YIN NO, ,'DIR LEGS PA'I BLO GROS DE NYID KYIS RANG NYID KYI DOGS PA BSU NAS, PHYIS GTAN TSIGS MA NGES PA NYID KYIS LAN 'DEBS PAR BYED PAR GRAG GO, ,DE NYID STON PA NI, GAL TE KHYAD PAR MED CES BYA BA LA SOGS PA'O, , GANG ZHIG RANG GI NGO BO'I KHYAD PAR CAN BZUNG BA NA RTOG PA DANG BCAS PA'I SHES PA'I SPYOD YUL DU 'GYUR BA KHYAD PAR DAG LAS MA GTOGS PA'I RANG GI NGO BO SPYI ZHES BYA BA NI CUNG ZAD KYANG YOD PA MA YIN GYI 'ON KYANG KHYAD PAR MED PAR GZUNG BA'I THA DAD PA NYID SPYI ZHES BYA'O, ,SO SOR NGES PA'I RANG GI NGO BO LA LTOS PA MED PAR RTOGS PA NI SPYI'I SGRAS BRJOD PAR BYA BA YIN NO ZHES BYA BA'I THA TSIG GO, ,DE LTA YIN DANG GANG GIS TE 'DZIN PAR BYED PA RTOG PA DANG BCAS PAR 'GYUR BA KHYAD PAR DE LAS SPYI KHYAD PAR CAN NYID GA LAS YIN, 'O NA JI LTAR SPYI DANG KHYAD PAR DAG MA 'CHOL BA NYID DU RNAM PAR GZHAG CE NA, MI 'DRA BA DANG MTSUNGS PA YI, ,ZHES BYA BA LA SOGS PA SMOS TE, THA DAD PA DE DAG NYID 'DRA BA DANG MI 'DRA BA NYID KYIS SHES PAR BYA BA GO RIMS BZHIN DU SPYI DANG KHYAD PAR NYAMS SU MYONG BA BRJOD PA NYAMS SU MYONG NAS SPYI DANG KHYAD PAR GYI THA SNYAD DAG YUL THA DAD PAR RTOGS PAR BYED DO, ,GAL TE 'DRA DANG MI 'DRA BA'I, ,ZHES BYA BA LA SOGS PAS LAN 'DEBS PAR BYED DO, ,THA DAD PA ZHES BYA BAR NI MA 'DRES PA'O, ,SPYI YANG GZHAN NYID YIN LA, KHYAD PAR YANG GZHAN NYID YIN NO ZHES BYA BA'I THA TSIG GO, ,SPYI KHYAD PAR LAS KHYAD PAR CAN YIN ZHES BYA BA NI NYE BAR MTSON PA TZAM YIN TE, DE BZHIN DU KHYAD PAR YANG SPYI LAS KHYAD PAR CAN NYID YIN NO, ,GNYI GA YANG PHAN TSUN RANG GI NGO BOS DBEN PAS THA DAD PA'I PHYIR RO, ,MA 'CHOL BAR GNAS ZHES BYA BA MA 'DRES PAR 'GYUR PA'O, ,JI SKAD DU LEGS PA'I BLO GROS DE NYID KYIS YOD PA LA SOGS PA'I PHYIR SPYI'I RANG BZHIN

11b

DANG LDAN PA NYID KYIS KHYAD PAR MNGON SUM DU BYED KYI, RNAM PA GZHAN DU MA YIN TE, DE'I PHYIR KHYAD PAR RNAM PAR RTOG PA'I YUL NYID KYI NGO BOR RIGS KYI SPYI NI KHYAD PAR MA LUS PA LAS LTOS PA MED PAR MNGON SUM DU BYA BAR NUS PA'I PHYIR 'DI RTOG PA MED PA'I YUL NYID DU 'GAL BA MED DO ZHES BSHAD PA LTA BU STE, 'DIR MA 'CHOL BAR GNAS PAR MI 'GYUR RO, ,THA DAD PAR YANG MA YIN LA DBYER MED PAR YANG MA YIN PAR 'DOD DO ZHE NA, PHAN TSUN ZHES BYA BA LA SOGS PA SMOS TE, PHAN TSUN SPANGS TE GNAS PA'I MTSAN NYID RNAMS NI RANG BZHIN GCIG DGAG PA RANG BZHIN GZHAN SGRUB PA MED NA MI 'BYUNG BA'I PHYIR PHUNG PO GZHAN YOD PA MA YIN NO, ,GZHAN YANG KHYAD PAR MED PA GZUNG BA DANG THA DAD PA ZHES BYA BA PHAN TSUN 'GAL BA YIN NO ZHES BSTAN PA'I PHYIR, KHYAD PAR BDAG NYID MA GTOGS PA'I ZHES BYA BA LA SOGS PA SMOS TE, THA DAD PA DAG LAS KHYAD PAR GZHAN MA YIN TE, KHYAD PAR DE YANG SPYI 'DZIN PA'I SHES PAS MA REG NA JI LTAR THA DAD PA DAG NGES PAR 'DZIN PAR 'GYUR, MA BZUNG NA NI DNGOS PO THA MI DAD PA'I PHYIR DE DAG KYANG MI 'DZIN PA NYID DO SNYAM DU BSAMS PA YIN NO, ,CI STE 'DZIN PA ZHES BYA BAR 'DOD NA DE'I TSE DE'I NGO BOS REG NA STE, THA DAD PA'I NGO BOS REG NA BZUNG NA GZUNG BA DANG THA MI DAD PA'I PHYIR BZUNG BA'I RANG GI NGO BO BZHIN DU KHYAD PAR YANG BZUNG BA NYID YIN PA'I PHYIR THA DAD PA 'DI DAG LA SPYI DANG KHYAD PAR NYID DU MNGON PAR 'DOD PA'I SHES PA GANG YIN PA DE RNAM PAR RTOG PAR 'GYUR RO, ,GZHAN YANG SPYI'I KHYAD PAR DANG THA MI DAD PA'I PHYIR TE DE LAS KHYAD PAR CAN NYID DU MA GYUR MOD, DE LTA NA YANG RI BONG GI RVA LA SOGS PA NYE BAR BRJOD PA MED PA LAS, DE KHYAD PAR CAN NYID YIN PA'I PHYIR RNAM PAR RTOG PA'I SHES PA GZUNG BAR BYA BAR 'GYUR BA MA YIN TE, DE LTA BAS NA MA NGES PA NYID YIN NO ZHES BSTAN PA'I PHYIR, GANG PHYIR NYE BAR RJOD BYED LAS, ,ZHES BYA BA LA SOGS PA SMOS TE, 'DI SNYAM DU SPYI DE DNGOS PO MED PA LAS KHYAD PAR YOD PA MA YIN LA 'DRA BA YANG MA YIN TE, 'DI LTAR MED PA GANG YIN PA DE NI CI YANG MA YIN PAR BRTAG PA DE 'DRA BA DE YANG SPYI LAS KHYAD PAR CAN NYID MA YIN LA

12a

, ,MTSUNGS PA YANG MA YIN TE, DNGOS PO NYID DU THAL BAR 'GYUR BA'I PHYIR RO, ,'DI LTAR GAL TE STONG PA ZHES DE SPYI LAS KHYAD PAR CAN DU 'GYUR BA DE YANG DNGOS PO NYID DU 'GYUR TE, DNGOS PO MED PA LA NI KHYAD PAR DU BRJOD PA'I RANG BZHIN NYID SRID PA MA YIN NO, ,KHYAD PAR DU BRJOD PA'I RANG BZHIN MED PA YANG KHYAD PAR CAN DU BRJOD PAR MI NUS SHING, DNGOS PO NYID DU THAL BAR 'GYUR BA'I PHYIR RO, ,DNGOS PO MED PA LA NI SPYI'I NGO BO 'GA' ZHIG YOD PA MA YIN LA, SPYI'I NGO BO MED PA LAS MTSUNGS PAR RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA BAS NA STONG PA SPYI'I LDOG MTSAMS SU BYAS NAS MTSUNGS PA'AM, KHYAD PAR CAN NYID RIGS PA MA YIN TE, 'DI LTAR GANG ZHIG 'DI LDOG MTSAMS SU BYAS NAS MTSUNGS PA'AM, KHYAD PAR CAN DU 'GYUR BA DES NA DE YANG LDOG MTSAMS DANG MTSUNGS PA DANG MI 'DRA BAR SNANG BAR 'GYUR RO, ,GAL TE LDOG MTSAMS DE DES MTSUNGS PA'AM MI 'DRA BAR SNANG BAR MA GYUR NA, CIG SHOS LDOG MTSAMS DANG LDAN PA YANG MTSUNGS PA'AM MI 'DRA BAR SNANG BAR MI 'GYUR RO, ,GZHAN YANG MED PA ZHES BYA BA DNGOS PO LAS THA DAD PA 'GA' YANG YOD PA MA YIN GYI, DNGOS PO NYID DNGOS PO GZHAN MA YIN PA'I PHYIR DNGOS PO MED PAR BRJOD PA YIN NO, ,DES NA 'DI DAG LAS KHYAD PAR CAN YIN ZHES LEGS PA'I BLO GROS KYIS SMRAS PA, DE THAMS CAD ZHE LA BZHAG NAS, DNGOS POS KHYAD PAR ZHES BYA BA SMOS SO, ,DNGOS PO GANG ZHIG DNGOS PO LAS KHYAD PAR CAN NYID YIN TE, DE NI CUNG ZAD KYANG GZHAN NI MA YIN NO, ,'ON CI ZHE NA, DE'I BDAG NYID MA YIN PA MTSAN NYID THA DAD PA ZHES BYA BA'I THA TSIG GO, ,SPYI DE YANG RI BONG GI RVA LA SOGS PA MED PA LAS MTSUNGS PA NYID YIN TE, 'DI LTAR RI BONG GI RVA LA SOGS PA DON GYI BYA BA BYED PA THAMS CAD BRAL BA'I MTSAN NYID MED PA YIN LA, SPYI NI 'DI LTAR MI 'DOD PA'I PHYIR 'DI DE LAS KHYAD PAR CAN YIN PAR GSAL RAB PA YIN NO, ,DE BAS MED PA LAS KYANG KHYAD PAR CAN DU ZHUGS LA MED PA DNGOS PO NYID DU THAL BAR YANG MI 'GYUR BA'I PHYIR 'DI NI SPYI YANG MA YIN NO, ,GANG YANG MED PA ZHES PA GZHAN NI MA YIN GYI ZHES BYA BA LA

12b

SOGS PA DE LA, DES RANG GIS SMRAS PA'I DON RNAM PAR MA DPYOD PA YIN TE, 'DI LTAR DNGOS PO NYID DNGOS PO GZHAN MA YIN NO ZHES SMRAS PA NA, DE DNGOS PO GZHAN LAS KHYAD PAR CAN DU BSTAN PA YIN TE, DE LAS LDOG PAR BRJOD PA'I PHYIR RO, ,'DI NI RMONGS PA'I RNAM ROL PA YIN PAS HA CANG THAL BAR 'GYUR BAS CHOG GO, ,DE'I PHYIR ZHES BYA BA LA SOGS PAS TSAD MA'I 'BRAS BU NYE BAR SDUD PA YIN NO, ,DANG POR YOD PA'I LTA BA PO, ,ZHES BYA BA LA SOGS PA PAS GZHON NU MA LEN GYI LUGS BSTAN PA'I SGO NAS GANG ZHIG GANG GI NGO BOR RNAM PAR GZHAG PA'I RGYU MTSAN MED DO ZHES BYA BA LA SOGS PA'I GTAN TSIGS KYI SBYOR BA LA PHYOGS KYI PHYOGS GCIG LA MA GRUB PA'I DOGS PA BSU BA YIN NO, ,'DI LTAR MNGON SUM THAMS CAD PHYOGS SU BYAS PA DE LA MNGON SUM ZHES BYA BA'I CHOS CAN THAMS CAD RTOG PA DANG BCAS PA NYID DU RNAM PAR GZHAG PA'I RGYU MTSAN KHYAD PAR DANG KHYAD PAR CAN GYI DON 'DZIN PA MED DO ZHES BYA BA'I GTAN TSIGS 'DI MA GRUB STE, LTA BA LAS MA GTOGS PA'I MNGON SUM GZHAN LA SPYI LA SOGS PA'I KHYAD PAR DANG KHYAD PAR CAN GYI DON 'DZIN PA YOD PA'I PHYIR RO, ,CI STE LTA BA'I SHES PA NYID PHYOGS SU BYAS NAS GTAN TSIGS SU BRJOD NA, DE'I TSE GRUB PA LA SGRUB PA YIN NO SNYAM DU GZHAN DAG SEMS SO, ,BYIS DANG LKUGS SOGS BLO 'DRA BA, ,ZHES BYA BA NI BYIS PA'I SHES PA DANG 'DRA ZHING LKUGS PA LA SOGS PA'I SHES PA DANG 'DRA'O, ,SOGS PA'I SGRAS BRGYAL BA LA SOGS PA GZUNG NGO, ,'DRA BA NI MNGON PAR BRJOD PA'I KHYAD PAR DANG BRAL BA TZAM DU'O, ,DAG PA'I DNGOS PO YANG SPYI GNYIS KYIS DBEN PA'I PHYIR RO, ,DE NYID TSIGS SU BCAD PA GNYIS PAS GSAL BAR BYED PA NI KHYAD PAR CAN MA YIN ZHES BYA BA SMOS TE, KHYAD PAR NI NYI TSE BA'I SPYI STE BA LANG NYID LA SOGS PA'O, ,SPYI ZHES BYA BA NI SPYI CHEN PO STE, DNGOS PO NYID LA SOGS PA'O, ,DE DAG NI GZHIR GYUR PA ZHES BYA BA 'DIS NI DAG PA'I DNGOS PO BSTAN TE, ,DE'I 'OG TU ZHES BYA BA LA SOGS PA GTAN TSIGS PHYOGS KYI PHYOGS GCIG LA MA GRUB PA DE NYID GSAL BAR BYED PA YIN NO, ,DE'I 'OG TU ZHES BYA BA NI DAG PA'I DNGOS PO 'DZIN PA'I DUS PHYIS SO, ,

13a

, ,BLO GANG GIS DNGOS PO NGES PA'I RIGS LA SOGS PA'I KHYAD PAR RNAMS KYIS SO, ,DE YANG MNGON SUM NYID DU 'DOD, ,CES BYA BA DANG, RIGS LA SOGS PA ZHES BYA BA 'DIS NI KHYAD PAR DANG KHYAD PAR CAN GYI DON 'DZIN PA BSTAN TE, 'DIS NI MA RTOGS PA'I DON RTOGS PA PO NYID DANG, GTAN TSIGS KYANG MA GRUB PA NYID DU BSTAN PA YIN NO, ,YANG NA ZHES BYA BA NI SKAD CIG MA GSUM PA LA SOGS PAR RO, ,DE DANG 'BREL PA'I RJES 'BRANGS PA, ,ZHES BYA BA NI DBANG PO DE DANG 'BREL PA'I RJES SU 'BRANG BAS SO, ,JI SNYED CES BYA BA LA MA RTOGS PA'I DON RTOGS PA ZHES BYA BA LHAG MA'O,, 'DI SNYAM DU GAL TE DANG POR DBANG PO'I BYED PA DANG LDAN PA'I DUS SU RIGS LA SOGS PA'I CHOS DANG LDAN PA'I DNGOS PO THAMS CAD MI SNANG NA 'O NA DE DUS PHYIS KYANG SNANG BAR MI 'GYUR TE, KHYAD PAR MED PA'I PHYIR RO SNYAM DU SEMS NA, SNANG BA NAS NI KHYIM PHUGS SU, ,ZHES BYA BA LA SOGS PA SMOS TE, SNANG BA ZHES BYA BA NI 'OD KYIS GSAL BA LAS TE, ZHUGS PA'I MOD LA ZHES BYA BA DANG SBYAR RO, ,DBANG PO YIS, MA RTOGS PA NI MA YIN NAM, ,ZHES BYA BA LA, 'ON KYANG RTOGS PA LO KHO NA'O ZHES BYA BA DRI BAR BLTA BAR BYA'O, ,DE LTAR DPE BSGRUBS NAS DPE'I DON LA NYE BAR BSDU BA'I PHYIR, JI LTAR ZHES BYA BA LA SOGS PA SMOS TE, JI LTAR KHYIM PHUGS SU SNANG BA TZAM RTOGS NA PHYIS SNGON PO LA SOGS PA BYE BRAG TU RTOGS PA DE BZHIN DU SNGAR RANG GI NGO BOS SHES NAS PHYIS RIGS LA SOGS PA'I CHOS BYIS MNGON SUM DANG LDAN PAR 'GYUR BA'I PHYIR SKYON MED DO, ,'ON TE DE LTA NA GAL TE LTA BA'I SHES PA LAS PHYIS YANG NAS YANG DU JI SNYED RTOGS PA DE TSAD MA NYID YIN NA, DE'I TSE GAL TE LTA BA'I SHES PAS 'GA' ZHIG GIS BLTAS NAS PHYIS MIG BTZUMS TE RIG LA SOGS PA'I CHOS KYIS RNAM PAR RTOG PAR BYED PA DE 'DI SNGA NA MED PA'I RTOG PA YOD PA'I PHYIR DE YANG MNGON SUM NYID DU 'GYUR RO ZHE NA, GAL TE 'GA' ZHIG GIS BLTAS NAS ZHES BYA BA LA SOGS PA SMOS TE, BLTAS NAS ZHES BYA BA NI LTA BA'I SHES PAS SHES NAS SO, ,MIG CES BYA BA NI BTZUM BYA DANG RIG CES BYA BA NI BCUMS ZHES BYA BA DANG SBYAR RO, ,'BREL PA'I RJES SU MI 'BRANG PHYIR, ,ZHES BYA BA NI

13b

DBANG PO DANG 'BREL PA'I SGO NAS MA SKYES PA'I PHYIR RO, ,JI SKAD DU, KU M'A LA RI LA NI DE NYID KYIS, ,DE LTAR RNAM RTOG LAM DU MTSUNGS NA YANG, ,GANG DU DBANG PO DANG 'BREL RJES SU 'BRANG, ,DE NI MNGON SUM DE BZHIN 'JIG RTEN NA, ,'DI NI MTSAN NYID MED KYANG RAB TU GRAGS PA YIN, ,ZHES SMRAS PA BZHIN NO, ,DE NI MI RIGS ZHES BYA BA LA SOGS PAS LAN 'DEBS PAR BYED PA YIN TE, 'DZIN PA YANG ZHES BYA BA'I YANG GI SGRAS NI KHAS LEN PA MA YIN TE, RE ZHIG 'GA' ZHIG GI TSE RIGS LA SOGS PA GSAL BA'I PHYIR DE DAG NI MED PA NYID YIN PA'I PHYIR DE 'DZIN PA TSAD MA NYID DU GO BAR GA LA 'GYUR, YOD DU CHUG MOD DE LTA NA YANG DE BZUNG BA NA LTA BA'I SHES PA LAS DUS PHYIS 'BYUNG BA'I SHES PA RNAMS RANG GI MTSAN NYID DU MNGON PAR 'DOD PA'I SHES PA PHYI MA YANG RANG GI MTSAN NYID KYI YUL CAN YIN PA'I PHYIR RTOG PA MED PA NYID YIN TE, RIGS LA SOGS PA RNAMS RANG GI MTSAN NYID LAS THA MI DAD PAR KHAS BLANGS PA'I PHYIR RO SNYAM DU BSAMS PA YIN NO, ,SBYOR BA NI GANG ZHIG RANG GI MTSAN NYID 'DZIN PA DE NI RTOG PA MED PA YIN TE, BLTA BA'I SHES PA BZHIN NO, ,MNGON SUM NYID DU MNGON PAR 'DOD PA'I SHES PA PHYI MA YANG RANG GI MTSAN NYID 'DZIN PA YIN NO ZHES BYA BA NI RANG BZHIN GYI GTAN TSIGS TE, 'DI NI THAL BAR SGRUB PAR BYED PA YIN NO, ,GTAN TSIGS MA NGES PA YANG MA YIN TE, ,GANG GI PHYIR RANG GI MTSAN NYID 'DI NI BRJOD BYA BA MA YIN NO ZHES SNGAR GZHAN SEL BAR BSGRUBS ZIN TO,, ,,MTHUN PA'I PHYOGS LA YOD PA'I PHYIR 'GAL BA YANG MA YIN NO, ,'DI SNYAM DU RIGS TZAM YUL YIN PA'I PHYIR GTAN TSIGS MA GRUB PA NYID YIN NO SNYAM DU SEMS NA, RIGS TZAM ZHES BYA BA LA SOGS PA SMOS TE, KHYAD PAR GCIG TU THA DAD PA NYID DU 'GYUR TE ZHES BYA BA LA KHYAD PAR CAN LAS ZHES BYA LHAG MA'O, ,GZHAN GYIS 'DI 'DOD PA YANG MA YIN ZHES BYA BA NI KHYAD PAR DANG KHYAD PAR GCIG TU THA DAD PA NYID DU CI LTAR MI 'DOD CE NA, JI SKAD BSHAD CES BYA BA SMOS TE, DE NYID KYIS ZHES BYA BA LHAG MA'O, ,DE GANG YIN ZHE NA, GAL TE KHYAD PAR CAN ZHES BYA BA LA SOGS PA SMOS TE, RNAM GRANGS KYI THA DAD PA YANG KHAS LEN PA'I

14a

, ,PHYIR GCIG TU ZHES BSHAD DO, ,'DI LTAR DE NI RIGS LA SOGS PA THA DAD PA DANG THA MI DAD PA'I RANG BZHIN DU 'DOD KYI GCIG TU THA DAD PA MA YIN LA THA MI DAD PA YANG MA YIN NO, ,DE SKAD DU YANG BLO THA DAD PHYIR GZUGS LA SOGS PA GCIG TU THAL BAR 'GYUR BA'AM, GCIG DANG DU MA NYID 'DOD MIN, ,NGO BO YOD SOGS THA DAD PHYIR, ,ZHES BSHAD DO, ,YANG SMRAS PA, RIG 'DI GSAL BA DAG LAS 'DI, ,GZHAN NYID DU NI GNAS PA MIN, ,ZHES SO, ,GZHAN NYID CES BYA BA NI PHA ROL NYID DO, ,RANG DANG RJES MTHUN ZHES BYA BA NI KHYAD PAR GYI RANG GI NGO BO BSGRUB PA'O, ,GANG GI PHYIR NYE BAR BSGRUB PA'I KHYAD PAR CAN 'DZIN PAR BYED PA NI KHYAD PAR ZHES BYA STE, GZHAN DU NA KHYAD PAR DU MI 'THAD PA'I PHYIR RO SNYAM DU BSAMS PA YIN NO, ,JI SKAD DU, GANG GIS RANG BLOS KHYAD PAR CAN, ,SGYUR BYED DE NI KHYAD PAR YIN, ,ZHES BSHAD PA BZHIN NO, ,YANG CI STE, SHES PA PHYI MA RNAMS NI RANG DANG SPYI'I MTSAN NYID KYI YUL CAN NYID KYIS GNYI GA YANG YUL YIN PA'I PHYIR RANG GI MTSAN NYID TZAM 'BA' ZHIG YUL NA SNGA MA STE SNGAR BSHAD PA'I RANG GI MTSAN NYID RIGS PA DE SOGS PA SMOS TE, SHES PA GCIG RANG GI MTSAN NYID DANG SPYI'I MTSAN NYID DAG GIS RIGS PAR BYED PA MA YIN TE, 'DI LTAR SHES PA GCIG PO DE RTOG PA DANG BCAS PA YIN NAM RTOG PA MED PA YIN GRANG, DE LA RTOG PA DANG BCAS PA YIN NA SNGA MA STE SNGAR BSHAD PA'I RANG GI MTSAN NYID RIGS PA DE SHES PAR MI 'GYUR RO, ,GZHAN DNGOS LA ZHES BYA BA NI RTOG PA MED PA'I PHYOGS LA'O, ,PHYI MA'I ZHES BYA BA NI SPYI'I BDAG NYID RIGS PAR MI 'GYUR RO, ,DE LTA YIN NA RE ZHIG RANG GI MTSAN NYID YUL YIN PA'I PHYIR SHES PA PHYI MA RNAMS RTOG PA DANG BCAS PA NYID DU MI 'GYUR BAR BSGRUBS NAS, DA NI RTOG PA DANG BCAS PA NYID YIN DU CHUG MOD DE LTA NA YANG BZUNG ZIN PA 'DZIN PA'I PHYIR DE DAG TSAD MA NYID DU RIGS PA MA YIN NO ZHES BSTAN PA'I PHYIR, GCIG TU GZHAN NYID MED PA'I PHYIR, ,ZHES BYA BA LA SOGS PA SMOS TE, 'DI LTAR RIGS LA SOGS PA GCIG TU GSAL BA LAS GZHAN NYID DU MI 'DOD DE, JI SKAD DU, RIGS SOGS GSAL BA DAG LAS NI, ,GZHAN NYID DU NI

14b

GNAS PA MIN, ,ZHES BSHAD PA LTA BU'O, ,DE LTA YIN DANG DANG PO NYID KYIS LTA BA'I SHES PAS RIGS LA SOGS PA GZUNG BA'I PHYIR DRAN PA'I SHES PA BZHIN DU BZUNG ZIN PA'I DON 'DZIN PA'I PHYIR PHYIS RIGS LA SOGS PA'I CHOS NGES PA'I SHES PA NI TSAD MA MA YIN PA NYID DU RIGS SO, ,SBYOR BA NI GANG BZUNG ZIN PA 'DZIN PA'I SHES PA DE NI TSAD MA MA YIN TE, DRAN PA BZHIN NO, ,MNGON SUM GYI RJES LAS BYUNG BA'I RNAM PAR RTOG PA YANG BZUNG ZIN PA 'DZIN PA YIN NO ZHES BYA BA NI KHYAD PAR BYED PA 'GAL BA DMIGS SO, ,DE'I PHYIR 'DIR GAL TE SGRO BTAGS PA'I YUL RNAM PAR DPYAD PAS BZUNG ZIN PA ZHES BYA BA GTAN TSIGS KYI DON YIN NA DE'I TSE GTAN TSIGS MA GRUB PA YIN NO, ,CI STE CI ZHIG LTA BA BZUNG ZIN PA'I PHYIR ZHES BYA BA'I GTAN TSIGS KYI DON YIN NA DE'I TSE RJE SU DPAG PAS MA NGES PA YIN NO ZHES BSTAN PA'I PHYIR, SPYI'I NGO BO ZHES BYA BA LA SOGS PA SMOS TE, 'DI LTAR DANG POR LTA BA'I SHES PAS 'DRES PA'I NGO BOR RTOGS KYI, NGES PA'I NGO BOS NI MA YIN NO, ,PHYI MA PHYI MA NI NGES PA'I TSAD MA YIN TE RJES SU DPAG PA BZHIN DU SGRO 'DOGS RNAM PAR DPYOD PA'I YUL CAN YIN PA'I PHYIR RO, ,JI LTAR MNGON SUM GYIS BZUNG ZIN PA'I SGRA LA SOGS PA'I CHOS CAN LA BYAS PA LA SOGS PA'I RTAGS KYIS MI RTAG PA NYID NGES PA NA TSAD MAR 'GYUR BA DE BZHIN DU NGES PAR SGRO 'DOGS PA RNAM PAR DPYOD PA'I YUL CAN DU GYUR PA YIN TE, 'DI LTAR NGES PAR SGRO 'DOGS PA RNAM PAR DPYOD PA'I YUL CAN YIN NO ZHES BYA BA 'DI YANG KHYED CAG DANG YANG RTZOD PA MED DE, JI SKAD DU, NGES PA DANG NI SGRO 'DOGS YID, ,GNOD BYA GNOD BYED NGO BO'I PHYIR, ,'DI NI SGRO 'DOGS DBEN PA LA, ,'JUG CES BYA BAR SHES PA YIN, ,ZHES BSHAD PA BZHIN NO, ,MA YIN ZHES BYA BA LA SOGS PAS LAN 'DEBS PAR BYED PA YIN TE, SGRO 'DOGS PA ZHUGS PA RNAM PAR GCOD PAS RJES SU DPAG PA TSAD MA YIN GYI SGRO 'DOGS PA'I YUL RNAM PAR GCOD PA TZAM GYIS NI MA YIN TE, DRAN PA YANG TSAD MAR THAL BAR 'GYUR BA'I PHYIR RO, ,MNGON SUM GYI RJES THOGS SU 'BYUNG BA'I BA LANG DKAR PO 'GRO BAR ZHES BYA BA LA SOGS PA'I RNAM PAR

15a

, ,RTOG PA SGRO 'DOGS PA ZHUGS PA BZLOG PA DE NI YOD PA MA YIN TE, BA LANG DU SGRO 'DOGS PA MA SKYES PA'I PHYIR RO, ,JI TAR MA SKYES SHE NA, MNGON SUM GYI NI MJUG THOGS SU, ,ZHES BYA BA LA SOGS PA SMOS TE, RNAM PAR RTOG PA YANG DAG PAR MA RIG PA SKYE BA MED PA'I PHYIR DMIGS PA'I MTSAN NYID DU GYUR PA MA DMIGS PAR SGRO BTAGS PA MA SKYES PA NYID DU GRUB PO, ,DE LTAR RIGS 'DI THAMS CAD RIGS LA SOGS PA KHAS BLANGS NAS BRJOD LA, DA NI RIGS LA SOGS PA'I DON DAM PAR YOD PA NYID MA YIN NA DE'I YUL CAN YIN PA NYID KYI MNGON SUM RTOG PA DANG BCAS PA NYID DU GA LA 'GYUR ZHES BSTAN PA'I PHYIR, GANG GIS RNAM PAR RTOG PA'I ZHES BYA BA LA SOGS PA SMOS TE, RIGS LA SOGS PA GSAL BA DAG LAS RES 'GA' THA DAD PA'AM, THA MI DAD PA'AM, THA DAD PA DANG THA MI DAD PA NYID KYIS GNYI GA'I BDAG NYID GCIG YIN, RE ZHIG PHYOGS DANG PO NI MA YIN TE, RJES 'GRO MED PHYIR TE, RJES SU 'GRO BA MED PA'I PHYIR RO, ,DNGOS PO DU MA LA RJES SU 'JUG PA'I NGO BO NI SPYIR BRJOD LA, GANG GIS DE DAG NYID SPYIR 'GYUR BA BSAL BA 'DI DAG PHAN TSUN RJES SU 'JUG PAR NI MA YIN NO, ,RJES SU 'JUG NA YANG SNA TSOGS NGO BO GCIG TU 'GYUR PA'I PHYIR SPYI NYID MED PAR THAL BAR 'GYUR TE, DE'I RTEN NI DU MA YIN PA'I PHYIR RO, ,PHYOGS GNYIS PA YANG MA YIN TE, THA DAD LAS THA DAD PAR MI SNANG BA'I PHYIR RO, ,THA DAD LAS ZHES BYA BA NI GSAL BA LAS SO, ,MI SNANG BA NI MNGON SUM DU GYUR PA YANG MA YIN TE, JI SKAD DU, GSAL BA RNAMS NI RJES MI 'GRO, ,RJES 'GRO GZHAN NI SNANG BA MED, ,SHES DANG THA DAD MA YIN PA, ,JI LTAR 'DOD BZHIN 'BRANG BAR 'GYUR, ,ZHES BSHAD PA BZHIN NO, ,PHYOGS GSUM PA YANG MA YIN TE, DE NYID DANG GZHAN DAG NI PHAN TSUN SPANGS TE GNAS PA'I PHYIR RO, ,GANG DAG PHAN TSUN SPANGS TE GNAS PA'I MTSAN NYID DE DAG NI GCIG DGAG PA NI GZHAN SGRUB PA MED NA MI 'BYUNG BA YIN TE, DE NYID DANG GZHAN DAG NI PHAN TSUN SPANGS NAS GNAS PA'I PHYIR DANG, GANG YANG RUNG BA'I NGO BO RNAM PAR BCAD NAS GANG YANG RUNG BA YONGS SU

15b

GCOD PA'I PHYIR RO, ,DE LTA BAS NA PHUNG PO GSUM PA SRID PA MA YIN NO, ,GAL TE MNGON SUM RTOG PA MED PA YIN NA, JI LTAR DES THA SNYAD DU BYED, 'DI LTAR 'DI NI BDE BA SGRUB PAR BYED PA'O, ,'DI NI SDUG BSNGAL SGRUB PAR BYED PA ZHES BYA BA GAL TE NGES PA DE'I TSE DE DAG THOB PA DANG SPANGS PA'I DON DU 'JUG PAR 'GYUR RO, ,GZHAN YANG RJES SU DPAG PA DANG RJES SU DPAG PAR BYED PA'I THA SNYAD KYANG MED PAR 'GYUR TE 'DI LTAR RJES SU DPAG PA'I DUS SU GDON MI ZA BAR CHOS CAN NAM, CHOS TSAD MA GZHAN GYIS NGES PAR GZUNG BAR BYA DGOS LA DE YANG MA NGES PA'I BDAG NYID KYIS MNGON SUM GYIS NI NGES PAR GZUNG BAR BYA BAR MI NUS LA RJES SU DPAG PAS KYANG MA YIN TE, THUG PA MED PA'I SKYON DU 'GYUR BA'I PHYIR RO, ,TSAD MA GZHAN YANG YOD PA MA YIN PA'I PHYIR THA SNYAD THAMS CAD CHAD PAR THAL BAR 'GYUR NA DE LTA NA YANG MA YIN TE, DE LTA BAS NA RJES SU DPAG PA LA SOGS PA'I THA SNYAD 'JUG PA'I RTAG LAS RTOG PA MED PA'O ZHES BYA BA 'DI DAM BCAS PA 'DI RJES SU DPAG PAS GNOD PA YIN NO ZHES GANG RTZOD PAR BYED PA DE LA, DE'I PHYIR RNAMS DAG SKYED NUS PA'I, ,ZHES BYA BA LA SOGS PA SMOS TE, DE'I SGO NAS ZHES BYA BA RNAM PAR RTOG PA'I SGO NAS SO, ,RTOG PA MED KYANG NGES PA'I RGYU YIN PA NYID KYIS THA SNYAD THAMS CAD KYI YAN LAG TU 'GYUR BA YIN TE, 'DI LTA MNGON SUM RTOG PA DANG BRAL BA YANG RIGS MTHUN PA DANG MI MTHUN PA LAS LOG PA'I ME LA SOGS PA'I DON DE'I RNAM PAR SNANG BA SKYE BA LAS RNAM PAR GCOD PA SKYE BA YIN TE, DE YANG NGES PA'I NGO BOR RNAM PAR GNAS PA'I DNGOS PO 'DZIN PA'I PHYIR DANG, RIGS MI MTHUN PA LAS LDOG PA'I DNGOS PO'I RNAM PA'I RJES SU BYED PA'I PHYIR DNGOS PO DE NYID LA 'DI NI ME YIN GYI SHING MYA NGAN MED KYI ME TOG KHA 'BUS PA LA SOGS PA NI MA YIN NO ZHES BYA BA'I SGRUB PA DANG DGAG PA'I RNAM PA SKYE BA YIN NO, ,RNAM PAR RTOG PA DE DAG KYANG BRGYUD NAS DNGOS PO DANG 'BREL PA'I PHYIR MI SLU BA NYID YIN NA YANG TSAD MA NYID DU MI 'DOD DE, SNANG BA DANG RNAM PAR BRTAG PA DAG GCIG TU ZHEN NAS 'JUG PAS DNGOS PO'I NGO BO MA RTOGS PA RTOG PA MED PA'I PHYIR RO, ,DE NYID KYI PHYIR RNAM PAR RTOG PA GNYIS KYI RGYU YIN

16a

, ,PA'I PHYIR, RNAM PA GSUM PA MED PAR STON PA'I YANG RGYU MTSAN DU 'GYUR BA YIN NO, ,'DI LTAR DE GANG LA 'JUG PA MED DE SNANG BA'I PHYIR DE YONGS SU GCOD LA 'DIR DE LAS GZHAN MI DMIGS PAR DE'I PHYIR DE RNAM PAR GCOD LA DNGOS PO THAMS CAD KYANG SNANG BA DANG DE LAS GZHAN PA PHUNG PO GNYIS SU RNAM PAR GZHAG PA'I PHYIR, RNAM PA GZHAN MED PAR STON PA YIN NO, ,GAL TE DE LTA NA YANG MNGON GSUM GYI SGRA LA SOGS PA'I CHOS CAN BZUNG ZIN PA'I PHYIR DE LAS RJES SU DPAG PA'I RNAM PAR RTOG PA 'JUG PA NI TSAD MA NYID DU MI 'GYUR RO ZHE NA, SKYON 'DI NI MED DE, MNGON SUM SKYES NA YANG CHA GANG LA ZHEN PA SKYED PAR BYED PA'I CHA DE NYID LAS THA SNYAD DU RUNG BAR GZUNG BAR BYED KYI, GANG DU 'KHRUL PA'I RGYU MTSAN GYI DBANG GIS SGRO BTAGS PA 'JUG PA'I PHYIR ZHEN PA SKYED PAR NUS PA NI MA YIN TE, DE NI THA SNYAD DU MI RUNG BA'I PHYIR GZUNG NA YANG MA BZUNG BA DANG MTSUNGS PA'I PHYIR DE LA SGRO BTAGS PA ZHUGS PA RNAM PAR GCAD PA'I DON DU RJES SU 'JUG PA NI TSAD MA NYID DU 'GYUR GYI, MNGON SUM GYI MJUG THOGS SU 'BYUNG BA'I RNAM PAR RTOG PA NI MA YIN TE, DE LA SGRO BTAGS PA ZHUGS PA GCOD PA MED PA'I PHYIR RO, ,YANG RGYU CI'I PHYIR RNAM PA THAMS CAD LAS LOG PA'I DNGOS PO'I NGO BO NYAMS SU MYONG BA SKYES PA NA YANG DE KHO NA LTAR DRAN PA'I NGES PA MI 'BYUNG ZHE NA, RGYU GZHAN LA LTOS PA'I PHYIR TE, 'DI LTAR NYAMS SU MYONG ZHES TE, NGES PAR 'GYUR BA NI MA YIN TE, DE LTAR GOMS PA DANG DON DU GNYER BA DAG G-YER BAG LA SOGS PA'I RGYU GZHAN LA LTOS PA'I PHYIR RO, ,JI LTAR SKYED PA DANG 'DON PAR BYED PAR KHYAD PAR MED NA YANG PHA 'ONG BA MTHONG NAS BDAG GI PHA 'ONG NGO SNYAM DU NGES KYI MKHAN PO'O SNYAM DU MA YIN PA BZHIN NO, ,'DIR DNGOS PO RNAM PAR BYED PA LA SOGS PA RNAM PAR RTOG PA SKYED PA'I SGO NAS KYANG THA SNYAD KYI YAN LAG NYID 'JIG PAR BYED PA DANG GANG YIN PA'I TSAD MA DE STON PA NI, RTOG MED RTOG PA SKYED NUS MIN, ,ZHES BYA BA LA SOGS PA STE, DBANG PO'I RNAM PAR SHES PA NI RTOG PA DANG BCAS PA'I YID KYI RNAM PAR SHES PA'I RGYU MA YIN TE, YUL THA DAD PA'I PHYIR GZUGS

16b

DANG REG PA LA SOGS PA'I RNAM PAR SHES PA BZHIN NO, ,RTOG PA MED PA'I YANG PHYIR TE, ,MIG LA SOGS PA'I RNAM PAR SHES PA BZHIN NO, ,YUL THA DAD PA'I PHYIR ZHES BYA BA'I GTAN TSIGS 'DI'I DPE NI GZUGS LA SOGS PA BZHIN NO ZHES BYA BA YIN NO, ,RTOG PA MED PA'I PHYIR ZHES BYA BA 'DI MIG LA SOGS PA BZHIN NO ZHES BYA BA YIN NO, ,DES 'DIR ZHES BYA BA LA SOGS PAS SUN 'BYIN PA 'CHAD DO, ,GTAN TSIGS GNYI GA YANG MA NGES PA YIN TE, GTAN TSIGS BSGRUB BYA LAS LDOG PA DANG LHAN CIG 'GAL BA MA BSTAN PA'I PHYIR RO, ,'DI DAG CES BYA BA NI GTAN TSIGS DAG GO, ,YUL THA DAD PA YANG MA YIN ZHES BYA BA 'DIS NI YUL DANG BCAS PA NYID YIN NA YANG RNAM PAR RTOG PA'I YUL THA DAD PA'I PHYIR ZHES BYA BA'I GTAN TSIGS 'DI MA GRUB PAR BSTAN TO, ,DON DAM PAR RNAM PAR RTOG PA YUL MED PA YIN PA DE'I TSE YANG MA GRUB PA NYID GSAL RAB PA NYID YIN NO ZHES BSTAN PA'I PHYIR, DNGOS SU ZHES BYA BA LA SOGS PA SMOS SO, ,GZUGS SGRA LA SOGS BLO RNAMS NI, ,ZHES BYA BA LA SOGS PAS, GZUGS LA SOGS PA'I SHES PA BZHIN, ,ZHES BYA BA'I DPE 'DI BSGRUB PAR BYA BA MA TSANGS BAR BSTAN TO, ,GZUGS DANG SGRA LA SOGS PA'I SHES PA RNAMS PHAN TSUN MTSUNGS PA DE MA THAG PA'I RKYEN GYI NGO BOS RGYU NYID YOD PA'I PHYIR RO, ,YANG YUL THA DAD PA'I PHYIR ZHES BYA BA'I GTAN TSIGS 'DI MI MTHUN PA'I PHYOGS LA YOD PAR BSTAN PA'I SGO NAS GTAN TSIGS MA NGES PA NYID DU BSTAN PA'I PHYIR, 'DI LA ME DANG DU BA ZHES BYA BA LA SOGS PA SMOS TE, 'DI LA ZHES BYA BA NI YUL THA DAD PA ZHES BYA BA'I GTAN TSIGS 'DI LA'O, ,JI LTAR ME LA SOGS PA'I RTAGS CAN GYI BLO DANG DU BA LA SOGS PA RTAGS KYI BLO YUL 'DOD PA YIN YANG RGYU YIN PA DE BZHIN DU 'DI LA YANG 'GYUR BA'I PHYIR GTAN TSIG MA NGES PA NYID YIN NO, ,DE LTAR NA MNGON SUM RTOG PA DANG BRAL BA NYID DU BSGRUBS NAS, MA 'KHRUL BA SMOS PA'I DGOS PA BSTAN PA'I PHYIR MA 'KHRUL BA ZHES BYA BA LA SOGS PA SMOS TE, 'DIR MA 'KHRUL BA NYID NI MI SLU BA NYID DU BLTA BAR BYA'O, ,DNGOS PO JI LTAR GNAS PA'I RNAM PA DMIGS PA NYID KYI

17a

, ,NI MA YIN TE, DE LTA MA YIN NA RNAL 'BYOR SPYOD PA'I LUGS KYI DMIGS PA MA GRUB PA'I PHYIR LA LUGS GNYI GA LA BRTEN PAR 'DOD PA'I MNGON SUM GYI MTSAN NYID MA KHYAB PA NYID DU 'GYUR RO, ,MI SLU BA NYID KYANG MNGON PAR 'DOD PA'I DON BYA BA BYED PAR NUS PA'I DON THOB PAR NUS PA YIN GYI, THOB PA NYID NI MA YIN TE, GEGS BYED PA LA SOGS PA SRID PA'I PHYIR RO, ,GAL TE DE LTA NA MA 'KHRUL PA SMOS PA NYID KYIS TSOG MOD, RTOG PA DANG BRAL BA SMOS PAS CI ZHIG BYA ZHE NA, RNAM PAR RTOG PA RJES SU DPAG PA YANG MNGON SUM NYID DU THAL BAR 'GYUR BA'I PHYIR RO, , DE YANG KHA CIG YID KYIR 'DOD, ,CES BYA BA NI DE'I DON DU MA 'KHRUL PA SMOS PA NYID DU MI RIGS SO ZHES BYA BA NI DE DAG GI BSAM PA'O, ,'ON TE YID KYI YIN DU CHUG MOD DE LTA NA YANG MA 'KHRUL PA SMOS PAR BYA DGOS PA KHO NA STE, 'DIR DBANG PO'I SHES PA KHO NA'I MNGON SUM GYI MTSAN NYID RTZOM PAR BYED PA NI MA YIN NO, ,'O NA CI ZHE NA, RNAL 'BYOR PA'I SHES PA LA SOGS PA YID KYI YANG YIN TE, DE LA RMI LAM GYI MTHAR YANG GSAL BAR SNANG BA'I PHYIR RTOG PA MED PA YANG YOD KYI, MA 'KHRUL PA NYID NI MA YIN NO ZHES BYA BA DE BZLOG PA'I DON DU MA 'KHRUL PA SMOS PA RIGS PA NYID YIN NO; ,'DI NI BDEN MOD KYI 'ON KYANG DBANG PO'I 'KHRUL PA YANG SRID DE, DES NA 'DI DAG GI PHYOGS 'DIR RIGS PA MA YIN NO, ,DBANG PO LAS SKYES PA NYID BSGRUB PA'I PHYIR DE MIN ZHES BYA BA LA SOGS PA SMOS TE, DBANG PO YOD NA YOD PA'I PHYIR LA DBANG POR 'GYUR NA YANG GNOD PA'I MTSAN NYID KYI RNAM PAR 'GYUR BA NYAMS PA'I MTSAN NYID DMIGS PA'I PHYIR DE LAS GZHAN PA'I DBANG PO'I BLO BZHIN DU SGRA SHAD 'DZINGS PA LA SOGS PA'I BLO 'DI DBANG PO LAS SKYES PA YIN NO, ,GZHAN YANG GAL TE YID KYI 'KHRUL BAR 'GYUR NA DE'I TSE YID KYI 'KHRUL PA BZHIN DU DBANG PO'I BLOS BSLAD PA MA LOG PAR YANG RGYU LAS LDOG PAR 'GYUR RO, ,SBRUL LA SOGS PA 'KHRUL PA BZHIN, ,ZHES BYA BA NI DPE'O, ,GSAL BAR SNANG BAR 'GYUR ZHES BYA BA 'DI NI THAL BAR 'GYUR BA GZHAN YIN TE, RNAM RTOG RJES SU 'BREL PA LA, ,DON GSAL SNANG BA MA YIN TE, ,DE NI SPYI'I RNAM PA NYID KYI 'JUG

17b

PA'I PHYIR RO, ,DE YOD NA ZHES BYA BA LA SOGS PAS GZHAN GYI SKYON GYI DOGS PA BSU BA YIN TE, 'DI LTAR GAL TE DNGOS SU YOD NA YOD PA NYID GTAN TSIGS YIN NA DE'I TSE GTAN TSIGS GANG YANG RUNG BA LA MA GRUB PO, ,GZHAN LA 'KHRUL PA DBANG PO LAS DNGOS SU SKYES PAR MA GRUB STE, DE NYID BSGRUB PAR BYA BA YIN PA'I PHYIR RO, ,CI STE SPYIR DE YOD NA YOD PA NYID GTAN TSIGS YIN NA DE'I TSE MA NGES PA YIN TE, MI MTHUN PA'I PHYOGS SU GYUR PA DRAN PA'I BLO LA YANG RJES SU 'GRO BA'I PHYIR TE, YOD PA'I PHYIR RO, ,GANG YANG DE 'GYUR NA 'GYUR BA NYID DE YANG DNGOS SU MA GRUB LA BRGYUD NAS LEN NA YANG MA NGES PA NYID YIN NO, ,GANG GI PHYIR 'DI BONG BU DANG RTA LAS SKYES PA'I DRE'U NUR NUR PO LA SOGS PA'I GNAS SKABS SU BAR CHOD NA YANG DE'I RNAM PAR 'GYUR BA PHYES BONG BU'I NGO BO'I RNAM PA'I RJES SU BYED PAR MTHONG BA'I PHYIR RO, ,DE LTA BAS NA 'DI LAS DNGOS SU SKYE BAR MA GRUB PO, ,YID KYI 'KHRUL PA RNAM PAR DPYAD PA LAS LDOG GO ZHES BYA BA 'DI YANG DNGOS PO'I SPYI'I BLO DAG GIS MA NGES PA NYID YIN NO, ,KHYED CAG GIS RIGS PAS SPYI MED PAR RTOGS KYANG BUM PA LA SOGS PA'I DNGOS PO LAS DNGOS PO ZHES BYA BA'I SPYI YANG RUNG STE, SPYI'I RNAM PA CAN GYI RNAM PAR RTOG PA LDOG PA MA YIN NO, ,CI STE RIGS PAS RNAM PAR DPYAD PA LAS SPYI'I BLO 'DI DAG RANG GI MTSAN NYID LA 'JUG PA MA YIN NO ZHES BYA BA'I RNAM PA 'DIS LDOG PA KHO NA'O SNYAM DU SEMS NA YANG 'DI YANG LAN MA YIN TE, ZLA BA GNYIS LA SOGS PA'I BLO LA YANG RIG PAS RNAM PAR DPYAD PA LAS 'DI DAG RANG GI MTSAN NYID LA 'JUG PA MA YIN NO ZHES BYA BA'I RNAM PA 'DIS LDOG PA KHO NA'O, ,DE TZAM GYIS NI YID KYI 'KHRUL PAR 'GYUR BA MA YIN NO, ,DE DAG GIS YOD PA LDOG PA MA YIN NO ZHE NA, DE NI SPYI'I BLO DAG DANG MTSUNGS TE, DE DAG KYANG RANG GI NGO BOS LDOG PA MA YIN NO, , DE YOD PA NA YOD PA NYID, ,CES BYA BA LA SOGS PAS LAN 'DEBS PAR BYED DE, MA GRUB PA MA YIN GYI 'ON KYANG GRUB PA KHO NA'O, ,CI'I PHYIR ZHE NA, MA 'KHRUL PA ZLA BA GCIG GIS SHES PAS BAR DU BCAD PAR MA GRUB PA'I PHYIR TE, BAR DU GCOD PA DE DMIGS SU RUNG BA LAS MA

18a

, ,DMIGS PA'I PHYIR RO, ,'DI NYID GZHAN DU ZHES BYA BA LA SOGS PA GSAL BAR BYED DO, ,BAR CHAD MED PA NI ZLA BA GNYIS LA SOGS PA ZHES BYA BA DANG SBREL BAR BYA'O, ,DE NYID KYI PHYIR DE 'GYUR BA NA 'GYUR BA NYID KYANG 'KHRUL PA MA YIN NO, ,GANG GIS DRE'U LA SOGS PA DAG GIS 'KHRUL BAR 'GYUR BA DE YANG BAR CHOD PA YOD PA MA YIN NO, ,DNGOS PO'I SPYI'I BLO RNAMS KYANG GANG GI TSE 'DOD PAS DPYOD PAR BYED PA DE'I TSE RTOG PA YOD PA NYID YIN GYI, SKRA SHAD 'DZINGS PA LA SOGS PA'I BLO RNAMS NI 'DOD PAS LDOG PA SRID PA MA YIN PA'I PHYIR MA NGES PA NYID MA YIN NO, , CI ZHE NA, RE ZHIG MIG BTZUMS PA NI 'DOD PA'I DBANG PO'I SHES PA YANG 'DOD PAS MIG BTZUMS PA NA 'DOD PA'I DBANG GIS LDOG PA YOD PA YIN NO ZHE NA, MA YIN TE, 'DOD PA LOG PA'I DE MA THAG TU MIG GI RNAM PAR SHES PA LDOG PA NI MA YIN NO, ,'O NA CI ZHE NA, RE ZHIG MIG BTZUMS PA NA NI 'DOD PA'I DBANG GIS BYUNG LA, DE LAS MIG LOG PA NA DE'I SHES PA LDOG PA YIN NO, ,YID KYI 'KHRUL PA NI DNGOS SU 'DOD PA'I DBANG GIS LDOG PA'I PHYIR MTSUNGS PA MA YIN NO, ,'DI DE LTA BU YIN PAR RIG PAR BYA STE, GANG GI PHYIR MIG PHYE BA NAS BLTA BAR MI 'DOD NA YANG DON MTHONG BA NYID YIN TE, DE'I PHYIR MIG LA SOGS PA'I RNAM PAR SHES PA LA 'DOD PAS DNGOS SU NUS PA MA YIN NO, ,RANG GI SDE PA KHA CIG NYID MA 'KHRUL PA SMOS PAR MI 'DOD PA DE, DUNG SER PO LA SOGS PA'I SHES PA 'KHRUL PA YANG MNGON SUM MA YIN PA'I PHYIR RO, ,'DI LTAR DE NI RTAGS LAS MA SKYES PA'I PHYIR RJES SU DPAG PA MA YIN LA, MI SLU BA'I PHYIR TSAD MA YANG YIN TE, DE NYID KYI PHYIR SLOB DPON PHYOGS KYI GLANG POS MTSAN NYID DU MA 'KHRUL BAS SMOS PA MA MDZAD DO, ,'KHRUL DANG KUN RDZOB SHES PA DANG, ,RJES DPAG CES BYA BA LA SOGS PAS MNGON SUM LTAR SNANG BA BSTAN PA'I PHYIR, RTOG PA DANG BRAL ZHING MI SLU BA ZHES BYA BA'I RNAM PA DE LTA BU SLOB DPON MTSAN NYID DU BZHED PA YIN NO, ,RAB RIB BCAS ZHES BYA BA'I RAB RIB KYI SGRA 'DI NI MI SHES PA'I RNAM GRANGS YIN TE, RMONGS PA RNAMS KYI RAB RIB 'JOMS, ,ZHES BYA BA BZHIN NO, ,

18b

RAB RIB LAS BYUNG BA NI RAB RIB CAN TE BSLU BA ZHES BYA BA'I DON TO, ,DE MIN ZHES BYA BA LA SOGS PAS LAN 'DEBS PAR BYED DE, RNAM PA GNYIS KYI TSAD MAR 'GYUR BA MA YIN TE, SNANG BA JI LTA BA BZHIN DU MI SLU BA'AM ZHEN PA JI LTA BA BZHIN DU YIN, DE LA 'DIR SNANG BA JI LTA BA BZHIN DU MI SLU BA NI MA YIN TE, DE'I SER POR SNANG BA DE LTA BUR MA THOB PA'I PHYIR RO, ,ZHEN PA JI LTA BA BZHIN DU MI SLU BA YANG MA YIN TE, KHYAD PAR CAN GYI DON BYA BA BYED PA NYID KYI SER PO NYID DU ZHEN PA'I PHYIR RO, ,DE'I NGO BO'I DON BYED PA THOB PA MA YIN LA, MA ZHEN PA'I DON LA MI SLU BA NYID KYIS KYANG TSAD MA NYID MA YIN TE, HA CANG THAL BAR 'GYUR BA'I PHYIR TE, SGRA SHAD LA SOGS PA'I SHES PA LA YANG SNANG BA LA SOGS PA MA ZHEN PA THOB PA'I PHYIR RO, ,YANG GAL TE ZHEN PA'I KHA DOG MA THOB KYANG DBYIBS NI THOB PA KHO NA'O SNYAM DU SEMS NA, DE'I PHYIR KHA DOG LAS NI THA DAD PA'I ZHES BYA BA LA SOGS PA SMOS TE, GO BAR ZAD DO, ,GAL TE RNAM PA GZHAN ZHES BYA BA LA SOGS PA KLAGS TE BSTAN TO, ,DON BYED PA LA MI SLU BA NYID TZAM GYIS RNAM PA LA MA LTOS PAR TSAD MA NYID DU BRTAG PAR MI BYA STE, YUL GYI RNAM PA LA TSAD MA MA YIN PAR THAL BAR 'GYUR BA'I PHYIR RO, ,DE'I DBO ZHES BYA BA NI SHES PA RANG SNANG BA DE'I NGO BO'O, ,SOGS PA'I SGRAS NI JI LTAR DON GYI RNAM PA DANG DKAR BA LA SOGS PA NYID DU SKYE BA DE'I NGO BO'I YUL DE GZHAL BYA YIN NO ZHES BYA BA LA SOGS PA'I SLOB DPON GYI TSIG DANG 'GAL BA YIN NO ZHES BSTAN PA YIN NO, ,DON BYED PA LA MI SLU BA NI SNGAR GYI DON NYAMS SU MYONG BA'I BAG CHAGS YONGS SU SMIN PA'I TSAD MA GZHAN LAS BYUNG BA YIN NO ZHES BYA BAR NGES PAR BYA'O, ,DUNG SER POR SHES PA'I BAG CHAGS YONGS SU SMIN PA'I RGYU NI DUNG DKAR PO NYID YIN TE, DE'I DKAR POS DE YONGS SU SMIN PA'I PHYIR RO, ,BAG CHAGS YONGS SU SMIN PA'I RGYU LAS MI SLU BA GANG ZHIG KUN NAS BSLANGS PA DE LA DE SKAD CES BYA'O, ,BDE BA LA SOGS PA RNAMS KYI RANG RIG PA RNAMS JI LTAR MNGON SUM YIN ZHE NA, YID DANG ZHES BYA BA LA SOGS PA SMOS TE, RIGS PA GANG ZHES BYA BA NI BRDA MI NUS PA LA SOGS PA'O, ,'DIR GAL TE YANG YID KYI RIGS PA MA BRJOD PA DE LTA

19a

, ,NA YANG DBANG PO'I SHES PA LA BRDA MI NUS PA'I RIGS PA GANG YIN PA DE NI, DE LA YANG MTSUNGS PA'AM YANG NA 'DI LA RNAL 'BYOR PA'I SHES PA YANG YID YIN LA, DE YANG CHAD PAR 'GYUR RO, ,LUNG LA GRAGS PA YIN PA'I PHYIR 'DIR YID KYI MTSAN NYID MA BYAS LA, TSAD MAS GNOD PA NI SLOB DPON GYIS BSGRUB PA ZIN PA'I PHYIR YANG KHO BO CAG GIS BSGRUB PAR MI BYA'O SNYAM DU BSAMS PA YIN NO, ,GZHAN RIG BYED PA YANG MA YIN NA ZHES BYA BA LA SOGS PAS BYE BRAG PA'I LUGS KYI DOGS PA BSU PA YIN TE, RANG RIG PA MA YIN PA 'BA' ZHIG TU MA ZAD KYI PHYI ROL GYI DON RIG PAR BYED PA MA YIN PA DE NI SHES PA'I RANG BZHIN YANG MA YIN NO ZHES BYA BA'I THA TSIG GO, ,DE DAG GI GRUB PA'I MTHA' NI BDAG CAG LA 'DUN PA'I SHES PA RIG PAR BYA BA YIN NO ZHES BYA BA'O, ,PHYI ROL DNGOS PO ZHES BYA BA LA SOGS PAS 'GEGS PAR BYED DO; 'DI NI DAM BCA' BA MNGON SUM DANG 'GAL BAR BSHAD DO, ,GANG GI PHYIR SPYI'I DNGOS PO DMIGS PA'I SHES PA DANG DUS MNYAM DU BDE BA LA SOGS PA NYAMS SU MYONG BA DE'I TSE GANG GIS NA DON GCIG LA STON PA'I SHES PAS RIG PAR BYA BAR 'GYUR, RE ZHIG PHYI ROL LA DMIGS PA'I MIG LA SOGS PA'I SHES PA DE NYID KYIS NI MA YIN TE, DE'I DMIGS PA NI PHYI ROL YIN PA'I PHYIR DANG, BDE BA LA SOGS PA NI NANG DU RIG PAR BYA BA YIN PA'I PHYIR DANG, YID KYI SHES PAS RIG PAR BYA BA NYID DU 'DOD PA'I PHYIR RO, ,DE'I DUS NA YID KYI SHES PA SRID PA YANG MA YIN TE; SHES PA RNAMS NI RIM GYIS SKYE BA YIN NO ZHES KHAS BLANGS PA'I PHYIR RO, ,CI STE YANG SHES PA RNAMS KYI SKYE BA RIM GYIS KHAS BLANGS KYI GNAS PA NI MA YIN NO SNYAM NA, 'DI YANG YANG DAG PA MA YIN TE, SKYE BA DANG LDAN PA THAMS CAD SKAD CIG MA NYID DU BSGRUBS ZIN PA'I PHYIR RO, , MGYOGS PAR 'JUG PAS CIG CAR 'KHRUL PA GANG YIN PA DE YANG SNGAR GSAL BA NYID DO, ,GZHAN YANG BDE BA LA SOGS PA RNAM PAR RTOG PA'I YUL NYID YIN NA DGA' BA DANG YONGS SU GDUNG BA LA SOGS PA'I NGO BOS GSAL BAR SNANG BAR YANG MI 'GYUR TE, YID KYI SHES PAS RIG PAR BYA BA

19b

NYID DU KHAS LEN PA'I PHYIR DANG, DE YANG RTOG PA DANG BCAS PA YIN PA'I PHYIR RO, ,RNAM RTOG RJES SU 'BREL PA LA, ,DON GSAL SNANG BA YOD PA MA YIN NO, ,KHO BO CAG GIS NI YUL GYI DE MA THAG PA YUL LHAN CIG BYED PA CAN GYI DBANG PO'I SHES PAS BSKYED PA NYID MNGON SUM DU KHAS BLANGS PA'I PHYIR RO; ;GZHAN YANG BDE BA LA SOGS PA LA GZUNG BAR BYA BA YIN NO, SNGON PO LA SOGS PA BZHIN DU RNAM PAR CHAD PAR SNANG BAR 'GYUR NA, SIM PA LA SOGS PA'I NGO BO SHES PA LAS RNAM PAR CHAD PAR DMIGS PA YANG MA YIN NO, ,SIM PA LA SOGS PA'I NGO BOS SHES PA LAS THA MI DAD PAR 'DZIN PA 'KHRUL PA YIN NO ZHE NA, 'ON TE DE LTA NA BDE BA LA SOGS PA'I BDAG NYID YANG DAG PAR REG PA'I NGO BO YOD PAR GRUB STE, SIM PA LA SOGS PA'I NGO BO TZAM GYI MTSAN NYID YIN PA'I PHYIR RO, ,BDE BA LA SOGS PA'I SHES PA DE'I NGO BO YIN NO ZHE NA NI BDE BA LA SOGS PA'I SHES PA'I RANG BZHIN YIN PAR GRUB BO, ,THA DAD PAR MA GRUB PAS 'KHRUL PAR MI 'GYUR BA'I PHYIR RO, ,SIM PA NI RJES SU MTHUN PA'O, ,DE LAS LDOG PA NI SIM PA MA YIN PA NI SOGS PA'I SGRAS BTANG SNYOMS GZUNG NGO, ,GAL TE RANG GI RGYUD LA SKYE BA'I MTSAN NYID KYI BDE BA LA SOGS PA'I YOD PA GANG YIN PA DE NYID DE DAG GI NYAMS SU MYONG BA YIN NO ZHES NI KHAS MI LEN GYI 'ON KYANG DE'I YUL CAN GYI SHES PA SKYE BA YIN PA DE'I TSE RNAL 'BYOR PA RNAMS KYIS GZHAN GYI BDE BA LA SOGS PA 'DZIN PA NA DE NYAMS SU MYONG BA BZHIN DU DKAR BA LA SOGS PA'I GNAS SKABS MTSUNGS PAR 'GYUR RO, ,RGYUD THA DAD DU 'JUG PA'I PHYIR, GNAS SKABS MTSUNGS PA ZHES BRJOD PAR MI BYA STE, RANG GI RGYUD LA 'JUG PA NI DE DAG GI NYAMS SU MYONG BAR KHAS MI LEN NO, ,'O NA CI ZHE NA, DE'I YUL CAN GYI SHES PA SKYE BA YIN LA, DE YANG RGYUD GZHAN 'DZIN PA DAG LA YANG YOD PA'I PHYIR MTSUNGS PAR THAL BAR 'GYUR RO, ,CI STE BDE BA LA SOGS PA RNAMS KYI RNAM PA GNYI GA NYAMS SU MYONG BAR KHAS LEN PAR BYED NA, DE'I TSE RANG GI RGYUD LA 'JUG PA NYID DU NYAMS SU MYONG BA NA BDE BA LA SOGS PA BDAG NYID RIG PAR GRUB PA NYID DO, ,DE LTA NA NI RANG GI RGYUD LA 'JUG PA NYID KYI RGYU MTSAN RGYUD GZHAN LA

20a

, ,'JUG PA LAS KHYAD PAR CAN YIN NO, ,GAL TE RANG RIG PA'I NGO BO YIN NA 'O NA GANG DAG GI LTAR NA RNAL 'BYOR PA MA GRUB PA DPYOD PA LA SOGS PA DE DAG GI LTAR NA JI LTAR DE DAG GIS THAL BAR 'GYUR BA YIN ZHE NA, GZHAN GYI SDUG BSNGAL ZHES BYA BA LA SOGS PA SMOS TE, SANGS RGYAS PA RNAMS BZHIN DU GZHAN GYI LTAR NA DON DAM PAR RJES SU DPAG PA YUL MED PA CAN NI MA YIN TE, DE LTA BAS NA GZHAN GYI SDUG BSNGAL RJES SU DPAG PA NA RJES SU DPOG PA PO DANG YANG NYAMS SU MYONG BA MTSUNGS PAR 'GYUR RO, ,BDE BYED PA BDAG PO NI BDE BA LA SOGS PA NI SHES PA'I RANG BZHIN MA YIN TE, SHES PA ZHES THA SNYAD DU MA BYAS PA'I PHYIR BUM PA LA SOGS PA BZHIN NO ZHES ZER RO, ,GAL TE BRDA ZHES BYA BA LA SOGS PAS SUN 'BYIN PA 'CHAD DE, GAL TE BRDA GZHAN NYID KYIS RANG BZHIN GZHAN DU 'GYUR NA DE LTA NA GANG GI TSE SHES PA YIN NA YANG 'GA' ZHIG GIS SHES PA MA YIN ZHES BRDA BYAS PA DE'I TSE SEMS LA SHES PA ZHES THA SNYAD DU BYAS PA MED PA'I PHYIR, KHYED CAG LA SHES PA YANG SHES PA MA YIN PAR 'GYUR RO, ,CI STE GSAL BA'I BDAG NYID KYI SHES PA GSAL BAR NYAMS SU MYONG BA'I PHYIR SHES PA MA YIN PAR MI 'GYUR NA, DE LTA NA 'DI THAMS CAD BDE BA LA SOGS PA LA YANG MTSUNGS LA, GTAN TSIGS KYANG 'DI NYID KYIS 'KHRUL PA'I PHYIR 'DI NI CI YANG MA YIN NO, ,'CHAD PAR 'GYUR ZHES BYA BA NI THAMS CAD MKHYEN PAR GRUB PAR RO, ,TSAD MA'I 'BRAS BU LA LOG PAR RTOGS PA BSAL BA'I PHYIR, 'DI LA ZHES BYA BA LA SOGS PA SMOS TE, PHYI ROL GYI DON GYI GZHAL BYA LA YUL RTOGS PA NI TSAD MA'I 'BRAS BU YIN LA, 'DRA BA NI TSAD MA YIN NO, ,RANG RIG PA LA YANG 'DI RNAM PA JI LTA BA BZHIN DU SNANG BA'I PHYIR SHES PA'I BDAG NYID KYI GZHAL BYA LA RANG RIG PA NI 'BRAS BU YIN LA, RUNG BA NYID NI TSAD MA YIN NO, ,BYA BA DANG BCAS PA'I SHES PA NYE BAR BLANGS NAS GANG GIS DE'I BDAG NYID RIG PAR BYED KYI, BUM PA LA SOGS PA NI MA YIN NO ZHES BYA BA DANG 'DRA BA'I RUNG BA NYID NI SHES PA KHO NA'I YIN NO, ,RGYUR GYUR PA'I RUNG BA NYID KYI SHES PA BDAG

20b

NYID GSAL BA NYID DU MTSON PA'I PHYIR RUNG BA NYID KYIS RANG RIG PA TSAD MA YIN NO, ,DE YANG, DE LA'ANG NYAMS MYONG BDAG NYID PHYIR, ,RANG BDAG RIG PA DE RUNG NYID, ,DE PHYIR RUNG NYID DE TSAD BDAG, ,GZHAL BYA RANG RIG 'BRAS BU YIN, ,ZHES BSHAD DO, ,JI LTAR SENG LDENG BCAD GYUR NA, ,ZHES BYA BA LA SOGS PAS KUN M'A LA RI LA'I KLAN KA'I DOGS PA BSU BA YIN TE, TSAD MA'I 'BRAS BU THA DAD PAR SMRA BA RNAM SLA SANGS RGYAS PAS GAL TE TSAD MA DANG 'BRAS BU DAG THA DAD PAS KHAS LEN NA, DE'I TSE TSAD MA DANG 'BRAS BU DAG YUL THA DAD PAR 'GYUR NA, DE YANG RIGS PA MA YIN TE, GCOD PAR BYED PA'I STA RE SENG LDENG LA BAB PA NA, PA LA SHA 'CHAD PAR 'GYUR BA NI MA YIN NO, ,DE LTA BAS NA TSAD MA DANG 'BRAS BU DAG YUL GCIG PA'I PHYIR THA MI DAD PA MA YIN NO ZHES SMRAS SO, ,'DIR KU M'A LA RI LAS, GANG ZHIG YUL GCIG 'DOD PA NA, ,TSAD MA 'BRAS BU NYID SMRA BA, ,DE LA BSGRUB BYA SGRUB BYED DAG ,THA DAD 'JIG RTEN PA YIS GNOD, ,JI LTAR GCOD BYED SENG LDENG LA, ,BAB PAS PA LA SHA MI 'CHAD, ,DE BZHIN 'JIG RTEN NA GCOD DANG, ,STA RE LHAN CIG GCIG MA YIN, ,ZHES SMRAS SO, ,'DIS GCOD PAR BYED PAS NA GCOD PA'O, ,MA YIN ZHES BYA BA LA SOGS PAS LAN BSHAD DO, ,'DI NI SNGON PO RIGS PA YIN GYI SER PO NI MA YIN NO ZHES YUL RTOGS PA RNAM PAR 'JOG PA'I RGYU MTSAN NI DON DANG 'DRA BA NYID YIN GYI GZHAN NI MA YIN NO ZHES RNAM PAR GZHAG PAR BYA BA DANG RNAM PAR 'JOG PAR BYED PA'I NGO BOS BSGRUB PAR BYA BA DANG SGRUB PAR BYED PAR RNAM PAR GZHAG GI BSKYED PAR BYA BA DANG SKYED PAR BYED PA'I DNGOS POS NI MA YIN NO, ,GANG GI PHYIR DON DAM PAR BYED PA PO DANG BYED PA LA SOGS PA'I DNGOS PO YOD PA MA YIN TE, CHOS THAMS CAD NI SKAD CIG MA NYID KYIS BYA BA MED PA YIN PA'I PHYIR RO, ,SHES PA YUL GYI RNAM PAR SKYE BA NA YUL YONGS SU GCOD BZHIN PA NA BYA BA DANG BCAS PA LTA BUR SNANG STE, DON LA SHES PA'I CHOS SHES PAR BYED PA'I BYA BA NI 'DI NYID YIN GYI, MED NA MI 'BYUNG BA TZAM MA YIN NO, ,GANG GIS SHES PA NYID TSAD MAR 'GYUR BA MYU GU LA SOGS PA SA BON LA SOGS PA MED

21a

, ,NA MI 'BYUNG BAR 'GYUR BA NI MA YIN NO, ,DE LTA BAS NA SHES PA RNAM PA DANG BCAS PA NYID TSAD MA MA YIN GYI, RNAM PA MED PA NI MA YIN NO ZHES RNAM PAR GZHAG PA TSAD MA NYID KYIS BSTEN PAR BYA BA YIN LA, RNAM PAR 'JOG PA YANG DE'I RJES LA THOB PA'I RNAM PAR RTOG PAS YIN PAR RIG PAR BYA'O, ,DE'I PHYIR RTOG PA THA DAD PA ZHES BYA BA LA SOGS PAS 'JIG RTEN NA GRAGS PA NYID KYIS GNOD PA BSHAD DO, ,GZHU LA SOGS PA BZHIN ZHES BYA BA NI GZHUS 'BIGS SO, ,GZHU LA BRTEN NAS MDAS 'BIGS SO ZHES JI LTAR GZHU GCIG LA BYED PA PO LA SOGS PA BRTAG PA MI 'GAL BA DE BZHIN DU 'DI LA YANG YIN NO, ,STA RES SHING LA SOGS PA BCAD DO ZHES BRJOD PA NA GCAD PAR BYA BA'I RDZAS LA ZHUGS PA NYID GNAS PA YIN NO, ,ZHUGS PA DE LA YANG STA RE'I BDAG NYID DU RTOGS PA'I CHOS YIN PA'I PHYIR DON DAM PAR GCOD PA DANG LHAN CIG GCIG YIN PA'I PHYIR 'GAL BA MED DO, ,RNAM PAR GZHAG PA GRUB PA ZHES BYA BA LA SOGS PAS DE STON PA YIN NO, ,JI LTAR KU M'A LA RI LAS, YONGS SU GCOD PA'I 'BRAS BU YIS, ,ZHES BYA BA LA SOGS PAS BSKYED PAR BYA BA DANG SKYED PAR BYED PA'I NGO BOS TSAD MA'I 'BRAS BU RNAM PAR GZHAG PA BYAS PA DE BZHIN DU KHO BO CAG LA YANG MI 'GAL BA NYID DO, ,JI SKAD DU SLOB DPON GYIS DE LA YANG MIG LA SOGS PA DE'I RGYU LA MNGON SUM NYID DU BTAGS PAS 'GAL BA MED DO ZHES BSHAD DO, ,GDON MI ZA BAR THOG MAR RNAM PAR GZHAG PA'I SGO NAS BSGRUB PAR BYA BA DANG SGRUB PAR BYED PAR RNAM PAR GZHAG PAR BYA DGOS SO ZHES BYA BA 'DI TZAM ZHIG SMRA BA YIN NO, ,RIG PA THA DAD PA YUL THA DAD PAR RNAM PAR MA BZHAG PAR NGES PAR 'JUG PAR MI RIGS LA, RIG PA THA DAD PAR RNAM PAR 'JOG NA YANG 'DRA BA NYID RGYU MTSAN YIN PA'I PHYIR SHUGS KYIS 'DRA BA SGRUB BYED DAM PA NYID DU THOB PO, ,SHES PA NI 'DRA BA NYID KYIS 'JUG PAR BYED PA YIN LA, 'JUG PAR BYED NA YANG TSAD MA NYID DU 'JUG PAR 'DOD PAS DPYAD PAR BYA'I ZHEN PAS NI MA YIN NO, ,JI SKAD DU DON BYED PA DON DU NYE BAR RTOG PA DANG

21b

LDAN PA THAMS CAD TSAD MA MA TSAD MA MA YIN PA TSOL GYIS ZHES BSHAD PA BZHIN NO, ,DE'I SHES PA CHA GANG GIS 'JUG PAR 'GYUR BA DE NYID BSTAN PAR BYA'O, ,BSKYED PAR BYA BA DANG SKYED PAR BYED PA NGO BOS TSAD MA RNAM PAR 'JOG NA 'JUG PAR BYED PA'I YAN LAG 'DRA BA NYID RTOG STE, DE LTA YIN DANG SKYE BA'I SGO NAS TSAD MA RNAM PAR 'JOG PA 'BRAS BU MED PA NYID DU 'GYUR RO, ,DE'I PHYIR SLOB DPON GYIS DE'I SGO NAS TSAD MA RNAM PAR 'JOG PA NI 'JUG PA'I YAN LAG MA YIN NO SNYAM DU DGONGS NAS, 'DIS NYE BAR BTAGS PA LA BRTEN PA YIN NO, ,DE LTA BAS NA RNAM PAR GZHAG PA GRUB NA, DE RNAM PA GZHAN DU BSKYED PAR BYA BA DANG SKYED PAR BYED PA'I NGO BOS RTOG PA DE LTA NA YANG SKYON MED PA NYID DO ZHES BYA'O, ,TSAD MA'I SHES PA ZHES BYA BA LA SOGS PAS KU M'A LA RI LA'I 'BRAS BU RNAM PAR 'JOG PA DE NYID STON TO, ,'JUG PA'I ZHES BYA BA NI RAB TU 'JUG PA STE MIG LA SOGS PA ZHES BYA BA'I DON TO, ,'BRAS BU GZHAN YIN NO ZHES BYA BA NI DOR BA DANG BLANG BA DANG BTANG SNYOMS KYI MTSAN NYID KYI BLO'O, ,GZHAN 'DI YANG KU M'A LA RI LA NYID KYIS SMRAS PA YIN TE, RANG RIG PA NI BKAG PA'I PHYIR TSAD MA'I 'BRAS BU NYID DU MI RIGS LA YUL GYI RNAM PA CAN YANG TSAD MA YIN NA TSAD MA DANG 'BRAS BU DAG YUL THA DAD PA NYID DU THAL BAR 'GYUR TE, 'DI LTAR YUL GYI RNAM PA NI PHYI ROL GYI YUL YIN LA, RANG RIG PA NI SHES PAS RANG RIG NGO BOS YUL YIN NO ZHES BYA'O, ,THAMS CAD CES BYA BA LA SOGS PAS LAN 'DEBS PAR BYED DO, ,DMIGS PA MNGON SUM MA YIN NA, ,DON MTHONG RAB TU 'GRUB MI 'GYUR, ,ZHES BYA BAS DON THAMS CAD MNGON SUM MA YIN PA NYID DU THAL BAR 'GYUR BA'I PHYIR RANG RIG PA DGAG PAR MI NUS LA, YUL THA DAD PA NYID DU THAL BAR 'GYUR BA YANG RIGS PA MA YIN TE, GANG GI PHYIR DE'I 'BRAS BU YIN PA'I PHYIR RANG RIG PA YIN YANG DON RIG PAR 'DOD LA, RANG RIG PA NI DE DANG 'DRA BA'I PHYIR DE'I RANG BZHIN NYID NI MA YIN PAS 'GAL BA MED DO, ,TSAD MA RANG LAS ZHES BYA BA LA SOGS PA NI BDE BYED BDAG PO TSAD MA BYED PA YIN TE, TSAD MA NI BDAG LAS THA DAD PA'I PHYIR

22a

, ,BYA BA BYED PA YIN TE, BYED PA PO YIN PA'I PHYIR STE'U LA SOGS PA BZHIN NO ZHE NA, DON MED CES BYA BA LA SOGS PAS SUN 'BYIN PAR BYED DE, DON MED PA NI BSGRUB PA LA SGRUB PA'I SKYON YOD PA'I PHYIR RO, ,GANG PHYIR YONGS SU GCOD PAS ZHES BYA BA LA SOGS PAS SKYED PAR BYED PA'I 'BRAS BU GZHAN YANG SMRAS PA YIN NO, ,NI'I SGRA NI GTAN TSIGS SO, ,STE'U LA SOGS PA BZHIN NO ZHES BYA BA'I DPE YANG BSGRUB BYA MA TSANG BA YIN TE, GCOD PA DANG LHAN CIG NYID DU BSTAN ZIN PA'I PHYIR RO, ,BYED PA PO YIN PA'I PHYIR RO ZHES BYA BA YANG SKYED PAR BYED PA NYID DU BRJOD PAR 'DOD NA YANG GTAN TSIGS MA GRUB PA STE, SGRUB PAR BYED PA NI RNAM PAR 'JOG PAR BYED PA NYID DU 'DOD PA'I PHYIR RO, ,'JOG PAR BYED PA NYID BRJOD PAR 'DOD NA YANG MA NGES PA YIN TE, 'GAL BA MED PA'I PHYIR RO, ,SPYIR BRJOD PAR 'DOD NA YANG MA NGES PA YIN TE; 'GAL BA NYE BAR MA BSTAN PA'I PHYIR RO, ,GAL TE SHES PA YUL GYI RNAM PA CAN DU GYUR NA DE'I TSE YUL DANG 'DRA BA TSAD MA NYID DU 'GYUR NA, JI SRID DU GZUNG BAR BYA BA'I YUL DANG MTSUNGS PA'I RANG BZHIN GYIS SHES PA SKYE BA MA YIN TE, GZUNG BAR BYA BA DE LAS RIGS GZHAN YIN PA'I PHYIR, GZUGS DANG RO DAG BZHIN NO ZHES BSHAD PA NI, GAL TE SHES PA GZUNG BA DANG, ,ZHES BYA BA LA SOGS PA'O, ,KHO BO CAG RNAM PAR SHES PA SMRA BA RIG PA'I RJES SU 'BRANG BA RNAMS KYIS 'DI 'DOD PA NYID YIN PA'I PHYIR CHAD PA CUNG ZAD KYANG MED DO, ,'DI LTAR GANG CUNG ZAD KHYED CAG GIS BRJOD PAR GZUNG BAR BYA BA'I SUN 'BYIN PA MI GSOL BA 'DI NI KHO BO CAG GIS GZUNG BAR BYA BA RNAM PAR DPYAD PA'I DON DU SGRUB PAR BYED PA GSAL POR BRJOD DO, ,GZUNG BAR BYA BA LA 'DZIN PA NI MNGON PAR ZHEN PA STE, DE RNAM PAR DPYAD PA NI SEL BA'O, ,SGRUB PAR BYED PA GSAL PO DE YANG GANG ZHE NA, BDAG NYID THAMS CAD CES BYA BA LA SOGS PA SMOS TE, DON RIGS MI MTHUN PA JI SNYED CIG LAS LDOG PA DE SNYED CIG KHO NA LAS SHES PA GANG YIN PA ZHES BYA BA 'DI NI BDAG NYID THAMS CAD KYIS 'DRA BA'O, ,DNGOS PO CUNG ZAD TZAM LAS LDOG PA NI CHA SHAS KYIS MTSUNGS

22b

PA'O; ;'O NA JI LTAR 'DI TSAD MA NYID DON DANG 'DRA BAR BRJOD CE NA, 'ON KYANG ZHES BYA BA LA SOGS PA SMOS TE, DE ZHES BYA BA NI 'DRA BA YOD PA'AM RNAM PA'O, ,YUL DANG 'DRA BA'I RNAM PA DE GANG LA YOD PA DE NI RNAM BCAS SO, ,GZUNG BA LAS ZHES BYA BA NI PHYI ROL GYI DON LAS SO, ,GZUGS BRNYAN ZHES BYA BA NI SHES PA'I RNAM PA'O, ,DE DANG 'DRA BA'I PHYIR ZHES BYA BA NI YUL DANG 'DRA BA'I PHYIR RO, ,BTAGS NAS ZHES BYA BA NI NYE BAR BTAGS NAS SO, ,RIG BYED NYID DU 'GYUR ZHES BYA BA NI DON GYI ZHES BYA BA LHAG MA'O, ,STON PA NI RTEN NO, ,YUL LA SOGS LOG PAR RTOGS PA NI SPYI DNGOS POR GYUR BA BKAG PA'I PHYIR LA, DNGOS PO'I YUL CAN DU 'DOD PA'I MNGON SUM YANG RANG GI MTSAN NYID LAS GZHAN PA'I YUL YOD PA MA YIN ZHES BYA BA'I SHUGS KYIS BSTAN PA'I PHYIR RO, LOGS SHIG TU GSAL BA MA BYAS SO, ,GANG DAG 'DI MNGON SUM GYI MTSAN NYID DU MI RIGS TE, TSAD MA'I MTSAN NYID BYED PA NI CI NAS KYANG DE'I NGO BOS MTSON PA'I PHYIR DE LAS GZHAN DAG 'JUG PAR 'GYUR RO SNYAM PAS YIN GYI ZHEN PAS NI MA YIN NO, ,RTOG PA DANG BRAL BA NYID LA SOGS PA MTSON PA NI 'JIG RTEN 'JUG PA DANG LDOG PAR YOD PA MA YIN NO ZHES ZER RO, ,DE NI YANG DAG PA MA YIN TE, GANG GI MTSAN NYID GZHAN DU BYED PAR 'GYUR BA RANG GI 'DOD PA DNGOS PO RNAMS KYI RANG BZHIN RNAM PAR GZHAG PAR 'GYUR BA MA YIN GYI, 'ON KYANG JI LTA BA BZHIN DU GZHAG PA NYID KYI DNGOS PO'I RANG BZHIN RJES SU BRJOD NAS GRAGS PA DANG MA GRAGS PA'I RANG BZHIN GYI KHYAD PAR BSTAN PAR 'DOD PAS DPER NAS NI SRA BA NYID LTA BUR DE RIGS PA MTSAN NYID BYED PA YIN TE, DE LTA MA YIN NA MI SRID PA'I SKYON GYIS SUN PHYUNG BAR 'GYUR RO, ,MNGON SUM GYIS MTSON PAR BYED PA'I MTSAN NYID RTOG PA DANG BRAL ZHING MA 'KHRUL PA DAG LAS GZHAN YOD PA MA YIN TE, 'DI LTAR DE LA GDON MI ZA BAR MA 'KHRUL PAR KHAS BLANG BAR BYA DGOS TE, TSAD MA YIN PA'I PHYIR RO, ,RTOG PA DANG BRAL BA YANG YIN TE, DNGOS SU RANG GI MTSAN NYID YUL CAN YIN PA'I PHYIR DANG RANG GI MTSAN NYID LA YANG BRDA MI NUS PA NYID KYIS TE RIG PA NI MNGON PAR MA BRJOD PA NYID DU BSGRUBS ZIN PA'I PHYIR RO, ,DE'I PHYIR MKHAS PA RNAMS KYIS RIGS

23a

, ,PA'I RJES SU 'GRO BA NYID KYI MTSAN NYID BRJOD PA BSTAN PA YIN NO, ,RTOG PA DANG LDAN PA RNAMS MTSAN NYID 'DI LAS 'JUG PA DANG LDOG PA DAG TU MI 'GYUR BA YANG MA YIN TE, 'DI LTAR BUM PA'I 'DEBS PA DANG SPYI DANG GRANGS LA SOGS PA'I SHES PA DANG NGO BO SHES PA'I SHES PA DANG DE BZHIN DU DUNG LA SER PO LA SOGS PA'I SHES PA GZHAN DAG GIS MNGON SUM NYID DU BTAGS PA NI CI RIGS SU RTOG PA DANG BCAS PA NYID DANG 'KHRUL PA NYID KYI MNGON SUM YIN PA NGES PAR BZUNG NA DE'I YUL CAN NYID DU NYE BAR BTAGS PA'I GRANGS LA SOGS PA'I DNGOS PO NYID DU MNGON PAR ZHEN PA LAS LDOG PAR BYED DE, GANG YANG BSTAN PAR BYA BA MA YIN PA'I SNGON PO LA SOGS PA'I RANG GI MTSAN NYID DE NYID DNGOS PO SNYAM DU ZHEN NAS DE LA 'JUG PAR BYED DE, JI LTAR MNGON SUM RTOG PA MED PA YIN YANG 'JUG PAR BYED PA NYID YIN PA DE LTAR NI DANG PO NYID DU BSTAN ZIN TO, , GAL TE DE LTAR NA RTOG PA DANG BRAL BA'I MTSAN NYID GCIG NYID BYA BAR RIGS PAR GYI MA 'KHRUL PA MA YIN TE, 'DI LTAR 'JUG PA LAS SNGAR RAB TU GRAGS PA GANG YIN PA DE NYID 'JUG PAR 'DOD PA RNAMS KYI MTSAN NYID DU BYA BAR RIGS KYI MA GRAGS PA NI MA YIN TE, DE NI MED PA DANG MTSUNGS PA'I PHYIR RO, ,MA 'KHRUL PA NYID DU NGES PA NI DON BYA BA LA MI SLU BA LAS SNGAR YOD PA MA YIN TE, GANG GI PHYIR TSU ROL MTHONG BA RNAMS KYIS DE'I 'BRAS BU RTOG PA MED PAR SHES PA'I DON JI LTA BA NYID SHES PAR MI NUS TE, DE DAG GI DNGOS PO'I NUS PA NI RTAG TU 'BRAS BU LAS RJES SU DPAG PAR BYA BA YIN PA'I PHYIR DANG, DON JI LTA BA BZHIN DU JI LTAR NYE BAR BTAGS PA'I DON THOB PAR NUS PA'I MTSAN NYID CAN YIN PA'I PHYIR RO, ,DUS PHYIS DON JI LTA BA BZHIN DU NGES PAR BZUNG NA YANG 'BRAS BU DANG BCAS PA MA YIN TE, DE LA YANG MI 'JUG PA'I PHYIR RO ZHE NA, DE NI KLAN KA MA YIN TE, JI LTAR SKRA SHAD 'DZINGS PA LA SOGS PA'I BLO RNAMS KYANG TSAD MA NYID DU THAL BAR 'GYUR BA'I PHYIR HA CANG KHYAB PA'I SKYON DU 'GYUR DU 'ONG BA DE'I PHYIR GDON MI ZA BAR MA 'KHRUL BAR SMOS PAR BYA'O ZHES BSTAN PA YIN NO, ,GANG YANG 'JUG PA LAS SNGAR MI NGES PA'I RGYU NI TSU ROL MTHONG

23b

BA NYID YIN PAR BRJOD PA DE YANG MA NGES PA NYID YIN TE, TSU ROL MTHONG BA RNAMS KYIS 'GA' ZHIG TU MA NGES PAR 'GYUR DU DOGS SO ZHES PA GANG YIN PA 'DI LA SU ZHIG GIS GEGS BYAS, DE LTA NA NI DE DAG GIS CUNG ZAD KYANG MI NGES SO ZHES BYA BAR 'GYUR LA, DE LTA YIN DANG DE DAG SEMS PA MED PA CAN NYID DU 'GYUR RO, ,GANG GI PHYIR GOMS PA'I STOBS KYIS SKYE BA'I SHES PA'I BAG CHAGS 'JUG PA'I PHYUGS KYI PHRU GU DAG KYANG 'DI NI BDE BA'I SGRUB PAR BYED PA YIN NO, ,'DI NI BDE BA MA YIN PA'I SNYAM DU 'JUG PA LAS SNGAR DES NA G-YANG SA LA SOGS PA SPONG BA DANG NU MA LA SOGS PA LEN PAR BYED PAR MTHONG BA NYID DO, ,'DI LTAR YANG DAG PA MA YIN PA GOMS PA'I 'DOD PA DANG MYA NGAN DANG 'JIGS PA LA SOGS PA'I SEMS CAN RNAMS KYANG GOMS PAS CHOS MTHUN PA LA SOGS PA DRAN PA LA LTOS PA MED PAR SHES PA GSAL BAR SNANG BA SKYED PA'I NUS PA DMIGS PA NYID DO; ,GANG DU GOMS PA MED PA DER NI DE DAG GI NUS PA NYID 'BRAS BU DPAG PAR BYA BA NYID YIN GYI THAMS CAD DU NI MA YIN NO, ,'DIS NI DU BA LA SOGS PA'I RTAGS NGES PA YANG BSHAD PA YIN NO, ,GANG GI PHYIR DE LA YANG DE DANG DE MA YIN PA'I 'BRAS BU DU BA LA SOGS PA RANG BZHIN GYIS PHAN TSUN ZHIG TU DPEN PA'I RANG BZHIN YIN PA'I PHYIR RO, ,DES DPEN PAR NGES PA'I RGYU YANG GOMS PA LA SOGS PA YIN PA'I PHYIR RTAGS NGES PA SRID PAS DES NA RJES SU DPAG PA MI SPONG NGO, ,'ON TE THOG MAR 'JUG PA YOD NA SGOM PA GRUB PAR 'GYUR BA MA YIN NAM, GANG GI PHYIR DE NYID JI LTAR 'GYUR BA BRJOD PAR BYA DGOS SO ZHE NA, SMRAS PA, THE TSOM LAS SO, ,MNGON SUM THE TSOM GYI RGYU YIN NA JI LTAR DE LA TSAD MA NYID YIN ZHE NA, NGES PA'I RGYU YANG JI LTAR TSAD MA NYID YIN, NGES PA BSKYED PAR BYED PAS DON DU GNYER BA RNAMS DE LA 'JUG PAR BYED PA'I PHYIR RO ZHE NA, 'DI NI THE TSOM GYI RGYU LA YANG MTSUNGS SO, ,GAL TE YANG DE LA RTOG PA DON DU GNYER BA DON GYI RNAM PA LAS BZLOG PA NGES PA DE LTAR NA YANG MNGON SUM DE RNAM PA DES 'JUG PAR BYED PA MA YIN TE, DE LTAR NGES PA'I DON DON DU MI GNYER BA'I PHYIR RO, ,ZLOG PAR BYED PA YANG MA YIN TE, RTOG PA DON DU GNYER BA'I

24a

, ,DON NGES PA'I RGYU NYID KYIS DON DU GNYER BA 'JUG PA'I PHYIR RO, ,DE LTAR MA YIN TE THE TSOM GYI RGYU YIN NA, MNGON SUM LAS DON DU GNYER BA 'JUG PAR YANG MI 'GYUR LA, LDOG PAR YANG MI 'GYUR RO ZHES BYA BA THOB NA DE LTA NA YANG MA YIN GYI, 'ON KYANG DON DU GNYER BA RNAMS LA DON MED PAR 'BYUNG BA MI SRID PA YIN TE, DON DU GNYER BA NYID KYIS 'JUG PA STOBS DANG LDAN PA YIN NO, ,'DIS NI MNGON SUM NGES PA'I RGYU YIN PA LAS 'DI KHYAD PAR 'GA' YANG MED DO, ,GANG DU MTHA' GCIG TU RTOGS PA'I DON LAS BZLOG PA'I RNAM PA NGES PA'I RGYU NYID DAM, NGES PA MI SKYED PA DER NI DES RNAM PA THAMS CAD DU DON DU GNYER BA MI 'JUG PA'I PHYIR TSAD MA MA YIN PA BRJOD PAR RIGS KYI GZHAN DU NI MA YIN TE, HA CANG SPROS PAS CHOG GO, ,DE KHO NA NYID BSDUS PA'I DKA' 'BREL LAS MNGON SUM GYI MTSAN NYID BRTAG PA STE, NYI SHU GNYIS PA'O,, ,,DA NI RJES SU DPAG PA'I MTSAN NYID BSHAD PA, RANG GZHAN ZHES BYA BA LA SOGS PA'O, ,RJES SU DPAG PA NI RANG GI DON DANG GZHAN GYI DON GYI BYE BRAG GIS RNAM PA GNYIS TE, DE LA RANG GI DON NI PHYOGS KYI CHOS NYID DU MTHUN PA'I PHYOGS LA YOD PA NYID DANG MI MTHUN PA'I PHYOGS THAMS CAD LAS LDOG PA ZHES BYA BA DE LTA BU'I MTSAN NYID KYI TSUL GSUM PA'I RTAGS LAS RJES SU DPAG PAR BYA BA'I DON GYI YUL CAN GYI SHES PA GANG YIN PA STE, DE'I BDAG NYID DU RIG PAR BYA'O, ,GZHAN GYI DON NI JI SKAD DU BSHAD PA'I TSUL GSUM PA'I RTAGS GSAL BAR BYED PA STE, TSIG GI BDAG NYID DU BLTA BAR BYA'O, ,YANG NA RJES SU DPAG PA LTAR SNANG BA'I MTSAN NYID GANG YIN PA MA BSTAN PAS, DE'I PHYIR TSUL RE RE ZHES BYA BA LA SOGS PA SMOS TE, SGRA RTAG CES BYAS PA'I PHYIR LUS CAN YIN PA'I PHYIR, GZHAL BYA YIN PA'I PHYIR ZHES BYA BA TSUL RE RE BA YIN TE, GO RIMS BZHIN DU PHYOGS KYI CHOS NYID DANG MTHUN PA'I PHYOGS LA YOD PA DANG NYID DANG, MI MTHUN PA'I PHYOGS LAS LDOG PA TZAM YOD PA'I PHYIR RO, ,DE LA TSUL GNYIS PA NI SGRA MI RTAG STE, MIG GIS GZUNG BAR BYA BA YIN PA'I PHYIR, MNYAN PAR BYA BA YIN PA'I PHYIR LUS CAN MA

24b

YIN PA'I PHYIR ZHES BYA BA LTA BU STE, GO RIMS BZHIN DU PHYOGS KYI CHOS NYID DANG MTHUN PA'I PHYOGS LA YOD PA NYID DANG, MI MTHUN PA'I PHYOGS LAS LDOG PA TZAM MED PA'I PHYIR RO, ,DE SKAD DU, SGRA NI RTAG STE BYAS PA'I PHYIR, ,LUS CAN GZHAL BYA MA YIN PHYIR, ,MI RTAG MIG GIS GZUNG BYA'I PHYIR, ,LUS CAN MA YIN MNYAN BYA'I PHYIR, ,ZHES BSHAD DO, ,GZHAN DU ZHES BYA BA LA SOGS PAS SNOD KYI RJE'I LUGS KYI DOGS PA BSU BA YIN TE, DES SMRAS PA, GZHAN DU MI 'THAD PA NYID GTAN TSIGS BZANG PO YIN GYI MTSAN NYID GSUM PA NI MA YIN TE, 'DI LTAR GZHAN DU MI 'THAD PA NYID MED NA DE'I BU NYID LA SOGS PA YAN LAG GSUM PA CAN GTAN TSIGS BZANG POR MA MTHONG STE, DE LTA BAS NA MTSAN NYID GSUM PA CAN GYI GTAN TSIGS NI DON MED PA STE NUS PA MED PA YIN NO, ,GZHAN DU ZHES BYA BA STE, GTAN TSIGS BSGRUB BYA MED NA MI 'THAD PA STE, BSGRUB BYA KHO NA LA YOD PA ZHES BYA BA'I DON TO, ,GANG LA GZHAN DU MI 'THAD PA ZHES BYA BA LA SOGS PAS RGYAS PAR RJES SU 'GRO BA DANG LDOG PAR BSTAN PA'I SGO NAS GZHAN DU MI 'THAD PA NYID CES BYA BA'I GTAN TSIGS MTSAN NYID GCIG PA NYID DU SGRUB PAR BYED DO, ,GZHAN DU MI 'THAD PA NYID KYI MTSAN NYID GCIG GANG LA YOD PA DE NI MTSAN NYID GCIG STE, DE NYID 'JIG RTEN PA'AM YONGS SU RTOGS PA PO RNAMS KYIS GTAN TSIGS SU 'DOD KYI GZHAN NI MA YIN NO, ,SHUGS KYIS PHYOGS KYI CHOS NYID LA SOGS PA GSUM PO 'DI NYID KYIS 'PHEN PA'I PHYIR MTSAN NYID BZHI BA YANG YIN LA RAG PA'AM YANG MTSAN NYID BZHI PA YANG MA YIN TE, GANG GI PHYIR 'GA' ZHIG TU MTSAN NYID GCIG PA CAN DANG, MTSAN NYID GNYIS PA'AM, MTSAN NYID GSUM PAR YANG RIGS TE, 'DI LTAR GZHAN DU MI 'THAD PA NYID KYI MTSAN NYID GCIG PO DES MTSAN NYID GCIG CES BSTAN LA, GZHAN DU MI 'THAD PA DANG LHAN CIG PA'I RIGS MTHUN PA LA GRUB PA DANG RIGS MI MTHUN PA LAS LDOG PA MNGON PAR DPYAD NAS MTSAN NYID GNYIS PA'O, ,GNYI GA GZHAN DU MI 'THAD PA NYID DANG RIGS MTHUN PA LA 'JUG PA NYID DANG, BSGRUB PAR BYA BA'I MI MTHUN PA'I PHYOGS

25a

, ,LAS LDOG PA ZHES BYA BA'I MTSAN NYID GSUM PA YIN GYI, ,PHYOGS KYI CHOS LA SOGS PA'I MTSAN NYID GSUM DANG LDAN PAS NI, GTAN TSIGS MTSAN NYID GSUM DU MI 'DOD DE, DE DAG NI YANG DAG PA'I SHES PA LAM NYID DU MI 'THAD PA'I PHYIR RO, ,RNAM PA GCIG TU NA GTZO BO YIN PA'I PHYIR GZHAN DU MI 'THAD PA NYID CES BYA BAS MTSAN NYID GCIG PA NYID DU BSTAN GYI PHYOGS KYI CHOS LA SOGS PA NI MA YIN TE, DE DAG NI GTZO BO MA YIN PA'I PHYIR RAM, CUNG ZAD KYANG MI BYED PA'I PHYIR RO ZHES BYA BA BSTAN PA'I PHYIR, DPER NA ZHES BYA BA LA SOGS PA SMOS SO, , 'ON TE MED NA MI 'BYUNG BA'I 'BREL BA YOD PA'I PHYIR TSUL GSUM PA NYID GTAN TSIGS BZANG POR RIGS PA MA YIN NAM ZHE NA, TSUL GSUM PA ZHES BYA BA LA SOGS PA SMOS TE, GZHAN DU MI SRID PA'I YAN LAG GCIG GANG LA YOD PA DE NI DE LTA BU YIN LA DE DAG KYANG YIN GTAN TSIGS KYANG YIN PAS GZHAN DU MI SRID PA'I YAN LAG GCIG GI GTAN TSIGS SO, ,GANG LA GZHAN DU ZHES BYA BA LA SOGS PAS JI SKAD DU BSHAD PA'I DON NYID MJUG SDUD PAR BYED PA YIN NO, DPE GNYIS ZHES BYA BA NI CHOS MTHUN PA DANG CHOS MI MTHUN PA'I MTSAN NYID DAG GO, ,RGYU MA YIN ZHES BYA BA NI BSGRUB BYA RTOGS PA'O, ,GANG LA GZHAN DU MI 'THAD YOD, ,DE LA GSUM GYIS CI ZHIG BYA, ,ZHES BYA BA'I MJUG THOGS SO, ,GANG LA GZHAN DU MI 'THAD MED, ,DE LA GSUM GYIS CI ZHIG PHAN, ,ZHES BYA BA 'DI NI PHYED GDON PAR BYA'O, ,TSUL GSUM LA MED NA MI 'BYUNG BA'I 'BREL BA MED PAR BSTAN PA'I PHYIR DE'I BU YIN PA'I PHYIR ZHES BYA BA LA SOGS PA SMOS TE, DE LA ZHES BYA BA LA SOGS PAS GTAN TSIGS KYI MTSAN NYID GCIG BSGRUB PA'I PHYIR SPROS NAS DPER BRJOD PA STON TE, DNGOS DANG DNGOS PO MED PA NI CI LTAR YOD PA'I BDAG NYID YIN TE, JI LTAR YANG DMIGS PA'I PHYIR RO; ,'DI LA CHOS MTHUN PA DANG MI MTHUN PA'I DPE DAG LAS PHYI ROL DU GYUR BA'I SBYOR BA BDAG NYID DAM DON GYI BDAG NYID YOD PA MA YIN TE, DNGOS PO DANG DNGOS PO MED PA'I TSOGS THAMS CAD PHYOGS SU BYAS PA'I PHYIR RO, ,DE LAS MA GTOGS PA GZHAN MED PA'I PHYIR DANG, PHYOGS KYI

25b

CHOS GZHAN DU MI 'THAD PAS LDOG PA MED PA'I PHYIR 'DI NI MTSAN NYID GCIG PA YIN NO, ,JI LTAR YANG ZHES BYA BA NI ZHES BYA BA LA SOGS PA'I RNAM GRANGS KHA CIG GIS ZHES BYA BA'I DON TO, ,YOD BDAG NYID CES BYA BA 'DIR YANG JI LTAR YANG ZHES SBREL BAR BYA'O, ,DES NA DON 'DI YIN TE, JI LTAR YANG YOD PA MA YIN TE, JI LTAR YANG DMIGS PA'I PHYIR RO ZHES BYA BA YIN NO, ,DA NI GTAN TSIGS KYI MTSAN NYID GNYIS PA'I DPER BRJOD PA GZHAN BSTAN PA'I PHYIR, BSHAD PA, ZLA BA RI BONG CAN MA YIN PA'AM, RI BONG CAN ZAL BA MA YIN NO ZHES BYA BA NI PHYOGS SO, ,'JIG RTEN NA BRDA RAB TU GRAGS PA'I ZLA BA BSTAN PA'I PHYIR RAM, ZLA BA NYID DU THA SNYAD DU BYAS PA'I PHYIR ZHES BYA BA NI GTAN TSIGS SO, ,CHOS MI MTHUN PA NI BUNG BA LA SOGS PA'O, ,MTSAN NYID GNYIS PA GZHAN 'DI LANG BRJOD PAR BYA STE, BDAG GIS NYAMS SU MYONG BA 'DI NI SBRANG BU 'DIS BYAS PA YIN TE, SBRANG BU BABS PA'I RIGS PAS 'BYUNG BA RNYED PA CAN YIN PA'I PHYIR RO, ,SBRANG BU STE PA TANG KA BABS PA'I REG PAS 'BYUNG BA RNYED PA STE SKYE BA GANG LA YOD PA ZHES BYA BA'I DON TO, ,SPYI BRJOD PAR 'DOD PA NA GZHAN GYI TSIG GI DON DU BLTA BAR BYA'O, ,MIG NI YOD PA'I GZUGS 'DZIN PA'I SGRUB BYED DAM PA'I NUS PA CAN YIN TE, NYAMS PA MED CING GZUGS BLTA BAR 'DOD PA NA RTOG PA SNGON DU GTONG BAR BYED PA NYID KYIS BYA BA BYED PA'I PHYIR DANG, GZUGS YONGS SU GCOD PA'I PHYIR TE, CHOS MI MTHUN PA NI RNA BA LA SOGS PA'O, ,DE ZHES BYA BA NI GZUGS SO, ,'DIR GTAN TSIGS GSUM KA LA YANG MTHUN PA'I PHYOGS MED PA'I PHYIR TSUL GNYIS PA YIN NO, ,BDAG DANG BUM PA LA SOGS PA NI JI LTAR YANG MED PA NI BDAG NYID YIN TE, JI LTAR DMIGS PA'I BONG BU'I RVA BZHIN NO, ,'DI LA CHOS MI MTHUN PA NI DPE YOD PA MA YIN NO, ,BUM PA LA SOGS PA'I DNGOS PO'I TSOGS THAMS CAD NI CHOS CAN NO, ,JI LTAR YANG MED PA'I BDAG NYID YIN TE ZHES BYA BA NI DAM BCA' BA'O, ,MED PA YANG CHOS MTHUN PA'I DPE NYID DU BKOD PA'O, ,GANG LA BSGRUB BYA RNAM PAR BCAD PA SNGON DU 'GRO BA CAN GYI SGRUB PAR BYED PA RNAM PAR GCOD PAS STON PAR 'GYUR BA DNGOS PO DANG DNGOS PO MED PA DE

26a

, ,LAS MA GTOGS PA GSUM PA YOD PA NI MA YIN NO, ,YANG NA BONG BU'I RVA LA SOGS PA NI JI LTAR YANG YOD PA'I BDAG NYID YIN TE, JI LTAR YANG DMIGS PA'I PHYIR BDAG DANG BUM PA LA SOGS PA BZHIN NO, ,'DIR YANG RIGS PA SNGA MA NYID KYI CHOS MI MTHUN PA'I DPE MED PA SBYAR BAR BYA'O, ,KHYIM 'DI NA KHYOD KYI PHA YOD PAR SHES PAR BYA STE, KHYOD KYIS PHA'I SGRA THOS PA'I PHYIR RO, ,'DI LA CHOS MTHUN PA'I DPE MED PA'I PHYIR TSUL GNYIS PA YIN NO ZHES GRAG GO ,DPER NA PHYOGS KYI CHOS MED NA YANG DU BA LA SOGS PA'I RTAGS BZHIN DU SGRA DANG SGRON MA LA SOGS PA SHES PAR BYED PA NYID DU MTHONG NGO, ,SGRA DANG SGRON MA LA SOGS PA NI BUM PA LA SOGS PA'I DON DU RTOGS PA'I CHOS MA YIN LA, YANG SGRA LA SOGS PA LAS DON RTOGS PA YANG MA YIN PA'I PHYIR MI MTHUN PA'I PHYOGS LA MED PA DANG GZHAN DU MI 'DRA BA NYID CES BYA BA GTAN TSIGS TSUL GNYIS PA YIN, DE'I PHYIR ZHES BYA BA LA SOGS PAS LAN 'DEBS PAR BYED DE, DE LA GTAN TSIGS BSGRUB PAR BYA BA DANG, MED NA MI 'BYUNG BA NYID CHOS CAN GYI KHYAD PAR YONGS SU MA BZUNG BAS DE'I SPYI'I SGO NAS SAM, CHOS CAN GYI KHYAD PAR YONGS SU BZUNG BAS TE, KHYAD PAR GYI SGO NAS YIN, KHYAD PAR GYI YIN NA YANG SHES PAR 'DOD PA'I BYE BRAG STE, BSGRUB PAR BYA BA'I CHOS CAN LA YIN NAM DPE'I CHOS CAN LA YIN ZHES BYA BA'I PHYOGS GSUM SRID DO, ,DE LA PHYOGS DANG PO LA SKYON BSHAD PA NI, DE NI SPYI'I SGO NAS ZHES BYA BA LA SOGS PA SMOS TE, PHYOGS KYI CHOS MED NA MI 'BYUNG BA TZAM GYIS MIG GIS GZUNG BAR BYA BA NYID NI CHOS CAN SGRA LA MI RTAG PA NYID GO BAR BYED PA MA MTHONG BA'I PHYIR PHYOGS DANG PO MI RIGS SO, ,BRJOD PAR 'DOD PA GRUB MI BRTEN, ,ZHES BYA BA NI BSGRUB PAR BYA BA'I CHOS CAN LA BRJOD PAR 'DOD PA GRUB PA BRTEN PA MA YIN NO ZHES BYA BA'I DON TO, ,JI SKAD CE NA, DPER NA ZHES BYA BA SMOS TE, DE ZHES BYA BA NI MIG GIS GZUNG BAR BYA BA NYID DO, ,DE NI ZHES BYA BA NI 'JIG PA'O, ,SGRUB BYED NI GO BAR BYED PA'O, ,CI STE JI SKAD DU BSHAD PA'I SKYON DU 'GYUR NA MI RUNG NGO SNYAM PAS GTAN TSIGS DE BSGRUB PAR BYA BA'I CHOS CAN

26b

LA BRTEN PA DE LTA YIN NA KHO BO CAG GI GTAN TSIGS KYI MTSAN NYID TSUL GSUM PO DE NYID KHYED CAG GI LTA BA LA YANG 'GYUR RO, ,JI LTAR ZHE NA, GZHAN DU MI 'THAD CES BYA BA LA SOGS PA SMOS TE, RJES SU 'GRO BA NI MTHUN PA'I PHYOGS LA YOD PA'O, ,LDOG PA NI MI MTHUN PA'I PHYOGS LA MED PA'O, ,BRTEN PAS NA BRTEN PA STE, YONGS SU 'DZIN ZHES BYA BA'I THA TSIG GO, ,SLOB DPON GYIS ZHES BYA BA 'DIS NI DE'I LUGS DANG MI 'GAL BAR STON PAR BYED DO, ,GZUNG BYA ZHES BYA BA LA GZUNG BAR BYA BA NI BSGRUB PAR BYA BA'I CHOS TE, PHYOGS CHOS ZHES BYA BA'I THA TSIG GO, ,CI STE ZHES BYA BAR PHYOGS GNYIS PA LA BSHAD PA, CI STE BSGRUB PAR BYA BA'I CHOS CAN NYID LA GTAN TSIGS BSGRUB PAR BYA BA MED NA MI 'BYUNG BA NYID GANG YIN PA DE NYID GTAN TSIGS KYI MTSAN NYID YIN NO, ,JI SKAD DU, GZHAN DAG DPE LA GTAN TSIGS NI, ,BSGRUB BYA MED PAR MI MTHONG 'DOD, ,KHO BOS CHOS CAN 'DI NI, , MED NA MI SRID PA NYID NI, ,DON GYI GO BAS NGES BZUNG NAS, ,DGE SLONG PA YI RJES DPAG LAS, ,NGED KYI RJES DPAG MA YIN NO, ,SENG GE BZHIN DU GZHAN DU 'DOD, ,CHOS CAN ZHES BYA BA NI BSGRUB PAR BYA BA'I CHOS CAN NO, ,BSGRUB PAR BYA BA'I CHOS CAN LA, BSGRUB PAR BYA BA'I CHOS 'DI MI SRID PA'I NGANG TSUL ZHES BYA BA'I DON TO, ,'O NA DE LTA NA BSGRUB BYA'I CHOS CAN LA TSAD MA GANG KHO NAS GTAN TSIGS BSGRUB BYA MED NA MI 'BYUNG BA GRUB PA DE KHO NA LAS BSGRUB BYA YANG 'GRUB PA'I PHYIR GTAN TSIGS DON MED DO, ,CI STE BSGRUB BYA MA GRUB PA'I DE'I TSE GTAN TSIGS KYANG MA GRUB PA NYID DE, GANG GI PHYIR GTAN TSIGS KYI MTSAN NYID NI SGRUB PAR BYED PA'I CHOS CAN LA BSGRUB BYA MED NA MI 'BYUNG BA NYID YIN LA, MED NA MI 'BYUNG BA NYID DE YANG BSGRUB BYA MA GRUB NA MI 'GRUB PA'I PHYIR GTAN TSIGS MI 'GRUB STE, MED NA MI 'BYUNG BA NYID NI GNYI GA GRUB PA MED NA MI 'BYUNG BA YIN PA'I PHYIR RO, ,TSAD MA GZHAN LAS BSGRUB BYA GRUB PA NA GTAN TSIGS 'GRUB PO ZHE NA, DE'I TSE GTAN TSIGS CI ZHIG BYA STE, BSGRUB BYA GRUB ZIN PA'I PHYIR RO, ,GTAN TSIGS LAS BSGRUB PAR BYA BA NGES PAR BYA BA YIN, PHAN TSUN BRTEN PA'I SKYON DU YANG 'GYUR RO, ,JI LTAR ZHE NA, GNYIS LAS ZHES BYA BA LA

27a

, ,SOGS PA SMOS TE, BSGRUB BYA 'GRUB PA NI GTAN TSIGS GRUB PA SNGON DU 'GRO BA CAN YIN TE, GTAN TSIGS NI DE'I DON DU YIN PA'I PHYIR LA BSGRUB BYA MED NA NI MI 'BYUNG BA'I MTSAN NYID CAN GYI GTAN TSIGS 'GRUB PA YANG BSGRUB BYA GRUB PA SNGON DU 'GRO BA CAN YIN PA'I PHYIR PHAN TSUN BRTEN PA NYID DU GSAL LO, ,PHYOGS GSUM PA LA DPE LA YANG ZHES BYA BA SMOS TE, DPAL STE BSGRUB BYA'I CHOS CAN LAS THA DAD PA'I DPE'I CHOS CAN ZHES BYA BA'I DON TO, ,DE GRUB CES BYA BA NI GTAN TSIGS GRUB NA'O, ,'DI SKAD DU BSTAN PA YIN TE, GAL TE BSGRUB BYA CHOS CAN LAS MA GTOGS PA NYID KYI DPE'I CHOS CAN GZHAN ZHIG LA GTAN TSIGS MED NA MI 'BYUNG BA NYID 'DOD KYI, BSGRUB PAR BYA BA'I CHOS CAN DANG LHAN CIG THAMS CAD NYE BAR SDUD PA NI MA YIN NA, DE JI LTAR BSGRUB BYA'I CHOS CAN LA GTAN TSIGS LAS BSGRUB PAR BYA BA RTOGS PAR 'GYUR, JI LTAR MI 'GYUR ZHE NA, DE'I THAMS CAD CES BYA BA LA SOGS PA SMOS SO, ,DA NI GANG YANG ZHES BYA BA LA SOGS PAS DPER BRJOD PA RNAMS SUN 'BYIN PAR BYED DE, JI LTAR YANG DMIGS PA'I PHYIR ZHES BYA BA'I GTAN TSIGS SMRAS PA GANG YIN PA 'DI NI DON MED PA YIN TE, THE TSOM ZA BA'I YUL MED PA'I PHYIR TE, GRUB PA LA SGRUB PA YIN NO ZHES BYA BA'I THA TSIG GO, ,GRUB PA'I YUL LA NI GTAN TSIGS MI 'DOD DO, ,'O NA CI ZHE NA, THE TSOM LA STE, 'DI LTAR GTAN TSIGS THE TSOM LA BRJOD PA'I PHYIR BSAMS PA BZHIN DU GRUB PAR YANG GTAN TSIGS KYI RTEN MA YIN PA NYID DE, BSGRUB BYA GRUB ZIN PA'I PHYIR RO, ,CI STE YANG 'DI LA YANG GTAN TSIGS KYI YUL THE TSOM NYID YOD PA YIN NO SNYAM NA, DE'I PHYIR DNGOS PO'I ZHES BYA BA LA SOGS PA SMOS TE, GANG GI TSE DNGOS PO'I JI LTAR YANG YOD PA NYID THAMS CAD KYIS NGES PA NYID YIN PA DE'I TSE DNGOS PO NI JI LTAR YOD PA'I BDAG NYID YIN NO ZHES BYA BA DE LTAR CI'I PHYIR RJOD PAR BYED, DE'I BDAG NYID CES BYA BA NI YOD PA'I BDAG NYID DO, ,DNGOS PO ZHES BYA BA NI NYE BAR MTSON PA STE, DNGOS PO MED PA YANG GZHAL BYA LA SOGS PA'I NGO BOS YOD PA'I BDAG NYID DU STON PA YIN NO, ,NGES PA'I PHYIR GTAN TSIGS DON MED DO, ,

27b

CI STE GRANGS CAN LA SOGS PA LA MA GRUB STE, DE'I PHYIR BSGRUB PAR BYA'O ZHE NA, RNAM 'GYUR ZHES BYA BA LA SOGS PA SMOS TE, DNGOS KUN GCIG TU SMRA BA NI GRANGS CAN PA'O, ,SMRA BA DE LA GNAS PA'I GRANGS CAN PA DAG GIS BDAG NYID DE RANG BZHIN 'GA' ZHIG GIS YOD PA'I BDAG NYID DU STON PA NYID YIN NO, ,JI LTAR ZHE NA, RNAM 'GYUR BDAG SOGS BYE BRAG GIS, ,ZHES BYA BA SMOS TE, RNAM PAR 'GYUR BA'I BDAG NI RNAM PAR 'GYUR BA'I RANG BZHIN NO, ,SOGS PA'I SGRAS NI RANG BZHIN TE MA 'DRES PA DANG SDUG BSNGAL LA SOGS PA'I RANG BZHIN DANG PHAN TSUN DANG RANG BZHIN LAS THA DAD PA'I SKYES BU GZUNG NGO, ,GANG YANG ZHES BYA BA NI DBU MA PA RNAMS SO, ,DE DAG KYANG DE KHO NA NYID DU ZHES BYA BA'I KHYAD PAR DANG BCAS PA'I DNGOS PO RNAMS KYI RNAMS KYI RANG BZHIN MED PA NYID LA BRTEN GYI RNAM PA THAMS CAD DU NI MA YIN TE, MTHONG BA JI LTA BA BZHIN DU SKYE BA LA SOGS PA KHAS LEN PA'I PHYIR RO, ,DE NYID DU ZHES BYA BA NI RIGS PA LAS SO, ,SOGS PA'I SGRAS DON DAM PAR ZHES BYA BA LA SOGS PA GZUNG NGO, ,THAMS CAD KYI DNGOS PO JI LTAR YANG YOD PA'I BDAG NYID DU NGES SO ZHES BYA BA 'DI NI GDON MI ZA BAR YANG KHAS BLANG BAR BYA DGOS TE, DE LTA MIN NA STE, DE LTAR MI 'DOD NA JI LTAR YANG DMIGS PA'I PHYIR RO ZHES BYA BA'I GTAN TSIGS 'DI YANG MI 'GRUB PO, ,SNGAR NI GRUB PA LA SGRUB PA'I SKYON SMRAS LA DA LTA NI MA GRUB PAR BSHAD DO, ,CI STE THA SNYAD SGRUB NA DE'I TSE GANG DU SNGAR THA SNYAD DU BYAS PA DE DPER GRUB PA YIN PA'I PHYIR TSUL GSUM PA NYID DU 'GYUR BA DE LA DE LTA MA YIN TE, DPE MED PA YIN NA THA SNYAD DE YANG 'GRUB PAR MI 'GYUR RO, ,SBYOR BA GNYIS PA LA SKYON BSHAD PA'I PHYIR, ZLA BA NYID DU ZHES BYA BA LA SOGS PA SMOS TE, BRAM ZE'I KHYE'U ZHES BYA BA NI SKYES BU ZHIG LA'O, ,GAL TE ZLA BA BSGRUB PAR BYA BA'I PHYIR TSUL GSUM PA'I GTAN TSIGS SRID PA YIN NA, 'O NA JI LTAR SLOB DPON GYIS DPER NA RI BONG CAN GYI ZLA BA MA YIN TE YOD PA'I PHYIR RO ZHES BYA BA LTA BUR GANG LA YANG THUN MONG MA YIN PA'I PHYIR RJES SU DPAG PA MED LA, SGRA LAS BYUNG BA'I GRAGS PA DANG 'GAL BA'I DON GYIS BSAL BA DE YANG PHYOGS

28a

, ,MA YIN NO ZHES BYA BA'I GZHUNG 'DIS RI BONG CAN ZLA BA MA YIN PAR DAM 'CHA' BA GANG YIN PA DE YANG ZLA BA NYID DU BSGRUB PA'I PHYIR 'JIG RTEN GYI RJES SU DPAG PA MED PAR BSHAD CES DOGS PA BSU NAS, RAB TU GRAGS PA ZHES SMOS SO, ,DNGOS PO'I NGO BO LA BRTEN TE,, ZHES BYA BA NI DNGOS PO YOD PA DANG MED PA'I RJES SU BYED PA 'DI LA THUN MONG MA YIN PAR BSHAD KYI, GRAGS PA MTSAN NYID KYI GTAN TSIGS LA NI MA YIN TE, 'DI NI 'DOD PA'I RJES SU BYED PA'I PHYIR RJES SU 'GRO BA YOD PA NYID DO, ,GANG GI PHYIR GRAGS PA THAMS CAD LA SNYON PA'I LOG PAR RTOG PA'I GRAGS PA'I MTSAN NYID KYI RTAGS KYIS ZLA BA NYID DU RTOGS PAR MI NUS LA, GANG GIS RI BONG CAN ZLA BA NYID DU RTOGS PAR 'GYUR BA DNGOS PO'I STOBS KYIS ZHUGS PA'I GTAN TSIGS GZHAN YANG YOD PA MA YIN TE, ZLA BA LA SOGS PA'I THA SNYAD NI 'DI 'DOD PA TZAM GYI RJES SU BYED PA NYID DNGOS PO'I CHOS MA YIN PA'I PHYIR RO, ,DE LA RJES SU DPAG PA DPE MED PA NYID DU BSHAD DE, JI SKAD DU, RI BONG CAN ZLAR MI 'DOD PA, ,DE GRAGS GANG ZHIG 'DOD PAR 'GYUR, ,DE LTAR DE LA DPE MED DE, ,DE NI THUN MONG MA YIN 'DOD, ,CES BSHAD PA LTA BU'O, ,KHA CIG LAS, ZLA BA MIN BSGRUB GTAN TSIGS LA, ,ZHES 'DON TE, DER 'DI LTAR SPREL BAR BYA STE, PHYOGS SNGA MA SMRA BAS RI BONG CAN ZLA BA MA YIN TE, YOD PA'I PHYIR ZHES BYA BA'I GTAN TSIGS SMRAS PA GANG YIN PA BSGRUB PA'I GTAN TSIGS PHYOGS SNGA MA SMRA BAS SMRAS PA DE LA ZHUGS PA'I PHYOGS PHYI MA SMRA BAS ZLA BA NYID DU BSGRUB PA'I PHYIR, SLOB DPON GYIS GANG LA YANG THUN MONG MA YIN PA NYID YIN PA'I PHYIR RJES SU DPAG PA MED PAS ZHES BYA BA LA SOGS PAS GRAGS PA LAS MA GTOGS PA'I DNGOS PO'I STOBS KYIS ZHUGS PA'I RTAGS LA BRTEN NAS DE RJES SU DPAG PA MED PA'I RGYU THUN MONG BA NYID DU BSHAD DO, ,GTAN TSIGS GSUM PA LA YANG SBRANG BU 'DI YIS ZHES BYA BA LA SOGS PA SMOS TE, KHYAD PAR MA THONG BA MA YIN NO ZHES BYA BA NI GTAN TSIGS DANG DAM BCA' DAG STE, DAM BCA' BA NI DON GYI PHYOGS GCIG GTAN TSIGS SU 'GYUR RO ZHES BYA BA'I THA TSIG GO, ,'DI LTAR 'DIR

28b

NYAMS SU MYONG BA'I RGYU KHYAD PAR CAN GYI SBRANG BU BSGRUB PAR BYA BA NYID DU 'DOD PA DE NYID SGRA GZHAN GYIS GTAN TSIGS NYID DU BSTAN PA'I PHYIR, GTAN TSIGS DANG DAM BCA' BA DAG KHYAD PAR MED DO, ,GANG GI TSE BABS PA ZHES BYA BA'I KHYAD PAR MI LEN GYI SKYE BA THOB PA'I PHYIR ZHES BYA BA SPYIR GTAN TSIGS SU BRJOD PA DE'I TSE DAM BCA' BA'I PHYOGS GCIG PA MA YIN NO ZHES BA BAR 'DOD NA 'DI LA BABS PA ZHES BYA BA LA SOGS PA SMOS TE, SBRANG BU GZHAN GYIS BYAS PA'I TSOR BAS 'KHRUL PAR 'GYUR DU 'ONG BA'I PHYIR GDON MI ZA BAR KHYAD PAR BYA DGOS SO, ,CI STE RGYU DANG 'BRAS BU THA SNYAD BRJOD PA DE LA BSGRUB PA DE LTAR YIN NA GTAN TSIGS TSUL GSUM PAR 'GYUR TE, RGYU DANG 'BRAS BUR RAB TU GRAGS PA'I ME DANG DU BA LA SOGS PA DPE NYID DU YOD PA'I PHYIR RO, ,MIG NI GZUGS 'DZIN BYA BA LA, ,ZHES BYA BA LA SOGS PA SMRAS PA LA, CHOS CAN RANG BZHIN MIG LA NI, ,ZHES BYA BA LA SOGS PA SMOS TE, DE NI SGRUB BYED NYID MI RIGS ZHES BYA BAR GCOD DO, ,MA GRUB PA LA SOGS ZHES BYA BA LA SOGS PA'I SGRAS 'KHRUL PA DANG 'GAL BA BDAG GZUNG NGO, ,YOD PA BSGRUB PAR BYA BA YIN NA GTAN TSIGS THAMS CAD SKYON GYI RIGS GSUM LAS MI 'DA' STE, 'DI LTAR YOD PA'I CHOS GZHAN GTAN TSIGS YIN NAM MA GRUB LA, GNYI GA'I CHOS YIN NA MA NGES PA YIN ZHING, MED PA'I CHOS YIN NA 'GAL BA NYID YIN TE, JI SKAD DU, MA GRUB PA LA YOD CHOS MED, ,GNYI GA LA BRTEN 'KHRUL PA DANG, ,MED PA'I CHOS NI 'GAL YIN NA, ,JI LTAR YOD DE BSGRUB BYA YIN, ,ZHES BSHAD PA BZHIN NO, ,CI STE CHOS CAN MIG LA MIG GI RNAM PAR SHES PA SKYED PA'I NUS PA BSGRUB PAR BYA BA YIN PA DE'I TSE YANG NUS PA DANG YOD PA LA SOGS PA RNAM GRANGS YIN PA'I PHYIR, DE BSGRUB PA NA YOD PA BSGRUB PAR THAL BAR 'GYUR RO, ,THA DAD NA YANG DE NI DBANG PO LAS 'DAS PA NYID KYIS MA GRUB PA'I PHYIR GTAN TSIGS GZHI MA GRUB PA NYID DU 'GYUR RO, ,DE LTAR NA GZUGS 'DZIN PA'I PHYIR ZHES BYA BA 'DI YANG PHYOGS CHOS MED PA'I PHYIR MA GRUB PAR BLTA BAR BYA'O, ,'O NA JI KHYED CAG LA YANG MI LA SOGS PA 'GRUB PAR 'GYUR ZHE NA, 'ON

29a

, ,KYANG ZHES BYA BA LA SOGS PA SMOS TE, RES 'GA' ZHES BYA BA NI MIG BTZUMS BA'I GNAS SKABS NA'O, ,KHO BO CAG GI DNGOS SU MIG LA SOGS PA 'DI LTA BU ZHIG GO ZHES GRUB PA NI MA YIN MOD KYI, 'ON KYANG SHES PA GZUGS LA SOGS PA 'GA' ZHIG LA RJES SU 'GRO BA DANG LDOG PA'I RJES SU BYED PAR MTHONG BA DE NI RGYU GZHAN LA LTOS PA DANG DE TZAM GYIS MI 'BYUNG BAR BSGRUB PAR BYA BA YIN PAS SHES PA DE NYID CHOS CAN YIN PA'I PHYIR MA GRUB PA LA SOGS PA'I SKYON MED DO, ,RGYU GZHAN GANG YIN PA DE YANG MIG CES THA SNYAD 'DOGS LA, GRUB PA'I MTHA' LA BRTEN NA NI THA SNYAD THA DAD DO, ,'DI SNYAM DU, JI SKAD DU BSHAD PA'I TSUL GYIS RNAM PAR SHES PA'I CHOS CAN YIN DU CHUG MOD DE LTA NA YANG GTAN TSIGS TSUL GNYIS PA NYID DO SNYAM DU SEMS NA, DE LA DPE NI RANG RGYU LAS, ,ZHES BYA BA SMOS TE, RANG GI RGYU LAS DES PA STE RANG GI RGYU DANG 'BREL PAR 'BYUNG BA GANG LA YOD PA DE LA DE SKAD CES BYA STE, DE LTA BUR GYUR BA'I RANG GI RGYU LA RAG LAS PA'I SKYE BA CAN MYU GU LA SOGS PA RES 'GA' BA DPE NYID DU YOD DO ZHES BYA BA'I THA TSIG GO, ,SBYOR BA YANG 'DI LTAR BYA STE, GANG DAG GANG NYEN YANG RES 'GA' BA YIN PA DE DAG NI DE TZAM GYIS 'BYUNG BA MA YIN PA DANG RGYU GZHAN LA LTOS PA DANG BCAS PA YIN TE, DPER NA NAS LA SOGS PA YOD NA YANG SA BON NYE BA DANG MI NYE BA DAG LAS RJES SU 'GRO BA DANG LDOG PA CAN GYI MYU GU LA SOGS PA BZHIN NO, ,GZUGS LA SOGS PA YOD NA YANG BTZUMS PA DANG MA BTZUMS PA'I GNAS SKABS NA MIG GI RNAM PAR SHES PA RES 'GA' BA YIN NO ZHES BYA BA NI DGAG PA LA KHYAB PAR BYED PA 'GAL BA DMIGS PA YIN NO, ,BSGRUB PA LA NI RANG BZHIN GYI GTAN TSIGS SO, ,YANG NA, BDAG DANG BUM PA LA SOGS PA, ,ZHES BYA BA LA SOGS PA LA BUM PA LA SOGS PA ZHES BYA BA SMOS TE, 'DIR YANG GRUB PA LA BSGRUB PA NYID YIN TE, BUM PA LA SOGS PA RNAM PA 'GA' ZHIG GIS MED PA NYID DU GRUB PA'I PHYIR RO, ,'ON TE MA GRUB NA MI DMIGS PA'I PHYIR RO ZHES BYA BA'I GTAN TSIGS 'DI YANG MA GRUB PA'I PHYIR GTAN TSIGS MA GRUB PO ZHES JI LTAR YOD PA'I BDAG NYID DU BSGRUB PA'I

29b

GTAN TSIGS LA SMRAS PA SUN 'BYIN PA SNGA MA BZHIN DU BRJOD PAR BYA'O, ,MI MTHUN PA'I PHYOGS MED PA'I PHYIR, CHOS MI MTHUN PA'I DPE MED DO ZHES GANG SMRAS PA, 'DI LA YANG CHOS MI MTHUN PA'I DPE ZHES BYA BA LA SOGS PA SMOS TE, GANG GI TSE NGO BO GANG GIS BUM PA LA SOGS PA DMIGS PA'I NGO BO DES DE DAG YOD PA'I BDAG NYID DU 'DOD PA DE'I TSE DE DAG GI RANG BZHIN CHOS MI MTHUN PA'I DPE NYID DU 'GYUR TE, RANG BZHIN DE LA MI DMIGS PA'I GTAN TSIGS LDOG PA'I PHYIR RO, ,DE BZHIN DU JI LTAR YANG ZHES BYA BA'I SBYOR BA 'DI LA YANG 'DOD PA GRUB PA LA SOGS PA MTSUNGS SO, ,BDAG MED DAG LA ZHES BYA BA NI DNGOS PO MED PA DAG LA'O, ,DE BZHIN ZHES BYA BA NI RANG BZHIN CHOS MI MTHUN PA SRID PAS SO, ,CHOS MI MTHUN LA 'THOB CES BYA BA NI CHOS MI MTHUN PA STE BSGRUB BYA LDOG PA'I MTSAN NYID LA BSGRUB BYA MED PAS KYANG KHYAB PO, ,KHYOD KYI PHA 'DI KHYIM 'DI NA ZHES BYA BA LA SOGS PA LA, PHA'I SKAD NI ZHES BYA BA LA SOGS PA SMOS TE, DE ZHES BYA BA NI PHA DANG 'BREL PA STE YUL PHYOGS GZHAN 'GA' ZHIG TU NYAMS SU MYONG BA NA GTAN TSIGS MA GRUB PAR 'GYUR RO, ,GANG DU ZHES BYA BA LA SOGS PAS TSUL GSUM PA DE NYID STON PA YIN TE, SGRA PHYI ROL GYI DON LA LTOS NAS GZHAN DU MI 'THAD PA NYID MA GRUB PA'I PHYIR DE LA RTAGS NYID MA YIN TE, DE NI 'DOD PA TZAM GYIS 'JUG PA'I PHYIR RO, ,JI STE BLO LA GNAS PA'I DON LA LTOS NAS YIN NA, DE'I TSE DU BA BZHIN DU TSUL GSUM PA NYID YOD PA KHO NA STE, GANG GI PHYIR BRJOD PAR 'DOD PA MNGON SUM DU MA GYUR NA SGRA MI SBYOR BA'I PHYIR, DE'I 'BRAS BU YIN PAS DU BA DANG ME BZHIN DU GO BAR BYED PA 'DOD KYI, RJOD PAR BYED PA'I NGO BOS NI MA YIN NO, ,SGRON MA NI DU BA BZHIN DU RTAGS KYI SGO NAS SHES PAR BYED MI 'DOD DO, ,'O NA CI ZHE NA, BUM PA LA SOGS PA MIG GI RNAM PAR SHES PA BSKYED PAR RUNG BAR SKYED PAR SHES PAR BYED PA GRAGS KYI RTAGS NYID NI MA YIN PA'I PHYIR RTAGS SU MA GYUR PA DE'I PHYOGS KYI CHOS LA SOGS PA BSAM PAR MI RIGS TE, GZHAN DU NA MIG LA SOGS PA RNAMS LA YANG BRTZAD PAR BYA BAR 'GYUR RO, ,GZHAN DU MI 'THAD CES BYA BA LA SOGS PA NI SKABS KYI DON

30a

, ,MJUG SDUD PAR BYED PA YIN NO, ,GANG GI PHYIR MIG GIS GZUNG BAR BYA BA NYID MI RTAG PA MED NA MI 'BYUNG BA YIN NA YANG SGRA LA DE MI RTAG PA SGRUB PAR BYED PA MA YIN NO, ,GANG GI PHYIR GDON MI ZA BAR THAMS CAD DU PHYOGS KYI CHOS LA BRTEN PAR BYA BA YIN NO, ,DE'I PHYOGS KYI CHOS LA BRTEN PA'I PHYIR, TSUL GCIG PA NYID DU BSTAN PA RNAMS NI TSUL GNYIS PA NYID DU GDON MI ZA LA, TSUL GNYIS PA NYID DU BRJOD PA RNAMS NI TSUL GSUM PA NYID YIN TE, PHYOGS KYI CHOS ZHES BYA BA DE NYID LAS TE, DE'I PHYIR GTAN TSIGS MTSAN NYID GCIG PA CAN NI DON MED PA YIN NO; ,GZHAN DU MI 'THAD PA NYID KYIS PHYOGS KYI CHOS LA SOGS PA 'PHEN PA YIN TE, DE'I PHYIR DE DAG GI MTSAN NYID RANG DBANG DU LOGS SHIG TU MED DO ZHES BYA BA 'DI YANG BRJOD PAR BYA STE, GANG GI PHYIR, SGRA DANG MAR ME SOGS DNGOS LA, ,GZHAN DU MI 'THAD PA NYID KYIS, ,PHYOGS KYI CHOS NI MED NA YANG, ,SHES PAR BYED PA NYID DU'ANG MTHONG, ,ZHES PHYOGS KYI CHOS MED PAR YANG GZHAN DU MI 'THAD PA NYID YOD PAR RANG NYID KYIS SMRAS PA YIN NO, ,MIG GIS GZUNG BAR BYA BA NYID MI RTAG PA NYID LAS GZHAN DU MI 'THAD PA NYID YIN NA YANG 'DI LA PHYOGS KYI CHOS MED PA'I PHYIR MA NGES PA NYID DO, ,GANG YANG, DE'I BU YIN PHYIR DE SNGO BSANGS, ,SNANG BA'I SNGO BSANGS CIG SHOS BZHIN, ,DE LTAR TSUL GSUM LDAN NA'ANG 'DI, ,NGES PAR 'JUG PA MA YIN NO, ZHES BYA BA 'DI LA, DE'I BU NYID SOGS GTAN TSIGS LA, ,ZHES BYA BA LA SOGS PA SMOS TE, DE'I BU YANG YIN LA SNGO BSANGS YANG MA YIN PA ZHES BYA BA 'DI LA 'GAL BA CUNG ZAD KYANG MED PA'I PHYIR, MI MTHUN PA'I PHYIR PHYOGS LDOG PA LA THE TSOM ZA BA 'DI MTSAN NYID GSUM PA MA YIN PA'I PHYIR DPE MA GRUB PA YIN NO, ,'DI SNYAM DU 'GAL BA YOD PA MA YIN TE, GAL TE RGYU THA DAD PA YIN NA YANG 'BRAS BU THA DAD PAR 'GYUR NA RGYU MED PAR 'GYUR RO SNYAM DU SEMS NA, DE NI DE'I BU YIN YANG ZHES BYA BA LA SOGS PA SMOS TE, DGE BA LA SOGS PA'I LAS KYI KHYAD PAR DANG, GRANG BA DANG DRO BA'I ZAS LA SOGS PA'I GNAS SKABS THA DAD PA LAS GZHAN DU GYUR PA STE DKAR SHAM LA

30b

SOGS PA NYID SRID PA'I PHYIR 'GAL BA GA LAS YIN TE, RGYU THA DAD PAR MA GRUB PA'I PHYIR RO, ,GZHAN YANG DE'I BU YIN PA'I PHYIR ZHES BYA BA 'DI BYAS PA NYID BZHIN DU RANG BZHIN GYI GTAN TSIGS MA YIN TE, BYAS PA DE NI MI RTAG PA NYID SPANGS NAS GZHAN DU MED PA BZHIN DU DE'I BU LA RANG BZHIN GZHAN MED PA MA YIN TE, 'DI LTAR 'BRAS BU NYE BAR LEN PA'I PHUNG PO LNGA PO 'GA' ZHIG LA LTOS NAS DE'I BU ZHES THA SNYAD DU BYAS KYI SNGO BSANGS NYID NI MA YIN NO, ,'BRAS BU'I GTAN TSIGS KYANG MA YIN TE, RGYU DANG 'BRAS BU'I DNGOS PO MA GRUB PA'I PHYIR RO, ,MI DMIGS PA YANG MA YIN TE; GRUB PA YUL YIN PA'I PHYIR RO, ,'GAL BA MED PA'I PHYIR SNGO BSANGS LAS GZHAN PA'I KHA DOG MED PA MA GRUB PO, ,DE DAG LAS MA GTOGS PA'I RTAGS KYANG YOD PA MA YIN TE, GZHAN DU 'BREL BA MED PA'I PHYIR RO, ,'BREL PA MED PAR YANG GO BAR BYED PA MA YIN TE HA CANG THAL BAR 'GYUR BA'I PHYIR RO, ,DE LTA BAS NA 'DI GTAN TSIGS MA YIN LA MTSAN NYID GSUM PA YANG MA YIN PA'I PHYIR GA LAS 'KHRUL PA YIN, SNANG BA MA MTHONG BA NI DMIGS PA'I MTSAN NYID KYIR GYUR PA MI DMIGS SO, ,'ON TE MA 'KHRUL PA NYID CES BYA BA LA SOGS PAS MTSAN NYID MA KHYAB PA'I SKYON 'CHAD DE, DPER NA ZLA BA SHAR BA LAS KU MU TA KHA BYE BA DANG RGYA MTSO 'PHEL BAR RJES SU DPOG PA DANG, SOGS PA SMOS PAS NYI MA 'CHAR BA LAS PADMA KHA BYE BA'O, ,NYI MA SHAR BA LAS RI LA SOGS PA'I PHA ROL PHYOGS SU GRIB MA RJES SU DPOG PA DANG, DE BZHIN DU MUN PAR RING MO NAS MAG LA DU MA YOG PA TSIGS PA'I DUM BU MTHONG NAS DU BA RTOGS PA DANG, DE BZHIN DU RGYU SKAR SMIN DRUG SHAR BA LA RGYU SKAR SNAR MA NYE BAR RTOGS PAR BYED DE, 'DI LTAR THA SKAR NAS BRTZAMS NAS 'DON PA'I RIM PA JI LTA BA BZHIN DU RGYU SKAR RNAM 'CHAR RO ZHES GRAGS SO, ,'DI THAMS CAD GTAN TSIGS GSUM GYI KHONGS SU MA 'DUS PA'I PHYIR TE, CI'I PHYIR, DE DAG LAS NI MA GTOGS PA, ,'KHRUL PA MED PA YOD MA YIN, ,ZHES CI STE RJOD PAR BYED CE NA, 'DIR LAN BSHAD PA NI, DE PHYIR 'DI LA ZHES BYA BA LA SOGS PA STE, RGYU GANG GI PHYIR KHA BYE BA LA SOGS PA DE DAG STE KU

31a

, ,MU TA KHA BYE BA LA SOGS PA DE DAG BYUNG BA NI SKYES PA'O, ,CI LTA BU'I KHYAD PAR CAN YIN ZHE NA, DE DANG DUS GCIG STE, ZLA BA 'CHAR BA DANG NYI MA DANG MGAL DU MA DE DAG DANG DUS GCIG PA'O, ,RGYU'I CHOS DE 'DRA BA'I GTAN TSIGS KYIS YUL RJES SU DPOG PAR 'DOD DO, ,'DI SKAD DU BSTAN PA YIN TE, KU MU TA KHA BYE BA LA SOGS PA DANG DUS MNYAM DU SKYES PA'I ZLA BA 'CHAR BA LA SOGS PA'I RGYU GANG YIN PA DE KHO NA KU MU TA KHA BYE BA LA SOGS PA LHAN CIG BYED PA'I RGYUR 'GYUR BA'I PHYIR, ZLA BA 'CHAR BA LA SOGS PA DE DAG DE LTA BUR GYUR PA'I RANG GI RGYU RJES SU DPOG PAR BYED PA NA SHUGS KYIS DUS MNYAM DU 'BYUNG BA'I KU MU TA KHA BYE BA LA SOGS PA YANG RJES SU DPOG PAR BYED KYI DNGOS SU NI MA YIN PA'I PHYIR RNAM PA DE LTA BU NI 'BRAS BU'I GTAN TSIGS KYI KHONGS SU 'DUS PA YIN NO, ,'DI NI GDON MI ZA BAR DE LTA BU YIN PAR RIGS PAR BYA STE, GAL TE 'BREL PA MED PAS KYANG DE LTAR GO BAR BYED PA YIN NA DE'I TSE GANG CI YANG RUNG BA GO BAR BYED PAR 'GYUR TE 'BREL BA MED PA NYID DU KHYAD PAR MED PA'I PHYIR RO, ,DE LTA BAS NA 'DI LA YANG 'BREL PAR BRJOD LA, DE YANG JI SKAD DU BSHAD PA'I RGYU DANG 'BRAS BU'I DNGOS PO'I MTSAN NYID KHO NA'O, , 'O NA SMIN DRUG 'CHAR BA SNAR MA NYE BA DANG 'BREL BA CI YOD CE NA, SKAR MA SMIN DRUG 'CHAR BA'I RGYU, ,ZHES BYA BA LA SOGS PA SMOS TE, 'THOR BYED NI RLUNG NGO, ,'DIR YANG TSOGS PA GCIG LA RAG LAS PA'I PHYIR RGYU'I CHOS RJES SU DPAG PAS DPOG PAR BYED PA YIN TE, JI SKAD DU, TSOGS PA GCIG LA RAG LAS PA'I, ,GZUGS LA SOGS PA ROS RTOGS SO, ,RGYU CHOS RJES SU DPAG PAS TE, ,DU BAS BUD SHING 'GYUR PA BZHIN, ,ZHES BSHAD PA LTA BU'O, ,YANG GZUGS BRNYAN LAS GZUGS RTOGS PA GANG YIN PA DE YANG GANG GI YANG KHONGS SUM 'DUS TE, GZUGS BRNYAN NI DNGOS PO MED PA YIN PA'I PHYIR RO, ,DE LTA BAS NA MTSAN NYID MA KHYAB PA CAN YIN NO SNYAM DU DOGS PA LA, GZUGS BRNYAN ZHES BYA BA'I RTAGS LAS NI ZHES BYA BA LA SOGS PA SMOS TE, GCIG NA LHAN CIG CES BYA BA LA SOGS PAS RTZOD PAR BYED PA'I BSAM PA DOGS PAR BYED

31b

PA YIN TE, GTAN TSIGS DNGOS PO MED PA NYID YIN TE, GCIG NA LHAN CIG GNYIS YOD PA'I PHYIR RO ZHES BYA BA STE, PHYOGS GANG KHO NAR ME LONG GI GZUGS MTHONG BA DE KHO NAR GZUGS BRNYAN YANG YIN TE, THOGS PA DANG BCAS PA'I PHYIR PHYOGS GCIG TU GZUGS GNYIS LHAN CIG 'BYUNG BA'I YOD PA YANG MA YIN TE, DE'I PHYIR DNGOS PO NYID YIN NA GCIG NA GZUGS GNYIS LHAN CIG YOD PAR MI 'GYUR BA ZHIG NA YOD PA YANG MA YIN TE, DE BAS NA 'DI NI 'KHRUL PA YIN NO, ,RNAM PA GCIG TU NA, GCIG NA LHAN CIG GNYIS YOD PHYIR, ,ZHES BYA BA LA GNYIS GANG ZHE NA, ME LONG GI NGOS DANG ZLA BA'I GZUGS BRNYAN NO, ,ME LONG GI NGOS NI YUL GZHAN KHO NA YIN LA, NANG NA GNAS PA'I ZLA BA'I GZUGS BRNYAN NI GZHAN KHO NAR MTHONG STE, KHRON PA'I CHU BZHIN NO, ,DER SKYES PA YANG CI'I PHYIR GZHAN DU DMIGS PAR 'GYUR TE, DE'I PHYIR GZUGS BRNYAN ZHES BYA BA DNGOS POR GYUR PA CUNG ZAD KYANG MED LA, CHOS RNAMS KYI NUS PA'I BYE BRAG NI BSAM GYIS MI KHYAB PA'I PHYIR, GANG ZHIG DE LTAR MTHONG BA DE NI TSOGS PA DE'I MTHU DE 'DRA BA YIN NO, ,GAL TE YANG ZHES BYA BA LA SOGS PAS LAN 'DEBS PAR BYED DE, 'DIR SHES PA NYID DE LTA BUR GYUR PA'I 'BRAS BU'I RTAGS SU MNGON PAR 'DOD KYI, GZUGS BRNYAN ZHES BYA BA'I PHYI'I DNGOS PO NI MA YIN NO, ,YANG TSUL GSUM PA'I RTAGS BRJOD PA GZHAN GYI DON YIN NO, ,JI LTAR BRJOD PAR BYED, GANG GI PHYIR GZHAN DAG GIS PHYOGS DANG NYE BAR SBYOR BA DANG MJUG BSDU BA YANG GZHAN GYI RJES SU DPAG PAR BSGRUB PA YIN NO, ,'DI NYID BSTAN PA'I PHYIR, GZHAN GYIS DAM BCA' BA LA SOGS PA ZHES BYA BA LA SOGS PA SMOS SO, ,SGRUB BYED YAN LAG MA GYUR PA, ,ZHES BYA BA LA SOGS PAS LAN 'DEBS TE, SGRUB BYED NI GRUB PA STE GZHAL BYA RTOGS PA ZHES BYA BA'I THA TSIG GO, ,DE'I YAN LAG TU GYUR PA'I RGYU STE DE BKAG PA NI SGRUB BYED YAN LAG TU MA GYUR PA'O, ,DE LTA BAS NA SGRUB PAR BYED PA YAN LAG TU MA GYUR PA'I PHYIR NYE BAR SBYOR BA MA YIN TE, SBYAR BAR BYA BA MA YIN NO ZHES BYA BA'I DON TO, ,DE LTA MA YIN TE SBYOR

32a

, ,BA MIN PA RGYUR GYUR PA MA YIN PAR 'CHAD NA DAM BCA' BA'I DON GYI PHYOGS KYIS GCIG TU 'GYUR RO, ,JI LTAR SGRUB PAR BYED PA'I YAN LAG MA YIN ZHE NA, 'BREL PA MED PHYIR ZHES BYA BA LA SOGS PA SMOS TE, NUS PA MED PA STON PA NI BSGRUB PAR BYA BA NYID BRJOD PA'I PHYIR RO, ,'DI SKAD DU BSTAN PA YIN TE, SGRA RNAMS DON DANG LHAN CIG 'BREL PA MED PA'I PHYIR RE ZHIG DNGOS SU SBYOR BA MA YIN LA, GTAN TSIGS BRJOD PA BZHIN DU NUS PA STON PA'I PHYIR BRGYUD PAS KYANG MA YIN TE, JI SKAD DU, PHYOGS KYI TSIG DE SMRA BA YIS, ,BSAM PA RIG PAR BYED PA LA, ,TSAD MA DE LAS THE TSOM DAG ,SKYE PHYIR RJES SU SGRUB BYED MIN, ,BSGRUB PAR BYA BA BRJOD PA YIS, ,BRGYUD PA YIS KYANG NUS PA MED, ,CES BSHAD PA BZHIN NO, ,KHA CIG YAN LAG TU MA GYUR KYANG BSGRUB PAR BYA BA DANG, SGRUB PAR BYED PA'I CHOS DAG GIS YUL NYE BAR BSTAN PA'I DON DU DPE BRJOD PA BZHIN DU DAM BCA' BA RAB TU SBYAR BA YIN TE, GANG PHYIR LHAG MA TSUL GNYIS PO, ,DPE YIS BSTAN PAR BYA BA YIN, ,ZHES BSHAD PA'I PHYIR, DPE'I TSIG LOGS SHIG TU YAN LAG TU GYUR PA MA YIN YANG PHYOGS KYI CHOS MA GTOGS PA LHAG MA TSUL GNYIS BSTAN PAR BYA BA'I DON DU SBYAR BAR BYA BA YIN NO SNYAM DU SEMS PA DE DAG LA, JI LTAR DPE'I TSIG CES BYA BA LA SOGS PA SMOS TE, LUNG BSGO BA NI, 'DI LTAR GYIS SHIG ,SGRA MI RTAG PA SGRUBS SHIG PA'O, ,SOGS PA'I SGRAS GZHAN GSOL BA 'DEBS PA'I TSIG GZUNG NGO, ,DE LTA BUR GYUR BA'I TSIG KYANG SBYOR BA BSTAN PA'I DON DU BSTAN PAR BYA BAR 'GYUR RO, ,'DI DAG MED PAR YANG SKABS MA YIN PA SGRUB PAR BYED PA 'JUG PA MI SRID DO ZHES BYA BA'O, ,'BRAS BU MED CES BYA BA NI DE DAG MED PAR YANG BSGRUB PAR BYA BA RTOGS PA'I PHYIR TE, 'DI LTAR GANG DANG GANG BYAS PA YIN PA DE THAMS CAD NI MI RTAG PA YIN LA, SGRA YANG BYAS PAS ZHES BYA BA DE TZAM ZHIG BRJOD PA NA DAM BCA' BA BRJOD PA MED PAR YANG SGRA MI RTAG GO ZHES RTOGS PAR 'GYUR RO, ,'ON JI LTAR MTHUN PA'I PHYOGS LA SOGS PA RNAM PAR 'JOG STE, 'DI LTAR MTHUN PA'I PHYOGS NI BSGRUB PAR BYA BA'I CHOS KYI SPYI DON

32b

MTHUN PA'O ZHES BYA BA DANG, SHUGS KYIS DE MED PA MI MTHUN PA'I PHYOGS BRJOD DE, DAM BCA' BA MA BSTAN NA TSUL GSUM YOD KYANG DE 'PHEN PA'I RGYU MTSAN DE MTHUN PA'I PHYOGS LA BRTEN PA'I RGYU MED DO ZHES BYA BA THAMS CAD BRDAS NAS 'THOR BAR BYED PAR 'GYUR RO, ,SGRUB PAR BYED PA ZHES BYA BA LA SOGS PAS LAN 'DEBS PAR BYED DO, ,GNAG RDZI LA SOGS PA MTHUN PA'I PHYOGS LA SOGS PA'I THA SNYAD LA MI MKHAS PA RNAMS KYANG, GANG NA DU BA YOD PA DE NA MED YOD LA 'DI NA YANG DU BA YOD PAS ZHES BYA BA DE TZAM ZHIG BRJOD PA NA RJES SU 'GRO BA DANG LDOG PA BZUNG STE, MTHUN PA'I PHYOGS LA SOGS PA'I THA SNYAD MED PAR YANG ME RTOG PA KHO NA'O, ,DE LTA BAS NA SGRUB PAR BYED PA'I DUS NA MTHUN PA'I PHYOGS LA SOGS PA'I RNAM PAR GZHAG PA YOD PA MA YIN NO, ,'O NA MTHUN PA'I PHYOGS LA SOGS PA'I THA SNYAD GANG NA YOD CE NA, BSTAN BCOS ZHES BYA BA SMOS TE, YANG NA SGRUB PAR BYED PA BRJOD PA'I DUS NA YANG DE'I RNAM PAR GZHAG PA BYED PA 'GAL BA MED PA YIN NO ZHES STON PA NI YANG NA SKABS KYI DON ZHES BYA BA LA SOGS PA STE, GAL TE YANG SGRUB PAR BYED PA BRJOD PA'I DUS NA DAM BCA' BA SBYOR BA MED PA DE LTA NA YANG BSGRUB PAR BYA BA'I CHOS CAN LA BRTEN NAS SKABS SU BAB PA'I DON BSGRUB BYA RNAM PAR 'JOG PA MI 'GAL BA NYID DO, ,SGRUB PAR BYED PA'I DUS NA SKABS SU BAB PA NYID KYI DON YOD PA MA YIN NO ZHES BYA BA 'DI NI BRJOD PAR MI BYA STE, GANG GI PHYIR GZHAN GYI SDE DAM BCA' BA SBYOR BAR SMRA BA RNAMS KYIS RGOL BAS SGRUB PAR BYED PA SKABS MIN TE, SKABS SU MA BAB PA NYID SMRA BA MA YIN NO, ,SHES PAR 'DOD PA'I BYE BRAG DANG LDAN PA'I CHOS CAN SKABS SU BAB PA YIN TE, DE LTA NA YANG SKABS SU BAB PA'I CHOS CAN LA BRTEN NAS RNAM PAR GZHAG PA DE BYED PA NA JI LTAR BYA BA YIN ZHE NA, SHES PAR 'DOD PA'I ZHES BYA BA SMOS TE GO BAR ZAD DO, ,DPER BRJOD PA LA LTOS NAS DE LTAR ZHES NYE BAR SDUD PA'AM DE LTA MA YIN NO ZHES BSGRUB PAR BYA BA NYE BAR SBYOR BA NI NYE BAR BRJOD PA'I MTSAN NYID DO, ,DE LA SLOB DPON PHYOGS KYI GLANG PO'I ZHAL SNGA NAS KYI NYE BAR SBYOR BA BRJOD PA NI SGRUB PAR BYED PA MA

33a

, ,YIN NO, ,BRJOD ZIN PA'I GTAN TSIGS KYI DON GSAL BAR BYED PA'I PHYIR, GTAN TSIGS BRJOD PA GNYIS PA BZHIN NO ZHES TSAD MA MDZAD PA LA, DNGOS PO RNAM PAR 'BYED PA LA SOGS PA DAG GTAN TSIGS MA GRUB PAR BYA BA'I DON DU DAM BCA' PA'I MJUG THOGS SU 'BYUNG BA GTAN TSIGS BRJOD PAS PHYOGS KYI CHOS NYID GSAL BAR BYED PA YIN TE, RGYU TZAM BRJOD PA'I PHYIR RO, ,SGRA MI RTAG PA YIN TE, BYAS PA'I PHYIR TE, BYAS PA NYID DE YANG CI SGRA LA YOD DAM MED SNYAM PA LA, DE YOD PA NYID DU NYE BAR SBYOR BA LAS RTOG PA YIN NO, ,YANG NA GZUGS BRNYAN GYI DON DU NYE BAR SBYOR BA YIN TE, THOG MAR GTAN TSIGS BRJOD PAS BYA BA NYID KHYAD PAR MED PAR SGRA LA BSTAN LA DPE LA BSTAN PA'I BYAS PA DE BSGRUB BYA MED NA MI 'BYUNG BA NYID NI NYE BAR SBYOR BAS BZLAS PA YIN NO, ,DE BZHIN DU SGRA LA YANG BYAS PA NYID YIN NO ZHES BYA BAS 'DRA BAR BSTAN PA YIN NO; ,DE LTA BAS NA KHYAD PAR BSAL BAR BYA BA'I PHYIR ZLOS PA MA YIN NO ZHES ZER RO, ,'DIR BSHAD PA NI, DAM BCA' BRJOD PA ZHES BYA BA LA SOGS PA STE, YOD PA BSGRUB PAR BYA DON DU, ,ZHES BYA BA NI GTAN TSIGS BSGRUB BYA'I CHOS CAN LA ZHES BYA BA LHAG MA'O, ,'DI LA DON NI 'DI YIN TE, JI SKAD DU BSHAD PA'I TSUL GYIS DAM BCA' BA'I SBYOR BA BKAG PA'I PHYIR, DE'I DE MA THAG TU 'BYUNG BA'I BYAS PA NYID LA SOGS PA'I RGYU MTSAN BRJOD PA MED PA KHO NA'O, ,DE BAS NA RGYU MTSAN BRJOD PA SNGON DU 'GRO BA CAN GYI NYE BAR SBYAR BA BRJOD PAR MI BYA BA NYID DO, ,YANG PHYOGS KYI CHOS GSAL BAR BYA BA'I PHYIR NYE BAR SBYAR BRJOD PAR BYED PA DE'I TSE RGYU MTSAN BRJOD PA'I 'BRAS BU GZHAN BRJOD PAR BYA DGOS SO, ,DE LA 'DI SNYAM DU RGYU MTSAN NYID DU RTOGS PA 'BRAS BU YIN NO SNYAM DU SEMS NA, DE NI MA YIN TE, RE ZHIG DE NYID RTOGS PAS CI ZHIG BYA, GANG GI PHYIR GZHAN DU YANG BSGRUB PAR BYA BA 'GRUB PAR 'GYUR BA KHO NA ZHES BSTAN ZIN TO, ,DE LTA BAS NA PHYOGS KYI CHOS BSTAN PA LAS MA GTOGS PAR GTAN TSIGS BRJOD PA'I 'BRAS BU GZHAN BRJOD PAR NUS PA MA YIN NO, ,DE BZHIN DU DANG POR GTAN TSIGS BRJOD PA DE NYID KYI PHYOGS KYI

33b

CHOS NYID BSTAN PA YIN LA DE BSTAN PAR BYA BA'I PHYIR, NYE BAR SBYAR BA LEN PAR BYED PA NA ZLOS PA NYID DU BSAL BAR RAB TU STON PAR BYED PA'I PHYIR GTAN TSIGS MA GRUB PA GA LAS YIN, GZUGS BRNYAN YANG DON MED PA NYID YIN TE, GANG GI PHYIR PHYOGS KYI CHOS TZAM STE GTAN TSIGS BRJOD PAS SNGAR BSTAN ZHING DE LA BSGRUB BYA'I CHOS KYI KHYAD PAR BSTAN PA NA BRJOD PAR 'DOD PA'I DON GRUB PA'I PHYIR BRJOD PA NA ZLOS PAR 'GYUR BA'I PHYIR 'DI LA YANG GTAN TSIGS MA GRUB PA NYID GA LAS YIN, DE LA GTAN TSIGS BSTAN NAS DAM BCA' BA YANG BRJOD PA NI MJUG SDUD PA'O ZHES BYA BA NI MJUG SDUD PA'I MTSAN NYID DO, ,GTAN TSIGS BSTAN NAS ZHES BYA BA NI, DE'I PHYIR MI RTAG CES BYA BA LA SOGS PA LA, DE'I PHYIR ZHES BYA BA 'DIS GTAN TSIGS KYI NUS PA DPER BRJOD PA GRUB PAR BSTAN NAS, DAM BCA' BA'I DON YANG RJOD PAR BYED PA GANG YIN PA DE NI MJUG SDUD PA STE, DAM BCA' BA DANG GTAN TSIGS DANG DPE DANG NYE BAR SBYOR BA DON GCIG PA NYID DU 'DIS SHES PAR BYED 'BREL PAR BYED PAS NA MJUG SDUD DO, ,DE LA RE ZHIG DAM BCA' BA SBYOR BA NYID MED NA, GAL TE DE RJES SU BRJOD PA'I BDAG NYID KYI MJUG SDUD PA YIN PAS DE'I PHYIR MJUG SDUD SGRUB PAR BYED PA'I YAN LAG MA YIN NO, ,DE LA SLOB DPON PHYOGS KYI GLANG PO'I ZHAL SNGA NAS KYI MJUG SDUD PA ZLOS PA YIN PA'I PHYIR, SGRUB PAR BYED PA'I YAN LAG MA YIN NO ZHES SMRAS PA DE LA, 'DOD BYED PA LA SOGS PA NA RE 'DIR ZLOS PA MA YIN TE, GANG GI PHYIR DAM BCA' BA NI BSGRUB BYA STON PA YIN LA, MJUG SDUD PA NI GRUB PA STON PA YIN NO, ,YANG GI SGRA NI 'DRA BA LA YIN TE, DES NA DAM BCA' BA DANG 'DRA BA BRJOD PA YIN NO ZHES BSTAN PA YIN NO, ,MJUG SDUD PA MED PAR NI GRUB PA YOD PA MA YIN TE, 'DI LTAR DE MED NA DE LAS GZHAN PA'I YAN LAG RNAMS BRJOD NA YANG CI SGRA MI SNYAN PA YIN NAM SNYAM PA'I DOGS PA MI LDOG GO, ,DE'I PHYIR DOGS PA DE ZLOG PA'I PHYIR MJUG SDUD PA LOGS SHIG TU BRJOD PAR BYA'O ZHES ZER RO, ,DES NA 'DIR TSUL GSUM PA ZHES BYA BA LA SOGS PA SMOS TE, GANG GI TSE

34a

, ,MI RTAG PA NYID DU BSTAN PA MED NA MI 'BYUNG BA'I BYAS PA NYID CHOS CAN SGRA LAS NGES PA NA 'DIR BZLOG PA'I DGOS PA GA LAS YIN, ME 'BAR BA'I TSOGS YONGS SU GNAS PAR NGES PA'I BDAG NYID KYIS PHYOGS NA SEMS RANG BZHIN DU GA NAS PA GRANG BA YOD PAR DOGS PAR BYA BAR RIGS PA MA YIN PA MA YIN LA DE YANG RIGS PA MED PAR TSIG TZAM GYIS MJUG SDUD PA LAS LDOG PA YANG MA YIN NO, ,RNAM PHUG PA NA RE, SIL BUR GYUR PA'I TSIG RNAMS KYIS, ,DON GCIG STON PA MA YIN TE, ,DE'I PHYIR 'BREL PA GRUB DON DU, ,MJUG SDUD LOGS SHIG BRJOD PAR BYA, ,ZHES ZER TE, 'DI LA 'BREL PA CAN ZHES BYA BA SMOS TE, GTAN TSIGS BSGRUB BYA DANG DE'I BDAG NYID DANG DE LAS BYUNG BA'I MTSAN NYID KYI 'BREL PA STON PA NA, DON GYI SGO NAS 'BREL PA NYID KYI PHYOGS KYI CHOS DANG RJES SU 'GRO BA DANG LDOG PA'I GTAN TSIGS DAG GIS DON GCIG SHUGS KYIS JI LTAR 'DOD PA BZHIN DU STON PA YIN NO, ,GAL TE TSIG RNAMS SIL BU YIN PA DE LTA NA YANG 'BREL PA NYID KYI DON GCIG LA NYE BAR SDUD PA'I PHYIR 'BREL PA GRUB PAR BYA BA'I DON DU MJUG SDUD PA LOGS SHIG TU BRJOD PAR MI BYA'O, ,KHA CIG CES BYA BA NI GZHON NU MA LEN PA LA SOGS PA'O, ,DE DAG NI RJES SU DPAG PA RNAM PA GNYIS TE KHYAD PAR DU MTHONG BA DANG SPYIR MTHONG BA'O ZHES RJOD PAR BYED DO, ,DE LA KHYAD PAR DU MTHONG BA GANG ZHE NA, GANG DAG NYID KYI ZHES BYA BA LA SOGS PA SMOS TE, DON 'DI YIN TE, THOG MAR CHOS KYI BYE BRAG DGA' ZHIG TU ME DANG DU BA'I KHYAD PAR DAG MNGON SUM GYIS BZUNG NAS DUS GZHAN DU THAG RING POR SONG NAS GANG GI TSE YANG DANG YANG DU DU BA'I KHYAD PAR DE NYID MTHONG NAS, SNGAR YONGS SU BZUNG BA'I PHYIR MED DE NYID RJES SU DPOG PAR BYED PA DE NI KHYAD PAR MTHONG BA'I RJES SU DPAG PA YIN TE; SNGAR MNGON SUM GYIS GZUNG BA'I KHYAD PAR YUL YIN PA'I PHYIR RO, ,BZUNG ZIN PA NI 'DZIN PA'I PHYIR TSAD MA MA YIN PA'ANG MA YIN TE, GANG GI PHYIR JI ME DE YOD DAM SHI ZHES THE TSOM ZLOG PAR BYED PA BLA LHAG YOD PA'I PHYIR ZHES BYA BA NI BSDUS PA'I DON TO, ,YANG YAN LAG GI

34b

DON BRJOD PAR BYA STE, 'BREL PA MNGON SUM GYIS MTHONG NAS ZHES BYA BA LA 'BREL PA GANG YIN ZHE NA, 'DIR BRJOD PA KHYOD RJES SU DPAG PA'I MTSAN NYID SMRAS PA, RJES SU DPAG PA NI 'BREL PA ZHES PHYOGS GCIG MTHONG BA LAS GZHAN PHYOGS GCIG NYE BA MA YIN PAR SHES PA'O, ,DE NI RNAM PA GNYIS TE, 'BREL PA MNGON SUM GYIS MTHONG BA DANG 'BREL PA SPYIR MTHONG BA'O, ,'BREL PA MNGON SUM GYIS MTHONG BA NI DPER NA DU BA'I RNAM PAR MTHONG BA LAS ME'I RNAM PAR SHES PA LTA BU'O, ,'BREL PA SPYIR MTHONG BA YANG DPER NA LHA SBYIN 'GRO BA SNGON DU SONG BA CAN YUL GZHAN DU PHYIR PAR DMIGS NAS NYI MA 'GRO BA DRAN NO ZHES BYA BA LTA BU'O, ,DE LA GZHON NU MA LEN 'BREL BA MNGON SUM GYIS MTHONG BA RJES SU DPAG PA NI 'CHAD PAR 'DOD NAS, 'BREL PA MNGON SUM ZHES BYA BA LA SOGS PA SMOS TE, 'BREL PA MNGON SUM MTHONG BA'I RJES SU DPAG PA 'DI LTA BU YIN NO ZHES 'BREL TE, GANG GI PHYIR SNGA MA 'DAS MA THAG PA'I TSIGS SU BCAD PAR DE LTA BAS NA DE LTAR SMRA'O ZHES BYA BA SKABS YIN PA'I PHYIR RO, ,GANG DAG CES BYA BA NI ME DANG DU BA'I KHYAD PAR YUL DU GYUR PA GANG DAG STE, SKYES BU ME DANG DU BA DE DAG BA LANG GI LCI BA'I BUD SHING LAS BYUNG BA'I PHYIR, BA LANG GI LCI BA'I BUD SHING GI KHYAD PAR GYI BLOR BYAS TE BSKYED PA YIN NO, ,DE BZHIN DU ME DANG DU BA 'DI DAG NI RI LA SOGS PA'I YUL GYI KHYAD PAR NA GNAS PA'I PHYIR, RI LA SOGS PA'I KHYAD PAR GYI BLOR BYAS PA YIN NO, ,ME DANG DU BA GANG DAG LA BA LANG GI LCI PA'I BUD SHING YOD PA DE DAG NI LCI BA'I BUD SHING CAN NO, ,YUL DE GANG DAG LA YOD PA DE DAG NI YUL LO, ,DE DAG NI BA LANG GI LCI BA'I BUD SHING CAN YANG YIN LA DE'I YUL CAN YANG YIN NO ZHES TSIG RNAM PAR SBYAR RO, ,DE DAG NYID KHYAD PAR TE, GANG DAG LA DE DAG LA SOGS PAS RDZAS RAS SA LA DANG, SA LA KE LA SOGS PA KYE KHYE LA SOGS PA'I KHYAD PAR RNAMS SO, ,DE'I YUL CAN GYI KHYAD PAR BA LANG GI LCI BA BUD SHING LA SOGS PA DE DAG STE, DE BLO ZHES BDUN PA SBYOR BA'I RNAM PAR DBYE BAS BSDU BA YIN NO, ,RTOG PA PO GANG GIS DE LTA BUR GYUR

35a

, ,PA'I MNGON SUM DU BLOS BYAS PA STE, BSKYED PA DE NI YUL DE NA GNAS PA'I DU BA'I RTAGS DE NYID KYIS GANG GI TSE ME DE NYID DUS GZHAN DU RTOGS ZHES 'BREL TE, DE'I TSE RTOGS PA DE MNGON SUM GYI BDAG NYID LAS TSAD MA NYID YIN TE, TSAD MA GZHAN NYID YIN NO ZHES BYA BA'I DON TO, ,YANG NA SNGA MA'I RTOG PA'I RGYU'I PHYIR ME DE NYID RTOGS SO ZHES 'BREL TE, CI ME DE YOD DAM 'ON TE SHI ZHES BYA BA DE LTA BU'I THE TSOM GANG LA YOD PA'I DNGOS PO DE NI DE LTA BU YIN TE, DE NI DE YANG YIN LA DNGOS PO YANG YIN PA'I PHYIR DE LTA BU DE RTOGS PA YIN NO ZHES TSIG RNAM PAR SBYAR RO, ,JI SKAD DU BSHAD PA'I 'BREL PA MNGON SUM GYIS MTHONG BA'I RJES SU DPAG PA 'DI NI KHYAD PAR DU MTHONG BA'I RJES SU DPAG PA YIN NO ZHES BYA BA DE LTAR 'BIGS BYED NA GNAS PA SMRA'O, ,SPYIR MTHONG BA BSHAD PA NI ME DANG DU BA ZHES BYA BA LA SOGS PA SMOS TE, 'DI'I 'BREL BA NI BSHAD PA BYED PAS SPYIR MTHONG BA'I RJES SU DPAG PA LA YUL GZHAN DU PHYIN PAS NYI MA 'GRO BAR DRAN PA DPER BRJOD PA DE LA KLAN NA KA 'DI YOD DE, 'ON TE GANG GI PHYIR ME GZHAN LA DU BA GZHAN GYIS SPYI CHOS LA BRTEN NAS RJES SU DPOG PAR BYED PA DE'I TSE ME DANG DU BA DAG LAS SPYIR MTHONG BA'I RJES SU DPAG PA YIN NA, CI'I PHYIR BSHAD PA BYED PAS ME DANG DU BA BLO LA GSAL BA NYID KYIS NYE BA DOR NAS NYI MA KHO NA SPYIR MTHONG BA'I DPER BRJOD CES BYA BA'I KLAN KA 'DI DOGS PA BSU NAS KU M'A LA RI LAS BSHAD PA BYED PA'I DOGS PA BRJOD PA'I PHYIR, ME DANG DU BA GZHAN ZHES BYA BA SMOS TE; SPYI YIS 'JAL BA STE, SPYIR MTHONG BA'I RJES SU DPAG PA LA ME DANG DU BA NYID KYIS DPER BRJOD PAR BYA BA LA, BSHAD PA BYED PAS NYI MA DPER BRJOD PA BYAS PA GANG YIN PA DE NI DUS THAMS CAD DU NYI MA'I 'GRO BA MNGON SUM MA YIN PA'I PHYIR, GCIG TU STE MTHA' GCIG TU NYI MA'I 'GRO BA LA SPYIR MTHONG BA'I RJES SU DPAG PA KHO NA YIN GYIS KHYAD PAR DU MTHONG BA NI MA YIN NO SNYAM DU BSAMS NAS, YUL MA 'DRES PA BSTAN PA'I DON DU NYI MA NYID DPER RJOD PA NYID DU SMRAS KYI, DU BA DANG ME DAG LA SPYIR MTHONG BA'I RJES SU DPAG PA MED PA NI MA YIN NO, ,DE'I PHYIR

35b

'DI LA ZHES BYA BA LA SOGS PAS SKYON BSHAD DO, ,KHYAB PA ZHES BYA BA NI DU BA DANG ME LA SOGS PA DNGOS PO MTHA' DAG LA KHYAB PA'O, ,SKAD CIG MA NYID YIN NA YANG RGYUN GCIG YIN PA'I PHYIR GCIG NYID YIN NO ZHES NA, BTAGS ZHES BYA BA SMOS TE, DE'I TSE BTAGS PA'I GCIG NYID YIN TE; DON DAM PAR NI MA YIN TE, DON DAM PAR NI NYUNG ZAD KYANG GNAS PA MED DO, ,DE LTA YIN DANG YUL DE NA GNAS PA DE NYID KYIS ZHES BYA BA 'DI MI RIGS LA BTAGS PA DNGOS PO NYID KYANG MA YIN TE, DE'I PHYIR THE TSOM ZA BA YOD PA'I DNGOS PO RTOGS PA'I PHYIR ZHES BYA BA 'BREL PA MED PA YIN NO, ,CI STE YANG RTOG PAS SGRO BTAGS PA'I GCIG NYID LA BRTEN NAS KHYAD PAR DU MTHONG BAR BRJOD KYI YANG DAG PA NI MA YIN NO SNYAM NA, KHYED KYI TSAD MAS YUL MED PAR, ,ZHES BYA BA LA SOGS PA SMOS SO, ,'DI SNYAM DU GAL TE YANG BSAL BA NI 'JIG LA, RIGS NI MI 'JIG PAR 'DOD DE, DE LTAR YANG DAG PA'I GCIG NYID DU 'GYUR GYI YUL MED PA NYID NI MA YIN NO SNYAM DU SEMS NA, GSAL BA'I DNGOS ZHES BYA BA LA SOGS PA SMOS TE, GSAL BYA BA NYID NI RIGS SO, ,GAL TE ZHES BYA BA NI KHAS LEN NA'O, ,RIGS DANG GSAL BA DAG GZHAN GYIS GCIG NYID DU 'DOD PA'I PHYIR GSAL BA ZHIG PA RIGS PA GNAS PAR GA LA 'GYUR, DE LTA MA YIN NA GRUB PA DANG BDE BA THA DAD PA'I PHYIR GCIG TU DE DAG THA DAD PAR KHAS BLANG BAR BYA DGOS PAR 'GYUR RO, ,YOD NA ZHES BYA BA 'DI NI KHAS BLANGS NAS BRJOD PA NYID YIN TE, RE ZHIG GCIG GI TSE RIGS RGYA PAR BKAG PA'I PHYIR DE YOD PA NYID DU GA LA 'GYUR, YOD NA YANG DE BDEN NA DE YANG SKAD CIG MA NYID DU 'GYUR TE, KHYAB PAR BYED PA'I SKAD CIG MA 'JIG PA BSGRUBS ZIN PA'I PHYIR RO, ,GZHAN YANG GANG GI TSE RJES SU DPAG PA'I YONGS SU BCAD DE, SLAR YANG RTAGS DE NYID LAS ME DE NYID YONGS SU GCOD PA DE'I TSE YANG GANG GIS MNGON SUM GYIS MTHONG BA ZHES BYA BA KHYAD PAR DU 'DOD PA KHYAD PAR DU MTHONG BA CI'I PHYIR MI 'DOD, RTOGS ZIN PA'I DON RTOGS PA PO YIN PA'I PHYIR RO ZHE NA, MA YIN TE, DE NI MNGON SUM GYIS MTHONG BA LA YANG MTSUNGS SO, ,

36a

, ,BAR DU 'JUG PA'I THE TSOM LDOG PAR BYED PA'I MNGON SUM GYIS MTHONG BA LAS BLA LHAG PA YOD DO ZHE NA, MA YIN TE, RJES SU DPAG PAS MTHONG BA LAS BLA LHAG PAR YOD PAR MTSUNGS TE, DE LTA BAS NA THAMS CAD DU SPYIR MTHONG BA NYID YIN GYI, SKAD CIG GIS 'JIG PA'I DNGOS PO RNAMS LA RJES SU DPAG PA KHYAD PAR MTHONG BA ZHES BYA BA CUNG ZAD MED DO, ,LTA BA NGAN PA KHA CIG CES BYA BA NI PHUR BU PA LA SOGS PA'O, ,RJOD PAR BYED CES BYA BA NI RJES SU DPAG PA TSAD MA MA YIN NO ZHES BYA BA DE LTA BU LA SOGS PA TSUL GYIS SO, ,'DIS NI RANG GI TSIG DANG 'GAL BA BSHAD PA YIN TE, 'DI LTAR TSIG GI RTAGS LAS BRJOD PAR 'DOD PA RTOG PAR BYED DO SNYAM DU BSAMS NAS, GZHAN LA RANG GI BSAM PA RIG PAR BYA BA'I PHYIR THA SNYAD DU RJES SU DPAG PA TSAD MA NYID DU BSTAN PA DANG, DE TSAD MA MA YIN NO ZHES SMRA BA NA DE NYID 'GEGS PA'I PHYIR PHAN TSUN 'GAL BA YIN NO, ,'DI'I SUN 'BYIN PA PHYIS GSAL BAR BYED PAR 'GYUR RO, ,DE LA RE ZHIG TSU ROL MDZES PA TSAD MA 'GOD PA NI RANG GI DON GYI RJES SU DPAG PA NI TSAD MA MA YIN TE, TSUL GSUM PA'I RTAGS SNGON DU 'GRO BA CAN YIN PA'I PHYIR LOG PA'I SHES PA BZHIN NO, ,MIG LA SOGS PA NI GZHAN GYI DON BYED DE BSAGS PA YIN PA'I PHYIR MAL CHA DANG STAN LA SOGS PA'I YAN LAG BZHIN NO ZHES BYA BA 'DI 'DOD PA LA GNOD PA BYED PA'I TSUL GSUM PA YIN PA'I PHYIR RO, ,LOG PA'I SHES PA BZHIN DU 'DI'I BSKYED PAR BYA BA STE TSUL GSUM PA'I RTAGS LAS BYUNG BA YIN NO, ,'DIR TSUL GSUM PA NYID KYANG RJES SU DPAG PA'I RGYU MA YIN TE, RJES SU DPAG PA MA YIN PA YOD PA'I PHYIR TSUL GNYIS PA BZHIN NO, ,GZHAN YANG THAMS CAD DU SGRUB PAR BYED PA NI RJES SU DPAG PA DANG 'GAL BA YIN TE, BRJOD PAR 'DOD PA'I BSGRUB BYA'I CHOS NI CHOS CAN GYI KHYAD PAR MA YIN TE, 'DI'I TSOGS PA'I PHYOGS GCIG YIN PA'I PHYIR CHOS CAN GYI RANG GI NGO BO BZHIN NO, ,'DI NI RJES SU DPAG PA THAMS CAD RJES SU DPAG PA MA YIN PAR BSGRUBS PA YIN NO, ,THAMS CAD RJES SU DPAG PA KHYAD PAR DANG 'GAL BA YANG YIN TE, DPER NA SGRA MI RTAG STE BYAS PA'I PHYIR BUM PA

36b

BZHIN NO ZHES BYA BA'I SBYOR BA LA, KHA CIG KHYAD PAR DANG 'GAL BA STON PAR BYED DO, JI LTAR GTAN TSIGS 'DI MI RTAG BSGRUB PAR BYED PA DE BZHIN DU NAM MKHA'I YON TAN MA YIN PA NYID KYANG NGO ZHES BYA BA DE LTA BU LA SOGS PA'O, ,THAMS CAD DU 'GAL BA MI 'KHRUL PA CAN YANG SRID PA YIN TE, DPER NA SGRA MI RTAG PA STE, BYAS PA'I PHYIR BUM PA BZHIN NO ZHES BYA BA'I SBYOR BA LA, KHA CIG SGRA NI RTAG STE MNYAN PAR BYA BA YIN PA'I PHYIR SGRA NYID BZHIN NO ZHES BYA BAS 'GAL BA MI 'KHRUL PA CAN DU 'CHAD DO, ,DE LTA BU LA SOGS PA DE KHO NA NYID KYI 'GREL BSHAD LAS DPER BRJOD PAR SPROS PAR BLTA BAR BYA'O, ,DE BZHIN DU RJE SENG GES SMRAS PA, YUL DANG DUS DANG GNAS SKABS KYI BYE BRAG GIS DNGOS PO RNAMS KYI NUS PA LA THA DAD PA YIN TE, DE'I PHYIR RJES SU DPAG PA'I KHONG DU 'DU BAR NGES PAR BYA MI NUS TE, LHA SBYIN NI KHUR KHUR BAR NUS PA MA YIN TE, LHA SBYIN YIN PA'I PHYIR BYIS PA'I GNAS SKABS KYI LHA SBYIN BZHIN NO ZHES DE LTAR RJES SU DPAG PA LAS NGES PAR NUS PA MA YIN NO, ,'DIR GNAS SKABS KYI BYE BRAG GIS NUS PA'I BYE BRAG SRID PA'I PHYIR 'KHRUL PA YIN NO, ,DE BZHIN DU YUL GYI BYE BRAG GIS SKYU RU RA DANG YUNG BA LA SOGS PA RNAMS KYI RO DANG NUS PA DANG SMIN PAR BYED PA'I BYE BRAG MTHONG STE, GNAS SKABS DE LA SKYU RU RA'I 'BRAS BU THAMS CAD BSKA BA YIN TE, ZOS PA'I SKYU RU RA BZHIN NO ZHES NI BYA BAR NUS PA MA YIN NO, ,DE BZHIN DU DUS KYI BYE BRAG GIS KHRON PA'I CHU LA SOGS PA RNAMS GRANG BA DANG DRO BA'I BYE BRAG YOD DE, DE LA CHU THAMS CAD GRANG BA YIN NO ZHES NGES PAR BYA BAR MI NUS SO ZHES BYA BA DE LTA BU LA SOGS PA'O, ,YUL DANG DUS DANG GNAS SKABS KYI, ,ZHES BYA BA NI THA DAD CES BYA BA LTOS NAS DRUG PA'O, ,DNGOS RNAMS ZHES BYA BA GRUB PA LA LTOS SO, ,DE BZHIN DU MI RTZVA LA SOGS PA'I NGES PAR SREG PAR NUS PA YIN LA, 'DI SPRIN LA NUS PA NYAMS TE, DE LA 'DI LTAR SPRIN NI MES BSREG PAR BYA BA YIN TE, SA'I RANG BZHIN YIN PA'I PHYIR RTZVA LA SOGS PA BZHIN NO, ,RJES SU DPAG PAR BYA BAR MI NUS SO, ,DE BZHIN DU GZHAN GYI DON DU RTOGS PA'I DON YANG CHES MKHAS PA GZHAN DAG

37a

, ,GIS RNAM PA GZHAN DU RTOGS PA'I PHYIR MTHAR THUG PA MED DO, ,YANG GZHAN GYIS SMRAS PA, GZHAN GYI DON GYI RJES SU DPAG PA NI SMRA BA PO LA LTOS NAS RJES SU BRJOD PA YIN PA'I PHYIR TSAD MA MA YIN LA, NYAN PA PO LA LTOS NAS NI RANG GI DON NYID YIN PAR TE, THOS PA'I SGO NAS DON DE RTOG PAR 'GYUR BA'AM, MTHONG BA'I SGO NAS ZHES BYA BA 'DI LA KHYAD PAR CI YOD JI LTAR LTA BA'I DBANG PO'I BYA BA YOD NA GZHAN GYI DON GYI THA SNYAD DU MI 'GYUR BA DE BZHIN DU NYAN PA'I DBANG PO'I BYA BA YOD NA YANG MI 'GYUR RO, ,'DIS LTA BAR BYED PAS NI LTA BA NI MIG GI DBANG PO'O, , RIG PA NI SHES PA'O, ,DE BZHIN DU TSIG NYAN PA PO LA LTOS NAS GZHAN GYI DON GYI RJES SU DPAG PA MA YIN TE, NYAN PA PO'I RGYUD LA 'JUG PA'I SHES PA'I RGYU NYID YIN PA'I PHYIR RAM SHES PAR BYED PA YIN PA'I PHYIR DBANG PO'I BZHIN NO ZHES BYA BA'O, ,NYAN PA PO RGYUD KYIS SHES PAR BYED PA NYID CES ZLAS PHYE NAS GTAN TSIGS GNYIS BSTAN TO, ,DPER NA DBANG PO'I JI BZHIN NO ZHES BYA BA NI DPE STON PA'O, ,'DIR NI SBYOR BA GZHAN YIN TE, NYAN PA PO LA LTOS NAS TSIG GZHAN GYI DON GYI RJES SU DPAG PA NYID MA YIN TE, RJES SU DPAG PAR BYA BA DNGOS SU DPAG PA'I PHYIR MED NA MI 'BYUNG BA'I 'BREL BA SHES PA BZHIN NO, ,DE'I PHYIR ZHES BYA BA NI DNGOS SU DPAG PAR GSAL BA'I PHYIR RO, ,GANG GI PHYIR RJES SU DPAG PAR BYA BA BSAL BA DE'I PHYIR NYAN PA PO LA LTOS NAS TSIG TSAD MA MA YIN TE, MED NA MI 'BYUNG BA'I 'BREL BA SHES PA BZHIN NO ZHES BYA BA NI NGAG GI DON NO, ,MED NA MI 'BYUNG BA'I BSGRUB BYAS SGRUB PAR BYED PA'I 'BREL BA DE NYID DAM, MED NA MI 'BYUNG BA'I 'BREL BA BSGRUB PAR BYA BAS RTAGS GANG ZHIG GIS SHES PA DE LA ZHES TSIG RNAM PAR SBYAR RO, ,CI STE GZHAN GYI BYED BA LA LTOS NAS 'DI GZHAN GYI DON DU BRJOD PA YIN NO, ,DE YANG MI RIGS TE, RANG GI DON YANG GZHAN GYI DON NYID DU THAL BAR 'GYUR BA'I PHYIR TE, GZHAN NYID NI LTOS PA YIN PA'I PHYIR PHA ROL DANG TSU ROL BZHIN NO, ,RTAGS KYI TSUL GSUM ZHES BYA BA LA SOGS PAS LAN 'DEBS PAR BYED DE, DE LA SBYOR BA DANG PO LA TSUL GSUM PA'I RTAGS SNGON DU 'GRO BA CAN YIN PA'I PHYIR ZHES BYA BA'I GTAN TSIGS 'DI

37b

'GAL BA NYID DU 'CHAD DO, ,MTSAN NYID MI SLU ZHES BYA BA NI MTSAN NYID 'DIS MTSON PAR BYED PA'I PHYIR TE, 'DI LTAR TSUL GSUM PA'I RTAGS LAS SKYES PA'I SHES PA GANG YIN PA DE NI BRGYUD NAS DNGOS PO DANG 'BREL BA NYID DE, DE'I PHYIR MI SLU BAR BYED PA YIN TE, MNGON SUM BZHIN NO, , JI SKAD DU; ,DE LTAR RTAGS CAN RTAGS BLO DANG, BRGYUD PA YIS NI DNGOS PO DANG, ,'BREL PHYIR DER SNANG BA YIS NI, ,STONG YANG SLU BYED NYID MA YIN, ,ZHES BSHAD PA BZHIN NO, ,DE'I MTSAN NYID CES BYA BA NI MI SLU BA'I MTSAN NYID DE, TSAD MA SLU BA MED TZAM GYI, ,SHES PA ZHES BSHAD PA BZHIN NO, ,DE TSAD MAR SMRA BAS MNGON SUM LAS KYANG TSAD MA RNAM PAR GZHAG PA'I RGYU MTSAN MI SLU BAR LAS GZHAN BSTAN PAR MI NUS LA, DE YANG TSUL GSUM GYI RTAGS KYIS BSKYED PA LA YANG YOD PA'I PHYIR, CI'I PHYIR TSUL GSUM PA'I RTAGS SNGON DU 'GRO BA CAN DE NYID LAS MI SLU BA'I RGYU TSAD MA NYID 'GEGS PAR BYED DE, 'DIS NI BSGRUB PAR BYA BA DANG SGRUB PAR BYED PA DAG DON GYIS 'GAL BAR BSTAN TE, 'DI LTAR GANG DU TSUL GSUM PA'I RTAGS SNGON DU 'GRO BA CAN DE MI SLU BA NYID YIN PA DER NI TSAD MA YIN PA NYID YIN TE, TSAD MA DANG TSAD MA MA YIN PA DAG NI PHAN TSUN SPANGS TE, GNAS PA'I MTSAN NYID KYI 'GAL BA YIN PA'I PHYIR SHUGS KYIS GTAN TSIGS 'GAL BAR BSTAN TO, ,'DOD LA GNOD PA ZHES BYA BA LA SOGS DPE BSGRUB BYA MA TSANG BA NYID DU BSHAD DO, ,GANG GI PHYIR RGOL BA'I 'DOD PA LAS BZLOG PA SGRUB PAR BYED PA'I PHYIR DE YANG TSAD MA NYID MA YIN NO, , 'DI LTAR GAL TE BSGRUB BYA GZHAN LA LTOS NAS THAMS CAD TSAD MA YIN PA NYID DU RNAM PAR 'JOG PAR 'GYUR NA MNGON SUM LA YANG THAL BAR 'GYUR RO, ,PHYOGS SNGA MA LA LTOS NAS DE LOG PA'I SHES PAR BRJOD KYI DNGOS PO GNAS PAS NI MA YIN NO, ,SNGA MA NI DANG PO SMRAS PA'I PHYOGS NI PHYOGS SNGA MA STE, DE LA LTOS NAS ZHES BYA BA'I TSIG RNAM PAR SBYAR RO, ,GANG DAG MIG LA SOGS PA BOGS DBYUNG DU MED PA GCIG GI DON BYED PA NYID DU 'DOD DE, DE'I BSAM PA LA LTOS NAS LOG PA'I SHES PAR BRJOD KYI, MIG LA SOGS PA RNAMS MI RTAG PA DANG DU BA'I RNAM

38a

, ,PAR SHES PA LA SOGS PA'I RGYU NYID DU GRUB PA'I PHYIR 'GAL BA ZHES BYA STE, TSUL GSUM PA'I RTAGS SNGON DU 'GRO BA CAN LA, TSAD MA YIN PA 'GA' YANG MED PA'I PHYIR LA, TSAD MA NI 'DOD PA LA GNOD PA BYED PA'I SHES PA 'DI NYID LA YOD PA'I PHYIR RO, ,'ON TE 'JIG RTEN RGYANG PAN PA LA GNOD PA 'GAL BA ZHES BYA BA LA, DPE MA GRUB PA NYID MA YIN NAM, GZHAN DAG NI 'DOD PA LA GNOD PA SKYED PA'I TSAD MAR 'DOD PA NI MA YIN NO, ,GANG YANG RUNG BA LA GNOD PA MA GRUB PA DANG SUN 'BYIN PA MA YIN TE, RGOL BA GNYIS KA LA NGES PA GANG YIN PA DE NYID SGRUB PA DANG SUN 'BYIN PA YIN NO ZHES BYA BA'I RIG PAS SO ZHE NA, BRJOD PA GAL TE YANG 'DIR GZHAN GYI TSIG TSAD MA NYID DU 'DOD PA DE LTA NA YANG MI SLU BA NYID NI BSNYON PAR MI NUS PA'I PHYIR 'DOD PA NYID YIN LA, DE 'DOD PAS SHUGS KYIS DE TSAD MA YANG DNGOS PO GNAS PAS KHAS BLANG BAR BYA DGOS SO, ,DNGOS PO'I STOBS KYIS ZHUGS PAS 'GAL BAR BRJOD KYI, GZHAN GYIS KHAS BLANGS PA'I NGOR BYAS NAS NI MA YIN NO, ,YANG NA GTAN TSIGS 'GAL BA STON PAR BYED PA'I PHYIR 'GAL BA YIN NO, ,DE 'GAL BA'I GTAN TSIGS NI GANG MI SLU BA DE NI TSAD MA YIN TE, MNGON SUM BZHIN NO, ,TSUL GSUM PA'I RTAGS KYIS BSKYED PA'I SHES PA YANG MI SLU BA YIN NO ZHES BYA BA NI RANG BZHIN GYI GTAN TSIGS SO, ,RANG BZHIN MED PA DANG RGYU MED PA NYID DU THAL BAR 'GYUR BA'I PHYIR MA GRUG PA YANG MA YIN LA, MNGON SUM TSAD MA MA YIN PA NYID DU THAL BAR 'GYUR BA'I PHYIR MA NGES PA YANG MA YIN NO, ,BSGRUB BYA MED PA NYID CES BYA BA 'DI LA BSGRUB BYA YOD PA MA YIN PAS BSGRUB BYA MED PA'O, ,DE'I DNGOS PO NI BSGRUB BYA MED PA'I PHYIR, DE BSGRUB BYA MA TSANG BA ZHES BYA BA'I THA TSIG GO, ,GNYIS PA ZHES BYA BA NI, RTAGS KYI TSUL GSUM TSUL GNYIS BZHIN, , ZHES BYA BA LA SOGS PA LA GTAN TSIGS MA GRUB PA NYID CES BYA BA'I RJES SU DPAG PA MA YIN PA 'GA' YANG MED PA'I PHYIR RO, ,RNAM PA 'DI GNYIS KYIS ZHES BYA BA NI DE'I TSUL GSUM PA'I RTAGS ZHES BYA BA LA SOGS PA'I TSUL GYIS SO, ,RJES SU DPAG PA DANG 'GAL BA ZHES BYA BA LA SOGS

38b

PA LA LAN BSHAD PA NI, DE BDAG DE LAS BYUNG BA YI, ,ZHES BYA BA LA SOGS PA'O, ,DE 'DRA BA ZHES BYA BA NI DE'I BDAG NYID DANG 'GAL BA DE LAS BYUNG BA'I 'BREL BA LA'O, ,BDAG DANG RGYU DAG CES BYA BA NI GO RIMS BZHIN DU RANG BZHIN DANG RGYU DANG MED PAR DE RTAGS SU MI 'GYUR RO, , RANG BZHIN MED PA NYID DANG RGYU MED PA NYID DU THAL BAR 'GYUR BA'I PHYIR RO, ,BRJOD PAR 'DOD PA'I BSGRUB PAR BYA BA'I CHOS NI CHOS CAN GYI KHYAD PAR MA YIN NO ZHES GANG SMRAS PA DE LA GAL TE BSGRUB BYA'I CHOS CHOS CAN GYI KHYAD PAR MA YIN PA DE'I TSO TSOGS PA NYID MED PA'I PHYIR TE, DE LTA YIN DANG TSOGS PA'I PHYOGS GCIG YIN PA'I PHYIR ZHES BYA BA'I GTAN TSIGS 'DI MA GRUB PAR 'GYUR RO, ,GANG YANG THAMS CAD DU RJES SU DPAG PA'I YUL NI 'GAL BA YIN NO ZHES SMRAS PA DE NI MI RIGS TE, GANG GI PHYIR BSGRUB PAR BYA BA LAS BZLOG PA'I PHYIR 'GAL BAR 'DOD KYI KHYAD PAR BSGRUB PAR 'DOD PA NI MA YIN NO, ,DNGOS PO STOBS KYIS ZHUGS PA'I RJES SU DPAG PA'I YUL NI 'GAL BA MI 'KHRUL PA CAN SRID PA'I YANG MA YIN TE, CHOS CAN 'GAL BAR BYA BA PHAN TSUN 'GAL BA'I CHOS GNYIS SU THAL BAR 'GYUR BA'I PHYIR RO, ,YUL DANG DUS DANG GNAS SKABS KYI, , ZHES BYA BA LA SOGS PA GANG SMRAS PA DE LA, MTSAN NYID LA NI GOMS RNAMS KYI, ,ZHES BYA BA LA SOGS PA SMOS TE, SHIN TU GTAN LA PHAN PA'I RTAGS NI GO BAR BYED PAR 'DOD KYI THE TSOM ZA BA NI MA YIN TE, RLANGS PA LA SOGS PA'I NGO BOR THE TSOM ZA BA'I DU BA MED CES NGES PAR BYED PA NI MA YIN NO, ,RTAGS NGES PA NYID JI LTAR ZHE NA, GOMS PA LAS SO, ,JI LTAR NOR BU'I GZUGS LA SOGS PA LA RIGS PA BZHIN TE, 'DI LTAR GOMS PA NI DU BA LA SOGS PA DE'I MTSAN NYID DU RLANGS PA LA SOGS PA DAG LAS RNAM PAR 'BYED PA NYID YIN NO, ,DE'I PHYIR SHIN TU RNAM PAR PHYE NAS 'JUG PA DAG NI ME THOB PAR 'GYUR BA NYID DO, ,DE LTA BAS NA GANG GI PHYIR SHIN TU RNAM PAR PHYE BA'I RTAGS PA'I 'KHRUL PA MED DO, ,DES NA GNAS SKABS LA SOGS PA BYE BRAG GIS THA DAD PA RNAMS KYIS 'GRUB PA RNYED PAR DKA' BA MA YIN NO, ,SHIN TU RNAM PAR PHYE BA'I RTAGS LAS

39a

, ,NGES PA'I DON NI GZHAN DU BYA BAR MI NUS LA, SHIN TU RNAM PAR GTAN LA PHAB PA'I DU BAS DPAG PA'I ME NI RNAM PA GZHAN GYI NGO BOS BYA BAR NUS PA MA YIN TE, GCIG LA RANG BZHIN 'GAL BA GNYIS MI RUNG BA'I PHYIR RO, ,GANG YANG LHA SBYIN NI KHUR KHUR BAR NUS PA MA YIN TE ZHES BYA BA LA SOGS PA DANG, GANG YANG SPRIN NI MES TSIG PA MA YIN NO ZHES BYA BA SMRAS PA DE NI RTAGS NYID NI MA YIN TE, DE LA TSUL GSUM NYID MED PA'I PHYIR RO, ,MA MTHONG BA TZAM GYIS NI GTAN TSIGS MI MTHUN PA'I PHYOGS LAS LDOG PAR BYA BA MI NUS TE, MI MTHUN PA'I PHYOGS LAS MA MTHONG BA TZAM GYIS LDOG PA NYID KYANG MIN ZHES GANG BSHAD PA YIN NO, ,'O NA CI ZHE NA, DE'I BDAG NYID DANG DE LAS BYUNG BA'I 'BREL BA NGES PA LAS MED NA MI 'BYUNG BA NGES PA YIN TE, RGYU DANG 'BRAS BU'I DNGOS PO'AM, ,RANG BZHIN NGES PAR BYED PA LAS, ,MED NA MI 'BYUNG NGES PA STE, , MA MTHONG LAS MIN MTHONG LAS MIN, ,ZHES GANG BSHAD PA YIN NO, ,'DI LA DE'I BDAG NYID DANG DE LAS BYUNG BA'I 'BREL BA YANG YOD PA MA YIN NO, ,'DI SNYAM DU SHIN TU RNAM PAR PHYE BA'I RTAG PA'I 'KHRUL PA MED DO ZHES BYA BA 'DI NYID GA LAS, 'DI LA RIGS PA YOD PA NI MA YIN NO SNYAM DU SEMS NA, RGYU DANG RANG BZHIN ZHES BYA BA LA SOGS PA SMOS TE, RTAGS NI RNAM PA GNYIS NYID DE, 'DI LTA STE RANG BZHIN DANG 'BRAS BU'O, ,MI DMIGS PA NI RANG BZHIN GYI KHONGS SU 'DUS SO, ,'DI NAS BRTZAMS TE, DE YANG GANG GIS 'KHRUL BAR GYUR BA'I RANG BZHIN DANG RGYU ZHES BYA BA'I RTAGS CAN MED PAR RTAGS DE DAG SRID PA YOD PA MA YIN NO, ,CI'I PHYIR MI SRID NA ZHE NA, SMRAS PA, THA DAD PA DANG RGYU MTSAN MED PAR 'GYUR TE, THA DAD PA DANG RGYU MTSAN MED PA DE DAG THOB STE, RANG BZHIN GYI GTAN TSIGS THA DAD PA STE, RANG BZHIN MA YIN PAR 'GYUR LA, 'BRAS BU'I GTAN TSIGS NI RGYU MTSAN MED PA STE, RGYU MED PA NYID DU 'GYUR RO, ,RANG BZHIN DANG 'BRAS BU LAS MA GTOGS PA'I RTAGS GZHAN NI MI 'DOD DE, GZHAN DU 'BREL BA MED PAS MED NA MI 'BYUNG BAS ME RUNG BA'I PHYIR RO, ,DE DAG MED NA ZHES BYA BA NI RANG BZHIN DANG 'BRAS BU DAG STE, 'DI NI GNYIS

39b

KYI TSIG GI MTHA' CAN YIN NO, ,GZHAN GYI DON GYI RJES SU DPAG PA NI RJES SU DPAG PA MA YIN TE ZHES GANG SMRAS PA DE LA, TSUL GSUM PA'I RTAGS PA ZHES BYA BA LA SOGS PA SMOS TE, TSIG GZHAN GYI RJES SU DPAG PA YIN PA'I PHYIR RAM, GANG YIN PA DE NI GNYAN PA PO LA LTOS NAS YIN TE, DES NA SMRA BA PO LA LTOS NAS 'BYUNG BA'I SKYON SKYON DU MI 'GYUR RO, ,NYAN PA PO LA LTOS NAS KYANG, TSUL GSUM PA'I RTAGS STON PAR BYED PA'I PHYIR, NYE BAR BTAGS NAS RJES SU DPAG PA'I RGYU YIN PA'I PHYIR RAM, BRDA LA RJES SU DPAG PA NYID DU BSHAD DE, NUS PA STON PAR BYED PA NYID LA RJES SU DPAG PA'I MING SBYOR BA'I PHYIR RO, ,DES NA DBANG PO DANG, MED NA MI 'BYUNG BA'I 'BREL BA SHES PA NI, GZHAN GYI DON GYI RJES SU DPAG PA NYID DU THAL BAR 'GYUR BA'I PHYIR, HA CANG THAL BAR MI 'GYUR RO, ,DE DAG LA NUS PA STON PAR BYED PA MED PA'I PHYIR RO, ,DE NYID KYI PHYIR MTHONG BA'I RTZA BA CAN GYI RIG PA 'DI LAS 'DI NYID KHYAD PAR YIN TE, 'DI LTAR MTHONG BA'I SHES PAS DNGOS PO DU BA LA SOGS PA'I RTAGS RTOGS KYI, NYAN PA'I SHES PAS NI MA YIN NO, ,DES DNGOS SU SGRA NYID 'DZIN GYI SGRA NI DU BA BZHIN DU PHYI ROL GYI DON LA LTOS NAS GZHAN MA YIN TE, BRJOD PAR 'DOD PA DANG 'BREL PA NI PHYI ROL DANG 'BREL BAR MA GRUB PA'I PHYIR RO, ,DE NI DU BA LA SOGS PA'I RTAGS STON PAR BYED PA NYID KYIS BRDA'I DBANG GIS DE LTAR NGES PA'I RNAM PAR RTOG PA BSKYED PA'I PHYIR PHYI ROL GYI DON LA LTOS NAS GZHAN GYI DON BZHIN BRJOD PA 'BA' ZHIG TU ZAD KYI, BRJOD PAR 'DOD PA GO BAR BYA BA NI NYAN PA PO LA LTOS NAS RANG GI DON NYID YIN TE, 'DI LTAR DE'I 'BRAS BU YIN PA'I PHYIR DU BA BZHIN DU BRJOD PAR 'DOD PA GO BAR BYED PA 'DOD KYI, RJOD PAR BYED PA NYID KYIS NI MA YIN TE, DE LAS SHES PA'I DON RTOGS PA'I PHYIR RO, ,BRJOD PA DON MED DE ZHES BYA BA NI, RJES SU DPAG PA TSAD MA YIN, ,BYA BA 'DI'O, ,'DI LTAR RTOGS PAR BYA BA 'GA' ZHIG KHYOD KYI TSIG LAS BRJOD PAR 'DOD PA MA YIN TE, 'DIS NI RANG GI TSIG DANG 'GAL BA BSHAD PA 'DI YANG SNGAR BSHAD PA NYID YIN NO, ,DBANG POS

40a

, ,SMRAS PA, 'JIG RTEN LA RAB TU GRAGS PA'I RJES SU DPAG PA NI TSU RUL MDZES PA RNAMS KYIS KYANG 'DOD PA NYID YIN LA, KHA CIG 'JIG RTEN PA'I LAM NAS 'DAS NAS RJES SU DPAG PA SMRA BA GANG YIN PA DE 'GEGS PA YIN NO ZHES BYA BA 'DIS DOGS PA BSU NAS, SUN DBYUNG BA'I PHYIR 'JIG RTEN PA'I RTAGS ZHES BYA BA LA SOGS PA SMRAS SO, ,GZHAN MA YIN ZHES BYA BA NI GTAN TSIGS LA SOGS RTOGS ZHES BYA BA DANG 'BREL TO, ,'BRAS BU LA SOGS PA'I SGRAS RANG BZHIN BZUNG LA, DE BZHIN DU GTAN TSIGS LA SOGS PA 'DIR YANG RANG BZHIN BZUNG BA KHO NA'O, , MANG PO'I TSIG NI GSAL BA THA DAD PAS SO, ,DE'I BDAG NYID DAR DE LAS BYUNG BA'I 'BREL BA'I RTAGS GANG KHO NA LAS 'JIG RTEN DON RTOGS PAR 'GYUR BA DE NYID KHO BO CAG GIS RTAGS SU BRJOD DE, DE KHAS BLANGS PA NA GANG ZHIG RJES SU DPAG PA NYID 'GEGS PAR 'GYUR BA CI ZHIG DOR BAR 'GYUR, CI STE YANG KHO BO CAG RJES SU DPAG PA CUNG ZAD CIG 'DOD PA NI MA YIN TE, 'ON KYANG GZHAN GYIS DE TSAD MA NYID DU 'DOD PA DE KHAS BLANGS PA'I PHYIR KHO BO'I DON MED PAR MI 'GYUR RO SNYAM NA 'DIR SMRAS PA, TSAD MA MIN PA ZHES BYA BA LA SOGS PA STE, GZHAN GYI DON TSAD MAR KHAS BLANGS SO ZHES BYA BA'I NGES PA 'DI GA LAS 'BYUNG, GZHAN GYIS KHAS BLANGS PA MNGON SUM MA YIN LA, GANG GIS NGES PAR 'GYUR BA KHYED LA TSAD MA GZHAN YANG YOD PA MA YIN NO, ,NGES PA YIN PA DE LTA NA YANG TSAD MA MA YIN PA GZHAN GYIS KHAS BLANGS PA DE CI'I PHYIR GZHAN RTOGS PAR BYED DE, 'DI ZHEN PA NYID NI MA YIN NO, ,CI STE YANG DGRA'I LAG PA NAS RAL GRI PHROGS TE DE NYID KYIS DGRA BO DE GSOD PA DE ZHIN DU GZHAN GYIS TSAD MA NYID DU KHAS BLANGS PA GANG YIN PA DE NYID BZUNG NAS GZHAN SEL BAR BYED DO SNYAM DU DOGS PA BSU NAS, TSAD MA MIN PAS BYAS PA YI, ,ZHES BYA BA SMOS TE, 'DI SKAD BSTAN PA YIN TE, GAL TE RMONGS PAS GZHAN GYI TSAD MA MA YIN PA NYID TSAD MAR BYAS NA BZUNG BA'I TSAD MA MA YIN PA DE LAS JI LTAR GZHAN GYI YANG DAG PA'I SHES PA SKYED PAR NUS TE, TSAD MA NI YANG DAG PA'I SHES PA 'BRAS BU CAN YIN PA'I PHYIR RO, ,RMONGS PA'I RAL GRI'O SNYAM NAS,

40b

BZUNG BA'I GCOD BYED GANG YANG RUNG BAS GZHAN GCOD PAR NUS PA MA YIN PA'I PHYIR DPE MTSUNGS PA MA YIN NO, ,DE KHO NA NYID KYI 'GREL BSHAD LAS RNAM PHUG PAS, 'ON TE TSAD MA MA YIN PAS CI'I PHYIR GZHAN RTOGS PAR BYED DE, DE GNYI GA LA GRUB PA NI SGRUB PAR BYED PA MA YIN NO ZHES BYA BA 'DI NI MI RIGS TE, GANG GI PHYIR TSIG GI BDAG NYID KYI RJES SU DPAG PAS SMRA BA PO DAG LA TSAD MA YIN LA, YANG SMRA BA PO DES GZHAN RTOGS PAR BYED PA YANG MA YIN TE, 'BRAS BU NI GZHAN DON RTOGS PAR BYA BA'I DON DU YIN PA'I PHYIR GDON MI ZA BAR GNYIS LA GRUB PAR DOGS PA MED DO ZHES ZER BA'I DOGS PA, TSIG GIS BDAG NYID RJES SU DPAG ,CES BYA BA LA SOGS PAS DOGS PA BSU'O, ,DE YIS ZHES BYA BA NI TSIG GI BDAG NYID KYIS SO, ,'DI NI ZHES BYA BA NI SMRA BA'O, ,MI SHES ZHES BYA BA LA SOGS PAS SUN 'BYIN PA 'CHAD DE TSIG NI SMRA BA PO LA LTOS NAS NUS PA STON PA MA YIN PA'I PHYIR TSAD MA NYID DU 'DOD PA MA YIN NO, ,'O NA CI ZHE NA, MI SHES PA'I DON BSAL BAR MI BYED PA LAS SO, ,'DI LA NUS PA STON PA NYID KYANG YOD DE, KHYOD KYIS RJES SU DPAG PA NI NUS PA STON PA MA YIN PAS 'DI NI MTSUNGS PA MA YIN TE, DE LTA MA YIN NA GNYI GA LA GRUB PA NYID DU 'GYUR RO, ,DE LTA BAS NA RIGS PA DANG LDAN PA GANG YIN PA DE NI THAMS CAD DU TSAD MA NYID DU RIGS TE MNGON SUM BZHIN NO ZHES BYA BA NI RIGS PA YIN PA'I PHYIR RO, ,DE KHO NA NYID BSDUS PA'I DKA' 'GREL LAS RJES SU DPAG PA BRTAG PA STE NYI SHU GSUM PA'O,, ,, DA NI TSAD MA GNYIS KYIS NGES PAR BSGRUB PA'I DON DU GRANGS LAS LOG PAR RTOG PA BSAL BA NI, CI STE ZHES BYA BA LA SOGS PA'O, ,'DIS NI TSAD MA'I MTSAN NYID MA KHYAB PA'I SKYON DANG, TSAD MA GNYIS KYIS GTAN LA PHAB CES BYA BA 'DI LA GNYIS SU NGES PAR GZUNG BAR 'BRAS BU MED PA NYID DU BSHAD DO, ,SMRAS PA ZHES BYA BA LA SOGS PAS LAN 'DEBS PAR BYED PA YIN TE, 'DI YI KHONGS SU GTOGS PA'I PHYIR, ,ZHES BYA BA NI TSAD MA GNYIS PO 'DI NYID KYI'O, ,JI SKAD DU BSTAN PA YIN TE, TSAD MA NYID LAS GZHAN LA TSAD MA'I MTSAN NYID MI SLU BA NYID MED PA YIN LA, YOD NA YANG

41a

, ,'DI NYID KYI KHONGS SU 'DUS PA'I PHYIR TSAD MA GZHAN ZHES LOGS SHIG TU MI BRJOD DO, ,DE LA JI LTAR GZHAN DAG TSAD MA MA YIN PA'AM, TSAD MA YIN NA'ANG 'DI DAG GI GANG DU JI LTAR 'DU BA ZHES BYA BA 'DI GNYIS SGRUB PAR BYED DE, DE LA SGRA LAS BYUNG BA DANG NYE BAR 'JAL BA DANG, DON GYIS GO BA DANG, RIGS PA DANG, MI DMIGS PA DANG, SRID PA ZHES GRAGS PA DANG SNYAM DU SEMS PA ZHES BYA BA NI, TSAD MA GZHAN DAG GIS KHAS BLANGS PA ZHES DE LA, RGYU LAS BYUNG BA'I DBANG DU BYAS NAS, GZHAN GYI KLOG GYUR ZHES BYA BA LA SOGS PA SMOS TE, DE LA RI KHROD RJE NA RE SGRA LAS BYUNG BA'I MTSAN NYID NI SGRA'I SHES PA LAS SKABS KYI DON SHES PA NI SGRA LAS BYUNG BA YIN NO ZHES ZER TE, SGRA RANG GI MTSAN NYID 'DZIN PA LAS DUS PHYIS LKOG TU GYUR PA'I DON LA SKYE BA GANG YIN PA DE NI SGRA LAS 'ONGS PA'I PHYIR SGRA LAS BYUNG BA YIN NO, ,DE NI RNAM PA GNYIS TE, SKYES BUS MA BYAS PA'I SGRAS BSKYED PA DANG, YID CHES PA'I SKYES BUS TSIG GIS BSKYED PA'O, ,'DI YANG LKOG TU GYUR PA'I YUL CAN YIN PA'I PHYIR MNGON SUM LAS THA DAD PA YIN LA, RJES SU DPAG PA YANG MA YIN TE, TSUL GSUM PA NYID MED PA'I PHYIR RO, ,'DI LTAR BSGRUB BYA'I CHOS KYI KHYAD PAR DU BYAS PA'I CHOS CAN LKOG TU GYUR PA'I YUL CAN YIN PA'I PHYIR, MNGON SUM LAS THA DAD PA YIN LA, RJES SU DPAG PA YANG MA YIN TE TSUL GSUM NYID MED PA'I PHYIR RO, ,'DI LTAR BSGRUB BYA'I CHOS KYIS KHYAD PAR DU BYAS PA'I CHOS CAN RJES SU DPAG PAR BYA BAR 'DOD KYI, 'BA' ZHIG PA MA YIN LA CHOS TZAM YANG MA YIN TE, JI SRID DU DE'I CHOS NYID KYI CHOS CAN GYI YUL CAN GYI BDAG NGES PAR MA BZUNG BA DE SRID DU RJES SU DPAG PA 'JUG PA SRID PA MA YIN TE, JI SRID DU PHYOGS KYI CHOS MA BZUNG BA DE SRID DU RJES SU DPAG PA MED DO ZHES BYA BA'I THA TSIG GO, ,CI'I PHYIR PHYOGS KYI CHOS DE NYID NGES PAR GZUNG BAR MI 'GYUR ZHE NA, 'DI LA ZHES BYA BA SMOS TE, GANG YANG SGRA 'DI LA SHING LA SOGS PA'I CHOS CAN BTAGS PA DE NYID GZHAL BYA YIN TE, DE NYID RTOGS PAR BYA BA YIN PA'I PHYIR RO, ,'DIR CHOS CAN NYID GZHAL BYA YIN GYI, CHOS KYIS KHYAD PAR DU BYAS PA'I CHOS CAN NI MA YIN NO

41b

ZHES BYA BA'I THA TSIG GO, ,CHOS CAN DE NYID MA BZUNG NA STE, MA NGES NA JI LTAR DE'I CHOS NGES PA YIN, GZHAN YANG GAL TE CHOS CAN 'DI PHYOGS KYI CHOS NGES PA LAS SNGAR SHES PA DE'I TSE PHYOGS KYI CHOS LA SOGS PA NGES PA'I 'BAD PA 'BRAS BU MED DO, ,'BAD PA THAMS CAD NI CHOS CAN RTOGS PAR BYA BA'I DON DU YIN NA, DE RTOGS NAS DE PHYOGS KYI CHOS LA SOGS PA NGES PA'I 'BAD PAS CI ZHIG BYA, 'DI YANG KHAS BLANGS NAS BRJOD PA YIN TE, SGRA NI SHING LA SOGS PA CHOS CAN GYI CHOS MA YIN TE, SMRA BA PO YUL DU NGES PAR BZUNG BA NYID KYI PHYIR RO, ,DE LTAR RE ZHIG PHYOGS KYI CHOS NYID MED PAR BSTAN NAS, DA NI RJES SU 'GRO BA MED PAR BSTAN PA'I PHYIR, GZHAL BYAS SGRA LA ZHES BYA BA LA SOGS PA SMOS TE, NGES PAR RTOGS PA NI GTAN LA PHAB PA'O, ,BYA BAS ZHES BYA BA NI SRID PA STE, YOD PAS ZHES BYA BA'I THA TSIG GO, ,'DI SKAD BSTAN PA YIN TE, YOD PA NYID RJES SU 'GRO BAR BYED PA YIN GYI YOD PA MA YIN PA NI MA YIN NO, ,'DI NYID BSTAN PA'I PHYIR, GANG NA ZHES BYA BA LA SOGS PA SMOS TE, GANG GI PHYIR GANG NA DU BA YOD PA DE NA GDON MI ZA BAR ME YOD PA DE'I PHYIR ME 'DI DU BA'I RJES SU 'GRO BAR BYED PA YIN NO, ,DE BZHIN DU SGRA DON DANG RJES SU 'GRO BA MED DO, , JI LTAR MED CES BYA BA BSTAN PA'I PHYIR, RE ZHIG CES BYA BA SMOS TE, RE ZHIG SGRAS NON PA'I YUL DER DON YOD PA MA YIN TE, 'DI LTAR SHING TOG 'BRA GO LA SOGS PA'I SGRA GRONG KHYER DMAR BU CAN LA SOGS PA GZHAN DU THOS NA YANG YUL DE NA SHING TOG 'BRA GO LA SOGS PA YOD PA MA YIN NO, , DE BZHIN DU SGRA'I DUS NA YANG GDON MI ZA BAR DON YOD PA MA YIN TE, 'DI LTAR RGYAL PO DE LI PA DANG MANG POS BKUR BA LA SOGS PA'I SGRA DA LTAR BA YIN LA BYUNG ZIN PA DANG 'BYUNG BAR 'GYUR BA YIN PA'I PHYIR DON GYI SGRA RJES SU 'GRO BAR BYED PA GA LAS YIN, CI STE SGRA RNAMS NI RTAG PA'I PHYIR DUS THAMS CAD DU GNAS PAS DON DANG LHAN CIG DUS THA DAD PA MA YIN LA, YUL THA DAD PA NYID KYANG MA YIN TE, YUL THAMS CAD NON PAR GNAS PAS KHYAB PA'I PHYIR RO, ,DE LTA BAS NA RTAG PA DANG KHYAB PA'I PHYIR, ,SGRA RNAMS DON GYI RJES SU 'GRO BA YOD DO ZHES BYA BAR 'DOD NA, DE NI MA YIN TE, RTAG PA DANG KHYAB PA

42a

, ,NYID NI SGRA THAMS CAD LAS MTSUNGS PA'I PHYIR, SO SOR NGES PA'I SGRAS SO SOR NGES PA'I DON BRJOD PAR MI 'GYUR RO, ,'O NA CI ZHE NA, SGRA GANG YANG RUNG BA 'GA' ZHIG GIS DON THAMS CAD BRJOD PA NYID DU 'GYUR RO, ,DES DON DANG LHAN CIG YUL LAM DUS THAMS CAD DU SGRA DE MTHONG BA'I PHYIR LDOG PA DE BSGRUB BYA MED NA SGRUB BYED MI 'BYUNG BDE MA RTOGS PA'I PHYIR TE, MI DMIGS PA'I PHYIR RTAG PA DANG KHYAB PA NYID YIN PA'I PHYIR RO, ,DE'I PHYIR ZHES BYA BAS MJUG BSDUS NAS TSAD MA STON PAR BYED PA YIN TE, SGRA LAS BYUNG BA RJES DPAG MIN, ,ZHES BYA BA NI BSGRUB BYA STON PA'O, ,MNGON SUM BZHIN DU ZHES BYA BA NI DPE'O, ,TSUL GSUM NYID DANG BRAL BAS NA, ,ZHES BYA BA NI GTAN TSIGS SO, ,DE 'DRA'I YUL NI SPANGS PHYIR RO, ,ZHES BYA BA NI GTAN TSIGS SGRUB BYED DO, ,DU BA LA SOGS PA'I RTAGS LAS BYUNG BA'I RJES SU DPAG PA'I YUL CHOS KYI KHYAD PAR DU BYAS PA'I CHOS CAN CI 'DRA BA DE 'DRA BA'I YUL DE SPANGS PA'I PHYIR RO, ,BRAL BA'I PHYIR ZHES BYA BA'I THA TSIG GO, ,TSUL GSUM DANG BRAL BA'I PHYIR RJES SU DPAG PA LAS GZHAN NYID YIN DU CHUG MOD, JI LTAR SGRA 'DI TSAD MA YIN ZHE NA, ME LAS SBYIN SREG CES BYA BA LA SOGS PA SMOS TE, THE TSOM PHYIN CI LOG DANG BRAL BA'I PHYIR MI G-YO BA NI NGES PA YIN TE, GNOD PAR BYED PA'I TSAD MA MED PA'I PHYIR, TSAD MA YIN TE MNGON SUM BZHIN NO ZHES BYA BA'I THA TSIG GO, ,DE SKAD DU YANG RI KHROD RJE NA RE MTHO RIS 'DOD PAS MCHOD BYA'O ZHES BYA BA'I TSIG 'DI LAS MTHO RIS 'BYUNG NGAM MI 'BYUNG SNYAM PA'I THE TSOM GYIS RTOGS PA MA YIN TE, NGES PA'I SHES PA 'DI NI LOG PAR MI 'GYUR RO, ,GANG ZHIG SKYE NAS ZHIG PA DES, ,DE NYID 'DI YIN NO ZHES BYA BA DE NI LOG PA'I SHES PA YIN NO, ,'DI NI YUL GZHAN DANG DUS GZHAN DANG SKYES BU GZHAN LA PHYIN CI LOG MA YIN PA DE'I PHYIR DE BZHIN DU YIN NO, ,GANG YANG 'JIG RTEN PA'I TSIG DE YID CHES PA'I SKYES BU LAS SAM, DBANG PO'I YUL YIN NO ZHE NA NI, DE BZHIN DU YIN PA NYID DO, ,CI STE YID CHES PA MA YIN PA LAS SAM, DBANG PO'I YUL MA YIN PA'I SKYES BU DE'I BLO LAS BYUNG BA NI TSAD MA MA YIN TE, SKYES BU TZAM NI SHES PAR MI NUS SO ZHES ZER

42b

RO; ;DE LA ZHES BYA BA LA SOGS PAS DE YANG BYED PA PO MED PA'I DANG LAS ZHES BYA BA LA SOGS PA'I SGRA LAS BYUNG BA'I MTSAN NYID DANG PO DE LA MTSAN NYID MI SRID PA'I SKYON 'CHAD PA YIN NO, ,BYED PA PO MED PA'I TSIG NI SRID PA NYID MA YIN TE, KHYAD PAR BYED PA SKAD CIG MA 'JIG PA BSGRUBS ZIN PA'I PHYIR RAM, 'CHAD PAR 'GYUR BA'I RIGS PAS SO, ,SRID PA YIN NA YANG DE'I DON DANG LDAN PA NYID MI SRID DE, DE'I PHYIR BYED PA PO MED PA'I TSIG LAS LKOG TU GYUR PA'I DON SHES PA ZHES BYA BA GANG YIN PA DE GNYI GA YANG MI SRID PA'I PHYIR TSAD MA'I MTSAN NYID MI SRID PA YIN NO, , YANG JI LTAR BYED PA PO MED CE NA, NUS DANG ZHES BYA BA LA SOGS PA SMOS TE, DE LA BYED PA PO MED PA'I DBANG DU 'GYUR NA SHES PA SKYED PAR BYED PA LA NUS PAR 'GYUR BA'AM, RES 'GA' MI NUS PA YIN ZHES BYA BA PHYOGS GNYIS SO, ,PHYOGS DANG PO NUS PA'I RANG BZHIN DE RJES SU 'JUG PA NYID RTAG TU DE LAS BYUNG BA'I SHES PAR 'GYUR RO, ,DE LA SBYOR BA NI GANG ZHIG GANG BYAS PA LA NUS PA THOGS PA MED PA DE NI DE BYED PA NYID YIN TE, RGYU TSOGS PA THA MA BZHIN NO, ,BYED PA PO MED PA'I TSIG KYANG SHES PA SKYED PA LA DUS THAMS CAD DU NUS PA THOGS PA MED PA CAN YIN NO ZHES BYA BA NI RANG BZHIN GYI GTAN TSIGS SO, ,YANG NA GANG GI RGYU MA TSANG BA MED PA DE NI 'BYUNG BA NYID YIN TE, RGYU MA TSANGS BA MED PA'I MYU GU BZHIN NO, ,SKYES BUS MA BYAS PA LAS BYUNG BA'I SHES PA YANG RGYU MA TSANGS BA MED PA YIN NO ZHES BYA BA NI RANG BZHIN GYI GTAN TSIGS SO, ,PHYOGS NYIS PA LA YANG NUS PA MED PA'I RANG BZHIN DE DUS THAMS CAD DU RJES SU 'JUG PA'I PHYIR, NAM YANG DE LAS BYUNG BA'I SHES PAR MI 'GYUR TE, RGYU MA TSANGS BA'I MYU GU BZHIN NO, ,JI LTAR DON DANG LDAN PA NYID MI 'THAD CE NA, JI LTAR LOG PA ZHES BYA BA LA SOGS PA SMOS TE, PHYIN CI LOG GI DON CAN NAM BDEN PA'I DON CAN NYID KYIS TE RGYU RNAM PA GNYIS KYI DON DANG LDAN PA YIN TE, PHUNG PO GSUM PA MED PA'I PHYIR RO, ,DON DANG LDAN PA RNAM PA GNYIS PO DE'I RGYU YANG YON TAN DANG SKYON YIN NO ZHES BYA BA NI RJES SU 'GRO BA DANG LDOG PA DAG GIS NGES TE, ,'DI LTAR DE LTAR 'DOD CHAGS LA SOGS PA'I NYES PA DANG LDAN PA'I SKYES

43a

, ,BU NI BRDZUN DU SMRA BAR MTHONG LA, YANG DAG PA NYID DANG LOG PA GNYIS KYI RGYU YON TAN DANG NYES PA DE DAG GI RTEN NI SKYES BU YIN NO, ,DE LTA YIN DANG SKYES BU LOG NA YON TAN DANG NYES PA DE DAG GI RTEN NI SKYES BU YIN NO YON TAN DANG LDAN PA LOG NA YANG DAG PA LOG PA NYID DAG KYANG MED DE, DE MED NA RNAM PA GZHAN MED PA'I PHYIR SKYES BUS MA BYAS PA'I TSIG DON MED PA NYID DU 'GYUR TE, RGYU MED PA'I PHYIR RO, ,RGYU MED PAR NI 'BRAS BU SRID PA MA YIN TE, RGYU MED PA NYID DU THAL BAR 'GYUR PA'I PHYIR RO, ,DE BAS NA YUL DANG DUS DANG RDZAS LA SOGS PA NGES PAR MI 'GYUR RO, ,'DI NI THAL BAR SGRUB PAR BYED PA YIN PAR BLTA BAR BYA'O, ,DE LTA MA YIN TE, RANG RGYUD KYIS SGRUB PAR BYED NA MTHONG BA DANG 'GAL BAR 'GYUR TE, 'DI LTAR, MTHO RIS 'DOD PAS ME LA SBYIN SREG BYA, ,ZHES BYA BA LA SOGS PA'I NGAG LAS DON RTOGS PAR 'GYUR BA NYID DMIGS PA YIN TE, MTHONG BA NI BSKYOD PAR NUS PA MA YIN LA BYED PA PO MED PA NYID NI GNYI GA LA GRUB PA MA YIN PA'I PHYIR GTAN TSIGS MA GRUB PA YANG YIN NO, ,'DIR GNYI GA YANG THAL BAR SGRUB PAR BYED PA BLTA BAR BYA STE, 'DI LTAR GAL TE RIG BYED SKYES BUS MA BYAS PA NYID DU KHAS LEN PA DE'I TSE DON MED PA NYID DU KHAS BLANG BAR BYA DGOS TE, DON DANG LDAN PA'I RGYU SKYES BU MED PA'I PHYIR RO, ,DON MED PA YANG MA YIN TE, DE LTA BAS NA SKYES BUS BYAS PA NYID YIN NO ZHES THAL BAR 'GYUR BAS BSTAN TO, ,THAL BAR SGRUB PAR BYED PA 'DI NYID SGRUB PA PO'I DON DU MTHONG BA DANG MI 'GAL BAR BSTAN PA'I PHYIR DOGS PA SNGON DU BSU NAS DON RTOGS PHYIR ZHES BYA BA LA SOGS PA SMOS TE, GAL TE MIN ZHES BYA BA NI DON MED PA ZHES BYA BA DANG SGROL LO, ,DE LTA YIN NA DAM BCA' BA MTHONG BA DANG 'GAL BA YIN NO SNYAM DU BSAMS PA YIN NO, ,GAL TE RIG BYED LAS RIG BYED KYI DON RTOGS PA NYE BAR BSTAN PA MED PAR 'BYUNG BAR 'GYUR NA MTHONG BA DANG 'GAL BA BDEN PAR 'GYUR NA, GANG GI PHYIR 'DI DON RTOGS PAR BSTAN PA LAS BRDA'I DBANG GIS 'GYUR GYI, BRDA LA MA LTOS PA'I RIG BYED 'GA' ZHIG LAS NI MA YIN TE, 'DI LTAR RIG BYED KYI DON DPYOD PA LA

43b

SOGS PA'I RANG GI 'DOD PAS BRJOD PAR MTHONG GI DON GYI RANG BZHIN SKYES BU'I 'DOD PA'I RJES SU BYED PA NYID DU RIG PA MA YIN NO, ,DE LA 'DI SNYAM DU SKYES BU SNGA NA MED PA'I DON RANG GI 'DOD PAS BRJOD PA NI MA YIN NO, ,'O NA CI ZHE NA, DON GYI RANG BZHIN DU RNAM PAR GNAS PA GANG YIN PA DE NYID SKYES BUS GSAL BAR BYED PAS DES NA MTHONG BA DAN 'GAL BAR 'GYUR RO SNYAM NA, 'O NA GAL TE DE LTA NA RIG BYED 'DI RANG BZHIN GYIS YANG DAG PA'I DON GSAL BAR BYED PA'I NUS PA GNAS PA DE'I TSE BRDA MI SHES PAS KYANG RIG BYED KYI TSIG DE LA DON RTOGS PAR 'GYUR RO, ,BRDA LA LTOS NAS RIG BYED DON RTOGS PA'I RGYU YIN GYI 'BA' ZHIG PA NI MA YIN NO ZHE NA, DE NI MA YIN TE, RANG BZHIN GYIS DON RTOGS PA'I RGYU SGRON MA LA SOGS PA'I BRDA LA LTOS PA MA YIN TE, DE LTA MA YIN NA BRDA NYID RJES SU 'GRO BA DANG LDOG PA DAG GIS DON RTOGS PAR NUS PAR 'GYUR GYI RANG BZHIN 'BREL PA NI MA YIN NO, ,GZHAN YANG BRDA DANG LHAN CIG PA LAS DON RTOGS PA YIN DU CHUG MOD, DE LTA NA SKYON YOD DO ZHES BSTAN PA NI BRDA GZHAN ZHES BYA BA LA SOGS PA SMOS TE, DPYOD PA BAS SBYAR BA'I BRDA LAS, NGES PAR SBYOR BAR BYED PAS BKOD PA'I BRDA NI BRDA GZHAN YIN LA, DE YOD NA RNAL MA'I DON LAS DON GZHAN SGRA DE LAS RTOGS PAR MI 'GYUR TE, SGRON MA NI GSAL BAR BYA BA MA YIN PA'I DRI DANG RO LA SOGS PAS BRDA'I DBANG GIS GSAL BAR NUS PA MA YIN NO, ,BRDA'I DBANG GIS DON GZHAN LA 'JUG PA YIN DU ZIN PA STE, DE LTA NA YANG TSAD MA NYID NI 'GRUB PAR MI 'GYUR ZHES SGRUB PAR BYED PA NI NUS PA DE NI ZHES BYA BA'O, ,GAL TE GANG GI TSE SKYES BU'I 'DOD PA'I DBANG GIS SGRA DON GZHAN LA YANG 'JUG PA DE'I TSE 'TSOL BA'I PHYIR YANG DAG PA'I DON GSAL BAR BYED PA'I NUS PA DES NGES PAR MI NUS PA'I PHYIR JI LTAR DE LAS 'DOD PA'I DON RTOGS PAR 'GYUR, YANG NA RNAM PA GZHAN DU BSHAD PAR BYA STE, GANG 'DIR RANG BZHIN GYIS YANG DAG PA'I DON GSAL BAR NUS PA DE RES 'GA' DON GCIG LA NGES PAR 'GYUR BA'AM, DON DU MA NGES PAR 'GYUR ZHES BYA BA GNYIS SO, ,DE LA DON GCIG LA NGES PA'I PHYOGS LA

44a

, ,SKYON BSHAD PA NI, BRDA GZHAN YOD PA ZHES BYA BA'O, ,GNYIS PA LA YANG NUS PA DE NI RNAM PAR SHES PAR BYA BAR NUS PA YANG MA YIN NO ZHES BYA BA SMOS TE, 'CHOL BA'I PHYIR SNYAM DU BSAMS PA YIN NO, ,JI SKAD DU, TSIG RNAMS DON GCIG LA NGES NA, ,DON GZHAN RTOGS PAR MI 'GYUR RO, ,DON DU MA DANG MNGON 'BREL NA, ,'GAL BA GSAL BAR BYED PA SRID, ,CES BSHAD PA YIN NO, ,DE LTAR SGRA LAS BYUNG BA'I MTSAN NYID DANG PO MI SRID DO ZHES BSTAN NAS, MI G-YO'I SHES PA SKYE BA'I PHYIR, ,ZHES BYA BA'I GTAN TSIGS 'DI MJUG BSDU PA'I SGO NAS MA GRUB PAR BSTAN PA'I PHYIR, DE'I PHYIR ZHES BYA BA LA SOGS PA SMOS TE, SKYES BUS MA BYAS PA NYID YIN NA GANG GI TSE JI SKAD DU BSHAD PA'I TSUL GYIS DON RTOGS PA NYID MI SRID PA DE'I TSE DE MI G-YO BA NYID DU GA LA 'GYUR, GANG YANG RIG BYED KYI TSIG LAS DON RTOGS PA 'DI'I 'GYUR BA DE NI BRDA LAS BYUNG BA NYID DU RIGS SO ZHES 'DI NI BSTAN PA LAS 'GYUR RO ZHES BYA BA LA SOGS PAS DANG PO NYID DU BSTAN ZIN TO, 'DI YANG BRDA LAS BYUNG BA NYID DU RIGS TE, GANG GI PHYIR RIG BYED KYI TSIG 'DI SKYES BU'I TSIG LAS TE SKYES BUS BYAS PA NYID LAS THA DAD PA MA YIN TE, SKYES BUS BYAS PA'I TSIG LAS THA DAD PA MA YIN NO ZHES BYA BA'I THA TSIG GO, ,'DI YANG GA LAS SHE NA, RIGS PA SHES PA ZHES BYA BA LA SOGS PA SMOS TE, DE DAG GIS ZHES BYA BA NI RIG BYED DANG SKYES BUS BYAS PA DAG GIS TE, RNAM PA THAMS CAD DU SKYES BU DAG GIS BYED PAR NUS PA'I PHYIR RIG BYED NI 'JIG RTEN PA LAS KHYAD PAR 'GA' YANG YOD PA MA YIN NO, ,THOS PA LAS ZHES BYA BA NI BZHAD GAD DU BYED PA YIN NO, ,YANG NA GNYIS PA YANG YID CHES PAS BSTAN PAS ZHES BYA BA 'DI LA SGRA LAS BYUNG BA'I MTSAN NYID MI SRID PA NYID KYI MTSAN NYID KYI SKYON 'CHAD PA NI, YID CHES KHAS MI LEN ZHES BYA BA LA SOGS PA STE, DPYOD PA PA RNAMS KYIS NYES PA ZAD PA'I SKYES BUS KHAS MI LEN PA'I PHYIR, YID CHES PA KHAS MI LEN PAS DE'I TSIG TSAD MA NYID DU GA LA 'GYUR, MI BZOD CES BYA BA NI MI RIGS PA STE MI SRID DO ZHES BYA BA'I THA TSIG GO, ,YANG YID CHES PA 'DOD DE YID

44b

CHES PA DE 'DOD PA DE'I TSE 'DI NI 'DI'O ZHES ZER NAS BZUNG NAS YID CHES PA 'DI NI MA NGES PA'I PHYIR MED PA DANG 'DRA BA NYID YIN NO, ,GZHAN GYI SKYON DANG YON TAN NGES PAR BYA BA LA TSAD MA YOD PA MA YIN TE, DE DAG NI DBANG PO LAS 'DAS PA YIN PA'I PHYIR RO, ,LUS DANG NGAG GI THA SNYAD KYANG BLO SNGON DU BTANG NAS GZHAN DU BYED PA'I PHYIR MI 'CHOL BAR TSU ROL MTHONG BA RNAMS KYIS DE DAG NGES PAR MI 'DZIN PA'I PHYIR RO, ,CI STE YANG SKYES BU GANG ZHIG NYES PA ZAD PA YIN NA YANG TSIG LAS PHAL CHER MI SLU BAR MTHONG BA'I NYES PA MA ZAD PA DE KHO BO CAG GIS YID CHES PAR 'DOD DO, ,DE LTA BAS NA YID CHES PA'I TSIG GZUNG BAR BYA BA YIN TE, DES NA SGRA'I MTSAN NYID LA MI SRID PA MI SRID DO SNYAM NA, 'DI YANG YANG DAG PA MA YIN TE, GCIG TU MI SLU BA TZAM DU DMIGS PA'I PHYIR THAMS CAD DU DE LTA BU YIN PAR NGES PA NI RIGS PA MA YIN TE, 'KHRUL PA SRID PA'I PHYIR RO, ,DE LTA MA YIN NAM 'KHRUL PA'I MTSAN NYID DU 'GYUR RO, ,DE LTAR RE ZHIG SGRA LAS BYUNG BA'I MTSAN NYID RNAM PA GNYI GA YANG KHYAD PAR DU SUN 'BYIN PA BSTAN NAS, SPYIR SUN 'BYIN 'CHAD PA NI GANG GIS DE DAG CES BYA BA LA SOGS PA STE, GANG GIS DNGOS PO DE DAG LA RTOGS PAR BYED PA'I TSIG 'DI DAG TSAD MA NYID DU 'GYUR BA'I TSIG RNAMS BRJOD PAR BYA BA'I DNGOS PO DANG LHAN CIG DE'I BDAG NYID DAM DE LAS BYUNG BA'I MTSAN NYID KYIS 'BREL PA YOD PA NI MA YIN NO, ,DE LA RE ZHIG DE'I BDAG NYID KYI MTSAN NYID KYI 'BREL PA YOD PA MA YIN TE, DBANG PO THA DAD PAS 'DZIN PA LA SOGS PA'I GTAN TSIGS DAG GI PHYIR RO, ,DE LA DBANG PO THA DAD PAS BZUNG BA NI DBANG PO THA DAD PAS GZUNG BA STE, 'DI LTAR SGRA NI RNA BA'I DBANG POS GZUNG BAR BYA BA YIN LA, DON NI MIG LA SOGS PAS SO, ,SOGS PA'I SGRAS NI DUS DANG YUL DANG SNANG BA DANG RGYU THA DAD PA BZUNG NGO, ,GZHON NU MA LEN NA RE, DBANG PO THA DA PAS GZUNG BAR BYA BA YIN PA'I PHYIR THA DAD PA YIN NO ZHES BYA BA 'DI NI MA NGES PA YIN TE, 'DI LTAR GANG GI TSE GZUGS GCIG LA MANG PO DAG LTA BA DE'I TSE DBANG PO THA DAD PAS GZUNG BAR BYA BA YIN PA'I PHYIR GZUGS THA DAD PAR 'GYUR

45a

, ,RO; ;CI STE YANG MIG GI DBANG POR RIGS THA MI DAD PA'I PHYIR 'DIR DBANG PO GCIG GIS GZUNG BAR BYA BA NYID YIN NO SNYAM NA, 'O NA DE LTA NA YOD PA DBANG PO DU MAS GZUNG BAR BYA BA NYID YIN NA DBANG PO'I RIGS THA MI DAD PA'I PHYIR DBANG PO THA MI DAD PAS GZUNG BAR BYA BA NYID YIN PA'I PHYIR GCIG NYID DU GRUB STE, DE LTA BAS NA BLO THA DAD PA DANG THA MI DAD PA DAG LAS DNGOS PO THA DAD PA DANG THA MI DAD PA DAG RNAM PAR GZHAG GI DBANG PO THA DAD PA DANG THA MI DAD PA DAG LAS NI MA YIN ZHES ZER TE, JI SKAD DU, THA DAD LUS GNAS GZUNG BYA'I PHYIR, ,GZUGS THA DAD PAR 'GYUR 'OD BAS, ,DBANG PO DU MAS GZUNG BYA NYID, ,THA DAD NYID DU 'GYUR BA MIN, ,RIGS BYED MED PHYIR GCIG CE NA, ,DE NI DBANG PO NYID DU MTSUNGS, ,DE'I PHYIR BLO MTSUNGS GCIG YIN GYI, ,DBANG PO THA DAD PA MA YIN, ,ZHES BSHAD DO, ,DE YANG YANG DAG PA MA YIN TE, BLO THA DAD PAS THA DAD PAR BSGRUB PAR BYA BA YIN NA YANG MTSUNGS PA'I PHYIR TE, 'DI LTAR 'DI LA YANG DE SKAD DU BRJOD PAR NUS TE, BLO THA DAD PA'I PHYIR DNGOS PO THA DAD DO ZHES BYA BA 'DI NI MA NGES PA YIN TE, 'DI LTAR GANG GI TSE MANG PO DAG GZUGS GCIG LTA BA DE'I TSE MIG GI RNAM PAR SHES PA DU MA BSKYED PA'I PHYIR BLO THA DAD PA YOD PA NYID YIN LA DE'I TSE GZUGS THA DAD PA NI YOD PA YANG MA YIN NO, ,CI STE MIG GI RNAM PAR SHES PA'I RIGS THA MI DAD PA'I PHYIR GCIG NYID DU RTOGS NA, DE LTA NA 'O NA GZUGS DANG RO LA SOGS PA YANG GCIG NYID DU 'GYUR TE, BLO THA DAD PA DE YOD NA YANG RNAM PAR SHES PA'I RIGS THA MI DAD PA'I PHYIR TE; DE LTA YIN DANG, GZUGS LA SOGS LA YANG 'GYUR PHYIR, ,BLO THA DAD PHYIR GCIG NYID MIN, ,ZHES GANG SMRAS BA DE DANG 'GAL LO, ,DE LTA BAS NA 'DI NI LTAG CHOD YIN NO, ,CI STE RANG GI MTSAN NYID THA DAD PA YIN NA YANG GCIG DANG DU MA'I NGO SHES PA'I RGYU YIN PA NYID KYI 'JIG RTEN NA THA DAD PA DANG THA MI DAD PAR THA SNYAD RAB TU GRUB PA JI LTA BA DE 'DRA BA BLO THA DAD PA DANG THA MI DAD PA'I RGYU NYID DU LEN PAR BYED NA THAMS CAD DBANG PO LA YANG MTSUNGS TE SPROS PAS CHOG GO, ,DE LAS BYUNG MIN ZHES BYA BA NI, DE LAS BYUNG BA'I MTSAN NYID KYI 'BREL PA YANG MED DE, 'KHRUL PA'I PHYIR TE, DON MED NA YANG BRJOD

45b

PAR 'DOD PA TZAM LAS 'BYUNG BA'I PHYIR RO, ,DE LAS BYUNG BA'I MTSAN NYID MA GTOGS PA'I MA 'KHRUL PA GZHAN YANG YOD PA MA YIN TE, HA CANG THAL BAR 'GYUR BA'I PHYIR RO, ,DE LTA BAS NA SGRA PHYI ROL GYI DON MTSAN NYID MA YIN NO, ,GAL TE DE LTA NA JI LTAR, SGRA LAS BYUNG BA RJES DPAG LAS, , TSAD MA GZHAN MIN DE LTAR DE, ,BYAS PA SOGS BZHIN RANG GI DON, ,GZHAN SEL BA YI BRJOD PA YIN, ,ZHES BSHAD CES BYA BA 'DI'I DOGS PA BSU NAS, JI LTAR RJES SU DPAG PA'I KHONGS SU 'DUS PAR 'DOD PA DE LTAR BSTAN PA'I PHYIR, DE'I PHYIR MA LUS TSIG CES BYA BA LA SOGS PA SMOS TE, MA LUS PA DAG LAS ZHES BYA BA NI SKYES BUS MA BYAS PA NYID DU MNGON PAR 'DOD PA DAG LAS SO, ,BRJOD PAR 'DOD PA DE YANG DE'I 'BRAS BU YIN PA'I PHYIR TSIG LAS RTOGS KYI, BRJOD PAR BYA BA NYID KYIS NI MA YIN NO, ,GANG GI PHYIR RANG GI RGYUD LA RJES SU 'GRO BA DANG LDOG PA DAG GI TSIG GI RGYUD BRJOD PAR 'DOD PA YIN PAR NGES TE, GZHAN SEL BA YIS BRJOD PA YIN, ,ZHES GANG SMRAS PA DER NI BRJOD PA GSAL BAR BYED PA NYID YIN TE, SHES PAR BYED PA ZHES BYA BA'I THA TSIG GO, ,DE SKAD DU YANG 'DI'I 'BREL PA LAS DE NI BYAS PA LA SOGS PA BZHIN DU DON GZHAN RNAM PAR BCAD NAS GSAL BAR BYED DO ZHES BSHAD DO, ,GDON MI ZA BAR DE LTAR SHES PAR BYA BA STE, DE LTA MA YIN NA BYAS PA LA SOGS PA BZHIN NO ZHES BYA BA'I DPE BSGRUB BYA MA TSANG BAR 'GYUR RO, ,BYAS PA LA SOGS PA LA NI BRJOD PAR SRID PA MA YIN TE, DE NI SGRA'I CHOS YIN PA'I PHYIR RO, ,DE LTA YIN DANG; GZHAN SEL BA YIS BRJOD PA'I PHYIR, ,ZHES BYA BA'I GTAN TSIGS THUN MONG MA YIN PAR 'GYUR RO, ,'ON TE SGRA BRJOD PAR 'DOD PA LA YANG TSAD MA NYID DU RIGS PA MA YIN TE, 'DI LTAR RE ZHIG BRJOD PAR 'DOD PA'I KHYAD PAR LA TSAD MA MA YIN TE 'KHRUL PA'I PHYIR RO, , 'KHRUL PA NI GZHAN BRJOD PAR 'DOD PA LA TSIG GZHAN DU MTHONG BA'I PHYIR RO, ,BRJOD PAR 'DOD PA'I SPYI LA YANG MA YIN TE, 'BRAS BU MED PA'I PHYIR RO, ,BRJOD PAR 'DOD PA TZAM RNAM PAR SHES PA NI GANG DU YANG THA SNYAD KYI YAN LAG TU 'GYUR BA MA YIN TE, DE LAS DON GYI KHYAD

46a

, ,PAR MA NGES PA'I PHYIR RO ZHES BYA BA 'DI DOGS PAR BYAS NAS, 'KHRUL PA ZHES BYA BA LA SOGS PAR RE ZHIG BRJOD PAR 'DOD PA'I KHYAD PAR LAS TSAD MA NYID DU STON TO, ,'KHRUL DANG MA 'KHRUL ZHES BYA BA LA SOGS PA LA GDON MI ZA BAR 'KHRUL PA DANG MA 'KHRUL PAS SBYOR BA DAG NI MI 'DRA BAR KHAS BLANG BAR BYA DGOS TE, DE LTA MA YIN NA RGYU'I THA DAD PAR BYED PA MA YIN PAR 'GYUR RO, ,DE YANG MI 'DRA BA LA MKHAS PA'I SKYES BUS SKABS LA SOGS PA LAS NGES PAR BYED PA NYID YIN TE, SKABS NI GNAS SKABS SO, ,SOGS PA'I SGRAS 'KHRUL PA DANG BZHIN DANG BA LA SOGS PA BZUNG NGO, ,JI LTAR TSIG RNAMS MI 'DRA BA YIN ZHE NA, RGYU RNAMS MI 'DRA NYID KYIS NA, ,ZHES BYA BA SMOS TE, RGYU THA DAD PA'I PHYIR ZHES BYA BA'I THA TSIG GO, ,DE LTA BAS NA SHIN TU RNAM PAR SKYE BA'I 'BRAS BU NI RGYU LA 'KHRUL PA MED PA'I PHYIR BRJOD PAR 'DOD PA'I KHYAD PAR LA TSAD MAR 'GYUR BA NYID YIN NO, ,YANG GANG DAG RTAGS SU GYUR PA'I TSIG DE DAG LA KHYAD PAR NGES PAR 'DZIN PAR MI NUS PA DE DAG GI NYES PA 'DI YIN GYI RTAGS KYI NI MA YIN NO, ,RTAGS NI YOD PA TZAM GYIS GO BAR BYED PAR MI 'DOD KYI, 'O NA CI ZHE NA, NGES PAS SO, ,DE LTA BAS NA 'DI NI RTOGS PA PO'I SKYON YIN TE, DE LTA MA YIN NA LA LAR RLANGS PA LA SOGS PAR THE TSOM ZA BAR DU BA GZHAN DU SRID PA'I PHYIR RO, ,GO BAR BYED PA YANG MA YIN PAS DES NA YANG ME BSGRUB PAR BYA BA LA RTAGS SU MI 'GYUR RO, ,GZHAN YANG GANG GI TSE SGRA'I THA SNYAD 'DI THAMS CAD RAB RIB CAN GNYIS KYIS ZLA BA GNYIS MTHONG BA BZHIN DU RANG GI SNANG BA'I NGOR MA 'KHRUL PA NYID DU 'DOD PA DE'I TSE JI LTAR BRJOD PAR 'DOD PA'I KHYAD PAR LA 'KHRUL PA BSTAN PA'I PHYIR, TSAD MA NYID MA YIN PAR THAL BAR 'GYUR TE, BRJOD PAR 'DOD PA'I KHYAD PAR DE LA DON DAM PAR TSAD MA NYID DU KHAS MA BLANGS PA'I PHYIR RO, ,DE SKAD DU YANG, BRDA LA LTOS PA YIN PA STE, ,GSAL BA ZHE LA BZHAG NA NI, ,RJES SU DPAG PAR BSTAN YIN GYI, ,DE NYID LA NI LTOS NAS MIN, ,ZHES BSHAD DO, ,BRJOD PAR 'DOD PA'I SPYI BSGRUB PA LA YANG TSAD MA NYID DU BSTAN PA'I PHYIR, DE DAG CES BYA BA LA SOGS PA SMOS

46b

TE; DE DAG GI YANG STE, 'KHRUL PA DANG MA 'KHRUL PAS SBYAR BA THAMS CAD KYI BRJOD PAR 'DOD PA'I SPYI LA RJES SU DPAG PA NYID YIN PA 'GAL BA MED DO, ,MTHA' GCIG PA NI YOD PA'I PHYIR TE, 'KHRUL PA MED PA'I PHYIR RO, ,YID BZHIN NOR BU JI BZHIN DU, ,SKYES BU DE NI NYE TZAM GYIS, ,RTZIG PA LA SOGS PA LAS KYANG, ,JI LTAR 'DOD PA BSTAN PA 'BYUNG, ,ZHES KHAS BLANGS PA 'DIS 'KHRUL PA LA DOGS PA YANG MI BYA STE, GANG GI PHYIR DE LA YANG BRJOD PAR 'DOD PA NYID TSIG GI RGYU YIN TE, SNGON GYI SMON LAM GYIS BSGOS PA'I 'DU BYED KYI STOBS NYID KYIS DER GSUNG 'JUG PA'I PHYIR RO, , 'DI LTAR GZHUNG GOMS PA 'DON PA'I DUS NA GZHAN RTOGS PAR BYED PA NA YANG TSIG DANG GOMS PA 'DON PA LA SOGS PA'I BYA BA 'JUG PA'I PHYIR TE, SNGAR GYI BSAM PA NI DE DAG GI RGYU MA YIN NO, ,DE LTA MA YIN NA GNAG RDZI'I BUM PA LA SOGS PAR YANG DU BA DMIGS PA'I PHYIR DU BA LA SOGS PA'I RTAGS KYANG 'KHRUL PA NYID DU BRTZAD PAR BYA BAR 'GYUR RO, ,DE LTA BAS NA 'BRAS BU'I RTAGS THAMS CAD LA YUL DANG DUS LA SOGS PA LA LTOS PAS 'KHRUL PA SRID PA MA YIN NO ZHES BYA BAR MTHA' GCIG TU YOD PA NYID DO, ,SROG DANG LDAN PA LA SOGS PA GRUB PAR BYA BA'I DON DU 'JUG PA'I PHYIR 'BRAS BU MED PA YANG MA YIN TE, 'BRAS BU DANG BCAS PA SRID PA'I PHYIR RO, ,SOGS PA'I SGRAS RGYU'I SKYON LA SOGS PA BZUNG NGO, ,SGRA BRJOD PAR 'DOD PAS TSAD MA YIN DU CHUG MOD, GANG GI TSUL GSUM PA NYID YOD PAS RJES SU DPAG PA'I KHONGS SU 'DUS PA'I PHYIR TSAD MA GZHAN MA YIN PAR 'GYUR BA TSUL GSUM PA NYID JI LTA BU YIN TE, 'DI LTAR 'DI LA CHOS CAN NI GANG YIN, BSGRUB PAR BYA BA NI GANG, 'BREL PA JI LTAR GRUB CE NA, BSAM PA RTOGS PAR BYA BA LA ZHES BYA BA SMOS TE, GONG DU SMRA BA MTHONG BA LA SKYES BU NI CHOS CAN NO, ,BRJOD PAR 'DOD PA DE NI BSGRUB PAR BYA BA'O, ,'BREL PA NI SNGAR RANG GI RGYU LAS GRUB PO, ,GANG DU SMRA BA PO MTHONG BA DE NI SA PHYOGS CHOS CAN NO, ,SKYES BU'I KHYAD PAR BSGRUB PAR BYA BA STE, 'DI LTAR PHYOGS KYANG SGRA'I RGYU NYID YIN TE, RI SUL LA SOGS PAR GZHAN 'DRA BA'I SGRA THOS PA'I PHYIR RO, ,DE'I PHYIR

47a

, ,ZHES BYA BA LA SOGS PAS PHYI ROL GYI DON LA LTOS NAS RJES SU DPAG PA MA YIN PA NYID DU BSGRUB PAR BYA BA LA TSUL GSUM PA DANG BRAL BA'I PHYIR ZHES BYA BA'I GTAN TSIGS 'DI GRUB PA LA SGRUB PA NYID KYIS 'BRAS BU MED PA NYID DU BSHAD DO, ,BRJOD PAR 'DOD PA LA LTOS NAS NI MA GRUB PA NYID DU GANG DU 'DI DAG CES BYA BA LA SOGS PA BSHAD DO, ,DE STE SGRA TSUL GSUM PA NYID DU BSTAN PA'I PHYIR RO, ,SGRA LAS BYUNG BA RNAM PAR DPYAD PA'O, ,NYE BAR 'JAL BA'I DBANG DU BYAS NAS GRONG BAS ZHES BYA BA LA SOGS PA SMOS TE, BA MED CI 'DRA ZHES JI SKAD DU DRIS PA NI BA LANG CI 'DRA BA DE 'DRA BA NI BA MEN NO ZHES BYA BA'I TSIG GANG YIN PA DE, TSIG 'DI NYID NYE BAR 'JAL BA NYID DU DPYOD PA RGAN PO RNAMS LA GRAGS PA LAS, RI KHROD RJES RI KHROD PAS BYAS PAR BSHAD PA LA, 'DI 'DRA'I KHONGS SU 'DUS PA'I PHYIR NYE BAR 'JAL BA 'DI 'DRA BA NI LOGS SHIG TU TSAD MA NYID DU MI 'THAD DO SNYAM DU BSAMS NAS, RNAM PA GZHAN DU NYE BAR 'JAL BA DPER NA MEN MTHONG BA NA BA LANG DRAN PA YIN NO ZHES BYA BA'I GZHUG 'DIS NYE BAR 'JAL BA YANG BSKAL PA'I DON LA 'DRA BA'I BLO SKYED PAR BYED PA LA BRJOD DO, ,'DI NYID BSHAD PAR 'DOD NAS, BA LANG MTHONG NAS ZHES BYA BA LA SOGS PA SMOS TE, GANG GI TSE BA LANG MTHONG NAS PHYIS 'BROG NA YOD PA'I BA MEN MTHONG STE, KHYAD PAR CI LTA BU ZHE NA, YAN LAG PHAL CHER MTSUNGS PA STON PA'I PHYIR, ,YAN LAG PHAL CHER MTSUNGS PA STON PA STE, ,MGRIN PA LDUM PA NI, LKOG SHAL LA SOGS PA DANG BRAL BA'O, , DE'I TSE DANG PO BA MEN GYI RANG GI NGO BO TZAM GYIS RNAM PAR RTOG PA MED PA'I LTA BA'I SHES PA SKYE BA GANG YIN PA DE NI RE ZHIG MNGON SUM YIN LA, GANG YANG PHYUGS 'DI NI BA LANG DANG 'DRA BA YIN NO ZHES BYA BA DE LTA BU'I RNAM PA'I KHYAD PAR GYIS RNAM PAR RTOG PAR BYED PA DE YANG MNGON SUM NYID YIN TE, DBANG PO'I BYED PAS SAM SKYED PA'I PHYIR RO, ,'DI SNYAM DU DRAN PA'I STOBS KYIS 'DRA BA MED PAR RTOG PAR BYED KYI, DBANG PO'I BYED PAS NI MA YIN NO ZHES BYA BA'I DOGS PA BSU NAS, DE LA GAL TE YANG ZHES BYA BA LA SOGS PA SMOS TE, DE LA GAL TE YANG DE DAG GI 'DRA BA 'DZIN PA'I SHES PA

47b

DRAN PA SNGON DU 'GRO BA CAN YIN PA DE LTA NA YANG BA MEN LA GNAS PA NYID KYI NYE BA'I PHYIR 'DRA BA DBANG PO'I SPYOD YUL YIN TE, NYE BA NI NYE BA NYID KYI PHYIR RO, ,BA MEN GNAS PAS ZHES BYA BA NI NYE BA NYID LA GTAN TSIGS YIN TE, GANG GI PHYIR 'DRA BA BA MEN LA GNAS PA YIN PA DE'I PHYIR 'DI NYE BA NYID YIN NO, ,'ON TE 'DRA BA NYID NI GNYIS LA GNAS PA'I PHYIR JI LTAR BA MEN GCIG LA 'DI 'DZIN PAR RIGS PA YIN ZHE NA, 'DRA BA YI NI SPYI BZHIN DU, ,ZHES BYA BA LA SOGS PA SMOS TE, SPYI DANG MTSUNGS PAR 'JUG PA'I PHYIR SPYI BZHIN NO, ,GAL TE YANG 'DRA BA GNYIS LAS GNAS PA DE LTA NA YANG SPYI BZHIN DU RE RE LA YONGS SU RDZOGS PA'I PHYIR 'GRAN ZLA'I BA LANG LA SOGS PA MA MTHONG NA YANG NYE BA NYID KYI PHYIR GCIG LA YANG DMIGS PA NYID YIN NO, ,'DI SNYAM DU GAL TE 'DRA BA DNGOS PO NYID DU 'GYUR NA DE'I TSE DMIGS PA NYID DU 'GYUR RO, ,GANG GI PHYIR DNGOS PO NYID DE NYID MI 'GRUB PO SNYAM DU SEMS NA, 'DRA BA DNGOS PO YIN PA LA ZHES BYA BA LA SOGS PA SMOS TE, BA LANG LA SOGS PA'I RVA LA SOGS PA'I YAN LAG PHAL CHER MTSUNGS PA'I BA MEN LA SOGS PA'I RIGS GZHAN GYIS GSAL BA GCIG LA 'DU BA'I MTSAN NYID KYIS 'BREL PA NI 'DRA BA YIN NO, , 'BREL PA YANG 'BREL PA CAN DAG LAS SHIN TU THA DAD PA MA YIN TE, 'BREL PA LA SOGS PA MI SHES PAR THAL BAR 'GYUR BA'I PHYIR RO, ,RIGS MTHUN PA'I YAN LAG THAMS CAD MTSUNGS PA YIN PA'I PHYIR 'DRA BA MED DO ZHES SHES PAR BYA BA'I DON DU RIGS GZHAN SMOS PA YIN NO, ,DA NI NYE BAR 'JAL BA'I RANG GI NGO BO BSTAN PA'I PHYIR, GNAS SKABS DE NA ZHES BYA BA SMOS TE, MTHONG BA'I PHYUGS 'DI DANG 'DRA BA NI BA LANG NGO ZHES BYA BA DE LTA BU'I RNAM PA LKOG TU GYUR PA'I YUL CAN GYI SHES PA SKYE BA GANG YIN PA DE NI NYE BAR 'JAL BA'I TSAD MA YIN NO, ,'DI'I GZHAL BYA BSTAN PA'I PHYIR, DE'I PHYIR ZHES BYA BA LA SOGS PA SMOS TE, GANG GI PHYIR NYE BAR 'JAL BA JI SKAD DU BSHAD PA'I MTSAN NYID DANG LDAN PA DE'I PHYIR GANG ZHIG BA MEN LA SOGS PA 'DRA BA'I KHYAD PAR CAN BA LANG LA SOGS PA DRAN PA DE NI NYE BAR 'JAL BA'I GZHAL BYA YIN PA'AM, YANG NA BA

48a

, ,LANG LA SOGS PA LA BRTEN PA'I 'DRA BA TZAM YIN NO, ,'ON TE MNGON SUM 'DRA BA DMIGS SHING BA LANG YANG DRAN PAS YUL DU BYAS PA NYID MA YIN NAM, DE'I PHYIR GANG ZHIG RTOG PAS NYE BAR 'JAL BA TSAD MA NYID DU 'GYUR BA GZHAL BAR BYA BA LHAG MA GZHAN CI YOD CE NA; 'DRA BA MNGON SUM NYID KYIS YIN, ,ZHES BYA BA SMOS TE, GAL TE YANG 'DRA BA YANG MNGON SUM GYIS BZUNG ZHING BA LANG YANG DRAN PAS YUL DU BYAS PA DE LTA NA YANG 'DRA BA'I KHYAD PAR CAN GYI BA LANG GI GONG BU GZHAN LAS TE, MNGON SUM DANG DRAN PA LAS MI 'GRUB PA'I PHYIR DE RTOG PA LA NYE BAR 'JAL BA TSAD MA NYID MA YIN NO, ,'DI NYID LA DPER BSHAD PA NI DPER NA ZHES BYA BA STE, DPER NA SA PHYOGS CHOS CAN MNGON SUM YIN ZHING DRAN PAS KYANG ME BZUNG BA NA YANG ME'I KHYAD PAR CAN GYI SA PHYOGS LA SOGS PA'I YUL CAN YIN PA'I PHYIR RJES SU DPAG PA TSAD MA YIN PA MA YIN GYI, 'ON KYANG TSAD MA NYID YIN PA DE BZHIN DU NYE BAR 'JAL BA YANG YIN NO, ,CI STE YANG NYE BAR 'JAL BA TSAD MA NYID YIN DU CHUG MOD, DE YANG JI LTAR MNGON SUM LA SOGS PA LAS TSAD MA LOGS SHIG PA YIN ZHE NA, RNAM SHES DE NI ZHES BYA BA SMOS TE, RE ZHIG MNGON SUM NYID DU RIGS PA MA YIN TE, DBANG PO DANG DON 'BREL PA LAS MA SKYES PA'I PHYIR RO, ,RJES SU DPAG PA YANG MA YIN TE, TSUL GSUM PA NYID MED PA'I PHYIR RO, ,'DI LTAR 'DI 'DRA BA PHYOGS CHOS SU RTOGS PA'AM, MTHONG BZHIN PA'I BA LANG LA SOGS PA YIN GRANG 'DRA BA DE YANG RTAGS NYID DU RTOGS PA LA BA LANG DU GTOGS PA RTOG PA'AM, BA MEN DU GTOGS PA YIN ZHES BYA BA PHYOGS RNAM PA GNYIS SO, ,DE LA RE ZHIG BA LANG LA SOGS PA'I GZHAL BYAR GNAS PA'I 'DRA BA RTAGS NYID MA YIN TE, DE NI BA MEN MTHONG BA LAS SNGAR MA BZUNG BA'I PHYIR RO, ,MA BZUNG BA YANG RTAGS NYID DU RIGS PA MA YIN TE, HA CANG THAL BAR 'GYUR BA'I PHYIR RO, ,'ON BA MEN LA GNAS PA'I 'DRA BA RTAGS NYID DU 'GYUR TE, DE DE LAS GZUNG BA'I PHYIR RO ZHE NA, BA MEN BZUNG BA NA YANG BA LANG RJES SU DPAG PAR BYED PA MA YIN TE,

48b

GZHI THA DAD PA'I PHYIR BYA ROG GI NAG PO LA SOGS PA BZHIN NO, ,'ON BA MEN MTHONG BA LAS PHYIS BA LANG 'DZIN PA'I PHYIR DE LA GNAS PA RTAGS SU 'GYUR RO ZHE NA, DAM BCA' BA'I DON GYIS ZHES BYA BA SMOS TE, 'DRA BA GZHAL BYA YIN PA'I PHYIR, ,DE NYID RTAGS SU MI RIGS SO, ,'O NA BA MEN RTAGS SU 'GYUR RO ZHE NA, 'BREL PA MED PHYIR ZHES BYA BA SMOS TE, 'DI LA YANG GANG GZHI THA DAD PA'I PHYIR BA MEN LA YANG RTAGS NYID MA YIN NO, ,'O NA NYE BAR 'JAL BA TSAD MA NYID MA GYUR MOD CE NA, MA RTOGS DON GYI ZHES BYA BA SMOS TE, SNGAR BA LANG GI BA MEN DANG 'DRA BA'I KHYAD PAR MA BZUNG BA'I PHYIR 'DRA BA'I KHYAD PAR MI SHES PA'I BA LANG GSAL BAR BYED PA YOD PA YIN PA'I PHYIR TSAD MA NYID DU RIGS SO, ,GZHAL BYA'I ZHES BYA BA LA SOGS PAS LAN 'DEBS PAR BYED DE, GZHAL BYA MED PA'I PHYIR TSAD MA DRUG LAS MA GTOGS PA'I TSAD MA BZHIN DU NYE BAR 'JAL BA TSAD MA YIN NO, ,YAN LAG PHAL CHER 'DRA BA DANG LDAN PA'I BDAG NYID KYIS 'DRA BA'I GZHAL BYA YOD PA YIN TE, DE'I PHYIR GTAN TSIGS MA GRUB PO ZHE NA, DE NI MA YIN TE, SPYI BRTAG PAR SPYI RNAMS BKAG ZIN PA'I PHYIR, PHAL CHER DE DAG KYANG MA YIN LA, DE DAG DANG LDAN PA YANG YOD PA MA YIN PA'I PHYIR GTAN TSIGS MA GRUB PA NYID MA PA NYID MA NYAM DU SPYI RTOGS PAR BYED PA'I TSAD MA YOD PA NYID YIN TE, DE'I PHYIR GTAN TSIGS MA GRUB PA NYID YIN TE, DE LA TSAD MA NI 'DI YIN TE SPYI DNGOS PO NYID DANG, DE YANG MNGON SUM GYIS GZUNG BAR BYA BA YIN NO ZHES BYA BA DAM BCA' BA GNYIS SO, ,MED PA'I GZHAL BYA LAS GZHAN PHYIR, ,ZHES BYA BA NI GTAN TSIGS TE, DNGOS PO MED PA'I GZHAL BYA LAS GZHAL BYA GZHAN GANG YIN PA DE'I RANG BZHIN YIN PA'I PHYIR RO ZHES BYA BA'I DON TO, ,THUN MONG MIN PA'I DNGOS PO BZHIN, ,ZHES BYA BA NI DPE STE, THUN MONG MA YIN PA'I DNGOS PO NI RANG GI MTSAN NYID DO, ,SPYI DON ZHES BYA BA LA SOGS PAS NI SKYON 'CHAD DE, SPYI'I DON ZHES BYA BA'I DON GYI SGRA NI GZHAL BYA'I TSIG GO, ,DAM BCA' BA GNYIS KA LA YANG SPYI RANG BZHIN MED PAR SMRA BA'I SANGS RGYAS PA RNAMS LA SPYI'I DNGOS PO MED

49a

, ,PA LAS GZHAN NYID DU MA GRUB PA'I PHYIR GTAN TSIGS MA GRUB LA, DNGOS PO'I MTSAN NYID KYI BSGRUB BYA DANG PO LA YANG DAM BCA' BA'I DON GYI PHYOGS GCIG YIN TE, 'DI LTAR DNGOS PO MED PA LAS GZHAN DNGOS PO YIN TE, DNGOS PO NI DNGOS PO MED PA RNAMS PAR GCOD PA'I MTSAN NYID YIN PA'I PHYIR DE NI SGRA GZHAN GYIS GTAN TSIGS NYID NYE BAR BLANGS SHING DE NYID KYANG BSGRUB BYA YIN PA'I PHYIR DAM BCA' BA'I DON GYI PHYOGS GCIG NYID YIN NO, ,GZHAN YANG DRAN PA'I RANG BZHIN YIN PA'I PHYIR NYE BAR 'JAL BA TSAD MA YIN PA'AM, YANG NA DRAN PA GZHAN YIN NO, ,DE LA DRAN PA'I RANG BZHIN NYID DU BSTAN PA'I PHYIR, DE LA 'DI LTAR ZHES BYA BA LA SOGS PA SMOS TE, 'DRA BA ZHES BYA BA'I DNGOS PO NGO BO NYID KYIS YOD PA YIN NA YANG BA MEN GYI YAN LAG KHA CIG BA LANG DU GTOGS PA'I YAN LAG DANG LHAN CIG MTSUNGS PAR RTOGS PA'I RGYU DAG YIN TE, MTSUNGS PAR RTOGS PA'I RGYU YAN LAG DAG LAS MA GTOGS PA 'DRA BA ZHES BYA BA'I DON GZHAN DU GYUR PA YOD PA NI MA YIN TE, DE DAG LAS DON GZHAN DU GYUR PA BLO LA MI SNANG BA'I PHYIR RO, ,DE LTA BAS NA BA MEN MTHONG BA LA BA LANG DU GTOGS PA'I YAN LAG DAG LA PHAL CHER MTHONG BA'I STOBS KYIS DRAN PA'I NGO BO'I SHES PA DE SKYE BA YIN GYI, 'DRA BAR BRJOD PA'I DNGOS PO 'DZIN PA NI MA YIN NO, ,DE LTA MA YIN NA RTA LA SOGS PA LA YANG YAN LAG PHAL CHER 'DRA BA DANG LDAN PA YANG YOD PA'I PHYIR DE LA YANG BA MEN MTHONG BA LAS BA LANG GI BLO BZHIN CI'I PHYIR MI 'JUG 'DI LA KHYAD PAR 'GAL YANG YOD PA MA YIN TE, GNYI GA YANG 'DRA BA YOD PA'I PHYIR RO, ,GZHAN DU ZHES BYA BA NI GAL TE LAN CIG MA YIN PAR MTHONG BAR 'GYUR NA DRAN PA NYID LA NI SKYON 'DI MED DO, ,SNGAR LAN CIG MA YIN PAR MTHONG BA GANG YIN PA DE KHO NA LA DRAN PAR 'GYUR BA YIN TE, DRAN PA SAD PA'I RGYU RNAMS NI NUS PA SO SOR NGES PA YIN PA'I PHYIR RO, ,'DI SNYAM DU DRAN PA YIN DU CHUG MOD, DE LTA NA YANG CI'I PHYIR DRAN PA NYID TSAD MA MA YIN ZHE NA, DE'I PHYIR 'DI NI ZHES BYA BA LA SOGS PA SMOS TE, 'DI NI ZHES BYA BA NI DRAN PA'O, ,'DRA BA DNGOS PO NYID

49b

DU KHAS BLANGS NAS GZHAN GYI YUL NYID KYIS NYE BAR 'JAL BA TSAD MA NYID MA YIN PAR BSTAN PA NI, 'DRA BA DNGOS PO YIN LA RAG ,CES BYA BA LA SOGS PA STE, 'DRA BA DNGOS PO YIN PA DANG, BA LANG LA YANG CI SPYI BZHIN DU BDAG NYID THAMS CAD KYIS YONGS SU RDZOGS PA YIN LA RAG MOD, DE LTA NA YANG BA MEN MTHONG BA LAS SNGAR BA LANG MDUN NA GNAS PAR 'DZIN PA NA DE LA THA MI DAD PA'I PHYIR MDUN NA GNAS PA'I 'DRA BA DE YANG BZUNG BA NYID YIN TE, BA LANG GI RANG GI NGO BO BZHIN NO, ,DE LTA MA YIN NA THA MI DAD PAR MI 'GRUB STE, DE LTA YIN DANG BZUNG ZIN PA 'DZIN PAS DRAN PA'I NGO BO NYID YIN PA'I PHYIR TSAD MA MA YIN NO, ,CI STE YANG DANG POR 'DRA BA YOD PA TZAM GYIS BZUNG BA NYID YIN TE, BA LANG 'DI BA MEN DANG 'DRA BA YIN NO ZHES BYA BA'I TSUL 'DIS BZUNG BA NI MA YIN LA NYE BAR 'JAL BA NI RNAM PA 'DIS NGES PA YIN TE, DE'I PHYIR DRAN PA'I NGO BO NYID MA GRUB PA YIN NO SNYAM NA GAL TE DANG POR ZHES BYA BA LA SOGS PA SMOS TE, GAL TE BA MEN DANG 'DRA BA ZHES BYA BA'I MING 'DIS KHYAD PAR CAN GYI BA LANG GI RDZAS BA MEN MTHONG BA LAS SNGAR MA BZUNG LA, RANG GI NGO BOS NI 'DZIN PA NYID YIN TE, DE'I RANG BZHIN GANG YIN PA DE NI 'DZIN PA ZHES BYA BA'I THA TSIG GO, , RANG BZHIN DE YANG GANG YIN ZHE NA, 'DI'I BDAG GANG GZUNG BA NYID DU BRJOD PA YIN ZHES BYA BA SMOS TE, BA LANG GI GONG BU'I RANG BZHIN GANG YIN PA DE NI BDAG NYID BRJOD DO, ,RANG GI NGO BOS TE RANG BZHIN GYI MTSAN NYID DES DE BZUNG BA YIN NO ZHES BYA BA'I THA TSIG GO, ,GAL TE GZUNG BA YIN NA DE LAS CIR 'GYUR ZHE NA, YONGS SU SHES PA DAG CES BYA BA LA SOGS PA SMOS TE, GANG GIS DNGOS PO BZUNG YANG SNGAR MING DE MI 'DZIN PA NA MI 'DZIN PAR 'GYUR BA DNGOS PO RNAMS KYI RANG GI NGO BO LA MING YOD PA NI MA YIN LA, KHYAD PAR DU MNGON SUM NGES PA'I BDAG NYID DU SMRA BA RNAMS LA MA BZUNG NGO ZHES BYA BA DE LTA BU BRJOD PAR MI RIGS SO, ,GZHAN YANG 'DI DANG MTSUNGS SO ZHES SHES PA'I PHYIR 'DI TZAM GYI TSAD MA GZHAN RTOGS NA YANG HA CANG THAL BAR 'GYUR RO, ,'DI LTAR, MNGON SUM RJES DPAG SGRA LAS BYUNG, ,NYE PAR 'JAL BA DANG LHAN CIG ,DON GYIS

50a

, ,GO DANG DNGOS MED DAG ,'DI DAG BSGRUB BYA SGRUB BYED YIN, ,ZHES BYA BAS TSAD MA RNAM GRANGS YONGS SU CHAD PAR MI 'GYUR RO, ,HA CANG THAL BAR 'GYUR BA DE NYID BSTAN PA'I PHYIR, SHING GI PHRENG SOGS ZHES BYA BA LA SOGS PA SMOS TE, SOGS PA'I SGRAS GROG MA LA SOGS PA'I PHRENG BA BZUNG NGO, ,SHING GI PHRENG BA LA SOGS PA'I MTHONG BA'I DUS SU SHING DANG PO 'DZIN PA LAS 'DI NI SHING DANG PO'O SNYAM PA'I NGES PA MI SKYE LA, SHING GNYIS PA DMIGS PA NA NI YAL GA CAN DANG PO LA, 'DI NI YAL GA CAN DANG PO'I SNYAM DU NGES PA 'DI SKYE BA GANG YIN PA DE TSAD MA GZHAN DU 'GYUR RO, ,CI'I PHYIR ZHE NA, 'DRA BA LA SOGS PA LA LTOS PA MED PA'I PHYIR RO, ,'DRA BA LA MI LTOS PA'I PHYIR NYE BAR 'JAL BA MA YIN LA, DBANG PO'I BYED PA LA MI LTOS PA'I PHYIR MNGON SUM MA YIN ZHE NA, RTAGS LA LTOS PA MED PA'I PHYIR RJES SU DPAG PA MA YIN PA SGRA LA MI LTOS PA'I PHYIR SGRA LAS BYUNG BA MA YIN ZHING, MTHONG DANG THOS PA'I DON GZHAN DU MI 'THAD PA LA MI LTOS PA'I PHYIR DON GYIS GO BA MA YIN LA, TSAD MA DANG GZHAL BYA LOG PA LA MI LTOS PA'I PHYIR DNGOS PO MED PA MA YIN NO, ,DE BZHIN DU, 'DI LAS 'DI SNGA STE 'DI BYI ZHING, , 'DI TSE RING DANG THUNG BA ZHES, ,DE LTA BU SOGS SHES PA LA, ,TSAD MA THUG PA MED PAR 'GYUR, ,ZHES BRJOD PAR BYA'O, ,DRAN PA YIN PAS BZUNG 'DZIN PA 'DZIN PA'I PHYIR 'DI TSAD MA GZHAN MA YIN NO ZHE NA, BZUNG 'DZIN PA 'DZIN PA NYID NI NYE BAR 'JAL BA RNAMS LA YANG MTSUNGS SO, ,NYE BAR 'JAL BA RNAMS ZHES BYA BA NI, GSAL BA THA DAD PAS MANG PO'I TSIG GO, ,GZHAN YANG JI LTAR BA MEN MTHONG BA LAS BA LANG LA CHOS MTHUN PA NYID KYI SHES PA TSAD MA GZHAN DU RNAM PAR 'JOG PA DE BZHIN DU BA MEN MTHONG BA LAS RTA LA SOGS PA MI 'DRA BA'I SHES PA LA YANG CI'I PHYIR TSAD MA GZHAN DU RNAM PAR MI 'JOG ,DNGOS PO MED PA'I TSAD MA'I KHONGS SU 'DUS PA'I PHYIR TSAD MA GZHAN MA YIN NO ZHE NA, 'DI NI RIGS PA MA YIN NO, ,CI'I PHYIR ZHE NA, DNGOS PO LA DMIGS PA'I PHYIR TE, DNGOS PO MED PA'I YUL NI MED PA YIN PA'I PHYIR RO, ,'DI SNYAM DU MI 'DRA BA NI 'DRA BA MED PA YIN TE,

50b

DE LTA BAS NA DNGOS PO MED PA'I KHONGS SU 'DUS PA YIN NO SNYAM DU SEMS NA, PHAN TSUN ZHES BYA BA LA SOGS PA SMOS TE, PHAN TSUN MED PA NYID YIN TE, GAL TE MED PA'I NGO BO GZHAL BYA RNAM PAR 'JOG PA DE'I TSE 'DRA BA'I BLO DAG LA STE, NYE BAR 'JAL BAR 'DOD PA DE DAG LAS 'DI 'DRA BA'I GZHAL BYA DE MTSUNGS TE 'DRA BA YIN NO, ,JI LTAR ZHE NA, JI LTAR 'DRA BA ZHES BYA BA LA SOGS PA SMOS TE, JI LTAR MI 'DRA BA'I SHES PA DE LA 'DRA BA DANG BRAL BAR RTOGS PA DE BZHIN DU 'DRA BA'I SHES PA LA YANG YAN LAG THAMS CAD MTSUNGS PA DANG LDAN PAR RTOGS PA'I PHYIR MI 'DRA BA'I SHES PA BZHIN DU DNGOS PO MED PA'I KHONGS SU RTOGS PAR 'GYUR RO, ,'DI NYID LA 'THAD PA BSHAD PA NI GANG GIS ZHES BYA BA LA SOGS PA STE, GANG GIS ZHES BYA BA NI RGYU BSTAN PA STE, GANG GIS TE GANG GI PHYIR 'DRA BA'I SHES PA LA YANG YAN LAG PHAL CHER MTSUNGS PA DANG LDAN PAR RTOGS KYI YAN LAG THAMS CAD DANG MTSUNGS PA DANG LDAN PA NI MA YIN NO, ,DE LTA BAS NA 'DI LA YANG PHAN TSUN MED PA YIN NO, ,DE LTA MA YIN TE, GAL TE YAN LAG THAMS CAD MTSUNGS PA DANG LDAN PAR GYUR NA, DE'I TSE BA MEN DE NYID DU STE BA LANG NYID DU THAL BAR 'GYUR RO, ,KHA CIG CES BYA BA NI RIGS PA CAN RNAMS SO, ,DE DAG NI NYE BAR 'JAL BA'I MTSAN NYID JI SKAD DU, RAB TU GRUB PA'I CHOS MTHUN PA LAS BSGRUB BYA SGRUB PAR BYED PA NI NYE BAR 'JAL BA ZHES ZER TE, GRUB PA'I CHOS MTHUN PA'AM, GRUB PAS CHOS MTHUN PA'I GRUB PA GANG LA YOD PA'I CHOS MTHUN PA NI BA MEN NO; ;DE'I PHYIR DE LA BRTEN NAS BSGRUB BYA'I MING DANG MING CAN 'BREL PA SGRUB PAR BYED PA NI NYE BAR 'JAL BA YIN NO, ,DE BZHIN DU LUNG GIS BSGOS PA'I 'DU BYED KYI DRAN PA LA LTOS PA'I SHES PAS BRJOD PA DANG, 'BREL PA RTOG PA NI NYE BAR 'JAL BA'O ZHE'O, ,DON 'DI NYID GZHAN GYIS GZHAN DU 'CHAD DE, BA MEN NI BA LANG DANG 'DRA'O ZHES BYA BA'I BSGRE BA'I NGAG NI LUS YIN LA DES BSGOS PA'I 'DU BYED CES BYA BA GANG YIN PA DE NI YON TAN TE, DES NA 'BROG TU BA MEN MTHONG BA LAS, BSGRE BA'I NGAG LAS DRAN PA GANG YIN PA NA SKYE BA YIN NO, ,DE LA LTOS NAS CHOS MTHUN PA'I SHES PA

51a

, ,GANG YIN PA DE LA DE SKAD CES BYA'O, ,BRJOD PA NI MING STE SGRA ZHES BYA BA'I THA TSIG GO, ,DE DANG LHAN CIG PA'I DON 'BREL PA RTOG PA GANG YIN PA DE NI NYE BAR 'JAL BA'O ZHES BYA BA DON MTSUNGS PA NYID YIN NO, ,DE LA YANG ZHES BYA BA LA SOGS PAS SUN 'BYIN PA 'CHAD DE, DE LA STE BSGRE BA'I NGAG THOS PA'I DUS NA MING DANG MING CAN 'BREL PA RTOGS PA LAS SNGAR SKYES PA'I PHYIR PHYIS SKYE BZHIN PA NA BZUNG ZIN PA 'DZIN PA'I PHYIR DRAN PA BZHIN DU TSAD MA MA YIN NO, ,'DI SNYAM DU BZUNG ZIN PA 'DZIN PA YANG YIN LA TSAD MAR YANG 'GYUR RO ZHES BYA BA 'DI LA 'GAL BA CI YOD CE NA, BYED PA'I DON DANG MI LDAN PHYIR, ,ZHES BYA BA SMOS TE, BYED PA'I DON 'DI MA GRUB PA'I LAS LA 'JUG PAS SGRUB BYED DAM PA NYID DU 'GYUR RO, ,'DI SNYAM DU SNGAR MING DANG MING 'BREL PA RTOGS PAS MA SKYES PA NYID YIN TE, DE BAS NA BZUNG ZIN PA 'DZIN PA'I PHYIR ZHES BYA BA'I GTAN TSIGS MA GRUB PA YIN NO SNYAM DU SEMS NA CI STE ZHES BYA BA SMOS TE, GAL TE DANG PO MING DANG 'BREL PA RTOGS PA DE SKYE BAR MI 'GYUR BA DE'I TSE GANG GIS BA MEN 'DI'I MING SNGAR BDAG GIS THOS SO ZHES BYA BA DE LTA BU LA SOGS PA'I RNAM PA'I RTOG PA SKYE BAR MI 'GYUR RO,, 'DI NYID LA 'THAD PA BSHAD PA NI 'DI LTAR ZHES BYA BA'O, ,GNAS MA BU PAS SMRAS PA, LUNG LAS SPYIR RTOGS LA KHYAD PAR RTOGS PA NI NYE BAR 'JAL BA LAS YIN NO ZHES BYA BA GAL TE NYE BAR 'JAL BA MKHO BA ZHES BYA BAS 'DI'I LUGS KYI DOGS PA BSU BA YIN NO, ,NYE BAR 'JAL BA STE BSGRE BA'I NGAG NYE BAR MKHO BA GANG LA YOD PA DE LA DE SKAD CES BYA'O, ,DON 'DI NYID TSIGS SU BCAD PA GNYIS PAS STON PA NI DE YIS ZHES BYA BA STE, KHYAD PAR YUL CAN NI BA MEN NO, ,'ON TE ZHES BYA BA LA SOGS PAS LAN 'DEBS PAR BYED DE, MI RIGS ZHES BYA BA MI RIGS 'DI NI RIGS ZHES BYA BA 'DI DANG 'BREL LO, ,'DIR MING DANG 'BREL PA RTOGS PA NA DE'I STE MING GI DON GZHAN RTOGS PAR RIGS PA MA YIN TE HA CANG THAL BAR 'GYUR PA'I PHYIR RO, ,HA CANG THAL BAR 'GYUR BA DE NYID BSHAD PA'I PHYIR, LAG RGYAN ZHES BYA BA SMOS TE, LAG RGYAN NI GDU BU ZHES BYA BA'I

51b

RGYAN TE, DE MTSAR PA GANG LA YOD PA DE LA DE SKAD CES BYA'O, ,LAG RGYAN MTSAR PO CAN GANG YIN PA DE NI LHA SBYIN ZHES BSTAN LA, KHA CIG DUS GZHAN DU DPUNG RGYAN MTSAR PO CAN GYI SGRA DE LA MDZES PA'I COD PAN GYI MCHOG SBYIN RTOGS PA NI MA YIN NO, ,COD PAN NI DBU RGYAN NO, ,DE NI MDZES PA YANG YIN LA COD PAN YANG YIN PAS DE GANG LA YOD PA DE LA DE SKAD CES BYA'O, ,DE LTA BAS NA HA CANG THAL BAR 'GYUR DU 'ONG BAS, RNAM PAR RTOG PAS SGRO BTAGS PA'I DON GANG LA PHYI ROL GYI DON DU ZHEN PA'I BLOS MING DE THA DAD BZUNG ZIN PA YIN NO, ,BA MIN DMIGS PA NA YANG DE NYID LA MING DE RTOGS PA YIN GYI, PHYI ROL RANG GI MTSAN NYID KYI BA MEN DU BRJOD PA LA NI MA YIN NO, ,RNAM PAR RTOG PA'I GZUGS BRNYAN DE NYID SPYI ZHES THA SNYAD DU BYED KYI GZHAN GYI KUN DU BRTAGS PA NI MA YIN TE, DE NI BSAL ZIN PA'I PHYIR RO, ,'O NA JI LTAR PHYI ROL RANG GI MTSAN NYID DU RLOM ZHEN, SNANG RTAG CES BYA BA LA SOGS PA SMOS TE, CI STE RANG GI MTSAN NYID LA SGRA LA SOGS PA 'JUG PA LA 'GAL BA CI YOD CE NA, 'DI LTAR ZHES BYA BA LA SOGS PA SMOS TE, GANG GI PHYIR SGRA'I DON RTAG PAR RGYAS PAR SGRA DANG RNAM PAR RTOG PA RNAMS RANG GI MTSAN NYID KYI SPYOD YUL CAN YIN PA BSAL ZIN TE, DE LTA BAS NA RTOG PAS SGRO BTAGS PA NYID SGRA'I DON YIN NO, ,YANG NA SGRA DANG RTOG PA DE DAG GI SPYOD YUL RANG GI MTSAN NYID YIN DU CHUG MOD, DE LTA NA YANG RJES SU DPAG PA'I KHONGS SU 'DUS PA'I PHYIR NYE BAR 'JAL BA TSAD MA GZHAN MA YIN NO, ,JI LTAR TSUL GSUM PA'I RTAGS KYIS BSKYED PA MED PAR 'DI RJES SU DPAG PA'I KHONGS SU 'DU ZHES DOGS PA BSU NAS, TSUL GSUM PA'I RTAGS KYIS BSKYED PA NYID BSTAN PA'I PHYIR TE, 'DI'I TSUL GSUM ZHES BYA BA LA SOGS PA SMOS TE, BA LANG DANG 'DRA BA NI GTAN TSIGS SO, ,BA MEN SGRA'I SPYOD YUL CAN NI BSGRUB BYA'I CHOS SO, ,BRDA 'DZIN PA'I DUS NA RNAM PAR RTOG PA'I BLO LA SNANG BA'I BLO LA GNAS PA'I PA MEN NI DPE'O, ,SNANG BZHIN PA'I BA MEN NI CHOS CAN NO, ,'DI SNYAM DU BA MEN NA BA LANG 'DRA'O ZHES BYA BA'I BRDA DUS DER BA MEN BLO LA MI GNAS PA YIN TE, DE LTA YIN DANG DPE MA GRUB

52a

, ,PA MA YIN NO SNYAM DU SEMS NA, BLO LA GNAS PA'ANG ZHES BYA BA LA, 'ANG GI SGRA'I DON NI MIG GI SPYOD YUL MA YIN PA 'BA' ZHIG TU MA ZAD CES BYA BA'O, ,GAL TE BLO LA BA LANG GI 'DRA BA NYID RJES SU 'JUG PA CUNG ZAD KYANG MI SNANG BAR 'GYUR BA DE'I TSE 'DI LA BA LANG DANG 'DRA'O ZHES BYA BA'I BRDA CI LA BRTEN NAS BYED BRDA YANG BYED DE DE'I PHYIR BLO LA GNAS PA'I BA LANG DANG 'DRA BA'I RJES SU 'JUG PA'I RNAM PA 'GA' ZHIG BRDA'I DUS NA SNANG NGO ZHES KHAS BLANG BAR BYA DGOS SO, ,DE LTAR RE ZHIG NYE BAR 'JAL BA'I GZHAL BYA SGRA DANG DON GYI 'BREL PA MA YIN PAR KHAS BLANGS NAS BZUNG ZIN PA 'DZIN PA DANG RJES SU DPAG PA'I KHONGS SU 'DUS PA'I PHYIR 'DI TSAD MA MA YIN NO ZHES BSGRUBS NAS, DA NI 'BREL PA CAN LAS MA GTOGS PA'I 'BREL PA GZHAN YOD PA MA YIN LA, 'BREL PA CAN DE DAG KYANG TSAD MA GZHAN GYIS BZUNG ZIN TE, 'DI LTAR BRDA'I DUS NA SGRA SNANG BA'I SHES PAS BZUNG LA, PHYIS MDUN NA GNAS PA'I BA MEN MING GIS BZUNG STE, GANG GIS NYE BAR 'JAL BA TSAD MA NYID DU 'GYUR LA, DE DAG LAS GZHAN PA'I GZHAL BYA CI ZHIG YOD, 'DI BSTAN PA'I PHYIR 'BREL PA CAN LAS ZHES BYA BA LA SOGS PA SMOS TE, 'DIS NI BZUNG ZIN PA 'DZIN PA'I PHYIR YANG TSAD MA MA YIN PA NYID DU BSHAD DO, ,BSGRUB ZIN TO ZHES BYA BA NI LAS KYI TSIG GI DON BRTAGS PA'O, ,GAL TE YANG 'DI SNYAM DU RNA BA LA SOGS PA'I SHES PAS SO SO SO SOR 'GREL PA CAN BZUNG LA DE DAG SBYOR BA NI NYE BAR 'JAL BAS BYED DE, DE LTA BAS NA NYE BAR SBYOR BA NI SBYOR BAS TSAD MAR 'GYUR RO SNYAM DU SEMS NA, LOGS SHIG CES BYA BA LA SOGS PA SMOS SO, ,DRI ZHIM MNGAR BA LA SOGS BZHIN, ,ZHES BYA BA NI 'DUN PA'I DON LA 'BRAL BA YIN NO, ,JI LTAR DNGOS PO NYAMS SU MYONG BZHIN PA GANG YIN PA DE NI MNGAR BA YIN LA 'DI NI DRI ZHIM PA YIN NO ZHES BYA BA LA SOGS PA'I YUL BZUNG ZIN PA SBYOR BA'I BDAG NYID KYI SHES PA NI TSAD MA MA YIN PA DE BZHIN DU, 'DI YANG 'GYUR BA'I SA MA YIN NO ZHES BYA BA'I DON TO, ,DE'I PHYIR NI DE LTA BAS NA MING DANG SBYOR BA RIGS PA NI MING DANG SBYOR BA 'BREL PA'I SHES PA STE, JI SKAD DU BSHAD PA'I TSUL

52b

GYIS DRAN PA LAS 'DAS PA MA YIN NO, ,'DI SNYAM DU 'BREL PA NI GANG DU YANG CHOS MTHUN PA'I SGO NAS BYED PA MA YIN NO, ,'O NA CI ZHE NA, DNGOS SU MING CAN BSTAN NAS 'DI NI BA LANG NGO ZHES DE LTAR BYED PAR MTHONG GI YUL LKOG TU GYUR PA LA NI MA YIN NO SNYAM DU SEMS NA, MTHA' YAS ZHES BYA BA LA SOGS PA SMOS TE, KUN BSHAD DANG LDAN RIGS PA NI, ,ZHES BYA BA NI MING DANG 'BREL BA'I SHES PA'O, ,MI YI BDAG PO SOGS LA ZHES BYA BA NI RGYAL PO LA SOGS PA LA'O, ,THABS MTHA' YAS PA BSKYED PA DE NYID BSTAN PA'I DON DU DPE BRJOD PA BSHAD PA NI, DE DAG NANG NAS ZHES BYA BA LA SOGS PA STE, 'DI LTAR KHA CIG GIS 'GA' ZHIG LA NU BO BYA BA 'DI SONG SHIG ,RTA DANG GLANG PO LA ZHON PA'I SKYES BU MANG PO DANG LHAN CIG 'GRO BA'I MI'I BDAG PO LA LTOS SHIG CES SMRAS PA DANG, DES DE LA DE DAG GI NANG NAS MI'I BDAG PO GANG YIN ZHES SMRAS SO, ,DES GDUGS DKAR POS NYI MA'I 'OD ZER SKYOB PA GANG YIN PA DE NI DE DAG GI NANG NAS MI'I BDAG PO YIN NO ZHES SMRAS SO, ,DES GDAMS PA DE BZUNG NAS SONG STE MTHONG NAS, JI SKAD DU BSHAD PA'I KHYAD PAR GYIS KHYAD PAR DU BYAS PA'I RGYAL PO DE LA, 'DI'I MING NI MI'I BDAG PO YIN NO ZHES BLO SKYE BA GANG YIN PA DE YANG KHYED KYI LUGS KYIS TSAD MA GZHAN DU 'GYUR RO, ,CI'I PHYIR ZHE NA, CHOS MTHUN PA LA SOGS PA LA LTOS PA MED PA'I PHYIR TE, 'DI NI TSAD MA BZHI NI KHONGS SU MA 'DUS PAR BSTAN PA YIN NO, ,GNAS MA BU PAS RANG GI SPYI'I MTSAN NYID DAG LAS GZHAN PA'I GZHAL BYA MED PA'I PHYIR TSAD MA GNYIS PO KHO NA'O ZHES BYA BA 'DI GZHIG PA'I PHYIR, TSAD MA BYED PA NI MNGON SUM NI RJES SU DPAG PA LAS MA GTOGS PA TSAD MA GZHAN GNYIS PA DANG BCAS PA YIN TE, TSAD MA YIN PA'I PHYIR RJES SU DPAG PA BZHIN NO, ,RJES SU DPAG PA YANG MNGON SUM LAS MA GTOGS PAR TSAD MA GZHAN GNYIS PA DANG BCAS PA YIN TE, TSAD MA YIN PA'I PHYIR MNGON SUM BZHIN NO, ,DE BZHIN DU RANG GI MTSAN NYID NI SPYI'I MTSAN NYID LAS MA GTOGS PA'I GZHAL BYA GZHAN GNYIS PA DANG BCAS PA YIN TE, GZHAL BYA YIN PA'I PHYIR SPYI'I MTSAN NYID BZHIN NO, ,SPYI'I

53a

, ,MTSAN NYID KYANG RANG GI MTSAN NYID LAS MA GTOGS PA'I GZHAL BYA GZHAN GNYIS PO DANG BCAS PA YIN TE, GZHAL BYA YIN PA'I PHYIR RANG GI MTSAN NYID BZHIN NO, ,DES STON PA NI GZHAN DAG RJES SU DPAG PA LAS ZHES BYA BA STE, LDAN PA NI 'BREL PA STE GNYIS PA DANG BCAS PA ZHES BYA BA'I THA TSIG GO, ,'DI NI NYE BAR MTSON PA STE, GZHAL BYA GZHAN SGRUB PAR BYED PA LA YANG RIG PAR BYA'O, ,GTAN TSIGS BSGRUB BYA'I MI MTHUN PA'I PHYOGS LA GNOD PA BYED PA LA BSTAN PA'I PHYIR, BSGRUB BYA DANG SGRUB BYED DAG GIS 'GREL PA MA BSTAN PAS MA NGES PA YIN TE, GTAN TSIGS THAMS CAD MI MTHUN PA'I PHYOGS LA LTOS PA LA THE TSOM ZA BA'I PHYIR RO, ,GZHAN YANG MNGON SUM DANG RJES SU DPAG PA DANG NYE BAR 'JAL BA DANG SGRA LAS BYUNG BA STE, TSAD MA BZHIN YIN NO ZHES BYA BA'I GRANGS NGES PAR GSAL BA YIN TE, RNAM PA 'DIS TSAD MA GZHAN SRID PA'I PHYIR RO, ,'DI LTAR JI SKAD DU BRJOD PAR NUS TE, MNGON SUM NI RJES SU DPAG PA DANG NYE BAR 'JAL BA DANG, SGRA LAS BYUNG BA BRJOD PA LAS MA GTOGS PA TSAD MA GZHAN GNYIS PA DANG BCAS PA YIN TE, TSAD MA YIN PA'I PHYIR RJES SU DPAG PA BZHIN NO, ,GANG YANG SPYI DANG KHYAD PAR DANG, ,SPYI DANG KHYAD PAR DANG LDAN PA, ,ZHES BYA BA GZHAL BYA RNAM PA GSUM 'DOD PA DE LA YANG BSAL BA YIN TE, RNAM PA 'DI GNYIS KYIS GZHAL BYA GZHAN SGRUB PAR BYED PA SRID PA'I PHYIR RO, ,'DI LA KHYED KYI LAN GANG YIN PA DE NI KHO BO CAG GIR YANG 'GYUR PAS SPROS PAS CHOG GO, , NYE BAR 'JAL BA RNAM PAR 'BYED PA'O, ,DON GYIS GO BA'I DBANG DU BYAS NAS, GONG DU TSAD MA ZHES BYA BA LA SOGS PA SMOS TE, YUL DANG DUS LA SOGS PA GANG DU MNGON SUM DANG, RJES SU DPAG PA DANG NYE BAR 'JAL BA DANG, SGRA LAS BYUNG BA DANG, DON GYIS GO BA DANG, DNGOS PO MED PA'I MTSAN NYID KYI TSAD MA DRUG PO RNAMS KYIS YONGS SU BCAD PA'I DON GZHAN DU MI 'THAD PA YIN TE, GAL TE DE LTA BUR GYUR PA YANG DE LTA BU YIN PAS LKOG TU GYUR PA'I YUL RTOGS PA GANG YIN PA DE NI DON GYIS GO BA'I TSAD MA YIN NO, ,BRJOD CES BYA BA NI RI KHROD RJES TE, JI SKAD DU MTHONG BA'AM

53b

THOS PA'I DON GZHAN DU MI 'THAD PA'I PHYIR MA MTHONG BA RTOG PA STE, 'DI LTA STE DPER NA LHA SBYIN MA SHI LA KHYIM DU MA MTHONG BAS PHYI ROL NA YOD PAR RTOG PA LTA BU'O ZHES BSHAD PA LTA BU'O, ,MTHONG BA NI SGRA LAS BYUNG BA LAS MA GTOGS PA'I TSAD MA LNGAS RTOGS PA'O, ,THOS PA NI SGRA LAS BYUNG BA'I TSAD MAS RTOGS PA'O, ,DE LA TSAD MA DRUG SNGON DU 'GRO BA CAN GYI DON GYIS GO BA GO RIMS BZHIN DU DPER BRJOD PA NI DE LA ZHES BYA BA LA SOGS PA SMOS TE, DE LA MNGON SUM SNGON DU 'GRO BA CAN GYI DON GYIS GO BA NI DPER NA MNGON SUM GYI SREG PAR NYAMS SU MYONG BA'I ME'I SREG PA'I NUS PA RTOGS PA LTA BU'O, ,RJES SU DPAG PA SNGON DU 'GRO BA NI DPER NA YUL GZHAN DU PHYIN PAS RJES SU DPAG PA'I 'GRO BA LAS NYI MA 'GRO BA'I NUS PA DANG LDAN PAR RTOGS PA LTA BU'O, ,THAMS CAD DU DNGOS PO THAMS CAD KYI NUS PA RNAMS KYANG 'BRAS BU LAS DON GYIS GO BAS SGRUB PAR BYED PA CAN YIN NO ZHES BYA BA 'DI YANG DON GYIS GO BA YIN TE, RES 'GA' YANG GANG GI TSE MNGON SUM GYI 'BRAS BU DMIGS NAS RGYU'I NUS PA RTOGS NA NI MNGON SUM SNGON DU 'GRO BA CAN NYID YIN LA, GANG GI TSE RJES SU DPAG PA LA SOGS PA LAS 'BRAS BU RTOGS NAS RGYU'I NUS PA RTOGS PA DE'I TSE RJES SU DPAG PA LA SOGS PA SNGON DU 'GRO BA CAN GYI 'BRAS BU DON GYIS GO BAR 'GYUR RO, ,'BRAS BU'I GZHAN DU MI 'THAD PA DE TSAD MA GANG LA YOD PA DE LA DE SKAD CES BYA'O, ,RGYU'I NUS PA DANG PO NYID DU BZUNG ZIN TO ZHES NI BRJOD PAR MI NUS TE, GANG GI PHYIR NUS PA DE DAG THAMS CAD THAMS CAD DU SNGA NA MED PA RTOGS TE DES NA RTOGS ZIN PA'I DON RTOGS PA NYID MED PA'I PHYIR TSAD MAR 'GYUR BA NYID YIN NO, ,DE LA 'DI SNYAM DU NUS PA RNAMS NI 'BRAS BU'I RTAGS KYIS RJES SU DPAG PAR BYA BA YIN GYI DON GYIS GO BA'I TSAD MA'I GO BAR BYA BA NI MA YIN NO SNYAM NA, 'BREL PA GZUNG BA MED PAR NI ZHES BYA BA SMOS TE, GANG GI PHYIR 'BREL PA GZUNG BA MED PAR GO BAR BYED PA DE'I PHYIR RJES SU DPAG PAR BYA BA MA YIN NO, ,'BREL BA 'DZIN PA MED PA DE NYID BSTAN PA'I PHYIR, GANG GIS 'DI LA ZHES BYA BA SMOS TE, NUS PA 'DI DAG GI 'BRAS BU DANG LHAN CIG 'BREL PA

54a

, ,RJES SU DPAG PA'I DUS LAS SNGAR TSA BA LA SOGS PAR ME DANG DU BA BZHIN DU BZUNG BA YANG MA YIN TE, DBANG PO LAS 'DAS PA'I PHYIR RO, ,'DIS NI RJES SU 'GRO BA MED PA BRJOD DO, ,DE LTAR RJES SU DPAG PA'I DUS SU 'BREL PA 'DZIN PA YANG MA YIN TE, DBANG PO LAS 'DAS PA NYID KYI PHYIR TE, 'DIS NI PHYOGS KYI CHOS MED PAR BSHAD DO, ,RGYU LA BRTEN PA'I NUS PA RNAMS NI 'BRAS BU'I CHOS SU RIGS PA MA YIN NO, ,GZHAN YANG GANG GI TSE SNANG BA LA SOGS PAR RTOGS PA'I NUS PA PHYOGS SU BYED PA DE'I TSE RNA BA LA SOGS PA'I PHYOGS SU BYAS PA LA NUS PA BSGRUB PA'I PHYIR GTAN TSIGS JI SNYED SBYAR BA'I GTAN TSIGS DE THAMS CAD GZHI MA GRUB PAR 'GYUR TE, RTEN DU GYUR PA'I NUS PA RNAMS MA GRUB PA'I PHYIR RO, ,DE LTA BAS NA 'BRAS BU'I DON GYIS GO BAS GRUB PAR BYED PA YIN GYIS NUS PA THAMS CAD RJES SU DPAG PAR BYED PA NI MA YIN NO, ,DE LA SGRA LAS BYUNG BA SNGON DU 'GRO BA CAN GYI DON GYIS GO BA NI DPER NA BCUD KYIS LEN MA 'GRUB PA'I LHA SBYIN TSON PO NYIN PAR ZAN MI ZA ZHES BYA BA DE LTA BU LA SOGS PA'I TSIG THOS PA LAS SHUGS KYIS MTSAN MO ZA'O ZHES BYA BA DE LTA BU LA SOGS PA'I DON RTOG PA LTA BU'O, , 'DI SNYAM DU TSON PO NYIN PAR ZAN MI ZA ZHES BYA BA'I NGAG 'DI NYID KYI DON MTSAN MO ZA'O ZHES BYA BA 'DI YIN PAR RTOGS SO ZHES 'DOD NA, DE'I PHYIR NYIN MO'I NGAG LA ZHES BYA BA SMOS TE, NGAG GI DON 'DI RNAM PA GNYIS SU 'GYUR TE, 'DI LTA STE 'DRES PA DANG THA DAD PA'O, ,DE LA 'DRES PA NI TSIG RNAMS PHAN TSUN 'O MA DANG CHU BZHIN DU DBYER MED PA'O, ,THA DAD PA NI BCAD PAR BYA BA DANG GCOD PAR BYED PA'I NGO BOS GNAS PA'O, ,YANG NA BSGRUB PAR BYA BA DANG SGRUB PAR BYED PA'I 'BREL PA NGES PA NI 'DRES PA'O, ,THA DAD PA NI RIGS MI MTHUN PA LAS LDOG PA'O, ,NGAG GI DON RNAM PA 'DI GNYI GA YANG SRID PA MA YIN TE, 'DI LTAR NYIN MO LA SOGS PA'I TSIG GI DON GANG DAG YIN PA NI NYIN MO LA SOGS PA STE, MTSAN MO ZA BA'I DON DANG DE DAG GIS MDZES PA'I NGO BO YOD PA MA YIN TE, SHIN TU MI 'DRA BA'I PHYIR RO, ,THA DAD PA NI NGO BO YANG MA YIN TE, NYIN MO LA SOGS PA'I TSIG

54b

RNAMS NI MTSAN MO LA SOGS PA RNAM PAR BCAD NAS 'JUG PA'I PHYIR RO, ,CI STE MTSAN MO ZAN ZA'O ZHES BYA BA 'DI NYIN MO LA SOGS PA'I DAG GI DON GZHAN GNYIS PA YIN NO ZHES BYA BAR 'DOD NA, NYIN MO LA SOGS PAS ZA BA BKAG PA NYID NA NYE BAR ZAD PA'I PHYIR GZHAN MTSAN MO ZA BA DE NYID BSTAN PAR BYA BAR MI NUS PA'I PHYIR DON GNYIS PA RTOG PA NI MA YIN NO, ,DE LTA BAS NA MTSAN MO ZA'O ZHES BYA BA 'DI NI NGAG GZHAN GYI DON YIN NO, ,BLO LAS GNAS PA ZHES BYA BA NI SGRA LAS BYUNG BA NYID MA YIN PAR STON PA YIN NO, ,LUNG CAN NYID MIN YANG ZHES BYA BA NI SGRA LAS BYUNG BA NYID MA YIN YANG STE, JI SKAD DU BSHAD PA'I TSUL GYIS SGRA LAS BYUNG BA NYID MED PAR BSGRUBS ZIN PA'I PHYIR RO, ,GANG ZHIG MNGON SUM LA SOGS PA GANG YANG RUNG BA TSAD MAR 'GYUR BA'I MTSAN MO ZA BA ZHES BYA BA'I NGAG GANG YIN PA DE'I RTOGS PAR BYED PA'I NGAG DE 'DZIN PAR BYED PA'I TSAD MA BRJOD PAR BYA'O, ,'GYUR PA YANG MA YIN PA DE LTA BAS NA 'DI TSAD MA GZHAN NYID YIN NO SNYAM DU BSAM PA YIN NO, ,'DI MNGON SUM LA SOGS PA GANG YANG RUNG BA NYID YIN PA DE NYID SEL BAR BYED PA NI, RE ZHIG CES BYA BA LA SOGS PA SMOS TE, DE LA MTSAN MO ZA BA'I NGAG MA BRJOD PA NI MNGON SUM NYID DU RIGS PA MA YIN TE, MA THOS PA'I PHYIR RO, ,RJES SU DPAG PA YANG MA YIN TE, 'BREL PA MED PA NYID KYI PHYIR RO, ,'DI LTAR GANG GIS 'BREL PAR 'GYUR BA MTSAN MO ZA BA'I TSIG 'DI NYID NYIN MO'I TSIG DE DANG 'GAR YANG LHAN CIG MA MTHONG LA, RTAGS GZHAN YANG YOD PA MA YIN NO, ,CI STE 'BREL PA MA DMIGS NA YANG 'DI RTAG PA NYID DU 'GYUR RO SNYAM NA, GAL TE ZHES BYA BA SMOS TE, GAL TE 'BREL PA MA GRUB PAR RTAGS NYID DU 'GYUR NA DE'I TSE NYIN MO'I TSIG BRJOD PA LAS NGAG THAMS CAD RTOGS PAR 'GYUR GYI, MTSAN MO ZA BA'I NGAG KHO NA NI MA YIN NO, , CI'I PHYIR ZHE NA, GANG GI PHYIR 'BREL PA DANG BRAL BA NYID YIN NA NGAG GZHAN LAS MTSAN MO ZA BA'I NGAG KHYAD PAR MED DE 'BREL PA MED PA'I PHYIR TE, NGAG THAMS CAD KHYAD PAR MED DO ZHES BYA BA'I THA TSIG GO, ,NYE BAR 'JAL BA SNGON DU 'GRO BA CAN BSHAD PA NI, BA MEN DANG 'DRA ZHES BYA BA LA

55a

, ,SOGS PA STE, BA MEN DANG 'DRA BA'I BA LANG GI GONG BU NYE BAR 'JAL BA'I SHES PAS MA BZUNG BAR BYA BA'I NUS PA GANG YIN PA DE NI NYE BAR 'JAL BA'I STOBS KYIS BYUNG BA GANG YIN PA DES DON GYIS 'JAL BAR BYED DO, ,DON GYIS GO BA SNGON DU 'GRO BA CAN BSHAD PA NI BRJOD PA ZHES BYA BA LA SOGS PA SMOS TE, BRJOD PA NI RJOD PAR BYED PA STE, DON STON PAR BYED PA ZHES BYA BA'I THA TSIG GO, ,SGRA'I DE BZHIN DU STE RJOD PAR BYED PA'I NUS PA MED PAR MI 'GRUB PA'I PHYIR DE LTAR RJOD PAR BYED PA'I NUS PA RTOGS PA NA STE SHES NA DE NI GO SKABS GZHAN MED PHYIR TE, RJOD PAR BYED PA'I NUS PA DE SGRA RTAG PA MED PAR GO SKABS GZHAN MED PA'I PHYIR YANG DON GYIS GO BA GZHAN GYI SGRA MI RTAG PAR NGES SO, ,YANG JI LTAR MI RTAG PA MED PAR BRJOD PAR MI 'GRUB CE NA, MI RTAG CES BYA BA LA SOGS PA SMOS TE, 'DI LTAR GAL TE BRDA'I DUS SU MTHONG BA THA SNYAD KYI DUS SU RJES SU 'JUG PAR MI 'GYUR BA DE'I TSE BRDA BYED PA DON MED PA NYID DU 'GYUR TE, DE NI THA SNYAD KYI DON DU YIN PA'I PHYIR RO, ,PHYIS THA SNYAD KYI DUS SU 'JUG PA'I SGRA NI DE DANG LHAN CIG SNGAR 'BREL PA MA GRUB PA'I PHYIR RO, ,RNAM PA GCIG TU NA, DE NI GZHAN DU MA RTOGS PHYIR, ,ZHES BYA BA STE THA SNYAD KYI DUS SU 'BYUNG BA'I SGRA DE BRDA'I DUS SU MTHONG BA'I SGRA LAS GZHAN DU MA RTOGS TE THA MI DAD PAR NGES PA'I PHYIR RO, ,JI LTAR THA MI DAD PAR NGES SHE NA, MI RTAG CES BYA BA SMOS SO, DNGOS PO MED PA SNGON DU 'GRO BA'I DON GYIS GO BA NI CHAD MA MED PA ZHES BYA BA LA SOGS PA SMOS TE, MNGON SUM LA SOGS PA'I TSAD MA MED PAR DE LDOG PAS NGES PA STE, GTAN LA PHAB PA'I NAG PA MED PA GANG YIN PA DES KHYAD PAR DU BYAS PA'I KHYIM YOD PA'I PHYIR KHYIM 'DI NA NAG PA MED PAS DES NA NAG PA MA SHI BA NI PHYI ROL NA YOD PAR GRUB PA STE, PHYI ROL NA NAG PA YOD PA ZHES BYA BA GANG YIN PA DE LTA BU'I NGES PA BSHAD PA 'DIR RI KHROD RJES BRJOD DE, DE LAS GZHAN PA'I DON GYIS GO BA RNAMS MTSON PA'I DON DU BRJOD DO ZHES BYA BA'I THA TSIG GO, ,DPER NA LHA SBYIN GSON LA KHYIM NA MA MA THONG BAS PHYI ROL NA YOD PAR RTOG PA BZHIN NO ZHES BYA BA 'DI NI DNGOS PO MED PA SNGON DU 'GRO BA'I DON GYIS GO BA'O

55b

DPER BRJOD PA'O, ,RTOG GE PA PHAL CHER 'DI RJES SU DPAG PA NYID DU 'DOD PA'I PHYIR DE BSAL BA'I DON DU 'DI NI ZHES BYA BA LA SOGS PA SMOS TE, GANG GI PHYIR PHYOGS KYI CHOS LA SOGS PA 'DI LTOS PA MA YIN TE, RGYU MA YIN PA DES NA 'DI RJES SU DPAG PA LAS THA DAD PA YIN TE, MNGON SUM BZHIN NO, ,'DI LTAR PHYI'I YUL GYI KHYAD PAR DU BYAS PA'I DON NAG PA LA SOGS PA'AM, NAG PA LA SOGS PAS KHYAD PAR DU BYAS PA'I PHYI ROL GYI YUL PHYOGS YIN PAR 'GYUR, GZHAL BYA RNAM PA DE GNYIS YIN PA NA KHYIM NA NAG PA LA SOGS PA'I DON MED PA GANG YIN PA DE JI LTAR GZHI THA DAD PA YIN NA PHYOGS CHOS SU 'GYUR TE MI 'GYUR PA KHO NA'O ZHES DGONGS PA'O, ,GZHAN YANG KHYIM NA MED PA PHYOGS KYI CHOS NYID DU RTOGS PA NA RES 'GA' LHA SBYIN GSON PO KHYIM NA MED PA GANG YIN PA DE RJOD PAR BYED DAM SPYIR YIN ZHES BYA BA PHYOGS GNYIS SO, ,DE YANG PHYOGS DANG PO LA SKYON BSHAD PA NI GSON PO ZHES BYA BA LA SOGS PA STE, DE RIG CES BYA BA LA NI LHA SBYIN GSON PO DE RIG PA NGES PA DE NI LHA SBYIN PHYI ROL NA YOD PA MA RTOGS PAR 'BYUNG BA MA YIN NO, ,'DI NI GTAN TSIGS MA GRUB PA NYID DAM, GRUB NA YANG GRUB PA LA SGRUB PA NYID DU BSHAD DO, ,PHYOGS GNYIS PA LA GTAN TSIGS MA NGES PA NYID YIN TE, LHA SBYIN LA SOGS PA MA SHI BA RNAMS LA YANG DE DAG KHYIM NA MED PA MTHONG BA'I PHYIR RO ZHES BYA BA BSTAN PA'I PHYIR YOD PA NYID DANG ZHES BYA BA LA SOGS PA SMOS TE, YOD PA NYID CES BYA BA NI MA SHI BA'O, ,DE LTAR DON GYIS GO BA RNAM PA DRUG LAS BZHIS NI GZHAL BYA NGES PAR NUS PA YIN LA, GCIG NI SGRA MI RTAG PA YIN ZHING GZHAN GYIS NI PHYI ROL NA GNAS PA'I RDZAS SO, ,DE LA ZHES PA LA SOGS PAS SUN 'BYIN PA 'CHAD DE, 'DI RE ZHIG MTSAN NYID RIGS PA MA YIN TE, 'DI LTAR MA MTHONG BA DE MED PAR MTHONG BA DANG THOS PA LA SOGS PA'I DON GZHAN DU MI 'THAD PA'I PHYIR MA MTHONG BA RTOG PA YIN NO, ,DE LA 'DI DPYAD PAR BYA STE, CI MA MTHONG BA DE DANG LHAN CIG MTHONG BA DANG THOS PA'I DON 'BREL PAR MTHONG NGAM, 'ON TE MA YIN, GAL TE MTHONG NA RJES SU DPAG PA THAL BAR 'GYUR TE, 'BREL PA MTHONG BA'I THABS CAN YIN PA'I PHYIR

56a

, ,RO; ;CI STE MA GRUB NA 'O NA DE LTA NA MES SREG PAR BYED PA BZHIN DU SREG PAR BYED PA MA YIN PAR YANG BRTAG PAR BYA STE, 'BREL PA MA MTHONG BAR KHYAD PAR MED PA'I PHYIR RO, ,CI STE MES SREG PAR BYED PA MA YIN PA NYID DU MTHONG BA'I PHYIR SREG PAR BYED PA MA YIN PA NYID DU BRTAG PAR MI BYA'O ZHES BYA BAR 'DOD NA, DE LTA NA 'O NA SREG PAR BYED PA YANG BRTAG PAR MI BYA STE, 'GA' YANG DE DANG LHAN CIG MA MTHONG BA'I PHYIR RO, ,DE LTA BAS NA 'BREL PA GRUB PA NA MED NA MI 'BYUNG BA'I 'BREL BA MTHONG NAS 'BREL PA GNYIS PA BRTAGS PAR RIGS SO, ,DE LTAR BRTAGS NA 'BREL BA MTHONG BA'I THABS CAN YIN PA'I PHYIR RJES SU DPAG PA NYID KYI KHONGS SU 'DUS PAR 'GYUR RO, ,DPER NA BRJOD PA RNAMS KYANG RIGS PA MA YIN TE, DE LA RE ZHIG MNGON SUM LA SOGS PA GRUB PA'I DON GYI NUS PA DON GYIS GO BA BZHIS RTOGS PAR BYED DO ZHES BYA BA 'DIS NI THUN MONG DU SUN 'BYIN PA BSHAD PA NI, DE LA NUS PA CAN SPANGS PA'I ZHES BYA BA LA SOGS PA STE, GANG GI PHYIR NUS PA NI DNGOS PO LAS GZHAN MA YIN LA DNGOS PO'I NUS PA DE YANG MNGON SUM NYID YIN PA'I PHYIR BZUNG ZIN PA 'DZIN PAS 'CHAD PA MA YIN LA, MNGON SUM GYIS BZUNG BA NYID NI NYE BAR MTSON PA'O, ,GANG ZHIG SREG PA LA SOGS PA ZHES BYA BA LA SOGS PA MNGON SUM DU 'GRO BA'I DON GYIS GO BA KHYAD PAR DU SUN 'BYIN PA BSHAD DO, ,MA NOR THE TSOM MED BYAS NAS, ,ZHES BYA BA 'DI NI BYA BA'I KHYAD PAR CAN YIN NO, ,CI STE NUS PA THA DAD PAR KHAS LEN PAR BYED NA DE'I TSE NUS PA KHO NA 'BRAS BU DAG LA NYE BAR SBYOR BA YIN PA'I PHYIR, DNGOS PO RGYU NYID MA YIN PAR THAL BAR 'GYUR RO, ,DE LTA YIN DANG DNGOS PO MA YIN PA NYID DU THAL BAR 'GYUR TE, DNGOS PO NYID KYI MTSAN NYID NI DON BYA BA BYED PA YIN PA'I PHYIR RO, ,CI STE DNGOS PO MA YIN PA NYID DU THAL BAR 'GYUR NA MI RUNG NGO SNYAM NAS, NYE BAR SBYOR BA KHAS LEN PAR BYED PA DE'I TSE NYE BAR SBYOR BA KHAS LEN PAR BYED PA NA NUS PA THA DAD DE LOGS SHIG MA YIN NO, ,CI'I PHYIR ZHE NA, GANG GI PHYIR DON BYED PAR NUS PA'I RANG BZHIN GYI NGO BO GANG YIN PA'I NUS PA NYID NI GZHAN NUS PA'I MTSAN NYID THA DAD PA MA YIN NO, ,GANG YANG DNGOS PO'I

56b

NUS PA ZHES THA DAD DU BSTAN PA DE NI KHYAD PAR GZHAN SPANGS NAS DE TZAM ZHIG SHES PAR 'DOD PA LAS DNGOS PO NYID DE SKAD DU BRJOD PA YIN NO, ,'DI SNYAM DU NUS PA'I MTSAN NYID NI DON BYA BA BYED PA MA YIN NA, ,'O NA CI ZHE NA, GZHAN KHO NA'O SNYAM DU SEMS NA, MTSAN NYID GZHAN ZHES BYA BA LA SOGS PA SMOS TE, NUS PA'I MTSAN NYID GZHAN BSGRUB PA LA TSAD MA GANG ZHIG NUS PA THAMS CAD DANG BRAL BA'I MTSAN NYID KYI MED PA LAS NUS PA 'DI KHYAD PAR DU BYED PA'I TSAD MA CUNG ZAD KYANG YOD PA YIN NO, ,RNAM PA DE LTA BU'I SHES PA DE DGOS PA CUNG ZAD KYANG YOD PA MA YIN TE, NGO BO DANG LDAN PA'I DNGOS PO'I RANG BZHIN DE NYID LAS DON BYA BA 'GRUB PA'I PHYIR RO, ,JI SKAD DU, DON BYED NUS PA MA YIN LA, ,DE DON GNYER BAS BRTAGS CI PHAN, ,MA NING GZUGS BZANG MI BZANG ZHES, ,'DOD LDAN RNAMS KYIS BRTAGS CI PHAN, ,ZHES BSHAD PA LTA BU'O, ,'DI SNYAM DU NUS PA'I MTSAN NYID GZHAN YOD PA NYID DE, 'DI LTA STE, NUS PA DE NI RTAG TU 'BRAS BU GZHAN DU MI 'THAD PAS GO BAR BYA BA'I NGO BO GANG YIN PA DE NUS PA YIN PA'I PHYIR NUS PA'I MTSAN NYID NI 'BRAS BU LAS RJES SU DPAG PAR BYA BA NYID YIN NO SNYAM DU SEMS NA, NUS PA'I MTSAN NYID 'DI NI RIGS PA MA YIN TE, CI'I PHYIR ZHE NA, 'BRAS BU GZHAN DU SRID PA'I PHYIR RO, ,THA DAD PA'I NUS PA MED PAR GZHAN DU YANG 'BRAS BU SKYE BA'I PHYIR RO, ,JI LTAR ZHE NA, 'DI NI DNGOS LAS 'GYUR PA YIN, ,ZHES BYA BA SMOS TE, GANG GI PHYIR 'BRAS BU 'DI NI DNGOS PO LAS TE RANG BZHIN LAS 'GYUR BA STE 'BYUNG BA YIN PA DE'I PHYIR RNAM PA GZHAN DU YANG 'BRAS BU YOD PA NYID SRID PA'I PHYIR THA DAD PA'I NUS PA BRTAGS PAS CI ZHIG BYA, DON 'DI NYID GSAL BAR BYA BA'I PHYIR, CHU LA SOGS PA ZHES BYA BA LA SOGS PA SMOS SO, ,'DI SNYAM DU GAL TE KHO BO CAG GIS DNGOS PO DANG NUS PA GCIG TU THA DAD PA KHAS LEN PAR 'GYUR NA SKYON 'DIR 'GYUR BA YIN NO, ,'O NA JI LTAR ZHE NA, THA DAD PA THA MI DAD PA GNYI GA'I BDAG NYID YIN NO SNYAM DU SEMS NA, 'DI YANG MI RIGS SO, ,CI'I PHYIR ZHE NA, BSHAD PA 'GAL BA'I PHYIR RO, ,GAL TE THA DAD PA YIN NA JI LTAR DE NYID THA MI DAD PA NYID

57a

, ,YIN; 'ON TE THA MA DAD PA YIN NA JI LTAR THA DAD PA NYID YIN TE, DE LTA BU 'DI NI 'GAL BA YIN NO, ,GANG ZHIG PHAN TSUN SPANGS TE GNAS PA'I MTSAN NYID KYI CHOS DAG CHOS CAN GCIG PA CIG CAR KHAS LEN PA 'DI NYID GZHAN YIN NO, ,GANG DER 'GYUR BA MA YIN TE, BDAG GZHAN BZHIN NO ZHES BYA BA 'DI NYID BSTAN ZIN TO,, ,,NUS PA GNYIS GA'I BDAG NYID YIN DU CHUG MOD, DE LTA NA YANG NUS PA DE GNYI GA'I BDAG NYID YIN PA MNGON SUM NYID YIN TE, GANG GI PHYIR NUS PA DNGOS PO LAS GZHAN MA YIN PA NYID YIN NA YANG GANG GIS MNGON SUM MA YIN PAR 'GYUR BA GCIG TU GZHAN NYID MA YIN NO, ,DE LTA YIN DANG NUS PA NI RTAG TU 'BRAS BUS GO BAR BYA BA NYID YIN NO ZHES BYA BA 'DI 'GAL BA YIN NO, ,GZHAN YANG, DNGOS PO RNAMS KYI NUS PA KUN, ,'BRAS BU DON GYIS GO BAS BSGRUB, ,CES BYA BA LA SOGS PA GANG NUS PA RJES SU DPAG PAR BYA BA NYID YIN PAS SEL BAR BYED PA DE KHO BO CAG LA CHAD PAR MI 'GYUR TE, CI'I PHYIR ZHE NA, GANG GIS TE GANG GI PHYIR 'DI'I STE MNGON SUM GYI YUL LA KHO BO CAG RJES SU DPAG PAR MI 'DOD DE RJES SU DPAG PA NI LKOG TU GYUR PA RTOGS PAR BYED PA NYID YIN PA'I PHYIR RO, ,'DIS NI GRUB PA LA SGRUB PA NYID DU BSHAD DO, ,SNA TSOGS NUS PA PHYOGS BYAS NAS, 'ANG ZHES GANG SMRAS PA 'DI LA GANG YANG ZHES BYA BA LA SOGS PA SMOS TE, 'ON TE BSGRUB PAR BYA BA MA YIN NO ZHES SNGAR BSTAN ZIN PA NYID MA YIN NAM, DES NA JI LTAR YOD PA GO BAR BYA BAR BRJOD CE NA, SGRA LA SOGS PA BYA ZHES BYA BA LA SOGS PA SMOS TE, 'DI LTAR DNGOS SU YOD PA BSGRUB PA NI MA YIN NO, ,'O NA CI ZHE NA, CHOS CAN RNA BA LA SOGS PA'I SHES PA LA RGYU GZHAN LA LTOS PA DANG BCAS PA NYID BSGRUB PAR BYA BA YIN TE, DE'I RGYU STE RNA BA LA SOGS PA'I SHES PA'I RGYU GZHAN YID LA BYED PA LA SOGS PA YOD NA YANG RNA BA LA SOGS PA'I SHES PA MED PA'I PHYIR RO, ,SBYOR BA NI GANG ZHIG GANG YOD NA YANG RES 'GA' 'BYUNG BA DE NI RGYU GZHAN LA LTOS PA DANG BCAS PA YIN TE, DPER NA SA LA SOGS PA YOD NA YANG NGES 'GA' 'BYUNG BA'I MYU GU BZHIN NO, ,YID LA BYED PA LA SOGS PA YOD NA YANG RNA BA'I RNAM PAR SHES

57b

PA RES 'GA' 'BYUNG BA YIN NO ZHES BYA BA NI RANG BZHIN GYI GTAN TSIGS SO, ,RGYU GZHAN LA LTOS PA DANG BCAS PA DE BSGRUBS PAS NA RGYU GZHAN GANG YIN PA DE NI RNA BA LA SOGS PA GRUB PO ZHES BYA BA'I RNAM PA 'DI YOD PA GO BAR BYA BA YIN NO ZHES BRJOD KYI DNGOS SU NI MA YIN PAS SKYON MED DO, , NYI MA 'GRO BAR RJES DPAG LAS, ,ZHES GANG SMRAS PA DE LA NYI MA YUL GZHAN ZHES BYA BA LA SOGS PA SMOS TE, 'DI NI RJES SU DPAG PA'I KHONGS SU 'DUS PAR BSHAD DO, ,'DI LTAR GANG DANG GANG YUL GZHAN DU PHYIN PAR DMIGS PA DE NI RANG GI NYE BAR LEN PA'I RGYU'I YUL YONGS SU SPANGS NAS 'BYUNG BA YIN TE, DPER NA ME LCE LA SOGS PA YUL GZHAN DU PHYIN PA BZHIN NO, ,NYI MA YANG YUL GZHAN DU PHYIN PA BZHIN NO ZHES BYA BA 'DI RANG BZHIN GYI GTAN TSIGS SO, ,'DI MA NGES PA YANG MA YIN TE, GANG GI PHYIR DNGOS PO BSTAN PA'I BDAG NYID GCIG PO 'DI NI YUL GZHAN DU PHYIN PAR RIGS PA MA YIN TE, SNGA MA'I YUL DU NGES PA'I RANG BZHIN YONGS SU MA DOR BA'I PHYIR LA, DOR NA YANG NYI MA SNGA NA MED PA SKYE BA YIN NO ZHES BYA BA 'DI NYID DU GNOD PAR BYED PA'I TSAD MA'O, ,'DI SNYAM DU NUS PA BSGRUB PAR BYA BA LA DON GYIS GO BA 'DI DPER BRJOD PA YIN GYI SKYE BA LA NI MA YIN NO, ,DE'I PHYIR JI LTAR DON GYIS GO BA 'DI RJES SU DPAG PA'I KHONGS SU 'DUS PAR BRJOD SNYAM DU SEMS NA, NUS PA GZHAN NI GSAL BA YIN, ,ZHES BYA BA SMOS SO, ,LHA SBYIN TSON PO ZHES BYA BA LA SOGS PA THOS PA'I DON GYIS GO BA DPER BRJOD PA LA TSON PO NYIN PAR ZHES BYA BA LA SOGS PA SMOS TE, 'DIS NI SGRA'I TSAD MA SNGON DU 'GRO BA MA GRUB PA NYID DU BSHAD DO, ,'DI SNYAM DU TSIG GI DON RTOGS PA LA LTOS NAS TSIG GZHAN 'PHEN PAR BYED PA NI MA YIN NO, ,'ON CI ZHE NA, 'BA' ZHIG PA NYID KYIS SO, ,DE YANG MNGON SUM GYIS GRUB PA YIN NO ZHES BSTAN PA NI, GAL TE DON RTOGS LTOS MED PA, ,ZHES BYA BA STE DON RTOGS PA LA MI LTOS PA NI DON RTOGS LTOS MED PA STE TSIG GO, ,GAL TE NGAG TZAM 'BA' ZHIG PA DES DON DANG BCAS PA'I TSIG GZHAN 'PHEN PA DE'I TSE 'DI TSIG GZHAN 'PHEN PA YIN NO, ,MTSAN MO ZA BA'I TSIG LAS

58a

, ,TSIG GZHAN THA DAD PA 'PHEN PAR 'GYUR TE, 'BREL PA DANG BRAL BA NYID DU KHYAD PAR MED PA'I PHYIR RO, ,'BREL BA'I PHYIR, DON NI DON GZHAN 'PHEN PAR BYED, ,CES BYA BA DON RTOGS PA LA LTOS PA LA SKYON MED DO, ,CI STE ZHES BYA BA LA SOGS PAS GZHAN GYI BSAM PA DOGS PAR BYED DE, CI STE HA CANG THAL BAR 'GYUR NA MI RUNG NGO SNYAM PAS GZHAN GYIS KHAS BLANGS PA'I NGO BOS MI RIGS PA'I DON RTOGS PA YANG 'PHANGS NAS DON RTOGS PAR 'DOD DE, SMRA BA PO GZHAN YID CHES PA NYID DU KHAS LEN PA'I PHYIR RO, ,YANG NA TSAD MA GZHAN GYIS TE, LHA SBYIN TSON PO NYIN PAR ZAN MI ZA'O ZHES MNGON SUM LA SOGS PAS SHES SO, ,'DI LA LAN 'DEBS PAR BYED PA NI, DON RTOGS PA YIN LA RAG CES BYA BA LA SOGS PA STE, NYIN MO ZA BA DANG BRAL BA'I KHYAD PAR CAN GYI TSON PO NYID DE LAS MTSAN MO ZA BA'I DON RTOGS PA YIN LA RAG MOD, BLO LA GNAS PA'I TSIG GZHAN NI GO BAR BYED PA NYID MA YIN NO, ,DE LTA YIN NA RJES SU DPAG PA KHO NA'I KHONGS SU 'DUS PA'I PHYIR TSAD MA GZHAN NYID DU MI 'GYUR RO SNYAM DU DGONGS PA'O, ,KHONGS SU 'DU BA DE NYID BSTAN PA'I PHYIR, MTSAN MO ZA BA ZHES BYA BA LA SOGS PA SMOS TE, 'DOD PA NI BRJOD PAR 'DOD PA'O, ,SKYES BU'I KHYAD PAR CAN MTSAN MO ZA BA'I KHYAD PAR CAN TE PHYOGS SO, ,NYIN MO ZA BA DANG BRAL LA 'TSO BA'I PHYIR ZHES BYA BA NI GTAN TSIGS SO, ,DE LAS GZHAN PA'I SKYES BU BZHIN NO ZHES BYA BA NI DPE STE, 'DI NI 'BRAS BU'I GTAN TSIGS SO, ,JI LTAR 'DIR RGYU DANG 'BRAS BU'I DNGOS PO 'GRUB CE NA, RJES SU 'GRO BA ZHES BYA BA LA SOGS PA SMOS TE, GANG GI PHYIR DU BA DANG ME DAG BZHIN DU RJES SU 'GRO BA DANG LDOG PA LAS TSO BA NYID DANG ZA BA DAG RGYU DANG 'BRAS BU'I DNGOS POR NGES PA DE'I PHYIR, TSO BA NYID KYI DNGOS PO LAS 'BRAS BU NYID DANG 'BREL BA NYID KYI PHYIR ZA BA'I DNGOS POR RTOGS PAR RIGS KYI 'BREL BA MED PA'I TSIG LAS TSIG GZHAN RTOGS PA NI MA YIN TE, HA CANG THAL BAR 'GYUR BA'I PHYIR RO, ,HA CANG THAL BAR 'GYUR BA DE NYID BSTAN PA'I DON DU, 'BREL BA THAMS CAD CES BYA BA LA SOGS PA SMOS TE, DE'I BDAG NYID DANG DE LAS

58b

BYUNG BA'I MTSAN NYID KYI 'BREL BA THAMS CAD KYI STONG PA STE BRAL BA'I TSIG JI LTAR RTOGS TE MA YIN PA KHO NA'O, ,DE LTAR MA YIN TE, GAL TE 'BREL BA THAMS CAD KYIS STONG YANG RTOGS PAR BYED NA DE'I TSE GANG GI PHYIR LA LAR BUM PA LA SOGS PA'I DNGOS PO GCIG LAS SNAM BU LA SOGS PA THAMS CAD RTOGS PAR 'GYUR BA DE LTAR YANG MA YIN TE, DE LTA BAS NA 'BREL BA LAS RTOGS PAR KHAS BLANG DGOS SO, ,'DI LTAR ZHES BYA BA LA SOGS PAS HA CANG THAL BAR 'GYUR BA NYID SGRUB PAR BYED DO, 'BREL BA YOD KYANG ZHES BYA BA NI KHAS BLANGS PA YIN NO, ,RE ZHIG TSIG TSIG GZHAN DANG NAM YANG 'BREL BA YOD PA MA YIN LA, 'BREL BA MA BZUNG BA YANG MA YIN LA, MED PA DANG 'DRA BA NYID DO, ,DE LTA YIN DANG 'BREL BA MA BZUNG BAR RTOGS PA NI TSAD MA YIN PAR 'GYUR RO, ,'BREL PA MED PAR YANG RTOGS SO ZHE NA NI, THAMS CAD THAMS CAD LAS RTOGS PAR 'GYUR RO ZHES BYA BA'I HA CANG THAL BAR 'GYUR BA MI LDOG PA NYID DO, ,GAL TE 'BREL BA ZHES BYA BA LA SOGS PAS GZHAN GYI TSIG GO SKABS RTOGS PAR BYED DO, ,DE LA GZHAN GYIS SMRAS PA, 'BREL BA TSAD MA YIN NO ZHES BYA BA 'DI NI RGYAL PO'I BKA' YIN PA 'BA' ZHIG TU ZAD KYI, 'DI LA RIGS PA 'GA' YANG YOD PA MA YIN TE, 'DI LTAR 'BREL PA TSAD MA NYID DO ZHES BYA BA RGYAL PO'I BKA' YIN PAR MA GYUR NA 'O NA JI LTAR 'BREL PA MED PAR TE, 'BREL PA SPANGS NAS MNGON SUM TSAD MA NYID YIN PAR ZHES BYA BA BRJOD DGOS SO, , DE LA LAN SMRAS PA, 'ON TE ZHES BYA BA STE, 'ON TE 'BREL BA MED PA YANG GAL TE RTOGS PAR 'GYUR NA DE'I TSE HA CANG THAL BAR 'GYUR TE KHYAD PAR MED PA'I PHYIR RO ZHES BYA BA 'DI LA KHYED CAG GIS LAN CUNG ZAD KYANG MA BTAB PO, ,GANG YANG 'BREL PA MED YIN NA, ,JI LTAR MNGON SUM TSAD MA NYID, ,CES SMRAS PA DE YANG 'BREL BA MED PA NYID YIN TE, 'DI LTAR 'BREL PA MED PA SU ZHIG GIS KYANG MNGON SUM TSAD MA NYID DU KHAS MA BLANGS SO, ,'O NA CI ZHE NA, MNGON SUM LA YANG TSAD MA NYID DU 'BREL PA KHO NA LAS RNAM PAR 'JOG PA YIN NO, ,'DI NYID LA

59a

, ,'THAD PA BSHAD PA NI, MI SLU BA NI TSAD MA NYID, ,CES BYA BA STE, THOB PAR NUS PA NI MI SLU BA STE TSAD MA NYID DO, ,MI SLU BA DE YANG NGES PAR MNGON SUM LA JI LTAR RIGS SHE NA, GAL TE DE LAS DON GZHAN GYI BDAG NYID THOB PAR GYUR NA'O, ,DE LTA MA YIN NA NYES PAR CI YOD CE NA, DE RGYU MIN PA'AM ZHES BYA BA SMOS TE, DON DE RGYU GANG LA YOD PA DE NI DE LTA BU YIN LA DE RGYUR MED PA NI RGYU MA YIN PA STE, GZHAN GYI RGYU CAN ZHES BYA BA'I THA TSIG GO, ,DE'I RGYU CAN MA YIN PA'I MNGON SUM DE LAS SAM, RGYU THAMS CAD DANG BRAL BA'I RGYU MED PA LAS DE LA MI SLU BA STE, DON LA MI SLU BA NGES PAR MI 'GYUR RO, ,'O NA CI ZHE NA, MTHA' DAG LA STE DON THAMS CAD LA MI SLU BAR 'GYUR RO ZHES BYA BA 'DIR YANG THAL BAR 'GYUR BA MTSUNGS PA YIN NO, ,YANG NA LHA SBYIN TSON PO NYIN PAR ZAN MI ZA BA ZHES BYA BA'I RJES SU 'GRO BA'I TSIG 'BRAS BU'I RTAGS 'DI BDAG NYID KYI RGYU BRJOD PAR 'DOD PA'I KHYAD PAR RGYU'I CHOS RJES SU DPAG PAS DU BAS BUD SHING GI 'GYUR BA BZHIN DU RJES SU DPAG PAR BYED PA'I SHUGS KYIS MTSAN MA'O ZHES BYA BA'I LDOG PA'I TSIG 'DI YANG GO BAR BYED KYI DNGOS SU NI MA YIN NO ZHES BSTAN PA'I PHYIR, YANG NA GNYIS PA'I ZHES BYA BA LA SOGS PA SMOS TE, 'DI NI ZHES BYA BA NI RGYU'I CHOS RJES SU DPAG PAS TE, DNGOS SU NI MA YIN NO, ,GANG GI PHYIR GANG LA LDOG PA 'DI DAG KYANG SNANG BA RJES SU 'GRO BA'I DAG LAS DE 'DRA BA'I PHYIR BRJOD PAR 'DOD PA RTOGS TE, GZHAN DU NA GAL TE MTSAN MO ZA BAR BRJOD PAR 'DOD PA LA MI GNAS PAR 'GYUR ZHES ZA BA DGAG BTZAM 'BA' ZHIG RTOGS PAR 'DOD PA YIN NA, DE'I TSE LHA SBYIN MI ZA'O ZHES BYA BA KHO NA SMRA BAR 'GYUR GYI NYIN PAR DANG MTSAN MO NI MA YIN NO, ,LDOG PA RTOGS PA NI LDOG PA'I NGAG RTOGS PA'O, ,BA MEN DANG 'DRA BA LANG LAS, , DE YI SHES PA 'DZIN NUS NYID, ,CES BYA BA 'DI LA NYE BAR 'JAL BA'I TSAD MA ZHES BYA BA SMOS SO, ,YANG NA NYE BAR 'JAL BA'I TSAD MA YIN DU CHUG MOD, DE LTA NA YANG NYE BAR 'JAL BA SNGON DU 'GRO BA CAN GYI DON GYIS GO BA NI BZUNG ZIN PA 'DZIN PA'I PHYIR LOGS SHIG TU TSAD MA NYID

59b

DU MI RIGS TE, THA DAD PA'I NUS PA'I MTSAN NYID KYI GZHAL BYA NI MED PA'I PHYIR RO ZHES BSTAN PA'I PHYIR, NYE BAR 'JAL BA'I ZHES BYA BA LA SOGS PA SMOS TE, GANG ZHIG RTOGS BYA'I PHYIR ZHES BYA BA NI NUS PA RTOGS PA'I DON DU'O, ,LHAG MA NI GO BAR ZAD DO, ,BRJOD PA GZHAN DU MI 'GRUB PHYIR, , ZHES BYA BA LA SOGS PAS DON GYIS GO BA SNGON DU 'GRO BA'I DON GYIS GO BA'I DPER BRJOD PA MA NGES PA NYID DU 'CHAD PA NI GZHAN NYID MIN PA ZHES BYA BA LA SOGS PA STE, JI LTAR G-YO BA DANG MIG BRDAL SOGS PA MI RTAG PA LA DON GYIS GO BAR MI 'GAL BA DE BZHIN DU SGRA RNAMS GZHAN MA YIN PA DANG BRAL G-YANG 'GAL BA MED PA NYID YIN PAS DPER BRJOD PA NI MA NGES PA NYID YIN NO, ,DE LA GZHAN NYID NI MI RTAG PA'O, ,GZHAN MA YIN PA NI GZHAN NYID MIN PA STE RTAG PA NYID CES BYA BA'I THA TSIG GO, ,'ON TE DE YANG, MI RTAG BRDA DANG THA SNYAD LA, ,RJES SU 'JUG PA DANG LDAN MIN, ,ZHES SMRAS PA 'DI LA JI LTAR G-YO BA MTSUNGS ZHES BYA BA LA SOGS PA SMOS TE, GAL TE YANG RANG GI MTSAN NYID RNAMS NI SKAD CIG MA YIN PA'I PHYIR RJES SU 'GRO BA MED PA DE LTAR NA YANG RANG GI MTSAN NYID 'BA' ZHIG RANG BZHIN GYIS BRGYUD NAS THA MI DAD PA'I RNAM PA CAN 'KHRUL BA'I NGO SHES PA'I RGYUR 'GYUR BA NA GCIG NYID DU GZUNG BA RNAMS BRDA'I DBANG GIS RTOGS PAR BYA BA NYID YIN NO, ,JI LTAR G-YO BA ZHES BYA BA LA, RTOGS PAR BYED CES BYA BA LHAG MA'O, ,GZHAN DAG GIS JI LTAR G-YO BA ZHES BYA BA'I DPE 'DI BSGRUB BYA MA TSANG BA YIN PAR BSTAN PA'I PHYIR, MNGON SUM RDZAS LAS ZHES BYA BA LA SOGS PA SMOS TE, DPER NA NGO SHES PAS YI GE RNAMS KHO BO CAG RTAG PAR 'DOD PA DE BZHIN DU LAG PA LA SOGS PA'I LAS KYANG YIN PA'I PHYIR DPE BSGRUB BYA MI RTAG PAS STONG PA'I PHYIR 'KHRUL PA NYID YIN NO, ,GAL TE RTAG PAR YIN PA DE LTA NA LAG PA LA SOGS PA'I LAS RNAMS CI'I PHYIR RTAG TU DMIGS PA 'BYUNG BAR MI 'GYUR ZHE NA, 'DIR SMRAS PA, 'DI DAG GSAL BYED MED CES BYA BA LA SOGS PA SMOS TE, 'DI DAG CES BYA BA NI BYA BA RNAMS TE, RTAG TU MI DMIGS PA NYID DO, ,JI LTAR KHYED LA SKYED PAR BYED PA MED PA'I PHYIR, RTAG TU DMIGS PAR MI

60a

, ,'GYUR BA DE BZHIN DU KHO BO CAG LA 'GAL BAR BYED PA MED PA'I PHYIR RO ZHES BYA BA'I LAN MTSUNGS SO ZHES BYA BA NI GZHAN GYI BSAM PA'O, ,DE LTAR MA YIN ZHES BYA BA LA SOGS PAS LAN 'DEBS PAR BYED DE, 'DIR RTOG PA GNYIS TE, BYA BA GANG DANG GSAL BAR BYA BAR 'DOD PA DE DAG RANG BZHIN GYIS SHES PA SKYED PAR NUS PA ZHIG GAM, 'ON TE MA YIN DE LA NUS PA YIN NA RTAG TU STE, THAMS CAD DU DE LAS BYUNG BA'I SHES PAR 'GYUR TE, DE DAG NI NUS PA'I RANG BZHIN RTAG PA NYID KYIS SUS KYANG GEGS MA BYAS PA'I PHYIR TE, BOGS DBYUNG DU MED PA NI KHYAD PAR DU MA BYAS PAS GEGS BYA BAR MI NUS PA'I PHYIR RO, ,CI STE MI NUS PA YIN NA DE'I TSE DE DANG BRAL NA STE NUS PA DANG BRAL NA DE LAS BYUNG BA'I SHES PA NYID DU MI 'GYUR BA'I PHYIR GSAL BYED KYI NUS PAS CI ZHIG BYA, DE LTA BAS NA RTAG PA NYID DU 'DOD PA'I BYA BAS DE DAG GIS GSAL BYED NYID DU YONGS SU BRTAGS PA'I RGYU DAG JI LTAR YANG 'BREL PA MA YIN LA, MI RTAG PA RNAMS NI GSAL BAR BYED PA LAS SNGA NA MED PA SKYE BA YIN PA'I PHYIR DE LA GSAL BAR BYED PAR RIGS SO, ,GANG YANG, DE DAG NGO BO SHES PA YIS, ,YI GE BZHIN DU RTAG PAR 'DOD, ,CES SMRAS PA 'DI LA RTAG PA'I DON LA ZHES BYA BA SMOS TE, RTAG PA NYID DU BSGRUB PAR BYA BA LA GTAN TSIGS NYID DU BKOD PA'I SHES PA GANG YIN PA DE NI SNGAR BSTAN PA'I DNGOS PO BRTAG PAR BSAL ZIN TO, ,TSAD MA MED PAR NGES PA YI, ,NAG PA MED PA'I KHYAD PAR CAN, ,ZHES BYA BA LA SOGS PAS GANG SMRAS PA 'DI LA, NAG PA'I KHYIM NA ZHES BYA BA LA SOGS PA SMOS TE, RNAM PA GZHAN DU ZHES BYA BA NI NAG PA KHYIM NA MED PA PHYI ROL NA YOD PA MED PAR YANG 'GYUR BA STE, 'DIS NI MA NGES PAR BSTAN TO, ,CI STE LHA SBYIN GSON PO KHYIM NA MED PA GANG YIN PA DE DON GYIS GO BA'I DPER BRJOD PA 'DIR GTAN TSIGS NYID DU BRJOD KYI, MED PA TZAM NI MA YIN NO ZHE NA, DE LTAR MI RIGS TE, CI'I PHYIR ZHE NA, LHA SBYIN GSON PO DE LA YANG THE TSOM ZA BA'I PHYIR GTAN TSIGS THE TSOM ZA BA MA GRUB PAR 'GYUR RO, ,NGES PA MED PA'I RGYU BSHAD PA NI, NAG PA KHYIM NA ZHES BYA BA NI DE'I STE

60b

NAG PA'I GSON PA LA NGES PAR BYED PA'I TSAD MA MED PA'I PHYIR TSU ROL MTHONG BA THE TSOM ZA BA KHO NA'O, ,YANG CI STE GAL TE TSU ROL MTHONG BA LA NAG PA GSON PAR BYED PA'I MNGON SUM GYI TSAD MED MOD KYI RJES SU DPAG PA LA SOGS PA NI YOD PA NYID DO SNYAM NA, JI STE SKAD LA SOGS PA ZHES BYA BA LA SOGS PA SMOS TE, SKAD LA SOGS PA YIS ZHES PA NI DES BRJOD PA'I SGRA THOS PA'AM DE'I DUS NA YID CHES PAS RTZIG PA LA SOGS PAS CHOD PA DE MTHONG NAS LHA SBYIN GSON NO ZHES SMRAS PA'O, ,MNGON SUM LA SOGS PA LOG PA'I NGO BO DNGOS PO MED PA'I TSAD MA LAS, KHYIM NA STE KHANG PA NA NAG PA MED PAR NGES PA NA GSON PA'I KHYAD PAR CAN GYI NAG PA MED PAR GRUB PA'I PHYIR DNGOS PO MED PAS KUN NAS BSLANG BA DON GYIS GO BA 'DI TSAD MA NYID DU GRUB PA YIN NO, ,DE LA YANG ZHES BYA BA LA SOGS PAS NI LAN 'DEBS PAR BYED DO, ,'DI NI RJES SU DPAG PA'I KHONGS SU 'DUS PA BSHAD PA YIN TE, 'DI LTAR NAG PA NI CHOS CAN NO, ,DE PHYI ROL NA YOD PA NI BSGRUB BYA'O, ,GSON PA'I KHYIM NA MED PA NI GTAN TSIGS SO, ,YANG NA KHYIM NA MED PA NA GSON PA NI GTAN TSIGS SU BYA'O, ,KHYIM GYI DANG RA BA NA GNAS PA'I SKYES BU NI CHOS MTHUN PA'I DPE'O, ,KHYIM NA GNAS PA NI CHOS MI MTHUN PA'I DPE'O, ,KHYI MA NI KHANG PA'O, ,KHYAB PA NI DPE DAG LAS NGES SO, ,GTAN TSIGS MA GRUB PA YANG MA YIN TE, 'DI LTAR RE ZHIG KHYIM NA MED PA NYID NI SNANG BA MI DMIGS PAS NGES LA, GSON PA NI GZHAN GYIS KHAS BLANGS PA LAS GRUB PO, ,DON DAM PAR NI GTAN TSIGS THE TSOM ZA BA YIN TE, GSON PA NYID DU NGES PAR BYED PA'I TSAD MA CUNG ZAD KYANG YOD PA MA YIN NO, ,SGRA LA SOGS PA YOD PA NYID DO ZHES PA BSTAN PA MA YIN NAM ZHE NA, 'ON TE DE LTA NA SGRA LA SOGS PA GANG KHO NA LAS GSON PAR NGES PA NYID LAS PHYIR ROL NA YOD PA GRUB PA'I PHYIR DON GYIS GO BAS CI ZHI BYA, DE LTA BAS NA GZHAN GYIS KHAS BLANGS PA LAS GTAN TSIGS GRUB PAR KHAS BLANGS NAS RJES SU DPAG PA'I KHONGS SU 'DUS PAR BSTAN TO, ,DON GYIS GO BA RNAM PAR DPYAD PA'O, ,DNGOS PO MED PA'I

61a

, ,DBANG DU BYAS NAS, DNGOS PO'I NGO BO GANG ZHIG LA, ,ZHES BYA BA LA SOGS PA SMOS TE, DE LA SPYOD PA RNAMS KYIS YOD PA DANG MED PA'I MTSAN NYID CAN GYI DNGOS PO DANG DE DNGOS PO MED PA DAG NI DNGOS PO NYID YIN TE, DNGOS PO THAMS CAD YOD PA DANG MED PA'I NGO BOS GNYIS KYI BDAG NYID YIN NO ZHES BYA BA KHAS BLANGS SO, ,DE LA YOD PA DANG MED PA'I NGO BO GNYI GA'I BDAG NYID KYIS DNGOS PO RNAM PAR GNAS PA NA DNGOS PO'I RANG GI NGO BO DE LA STE DNGOS PO'I CHA MED PA'I NGO BO LA TSAD MA LNGA PO STE DON GYIS GO BA'I MTHAR THUG PA MI SKYE'O, ,CI'I DON DU ZHE NA, DNGOS YOD RTOGS PAR BYA BA'I PHYIR TE, DNGOS PO'I YOD PA'I CHA RTOGS PAR BYA BA'I DON DU'O, ,DE LA DNGOS PO MED PA'I CHA'I GZHAL BYA LA, DNGOS PO MED PA'I TSAD MA NYID YIN NO, ,'DIS NI 'DI'I YUL 'BA' ZHIG BSTAN GYI RANG GI NGO BO NI MA YIN NO, ,'O NA 'DI'I RANG GI NGO BO CI 'DRA BA YIN ZHE NA, MNGON SUM LA SOGS PA ZHES BYA BA LA SOGS PA SMOS TE, MNGON SUM LA SOGS PA DON GYIS GO BA'I MTHAR THUG PA MA SKYES PA NI DNGOS PO MED PA'I TSAD MAR 'DOD DO, ,DNGOS PO MED PA'I TSAD MA ZHES BYA BA NI DRUG PA DE'I SKYES BU'AM LAS 'DZIN PA YIN NO, ,KHA CIG TU TSAD MA LAS DNGOS MED CES 'DOD PA DER NI DMIGS KYIS DGAR BA'I BDUN PA RIGS GCIG GI TSIG YIN TE, TSAD MA RNAMS KYI NANG NAS DNGOS PO MED PA'I TSAD MA ZHES BYA BA'I DON TO, ,JI SKAD DU RI KHROD RJES DNGOS PO MED PA YANG DNGOS PO MED PA'I TSAD MA STE, MED PA ZHES BYA BA 'DI'I DON GYIS NYES PA MA YIN PA'O ZHES BSHAD DO, ,YANG MA SKYES PA ZHES BYA BA 'DI'I CI ZHIG CE NA, DE DAG YONGS SU MA GYUR BA'AM, ,DNGOS GZHAN RNAM PAR SHES PA YIN, ,ZHES BYA BA SMOS TE, MNGON SUM LA SOGS PA MA SKYES PA DE DGAG PAR BYA BA MNGON PAR 'DOD PA'I BUM PA LA SOGS PA'I DNGOS PO SHES PA'I NGO BOS YONGS SU MA GYUR PA DNGOS PO GNAS PA'I BDAG NYID BRJOD PA'AM BUM PA LA SOGS PA DBEN PA'I SA PHYOGS KYIS PHYOGS KYI SHES PA YIN NO, ,'ON TE DNGOS PO MED PA ZHES BYA BA DNGOS PO DANG BRAL BA LA BRJOD PA MA YIN NAM, DES NA 'DI JI LTAR

61b

DNGOS PO NYID YIN, DNGOS PO DANG BRAL BA NI DNGOS POR 'GYUR BA MA YIN NO ZHES DOGS PA BSU NAS, DNGOS PO MED PA DNGOS PO NYID DU GRUB PA'I PHYIR, DNGOS MED TSAD MAS ZHES BYA BA SMOS TE, GAL TE DNGOS PO MED PA'I TSAD MA DNGOS POR MA GYUR NA, DE LTA NA NI 'DI NUS PA THAMS CAD KYIS STONG PAS DES NA DNGOS PO MED PA ZHIG RTOGS PAR MI 'GYUR BA DANG, SNGA NA MED PA LA SOGS PA'I BYE BRAG GIS DNGOS PO MED PA RNAM PA BZHIR YANG MI 'GYUR BA ZHIG NA, DE LTAR YANG MA YIN NA, DE LTA BAS NA DNGOS PO MED PA RTOG PA RNAM PA GZHAN DU MI 'THAD PA DANG RNAM PA BZHIR DBYE BA'I 'JIG RTEN GYI THA SNYAD GZHAN DU MI 'THAD PAS DNGOS PO MED PA NI DNGOS PO NYID YIN NO, ,KHA CIG NI 'DI GNYIS NI DNGOS PO MED PA'I TSAD MA'O ZHE'O, ,GZHAN DAG NI RNAM PA BZHIR DBYE BA ZHES BYA BA 'DI NI RJES SU DPAG PA YIN NO ZHES SMRAS PAR BYED DO, ,TSAD MA YANG 'DI LTAR BYED DO, , DNGOS PO MED PA NI DNGOS PO MED PA NYID YIN TE, DBYE BAR BYA BA YIN PA'I PHYIR BUM PA LA SOGS PA BZHIN NO ZHES BYA BA'O, ,JI LTAR 'DI RNAM PA BZHIR DBYE BA DE LTAR BSTAN PA'I PHYIR, ZHO SOGS ZHES BYA BA LA SOGS PA SMOS TE, 'JIG RTEN 'O MA DANG SA LA SOGS PA'I RGYU LA ZHO DANG BUM PA LA SOGS PA'I MTSAN NYID KYI 'BRAS BU MED DO ZHES BYA BA DE LTA BU RTOGS PA GANG YIN PA DE NI SNGA NA MED PA ZHES BYA STE, GAL TE SNGA NA MED PA MED PAR GYUR NA 'O MA LA SOGS PA LA 'BRAS BU ZHO LA SOGS PA YOD PA NYID DU 'GYUR RO, ,DE BZHIN DU ZHO LA 'O MAR BRJOD PA MED PA NYID GANG YIN PA 'DI NI ZHIG NAS MED PA YIN TE, DE LTA MA YIN NA ZHO 'O MA NYID DU 'GYUR RO, ,BA LANG LA SOGS PA LA RTA LA SOGS PA MED PA NI GCIG LA GCIG MED PAR BRJOD DO, ,GANG GI PHYIR DE LA BA LANG LA SOGS PA'I GZHAN GYI NGO BO RTA LA SOGS PA'I RANG BZHIN MED DE, DE LTA BAS NA DE GNYIS NI GCIG LA GCIG MED PAR BRJOD DO, ,DE LTA MA YIN TE GAL TE GCIG LA GCIG MED PAR MA GUR NA BA LANG LA SOGS PA LA RTA LA SOGS PA YOD PAR 'GYUR RO, ,RI BONG GI MGO BO'I YAN LAG SPOM PA 'PHEL BA DANG SRA BA DAG DANG BRAL BA'I RI BONG GI RVA LA SOGS PA'I NGO

62a

, ,BOS SHIN TU MED PA NI GTAN NAS MED PA ZHES BYA'O, ,'DIR GAL TE YANG DNGOS PO LA BRTEN NAS GCIG LA GCIG MED PA YIN PA DE LTAR NA YANG 'JIG RTEN GYI GRAGS PAS GTAN NAS MED PA ZHES BRJOD KYI, PHAL CHER 'JIG RTEN NA GZHI MTHUN PA'I THA SNYAD KYIS GCIG LA GCIG MED PA'I THA SNYAD DU BYED DE, DPER NA 'DI NI BA LANG YIN GYI RTA NI MA YIN NO ZHES BYA'I, 'DI RI BONG YIN GYI RVA NI MA YIN NO ZHES BYA BA DE LTA BU NI MA YIN NO, ,GAL TE GCIG LA GCIG MED PA MED PAR 'GYUR NA RI BONG LA RVA YOD PA NYID DU 'GYUR RO, ,DE SKAD DU YANG GZHON DU MA LEN GYIS, GAL TE 'DI NI TSAD MA LEN, ,'O MA ZHO NYID DU 'GYUR TE, ,ZHO NI 'O MAR BUM SNAM BUR, ,RI BONG LA RVA PA SOGS LA, ,SEMS CAN DAG NI LUS CAN DANG, ,CHU LA DRI DANG ME LA RO, ,RLUNG LA DE DAG DANG BCAS GZUGS, ,MKHA' LA DE DAG DANG BCAS REG ,CES SMRAS TE, DE LA SEMS PA CAN NI BDAG GO, ,LUS CAN NI SRA BA'O, ,DE DAG DANG GZUGS ZHES BYA BA NI DRI DANG RO DE DAG GZUGS DANG BCAS PA RLUNG LA YOD PAR 'GYUR BA'O, ,DE DAG DANG BCAS REG CES BYA BA NI GZUGS DANG RO DANG DRI DE DAG REG PA DANG BCAS PA NI MKHA' LA STE NAM MKHA' LA YOD PAR 'GYUR RO, ,GAL TE DNGOS PO MED PA SNGA NAS MED PA LA SOGS PA BYE BRAG GIS THA DAD PAR MA GYUR NA 'JIG RTEN NA RGYU LA SOGS PA'I BYE BRAG GIS THA SNYAD DU BYED PAR MI 'GYUR RO, ,DPER NA GANG ZHIG ZHO DON DU GNYER BA 'O MA LEN PAR MI BYED KYI 'O MA DON DU GNYER BA ZHO LEN PA NI MA YIN NO, , DE BZHIN DU BA LANG DON DU GNYER BA RTA MI LEN ZHING RTA DON DU GNYER BA BA LANG YANG MA YIN NO ZHES BYA BA DE LTA BU LA SOGS PA RGYU LA SOGS PA'I BYE BRAG THA SNYAD DU BYED DO, ,CI STE YANG GAL TE 'DI RNAM PA BZHIR GYUR PA DE LTA NA YANG DNGOS PO NYID DU 'GYUR BAR BYA DGOS SO ZHES BYA BA GA LAS YIN ZHE NA, DBYE BA 'DI DNGOS MED LA ZHES BYA BA LA SOGS PA SMOS TE, DNGOS PO MED PA LA NI THA DAD PAR RIGS PA MA YIN TE, DE NI DNGOS PO LA BRTEN PA NYID KYI PHYIR RO, ,DE LTA BAS NA DNGOS PO MED PA NI DNGOS PO YIN NO, ,'DI'I DNGOS PO NYID CI 'DRA BA YIN NO ZHE NA, 'BRAS BU LA SOGS ZHES BYA BA

62b

SMOS TE, 'O MA LA SOGS PA'I RGYU'I DNGOS PO GANG YIN PA DE NYID ZHO LA SOGS PA'I 'BRAS BU'I DNGOS PO MED PA NYID YIN LA, ZHO LA SOGS PA 'BRAS BU'I DNGOS PO GANG YIN PA DE NYID 'O MA LA SOGS PA RGYU'I DNGOS PO MED PA YIN NO ZHES BYA BA 'DI NI DNGOS PO MED PA'I DNGOS PO YIN NO, , YANG 'DI'I DNGOS PO NYID RJES SU DPAG PAS GRUB PAR BYA BA'I PHYIR YANG NA ZHES BYA BA LA SOGS PA SMOS TE, DNGOS PO MED PA NI DNGOS PO ZHES BYA BA NI PHYOGS SO, ,RJES SU 'JUG PA DANG LDOG PA'I BLO'I GZUNG BAR BYA BA YIN PA'I PHYIR DANG GZHAL BYA YIN PA'I PHYIR ZHES BYA BA GTAN TSIGS GNYIS SO, ,BA LANG SOGS BZHIN ZHES BYA BA NI DPE'O, ,DE LA RJES SU 'JUG PA'I BLO NI BZHI CHAR LA MED PA ZHES BYA BA'I GCIG GI RNAM PA CAN GYI SHES PA'O, ,LDOG PA'I BLO NI 'DI SNGA NA MED PA YIN GYI ZHIG NAS MED PA NI MA YIN NO ZHES BYA BA'I THA DAD PA'I RNAM PA'I SHES PA'O; ;DE LA GZHON NU MA LEN GYIS DNGOS PO MED PA RNAM PA GSUM BRJOD DE BDAG YONGS SU MA GYUR PA NI GCIG GO, ,DNGOS PO'I KHYAD PAR GZHAN SHES PA NI GNYIS PA STE, DE BDAG YONGS SU MA GYUR PA'AM, ,DNGOS GZHAN RNAM PAR SHES PA YIN, ,ZHES BSHAD PA'I PHYIR RO, , CHAD MA LOG PA TZAM GYI BDAG NYID NI GSUM PA STE, MTSAN NYID GSUM GYIS BSKYED BYA GANG, ,BLO DE RJES SU DPAG PAR 'DOD, ,SKYE BA MED PA'I NGO BO NI, ,'GAR YANG RGYU LA RAG LAS MIN, ,ZHES BSHAD PA'I PHYIR RO, ,DE LA DNGOS PO MED PA GSUM PA 'DI LA KLAN KA 'DOGS PHAL LAN GDAB PAR BYA BA'I PHYIR, DNGOS MED JI LTAR TSAD MA YIN, ,ZHES BYA BA SMOS SO, ,CI STE JI LTAR MNGON SUM LA SOGS PA MA SKYES PA DNGOS PO MED PA'I TSAD MAR BRJOD CE NA, 'DI LA BRJOD PA, 'DI LA GZHAL BYA'ANG CI 'DRA ZHIG ,CES BYA BA BRJOD PAR BYA DGOS SO, , 'DIR CI ZHIG BRJOD PAR BYA, ,DNGOS PO MED PA'I NGO BO NYID GZHAL BYA YIN NO ZHE NA, 'O NA DE LTA NA GZHAL BYA JI LTA BUR GYUR PA TSAD MA YANG DE LTA BUR GYUR PA NYID YIN NO ZHES 'DOD PAR GYIS SHIG ,DE'I PHYIR, DNGOS MED JI LTAR TSAD MA YIN, ,ZHES CI STE RJOD PAR BYED DE, TSAD MA DANG MI

63a

, ,'DRA BA NI RIGS PA MA YIN NO, ,DNGOS PO MED PA TSAD MA YIN LA RAG MOD, 'DI JI LTAR MNGON SUM LA SOGS PA LAS THA DAD PA YIN ZHE NA, TSAD MA RNAMS KYIS ZHES BYA BA LA SOGS PA SMOS TE, MNGON SUM LA SOGS PA'I TSAD MA'I DNGOS PO MED PA'I TSAD MA NI MNGON SUM LA SOGS PA LAS THA DAD PA YIN TE, DNGOS PO MED PA'I SGRA'I BRJOD PAR BYA BA YIN PA'I PHYIR GZHAL BYA DNGOS PO MED PA BZHIN NO, ,RNAM PA GCIG TU NA DNGOS PO MED PAR BRJOD PA'I GZHAL BYA NI CHOS CAN NO, ,DE'I RANG DANG RJES SU MTHUN PA'I TSAD MA'I GZHAL BYA NYID NI BSGRUB PAR BYA BA'O, ,GZHAL BYA YIN PA'I PHYIR ZHES BYA BA NI GTAN TSIGS SO, ,DNGOS POR BRJOD PA'I GZHAL BYA NI DPE'O, ,RANG DANG RJES SU MTHUN PA'I TSAD MA GANG YIN PA DE LAS BYUNG BA'I MNGON SUM LA SOGS PA LAS GZHAN YIN NO ZHES BYA BAR GRUB PO, ,DES 'DIR ZHES BYA BA LA SOGS PAS LAN 'DEBS PAR BYED DO, ,'DI NI BDAG NYID YONGS SU MA GYUR PA'AM ZHES BYA BA'I DNGOS PO MED PA'I MTSAN NYID DANG PO MI SRID PAR STON TO, ,'DI LTAR MA YIN PAR 'JUG PA LAS YONGS SU 'GYUR BA LAS BZLOG PA YONGS SU 'GYUR BA MA YIN PA RES 'GA' BA MTSAN NYID DU 'DOD DO, ,DE LTA MA YIN TE GAL TE MA YIN PAR 'JUG PAS RES 'GA' BAR 'DOD PA MA YIN NA DE'I TSE THAMS CAD DU DNGOS PO MED PA NYID RTOGS PAR 'GYUR RO, ,YONGS SU 'GYUR BA MA YIN PA DE YANG JI SKAD DU BSHAD PA'I BDAG LA MI SRID PA'O, ,GANG GI PHYIR RTAG PA'I SEMS CAN GYI YONGS SU 'GYUR BA BSAL ZIN PA DE'I PHYIR MA YIN PAR 'JUG PAS DE LAS LDOG PA'I YONGS SU GYUR PA MA YIN PA LA BRTEN PA GA LA 'GYUR, DE LA YOD PA NI BDAG GO, ,'DI NI RTAG PA YANG YIN LA SEMS CAN YANG YIN PAS RTAG PA'I SEMS CAN NO, ,YANG NA RTAG PA'I SEMS CAN DE YOD PA GANG LA YOD PA DE LA DE SKAD CES BYA STE, RTAG PA ZHES BYA BA'I THA TSIG GO, ,DE LAS BZLOG PA'I DNGOS PO NI, ,ZHES BYA BA NI YONGS SU 'GYUR BA DE'I BZLOG PA YONGS SU 'GYUR BA MA YIN PA DE'I RES 'GA' BAR RIGS PA MA YIN NO, ,'O NA CI ZHE NA, THAMS CAD DU 'GYUR TE, BDAG NI RTAG PA DANG GCIG DU'I

63b

NGO BO YIN PHYIR RO, ,CI STE YONGS SU 'GYUR BA MA YIN PA YONGS SU 'GYUR BA LAS BZLOG PA'I BDAG NYID NI MA YIN NO, ,'O NA CI ZHE NA, YONGS SU 'GYUR BA BKAG PA TZAM GYI BDAG NYID DE, DES NA MTSAN NYID MI SRID PAR MI 'GYUR ZHES BYA BAR 'DOD NA, 'DI SMRAS PA, GAL TE 'PHEN ZHES BYA BA LA SOGS PA STE, DE STE, YONGS SU 'GYUR BA 'PHEN PA STE, DGAG PA DE NYID TZAM DE KHO NA'I BDAG NYID KYI RANG BZHIN YONGS SU MI 'GYUR BA GANG LA YOD PA DE LA DE SKAD CES BYA'O, ,'DI NI ZHES BYA BA NI LDOG PA'I BDAG NYID YONGS SU MI 'GYUR BA'O, ,BDAG NI RTAG PA DANG GCIG PU'I NGO BO YIN PA'I PHYIR YONGS SU 'GYUR BA MED PA'I PHYIR RO, ,MI 'GYUR MOD CES KHAS BLANGS NAS YONGS SU MI 'GYUR BA'I MTSAN NYID HA CANG KHYAB PA'I SKYON BSHAD PA NI MI 'KHRUL BA NYID CES BYA BA STE, HA CANG KHYAB PA NYID DO, ,RGYAL LA SOGS ZHES BYA BA'I SOGS PA'I SGRAS CHOD PA DANG RGYAB KYIS PHYOGS PA LA SOGS PA'I GNAS SKABS GZUNG NGO, ,DE YOD NA YANG ZHES BYA BA NI BUM PA LA SOGS PA'I SHES PA'I NGO BO'I YONGS SU MI 'GYUR BA'I BDAG GI RDZAS YOD NA YANG NGO, ,CI STE DMIGS PA'I RKYEN LAS MA GTOGS PA'I RKYEN GZHAN YOD PA NA BUM PA LA SOGS PA'I SHES PAS DBEN PA'I SA PHYOGS KYI SHES PA NYID YONGS SU MI 'GYUR BAR 'DOD DE, BUM PA LA SOGS PA'I SHES PA'I NGO BOS YONGS SU MI 'GYUR BA'I PHYIR RO, ,DE NI ZHES BYA BA NI BDAG GO, ,'DI ZHES BYA BA NI YONGS SU MI 'GYUR BA'O, ,DE LTA YIN NA, DNGOS GZHAN RNAM PAR SHES PA YIN, ,ZHES BYA BA PHYOGS GNYIS LAS 'DI KHYAD PAR MA BRJOD PAR 'GYUR RO, ,DE LTA YIN DANG PHYOGS GNYIS BSTAN PA DON MED PAR 'GYUR RO, ,DNGOS GZHAN ZHES BYA BA LA SOGS PAS DNGOS PO MED PA'I MTSAN NYID GNYIS PA 'KHRUL PA NYID DU BSHAD DO, ,MA MTHONG BA YANG ZHES BYA BA NI YUL DANG DUS DANG RANG BZHIN GYIS BSKAL BA'O, ,DNGOS MED GNYIS PA ZHES BYA BA NI, DNGOS GZHAN RNAM PAR SHES PA YIN, ,ZHES BYA BA DE LAS SO, ,YANG NA CI STE MA MTHONG BA THAMS CAD KYI BSGRUB PAR BYA BA MED PA YIN PAR 'DOD PA NI MA YIN NO, ,'O NA CI ZHE NA, DE

64a

, ,MTSUNGS RUNG BA'I NGO BO CAN TE BUM PA LA SOGS PA'I SA PHYOGS DMIGS PA DE DANG MTSUNGS PA'I RUNG BA'I NGO BO NYID DO, ,RUNG BA NYID GANG LA YOD PA DE SKAD CES BYA STE, DMIGS PA'I MTSAN NYID DU GYUR PA ZHES BYA BA'I THA TSIG GO, ,DE YIS DBEN PA SHES PA NA, ,ZHES BYA BA NI BUM PA LA SOGS PAS DBEN PA'I SA PHYOGS SHES PA NA'O, ,DE LTA YIN NA ZHES BYA BA LA SOGS PAS LAN 'DEBS PAR BYED DE, BLTA BAR NUS PA DMIGS PA'I MTSAN NYID DU 'GYUR BA'I DNGOS PO SNANG BA RNAM PA GANG LA YOD PA DE NI DE LTA BU YIN LA, 'DI NI BLTA BAR NUS PA'I DNGOS PO SNANG BA YANG YIN LA, MNGON SUM YANG YIN NO ZHES BYA BA NI LAS 'DZIN PA'O, ,GZHAN DAG GIS MIN ZHES BYA BA NI RJES SU DPAG PA LA SOGS PA RNAMS KYIS TE, GANG GI PHYIR DE DAG GI YUL LKOG TU GYUR PA'I DON NYID YIN NO, ,DE LA LDOG PA NA YUL DANG DUS DANG RANG BZHIN GYIS BSKAL BA'I LKOG TU GYUR PA LDOG PA YANG MA YIN NO, ,DE'I PHYIR DE DAG LDOG PA NI 'KHRUL PA CAN YIN NO, ,DE LTA YIN DANG, MNGON SUM LA SOGS MA SKYES PA, ,ZHES BYA BA 'DI LA SOGS PA SMOS PA DON MED PAR 'GYUR RO, ,GZHAN YANG GAL TE DE LAS GZHAN PA'I DNGOS PO SHES PAR NGES PAR GYUR NA DE LTAR NA CIG SHOS MED PA SGRUB PAR BYED DO ZHES BYA BA DE LTA BU GDON MI ZA BAR KHAS BLANG BAR BYA DGOS TE, GZHAN DU NA YOD PA TZAM GYIS DE LAS DNGOS PO MED PA GRUB NA SKYES BU GCIG LAS SKYES PA'I SHES PA DE LAS KYANG SKYES BU THAMS CAD KYIS DNGOS PO MED PA GRUB PAR THAL BAR 'GYUR RO, ,DE LA DPYOD PA PA GANG GIS BLO MNGON SUM MA YIN PAR KHAS LEN PA DES DNGOS PO GZHAN LA SHES PA 'DI SKYE BAR JI LTAR SHES PAR 'GYUR TE MI 'GYUR BA KHO NA'O, ,GAL TE DON GYIS GO BA LAS, ,ZHES BYA BA NI SHES ZHES SKABS DANG SBYAR RO, ,JI SKAD DU DON MA SHES PA NA BLO MI 'GRUB PA'I PHYIR DON SHES PA'I RTAGS LAS BLO RJES SU DPOG PAR BYED DO ZHES BSHAD PA LTA BU'O, ,DE LA RTAGS KYI TSIG NI GZHAN DU MI 'THAD PA RJOD PAR BYED PA YIN TE, DON SHES PA GZHAN DU MI 'THAD PA'I PHYIR ZHES BYA BA'I THA TSIG GO, ,RJES SU DPAG PAR BYED DE 'JAL BAR BYED

64b

DO ZHES BYA BA'I THA TSIG GO, ,'O NA GAL TE DON GYIS GO BA DE YANG SHES PA'I BDAG NYID YIN PA'I PHYIR DE YANG GANG LAS RTOGS ZHES BRJOD PAR BYA'O, ,DON GYIS GO BA GZHAN LAS SO ZHE NA, DE LTA YIN NA THUG PA MED PAR 'GYUR RO, ,GZHAN YANG GAL TE DNGOS PO MED PA DNGOS PO NYID DU KHAS LEN NA DE'I TSE JI LTAR DNGOS PO MED PA'I TSAD MA DNGOS PO YIN PA DE BZHIN DU DNGOS PO MED PA'I GZHAL BYA YANG YIN PAS DE'I PHYIR DNGOS PO MED PA DNGOS PO NYID YIN PA'I PHYIR MNGON SUM NYID DU CI'I PHYIR KHAS LEN PAR MI BYA'O, ,GANG GIS DE RTOGS PAR BYA BA'I PHYIR DNGOS PO MED PA ZHES BYA BA'I TSAD MA GZHAN DU RTOGS PAR BYED, JI SKAD DU 'BRAS BU LA SOGS PA DNGOS PO MED PA RGYU LA SOGS PA'I DNGOS PO YIN ZHE BSHAD PA LA, 'BRAS BU LA SOGS DNGOS MED PA, ,ZHES BYA BA LA SOGS PAS MNGON SUM GYI KHONGS SU 'DUS PA DE NYID SGRUB PAR BYED DO, ,GZHAN GYIS DBEN PA'I BDAG NYID KYI RGYU LA SOGS PA'I DNGOS PO DE YANG 'BRAS BU LA SOGS PAS DBEN PA'I RANG BZHIN MNGON SUM NYID YIN PA'I PHYIR, GANG GI TSAD MA GZHAN DU 'GYUR BA DNGOS PO MED PA'I GZHAL BYA GZHAN NI YOD PA MA YIN NO, ,SBYOR BA NI GANG ZHIG GANG LAS THA DAD PA'I GZHAL BYA MED PA DE NI DE LAS TSAD MA GZHAN MA YIN TE, TSAD MA BDUN PA BZHIN NO, ,DNGOS PO MED PA LA YANG MNGON SUM GYI GZHAL BYA LAS THA DAD PA'I GZHAL BYA YOD PA MA YIN NO ZHES BYA BA NI KHYAB PAR BYED PA DMIGS PA'O, ,'DI LA GZHAN GYIS GTAN TSIGS MA GRUB PA NYID DU BSTAN PA'I PHYIR, RANG NGOS ZHES BYA BA LA SOGS PA SMOS TE, GAL TE DNGOS PO GCIG GI BDAG NYID KHO NAR GYUR NA MED PA GZHAL BYAR 'GYUR TE, GANG GI PHYIR RANG GI NGO BO DANG GZHAN GYI NGO BO DAG GIS GO RIMS BZHIN DU YOD PA DANG MED PA'I BDAG NYID KYI DNGOS PO GNYIS KA'I BDAG NYID YIN NO, ,DNGOS PO GNYI GA'I BDAG NYID DU GNAS PA DE LA NGO BO STE RANG BZHIN CUNG ZAD CIG TSAD MA 'GA' ZHIG GIS SHES PAR BYED KYI THAMS CAD THAMS CAD KYIS NI MA YIN NO, ,DE NYID STON PA NI GANG TSE ZHES BYA BA LA SOGS PA STE, GANG GI TSE DNGOS PO'I CHA 'DZIN PA DE'I TSE MNGON SUM LA SOGS PA LNGA'I BYA BA

65a

, ,YIN GYI DNGOS PO MED PA NI MA YIN NO, ,DNGOS PO MED PA'I CHA 'DZIN PAR 'DOD PA NA DE MA SKYES PA'I BYA BA YIN TE, MNGON SUM LA SOGS PA DE DAG MA SKYES PA STE, DNGOS PO MED PA ZHES BYA BA'I THA TSIG GO, ,GAL TE GCIG GNYI GA'I BDAG NYID DU GYUR NA GTAN TSIGS MA GRUB PAR 'GYUR NA, GANG GI PHYIR GCIG GNYI GA'I BDAG NYID YIN NA NI 'GAL BA YIN NO ZHES BSTAN PA'I PHYIR, DNGOS PO RNAMS GZHAN LAS ZHES BYA BA LA SOGS PA SMOS TE, GZHAN GYI NGO BOS DNGOS PO GZHAN LAS LDOG PA NI MA YIN NO, ,'O NA CI ZHE NA, RANG GI NGO BOS TE, DE LTA YIN DANG DNGOS PO RNAMS RANG GI NGO BO NYID RANG BZHIN NYID DNGOS PO GZHAN LAS LDOG PAR DMIGS TE RANG RANG GI NGO BO LA GNAS PA'I PHYIR RO, ,BDAG NYID GANG GIS LDOG PA DES DNGOS PO DE YOD PA NYID YIN GYI MED PA NI MA YIN NO, ,DNGOS PO DE YANG LDOG PA'I BDAG NYID DES MNGON SUM YIN PA'I PHYIR GNYIS PA'I NGO BO DMIGS PA MA YIN NO, ,DE LTAR RE ZHIG GNYI GA'I BDAG NYID DU DAM BCA' BA LA MNGON SUM DANG 'GAL BAR BSTAN NAS DA NI RJES SU DPAG PA DANG 'GAL BAR BSTAN PA'I PHYIR DON BYED NUS PA ZHES BYA BA SMOS TE, GANG ZHIG DON GYI BYA BA BYED PA DE NI YOD PA YIN TE, YOD PAR MNGON PAR 'DOD PA'I DNGOS PO BZHIN NO, ,YOD PAR 'DOD PA'I DNGOS PO YANG DON GYI BYA BA BYED PA YIN NO ZHES BYA BA NI RANG BZHIN GYI GTAN TSIGS SO, ,GANG YANG PHAN TSUN 'GAL BA DE DAG NI DNGOS PO GCIG LA 'DU BA MA YIN TE, DPER NA GRIB MA DANG NYI MA DAG GAM, GRANG BA DANG DRO BA DAG BZHIN NO, ,YOD PA DANG MED PA'I NGO BO DAG KYANG PHAN TSUN 'GAL BA YIN NO ZHES BYA BA NI KHYAB PAR BYED PA 'GAL BA DMIGS PA'O, ,GAL TE RANG BSGRUB BYA LA NUS ZHES BYA BA LA SOGS PAS GZHAN DAG GANG NA TSIGS MA GRUB PAR STON PAR BYED PA YIN TE, 'DI LTAR YANG NA DNGOS PO GCIG RANG GI BSGRUB PAR BYA BA'I DON GYI BYA BA LA NUS PA LA, GZHAN GYI BSGRUB PAR BYA BA LA NI MI NUS TE, DE LTA BAS NA DON GYI BYA BA MED PA'I MTSAN NYID KYI GTAN TSIGS NI MA GRUB PA YIN NO, ,GZHAN GYI BSGRUB PAR BYA BA'I DON GYI BYA BA LA LTOS NAS DNGOS PO'I DON GYI BYA BA BYED PA NYID

65b

MA GRUB LA, YOD PA DANG MED PA'I NGO BO DAG NI PHAN TSUN 'GAL BA YANG MA YIN TE LTOS PA MED PA'I PHYIR, 'DI LTAR RANG GI SGRUB PAR BYED PA'I DON GYI BYA BA LA LTOS NAS YOD PAR BRJOD LA, GZHAN GYI BSGRUB PAR BYA BA LA LTOS NAS NI MED PA ZHES BYA'O, ,GAL TE RANG GI BSGRUB BYA NYID LA LTOS NAS KYANG MED PA NYID DU BRJOD PAR GYUR NA NI PHAN TSUN 'GAL BAR 'GYUR RO, ,'DIR LAN SMRAS PA NI DE NYID LAS ZHES BYA BA STE, RANG GI BSGRUB PAR BYA BA LA NUS PA'I DNGOS PO'I NGO BO GANG YIN PA DE NYID GZHAN GYI BSGRUB PAR BYA BA LA MI NUS PA YIN GYI GZHAN NI MA YIN NO, ,LTOS PA'I BYE BRAG GIS SGRA THA DAD PAS DNGOS PO THA DAD PA NI MA YIN TE, DE NI CHA MED PA YIN PA'I PHYIR RO, ,DE NYID LAS ZHES BYA BA NI DE'I PHYIR GYI DON TE, GNYIS NYID KYI NGO BO GCIG LA YOD PA MA YIN NO, ,CI STE GZHAN GYI BSGRUB PAR BYA BA'I DON BYED PAR MI NUS PA NI GZHAN NYID YIN GYI DE NYID NI MA YIN NO ZHE NA, GAL TE NUS PA MED GZHAN LAS, ,ZHES BYA BA SMOS TE, DE LTA NA 'O NA DON BYED PAR NUS PA GANG YIN PA DE NI DNGOS PO GCIG GO, ,GANG YANG DON BYED MI NUS PA DE NI GNYIS PA YIN NO ZHES BYA BA KHYED CAG GIS DNGOS PO GNYIS NYID BSTAN PA 'BA' ZHIG TU ZAD KYI GCIG GNYI GA'I BDAG NYID NI MA YIN NO, ,TSAD MA LOG PA TZAM GYI BDAG NYID KYIS DNGOS PO MED PA'I MTSAN NYID GSUM LA SUN 'BYIN PA BSHAD PA NI, DNGOS PO MED PA ZHES BYA BA LA SOGS PA STE, SNGAR KHAS BLANGS ZHES BYA BA NI, ,DE BDAG YONGS SU 'GYUR BA'AM, ,DNGOS GZHAN RNAM PAR SHES PA YIN, ,ZHES SMRAS PA'I PHYIR RO, ,SLAR YANG DE NI DNGOS MED PAR, ,ZHES BYA BA NI TSAD MA'ANG DE LTAR 'DOD PAR GYIS ZHES SMRAS PA'I PHYIR RO, ,TSAD MA'I MTSAN NYID NI YUL RTOGS PA YIN PA'I PHYIR DNGOS PO MED PA NI TSAD MA NYID DU RIGS PA MA YIN NO ZHES BYA BA NI 'CHAD PAR 'GYUR PA'I BSAM PA'O, ,BSAM PA DE NYID BSTAN PA'I PHYIR, ,NGO BO MED CES BYA BA LA SOGS PA SMOS TE, DE ZHES BYA BA NI TSAD MA NYID DO, ,GANG ZHIG GZHAL BYA RTOGS PA'I NGO BO MA YIN PA DE NI TSAD MA MA YIN TE, BUM PA LA SOGS PA BZHIN NO, ,DNGOS PO MED PA YANG GZHAL BYA RTOGS PAS

66a

, ,STONG PA YIN NO ZHES BYA BA NI KHYAB PAR BYED PA MI DMIGS PA'O, ,'DI SNYAM DU MIG LA SOGS PA GZHAL BYA RTOGS PA'I NGO BO MA YIN YANG GZHAL BYA RTOGS PA'I RGYU YIN PA'I PHYIR TSAD MA NYID DU BRJOD PA DE BZHIN DU DNGOS PO MED PA YANG YIN PA'I PHYIR GTAN TSIGS MA GRUB PA YIN NO SNYAM DU SEMS NA, GAL TE DE YI RGYU YIN PHYIR, ,ZHES BYA BA LA SOGS PA SMOS TE, TSAD MA'I RGYU YIN PA'I PHYIR NYE BAR BRTAGS NAS TSAD MAR RTOGS PA NI RIGS PA YANG MA YIN TE, GANG GI PHYIR MED PA'I MTSAN NYID NI THAMS CAD DU NUS PA DANG BRAL BA YIN PA'I PHYIR RGYU NYID SRID PAR RIGS PA YIN LA, SRID NA YANG MED PA NYID NYAMS PAR THAL BAR 'GYUR BA'I PHYIR DANG, DE KHYAD PAR MED PA'I PHYIR DE LAS BYUNG BA'I SHES PA LDOG PA MED PAR THAL BAR 'GYUR RO, ,GZHAN YANG MA GRUB PA NI LOG PAR BYED PA NYID DU RIGS PA MA YIN TE, HA CANG THAL BAR 'GYUR BA'I PHYIR RO ZHES BSTAN ZIN TO,, ,,DNGOS PO MED PA DE YANG JI LTAR GRUB PA BRJOD PAR BYA DGOS SO, ,RE ZHIG DE RANG NYID KYIS GRUB PA NI MA YIN TE, GZHAL BYA MED PA RANG NYID KYIS GRUB PAR THAL BAR 'GYUR BA'I PHYIR RO, ,DE LTA YIN DANG DNGOS PO MED PA'I TSAD MA RTAG PA DON MED PAR 'GYUR TE, DE NI GZHAL BYA DNGOS PO MED PA GRUB PAR BYA BA'I DON DU YIN LA GZHAL BYA DNGOS PO MED PA DE YANG DNGOS PO MED PA'I TSAD MA BZHIN DU RANG NYID LA GRUB PA'I PHYIR RO, ,DE RANG RIG PAS GRUB PA YANG MA YIN TE, SHES PA'I DNGOS PO DBEN PA 'DI JI LTAR RANG RIG PAS RTOGS PAR 'GYUR TE, SHES PA'I BDAG NYID DES RTOGS PA'I PHYIR RO, ,CI STE DE'I YUL CAN GYI TSAD MA MED PA GZHAN LA DE GRUB PAS DE'I YUL CAN GYI TSAD MA MED PA DE YANG JI LTAR GRUB, DE YANG GZHAN LAS GRUB NA THUG PA MED PAR 'GYUR TE, JI SKAD DU, GZHAN DU MI DMIGS PA LAS NI, ,DON GYIS MED PA NYID RTOGS NA, ,DMIGS PA MED PA NYID KYANG NI, ,GZHAN GYIS YIN PAS THUG PA MED, ,CES BSHAD PA BZHIN NO, ,CI STE THUG PA MED PAR 'GYUR DU 'ONG BAS GZHAL BYA MED PAS DE GRUB PAR KHAS BLANG BAR BYED NA DE LTA YIN NA PHAN TSUN BRTEN PA

66b

NYID DU 'GYUR TE, 'DI LTAR GZHAL BYA DNGOS PO MED PA LAS TSAD MA DNGOS PO MED PA GRUB LA, DE GRUB PA NA YANG GZHAL BYA DNGOS PO MED PA GRUB PO ZHES BYA BA 'DI YANG PHAN TSUN BRTEN PA'I NYES PA 'JUG PA GSAL RAB PA NYID DO, ,DES NA 'DI NI 'BYUNG BAR 'DOD PA'I RDZI MA MIG TU ZHUGS PA YIN NO; ;DE LTA BAS NA GCIG DMIGS PA NYID GZHAN MI DMIGS PA YIN PA'I PHYIR DNGOS PO MED PA ZHES BYA BA MNGON SUM LAS LOGS SHIG PA'I TSAD MA MA YIN NO, ,'DI SNYAM DU GCIG DMIGS PA DE YANG JI LTAR GRUB, DE YANG DNGOS PO MED PA YIN PA'I PHYIR THAL BAR 'GYUR BA MTSUNGS PA YIN NO SNYAM DU SEMS NA, DE YANG ZHES BYA BA LA SOGS PA SMOS TE, GCIG MTHONG BA DE YANG RANG NYID KYIS TE RANG DBANG CAN DU GRUB KYI GZHAN LAS MA YIN PA'I PHYIR THUG PA MED PA LA SOGS PA'I THAL BAR MI 'GYUR RO, ,DE CI'I PHYIR ZHE NA, RANG GI NGO BOS TE RANG BZHIN GYI BEMS PO MA YIN PA'I PHYIR RO, ,CI STE BLO GZHAN GYIS GRUB PA LA CI ZHIG SDANG ZHE NA, RTAGS SAM ZHES BYA BA LA SOGS PA SMOS TE, KHA CIG GI BLO RTAGS KYIS RTOGS PAR BYA BA YIN PAR 'DOD DE, RTAGS DE YANG DON SHES PA'I BYA BA'I NGO BO'AM, DBANG PO DANG DON NAM, YUL GSAL BA ZHES BYA BA LA SOGS PA'O, ,KHA CIG NI BLO GZHAN GYI MNGON SUM MA YIN PAR 'DOD KYI RANG RIG PA'I NGO BO NI MA YIN TE, RANG GI BDAG NYID LA BYED PA 'GAL BA'I PHYIR RO, ,KHA CIG NA RE SHES PA GZHAN DU MI 'THAD PA STE, GAL TE BLO MED PAR GYUR NA SHES PA'I DON GYIS 'GRUB STE, DE NI RANG BZHIN BEMS PO'I NGO BO YIN PA'I PHYIR RO, ,DE'I PHYIR PHYOGS GSUM PA BSHAD PA 'DI LTA STE, RTAGS LA SOGS PA GSUM PO 'DI NI RTAGS LA SOGS PA DE YANG GA LAS GRUB CES RE RE LA YANG BRGAL ZHING BRTAG PA GANG YIN PA DE YOD PA NA THUG PA MED PAR MANG POR 'GYUR RO, ,'DI LTAR BLO MA GRUB PA NA RTAGS LA SOGS PA GSUM PO DE YANG MI 'GRUB PA'I PHYIR TE, YANG GZHAN LAS GRUB PAR KHAS BLANG BAR BYA DGOS LA, DE LA YANG RTAGS LA SOGS PA GZHAN LA BRTEN PA THAMS CAD DU BRGAL ZHING BRTAGS PA NA YANG THUG PA MED PAR THAL BAR 'GYUR RO, ,DE LTA BAS

67a

, ,NA GCIG DMIGS PAS GZHAN MED PAR RTOGS TE, YUL DANG DUS DER DGAG PAR BYA BA LA RUNG BA'I BDAG NYID DU MTSUNGS PA NYID DGAG PAR BYA STE, GZHAN DAG DER DGAG PAR MI NUS PA'I PHYIR RO, ,DE'I BDAG NYID DGAG PA LAS NI THAMS CAD KYIS DGAG PAR BYA BA YIN TE, THAMS CAD NI MTHONG BA LAS GZHAN NYID DU MTHONG BAR GNAS PA'I PHYIR TE, DE DAG GZHAN GYI BDAG YIN PA'I PHYIR RO, ,'ON TE GANG GI TSE NAM MKHA' LA ZLA BA MED PAR NGES PA DE'I TSE GANG GI GCIG DMIGS PA LAS GZHAN MED PAR GRUB PA ZHES BYA BAR BRJOD PA DE LA GCIG DMIGS PA NI MA YIN NO, ,GANG ZHIG ZLA BAS DBEN PAR MTHONG BA NAM MKHA' ZHES BYA BAR DON DAM PAR CUNG ZAD YOD PA PA NI MA YIN LA, GANG YANG GZHAN GYI DNGOS PO YOD PAR BRTAG PA DE YANG DBANG PO LAS 'DAS PA YIN NO, ,GANG YANG PHYOGS 'GA' ZHIG TU SGRA MED PAR NGES PA DE GANG ZHIG DMIGS PA LAS YIN, RE ZHIG PHYOGS DMIGS PA LAS SO ZHES NI BRJOD PAR MI BYA STE, DE NI SGRA DANG RUNG BA'I RANG BZHIN DU MI MTSUNGS PA'I PHYIR RO, ,DE LTAR SA PHYOGS NI MNGON SUM GYI YIN LA SGRA NI NYAN PAS YIN NO, ,RUNG BA NYID DU MTSUNGS PA'I RANG BZHIN YANG PHAN TSUN LTOS NAS GZHAN NYID DU 'DOD DE, PHAN TSUN LTOS PA'I GZHAN NYID NI SHES PA GCIG LA 'DRES PA'I ZHES BSHAD PA'I PHYIR RO, ,DUS DMIGS PA LAS SO ZHES KYANG BRJOD PAR MI BYA STE, GANG ZHIG DMIGS PAR 'GYUR BA'I DNGOS PO LAS THA DAD PA'I DUS YOD PA MA YIN LA GZHAN GYI 'DOD PA GANG YIN PA DE YANG DBANG PO LAS 'DAS PA YIN NO, ,SNANG BA DANG NI MUN PA'I ZHES BYA BA LA SOGS PA LA LAN 'DEBS PAR BYED DE, PHUNG PO ZHES BYA BA NI RIGS PA ZHES BYA BA DE DANG 'BREL TO, ,GANG GI PHYIR SNANG BA DANG MUN PA'I PHUNG PO DE NYID NAM MKHA'O SNYAM DU RTOG PA POS RTOGS KYIS GZHAN NI MA YIN TE, 'DI LTAR NYIN MO'AM MTSAN MO YANG RUNG NAM MKHA' 'DI NI MTHON KA CHEN PO DANG 'DRA'O, ,YANG NA 'DI SPRIN DANG 'DRA'O SNYAM DU RTOGS KYI, NAM MKHA' LA GZHAN GYIS KUN DU BRTAGS PA'I KHA DOG DANG DBYIBS LA SOGS PA YOD PA NI MA YIN NO, ,DE'I

67b

PHYIR GZHAN ZHES BYA BA NI SNANG BA DANG MUN PA'I PHUNG PO LAS MA GTOGS PA'I GZHAN GYIS KUN DU BRTAGS PA'I NAM MKHA' MED PA'I PHYIR LA, YOD NA YANG DBANG PO LAS 'DAS PA'I PHYIR RO, ,SGRA THAMS CAD KYIS DBEN PA YANG 'BRAS BU NYAN PA'I SHES PA MA DMIGS PAS RTOGS TE, MI DMIGS PA DE YANG MIG LA SOGS PA'I SHES PA GZHAN YANG DAG PAR RIG PA LAS GRUB PA'I PHYIR 'DI LA YANG SHES PA GZHAN RIGS PA'I MTSAN NYID KYIS GCIG DMIGS PA YOD PA NYID YIN NO, ,GANG GI 'BRAS BU YOD PA DE LDOG PA NA DE YANG LDOG PAR BYED PA 'BRAS BU YOD PAS SGRA YOD PA LA KHYAB PA YANG MA YIN NO, ,GANG GI PHYIR RGYU RNAMS NI GDON MI ZA BAR DE DANG LDAN PA MA YIN NO, ,RGYU YOD PA THAMS CAD LA 'BRAS BU YOD PAS KHYAB BO ZHES BYA BA NI MI ZER RO, ,'O NA CI ZHE NA, NUS PA DE THOGS PA MED PA'I MTSAN NYID KYI KHYAD PAR CAN KHO NA YIN LA, DE NYID 'DIR 'GEGS PAR BYED KYI THAMS CAD NI MA YIN NO, ,PHYOGS 'BA' ZHIG DMIGS PA LAS BUM PA MED PAR GRUB PA GANG YIN PA DE LA YANG BUM PA MI DMIGS PA ZHES BYA BA 'BRAS BU MI DMIGS PA NYID YIN TE, GANG GI PHYIR DMIGS PA'I MTSAN NYID DU GYUR PA'I PHYIR BUM PA MED PA NYID BSGRUB PAR BYA BA YIN GYI THAMS CAD NI MA YIN NO, ,DMIGS PA'I MTSAN NYID DU GYUR PA YANG GANG YIN ZHE NA, NUS PA THOGS PA MED PA NYID GANG YIN PA'O, ,GANG GI PHYIR RANG BZHIN GANG YOD NA MNGON SUM KHO NAR 'GYUR BA ZHES BYA BAS DMIGS PA'I MTSAN NYID KYIS RANG BZHIN GYI KHYAD PAR BRJOD DO, ,GZHAN DU NA 'DI LA YANG BUM PA DMIGS PAS BUM PA YOD PA LA MA KHYAB PAR 'GYUR LA, DE LTA YIN DANG KHYAB BYED MA YIN PA LOG PA NA KHYAB BYA MA YIN PA MI LDOG PAS DE BAS NA BUM PA MED PAR GRUB PAR MI 'GYUR RO, ,DE LTA BAS NA RANG BZHIN MI DMIGS PA THAMS CAD NI MED PA'I THA SNYAD KYI GTAN TSIGS YIN LA, DON DAM PAR NI 'BRAS BU MI DMIGS PA NYID DU BLTA BAR BYA'O, ,DE LTAR ZHES BYA BA LA SOGS PAS DNGOS PO MED PA'I SGRAS BRJOD PAR BYA BA'I PHYIR ZHES BYA BA'I GTAN TSIGS 'DI MA NGES PA NYID DU 'CHAD DO, ,DE LTAR ZHES BYA BA NI,

68a

, ,DE'I PHYIR GCIG MTHONG GANG YIN PA, ,DE NYID GZHAN MA MTHONG BAR BRJOD, ,CES BYA BA LA SOGS PAS SO, ,KHONGS SU 'DUS KYANG GNOD PA MED, ,CES BYA BA NI DNGOS PO MED PA MNGON SUM GYI KHONGS SU MA GTOGS NA YANG DNGOS PO MED PA'I SGRA'I BRJOD PAR BYA BA YIN PA MI 'GAL LO ZHES BYA BA'I DON TO, ,'DIS NI GTAN TSIGS MI MTHUN PA'I PHYOGS LAS LDOG PA MED PAR BSTAN TO, ,RJES MTHUN DE 'DRA YIN LA RAG ,CES BYA BA NI GZHAN DMIGS PA'I MTSAN NYID KYI MI DMIGS PA NI DNGOS PO MED PA'O, ,GANG YANG KHA CIG DNGOS PO MED PA TZAM DMIGS PA'I SHES PA MNGON SUM 'GAL BA LA SOGS PA 'GA' ZHIG GIS KHONGS SU 'DUS PA MA YIN TE, 'DI'I DMIGS PA NI DNGOS PO DANG BRAL BA TZAM YIN PA'I PHYIR DANG, MNGON SUM LA SOGS PA YANG DNGOS PO'I YUL CAN YIN PA'I PHYIR RO, ,'DI TSAD MA NYID MA YIN PA YANG MA YIN TE MI SLU BA'I PHYIR RO, ,DNGOS PO RNAMS RJES SU 'GRO BA MED PAR 'JIG PAR 'DOD PA KHYED CAG GI DNGOS PO DANG BRAL BA'I MI 'DOD PA NI MA YIN NO ZHES RTZOD PAR BYED PA DE YANG 'DI NYID KYIS BSAL BA YIN TE, RNAM PAR RTOG PA DES YUL DANG DUS LA SOGS PA'I KHYAD PAR DANG BRAL BA'I DNGOS PO MED PA TZAM DMIGS PA NI MA YIN NO, ,'O NA CI ZHE NA, YUL LA SOGS PA 'BA' ZHIG TU BUM PA LA SOGS PA MED DO ZHES BYA BA'I YANG TSUL GYIS KHYAD PAR DANG BCAS PA NYID YIN NO, ,DE YANG 'BA' ZHIG PA NYID KYI YUL LA SOGS PA 'DZIN PAR NUS PA'I PHYIR DE LTAR 'GYUR BAS 'DI LOGS SHIG TU TSAD MA NYID MA YIN TE, YUL LA SOGS PA 'BA' ZHIG DE LTAR BZUNG BA NI 'DI LTAR RNAM PAR RTOG PA'I PHYIR RO, ,KHYAD PAR MED PA 'DZIN PA YIN NA YANG DE LA 'DZIN PA'I SHES PA TSAD MA NYID DU RIGS PA MA YIN TE, DNGOS PO MED PA'I YUL CAN YIN PA'I PHYIR DANG, DON BYED PA DON DU GNYER BA TSAD MA SEMS PA YANG DNGOS PO LA BRTEN PA YIN PA'I PHYIR 'DI NI CI YANG MA YIN NO, ,DNGOS PO MED PA RNAM PAR DPYAD PA'O, ,RIGS PA GZHAN DE YOD NA YOD PA DANG MI DMIGS PA'I DBANG DU BYAS NAS, DE YOD PA NA 'DI 'BYUNG ZHING, ,ZHES BYA BA LA SOGS PA SMOS TE, DE

68b

YOD NA YOD PA NYID KYIS DE'I 'BRAS BU NYID DU RTOGS PA GANG YIN PA 'DI NI RIGS PA YIN TE, 'DI YANG RTOG PA DANG BCAS PA'I PHYIR MNGON SUM MA YIN LA, RJES SU DPAG PA YANG MA YIN TE, DPE MED PA'I PHYIR RO, ,'DI LTAR DPE LA YANG DE YOD NA YOD PA NYID LAS 'BRAS BU NYID DU RTOGS TE, DE LA YANG DPE BTZAL BAR BYA BA YIN LA, DE LA YANG GZHAN YIN PAS THUG PA MED PAR 'GYUR RO, ,DE LTA BAS NA 'DI NI TSAD MA GZHAN NYID YIN NO ZHES SMAN DPYAD PA STE SMAN PA LA ZER RO, ,DE BZHIN DU DMIGS PA LA SOGS PAS MED PA NYID DU RTOGS PA GANG YIN PA 'DI NI MA DMIGS PA YIN TE, 'DI YANG TSAD MA GZHAN NYID YIN PA LA SNGA MA BZHIN DU RIGS PA BRJOD PAR BYA'O, ,'BRAS BU ZHES BYA BA LA SOGS PAS LAN 'DEBS PAR BYED DE, RGYU 'BRAS DANG DNGOS PO MED PA YIN PAS RGYU 'BRAS NYID DANG DNGOS PO MED PA DAG STE, DE DAG GIS RTOGS PA ZHES TSIG RNAM PAR SBYAR TE BSDU'O, ,DE LA RGYU DANG 'BRAS BU RTOGS PA NI RIGS PA YIN LA, DNGOS PO MED PA RTOGS PA NI MI DMIGS PA YIN NO ZHES GO RIMS BZHIN DU 'BREL TO, ,RIGS PA DANG MI DMIGS PA 'DI DAG NI TSAD MA GNYIS LA YANG BSGRUB PAR BYA BA DANG SGRUB PAR BYED PA DAG BYE BRAG MED DO, ,CI LTAR ZHE NA, GANG PHYIR DE YOD NA YOD PA, ,ZHES BYA BA LA SOGS PA SMOS TE, RE ZHIG RIGS PA LA BSGRUB PAR BYA BA DANG SGRUB PAR BYED PA DAG BYE BRAG MED DE, ,'DI LTAR DE YOD PA NI GTAN TSIGS SO, ,RGYU DANG 'BRAS BU NYID NI BSGRUB PAR BYA BA'O, ,DE DAG THA DAD DU DMIGS PA YANG MA YIN TE, RNAM GRANGS PA YIN PA'I PHYIR, SHING DANG RTZVA BAS 'THUNG BA BZHIN NO, ,MI DMIGS PA LA YANG BYE BRAG MED DE, 'DI LTAR GAL TE DMIGS PA LOG PA TZAM BRJOD PAR 'DOD PA DE'I TSE DE YANG MA GRUB PA'I PHYIR, SNGA MA BZHIN DU THUG PA MED PA LA SOGS PA'I SKYON BRJOD PAR BYA'O, ,CI STE GZHAN DMIGS PA NYID MI DMIGS PA YIN PA DE'I TSE SNANG BA MI DMIGS PA NYID KYI KHONGS SU 'DUS PA YIN LA, 'DIS KYANG DNGOS PO MED PA BSGRUB PAR BYA BA MA YIN TE, DE NI MNGON SUM NYID KYIS SGRUB PA'I PHYIR RO, ,DE NYID KYI PHYIR, SNANG BA MI DMIGS

69a

, ,MA GTOGS PA, ,ZHES BYA BA LA SOGS PA SMOS SO, ,CI STE 'DI DAG LAS RGYU DANG 'BRAS BU NYID DANG MED PA BSGRUB PAR BYA BA NI MA YIN NO, ,'O NA CI ZHE NA, DE YANG YOD PA'I THA SNYAD YIN NO ZHES BYA BAR 'DOD NA DE LA, DE YANG NGO BO'I THA SNYAD DU, ,ZHES BYA BA LA SOGS PA SMOS TE, RGYU DANG 'BRAS BU'I DNGOS PO DE DAG GI NGO BO NI DE'I NGO BO YIN LA DE LA THA SNYAD GANG YIN PA DE NI DE'I NGO BO'I THA SNYAD DE SHES PA DANG BRJOD PA 'JUG PA'I MTSAN NYID RJES SU BSGRUB PA'O, ,RMONGS PA LA DER RUNG BA NYID BSGRUB PAR BYA BA YIN TE, DPER NA GANG DAG GANG GI MJUG THOGS SU NGES PAR DMIGS PA'I RANG BZHIN DE DAG NI DE'I 'BRAS BU'I THA SNYAD DU RUNG BA YIN TE, DPER NA BRDA'I DUS SU NYAMS SU MYONG BA'I RDZA MKHAN LA SOGS PA'I BYA BA'I MJUG THOGS SU DMIGS PA'I BUM PA LA SOGS PA'I RANG BZHIN BZHIN NO, ,DE BZHIN DU SGRA RNAMS KYANG RKAN LA SOGS PA'I BYA BA'I MJUG THOGS SU NGES PAR DMIGS PA'I RANG BZHIN YIN NO ZHES BYA BA NI RANG BZHIN GYI GTAN TSIGS SO, ,DE BZHIN DU MI DMIGS PA LA YANG THA SNYAD BSGRUB PAR BYA BA SBYOR BA NI GANG GI DMIGS PA'I MTSAN NYID DU 'GYUR BAR MNGON PAR 'DOD PA GANG DAG NAM DMIGS PA DE DAG NI DE MED PA'I THA SNYAD DU BYAR RUNG BA YIN TE, DPER NA RVA MED PA'I THA SNYAD DU RUNG BA'I RI BONG GI MGO BO LA SOGS PA BZHIN NO, ,DE'I RTEN DU 'DOD PA'I KHRA BO LA SOGS PA LA YANG GZHAN GYIS MNGON PAR 'DOD PA'I SPYI LA SOGS PA'I DNGOS PO DMIGS PA'I MTSAN NYID DU GYUR PAR MNGON PAR 'DOD PA MA DMIGS SO ZHES BYA BA NI RANG BZHIN MI DMIGS PA'O, ,DES DBEN PA'I KHRA BO LA SOGS PA DMIGS PA'I PHYIR, MA GRUB PA MA YIN LA GTAN TSIGS MA NGES PA YANG MA YIN TE, MNGON PAR GSAL BA 'GEGS PAR 'GYUR BA'I PHYIR DANG, DNGOS PO'I THA SNYAD LA 'DI DE TZAM GYI RGYU MTSAN YIN PA'I PHYIR RO, ,MTHUN PA'I PHYOGS LA YOD PA'I PHYIR 'GAL BA YANG MA YIN NO, ,DE LA SRID PA'I MTSAN NYID TSOGS PA YOD PAR RTOGS PA NA TSOGS PA CAN RTOGS PA GANG YIN PA STE, DPER NA STONG YOD PAR SHES PA NA BRGYA LA SOGS PA YOD PAR RTOGS PA LTA BU'O, ,'DI YANG DPE MED PA'I

69b

PHYIR RJES SU DPAG PA MA YIN NO, ,'DI LA SUN 'BYIN PA BSHAD PA NI, TSOGS PA RNAM PAR GZHOG PA YI, ,ZHES BYA BA LA SOGS PA STE, GANG GI PHYIR TSOGS PA CAN LAS GZHAN PA'I TSOGS PA MED PA'I PHYIR, TSOGS PA RNAM PAR GZHAG PA'I RGYU NI TSOGS PA CAN YIN NO, ,DE LTA BAS NA STONG LAS BRGYA LA SOGS PA SRID PAR RTOGS PA NI 'BRAS BU'I RTAGS LAS SKYES PA NYID YIN NO, ,GZHAN DAG GIS NI ZHES GRAGS PA LA SOGS PA YANG TSAD MA GZHAN DU 'DOD DE, DE LA SMRA BA POS BSTAN PA'I GRAGS PA RGYUD PA NI ZHES GRAGS PA STE, DPER NA SHING LJON PA 'DI LA GNOD SBYIN GNAS SO ZHES BYA BA LTA BU'O, ,YUL DANG DUS NGES PA MED PAR GLO BUR DU YOD PA DANG MED PA STON PAR BYED PA'I SHES PA NI SNYAM DU SHES PA STE, DPER NA GZHON NU MA DAG 'DI SNYAM DU DENG BDAG GI MING PO 'ONG NGO SNYAM PA LA, DE YANG DE KHO NA LTAR 'ONG BAR GRAGS PA LTA BU STE DE LTAR NA TSAD MA YIN NO, ,'DI SUN DBYUNG BA'I PHYIR ZHES BYA BA LA SOGS PA SMOS TE, SOGS PA'I SGRAS NI NGO SHES PA LA SOGS PA GZUNG STE, DE DAG GZHAN 'GA' ZHIG GIS TSAD MA NYID DU KHAS LEN PA'I PHYIR RO, ,HA CANG THAL BAR 'GYUR BA'I PHYIR ZHES BYA BA NI RMI LAM GYI MTHAR YANG RAS 'GA' BDEN PA NYID DU MTHONG BA'I PHYIR TSAD MA GZHAN NYID DU 'GYUR RO, ,DE LTAR RGYAS PAR TSAD MA GZHAN DGAG PAR BYAS NAS MDOR BSDUS NAS BYA BA'I PHYIR, RNAM PA GCIG TU ZHES BYA BA LA SOGS PA SMOS TE, DON NI RNAM PA GNYIS NYID DE MNGON SUM DANG LKOG TU GYUR PA'O, , 'ON TE MNGON SUM YANG YIN LA, MNGON SUM MA YIN PA YANG YIN PA DANG, MNGON SUM YANG MA YIN LA MNGON SUM MA YIN PA YANG MA YIN PA ZHES BYA BA GZHAN YANG YOD PA MA YIN NAM ZHE NA, GNYI GA ZHES BYA BA LA SOGS PA SMOS SO, ,GCIG LA PHAN TSUN MI MTHUN PA'I CHOS SU MA 'DRES PAR RIGS PA NI MA YIN TE, BDAG NYID NYAMS PAR THAL BAR GYUR BA'I PHYIR RO, ,'DI LTAR DNGOS SU RTAG PA LA SOGS PAS CHOD PA MED PAR JI LTA BAR GZUNG BA'I DON NGES PA'I RGYU KHYAD PAR CAN GYI SHES PA SKYE BAR BYED PA'I DON NI MNGON SUM ZHES BYA'O, ,DE LTAR BYAS NA SGRA SKAD

70a

, ,CIG MA'O ZHES BYA BA LA SOGS PA MNGON SUM MA YIN PA'I DON CAN YIN NO ZHES BYA BA GRUB BO, ,GANG GIS RNAM PAR SHES PA SKYED PAR BYED PA DANG SKYED PAR MI BYED PA DAG GIS MNGON SUM DANG MNGON SUM MA YIN PA'I RANG BZHIN DU 'GYUR BA DNGOS PO GCIG LA GCIG BYED PA DANG MI BYED PAR RIGS PA YANG MA YIN NO, ,GNYIS KA MA YIN PA'I RANG BZHIN YANG RIGS PA MA YIN TE, DNGOS PO GCIG GI RANG BZHIN DGAG PA NI RANG BZHIN GZHAN SGRUB PA MED NA MI 'BYUNG BA YIN PA'I PHYIR RO, ,DU MA NI GCIG LA BYED PA PO MI BYED PAR 'GAL TE, DPER NA MIG GI RNAM PAR SHES PA LA GZUGS DANG RO BZHIN NO, ,GCIG DANG DU MA LA'ANG DE BZHIN TE, DPER NA MIG DANG RNA BA'I RNAM PAR SHES PA DAG LA GZUGS BZHIN NO, ,DE'I PHYIR, GCIG NYID SHES PA GCIG LA NI, ,ZHES BSHAD DO, ,DE LTA BAS NA DON NI RNAM PA GNYIS NYID DO, ,DE LA SGRA LAS BYUNG BA LA SOGS PA TSAD MA YIN NA MNGON SUM PA'I DON LA YIN NAM LKOG TU GYUR BA LA YIN ZHES BYA BA PHYOGS GNYIS SO, ,DE LA RE ZHIG DANG PO LA NI MA YIN NO, ,CI'I PHYIR ZHE NA, MNGON SUM GYI KHONGS SU 'DUS PAR 'GYUR BA'I PHYIR TE, SGRA LAS BYUNG BA LA SOGS PA'I YUL DON THA DAD PA MA YIN PA'I PHYIR RO, ,CI STE MNGON SUM GYIS RTOGS NA YANG DUS PHYIS YANG DE DAG GIS RTOGS SO ZHE NA, DE'I PHYIR YANG DRAN PA BZHIN DON MED DE ZHES SMOS TE, BZUNG ZIN PA 'DZIN PA'I PHYIR DRAN PA BZHIN DU TSAD MA NYID MA YIN PAR THAL BAR 'GYUR BA'I PHYIR RO, ,PHYOGS GNYIS PA LA YANG DON LKOG TU GYUR PA'I DON GYI YUL CAN YIN PA NA DNGOS SU YIN PA'AM GZHAN LA YANG BRTEN NAS TE BAR DU CHOD PA YIN, DE LA RE ZHIG DNGOS SU NI MA YIN TE, DE MNGON SUM PA'I DON BZHIN DU LKOG TU GYUR PA MA YIN PAR THAL BAR 'GYUR RO, ,'DI LTAR GANG GI PHYIR DNGOS SU SHES PA SKYED PAR MI BYED PA DE NYID KYI PHYIR 'DI LKOG TU GYUR PA ZHES BYA'O, ,GAL TE DNGOS SU SHES PA SKYED NA JI LTAR 'DI LKOG TU GYUR PA YIN ZHES BYA BA 'DI BRJOD PAR BYA'O, ,GZHAN LA BRTEN NAS YAR LKOG TU GYUR PA'I DON RTOGS PA 'BREL BA LAS SAM, ,MA 'BREL PA LAS YIN, KHYAD PAR SNANG BA LAS

70b

SAM; KHYAD PAR MI SNANG BA LAS YIN ZHES BYA BA PHYOGS BZHIR 'GYUR RO, ,KHYAD PAR SNANG BA ZHES BYA BA NI DPER NA DU BA'I PHYIR LAS RTZVA DANG LO MA LA SOGS PA MING GIS KHYAD PAR RTOGS PA LTA BU'O, ,KHYAD PAR MI SNANG BA NI DPER NA DU BA LAS RIGS MI MTHUN PA LAS LOG PA'I ME TZAM RTOGS PA LTA BU'O, ,DE LA 'BREL PA MED PA LAS RTOGS NA NGES PA MED PAR 'GYUR TE, GANG CI RUNG BA LAS DNGOS PO THAMS CAD RTOGS PAR 'GYUR RO, ,CI STE THA DAD PAR SNANG BA DE'I TSE BSGRUB PAR BYA BA DANG GTAN TSIGS KYI KHYAD PAR MI 'THAD PAR 'GYUR TE KHYAD PAR GYIS RJES 'GRO MI RUNG BA'I PHYIR RO, ,DE LTA YIN DANG MA NGES PA NYID DU 'GYUR RO, ,CI STE KHYAD PAR MED PA SNANG BA DE'I TSE RJES SU DPAG PA NYID KYI KHONGS SU 'DUS PA YIN NO ZHES BSTAN PA'I PHYIR, GANG YANG LKOG TU GYUR ZHES BYA BA LA SOGS PA SMOS TE, DE YI KHYAD PAR MA NGES PA, ,ZHES BYA BA NI KHYAD PAR SNANG BAS STONG PA RIGS MI MTHUN PA LAS LOG PA NI DON TZAM MA NGES PA STE, DPER NA DU BA LAS ME TZAM RTOGS PA LTA BU'O, ,DE LTA BUR GYUR PA YANG GSAL RAB TU RJES SU DPAG PA YIN TE, 'BREL BA MTHONG BA'I THABS CAN YIN PA'I PHYIR DU BAS ME RTOGS PA BZHIN NO, ,DE KHO NA NYID BSDUS PA'I DKA' 'GREL LAS TSAD MA GZHAN PA RTAG PA STE NYI SHU BZHI PA'O,, ,,GZHAN GYI BDAG NYID CHA SHAS NI, ,PHRA RAB KYIS KYANG MA 'DRES PA, ,ZHES BYA DE BSGRUB PAR BYA BA'I DON DU RGOL BA DGOD PA SNGON DU 'GRO BA CAN BSHAD PA NI, GANG TSE ZHES BYA BA LA SOGS PA'O, ,DON BYED NUS PA GANG YIN YOD, ,GZHAN NI YOD PA MIN PAR BRJOD, ,DE DAG GCIG LA 'JUG PA NI, ,RIGS PA MA YIN 'GAL BA'I PHYIR, ,ZHES GANG SMRAS PA LA NGO TSA MED PA BDAG RTZOD PAR BYED DE, DNGOS PO THAMS CAD SPYI DANG KHYAD PAR GYI BDAG NYID KYIS DU MA'I BDAG NYID YIN TE, DPER NA KHRA BOR SNANG BA'I NOR BU LTA BU'O, ,GANG GIS GCIG LA 'JUG PA NI RIGS PA MA YIN ZHES BRJOD PA DE'I YOD PA LA SOGS PA JI LTAR 'GAL, SOGS PA'I SGRAS NI BYED PA DANG MI BYED PA DANG GCIG DANG DU MA NYID LA SOGS PA GZUNG NGO, ,GAL TE RTZOD PA 'DI GAL TE RANG BSGRUB BYA LA NUS ZHES

71a

, ,BYA BA LA SOGS PAS LAN BTAB ZIN PA DE LTA NA YANG RGYAS PAR BSTAN PAR BYA BA'I PHYIR RAM, RTZOD PA GZHAN BSTAN PAR BYA BA'I DON DU YANG BRJOD DO, ,DE LA SPYI DANG KHYAD PAR GYI BDAG NYID BSGRUB PAR BYA BA'I PHYIR GO RIMS BZHIN DU KHA YAR BA'I SBYOR BA GNYIS BSHAD PA NI; DNGOS PO ZHES BYA BA LA SOGS PA'O, ,DNGOS PO ZHES BYA BA NI CUNG ZAD BRJOD PAR 'DOD PA'I DNGOS PO BUM PA LA SOGS PA'O, ,GAL TE BUM PA LA SOGS PA'I DNGOS PO DE SNAM BU LA SOGS PA DNGOS PO GZHAN DANG MI MTSUNGS PAR 'GYUR NA STE, GAL TE DE LAS LDOG PAR GYUR NA DE'I TSE DE NAM MKHA'I ME TOG LAS KHYAD PAR MED PAR 'GYUR TE, RNAM PA THAMS CAD DU DNGOS PO GZHAN LAS LDOG PA'I PHYIR RO, ,DNGOS PO GZHAN LAS LDOG PA NI NAM MKHA'I ME TOG SPANGS NAS GO SKABS SRID PA MA YIN TE, DE LTA BAS NA DNGOS PO DE NAM MKHA'I ME TOG DANG MI MTSUNGS PA NYID 'DOD PA NA, DNGOS PO GZHAN DANG MTSUNGS PA'I DNGOS PO ZHES BYA BA NYID SPYIR KHAS BLANGS BAR BYA DGOS PA'I PHYIR SPYI YIN PAR GRUB PO, ,'O NA JI LTAR KHYAD PAR GYI BDAG NYID YIN ZHE NA, 'DIR BRJOD PA, MI 'DRA BA DANG BRAL ZHE NA, ,DE LAS THA DAD MI 'GRUB PO, ,GAL TE BUM PA LA SOGS PA'I DNGOS PO DE NYID SNAM BU LA SOGS PA'I NGO BO DANG MI 'DRA BA NYID DE DANG BRAL BAR GYUR NA STE, GAL TE BUM PA LA SOGS PA DE DANG MI 'DRA BAR GYUR NA ZHES BYA BA'I THA TSIG GO, ,DE'I PHYIR 'DI NI BUM PA'O, ,'DI NI SNAM BU'O ZHES BUM PA LA SOGS PA SNAM BU LA SOGS PA LAS THA DAD DU GRUB PAR MI 'GYUR TE, RANG RANG GI NGO BO BZHIN NO, ,THA DAD PA YANG YIN TE, DE LTA BAS NA KHYAD PAR GYI BDAG NYID DU YANG GRUB PO, ,MNGON PAR 'DOD PA'I DNGOS PO NI, ,ZHES BYA BA LA SOGS PAS SBYOR BA GNYIS PO 'DI NYID KYI DON RGYAS PAR SGRUB PAR BYED DO, ,RNAM PA GZHAN DU ZHES BYA BA LA SOGS PA NI SPYI'I BDAG NYID DU SGRUB PAR BYED PA'I 'THAD PA GZHAN BSHAD DO, ,RNAM PA GZHAN DU ZHES BYA BA NI GAL TE DNGOS PO DNGOS PO GZHAN DANG MI MTSUNGS PAR GYUR NA, DE'I TSE CI'I PHYIR DNGOS PO DNGOS PO ZHES BYA BA'I THA MI DAD PA'I BLO BUM PA LA SOGS PA KHO NA LA 'GYUR GYI BYA ROG GI

71b

SE LA SOGS PA LA NI MA YIN ZHES BYA BA DE LA RGYU BRJOD PAR BYA DGOS SO, ,'DRA BA NYID RGYU YIN NO ZHE NA, 'O NA NI DE NYID SPYI YIN PA'I PHYIR SPYI GRUB STE, 'DRA BA NI SPYI'I RNAM GRANGS YIN PA'I PHYIR RO, ,BUM PA LA SOGS PA KHO NA LA RJES SU 'GRO BA CAN GYI NUS PA YOD KYI, BYA ROG GIS SO LA SOGS PA LA NI MA YIN NO, ,DE'I PHYIR RJES SU 'GRO BA'I NUS PA'I RANG BZHIN DE RGYU YIN NO ZHE NA, DE YANG 'DI NYID KYIS TE, 'DRA BAS BRJOD PA YIN TE ZHES BSHAD PA YIN NO, ,'DI LA YANG 'DRA BA BZHIN DU LAN MTSUNGS PA YIN NO ZHES BYA BA'I THA TSIG STE, 'DI NYID SPYI'I NGO BO NYID DU THAL BAR 'GYUR BA'I PHYIR RO, ,DE LTA BAS NA BUM PA LA SOGS PA THAMS CAD DNGOS PO'I NGO BOS PHAN TSUN DU THA DAD PA MA YIN NO ZHES BYA BAR GRUB PO, ,THA DAD PAR BSGRUB PAR BYA BA'I DON DU, ,GAL TE LDOG MTSAMS ZHES BYA BA LA SOGS PA SMOS TE, LDOG MTSAMS DNGOS DAG LAS ZHES BYA BA NI SNAM BU LA SOGS PA DON GZHAN DAG LAS SO, ,GAL TE BUM PA LA SOGS PA MI 'DRA BA DANG BRAL BAR GYUR NA DE'I TSE THA MI DAD PA'I PHYIR DE DAG LAS TE, SNAM BU LA SOGS PA LAS BUM PA LA SOGS PA THA DAD DU MI 'GYUR TE, BDAG GI NGO BO BZHIN DU THA MI DAD PA NYID DU THAL BAR 'GYUR BA'I PHYIR RO, ,JI LTAR BUM PA LA SOGS PA DE DAG LAS BUM PA LA SOGS PA'I RANG BZHIN GANG YIN PA DE NYID MI 'DRA BA NYID DU BRJOD KYI GZHAN NI MA YIN NO, ,DE LTA YIN DANG, BUM PA LA SOGS PA RNAMS MI 'DRA BA NYID YIN NA YANG SNAM BU LA SOGS PA LAS THA DAD PA MED DO ZHES BYA BA NI, RANG GI TSIG DANG 'GAL BA YIN TE, THA DAD PA DANG MI 'DRA BA NYID NI RNAM GRANGS PA YIN PA'I PHYIR RO, ,DE LTAR SPYI DANG KHYAD PAR GYI BDAG NYID DU BSGRUBS NAS, SPYI DANG KHYAD PAR DE DAG MA 'CHOL BAS THA SNYAD KYI RGYU NYID DU BSGRUB PA'I PHYIR RO, ,DE LTAR DE YIS DNGOS GCIG KYANG, ,ZHES BYA BA SMOS TE, 'DI DON DAM PAR NI 'DI YIN TE, NOR BU GZI BZHIN DU GCIG GIS DNGOS PO NYID NI RNAM PA DU MA CAN YIN LA, RNAM PA DE DAG KYANG KHA CIG NI RJES SU 'JUG PA'I GLOS GZUNG BAR BYA BA YIN LA, KHA CIG NI LDOG PAR BLOS GZUNG BAR BYA BA YIN NO, ,

72a

, ,DE GANG DAG RJES SU 'JUG PA'I BLOS GZUNG BAR BYA BA DE DAG NI RJES SU 'JUG PA NYID KYIS SPYI ZHES BSGRAGS LA, DE LAS GZHAN BZLOG PA'I BLOS GZUNG BAR BYA BA GANG DAG YIN PA DE DAG NI LDOG PA'I PHYIR KHYAD PAR ZHES BRTAG GO, ,DE BA RJES SU 'JUG PA'I BLO NI DNGOS PO DNGOS PO ZHES BYA BA LA SOGS PA THA MI DAD PA'I RNAM PA CAN DAG GO, ,LDOG PA'I BLO NI 'DI NI BUM PA YIN GYI SNAM BU NI MA YIN NO ZHES BYA BA DE LTA BU LA SOGS PA THA DAD PA'I RNAM PA CAN DAG GO, ,DE'I PHYIR 'DI LA LAN 'DEBS PAR BYED PA NI, SPYI DANG KHYAD PAR PHAN TSUN DU, ,ZHES BYA BA LA SOGS PA STE, 'DIR SPYI GANG YIN PA DE NYID KHYAD PAR YIN NAM 'ON TE SPYI YANG GZHAN YIN LA KHYAD PAR YANG GZHAN YIN LA ZHES BYA BA'I PHYOGS GNYIS SO, ,DE LA PHYOGS DANG PO LA SPYI DANG KHYAD PAR DAG GCIG GI RANG BZHIN GCIG YIN NA 'CHOL BA NYID DU 'GYUR LA, DE LTA YIN DANG, 'DI NI SPYI'O, ,'DI NI KHYAD PAR RO ZHES BYA BA'I RNAM PAR DBYE BA MED PA'I PHYIR DON DAM PAR DNGOS PO GCIG GNYIS KYI NGO BOR 'THAD PAR MI 'GYUR RO, ,CI STE 'CHOL BAR GYUR NA MI RUNG NGO SNYAM PAS PHYOGS GNYIS PA LA RTEN PAR BYED PA DE'I TSE GCIG GI RANG BZHIN GCIG MA YIN PAR KHAS LEN PAR BYED NA DU MA NYID DU STE, SPYI DANG KHYAD PAR DAG RANG BZHIN THA DAD PAR THAL BAR 'GYUR GYI DE LTA NA NI 'DI DAG MA 'CHOL BA NYID DU NI 'GYUR RO, ,GAL TE 'DI DAG DU MA NYID DU NI 'GYUR NA, DE LTA BAS DANG DE LTA BU YIN NA YANG STE DU MA NYID YIN NA YANG DNGOS PO GNYIS NYID GRUB PA KHO NAR ZAD PA'I PHYIR, DNGOS PO GCIG GNYIS KYI NGO BOR NI RIGS PA MA YIN NO, ,YANG CI STE, GAL TE SPYI DANG KHYAD PAR DAG PHAN TSUN GYI RANG BZHIN GYIS DBEN PAR GYUR PA DE LTA NA YANG SPYI DANG KHYAD PAR GYI BDAG NYID KYI DNGOS PO NI THA MI DAD PA YIN NO ZHES BYA BA 'DI YANG PHAN TSUN 'GAL BA YIN TE, 'DI LTAR DNGOS PO GCIG LAS SPYI DANG KHYAD PAR DAG THA MI DAD PAR KHAS LEN PAR BYED PA NA JI LTAR 'DI DAG PHAN TSUN GYI RANG BZHIN GYIS DBEN PA GRUB PAR 'GYUR, GCIG LAS THA MI DAD PA NA DNGOS PO GCIG GI

72b

RANG BZHIN DU DE DAG KYANG THA MI DAD PAR THAL BAR 'GYUR BA'I PHYIR RO, ,SPYI DANG KHYAD PAR DAG GI RANG BZHIN PHAN TSUN DBEN PAR KHAS LEN NA, DE DAG GIS THA MI DAD PA'I DNGOS PO GCIG GRUB PAR MI 'GYUR TE, DE DAG LAS THA MI DAD PA'I PHYIR GCIG NYID DU MNGON PAR 'DOD PA DE YANG SPYI DANG KHYAD PAR GYI NGO BO BZHIN DU THA DAD PA NYID DU THAL BAR 'GYUR BA'I PHYIR RO, ,DE LTA BAS NA GCIG GNYIS KA'I BDAG NYID YIN NO ZHES BYA BA 'DI NI PHAN TSUN 'GAL BA YIN NO, ,GAL TE RANG BZHIN GCIG CES BYA BA LA SOGS PAS LEGS PA'I BLO GROS KYI LUGS KYIS DOGS PA BSU BA YIN TE; 'DIR DES RTZOD PA BKOD PA SNGON DU 'GRO BA CAN GYI LAN BTAB PA SMRAS PA GRAGS TE, 'ON TE SPYI DANG KHYAD PAR DAG PHAN TSUN RANG BZHIN DANG BRAL BAR KHAS LEN PAR MI BYED NA 'CHOL BAR 'GYUR BA MA YIN NAM ZHE NA, SKYON 'DI NI MED DE, DE DAG RANG BZHIN THA DAD PA YIN NA YANG BRDA LAS BYUNG BA'I CHOS THA DAD PA 'DI 'GRUB PAR 'GYUR TE, BYED PA PO'I NUS PA BZHIN NO, ,JI LTAR SPRIN LAS GLOG 'BYUNG NGO, ,SPRIN LAS GLOG 'BYUNG NGO ZHES BYA BA LA SOGS PA THA DAD PA'I BDAG NYID KYI BYED PA PO'I NUS PA RNAMS DMIGS PA YIN NO, ,RDZAS KYI RANG BZHIN DANG THA MI DAD PA LAS 'CHOL BA NYID YIN NA YANG DE KHAS MI LEN PA NA BSTAN BCOS DANG 'JIG RTEN DU 'GAL BAR 'GYUR GOR MA CHAG GO, ,GZHAN YANG MTHONG BA LA MI 'THAD PA ZHES BYA BA LA YOD PA MA YIN TE, 'DI LTAR SPYI DANG KHYAD PAR DAG DNGOS PO GCIG NYID YIN NA YANG 'JIG RTEN GYIS MA BCOL BAR THA DAD PA'I THA SNYAD DMIGS PA NYID YIN NO, ,'JIG RTEN THA DAD PAS THA SNYAD 'JUG PA NI 'JIG RTEN THA SNYAD 'JUG PA STE, DE BDAG NYID GCIG POR GANG GIS RJES SU 'JUG PA DE LA DE SKAD CES BYA'O, ,SBYOR BA NI GANG ZHIG DNGOS PO GCIG LA THA DAD PA'I THA SNYAD YIN PA DE NI CHOS THA DAD PA'I RGYU MTSAN CAN YIN TE, BYED PA PO'I NUS PA RNAMS BZHIN NO, ,SPYI DANG KHYAD PAR GYI MTSAN NYID 'DI YANG DNGOS PO GCIG LA THA DAD PA'I THA SNYAD YIN NO ZHES BYA BA NI RANG BZHIN GYI GTAN TSIGS SO, ,'ON TE ZHES BYA BA LA SOGS PAS LAN 'DEBS PAR BYED DE, 'DIS NI GTAN TSIGS 'GAL BA

73a

, ,NYID DU BSTAN TE, 'DOD PA LAS BZLOG PA SGRUB PAR BYED PA'I PHYIR RO, ,'DI LTAR RGOL BAS DON DAM PAR CHOS THA DAD PAR BSGRUB PAR 'DOD LA, MA BRTAGS PA'I CHOS THA DAD PA DE YANG GRUB PA MA YIN TE, DNGOS PO GCIG GI BDAG NYID DU KHAS MI LEN PA'I PHYIR LA DNGOS PO GCIG PO DE NI THA DAD PAR 'GAL BA'I PHYIR RO, ,GANG GI PHYIR THA DAD PA ZHES BYA BA NI STE TSOGS PA NYID LA BRJOD LA, GANG YANG SNA TSOGS PA DE CI LTAR GCIG TU 'GYUR, DPE BSGRUB PAR BYA BAS STONG PA 'BA' ZHIG TU MA ZAD, 'ON KYANG GTAN TSIGS LA BSGRUB BYA LAS BZLOG PAS KHYAB PO ZHES BSTAN PA'I PHYIR, NUS PA RNAMS KYI ZHES BYA BA LA SOGS PA SMOS SO, ,'DI SNYAM DU GAL TE YANG THA DAD PA ZHES BYA BA SNA TSOGS PA NYID DU BRJOD MOD, GANG GIS DE BZLOG PA SGRUB PAR BYED PAS 'GAL BAR 'GYUR BA DNGOS PO GCIG PO DE NYID SNA TSOGS PAR 'GYUR BA JI LTAR 'GAL SNYAM NA, DNGOS PO GCIG GIS ZHES BYA BA LA SOGS PA SMOS TE, GANG ZHIG DE NYID CES BYA BA NI DE NYID DU BRJOD PA DE NI GCIG CES BYA STE, DPER NA SEMS PA CAN SKYES BU GNYIS BZHIN NO, ,DNGOS PO YIN NA DE NYID BKAG NA GZHAN NYID YIN TE, DPER NA 'BYUNG BA DANG SEMS CAN GNYIS BZHIN NO, ,DE LTA YIN DANG, SGRUB PA DANG DGAG PA DANG GCIG LA MI RUNG BA'I PHYIR, DE'I DNGOS PO DANG DE MA YIN PA'I DNGOS PO'I MTSAN NYID KYI GCIG DANG DU MA DAG PHAN TSUN 'GAL BA'I PHYIR GCIG GI THA DAD PA NI BTAGS PA NYID YIN NO, ,JI LTAR DE DNGOS PO DANG DE MA YIN PA'I DNGOS PO 'GAL BA YIN ZHE NA; RANG BZHIN GNAS PA 'GA' ZHIG CES BYA BA LA SOGS PA SMOS SO, ,'DI SNYAM DU CHOS THA DAD PA BRTAGS PA'I RGYU MTSAN CI YIN, 'DI GDON MI ZA BAR RGYU MTSAN THA DAD PAR 'GYUR BAR BYA DGOS TE, DE LTA MA YIN NA RNAM PAR GZHAG PA 'KHRUL PAR 'GYUR RO, ,DE LTA YIN DANG THA DAD PA'I RGYU MTSAN GANG YIN PA DE NYID KHO BO CAG GI DON DAM PA'I CHOS THA DAD PA YIN NO SNYAM DU SEMS NA, RIGS MTHUN PA DANG ZHES BYA BA LA SOGS PA SMOS TE, 'DI NI RIGS MTHUN PA DANG RIGS MI MTHUN PA YANG YIN LA, DU MA YANG YIN NO ZHES BYA BA NI LAS 'DZIN PA'O, ,DE LTA BAS NA LDOG PA YANG

73b

YIN LA DNGOS PO MA YIN ZHES TSIGS RNAM PAR SBYAR RO, ,DNGOS PO GCIG PO DE RIGS MTHUN PA DANG RIGS MI MTHUN PA DE LAS LDOG PA DE NI CHOS THA DAD PA RNAM PAR GZHAG PA'I RGYU MTSAN YIN NO, ,DE LTA BAS NA GANG GI PHYIR BRTAGS PA'I DU MA SRID PA DE'I PHYIR DNGOS PO GCIG LA YANG DAG PA'I GNYIS KYI NGO BO NYID 'THAD PA MA YIN NO, ,YANG GI SGRA NI SPYIR CHOS THA DAD PA SNGON DU 'GRO BA TZAM SGRUB NA GRUB PA LA SGRUB PA NYID KYANG BSTAN PA YIN NO, ,'DI SNYAM DU MI'I SENG GI LA SOGS PA DAG GIS MA NGES PA YIN TO, 'DI LTAR MI'I SENG GE LA SOGS PA RANG BZHIN GCIG YIN YANG YANG DAG PA GNYIS KYI NGO BO NYID MI 'GAL BAR DMIGS PA KHO NA'O SNYAM DU SEMS NA, GANG YANG MI'I SENG GE LA SOGS ZHES BYA BA SMOS TE, SOGS PA'I SGRAS NI NOR BU GZI LA SOGS PA GZUNG NGO, ,DE ZHES BYA BA NI MI'I SENG GE'O, ,'DUS PA NI TSOGS PA'O, ,'DI LA GZUGS YOD PAS NA GZUGS DANG LDAN PA'O, ,GCIG GI GZUGS DANG LDAN ZHES TSIG RNAM PAR SBYAR RO, ,'DIS NI PHYIR RGOL BA LA DPE MA GRUB PAR BSTAN TE, SANGS RGYAS PA LA MI'I SENG GE YAN LAG CAN GCIG BSGRUB PA MA YIN TE, RDUL PHRA RAB DU MA TSOGS PA YIN PA'I PHYIR RO, ,DE LA GCIG NYID DGAG PA LA TSAD MA BSHAD PA, GANG SNA TSOGS PA DE NI GCIG MA YIN TE, RIN PO CHE'I RIGS DU MA'I TSOGS PA BZHIN NO, ,MI'I SENG GE YANG SNA TSOGS PA YIN NO ZHES BYA BA NI RANG BZHIN 'GAL BA DMIGS PA'AM, KHYAD PAR BYED PA 'GAL BA DMIGS PA'O, ,GCIG YIN NA GNYIS KYI NGO BO NYID KYI RGYU MTSAN SNA TSOGS SU SNANG BA MI 'THAD PA NI GNOD PAR BYED PA'I TSAD MA STE, THA DAD PAR RNAM PAR GZHAG PA'I RGYU MTSAN NI SNANG BA THA DAD PA YIN PA'I PHYIR RO, ,PHYOGS GCIG BSGRIB PA NA THAMS CAD BSGRIBS PAR THAL BAR 'GYUR BA YANG GNOD PA CAN GYI TSAD MA'O, ,BSGRIBS PA DANG MA BSGRIBS PA 'GAL BA'I CHOS DANG LDAN PA DAG GCIG LA CIG CAR RIGS PA MA YIN NO, ,GAL TE RDUL PHRA RAB DU MA 'DUS PA TZAM MI'I SENG GE YIN NA, 'O NA JI LTAR GNYIS KYIS NGO BO DANG LDAN PA'I GCIG GI DNGOS POR NGES PA'I SHES PA YIN ZHE NA, RDUL

74a

, ,PHRAN DE DAG CES BYA BA LA SOGS PA SMOS TE, MI DANG SENG GE DAG GI CHA GANG YIN PA DE DAG DANG LDAN PA STE SNANG BAR BYAS PA'I NGO SHES PA GANG YOD PA DE LA DE SKAD CES BYA'O, ,GANG GI TSE RDUL PHRA RAB DE NYID RANG BZHIN GYIS DE LTA BUR GYUR PA'I NGO BO SHES PA'I RGYUR GYUR PA DE'I TSE YAN LAG CAN GZHAN BRTAGS PAS CI ZHIG BYA, DE DAG GI DE 'DRA BA'I RANG BZHIN DE YANG GANG LAS BYUNG ZHE NA BSHAD PA, KHYAD PAR CAN GYI RKYEN 'BYUNG PHYIR, ,RGYU KHYAD PAR CAN LAS SKYES PA'I PHYIR RO, ,DE LA KHYAD PAR CAN NI SBYOR BA DANG 'GRO BA'I KHYAD PAR 'GRUB PAR BYED PA'I LAS DANG RIGS MTHUN PA'I LAS BYUNG BA'I NUR NUR PO LA SOGS PA'O, ,MI'I SENG GE RNAM PAR DPYOD PA 'DI NYID KYIS NOR BU GZI LA SOGS PA YANG BSHAD PA'I PHYIR, DE DAG GI SUN 'BYIN PA LOGS SHIG TU BRJOD PAR MI BYA'O, ,THAMS CAD DNGOS PO'I NGO BO YIS, ,PHAN TSUN THA DAD PA MA YIN, ,ZHES GANG SMRAS PA 'DI LA DON BYED PAR MI NUS PA NYID CES BYA BA LA SOGS PA SMOS TE, DON BYED NUS PA'I NGO BO GANG YIN PA DE NYID DNGOS PO ZHES BYA BA'I GZHAN NI MA YIN NO, ,GAL TE DE THAMS CAD RJES SU 'GRO BA YIN NA YANG THAMS CAD THAMS CAD KYI BYA BA BYED PAR 'GYUR TE, SKYED PAR BYED PA THAMS CAD DE NYID KYI NGO BOR 'DOD LA, DE YANG THAMS CAD LA KHYAD PAR MED PA'I PHYIR, GANG CUNG ZAD 'BRAS BU GANG CI YANG RUNG BA LAS SKYE BAR 'GYUR RO, ,CI SNGON PO DANG SER PO LA SOGS PA GANG YIN PA DE NYID DNGOS PO YIN NAM, 'ON TE GZHAN YIN, GAL TE DE NYID YIN NA DE'I TSE DE RJES SU 'GRO BA YIN PA'I PHYIR, DKAR PO DANG SER PO LA SOGS PA YANG SNGON POS BSGRUB PAR BYA BA'I GOS KHA BSGYUR BA LA SOGS PA'I DON GYI BYA BA BYED PAR 'GYUR RO, ,GZHAN YANG RANG BZHIN GNYIS PA MED PA'I PHYIR GCIG NYID YOD PA'I PHYIR 'GRO BA THAMS CAD DNGOS PO GCIG TU 'GYUR BAS GCIG DU MA'I RNAM PA CAN YIN NO ZHES BYA BA DAM BCA' BA NYAMS PAR 'GYUR RO, ,CI STE DNGOS PO NYID SNGON PO LA SOGS PA LAS GZHAN NYID YIN TE, GZIGS ZAN GYIS 'DOD PA'I YOD PA YIN NO, ,DPER NA GZEGS ZAN TE GZEGS MA ZA BAR 'DOD PA'I JI LTAR YOD PA ZHES BYA BA THA DAD PA'I DNGOS PO NYID CES BYA

74b

BA YIN NA, DE LTA NA YANG GCIG LA DU MA NYID MI RIGS PAS GSAL RAB PA YIN TE, GCIG TU THA DAD PA'I PHYIR RO, ,GZHAN YANG GANG DAG 'GAL BA'I CHOS DANG LDAN PA DE DAG NI THA DAD PA YIN TE, GRANG BA DANG TSA BA DAG LTA BU'O, ,SPYI DANG KHYAD PAR DAG LA YANG 'GAL BA'I CHOS DANG LDAN PA YOD DE, RJES SU 'GRO BA DANG RNAM PA GZHAN GYI NGO BO YIN PA'I PHYIR DE DAG THA DAD PAR GSAL LO, ,GAL TE RNAM PA GZHAN GYI NGO BO DANG RJES SU 'GRO BA 'GAL BA'I CHOS DANG LDAN PA YIN NA YANG THA DAD DU MI 'DOD PA DE'I TSE GANG YANG 'DI SNGON PO DANG SER PO DAG GI CI ZHIG LTAR KHYAD PAR GYI NGO BOS THA DAD PA 'DOD PA DER MI 'GYUR TE, BLO THA DAD PHYIR GZUGS LA SOGS, ,GCIG TU THAL BAR 'GYUR BA'ANG MIN, ,ZHES BSHAD PA'I PHYIR, KU M'A RA RI LAS SNGON PO LA SOGS PA THA DAD DU BRJOD PA'I PHYIR RO, ,DPER NA ZHES BYA BA LA SOGS PAS KU M'A RI RI LA'I LUG SKYIS YANG MA NGES PA NYID DU STON PA YIN TE, KHA DOG LNGA PO NI KHA DOG SNA TSOGS PA'O, ,DE JI LTAR SNGON PO ZHES BYA BA'AM, SER PO ZHES BYA BA'AM, DMAR PO ZHES BYA BA LA SOGS PAS JI LTAR 'DOD PA'I GZUGS 'DZIN TE, GZUGS NGES PA DE BZHIN DU NGO BO DU MA'I DNGOS PO SNA TSOGS PA RANG DANG GZHAN GYI NGO BO DAG GIS SAM, SPYI DANG KHYAD PAR GYI NGO BO DAG GIS YOD PA DANG MED PA'I BDAG NYID GNYIS KYI BDAG NYID DU 'DOD PA'I DBANG GIS THA DAD DU NGES PA YIN NO, ,GANG GI TSE THA DAD DU NGES PAR GZUNG BAR 'DOD PA DE'I TSE, DE NGES PAR 'DZIN PAR BYED LA, GANG GI TSE THA MI DAD PA STE SPYI NGES PAR GZUNG BAR 'DOD PA DE'I TSE NGES PAR 'DZIN PAR BYED DO, ,GANG GI TSE SPYI DANG KHYAD PAR GYI BDAG NYID DNGOS PO GCIG PAR SKAD CIG GIS RTOGS PA DE'I TSE GZHAN DANG GZHAN MA YIN PA'I THA DAD PA LA SOGS PA'I RTZOD PA 'JIG STE, NGES PAR MI 'DZIN ZHES BYA BA'I DON TE, KHRA BO'I DNGOS PO MNGON SUM NYID KYIS RTOGS PA'I PHYIR RO, ,DE LAS GZHAN DANG GZHAN MA YIN PA LA SOGS PA RTZOD PA NI 'DI YIN TE, THA DAD PA DAG LAS GZHAN MA YIN PA'I PHYIR, SPYI YANG GONG BU BZHIN DU RANG GI NGO BO THA DAD PAR THAL BAR 'GYUR BA'AM, SPYI LAS THA MI DAD PA'I PHYIR, THA DAD PA

75a

, ,RNAMS KYANG SPYI BZHIN DU THA MI DAD PAR THAL BAR 'GYUR RO, ,DE BZHIN DU THA DAD PA DANG THA MI DAD PA'I SPYI DANG KHYAD PAR DAG JI LTAR 'GAL BAR 'GYUR BA DANG, SOGS PA'I SGRAS GCIG DANG PHAN TSUN 'GAL BA DAG DANG DE BZHIN DU DE BZHIN NYID SPYI'O, ,DE NYID KHYAD PAR RO ZHES BYA BA DE LTA BU LA SOGS PA GZUNG BAR BYA'O, ,DE LTA NA THAMS CAD DU KHRA BO RTOGS PAR 'GYUR GYI, RIM DANG CIG CAR DAG GIS MA YIN NO SNYAM DU DOGS PA BSU NAS, NGO BO DU MA'I ZHES BYA BA LA SOGS PA SMOS TE, RIM MA MA CIG CAR GYIS 'DI'I SPYI DANG KHYAD PAR LA SOGS PA'I NGO BO RNAM PAR 'JOG PA GANG YIN PA DE NI BRJOD PAR 'DOD PA'I DBANG GIS SO, ,GANG GI TSE CIG CAR SPYI DANG KHYAD PAR GYI NGO BO'AM YOD PA DANG MED PA'I NGO BOR BRJOD PAR 'DOD NA DE 'DI'I NGO BOR RNAM PAR GZHAG GO, ,CI STE RIM GYIS YOD PA'I NGO BO DANG MED PA'I NGO BO'AM SPYI DANG KHYAD PAR GYI BRJOD PAR 'DOD NA DE'I TSE 'DI DE'I NGO BOR RNAM PAR GZHAG GO, ,DE'I NGO BO THAMS CAD NI 'DOD PAS RIM DANG RIM MA YIN PA DAG GIS BSTAN TE, RIN PO CHE SNA TSOGS PA'I MDZOD NA MA RGAD DANG PAD MA DMAR PO LA SOGS PA BZHIN NO, ,YANG RIM DANG RIM MA YIN PA LAS MA GTOGS PA RNAM PA GZHAN GYIS CI'I PHYIR MI STON CHE NA, TSIGS RNAMS RNAM PA GZHAN YOD MIN, ,ZHES BYA BA SMOS TE, RIM DANG CIG CAR GYIS 'JUG PA DAG LAS ZHES BYA BA LA LTOS PAR BYA'O, ,RNAM PAR NI TSUL LO, ,DE LTA MA YIN ZHES BYA BA LA SOGS PAS LAN 'DEBS PAR BYED DE, GCIG SNA TSOGS PA NI PHAN TSUN 'GAL BA YIN NO ZHES BYA BA 'DI NI, SNA TSOGS GANG DE GCIG MA YIN, ,ZHES BYA BA LA SOGS PAS BSTAN ZIN TO,, ,,GANG GI PHYIR SNA TSOGS PA ZHES BYA BAS DU MA NYID BRJOD LA, GCIG NYID DANG DU MA DAG NI PHAN TSUN SPANGS TE GNAS PA'I MTSAN NYID KYIS 'GAL BA YIN NO, , DE LTA BAS NA GCIG LA YANG DAG PA'I RNAM PA MANG PO YOD PA MA YIN NO, ,CI STE YOD PA DE LTA NA YANG GCIG NYID DU MA NYID DU YANG BSTAN PA YIN NO, ,'DI LTAR DNGOS PO GZHAN DE SNYED CIG SKYES PA YIN PA'I PHYIR YANG DAG PA NYID DU BSTAN PAR 'GYUR BA 'BA' ZHIG TU ZAD KYI, GCIG DU MA

75b

NYID NI MA YIN TE PHAN TSUN 'GAL BA'I PHYIR RO, ,YANG NA, DNGOS PO LAS NI LDOG PA YIS, ,MED PA SPANGS NAS GO SKABS GZHAN, ,ZHES BYA BA LA SOGS PA SMRAS PA DE LA, DNGOS PO GCIG LAS ZHES BYA BA LA SOGS PA SMOS TE, GAL TE NAM MKHA'I ME TOG DANG KHYAD PAR MED PA BSGRUB PAR BYA BA LA DNGOS PO TZAM LAS LDOG PA GTAN TSIGS NYID DU BYED NA, DE'I TSE GTAN TSIGS MA GRUB STE, SNAM BU NI DNGOS PO TZAM LAS LDOG PAR GRUB PA MA YIN NO, ,'O NA CI ZHE NA, RANG GI NGO BO MA GTOGS PA'I DNGOS PO'I KHYAD PAR GZHAN LAS SO, ,CI STE DNGOS PO'I KHYAD PAR LAS LDOG PA GTAN TSIGS NYID DU KHAS LEN NA, DE'I TSE GTAN TSIGS MA NGES PA YIN PA STE, 'DI LTAR BUM PA LA SOGS PA'I DNGOS PO LAS LDOG PA'I SNAM BU LA SOGS PA DE'I BDAG NYID DANG BRAL BAR BSGRUB PAR 'GYUR BA 'BA' ZHIG TU ZAD KYI, THAMS CAD DANG RANG BZHIN MED PA NI MA YIN TE, DE YANG DON BYA BA BYED PA YIN PA'I PHYIR RO, ,GCIG GIS NUS PA'I NGO BO NYID, ,CES BYA BA LA SOGS PAS MA NGES PA NYID SGRUB PAR BYED DE, GAL TE DON BYED PAR NUS PA'I MTSAN NYID KYI DNGOS PO NYID CES BYA BA RJES SU 'GRO BA CAN DU GYUR NA DE LAS LDOG PAR RANG BZHIN MED PA NYID DU 'GYUR TE, DNGOS PO'I MTSAN NYID NI DON BYED NUS PA YIN PA'I PHYIR RO, ,JI SRID DU SNGON PO LA SOGS PA GCIG GI NGO BO GANG YIN PA DE DKAR PO LA SOGS GZHAN DAG LA 'JUG PA MA YIN NO ZHES BYA BA NI, GAL TE SNGON PO LA SOGS PA'I, ,DNGOS NYID RJES SU 'GRO BAR 'DOD, ,CES BYA BA LA SOGS PAS SNGAR BSHAD ZIN TO,, ,,CI'I PHYIR ZHE NA, 'BRAS BU THA DAD PA'I PHYIR DANG, DMIGS PA SNANG BA THA DAD PA'I PHYIR RO, ,DMIGS PA NI SHES PA'O, ,DE'I SNANG BA NI RNAM PA'O, ,SOGS PA'I SGRAS SKYE BA DANG GNAS PA DANG 'GAG PA LA SOGS PA GZUNG NGO, ,DE LTA BAS NA DE DANG MA 'BREL PA'I GTAN TSIGS KYIS DNGOS PO DE'I BDAG NYID MA YIN PA ZHES BYA BA NYID DU BSGRUB PAR RIGS KYI, KHYAD PAR MED PAS DNGOS PO MED PA DANG KHYAD PAR MED PA BSGRUB PAR RIGS PA NI MA YIN NO, ,GANG LAS SHE NA, DE LAS YANG DNGOS PO'I MTSAN

76a

, ,NYID DON BYED PA YOD PA'I PHYIR RO, ,'ON TE SHIN TU THA DAD PA YIN NA JI LTAR DNGOS PO DNGOS PO ZHES BYA BA'I RJES SU 'GRO BA'I SHES PAR 'GYUR, YANG GAL TE 'DRA BA MED PAR GYUR NA JI LTAR DNGOS PO NAM MKHA'I ME TOG LAS THA DAD PAR 'GRUB PAR 'GYUR ZHE NA, DE YANG ZHES BYA BA LA SOGS PA SMOS TE, NUS PA MED PA LAS LDOG PA, ,ZHES BYA BA LA NUS PA MED PA NI MO GSHAM GYI BU LA SOGS PA'O, ,DE DAG LAS DE'I BDAG NYID MA YIN PAS LDOG GO, ,GANG GI PHYIR BTAGS PA'I 'DRA BA NYID YOD PA DE'I PHYIR, DNGOS PO DNGOS PO GZHAN MI MTSUNGS, , ZHES GANG SMRAS PA DE MA GRUB PO, ,BDAG NYID GANG GIS ZHES BYA BA LA SOGS PAS LEGS PA'I BLO GROS KYI RTZOD PA DON PAR BYED DE, DES SMRAS PA, GAL TE DNGOS PO BDAG NYID GANG GIS RIGS MTHUN PA DANG RIGS MI MTHUN PA DAG LAS LDOG PA'I BDAG NYID KYI DNGOS PO DE RIGS MTHUN PA DANG 'DRA BAR GYUR NA, DE'I TSE RIGS MI MTHUN PA DANG YANG 'DRA BA NYID DU SHES PAR 'GYUR TE, DE'I BDAG NYID KHYAD PAR MED PA'I PHYIR RO, ,SHES PA YANG MA YIN TE, DE LTA BAS NA RANG BZHIN GANG GIS RIGS MTHUN PA DANG MI MTSUNGS PAR 'GYUR BA DANG RANG BZHIN GANG GIS DE DANG 'DRA BAR YANG 'GYUR BA RANG BZHIN NYID DE DAG THA DAD PAR 'DOD PAR BYA'O, ,GAL TE RIGS MTHUN PA YIN NA JI LTAR DE DAG MI MTSUNGS PAR 'GYUR, CI STE DE DANG MI MTSUNGS PA YIN NA JI LTAR RIGS MTHUN PA YIN TE, DE LTA BAS NA 'DI NI PHAN TSUN 'GAL BA YIN NO ZHE NA, SKYON 'DI NI MED DE, GANG GI PHYIR GZHAN GYI DNGOS PO THAMS CAD SPYI DANG KHYAD PAR GYI BDAG NYID DU 'DOD DE, DE LTA BAS NA DNGOS PO NYID LA SOGS PA'I SPYI'I THAMS CAD RIGS MI MTHUN PA ZHES BRJOD LA, DE NYID KHYAD PAR GYI NGO BOS NI RIGS MI MTHUN PAR 'DOD PA'I PHYIR DE LA LTOS NA YANG MI MTSUNGS PA ZHES BRJOD PA'I PHYIR SKYON MED DO, ,MTHUN PA DANG GZHAN GYI DNGOS PO ZHES BYA BA LA, 'DI NI MTHUN PA YANG YIN LA, GZHAN YANG YIN PAS MTHUN PA DANG GZHAN PA'I DNGOS PO STE GZHAN ZHES BYA BA NI MI MTSUNGS PA'O, ,LHAG MA NI GO SLA BA'I PHYIR RNAM PAR MI PHYE'O, ,GCIG TU RTOGS PA'I RGYU ZHES

76b

BYA BA LA SOGS PAS LAN 'DEBS PAR BYED DE, RANG BZHIN DE NYID KYIS MTSUNGS PA, ,ZHES BRJOD DE, GCIG RTOGS PA'I SHES PA RGYU YIN PA'I PHYIR RO, ,'DI SKAD BSTAN PA YIN TE, GANG DAG GCIG TU RTOGS PA LA, ,RGYU YI DNGOS POR MI 'GYUR BA, ,DE DAG NYID NI MI MTSUNGS PA; ,ZHES BYA BA THA SNYAD DU BYA BA GANG DAG 'GYUR BA DE DAG NI MTSUNGS PA ZHES BYA'O, ,YANG CI'I PHYIR THAMS CAD GCIG TU RTOGS PA DE'I RGYUR MI 'GYUR TE, THA DAD PAR KHYAD PAR MED PA'I PHYIR RO ZHES DOGS PA LA, 'GA' ZHIG KHO NA ZHES BYA BA LA SOGS PA SMOS TE, CI'I PHYIR ME NI SREG PAR BYED PA'AM DRO BA YIN GYI CHU NI MA YIN NO ZHES RANG BZHIN NI BRGYAL ZHING BRTAG PAR 'OS PA NI MA YIN NO, ,'DI'I RANG BZHIN 'DI GA LAS BYUNG BA YIN ZHES DE SKAD DU BRJOD PAR RIGS TE, RGYU MED PA NYID YIN NA LTOS PA MED PA NI NGES PAR MI RUNG BAS HA CANG THAL BAR 'GYUR BA'I PHYIR RO, ,DE LTA BAS NA RANG GI RGYU LAS ZHES BRJOD PAR BYA LA, DE YANG GA LAS SHE NA NI RGYU'I BRGYUD PA THOG MA MED PA CAN YIN NO, ,DBANG PO NI DBANG PO'O, ,BDUD RTZI NI SLE TRES SO, ,SOGS PA'I SGRAS RE RE DANG SBYAR BAR BYA'O, ,DPER NA SLE TRES LA SOGS PAS RIMS LA SOGS PA ZHI BA DANG YUL DANG DBANG PO DANG SNANG BA DANG YID LA BYED PA LA SOGS PA YANG KHYAD PAR CAN GYI SHES PA SKYED PA LA NUS KYI GZHAN DAG LA NI MA YIN PA DE BZHIN DU GCIG TU RTOGS PA LA YANG 'GA' ZHIG KHO NA NUS PA NGES PA YIN NO, ,YANG NA DBANG PO'I SGRAS BA RU RA BRJOD LA SOGS PA'I SGRA TSOGS PA DANG SBYAR BAR BYA'O, ,GAL TE SNGON PO SOGS LAS ZHES BYA BA LA SOGS PAS DPE MA GRUB PAR DOGS PA YIN TE, GAL TE MIG SNGON PO LA SOGS PA LAS LDOG PA'I NGO BO BSTAN PAR 'DOD KYI RJES SU 'JUG PA BSTAN PA NI MA YIN NO ZHES BYA BA NI NGES PAR GZUNG BAS BSTAN TO, , DE'I TSE MIG SNGON PO LA SOGS PA'I SHES PA SKYED PAR BYED PAR MI 'GYUR RO, ,DE SKYED PAR BYED PA'I RANG BZHIN LAS LDOG PA'I PHYIR RO, ,GANG ZHIG GANG SKYED PAR BYED PA'I RANG BZHIN LAS LDOG PA DE NI SKYED PAR BYED PA MA YIN TE, DPER NA SNGON PO LA SOGS PA'I SHES PA SKYED PAR BYED PA'I

77a

, ,SNGON PO LA SOGS PA LAS LDOG PA'I RNAM PA NI SNGON PO LOG PA'I SHES PA DE SKYED PAR BYED PA MA YIN PA'O, ,MIG KYANG SNGON PO LA SOGS PA'I SHES PA SKYED PA'I SNGON PO LDOG PA LAS SKYED PA YIN NO ZHES BYA BA NI KHYAB BYED 'GAL BA DMIGS PA'I THAL BAR 'GYUR BA'O, ,DE LTA YANG MA YIN TE, DE'I PHYIR LDOG PA YIN NO ZHES, GANG ZHIG GANG SKYED PAR BYED PA DE NI SKYED PA'I RANG BZHIN LAS LDOG PA MA YIN TE, DPER NA SNGON PO'I SHES PA SKYED PAR BYED PA'I SNGON PO'I RANG GI RANG BZHIN LAS MI LDOG PA BZHIN NO, ,MIG KYANG SNGON PO'I SHES PA SKYED PAR BYED PA YIN NO ZHES BYA BA NI RANG BZHIN GYI GTAN TSIGS DE LTAR SNGON PO LA SOGS PA YANG PHYOGS SU BYAS NAS BRJOD PAR BYA'O, ,DE LTA BAS NA DNGOS PO RNAMS KYI RJES SU 'GRO BA YOD PA'I PHYIR THAL BA LAS BZLOG PA'I SGO NAS DPE MA BZUNG BA NYID DU BSHAD DO, ,CI STE YANG DE LAS LDOG PAR YANG GYUR LA DE SKYED PAR BYED PA YIN MOD, DE'I PHYIR THAL BA SGRUB PA MA NGES PA YIN NO SNYAM NA, GZHAN ZHES BYA BA LA SOGS PA SMOS TE, RNA BA LA SOGS PA YANG SNGON PO LA SOGS PA'I SHES PA SKYED PAR BYED PA DE NYID DU THAL BA NI BZLOG PA LA GNOD PA CAN GYI TSAD MA STE, THA DAD PAR KHYAD PAR MED PA'I PHYIR RO, ,MIG SNGON PO LA SOGS PA LAS THA DAD PA GANG YIN PA'I THA DAD PA DES RNA BA LA SOGS PA YANG MIG LA SOGS PA DANG MTSUNGS PA'I PHYIR, CI LTAR MIG GI SNGON PO LA SOGS PA LAS LDOG PA DE BZHIN DU RNA BA YANG YIN NO ZHES BYA BA'I THA TSIG GO, ,MIG LA SOGS PA ZHES BYA BA LA SOGS PAS LAN 'DEBS PAR BYED DE, GAL TE KHYAD PAR MED PAR DE SKYED PAR BYED PA'I RANG BZHIN LAS LDOG PA TZAM GTAN TSIG NYID DU BRJOD PA DE'I TSE GTAN TSIGS MA GRUB PA YIN TE, MIG LA SOGS PA NI SNGON PO LA SOGS PA'I SHES PA SKYED PA'I RANG BZHIN LAS KHYAD PAR MED PAR LDOG PAR MA GRUB PO, , GANG GI PHYIR MIG LA SOGS PA DE DAG GI RANG BZHIN GANG YIN PA DER YANG SKYED PAR BYED PAR 'DOD DE, DE KHO NAS 'BRAS BU DE BYA BA YIN GYI GZHAN GYIS NI MA YIN NO ZHES BYA BA 'DI LA NGES PA CI ZHIG YOD DE, GZHAN YANG BYED LA DE YANG BYED PA LA 'GAL BA MA MTHONG NGO, ,GAL TE YANG KHYAD PAR

77b

MED PAR LDOG PAR 'GYUR NA DE'I TSE RANG GI RANG BZHIN LAS KYANG LDOG PAR 'GYUR TE, DE LTA YIN DANG RANG BZHIN MED PA NYID DU THAL BAR 'GYUR RO, ,DE LTA BAS NA DNGOS PO RNAMS RANG GI NGO BO LAS LDOG PAR RIGS PA MA YIN NO, ,JI STE RANG GI RANG BZHIN SPANGS NAS MIG LA SOGS PA GZHAN GYIS SKYED PAR BYED PA LAS LDOG PA DE GTAN TSIGS NYID DU 'DOD NA DE'I TSE GTAN TSIGS MA NGES PA NYID YIN TE, 'DI LTAR RANG BZHIN GZHAN LAS LDOG PA DE'I RANG BZHIN DU MI 'GYUR GYI, DE SKYED PAR MI BYED PA NI MA YIN NO, ,THAMS CAD RANG GI NGO BOS SKYED PAR BYED PA YIN GYI GZHAN GYI NGO BOS NI MA YIN NO, ,BDAG NYID KYI RANG BZHIN GANG GIS 'DI SKYED PAR BYED PA'I ZHES 'DOD PA DE LAS LDOG PAS JI LTAR SKYED PAR BYED PA MA YIN PAR 'GYUR BA'I PHYIR GTAN TSIGS MA NGES PA YIN NO, ,CI STE MA YIN PAR 'JUG PAS DE'I RANG BZHIN MA YIN PA NYID DU BSGRUBS NA DE'I TSE GRUB PA LA SGRUB PA YIN TE, DNGOS PO RNAMS KYI RANG BZHIN NI PHAN TSUN DBEN PA NYID DU 'DOD PA'I PHYIR RO, ,DE SKYED NGO BOS MIN ZHES BYA BA 'DI NI DE YANG YIN LA SKYED PA YANG YIN PAS DE SKYED PAS TE, GZUGS LA SOGS PA'O, ,DE'I RANG GI NGO BO NI RANG BZHIN NO, ,DE GANG LA YOD PA DE NI DE SKYED NGO BOS MIN TE DNGOS PO NI DE NYID DO, ,GZHAN DE SKYED PAR BYED PA'I NGO BO GANG YIN PA DE DANG 'BRAL PA ZHES BYA BA'I THA TSIG GO, ,RNAM PA GCIG TU NA DE YANG YIN LA SKYED PAR BYED PA YANG YIN PAS DE SKYED DO, ,DE NI DE SKYED PAR BYED PA YANG YIN LA NGO BO YANG YIN NO ZHES LAS 'DZIN PAR BYAS LA DGAG PA DANG TSIG GSUM GYIS 'BRU 'BRAS BU MANG PO PAR BYED DO, ,YANG GANG GI DE NYID 'BRAS BU DE LA NGES PAR 'GYUR BA 'BRAS BU GCIG BYA BA LA MIG LA SOGS PA PHAN TSUN MA 'CHOL BA'I SKYED PAR BYED PA'I RANG BZHIN DE NYID GA LAS 'ONGS SNYAM DU DOGS PAS DE LA NGES PA ZHES BYA BA SMOS TE, GZHAN DU THA DAD KHYAD MED PHYIR, ,RNA BA LA SOGS KYANG DE YI, ,SKYED PAR BYED PAS CIS MI 'DOD, ,CES GANG SMRAS PA DE NI 'DIS BSAL BA YIN NO, ,DE LTA BAS NA THA DAD NA YANG RANG GI NGO BO NGES PA LA 'GA' ZHIG SKYED PAR BYED PAR 'GYUR GYI GZHAN

78a

, ,NI MA YIN NO ZHES BYA BA LA 'GAL BA CUNG ZAD KYANG MED DO, ,YANG GAL TE RANG BZHIN GCIG RJES SU 'GRO BAS THA DAD KYANG MIG LA SOGS PA SKYED PAR BYED PAR 'GYUR BA DE'I TSE, DE DAG GI SKYED PAR BYED PA'I RANG BZHIN GCIG PO DE RGYU GCIG LA YANG YOD PA'I PHYIR, GCIG PO DE NYID LAS 'BRAS BU SKYED PAR 'GYUR RO, ,DE LTA YIN DANG LHAN CIG BYED PA'I RGYU LHAG MA DON MED PAR THAL BAR 'GYUR RO, ,CI STE KHYAD PAR GZHAN MA TSANG BA'I PHYIR GCIG LAS 'BRAS BU SKYE BA MA YIN NO ZHE NA, MA YIN TE, KHYAD PAR GANG DAG YIN PA DE DAG MA TSANG BA MED PAR 'DOD DE, DE DAG NUS PA MA YIN PA'I PHYIR RO, ,CI'I PHYIR ZHE NA, THA DAD PA'I PHYIR TE, NUS PAR MNGON PAR 'DOD PA'I RJES SU 'GRO BA CAN GYI RANG BZHIN LAS GZHAN YIN PA'I PHYIR RO ZHES BYA BA'I THA TSIG GO, ,NUS PA MED PA MA TSANG BAS MI SKYED PAR RIGS PA YANG MA YIN TE, 'GA' ZHIG KYANG MI SKYED PAR THAL BAR 'GYUR BA'I PHYIR RO, ,YANG CI STE KHO BO CAG GIS SPYI DANG KHYAD PAR PHAN TSUN SHIN TU THA DAD PAR MI 'DOD DE, DE BAS NA THA DAD PA'I PHYIR ZHES BYA BA'I GTAN TSIGS SU MA GRUB PA YIN NO SNYAM NA, JI LTAR, THA DAD NA YANG MA TSANG MIN, ,ZHES BYA BA SMOS TE, KHYAD PAR RNAMS SPYI LAS THA MI DAD PAR KHAS LEN NA, 'O NA KHYAD PAR GZHAN MA TSANG BA'I PHYIR GCIG SKYED PAR BYED PA MA YIN NO ZHES BRJOD PAR MI BYA STE, GANG GI PHYIR SPYI DE MA TSANG BA MED PAR GNAS NA DE DANG THA MI DAD PA'I KHYAD PAR RNAMS KYANG MA TSANG BAR MA GRUB PA'I PHYIR RO, ,GANG ZHIG GANG DANG GRUB PA DANG BDE BA GCIG PA MA YIN PA DE NI DE'I RANG BZHIN DU RIGS PA MA YIN NO, ,GZHAN YANG THAL BAR 'GYUR BA 'DI NI KHYED CAG LA YANG MTSUNGS PA NYID YIN TE, RJES SU 'GRO BA KHYAD PAR MED PA'I PHYIR, THAMS CAD THAMS CAD SKYED PAR BYED PA CI'I PHYIR MA YIN TE, JI LTAR KHYED LA RJES SU 'GRO BA KHYAD PAR MED NA YANG THAMS CAD THAMS CAD KYI SKYED PAR BYED PA MA YIN PA DE BZHIN DU KHO BO CAG LA YANG YIN PA DE'I PHYIR 'DI NI CI YANG MA YIN NO, ,GZHAN YANG THA DAD PAR KHYAD PAR MED NA YANG 'GA' ZHIG SKYED PAR BYED PA YIN GYI GZHAN MA YIN PA'I PHYIR SKYED PAR BYED PA'I RANG BZHIN NGES PA GCIG NYID DU 'GYUR TE, GCIG GI

78b

RANG BZHIN GANG YIN PA DE GZHAN GYI MA YIN PA'I PHYIR RO, ,DE LTA YIN NA CUNG ZAD KYANG 'GAL BA MED DO, ,GANG GI TSE RJES SU 'GRO BA'I GCIG NYID SKYED PAR BYED PA YIN PA DE'I PHYIR TSE GCIG 'BRAS BU GCIG LA SKYED PAR BYED PA NYID DANG SKYED PAR BYED PA MA YIN PA ZHES BYA BA SGRUB PA DANG DGAG PA JI LTAR RTEN GCIG LA RIGS RTEN THA DAD PA LA NI 'GAL BA MED PAS DE'I PHYIR GCIG LA ZHES BSHAD DO, ,YANG CI STE GANG GIS GCIG GCIG LA SKYED PAR BYED PA DANG SKYED PAR MI BYED PA'I 'GAL BAR 'GYUR BA KHO BO CAG GIS GCIG TU 'GRO BA NYID NI MI 'DOD DO, ,'O NA CI ZHE NA, 'DI LA THA DAD PA LAS YIN TE, DES NA SKYED PAR BYED PA MA YIN PA NYID MI 'GAL LO SNYAM NA, THA DAD PA'I YIN LA RAG MOD, CI SKYED PAR BYED PA'I RANG BZHIN THA DAD PA DE SKYED PAR BYED PA'I BDAG NYID KYI RJES SU 'GRO BA 'DI NYID YIN NAM, 'ON TE GZHAN YIN ZHES BYA BA BRJOD PAR BYA'O, ,RE ZHIG DE NYID NI MA YIN TE, DNGOS PO RANG GI NGO BO LAS LDOG PAR RIGS PA NI MA YIN TE, RANG BZHIN MED PAR THAL BAR 'GYUR BA'I PHYIR RO, ,GZHAN THA DAD PA YIN NA SKYED PAR BYED PA'I RANG BZHIN MA TSANG BA MED PA DE SKYED PAR BYED PA MA YIN PA NYID DU YANG RIGS PA YANG MA YIN TE, HA CANG THAL BAR 'GYUR BA'I PHYIR RO, ,YANG NA DE NYID RANG GI NGO BO LAS THA DAD PA YIN DU CHUG MOD, DE LTA NA YANG GCIG SKYED PAR BYED PA DANG, SKYED PAR BYED PA MA YIN PA 'GAL BA MA BSAL BA KHO NA STE, 'DI LTAR THA DAD PA'I PHYIR GCIG PO DE BYED PA PO DE MA YIN PAR YANG 'GYUR RO, ,'ON TE GZHAN RJES SU 'GRO BA MED PA MA YIN NO, ,'O NA CI ZHE NA, DE NYID RJES SU 'GRO BA YIN NO ZHE NA, DE LTA YIN DANG GCIG SKYED PAR BYED PA DANG SKYED PAR BYED PA MA YIN PA 'GAL BA DE NYID SO NA 'DUG PA YIN NO, ,RJES SU 'JUG PA ZHES BYA BA NI RJES SU 'GRO BA STE, SKYED PAR BYED PA NYID KYI RANG BZHIN LA BRJOD KYI, GZHAN LA MNGON DU PHYOGS PA NI MA YIN NO, ,GZHAN YANG RJES SU 'GRO BA DANG LDOG PA DAG GIS KHYAD PAR NYID LAS 'BRAS BU GRUB PA DE DAG KHO NA MTSAN NYID DU RIGS KYI SPYI NI MA YIN NO, ,DNGOS PO NYID KYI MTSAN NYID NI DON BYA BA BYED PA NYID YIN PA'I

79a

, ,PHYIR RO; ,DE LTA YIN DANG CI SPYI RANG GI MTSAN NYID LAS THA DAD PA YIN NAM, 'ON TE THA MI DAD PA YIN ZHES DON BYED PA DON DU GNYER BA DE LA THA DAD PA DANG THA MI DAD PA'I BSAMS PAS CI ZHIG BYA, GANG GI PHYIR DON BYED PAR RUNG BA'I RANG BZHIN GANG KHO NA MNGON PAR 'DOD PAS DON BYED PA DON DU GNYER BA'I SKYES BU 'JUG PA DON DU GNYER BA RNAMS KYIS THA DAD PA DANG THA MI DAD PAR DER BRTAGS PA NYID BSAM PAR BYA BA NYID YIN GYI ZHEN PAS NI MA YIN NO, ,DE LTA MA YIN TE, GAL TE MA BRTAGS PA'I THA DAD PA DANG THA MI DAD PA DAG MI 'DOD PA DE'I ME, DON BYED PAR RUNG BA DE'I BDAG NYID KYIS TE RANG GI NGO BOS THA DAD PA DON DAM PAR YOD PA NYID DANG, LDOG PAS TE RNAM PAR RTOG PA'I BLO LA SNANG BA'I NGO BOR BYAS NAS MTSUNGS PA NYID DU RNAM PAR GZHAG STE, DE'I DNGOS PO NGES PA YIN NO ZHES BYA BA LA BRTZAD PA MED PA KHO NA'O, ,'DI TZAM NYID KYIS KYANG DON BYED PA DON DU GNYER BA'I THA DAD PA DANG SPYI'I BSAM PA YONGS SU RDZOGS PA'I PHYIR DON BYA BA MI BYED PA'I SPYI THA DAD PA DANG THA MI DAD PA BSAM PAS CI ZHIG BYA, YANG SPYI STE DNGOS PO NYID SPYI'I YIN LA RAG MOD, LOG PA BRTAGS PAS CI ZHIG BYA SNYAM NA, DNGOS PO ZHES BYA BA LA SOGS PA SMOS TE, GAL TE BUM PA LA SOGS PA SNAM BU LA SOGS PA LA RJES SU 'GRO BAR 'GYUR BA DE'I TSE SBRANG RTZI DANG CHU LA SOGS PA 'DZIN PA DON DU GNYER BA RNAM BU LA SOGS PA LA YANG 'JUG PAR 'GYUR BA'I PHYIR 'JUG PA 'CHOL BAR THAL BAR 'GYUR RO, ,SOGS PA'I SGRAS SKYE BA DANG 'GAG PA LA SOGS PA MTSUNGS PAR THAL BAR 'GYUR BA'O, ,CI STE BDE BAR GSHEGS PA RNAMS BZHIN DU GZHAN DAG GIS KYANG, DE'I PHYIR GANG DANG GANG LAS DON, ,LDOG PA DE YI SKYON CAN GYI, ,RIG BYED DE YI KHYAD PAR NI, ,RTOGS 'GYUR BA DAG RAB TU BYED, ,CES BYA BA 'DI 'DOD PA DE LA BSHAD PA, RTOGS PAS BKOD PA ZHES BYA BA LA SOGS PA STE, SNA TSOGS PA ZHES BYA BA NI THA DAD PA'O, ,GANG TSE GSER POR ZHES BYA BA LA SOGS PAS GZHON NU MA LEN GYI LUGS KYI DOGS PA BSU BA YIN TE, DES SMRAS PA, DNGOS PO THAMS CAD SKYED PA DANG GNAS PA DANG

79b

'JIG PA'I RANG BZHIN YIN PA'I PHYIR GSUM GYI BDAG NYID YIN TE, GCIG LAS KYANG DGA' BA LA SOGS PA 'BRAS BU GSUM 'BYUNG BA'I PHYIR RO, ,'DI LTAR GANG GI TSE, GSER PHOR BCAG NAS GDU BUR BYAS PA DE'I TSE, GSER PHOR DON DU GNYER BA MYA NGAN SKYE LA, GDU BU DON DU GNYER BA DGA' BA SKYE ZHING GSER DON DU GNYER BA NI BAR MAR GNAS SO, ,GAL TE DNGOS PO GCIG GI NGO BOR GYUR NA, DE'I TSE GCIG GI RNAM PA CAN GYI BLOR 'GYUR GYI GSUM GYI RNAM PA CAN 'DI NI MA YIN NO, ,GSER PHOR NI SNOD KYI KHYAD PAR YIN LA, GDU BU NI RGYAN GYI KHYAD PAR YIN NO, ,'DI SNYAM DU GAL TE GSUM GYI BDAG NYID DO ZHES BYA BA BSGRUB PA DE'I TSE 'JIG PA LA SOGS PA'I NGO BOS GSUM GYI BDAG NYID DO ZHES BYA BA 'DI GA LAS SHE NA, 'JIG PA MED NA MYA NGAN MED, ,CES BYA BA LA SOGS PA SMOS TE, DES NA SPYI NI RTAG PA NYID, ,CES BYA BA NI GANG GI PHYIR GNAS PA MED NA BAR MAR GNAS PA MED DE BAR MAR GNAS PA MED NA MI 'BYUNG BA DES GSER GYI SPYI RTAG PA NYID DU RTOGS PAR 'GYUR RO, ,DE LTAR DE YANG ZHES BYA BA LA SOGS PAS LAN 'DEBS PAR BYED DE, RTEN MI MTSUNGS PA YIN PHYIR RO, ,ZHES BYA BA 'DI NI BSHAD PAR BYA BA'I TSIG YIN TE, 'DI 'CHAD PA NI, GANG PHYIR SKYES DANG ZHES BYA BA LA SOGS PA'O, ,GAL TE DNGOS PO GCIG KYANG SKYE BA LA SOGS PA'I RANG BZHIN GYIS GSUM GYI BDAG NYID DU 'GYUR NA DE'I TSE PHAN TSUN 'GAL BA'I SKYE BA DANG, GNAS PA DANG 'JIG PA RNAMS CIG CAR 'BYUNG BAR 'GYUR LA, 'GAL BA DAG NI GCIG LA CIG CAR YOD PAR RIGS PA YANG MA YIN TE, DE LTA MA YIN NA 'GAL BA NYID DU MI 'GYUR RO, ,'O NA JI LTAR BLO GSUM SKYE BAR RIGS SHE NA, JI LTAR RIGS PA RNAMS BSTAN PA'I PHYIR, SKAD CIG 'JIG CES BYA BA SMOS TE, GSER POR GYI BDAG NYID KYI DNGOS PO NI GSER GYI PHOR PA 'DI DNGOS PO'O, ,DE YANG KHYAD PAR JI LTA BU ZHE NA, GSER GYI BDAG NYID DE RANG BZHIN DE GANG LA YOD PA ZHES TSIG RNAM PAR SBYAR RO, ,DE RANG NYID LAS TE, RANG GI DANG GIS 'JIG PA NA DE DON DU GNYER BA 'GA' ZHIG PA MYA NGAN SKYE'O, ,SNGA NA MED PA'I GDU BU

80a

, ,ZHES BYA BA'I NGO BO DE'I BDAG NYID DE DE GSER GYI BDAG NYID SKYE BA 'BYUNG BA NA GDU BU 'DOD PA 'GA' ZHIG DGA' BA SKYE BAR 'GYUR GYI, GSER GYI BDAG NYID KYI BSTAN PA 'GA' YANG YOD PA NI MA YIN TE, SKYE BA DANG 'JIG PA DAG NI RJES SU 'GRO BA MED PA'I PHYIR RO, ,'O NA GAL TE DE LTA NA BAR MAR GNAS PA'I BLO JI LTAR ZHE NA, GANG GI TSE RMONGS PA'I ZHES BYA BA LA SOGS PA SMOS TE, GANG GI TSE RMONGS PA'I BLO CAN GYIS GSER GYI BDAG NYID DE, GSER GYI RANG BZHIN GYI GSER PHOR DANG, GDU BU ZHES BYA BA'I DNGOS PO DAG RIM GYIS MTHONG STE, RANG BZHIN DBEN [?] PAR MTHONG NA YANG 'DRA BA GZHAN BYUNG BAS 'KHRUL PAS RNAM PAR DBYE BAR MI NUS PA'I PHYIR TE, DE NYID KYI PHYIR 'DRA BA GZHAN GYI NGO BO 'KHRUL PA'I RGYU MTSAN GYIS 'KHRUL PA NA GNAS SKABS GNYI GA LA YANG GSER BSTAN PA NYID DU SEMS SO, ,'DRA BA GZHAN NGO BOS ZHES BYA BA NI GSER MA YIN PA LAS LDOG PA TZAM DU CHOS MTHUN BAS DRA BA GZHAN GYI NGO BO SKYE BA NI 'DRA BA GZHAN GYI NGO BO'O, ,YANG JI LTAR 'DRA BA GZHAN GYI NGO BOS 'KHRUL PA BSTAN PAR RLOM PA YIN GYI, DNGOS PO NYID DE LTA BU YIN PA'I PHYIR NI MA YIN NO ZHES BRJOD PAR BYA ZHE NA, GSER BRTEN ZHES BYA BA LA SOGS PA SMOS TE, GAL TE GSER BRTAN PA NYID DU GYUR NA DE'I TSE DE DANG THA MI DAD PA'I GDU BU LA SOGS PA YANG GSER PHOR LA SOGS PA'I GNAS SKABS SU MTHONG BAR 'GYUR TE, DMIGS PA'I MTSAN NYID DU GYUR PA'I PHYIR RO, ,DE LTA MA YIN NA GAL TE GDU BU NI GSER PHOR GYI GNAS SKABS LA MA MTHONG LA DMIGS PA'I MTSAN NYID DU GYUR PA'I GSER POR YANG GDU BA'I GNAS SKABS SU MA MTHONG BA DE'I TSE, DE DAG PHAN TSUN THA DAD PA YIN NO, ,DE LTA YIN DANG DE DAG LAS THA MI DAD PA'I PHYIR DE'I RANG GI NGO BO BZHIN DU GSER YANG THA DAD PAR 'GYUR RO ZHES DPYAD NAS, GZHAN DU GCIG NYID MIN ZHES BYA BA SMOS TE, GANG YANG LDOG MTSAMS DNGOS PO LAS, ,ZHES BYA BA LA SOGS PAS THA DAD PA BSGRUB PA BRJOD PA DE LA GRUB PA LA BSGRUB PA'I PHYIR SUN 'BYIN PA BRJOD PAR MI BYA'O, ,DE KHO NA NYID BSDUS PA'I DKA' 'GREL LAS 'BYUNG BRTAG PA STE NYI SHU LNGA PA'O,, ,,

80b

MI 'JE [?] ZHES BYA BA DE BSGRUB PA'I DON DU, SANGS RGYAS PA DAG CES BYA BA LA SOGS PA SMOS TE, BRTAN PA 'GA' YANG YOD MA YIN, ,ZHES BYA BA 'DI LA 'DI SKAD CES BRGAL TE, 'ON TE, BRTAN PA 'GA' YANG YOD MA YIN, ,ZHES BYA BA 'DI LTAR BRJOD DE, GANG GI PHYIR CHOS SKYOB LA SOGS PA SANGS RGYAS PA KHA CIG GIS KYANG GNAS SKABS THA DAD PA'I PHYIR GSER BRTAN PA 'GA' YANG YOD PA MA YIN TE, RJES SU 'GRO BA DANG CHOS MTSUNGS PAS DNGOS PO DUS GSUM DU GNAS PAR 'DOD DE, ,'DI NYID TSIGS SU BCAD PA GNYIS PAS STON TO, ,DE LA DNGOS PO GZHAN DU 'GYUR BAR SMRA BA NI BTZUN PA CHOS SKYOB YIN TE, DES NA RE CHOS DUS RNAMS SU 'JUG PA NA DNGOS PO GZHAN DU 'GYUR BA 'BA' ZHIG TU ZAD KYI RDZAS NI MA YIN NO ZHES ZER RO ZHES GRAG STE, DPER NA GSER GYI RDZAS KYI GDU BU DANG DPUNG RGYAN DANG RNA CHA LA SOGS PAR BRJOD PA'I RGYU MTSAN GYI YON TAN GZHAN DU 'GYUR GYI, KHA DOG NI MA YIN PA DE BZHIN DU CHOS SKYE BA MA 'ONGS PA LA SOGS PA'I DNGOS PO GZHAN DU 'GYUR BA NYID YIN TE, 'DI LTAR CHOS RNAMS MA 'ONGS PA'I DNGOS PO YONGS SU SPANGS NAS DA LTAR BA'I DNGOS POR 'GYUR BA DANG, DA LTAR BYUNG BA'I DNGOS PO YONGS SU SPANGS NAS KYANG 'DAS PA'I DNGOS POR 'GYUR GYI, RDZAS GZHAN DU 'GYUR PA NYID NI MA YIN TE, RDZAS NI THAMS CAD DU 'KHRUL PA MED PA'I PHYIR RO, ,DE LTA MA YIN NA MA 'ONGS PA YANG GZHAN YIN LA, DA LTAR BYUNG BA YANG GZHAN YIN ZHING 'DAS PA YANG GZHAN YIN NO ZHES BYA BA THAL BAR 'GYUR RO, ,GANG GI 'DAS PA LA SOGS PA'I BRJOD PA DANG SHES PA 'JUG PA DES DNGOS PO LA YON TAN GYI KHYAD PAR CI ZHIG 'DOD, MTSAN NYID GZHAN DU 'GYUR BA SMRAS PA NI BTZUN PA DBYANGS SGROGS YIN TE, DE NA RE CHOS DUS RNAMS SU 'JUG PA NA 'DAS PA 'DAS PA'I MTSAN NYID DANG LDAN LA MA 'ONGS PA DANG DA LTAR BYUNG BA DAG GI MTSAN NYID DANG YANG LDAN TE, DPER NA SKYES BU BUD MED GCIG LA CHAGS PA LHAG MA LA CHAGS PA DANG BRAL BA MA YIN PA BZHIN NO, ,DE BZHIN DU MA 'ONGS PA DANG DA LTAR BYUNG BA DAG LA YANG

81a

, ,BRJOD PAR BYA'O, ,'DI NI 'DAS PA LA SOGS PA'I MTSAN NYID 'JUG PA THOB PA LA LTOS NAS THA SNYAD DU BYED PA'I PHYIR SNGA MA LAS THA DAD PAR SMRA BAR GRAG GO, ,GNAS SKABS GZHAN DU 'GYUR BAR SMRA BA NI BTZUN PA DBYIG BSHES YIN TE, DE NA RE CHOS DUS RNAMS SU 'JUG PA NA GNAS SKABS DANG GNAS SKABS SU PHYIN NAS GNAS SKABS GZHAN GYI SGO NAS GZHAN DANG GZHAN DU STON GYI RDZAS KYI SGO NAS NI MA YIN TE, RDZAS NI DUS GSUM CHAR DU THA MI DAD PA'I PHYIR RO, ,DPER NA 'JI BA'I RI LU GCIG GCIG GI SHOS MIG TU GZHAG NA GCIG CES BYA LA, BRGYA'I SHOS MIG TU GZHAG NA BRGYA, STONG GI SHOS MIG TU GZHAG NA STONG PA YIN PA DE BZHIN DU, DNGOS PO BYED PA'I GNAS SKABS NA DA LTAR YIN LA DE ZHIG PA NI 'DAS PA YIN LA, DE MA THOB PA NI MA 'ONGS PA YIN NO ZHES ZER RO ZHES GRAG STE, 'DI YANG GNAS SKABS LA LTOS NAS THA SNYAD DU BYA BA YIN TE, DPER NA 'JI BA'I GONG BU BZHIN NO, ,DE'I RANG BZHIN GZHAN DU 'GYUR BA NYID NI MA YIN NO, ,'O NA CI ZHE NA, GNAS SKABS KYI KHYAD PAR DANG 'BREL BA'I PHYIR GRANGS GSAL BAR BYED PA'I MING GZHAN 'BYUNG BA YIN NO, ,GZHAN GZHAN DU 'GYUR BA SMRA BA NI BTZUN PA SANGS RGYAS LHA YIN TE, DE NA RE CHOS DUS GSUM 'JUG PA LA SNGA MA DANG PHYI MA LA LTOS NAS GZHAN DANG GZHAN ZHES BRJOD DO, ,DPER NA BUD MED GCIG LA ZHES KYANG BYA, BU MO ZHES BYA BA BZHIN NO ZHES ZER RO ZHES GRAG STE, 'DI NI SNGA MA DANG PHYI MA LA LTOS NAS THA SNYAD DU BYED PA YIN NO, ,GANG LA SNGA MA KHO NA'ANG YOD LA PHYI MA MED PA DE NI MA 'ONGS PA YIN NO, ,GANG LA SNGA MA DANG PHYI MA YANG DE NI DA LTAR BYUNG BA YIN NO, ,GANG LA PHYI MA KHO NA YOD KYI SNGA MA MED PA DE NI 'DAS PA YIN NO, ,DE LTAR NA DNGOS PO DANG MTSAN NYID DANG GNAS SKABS DANG GZHAN TE, GZHAN LA SOGS PA'I MING CAN THAMS CAD YOD PAR SMRA BA RNAM PA BZHI'O, ,DE LA DANG PO NI YONGS SU 'GYUR BAR SMRA BA'I PHYIR, GRANGS CAN GYI LUGS LAS THA DAD PA MA YIN TE, DE 'GOG PA GANG YIN PA 'DI LA YANG BLTA BAR BYA STE, 'DI LTAR SNGA MA'I RANG BZHIN YONGS SU MA DOR BAS

81b

SAM, YONGS SU DOR NAS YONGS SU 'GYUR BA YIN GRANG, GAL TE YONGS SU MA DOR NAS YIN PA DE'I TSE DUS 'CHOL BAR 'GYUR RO, ,CI STE YONGS SU DOR NAS YIN NA DE'I TSE RTAG TU YOD PA NYID DU 'GAL LO, ,RGOL BA GNYIS PA YANG THAMS CAD LA MTSAN NYID THAMS CAD DANG LDAN PA'I PHYIR DUS 'TSOL BAR 'GYUR TE, SKYES BU DON GZHAN DU 'GYUR BA'I CHAGS PA MNGON DU GYUR PA'I PHYIR CHAGS PA ZHES BYA LA LDAN PA TZAM GYIS NI MA CHAGS PA YANG YIN GYI, CHOS KYI MTSAN NYID MNGON DU GYUR PA'AM, THOB PA'I MTSAN NYID KYIS LDAN PA YOD PA NI MA YIN NO, ,MTSAN NYID NI THOB PA BZHIN DU GZHAN NYID DU THAL BAR 'GYUR BA DE'I PHYIR, DPE LAS BYUNG BA'I DON DANG MTSUNGS PA MA YIN NO, ,GSUM PA BYA BA'I SGO NAS DUS RNAM PAR GZHAG PA'AM RGYAS PAR SUN 'BYIN PA 'CHAD PA 'GYUR RO, ,BZHI PA LA YANG DUS GCIG NYID LA DUS GSUM NYID DU 'GYUR TE, 'DI LTAR 'DAS PA'I DUS LA SNGA MA DANG PHYI MA'I SKAD CIG MA DAG NI 'DAS PA DANG MA 'ONGS PA YIN LA, DBUS KYI SKAD CIG MA NI DA LTAR BYUNG BA YIN NO, ,'DI DAG GI SUN 'BYIN PA'I LAN 'DI NI GSAL BA'I PHYIR GSUM PA NYID NAS BRTZAMS NA SLAR YANG DUS GSUM BRTAGS PA TZAM MO, , GSER GYI DPES GRUB PA'I MTHA' NYE BAR BSTAN PA TZAM BYAS KYI, CHOS SKYOB KYI LTA BA KHO NA 'DOD PA NI MA YIN NO, ,DE SKAD DU YANG, GANG PHYIR DUS KYI RNAM DBYE 'DI, ,BYA BA'I SGO NAS RAB TU BRTAGS, ,ZHES 'CHAD PAR 'GYUR RO, ,'DI LTAR BYA BA'I SGO NAS RNAM PAR 'JOG PA CHOS SKYOB KYI NI MA YIN NO, ,'O NA CI ZHE NA, DBYIG BSHES KYI YIN NO, ,DE LA GAL TE 'DAS PA DANG MA 'ONGS PA MED PA GYUR NA RGYAL PO MANG POS BKUR BA BYUNG BAR GYUR TO, ,'KHOR LOS SGYUR BA'I RGYAL PO RGYAL PO 'BYUNG BAR 'GYUR RO ZHES BYA BA'I 'DAS PA DANG MA 'ONGS PA DAG GIS SHES PA DMIGS PA MED PAR 'GYUR RO, ,DE LTA YIN DANG DMAR SHES PA NYID DU MI 'GYUR TE, DMIGS PA MED PA'I PHYIR SNYAM DU BSAM PA YIN NO, ,'DI LTAR DNGOS PO SO SOR NGES PA RIG PA'I BDAG NYID RNAM PAR SHES PA YIN LA SHES PAR BYA BA MED NA 'DIS CUNG ZAD KYANG MI SHES PA'I

82a

, ,PHYIR RNAM PAR SHES PA NYID MA YIN PAR 'GYUR RO, ,GZHAN YANG BCOM LDAN 'DAS KYIS RNAM PAR SHES PA NI GNYIS LA BRTEN NAS SKYE'O ZHES GSUNGS PA LA, GNYIS GANG ZHE NA, MIG DANG GZUGS LA SOGS PA NAS YID DANG CHOS RNAMS ZHES BYA BA'I BAR YIN TE, 'DAS PA DANG MA 'ONG PA DAG MED NA DE LA DMIGS PA'I RNAM PAR SHES PA GNYIS LA BRTEN PAR MI 'GYUR BA'I LUNG DANG 'GAL LO, ,GZHAN YANG TAL TE YOD PA MA YIN PA STE, YOD PAS STONG PAR GYUR NA 'BRAS BU SKYES BA'I DUS NA RNAM PAR SMIN PA'I RGYU MED PA'I PHYIR LAS 'DAS PA 'BRAS BU 'BYIN PA MI 'GYUR RO, ,MED PA LAS NI 'BRAS BU SKYED PA'I NUS PA YOD PA YANG MA YIN TE, MED PA'I MTSAN NYID NI NUS PA THAMS CAD DANG BRAL BA YIN PA'I PHYIR RO, ,GZHAN YANG RGYAL PO NGA LAS NU BYUNG BAR GYUR TO, ,'KHOR LOS SGYUR BA'I RGYAL PO DUNG DANG DE BZHIN GSHEGS PA BYAMS PA 'BYUNG BAR 'GYUR RO ZHES BYA BA LA SOGS PAS RNAM PAR PHYE NAS RNAL 'BYOR GYI SHES PA 'DAS PA LA SOGS PAR 'BYED PAR MI 'GYUR RO, ,MED PA LA NI RNAM PAR DBYE BA YOD PA MA YIN TE, DE LTA BAS NA RGYAL LO DGA' BA'I DPAL LA SOGS PA 'DAS PA DANG MA 'ONGS PA'I DNGOS PO RNAMS RDZAS DGAG PA'I NGO BO NI MA YIN TE, DUS KYIS BSDUS PA'I GZUGS LA SOGS PA NYID DU BSTAN PA'I PHYIR DA LTAR BYUNG BA BZHIN NO, ,BCOM LDAN 'DAS KYIS DGE SLONG DAG GAL TE 'DAS PA'I GZUGS SHIG YOD PAR MA GYUR NA, 'PHAGS PA NYAN THOS THOS PA DANG LDAN PA 'DAS PA'I GZUGS LA MI LTA BAR YANG MI 'GYUR BA ZHIG NA, GANG GI PHYIR 'DAS PA'I GZUGS YOD PA DE'I PHYIR 'PHAGS PA NYAN THOS THOS PA DANG LDAN PA 'DAS PA'I GZUGS LA MI LTA BA YIN ZHES BYA BA RGYAS PA DANG, DE BZHIN DU GZUGS GANG CUNG ZAD 'DAS PA DANG MA 'ONG PA LA SOGS PA THAMS CAD BSDUS NAS GZUGS KYI PHUNG PO ZHES BYA BA'I GRANGS SU 'GRO ZHES BYA BA LA SOGS PA GSUNGS SO, ,DUS KYIS BSDUS PA GANG DAG LA YIN LA DE DAG NI DUS KYIS BSDUS PA STE, GZUGS LA SOGS PA'O, ,

82b

SOGS PA'I SGRAS TSOR BA LA SOGS PA GZUNG NGO, ,DE DAG GI NGO BO NI GZUGS LA SOGS PA NYID DE, 'DIR YANG SOGS PA'I SGRAS SDUG BSNGAL DANG KUN 'BYUNG DANG MI RTAG PA DANG BDAG MED PA LA SOGS PA NYID DU NYE BAR BSTAN PA NYID DU GZUNG NGO, ,YANG CI STE 'O NA NAM MKHA' BZHIN DU RTAG TU GNAS PA'I PHYIR JI LTAR 'DAS PA LA SOGS PA RNAM PAR GZHAG SNYAM NA, DUS THA DAD CES BYA BA LA SOGS PA SMOS SO, ,GANG GI PHYIR BYA BA THOB PA NI DA LTAR ZHES BYA BA LA, BYA BA ZHIG PA NI 'DAS PA YIN ZHING ZHING BYA BA MA THOB PA NI MI 'ONGS PA YIN PA'I PHYIR BYA BA'I SGO NAS DUS RNAM PAR GZHAG GO, ,YANG 'DI BYA BA CI LA 'DOD, ,GAL TE DPER NA GANG GI PHYIR MIG GIS MTHONG NGO, ,RNA BAS THOS SO, ,SNAS TSOR RO, ,LCES MYANG NGO ZHES BYA BA LA SOGS PA LA SOGS PA LA MIG LA SOGS PA LNGA RNAMS KYI LTA BA LA SOGS PA DANG, RNAM PAR SHES PAR BYED PA'I PHYIR RNAM PAR SHES PA'I YANG SHES PA PO NYID DO, ,GZUGS LA SOGS PA YANG DBANG PO'I SPYOD YUL YIN PA LTAR MTHONG BA LA SOGS PA'I MTSAN NYID KYI BYA BA YIN NO, ,DE LTAR YIN LA DA LTAR BYUNG BA'I MING DE DANG MTSUNGS PA GNYIS LOG PA'I GNAS SKABS NA BYA BA MED PA'I PHYIR DA LTAR BYUNG BA NYID DU MI 'GYUR RO, ,CI STE BYA BA'I MTSAN NYID NI 'BRAS BU 'BYIN PA DANG 'DZIN PA YIN TE, DPER NA MIG GI SKYE BA LA SOGS PA'I CHOS LHAN CIG 'BYUNG BA RNAMS NI SKYES BU BYED PA'I 'BRAS BU YIN LA, MJUG THOGS SU BYUNG BA'I MIG GI DBANG PO NI SKYES BU BYED PA'I 'BRAS BU DANG BDAG PO'I 'BRAS BU DANG RGYU MTHUN PA'I 'BRAS BU YIN PA'I RANG BZHIN NO, ,'DI NI 'BRAS BU SKYED PAR BYED PA'I PHYIR 'BYIN PAR BYED PA YIN LA RGYU'I DNGOS POR GNAS PA'I PHYIR 'DZIN PA YIN PAS MIG DA LTAR BYUNG BA ZHES BYA'O ZHE NA, 'O NA DE LTAR NA SKAL BA MNYAM PA DANG KUN DU 'GRO BA DANG RNAM PAR SMIN PA RGYU 'DAS PA DANG MA 'ONGS PA RNAMS KYANG 'BRAS BU 'BYIN PAR KHAS LEN PA'I PHYIR LTAR BYUNG BA NYID DU THAL BAR 'GYUR RO, ,CI STE 'BRAS BU 'BYIN BA DANG 'DZIN PA'I MTSAN NYID KYI BYA BA MTHA' DAG LA YOD PAR 'DOD NA, DE LTA NA YANG SKAL BA MNYAM PA'I RGYU LA SOGS PA 'DAS PA YANG DA LTA BAR THAL BAR 'GYUR NAS 'JIGS NAS,

83a

, ,SLOB DPON 'DUS BZANG GIS SMRAS PA, 'BRAS BU 'PHEN PA'I NUS PA CHOS RNAMS KYIS BYA BAR BRJOD KYI, 'BRAS BU SKYED PAR NI MA YIN NO, ,SKAL BA MNYAM PA'I RGYU LA SOGS PA 'DAS PA RNAMS LA NI 'BRAS BU 'PHEN PA YOD PA YANG MA YIN TE, DA LTA BA'I GNAS SKABS NA 'PHANG ZIN PA'I PHYIR RO, ,'PHANG ZIN PA YANG 'PHEN PAR RIGS PA MA YIN TE, THUG PA MED PAR THAL BAR 'GYUR BA'I PHYIR RO, ,DE LTA BAS NA 'DAS PA RNAMS LA BYA BA SRID PA MA YIN PA'I PHYIR MTSAN NYID 'CHOL BAR 'GYUR BA MA YIN NO ZHE'O, ,DE DAG GIS NI ZHES BYA BA LA SOGS PAS LAN 'DEBS PAR BYED DE, BYA BA DE CHOS LAS GZHAN NAM GZHAN MA YIN PA ZHES BYA BA DE DAG GIS KHAS BLANG BAR BYA DGOS TE, GZHAN DANG GZHAN MA YIN PA DAG NI PHAN TSUN SPANGS TE GNAS PA'I MTSAN NYID YIN PA'I PHYIR GCIG DGAG PA NI GZHAN SGRUB PA MED NA MI 'BYUNG BA YIN PA'I PHYIR DNGOS PO'I GO SKABS GZHAN YOD PA MA YIN NO, ,DE LA GAL TE GZHAN YIN PA DE'I TSE DE LTAR BYUNG BA'I SNGAR DANG PHYIS KYI GNAS SKABS DAG RANG BZHIN MED PA NYID DU 'GYUR TE, RGYU NYID DANG 'DUS BYAS NYID LA SOGS PA'I PHYIR NI GTAN TSIGS SO BYA BA BZHIN DU NI DPE'O, ,SOGS PA'I SGRAS NI DNGOS PO NYID LA SOGS PA GZUNG NGO, ,DE LTA MA YIN NA GAL TE SNGA MA DANG PHYI MA RANG BZHI MED PA NYID DU GYUR NA, DE'I TSE RANG BZHIN THAMS CAD DU GNAS PA'I PHYIR 'DUS BYAS THAMS CAD RTAG PA NYID DU 'GYUR RO, ,DUS THAMS CAD DU YOD PA LAS MA GTOGS PA'I RTAG PA'I MTSAN NYID YOD PA YANG MA YIN TE, GANG GI RANG BZHIN 'JIG MED PA, ,DE LA MKHAS RNAMS RTAG CES BRJOD, ,CES GANG BSHAD PA YIN NO, ,'DI SNYAM DU GAL TE RTAG PA DANG NUS PA DANG RGYU NYID DANG 'DUS BYAS NYID LA SOGS PA'I GTAN TSIGS JI LTAR BSGRUB PAR BYA BA'I MTHUN PA'I PHYOGS DANG 'GAL BA YIN ZHE NA, RTAG PA'I MTSAN NYID CES BYA BA LA SOGS PA SMOS TE, SNGAR ZHES BYA BA NI BRTAN PA'I DNGOS PO RTAG PAR DE, 'DUS BYAS THAMS CAD MI RTAG PA NYID DU KHAS BLANGS PA'I PHYIR RTAG PA LAS 'DUS BYAS NYID SRID PA MA YIN

83b

ZHES GSAL BAR NGES PAR BYA'O, ,GZHAN YANG PHUNG PO DANG KHAMS DANG SKYE MCHED LAS MA GTOGS PA'I BYA BA BRJOD PAR BYED NA, GRUB PA'I MTHA' DANG 'GAL TE, 'DI LTAR BCOM LDAN 'DAS KYIS BRAM ZE THAMS CAD CES BYA BA NI 'DI LTA STE, PHUNG PO LNGA DANG SKYE MCHED BCU GNYIS DANG KHAMS BCO BRGYAD DO ZHES GSUNGS PA YIN NO, ,CI STE BYA BA ZHES MA YIN PAR KHAS LEN PAR BYED PA DE'I TSE, CHOS KYI RANG GI NGO BO BZHIN DU DE LAS THA MI DAD PA'I PHYIR DE YANG DUS THAMS CAD PAR 'GYUR TE, DE LTA YIN DANG BYA BA ZHIG PA NI 'DAS PA DANG DE THOB PA NI DA LTAR BYUNG BA YIN ZHING DE MA THOB PA NI MA 'ONGS PA ZHES BYA BA'I DBANG GIS DUS LA SOGS PA'I RNAM PAR DBYE BA 'DIR MI 'GYUR RO, ,GAL TE RANG GI PHYIR BYA BA 'DI'I RNAM PAR DBYE BAS ZHIG PA DANG THOB PA DANG MA THOB PA DAG TU 'GYUR BA DE'I TSE DUS KYI RNAM PAR DBYE BA 'DIR 'GYUR NA, DE DAG GI RNAM PAR PHYE NAS YOD PA MA YIN NA STE, RTAG TU GNAS PAS GCIG GI NGO BO LA RNAM PAR SBYAR RO, ,DE 'DI LA YOD PAS DE DANG LDAN PA'O, ,BYA BA RTAG TU ZHES BYA BA LA SOGS PAS PHAN TSUN 'GAL BA KHAS BLANGS PA'I SGO NAS BZHAD GAD DU BYED PA YIN NO, ,'O NA DE LTAR NA GZUGS LA SOGS PA'I CHOS RTAG TU YOD PA MA YIN NO ZHES BYA BAR TZAM YANG YIN LA YOD PA YANG YIN ZHES TSIG RNAM PAR SBYAR RO, ,DE 'DI LA YOD PAS DE DANG LDAN PA'O, ,BYA BA RTAG TU ZHES BYA BA LA SOGS PAS PHAN TSUN 'GAL BA KHAS BLANGS PA'I SGO NAS BZHAD GAD DU BYED PA YIN NO, ,'O NA DE LTA NA GZUGS LA SOGS PA'I CHOS RTAG TU YOD PA MA YIN NO ZHES BYA BAR THAL BAR 'GYUR TE, BYA BA LAS THA MI DAD PA'I PHYIR RO ZHE NA, CHOS NI RTAG TU YOD PAR BRJOD, ,CES BYA BA SMOS TE, DE LTA NA YANG CHOS LAS BYA BA GZHAN NYID DU THAL BAR 'GYUR RO ZHE NA, BSHAD PAR BYA BA YANG CHOS LAS GZHAN MA YIN, LHA NI DBANG PHYUG LA SOGS PA STE, DE DAG NI RIGS PA DANG MI RIGS PA DANG SPYOD PA MED PAR RANG DBANG DU 'JUG STE, DE DAG NI 'DOD PA JI LTA BA BZHIN DU RANG DBANG DU 'JUG PA'I PHYIR RIGS PA DANG MI RIGS PAS LTA BAR MI BYED DE, 'DI YANG DE BZHIN NO ZHES BYA BA'I THA TSIG GO, ,GZHAN YANG BYA BA GZHAN GYIS MA 'ONGS PA LA SOGS PA NYID DU 'DOD NA,

84a

, ,'O NA BYA BA'I SGO NAS DUS RNAMS RNAMS PAR GZHAG GO ZHES BRJOD PA MI BYA STE, 'KHRUL BA'I PHYIR RO, ,CI STE BYA BA RANG GI NGO BO YOD PA LA LTOS NAS MA 'ONG PA LA SOGS PA YOD PA NYID RNAM PAR 'JOG PA DE BZHIN DU DNGOS PO RNAMS KYANG MA 'ONG PA LA SOGS PA NYID DU 'GYUR BA'I PHYIR, BYA BA RTAGS PAS CI ZHIG BYA, ,YANG 'KHRUL BA'I SKYON DU 'GYUR NA MI RUNG NGO SNYAM PAS BYA BA LA YANG BYA BA KHAS LEN PAR BYED PA DE'I TSE, DE LA YANG THA DAD PA LA SOGS BSAM PA'I BRGAL ZHING BRTAG PA MTSUNGS PA DANG, THUG PA MED PA NYES PA YOD DO, ,GZHAN MA YIN PA NYID YIN NA YANG BYA BA DUS THAMS CAD PAR 'GYUR TE, KHYAD PAR MED PA'I PHYIR CHOS KYI RANG GI NGO BO BZHIN NO ZHES GANG SMRAS PA 'DI LA, BTZUN PA 'DUS BZANG GIS SMRA PA, RANG GI NGO BO LAS THA MI DAD KYANG CHOS KHYAD PAR DU BYED PAR MTHONG STE, DPER NAS LA SOGS PA RNAMS KYI THOGS PA DANG BCAS PA NYID LA SOGS PA BZHIN NO, ,DPER NA DE DAG NI DON JI LTA BA BZHIN DU KHYAD PAR MED KYANG THOGS PA DANG BCAS PA DANG THOGS PA MED PAR BSTAN DU YOD PA DANG BSTAN DU MED PA ZHES BYA BA'I RANG GI NGO BO LAS THA MI DAD PA'I CHOS KYI KHYAD PAR DU BYED PA RTOG PA DE BZHIN DU BYA BAS KYANG CHOS YIN NO ZHES BYA BA 'DI NI SKABS NYE BAR MKHO BA MA YIN TE, 'DI LTAR 'DIR DNGOS PO LAS BYA BA THA MI DAD PAR KHAS BLANGS PA NA GCIG GI BDAG NYID DU GYUR PA'I DNGOS PO'I BYA BA KHYAD PAR MED PA'I PHYIR DE'I DBANG GIS DUS KYI RNAM PAR DBYE BA 'DI MI 'THAD PA YIN NO ZHES BYA BA 'DI NI SKABS YIN NO, ,SA LA SOGS PA NI PHAN TSUN RANG GI MTSAN NYID THA DAD PA'I PHYIR THA DAD PA YIN NO ZHES BYA BA RIGS TE, GANG GI PHYIR LAS LA NI THOGS PA DANG BCAS PAR 'GYUR LA, DPER NA TSOR BA LA SOGS PA LTA BUR KHA CIG NI THOGS PA MED PA NYID YIN GYI, THOGS PA DANG BCAS PA GANG YIN PA DE KHO NA THOGS PA MED PA YIN NO ZHES BYA BA MA YIN NO, ,GANG GI PHYIR CHOS GANG ZHIG RES 'GA' THOGS PA DANG BCAS PA NYID LA SOGS PA DANG BCAS PAR 'GYUR BA LA SA LA SOGS PA DNGOS PO'I BDAG NYID RJES SU 'GRO BA GCIG PO NI 'GA' YANG YOD PA MA YIN NO, ,

84b

'O NA CI ZHE NA, DNGOS PO CHA SHAS MED PA NYID DE LTAR TE RIGS MTHUN PA DANG RIGS MI MTHUN PA LAS LDOG PAR BSTAN PA YIN TE, RANG GI NGO BO LAS THA MI DAD PA'I CHOS GCIG THA DAD PAR BYED PAR RIGS PA MA YIN NO, ,GAL TE RANG GI NGO BO LAS THA MI DAD PA MI DAD PA'I CHOS THA DAD DU BYED PAR GYUR NA, JI LTAR GZUGS KYI THOGS PA DANG BCAS PA ZHES THA DAD PA'I THA SNYAD YIN ZHE NA, GZUGS KYI DE ZHES BYA BA'I SGRAS, ,ZHES BYA BA LA SOGS PA MOS TE, DE ZHES BYA BA NI THOGS PA DANG BCAS PA NYID DO, ,SGRA ZHES BYA BA NI GZUGS KYI THOGS PA DANG BCAS PA ZHES BYA BA 'DIS SO, ,KHYAD PAR GZHAN MI 'PHEN PA YIS, ,ZHES BYA BA NI KHYAD PAR GZHAN SPANGS NAS ZHES BYA BA'I DON TO, ,DE LTAR BRJOD CES BYA BA NI THA MI DAD PA LTA BUR RO, ,'DI LA DPE BSHAD PA NI, ,SEMS KYI BAG CHAGS KYANG YANG YIN, ,ZHES BYA BA STE, KYANG YANG ZHES BYA BA'I TSIG PHRAD GNYIS TSOGS NAS LTA BU'I DON DU BLTA BAR BYA'O, ,YANG DE NYID KYIS SMRAS PA, BYA BA CHOS LAS GZHAN MA YIN TE, DE LAS THA DAD DU RANG BZHIN DMIGS PA'I PHYIR RO, ,CHOS TZAM YANG MA YIN TE, RANG BZHIN YOD NA YANG RES 'GA' MED PA'I PHYIR RO, ,MED PA YANG MA YIN TE, KHYAD PAR MED PA'I PHYIR DANG, BYA BA YANG SNGAR MED PA'I PHYIR RGYUN BZHIN NO, ,DPER NA CHOS PAR MED PAR 'BYUNG BA NI RGYUN ZHES BYA LA, 'DI CHOS LAS THA DAD PA YANG MA YIN TE, DE DANG MA PHYE BAR GZUNG BAR BYA BA'I PHYIR RO, ,CHOS TZAM YANG MA YIN TE, SKAD CIG GCIG NYID KYANG RGYUN NYID DU THAL BAR 'GYUR BA'I PHYIR RO, ,MED PA YANG MA YIN TE, 'BRAS BU YOD PA'I PHYIR RO ZHES BYA BA LTA BU'O, ,YANG BSHAD PA, 'BRAS BU'ANG RGYUN LA MNGON 'DOD CING, ,RGYUN DE'ANG 'GA' YANG YOD PA MA YIN, ,BYA BA SGO NAS DUS GRUB PA, ,DE LTAR RIGS PAS RTOGS PAR GYIS, ,ZHES PA'O, ,'DIR SMRAS PA, CI STE RGYUN LA SOGS ZHES BYA BA LA SOGS PA LA, RGYUN LA SOGS PA BZHIN ZHES BYA BA'I SOGS PA'I SGRAS TSOGS PA LA SOGS PA GZUNG NGO, ,JI LTAR RGYUN CAN LAS DE NYID DANG GZHAN DU BRJOD DU MED PA'I PHYIR, GANG ZAG DANG RGYUN RANG BZHIN MED PA DE BZHIN DU BYA BA YANG RANG BZHIN MED PAR 'GYUR RO, ,

85a

, ,RANG BZHIN ZHIG YIN NA NI GDON MI ZA BAR DE NYID DAM GZHAN DU 'GYUR BA YIN TE, DE LTA YIN DANG BYA BA DE BRTAGS PA YIN PA'I PHYIR RGYUN BZHIN DU 'BRAS BU 'GA' LA YANG NYE BAR SBYOR BA MA YIN NO, ,BRTAGS PA'I RGYU NI 'BRAS BU 'GA' ZHIG LA YANG NYE BAR SBYOR BA YOD PA MA YIN TE, DE NI RANG BZHIN MED PA YIN PA'I PHYIR LA 'BRAS BU SKYE BA NI RANG BZHIN DANG 'BREL BA'I PHYIR RO, ,DE LTA BAS NA RGYUN CAN GYI RANG BZHIN GYIS DNGOS PO'I RANG BZHIN NYID DON BYED PAR NUS PA YIN GYI, RGYUN BRTAGS PA NI MA YIN NO, ,DE LTA YIN DANG BYA BA RTOGS SU YOD PA YIN PA'I PHYIR SNGA MA BZHIN DU PHYIS KYANG DON DAM PAR YOD PA MA YIN PA'I PHYIR DE'I DBANG GIS DUS GSUM RNAM PAR GZHAG NA YANG BRTAGS PA NYID DU 'GYUR GYI YANG DAG PA NI MA YIN NO, ,YANG CI STE BYA BA RTAGS SU YOD PA DANG DES BYAS PA'I DUS RNAM PAR GZHAG PA YANG BRTAGS SU YOD PA YIN LA RAG MOD DE LAS SKYON CIR 'GYUR SNYAM NA, BYA BAR BRJOD PA ZHES BYA BA SMOS TE, 'BRAS BU 'PHEN PA'I NUS PA NI CHOS RNAMS KYI BYA BA YIN NO ZHES BYA BAR KHYED CAG GIS BRJOD LA, 'BRAS BU 'PHEN PA'I NUS PA GANG YIN PA STE DNGOS PO'I RANG GI MTSAN NYID LAS GZHAN NI MA YIN NO, ,'O NA CI ZHE NA, DE NYID YIN NO, ,DE NYID KYI PHYIR 'DI SGRA'I SPYOD YUL MA YIN TE, THUN MONG MA YIN PA YIN PA'I PHYIR LA, RANG BZHIN MTSAN NYID LA SGRA MI 'JUG PA'I PHYIR RO, ,DE LTA YIN DANG NUS PA NYID DNGOS PO YIN GYI GZHAN MA YIN PA'I PHYIR JI LTAR NUS PA DE THA SNYAD DU YOD PAR 'GYUR TE, MI 'GYUR BA KHO NA'O ZHES BYA BA'I THA TSIG GO, ,DE BAS NA DE'I DBANG GIS DUS RNAM PAR GZHAG PA DE KHO NA NYID DU 'DOD PAR BYA DGOS SO SNYAM DU BSAMS PA YIN NO, ,GZHAN YANG GANG ME LA SOGS PA'I NGO BO BSREG PA DANG 'TSED PA LA SOGS PA DON BYA BA BYED PAR DMIGS PA NYID CI 'DAS PA DANG MA 'ONGS PA'I GNAS SKABS YIN NAM, 'ON TE GZHAN YIN, GAL TE DE NYID YIN NA KHYAD PAR MED PA'I DNGOS PO GCIG LA GANG GIS GO RIMS BZHIN DU MA 'ONGS PA DANG, 'DAS PA DANG DA LTAR RNAM PAR 'JOG PAR 'GYUR BA JI LTAR MI BYED PA LA SOGS

85b

PA'I CHOS PHAN TSUN 'GAL BA'I CHOS YOD PAR 'GYUR, GAL TE 'GAL BA'I CHOS DANG LDAN PA YANG GCIG TU GYUR NA, 'O NA DE THA DAD PAR RNAM PAR MI GZHAG GO, ,DE LTA YIN DANG 'GRO BA THAMS CAD GCIG NYID DU 'GYUR LA, GCIG NYID YIN NA YANG LHAN CIG SKYE LA SOGS PAR THAL BAR 'GYUR RO, ,YANG CI STE GNAS SKABS SPANGS PA DANG YONGS SU 'DZIN PA'I BYE BRAG GIS THA DAD PA'I PHYIR DUS RNAMS SU DNGOS PO KHYAD PAR MED DO ZHES RTOG NA, DE LTAR NA YANG CI GNAS SKABS DE DAG DNGOS PO LAS THA DAD PA YIN PA YIN NA NA MA 'ON TE THA MI DAD PA YIN ZHES BYA BA BRJOD PAR BYA DGOS SO, ,PHA ROL POS MA YIN ZHES BYA BA SMOS TE, DNGOS PO LAS THA DAD PA YIN ZHES 'BREL TE, ,CI'I PHYIR ZHE NA, DNGOS PO BYED PO MI THOB PHYIR TE, BYED PA PO MA YIN PA NYID DU THAL BAR 'GYUR BA'I PHYIR RO, ,GNAS SKABS DE DAG NYID DU RJES SU 'GRO BA DANG LDOG PA DAG GIS 'BRAS BU NUS PA GRUB PA'I PHYIR RO, ,'DIR SKYON BSHAD PA NI, JI LTAR ZHES BYA BA LA SOGS PA STE, JI LTAR GNAS SKABS DNGOS PO LAS THA MI DAD PAR SHES PAR 'GYUR RTOGS PAR 'GYUR TE, MI 'GYUR BA KHO NA'O, ,GANG GI PHYIR GNAS SKABS MA BYUNG BA LAS BYUNG ZHING BYUNG NAS KYANG 'JIG PAR 'GYUR BA DE LTAR DNGOS PO NI MI 'DOD DE, THAMS CAD DU YOD PA NYID DU KHAS LEN PA'I PHYIR RO, ,DE LTA YIN DANG DE'I BDAG NYID DE DAG NI MA BYUNG BA LAS BYUNG BA DANG BYUNG NAS KYANG 'JIG PA JI LTAR RIGS PA YIN, ,MA YIN PA KHO NA STE, GRUB PA DANG BDE BA THA DAD PA'I PHYIR RO, ,DE LTA MA YIN TE, DE'I BDAG NYID YIN NA DE DAG KYANG RTAG TU YOD PA NYID DU THAL BAR 'GYUR TE, DNGOS PO'I RANG BZHIN DE LAS THA MI DAD PA'I PHYIR RO, ,DNGOS PO YIN NA YANG MA BYUNG BA LAS BYUNG BA LA SOGS PA THAL BAR 'GYUR TE, GNAS SKABS KYI RANG BZHIN NO, ,GNAS SKABS THA DAD PA YONGS SU BRTAGS PA YIN DU CHUG MOD, DE LTA NA YANG 'GAL BA'I CHOS DANG LDAN PA MA SPANGS PA KHO NA YIN TE, 'DI LTAR DBUS KYI GNAS SKABS KYI DNGOS PO CI RANG GI NGO BOS BYED PA YIN NAM, 'ON TE GZHAN GYI NGO BOS YIN, GANG LTE RANG GI NGO BOS YIN NA, NGO BO DE NYID 'DAS PA DANG MA 'ONGS PA'I GNAS SKABS GZHAN DAG LA YOD PA'I PHYIR,

86a

, ,'DI'I BYED PA'I RANG BZHIN MI BYED PA DANG BYED PA ZHIG PA JI LTAR 'GYUR, CI STE GZHAN GYI NGO BO YIN NA DE'I TSE, YANG 'DI'I BYED PA PO MA YIN PA THOB PAR 'GYUR BAS DNGOS PO MED PA NYID DU THAL BAR 'GYUR RO, ,DE LTAR RE ZHIG ME LA SOGS PA'I RANG BZHIN DE NYID 'DAS PA DANG MA 'ONGS PA LA SOGS PA'I GNAS SKABS SU MI RIGS SO, ,'ON TE GZHAN YIN NA PHYOGS 'DI LA GCIG LA BYED PA DANG MI BYED PA LA SOGS PA PHAN TSUN 'GAL BA'I CHOS 'CHOL BA LA SOGS PA'I SKYON DU MI 'GYUR TE, DNGOS PO THA DAD PA'I PHYIR RO, ,'ON KYANG SREG PA DANG 'TSED PA LA SOGS PA'I 'BRAS BU LA RUNG BA'I ME LA SOGS PA'I DNGOS PO GANG YIN PA DE MA BYUNG BA LAS BYUNG ZHING BYUNG NAS KYANG 'JIG PAR 'GYUR BA'I PHYIR DE'I CHE YOD PA NYID DU KHAS LEN PA DANG 'GAL BAR 'GYUR TE, RJES SU 'GRO BA MED PA'I PHYIR RO, ,GAL TE YANG 'DI SNYAM DU 'BRAS BU LA BYUNG BA NYID MA BYUNG BA LAS BYUNG ZHING BYUNG NAS KYANG 'JIG PAR 'GYUR BA DE LTA NA YANG NA 'DAS PA DANG MA 'ONGS PA'I GNAS SKABS KYI 'BRAS BU LA RUNG BA MA YIN PA'I DNGOS PO YOD PA NYID YIN LA, DE LTA YIN DANG RTAG TU YOD PA NYID DU KHAS BLANGS PA DANG 'GAL BA MA YIN NO SNYAM DU SEMS NA, DON BYED NUS PA ZHES BYA BA SMOS TE, DE NYID CES BYA BA NI DON BYED NUS PA'O, ,DE DAG LA ZHES BYA BA NI 'DAS PA DANG MA 'ONGS PA'I GNAS SKABS DAG LA'O, ,GANG YOD CES BYA BA NI 'BRAS BU LA RUNG BA MA YIN PA'O, ,YANG CI STE SKAL BA MNYAM PA'I RGYU LA SOGS PA 'DAS PA 'BRAS BU LA RUNG BA NYID DU 'DOD DE, DE BAS NA DE LAS 'BRAS BU MI 'BYUNG ZHES BYA BA 'DI MA GRUB PA YIN NO SNYAM NA, MA BYUNG BA LAS ZHES BYA BA SMOS TE, RES 'GA' BA NI NYID KYIS KYANG ZHES BYA BA NI, GZHAN BZHIN GSAL BAR DA LTAR 'GYUR, ,ZHES BYA BA DANG SBREL BAR BYA'O, ,GZHAN BZHIN ZHES BYA BA NI RTZOD PA'I GZHIR MA GYUR BA'I DA LTAR BA BZHIN NO, ,GTAN TSIGS 'DI RJES SU 'GRO BA MED PA YANG MA YIN TE, 'DI LTAR RGYU DANG RKYEN GYIS BSKYED PA'I DON GANG YIN PA DE NI DA LTAR ZHES BYA BA LA GANG YANG RES 'GA' BA NI GDON MI ZA BAR RGYU DANG RKYEN DAG GIS BSKYED PA YIN NO, ,'DI LTAR RGYU MED PA LA NI

86b

GO SKABS GNYIS YOD DE, RTAG TU YOD PA'AM MED PA NYID DE, GZHAN LA MI LTOS PA'I PHYIR RO, ,DE LTA BAS NA GANG RES 'GA' BA YIN PA DE NI GDON MI ZA BAR RGYU DANG RKYEN GYIS BSKYED PA YIN LA, GANG YANG RGYU DANG RKYEN GYIS BSKYED PA'I YOD PA DE NI GDON MI ZA BAR DA LTAR BYUNG BA YIN PA'I PHYIR DA LTAR BYUNG BAS RES 'GA' BA NYID LA KHYAB PAR GRUB PO, ,GZHAN YANG GAL TE 'DAS PA DANG MA 'ONGS PA RDZAS SU YOD PA YIN PA DE'I TSE 'DUS BYAS THAMS CAD RTAG PA NYID DU THAL BAR 'GYUR LA, DE LTA YIN DANG GZUGS LA SOGS PA SO SOR BRTAGS PA'I 'GOG PA LA SOGS PA LAS KHYAD PAR DU MI 'GYUR RO, ,CI STE GZUGS LA SOGS PA 'DUS BYAS KYI MTSAN NYID DANG LDAN PA'I PHYIR 'DUS BYAS NYID YIN GYI NAM MKHA' LA SOGS PA NI MA YIN TE, DES NA GZUGS LA SOGS PA LAS SO SOR BRTAGS PA'I 'GOG PA MI 'DRA BAR 'GYUR RO ZHES BYA BAR GZHAN DAG GIS 'DOD NA DE NI YANG DAG PA MA YIN TE, 'DI LTAR SKYE BA DANG RGA BA DANG GNAS PA DANG MI RTAG PA ZHES BYA BA BZHI PO 'DI DAG NI 'DUS BYAS KYI MTSAN NYID DAG YIN NO, ,DE LA SKYE BAS SKYED PAR BYED DO, ,GNAS PAS GNAS PAR BYED DO, ,RGAS PAS RGAS PAR BYED DO, ,MI RTAG PAS 'JIG PAR BYED DO ZHES BYA BA 'DI DAG GI BYA BA NI SKYED PA LA SOGS PA 'DI DAG YIN NO, ,DE LA RE ZHIG SKYE BA NI KHYAB PAR GANG ZHIG SKYED PAR BYED PA NA GZUGS LA SOGS PA'I SKYED PAR BYED PA ZHES BRJOD PA, CI GZUGS LA SOGS PA DE LAS GZHAN TE THA DAD PA'AM, 'ON TE GZHAN MA YIN PA STE THA MI DAD PA'I KHYAD PAR SKYED PAR BYED PA YIN ZHES BYA BA PHYOGS RNAM PA GNYIS SO, ,DE LA RE ZHIG THA MI DAD PA NI MA YIN TE, GANG GI PHYIR KHYAD PAR 'DI SKYE BA'I BYA BA LAS SNGAR YANG GRUB PA'I PHYIR BYA BAR MI NUS TE, GRUB PA'I DUS PHYIS BZHIN NO, ,GRUB ZIN PA NI BYA BAR RIGS PA MA YIN TE HA CANG THAL BAR 'GYUR BA'I PHYIR RO, ,KHYAD PAR THA DAD PA BYED PA YANG MA YIN TE, THA DAD NA NI GZUGS LA SOGS PA 'DI'I KHYAD PAR 'DI ZHES BYA BA'I 'BREL PA MA GRUB PA'I PHYIR TE, 'DI LTAR DE RE ZHIG DE'I BDAG NYID KYI MTSAN NYID KYI 'BREL PA MED DE, THA DAD PAR KHAS BLANGS PA'I PHYIR RAM, KHAS MI LEN NA YANG SNGAR

87a

, ,BSHAD PA'I SKYON DU THAL BAR 'GYUR BA'I PHYIR RO, ,DE LAS BYUNG BA'I MTSAN NYID KYANG MED DE SKYE BA NYID LAS DE BYUNG BA'I PHYIR RO, ,'BREL BA GZHAN YANG YOD PA MA YIN TE, RTEN DANG BRTEN PA NYID LA SOGS PA NI DE LAS BYUNG BA'I KHONGS SU 'DUS PA'I PHYIR RO, ,YANG DE LAS BYUNG BAR KHAS LEN NA, DE TZAM LAS BYUNG BA'I KHYAD PAR NI RTAG TU SKYE BAR THAL BAR 'GYUR BA'I PHYIR RO, ,DA NI SKYE BA CI ZHIG BYED PAR 'GYUR, SKYE BA LA LTOS NAS SKYED PAR BYED PA YIN NO ZHE NA, PHAN 'DOGS PAR MI BYED PA'I SKYE BA LA LTOS PA NI RIGS PA MA YIN TE, HA CANG THAL BAR 'GYUR BA'I PHYIR RO, ,PHAN 'DOGS PAR BYED NA YANG PHAN PA DE KHYAD PAR BZHIN DU DE NYID DANG GZHAN NYID KYIS BSAMS PA NA THUG PA MED PAR THAL BAR 'GYUR BA'I PHYIR RO, ,DE LTA BAS NA THA DAD PA YIN NA 'BREL BA MI 'GRUB PO, ,GZHAN YANG KHYAD PAR DE SNGAR MED PA'I PHYIR 'BRAS BU MED PAR KHAS BLANGS PAR 'GYUR RO, ,DE BZHIN DU RGA BAS GZHAN DU 'GYUR BAR BYED LA, GNAS PAS GNAS PA DANG, MI RTAG PAS 'JIG PAR BYED PA NA GZHAN DU 'GYUR BA NYID LA SOGS PA 'DI DAG NI GZHAN DANG GZHAN MA YIN PAR RNAM PAR BRTAGS PA NA SKYON GANG YIN PA DE DAG NI SKYE BA BZHIN DU RGA BA LA SOGS PA LA YANG BRJOD PAR BYA'O, ,RANG GI 'BRAS BU LAS RIGS PA LA SOGS PA YOD PA NYID GANG YIN PA DE NUS PA'I RANG BZHIN NGES PA'I PHYIR 'DOD DE, DE DAG NI NUS PA'I RANG BZHIN DE YANG THAMS CAD DU YOD PA'I PHYIR THAMS CAD DU 'BRAS BU RTZOM PA NYID DU THAL BAR 'GYUR RO, ,RGYU DANG RKYEN MA TSANG BA YANG MA YIN TE, DE DAG KYANG RTAG TU GNAS PA'I PHYIR RO, ,DE LTA YIN DANG 'DAS PA DANG MA 'ONGS PA'I GNAS SKABS DAG TU SKYE BA LA SOGS PAS SKYED PA LA SOGS PA'I BYA BA BYED PA'I PHYIR DUS GCIG NYID LA DUS DPAG TU MED PAR THAL BAR 'GYUR RO, ,GZHAN YANG 'DAS PA DANG MA 'ONGS PA DAG SKAD CIG MA NYID YIN NA, SKAD CIG MA MA YIN PA NYID YIN ZHES BYA BA PHYOGS RNAM PA GNYIS SO, ,DE LA GAL TE DANG PO STE SKAD CIG MA ZHES BYA BA'I THA TSIG GO, ,DE'I TSE DUS DPAG TU MED PAR 'GYUR BA SO NA 'DUG PA YIN NO, ,DE LA SKAD CIG GANG ZHES BYA BAS DE NYID STON PA YIN NO, ,

87b

CI STE SKAD CIG MA MA YIN PA ZHES BYA BA'I PHYOGS YIN NA, DE LTA YIN NA GRUB PA'I MTHA' DANG 'GAL TE, GRUB PA'I MTHA' NI NGES PA'I MTHA' LA BRJOD DO, ,DE SKAD DU YANG 'DUS BYAS THAMS CAD SKAD CIG MA YIN NO ZHES BYA BA NI GRUB PA'I MTHA' YIN NO, ,GZHAN YANG GRUB PA'I MTHA' DANG 'GAL BA 'BA' ZHIG TU MA ZAD, DAM BCA' BA RJES SU DPAG PA DANG YANG 'GAL BA YIN TE, 'DI LTAR GANG YOD PA DE THAMS CAD NI SKAD CIG MA YIN TE, DA LTAR BA BZHIN NO, ,'DAS PA DANG MA 'ONGS PA DAG KYANG YOD PA YIN NO ZHES NGES PA'I PHYIR SKAD CIG MA 'JIG PAR 'GYUR RO, ,GTAN TSIGS 'DI'I 'BREL PA SKAD CIG MA 'JIG PA BRTAGS PAR BSGRUBS ZIN PA'I PHYIR MA NGES PA NYID MA YIN NO, ,'DI LTAR YOD PA'I MTSAN NYID NI DON BYA BA BYED PA YIN TE, SKAD CIG MA MA YIN PA YANG RIM DANG CIG CAR DAG GIS DON BYED PA 'GAL BA'I PHYIR RO; ,DON BYED PA LOG NA DE'I MTSAN NYID CAN GYI YOD PA LDOG PA'I PHYIR BSGRUB BYA'I MI MTHUN PA'I PHYOGS KYIS YOD PA LA KHYAB PO, ,GZHAN YANG 'DAS PA DANG MA 'ONGS PA 'DI DAG DON BYED PAR NUS PA ZHIG GAM MI NUS PA ZHIG CES BYA BA PHYOGS RNAM PA GNYIS SO, ,GAL TE NUS NA DE'I TSE NUS PA YOD PA NA DA LTAR BAR 'GYUR TE, RTZOD PA'I GZHIR MA GYUR BA'I DA LTAR BA BZHIN NO, ,SBYOR BA NI GANG DANG GANG DON BYA BA BYED PAR NUS PA DE DAG NI DA LTAR BA YIN TE, RTZOD PA'I GZHIR MA GYUR BA'I DA LTAR BZHIN NO, ,'DAS PA LA SOGS PA YANG DON BYED PAR NUS PA YIN NO ZHES BYA BA NI RANG BZHIN GYI GTAN TSIGS KYI THAL BAR 'GYUR BA'O, ,'DI MA NGES PA YANG MA YIN TE, 'DI LTAR DA LTAR BA LOG PA NA ZHIG PA DANG MA SKYES PA RNAMS NUS PA THAMS CAD DANG BRAL BAR 'GYUR TE, NAM MKHA'I PAD MO BZHIN NO, ,SBYOR BA NI GANG DAG DA LTAR BYUNG BA YANG MA YIN PA DE DAG NI 'GA' ZHIG TU NUS PAR YANG MI 'GYUR TE, NAM MKHA'I PAD MA BZHIN NO, ,'DAS PA LA SOGS PA RNAMS KYANG DA LTAR MA YIN NO ZHES BYA BA NI KHYAB PAR BYED PA MI DMIGS PA'O, ,'DUS MA BYAS NAM MKHA' DANG SO SOR BRTAGS PA'I 'GOG PA DANG SO SOR BRTAGS PA MA YIN PA'I

88a

, ,'GOG PA RNAMS KYIS MA NGES PAR 'GYUR BA YANG MA YIN TE, DE DAG KYANG PHYOGS SU BYAS PA'I PHYIR RO, ,DE'I PHYIR DE DAG MA NGES PA NYID DU BRTAGS PA'I RGYU MTSAN MA YIN NO, ,'DI LTAR GANG DNGOS PO RNAMS KYI SO SOR NGES PA'I DON BYED PA'I NUS PA DE NI BYIN LAS BYUNG BA YIN NO ZHES KHAS BLANG PAR BYA STE, DE LTA MA YIN TE GAL TE RGYU MED PAR GYUR NA, DE'I TSE NGES PA'I RGYU MED PA'I PHYIR DNGOS PO RNAMS KYI NUS PA SO SOR NGES PAR MI 'GYUR RO, ,DE LTA YIN DANG THAMS CAD 'BRAS BU THAMS CAD LA NYE BAR SBYOR BAR 'GYUR RO, ,DE LTA BAS NA NAM MKHA' LA SOGS PA MA BYAS PA'I NUS PA NGES PAR MI RIGS PA'I PHYIR DE DAG NI MA NGES PA NYID DU BRTAGS PA'I RGYU MTSAN MA YIN NO, ,GTAN TSIGS DANG PO MI MTHUN PA'I PHYOGS LA LDOG PA LA THE TSOM ZA BA YANG MA YIN TE, JI LTAR NGES PA'I DON BYA BA LA NUS PA GANG YIN PA DE'I SKYE BA GANG YIN PA 'DI NI RGYU DANG RKYEN GYIS BSKYED PA YIN LA DE NYID DA LTAR BA'I MTSAN NYID YIN NO, ,DA LTAR BYUNG BA'I MTSAN NYID MA TSANG BA MED PA 'DI YANG 'DAS PA LA SOGS PA LA YANG YOD PA'I PHYIR RGYU MTSAN GZHAN MED PAS, CI'I PHYIR DA LTAR BYUNG BAR THAL BAR MI 'GYUR, GZHAN YANG GANG GI LTAR NA 'DAS PA DANG MA 'ONGS PA RDZAS SU YOD PA DE'I LTAR NA 'BRAS BU YANG RTAG TU YOD PA'I PHYIR MTHO RIS DANG BYANG GROL THOB PAR BYA BA'I DON DU 'BAD PA 'BRAS BU MED PAR 'GYUR TE, 'DI BSGRUB PAR BYA BA LA 'BRAS BU CUNG ZAD KYANG MED PA'I PHYIR RO, ,'DI LA BRTUL ZHUGS DANG NGES PA LA SOGS PA'I MTSAN NYID MI G-YO BA CI ZHIG LA NUS PAR 'GYUR, SKYE BA LA NUS PA MA YIN NO ZHE NA, 'O NA SKYE BA MA BYUNG BA LAS BYUNG BA YIN NO ZHES BYA BAR GRUB PO, ,CI STE DE YANG YOD NA DE NI GANG ZHIG GANG DU NUS PA YIN DA LTAR BYED PA LA NUS PA YIN NO ZHE NA, DA LTAR LA BYED PA ZHES BYA BA 'DI CI'I YIN YUL GZHAN DU 'GUGS PA YIN NO ZHE NA, 'O NA DNGOS PO RTAG PAR THAL BAR 'GYUR TE, THAMS CAD DU GNAS PA'I PHYIR RO, ,TSOR BA LA SOGS PA'I GZUGS CAN MA YIN PA RNAMS LA BYED PA MED PA'I PHYIR 'GUGS PAR 'GYUR, GANG YANG DE 'GUGS PA DE YANG MA BYUNG BA LAS BYUNG

88b

BA YIN NO ZHES BYA BAR GRUB PO, ,MTHO RIS NI, RI RAB KYI STENG LA SOGS PA'O, ,BYANG GROL NI THAR PA STE, DE DAG THOB PA NI 'BREL BA'O, ,DE LA 'BAD PA NI BRTUL ZHUGS DANG NGES PA LA SOGS PA'O, ,CI STE DON BYED PAR MI NUS PA YIN NO ZHES BYA BA'I PHYOGS GNYIS PA LA BRTEN NA, 'O NA DE LTAR NA DON BYED NUS PAS STONG PA DE NYID KYI PHYIR NAM MKHA'I ME TOG BZHIN DU MED PA NYID DU 'GYUR TE, MED PA NYID KYI MTSAN NI DON BYED NUS PA THAMS CAD KYIS DBEN PA YIN PA'I PHYIR RO, ,DE LTAR 'DAS PA DANG MA 'ONGS PA DAG GIS MED PAR SGRUB PAR BYED PA'I TSAD MA BRJOD NAS YOD PA SGRUB PAR BYED PA'I TSAD MA DGAG PA'I PHYIR, MED PA'I CHOS KYIS ZHES BYA BA LA SOGS PA SMOS TE, SNGAR BSHAD PA'I DUS KYIS BSDUS PA'I PHYIR ZHES BYA BA LA SOGS PA'I GTAN TSIGS RNAMS NI GZHI MA GRUB PA YIN TE, 'DAS PA LA SOGS PA'I CHOS CAN MA GRUB PA'I PHYIR RO, ,JI SKAD DU, MA GRUB PA LA YOD CHOS MED, ,CES BSHAD PA LTA BU'O, ,GAL TE GRUB PAR GYUR PA DE LTA NA YANG DA LTAR BYUNG BA NYID DU GRUB PA'I PHYIR CHOS KYI RANG GI NGO BO PHYIN CI LOG TU GRUB PAS GTAN TSIGS 'GAL BA DAG YIN NO, ,DA NI 'DAS PA DANG MA 'ONGS PA'I GZUGS LA SOGS PA DUS KYIS BSDUS PA NYID DU BSTAN TE, RI BONG GI RVA LA SOGS PA GTAN MED PA NI 'DAS PA'AM MA 'ONGS PA RNAM PAR 'JOG PA MA YIN NO ZHE NA, NGO BO GANG ZHIG CES BYA BA LA SOGS PA SMOS TE, GO BAR ZAD DO, ,'O NA JI LTAR GZUGS DANG TSOR BA LA SOGS PA'I DNGOS PO RNAMS BSTAN ZHE NA, 'DAS SOGS 'DI'I ZHES BYA BA LA SOGS PA SMOS TE, GNAS SKABS DE ZHES BYA BA NI SKABS DE'O, ,'O NA JI LTAR RNAM PAR SHES PA GNYIS PA BRTEN PAR GSUNGS SHE NA, DE NYID GZUGS PAS ZHES BYA BA SMOS TE, RNAM PAR SHES PA NI RNAM PA GNYIS TE, DMIGS PA DANG BCAS PA DANG DMIGS PA MED PA'O, ,DMIGS PA DANG BCAS PA GANG YIN PA DE LA DGONGS NAS BCOM LDAN 'DAS KYIS RNAM PAR SHES PA GNYIS LA BRTEN PAR GSUNGS SO, ,CI STE RNAM PAR SHES PA DMIGS PA MED PA YANG YOD DO ZHES JI LTAR NGES PAR BYA ZHE NA, RTAG

89a

, ,PA'I DBANG PHYUG CES BYA BA LA SOGS PA SMOS TE, SOGS PA'I SGRAS NI GTZO BO DANG DUS LA SOGS PA GZHAN GYIS KUN DU BRTAGS PA BZUNG NGO, ,BLO 'DI DAG SGRA LA DMIGS PA YIN NO ZHES BYA BA 'DI YANG BSAM PAR MI BYA STE, SGRA DANG MING ZHES BYA BA LA SOGS PA SMRAS SO; ,SGRA'AM MI LDAN PA'I 'DU BYED KYI KHYAD PAR GYI MING NI DBANG PHYUG LA SOGS PA DE'I RNAM PA RTAG PA NYID DANG SRID PA GZUGS KYI RGYU NYID LA SOGS PA'I BLO DES NGES PAR BYA BA'I RNAM PA GANG YIN PA DE DANG BRAL BA'I PHYIR RO, ,SOGS PA'I SGRAS NI RGYU MTSAN LA SOGS PA GZHAN GYIS KHAS BLANGS PA'I DON GYIS GZUGS BRNYAN GYI RANG BZHIN GZUNG NGO, ,GAL TE SHES PA YUL MED PA YANG YOD NA, DE JI LTAR SHES PA ZHES THA SNYAD DU BYED, DE BZHIN DU RNAM PAR SHES PAR BYED PAS RNAM PAR SHES PA ZHES BRJOD LA, SHES PAR BYA BA MED NA, YANG CI ZHIG RNAM PAR SHES PAS RNAM PAR SHES PAR 'GYUR ZHE NA, RTOG PA'I RJES SU 'GRO BA RTZAM GYIS, ,ZHES BYA BA SMOS SO, ,RTOG PA'I RJES SU 'GRO BA YANG RTOGS PAR BYA BAR MED PAR MI SRID DO ZHE NA, 'DI'I ZHES BYA BA SMOS TE, RNAM PAR SHES PA 'DI'I RTOG PA RJES SU 'BRANG BA DE YANG NGO, ,CI ZHIG BRJOD CE NA, BEMS PO MA YIN PA'I NGO BO GANG YIN PA DE'O, ,GSAL BAR BYA BA'I DNGOS PO GZHAN MED PA'I PHYIR DANG, GSAL BAR BYED PA GZHAN DANG BRAL BA'I PHYIR NAM MKHA'I DKYIL NA YOD PA'I SNANG BA BZHIN DU GSAL BA SMOS PA'I PHYIR RTOG PA'I NGO BO DE YIN NO ZHES BYA BAR BRJOD DO, ,JI LTAR 'DAS PA'I LAS 'BRAS BU 'BYIN PA YIN ZHES BYA BA 'DI LA 'BRAS BU 'BYIN PA'I ZHES BYA BA LA SOGS PA SMOS TE, DGOS PA'I BRGYUD NAS 'BRAS BU SKYED PA'I NUS PA GRUB PA'O, ,GAL TE DE LTAR NA JI LTAR BCOM LDAN 'DAS KYIS ZAD PA DANG 'GAGS PA DANG YONGS SU GYUR PA'I LAS GANG YIN PA DE NI YOD DE ZHES GSUNGS SHE NA, SEMS KYI RGYUD LA ZHES BYA BA SMOS TE, NYE BAR BRTAGS NAS ZHES BYA BA NI PHAL BAR RO, ,JI LTAR RGYU'I RDZAS LAS BYUNG BA'I DBYIG PA LA SOGS PA'I 'BRAS BU'I RGYUN YON ZHIG NA YANG RGYU'I RDZES MA ZHIG GO ZHES BRJOD PA DE BZHIN DU LAS RNAMS KYANG YIN NO, ,

89b

NYE BAR BRTAGS NAS BSTAN PA LA DGOS PA CI YOD CE NA, DE LTAR ZHES BYA BA SMOS TE, LAS 'DAS PA MED DE ZHES GSUNGS NA, RGYU DANG 'BRAS BU BSKYED PA'I NUS PA 'DAS PA'I LAS DES BSGOS PA GANG YIN PA DE YANG MED PA NYID DU GO BAR 'GYUR BAS GDUL BYA CHAD PAR BLTA BAR 'GYUR BA'I PHYIR BCOM LDAN 'DAS KYIS LAS YOD DO ZHES GSUNGS SO, ,DA LTAR MA YIN TE, GAL TE 'DAS PA RANG GI NGO BO YOD PAR GYUR NA DE'I TSE DON DAM PA STONG PA NYID KYI MDO LAS, MIG SKYE BA NA YANG GANG NAS KYANG MA 'ONGS 'GAG PA NA YANG GANG DU YANG MA SONG ZHES MIG MA BYUNG BA LAS BYUNG BA DANG BYUNG NAS KYANG 'JIG PAR 'GYUR RO ZHES GSUNGS PA JI LTAR DRANG BAR BYA, DA LTAR BYUNG BA'I DUS NA MA BYUNG BA LAS BYUNG BA YIN NO ZHE NA, MA YIN TE, DUS DNGOS PO LAS DON GZHAN MA YIN PA'I PHYIR TE, DE DAG NYID DUS GTAM GZHI DANG, ,ZHES BSHAD PA'I PHYIR RO, ,JI STE RANG GI BDAG NYID NA BYUNG BA LAS BYUNG BA NYID YIN PA DE'I TSE MIG MA 'ONGS PA MED DO ZHES BYA BAR GRUB PO, ,GZHAN YANG RTAG TU GNAS PA NYID YIN NA 'DUS BYAS RNAMS KYI RGYU DANG 'BRAS BU DAG MED PA'I PHYIR SDUG BSNGAL DANG KUN 'BYUNG BA'I BDEN PA MED PA DANG, DE MED PA'I PHYIR 'GOG PA DANG LAM YANG MED LA; DE LTAR YIN DANG BDEN PA BZHI MED PA'I PHYIR YONGS SU SHES PA DANG SPANGS PA DANG MNGON DU BYA BA DANG BSGOM PA YANG MI 'THAD PAR 'GYUR RO, ,DE MED PAS KYANG 'BRAS BU GNAS PA RNAMS DANG ZHUGS PA'I GANG ZAG RNAMS MED PA'I PHYIR GSUNGS RAB MTHA' DAG DANG 'GAL BAS 'DAS PA LA SOGS PA'I DNGOS PO YOD PAR BRTAGS PA NI LEGS PA YIN NO, ,RNAL 'BYOR PA RNAMS KYIS 'DAS PA DANG MA 'ONGS PA'I SHES PA RNAM PAR DBYE BA JI LTA BU ZHE NA, 'DIR SMRAS PA, DNGOS SAM ZHES BYA BA LA SOGS PA STE, 'DAS PA'I DON LA LTOS NAS 'BRAS BUR 'GYUR LA; MA 'ONGS PA LA LTOS NAS RGYUR 'GYUR RO, ,DE NYID DU NA YUL MED KYANG, ,ZHES BYA BA NI MNGON PAR BRJOD PA CAN GYI SHES PAS RANG GI MTSAN NYID YUL DU MI BYED PA'I PHYIR RO, ,RNAM RTOG RJES 'BREL BDAG NYID KYI, ,ZHES BYA BA NI RTOG PA DANG BCAS PA ZHES BYA BA'I DON TO, ,

90a

, ,DES NA NI DE'I PHYIR RO, ,RGYU DANG 'BRAS BU DAG GIS RGYUN 'BYUNG BA DANG 'BYUNG BAR 'GYUR BA LA BRTAN NAS YONGS SU MA DAG PA'I RNAL 'BYOR PA RNAMS 'DAS PA LA SOGS PA STON PA LA 'JUG GO, ,BCOM LDAN 'DAS DE BZHIN GSHEGS PA LA NI 'JIG RTEN PA'I SHES PA YANG MNGA' BA MA YIN TE, RTAG TU MNYAM PAR GZHAG PAS MA RIG PA THAMS CAD SPANGS PA'I PHYIR LA, RNAM PAR RTOG PA YANG MA RIG PA'I RANG BZHIN YIN PA'I PHYIR RO, ,RTOG PA 'DI NI RANG NYID KYIS MA RIG PA'I NGO BOR 'GYUR, GANG PHYIR RANG GI RNAM PA NI, ,PHYI ROL NGO BOS SGRO BRTAGS 'JUG ,CES GANG GSUNGS PA YIN NO, ,SNGON GYI SMON LAM DANG BSOD NAMS DANG YE SHES KYI TSOGS KYI STOBS KYIS THOB PA'I YID BZHIN NOR BU LTA BA'I SKU CAN DE'I BSTAN PA NI LHUN GYIS GRUB PAR BAR 'JUG PA YIN NO, ,DE KHO NA NYID BSDUS PA'I DKA' 'GREL LAS DUS GSUM BRTAGS PA STE, NYI SHU DRUG PA'O,, ,,THOG MA MTHA' MED PA ZHES BYA BA DE BSGRUB PAR BYA BA'I PHYIR, RGOL BA BKOD PA SNGON DU 'GRO BA CAN GAL TE ZHES BYA BA LA SOGS PA SMOS TE, 'GA' YANG ZHES BYA BA LA SOGS PA'O, ,DE LA BDAG SNGAR BKAG PA'I PHYIR MED PA NYID KYIS RJES SU 'GRO BA MA YIN TE, RNAM PAR SHES PA LA SOGS PA YANG SKAD CIG MA YIN PA'I PHYIR RO, ,DUS GSUM BRTAG PAR RJES SU 'GRO BA BKAG PA'I PHYIR YANG RJES SU 'GRO BA MED DO, ,'ON TE LUS LA SOGS PA 'JIG RTEN PHA ROL POR MI 'GYUR RAM ZHE NA, LUS DANG ZHES BYA BA LA SOGS PA SMOS TE, SOGS PA'I SGRAS TSOR BA DANG 'DU SHES DANG 'DU BYED RNAMS GZUNG NGO, ,GZHAN YANG KHAS NI MA BLANGS SO ZHES BYA BA NI BDAG GO, ,DE LTA BAS NA 'JIG RTEN RGYANG PAN PA'I PHYOGS 'DI RJES SU MTHUN PA YIN PAR GRUB PO, ,'DI LTAR 'JIG RTEN PHA ROL PO MED PA'I PHYIR 'JIG RTEN PHA ROL MED DO ZHES BYA BA DANG, DE BZHIN DU DE KHO NA NYID NI SA DANG CHU DANG ME DANG RLUNG ZHES BYA BA BZHI PO 'DI DAG YIN LA, DE DAG LAS NI SEMS PA CAN NO ZHES BYA BA 'DI NI DE'I MDO'I DON YIN NO, ,DE LA 'GREL BA BYED PA KHA CIG NI DE DAG LAS SEMS PA CAN SKYE BA YIN PAR

90b

SMRAS LA GZHAN DAG NI MNGON PAR GSAL BA YIN PAR SMRA'O, DE'I PHYIR BSKYED PA'AM GSAL BAR BYED, ,CES PHYOGS GNYIS BSHAD DO, ,TSVA NI SGYUR BO'O, ,CHANG ZHES BYA BA NI SKYOS PA SKYED PAR BYED PA'I NUS PA'O, ,SOGS PA'I SKRAS BRGYAL BA LA SOGS PA SKYED PA'I NUS PA GZUNG NGO, , 'ON TE MIG LA SOGS PA DANG GZUGS LA SOGS PA'I YUL LA BRTEN NAS RNAM PAR SHES PA SKYE BAR 'GYUR RO ZHES PA 'DI SHIN TU GRAGS PA MA YIN NAM, DE'I PHYIR DE DAG KHO NA LAS RNAM PAR SHES PA SKYE ZHES JI SKAD DU BRJOD CE NA, SA LA SOGS PA'I BKOD PA'I ZHES BYA BA SMOS TE, DE SKAD DU YANG; DE TSOGS PA LA LUS DANG DBANG PO DANG YUL GYI THA SNYAD 'DOGS SO ZHES BYA BA NI DE DAG GI MDO YIN NO, ,'BYUNG BA CHEN PO LAS MA GTOGS PA'I DBANG PO LA SOGS PA YOD PA MA YIN TE, DE'I GNAS LUGS KYI KHYAD PAR NYID LA DE BTAGS PA'I PHYIR LA, BKOD PA ZHES BYA BA BKOD PA CAN LAS GZHAN YANG YOD PA MA YIN NO, ,'BYUNG BA CHEN PO BZHI PO 'DI YANG MNGON SUM GYIS GRUB STE, DE KHO NA NYID MNGON SUM GYIS GRUB PA 'DI LAS GZHAN YANG YOD PA MA YIN NO, ,GANG GIS 'JIG RTEN PHA ROL LA SOGS PA GZHAN 'GRUB PAR 'GYUR BA MNGON SUM LAS GZHAN PA'I TSAD MA YOD PA YANG MA YIN NO, ,GZHAN YANG GAL TE 'DAS PA'I LUS LA GNAS PA'I SEMS SKYE BA'I DANG PO'I SEMS DANG, 'CHI BA'I SEMS LAS 'BYUNG BAR 'GYUR BA'I SEMS LA RGYU'I DNGOS POR GYUR NA DE'I TSE SEMS RGYUN MI 'CHAD PA'I PHYIR 'JIG RTEN PHA ROL RTAG PAR 'GYUR NA; 'DI LTAR RE ZHIG RTZOD PA'I GZHIR GYUR PA'I SEMS DANG PO 'DI DAG GI RGYU DANG 'BRAS BU YOD PA MA YIN TE, LUS THA DAD PA LA GNAS PA'I PHYIR RTA DANG BA LANG LA GNAS PA'I RNAM PAR SHES PA DAG BZHIN NO, ,YANG NA SKYE BA'I BLO RNAMS NI CHOS CAN NO, ,'DAS PA'I LUS LA GNAS PA'I THA MA'I RNAM PAR SHES PA'I BSKYED PAR BYA BA NYID DGAG PA NI DE'I BSGRUB PAR BYA'O, ,SHES PA YIN PHYIR ZHES BYA BA'I SBYIN NI GTAN TSIGS SO, ,RGYUD GZHAN LA GNAS PA'I BLO DAG NI DPE'O, ,SBYOR BA NI 'DI LTAR BYA STE, GANG RNAM PAR SHES PA YIN PA DE NI BRJOD PAR 'DOD PA'I

91a

, ,'DAS PA'I LUS LA GNAS PA'I THA MA'I SHES PA'I BSKYED PAR BYA BA MA YIN TE, SHES PA YIN PA'I PHYIR, RGYUD GZHAN LA GNAS PA'I SHES PA BZHIN NO, ,BRJOD PAR 'DOD PA'I LUS LA GNAS PA'I SKYE BA'I BLO 'DI DAG KYANG SHES PA'I NGO BO YIN NO ZHES BYA BA NI 'GAL BAS KHYAB PA DMIGS PA STE, BRJOD PAR 'DOD PA'I RNAM PAR SHES PA BSKYED PAR BYA BA DANG 'GAL BA BRJOD PAR 'DOD PA'I SHES PAS BSKYED PAR BYA BA NYID KYIS SHES PA NYID LA KHYAB PA'I PHYIR RO, ,DE LTAR RE ZHIG 'DAS PA'I SKYE BA BKAG PA BYAS NAS DA NI MA 'ONGS PA'I SKYE BA DAG PA'I PHYIR, CHAGS DANG BCAS PA ZHES BYA BA LA SOGS PA SMOS TE, CHAGS PA DANG BCAS PA'I 'CHI BA'I SEMS NI SEMS GZHAN DANG MTSAMS SBYOR BA MA YIN TE, 'CHI BA'I SEMS YIN PA'I PHYIR, DGRA BCOM PA THA MA'I SEMS BZHIN NO ZHES BYA BA NI KHYAB PAR BYED PA 'GAL BA DMIGS PA'O, ,DPER NA NYON MONGS BRAL BA ZHES BYA BA NI 'CHI BA'I SHES PA'O, ,'O NA SHES PA GANG LAS SKYE ZHE NA, DE'I PHYIR 'BYUNG RNGUB CES BYA BA LA SOGS PA SMOS TE, DE SKAD DU, LUS NYID LAS ZHES BYA BA NI MDO STE, LA BA CAN DANG RTA MCHOG GNYIS ZER RO, ,'ON TE LUS MA GRUB PA YANG NUR NUR PO LA SOGS PA'I GNAS SKABS SU BRGYAL BA'I RNAM PAR SHES PA YOD PA NYID YIN TE, DE YANG KHYED CAG LA 'DAS PA'I RNAM PAR SHES PA BSKYED PAR BYA BA NYID DU GRUB PA STE, DE'I PHYIR JI LTAR LUS KHO NA LAS NGES PA YIN ZHE NA, NUR NUR PO LA SOGS ZHES BYA BA LA SOGS PA SMOS TE, SHES PA SKYED PA'I RGYU NI DBANG PO DANG DON DAG YIN TE, SHES PA NI DON RTOGS PA'I NGO BO YIN PA'I PHYIR LA, NUR NUR PO LA SOGS PA'I GNAS SKABS NA YANG DBANG PO DANG DON DAG MED PA'I PHYIR JI LTAR SHES PA DE'I 'BRAS BUR 'GYUR ZHES BYA BA'I RGYU MI DMIGS PAS BRGYAL BA'I GNAS SKABS NI RNAM PAR SHES PA MED PAR GRUB PO ZHES BYA BA NI SPYI'I DON TO, ,RNAM PAR SHES PA NUS PA'I NGO BOS YOD DO ZHES RTAG PAR RIGS PA YANG MA YIN TE, DE'I TSE SHES PA'I RTEN RIGS PA CAN GYIS BRTAGS PA'I BDAG GAM

91b

RNAM PAR SHES PA'I RGYUN MED PA'I PHYIR RO, ,NUS PA RTEN MED PA YANG RIGS PA MA YIN TE, DE LTA BAS NA SHUGS KYIS DE'I TSE LUS NYID RTEN YIN NO, ,GZHAN SHES PA'I RTEN GYI BDAG STE, SHES PA'I RTEN GYI RANG BZHIN SHES PA'I RGYUN NAM, BDAG NI DE'I TSE MED PA'I PHYIR RO, ,DE LTA YIN DANG THA MAR DE 'CHI BA'I GNAS SKABS SU RTEN LUS LOG PA NA JI LTAR RTEN MED PA'I RNAM PAR SHES PA GNAS TE, DE'I PHYIR MA 'ONGS PA'I SKYE BA MED PAR GRUB PO, ,YANG CI STE 'CHI BA'I DE MA THAG TU BYUNG BA'I SRID PA BAR MDO'I LUS LA BRTEN NAS SEMS 'JUG PAR 'GYUR RO SNYAM NA DE NI YANG DAG PA MA YIN TE, 'CHI BA'I DE MA THAG TU LUS GZHAN SKYE BAR MA MTHONG LA, MA MTHONG BA YOD PA NYID DU NGES PAR RIGS PA YANG MA YIN TE, DE NI MED PA'I THA SNYAD KYI YUL YIN PA'I PHYIR RO, ,RGYUD GCIG LA GNAS PA'I SEMS LUS GZHAN LA BRTEN PAR RIGS PA YANG MA YIN TE, RTA DANG GLANG PO LA SOGS PA'I SEMS BZHIN DU, RGYUD GCIG DANG 'BREL BA NYID NYAMS PAR THAL BAR 'GYUR BA'I PHYIR RO, ,SBYOR BA NI GANG ZHIG LUS THA DAD PA LA 'JUG PA'I SHES PA DE NI RGYUD GCIG DANG 'BREL PA MA YIN TE, DPER NA RTA DANG GLANG PO'I SEMS BZHIN NO, , SRID PA BAR MA DANG 'CHI BA'I SRID PA DAG GI SEMS KYANG LUS THA DAD PA LA 'JUG PA YIN NO ZHES BYA BA NI KHYAB PAR BYED PA 'GAL BA DMIGS PA'I THAL BAR 'GYUR BA'O, ,DE LTAR YANG MA YIN TE, DE'I PHYIR BZLOG PA YIN NO, ,GANG ZHIG RGYUD GCIG DANG 'BREL PA DE NI LUS THA DAD PA LA 'JUG PA MA YIN TE, DPER NA GLANG PO'I SEMS RTA'I LUS LA MI BRTEN PA BZHIN NO, ,SROG CHAGS RNAMS KYI SEMS KYANG RGYUD GCIG DANG 'BREL PA YIN NO ZHES BYA BA NI 'GAL BAS KHYAB PA DMIGS PA STE, LUS THA DAD PA LA 'JUG PA NYID DANG 'GAL BA LUS THA MI DAD PA LA 'JUG PA NYID KYIS RGYUD GCIG DANG 'BREL BA NYID LA KHYAB PA'I PHYIR RO, ,DE'I PHYIR ZHES BYA BA LA SOGS PAS MJUG SDUD PAR BYED DE, THOG MA NI SKYE BA'O, ,MTHA' MA NI 'JIG PA'O, ,GANG LA THOG MA DANG THA MA YOD PA MA YIN PA 'DI NI THOG MTHA' MED PA'O, ,SKYES BU ZHES BYA BA NI BDAG GO, ,YANG NA MED PA

92a

, ,NYID KHAS LONG ZHES BYA BA 'DIS NI 'JIG RTEN PHA ROL MED PA'I PHYIR, 'JIG RTEN PHA ROL MED DO ZHES BYA BA'I MDO 'DI BSTAN PA YIN NO, ,DES 'DIR ZHES BYA BA LA SOGS PAS LAN 'DEBS PAR BYED DE, GANG ZHIG KHYED CAG DGAG BYED PA, ,'JIG RTEN PHA ROL ZHES BYA BA 'DI CI ZHIG ,CI RNAM PAR SHES PA LA SOGS PA'I PHUNG PO BZHI PO NYE BAR LEN PA DANG NYE BAR BLANGS PA NYID KYIS RGYU DANG 'BRAS BUR GYUR PA LAS GZHAN YIN NAM, 'ON TE DE NYID YIN, RE ZHIG PHYOGS DANG PO NI MA YIN TE, DE KHAS MI LEN PA'I PHYIR RO, ,GANG ZHIG KHAS BLANG BAR BYA BA NYE BAR LEN PA DANG NYE BAR BLANG BAR 'GYUR BA'I RNAM PAR SHES PA LA SOGS PA'I RGYUN LAS GZHAN PA'I 'JIG RTEN PHA ROL ZHES BYA BA YOD PA NI MA YIN NO, ,'O NA CI ZHE NA, THOG MA DANG THA MA MED PA'I SHES PA LA SOGS PA'I RGYUN DE LO BRGYA LA SOGS PAR CHAD PA'I NGO BO NGES BAR BZUNG NAS GNAS SKABS 'GA' ZHIG NYID 'JIG RTEN PHYI MA DANG SNGA MA DANG 'DI ZHES KYANG RNAM PAR GZHAG GO, ,JI LTAR KHYED KYIS MTHONG BA TZAM GYIS BDE BA LA MNGON PAR CHAGS PA'I PHYIR DBANG PO DANG YUL 'DI DAG NYID YUL GZHAN LA SOGS PA 'JIG RTEN PHA ROL LA SOGS PA NYID DU BRTAGS TE, JI SKAD DU, JI SRID DBANG PO DANG SPYOD YUL, ,DE NYID GCIG NYID SKYES BU YIN, ,DE BZHIN DU YANG BSHAD PA, YUL GZHAN NAM, DUS GZHAN NAM GNAS SKABS GZHAN NI 'JIG RTEN PHA ROL YIN NO ZHES SMRAS PA LTA BU'O, ,GAL TE RGYU DANG 'BRAS BUR GYUR PA'I RNAM PAR SHES PA LA SOGS PA'I RGYUN LAS THA MI DAD PA'I 'JIG RTEN PHA ROL 'GEGS PAR BYED NA, DE'I TSE GRUB PA LA SGRUB PAR BYED PA'I PHYIR SGRUB PAR BYED PA DON MED PAR 'GYUR TE, DE LTA BUR GYUR BA'I 'JIG RTEN PHA ROL KHAS MA BLANGS PA'I PHYIR RO, ,'ON TE RGYUN DNGOS PO MED PA'I PHYIR RO, ,DER RNAM PAR GZHAG PA'I GNAS SKABS KYI KHYAD PAR GANG YIN PA DE YANG DNGOS PO MED PA NYID MA YIN NAM, DE LTA YIN DANG DE RGYUN DE LA GNAS SKABS KYI KHYAD PAR RNAM PAR GZHAG PA'I 'JIG RTEN PHA ROL 'DI YANG DON DAM PAR BYED PAR MI 'GYUR RO ZHE NA,

92b

SKYON 'DI NI MED DE, RGYUN GYI SGRAS NI DNGOS POR GYUR BA'I SKAD CIG MA RGYUN CAN RNAMS TSOGS CHUNG BAR BYA BA'I PHYIR MTHA' DAG GIS CIG CAR BSTAN PA YIN TE, NAGS LA SOGS PA'I SGRAS DHA BA LA SOGS PA BZHIN NO, ,'O NA CI LTAR, CI STE RGYU LA SOGS PA BZHIN, ,ZHES BYA BA'I SKABS 'DIR SNGAR RGYUN DNGOS PO MED PA NYID DU BSTAN ZHE NA, GCIG PU NYID DU BRTAGS ZHES BYA BA LA SOGS PA SMOS TE, GCIG NYID DU BRTAGS PA'I RGYUN GANG YIN PA DE NI DE NYID DANG GZHAN DU BRJOD DU MED PA'I PHYIR DNGOS PO MED PA NYID DU MNGON PAR 'DOD DE, NAM MKHA'I ME TOG GI PHRENG BA BZHIN NO, ,DE'I GNAS SKABS KYI KHYAD PAR LA KHO BO CAG 'JIG RTEN PHA ROL DU RNAM PAR GZHAG PAR BYED PA YIN NO, ,CI STE 'JIG RTEN PHA ROL GYI MING CAN SHES PA LA SOGS PA'I RGYUN 'DI DGAG PAR BYED PA DE'I TSE RE ZHIG DE'I RANG GI NGO BO DGAG PA'I SGO NAS 'JIG RTEN PHA ROL DGAG PAR BYA BAR MI NUS TE, MTHONG BA NI BSNYON PAR MI NUS PA'I PHYIR RO, ,'O NA CI ZHE NA, THOG MA DANG THA MA MED PA'I CHOS DGAG PA'I SGO NAS TE, THOG MA DANG THA MA MED PA DE YANG JI LTAR 'GRUB PAR 'GYUR GAL TE THOG MA MED PA NYID DU 'DOD PA GANG YIN PA DE RGYU MED PAR 'GYUR BA'AM, SHES PA RTAG PA CAN GYI DBANG PHYUG LA SOGS PA'I RGYU LAS BYUNG BA'AM, YANG NA RANG NYID KYIS RTAG PA'AM, 'BYUNG BA TZAM GYIS BSKYED PA'AM, RGYUD GZHAN GYI SHES PA'I RGYUD CAN YIN ZHES BYA BAR PHYOGS LNGA'O, ,GAL TE SEMS THAMS CAD RANG GI RGYUD LA GNAS PA'I SHES PA SNGA MA SNGA MA'I RGYU CAN DU GYUR NA DE'I TSE SEMS KYI RGYUN THOG MA MED PA CAN DU 'GYUR GYI GZHAN DU NI MA YIN NO ZHES BSAMS NAS PHYOGS 'DI RNAMS NYE BAR BKOD DO, ,DE LA RE ZHIG PHYOGS DANG PO NI MA YIN TE, RTAG TU YOD PA LA SOGS PAR THAL BAR 'GYUR BA'I PHYIR RE, ,LTOS PA'I DNGOS PO RNAMS NI RES 'GA' BA 'GYUR BA YIN LA, GANG RGYU MED PA DE NI CUNG ZAD KYANG MI LTOS PAS CI'I PHYIR MA TSANG BAR 'GYUR, PHYOGS GNYIS PA YANG MA YIN TE, RTAG TU YOD PAR THAL BAR 'GYUR BA DE NYID KYI PHYIR RO, ,RGYU MA TSANG

93a

, ,BA'I PHYIR 'BRAS BU RNAMS MED PA NYID YIN TE, RGYU MA TSANG BA MED PA GANG YIN PA DE CI'I PHYIR MI 'GYUR ZHES BRJOD PAR BYA DGOS SO, ,PHYOGS GSUM PA YANG MA YIN NO, ,CI'I PHYIR ZHE NA, DE MED PHYIR TE, RTAG TU YOD PA DE NYID MED PA'I PHYIR RO, ,RNAM SHES PA RTAG PA ZHES BYA BA LA SOGS PAS DE MED PA DE NYID STON PAR BYED PA YIN TE, 'DIS NI DAM BCA' BA MNGON SUM DANG 'GAL BAR BSHAD DO, ,SA DANG ZHES BYA BA LA SOGS PAS PHYOGS BZHI PA SEL BAR BYED DE SA NI SA'O, ,RTAG PA'I DBANG PHYUG LA SOGS PA'I RGYU LAS BYUNG BA'I PHYOGS BZHIN DU 'DIR YANG SKYON MTSUNGS TE, 'DI LTAR GZHAN GYI 'BYUNG BA CHEN PO BZHI BRTAN PA'I NGO BOR 'DOD LA, LHAN CIG BYED PA'I RGYU LA LTOS NAS RIM GYIS RTAG PA LAS SKYE BA ZHES BRJOD PAR RIGS PA YANG MA YIN TE, RTAG PA NI PHAN 'DOGS PA LA LTOS PA MA YIN NO ZHES PHAL CHER DPYAD ZIN PA'I PHYIR RO, ,YANG JI SKAD DU BSHAD PA'I SKYON GYIS 'JIGS NAS GZHAN DAG GIS TE TSU ROL MDZES PA RNAMS KYIS KYANG 'BYUNG BA CHEN PO BZHI PO 'DI SKAD CIG MA NYID DU KHAS LEN PAR BYED PA DE'I TSE YANG SKYON CAN NYID YIN NO SNYAM DU BSAMS PA YIN NO, ,'DI LTAR RE ZHIG GANG GIS DE'I THA SNYAD GRUB PAR 'GYUR BA LUS DANG BLO DAG RGYU DANG 'BRAS BU'I DNGOS PO GRUB PA LA TSAD MA CUNG ZAD KYANG MED DO, ,SBYOR BA NI GANG DU DNGOS PO GANG ZHIG GRUB PAR BYA BA'I PHYIR TSAD MA CUNG ZAD KYANG MED PA DE NI DER RTOG PA DANG LDAN PAS THA SNYAD BYA BA MA YIN TE, ME LA GRANG BA'I THA SNYAD BZHIN NO, ,LUS DANG BLO DAG LA YANG RGYU DANG 'BRAS BU GRUB PAR BYA BA'I TSAD MA CUNG ZAD KYANG YOD PA MA YIN NO ZHES BYA BA KHYAB PAR BYED PA MI DMIGS PA'O, ,GTAN TSIGS MA GRUB PA YANG MA YIN TE, 'DI LTAR RGYU DANG 'BRAS BU'I SGRUB PAR BYED PA NI MNGON SUM DANG MI DMIGS PA YIN NO, ,DE YANG KHYAD PAR CAN GYI RJES SU 'GRO BA'AM, LDOG PA NYID LAS NGES PA YIN GYI, MTHONG BA DANG MA MTHONG BA TZAM GYIS NI MA YIN NO, ,DE LA RJES SU 'GRO BA LAS 'BRAS BU NGES PAR BYA BA LA GANG DAG DMIGS NA DMIGS PA'I MTSAN NYID DU GYUR

93b

PA SNGA MA DMIGS PA NA DMIGS PA ZHES BYA BA DE LTA BU LA RTEN PAR BYED DE, DE LTA MA YIN TE, GAL TE DMIGS PA'I MTSAN NYID DU GYUR PA MI DMIGS PA ZHES BYA BA DE LTA BU LA MI LTOS PA DE'I TSE DE LA 'BRAS BU DANG PO NAS YOD PA'AM, YUL GZHAN NAS 'ONGS PA'AM GANG DAG RGYU LAS SNGAR GNAS PA'I RTZIG PA DANG RE LDE LA SOGS PA DE DAG RGYU YIN PA MA BKAG PAR 'GYUR RO, ,DMIGS PA'I MTSAN NYID DU GYUR PA MI DMIGS PA NYE BAR BSTAN PAS NI DE BKAG PAR 'GYUR TE, DE DE LAS 'KHRUL PA MED PA'I PHYIR RO, ,DE LTAR RE ZHIG RJES SU 'GRO BA LAS 'BRAS BU NGES PA YIN NO, ,LDOG PA LAS KYANG 'BRAS BU NGES PAR BYA BA NI DE LAS GZHAN PA'I NUS PA'I RGYU DAG YOD NA YANG GANG ZHIG GCIG MED NA MI 'BYUNG BA ZHES BYA BA DE LTA BU LA BRTEN PAR BYA STE, DE LTA MA YIN TE, DE MED NA MI 'BYUNG BA ZHES BYA BA 'BA' ZHIG NYE BAR BRTAN PAS NI 'DIR DE'I NUS PA LA THE TSOM ZA BA NYID DU 'GYUR TE, DE LA NUS PA GZHAN YANG YOD PA'I PHYIR RO, ,DE LTA YIN DANG 'DI LTAR SRID PA YIN TE, DE LA NUS PA NI GZHAN NYID YIN TE, DE MED PAS DE MI 'BYUNG BA YIN NO, ,GANG YANG 'DI LDOG PA NA LDOG PA DMIGS PA DE NI 'DOD RGYAL BA'I MI SLU BA YIN TE, MA BAG MAR LEN PAR 'ONGS PA'I YUL DU SKYE BA'I 'BRAG GO MA BAG MAR LEN PA MED PA'I YUL GZHAN DU MED PA'I PHYIR RO, ,DE LTA BAS NA NUS PA YOD KYANG ZHES BYA BAR KHYAD PAR DU BYA BA YIN TE, DE LTAR NA DE NYID RGYU NYID DU NGES TE DE LDOG PA'I RJES SU BYED PA'I PHYIR RO, ,PHAN MI 'DOGS PA NI LDOG PA'I RJES SU BYED PA 'GA' YANG MED DE, HA CANG THAL BAR 'GYUR BA'I PHYIR RO, ,DE LTAR RJES SU 'GRO BA DANG LDOG PA DAG GIS THE TSOM MED PAR RGYU DANG 'BRAS BU NYID DU NGES KYI GZHAN DU NI MA YIN NO, ,DE DAG LA 'DI 'DRA BA'I RJES SU 'GRO BA'AM LDOG PA NGES PA NI NAM YANG YOD PA MA YIN TE; 'DI LTAR RE ZHIG RANG GI LUS DANG BLO DAG RJES SU 'GRO BA NGES PAR NUS PA MA YIN TE, MNGAL LA SOGS PAR SKYE BA LAS SNGAR 'BRAS BU 'GA' ZHIG DMIGS PA MED PA'I PHYIR LA SEMS MED PAR DMIGS PAR 'GYUR BA YANG MA YIN TE, GZHAN GYI LUS LA YANG SEMS DMIGS

94a

, ,PA'I MTSAN NYID DU MA GYUR BA'I PHYIR SNGA MA DANG PHYI MA 'DZIN PA MED PAS DE'I PHYIR RJES SU 'GRO BA NGES PA MA YIN TE, LDOG PA NGES PA YANG MA YIN TE, DE LA YANG RE ZHIG RANG GI LUS LDOG PAS RANG GI BLO LDOG PA NYID DU SHES PAR NUS PA YANG MA YIN TE, RANG NYID RNAM PA THAMS CAD DU MED PA'I PHYIR RO, ,GZHAN GYI BLO LOG PAS DE DANG 'BREL BA'I BLO LDOG PAR NGES PAR NUS PA YANG MA YIN TE, DE'I BLO DMIGS PA'I MTSAN NYID DU MA GYUR BA NYID KYIS LUS LOG NA YANG BLO LDOG PAR THE TSOM ZA BA'I PHYIR RO, ,DE NYID KYI PHYIR RTZIG PA LA SOGS PA LA LUS MED KYANG BLO LDOG PAR NGES PA MA YIN TE, DE YOD PA DMIGS PA'I MTSAN NYID DU MA GYUR BA NYID KYIS THE TSOM ZA BA'I PHYIR RO, ,G-YO BA LA SOGS PA'I 'BRAS BU MA MTHONG BA'I PHYIR YANG MED PAR NGES PAR RIGS PA MA YIN TE, RGYU RNAMS NI GDON MI ZA BAR 'BRAS BU DANG LDAN PA MA YIN NO, ,GZHAN YANG SPYI'I LUS KYI KHYAD PAR 'DZIN PA'I RGYU SRID PA PHYIN CI LOG GI MTSAN NYID RANG GI RGYU MED PA'I PHYIR RTZIG PA LA SOGS PA DE LA BLO MED PA YIN NAM, 'ON TE LUS LDOG PA LAS YIN ZHES THE TSOM ZA'O, ,DE LTA BAS NA GTAN TSIGS MA GRUB PA YIN NO, ,'GAL BA YANG MA YIN TE, MTHUN PA'I PHYOGS LA YOD PA'I PHYIR RO, ,MA NGES PA YANG MA YIN TE, HA CANG THAL BAR 'GYUR BA'I PHYIR DANG, RTOG PA DANG LDAN PA NYID NYAMS PAR THAL BAR 'GYUR BA'I PHYIR RO, ,'O NA KHYED LA LUS BLO'I RGYU MA YIN NO ZHES BYA BA 'DI LA GNOD PAR BYED PA'I TSAD MA CI ZHIG YOD CE NA, MA YIN TE, TSAD MA YOD PA NYID DE, DE SKAD DU YANG YID KYI BLO'I RGYU LUS MA YIN NO ZHES BYA BA 'DI LA, YID KYI BLO NI RANG DBANG CAN, ,ZHES BYA BA LA SOGS PAS TSAD MA STON PAR 'GYUR RO, ,DE NYID SRID PA GZHAN DU MTSAMS SBYOR BA LA BDAG PO YIN PA'I PHYIR LUS LA MI BRTEN PA NYID DU GRUB PA NA 'JIG RTEN PHA ROL GRUB PO, ,GZHAN YANG YID KYI BLO'I RGYU LUS YIN PA NA YAN LAG CAN GYI NGO BO GCIG YIN NAM, RDUL PHRA RAB TU MA 'DUS PA'I BDAG NYID DAM, YANG NA DBANG PO DANG BCAS PA'AM, DBANG PO MED PA'AM, CI NYE BAR LEN PA'I RGYU'AM, 'ON TE LHAN CIG BYED PA'I

94b

RGYU YIN NO ZHES RNAM PAR BRTAG GO, ,DE LA RE ZHIG YAN LAG CAN GCIG RIGS PA MA YIN TE, DE NI SNGAR BKAG ZIN PA'I PHYIR DANG, 'BYUNG BA CHEN PO BZHI'I BDAG NYID NYAMS PAR THAL BAR 'GYUR BA'I PHYIR RO, ,GCIG LA RANG BZHIN BZHI RIGS PA MA YIN TE, DU MA'I THA SNYAD TSAD MAR THAL BAR 'GYUR BA'I PHYIR RO, ,DE LTA BAS NA RDUL PHRA RAB TU MA 'DUS PA'I BDAG NYID DU KHAS BLANG BAR BYA'O, ,RDUL PHRA RAB DE DAG KYANG RE RE RGYU YIN NAM, TSOGS PA RGYU YIN GRANG, RE ZHIG RE RE NI MA YIN TE, SA BON RE RE MYU GU BSKYED PA BZHIN DU RDUL PHRA RAB RE RE RNAM PAR RTOG PA SKYED PAR THAL BAR 'GYUR BA'I PHYIR RO, ,TSOGS PA YANG MA YIN TE, SNA TSOGS PA'I YAN LAG GCIG MA TSANG NA YANG MI SKYE BAR 'GYUR BA'I PHYIR TE, SA LA SOGS PA GANG YANG RUNG BA MA TSANG NA MYU GU MI SKYE BA BZHIN NO, ,TSOGS PA LA RAG LAS BA'I 'BRAS BU NI GANG YANG RUNG BA MED PA NI 'GYUR BA MA YIN TE, DE LA RAG LAS PA NYID NYAMS PAR THAL BAR 'GYUR BA'I PHYIR RO, ,CI STE JI LTAR YOD PA BZHIN DU THAMS CAD KYANG SEMS KYI RGYUR RTOG PAR BYED NA, 'O NA DE LTA NA LUS KYI YAN LAG TSANG BA DANG MA TSANG BA LAS BYUNG BA'I RNAM PAR RTOG PA DE DAG THA DAD PAR 'GYUR TE, RGYU THA DAD PA'I PHYIR RO, ,DE LTA MA YIN NA 'BRAS BU'I THA DAD PA RGYU MED PA NYID DU THAL BAR 'GYUR RO, ,YAN LAG MA TSANG BA MED PA LAS PHYIS YAN LAG MA TSANG BAR GYUR BA NA YID KYI BLO 'GA' ZHIG KHYAD PAR DU 'GYUR BA NI YOD PA MA YIN TE, THOS PA LA SOGS PA'I LEGS PAR BYAS PA NI DE'I TSE YANG MA TSANG BA MED PAR 'JIG PA'I PHYIR RO, ,GLANG PO LA SOGS PA'I LUS LA GNAS PA'I YID KYI BLO KHYAD PAR DU 'PHAGS PAR 'GYUR GYI MA'I BLO NI MA YIN NO, ,GANG YANG LUS CHUNG BA'I MA'I SKYE BA DE DAG BLO DMAN PA DANG, LUS CHEN PO NI BLO GSAL BAR 'GYUR TE; RGYU CHUNG BA DANG KHYAD PAR DU 'PHAGS PA LAS 'BRAS BU CHUNG BA DANG KHYAD PAR DU 'PHAGS PAR MTHONG BA'I PHYIR RO, ,GANG ZHIG THA DAD PAS GANG THA DAD PAR MI 'GYUR BA DE NI DE'I 'BRAS BU YIN PAR RIGS PA MA YIN TE, HA CANG THAL BAR 'GYUR BA'I PHYIR DANG, 'BRAS BU'I THA DAD PA YANG RGYU

95a

, ,MED PA NYID DU THAL BAR 'GYUR BA'I PHYIR RO, ,DBANG PO DANG BCAS PA ZHES BYA BA'I PHYOGS KYANG MA YIN TE, 'DI LTAR YID KYI BLO DBANG PO RE RE LAS SAM, TSOGS PA LAS YIN GRANG RE ZHIG RE RE LAS NI MA YIN TE, DBANG PO RE RE NYAMS NA YANG YID KYI BLO MA TSANG BA MED PA'I PHYIR RO, ,'DI LTAR NYAMS BYED CES BYA BA LA SOGS PA'I NAD LA SOGS PAS LUS KYI DBANG PO LA SOGS PA LA GNOD KYANG YID KYI BLO MA TSANG BA MED PA NYID DU YOD PAR NYAMS SU MYONG NGO, ,GANG 'GYUR NA YANG GANG MI 'GYUR BA DE NI DE'I 'BRAS BUR RIGS PA MA YIN TE, HA CANG THAL BAR 'GYUR BA'I PHYIR RO, ,GZHAN YANG MIG LA SOGS PA'I RNAM PAR SHES PA BZHIN DU SO SOR NGES PA'I DON 'DZIN PA DANG RTOGS PA MED PA DANG, DON NYE BA LA LTOS NAS 'JUG PA DANG RES 'GA' BAR 'GYUR TE, RGYU THA MI DAD PA'I PHYIR DANG, CIG CAR DU MA SKYES PAR THAL BAR 'GYUR BA'I PHYIR RO, ,TSOGS PA LAS ZHES BYA BA'I PHYOGS KYANG MA YIN TE, DBANG PO GCIG MED PA NA YANG MED PAR THAL BAR 'GYUR BA'I PHYIR TE, LHAN CIG BYED PA GCIG MED PA NA MYU GU LA SOGS PA NYAMS PA BZHIN NO, ,DBANG PO MED PA ZHES BYA BA'I PHYOGS KYANG MA YIN TE, LUS LA BCANG BA'I LAG PA LA SOGS PA YANG DE'I RGYU NYID DU THAL BAR 'GYUR BA'I PHYIR RO, ,KHYAD PAR CAN RGYU NYID YIN NA DBANG PO DANG BCAS PA NYID 'DOD PAR 'GYUR TE, DBANG PO DANG BCAS PA LAS GZHAN KHYAD PAR CAN BSTAN PAR NUS PA MA YIN NO, ,NYE BAR LEN PA'I RGYU ZHES BYA BA'I PHYOGS KYANG MA YIN TE, 'DI LTAR 'BRAS BUR GTOGS PA'I KHYAD PAR MTHA' DAG GI RJES SU 'GRO BA'I RANG BZHIN GYI RGYU GANG ZHIG RTAG TU BDAG NYID YOD PA NYE BA'I PHYIR DE LA PHAN 'DOGS PAR BYED PA GANG ZHIG 'GYUR BAR MA BYAS PAR 'BRAS BU 'GYUR BAR MI NUS PA'I RGYU'I KHYAD PAR DE NYID NYE BAR LEN PA NYID DU GRAGS TE, DPER NA 'JIM PA'I BDAG NYID KYI TSOGS PA SNGA MA SNGA MA BUM PA'I MING CAN GYI 'BRAS BU'I TSOGS PA PHYI MA PHYI MA'I NYE BAR LEN PAR 'DOD PA NYID BZHIN NO, ,GANG ZHIG GANG RNAM PAR 'GYUR BAR BYED 'DOD PA DE DE'I NYE BAR LEN PA RNAM PAR 'GYUR BAR

95b

BYAS PA NYID KYIS DE RNAM PAR 'GYUR BAR BYED KYI GZHAN DU NI MA YIN NO, ,NUS PA THOGS PA MED PA'I NYE BAR LEN PA SNGA MA YOD NA DE'I 'BRAS BU PHYIS SKYE BAR 'DOD PA GANG GIS GNOD PAR BYA BAR NUS PA MA YIN TE, DPER NA SKYE BAR 'DOD PA'I 'BRAS BU BUM PA LA SOGS PA PHYI MA 'JI BA'I BDAG NYID SNGA MA LA GEGS MA BYAS PAR NUS PA MED PA'I SKAD CIG SKYED PA'I PHYIR 'GYUR BAR BYED PA MA YIN NO, ,THAMS CAD DU 'GYUR BAR BYED PA'I TSUL NI 'DI NYID YIN TE, NYE BAR LEN PA'I SKAD CIG PHYI MA NUS PA MED PA NYID DU SKYED PA'O, ,GZHAN DU NA DNGOS SU NI 'GAL BA 'GA' YANG SRID PA MA YIN NO, ,GAL TE RGYU'I 'GYUR BA BYED PA BZHIN DU 'BRAS BU YANG DNGOS SU RNAM PAR 'GYUR BAR BYED PAR 'GYUR GYI, NYE BAR LEN PA 'GYUR BAR BYED PA'I SGO NAS NI MA YIN NO, ,GANG YANG SGRON MA LA SOGS PA'I DBANG DU BYAS NAS DE'I 'OD YUL GZHAN DU 'JUG PA'I BAR DU SGRIB G-YOGS KYIS 'GYUR BAR BYED PA DE NI DE'I DNGOS KYI NYE BAR LEN PA'I RGYU SGRON MA NI MA YIN NO, ,'O NA CI ZHE NA, 'OD KYI SKAD CIG SNGA MA SNGA MA STE, DE NYID NUS PA MED PA'I SKAD CIG GZHAN SKYED PA'I MTSAN NYID KYI 'GYUR BA BSGRUB PA'I PHYIR SGRIB G-YOGS KYIS 'OD NYAMS PAR BYED DO, ,YANG DNGOS PO GANG ZHIG GI DBANG DU BYAS NAS GANG 'GYUR BAR BYED PA DE NI DE'I NYE BAR LEN PA MA YIN TE, DPER NA BA MEN GYI DBANG DU BYAS NAS BA LANG RNAM PAR 'GYUR BA BZHIN NO, ,MI 'DOD PA SPYOD PA LA SOGS PAS YID MI BDE BA LA SOGS PA'I MTSAN NYID KYI 'GYUR BA SGRUB PAR BYED PA'I YID KYI BLO YANG LUS KYI DBANG DU BYAS PA YIN NO ZHES BYA BA NI KHYAB PAR BYED PA 'GAL BA DMIGS PA'O, ,'ON TE ZAS DANG GNYID LA SOGS PAS LUS RGYAS PA LA SOGS PA'I RNAM PAR 'GYUR BA NA 'DOD CHAGS LA SOGS PA'I MTSAN NYID KYI YID KYI BLO'I RNAM PAR 'GYUR BA SGRUB PAR BYED PAR MTHONG BA KHO NA'O, ,GAL TE MTHONG MOD, DE LAS CIR 'GYUR, DE TZAM GYIS NI GTAN TSIGS MA GRUB PA NYID MA YIN TE, 'DI LTAR GANG ZHIG RNAM PAR MI 'GYUR NA YANG GANG RNAM PAR 'GYUR BAR BYED PA DE NI DE'I NYE BAR LEN PA MA YIN NO ZHES BYA BA DE TZAM ZHIG 'DIR BRJOD

96a

, ,PAR 'DOD PA YIN NO, ,GNAS SKABS 'GA' ZHIG TU MI 'DOD PA SPYOD PA LA SOGS PAS LUS RNAM PAR 'GYUR BAR BYED PA MED PAR YANG BLO 'GYUR BAR BYED PAR SRID PA'I PHYIR GTAN TSIGS MA GRUB PA GA LAS YIN, RES 'GA' DE LTA BUR GYUR PAS DE'I RNAM PAR 'GYUR BA'I RJES SU BYED PA'I PHYIR DE'I NYE BAR LEN PA NYID DU RIGS PA YANG MA YIN TE, HA CANG THAL BAR 'GYUR BA'I PHYIR RO, ,DE LTA NA NI YUL YANG NYE BAR LEN PA NYID DU 'GYUR TE, 'DI LTAR STAG DANG KHRA LA SOGS PA'I 'JIGS SU RUNG BA'I YUL MTHONG BA LA SOGS PA'I STOBS KYIS KYANG RES 'GA' SNGAR MA'I YID RMUGS PA'I MTSAN NYID KYI YID KYI 'GYUR PA 'BYUNG BA KHO NA'O, ,DE TZAM GYIS NI YID KYI BLO DE DE LA BRTEN PAR 'GYUR BA YANG MA YIN NO, ,'DOD PA DANG MYA NGAN LA SOGS PA'I RNAM PAR SPYAD PAS KYANG YID NYAMS PA NA LUS RNAM PAR 'GYUR BA MTHONG BA'I PHYIR DE LUS KYI YANG NYE BAR LEN PAR THAL BA'I PHYIR RO, ,'ON KYANG NGES PAR DNGOS SU GANG ZHIG GANG 'GYUR BA'I RJES SU BYED PA DE NI DE'I NYE BAR LEN PAR RIGS PA YIN ZHING 'DOD CHAGS LA SOGS PA'I MTSAN NYID KYI RNAM PAR 'GYUR BA NGES PAR LUS YONGS SU RGYAS PA LA SOGS PA LAS 'GYUR BA MA YIN TE, SO SOR RTOGS PA DANG LDAN PA 'GA' ZHIG LUS YONGS SU RGYAS NA YANG DE MED PA'I PHYIR RO, ,DE BZHIN DU TSUL BZHIN MA YIN PA MANG DU YID LA BYED PA'I GANG ZAG LUS SHIN TU RINGS PA'AM, DUD 'GROR GTOGS PA 'GA' ZHIG LUS SHIN TU NYAM CHUNG YANG 'DOD CHAGS LA SOGS PA SHAS CHEN POR MTHONG BA'I PHYIR RO, ,GANG MED NA YANG DE YOD PA DE NI DE'I 'BRAS BUR RIGS PA MA YIN TE, HA CANG THAL BAR 'GYUR BA'I PHYIR RO, ,LUS LAS DNGOS SU 'DOD CHAGS LA SOGS PA SRID PAR YANG MA YIN TE, TSUL BZHIN MA YIN PA YID LA BYED PA LA SOGS PAS BAR DU GCOD PA'I PHYIR RO, ,'DI LTAR LUS RGYAS NA NANG GI REG BYA'I YUL GYI SKAD CIG GIS SKYED PA'I BDE BA LA SOGS PA NYAMS SU MYONG LA, DE LAS BDAG DANG BDE BA LA SOGS PA DE DANG DE GRUB PAR BYED PA LAS SRED PA DANG LDAN PA RTAG PA

96b

LA SOGS PA'I PHYIN CI LOG DANG LDAN PA'I YID CAN 'DI NI BDAG LA PHAN 'DOGS PA'AM, GNOD PA BYED PA YIN ZHES BDAG LA PHAN PA DANG GNOD PAR RNAM PAR RTOG GO, ,DE LAS DE LA YONGS SU DGA' BA DANG YID BDE BA LA SOGS PA 'BYUNG LA, DE LAS BDE BA LA SOGS PA'I YUL CAN 'DI MNGON PAR SHES PA LA SOGS PA SKYE'O ZHES BYA BA 'DI NI RJES SU 'GRO BA DANG LDOG PA DAG LAS RTOGS PA NYID YIN TE, YID BDE BA LA SOGS PA SRID PA NYID NA 'DOD CHAGS LA SOGS PA MTHONG BA'I PHYIR RO, ,RGYAS PA LA SOGS PA YOD KYANG DE MED NA MA MTHONG BA'I PHYIR RO, ,DE'I PHYIR RGYAS PA LA SOGS PA NI DNGOS SU YOD KYI BLO 'GYUR BA BYED PA MA YIN NO, ,DE NYID KYI PHYIR DNGOS SU PHAN 'DOGS PAR BYED PA MA YIN PA'I PHYIR LUS DE'I LHAN CIG BYED PA YANG MA YIN NO ZHES BYA BAR GRUB BO, ,MYU GU LA SOGS PA LAS LA SOGS PA'I PHAN 'DOGS PA RNAMS DNGOS SU LTAN CIG BYED PA NYID DU GRAGS PA'I PHYIR TE, DE LTA MA YIN NA HA CANG THAL BAR 'GYUR RO, ,DE LTA BAS NA RIGS MTHUN PA'I SA BON SAD NAS 'JUG PA CAN NYID KYI 'DOD CHAGS LA SOGS PA DANG, LUS RGYAS PA DANG LANG TSO DANG DUS LA SOGS PA NI SO SOR RTOG PA GOMS PA DANG BRAL BA 'GA' ZHIG GI DE BAG CHAGS SAD PA'I RGYU YIN NO, ,LUS RANG GI NYE BAR LEN PAS 'JUG PA'I YID KYI BLO RES 'GA' DNGOS SU PHAN 'DOGS PAR BYED PA YIN DU CHUG MOD, DE LTA NA YANG LUS LDOG NA YANG DE LDOG PA 'GRUB PAR MI 'GYUR TE, DPER NA ME LOG KYANG BUM PA LA SOGS PA MI LDOG PA BZHIN TE, RANG GI NYE BAR LEN PA MA LOG PA'I PHYIR MI 'DOD PAR 'GYUR BA MA YIN NO, ,GTAN TSIGS MA NGES PA YANG MA YIN TE, HA CANG THAL BAR 'GYUR BA'I PHYIR RO, ,'GAL BA YANG MA YIN TE, MTHUN PA'I PHYOGS LA YOD PA'I PHYIR RO, ,DE'I PHYIR LUS NYE BAR LEN PA'I RGYU MA YIN ZHING, LHAN CIG BYED PA'I RGYU YANG MA YIN PA'I PHYIR YID KYI BLO SNGA MA SNGA MA'I BLO'I STOBS KYIS BYUNG BA CAN YIN PAR GRUB PO, ,'DI SNYAM DU GANG DAG LHAN CIG GNAS PAR NGES PA DE DAG NI NYE BAR BLANG BAR BYA BAR 'GYUR BA DAG YIN

97a

, ,TE; MAR ME DANG 'OD DAG BZHIN NO, ,LUS DANG YID KYI RNAM PAR SHES PA DAG KYANG LHAN CIG GNAS PA NGES PA YOD PA YIN NO ZHES BYA BA NI RANG BZHIN GYI GTAN TSIGS SO, ,DE'I PHYIR 'DI NI GTAN TSIGS GANG YANG RUNG BA LA MA GRUB PA YIN TE, GZUGS MED PA'I KHAMS NA LUS MED KYANG YID KYI BLO'I GNAS SKABS KHAS LEN PA'I PHYIR RO, ,'DOD PA YANG MA YIN TE, YID KYI BLO YANG LUS KYI NYE BAR LEN PA CAN DU THAL BAR 'GYUR BA'I PHYIR RO, ,MA NGES PA YANG MA YIN TE, RGYU THA MI DAD PAS KYANG LHAN CIG GNAS PA SRID PA'I PHYIR ME DANG ZANGS KYI ZHU BA NYID BZHIN TE, 'DI LTAR ME LHAN CIG BYED PA CAN GYI ZANGS ZHU BAR RTZOM GYI 'BA' ZHIG PA NI MA YIN NO, DE BZHIN DU 'DI LA YANG LUS KYI NYE BAR LEN PA NUR NUR PO LA SOGS PA YID KYI RNAM PAR SHES PA LHAN CIG BYED PA CAN GYI LUS RTZOM PAS DE'I PHYIR DE DAG LHAN CIG GNAS PA YIN GYI NYE BAR LEN PA DANG NYE BAR BLANG BA'I DNGOS POS NI MA YIN PA'I PHYIR MA NGES PA NYID YIN NO, YANG CI STE GAL TE YANG DUS PHYI MA'I YID KYANG BLO SNGA MA SNGA MA'I STOBS KYIS 'BYUNG BA DE LTA NA YANG LUS DANG POR BYUNG BA GANG YIN PA DE'I NYE BAR LEN PA NYID YIN PAS DE'I PHYIR THOG MA MED PA NYID DU MA GRUB PO SNYAM NA, DE NI YANG DAG PA MA YIN TE, RTOG PA 'DI'I SGRUB PAR BYED PA'I TSAD MA CUNG ZAD KYANG YOD PA NI MA YIN NO ZHES BYA BA 'DI NI BSTAN ZIN TO,, ,,GNOD PAR BYED PA YANG MED DO ZHE NA, MA YIN TE, GNOD PAR BYED PA YOD PA NYID DO, ,DE LTAR YID KYI BLO LAN CIG LUS LAS BYUNG LA PHYIS RIGS MTHUN PA LAS BYUNG BAR GYUR NA DE'I TSE DUS PHYIS THAMS CAD DU YID KYI RNAM PAR SHES PA SNGA MA SNGA MA KHO NA LAS 'BYUNG BAR 'GYUR GYI, MIG GI RNAM PAR SHES PA LA SOGS PA RIGS MI MTHUN PA LAS BYUNG BA NI MA YIN PAR 'GYUR RO, , DU BA ME LAS LAN CIG BYUNG NAS PHYIS RIGS MI MTHUN PA GZHAN YANG 'GYUR BA NI MA YIN NO, ,DUS PHYIS YID KYI BLO YID KYI RNAM PAR SHES PA LAS BYUNG BA KHO NAR NYAMS SU MYONG BA NI MA YIN NO, ,'O NA CI ZHE NA, MTSUNGS PA DE MA THAG PA'I RKYEN MA NGES PA LAS BYUNG BA CAN YIN NO,,

97b

GANG ZHIG GANG LAS DANG POR SKYE BA BSGRUB PAR DMIGS PA DE NI DE LAS GZHAN LAS 'BYUNG BAR 'OS PA YANG MA YIN TE, RGYU MED PA NYID DU THAL BAR 'GYUR BA'I PHYIR RO, ,DANG POR YID KYI BLO MIG LA SOGS PA'I RNAM PAR SHES PA MTSUNGS PA DE MA THAG PA'I RKYEN MA NGES PA LAS SKYE BAR NYAMS SU MYONG BAS DE'I PHYIR MA NGES PA'I RNAM PAR SHES PA TZAM LAS BYUNG BAR GRUB PO, ,GZHAN YANG GAL TE LUS DUS DANG PO NYID DU YID KYI BLO'I NYE BAR LEN PA'I RGYU YIN LA DUS PHYIS MA YIN PA DE'I TSE CI'I PHYIR DE LUS LA MI LTOS PAR 'JUG PAR MI 'GYUR, DE NI PHAN MI 'DOGS PA'I LUS LA 'GA' YANG LTOS PAR RIGS PA MA YIN NO, ,KHYED CAG GANG GI LTAR NA BLO NI GZHAN SNGON DU 'GRO BA CAN YIN PA DE'I LTAR NA YANG CI'I PHYIR DE 'GA' ZHIG MI 'JUG CE NA, 'JUG PA NYID MA YIN NAM, DPER NA GZUGS MED PA'I KHAMS NA LTA BU'O; ,GANG GZUGS LA CHAGS PA DANG LDAN PA DE NI DE LA LTOS NAS 'JUG PA YIN PA'I PHYIR RTZOD PA MED PA NYID DO, ,CI STE LUS KYANG DUS PHYIS PHAN 'DOGS PAR BYED PA KHAS LEN PAR BYED PA DE'I TSE RNAM PAR SHES PA'I RGYUN DU MI SKYE BA THAL BAR 'GYUR TE, RNAM PAR SHES PA'I NYE BAR LEN PAR GYUR BA MA TSANG BA MED PA'I LUS GZHAN YANG DE SKYED PAR BYED PA NYID DU GNAS PA'I PHYIR RO, ,'DI LTAR RNAM PAR SHES PA GANG ZHIG LUS GANG KHO NA LAS SKYES PA DE NI DE LAS GZHAN PA'I SHES PA SO SO SO SOR BSKYED PA'I PHYIR SROG CHAGS GCIG GI SKAD CIG RE RE LA RNAM PAR SHES PA'I RGYUN DPAG TU MED PA SKYE BAR 'GYUR LA, DE LTAR NYAMS SU MYONG BA YOD PA YANG MA YIN NO, ,YANG NA CI STE DUS PHYIS LUS NYE BAR LEN PA'I RGYU NYID KYIS LOGS SHIG TU PHAN 'DOGS PAR BYED PAR MI 'DOD DO, ,'O NA CI ZHE NA, RGYUN GYIS RANG GI NYE BAR LEN PA LAS YID KYI BLO RNAMS 'JUG PA PHYI MA PHYI MA'I 'BRAS BU SKYE BA LA LUS LHAN CIG BYED PA YIN PAS DE'I PHYIR DE LUS LA MI LTOS PAR 'JUG PA YANG MA YIN NO ZHES BYA BA DE YANG MI BDEN TE, GANG ZHIG GANG GI JI LTAR SKYED PAR BYED PA NYID DU GRAGS PA DE NI DE SKYED PAR BYED KYI RNAM PAR GZHAN DU NI MA YIN

98a

, ,TE; KHYAD PAR MED PA'I PHYIR RO, ,'DI LTAR SNANG BA LA SOGS PA MIG GI RNAM PAR SHES PA MA NYAMS PA LA DMIGS PA'I NGO BO SKYED PAR BYED PA NYID DU NYAMS SU MYONG NA YANG DE RNAM PA GZHAN DU SKYED PAR BYED PA MA YIN NO, ,GZUNG BAR BYA BA'I MTSAN NYID LA, ,GZUNG BYA LAS GZHAN SKYED BYED MIN, ,GZUGS SOGS BLO YI DNGOS SU NI, ,PHAN 'DOGS YIN GYI GZHAN DU MIN, ,ZHES GANG BSHAD PA YIN NO, ,DE LTA MA YIN NA 'BRAS BU RGYUS BYAS PA'I RANG BZHIN THA MI DAD PA DANG THA DAD PA'I RNAM PAR GZHAG PAR MI 'GYUR TE, DER GTOGS PA'I PHAN 'DOGS PA'I RJES SU MI BYED PA'I PHYIR RO, ,DE LTA YIN DANG RGYU MED PA NYID DU THAL BAR 'GYUR RO, ,DUS DANG POR LUS RNAM PAR SHES PA LA DNGOS SU SKYED PAR BYED PA LAS MA GTOGS PA GZHAN NYE BAR LEN PA NYID DU KHYOD KYIS GZUNG BA YANG MA YIN NO, ,'O NA CI ZHE NA, DNGOS SU PHAN 'DOGS PA NYID YIN LA; DE YANG DUS PHYIS KYANG YOD PA'I PHYIR, CI'I PHYIR NYE BAR LEN PA'I RGYU MA YIN PAR 'GYUR, DE LTA MA YIN NA SNGAR YANG MI 'GYUR TE, PHYIS DANG KHYAD PAR MED PA'I PHYIR RO, ,DUS PHYIS KYANG RNAM PAR SHES PA SNGA MA LHAN CIG BYED PA CAN GYI LUS NYID BLO PHYI MA PHYI MA'I NYE BAR LEN PAR 'GYUR RO ZHES KYANG BRJOD PAR MI NUS TE, NYE BAR LEN PA NYID NI SNGAR RGYAS PAR BKAG ZIN PA'I PHYIR DANG SKYE BA'I DANG PO'I BLO YANG BLO GZHAN SNGON DU 'GRO BA CAN NYID DU THAL BAR 'GYUR BA'I PHYIR RO, ,DE NYID KYI PHYIR 'BYUNG BA RTOG PA'I PHYOGS LA, LUS LAS BLO NI LHAN CIG BYUNG, ,PHYI NAS RANG GI RIGS LAS NGES, ,GAL TE LUS NUS YIN ZHE NA, ,MA TSANG BA NI GA LAS YIN, ,ZHES GANG BSHAD PA'I SLOB DPON GYIS SUN 'BYIN PA 'DI CHES RIGS PA YIN NO, ,DE LTA BAS NA YID KYI BLO THOG MA MED PA NYID DU GRUB PA YIN NO, ,YANG NA BLO THAMS CAD THOG MA MED PAR GRUB STE, 'DI LTAR DANG PO'I BLO 'BYUNG BA NA DBANG PO'I BLO'AM YID KYI BLO ZHIG YIN, RE ZHIG PHYOGS DANG PO NI MA YIN TE, GNYID LOG PA DANG BRGYAL BA DANG SEMS MED PA RNAMS KYI DBANG PO YOD NA, YANG RJES SU MTHUN PA'I YID LA BYED PA MED PAS DBANG PO'I BLO MI SKYE

98b

BA'I PHYIR RO, ,DES NA DBANG PO 'BA' ZHIG DBANG PO'I BLO'I RGYU MA YIN GYI 'ON KYANG YID LA BYED PA'I KHYAD PAR LA LTOS PA DANG BCAS PA YIN NO ZHES BYA BAR NGES TE, RGYU DANG 'BRAS BU'I DNGOS PO NI RJES SU 'GRO BA DANG LDOG PAS RTOGS PAR BYA BA'I PHYIR RO, ,GANG ZHIG GANG LAS CHES DANG POR SKYED PA NYID DU NGES PA DE NI DE LAS GZHAN LAS CHES DANG PO SKYED PAR BYED PA YANG MA YIN TE, RGYU MED PA NYID DU THAL BAR 'GYUR BA'I PHYIR TE, ME MA YIN PA LAS DU BA BZHIN NO, ,DANG POR MIG GI BLO SKYE BA NA RJES SU MTHUN PA'I YID LA BYED PA LA LTOS PA DANG BCAS PA NYID SKYE BAS, DE LTA BAS NA DBANG PO 'BA' ZHIG 'DI'I NAM MKHA' YANG RGYU MA YIN NO ZHES BYA BAR GRUB BO, ,DE LTA MA YIN NA RGYU MED PA NYID DU THAL BAR 'GYUR BA NI GNOD PAR BYED PA'I TSAD MA'O, ,YID KYI BLO ZHES BYA BA'I PHYOGS KYANG MA YIN TE, ,DE DBANG POS MA DMIGS PA'I DON LA RANG DBANG DU 'JUG PA NI MA YIN TE, LONG BA DANG 'ON PA LA SOGS PA MED PAR THAL BAR 'GYUR BA'I PHYIR RO, ,'JUG NA YANG CI STE RTOG PA DANG BCAS PA'AM, 'ON TE RTOG PA MED PA YIN ZHES BYA BAR BRJOD PAR BYA'O, ,DE LA RE ZHIG PHYOGS DANG PO NI MA YIN TE, 'DI LTAR RNAM PAR RTOG PA 'JUG PA NA THAMS CAD RJOD PAR BYED PA SGRA'I RNAM PA'I RJES SU BYED PA NYID DU 'JUG STE, RTAG TU NANG DU BRJOD PA'I RNAM PA NYID DU NYAMS SU MYONG BA'I PHYIR RO, ,RNAM PAR RTOG PA'I BRJOD PA'I SGRA'I RNAM PA NYID DE YANG BRDA BSTAN PA'I DBANG GIS SAM, YANG NA SGRA'I NGO BO SHES PA'I BDAG NYID KYI CHOS YIN PA'I PHYIR RTOG PA'I NGO BO BZHIN DU RJOD PAR BYED PA'I BDAG NYID YIN NAM, SGRA DANG BCAS PA'I DON BZUNG BA LAS YIN ZHES BYA BA DAG BRTAG GO, ,DE LA RE ZHIG BRDA BZUNG BA LAS ZHES BYA BA'I PHYOGS NI MA YIN TE, SNGAR BRDA MA BZUNG BA'I PHYIR RO, ,PHYOGS GNYIS PA YANG MA YIN TE, 'DI LTAR SGRA'I BDAG NYID NI RNAM PA GNYIS TE, RANG GI MTSAN NYID KYI RANG BZHIN DANG, SPYI'I MTSAN NYID KYI RANG BZHIN NO, ,DE LA RE ZHIG RANG GI MTSAN NYID KYI NGO BO GANG YIN PA DE NI RJOD PAR BYED PA MA YIN PA'I PHYIR DE'I RNAM PA'I RJES SU BYED PA NYID KYIS SHES

99a

, ,PA RTOG PA DANG BCAS PA NYID MA YIN NO, ,'DI SHES PA'I BDAG NYID DU RTOGS PA'I CHOS KYANG MA YIN TE, SNGON PO LA SOGS PA BZHIN DU PHYI ROL GYI NGO BOR SNANG BA'I PHYIR RO, ,DE LTA MA YIN NA SNGON PO LA SOGS PA YANG SHES PA'I CHOS NYID DU 'GYUR TE, KHYAD PAR MED PA'I PHYIR RO, ,DE LTA BAS NA SNA TSOGS RNAM PAR SHES PA TZAM NYID DU 'GYUR GYI 'BYUNG BA YONGS SU 'GYUR BA'I NGO BO NI MA YIN NO, ,'ON TE SHES PA RNAM PA DANG BCAS PA'I PHYOGS LA SNGON PO LA SOGS PA'I RNAM PAR SHES PA'I BDAG NYID DU RTOGS PA NYID KYI CHOS PHYI ROL GYI NGO BOR SNANG BA MA YIN NAM, DE'I PHYIR ROL GYI NGO BOR SNANG BA'I PHYIR SHES PA'I CHOS SU MI 'GYUR RO ZHES CI STE 'DOD CE NA, DE NI BDEN MOD KYI, PHYI ROL GYI DON GYI BSGYUR BA NYID KYIS SHES PA DE LTAR SNANG BA'I PHYIR SHES PA 'DI BDAG NYID DU GTOGS PA'I ZHES RNAM PAR GZHAG PA NI MA YIN NO, ,'O NA CI ZHE NA, PHYI ROL NYID KYIS ZHES BYA STE, DE NYID DE'I BDAG NYID YIN PA'I PHYIR LA, SHES PA NI DON DES NYE BAR BSGRUB PAR BYAS PA NYID KYI GLO BUR BA YIN PA'I PHYIR RO, ,DE LTA BAS NA RANG GI MTSAN NYID KYI RANG BZHIN GYI SGRA'I BDAG NYID NI RJOD PAR BYED PA MA YIN LA, 'DI SHES PA'I BDAG NYID CHOS KYANG MA YIN NO, ,GAL TE YANG SPYI'I MTSAN NYID KYI RANG BZHIN NI RJOD PAR BYED PA YIN PA DE LTA NA YANG 'DI SHES PA'I BDAG NYID KYI CHOS NI MA YIN TE, RNA BAS NGES PAR BYA BA'I PHYIR ROL RANG GI MTSAN NYID KHO NA LA DE SBYOR BA'I PHYIR SHES PA'I BDAG NYID LA NI MA YIN NO, ,GZHAN DU GTOGS PA'I SPYI NI SHES PA GZHAN LA SBYOR BA NI MA YIN TE, HA CANG THAL BAR 'GYUR BA'I PHYIR RO, ,DE LTA NA NI BA LANG NYID RTA LA SOGS PA LA YANG SBYOR BAR 'GYUR RO, ,SGRA RANG GI MTSAN NYID KYI CHOS CAN MA BZUNG NA CHOS DE RJOD PAR BYED PA'I BDAG NYID DU SBYOR BAR NUS PA YANG MA YIN TE, CHOS RNAMS NI CHOS CAN GYI GZHAN GYI DBANG YIN PA NYID KYIS RANG DGAR MI 'DZIN PA'I PHYIR RO, ,RNAM PAR RTOG PAS RANG GI MTSAN NYID KYI BDAG NYID KYI CHOS CAN 'DZIN PAR NUS PA YANG MA YIN TE, DE'I YUL NI SPYI'I MTSAN NYID YIN PA'I PHYIR RO, ,DE

99b

LTA BAS NA RNAM PAR RTOG PA RNAMS NI THOG MA MED PA'I RANG GI MTSAN NYID NYAMS SU MYONG BAS BSGOS PA'I BAG CHAGS SAD PA LAS BYUNG BA YIN NO ZHES BYA BAR GRUB PO, ,SGRA DANG BCAS PA'I DON 'DZIN PA LAS ZHES BYA BA'I PHYOGS KYANG MA YIN TE, DON LA SGRA YOD PA'AM, DE'I BDAG NYID NI MA YIN TE, MA BYANG BA YANG RTOGS PAR THAL BAR 'GYUR BA'I PHYIR DANG, JI LTAR 'DOD PA BZHIN DU DON DAG LA SBYOR BA MED PAR THAL BAR 'GYUR BA'I PHYIR RO, ,GZHAN YANG RTAG PA LA SOGS PA'I NGO BOS DON LA KHYAD PAR MED NA YANG RNAM PAR RTOG PA RNAM PA THAMS CAD CIG CAR RTAGS PAR BYED PA MA YIN TE, RNAM PA GZHAN RNAM PAR BCAD PA'I SGO NAS SO SOR NGES PA'I RNAM PA GCIG BZUNG BA NYID KYIS RNAM PAR RTOG PA SKYES PA'I PHYIR RO, ,DE'I PHYIR YANG GCIG GI RNAM PA CAN GYI RNAM PAR RTOG PA LA RGYU BRJOD PAR BYA DGOS LA, DE NI GOMS PA LAS GZHAN BRJOD PAR MI NUS TE, RO LA SOGS PA'I RNAM PAR RTOG PA BZHIN NO, ,DE LTA YIN DANG RNAM PAR RTOG PA NI SNGAR GOMS PA'I BDAG GIS SKYE BA'I PHYIR RNAM PAR RTOG PA LA SOGS PA'I BLO THOG MA MED PA YIN NO ZHES BYA BAR GRUB PO, ,YANG RTOG PA MED PA ZHES BYA BA'I PHYOGS YIN NA DE'I TSE, JI SKAD DU BSHAD PA'I TSUL GYIS NAM YANG RNAM PAR RTOG PA'I BLO SKYE BAR 'GYUR BA MA YIN NO, ,BRDA'I DBANG GIS DUS PHYIS SKYE BA YIN NO ZHE NA, RTOG PA MED PA'I SHES PA MI GNAS PA'I SKYE BO BRDA BYA BAR MI NUS PA'I PHYIR TE, 'DI LTAR JI SRID SGRA'I SPYI'AM DON GYI SPYI BLO LA MI SNANG BA DE SRID DU BRDA BYA BAR NUS PA MA YIN ZHING, RTOG PA MED PA'I SHES PA LA SPYI SNANG BA YANG MA YIN LA GANG RANG GI MTSAN NYID SNANG BA DE'AM NGES BRDA BYED PA YANG MA YIN TE, DE'I THA SNYAD KYI DON DU YIN PA'I PHYIR RO, ,BRDA'I DUS NA MTHONG BA'I RANG GI MTSAN NYID THA SNYAD KYI DUS SU YOD PA SRID PA YANG MA YIN PA'I PHYIR RANG GI MTSAN NYID LA BRDA BYED PA MA YIN NO, ,DE LTA BAS NA BRDA BYED PA LAS SNGAR GDON MI ZA BAR RNAM PAR RTOG PA KHAS BLANG BAR BYA DGOS LA, DE YANG GOMS PA MED PAR MI 'GRUB PA'I PHYIR THOG MA MED PA NYID DU GRUB PO, ,GZHAN YANG GAL TE SKYE BA'I DANG POR BYUNG BA'I BLO SKYE BA SNGA MA LA GOMS

100a

, ,BA'I BAG CHAGS KYI RJES SU 'GRO BAR MI 'DOD PA DE'I TSE, DE GANG GIS BDE BA SGRUB PAR BYED PA NU MA LA SOGS PA'I TSOL BA DANG, DE MA RNYED PA NA NGU BAR RTZOM LA, RNYED NA YANG DE MA THAG TU DU BA BTANG NAS THA SNYAD LA SOGS PA'I BYA BA BYED PA DER SKYES PA'I BYIS PA DANG DUD 'GROR SONG BA YANG 'DI NI BDE BA'I SGRUB PAR BYED PA'O, ,'DI NI SDUG BSNGAL GYI'O ZHES ZHEN PA JI LTAR 'GYUR, 'DI RES 'GA' NU MA LA SOGS PA BKRES PAS NYEN PA NYE BAR ZHI BA LA SOGS PA'I RGYU NYID DU NYAMS SU MA MYONG LA, GANG GIS DER SKYES PA'I SPRE'U LA SOGS PA'I PHRU GU G-YANG DU LHUNG BA LAS BYUNG BA'I SDUG BSNGAL DRAN NAS 'JIGS TE MA LA SHIN TU 'THAMS PAR BYED CING G-YANG SA LA SOGS PA'I GNAS KYANG 'DOR BAR BYED PA G-YANG DU LHUNG BA LA SOGS PA GNOD PA'I RGYU NYID DU NYAMS SU MYONG BA YANG MA YIN NO, ,'DOD PA DANG MI 'DOD PA'I SGRUB PAR BYED PA'I 'BRAS BU NYAMS SU MA MYONG BA DE DAG NI 'DOR BA'AM LEN PAR BYED PA MA YIN TE, HA CANG THAL BAR 'GYUR BA'I PHYIR RO, ,KHAB LEN GYIS LCAGS 'DREN PA'I DPE YANG MI RIGS PA NYID DE DE RGYU MED PA NYID NI MA YIN TE, THAMS CAD DU YOD PA LA SOGS PAR THAL BAR 'GYUR BA'I PHYIR RO, ,RGYU DANG BCAS PA NYID YIN NA YANG JI LTAR RJES SU 'GRO BA DANG LDOG PA GRUB PA'I KHA BA LEN DE'I RGYU NYID DU BSTAN PA DE'I SPONG BA DANG LEN PA'I RJES SU SGRUB PA'I RGYUR BRJOD PAR BYA'O, ,GOMS PA MA GTOGS PA 'DI BSTAN PAR NUS PA MA YIN NO, , DE LTA BAS NA BYIS PA RNAMS KYIS 'DOD PA DANG MI 'DOD PA LEN PA DANG SPONG BA'I MTSAN NYID KYI THA SNYAD 'DI GOMS PA SNGA MAS BYAS PA NYID YIN NO ZHES BYA BAR GRUB STE, BLO THOG MA MED PA ZHES BYA BAR DGONGS PA'O, ,DE SKAD DU YANG, YID KYI BLO NI RANG DBANG CAN, ,ZHES BYA BA LA SOGS PA DANG, GZHAN YANG, NU MA 'THUNG BA LA SOGS PA, ,ZHES BYA BA LA SOGS PA THUN MONG GI SUN 'BYIN PA 'CHAD PAR 'GYUR BA'I PHYIR SPROS PAS CHOG GO, ,GZHAN YANG DE DAG GI STE TSU ROL MDZES PA PA RNAMS KYI SKAD CIG MA NYID DU KHAS BLANGS NA RANG GI KHAS BLANGS PA

100b

STE RANG GI GRUB PA'I MTHA' DANG 'GAL BAR 'GYUR TE, 'BYUNG BA RNAMS RTAG PA NYID DU KHAS BLANGS PA'I PHYIR RO, ,CI STE RIGS PAS 'ONGS PA NYID KYI PHYIR SKAD CIG MA NYID DU KHAS LEN PA DE'I TSE 'O NA RNAM PAR RIG PA TZAM NYID KYI TSUL MCHOG TU GYUR PA KHAS BLANG BAR GYIS SHIG DE LA YANG KHAS LEN PA'I RGYU RIGS PAS 'ONGS PA NYID DU MTSUNGS PA'I PHYIR RO, ,CI LTAR ZHE NA, DE DAG YAN LAG CAN BDAG MIN, ,ZHES BYA BA LA SOGS PA SMOS TE, DE DAG CES BYA BA NI 'BYUNG BA CHEN PO RNAMS SO, ,'CHAD PAR 'GYUR ZHES BYA BA NI DE MA THAG TU PHYI ROL GYI DON BRTAG PAR BYA'O, ,GAL TE 'BYUNG PA DAG MED NA 'O NA JI LTAR DE DAG SNANG ZHE NA, PHYI ROL DE NYID CES BYA BA LA SOGS PA SMOS TE, GZHAN LAS MIN ZHES BYA BA NI RNAM PAR SHES PA LAS GZHAN DU PHYI ROL ZHES BYA BA'I THA TSIG GO, ,'O NA JI LTAR SA LA SOGS PA'I THA SNYAD 'JIG RTEN DANG BSTAN BCOS DAG LA YIN ZHE NA, RNAM SHES NYID KYIS ZHES BYA BA LA SOGS PA SMOS TE, GAL TE 'BYUNG BA DAG MED NA 'O NA CI ZHIG SHES PA'I RGYU YIN ZHE NA, DE TSE DE LAS ZHES BYA BA SMOS TE, SHES PA DE LAS GZHAN NI 'BYUNG BA CHEN PO BZHI'O, ,DE LTAR RE ZHIG DANG PO'I SEMS 'BYUNG BA TZAM LAS BYUNG BA MA YIN NO ZHES BSTAN NAS, DA NI, GZHAN GYI SHES PA TZAM LAS SKYES, ,ZHES BYA BA'I PHYOGS 'DI BSAL BAR BYA BA'I PHYIR RGYUD GZHAN GYI NI ZHES BYA BA LA SOGS PA SMOS TE, MA LA SOGS PA DANG 'BREL PA'I RGYUD GZHAN GYI SEMS NYE BAR LEN PA'AM, LHAN CIG BYED PA YIN, RE ZHIG NYE BAR LEN PA'I RGYU NI MA YIN TE, BU'I SHES PA'I RGYUD LA YANG PHA DANG MA'I THOS PA LA SOGS PA'I 'DU BYED LAS KHYAD PAR SKYE BAR THAL BAR 'GYUR BA'I PHYIR RO, ,DPER NA PHA MA NYID KYI DANG PO DANG PHYI MA'I BLO DAG LA BZHIN NO, ,GANG GI PHYIR SKAD CIG PHYI MA DAG LA SKAD CIG SNGA MA'I 'DU BYED RJES SU 'JUG PA GANG YIN PA 'DI NYE BAR LEN PA DANG NYE BAR BLANG BA'I CHOS RNAM PAR GZHAG PA YIN TE, RANG GI RGYUD LA RJES SU 'GRO BA DANG LDOG PA ,DAG GIS NGES PA'I PHYIR RO, ,CI STE DPER NA SGRON MA GCIG LAS SGRON MA GZHAN SKYED PA NA RAS LA

101a

, ,SOGS PA'I MTSAN NYID KYI SNGA MA'I SGRON MA'I 'DU BYED KYIS SGRON MA PHYI MA'I KHYAD PAR DU 'GYUR BA NI MA YIN NO, ,'O NA CI ZHE NA, 'DU MI BYED PA'I SGRON MA TZAM SKYE BA YIN NO, ,BUD SHING DANG BCAS PA LA SOGS PA GZHAN LAS SGRON MA GZHAN DE KHYAD PAR CAN YIN PA DE BZHIN DU BU'I BLO YANG YIN NO ZHES BYA BAR 'DOD NA, DE NI MA YIN TE, GANG GI PHYIR SGRON MA LA SOGS PA'I 'DU BYED RE ZHIG RANG GI RTEN LA YANG RGYUN RJES SU MI 'JUG STE, DE NI MI BRTAN PA'I PHYIR RO, ,'DI LTAR BUD SHING 'GRIB PA NA SGRON MA DE NYID CHUNG BAR MTHONG LA, DE LTAR THOS PA LA SOGS PA'I 'DU BYED MI BRTAN PA NA MI YIN TE, DE NI DUS YUN RING DU GNAS PA'I PHYIR RO, ,DES NA SGRON MA LA SOGS PA BZHIN DU 'DU BYED MED PA'I BLO TZAM 'BYUNG BAR MI RIGS SO, ,GZHAN YANG SGRON MA LA SOGS PA LA CHOS MANG BA DANG NYUNG BA'I RDUL PHRA RAB BSAGS PA SKYE BA'I PHYIR KHYAD PAR DANG, KHYAD PAR MED PA BRTAGS PA YIN GYI, DNGOS PO'I SKAD CIG GCIG PO DE LA KHYAD PAR DANG KHYAD PAR MED PA YOD PA MA YIN NO, ,'DIR DNGOS PO SKAD CIG GCIG LA NI MA'I BLO THOS PA LA SOGS PA'I 'DU BYED KYI KHYAD PAR DU 'JUG LA, BU'I BLO NI KHYAD PAR MED PAR 'JUG PA'I PHYIR, GANG ZHIG GANG DANG MTSUNGS PA YIN, GZHAN YANG NYE BAR LEN PA'I RGYU NYID YIN NA THAL BAR 'GYUR BA 'DI BRJOD KYI, SGRON MA GZHAN NI SGRON MA GZHAN GYI NYE BAR LEN PA'I RGYU MA YIN TE, RGYU THA DAD PA'I PHYIR DE NI CI YANG MA YIN NO, ,GZHAN YANG YANG DAG DROD GSHER LAS SKYES PA MA NYID MED PA DE DAG NI BLO CI LTAR BLO GZHAN LAS SKYES PA YIN, ZHAR LA 'ONGS PAS CHOG GO, ,CI STE LHAN CIG BYED PA'I RGYU YIN NO ZHES BYA BA'I PHYOGS YIN NA, DE'I TSE GRUB PA LA SGRUB PA YIN NO, ,DE'I PHYIR THOG MA MED PA NYID DU BSGRUB PA'I PHYIR TSAD MA BYED DE, SBYOR BA NI RNAM PAR SHES PA DANG, TSOR BA DANG, 'DU SHES DANG, 'DU BYED KYI PHUNG PO BZHI'I RANG BZHIN GYI DNGOS PO DE NI RANG GI NYE BAR LEN PA'I STOBS KYIS BYUNG BA YIN TE, RNAM PAR SHES PA LA SOGS PA YIN PA'I PHYIR, LANG TSO LA SOGS PA'I GNAS SKABS DAG TU PHUNG PO BZHI PO DE DAG NYID YIN NO, ,SKYE BA DANG PO'I SEMS LA SOGS PA'I TSOGS KYANG RNAM PAR

101b

SHES PA LA SOGS PA'I RANG BZHIN YIN NO ZHES BYA BA NI RANG BZHIN GYI GTAN TSIGS SO, ,DE LA DANG PO'I SHES PA ZHES BYA BA SMOS PA NI MTSON PA STE, TSOR BA LA SOGS PA YANG GZUNG BAR BYA'O, ,BSGRUB PAR BYA BA LAS ZLOG PA LA GNOD PAR BYED PA'I TSAD MA SMRAS PA NI, GZHAN DU RGYU GZHAN ZHES BYA BA LA SOGS PA STE, YID RTAG PA DANG, DUS DANG, PHYOGS DANG, DBANG PHYUG LA SOGS PA GZHAN DAG SNGAR SPANGS PA'I PHYIR DANG, RANG GI NYE BAR LEN PA KHAS MI LEN PA NA RGYU MED PA NYID DU 'GYUR RO, ,DE LTA YIN DANG RNAM PAR SHES PA LA SOGS PA'I MTSAN NYID NGES PA'I CHOS 'DIR MI 'GYUR TE, GLO BUR BA'I RANG BZHIN NI NGES PAR BYED PA MED PAS SO SOR NGES PA MI RUNG BA'I PHYIR RO, ,DE'I PHYIR RGYU MED PA NYID YIN NA RNAM PAR SHES PA LA SOGS PA'I CHOS NGES PA MI 'THAD PA DANG, RES 'GA' BA NYID MI 'THAD PA NI GNOD PA CAN GYI TSAD MA'O, ,DE LTAR 'DAS PA'I SKYE BA BSGRUBS NAS, MA 'ONGS PA BSGRUB PA'I PHYIR TSAD MA BYED PA NI 'CHI BA'I SKAD CIG CES BYA BA LA SOGS PA SMOS TE, GANG 'DOD CHAGS DANG BCAS PA'I SEMS YIN PA DE NI RANG GI NYE BAR BLANG BAR BYA BA'I SEMS GZHAN BSKYED PAR NUS PA YIN TE, CHAGS PA DANG BCAS PA'I PHYIR SNGAR GYI GNAS SKABS KYI SEMS BZHIN NO, , 'CHI BA'I SEMS KYANG 'DOD CHAGS DANG BCAS PA YIN NO ZHES BYA BA NI RANG BZHIN GYI GTAN TSIGS SO, ,GTAN TSIGS MA GRUB PA YANG MA YIN TE, GANG 'DOD CHAGS LA SOGS PA'I GNYEN PO BDAG MED PA MTHONG BA DANG BRAL BA'I SEMS DE NI THAMS CAD 'DOD CHAGS DANG BCAS PA NYID YIN TE, GNYEN PO DANG BRAL BA'I PHYIR 'DOD PA LA GZO BA'I SEMS BZHIN NO, ,MA NGES PA YANG MA YIN TE, SEMS GZHAN SKYE BA'I RGYU NI DE TZAM YIN PA'I PHYIR RO, ,DE LTAR RGYU MA TSANG BA MI 'THAD PA NI GNOD PAR BYED PA'I TSAD MA'O, ,DE NYID BSTAN PA NI, DE 'DZIN NGO BO GANG GIS ZHES BYA BA LA SOGS PA STE, DE 'DZIN ZHES BYA BA NI NGO BO RANG BZHIN ZHES BYA BA'I THA TSIG GO, ,GZHAN GYI PHYOGS LA ZHES BYA BA LA SOGS PAS SBYOR BA GNYI GA LA YANG DPE BSGRUB BYA MA TSANG BA NYID DU RTZOD PAR BYED DE, 'DI LTAR RANG GI NYE BAR LEN PA LAS BYUNG BA NYID DANG, RANG GI NYE BAR BLANGS PA BSKYED PAR NUS PA NYID

102a

, ,NI BA SGRUB PAR BYA BA'I CHOS SO, ,GONG GI LTAR NA RNAM PAR SHES PA RTAG TU LUS NYID LAS SKYE'O ZHES LTA BA DE'I LTAR NA GONG DU YANG JI SKAD BSHAD PA'I BSGRUB BYA'I CHOS DANG LDAN PA'I DPE MA GRUB PA'I PHYIR JI LTAR DA LTAR BA'I RNAM SHES BZHIN NO, ,SNGAR GYI RNAM PAR SHES PA BZHIN NO ZHES BYA BA'I DPE 'DI GNYIS NYE BAR BKOD PA YIN NO, ,SKYON 'DI NI MED DE SEMS RNAMS NI, CIG CAR 'BYUNG BAR THAL BAR 'GYUR, ,ZHES BYA BA 'DIS DANG PO NYID DU LUS RGYU NYID YIN PA BKAG ZIN TO, ,LTOS PAR BYA BA'I LHAN CIG BYED PA'I RGYU THA DAD PA MED PA'I PHYIR TE, RTAG PA LTOS PAR MI 'THAD PA'I PHYIR RO, ,MI RTAG PA'I PHYOGS LA YANG SNGAR BSHAD PA DANG DA LTA'I SUN 'BYIN PA NYID YIN NO, ,KHAS BLANGS PA TZAM GYIS TSAD MAS GRUB PA YANG MA GRUB PA NYID DU RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA YIN DANG 'GA' YANG 'GA' ZHIG GI YANG SGRUB PAR BYED PAR MI 'GYUR TE, CI SKAD DU, MI 'DOD SKYON KUN MA YIN NO, ,ZHES BSHAD PA BZHIN NO, ,GZHAN YANG GANG GI TSE GZO BA'I SEMS KYI DE MA THAG TU DRAN PA DANG, DE BZHIN DU MI SDUG PA LA SOGS PA'I SEMS LAS 'DOD CHAGS SKYE BAR NGES PA YIN TE, 'DI LTAR DE NI GZUGS MDZES PA ZHES BYA BA DANG, DAR LA BAB PA ZHES BYA BA DANG, SKED PA PHRA BA ZHES BYA BA DANG, G-YO MED PA ZHES BYA BA DANG, BSGO BA NYAN PA ZHES BYA BA LA SOGS PA SDUG PAR SEMS PA'I CHAGS PA CAN RNAMS LA 'DOD CHAGS SKYE'O, ,DE BZHIN DU BDAG LA GNOD PAR BYAS SO, ,GNOD PA BYED PAR 'GYUR RO, , 'DIS BDAG LA GNOD PA BYED DO ZHES BYA BA LA SOGS PA'I SEMS LAS ZHE SDANG 'BYUNG BAR NGES SO, ,MNGON SUM TZAM SMRA BAS KHYAD PAR DU DE JI LTAR BSNYON PAR NUS, DE BZHIN DU SNGAR BYUNG BA'I THOS PA DANG BZO LA SOGS PA GOMS PA'I KHYAD PAR DANG 'PHEL BA DANG 'GRIB PA DAG GIS BLO PHYI MA 'PHEL BA DANG 'GREB [?] PAR MTHONG NGO, ,DE BZHIN DU DON GZHAN LA YENGS PAS YID LA BYED PA MI MTHUN PAS DON GZHAN MI 'DZIN PAR MTHONG BA'I PHYIR SHES PA'I RGYU SHES PA NYID RIGS PA DANG LDAN PA YIN PA'I PHYIR BRTZAD PAR BYA BA MA YIN NO, ,'BYUNG BA RNAMS NI MA YIN TE, RIGS PA DANG 'GAL BA'I PHYIR

102b

RO, ,DE NYID KYI PHYIR SHES PA NYID SHES PA'I RGYU YIN PAR BSTAN PA'I PHYIR RO, ,RTZOD PA'I GZHIR SEMS DANG CES BYA BA LA SOGS PA'I SBYOR BA DANG PO LA, THA DAD LUS LA GNAS PA'I PHYIR, ,ZHES BYA BA'I GTAN TSIGS MA GRUB PA NYID YIN TE, RE ZHIG GAL TE 'JUG PA BRTEN PA'I MTSAN NYID DU MNGON PAR 'DOD NA LHUNG BA MED PA'I CHOS CAN GYI SEMS DE NI, LUS LA SHIN TU YANG MA GRUB STE, DE'I RGYU DANG 'BRAS BU'I DNGOS PO YIN NA YANG SEMS LUS CAN MA YIN PA NYID KYIS MI LTUNG BA'I CHOS CAN YIN PA'I PHYIR RO, ,LTUNG BA MED PA'I CHOS CAN YANG BRTEN PAR RIGS PA MA YIN TE, CUNG ZAD KYANG MI BYED PA'I PHYIR RO, ,'O NA CHU LA SOGS PA CI ZHIG BYED NA BRTEN PAR 'GYUR ZHE NA, CHU LA SOGS PA ZHES BYA BA LA SOGS PA SMOS TE, RANG BZHIN GYIS LUS CAN RANG GI NYE BAR LEN PA'I YUL YONGS SU SPANGS NAS SKYE BA NYE BAR LEN PA'I YUL DU SKYE BA'I RGYU NYID YIN PA'I PHYIR, LHUNG BA'I GEGS BYED PAS RTEN DU RNAM PAR GZHAG GI ,LUS CAN MA YIN PA NI DE LTAR RNAM PAR GZHAG PAR NUS PA MA YIN NO, ,CI STE DE'I BDAG NYID KYI MTSAN NYID 'JUG PAR MNGON PAR 'DOD NA DE YANG MA GRUB PO, ,PHYI ROL GYI DON LA MNGON PAR ZHEN PA KHYED CAG GIS RNAM PAR SHES PA LUS KYI BDAG NYID YIN NO ZHES NI BRJOD PAR RIGS PA MA YIN NO, ,RNAM PAR SHES PA TZAM DU SMRA BA NGED CAG LA NI RIGS TE, LUS NI KUN GZHI RNAM PAR SHES PA'I RANG BZHIN YIN PA'I PHYIR RO SNYAM DU BSAMS PA YIN NO, ,CI'I PHYIR MI RIGS SHE NA, DE'I BDAG NYID YIN NA ZHES BYA BA LA SOGS PA SMOS TE, 'DI LTAR LUS BZUNG BA NA GZHAN GYI 'DOD CHAGS LA SOGS PA YANG 'DZIN PAR 'GYUR TE, THA MI DAD PA'I PHYIR RO, ,DUG GI NUS PAS MA NGES PA YANG MA YIN TE, DE NI DE'I TSE MNGON SUM MA YIN PA'I PHYIR RO, ,SEMS PA CAN NI MNGON SUM MA YIN TE, BDAG NYID KYIS KYANG MI 'DZIN PAR THAL BAR 'GYUR BA'I PHYIR RO, ,GZHAN YANG GANG DAG GNYI GAS NGES PA DANG GCIG GIS NGES PA DE DAG NI THA DAD PA YIN TE, DPER NA PHO GZER DANG ZLOS GAR BZHIN NO, ,LUS DANG SEMS KYANG GNYI GA DANG GCIG GIS NGES PA YIN NO ZHES BYA BA NI RANG BZHIN GYI GTAN TSIGS SO, ,RANG NYID CES BYA

103a

, ,BA NI BDAG NYID KYIS SO, ,GAL TE DE LTA NA GTAN TSIGS 'DI NYID KYI RNAM PAR SHES PA TZAM DU SMRA BA SPONG BAR BYED PA BZLOG PAR DKA' BAR 'GYUR RO ZHE NA, DE'I PHYIR, SHES PA GNYIS MED CES BYA BA SMOS TE, GTAN TSIGS MA GRUB PA NYID KYI SKYON DU 'GYUR RO ZHES BYA BA'I THA TSIG STE, 'DI LTAR GNYIS KAS NGES PA NYID NI RNAM PAR SHES PAR SMRA BA YANG MA GRUB STE, THAMS CAD DU RANG GI SNANG BA KHO NA RIG PA'I PHYIR RAB RIB CAN GYIS ZLA BA GNYIS MTHONG BA BZHIN NO, ,GZHAN YANG SKAD CIG GZHAN SPYOD PA'I DUS NA SEMS PA MED PAR SKYE BA'I DE MA THAG TU 'JIG PAR MTSON TE, DE LTA YIN DANG LUS DE'I NGO BO NYID DU KHAS LEN NA SKAD CIG MA NYID DU THAL BAR 'GYUR RO, ,DE LTAR RE ZHIG 'JUG PA DE'I BDAG NYID KYI MTSAN NYID DU MA GRUB BO, ,CI STE 'JUG PA DE LAS BYUNG BA'I MTSAN NYID YIN NA YID KYI RNAM PAR SHES PA DE LAS BYUNG BA DE YANG DPER NA MIG LA SOGS PA'I RNAM PAR SHES PA LA MIG LA SOGS PA LA BRTEN PA LTAR DE LA BRTEN PA'I SGO NAS SAM, DPER NA DU BA ME LA MI 'KHRUL PA BZHIN DU DE LA MI 'KHRUL PA LAS YIN TE, DE'I PHYIR 'DI LA 'JUG PA RNAM PA GNYI GA YANG MA GRUB STE, 'DI LTAR YID KYI BLO DBANG PO'I BLO BZHIN DU LUS LA BRTEN PA MA YIN TE, DNGOS SU NGES PAR 'GYUR BA'I RJES SU MI BYED PA'I PHYIR RO, ,DE MED NA MI 'BYUNG BA YANG MA YIN TE, GZUGS MED PA'I KHAMS SU LUS MED PAR YANG YOD PAR KHAS LEN PA'I PHYIR RO, ,GTAN TSIGS GRUB PAR KHAS BLANGS PA DE LTA NA YANG GTAN TSIGS MA NGES PA NYID DU BSHAD PA, DE LA BRTEN NAS 'BYUNG BA'AM, DE DAG 'KHRUL PA MED PA'I PHYIR, ,ZHES BYA STE, 'DI LTAR LUS THA DAD PA LA 'JUG PA DANG SEMS GZHAN DANG MTSAMS SBYOR BA 'GAL BA MED PA'I PHYIR RO, ,DPER NA 'CHI BA'I SKAD CIG LAS SNGA MA'I GNAS SKABS GSON PA'I GNAS SKABS NA 'BYUNG BA'I RNAM PAR SHES PA NYID MTSAMS SBYOR BAR BYED PA DE BZHIN DU LUS SKAD CIG MA NYID YIN PA'I PHYIR LUS THA DAD PA LA 'JUG PA YANG YIN PA'I PHYIR GTAN TSIGS MA NGES PA YIN NO, ,YANG RGYUD GCIG PA NYID KYIS LUS THA MI DAD PA'I PHYIR THA MI DAD PA'I LUS LA 'JUG PA NYID DU RTOGS NA DE'I TSE SRID PA BAR MA'I LUS LA YANG MTSUNGS SO, ,'DI LTAR SKYE MCHED

103b

LNGA'I MTSAN NYID KYI RGYUN TSE 'DI'I LUS DANG PHYI MA'I LUS ZHES BYA BA 'DI'I GNAS SKABS THA DAD PA NYID YIN TE, BYIS PA DANG RGAN PO'I GNAS SKABS KYI DBYE BA BZHIN NO, ,SBYOR BA GNYIS PA LA YANG SHES PA YIN PA'I PHYIR ZHES BYA BA'I GTAN TSIGS 'DI BSGRUB PAR BYA BA LAS BZLOG PA LA GNOD PA CAN GYI TSAD MA BSTAN PA'I PHYIR, MA NGES PA NYID DU GSAL BAS MA BRJOD DO, ,CHAGS DANG BCAS PA'I 'CHI KA'I SEMS, ,ZHES BYA BA LA SOGS PAS SBYOR BA GSUM PA'I DBANG DU BYAS NAS, ZAG PA ZAD PA'I ZHES BYA BA LA SOGS PA SMOS TE, GANG LA SEMS GZHAN DANG MTSAMS SBYOR BA MED PA DE NI MTSAMS MI SBYOR BA'O, ,'DIS NI BSGRUB BYA'I CHOS CAN GYI DPE GANG YANG RUNG BA LAM GRUB PA BSHAD DE, 'DI LTAR TSU ROL MDZES PA BAS, ,DGRA BCOM PA YI 'CHI BA'I SEMS, ,SEMS GZHAN DANG MTSAMS MI SBYOR RO, ,ZHES BYA BA GANG LAS NGES, ,CI STE YANG GZHAN SANGS RGYAS PA'I GRUB PA'I MTHA' KHAS BLANGS PA LAS TE, BDAG GI SKYE BA NI ZAD DO, ,TSANGS PAR SPYOD PA NI SPYAD DO, ,BYA BA NI BYAS SO, ,'DI LAS SRID PA GZHAN MI SHES SO ZHES BYA BAS MTSAMS MI SBYOR BAR BSGRUB PO SNYAM NA DE NI RIGS PA MA YIN TE, GZHAN GYI GRUB PA'I MTHA' TSAD MA NYID DU MA BZUNG BA'I PHYIR RO, , 'JIG RTEN RGYANG PA NA PA TSAD MA NYID DU YONGS SU MA BZUNG BA DE LAS JI LTAR NGES TE, 'JIG RTEN PHA ROL YANG NGES PAR THAL BAR 'GYUR BA'I PHYIR RO, ,CI STE TSAD MA GZHAN KHO NA LAS RTOGS NA 'O NA DE NYID CI'I PHYIR SGRUB PAR BYED PAR MI BRJOD, GO BAR BYED PA MA YIN PA RMONGS PAS BSTAN PA NYE BAR BKOD PAS CI ZHIG BYA STE, GANG GIS DE BRJOD PAR MI BYA BA DE SGRUB PAR BYED PA MA YIN PA NI MA YIN NO, ,GRUB PA'I MTHA' LA BRTEN NA YANG SANGS RGYAS PA 'GA' ZHIG LA BSGRUB PAR BYA BA'I CHOS DANG LDAN PA'I DPE MI 'GRUB PO ZHES BYA BA BSTAN PA'I PHYIR, ,GANG DAG 'DI LA BLO BZANGS 'GA', ,ZHES BYA BA LA SOGS PA SMOS TE, 'DI LA ZHES BYA BA NI BDE BAR GSHEGS PA'I GSUNG RAB LA'O, ,BLO BZANGS ZHES BYA BA NI THEG PA CHEN PO PA DAG GO, ,'GA' ZHES BYA BA NI DBU MA PA RNAMS SO, ,DE DAG NI SANGS RGYAS RNAMS MI GNAS PA'I MYA NGAN LAS 'DAS PAR SMRA STE, 'KHOR BA DANG MYA NGAN LAS 'DAS PA DAG

104a

, ,LA MI GNAS PA'I PHYIR RO, ,NYAN THOS DANG RANG SANGS RGYAS KYI THEG PA DAG KYANG, SANGS RGYAS KYI THEG PA GCIG GI MTHAR THUG PA SMRA STE, THEG PA NI 'DI NI GCIG KHO NA STE, 'DI LTA STE THEG PA CHEN PO'O ZHES GSUNGS PA'I PHYIR RO, ,DE LTAR DPE'I NYES PA BSTAN NAS, SGRUB PAR BYED PA'I SKYON MA NGES PA NYID NI, GNOD PA CAN YANG MA BRJOD PHYIR, ,ZHES BYA BA SMOS TE, GNOD PA CAN YANG MA BRJOD PHYIR, ,ZHES BYA BA NI, ZLOG PA LA NI THE TSOM ZA, ,ZHES BYA BA 'DI GTAN TSIGS YIN LA, RIGS MI MTHUN PA ZHES BYA BA LA SOGS PA NI 'KHRUL PA CAN GYI GTAN TSIGS YIN NO, , RIGS MI MTHUN PA LA YOD PA NI RIGS MI MTHUN PA LA YOD PA'O, ,GANG ZHE NA GTAN TSIGS SO ZHES BYA BAR GO'O, ,'DI NI DGOS PA YANG YIN LA RIGS MI MTHUN PA LA YOD PA YANG YIN NO ZHES TSIG RNAM PAR SBYAR RO, ,MI 'CHI BA NYID DU THAL BAR 'GYUR BA GNOD PA CAN GYI TSAD MA YIN TE, DON DAM PAR BDAG LA SOGS PA 'GA' YANG 'CHI BAR MI 'GYUR BA'I PHYIR TE, RGYUN MI 'DRA BA'I KHYAD PAR SKYE BA SNA SKAL BA MNYAM PAR BRJOD PA'I KHYAD PAR CAN GYI RIGS MI MTHUN PA'I GNAS SKABS KYI KHYAD PAR ZHIG PA'I PHYIR 'JIG RTEN NA BSTAN BCOS DE LA DE SKAD DU THA SNYAD BYED PA 'BA' ZHIG TU ZAD DO, , NUR NUR SOGS LAS SHES YOD PA, ,ZHES BYA BA 'DI YANG GZU LUMS YIN, ZHES GANG SMRAS PA DE LA, ,NUR NUR SOGS LA ZHES BYA BA LA SOGS PA SMOS TE, GAL TE SHES PA THAMS CAD DBANG PO DANG DON GYI STOBS KYIS SKYE BAR 'GYUR NA DE'I TSE GZU LUMS SU 'GYUR NA, 'DI LTAR RMI LAM LA SOGS PA'I GNAS SKABS NA MIG LA SOGS PA'I DBANG PO DANG GZUGS LA SOGS PA'I DON MED PAR YANG SNGON PO LA SOGS PA'I YID KYI RNAM PAR SHES PA YANG DAG PAR RIG PA YIN NA, DE DE'I TSE LUS KYI DBANG PO LA BRTEN PA YIN NO ZHES KYANG BRJOD PAR MI NUS TE, SNGON PO LA SOGS PAR SNANG BA'I PHYIR RO, ,LUS KYI RNAM PAR SHES PA'I YUL YANG REG BYA YIN PA'I PHYIR RO, ,DE LTA BAS NA RNAM PAR SHES PA THAMS CAD DON RTOGS PA'I NGO BO MA YIN NO ZHES BSTAN TO, ,DE'I PHYIR BRGYAL BA'I GNAS SKABS NA YANG RNAM PAR SHES PA YOD PA MI 'GAL LO, ,YANG

104b

CI STE RNAM PAR SHES PA NUS PA'I NGO BOS YOD PA MI 'GAL LA, RANG GI NGO BOS NI 'GAL BA YIN NO SNYAM NA, DE TSE BLO NI ZHES BYA BA SMOS TE, GAL TE GNYID LOG PA DANG BRGYAL BA DANG RA RO BA'I GNAS SKABS NA SEMS MED DO ZHES NGES PAR BYED PA'I TSAD MA CUNG ZAD KYANG YOD PAR GYUR NA 'GAL BAR 'GYUR RO, ,NGES PAR BYED PA'I TSAD MA RANG RIG PA MA DMIGS PA YOD DO ZHE NA, RANG RIG PA MI DMIGS PA GANG LAS GRUB, GNAS SKABS DER RIG PA MED PA'I NGES PA YOD PA MA YIN NO, ,GAL TE BRGYAL BA LA SOGS PA'I GNAS SKABS DE DAG TU KHYOD LA SEMS RIG PA MED DO ZHES DE LTA BU'I RIG PA 'JUG PA DE'I TSE, DE LTAR 'JUG PA'I NGES PA DE NYID KYIS SEMS DANG BCAS PA NYID DU GRUB PO, ,JI STE YANG GAL TE RMI LAM LA SOGS PA'I GNAS SKABS NA SEMS YOD PAR GYUR NA, CI'I PHYIR SKYES BU GNYID SAD PA LA SOGS PA DRAN PAR MI 'GYUR RO, ,SOGS PA'I SGRAS NI BRGYAL BA LAS SANGS PA DANG RA RO BA LAS SANGS PA RNAMS GZUNG NGO, ,NYAMS SU MYONG BA MED PAR GRUB PAR BYA BA'I PHYIR DRAN PA STE RGYU MA YIN TE, GAL TE NYAMS SU MYONG BA ZHES BYA BA DE TZAM GYI DRAN PA SKYE BAR 'GYUR NA GANG GI PHYIR NYAMS SU MYONG BA YOD PA NA YANG GOMS PA GSAL BA DANG, DON DU GNYER BA LA SOGS PA MA TSANG BA'I PHYIR DRAN PAR MI 'GYUR TE, DPER NA SKYES MA THAG PA LA SOGS PA'I GNAS SKABS SU NYAMS SU MYONG BA'I SEMS BZHIN NO, ,'O NA YOD PA NYID LA YANG KHYOD LA TSAD MA CI YOD GAL TE DRAN PA MI 'JUG NA YANG THE TSOM ZA'O ZHES RTZOD PAR BYED NA DE LTA NA 'DI ZHES BYA BA LA SOGS PA SMOS TE, 'DI ZHES BYA BA NI RNAM PAR SHES PA'O, , DE DAG LA ZHES BYA BA NI GNYID LA SOGS PA'I GNAS SKABS NA'O, ,DE LA GONG DU BSTAN PA'I GTAN TSIGS NI SKYES BU GNYID SAD PA LA SOGS PA'I RNAM PAR SHES PA NI RANG GI NYE BAR LEN PA'I STOBS KYIS BYUNG BA YIN TE, RNAM PAR SHES PA YIN PA'I PHYIR GZO BA LA SOGS PA'I DE MA THAG TU BYUNG BA DRAN PA LA SOGS PA BZHIN NO, ,GTAN TSIGS 'DI MA NGES PA YANG YIN TE, RGYU GZHAN SNGAR BKAG PAS 'BREL PA BSGRUB ZIN PA'I PHYIR RO, ,GZHAN YANG GAL TE GNYID LOG PA'I GNAS SKABS NA, SEMS MED PAR GYUR NA DE'I TSE 'CHI BA NYID DU 'GYUR RO, ,CI STE DE LA DE LTA BUR GYUR BA'I

105a

, ,RNAM PAR SHES PA CAN GYI LUS DE YANG RNAM PAR SHES PA RGYU MED PAR SKYE BAR 'DOD NA, DE'I TSE SKYE BA 'DOD NA NI 'CHI BA MED PAR 'GYUR TE, SHI BA LA YANG RNAM PAR SHES PA YANG SKYE BAR THAL BAR 'GYUR BA'I PHYIR TE, GNYID SAD PA BZHIN NO, ,YID KYI BLO KHO NA SKYE BA GZHAN DU MTSAMS SBYOR BAR NUS PA YIN TE, DE SKAD DU YANG, 'CHAD DANG MTSAMS SBYOR 'DOD CHAGS BRAL, ,NYAMS DANG 'CHI 'PHOS SKYE BA NI, ,YID KYI RNAM SHES KHO NAR 'DOD, ,CES BSHAD DO, ,DE'I PHYIR YID KYI BLO NI BLO SNGA MA TZAM LA BRTEN PA YIN NO ZHES BSTAN PA'I PHYIR, ,YID KYI BLO NI RANG DBANG CAN, , ZHES BYA BA LA SOGS PA SMOS TE, LTOS PA MED PA NYID NI RANG DBANG CAN LA GTAN TSIGS SO, ,YID KYI BLO 'DI NI THAMS CAD DU RANG GI NYE BAR LEN PA'I RGYU TZAM LAS BYUNG BA YIN TE, RANG GI NYE BAR LAN PA LAS MA GTOGS PA'I MIG LA SOGS PA'I RGYU GZHAN LA LTOS PA'I PHYIR RMI LAM GYI GNAS SKABS BZHIN NO, ,'DI LTAR ZHES BYA BA 'DIS NI GTAN TSIGS MA GRUB PA NYID SEL BA YIN NO, ,DE'I BYA BA MED NA YANG YOD PA'I PHYIR ZHES BYA BA NI DBANG PO DANG DON DE DAG GI BYA BA MED NA YANG ZHES BYA BA'I THA TSIG GO, ,GANG GI PHYIR BYA BA MED KYANG GANG BYUNG BA DE NI DE'I RGYUR RIGS PA MA YIN NO, ,'DI SNYAM DU DE MED NA YANG YOD PA'I PHYIR NAM MKHA'I AUTPALA LA SOGS PA'I RNAM PAR RTOG PA DBANG PO DANG DON LA MI LTOS PA YIN DU CHUG MOD, GANG GIS GTAN TSIGS PHYOGS KYI PHYOGS GCIG LA MA GRUB PAR MI 'GYUR BA, MIG MA NYAMS PA SNGON PO LA SOGS PA MDUN NA GNAS PA'I RGYUD PA LA 'DI NI SNGON PO'O, , SNYAM DU RNAM PAR RTOG PA 'JUG PA DE JI LTAR DBANG PO DANG DON DAG LA LTOS PA MED PA YIN SNYAM DU SEMS NA, DE DAG YOD KYANG ZHES BYA BA LA SOGS PA SMOS TE, DE DAG CES BYA BA NI DBANG PO DANG DON DAG GO, ,DON DAM PA NI DON GYI STONG PA'O, ,SNANG BA NI RNAM PA STE, DON LA SOGS PA ZHEN PA'I RNAM PAR RTOG PA GANG YIN PA, NAM MKHA'I AUTPALA LA SOGS PA DON MED PAR SNANG BA'I RNAM PAR RTOG PA DE MTSUNGS TE, YUL 'DI YANG ZHES BYA BA'I DON TO, ,JI LTAR ZHE NA, SGRA'I RNAM PAR 'JUG PA'I RNAM PAR RTOG PA THAMS CAD NI SGRA'I DON SNANG BA YIN GYI, DER DNGOS PO'I NGO BO SNANG BA NI MA YIN

105b

TE, DNGOS PO'I NGO BO LA SGRA MI 'JUG PA'I PHYIR TE, DE LA DER BRDA MA BYAS PA'I PHYIR RO ZHES BYA BA NI RGYAS PAR SGRA'I DON RTAG PAR BSTAN ZIN TO, ,MTHUN PA'I PHYOGS LA YOD PA'I PHYIR GTAN TSIGS 'GAL BA YANG MA YIN LA, MA NGES PA YANG MA YIN TE, RANG GI NYE BAR LEN PA LAS MA BYUNG BA YIN NA RGYU MED PA NYID DU THAL BAR 'GYUR BA'I PHYIR RO, ,LUS LA BRTEN PA'I PHYIR RGYU MED PA NYID DU MI 'GYUR RO ZHES DOGS PA BSU NAS, BA LANG GANG NI ZHES BYA BA LA SOGS PA SMOS TE, PAGS NAD CES BYA BA LA SOGS PA'I NAD KYIS GNOD PA MA LUS PAR RNAM PAR 'GYUR YANG YID KYI BLO MI 'GYUR BA'I PHYIR YID KYI BLO 'DI LUS LA BRTEN PA MA YIN NO, ,GANG 'GYUR BAS GANG DNGOS SU NGES PAR MI 'GYUR BA DE NI DE LA BRTEN PA MA YIN TE, DPER NA BA LANG 'GYUR BAS RTA MI 'GYUR BA BZHIN NO, ,PAGS NAD KYI GNAS SKABS NA YANG LUS 'GYUR BAS YID KYI BLO 'GYUR BA MA YIN NO ZHES BYA BA NI, KHYAB PAR BYED PA MI DMIGS PA'O, ,MIG LA SOGS KYI ZHES BYA BA LA SOGS PAS DE LA BRTEN PA NYID LA DNGOS SU 'GYUR NA 'GYUR BA NYID KYI KHYAD PAR STON PAR BYED PA YIN TE, 'DIR KHYAD PAR BYED PA DE MED PA'I PHYIR, BLO LUS LA MI BRTEN PA NYID DU GRUB PO, ,DES NA DE'I PHYIR LUS LOG NA YANG MI LDOG PAR 'DOD PA'I PHYIR 'GAL BA MED DO, ,GANG ZHIG GANG LA BRTEN PA MA YIN PA DE NI DE LOG PA NA DE NGES PA LDOG PA MA YIN TE, DPER NA BA LANG LOG PA NA BA MEN NGES PAR LDOG PA MA YIN BZHIN NO, ,YID KYI BLO YANG LUS LA BRTEN PA MA YIN NO ZHES BYA BA NI KHYAD PAR BYED PA MI DMIGS PA'O, , DE MA THAG TU BYUNG BA'I GAL TE LUS GZHAN LA BRTEN NA ZHES BYA BA LA SOGS PA'I TSIGS SU BCAD PA GNYIS KYIS GANG SMRAS PA DE LA, GANG GI PHYIR, YID BLO ZHES BYA BA LA SOGS PA SMOS TE, 'DIR BSAM PA NI 'DI YIN TE, 'DIR 'JIG RTEN PHA ROL BSGRUB PAR 'DOD LA, DE JI LTAR GRUB CE NA GAL TE BLO THOG MA DANG THA MA MED PA GRUB PAR GYUR NA DE 'GRUB PA YIN TE, 'DI NYID KYI GNAS SKABS KYI KHYAD PAR LA 'JIG RTEN PHA ROL DU GDAGS PA'I PHYIR RO, ,LUS NI MA YIN TE GZUGS MED PA'I KHAMS NA LUS MED NA YANG 'JIG RTEN PHA ROL DU KHAS LEN PA'I PHYIR RO, ,GAL TE SEMS

106a

, ,KYI RGYUD THOG MA DANG THA MA MED PA NYID GRUB NA 'JIG RTEN PHA ROL ZHES BYA BA GRUB PA YIN TE, LUS GZHAN GRUB PAR BYA BA'I PHYIR 'BAD PA MI DGOS SO, ,CI'I PHYIR ZHE NA, 'BRAS BU MED PA'I PHYIR RO, ,DE NI MA MTHONG BA TZAM GYIS DGAG PAR NUS PA MA YIN TE, 'DI LTAR MIG DMAN PA KHYED CAG LA RIGS KYI KHYAD PAR DANG GOMS PA LA SOGS PA MA TSANG BA'I PHYIR DU BA PHRA MO MI MTHONG BA BZHIN DU LUS DE YOD NA YANG MI MTHONG BAR 'GYUR BA'I PHYIR MA DMIGS PA TZAM GYIS DGAG PAR GRUB PA MA YIN NO, ,'DI LTAR SRID PA BAR MA NI RIGS MTHUN LHA MIG DAG PAS MTHONG BAR BRJOD DE, DE NYID KYI PHYIR GRANGS CAN GYIS KUN DU BRTAGS PA'I KHUR KHYER BA'I LUS KYANG MI SPANGS SO, ,SNGON DUS KYI SRID PA YANG YUL GYIS BSKAL BA'I PHYIR DMIGS PAR MI 'GYUR TE, CHES RING BAR SKYE BA'I PHYIR RAM, RANG BZHIN GYIS BSKAL BA'I PHYIR SHA ZA LA SOGS PA'I LUS BZHIN NO, ,MA BSKAL NA YANG TSU ROL MTHONG BA RNAMS KYIS SROG CHAGS 'DI NI PHYE MA LEB KYI BDAG NYID DU SONG NGO ZHES NGES PAR MI NUS PA'I PHYIR NUS PA BSAM GYIS MI KHYAB PA'I SMAN GYI SBYOR BAS BSGYUR BA'I LUS BZHIN NO, ,'O NA JI LTAR LUS THA DAD PA LA BRTEN PA'I SHES PA RGYUD GCIG DANG 'BREL PAR BRJOD CE NA, THA DAD LUS LA ZHES BYA BA SMOS TE, DE YI KHYAD PAR RJES BYED PHYIR, ,ZHES BYA BA NI TSE 'DI'I RNAM PAR SHES PA SKYES BA GZHAN DU 'JUG PA'I SHES PA DE'I KHYAD PAR GANG YIN PA DE'I RJES SU BYED PA YIN TE, DE SKAD DU, SKYES BU RNAMS KYIS DGE DANG MI DGE LA, , GOMS PA'I SBYOR BAS DE YI BDAG TU 'GYUR, ,GANG PHYIR 'BAD PA MED PAS LUS MED PAR, ,SKYE BA GZHAN DU RMI LAM BZHIN DU DPYOD, ,DE LAS TSU ROL MDZES PA BAS 'JIG RTEN 'DI DANG 'JIG RTEN PHA ROL GYI LUS DAG THA DAD PA'I PHYIR DE LA YOD PA'I SEMS DE DAG RGYUD GCIG PA MA YIN NO ZHES BYA BA LA SOGS PA DANG, MNGAL LA SOGS PAR RTZOD PA'I YUL DU GYUR PA'I DANG PO'I RNAM PAR SHES PA RGYUD GCIG PA ZHES BYA BA MA YIN TE, LUS THA DAD PA'I PHYIR MA HE DANG PHAG LA SOGS PA'I SHES PA BZHIN NO ZHES GANG SMRAS PA DE NI 'DIS BSAL BA YIN NO, ,GZHAN YANG 'DI LAS KYANG 'JIG RTEN

106b

PHA ROL GRUB STE, GANG DANG GANG RNAM PAR RTOG PA YIN PA DE NI SGRA NYAMS SU MYONG BA GOMS PA SNGON DU 'GRO BA CAN YIN TE, RNAM PAR RTOG PA YIN PA'I PHYIR LANG TSO LA SOGS PA'I GNAS SKABS SU 'BYUNG BA'I RNAM PAR RTOG PA BZHIN NO, ,SKYES MA THAG PA'I NU MA 'THUNG BA LA SOGS PAR 'DOD PA LA SOGS PA'I RNAM PAR RTOG PA YIN NO ZHES BYA BA NI RANG BZHIN GYI GTAN TSIGS SO, ,GTAN TSIGS 'DI GZHI MA GRUB PA YANG MA YIN TE, GANG GI PHYIR DU BA DANG NU MA 'THUNG BA LA SOGS PA'I 'BRAS BUS SKYES MA THAG PA'I NU MA 'THUNG BA LA SOGS PAR MNGON PAR 'DOD PA LA SOGS PA'I CHOS CAN GRUB PO, ,RNAM PAR RTOG PA NI NUS PA'I KHYAD PAR LA SOGS PA'I NGO BOS YOD PA MA YIN TE, 'DI LTAR DU BA DANG NU MA 'THUNG BA LA SOGS PA YOD PAR RIGS PA MA YIN LA, RANG GI NGO BO MA GRUB PA YANG MA YIN NO ZHES STON PA NI, DE YANG THAMS CAD LDOG PA'I BDAG ,CES BYA'O, ,NU MA 'THUNG BAR 'DOD PA LA SOGS PA THAMS CAD NI RNAM PAR RTOG PA'I BDAG NYID DE, RNAM PAR RTOG PA'I RANG BZHIN YIN TE, DON DU GNYER BA LA SOGS PA'I RNAM PA NYID DU NYAMS SU MYONG BA'I PHYIR RO, ,MA NGES PA YANG MA YIN NO, ,ZHES BSTAN PA'I PHYIR, DE YANG MING DANG RJES 'BREL CAN, ,ZHES BYA BA SMOS TE, DE ZHES BYA BA NI RNAM PAR RTOG PA STE, GANG GI PHYIR RNAM PAR RTOG PA THAMS CAD NI SGRA'I RNAM PAS 'JUG PA'I PHYIR MING DANG RJES SU 'BREL PA YIN LA, RNAM PAR RTOG PA MING DANG RJES SU 'BREL PA DE YANG BRDA GOMS PA MED PAR MI 'BYUNG NGO ZHES KHO BO CAG GIS SNGAR RGYAS PAR BSTAN ZIN TO, ,YANG CI STE MING DANG RJES SU 'BREL PA GOMS PA MNGON DU 'GRO BA CAN YIN DU CHUG MOD, DE LTA NA YANG 'DI 'DOD PA SGRUB PAR BYED PA MA YIN NO, ,'O NA CI ZHE NA, 'JIG RTEN 'DIR GOMS PA SNGON DU 'GRO BA CAN NYID KYI LDOG PA BSGRUB PAR BYED PA YIN NO SNYAM NA, MING GI NGO BOS ZHES BYA BA LA SOGS PA SMOS TE, 'DI SKAD DU, YANG BSTAN PA YIN TE, SKYES MA THAG PA'I 'JIG RTEN 'DI'I GOMS PA NI TSAD MA DANG GRAGS PAS GNOD PA YIN TE, DAM BCA' BA'I DON LA GNOD PA'I GTAN TSIGS NI 'GAL BA NYID DU RIGS PA MA YIN TE, GNOD PA MED NA 'GAL BA YIN, ,ZHES BYA BA'I RIGS PAS SO, ,MING GI NGO BO ZHES BYA BA

107a

, ,NI MING GI RANG BZHIN SMRA BAR BYED PA'I RANG BZHIN TE, BLO'I SNANG BA YIN YANG PHYI ROL GYI SGRAR ZHEN PA'O, ,DE DAG CES BYA BA NI SKYES MA THAG PA DAG GI'O, ,DE NI CHAD PA ZHES BYA BA NI MNGON PAR 'DOD PA LA SOGS PA DE DAG CHAD PA NI DE CHAD PA'O, ,DES MING MYONG BA ZHES BYA BA LA SOGS PAS JI SKAD DU BSHAD PA'I TSAD MA'I DON MJUG SDUD PAR BYED DE, DES ZHES BYA BA NI DE'I PHYIR GYI DON TO, ,MING GI THA SNYAD CES BYA BA LA SOGS PAS TSAD MA'I 'BRAS BU STON PA YIN TE, MING NI SGRA'O, ,THA SNYAD NI 'DRIS PA STE NYAMS SU MYONG BA ZHES BYA BA'I THA TSIG GO, ,DES BSGOS PA'I BAG CHAGS GANG YIN PA DE'I NGO BO YONGS SU SMIN PA RANG DANG RJES SU MTHUN PA'I 'BRAS BU SKYED PA LA 'JUG PA RNYED PA DE LAS BYUNG BA ZHES BYA BA NI SKYE BA'I RIM PA'O, ,DE DAG GI ZHES BYA BA NI SKYES MA THAG PA RNAMS KYI'O, ,GAL TE DE DAG MING GOMS PA'I, ,ZHES BYA BA LA SOGS PAS GZHAN GYI THAL BA'I SGRUB PA BYED PA'I DOGS PA BSU PA YIN TE, GAL TE RNAM PAR RTOG PA SNGAR GYI BRDA GOMS PA LAS 'JUG PA DE'I TSE BYIS PA DANG KHYE'U SNGAR GYI BRDA DRAN PAR THAL BAR 'GYUR RO, ,GOMS PA'I RJES SU 'JUG PA NI DRAN PA MED PAR RIGS PA MA YIN TE, SKAD LA BYANG BA BZHIN DU NGAG GSAL POR 'JUG PAR THAL BAR 'GYUR BA'I PHYIR RO, ,DE LTA YIN DANG BRDA BYED PA DON MED PAR 'GYUR NA, DE LTA BU YANG MA YIN TE, DE LTA BAS NA DRAN PA MED PA'I PHYIR DANG, TSIG GSAL POR MI 'JUG PA'I PHYIR, GOMS PA SNGA MA SNGON DU 'GRO BA CAN NYID DU MI 'GAL BAS THAL BA LAS BZLOG PAS CHOS KYI RANG GI NGO BO SEL BA'I SGO NAS DAM BCA' BA'I NYES PA BSHAD DO, ,NYE BAR GNOD PA GSAL PO YIS, ,ZHES BYA BA LA SOGS PA THAL BAR 'GYUR BA DANG, THAL BA LAS BZLOG PA'I GTAN TSIGS MA NGES PA NYID DU BSTAN TE, GANG GIS DRAN PA LA SOGS PA 'JUG PAR BYED PA'AM, DE LDOG PA NA LDOG PAR 'GYUR BA THAMS CAD DU SNGON GOMS PA LA DRAN PA LA SOGS PAS KHYAB PA NI MA YIN TE, 'DI LTAR SNGAR GOMS PA NYAMS SU MYONG BAR YANG 'GYUR LA DRAN PAR YANG MI 'GYUR TE, DPER NA 'DUS PA'I NAD KYI GNAS SKABS BZHIN NO, ,DE BZHIN DU RMI LAM NA YANG GOMS PA SNGA MA RJES SU 'JUG PA YIN LA DRAN PAR YANG YIN NO, ,

107b

'DUS PA'I NAD SMOS PA NI NYE BAR MTSON PA YIN NO, ,GNOD PA GSAL PO ZHES BYA BA NI MNGAL DU GNAS PA'I PHYIR RO, ,YONGS SU SMIN PA ZHES BYA BA NI BAG CHAGS YONGS SU SMIN PA'O, ,'KHRUL PA ZHES BYA BA NI NYAMS SU MYONG BA JI LTA BA BZHIN DU SO SOR NGES PA'I YUL DANG DUS DANG RANG BZHIN LA SOGS PA'I KHYAD PAR GYI NGO BOS MI 'JUG PA'I PHYIR RO, ,DE LA TSU ROL MDZES PA BAS SKYE BA DRAN PA GRUB PA MA YIN TE, GRONG GCIG TU PHYIN PA THAMS CAD KYIS DRAN PA'I PHYIR RO ZHES GANG SMRAS PA DE NI 'DIS BSAL BA YIN TE, 'DI LTAR GRONG GCIG TU PHYIN PA RNAMS KYANG THAMS CAD KYIS DRAN PA MA YIN TE, GANG GI PHYIR DE DAG GI NANG NAS GANG DAG KHA CIG BLO DMAN PA DE DAG BRJED NGAS PAR 'GYUR PA KHO NA'O, ,DE DAG GI ZHES BYA BA NI TSIG RNAMS KYI'O, ,BDAG NYID CHEN PO ZHES BYA BA LA SOGS PAS THAL BA LAS BZLOG PA'I GTAN TSIGS PHYOGS KYI PHYOGS GCIG LA MA GRUB PA NYID DU 'CHAD DO, ,BDAG NYID CHEN PO ZHES BYA BA NI BSOD NAMS DANG LDAN PA'O, ,GZHAN YANG 'JIG RTEN PHA ROL GRUB PAR BYA BA'I PHYIR 'THAD PA GZHAN BSHAD PA NI, 'DOD CHAGS ZHE SDANG ZHES BYA BA LA SOGS PA STE, SBYOR BA NI 'DOD CHAGS DANG, ZHE SDANG DANG, PHRA DOG DANG, RGYAGS PA DANG, NGA RGYAL LA SOGS PA DANG, DE BZHIN DU SHES RAB DANG, SNYING RJE DANG, BYAMS PA LA SOGS PA DANG, BZO'I GNAS LA SOGS PA GANG GSAL BA DE NI GOMS PA SNGON DU 'GRO BA CAN YIN TE, DPER NA SKYE BA 'DI LA SNGAR MI GSAL BA GOMS PA'I DBANG GIS JI SKAD DU BSHAD PA'I YON TAN CAN GYI SKYES BU MTHONG BA BZHIN NO, , 'DI LA DANG PO SKYE BA 'DIR 'JIG RTEN 'DI LA GOMS PAR MA MTHONG BA'I SKYES BU 'GA' ZHIG KYANG DE DANG DE LA GOMS PA DE YOD PA YIN NO ZHES BYA BA NI 'BRAS BU'I GTAN TSIGS SO, ,RJES SU 'GRO BA DANG ZLOG PA DAG GIS RGYU DANG 'BRAS BU'I DNGOS PO NGES PA DE'I PHYIR GTAN TSIGS MA GRUB PA MA YIN TE, DE NYID KYI PHYIR, RJES SU 'GRO BA DANG LDOG PA LAS, GSAL POR BYUNG BA YONGS SU NGES, ,ZHES SMOS SO, ,'JIG RTEN 'DIR GOMS PA SNGON DU 'GRO BA CAN NYID DU GRUB PA'I PHYIR GTAN TSIGS 'GAL BA YIN NO ZHE NA, MA YIN TE, 'DOD CHAGS LA SOGS PA

108a

, ,GSAL PO GANG DAG DANG POR BYUNG BA DE DAG NI 'DI LA GOMS PA DANG BRAL BA'I PHYIR 'JIG RTEN 'DIR GOMS PA SNGON DU 'GRO BA NYID DU SGRUB PAR BYED PA MI RIGS LA, RGYU MED PA NYID DU YANG MI RIGS TE, RTAG TU YOD PA LA SOGS PAR THAL BA'I PHYIR, DE LTA BAS NA GAL TE SRID PA GZHAN YOD PAR MA GYUR NA 'DOD CHAGS LA SOGS PA DE DAG GI SKYE BA STE 'BYUNG BA'I RGYU GANG ZHIG YIN PAR 'GYUR, DE'I SKYE BA GZHAN NYID DU GOMS PA KHO NA RGYU YIN PA'I PHYIR 'JIG RTEN PHA ROL GRUB PO, DMIGS PA YANG RGYU MA YIN TE, DMIGS PA YOD NA YANG 'DOD CHAGS LA SOGS PA DAG NI NGES 'GA' MI SDUG PA LA SOGS PA'I SO SOR RTOG PA YOD NA MI SKYE BA'I PHYIR RO, ,MI SDUG PA LA SOGS PA LA DMIGS PA 'DOD CHAGS LA SOGS PA'I GNYEN POR GYUR PA'I SHES RAB NI SO SOR BRTAGS PA STE, DMIGS PA MED NA YANG 'DOD CHAGS LA SOGS PA'I SKYE BAR MTHONG BA'I PHYIR DMIGS PA'I DBANG GIS DE YOD PAR RIGS PA MA YIN NO, ,'DI LTAR 'DAS PA DANG MA 'ONGS PA'I YUL LA YANG KUN DU RTOGS PA'I DBANG GIS BDE BA LA SOGS PA'I PHYIN CI LOG SHIN TU 'PHEL BA'I SKYES BU SO SOR RTOG PA LOG NA 'DOD CHAGS LA SOGS PA DE DAG GIS STOBS 'PHEL BAR MTHONG STE, GANG YOD PA DANG MED PA NA GANG YOD PA DANG MED PA LAS BZLOG PA DE NI DE'I RGYUR RIGS PA MA YIN TE, HA CANG THAL BAR 'GYUR BA'I PHYIR RO, ,'DI LAS KYANG DMIGS PA'I DBANG GIS 'DOD CHAGS LA SOGS PA 'JUG PA MA YIN TE, 'DI LTAR GAL TE DMIGS PA JI LTA BA BZHIN DU 'JUG PAR 'GYUR BA DE LTA YIN NO, DMIGS PA'I DBANG GIS 'JUG PAR 'GYUR BA YIN TE, DPER NA DBANG PO LA SOGS PA'I SHES PA BZHIN NO, ,DE LTAR 'JUG PA YANG MA YIN NO, ,'O NA CI ZHE NA, BUD MED LA SOGS PA LA BDAG DANG BDAG GI DANG RTAG PA DANG BDE BA LA SOGS PA'I RNAM PA GZHAN MI BDEN PA NYID SGRO BTAGS NAS 'JUG PA MA YIN TE, YUL RNAMS NI SDUG PA LA SOGS PA'I NGO BO YANG MA YIN NO, ,GANG ZHIG GANG GI RNAM PAS STONG PA DE NI DE'I DMIGS PAR RIGS PA MA YIN TE, HA CANG THAL BAR 'GYUR BA'I PHYIR RO, ,DES NA NI DE'I PHYIR RO, ,'DOD

108b

CHAGS LA SOGS PA NI SGRA BTAGS PA'I YUL CAN YIN PA NYID KYIS DMIGS PA MED PA NYID YIN NO, ,DE LTAR YIN DANG DANG PO STE, SKYE BA 'DI'I DANG POR BYUNG BA 'DOD CHAGS PA GANG YIN PA DE DAG RIGS MTHUN PA GOMS PA'I DBANG GIS 'JUG PA YIN NO ZHES BYA BAR GRUB PO, ,'O NA GAL TE YUL RGYU MA YIN NA JI LTAR YUL NYE BA NA 'DOD CHAGS LA SOGS PA SKYE BAR MTHONG ZHE NA, YUL NI NYE BAR GYUR PA DANG, ,ZHES BYA BA LA SOGS PA SMOS TE, RIM PA NI 'DI YIN TE, YUL NYE BA NA DBANG PO LAS BYUNG BA'I BDE BA SKYE LA, BDE BA DE LAS SO SOR RTOG PA MED PA NA BDAG LA SOGS PA PHYIN CI LOG GI MTSAN NYID KYI TSUL BZHIN MA YIN PA, YID LA BYED PA LA GNAS PA RNAMS SNGAR GYI 'DOD CHAGS LA SOGS PAS BSGOS PA'I BAG CHAGS YONGS SU SMIN PAR 'GYUR LA DE LAS 'DOD CHAGS LA SOGS PA'I NYON MONGS PA 'JUG PA'I PHYIR YUL DNGOS SU RGYU MA YIN NO, ,'DI SNYAM DU RANG GI GRUB PA'I MTHA' BRJOD PA TZAM 'BA' ZHIG TU ZAD KYI 'DI LA RIGS PA 'BA' ZHIG YOD PA NI MA YIN NO SNYAM NA, KUN LA ZHES BYA BA LA SOGS PA SMOS TE, DE'I ZHES BYA BA NI YUL GYI'O, ,SHES PA BZHIN ZHES BYA BA NI SNGON PO LA SOGS PA 'DZIN PAR BYED PA'I RNAM PA BZHIN NO, ,DE LA ZHES BYA BA NI YUL LO, , GCIG CES BYA BA NI GCIG GI RNAM PA CAN NO, ,DE LA GCIG GI RNAM PA CAN GYI NYON MONGS PA 'JUG PA MA YIN TE, 'DI LTAR BUD MED KYI GZUGS LA KHA CIG CHAGS LA, LA LA NI ZHE SDANG, KHA CIG NI PHRAG DOG CES BYA BA RNAM PA DU MA 'JUG PAR MTHONG NGO, ,'DI SNYAM DU TSE 'DI'I THOG MA'I 'DOD CHAGS LA SOGS PA SNGA MA GOMS PA LAS NI MA YIN NO, ,'O NA CI ZHE NA, GZHAN DAG 'KHRIG PA LA SOGS PA KUN DU SPYOD PA LA SOGS PA MTHONG BA LAS SAM, GZHAN GYIS NYE BAR BSTAN PA LAS SO SNYAM NA, GZHAN DAG 'JUG PA ZHES BYA BA LA SOGS PA SMOS TE, GZHAN DAG GI 'JUG PA NI KUN DU SPYOD PA ZHES BYA BA'I THA TSIG GO, ,'KHRUL PA DE NYID BYUNG MTHA' ZHES BYA BA LA SOGS PAS STON PAR BYED DO, ,BYUNG BA'I MTHA' NI 'KHRIG PA LA SOGS PA KUN DU SPYOD PA'O, ,SKAL BA MNYAM PA NI 'GRO BA 'DRA BA STE, PHAG LA SOGS PA GANG DAG LA YOD PA DE LA DE SKAD CES BYA'O, ,DE DAG

109a

, ,DANG LHAN CIG PHRAD PA NI SBYOR BA'O, ,RNAM PAR 'GYUR BA NI LOG PAR 'JUG PA STE, 'KHRIG PA KUN DU SPYOD PA ZHES BYA BA'I THA TSIG GO, ,'DOD CHAGS LA SOGS PA RNAMS NI GOMS PA'I STOBS NYID KYIS RANG GI NGANG GIS 'JUG PA YIN NO ZHES BYA BA 'DI NI GDON MI ZA BAR NGES PAR BYA'O, ,'DI LTAR SHES RAB DANG TSUL KHRIMS LA SOGS PA GANG DAG 'KHOR BAR MI 'OS PA 'KHOR BAR MA GOMS PA DE DAG RANG GI NGANG GIS 'BAD PA MED PAR 'JUG PAR MI 'GYUR RO, ,MYOS SOGS BZHIN ZHES BYA BA NI CHOS MI MTHUN PA'I DPE STE, MYOS PA NI DREGS PA'O, ,'DI LTA MA YIN NA MYOS PA LA SOGS PA BZHIN DU SHES RAB LA SOGS PA YANG RANG GI NGANG GIS 'JUG PAR 'GYUR RO, ,KHA CIG NA RE BAD KAN LAS 'DOD CHAGS SO, ,MKHRIS PA LAS ZHE SDANG NGO, ,RLUNG LAS NI RMONGS PA ZHES ZER BA DE LA, 'ON TE BAD KAN ZHES BYA BA LA SOGS PA SMOS TE, DE LA BAD KAN NI BAD KAN GYI NAD DO, ,SNGA MA BZHIN DU ZHES BYA BA NI SO SOR RTOG PA YOD PA NA, DE YOD KYANG DE MI 'BYUNG PHYIR, ,ZHES BYA BA LA SOGS PAS DPER NA YUL LA 'KHRUL PA BRJOD PA BZHIN NO, ,GZHAN YANG BAD KAN LA SOGS PA 'PHEL BA DANG 'GRIB PA DAG GI 'DOD CHAGS LA SOGS PA 'PHEL BA DANG 'GRIB PAR 'GYUR BA MA YIN LA, GANG ZHIG THA DAD PAS GANG THA DAD PAR MI 'GYUR BA DE NI DE'I 'BRAS BUR RIGS PA MA YIN TE, HA CANG THAL BAR 'GYUR BA'I PHYIR RO, ,DE BZHIN DU BAD KAN CAN YANG ZHE SDANG SHAS CHE BAR MTHONG GI 'DOD CHAGS DRAG PO NI MA YIN LA, MKHRIS PA'I RGYU CAN YANG 'DOD CHAGS BDO BAR MTHONG GI ZHE SDANG LA SOGS PA SHAS CHE BA NI MA YIN NO ZHES 'CHOL BAR MTHONG NGO, ,GANG MED KYANG GANG YOD PA DE NI DE'I RGYUR RIGS PA MA YIN ZHING, GNAS SKABS GANG DU CHAGS PA CAN DU MTHONG BA DE'I GNAS SKABS SU ZHE SDANG YANG YIN PAS DE'I PHYIR YANG 'KHRUL PAS 'DOD CHAGS LA SOGS PA NI BAD KAN LA SOGS PAS CHOS MA YIN NO, ,DE'I PHYIR ZHES BYA BAS NI MJUG SDUD PA YIN NO, ,GANG GOMS SNGON DU 'GRO BA ZHES BYA BA NI GANG LA SNGON DU 'GRO BA NI GANG GOMS PA SNGON DU 'GRO BA STE, GANG DAG LA RGYU SNGA MA YOD PA ZHES TSIG RNAM PAR SBYAR RO, ,'DI LA GOMS PA

109b

SNGON 'GRO NYID, ,CES BYA BA LA SOGS PAS GZHAN GYI KLAN KA DOGS PAR BYED PA YIN NO, ,DE LA KLAN KA NI 'DI YIN TE, DANG POR BYUNG BA DAG 'JIG RTEN 'DI LA GOMS PA SNGON DU 'GRO BA CAN NYID BSGRUB PAR BYA BA YIN NAM, 'JIG RTEN PHA ROL DU GOMS PA SNGON DU 'GRO BA NYID DAM, DE GRUB PA NA SHUGS KYIS 'JIG RTEN PHA ROL DU GOMS PA SNGON DU SONG BA CAN NYID KYI 'DOD PA GRUB PAR 'GYUR BA KHYAD PAR MED PA GOMS PA SNGON DU SONG BA TZAM BSGRUB PAR BYA BA YIN NO ZHES BYA BA PHYOGS GSUM MO, ,DE LA PHYOGS DANG PO LA MTHONG BA DANG 'DOD PAS GNOD DE, 'DOD CHAGS LA SOGS PA DANG POR BYUNG BA 'DOD CHAGS LA SOGS PA RNAMS NI TSE 'DI LA GOMS PA SNGON DU 'GRO BA CAN NYID DU MA MTHONG LA, 'JIG RTEN PHA ROL DU SMRA BA 'DOD PA YANG MA YIN PAS MTHONG BA DANG 'DOD PA DAG GIS GNOD DO, ,PHYOGS GNYIS PA LA YANG DPE BSGRUB PAR BYA BA MA TSANG BA YIN NO, ,'JIG RTEN RGYANG PA NA BA LA 'JIG RTEN PHA ROL DU GOMS PA SNGON DU SONG BA NYID DANG LDAN PA DPE 'GAR YANG YOD PA MA YIN NO, ,PHYOGS GSUM PA LA YANG GTAN TSIGS 'GAL BA YIN TE, DE BZHIN NI DPE BZHIN DU STE, SRID PA GZHAN DU GOMS PA SNGON DU SONG BA NYID KYI 'DOD PA MED PAR SGRUB PAR BYED PA'I PHYIR RO, ,SPYI TZAM NYID KYIS ZHES BYA BA LA SOGS PAS LAN 'DEBS PAR BYED DE, 'DIR PHYOGS GSUM PA KHO NA MNGON PAR 'DOD LA, GTAN TSIGS 'GAL BA YANG MA YIN TE, GANG GI PHYIR GANG GIS 'JIG RTEN PHA ROL DU GOMS PA SNGON DU SONG BA NYID 'DI ZLOG PAR BYED PA 'DOD CHAGS LA SOGS PA 'DI SRID PA GZHAN DU GOMS PA SNGON DU SONG BA DE DANG 'GAL BA 'GA' YANG YOD PA MA YIN NO, ,GZHAN YANG 'JIG RTEN 'DI DANG 'JIG RTEN PHA ROL ZHES THA DAD DU RNAM PAR GZHAG PA BYAS PA 'DI NI RNAM PAR GZHAG PA TZAM YIN TE, BYIS PA DANG LANG TSO'I BYE BRAG BZHIN NO, ,RNAM PA 'DIS THOG MA MED PA NYID DU BSGRUB PA'I PHYIR 'DI LA MNGON PAR ZHEN PAR MI BYA'O, ,DE KHO NA NYID BSDUS PA'I DKA' 'GREL LAS, ,'JIG RTEN RGYANG PA NA BRTAG PA STE, NYI SHU BDUN PA'O,, ,,DE NI GZUGS BRNYAN LA SOGS PA LTA BU YIN ZHES BYA BA'I RTEN CING 'BREL BAR 'BYUNG BA'I KHYAD PAR BSGRUB PAR

110a

, ,BYA BA'I PHYIR, RNAM PAR SHES PA SMRA BA NYE BAR 'DOD DO, ,DE LA KHAM GSUM PA 'DI NI RNAM PAR RIG PA TZAM NYID DO, ,RNAM PAR SHES PA DE YANG DE KHO NA NYID MA RTOGS PA RNAMS LA SEMS CAN RE RE'I RGYUD THA DAD PA'I PHYIR MTHA' MED PA DANG MA DAG PA YIN LA, SGRIB PA SPANGS PA RNAMS KYI NI DAG PA DANG SKAD CIG RE RE LA THA DAD PAR SROG CHAGS THAMS CAD LA SKYE BA YIN GYI, JI LTAR GSANG BAR SMRA BA LTAR MI 'GYUR BA GCIG NYID NI MA YIN NO ZHES BYA BA NI SANGS RGYAS PA'I RNAM PAR SHES PAR SMRA BA RNAMS KYI LUGS YIN NO, ,DE LA SA LA SOGS PA'I RANG BZHIN GYI GZUNG BAR BYA BA'I PHYI ROL MED PA NYID KYIS GZUNG BAR BYA BA MED NA 'DZIN PAR BYED PA YANG MED PA'I PHYIR RAM, RGYUD GZHAN YOD NA YANG GZUNG BA DANG 'DZIN PA'I MTSAN NYID MI 'THAD PA'I PHYIR RNAM PA GNYIS KYIS RNAM PAR RIG PA TZAM DU 'DOD DO, ,DE LA SBYOR BA NI GANG DANG GANG SHES PA YIN PA DE DANG DE NI GZUNG BA DANG 'DZIN PA GNYIS DANG BRAL BA YIN TE, SHES PA YIN PA'I PHYIR GZUGS BRNYAN GYI SHES PA BZHIN NO, ,RTZOD PA'I GZHIR GYUR PA'I RANG BZHIN DU GNAS PA'I MIG LA SOGS PA'I SHES PA 'DI YANG SHES PA BZHIN NO ZHES BYA BA NI RANG BZHIN GYI GTAN TSIGS SO, ,GTAN TSIGS 'DI KHYAB PA MED PA YIN PAR BSAM PAR MI BYA STE, 'DI LTAR RE ZHIG 'DI'I GZUNG BAR BYA BA LA SOGS PA'I PHYIR ROL GYI DON NI YOD PA MA YIN TE, DE NI GCIG DANG DU MA'I RANG BZHIN GYIS STONG BA'I PHYIR RO, ,SBYOR BA NI GANG ZHIG GCIG DANG DU MA'I RANG BZHIN MA YIN PA DE NI RTOG PA DANG LDAN PAS YOD PA NYID DU GZUNG BAR BYA BA MA YIN TE, DPER NA NAM MKHA'I AUTPALA BZHIN NO, ,GZHAN GYIS MNGON PAR 'DOD PA'I SA LA SOGS PA YANG GCIG DANG DU MA'I RANG BZHIN DANG BRAL BA YIN NO ZHES BYA BA NI KHYAB PAR BYED PA MI DMIGS PA'O, ,PHUNG PO GZHAN GSUM PA MED PAS GCIG DANG DU MA DAG GIS YOD PA LA KHYAB PA'I PHYIR KHYAB PAR BYA BA DANG BYED PA'I DNGOS PO MI 'THAD PA NI ZLOG PA LA GNOD PA CAN GYI TSAD MA MA YIN PA'I PHYIR DE MA THAG PA'I GTAN TSIGS MA NGES PA NYID MA YIN NO, ,'GAL BA YANG MA YIN TE, MTHUN PA'I PHYOGS LA YOD PA'I PHYIR RO, ,'DIR GTAN

110b

TSIGS 'DI MA GRUB PA NYID DU BSTAN PA DANG, GANG YANG, 'BYUNG BA NYID KHYAD YOD MIN ZHES, ,RIGS PA'I MCHOG 'DI 'DOD PAR GYIS, ,ZHES BSHAD PA'I DAM BCA' BA MNGON SUM LA SOGS PA DANG 'GAL BAR BSTAN PA DANG GTAN TSIGS DANG PO KHYAB PA MED PA NYID DU BSTAN PAR 'DOD NAS, GZHAN GYIS, GAL TE SHES PA MA GTOGS PA'I, ,ZHES BYA BA LA SOGS PA SMOS TE, RNAM PAR CHAD DANG ZHES BYA BA 'DIS SHES PA LAS THA DAD PA'I GZUNG BAR BYA BA GRUB PA NYID DU STON TO, ,NAM GSAL BAR ZHES BYA BA 'DIS NI MNGON SUM NYID DU BSTAN TO, ,'DI NYID THAL BAR 'GYUR BA'I SGO NAS BSTAN PAR BYA BA'I PHYIR, DE'I DE LTAR ZHES BYA BA LA SOGS PA SMOS SO, ,PHYI ROL DON 'DI ZHES BYA BA LA SOGS PAS LAN 'DEBS PAR BYED DE, DE LA PHYI ROL GYI DON MNGON SUM GYIS GRUB PA YIN NA, RDUL PHRA RAB THA DAD PA DU MA'AM, DE DAG GIS BRTZAMS PA'I YAN LAG CAN RAGS PA GCIG GAM, MA BRTZAMS PA ZHES BYA BA'I PHYOGS RNAMS SU 'GYUR BA YIN, DE LA RE ZHIG PHYOGS DANG PO NI MA YIN TE, CHA MED PA'I LUS CAN GYI RDUL PHRA RAB TU MA'I SHES PA SO SOR RIG PA MED PA'I PHYIR DANG, RTAG TU SHES PA RAGS PA'I RNAM PA CAN NYID DU NYAMS SU MYONG BA'I PHYIR RO, ,YANG NA SHES PA DE DAG RIG PA MED PA'I PHYIR RO ZHES BDUN PA'I MTHA' CAN DU STON LA BSDU BAR BYA'O, ,SBYOR BA NI GANG ZHIG MNGON SUM DU MNGON PAR 'DOD PA'I SHES LA RANG GI RNAM PAS MI SNANG BA DE NI MNGON SUM NYID DU GZUNG BAR BYA BA MA YIN TE, DPER NA NAM MKHA'I PADMO BZHIN NO, ,MNGON SUM DU MNGON PAR 'DOD PA'I SHES PA LAS RDUL PHRA RAB DU MA'I LUS CAN GYIS RIGS PA'I RNAM PA DANG LDAN PA SNANG BA MA YIN NO ZHES BYA BA NI KHYAB PAR BYED PA MI DMIGS PA STE, RANG GI RNAM PA SNANG BA NYID KYIS MNGON SUM NYID LA KHYAB PA'I PHYIR RO, ,KHYAB PA DE NYID BSTAN PAR BYA BA'I PHYIR, CHA'I DBYE BA ZHES BYA BA LA SOGS PA SNOS SO, ,YANG CI STE TSOGS PA KHO NA SKYE BA DANG 'JIG GO ZHES BYA BA NI GRUB PA'I MTHA' YIN PA'I PHYIR, DES NA RDUL PHRA RAB RE RE SNANG BA MA YIN NO SNYAM DU SEMS TE, JI SKAD DU BTZUN PA DGE SRUNGS KYIS, ,RDUL PHRAN RNAMS KYI RANG DBANG DU, ,RE RE 'BYUNG BA YOD MA YIN, ,'DI YI PHYIR YANG

111a

, ,RDUL PHRAN RNAMS, ,RE RE SNANG BA MA YIN NO, ,ZHES GANG SMRAS PA DE NI LAN NYID MA YIN NO ZHES BSTAN PA'I PHYIR, DE DAG LHAN CIG CES BYA BA LA SOGS PA SMOS SO, ,GNAS SKABS DE RNAMS SU ZHES BYA BA NI LHAN CIG PA'I GNAS SKABS SU'O, ,GZHAN YANG GAL TE, RDUL PHRA RAB RNAMS CHA MED PA YIN NA, 'O NA LUS CAN ZHES BRJOD PAR MI BYA BA'I PHYIR DAM BCA' BA RANG GI TSIG DANG 'GAL BAR 'CHAD PA NI, DE DAG PHRA BA'I ZHES BYA BA LA SOGS PA SMOS TE, NGO BO STE RANG BZHIN GANG GI PHRA BA'I MTHAR THUG PAR GYUR PA DE LA DE SKAD CES BYA'O, ,'DI SKAD DU BSTAN PA YIN TE, GAL TE PHRA BA'I YAN LAG GI RNAM PAR DBYE BAS PHRA BA'I RANG BZHIN MA YIN PAR MI 'GYUR NA STE, GAL TE CHA MED PA YIN NO SNYAM DU BSAMS PA YIN NO, ,DE'I TSOR BA LA SOGS PA BZHIN DU LUS CAN DU GRUB PAR MI 'GYUR TE, KHYAD PAR MED PA'I PHYIR RO, ,'DRA BA'I SKAD CIG CES BYA BA LA SOGS PAS BTZUN PA DGE SRUNGS KYI LAN 'DEBS PAR BYED DE DE NA RE, DPER NA 'DRA BA'I SKAD CIG GZHAN DANG GZHAN SKYE BA'I PHYIR 'KHRUL PAS MNGON SUM GYIS BZUNG NA YANG SGRA LA SOGS PA LA RTOG PA NYID DU 'KHRUL PA DE BZHIN DU RIGS MTHUN PA'I RDUL PHRA RAB YUL BAR MA MED PA RNAMS CIG CAR 'DZIN PA NA RAGS PA'O SNYAM PA'I YID KYI 'KHRUL PA 'BYUNG NGO, ,DE LTA YIN DANG, CHA MED LUS CAN RDUL DU MA'I, ,SHES PA RIG PA MED PA'I PHYIR RO, ,ZHES BYA BA'I GTAN TSIGS MA GRUB PA YIN NO ZHES ZER RO, ,RANG GI BYA BA'I STOBS ZHES BYA BA LA SOGS PAS SUN 'BYIN PA 'CHAD DO, ,RANG GI BYA BA'I STOBS NYID KYIS, ,ZHES BYA BA NI, RTAGS DANG LUNG GIS BYA BA LA LTOS PA MED PAR ZHES NGES PAR GZUNG BAS BSTAN TO, ,'DI LTAR MNGON SUM KHYAD PAR MED PAR SKYE NA YANG JI LTAR YONGS SU BZUNG BA'I RNAM PA'I CHA GANG KHO NA LA RTOG PA SKYED PAR BYED PA DE NYID MNGON SUM DU 'DOD DE, THA SNYAD DU RUNG BA NYID YIN PA'I PHYIR RO, ,GANG LA SKYED PAR MI BYED PA DE NI BZUNG DU ZIN KYANG MA ZIN PA DANG MTSUNGS PA YIN NO, ,DE LTA YIN DANG GTAN TSIGS MA GRUB PA MA YIN TE, 'DI LTAR SHES PA RIGS PA MED PA'I PHYIR RO ZHES BYA BA 'DI LA MNGON SUM DU MNGON

111b

BAR 'DOD PA'I SHES PA LA RTOG PA'I RGYUR MI SNANG BA'I PHYIR RO ZHES BYA BA'I DON 'DI MNGON PAR 'DOD PA MA YIN NO, ,GANG YANG RAGS PA'O SNYAM PA NYID KYI 'KHRUL PA YIN NO ZHES BYA BA'I DE YANG YANG DAG PA MA YIN TE, 'DI LTAR, 'DI TSAD MAS GRUB PA YIN NA 'KHRUL BAR RNAM PAR GZHAG PAR 'GYUR TE, DPER NA SKAD CIG MA NYID TSAD MAS GRUB PA'I PHYIR RTAG PA NYID DU 'DZIN PA 'KHRUL BA NYID DU RNAM PAR GZHAG PA YIN NO, ,DE BZHIN DU RDUL PHRA RAB RNAMS NI TSAD MAS GRUB PA MA YIN TE, DE DAG NYID DPYAD PAR BYA BA YIN PA'I PHYIR RO, ,RAGS PA 'DI YID KYI 'KHRUL PA YANG MA YIN TE, GSAL BAR SNANG BA'I PHYIR RO, ,RNAM PAR RTOG PA RJES SU 'BREL BA NI GSAL BA'I RNAM PA CAN DU RIGS PA YANG MA YIN TE, SPYI'I RNAM PA CAN NI MI GSAL BA YIN PA'I PHYIR RO, ,RNAM PAR RTOG PA SPYI'I RNAM PA MED PAR YANG RIGS PA MA YIN NO, ,'DI SNYAM DU MI RTAG PA NYID LA SOGS PA BZHIN DU RDUL PHRA RAB RNAMS KYANG TSAD MAS GRUB PA NYID YIN TE, 'DI LTAR GANG DANG GANG RAGS PA YIN PA DE DANG DE NI PHRA MO 'DUS PA'I BDAG NYID YIN TE, RI LA SOGS PA BZHIN NO, ,MIG GIS GZUNG BAR BYA BA PHYI ROL GYI YAN LAG CAN YANG RAGS PA YIN NO ZHES BYA BA NI RANG BZHIN GYI GTAN TSIGS SO, ,MIG GIS GZUNG BAR BYA BA SMOS PA NI MIG GIS GZUNG BAR BYA BA MA YIN PA RDUL PHRA RAB GNYIS 'BYAR BA LA SOGS PA RNAM PA GCAD PA'I DON DU'O, ,DE'I PHYIR 'DIR GAL TE RAGS PA'I PHYIR ZHES BYA BA'I DNGOS PO'I CHOS LA BRTEN NAS DON DAM PA'I RAGS PA NYID GTAN TSIGS SU BRJOD NA DE'I TSE PHYIR RGOL BA BSGRUB BYA'I CHOS CAN DANG DPE'I CHOS CAN GNYI GA LA YANG RAGS PA NYID CES BYA BA MA GRUB PA DE'I TSE GTAN TSIGS MA GRUB PA NYID DANG DPE YANG SGRUB PAR BYED PA MA TSANG BA YIN NO, ,CI STE GANG RDZI LA SOGS PA'I BAR LA GRAGS PA MA BRTAGS NA NYAMS DGA' BA YUL LA KHYAB PAR SNANG BA'I NGO BO GANG YIN PA DE RAGS PA NYID DU BRJOD NA DE'I TSE RMI LAM LA SOGS PA'I SHES PA 'KHRUL PA YANG RDUL PHRA RAB BSAGS PA MED KYANG DE LTAR SNANG BA'I NGO BO YOD PA'I PHYIR GTAN TSIGS MA NGES PA NYID YIN NO, ,CI STE MA 'KHRUL PA NYID

112a

, ,YIN PA NA, ZHES KHYAD PAR KHAS LEN PAR BYED PA DE'I TSE RNAM PAR SHES PA SMRA BA LA, JI SRID DU RANG BZHIN DU GNAS PA'I MIG LA SOGS PA'I RNAM PAR SHES PA'I RNAM PAR RMI LAM LA SOGS PA'I SHES PA RNAM PA LAS KHYAD PAR BYE BRAG MA BSGRUBS PA DE SRID DU GANG DU YANG MA 'KHRUL BA NYID DU MA 'GRUB PA'I PHYIR KHYAD PAR YANG MA GRUB PO, ,'DI SNYAM DU RANG BZHIN DU GNAS PA'I MIG LA SOGS PA'I RNAM PAR SHES PA RMI LAM LA SOGS PA'I RNAM PAR SHES PA LAS DON BYA BA BYED PA LA MI SLU BAS KHYAD PAR YOD PA KHO NA'O SNYAM DU SEMS NA, DE LA DON BYA BA BYED PA LA MI SLU BA ZHES BYA BA 'DI CI ZHIG ,GAL TE PHYI ROL GYI DON THOB PA YIN NA DE NI MA GRUB PO, ,PHYI ROL GYI DON GRUB PAR BYA BA'I PHYIR TE DE NYID BSGRUB PAR BYA BA NYID KYI SKABS YIN PA'I PHYIR RO, ,CI STE MNGON PAR 'DOD PA'I DON BYED PAR SNANG BA'I SHES PA NYID DON BYED PA LA MI SLU BA YIN PA DE'I TSE GZHAN DU YANG STE PHYI ROL GYI DON NYID DMIGS PA MED PAR YANG 'DI SRID PA'I PHYIR, DE LTA NA YANG GTAN TSIGS MA NGES PA NYID YIN NO JI LTAR GZHAN DU YANG SRID CE NA, RGYU YI NUS PA NGES PA'I PHYIR, ,ZHES BYA BA SMOS TE, GTAN TSIGS SO, ,RGYU NI MTSUNGS PA DE MA THAG PA'I RKYEN TE, MTSUNGS PA DE MA THAG PA'I RKYEN GYI NUS PA'I KHYAD PAR NGES PA'I PHYIR MTSUNGS PA DE MA THAG PA'I RKYEN KHA CIG KHO NA SHES PA 'GA' ZHIG SKYED PAR NUS KYI THAMS CAD NI MA YIN TE, DPER NA KHYED CAG GIS PHYI'I DON BZHIN NO ZHES BYA BA DE NYID LAS NGES PA GRUB BO, ,RDUL PHRAN GNYIS KYI ZHES BYA BA LA SOGS PAS NAM MKHA'I GOS CAN LEGS PA'I BLO GROS KYIS, SHES PA RIGS PA MED PHYIR RO, ,ZHES BYA BA'I GTAN TSIGS 'DI MA GRUB PAR STON PA YIN TE, DE NI 'DI SKAD DU ZER TE, DNGOS PO THAMS CAD NI SPYI DANG KHYAD PAR GYI BDAG NYID YIN PA'I PHYIR, RDUL PHRA RAB RNAMS NI 'DRA BA DANG MI 'DRA BA'I NGO BO GNYIS YIN NO, ,DE LA 'DRA BA'I NGO BO GANG YIN PA DE NI DBANG POS GZUNG BAR BYA BA YIN GYI, MI 'DRA BA NI MA YIN NO, ,DE BAS NA GCIG GI RNAM PA CAN GYI SHES PA NI RDUL PHRA RAB DAG LA MI 'GAL BA'I PHYIR RDUL PHRA RAB RNAMS MNGON SUM GYIS GRUB

112b

PA YIN NO ZHE'O, ,'KHRUGS PA ZHES BYA BA NI MI GNAS PA STE, NGO BO GCIG NGES PA MED PA'I PHYIR RO, ,'ON TE DNGOS PO GNYIS KYI NGO BO NYID DO ZHES NGES PA'I NGO BOR SMRAS PA NYID MA YIN NAM ZHE NA, SMRAS PA NI BDEN MOD KYI MI RIGS PAR SMRAS SO ZHES BSTAN PA'I PHYIR, GANG PHYIR JI LTAR ZHES BYA BA LA SOGS PA SMOS TE, DNGOS PO'I NGO BOS GNYIS LAS GZHAN MA YIN PA'I PHYIR, DNGOS PO GNYIS NYID DU 'GYUR TE, NGO BO GNYIS YIN PA 'BA' ZHIG TU ZAD DE, PHAN TSUN NGO BO MA YIN PA'I PHYIR RO, ,DE LTAR NA GCIG LA NGO BO GNYIS NYID RIGS PA MA YIN NO, ,NGO BO GNYIS PHAN TSUN BDAG NYID YIN NA YANG DNGOS PO GCIG GI RANG GI NGO BO BZHIN DU NGO BO GNYIS DNGOS PO GCIG LAS THA MI DAD PA'I PHYIR JI LTAR GCIG GNYIS KYI NGO BO NYID DU 'GYUR, GZHAN YANG SPYI'I NGO BO DANG THA MI DAD PA'I PHYIR, KHYAD PAR GYI NGO BO DMIGS PA NYID DU 'GYUR RO, ,DE LTA YIN DANG 'DRA BA'I NGO BO NI DBANG PO'I SHES PA'I SPYOD YUL YIN LA, MI 'DRA BA NI RNAL 'BYOR GYI MNGON SUM DU 'DOD DO ZHES BYA BA NI MA 'CHOL BA RNAM PAR GZHAG PA 'DIR MI 'GYUR RO, ,GZHAN YANG GCIG GNYIS KYI NGO BO YIN NO ZHES BYA BA 'DI PHAN TSUN 'GAL BA YIN PA 'BA' ZHIG TU MA ZAD, PHAN TSUN 'GAL BA NGO BO GNYIS KYIS BDAG NYID GCIG YIN NO ZHES BYA BA GANG YIN PA 'DI NI CHES CHER 'GAL BA YIN NO ZHES BSTAN PA'I PHYIR, PHAN TSUN ZHES BYA BA LA SOGS PA SMOS TE, 'DI LTAR 'DRA BA DANG MI 'DRA BA'I NGO BO PHAN TSUN SPANGS TE GNAS PA'I MTSAN NYID DE'I BDAG NYID DE JI LTAR GCIG TU 'GYUR, GAL TE RIG BYED PHYIR ZHES BYA BA LA SOGS PAS GZHON NU MA LEN GYI LUGS DOGS PAR BYED DE, DE NA RE, DNGOS PO GCIG LA PHAN TSUN 'GAL BA'I RNAM PA RNAMS MI SRID DO ZHES BYA BA DE LTA BU YOD PA MA YIN NO, ,CI'I PHYIR ZHE NA, RIGS PHYIR TE RGYU'I PHYIR RO, ,'DI LTAR DNGOS PO GCIG GIS RNAM PA GCIG TU 'GYUR BAR BYA DGOS SO ZHES BYA BA 'DI RGYAL PO'I BKA' NI MA YIN NO, ,'ON KYANG GAL TE JI LTAR DMIGS PA DE LTAR KHAS BLANG BAR BYA BA DGOS TE, DNGOS PO RNAM PAR 'JOG PA'I RGYU MTSAN NI SHES PA YIN PA'I PHYIR RO, ,GCIG DANG DU MA'I

113a

, ,RNAM PA YANG YOD PA DANG GZUGS LA SOGS PA'I BYE BRAG GIS SHES PAR 'GYUR BA DMIGS TE, DE'I PHYIR DE KHO NA LTAR RNAM PAR GZHAG PA YIN NO ZHES ZER RO, ,DE MIN ZHES BYA BA LA SOGS PAS LAN 'DEBS PAR BYED DE, DE LTA NA RNAM PAR SHES PA 'GA' YANG 'KHRUL PAR MI 'GYUR LA, THA DAD PA'I THA SNYAD KYANG 'CHAD PAR 'GYUR RO, ,CI STE GNOD PA'I PHYIR 'GA' ZHIG 'KHRUL BA NYID DU 'GYUR NA, DNGOS PO GCIG LA GNOD PA'I RNAM PAR SHES PA DU MA JI LTAR MA 'KHRUL BAR 'GYUR, DE LTAR RE ZHIG RDUL PHRA RAB RNAMS MNGON SUM GYIS MA GRUB LA, RJES SU DPAG PAS KYANG MA GRUB PA'I PHYIR PHYI ROL GYI DON LA BSNYON PA LA DAM BCA' BA MNGON SUM DANG 'GAL BA MA YIN LA, GTAN TSIGS MA GRUB PA YANG MA YIN NO, ,DA NI GZHAN GYIS GCIG DANG DU MA'I RANG BZHIN YIN PA'I PHYIR ZHES BYA BA'I GTAN TSIGS 'DI THE TSOM ZA BA'I MA GRUB PA YIN NO ZHES BSTAN PA'I PHYIR, RDUL PHRAN TSAD MAS ZHES BYA BA LA SOGS PA SMOS SO, ,'BYAR BA DANG NI ZHES BYA BA LA SOGS PAS LAN 'DEBS PAR BYED DE, SBYOR BA NI GANG ZHIG GCIG DANG DU MA'I RANG BZHIN DANG BRAL BA DE NI MED PA'I THA SNYAD DU RUNG BA YIN TE, NAM MKHA'I PADMO BZHIN NO, ,GZHAN GYIS MNGON PAR 'DOD PA'I RDUL PHRA RAB DAG KYANG GCIG DANG DU MA'I RANG BZHIN DANG BRAL BA YIN NO ZHES BYA BA NI RANG BZHIN GYI GTAN TSIGS SO, GTAN TSIGS MA GRUB PA YIN NO ZHES KYANG BSAM PAR MI BYA STE, 'DI LTAR RE ZHIG RDUL PHRA RAB RNAM PA GCIG NYID DU MA GRUB STE, BSAGS PA'I NGO BO'I RI LA SOGS PA LA PHYOGS CHA'I DBYE BA YOD PA'I PHYIR RO, ,RI LA SOGS PA'I RDUL PHRA RAB RNAMS KYI BSAGS PA GZHAN DU MI 'THAD PAS PHYOGS CHA'I DBYE BA DE NYID THAL BAR 'GYUR BA'I SGO NAS RE ZHIG GCIG DGAG PA BSHAD PA NI, 'BYAR BA DANG NI BSKOR BA'AM, ,ZHES BYA BA LA SOGS PA STE, DE LA KHA CIG NA RE, RDUL PHRA RAB RNAMS PHAN TSUN 'BYAR BA YIN NO ZHES ZER RO, ,GZHAN DAG NI RTAG TU BAR DANG BCAS PA NYID YIN TE, MI REG GO ZHES ZER RO, ,GZHAN DAG NI BAR MED PA NYID LA REG PAR 'DU SHES PA YIN NO ZHES

113b

ZER RO, ,DE LA PHYOGS GSUM PO DE LA YANG MANG POS BSKOR BA'I DBUS NA GNAS PA'I RDUL PHRA RAB LA GAL TE PHYOGS CHA'I BYE BRAG MED PAR GYUR NA DE'I TSE SEMS DANG SEMS LAS BYUNG BA'I TSOGS BZHIN DU RGYAS PAR MI 'GYUR TE, CHA SHAS MED PA'I PHYIR RO, ,'DI LTAR GAL TE DBUS NA GNAS PA'I RDUL PHRA RAB NGO BO GANG KHO NAS RDUL PHRA RAB GCIG LA BLTAS PA'I NGO BO DE NYID KYIS RDUL PHRA RAB GZHAN LA YANG BLTAS PAR GYUR NA DE'I TSE BSKOR BA'I RDUL PHRA RAB RNAMS YUL GCIG PA NYID DU THAL BAR 'GYUR BA'I PHYIR RGYAS PAR MI 'GYUR RO, ,SBYOR BA NI GANG ZHIG RDUL PHRA RAB GCIG GI NGO BO LA BLTAS PA'I RANG BZHIN DE NI YUL GCIG PA YIN TE, DPER NA DE NYID SHAR GYI YUL NA GNAS PA'I RDUL PHRA RAB GCIG LA BLTAS PA LTA BU'AM, SHAR GYI KHANG BZANGS LTA BU'O, ,BSKOR NAS GNAS PA'I RDUL PHRA RAB THAMS CAD KYANG RDUL PHRA RAB KYI NGO BO GCIG LA BLTAS PA'I RANG BZHIN YIN NO ZHES BYA BA NI RANG BZHIN GYI GTAN TSIGS YIN TE, DES NA RGYAS PAR MI 'GYUR RO, ,CE STE NGO GO GZHAN GYIS BLTAS NA DE'I TSE PHYOGS CHA'I DBYE BA YOD PA'I PHYIR BUM PA LA SOGS PA BZHIN DU GCIG NYID DU MI 'GYUR RO ,BTZUN PA DGE SRUNGS NA RE, DPER NA RANG BZHIN GCIG LA YOD PA MA YIN PA DANG RDZAS MA YIN PA LAS LDOG PA'I SPYI DANG DU MA BRTAGS PA YIN GYI DE KHO NA NYID MA YIN PA DE LTAR 'DIR YANG RDUL PHRA RAB DU MA'I BAR NA GNAS PA'I PHYIR DU MA NYID DU BRTAGS PA YIN GYI, YANG DAG PA'I DON NI MA YIN NO, ,'DI LTAR GZAGS ZAN LA SOGS PAS BRTAGS PA'I PHYOGS KYI DNGOS PO ZHES BYA BA YOD PA MA YIN TE, DE NI GCIG YIN PA'I PHYIR SHAR LA SOGS PA'I SHES PA DU MA'I NGO BOR 'GYUR TE, RDUL PHRA RAB RNAMS NYID SHAR DANG NUB DANG GNAS PA NA PHYOGS KYI SGRAS BRJOD PA 'BA' ZHIG TU ZAD DO, ,DES LTA BAS NA PHYOGS CHA'I BYE BRAG DANG LDAN PA'I PHYIR ZHES BYA BA LA MANG PO DAG GIS BSKOR BA NYID LA BSTAN PA NYID YIN PA 'BA' ZHIG TU ZAD KYI, CHA SHAS DANG BCAS PA NYID NI MA YIN NO ZHES ZER RO, ,DE NI YANG DAG PA MA YIN TE, 'DI LTAR CHA SHAS MED PA'I PHYIR SEMS BZHIN DU RDUL PHRA RAB RNAMS DON DAM PAR STENG DANG 'OG

114a

, ,GI CHA YOD PA MA YIN PA'I PHYIR MANG PO DAG GIS BSKOR BA NYID DU YANG MI 'GYUR TE, SEMS DANG SEMS LAS BYUNG BA LA SOGS PA BZHIN NO, ,DE LTA YIN DANG SKOR BAR BYED PA'I RDUL PHRA RAB RNAMS DON DAM PAR MED PA'I PHYIR GANG GI YUL GYIS BYAS PA'I GCIG NYID DU RTOGS PAR BYED PA JI LTAR DE'I SGO NAS DU MA'I DBUS NA GNAS PA NYID YIN, CI STE DON DAM PAR STENG 'OG GI CHA YOD PA MA YIN KYANG DBUS MA LA MANG POS YONGS SU BSKOR BAR 'GYUR NA SEMS DANG SEMS LAS BYUNG BA RNAMS LAS YANG 'GYUR RO, ,DE LTA BAS NA RDUL PHRA RAB BZHIN DU SEMS LA SOGS PA RNAMS KYANG YUL NA GNAS PA NYID DU 'GYUR BA MA YIN NO ZHE NA NI RDUL PHRA RAB RNAMS KYANG MI 'GYUR TE, DE LTAR NA SEMS LA SOGS PA BZHIN DU RGYAS PAR MI 'GYUR RO ZHES BYA BA NGES SO, ,'DI SNYAM DU DPER NA DA LTAR BYUNG BA'I SEMS KYI SKAD CIG 'DAS PA DANG MA 'ONG PA'I SEMS KYI SKAD CIG DAG DUS KYIS BYAS PA'I BAR MED PA NYID YOD CING, YANG DA LTA BA'I SEMS KYI SKAD CIG DANG YUD TZAM LA SOGS PA BZHIN DU CHA DANG BCAS PA MA YIN PA DE BZHIN DU RDUL PHRA RAB RNAMS MANG POS BSKOR BA YIN NA YANG YUL GYIS BYAS PA'I CHA DANG BCAS PA NYID DU 'GYUR BA MA YIN NO SNYAM DU SEMS NA, DE NI YANG DAG PA MA YIN TE, DA LTAR BYUNG BA'I SEMS KYI SKAD CIG SNGA MA DANG PHYI MA DANG DON DAM PAR MED PAR NYID YOD PA MA YIN TE, DE'I TSE DE DAG MED PA'I PHYIR RO, ,MED PA DANG LHAN CIG SNGA MA DANG PHYI MA YANG DAG PAR RIGS PA MA YIN TE, LHAN CIG 'BYUNG BA DAG LA RGYUD DANG 'BRAS BU'I NGO BO MED PA'I PHYIR SNGA MA DANG PHYIS MED PA BZHIN DU DE'I SGO NAS SNGA MA DANG PHYI MA'I SKAD CIG DAG GIS YOD PA BRTAGS PAS KUN NAS BSLANG BA 'BA' ZHIG TU ZAD DO, ,DE LTAR RDUL PHRA RAB RNAMS KYIS SNGA MA DANG PHYI MA'I YUL GYIS BYAS PA'I KUN BRTAGS PA MA YIN TE, RGYAS PAR MED PAR THAL BAR 'GYUR BA'I PHYIR RO, ,GZHAN YANG RE ZHIG DNGOS PO RNAMS KYI RGYU MED PA NYID NI RIGS PA DANG LDAN PA MA YIN TE, RTAG TU YOD PA LA SOGS PAR THAL BA'I PHYIR RO, ,GANG YANG DNGOS

114b

PO RNAMS KUN RDZOB NYID DU KHAS LEN PA DES KYANG GDON MI ZA BAR DNGOS PO THAMS CAD RGYU DANG BCAS PA NYID DU 'DOD DGOS SO, ,RGYU DANG BCAS PA NYID YIN NA, RE ZHIG RGYU DANG 'BRAS BU DAG NI DUS MTSUNGS PAR RIGS PA MA YIN TE, 'BRAS BU SKYE BA LAS RGYU MED PA NYID KYIS MI NUS PA'I PHYIR LA, PHYIS 'BRAS BU SKYES NA YANG RGYU DGOS PA MED PA'I PHYIR RO, ,DES NA GDON MI ZA BAR RGYU THAMS CAD SNGAR YOD PAR KHAS BLANG BAR BYA DGOS TE, CI SKAD DU, MED PA SNGAR NUS MED PHYIR DANG, ,PHYIS KYANG NYE BAR MI SBYOR PHYIR, ,RGYU RNAMS THAMS CAD SNGAR YOD YIN, ,DE'I PHYIR RANG BLO CAN DON MIN, ,ZHES BSHAD PA LTA BU'O, ,DE'I PHYIR DE LTAR DNGOS PO THAMS CAD RIGS PAS RNAM PAR GZHAG PA'I CHA MED PA NYID YIN NA YANG GAL TE CHA DANG BCAS PA NYID DU MA GYUR NA YUL DANG DUS KYIS BYAS PA'I SNGA MA DANG PHYI MA DAG TU JI LTAR 'GYUR ZHES RGOL NA CI STE CHA DANG BCAS PA NYID MA YIN NA YANG SEMS DANG SEMS LAS BYUNG BA RNAMS KYANG DUS KYIS BYAS PA'I SNGA MA DANG PHYI MA DAG TU 'GYUR TE, KHYAD PAR MED PA'I PHYIR RO ZHES BSTAN ZIN TO, ,LUS CAN GYIS BYAS PA'I KHYAD PAR YOD DO ZHE NA, MA YIN TE DE NYID MA GRUB STE, CHA SHAS DANG BCAS PA NYID YIN NA RNAM GRANGS KYI CHA DANG BCAS PA NYID DU 'GYUR BA KHO NAR ZAD KYI KHYAD PAR GZHAN MED PA'I PHYIR 'DI NI CI YANG MA YIN NO, ,DE LTA BAS NA DNGOS PO THAMS CAD KYI DUS KYIS BYAS PA'I SNGA MA DANG PHYI MA'I RIGS PA MA YIN NA 'GA' ZHIG LA YUL GYIS BYAS PA'I SNGA MA DANG PHYI MA LHAG PAR GZHAN GANG YIN PA DE CHA DANG BCAS PA NYID MED NA MI SRID PA'I PHYIR, GANG LA PHYOGS CHA THA DAD YOD, ,DE NI GCIG TU MI RUNG NGO, ,ZHES BSHAD PA YANG RIGS PA YIN TE, ,SPROS PAS CHOG GO, ,DE LA KHA CIG NA RE, 'O NA SHIN TU PHRA BA'I CHA DE DAG NYID RDUL PHRA RAB YIN DU CHUG MOD, DE LTA NA YANG CHA SHAS RTOG PA NA YANG CHA NYID DU RDUL PHRA RAB TU 'GYUR TE, 'ON KYANG THUG PA MED PA NYID DU 'GYUR GYI CHA SHAS DANG BCAS PA NYID DU THAL BA NI MA YIN NO, ,RDUL PHRA RAB RNAMS BRTAGS SU YOD PA NYID DU BSGRUB PAR NUS PA MA YIN LA, CI STE BRTAGS SU

115a

, ,YOD PA DE LTA NA YANG, NGES PAR GDAGS PA'I NYE BAR LEN PA KHAS BLANG BAR BYA DGOS TE, BRTAGS PA'I NYE BAR LEN PA GANG YIN PA DE NYID DU RDUL PHRA RAB TU 'GYUR RO, ,CI STE RDUL PHRA RAB RNAMS KYANG MED PA NYID DU BSGRUB PA DE LTA NA YANG, PHYOGS CHA'I DBYE BA YOD PA'I PHYIR, ,ZHES BYA BA'I GTAN TSIGS MA GRUB PA YIN TE, GTAN TSIGS MED PA'I BONG BU'I RVA LA SOGS PA LA, SHAR LA SOGS PA'I PHYOGS CHA'I DBYE BA DANG LDAN PAR 'GYUR BA YANG MA YIN LA, THAL BA BSGRUB PA YANG MA YIN TE, PHYOGS CHA'I DBYE BA KHAS MA BLANGS PA'I PHYIR RO ZHES ZER RO, ,'DI LA LAN 'DEBS PA NI GZHAN GYIS CHA'I ZHES BYA BA LA SOGS PA SMOS TE, DE SMRA BAS GDON MI ZA BAR MTHAR THUG PA'I NGO BO'I DNGOS PO CUNG ZAD CIG RDUL PHRA RAB NYID DU KHAS BLANG BAR BYA STE, DE LTA MA YIN TE, THUG PA MED PA NYID YIN NA NGO BO NGES PAR MA BZUNG BA'I PHYIR RANG NYID KYIS NYE BAR BRJOD PA MED PA NYID DU BSTAN PAR 'GYUR TE, DE LTA YIN DANG GZHAN GYI 'DOD PA BSGRUB PAR BYA BA NYID DU 'GYUR RO, ,DE LTA BAS NA NGES PA'I NGO BO NYID KYIS RDUL PHRA RAB NYID DU RNAM PAR GZHAG PA GANG YIN PA DE NYID LA MA BRTEN PAR THUG PA MED PA'I RNAM PAR RTOG PA YIN TE, GANG GI TSE SPYOD PAR BYED PA DE'I TSE JI LTAR THUG PA MED PAR 'GYUR, 'ON KYANG THUG PA MED PAS RANG GIS KHAS BLANGS PA DANG 'GAL BAR BYAS PAR 'GYUR GYI, GZHAN LA MI 'DOD PA CUNG ZAD BSGRUB PA NI MA YIN TE, 'DI TZAM NYID KYIS GZHAN GYI 'DOD PA GRUB PA'I PHYIR RO, ,'DI NI THAL BA BSGRUB PA YIN LA, GTAN TSIGS MA GRUB PA YANG MA YIN TE, 'DI LTAR GZHAN GYIS RDUL PHRA RAB RNAMS 'BYAR BA NYID DANG, BAR MED PA NYID DANG, DE BZHIN DU BAR DANG BCAS PA MANG POS YONGS SU BSKOR BA YIN NO ZHES KHAS BLANGS PA YIN TE, DE LTA MA YIN NA JI LTAR RGYAS PAR 'GYUR, DE LTA NA GAL TE YANG PHYOGS CHA'I DBYE BA BRJOD PAR MI BYA BAR KHAS BLANGS PA DE LTA NA YAG 'BYAR BA LA SOGS PA'I CHOS KHAS BLANGS PA'I STOBS NYID LAS 'ONGS BA YIN NO, ,STENG 'OG GI CHA LA SOGS PA'I PHYOGS

115b

KYI DBYE BA MED NA 'BYAR BA LA SOGS PA'I PHYOGS GSUM RIGS PA MA YIN TE, SEMS LA SOGS PA BZHIN NO ZHES BSHAD ZIN TO, ,GANG YANG RDUL PHRA RAB BTAGS SU YOD PA YIN NA GDON MI ZA BAR NYE BAR LEN PA KHAS BLANG BAR BYA DGOS LA NYE BAR LEN PA GANG YIN PA DE NYID DU RDUL PHRA RAB TU 'GYUR RO ZHES SMRAS PA DE LA, 'DIR LOG PA'I BSTAN BCOS THOS PA DANG BSAM PA LAS BSGOS PA'I BAG CHAGS YONGS SU SMIN PA DANG, SKAR KHUNG LA SOGS PA'I RDUL SNANG BA'I 'KHRUL BA'I BLO'I RGYU MTSAN YOD PA NYID DO, ,BTAGS PA GANG YIN PA DE NYID RGYUR REGS PA MA YIN TE, BTAGS SU YOD PA MA YIN PAR THAL BAR 'GYUR BA'I PHYIR RO, ,DE LTA MA YIN NA BDAG TU GDAGS PA'I RGYU BDAG NYID YIN PAR 'GYUR GYI, PHUNG PO NI MA YIN NO, ,DE LTA YIN DANG RDUL PHRA RAB BZHIN DU BDAG GDAGS PAR YANG MI 'GYUR RO, ,DE LTAR RE ZHIG RDUL PHRA RAB RNAMS GCIG NYID DU MA GRUB PO, ,DE MA GRUB PAS NA DU MA NYID KYANG MA GRUB STE, DE NI DE BSAGS PA'I BDAG NYID YIN PA'I PHYIR, RDUL PHRA RAB MED PA'I THA SNYAD SGRUB PAR BYED PA'I GTAN TSIGS MA GRUB PA MA YIN NO, ,DE LTAR RE ZHIG PHYI ROL GYI DON DU MA'I RANG BZHIN DANG BRAL BA NYID DU BSGRUBS NAS, DA NI GCIG GI RANG BZHIN DANG BRAL BA NYID DU BSGRUB PA'I PHYIR, RDUL PHRAN MI RIGS PA YI PHYIR, ,ZHES BYA BA LA SOGS PA SMOS SO, ,GANG DAG RAGS PA RDUL PHRA RAB RNAMS KYIS MA BRTZAMS PAR 'DOD PA DE DAG GI LTAR NA 'DI YANG RDUL PHRA RAB BZHIN DU GCIG TU MI RIGS TE, PHYOGS CHA THA DAD PA'I PHYIR DANG, LAG PA LA SOGS PA G-YO BA NA THAMS CAD G-YO BA LA SOGS PAR THAL BAR 'GYUR BA'I PHYIR RO ZHES BYA BA LA NI LAN MANG DU DPYAD PAS GSAL BA'I PHYIR LOGS SHIG TU SUN 'BYIN PA MA BRJOD DO, ,DE'I PHYIR DE LTAR PHYI ROL GYI DON MED PA'I THA SNYAD DU BSGRUB PA NA GCIG DANG DU MA'I RANG BZHIN DU 'GYUR BA MA YIN PA ZHES BYA BA LA SOGS PA'I SBYOR BA LA SOGS PA GTAN TSIGS MA GRUB PA MA YIN PA'I PHYIR PHYI ROL SA LA SOGS PA'I GZUNG BAR BYA BA MED PA'I THA SNYAD DU GRUB PO, ,DE MED NA DE LA LTOS NAS BTAGS PA'I SHES PA'I 'DZIN PAR BYED PA YANG MED PA'I PHYIR RNAM PAR RIG PA

116a

, ,TZAM NYID DU GRUB PO, ,DE'I PHYIR DE LTAR PHYI ROL GYI DON MI 'THAD PA'I PHYIR RNAM PAR RTOG PA TZAM DU BSTAN NAS, DA NI GZUNG BA DANG 'DZIN PA'I MTSAN NYID 'GAL BA NYID DU BSTAN PA'I PHYIR, RNAM PA MED PA DANG RNAM PA BCAS, ,ZHES BYA BA LA SOGS PA SMOS TE, RNAM PA MED PA'AM, RNAM PA DANG BCAS PA'AM, GZHAN GYI RNAM PAS KYANG PHYI ROL GYI DON 'DZIN PAR RIGS PA MA YIN LA, RNAM PA GZHAN YANG YOD PA MA YIN NO, ,DE'I PHYIR PHYI ROL GYI RGYU GZHAN YOD NA YANG SHES PA NI BDAG NYID RIG PA TZAM KHO NA YIN PA'I PHYIR RNAM PAR RIG PA TZAM DU GRUB PO, ,KHA CIG NI SHES PA GZHAN GYI RNAM PA CAN YANG DON GZHAN GYI RNAM PAR RIG PAR 'DOD DE, DPER NA DKAR PO'I RNAM PA CAN GYI SHES PA YANG DUNG SER POR 'DZIN PA YIN NO ZHES GRAGS PA LTA BU'O, ,CI SKAD DU KU M'A RA RI LAS, SKYE BA GCIG PO DE LA NI, ,YUL DU GZHAN GYI BDAG NYID KYI, ,PHYI ROL THAMS CAD DU DMIGS TE, ,DE'I TSE DUS GZHAN DU YANG YIN, ,ZHES SMRAS PA'I PHYIR PHYOGS GSUM PO DGOS PAR BYAS SO, ,'ON TE BDAG RIG PA LA YANG RNAM PA MED PA LA SOGS PA'I RNAM PAR RTOG PA CI'I PHYIR 'JUG PAR MI 'GYUR ZHE NA, RNAM SHES BEMS PO'I ZHES BYA BA LA SOGS PA SMOS TE, GZUNG BA DANG 'DZIN PA'I NGO BOS BDAG NYID RIG PAR 'DOD PA NI MA YIN NO, ,'O NA CI ZHE NA NAM MKHA'I DKYIL DU GNAS PA'I SNANG BA BZHIN DU RANG NYID RANG BZHIN GYIS GSAL BA YIN NO, ,YANG CI'I PHYIR GZUNG BA DANG 'DZIN PA'I NGO BOR MI 'DOD CE NA, GCIG PA CHA MED RANG BZHIN LA, ,ZHES BYA BA LA SOGS PA SMOS TE, GSUM GYI RANG BZHIN NI RIG BYA DANG RIG BYED DANG, RIG PA'I BYE BRAG GIS SO, ,YANG CI STE PHYI ROL GYI BDAG NYID RIG PA BZHIN DU GZUNG BA DANG 'DZIN PA'I NGO BO MED NA YANG RIG PAR 'GYUR RO SNYAM NA, DE'I RANG BZHIN GZHAN LA MED, ,CES BYA BA LA SOGS PA SMOS TE, GAL TE YANG DNGOS PO RNAMS LA MED PA LA SOGS PA LA LDOG PA'I YOD PA LA SOGS PA'I NGO BO GCIG YIN PA DE LTA NA YANG DE DNGOS PO RE RE LA DON DAM PAR THA DAD PA'I PHYIR GCIG NYID DU YOD PA MA YIN

116b

NO ZHE NA, DAM PA'I DON DU ZHES BYA BA SMOS SO, ,GAL TE 'DI SNYAM DU PHYI ROL GYI DON SHES PA LAS THA DAD PA DE LTA NA YANG SHES PA BZHIN DU RIG PAR 'GYUR RO SNYAM DU SEMS NA RTOG PA'I NGO BOR ZHES BYA BA LA SOGS PA SMOS SO, ,DE LTAR RANG RIG PA BSGRUBS NAS, DA NI JI LTAR RNAM PA MED PA'I SHES PAS PHYI ROL RIG PAR MI RIGS PA DE LTAR BSGRUB PA'I PHYIR, SHES PA RNAM BCAS ZHES BYA BA LA SOGS PA SMOS TE, GZUGS BRNYAN NI SHES PA'I RNAM PA'O, ,'DRA BAS NI ZHES BYA BA NI DON DANG 'DRA BA LAS SO, GDAGS PA ZHES BYA BA NI DNGOS MA YIN PA'O, ,'DI YANG ZHES BYA BA NI DE DANG 'DRA BAS NYE BAR GTAGS PAS DNGOS MA YIN PA'O, ,YANG CI STE DPER NA RAL GRIS GLANG PO LA SOGS PA GSOD PA DANG YANG JI LTAR MES BUD SHING SREG PAR BYED LA RAL GRI LA SOGS PA DE DAG GLANG PO LA SOGS PA'I NGO BO YANG MA YIN PA DE BZHIN DU SHES PA YUL GYI RNAM PAR MA THOB KYANG YUL YONGS SU GCOD PAR 'GYUR RO SNYAM NA, BRGYA LA ZHES BYA BA LA SOGS PAS DOGS PA BSU BA YIN NO, ,'DI ZHES BYA BA NI SHES PA 'DI'O, ,SOGS PA'I SGRAS NI DPER NA SGRON MA LA SOGS PA SNGON PO LA SOGS PA GSAL BAR BYED PA LA SOGS PA BZUNG NGO, ,'DI MI MTSUNGS DPE ZHES BYA BA LA SOGS PAS LAN BSHAD PA YIN TE, RAL GRI LA SOGS PA NI GLANG PO LA SOGS PA'I SKYED PAR BYED PA YIN PAS NA GCOD PAR BYED PA LA SOGS PA NYID DU GRAGS TE, RAL GRI LA SOGS PA'I SOGS BRGYAB PA NA GLANG PO KHYAD PAR CAN GYI TSIGS THA DAD PA SKYE BA DANG, DE BZHIN DU ME DANG PHRAD PA LAS BUD SHING SOL BA LA SOGS PA'I NGO BOR SKYE LA, DE BZHIN DU BUM PA LA SOGS PA YANG SNANG BA'I DBANG GIS SHES PA SKYED PAR RUNG BA NYID DU 'GYUR BA DE LTAR SHES PAS YUL LA PHAN PA 'GA' ZHIG BYED PA NI MA YIN GYI, 'ON KYANG YUL NYID KYIS RNAM PAR SHES PA'I KHYAD PAR BSKYED PAR BYA BA YIN PA'I PHYIR JI LTAR CUNG ZAD KYANG MI BYED PA DE'I RIG PAR BYED PAR 'GYUR, 'DI MIG LA SOGS PA RIG PAR BYED PAR YANG 'GYUR DU 'ONG BAS SHES PA DE'I 'BRAS BU NYID DE'I RIG PAR BYED PAR BRTAGS PAR RIG PA YANG MA YIN NO, ,BTZUN PA DGE SRUNGS NA RE, RNAM PAR SHES

117a

, ,PA'I YUL GYI RNAM PA MA THOB NA YANG YUL RTOGS PAR BYED PA YIN TE, DE YONGS SU GCOD PA'I NGO BO YIN PA'I PHYIR RO, ,DE LTA BAS NA JI LTAR YONGS SU GCOD CING CI DANG 'DRA BAR YONGS SU GCOD CES DOGS PAR BYA BA MA YIN NO ZHES ZER RO, ,YANG SMRAS PA, GAL TE JI LTAR DE 'DZIN BYED, ,DE YANG GCOD PA'I MTSAN NYID KYI, ,SHES PA DE PHYIR JI LTAR DANG, ,CI 'DRA BAR ZHES DOGS MI BYA, ,ZHES SO, ,DE'I PHYIR 'DI LA, GANG TSE GZUNG BYA SHES PA YI, ,ZHES BYA BA LA SOGS PA SMOS TE, THA DAD PA'I DON YONGS SU GCOD PA'I BDAG NYID DU GRUB NA 'DI THAMS CAD DU 'GYUR NA DE NYID GRUB PA MA YIN TE, 'DI LTAR ZHES PA NI YOD PA TZAM GYIS YONGS SU GCOD PA MA YIN TE, THAMS CAD YONGS SU GCOD PAR THAL BAR 'GYUR BA'I PHYIR RO, ,DE'I 'BRAS BU NYID KYIS KYANG MA YIN TE, MIG LA SOGS PA YANG GCOD PAR 'GYUR BA'I PHYIR RO, ,GANG GIS DE DANG 'DRA BAS KYANG DES RIG PA BTAGS PAR 'GYUR BA RNAM PA DANG BCAS PA NYID KYIS KYANG MA YIN NO, ,DE LTA BAS NA GZUNG BAR BYA BA YONGS SU GCOD PA GANG YIN PA DE GAL TE SHES PA'I NGO BOR GYUR PA DE LTA NA SHES PA DON YONGS SU GCOD PA'I NGO BOR 'GYUR RO, ,DE LTA MA YIN NA JI LTAR SHES PA DON YONGS SU GCOD PA'I NGO BO NYID YIN ZHES BYA BA GSAL BOR BRJOD PAR GYIS SHIG ,DE LTA YIN DANG DON YONGS SU GCOD PA LAS MA GTOGS PA'I SHES PA'I BDAG NYID THA MI DAD PAR GRUB PA'I PHYIR RNAM PAR RIG PA TZAM NYID DU GRUB PO, ,'DI SNYAM DU GANG GIS DON KHO NA YONGS SU GCOD LA, DE YANG 'DI LTA BU ZHIG GO, ,ZHES BSTAN PAR MI NUS PA 'DI LA KHYAD PAR CI ZHIG YOD CE NA, DE LTAR DON RIG MA BSTAN PAR, ,ZHES BYA BA SMOS TE, 'GYUR RO ZHES BYA BA LHAG MA'O, ,GAL TE YANG THUN MONG MA YIN PA'I DNGOS PO THAMS CAD BSTAN PAR MI NUS PA DE LTA NA YANG BTAGS PA'I KUN RDZOB TU SMRAS PA NYID YIN NO, ,DE LTA MA YIN NA GZUGS LA SOGS PA RNAMS KYI KHYAD PAR YANG BRJOD PAR BYA BA MA YIN PAR 'GYUR RO, ,DE LTAR NGES PAR MA BZUNG BA'I NGO BOS SHES PA DON RIG PAR BYED PA YIN PA'I PHYIR GSAL POR THE TSOM MI ZA BAR BSTAN PAR 'GYUR RO, ,DE LTA BAS NA

117b

RNAM PAR MA DPYAD PA'I NGO BOS DNGOS PO RNAM PAR 'JOG PA NA DNGOS PO RNAMS LEGS PAR RNAM PAR GZHAG PA YIN PA'I PHYIR 'DI NI CI YANG MA YIN NO, ,'DI SNYAM DU GCAD PAR BYA BA DON MED PA NA 'DI GANG GIS YONGS SU GCOD PAR BYED PAR 'GYUR SNYAM DU SEMS NA, DE NI GANG GI ZHES BYA BA LA SOGS PA SMOS TE, DE'I BDAG NYID DE GSAL BA'I BDAG NYID DU YONGS SU GCOD PA ZHES BRJOD DE, DPER NA BDE BA LA SOGS PA NYID KYIS SIM PA NYID CES BYA BA BZHIN NO, ,BDE BA'I ZHES BYA BA THA DAD DU BSTAN PA TZAM GYIS SIM PA NYID DE LA GZHAN DU 'GYUR BA MA YIN NO, ,DE LTA BAS NA GAL TE YANG SNGON PO'I YONGS SU GCOD PA YIN GYI SER PO'I MA YIN NO ZHES THA DAD PA LTA BUR BSTAN PA DE LTA NA YANG DE NI RANG BZHIN NYID YIN NO, ,DE BZHIN DU SNGON PO LA SOGS PA'I NGO BOR GSAL BA BZHIN PA NYID DE SKAD DU BRJOD DE, SHES PA NI RANG RIG PA'I NGO BO NYID YIN PA'I PHYIR RO, , CI STE GANG GI MTHUS DE SKAD CES BRJOD PAR BYA BAR RANG RIG PA'I DON 'DI CI ZHIG CE NA, RANG GI NGO BO RIG BYA LA, ,ZHES BYA BA LA SOGS PA SMOS SO, ,GAL TE DON RTOGS BYA PHYIR RTZOL, ,ZHES BYA BA LA SOGS PAS RANG GIS NGO BO RIG PAR BYA BA LA LTOS PA MED PA ZHES BYA BA 'DI LA GZHON NU MA LEN GYI KLAN KA DOGS PAR BYED PA YIN TE, DE NA RE GAL TE YANG SHES PA GSAL BA'I BDAG NYID YIN PA DE LTA NA YANG BDAG NYID GSAL BAR BYA BA'I GZHAN LA LTOS PA MED PA YIN GYI RANG GI BDAG NYID RTOGS PA DE SHES PA NI MA YIN TE, DE NI DON GSAL BA NYID BYA BA DANG LDAN PA'I PHYIR RO, , GCIG LA BYA BA DANG LDAN PA DE YONGS SU MA SPANGS PAR DE NYID KYI TSE GZHAN DU BYA BA DANG LDAN PA RIGS PA MA YIN NO, ,'DIR SGRON MAS 'KHRUL PA NYID DU DOGS NAS PHYOGS GZHAN BSHAD PA NI, 'DI 'DRA BA NYID CES BYA BA LA SOGS PA'O, ,BDAG NYID GSAL BA MED NA 'DI'I PHYI ROL GSAL BA NYID KYANG JI LTAR RNAM PAR GZHAG CE NA, DPER NA ZHES BYA BA LA SOGS PA SMOS TE, DPER NA BDAG NYID GSAL BA MED NA YANG MIG LA SOGS PA RNAMS GZUGS LA SOGS PA'I YUL LA GSAL BA NYID DU RNAM PAR GZHAG PA DE BZHIN DU 'DIR YANG STE SHES PA LA YANG 'GYUR RO, ,'DI

118a

, ,SNYAM DU BDAG NYID KYIS NYE BAS YONGS SU SPANGS NAS CI'I PHYIR PHYI ROL KHO NA GSAL BAR BYED SNYAM DU SEMS NA, PHYI ROL DON LA ZHES BYA BA LA SOGS PA SMOS SO, ,CI'I PHYIR BDAG GSAL BA LA NUS PA MED CE NA, DNGOS PO RNAMS KYI ZHES BYA BA SMOS TE, JI SKAD DU ME NI SREG BYED NAM MKHA'I MIN, ,'DI LA RGAL DU CI ZHIG YOD, ,CES BSHAD PA YIN NO ZHES ZER RO, ,'ON TE ZHES BYA BA LA SOGS PAS LAN 'DEBS PAR BYED PA YIN TE, GANG YANG DON RTOGS BYA PHYIR RTZOL, ,ZHES GANG SMRAS PA DE YANG 'BREL PA MED PA YIN TE, DON RIG PA NI SHES PA LAS GZHAN MA YIN TE, 'DI LTAR RIG PA DANG DMIGS PA DANG DON RNAM PAR RIG PA ZHES SHES PA NYID RNAM GRANGS DE DAG GIS BRJOD PA YIN NO, ,DE LA NI DON RIG PA LA'O, ,DE'I BDAG NYID DU GYUR NA NI SHES PA'I BDAG NYID DU GYUR PA NA'O, ,GANG GIS DON RIG PA LA BYA BA DANG BCAS PA ZHES BYA BAR 'GYUR PA NA BDAG NYID LAS THA DAD PA SHES PA DON RIG PA'I BDAG NYID KYI BYA BAR 'GYUR BA GZHAN CI 'DRA BA ZHIG YIN, BDAG NYID LA BYA BA DANG LDAN PAR RIG PA MA YIN NO, ,'DI SNYAM DU GANG GIS SHES PA DANG DON RIG PA DAG RNAM GRANGS PA NYID DU 'GYUR BA JI LTAR DON RIG PA SHES PA'I BDAG NYID YIN SNYAM DU SEMS NA, DON NI NYAMS MYONG NGO BO NYID, ,CES BYA BA LA SOGS PA SMOS TE, 'DI NI DON NYAMS SU MYONG BA'I NGO BO STE, RANG BZHIN KHAS BLANG BAR BYA STE, ,DE LTA MA YIN NA CI LTAR SHES PA DE LA BYA BA DANG BCAS PAR 'GYUR, MED PA RI BONG GI RVA LA SOGS PA LA BYA BA 'GA' ZHIG RIGS PA NI MA YIN NO, ,DE LTA YIN DANG DE'I DON NYAMS SU MYONG BA'I BDAG NYID KYI NGO BO STE RANG BZHIN GAL TE SHES PA LA THA DAD PAR GYUR NA DE'I TSE SHES PA LAS DON NYAMS SU MYONG BA, DE DON NYAMS SU MYONG BA'I BDAG ,'DI 'DRA BA NYID GSAL BA NYID, ,CES GANG BSHAD PA DE RIGS PA NYID DU 'GYUR RO; ;RES 'GA' GZHAN 'DON BZHIN PA DAG ,SHES PA DON NYAMS MYONG BA LAS, ,THA DAD KHAS LEN BYED NA YANG, ,DE YANG MED CES BYA BA SMOS TE, DE NI SHES PA LAS THA DAD PA NYID KYI NYAMS SU MYONG BA'O, ,KHAS BLANGS NA NI SHES PA'I BDAG NYID RIG PA DANG BRAL BA'I MTSAN NYID KHAS

118b

BLANGS PA'O, ,DE YONGS SU DOR BAR THAL BAR 'GYUR BA NI SHES PA NYAMS SU MYONG BA LAS THA DAD PAR KHAS LEN NA RANG RIG PAR THAL BAR 'GYUR BA'I PHYIR RO, ,'DI SNYAM DU SHES PA DON NYAMS SU MYONG BA'I BDAG NYID YIN PA'I PHYIR GSAL BA NYID DU MI 'DOD DO, ,'O NA CI ZHE NA, NYAMS SU MYONG BA'I BDAG NYID GSAL BA YIN PA 'BA' ZHIG GI PHYIR RO ZHES 'CHAD PA NI, DE RANG LAS ZHES BYA BA SMOS TE, GAL TE SHES PA DE NYAMS SU MYONG BA'I BDAG NYID KHO NAR SKYE BA YIN GYI, DON NYAMS SU MYONG BA'I BDAG NYID MA YIN PA DE LTA NA YANG 'DI NI SNGON PO'I RIGS PA YIN GYI, SER PO'I NI MA YIN NO ZHES BYA BA LA SOGS PA THA DAD DU DON RIG PAR GRUB PAR MI 'GYUR RO, ,CI'I PHYIR GRUB PAR MI 'GYUR ZHE NA, JI LTAR SHES PA ZHES BYA BA LA SOGS PA SMOS TE, GZHAN LA ZHES BYA BA NI RNAM PA DANG LDAN PA NI PHYI ROL GYI DON YIN LA, BLO NI RNAM PA MED PA YIN NO ZHES BYA BA GANG GI LTA BA YIN PA'I RNAM PA MED PA'I SHES PA SMRA BA LA'O, ,DE DON NYAMS SU MYONG BA'I BDAG ,'DI 'DRA BA NYID GSAL BA NYID, ,CES GANG SMRAS PA 'DI LA, GAL TE 'DI NI ZHES BYA BA LA SOGS PA SMOS TE, GAL TE SHES PA BEMS PO'I NGO BO NYID KYIS BDAG NYID RIG PAR BYED PA MA YIN PA DE'I TSE DE RANG LAS MNGON SUM MA YIN PA NA, DON NYAMS SU MYONG BA YANG MNGON SUM MA YIN PA NYID DU YANG MI 'THAD DO, ,'DI SNYAM DU GAL TE SHES PA MNGON SUM MA YIN NA CI'I PHYIR DON NYAMS SU MYONG BA YANG MNGON SUM DU 'GYUR, GZUGS MNGON SUM MA YIN PAS NI SGRA YANG MNGON SUM MA YIN PA NYID DU 'GYUR BA NI MA YIN NO SNYAM DU SEMS NA, SHES PA NYID NI ZHES BYA BA LA SOGS PA SMOS TE, SHES PA NYAMS SU MYONG BA MA GTOGS PAR GZHAN GYI NGO BO NGES PAR GZUNG BA YOD PA MA YIN NO, ,GZHAN NYID DU NGES PA SNGON DU 'GRO BA NGES PAR MA BZUNG BAR THA SNYAD BYED NA CI LTAR RANG DANG GZHAN DAG SLU BAR BYED SHES PA DE'I NGO BO MA GRUB PA NA DE'I DON NYAMS SU MYONG BA GZHAN GANG ZHIG GRUB PA YIN TE, 'GA' YANG MA YIN NO, ,YANG CI STE SHES PA GZHAN GYIS DE GRUB PAR 'GYUR RO SNYAM NA, RANG GIS MA MYONG ZHES BYA BA LA SOGS PA SMOS TE, GRUB PA NI SHES PA STE MA GRUB PA'O, ,GSAL BA

119a

, ,MA GRUB PA NI GSAL BA ZHES BYA BAR RIGS PA MA YIN NO, ,'DI LTAR RE ZHIG BDAG NYID DON NYAMS SU MYONG BA'I DUS NA GRUB PA MA YIN TE, DE'I GSAL BA NYAMS SU MYONG BA'I RANG BZHIN DE'I DUS NA MA GRUB PA'I PHYIR RO, ,DE GANG GI TSE 'GRUB PAR 'GYUR BA BRJOD PAR BYA DGOS SO; ;DE'I SHES PA'I SHES PA SKYES PA NA STE, RANG GI SHES PA'I SHES PA SKYE BA'I DUS SU 'GRUB PAR 'GYUR RO ZHE NA, DE NI LEGS PAR SMRAS PA YIN TE, GANG ZHIG RANG NYAMS SU MYONG BA'I DUS NA MA GRUB PA DE JI LTAR GZHAN NYAMS SU MYONG BA'I DUS NA GRUB PAR 'GYUR, GAL TE THUG PA MED PAR MI 'GYUR NA GRUB PAR 'GYUR BA ZHIG NA DE NI BZLOG PAR DKA'O ZHES BSTAN PA'I PHYIR, DE'I YANG NYAMS MYONG MA GRUB NA, ,ZHES BYA BA LA SOGS PA SMOS TE, DE'I ZHES BYA BA NI DON SHES PA'I SHES PA GNYIS PA'O, ,DANG PO ZHES BYA BA NI DON NYAMS SU MYONG BA'O, ,MA GRUB PA NYID CES BYA BA NI 'DI LA GRUB PA MED PAS MA GRUB PA STE, DE'I DNGOS PO NI MA GRUB PA NYID DO, ,GZHAN YANG GAL TE SHES PA GZHAN GYIS NYAMS SU MYONG BAR KHAS LEN PAR BYED PA DE'I TSE SHES PA GZHAN DE LA YANG BDAG LA SHES PA'I SHES PA SKYES SO ZHES DRAN PA SKYE BA NYID YIN LA DE YANG GZHAN GYIS NYAMS SU MYONG BAR BRJOD PAR BYA STE, NYAMS SU MYONG BA LA NI DRAN PA SKYE BAR RIGS PA MA YIN NO, ,DE LTA YIN DANG LAS MED PA SU ZHIG SHES PA'I PHRENG BA 'DI DAG SKYED PAR BYED CES BYA BAR BRJOD PAR BYA DGOS SO, ,RE ZHIG DON NI MA YIN TE, DE NI RTZA BA'I SHES PA'I YUL YIN PA'I PHYIR RO, ,DBANG PO DANG SNANG BA DAG KYANG MA YIN TE, DE DAG NI DBANG PO'I SHES PA NYID LA NYE BAR SBYOR BA'I PHYIR RO, ,RGYU MTSAN MED PA YANG MA YIN TE, RTAG TU YOD PA LA SOGS PAR THAL BAR 'GYUR BA'I PHYIR RO, ,BLO SNGA MA DE NYID BLO PHYI MA SKYED PAR BYED DO ZHE NA, DE BZHIN YUL GZHAN LA 'PHO BAR, ,ZHES BYA BA LA SOGS PA SMOS TE, DE LTA NA NI YUL GZHAN LA 'PHO BAR MI 'GYUR TE, 'DI LTAR, BLO SNGA MA SNGA MA SHES PA PHYI MA PHYI MA'I YUL GYI NGO BOS NYE BAR LEN PA'I RGYU YIN PA NYID KYIS NYE BA NYID DU RNAM PAR GZHAG PA'I NYE BAR BRJOD PA DE 'DRA BA SPANGS NAS JI LTAR MI NYE BA'I DON 'DZIN PAR

119b

BYED PA YIN, DON NYE NA YANG DE LA GEGS BYED PAR NUS PA YANG MA YIN TE, DE NI MI NYE BA NYID YIN PA'I PHYIR RO, ,GAL TE MI NYE YANG GEGS BYED PA YIN PA DE'I TSE NAM YANG 'GA' LA YANG BLO NYAMS SU MYONG BAR MI 'GYUR RO, ,DON GANG ZHIG MI NYE BA'I GNAS SKABS DE NI 'GA' YANG YOD PA MA YIN PA'I PHYIR DON MI NYE BA YIN NO ZHES BYA BA'I DRAN PA YANG 'CHAD PAR 'GYUR TE, NYAMS SU MYONG BA MED PA'I PHYIR RO, ,GZHAN YANG GANG DAG 'DAS PA LA SOGS PA'I RNAM PAR RTOG PA'I YUL NYE BA MED PAR 'BYUNG BA DE DAG LA 'PHO BA'I RGYU MED PA'I PHYIR RNAM PAR RTOG PA'I RGYUD LA 'KHOR BA JI SRID PAR GNAS PA'I PHYIR SUS KYANG DON SHES PAR MI 'GYUR RO, ,DON GZHAN LA 'PHO BA MI 'THAD PA YIN DU CHUG MOD, DE LTA NA YANG MTHA' SHES PA GANG YIN PA DE SU ZHIG GIS NYAMS SU MYONG BAR BYED CES BYA BA BRJOD PAR BYA DGOS SO, ,YANG CI STE BLO PHYI MA 'DI NYID DON GZHAN 'DZIN PA'I BLO SNGA MA DANG DON GNYI GA 'DZIN PA YIN NO SNYAM NA, 'DI LTAR SGRA'I SHES PA'I MJUG THOGS SU GZUGS 'DZIN PA'I SHES PA 'BYUNG BA DE'I TSE GZUGS 'DZIN PA'I SHES PA DE LA SGRA'I SHES PA SNANG BA'I PHYIR DE LA SNANG BA'I SGRA YANG SNANG BAR 'GYUR RO, ,GANG GI LTAR NA SHES PA RNAM PA MED PA DE'I LTAR NA YANG SGRA 'DZIN PA MED PAR DE 'DZIN PAR BYED PAR 'DZIN PAR MI RIGS TE, DBYIG PA 'DZIN PA MED PAR DE 'DZIN PA BYED PA'I DBYIG PA CAN MI 'DZIN PAR RIGS SO ZHES BYA BAS GZUGS 'DZIN PA'I RNAM PAR SHES PA LA SGRA YANG SNANG BAR 'GYUR RO, ,DE BZHIN DU BSAM PA'I SHES PA LA YANG JI SKAD DU BSHAD PA'I TSUL GYIS YI GE AA LA SOGS PA'I YUL CAN GYI MNGON PAR BRJOD PA GNYIS GCIG LA RIM MA YIN PAR 'GYUR RO, ,'DI LTAR GANG GI TSE YI GE AI SEMS PA'I DE MA THAG TU YI GE AA SEMS PAR BYED PA DE'I TSE DE'I YI GE AA SEMS PAR BYED PA'I SHES PA AI 'DZIN PAR BYED PA YANG SEMS PAR BYED PA'I PHYIR RANG GI SHES PA LA SNANG BA'I YI GE AI'I BRJOD PA YI GE AA'I BRJOD PA'I SHES PA LA YANG SNANG BAR 'GYUR RO, ,GZHAN YANG DNGOS PO THAMS CAD LA LAN GNYIS SU SNANG BAR 'GYUR TE, RANG GI SHES PA'I DUS SU DANG RANG GI RIG PAS SHES PA'I DUS SU SNANG BA'I PHYIR RO, ,DE LTAR SNANG BA YANG YOD PA MA YIN PA'I

120a

, ,PHYIR BLO PHYI MAS GNYIS 'DZIN PA NI MI RIGS PAS SMRAS PA YIN NO, ,YANG CI STE MA'I SHES PA GCIG PO DE NYAMS SU MA MYONG BA DANG MA DRAN PAR 'GYUR MOD, SKYON CIR 'GYUR SNYAM NA, SPYOD YUL GZHAN DU 'PHO BA CAN, ,ZHES BYA BA LA SOGS PA SMOS TE, RANG RIG PA KHAS MI LEN PA'I PHYIR RANG LAS MA YIN LA THUG PA MED PA'I NYES PAS GZHAN LAS KYANG MA YIN NO, ,'DI'I MTHA' MA GRUB PA NA SNGA MA SNGA MA YANG MA GRUB STE, DMIGS PA MNGON SUM MA YIN PA'I PHYIR RO, ,DE LTAR NA DON YANG MA GRUB PA'I PHYIR NAM YANG 'GA' YANG DMIGS PAR MI 'GYUR RO, ,DE LTAR YIN DANG 'GRO BA MTHA' DAG LONG BA NYID DU 'GYUR RO, ,CI SE JI SKAD BSHAD PA'I NYES PAS 'JIGS NAS, THA MA RANG LAS TE RANG RIG PAS GRUB PAR KHAS LEN PAR BYED NA DE'I TSE, DE KHO NA BZHIN DU THAMS CAD SHES PA NYID DU KHYAD PAR MED PA'I PHYIR RANG RIG PA YIN LA RAG MOD, SBYOR BA NI GANG ZHIG SHES PA YIN PA DE NI BDAG NYID RIG PA LAS GZHAN GYI BYED PA LA LTOS PA MA YIN TE, SHES PA YIN PA'I PHYIR MTHA'I SHES PA BZHIN NO, ,RTZOD PA'I GZHIR GYUR PA YANG SHES PA YIN NO ZHES BYA BA NI RANG BZHIN GYI GTAN TSIGS SO, ,DE LTA MA YIN NA GANG ZHIG RANG LAS MA GRUB PA DE NI BUM PA LA SOGS PA BZHIN DU GZUGS KYI YUL CAN GYI SHES PA NYAMS PAR 'GYUR RO ZHES BYA BA NI GNOD PA CAN GYI TSAD MA'O, ,MIG LA SOGS PA GSAL BYED PAR, ,RNAM PAR GZHAG PA MTHONG BA LTAR, ,ZHES BYA BA 'DI LA, MIG NI GZUGS LA ZHES BYA BA LA SOGS PA SMOS TE, MIG NI GZUGS KYI YUL CAN GYI SHES PA SKYED PA NA GZUGS KYI GSAL BAR BYED PA BRJOD KYI, RNAM PAR SHES PA NI GZUGS LA CUNG ZAD KYANG BYED PA MA YIN TE, GZUGS NYID DE SKYED PAR BYED PA'I PHYIR RO, ,CUNG ZAD KYANG MI BYED PA NI GSAL BAR BYED PAR RIGS PA YANG MA YIN TE, HA CANG THAL BAR 'GYUR BA'I PHYIR RO, ,DES NA NI DE'I PHYIR RO, ,MTSUNGS PA NI 'DRA BA'O, ,GANG ZHIG RIG PA ZHES BYA BA LA SOGS PAS SNGON PO'I RNAM PA DANG DE'I BLO DAG THA MI DAD PAR BSGRUB PAR BYA BA'I PHYIR, SHES PA RNAM PA MED PAR SMRAS PA LA TSAD MA BYED PA YIN TE, GANG NI RIG PA STE GANG ZHIG

120b

RIG PA NA GANG RIG PA DE NYID NGES PAR GZHAN MA YIN TE, DE LTA BAS NA DANG PO'I GANG ZHIG GI SGRAS BRJOD PAR BYA BA'I THA MI DAD PA NYID DU NGES PA DE NI GCIG TU GANG GI SGRA GNYIS PA'I BRJOD PAR BYA BA YIN NO, ,YANG NA BZLOG NAS THA MI DAD PA NI BSGRUB PAR BYA BA'O, ,'DI SKAD DU BSTAN PA YIN TE, GANG ZHIG GANG LAS LOGS SHIG MA YIN PAR RIG PA NYID DE NI DE LAS THA MI DAD PA YIN TE, DPER NA SNGON PO'I BLO RANG GI RANG BZHIN YIN PA LTA BU'AM, YANG RAB RIB CAN GYI SHES PA LA SNANG BA'I ZLA BA DE ZLA BA GNYIS PA BZHIN NO, ,RIG PA 'DI LA YANG SNGON PO'I BLO YIN NO ZHES BYA BA NI PHYOGS LA CHOS NYE BAR BSDUS PA'O, ,CHOS CAN 'DI LA SNGON PO'I RNAMS PA DANG DE'I BLO DE DAG THA MI DAD PA NI BSGRUB PAR BYA BA'I CHOS SO, ,JI SKAD DU BSHAD PA'I LHAN CIG DMIGS PA NGES PA NI GTAN TSIGS SO, ,SLOB DPON GYIS LHAN CIG DMIGS PA NGES PA'I PHYIR ZHES BYA BA'I SBYOR BA LA GTAN TSIGS KYI DON 'DI 'DRA BAR 'DOD DO, ,DE LA BTZUN PA DGE SRUNGS NA RE, GTAN TSIGS 'DI 'GAL GANG GI PHYIR, ,'JIG RTEN 'DI NA LHAN CIG SGRA, ,GZHAN MED PAR NI GANG NA'ANG MED, ,GAL TE LHAN CIG RIG YOD NA, ,DE'I PHYIR GTAN TSIGS 'DI 'GAL LO, ,ZHES ZER BA DE NI YANG DAG PA MA YIN TE, GANG ZHIG MI MTHUN PA'I PHYOGS KHO NA LA YOD PA DE NI GTAN TSIGS 'GAL BA YIN LA, 'DI MI MTHUN PA'I PHYOGS KHO NA LA YOD PA MA YIN TE, MTHUN PA'I PHYOGS LA YANG YOD PA'I PHYIR RO, ,'DI LTAR ZLA BA GNYIS LHAN CIG DMIGS PAR 'JIG RTEN NA MNGON PAR 'DOD MOD KYI, DE DAG DON DAM PAR THA DAD PA YOD PA MA YIN NO, ,DE LTAR YANG SMRA BA PO KHO BOS ZLA BA GNYIS DMIGS SO ZHES BYA BAR 'GYUR BA YIN NO, ,DE BZHIN DU 'DI LA YANG SHES PA LAS THA MI DAD KYANG PHYI ROL LTA BUR SNANG BA'I RNAM PA GNYIS PAR BYAS NAS BRTAGS PA'I THA DAD PA'I RGYU MTSAN CAN GYI LHAN CIG PA'I SGRA SBYONG BA YIN NO, ,GANG LAS GTAN TSIGS 'GAL BAR 'GYUR BA GANG GIS LHAN CIG PA'I SGRA SBYONG BA TZAM GYIS DNGOS PO DANG 'BREL BA'I RTAGS GZHAN NYID DU 'GYUR BA SGRA LAS BYUNG BA'I THA SNYAD THAMS CAD DNGOS PO JI LTA BA BZHIN DU 'JUG PA NI MA YIN NO, ,YANG DE NYID NA RE, GAL TE LHAN CI

121a

, ,GI SGRA DON GCIG YIN PA DE'I TSE GTAN TSIGS MA GRUB PA YIN TE, 'DI LTAR GAR DANG ZLA BA DANG GYAD LA LTA BA DAG LA, LTA BA PO GCIG KHO NAS DMIGS PA'AM, SNGON PO LA SOGS PA LA YANG SNGON PO DANG DE DMIGS PA DAG GCIG KHO NA LAS DMIGS PA MA YIN TE, 'DI LTAR SNGON PO DMIGS NA YANG RGYUD GZHAN DU GTOGS PA'I DE DMIGS PA RNAMS MA DMIGS PA'I PHYIR RO, ,YANG GANG GI TSE SROG CHAGS THAMS CAD KYI SEMS KYI RGYUD THAMS CAD MKHYEN PAS SEMS PA DE'I TSE JI LTAR GCIG KHO NAS DMIGS PAR GRUB PAR 'GYUR, GZHAN YANG GZHAN GYIS DMIGS PA BKAG PA NA GCIG GIS DMIGS PA NGES PAR GRUB PAR GYUR NA, GZHAN GYIS DMIGS PA DGAG PA SRID PA YANG MA YIN TE, RANG BZHIN GYIS BSKAL BA NI BSGRUB PA DANG DGAG PAR MI RIGS PA'I PHYIR RO, ,YANG LHAN CIG PA'I SGRA DUS GCIG LA BRJOD PAR 'DOD PA DE'I TSE, DUS GCIG BRJOD PAR 'DOD PA YIS, ,SANGS RGYAS MKHYEN PAR BYA SEMS DANG, ,SEMS DANG SEMS LAS BYUNG RNAMS KYIS, ,KUN DU GTAN TSIGS MA NGES SO, ,JI LTAR SANGS RGYAS BCOM LDAN 'DAS KYIS MKHYEN PAR BYA BA'I RGYUD GZHAN GYI SEMS GANG YIN PA DE DANG SANGS RGYAS KYI YE SHES 'DI LHAN CIG DMIGS PA NGES PA YIN PA NA YANG SNA TSOGS PA NYID YIN PA DANG DE BZHIN DU SEMS DANG SEMS LAS BYUNG BA RNAMS LHAN CIG DMIGS PA NGES PA YIN NA YANG GCIG NYID MA YIN PAS DE'I PHYIR GTAN TSIGS MA NGES PA YIN NO ZHES ZER BA DE THAMS CAD YANG DAG PA MA YIN TE, 'DIR GCIG KHO NAS DMIGS PA NI GCIG DMIGS PA ZHES BYA BA'I DON 'DI MNGON PAR 'DOD PA MA YIN NO, ,'O NA CI ZHE NA, SHES PA DANG SHES BYA DAG NI PHAN TSUN GCIG NYID DU DMIGS PA YIN GYI, LOGS SHIG TU NI MA YIN NO ZHES BYA BA YIN TE, SHES PA DMIGS PA GANG YIN PA DE KHO NA SHES BYA DMIGS PA YIN LA SHES BYA DMIGS PA GANG YIN PA DE KHO NA SHES PA DMIGS PA'I YIN NO ZHES BYA BA'I THA TSIG GO, ,GANG ZHIG SHES BYA DMIGS PA'I BDAG NYID SHES BYA DMIGS PA MA YIN PA DANG, GANG ZHIG SHES PA DMIGS PA'I BDAG NYID MA YIN PA GANG DANG ZLA BA DANG GYAD LA LTA BA DAG LA

121b

SHES PA DMIGS PA 'GA' ZHIG KYANG YOD PA MA YIN PA'I PHYIR GANG LAS MA GRUB PA NYID YIN, THE TSOM ZA BA YANG MA YIN TE, 'DI LTAR SHES PA'I BDAG NYID RIG PA GANG YIN PA DE NYID KYI DON YIN NO ZHES PHYI ROL GYI DON SMRA BA GZHAN GYIS KYANG KHAS BLANGS PA YIN NO, ,'DIS NI GCIG KHO NA DMIGS PA ZHES DE LTAR BRTAGS NAS MA GRUB PAR SMRAS PA GANG YIN PA DE'I PHYOGS KHAS MA BLANGS PA NYID KYIS GSAL BAR BLTA BAR BYA'O, ,SANGS RGYAS BCOM LDAN 'DAS KYI THUGS KYIS GZHAN GYI RGYUD LA 'JUG PA'I SEMS KYI SKAD CIG NGES PA YANG MA YIN TE, BCOM LDAN 'DAS DE NI SGRUB PA THAMS CAD SPANGS PAS GZUNG BA DANG 'DZIN PA'I DRI MA DANG BRAL BA'I PHYIR RO, ,JI SKAD DU, DE LA GZUNG BYA MED CING 'DZIN PA YOD MA YIN, ,DE PHYIR SHES PA GZHAN GYIS GZUNG BYA NA YANG STONG, ,ZHES BSHAD PA LTA BU STE PHYIN CI MA LOG PA BSGRUB PA NI BDAG PO TZAM GYI YIN NO, ,JI SKAD DU, SNGON GYI SMON LAM GYIS BSGOS PAS RTAG TU GZHAN GYI BYA BA LA LHUN GYIS GRUB PAR 'JUG GO ZHES BSHAD PA LTA BU'O, ,'ON TE SLOB DPON CHOS KYI GRAGS PAS YUL SHES PA'I RGYU NYID KYIS NYE BA NA SNGAR DMIGS LA, PHYIS RIG PA'O ZHE NA ZHES DE LTAR PHYOGS SNGA MA BSTAN NAS, 'DIR LHAN CIG PA'I SGRA NI DUS GCIG PA'I DON DU BSTAN GYI, THA MI DAD PA'I DON NI MA YIN TE, DUS GCIG BRJOD PAR 'DOD PA NA GZHAN LA DUS THA DAD DU BSTAN PAR RIGS KYI, THA MI DAD NA NI MA YIN NO ZHE NA MA YIN TE, DUS THA DAD PA LA DNGOS PO THA DAD PAS KHYAB PA'I PHYIR RO, ,DUS THA DAD DU BSTAN PA NI, DMIGS PA SNA TSOGS NYID DU BSTAN PA'I DON NYID DU CHES RIGS TE, KHYAB PAR BYA BA KHYAB PAR BYED PA LA MI 'KHRUL BA'I PHYIR RO, ,SANGS RGYAS KYI MKHYEN PAR BYA BA'I SEMS KYIS GTAN TSIGS MA NGES PA YANG MA YIN TE, 'DI LTAR DE LA GCIG LA DMIGS PA NGES PA YOD PA MA YIN TE, THAMS CAD KYI RANG RANG SO SOR RIG PA'I PHYIR RO, ,DE NYID KYI PHYIR SEMS DANG SEMS LAS BYUNG BA RNAMS KYIS KYANG 'KHRUL BA MA YIN TE, DE DAG KYANG SO SOR BDAG NYID RIG PA YIN PA'I PHYIR RO, ,CI STE BCOM LDAN 'DAS KYI THUGS KYIS GZHAN GYI SEMS MKHYEN PA YIN DU CHUG MOD DE LTA NA YANG MA NGES PA NYID MA YIN TE, NGES PAR LDOG PA'I PHYIR RO, ,GANG

122a

, ,DAG PHAN TSUN DMIGS PA SNA TSOGS PA NYID SRID PA GANG YIN PA DE NI NGES PAR LDOG PA YIN GYI, DMIGS PA DANG, RGYUD GZHAN DANG, DUS THA DAD PAS RANG GI MTSAN NYID SNA TSOGS PA NYID NI MA YIN NO, ,DES NA DON 'DIR 'GYUR TE, GANG DMIGS PA KHO NAN GANG DMIGS KYI GZHAN DU YANG MA YIN PA'I PHYIR, BCOM LDAN 'DAS KYI YE SHES DMIGS PA KHO NA RGYUD GZHAN DU GTOGS PA'I SEMS DMIGS PA MA YIN LA, RGYUD GZHAN DU GTOGS PA'I SEMS DMIGS PA KHO NA BCOM LDAN 'DAS KYIS YE SHES DMIGS PA YANG MA YIN GYI, 'ON KYANG GZHAN DU NI MA YIN TE, RANG RANG GI SEMS SO SOR RIG PA'I PHYIR RO, ,DE NYID KYI PHYIR GZUGS DANG SNANG BA DAG GIS 'KHRUL PA YANG MA YIN TE, SNANG BA 'BA' ZHIG KYANG MTHONG BA'I PHYIR LA, SNANG BA DANG BRAL BA'I GZUGS LA SROG CHAGS KYI BYE BRAG 'GA' ZHIG GIS DMIGS PA'I PHYIR RO, ,DE LTA BAS NA MI MTHUN PA'I PHYOGS LA YOD PA'ANG MI SRID PA'I PHYIR GTAN TSIGS MA NGES PA YANG MA YIN NO, ,'DI SNYAM DU GAL TE YANG MI MTHUN PA'I PHYOGS LA YOD PAR MA NGES KYANG THE TSOM ZA BA NI MA YIN NO, ,DE LTA YIN DANG GTAN TSIGS MA NGES PA KHO NA YIN TE, MI MTHUN PA'I PHYOGS LA LDOG PA LA THO TSOM ZA BA'I PHYIR RO, ,'DI LTAR YUL DANG YUL CAN GYI NGO BOS NGES PA'I PHYIR GZHAN DU YANG LHAN CIG DMIGS PA NGES PA SRID PA KHO NA STE, GANG GI PHYIR SHES PA NI 'DZIN PAR BYED PA NYID KYI RANG BZHIN YIN TE, DE'I CHOS NI YUL 'DZIN PA YIN PA'I PHYIR RO, ,YUL YANG DE'I GZUNG BAR BYA BA NYID KYIS RANG BZHIN YIN TE, DE DAG NI TSOGS PA GCIG LA RAG LAS PA'I PHYIR RTAG TU LHAN CIG 'BYUNG BA NYID YIN NO, ,LHAN CIG 'BYUNG BAR KHYAD PAR MED NA YANG MIG LA SOGS PA YUL NYID DU THAL BAR 'GYUR BA MA YIN TE, RNAM PA DE LTA BU'I RANG BZHIN MED PA'I PHYIR RO, ,'DI LTAR TSOGS PAS SNGON PO LA SOGS PA'I YUL CAN GYI NGES PA'I NGO BO NYID KYI SHES PA BSKYED PAR BYA BA YIN GYI, MIG LA SOGS PAR NGES PA'I NGO BO NI MA YIN LA, SNGON PO LA SOGS PA YANG DES NGES PA'I NGO BO SKYED KYI, MIG LA SOGS PA NI MA YIN NO SNYAM DU SEMS TE, 'DZIN BYED SHES BYA LAS

122b

GZHAN MED, ,DBANG BLO YUL MED PAR MED DE, ,DE LTA YIN DANG LHAN CIG RIG ,SNGO DANG DE BLO GCIG MA YIN, ,TSOGS PA SNGA MA NYID KYIS NI, ,SNANG BA DANG BCAS GZUGS LDAN PA'I, ,SHES BCAS YUL GYI SKAD CIG BYED, ,DES NA LHAN CIG RIGS PAR 'GYUR, ,ZHES KYANG BSHAD DO, ,'DIR SMRAS PA, SHES BDAG CES BYA BA LA SOGS PA SMOS TE, 'BREL BA MED PAR THA DAD PAR LHAN CIG DMIGS PAR NGES PAR RIGS PA MA YIN TE, HA CANG THAL BAR 'GYUR BA'I PHYIR RO, ,'DIR THA DAD PA RIG PA LA 'BREL BA 'GA' YANG YOD PA MA YIN TE, 'DI LTAR 'BREL PA YIN PA NA DE'I BDAG NYID DAM DE LAS BYUNG BA YIN GRANG, RE ZHIG 'DI LA DE'I BDAG NYID NI GZHAN GYI 'DOD PA MA YIN TE, DE NYID BSGRUB PAR BYA BA YIN PA'I PHYIR RO, ,DE LAS BYUNG BA YANG MA YIN TE, LHAN CIG RIG PA'I LHAN CIG 'BYUNG BA DAG LA NI RGYU DANG 'BRAS BU'I DNGOS PO MED PA'I PHYIR DANG, MIG LA SOGS PA RNAMS KYANG DMIGS PA NYID DU THAL BA'I PHYIR RO, ,TSOGS PA SNGA MA'I DBANG GIS CIG CAR BA TZAM GYIS YUL DANG YUL CAN GYI DNGOS PO YANG MA YIN TE, SEMS DANG SEMS LAS BYUNG BA RNAMS DANG, MIG LA SOGS PA RNAMS KYANG PHAN TSUN YUL DANG YUL CAN GYI NGO BO NYID DU THAL BAR 'GYUR BA'I PHYIR RO, ,TSOGS PA SO SOR NGES PAS YUL DANG YUL CAN GYI NGO BOR SKYED PA'I PHYIR HA CANG THAL BAR 'GYUR BA MA YIN NO ZHES KYANG BRJOD PAR RIGS PA MA YIN TE, RNAM PAR DPYAD PA NYID KYIS YUL DANG YUL CAN NYID MA GRUB PA'I PHYIR RO; ;'BREL PA GRUB NA YUL DANG YUL CAN RIGS NA, GANG GI PHYIR YUL DANG YUL CAN GYI DNGOS PO RNAM PAR GZHAG PA NA 'BREL PA DE NYID RNAM PAR DPYAD PAR BYA BA YIN NO, ,GANG LAS YUL DANG YUL CAN GYI DNGOS PO GRUB PAR 'GYUR BA DE'I BDAG NYID DANG DE LAS BYUNG BA LAS MA GTOGS PA 'BREL BA GZHAN YOD PA NI MA YIN LA, DE'I BDAG NYID DANG DE LAS BYUNG BA DAG GIS YUL DANG YUL CAN GYI DNGOS POR RIGS PA YANG MA YIN NO ZHES BSTAN ZIN TO, ,DE'I PHYIR THA DAD PA LA JI LTAR YANG LHAN CIG DMIGS PA YOD PA MA YIN PA'I PHYIR GTAN TSIGS THE

123a

, ,TSOM ZA'I MA GRUB PA GA LA YIN, RNAM PA DANG BCAS PA NYID DU BSGRUB PAR BYA BA'I PHYIR SGRUB PAR BYED PA GNYIS PA BSHAD PA NI, RIG PA 'DI DAG CES BYA BA LA SOGS PA SMOS TE, GANG DANG RANG RIG PA YIN PA DE DANG DE NI SHES PA LAS DON GZHAN DU GYUR BA'I YUL CAN MA YIN TE, BDAG NYID RIG PA BZHIN NO, ,SNGON PO LA SOGS PA'I RNAM PA 'DI YANG RIG PA YIN NO ZHES BYA BA NI 'GAL BAS KHYAB PA DMIGS PA STE, DON GZHAN GYI YUL CAN NYID DANG 'GAL BA DON GZHAN DU GYUR BA MA YIN PA'I YUL CAN NYID KYIS RIG PA LA KHYAB PA'I PHYIR RO, ,KHYAB PA DE NYID BSGRUB PA'I PHYIR, ,RANG RANG GI NGO BO ZHES BYA BA LA SOGS PA SMOS TE, CHOS THAMS CAD NI BYA BA MED PA YIN PA'I PHYIR, DON DAM PAR 'GA' ZHIG 'GA' ZHIG GIS 'DZIN PA NI MA YIN GYI GSAL BA'I BDAG NYID YIN PAS DE LTAR SNANG BA NA RNAM PAR SHES PA'I BDAG NYID 'DZIN PAR BYED PAR BRJOD PA 'BA' ZHIG TU ZAD DO, ,DE LTAR SHES PA DNGOS SU DON 'DZIN PAR BYED PAR RIGS PA MA YIN TE, DNGOS PO THAMS CAD RANG RANG GI NGO BO LA GNAS PA'I PHYIR RO, ,DE'I BDAG NYID GANG YIN PA DE NI GZHAN GYI MA YIN NO, ,'DI SNYAM DU SHES PA'I DNGOS SU RIG PA CI 'DRA BA DE 'DRA BA DON GYI YIN PAR NI MI 'DOD DO, ,'O NA CI ZHE NA, RANG SNANG BA SKYED PAR BYED PA NYID DON RIG PAR BYED PA YIN NO, ,DE LTA YIN DANG GAL TE DNGOS SU RIG PA GTAN TSIGS SU LEN PAR BYED PA DE'I TSE GTAN TSIGS MA GRUB PA NYID YIN LA, YANG CI STE JI ZHIG LTAR RIG PA'I SGRAS BRJOD PAR BYA BA NYID DU SGRUB PAR BYED PA YIN PA DE LTA NA YANG RNAM PA DE LTA BU LAS 'DOD PA SGRUB PA YIN TE, GO'I SGRAR MTSUNGS PAS NGAG LA SOGS PA RNAMS RVA CAN DU GRUB PA NI MA YIN NO, ,YANG SHES PA LA YOD PA'I SNGON PO'O LA SOGS PA'I RNAM PA'I CHOS CAN LA BRTEN NAS SHES PA RNAM PA DANG BCAS PA'I PHYOGS LA RNAM PA GNYIS KA YANG GTAN TSIGS SU 'DOD PA DE'I TSE GRUB PA LA SGRUB PA YIN TE, JI SKAD DU, SHES PA RNAM BCAS PHYOGS LA NI, ,DE YI RNAM PA RIG PA NYID, ,DE NI THA MI DAD GRUB NA, ,GRUB PA SGRUB PA NYID DU 'GYUR, ,ZHES BSHAD PA LTA BU'O SNYAM DU SEMS PA 'DI THAMS CAD BTZUN BA DGE SRUNGS DE'I

123b

DOGS PA BSU NAS, DON GYI RNAM PA'I GZUGS BRNYAN ZHES BYA BA LA SOGS PA SMOS TE, 'DI NI DON GYI RNAM PA STE DON DANG 'DRA BA YANG YIN LA, GZUGS BRNYAN TE, SNANG BA YANG YIN PAS DON GYI RNAM PA'I GZUGS BRNYAN NO, ,'DI ZHES BYA BA NI SGRUB PAR BYED PA RNAM PA GNYIS TE, GANG GI PHYIR RNAM PA MED PAR SMRA BA LA LTA BAS YIN PA DES NA GRUB PA LA SGRUB PA LA MA YIN NO, ,NYE BAR BTAGS NAS DON GZHAN RIG PA YANG YOD PA MA YIN TE, GDAGS PA'I RGYU MTSAN MED PA'I PHYIR RO, ,DE LTAR RE ZHIG RNAM PA MED PA'I SHES PAS PHYI ROL GYI DON SHES PA MA YIN NO ZHES BSTAN NAS, PHYOGS GNYIS PA LA BRTEN NAS RNAM PA DANG BCAS PA ZHES BYA BA YANG MA YIN NO ZHES BSTAN PA'I PHYIR, 'O NA 'DRA BA ZHES BYA BA LA SOGS PA SMOS TE, GANG LAS DE'I DBANG GIS DON RNAM PAR 'JOG PAR 'GYUR BA YANG DAG PA'I RNAM PAR RIG PA MA YIN LA, BRDZUN PA'I RNAM PAS DON RIG PAR 'GYUR BA YANG MA YIN TE, RNAM PA DE LTA BU NI 'KHRUL BA'I SHES PA LA YANG YOD PA'I PHYIR RO, ,JI LTAR RNAM PA RNAMS BRDZUN PA NYID YIN ZHE NA, SHES LAS ZHES BYA BA LA SOGS PA SMOS TE, STAN KHRA BO MTHONG BA NA SHES PA GCIG LAS THA MI DAD PA'I PHYIR SHES PA'I RANG BZHIN BZHIN DU RNAM PA RNAMS KYANG DU MA NYID DU MI 'GYUR RO, ,DE BZHIN DU RNAM PA LAS THA MI DAD PA'I PHYIR SHES PA YANG DU MA NYID DU 'GYUR RO, ,GANG DAG RIGS 'DRA BA'I SHES PA RNAMS KYANG RNAM PA'I GRANGS BZHIN DU MANG POR STAN KHRA BO LA SOGS PA LA RIG MI 'DRA BA'I GZUGS DANG SGRA LA SOGS PA'I SHES PA BZHIN DU CIG CAR SKYE BAS, DE LTA YIN DANG THAL BAR 'GYUR BA GRUB PA LA SGRUB PA YIN NO SNYAM DU SEMS PA DE DAG GI LTAR NA YANG STAN KHRA BO LA JI LTAR SNGON PO LA SOGS PA'I RNAM PA MANG PO RIG PA DE LTAR DKAR PO LA SOGS PA'I RNAM PA GCIG LA YANG TSU ROL DANG DBUS DANG PHA ROL GYI CHA'I NGO BO'I RNAM PA MANG PO YIN PA'I PHYIR DE'I BDAG NYID DE LA YANG SHES PA RNAM PA DU MA'I BDAG NYID DU 'GYUR RO, ,'DOD PA KHO NA'O ZHE NA, DA NI GCIG PA JI LTA BU ZHIG YIN PA BRJOD PAR BYA'O, ,RDUL PHRA RAB CHA MED PA'I YUL CAN GANG YIN PA'O, ,ZHE NA, DE NI NYAMS SU MYONG BA DANG 'GAL TE, GANG DU YANG RDUL PHRA RAB CHA MED PA'I NGO BOR SNANG BAR MI MNGON NO, ,GANG GIS DE BDEN PA NYID DU GRUB PAR

124a

, ,BYA BA'I PHYIR SHES PA DU MA BRTAGS PA LEGS PAR 'GYUR BA, YUL CAN MA YIN PA'I SHES PA LA YUL GYIS BYAS PA'I SNGA MA DANG PHYI MAR GNAS PA RIGS PA MA YIN NO, ,YUL LA KHYAB PA DANG LDAN PAR SNANG BA YANG BRDZUN PA NYID YIN NA JI LTAR RNAM PA RNAMS BDEN PAR 'GYUR, YUL LA KHYAB PAR GNAS PA'I SNGON PO LA SOGS PAR SNANG BA LAS MA GTOGS PA'I SNGON PO LA SOGS PA'I SHES PA'I RNAM PA GZHAN RIGS PA NI MA YIN TE, DES NA SHES PA DU MA BRTAGS PA DON MED PA NYID DO, ,SKYON GZHAN YANG BSHAD PA NI, BDAG NYID THAMS CAD KYIS ZHES BYA BA LA SOGS PA STE, MI SHES PA NI BEMS PO'I NGO BO NYID DO, ,SOGS PA'I SGRAS 'DOD CHAGS DANG BCAS PA MA YIN PA DANG, ZHE SDANG DANG BCAS PA MA YIN PA ZHES PA BYA BA LA SOGS PA GZUNG NGO, ,GZHAN GYI RNAM PA ZHES BYA BA'I PHYOGS GSUM PA 'DI LA BRTEN NAS, GAL TE GZHAN GYI ZHES BYA BA LA SOGS PA SMOS TE, YANG CI STE SHES PA 'GA' ZHIG GANG GIS BSKYED PA DE NI DE NYID RIG PAR 'GYUR TE, DES NA THAMS CAD RIG PAR MI 'GYUR RO SNYAM NA, RGYU YANG NGES PAR BYED PAR MI 'GYUR, MIG LA SOGS PA YANG RIG PAR BYA BA NYID DU THAL BAR 'GYUR BA'I PHYIR RO SNYAM DU BSAMS PA YIN NO, ,JI LTAR KHYED KYI ZHES BYA BA LA SOGS PAS BTZUN PA DGE SRUNGS KYI LAN GYI DOGS PA BSU BA YIN TE, DE NA RE, JI LTAR RNAM PAR SHES PAR SMRA BA KHYED CAG GI RNAM PAR SHES PA DON DAM PAR RNAM PA MED PA YIN TE, CHU KHAMS GSER DANG NAM MKHA' RNAMS, ,DAG PA BZHIN DU DAG PAR 'DOD, ,CES GSUNGS PA'I PHYIR, YANG RNAM PA YANG RIG PAR 'DOD PA DE BZHIN DU PHYI ROL LA YANG YIN NO ZHES ZER RO, ,'DIR SEMS DANG SEMS LAS BYUNG BA ZHES BYA BA LA SOGS PA SMOS TE, YANG DAG PA MA YIN PA NI DNGOS SU RIG PA YOD PA MA YIN TE, 'DI LTAR GSAL BA'I BDAG NYID THUN MONG MA YIN PA NGA RGYAL GYI GZHAN SIM PA LA SOGS PA'I NGO BOS SNANG BA GANG YIN PA'I SEMS DANG SEMS LAS BYUNG BA RNAMS KYI RANG BZHIN BDAG NYID DE DAG GI DNGOS SU RIG PA YIN LA SHES PA'I BDAG NYID DE LAS GZHAN DE YANG DAG PA MA YIN PA'I RNAM PA RNAMS KYI RIG PA DE NI DNGOS SU RIG PA MA YIN TE, DE DAG YANG DAG PA MA

124b

YIN PA NYID KYI PHYIR RO, ,BTAGS PA YANG MA YIN TE, GDAGS PA'I RGYU MTSAN MED PA'I PHYIR RO, ,'DI LTAR TSOGS PA GCIG LA RAG LAS PA NYID DAM RGYU DANG 'BRAS BU'I DNGOS PO NYID DANG, SOGS PA'I SGRAS 'DRA BA STE, 'DI DAG GDAGS PA'I RGYU MTSAN DU 'GYUR NA, YANG DAG PA MA YIN PA LA NI 'DI THAMS CAD YOD PA MA YIN LA, NYE BAR BTAGS PA'I RGYU MTSAN GZHAN YANG MED DE, MA RIG PA'I DBANG GIS YUL MED PA NYID DU YANG DAG PA MA YIN PA'I RNAM PA STON PAR BYED PA'I SHES PA 'KHRUL PA SKYE BA 'BA' ZHIG TU ZAD DO, ,'O NA 'KHRUL PA DE NYID MED PA'I RNAM PA RIG PA'I GDAGS PA'I RGYU MTSAN DU 'GYUR RO ZHE NA, 'DIR SMRA BA CI STE YANG ZHES BYA BA LA SOGS PA STE, DE NI ZHES BYA BA NI YANG DAG PA MA YIN PA'I RNAM PA'I YUL CAN DU BSTAN PA'O, ,'DI LTAR DON DAM PAR YANG DAG PA MA YIN PA'I RNAM PA RIG PAR BYA BA YOD PA MA YIN TE, DE RIG PAS RIG PAR BYA BA NYID DU KHAS LEN NA YANG DAG PA NYID DU THAL BAR 'GYUR BA'I PHYIR RO, ,YANG DE NYID NA RE, SANGS RGYAS KYI NI YE SHES LA'ANG, DE NI RNAM BCAS RNAM MED DANG, ,DUS MTSUNGS DUS MI MTSUNGS SKYE ZHES, ,BSAM PA CI YI PHYIR MI 'JUG ,CES SO, ,DPER NA RNAM PA DANG BCAS PAS DON 'DZIN PAR BYED PA RIGS PA MA YIN NO ZHES SEMS PAR BYED PA DE BZHIN DU, BCOM LDAN 'DAS KYI YE SHES KYIS DON 'DZIN PA LA YANG CI'I PHYIR MI DPYOD CES ZER RO, ,'DIR DE NI RNAM PA CAN ZHES BYA BA LA SOGS PA SMOS TE, GANG GIS 'DI LA YANG SEMS PAR BYED PA BCOM LDAN 'DAS KYI YE SHES NI DE'I 'DZIN PAR MI 'DOD DO, ,GANG GI PHYIR DE NI SGRIB PA THAMS CAD DANG BRAL BA'I PHYIR, GZUNG BA DANG 'DZIN PA'I RNAM RTOG YOD PA MA YIN NO ZHES 'DOD DO, ,GAL TE YANG PHYI ROL GYI DON GZUNG BAR BYA BA MED PA DE LTA NA YANG RGYUD GZHAN LA GNAS PA'I SEMS GZHAN YOD PA MA YIN NAM, CI'I PHYIR DE BCOM LDAN 'DAS KYIS YE SHES KYI GZUNG BAR BYA BAR MI 'GYUR ZHE NA, 'DI LA GZHAN GYI 'DOD CHAGS ZHES BYA BA LA SOGS PA SMOS TE, GZHAN GYI RGYUD LA YOD PA'I 'DOD CHAGS LA SOGS PA RIG PA NI 'DRA BA NYID STON PAR LHUR LEN PA YIN TE, DE LTA MA YIN HA CANG THAL BAR

125a

, ,'GYUR BA'I PHYIR RO, ,DE LTA YIN DANG GAL TE BDAG NYID THAMS CAD KYIS 'DRA BA NYID YIN NA DE'I TSE BCOM LDAN GYI YE SHES KYANG CHAGS PAR 'GYUR LA, DE LTA YIN NA NYON MONGS PA'I SGRIB PA MA SPANGS PAR 'GYUR BA'I PHYIR SGRIB PA YOD PAR 'GYUR RO, ,DMIGS PAS SPYOD PA NA DMIGS PA CAN TE, DE DAG GI LTA BA NI GZHUNG LUGS SO, ,YANG NA BCOM LDAN 'DAS KYI LTA BA LA DMIGS PA CAN DU KHAS LEN PA NA ZHES BYA BA'I DON 'DI YIN NO, ,YANG PHYOGS GCIG GIS 'DRA BA DE LTA NA YANG GNYIS KYIS RNAM PA MA SPANGS PA'I PHYIR SHES BYA'I SGRIB PA YOD PAR 'GYUR TE, GZUNG BAR BYA BA'I RNAM PA DANG LDAN PA'I PHYIR RO, ,'DI LTAR GCIG LA YANG DAG PA'I NGO BO GNYIS RIGS PA MA YIN PA'I PHYIR DE NI GDON MI ZA BAR 'KHRUL PA NYID DU RNAM PAR GZHAG PAR BYA BA YIN NO, ,DE LTA YIN DANG 'KHRUL BA'I SA BON GNAS NGAN LEN MA SPANGS PA'I PHYIR BCOM LDAN 'DAS KYIS SGRIB PA MA SPANGS PA KHO NAR 'GYUR RO, ,'O NA GAL TE CUNG ZAD KYANG MI SHES NA THAMS CAD MKHYEN PAR JI LTAR 'GYUR ZHE NA, DPAG BSAM ZHES BYA BA LA SOGS PA SMOS TE, MA GZIGS ZHES BYA BA NI 'DI LA GZIGS PA STE, DMIGS PA YOD PA MA YIN PAS NA MA GZIGS PA'O, ,SNGON GYI SMON LAM GYI STOBS KYIS LHUN GYIS GRUB PAR DPAG BSAM GYIS SHING LTAR SKAL BA JI LTA BA BZHIN DU 'GRO BA MTHA' DAG GI DON SGRUB PAR BYED PA'I PHYIR, THAMS CAD MKHYEN PAR BRJOD KYI, DMIGS PA'I STOBS KYIS NI MA YIN TE, RANG BZHIN GZHAN RNAM PA THAMS CAD DU DMIGS PAR MI RUNG BA'I PHYIR RO, ,DE LTAR PHYI ROL GYI DON 'GEGS PAR BYED PA'I TSAD MA BRJOD NAS, GZHAN GYIS SMRAS PA DE'I SGRUB PAR BYED PA'I TSAD MA BSAL BA'I PHYIR, BLO RNAMS ZHES BYA BA LA SOGS PA SMOS TE, 'DI LTAR PHYI ROL GYI DON MNGON SUM GYIS SAM, RJES SU DPAG PAS GRUB PAR 'GYUR, TSAD MA GZHAN YOD NA YANG 'DIR 'DUS PA'I PHYIR RO, ,DE LA RE ZHIG MNGON SUM GYIS NI MA YIN TE, 'DI LTAR MNGON SUM DU MNGON PAR 'DOD PA'I SHES PA RNAM PA MED PAS DON 'DZIN PAR 'GYUR RAM RNAM PA DANG BCAS PAS YIN GRANG, RE ZHIG RNAM PA MED

125b

PAS NI MA YIN TE, NYE BA'I RGYU MTSAN MED PA'I PHYIR RO, ,BLO DKAR PO LA SOGS PA'I NGO BO NYID MA YIN NA BLO DE CI LTAR DON DE'I NYAMS SU MYONG BAR 'GYUR TE, MI 'GYUR PA KHO NA'I ZHES SNGAR BSTAN ZIN TO, ,CI STE RNAM PA DANG BCAS PAS YIN NA DE'I TSE, SNGON PO LA SOGS PA'I RNAM PA GCIG PU SHES PAR GTOGS PA DMIGS PA'I PHYIR PHYI ROL GYI DON LKOG TU GYUR BA KHO NAR 'GYUR GYI MNGON SUM NI MA YIN NO, ,'DI LTAR GCIG NI SHES PA'I GZUGS BRNYAN LA, GZHAN NI DE GTOD PAR BYED PA SNGON PO GNYIS NI NAM YANG RIG PA MED DO, ,DE LTAR RE ZHIG MNGON SUM GYIS MA GRUB PO, ,'O NA RJES SU DPAG PAS GRUB PA LA RAG MOD CE NA, 'DI LA BTZUN PA DGE SRUNGS TSAD MA BYED PA NI GANG ZHIG MI SLU BA NYID NA SHES PA'I RNAM PA YIN PA DE NI RNAM PA DE LTA BU'I DNGOS PO GZHAN GYIS BSKYED PA YIN TE, DPER NA 'DZIN PA'I RNAM PA BZHIN NO, ,DBANG PO MA BSLAD PA'I SNGON PO LA SOGS PA SNANG BA'I KHYAD PAR GYI MI SLU BA 'DI YANG SHES PA'I RNAM PA YIN NO ZHES BYA BA NI GTAN TSIGS SO, ,DE LTAR 'DI DOGS PA BSU NAS, SNGON PO LA SOGS PA ZHES BYA BA LA SOGS PA SMOS TE, MI SLU BA NYID KYIS ZHES BYA BA NI DE LTAR BUR GYUR BA'I MTSAN NYID KYI GSUM PA'O, ,MI SLU BA NYID KYIS NYE BAR MTSON PA'I SHES PA'I RNAM PA GANG DAG YIN PA DE DAG RGYU DE SHES PA'I RNAM PA RIGS MTHUN PA LAS SKYES PAR BSGRUB PAR BYAS SO, ,SHES PA BZHIN TE 'DZIN PA'I RNAM PA BZHIN NO ZHES BYA BA'I DON TO, ,GAL TE PHYI ROL ZHES BYA BA LA SOGS PAS SUN 'BYIN PA 'CHAD DE, DE LA GAL TE PHYI ROL GYI DON THOB PA'AM, DE THOB PAR NUS PA'I MI SLU BA NYID DU GTAN TSIGS KYI KHYAD PAR DU 'DOD PA DE'I TSE PHYI ROL GYI DON LA BSNYON PA'I RNAM PAR RIG PA TZAM DU SMRA BA LA DE MA GRUB PA'I PHYIR GTAN TSIGS GANG YANG RUNG BA LA GRUB PA YIN NO, ,CI STE MNGON PAR 'DOD PA'I DON BYED PAR SNANG BA'I SHES PA'I RGYU NYID MI SLU BA NYID DU 'DOD PA DE'I TSE BZLOG PA LA GNOD PA CAN GYI TSAD MA MA BSTAN PA'I PHYIR RO, ,MI MTHUN PA'I PHYOGS LAS BZLOG PA LA THE TSOM ZA BAS GTAN TSIGS MA NGES PA YIN TE, DMIGS PA MED PA'I SHES PA LA YANG RNAM PA DE LTA BU'I

126a

, ,MI SLU BA NYID MI 'GAL BA'I PHYIR RO, ,MI 'GAL BA NYID DU SGRUB PA'I DON DU DPER NA CHU LA SOGS PA ZHES BYA BA SMOS SO, ,GZHAN YANG DMIGS PA MED PA NYID YIN NA YANG RJES SU DPAG PA LA MI SLU BA NYID YOD PAS MI MTHUN PA'I PHYOGS LA YOD PAR NGES PA'I PHYIR GZHAL BYA LA SOGS PA BZHIN DU GTAN TSIGS THUN MONG GI MA NGES PA NYID DU GSAL LO, ,'DI SNYAM DU RJES SU DPAG PAR RNAM PAR RTOG PA'I DMIGS PA MED PA NYID MA GRUB PA YIN NO SNYAM DU SEMS NA, MI LA SOGS PA ZHES BYA BA LA SOGS PA SMOS TE, SBYOR BA NI GANG ZHIG GANG GIS RNAM PAS STONG PA DE NI DE'I YUL CAN MA YIN TE, DPER NA GZUGS KYI SHES PA SGRA'I YUL CAN MA YIN PA BZHIN NO, ,RJES SU DPAG PA'I SHES PA YANG PHYI ROL GYI RNAM PAS STONG PA YIN NO ZHES BYA BA NI KHYAB PAR BYED PA 'GAL BA DMIGS PA'O, ,GTAN TSIGS MA GRUB PA YANG MA YIN TE, 'DI LTAR ME LA SOGS PA GSAL BA GANG YIN PA DE NI RJES SU DPAG PA'I SHES PA'I RNAM PA DE DANG 'DRA BA STE MTSUNGS PA MA YIN TE, DE NI MI GSAL BA YIN PA'I PHYIR RO, ,DE LTA MA YIN NA JI LTAR SO SOR NGES PA'I RTZVA DANG LO MA'I ME LA SOGS PA'I KHYAD PAR GYI NGO BOS MNGON SUM GYI SHES PA LA SNANG BA DE LTAR RJES SU DPAG PA'I SHES PA LA YANG SNANG BAR 'GYUR RO, ,'DI LTAR SO SOR NGES PA'I NGO BO SPANGS NAS GO BAR BYED PA'I RJES SU 'JUG PA'I SPYI'I NGO BOS RJES SU DPAG PA LA LKOG TU GYUR PA'I ME LA SOGS PA SNANG LA, SPYI DANG KHYAD PAR GYI BDAG NYID KYIS PHAN TSUN 'GAL BA GNYIS GCIG LA RIGS PA YANG MA YIN NO, , ZHES SNGAR BSTAN ZIN TO, ,GTAN TSIGS 'GAL BA YANG MA YIN TE, MTHUN PA'I PHYOGS LA YOD PA'I PHYIR RO, ,MA NGES PA YANG MA YIN TE, HA CANG THAL BAR 'GYUR BA'I PHYIR RO, ,GZHAL BYA NYID SOGS ZHES BYA BA LA SOGS PAS 'OD BYED PA'I TSAD MA DAG DOGS PAR BYED PA YIN TE DE NA RE, GANG 'DI SNGON PO LA SOGS PA YUL RNAM PAR CHAD PAR SNANG BA DE NI NYAMS SU MYANG BA LAS CHAD PA YIN TE, GZHAL BYA YIN PA'I PHYIR DANG, MI RTAG PA'I PHYIR DANG, 'BRAS BU YIN PA'I PHYIR DANG, RKYEN YIN PA'I PHYIR DANG, RGYU DANG LDAN PA'I PHYIR, RGYUD GZHAN GYI SEMS BZHIN NO

126b

ZHES ZER BA'I GTAN TSIGS THAMS CAD LA 'KHRUL PA STE MA NGES PA YIN TE, NANG DU NYAMS SU MYONG BA LA YANG GZHAL BYA NYID LA SOGS PA SRID PA'I PHYIR RO, ,DE BZHIN DU RAB RIB CAN LA SOGS PA'I SHES PA LA YANG SNANG BA'I ZLA BA GNYIS LA SOGS PAS KYANG MA NGES PA YIN TE, ZLA BA LA SOGS PA'O SNYAM PA'I RNAM PAR RTOG PA'I SHES PA'I YUL NYID KYIS ZLA BA GNYIS LA SOGS PA GZHAL BYA NYID DU BLTA BAR BYA'I SHES PA GANG LA DE DAG SNANG BA DE LA LTOS NAS NI MA YIN TE, DE DAG LA DON DU ZHEN PA MED PA'I PHYIR RO, ,SKRA SHAD LA SOGS DON MIN TE, ,DON DU ZHEN PA MED PHYIR RO, ,ZHES GANG BSHAD PA YIN NO, ,'DI LA PHYI ROL ZHES BYA BA LA SOGS PAS KU M'A RA RI LA'I LUGS KYIS 'KHRUL PA'I YUL MA GRUB PAR DOGS PAR BYED DE, DE NA RE, 'DIR SER PO DANG ZLA BA GNYIS LA SOGS PA'I SER PO LA 'KHRUL PA'I YUL NYID DU NYE BAR BKOD PA LA PHYI ROL GYI DUNG LA SOGS PA'I DON NYID SER PO LA SOGS PA'I NGO BOS DMIGS TE, DE PHYIR 'KHRUL PAR MI 'GRUB PO, ,ZHES ZER RO, ,'DIR SMRAS PA, SNANG BZHIN BA'I ZHES BYA BA LA SOGS PA STE, 'DIR SDUD PA'I DON NI 'DI YIN TE, SHES PA GANG LA RNAM PA GANG KHO NA SNANG BA DE KHO NA DES RIG GO ZHES BYA BAR RIGS KYI DE LTA MA YIN NA SHES PA THAMS CAD THAMS CAD KYI YUL CAN DU 'GYUR RO, ,DE LTA BAS NA SNANG BAS RIG PA LA KHYAB LA, SER PO'I RNAM PA CAN GYI SHES PA LA DKAR PO'I RNAM PA SNANG BA YANG MA YIN TE, SNANG BAR MNGON PAR 'DOD PA MA DMIGS PA'I PHYIR KHYAB PAR BYED PA SNANG BA LOG PA NA KHYAB PAR BYA BA RIG PA YANG LDOG PA YIN NO, ,SBYOR BA NI GANG ZHIG RNAM PA GANG LA MI SNANG BA DE NI DES RIG PAR BYA BA MA YIN TE, DPER NA SGRA'I SHES PA LA GZUGS BZHIN NO, ,DUNG DKAR PO'I NGO BO YANG SER PO'I RNAM PA CAN GYI SHES PA LA MI SNANG NGO ZHES BYA BA NI KHYAB PAR BYED PA MI DMIGS PA'O, , DE YANG RIG LA ZHES BYA BA LA 'DIS NI RANG GI CHIG DANG 'GAL BAR BSTAN TO, ,DE NYID KYI PHYIR NA ZHES HA CANG THAL BAR 'GYUR BAS RANG RIG PA SGRUB PAR BYED DE, DES NA RGYAL DPOG PAS BLO MNGON SUM MA YIN PA DANG RNAM PA MED PA'O ZHES 'DOD PA GANG YIN PA DE YANG BSAL BA YIN NO, ,DE'I PHYIR

127a

, ,ZHES BYA BA LA SOGS PA MJUG SDUD PAR BYED DE, RTOG PAR BYED PA NA DON NYID RNAM PA GZHAN DE YOD PA BDOG PA RTOG PAR BYED DO ZHES 'BREL TE, ,'DIS KYANG KU M'A RA RI LAS SMRAS PA BKAG PA YIN NO, ,CI STE ZHES BYA BA LA SOGS PAS KU M'A RA RI LA NYID KYI TSAD MA'I PHRENG BA CHAD PA YIN TE, GANG ZHIG GZUGS 'DZIN PAR BYED PA'I SHES PA DE NI GZUGS DE LAS THA DAD PA YIN TE, GZUGS DE RIG PA NA DE MI RIG PA'I PHYIR RO, ,LA SOGS PA 'DZIN PA BZHIN NO, ,RNAM PA GCIG TU NA GZUGS LA SOGS PA'I GZUNG BAR BYA BA'I 'DZIN PA LAS THA DAD PA YIN TE, 'DI LTA STE GANG GI PHYIR 'DZIN PA DE RTOG PA MA RTOG PA'I PHYIR TE, RO LA SOGS PA 'DZIN PA BZHIN NO, ,YANG NA GNYIS PO NI GZUGS LA SOGS PA DANG NI 'DZIN PA'O, ,PHAN TSUN THA DAD PA YIN TE, GANG YANG RUNG BA RNAM PAR RTOG PA NA GZHAN MI RTOG PA'I PHYIR RO DANG GZUGS LA SOGS PA BZHIN NO, ,YANG NA GCIG TU MI SHES PA'I PHYIR RGYUD GZHAN GYI SEMS BZHIN NO, ,YANG NA SHES PA NI RANG GI CHA 'DZIN PA MA YIN TE, SHES PA LAS SKYES PA'I PHYIR BAG CHAGS ZHES BYA BA'I SHES PA'I NUS PA BZHIN NO, ,DE BZHIN DU SHES PA GZUNG BA'I CHA DGAG PA YANG BRJOD PAR BYA'O, ,'DI LTA STE DPER NA SHES PA'I CHA NI SHES PA'I GZUNG BAR BYA BA MA YIN TE, SHES PA LAS SKYES PA'I PHYIR SHES PA'I NUS PA BAG CHAGS BZHIN NO, ,JI LTAR DE MA THAG PA'I GTAN TSIGS GNYIS PO 'DI LA BSGRUB BYA'I CHOS DANG LDAN PA'I DPE GRUB CE NA, BAG CHAGS GNYIS DANG BRAL BA YIN, ,ZHES BYA BA SMOS TE, GNYIS DANG NI GZUNG BA DANG 'DZIN PA DANG NGO, ,YANG SBYOR BA GZHAN NI NAG PO'I SHES PA NI NAG PO'I SHES PA LAS BYUNG BA'I SHES PA'I CHA RTOG PAR BYED PA MA YIN TO, SHES PA YIN PA'I PHYIR JI LTAR DE'I NAG PO'I SHES PA LAS BYUNG BA'I SHES PA'I CHA BYAMS MA'I BU LA SOGS PA GZHAN LAS SKYES PA'I SHES PA BZHIN NO, ,DE PHYIR 'DI LA SO SO RU, ,ZHES BYA BA LA SOGS PA SUN 'BYIN PAR BYED DE, SO SOR RIG PA MED PA'I PHYIR, ,ZHES BYA BA NI SNGON PO DANG DE'I BLO DAG LHAN CIG DMIGS PA NGES PA'I PHYIR RO, ,DMIGS PA MNGON SUM MA YIN NA, ,DON MTHONG BAR TU 'GRUB MI 'GYUR, ,ZHES RANG RIG PA SGRUB PAS

127b

BSTAN ZIN CING, ,SNGON PO DANG DE'I BLO DAG THA MI DAD PA NYID DU BSGRUBS ZIN PA'I PHYIR, GCIG GI NGO BOR YONGS SU MI SHES PA'I MTHUR THUG PA'I GTAN TSIGS RNAMS MA GRUB PO, ,DE NI PHYI ROL ZHES BYA BA LA SOGS PAS GZHAN DAG GRUB PA NYID DU SON PA YIN NO, ,PHYI ROL GYI DON NI RNAM PA DANG LDAN PA MA YIN TE, DE NI PHYI ROL YUL DANG 'BREL, ,MNGON SUM DU NI DMIGS PAR 'GYUR, ,ZHES BYA BA'I GZHUNG 'DIS BSHAD PA BYED PA RI KHROD PAS, 'DZIN PA NYAMS SU MYONG BA MED NA YANG GZUNG BA RIG PA YIN NO ZHES BSTAN TO, ,DE LTA YIN DANG, DE RIG PA NI MI RIG PHYIR, ,ZHES BYA BA 'DI GRUB PO; ,GTAN TSIGS GNYIS PA LA SOGS PA RNAMS JI LTAR GRUB CE NA, DE'I PHYIR, DE TSE BDAG GIS ZHES BYA BA LA SOGS PA SMOS TE, GZUNG BA MI DRAN NA YANG 'DZIN PA DRAN PAR MA THONG NGO, ,YANG GAL TE 'DZIN PA DE LAS GCIG TU GZUNG BAR BYA BA THA DAD PAR GYUR PA DE'I TSE 'DZIN PA BZHIN DU GZUNG BA LA YANG DRAN PAR 'GYUR BA ZHIG NA, 'GYUR BA YANG MA YIN TE, DE LTA BAS NA GRUB PA DANG BDE BA THA DAD PA'I PHYIR GZUNG BA DANG, 'DZIN PA DAG THA DAD DO, ,'DI SNYAM DU GZUNG BA LA YANG DRAN PAR 'GYUR BA YIN NO SNYAM NA, 'DZIN PA DRAN PA YOD PA NA, ,ZHES BYA BA LA SOGS PA SMOS TE, DER MI ZHES BYA BA NI 'DZIN PA DRAN PA YOD PA'I TSE'O, ,DE NYID 'DZIN PA NYID 'DZIN PA YIN GYI GZUNG BA NI MA YIN NO ZHES NYID KYI SGRA RIM PA BZHIN DU'O, ,RJES SU 'GRO LDOG LAS ZHES BYA BA NI GZUNG BA DANG 'DZIN PA DRAN PA DAG STE YOD PA DANG MED PA DAG LAS SO, ,'DI LTAR 'DZIN PA DRAN PA MED PAR GZUNG BA DRAN PA MED DO, ,DMIGS PA RAB TU MA GRUB NA, ,ZHES BYA BA LA SOGS PAS LAN 'DEBS PAR BYED DE, ,DE NI PHYI ROL YUL 'BREL PA'I, ,MNGON SUM DU NI DMIGS PAR 'GYUR, ,ZHES BYA BA 'DI MA NGES PA NYID DU 'CHAD PA NI, DE BZHIN MIG NAD CAN RNAMS KYIS, ,ZHES BYA BA LA SOGS PA SMOS TE, GSAL BA NGES PA ZHES BYA BA 'DIR DPYAD DO, ,DE BZHIN DU ZHES BYA BA NI JI LTAR BDEN PAR MNGON PAR 'DOD PA'I SER PO LA SOGS PA PHYI ROL GYI YUL DANG 'BREL PA GSAL BAR DMIGS PA DE BZHIN DU MIG SER GYIS NYAMS PA'I MIG CAN LA YANG DMIGS PA PAR MTHONG NGO, ,

128a

, ,GAL TE MTHONG MOD DE LAS TZIR 'GYUR ZHE NA, BSHAD PA 'DZIN PA'I CHA LAS RIG PA MA YIN ZHES BYA BAR BSHAD DO, ,'DZIN PA'I CHA LAS ZHES BYA BA LA BTON NAS ZHES KHONG NAS 'BYUNG NGO, ,RIG PAR MI 'GYUR RO ZHES BYA BA LHAG MA'O, ,DES NA DON 'DIR 'GYUR TE, RAB RIB CAN LA SOGS PAS DMIGS PA'I SER PO LA SOGS PA DE YANG 'DZIN PA LAS BTON NAS LOG SHIG TU RIG PAR BYA BA MA YIN LA, YANG PHYI ROL GYI YUL DANG 'BREL PAR YANG DMIGS TE, DE LTA BAS NA 'DI NI MA NGES PA YIN NO, ,DE BZHIN DU NI GZHAN YANG YIN, ,ZHES BYA BA NI BDEN PAR MNGON PAR 'DOD PA'I SER PO LA SOGS PA YANG NGO, ,'DIS NI RNAM PAR CHAD PA GSAL BAR SNANG BA TZAM GYIS GNYI GA YANG MTSUNGS PAR BSGRUBS PA YIN NO, ,DE'I TSE BDAG GIS ZHES BYA BA 'DI LA KHYAD PAR MA BZUNG ZHES BYA BA LA SOGS PA SMOS TE, 'DIS NI 'DZIN PA DANG DRAN NA GZUNG BA MI DRAN PAR MI GRUB PAR BSHAD DO, ,'DI SNYAM DU GAL TE GZUNG BA LA DRAN PA MED PA YIN NA CI'I PHYIR KHYAB PAR MA BZUNG BAR 'GYUR, 'DI LTAR GZUNG BA DE RIGS MTHUN PA DANG RIGS MI MTHUN PA THAMS CAD LA THA DAD PA DE KHO NA BZHIN DU DE DRAN NA DE LTA NA DE DE'I YUL CAN DU 'GYUR GYI, GZHAN DU KHYAD PAR DE MA BZUNG NA JI LTAR DE'I YUL CAN DU 'GYUR TE, HA CANG THAL BAR 'GYUR BA'I PHYIR RO SNYAM DU SEMS NA, KUN LAS LDOG PA ZHES BYA BA LA SOGS PA SMOS SO, ,'DI SKAD DU BSTAN PA YIN TE, RE ZHIG RNAM PAR RTOG PA NI JI LTA BA BZHIN DU GNAS PA'I DNGOS PO 'DZIN PAR NUS PA MA YIN TE, DE NI DNGOS PO'I YUL CAN MA YIN PA'I PHYIR, ,DE LTA BUR GYUR PA'I DNGOS PO NYAMS SU MYONG BA'I STOBS LAS GANG KHO NA LA DON DU GNYER BA LA SOGS PA NGES PA'I RGYU YOD PA DE LA DE'I RNAM PA CAN GYI DRAN PA'I SHES PA DON DAM PAR YUL MED PA NYID DU RANG GI SNANG BA DON MED PA LA DON DU ZHEN NAS 'JUG PA'I PHYIR THAMS CAD 'KHRUL PA KHO NAR SKYE BA 'BA' ZHIG TU ZAD DO, ,DE NI ZHEN PA'I DBANG GIS YUL DU GZHAG GI DON DAM PAR NI MA YIN NO, ,DRAN PA YANG GZUNG BAR ZHEN PA 'BA' ZHIG LA YOD PAR MA ZAD GANG GIS DRAN PA GZHAN LAS KHYAD PAR DU 'GYUR BA RNAM PA DE LTA BU'I GOMS PA GSAL BA GZHAN MYUR BA DANG CHES MYUR BA LA SOGS PA'I RGYU MED PA'I PHYIR KHYAD PAR MA BZUNG BA YIN NO, ,'DI SNYAM DU 'DIR GZUNG BAR ZHEN PA LA JI LTAR DRAN PA YOD PAR NGES PAR BYA SNYAM DU SEMS NA, GZHAN DU ZHES BYA BA LA SOGS PA SMOS TE,

128b

GAL TE DRAN PA DE KHYAD PAR MA BZUNG BA'I BZUNG BA'O ZHES MA ZHEN PA DE'I TSE CI ZHIG GZUNG ZHES BYA BA DE LTA BU YANG SPYI'I RNAM PA GZUNG BA RTOGS PAS 'JUG PAR MI 'GYUR RO, ,GANG GIS GZUNG BA'I NGO BO DANG BRAL BA'O, ,'DZIN PA SKYES PA DRAN PAR 'GYUR, ,ZHES BRJOD PA 'BA' ZHIG LA GZUNG BA'I RNAM PA DANG BRAL BA'I LUS CAN GYI 'DZIN PA SHEL GONG DAG PA LTA BUR DRAN PA YANG MA YIN NO, ,DE LTA BAS NA DE DRAN PA NA DE MI DRAN PAR MA GRUB PO, ,GANG YANG SHES PA LAS SKYES PA'I PHYIR, SHIS PA YIN PA'I PHYIR ZHES BYA BA'I GTAN TSIGS PHYI MA 'DI DAG NI DUNG LA SER PO LA SOGS PA'I SHES PAS 'KHRUL PA YIN TE, 'DI LTAR DUNG LA SER PO LA SOGS PA'I SHES PA SHES PA LAS SKYES PA YIN NA, RANG GI CHA SER PO LA SOGS PA'I RNAM PA 'DZIN PA DANG, YANG JI LTAR SHES PA YIN YANG SHES PA'I CHA SER PO LA SOGS PA'I GZUNG BAR BYA BA RTOGS PA YIN NO, , DE BZHIN DU GZHAN YANG YIN PA'I PHYIR GTAN TSIGS 'KHRUL PA YIN NO, ,DUNG LA SER PO LA SOGS PA'I SHES PA DMIGS PA MED PA NYID DU YANG BSGRUBS ZIN TO, ,DE NYID KYI PHYIR BDAG NYID DU GTOGS PA'I SER PO LA SOGS PA'I RNAM PAR RIG PA'I PHYIR DANG, RANG RIG PA BSGRUB PO ZHES BYA BA 'DI YANG BSGRUBS ZIN TO, ,PHYOGS 'DI YIN ZHES BYA BA NI GZHAN DU PHYI ROL GYI DON BSGRUB PA'I PHYIR NYE BAR BKOD PA LA 'DI NI NYES PA'I PHYOGS YIN NO, ,GZHAN GYIS JI LTAR GNYIS SU MED PA BSGRUB BYA NYID DU 'DOD CI SNANG BZHIN PA'I SNGON PO LA SOGS PA'I RAM PAR SHES PA'I NGO BO NYAMS SU MYONG BA GRUB PA MED PA'I PHYIR YIN NA, 'DI JI LTAR 'THAD PA YIN, DE LTA YIN NA THAMS CAD MED PAR 'GYUR BAR GANG SMRAS PA 'DIR BRJOD PAR BYA STE, THAMS CAD MED PA MA YIN TE, RANG LAS THA DAD PA'I GZUNG BAR BYA BA SA LA SOGS PA RANG GI MTSAN NYID MED PA'I PHYIR LA, RGYUD GZHAN GYI GZUNG BAR BYA BA'I NGO BOR MED PA'I PHYIR GZUNG BA'I RNAM PAS STONG PA YIN LA DE LA LTOS PA'I RNAM PAR SHES PAR BYED PAS RNAM PAR SHES PA YIN PA'I PHYIR SHES PA'I BYED PA PO NYID DU RAB TU BRTAGS PA GANG YIN PA DE MED PA'I PHYIR 'DZIN PA'I RNAM PAS STONG PA YIN GYI RNAM PAR SHES

129a

, ,PA'I RANG GI MTSAN NYID KYANG THAMS CAD KYI THAMS CAD DU MED PA'I PHYIR NI MA YIN NO, ,DE SKAD DU YANG, SO SOR LA SOGS GANG SHES LAS, ,PHYI ROL LTA BUR SNANG BA DE, ,MI BDEN DE PHYIR PHYI ROL GYI, ,SHES BYA NYID DU BYED YOD MIN, ,RIG PA'I BYED PO'I NGO BO NYID, ,DE LA LTOS PAR 'DOD PA GANG, ,DE NI MI BDEN DE LTAR NA, ,RIG PA GNYIS MED NGES PAR BYA, ,ZHES GANG BSHAD PA YIN NO, ,DE LTAR BYAS NA SHES RAB KYI PHA ROL TU PHYIN PA'I GZHUNG MTSAN NYID STONG PA NYID NYE BAR BZUNG NAS RNAM PAR SHES PA NI RNAM PAR SHES PA'I NGO BOS STONG NGO ZHES BYA BA 'DI YANG LEGS PAR DRANGS PAR 'GYUR RO, ,DE LTA NA GANG DANG GANG RNAM PAR SHES PA ZHES BYA BA LA SOGS PA'I RTZA BA'I GTAN TSIGS KYI SBYOR BA LA BSGRUB BYA DANG, GTAN TSIGS KYI KHYAB PA BSGRUBS NAS MJUG SDUD PA NI, DE PHYIR RTZOD PA'I GZHIR GYUR YID, , CES BYA BA LA SOGS PA SMOS SO, ,RTZOD PA'I GZHI'I KHYAD PAR GYIS NI 'DIR SKYON MED PA'I MIG LA SOGS PA'I KHYAD PAR 'DI BSGRUB BYA'I CHOS CAN DU BSTAN GYI, THAMS CAD KYI SPYI NI MA YIN NO ZHES SHES PA'I PHYIR ZHES BYA BA NI GTAN TSIGS TE, DES NA DAM BCA' BA'I DON GYI PHYOGS GCIG GTAN TSIGS NYID MA YIN NO, ,RIG BYA BYED PO DANG BRAL PHYIR, ,ZHES BYA BA NI GNYIS SU MED PA'I KHYAD PAR YIN NO, ,RIG BYA DANG RIG BYED GNYIS DANG BRAL BAS GNYIS MED PAR 'DOD KYI, THAMS CAD DU MED PAS NI MA YIN NO ZHES BYA BA'I DON TO, ,GZUGS BRNYAN ZHES BYA BA NI YUL CAN LA YUL BTAGS PA'I PHYIR GZUGS BRNYAN GYI SHES PA NI GZUGS BRNYAN GYI SGRAS BRJOD DO, ,YANG NA BDUN PA'I MTHA' CAN GYI LDAN PAR BYA STE, DES NA SHES PA NYID SHUGS KYIS BRTEN PAR 'GYUR BA YIN NO, ,GTAN TSIGS MA GRUB PA YANG MA YIN TE, KHYAD PAR GZHAN SPANGS NAS RANG GI NGO BO NYID DE LTAR BSTAN PA'I PHYIR TE, SHES PA PO NYID DU NI MA YIN NO, ,'GAL BA YANG MA YIN TE, MTHUN PA'I PHYOGS LA YOD PA'I PHYIR, ,GZUGS BRNYAN LA YANG ZHES BYA BA LA SOGS PAS GZHAN DAG DPE BSGRUB BYA LA TSANG BA NYID DU STON TE,

129b

GANG GI PHYIR MIG GI 'OD ZER DAG ME LONG LA SOGS PA'I NGOS LA GTUGS NAS LOG PA NA RANG GI BYAD LA SOGS PA DANG 'BREL PA YIN LA, DE LAS DE DAG DE LTA BUR BYAD LA SOGS PA RTOGS PA'I RGYUR 'GYUR BA YIN NO, ,DES NA RANG GI BYAD LA SOGS PA NYID DE LTAR ME LONG LA SOGS PA'I NAD DU CHUD PA LA SOGS PA'I NGO BOS SNANG BA YIN NO, ,DE LTA YIN DANG GZUGS BRNYAN GYI SHES PA LA GZUNG BA DANG 'DZIN PA GNYIS DANG BRAL BAR MA GRUB PO, ,DE LTAR RANG BZHIN ZHES BYA BA LA SOGS PAS LAN 'DEBS PAR BYED DE, RANG GI BYAD LA SOGS PA DE LTAR MA THONG BA NI MA YIN TE, RANG GI BYAD LA SOGS PA DE MNGON SUM DU PHYOGS PAR MTHONG BA'I PHYIR, YUL DANG TSAD DANG KHA DOG LA SOGS PA THA DAD PAS MTHONG BA'I PHYIR, ,DE LTAR RANG BZHIN LA SOGS MTHONG MIN ZHES 'BREL TO, ,DNGOS PO GZHAN BZHIN NO ZHES BYA BA NI SGRA LA SOGS PA'I DNGOS PO BZHIN NO, ,JI SKAD DU YANG BSTAN PA YIN TE, GAL TE SHES PA BYAD LA SOGS PA 'DZIN PAR GYUR NA DE'I TSE JI LTAR DE'I BYAD LA SOGS PA RNAM PAR GNAS PA DE KHO NA LTAR 'DZIN PAR 'GYUR TE, GZHAN GYI RNAM PA CAN GYI SHES PA'I GZUNG BAR BYA BA GZHAN DU RIGS PA MA YIN TE, HA CANG THAL BAR 'GYUR BA'I PHYIR RO, ,'DI LTAR LHO PHYOGS SU KHA BLTAS NAS GNAS PA ME LONG GI NGOS LA LTA BA NA RANG GI BYAD LA NANG DU BLTAS PAR MTHONG NGO, ,DE BZHIN DU ME LONG SHIN TU CHUNG BA'I NGOS LA RANG GI BYAD SHIN TU CHEN PO YANG GZUGS BRNYAN SHIN TU CHUNG BAR DMIGS LA, DE BZHIN DU ME LONG GI NGOS DANG 'BREL PA NI KHRON PAR GTING DU ZHUGS PA LTA BUR SNANG STE, DE'I TSE ME LONG GI NGOS KYANG NGE SNYED ZAB PA MA YIN LA BDAG NYID BYAD DE DANG 'BREL PA YANG MA YIN NO, ,DE BZHIN DU MTSO CHU DRI MA MED PA'I 'GRAM NA GNAS PA'I SHING DANG RI LA SOGS PA'I GZUGS BRNYAN SHING DANG RI'I RTZE MO THUR DU BLTAS PA DMIGS NA, DE LTAR DE DAG GNAS PA NI MA YIN NO, ,DE LTA BAS NA DE LTA YIN GYI SHES PA NI RANG GI BYAD LA SOGS PA 'DZIN PA MA YIN TE, DE DANG MI 'DRA BA'I PHYIR SGRA'I SHES PA BZHIN NO, ,BTZUN PA DGE SRUNGS NA RE, BLO TZAM NYID NI

130a

, ,BSGRUB BYA LA, ,SHES PHYIR LA SOGS SGRUB BYED GANG, ,RIGS MI MTHUN DANG MI 'GAL PHYIR, ,THAMS CAD LHAG LDAN YIN PAR BRJOD, ,CES ZER TE, DE LA RNAM SHES NYID DANG ZHES BYA BA LA SOGS PA SMOS TE, RNAM PA MED PA DANG, ,ZHES BYA BA LA SOGS PAS DANG PO NYID DU KHYAB PA BSGRUBS ZIN PA'I PHYIR, GTAN TSIGS MA NGES PA MA YIN NO, ,SLOB DPON PHYOGS KYI GLANG PO'I ZHAL SNGA NAS KYIS, DMIGS PA'I RKYEN RNAM PAR GZHAG PAR BYA BA'I PHYIR, NANG GI SHES BYA'I NGO BO NI, ,PHYI ROL LTAR SNANG GANG YIN TE, ,DON YIN RNAM SHES NGO BO'I PHYIR, ,DE RKYEN NYID KYANG YIN PHYIR RO, ,ZHES GSUNGS TE, 'DIS NI GZUNG BA'I CHA LA YUL DU RNAM PAR GZHAG PAR BSTAN TO, ,GZHAN YANG YANG NA NUS PA 'JOG PHYIR RIM GYIS KYANG, DON DU SNANG BA DE NI RANG DANG MTHUN PA'I 'BRAS BU SKYED PAR BYED PA'I NUS PA RNAM PAR SHES PA'I RTEN CAN BYED PAS MI 'GAL LO ZHES BYA BA STE, 'DIS NI DON GZHAN MA YIN PA'I SHES PA LA RANG DANG RJES SU MTHUN PA'I 'BRAS BU SKYED PA'I RGYU MTSAN NUS PA 'JOG PA'I PHYIR SO SOR SNANG BA DE RGYU NYID DU BSGRUBS PA YIN NO, ,DE LA BTZUN PA DE NYID KYIS, GAL TE DBANG PO'I RNAM RIG NI; ,GZUNG BA'I CHA NI RGYUR GYUR NA'ANG, ,DE NI DE LTAR MI SNANG BAS, ,DBANG PO BZHIN DU DE YUL MIN, ,ZHES BYA BA LA SOGS PA'I SUN 'BYIN PAR SMRAS PA 'DI LA, MJUG THOGS SHES LA ZHES BYA BA LA SOGS PA SMOS TE, MJUG THOGS SHES PA NUS PA LA GZHI THA DAD PA'I BDUN PA GNYIS PA'O, ,MJUG THOGS SHES LA ZHES BYA BA NI MTSUNGS PA DE MA THAG PA'I RKYEN KUN GZHI ZHES BYA BA LA NUS PA GANG YIN PA RNAM PA DE LTA BU'I DON SNANG BAS BSGRUB PA DE KHO NA NYID DU MI 'DOD DO, ,GANG GI PHYIR SLOB DPON GYIS RDUL PHRA RAB LA SOGS PA LAS MA GTOGS PA'I DMIGS PA RIGS PA MA YIN NO ZHES RGYAS PAR BSTAN NAS, THAMS CAD DU DMIGS PA'I RKYEN BKAG NAS GRAGS PAS GNOD PA DANG, DE BZHIN DU MOS LAS DMIGS PA DANG, BDAG PO DANG MTSUNGS PA DE MA THAG PA DANG, RGYU'I RKYEN GYIS MTSAN NYID KYI RKYEN BZHI'O ZHES GSUNGS

130b

PA'I PHYIR KHAS BLANGS PAS GNOD PAR YANG 'GYUR NA MI RUNG NGO SNYAM PAS MI 'GAL BAR BSTAN PAR BYA BA'I PHYIR, 'JIG RTEN DANG BSTAN BCOS SU RNAM PA JI LTA BU'I DMIGS PA'I RKYEN MNGON PAR 'DOD PA DE LTAR KUN RDZOB TU BSTAN GYI, ,DON DAM PAR NI MA YIN NO, ,DON DAM PAR NI SHES PA THAMS CAD DMIGS PA MED PA YIN NO, ,DE KHO NA NYID BSDUS PA'I DKA' 'GREL LAS PHYI ROL GYI DON BRTAG PA STE NYI SHU BRGYAD PA'O,, ,,RANG DBANG THOS LA MA ZHEN CING, ,ZHES BYA BA 'DI BSGRUB PA'I DON DU GZHAN DAG CES BYA BA LA SOGS PA SMOS TE, GZHAN DAG CES BYA BA NI RGYAL DPOG PA RNAMS SO, ,DE DAG NI 'DI SKAD DU ZER TE SKUL BAR BYED PA NYID CHOS DANG CHOS MA YIN PA LA SOGS PA RNAMS PAR GZHAG PA'I RGYU MTSAN YIN TE, SROG CHAGS THAMS CAD KYI SNANG BAR GYUR PA THUN MONG GI MIG LTA BUR RNAM PAR GZHAG GO, ,GDON MI ZA BAR DE NYID CHOS DANG CHOS MA YIN PA DON DU GNYER BA'I RTOG PA DANG LDAN PA'I SKYES BU RNAMS KYIS TSAD MA NYID DU BRTEN PAR BYA'O, ,GZHAN SKYES BUS BYAS PA'I TSIG LA SOGS PA NI MA YIN NO, ,'DI LTAR 'DOD CHAGS PA DANG MA RIG PA DANG LDAN PA'I SEMS CAN GYI SKYES BU'I TSIG NI DBANG PO LAS 'DAS PA PHYIN CI MA LOG PA'I DON RTOGS PAR NUS PA MA YIN NO, ,DE'I PHYIR TSIG DES CHOS LA SOGS PA RTOGS PAR NUS PA MA YIN LA, TSU ROL MTHONG BA'I MNGON SUM GYIS RTOGS PAR NUS PA YANG MA YIN TE, DE NI DBANG PO LAS 'DAS PA NYID KYI SHIN TU LKOG TU GYUR PA YIN PA'I PHYIR RO, ,'DI LTAR CHOS DANG CHOS MA YIN PA DAG GI MTSAN NYID NI 'DOD PA DANG MI 'DOD PA SGRUB PAR BYED PAR RUNG BA YIN NO, ,JI SKAD DU RI KHROD PAS BYAS PA'I BSHAD PA LAS, LEGS PAR BYED PA GANG YIN PA DE KHO NA CHOS KYI SGRAS BRJOD DO, ,JI LTAR SHES SHE NA, GANG MCHOD SBYIN NYAMS SU LEN PA'I SKYES BU DE NI CHOS BYED YIN NO ZHES BRJOD DO, ,GANG GI BYED PA PO GANG YIN PA DE NI DES BRJOD DE, DPER NA 'TSANG PA YOD PA BCA' BA PO BZHIN NO ZHES BSHAD PA BZHIN NO, ,DES NA GANG ZHIG SKYES BU LA LEGS PAR BSGRUB PA DE KHO NA CHOS KYI SGRAS BRJOD DO, ,DE'I PHYIR 'DIS NI RDZAS LA SOGS PA 'DOD PA'I DON SGRUB PAR BYED PAR RUNG BA NYID

131a

, ,CHOS YIN NO ZHES BSTAN PAR 'GYUR RO, ,'DI LTAR MCHOD SBYIN GYI SGRAS RDZAS DANG YON TAN DANG LAS LEGS PAR SGRUB PAR BYED PA'I KHYAD PAR RNAMS BRJOD DO, ,DE LA CHOS KYI SGRA 'JUG PAR BSTAN TO, ,GAL TE YANG RDZAS LA SOGS PA DE DAG RANG GI NGO BOS MNGON SUM YIN GYI, LEGS PAR BSGRUB PA NYID KYIS NI MA YIN LA, DE'I NGO BOS DE DAG CHOS NYID DU 'DOD KYI RANG GI NGO BO TZAM GYIS NI MA YIN NO, ,JI SKAD DU, LEGS PA SKYES BU'I YID 'ONG STE, ,DE RDZAS LAS DANG YON TAN GYI, ,SKUL BA'I MTSAN NYID KYIS BSGRUB BYA, ,DE PHYIR DE DAG LA CHOS NYID, ,'DI DAG DBANG PO'I YUL CAN NA, ,DE YI NGO BOS CHOS MA YIN, ,'DI DAG LEGS PAR SGRUB BYED PA, ,RTAG TU RIG BYED KYIS RTOGS 'GYUR, ,DE YI NGO BO NYID KYI CHOS, ,DE'I PHYIR DBANG PO'I SPYOD YUL MIN, ,ZHES ZER BA BZHIN NO, ,DE'I NGO BO NYID KYIS ZHES BYA BA NI LEGS PAR BSGRUB PA'I NGO BOS SO; ,DE LTA BAS NA RUNG BA NYID NI CHOS YIN NO ZHES BYA BAR GNAS SO, ,CHOS LAS BZLOG PAS SHUGS KYIS CHOS MA YIN PA YANG MI 'DOD PA'I DON BSGRUB PAR RUNG BA ZHES GSAL BAR NGES PAR BYA'O, ,RUNG BA NYID TSU ROL MTHONG BAS MNGON DU BYA BAR NUS PA YANG MA YIN TE, DE NI RTAG TU 'BRAS BUS RJES SU DPAG PAR BYA BA YIN PA'I PHYIR RO, ,DNGOS PO RNAMS KYI NUS PA NI, ,'BRAS BU DON GYI GO BAS BSGRUB, ,CES GANG BSHAD PA YIN NO, ,DE LTA MA YIN NA TSU ROL MTHONG BA NYID NYAMS PAR 'GYUR RO, ,RNAL 'BYOR BA'I MNGON SUM GYIS KYANG DBANG PO LAS 'DAS PA YUL DU BYED PA MA YIN TE, MNGON SUM YIN PA'I PHYIR MNGON SUM GZHAN BZHIN NO, ,RJES SU DPAG PAS CHOS DANG CHOS MA YIN PA RTOGS PAR BYED PAR RIGS PA YANG MA YIN TE, 'BREL BA GRUB PA NYID KYIS DNGOS PO DES YONGS SU GCOD PA'I PHYIR LA, CHOS KYANG DE LTA BU MA YIN PA'I PHYIR RO, ,CHOS RTOGS PAR BYA BA LA NYE BAR 'JAL BA YANG NUS PA MA YIN TE, 'DI LTAR NYE BAR 'JAL BA NI BSKAL PA LA 'DRA BA'I BLO SKYED PAR BYED PA YIN TE, DPER NA BA MEN MTHONG BA NA BA LANG DRAN PA BZHIN NO, ,GANG LAS 'DRA BA LAS DE RTOGS PAR 'GYUR BA CHOS DANG 'DRA BA 'GA' ZHIG RTOGS PAR 'GYUR BA NI MA YIN NO,

131b

CHOS DANG CHOS MA YIN PA RTOGS PAR 'GYUR LA, DON GYIS GO BA YANG NUS PA MA YIN TE, 'DI LTAR MTHONG BA DANG THOS PA'I DON GZHAN DU MI 'THAD PA'I PHYIR DON GZHAN RTOG PA NI DON GYIS GO BA YIN LA, GANG LAS 'DI RTOG PAR 'GYUR BA CHOS MED PAR DON MI 'THAD PA NI 'GA' YANG YOD PA MA YIN NO, ,TSAD MA MED PA'I DNGOS PO MED PA YANG MED PA ZHES BYA BA'I DON 'DI BSGRUB PAR BYA BA'I PHYIR NUS KYI SGRUB PA LA NI MA YIN NO, ,DE LTA BAS NA DNGOS PO MED PA'I KHAR ZHUGS PA'I CHOS DANG CHOS MA YIN PA DAG GAL TE SKUL BAR BYED PAS GDON MI ZA BAR MI NUS NA DE NYID KYIS ZOS PAR 'GYUR BA'I PHYIR SKUL BAR BYED PA'I MTSAN NYID KYI DON GYI CHOS LA SOGS PA DBANG PO LA SOGS PAS MI MTSON GYI, SKUL BAR BYED PAS BYUNG BA DANG 'BYUNG BA DANG 'BYUNG BAR 'GYUR BA DANG PHRA BA DANG, CHOD PA DANG BSKAL BA ZHES BYA BA DE LTA BU'I RIGS CAN GYIS DON RTOGS PAR NUS KYI, GZHAN DBANG POS NI NAM YANG MA YIN NO, ,DE'I PHYIR GDON MI ZA BAR SKUL BAR BYED PA TSAD MAR BYA'O, ,SKUL BAR BYED PA ZHES BYA BA NI BYA BA LA 'JUG PAR BYED PA DANG LDOG PAR BYED PA'I NGAG LA BRJOD DE, 'DI LTA STE DPER NA MTHO RIS 'DOD PA SBYIN SREG GIS MCHOD SBYIN BYA'O ZHES BYA BA NI 'JUG PAR BYED PA'O, , 'BYUNG PO RNAMS LA 'TSE BAR MI BYA'I ZHES BYA BA NI LDOG PAR BYED PA'O, ,DE YANG TSAD MA YIN PA NA GANG 'DI KHYED CAG GI KHAMS GSUM PO NI RNAM PAR RIG PA TZAM MO ZHES DAM BCAS PA'I DON DE RIGS PA MA YIN NO, ,GANG LAS SHE NA, THOS PAS GNOD PA'I PHYIR RO, ,THOS PA STE RIG BYED KYIS GNOD PA'I PHYIR RO, ,SEMS LAS MA GTOGS PA'I ME'I SBYIN SREG LA SOGS PA BSTAN PA'I PHYIR DANG, BDAG NYID KYANG SEMS LAS THA DAD DU GNAS PA'I PHYIR RO, ,SEMS TZAM GYI TSUL NI NYE BAR MTSON PA STE, DE BZHIN DU SKAD CIG MA DANG BDAG MED PA DANG, THAMS CAD MKHYEN PA DANG, 'DOD CHAGS DANG BRAL BA LA SOGS PA'I DAM BCA' BA LA YANG GNOD PA KHO NA STE, DE DANG 'GAL BA'I DON YONGS SU GSAL BAS GNAS PA'I PHYIR RO, ,'DI SNYAM DU GAL TE NGO TSAD MA NYID DU GRUB PAR GYUR NA 'DI THAMS CAD LA GNOD PAR 'GYUR RO SNYAM DU SEMS NA, DE NI

132a

, ,ZHES BYA BA LA SOGS PA SMOS TE, PHYIN CI MA LOG PA'I SHES PA NI TSAD MA YIN LA, DE'I RGYU YIN PA'I PHYIR DE YANG TSAD MA ZHES BYA'O, ,JI LTAR ZHE NA, SKYES BUS MA BYAS PAS ZHES BYA BA SMOS TE, SKYES BUS MA BYAS PA NYID KYI PHYIR RO, ,'DIS NI PHYIN CI LOG GI RGYU 'DOD CHAGS LA SOGS PA'I NYES PA'I TSOGS MED PAS PHYIN CI MA LOG PA'I SHES PA'I RGYU NYID DU BSTAN PA YIN NO, ,SBYOR BA NI GANG ZHIG LOG PA NYID KYI RGYU 'DOD CHAGS LA SOGS PA'I NYES PA DANG LDAN PA DANG BRAL BA DE NI PHYIN CI MA LOG PA'I SHES PA'I RGYU YIN TE, DPER NA MIG RAB RIB LA SOGS PAS MA BSLAD PA BZHIN NO, ,RIG BYED KYANG SKYES BUS MA BYAS PA'I PHYIR LOG PA NYID KYI RGYU 'DOD CHAGS LA SOGS PA'I NYES PA DANG BRAL BA YIN NO ZHES BYA BA NI RANG BZHIN GYI GTAN TSIGS SO, ,CHOS MI MTHUN PA'I DPE'I SGO NAS MA NGES PA SPANG BAR BYA BA'I PHYIR, 'DI LTAR ZHES BYA BA LA SOGS PA SMOS TE, 'DIS NI SGRUB PAR BYED PA MED PA DANG BSGRUB PAR BYA BA MED PA'I KHYAB PA BSTAN TO, ,'DI LTAR LOG PA NYID KYI RGYU NYES PA RNAMS GANG LA NYE BA DE NYID LA RANG GI 'BRAS BU LOG PA NYID NYE BAR GNAS PAR BYED KYI GZHAN NI MA YIN TE, RGYU MED PAR 'BRAS BU MI 'BYUNG BA'I PHYIR RO, , 'BYUNG NA YANG RGYU MED PA CAN DU THAL BAR 'GYUR BA'I PHYIR RO, ,DE MED PAR 'BYUNG BA NI DE'I 'BRAS BU NYID DU RIGS PA YANG MA YIN TE, HA CANG THAL BAR 'GYUR BA'I PHYIR TE, DE LTA BAS NA LOG PA NYID DANG NYES PA DAG GI RGYU DANG 'BRAS BU'I DNGOS PO MI 'THAD PA'I PHYIR RGYU MED PAR THAL BAR 'GYUR BA NI LOG PA NYID KYI BZLOG PA LA GNOD PA CAN GYI TSAD MA YIN PA'I PHYIR MA NGES PA NYID MA YIN NO, ,SBYOR BA NI GANG LA GANG GI RGYU MED PA DE NI DER 'GYUR BA MA YIN TE, DPER NA CHU LA RGYU BA MED PA'I DU BA BZHIN NO, ,THOS PA LA YANG PHYIN CI LOG GI RGYU RMONGS PA LA SOGS PA'I SKYON GYI TSOGS YOD PA MA YIN NO ZHES BYA BA NI RGYU MI DMIGS PA'O, ,MA GRUB PA YANG MA YIN NO ZHES BSTAN PA'I PHYIR, NYES PA YOD DAM ZHES BYA BA LA SOGS PA SMOS TE, NYES PA RNAMS NI SKYES BU LA BRTEN PA YIN TE, DE'I CHOS YIN PA'I PHYIR DE JI LTAR DE DAG RANG GI RTEN MED PAR 'BYUNG BAR

132b

'GYUR, 'GYUR NA YANG RTEN MED PA NYID DU THAL BAR 'GYUR BA'I PHYIR RO, ,'DI LTAR BRTEN PA'I CHOS NI 'DI YIN TE, RTEN GYI RJES SU BYED PA NYID GANG YIN PA'O, ,NYES PA'I RTEN YANG BYED PA PO'I SKYES BU YIN TE, DE YANG RIG BYED LA SOGS PA'I PHYIR GANG GIS GTAN TSIGS THE TSOM ZA BA'I MA GRUB PAR YANG 'GYUR BA NYES PA'I DOGS PA GA LAS YIN, 'DI SNYAM DU NYES PA'I RTEN GYI BYED PA PO MED PAR YANG JI LTAR GRUB SNYAM DU SEMS NA, DE'I PHYIR DE 'DZIN PAR BYED PA'I TSAD MA LNGA LDOG PAS DE MED PAR STON PA NI, RE ZHIG BYED PA PO ZHES BYA BA LA SOGS PA STE, RE ZHIG RIG BYAD KYI BYED PA PO MNGON SUM GYIS GRUB PA MA YIN TE, 'DI LTAR DE NI 'DI YIN NO ZHES RVA NAS BZUNG NAS BSTAN PAR NUS PA MA YIN TE, DE LTAR MA DMIGS PA'I PHYIR RO, ,BYED PA PO BYUNG BAR GYUR TO ZHES, DE LTAR BRTAG PAR BYA BA YIN NA DE YANG MA MTHONG BA NA NAM ZHIG BYUNG BAR GYUR TO ZHES 'DOD PA GANG YIN PA DE NI TSAD MA MED PA CAN ZHES BYA BA LHAG MA'O, ,RDZAS SU DPAG PAS KYANG MA GRUB PO ZHES BSTAN PA'I PHYIR, SNGON DU 'BREL BA ZHES BYA BA LA SOGS PA SMOS TE, RIG BYED LA SMOS PA RNAMS KYIS RIG BYED KYI BSKYED PAR BYA BA DANG SKYED PAR BYED PA'I DNGOS PO'I MTSAN NYID KYI BYED PA PO'I 'BREL BA GANG ZHIG DE LTAR SNGAR MA MTHONG BAS BYED PA DE NI MI SHES PA'I RGYU CAN YIN TE, SHES PAR BYED PA'I TSAD MA MED PA'I PHYIR RO, ,'GA' ZHIG GIS MA MTHONG BA'I ME DANG LHAN CIG DU BA'I 'BREL BA GZUNG BAR NUS PA MA YIN TE, DE LTA BAS NA RJES SU DPAG PA DANG BRAL YANG DE NI BYED PA POR RTOGS PA BYED DO, ,YANG GI SGRAS MNGON SUM DANG BRAL BA 'BA' ZHIG TU MA ZAD PA'O, ,SGRA LAS BYUNG BA'I TSAD MA DGAG PA NI, DE GRUB DON DU ZHES BYA BA LA SOGS PA SMOS TE, RIG BYED LAS MA GTOGS PA'I MA BYAS PA MED PA'I PHYIR RE ZHIG MA BYAS PA NI YOD PA MA YIN NO, ,BYAS PA YANG MED DE, DE NI RANG NYID TSAD MA MA YIN PA'I PHYIR RO, ,'DI LTAR LUNG BYAS PA YIN PA NA, RIG BYED DANG 'BREL BA DRANG SRONG SHED LA SOGS PA'I SKYES BU BYED PA PO YIN PA'AM, DE DANG MA 'BREL PA'I SH'AKYA THUB PA LA SOGS PAS BYAS PA YIN GRANG, PHYOGS

133a

, ,DBANG PO'I DBANG DU BYAS NAS, SHED LA SOGS PA ZHES BYA BA LA SOGS PA SMOS TE, DE NYID KYIS NI ZHES BYA BA NI RIG BYED KYIS TE, 'DIS NI RANG GIS TSAD MA'I DNGOS POR BSTAN TO, ,PHYOGS GNYIS PA LA YANG SKYON BSHAD PA NI, 'BREL BA MED CING ZHES BYA BA STE; 'BREL BA MED PA NI RIG BYED DANG STE, DE LA MI DBANG BA'I PHYIR RO, ,RIG BYED PA PO'I LUNG NI RIG BYED PA STON PA'O, ,BYED PO GZHAN CAN ZHES BYA BA NI 'BREL BA MED PA'I SKYES BU'I BYED PA PO CAN NO, ,NYE BAR 'JAL BA MED PAR 'CHAD PA NI, GAL TE RIG BYED CES BYA BA LA SOGS PA'O; ,DON GYIS GO BA MED PAR 'CHAD PA NI, GAL TE RIG BYED BYED MED PAR, ,ZHES BYA BA STE GZHAL BYA ZHES BYA BA NI TSAD MA DRUG GIS YONGS SU BCAD PA'O, ,DE MED NA ZHES BYA BA NI BYED PA PO'O, ,CUNG ZAD CES BYA BA NI GZHAL BYA'O, ,DE YOD NA ZHES BYA BA NI BYED PA PO'O, ,TSAD MA SOGS ZHES BYA BA'I SOGS PA'I SGRAS CHOS LA SOGS PA RNAM PAR GZHAG GO, ,DNGOS PO MED PAS ZHES BYA BA NI DNGOS PO MED PA'I TSAD MAS MED DO ZHES BYA BA DE LTA BU GO STE, DE'I YUL NI DGAG PA YIN PA'I PHYIR RO, ,YANG NA DNGOS PO MED PAR RANG GI NGO BOR DE MED DO ZHES BYA BA DE LTA BUR RTOGS SO ZHES BYA BA'I THA TSIG GO, ,DNGOS MED TSAD MAS GNOD PHYIR RO, ,ZHES BYA BA NI TSAD MA RNAMS KYIS MED PA STE LDOG PA NI DNGOS PO MED PA'I TSAD MA ZHES BYA BA'I THA TSIG GO, ,DE NA GNOD PA'I PHYIR RIG BYED KYI BYED PA PO MED DO ZHES BYA BAR GRUB PO, ,'DI SNYAM DU GAL TE RIG BYED SKYES BUS MA BYAS PA NYID DU BSGRUBS NAS DE LAS TSAD MA NYID DU BSGRUB NA, AA'I 'O NA RIG BYED GZHAN LAS TSAD MA NYID DU 'GYUR TE, 'DI LTAR 'DI JI SRID DU SKYES BUS BYAS PA NYID DU SGRUB PAR MI BYED PA DE SRID DU REG BYED TSAD MA NYID DU RTOGS PAR MI 'GYUR RO SNYAM DU DOGS PA LA, TSAD MA MIN PA ZHES BYA BA LA SOGS PA SMOS TE, 'DI NI 'DI SKAD DU STON TE, KHO BO CAG GIS TSAD MA NYID DU MA GRUB PA LA BSGRUB PA'I NGO BOS SGRUB PAR BYED PA NI MA YIN TE, 'O NA CI ZHE NA, GZHAN GYIS TSAD MA LA YIN PAR THAL BAR 'GYUR BA GANG YIN PA DE ZLOG PAR BYED PA YIN NO, ,DMIGS KYIS BSAL BA BKAG PA

133b

NA SPYIR BTANG BA LA MI GNOD PAR RANG NYID KYIS GRUB PAR GNAS SO, ,GANG LAS DE GRUB PAR BYED PA'I SGO NAS SHUGS KYIS GZHAN LAS TSAD MAR THAL BAR 'GYUR BA SKYES BUS MA BYAS PA NYID DU BSGRUB PA YANG MA YIN NO, ,'O NA CI ZHE NA, DE NI SKYES BUS BYAS PA LDOG PA TZAM GYI MTSAN NYID KYIS DNGOS PO MA YIN PA'I PHYIR RO, ,GAL TE MI BSGRUB PA NA 'O NA CI LTAR RANG NYID GRUB PAR 'GYUR ZHE NA, SKYES BUS MA BYAS PA ZHES BYA BA LA SOGS PA SMOS SO, ,'ON TE GZHAN GYI PHYOGS BSAL NA YANG TSAD MAS RANG GI PHYOGS MA BSGRUBS PA MA YIN NAM GANG GIS RIG BYED SMRA BAS DON BYAS PAR 'GYUR BA JI LTAR DE GRUB PA YIN ZHE NA, GANG DAG DNGOS POR GYUR ZHES BYA BA LA SOGS PA SMOS TE, GTZO BO DANG NI RDUL PHRAN BZHIN, ,ZHES BYA BA 'DI 'CHAD PA NI, GTZO BO'I RGYU CAN ZHES BYA BA LA SOGS PA SMOS TE, GAL TE YANG BYE BRAG PAS GRANGS CAN GYIS NYE BAR BKOD PA'I 'GRO BA'I RGYU GTZO BO YIN PA'I SGRUB PAR BYED PA GSAL BA DE LTA NA YANG GTAN TSIGS GZHAN KHO NAS 'GRO BA RDUL PHRA RAB KYIS KHYAB PA BSGRUB PAR BYA DGOS SO, ,DE BZHIN DU 'DI LA YAN 'GYUR RO ZHE NA, DNGOS PO'I PHYOGS ZHES BYA BA LA SOGS PA SMOS TE, DNGOS PO'I PHYOGS NI SKYES BUS BYAS PA'O; ,DE BZLOG PA NI DNGOS PO MED PA'I PHYOGS TE, PHAN TSUN SPANGS TE GNAS PA'I MTSAN NYID DANG NI GCIG DGAG PA NI GZHAN BSGRUB PA MED NA MI 'BYUNG BA YIN PA'I PHYIR, DNGOS PO MED PA RANG NYID KYIS SGRUB PO SNYAM DU BSAMS PA'O, ,DE BZHIN DU RIG BYED KYI SNGON DANG PHYI MA'I MTHA' SKYES PA DANG 'JIG PA'I MTSAN NYID DAG BSGRUB PAR BYA BA'I PHYIR, SANGS RGYAS PAS SGRUB PAR BYED PA GANG YIN PA DE BSAL BA TZAM GYIS RIG BYED SKYES BUS MA BYAS PA NYID DANG, MTHA' GNYIS KYIS STONG PA BSGRUB PA NA 'DOD PA GRUB PA'I PHYIR RIG BYED SMRA BAR BYA BA RDZOGS PA YIN NO, ,'ON TE DE'I SGRUB BYED BSAMS NA YANG RIG BYED KYI RTAG PA NYID BSGRUB PA'I NGO BO 'BAD PA GZHAN GYIS BSGRUB PAR BYA BA MA YIN NAM, DE'I PHYIR RIG BYED KYI RTAG PA NYID MI SGRUB NA JI LTAR RIG BYED SMRA BA'I DON BYAS PAR 'GYUR ZHE NA, DNGOS PO'I NGO BO ZHES BYA BA LA SOGS PA

134a

, ,SMOS TE, PHYOGS SNGA MA GNYIS NI SNGA MA DANG PHYI MA'I MTHA' SGRUB PAR BYED PA'O, ,CI NAS KYANG PHYOGS SNGA MA GNYIS SUN PHYUNG NA RTAG PA NYID RANG NYID KYIS GRUB PAR 'GYUR BA DE STON PA NI, RIG BYED KYIS NI ZHES BYA BA LA SOGS PA STE, RTAG PA NI SNGON DANG PHYI MA'I MTHA' GNYIS DANG PHAN TSUN SPANGS TE GNAS PA'I MTSAN NYID YIN PA'I PHYIR LA, PHAN TSUN SPANGS TE GNAS PA'I MTSAN NYID DAG NI GCIG DGAG PA GZHAN YOD PA MED NA MI 'BYUNG BA'I PHYIR ZHES BSHAD ZIN TO, GAL TE DE MED PA RTAG PA YIN PA DE LTA NA 'O NA RTAG PA NYID DNGOS PO'I CHOS SU MI 'GYUR ZHE NA, GANG PHYIR RIG BYED DANG POR NI, ,ZHES BYA BA SMOS TE, 'DIS NI CHOS 'DI'I DNGOS PO'I CHOS RIG BYED KYI BDAG NYID DU GTOGS PA NYID YIN NO ZHES STON PAR BYED DO, ,DE LTAR NA DNGOS POR GYUR BA'I PHYIR 'O NA MI RTAG PA NYID BSGRUB PAR BYA BAR 'GYUR RO ZHES GZHAN GYI TSIG GI GO SKABS DOGS PAR BYED PA NI, DE 'DOD SHES BYA ZHES BYA BA LA SOGS PA SMOS TE, SHES BYA BA NI TSAD MAS SHES PAR BYA BA STE, BSGRUB PAR BYA BA ZHES BYA BA'I THA TSIG GO, ,DE DAG CES BYA BA NI MA BYAS PA DANG MI 'JIG PA GNYIS SO; ,RANG GI NGO BO'I SGRUB PAR BYED PA NI RANG GI BSGRUB PA STE, DNGOS PO MED PA YANG DNGOS PO NYID DU 'GAL BA MED PA'I PHYIR RO, ,MA BYAS PA DANG MI 'JIG PA'I MTSAN NYID YIN NA YANG RTAG PA NI DNGOS PO MED PA MA YIN NO SNYAM DU BSAMS PA MA YIN NO, ,DE LTAR RE ZHIG TSAD MA RNAM PA LNGA LOG PAS RIG BYED KYI BYED PA PO MED PAR GRUB PAS GANG ZHIG LOG PA NYID KYI RGYU NYES PA DANG LDAN PA DANG BRAL ZHES BYA BA'I GTAN TSIGS 'DI MA GRUB PA MA YIN LA, 'GAL BA YANG MA YIN TE, MTHUN PA'I PHYOGS LA YOD PA'I PHYIR RO, ,MI MTHUN PA'I PHYOGS LA MED PA'I PHYIR MA NGES PA YANG MA YIN PAS RIG BYED TSAD MA NYID DU GRUB PA YIN NO, ,DA NI GZHAN GYI RIG BYED TSAD MA MA YIN PA NYID DU SGRUB PAR BYED PA GNYIS RGYAS PAR SUN 'BYIN PA RTZOM MO, ,DE LA SGRUB PAR BYED PA GNYIS NI 'DI YIN TE, GANG DBANG PO'I YUL CAN DANG BSAL MA THAG TU

134b

BYUNG BA DE NI MI RTAG PA YIN TE, DPER NA BUM PA BZHIN NO, ,SGRA YANG DE BZHIN NO ZHES BYA BA NI RANG BZHIN GYI GTAN TSIGS DAG GO, ,SPYIR SGRA MI RTAG PA NYID DU GRUB PA NA SHUGS KYIS RIG BYED KYANG MI RTAG PA NYID DU GRUB PAS LAM PO CHE'I SKYES BU'I TSIG BZHIN DU LOG PA NYID DU GRUB PAR 'GYUR RO ZHES PHA ROL SANGS RGYAS PA LA SOGS PA'I BSAM PA YIN NO, ,'DIR SGRA LA SOGS PA'I TSAD MA DAM BCA' BA LA GNOD PA RGYAS PAR STON PA YIN TE, DE LA RE ZHIG SGRA'I TSAD MAS GNOD PA NI, GANG ZHIG RIG BYED CES BYA BA LA SOGS PA SMOS TE, RIG BYED LAS BYUNG BA NI RIG BYED CAN TE, ME'I SBYIN SREG LAS MTHO RIS SU 'GYUR RO ZHES BYA BA LA SOGS PA'O, ,DE'I STOBS KYIS PHYOGS ZLOG PAR BYED DE, DE GNOD PA'I PHYIR RO, ,JI SKAD DU 'DI'I SKUL BAR BYED PA YIN NAM MA YIN ZHES THE TSOM GYI SHES PA SKYED PAR BYED PA MA YIN LA, 'DI NI LOG PA YIN NO ZHES BYA BA'I PHYIN CI LOG KYANG MA YIN TE, DUS GZHAN DANG SKYES BU GZHAN DANG YUL GZHAN DANG GNAS SKABS GZHAN LA YANG GNOD PA MED PA'I SHES PAR 'GYUR BA YIN NO, ,GANG YANG SHES PA GZHAN PHYIN CI LOG TU MTHONG NAS 'DIR YANG PHYIN CI LOG TU BYED PA'I RJES SU DPAG PA LAS BYUNG BA'I SHES PA SKYES PA DE YANG MNGON SUM 'DIS GNOD PA NA 'GEGS PA YIN NO, ,'ON TE STOBS MTSUNGS PA DAG JI LTAR GCIG GIS CIG SHOS LA GNOD PA YIN, CI STE STOBS MTSUNGS KYANG GNOD NA, 'O NA RJES SU DPAG PAS CIG SHOS LA; CI'I PHYIR MI GNOD CE NA, RIG BYED CAN DE ZHES BYA BA LA SOGS PA SMOS TE, ,'O NA JI LTAR RJES SU DPAG PA LA DES GNOD CE NA, GANG PHYIR BSTAN BCOS ZHES BYA BA LA SOGS PA SMOS TE, JI SKAD DU RIG BYED KYI TSIG LA NI MNGON SUM GYI SHES PA YIN GYI, RJES SU DPAG PA NI MNGON SUM DANG 'GAL BAS TSAD MAR MI 'GYUR ZHES ZER RO, ,GANG GIS DE MNGON SUM DANG MTSUNGS PA NYID YIN PA JI LTAR RJES SU DPAG PA LAS LUNG STOBS DANG LDAN PA NYID YIN ZHE NA, LUNG NI ZHES BYA BA LA SOGS PA SMOS TE, TSAD MA YIN PA LA ZHES BYA BA NI ZOR YANG BA LA

135a

, ,LTOS TE YUL GYI BDUN PA YIN NO, ,RJES SU DPAG PA DE LTA MIN, ,ZHES BYA BA DE NI DPE LA LTOS PA'I PHYIR DANG, NYES PA YOD PA'I PHYIR TE, NYES PA MNGON SUM DANG MTSUNGS PA'I RIG BYED LAS BYUNG BA'I SHES PAS GNOD PA'I PHYIR RO, ,'ON TE GNYI GA LA GRUB PA GANG YIN PA DE KHO NA SUN 'BYIN PA MA YIN NAM, SANGS RGYAS PA LA NI LUNG TSAD MA YANG MA YIN TE, TSAD MA NI GNYIS KHO NA'O, ,ZHES NGES PAR GZUNG BA'I PHYIR RO, ,DE JI LTAR TSAD MA NYID DU MA GRUB PA'I LUNG GIS SANGS RGYAS PA LA GNOD PA BYED CES DOGS PA LA, RIG BYED DON RTOGS ZHES BYA BA LA SOGS PA SMOS SO, ,'DI SNYAM DU SEMS TE GANG GIS KHA BLANGS PA TZAM GYIS MA GRUB PA'I LUNG TSAD MA NYID DU 'GYUR BA 'DOD PA TZAM GYIS DNGOS PO GRUB PA DANG MA GRUB PAR 'GYUR BA NI MA YIN NO, ,'O NA CI ZHE NA TSAD MA'I STOBS KYIS TE GANG GRUB PA DE NI GNYI GA LA YANG GRUB PA YIN TE, ME LA SBYIN SREG LA SOGS PA'I NGAG LAS BYUNG BA'I SHES PA 'DI NI CHES BSTAN PA YIN NO ZHES BSGRUBS ZIN TO, ,DE'I PHYIR JI LTAR TSAD MA MA YIN NO ZHES BRJOD PAR NUS TE, KHYED KYI 'DI NI TSIG TZAM RIG PA DANG BRAL BA 'BA' ZHIG TU ZAD DO ZHES BYA BA NI BSDUS PA'I DON TO, ,MI 'DOD PA ZHES BYA BA NI 'JIG RTEN PA'O, ,'DOD PA ZHES BA BA NI 'JIG RTEN PA 'DOD PA NYID DO, ,RING NA GNAS PA ZHES BYA BA NI SH'AKYA THUB PA LA SOGS PA'I RIG BYED LA STE, DE 'DZIN PA LA SOGS PA'I LAS PHYI ROL DU GYUR PA'I PHYIR RO; ,MNGON SBYOR DE 'BREL DGOS PA CAN, ,ZHES BYA BA NI RIG BYED DE LA MNGON PAR SBYOR BA SE, BRJOD PA DGOS PA SKYES BU'I DON MCHOD SBYIN LA SOGS PA'I MTSAN NYID GANG DAG LA YOD PA DE DAG LA DE SKAD CES BYA'O, ,TSANGS LHA SDANG BA ZHES BYA BA NI RIG BYED LAS DPA'O, ,YANG NA DE LAS BYUNG BA'I SHES PA NI TSANGS PA'O, ,RNAM GCIG TU NA LUNG GIS GNOD PAR MA GYUR MOD, DE LTA NA YANG DAM BCA' BA'I DON MNGON SUM LA SOGS PA SUN PHYUNG BA NYID YIN TE, TSAD MAS GNOD PA YIN NO ZHES BSTAN PA'I PHYIR, GZHAN YANG ZHES BYA BA LA SOGS PA SMOS TE,

135b

'DIS NI MNGON SUM GYIS GNOD PA BSHAD DO, 'DIS LTAR DUS THAMS CAD DU DE NYID 'DI YIN NO SNYAM PA'I NGO SHES PAR BYA BA'I PHYIR RO, ,NGO SHES PA ZHES BYA BA'I MNGON SUM LAS MI RTAG PA NYID DU GRUB PO, ,YUL THAMS CAD DU NGO SHES PA'I PHYIR KHYAB PA NYID KYANG GRUB PAS SU ZHIG GIS RTAG PA DANG KHYAB PA DAG GI BZLOG PA NGES PAR 'GYUR TE, 'GA' ZHIG GIS KYANG MA YIN NO KHYAB BDAG NYID NI KHYAB PA DANG BDAG NYID DO, ,PHYIN CI LOG DAG NI MI RTAG PA NYID DANG KHYAB BYED MA YIN PA NYID DE, DE'I PHYIR ZHES BYA BA NI MJUG SDUD PAR BYED DO, ,DUS KUN ZHES BYA BA NI 'DAS PA DANG MA 'ONGS PA DANG DA LTAR BYUNG BA RNAMS LA'O, ,'DI'I ZHES BYA BA NI PHYIN CI LOG GI'O, ,ME LCE LA SOGS PA ZHES BYA BA LA SOGS PAS NGO SHES PA 'KHRUL PA CAN NYID DU DOGS PAR BYED DO, ,SOGS PA'I SGRAS YANG 'BYUNG BA'I SKRA DANG, SEN MO DANG RTZVA DANG, CHU BO'I RGYUN LA SOGS PA BZUNG STE, GANG GI PHYIR DE LA YANG SGRA 'DI DAG NI DE NYID YIN NO, ,RTZVA 'DI DAG NI DE DAG NYID YIN NO, ,CHU BO'I RGYUN DE NYID CHU YIN RGYUD 'DI NYID YIN NO ZHES NGO SHES PA YOD PA MA YIN NO ZHE NA, DE NI YOD PA MA YIN TE, 'DI LTAR DE LA ME NYID LA SOGS PA'I SPYI NGO SHES PAR BYED DE, DE YANG RTAG PAR 'DOD PA NYID PHYIR, GA LAS 'KHRUL PA YIN, GANG YANG GSAL BA'I NGO BO MI RTAG PA DE NI NGO SHES PA NYID MED PA'I PHYIR, DE LTA NA'ANG GA LAS 'KHRUL PA YIN NO, ,CHA 'GA' ZHIG LA ZHES BYA BA NI DMAN PA DANG CHES DANG, CHES CHER DMAN PA LA SOGS PA LA'O, ,KHYAD PAR 'GA' ZHIG GIS ZHES BYA BA NI DMAN PA NYID DANG STENG DU 'GRO BA LA SOGS PAS SO, ,JI LTAR RTOGS SHE NA, THA DAD BLOS NGES PAS ZHES BYA BA SMOS TE, THO THA DAD PAS 'DIR RTOGS SO ZHES BYA BA'I DON TO, ,KHA CIG TU GSAL BAS ZHES 'DON PA DER NI DON 'DI YIN TE, BLO THA DAD PA 'DI SPANGS PA YIN ZHES BYA BA'I DON TO, ,RJES SU DPAG PAS GNOD PA BSHAD PA NI, YUL DANG DUS ZHES BYA BA LA SOGS PA STE, BA LANG GI SGRA'I GSAL BA DAG LA BLO RNAMS YUL DANG DUS MYUR BA DANG, DAL BA DANG, BAR MA LA SOGS PAR

136a

, ,SNANG BA'I KHYAD PAR THA DAD PA GANG DAG YIN PA DE DAG NI DON GCIG GI YUL CAN YIN PA'AM, SNA TSOGS PA'I DON GYI YUL CAN MA YIN TE, BA LANG NGO SNYAM PA'I RNAM PA 'DZIN PAR SKYES PA'I PHYIR, DA LTAR SKYES PA'I BA LANG GI BLO BZHIN NO, ,YANG NA GANG DANG GANG BA LANG GI SGRA'I YUL CAN GYI BLO YIN PA DE NI DA LTAR GYI BA LANG GI SGRA'I YUL CAN YIN TE, DER SKYES PA'I BA LANG GI SGRA'I YUL CAN BZHIN NO, ,KHAR RTZANG GI BA LANG GI SGRA'I BLO YANG BA LANG GI SGRA'I YUL CAN YIN NO ZHES BYA BA NI RANG BZHIN GYI GTAN TSIGS SO, , RNAM PA GCIG TU NA DA LTA'I BA LANG GI SGRA'I BLO NI CHOS CAN NO, ,KHAR RTZANG GI BA LANG GI SGRA'I YUL CAN NYID NI BSGRUB PAR BYA BA'I CHOS SO, ,BA LANG GI SGRA'I YUL CAN YIN ZHES BYA BA NI GTAN TSIGS SO, ,KHAR RTZANG GI BA LANG GI SGRA'I BLO NI DPE'O, ,'DI NYID 'CHAD PA NI, YANG NA 'DI NI ZHES BYA BA LA SOGS PA STE, 'DI NI ZHES BYA BA NI DA LTAR GYI BLO'O, ,DE ZHES BYA BA NI KHAR RTZANG GI BA LANG GI SGRA YIS SHES PAS DMIGS PA'I BA LANG GI SGRA'O, ,GTAN TSIGS DE PHYIR ZHES BYA BA NI BA LANG GI SGRA'I YUL CAN YIN PA'I PHYIR RO, ,YANG NA KHAR RTZANG DANG DE RING GI BLO GNYI GA YUL GCIG PA YIN TE, BA LANG GI SGRA'I YUL CAN YIN PA'I PHYIR BA LANG GI SGRA GCIG GI BLO DE BZHIN NO, ,DE NYID NA YANG GNYI GA ZHES BYA BAS STON TE, GTAN TSIGS SKABS YIN PA'I PHYIR SHES PAR SLA BAS MA BSHAD DO, ,DE YANG NA YUL LA SOGS PA'I KHYAD PAR THA DAD PA'I BA LANG NYID KYI BLO MTHA' DAG NI BA LANG GI BLO GCIG GIS BSKYED PAR BYA BA YIN TE, BA LANG GI BLO YIN PA'I PHYIR BA LANG GCIG GI BLO BZHIN NO, ,SNGAR NI BA LANG GI SGRA'I YUL CAN GYI BLO NI CHOS CAN LA YUL GCIG PA YANG BSGRUB BYA YIN LA, DA LTAR GYI BA LANG NYID KYI RIGS KYI YUL CAN GYI BLO CHOS CAN YIN ZHING, BA LANG GI SGRA GCIG GIS BSKYED PAR BYA BA NYID NI BSGRUB BYA YIN NO ZHES BYA BA NI KHYAD PAR RO, ,'DI LA KHAR RTZANG BRJOD PA YOD PAS KHAR RTZANG BRJOD PA STE, 'DI YANG CHOS CAN STON PA'O, ,DE YANG

136b

'JUG PA NI BSGRUB PAR BYA BA'I CHOS SO, ,LHAG MA NI GO SLA'O, ,BA LANG ZHES BYA BA DANG THOS SGRA ZHES BYA BA NI CHOS CAN STON PA'O, ,DE NI KHAR RTZANG YANG THOS PA NI BSGRUB PAR BYA BA'I CHOS SO, ,SNGAR BSTAN NYID KYI PHYIR ZHES BYA BA NI BA LANG GI SGRA'I SHES PA RTOGS PAR BYA BA'I PHYIR RO, ,YANG NA RJOD PAR BYED PA'I SGRA JI SNYED PA ZHES BYA BA 'DI NI CHOS CAN STON PA'O, ,DE NI DUS RING BRTEN NA BSGRUB BYA'I CHOS SO, ,'BREL PA NYAMS MYONG LA LTOS PA'I, ,SHES BYA SHES PA 'JUG PHYIR RO, ,ZHES BYA BA NI GTAN TSIGS SO, ,'BREL PA NYAMS MYONG LA LTOS PA ZHES BYA BA NI 'BREL PA NYAMS SU MYONG BA LA LTOS PA YANG YOD LA, SHES BYA BA LA SHES PA 'JUG PA'ANG YIN PA'I PHYIR DE SKAD CES BYA'O, ,DE LTA BAS NA BRTAN PAR SHES PAR BYA LA, BRTEN PA NYID KYI KHYAD PAR DUS RING BRTEN, ,ZHES BYA BA LA, 'DIR DUS BRTEN PAS BRTEN PA NYID DU 'DOD KYI RI LA SOGS PA BZHIN DU YUL BRTEN PAS NI MA YIN NO ZHES KHYAD PAR GYIS BSTAN TO, ,DU BA SPYI'I CHA BZHIN NO ZHES BYA BA NI DPE STE RANG GI MTSAN NYID RJES SU MI 'GRO BA'I PHYIR RTAGS MA YIN PAS SPYI'I CHA KHO NA DPE YIN NO, ,MI BRTAN PA NI ZHES BYA BA LA SOGS PA NI LDOG PA STON PA'O, ,DE TSE RGYU MTSAN CAN NYID PHYIR ZHES BYA BA LA DE TSE NI DUS DE TZAM MO, ,THA SNYAD KYI DUS SU RJES SU MI 'GRO BA'I RGYU MTSAN NYID 'BREL PA GANG LA YOD PA DE LA DE SKAD CES BYA STE, DE'I DNGOS PO NI DE NYID DO, ,'ON TE TSUL 'DIS BUM PA LA SOGS PA RNAMS KYANG GCIG NYID DU RJOD PAR NUS PA MA YIN NAM, YUL DANG DUS LA SOGS PA THA DAD PA'I BUM PA LA SOGS PA GSAL BA'I BLO THAMS CAD MTSUNGS PA'I YUL CAN YIN PA'AM, SNA TSOGS PA'I DON GYI YUL CAN MA YIN TE, BUM PA'O SNYAM DU BLO SKYE BA'I PHYIR DA LTAR SKYES PA'I BUM PA'I BLO BZHIN NO ZHES BYA BA DE LTA BU LA SOGS PA'O, ,BUM PA LA SOGS PA GCIG NYID DU 'DOD PA'AM MTHONG BA'ANG MA YIN TE, DE LTA BAS NA GTAN TSIGS DE THAMS CAD 'KHRUL PA YIN NO SNYAM DU DOGS PA LA RIGS LA ZHES BYA BA LA SOGS PA SMOS TE, GAL TE RIGS

137a

, ,LAS TE RIGS KYI NGO BOS BUM PA LA SOGS PA GCIG NYID DU THAL BAR 'GYUR BAS BSGRUB PAR BYA BA YIN NA DE'I TSE GRUB PA LA SGRUB PA YIN TE, DE NI 'DI RIGS ZHES BYA'I CHA, ,RTAG CING CIG SHOS 'JIG PAR 'DOD, ,CES SMRAS PA YIN NO, , CI STE GSAL BA'I NGO BO RNAMS GCIG NYID DU THAL BAR 'GYUR BAS BSGRUB NA DE'I TSE YANG 'KHRUL PA MED DO, ,DAM BCA' BA NI MNGON SUM LA SOGS PAS GNOD PA'I PHYIR RO, ,GANG GI PHYIR GNOD PA MED PA'I YUL CAN YIN NA ZHES 'DI LA GTAN TSIGS THAMS CAD KHYAD PAR DANG BCAS PAR MNGON PAR 'DOD DO, ,DE'I PHYIR GA LAS 'KHRUL PA YIN SNYAM DU BSAMS PA'O, ,MTHONG BA DANG 'GAL ZHES BYA BA LA DAM BCA' BA ZHES BYA BA LHAG MA'O, ,LTAG MA NI GO BAR ZAD DO, ,GZHAN YANG SGRA MI RTAG PA NYID DU DAM BCA' BA RJES, SU DPAG PA DANG DON GYIS GO BDAG GIS GNOD PAR STON TO, ,DE LA 'DI NI RJES SU DPAG PA YIN TE, GANG DAG GI 'BREL PA BCOS MA MA YIN PA DE DAG NI BCOS MA MA YIN PA STE, DPER NA NAM MKHA' DANG RDUL PHRA RAB BZHIN NO, ,SGRA'I RIGS KYI MING CAN GYI DON GYI BRJOD PAR BYA BA DANG RJOD PAR BYED KYI DNGOS PO'I MTSAN NYID KYI 'BREL PA YANG MA BCOS PA YIN NO ZHES BYA BA NI RANG BZHIN GYI GTAN TSIGS SO, ,MA GRUB PA SPANG BA'I PHYIR, BCOS MA NYID NI ZHES BYA BA LA SOGS PA SMOS TE, BCOS MA NYID NI 'BREL PA ZHES BYA BA LA LTOS PAR BYA'O, ,GAL TE 'BREL PA BCOS MAR GYUR NA, DE'I TSE SBYOR BA MED PA'I PHYIR TE, SGRA'I SBYOR BA ZHIG PA'I PHYIR SGRA YANG 'JIG PAS THAMS CAD DU RJES SU 'GRO BAR MI 'GYUR RO, ,GANG LAS SHE NA, DE NI GSAL BA GCIG GI MTHAR THUG PA'I PHYIR TE; BA LANG GI GSAL BA GCIG NI MTHAR THUG PA'I PHYIR RO, ,DE LA DON GYIS GO BA NI GANG DAG PA LANG GI GSAL BA GCIG LA MNGON SUM DU PHYOGS PA'I SPYI'I DU MA GNAS PA NA PA LANG GI SGRA LAS NGES PAR GZUNG BA'I BA LANG NYID RTOGS PA DE NI SGRA RTAG PA NYID MED PAR

137b

'THAD PA MA YIN NO, ,JI LTAR ZHE NA, SA BYUNG ZHES BYA BA LA SOGS PA SMOS TE, DON GYIS GO BA 'DI NI SGRA LAS BYUNG BA'I TSAD MA SNGON DU 'GRO BA CAN YIN NO, ,DE'I PHYIR ZHES BYA BA NI RJES SU DPAG PA MJUG PA SDUD PAR BYED DE, RTAG PA DANG ZHES BYA BA NI RIGS KYI MING CAN GYI DON DANG NGO, ,RTAG TU STE DUS THAMS CAD DU 'BREL PA'I PHYIR TE, DPER NA RDUL PHRA RAB RNAMS RTAG PA'I NAM MKHA' BZHIN NO, ,DON GYIS GO BA'I MA NGES PA NYID SPANG BA'I PHYIR, DU MA'I SPYI LA ZHES BYA BA LA SOGS PA SMOS TE, JI SKAD DU BSHAD PA LAS SGRA RTAG PA LA LAN MANG DU BRJOD CING SNGAR THOS PA NA BA LANG GZHAN DANG GZHAN DAG LA RJES SU 'GRO BA DANG LDOG PA DAG GI SPYI BRJOD PA NYID RTOGS PAR 'GYUR TE, DE'I PHYIR YANG RTAG PA YIN NO ZHES BSHAD DO, ,GSAL BA RANG GI RGYU MTSAN CAN, ,ZHES BYA BA NI BDAG NYID JI LTAR BA'I KHYAD PAR THA DAD PA RNAMS ZHES BYA BA'I DON TO, ,DE DAG GI THA DAD PA RTOGS PA'I RGYU MTSAN NI THA DAD PA NYID DE, DES NA BDAG NYID KYI THA DAD PA NYID GANG DAG LA YOD PA DE DAG NI RANG GI RGYU MTSAN CAN TE, SPANGS NAS ZHES 'BREL TO, ,'DI SNYAM DU GAL TE YUN RING MOS RTOGS PA DE LTA NA YANG JI LTAR SGRA'I DUS THAMS CAD DU YOD PA NYID GRUB SNYAM DU SEMS NA, DE SNYED DUS SU ZHES BYA BA LA SOGS PA SMOS TE, DE SNYED PA'I DUS NI THA DAD PA'I RANG GI DON RTOGS PAR BYED PA'I DUS SO, ,'ON TE BUM PA LA SOGS PA DUS DE SNYED DU BSTAN PA RNAMS KYANG THO BA LA SOGS PA DAG GIS PHYIS 'JIG PA DE BZHIN DU SGRA YANG 'GYUR BA YIN NO ZHE NA, SLAR YANG ZHES BYA BA LA SOGS PA SMOS TE, SLAR YANG ZHES BYA BA NI PHYI NAS SO, ,DPER NA BUM PA LA SOGS PA MTSON CHA LA SOGS PAS GCOD PA'AM RNYING PAS 'JIG PA DE LTAR SGRA LA RGYU YOD PA MA YIN NO, ,CI LTAR ZHE NA, LUS CAN MA YIN PA'I PHYIR TE, BUM PA LA SOGS PA RNAMS KYANG LUS CAN YIN PA'I PHYIR RO SNYAM DU BSAMS PA'O, ,RIGS LAS BUM SOGS GCIG GYUR NA, ,GRUB PA SGRUB

138a

, ,YIN PAR 'DOD, ,GAL TE PHYOGS 'DIS GSAL BA RNAMS, ,GCIG TU 'GYUR BA BYED PAS NA, ,DE TSE TSAD MA THAMS CAD KYIS, ,MTHONG BA DANG 'GAL BRJOD PAR BYA, ,ZHES GANG SMRAS PA DE NI 'DI LA YANG MTSUNGS TE, RIGS LAS GA SOGS GCIG GYUR NA, ,GRUB PA SGRUB PA YIN PAR 'DOD, ,CES BYA BA LA SOGS PA THAMS CAD BRJOD PAR BYA'O, ,'DI LTAR YUL DANG DUS DANG SBYOR BA PO THA DAD PA'I PHYIR BA LANG LA SOGS PA'I GSAL BA BZHIN DU GA LA SOGS PA YI GE'I GSAL BA MANG PO YIN TE, BA LANG NYID LA SOGS PA BZHIN DU DE'I RTEN CAN GYI GA LA SOGS PA YANG SPYIR 'DOD PA'I PHYIR THAMS CAD MTSUNGS SO ZHES DOGS PA BSU NAS, YUL DANG DUS DANG ZHES BYA BA LA SOGS PA SMOS TE, NGO SHES PAR BRJOD PA'I MNGON SUM LAS GSAL BA RNAM GCIG TU GRUB PO, ,MNGON SUM DANG 'GAL NA RJES SU DPAG PAR TSAD MAR 'GYUR BA MA YIN TE, MNGON SUM NI TSAD MA THAMS CAD KYI THU BO YIN PA'I PHYIR RO SNYAM DU BSAMS PA YIN NO, ,'ON TE MYUR BA DANG DAL BA DANG BAR MA LA SOGS PA'I RTOGS PA THA DAD PA'I PHYIR GSAL BA RNAMS THA DAD PA NYID DU GRUB PA MA YIN NAM, DE JI LTAR NGO SHES GSAL BAR YOD, ,CES BRJOD CE NA, MYUR BA LA SOGS THA DAD KYANG, ,ZHES BYA BA SMOS TE, RNAM CHAD PAR ZHES BYA BA NI THA DAD PA'O, ,GRUB PA ZHES BYA BA NI MA BRTAGS PA'O, ,GA'I GSAL BA NI YI GE GA'I GSAL BA STE, NGO SHES PA GCIG TU BYAS PA'I PHYIR GA'I GSAL BA GZHAN YOD PA MA YIN NO SNYAM DU BSAMS PA YIN NO, ,'ON TE 'DI 'DRA GA NYID LA SOGS PA'I RIGS KHO NA SHES PA YIN GYI, GSAL BA NI MA YIN PA MA YIN NAM, DE JI LTAR GSAL BA LA NGO SHES PAR 'GYUR ZHE NA, SHIN TU THA DAD CES BYA BA LA SOGS PA SMOS TE, GA GZHAN BLO YIS MA RTOGS PHYIR, ,YI GE GA LAS GZHAN NI GA GZHAN TE, DE LA BLO DES MA RTOGS PHYIR TE, MA BZUNG BA'I PHYIR RO, ,KUN TU BRTAGS PA'I GNYID BZHIN, ,ZHES BYA BA NI SPYI RNAMS KYI SPYI MED PA YIN PA'I PHYIR ZHES BYA BA NI GRUB PA'I MTHA' YIN PA'I PHYIR RO, ,YI GE'I PHYIR YANG 'DI BSGRUB BYA, ,ZHES BYA BA NI GNYID DGAG PA ZHES BYA BA LHAG MA'O, ,DE LA SBYOR

138b

BA NI GANG DANG GANG YI GE YIN PA DE NI SHIN TU THA DAD PA'I GNYID KYI RTEN DU 'GYUR BA MA YIN TE, DPER NA YI GE KHA LA SOGS PA BZHIN NO, ,YI GE GA 'DI YANG YI GE YIN NO ZHES BYA BA NI 'GAL BAS KHYAD PAR DMIGS PA STE, GNYID KYI RTEN DANG 'GAL BAS YI GE LA KHYAB PA'I PHYIR RO, ,'DIR DAM BCA' BA MTHONG BA DANG 'GAL BA MA YIN NO ZHES BYA BA 'CHAD PA NI LDOG PA YANG ZHES BYA BA LA SOGS PA STE, LDOG PA NI THA DAD PA'O, ,MTHONG BA NI MNGON SUM MO, ,'DI SNYAM DU SANGS RGYAS PA LA GRUB PA LA SGRUB PA YIN TE, 'DI LTAR BLO GCIG NYID NI GZHAN SEL BA'I RGYU MTSAN CAN DU 'DOD KYI, THA DAD PA'I GNYID KYI RGYU MTSAN GYIS NI MA YIN TE, DE LTA YIN DANG THA DAD PA'I GNYID BKAG NA YANG BLO GCIG GI DBANG GIS YI GE GCIG NYID DU MI 'GRUB STE, DE NI GZHAN SEL BA'I RGYU MTSAN CAN YIN PA'I PHYIR RO ZHES DOGS PA LA, GNYIS LAS GRUB PA'I ZHES BYA BA LA SOGS PA SMOS TE, CI'I PHYIR GNYI GA LA GRUB PA'I YI GE'I BDAG NYID YONGS SU SPANGS NAS BRTAGS PA'I GZHAN SEL BA'I RTAG PA NYID DANG GCIG PU DANG KHYAB PA NYID LA SOGS PA RJOD PAR BYED DE, RIGS KYI CHOS GNAS PA'I PHYIR RO ZHES BSHAD PA'I PHYIR RO, ,GANG KHO NA GNYI GA LA GRUB PA DE KHO NA BRTAG PAR RIGS TE, GZHAN DU NA MA MTHONG BA RTOG NA HA CANG THAL BAR 'GYUR RO, ,DE LTA BAS NA YI GE GCIG YIN PA'I PHYIR NGO SHES PA'I BLO GCIG NYE BAR SKYE BA YIN NO, ,GAL TE DE LTA NA MYUR BA DANG DAL BA DANG BAR MA LA SOGS PA'I KHYAD PAR GYI BLO JI LTAR 'GYUR ZHE NA, GSAL BAR BYED PA THA DAD PAS, ,ZHES BYA BA LA SOGS PA SMOS TE, GSAL BAR BYED PA NI RLUNG LAS BYUNG BA'I LDAN PA DANG RNAM PAR DBYE BA DAG GO, ,'ON TE RLUNG RNAM BA'I YUL MA YIN PA'I PHYIR DE'I LDAN PA DANG RNAM PAR DBYE BA YANG RNA BA'I YUL MA YIN PA MA YIN NAM, DE JI LTAR GSAL BAR BYED PA MA BZUNG BAS GSAL BAR BYED PA 'DZIN PAR 'GYUR, SNANG BA MA BZUNG BAR DE'I GSAL BAR BYA BA BUM PA LA SOGS PA 'DZIN PAR RIGS PA MA YIN NO SNYAM DU BSAMS NAS RTZOD PAR BYED PA NI GANG GI ZHES BYA BA LA SOGS PA STE, GANG GI ZHES BYA BA NI, ,BRDA SPROD PA LA SOGS PA GANG GI LTAR NA DBYANGS KYI BDAG NYID KYI

139a

, ,SGRA GSAL BAR BYED PA YIN GYI RLUNG LAS BYUNG BA'I LDAN PA DANG RNAM PAR DBYE BA'I BDAG NYID MA YIN PA DE'I LTAR NA GSAL BYA DANG GSAL BYED GNYIS SNANG BA'I GZUNG BAR BYA BA YIN PA'I PHYIR GCIG GI BLO DANG KHYAD PAR GYI BLO STE BLO GNYIS SU 'GYUR RO, ,KHYED SPYOD PA PA LA RLUNG LAS BYUNG BA'I LDAN PA DANG RNAM PAR DBYE BA'I BDAG NYID RNAMS KYIS KHYAD PAR GYI BLO 'BYUNG BAR JI LTAR 'GYUR, GA LAS SHE NA, SGRA TZAM RNAMS NI DBANG PO LAS 'DAS PA YIN PA'I PHYIR RO ZHES BYA BA LA LHAG MA'O, ,GANG TSE SGRA TZAM ZHES BYA BA LA SGOS PAS LAN 'DEBS PAR BYED DE, DE NI STE SGRA TZAM NI DE DANG 'BREL BA'I PHYIR ZHES BYA BA NI SGRA DANG 'BREL BA'I PHYIR RTOGS PA STE 'DZIN PA YIN PAR KHA CIG RJOD PAR BYED DE, GAL TE SGRA TZAM 'BA' ZHIG RNA BAS GZUNG BAR BYA BA MA YIN PA DE LTA NA YANG SGRA DANG 'BREL PA 'DZIN PA NI YOD PA'I PHYIR BLO GNYIS SU 'GYUR BA YANG MA YIN NO ZHES BYA BA NI DE DAG GI GSAL BA'O, ,YANG NA DE DAG CES BYA BA 'DIS NI MI 'DZIN PA'I PHYOGS LA YANG BLO GNYIS SGRUB PAR BYED DO, ,DE DAG CES BYA BA NI LDAN PA DANG RNAM PAR DBYE BA'I BDAG NYID KYI SGRA TZAM RNAMS SO, ,JI LTAR MA BZUNG BAS GSAL BAR BYED PAS GSAL BYA'I BLOR 'GYUR ZHE NA, DE YI DBANG GIS SGRA LAS SNANG, ,ZHES BYA BA SMOS TE, SGRA TZAM GYI DBANG GIS TE, DE YOD PA TZAM NYID KYIS ZHES BYA BA'I THA TSIG GO, ,GAL TE RANG GI NGO BO TZAM 'DZIN DU CHUG MOD, CHEN PO LA SOGS PA'I KHYAD PAR 'DZIN PAR JI LTAR 'GYUR ZHE NA, DE YANG 'DU BYED RJED BYED CES BYA BA LA SOGS PA SMOS TE, GANG GI TSE SGRA TZAM CHEN PO DAG GIS RNA BA LA 'DU BYED PA CHEN PO BYED PA DE'I TSE SGRA LA CHEN PO NYID DU RTOGS LA, GANG GI TSE CHUNG DUS CHUNG DU YIN PA DE'I TSE CHUNG BA NYID DO ZHES BYA BA DE LTA BU'I 'DU BYED KYI RJES SU BYED PA'I PHYIR GONG NAS GONG DU THA DAD PA YANG SBYAR BAR BYA'O, ,'ON TE GANG CHEN PO LA SOGS PA 'DZIN PA DE KHYOD KYI LUGS KYIS GSAL BAR BYED PA LA GNAS PA NYID YIN GYI, GSAL BAR BYA BA LA GNAS PA NI MA YIN NAM, DE YANG GSAL BAR BYED PA MA BZUNG BAS MI 'DZIN PA NYID KYI PHYIR DE JI LTAR GSAL BAR BYED PA LA GNAS PA MA BZUNG BAR SGRA LA CHEN PO LA SOGS PA SGRO 'DOGS PAR BYED DE, CHU LA SOGS PA YUL DU MA BYAS PAR SMIG RGYU LA SOGS PA LA SGRO 'DOGS PAR 'GYUR BA NI MA YIN NO ZHE NA, DPER NA MNGAR BA KHA BA DANG, ,ZHES BYA BA LA SOGS PA SMOS TE, 'DI

139b

LTAR MKHRIS PA'I NGO BO MA YIN PA BZUNG BA NYID DU MKHRIS PA'I SKYON GYIS MNGAR BA LA SOGS PA'I YUL LA KHA BA LA SOGS PA'I NGO BOR 'DZIN PA DANG, YANG NA JI LTAR MYUR DU 'GRO BA DANG GRUR ZHUGS PA 'KHOR BAS BSGOS PA'I 'KHRUL PA CAN DRI LA SOGS PA 'GRO BA DANG 'KHOR BAR MTHONG BA DANG, JI LTAR SBAL BA'I ZHAG GIS MIG BYUGS PAS GDUNG MA SPRUL GYI NGO BOR MTHONG STE, JI LTAR GSAL BAR CHUNG BA DANG CHE BA DAG GIS DE LA BRTEN PA'I GSAL BA LA BRTEN PA'I SPYI CHUNG BA DANG CHE BA DAG GIS RTOGS PA YIN NO, ,YOD PA ZHES BYA BA NI SPYI CHEN PO'O, ,CHUNG BA NI BA LANG NYID LA SOGS PA'O, ,DE LTA MA YIN NA RTAG TU THAMS CAD DU 'GRO BA NYID KYIS THAMS CAD DU MTSUNGS PA'I PHYIR SPYI'I CHUNG NGU DANG CHEN PO NYID SU ZHIG GIS BYAS PAR 'GYUR, DE LTA BAS NA JI LTAR MKHRIS PA LA SOGS PA RGYU MTSAN MED PAR MNGAR BA LA SOGS PA DE DAG KHA BA LA SOGS PA'I NGO BOR 'DZIN PA DE BZHIN DU GSAL BAR BYED PA LA GNAS PA CHEN PO LA SOGS PA MA BZUNG BAR SGRA LA CHEN PO LA SOGS PAR 'KHRUL BAR 'GYUR RO, ,MA RTOGS NAS ZHES BYA BA NI 'KHRUL BA'I BYA BA LA LTOS NAS BYED PO MTSUNGS PA NYID DO, ,DE LTA MA YIN NA KVA'I RKYEN DU MI 'GYUR RO, ,CI STE GANG DAG SGRA LA SOGS PA'I CHUNG NGU DANG CHEN PO LA SOGS PA'I BLO DE GZHAN GYI RGYU MTSAN CAN YIN GYI, CHEN PO LA SOGS PA THA DAD PA YOD PA'I PHYIR RANG GI NGO BOS NI MA YIN NO ZHES BYA BA JI LTAR RTOGS PAR BYA ZHE NA, RANG LAS THUNG SOGS ZHES BYA BA LA SOGS PA SMOS TE, SOGS PA'I SGRAS NI RING BA DANG 'PHAR BA DANG STENG DU 'DON PA DANG, RJES SU 'DON PA DANG, 'BRING DU 'DON PA DANG, DRUG SKYES PA LA SOGS PA YONGS SU BZUNG NGO, ,RTAG PAR SMRA BA LA 'GAL LO ZHES BYA BA NI NGO SHES PAS RTAG PA NYID DU GRUB PA'I PHYIR RO SNYAM DU BSAMS PA YIN NO, ,SGRA NI ZHES BYA BA LA SOGS PAS GZHAN GYI LUGS KYIS MNGON PAR GSAL BA MA GRUB PA DOGS PAR BYED DO, ,SGRA'I MNGON PAR GSAL BA DE YIN NA, RLUNG LAS BYUNG BA'I LDAN PA DANG RNAM PAR DBYE BA DAG GIS SGRA LEGS PAR BYAS PA LAS SAM, DBANG PO LEGS PAR BYAS PA LAS SAM, SGRA DANG DBANG PO GNYIS KA LEGS PAR BYAS PA LAS YIN GRANG, DE LA GAL TE SGRA LEGS PAR BYED PA YIN NA, DE'I TSE GRONG KHYER DMAR BU CAN LA SOGS PA YUL

140a

, ,GCIG TU LEGS PAR BYAS PA YUL THAMS CAD NA GNAS PA RNAMS KYIS CIG CAR 'DZIN PAR 'GYUR TE, DE NI THAMS CAD DU SONG BA YIN PA'I PHYIR RO, ,YANG CI STE YUL GCIG TU LEGS PAR BYAS PA YIN GYI THAMS CAD DU NI MA YIN NO SNYAM NA, CHA SHAS MED PA'I ZHES BYA BA LA SOGS PA SMOS TE, SGRA NI CHA SHAS MED PA YIN TE, LUS CAN MA YIN PA'I PHYIR RO, ,CI LTAR KHYAB PA NYID YIN NA YANG CHA SHAS MED PA PHYOGS GCIG GIS 'DU BYED PAR 'GYUR, CI STE YANG CHA SHAS MED PA YIN NA YANG RTEN THA DAD PA'I PHYIR THA DAD PAR LEGS PAR BYED PAR 'GYUR RO SNYAM NA, BRTEN PA'I BYE BRAG DAG GIS KYANG ZHES BYA BA SMOS TE, KHYAB PA'I PHYIR SGRA NI RTEN MED PA YIN NO, ,'ON TE SGRA NAM MKHA'I YON TAN YIN PA'I PHYIR DANG, YON TAN YANG YON TAN CAN LA BRTEN PA'I PHYIR SGRA'I NAM MKHA' YOD PA YIN NO ZHE NA, 'ON TE NAM MKHA' RTEN YIN NA ZHES BYA BA LA SOGS PA SMOS TE, NAM MKHA' CHA SHAS MED PA'I PHYIR RTEN GYI PHYOGS THA DAD PAS LEGS PAR BYED PA THA DAD PA MA YIN NO, ,'ON TE GAL TE YANG NAM MKHA' CHA SHAS MED PA YIN PA DE LTA NA YANG LDAN PA THA DAD PA'I PHYIR BUM PA'I NAM MKHA' LA SOGS PA BZHIN DU RNA BA'I KHUNG BU'I MTHAR THUG PAR YONGS SU DPYAD PA'I NAM MKHA' THA DAD PAR 'GYUR BA YIN NO ZHE NA, SGRA MA LUS PA RTOGS PHYIR YANG ZHES BYA BA SMOS TE, PHYOGS GCIG LEGS PAR BYAS MI 'GYUR, ,ZHES 'BREL TO, ,SGRA NI CHA SHAS MED PA NYID RTOGS TE, NAM MKHA'I PHYOGS GCIG LEGS PAR BYAS PA YIN NA DE YANG RTOGS PAR MI 'GYUR RO, , JI LTAR ZHE NA, 'DI NYID MJUG SDUD PA'I PHYIR, PHYOGS GCIG LEGS PAR BYAS PA NA, ,ZHES BYA BA LA SOGS PA SMOS TE, NAM MKHA' KHYAB PAR GNAS PA'I SGRA DE'I PHYOGS GCIG GIS LEGS PAR BYAS PA NI, MTHA' DAG SHES PAR NUS PA MA YIN NO, ,DBANG PO LEGS PAR BYAS PA'I PHYOGS LA SUN 'BYIN PA BSHAD PA NI, NAM MKHA' RNA BA YIN PHYOGS LA, ,ZHES BYA BA LA SOGS PA STE, GANG DAG GI LTAR NA NAM MKHA' LA RNA BA YIN NO SNYAM PA'I PHYOGS DE'I LTAR NA YANG NAM MKHA' NI GCIG YIN PA'I PHYIR DANG KHYAB PA YIN PA'I PHYIR SGRA THAMS CAD DANG PHRAD PAR MTSUNGS PA'I PHYIR SGRA THAG RING PO NA

140b

GNAS PA YANG 'DZIN PAR 'GYUR LA, SROG CHAGS THAMS CAD KYI RNA BA YANG GCIG NYID DU 'GYUR RO, ,DE LTA YIN DANG GANG GI TSE GCIG THOS PA DE NYID KYI TSE THAMS CAD KYIS KYANG THOS PAR 'GYUR TE, RNA BA THA MI DAD PA'I PHYIR RO, ,GCIG GIS MA THOS PA NA THAMS CAD KYIS MI THOS PA'I SKYON YANG BRJOD PAR BYA'O, ,'DI SNYAM DU CHOS DANG CHOS MA YIN PAS MNGON PAR 'DU BYAS PA'I RNA BA'I BU GAS YONGS SU BCAD PA'I NAM MKHA' RNA BA YIN TE, DE'I PHYIR GANG LAS KHYAB PA'I PHYIR PHRAD PAR MTSUNGS PA NYID DANG, DE BZHIN DU SROG CHAGS THAMS CAD KYI RNA BA YANG GCIG NYID DU MTSUNGS PAR 'GYUR BA RNA BA'I GA'I DBUS KYI NAM MKHA' LA RNA BAR RNA BAR GZHAG PA'I PHYIR SKYON GNYIS PO 'DI YANG GZHI MED PA YIN NO SNYAM DU SEMS NA, ,'DIR BSHAD PA NI, DE NI CHA SHAS MED PA'I PHYIR, ,ZHES BYA BA STE, GANG GI NAM MKHA' PHYOGS 'GA' ZHIG KHO NA RNA BAR 'GYUR BA CHA SHAS MED PA LA DON DAM PAR PHYOGS GCIG YOD PA MA YIN NO, ,RNAM GZHAG GNYIS NI PHRAD PAR MI MTSUNGS PA'I RNAM PAR GZHAG PA DANG, RNA BA DU MA NYID DU RNAM PAR GZHAG PA'O, ,YANG NA SGRA 'DZIN PA DANG MI 'DZIN PA'I RNAM PAR GZHAG PA GNYIS SO, ,GZHAN YANG LAN CIG STE, PHYOGS GCIG RNA BA LEGS PAR BYAS NA SGRA THAMS CAD RTOGS PAR 'GYUR TE 'DZIN PAR 'GYUR RO, ,DE NI SGRA THAMS CAD KYI THUN MONG YIN PA'I PHYIR LA, SGRA DE DAG THAMS CAD KYIS KHYAB PA NYID KYI RUNG BA'I YUL NYID DU THA MI DAD PA'I PHYIR RO, ,'DI SNYAM DU GANG GIS RTOGS PAR BYA BA'I DON DU SMRA BA PO NYAN PA PO'I RNA BA LEGS PAR BYED PA'I SGRA DE KHO NA RNA BA DES 'DZIN PAR 'GYUR GYI GZHAN NI MA YIN NO SNYAM DU SEMS NA, BUM PA LA NI ZHES BYA BA LA SOGS PA SMOS TE, MI RTOGS PAR MI 'GYUR GYI, 'ON KYANG RTOGS PA KHO NA STE, YUL RUNG BAR MTSUNGS PA NYID KYI PHYIR RO SNYAM DU BSAMS PA YIN NO, ,'DI NYID CES BYA BA NI SGRA THAMS CAD 'DZIN PA'O, ,JI LTAR ZHE NA, YUL MTSUNGS PAR NI 'JUG PA'I PHYIR, ,LEGS BYAS KHYAB PA MED PHYIR RO, ,ZHES BYA BA SMOS TE, SGRA THAMS CAD KYANG KHYAB PA NYID KYI NAM MKHA' LA GNAS PAR MTSUNGS LA, DE LTA BAS NA 'DI DAG GI LEGS PAR BYAS PA YANG KHYAB PAR MED PA NYID YIN PA'I PHYIR

141a

, ,THAMS CAD 'DZIN PAR THAL BAR 'GYUR RO, ,KHA CIG TU, LEGS BYAS LA NI KHYAB MED PHYIR, ,ZHES 'DON PA DER NI NI'I SGRA RGYU'I DON TE, KHYAB PAR MED PA'I PHYIR ZHES BYA BA DANG PO LA SOGS PA YIN PA'I PHYIR GSUM PA'I MTHA' CAN YIN PAS TA SI YIN NO, ,DE LTA YIN DANG DON 'DI YIN TE, GANG GI PHYIR SGRA RNAMS KHYAD PAR MED PAR LEGS PAR BYAS PA YIN TE, YUL MTSUNGS PAR 'JUG PA'I PHYIR RO, ,DE'I PHYIR SGRA THAMS CAD 'DZIN PAR 'GYUR RO, ,'DI SNYAM DU GAL TE LEGS PAR BYAS PA KHYAD PAR MED PAR DE LTA NA YANG NYAN PA PO SGRA GANG KHO NA THOS PAR 'DOD PA DE KHO NA 'DZIN GYI GZHAN NI MA YIN NO SNYAM DU SEMS NA, 'DIR SMRAS PA, BRTAN PA'I RLUNG NI YONGS BKAG PA, ,ZHES BYA BA LA SOGS PA STE, RLUNG NI RNAM PA GNYIS TE, BRTAN PA DANG BRTAN PA MA YIN PA'O, ,DE LA BRTAN PA GANG YIN PA DE NI MUN RUM BZHIN DU SGRA SGRIB PAR GNAS TE, DE NI SMRA BA PA'O 'BANG PAS KUN NAS BSLANG BA'I RLUNG GIS LDAN PA DANG RNAM PAR DBYE BA SKYED PAR BYED LA, LDAN PA DANG RNAM PAR DBYE BA DE DAG GIS KYANG BRTAN PA'I RLUNG DE 'GEGS PAR BYED DE, DE NYID SGRA'I LEGS PAR BYAS PA YIN GYI, RANG GI MTSAN NYID RGYAS PA LA SOGS PA GZHAN NI MA YIN TE, DE NI RTAG PA NYID KYI NGO BO GCIG YIN PA'I PHYIR RO, ,DE LAS CIR 'GYUR ZHE NA, SGRIB PA RNAMS NI ZHES BYA BA LA SOGS PA SMOS TE, 'DOD CES BYA BA NI 'JIG RTEN DANG BSTAN BCOS DAG LA'O, ,DPER NA BUM PA LA SOGS PA'I MUN PA BSAL BA NA MNGON PAR MI 'DOD PA'I MDUN NA GNAS PA DE YANG DMIGS PAR 'GYUR BAR MTHONG STE, RUNG BA'I YUL LA GNAS PA'I PHYIR RO, ,DE LA GAL TE SGRA LEGS BYAS, ,THAMS CAD KYIS NI RTOGS PAR 'GYUR, ,ZHES GANG SMRAS PA DE LA SKYON MED DO, ,GANG GI PHYIR SGRA GCIG PA YIN NA YANG SKYES BU 'GA' ZHIG LA LEGS PAR MA BYAS PA DANG, LA LA LA LEGS PAR BYAS PA YIN TE, DPER NA BUD MED GCIG LTOS PA THA DAD PA'I PHYIR MA YANG YIN LA BU MO YANG YIN PA BZHIN NO ZHE NA, SGRA GCIG YIN NA ZHES BYA BA SMOS TE, SGRA GCIG NYID YIN NA LEGS PAR BYAS PA DANG LEGS PAR MA BYAS PA'I GNAS SKABS GNYIS RNAM GRANGS MED PAR MI 'GYUR TE, GNAS SKABS

141b

RNAMS NI GNAS SKABS CAN LAS THA MI DAD PA'I PHYIR GNAS SKABS CAN GYI RANG GI NGO BO BZHIN DU GNAS SKABS DAG KYANG GCIG NYID DU 'GYUR RO, ,GANG YANG BUD MED GCIG ,MA DANG BU MOR YANG BRJOD PA, ,ZHES BYA BA DE LA NI SGRA 'BA' ZHIG NYID THA DAD PA YIN GYI DNGOS PO NI MA YIN NO, ,'DI LA NI THA SNYAD TZAM THA DAD PA YIN TE, SGRA SKYES BU THAMS CAD KYIS GZUNG DU RUNG BA NYID DU KHYAD PAR MED PAR GNAS PA'I PHYIR RO, ,DE LTA YIN DANG 'DZIN PA DANG MI 'DZIN PA DAG TU MI 'GYUR LA, THA SNYAD RNAM PA GZHAN DU YIN PA TZAM GYI DON BYED PAR NGES PA'I RANG BZHIN NYAMS PAR RIGS PA YANG MA YIN NO, ,CI STE DE'I RANG BZHIN NI SO SOR NGES PA'I SKYES BUS GZUNG BAR BYA BA NYID YIN LA, DES NA SKYES BU'I NUS PA THA DAD PA'I PHYIR 'DZIN PA DANG MI 'DZIN PA DAG MI 'GAL LO ZHE NA, GANG GIS GCIG GI TSE MA BZUNG BA'I SKYES BU DES NAM YANG 'DZIN PA'I PAR MI 'GYUR LA, DE LTAR YANG MA YIN TE, DE LTA BAS NA GCIG NYID NYAMS PAR THAL BAR 'GYUR DU 'ONG BAS, LEGS PAR BYAS PA DANG LEGS PAR MA BYAS PA DAG LAS SGRA'I GNAS SKABS GANG YANG RUNG BA CIG GIS KHAS BLANG BAR BYA'O, ,DE LAS CIR 'GYUR ZHE NA, GNAS SKABS GCIG NI KHAS LEN NA, ,ZHES BYA BA LA SOGS PA SMOS SO, ,GNYIS KA LEGS PAR BYED PA'I PHYOGS LA NYES PA BSHAD PA NI, GNYI GA LEGS PAR ZHES BYA BA LA SOGS PA STE, SGRA DANG, DBANG PO'I RE RE LEGS PAR BYAS PA LA SKYON BRJOD PA GANG DAG NI GNYI GA LEGS PAR BYAS PA LA YANG 'GYUR RO, ,DE'I PHYIR ZHES BYA BA NI MJUG SDUD PAR RO, ,BSHAD PA BYED PAS ZHES BYA BA LA SOGS PAS LAN 'DEBS PAR BYED DE, BSHAD PA BYED PAS ZHES BYA BA NI JI SKAD DU GANG GI LTAR NA RNA BA LA MNGON PAR GSAL BAR BYED PA DE'I LTAR NA YANG NYES PA 'DI MED DE, LDAN PA DANG RNAM PAR DBYE BA DAG NI THAG RING PO NA YOD PA'I RNA BA'I BU GA LA PHAN 'DOGS PAR BYED PA MA YIN TE, DES NA THAG RING BA'I RNA BA GANG YIN PA DES MI DMIGS PA YIN NO ZHES BSHAD DO, ,DE'I DBYE BAS ZHES BYA BA NI RNA BA'I BU GA'I RNA BA THA DAD PAS SO, ,THOS PA THA DAD PA NI RTOGS PA THA DAD PA'O, ,'ON TE JI LTAR GZHAN LEGS PAR

142a

, ,BYAS PA NA GZHAN MNGON PAR GSAL BAR 'GYUR ZHE NA, DPER NA SGRON MA ZHES BYA BA LA SOGS PA SMOS TE, JI LTAR SGRON MA LA SOGS PA MIG LA PHAN 'DOGS PAR BUM PA LA SOGS PA MNGON PAR GSAL BAR BYED PAR 'GYUR BA DE BZHIN DU SGRA RNA LEGS BYAS PHYIR TE, RNA BA LEGS PAR BYED PA'I PHYIR SGRA'I MNGON PAR GSAL BAR BYED PAR 'GYUR RO, ,'ON TE SGRA TZAM GYIS RNAM PA GANG GIS GRUB PA'I RNA BA LEGS PAR BYED CES BYA BA 'DI BRJOD PAR BYA DGOS SO ZHE NA, DE'I PHYIR RNAM PA GANG GIS ZHES BYA BA SMOS SO, ,SKYE BA LA YANG MTSUNGS PA'I PHYIR, BRGAL ZHING BRTAG PA ZHES BYA BA LHAG MA'O, ,SGRA RANG GI RGYU DAG LAS SKYES PA YANG BRGAL ZHING BRTAG PA MTSUNGS PA YIN TE, DE LA YANG SGRA DANG RNA BA RLUNG LAS BYUNG BA'I LDAN PA DANG, RNAM PAR DBYE BA'I BDAG NYID KYI SGRA TZAM GYI RNAM PA GANG GIS SAM, RNAM PA GZHAN GYIS JI LTAR BYED CES BYA BA 'DI YANG BRJOD PAR NUS PA NYID YIN NO, ,GANG GI PHYIR DE LA YANG NUS PA NI DBANG PO LAS 'DAS PA YIN TE, DE LA YANG SGRA RNAMS SKYED PAR BYED PA NA JI LTAR SGRA'I RGYU SKYED PAR BYED PA'I NUS PA DBANG PO LAS 'DAS PA YIN PA DE BZHIN DU MNGON PAR GSAL BA LA YANG YIN PAS BRGAL ZHING BRTAG PA MTSUNGS SO, ,GAL TE NUS PA DBANG PO LAS 'DAS PA YIN NA NI LTAR RTOGS PAR BYA ZHE NA, NUS PA RTAG TU ZHES BYA BA LA SOGS PA SMOS TE, SKYED PAR BYED PA'I NUS PA YIN YANG RUNG, MNGON PAR GSAL BAR BYED PA'I NUS PA YIN YANG RUNG STE, NUS PA JI SNYED PA DE THAMS CAD NI RNAM PA THAMS CAD DU RTAG TU 'BRAS BUS RJES SU DPAG PAR BYA BA MA YIN NO, ,DE LTA BAS NA DE NI BRGAL ZHING BRTAG PAR 'OS PA MA YIN NO ZHES BYA BA'I DON TO, ,GANG LAS DE GO BAR 'GYUR BA 'BRAS BU DE YANG GANG YIN ZHE NA, DE YOD NA NI ZHES BYA BA LA SOGS PA SMOS TE, DE YOD NA NI SGRA TZAM YOD NA'O, ,DE YOD PA NI SGRA 'DZIN PA GANG YIN PA DE NYID DE LA STE SGRA'I NUS PA DE LA TSAD MA YIN TE, SGRA 'DZIN PA'I 'BRAS BUS NUS PA GO BAR BYA BA YIN NO ZHES BYA BA'I DON TO, ,TZAM SMOS PAS NI SKYE BA SEL TO, ,DES NA ZHES BYA BA MJUG SDUD PAR BYED DE, DE LTA BAS NA SGRA TZAM 'DI

142b

DAG NI DBANG PO LAS 'DAS PA'I NUS PAS RNA BA'I DBANG PO'I NUS PA DBANG PO LAS 'DAS PA SKYED PAR BYED PA NA MNGON PAR GSAL BA'I RGYUR 'GYUR TE, SGRA RNAMS KYI ZHES BYA BA LA LTOS PAR BYA'O, ,YANG NA CI'I PHYIR SGRA TZAM SKYED PAR BYED PA'I RGYU NYID DU SHES PAR MI BYED CE NA, GANG DAG CES BYA BA LA SOGS PA SMOS TE, GANG DAG NI SANGS RGYAS PA RNAMS SO, ,RNA BAS SGRA MA PHRAD PA DANG SKYES PA 'DZIN TE, 'DI NI MA PHRAD PA YANG YIN LA SKYES PA YANG YIN PAS MA PHRAD PA DANG SKYES PA STE, MIG DANG RA BA DANG YID RNAMS NI YUL DANG MA PHRAD PA DANG, SGRA RNAMS NI ZIN PA DANG MA ZIN PA'I 'BYUNG BA CHEN PO'I RGYU LAS BYUNG BA YIN NO ZHES BYA BA NI GRUB PA'I MTHA' YIN PA'I PHYIR RO, ,DE DAG GI LUGS KYIS RING BA DANG CHOD PA DANG NYE BA NA GNAS PA'I SGRA RNAMS RNA BA DANG MA PHRAD PAR MTSUNGS PA'I PHYIR, NYE BA DANG RING BA NA GNAS PA'I SKYES BU DAG GIS 'DZIN PA DANG MI 'DZIN PA MTSUNGS PA DAG TU 'GYUR RO, ,NYE BA NA GNAS PAS CI 'DRA BA 'DZIN PA DE 'DRA BA THAG RING PO NA GNAS PAS KYANG 'DZIN PAR 'GYUR TE, KHYAD PAR MED PA'I PHYIR RO, ,GANG ZHIG SNGAR NI NYE BA NA GNAS PAS 'DZIN LA PHYIS THAG RING BA NA GNAS PAS 'DZIN PA ZHES BYA BA'I RIM GYIS 'DZIN PAR YANG MI 'GYUR RO, ,GANG ZHIG NYE BA NA GNAS PA GSAL BAR THOS PA RING BA NA GNAS PAS ZHEN PAR THOS PAS ZHES BYA BA'I CHES CHER GSAL BA DANG, ZHEN PA LA SOGS PA'I THOS PA THA DAD PAR YANG MI 'GYUR RO, ,DE BZHIN DU GONG GI BYE BRAG LA YANG SBYAR BAR BYA'O, ,'ON TE SPYOD PA PA GANG GI LTAR NA SGRA PHRAD PA DANG MA SKYES PA RNA BAS 'DZIN PA DE'I LTAR NA YANG THAL BAR 'GYUR BA 'DI NYID CI'I PHYIR 'BYUNG BAR MI 'GYUR ZHE NA, DE'I PHYIR KHYAD PAR BSTAN PA'I DON DU RTZOM PA NI, DE LTA BAS NA ZHES BYA BA LA SOGS PA SMOS TE, THOS PA SMOS PA NI RTOG GE PA MA YIN PA NYID DU STON PA LHUR LEN PA YIN TE, 'DIS KYANG TSIG GI ZUR GYIS RANG GI PHYOGS KHYAD PAR DU 'PHAGS PAR SMRAS PA YIN NO, ,RTOG PA GANG ZHE NA, 'BAD RTZOL ZHES BYA BA LA SOGS PA SMOS TE, 'BAD RTZOL NI RKAN LA SOGS PA'I BYE BA'I BYA BA'O, ,DE CUG PAS NI BSKUL BA'O, ,

143a

, ,GSUS PA NA GNAS PA'I RLUNG NI LTE BA'I PHYOGS NAS LANGS NAS BRANG DU RGYAS TE, MGRIN PAR BSDUS NAS SPYI BOR BSDOMS NAS KHA NAS RGYUS TE 'GRO BAR BYED DO, ,'DI NYID STON PA NI DE NI RKAN ZHES BYA BA LA SOGS PA'O, ,RLUNG DE 'BYUNG BA NA RKAN LA SOGS PA'I PA'I LDAN PA DANG RNAM PAR DBYE BA STON CING 'GRO BA NA YANG DE NAM MKHA' JI SRID PAR MI 'GRO'O, ,'O NA CI ZHE NA, SHUGS JI SRID DU'O, ,DE NI SHUGS JI SRID DU DE DANG RJES SU MTHUN PA NYID DU 'GRO BA ZHES BYA BA'I THA TSIG GO, ,GA LAS SHE NA, SHUGS DANG LDAN PA'I PHYIR RO, ,RLUNG 'GRO BA DE YANG BDAG NYID KYI YAN LAG RNAMS DANG BRTEN PA'I RLUNG STE MI 'GYUR BA'I RLUNG GIS GDON MI ZA BA DANG LDAN PA DANG RNAM PAR DBYE BA SKYED PAR BYED PA YIN NO, ,DE YANG RNA BA'I BU GAR PHYIN NAS RNA BA LA NUS PA SKYED PAR BYED DO, ,DE YOD PA NAS DE RLUNG LAS BYUNG BA'I BDEN PA YOD PA NA SGRA RTOGS PA'I PHYIR SGRA'I LEGS PAR BYAS PA MI SNANG BAR 'DOD DE, DPER NA SGRA SGRA GZHAN DAG GIS SAM, SGRA TZAM GYIS SKYED PAR MA MTHONG YANG KHYED CAG 'DOD PA DE BZHIN DU LEGS PAR BYAS PA YANG YIN TE, JI SKAD DU BSHAD PA LAS RTZOL BAS BSKUL BA'I RLUNG RNAMS BRTEN PA'I RLUNG GZHAN GNOD PA NA PHYOGS THAMS CAD DU LDAN PA DANG RNAM PAR DBYE BA SKYED PAR BYED CING SHUGS JI SRID DU GNAS TE, RLUNG DE DAG KYANG MNGON SUM MA YIN PA'I PHYIR LDAN PA DANG RNAM PAR DBYE BA MI DMIGS, DE DAG MI 'JIGS PA NA SGRA DMIGS LA, DE DAG 'JIG NA NI MA YIN NO ZHES BSHAD PA BZHIN NO, ,'ON TE DE LTA NA SKYE BA'I PHYOGS LAS LEGS PAR BYAS PA'I PHYOGS KYI KHYAD PAR BRJOD PAR 'GYUR RO ZHE NA, DE KHYAD PAR YOD NA YANG ZHES BYA BA LA SOGS PA SMOS TE, DE'I KHYAD PAR NI LEGS PAR BYA BA'I KHYAD PAR DE SGRA 'DZIN PA'I KHYAD PAR LAS RTOGS PA YIN NO, ,DE'I PHYIR NYE BA DANG RING BA NA GNAS PA RNAMS KYIS 'DZIN PA DANG MI 'DZIN PA MTSUNGS PA DAG TU MI 'GYUR TE, SKYES BU THA DAD PAS LEGS PAR BYA BA THA DAD PA'I PHYIR RO, ,JI LTAR RTZIG PA LA SOGS PAS BSGRIBS PA NI SGRA MI 'DZIN ZHE NA, RTZIG PA LA SOGS ZHES BYA BA LA SOGS

143b

PA SMOS TE, GAL TE YANG SGRA THOGS PA MED PA DE LTA NA YANG RLUNG DANG RTZIG PA LAS CAN YIN PA NA THOG PA'I PHYIR RNA BA'I YUL MI 'ONG BAS RNA BA LA SOGS PAR BYAS PA SKYE BAR MI 'GYUR RO, ,DES NA BSGRIBS PA THOS PA MI 'GYUR RO, ,GANG DAG GI LTAR NA MA PHRAD PA 'DZIN PA DE DAG GI LTAR NA YANG SKYON 'DI NYID YIN NO, ,'O NA JI LTAR CHES DANG CHES CHER GSAL BA DANG DMAN PAR THOS PA THA DAD PAR JI LTAR 'GYUR ZHE NA, GSAL BAR 'JUG PA ZHES BYA BA LA SOGS PA SMOS TE, THAMS CAD DU 'THAD PA NYID YIN NO SKABS DANG SBYAR BAR BYA'O, ,'JIG PA SHUGS KYI BYE BRAG CES BYA BA NI 'JIG PA'I BYE BRAG DANG SHUGS KYI BYE BRAG RIGS PA DAG YIN NO ZHES RNAM PAR DBYE BA BSGYUR LA SBYAR BAR BYA'O, ,YANG NA DE DAG NI 'JIG PA YANG YIN LA SHUGS KYI BYE BRAG KYANG YIN NO ZHES TSIG RNAM PAR SBYAR RO, ,RNAM PA GCIG TU NA 'JIG PA DANG SHUGS KYI BYE BRAG CAN GYI RLUNG ZHES 'BRU MANG PO PA'O, ,DE LTA YIN DANG LEGS PAR BYAS PA'I RIM PA GSAL BA DANG ZHEN PA LA SOGS PA'I RGYU MTSAN NYID 'THAD PA YIN NO ZHES SBREL BAR BYA'O, ,DE'I LEGS PAR BYAS PA'I RIM PA 'THAD PA YIN TE, RLUNG RIM GYIS 'JUG PA'I PHYIR RO, ,GSAL BA NYID KYANG 'THAD PA YIN TE; SHUGS KYI BYE BRAG DANG LDAN PA'I PHYIR RO, ,DMAN PA YANG YIN TE 'JIG PA'I PHYIR RO, ,SOGS PA'I SGRA GONG NAS GONG GI KHYAD PAR YANG SBYAR BAR BYA'O, ,'THAD DE, ,NAM MKHA' RNA BA YIN PHYOGS LA, ,KHYAB PHYIR RING NA GNAS NA YANG, ,ZHES BYA BA LA SOGS PAS RNA BA LEGS PAR BYAS PA LA SKYON MANG PO DAG SNGAR BSTAN PA MA YIN NA, DE JI LTAR BSHAD PA BYED PAS LAN SMRAS PA, RNA BA LEGS PAR BYAS PA YIN, ,ZHES BRJOD CE NA, GDON MI ZA BAR ZHES BYA BA LA SOGS PA SMOS TE, DES NA DE KHAS MA BLANGS PA NYID KYI PHYIR DE'I PHYOGS LA YOD PA'I SKYON 'JUG PA MA YIN NO ZHES BSTAN PA YIN LA, NAM MKHA' CHA SHAS MED MIN TE, ,ZHES BYA BA KHAS LEN PAR BYED PA ZHES 'BREL TO, ,GA LAS SHE NA, RGYAL BA GRANGS CAN GYIS BKAG PHYIR, ,RGYAL BA PA STE MCHOD 'OS PA RNAMS DANG, GRANGS PA CAN PA RNAMS KYIS, NAM MKHA'

144a

, ,CHA SHAS MED PA BKAG PA'I PHYIR RO, ,SPYOD PA RNAMS KYIS NI GZHAN GYI GRUB MTHA' LA GRAGS PA THA SNYAD DU BYED PA YANG MA YIN TE, RIGS PAS MA GRUB PA GANG YIN PA DE DAG NI KHAS LEN PAR MI BYED DE, DE LTA MA YIN DANG RGYAL BA DANG GRANGS CAN LA GRAGS PA'I RNA BA NAM MKHA'I BDAG NYID DU KHAS LEN PA'I PHYIR SKYON MED DO, ,YANG NA DNGOS PO GZHAN DU 'GYUR ZHES BYA BA NI RNA 'BRUG GI MING CAN NO, ,'BRAS BU DON GYI RTOGS BYA BA, ,ZHES BYA BA NI SGRA 'DZIN PA GZHAN DU MI 'THAD PAS GO BAR BYA'O, ,DE LTA MA YIN NA SPYOD PA PA NYID NYAMS PAR 'GYUR RO, ,YANG NA CHA MED PA'I NAM MKHA' RNA BA YIN PA'I PHYOGS LA YANG NYES PA MED DO ZHES BSTAN PA'I PHYIR, GANG YANG ZHES BYA BA LA SOGS PA SMOS TE, GAL TE YANG KHYAB PA NYID DANG GCIG NYID CES BYA BA NI RNA BA ZHES BYA BA LHAG MA'O, ,DE LTA NA YANG SKYES SU GANG GI SGRA TZAM DAG GI RTEN LA STE RNA 'BRUG LA LEGS PAR BYAS PA DE YIN PAR 'GYUR BA DE NYID SGRA RTOGS PAR BYED KYI GZHAN NI MA YIN NO, ,'DIS NI RTEN LEGS PAR BYAS PA NYID BRJOD KYI RNA BA NI MA YIN TE, RTEN DE YANG SKYES BU SO SO LA THA DAD PA'I PHYIR JI SLAD DU BSHAD PA'I SKYON DU THAL BAR 'GYUR RO SNYAM DU BSAMS PA YIN NO, ,RNA BA LEGS PAR BYED PA YIN NA YANG NYES PA MED DO ZHE STON PAR BYED PA NI, CI STE YANG ZHES BYA BA STE, RTEN NI RNA 'BRUG STE DE LEGS PAR BYAS PA'I SGO NAS RNA BA LEGS PAR BYAS PA YIN GYI 'BA' ZHIG PA NI MA YIN NO, ,DES NA RTEN LEGS PAR MA BYAS PA'I PHYIR, 'ON PA DANG THAG RING PO NA GNAS PA DANG, SEMS SPANGS PA DANG, GNYID LOG PA DANG, BRGYAL BA RNAMS KYI RNA BAS MA THOS TE, RNA KHUNG LEGS PAR MA BYA SPA GANG LA YOD DE LA DE SKAD CES BYA'O, ,RTEN GYI NGO BO LA ZHES BYA BA NI BDUN PA'I DON LA TA SI'I RKYEN YIN NO, ,GAL TE SGRA TZAM DAG GI RTEN NAM, DE'I YUL GYI DBANG PO LEGS PAR BYAS PA MA YIN NAM, CI'I PHYIR GANG RUNG BAR DMIGS PA YOD PA NA SROG CHAGS KYI TSOGS THAMS CAD KYI DBANG PO RTEN LEGS PAR BYED PAR MI 'GYUR ZHE NA, RNA BA'I YUL DU PHYIN PA'I PHYIR, ,ZHES BYA BA LA

144b

SOGS PA SMOS TE, GAL TE YANG SGRA TZAM RTEN LEGS PAR BYED DAM, DE'I YUL DU DBANG PO LEGS PAR BYED KYANG RUNG STE, DE LTA NA YANG PHRAD PA NYID YIN PA NA LEGS PAR BYED PA'I RTEN GYI DNGOS PO LA LAGS PAR BYED PA YIN GYI MA PHRAD PA LA NI MA YIN PA'I PHYIR SKYES BU THAMS CAD KYI RTEN LA SOGS PA'I LEGS PAR BYED PA MA YIN NO, ,RNA BA LEGS PAR BYED PA SMOS PA NI NYE BAR MTSON PA STE, RTEN LEGS PAR BYED PA YANG MI 'GYUR BA NYID DO, ,KHA CIG TU YANG NA RNA BAR MA PHYIN PA'I ZHES 'DOD PA DER NI RTEN LEGS PAR BYED PA'I SGO NAS RNA BA LEGS PAR BYED PA LA BRTEN NAS LAN SNGAR BSHAD ZIN LA, DA NI RTEN LEGS PAR BYED PA'I SGO NAS RNA BA LEGS PAR BYED PAR MA GYUR MOD, DE LTA NA YANG NYES PA MED DE, 'DI LTAR RLUNG RNA 'BRUG GI RTZA BAR PHYIN PA RNA BA LEGS PAR BYA BAR NUS KYI MA PHYIN PA NI MA YIN PAS DE'I PHYIR PHYOGS GZHAN BRJOD PA YIN NO, , DES NA ZHES BYA BA NI 'JUG SDUD PA'O, ,'ON TE ZHES BYA BA LA SOGS PAS DE MA THAG TU BRJOD PA'I PHYOGS GSUM CHAR LA YANG GZHAN GYIS KLAN KA DOGS PAR BYED DE, RNA BA GCIG LA LEGS PAR BYAS PA DANG, LEGS PAR MA BYAS PA PHAN TSUN 'GAL BA'I CHOS GNYIS MI RUNG BA'I PHYIR; GCIG LA LEGS PAR BYAS PAS THA MI DAD PA'I PHYIR LUS THAMS CAD LA LEGS PAR BYAS PA NYID YIN PAS DBANG PO GCIG TU SMRA BA LA 'ON PA LA SOGS PA'I RNA BA YANG RTOGS PAR BYED PAR 'GYUR BA YIN NO, ,DE LTA YIN DANG 'ON PA LA SOGS PAR RNAM PAR GZHAG PAR MI 'GYUR RO, ,SKYES BU'I ZHES BYA BA LA SOGS PAS LAN 'DEBS PAR BYED DE, SKYES BU NI BDAG STE THAMS CAD DU SONG BA YIN NA YANG CHOS DANG CHOS MA YIN PAS YONGS SU GZUNG BA'I LUS NYID LA SHES PA SKYED PAR SPYOD PA PA DAG GIS 'DOD DO, ,DES NA, GTZO BO LUS YUL GZHAN PHYIR TE, , YUL THA DAD PA'I PHYIR THAMS CAD DU SONG BA'I RNA BA YANG LEGS PAR BYED PAR MI 'THAD DO, ,DES NA JI SKAD DU BSHAD PA'I NYES PA'I GO SKABS MED DO, ,KHA CIG TU, LEGS BYAS DE 'DRI 'THAD PA YIN, ,ZHES 'DOD PA DER NI LEGS BYAS DE ZHES 'BREL TO, ,'ON TE BDAG THAMS CAD

145a

, ,DU SONG BA'I PHYIR SGRA THAMS CAD DU 'DZIN PAR THAL BAR 'GYUR BA MI BZLOG PA NYID MA YIN NAM ZHE NA, BDAG LAS PHYOGS GCIG MED CES BYA BA SMOS TE, 'DI SKAD DU BSTAN PA YIN TE, GAL TE DE LTAR YIN PA DE LTA NA YANG CHOS LA SOGS PAS DANG 'DU BYAS PA'I LUS LA BRTEN PA'I BDAG SGRA 'DZIN PA YIN TE, DES NA SKYON MED DO, ,YANG NA CI LTAR THA MI DAD PA'I BDAG DANG RNA BA LA 'DZIN PA DANG MI 'DZIN PA DANG LEGS PAR BYAS PA DANG LEGS PAR MA BYAS PA'I CHA YOD CE NA MA YIN TE, DPER NA NAM MKHA' CHA SHAS MED PA YIN NA YANG LDAN PA CAN GYI DNGOS PO THA DAD PA'I PHYIR BUM PA'I NAM MKHA' CHOL ZANGS KYI NAN MKHA' ZHES THA DAD PA DE BZHIN DU 'DI LA YANG 'GYUR RO, ,DE NYID KYI PHYIR SPYIR KHYAD PA DANG CHA SHAD MED PA'I RNA BA LDAN PA CAN THA DAD PA'I PHYIR 'ON PA LA SOGS PA'I RNAM PAR 'DZOG PA YIN NO ZHES STON PA NI, GTAN TSIGS 'DI DAG CES BYA BA LA SGOS PA SMOS TE, 'DI DAG NYID KYIS ZHES BYA BA NI LDAN PA CAN THA DAD PA'I GTAN TSIGS KYIS SO, ,GAL TE LDAN PA CAN THA DAD PA DE LTA NA YANG CI'I PHYIR 'GA' ZHIG KHO NA 'ON PAR 'GYUR ZHE NA, CHOS DANG CHOS MIN ZHES BYA BA SMOS TE, RNA BA DE NYID SKYES BU GZHAN GYI LONGS SPYAD PA CAN MA YIN NO, ,GA LAS SHE NA CHOS DANG CHOS MA YIN PA DAG GIS DBANG DU BYAS PA'I PHYIR RO, ,'DI NYID DPE'I SGO NAS GSAL BAR BYA BA'I PHYIR, JI LTAR ZHES BYA BA LA SOGS PA SMOS TE, DPER NA GRONG LA SOGS PA RJE BO 'GA' ZHIG GRONG LA SOGS PA DER GNAS TE 'DUG NA YANG RGYAL POS DBANG PHRAL TE PHROGS PA NI GRONG DE NYID DU LONGS SPYOD MI RNYED PA DE BZHIN DU GZHAN LA STE, SKYES BU GZHAN LA THOS KYANG 'ON PAS THOS PA NI MA YIN NO, ,'ON TE RNA BA DANG SGRA DANG NAM MKHA' GSUM CHAR CHA SHAS MED PA'I PHYIR DANG, KHYAB PA'I PHYIR PHYOGS GCIG 'JUG PA MED PA MA YIN NAM, DE CI LTAR PHYOGS GCIG TU 'JUG PA NYID KYI 'DZIN PA DANG MI 'DZIN PA LA SOGS PA'I NGES PA'I RNAM PAR BYED PA RNYED PAR 'GYUR ZHE NA, RNA BA SGRA DANG RTEN DAG GI ZHES BYA BA LA SGOS PA SMOS TE, RNA BA DANG SGRA DANG SGRA'I NAM MKHA' STE RTEN ZHES BYA BA NI, RNA BA SGRA DANG RTEN DAG GO, ,CHA

145b

SHAS NYID KYI YOD MIN ZHES BYA BA NI LDAN PA CAN THA DAD PA'I PHYIR NYE BAR BTAGS NAS NI YOD PA NYID YIN PA'I PHYIR RANG NYID KYIS ZHES BSHAD DO, ,DE LTAR 'DI LA ZHES BYA BA NI PHYOGS GCIG TU 'JUG PA NYID KYIS NGES PAR 'DZIN PA LA SOGS PA'O, ,CI LTAR ZHE NA, GSAL BAR BYED PA'I ZHES BYA BA LA SOGS PA SMOS TE, CHA SHAS DANG YUL THA DAD PA RTEN GYI MING CAN GYI RNA 'BRUG STE, DE GANG DAG LA YOD PA DE DAG LA DE SKAD CES BYA STE, DE'I DNGOS PO NI CHA SHAS DANG YUL THA DAD PA NYID DO, ,RIGS KYANG THA DAD CES BYA BA NI RKAN LA SOGS PA RGYU'I TSOGS PA THA DAD PA'I PHYIR RO, ,GANG YANG, RNA BA LAN CIG LEGS BYAS NA, ,SGRA RNAMS THAMS CAD RTOGS PAR 'GYUR, ,ZHES BYA BA 'DI LA LAN BSHAD PA NI, GZHAN GYI DON DU BSKUL BA'I RLUNG, ,ZHES BYA BA LA SOGS PA SMOS TE, GZHAN GYI DON DU ZHES BYA BA NI YI GE GZHAN GRUB PAR BYA BA'I DON DU'O, ,YI GE GZHAN LEGS BYED NUS PA, ,ZHES BYA BA NI YI GE GZHAN RTOGS PAR BYA BA'I DON DU GANG ZHIG RNA BA'I 'DU BYED PA LA YI GE GZHAN LEGS PAR BYED PA'I SGRAS BRJOD KYI, YI GE LEGS PAR BYED PA NYID NI MA YIN TE, RNA BA LEGS PAR BYED PA'I SKABS YIN PA'I PHYIR RO, ,GZHAN MI BYED CES BYA BA DE NI RNA BA LA LEGS PAR BYED PA'I SGO NAS YI GE GZHAN BYED PA MA YIN NO ZHES BYA BA'I DON TO, ,YANG CI'I PHYIR RLUNG KHO NA LA NGES PA 'DI YIN ZHE NA, RKAN LA SOGS ZHES BYA BA SMOS TE, RKAN LA SOGS PA'I LDAN PA THA DAD PA'I PHYIR GSAL BAR BYED PA'I RLUNG GI SGRA CAN THA DAD PA YIN NO ZHES BYA BAR BSAMS PA'O, ,YI GE GZHAN MIN ZHES BYA BA NI BYED PA ZHES BYA BA KHA BSKANG NGO, ,SGRA TZAM GZHAN 'PHAN PA NI BSKUL BA STE, SGRA TZAM GZHAN BYED PA STE RKAN LA SOGS PA'I LDAN PA DANG GZHI MTHUN PA YIN NO, ,DE'I PHYIR ZHES BYA BA NI MJUG SDUD PA'O, ,SKYED DANG GSAL BA ZHES PA NI BDUN PA'I MTHA' CAN TE, SGRA'I SKYE BA DANG MNGON PAR GSAL BA LA 'BAD RTZOL DANG BRJOD PAR 'DOD PA'I NUS PA THA DAD PAR MTSUNGS SO, ,GA LAS SHE NA, 'BRAS BU GZHAN DU MI 'THAD PAS GO BAR BYA BA YIN PA'I PHYIR TE, GNYIS KA LA YANG 'BRAS BU DON GYIS GO BA'I BYA BA DANG LDAN PA'I PHYIR ZHES BYA BA'I THA TSIG GO, ,DE LTAR RE ZHIG GO

146a

, ,RIMS BZHIN DU GRUB PA'I MTHA' GZHAN GYIS RTOGS PA DANG, RANG GI GRUB PA'I MTHA' RTOGS PA RNA 'BRUG GI MTSAN NYID CAN GYI NAM MKHA'I RNA BAR KHAS BLANGS NAS DE LEGS PAR BYED PA'I SGO NAS SGRA MNGON PAR GSAL BA LA SKYON MED DO ZHES BSTAN NAS, ,DA NI RIG BYED LA GRAGS PA'I PHYOGS KYI MTSAN NYID CAN GYI RNA BA LA BRTEN NAS DE LEGS PAR BYED PA'I BYE BRAG GIS SGRA MNGON PAR GSAL BA LA SKYON MED PAR BSTAN PA'I PHYIR, YANG NA ZHES BYA BA LA SOGS PA SMOS TE, RNA BA PHYOGS SU ZHES BYA BA NI PHYOGS NYID RNA BA YIN NO ZHES BYA BA DE LTAR PHYOGS RNA BA NYID DU NGES PAR BYA'O ZHES BYA BA'I DON TO, ,JI LTAR ZHE NA, RNA BA NAM MKHA'I ZHES BYA BA SMOS SO, ,GAL TE DE LTA NA RNA BA PHYOGS YIN NO ZHES BYA BA DE LTA BU YANG RIG BYED LAS MA BSHAD DE, DE JI LTAR RNYED CE NA, RNA BA PHYOGS ZHES BYA BA LA SOGS PA SMOS TE, BRA RANG BZHIN DE RANG GI NGO BO NYID LA THIM PA NI 'JIG PA STE, 'JIG PA'I DUS NA SROG CHAGS RNAMS KYI MIG LA SOGS PA RANG RANG GI RANG BZHIN LA THIM PAR 'GYUR BAR GRAGS SO, ,DE LA 'JIG PA NA PHYUGS KYI DBANG DU BYAS NAS RIG BYED LAS 'DI'I MIG NYI MA LA 'GRO LA RNA BA PHYOGS LA'O ZHES BSHAD PA DE 'DIR YANG 'GRO'O ZHES BSHAD DO, , 'GRO ZHES BYA BAS GANG ZHIG GANG LAS 'ONGS PA DE NI DER 'GRO'O ZHES BYA BA'I DON TO, ,DES NA GAL TE YANG RNA BA NI PHYOGS SO ZHES DNGOS SUM BRJOD PA DE LTA NA YANG RNA BA PHYOGS LA 'GRO'O ZHES BYA BA'I TSIG 'DIS SHUGS KYIS BRJOD PA KHO NA'O, ,JI LTAR ZHE NA, DE YANG ZHES BYA BA LA SOGS PA SMOS TE, DE YANG PHYOGS LA ZHES BSHAD PA'I PHYIR RNA BA RANG BZHIN LA 'GRO BA NYID STON PA LHUR LEN PA YIN TE, BYED PA PO RNA BA NI RANG BZHIN DU GYUR BA PHYOGS LA 'GRO'O ZHES BYA BA'I DON TO, ,JI LTAR ZHE NA, MIG LA SOGS PA BZHIN ZHES BYA BA SMOS SO, ,'DI NYID RNAM PAR 'GREL BA NI, JI LTAR ZHES BYA BA LA SOGS PA SMOS TE, DPER NA 'DI'I MIG NYI MA LA 'GRO'O ZHES BRJOD PAS RNAM PAR SHES PA NYI MA'I RANG BZHIN DU BRJOD PA YIN TE, MIG GI ZHES BYA BA KHONG NAS DBYUNG NGO, ,RNA BA PHYOGS LA ZHES BYA BA'I TSIG 'DIS DE BZHIN DU RNA BA NI PHYOGS KYI BDAG NYID DU BRJOD DO ZHES TSIG

146b

RNAMS DE LTAR 'BREL BAR BYA'O, ,RNAM SHES NYI MA'I RANG BZHIN TE, ,NYI MA'I BDAG NYID DU NGES PAR BYA'O ZHES BYA BA'I DON TO, ,YANG PHYOGS DE CI 'DRA BA YIN ZHE NA, PHYOGS NI ZHES BYA BA LA SOGS PA SMOS TE, KUN DU 'GRO BA NYID KYI 'BREL PA NI NAM MKHA' JI SRID PAR DU GNAS ZHES BYA BA YIN NO, ,DE LTAR NA 'ON PA LA SOGS PA RNAM PAR GZHAG PAR MI 'GYUR TE, PHYOGS GCIG YIN PA'I PHYIR RO ZHE NA, RNA BA'I BU GAS ZHES BYA BA LA SOGS PA SMOS TE, BDAG NYID THAMS CAD KYIS PHYOGS RNA BA MA YIN NO, ,'O NA CI ZHE NA, RNA 'BRUG GI MTHAR THUG PAR YONGS SU BSHAD PA'O, ,'ON TE DE NI CHA SHAS MED PA YIN PA'I PHYIR JI LTAR CHA'I RNAM PAR DBYE BA DMIGS SHE NA, NAM MKHA'I ZHES BYA BA LA SOGS PA SMOS TE, DPER NA NAM MKHA' LDAN PA CAN THA DAD PA'I SGO NAS CHA SHAS RTOG PA DE BZHIN DU PHYOGS LA YANG 'GYUR RO, ,'O NA NAM MKHA' RNA BA'I PHYOGS LAS 'DI KHYAD PAR CI YOD CE NA, LUNG LAS KHYAD PAR 'GYUR ZHES BYA BA SMOS SO, ,DE'I PHYIR ZHES BYA BA NI MJUG BSDU BA'I SGO NAS 'ON PA LA SOGS PA'I RNAM PAR GZHAG PA STON PA YIN NO, ,YUL LEGS PAR BYED PA'I PHYOGS LA YANG NYES PA MED DO ZHES BSTAN PA'I PHYIR, YUL YANG ZHES BYA BA SMOS TE, DE LA GAL TE SGRA LEGS BYAS, ,THAMS CAD KYIS NI RTOGS PAR 'GYUR, ,ZHES GANG SMRAS PA DE LA SKYON MED DO, ,GA LAS SHE NA, YUL GYI NUS PA THA DAD PA'I PHYIR RO, ,YUL LEGS PAR BYED PA'I RLUNG NYE BA DANG RING BA DAG GIS YUL LEGS PAR BYED PA THA DAD PA'I PHYIR NUS PA THA DAD PA YIN NO, ,'ON TE RTAG PA DANG THAMS CAD DU SONG BA NYID KYIS 'DI SKYES BU THAMS CAD LA KHYAD PAR MED PA'I PHYIR 'DZIN PA DANG MI 'DZIN PA MTSUNGS PAR 'GYUR BA MA YIN NAM ZHE NA, JI LTAR YUL PHYOGS ZHES BYA BA LA SOGS PA SMOS SO, ,YANG RLUNG DAG GIS YUL LEGS PAR BYED PA YIN GYI YUL NYID NI MA YIN NO ZHES JI LTAR RTOGS PAR BYA ZHE NA, SGRA'I SKYE BA ZHES BYA BA LA SOGS PA SMOS TE, NGO SHES PAS SGRA KHYAB PA DANG GCIG PU NYID DU GRUB PA'I PHYIR SGRA SKYE BA MA YIN TE, DE'I PHYIR SHUGS KYIS SGRA'I SKYE BA YANG RTAG PA YIN NO ZHES BYA BAR GO'O, ,'ON TE SA BON DANG MYU GU LA SOGS PA BZHIN DU DE

147a

, ,YOD NA YOD PA NYID KYIS SGRA RNAMS SGRA TZAM GYIS 'BRAS BU NYID YIN PAR GRUB STE, DPER NA SA BON LA SOGS PA YOD NA MYU GU LA SOGS PA DMIGS PA'I PHYIR DE DAG DE'I 'BRAS BU NYID YIN PA DE BZHIN DU SGRA TZAM YOD NA SGRA RNAMS DMIGS PA YOD PA MA YIN NAM, 'BRAS BU'I THA SNYAD NI DE TZAM GYI RGYU MTSAN CAN YIN PA'I PHYIR CI'I PHYIR DE 'BRAS BU NYID DU MI 'GYUR ZHE NA, 'DI LA DE YOD NA YOD CES BYA BA LA SOGS PA SMOS TE, DPER NA RNA BA YOD NA SGRA DMIGS PA YOD DE, DE YOD NA YOD PA DE LAS RNA BA SGRA LA SKYED PAR BYED PA'I NUS PA RJES SU DPOG PAR BYED PA YANG MA YIN NO, ,'O NA CI ZHE NA, 'DZIN PA'I NUS PA YIN PA DE BZHIN DU 'DI LA YANG DE YOD NA YOD PA NYID NI SGRA RNAMS KYI NUS PA YOD PA TZAM RTOGS PA YIN GYI, SKYED PAR BYED PA'I NUS PA RTOGS PAR BYED PA NI MA YIN NO, ,DE NI NUS PA TZAM LA 'BREL GYIS NUS PA'I KHYAD PAR LA NI MA YIN NO ZHES BYA BA'I THA TSIG GO, ,DE'I PHYIR 'DI'I NUS PA'I KHYAD PAR BSGRUB NA 'KHRUL PA NYID YIN NO ZHES BSTAN PA YIN NO, ,DA NI JI LTAR LEGS PAR BYED PA'I NUS PA'I KHYAD PAR RTOGS SHE NA, DE RU BLO NI YANG DAG BSDUS, ,ZHES BYA BA SMOS TE, NGO SHES PAS RTAG PA NYID DU GRUB PA'I PHYIR GZHAN DU MI 'THAD PAS LEGS PAR BYA BA'I KHYAD PAR DE LA BSHAD PA BYED PAS BLO NYE BAR BSDUS PA YIN GYI, DE YOD NA YOD PA TZAM GYIS LEGS PAR BYED PA'I NUS PA RJES SU DPOG PAR BYED PA NI MA YIN NO ZHES BYA BA'I DON TO, ,GNYI GA LEGS PAR BYAS PA'I PHYOGS LA, GNYI GAR LEGS PAR BYAS NA YANG, ,RE RE LA BRJOD SKYON DU 'GYUR, ,ZHES GANG SMRAS PA DE LA, GNYI GA LEGS PAR BYAS PHYOGS LA, ,KHYED KYI NYES PA GNYIS LOG PA, ,ZHES BYA BA SMOS TE, PHYOGS GNYIS KA LA YANG NYES PA GNYIS SNGAR BSTAN PA GANG YIN PA DE NI LOG PA STE, DON MED PA YIN NO, ,JI LTAR ZHE NA, GANG GIS ZHES BYA BA LA SOGS PA SMOS TE, GANG GIS ZHES BYA BA NI, GANG GI PHYIR TE, RNA BA LEGS PAR BYAS PA'AM, SGRA LEGS PAR BYAS PA GANG YANG RUNG BA MA TSANG BA'I PHYIR SGRA RTOGS PA MA YIN TE 'DI LTAR SGRA LEGS PAR BYAS NA YANG 'ON PA LA RNA BA LEGS PAR BYAS

147b

PA MA TSANG BA'I PHYIR SGRA MI 'DZIN LA, MA 'ON PA YANG MNGON PAR GSAL BAR MA BYAS PA'I SGRA MI 'DZIN TO, ,KHA CIG NYES PA GNYIS BRJOD LOG PA YIN, ,ZHES 'DOD TE DE YANG GO BLA'O, ,GAL TE SGRA THAMS CAD DU SONG BA YIN NA JI LTAR 'DI BUM PA LA SOGS PA BZHIN DU YUL RNAM PAR CHAD PA SNA TSOGS PA NYID DU DMIGS TE, 'DI LTAR SGRA THAMS CAD DU SONG BA'I PHYIR RNAM PAR MA CHAD PA'I NGO BOS THAMS CAD DU RTOGS PA RIGS LA, THAMS CAD DU SONG BA LA NI NYE BA DANG RING BA'I THA DAD PA RIGS PA MA YIN LA, DE NI THAMS CAD NA GNAS PA'I PHYIR YUL 'GA' ZHIG NAS 'ONGS PA YANG RIGS PA MA YIN ZHING, RTAG PA NI CHES CHER RING BA DANG THUNG BA DANG DMAN PA LA SOGS PA'I RANG BZHIN THA DAD PA DANG DUS THA DAD PA YANG RIGS PA MA YIN NO, ,DE LTA BAS NA YUL DANG DUS DANG RANG BZHIN THA DAD DU YOD PA'I PHYIR BUM PA LA SOGS PA BZHIN DU SGRA THA DAD PA DANG MI RTAG PAR GRUB PA'I PHYIR DE JI LTAR, SGRA YI SKYE BA BKAG PA'I PHYIR, ,GZHAN DU MI 'THAD PA YIN NA, ,KHYAD PAR LEGS PAR BYAS PA'I PHYIR, ,SGRA TZAM DAG LAS SKYE BAR NGES, ,ZHES BRJOD CE NA, 'DIR SMRAS PA NI, DPER NA NYI MA LA SOGS PA SMOS TE, 'DIS NI YUL THA DAD DU YOD PA NYID MA NGES PA NYID DU BSTAN TO; ,'ON TE CHU LA SOGS PA RTEN THA DAD PA NYI MA DU MA NYID DU RMONGS PA'I RGYU YOD PA NYID MA YIN NAM, 'DI LA NI 'KHRUL BA'I RGYU CUNG ZAD KYANG YOD PA MA YIN TE, GANG GI PHYIR 'KHRUL BA'I RGYU MED PA NA ZHES BYA BA 'DIR NI KHYAD PAR DANG BCAS PA GTAN TSIGS SU MNGON PAR 'DOD DE, DE JI LTAR GTAN TSIGS 'KHRUL PA NYID YIN ZHE NA, GSAL BYED SGRA TZAM ZHES BYA BA SMOS TE, 'DI LA YANG GSAL BAR BYED PA'I SGRA TZAM THA DAD PA'I 'KHRUL BA'I RGYU MTSAN YOD PA'I PHYIR MTSUNGS SO, ,GSAL BYED SGRA TZAM RAG LAS PHYIR, ,ZHES BYA BA NI SGRA 'DZIN PA ZHES BYA BA LHAG MA'O, ,DE'I YUL DU ZHES BYA BA NI SGRA TZAM GYI YUL LO, ,DE ZHES BYA BA NI SGRA'O, ,DPER NA GSAL BAR BYED PA'I SGRA TZAM RNAM PAR CHAD PA LA SOGS PA'I SGRA'I 'KHRUL BA'I RGYUR 'GYUR BA DE BZHIN DU BSGRE BA'I PHYIR, BAR MED CES BYA BA LA SOGS PA SMOS TE, 'DI NI ZHES BYA BA NI SGRA'O, ,DER ZHES BYA BA NI NAM MKHA'I PHYOGS SU'O, ,

148a

, ,THOS PA NI SGRA ZHES BYA BA LHAG MA'O, ,BAR DU MA KHYAB PA'I PHYIR NI SGRA TZAM DAG GIS ZHES BYA BA LA LTOS PAR BYA'O, ,DE DAG CES BYA BA NI SGRA TZAM DAG GO, ,DE DAG DANG GANG LAS BYUNG ZHES BYA BA NI SGRA RNAMS SO, ,'ON TE NYI MA GCIG YIN NA YANG YUL RNAM PAR CHAD NAS 'DZIN PA MA GRUB PA MA YIN NAM, 'DI LTAR MIG GIS SNOD THA DAD DU SO SO SO SOR THA DAD PAR NYI MA LA SOGS PA'I GZUGS BRNYAN YONGS SU GCOD KYI NYI MA NI MA YIN NO, ,KHYED CAG LA NI GZUGS BRNYAN DON GZHAN DU MI 'DOD PAS GZUGS BRNYAN DU MI 'DZIN PA NA RGYU MTSAN CUNG ZAD KYANG MA MTHONG NGO ZHES DE LTAR SEMS PA NA GZHAN GYI LAN GYI DOGS PA BSU BA NI, SMRAS PA ZHES BYA BA LA SOGS PA SMOS TE, SMRAS PA ZHES BYA BA NI GZHAN GYIS SO, ,CIG CAR ZHES BYA BA NI CIG CAR GYIS SO, ,'DIR LAN BSHAD PA 'DIR SMRAS PA ZHES BYA BA SMOS TE, CHU'I YUL DU GNAS PA'I NYI MA'I 'OD G-YO BA'I CHOS CAN GYIS MIG GI 'OD SNANG SO SO LA BZLOG PA STE, PHYIR BZLOG PA NI NYI MA STE, NYI MA'I DKYIL 'KHOR RANG GI YUL NA GNAS PA NYID DU 'DZIN TO, ,SNOD JI BZHIN DU NI SNOD JI SNYED PAR RO, ,DE BAS NA LUS THA DAD DU SNANG BA'I PHYIR DE'I TSE 'DI DU MA NYID GA LAS YIN TE MA YIN PA NYID DO, ,MIG GI 'JUG PA THA DAD PA'I PHYIR RO SNYAM DU BSAMS PA YIN NO, ,MIG GI 'JUG PA'I DBANG GIS MIG THA DAD KYANG THA DAD PA LTA BUR 'DZIN TO ZHES BSTAN PA'I PHYIR, JI LTAR SOR MOS ZHES BYA BA LA SOGS PA SMOS TE, CUNG ZAD NI BAG TZAM STE SOR MOS MIG MNAN PA NA STE, BTZIR BA NA JI LTAR DNGOS PO GCIG YIN YANG SO SOR SNA TSOGS PA NYID DU MTHONG NGO, ,GA LAS SHE NA, MIG GI 'JUG PA THA DAD PA'I PHYIR RO, ,DE KHO NA BZHIN DU KHO BO CAG GIS SGRA GCIG YIN NA YANG THA DAD DU 'DZIN PA'I PHYIR SKYON MED DO, ,GZHAN DAG CES BYA BA NI, DPER NA NYI MCHU SOGS SU, , GCIG KYANG CIG CAR SNA TSOGS DAG ,CES 'KHRUL BA'I YUL NYID DU BSTAN PA'I GTAN TSIGS 'DI MA GRUB PA YIN NO SNYAM DU SEMS PA NA, GZUGS BRNYAN DON GZHAN 'DOD PA DAG RTZOD PAR BYED DO, ,GAL TE NYI MA DE NYID MTHONG GI GZUGS BRNYAN NI MA YIN NA, CI'I PHYIR 'DI STENG DU MTHONG

148b

BAR MI 'GYUR, GAL TE YUL JI LTA BA BZHIN DU RANG GI NGO BO 'DZIN PA YIN NA, DE LTA NA DE MTHONG BAR 'GYUR GYI GZHAN DU NI MA YIN TE, DE LTA MA YIN NA HA CANG THAL BAR 'GYUR RO, ,GZHAN YANG GAL TE KHRON PA LA SOGS PA DER GZUGS BRNYAN SKYES PAR MA GYUR NA NYI MA LA SOGS PA GTING DMA' BAR ZHUGS PA JI LTAR 'DZIN PAR 'GYUR, DER NYI MA LA SOGS PA DE LTAR GNAS PA NI MA YIN NO, ,GZHAN YANG SHAR DU KHA BLTAS PA ME LONG LA LTA BA NA JI LTAR NUB TU KHA BLTAS PAR 'GYUR, DE'I TSE RGYAB TU BLTAS PA'I GDONG BA NYE BAR SKYE BA MTHONG BA NI MA YIN NO, ,CHU DANG NYI MA ZHES BYA BA LA SOGS PAS LAN 'DEBS PAR BYED DO, ,'DI SNYAM DU SEMS TE, GAL TE DBANG PO PHYI ROL DU SONG BA NA NYI MA RTOGS PAR BYED NA, DE'I PHYIR STENG DU GNAS PA NYID DU MTHONG BA 'DIR 'GYUR GYI, 'OG TU ZHES BYA BAR NI MA YIN NO, ,GANG GI PHYIR CHOS DANG CHOS MA YIN PAS DBANG DU BYAS PA'I LUS NYID KYI DBANG PO DES 'DZIN PAR BYED PAR 'DOD KYI, STENG NA GNAS PA NI MA YIN TO, JI SKAD DU, GAL TE DBANG POS DE NYID DAM, ,YANG NA PHYI ROL TU DON TE, ,RTOGS BYED DES 'DI LUS LA 'DI, ,RTOGS BYED DE LTAR 'GYUR BA YIN, ,'DI LTAR RIM PA NI 'DI YIN TE, GANG DAG CHU SNOD DU CHU DANG NYI MA MTHONG BA DE DAG GI CHU DANG NYI MA LTA BA'I MIG GCIG NYID DU STENG DANG 'OG GI CHA RNAM PA GNYIS KYIS 'JUG GO, ,DE LA STENG GI CHAR GSAL BA'I NYI MA BDAG GIS TE SKYES BU MI 'DZIN TO, ,GA LAS SHE NA, RTEN YON POR GNAS PA'I PHYIR TE, DE'I TSE MIG GI DBANG PO RTEN DRANG POR MI GNAS PA'I PHYIR RO, ,BRGYUD PAS 'JUG PA'I NYI MA'I 'OD ZER GYIS BSKYED PA'I NYI MA LOG NAS 'JUG PA STE, RGYUR 'GYUR BAS RTOGS TE, 'DI LTAR NYI MA'I 'OD ZER GYIS 'OD DAG GI 'JUG PA SKYED LA, 'JUG PA NI MIG GIS SO, ,MIG DAG GIS SO ZHES BYA BA 'DI NI NYI MA'I BRGYUD NAS BSKYED PA YIN NA'O, ,'OD BDAG NI NYI MA'O, ,STING NAS TE GONG NA GNAS PA'I NYI MA'I 'OG NYID DE 'OG PHYOGS NA GNAS PA LTA BUR RLOM MO, ,GANG ZHIG CE NA BDAG GO, ,'OG GI NYI MA GZHAN NYID NI MA YIN NO, ,GA LAS SHE NA, DE GCIG PHYIR TE, NYI MA DE NI THA MI DAD PA'I PHYIR RO, ,GZHAN

149a

, ,DAG NI MIG CE'O, ,DE LTA BAS NA DE MA THAG TU BSHAD PA'I MIG 'JUG PA'I DBANG KHO NAS KHRON PA LA SOGS PA DANG CHU LA SOGS PA'I SNOD THA DAD PAR NYI MA MTSAMS DANG BCAS PAR MTHONG STE, GZHAN DU NA JI LTAR THA MI DAD PA THA DAD DU 'DZIN PAR 'GYUR, SHAR BLTAS ME LONG LTA BA NA, ,NUB TU BLTAS PAS JI LTAR 'GYUR, ,ZHES BYA BA LA SOGS PA GANG SMRAS PA DE LA, DE LTAR ZHES BYA BA LA SOGS PA SMOS TE, DANG POR MIG GI 'OD ZER GYIS BYAD KHYED NAS ME LONG LA SOGS PA'I YUL GYI BAR DU PHYIN PA'I 'JUG PA DE NI MDUN NA GNAS PA ZHES BYA'O, , DE DAG KYANG YUL DER GTUGS TE LOG PA NA RANG GI GDONG JI LTAR GNAS PAR 'ONG BA DE YANG PHYIR LOG PA YIN NO, ,DE LA MDUN NA GNAS PAR 'JUG PA'I GDONG GIS PHYIR LOG PAR 'JUG PA NI BDAG PHYIR LOG PAR 'JUG PA YIN NO, ,DE'I PHYIR BDAG GIS PHYIR LOG PAR 'JUG PA SKYED PA'I GDONG DU 'GRO STE, 'KHRUL PAS PHYIR LOG PA'I GDONG MTHONG NGO SNYAM DU RLOM PA YIN TE, MIG GI 'JUG PA SNA TSOGS PA NYID 'KHRUL BA'I SA BON YIN NO SNYAM DU BSAMS PA YIN NO, ,GZUGS BRNYAN SKYE BAR KHAS BLANGS NAS LAN GDAB PA'I PHYIR, DU MA'I YUL DU 'JUG PA'I ZHES BYA BA LA SOGS PA SMOS TE, GZUGS BRNYAN DON GZHAN DU 'GYUR BA YIN NA YANG GZUGS DE DAG SNA TSOGS PA NYID NI YOD PA MA YIN NO, ,GA LAS SHE NA, MTSUNGS PAS RTOGS PAR BYA BA YIN PA'I PHYIR TE, BLO GCIG GIS YONGS SU GCAD PAR BYA BA YIN PA'I PHYIR RO, ,DE BZHIN DU SGRA YANG BLO GCIG GIS RTOGS PAR BYA BA YIN PA'I PHYIR GCIG NYID DU GRUB PO, ,DE'I PHYIR YUL THA DAD PAS RIG PAR BYA BA YANG SNA TSOGS PA NYID DU GA LAS 'GYUR, 'ON TE GANG GI PHYIR YUL THA DAD PAS RIG PAR BYA BA NYID YIN PA'I PHYIR THA DAD PA NYID DU GRUB PA MA YIN NAM, DE'I PHYIR JI LTAR BLO GCIG GIS GNOD CE NA, YUL GYI DBYE BAS ZHES BYA BA LA SOGS PA SMOS TE, GNOD BYED YIN ZHES BYA BA NI MNGON SUM NI TSAD MA THAMS CAD KYI THU BO YIN PA'I PHYIR RO SNYAM DU BSAMS PA YIN NO, ,YUL DANG DUS THA DAD PAS RIG PAR

149b

BYA BA NYID 'KHRUL PA YIN PA'I PHYIR TSAD MA NYID MA YIN NO ZHES BSTAN PA'I PHYIR, DPER NA LHA SBYIN ZHES BYA BA LA SOGS PA SMOS TE, DE BZHIN SGRA YANG THA DAD MIN, ,ZHES BYA BA NI YUL DANG DUS LA ZHES BYA BA KHA BSKANG NGO, ,DE LTAR YUL 'KHRUL BA'I SGO NAS GNYI GA YANG 'KHRUL BA YIN PAR BSTAN NAS, DA NI DUS THA DAD PA 'KHRUL PA YIN PA'I SGO NAS YUL DANG DUS THA DAD PAS DMIGS PA DAG GNYI GA YANG 'KHRUL BAR 'CHAD DE, NGO SHES PA'I SHES PA LAS GCIG NYID DU SHES PA GANG LA YOD PA DE NI DE LTA BU YIN NO, ,YUL GYIS MIN ZHES BYA BA NI NYE BAR MTSON PA STE, DE BZHIN DU DUS KYIS KYANG THA DAD PA MA YIN TA, 'GAL BA MED PA'I PHYIR RO, ,GCIG 'KHRUL BA'I SGO NAS GZHAN YANG 'KHRUL PAR STON PA YIN NO, ,GAL TE RIM GYIS ZHES BYA BA LA SOGS PAS DPE MI 'DRA BA NYID DU DOGS PAR BYED DE, 'DI LTAR LHA SBYIN YUL DANG DUS THA DAD PAS DMIGS NA YANG THA DAD PA MA YIN PA GANG YIN PA DER NI MI 'GAL BA'I RGYU RIM PAR YOD PA YIN LA, SGRA LA NI CUNG ZAD KYANG YOD PA MA YIN PAS DE'I PHYIR DPE DANG DON MI 'DRA BA YIN NO, ,'DI LA YANG MI 'GAL BA'I RGYU SMRAS PA NI, KHYAB BA'I PHYIR YANG BLTA BAR GYIS ZHES BYA BA STE, MI 'GAL BA ZHES 'BREL TO, ,SGRA TZAM RNAM PA DU MA KHYAB PA'I PHYIR ZHES SNGAR BSTAN PA DE YANG GI SGRAS YANG BSTAN TO, ,CI'I PHYIR KHYAB PA NYID DU KHAS LEN PAR BYED CE NA, CHOS GANG ZHES BYA BA SMOS TE, YUL DANG PHYOGS THA DAD PA DAG LA THA MI DAD PA'I SGRA 'DZIN PAR GRUB PAR BYA BA'I DON DU CHOS GANG 'THAD PA DE NYID GZHAN DU MI 'THAD PAS KHAS BLANGS PAR BYA BA YIN LA, 'DIR YANG SGRA RTAG PA DANG KHYAB PA MED PAR YUL DANG DUS THAMS CAD DU 'DZIN PA GRUB PAR MI 'GYUR BAS DE'I PHYIR SGRA'I RTAG PA DANG KHYAB PA NYID GZHAN DU MI 'THAD PAS GRUB PO, ,RANG BZHIN THA DAD PAR BYA BA NYID KYANG 'KHRUL PA NYID DU BSTAN PA'I PHYIR, DPER NA SA NI ZHES BYA BA LA SOGS PA SMOS TE, 'DIR BSAM PA NI MA YIN NO, ,GAL TE SGRAR RTOGS PA GSAL BA DANG MI GSAL BA'I THA DAD PA GTAN TSIGS NYID DU KHAS LEN PAR BYED, DE'I TSE GTAN TSIGS MA GRUB PA

150a

, ,YIN TE, GANG ZHIG SGRA RTAG PAR 'DOD PA DE JI LTAR DE'I RANG BZHIN THA DAD PA GZHAN GYI KHYAD PAR DU SMRA BAR BYED, ,CI STE GSAL BA DANG MI GSAL BA LA SOGS PA'I RNAM PA CAN DE'I YUL CAN GYI BLO GTAN TSIGS NYID DU BRJOD NA, DE NI RANG BZHIN THA DAD PA MED PAR MI SRID PA'I PHYIR DE'I TSE GTAN TSIGS MA NGES PA YIN TE, DPAR NAS CHEN PO BRKOS NAS NAM MKHA' STE, NAM MKHA'I SNANG BA LA RANG NYID KYIS CHEN PO LA SOGS PA MED NA YANG DE LA BRTEN PA NYID KYIS CHEN PO NYID LA SOGS PA'I SHES PA SKYE BA DE BZHIN DU SGRA YANG SHIN TU MA BYAS PA YIN NA YANG GSAL BAR BYED PA'I SGRA TZAM THA DAD PA'I PHYIR RNAM PA DE LTA BU'I RANG BZHIN THA DAD PA MED NA YANG BLO THA DAD PA 'DI 'BYUNG BA YIN NO, ,DE NYID BSHAD PA NI DES 'DIR DE LTAR ZHES BYA BA LA SOGS PA'O, ,YANG 'DI NI GZHAN GYI KHYAD PAR YIN GYI RANG NYID KYIS NI MA YIN NO ZHES BYA BA JI LTAR RTOGS PAR BYA ZHE NA, SGRA 'JUG PA NA ZHES BYA BA LA SOGS PA SMOS TE, 'DIS NI 'DI BSTAN TE, BLO LA YOD PA NYID KYI GSAL BA DANG MI GSAL BA DAG SGRA LA SGRO BTAGS NAS 'KHRUL BA YIN GYI SGRA RANG NYID KYIS RAG PA LA SOGS PA SRID PA MA YIN TE, DE NI NGO SHES PAS GCIG NYID DU GRUB PA'I PHYIR RO, ,YANG CI STE GAL TE YUL DE LTAR RANG BZHIN THA DAD PAR MA GYUR NA BLO YANG GA LAS 'GYUR SNYAM NA, BUM PA LA SOGS LA YANG ZHES BYA BA LA SOGS PA SMOS TE, JI LTAR BUM PA LA SOGS PA LA RANG BZHIN THA DAD PA MED NA YANG GSAL BAR BYED PA THA DAD PA'I PHYIR, BLO GSAL BA DANG GZHAN PA LA SOGS PA THA DAD PAR 'GYUR BA DE BZHIN DU SGRA YANG RANG LAS RANG BZHIN THA DAD PA MED PA NA YANG GSAL BAR BYED PA'I SGRA TZAM THA DAD PA'I PHYIR RING PO LA SOGS PA THA DAD PAR 'GYUR RO ZHES BYA BA LA SKYON MED DO, ,GZHAN YANG SGRA RTOGS PAR BYED PA'I NUS PA GZHAN DU MI 'THAD PAS SGRA MI RTAG PA NYID DAM BCA' BA'I GNOD PA BSTAN PA'I PHYIR DON DANG 'BREL BA MTHONG BA'I ZHES BYA BA LA SOGS PA SMOS TE, 'DI NI DON GYIS GO BA SNGON DU 'GRO BA CAN GYI DON GYIS GO BA YIN TE, 'DI LTAR SGRA LAS BYUNG BA'I SHES PA GZHAN DU MI 'THAD PAS SGRA'I RJOD PAR BYED PA'I NUS PA GRUB PO, ,

150b

NUS PA DE YANG SGRA RTAG PA MED PAR MI 'THAD PA'I PHYIR DON GYIS GO BA SNGON DU 'GRO BA CAN GYI DON GYIS GO BA YIN NO, ,DE NYID RGYAS PAR STON PAR BYED DE, RE ZHIG 'BREL BA MA BZUNG BAR SGRA YOD PA TZAM GYIS RJOD BYED DU 'GYUR BA MA YIN NO, ,GAL TE DE LTAR ZHES BYA BA NI GAL TE DON DANG 'BREL BA MA MTHONG YANG RJOD BYED DU 'GYUR NA DE'I TSE SNGA NA MED PA YANG STE DANG PO THOS PA RGYA GAR GYI GLING NA GNAS PA'I BA LANG GI SGRA YANG RANG GI DON GSAL BAR BYED PAR 'GYUR RO, ,'ON TE 'DI THAMS CAD LA RTZOD PA MED PA'I GRUB PA LA SGRUB PA MA YIN NAM, ,'BREL PA MI SHES PA'I SGRA NI RJOD PAR BYED PA 'GA' YANG 'DOD PA MA YIN TE, RTAG PA DE JI LTAR 'BREL BA SHES PA 'DIS RTOGS PAR 'GYUR ZHE NA, 'DI'I 'BREL PA ZHES BYA BA LA SOGS PA SMOS TE, SGRA DANG DON MDUN DU GZHAG NAS DE DAG GI 'BREL BA BYED CING BYAS NAS KYANG DE LAS DUS PHYIS DON SHES PAR BYED LA, SGRA NI BRJOD MA THAG TU 'JIG PA'I PHYIR 'DI MI RIGS SO, ,'DI NYID 'CHAD PA NI, MI RTAG PA NI 'THAD MA YIN, ,ZHES BYA'O, ,CI STE DUS DE TZAM NYID DU GNAS PA YIN NA AA'I 'O NA DUS GZHAN DU GNAS PA YANG MI ZLOGS PA NYID YIN TE, 'GAL BA MED PA'I PHYIR RO, ,JI SKAD DU, DE SNYED DUS SU BSTAN PA 'DI, ,SU ZHIG PHYI NAS 'JIG PAR BYED, ,CES BSHAD PA LTA BU'O, ,YANG CI STE 'BREL BA'I DUS KYI BAR DU GNAS LA PHYIS RANG NYID KYIS 'JIG GO SNYAM NA, GZHAN LA 'BREL BA ZHES BYA BA LA SOGS PA SMOS TE, GZHAN LA NI BRDA'I DUS NA YOD PA'O, ,LHAG MA NI DON GO BAR ZAD DO, ,CI STE ZHES BYA BAS GZHAN GYIS BSAM PA RTOGS PAR BYED PA YIN TE, GZHAN 'GA' ZHIG KYANG ZHES BYA BA NI SBYOR BA'I DUS NA BRDA'I DUS NA YOD PA'I SGRA BZHIN DU RANG BZHIN GYI RJOD PAR BYED PA 'GYUR BA NYID DO ZHE NA, DE NI YANG DAG PA MA YIN TE, RGYU MTSAN MED PAR SGRA 'DI NI DON 'DI'I RJOD PAR BYED PA YIN NO ZHES NGES PA MED PA'I PHYIR RO, ,'ON TE NGES PA MED DO ZHES JI LTAR BRJOD, JI LTAR GA LAS DON RTOGS PAR 'GYUR BA DE NYID RANG BZHIN GYIS DON RTOGS PAR BYED DO ZHES GSAL PO NYID DU NGES PAR BYED PA MA YIN NAM ZHE NA, GA LAS ZHES BYA BA

151a

, ,LA SOGS PA SMOS TE, 'DI NI DON GYIS RTOGS PAR BYED PA YIN NO ZHES BYA BA'I NGES PA 'DI NYAN PA PO RNAMS LA 'GYUR BA BDEN TE, DE DAG LAS DON RTOGS PAR SKYE BA'I PHYIR RO, ,SBYOR BA PO RNAMS LA NI 'DI RNYED PAR DKA' STE, 'DI DAG SGRA DE LAS DON RTOGS PAR BYED PA MA YIN NO, ,DE DAG NI GZHAN GYIS RTOGS PAR BYA BA KHO NA'I PHYIR SGRA SBYOR BA YIN NA, DE GANG LAS SMRA BA PO RNAMS KYI DES PA 'THAD PA YIN, DE NYID STON PAR BYED PA NI, 'DI MI SHES PAS ZHES BYA BA LA SOGS PA'O, ,DE'I PHYIR DE LTAR NA MI SHES PA'I PHYOGS LA NYES PA 'DI YIN NO; ,SHES PA'I PHYOGS LA YANG 'DI DES SNGAR NGES PAR SHES PA'I PHYIR 'DI BSTAN PA'I STOBS KYIS 'ONGS PA YIN NO ZHES BSTAN PA'I PHYIR, GAL TE SHES NA ZHES BYA BA LA SOGS PA SMOS SO, ,'ON TE JI LTAR SGRON ME LA SOGS PA'I 'OD ZER SAR PA YIN YANG DON GSAL BAR BYED PA DE BZHIN DU SGRA YANG 'DRA BAR BYED PAR 'GYUR RO ZHE NA, MNGON SUM LHAG MA YIN PA'I PHYIR, ,ZHES BYA BA SMOS TE, SGRON MA MNGON SUM GYIS LHAG MA NYID NI YAN LAG GI DNGOS PO STE, DE NI YUL LEGS PAR BYAS PAS SAM DBANG PO LEGS PAR BYAS PAS MNGON SUM GYIS SHES PA'I YAN LAG TU 'GRO BA NA GSAR PA YIN YANG GSAL BAR BYED PAR 'GYUR LA, SGRA NI DNGOS SU DBANG PO LAS 'DAS PA'I DON STON PAR BYED PA'I PHYIR GTZO BO YIN TE, DE'I PHYIR MI 'DRA'O, ,YANG NA MNGON SUM GYI YAN LAG GANG YIN PA DE 'BREL PA SHES PA LA LTOS PA MED PA YANG GSAL BAR BYED DE MIG YIN NO, ,SGRON MA YANG MNGON SUM GYI YAN LAG YIN TE, DE LTA BAS NA SAR PA YIN YANG GSAL BAR BYED PA YIN LA, SGRA NI LKOG TU GYUR PA'I YUL CAN YIN PA'I PHYIR MNGON SUM GYI YAN LAG MA YIN PAS MI MTSUNGS SO, ,'ON TE YANG SGRA GSAR PA YIN YANG SNGA MA DANG 'DRA BA'I RJES SU 'BRANGS NAS SPYOD PAR BYED PAR 'GYUR BA MA YIN NAM ZHE NA, 'DRA BA NYID NI MA RTOGS PHYIR, ,ZHES BYA BA LA SOGS PA SMOS TE, 'DRA BA MA RTOGS PAR DE'I SGO NAS RJOD PAR BYED PA NYID DU RIGS PA MA YIN TE, HA CANG THAL BAR 'GYUR BA'I PHYIR RO, ,GZHAN YANG 'DRA BA RTOGS PA ZHES BYA BA RE ZHIG

151b

LTA ZHOG ,'DRA BA NYID MI SRID DO ZHES BSTAN PA'I PHYIR GCIG PA GANG ZHES BYA BA LA SOGS PA SMOS TE, GCIG GIS RJOD PAR BYED PA GRUB NA, DE DANG 'DRA BA'I PHYIR CIG SHOS DE LTA BU KHO NA'O ZHES BYA BAR BRTAG PAR BYAS NA DE YANG SRID PA MA YIN TE, SGRA THAMS CAD DON DANG 'BREL BA NYID DU MA RTOGS PA'I PHYIR RO, ,YANG CI STE SNGAR BRDA'I DUS SU MTHONG BA GANG YIN PA DE NYID DON DANG LDAN PA NYID YIN TE, DES NA CIG SHOS DANG 'DRA BAR 'GYUR RO ZHE NA, DE TSE TZAM LONG KHOM GA LAS, ,ZHES BYA BA SMOS TE, SNGAR MTHONG BA'I SGRA DE SRID DU GNAS PA'I LONG KHOM GA LAS TE, DE NI BRJOD MA THAG TU 'JIG PA YIN PA'I PHYIR RO, ,GAL TE BRJOD MA THAG TU 'JIG PA DE LTA NA YANG CI'I PHYIR DON DANG LDAN PAR MI 'GYUR ZHE NA, GNYIS SAM GSUM ZHES BYA BA LA SOGS PA SMOS TE, YANG NAS YANG DU 'BYUNG BAR MTHONG BA NI SGRA DANG DON GYIS 'BREL PA SHES PA YIN GYI, LAN CIG DMIGS PAS NI MA YIN NO, ,CI STE RIS MTHUN PA GZHAN 'DZIN PA NA DE NYID DON DANG BCAS PAR 'GYUR RO ZHES BRJOD NA, DE NI MI RIGS TE DE'I PHYIR SGRA GZHAN MA RTOGS PA RNAMS KYIS ZHES BYA BA LA SOGS PA SMOS TE, RTOGS PA PO GANG DAG SGRA GZHAN MA RTOGS PA DE DAG THOS PA'I DUS NA 'DI DON RTOGS PAR BYED PA MA YIN TE, DE'I TSE THA DAD PA'I RTEN CAN GYI 'DRA BA MED PA'I PHYIR RO, ,YANG DE NYID SGRA GZHAN MA RTOGS PA'I RTOGS PA PO DE DAG GI DON RTOGS PAR BYED PA YIN NO ZHES BYA BA NI 'JIG RTEN LAS 'DAS PA YIN TE, CI LTAR GCIG LA BYED PA DANG MI BYED PA PHAN TSUN 'GAL BDAG TU 'GYUR, GZHAN THOS PA LA ZHES BYA BA NI GZHAN RIS MTHUN PA'I SGRA'I YUL CAN GYI THOS PA RTOGS PA PO GANG DAG LA YOD PA DE DAG LA DE SKAD CES BYA'O, ,DE LTAR RE ZHIG RJOD PAR BYED PA NYID GZHAN DU MI 'THAD PAS SGRA RTAG PA NYID DU BSGRUBS NAS DA NI 'BREL PA BYED PA GZHAN DU MI 'THAD PA SGRUB PA'I PHYIR, RE ZHIG SGRA NI ZHES BYA BA LA SOGS PA SMOS TE, DANG POR BRJOD LA DE LAS 'BREL PA BYED CING DE LAS THA SNYAD DU BYED DO ZHES BYA BA'I RIM PA 'DIS THA SNYAD BRJOD MA THAG TU 'JIG PA'I RIM CAN MA YIN PA LA JI LTAR 'GYUR, ZHIG PA LA 'BREL PAR BYA BAR MI NUS PA 'BA' ZHIG

152a

, ,TU MA ZAD DES RTOGS PA YOD PA YANG MA YIN TE, THA SNYAD KYI DUS SU RJES SU MI 'GRO BA'I PHYIR DANG, BRDA YANG THA SNYAD KYI DON DU YIN PA'I PHYIR RO, ,DE PHYIR ZHES BYA BA LA SOGS PAS MJUG SDUD PAR BYED DE, GANG LA 'BREL PA YOD PA MA YIN PA 'DI NI MA 'BREL PA STE, MA 'BREL PA'I PHYIR DANG ZHES PA'I PHYIR RE ZHIG SNGA MA STE, BRDA'I DUS NA YOD PA'I SGRA NI DON MED PA YIN NO, ,'O NA NI THA SNYAD KYI DUS NA YOD PA DON DANG BCAS PAR 'GYUR RO ZHE NA, PHYI MA ZHES BYA BA LA SOGS PA SMOS TE, 'O NA GAL TE RIM CAN MA YIN PA RIM GYIS BRJOD PA LA SOGS PA MI 'THAD NA 'O NA CIG CAR BA YIN LA RAG MOD CE NA, SGRA BRJOD PA DANG ZHES BYA BA LA SOGS PA SMOS TE, SGRA BRJOD PA DANG 'BREL BA BYED PA DANG 'JIG RTEN GYI THA SNYAD CES BYA BA GSUM PO 'DI DAG NI BYA BA YIN NO, ,RANG GI NGO BO NYID KYIS RIM PA DANG LDAN PA DE DAG NI CIG CAR BYA BAR NUS PA MA YIN CIG CAR MA YIN PAR YANG 'BREL BA BYED PAR MI 'THAD DO, ,RIM PA LA SDOD NA NI SGRA NGES PAR DUS GZHAN DU GNAS PAR KHAS BLANGS PAR 'GYUR RO, ,YUL DANG DUS SOGS ZHES BYA BAS MJUG SDUD PAR BYED DE, SOGS PA'I SGRAS BYIS PA DANG GZHON NU LA SOGS PA'I GNAS SKABS GZUNG NGO, ,SNGON DU ZHES BYA BA NI SGRA GZHAN MA THOS PHYIR ZHES BYA BA DANG SBREL BAR BYA'O, ,DES NA DON 'GYUR TE SNGAR BRDA'I DUS SU DON DANG LDAN PA'I SGRA GZHAN MA THOS PA'I RGYU'I PHYIR, KHYED KYI LUGS KYIS YUL LA SOGS PA'I BYE BRAG GIS THA DAD PA'I THA SNYAD DU BYED PA PO RNAMS 'BREL PA MA BYAS PA'I SGRA GCIG KYANG GRUB PAR 'GYUR PA MA YIN NO, ,DE LTA BAS NA 'BREL BA MA BYAS PAR KHAS BLANG BAR BYA'O, ,DE NI 'BREL PA BRJOD PA GZHAN DU MI 'THAD PAS SGRA RTAG PA NYID YIN NO ZHES BSTAN PA'I PHYIR 'BREL PA BYED PA SKYON GANG YIN PA DE BRJOD PA LA YANG YIN NO ZHES BSGRE BA NI, 'DI YI 'BREL BA BRJOD NA YANG, ,ZHES BYA BA LA SOGS PA SMOS TE, JI LTAR ZHES RTOGS NA, ZHIG DANG ZHES BYA BA LA SOGS PA SMOS TE, ZHIG PA NI 'DAS PA'O, ,MED PA NI MA 'ONGS PA STE, DE DAG NA MED PA'I PHYIR 'BREL BA BRJOD PA SRID PA MA YIN NO, ,DE LTAR BYUNG BA YANG DE NI BRJOD MA

152b

THAG TU 'JIG PA NYID KYIS GANG LAS DUS DE SNYED PA YIN, DE NYID STON PA NI, SMRA BA PO NYAN PA'I ZHES BYA BA LA SOGS PA STE, SMRA BA POS SNGAR THOS PA'I SGRA NYAN PA PO LA BSTAN PAR NUS PA MA YIN TE, DE NI SNGAR 'GAGS ZIN PA'I PHYIR RO, ,GANG YANG STON PAR BYED PA'I DON DANG LDAN PA DE YANG BSTAN PAR BYA BAR MI NUS, DE LA SNGAR 'BREL PA MA BYAS PA'I PHYIR RO, ,'DRA BAR BRJOD CES BYA BA DE TZAM ZHIG SRID PA YIN LA, DE YANG YOD PA MA YIN TE, DE YI TSE NA 'DRA BA'I SGRA, ,ZHES BYA BA LA SOGS PA SMOS TE, 'DI GANG CI YANG RUNG BAS 'DRA BAR 'DOD PA NI MA YIN NO, ,'O NA CI ZHE NA, DON DANG LDAN PA YIN LA DE YANG MI 'THAD DO, ,GAL TE NYAN PA POS DON DANG LDAN PA'I SGRA 'GA' ZHIG DMIGS PAR GYUR NA DE'I TSE DE DANG 'DRA BAR 'THAD PAR 'GYUR TE, GANG GI PHYIR SNGAR BRDA'I DUS SU DON DANG LDAN PAR 'DZIN PA MED PA'I PHYIR 'DI RIGS PA MA YIN NO, ,'ON BRJOD BZHIN PA GANG YIN PA DE DON DANG LDAN PAR 'GYUR RO ZHE NA, RANG NYID KYIS ZHES BYA BA LA SOGS PA SMOS TE, 'DI BRJOD BZHIN PA NA YANG DON DANG LDAN PA MA YIN TE, DE LA SNGAR 'BREL PA MA BYAS PA'I PHYIR RO ZHES BSHAD ZIN TO, ,SMRA BA PO ZHES BYA BA LA SOGS PAS GANG GI TSE SMRA BA PO YANG RIM GYIS NYAN PA POR 'GYUR BA DE'I TSE DE LA YANG SNGA MAR THOS PA'I SGRA NI DON LDAN PA ZHES BYA BA LA SOGS PA'I NYES PA'I TSOGS DE DAG NYID 'THOB PA YIN NO ZHES STON PA YIN NO, ,DE'I PHYIR 'DIS NI SMRA BA PO THAMS CAD KYI SGRA DON DANG LDAN PA 'GA' YAR YOD PA MA YIN NO ZHES BSTAN PAR 'GYUR RO, ,DE'I PHYIR ZHES BYA BA MJUG SDUD PA YIN NO, ,BRJOD BYA RJOD BYED CES BYA BA LA SOGS PAS GZHAN GYI PHYOGS SNGA MA'I DOGS PA BSU BA YIN NO, ,BRJOD PAR BYA BA DANG RJOD PAR BYED PA DAG GO, ,PHAN TSUN GO RIMS BZHIN DU BRJOD BYA RJOD BYED KYI NUS PA RANG BZHIN DU GYUR PA YOD PA NYID MA YIN NO, ,'O NA JI LTAR SGRA LAS RTOGS PA SKYE BAR 'GYUR ZHE NA, GAL TE MIG GI ZHES BYA BA LA SOGS PA SMOS TE, GANG ZHIG GANG DU BRDA LA LTOS TE RGYU'I DNGOS PO YIN PA DE NI RANG BZHIN MA YIN TE, DPER NA MIG GI BRDA LAS BYUNG BA BZHIN NO, ,SGRA'I RTOGS PAS RGYU'I DNGOS PO YANG BRDA LA LTOS PA

153a

, ,YIN NO ZHES BYA BA NI KHYAD PAR BYAD PA 'GAL BA DMIGS PA'O, ,'DIS KYANG RTAG PA NYID DU DAM BCA' BA'I GNOD PA RGYAS PAR BSHAD PAS 'JIG PAR BYED PA YIN NO, ,BRDA NI ZHES BYA BA LA SOGS PAS LAN 'DEBS PAR BYED DE, 'DI 'DI'I MING YIN NO ZHES BYA BA NI BRDA STE; DE SKYES BU SO SO STE MI SO SO LA BYED DAM SKYES BU SO SO'I BRJOD PA'I 'BREL PA SO SO LA'AM, YANG NA 'GRO BA'I DANG PO'I STE 'GRO BA CHAGS PA'I DUS SU BYED PA PO DBANG PHYUG LA SOGS PA LA LAN CI ZHIG STE, DUS GCIG GIS BYED CES BYA BA RNAM PAR RTOG PA GSUM MO, ,'BREL BA'I RE RER ZHES BYA BA LA, SGRA DANG DON DAG GI 'BREL BA BYED PA NA YANG RES 'GA' SEMS CAN RE RE LA THA DAD PA'AM, YANG NA GCIG KHO NA YIN ZHES BYA BA RNAM PAR RTOG PA GNYIS SO, ,GCIG NYID KYI PHYOGS LA RIGS BZHIN DU YUL DANG DUS THA DAD DU RJES SU 'GRO BA'I PHYIR BYAS PAR MI 'GYUR TE; RTAG PA NYID DU 'GYUR RO ZHES BYA BA'I THA TSIG GO, ,CI STE SEMS CAN SO SO LA THA DAD PA DE'I TSE SEMS CAN RE RE BLO THA DAD PAR 'GYUR TE, SHES PA THA DAD PA'I RGYU MTSAN NI SHES BYA THA DAD PA YIN PA'I PHYIR RO, ,BA LANG LA SOGS PA'I SGRA RNAMS LAN BRGYAR SBYAR NA YAN THA SNYAD 'DOGS PA PO RNAMS KYIS BLO THA DAD PAR MI 'GYUR TE, THA MI DAD PAR ZHEN PA NYID KYIS THA SNYAD DU BYED PA'I PHYIR RO, ,GZHAN YANG GAL TE 'BREL PA SEMS CAN RE RE LA THA DAD PA YIN PA DE'I TSE GDON MI ZA BAR BLO THA DAD PAR 'GYUR BAR BYA DGOS TE, DE LTA YIN DANG THA SNYAD CHAD PAR 'GYUR RO ZHES BSTAN PA'I PHYIR; SMRA BA PO NYAN PA PO'I BLO ZHES BYA BA SMOS TE, THA DAD PHYIR NA ZHES BYA BA LA YUL GYI ZHES BYA BA KHONG NAS DBYUNG NGO, ,DES NA DON 'DIR 'GYUR TE, SMRA BA PO DANG NYAN PA PO'I BLO'I YUL GANG YIN PA DE THA DAD PA'I PHYIR DON GCIG TU ZHES PAS THA SNYAD DU BYED PAR MI 'GYUR RO, ,JI LTAR ZHE NA, SMRA PO'I BLO LA ZHES BYA BA SMOS SO, ,BRDA'I SKYES BU SO SO LA'AM ZHES GANG SMRAS PA 'DI LAS SUN 'BYIN PA BRJOD PA NI, NYAN PA PO LA ZHES BYA BA RGYAS PAR RO, ,NYAN PA LA PHYED MIN ZHES BYA BA NI DE NI ZHIG ZIN PA'I PHYIR RO, ,STON BYED DE YANG MA MTHONG NGO, ,ZHES BYA BA NI SNGAR MA MTHONG BA'I PHYIR RO, ,

153b

BUM PA LA SOGS PA LA ZHES BYA BA NI HA CANG THAL BAR 'GYUR BA BSTAN PAS SUN 'BYIN PA MA NGES PA NYID DU DOGS PAR BYED PA STE BUM PA LA SOGS PA LA YANG THAL BAR 'GYUR BA MTSUNGS TE, 'DI LTAR BUM PA DON BYED PAR NUS PA MTHONG BA GANG YIN PA DE NI BYA BAR NUS PA MA YIN TE, DE NI GRUB PA NYID KYIS ZHIG PA'I PHYIR RO, ,GANG YANG DA LTAR BYED PA'I DON BYED PAR NUS PAR MTHONG BA YANG MA YIN TE, DE NI MA GRUB PA'I PHYIR RO, ,LAN SMRAS PA NI, MA YIN SPYI NI MA GRUB PHYIR, ,ZHES BYA BA STE, MA YIN ZHES BYA BAR NUS PA MA YIN NO, ,GANG LAS SHE NA, SPYI BSGRUBS ZIN PA'I PHYIR, DE'I SGO NAS NUS PA GRUB PA YIN NO SNYAM DU BSAMS PA YIN NO, ,'DI NYID GSAL BAR BYA BA'I PHYIR, GAL TE YANG ZHES BYA BA LA SOGS PA SMOS TE, GAL TE YANG CHU 'DZIN PA LA SOGS PA LA NUS PAR MTHONG BA'I BUM PA NI GSAL BAR BYA BAR NUS PA MA YIN TE, GRUB NAS ZHIG PA'I PHYIR RO, ,GANG YANG DA LTAR YOD PA DE'I DON BYED PAR NUS PA MA BKAG PA NI DE LTA NA YANG GSAL BA THAMS CAD LA RNAM PA'I SGO NAS DON BYED PAR NUS PAR GRUB PAR 'GYUR RO, ,JI LTAR ZHE NA, DE LA ZHES BYA BA LA SOGS PA SMOS TE, DE LA ZHES BYA BA NI RNAM PA LA'O, ,KHA CIG TU DE LA THOG MA DANG LDAN TE CES 'DOD PA DE'I DON NI 'DI YIN TE, CHU 'DZIN PA LA SOGS PA'I NUS PA DE LA THOG MA DANG LDAN PA YOD DE, RNAM PA NI RTAG PA YIN PA'I PHYIR DANG, DE YANG RTEN DANG SHIN TU THA MI DAD PA'I PHYIR RO, ,JI SKAD DU, RIGS LA SOGS PA GSAL BA LAS, ,NGED LA GZHAN NYID DU GNAS MIN, ,ZHES BSHAD PA BZHIN NO, ,'O NA 'BREL BA YANG RNAM PA'I SGO NAS THOG MA MED PA NYID DU 'GYUR RO ZHE NA, 'DI NI MI RIGS TE, DE'I PHYIR, KHYOD KYI 'BREL BA THOG MA CAN, ,ZHES BYA BA SMOS SO, ,GZHAN YANG GAL TE DE'I YANG STE, SGRA DANG DON GYIS 'BREL PA'I PHYIR, ,RTAG PAR KHAS LEN PA DE LTA NA RTAG PA ZHES BYA BA'I DNGOS PO YOD PA'I PHYIR KHO BO CAN GYI 'DOD PA GRUB PO, ,SKABS SU BAB PA'I SGRA NYID NI MI 'GRUB PO ZHE NA, RNAM PA GNYIS MI SRID DO ZHES BYA BA SMOS TE, RNAM PA GNYIS NI 'BREL PA DANG, ,DE'I SPYI'O, ,RNAM PA GCIG KHO NA YOD KYI SPYI NI MA YIN TE, DE NI GSAL

154a

, ,BA DU MA'I MTHAR THUG PA'I PHYIR DANG 'BREL PA YANG GCIG YIN PA'I PHYIR RO, ,JI LTAR 'BREL PA GCIG YIN ZHE NA, 'BREL PA NUS PA ZHES BYA BA LA SOGS PA SMOS TE, NUS PA LAS MA GTOGS PA'I 'BREL PA YOD PA MA YIN NO, ,GAL TE DE LTA YIN NA DE LAS CIR 'GYUR ZHE NA, 'DI'I THA DAD KYANG ZHES BYA BA LA SOGS PA SMOS TE, THA DAD PA NI DU MA NYID DO, ,CI'I PHYIR MI MTHONG ZHES BYA BA 'DI LA RGYU SMRAS PA NI, DE NI ZHES BYA BA LA SOGS PA SMOS TE, DE NI RTAG TU 'BRAS BUS RJES SU DPAG PAR BYA BA YIN TE, JI SKAD DU, DNGOS PO RNAMS KYI NUS PA NI, ,'BRAS BU DON GYIS GO BAS BSGRUB, ,CES BSHAD PA YIN NO, ,DE'I PHYIR 'DI 'BRAS BU THA DAD PA'I RJES SU 'JUG STE, RJES SU 'BRANG BA BZHIN NO, ,BDAG NYID LA YOD PA'I THA DAD PA SHES PAR BYA BA'I DON DU 'BRAS BU THA DAD PA MTHONG BA MED PAR NUS PA THA DAD PAR SHES PAR NUS PA MA YIN NO, ZHES BYA BA'I THA TSIG GO, ,'DIR NI 'BRAS BU THA DAD PA YOD PA YANG MA YIN TE, 'DI LTAR DE'I 'BRAS BU NI RTOG PA NYID YIN LA, DE YANG SGRA LA DMIGS PA'AM, DON LA DMIGS PA YIN GRANG, RE ZHIG DANG PO NA THA DAD PA MA YIN TE, SGRA NI RTAG TU NGO SHES PAR BYA BA YIN PA'I PHYIR RO, ,DON LA DMIGS PA YANG MA YIN TE, LAN BRGYAR BRJOD KYANG LANG GI SGRA LA SOGS PA LAS GZHAN DANG 'DRA BA'I RTOGS PA SKYE BA MA YIN NO, ,KLAGS TE BSHAD PA NI GZHAN DU MI 'THAD CES BYA BA LA SOGS PA STE, DON RTOGS PA GZHAN DU MI 'THAD PAS BRJOD PAR BYA BA DANG RJOD PAR BYED PA'I NUS PA RTOGS LA, NUS PA GCIG NYID KYIS BRJOD PAR 'DOD PA'I DON GRUB PA'I PHYIR NUS PA DU MA RTOGS PA DON MED DO, ,GZHAN DU MI 'THAD PA'I NUS PA THA DAD PA RJES SU DPAG PAR MI NUS TE, DE NI NUS PA TZAM NYID LA MTHU YOD PA'I PHYIR RO, ,'DI LAS KYANG 'BREL PA BYED PAR RIGS PA MA YIN TE, DES NA 'BREL PA RTOGS PA YIN NO ZHES BSTAN PA'I PHYIR, 'BREL PA BRJOD PA'I DUS SU YANG, ,ZHES BYA BA LA SOGS PA SMOS TE, 'DI LTAR 'DI NI BA LANG STE, RKANG PAS REG PAR MI BYA'O ZHES SMRAS PA DANG, SKYES BU 'GA' ZHIG GIS BRJOD BYA RJOD BYED KYI 'BREL BA BZUNG NAS 'BREL BA SNGON

154b

DU 'GRO BA CAN GYIS DON RTOGS PA YIN LA, GZHAN DAG 'BREL PA MI SHES PA NI RANG GI NGO BO NYID SHES KYI DON MA YIN NO, ,DE LA GAL TE 'BREL PA DNGOS POR GYUR PA MA YIN NA DE'I TSE SKYES BU THAMS CAD THA SNYAD LA BYANG YANG DON NGES PAR 'DZIN PAR MI 'GYUR RO, ,GCIG LA YOD PA DANG MED PA PHAN TSUN 'GAL BA DAG RIGS PA MA YIN TE, DE LTA BAS NA 'BREL PA RTAG TU GNAS PA NYID YIN NO, ,GAL TE 'BREL PA RTAG TU GNAS PA YIN NA, CI'I PHYIR THAMS CAD KYI TSE THAMS CAD LA DON RTOGS PA MI 'GYUR SNYAM PA'I RTZOD PA'I DOGS PA BSU NAS RGYAS PAR LAN GDAB PAR BYA BA'I PHYIR, GAL TE YOD NA ZHES BYA BA LA SOGS PA SMOS SO, ,MA YIN ZHES BYA BA NI HA CANG THAL BAR 'GYUR BA ZLOG PAR BYED PA YIN NO, ,GA LAS SHE NA DE LA LAS MA BZUNG BA'I PHYIR RO, ,GAL TE MA BZUNG BA DE LTA NA YANG CI'I PHYIR RANG GI 'BRAS BU SKYED PAR MI BYED, G-YUL GYI SER GA LA SOGS PA'I NANG DU ZHUGS PA'I PHYIR SA BON LA SOGS PA BDAG NYID KYI 'BRAS BU MI SPONG NGO ZHE NA, 'BREL BA RANG BDAG CES BYA BA LA SOGS PA SMOS SO, ,SHES PAR BYED PA'I CHOS NI GZHAN YIN LA, SKYED PAR BYED PA YANG GZHAN YIN TE, SGRA NI DU BA BZHIN DU DON SHES PAR BYED PA YIN GYI, SA BON LA SOGS PA BZHIN DU SKYED PAR BYED PA MA YIN PA'I PHYIR SKYON MED DO, ,'ON TE JI LTAR YOD PA DANG MED PA'I PHAN TSUN 'GAL BA'I PHYIR GCIG LA MI RIGS PA DE BZHIN DU 'DZIN PA DANG MI 'DZIN PA DAG KYANG MA YIN NAM, CI STE 'DI DAG MI 'GAL NA, DE NI YOD PA DANG MED PA DAG LA CI ZHIG SDANG ZHE NA, LA LAR DON NI YOD NA YANG, ,ZHES BYA BA LA SOGS PA SMOS TE, CHOS CAN GCIG LA PHAN TSUN 'GAL BA'I CHOS ZHAN PA 'GAL GYI, CHOS CAN GZHAN LA NI MA YIN NO, ,'DZIN PA DANG MI 'DZIN PA DAG KYANG SKYES BU THA DAD PAS CHOS CAN THA DAD PA'I RTEN CAN YIN PA'I PHYIR MI 'GAL GYI, YOD PA DANG MED PA DAG NI MA YIN TE, DE DAG GI RTEN CHOS CAN GCIG NYID DU 'DOD PA'I PHYIR RO ZHES BYA BA NI BSDUS PA'I DON TO, ,'ON TE 'DZIN PA DANG MI 'DZIN PA'I PHYOGS LA YANG SHUGS KYIS YOD PA DANG MED PA DAG GZHI GCIG LA PHAN TSUN 'GAL BA KHYOD LA 'BYUNG BAR 'GYUR BA MA YIN NAM, 'DI LTAR DNGOS PO YOD

155a

, ,PA DANG MED PA NGAG GIS 'DZIN PA DANG MI 'DZIN PA DAG LA KHYAB STE, DE DAG NI DE'I RGYU MTSAN CAN YIN PA'I PHYIR RO, ,DE LTA MA YIN NA YUL RUNG BAR MTSUNGS PA CAN GYI SKYES BU GNYIS GCIG KHO NAS MTHONG GI GZHAN GYIS NI MA YIN NO ZHES BYA BA 'DI LA RGYU BRJOD PAR BYA DGOS SO ZHE NA, LONG DANG MA LONG ZHES BYA BA LA SOGS PA SMOS TE, DPER NA LONG BA DANG CIG SHOS DAG GI DRUNG NA GNAS PA'I GZUGS MIG MA TSANG BA MED PA KHO NAS DMIGS KYI CIG SHOS KYIS NI MA YIN TE, DE DAG LA DKAR PO LA SOGS PA YOD PA DANG MED PAR 'GYUR BA NI MA YIN PA DE BZHIN DU 'BREL PA LA YANG YIN NO, ,'DI LA RGYU CI ZHIG YOD SNYAM DU RTOGS PA BZLOG PA'I PHYIR 'THAD PA SMRAS PA NI, MI YI NUS DANG NUS MED PA'I, ,ZHES BYA BA LA SOGS PA SMOS SO, ,'DI NYID 'CHAD DE DON YOD PA KHO NA DMIGS PA'I RGYU NI MA YIN NO, ,'O NA CI ZHE NA, SKYES BU LA YOD PA'I NUS PA YANG YIN NO, ,DES NA DON YOD NA YANG SKYES BU 'GA' ZHIG LA NUS PA YOD PA'I PHYIR, MI 'DZIN PA 'GAL BA MED PAS MI 'DZIN PA LA DON MED PAS MA KHYAB PO, ,GAL TE DE LTA NA 'BREL PA YOD NA YANG SKYES BU RNAMS KYI NUS PA DANG, NUS PA MED PA THA DAD PA'I PHYIR SGRA LAS DON 'DZIN PA DANG MI 'DZIN PA DAG TU 'GYUR BA'I PHYIR THAMS CAD MTSUNGS SO ZHE NA, 'BREL PA GZHAN LAS ZHES BYA BA LA SOGS PA SMOS TE, DON RTOGS PA NI 'BREL PA 'DZIN PA SNGON DU 'GRO BA CAN YIN PA'I PHYIR RO SNYAM DU BSAMS PA YIN NO, ,GZHAN ZHES BYA BA NI RGYU DANG 'BREL LO, ,MTHONG BA'I ZHES BYA BA NI, SGRA DANG DON RTOGS PAR TE ZHES BYA BA 'DI LA LTOS NA 'DI DRUG PA YIN NO, ,'BREL PA LAS ZHES BYA BA NI GZHAN LA LTOS NAS LNGA PA'O, ,'DIR ZHES BYA BA NI SGRA DANG DON GYI THA SNYAD PA'O, ,GZHAN DAG NI MI RNAMS KYI NUS PA DANG NUS PA MED PA 'DIR RGYU THA DAD PA'I PHYIR 'GAL BA MED PAS ZHES BYA BA 'DI NYID LA 'THAD PA'I NGO BOR SMRAS NA BRJOD PAR BYED DO, ,'BREL PA LAS ZHES BYA BA NI SKYES BU'I NUS PA LAS ZHES BYA BA'I DON TO, ,'DI NI ZHES BYA BA NI DKAR PO LA'O, ,DPE LAS BYUNG BA'I DON MJUG BSDU BAR BYA BA'I PHYIR, DE KHO NA BZHIN ZHES

155b

BYA BA LA SOGS PA SMOS TE, 'DIS THA SNYAD DU BYED PAS NA THA SNYAD DE SGRA DANG DON GYI 'BREL PA'O, ,DE DMIGS PA NI YONGS SU SHES PA'O, ,DE NI DBANG PO DANG MTSUNGS TE, 'DI LTAR GANG DAG LA DBANG PO DE YOD PA DE DAG KHO NAS DON RTOGS KYI GANG DAG LA MED PA DE DAG NI DON YOD NA MI DMIGS SO,, DE BZHIN DU GANG DAG LA 'BREL BA YONGS SU SHES PA YOD PA DE DAG SGRA DANG DON RTOGS KYI, GANG DAG MED PA DE DAG NI 'BREL PA YOD NA YANG MI DMIGS PA'I PHYIR, THAMS CAD DU MTSUNGS SO, ,GZHAN YANG THOG MAR 'BREL PA'I BYED PA PO GANG YIN PA DE LA SU ZHIG GIS 'BREL PA BSLABS ZHES BYA BA 'DI YANG BRJOD PAR BYA DGOS SO, ,RANG NYID KYIS SO ZHE NA, MA YIN TE, DE KHO NA BZHIN DU GZHAN DAG LA YANG THAL BAR 'GYUR BA'I PHYIR RO, ,CI STE GZHAN LAS YIN NA DE YANG GANG LAS YIN, DE'I YANG GZHAN LAS YIN NO ZHE NA, 'O NA, DE LTAR NA THOG MA MED PA'I PHYIR SUS KYANG BYED PA MA YIN NO ZHES STON PA NI, MI SHES PA DAG CES BYA BA LA SOGS PA SMOS TE, SBYOR BA NI GANG SGRA DANG DON GYI 'BREL PA YIN PA DE NI RGAN PO'I THA SNYAD SNGON DU 'GRO BA CAN YIN TE, 'BREL PA YIN PA'I PHYIR DA LTAR BA'I 'BREL PA BZHIN NO, ,RTZOD PA'I GZHIR GYUR PA YANG 'BREL PA YIN NO ZHES BYA BA NI RANG BZHIN GYI GTAN TSIGS SO, ,DE LTAR RE ZHIG SKYES BU SO SO LA BRDA MI SRID DO ZHES BSTAN ZIN TO, ,DA NI BRJOD PA RE RE LA ZHES SMRAS PA GANG YIN PA DE BSAL BAR BYA BA'I PHYIR, BRJOD PA RE RE ZHES BYA BA LA SOGS PA SMOS TE, THA SNYAD YOD PA'I PHYIR RO ZHES BYA BA NI THA SNYAD 'JUG PA'I PHYIR RO, ,DE LTA MA YIN NA SNGAR BRDA BYAS PA'I PHYIR THA SNYAD 'JUG PAR MI 'GYUR RO ZHES BYA BA'I THA TSIG GO, ,DA NI 'GRO BA'I DANG POR ZHES GANG SMRAS PA DE DGAG PA'I PHYIR, 'BYIN PA'I DANG PO ZHES BYA BA SMOS TE, DE 'DRA BA'I ZHES BYA BA NI SGRA DANG DON GYI 'BREL PAS STONG BA'I 'BYIN PA DANG SDUD PA'I BDAG NYID DO, ,'DI 'DRA'I MIN ZHES BYA BA NI THAMS CAD RGYUN CHAD PA'I BDAG NYID DE, DE LA TSAD MA MED PA'I PHYIR RO, ,'O NA JI LTAR 'JIG RTEN NA 'JIG PA GLA SOGS PA'I THA SNYAD RAB TU GRAGS PA YIN ZHE NA, 'JIG PA CHEN PO ZHES BYA BA LA SOGS PA SMOS TE, DAM PA'I DON DU ZHES BYA BA NI THAMS CAD RGYUD CHAD PA'I BDAG

156a

, ,NYID DE, KUN TU BRTAGS PA NI MI DGAG GO ZHES BSAMS PA YIN NO, ,SHES MA YIN ZHES BYA BA NI 'JIG RTEN GYIS SO, ,DE SKAD STON PA NI LAS RNAMS ZHES BYA BA LA SOGS PA'O, ,YANG CI'I PHYIR DON DAM PAR MI 'DOD CE NA THAMS CAD ZHIG PA ZHES BYA BA LA SOGS PA SMOS TE, 'JIG PA DON DAM PA PA YIN DU CHUG MOD, DE LTAR NA YANG DE'I TSE DRAN PA DANG SHES RAB LA SOGS PA'I 'DU BYED NYAMS PA'I DBANG PHYUG LA SOGS PA'I BYED PA PO 'GA' YANG MED PA'I PHYIR 'BREL BA BYED PAR RIGS PA MA YIN NO ZHES BSTAN PA'I PHYIR, GANG ZHIG 'BREL BA ZHES BYA BA LA SOGS PA SMOS TE, MI RIGS ZHES BYA BA NI DE NI RGYAS PAR BKAG ZIN PA'I PHYIR RO, ,GO RIMS ZHES BYA BA LA SOGS PAS GZHAN GYI LAN DOGS PAR BYED DE, YI GE'I GO RIMS NYID TSIG TU 'DOD KYI GSAL BA NI MA YIN NO, ,DE YANG SKYES BU'I 'DOD PA LA RAG LAS PA'I PHYIR MI RTAG PA NYID YIN LA, DE'I PHYIR YI GE RNAMS KYANG MI RTAG PAR 'GYUR TE, GO RIMS NI YI GE DAG LAS DON GZHAN MA YIN PA'I PHYIR RO, ,JI LTAR ZHE NA, GANG PHYIR TSIG NI ZHES BYA BA LA SOGS PA SMOS TE, 'DI LTAR YI GE'I BDAG GI TSIG NYID RJOD PAR BYED PAR 'DOD DO, ,GANG GI PHYIR TSIG GI BLO NI YI GE'I RIM PAS BYAS KYIS GSAL BAS BYAS PA NI MA YIN LA, RIM PA DE YANG SKYES BUS BYAS PA YIN NO, ,'DI NYID RNAM PAR 'GREL BA NI, ,KHYED LA YI GE KUN 'GRO'I PHYIR, ,ZHES BYA BA LA SOGS PA SMOS TE, KHYED LA STE KHYED CAG SPYOD PA PA RNAMS KYI LTAR NA, YI GE DE THAMS CAD DU 'GRO BA YIN PA'I PHYIR, RIM PA YUL GYIS BYAS PA MA YIN ZHING, DUS KYIS BYAS PA YANG MA YIN TE, DE DAG NI RTAG PA YIN PA'I PHYIR RO, ,DE LTA BAS NA GSAL BAR BYED PA'I SGRA TZAM GYIS BYAS PA YIN LA, DE YANG MI RTAG PA'I PHYIR, DES BYAS PA YANG MI RTAG PA NYID YIN NO SNYAM DU BSAMS PA YIN NO, ,SBYOR BA NI GANG ZHIG MI RTAG PAS BYAS PA DE NI MI RTAG PA YIN TE, BUM PA LA SOGS PA BZHIN NO, ,YI GE'I RIM PA YANG MI RTAG PAS BYAS PA YIN NO ZHES BYA BA NI RANG BZHIN GYI GTAN TSIGS SO, ,GANG ZHIG SKYES BUS BRJOD PAR 'DOD PA'I DBANG GIS BYUNG BA DE NI, RTOG PA DANG LDAN PAS SKYES BUS BYAS

156b

PA NYID DU THA SNYAD DU BYA STE, DPER NA LAG PA G-YO BA DANG MIG 'DZUMS PA LA SOGS PA BZHIN NO, ,YI GE RNAMS KYI RIM PA YANG SKYES BU'I 'DOD PAS 'BYUNG BA YIN NO ZHES BYA BA 'DI NI RANG BZHIN NO, ,YANG CI STE RIM PA MED PAR YANG YI GE RNAMS NYID RNA BAS YONGS SU BCAD PAS DON RTOGS PAR 'GYUR RO SNYAM NA, DE'I PHYIR, RIM PA MED PA SNGON BYED PA'I, ,ZHES BYA BA LA SOGS PA SMOS TE, RIM PA MED PAR NI YI GE RNAMS DON RTOGS PA'I RGYUR MA MTHONG STE, DE LTA BAS NA DE DAG GI RIM PA GDON MI ZA BAR KHAS BLANG BAR BYA'O, ,DE LTA BAS NA SPYOD PA DE KHYED CAG LA RIM PA NYID TSIG DANG BRJOD PA NYID DU THAL BAR 'GYUR GYI, YI GE YAN GAR BA RNAMS NI MA YIN TE, RIM PA DE YANG MI RTAG PA'I PHYIR RJOD PAR BYED PA'I YANG MI RTAG PA NYID DU 'GYUR RO, ,DE LTA YIN DANG SGRA RTAG PA NYID DU BRTAG PA DON MED DO, ,'DI LTAR BRJOD PAR 'DOD PA'I SGRA RTAG PA NYID DU BSGRUB PAR 'DOD KYI GZHAN NI MA YIN NO, ,DE BAS NA KHYED CAG GI YI GE RTAG PA NYID DU SGRUB PAR BYED PA GANG YIN PA DE SKABS SU MI MKHO BA 'BA' ZHIG TU ZAD DO, ,DE NI RJOD BYED MA YIN PA'I PHYIR RO, ,GANG YANG RJOD PAR BYED PA DE'I RIM PA'I NGO BO DE NI RTAG PA NYID DU KHAS BLANGS PA'I PHYIR RTZOM PA THAMS CAD 'BRAS BU MED PA YIN NO, , BRDA SPROD PA GANG DAG GI LTAR NA, YI GE LAS GSAL BA'I THA DAD PA ZHES BYA BA CHA SHAS MED PA'I TSIG STE, BRJOD PAR 'DOD PA DE DAG GI LTAR NA YANG SGRA RTAG PA NYID DU BRTAGS PA 'DI DON MED PA YIN TE, GSAL BA ZHES BYA BA'I DNGOS PO DE NI MI RTAG PA YIN PA'I PHYIR RO, ,'DIR LAN SMRAS PA NI RE ZHIG CES BYA BA LA SOGS PA STE, GO RIMS YOD PA NI GO RIMS CAN, GO RIMS CAN DE TZAM KHO BO CAG LA 'DZIN PAR BYED PA NYID DU THAL BAR MI 'GYUR TE, 'KHRUL BA'I PHYIR RO SNYAM DU BSAMS PA YIN NO, ,DE NYID BSTAN PA'I PHYIR DNGOS PO GZHAN GYI ZHES BYA BA LA SOGS PA SMOS TE, DNGOS PO GZHAN GYI RTEN CAN ZHES BYA BA NOR BU DANG MU TIG LA SOGS PA'I RTEN CAN TE, YI GE'I RTEN CAN GYI GO RIMS NYID 'BA' ZHIG RJOD PAR BYED 'DOD PA YANG MA YIN NO, ,JI LTAR ZHE NA DE DAG GI 'DI ZHES BYA BA LA SOGS PA SMOS TE, DNGOS PO GZHAN DU ZHES BYA BA NI RANG DBANG GIS RJOD PAR BYED PA NYID DU

157a

, ,ZHES DGONGS PA'O, ,DE LTA MA YIN NA DON DAM PAR CHOS DANG CHOS CAN THA DAD PAR MI 'GYUR LA, DE YANG 'DOD PA YIN NO, ,'O NA CI ZHIG RJOD PAR BYED CE NA, DE NAS DE LTAR ZHES BYA BA LA SOGS PA SMOS TE, DE LTAR NI KHYAD PAR CAN GYI RIM PAS SO, ,'DI SKAD DU BSTAN PA YIN TE, RIM PA TZAM RJOD PAR BYED PA MA YIN LA, YI GE'I RTEN TZAM YANG MA YIN ZHING, YI GE TZAM YANG MA YIN NO, ,'O NA CI ZHE NA, YI GE NYID KYI RIM PA DANG LDAN PA RJOD PAR BYED PA YIN PA DES NA RIM PA NI RJOD PAR BYED PA NYID LA GTZO BO YIN TE DE DANG LDAN PA NYID KYIS RTOGS PA BZHIN PA DE NI SEL BA YIN PA'I PHYIR RO, ,'O NA GANG ZHE NA, YI GE RNAMS YIN TE, DE DAG NI CHOS CAN YIN PAS RTOGS PA'I PHYIR RO ZHES BSTAN ZIN TO, ,MI RTAG PHYIR ZHES GTAN TSIGS GNYIS GANG SMRAS PA DE GRUB PAR STON PA NI, RIM PA 'BRAS BU NYID MIN TE, ,ZHES BYA BA SMOS SO; ,SNGAR GRUB YONGS SU 'DZIN PA'I PHYIR, ,ZHES BYA BA NI RNAM PAR GNAS PA NYID KYI RIM PA NYE BAR LEN PA'I PHYIR RO, ,'DI NYID GSAL BAR BYA BA'I PHYIR SMRA BA PO ZHES BYA BA LA SOGS PA SMOS TE, 'BREL BA BZHIN DU RIM PA YANG THOGS PA MED PA YIN NO, ,DES NA ZHES BYA BA LA SOGS PAS MJUG SDUD PAR BYED DO, ,DE LTA BAS NA RI LA SOGS PA BZHIN DU RIM PA 'DI GCIG GI NGO BOR MI BDEN NA YANG RGAN PA'I THA SNYAD NYID YIN PA'I PHYIR RTAG PA NYID DU NGES PAR BYA'O, ,DE'I PHYIR 'DIS NI RIM PA'I THA SNYAD RTAG PA NYID DU BSTAN PA YIN GYI, RI LA SOGS PA BZHIN DU GCIG GI NGO BO RTAG PA NYID NI MA YIN NO, ,GAL TE DE LTA NA RIM PA BZHIN DU YI GE RNAMS KYI THA SNYAD KYANG RTAG PA NYID DU CI'I PHYIR MI 'DOD CE NA, YI GE DU MAR ZHES BYA BA SMOS TE, YI GE RNAMS RIM PA BZHIN DU MAR GNAS TE, RTAG PA NYID YIN NA YANG THA SNYAD RTAG PA NYID KYIS DON RTOGS PA'I THA SNYAD 'GRUB PA MA YIN NO; ,JI LTAR MI 'GRUB CE NA, YI GE RTAG PAR ZHES BYA BA LA SOGS PA SMOS TE, YI GE GCIG GI NGO BOR GNAS PA RTAG PA NYID KYIS YI GE RNAMS RTAG PAR 'GYUR BA DE LTA YIN NA, SKYES BU BRGYUD PAS THA SNYAD YOD PA'I PHYIR RIM PAR 'BYUNG STE, RIM PA'I BDAG NYID THOB PAR 'BYUNG BA YIN

157b

TE; DPER NA BUM PA LA SOGS PA'I BKOD PA RDUL PHRA RAB KYI RGYU MTSAN CAN YIN PA BZHIN NO, ,KHA CIG TU RIM SOGS ZHES 'DON PA DER NI SOGS PA'I SGRAS 'BREL BA DANG NGO SHES PA LA SOGS PA GZUNG NGO, ,CI STE RTAG PA NYID MED PAR YI GE DANG RDUL PHRA RAB DAG GNYI GA'I YANG BKOD PA CI'I PHYIR MI SRID CE NA, DE MED CES BYA BA LA SOGS PA SMOS TE, DE MED CES BYA BA NI YI GE DANG RDUL PHRA RAB GNYI GA'I YANG GCIG GI RANG BZHIN DU GNAS PA'I RTAG PA NYID MED PA'O, ,'ON TE BUM PA LA SOGS PA LA RTZOM PAR BYED PA'I RDUL PHRA RAB YOD PA BZHIN DU YI GE RNAMS LA YANG CHA PHRA MO YOD PA YIN TE, JI SKAD DU YI GE RNAMS LA YANG YI GE'I CHA BZHI PA YOD DE ZHES BSHAD PA MA YIN NAM, DE JI LTAR YI GE RNAMS GCIG GI RANG BZHIN DU GNAS PA'I RTAG PA NYID DU RJOD PAR BYED CE NA, NYES PA DE NI MED DO, ,JI LTAR YI GE'I CHA YOD PA MA YIN NO ZHAS GSAL BA BSU NA PHYUNG BAR 'DI BSTAN ZIN TO, ,GZHAN YANG GAL TE GCIG GI RANG BZHIN RTAG PA NYID KYIS YI GE RNAMS RTAG PAR 'GYUR NA DE'I TSE SMRA BA PO THAMS CAD LA GZHAN GYIS RAB TU DPYAD PA'I SGRA DAG BDAG GIS BRJOD DO ZHES BYA BA'I BRJOD PAR 'DOD PA 'DIR MI 'GYUR BA ZHIG NA 'GYUR BA YANG YIN TE, DE LTA BAS NA YI GE RTAG PA MED PA MI RIGS SO ZHES BSTAN PA'I PHYIR, GZHAN GYIS BRJOD PAR ZHES BYA BA LA SOGS PA SMOS SO, ,'ON TE GAL TE YI GE LA SOGS PA'I RIM PA DON DAM PAR RTOG PA MA YIN ZHING GSAL BAR BYED PA'I SGRA TZAM YANG MA YIN LA, DE DAG SKUL BAR BYED PA'I RKAN LA SOGS PA'I LDAN PA DANG RNAM PAR 'BYED PA YANG RTAG PA MA YIN NAM, DE'I PHYIR JI LTAR 'DI DAG MI NYAN PA'I PHYIR THA SNYAD 'DOGS PA PO RNAMS KYIS MTSON PAR BYA BAR NUS, MA MTSON NA DE DAG GIS SGRA DANG DON GYIS THA SNYAD SO SOR NGES PAR BYA BA NUS PA YANG MA YIN TE, HA CANG THAL BAR 'GYUR BA'I PHYIR RO, ,DE LTA YIN DANG 'BREL BA BYED PA NYID LA SKYON BRJOD PA GANG YIN PA DE THAMS CAD MNGON PAR GSAL BA'I PHYIR LA YANG MTSUNGS PA YIN TE, JI LTAR GANG DAG YI GE RNAMS KYI MNGON PAR GSAL BAR BYED CING MTHONG BA'I SGRA TZAM DE DAG RE ZHIG SMRA BA POS SKUL BAR NUS PA MA YIN

158a

, ,TE; DE DAG NI ZHIG PA'I PHYIR RO, ,GANG YANG SKUL BAR BYED PA DE DAG NI MNGON PAR GSAL BAR BYED PA MA MTHONG NGO, ,DE BZHIN DU GANG DAG RKAN LA SOGS PA'I LDAN PA DANG RNAM PAR DBYE BA LAS SGRA TZAM SKUL BAR BYED PA MTHONG BA DE DAG NI BYA BAR NUS PA MA YIN LA GANG YANG GSAR DU BYED PA DE DAG NI SKUL BAR BYED PA MA MTHONG, DE LTA YIN DANG RIM GYIS MNGON PAR GSAL BA'I YI GE RNAMS DON THA DAD PA RTOGS PA'I RGYUR CI LTAR 'GYUR ZHES BYA BA 'DI THAMS CAD RTOGS PAR BYAS NAS LAN GDAB PA'I PHYIR, JI LTAR BUM PA ZHES BYA BA LA SOGS PA SMOS TE, JI LTAR BUM PA LA SOGS PA MI RTAG PA NYID YIN NA YANG RIGS LA BRTEN NAS THA SNYAD BSGRUB PA DE BZHIN DU GO RIMS LA SOGS PA MI RTAG PA NYID YIN YANG THA SNYAD DU NYE BAR MTSON PAR GRUB PAR 'GYUR RO, ,JI LTAR ZHE NA RE ZHIG RKAN LA SOGS PA ZHES BYA BA LA SOGS PA SMOS TE, JI LTAR RKAN LA SOGS PA'I GNAS KYI RIGS RNAMS NI SKYES BU THAMS CAD DANG 'DU BA'I RKAN LA SOGS PA DANG LDAN PA'I PHYIR, SKYES BU THAMS CAD LA RNAM PAR GNAS PA YIN NO, ,SMRA BA PO YANG RKAN LA SOGS PA'I RIGS DE DAG GIS RKAN LA SOGS PA'I MTSON NAS TE, NGES PAR BZUNG NAS PHYIS SGRA TZAM STE, GSAL BAR BYED PA'I RLUNG RNAMS RJOD PAR BYED PA SKUL BAR BYED DE, KHYAD PAR MA BZUNG BAR KHYAD PAR CAN GYI BLOR MI 'GYUR RO ZHES BYA BA'I RIGS PAS SO, ,SGRA TZAM DE DAG GAL TE YANG MI RTAG PA YIN PA DE LTA NA YANG BA LANG DANG RTA LA SOGS PA'I RIGS BZHIN DU JI SRID DU STE, YI GE JI SNYED PA DE SNYED KYI RIGS YOD PA YIN TE, DE DAG NYID GSAL BAS GROGS BYAS PA NA SGRA MNGON PAR GSAL BA'I RGYUR 'GYUR BA YIN NO, ,YANG NA SGRA TZAM GYIS GSAL BA NYID RIGS KYIS GROGS BYAS PA NA YI GE DANG RJES SU MTHUN PA'I NGO BOS GSAL BAR BYA BA'I PHYIR 'JUG PA YIN NO ZHES BYA BA NI PHYOGS GZHAN YIN NO, ,'ON TE GAL TE YANG SGRA TZAM RNAMS KYIS RIGS THA DAD PA YOD PA DE LTA NA YANG SGRA TZAM DE DAG GIS MTSON PA NA YANG RIM PA MED PAR YI GE MNGON PAR GSAL BA'I GO RIMS BSGRUB PAR NUS PA MA YIN TE, 'DI LTAR DE DAG RIGS KYI KHYAD PAR THA DAD MA YIN YANG

158b

RANG LAS RIM PA YOD PA MA YIN TE CHA SHAS MED PA'I PHYIR RO, ,DE JI LTAR YI GE RNAMS KYIS RIM PA GSAL BAR BYED PA'I RIM PAS BYAS ZHES DOGS PA BSU NAS DE LA SGRA TZAM ZHES BYA BA LA SOGS PA SMOS TE, GAL TE YANG SGRA TZAM RNAMS KYI GO RIMS RANG LAS MA YIN PA DE LTA NA YANG DE DAG GIS RKAN LA SOGS PA'I LDAN PA DANG RNAM PAR DBYE BA RNAMS NI GO RIMS SGRUB PAR BYED PA YIN TE, RKAN LA SOGS PA'I LDAN PA LA SOGS PA'I RIM PA DANG, SGRA TZAM GYI RIM PA GNYI GA RANG GI RTEN LA 'DU BA'I RIGS KYI SGO NAS RTAGS PA NYID YIN PA'I PHYIR RO, ,YANG JI LTAR RANG GIS DE LTAR MTSON PA NA THA SNYAD KYI YAN LAG TU 'GYUR BAS GO RIMS MI RTAG PA YIN NA YANG RIGS KYIS RTAG PA NYID DU MTSON PAR NUS SHE NA, JI LTAR BSKOR BA ZHES BYA BA LA SOGS PA SMOS TE, DPER NA BSKOR BA DANG G-YABS PA LA SOGS PA NI GAR LA SOGS PA'I BYA BA'I KHYAD PAR YIN TE, SOGS PA'I SGRAS GROG MO LA SOGS PA GZUNG STE JI LTAR DE DAG GI GO RIMS RJES SU 'JUG PA'I CHA'I RIGS LA SOGS PAS MTSON PA NI THA SNYAD KYI YAN LAG YIN TE, 'DIR YANG SOGS PA'I SGRAS GROG MO LA SOGS PA'I RIGS BZUNG NGO, ,DE BZHIN DU RKAN LA SOGS PA'I SGRA TZAM GYI YI GE LA BRTEN PA'I RIM PA RJES SU 'JUG BRKAN [?] LA SOGS PA'I RIGS KYIS MTSON PA NA THA SNYAD KYI DON DU BYED PA YIN NO ZHES SBYAR RO, ,RKAN SOGS SGRA TZAM YIG RTEN 'GYUR, ,ZHES BYA BA NI RKAN LA SOGS PA DANG, SGRA TZAM YI GE ZHES BYA BA NI TSIG RNAM PAR SBYAR BA'I BSDU BA YIN TE DE LA BRTEN PA'I PHYIR DE SKAD CES BYA'O, ,'DIS NI RKAN LA SOGS PA'I LDAN PA LA SOGS PA'I RIM PA SGRA TZAM BRJOD PA'I RGYU DANG RANG GI RIGS NYE BAR MTSON PA DANG, SGRA TZAM GYI RIM PA YANG RKAN LA SOGS PA'I LDAN PA DANG DBYE BA'I RIM PA SNGON DU 'GRO BA CAN RANG GI RIGS NYE BAR MTSON PA DANG YI GE MNGON PAR GSAL BA'I RIM PA DANG, DE YANG DON RTOGS PA'I RGYU MTSAN YIN NO ZHES BSTAN PA YIN NO, ,KHA CIG CHA ZHES 'DON PA DER NI 'DI LTAR SBYAR BAR BYA STE, DPER NA BSKOR BA LA SOGS PA'I BYA BA'I YAN LAG RIM PA DANG LDAN PA RIGS SAM DE LAS GZHAN PA'I CHOS 'GA' ZHIG GIS NYE BAR MTSON PA NA THA SNYAD KYI RGYUR 'GYUR BA DE BZHIN DU RKAN LA SOGS PA LA BRTEN PA'I RIM PA

159a

, ,RJES SU 'JUG PA'I THA SNYAD KYI YAN LAG KYANG YIN NO, ,KHA CIG TU, RIM PA RJES SU DRAN GYUR TE, DE LTAR ZHES 'DON PA DER NI 'DI LTAR SBYAR BAR BYA STE, JI LTAR G-YABS PA LA SOGS PA'I CHA'I RIGS LA SOGS PA DE LTAR RKAN LA SOGS PA'I SGRA TZAM YI GE LA BRTEN PA RKAN LA SOGS PA'I SGRA TZAM GYIS YUL CAN RKAN LA SOGS PA'I RIGS MTSON NAS RIM PA RJES SU DRAN PAR 'GYUR BA YIN NO, ,YANG SGRA TZAM RNAMS KYIS GO RIMS RKAN LA SOGS PA'I LDAN PA DANG RNAM PAR PHYE BA'I RIM PAS BYAS PA MA YIN GYI, 'ON KYANG RANG NYID KYIS YIN TE, CHA SHAS DANG BCAS PA'I PHYIR RO ZHES BSTAN PA'I PHYIR, YANG NA PHRA PHYIR ZHES BYA BA LA SOGS PA SMOS TE, GSAL RNAMS KYI ZHES BYA BA NI SGRA TZAM RNAMS KYI'O, ,DE DAG GI RIM PA DANG LDAN PA RTZOM PAR BYED PA'I CHA PHRA MO GANG DAG YIN PA DE DAG GIS THA SNYAD GRUB PA MA YIN TE, DE'I PHYIR DE DAG LA RIGS KYI RANG BZHIN GYI CHOS RTAG PA NYID LA SOGS PA SO SOR NGES PA STE, MNGON PAR GSAL BA GSAL BA'I RGYU RNAMS NGES PAR DPYAD PAR TE, NGES PAR BYA BA ZHES BYA BA'I THA TSIG GO, ,DE LAS CI ZHIG 'GRUB PAR 'GYUR ZHE NA, DE'I DBANG GIS ZHES BYA BA LA SOGS PA SMOS TE, KHYAB PA NYID YIN NA YANG RIM PA BZHIN DU SGRA TZAM GYI DBANG GIS YI GE RNAMS RIM PA DANG LDAN PA'O SNYAM DU SNANG BA YIN NO, ,DE LTAR ZHES BYA BA LA SOGS PAS SKABS KYI DON NYID MJUG SDUD PAR BYED DE, SGRA TZAM GYIS YON TAN NI RIM PA DANG GSAL BA DANG ZHAN PA DANG PHYOGS GCIG TU 'JUG PA LA SOGS PA'O, ,RTAG PA NYID DU RNAM GNAS PA, ,ZHES BYA BA NI RIGS KYI SGO NAS SO, ,RJES SU BYED PA NI RJES SU 'JUG PA'O, ,DE LTAR GAL TE RTAG PA DANG THAMS CAD DU SONG BDAG GI PHYIR YI GE RNAMS KYI RIM PA LA SOGS PA RANG LAS YOD PA MA YIN TE DE SKAD DU YANG DAG GSAL BAR BYED PA'I SGRA TZAM YOD PA NA 'DI DAG YI GE LA DON GYI RTOGS PA'I YAN LAG YIN NO ZHES RGYAS PAR BSTAN ZIN TO, ,DA NI NANG NA DUS SU GTOGS PA NYID KYI SGRA TZAM GYI KHYAD PAR CAN RNAM PAR DBYE BA'I CHA DAG NI YI GE RNAMS 'DZIN PA NA RTOG PA'I YAN LAG YIN NO ZHES PHYOGS GZHAN

159b

BSTAN PA'I PHYIR YI GE RNAMS KYI ZHES BYA BA LA SOGS PA SMOS TE, SGRA TZAM STE GSAL BAR BYED PA'I RLUNG RNAMS KHYAD PAR TE BYE BRAG TU GYUR PA DUS RNAM PAR DBYE BA GANG DAG LA YOD PA DE DAG LA DE SKAD CES BYA'O, ,'ON TE DUS SMRAS PA RNAMS KYI DUS GCIG DANG KHYAB PA DANG RTAG PA NYID DU 'DOD PA MA YIN NAM, JI SKAD DU, BYA BA LAS NI THA DAD PA'I, ,BYA BA DANG LDAN PA YI CHAD, ,RTAG PA GCIG TU KHYAB PA'I RDZAS, ,DUS SU KHA CIG RJOD PAR BYED, ,CES BSHAD PA BZHIN TE, DE'I PHYIR JI LTAR RNAM PAR DBYE BAR RIGS SHE NA, DUS KYANG ZHES BYA BA LA SOGS PA SMOS TE, RNAM PAR DAG PA YANG ZHES BYA BA'I YANG GI SGRA NI RIM PA GZHAN YIN PA'I PHYIR, GCIG NA YANG KHYAB NA YANG ZHES BYA BA 'DIR SBREL BAR BYA'O, ,JI LTAR RNAM PAR PHYE BA YIN ZHE NA, DNGOS PO KUN LA YI GE BZHIN, ,ZHES BYA BA SMOS TE, 'DI SKAD DU BSTAN PA YIN TE, DPER NA GA LA SOGS PA'I YI GE RTAG PA GCIG BU YIN YANG GANG GI TSE SGRA TZAM GYI KHYAD PAR 'BA' ZHIG GIS YUL 'BA' ZHIG TU GSAL BAR BYED PA DE'I TSE YUL LA SOGS PA RNAM PAR PHYE NAS RNAM PAR DBYE BA RTOGS PAR 'GYUR LA DUS KYANG DE BZHIN NO, ,GAL TE YANG 'DI DNGOS PO THAMS CAD LA KHYAB PA YIN PA DE LTA NA YANG GANG GI TSE BYAS PA'I KHYAD PAR 'GA' ZHIG GIS DNGOS PO 'GA' ZHIG LA GSAL BAR BYED PA DE'I TSE RNAM PAR DBYE BA 'DZIN PA YIN LA, GANG GI TSE YI GE RNAMS LA GSAL BAR BYED PA DE'I TSE DON RTOGS PA'I YAN LAG TU 'GYUR BA YIN NO, ,'O NA GAL TE RNAM PAR PHYE BA YIN NA DE JI LTAR RTAG PA DANG KHYAB PA NYID RTOGS SHE NA, GZHAN DAG LA YANG ZHES BYA BA LA SOGS PA SMOS TE, LCUG MA DANG ME TOG LA SOGS PA GZHAN DAG LA YANG YOD PA'I PHYIR YOD PA BZHIN DU DE RTAG PA DANG KHYAB PA NYID DU 'GRUB STE, RTAG PA SMOS PA NI NYE BAR MTSON PA YIN NO, ,DE'I PHYIR TSIG GIS ZHES BYA BA LA SOGS PA RANG GI PHYOGS GRUB PAR MJUG SDUD PAR BYED PA YIN NO, ,'DI 'DRA 'GA' YANG ZHES BYA BA NI GO RIMS LA SOGS PA'I NGO BO'O, ,'O NA GAL TE GO RIMS NI DUS KYI CHOS SAM, GSAL BAR BYED PA'I SGRA TZAM GYI CHOS YIN GYI DON DAM PAR YI GE'I CHOS NI MA YIN NA DE JI LTAR 'DI RTOGS PA'I YAN LAG NYID YIN TE,

160a

, ,GZHAN GYI CHOS NI GZHAN GYIR GYUR PA MA YIN NO ZHE NA, GZHAN GYI CHOS KYANG ZHES BYA BA LA SOGS PA SMOS SO, ,BRJOD CES BYA BA NI, GRUR ZHUGS PA YANG 'GRO BA NI, ,ZHES BYA BA LA SOGS PA STE, GRUR ZHUGS PA'I TSIG NI BZHON PA LA ZHON PA THAMS CAD MTSON PA YIN NO, ,RTA YI SHUGS LA SOGS PA BZHIN, ,ZHES BYA BA NI DPER NA RTA LA SOGS PA LA YOD PA'I SHUGS DE LA ZHON PA'I SKYES BU YUL GZHAN DU PHYIN PA DANG SHING LJON PA LA SOGS PA 'GRO BAR SHES PA'I YAN LAG TU 'GYUR BA DE BZHIN DU SGRA TZAM LA YOD PA'I GO RIMS KYANG YI GE DON RTOGS PAR BYED PA'I YAN LAG YIN NO, ,DE LTAR RGYAS PAR SGRA MI RTAG PA NYID DU DAM BCA' BA LA DON GYIS GO BA'I TSAD MAS GNOD PA NYID DU BSGRUBS NAS MJUG BSDU BA'I PHYIR, THAMS CAD RTAG PA NYID LA NI, ,ZHES BYA BA LA SOGS PA SMOS TE, DE'I PHYIR ZHES BYA BA 'DIR MJUG SDUD PAR BLTA BAR BYA'O, , THAMS CAD CES BYA BA NI DON RTOGS PA BZHIN DU MI 'THAD PAS YI GE RTAG PA NYID DU GRUB PA 'BA' ZHIG TU MA ZAD, 'O NA CI ZHE NA, RKAN LA SOGS PA DANG SGRA TZAM LA SOGS PA YANG MA YIN NO, ,JI SKAD DU BSHAD PA LAS BRJOD PA TZAM NYID NA 'JIG PA NA KHYAD LA GZHAN GYI SGRA GZHAN GYIS DON RTOGS PAR MI NUS TE, DES NA GZHAN GYI DON BRJOD PAR MI 'GYUR RO, ,'ON TE MI 'JIG NA DE'I PHYIR SNGAR MANG DU DMIGS PAS DON RTOGS SO ZHES BYA BAR RIGS PA YIN NO ZHES BSHAD PA LTA BU'O, ,DAM BCA' BA LA RANG GI TSIG DANG KHAS BLANGS PA DANG, LUNG DANG, GRAGS PAS GNOD PA YANG BSTAN PA'I PHYIR, RANG GI TSIG CES BYA BA LA SOGS PA RGYAS PAR SMOS TE, SOGS PA'I SGRAS KHAS BLANGS PA DANG 'GAL BA LA SOGS PA GZUNG NGO, ,BSTAN ZIN TE ZHES BYA BA NI DON DANG 'BREL BA MA MTHONG BA'O, ,SGRA NI RJOD BYED DU MI 'GYUR, ,ZHES BYA BA LA SOGS PAS SO, ,DES NA DON RTOGS PA'I ZHES BYA BA NI DON RTOGS PA STE DON SHES PAS THOB PA STE GRUB NI DON RTOGS THOB PA, ,DON RTOGS PA GZHAN DU MI 'THAD PAR GRUB PAS RTAG PA'I PHYIR RO ZHES BYA BA'I THA TSIG GO, ,KHAS BLANGS PAS GNOD PA BSHAD PA NI, DON GYI RJOD BYED NUS PA NI, ,ZHES BYA BA LA SOGS PA SMOS TE,

160b

SGRUB PA NA ZHES BYA BA NI SGRUB PAR BYED PA BRJOD PA ZHES BYA BA SHUGS KYIS THOB STE DE LTA MA YIN NA GZHAN LA BSGRUB PAR MI NUS PA'I PHYIR RO, ,LUNG GIS GNOD PA SMRAS PA, BSTAN BCOS SO SO ZHES BYA BA LA SOGS PA STE, SGRA RNAMS KYIS DON RTOGS PA'I NUS PA GANG DAG YIN PA DE DAG GI DAM BCA' BA LA GNOD PA'I PHYIR ZHES KHA BSKANG NGO, ,GRAGS PAS GNOD PA BSHAD PA NI, SNGAR BSHAD PA'I ZHES BYA BA LA SOGS PA STE, SNGAR BSHAD PA'I RIGS PA NI DE MA THAG TU BSHAD PA'I TSIGS SU BCAD PA'O, 'DI LTAR GNOD PAR BYA STE, 'JIG RTEN KUN GYIS NGES BZUNG BA'I, DON RTOGS PA YIS NUS RNAMS KYIS, ,RGOL BA KUN GYI 'JIG RTEN GYI, ,GRAGS PAS 'JIG PA LA GNOD DO, ,ZHES BYA BA YIN NO, ,RJES SU DPAG PA LA SOGS PA DANG 'GAL BA SNGAR BSHAD PA DRAN PAR BYA BA'I PHYIR, SNGAR BSHAD GTAN TSIGS ZHES BYA BA LA SOGS PA SMOS TE, SNGAR BSHAD PA GTAN TSIGS NI YUL DANG DUS SOGS THA DAD PA'O, ,BA LANG SGRA YIS GSAL BA'I BLO, ,THAMS CAD MTSUNGS PA'I YUL CAN NAM, , SNA TSOGS DON GYI YUL CAN YIN, ,BA LANG SNYAM DU SKYES PA'I PHYIR, ,DE LTAR SKYES PA'I BLO BZHIN NA, ,ZHES BYA BA'I TSOGS KYI DANG, GZHAN YANG RNA BA LAS BYUNG BA'I, ,NGO SHES PA YIS SGRA RTAG DANG, ,KHYAB PA NYID DU GNAS NA DE, ,PHYIN CI LOG TU SU ZHIG NGES, ,ZHES BYA BA 'DIS SO, ,LHAG MA PHYOGS KYI SKYON DANG GTAN TSIGS KYI SKYON 'GA' ZHIG BSTAN PAR 'DOD NAS DE 'JIG PA NYID DU ZHES BYA BA LA SOGS PA SMOS TE, SGRA LA 'JUG PA'I RNAM PAR RTOG PA GRUB PA'I MTHA' THA DAD PAS 'CHAD DE, DE GRANGS CAN RNAMS KYIS SGRA DANG RDUL DANG MUN PA DANG SNYING STOBS KYI RANG BZHIN YIN PA'I PHYIR YON TAN GSUM DU 'DOD DO, ,NAM MKHA'I GOS CAN DAG GIS NI GANG ZAG STE, GANG ZAG NI RDUL PHRA RAB TZAM LAS BRJOD DE, DE DAG GI 'DI NI GANG ZAG CAN TE, DE'I BDAG NYID CES BYA BA'I THA TSIG GO, ,GZEGS ZAN PA DAG GIS NI, NAM MKHA'I YON TAN DU 'DOD DO, ,'JIG RTEN PA RNAMS KYIS NI, YI GE LAS THA DAD PA'I SGRA TZAM GYI BDAG NYID DU STE, JI SKAD DU SNYIM PAR LHUNG GI BSHAD PA LAS YANG NA 'JIG RTEN NA TSIG GI DON RTOGS PA'I SGRA TZAM NI SGRA YIN NO ZHES BSHAD PA YIN BZHIN NO, ,SLOB BYED PA RNAMS KYIS NI RJOD PAR BYED PA MA YIN PA'I RLUNG GI NGO BO STE, JI SKAD DU RLUNG NI SGRAR 'GYUR RO ZHES BSHAD PA LTA BU'O, ,BRDA SPROD PA RNAMS KYIS NI TSIGS GSAL BA'I BDAG NYID DAM NGAG GSAL

161a

, ,BA'I BDAG NYID 'DOD DO, ,JI SKAD DU, MTHA' YI SGRA DANG LHAN CIG TU, ,SGRA TZAM GYIS BSKOS SA BON GYIS, ,YONGS SU SMIN PAR 'GYUR BA YI, ,BLO LA SGRA NI NGES PAR GZUNG, ,ZHES BSHAD PA LTA BU'O, ,'BIGS BYED NA GNAS PA NI, 'DRA BA STE MTSUNGS PAR 'DOD DO, ,SANGS RGYAS PA RNAMS KYIS NI GZHAN LA LTOS PA STE, GZHAN SEL BA ZHES BRJOD PAR BYED PA GANG 'DOD PA DE LA, GAL TE GRANGS CAN LA SOGS PAS 'DOD PA'I SGRA DE DAG MI RTAG PA NYID DU BSGRUB PA DE'I TSE GRUB PA LA SGRUB PA'I PHYOGS KYI SKYON YIN TE, RANG GI NGO BOR BSTAN BYA BA, ,ZHES BYA BA 'DIS GRUB PA NGO BOR BKAG PA'I PHYIR RO, ,SPYOD PA BA RNAMS KYIS 'DI 'DRA BA'I SGRA RTAG PA NYID DU BSGRUB PAR 'DOD PA YANG MA YIN NO, ,GZHAN YANG KHO BO CAG LA YON TAN GSUM LA SOGS PA'I BDAG NYID KYI KHYAD PAR GYI SGRA CHOS CAN MA GRUB PA'I PHYIR KHYAD PAR MA GRUB PA NYID KYI PHYOGS KYI SKYON YIN NO, ,GTAN TSIGS KYANG GZHI MA GRUB PA'I SKYON YIN TE, RNAM PA DE LTA BU'I CHOS CAN MA GRUB PA'I PHYIR RO, ,CI STE ZHES BYA BA NI CI STE 'DOD CHAGS DPYOD PA RNAMS KYIS MNGON PAR 'DOD PA'I GAL SOGS PA'I YI GE NYID SGRA YIN GYI THA DAD PA NI MA YIN NO ZHES BYA BA'I PHYOGS 'DIR 'GYUR NA, DE LTA YIN NA SANGS RGYAS PA LA SOGS PA LA KHYAD PAR MA GRUB PA NYID KYI DAM BCA' BA'I SKYON DANG GZHI MA GRUB PA'I GTAN TSIGS KYI SKYON 'DI GNYIS 'BYUNG BAR 'GYUR RO, ,CI STE SGRA TZAM BRJOD GYUR NA STE, BSGRUB PAR BYA BA'I CHOS CAN NYID DU ZHES BYA BA LHAG MA'O, ,DE LTA YIN DANG SGRA NYID KYI SPYI KHYED CAG GIS SGRA NYID TE KHYAD LA MI RTAG NYID DE THOB PO ZHES KHONG NAS DBYUNG NGO, ,'DI LTAR TZAM GYI SGRAS KHYAD PAR THAMS CAD DOR BAR BYAS NA SPYI LAS GZHAN PA'I SGRA TZAM GZHAN CI ZHIG TU 'GYUR, DE LTA BAS NA SHUGS KYIS KHYED CAG GIS SGRA NYID MI RTAG PA NYID DU DAM BCA' BAR 'GYUR RO, ,DE LTAR 'GYUR MOD CE NA MA YIN TE, DE YANG THAMS CAD RTAG PAR 'DOD, ,CES BYA BA LA SOGS PA SMOS TE, DE SKAD DU YANG GZHAN SEL BAR SMRA BA SANGS RGYAS PA RNAMS KYIS KYANG RIGS KYI CHOS GNAS PA'I PHYIR RO ZHES BSHAD DO, ,'DIS NI KHAS BLANGS PAS GNOD PA BSHAD DO, ,DE NYID STON PA NI, GANG CUNG ZAD GRUB PA'I MTHA'I RJES SU 'BREL NAS SPYI RNAM PAR 'JOG PA DE THAMS CAD NI RGOL BA THAMS CAD KYI BRTAG PAR 'DOD DO, ,DE LTA MA YIN NA GSAL BA BZHIN DU GZHAN DANG GZHAN SKYE BAS GSAL

161b

BA GZHAN LA MA KHYAB PA'I PHYIR, DE'I SPYI'I RANG BZHIN NYID NYAMS PAR 'GYUR RO, ,DE LTAR RE ZHIG BSGRUB BYA'I CHOS CAN GYI RNAM PAR RTOG PAS PHYOGS KYI NYES PA BSTAN NAS, DA NI BSGRUB BYA'I CHOS KYI RNAM PAR RTOG PA'I SGO NAS BSTAN PAR 'DOD NAS GAL TE GTAN NAS ZHES BYA BA LA SOGS PA SMOS TE, GAL TE GTAN NAS RJES SU 'GRO BA MED PAR 'JIG PA'I MTSAN NYID 'JIG PA NYID GANG YIN PA DE MI RTAG PA NYID DU BSGRUB PAR 'DOD PA DE'I TSE KHO BO CAG LA KHYAD PAR MA GRUB PA'I PHYOGS KYI SKYON YIN TE, 'DI LTAR DPYOD PA PA RNAMS NI SER SKYA BA DAG BZHIN DU RJES SU 'GRO BA MED PAR 'JIG PA NYID KYI KHYAD PAR MA GRUB PA STE, BUM PA LA SOGS PA RNAMS ZHIG NA YANG NUS PA'I NGO BOS GNAS PA'I PHYIR RO, ,SGRON MA LA SOGS PA YANG DE'I TSE CHA SHAS PHRA MO RNAMS YUL GZHAN DU PHRA ZHING PHRA BA 'GRO'O ZHES 'DOD PA'I PHYIR RO, ,CI STE JI ZHIG LTAR MI RTAG PAR BSTAN PA NYID DU BSGRUB PAR 'DOD PA DE'I TSE GRUB PA LA SGRUB PA'I SKYON YIN LA, DE BZHIN DU RTAG PA RNAMS LA YANG MNGON PAR GSAL BA DANG MNGON PAR MI GSAL BA'I GNAS SKABS LA BRTEN NAS SPYI RTAG PA NYID DU BRTAN PAR 'DOD PA KHO NA'O, ,DE LTAR RE ZHIG SGRA MI RTAG PA YIN NO ZHES BYA BA'I DAM BCA' BA NI RGYAS PAR SUN PHYUNG NAS DE NI DBANG POS GZUNG BAR BYA BA YIN PA'I PHYIR ZHES BYA BA'I GTAN TSIGS KYI SKYON BSTAN PA'I PHYIR, DBANG PO 'BA' ZHIG GIS ZHES BYA BA LA SOGS PA SMOS TE, DBANG POS GZUNG BA 'BA' ZHIG NI 'BRAS BU YIN ZHES BYA BA LA SOGS PA NI KHYAD PAR DANG BRAL BA STE, KHYAD PAR MED PA DE GTAN TSIGS YIN NA SNGAR BSGRUB PA'I RIGS DE PHYIS GTAN TSIGS MA NGES PAR 'GYUR TE LDOG PA MA GRUB PA'I PHYIR RO, ,GAL TE PHYIR RGOL BAS RIGS KHAS BLANGS PA'I PHYIR LDOG PA MA GRUB PA DE LTA NA YANG SANGS RGYAS PA LA SOGS PAS RIGS KHAS MA BLANGS PA'I PHYIR, GRUB PA NYID YIN TE DE'I PHYIR JI LTAR MA NGES PA YIN ZHE NA, DPER NA PHYIR RGOL ZHES BYA BA LA SOGS PA SMOS TE, GNYI GA LA NGES PA GANG YIN PA DE NI DE NYID SGRUB PAR DANG SUN 'BYIN PA YIN NO ZHES BYA BA'I RIGS PA LAS SO, ,JI LTAR PHYOGS KYI CHOS GANG YANG RUNG BA LA MA GRUB NA GTAN TSIGS SKYON CAN DU 'GYUR BA DE BZHIN DU RJES SU 'GRO BA DANG LDOG PA DAG KYANG GANG YANG RUNG BA LA MA GRUB PA NA SKYON CAN NYID YIN NO, ,RJES SU 'GRO BA DANG LDOG PA DAG MA GRUB NA YANG ZHES TSIG RNAM PAR BSGYUR LA GNYIS KYI TSIG SBYAR BAR BYA'O, ,DE LTAR NA GAL TE GNYI GA LA GRUB PA GANG

162a

, ,YIN PA DE NYID SGRUB PA SUN 'BYIN PA YIN NA DE JI LTAR SANGS RGYAS PA LA MA GRUB PA'I RIGS KYIS 'KHRUL PAR BRJOD PA YIN ZHE NA, DE LA GAL TE ZHES BYA BA LA SOGS PA SMOS TE, GAL TE YANG SGRUB PAR BYED PA SMRA BA SANGS RGYAS PA LA RIGS MI MTHUN PA'I PHYOGS NYID DU MA GRUB PA DE LTA NA YANG DOGS PA MI LDOG STE, DE DGAG PAR MI NUS PA'I PHYIR RO, ,DE LTA YIN DANG MI MTHUN PA'I PHYOGS LAS LDOG PA LA THE TSOM ZA BA YIN NO SNYAM DU BSAMS PA YIN NO, ,GZHAN YANG BSGRUB PAR BYA BA DANG SGRUB PAR BYED PA DAG GI RNAM PAR RTOG PA GZHAN GYI SUN 'BYIN PA NI DBANG POS GZUNG BYA BA ZHES BYA BA LA SOGS PA SMOS TE, STZOGS PA'I SGRAS MI RTAG PA NYID GZUNG NGO, ,DE LA DBANG POS GZUNG BAR BYA BA NYID LA SOGS PA CI'I BDAG NYID YIN ZHES DPYAD PAR BYA STE, SPYI GSAL BA LAS THA DAD PA YIN NAM, 'ON TE THA MI DAD PA YIN GRANG, DE LA THA MI DAD PA'I PHYOGS LA YANG THA DAD PA DANG THA MI DAD PA GSAL BAR BYED DE, CI DE THA DAD NA YANG GONG BU SO SO LA THA DAD PA'AM; 'ON TE THA MI DAD PA YIN TE, GCIG CES BYA BA'I THA TSIG GO, ,DE LA THA MI DAD PA'I PHYOGS LA DBANG POS GZUNG BAR BYA BA NYID KYI GTAN TSIGS THUN MONG MA YIN PA NYID YIN TE, GSAL BA LA THA MI DAD PA'I PHYIR DE'I PHYIR RANG GI NGO BO BZHIN DU DE GSAL BA GZHAN LA RJES SU 'GRO BA MED PA'I PHYIR RO, ,THA DAD PA'I PHYOGS LA YANG DPYOD PA THA DAD PAR MI 'DOD PA'I PHYIR, GSAL BA RE RE DANG THA DAD PA'AM, THA MI DAD PA MA GRUB PA'I PHYIR GTAN TSIGS MA GRUB PO, ,DE NYID KYI PHYIR THA DAD PA DANG THA MI DAD PA'I PHYOGS KYI SKYON MA BRJOD DE, THA DAD DU GRUB PA NA DE'I GO SKABS YOD PA'I PHYIR RO, ,MI RTAG PA NYID KYANG THA DAD PA'I PHYOGS LA MTHUN PA'I PHYOGS BSGRUB BYA DANG BRAL BA YIN TE, DPE BSGRUB BYAS STONG NGO ZHES BYA BA'I THA TSIG GO, ,THA MI DAD PA'I PHYOGS LA YANG DPE BSGRUB BYA MA TSANG BA NYID YIN TE, GSANG BA GSAL BA GZHAN LA RJES SU 'GRO BA MED PA'I PHYIR RO, ,DA NI BRTZAL MA THAG TU BYUNG BA'I PHYIR ZHES BYA BA'I GTAN TSIGS 'DI MA NGES PA NYID 'CHAD PA NI BRTZAL MA THAG TU BYUNG ZHES BYA BA LA SOGS PA STE, BRTZAL BA'I MJUG THOGS SU DMIGS PA NYID NI BRTZAL MA THAG TU 'BYUNG BA NYID DU BRJOD LA, DE NI MI MTHUN PA'I PHYOGS LA YANG 'JUG PA'I PHYIR MA NGES PAS BYAS PA DANG MI RTAG PA NYID SGRUB PAR BYED PA MA YIN NO, ,'DI LTAR SANGS RGYAS PA RNAMS KYIS SO SOR BRTAGS PA'I 'GOG PA DANG NAM MKHA' ZHES BYA BA 'DUS MA BYAS GSUM PO DNGOS PO SKAD

162b

CIG LAS THA DAD PA MA BYAS PA DANG RTAG PAR 'DOD DE, DE LA GTAN TSIGS 'DI 'JUG GO ZHES BSTAN PA'I PHYIR BLO SNGON 'GRO BA'I ZHES BYA BA SMOS TE, BUM PA LA SOGS PA RNAMS KYI BLO SNGON DU 'GRO BA'I 'JIG PA GANG YIN PA DE NI SO SOR BRTAG PA'I 'GOG PA'O, ,GANG YANG BLO SNGON DU 'GRO BA CAN MA YIN PA DE NI SO SOR BRTAGS PA MA YIN PA'I 'GOG PA'O ZHES BYA BA 'DI NI SANGS RGYAS PA'I GZHUNG LUGS YIN PAR GRAG GO, ,DE DAG GI ZHES BYA BA NI BUM PA LA SOGS PA RNAMS KYI'O, ,GNYIS ZHES BYA BA NI SO SOR BRTAGS PA DANG SO SOR BRTAGS PA MA YIN PA'I 'GOG PA DAG GO, ,MA BYAS PAR YANG ZHES BYA BA'I YANG GI SGRA LAS RTAG PA YANG NGO, ,JI LTAR 'DI DAG GI MA BYAS PA NYID DANG, RTAG PA NYID DAG DANG, YANG JI LTAR DE LA GTAN TSIGS 'JUG PA DE LTAR GZHAN GYI LUGS KYIS BSGRUB PA'I PHYIR, DE DAG CES BYA BA LA SOGS PA SMOS TE, DE DAG CES BYA BA NI SANGS RGYAS RNAMS SO, ,'ON TE MES BUD SHING DANG DBYIG PAS BUM PA ZHES BYA BA'I 'JIG PA'I RGYU DAG MTHONG BA MA YIN NAM, DE'I PHYIR 'DI LTAR RGYU MED PA NYID YIN ZHE NA, ME DANG ZHES BYA BA LA SOGS PA SMOS TE, DE LA ME LA SOGS PA NI SOL BA LA SOGS PA'I DNGOS PO GZHAN GYI RGYU NYID DU RJES SU 'GRO BA DANG LDOG PA DANG GIS NGES KYI 'JIG PA'I NI MA YIN TE, DE NI RANG BZHIN GYIS GRUB PA'I PHYIR RO, ,'O NA GAL TE RANG BZHIN GYIS 'JIG PA YIN NA CI'I PHYIR ME LA SOGS PA DANG PHRAD PA LAS SNGAR YANG DMIGS PAR MI 'GYUR RO ZHE NA, 'DRA BA'I RGYUN NI ZHES BYA BA LA SOGS PA SMOS TE, 'DRA BA GZHAN DANG GZHAN 'BYUNG BAS BSLUS PA'I ZHAN PA RNAMS KYIS MI NGES LA, RGYUN MI 'DRA BAR 'BYUNG BAS NI NGES PA YIN NO, ,MI MTHUN PA'I RGYU NI THO BA LA SOGS PA'O, ,MI MTHUN PA'I 'BRAS BU NI GYO MO LA SOGS PA'O, ,GNAS SKABS 'DIR 'JIG PAR RIGS PA NYID DU GSAL BAR 'GYUR RO LO, ,DE'I PHYIR ZHES BYA BA LA SOGS PAS MJUG SDUD PAR BYED DO, ,MI 'DRA BA'I RGYUN ZHES BYA BA NI MI MTHUN PA'O, ,RGYU GANG LAS ZHES BYA BA NI GZHI MTHUN PA NYID DO, ,DE NYID KYIS ZHES BYA BA NI RGYUS SO, ,GANG LAS ZHES BYA BA BSTAN PAR BYA BA GANG YIN PA DE NI MNGON PAR GSAL BA ZHES BYA BA PHYI MA DANG 'BREL TO, ,GTAN TSIGS MI MTHUN PA'I PHYOGS LA 'JUG PA NYID BSTAN PA'I PHYIR, GANG PHYIR DE NI ZHES BYA BA LA SOGS PA SMOS TE, DE NI ZHES BYA BA NI 'GOG PA RNAM PA GNYIS SO, ,THO BA BRDEGS PA LA SOGS PA RTZOL BA'I MJUG THOGS SU SHES PA DMIGS PA NI THO BA

163a

, ,BRDEGS PA LA SOGS PA'I BRTZAL MA THAG TU BYUNG BA ZHES BYA'O, ,GSUM GYIS ZHES SMRAS PA DE LA GNYIS KYIS 'KHRUL PA BSTAN NAS, GSUM PA NAM MKHAS KYANG 'KHRUL PAR BSTAN PA'I PHYIR, NAM MKHA' YANG ZHES BYA BA LA SOGS PA SMOS TE, DE BRTZAL BA YIS ZHES BYA BA NI SA LA SOGS PA DE RKO BA LA SOGS PA BYED PAR GYUR BAS BRTZAL BA YIS SO, ,DE LA ZHES BYA BA NI SGRA LA'O, ,MTHONG BA NI BRTZAL MA THAG TU BYUNG BA'I SHES PA'O, ,DE LTAR GTAN TSIGS SKYON BRJOD NAS, ,DPE'I SKYON BRJOD PAR 'DOD NAS, MTHUN PA'I PHYOGS KYIS ZHES BYA BA LA SOGS PA SMOS TE, MTHUN PA'I PHYOGS NI DPE STE, DE CI THOS PA'I DON YIN PAR 'DOD DAM, 'ON TE GSAL BA YIN GRANG, GAL TE THOS PA'I DON YIN PA DE'I TSE BSGRUB BYA MA TSANG BA'I DPE'I NYES PA YIN TE, 'DI LTAR THOS PA NI SGRA'O, ,DE'I DON NI BRJOD BYA STE, DE YANG BUM PA LA SOGS PA'I SPYI'I YIN LA, DE YANG RGOL BA THAMS CAD MI RTAG PA NYID DU 'DOD PA'I PHYIR, DE LA MI RTAG PA NYID KYI BSGRUB PAR BYA BA'I CHOS RJES SU 'GRO BA MA YIN NO, ,KHA CIG TU RIGS KYI DON LA ZHES 'DON PA DER NI LAS 'DZIN PA'I BSDU BA BYA STE, DON NI 'DRA BA NYID DO, ,CI STE PHYOGS GNYIS PA YIN NA DE'I TSE YANG DPE NYID DU 'DOD PA'I GSAL BA DE'I RIGS LAS GZHAN NAM GZHAN MA YIN PAR BRTAG PAR BYA STE, CI GSAL BA DE RIGS LAS GZHAN YIN NAM, 'ON TE GZHAN MA YIN, GAL TE GZHAN YIN PA DE'I TSE DPYOD PA LA DPE'I CHOS CAN MA GRUB STE, DPYOD PA BA NI BYE BRAG BA LA SOGS PA BZHIN DU MTHA' GCIG TU RIGS GSAL BA LAS NGED LA GZHAN DU MI 'DOD DE, JI SKAD DU, RIGS LA SOGS PA GSAL BA LAS, NGED LA GZHAN NYID GNAS PA MED, ,CES GNAS PA LTA BU'O, ,'ON TE GZHAN MA YIN PA'I PHYOGS YIN PA DE'I TSE GZHAN SANGS RGYAS PA LA DPE'I CHOS CAN MA GRUB STE, GZHAN GYIS GSAL BA LAS GZHAN MA YIN PA'I RIGS MI 'DOD DO, ,CI STE THA DAD PA THA MI DAD PA'I RNAM PAR RTOG PA SPANGS NAS BUM PA DPE NYID DU LEN PAR BYED NA DE'I TSE YANG KHO BO CAG LA DPE BSGRUB BYAS STONG PA YIN NO ZHES BSTAN PA'I PHYIR, KHYAD MED CES BYA BA LA SOGS PA SMOS TE, DE ZHES BYA BA NI BUM PA'I DNGOS PO'O, ,JI LTAR ZHE NA, 'DI'I RIGS ZHES BYA BA LA SOGS PA SMOS TE, BUM PA'I DNGOS PO 'DI'I RIGS KYI MING CAN GYI CHA RNAMS NI RTAG LA, CIG SHOS GSAL BA'I MING CAN RNAMS NI 'JIG PA STE 'GYUR BA CAN YIN NO, ,'DI SNYAM DU JI LTAR GCIG

163b

LA PHAN TSUN 'GAL BA'I RANG BZHIN GNYIS RIGS PA YIN SNYAM DU SEMS NA, DNGOS GCIG 'DREN PA'I ZHES BYA BA LA SOGS PA SMOS SO, ,GZHAN YANG BSGRUB BYA'I CHOS RNAM PAR BRTAGS PA'I SGO NAS DPE'I SKYON BRJOD PAR 'DOD NAS, DE LTAR MI RTAG NYID CES BYA BA LA SOGS PA SMOS TE, GAL TE RJES SU 'GRO BA MED PAR 'JIG PA'I MTSAN NYID KYI MI RTAG PA NYID BSGRUB BYA NYED DU 'DOD PA DE'I TSE KHO BO CAG DPYOD PA BA LA DPE BSGRUB BYA MA TSANG BA YIN TE, KHO BO CAG GIS NI DNGOS PO RNAMS KYI 'JIG PA BSTAN NAS CHAD PAR MI 'DOD DE, NUS PA'I NGO BOR GNAS PA'I PHYIR RO, ,GAL TE YANG 'JIG PA'I ZHES BYA BA SPYI'I SGRA YIN PA DE LTA NA YANG SKABS KYI RJES SU 'GRO BA MED PAR 'JIG PA'I BDAG NYID KYI DON GYI YUL 'DI LA 'JUG PAR SHES TE, DE LTA MA YIN NA JI LTAR DPE BSGRUB BYA MA TSANG BA NYID DU THAL BAR 'GYUR BAR RIGS, 'ON TE GAL TE GTAN NAS 'JIG PA NYID, MI RTAG PA NYID DU BRJOD PA NA ZHES BYA BA LA SOGS PAS MI RTAG PA NYID RNAM PAR BRTAGS ZIN MA YIN NAM, DE CI'I PHYIR YANG RTOG PAR BYED CE NA, BDEN TE DER NI PHYOGS KYI SKYON BSTAN PA'I DON DU YIN LA DA LTA NI DPE'I YIN NO ZHES BYA BA NI KHYAD PAR RO, ,YANG RJES SU 'GRO BA MED PAR 'JIG PA'I MTSAN NYID KYI MI RTAG PA NYID MI 'DOD KYI, 'ON KYANG GSAL BA DANG MI GSAL BA'I MTSAN NYID YIN NO ZHE NA, 'DIR SMRAS PA, GZHAN YIN ZHES BYA BA STE, MI RTAG PA NYID CES BYA BA DANG 'BREL TO, ,KHYED LA ZHES BYA BA NI BSGRUB BYAS STONG ZHES BYA BA DANG SBYAR BAR BYA'O, ,DE LA YANG DPE'I ZHES BYA BA NI KHYAD PAR YIN NO, ,KHYED CAG SANGS RGYAS PA RNAMS KYIS NI GRANGS CAN BZHIN DU RJES SU 'GRO BA DANG BCAS PA'I 'JIG PA MI 'DOD DO, ,DE LTA BAS NA KHYED KYI PHYOGS LA DPE BSGRUB BYA MA TSANG BA NYID DU 'GYUR RO ZHES BYA BA'I SGRA MI RTAG PA NYID DU BSGRUB PA LA SKYON GYI LAM 'DI MKHAS PA RNAMS LA BSHAD PA YIN LA, GZHAN YANG SHES RAB CAN RNAMS KYIS RANG NYID KYIS BRTAG PAR BYA'O, ,GAL TE TSIG DON ZHES BYA BA LA SOGS PAS GZHAN GYI KLAN KA'I DOGS PA BSU BA YIN TE, KHYAD PAR CAN GYI SGRUB PAR BYED PA RNAM PAR CHAD PA'I BYA BA'I KHYAD PAR BSGRUB PA DANG DGAG PA'I MTSAN NYID KYI NGAG GI DON TE, DE NYID LA SKUL BAR BYED PA NI TSAD MA YIN GYI DNGOS PO LA NI MA YIN NO, ,DE LTA YIN DANG RIG BYED TSAD MA NYID DU BSGRUB PAR BYA BA LA TSIG DANG TSIG GI DON DANG DE DAG GI 'BREL BA GSUM PO RTAG PA NYID DU BSGRUB PA GANG YIN PA DE NI SKABS SU NYE BAR MKHO BA

164a

, ,MA YIN NO, ,GZHAN YANG GANG DANG GANG DAG GI DON RTOGS PA DE NI BRDA LAS BYUNG BA CAN YIN TE, DPER NA AA AE AO ZHES BYA BA'I NGAG LAS YON TAN 'PHEL BA LA SOGS PA'I BLO BZHIN NO, ,SKUL BAR BYED PA'I NGAG LAS BYUNG BA YANG DAG GI DON RTOGS PAR BYED PA YIN NO ZHES BYA BA NI RANG BZHIN GYI GTAN TSIGS SO, , 'DI NYID STON PA NI SKYES BU RNAMS KYIS ZHES BYA BA LA SOGS PA STE, YON TAN 'PHEL SOGS BLO BZHIN NI 'DUN PA'I DON LA 'DRA BA YIN NO, ,'DI NYID BSGRUB PA'I PHYIR RGYU MTSAN MED PA ZHES BYA BA LA SOGS PA SMOS TE, RGYU MTSAN MED PA YIN YANG STE, RAG LAS PA MED PA YIN NA YANG MCHOD SBYIN BYED PA MED PA RNAMS KYIS LCAGS KYU MED PA RANG NYID KYI BRTAGS PAS 'TSO BA'I DON DU, MTHO RIS 'DOD PAS ME LA SBYIN SREG SBYIN, ,ZHES BYA BA LA SOGS PA RIGS BYED KYI NGAG GI DON BRTAGS PA YIN NO ZHES BYA BAR SRID PA YIN NO, ,GZHAN YANG NGAG 'DUS PA'I NGO BO YIN PA DE NI SKYES BUS BYAS PA YIN TE, DPER NA ZLOS GAR GYI SGRUNG LA SOGS PA'I GTAM RGYUD BZHIN NO, ,RIG BYED KYANG TSIG 'DUS PA YIN NO ZHES BYA BA NI RANG BZHIN GYI GTAN TSIGS SO, ,DE LTA YIN DANG SKYES BUS BYAS PA'I PHYIR LAM PO CHE'I SKYES BU'I NGAG BZHIN DU RIG BYED TSAD MA MA YIN PAR 'GYUR RO, ,YID CHES PAS BYAS PA'I PHYIR SKYES BUS BYAS PA YIN NA YANG TSAD MAR 'GYUR RO ZHE NA, 'DIR NI ZHES BYA BA LA SOGS PA SMOS SO, ,'BREL BA MI BYED CES BYA BA LA SOGS PAS LEN 'DEBS PAR BYED DE, NYAN PA PO LA 'BREL BYED NA, ,SMRA BA PO YIS GANG RTOGS 'GYUR, ,ZHES BYA BA LA SOGS PAS TSIG DANG TSIG GI DON GANG GI 'BREL BA MI RIGS PA BRJOD PA GANG YIN PA DE NYID KYIS RIG BYED KYI TSIG RTAG PA NYID DU BRJOD PAR BYA'O, ,SKYES BU RNAMS KYI BRDA LAS NI, ,YON TAN 'PHEL SOGS BLO BZHIN DU, ,ZHES BYA BA 'DI MA NGES PA NYID DU STON PA NI, BRDA LAS BYUNG BA'I ZHES BYA BA LA SOGS PA STE, AA DANG AI LA SOGS PA'I MTHONG BA'I DON DE LA BRDA LAS YON TAN LA SOGS PA'I THA SNYAD RTOGS PA SRID PA NYID YIN GYI, RIG BYED LAS NI MA YIN TE, MTHO RIS LA SOGS PA DBANG PO LAS 'DAS PA NYID KYIS BRDA BYA BAR MI NUS PA'I PHYIR RO, ,'O NA DE LTA NA 'DI DON MED PAR 'GYUR RO ZHE NA, 'DI YANG DON MED MA YIN TE, ,ZHES BYA BA SMOS TE, DE ZHES BYA BA NI RIG BYED DO, ,'DUS PA YIN PA'I PHYIR ZHES BYA BA LA SOGS PA SGRUB PAR BYED PA DE LA YANG SGRUB PAR BYED PA GZHAN GYIS MA NGES PA NYID DU BSTAN PA'I PHYIR 'DUS PA NYID LA YANG ZHES BA LA

164b

SOGS PA SMOS TE, 'ON TE BHA RA TA 'DON PAR BYED PA LA YANG DE SKAD DU BRJOD PAR NUS PA MA YIN NAM, GANG BHA RA TA 'DAN PAR BYED PA DE THAMS CAD NI BLA MA 'DON PAR BYED PA SNGON DU 'GRO BA CAN YIN TE, BHA RA TA 'DON PA YIN PA'I PHYIR DA LTAR BA BZHIN NO ZHES DE SKAD DU BRJOD PAR NUS PA YANG MA YIN NO, ,DE LTA BAS NA DE BZHIN DU SGRUB BYED GZHAN YANG MA NGES PA YIN NO ZHES DOGS PA BSU NAS, BHA RA TA YANG ZHES BYA BA SMOS TE, DE LTAR ZHES BYA BA NI THAL BAR 'GYUR BA'O, ,'ON KYANG DE LA BYED PA PO RGYAS PAR DRAN ZHES BYA BA BYED PA PO DRAN PA DES DAM BCA' BA'I DON LA GNOD PA'I PHYIR THAL BAR 'GYUR BA MA YIN NO, ,RIG BYED LA NI DRAN PA MED DE BYED PA PO ZHES BYA BA LHAG MA'O; ,'ON TE RIG BYED LA YANG BYED PA PO DRAN PA NYID MA YIN NAM, 'DI LTAR DRANG SRONG ME KHROS NGES BRJOD KYI RIG BYED BYAS LA SNYAN TSIG GI RIG BYED PA NI SNYAN DNGAGS KYI RIG BYED DO, ,LEGS LDAN LA MTSUNGS PA'I BLO CAN DRANG SRONG PHUG RON 'JUG GIS BYAS PA NI SRID SNANG GI RIG BYED DO, ,SNYAN DNGAGS KYI RIG BYED BYAS PA'AM, YANG NA NYI MA'I GNYEN GYIS BYAS PA YIN NO ZHE NA, DE'I PHYIR, GANG DE DON BRJOD RGYU MTSAN CAN, ,ZHES BYA BA SMOS TE, GANG YANG REG BYED PA PO DRAN PA DE NI DON BRJOD PA'I RGYU MTSAN CAN YIN NO, ,DON GZHAN BRJOD PA LHUR LEN PA NI, DON BRJOD PA STE DE RGYU MTSAN DU GANG LA YOD PA DE LA DE SKAD CES BYA'O, ,'DI LTAR BYAS ZHES BYA BA BYED PA'I DON LHUR LEN PA MA YIN NO, ,'O NA CI ZHE NA, DRAN PA'I DON YIN NO, ,BYAS TE DRAN PAR 'GYUR BA ZHES BYA BA'I DON TO, ,DON 'DI JI LTAR NGES SHE NA, 'DAS DANG MA 'ONGS PA ZHES BYA BA LA SOGS PA SMOS TE, TSAD MA GNYIS NI GO BAR ZAD DO, ,DE LTA YIN DANG ZHES BYA BA LA SOGS PAS SKABS SU BAB PA'I DON MTHA' DAG MJUG BSDUS NAS TSAD MA BYED PA YIN TE, GANG ZHIG GANG LA BYED PA POR GYUR BA'I SMRA BA PO LA LTOS PA MED PAR SHES PA SKYED PA DE NI DE LA BRDZUN PAR MI 'GYUR TE, DPER NA TSIG GI DON LA TSIG BZHIN NO, ,RIG BYED KYI TSIG KYANG BYED PA POR GYUR BA'I SKYES BU SMRA BA PO LA LTOS PA MED PAR RANG GI DON LA SHES PA SKYED PAR BYED PA YIN NO ZHES BYA BA NI KHYAB PAR BYED PA 'GAL BA DMIGS PA YIN TE, BYED PA POR GYUR BA'I SKYES BU LA LTOS PA DANG BCAS PA'I SHES PA SKYED PAR BYED PA NYID KYIS BRDZUN PA LA KHYAB PA'I PHYIR LA, DE DAG 'GAL BA SMRA BA PO LA LTOS PA MED PA NYID DO, ,TSIG BLO BZHIN ZHES BYA BA LA, 'DI NI TSIG RNAMS KYIS MI SLU BA'I SHES PA'I RGYU MTSAN NYID STON PA

165a

, ,LHUR LEN PA YIN GYI, TSIG GI BLO DPE NYID DU MNGON PAR 'DOD PA NI MA YIN NO, ,'O NA CI ZHE NA, TSIG RNAM PA NYID YIN TE, DE LTAR SGRA'I BDAG NYID NI BSGRUB PAR BYA BA'I CHOS CAN YIN LA, DE MI SLU PA'I SHES PA SKYED PA'I RGYU MTSAN NYID KYIS BRDZUN PA MA YI PA NYID DU BSGRUB PAR BYA BA LA, DE LTA BUR GYUR PA NYID KYI DPE'I CHOS CAN RIGS PA YIN GYI, DE LTA MA YIN NA DPE BSGRUB BYA MA TSANG BA NYID DU 'GYUR RO, ,DE BZHIN DU SBYOR BA GZHAN NI GANG ZHIG RTAG PA'I NGAG LAS SKYES PA'I SHES PA DE NI DON JI LTA BA NYID KYIS YANG DAG PA YIN TE, DPER NA NGAG GI RANG BZHIN GYI YUL CAN BZHIN NO, ,ME LA SBYIN SREG BYAS PA LA SOGS PAS MTHO RIS LA SOGS PA 'GRUB PAR NGES PA LA YANG RTAG PA'I NGAG GIS BSKYED PA YIN NA ZHES BYA BA NI RANG BZHIN GYI GTAN TSIGS SO, ,SNGAR RGYAS PAR THOS PA BRTAG PAR BSGRUBS ZIN PA'I PHYIR GTAN TSIGS MA GRUB PA MA YIN NO, ,BSKUL BAS ZHES BYA BA LA SOGS PA NI DANG PO NYID DU BSHAD ZIN TO; ,DE BZHIN DU SBYOR BA GZHAN DAG NI GANG ZHIG YID CHES PA MA YIN PAS MA BYAS PA'I TSIG GIS BSKYED PA'I SHES PA DANG, GANG YANG YUL DANG DUS DANG SKYES BU'I GNAS SKABS KYI KHYAD PAR LA SOGS PA LA SLU BA DANG BRAL BA DE NI TSAD MA YIN TE, DPER NA YID CES PA'I TSIG GIS BSKYED PA'I SHES PA BZHIN NO, , SKUL BAR BYED PA'I TSIG GIS BSKYED PA'I SHES PA 'DI YANG DE BZHIN NO ZHES BYA BA NI RANG BZHIN GYI GTAN TSIGS DAG GO, ,GTAN TSIGS DANG PO MA GRUB PA MA YIN TE, SKYES BUS MA BYAS PAR RGYA CHER BSGRUBS ZIN PA'I PHYIR RO, ,GNYIS PA YANG MA YIN TE, JI SKAD DU, MTHO RIS 'DOD PAS MCHOD SBYIN BYA'O ZHES BYA BA'I TSIG LAS THE TSOM RTOGS PAR 'GYUR BA YANG MA YIN NO ZHES BSHAD PA LTA BU STE, THE TSOM MED PAR RTOGS PA NA 'DI LOG PA NYID DU 'GYUR BA MA YIN NO, ,GANG DAG BSKYED NAS 'JIG PA 'DI DE LTA MA YIN NO SNYAM PA'I LOG PA'I SHES PA 'DI NI YUL GZHAN NAM DUS GZHAN NAM, SKYES BU GZHAN LA PHYIN CI LOG TU 'GYUR BA MA YIN PAS DE LTA BAS NA PHYIN CI LOG MA YIN NO, ,DE'I PHYIR SNANG BA BZHIN DU 'JIG RTEN THAMS CAD KYI THUN MONG BA CHOS LA SOGS PA RNAM PAR GZHAG PA'I RGYU RIG BYED NI RANG NYID LAS TSAD MA YIN NO ZHES BYA BA GRUB PO, ,DE LTA YIN DANG SANGS RGYAS PA LA SOGS PA DAG GIS GANG SMRAS PA'I SEMS TZAM

165b

LA SOGS PA'I TSUL DE NI RIGS PA MA YIN NO ZHES BA'I BAR GNAS SO, ,GAL TE THAMS CAD DU THUN MONG BA'I RIG BYED SNANG BA BZHIN DU RANG NYID LAS TSAD MA MA YIN NAM, CI'I PHYIR DE LA SANGS RGYAS PA LA SOGS PA KHA CIG LOG PAR RTOG PAR 'GYUR, DE DAG LA DE TSAD MA MA YIN PAR RIGS PA MA YIN NO ZHES DOGS PA BSU NAS, DE'I PHYIR ZHES BYA BA LA SOGS PA SMOS TE, JI LTAR CHES GSAL BA'I 'OD ZER GYI TSOGS KYIS RAB RIB KYI RGYU MTHA' DAG SEL BAR BYED PA'I NYI MA SKYE BO THAMS CAD KYI THUN MONG BA'I MIG LTA BU KUN NAS SNANG YANG RANG GI LAS KYI NYES PA DANG RJES SU MTHUN PAS BSKYED PA'I CHO [?] MI GSAL BA'I MIG CAN GYI BUM PA LA SOGS PA'I MTHONG BA'I LAM DU GZUGS MI 'JUG PA DE BZHIN DU CHOS MA YIN PAS BLO'I MIG BSLAD PA SH'AKYA'I BU LA SOGS PA RIG BYED 'JIG RTEN MTHA' DAG GI MIG GCIG PUR GNAS NA YANG 'GAL BA NYID DU SGRUB PAR BYED DO ZHES GRAG STE, LO'I SGRA NI MA RANGS PA STON PAR BYED PA YIN NO, ,DE NYID GSAL BAR BYED PA NI GNYIS SKYES ZHES BYA BA LA SOGS PA STE, SKYES BU'I YI GE ZHES BYA BA NI ROG DANG TA LA TZAM DU YANG ZHES BYA BA'I THA TSIG GO, ,DE LA GANG LOG PA NYID KYI RGYU NYES PA DANG BRAL BA DE NI PHYIN CI MA LOG PA'I SHES PA'I RGYU YIN NO ZHES BYA BA LA SOGS PA GANG SMRAS PA DE LA RE ZHIG GTAN TSIGS GRUB PA NYID DU KHAS BLANGS NAS MA NGES PA BSTAN PA'I PHYIR, BYED PA PO MED NA YANG ZHES BYA BA LA SOGS PA SMOS TE, 'DI DAG CES BYA BA NI THOS PA'O, ,JI LTAR 'DOD CHAGS LA SOGS PA DANG LDAN PA BRDZUN DU SMRA BAR MTHONG BA'I PHYIR RJES SU 'GRO BA DANG LDOG PA DAG LAS TSIG LOG PA NYID KYIS RGYU NYES PA YIN PAR GTAN LA PHAB PA DE BZHIN DU BRTZE BA LA SOGS PA'I YON TAN DANG LDAN PA BDEN PAR SMRA BAR MTHONG BA'I PHYIR BRTZE BA LA SOGS PA'I YON TAN YANG BDEN PA NYID KYI RGYU YIN PAS DE'I PHYIR LOG PA NYID BZHIN DU RGYU LOG PAS BDEN PA NYID KYANG LDOG PA'I PHYIR SKYES BUS MA BYAS PA YIN NA YANG BDEN PA'I DON CAN DU MI 'GRUB PA'I PHYIR GTAN TSIGS MA NGES PA YIN NO, ,YANG JI LTAR YON TAN LDAN PAR NGES SHE NA, YON TAN YOD DAM ZHES BYA BA LA SOGS PA SMOS TE, KHYED KYIS NYES PA MED PA'I RGYUR BRJOD PA GANG YIN PA DE NI DE NYID BDEN PA NYID KYI RGYU YON TAN MED PA LA YANG YIN NO ZHES BSTAN PA YIN NO, ,DE PHYIR ZHES BYA BA LA SOGS

166a

, ,PAS MJUG BSDUS NAS RGYU MI DMIGS PA'I SGO NAS BDEN PA NYID DANG LOG PA NYID DAG MED PAR THAL BA STON PAR BYED PA YIN NO, ,DE LA SHES RAB LA SOGS PA NI BDEN PA NYID KYI RGYU'O, ,LOG PA NYID KYI RGYU NI BRTZE BA MED PA LA SOGS PA'I ZHES GO RIMS BZHIN DU SBYAR RO, ,DE GNYIS ZHES BYA BA NI BDEN PA NYID DANG LOG PA NYID DAG GO, ,GNYIS MED PA NI THAL BAR 'GYUR BA GANG ZHIG TU 'GYUR BA DE STON PA NI, DES NA DON MED THOB 'GYUR TE, ,ZHES BYA BA LA SOGS PA STE, KHUR BA DRUG DANG SE'U BCU, ,ZHES BYA BA LA SOGS PA'I SMYON PA'I SMYON TSIG BZHIN DU KHYED CAG SANGS RGYAS PA LA RIG BYED DON MED PAR SGRUB PAR BYED PA NI DAM BCA' BA MTHONG BAS GNOD PAR 'GYUR TE, 'DI LTAR ME LA SBYIN SREG BYAS PA LAS MTHO RIS SU 'GYUR RO ZHES BYA BA'I NGAG 'DI LAS DON RTOGS PAR MNGON SUM DU NYAMS SU MYONG NA DE JI LTAR SPONG BAR BYED CES DOGS PA BSU NAS GZHAN GYI TSIG GO SKABS SPONG BAR BYED PA NI, 'DI NI ZHES BYA BA LA SOGS PA STE, 'DI SNYAM DU SEMS TE, GAL TE RANG RGYUD KYIS RIG BYED DON MED PA CAN BSGRUB PAR BYA BA YIN NA DAM BCA' BA LA GNOD PAR 'GYUR NA, GANG GI PHYIR 'DI NI THAL BAR SGRUB PAR BYED PA YIN LA, DE LTA THAL BAR 'GYUR BA LA NI, DAM BCA' BA LA GNOD PA SRID PA YANG MA YIN TE, DE LA DAM BCA' BAR BYA BA MED PA'I PHYIR RO, ,KHYAB PAR BYED PA'I CHOS LOG NA YANG KHYAB PAR BYA BA LDOG PAR MI 'DOD PA GZHAN DAG NYID LA MI 'DOD PA THOG TU BAB PAS TSIG 'GAL BAR STON PA 'GA' ZHIG TU ZAD DO, ,'DI LA MTHONG BAS GNOD PA NYID KYANG MED DE, 'DI LTAR SKYES BUS BSHAD PA'I DBANG GIS DON MED PA CAN GYI RIG BYED LA SOGS PA LA RTOGS PA 'DIR 'GYUR BA YIN TE, DPER NA ME LA SBYIN SREG BYAS PA LAS MTHO RIS SU 'GYUR RO ZHES BYA BA LA SOGS PA'I RIG BYED KYI NGAG 'DIS BHA RA TA DANG LHA MO LA SOGS PA'I SPYOD PA BRJOD PA YIN NO ZHES MI SHES PA KHA CIG GIS BSHAD PAS PHYIS DE'I TSIG DE LAS DON DE RTOGS PAR 'GYUR BA KHO NA YIN NA DE NI DON DES DON DANG LDAN PA YANG MA YIN PA DE BZHIN DU RANG BZHIN GYIS DON MED PA'I RIG BYED PAS KYANG DON RTOGS PA 'DIR 'GYUR BA YIN PA'I PHYIR DAM BCA' BA LA MTHONG BAS GNOD PA GANG LAS YIN, GZHAN YANG LOG PA NYID KYI RGYU NYES PA KHO NA LDOG GI YON TAN NI

166b

MA YIN DU CHUG MDO DE LTA NA YANG GTAN TSIGS MA NGES PA NYID MI ZLOGS SO ZHES BSTAN PA'I PHYIR, SKYON MED NA YANG ZHES BYA BA LA SOGS PA SMOS TE, GAL TE SGRA RNAMS KYI BDEN PA NYID DANG LOG PA NYID LAS MA GTOGS PA'I CHU BO GZHAN ZHIG YOD PAR MA GYUR NA DE'I TSE PHUNG PO GCIG MED PA PHUNG PO GNYIS PA YOD PA MED NA MI 'BYUNG BAR 'GYUR RO, ,GANG GI TSE GZHAN PHUNG PO GSUM PA DON MED PA YANG YOD PA DE'I TSE, LOG PA NYID LDOG PAS BDEN PA NYID DU NGES PA MA YIN TE, GZHAN PHUNG PO GSUM PA DON MED PA MI ZLOG PA'I PHYIR RO, ,GAL TE 'DI SNYAM DU RIG BYED LA BRTZE BA LA SOGS PA YON TAN GYI RGYU CAN GYI BDEN PA NYID KHAS BLANGS PAR GYUR NA, DE'I TSE YON TAN RNAMS NI SKYES BU LA BRTEN PA NYID KYI SKYES BU LDOG PAS LDOG PA NA LOG PA NYID BZHIN DU BDEN PA NYID KYANG LDOG PAR 'GYUR NA GANG GI PHYIR RIG BYED NI RANG LAS CHAD MA YIN PA'I PHYIR RANG BZHIN GYIS BDEN PA'I DON CAN GYI SHES PA'I RGYU NYID YIN GYI YON TAN GYIS BYAS PA NI MA YIN NO, , DES NA GTAN TSIGS MA NGES PA MA YIN LA, RIG BYED DON MED PA CAN DU THAL BA YANG MA YIN NO ZHES BYA BA'I GZHAN GYI LAN 'DI DOGS PAR BYAS NAS LAN BSHAD PA NI, DE LTA YIN NA ZHES BYA BA LA SOGS PA STE, JI LTAR RIG BYED 'DI RANG BZHIN GYIS BDEN PA'I DON CAN MA YIN PA DE LTA NA LOG PA NYID KYANG SRID PA YIN PA'I PHYIR GTAN TSIGS MA NGES PA KHO NA'O ZHES BYA BA BSAMS PA'O, ,'DI YANG THAMS CAD DU NI RANG BZHIN GYIS, ,SHES RGYU YIN NA CIG CAR DU, ,DE LAS BYUNG BA'I SHES PAR 'GYUR, ,RGYU MA TSANG BA MED PHYIR RO, ,ZHES PHYIS 'CHAD PAR 'GYUR RO, ,JI LTAR DON MED PA NYID DU THAL BAR 'GYUR, ,SBYOR BA NI GANG ZHIG GANG GI TSE RGYU MA TSANG BA MED PA DE NI DE'I TSE 'BYUNG BA KHO NA YIN TE, DPER NA MNGON PAR 'DOD PA'I GNAS SKABS KYI ME LA SBYIN SREG LA SOGS PA'I TSIG LAS BYUNG BA'I SHES PA BZHIN NO, ,RIG BYED KYI RGYU CAN GYI SHES PA THAMS CAD KYANG GNAS SKABS THAMS CAD RGYU MA TSANG BA MED PA YIN NO ZHES BYA BA NI RANG BZHIN GYI GTAN TSIGS SO, ,SHES PA GCIG BCAD PAR THAL BAR 'GYUR BA'I PHYOGS LA YANG SKYON GZHAN BSHAD PA NI, DE'I RJES LA ZHES BYA BA LA SOGS PA STE, 'DI LTAR SHES PA MTHA' DAG CIG CAR BSKYED NAS DUS PHYIS RIG BYED SHES PA SKYED PAR BYED PA'I NUS PA DE LAS NYAMS PA YIN NA DE'I TSE NUS PA'I

167a

, ,BDAG NYID DU GYUR BA ZAD PA'I PHYIR NYAMS PAR 'GYUR RO, ,CI STE MI NYAMS NA DE'I TSE DUS PHYIS KYANG SHES PA SKYED PAR THAL BAR 'GYUR BA'I PHYIR RTAG PA NI CI ZHIG LTAR YANG DON BYED PAR NUS PA MA YIN NO, ,'ON TE ZHES BYA BA LA SOGS PAS GANG RGYU MA TSANG BA MED PA ZHES BYA BA'I GTAN TSIGS 'DI MA GRUB PA NYID DU DOGS PAR BYED DE, BSHAD PA LA SOGS PA ZHES BYA BA'I SGRAS BRDA LA SOGS PA GZUNG NGO, ,DE DAG LA YANG ZHES BYA BA NI BSHAD PA LA SOGS PA LA'O, ,DE LTAR MA YIN ZHES BYA BA LA SOGS PAS LAN 'DEBS PAR BYED DO, ,DE LAS NUS PA'I RANG BZHIN DU BSKYED PAR 'DOD NAS NUS PA MED PA NI GZHAN LA LTOS KYI, GANG NUS PA DE'I RANG BZHIN NI CUNG ZAD KYANG MTSANG BA MED PA'I PHYIR DE'I LTOS PA CI 'DRA BA ZHIG YIN, CI STE SNGAR NUS PA MED PA LHAN CIG BYED PA'I RGYU DANG LDAN PA'I PHYIR PHYIS NUS PAR 'GYUR RO ZHES KHAS LEN PAR BYED NA DE'I TSE KHYED CAG GIS RIG BYED LA RTAG PAR RE BA DOR CIG ,CI LTAR ZHE NA, GAL TE DANG PO NUS MED PA, ,ZHES BYA BA LA SOGS PA SMOS TE, NUS PA THA MI DAD PA YIN PA'I PHYIR RO SNYAM DU BSAMS PA'O, ,THA DAD NA YANG 'BREL BA MED PA'I PHYIR RIG BYED BYED PA PO MA YIN PAR THAL BAR 'GYUR TE, NUS PA NYID LAS 'BRAS BU SKYE BA'I PHYIR, ,ZHES BRJOD PAR BYA'O, ,SHES RGYU ZHES BYA BA NI SHES PA'I RGYUR 'GYUR BA'I RIG BYED GANG YIN PA DE SKYES BU LA BRTEN NAS SKYE BA'AM RIG BYED KYI RANG BZHIN SKYES BU LA BRTEN NAS SKYE BA DE YANG RIG BYED DANG THA MI DAD PA'I PHYIR DE YANG SKYE BA KHO NA'O, ,GZHAN YANG GZHAN LA LTOS NA MI RTAG PA NYID DU THAL BAR 'GYUR BA 'BA' ZHIG TU MA ZAD SKYES BUS MA BYAS PA NYID DU BRTAGS PA YANG DON MED PAR 'GYUR RO ZHES BSTAN PA'I PHYIR RO, ,JI SRID SGRON 'GYUR ZHES BYA BA LA SOGS PA SMOS TE, DON JI LTA BA BZHIN DU SHES PAR BYA BA'I PHYIR 'DI SKYES BUS MA BYAS PA NYID DU BRTAGS NA, DE BRTAGS NA YANG SKYES BU LA LTOS PA MED PAR DE'I SHES PA SKYED PAR BYED PAR MI NUS PA'I PHYIR DE BRTAGS PA DON MED PA YIN NO, ,'CHAD PA PO TSAD MAR GYUR BA'I SKYES BU NYID DON JI LTA BA BZHIN SHES PA'I RGYU YIN GYI DA NI GRUB ZIN PA NYE BAR 'JIG PA'I SKYES BUS MA BYAS PAS CI ZHIG BYA, CI STE MI RTAG PA NYID DU THAL BAR 'GYUR BA DANG SKYES BUS MA BYAS PA NYID RTAG PA YANG DON MED PAR 'GYUR DU 'ONG BAS RIG BYED THAMS

167b

CAD DU NUS PAR KHAS LEN PAR BYED NA DE'I TSE SNGA MA BZHIN DU SKYON DU THAL BAR 'GYUR RO ZHES STON PA NI, GAL TE KUN DU 'DI NUS NA, ,ZHES BYA BA LA SOGS PA'O, ,'DI SNYAM DU SKYES BU LA LTOS PA NA SKYES BUS MA BYAS PA DON MED PA MA YIN TE, 'DI LTAR JI LTAR GNAS PA'I DON NYID SKYES BU DAG GIS GSAL BAR BYED KYI, SNGA NA MED PA BYED PA NI MA YIN NO, ,SNGA NA MED PA BYED PA YIN NA 'DI DAG RANG DBANG CAN DU KHAS LEN PAR 'GYUR RO, ,DE LTA YIN DANG 'DOD CHAGS LA SOGS PAS BSLAD PAR THOS PA PHYIN CI LOG GI DON DU 'GOD PAR BYED PA SU ZHIG GIS GEGS BYED PAR 'GYUR, SKYES BUS 'CHAD PAR BYED NA YANG SKYON DE NYID MTSUNGS PA YIN NO ZHES BSTAN PA'I PHYIR, RANG DBANG SKYES BU ZHES BYA BA LA SOGS PA SMOS SO, ,GZHAN YANG GANG ZHIG RIG BYED KYI DON 'CHAD PAR BYED PA RIG BYED KYI DON DBANG PO LAS 'DAS PAR RANG DBANG DU YONGS SU SHES PA'I SKYES BU 'GA' ZHIG KHAS BLANGS PA NI MA YIN TE, 'DI LTAR 'DI RIG BYED KYI DON YONGS SU SHES PA'I SGO NAS DBANG PO LAS 'DAS PA'I DON MTHONG BA NYID YIN GYI RANG DBANG DU NI MA YIN LA, RIG BYED KYI DON YONGS SU SHES PA YANG DBANG PO LAS 'DAS PA'I DON MTHONG BA MED PAR MA YIN PA'I PHYIR GSAL RAB TU PHAN TSUN BSTEN PA NYID 'JUG PA YIN NO ZHES BSTAN PA'I PHYIR SKYES BU GCIG KYANG ZHES BYA BA LA SOGS PA SMOS TE, 'DI LA SKUL BAR BYED PA YOD PA MA YIN PAS SKUL BYED MED PA'I SHES PA STE, SKUL BAR BYED PA LA MI LTOS PA ZHES BYA BA'I THA TSIG GO, ,'DI LA RGYU SMRAS PA NI GANG PHYIR ZHES BYA BA'O, ,'DI YANG JI LTAR ZHE NA, 'DI LTAR RTAG PA'I TSIG CES BYA BA LA SOGS PA SMOS TE, DE NI, DE'I PHYIR DBANG PO LAS 'DAS DON, ,DNGOS SU MTHONG BA PO YOD MIN, ,TSIG NI RTAG PA NYID KYIS NI, ,GANG GIS MTHONG BA DES MTHONG NGO, ,ZHES BSHAD DO, ,'DI SNYAM DU RIG BYED RANG NYID SKYES BU'I BYA BA LA MA LTOS PAR SKYES BU 'DI LA RANG GI DON RTOGS PAR BYED PA, DE'I PHYIR PHAN TSUN BSTEN PAR THAL BAR 'GYUR BA MI 'JUG GO SNYAM DU SEMS NA, GANG GI TSE SKYES BU ZHES BYA BA LA SOGS PA SMOS TE, 'DI LTAR RIG BYED NI DBANG PO THOS PA NA BRDA MI SHES PA LA RANG NYID RANG GI DON RTOGS PAR BYED PA MA YIN NO, ,CI ZHIG BYED CE NA, LONG BA 'KHAR BA THOGS PA LTAR, ,ZHES BYA BA

168a

, ,LA SOGS PA SMOS TE, LONG BA 'KHAR BA THOGS PA NI BZUNG BA STE, DE DANG 'DRA'O ZHES TSIG RNAM PAR SBYAR RO, ,DE LA LTOS PA LA SKYON CI YOD CE NA, DE NI DE YIS DRANGS PA ZHES BYA BA LA SOGS PA SMOS TE, DE ZHES BYA BA NI RIG BYED DO, ,DE YIS ZHES BYA BA NI SKYES BU'I BSHAD PAS SO, ,LAM LOG PAR NI LHUNG BAR 'GYUR, ,ZHES BYA BA NI PHYIN CI LOG GI DON GSAL BAR BYED PA'I PHYIR RO, ,GANG YANG, DE PHYIR 'JIG RTEN THAMS CAD KYI, ,MIG GCIG SNANG 'DRA'I RIG BYED LA, ,LONG BAR RTOGS PAR MI BYA'O, ,ZHES SMRAS PA DE MI 'THAD DO, ,RANG DBANG CAN ZHES BYA BA LA SOGS PAS SKABS KYI DON MJUG SDUD PAR BYED PA YIN TE, NUS PA NI SKYES BU LA LTOS NAS SHES PA SKYED PAR BYAD PA NYID DU MI RIGS SO ZHES BSTAN ZIN TO, ,SKYES BU LTOS NAS NUS PA YANG SKYED PAR BYED PA NYID YIN DU CHUG MOD DE LTA NA YANG SKYES BU LA LTOS PA'I PHYIR SHES PA SKYED PAR BYED PA NYID YIN NA YANG GSAL BAR 'DI'I TSAD MA NYID SRID PA MA YIN ZHES TSIG GI DON SBYAR BAR BYA'O, ,YANG GI SGRA NI RIM PA GZHAN DU STE, SHES PA SKYED PAR BYED PA NA YANG ZHES BYA BA'I MJUG TU BLTA BAR BYA'O, ,DON 'DI NYID GSAL BAR BYA BA'I PHYIR JI BZHIN DON RTOGS ZHES BYA BA LA SOGS PA SMOS TE, 'DI YI TSAD MA BRTAG MI LEGS, ,ZHES BYA BA NI, DE NI DE YIS DRANGS PA NA, ,LAM LOG PAR NI LHUNG BAR 'GYUR, ,ZHES BYA BA 'DIS SNGAR MI LEGS PA BSTAN ZIN PA'I PHYIR RO, ,DE LTAR YIN DANG, RIG BYED TSAD MAR GNAS PA NA, ,SLOB DPON SLOB MA'I BRGYUD PA NI, ,THOG MA MED PA RTOGS PA YANG, ,SKYON MED NYID DU 'GYUR BA YIN, ,ZHES GANG SMRAS PA DE RIGS PA MA YIN NO ZHES BSTAN PA'I PHYIR, DE LTAR RE ZHIG CES BYA BA LA SOGS PA SMOS TE, MI GNAS ZHES BYA BA 'DIR DGAG PA'I TSIG GDON PAR BYA'O, ,JI LTAR MI RIGS SHE NA, GANG PHYIR DE DAG CES BYA BA SMOS SO, ,GAL TE LONG BA BRGYUD PAR GYUR BA YIN PA NA DE LAS CIR 'GYUR ZHE NA, LONG BAS LONG BA KHRID PA NA, ,ZHES BYA BA LA SOGS PA SMOS TE, JI SKAD DU RI KHROD PA'I BSHAD PA LAS, GZUGS KYI KHYAD PAR DAG LA DMUS LONG RNAMS KYI TSIG BZHIN DU DE LTA BU'I RIGS CAN GYI DON LA SKYES BU'I TSIG TSAD MAR 'GYUR BA MA YIN NO ZHES BSHAD DO, ,DE LTAR SLOB DPON DANG SLOB MA'I 'BREL

168b

PA THOG MA MED PA NYID DU GRUB PAR KHAS BLANGS NAS SKYON BSHAD LA, DE NI DE YANG MA GRUB PO, ,ZHES BSTAN PA'I PHYIR, RIG BYED DE NYID SHES PA'I ZHES BYA BA LA SOGS PA SMOS TE, TSAD MA MED CES BYA BA NI SHIN TU LKOG TU GYUR BA YIN PA'I PHYIR RO, ,'DI SNYAM DU PHYIN CI MA LOG PA'I SHES PA'I RGYU YIN PA'I PHYIR SKYES BUS MA BYAS PA NYID KYI TSAD MA NYID DU 'DOD PA NI MA YIN NO, ,'O NA CI ZHE NA, BDEN PA'I DON CAN GYI SGRA DON GYI 'BREL BA BRTAG PA TZAM GYIS SO, ,DE YANG SKYES BUS MA BYAS NA YANG 'GYUR BA YIN NO SNYAM DU SEMS NA, 'DI YANG MA NGES PA NYID YIN TE, SKYES BUS MA BYAS PAS BDEN PA'I DON CAN DU 'GYUR BAR BYA DGOS SO ZHES BYA BA GANG YIN PA 'DI LA NGES PA'I RGYU CI ZHIG YOD, YOD DU CHUG MOD DE LTA NA YANG SKYON CAN NYID YIN NO ZHES BSTAN PA'I PHYIR, YANG NA BDEN DON 'BREL BRTAGS PA, ,ZHES BYA BA LA SOGS PA SMOS TE, 'DI NI BDEN DON YANG YIN LA 'BREL PA BRTAGS PA YANG YIN NO ZHES TSIG RNAM PAR SBYAR RO, ,'BREL BA BRTAG PA BRTAGS PA YIN NA YANG GAL TE 'DI DON RTOGS PA'I RGYUR MI 'GYUR BA DE'I TSE DE BRTAGS PA DON MED PA YIN NO, ,DON RTOGS PAR BYED PA YIN SKYED PAR BYED PA NYID LAS MA GTOGS PA DE'I NGO BO GZHAN YOD PA NI MA YIN NO, ,'BREL BA'I BYA BA NI 'DI TZAM NYID YIN TE, RTOGS PA SKYED PAR BYED PA GANG YIN PA'O, ,DE MI BYED NA JI LTAR 'BREL BAR 'GYUR, 'DI YOD PA TZAM GYIS DON RTOGS PA'I RGYU YANG MA YIN NO, ,'O NA CI ZHE NA, SHES PA YOD NA'O, ,DE LTA MA YIN NA 'BREL BA MA BZUNG BA LA YANG DE LAS RTOGS PAR 'GYUR RO, ,'DI SUS KYANG SHES PAR NUS PA YANG MA YIN TE, 'BREL BA CAN MTHO RIS LA SOGS PA DBANG PO LAS 'DAS PA NYID KYIS TE DE YANG DBANG PO LAS 'DAS PA YIN PA'I PHYIR RO, ,'O NA DE DBANG PO LAS 'DAS PA'I DON MTHONG BAS SHES PAR 'GYUR RO ZHE NA, SKYES BU 'DI KUN ZHES BYA BA LA SOGS PA SMOS SO, ,DE NI, DE'I PHYIR DBANG PO LAS 'DAS DON, ,DNGOS SU MTHONG BA YOD MA YIN, ,TSIG NI RTAG PA NYID KYIS NA, ,GANG GIS MTHONG BA DES MTHONG NGO, ,ZHES BSHAD DE, LKOG MIN MTHONG ZHES BYA BA NI DBANG PO'I DON MTHONG BA'O, ,THOS PA RANG NYID SMRA BAR 'GYUR RO ZHE NA, 'DI NI BDAG GI DON ZHES BYA BA LA SOGS PA SMOS TE, BRAM ZE KHYOD TSUR SHEG BDAG GI DON 'DI YIN PAR

169a

, ,ZUNG SHIG CES POS NAS SNYING RJE CHES CHER 'PHEL BAS BSOD NAMS LA SEMS GCIG TU 'DUD PA CAN GZHAN LA PHAN PA'I MTHAR THUG PA'I BDEN PAR SMRA BA BZHIN DU, RIG BYED RANG NYID BRAM ZE RNAMS KYI DON DU RANG GI DON STON PAR BYED PA NI MA YIN NO, ,'O NA SKYES BU RNAMS RANG NYID RTOGS PAR BYED PAR 'GYUR RO ZHE NA, SKYES BU BRTAGS PA'I ZHES BYA BA LA SOGS PA SMOS TE, THA DAD PA MA YIN PA DE NYID STON PA NI, JI LTAR ZHES BYA BA LA SOGS PA'O, ,CI NAS KYANG MA 'CHOL BA'I DON SHES PAR BYA BA YIN PA'I PHYIR 'CHOL BA'I RGYU SKYES BU SPONG BA YIN NO, ,DE LA JI LTAR SKYES BU DAG GIS RANG NYID KYIS SBYAR BA'I SGRA DAG 'CHOL BAR 'GYUR BA DE BZHIN DU DE DAG GIS NYE BAR BRTAGS PA'I DON YANG YIN PA'I PHYIR 'DI LA KHYAD PAR CI YOD DE, DOGS PA ZHES BYA BA NI DOGS PAR BYA BA'O, ,DER ZHES BYA BA NI PHYIN CI LOG GO, ,SNGAR RIG BYED TSAD MA YIN PA'I PHYIR SLOB DPON DANG SLOB MA'I BRGYUD PA BRTAGS PA DON MED DO ZHES BSTAN ZIN LA, DA NI 'BREL BA BRTAGS PA'I SGO NAS TSAD MA YIN DU CHUG MOD, SLOB DPON DANG SLOB MA GNYI GA'I BRGYUD PA BRTAGS PA DON MED DO ZHES STON PA NI, RIG BYED TSAD MAR GNAS NA YANG, ,ZHES BYA BA LA SOGS PA'O, ,DE LTAR SKYES BUS BRTAGS PA LA'ANG, ,CI'I PHYIR DOGS PA DER MI 'GYUR, ,ZHES GANG SMRAS PA 'DI LA GZHAN DAG DOGS PA MI RIGS PAR STON PA NI 'ON TE SPYIN SREG CES BYA BA LA SOGS PA SMOS TE, YID GNYIS NI THE TSOM MO, ,SOGS PA'I SGRAS NI PHYIN CI LOG GZUNG NGO, ,JI SKAD DU RI KHROD PA'I BSHAD PA LAS, MTHO RIS 'DOD PAS MCHOD SBYIN BYA'O ZHES BYA BA'I TSIG 'DI LAS MTHO RIS 'BYUNG NGAM, MI 'BYUNG SNYAM PA'I THE TSOM RTOGS PAR 'GYUR BA MA YIN NO ZHES BYA BA DANG, DES PAR RTOGS PA NA 'DI LOG PAR MI 'GYUR LA, DE NI DE LA MA YIN NO SNYAM DU BSKYED NAS 'JIG PA GANG YIN PA DE NI LOG SHES PA YIN ZHING, 'DI NI YUL GZHAN DANG, DUS GZHAN DANG, SKYES BU GZHAN LA PHYIN CI MA LOG PA YIN NO, , DE'I PHYIR PHYIN CI MA LOG PA YIN NO ZHES BSHAD PA LTA BU'O, ,GZHAN DU NA MNGON SUM DU NA ME STAG 'PHRO BA'I TSOGS KYI RGYUN PAR DU KHYAB CING RGYAS PA'I ME'I PHUNG PO KHYED CAG GIS NYAMS SU MYONG NA YANG CI'I PHYIR THE TSOM GYI DBYANG THAG G-YO BA'I YID DU 'GYUR, DE LTA YIN DANG KHYOD LA 'GA' YANG TSAD

169b

MAR MI 'GYUR RO ZHES BYA BA NI GZHAN GYIS BSAMS PA'O, ,SBYOR BA NI GANG ZHIG THE TSOM DANG PHYIN CI LOG DANG BRAL BA'I SHES PA DE NI RTOG PA DANG LDAN PA'I TSAD MA'I THA SNYAD KYI YUL YIN TE, DPER NA ME LA 'KHRUL PA MED PA CAN GYI GTZO BO SREG PA LA SOGS PA DON DU GNYER BA DE NGES PA'I RGYU'I SHES PA BZHIN NO, ,ME LA SBYIN SREG LA SOGS PA'I NGAG LAS 'BYUNG BA'I SHES PA YANG THE TSOM DANG PHYIN CI LOG DANG BRAL BA YIN NO ZHES BYA BA NI RANG BZHIN GYI GTAN TSIGS TE, CI NAS TSAD MAR 'GYUR BA YIN, ,ZHES BYA BA 'DI DANG SBREL TO, ,DE BYED PA NA ZHES BYA BA NI BLO'O, ,DE MIN ZHES BYA BA LA SOGS PAS LAN 'DEBS PAR BYED DE, GAL TE RE ZHIG RTOG PA DANG LDAN PA'I THE TSOM LA SOGS PA DANG BRAL BA'I SHES PA RIG BYED KYI TSIG LAS 'BYUNG BA YIN NO ZHES BYA BA GTAN TSIGS KYI DON YIN NO DE'I TSE GTAN TSIGS MA GRUB PA NYID YIN TE, 'DI LTAR RTOGS PA DANG LDAN PA ME LA SBYIN SREG BYAS PA LAS MTHO RIS SU SKYE'O ZHES BYA BA DE LAS GZHAN GYI TSIG PHYIN CI LOG LA SOGS PA BZHIN DU ME'I SBYIN SREG GIS MTHO RIS SU SKYE'O ZHES BYA BA DE LAS KYANG THE TSOM MTSUNGS PA NYID YIN TE, DBANG PO LAS 'DAS PA'I DON LA YOD PA DANG MED PAR NGES RGYU MED PA'I PHYIR LA, DON LA MI SLU BA NI GNYI GA LA YANG MA DMIGS PA'I PHYIR RO, ,PHYIN CI LOG GANG GZHAN BZHIN NO, ,ZHES BYA BA NI BDUN PA'I MTHA' CAN YIN PA'I PHYIR GZHAN RKYEN YIN NO, ,CI STE YANG RIGS BYED KYI TSIG NYID LAS NGES PAR 'GYUR TE, DE'I PHYIR RGYU GZHAN BTZAL BAS CI ZHIG BYA SNYAM NA, DE'I PHYIR GZHAN 'DRA ZHES BYA BA LA SOGS PA SMOS TE, GZHAN 'DRA ZHES BYA BA NI RIG BYED KYI DON LAS PHYIN CI LOG GI DON ZHEN PA'I NGES PA'O, ,GZHAN LAS ZHES BYA BA NI SKYES BUS BYAS PA LAS SO, ,CIS MI 'GYUR TE 'GYUR BA KHO NA'O ZHES BYA BA'I THA TSIG GO, ,DE LTA YIN DANG DE YANG TSAD MAR 'GYUR TE, GNYI GA LA YANG DE'I TSE GNOD PA MI DMIGS PAR KHYAD PAR MED PA'I PHYIR RO, ,CI STE RTOG PA DANG LDAN PA THOS PA RNAMS KYIS SHES PA G-YO BA MED PA NYID SKYE BAS DE'I PHYIR GTAN TSIGS MA GRUB PA MA YIN NO ZHE NA, SKYE MOD DE LTA NA YANG GAL TE MA GRUB PA MA 'GYUR NA MA NGES PA NI MI ZLOGS SO ZHES BSTAN PA'I PHYIR DAD PA'I DBANG GYUR ZHES BYA BA LA SOGS PA SMOS TE, GZHAN GYI ZHES BYA BA NI SANGS RGYAS

170a

, ,PA LA SOGS PA RNAMS KYI'O, ,GZHAN LAS ZHES BYA BA NI SROG CHAGS GSOD PA DANG LDAN PA'I MCHOD SBYIN LAS NGAN SONG GI SDUG BSNGAL 'BYUNG NGO ZHES BYA BA'I NGAG LAS SO, ,DE ZHES BYA BA NI G-YO BA MED PA'I BLO'O, ,'DI NYID STON PA NI, NGAN SONG SDUG BSNGAL ZHES BYA BA LA SOGS PA STE GO BAR ZAD DO, ,YANG SKYES BUS MA BYAS PA NYID YI MA NGES PA STON PA NI, GAL TE SKYES BU'I 'DOD PA ZHES BYA BA LA SOGS PA STE, 'DOD PA RANG DBANG CAN YIN PA'I PHYIR RIG BYED LA RAG LAS PA'I BRDA LAS LTOS PA DANG BCAS PA RANG GI DON GSAL BAR BYED PA 'DOD PA'I DON GSAL BAR BYED PAR MI 'GYUR TE, NGES PA MED PA'I PHYIR RO, ,GANG GI TSE DE LA LTOS PA MED PA'I RIG BYED KYI DON GSAL BAR BYED PA DE'I TSE TSAD MAR RIGS TE, SKYES BU'I BSHAD PA KHYAD PAR DU BSHAD NAS, CHES MYUR BAR RANG GI DON RTOGS PA SKYED PAR BYED PA'I PHYIR RO, ,GZHAN DU 'CHAD NA YANG MIG LA SOGS PA BZHIN DU RANG BZHIN GYIS RANG GI DON GSAL BAR BYED PA MI 'DOD PA'I PHYIR RO ZHES BYA BA NI BSDUS PA'I DON TO, ,BSHAD PA BYA NA ZHES BYA BA NI RNAM PAR BSHAD NA'O, ,MYUR DU ZHES BYA BA NI MGYOGS PAR TE SKAD CIG GIS ZHES BYA BA'I THA TSIG GO, ,SKYES BU'I 'DOD PA DE NI PHYIN CI LOG YIN NO, ,RIG BYED SKYES BUS MA BYAS PA NYID KYIS RANG BZHIN GYI DON DANG 'BREL BA YIN DU CHUG MOD, ,DE LTA NA YANG 'DOD PA MI 'GRUB PA'I PHYIR MA NGES PA NYID SGRUB PAR BYED PA GZHAN YANG ZHES BYA BA LA SOGS PA SMOS TE, RANG BZHIN LA YOD PA NI RANG BZHIN CAN TE, NGO BO NYID CES BYA BA'I DON TO, ,TSAD MAR GYUR PA'I SKYES BUS BYAS PA NYID TSAD MA'I RGYU KHAS BLANG BAR BYA BA'I RMONGS PA NYID DU STON PAR BYED PA'I MA BYAS PA NYID KYIS CI ZHIG BYA BA ZHES BSTAN PA'I PHYIR, GZHAN YANG RIG BYED CES BYA BA LA SOGS PA SMOS TE, SKYON MED BYED PA LA SOGS LA, ,ZHES BYA BA'I SGRAS SKYON MED PA'I 'CHAD PA PO GZUNG NGO, ,YANG NA SKYON MED PAR BYAS PA DANG 'CHAD PA YANG JI LTAR TSAD MA NYID DU GRUB PAR 'GYUR ZHE NA, 'DI LTAR SHES RAB BRTZE SOGS ZHES BYA BA LA SOGS PA SMOS TE, JI SKAD DU RI KHROD RJES, 'JIG RTEN PA'I TSIG GANG YIN PA DE YANG GAL TE YID CHES PA'I SKYES BU LAS DBANG PO'I YUL NYID YID YIN NA DE NI PHYIN CI MA LOG PA YIN NO ZHES BSHAD PA BZHIN NO, ,

170b

TSIG MCHOG CES BYA BA NI BZAD PA'O, ,YANG SKYES BUS MA BYAS PA NYID MA NGES PA NYID DU BSTAN PA'I PHYIR, SKYES BUS MA BYAS ZHES BYA BA LA SOGS PA SMOS TE, SKYES BU'I NYES PA NYE BAR LEN PA NYID LAS DON DAG LA SHES PA 'KHRUL PA MA YIN TE, NAGS KYI ME LA SOGS PA DE DANG BRAL BA RNAMS KYANG AUTPALA SNGON PO LA SOGS PA LA PHYIN CI LOG GI SHES PA SKYED PAR BYED PA'I PHYIR RO, ,NAGS KYI ME NI NAGS NA YOD PA'I ME'O, ,DE YANG RANG NYID 'OD MA LA SOGS PA DRUNG PA LAS BYUNG BA GANG YIN PA DE 'DIR 'KHRUL BA'I YUL NYID DU LTA BAR BYA'I GANG GTZUB SHING GTZUBS PA'I SKYES BUS BYAS PA DE LA SKYES BUS MA BYAS PA MI SRID PA'I PHYIR DES GTAN TSIGS 'KHRUL PA MA YIN NO SNYAM DU BSAMS PA YIN NO, ,SOGS PA'I SGRAS NI SMIG RGYU LA SOGS PA GZUNG NGO, ,LOG PA'I SHES PA'I RGYU YIN PA DE NYID STON PA NI, ME'I SNANG BA ZHES BYA BA LA SOGS PA SMOS TE, CI DE YANG KHO BO CAG GIS SKYES BUS MA BYAS PA NYID 'BA' ZHIG RGYU NYID DU MI BRJOD KYI, 'O NA CI ZHE NA, MA BYAS PA NYID YIN NA ZHES KHYAD PAR DANG BCAS PA NYID YIN PA'AM, YANG NA SKYES BUS MA BYAS PA SMOS PA NI NYE BAR MTSON PA STE, DE'I PHYIR MA BYAS PA'I NAGS KYI MES 'KHRUL PA MA YIN NO SNYAM DU SEMS PA'I GZHAN GYI LAN DOGS PAR BYAS PA'I PHYIR GAL TE ME LA SOGS PA ZHES BYA BA LA SOGS PA SMOS TE, DE'I RGYU NI LOG PA'I SHES PA'I RGYU'O, ,DON RNAMS KYIS NI BYAS NYID CI, ,ZHES BYA BA LA SOGS PAS LAN 'DEBS PAR BYED DE, GTAN TSIGS MI MA THUN PA'I PHYOGS LAS RNAM PAR GCOD PAR BYED PA GANG YIN PA DE KHYAD PAR YIN TE, DE LTA MA YIN TE GAL TE GANG YANG RUNG BA'I KHYAD KYIS KHYAD PAR DU BYAS PA'I GTAN TSIGS MTHA' GCIG TU GYUR BA NYID YIN NA DE'I TSE GTAN TSIGS 'GA' YANG MA NGES PAR MI 'GYUR TE, 'DOD PA DANG 'BREL BA NYID KYIS THAMS CAD KHYAD PAR RNYED BAR BLA BA'I PHYIR RO, ,RIG BYED KYIS KHYAD PAR MA BYAS PA NYID NI LOG PA'I SHES PA'I RGYU NYID ZLOG PAR BYED PA MA YIN TE, 'DI LTAR GAL TE BYAS PA NYID LOG PA'I SHES PA'I RGYU NYID DU GRUB PAR GYUR NA DE'I TSE BZLOG PA NA DE YANG ZLOG PAR 'GYUR RO, ,GZHAN DAG RE 'GA' GRUB PA NYID DO ZHES BRJOD PAR BYED NA, DE LTA YIN NA DU BA ME'I, ,ZHES BYA BA LA SOGS PA SMOS TE, GAL TE BYAS PA LOG PA'I SHES PA'I RGYU YIN NA DE'I TSE MA BYAS

171a

, ,BA YANG DAG PA'I SHES PA'I RGYU NYID YIN NO ZHES BYA BA THOB STE, PHAN TSUN 'GAL BA'I YANG DAG PA DANG LOG PA'I SHES PA DAG NI RGYU GCIG TU MI 'THAD PA'I PHYIR RO, ,DRO BA'I REG PA'I RGYU ME NI GRANG BA'I RGYU NYID DU RIGS PA MA YIN TE, DE LTA YIN DANG BYAS PA'I PHYIR DU BA ME LA CI LTA BA BZHIN DU RTOGS PA'I RGYUR MI 'GYUR RO, ,YANG CI STE BYAS PA NYID LOG PA'I SHES PA KHO NA'I RGYU YIN GYI, GZHAN GYI NI MA YIN NO ZHES NGES PAR BZUNG BA NI MA YIN NO, ,'O NA CI ZHE NA, BYAS PA KHO NA LOG PA'I SHES PA'I RGYU YIN GYI, GZHAN NI MA YIN NO ZHES BYA BA 'DI GZHAN GYI RGYU CAN 'GEGS PAR BYED PA YIN GYI BYAS PA YANG DAG PA'I SHES PA'I RGYU YIN PA 'GEGS PA NI MA YIN NO, ,GANG GIS YANG DAG PA'I SHES PA DANG LOG PA'I RGYU DAG PHAN TSUN 'GAL BA'I PHYIR SHUGS KYIS BYAS PA LAS BZLOG PA YANG DAG PA'I RGYU NYID DU 'GYUR BA BYAS PA THAMS CAD KHYAD PAR MED PAR LOG PA'I RGYUD NYID DU 'DOD PA NI MA YIN GYI, 'ON KYANG BYAS PA RNAM PA MANG PO THA DAD PA'I PHYIR CUNG ZAD CIG LOG PA'I SHES PA'I RGYU YIN TE, DPER NA MIG SER LA SOGS PA LTA BU'O, ,CUNG ZAD CIG NI YANG DAG PA'I SHES PA'I RGYU YIN TE, DPER NA DBANG PO LA SOGS PA'I TSOGS PA MNYAM PA LTA BU'O, ,DE LTA MA YIN NA GRANG BA'I REG PA LA KHA BA LA SOGS PAS BYAS PA'I RGYU 'GA' ZHIG DMIGS PA'I PHYIR, SHUGS KYIS GRANG BA DANG 'GAL BA'I DRO BA'I REG PA LA MA BYAS PA'I RGYU NYID DU BRTAG PAR BYA BAR 'GYUR NA, DE LTA YANG MA YIN TE, DE LTA BAS NA BYAS PA YANG DAG PA'I SHES PA LA RGYU NYID MA BKAG PA'I PHYIR DU BA YANG DAG RGYU MTSAN DU 'GYUR RO SNYAM PA'I DOGS PA 'DI BSU NAS, DE LTAR SKYES BUS MA BYAS NA, ,ZHES BYA BA LA SOGS PA SMOS TE, GAL TE BYAS PA YANG DAG PA DANG LOG PA NYID GNYI GA'I RGYU MTSAN YIN NA, DE LOG PA NA LOG PA DANG YANG DAG PA'I SHES PA GNYIS LDOG PAR BYED PA'I PHYIR RIG BYED MA BYAS PA NYID KYIS YANG DAG PA'I SHES PA'I RGYUR GNAS PA MA YIN TE, DE DE LA RGYU MTSAN MA YIN PA'I PHYIR RO, ,DE LTA YIN DANG KHYAD PAR DON MED PA'I PHYIR GTAN TSIGS MA NGES PA NYID YIN NO, ,YANG, CI STE SKYES BUS MA BYAS PA, ,ZHES BYA BA 'DIS JI SKAD DU BSHAD PA'I GTAN TSIGS RJES SU 'GRO BA DANG LDOG PA STON PA MA YIN NO, ,'O NA CI ZHE NA,

171b

'DI NI LDOG PA CAN GYI SBYOR BA NYID YIN TE, 'DI LTAR GTAN TSIGS LAS BZLOG PA BYAS PA NYID KYIS BSGRUB BYA LAS BZLOG PA LOG PA NYID LA KHYAB PA YIN TE, SKYES BUS BYAS PA KHO NA LA LOG PA NYID MTHONG BA'I PHYIR RO, ,DE LTA YIN DANG GANG DU LOG PA NYID KYIS KHYAB PAR BYED PA DANG 'GAL BA MA BYAS PA NYID YOD PA DE DANG 'GAL BA'I LOG PA NYID KYI KHYAB PAR BYED PA BYAS PA NYID LDOG PA MA KHYAB PAR BYA BA LOG PA NYID KYANG SHUGS KYIS LDOG PA GRUB PA'I PHYIR RJES SU 'GRO BA MED NA YANG SHUGS KYIS MA BYAS PA BDEN PA'I DON CAN DU 'GYUR BA'I PHYIR RJES SU 'GRO BA BSTAN PA DON MED PA YIN NO SNYAM NA, GAL TE BZLOG PA'I KHYAB PAR BYA BA DANG KHYAB PAR BYED PA'I DNGOS PO GRUB PAR GYUR NA, DE LTA BU DE YANG BDEN NA, ,DE NI GRUB PA MA YIN TE, 'DI LTAR GAL TE BSGRUB BYA'I MI MTHUN PA'I PHYOGS LA GTAN TSIGS GNOD PA CAN GYI TSAD MA YOD PAR 'GYUR NA, DE'I TSE MI MTHUN PA'I PHYOGS KYI KHYAB PAR 'GYUR BA ZHIG NA, DE YANG YOD PA MA YIN NO; ,MI DMIGS PA TZAM GYIS MED PA GRUB PA YANG MA YIN TE, 'KHRUL BA'I PHYIR RO, ,'DI SNYAM DU MA BYAS PA DANG 'GAL BA'I BYAS PA LA LOG PA NYID MTHONG BA'I PHYIR SHUGS KYIS MA BYAS PA LA DE MED PAR GRUB PAR 'GYUR RO SNYAM DU SEMS NA, DE NI YANG DAG PA MA YIN TE, GCIG TU MTHONG BA GZHAN DU NGES PA MED PAR BYA BAR NUS PA MA YIN TE, GCIG KYANG 'GAL BA'I KHYAB PAR BYED PA NYID DU MTHONG BA'I PHYIR RO, ,'DI LTAR MI RTAG PA GCIG NYID BRTZAL MA THAG TU BYUNG BA DANG, CIG SHOS 'GAL BA DAG LA KHYAB PAR MTHONG STE, MI RTAG PA NYID RTZOL BA LAS BYUNG BA LA MTHONG ZHES TE, RTZOL BA LAS BYUNG BA MA YIN PA LA DE MED PAR MI 'GYUR RO, ,GZHAN YANG DE LA MTHONG BA ZHES BYA BA DE TZAM GYIS, GAL TE LOG PA NYID LA BYAS PA NYID KYIS KHYAB PAR 'GYUR NA LA LAR BDEN PA NYID KYANG SKYES BUS BYAS PAR MTHONG BA'I PHYIR DE YANG DES KHYAB PAR 'GYUR TE, DE LTA YIN DANG BYAS PA NYID LOG PA NA LOG PA NYID DU BDEN PA YANG LDOG PAS SKYES BUS MA BYAS PA'I PHYIR BDEN PA'I DON CAN DU 'GRUB PAR 'GYUR BA MA YIN TE, SPROS PAS CHOG GO, ,DE LTAR RE ZHIG GANG LOG PA NYID KYI RGYU NYES PA DANG LDAN PA DANG BRAL BA DE NI LOG PA'I SHES PA'I RGYU MA YIN ZHES BYA BA'I GTAN TSIGS DANG, SKYES BUS MA BYAS PA DANG DES MTSON

172a

, ,PA'I SKYES BUS MA BYAS PA NYID DAM, RANG GI SGRAS GZUNG BA NYID RGYAS PAR MA NGES PA NYID DU BSTAN NAS, MA GRUB PA NYID DU BSTAN PAR 'DOD DE MJUG BSDU BAR BYA BA'I PHYIR, DES NA SKYES BUS MA BYAS PA NYID CES BYA BA LA SOGS PA SMOS TE, SKYES BUS MA BYAS PA NYID DANG GSAL BA DANG, RTAG PA NYID CES BYA BA NI SKYES BUS MA BYAS PA NYID GSAL RTAG NYID DE, DE DAG GI SGRUB BYED CES BSDU'O, ,'DIS SGRUB PAR BYED PAS NA SGRUB BYED DE GTAN TSIGS SO, ,DE YANG RNAM PA SNA TSOGS PA SNGAR BSHAD PA'O, ,DE NI YOD PA NA ZHES BYA BA NI SKYES BUS MA BYAS PA LA SOGS PA YOD PA NA'O, ,'DI ZHES BYA BA NI RIG BYED DO, ,MI 'THAD CES BYA BA NI MI RIGS PAR RO, ,RGYAS PAR ZHES BYA BA NI RNAM PAR PHYI NAS SO, ,'DI SPONG ZHES BYA BA NI SKYES BUS MA BYAS PA LA SOGS PA SUN 'BYIN PA STE, DE YOD NA YANG MNGON PAR 'DOD PA'I DON MI 'GRUB PA'I PHYIR RO ZHES BSTAN ZIN PA'I PHYIR RO, ,DE SUN 'BYIN PAR BYED NA YANG SKABS SU NYE BAR MI MKHO BAR BYED PAR 'GYUR RO, ,'DI NYID STON PA NI, 'DIR NI THOS PA CI BZHIN ZHES PA LA SOGS PA STE, BLO NYID MTHONG BA YIN PAS BLOS MTHONG BA'O, ,DE PHRA BA'I BLOS MTHONG BA GANG DAG LA YOD PA DE DAG LA DE SKAD CES BYA'O, ,MNGON PAR RLOM PA NI, GANG LA RLOM PA YOD PA DE NI MNGON PAR RLOM PA STE, DE'I PHYIR DE'I DNGOS PO NI MNGON PAR RLOM PA CAN NO, ,DE NI LNGA POS MA RTOGS PHYIR, ,ZHES BYA BA LA SOGS PA GANG SMRAS PA DE LA, TSAD MA RNAMS NI LOG PAS KYANG ZHES BYA BA LA SOGS PA SMOS TE, 'DIS NI RTZA BA'I GTAN TSIGS MA GRUB PA NYID DU STON PAR BYED PA YIN NO, ,KHYAB PAR BYED PA'I RANG BZHIN NAM, RGYU LDOG PA NA KHYAD PAR BYA BA'AM, 'BRAS BU LDOG PAR BYED DE, DE DAG DER DE'I BDAG NYID DANG DE LAS BYUNG BA DAG GIS 'BREL BA'I PHYIR LA, DE MED PAR YANG YOD PA NI 'BRAS BU DANG KHYAB PAR BYA BA NYID DU MI 'THAD PA'I PHYIR RO, ,TSAD PA DE DAG DNGOS PO DE THAMS CAD LA KHYAB PAR BYED PA DANG RGYU NYID DAG TU SRID PA YANG MA YIN TE, 'DI LTAR YUL DANG DUS DANG RANG BZHIN GYIS BSKAL BA'I DNGOS PO TSAD MA MED PAR YOD PA'I PHYIR DES KHYAB PA MA YIN LA, TSAD MA RGYU YANG MA YIN TE, DE NYID KYI PHYIR TSAD MA NYID GZHAL BYA'I 'BRAS BU YIN

172b

PA'I PHYIR 'BRAS BU LDOG PA NA RGYU TZAM LDOG PA MA YIN TE, 'KHRUL BAR MTHONG BA'I PHYIR RO, ,RGYU MA YIN PA DANG KHYAB PAR BYED PA MA YIN PA DAG NI ZLOG PAR BYED PA NYID DU RIGS PA MA YIN TE, HA CANG THAL BAR 'GYUR BA'I PHYIR RO, ,DE BAS NA GZHAL BAR BYA BA TZAM MED PAR BSGRUB PAR BYA BA LA, TSAD MA TZAM MED PA NI 'KHRUL BA YIN NO ZHES BYA BAR GNAS SO, ,'KHRUL PA DE NYID MI MTHUN PA'I PHYOGS LA YOD PAR BSTAN PA'I SGO NAS BSAL BAR BYA BA'I PHYIR, DES NA THOS PA'I BYED PA PO ZHES BYA BA LA SOGS PA SMOS TE, DES NA ZHES BYA BA NI DE'I PHYIR RO, ,LNGA PO RNAMS KYIS MA RTOGS KYANG, , ZHES BYA BA NI THOS PA'I BYED PA PO ZHES BYA BA CHOD PA DANG 'BREL TO, ,BYED PA PO MI SHES PA'I SRUNG BA RGYUD LA SOGS PA GANG DAG YIN PA DE DAG LA DE SKAD CES BYA BA DE'I 'OG TU SRUNG LA SOGS PA LAS 'DZIN PA'I BSDU BA'O, ,DE'I PHYIR DRUG PA'I MTHA' CAN LA BZHIN ZHES BYA'O, ,'ON TE ZHES BYA BA LA SOGS PAS GTAN TSIGS KYI 'KHRUL PA'I YUL MA GRUB PA NYID DU DOGS PAR BYED DE, DE DAG CES BYA BA NI SRUNG BRGYUD LA SOGS PA'O, ,THOS PA'ANG DE BZHIN CIS MA YIN, ,ZHES BYA BA NI RIG BYED KYANG, DE KHO NA BZHIN DON RNAM PAR PHYE BA DANG DON DANG BCAS PA DAG GIS CI'I PHYIR BYED PA PO'I RJES SU DPOG PAR MI BYED DE KHYAD PAR MED PA'I PHYIR RO, ,DE LTA YIN DANG TSAD MA MED PAR MA GRUB PO, ,GZHAN YANG SEMS CAN THAMS CAD KYI TSAD MA LOG PA'O, ,BDAG NYID TSAD KYI MA LOG PAR GTAN TSIGS SU LEN PAR BYED CES BYA BA PHYOGS GNYIS SO, ,DE LA PHYOGS DANG PO LA GTAN TSIGS THE TSOM ZA BA'I MA GRUB PA YIN LA GNYIS PA LA YANG MA NGES PA NYID YIN NO ZHES BSTAN PA'I PHYIR SEMS CAN KUN GYIS ZHES BYA BA LA SOGS PA SMOS TE, 'DI ZHES BYA BA NI RIG BYED KYI BYED PA PO SEMS CAN THAMS CAD KYIS MI SHES SO ZHES BYA BA DE LTA BU'O, ,'DI LTA BUR ZHES BYA BA LA SOGS PAS SKYES BU GZHAN LA YOD PA'I LANG TSO LA SOGS PA'I KUN DU RTOG PA DAG GIS 'KHRUL PA NYID SGRUB PAR BYED PA YIN NO, ,RE ZHIG BYED PA PO MA MTHONG NA ZHES GANG SMRAS PA 'DI MA GRUB PA NYID DU BSTAN PA'I PHYIR, 'DON PAR BYED PA ZHES BYA BA LA SOGS PA SMOS TE, GAL TE BYED PA PO GANG YANG RUNG BA MA MTHONG BA ZHES KHAS

173a

, ,LEN PAR BYED PA DE'I TSE, 'DON PAR BYED PA PO MTHONG BA'I PHYIR MA GRUB PA NYID GSAL RAB TU 'JUG PA YIN NO, ,CI STE DANG PO'I BYED PA PO MA MTHONG NGO ZHES BYA BAR 'DOD NA, DE'I TSE YANG THE TSOM ZA BA'I MA GRUB PA YIN TE, RES 'GA' 'GA' ZHIG GIS MTHONG BAR 'GYUR TE ZHES BYA BA SRID PA'I PHYIR RO, ,YANG CI STE 'DON PA PO BYED PA POR NI MA GRUB PO, ,'O NA CI ZHE NA, GSAL BAR BYED PA YIN NO SNYAM NA, DE DAG GSAL BAR BYED MIN TE, ,ZHES BYA BA LA SOGS PA SMOS TE, DE DAG CES BYA BA NI 'DON PAR BYED PA RNAMS SO, ,JI LTAR RTAG PA RNAMS LA GSAL BA MA SRID PA DE LTAR NI 'CHAD PAR 'GYUR RO, ,BUM PA LA SOGS PA MI RTAG PA YANG JI LTAR GSAL BAR BYED CE NA, BDEN TE, DE LA YANG GSAL BAR BYED PA 'GA' YANG MI SRID DO, ,'O NA JI LTAR SGRON ME LA SOGS PA GSAL BAR BYED PA NYID DU GRAGS SHE NA, MA YIN TE, DE LA SGRON MA LA SOGS PA RNAM PAR SHES PA SKYED PAR RUNG BA'I BUM PA BSKYED PA NA SKYED PAR BYED PA NYID KHYAD PAR CAN GYI SKYED PAR BYED PA'I RANG BZHIN GSAL BAR BYA BA'I PHYIR 'JIG RTEN NA GSAL BAR BYED PA ZHES GRAGS KYI, DE BZHIN DU 'DIR RIG BYED KYI GSAL BAR BYED PA 'GA' ZHIG SRID PA MA YIN TE, DE'I RANG BZHIN NI SNGA MA DANG PHYI MA DOR BA DANG MA SKYES PA'I PHYIR RO, ,RTAG PA GSAL BAR BYED PA MA YIN DU CHUG MOD, DE LTA NA YANG 'DI BYED PA PO LAS KHYAD PAR MED PA YIN NO ZHES BSTAN PA'I PHYIR, DMIGS PAR 'GYUR BA'I RANG BZHIN RNAMS, ,ZHES BYA BA LA SOGS PA SMOS TE, CUNG ZAD KYANG MI BYED PA NI GSAL BAR BYED PAR RIGS PA MA YIN TE, HA CANG THAL BAR 'GYUR BA'I PHYIR RO, ,CUNG ZAD BYED NA YANG, 'DI SKYED PAR BYED PA NYID DU KHAS BLANGS PAR 'GYUR TE, BSKYED PAR BYA BA'I KHYAD PAR GYI RANG BZHIN GZHAN SKYED PA'I MTSAN NYID YIN PA'I PHYIR RO, ,DMIGS PAR 'GYUR BA'I RANG BZHIN RNAMS, ,ZHES BYA BA NI RIG BYED RNAMS SO, ,CI STE YANG DMIGS PA'I RANG BZHIN GYI RIG BYED RNAMS SNGAR YANG GNAS PA NYID YIN NA DE JI LTAR DE DAG DE'I BYED PA'I SGO NAS 'BYUNG BA YIN SNYAM NA, DE DAG CES BYA BA LA SOGS PA SMOS TE, DE DAG CES BYA BA NI DMIGS PA'I RANG BZHIN GYI RIG BYED RNAMS SO, ,DES NA RIG BYED CES BYA BA LA SOGS PAS TSAD MA BYED

173b

PA YIN NO, ,SBYOR BA NI GANG ZHIG GANG GI BYED PA YONG NA 'BYUNG BA DE NI DE'I 'BRAS BU'I THA SNYAD LA SOGS PAR RUNG BA YIN TE, DPER NA SA BON LA SOGS PA'I BYED PA YOD NA 'BYUNG BA'I MYU GU LA SOGS PA NI DE'I 'BRAS BU YIN PA BZHIN NO, ,DMIGS PA'I RANG BZHIN GYI RIG BYED KYANG 'DON PA PA'I BYED PA YOD NA BYUNG BA YIN NO ZHES BYA BA NI RANG BZHIN GYI GTAN TSIGS SO, ,SPONG BA DANG LEN PA'I MTSAN NYID RJES SU BSGRUB PA NI THA SNYAD DO, ,SOGS PA'I SGRAS BRJOD PA DANG SHES PA GZUNG NGO, ,GTAN TSIGS MA GRUB PA NI MA YIN TE, SNGAR YANG DMIGS PAR THAL BAR 'GYUR BA'I PHYIR RO, ,MA NGES PA YANG MA YIN TE, 'BRAS BU'I THA SNYAD KYI RGYU MTSAN GZHAN MED PA'I PHYIR RO, ,SNGON DU 'BREL BA MA MTHONG BA, ,ZHES BYA BA LA SOGS PA GANG SMRAS PA DE LA GSAL BYED RIM PA ZHES BYA BA LA SOGS PA SMOS TE, SBYOR BA NI GANG DANG GANG GSAL BYED RIM PA CAN YIN PA DE DANG DE NI SKYES BUS BYAS PA YIN TE, DPER NA ZLOS GAR GYI SRUNG BRGYUD LA SOGS PA BZHIN NO, ,RIG BYED GANG GSAL BAR BYED PA RIM PA CAN YIN NO ZHES BYA BA NI RANG BZHIN GYI GTAN TSIGS SO, ,GTAN TSIGS MA GRUB PA NI MA YIN TE, YI GE RNAMS RIM GYIS SNANG BA'I PHYIR RO, ,MA NGES PA YANG MA YIN NO ZHES BSTAN PA'I PHYIR, GZHAN DU ZHES BYA BA LA SOGS PA SMOS TE, GZHAN DU ZHES BYA BA NI GAL TE SKYES BUS BYAS PA NYID DU MI 'GYUR GYI, 'ON KYANG RTAG PA NYID DANG KHYAB PA NYID DU BRJOD PA DE'I TSE RIM CAN DU MI 'GYUR TE, 'DI LTAR RE ZHIG SA BON DANG MYU GU DANG LCUG MA LA SOGS PA BZHIN DU DUS KYIS BYAS PA'I RIM PA RIGS PA MA YIN TE, RTAG PA NYID KYIS THAMS CAD DUS MTSUNGS PA'I PHYIR RO, ,GROGS MA LA SOGS PA'I PHRENG BA BZHIN DU YUL GYIS BYAS PA YANG MA YIN TE, KHYAB PA NYID KYIS THAMS CAD NAM MKHA'I YUL GCIG TU GNAS PA'I PHYIR RO, ,MNGON PAR GSAL BAS BYAS PA YANG MA YIN TE, KHYAD PAR BOGS DBYUNG DU MED PA NYID KYIS RTAG PA LA GSAL BAR MI RUNG BA'I PHYIR RO, ,DE GRUB DON DU BYAS PA DANG, ,MA BYAS LUNG YANG NGED LA MED, ,CES GANG SMRAS PA 'DI LA, LUNG DANG ZHES BYA BA SMOS TE, BKAG STE ZHES BYA BA NI TSAD MA BRTAG PAR RO, ,DE DAG CES BYA BA NI LUNG DANG NYE BAR 'JAL BA DANG, DON

174a

, ,GYIS GO BA RNAMS SO, ,TSAD MA YIN PA BZLOG PA'I PHYIR, ZHES BYA BA LA SOGS PA GANG SMRAS PA 'DI LA, TSAD MA MIN NYID LDOG DON DU, ,ZHES BYA BA LA SOGS PA SMOS TE, JI LTAR DE DNGOS PO NYID YIN ZHE NA, THOS PA'I ZHES BYA BA LA SOGS PA SMOS TE, SKYES BUS MA BYAS PA NYID CES BYA BA 'DIS THOS PA RANG DBANG CAN DU BRJOD DO, ,SKYES BU'I BYED PA LA LTOS PA MED PA'I THOS PA NI, RANG BZHIN NYID KYI TSAD YIN NO, ,ZHES BSAMS NAS SBYOR BA'I PHYIR RO, ,DE LTA MA YIN NA SKYES BUS BYAS PA NYID LOG PA TZAM BRJOD PA NA KHYAD PAR CI ZHIG BSTAN PAR 'GYUR, GANG GI LTAR NA DON DAM PAR CHOS CAN THA DAD PA DE YANG SKYES BUS MA BYAS PA NYID DNGOS PO'I CHOS YIN NO, ,DON DAM PAR NI DNGOS PO'I RANG BZHIN NYID KHYAD PAR GZHAN SPANGS NAS, SHES PAR 'DOD PA NA, DE SKAD BRJOD PA YIN NO ZHES STON PA NI, DNGOS BDAG NYID CES BYA BA STE, DE LTA'I ZHES BYA BA NI RANG DBANG CAN NO, , DNGOS PO'I PHYOGS NI SGRUB DON DU, ,ZHES BYA BA LA SOGS PA GANG SMRAS PA DE LA, DNGOS PO'I PHYOGS NI GRUB BYA'I PHYIR, ,ZHES BYA BA LA SOGS PA SMOS TE, DNGOS PO GANG ZHIG GTAN LA DBAB PAR BYA BA'I PHYIR SGRUB PAR BYED PA GANG ZHIG NYE BAR BLANGS PA DE BKAG PA NA DNGOS PO DE LAS NGES PAR MI 'GYUR RO ZHES BYA BA DE TZAM DU 'GYUR GYI, DNGOS PO LDOG PA NI MA YIN NO, ,GANG GI PHYIR TSAD MA LOG KYANG GZHAL BYA MI LDOG PA'I PHYIR RO ZHES BSTAN ZIN TO, ,DE LA RGYU DANG KHYAB PAR BYED PA NYID DAG MA TSANG BA'I PHYIR RO, ,BKAG PA ZHES BYA BA NI SPANGS PA'O, ,PHYOGS GNYI GA YANG 'GRUB PA MED DO ZHES BYA BA 'DI TZAM ZHIG BRJOD PAR RIGS TE, 'DIR ZHES BYA BA'I SGRA ZHIG KHONG NAS DBYUNG STE, DE YANG 'GRUB BYED CES BYA BA 'DI'I RJES THOGS SU BLTA BAR BYA'O, ,'DI NYID DPE'I SGO NAS BSTAN PAR BYA BA'I PHYIR, JI LTAR LUS CAN ZHES BYA BA SMOS TE, JI LTAR RTAG PAR SMRA BAS SGRA DNGOS POR GYUR BA'I RTAG PA NYID DU BSGRUB PAR 'DOD PAS SGRA RTAG STE LUS CAN MA YIN PA'I PHYIR NAM MKHA'I BZHIN NO ZHES SBYOR BA BKOD PA LA, PHYIR RGOL BAS LUS CAN MA YIN PA'I PHYIR SGRA RTAG PAR RIGS PA MA YIN TE, BDE BA LA SOGS PAS MA NGES PA'I PHYIR DE TZAM GYIS DNGOS POR 'GYUR BA'I RTAG PA NYID KYI SGRUB PAR

174b

BYED PA BKAG NA YANG SGRA MI RTAG PA NYID DU GRUB PA MA YIN PA DE BZHIN DU 'DI MA YIN NO ZHES BYA BA LHAG MA'O, ,JI LTAR ZHES BYA BA NI RIM PA BZHIN DU STE, BRJOD NA YANG ZHES BYA BA'I MJUG TU BLTA BAR BYA'O, ,SGRA ZHES BYA BA 'DI'I RJES LA, RTOG PA GRUB PA ZHES BYA BA 'DI KHA BSKANG BAR BYA'O, ,YANG NA 'JIG PA BZHIN DU PHYOGS GCIG SBYOR BAR BLTA BAR BYA'O, ,GZHAN GYIS SNGON DANG PHYI MA'I MTHA', ,ZHES BYA BA LA SOGS PA LA, DES NA GZHAN GYIS SNGA PHYI'I MTHA', ,ZHES BYA BA LA SOGS PA SMOS TE, DES NA ZHES BYA BA NI DE'I PHYIR RO, ,DON RDZOGS MIN ZHES BYA BA NI RANG GI PHYOGS MA GRUB PA'I PHYIR RO; ,MA BYAS PA DANG 'JIG MED KYIS, ,RTAG PA NYID DU BRJOD PAR 'DOD, ,CES BYA BA LA SOGS PA GANG SMRAS PA 'DI LA, GAL TE DGAG TZAM ZHES BYA BA LA SOGS PA SMOS SO, ,'DIR RNAM PAR RTOG PA GNYIS TE, RES 'GA' MED PAR DGAG PA'I NGO BO'I MA BYAS PA DANG 'JIG PA DAG GIS SAM MA YIN PA'I DGAG PA'I NGO BO DAG GIS RTAG PA NYID DU 'DOD, ,DE LA PHYOGS DANG PO LA NAM MKHA'I PADMA LA SOGS PAS MA NGES PA'I PHYIR RIG BYED KYI DNGOS POR GYUR BA'I RTAG PA NYID GRUB PA MA YIN TE, 'DI LTAR NAM MKHA'I PADMA LA BYAS PA DANG 'JIG PA NYID BKAG NA YANG DNGOS POR GYUR BA'I RTAG PA NYID MA GRUB PA DE BZHIN DU RIGS BYED LA YANG YIN PA'I PHYIR GTAN TSIGS MA NGES PA YIN NO, ,DE LTA YIN DANG NAM MKHA'I ME TOG BZHIN DU TSAD MA NYID DU YANG MI 'GYUR RO, ,MA GRUB PAR YANG BSTAN PA'I PHYIR, ,BYAS PA NYID DANG 'JIG PA NYID, ,CES BYA BA LA SOGS PA SMOS TE, DGAG PA ZHES BYA BA NI SUN PHUNG BA'O, ,DES NA ZHES BYA BA NI DE'I PHYIR RO, ,CI STE PHYOGS GNYIS PA YIN NA 'O NA, DE DAG DNGOS PO'I BDAG NYID KYIS, ,RANG GI SGRUB BYED LA LTOS MIN, ,ZHES BYA BA 'DI BRJOD PAR MI BA'O, ,DE STON PA NI MA YIN DGAG ,CES BYA BA LA SOGS PA STE, GO BAR ZAD DO, ,GANG ZHIG RIG BYED TSIG GI DON, ,LOG PAR RJES SU DPAG PAS BRJOD, ,CES BYA BA LA SOGS PA GANG SMRAS PA DE LA, TSUL GSUM ZHES BYA BA LA SOGS PA SMOS TE, GSAL BYAS PA ZHES BYA BA NI RJES SU DPAG PA RTOG PAR RANG BZHIN DANG 'BRAS BU DANG, MI DMIGS PA LAS BYUNG BA DE NI DGAG PAR MI NUS TE, 'DI NI

175a

, ,DNGOS PO DANG 'BREL BA'I PHYIR RO, ,DNGOS PO'I RANG BZHIN SUS KYANG RNAM PA GZHAN DU BYA BAR MI NUS TE, DE'I MTSAN NYID NI RANG BZHIN SKYE BA YIN PA'I PHYIR RO, ,RANG BZHIN GZHAN BYED PA NI DE LA CUNG ZAD BYAS PA MA YIN TE, HA CANG THAL BAR 'GYUR BA'I PHYIR RO, ,DE LTA BAS NA TSAD MAS GRUB PA'I DNGOS PO GANG YIN PA DE LA SUS KYANG GNOD PA MA YIN TE, DE LTA MA YIN NA TSAD MA'I MTSAN NYID DANG LDAN PA LA GNOD NA DE'I MTSAN NYID SUN PHYUNG BAR 'GYUR BA THAMS CAD DU YID BRTAN PA MED PA'I PHYIR 'GAR YANG TSAD MAR MI 'GYUR RO, ,'DI NYID STON PA NI SKYES BUS GANG ZHES BYA BA LA SOGS PA STE, JI SKAD DU, SEMS ZHES BYA BA DANG, DE NYID BDAG NYID DO ZHES RANG BZHIN GYIS 'JIG PA MED PAS MI 'JIG PAR SMRA'O ZHES BYA BA DANG, YANG SMRAS PA KYE BDAG NI 'DI NI 'JIG PA MED PA RGYUN MI 'CHAD PA'I CHOS CAN NO ZHES BSHAD PA LTA BU'O, ,'JIG PA MED PAS NA MI 'JIG PA STE, RTAG PAR BYED PA'I DON TO,, KYE'I ZHES BYA BYA BA NI BOD PA'I TSIG GO, ,RIGS SOGS ZHES BYA BA'I SOGS PA'I SGRAS YON TAN DANG, RDZAS LA SOGS PA GZUNG NGO, ,RIGS LA SOGS PA DE YANG JI LTAR TSAD MAS GNOD PA DE LTAR TSIG GI DON DRUG BRTAG PAR BSGRUBS ZIN LA, GANG YANG BDAG LA GNOD PA'I 'BREL BA SHES PA CAN GYI RJES SU DPAG PA DE YANG BDAG MED PA'I GNAS SKABS SU BSGRUBS ZIN TO, ,'ON TE RIG BYED TSAD MA MA YIN NA, DE JI LTAR RJES SU DPAG PAS GNOD PAR 'GYUR, CI STE TSAD MA LA YANG GNOD PAR 'GYUR NA, RJES SU DPAG PA LA YANG DES CI'I PHYIR GNOD PAR MI 'GYUR ZHES DOGS PA LA, DNGOS PO DANG 'BREL BA ZHES BYA BA LA SOGS PA SMOS TE, DE ZHES BYA BA NI RJES SU DPAG PA'O, ,SGRA NI 'DOD PA TZAM GYI RGYU MTSAN CAN YIN PA'I PHYIR, GZHAL BYA'I DNGOS PO LA 'BREL BA YOD PA MA YIN PAS DE DE LA TSAD MA MA YIN LA, RJES SU DPAG PA NI DE'I BDAG NYID DANG DE LAS BYUNG BA'I 'BREL BA'I RTAGS KYI STOBS KYIS SKYE BA NA DNGOS PO DE LAS 'BREL BA'I PHYIR DE NYID TSAD MA YIN TE, DE'I PHYIR GNOD PAR BYED PA YIN NO, ,DE LAS BYUNG BA ZHES BYA BA NI SGRA LAS BYUNG BA'O, ,CI STE 'BREL BA MED KYANG SGRA DNGOS PO LA TSAD MAR 'GYUR NA DE'I TSE, HA CANG THAL BAR 'GYUR RO ZHES STON PA NI

175b

SKYES BU'I NGAG LAS ZHES BYA BA STE, ME'I SBYIN SREG LAS MTHO RIS SU MI 'GYUR RO ZHES BYA BA'I TSIG 'DI CI'I PHYIR TSAD MAR MI 'GYUR TE, GNYI GA LA YANG 'BREL BA MED PA NYID DU KHYAD PAR MED PA'I PHYIR RO, ,KHYAD PAR MED PA DE NYID BSTAN PA'I PHYIR, DPE LA LTOS PA MED PA NYID CES BYA BA LA SOGS PA SMOS SO; ,CI STE YANG GAL TE DE'I PHYIR NYES PA MI DMIGS PA DE LTA NA YANG SKYES BU LA BRTEN PA NYID KYIS SRID PA YIN NO ZHES BYA BA DE NI RIG BYED LA YANG MTSUNGS TE, 'DI LTAR JI LTAR DE'I RANG BZHIN BDEN PA'I DON CAN YIN PA DE LTAR LOG PA NYID KYANG SRID PA'I PHYIR KHYAD PAR 'GA' YANG MED DO, ,DE LA NI TSAD MA MA YIN ZHES DE LTAR ZHES BYA BA LA SGOS PA GANG SMRAS PA 'DI NI MI LA SBYIN SREG BYAS PAS MTHO RIS SU MI SKYE'O ZHES BYA BA LA SOGS PA'I NGAG SKYES BUS BYAS PA LA YANG BRJOD PAR NUS PA MA YIN NO ZHES STON PA NI SGRA YIS DON RTOGS ZHES BYA BA LA SOGS PA STE, SGRAS DON RTOGS PA NA YANG MKHAS PAS ZHES SDANG TZAM GYIS ME'I SBYIN SREG GIS MTHO RIS SU MI SKYE'O ZHES BYA BA 'DI MING CAN DE SKYES BUS BYAS PA NA DE LA STE DPYOD PA PA RNAMS LA TSAD MA MA YIN NO ZHES DE LTAR BRJOD NUS PA MA YIN NO ZHES BYA BA NI NGAG GI DON TO, ,'DIS NI SKYES BUS BYAS PA DANG SKYES BUS MA BYAS PA GNYIS SHIN TU LKOG TU MA GYUR BA'I DON LA RTOGS PA'I RGYU MTSAN MTSUNGS PA NYID DU BSTAN TO, ,DE LTA YIN DANG RTOGS PA'I RGYU MTSAN MTSUNGS PA NYID YIN NA SKYES BUS MA BYAS PA KHO NA TSAD MA YIN GYI CIG SHOS NI MA YIN NO ZHES BYA BA GANG YIN PA 'DI NI RIGS PA DANG BRAL BA YIN NO, ,NYES PA RNAMS NI SKYES BU LA BRTEN PA'I PHYIR DE LA LOG PA NYID DU RTOGS KYI SKYES BUS MA BYAS PA LA NI MA YIN NO ZHES KYANG BRJOD PAR NUS PA MA YIN TE, SKYES BUS MA BYAS PA DAG LA YANG RANG BZHIN GYIS LOG PA'I DON SHES PA'I RGYU NYID SRID PA YIN PA'I PHYIR RO, ,DOD DE NYID STON PA NI, DE LTAR SGRA KUN ZHES BYA BA STE, KUN ZHES BYA BA NI SKYES BUS BYAS PA DANG SKYES BUS MA BYAS PA'O, ,GCIG NYID LA ZHES BYA BA NI SKYES BUS MA BYAS PA LA'O, ,SDANG BA NI NA YANG ZHES BYA BA LA SOGS PA GANG SMRAS PA DE LA DE MA THAG BRJOD CES BYA BA LA SOGS PA SMOS TE, DE MA THAG TU BRJOD PA NI SGRA 'DOD PA TZAM GYIS 'JUG PA NYID KYI DNGOS PO LA 'BREL BA MED PA'I

176a

, ,PHYIR ZHES BYA BA DE LTA BU LA SOGS PA'O, ,SHES RAB CAN DAG CES BYA BA NA BDE BAR GSHEGS PA PA RNAMS SO, ,GANG YANG BSHAD PA BYED PAS RIG BYED KYI NGAG LAS SHES PA NI MNGON SUM YIN LA, RJES SU DPAG PA NI MNGON SUM DANG 'GAL NA NI TSAD MAR 'GYUR BA MA YIN NO ZHES BSHAD DO, ,GANG YANG 'DI SKAD DU, SKUR BAR BYED NI BYUNG BA DANG, 'BYUNG BA DANG, 'BYUNG BAR 'GYUR BA DANG, PHRA BA DANG, CHOD PA DANG, SKAL BA ZHES BYA BA DE LTA BU LA SOGS PA'I DON RTOGS PAR NUS KYI, GZHAN DBANG POS NI CUNG ZAD KYANG MA YIN NO ZHES BYA BA DE LTA BU LA SOGS PA DE THAMS CAD 'DI NYID KYIS BSAL BA YIN TE, SKYES BUS BYAS PA'I TSIG LA 'DI THAMS CAD MTSUNGS PA'I PHYIR RO, ,'DZIN DANG 'DON DANG 'CHAD PA'I ZHES BYA BA LA SOGS PA GANG SMRAS PA DE LA, LOG PA'I RJES CHAGS ZHES BYA BA LA SOGS PA SMOS TE, DE NI LOG PA'I RJES SU CHAGS PA LAS SKYES PA YANG YIN LA, RIG BYED SEMS PA YANG YIN NO ZHES BSDU BAR BYAS LA, DE RMONGS PAR BYAS PAS ZHES PHYIS GSUM PA'I BSDU BA'O, ,SEMS PA NI MOD LA SEMS PA'O, ,LOG PA'I RJES SU CHAGS PAS NYES PA YOD NA YANG MNGON PAR MI 'GYUR TE, DPER NA PAR SIG PA LA SOGS PA RNAMS KYIS MA BAG MAR LEN PA LA SOGS PA LTA BU YIN PA'I PHYIR NGO MTSAR CUNG ZAD KYANG MED DO, ,GZHAN YANG SNANG BA LAS BYUNG BA'I, ,NGO SHES PA YIS ZHES BYA BA LA SOGS PA GANG SMRAS PA DE LA, NGO SHES ZHES BYA BA LA SOGS PA SMOS TE, MNGON SUM GYI MTSAN NYID NI RTOG PA DANG BRAL ZHING MA 'KHRUL BA YIN LA, NGO SHES PA NI RTOG PA DANG BRAL BA MA YIN TE, DE NYID 'DI YIN NO SNYAM DU SGRA'I RNAM PA DANG LDAN PAR 'JUG PA'I PHYIR RO, ,MA 'KHRUL PA YANG MA YIN TE, SNGAR MTHONG BA DANG DA LTA SKYES PA DAG GCIG TU MTSAMS SBYOR BA'I PHYIR RO, ,SNGAR MTHONG BA GANG YIN PA DE NYID PHYIS MTHONG BA YANG MA YIN TE, RIM CAN MA YIN PA LAS SHES PA RIM CAN DU MI 'THAD PA'I PHYIR RO, ,'GA' ZHIG LAS 'BYUNG BA'I CHOS CAN GYI 'BRAS BU RES 'GA' MI 'GYUR BA GANG YIN PA DE NI DE MA TSANG BA MA YIN PA'I PHYIR RO, ,GAL TE RGYU MA TSANG BA MED PA YIN NA CI'I PHYIR 'BRAS BU SDOD PAR 'GYUR, RTAG

176b

PA NI PHAN GDAGS PAR BYA BA MA YIN PA NYID KYIS RES 'GA' LTOS PAR 'GYUR BA YANG MA YIN TE, DE LTA BAS NA DE LAS BYUNG BA'I SHES PA CIG CAR BAR 'GYUR RO, ,SBYOR BA NI GANG ZHIG GANG GI TSE RGYU MA TSANG BA MED PA DE NI DE'I TSE 'BYUNG BA NYID YIN TE, DPER NA MIG LA SOGS PA RGYU'I TSOGS PA MTHA' DAG GI MTHA'I GNAS SKABS CAN GYI MIG GI RNAM PAR SHES PA YIN NO, ,BA LANG LA SOGS PA'I SGRA LAS BYUNG BA'I SHES PA YANG GNAS SKABS THAMS CAD DU RGYU MA TSANG BA MED PA NYID YIN NO ZHES BYA BA NI RANG BZHIN GYI GTAN TSIGS SO, ,DE BAS NA 'KHRUL BA'I PHYIR DANG, RTOG PA DANG BCAS PA'I PHYIR NGO SHES PA MNGON SUM NYID DU MA GRUB PO ZHES DANG PO NYID DU BSTAN PA'I DNGOS PO RTAG PAR BSTAN ZIN TO, ,THAMS CAD DU RANG GI NGO BOS NGO SHES PA GRUB PA MA YIN NO ZHES BSTAN PA'I PHYIR, SGRA'I SHES PA ZHES BYA BA LA SOGS PA SMOS TE, GANG GI TSE NE TZO DANG RI SKEGS LA SOGS PA DAG GIS SGRA SGROGS PA DE DAG LA 'DI NI RI SKEGS KYI SGRA'O, ,'DI NI NE TZO'I SGRA'O ZHES PHAN TSUN YUL THA DAD PA'I PHYIR THA DAD PA'I SHES PAR 'GYUR BAS THAMS CAD DU RANG GI NGO BO SHES PA GRUB PA MA YIN NO, ,YANG CI STE GSAL BAR BYED PA THA DAD PAS NI NE TZO LA SOGS PA'I SGRA LA PHAN TSUN DU LDOG PA'I SHES PA 'DI SKYE'O SNYAM PA 'DI YANG MI 'THAD DE, GSAL BAR BYED PA SEL BAR 'GYUR BA'I PHYIR RO, ,'DI NYID 'CHAD PA NI GAL TE GSAL BYED CES BYA BA LA SOGS PA STE, 'DI ZHES BYA BA NI LDOG PA'I NGO BO'I SHES PA'O, ,GZHAN YANG GAL TE SGRA RNAMS KYI THA DAD PA GRUB NA YANG GSAL BYED KYIS BYAS PA'AM, THA DAD PA YIN GYI, RANG GI NGO BO NI MA YIN PA DE'I TSE THAMS CAD LA YID BRTAN DU MED DO ZHES HA CANG THAL BAR 'GYUR BA BSTAN PA'I PHYIR, KHYED LA RIG PA 'DI NYID KYIS, ,ZHES BYA BA LA SOGS PA SMOS TE, THAMS CAD CES BYA BA NI SNA TSOGS PA'O, ,DE LTAR 'GYUR MOD CE NA, DE'I PHYIR KHYED LA ZHES BYA BA LA SOGS PA SMOS TE, 'DI NI GSAL BAR BYED PA'O, ,'DI NI GSAL BAR BYA'O ZHES BYA BA'I THA DAD PA'I RGYU MTSAN GYI THA SNYAD DU MI 'GYUR TE, THA MI DAD PA'I PHYIR RO, ,DE BZHIN DU 'DI DAG NI SKYES BUS BYAS PA YIN LA, BDAG CAG RIG BYED LHAS ZHI

177a

, ,BAR BYAS SO ZHES BYA BA LA SOGS PA 'DI DAG NI SKYES BUS MA BYAS PA YIN NO ZHES KHYED CAG LA NGO SHES PA'I MTHAR THUG PA'I RNAM PAR GZHAG PAR MI 'GYUR TE, KHYAD PAR MED PA'I PHYIR RO, ,GSAL BYED RIM PA ZHES BYA BA LA SOGS PAS GZHAN DAG 'JIG RTEN PA DANG RIG BYED THA DAD PAR RNAM PAR GZHAG PA STON PA YIN NO, ,GSAL BYED RIG PAS GNAS PA'I PHYIR, ,ZHES BYA BA NI NGES PA'I PHYIR, KHA CIG NI BDAG CAG LHAS ZHI BAR BYAS SO ZHES BYA BA LA SOGS PA RIM PA NGES PA NYID RTOGS PAR BYED DE, DE'I PHYIR RIM PA NGES PA DANG LDAN PA DE DAG SKYES BUS MA BYAS PAR 'DOD LA, SHUGS KYIS BZLOG PA NI SKYES BUS BYAS PA YIN NO ZHES BYA BAR GRUB PO, ,RKAN SOGS PA ZHES BYA BA LA SOGS PAS SUN 'BYIN PAR BYED DE, RIM PA NGES PAR DANG LDAN PAR MA GRUB STE, GSAL BAR BYED PA'I RIM PA NGES PA'I PHYIR DE 'DOD LA, RKAN LA SOGS PA GSAL BAR BYED PA'I RIM PA DE YANG SKYES BU'I 'DOD PA LA RAG LAS NAS 'JUG PA'I PHYIR MA NGES PA YIN LA, SKYES BU'I 'DOD PA YANG RANG DGA' BA YIN PA'I PHYIR TE, GANG LA 'DOD PA RANG DBANG CAN, ,DE LA NGES PA ZHES BYA BA GANG, ,ZHES GANG BSHAD PA YIN NO, ,DE LTA YIN DANG BDAG CAG LHAS ZHI BAR BYAS SO ZHES BYA BA LA SOGS PA'I RIM PA 'DI NYID DUS THAMS CAD DU BYUNG BA DANG 'BYUNG BAR 'GYUR RO ZHES BYA BA 'DI LA NGES PA GANG ZHIG YIN, TSAD MA MED PA'I RES 'GA' RIM PA GZHAN DU YANG SRID PA YIN NO, ,ME LCE LA SOGS SKAD CIG MA, ,YIN YANG NGO SHES ZHES BYA BA LA SOGS PA GANG SMRAS PA DE LA ME NYID LA SOGS ZHES BYA BA LA SOGS PA SMOS SO, ,'DI THAMS CAD YI GE RNAMS LA YANG BRTAG PAR NUS SO ZHES BSTAN PA'I PHYIR, SKAD CIG RE RE ZHES BYA BA LA SOGS PA SMOS TE, SPYI ZHES BYA BA NI GZHAN LAS LDOG PA'I MTSAN NYID DO, ,YUL DANG DUS SOGS THA DAD PA'I, ,BA LANG SGRA YIS GSAL BA'I BLO, ,ZHES BYA BA LA SOGS PA DE LA, SGRA GCIG GRUB PAR BYA BA LA SOGS PA SMOS TE, GANG DAG SGRA GCIG NYID DU BSGRUB PAR BYA BA'I PHYIR RJES SU DPAG PA'I SBYOR BA SMRAS PA DE DAG THAMS CAD LA BSGRUB BYA LAS BZLOG PA LAS GTAN TSIGS GNOD PA CAN GYI TSAD MA MA BSTAN PA'I PHYIR, THAMS CAD MA NGES PA NYID

177b

YIN NO, ,'DI 'DRA GANG DE BSTAN PAR MTHONG, ,DU BA'I SPYI YI CHA BZHIN NO, ,ZHES GANG SMRAS PA'I DPE 'DI BSGRUB BYA MA TSANG BA NYID YIN NO ZHES BSTAN PA'I PHYIR, DU BA'I SPYI YI CHA YANG NI, ,ZHES BYA BA LA SOGS PA SMOS TE, DNGOS PO NYID RIGS MI MTHUN PA LAS LDOG PA'I SPYI NI RTAGS ZHES BYA'I GZHAN NI MA YIN TE; DE YANG MI RTAG PA NYID YIN PA'I PHYIR DPE BSGRUB BYA MA CHANG BA MA YIN NO, ,RIGS LAS BUM SOGS GCIG GYUR NA, ,ZHES BYA BA LA SOGS PA GANG SMRAS PA DE NI YI GE RNAMS LA YANG LAN MTSUNGS SO ZHES STON PA NI, RIGS LA SOGS PA GCIG NYID 'GYUR, ,ZHES BYA BA LA SOGS PA STE, YUL DANG DUS SOGS THA DAD PA'I, ,ZHES BYA BA LA SOGS PA'I SBYOR BA LNGAS GAL TE GZHAN SEL BA'I MTSAN NYID KYI SPYI GCIG NYID DU SGRUB PAR BYED PA DE'I TSE GRUB PA LA SGRUB PA YIN TE, THAMS CAD DE MA YIN PA LAS LDOG PA'I NGO BO'I SPYI BO GCIG GIS ZHEN PA'I DBANG GIS GCIG TU 'DOD PA'I PHYIR RO, ,CI STE GSAL BA RANG GI MTSAN NYID GCIG NYID DU SGRUB NA DE'I TSE KHYAB PA LA MNGON SUM DANG RJES SU DPAG PA DAG GIS GNOD PA'I PHYIR GTAN TSIGS RNAMS MA NGES PA YIN NO, DBANG PHYUG SOGS RNAMS KYIS ZHES BYA BA LA DBANG PO NI DBANG PO STE, DE LA YOD PA NI DBANG PO LAS BYUNG BA STE, MNGON SUM ZHES BYA BA'I THA TSIG GO, ,SOGS PA'I SGRAS RJES SU DPAG PA GZUNG STE, MANG PO'I TSIG NI GSAL BAR THA DAD PA LA LTOS PA YIN NO, ,JI LTAR MNGON SUM GYIS THA DAD DU RTOGS SHE NA, GANG PHYIR SDUG DANG MI SDUG SOGS, ,ZHES BYA BA LA SOGS PA SMOS TE, SDUG PA NI RJES SU MTHUN PA YIN LA LDOG PA NI MI SDUG PA'O, , RJES SU DPAG PAS KYANG GNOD PAR STON PA NI, BLO RNAMS ZHES BYA BA LA SOGS PAS TE, DON 'DIS NI, KHA RTZANG DE RING THAMS CAD KYI, ,ZHES BYA BA LA SOGS PA GSAL BAR BYED PAR 'GYUR RO, ,SBYOR BA NI GANG DANG GANG SNANG BA THA DAD PA'I BO DE DAG THAMS CAD NI YUL GCIG PA MA YIN TE, DPER NA RO DANG GZUGS LA SOGS PA'I YUL CAN BZHIN NO, ,YUL DANG DUS LA SOGS PA THA DAD PA'I BA LANG GI SGRA'I GSAL BA'I BLO RNAMS KYI SNANG BA THA DAD PA YIN NO ZHES BYA BA NI KHYAB PAR BYED PA 'GAL BA DMIGS PA'O, ,'DI'I MA GRUB PA NYID SPANGS PA'I PHYIR, DRUG SKYES ZHES BYA BA LA SOGS PA SMOS SO, ,BLO

178a

, ,RNAMS RIM CAN DU 'BYUNG PHYIR, ,MYU GU SOGS BZHIN THA DAD GRUB, ,CES BYA BA'I DON LA TSAD MA BYA BA'I PHYIR, ,KHA RTZAD DE RING ZHES BYA BA LA SOGS PA SMOS TE, SBYOR BA NI GANG DANG GANG RIM GYIS 'BYUNG BA'I SHES PA DE DAG NI YUL GCIG PA MA YIN TE, DPER NA RO DANG GZUGS LA SOGS PA'I SHES PA RIM GYIS 'BYUNG BA BZHIN NO, ,KHA RTZANG DANG DE RING GI BA LANG GI SGRA'I YUL CAN GYI SHES PA 'DI DAG KYANG RIM GYIS 'BYUNG BA YIN NO ZHES BYA BA NI KHYAB PAR BYED PA 'GAL BA DMIGS PA'O, ,GZHAN DU ZHES BYA BA LA SOGS PAS GTAN TSIGS GNYI GA'I YANG MA NGES PA NYID SPONG BAR BYED PA YIN TE; BLO RNAMS THAMS CAD CES BYA BA NI RO DANG GZUGS LA SOGS PA'I BLO RNAMS PHAN TSUN DMIGS PA THA MI DAD PA NYID DU THAL BAR 'GYUR BA NI SNANG BA THA DAD PA'I PHYIR ZHES BYA BA'I GTAN TSIGS 'DI GNOD PA CAN GYI TSAD MA YIN LA, RIM GYIS 'BYUNG BA 'GAL BA YIN, ,ZHES BYA BA 'DI NI, RIM GYIS 'BYUNG PHYIR ZHES BYA BA 'DI'I GNOD PA CAN GYI TSAD MA YIN NO, ,'BREL BA BCOS MA NYID YIN YANG, ,ZHES BYA BA LA SOGS PA GANG SMRAS PA DE LA, DNGOS PO RNAMS NI ZHES BYA BA LA SOGS PA SMOS TE, GO BAR SLA'O, ,YANG CI'I PHYIR, 'JIG RTEN PA YIS ZHES BRJOD CE NA, DNGOS SU ZHES BYA BA LA SOGS PA SMOS TE; THA DAD PHYIR ZHES BYA BA 'DIS NI DE'I BDAG NYID KYI MTSAN NYID KYI 'BREL BA BKAG PA YIN NO, ,DE LAS BYUNG BA MA YIN PHYIR, ,ZHES BYA BA 'DIS NI DE LAS BYUNG BA'I MTSAN NYID BKAG PA YIN NO, ,'DI DAG LAS GZHAN PA'I 'BREL BA YANG MED LA, 'BREL BA MED PAR YANG SGRA DON RTOGS PAR BYED PA NYID DU NGES PAR 'GYUR BA MA YIN TE HA CANG THAL BAR 'GYUR BA'I PHYIR RO, ,DE LTA BAS NA SGRA DANG DON DAG GIS 'BREL BA NI SGRO BTAGS PA YIN NO ZHES DANG PO NYID DU GZHAN SEL BA BSAM PAR BSTAN ZIN TO, ,DE'I PHYIR MA BCOS PA NA SGRA, ,ZHES BYA BA LA SOGS PA'I SBYOR BA LA, GTAN TSIGS DANG DPE DAG MA GRUB PA NYID DU BSTAN PA'I PHYIR, BA LANG NYID DU ZHES BYA BA LA SOGS PA SMOS TE, BA LANG NYID RTAG BSAL BA YIN, ,ZHES BYA BA 'DIS NI RTAG TU ZHES BYA BA 'DIS MA GRUB PA NYID DU BSHAD DO, ,'BREL BA RTAG PA BSAL BA YIN, ,ZHES BYA BA 'DIS RTAG PA DANG 'BREL PHYIR ZHES BYA BA 'DI MA GRUB PAR BSHAD DO, ,RDUL

178b

PHRAN NAM MKHA' SOGS KYANG SPANGS, ,ZHES BYA BA 'DIS NI, RDUN [?] PHRAN RNAMS DANG NAM MKHA' BZHIN, ,ZHES BYA BA 'DI MA GRUB PAR BSHAD DO, ,BSAL ZHES BYA BA 'DI SUN PHYUNG BA STE, TSIG GI DON DRUG BRTAG PAR BYA'O, ,DES NA ZHES BYA BA NI DE'I PHYIR ZHES BYA BA'I DON TO, ,MA YIN ZHES BYA BA DGAG PA'O, ,DU MA'I SPYI LA MNGON PHYOGS PA, ,ZHES BYA BA LA SOGS PA LA, DMIGS GZUNG BA LANG NYID BRJOD PAR, ,ZHES BYA BA LA SOGS PA SMOS TE, 'DI JI LTAR 'KHRUL PA NYID DU GRUB CE NA, SKAD CIG NYID PHYIR ZHES BYA BA LA SOGS PA SMOS SO, ,JI LTAR BUM SOGS RNYINGS PA'AM, ,MTSON CHA SOGS KYIS ZHES BYA BA LA SOGS PA LA, BUM PA SOGS LA YANG ZHES BYA BA LA SOGS PA SMOS TE ZHES BYA BA 'DI YANG BSTAN ZIN ZHES BYA BA NI BSTAN PA'I DNGOS PO BRTAG PAR 'JIG PA RGYU MED PA NYID DU BSTAN PAS SO, ,JI LTAR BUM PA LA SOGS PA LA YANG 'JIG PA'I RGYU MED PA'I PHYIR DE SGRA LA CI'I PHYIR 'BYUNG BAR 'GYUR TE, 'JIG PA'I RGYU ZHES SKABS DANG SBYAR RO, ,'DIS NI GRUB PA LA SGRUB PA DANG CHOS MI MTHUN PA'I DPE YANG MA GRUB PA NYID DU BSTAN PA YIN NO, ,YUL DANG DUS DANG SBYOR BYED RNAMS, ,ZHES BYA BA LA SOGS PA LA, NGO SHES PA NI ZHES BYA BA LA SOGS PA SMOS TE GO BAR ZAD DO, ,GANG NYID YANG DAG CES BYA BA LA SOGS PA'I SBYOR BA LA GRUB PA LA SGRUB PA NYID KYI SKYON NI GANG LAS THA DAD PA'I SPYI ZHES BYA BA LA SOGS PA SMOS TE, 'DOD CES BYA BA NI MIN ZHES 'CHAD PAR 'GYUR BA DANG 'BREL TO, ,YANG CI STE GZHAN SEL BA'I BDAG NYID KYI YANG RTEN DU MI 'GYUR RO SNYAM TE, DE LTAR DE RNAM PA 'DIS BSGRUB PA YIN TE, DES NA GRUB PA LA SGRUB PAR MI 'GYUR TE, KHYED KYI GZHAN SEL BA'I RTEN DE GA LA SOGS PA NI MA YIN NO ZHE NA, DE LTA MA YIN TE ZHES BYA BA NI PHYOGS SNGA MA SPONG BA YIN TE, DE LTAR SGRUB PA LA GTAN TSIGS MA GRUB PAR 'GYUR TE, 'DI LTAR GZHAN SEL BA ZHES BYA BA DGAG PA'I DNGOS PO LAS MA GTOGS PA GZHAN 'GA' ZHIG YOD PA NI MA YIN NO, ,'O NA CI ZHE NA, GA LA SOGS PA GSAL BA'I NGO BO RIGS MI MTHUN PA LAS LDOG PA DE NYID YIN TE, KHYAD PAR GZHAN SPANGS NAS DE TZAM SHES PAR 'DOD PA LA GZHAN LAS LDOG PA DANG GZHAN SEL BA ZHES BYA BA LA SOGS PA'I RNAM GRANGS RNAMS KYIS BRJOD PA YIN NO, ,

179a

, ,DE CHOS CAN GYI RANG GI NGO BO MED PAR BSGRUB PAR BYA BA LA, GA LAS GZHAN PA'I BLO MA BRJOD PA'I PHYIR ZHES BYA BA'I GTAN TSIGS 'DI CHOS CAN GANG GI CHOS SU 'GYUR TE, GANG GI YANG MA YIN NO, ,GANG YANG GZHAN GYIS KUN DU BRTAGS PA'I GNYID BZHIN NO ZHES DPER BYED PA DE YANG CHOS CAN MA GRUB PA YIN NO ZHES BSTAN PA'I PHYIR, DNGOS PO PA YI RJES DPAG KUN, ,ZHES BYA BA LA SOGS PA SMOS TE, DPE LA SOGS PAS ZHES BYA BA'I SOGS PA'I SGRAS GTAN TSIGS LA SOGS PA GZUNG NGO, ,GZHAN YANG MA BRJOD PA NA YANG RGOL BAS 'DOD PAS YUL DU BYAS PA GANG YIN PA KHO NA BSGRUB BYAR 'DOD LA, 'DIR KHYED CAG GIS GA NYID DGAG PA TZAM BSGRUB PAR 'DOD PA NI MA YIN NO, ,'O NA CI ZHE NA, THABS 'DIS GA GCIG NYID DU BSTAN PAR 'DOD PA YIN LA, DAM BCA' BA 'DI LA MNGON SUM LA SOGS PAS GNOD PA SNGAR BSTAN PA YIN NO ZHES BSTAN PA'I PHYIR, KHYED KYIS 'BAD PA ZHES BYA BA SMOS TE, 'DI DAG CES BYA BA NI THA DAD PA'I GA NYID KYI RTEN DGAG PA'O, ,MNGON SUM GYIS GNOD PA'ANG ZHES BYA BA'I YANG GI SGRA RJES SU DPAG PAS GNOD PA GZUNG NGO, ,BRJOD PA ZHES BYA BA NI, GANG PHYIR SDUG DANG MI SDUG SOGS, ,ZHES BYA BA LA SOGS PAS BSTAN PA'O, ,GNYIS LA GRUB PA'I ZHES BYA BA LA SOGS PA GANG SMRAS PA DE LA, KHA RTZANG DE RING LA SOGS PA, ,ZHES BYA BA LA SOGS PA SMOS TE ZHES BYA BA LA 'DIR YANG BRJOD PA ZHES RTAGS DANG RNAM PAR DBYE BA YONGS SU BSGYUR LA SBREL BAR BYA'O, ,DE'I PHYIR MNGON SUM DANG RJES SU DPAG PA DAG GIS SGRA THA DAD DU GRUB PA'I PHYIR YI GE GCIG GNYIS LA GRUB PA YOD PA MA YIN PA'I PHYIR BRTAGS PA'I GZHAN SEL BA BRTAGS PA NYID DU BRTAG PA YIN TE, MTSUNGS PAR RTOG PA'I SHES PA GCIG NYID DU ZHEN PA'I PHYIR RO, ,GANG TSE SGRA TZAM LEGS BYAS PA'I, ,ZHES BYA BA LA SOGS PA GANG SMRAS PA LA, SGRA NI NYE BAR DMIGS DUS SU, ,ZHES BYA BA LA SOGS PA SMOS TE, GAL TE RNA BA LEGS PAR BYED PA'I RLUNG RNAMS TSAD MA 'GA' ZHIG GIS GRUB PAR GYUR NA DE'I TSE SGRA TZAM GYIS RNA BA LEGS PAR BYAS PA YIN NO ZHES BRJOD PAR BYA BAR 'GYUR NA, DE DAG GRUB PA YANG MA YIN TE, DE LTA BAS NA DE DANG 'BREL BA STE DE SGRA DANG 'BREL BAS SGRA TZAM DE RTOG PA MNGON

179b

SUM YIN NO ZHES BYA BA 'DI NI BRTAG PA TZAM YIN NO, ,DPER NA MNGAR BA KHA BA DANG, DKAR PO SER PO'I NGO BOR 'DZIN, ,ZHES BYA BA LA SOGS PA GANG SMRAS PA DE LA, MNGAR BA SOGS LA ZHES BYA BA LA SOGS PA SMOS TE, 'DIS NI, DE YI DBANG GIS SGRA LA BLO, ,ZHES GANG SMRAS PA DE GSAL BA YIN NO, ,GZHAN GYI RNAM PA CAN GYI SHES PA GZHAN GYI YUL CAN DU RIGS PA NI MA YIN TE, HA CANG THAL BAR 'GYUR BA'I PHYIR RO, ,YANG CI STE GAL TE SGRA'I SHES PA DE'I YUL MA YIN NA, DE JI LTAR YUL MED PA NYID YIN ZHE NA, MYUR DANG DAL SOGS ZHES BYA BA LA SOGS PA SMOS TE, MYUR BA DANG DAL BA DANG BAR MA'I RNAM PAR SHES PA SKYE LA, SGRA LA NI MYUR BA LA SOGS PA'I RNAM PA YOD PA MA YIN TE, DE NI RTAG PA DANG KHA PHRA BA NYID KYIS NGO BO GCIG NYID YIN PA'I PHYIR RO, ,GANG ZHIG SNANG BAR 'GYUR BA MYUR BA LA SOGS PA'I RNAM PA DANG LDAN PA'I DON GZHAN YANG YOD PA MA YIN TE, DE LTA BAS NA RNAM PA'I RJES SU BYED PA'I DON MED PA'I PHYIR 'DI YUL MED PA NYID YIN NO, ,'DI SNYAM DU SGRA DE NYID MYUR BA LA SOGS PA'I NGO BOS RNAM PA GZHAN DU SNANG BA DE NI DE'I DMIGS PAR 'GYUR TE, JI SKAD DU, YUL DANG DUS GZHAN BDAG NYID KYIS, ,PHYI ROL RNAM KUN DMIGS PA YIN, ,ZHES JI SKAD DU BSHAD PA BZHIN NO SNYAM DU SEMS NA, 'DIR SMRAS PA, DON DE NYID NI ZHES BYA BA LA SOGS PA SMOS TE, 'GAL ZHES BYA BA NI DE NYID DANG GZHAN NYID KYI RNAM PA DAG NI PHAN TSUN SPANGS TE GNAS PA'I MTSAN NYID KYIS CHOS CAN GCIG LA MI RUNG BA'I PHYIR RO, ,GZHAN YANG SHES PA 'DI THAMS CAD 'KHRUL PA YIN PA'I PHYIR, RNAM PA MED PA'I PHYOGS DANG RNAM PA DANG BCAS PA'I PHYOGS LA YANG YUL MED PA NYID YIN NO ZHES BSTAN PA'I PHYIR, RNAM PA MED PA'I SHES PA LA, ,ZHES BYA BA LA SOGS PA SMOS TE, SHES PA RNAM PA MED PAR SMRA BA'I SNGON PO LA SOGS PA'I RNAM PA NI DON DU GTOGS PA NYID NYAMS SU MYONG BA YIN GYI, JI LTAR 'KHRUL BA'I SHES PA LA SER PO LA SOGS PA SNANG BA DE LTAR DUNG LA SOGS PA'I DON GNAS PA NI MA YIN PA'I PHYIR 'DI YUL MED PA NYID GSAL RAB PA NYID DO, ,'ON TE SER PO LA SOGS PA'I RNAM PA GAL TE DON DON DU GTOGS PA MA YIN PA DE'I TSE GDON MI ZA BAR DE SHES PAR GTOGS PAR 'GYUR DGOS TE, DE LTA MA YIN TE GNYI

180a

, ,GA LA YANG MED NA JI LTAR NYAMS SU MYONG BAR 'GYUR, DE LTA YIN DANG SHES PAR GTOGS PA YIN NA JI LTAR SHES PA RNAM PA MED PA ZHES BRJOD PAR BYA ZHE NA, 'DI NI BDEN MOD KYI, 'ON KYANG SHES PA RNAM PA MED PAR SMRA BA'I PHYOGS KHAS BLANGS NAS SHES PA'I YUL MED PA 'DI BRJOD DE, GANG ZHIG SHES PA RNAM PA MED PAR 'DOD PA DE NYID LA 'DIR LAN BRJOD PAR BYA'O, ,SHES PA RNAM PA DANG BCAS PA'I PHYOGS LA YANG DON DANG 'DRA BA'I BDAG NYID KYI RNAM PA NYAMS SU MYONG BA LAS DON NYAMS SU MYONG BAR 'JOG STE, 'KHRUL BA'I SHES PA LA DON DANG 'DRA BA'I BDAG NYID KYI RNAM PA NYAMS SU MYONG BA MED PA'I PHYIR YUL MED PA NYID YIN NO, ,RNAM PA DANG BCAS PA DANG RNAM PA MED PA DAG LAS GZHAN PA'I RNAM PA'I RNAM PA'I YUL 'DZIN PA'I SHES PA YOD PA YANG MA YIN TE, DE LTA BAS NA 'KHRUL BA'I SHES PA THAMS CAD YUL MED PA YIN NO ZHES BYA BAR GRUB PO, ,'DI LA 'KHRUL BA'I RGYU MTSAN YANG SRID PA MA YIN NO ZHES BSTAN PA'I PHYIR, GSAL BYED YOD PAR RIGS MA YIN, ,ZHES BYA BA LA SOGS PA SMOS TE, GSAL BAR BYED PA THA DAD PA NI SGRA TZAM SGRA LA THA DAD 'KHRUL BA'I RGYU MTSAN DU BRJOD LA, RTAG PA LA NI GSAL BAR BYED PA 'GA' YANG YOD PA MA YIN TE, DE LA DE CUNG ZAD KYANG MI BYED PA'I PHYIR RO, ,KHYAD PAR CUNG ZAD KYANG MI BYED PA DE NI GSAL BAR BYED PAR RIGS PA MA YIN TE, HA CANG THAL BAR 'GYUR BA'I PHYIR RO, ,DE LTA NA GANG SU YANG RUNG BA GSAL BAR BYED PAR 'GYUR RO, ,DE LTA BAS NA GSAL BAR BYED PA'I LEGS PAR BYED PA'I RJES SU BYED PA'I PHYIR SGRA TZAM STE, SGRA LA BLO THA DAD PAR RIGS PA MA YIN NO, ,DPER NA SGRON MA LA SOGS PA, ,MIG GI PHAN 'DOGS BYED PA'I PHYIR, ,ZHES BYA BA LA SOGS PA GANG SMRAS PA DE LA TSIGS SU BCAD PA GCIG GIS TSIGS SU BCAD PA SNGA MA 'DI'I DON NYE BAR BKOD NAS TSIGS SU BCAD PA GNYIS PA LA SOGS PAS SUN DBYUNG BA'I PHYIR, JI LTAR BUM SOGS ZHES BYA BA LA SOGS PA SMOS TE, RNA BA LEGS PAR BYAS SU ZIN NA YANG, CI SGRA RANG BZHIN GYI RANG GI YUL CAN GYI RNAM PAR SHES PAR SHES PA SKYED PAR NUS SAM, 'ON TE MI NUS ZHES BYA BA 'DI BRJOD PAR BYA DGOS SO, ,PHYOGS DANG PO RNA BA LEGS PAR BYAS PA LAS SNGAR YANG DMIGS PAR

180b

THAL BAR 'GYUR RO, ,'DI NYID 'CHAD PA NI, RNA BA LEGS PAR BYAS NA DON, ,ZHES BYA BA LA SOGS PA NI SMOS TE, DES ZHES BYA BA NI DE'I PHYIR RO, ,DE'I ZHES BYA BA NI SGRA'I'O, ,SPYO BA NI, GANG RGYU MA TSANG BA MED PA, ,ZHES BYA BA LA SOGS PA SNGA MA BZHIN DU BRJOD PAR BYA BA LA, RNA BA LEGS PAR BYAS PA DON MED PAR YANG MI 'GYUR RO, ,CI STE PHYOGS GNYIS PA YIN NA DE'I TSE, RNA BA LEGS PAR BYAS NA YANG SGRA DMIGS PAR MI 'GYUR TE, SGRA THAMS CAD KYI TSE MI RUNG BA YIN PA'I PHYIR RO, ,DE LTA YIN DANG PHYOGS 'DI LA YANG RNA BA LEGS PAR BYAS PA DON MED PA NYID YIN NO, , SBYOR BA NI GANG DAG GANG SKYED PAR BYED PA NI MI RUNG BA'I GNAS SKABS LAS KHYAD PAR MED PA DE NI DE BYED PA MA YIN TE, DPER NA KO TRA PAS S'A LU'I MYU GU MI BYED PA BZHIN NO, ,RNA BA LEGS PAR BYAS NA YANG SGRA SHES PAR SKYED PAR MI RUNG GNAS SKABS LAS KHYAD PAR MED DO ZHES BYA BA NI KHYAB PAR BYED PA MI DMIGS PA'O, ,'DI MA GRUB PA YANG MA YIN NO ZHES STON PA NI, 'GYUR NA YANG ZHES BYA BA STE, RUNG BA NYID KYIS 'BREL BA GANG LA YOD PA DE NI RUNG BA NYID DANG LDAN PA'O, ,GAL TE SGRA SHES PA SKYED PA LA RGYU YIN PAR 'DOD PAR GYUR NA, DE'I TSE DE DE LA RUNG NGAM MI RUNG BA NYID DU RNAM PAR RTOG PA 'JUG PAR 'GYUR BA MA YIN NAM, GANG GI PHYIR LEGS PAR BYAS PA'I RNA BA NYID SGRA DMIGS PA LA RGYU YIN PAR 'DOD KYI SGRA NI MA YIN NO, ,DES NA JI SKAD DU BSHAD PA'I THAL BAR 'GYUR BA'I SKYON DU MI 'GYUR RO ZHES BYA BA 'DI DOGS PAR BYAS NAS, LAN GDAB PAR BYA BA'I PHYIR, SGRA NI SHES BYA MIN PAR 'GYUR, ,ZHES BYA BA LA SOGS PA SMOS TE, DE LTA NA ROL SOGS PA BZHIN DU SGRA NYE BAR MI MKHO BA'I PHYIR, SHES PA DES SHES PAR BYA BA NYID DU MI 'GYUR RO, ,SBYOR BA NI GANG ZHIG SHES PA GANG LA NYER BAR MKHO BAR MA GYUR BA DE NI SHES PA DES SHES PAR BYA BA MA YIN TE, DPER NA RNA BA'I SHES PA LA ROL SOGS PA BZHIN NO, ,SGRA YANG RNA BA'I RNAM PAR SHES PA'I LA, NYE BAR MKHO BA MA YIN NO ZHES BYA BA NI KHYAB PAR BYED PA 'GAL BA DMIGS PA'O, ,'DI MA NGES PA YANG MA YIN, PHAN 'DOGS PAR BYED PA MA YIN PA YANG SHES BYA NYID YIN NA, NGES PA MED PA'I PHYIR RO LA SOGS PA YANG RNA BA'I RNAM PAR SHES PA'I SHES BYA NYID DU THAL BAR 'GYUR BA'I PHYIR RO, ,'ON

181a

, ,TE RANG GI RGYU NGES PAR BYED PA YIN PA'I PHYIR HA CANG THAL BAR MI 'GYUR BA MA YIN NAM, 'DI LTAR LEGS PAR BYA BA'I RNA BA DANG MTSUNGS PAR DE MA THAG PA'I RKYEN LA SOGS PA DAG LAS SHES PA SKYE BA NA SGRA RTOGS PA'I BDAG NYID KHO NAR SKYE'I, RO RTOGS PA'I BDAG NYID DU NI MA YIN NO, ,RGYU'I NUS PA SO SOR NGES PA'I PHYIR RO, ,SGRA RGYU NYID DU KHAS LEN NA YANG GDON MI ZA BAR RGYU'I NUS PA SO SOR NGES PA KHAS BLANG BAR BYA DGOS TE, 'DI LTAR THAMS CAD RGYU NYID DU MTSUNGS NA YANG CI'I PHYIR SHES PA SGRA RTOGS PA'I BDAG NYID KHO NAR 'BYUNG GI RNA BA LA SOGS PA RTOG PA'I BDAG NYID DU NI MA YIN ZHES RGOL NA, RGYU'I NUS PAS SO SOR NGES PA'I SGO KHO NA NAS LAN BRJOD PAR BYA BA YIN NO ZHES BYA BA 'DI THAMS CAD DPYAD NA MA NGES PA NYID SPANG BAR BYA BA'I PHYIR, LEGS BYAS RNA BA LA SOGS PA, ,ZHES BYA BA LA SOGS PA SMOS TE, JI LTAR PHYOGS 'DI MI 'THAD PA DE LTAR PHYIS, SGRA DANG SHES PA'I 'BREL PA GANG, ,ZHES BYA BA LA SOGS PAS STON PAR 'GYUR RO, ,LEGS BYAS RNA BA LA SOGS PA, ,ZHES BYA BA'I SOGS PA'I SGRAS MTSUNGS PA DE MA THAG PA'I RKYEN LA SOGS PA GZUNG NGO ZHES BYA BA NI KHAS LEN PA'O, ,GAL TE SGRA RGYU MA YIN PA DE LTA NA YANG NYES PA YOD PA KHO NA STE, 'DI LTAR CI SGRA 'DI RANG BZHIN GYI SHES PA DES SHES PAR BYA BA'I RANG BZHIN YIN NAM, 'ON TE MA YIN ZHES BYA BA PHYOGS GNYIS SO, ,PHYOGS DANG PO LA SKYON BSHAD PA NI, SHES TE SHES BYA'I NGO BO CAN, ,ZHES BYA BA LA SOGS PA STE, GAL TE SGRA SHES PA DES SHES PAR BYA BA'I RANG BZHIN YIN NA DE'I TSE, SGRA'I NGO BO BZHIN DU DE'I RNAM PAR SHES PA YANG DUS THAMS CAD DU RTAG PA NYID DU 'GYUR TE, DE'I SHES BYA'I RANG BZHIN RJES SU 'JUG PA'I PHYIR RO, ,DBYIG PA DANG 'BREL PA'I RANG BZHIN GYI LHA SBYIN RJES SU 'JUG PA NA DBYIG PA RJES SU 'JUG PAR MI 'GYUR BA NI MA YIN NO, ,SHES DANG SHES BYA'I RANG BZHIN NI, ,ZHES BYA BA LA, NI'I SGRA NI GANG GI PHYIR GYI DON TE, GANG GI PHYIR SHES PA DANG SHES BYA DAG GI RANG BZHIN LU GU RGYUD BZHIN DU SBREL BA DE'I PHYIR GCIG YOD PA NA GNYIS PA YANG YOD PAR 'GYUR TE, 'KHRUL PA MED PA'I PHYIR RO ZHES BYA BAR GRUB PO, ,DE LTA YIN MOD CI NYES SHE NA, LEGS BYAS RNA BAS BSKYED BYA BA, ,ZHES BYA BA LA SOGS PA SMOS TE, LEGS

181b

BYAS RNA BAS BSKYED BYA BA, ,GANG PHYIR SHES PA DANG 'BREL PA'I, ,ZHES BYA BAR SGRA RJES SU 'JUG CES BYA BA KHONG NAS 'BYUNG BAR BYA'O, ,GANG GI PHYIR LEGS PAR BYAS PA'I RNA BAS BSKYED PAR BYAS PA'I SHES PA DANG 'BREL PA'I SGRA THAMS CAD DU RJES SU 'JUG PA DE'I PHYIR RNA BA LEGS PAR MA BYAS KYANG DE'I SHES PAR 'GYUR BA'I PHYIR, RNA BA LEGS PAR BYAS PA DON MED DO, ,PHYOGS GNYIS PA LA YANG SKYON 'CHAD PA NI, SGRA DE'I SHES BYA'I BDAG MA YIN, ,ZHES BYA BA LA SOGS PA STE GO BAR ZAD DO, ,'DI THAMS CAD NI DES PHAN GDAGS PAR BYA BA MA YIN PA'I SHES PA YANG DE RTOGS PA'I RANG BZHIN DU KHAS BLANGS NAS BRJOD LA, DA NI SHES PA'I DE RTOGS PA'I RANG BZHIN 'BREL PA MED PAR RIGS PA MA YIN NO ZHES BSTAN PA'I PHYIR, SGRA DANG 'BREL BA SHES PA GANG, ,ZHES BYA BA SMOS TE, DNGOS PO RNAMS KYI 'BREL PA NI RNAM PA GNYIS KHO NA STE, DE'I BDAG NYID DANG DE LAS BYUNG BA'O, ,GZHAN DU NI PHAN 'DOGS PA MED PA'I PHYIR RO, , PHAN GDAGS PAR BYA BA DANG PHAN 'DOGS PAR BYED PA MA YIN PA DAG NI 'BREL PA YIN PAR RIGS PA MA YIN TE, HA CANG THAL BAR 'GYUR BA'I PHYIR RO, ,'BREL PA DE RNAM PA GNYIS CHAR YANG SHES PA DANG SGRA DAG LA MED PA'I PHYIR, JI LTAR 'BREL PA MED PAR DE RTOGS PA'I RANG BZHIN GYI SHES PAR 'GYUR TE, GZHAN DU NA, HA CANG THAL BAR 'GYUR RO, ,YANG CI STE 'BREL PA MED PAR YANG DE'I RNAM PAR SKYES PAS DE'I SHES PA DE RTOGS PA'I RANG BZHIN DU RNAM PAR GZHAG GO SNYAM NA, DE NI RIGS PA MA YIN TE, SHES PA RNAM PA MED PAR KHAS BLANGS PA'I PHYIR RO, ,'DI LTAR DPYOD PA PA RNAMS KYIS NI SHES PA RNAM PA DANG BCAS PAR KHAS LEN PA MA YIN NO, KHAS LEN DU CHUG MOD DE LTA NA YANG RIGS PA MA YIN TE, SGRA LKOG TU GYUR PA NYID DU THAL BAR 'GYUR BA'I PHYIR RO, ,DE LTA NA YANG SGRA LKOG TU GYUR PA KHO NAR 'GYUR GYI, MNGON SUM PA NYID NI MA YIN NO, ,DE LTA YIN DANG DE SGRUB PAR BYED PA'I TSAD MA MED PA'I PHYIR RO, , SHES PA DE NI DE'I RNAM PA CAN YIN NO ZHES BYA BA DE NYID DU YANG SGRUB PAR MI 'GYUR RO, ,'BRAS BU LDOG PA LAS KYANG DE 'GRUB PA MA YIN TE, DE NI SKYED PAR BYED PA MA YIN PA NYID DU KHAS LEN PA'I PHYIR RO, ,'DI SNYAM DU SHES PA DANG BCAS PAR SMRA BA GANG DAG GI LTAR NA SKYED PAR BYED PA KHO NA YUL YIN PA DE DAG

182a

, ,GI LTAR NA YANG DON THAMS CAD KYI TSE LKOG TU GYUR PA YIN PA'I PHYIR SHES PA DON GYI RNAM PA CAN NYID DU JI LTAR RTOGS SNYAM DU SEMS NA, BDEN TE 'ON KYANG RJES SU 'GRO BA DANG LDOG PA DAG LAS 'BRAS BU RTOGS PA LAS RGYU GZHAN NGES PA DANG SHES PA DE SNGON PO'I RNAM PA THA DAD PAR BYED PA NYID KYIS NGES PA GANG YIN PA 'DI NI DE'I THABS YIN TE, 'DI LTAR MIG DANG SNANG BA DANG YID LA BYED PA RNAMS NI SHES PA THAMS CAD LA MTSUNGS PA'I PHYIR SHES PA'I SNGON PO LA SOGS PA'I THA DAD PA NI DES BYAS PA MA YIN PA'I PHYIR SHUGS KYIS BZLOG PA LAS RGYU GZHAN RJES SU DPOG PA GANG YIN PA DE THA DAD PA 'DI NI DES BYAS PA YIN NO ZHES BYA BAR NGES TE, DE'I RNAM PA 'DI DES BYAS PA'I PHYIR SHES PAS GZUNG BA YIN NO ZHES RNAM PAR GZHAG LA, THAMS CAD 'DI YANG KHYED CAG LA YOD PA MA YIN TE, DE RGYU NYID DU KHAS MI LEN PA'I PHYIR RO, ,'DI SNYAM DU MIG LA SOGS PA YANG THAMS CAD KYI TSE LKOG TU GYUR PA YIN PA'I PHYIR, SHES PA THAMS CAD LA KHYAD PAR MED PA NYID CI LTAR NGES SNYAM DU SEMS NA, 'DI NI BDEN MOD KYI BSAM PA 'DI NI RNAM PAR SHES PAR SMRA BA'I YIN TE, RNAM PAR SHES PAR SMRA BA DE NI DE RMI LAM LA SOGS BZHIN DU SHES PA'I KHYAD PAR MTSUNG [?] PA DE MA THAG PA'I RKYEN GYIS BYAS PAR BRJOD KYI PHYI ROL GYIS BYAS PA NI MA YIN NO, ,'ON KYANG PHYI ROL GYI DON YOD NA 'DI THAMS CAD BRJOD DE, DE LTA MA YIN NA 'BRAS BU LDOG NA YANG JI LTAR PHYI ROL GYI DON 'GRUB PAR 'GYUR ZHES BYA BA 'DI BRTZAD PAR BYA BA YIN NO, ,RGYU TZAM YOD PA NYID DU GRUB PAR 'GYUR GYI PHYI ROL NI MA YIN TE, RGYU DE YANG RMI LAM LA SOGS PA'I NANG DU YANG SRID PA'I PHYIR RO, ,SPROS PAS CHOG GO, ,YANG CI STE SGRA SKYED PAR BYED PA NYID DU KHAS BLANGS PA DE LTA NA SKYON YOD DO ZHES BSTAN PA'I PHYIR, DE LAS BYUNG NA ZHES BYA BA LA SOGS PA SMOS TE, DE NI ZHES BYA BA NI DE LAS BYUNG BA'O, ,DE LTAR ZHES BYA BA LA SOGS PAS MJUG SDUD PAR BYED DO, , YANG NA MIN ZHES BYA BA NI SKYED PAR BYED PA MA YIN PA'I PHYOGS LA'O, ,DE LTAR NGES PAR ZHES BYA BA NI, SHES PA RTAG TU YOD PA DANG MED PA'I MTSAN NYID YIN PA NA'O, ,DE LTAR RE ZHIG RNA BA LEGS PAR BYAS PA KHAS BLANGS NAS YUL SKYED PAR BYED PA DANG SKYED PAR BYED PA MA YIN PA'I RANG BZHIN BSAM PAS RNA BA

182b

LEGS PAR BYAS PA DON MED PA BSTAN TO, ,DA NI RNA BA LEGS PAR BYAS PA NYID MI SRID PAR BSTAN PA'I PHYIR, LEGS BYAS RES 'GA' BA YIN NA, ,ZHES BYA BA LA SOGS PA SMOS TE, GAL TE LEGS PAR BYAS PA RES 'GA' BA YIN PAR GYUR NA, DE LTA NA LEGS PAR BYAS PA'I 'BRAS BU SHES PA YANG RES 'GA' BAR RIGS TE, GZHAN DU NI RGYU RTAG TU MA TSANG BA MED PAR GNAS PA NA CI'I PHYIR DE'I 'BRAS BU RES 'GA' BAR 'GYUR, RTAG PA'I RNA BA LEGS PAR BYED PA RES 'GA' BAR RIGS PA YANG MA YIN NO ZHES BSTAN PA'I PHYIR, LEGS BYAS NUS PA'I ZHES BYA BA LA SOGS PA SMOS TE, 'DI LTAR RNA BA LA SOGS PA'I LEGS PAR BYED PA NI 'BRAS BU SHES PAS NGES PAR BYAS PA YIN LA, 'BRAS BUS NGES PAR BYAS PA YIN PA NA LEGS PAR BYAS PA NUS PA'I BDAG NYID KHO NAR 'GYUR TE, NUS PA NYID 'BRAS BUS NGES PAR BYAS PA YIN PA'I PHYIR RO, ,NUS PA DE YANG RNA BA'I BDAG NYID DU GYUR PA NYID YIN GYI THA DAD PA NI MA YIN TE, DE NYID LAS 'BRAS BU SKYE BA'I PHYIR RNA BA BYED PA PO MA YIN PAR THAL BA'I PHYIR DANG 'BREL PA MA GRUB PA'I PHYIR RO, ,NUS PA YOD NA DE LAS BYUNG BA'I SHES PA RTAG TU YOD PAR 'GYUR LA, CI STE MED PAR GYUR NA DE'I TSE DE LAS BYUNG BA'I SHES PA NAM YANG 'BYUNG BAR MI 'GYUR TE, DE LTA YIN DANG DE SHES PA RES 'GA' BAR MI 'GYUR RO, ,DE LTA BAS NA RNAM PAR SHES PA RES 'GA' BA RNA BA'I NUS PA'I MTSAN NYID KYIS LEGS PAR BYA BA JI LTAR STON PAR BYED DE MA YIN PA NYID DO, ,YANG CI STE 'BRAS BU SHES PAS RJES SU DPAG PAR BYA BA'I NUS PA RANG BZHIN DU GYUR PA NYID NI MA YIN NO, ,'O NA CI ZHE NA, SGRA TZAM RNAMS KYIS RNA BA'I SNGA NA MED PA'I NUS PA RES 'GA' BAR BYED PA YIN LA, DE NYID SHES PAS RJES SU DPAG PAR BYA BA YIN NO, ,DES NA RNAM PAR SHES PA RES 'GA' BA NUS PA STON PAR BYED PA 'THAD PA YIN NO SNYAM NA, RNA BA LA NUS SKYED PA NA, ,ZHES BYA BA LA SOGS PA SMOS TE, BDAG NYID DU GYUR PA'AM, THA DAD PA'AM, THA DAD PA DANG THA MI DAD PA'I NUS PA BYED CES BYA BA PHYOGS GSUM MO, ,PHYOGS DANG PO LA NUS PA'I RANG GI NGO BO BZHIN DU RNA BA GNYI GA'I BDAG KYANG MI RTAG PA NYID DU 'GYUR RO, ,GANG LAS SHE NA SKYE PHYIR TE 'BYUNG BA'I PHYIR RO, ,YANG CI STE, RNA BA NUS PA LAS GZHAN MA YIN PA NYID DU KHAS

183a

, ,LEN PA NI MA YIN NO, ,'O NA CI ZHE NA, RNA BA NUS PA LAS GZHAN MA YIN PA NYID DO SNYAM NA, CHES BLUN PA'I SPYOD PA 'DI LA LTOS SHIG ,JI LTAR RANG BZHIN GCIG 'BYAR BA NA DE NYID KYI TSE GZHAN RING BAR 'GYUR TE, THA MI DAD PA'I MTSAN NYID PHAN TSUN RANG BZHIN RJES SU 'JUG PA YIN PA'I PHYIR RO, ,CHU DANG 'O MA YUL THAG RING BAR GNAS PA NA DE DANG 'BYAR BA NYAMS SU MYONG BA NI MA YIN PA'I PHYIR, PHYOGS 'DI YIN DU CHUG PA DE LTA NA YANG NYES PA MED PAR BSTAN PA'I PHYIR, DNGOS DANG THA DAD MED PA'I PHYIR, ,ZHES BYA BA LA SOGS PA SMOS TE, DNGOS PO'I RING GI NGO BO BZHIN DU LEGS PAR BYAS PA YANG RTAG PA NYID DU 'GYUR TE, THA MI DAD PA'I PHYIR RO, ,DE LTA YIN DANG SKYON GZHAN 'DI YANG YIN NO ZHES 'CHAD PA NI, DES NA DES BSKYED BYA'I ZHES BYA BA LA SOGS PA SMOS SO, ,PHYOGS GNYIS PA LA YANG NYES PA BSTAN PA NI THA DAD NA NI THA DAD NA NI ZHES BYA BA LA SOGS PA STE, NUS PA DNGOS PO LAS THA DAD PA NYID DU KHAS LEN PA NA 'DI DE'I NUS PA ZHES 'BREL PA NYID DU MI 'GYUR TE, PHAN GDAGS PAR BYA BA MA YIN PA NI GZHAN GYI DBANG DU MI RUNG BA'I PHYIR RO, ,RNA BA NUS PA BYED PA MA YIN TE, SGRA LA SOGS PA'I GSAL BAR BYED PA NYID PHAN 'DOGS PAR BYED PA NYID DU 'DOD PA'I PHYIR RO, ,CI STE RNA BA YANG PHAN 'DOGS PAR BYED PA NYID YIN NA DE BZHIN DU NUS PA PHAN 'DOGS PAR BYED PA'I NUS PA YANG RNA BA LAS THA DAD PA'I PHYIR THUG PA MED PAR 'GYUR RO, ,DE LTA NA NUS PA RNAMS KYI BRGYUD PA MA GRUB PA'I PHYIR SKABS KYI DON GRUB PA MA YIN NO, ,GZHAN YANG NUS PA KHO NA LAS 'BRAS BU SKYE BA'I PHYIR RNA BA BYED PA PO NYID DU MI 'GYUR TE, DE LTA YIN DANG DNGOS PO NYID MA YIN PAR THAL BAR 'GYUR RO, ,CI STE NUS PA LA PHAN 'DOGS PAR BYED PA'I NUS PA THA MI DAD PAR KHAS LEN PAR BYED NA, DE NI DNGOS PO'I NUS PA THA MI DAD PA LA CI ZHIG ZHE SDANG, GZHAN YANG NUS PA RTAG TU SKYE BAR THAL BAR 'GYUR TE, DE'I RGYU RNA BA RTAG PA NYID KYI PHYIR RO, ,PHAN GDAGS PAR BYA BA MA YIN PA YANG LHAN CIG BYED PA LA LTOS PA 'GA' YANG YOD PA MA YIN NO, ,PHYOGS GSUM PA LA, THA DAD THA MI DAD SPANGS PA'I, ,ZHES BYA BA LA SOGS PA SMOS TE, BSAL ZIN ZHES BYA BA NI GANG ZAG LA SOGS PA DGAG PA RNAMS SU STE, GCIG NYID GCIG

183b

GI TSE BSGRUB PA DANG DGAG PAR MI RUNG BA'I PHYIR RO, ,'DI LTAR THA DAD PA DANG THA MI DAD PA PHAN TSUN SPANGS TE, GNAS PA'I MTSAN NYID DAG LAS GCIG GI RANG BZHIN RNAM PAR BCAD PA NYID KYIS GZHAN YONGS SU GCOD PA YIN PA'I PHYIR RO, ,GANG ZHIG GANG BDAG NYID RNAM PAR BCAD PA MED PAR RANG BZHIN YONGS SU MI GCOD PA DE NI YONGS SU BCAD NAS GNAS PA'I PHYIR TE, DPER NA DNGOS PO DANG DNGOS PO MED PA DAG LAS GANG YANG RUNG BA BZHIN NO, ,GANG YANG PHAN TSUN SPANGS TE GNAS PA'I MTSAN NYID DE DAG NI RANG BZHIN GCIG DGAG PA GZHAN SGRUB PA MED NA MI 'BYUNG BA YIN PA'I PHYIR GZHAN NYID BKAG PA NA SHUGS KYIS DE'I BDAG NYID SGRUB PAS DE YANG DE NYID KYI TSE DGAG PAR MI RIGS TE, GZHAN NYID KYANG MA BKAG PAR THAL BA'I PHYIR ZHES BYA BA DE LTA BU'I SKYON PHYOGS GNYI GA LA YANG BRJOD PAR BYA'O, ,GNYI GA LEGS PAR BYAS PHYOGS LA, ,KHYED KYI GNYIS BRJOD LOG PA YIN, ,ZHES BYA BA LA SOGS PA GANG SMRAS PA 'DI LA, DE NYID KYIS NI ZHES BYA BA SMOS TE, RANG BZHIN GYIS SHES PA SKYED PAR RUNG BA DANG MI RUNG BA'I RANG BZHIN RNAM PAR BRTAGS PA'I SGO BAS SO, ,DE'I PHYIR ZHES BYA BA LA SOGS PAS MJUG SDUD PAR BYED DO, ,RIM PA LA SOGS ZHES BYA BA LA SOGS PA'I SGRAS LU TA DANG STENG DU 'DON PA LA SOGS PA GZUNG NGO, ,GANG DAG SGRA 'DI MA PHRAD DANG, ,SKYE BA RNA BAS 'DZIN PAR BYED, ,CES BYA BA LA SOGS PA LA, JI LTAR MA PHRAD TZAM MTSUNGS KYANG, ,ZHES BYA BA LA SOGS PA SMOS TE, GAL TE THAMS CAD DANG MA PHRAD PA DE LTA NA YANG DNGOS PO RNAMS KYI NUS PA SO SOR NGES PA'I PHYIR YUL THAMS CAD 'DZIN PAR MI 'GYUR TE, DPER NA KHAB LONG ZHES BYA BA'I RDO BAS PHRAD PA'I LCAGS LEN NA YANG MA PHRAD PA THAMS CAD MI LEN PA BZHIN NO, ,GAL TE KHAB LONG ZHES BYA BA LA SOGS PAS BDE BYED BDAG PO'I LUGS KYIS DPE MA GRUB PA NYID DU DOGS PA YIN TE, DE NA RE, DE LA YANG NOR BU KHAB LONG GI 'OD REG PA'I DBANG GIS LCAGS LEN PA YIN GYI, DE LTA MA YIN NA YUL THAMS CAD NA GNAS PA'I LCAGS LEN PAR 'GYUR RO, ,GAL TE YANG SGRON MA LA SOGS PA'I 'OD BZHIN DU DE'I 'OD MA DMIGS PA DE LTA NA YANG CHOD PA DANG RING BA LEN PAR MA MTHONG BA'I PHYIR RJES SU DPAG PAR BYA BA YIN NO

184a

, ,ZHES ZER RO, ,'OD 'DI ZHES BYA BA LA SOGS PAS LAN 'DEBS PAR BYED DE, MI SNANG BA MI DMIGS PAS YOD PA'I THA SNYAD 'GEGS PAR BYED PA YIN NO, ,GANG YANG YUL THAMS CAD NA GNAS PA'I LCAGS RNAMS LEN PAR THAL BAR 'GYUR BA'I PHYIR RO ZHES BYA BA'I THAL BA SGRUB PAR BYED PA SMRAS PA DE'I LAN GDAB PA'I PHYIR, 'OD DE ZHES BYA BA LA SOGS PA SMOS TE, KHAB LONG GI 'OD DE SHING LA SOGS PA PHRAD PA THAMS CAD CI'I PHYIR MI LEN ZHES BYA BA NI PHRAD PA'I PHYOGS LA YANG THAL BAR 'GYUR BA MTSUNGS SO, ,DNGOS PO RNAMS KYI RANG BZHIN SO SOR NGES PA'I PHYIR HA CANG THAL BAR MI 'GYUR RO ZHE NA, MA PHRAD PA'I PHYOGS LA YANG GANG GIS NA DE LA MI 'DOD PA DNGOS PO RNAMS KYI RANG BZHIN SO SOR NGES PA NYID SUS PHROGS, DE LTA BAS NA MA MTHONG BA'I 'OD RTOGS PA DON MED PA YIN NO, ,DE LA RING DANG NYER GNAS PA'I, ,'DZIN DANG MI 'DZIN MTSUNGS PAR 'GYUR, ,ZHES GANG SMRAS PA DE LA, RING DANG ZHES BYA BA LA SOGS PA SMOS TE, RIM GYIS 'DZIN PAR MA GRUB STE, SGRA SBYOR BA'I DE MA THAG TU THAMS CAD KYI SHES PA CIG CAR SKYE BA'I PHYIR RO, ,GSAL GZHAN LA SOGS 'BYUNG BA'ANG MIN, ,ZHES GANG SMRAS PA DE LA, JI LTAR NYE RING SOGS ZHES BYA BA LA SOGS PA SMOS TE, JI LTAR GZUGS MA PHRAD PA DANG, MA KHYAB PA 'DZIN PA NA GSAL BA DANG MI GSAL BAR MTHONG BA DE BZHIN DU SGRA YANG MA KHYAB PA DANG MA PHRAD PA 'DZIN PA NA GSAL BA DANG GZHAN PA LA SOGS PA RIGS PAR 'GYUR RO, ,'ON TE GZHAN LA GZUGS KYANG MA PHRAD PAR 'DZIN PAR MA GRUB PA MA YIN NAM, DE JI LTAR DPE NYID DU BRJOD CE NA, NYES PA 'DI NI MED DE; GAL TE YANG GZHAN LA TSIG TZAM GYIS MA GRUB PA DE LTA NA YANG TSAD MAS GRUB PA GANG YIN PA DE NI GNYI GA LA YANG GRUB PA MA YIN NO, ,'DI LTA YANG TSAD MA GANG YIN ZHE NA, NYE BA DANG BSKAL BA DAG DUS MTSUNGS PAR 'DZIN PA'O, ,GANG 'GRO BA DANG LDAN PA DE NI NYE BAR MYUR DU PHYIN CING BSKAL PAR YUN RING PO NAS PHYIN TE, DPER NA LHA SBYIN GRONG NAS GZHAN DU 'GRO BA LTA BU'O, ,SHING GI YAL GA DANG ZLA BA YANG DUS MTSUNGS PAR MIG PHYE BA'I DE MA THAG TU 'DZIN PAR MTHONG NGO, ,DE LTA BAS NA MIG NI MA PHRAD PAR 'DZIN PA YIN NO ZHES BYA BAR GO'O, ,'DI 'OD BYED PA NA RE, SHES PA MYUR DU SKYE BAS DUS THA DAD DU

184b

MI 'DZIN PA'I PHYIR LOG PA'I SHES PA NYID YIN TE, AUTPALA'I 'DAB MA BRGYA 'BIGS PA BZHIN NO ZHES ZER TE, DE NI YANG DAG PA MA YIN TE, DE LTA NA MTSO DANG RO ZHES BYA BA LA SOGS PA LA YANG RIM PAR ZHEN PAR MI 'GYUR TE, MGYOGS PAR 'BYUNG BAR MTSUNGS PA'I PHYIR RO, ,DE LTA YIN DANG RTOGS PA THA DAD PAR MI 'GYUR RO, ,BLO THAMS CAD LA YANG MGYOGS PAR 'BYUNG BA YOD PA'I PHYIR NAM YANG RIM CAN DU 'DZIN PAR MI 'GYUR RO ZHES BYA BA 'DI RGYAS PAR DPYAD ZIN TO, ,YANG DE NYID NA RE, GAL TE YANG MIG MA PHRAD PAR 'DZIN PAR GYUR NA, DE'I TSE RTZIG PA LA SOGS PA LA SGRIB PA'I NUS PA MED PA'I PHYIR SGRIB PA MI 'THAD PA DANG, GANG YANG THAG SHIN TU RING BA MI 'DZIN LA NYE BAR 'DZIN PA DER YANG MI 'GYUR TE KHYAD PAR MED PA'I PHYIR RO, ,'DI SNYAM DU DON GANG KHO NA MIG GI YUL DU 'GYUR BA DE KHO NA DMIGS LA, GANG MI 'GYUR BA DE MI DMIGS SO SNYAM DU SEMS NA, DE YANG DE LTAR MA YIN TE, 'BREL PA MED PAR YUL DU 'GYUR BA NYID MI 'THAD PA'I PHYIR TE, 'BREL PA MED PAR YUL GYI DNGOS PO YIN PA 'DI YANG CI ZHIG YIN, GANG ZHIG KHYED CAG GIS YUL GYI DNGOS PO ZHES BRJOD PA DE NI 'BREL PA ZHES BRJOD PA 'BA' ZHIG TU ZAD PAS KHYAD PAR 'GA' YANG MED DO ZHES ZER RO, ,DE NI YANG DAG PA MA YIN TE, GANG GI PHYIR KHO BO CAG GIS RGYU'I DNGOS PO YUL GYI NGO BO BRJOD KYI 'BREL PA NI MA YIN TE, 'DI LTAR MIG GI RNAM PAR SHES PA SKYED PA LA GZUGS LA SOGS PA'I YUL LHAN CIG BYED PA NYID DU STON PA NA YUL GYI DNGOS PO ZHES BRJOD KYI, DE DANG LHAN CIG 'DRES PA NI MA YIN NO, ,LHAN CIG BYED PA'I DON YANG RNAM PA GNYIS TE, PHAN TSUN DU PHAN PA BYED PA STE, DPER NA SNANG BA NAS GRIB KHANG DU ZHUGS PA LTA BU'O, ,DON GCIG LA BYED PA STE DPER NA MIG PHYE BA TZAM GYIS GZUGS 'DZIN PA LTA BU YIN NA, GNYI GA LTAR NA YANG RNAM PAR SHES PA'I RGYU'I KHYAD PAR NYID YUL DU BRJOD KYI 'BREL PA NI MA YIN NO, ,RGYU'I KHYAD PAR SO SOR NGES PA DE NYID 'BREL PA MED PAR MI 'GYUR RO ZHE NA, MA YIN TE, RANG GI RGYU'I NUS PA LAS NGES PA 'GRUB PA'I PHYIR RO, ,GANG GIS KHA CIG NYID SHES PA SKYED PAR BYED PAR 'GYUR GYI, GZHAN NI MA YIN PA 'DI LA RANG GI RGYU LAS SKYE BA NA DE LTA BUR GYUR PA KHO NA SKYE BA YIN TE, DNGOS PO THAMS

185a

, ,CAD NI RGYU THA DAD PAS RANG BZHIN THA DAD PA YIN PA'I PHYIR RO, ,DPER NA KHYED CAG LA 'BREL PAR 'DRA BZHIN DU YANG CI'I PHYIR MIG GIS GZUGS KHO NA DMIGS KYI RO NI MA YIN, DE DANG MA 'BREL PA'I PHYIR MI DMIGS SO ZHE NA, 'BREL PA NYID DU CI'I MI 'GYUR TE, YUL THA MI DAD PA'I PHYIR RO; ,GANG GIS YUL THA MI DAD NA YANG MIG GIS GZUGS NYID 'DZIN GYI DE'I YUL NA GNAS NA YANG RO NI MA YIN PA NGES PAR BYED PA'I RGYU GZHAN CUNG ZAD NI YOD PA MA YIN LA, YUL SHIN TU RING BA NA GNAS PA YANG MA YIN NO ,RANG GI RGYU NGES PAR BYED PA YIN NO ZHE NA, 'DI NI MA PHRAD PA'I PHYOGS LA YANG MTSUNGS PA'I PHYIR TE, SPROS PAS CHOG GO, ,SNANG BA THA DAD BLO RNAMS NI, ,ZHES BYA BA LA SOGS PAS GZHAN GYI KLAN KA DOGS PAR BYED PA YIN TE, JI LTAR SNANG BA THA DAD PA'I BLO RNAMS YUL GCIG PAR 'GYUR TE, DE LTA NA NI RO DANG GZUGS LA SOGS PA'I BLO RNAMS KYI DMIGS PA YANG GCIG TU 'GYUR ZHES BYA BA NI GZHAN GYIS BSAM PA'O, ,LAN 'CHAD PA NI, PHYI ROL DON SMRA BA'I ZHES BYA BA LA SOGS PA STE, GZUGS KYI BLO NI GZUGS KYI YUL CAN GYI BLO RNAMS SO, ,NYE BA DANG RING BA LA SOGS PA'I BYE BRAG GI GSAL BA LA SOGS PAR SNANG BA'I PHYIR JI LTAR YUL GCIG PA NYID DU 'GYUR ZHES BYA BA'I KLAN KA 'DI MTSUNGS SO, ,PHYI ROL GYI DON DU SMRA BA GANG DAG RNAM PA NI YUL DU GTOGS PA NYID YIN GYI RNAM PAR SHES PAR GTOGS PA NI MA YIN PAR BRJOD PA DAG LA KLAN KA 'DI YIN GYI, YANG RNAM PAR SHES PAR SMRA BA GANG DAG YIN PA DE DAG GI LTAR NA SHES PA THAMS CAD YUL MED PA YIN ZHING BDAG RIG PAS GSAL BA LA SOGS PA'I RNAM PA THA DAD PA DANG LDAN PA THA DAD PA NYID DU SKYE BAS DE DAG LA NI KLAN KA 'DI MED DO, ,YANG GANG DAG PHYI ROL GYI DON YOD PAR SMRAS PA SHES PA RNAM PA DANG BCAS PA YIN NO ZHES BYA BA'I PHYOGS YIN PA DE DAG GI LTAR NA BDAG NYID KYI YUL DANG 'DRA BAR KHAS MI LEN PA'I PHYIR DANG, CHA 'GA' ZHIG GIS 'DRA BA'I PHYIR SNANG BA THA DAD PA'I BLO RNAMS YUL GCIG PA NYID DU MI 'GAL BA'I PHYIR KLAN KA MED DO, ,'O NA SGRA PHRAD NAS 'DZIN PA LA GNOD PAR BYED PA'I TSAD MA CI YOD LA, MA PHRAD PAR 'DZIN PA LA YANG SGRUB PAR BYED PA CI YOD CES 'DRI NA, PHRAD NAS 'DZIN

185b

PA'I PHYOGS LA ZHES BYA BA LA SOGS PA SMOS TE, RNA BA'I NANG GI SGRA GZHAN DU ZHES BYA BA NI CHOS MI MTHUN PA'I DPE'O, ,DPER NA RNA BA 'BRUG PAR BYED PA'I BYA'I GSHOG PA'I SGRA RNAM PAR CHAD PAR DMIGS PA DE BZHIN DU, 'BRUG LA SOGS PA'I SGRA YANG PHO LONG BRDAB PA'I TSUL GYIS SONG NAS RNA BA'I YUL DU 'ONGS PA NYID 'DZIN PA'I PHYIR, MTSUNGS PA NYID DU 'DZIN PAR 'GYUR RO, ,RANG GI RGYU DANG LDAN PA DANG 'DU BA'I YUL GYI DBANG GIS 'DI RNAM PAR CHAD PAR 'KHRUL PA YIN NO ZHES KYANG BRJOD PAR NUS PA MA YIN TE, DE DAG RNA BAS MI 'DZIN PA'I PHYIR RO, ,SHES PA NI 'GA' ZHIG TU YUL DU 'GYUR BA'I DNGOS PO'I RNAM PA SGRO BTAGS NAS SKYED PA MA YIN LA, MIG GI RNAM PAR SHES PA NI GZUGS LA RO DANG 'DRA BA SGRO 'DOGS PAR BYED PA YANG MA YIN NO, ,DE'I PHYIR DE LTAR PHRAD NAS 'DZIN PA LA GNOD PAR BYED PA'I TSAD MA BRJOD NAS, MA PHRAD PAR 'DZIN PA LA SGRUB PAR BYED PA 'CHAD PA NI, DE LTAR CHAD DO SNYAM PA ZHES BYA BA LA SOGS PA STE, DE LTAR ZHES BYA BA NI DE'I PHYIR RO, ,REG SOGS BZHIN DU GZHAN DU MIN, ,ZHES BYA BA NI CHOS MI MTHUN PA'I DPE STE, DPER NA REG PA'I DBANG PO RNAM PAR 'CHAD PAR MI 'DZIN PA DE BZHIN DU 'DI LA YANG YIN NO ZHES BYA BA'I THA TSIG GO, ,GANG GI LTAR NA ZHES BYA BA LA SOGS PAS DPE BSGRUB BYA MA TSANG BA NYID DU DOGS PA BSU NAS LAN 'DEBS PA YIN NO, ,'DIR 'OD BYED PA DANG GZHON NU MA LEN LA SOGS PA RNAMS TSAD MA BYED PA NI MIG DANG RNA BA NI PHRAD NAS 'DZIN PA YIN TE, PHYI ROL GYI DBANG PO YIN PA'I PHYIR SNA LA SOGS PA BZHIN NO, ,PHYI ROL GYI DBANG PO NI NANG GI YID KYI DBANG POS 'KHRUL PA BSAL BA'I DON DU'O, ,DE BZHIN DU DBANG PO'I DON YIN PA NA CHOD PA'I DON MI DMIGS PA'I PHYIR SNA LA SOGS PA BZHIN NO, ,YUL BZLOG PA'I DON DU DBANG PO YIN PA NA ZHES KHYAD PAR DU BYAS SO, ,DE BZHIN DU GZUGS DANG SGRA DAG NI PHRAD NAS 'DZIN PA'I DBANG PO'I GZUNG BAR BYA BA YIN TE, PHYI'I DBANG PO'I DON YIN PA'I PHYIR DRI DANG RO BZHIN NO, ,DE BZHIN DU GZUGS DANG SGRA'I SHES PA DAG NI PHRAD NAS 'DZIN PA'I PHYIR DBANG PO'I GZUNG BAR BYA BA'I YUL DMIGS PAR BYED PA YIN NO, ,PHYI'I DBANG PO'I DON DMIGS PAR BYED PA'I PHYIR

186a

, ,DRI DANG RO'I SHES PA BZHIN NO ZHE'O, ,'DIR SUN 'BYIN PA 'CHAD PA NI GANG YANG PHYI ROL ZHES BYA BA LA SOGS PA STE, GO SLA'O, ,DE LTA BAS NA THOS PA LA, ,ZHES BYA BA LA SOGS PA LA, LDAN DANG ZHES BYA BA LA SOGS PA SMOS TE, SNGAR ZHES BYA BA NI TSIG GI DON DRUG BRTAGS PAR RO, ,'O NA THA MI DAD PA 'GYUR ZHE NA, RLUNG NI ZHES BYA BA LA SOGS PA SMOS TE, RLUNG RNAMS KHO NA LDAN PA DANG BRAL BAR SKYE BA NA, LDAN PA DANG RNAM PAR DBYE BA THA MI DAD PAR BRJOD KYI, SKAD CIG MA MA YIN PA NI RIM GYIS KYANG LDAN PA DANG BRAL BAR RIGS PA MA YIN TE, DE DAG NI RANG BZHIN GCIG YIN PA'I PHYIR RO, , RNA BA'I NAM MKHAR PHYIN PA NA, ,ZHES BYA BA LA SOGS PA GANG SMRAS PA DE LA, RNA BA'I ZHES BYA BA LA SOGS PA SMOS TE, 'DIR PHYOGS GNYIS TE, RLUNG 'DI RES 'GA' DMIGS PA'I RANG BZHIN DU GYUR PA'AM, MI DMIGS PA'I RANG BZHIN DU GYUR PA ZHIG YIN GRANG, PHYOGS DANG PO LA SGRA RIGS PA'I DUS SU LUG GIS BSNUN PA BZHIN DU RLUNG YANG RTOGS TE DMIGS PAR 'GYUR RO, ,YANG CI STE RNAM PAR SHES PA GNYIS CIG CAR BAR MI 'BYUNG BA'I PHYIR SGRA RNAM PAR GSAL BA STE, SGRA DMIGS PA NYID YIN TE, RLUNG DE MYONG BAR 'GYUR BA DE BZHIN DU RNA BA'I STE DMIGS PA'I GEGS BYED PA YIN NO SNYAM NA, 'DI NI SGRA DMIGS PA'I DUS NA LCAG GIS BSNUN PA DANG RLUNG GZHAN MYONG BAR BRJOD PAR RIGS PA MA YIN TE, JI LTAR SGRA DMIGS PA'I DUS NA RLUNG YAB LA SOGS PAS BYAS PA'I RLUNG GZHAN DANG LCAG GIS BSNUN PA NYAMS SU MYONG BAR 'GYUR BA DE BZHIN DU RNA BA'I YUL DU PHYIN PA'I RLUNG GI REG BYA YANG RIGS PAR 'GYUR RO, ,'DIS NI SHES PA CIG CAR MI SKYE BAR DAM BCAS PA LA MNGON SUM DANG 'GAL BAR BSHAD DO, ,MYUR BAR 'BYUNG BA'I STOBS KYIS CIG CAR 'DZIN PA NYID DU 'KHRUL PA YANG MA YIN TE, HA CANG THAL BAR 'GYUR BA'I PHYIR RO ZHES BSTAN ZIN TO, ,RIM GYIS 'BYUNG NA YANG MGYOGS PAS BYAS PA'I CIG CAR PAR 'KHRUL PA YIN LA RAG MOD, DE LTA NA YANG 'DIR LEN SKABS SU NYE BAR MI MKHO BA'I PHYIR CUNG ZAD KYANG MA YIN NO ZHES STON PA NI, RIM GYIS 'BYUNG YANG ZHES BYA BA LA SOGS PA STE, GAL TE RNAM PAR SHES PA MGYOGS PAR 'BYUNG BA'I PHYIR CIG CAR 'KHRUL PA YIN NO ZHES BYA BAR

186b

'GYUR GYI, DMIGS PA'I MTSAN NYID DU GYUR PA RNAM PA THAMS CAD DU MA DMIGS PA NYID DU 'GYUR BA NI MA YIN TE, 'DI LTAR 'DIR RNAM PA THAMS CAD DU RIM GYIS SAM, CIG CAR GYI RNA BA'I YUL DU PHYIN PA'I RLUNG MA DMIGS PA NYID YIN TE, DE LTA BAS NA MGYOGS PAS BYAS PA'I RNAM PAR SHES PA LA CIG CAR 'KHRUL PA YIN NO ZHES BYA BA 'DI NI CUNG ZAD KYANG LAN MA YIN TE, GSOG YIN NO ZHES BYA BA'I DON TO, ,'DIR CI STE ZHES BYA BA LA SOGS PAS PHYOGS GNYIS PA LA 'CHAD DO, ,GZEGS ZAN PA NI BYE BRAG PA RNAMS SO, ,DE DAG GI LTAR NA RLUNG NI REG PA'I RTAGS CAN YIN LA, BSHAD PA BYED PA RI KHROD PAS KYANG, MNGON SUM MA YIN PA'I RLUNG GI RLUNG DANG LDAN PA DANG RNAM PAR DBYE BA RNAMS RNA BUG GI PHYOGS NAS 'BYUNG BA NA MI DMIGS PA YIN NO ZHES ZER RO, ,'DIR NYES PA BSHAD PA NI, DE YI REG THOBS SU YIS BYAS, ,ZHES BYA BA STE, REG PA NI REG BYA'O, ,REG BYA THOB PA NI REG BYA THOB PAR GYUR PA STE, MYONG BAR THAL BAR GYUR PA ZHES BYA BA'I THA TSIG GO, ,'DI SKAD DU BSTAN PA YIN TE, RLUNG DE REG PAR THAL BAR 'GYUR BA GANG YIN PA 'DI BSHAD PA BYED PAS BYAS PA DE JI LTAR, 'DI LTAR RLUNG SGRAR 'GYUR RO ZHES BYA BA DE LTAR SMRA BA'I BSLAB PA BYED PA DAG LA, BSHAD PA BYED PA NA RE SGRA RLUNG LAS BYUNG BA YIN NA RLUNG GI BKOD PA'I KHYAD PAR YIN TE, DPER NA SNAM BU SNAL MA'I RANG BZHIN GYI CHA SHAS BZHIN DU 'DI'I RLUNG GI CHA SHAS DE DAG RNA SGRA LA YOD PAR RTOGS PAR 'GYUR BA ZHIG NA, DE LTA YANG MA YIN TE, GAL TE DE LTA YIN NA MTHONG BAS DMIGS PAR 'GYUR NA SGRAR GTOGS PA'I RLUNG GI CHA SHAS RNAMS NI MTHONG BA YANG MA YIN NO ZHES ZER RO, ,DBANG PO LAS 'DAS PA NYID KHAS BLANGS NA YANG SKYON GZHAN 'CHAD PA NI, YANG NA RLUNG NI DBANG 'DAS BLA, ,ZHES BYA BA LA SOGS PA STE, RLUNG DE DANG LDAN PA NI DE 'BREL PA STE, SA DANG CHU DANG ME'I MING CAN GYI 'BYUNG BA GSUM PO GANG LA DE YOD PA DE LA DE SKAD CES BYA'O, ,DER GTOGS PA NI DER GYUR PA STE, DE LA BRTEN PA ZHES BYA BA'I THA TSIG GO, ,GNYIS PA LA BRTEN ZHES BYA BA LA SOGS PA GNYIS PA'I BSDU BA YIN LA, DE YANG REG BYA ZHES BYA BA 'DI DANG GZHI MTHUN PA YIN NO, ,GRANG BA DANG DRO BA

187a

, ,DANG CIG SHOS KYI REG BYA DE'I RANG BZHIN RIGS PA STE TSOR BAR 'GYUR RO, ,GZHAN BZHIN NO ZHES BYA BA NI SGRA LAS GSAL BAR BYED PAR MNGON PAR 'DOD PA LTE BA'I RLUNG LA GNAS PA LAS GZHAN BZHIN TE, DRUG PA'I MTHA' CAN GYI RANG BZHIN YIN NO, ,DPER NA DGUN GYI DUS SU KHA BA'I TSOGS DANG 'BREL PA'I BU YUG GI RLUNG LTA BU DANG, YANG NA JI LTAR SNGA DRO'I NYI MA'I 'OD ZER GYI TSOGS 'PHROS PAS PHYOGS MA LUS PAR KHYAB PAR 'JUG PA'I SO GA'I DUS KYI RLUNG LTA BU DANG, DE BZHIN DU GRANG BA DANG CIG SHOS MA YIN PA'I KHA BA'I DUS 'JUG PA'I RLUNG GI REG BYA GRANG BA LA SOGS PA RIGS PAR 'GYUR BA DE BZHIN DU 'DI YANG 'GYUR RO, ,CI STE YANG ZHES BYA BA LA SOGS PA GZHAN GYI LAN 'DEBS PAR BYED DE, DE DANG ZHES BYA BA NI RLUNG DANG NGO, ,MI LDAN ZHES BYA BA NI MA 'BREL PA STE, RNA 'BRUG LA ZHES 'BREL TO, ,LHAG MA NI GO BAR ZAD DO, ,YANG NA RIG BYED RJES 'BRANGS NAS, ,ZHES BYA BA LA SOGS PA GANG SMRAS PA DE LA, SUN 'BYIN PA MTSUNGS PAS DE'I PHYIR 'DI NYID LA BSGRE BAR BYA BA'I PHYIR, GANG DAG NAM MKHA' ZHES BYA BA LA SOGS PA SMOS TE, RNA BA CHA MED PA'I NAM MKHA'I BDAG NYID YIN PA'I PHYOGS LA LEGS PAR BYAS PA DON MED PA DANG LEGS PAR BYED PA MI 'THAD PA ZHES BYA BA LA SOGS PA'I SKYON SNGAR BSHAD PA GANG DAG YIN PA DE DAG RNA BA MA YIN PA'I PHYOGS LA YANG MTSUNGS PA'I PHYIR SUN 'BYIN PA LOGS SHIG TU BRJOD PAR MI BYA'O, ,GAL TE YANG KHYAB PA DANG GCIG NYID CES BYA BA LA SOGS PA GANG SMRAS PA DE LA, NAM MKHA' KHYAB DANG PHYOGS GCIG LA, ,ZHES BYA BA LA SOGS PA SMOS TE, GZHAN PA'I ZHES BYA BA NI LEGS PAR MA BYAS PA LA BRTEN PA'O, ,CHA MED PA LA NI RNAM PAR DBYE BA 'DI RIGS PA MA YIN TE, CHA SHAS DANG BCAS PA NYID DU THAL BAR 'GYUR BA'I PHYIR RO, ,BRTAGS PA PA'I RNAM PAR DBYE BA LA NI DON BYED PA 'JUG PA DANG MI 'JUG PA MI 'GAL TE, GANG GI PHYIR SGRO BTAGS PA'I DON GYI RJES SU BYED PA NI DON BYED PA MA YIN TE, DE DAG NI DNGOS PO DANG 'BREL PA KHO NA YIN PA'I PHYIR RO, ,DE LTA YIN DANG RTEN GCIG LA GAL TE DBANG PO LEGS PAR BYAS LA, DE LA YANG RTOGS PAR BYED PA'I RANG BZHIN YIN TE, DE RTEN GZHAN LA DE NYID DON

187b

DAM PA YIN PA'I PHYIR THAMS CAD DU DE LA LEGS PAR BYAS PA DANG RTOGS PAR BYED PAR 'GYUR RO, ,DES NA SKYES BU'I LUS KYI PHYOGS GCIG LA ZHES BYA BA LA SOGS PA SMRAS PA GANG YIN PA DE DAG THAMS CAD BSAL BA YIN TE, GCIG LA DON DAM PA RNAM PAR DBYE BA MI RUNG BA'I PHYIR RO ZHES BSTAN PA'I PHYIR, SKYES BU'I LUS KYI PHYOGS GCIG LA ZHES BYA BA LA SOGS PA SMOS TE, GTZO BA'I YUL GZHAN ZHES BYA BA LA, GTZO BO NI LUS SO, ,YUL GZHAN NI NAM MKHA'I YUL THA DAD DU 'JUG PA'O, ,DE LTAR SMRAS PA MI 'THAD DO, ,ZHES BYA BA NI GCIG LA RNAM PAR DBYE BA MI RUNG BA'I PHYIR RO, ,GNAS MA YIN ZHES BYA BA NI MI GNAS PA'O, ,KHYAD PAR MED PA NYID STON PA NI, KHYAD PAR MA SKYES ZHES BYA BA LA SOGS PA SMOS TE, CI STE YANG CHOS DANG CHOS MA YIN PA DAG GI DBANG DU BYAS PA'I PHYIR KHYAD PAR YOD PA NYID DO SNYAM NA, RTAG PA NYID KYI PHYIR ZHES BYA BA LA SOGS PA SMOS TE, RTAG PA NYID LTOS PA MED PA'I GTAN TSIGS YIN LA, DE YANG DBANG DU MA BYAS PA YIN NO, ,YANG NA LTOS PA MED PA YIN YANG DBANG DU GYUR PA CI'I PHYIR MI 'GYUR ZHE NA, NAM MKHA'I CHOS DANG CHOS MIN GYIS, ,ZHES BYA BA LA SOGS PA SMOS TE, LTOS PA MED PA NYID KYIS PHAN GDAGS PAR BYAS PA MA YIN PA NYID DU BRJOD LA, GANG YANG PHAN GDAGS PAR BYA BA MA YIN PA DE NI 'GA' ZHIG GI DBANG DU BYAS PA MA YIN TE, RI BONG GI RVA BZHIN NAM SO SOR BRTAGS MIN GYI 'GOG PA BZHIN NO, ,RNA BA YANG PHAN GDAGS PAR BYA BA MA YIN NO ZHES BYA BA NI KHYAB PAR BYED PA 'GAL BA DMIGS PA'O, ,RTAG PHYIR ZHES BYA BA 'DIS GTAN TSIGS MA GRUB PA BSAL BA YIN TE, PHAN GDAGS BYA MIN NA, 'DI YI DBANG DU BYAS 'DI CI, ,ZHES BYA BA 'DIS NI MA NGES PA NYID BSAL BA YIN NO, ,'ON TE PHAN GDAGS PAR BYA BA MA YIN PA YANG DBANG DU BYAS PAR MTHONG BA MA YIN NAM, JI LTAR SNGAR LONGS MI SPYOD PA'I RNA BA PHYIS SNGAGS DANG SMAN LA SOGS PA'I NUS PAS LONGS SPYAD PAR BYA BAR 'GYUR TE, DE LTA YIN DANG GTAN TSIGS MA NGES PA YIN NO ZHE NA, DE LA LAN BSHAD PA NI, SNGAGS DANG SMAN SOGS NUS PA YIS, ,ZHES BYA BA LA SOGS PA SMOS TE, SOGS PA'I SGRAS RNA SPABS BRUS PA LA SOGS PA GZUNG NGO, ,JI LTAR SPYAD BYAR 'GYUR ZHES

188a

, ,BYA BA NI GAL TE, DE LTAR PHAN GDAGS PAR BYA BA MA YIN PAR GYUR NA ZHES BYA BA ZHIG KHA SKANG NGO, ,'ON TE PHAN GDAGS PAR BYA BA MA YIN NA YANG KHYAD PAR SKYE BA TZAM GYI DBANG DU BYAS PAR 'GYUR RO ZHE NA, RTAG PHYIR ZHES BYA BA LA SOGS PA SMOS TE, 'O NA DE LTAR NA RTEN MI RTAG PA'I PHYIR DE LEGS PAR BYED PA'I SGO NAS RNA BA RTAG PA YANG DBANG DU BYED PAR 'GYUR RO ZHE NA, RTEN MI RTAG PA NYID YIN YANG, ,ZHES BYA BA LA SOGS PA SMOS TE, MI RTAG PA YIN NA YANG ZHES BYA BA NI DUS GZHAN NA 'JIG PA'I PHYIR RO, ,DE YANG 'JIG PA'I BAR DU NGO BO GCIG YIN PA'I PHYIR RTAG PA LA KHYAD PAR BSKYED PA MI SRID PA'I PHYIR LEGS PAR BYAS PA GA LAS YIN, BOGS DBYUNG BAR KHAS BLANGS NAS SKYON 'CHAD PA NI, DE LA BOGS NI YOD LA REG ,'DI NI ZHES BYA BA NI BOGS SO, ,GAL TE YOD PA MA YIN PA DE LTA NA YANG RTEN DANG 'BREL BA'I PHYIR DE LA YANG 'GYUR RO ZHE NA, RTEN DANG 'BREL BA YOD MIN TE, , ZHES BYA BA LA SOGS PA SMOS SO, ,NAM MKHA'I CHA SHAS MED MIN TE, ,ZHES BYA BA LA SOGS PA GANG SMRAS PA DE LA NAM MKHA' CHA DANG BCAS PA YIN NA YANG GAL TE, RTAG PA NYID DU KHAS LEN PA DE'I TSE NAM MKHA' CHA MED PA RTAG PA'I PHYOGS LA SUN 'BYIN PA GANG YIN PA DE THAMS CAD MTSUNGS SO ZHES BSGRE BA NI, NAM MKHA' CHA SHAS DANG LDAN YANG, ,ZHES BYA BA LA SOGS PA'O, ,JI LTAR DBANG DANG BRAL BA NA, ,YUL DER GNAS PAR GYUR NA YANG, ,ZHES BYA BA LA SOGS PA GANG SMRAS PA DE LA, GAL TE DE YI SKAD CIG NYID, ,CES BYA BA LA SOGS PA SMOS TE, GO BAR ZAD DO, ,GSAL BAR BYED PA'I RLUNG RNAMS KYI, ,ZHES BYA BA LA SOGS PA GANG SMRAS PA DE LA, GANG TSE SGRA DANG RNA BA LA, ,ZHES BYA BA LA SOGS PA SMOS TE, GANG TSE ZHES BYA BA NI RGYU GANG LAS ZHES BYA BA'I DON TO, ,DE LTAR DE MA THAG TU BRJOD PA'I RNAM PAS RTAG PA LA KHYAD PAR BYAR MED PA'I PHYIR LEGS PAR BYED PA 'THAD PA MA YIN TE, DE'I PHYIR RLUNG LA SOGS PA LAS, ,NUS PA NGES PA 'THAD MA YIN, ,ZHES 'CHAD PAR 'GYUR BA DANG 'BREL TO, ,JI LTAR 'DI LEGS PAR BYAS PA MI 'THAD PA DE LTAR RE ZHIG RGYAS PAR BSTAN PAR BYA BA'I PHYIR, THA DAD THA MI DAD CES BYA BA LA SOGS PA SMOS TE, LEGS PAR BYAS PAR 'GYUR

188b

PA THA DAD PA'AM, THA MI DAD PA YIN ZHES BYA BA PHYOGS GNYIS TE, DNGOS PO LA RNAM PA GZHAN MED PA'I PHYIR RO, ,PHYOGS DANG PO RNA BA DANG SGRA DAG GIS LEGS PAR BYED PA MI 'GRUB PAR THAL BAR 'GYUR TE, DON GZHAN BYED PA'I PHYIR RO, ,BUM PA BYED PA NA SNAM BU LEGS PAR BYED PA MA YIN LA, GANG GIS DE DANG 'BREL PA'I LEGS PAR BYED PA'I SGO NAS DE DAG LEGS PAR BYAS PAR 'GYUR BA DE'I LEGS PAR BYAS PA DE DAG DANG LHAN CIG 'BREL PA GRUB PA YANG MA YIN NO, ,'DI LTAR THA DAD DU KHAS LEN PA'I PHYIR DE'I BDAG NYID KYI 'BREL PA MED LA, THA DAD PAR 'BREL PAR 'GYUR NA YANG RGYU DANG 'BRAS BU'I MTSAN NYID KHO NA YIN TE, GZHAN LA PHAN 'DOGS PAR BYED PA MED PA'I PHYIR RO, ,DE YIN TE RGYU DANG 'BRAS BU NYID YIN NA LEGS PAR BYAS PA THAMS CAD DU 'GYUR, RGYU DANG RNA BA DANG SGRA'I BDAG NYID DU THAMS CAD DU GNAS PA'I PHYIR RO, ,PHYOGS GNYIS PA LA YANG SKYON 'CHAD PA NI, THA MI DAD PA'I PHYOGS LA YANG, ,ZHES BYA BA LA SOGS PA STE, DE LTAR ZHES BYA BA NI RNA BA DANG SGRA'I RANG GI NGO BO LTAR RO, ,'DI NI ZHES BYA BA NI LEGS PAR BYAS PA'O, ,DE LTA YIN DANG RTAG PA'I PHYIR 'DI SUS KYANG LEGS PAR BYED PA MA YIN TE, DE LA STE LEGS PAR BYAS PA LAS RNAM PAR SHES PA BSKYED PAR 'DOD NA YANG, SHES PA RTAG PAR THAL BAR 'GYUR RO ZHES BYA BA NI, RTAG PA NYID LA SKYON YIN NO, ,DE PHYIR RLUNG LAS ZHES BYA BA LA SOGS PAS MJUG SDUD PA YIN NO, DE'I PHYIR GSAL BA ZHES BYA BA LA SOGS PA SGRA MI RTAG PA NYID DU SGRUB PAR BYED PA LA TSAD MA 'GOD PAR BYED DO, ,SBYOR BA NI GANG RES 'GA' BA DE NI SKYE BA DANG LDAN PA'I RGYUS BSKYED PAR BYA BA YIN TE, DPER NA BUM PA'I GSAL BA'I YUL CAN GYI SHES PA BZHIN NO, ,SGRA'I SHES PA YANG NGES 'GA' BA YIN NO ZHES BYA BA NI RANG BZHIN GYI GTAN TSIGS SO, ,RTAG TU DE'I SHES PA MI RIGS PA'I PHYIR MA GRUB PA MA YIN LA, MNGON PAR GSAL BA BSAL ZIN PA'I PHYIR MA NGES PA MA YIN ZHING, MTHUN PA'I PHYOGS LA YOD PA'I PHYIR 'GAL BA YANG MA YIN NO, ,'BRAS BU 'DI ZHES BYA BA NI, GZUNG BAR BYA BA SKYED PA MED NA MI 'BYUNG BA'I MTSAN NYID KYI 'BRAS BU 'DI LA YOD CES RNAM PAR SBYAR TE LHAG MA NI DON GO BAR ZAD DO, ,PHYOGS RNA BA

189a

, ,YIN PA'I PHYOGS LA DANG PO NYID DU SUN 'BYIN PA BSHAD ZIN PA'I PHYIR YANG MI BRJOD DE DE NYID KYI PHYIR SNGAR BSHAD PA'I SUN 'BYIN PA DE NYID DRAN PAR BYA BA'I PHYIR, NAM MKHA'I CHA SHAS ZHES BYA BA LA SOGS PA SMOS SO, ,YUL YANG LEGS PAR BYED PA NA, ,DE PHYIR GCIG NYID LEGS PAR BYED, , CES BYA BA LA SOGS PA GANG SMRAS PA DE LA, YUL YANG LEGS PAR BYED PA NA, ,ZHES BYA BA SMOS TE, MIN ZHES BYA BA NI YUL YANG LEGS PAR BYED PA NA DES GCIG NYID LEGS PAR BYAS ZHES BYA BA DE MA YIN NO GANG LAS SHE NA, NUS PA NGES PHYIR BSAL BA'I PHYIR TE LEGS PAR BYED PA ZHES BYA BA LHAG MA'O, , 'DI LTAR LEGS PAR BYAS PA THA DAD PA DANG THA MI DAD PA NI SNGAR BSAL ZIN TO, ,'DI LAS KYANG YUL LEGS PAR BYAS PA MA YIN TE, GANG LAS SHE NA, NUS PA NGES PHYIR YANG ZHES BYA BA'I YANG GI SGRA MI MNGON PAR BSTAN PAR BYA'O, ,YANG NA DON 'DI YIN TE, DE'I PHYIR 'CHAD PAR 'GYUR PA'I NUS PA NGES PA'I PHYIR YUL LEGS PAR BYED PA RIGS PA MA YIN NO, ,NUS PA NGES PA DE NYID STON PA NI, ,SHES PA SKYED PAR MI RUNG NA, ,ZHES BYA BA LA SOGS PA STE, RES 'GA' SGRA 'DI RANG BZHIN GYIS SHES PA SKYED PAR RUNG BA YIN NAM MA YIN ZHES BYA BA'I PHYOGS GNYIS SO, ,PHYOGS DANG PO LA NAM YANG SUS KYANG RTOGS PAR MI 'GYUR RO, ,GNYIS PA LA YANG THAMS CAD KYIS THAMS CAD KYI TSE RTOGS PAR 'GYUR TE, NGO BO NYID GCIG YIN PA'I PHYOR RO, ,DES NA LEGS PAR BYED PAR MI NUS SO, ,'DI SNYAM DU NUS PA YANG 'GAL BA'I RKYEN GYI STOBS KYIS RES 'GA' RNAM PAR SHES PA SKYED PAR MI BYED PA DE BZHIN DU, NUS PA MED PA YANG LHAN CIG BYED PA'I RKYEN GYIS BSGOS PA'I NUS PA YOD NA SKYED PAR BYED PA YIN NO SNYAM DU SEMS NA, DE LA 'O NA ZHES BYA BA LA SOGS PA SMOS TE, RANG BZHIN NYAMS PAR MI BYED DAM, SKYED PAR MI BYED PA NI 'GAL BA'AM, LHAN CIG BYED PAR RIGS PA MA YIN TE, HA CANG THAL BAR 'GYUR BA'I PHYIR RO, ,NYAMS PA DANG SKYED PAR KHAS LEN NA YANG RTAG PA NYID NYAMS PAR THAL BAR 'GYUR RO, ,JI LTAR YUL PHYOGS LA SOGS PA'I, ,ZHES BYA BA LA SOGS PA GANG SMRAS PA DE LA, 'DI NI 'GA' ZHIG KHO NA LA, ,ZHES BYA BA LA SOGS PA SMOS TE, SKYE BA'I PHYOGS LA SKYON 'DI

189b

MED DE, GANG GI PHYIR RANG GI RGYU LAS SO SOR NGES PA'I RNAM PAR SHES PA SKYED PA'I NUS PA NYID NYE BAR SKYE BA YIN TE, DES NA THAMS CAD KYIS THAMS CAD KYI TSE RTOGS PA MA YIN NO, ,GAL TE LEGS PAR BYAS PA SRID PA YIN NA, GANG GI LTAR NA SGRA LEGS PAR BYAS PA DE'I LTAR NA SKYON 'DI YIN NO ZHES BSTAN PA'I PHYIR, CI STE YANG ZHES BYA BA LA SOGS PA SMOS TE, RANG BZHIN GYIS SHES PA BSKYED PAR NUS PAR KHAS LEN PA NI THAG RING PO NA GNAS NA YANG 'DZIN PAR 'GYUR RO ZHES BYA BA'I SKYON 'BA' ZHIG TU MA ZAD, LEGS PAR BYAS PA'I PHYOGS LA YANG SKYON NYID YIN PAS DE'I PHYIR PHYOGS GZHAN BSTAN PA YIN NO, , RING NA GNAS PAS CIS MA YIN, ,ZHES BYA BAS NI THOS PAS ZHES 'BREL TE, 'ON KYANG THOS PA KHO NA YIN NO ZHES BYA ROG GI DRI BAR BSTAN TO, ,'DI NYID GSAL BAR BYED PA NI, ,NYE BAR GNAS LA ZHES BYA BA LA SOGS PA SMOS TE, SGRA YI SKYE BA BKAG PA'I PHYIR, ,ZHES BYA BA LA SOGS PA LA, GAL TE KHYAD PAR CAN SKYE BA, ,ZHES BYA BA LA SOGS PA SMOS TE, GAL TE LEGS PAR BYAS PAS SKYE BA YIN NA DE'I TSE SGRA YANG SKYE BAR THAL BAR 'GYUR TE, DE LEGS PAR BYAS PA LAS THA MI DAD PA'I PHYIR RO, ,CI STE THA DAD NA LEGS PAR BYAS PA NYID LAS SHES PA SKYED PA'I PHYIR, SGRA BYED PA PO MA YIN PAS SHES BYA MA YIN PA NYID DU THAL LO, ,DE LTA YIN DANG SGRA YANG SKYED PA YIN NO ZHES KHAS BLANG DGOS SO, ,YANG CI STE JI LTAR KHYED CAG GIS SO SOR NGES PA'I SHES PA SKYED PAR NUS PA'I SGRA SKYE BA DE BZHIN DU, KHO BO CAG GIS LEGS PAR BYAS PAS RANG SO SOR NGES PAR 'GYUR BA'I PHYIR DES NA RANG BZHIN GNAS PA RNAMS KYIS MI RTOGS PA YIN NO SNYAM DU 'DI LA BSHAD PA NI, DUS GCIG TSE NA SGRA LEGS BYAS, ,ZHES BYA BA LA SOGS PA STE, GAL TE SO SOR NGES PA'I SKYES BU'I RGYU LA SHES PA SKYED PA'I NUS PA BYED PA DE LTA NA, YANG SKYON CAN NYID YIN PAR STON TE, 'DI LTAR GAL TE SHES PA SKYED PAR RUNG BA'I SHES PA MI SPONG BA DE'I TSE THAMS CAD KYI TSE SHES PA BSKYED PAR THAL BAR 'GYUR LA, CI STE SPONG NA DE'I TSE MI RTAG PA NYID DU THAL BAR 'GYUR RO, ,DES NA STE DE'I PHYIR SKYE BAR 'GYUR RO ZHES KHAS BLANG BAR BYA'O, ,GNYI GA LEGS PAR BYAS PHYOGS LA, ,ZHES BYA BA LA SOGS PA GANG SMRAS PA DE LA GNYI GA LEGS PAR

190a

, ,BYAS PHYOGS LA ZHES BYA BA LA SOGS PA SMOS TE, GANG DAG GI LTAR NA SKYE BA YIN PA'I PHYOGS DE DAG GI GANG YANG RUNG BA MA TSANG BA RIGS PA YIN GYI, LEGS PAR BYAS PA SMRA BA'I PHYOGS LA NI MA YIN TE, DE DAG GI LTAR NA SNGA MA'I LEGS PAR BYAS PA'I RANG BZHIN RTAG TU RJES SU 'JUG PA'I PHYIR RO, ,'DI LTAR ZHES BYA BA LA SOGS PAS RJES SU 'JUG PA DE NYID STON PA YIN NO, ,'PHO 'GYUR PHYIR ZHES BYA BA NI MI RTAG PA NYID DU THAL BAR 'GYUR BA'I PHYIR ZHES BYA BA'I THA TSIG GO, ,THAMS CAD THOS ZHES BYA BA NI DUS THAMS CAD THOS PA NI THAMS CAD THOS PA YIN GYI, THAMS CAD THOS PA NI MA YIN NO ZHES TSIG RNAM PAR SBYAR TE, LAS LA YANG ZHES BYA BA BSDU BA BKAG PA'I PHYIR RO, ,CI STE YANG SO SOR NGES PA'I SKYES BU RNAMS KYIS THOS PAR RUNG BA RNA BA DANG YI GE LEGS PAR BYAS PA YIN TE, DES NA THAMS CAD KYIS THOS PA MA YIN NO SNYAM NA, DE LTA NA YI GE GZHAN RTOGS PA PO GANG DAG YIN PA DE DAG GIS SGRA THOS PAR MI 'GYUR RO, ,'DI NYID BSTAN PA'I PHYIR, RNA BA YI GE LEGS BYAS DAG ,CES BYA BA LA SOGS PA SMOS TE, SKYES BU NGES PA RNAMS KYIS THOS PAR RUNG BA ZHES BSDU STE, DE DAG NI GZHAN YANG YIN LA YI GE RTOGS PA PO YANG PA NI YI GE GZHAN RTOGS PA PO ZHES TSIG RNAM PAR SBYAR RO, ,CI STE YANG, GANG DAG YI GE GZHAN RTOGS PA PO DE DAG GI SHES PA SKYED PAR RUNG BA SGRA DANG RNA BA DAG GIS LEGS PAR BYED PA GZHAN YANG 'GYUR BA NYID DO SNYAM NA ZHES BYA BA 'DI DOGS PA BSU NAS, LAN 'DEBS PA NI, GAL TE YI GE DE SKYES BU, ,ZHES BYA BA LA SOGS PA STE, YI GE DANG SKYES BU ZHES BSDU BAR BYA'O, ,YI GE DE DAG KYANG GANG ZHE NA, RTOGS PA PO GZHAN DAG GIS GZUNG BA GANG DAG YIN PA'O, ,SKYES BU YANG DE DAG NYID DE RTOGS PA PO GANG DAG YIN PA'O, ,DE DAG GI RNAM PAR SHES PA DE LA RUNG BA ZHES BSDU'O, ,DE DAG NYID KYI ZHES BYA BA NI RNA BA DE DAG DANG SGRA SNGAR LEGS PAR BYAS PA DE DAG NYID KYI'O, ,DE DAG KYANG ZHES BYA BA NI SNGA MA'I YI GE DANG SKYES BU DE DAG KYANG NGO, ,'DI SKAD DU BSTAN PA YIN TE, GA LA SOGS PA'I YI GE PHYIS GZHAN DAG GIS THOS PA DE'I TSE YANG GANG DAG GIS SNGAR THOS PA DE BZHIN DU DE DAG GIS KYANG THOS PAR 'GYUR TE, SNGA MA'I RANG BZHIN RJES

190b

SU 'JUG PA'I PHYIR RO ZHES BYA BA'O, ,CI STE RJES SU MI 'JUG NA DE'I TSE MI RTAG PA NYID DU THAL BAR 'GYUR BAR BSTAN PA'I PHYIR, LDOG NA RNA BA ZHES BYA BA LA SOGS PA SMOS TE, GO BAR ZAD DO, ,DPER NA NYI MA CHU SOGS SU, ,ZHES BYA BA LA SOGS PA GANG SMRAS PA DE LA, CHU LA SOGS LA NYI MA 'DI, , ZHES BYA BA LA SOGS PA SMOS TE, 'KHRUL PA'I SHES PA THAMS CAD YUL MED PA YIN NO ZHES KHYED PAR MED PA SNGAR BSTAN ZIN PA DE LTA NA YANG SLAR YANG RNAM PA MED PA DANG RNAM PA DANG BCAS PA'I PHYOGS GNYI GA YANG GZUGS BRNYAN GYI BLO KHYAD PAR DU STON TE, DE LA PHYOGS DANG PO'I DBANG DU BYAS NAS, GANG PHYIR GZUGS BRNYAN ZHES BYA BA LA SOGS PA SMOS TE, KHYED CAG SPYOD PA PA RNAMS KYI LTAR NA RNAM PAR SHES PA RNAM PA MED PA YIN LA, PHYI ROL GYI DON RNAM PA DANG LDAN PA YIN TE, DE LTA YIN DANG GANG ZHIG CHU'I NANG NA GNAS PA'I NGO BOR MTHONG BA 'DI NI RI ZHIG SHES PA'I RNAM PA NI MA YIN TE, PHYI ROL GYI DON KHO NA RNAM PA DANG LDAN PAR KHAS LEN PA'I PHYIR RO, ,GZUGS BRNYAN DE DON GZHAN DU GYUR PA KHAS LEN PA YANG MA YIN TE, NYI MA MI 'DZIN PAR THAL BAR 'GYUR PA'I PHYIR RO, ,GANG GIS DE LTAR SNANG BAR 'GYUR PA NYI MA CHU'I NANG NA GNAS PA YANG MA YIN TE, DE NI NAM MKHA'I YUL DU GNAS PA YIN PA'I PHYIR RO, ,'KHRUL PAS DE LTAR SNANG BA YIN NO ZHE NA, 'O NA DE LTA NA SHES PA DE NYI MA LA DMIGS PA MA YIN TE, NYI MA LA CHU'I NANG NA GNAS PA'I NGO BO MED PA'I PHYIR RO, ,DE LTA YIN DANG DON GYI RANG BZHIN GANG ZHIG DE'I SHES PA LA MI SNANG BA NI DE'I DON GYI NGO BO DANG BRAL BA'I PHYIR DE'I SHES PA'I DMIGS PA MA YIN NO ZHES BYA BAR GRUB PO, ,SBYOR BA NI GANG ZHIG SHES PA GANG LA SNANG BA MA YIN PA'I RANG BZHIN DE NI SHES PA DE'I YUL MA YIN TE, RNA BA'I SHES PA'I GZUGS BZHIN NO, ,NYI MA YANG GZUGS BRNYAN GYI SHES PA LA SNANG BA RANG BZHIN MA YIN NO ZHES BYA BA'I KHYAD PAR BYED PA MI DMIGS PA'O, ,GTAN TSIGS MA GRUB PA NI MA YIN TE, NYI MA LA CHU'I NANG NA YOD PA'I NGO BO MED PA'I PHYIR RO, ,MA NGES PA YANG MA YIN TE, HA CANG THAL BAR 'GYUR PA'I PHYIR TE, DE LTA NA YANG CI YANG RUNG BAS GANG CI YANG RUNG BA'I DMIGS PAR 'GYUR RO, ,MTHUN PA'I PHYOGS LA YOD PA'I PHYIR 'GAL

191a

, ,BA YANG MA YIN TE, CI STE YANG NYI MA DE NYID YUL LA SOGS PA'I BYE BRAG GIS GZHAN NYID DU RTOGS PA 'BA' ZHIG TU ZAD PAS DE'I PHYIR GTAN TSIGS MA GRUB PA NYID YIN NO SNYAM NA, DE NYID GZHAN YIN NO ZHES BYA BA 'DI NI SPYI RTOL CAN GYI RTOG GE BA KHYED CAG LAS GZHAN SU ZHIG GIS BRJOD PAR 'OS, 'DI LTAR DE NYID CES BYA BA 'DIS NI RANG GI DE'I NGO BO BSGRUB PAR BRJOD LA, GZHAN ZHES BYA BA 'DIS NI DE BKAG PA YIN NO, ,DE JI LTAR GCIG LA GCIG GI TSE PHAN TSUN 'GAL BA BSGRUB PA DANG DGAG PA GNYIS RIGS PA YIN, GAL TE YANG GZHAN DU RTOGS NA YANG DE NYID YIN PAR GYUR NA SNA TSOGS PA THAMS CAD GCIG NYID DU 'GYUR TE, DE LTA YIN DANG YIN LHAN CIG SKYE BA DANG 'JIG PAR 'GYUR BA DANG, SHES PA THAMS CAD KYANG YUL GCIG PAR 'GYUR RO, ,DE'I PHYIR JI LTAR YUL DANG DUS LA SOGS PA THA DAD PA DANG LDAN PA'I DON 'DI NYID GAL TE KHO NA LTAR 'GYUR NA, DE LTA NA DE KHO NA RTOGS PAR 'GYUR BA'I PHYIR MA GRUB PA GA LAS YIN, PHYOGS GNYIS PA RNAM PA DANG BCAS PA LA YANG RANG GI RNAM PA RIG PA NI PHYI ROL GYI DON DANG 'DRA BA'I BDAG NYID KYI RNAM PA NYAMS SU MYONG BA'I PHYIR, PHYI ROL RIG PAR BRJOD KYI, MI 'DRA BA NYAMS SU MYONG BA LAS NI MA YIN TE, DE LTA MA YIN NA HA CANG THAL BAR 'GYUR RO, ,'DI GZUGS BRNYAN GYI BLO NYI MA'I RNAM PA DANG 'DRA BA'I BDAG NYID KYI RNAM PA NYAMS SU MYONG BA YANG YOD PA MA YIN TE, DE LTA MA YIN NA GZUGS BRNYAN GYI BLO NYI MA'I SHES PA DANG KHYAD PAR MED PAR MA 'KHRUL BAR 'GYUR RO, CHU LA NYI MA'I 'OD ZER NI, ,ZHES BYA BA LA SOGS PA SMRAS PA DE LA, BRGYUD PA YIS NI ZHES BYA BA LA SOGS PA SMOS TE, RTOGS PA YIN ZHES BYA BA NI BDAG GO, ,STENG DU 'JUG CES BYA BA NI NYI MA STENG DU GNAS PA ZHES BYA BA'I DON TO, ,SEMS ZHES BYA BA NI BDAG GO, ,'DI SKAD DU BSTAN PA YIN TE, GAL TE BDAG GIS BRGYUD NAS GTOD PA'I STENG NA GNAS PA'I NYI MA LOG PAR RTOG PA MA YIN NA CI'I PHYIR LOG PA NYID DU MTHONG GI STENG DU MA YIN, GAL TE JI LTAR GNAS PA 'DZIN PA DE LTA NA DE NYID RTOGS PAR 'GYUR GYI, GZHAN DU NA HA CANG THAL BAR 'GYUR RO, ,DE LTAR DER GNAS PAS 'JUG PHYIR, ,LOG PAR 'JUG PHYIR BRTAD PA YI, ,ZHES

191b

BYA BA LA SOGS PA GANG SMRAS PA DE LA, DE NA GNAS PA ZHES BYA BA LA SOGS PA SMOS TE, 'DI LA RGYU BSHAD PA NI, GZUGS BRNYAN CAN GYI RNAM SHES DE, ,ZHES BYA BA LA SOGS PA'O, ,DE DANG MI 'DRA BAR SNANG PHYIR, ,ZHES BYA BA NI DNGOS PO'I RKYEN BSTAN PA STE, DE DANG MI 'DRA BAR SNANG BA NYID KYI PHYIR RO ZHES BYA BA'I DON TO, ,'DI 'BRU MANG PO YANG YIN NO, ,SBYOR BA NI, GANG DAG DANG MI 'DRA BAR SNANG BA'I SHES PA DE NI DE LA DMIGS PA MA YIN TE, RO LA SOGS PA'I SHES PA SGRA LA MI DMIGS PA'AM, SGRA'I SHES PA RO LA MI DMIGS PA BZHIN NO, ,GZUGS BRNYAN GYI BLO DAG NI BYAD LA SOGS PA DANG MI 'DRA BA SNANG BA YIN NO ZHES BYA BA NI KHYAB PAR BYED PA 'GAL BA DMIGS PA'O, ,'DI'I MA GRUB PA NYID YANG SPANG BA'I PHYIR, GANG PHYIR ME LONG CHUNG NGU LA, ,ZHES BYA BA LA SOGS PA SMOS TE, ME LONG CHUNG NGU LA BYED CHEN PO'I GDONG BZHIN DU CHUNG BAR SNANG LA, SHING LA SOGS PA YANG CHUR BYING BA DANG YAL GAL SOGS PA THUR DU BLTAS PAR RTOGS SO, ,DE BZHIN DU BYAD PHYIR LOG PA DANG CHU LA SOGS PA GTING DU ZHUGS PAR DMIGS TE, DE LTAR BYAD LA SOGS PA GZUGS GNAS PA YANG MA YIN TE, DE BZHIN DU RAL GRI LA SOGS PA'I RTEN GYI BYE BRAG GI GZUGS BRNYAN RING PO LA SOGS PA'I BYE BRAG GI RNAM PAR SNANG STE, DE BZHIN DU GZUGS RING PO LA SOGS PA'I BYE BRAG DANG LDAN PA MA YIN NO, ,DE LTAR NA SHES PA'I DE DANG MI 'DRA BAR SNANG BA NYID MA GRUB PA MA YIN NO, ,MA NGES PA YANG SPANG BA'I PHYIR, ,MI MTHUN PA NI SNANG BA YIS, ,ZHES BYA BA LA SOGS PA SMOS TE, SHES PA THAMS CAD KYI YUL THAMS CAD YIN PAR THAL BA NI GNOD PA CAN GYI TSAD MA'O, ,JI LTAR SOR MOS CUNG ZAD MAN NA, ,ZHES BYA BA LA SOGS PA GANG SMRAS PA DE YANG 'DI NYID KYIS BSAL BA YIN TE, DE YANG YUL MED PA YIN PA'I PHYIR RO, ,DU MA'I YUL DU 'JUG PA YI, ,ZHES BYA BA LA SOGS PA GANG SMRAS PA DE LA, 'DIR NI GZUGS BRNYAN 'BYUNG BA NYID, ,CES BYA BA LA SOGS PA SMOS TE, GZUGS BRNYAN DNGOS PO NYID YIN PA NI, LUS CAN THA DAD MIN YUL PHYIR, ,ZHES BYA BA LA SOGS PAS SNGAR BKAG ZIN TO, ,GZUGS BRNYAN DNGOS POR YOD PA YIN DU CHUG MOD DE LTAN YANG DE MTSUNGS PA'I BLO'I RTOGS PAR BYA BA

192a

, ,NYID DU MA GRUB PO ZHES BSTAN PA'I PHYIR, DU MA'I YUL DU 'JUG PA'O, ,ZHES BYA BA LA SOGS PA SMOS TE, SOGS PA'I SGRAS RING BA LA SOGS PA'I BYE BRAG YONGS SU GZUNG NGO, ,YANG CI STE RIGS PA LA SOGS PA'I BYE BRAG YOD NA YANG SNGON PO LA SOGS PA 'GA' ZHIG GIS CHOS MTSUNGS PA'I PHYIR BLO MTSUNGS PA'I RTOGS PAR BYA BA NYID YOD PA YIN NO SNYAM NA, DE LTAR NA YANG DON DAM PA'I GCIG NYID GRUB PA MA YIN LA, BRTAGS PA NYID DU 'GYUR GYI, DE LA YANG GRUB PA LA YANG SGRUB PA YIN NO, ,CI STE YANG YUL LA SOGS PA'I BYE BRAG GIS THA DAD NA YANG DON DAM PAR GCIG NYID DU 'GYUR NA, DE'I TSE BRAM ZE DANG GDOL PA NYID KYANG MI NYID DU MTSUNGS PA'I PHYIR GCIG NYID DU 'GYUR BA DANG, DE BZHIN DU BUD MED NYID DU 'DRA BAS MA DANG, RANG GI CHUNG MA DANG, RANG GI KHA DANG, BSHANG BA'I LAM YANG SA'I RANG BZHIN YIN PA'I PHYIR GCIG NYID DU 'GYUR RO, ,SNA TSOGS THAMS CAD DNGOS PO NYID YIN PA'I PHYIR LHAN CIG SKYE BA DANG 'JIG PA LA SOGS PAR THAL BAR 'GYUR BA YANG BZLOG PAR DKA' BA NYID DO, ,GANG YANG 'DI SKAD DU BSHAD PA LAS, CI STE YANG GCIG YIN NA YUL DU MAR CIG CAR MTHONG BA MI 'THAD DO SNYAM NA, LHA RNAMS DGA' BA NYI MA LA LTOS SHIG ,GANG GCIG YIN NA YUL DU MAR GNAS PA LTA BUR MNGON TE, THAG RING BA'I PHYIR 'DI'I YUL LA NGES PAR MI ZIN TE, DES NA 'KHRUL BA YIN NO, ,DE BZHIN DU SGRA LA YANG 'KHRUL BA'I PHYIR YUL NGES PAR MA ZIN NA ZHES BSHAD DO, ,'DIR BSHAD PA NI NYI MA BDAG GI ZHES BYA BA LA SOGS PA STE, NYI MA'I DKYIL 'KHOR GNYIS PA DMIGS PA'I MTSAN NYID DU GYUR BA LAS MA DMIGS PA'I PHYIR MED PA NGES PAS BDAG NYID DU GRUB PA'I SGO NAS NYI MA BDAG GI STENG NA GNAS SO SNYAM PA 'DI 'KHRUL BA'I SHES PAR NGES PAR GZUNG STE, GANG GIS YUL THA DAD PAS THA DAD PA NYID 'KHRUL BAR 'GYUR BA DE LTAR SGRA GCIG PA NYID DU GRUB PA NI MA YIN NO, ,GCIG NYID DU GRUB PA NA DE BZHIN DU THA DAD PA NYID 'KHRUL BAR 'GYUR NA DE NYID MA GRUB PA'I PHYIR 'DI NI CI YANG MA YIN NO, ,NYI MA'I DKYIL 'KHOR 'DI YIN PAS NYI MA'I DKYIL 'KHOR RO ZHES BYA BA DE NI SNGAR BSHAD ZIN TO, ,'ON TE NGO SHES PAS SGRA YANG GCIG PA NYID DU GRUB

192b

BA MA YIN NAM ZHE NA, DE LTAR SGRA NI ZHES BYA BA LA SOGS PA SMROS TE, NGO SHES PA TSANG MA NYID MA YIN PAR SNGAR BSTAN ZIN PA'I PHYIR RO SNYAM DU BSAMS PA YIN NO, ,CIG CAR BAS DU MA NYID DU GRUB PAR STON PA NI, GANG TSE SMRAS PA PO MANG BO, ,ZHES BYA BA LA SOGS PA STE, GSAL BAR ZHES BYA BA NI MYUR BA DANG BAR MA DANG DAL BA LA SOGS PA'I BYE BRAG GIS SO SOR SNANG BA'I PHYIR RO, ,RIM GYIS KYANG BSTAN PA'I PHYIR, RIM GYIS KYANG NI ZHES BYA BA LA SOGS PA SMOS TE, MNGON SUM 'BA' ZHIG CES BYA BA NI DE'I TSE YANG DRUG SKYES LA SOGS PA'I BYE BRAG GIS GSAL BAR SNANG BA THA DAD PA'I PHYIR RO, ,'DI NI GSAL BAR BYED PA THA DAD PA NI MA YIN TE, DE SNGAR BSAL ZIN PA'I PHYIR RO, ,RTAGS LAS KYANG ZHES BYA BA NI RJES SU DPAG PA LAS KYANG ZHES BYA BA'I DON TO, ,SBYOR BA NI GANG ZHIG GANG GI TSE MI 'BYUNG BA DE'I TSE DE RGYU MA TSANG BA MED PA MA YIN TE, DPER NA GZUGS DANG SNANG BA DANG YID LA BYED PA LA SOGS PA'I RKYEN GYI TSOGS YOD NA YANG MIG MA TSANG BA LA MIG GI RNAM PAR SHES PA MI 'BYUNG BA BZHIN NO, ,YI GE GCIG LA SOGS PA'I RNAM PAR SHES PA SKYES PA'I DUS NA YANG DUS PHYIS 'BYUNG BA DE LAS BYUNG BA NYID DU MNGON PAR 'BOD PA'I RNAM PAR BYED PA MI 'BYUNG NGO ZHES BYA BA NI KHYAB PAR BYED PA MI DMIGS PA'O, ,RGYU MA TSANG BA MED PA LA 'BYUNG BAR 'GYUR BAS KHYAB PA'I PHYIR LA, DE YANG 'DI LA MED PA, 'ON TE SPYIR RGYU MA TSANG BA MED PA TZAM DGAG PA SGRUB NA GRUB PA LA SGRUB PA NYID YIN TE, 'DI LTAR SGRA RTAG PA RGYU NYID YIN NA YANG LHAN CIG BYED PA'I RGYU MA TSANG BA'I PHYIR GZHAN GYIS DUS PHYIS 'BYUNG BA'I SHES PA RNAMS MI BSKYED PAR 'DOD PA KHO NA'O, ,CI STE SGRA ZHES BYA BA'I RGYU'I KHYAD PAR GYIS RGYU MA TSANG BA MED PA GANG YIN PA DE DAG DGAG PA BSGRUB PA NA DE'I TSE GTAN TSIGS MA NGES PA DANG DPE YANG BSGRUB PAR BYA BA MA TSANG BA YIN TE, MIG GI RNAM PAR SHES PA SGRA'I RGYU MA TSANG BA'I PHYIR MI 'BYUNG BA NI MA YIN NO, ,'O NA CI ZHE NA, MIG MA TSANG BA LAS SO ZHE NA, 'DI NI YOD PA MA YIN TE, SPYIR BSGRUB PAR BYA BA YIN LA, GRUB PA LA SGRUB PA YANG MA YIN, 'DI LTAR GAL TE RTAG PA RGYU GZHAN LA LTOS PA SRID PAR GYUR NA DE'I TSE GRUB PA LA SGRUB PAR 'GYUR NA, GANG GI TSE DE

193a

, ,NYID SRID PA MA YIN TE, DE NI DES PHAN GDAGS PAR BYAS PA MA YIN PA'I PHYIR RO, ,PHAN 'DOGS NA LTOS PAR 'GYUR GYI, DE LTA MA YIN NA HA CANG THAL BAR 'GYUR RO, ,DE LTA BAS NA LTOS PA MED PA'I SGRA RGYU NYID DU KHAS LEN PA NA DE LAS BYUNG BA'I SHES PA THAMS CAD RGYU MA TSANG BA NYID MED PA YIN PA'I PHYIR RTAG TU 'BYUNG BAR 'GYUR RO, ,DE MED PA NA DE MI 'BYUNG BA'I SHES PA SGRA DE NYID MA TSANG BA MED PA NYID DU STON PAR BYED PA'I PHYIR JI LTAR GRUB PA LA SGRUB PA YIN, KHYAD PAR DU RGYU MA TSANG BA BSGRUB NA YANG NGES PA NYID MA YIN LA, DPE BSGRUB PAR BYA BA MA TSANG BA YANG MA YIN TE, 'DI LTAR DON 'DI BRJOD PAR 'DOD PA YIN TE, GANG ZHIG YOD KYANG GANG MI 'BYUNG BA DE NI YANG DAG PAR DE'I RGYU MA YIN TE, DPER NA MIG GI RNAM PAR SHES PA SGRA YOD KYANG MI 'BYUNG BA BZHIN NO, ,YI GE GA LA SOGS PA SGRA'I RANG GI NGO BO KHYAD PAR YOD PA NA YANG DE LAS 'BYUNG BAR 'DOD PA'I SHES PA MI 'BYUNG NGO ZHES BYA BA NI KHYAD PAR BYED PA MI DMIGS PA'O, ,'DI YANG RTAG PA LA LTOS PA MI 'THAD PA NI LDOG PA LA GNOD PA CAN GYI TSAD MA'O, ,SBYANG NA YOD PA SA BON LA SOGS PAS 'KHRUL BA YANG MA YIN TE, DE NI MYU GU LA GTZO BO'I RGYU NYID DU MI 'THAD PA'I PHYIR TE, SPROS PAS CHOG GO, ,SGRA TZAM GSAL BYED RAG LAS PHYIR, ,ZHES BYA BA LA SOGS PA GANG SNGAR SMRAS PA DE NI ZHAR LA SUN PHYUNG NAS RTAG PA RNAMS KYI GSAL BAR BYED PA YOD NA YANG PHYOGS 'DI SKYON CAN NYID YIN NO ZHES BSTAN PAR 'DOD NAS SUN DBYUNG BA'I PHYIR, SGRA TZAM GSAL BYED LA RAG LAS, ,ZHES BYA BA LA SOGS PA SMOS TE, SGRA GSAL BAR BYED PA LA RAG LAS NAS 'DZIN PA NA DE CI'I PHYIR JI LTAR 'DI NA NAM MKHA' JI SRID PAR GNAS PA DE BZHIN DU MI 'DZIN, DE LTAR NA DE 'DZIN PAR 'GYUR GYI, GZHAN DU NA HA CANG THAL BAR 'GYUR BA'I PHYIR RO ZHES SNGAR BSHAD ZIN TO, ,SGRA NAM MKHA' JI SNYED PAR 'DZIN PA YANG MA YIN LA, DE NI SGRA TZAM GYI NGOR BYAS NAS SGRA THOS PAR YANG RIGS PA MA YIN NO, ,'O NA CI ZHE NA, THOS PA 'DI GANG YIN PA'I SGRA DE NYID LA RJES SU BYED PAR RIGS PA YIN PA DE LTA NA DE'I 'DI GRUB PAR 'GYUR GYI, GZHAN DU NI MA YIN NO, ,DE LTA YIN DANG, BUM PA LA SOGS PA BZHIN DU BDAG NYID THAMS CAD

193b

KYIS SNANG BAR 'GYUR RO ZHES BYA BA NI BSDUS PA'I DON TO, ,DE PHYIR ZHES BYA BA DE LTAR BAS NA'O, ,'DI THAMS CAD KYANG RTAG PA NYID KYI GSAL BAR BYED PA KHAS BLANGS NAS BRJOD PA YIN NO ZHES BSTAN PA'I PHYIR, 'DI SKAD BRJOD PA THAMS CAD NI, ,ZHES BYA BA LA SOGS PA SMOS TE, GSAL BA MI RUNG PHYIR ZHES BYA BA NI THA DAD PA DANG THA MI DAD KYIS SO, ,YUL GYI DBYE BAS THA DAD NYID, ,CES BYA BA LA SOGS PA LA DE NYID 'DI YIN ZHES BYA BA LA SOGS PA SMOS TE, DES ZHES BYA BA NI DE'I PHYIR RO, ,DPER NA LHA SBYIN GCIG RIM GYIS, ,ZHES BYA BA LA SOGS PA LA, LA LA GANG ZHIG CES BYA BA LA SOGS PA SMOS TE, MI RTAG PA NI YUL GZHAN DU SKYE BA NYID 'GRO BA YIN GYI, RTAG PA NI MA YIN TE, YUL GCIG NA GNAS PA'I RANG BZHIN MA BTANG BAR YUL GZHAN DU 'GRO BAR MI RUNG BA'I PHYIR RO, ,BTANG NA YANG RTAG PA NYID NYAMS PAR THAL BAR 'GYUR BA'I PHYIR RO, ,'DI NYID STON PA NI, SNGA MA'I YUL DANG MA BRAL BA'I, ,ZHES BYA BA LA SOGS PA STE, DPER NA SA NI CHER RKOS NA, ,ZHES BYA BA LA SOGS PA LA, NAM MKHA' ZHES BYA BA LA SOGS PA SMOS PA STE, NAM MKHA' DNGOS PO NYID DU MA GRUB PA'I PHYIR MNGON PAR GSAL BAR RIGS PA MA YIN TE, REG BYA MED PA TZAM NYID LA DE GDAGS PA'I PHYIR RO, , 'DI LTAR SMRA BA PO MUN KHUNG DU THOGS PAR BYED PA MA MYONG BA NAM MKHA' NYID YIN GYI, 'DI NA CUNG ZHIG YOD PA NI MA YIN NO ZHES 'GYUR BA YIN NO, ,GANG DAG GI LTAR NA NAM MKHA' DNGOS POR YOD PA DE DAG GI LTAR NA DBANG PO LAS 'DAS PA NYID YIN PA'I PHYIR JI LTAR NAM MKHA' BLO 'GYUR, DE NYID KYI PHYIR, LKOG GYUR ZHES BYA BA SMOS SO, ,GAL TE DE LTA NA SA BRKOS PA NA CI ZHIG DMIGS SHE NA, SNANG BA DE NI DE LTAR MTHO, ,ZHES BYA BA SMOS TE, NAM MKHA'I DNGOS PO NYID YIN NA YANG MNGON PAR GSAL BAR RIGS PA MA YIN NO ZHES BSTAN PA'I PHYIR, GZHAN YANG ZHES BYA BA LA SOGS PA SMOS SO, , DE 'GYUR ZHES BYA BA NI RING PO LA SOGS PA'I SGRA TZAM GYI CHOS SU'O, ,DE YANG ZHES BYA BA NI SGRA TZAM GYI GSAL BAR BYED PA NYID DO, ,DON DANG 'BREL BA MA MTHONG BA'I, ,ZHES BYA BA LA SOGS PA SMRAS PA DE LA, MTSUNGS PA NYID DU RTOG PA LA, ,ZHES BYA BA LA SOGS PA SMOS TE, 'DIR BSDUS PA'I DON NI 'DI

194a

, ,YIN TE, GAL TE KHYED CAG GI DON DAM PA PA'I SGRA DANG DON DAG GI BRJOD PAR BYA BA DANG RJOD PAR BYED PA'I DNGOS PO MED PAR THAL BAR 'GYUR BAR BYED NA DE'I TSE GRUB PA LA SGRUB PA YIN TE, 'DI LTAR RIGS DANG RANG GI MTSAN NYID LA SOGS PA'I BRJOD PAR BYA BA DANG BRJOD PAR BYED PA NYID RGYAS PAR SGRA'I DON BRTAGS PAR BSAL ZIN TO, ,CI STE KUN RDZOB TU YANG YIN NA DE'I TSE MA NGES PA NYID YIN TE, 'DI LTAR SHIN TU THA DAD PA YIN NA YANG DON 'GA' ZHIG RANG BZHIN GYIS RNAM PAR GCIG TU RTOG PA'I SHES PA'I RGYU NYID DU BSGRUB PAS NA KUN RDZOB KYI SGRA DANG DON DAG GI BRJOD PAR BYA BA DANG RJOD PAR BYED PA'I DNGOS PO BSGRUB PAR 'GYUR RO ZHES DANG PO NYID DU GZHAN SEL BAR BSAM PAR BSTAN ZIN TO, ,DE LTA BAS NA SEL BA SGRA'I DON DU SMRA BA'I SANGS RGYAS PA RNAMS LA BRJOD PA 'DI THAMS CAD SHIN TU GSOG PA YIN PAS GTING MA TSUGS PA 'BA' ZHIG TU ZAD PA'I PHYIR KUN RDZOB TU RJOD PAR BYED PA NYID 'THAD PAR 'CHAD PA NI, SGRA LAS BYUNG BA'I SHES PA 'DI, ,ZHES BYA BA LA SOGS PA STE, GANG GI TSE BLO RANG GI SNANG BA'I SGO NAS GZHAN GYI NGO BO SGRIB PAR BYED PA NI DON CI LTA BA BZHIN DU MI SNANG BA'I PHYIR RNAM PAR RTOG PA CAN GYI BLO DE KUN RDZOB YIN LA, DE RNAM PAR GZHAG PA'I NGO BO GANG YIN PA DE NI KUN RDZOB CES BYA'O, , DE NYID KYANG KUN RDZOB TU YOD PA YIN TE, DE'I PHYIR DES RNAM PAR GZHAG PA'I PHYIR SGRA DANG DON DAG GIS BRJOD PAR BYA BA DANG RJOD PAR BYED PA NYID DU KUN RDZOB NYID DU GNAS PA YIN GYI, DON DAM PA PA NI MA YIN TE, DE MED PA'I PHYIR DANG 'KHRUL BA'I SHES PA THAMS CAD YUL MED PA NYID YIN PA'I PHYIR RO, , CI STE DON DAM PA'I GCIG PA NYID YIN NA YANG SGRA RNAMS JI LTAR SGRUB PA DANG DGAG PA'I MTSAN NYID KYI THA SNYAD SGRO BTAGS PA'I DBANG GIS SGRUB PAR BYED SNYAM NA, 'DI LTAR ZHES BYA BA LA SOGS PA SMOS TE, LAG BRDA LA SOGS PA ZHES BYA BA LA SOGS PAS MIG BRDA LA SOGS PA GZUNG NGO, ,MYUR BA DANG DAL BA'I BYE BRAG LA SOGS PA'I BYE BRAG GIS BLO THA DAD PA'I PHYIR RO ZHES SBYAR BAR BYA'O, ,MYUR BA LA SOGS PA'I BYE BRAG 'DI GSAL BAR BYED PAS BYAS PA YANG MA YIN TE, GSAL BA BKAG PA'I PHYIR RO, ,DE'I GSAL BA ZHES BYA BA NI RTAG PA'I GSAL BA'O, ,SPYI'I DBANG GI THA SNYAD KYI

194b

YAN LAG NYID KYANG MA YIN TE, DE NI BKAG ZIN PA'I PHYIR DANG MA RTOGS PA'I PHYIR RO, ,SPYI NI THA SNYAD KYI YAN LAG NYID MA YIN TE, THAMS CAD KYI TSE THA SNYAD DU 'GYUR BA'I PHYIR RO, ,BRDA NI BGAG PA LA SOGS PA'I, ,ZHES BYA BA'I SOGS PA'I SGRAS SGRUB PAR BYED PA DANG RJES SU GNANG BA DANG DON DU GNYER BA LA SOGS PA GZUNG NGO, ,DE DAG GI SHES PA STE, RTOGS PA DE'I YAN LAG STE RGYUR LAG BRDA LA SOGS PA 'DI 'GYUR RO, ,DE BZHIN DU SGRA YANG 'GYUR RO ZHES BYA BA LHAG MA'O, ,DE'I PHYIR SGRA DON GYIS 'BREL BA, ,RTAG PA NYID DU KHAS BLANG GIS, ,ZHES GANG SMRAS PA DE LA SGRA 'DI DAG NI PHYI ROL DON ZHES BYA BA LA SOGS PA SMOS TE, GANG ZHIG RTAG PA'AM, MI RTAG PAR 'GYUR BA SGRA DANG DON DAG GI 'BREL BA DNGOS PO PA NI 'GA' YANG YOD PA MA YIN TE, 'DI LTAR SGRA RNAMS PHYI ROL GYI DON RTOGS PAR BYED PA MA YIN TE, DE DANG LHAN CIG 'BREL BA MED PA'I PHYIR RO ZHES SNGAR SGRA'I DON BRTAGS PAR BSHAD ZIN TO, ,'BREL BA MED PAR YANG STON PAR BYED PA NA HA CANG THAL BAR 'GYUR RO, ,'O NA DE LTA NA CI ZHIG STON PAR BYED CE NA, BRJOD PAR 'DOD PA STON PA YIN, ,ZHES BYA BA SMOS TE, BRJOD PAR 'DOD PA YANG BRJOD PAR BYA BA NYID KYIS STON PA NI MA YIN NO, ,'O NA CI ZHE NA, RTAGS NYID KYIS STON PAR BYED PA YIN TE, DE NYID KYI PHYIR STON PA YIN, ,ZHES BSHAD DO, ,'DI LTAR SGRA BRJOD PA LAS DON NGES PA'I RNAM PAR RTOG PA SKYE'I, BRJOD PAR 'DOD PA NGES PA NI MA YIN LA, SGRA'I SHES PAS MA NGES PA GANG YIN PA DE YANG JI LTAR SGRA'I DON YIN, GAL TE DE LTA NA GANG GI RTAGS KYIS DE STON PAR BYED PA BRJOD PAR 'DOD PA DANG LHAN CIG DE DANG 'BREL BA GANG YIN ZHE NA, DE DAG DE'I ZHES BYA BA LA SOGS PA SMOS TE, SGRA RNAMS BRJOD PAR 'DOD PA DE'I 'BRAS BU NYID DU BDAG NYID LA MNGON SUM DANG MI DMIGS PA DAG GIS NGES PA'I PHYIR RGYU DANG 'BRAS BU'I MTSAN NYID 'BREL BA YIN NO, ,'O NA DE LTAR NA BRDA DON MED DE, MNGON SUM DANG MI DMIGS PA KHO NA LAS RGYU DANG 'BRAS BU DNGOS PO NGES PA NYID KYI PHYIR RO ZHE NA, GANG GIS RGYU DANG 'BRAS BU YI, ,ZHES BYA BA LA SOGS PA SMOS TE, 'DI SNYAM DU SEMS TE, GAL TE YANG BRJOD PAR 'DOD PA TZAM DU LHAN CIG RGYU

195a

, ,DANG 'BRAS BU'I DNGOS PO NYID KYIS NGES TE BRJOD PAR 'DOD PA'I KHYAD PAR DANG NI GZHAN GYI RGYUD LAS BRDA LAS MA GTOGS PA NGES PAR MI NUS PAS DE'I PHYIR DE NGES PAR BYA BA'I PHYIR BRDA BYED DO, ,'ON TE BRDA LAS KYANG CI LTAR 'DI NGES PAR NUS TE, 'DI LTAR BRDA'I DUS NA GZHAN GYI BRJOD PAR 'DOD PA'I KHYAD PAR SRID PAR GYUR NA DE'I TSE DE LA, BRDA 'DI BYAS PA NA PHYIS THA SNYAD KYI DUS NA BRJOD PAR 'DOD PA'I KHYAD PAR RTOG PA'I RGYUR 'GYUR NA GANG GI PHYIR THABS DE NYID YOD PA MA YIN TE, DE LTA NA YANG SGRA BRJOD NAS BRDA BYED LA, DE LTA YIN DANG SGRA DE NYID LAS BRJOD PAR 'DOD PA'I KHYAD PAR RTOGS PAN PHAN TSUN BSTEN PA'I SKYON DU 'GYUR TE, 'DI LTAR BRDA'I DBANG GIS SGRA BRJOD PAR 'DOD PA'I KHYAD PAR GSAL BAR BYED PA YIN LA, SGRA YANG BRJOD PAR 'DOD PA'I KHYAD PAR RTOGS PA MED PAR SGRA LAS MA YIN PA'I PHYIR PHAN TSUN BSTEN PA NYID DU GSAL BA'O ZHE NA, SKYON 'DI NI MED DE, SGRA'I THA SNYAD 'DI THAMS CAD RANG GI SNANG BA'I RJES SU BYED PA NYID DU 'DOD DE, 'KHRUL BA'I RAB RIB CAN GNYIS KYI ZLA BA GNYIS KYI THA SNYAD LTA BU YIN PA DE'I TSE BRTZAD DU CI ZHIG YOD, THAMS CAD DU SGRA NYID THAMS CAD BRJOD PAR 'DOD PA'I KHYAD PAR RTOGS PA'I RGYU NYID KYANG MA YIN TE, GZHAN DU YANG LA LAR NAS BZUNG NAS SAM, SKABS LA SOGS PAS DON GYI KHYAD PAR STON PAS RANG GI BRJOD PAR 'DOD PA'I KHYAD PAR RIGS NAS BRDA BYED PA'I PHAN TSUN BSTEN PA NYID MA YIN NO, ,GZHAN YANG KHYED CAG BSGRUB PAR SMRA BA LA YANG KLAN KA MTSUNGS TE, GZHAN GYI RTOGS PA MNGON SUM MA YIN PA'I PHYIR RO, ,JI LTAR SMRA BA PO DANG NYAN PA PO DAG DON GCIG RTOGS PAR NGES PA MED PAR BRDA RIGS PA YIN, DE LTA BAS NA 'DI LA KHYED KYI LAN GANG YIN PA DE KHO BO CAG GIR YANG 'GYUR RO, ,'DI SNYAM DU SGRA BRJOD PAR 'DOD PA LA BRDA MA BYAS PA'I PHYIR DE JI LTAR BRDA LAS DE DANG LHAN CIG 'BREL BA NGES PAR BYED, GZHAN LA BRDA BYAS PAS NI DON GZHAN GSAL BAR BYED PAR 'GYUR BA NI MA YIN TE, HA CANG THAL BAR 'GYUR BA'I PHYIR RO SNYAM NA, SKYON 'DI NI MED DE, 'DIR SGRAS BRJOD PAR 'DOD PA LA YONGS SU GSAL BA DON GYI RNAM PA PHYI ROL GYI NGO BO NYID NGES PAR BYAS PA GANG YIN PA DE 'DIR 'DOD DE, DE NI DAM PAR BRJOD

195b

PAR 'DOD PA'I RANG BZHIN YIN PA'I PHYIR RO, ,DE NYID 'DIR BRJOD PAR 'DOD PA'I KHYAD PAR DU 'DOD CING, DE NYID LA BRDA BYED PA YIN GYI RANG GI MTSAN NYID LA NI MA YIN NO, ,DE NYID SGRA BRJOD PAR BYA BA YIN TE, DE LAS DE'I RNAM PA CAN GYI RNAM PAR RTOG PA SKYE BA'I PHYIR BRJOD PAR 'DOD PA 'BA' ZHIG SGRAS BRJOD PA YIN NO ZHES BSTAN PA YIN NO, ,DE LTA NA GAL TE BRJOD PAR 'DOD PA LA YONGS SU GSAL BA LA DON GYI RNAM PAS SGRA'I 'BREL BA RGYU DANG 'BRAS BU'I MTSAN NYID KHO NA YIN NA DE JI LTAR SLOB DPON GYIS DE DANG DER SGRA DANG DON GYI 'BREL BA BRDA LAS BYUNG BA'AM, BRDA YIN PAR GSUNGS SHE NA, BRJOD PAR 'DOD LA GSAL DON DANG, ,ZHES BYA BA LA SOGS PA SMOS TE, BRDA YOD NA NYAN PA PO'I SHES PA SKYE BAR 'GYUR BA'I PHYIR BRDA LAS BYUNG BA YIN NO, ,BDAG NYID LA SOGS PA YIN PA NYID KYI PHYIR THAG CES BYA BA NI SKYON SBYAR BAR BYA'O, ,GAL TE YANG DER YANG PA'I SGRA NI DON BRJOD PA'I TSIG TU GZUNG BAR BYA BA YIN LA, DE LTA NA'ANG DON DAM PAR YOD PA DANG SKYE BA THA MI DAD PA'I PHYIR DE NYID BRJOD PAR 'DOD PA YOD PA YIN NO, ,SMRA BA PO'I RGYUD LA YANG BRDA'I SGO NAS GSAL BAR BYED PA'I PHYIR NYE BAR BTAGS NAS BRDA YIN PAR BRJOD DE, DE NI SO SOR NGES PA'I DUS SU 'JUG PA NYID KYIS DE'I DUS SU MI SRID PA'I PHYIR RO, ,'ON TE GAL TE DON DAM PAR DNGOS POR GYUR PA'I 'BREL BA MED CES BYA BA BSTAN PA MA YIN NAM, ,'O NA JI LTAR RGYU DANG 'BRAS BU'I MTSAN NYID DU 'GYUR ZHE NA, RGYU DANG 'BRAS BUR GYUR BA YI, ,ZHES BYA BA LA SOGS PA SMOS TE, DE DAG NYID NI ZHES BYA BA NI RGYU DANG 'BRAS BUR GYUR PA'I DNGOS PO'O, ,DE SKAD CES BYA BA NI RGYU DANG 'BRAS BU ZHES BYA BA LA SOGS PAS TSOGS CHUNG BAR BYA BA'I DON DU'O, ,DE LTAR NA YANG SKYES BU DANG SBYOR BA RE RE LA DE DAG THA DAD PA'I PHYIR JI LTAR SMRA BA PO DANG NYAN PA PO DAG GI 'BREL BA THA MI DAD PAR RTOGS, ,'DI LTAR SMRA BA PO 'DI SNYAM DU, BRDA'I DUS SU BDAG GIS BZUNG BA GANG YIN PA'I SGRA'AM, DON DE NYID KYIS DON DE NYID RTOGS PAR BYA'O SNYAM DU SEMS LA, DE BZHIN DU NYAN PA PO YANG 'DI SNYAM DU DE NYID KYIS DON DE NYID RTOGS PAR BYED DO SNYAM STE, DE MA YIN NA BLO THA DAD PA LA GNAS PA DAG JI LTAR THA SNYAD DU BYED PAR 'GYUR ZHE NA, DE DAG KYANG NI ZHES BYA BA LA SOGS PA SMOS TE, RMONGS PAR ZHES BYA BA NI

196a

, ,'KHRUL PAS SO, ,RTOGS ZHES BYA BA NI 'DZIN PA'O, ,'DI NI BRDA DANG THA SNYAD DAG GIS PHYIN PA STE NON PA YANG YIN LA DUS KYANG YIN PA'I PHYIR DE SKAD CES BYA'O, ,DER KHYAD PAR NI RGYU DANG 'BRAS BU'I NGO BO GCIG GIS ZHES BYA BA LHAG MA'O, ,YANG DON DAM PAR 'BREL BA GCIG NYID DU CI'I PHYIR MI 'DOD GANG GIS BRTAGS PA KHO NA 'DOD CE NA 'DI LA 'BREL BA ZHES BYA BA LA SOGS PA SMOS TE, 'BREL BA YOD NA THA DAD PA RNAMS LA YOD DAM THA MI DAD PA RNAMS LA YOD GRANG, RE ZHIG THA DAD PA RNAMS LA NI MED DE, THAMS CAD RANG GI BDAG NYID LA GNAS PA NYID KYIS MA 'CHOL BA'I PHYIR RO, ,THA MI DAD PA NA YANG DNGOS PO DE GCIG KHO NA YIN PA'I PHYIR GANG ZHIG GANG DANG LHAN CIG 'BREL PAR 'GYUR, DE'I PHYIR MA 'BREL PA NYID DU 'GYUR RO, ,GANG DU BRDA'I MTSAN NYID KYIS 'BREL PA'I BRDA NI SKYES BU SO SO LA'AM ZHES BYA BA LA SOGS PAS SUN 'BYIN PA DE LA GRUB PA LA SGRUB PA NYID DU BSTAN PA'I PHYIR, BRDA NI SKYES BU SO SO LA, ,ZHES BYA BA LA SOGS PA SMOS TE, 'DI MI 'DOD PA'I THOG TU GTONG BA NI SUN 'BYIN PA ZHES BYA BA LA SANGS RGYAS PA DAG GIS BRDA SGRA DON DAG GI 'BREL BA DNGOS PO BAR NI MI 'DOD DE, DE NI SKYES BU'I CHOS YIN PA'I PHYIR RO, ,DE SUN 'BYIN PA NA YANG 'DOD PA NYAMS PA 'GA' YANG YOD PA MA YIN NO, ,GZHAN GYI CHOS GZHAN GYIS 'BREL BAR 'GYUR BA YANG MA YIN TE, HA CANG THAL BAR 'GYUR BA'I PHYIR RO, ,BRJOD PA RE RE NYID LA'AM, 'GRO BA'I DANG POR LAN CIG ZHIG ,CES BYA BA LA SOGS PA'I PHYOGS GNYIS SMRAS PA GANG YIN PA DE YANG KHAS MA BLANGS PA'I PHYIR SUN 'BYIN PA MA YIN NO, ,BRJOD PA RE RE ZHES BYA BA LA SOGS PA GANG SMRAS PA DE LA, DE LTA'I ZHES BYA BA NI 'BREL BA'O, ,GZHAN GYIS ZHES BYA BA NI SANGS RGYAS PAS SO, ,DBANG PHYUG LA SOGS PA ZHES BYA BA NI DBANG PHYUG DANG TSANGS PA LA SOGS PA'O, ,'BREL BA RE RE THA DAD DAM, ,ZHES BYA BA LA SOGS PA GANG SMRAS PA DE LA, RE RE'I 'BREL BA GANG YIN DE, ,ZHES BYA BA LA SOGS PA SMOS TE, 'DIR NI PHYOGS GNYIS PA NYID YIN LA, BLO THA DAD PAR THAL BAR 'GYUR BA YANG MA YIN TE, THA DAD KYANG 'DRA BAR RTOGS PA'I RGYU NYID MI 'GAL BA'I PHYIR, GAL TE THA DAD BLO THA DAD, ,CES GANG SMRAS PA DE NI MA NGES PA

196b

YIN NO, ,'DI SNYAM DU KHO BO CAG LA SKAD CIG MA 'JIG PA MA GRUB PA'I PHYIR, THA DAD SKAD CIG GIS 'JIG PHYIR, ,ZHES JI LTAR BRJOD CE NA, RIM GYIS KYANG NI ZHES BYA BA LA SOGS PA SMOS TE, DE'I ZHES BYA BA NI 'BREL BA'I RIM PA BRJOD DE STON PAR BYED PA YIN NO ZHES BYA BA'I DON TO, ,GZHAN DU DE DAG RIM MI 'GYUR, ,ZHES BYA BA NI BLO RNAMS ZHES BYA BA DANG SBYAR RO, ,'DI YANG ZLOG PA LA GNOD PA CAN GYI TSAD MA YIN TE, SBYOR BA NI SNGA MA BZHIN DU BRJOD PAR BYA'O, ,SMRA BO NYAN PA'I BLO THA DAD, ,PHYIR NA THA SNYAD 'JIG PAR 'GYUR, ,ZHES BYA BA LA SOGS LA MANG PO RNAMS ZHES BYA BA LA SOGS PA SMOS TE, DPER NA SNGON PO LA SOGS PA'I SKAD CIG MA MANG PO DAG GIS MTHONG NA YANG THA DAD PA MA YIN PA DE BZHIN DU, MANG PO RNAMS BRDA BYED NA YANG 'BREL BA THA DAD PA MA YIN NA GNYIS LTA SMOS KYANG CI DGOS, ,THAMS CAD 'DRA BAR RTOGS PA LA GNAS PA NYID KYI PHYIR RO SNYAM DU BSAMS PA YIN NO, ,DE'I PHYIR SMRA BA PO DANG NYAN PA PO DAG LA 'BREL PA GZHAN YOD PA MA YIN NO, ,BUM PA SOGS LA MTSUNGS SHE NA, ,MA YIN SPYI NI RAB GRUB PHYIR, ,ZHES BYA BA LA SOGS PA GANG SMRAS PA DE LA, BUM SOGS KYI ZHES BYA BA LA SOGS PA SMOS TE, DANG PO NYID DU ZHES BYA BA NI SPYI BRTAGS PAR RO, ,YANG 'DI NYID DU BSDUS NAS BSAL BAR BYA BA'I PHYIR 'BYUNG PO'I ZHES BYA BA LA SOGS PA SMOS TE, 'BYUNG BO RNAMS NYI MA LA SOGS PA'I GZA' RNAMS KYI MGUL CHINGS BZHIN DU KHYED CAG SPYOD PA BA RNAMS KYI RIGS THA DAD PAR MI 'DOD LA BLTAR RUNG BA NYID YIN PA NI SNANG BA YANG MA YIN ZHING THA MI DAD PA YANG MA YIN TE, RIGS KYI RANG GI NGO BO BZHIN DU BUM PA LA SOGS PA DE DAG KYANG RTAG PA NYID DU THAL BAR 'GYUR BA'I PHYIR RO, ,CI STE YANG THA DAD PAR KHAS LEN NA DE'I TSE 'BREL BA MED PA'I NYES PA DANG THA DAD PA RNAMS KYI 'BREL BA NI DE LAS BYUNG BA'I MTSAN NYID KHO NAR 'GYUR TE, DE LTA YIN DANG DE LAS BYUNG BA YIN NA RIGS MI RTAG PA NYID DU 'GYUR TE, SKYE BA'I CHOS CAN YIN PA'I PHYIR BUM PA BZHIN NO, ,LA LAR RTAG PA NYID CES 'DOD PA DER NI DON 'DI YIN TE, GAL TE BUM PA LA SOGS PA RIGS DE LAS SKYE BAR KHAS LEN PAR BYED NA, DE'I TSE BUM PA LA SOGS PA RTAG PA NYID DU 'GYUR TE, RGYU NYE BA'I PHYIR RTAG TU SKYE BAR 'GYUR PA'I PHYIR RO ZHES BYA BA'I DON TO, ,GNYI GA'I

197a

, ,RANG BZHIN YIN PA'I PHYOGS LA GNYI GA'I PHYOGS LAS BYUNG BA'I SKYON DANG GCIG NYID NYAMS PAR THAL BAR 'GYUR BA YIN TE, DNGOS PO GCIG LA RANG BZHIN GNYIS MI 'THAD PA'I PHYIR RO, ,DE LTA NA'ANG DNGOS PO GCIG NYID DU KHAS BLANGS PAR 'GYUR GYI GCIG GNYI GA'I BDAG NYID NI MA YIN NO, ,GNYI GA MA YIN PA'I PHYOGS LA DNGOS PO NYID NYAMS PAR THAL BAR 'GYUR BA DANG GCIG LA BSGRUB PA DANG DGAG PA MI RUNG BA'I PHYIR RO ZHES KYANG BRJOD PAR BYA'O, ,NYES PA 'DI DAG CES BYA BA NI 'BREL BA MI SGRUB PA DANG MI RTAG PA NYID LA SOGS PA THAL BAR 'GYUR BA'I MTSAN NYID DO, ,CHU 'DZIN LA SOGS PA 'BRAS BU RTAG PA NYID DU 'GYUR BA YANG SKYON BLA LHAG PA YIN NO, ,'BREL BA NUS PA NYID YIN TE, ,ZHES BYA BA LA SOGS PA GANG SMRAS PA DE LA, 'BREL BA'ANG NUS PA NYID YIN LA, ,ZHES BYA BA LA SOGS PA STE, MI 'DOD CE NA 'DI BYA BA NI GNYI GA DANG GNYI GA MA YIN PA'I RANG BZHIN GYI MTSAN NYID LA SNGA MA BZHIN DU SKYON DU THAL BAR 'GYUR PA'I PHYIR RO, ,'BREL PA BRJOD PA'I DUS SU YANG, ,ZHES BYA BA LA SOGS PA GANG SMRAS PA DE LA, 'BREL PA BRJOD PA'I DUS NA ZHES BYA BA LA SOGS PA SMOS TE, CI 'DRA BA ZHES BYA BA NI GANG GI PHYIR RGYU DANG 'BRAS BU'I MTSAN NYID DE 'DRA BA'I 'BREL BA YOD PA DE'I PHYIR KHA CIG RTOGS SO ZHES RIGS PA YIN TE, DE NI SO SOR NGES PA'I SHES PA SKYED PAR BYED PA NYID DU GNAS PA'I PHYIR RO, ,KHYED CAG GI 'BREL BA LA THAMS CAD RIGS PA MA YIN NO ZHES STON PA NI KHYED CAG GIS NI ZHES BYA BA LA SOGS PA'O, ,'DI LTAR 'BREL BA NI NUS PA'I MTSAN NYID DU 'DOD LA SKYED PAR BYED PA'I NGO BO YANG NUS PA ZHES BYA'O, ,DE YANG RTAG PA DANG GCIG PU'I RANG BZHIN DANG DON RTOGS PA SKYED PAR BYED PA LA NGES PAR 'DOD DO, ,DE LTA NA DON RTOGS PA LA NGES PA YIN NA SKYES BU NYUNG ZAD KYI MTSAMS DANG 'BRAL BA MTSAMS MED PAR 'DOD DAM, 'ON TE MA YIN ZHES BYA BA PHYOGS GNYIS SO, , PHYOGS DANG PO LA THAMS CAD LA THAMS CAD CIG CAR DON RTOGS PAR THAL BAR 'GYUR RO, ,PHYOGS GNYIS PA LA YANG SO SOR NGES PA'I SHES PA SKYED PAR BYED PA'I RANG BZHIN NGES PA'I RGYU BRJOD PAR BYA STE, DNGOS PO BYAS PA RNAMS NI SO SOR NGES PA'I 'BRAS BU SKYED PAR BYED PA'I RANG BZHIN NGES PA NI RANG GI RGYU DANG

197b

RKYEN RNAMS YIN PAR RIGS TE, RTAG PA RNAMS NI MA YIN NO SNYAM DU BSAMS PA YIN NO, ,'DI SNYAM DU RTAG PA RNAMS KYANG GANG GIS SO SOR NGES PA'I 'BRAS BU SKYED PAR BYED KYI THAMS CAD MA YIN PA DE 'DRA BA DE NI RANG BZHIN NYID YIN TE, RANG BZHIN NI BRGAL ZHING BRTAG PAR 'OS PA MA YIN NO SNYAM DU SEMS NA, 'O NA DE LTA NA GAL TE DE'I RANG BZHIN 'DI RANG NYID KYIS YIN GYI GZHAN LA LTOS PA MED PA YIN NA DE'I TSE BRDA 'DZIN PA LAS SNGA ROL DU DANG BRDA BRJOD PA'I SO SOR NGES PA'I RTOGS PA PO DE'I SHES PA THAMS CAD KYI TSE 'JUG PAR 'GYUR TE, DE'I SHES PA SKYED PAR BYED PA LA NGES PA'I NUS PA THAMS CAD KYI TSE GNAS PA'I PHYIR RO, , YANG CI STE SHES PAR BYED PA YIN PA'I PHYIR 'BREL BA'I MTSAN NYID KYI NUS PA SHES NA SHES PA SKYED PAR BYED PA YIN GYI MA SHES PAR NI MA YIN NO, ,DES NA JI SKAD DU BSHAD PA'I SKYON DU THAL BAR 'GYUR SNYAM NA, DE NI YANG DAG PA MA YIN TE, GAL TE SHES PA DANG MI SHES PA'I GNAS SKABS GNYIS PHAN TSUN THA DAD PAR 'DOD NA DE'I TSE RTAG PA NYAMS LA CI STE THA MI DAD NA DE'I TSE SHES PA DANG MI SHES PA'I RANG BZHIN GNYIS KYI RNAM PAR DBYE BA MI 'THAD DE, DNGOS PO GCIG SKYES BU GCIG LA LTOS NAS SHES PA DANG MA SHES PA PHAN TSUN 'GAL BA'I RANG BZHIN GNYIS RIGS PA NI MA YIN NO, ,GZHAN YANG NUS PA RTOGS PAR BYED PA'I THABS YOD NA SHES PA NYID DU 'GYUR NA, GANG GI PHYIR DE SRID PA MA YIN NO SNYAM DU SEMS NA, 'DRA BA NI GZHAN YANG ZHES BYA BA LA SOGS PA'O, ,GAL TE DON GYIS GO BAS ZHES BYA BA LA SOGS PAS RE ZHIG RGYAS PAR GZHAN GYI DOGS PA BSU BA YIN TE, 'DI LTAR GZHON NU MA LEN GYIS 'BREL BA RTOGS PA'I THABS 'DI SMRAS TE, GANG GI PHYIR RE ZHIG DANG POR MNGON SUM GYI SGRA DANG 'BREL BA CHAD PAR BYED PA'I SMRA BA PO DANG BRJOD PAR BYA BA STE BRJOD BYA'I DNGOS PO MTHONG LA, DE NAS PHYIS G-YO BA'I MTSAN NYID RTAGS KYIS RJES SU DPAG PAS NYAN PA PO RTOGS PA NYID MTHONG STE, NGES PAR BYED DO ZHES BYA BA'I DON TO, ,BYED PA NI BYED PA POS BYAS PA'I G-YO BAS RJES SU DPAG PA NYID DU BRJOD DO, ,DE'I 'OG TU DON GYIS GO BAS GNYIS LA BRTEN PA'I NUS PA RTOGS TE DON GYIS GO BAS DNGOS SU MI RTOGS PA DE'I PHYIR DON GYIS GO BAS RTOGS SO ZHES BSTAN TO, ,TSAD MA GSUM PA ZHES BYA BA NI MNGON

198a

, ,SUM DANG, RJES SU DPAG PA DANG, DON GYIS GO BA'I MTSAN NYID CAN GYI TSAD MA GSUM GANG ZHIG RTOGS PAR BYA BA'I DON DU YOD PA DE LA DE SKAD CES BYA'O, ,GZHAN DU MI 'THAD KHO NA'I PHYIR, ,ZHES BYA BA LA SOGS PAS SUN 'BYIN PA 'CHAD DE, 'DIS NI DON GYIS GO BA MA NGES PA NYID DU BSTAN PA YIN TE, 'BREL BA RTAG PA MED NA YANG RTOGS PA SRID PAR BSTAN ZIN PA'I PHYIR RO, ,SGRUB PAR BYED PA'I TSAD MA MED PA'I PHYIR RTAG PAR MI RIGS PA 'GA' ZHIG TU MA ZAD TSAD MAS GNOD PA'I PHYIR YANG MI RIGS SO ZHES BSTAN PA'I PHYIR, NUS PA RTAG PA NYID PHYOGS LA, ,ZHES BYA BA LA SOGS PA SMOS TE, SBYOR BA NI GANG DAG BRDA LA LTOS NAS DON GSAL BAR BYED PA DE DAG NI 'BREL BA RTAG PA DANG LDAN PA MA YIN TE, DPER NA GA BA LA SOGS PA'I SGRA RNAMS BZHIN NO, ,'JIG RTEN PA DANG RIG BYED KYI GOO LA SOGS PA'I SGRA RNAMS KYANG BRDA LA LTOS NAS DON GSAL BAR BYED PA YIN NO ZHES BYA BA NI 'GAL BAS KHYAB PA DMIGS PA STE, LTOS PA DANG BCAS PA NYID LA NI 'BREL BA RTAG PA DANG LDAN PA NYID DANG 'GAL BA MI RTAG PA'I 'BREL BA DANG LDAN PA NYID KYIS KHYAB PA'I PHYIR RO, ,TSAD MA 'DI YANG 'CHAD PAR 'GYUR RO, ,'DIR NI DE'I KHYAB PA TZAM ZHIG SGRUB PAR BYED PA YIN TE, 'DI LTAR SGRA RNAMS NI DON RTOGS PA'I MTSAN NYID KYI 'BREL PAS 'BREL PA RTAG PA DANG LDAN PAR 'DOD LA NUS PA DE YANG RTAG PA'I PHYIR PHAN GDAGS PAR BYA BA MA YIN PAS BRDA LA SOGS PAS 'GA' ZHIG LA YANG LTOS PA MA YIN NO, ,DE LTA YIN DANG DE LAS BYUNG BA'I SGRA'I DON RTOGS PA THAMS CAD KYI TSE 'GYUR RO, ,GZHAN YANG NUS PA DE DON GCIG LA NGES PA YIN NAM DON DU MA LA NGES PA YIN, DON DU MA LA NGES PA'I PHYOGS DE LA YANG CI SGRA 'DI'I NGES PA DON DU MA GSAL BAR BYED PA GCIG NYID YIN NAM, 'ON TE DU MA YIN ZHES RNAM PAR BRTAG GO, ,DE LA PHYOGS DANG PO LA YUL DANG DUS LA SOGS PA THA DAD PAS BRDA GZHAN BYED PA NA SGRA DON GZHAN RTOGS PAR BYED PA GANG YIN PA 'DI MTHONG STE, DPER NA KA LI DANG MA RI LA SOGS PA'I SGRA RNAMS 'GRO LDING BA DANG 'PHAGS PA'I YUL PA DAG LA GO RIMS BZHIN DU DUS KYI CHA DANG CHAR 'BAB PA DANG NYE BAR 'TSE BA LA SOGS PA RJOD PAR BYED PA CAN GYI SGRA LAS DON GZHAN RTOGS PAR BYED PA

198b

NYID DU MTHONG BA GANG YIN PA DER 'BYUNG BA STE NUS PA NGES PA'I PHYIR MIG LA SOGS PA BZHIN NO, ,MIG NI BRDA'I DBANG GIS RO LA SOGS PA'I DON DU SBYOR BAR 'ONGS PA MA YIN NO, ,PHYOGS GNYIS PA LA YANG SGRA GCIG LAS CIG CAR SKYES BU THAMS CAD LA DON THAMS CAD RTOGS PAR THAL BAR 'GYUR RO, ,DE NYID STON PA NI, GAL TE SNA TSOGS DON GSAL PHYIR, ,ZHES BYA BA LA SOGS PA'O, ,'DI NYID LA SKYON GZHAN 'CHAD PA NI, DON NI GSAL BAR BYED NUS PA, ,ZHES BYA BA LA SOGS PA STE, DE LA ZHES BYA BA NI NUS PA DON RTOGS PA YIN NO, ,MI G-YO ZHES BYA BA NI RTAG PA STE 'DI YANG PHAN GDAGS PAR BYA BA MA YIN PA NYID LA GTAN TSIGS YIN NO, ,BRDA LA LTOS PA DANG BCAS PA NYID KHAS BLANGS NAS KYANG NYES PA GZHAN 'CHAD PA NI, DON NI GSAL BAR BYED PA'I RGYU, ,ZHES BYA BA LA SOGS PA SMOS TE, DON MA 'CHOL BAR SHES PA YIN NO SNYAM PAS KHYED KYI 'CHOL BA'I RGYU SKYES BU BKAG PA YIN TE, DE LA JI LTAR LA LAR DE DAG GI DON THAMS CAD THUN MONG BA'I SGRA RNAMS BSRE BAR BYED PA DE BZHIN DU RIGS BYED THAMS CAD KYANG LA LAR DE DAG GI 'DOD PA'I DBANG GIS BRDA BYAS PA NA, CI'I PHYIR 'CHOL BAR MI 'GYUR TE, SKYES BU DE DAG NI DE KHO NA NYID YONGS SU MI SHES PA'I PHYIR RO, ,'DI LTAR BRDA NI 'DOD PA'I DBANG GIS YIN LA, DE YANG DE KHO NA NYID MI SHES PA DE DAG RANG DBANG DU 'JUG PA NA GANG ZHIG NGES PAR 'GYUR, DE'I PHYIR 'DOD PA LAS 'BYUNG BA'I RANG DBANG GIS BRDA YANG RANG DBANG CAN GYI 'GRUS PA GZHAN DU CI'I PHYIR 'GAL BA'I DON SPONG BAR BYED NUS PA DON DU MA GSAL BAR BYED PA'I PHYOGS KHAS BLANGS NAS SKYON GZHAN 'CHAD PA NI, SNA TSOGS DON NI GSAL BYED LAS, ,ZHES BYA BA LA SOGS PA STE, GAL TE YANG SGRA RNAMS LA DON DU MA STON PAR BYED PA'I NUS PA YOD KYI DON RNAMS LA DON GYI BYA BA THAMS CAD BYED PA NYID MED DE RGYU DANG 'BRAS BU'I DNGOS PO SO SOR NGES PA'I PHYIR RO, ,DE LTA MA YIN NA 'GA' YANG GNOD PA'AM, MI GNOD PAR MI 'GYUR RO, ,DE LTA YIN DANG SO SOR NGES PA'I DON BYA BA BYED PAR SGRUB PAR BYED PA'I DON THAMS CAD DANG THUN MONG BA'I SGRA'I 'DOD PA'I DON GYI YUL CAN NYID KYI BRDA BYED PAS BYED DO ZHES BYA BA 'DI GA LAS RNYED PA YIN, DE LTA BAS NA LOG PA NYID SRID PA'I PHYIR RTAG PAR BRTAGS PA DON MED PA NYID YIN NO, ,

199a

, ,GZHAN YANG 'DI'I DON MED PA NYID BSTAN PA'I PHYIR, BRDA LA LTOS PA YIN PAS NA, ,ZHES BYA BA LA SOGS PA SMOS TE, GAL TE 'BREL PA YOD PA TZAM GYIS DON RTOGS PA'I RGYUR GYUR NA DE'I TSE BRDA MI SHES PA LA YANG 'GYUR BA'I PHYIR GDON MI ZA BAR DE NI BRDA LA LTOS PA NYID DU 'DOD PAR BYA'O; ,DE'I PHYIR BRDA YANG DON RTOGS PA'I RGYU NYID DU KHAS LEN PAR BYED PA NI GZHAN DAG GIS GUS PA NYE BAR 'JOG PA'I RTOG PA'I 'BREL PA DE CI'I PHYIR RGYU MED PAR RGYAS PAR BYED, 'DI LTAR 'BREL PA'I BYA BA NI 'DI TZAM ZHIG YIN TE, DON RTOGS PA BSKYED PAR BYED PA GANG YIN PA'O, ,GAL TE BRDA BYED PA YIN NA DE'I TSE GZHAN 'BREL BA RTAG PA BRTAGS PAS CI ZHIG BYA, ,KHYAD PAR BOGS DBYUNG DU MED PA DE NI 'GA' ZHIG LA YANG LTOS PA MA YIN NO ZHES LAN BRGYAR DPYAD ZIN TO, NUS PA MA MTHONG BA RGYU NYID DU RTOGS NA KYE MA AA RU RA DANG PHRAD NAS LHAS 'KHRU BAR BYAS SO ZHES CI'I PHYIR RTOGS PAR MI BYED, 'DI LTAR ZHES BYA BA LA SOGS PAS 'BREL PA'I BYA BA DE NYID MA GRUB PAR STON PA YIN NO, ,DE LAS ZHES BYA BA NI BRDA LAS SO, ,BRGYUD PA 'DI YI DON MED DO, ,ZHES BYA BA NI NUS PA MA MTHONG BA RGYU NYID DU RTOGS NA THUG PA MED PA'I SKYON YOD PA'I PHYIR TE, 'DI LTAR 'BREL BA RTOGS NA YANG GZHAN YANG NUS PA MA MTHONG BA'I RGYU GZHAN CI'I PHYIR RTOGS PAR MI BYED DE NUS PA MA MTHONG BA NYID DU KHYAD PAR MED PA'I PHYIR RO, ,DE BZHIN DU GZHAN YANG YIN PA'I PHYIR BRGYUD PA DON MED PA CHEN PO 'BYUNG BAR 'GYUR RO, ,DE LTAR GNOD PAR BYED PA'I TSAD MA'I KHYAB PA BSGRUBS NAS, SKYES BU'I 'DOD TZAM LAS BYUNG BA'I, ,ZHES BYA BA LA SOGS PAS DON GYI GO BA SNGAR MA NGES PA NYID DU BSTAN PA MJUG SDUD PAR BYED PA YIN NO, ,'BREL BA MI 'GRUB PO ZHES BYA BA NI RTAG PA ZHES BYA BA LHAG MA'O, ,DE LTAR BYAS NA, MI SHES PA DAG THAMS CAD LA, ,SNGA MA SNGA MA GRUB PHYIR ZHES BYA BA LA SOGS PAS GANG 'DI LA SMRAS PA DE LA PHAN TSUN 'GAL BA SMRAS PA YIN NO ZHES STON PA NI, RNAM PA GZHAN DU 'THAD PA NI, ,ZHES BYA BA LA SOGS PA SMOS TE, GAL TE THAMS CAD MI SHES PA NYID YIN NA 'O NA JI LTAR SNGA MA SNGA MAS MI SHES PA'I PHYIR 'BREL BA GRUB PAR 'GYUR, LONG BA BRGYUD PA NI GZHAN DAG LA GZUGS KYI KHYAD PAR 'DOM PAR BYA BA'I PHYIR NUS PA MA

199b

YIN NO, JI SKAD DU RI KHROD RJES GZUGS KYI KHYAD PAR DAG LA LONG BA RNAMS KYI TSIG BZHIN DU DE LTA BU'I RIGS CAN GYI DON DAG LA SKYES BU'I TSIG TSAD MA NYID DU NYE BAR 'GRO BA MA YIN NO ZHES BSHAD PA LTA BU'O, ,'DI SNYAM DU MNGON SUM GYIS MA MTHONG BA'I PHYIR THAMS CAD MI MTHONG BA'I PHYIR BRJOD KYI RNAM PA THAMS CAD DU YONGS SU SHES PA MED PA'I PHYIR NI MA YIN TE, SGRA'I THA SNYAD GZHAN DU MI 'THAD PA'I CHAD MAS SNGA MA SNGA MA'I RGAN PO DAG LAS MI SHES PAS NYID YOD PA KHO NA'O SNYAM DU SEMS NA, DE NI DE LTA MA YIN TE, GANG GI PHYIR GZHAN DU YANG BRDA LAS SGRA'I SGO NAS THA SNYAD 'JUG PA YIN NO ZHES BYA BA 'DI NI BSTAN ZIN TO, ,MA BSTAN PA MA YIN MOD KYI, DE LTA NA CI 'DI RTAG PA MA YIN NAM, 'ON TE MI RTAG PA YIN SNYAM DU THE TSOM ZA BA YIN NO, ,DE NYID KYI PHYIR DOGS PA YIN ZHES BYA BA LA SOGS PA SMOS TE, 'DI LTAR DON GYIS GO BAS 'BREL BA TZAM YOD PA NYID DU RTOGS KYIS KHYAB PAR NI MA YIN TE, DE DANG LHAN CIG 'BREL BA MA GRUB PA'I PHYIR RO SNYAM DU BSAMS PA YIN NO, ,DE NYID KYI PHYIR RJES SU DPAG PA LAS DON GYIS GO BAS THA DAD PA MA YIN NO, ,'DI SNYAM DU SGRA MI RTAG PA NI DON RTOGS PAR BYED PA'I RGYU NYID DU MA MTHONG LA RIGS PA YANG MA YIN NO ZHES SNGAR BSTAN ZIN TO, ,DE'I PHYIR SHUGS KYIS RTAG PA GRUB PAR 'GYUR RO SNYAM DU SEMS NA, 'DI NI RTAG PA LA YANG MTSUNGS PA DANG MA GRUB PA YIN NO, ,'DI LTAR 'BREL BA RTAG PA LA YANG DON RTOGS PA'I RGYU NYID DU MA MTHONG BA'I PHYIR MTSUNGS LA LAG BRDA LA SOGS PA MI RTAG PA NYID LA YANG RTOG PAR BYED PA NYID MTHONG BA'I PHYIR MA MTHONG BA NYID MA GRUB PO, ,DE NYID KYI PHYIR MI RIGS PA NYID KYANG MA GRUB PO, ,RTAG PA NI RIM DANG CIG CAR DAG GIS DON BYED PA 'GAL BA'I PHYIR DE NYID RIGS PA MA YIN PAS 'DI NI GYI NA'O, ,DE LTAR DON GYIS GO BAS MA NGES PA NYID DU 'JUG BSDUS NAS GNOD PAR BYED PA'I TSAD MA MJUG SDUD PAR BYED PA NI, DES NA BA LANG RTA SOGS KYI, ,ZHES BYA BA LA SOGS PA SMOS TE, DES NA ZHES BYA BA NI DON DE'I PHYIR RO, ,RTAG PA'I 'BREL LDAN ZHES BYA BA LA, MIN ZHES BYA BA DANG SBYAR RO, ,SBYOR BA DGOD PA NI DANG PO NYID DU BSTAN ZIN TO, 'ON TE GA BA LA SOGS PA'I SGRA RNAMS LEGS PAR BYAS PA MA YIN PA'I PHYIR GZHAN GYIS RJOD PAR BYED PA NYID MI

200a

, ,'DOD PA MA YIN NAM, DE'I PHYIR DPE MA GRUB PA NYID YIN NO, ,DE SKAD DU YANG GZHON NU MA LEN GYIS, ,NGED LA GO YI SGRA GNAS NA, ,DE MI NUS BYUNG CAN BYAS PA'O, ,GA YI SOGS LA RTZA BA'I SGRA, ,RJES 'BRANG GO YI BLO BZHIN NO, ,ZHES BSHAD DO, ,'DI'I DON NI 'DI YIN TE, RJOD PAR BYED PA GO'I SGRA LEGS PAR SBYAR BA YOD NA GA BA LA SOGS PA LEGS PAR MA BYAS PA SBYAR BA LAS BA LANG GI BLOR 'GYUR BA YIN NO ZHES BRJOD KYI DE NYID LA BYUNG BA NI MA YIN NO, ,'O NA CI ZHE NA, RTZA BA STE GTZO BO LA LEGS PAR BYAS PA'I GA'I RJES SU 'BRANGS NAS DE LA NUS PA MED PA LAS BYUNG BA CAN GYIS BYAS PA'I ZHES BYA BA DANG, GA BA LA SOGS PA LAS ZHES BYA BA NI GZHI MTHUN PA NYID DU SBREL TO, ,LEGS PAR BYAS PA'I GOO SGRA DE SKYES BUS BRJOD PA NYID DU MI NUS PA NI DE MI NUS PA'O, ,DE LAS BYUNG BA RKAN LA SOGS PA'I BYE BA GANG YIN PA NI MI GSAL BA DE LA DE SKAD CES BYA'O, ,DES BYED DU BCUG PA NI GA BA LA SOGS PA'I SGRA YIN TE, GZUNGS PAR BYA BA SKYES BU NI GA BA LA SOGS PA'I SGRAS BRJOD PA NA BYA BA DE NI 'DZUD PAR BYED PA NYID DU 'DOD PA'I PHYIR RO, ,DE BZHIN DU BAR TI HA RI NA RE JI LTAR GYIS PA SLOB PA NI, AA MAR MI GSAL AA MAR BRJOD, ,DE SHES PA LA DE YIS NI, ,GSAL BAR NGES PAR THOB PAR 'GYUR, ,DE LTAR LEGS SBYAR SBYAR BYAS LA, ,GANG ZHIG SGRA NYAMS RAB SBYAR BA, ,DE YIS LEGS SBYAR GYIS CHOD PA'I, ,DON 'GA' ZHIG NI RJES DPAG BYED, ,CES BRJOD DO, ,DE'I PHYIR, GOO SGRA NI RUNG GNAS NA, ,ZHES BYA BA LA SOGS PA 'DI SMOS SO, ,DE LTA MA YIN ZHES BYA BA LA SOGS PAS LAN 'DEBS PAR BYED DE, NYA BA LA SOGS PA ZHES BYA BA NI NYA SHOR BA LA SOGS PA'O, ,SOGS PA'I SGRAS KLA KLO LA SOGS PA GZUNG NGO, ,'DI LTAR DE DAG NI SLAR LA LEGS PAR SBYAR BA'I SGRA NYID KYIS DON STON PAR BYED PA NA MGO RMONGS PAR 'GYUR TE, DE LTA BAS NA RTZA BA'I SGRA'I RJES SU 'BRANGS NAS DON RTOGS PAR BYED PA MA YIN NO, ,YANG NA YUL 'JIG PA DANG RIGS CHAD PA'I NGO BO'I 'JIG PAR 'GYUR ZHES BYA BA LA SOGS PA GANG SMRAS PA DE LA, YUL 'JIG PA DANG ZHES BYA BA LA SOGS PA SMOS TE, 'DI SNYAM DU SEMS TE, KHO BO CAG GIS THAMS CAD RGYUN CHAD PA'I BDAG NYID 'JIG PA YIN PAR MA

200b

BRJOD LA 'BYIN PA DANG SDUD PA'I BDAG NYID KYI THOG MA MED PA'I SKYES BU YANG MA YIN NO, ,'O NA CI ZHE NA, 'GRO BA THAMS CAD THOG MA MED PA'I THA SNYAD DANG LDAN TE THOG MA MED PA'I BAG CHAGS LAS BYUNG BA'I RNAM PAR RTOG PA'I MTHAR THUG PA'I SGRA LAS BYUNG BA 'JUG PA YIN NO SNYAM MO, ,'ON KYANG KHYED CAG NI YUL 'JIG PA LA SOGS PA'I NGO BO 'JIG PAR BRJOD LA, GANG YANG SANGS RGYAS PA RNAMS KYIS ME DANG CHU DANG RLUNG DAG GIS 'JIG PA'I RANG BZHIN GYIS STONG GSUM GYI 'JIG RTEN GYI KHAMS KYI MTHAR THUG PA'I BAR DANG 'OG GI MTSAMS NI RLUNG GI DKYIL 'KHOR DANG, STENG DU GO RIMS BZHIN DU BSAM GTAN DANG PO DANG GNYIS PA DANG GSUM PA'I MTHAR THUG PA 'DI TSAD MAS MI GNOD PA'I PHYIR GNOD PA MED PA YIN LA, DGAG PAR MI NUS PA'I PHYIR TSANGS PA LA SOGS PA LA YANG DOGS PA YIN NO, ,'JIG PA DE GNYIS KA LA YANG RIG BYED 'JIG PAR SRID DE, PHYIN CI LOG GI DON RTOGS PA NA YANG RIG BYED 'DI GZHAN NYID YIN NO, ,'DRA BA NYID DE SNANG 'GYUR BA, ,ZHES BYA BA NI KHYED KYIS JI SRID DU GNOD PA CAN GYI TSAD MA BRJOD PA DE SRID DU DOGS PA LDOG PAR MI 'GYUR RO, ,'DI SNYAM DU GNOD PA CAN GYI TSAD MA 'DI YOD PA KHO NA STE, 'DI LTAR RE ZHIG DA LTAR YUL THAMS CAD DU SKYES BU RNAMS KYIS RIG BYED 'DON PA LA SOGS PA GZHAN DU BYA BAR NUS PA MA YIN TE, DE'I PHYIR DUS GZHAN DU YANG DE LTAR 'BYUNG NGO, ,'BYUNG BAR 'GYUR RO ZHES NGES PAS DE'I PHYIR DOGS PA 'DI BSU NAS RNAM PA GZHAN DU BYED 'DOD KYANG ZHES BYA BA LA SOGS PA SMOS TE, GAL TE GZHAN DU BYED PAR 'DOD PA NA RIG BYED KYI SGRA GZHAN DU 'JUG PA PAR MI 'GYUR BA DANG GZHAN DU BYED PAR 'DOD PA YANG SKYED PAR MI NUS PA YIN NA, DE'I TSE SKYES BU RNAMS KYI RIG BYED 'DOD PA LA SOGS PA GZHAN DU BYA BAR MI NUS PAR GRUB PAR 'GYUR NA DE LA YANG SKYES BU THAMS CAD KYI MI 'GRUB STE MA MTHONG BA TZAM TSAD MA MA YIN PA'I PHYIR DANG, SKYES BU DAG KYANG KHYAD PAR DU 'PHAGS PAR SNANG BA'I PHYIR RO, ,GANG GI PHYIR BDAG CAG LA LTAS LEGS PAR BYED DO ZHES BYA BA LA SOGS PA'I RIG BYED KYI NGAG 'DON PA GZHAN DU YANG BYA BAR NUS SHING DON YANG BSHAD PAR NUS PA STE, 'DI LTAR SPYOD PA PA DANG NGES TSIG LA SOGS PAS RIG BYED KYI DON RNAM PA MANG PO BYED PAR MTHONG

201a

, ,STE; DE LTA BAS NA DOGS PA LDOG PA MA YIN NO, ,RIG PA 'BRAS BU NYID MIN TE, ,ZHES BYA BA LA SOGS PA'I LAN BRJOD PA DE LA, DE PHYIR SKYES BU THAMS CAD KYIS, ,ZHES BYA BA LA SOGS PA SMOS TE, TSIG RNAMS DANG NGAG RNAMS DANG YI GE RNAMS YIN PAS DE SKAD DU BRJOD LA DE DAG GI RIM PA ZHES TSIG RNAM PAR SBYAR BAR BYA'O, ,DON MED PA YI GZHUNG TZAM LA, ,ZHES BYA BA NI KHYOD KYI BYAS PA NYAMS ZHES BYA BA DANG SBYAR RO, ,GZHUNG 'GA' ZHIG LA DON YOD PA MA YIN PA 'DI NI SE'U BCU LA SOGS PA'I NGAG BZHIN DU DON MED PA'O, ,YANG NA SANGS RGYAS PA LA SOGS PA'I GRUB PA'I MTHA' LAS RIG BYED DANG 'GAL BA'I DON MED PA'O, ,'DI NI DON MED PA YANG MA YIN LA GZHUNG TZAM YANG YIN PAS DE SKAD CES BYA STE, TZAM GYI SGRAS NI KHYAB PA STON PAR BYED PA YIN NO, ,DE LTAR ZHES BYA BA NI RIG BYED LTAR RO BYAS ZHES BYA BA NI BYED PA LA'O, ,'DI NI NGES PA MA YIN ZHES BYA BA NI NGES PA MED CING NGES PA DER MI 'GYUR ZHES BYA BA'I THA TSIG GO, ,DES NA ZHES BYA BA NI DE'I PHYIR RO, ,JI LTAR 'DI GZHAN GYIS BRJOD PA, ,ZHES BYA BA LA SOGS PA GANG SMRAS PA DE LA, GZHAN GYI BRJOD PA DAG GIS BRJOD, ,CES BYA BA LA SOGS PA SMOS TE, LAS KYI BYE BRAG JI BZHIN NO, ,ZHES BYA BA NI BDUN PA'I DON YIN NO, ,'DIS NI GCIG TU GTOGS PA NI MI MTHUN PA'I PHYOGS LA SRID PAR BSTAN PAS MA NGES PA NYID DU BSTAN PA YIN NO, ,GAL TE 'DI SNYAM DU 'KHRUL BA NYID DU JI LTAR GRUB CE NA, DBYANGS LA SOGS DANG MI 'DRA'I PHYIR, ,ZHES BYA BA LA SOGS PA SMOS TE, DBYANGS LA SOGS ZHES BYA BA NI RING PO LA SOGS PA'I SGRAS MYUR BA DANG DAL BA LA SOGS PA GZUNG NGO, ,'DI NI GSAL BYED CHOS MA YIN, ,ZHES BYA BA NI DBYANGS LA SOGS PA'O, ,GANG LAS SHE NA DBYANGS LA SOGS PA DE NI YI GE'I BDAG NYID DU MTHONG BA'I PHYIR TE, GRUB PA'I PHYIR RO ZHES BYA BA'I DON TO, ,DE'I MTSAN MA ZHES BYA BA NI YI GE THA DAD PA DE'I MTSAN MA NI DE'I MTSAN MA STE, MTSAN MA GZHAN NI KHYED LA MED, ,CES BYA BA 'DIS DE CI'I PHYIR 'GEGS PA SMROS SHIG ,DE LTAR BUM PA LA SOGS KYI, ,ZHES BYA BA LA SOGS PA LA, RIGS KYIS BUM PA LA SOGS PA'I, ,ZHES BYA BA LA SOGS PA SMOS TE, SNGAR ZHES BYA BA NI

201b

SPYI BRTAG PAR RO, ,DON MED PAS NA ZHES BYA BA NI RIGS TE MI BDEN PA NYID KYIS SO, ,YOD PA YIN YANG PHAN GDAGS PAR BYA BA MA YIN PA'I RIGS DE BUM PA LA SOGS PA'I MTSAN NYID KYI GSAL BA DANG 'BREL PA MI RUNG BA'I PHYIR DES THA SNYAD NYE BAR MTSON PA RIGS PA MA YIN NO, ,DES NA RIGS KYI SGO NAS NYE BAR BTAGS PA GANG YIN PA 'DI THAMS CAD 'BREL BA MED PA YIN NO ZHES STAN PA NI, DE PHYIR RKAN LA SOGS PA'I RIGS, ,ZHES BYA BA LA SOGS PA SMOS SO, ,DE DAG GI SGRA MNGON GSAL RGYU, ,ZHES BYA BA LA SOGS PA GANG SMRAS PA DE LA, RIGS KHAS BLANGS NAS SUN 'BYIN PA 'CHAD PA NI, GZHAN YANG SGRA YI MNGON GSAL RGYU, ,ZHES BYA BA LA SOGS PA STE, TSIG PHRAD KYI TSOGS 'DI YANG DAG NYE BAR BKOD PA LA BLTA BAR BYA'O, ,DE LTAR ZHES BYA BA NI RGYU'O, ,DES NA DON 'DI YIN TE, GANG GI PHYIR RIGS THA DAD PA RNAMS NI SGRA MNGON PAR GSAL BA'I RGYUR GNAS TE, DES NA GSAL BAR BYED PA RTAG TU GNAS PA'I PHYIR SGRA YANG RTAG TU DMIGS PAR 'GYUR RO, ,DE LTA YIN DANG GSAL BA'I RIM PA MED PA'I PHYIR DE'I BDAG NYID KYI SGRA'I RIM PA YANG RIGS PA MA YIN NO, DE DANG LDAN PA'I GSAL BA ZHES GANG SMRAS PA DE LA RIGS DANG GSAL BA DANG 'BREL PA KHAS BLANGS NAS SKYON 'CHAD PA NI, GSAL BA DANG 'BREL NGO BO YI, ,ZHES BYA BA LA SOGS PA SMOS TE, 'BREL BA NI GNYIS LA GNAS PA'I PHYIR DANG, RIGS RNAMS KYANG RTAG PA NYID DU KHAS LEN PA'I PHYIR, DE DANG 'BREL BA'I RANG BZHIN GSAL BA RNAMS KYANG RTAG PA NYID DU 'GYUR RO, ,DE LTA MA YIN NA RIGS RNAMS DE DANG 'BREL BA'I RANG BZHIN NYID DU MI 'GYUR RO; ,DE BZHIN DU GSAL BA RNAMS MI RTAG PAR KHAS BLANGS PA'I PHYIR DE DANG 'BREL BA'I RANG BZHIN GYI RIGS KYANG MI RTAG PA NYID DU 'GYUR RO, ,GAL TE DE DANG 'BREL BA'I RIGS RNAMS KYANG MI RTAG PA NYID DU 'GYUR NA DE LTA NA DE DANG 'BREL BA'I RANG BZHIN GYI GSAL BA RNAMS MI RTAG PA NYID DU GRUB PAR 'GYUR GYI GZHAN DU NA 'BREL BA GNYIS PA MA TSANG BA MED PA YIN PA NA GZHAN MA TSANG BAR RIGS PA MA YIN TE, DE DANG 'BREL BA'I RANG BZHIN NYAMS PAR THAL BAR 'GYUR BA'I PHYIR RO, ,SKYON GZHAN SNGAR BSHAD PA DRAN PAR BYA BA'I PHYIR, MNGON PAR GSAL BA MI 'THAD PAR, ,ZHES BYA BA LA SOGS PA

202a

, ,SMOS TE, DUS KYI ZHES BYA BA NI DRUG PA'I MTHA' CAN NO, ,DUS KYANG GCIG DANG KHYAB PA DANG RTAG ,CES BYA BA LA SOGS PA GANG SMRAS PA DE LA DUS KYANG ZHES BYA BA LA SOGS PA SMOS TE DANG PO NYID DU ZHES BYA BA NI, TSIG GI DON GRUB BRTAG PAR RO, ,'GA' ZHIG GIS NI GSAL BYAS PA YIN, ZHES BYA BA NI MED PA NYID KYI PHYIR RO, ,YOD NA YANG RTAG PA'I BSAL BA GSAL ZIN PA'I PHYIR RO, ,GZHAN DANG KHYAD PAR MED PHYIR ZHES BYA BA NI GZHAN LAS KHYAD PAR MED PA NI GZHAN DANG KHYAD PAR MED PA STE, DE LTAR SA BON DANG MYU GU DANG LCUG MA LA SOGS PA LA DUS KYI BDAG NYID GANG ZHIG GSAL BAR BYED PA DE'I PHYIR DE NI YI GE DAG LA, GSAL BAR BYED PA'I DUS KYI KHYAD PAR 'GA' YANG YOD PA MA YIN TE, GCIG NYID YIN PA'I PHYIR RO, ,DE LTA MA YIN NA DU MA NYID DU THAL BAR 'GYUR RO, ,GZHAN DU MED PHYIR 'DIR RTAG NYID, ,CES BYA BA NI YOD PA NYID MI RUNG BA'I PHYIR RO SNYAM DU BSAMS PA YIN NO, DES NA ZHES BYA BA NI DE LTA BAS NA'O, ,MI RIGS SO ZHES BYA BA NI DUS MED PA'I PHYIR RO, ,GZHAN GYI CHOS KYANG YAN LAG TU, ,ZHES BYA BA LA SOGS PA SMOS PA DE LA, DE PHYIR GZHAN GYI CHOS RTAG PA, ,ZHES BYA BA LA SOGS PA SMOS TE, LHAG MA NI GO BAR ZAD DO, ,DON GYI GO BA SUN PHYUNG ZIN, ,ZHES BYA BA NI DON GYI GO BA GSAL ZIN PA YIN NO, ,'DI LTAR LAG BRDA LA SOGS PA, ,ZHES BYA BA LA SOGS PAS 'KHRUL PA DANG GNOD PAR BYED PA'I TSAD MA BRJOD PA'I PHYIR RO, ,MI RTAG RNAMS LA DON RTOGS PA'I, ,RGYU NYID BSGRUBS ZIN ZHES BYA BA NI, MTSUNGS PA NYID DU RTOGS PA LA, ,SHIN TU THA DAD CES BYA BA LA SOGS PAS SO, ,'DI LTAR TSIG SO SO LA THA DAD PA'I PHYIR KHYAD PAR GYI GO RIMS CAN GYI YI GE MI RTAG PA RNAMS NYID MTSO DANG RO LA SOGS PA LA RTOGS PA THA DAD PA'I RGYU MTSAN DU RIGS KYI RTAG PA NI MA YIN TE, DE DAG NI THAMS CAD DU NGO BO GCIG YIN PA'I PHYIR RO, ,DE DAG LAS GO RIMS DON GZHAN YANG MA YIN NO ZHES BYA BA 'DI BSTAN PA'I PHYIR, GANG ZHIG BRJOD PAR 'DOD GANG LAS, ZHES BYA BA LA SOGS PA SMOS TE, RE ZHIG 'DIR BSDUS PA'I DON NI 'DI YIN TE, SMRA BA PO'I RGYUD LA YI GE RE RE DE KUN NAS SLONG BA'I SHES PA SNGA MA'I MTSUNGS PA DE MA THAG PA'I RKYEN GYIS BSKYED PAR BYA

202b

PA YIN ZHING DE DAG LAS YI GE RNAMS RIM PA DANG LDAN PAR 'BYUNG STE, DES NYAN PA PO'I RGYU LAS YI GE SNGA MA SNGA MA 'DZIN PA'I SHES PA LHAN CIG BYED PA CAN RANG GI YUL CAN GYI SHES PA RIM PA DANG LDAN PAR DNGOS SU SKYED PAR BYED DO, ,DE'I 'OG TU BDAG GI YUL CAN RIM GYIS 'BYUNG BA'I DRAN PA BRGYUD NAS SKYED PAR BYED DO, ,DE LTA YIN DANG SMRA BA PO'I RGYUD LA YOD PA'I RANG KUN NAS SLONG BA'I SHES PA LA LTOS PA DANG, GANG DE DAG GIS BSKYED PA'I NYAN PA PO'I RGYUD LA YOD PA LA YANG LTOS NAS RGYU NYID GANG YIN PA DE NYID DE DAG GI GO RIMS YIN GYI GZHAN NI MA YIN TE, TSIG SO SO LA TSIG RNAMS RANG BZHIN THA DAD BA'I PHYIR RGYU DANG 'BRAS BU THA DAD PAS MTSO DANG RO ZHES BYA BA LA SOGS PA LA RTOGS PA THA DAD PAR RIGS KYI RTAG PA RNAMS NI MA YIN TE, DE DAG NI THAMS CAD DU NI THAMS CAD KYI TSE NGO BO GCIG KHO NA YIN PA'I PHYIR RO, ,DE DAG LAS GO RIMS DON GZHAN DU GYUR BAR 'DOD PA YANG MA YIN TE, DON GZHAN DU GYUR BA NYID YIN NA YANG 'BREL BA MA GRUB PA'I PHYIR ZHES BYA BAR DGONGS PA'O, ,YAN LAG GI DON BRJOD PAR BYA STE, YI GE GANG ZHIG SKYE BAR 'GYUR TE ZHES SBYAR TE JI LTAR RO ZHES BYA BA LA SOGS PA LA, YI GE RA LA SOGS PA'I RJES LA RNA RU LA SOGS PA BZHIN NO, ,GANG LAS SHE NA, GANG GI BRJOD PAR 'DOD PA LAS BYUNG BA'I BRJOD PAR 'DOD PA LA STE, DE'I PHYIR YI GE RA LA SOGS PA'I BRJOD PAR 'DOD PA NI GANG GI BRJOD PAR 'DOD PA'O, ,DE LAS BYUNG BA'I BRJOD PAR 'DOD PA GANG YIN PA DE SKAD CES BYA'O, ,'DI SKAD DU BSTAN PA YIN TE, SMRA BA PO'I RGYUD LA YI GE SNGA MA SNGA MA KUN NAS SLONG BAR BRJOD PAR 'DOD PA LAS BYUNG BA'I PHYI MA PHYI MA'I BRJOD PAR 'DOD PA GZHAN DE LAS PHYI MA PHYI MA'I YI GE SKYE BA GANG YIN PA DE DRAN PAR BYED CES 'CHAD PAR 'GYUR BA DANG 'BREL TO, ,DE LTAR RE ZHIG SMRA BA PO'I RGYUD LAS YOD PA'I YI GE KUN NAS SLONG BA'I SHES PA'I RIM PA LAS YI GE RNAMS KYI SKYE BA'I RIM PA 'BRAS BU NYID DU BSTAN TO, ,DA NI NYAN PA PO'I RGYUD LA YOD PA'I SHES PA LAS RGYUD NYID DU STON PA NI, DE'I ZHES BYA BA STE, GANG ZHIG CES BSTAN PA DANG SBYAR TE, DE'I THOS PA SKYE'O ZHES 'BREL LO, ,DE MA THAG CES BYA BA NI BAR MA CHOD PAS SO, ,DE LTAR NYAN PA PO'I SHES PA'I RGYU NYID DU BSTAN NAS, DA NI

203a

, ,DRAN PA'I RGYU NYID DU STON PA NI, DE NI ZHES BYA BA STE YI GE PHYI MA PHYI MA'O, ,DE DRAN TE SNGA MA SNGA MA DRAN PA LA LTOS NAS NYAMS SU MYONG BA'I SHES PA LA PHYIS TE DUS PHYIS BDAG LA STE RANG GI YUL LA DRAN PAR BYED DO, ,CI 'DRA ZHE NA, YI GE SNGA MA SNGA MA RTOGS BYUNG BA'I RIG PA'O, ,YI GE SNGA MA SNGA MA RTOGS PA STE, NYAMS SU MYONG BA NI YI GE SNGA MA RTOGS PA'O, ,DE LAS BYUNG BA'I RIG PA STE NYAMS SU MYONG BA GANG LA YOD PA DE LA DE SKAD CES BYA'O, ,HA CANG MYUR DU THOS MIN ZHES BYA BA NI MYUR DU THOS PA NI DRAN PA SKYED PAR BYED MI NUS PA'I PHYIR RO, ,KUN SLONG DANG 'DZIN PA ZHES ZLAS DBYE LA, YI GE DE DAG GAM KUN SLONG DANG 'DZIN PA DE DAG STE PHYIS SHES PA'I SGRA DANG LAS 'DZIN PA'O, ,'DI BYED PA'I TSIG GNYIS PA'I MTHA' CAN YIN NO, ,RTEN GYI SGRA NI LAS KYI TSIG STE DE DANG LDAN PA'I PHYIR RO, ,RGYU NYID DU BSKYED BYA ZHES JI LTAR 'THAD PAR SBYAR TE, KUN NAS SLONG BA'I SHES PA LA BSKYED PAR BYA BAR 'DZIN PA'I PHYIR NYAMS SU MYONG BA DRAN PA'I SHES PA LA LTOS NAS RGYU NYID YIN NO ZHES BYA BA'I THA TSIG GO, ,DE LTAR GO RIMS DON GZHAN DU GYUR BA BSAL NAS, BRDA SPROD PA BAS BRTAGS PA'I SKRA TZAM DAG LAS DON GZHAN DU GYUR PA, RJOD PAR BYED PA'I SGRA'I BDAG NYID KYI GSAL BA YANG DGAG PAR 'DOD NAS, DE NYID KYI PHYIR ZHES BYA BA LA SOGS PA SMOS TE, DE LA GSAL BA'I BDAG NYID 'DI CI MNGON SUM GYIS GRUB BA'AM, 'ON TE MI SNANG BA'I RJES SU DPAG PAS GRUB, DE LA YANG CI RTAG PA YIN NAM, 'ON TE JI LTAR BYE BRAG TU SMRA BA'I 'GA' ZHIG GIS BRTAGS PA BZHIN DU MI RTAG PA YIN, DE BZHIN DU CHA SHAS MED PA 'GA' ZHIG GAM, 'ON TE CHA SHAS DANG BCAS PA YIN ZHES BRTAG GO, ,DE LA RE ZHIG PHYOGS DANG PO NI MA YIN NO ZHES BSTAN PA'I PHYIR, SNANG BA 'DI NI ZHES BYA BA LA SOGS PA SMOS TE, YI GE DAG LAS THA DAD PA'I CHA MED PA GZHAN SGRA'I BDAG NYID NYAN PA PO'I SEMS LA SNANG BAR MNGON PA NI MA YIN TE, DMIGS PA'I MTSAN NYID DU GYUR BA MA DMIGS PA DE LAS SLAR LA 'DI MED PA NYID DU GRUB PAR 'GYUR RO, ,CI STE PHYOGS GNYIS PA YIN NA DE LA YANG DNGOS PO'I CHOS GTAN TSIGS SU 'GYUR RAM, DNGOS PO MED PA'I CHOS SAM, GNYI GA'I CHOS 'BA' ZHIG GTAN

203b

TSIGS SU 'GYUR ZHES RNAM PAR BRTAG GO, ,PHYOGS DANG PO LA GSAL BA ZHES BYA BA'I CHOS CAN GYI CHOS ZHIG GTAN TSIGS YIN NAM CHOS CAN GZHAN GYI CHOS YIN GRANG, DE LA GSAL BA ZHES BYA BA'I CHOS CAN DE NYID MA GRUB PA'I PHYIR DE'I CHOS KYANG MA GRUB PAS RE ZHIG DE'I CHOS GTAN TSIGS MA YIN NO; ,GZHAN GYI CHOS KYANG GTAN TSIGS MA YIN TE, PHYOGS CHOS MED PA'I PHYIR DPER NA SGRA MI RTAG PA NYID DU BSGRUB PAR BYA BA LA MIG GIS GZUNG BAR BYA BA NYID LTA BU'O, ,DNGOS PO MED PA'I CHES KYANG GTAN TSIGS MA YIN TE, DE NI PHYIN CI LOG TU SGRUB PAR BYED PA NYID YIN PA'I PHYIR RO, ,GNYI GA'I CHOS KYANG GTAN TSIGS SU MI 'GYUR TE, DE NI 'KHRUL PA NYID YIN PA'I PHYIR RO, ,GZHAN YANG DE RANG BZHIN GYI GTAN TSIGS KYIS GRUB PA'AM, 'BRAS BU'I GTAN TSIGS KYIS YIN, DE LA RE ZHIG PHYOGS DANG PO MA YIN TE, DE NI DBANG PO LAS 'DAS PA NYID YIN PAS DE'I RANG BZHIN MI GRUB PA'I PHYIR RO, ,GRUB NA NI GTAN TSIGS TSOL BA'I 'BAD PA DON MED PAR 'GYUR TE, DE'I RANG BZHIN GRUB PA NYID KYI PHYIR DANG, 'BAD PA NI GRUB PA DON YIN PA'I PHYIR RO, ,PHYOGS GNYIS PA YANG MA YIN TE, DBANG PO LAS 'DAS PA DANG LHAN CIG GIS RGYU DANG 'BRAS BU'I DNGOS PO MA GRUB PA'I PHYIR RO, ,YANG NA CI STE JI LTAR RNA BA LA SOGS PA'I SHES PA RES 'GA' BA NYID KYIS RGYU GZHAN LA LTOS PA DANG BCAS PA NYID DU GRUB PA NA SHUGS KYIS RNA BA LA SOGS PA'I DBANG PO GRUB PAR 'GYUR BA DE BZHIN DU 'DI LA YANG DON RTOGS PA CHOS CAN DU BYAS NAS YI GE KHYAD PAR MED PA DANG YANG MTSO DANG RO ZHES BYA BA LA SOGS PA LA DON THA DAD PA RTOGS PA'I PHYIR GSAL BA ZHES BYA BA'I RGYU GZHAN BRTAG PAR BYA'O SNYAM NA, DE NI YANG DAG PA MA YIN TE, YI GE RNAMS LA KHYAD PAR MED PA MA GRUB PA'I PHYIR RO, ,'DI NI DA LTA NYID DU BSTAN ZIN TE RGYU DANG 'BRAS BU THA DAD PA'I PHYIR, TSIG SO SO LA THA DAD PA NA YI GE RNAMS NYID DON RTOGS PA LA NUS PA YIN NO, ,DE'I PHYIR DE BRTAGS PA DON MED DO ZHES BYA BA NI DE LTAR RJES SU DPAG PAR BYA BA NYID LA SKYON BRJOD PAR BYA'O ZHES BYA BAR DGONGS PA'O, ,CI STE YANG 'DI RJES SU DPAG PAR BYA BA NI MA YIN NO, ,'O NA CI ZHE NA, GTAN DU MI SNANG BA NYID YIN NO SNYAM NA, 'DI

204a

, ,NI MI SNANG BA NYID NA, ,ZHES BYA BA SMOS TE, JI LTAR RTAGS MA SHES PA SHES PAR BYED PAR MI 'GYUR BA DE BZHIN DU 'DI YANG 'GYUR TE MI SHES PA'I PHYIR RO, ,CI STE YOD PA TZAM GYI MIG LA SOGS PA'I DBANG PO BZHIN DU MI SHES KYI DON RTOGS PA'I RGYUR 'GYUR NA 'ON DE LTA NA DE LAS BYUNG BA'I SHES PA THAMS CAD KYI TSE 'GYUR TE, DE BZHIN DU BRDA 'DZIN PA LA SOGS PA MED PAR DE LAS BYUNG BA'I SHES PA 'BYUNG BAR 'GYUR RO, ,DE NYID KYI PHYIR, BRDA NI ZHES BYA BA LA SOGS PA STON TO, ,'DI LA 'THAD PA SMRAS PA NI, 'DI LTAR ZHES BYA BA'O, ,YANG CI STE BRDA MNGON PAR GSAL BA KHO NA 'DI'I DON RTOGS PA'I RGYU RGYUR 'DOD KYI YOD PA TZAM GYIS NI MA YIN NO, ,DES NA JI SKAD BSHAD PA'I SKYON DU THAL BAR MI 'GYUR RO SNYAM NA, BRDA TZAM SGRA DANG YI GES KYANG, ,ZHES BYA BA LA SOGS PA SMOS SO, ,MA MTHONG PHYIR ZHES BYA BA NI MI DMIGS PA'I PHYIR DANG, SNANG DU MI RUNG BA NYID DU 'DOD PA'I PHYIR RO, ,DE NYID SHES PA GSAL BA ZHES BYA BA LA SOGS PAS STON TO, ,'DI SNYAM DU SNANG BZHIN PA MI MNGON NO ZHES BYA BA 'DI MA GRUB STE, 'DI LTAR YI GE SNGA MA SNGA MAS BSGOS PA'I 'DU BYED LEGS PAR BYAS PA THOB PA'I BLO LA SGRA CHA MED PAR SNANG BA NYID YIN NO SNYAM DU SEMS NA SGRA TZAM GYIS BSGOS ZHES BYA BA LA SOGS PA SMOS SO, ,THOB PA SKYES PA'O, ,BLO SNGA MAS BSGOS PA'I LEGS PAR BYAS PA YONGS SU SMIN PA'I BLO GANG YIN PA DE LA DE SKAD CES BYA'O, ,RGYU MTSAN MED CES BYA BA NI, YI GE RNAMS NYID JI LTAR NYAMS SU MYONG BA BZHIN DU PHYIS SRED PAR BYED PA'I DRAN PA'I SHES PA NGES PAR BYED PA YIN NO ZHES BYA BAR DGONGS SO, ,'DI LTAR YI GE RTOGS PA LAS PHYIS SGRA'I BDAG NYID CHA MED PA GZHAN NYE BAR MTSON PA NYID MA YIN LA, SMRA BA PO 'DI BDAG NYID KYIS RTOGS PA YANG MA YIN TE, GAL TE 'GYUR NA LEGS PAR 'DOD PA'I RMONGS PA'I BLO CAN GYI LEGS PA NYID DU 'BYUNG BA KHO NAR ZAD PA'I PHYIR MTHA'I BLO LA CHA YONGS SU RDZOGS PA'I SGRA SNANG BA'I PHYIR RMI LAM BZHIN DU SPYOD DO, ,DE LTAR RE ZHIG RTAG PA'I PHYOGS LA SUN 'BYIN PAR BSTAN TO, ,DE NI RTAG PA DANG MI RTAG PA'I PHYOGS LA YANG SUN 'BYIN PA CHA MED PA'I PHYOGS LA 'CHAD PA NA, GANG DAG RIM

204b

PA CAN ZHES BYA BA LA SOGS PA STE, BYE BRAG TU SMRA BA KHA CIG 'BRAS BU TSIG BRJOD PAS NGAG GIS GSAL BA MI RTAG PA YIN PA'I PHYIR BSKYED PAR BYA BA NYID DU KHAS LEN TO, ,CHA MED LA ZHES BYA BA NI CHAD MED PA'I DNGOS PO LA'O, ,NGO BO GCIG LAS DBYER MED PHYIR, ,ZHES BYA BA NI SKYE BA'AM, GSAL BA'I NGO BO GCIG LAS MA SKYES PA DANG MI GSAL BAR MNGON PAR 'DOD PA'I NGO BO YANG PHYI ROL DU GYUR BA MA YIN PA'I PHYIR RO, ,DE DAG STE RIGS DANG GSAL LA GNYIS THAMS CAD DU 'BYUNG BAR 'GYUR RO, ,DE LTA YIN DANG YI GE LHAG MA LA SOGS PA SBYOR BA DON MED PAR 'GYUR RO, ,CHA SHAS DANG BCAS PA'I PHYOGS LA YANG SUN 'BYIN PA NI JI LTAR YI GE RNAMS ZHES BYA BA LA SOGS PA SMOS TE, GSAL BA'I CHA SHAS DE DAG SO SOR DON MED PA'AM, DON DANG BCAS PA YIN GRANG, PHYOGS DANG PO LA RIM CAN DU 'BYUNG BA'I PHYIR YI GE CHA SHAS BZHIN DU STON PAR BYED PA MA YIN PAR THAL BA DANG, DE'I NGO BO MA YIN NA RJOD PAR BYED PA NYID RTAG PAR 'GYUR TE, 'DI LTAR DON DANG LDAN PA'I BDAG NYID NI NGAG TU BRJOD LA, RANG NYID KYIS DON BYED PA'I CHA SHAS DE DAG KYANG DE DAG LA DE'I BDAG MA YIN PAR RTOGS NA SGRO BTAGS PAR 'GYUR TE, BRAM ZE'I KHYE'U LA SOGS PA LA SENG GE LA SOGS PA GZHAN BZHIN NO, ,RJOD PAR BYED PA NYID DU RTOGS NA YANG YI GE'I YAN LAG NYID RJOD PAR BYED LA RAG MOD, CI'I PHYIR MA MTHONG BA'I GSAL BA CHA SHAS RTOGS PAR BYED, CI STE DON DANG BCAS PA NYID YIN NA DE'I TSE DU MA BRTAGS PA DON MED PA YIN TE, DON YONGS SU RDZOGS PA SGRA'I NGO BO NGAG CES BYA BA LA, GAL TE YAN LAG RE RE DON DANG LDAN PAR GYUR NA, DE'I TSE DE DAG NYID DAG TU BRJOD PA'I PHYIR GCIG YAN LAG DU MA'I BDAG NYID DU GRUB PAR MI 'GYUR RO, ,YAN LAG GCIG RTOGS PA NA YANG DAG GI DON RTOGS PAR THAL BAR 'GYUR RO, ,JI SKAD DU, RE RE DON GCIG NYID NA YANG; ,DU MA NYID RTOGS DON MED LA, ,CHA SHAS GCIG NYID RTOGS PAS KYANG, ,GANG GI DON DAG RTOGS PAR 'GYUR, ,ZHES BSHAD PA LTA BU'O, ,CHA MED PA LA RIM PA YIS, ,GSAL DANG SKYE BA 'THAD MA YIN, ,ZHES GANG SMRAS PA 'DI'I GZHAN GYI LAN GYI DOGS PA BSU BA NI, SGRA TZAM ZHIG

205a

, ,GIS LAN GCIG TU, ,ZHES BYA BA LA SOGS PA STE, GAL TE YANG SGRA GCIG GIS RIGS SAM, GSAL BA BDAG NYID THAMS CAD KYIS BSKYED PA'AM, GSAL BAR BYAS PA DE LTA NA YANG PHYI ROL GYI SGRA SBYOR BA DON MED PA MA YIN TE, DE NI GSAL BA GSAL BAR BYA BA'I DON DU YIN PA'I PHYIR RO, ,'DI LTAR TSIGS SU BCAD PA GCIG YANG NAS YANG DU BZLAS PA NA GSAL BAR 'GYUR GYI, LAN CIG BRJOD PAS NI MA YIN NO, ,YANG BZLAS PAS DE'I KHYAD PAR GZHAN BYED PA YANG MA YIN LA YANG BZLAS PA DON MED PA YANG MA YIN TE, DE BZHIN DU 'DI LA YANG PHYIR GYIS SGRA DON MED PAR MI 'GYUR RO, ,'DI NYID STON PA NI, GANG PHYIR ZHES BYA BA'O, ,RTOGS PAR DKA' ZHES BYA BA NI NGES PAR GZUNG BAR MI NUS PA'O, ,KVA YE DE LTAR ZHES BYA BA LA SOGS PAS LAN 'DEBS PAR BYED DE, KVA YE ZHES BYA BA NI BOD PA NYID DE DANG PO BRJOD PA YI GE 'AM, GZHAN TE DE'I KHONGS SU GTOGS PA'I GCIG PO 'GA' ZHIG YANG NAS YANG DU BZLAS PAS CI'I PHYIR GSAL BAR MI BYED, DES BYAS PA NA GSAL BAR MA BYAS PAR MI 'GYUR TE, 'DI LTAR THAMS CAD KYI TSAD MA GCIG YIN PA'I PHYIR DE'I GSAL BA BZLAS TZAM GYIS YI GE PHYI MA PHYI MA BRJOD PA YIN NO, ,BZLAS PA DE BAS GCIG NYID KYIS YANG NAS YANG DU BZLAS PAR BYA BAR NUS PA'I PHYIR YI GE LHAG MA BRJOD PA DON MED DO, ,YI GE PHYI MA PHYI MA YANG MA YIN TE, NUS PA THA DAD PA NYID DU KHAS BLANGS NAS CHA SHAS MED PA'I KHYAD PAR GZHAN BRJOD PAR MI NUS PA'I PHYIR DANG, KHYAD PAR GZHAN GYI RGYU MED PAS NUS PA THA DAD PA BRTAGS PA DON MED PAR THAL BAR 'GYUR BA'I PHYIR RO, ,MIN NAM ZHES BYA BA NI BOD PA'O, ,MNGON PAR GSAL BA YIN NA 'DI THAMS CAD SRID PA MA YIN NO ZHES BSTAN PA'I PHYIR, YUL DANG DBANG PO LEGS BYAS PA'I, ,ZHES BYA BA LA SOGS PA SMOS TE, YI GE BZHIN ZHES BYA BA NI JI LTAR YI GE DAG LA RNAM PAR SHES PA SKYED PAR RUNG BA DANG MI RUNG BA'I RANG BZHIN BRTAGS PAS YUL DANG DBANG PO LEGS PAR BYAS PA'I NGO BO'I MNGON PAR GSAL BAS SUN DBYUNG BA DE BZHIN DU 'DIR YANG SUN DBYUNG BAR BYA BA YIN NO ZHES BYA BA'I DON TO, ,DE SNANG BA'I ZHES BYA BA NI GSAL BAR SNANG BA LA YANG STE KHAS BLANGS

205b

NAS RTZOD PA 'DI YIN NO, ,'DI SKAD DU BSTAN PA 'DI YIN TE, GAL TE YI GE LAS THA DAD PA'I GSAL BA ZHES BYA BA ZHES BYA BA SGRA'I BDAG NYID GZHAN SNANG BAR GYUR NA, DE LAS 'DI'I MNGON PAR GSAL BA SRID PAR 'GYUR TE, MNGON PAR GSAL BA NI DMIGS PA'I MTHAR THUG PA'I PHYIR RO, ,DE LAS 'DI MNGON BAR GSAL BA SRID PAR 'GYUR TE, GANG GI PHYIR SNANG BA MA YIN NO ZHES BSHAD ZIN TO, ,SNANG DU CHUD MOD, DE LTA NA YANG RANG BZHIN GYIS DMIGS PAR 'GYUR BA'AM, MA DMIGS PAR 'GYUR BA'I RANG BZHIN GSAL BA YANG MNGON PAR MI RIGS PA YIN NO, ,DE'I PHYIR ZHES BYA BA LA SOGS PAS MJUG BSDUS NAS GSAL BA MED PA YANG DON RTOGS PA SKYED PA'I RIM PA STON PA YIN NO, ,'ON TE YI GE RNAMS NI RIM PA DANG LDAN PA YIN LA YAN LAG RNAMS KYANG RIM GYIS NYAMS SU MYONG ZHING, NYAMS SU MYONG BA JI LTAR BA BZHIN DU YANG DRAN PA MA YIN NAM, DE JI LTAR GSAL BA MED PAR YI GE MTHA' DAG SNANG BA'I DRAN PA'I SHES PA CI RIGS PA YIN, SHES PA RIM PA CAN MA YIN PA LA YI GE RNAMS RIM CAN DU SNANG BA YANG RIGS PA MA YIN NO ZHES DOGS PA BSU NAS, THA MA'I YI GE RNAMS SHES NAS, ,ZHES BYA BA LA SOGS PA SMOS TE, 'DIS NI 'DI BSTAN TE DANG PO NI NYAMS SU MYONG BA'O, ,DE'I 'OG TU DE MA THAG TU BYUNG BA'I 'DU BYED NYAMS SU MYONG BA JI LTA BA BZHIN DU DRAN PA SKYE LA, DE NAS 'DU BYED DAG LAS DUS PHYIS CIG CAR YI GE MTHA' DAG NGES PA'I TSOGS PA DRAN PA'I SHES PA GZHAN SKYE STE, JI LTAR MTHONG BA BZHIN DU ZHEN PA'I PHYIR RO, ,'DI YANG RGOL BA THAMS CAD LA GRUB PA YIN GYI BDAG KHO NAS BRTAGS PA NI MA YIN NO ZHES STON PA NI, RIM GYIS SHES PA YIN NA YANG, ,ZHES BYA BA STE, 'DI DAG CES BYA BA NI TSOGS PA'I SHES PA'O, ,'DI YANG RIGS PA DANG LDAN PA'I PHYIR KHAS BLANGS PA YIN NO ZHES STON PA NI, GAL TE KHAS MI LEN NA ZHES BYA BA LA SOGS PA'O, ,GAL TE NYAMS SU MYONG BA'I RIM PA JI LTA BA BZHIN DU DRAN PA THAMS CAD DU SKYE NA, DE'I TSE RIM GYIS NYAMS SU MYONG BA'I BRGYA LA SOGS PA LA CIG CAR BRGYA LA SOGS PA'I RNAM PAR RTOG PAR MI 'GYUR RO, ,BRGYA DANG BYE BA LA SOGS PA'I RNAM PAR RTOG PA RNAMS KYANG SKYE BA'I DUS THA DAD

206a

, ,BAR MI 'GYUR RO, ,DES NA ZHES BYA BAS MJUG SDUD PAR BYED DE, GAL TE DE LTA NA TSOGS PA'I SHES PA KHO NA DON RTOGS PA'I RGYUR 'GYUR GYI YI GE RNAMS NI MA YIN TE, DE DAG NI 'GAGS NAS YUN RING DU LON PA'I PHYIR RO, ,DE YANG RIGS PA MA YIN TE, GANG GI PHYIR SGRA LAS MJUG THOGS SU DON RTOGS PAR 'GYUR BA ZHES BYA BA 'DI NI BYIS PA'I BAR GYIS RTOGS PA YIN NO ZHES DOGS NA, DE LA GNAS PA'I ZHES BYA BA LA SOGS PA SMOS TE, TSOGS PA'I SHES PA DE LA GNAS PA'O, ,'JIG RTEN PA RNAMS KYIS ZHES BYA BA NI RANG GI DON DE LA PHAN PA'I RKYEN YIN NO, ,'O NA DE LTA NA YANG DE DAG NI 'GAGS NAS RING DU LON PA'I PHYIR GTAN NAS MED PA NYID MA YIN NAM, JI LTAR DE LA GNAS PAR 'GYUR, ,ZHES DOGS PA LA, RNAM PA DANG LDAN SHES PA LA, ,ZHES BYA BA LA SOGS PA SMOS SO, ,CI'I PHYIR RNAM PA MED PA LA MI RIGS SHE NA, GZHAN DU ZHES BYA BA LA SOGS PA SMOS TE; DE LTA YIN DANG MTHA'I YI GE LA RNAM PAR SHES PA ZHES BYA BA LA SOGS PAS GSAL PAR SMRA BA LA TSOGS PA'I SHES PA BRJOD PA NA GZHON NU MA LEN GYIS SMRAS PA, DE NI GTZO BO GCIG GI LUGS LA 'THAD KYI, KHYED CAG DPYOD PA PA SHES PA RNAM PA MED PAR SMRAS PA LA NI MA YIN PA DES NA DE LTAR BSTAN PA YIN NO, ,'ON TE DPYOD PA PA RNAMS LA YANG 'THAD PA NYID MA YIN NAM, GANG GIS SNANG BAR MI 'GYUR BA DE DAG GI LUGS KYI YI GE RNAMS 'JIG PA MA YIN NO, ,'O NA CI ZHE NA, GSAL BA YONG NA BSGRIBS PA NYID YIN NO, ,CI STE ZHES BYA BA LA SOGS PAS DOGS PA BSU NAS, MA YIN ZHES BYA BA LA SOGS PAS LAN 'DEBS PA YIN TE, GAL TE YI GE DE DAG NYID SNGAR NYAMS SU MYONG BA NA PHYIS GSAL BA RNAMS BSGRIBS PA TSOGS PA'I SHES PAS 'DZIN PAR 'GYUR NA, DE'I TSE NYAMS SU MYONG BA'I SHES PA BZHIN DU GSAL BAR SNANG BAR 'GYUR TE, RNAM PA NI PHYI ROL DU RTOGS PA'I PHYIR DANG, DE YANG NGO BO GCIG YIN PA'I PHYIR RO, ,GZHAN YANG GAL TE GSAL BA BSGRIBS NA JI LTAR SNANG BAR 'GYUR TE, GSAL BA NI DMIGS PA'I RANG BZHIN YIN PA'I PHYIR RO, ,GZHAN YANG GAL TE 'DAS PA GNAS PA SRID PA YIN NA DE'I TSE CI DE KHO NA SNANG NGAM, 'ON TE SHES PA KHO NA DE LTAR

206b

SKYE BA ZHES BYA BA DER 'GYUR TE, GANG GI PHYIR 'DAS PA GNAS PA MED PA NYID KYI PHYIR DE SNANG BAR MI RIGS SO ZHES STON PA NI, GNAS PA SNGAR NI GSAL YIN TE, ,ZHES BYA BA LA SOGS PA STE, SNGAR ZHES BYA BA NI DUS GSUM BRTAGS PAR RO, ,'DI NYID LA GNOD PA CAN GYI TSAD MA BSHAD PA NI, DE DAG GNAS NAS ZHES BYA BA LA SOGS PA STE, YI GE NYAMS SU MYONG BA'I SHES PA'I DUS NA DRAN PA SKYE BAR THAL BAR 'GYUR BA NI GNOD PA CAN GYI TSAD MA'O, ,RGYU GCIG PHYIR ZHES BYA BA NI RGYU THA MI DAD PA'I PHYIR RO, ,'DIR SGRA PA DAG RTZOD PAR BYED DE, GAL TE GSAL BA ZHES BYA BA SGRA'I BDAG NYID GCIG MED NA, DE JI LTAR BA LANG GI SGRA BA LANG ZHES BYA BA'I GCIG GI RNAM PA CAN GYI BLOR 'GYUR ZHE NA, BA LANG ZHES BYA BA LA SOGS PA SMOS TE, 'DI LA BLO GCIG YOD PAS NA BLO GCIG YIN LA DE'I DNGOS PO NI DE NYID DO, ,DE GZUNG DON GCIG NYID DAG GIS, ,ZHES BYA BA NI BLO GCIG PO DES BZUNG BA NI DE BZUNG BA YIN LA, DON DE DGOS PA GCIG GANG LA YOD PA LA DE SKAD CES BYA'O, ,DE GZUNG DANG DON GCIG CES ZLAS DBYE'O, ,DE DAG GI DNGOS PO NI DE 'DZIN DON GCIG NYID DE DAG GIS GCIG TU BRJOD DO, ,'DI SKAD DU BSTAN PA YIN TE, BLO GCIG GIS GZUNG BAR BYA BA NYID KYI PHYIR DANG; LKOG SHAL LA SOGS PA'I DON GCIG GSAL BAR BYED PA'I PHYIR BA LANG GI SGRA GCIG TU BRJOD PA YIN NO, ,THAMS CAD LA BLO GCIG PA NYID MA GRUB PO ZHES STON PA NI BA LANG SGRA LAS ZHES BYA BA LA SOGS PA SMOS TE, DE ZHES BYA BA NI BLO GCIG PA'O, ,MYUR PHYIR NI MGYOGS PAR BRJOD PA'I PHYIR RO, ,BAR MTSAMS BYUNG BA NI BAR CHOD SHIN TU THUG PA NYID DO, ,LHAS BYIN LA SOGS PA'I TSIG NI YI GE SO SO LA DBYANGS DANG BCAS PA RNAM PAR CHAD PAS GSAL BAR THA DAD DU GTOGS PA YIN PA'I PHYIR BLO GCIG PA NYID PHYOGS KYI PHYOGS GCIG LA MA GRUB PO, ,DON GYI BLO 'DI YI GES BSLANGS, , ZHES BYA BA LA SOGS PA SBYOR BAR BYED DE, BLO GANG ZHIG RNAM PAR SHES PA GANG GI MJUG THOGS SU 'BYUNG BA DE NI RGYUD NAS DE NI KUN NAS BSLANG BA YIN TE, DPER NA DU BA LA SOGS PA NI RTAGS KYIS SHES PA'I MJUG THOGS SU BYUNG BA'I ME LA SOGS PA'I RTAGS CAN GYI BLO BZHIN NO, ,DON GYI BLO

207a

, ,YANG YI GE'I MJUG THOGS SU 'BYUNG BA YIN NO ZHES BYA BA NI RANG BZHIN GYI GTAN TSIGS SO, ,'DIR 'BRAS BU NYID KYI THA SNYAD BSGRUB PAR BYA BA YIN TE, DES NA BSGRUB PAR BYA BA DANG BSGRUB PAR BYED PA DAG THA DAD DO, ,'DI'I MA GRUB PA NYID SPANG BA'I PHYIR, DON GYI BLO NI YI GE LAS, ,ZHES BYA BA LA SOGS PA SMOS TE, GANG ZHIG YI GE DAG LAS THA DAD PA'I SGRA'I BDAG NYID DE SNANG BA'I SHES PA GANG YIN PA DE NI MJUG THOGS SU 'BYUNG BA'I RIGS PAR BYA BA MA YIN NO, ,'O NA CI ZHE NA, YI GE'I RNAM PAR SHES PA'I MJUG THOGS SU 'BYUNG BAS YIN NO, ,DES NI GTAN TSIGS MA GRUB PA MA YIN NO, ,'DIS KYANG DMIGS PA'I MTSAN NYID DU GYUR PA MI DMIGS PA LAS MED PA'I THA SNYAD KYANG BSTAN PA YIN NO, ,MA NGES PA YANG MA YIN NO ZHES BSTAN PA'I PHYIR, 'BRAS BU THA SNYAD KYI YAN LAG, ,CES BYA BA LA SOGS PA SMOS TE, 'BRAS BU NYID KYI THA SNYAD KYI YAN LAG NI RGYU'O, ,DE YANG GANG ZHE NA, RJES SU 'GRO DANG LDOG PA DANG, ,CES BYA BA DANG GZHI MTHUN PAR SBYAR RO, ,DE'I RJES SU 'GRO BA DANG LDOG PA'I RJES SU BYED PA NYID 'DIR 'BRAS BU NYID KYI THA SNYAD KYI YAN LAG YIN GYI GZHAN NI MA YIN NO, ,DES NA 'BRAS BU NYID KYI THA SNYAD KYI RGYU MTSAN GZHAN MED PA CAN GYI TSAD MA YIN PA'I PHYIR KHYAB PAR GRUB PO, ,'DI SNYAM DU GSAL BAR RJOD PAR BYED PA NYID DU MA GYUR MOD YI GE RNAMS KHO NA RTAG PA NYID YIN PA NA RJOD PAR BYED PA'I 'GYUR LA, RTAG PA DE DAG KYANG MNGON SUM LA SOGS PA'I TSAD MAS GRUB PA YIN NO SNYAM SEMS NA, YI GE MI RTAG PA DAG LAS ZHES BYA BA LA SOGS PA SMOS TE, NGO SHES RJES DPAG GNYIS ZHES BYA BA NI NGO SHES ZHES BYA BA DANG RJES DPAG GNYIS SO, ,LA LAR NGO SHES RJES DPAG CES 'DON PA DER NI GCIG TU BSDU BA'I ZLAS DBYE BA BYA'O, ,YANG NA LDAN PA'I SGRA MI MNGON PAR BYAS LA KHYAD PAR GYI BSDU BA BYA'O, ,RANG GI TSIG LA SOGS DANG 'GAL, ,ZHES BYA BA LA SOGS PA LA, RANG GI TSIG LA SOGS PA 'GAL BA ZHES BYA BA LA SOGS PA SMOS TE, DE DAG THAMS CAD CES BYA BA NI RANG GI TSIG LA SOGS PA DANG 'GAL BA'O, ,GO RIMS LA SOGS PA ZHES BYA BA LA SOGS PA'I SGRAS RIM GYIS THOS PA DANG DRAN PA GZUNG

207b

NGO; 'DI LTAR RTAG PA'I PHYIR GO RIMS DUS KYIS BYAS PA MA YIN LA, KHYAB PA'I PHYIR YUL GYI BYAS PA YANG MA YIN ZHING, MNGON PAR GSAL BAS ZIN PA'I PHYIR MNGON PAR GSAL BAS BYAS PA YANG YIN NO, ,DE BZHIN DU RTAG PA RNAMS SHES PA SKYED PA LA YANG NYE BAR MKHO BA YOD PA MA YIN NO ZHES RNAM PA MANG DU BSHAD ZIN TO, ,SGRA 'DI GANG YIN BRJOD PAR BYA, ,ZHES BYA BA LA SOGS PA GANG SMRAS PA DE LA, CHOS CAN THA DAD RNAM BRTAGS PAS, ,ZHES BYA BA LA SOGS PA SMOS TE, RGOL BA DANG PHYIR RGOL BA DAG GI SO SOR SNANG BA'I DBANG GIS CHOS CAN DU GRUB PA GANG YIN PA DE KHO NA KHYAD PAR DPYAD PA'I RTEN YIN GYI, RANG GI 'DOD PAS BRTAGS PA NI MA YIN TE, DE DAG LA RTZOD PA MED PA'I PHYIR RO, ,RANG GI 'DOD PAS BKOD PA'I CHOS CAN LA CHOS KYI KHYAD PAR RTOGS PAR BYED PA 'GA' ZHIG BZLOG PA NI MA YIN NO, ,SNANG BZHIN ZHES BYA BA NI SNANG BZHIN PA'O, ,'DI NYID BSTAN PA NI NYA LA SOGS KYI SHES PA LA'ANG ZHES BYA BA LA SOGS PA SMOS TE, GO BAR ZAD DO, ,CHOS CAN KHYAD PAR MED PAR BSTAN PA LA KHYAD PAR GYI RNAM PAR RTOG PA GANG YIN PA DE NI LTAG CHOD YIN NO ZHES BSTAN PA'I PHYIR, DE'I PHYIR KHYAD PAR MED PAR BSTAN, ,ZHES BYA BA LA SOGS PA SMOS TE, 'DI NI RTAG PA YIN LA RANG SPYI'I RNAM PA'I MTSAN NYID KYI RTAG PA'I DON DANG 'BREL PAS, DE SKAD CES BYA'O, ,DES BSKYED PA'I BLO GANG YIN PA DE GAL TE PHYOGS YIN NA, DE'I TSE GZHAN SANGS RGYAS PA LA MA GRUB PA YIN NO, ,GAL TE GTAN NAS 'JIG PA NYID MI RTAG PA NYID DU BRJOD PA NA ZHES GANG SMRAS PA DE LA, DE YI GNAS SKABS RTAG PA YIN, ,ZHES BYA BA LA SOGS PA SMOS TE, GNAS SKABS GANG ZHIG 'DOD PA YIN, ,ZHES BYA BA NI GNAS SKABS NI GNAS SKABS CAN LAS THA MI DAD PA'I PHYIR LDOG PA NA SHUGS KYIS DE YANG LDOG PA YIN TE, GZHAN DU NA GANG ZHIG GANG DANG GRUB PA DANG BDE BA GCIG PA YIN PA DE JI LTAR DE'I RANG BZHIN DU RIGS SNYAM DU BSAMS PA YIN NO, ,DBANG POS GZUNG BA NYID 'BA' ZHIG ,CES BYA BA LA SOGS PA GANG SMRAS PA DE LA, DBANG PO 'BA' ZHIG GIS GZUNG NYID, ,CES BYA BA LA SOGS PA SMOS TE, SNGAR ZHES BYA BA NI SPYI BRTAG PAR RO, ,GAL

208a

, ,TE RIGS KYI 'KHRUL PA MA YIN PA DE LTA NA YANG LDOG PA LA THE TSOM ZA BA YANG MA NGES PA NYID YIN NO ZHES DOGS PA LA, DBANG POS GZUNG BAR BYA BA'I GTAN TSIGS KYI 'BREL BA BSTAN PAR BYA BA'I PHYIR, RANG SNANG BA'I ZHES BYA BA LA SOGS PA SMOS TE, RANG SNANG BA'I DBANG PO'I SHES PA'I RGYU'I DON NI DBANG PO'I GZUNG BAR BYA BA BRJOD DO, ,RTAG PA NI RIM DANG CIG CAR BDAG GIS DON BYED PA MI RIGS PA'I PHYIR 'BREL PA GRUB PO, ,DBANG POS GZUNG BYA NYID SOGS NA, ,ZHES BYA BA LA SOGS PA LA, 'DI 'DRA'I DON ZHES BYA BA LA SOGS PA SMOS TE, 'DI NI 'DI 'DRA BA YANG YIN LA DON YANG YIN PAS DE SKAD CES BYA STE, 'DI 'DRA ZHES BYA BA NI MA BRTAGS NA NYAMS DGA' BA'O, ,DE LTA MA YIN NA DU BA LA SOGS PA LA YANG RNAM PAR RTOGS PAR BYA BAR NUS TE, CI RDZAS BRGYAD KYI DU BA RTAGS NYID DU LEN TAM, 'ON TE RNAM PAR SHES PA DANG, RANG BZHIN DANG, DUS LA SOGS PA'I RNAM PAR 'GYUR BA YIN, GZHAN YANG YAN LAG CAN NAM, RDUL PHRA RAB RNAMS KYI BSAGS PA NYID LA SOGS PA RTOG PA NA GANG YANG RUNG BA LA MA GRUB PA'I SKYON DU 'GYUR RO, ,BRTZAL MA THAG TU BYUNG ZHES BYA BA DANG, BYAS DANG MI RTAG SGRUB BYED GANG, ,ZHES BYA BA LA SOGS PA LA, KHO BO CAG LA ZHES BYA BA LA SOGS PA SMOS TE, BRTZAL MA THAG TU BYUNG BA'I SHES PA KHO NA 'BRAS BU YIN TE, SO SOR BRTAGS PAS 'GOG PA LA SOGS PA DE RTZOM PAR BYED PA ZHES BYA BA DGAG PA DANG SBYAR RO, ,GAL TE MDO SDE PA'I LUGS KYIS SO SOR BRTAGS PAS 'GOG PA LA SOGS PAS 'KHRUL PA GZHAN BRJOD PA DE'I TSE 'KHRUL PAR MA GRUB STE, DE DAG GI LUGS KYIS SO SOR BRTAGS PAS 'GOG PA LA SOGS PA KUN RDZOB TU YOD PA YIN PA'I PHYIR RO, ,KUN RDZOB TU 'BRAS BU 'GA' ZHIG RTZOM PAR RIGS PA MA YIN TE, DE'I MTSAN NYID NYAMS PAR THAL BAR 'GYUR BA'I PHYIR RO, ,GANG ZHIG DON GYI BYA BA BYED PA GANG YIN PA DE NYID DON DAM PA YIN LA GZHAN NI KUN RDZOB TU YOD PA YIN NO ZHES BYA BA NI DON DAM PA DANG KUN RDZOB TU YOD PA'I MTSAN NYID YIN NO, ,CI STE BYE BRAG TU SMRA BA RNAMS KYI LUGS KYI 'KHRUL PA DE YANG SO SOR BRTAGS PAS 'GOG PA LA SOGS PA KHYED CAG GIS 'DZIN

208b

PA LA SOGS PA'I BDAG NYID CI 'DRA BA BRJOD PA GANG YIN PA DE 'DRA BA NI BYE BRAG TU SMRA BA RNAMS KYIS MI 'DOD DO ZHES STON PA NI, 'GOG PA DAG NI ZHES BYA BA LA SOGS PA SMOS TE, 'GOG PA DAG CES BYA BA NI SO SOR BRTAGS PAS 'GOG PA DANG, SO SOR BRTAGS PA MA YIN PAS 'GOG PA GNYIS SO; ,DE DAG CI 'DRA BA ZHE NA, GANG PHYIR ZAG PA BCAS KYIS ZHES BYA BA LA SOGS PA SMOS TE, KUN NAS NYON MONGS PA'I DNGOS PO RNAMS DANG BRAL BA GANG YIN PA DE NI SO SOR BRTAGS PA STE, SHES RAB KYIS THOD PA'I PHYIR SO SOR BRTAGS PA'I 'GOG PA ZHES BYA LA, DE YANG LDAN PA'I RDZAS RE RE LA THA DAD PA YIN NO, ,'DI NYID 'CHAD PA NI SO SO SO SO YIN ZHES BYA BA STE, LDAN PA'I RDZAS JI SNYED PA BRAL BA'I RDZAS RNAMS KYANG DE SNYED DO ZHES BYA BA NI GRUB PA'I MTHA' YIN PA'I PHYIR RO, ,CHOS MA 'ONGS PA RNAMS SKYE BA LA GTAN DU GEGS SU GYUR PA BRAL BA LAS GZHAN GANG YIN PA DE NI SO SOR BRTAG PA MA YIN PAS 'GOG PA ZHES BYA BA STE, DE YANG SO SOR BRTAGS PAS THOB PA NI MA YIN NO, ,'O NA CI ZHE NA, RKYEN MA TSANG BA STE, DE'I PHYIR SO SOR BRTAGS PA MA YIN PAS 'GOG PA ZHES BYA BA STE, JI SKAD DU, SO SOR BRTAGS PAS 'GOG PA GANG, ,BRAL BA'O SO SO SO SO YIN, ,SKYE LA GTAN DU GEGS BYED PA, ,'GOG GZHAN SO SO BRTAG MIN PAS, ,ZHES BSHAD PA BZHIN NO, ,'JIG PA'I BDAG NYID YIN DU ZAD MOD, DE LTA NA YANG 'KHRUL PA MA YIN NO ZHES BSTAN PA'I PHYIR RO, RANG BZHIN MED PA'I PHYIR ZHES BYA BA LA SOGS PA SMOS TE, BRTZAL MA THAG TU BYUNG MIN, ,ZHES BYA BA DANG SBYAR RO, ,GANG LAS SHE NA, RANG BZHIN MED PA'I PHYIR TE, JI LTAR DNGOS PO YOD PA BKAG PA TZAM GYIS 'JIG PA YIN LA, NAM MKHA' YANG REG PAR BYA BA MED PA TZAM YIN TE, DE LTA YIN DANG 'JIG PA 'DI GNYIS KYANG RANG BZHIN MED PA YIN NA, DE JI LTAR 'DI DAG BRTZAL MA THAG TU 'BYUNG BAR 'GYUR TE, RANG BZHIN MED PA NYID KYI DON MED PA YIN PA'I PHYIR RO, ,'O NA DA NI 'JIG PA'I SHES PA'I RGYU MTSAN CI ZHIG YIN ZHE NA, GYO MO SNANG BA ZHES BYA BA LA SOGS PA SMOS TE, SNANG BA'I TSOGS NI SNANG BA 'DUS PA'O, ,SOGS PA'I SGRAS NI 'OD LA SOGS PA'I TSOGS BZUNG NGO, ,KHYED MED

209a

, ,RTAG MIN MI RTAG MIN, ,DNGOS DE NGED LA MI 'GRUB PO, ,ZHES GANG SMRAS PA DE LA DON GYI RANG GI NGO BO GCIG CES BYA BA LA SOGS PA SMOS SO, ,DE LTAR MI RTAG PA NYID DPYAD BYA ZHES BYA BA LA SOGS PA LA, DE'I GNAS SKABS DOR TZAM ZHES BYA BA LA SOGS PA SMOS TE, DE'I GNAS SKABS BKAG PA NYID MI RTAG PAR SGRUB PAR 'DOD DE, DE LA YANG SGRON MA LA SOGS PA DPER BRJOD PA NI BSGRUB BYA DANG LDAN PA NYID YIN PA'I PHYIR GANG LAS BSGRUB BYA MED PA YIN NA, SKAD CIG RE RE ZHES BYA BA LA SOGS PAS GZHAN GYI LUGS KYIS SGRON MA LA SOGS PA LA YANG DPE BSGRUB BYA MA TSANG BA NYID DU DOGS PAR BYED DO, ,DE LA ME LCE LA SOGS PA'I CHA SHAS RNAMS MYUR BA MYUR BAR YUL GZHAN DU 'GRO BA YIN GYI, SKAD CIG RE RE LA 'JUG PA'I NGANG CAN NI MA YIN NO, ,CI STE THAMS CAD CIG CAR CI'I PHYIR MI 'GRO ZHE NA, YAN LAG PHYI MAS LAM BKAG NA, ,ZHES BYA BA LA SOGS PA SMOS TE, GAL TE DE DAG 'GRO NA DE DAG NYE BA NA GNAS PA'I RTZVA DANG RAS BAL LA SOGS PA CI'I PHYIR SRED PAR MI BYED CE NA, DES NA 'DI DAG 'GRO NA YANG, ,ZHES BYA BA LA SOGS PA SMOS TE, 'DUS PA'I GNAS SKABS NYID NA NUS PA RNYED PA YIN GYI SIL BU'I GNAS SKABS NA NI MA YIN NO SNYAM DU BSAMS PA MA YIN NO, ,'DI NI RTAG PA TZAM ZHES BYA BA LA SOGS PAS LAN 'DEBS PAR BYED DE, RTAG PA 'DI BDEN YANG DPE BSGRUB PAR BYA BA MA TSANG BA YIN TE, 'DI LTAR DE'I GNAS SKABS DGAG PA TZAM GYIS MI RTAG PA NYID DU 'DOD DE ZHES BRJOD LA, SGRON MA LA SOGS PA LA DE'I GNAS SKABS NYID MED PA'I PHYIR GANG LAS BSGRUB PAR BYA BA MA TSANG BA NYID YIN, DE LTA NA YANG KHAS BLANGS PAS NYES PA 'CHAD PA NA, GZHAN YANG ZHES BYA BA LA SOGS PA STE, NUS PA MA NYAMS PA'I ZHES BYA BA NI ME LCE LA SOGS PA'I YAN LAG RNAMS SO, ,SNGA MA BZHIN DU ZHES BYA BA NI NYAMS PA'I GNAS SKABS BZHIN TE, KHYAD PAR MED PA'I PHYIR RO, ,CI STE KHYAD PAR KHAS LEN PAR BYED NA DE'I TSE RTAG PA NYID NYAMS PAR THAL BAR 'GYUR BA ZLOG PAR DKA'O ZHES BYA BA NI GZHAN DU ZHES BYA BA LA SOGS PA STE GO BAR ZAD DO, ,'BREL PA MI BYED PAR RIGS PHYIR, ,NGAG NI RTAG PA NYID BRJOD BYA, ,ZHES

209b

GANG SMRAS PA DE LA, 'BREL PA MI BYED RIGS PA LAS, ,ZHES BYA BA LA SOGS PA SMOS TE, GANG ZHIG KHYOD KYIS RTAG PA NYID DU BSGRUB PAR BYA BA KHYOD KYI LUGS KYIS NGAG NI SRID PA MA YIN NO SNYAM DU SEMS PA NA, NGAG RNAMS PAR DPYAD PAR BYA BA'I PHYIR JI LTAR NGAG NI ZHES BYA BA LA SOGS PA SMOS TE, RES 'GA' KHYAD PAR MED PA'I YI GE TZAM NYID NGAG TU 'GYUR RAM, YANG NA YI GE NYID KHYAD PAR CAN GYI RIM PAS 'JUG PAS NGAG YIN NAM, RNAM PA GCIG TU NA GSAL PA, ,ZHES BYA BA'I YI GE DAG LAS THA DAD PA DAG NYID YIN ZHES BYA BA PHYOGS RNAM PA GSUM MO, ,DE LA PHYOGS DANG PO LA SKYON 'CHAD PA NI, RIM PAS STONG PA'I YI GE SOGS, ,ZHES BYA BA LA SOGS PA'O, ,PHYOGS GNYIS PA LA YANG, 'DI DAG LA NI RIM PA'ANG MED, ,CES BYA BA SMOS TE, 'DI LTAR DNGOS PO RNAMS KYI RIM PA NI RNAM PA GNYIS TE, GROG MA DANG YIG 'BRU LA SOGS PA BZHIN DU YUL GYIS BYAS PA'AM, DUS KYIS BYAS PA STE, DPER NA YANG SA BON DANG, CHU DANG MYU GU DANG, SDONG BU DANG, ME TOG DANG, 'BRAS BU LA SOGS PA LTA BU YIN, RE ZHIG YI GE RNAMS KYI RIM PA DANG PO SRID PA MA YIN TE, KHYAB PA'I PHYIR TE YI GE RNAMS NI THAMS CAD DU SONG BA NYID KYI PHYIR RO, ,NAM MKHA' BZHIN DU YUL THAMS CAD DU KHYAB PAR GNAS PA LA NI YUL RNAM PAR CHAD PAS BYAS PA'I RIM PA RIGS PA MA YIN TE, THAMS CAD NAM MKHA'I YUL GCIG TU GNAS PA'I PHYIR RO, ,RTAG PA NYID KYIS THAMS CAD DUS MTSUNGS PA'I PHYIR DUS KYIS BYAS PA YANG MA YIN NO, ,GZHAN YANG RIM PA SKYES BUS BYAS PA YIN NAM, RANG BZHIN GYIS BYUNG BA YIN, RE ZHIG SKYES BUS BYAS PA NI MI 'DOD DE, RIG BYED SKYES BUS MA BYAS PA'I PHYIR RO, ,CI STE RANG BZHIN GYIS BYUNG BA YIN NA, DE'I TSE RTAG TU MTSO ZHES BYA BA KHO NAR 'GYUR GYI NAM YANG RO ZHES NI MA YIN NO, ,NGO SHES PAS YI GE RNAMS RTAG PA DANG GCIG PU NYID DU GRUB PA'I PHYIR YI GE RNAMS TSIG SO SO LA THA DAD PAR KHAS LEN PAS MTSON TE, DE LTA MA YIN NA NGO SHES PAS 'KHRUL PA NYID DU 'GYUR RO, ,YANG CI STE 'O NA NGAG GI RIM PA MNGON PAR GSAL BAR 'GYUR RO SNYAM NA, GSAL BA'I RIM PA'ANG NGAG MIN NO, ,ZHES BYA BA LA

210a

, ,SOGS PA SMOS TE, NGAG GI SGRA LAS YI GE LAS THA DAD PA'I GSAL BA ZHES BYA BA YANG NGAG MA YIN NO ZHES STON PA YIN TE, DE NI DPYOD PA RNAMS KYIS BSAL ZIN PA'I PHYIR SNYAM DU BSAM PA YIN NO, ,RTAG PA'I GSAL BA BKAG PHYIR RO, ,ZHES BYA BA NI RTAG PA'I GSAL BA NI BKAG ZIN PA'I PHYIR RO ZHES BYA BA'I DON TO, ,MTHONG DON THA SNYAD DU BYED PHYIR, ,ZHES BYA BA LA SOGS PA GANG SMRAS PA DE LA, JI LTAR SPEL LA SOGS PA SMRA, ,ZHES BYA BA LA SOGS PA SMOS TE, 'DOD PAS BKOD PA'I DON GANG DAG LA YOD PA DE DAG LA DE SKAD CES BYA'O, ,SKYES BUS 'PHRAL BYAS PA STE, SNGAR NA MED PAR RANG SHES KYIS BYAS PA BU MO DKAR MO CHEN MO LA SOGS PA'I GTAM RGYUD GANG YIN PA DE NYID KYI NGO BO STE RANG BZHIN ZLOS GAR DANG SGRUNG RGYUD LA SOGS PA GANG DAG LA YOD PA DE DAG LA DE SKAD CES BYA'O, ,DE DAG LA SGRA DANG DON ZHES BYA BA'I NUS PA'I MTSAN NYID CAN GYI BRJOD PAR 'DOD PA'I 'BREL PA BRTAG PA YOD PA YANG MA YIN PA DE BZHIN DU RIG BYED LA YANG SRID PA YIN NO SNYAM DU BSAMS PA YIN NO, ,DE LA YANG ZHES BYA BA LA SOGS PAS GZHAN GYI LUGS KYIS DPE MA GRUB PA NYID DU DOGS PA YIN TE, 'PHRAL LA BYAS PA'I GTAM RGYUD LA SOGS PA DE LA YANG NUS PA RTAG PA NYID DU 'DOD PA KHO NA STE, 'ON KYANG MED PA'I DON LA NGES PAR SBYOR BA SKYES BUS BYAS PA GANG YIN PA DE NI MI RTAG STE, DE'I DBANG GIS NUS PA LA MI RTAG PA NYID RTOGS PA'I 'KHRUL PA YIN NO, ,DE LTA BAS NA DPE MA GRUB PA YIN NO ZHE NA, DE LA PHYI ROL ZHES BYA BA LA SOGS PAS LAN 'DEBS PAR BYED DE, PHYI ROL ZHES BYA BA NI BU MO DKAR MO CHEN MO LA SOGS PA'I DON NO, ,GANG PHYIR MTHO RIS MCHOD SBYIN SOGS, ,DBANG 'DAS 'BREL PA SU YIS MTHONG, ,ZHES BYA BA LA SOGS PA GANG SMRAS PA DE LA, DBANG PO LAS 'DAS DON 'BREL PA'I, ,ZHES BYA BA LA SOGS PA SMOS TE, 'DIS NI RIG BYED KYI DON SHES PAR 'GYUR BA GANG YIN PA DE NI SKYES BU LA BRTEN PA'I BSHAD PA NYID LAS ZHES KHYED CAG RANG NYID KYI SHUGS KYIS BSTAN PA YIN NO, ,'DI LTAR RE ZHIG DON LA BRTEN PA'I NUS PA 'DI THAMS CAD RANG BZHIN GYIS

210b

DBANG PO LAS 'DAS PA YIN TE, DE LTA YIN DANG NUS PA DBANG PO LAS 'DAS PA YIN PA NI SGRA'I NGES PAR SBYOR BA SKYES BUS BYAS PA MA YIN LA, DE DAG THAMS CAD MNGON PAR MI SHES PA YIN PA'I PHYIR LONG BA RNAMS KYIS TSIG LAS GZUGS KYI KHYAD PAR RTOGS PA DE BZHIN DU DE'I RTOG PA RGAN PO DAG LAS 'BYUNG BA YANG MA YIN NO, ,DE LTA BAS NA SHUGS KYIS DON RTOGS PA'I 'DI SKYES BU'I BSHAD PA NYID LAS RNAM PAR GNAS PA YIN TE, GO SKABS GZHAN MED PA'I PHYIR RO ZHES BYA BA 'DI BSTAN PA YIN NO, ,'ON TE BA RGAL ZHING BRTAGS PA 'DI, ZHES BYA BA LA SOGS PAS GZHAN DAG RTZOD PAR BYED DO, ,'ON TE 'DI NI SKYES BUS BYAS PA'I LUNG DAG LA YANG MTSUNGS TE, 'DI LTAR DA LTAR BA RNAMS KYIS CI LKOG TU GUR PA'I STON PA PO SANGS RGYAS LA SOGS PA'I DON TSIG RNAMS KYI DON BSAM PA JI LTA BA BZHIN DU RTOGS PAR BYED DAM, 'ON KYANG PHYIN CI LOG TU YIN ZHES BYA'O, ,MA YIN DE LA ZHES BYA BA LA SOGS PAS LAN 'DEBS TE, DE LA ZHES BYA BA NI SKYES BU'I DON LA NYE BAR MKHO NA'I DON BAR BYA BA LA SOGS PA'I DE KHO NA NYID THABS DANG BCAS PA SKYES BUS NYE BAR BSTAN PA LA STE, 'DI LTAR DE LA RIGS PA NYID RJES SU MYONG BAR BYED PA'I BLO BZANGS BDE BAR GSHEGS PA DAG RAB TU 'JUG GI ,GRAGS PA TZAM GYIS NI MA YIN NO, ,DAD PAS ZHES BYA BA NI MNGON PAR YID CHES PA STE, RIGS PAR SEMS PA LAS SKYES PA'I NGES PAS ZHES BYA BA'I THA TSIG GO, ,TSAD MAS GRUB PA'I DON KHO NA LA YID MNGON PAR CHES PAR RIGS PA'I PHYIR GZHAN DU NI MA YIN TE, DE LA THE TSOM MA LOG PA'I PHYIR TE, DON MED PA'I THE TSOM MA LOG PA'I PHYIR RO, ,DON LA THE TSOM GYIS ZHES BYA BA NI SNGA NA MED PA'I MTHOS RIS DANG LHA LA SOGS PA SHIN TU LKOG TU GYUR PA'I DON LA STE, 'DI LTAR DE LA SKYES BUS BYAS PA'I TSIG LA SKYES BU RANG NYID KYI BSAM PA BRTAN PA PHYIN CI MA LOG PA'I GDAMS NGAG SRID PA'I PHYIR RO, ,NYAN PA PO'I RGYUD PA YANG RGYUN MA CHAD PA NA GDAMS NGAG YANG DAG PA SRID PA YIN GYI, DE LTAR SKYES BUS MA BYAS PA LA NI MA BYIN TE, DE LA STON PA PO MED PA'I PHYIR RO, ,GZHAN YANG STON PA PO BRTZE BAS 'JIG RTEN GYIS

211a

, ,SHES PAR BYA BA'I PHYIR SMRA BA NA 'JIG RTEN GYI BRDA NYID KYI RJES SU 'BRANGS NAS SMRA BAS, DE'I PHYIR 'JIG RTEN LA GRAGS PA LAS KYANG DON DE 'GRUB PAR 'GYUR GYI DE LA 'DOD PA MED PA'I PHYIR SKYES BUS MA BYAS PA NI MA YIN NO, ,GAL TE DE LTA NA CI'I PHYIR KHYED CAG LUNG GANG YANG RUNG BAS 'JUG PAR MI 'GYUR TE, THAMS CAD DU THE TSOM ZA BAR MTSUNGS PA'I PHYIR RO ZHES BYA BA'I KLAN KA 'DI BSAL BAR BYA BA'I PHYIR, MNGON SUM DANG NI ZHES BYA BA LA SOGS PA 'DI SMOS TE, GANG LA THE TSOM ZA NA YANG MNGON SUM DANG RJES SU DPAG PA DAG GIS MNGON PAR 'DOD PA'I DON DE LTA BU YIN PA MI 'GAL BA DES 'JUG PA NA MDZES PA YIN GYI, GANG DE LTA BU MA YIN PA'I PHYIR MI SNANG BA DE LA TSAD MA'I STOBS KYIS NI MA YIN TE, DON DU MI 'GYUR BA'I THE TSOM TZAM SKYE BA'I PHYIR RO, ,GAL TE DE LTA NA RIG BYED LA YANG RIGS PA 'DIS 'JUG PAR 'GYUR RO ZHE NA, RIG BYED SGRA LA DE LTA MIN, ,ZHES BYA BA LA SOGS PA SMOS TE, RANG LAS RTOGS ZHES BYA BA NI RANG NYID KYI TSAD MAR GYUR BA ZHES BYA BA'I DON TO, ,DES NA TSAD MAS BRTAGS NAS DE LA 'JUG PAR RIGS PA MA YIN TE, GZHAN LAS TSAD MA NYID DU THAL BAR 'GYUR BA'I PHYIR RO, ,DES NI YUL GNYIS RNAM PAR DAG PA SRID PA YANG MA YIN TE, 'DI LTAR RIG BYED DU SNGA MA DANG PHYI MA'I NGO BO 'CHI 'PHO BA DANG SKYED PA'I NGO BO CAN GYI GANG ZAG NI RIM GYIS BYED PA PO YIN GYI, LAS DANG 'BRAS BU LA LONGS SPYOD PA YIN NO ZHES RIGS BYED LAS 'DON PA YIN LA DE YANG RIGS PA MA YIN NO ZHES BDAG RTAG PAR BSHAD ZIN TO, ,DE BZHIN DU DNGOS PO 'GA' ZHIG RTAG PA NYID DU 'DON PA DE YANG BRTAN PA'I DNGOS PO RTAG PAR MI RIGS PA NYID DU BSTAN ZIN TO, ,DE BZHIN DU SPYI LA SOGS PA MNGON SUM MA YIN PA YANG MNGON SUM NYID DU 'DOD PA DANG, DE BZHIN DU RIM GYIS SKYE BA DANG GNAS PA DANG 'JIG PA RNAMS DNGOS PO LA MI SRID PA YANG BSTAN PA DANG, DE BZHIN DU KHYAD PAR DU BYAR MED PA SNGAR BYED PA PO MA YIN PA GZHAN LA LTOS NAS SKYED PAR BYED PA NYID DANG, DE BZHIN DU GRUB ZIN PA BYA BA MA YIN PA YANG GZHAN LA BRTEN NAS

211b

GNAS PA BSTAN PA DANG, DE BZHIN DU RGYUS 'JIG PA ZHES BYA BA LA SOGS PA TSAD MA DANG 'GAL BA RNAM PA MANG PO DMIGS NA, DE JI LTAR DE LTA BUR GYUR BA'I LUNG GI RTOG PA DANG LDAN PA 'JUG PAR 'GYUR, GANG YANG GZHON NU MA LEN GYI 'BREL BA RTAG PA NYID DU BSGRUB PAR BYA BA'I PHYIR SGRUB PAR BYED PA GZHAN SMRAS PA DE NI 'PHRAL LA BYAS PA'I GTAM RGYUD KYI NGO BO ZLOS GAR LA SOGS PAS MA NGES PA YIN NO ZHES BSTAN PA'I PHYIR, 'PHRAL BCAS DON CAN GTAN RGYUD CHOS, ,ZHES BYA BA LA SOGS PA SMOS TE, BRTAGS PA'I DON GTAM RGYUD GANG LA YOD PA DE LA DE SKAD CES BYA STE; 'DI NI 'PHRAL BYAS PA'I DON YANG YIN LA, GTAM RGYUD KYANG YIN NO ZHES TSIG RNAM PAR SBYAR RO, ,DE'I CHOS NI 'DOD PAS BKOD PA'I DON NYID DO, ,DE CI ZHIG BRJOD PA YIN ZHE NA, SGRA DON THOG MA MED RTOGS PA, ,ZHES BYA BA SMOS TE, SGRA NI YI GE'I RANG BZHIN NO, ,DE'I DON NI CI STE DE DAG THOG MA MED PA YIN PA'I PHYIR NUS PA'I MTSAN NYID KYI 'BREL BA YANG THOG MA MED PA NYID YIN TE, NUS PA LAS DNGOS PO THA MI DAD PA'I PHYIR RO SNYAM DU BSAMS PA YIN NO, ,DE BZHIN DU 'BREL BA BYED PA'I THABS MED PA'I PHYIR 'BREL BA MI BYED PAR RJES SU DPAG PAR BYA BA YIN NO, ,SBYOR BA NI GANG ZHIG GANG BYED PA'I THABS DANG 'BREL BA DE NI DE BYED PA MA YIN TE, DPER NA 'JI BA DANG DBYU GU DANG 'KHOR LO DANG CHU DANG SKUD PA LA SOGS PA'I RGYU'I TSOGS PA MED PA'I RDZA MKHAN GYI BUM PA BZHIN NO, ,SKYES BU THAMS CAD KYANG 'BREL BA BYED PA'I THABS DANG BRAL BA YIN NO ZHES BYA BA NI KHYAB PAR BYED PA 'GAL BA DMIGS PA'O, ,MA GRUB PA YANG MA YIN NO, ,NYAN PA PO LA 'BREL MED NA, ,SMRA BA PO YIS GANG ZHIG RTOGS, ,ZHES BYA BA LA SOGS PAS SKYES BU THAMS CAD THABS DANG BRAL BA NYID DU BSTAN PA'I PHYIR RO, ,GAL TE DE LTA NA RGYU BZHIN DU 'BREL BA BRJOD PA MED PAR RJES SU DPAG PAR 'GAL BAR 'GYUR RO ZHE NA, MA BSTAN PA YI RJES DPAG LA, ,ZHES BYA BA LA SOGS PA SMOS TE, MA BSTAN PA'I RJES SU DPOG PA'I GTAN TSIGS THABS DANG BRAL BA'I PHYIR ZHES BYA BA 'DI MA GRUB PA YIN NO, ,RGAN PO

212a

, ,RNAMS KYI ZHES BYA BA LA SOGS PAS MA GRUB PA DE NYID STON PA YIN TE, GANG 'DI RGAN PO RNAMS KYI 'BREL BA RTOGS PA YANG NAS YANG DU MTHONG BA DE NYID 'BREL BA STON PA'I THABS YIN NO, ,GANG GI PHYIR MA RTOGS PAR NI GZHAN LA STON PAR NUS PA MA YIN NO, ,RTOGS PA LAS ZHES BYA BA NI 'BREL BA RTOGS PA LA'O, ,DE NI NYAMS ZHES BYA BA NI THABS NYAMS PA'O, ,DE LTAR GAL TE ZHES BYA BA LA SOGS PAS SUN 'BYIN PA 'CHAD DE, RE ZHIG SGRA DE NA THOG MA MED, ,CES BYA BA LA SOGS PAS GANG SMRAS PA DE LA GAL TE SGRA DANG DON DAG GI THOG MA MED PA NYID RTAG PA NYID DU MNGON PAR 'DON NA DE MA GRUB STE, KHYAB PAR BYED PA'I SKAD CIG MA 'JIG PAR BSGRUBS ZIN PA'I PHYIR RO, ,CI STE RGYU DANG 'BRAS BU BRGYUD PA YIN NA DE'I TSE MA NGES PA NYID DANG 'GAL BA NYID YIN TE, 'BREL BA CAN DAG LAS 'BREL BA THA MI DAD PA'I PHYIR DE DANG MI 'DRA BA MI RTAG PA NYID DU THAL BAR 'GYUR BA'I PHYIR RO, ,THABS DANG BRAL BA NYID KYIS NI, ,ZHES GANG SMRAS PA DE YANG MA GRUB STE, GANG GI PHYIR THA DAD NA YANG DON KHA CIG RANG BZHIN GYI MIG LA SOGS PA BZHIN DU RNAM PA GCIG TU RTOGS PA SKYED PAR BYED PA LA NUS PA YIN NO ZHES BSTAN ZIN TO, ,DE LTA YIN DANG SMRA BA PO DANG NYAN PA PO DAG GI DON GCIG TU NGES PA'I SHES PA 'BREL BA 'DZIN PA THABS YIN NO ZHES DGONGS PA'O, ,GANG YANG RGAN PO RNAMS KYIS YANG NAS YANG DU RTOGS BZHIN PA NI THABS YIN ZHES SMRAS PA DE LA YANG, RGAN PO DAG LAS DON RTOGS MIN, ,DE DAG KYANG NI RANG NYID LAS, ,MI SHES GNAS TE ZHES BSTAN ZIN TO, ,DE LTA MIN NA NYAMS ZHES BYA BA NI GAL TE RGAN PO RANG NYID MI SHES PA YIN NA YANG 'BREL BA RTOGS PAR BYED DO ZHES 'DON NA DE'I TSE MTHONG BA DANG 'GAL TE, LONG BAS GZUGS MTHONG BAR DAM 'CHA' BA BZHIN NO ZHES BYA BA'I DON TO, , 'DUS PA NYID LA'ANG 'DI 'DRA BA'I, ,SGRUB BYED BZHIN NA BRJOD PAR BYA, ,ZHES GANG SMRAS PA 'DI LA, ,THAMS CAD BSDUS PA'I KHYAB PA NI, ,ZHES BYA BA LA SOGS PA SMOS TE, THAMS CAD BSDUS PA'I KHYAB PA GRUB PA GANG LA YOD PA DE LA DE SKAD CES BYA STE, DE'I DNGOS PO NI DE NYID DO, ,

212b

'DIS NI 'DI DNGOS PO'I STOBS KYIS ZHUGS PA NYID YIN PAR BSTAN TE, GZHAN LA NI THAMS CAD NYE BAR BSDUS PA'I KHYAB PA MI 'GRUB PA'I PHYIR RO, ,DNGOS PO RNAMS KYI RANG BZHIN GZHAN DU BYA BAR MI NUS PA DE NYID KYI PHYIR DNGOS PO'I STOBS KYIS ZHUGS PA'I RJES SU DPAG PA ZLOG PA SGRUB PAR BYED PA MI SRID LA, PHAN TSUN 'GAL BA'I RANG BZHIN GNYIS GCIG LA SRID PA YANG MA YIN TE, GCIG NYID NYAMS PAR THAL BAR 'GYUR BA'I PHYIR RO, ,THAMS CAD NYE BAR BSDUS PA'I KHYAB PA DE NYID BSTAN PA'I PHYIR, DON BCAS ZHES BYA BA LA SOGS PA SMOS TE, DE LTAR ZHES BYA BA NI 'DUS PA NYID DU BSTAN TE, YI GE RNAMS SKYES BUS MA BYAS PA NYID YIN NA 'DI THAMS CAD MI 'THAD DO ZHES BSTAN ZIN TO, ,DES NA KHYAB PA GRUB PO, ,'ON TE RIG BYED 'DOD PAR BRJOD PAR BYA BA YIN PA'I PHYIR ZHES BYA BA'I GTAN TSIGS 'DI'I KHYAB PA THAMS CAD NYE BAR BSDUS NAS GRUB PA MA YIN NAM, 'DI LTAR RIG BYED RNAMS KYI BYED PA PO NI NAM YANG DMIGS PA MA YIN NO ZHE NA, RIG BYED 'DON PA'I BRJOD BYA LA, ,ZHES BYA BA LA SOGS PA SMOS TE, DE LTAR KHYAB PA DES MA YIN, ,ZHES BYA BA NI 'DUS PA NYID BZHIN DU'O, ,GANG GI PHYIR 'DUS PA NYID KYI BSGRUB BYA LAS BZLOG PA LA THE TSOM ZA BA MA YIN GYI 'DI NI THE TSOM ZA BA YIN NO, ,'DI NYID STON PA NI RNAM PA DE LTA ZHES BYA BA LA SOGS PA STE RNAM PA DE LTA RNAM PA DE LTA ZHES BYA BA NI MTHO RIS 'DOD PAS ME LA SBYIN SREG BYA BA LA SOGS PA'O, ,RNAM PA DE LTA BU'I YI GE'I RIM PA GAL TE, SKYES BU THAMS CAD KYIS BYA BAR NUS PA MED PAR NGES PAR BYA BA YIN NA DE KHYAB PA NGES PAR 'GYUR RO, ,GANG GI PHYIR THAMS CAD MKHYEN PA MA YIN PAS DE NYID NGES PAR NUS PA MA YIN NO ZHE NA, SKYES BU MA LUS PA YI CHOS, ,ZHES BYA BA LA SOGS PA SMOS TE, 'DI NI ZHES BYA BA NI NGES PA DES PA'O, ,'ON TE CHOS LA SOGS PA'I NYE BAR BSTAN PA LA GLAGS LTA BA NYID LA SOGS PA RIG BYED KYI CHOS RNAMS NI SKYES BUS BYAS PA'I CHOS MA MTHONG BA'I PHYIR RIG BYED SKYES BUS BYAS PA MI SRID PA KHO NA MA YIN NAM, DE JI LTAR THE TSOM ZA BA'I MA GRUB PAR 'GYUR ZHES DOGS PA LA, RIG BYED SKYES BUS ZHES BYA BA LA SOGS PA SMOS TE, 'DI SNYAM DU GAL TE MA MTHONG BA DE

213a

, ,LTA NA YANG MA MTHONG BA TZAM NI TSAD MA MA YIN PA'I PHYIR THE TSOM ZA BA GRUB PA KHO NA STE, RES 'GA' LA LAR SKYES BU RNAMS RNAM PA DE LTA BU'I RIG BYED KYI CHOS RNAMS KYI BYED PA POR 'GYUR BA YIN NO SNYAM NA, MA MTHONG BA TZAM NI GRUB PA YANG MA YIN TE, RIG BYED KYI 'DOD PAS LOG PAR G-YEM PA NI 'DOD PA LOG PAR SPYOD PA STE MA LA SOGS PA LA 'GRO BA ZHES BYA BA'I THA TSIG GO, ,DE'I NYE BAR BSTAN PA NI, BA LANG CAN GYI MCHOD SBYIN LAS JI SKAD DU MCHOD SBYIN BYED PA NA CHU SOG PAR BYA'O, ,RTZVA GCAD DO, ,MA'I GAN DU NYAL PO LA 'GRO'O, ,SRING MO'I GAN DU 'GRO'O, , RUS GCIG PA'I GAN DU 'GRO'O ZHES BYA BA LA SOGS PA SMRAS PA LTA BU STE, MCHOD SBYIN NI MCHOD SBYIN BYED PA'I TSE'O, ,RTA'I MCHOD SBYIN LA SOGS PAR YANG SROG CHAGS GSOD PA NYE BAR BSTAN TE, JI SKAD DU, RTA GSOD PA YIS MCHOD PA'I PHYIR, ,DBUS MA'I ZHAL LA PHYUGS RNAMS NI, ,LNGA BRGYA BDUN CU RTZA BDUN GYI, ,PHYUGS RNAMS GSAD PAR BYA BA YIN, ,ZHES SMRAS PA DE LTA BU'O, ,BRDZUN NI BRDZUN GYI TSIG YIN LA, ,DE YANG, RGYAL PO BZHAD GAD LDAN DANG BUD MED DANG, ,BAG MA LEN PA'I TSE DANG GSOD PA DANG, ,NOR BU 'PHROG TSE BRDZUN BYAS GNOD MED DE; ,BRDZUN LNGAS LTUNG BAR 'GYUR BA MIN, ZHES SMRA ZHES BSTAN PA YIN NO, ,DE BZHIN DU 'DOD PAS LOG PAR G-YEM PA LA SOGS PA SMRA BA NI BRJOD PA'O, ,DE BZHIN ZHES BYA BA NI SDUD PA'O, ,RIG BYED KYI CHOS MED PA LA SOGS PA LA YANG MTHONG NGO ZHES 'BREL TO, ,SMRA DKA' BA NI BRJOD PAR DKA' BA'O, ,SMAD PA NI YID DU MI 'ONG BA NYID DO, ,RING BA NI CHOD PA STE, SHOG ,DBANG PO RTA BZANGS DAG DANG CIG ,CES BYA BA BZHIN TE, 'DIR SHOG CES BYA BA 'DI CIG CES BYA BA CHOD PA 'DI DANG 'BREL TE, SHOG CIG CES BYA BA'I THA TSIG GO, ,MI SNYAN ZHES BYA BA RTZUB PA'O, ,SOGS PA'I SGRAS TSIG CHAD PA DANG GLU RTA DANG, BSTOD PA LA SOGS PA BZUNG NGO, ,DUG SEL 'BYOR BA ZHES BYA BA NI DUG SEL BA LA 'BYOR BA STE, NUS PA'I MTHU YOD PA ZHES BYA BA'I THA TSIG GO, ,YANG NA DUG SEL DANG 'BYOR BA ZHES BYA BAR BSDU BA BYA BA STE, 'BYOR BA NI RNAM PAR 'BYOR BA STE, DBANG

213b

PHYUG CES BYA BA'I DON TO, ,SOGS PA'I SGRAS 'BYUNG PO DANG, GZA' LA SOGS PAS ZIN PA DANG, DBANG DU BYED PA DANG MNGON SPYOD PA LA SOGS PA GZUNG NGO, ,BDEN ZHES BYA BA NI MI SLU BA'O, ,MKHA' LDING SOGS KYI ZHES BYA BA'I SOGS PA'I SGRAS SANGS RGYAS PA LA SOGS SNGAGS ZLO BA GSUNG NGO; ,BHA RA TA YANG DE LTAR 'GYUR, ,ZHES BYA BA LA SOGS PA LA, GZHAN YANG RNAM PA 'DI YIS NI, ,ZHES BYA BA LA SOGS PA SMOS TE, DE LTAR RJES SU DPAG CES BYA BA NI BDE BAR GSHEGS PA'I GSUNG RAB 'DON PA NI SNGAR BRJOD PA'I RIGS MTHUN PA SNGON DU 'GRO BA CAN YIN TE, BDE BAR GSHEGS PAS 'DON PAR BRJOD PAR BYA BA'I PHYIR DA LTAR BA'I 'DON PAR BYED PA BZHIN NO, ,'O NA DE LTA NA JI LTAR BDE BAR GSHEGS PA'I GSUNG RAB YIN PAR GRUB PAR 'GYUR ZHE NA, DES GSAL NGO BO NYID YIN ZHES BYA BA LA SOGS PA SMOS TE, BDE BAR GSHEGS PA DES MNGON PAR GSAL BA'I NGO BO RANG BZHIN GANG LA YOD PA DE LA DE SKAD CES BYA BA STE DE'I DNGOS PO NI DE NYID DO, ,DE LA YANG BDE BAR GSHEGS PA BYED PA PO DRAN PA GANG YIN PA DE NI DON BRJOD PA'I RGYU MTSAN DU BSHAD PAR NUS TE, 'DI LTAR 'DIR YANG BYED PA DRAN PA'I DON DU CI'I PHYIR 'CHAD PAR MI BYED, 'DI SNYAM DU GANG GIS DE LTAR BSGRUB PAR BYA BA SANGS RGYAS PA DE LTAR BSGRUB PAR 'DOD PA NI MA YIN NO SNYAM DU SEMS NA, RIGS PA MTSUNGS NA CIS MI 'DOD, ,CES BYA BA SMOS TE, GAL TE DON 'DI RIGS PA DANG LDAN PAR GYUR NA, DE'I TSE 'DI CI'I PHYIR SANGS RGYAS PA KHAS LEN PAR MI 'GYUR, GANG GI PHYIR RIGS PAS 'THAD PA'I DON NI RTOG PA DANG LDAN PAS KHAS MI BLANG BAR MI 'GYUR TE, SANGS RGYAS PA RTOG PA DANG MI LDAN PA KHAS MI LEN DU CHUG MOD DE LTA NA'ANG KHO BO CAG KHYED LA RIGS PA NYID KYIS 'JUG PAR MI 'GYUR RO ZHES SMRA'O, ,'DI NYID DE'I TSIG GIS BSTAN PAR BYA BA'I PHYIR, THAMS CAD DU NI SKYES BU RNAMS, ,ZHES BYA BA LA SOGS PA SMOS TE, RIGS PA 'DI YIS ZHES BYA BA NI THAMS CAD DU SKYES BU RNAMS ZHES BYA BA'I DE MA THAG TU BSHAD PAS SO, ,'DI SNYAM DU THAMS CAD SKYES BUS MA BYAS PA NYID DU RAG MOD SNYAM DU SEMS NA, DES

214a

, ,NA SKYES BUS MA BYAS ZHES BYA BA LA SOGS PA SMOS TE, DE LTA YIN DANG SKYES BUS MA BYAS PA NYID BDEN PA'I DON CAN DU 'GRUB PAR MI 'GYUR TE, BDE BAR GSHEGS PA LA SOGS PA'I TSIG GIS MA NGES PA NYID KYI PHYIR RO SNYAM DU BSAMS PA YIN NO, ,'DI LTAR RIG BYED KYI DON LAS LDOG PA'I BDAG MED PA LA SOGS PA KHYOD LA TSAD MA MA YIN PAR 'THAD PA, BDE BAR GSHEGS PA LA SOGS PA'I GSUNG RAB DE DAG LAS BSTAN PA DE BZHIN DU RIG BYED LA YANG SRID PAR 'GYUR RO, ,DE LTAR RO ZHIG MA NGES PA NYID DU BSTAN NAS NGA NI 'DOD PA LA GNOD PA NYID KYI PHYIR 'DI 'GAL BA NYID DU BSTAN PA'I DON DU, GZHAN YANG ZHES BYA BA LA SOGS PA SMOS TE, DE LTA NA YANG 'DI SKYES BUS MA BYAS PA NYID DU BSGRUB PAR 'DOD PA YIN LA DE YANG MI 'GRUB PO, ,'O NA CI ZHE NA, 'DIR MI 'DOD PA'I THOG MA MED PA NYID 'GRUB PAR 'GYUR RO, ,'DI SNYAM DU THOG MA MED PA NYID GRUB PA NA SHUGS KYIS MA BYAS PA NYID DU 'GRUB PA KHO NA STE, GANG GI PHYIR BYAS PA NI THOG MA MED PA RIGS PA MA YIN NO SNYAM DU SEMS NA, DE LAS ZHES BYA BA LA SOGS PA SMOS TE, THOG MA MED PA DE LAS GAL TE MA BYAS PA NYID DU GYUR NA DE'I TSE BAR SIG PA LA SOGS PA'I THA SNYAD KYANG 'GYUR RO, ,'DI NYID STON PA NI 'DI LTAR ZHES BYA BA'O, ,GZHAN LA BRTEN ZHES BYA BA NI SKYES BU GZHAN GYI 'DU BYED PAS 'JUG PA ZHES BYA BA'I DON TO, ,GZHAN GYI 'DUS BYAS LAS BYUNG CAN, ,ZHES BYA BA NI GZHAN GYI 'DUS BYAS PAS BYUNG BA DE DAG GANG LA YOD PA DE LA DE SKAD CES BYA'O, ,YANG NA 'DI LA GZHAN GYI 'DU BYED PA LAS BYUNG BA'I NGANG TSUL YOD PAS NI GZHAN GYI 'DU BYAS PA LAS BYUNG BA'O, ,DE LAS RANG GI DO BRJOD PA'I DON DU YI GE'I SKYON SBYIN PAR BYA'O, ,'DI LTAR RE ZHIG GANG DAG RANG GI SNANG BA BKOD PA'I BRDA'I GRUB PA'I MTHA' CAN DE DAG KYANG JI LTAR THOS PA'I DON GYI RNAM PAR RTOG PA'I DBANG GIS 'JUG PA'I PHYIR DANG PO NYID DU JI LTAR MTHONG BAR 'JUG PA'I 'JIG RTEN GYI THA SNYAD RNAMS KYANG GZHAN GYI 'DU BYED PA'I STOBS KHO NAS 'JUG GO, ,THAMS CAD SKYES BUS MA BYAS PA NYID YIN LA RAG MOD CE NA, DE 'DRA'I ZHES BYA BA LA SOGS PA SMOS TE, DE 'DRA'I ZHES

214b

BYA BA NI LOG PA'I DON SRID PA'O, ,'DAS DANG MA 'ONGS DUS DAG NI, ,ZHES BYA BA LA SOGS PA LA, DUS NYID CES BYA BA LA SOGS PA SMOS TE, SKYES BU THAMS CAD LA BYED PA'I NUS PA MED PAR SGRUB PAR BYED PA NI GTAN TSIGS MI MTHUN PA'I PHYOGS LA GNAS PA CAN GYI TSAD MA YIN LA DE YANG MA BSTAN PA'I PHYIR, GTAN TSIGS THAMS CAD BSGRUB PAR BYA BA LAS, BZLOG PA LDOG PA LA THE TSOM ZA BA'I MA NGES PA NYID YIN NO, ,SNGAR BZHIN ZHES BYA BA NI RIG BYED 'DON PAR BRJOD PAR BYA BA NYID KYI SGRUB PAR BYED PA BZHIN NO, ,DPER NA BSGRUB BYAS STONG ZHES BYA BA NI DA LTAR GYI DUS SU MTHONG BA BZHIN NO, ,THA MAL BA'I MI BZHIN NO ZHES BYA BA DE DAG BSGRUB BYAS STONG PA YIN NO, ,DE LTA YIN DANG RIG BYED TSIG CES BYA BA LA SOGS PA LA, SKYES BU BSTAN LA ZHES BYA BA LA SOGS PA SMOS TE, CHOS CAN DANG NI DPE DAG LA, ,ZHES BYA BA NI BSGRUB BYA DANG CHOS CAN DANG DPE'I CHOS CAN ZHES BYA BA'I DON TO, ,JI SKAD DU, RTAG PA'I NGAG LAS BYUNG NYID PHYIR, ,ZHES BYA BA LA SOGS PA GANG SMRAS PA DE LA, RTAG PA'I NGAG LAS BYUNG NYID NI, ,ZHES BYA BA LA SOGS PA SMOS TE, 'DI YANG GTAN TSIGS MA GRUB PA DANG DPE BSGRUB BYAS STONG PA NI SNGA MA BZHIN NO, , CHOS CAN DANG NI DPE DAG LAS, ,ZHES BYA BA 'DI, ,RTAG PA'I NGAG LAS BYUNG NYID PHYIR, ,ZHES BYA BA LA LTOS NAS BDUN PA YIN NO, ,NGAG LAS BYUNG NYID KYI ZHES BYA BA NI MA GRUB PA LA LTOS NAS GRUB PA YIN NO, ,GTAN TSIGS PHYI MA RNAMS LA ZHES BYA BA NI, SKYON DANG BRAL BA'I RGYUS BSKYED PHYIR, , ZHES BYA BA LA SOGS PA'I GTAN TSIGS RNAMS LA'O, ,YID MI CHES PAS BYAS PA'I TSIG GIS SKYED PA'I PHYIR DANG, GNOD PA MED PA'I PHYIR RO ZHES BYA BA'I GTAN TSIGS 'DI DAG NGES PAR MA GRUB PA NYID YIN NO ZHES BSTAN PA'I PHYIR, SKAD CIG 'JIG LA ZHES BYA BA LA SOGS PA SMOS TE; RE ZHIG RTAG PA NYID RANG GI NGO BOS GNOD DO ZHES 'BREL TO, ,'DI SKAD DU BSTAN PA YIN TE, DNGOS PO'I STOBS KYIS ZHUGS PA'I RJES SU DPAG PAS DNGOS PO THAMS CAD LA KHYAB PA'I SKAD CIG MA 'JIG PA BSGRUB PA NA, GANG 'DI THOS PA RTOG PA NYID DU KHAS LEN PA DE NI

215a

, ,GSAL BAR GNOD PA YIN NO, ,RANG GI NGO BO SMOS PA NI BRJOD PAR BYA BA BSAL BA'I DON DU'O, ,DE'I PHYIR DES BYAS BLO GANG LAS, ,ZHES BYA BA NI GANG LAS KYANG MA YIN PA NYID DO ZHES BYA BA'I DON TO, ,'DIS NI YID MI CHES PAS BYAS PA'I TSIG GI SKYED PA'I PHYIR ZHES BYA BA 'DI GZHI MA GRUB PA NYID DU BSTAN PA YIN NO, ,GNOD PA MED PA'I PHYIR RO ZHES BYA BA 'DI NI NGES PAR RANG GI NGO BO MA GRUB PA YIN NA ZHES BSTAN PA'I PHYIR, THOS PAR SKYES BUS ZHES BYA BA LA SOGS PA SMOS TE, BDAG NI 'JIG PAR MI 'GYUR TE, ,MI 'JIG GO, ,SKYE BA DAG 'DI MI 'JIG PA YIN NO ZHES RIG BYED LAS 'DON TO, ,SKYES BU 'DI NI BDAG STE SNGAR GONG DU BDAG MED PA GRUB PA LA GNOD PA BSTAN TO, ,DE'I PHYIR 'DI NGES PAR MA GRUB PA NYID YIN NO, ,'ON TE SKUL BAR BYED PA NI BYA BA LA 'JUG PA'I TSIG LA BRJOD DO ZHES BSHAD PA'I PHYIR RIG BYED KYI PHYOGS GCIG GI KHYAD PAR NYID SKUL BAR BYED PA ZHES BYA'O, ,RIG BYED THAMS CAD NI MA YIN TE, 'DIR SKUL BAR BYED PAR BSKYED PA'I BLO PHYOGS SU BYA STE, DE LTA YIN DANG DON GZHAN GYI RIG BYED LA GNOD NA YANG SKUL BAR BYED PA LA GNOD PA MA YIN PA'I PHYIR GTAN TSIGS GRUB PA NYID YIN NO ZHE NA, SKYON 'DI MED DE SKUL BAR BYED PA SMOS PAS 'GA' ZHIG TU RIG BYED KYI TSIG THAMS CAD BRJOD KYI, THAMS CAD DU 'JUG PAR BYED PA NYID MA YIN TE, 'DI LTAR 'BYUNG PO RNAMS LA 'TSE BAR MI BYA'O, ,ZHES BYA BA'I TSIG 'DI SKUL BAR BYED PAR MI 'GYUR TE, 'JUG PAR BYED PA MA YIN PA'I PHYIR RO, ,GANG YANG BSHAD PA LAS 'DI LA DON DANG DON MA YIN PA GNYI GA SKUL BAR BYED PA MTSON PA YIN NO ZHES BYA BA GANG SMRAS PA DE YANG 'GAL BA YIN TE, GANG GI DES DON MED PA MTSON PA ZHES BYA BAR 'GYUR BA SKUL BAR BYED PA DON MED PA LA 'JUG PAR BYED PA ZHES BYA BA NI MA YIN NO; ,GZHAN YANG BSHAD PA LAS GZHAN 'DI YANG BSHAD DE, SKYES BUS BYAS PA'I TSIG LAS BYUNG BA'I SHES PA 'GA' ZHIG 'KHRUL PA YIN GYI, RIG BYED NI MA YIN TE, LOG PA NYID LA NI TSAD MA CUNG ZAD KYANG YOD PA MA YIN NO ZER BA LA SKUL BA KHO NA CHOS DANG CHOS MA YIN PA LA

215b

SOGS PA RNAM PAR GZHAG PA'I RGYU MTSAN TE, SNANG BAR GYUR BA SROG CHAGS THAMS CAD KYI THUN MONG GI MIG LTA BUR GNAS PAS SO, ,GZHAN SKYES BUS BSTAN PA'I TSIG LA SOGS PA NI MA YIN NO, ,GRUB PAS KYANG 'DI LTAR RGYU NYID GRUB PAR BYED DO ZHES BSHAD DO, ,GANG GI TSE BYED PA PO MED PA DANG RTAG PA'I SKYES BU'I YUL GYI RIG BYED KYI TSIG GI GNOD PA GSAL BAR MTHONG BA DE'I TSE ME'I SBYIN SREG GIS MTHO RIS SU 'GYUR BA LA SOGS PA LA YANG GNOD PAR DOGS PA BZLOG PAR DKA' BAR GSAL BA RE ZHIG THE TSOM ZA BA'I MA GRUB PA NYID SNGAR BSTAN PA KHO NA'O, ,DE NYID KYI PHYIR THE TSOM ZA BA'I MA GRUB PA NYID YANG BSTAN PAR BYA BA'I PHYIR, LAG MTHIL ZHES BYA BA LA SOGS PA SMOS TE, DE LA ZHES BYA BA NI YUL DANG DUS DANG SKYES BU GZHAN LA'O, ,DE LA 'DI NI YUL GZHAN DANG DUS GZHAN DANG SKYES BU GZHAN LA LDOG PA MA YIN PAS DE'I PHYIR PHYIN CI MA LOG PA YIN NO ZHES GANG SMRAS PA DE NI 'DI NYID KYIS SUN PHYUNG BA YIN NO, ,DE'I PHYIR 'JIG RTEN THAMS CAD KYI, ,ZHES BYA BA LA SOGS PA DE LA, SKYES BUS MI SHES PA ZHES BYA BA LA SOGS PA SMOS TE, NGO BO NI RANG BZHIN NO, ,DON NI BRJOD PAR BYA BA STE, 'DI LA SKYES BUS MI SHES PA'I NGO BO DANG DON YOD PA ZHES TSIG RNAM PAR SBYAR RO, ,DE LA CI YI GE 'DI NYID YIN NAM, 'ON TE, GZHAN YIN, YI GE'I RIM PA'I KHYAD PAR 'DI YIN NAM, 'ON TE MA YIN ZHES NGO BO MI SHES TE, RANG DANG GZHAN LAS NGES PA MI RUNG BA'I PHYIR RO, ,DE BZHIN DU DON LA YANG MA NGES PA BLTA BAR BYA'O, ,DE LTA YIN DANG MUN PA YIN TE, NGES PA MED PAR SNANG BAR 'GYUR BA MA YIN PA'I PHYIR RO, ,DE BZHIN DU ZHES BYA BA NI BA LANG CAN GYI MCHOD SBYIN LA SOGS PA LA BAR SIG PA LA SOGS PA BZHIN NO, ,SNGON GYI SDIG PA GOMS PA'I BAG CHAGS NI DE'I RGYU MTHUN PA'I NUS PA LA SOGS PA'I STAN BCOS 'JUG PAR 'GYUR RO, ,DANG PO NYID DU CHOS DANG CHOS MA YIN PA DON DU GNYER BA'I RTOG PA DANG LDAN PA'I SKYES BU RNAMS KYIS GDON MI ZA BAR SKUL BAR BYED PA NYID TSAD MA NYID DU BSTAN PAR BYA BA STE, RE ZHIG RIGS PAS GNOD PA'I PHYIR SKUL BA YANG RIGS PAS

216a

, ,GNOD PA BZLOG PAR DKA' BA NYID SRID PA YIN NO, ,'DI LTAR GZHON NU MA LEN GYIS, ,MA BYAS PA NYID CES GANG SMRAS PA DE LA, DE'I PHYIR CHOS LA ZHES BYA BA LA SOGS PA SMOS TE, CHOS SMOS PA NI NYE BAR MTSON PA STE, CHOS MA YIN PA YANG GZUNG BAR BYA'O, ,DE LTA NA 'O NA CHOS LA SOGS PA'I RNAM PAR GZHAG PA'I RTEN GANG YIN ZHE NA, DE'I PHYIR YE SHES ZHES BYA BA LA SOGS PA SMOS TE, NANG GI MUN PA NI NYON MONGS PA DANG NYON MONGS PA CAN MA YIN PA'I MI SHES PA STE, YE SHES KYI SNANG BAS NANG GI MUN PA'I PHUNG PO 'JIG PA STE GANG GI SEL BA DE LA DE SKAD CES BYA'O, ,RNAM G-YEM PA'I ZHES BYA BA NI KHA NA MA THO BA MED PA GTZANG BA RNAMS TE, PHYUGS GSOD PA DANG 'DOD PA LA LOG PAR G-YEM PA LA SOGS PA'I DRI MAS MA GOS PA RNAMS ZHES BYA BA'I DON TO, ,STON MDZAD SKYES BU 'DOD PAR GYIS, ,ZHES BYA BA NI DE LTA NA NI SKYES BUS MA BYAS PA NYID DE RTAG PA DON DANG BCAS PA NYID DU 'GYUR RO SNYAM DU BSAMS PA YIN NO, ,DE LTA MA YIN NA MI SHES PA'I DON LA DE DON MED PA KHO NAR 'GYUR RO, ,'DIS NI 'DI SKAD DU BSTAN PA YIN TE, KHYOD KYIS THOS PA TSAD MA NYID DU KHAS BLANGS PA GANG YIN PA DE NI THAMS CAD MKHYEN PA MED PAR MI RIGS PAS DE LTA BAS NA 'DI GDON MI ZA BAR KHAS BLANG BAR BYA BA YIN TE, GZHAN DU NA TSAD MA NYID DU MI 'GRUB PO ZHES BSTAN PA'I PHYIR RO, ,'DI YANG 'DI SKAD DU BSTAN PA NYID YIN TE, TSAD MAS 'THAD PA'I TSIG CHOS LA SOGS PA LA BRTEN PA MCHOG YIN LA RAG MOD, DE LTA NA YANG SKYES BUS MA BYAS PA BRTAGS PAS CI ZHIG BYA, GANG YANG CHOS LA SOGS PA RNAL 'BYOR GYI MNGON SUM GYIS KYANG RTOGS PAR BYA BA MA YIN NO ZHES SMRAS PA DE YANG LHAG MA DANG LDAN PA YIN TE, RNAL 'BYOR PA RJES SU DPAG PA NI PHYIS BSGRUB PAR 'GYUR PA'I PHYIR RO SNYAM DU BSAMS PA YIN NO, ,DE KHO NA NYID BSDUS PA'I DKA' 'GREL LAS THOS PA BRTAG PA STE NYI SHU DGU PA'O,, ,,DE LTAR ZHES BYA BA LA SOGS PAS YANG RANG DBANG THOB LA MA ZHEN PA NYID RNAM PA GZHAN GYIS SGRUB PAR BYED PA NYID YIN TE, 'DI LTAR RGYAL DPOG PA RNAMS NI CI NAS KYANG THOS PA

216b

TSAD MA NYID DU BYA'O SNYAM PA NA SPYIR TSAD MA THAMS CAD RANG LAS TSAD MA NYID YIN LA TSAD MA MA YIN PA NI GZHAN LAS SO ZHES ZER RO, ,GZHAN LAS TSAD MA NYID YIN NA THUG PA MED PA LA SOGS PA'I SKYON DU THAL BA'I PHYIR TSAD MA DANG GCIG SHOS KYI RNAM PAR GZHAG PA RGYUN CHAD PAR 'GYUR RO, , 'DI LTAR PHYOGS BZHIR 'GYUR BA YIN TE, RES 'GA' TSAD MA DANG TSAD MA MA YIN PA GNYI GA RANG NYID LAS ZHES BYA BA NI DANG PO'O, ,GNYIS PA NI RES 'GA' GZHAN NYID LAS SO ZHES BYA BA'O, ,GSUM PA NI TSAD MA NYID NI GZHAN LAS YIN LA TSAD MA MA YIN PA NI RANG LAS ZHES BYA'O, ,BZHI BA NI 'DI LAS BZLOG PA'O, ,DE LA RE ZHIG PHYOGS DANG PO NI MA YIN TE, 'DI LTAR DE GNYI GA GSAL BA GCIG LA BRTEN PA YIN NAM, GSAL BA THA DAD PA LA BRTEN PA YIN, RE ZHIG GSAL BA GCIG LA PHAN TSUN SPANGS TE GNAS PA'I MTSAN NYID KYI TSAD MA DANG, CIG SHOS KYI CHOS SRID PA MA YIN TE, 'GAL BA'I PHYIR RO, ,GSAL BA THA DAD PA LA YANG MA YIN TE, NGES PA'I RGYU MED PA'I PHYIR DANG, NGES PA'I RGYU MED PA LA YANG TSAD MA DANG TSAD MA MA YIN PA'I RNAM PAR GZHAG PA MA 'DRES PA MED PAR THAL BAR 'GYUR BA'I PHYIR RO, ,DE BZHIN GNYI GA YANG RANG DBANG CAN YIN PA'I PHYIR 'DI NI TSAD MA'O, ,'DI NI TSAD MA MA YIN PA'O ZHES BYA BA NGES PAR MI 'GYUR RO, ,RTOG PA MTSUNGS PAS GNYI GA YANG THA DAD PA BSGRIBS PA'I PHYIR DANG, GZHAN NGES PAR 'DZIN PA'I RGYU KHAS MA BLANGS PA'I PHYIR RO, ,RNAM PAR PHYE NAS YONGS SU MI SHES PA'I PHYIR 'DI NI TSAD MA YIN LA 'DI NI TSAD MA MA YIN NO ZHES RNAM PAR GZHAG PAR MI 'GYUR RO, ,PHYOGS GNYIS PA YANG MA YIN TE, DANG PO GNYI GA'I RANG BZHIN DANG BRAL BA'I SHES PA NI RANG BZHIN MED PA NYID DU THAL BAR 'GYUR BA'I PHYIR RO, ,PHAN TSUN SPANGS TE GNAS PA'I MTSAN NYID KYI TSAD MA DANG, CIG SHOS DAG MED PA LA 'DI'I NGO BO GZHAN NGES PAR NUS PA MA YIN PA'I PHYIR 'DI THE TSOM MED PAR NYE BAR BRJOD PA MED PA NYID DU 'GYUR RO, ,YANG BSHAD PA, RE ZHIG 'GAL PHYIR RANG LAS NI, ,GNYIS MED GZHAN LAS KYANG MA YIN, ,DE LTAR SHES PA'I NGO BO NI, ,RANG BZHIN MED PA

217a

, ,NYID DU THAL, ,SHES PA'I GSAL BA THA DAD PAS, ,RIG BYED DANG NI 'GAL BAR 'GYUR, ,'DI LTAR 'DI NI LTOS MED NI, ,CI ZHIG GANG RUNG NGES MI BYED, ,CE'O, ,PHYOGS GSUM PA YANG MA YIN TE, THUG PA MED PA'I SKYON DU 'GYUR BA'I PHYIR TE, 'DI LTAR RE ZHIG TSAD MAR GYUR PA GZHAN LAS TSAD MA NYID DU 'DOD PA YANG MA YIN TE, DE NI RANG NYID TSAD MA YIN PA'I PHYIR RO, ,TSAD MAR GYUR PA LAS KYANG MA YIN TE, DE LA YANG BRGAL ZHING BRTAG PA MTSUNGS PAS GZHAN LAS TSAD MA NYID DU 'DOD PA NA THUG PA MED PAR THAL BAR 'GYUR BA'I PHYIR RO, , DE LTA YIN NA TSAD MA'I GSAL BA GCIG RNAM PAR GZHAG PAR BYA BA'I PHYIR TSAD MA BRGYUD PA'I RJES SU 'BRANGS PAS SKYES BU'I TSE MTHA' DAG DOGS PAR 'GYUR RO, ,DE LTA BAS NA GO SKABS GZHAN MED PA'I PHYIR TSAD MA THAMS CAD KYI TSAD MA NI RANG LAS YIN LA, TSAD MA MA YIN PA NYID NI GZHAN LAS ZHES GZUNG BAR BYA'O, ,DE LA SBYOR BA NI GANG DAG GANG GI RANG BZHIN DU NGES PA DE DAG NI DE LAS GZHAN LA LTOS PA MA YIN TE, DPER NA NAM MKHA' LUS CAN MA YIN PAR BYA BA BZHIN NO, ,RTZOD PA'I GZHIR GYUR PA'I RNAM PAR SHES PA LA SOGS PA YANG TSAD MA NYID DU NGES PA YIN NO ZHES BYA BA NI KHYAB PAR BYED PA 'GAL BA DMIGS PA'O, ,'DI MA NGES PA YANG MA YIN TE, RANG LAS MED PA'I CHOS NI GZHAN GYIS BYA BAR MI NUS PA'I PHYIR, NAM MKHA'I LUS CAN NYID BZHIN TE, ,RANG LAS NUS PA MED PA NI, ,GZHAN GYIS BYA BAR NUS MA YIN, ,ZHES GANG BSHAD PA MA YIN NO, ,'DIR TSAD MA KUN GYIS ZHES BYA BA LA SOGS PAS DAM BCA' BA'I DON GSOG YIN PA SRID PA NA RNAM PAR DPYAD PA'I SGO NAS SUN 'BYIN PA RTZOM PA YIN TE, DON GANG YIN PAR 'DOD CES 'DRI BA LA, GZHAN GYIS GZHAL BYA RTOGS LA SOGS, ,ZHES BYA BA LA SOGS PA SMOS TE, GAL TE SHES PA TZAM YIN NA DE'I TSE GZHAL BAR BYA BA RTOGS PA'I TSAD MA DE YONGS SU RTOGS PA'I TSAD GCOD PAR BYED PA LA NUS PA'I RANG BZHIN CAN YIN TE, SHES PA NI DON GCOD PAR BYED PA YIN PA'I PHYIR RO, ,'ON TE MIG LA SOGS PA YIN NA DE'I TSE DE DAG

217b

DON JI LTA BA BZHIN DU SHES PA SKYED PAR BYED PA DANG, SKUL BAR BYED PA LA YANG DBANG PO LAS 'DAS PA'I DON RTOGS PAR RANG NYID KYIS NUS PA YIN NO ZHES BYA BA 'DI NI SOGS PA'I SGRAS GZUNG BAR BYA'O, ,'DI NYID LA RE ZHIG GZHAN DAG 'THAD PA 'CHAD PA NI, RANG NYID KYIS MED CES BYA BA LA SOGS PA'O, ,'DI NYID BSTAN PAR BYA BA'I PHYIR, ,LTOS MED GCIG PU KHO NA NYID, ,CES BYA BA LA SOGS PA SMOS TE, TSAD MA NYID KYIS ZHES BYA BA NI TSAD MA RNAM PAR GZHAG PAR MI 'GYUR RO, ,DE NYID CES BYA BA NI TSAD MA NYID DE KHYAB PAR BYED PA LOG NA KHYAB PAR BYA BA MI GNAS PA'I PHYIR RO, ,'DI SNYAM DU 'JIG PAR 'GYUR MOD SKYON NI CI ZHIG YOD CE NA, RIGS PA SMRA BA NI ZHES BYA BA LA SOGS PA SMOS TE, RTZA BA NI TSAD MA NYID DE DE YANG LTOS PA DANG BCAS PA NYID KYIS 'PHROG PAR BYED DE, DE NI DE'I KHYAB PAR BYED PA DANG 'GAL BA'I PHYIR RO, ,'DI LTAR LTOS PA MED PA NYID KYIS TSAD MA NYID LA KHYAB LA, DE YANG JI LTAR RANG GIS KHYAB PAR BYED PA DANG 'GAL BA LTOS PA DANG BCAS PA NYID YOD PA NA GNAS PA RNYED PAR 'GYUR, GANG GIS ZHES BYA BA LA SOGS PAS TSAD MA NYID LA LTOS PA MED PA NYID KYIS KHYAB PAR STON PAR BYED PA YIN TE, GANG GIS ZHES BYA BA NI GANG GI PHYIR GYI DON TE, JI LTAR 'JOG PAR BYED CE NA, LTOS PA DANG BCAS ZHES SMOS TE, RNAM PAR GZHAG BYA MIN ZHES BYA BA NI THUG PA MED PAR THAL BAR 'GYUR BA'I PHYIR RO, ,THUG PA MED PA YIN PA LA RAG MOD CI NYES SHE NA, THUG PA MED PA'I GTAN TSIGS CAN, , ZHES BYA BA LA SOGS PA SMOS TE, THUG PA MED PA STE MA NGES PA'I GTAN TSIGS GANG LA YOD PA DE LA DE SKAD CES BYA'O, ,'DI SKAD DU BSTAN PA YIN TE, SHES PAR BYED PA SHES PA NI SHES PAR BYA BA'I DON SHES PAR BYED KYI YOD PA TZAM GYIS NI MA YIN NO, ,DE LTA YIN DANG RE ZHIG RGOL BA RANG NYID MA RTOGS PAR JI LTAR GZHAN RTOGS PAR BYA BA'I DON DU SGRUB PAR BYED PA LEN PAR BYED, DE LTA'I DON NI ZHES BYA BA LA SOGS PAS SUN 'BYIN PA RTZOM PAR BYED DE, ,DE LA RANG BZHIN ZHES BYA BA'I DON CI YIN PAR 'DOD, CI RTAG PA NYID KYIS RGYU MED PA'I PHYIR RANG BZHIN

218a

, ,CAN YIN NAM, 'ON TE MI RTAG PA YIN NA YANG RANG GI RGYU DAG LAS SHES PA RNAMS KYIS RANG BZHIN CAN GRUB PA'I DUS KHO NAR 'BYUNG BA YIN GYI DUS PHYIS RGYU GZHAN GYIS BYAS PA MA YIN PA'I PHYIR RANG BZHIN CAN YIN ZHES BYA BAR RNAM PAR RTOG PA GNYIS PAS SO, ,DE LA RE ZHIG RNAM PAR RTOG PA DANG PO NI MA YIN TE, DE THA DAD PA YIN NAM, THA MI DAD PA YIN, YANG NA GNYI GA'AM, GNYI GA MA YIN PA'I RANG BZHIN CAN YIN ZHES BYA BA PHYOGS RNAM PA BZHI'O, ,DE LA RE ZHIG DANG PO NI MA YIN TE, 'BREL PA MA GRUB PA'I PHYIR DANG, DNGOS PO MED PA MA YIN PAR THAL BAR 'GYUR BA'I PHYIR RO ZHES BYA BA LA SOGS PAS DNGOS PO THAMS CAD KYI NUS PA NYID NI THA MI DAD PA YIN NO ZHES RNAM PA MANG DU BSTAN ZIN PA'I PHYIR RO, ,'DI NYID BSTAN PAR BYA BA'I PHYIR, 'DOD PA'I 'BRAS BU ZHES BYA BA LA SOGS PA SMOS TE, 'BRAS BU BYED PA'I RGYU NI NUS PA YIN TE, RANG BZHIN DE YANG DNGOS PO'I BDAG NYID DU MED PA NA DNGOS PO DE BYED PA POR MI 'GYUR RO, ,DE LTA YIN DANG 'DI DNGOS PO MED PA NYID DU THAL BAR 'GYUR RO SNYAM DU BSAMS PA YIN NO, ,CI STE THA MI DAD DO ZHES BYA BA'I PHYOGS YIN NA DE'I TSE RANG BZHIN CAN DU MI 'GYUR TE, DON RGYU'I STOBS KYIS 'BYUNG BA NYID KYIS MI RTAG PA NYID KYI PHYIR DE DANG THA MI DAD PA'I NUS PA RNAMS KYANG RGYU'I STOBS KYIS BYUNG BA NYID KYIS MI RTAG PA NYID DU THAL BAR 'GYUR BA'I PHYIR RO, ,DE LTA MA YIN NA GRUB PA DANG BDE BA THA DAD PA NYID KYI PHYIR THA MI DAD PAR MI 'GYUR RO, ,DE NYID NI, RANG RGYU'I STOBS LAS BYUNG BA CAN, ,ZHES BYA BA LA SOGS PA SMOS PA'O, ,GZHAN YANG TSAD MA RNAMS LAS NUS PA THA MI DAD PA'I PHYIR RO, ,NUS PA'I RANG GI NGO BO BZHIN DU RTAG PA NYID DANG RGYU MED PA NYID DU 'GYUR RO ZHES BSTAN PA'I PHYIR, NUS PA'I RANG BZHIN CAN YIN NO ZHES BYA BA LA SOGS PA SMOS SO, ,DE LTA YIN DANG SKYON CI YOD CE NA, RGYU MED GZHAN LA MI LTOS PHYIR, ,ZHES BYA BA LA SOGS PA SMOS TE, RGYU MED PA NYID YIN NA RTAG TU MED PA'AM YOD PA YIN LA, RTAG PA NYID YIN NA NI RTAG TU YOD PA MA BRJOD KYANG GRUB PA NYID KYI

218b

PHYIR MA BSTAN TO, ,THAL BAR 'GYUR BA GZHAN YANG BSHAD PA NI DE PHYIR ZHES BYA BA LA SOGS PA STE, DE LA RAG LAS ZHES BYA BA NI TSAD MA LA RAG LAS PA'O, ,'DIS NI DAM BCA' BA MNGON SUM DANG RJES SU DPAG PA'I DON DANG 'GAL BAR BSTAN PA YIN TE, 'DI LTAR TSAD MA RNAMS KYIS RANG BZHIN RES 'GA' BAR MNGON SUM NYID KYIS GRUB PA YIN LA, 'BRAS BU RIM CAN DPOG PA'I RJES SU DPAG PAS KYANG YIN TE, DE LTA YIN DANG DE RTAG PA NYID DU KHAS LEN PA LA TSAD MA GNYIS KYIS RAB TU GNOD PA YIN NO, ,TSAD MA RNAMS KYI RANG BZHIN NI, ,ZHES BYA BA LA SOGS PAS GZHAN DAG JI SKAD DU BSHAD PA'I THAL BAR 'GYUR BA GNYIS MI 'JUG PAR SGRUB PAR BYED PA'I THABS DOGS PAR BYED DE, GANG GI TSE GSAL BAR BYED PA RNAMS KYIS TSAD MA'I RANG GI NGO BO GSAL BAR BYAS PA DE'I TSE DE DMIGS PAR 'GYUR GYI, GZHAN DU NI MA YIN PAS DE'I PHYIR RTAG PA NYID YIN NA YANG THAMS CAD DU DMIGS PAR THAL BAR MI 'GYUR LA 'BRAS BU RTAG TU YOD PAR THAL BAR 'GYUR BA'ANG MA YIN NO, ,RGYU GZHAN LA LTOS PA NYID 'BRAS BU RTZOM PA NYID DU KHAS LEN PA'I PHYIR 'BA' ZHIG PA NI MA YIN TE, DES NA RGYU GZHAN NYE BA DANG MI NYE BA DAG LAS 'BRAS BU RES 'GA' BA NYID DU 'GYUR BA YIN NO SNYAM DU BSAMS PA YIN NO, ,RTAG PA'I DNGOS PO'I ZHES BYA BA LA SOGS PAS LEN 'DEBS PAR BYED DE, GSAL BA DANG RGYU GZHAN LA LTOS PA NI GSAL BA DANG RGYU GZHAN LA LTOS PA DAG GO, ,SNGAR THOS PA BRTAG PAR RGYAS PAR RTAG PA'I GSAL BA BKAG ZIN LA, RGYU GZHAN LA LTOS PA YANG PHAN GDAGS PAR BYA BA MA YIN PA LA RIG PA MA YIN NO ZHES BSTAN ZIN TO, ,DE'I PHYIR DE YI NGO BO DANG, ,ZHES BYA BA LA TSAD MA DAG GI NGO BO DANG 'BRAS BU STE, NGO BO NI RANG BZHIN NO, ,GNYI GA'I PHYOGS NI 'GAL BA'I PHYIR DANG JI SKAD DU BSHAD PA'I PHYOGS GNYI GA LA YOD PA'I SKYON DU THAL BAR 'GYUR BA'I RIGS PA MA YIN NO, ,GNYI GA MA YIN PA'I PHYOGS KYANG MA YIN TE, PHAN TSUN RNAM PAR GCOD PA'I NGO BO DE DAG NI GCIG DGAG PA GZHAN SGRUB PA MED NA MI 'BYUNG BA YIN PA'I PHYIR RO, ,

219a

, ,DE NYID KYI TSE DGAG PA NI RIGS PA MA YIN TE, GCIG LA SGRUB PA DANG DGAG PA DAG 'GAL BA'I PHYIR RO SNYAM DU BSAMS PA YIN NO, ,SUN 'BYIN PA SHIN TU GSAL BA'I PHYIR MA BRJOD DO, ,DA NI PHYOGS PHYI MA GSUM KHAS BLANGS NAS SUN 'BYIN PA 'CHAD PA NI, DNGOS PO NUS LAS ZHES BYA BA LA SOGS PA STE, LOGS SHIG NI THA DAD PA'I PHYOGS SO, ,GNYI GA'I BDAG NYID SMOS PA NI NYE BAR MTSON PA STE, GNYI GA MA YIN PA'I BDAG NYID KYI PHYOGS KANG KHAS BLANG BAR BYA'O, ,YANG NA DE LA YANG GNYI GA'I NGO BO DGAG PA'I RANG BZHIN NYID KYIS GNYI GA'I BDAG NYID SPONG PA NYID DO, ,PHYOGS GSUM PA 'DI LA YANG SHES PA NUS PA RTAG PA DANG 'BREL BA'I PHYIR RTAG PA NYID DU 'GYUR RO, ,JI LTAR ZHE NA, GZHAN DU ZHES BYA BA LA SOGS PA SMOS TE, DE LTA MA YIN TE, GAL TE NUS PA DANG 'BREL BA'I SHES PA MI RTAG PA NYID DU 'GYUR NA DE'I TSE NUS PA RTAG PA NYID DU MI 'GYUR RO, ,GANG LAS SHE NA, NGO BO GCIG RJES SU 'GRO BA MED PA'I PHYIR TE, RANG BZHIN GCIG RJES SU 'JUG PA MED PA'I PHYIR RO ZHES BYA BA'I DON TO, ,NGO BO GCIG RJES SU 'GRO BA MED PA DE NYID STON PA NI, GANG PHYIR NUS PA ZHES BYA BA LA SOGS PA SMOS TE, SHES PA MI RTAG PA YIN NA NUS PA DE'I SHES PA 'BREL BA DANG MA 'BREL PA'I RANG BZHIN GNYIS SU 'GYUR LA, GCIG LA PHAN TSUN 'GAL BA'I RANG BZHIN GNYIS YOD PAR RIGS PA YANG MA YIN TE, GCIG NYID NYAMS PAR THAL BAR 'GYUR BA'I PHYIR DANG THA DAD PA'I THA SNYAD RGYUN CHAD PAR 'GYUR BA'I PHYIR RO, ,RNAM PAR RTOG PA GNYIS PA'I DBANG DU BYAS NAS CI STE ZHES BYA BA LA SOGS PA SMOS TE, DES 'DIR ZHES BYA BA LA SOGS PAS GRUB PA LA SGRUB PA NYID KYI SKYON 'CHAD DO, ,'DI LTAR BRTAN PA DANG MI BRTAN PA'I RANG BZHIN THA DAD PAS DNGOS PO'I RNAM PA GNYI GA YANG CHA MED PA'I PHYIR BDAG NYID KYIS YONGS SU RDZOGS PAS DUS PHYIS RKYEN GZHAN GYI BDAG NYID DU BYED PA'I NUS PA MED PAR MI NUS LA, BYED NA YANG DON GZHAN BYED PA NYID DU 'GYUR GYI, RANG GI NGO BOR GYUR PA'I NUS PA BYED PA NI MA YIN NO, ,NUS PA DNGOS

219b

PO'I RANG BZHIN DU KHAS MI LEN NA YANG DNGOS PO BYED PA PO NYID MA YIN PAR THAL BAR 'GYUR RO ZHES BSHAD ZIN TO, ,'DI SNYAM DU CHA MED PA'I DNGOS PO'I NUS PA DUS PHYIS MI BYED MOD, CHA DANG BCAS PA CI'I PHYIR MA YIN SNYAM DU SEMS PA LA, GANG PHYIR 'GAL BA'I CHOS LDAN ZHES BYA BA LA SOGS PA SMOS TE, DES NI ZHES BYA BA NI 'GAL BA'I CHOS DANG LDAN PA'O, ,MI BRTAN PA'I DNGOS PO LA KHYAD PAR SUN 'BYIN PA NI, DON KUN SKAD CIG CES BYA BA LA SOGS PA SMOS TE, 'BRAS BU 'GAL LA ZHES BYA BA'I DON NGES PA LA SOGS PA STE, LHAG MA NI GO BAR ZAD DO, ,GAL TE 'DI SNYAM DU KHYED CAG LA RTZOD PA MED NA, 'O NA JI LTAR GZHAN LAS TSAD MA NYID DU KHAS LEN PAR BYED SNYAM DU SEMS NA, DE'I PHYIR 'DI LA BLO BZANG ZHES BYA BA LA SOGS PA SMOS TE, RANG LAS ZHES BYA BA NI DUS PHYIS 'BYUNG BA'I 'BRAS BU MI SLU BA LA MI LTOS PA'I RNAM PAR SHES PA'I RANG GI NGO BO NYAMS SU MYONG BA TZAM LAS SO, ,RTOGS PAR ZHES BYA BA NI NGES PAR RO, ,'DI SNYAM DU NUS PA NI SHES PA LAS THA MI DAD PA'I PHYIR RO, ,SHES PA GZUNG BA NA DE YANG 'DZIN PAR BYED PA NYID YIN TE, DE JI LTAR RTOGS PAR BYED PA MI NUS SNYAM DU SEMS NA, JI LTAR GNAS PA'I ZHES BYA BA LA SOGS PA SMOS TE, RTOGS PA DANG THOB PA DAG NI RTOGS PA THOB PA DAG TE, JI LTAR GNAS PA'I SHES BYA'I DNGOS PO'I RTOGS PA DANG THOB PA GANG YIN PA DE LA DE'I YUL CAN GYI NUS PA ZHES TSIG RNAM PAR SBYAR RO, ,'BA' ZHIG LAS ZHES BYA BA NI MI SLU BA DANG RGYU'I YID YONGS SU SHES PA LA LTOS PA MED PA'I PHYIR RO, ,CI'I PHYIR MI NUS SHE NA, GANG GI GSAL SNANG RNAM PA CAN, ,ZHES BYA BA LA SOGS PA SMOS TE, SKRA SHAD LA SOGS MTHONG BA LA, ,ZHES BYA BA NI SKRA SHAD 'DZINGS PA LA SOGS PA MTHONG BA LA'O, ,'DIS NI 'DI SKAD DU BSTAN TE, YANG NUS PA NYAMS SU MYONG BA DE LTA NA YANG TSAD MA MA YIN PA DANG 'DRA BA'I PHYIR 'KHRUL BAS DUG LA SOGS PA'I NUS PA BZHIN DU NGES PAR MI NUS PA LA GOMS PA LA SOGS PA'I GZHAN LA YANG LTOS PA'I PHYIR NYAMS SU MYONG BA 'BA' ZHIG NGES PA'I RGYU MA YIN TE, CHA

220a

, ,GANG LA 'KHRUL PA'I RGYU MTSAN GYIS YON TAN GZHAN SGRO MI 'DOGS PAR DE KHO NAR NGES PA YIN NO, ,'O NA GANG LAS DE NGES PAR BYA BA YIN ZHE NA, DE PHYIR DON BYED CES BYA BA LA SOGS PA SMOS TE, GZHAN YANG ZHES BYA BA NI RGYU'I SHES PA'O, ,'DI NI ZHES BYA BA NUS PA'O, , BYED PA'I PHYIR MA YIN ZHES BYA BA NI GZHAN LA LTOS PA ZHES 'BREL TO, ,NGES PA NI SKYES BU LA BRTEN PA'I PHYIR RO, ,DE BSKYED PAR BYA'I DON DU RGYU GZHAN LA LTOS PAR RIGS KYIS, DE BYA BA'I DON DU NI MA YIN TE, DE'I RTEN NI NUS PA SNGA MA YIN PA'I PHYIR RO, ,NUS PA YANG DNGOS PO GRUB PA DANG LHAN CIG GRUB PA NYID KYI PHYIR RO SNYAM DU BSAMS PA YIN NO, ,JI LTAR ZHES BYA BA LA SOGS PA DANG DUG LA SOGS PA BZHIN NO ZHES BYA BA NI DPE BSTAN PA YIN NO, ,DE LAS GZHAN MTSUNGS MTHONG PHYIR DANG, ,ZHES BYA BA NI DUG LA SOGS PA DE LAS GZHAN DOD GRA DANG, BTUNG BA LA SOGS PA STE, DE DANG MTSUNGS PA NYID 'DRA BA NYID DE MTHONG NGO ZHES TSIG RNAM PAR SBYAR RO, ,'BRAS BU MJUG THOGS SU MED PHYIR, ,ZHES BYA BA LA 'BRAS BU NI BRGYAL BA LA SOGS PA'O, ,DE MJUG THOGS NYID DU MED PA'I PHYIR ZHES TSIG RNAM PAR SBYAR TE MJUG THOGS SU 'BRAS BU MED PA'I PHYIR ZHES BYA BA'I THA TSIG GO, ,DE BDAG RNAM PAR MA NGES NA, ,ZHES BYA BA NI DUG LA SOGS PA'I BDAG NYID RNAM PAR MA NGES NA'O, ,DE'I BDAG NYID DU ZHES BYA BA NI DUG LA SOGS PA'I RANG BZHIN DU'O, ,DE NUS NGES ZHES BYA BA NI JI LTAR GNAS PA'I SHES BYA'I DNGOS PO RTOGS PA DANG THOB PA NGES PA'O, ,DAM BCA' BA RANG GI TSIG DANG YANG 'GAL BAR BSTAN PA'I PHYIR, GZHAN YANG ZHES BYA BA LA SOGS PA SMOS TE, JI LTAR GZHAN LAS GRUB MA YIN, ,ZHES BYA BA NI GRUB PA KHO NA STE DON GYIS GO BA NI TSAD MA GZHAN YIN NO SNYAM DU BSAMS PA YIN NO, ,DE NYID 'JIG PA KHO NAR 'GYUR, ,ZHES BYA BA STE MA NGES PA NYID DU BSTAN PA'I PHYIR, RANG GI RGYU LAS ZHES BYA BA LA SOGS PA SMOS TE, 'DI NYID GSAL BAR BYA BA'I PHYIR, DE'I RANG BZHIN ZHES BYA BA LA SOGS PA SMOS SO, ,'DI SNYAM DU GAL TE SHES PA LA LTOS NAS

220b

TSAD MA NYID DU GRUB PAR BYED PA DE'I TSE KHO BO CAG LA YANG GRUB PA LA SGRUB PA YIN TE, 'DI LTAR RE ZHIG SHES PA DON GYIS GO BAS GRUB PAR 'DOD DE, NUS PA DE'I NGO BO TSAD MA NYID SMOS KYANG CI DGOS, DON NGES PA'I MTSAN NYID KYIS 'BRAS BU BYA BA LA SHES PA'I PHYIR LTOS PA MED PA YIN PAS DE RANG LAS ZHES BRJOD PA DE NI RANG DAG PA MA YIN TE, TSAD MA NGES PA MED PAR RANG GI DON NGES PA NYID MI SRID PA'I PHYIR RO, ,THE TSOM LA SOGS PA YUL DU BYAS PA YANG JI LTAR RANG GI 'BRAS BU LA LTOS PA MED PA YIN, CHAD MA GZHAN GYIS GZUNG BA LA LTOS NAS YANG JI LTAR RANG GI PHYOGS LA YANG THUG PA MED PAR MI 'GYUR TE, DE LTAR NA 'DI NI GYI NA'O, ,GZHAN YANG ZHES BYA BA LA SOGS PAS DE'I NGO BOR NGES PA'I PHYIR ZHES BYA BA'I GTAN TSIGS 'DI MA NGES PA NYID DU STON PA YIN TE, DE BZHIN MI SLU'I NUS PA YANG, ,ZHES BYA BA NI GZHAN LAS NGES ZHES BYA BA DANG SBYAR RO, , GNYI GA MTSUNGS ZHES BYA BA NI TSAD MA DANG TSAD MA MA YIN PA'O, ,BZLOG PA LAS ZHES BYA BA NI TSAD MA NYID MA YIN PA LAS SO, ,GANG YANG NUS PA RNAMS NI RTAG PA'I PHYIR RANG BZHIN CAN MA YIN LA, DUS PHYIS RGYU GZHAN LA MI LTOS PA'I PHYIR RANG GI RGYU DAG KHO NA LAS SKYE BA NI MA YIN NO, , 'O NA CI ZHE NA, DNGOS PO RNAMS KYI NUS PA YANG MA NGES PA'O, ,DE YANG NUS PA RNAMS NI RANG KHO NA LAS SKYE BA'I PHYIR 'DI DAG NI RANG BZHIN CAN YIN NO, ,'DI LTAR BDAG NYID LA RGYU RNAMS KYIS NGO BO YOD PA GANG YIN PA DE KHO NA DE DAG GI 'BRAS BU LA BYED PA YIN TE, DPER NA 'JI BA'I DUM BUS BSKYED PAR BYA BA'I BUM PA LA GZUGS LA SOGS PA RANG GI YON TAN GYI KHO NA NAS RTZOM PAR BYED PA BZHIN NO, ,CHU LA SOGS PA 'DZIN PA'I NUS PA NI BDAG LA YOD PA MA YIN PA'I PHYIR DE DAG GIS BUM PA LA BYED PA MA YIN GYI DE'I DE NI RANG NYID KYI SKYE BA YIN NO, ,DE BZHIN DU SHES PA LA YANG DBANG PO DANG DON LA SOGS PA'I DE'I RGYU RNAMS KYIS BDAG NYID LA BYED PA'I PHYIR DON YONGS SU GCOD PA'I NUS PA BYED PA MA YIN GYI, DE'I DE NI RANG KHO NA LAS YIN PA'I PHYIR DES NA NUS PA RANG BZHIN CAN YIN NO ZHES RLOM PA DE'I DE NI BAB COL TZAM YIN TE, RIGS PA

221a

, ,'DI TSAD MA MA YIN PA NYID KYANG RANG NYID LAS YIN PAR THAL BAR 'GYUR BA'I PHYIR TE, 'DI LTAR DE NI PHYIN CI LOG GI DON YONGS SU GCOD PA'I MTSAN NYID CAN YIN LA MIG LA SOGS PA RNAMS NI RNAM PA DE LTA BU'I NUS PA DANG LDAN PA YANG MA YIN NO, ,GZHAN YANG GAL TE BDAG NYID LA YOD PA MA YIN PA'I NGO BO'I RGYU DAG GIS 'BRAS BU LA MI BYED PA DE'I TSE DBANG PO LA SOGS PA BDAG NYID LA YOD PA MA YIN PA ZHES BYA BA'I NGO BO NYID JI LTAR SHES PA LA BYED, YANG YOD PA MA YIN PA DE YANG DE DAG GIS BYED NA YONGS SU GCOD PA'I NUS PA CI'I PHYIR BYED PAR MI 'GYUR, DE DAG DE BYED PA LA GEGS BYED PA NI 'GA' YANG YOD PA MA YIN NO, ,GZHAN YANG RE ZHIG GAL TE DNGOS PO LAS NUS PA THA MI DAD PAR KHAS LEN PAR BYED NA, DE'I TSE DNGOS PO'I RANG GI NGO BO BZHIN DU DE DAG KYANG BDAG NYID GNAS PA RGYU LA RAG PA NYID YIN PA'I PHYIR GANG LAS 'DI DAG RANG BZHIN CAN YIN, 'ON TE THA DAD PA YIN NA DE'I TSE RANG NYID KYIS 'BYUNG BA'I PHYIR DE DAG RANG GI RTEN DANG 'BREL BA GRUB PAR MI 'GYUR TE, DE DAG NI DE LA PHAN 'DOGS PAR BYED PA YANG MA YIN PA'I PHYIR RO, ,PHAN 'DOGS PAR MI BYED PA YANG RTEN DU RIGS PA MA YIN TE, HA CANG THAL BAR 'GYUR BA'I PHYIR RO, ,GZHAN YANG RGYU MTSAN MED PAR RANG DBANG NYID KYIS GYUR PA YIN NA YANG YUL DANG DUS NGES PA LA LTOS PAR MI 'GYUR TE, 'DI LTAR GANG ZHIG 'GA' ZHIG TU CUNG ZAD RAG LAS PA'AM, RAG MA LAS PA DE NI DE LA LTOS PA MED PA'AM, YANG NA MA YIN TE, GANG YANG RAG MA LAS PA RANG 'GA' 'JUG PA DE CI'I PHYIR RES 'GA' 'GA' ZHIG TU LDOG PAR 'GYUR, DE LTA YIN DANG DNGOS PO RNAMS SO SOR NGES PA'I NUS PA DANG LDAN PAR MI 'GYUR LA GZHAN DU NA THAMS CAD THAMS CAD LA NYE BAR SBYOR BAR 'GYUR RO, ,GZHAN DAG NI 'BRAS BU YOD PAR LTA BA LA BRTEN NAS, TSAD MA KUN GYI TSAD MA NYID, ,CES BYA BA LA SOGS PA 'DI BRJOD DE, 'DI LTAR 'BRAS BU SKYED PAR NGES PA'I PHYIR DNGOS PO YOD PA RNAMS KHO NA RGYU DAG GIS BYED KYIS, MED PA NAM MKHA'I ME TOG LA SOGS PA'AM, BYE MA RNAMS LA TIL MAR NI GANG DU YANG BYA BAR NUS PA MA YIN TE, MED PA SKYED NA

221b

MED PAR KHYAD PAR MED PA'I PHYIR THAMS CAD KYI TSE THAMS CAD DU SKYE BAR 'GYUR RO SNYAM DU SEMS PA DE NI MI RIGS TE, RGYU DON MED PAR THAL BAR 'GYUR BA'I PHYIR RO, ,RE ZHIG KHYOD KYI LUGS KYIS CUNG ZAD KYANG MED PA BYED PA MA YIN LA, YOD PA YANG LTOS PA THAMS CAD DANG BRAL BA'I PHYIR CUNG ZAD KYANG BYAR YOD PA MA YIN PAS CI ZHIG BYED PA NA DE'I BYED PA POR 'GYUR, DE BAS NA RGYU DANG 'BRAS BU NYID MED PAR 'GYUR RO, ,GAL TE YOD PA MNGON PAR GSAL BAR BYED DO ZHE NA, DE NI MA YIN TE, DE LA YANG YOD PA DANG MED PA NYID BYED PA 'GAL BA'I PHYIR RO, , 'DI LTAR DE LA YANG CI STE YOD PA BYED DAM, 'ON TE MED PA BYED CES RNAM PAR RTOG PA 'DI GNYIS 'JUG PA YIN TE CI STE YOD PA BYED DAM, 'ON TE MED PA BYED, DE LA PHYOGS DANG PO LA NI KHYAD PAR MED PA'I PHYIR BYED PA MI 'THAD DO ZHES BSTAN ZIN TO, ,DE LA YANG MNGON PAR GSAL BA LA BRTEN NAS THUG PA MED PAR THAL BAR 'GYUR RO, ,PHYOGS GNYIS PA YANG MA YIN TE MED PA BYED PAR KHAS MI LEN PA'I PHYIR RO, ,KHAS LEN NA YANG DNGOS PO MED PA BYED PAR THAL BAR 'GYUR BA'I PHYIR RO, ,GZHAN YANG DNGOS PO LAS DON GZHAN DU GYUR BA'I MNGON PAR GSAL BAR BYED DAM, DON GZHAN DU GYUR PA MA YIN PA BYED GRANG, GAL TE DON GZHAN DU GYUR PA BYED NA DE'I TSE DNGOS PO LA CUNG ZAD KYANG BYAS PAR MI 'GYUR RO, ,GZHAN BYED PA NA GZHAN BYAS PA NI MA YIN TE, HA CANG THAL BAR 'GYUR BA'I PHYIR RO, ,DE DANG 'BREL BA'I MNGON PAR GSAL BA GZHAN BYED DO ZHE NA, MA YIN TE, PHAN GDAGS PAR BYA BA MA YIN PA NYID KYIS DE DANG 'BREL BA MA GRUB PA'I PHYIR RO, ,PHAN 'DOGS PAR BYED PAR KHAS LEN NA DE YANG DON GZHAN YIN NA THUG PA MED PAR THAL BAR 'GYUR BA'I PHYIR 'BREL BA MA GRUB LA, DON GZHAN MA YIN NA YANG RGYU RNAMS DON MED PAR THAL BAR 'GYUR TE, RTEN DU GYUR BA'I DNGOS PO LAS PHAN 'DOGS PAR BYED PA'I RANG BZHIN GYI MNGON PAR GSAL BA SKYED PAR BYED PA'I PHYIR DANG DNGOS PO'I MNGON PAR GSAL BA'I RGYU THAMS CAD KYI TSE YOD PA'I PHYIR RTAG TU MNGON SUM PAR GSAL

222a

, ,BAR THAL BAR 'GYUR BA'I PHYIR RO, ,PHAN 'DOGS PAR BYA BA MA YIN PA GZHAN LA LTOS PAR YANG RIGS PA MA YIN NO ZHES RNAM PA MANG DU BSTAN ZIN TO, ,CI STE DON GZHAN DU MI 'GYUR BA MA YIN PA'I MNGON PAR GSAL BA BYED PA'I PHYOGS DE YANG RIGS PA MA YIN TE, KHYAD PAR DU BYAR MED PA'I PHYIR RO, ,'DI LTAR DON GZHAN DU GYUR PA MA YIN PA BYED DO ZHES BYA BAS DNGOS PO'I RANG BZHIN BYED DO ZHES BSTAN PA YIN LA, DE YANG YOD PA NYID KYIS LTOS PA THAMS CAD DANG BRAL BA'I PHYIR RO, ,BYED PAR MI RIGS SO ZHES BYA BA 'DI NYID BSAM PAR BYA BA YIN NO, ,GZHAN YANG MNGON PAR GSAL BA BZHIN DU THA MI DAD PA'I PHYIR DNGOS PO YANG MED PAR BYED PAR 'GYUR BA'AM DNGOS PO'I RANG GI NGO BO BZHIN DU MNGON PAR GSAL BA YANG YOD PA NYID BYED PAR THAL BAR 'GYUR LA, DE YANG RIGS PA MA YIN TE, BOGS DBYUNG DU MED PA'I PHYIR DANG, THUG PA MED PAR THAL BAR 'GYUR BA'I PHYIR RO ZHES BSTAN ZIN TO, ,YOD PA'I DON GYI YUL LA YANG RGYU'I BYA BA 'DOD PA NI RGYU RNAMS KYI 'BRAS BU BYED PA LDOG PA MED PAR THAL BAR 'GYUR TE, DER CI ZHIG DMIGS NAS RGYU RNAMS LDOG PAR 'GYUR, 'BRAS BU YOD PA'O ZHE NA MA YIN TE, KHYED KYI LUGS KYIS DE NI SNGAR YANG YOD PA'I PHYIR RO, ,DE LTA BAS NA GANG GIS RGYU YOD PA NI MED PA NYID SKYE'I DE SKYED PAR BYED PA'I RGYU MED PA'I PHYIR NAM MKHA'I ME TOG LA SOGS PA NI MA YIN NO, ,DES NA RGYU'I NUS PAS SO SOR NGES PA'I PHYIR RGYU DANG 'BRAS BU'I DNGOS PO NGES PAR 'GYUR RO, , DNGOS PO THAMS CAD SKYED PA'I NUS PA YOD PAR KHAS BLANG BAR BYA BA MA YIN TE, DNGOS PO RNAMS KYI NUS PA NI THOG MA MED PA'I RANG GI RGYU BRGYUD PAS NGES PAR BYA BA'I PHYIR RO, ,GAL TE YANG TSAD MA MED PA GZHAN GYI BYA BAR MI NUS PA'I PHYIR DE RANG LAS YIN PAR BRJOD NA, 'O NA TSAD MA MA YIN PA YANG RIGS PA 'DI NYID KYIS RANG NYID LAS YIN PAR 'GYUR BA'I PHYIR 'DI NI GYI NA'O, ,GANG YANG TSAD MA NYID CES BYA BA RNAM PAR SHES PA'I DON YONGS SU GCOD PA BSKYED PA'I NUS PA YIN LA, NUS PA YANG RNAM PAR SHES PA SKAD CIG MA LA BRTEN PA'I PHYIR YOD PAR BYA

222b

BA NUS PA MA YIN TE, DUS GSUM DU YANG DE BYED PAR MI 'THAD PA'I PHYIR RO, ,'DI LTAR RE ZHIG RNAM PAR SHES PA SKYES PA LAS SNGAR BYED PA MA YIN TE, BRTEN PA YIN PA'I PHYIR RO, ,BRTEN PA RTEN PA MED PAR BYED PAR RIGS PA MA YIN TE, RTZIG PA MED PAR RI MO BZHIN TE, MI BRTEN PA NYID DU THAL BAR 'GYUR BA'I PHYIR RO, ,DE NYID KYI PHYIR LHAN CIG TU BYED PAR YANG RIGS PA MA YIN TE, RTEN MED PA'I PHYIR RO, ,RTEN DANG BRTEN PA RTZIG PA DANG RI MO DAG NI CIG CAR RTZOM PA MA YIN LA, DUS DE TZAM DU GNAS PA MED PA'I SGO NAS DE NYID SKAD CIG MA YIN PA'I PHYIR SKYES PA NA RNAM PAR SHES PA PHYIS BYED PA YANG MA YIN TE, DES NA TSAD MA THAMS CAD RANG LAS TSAD MAR BRJOD PAR BYA'O SNYAM DU SEMS PA DE NI YANG DAG PA MA YIN TE, 'DI LTAR RE ZHIG DON YONGS SU GCOD PA SKYED PAR BYED PA'I NUS PA TSAD MA NYID YIN NA ZHES GANG SMRAS PA DE NI 'BREL BA MED PA YIN TE, DON YONGS SU GCOD PA NI SHES PA'I RNAM GRANGS YIN PA'I PHYIR RO, NUS PA SHES PA DE NYID LA BRTEN PA YIN NA DE SKYED PAR BYED PA NYID DU 'THAD PA MA YIN TE, MI BRTEN PA NYID DU THAL BAR GYUR BA'I PHYIR DANG, DUS MNYAM PA'I RGYU DANG 'BRAS BU'I DNGOS PO MI 'THAD PA'I PHYIR RO, , GANG YANG BRTEN PA YIN PA'I PHYIR LHAN CIG DANG SNGAR BYED PA MA YIN NO ZHES SMRAS PA DE YANG MI RIGS TE, THA MI DAD PAS BRTEN PA NYID MA GRUB PA'I PHYIR RO, ,KHYAD PAR CAN GYI DON BYA BA BYED PA'I DNGOS PO'I RANG BZHIN NYID DE'I DNGOS PO TZAM SHES PAR 'DOD PA NA NUS PA ZHES THA SNYAD DU BYA'I, DON GZHAN NI MA YIN TE, DON GZHAN YIN NA DNGOS PO BYED PA PO MA YIN PAR THAL BA DANG 'BREL BA YANG MA GRUB PO ZHES 'DI NI RNAM PA MANG DU DPYAD ZIN TO, ,DE LTA BAS NA RNAM PAR SHES PA'I NUS PA RANG BZHIN DU GYUR PA NI GRUB PA DANG BDE BA THA MI DAD PA'I PHYIR RNAM PAR SHES PA'I RANG GI NGO BO BZHIN DU RNAM PAR SHES PA LAS SNGAR MED PAS DE KHO NA BYED DO ZHES BYA BAR 'GAL BA MED DO, ,RNAM PAR SHES PA DANG LHAN CIG SKYE'O ZHES BYA BA YOD PA RIGS PA KHO NA STE, DNGOS POR GYUR PA'I CHOS NI DNGOS PO DANG LHAN CIG GRUB PA DANG, BDE BA GCIG YIN PA'I PHYIR RO, ,NUS PA

223a

, ,DNGOS PO LAS THA DAD PA YIN DU CHUG MOD, ,DE LTA NA YANG YOD PA DANG MED PA'I RTEN MI 'THAD PA'I PHYIR BRTEN PA NYID MA GRUB STE, 'DI LTAR RE ZHIG YOD PA NI RTEN MA YIN TE, DE BDAG NYID THAMS CAD KYIS GRUB PAS LTOS PA MED PA'I PHYIR RO, ,DE NI DE'I RTEN DU YANG RIGS PA MA YIN TE, DE NI CUNG ZAD KYANG MI BYED PA'I PHYIR 'BIGS BYED DANG GANGS CAN BZHIN NO, ,DES GNAS PA BYED DO ZHE NA, MTSAN NYID DE GNAS PA NI GNAS PA PO LAS THA MI DAD PA'I PHYIR TE, GNAS PA'I RANG BZHIN NYID DE LTAR KHYAD PAR GZHAN SPANGS PA'I SGO NAS BRJOD KYI RTEN ZHES GNAS PA PO'I MTSAN NYID BYED PA NI MA YIN PA'I PHYIR CUNG ZAD KYANG MI BYED PA KHO NA'O, ,GNAS PA PO LAS GNAS PA THA DAD PA YIN NA YANG DON GZHAN DU GYUR PA'I GNAS PA BYED PA'I PHYIR GNAS PAR BYED PA PO CUNG ZAD KYANG MI BYED PA KHO NA'O, ,GZHAN BYED PA NA GZHAN LA CUNG ZAD KYANG BYAS PA ZHES BYA BA MA YIN PA'I PHYIR RNAM PA GNYI GA LTAR NA YANG GNAS PAR BYED PA PO NI CUNG ZAD KYANG MI BYED PA NYID DO, ,GAL TE DE DANG 'BREL BA'I DNGOS PO BYED DO ZHE NA, MA YIN TE GNAS PAR BYA BA DANG GNAS PAR BYED PA GNYIS GZHAN DU GNAS PA DANG LDAN PAR GNAS PA PO DAG LHAN CIG 'BREL BA MA GRUB PA'I PHYIR DANG, THUG PA MED PAR THAL BAR 'GYUR BA'I YANG PHYIR RO ZHES BYA BA 'DI NI PHAL CHER DPYAD ZIN TO, ,GZHAN YANG GAL TE DNGOS PO'I GNAS PAR BYED PA GNAS PA LAS DON GZHAN DU GYUR PAR KHAS LEN PAR BYED PA DE'I TSE GNAS PAR BYED PA GNAS PA YOD PA'I PHYIR DNGOS PO 'GA' ZHIG KYANG 'JIG PAR MI 'GYUR LA, GNAS PA YOD NA YANG 'JIG PA'I RGYU'I DBANG GIS 'JIG PAR 'GYUR BA YIN NO ZHES KYANG BRJOD PAR MI RIGS TE, DE YANG CUNG ZAD KYANG MI BYED PA NYID KYI PHYIR 'JIG PAR BYED PA NYID DU MI RIGS SO, ,'DI LTAR DE LA YANG CI DNGOS PO LAS DON GZHAN DU GYUR PA'I 'JIG PA 'JIG PA'I RGYUS BYED DAM, 'ON TE DNGOS PO NYID YIN ZHES BYA BA'I RNAM PAR RTOG PA 'DI NYID KHO NA 'JUG PA YIN NO, ,RE ZHIG DNGOS PO NYID BYED PA NI MA YIN TE, DE NI GRUB ZIN PA'I PHYIR RO, ,GZHAN BYED NA YANG DNGOS PO LA

223b

CUNG ZAD KYANG MA BYAS PA'I PHYIR DNGOS PO DE'I GNAS SKABS KHO NA YIN PA'I PHYIR 'JIG PA MED PAS 'JIG PA'I RGYU CUNG ZAD KYANG MI BYED DO ZHES RGYAS PAR BRTAN PA'I DNGOS PO BRTAG PAR GTAN LA PHAB ZIN TO, ,GZHAN YANG DNGOS PO RANG BZHIN GYIS BRTAN PA'I RANG BZHIN YIN NAM, MI BRTAN PA'I RANG BZHIN YIN GRANG, DE LA GAL TE DNGOS PO MI BRTAN PA'I BDAG NYID DU RANG GI RGYU LAS SKYES PA YIN NA DE'I TSE DES RANG GI NGO BO GRUB PA LAS PHYIS DANG NYID GNAS PAR BYA BA MA YIN PA'I PHYIR DE NI 'JIG PA DANG GNAS PA'I RGYU GNYI GAS CUNG ZAD KYANG BYED PA MA YIN NO, CI STE RANG BZHIN GYI BRTAN PA'I NGO BO NYID YIN PA DE LTA NA YANG DE'I RANG BZHIN GZHAN NYID MI SRID PA'I PHYIR 'JIG PAR BYED PA 'GA' YANG YOD PA MA YIN NO, RANG NYID GNAS PA YIN PA'I PHYIR GNAS PAR BYED PA 'GA' YANG YOD PA YIN PAS GNAS PA DANG 'JIG PA'I RGYU GNYI GA LTAR YANG CUNG ZAD BYED PA MA YIN NO, ,MED PA RTEN YIN NO ZHES BYA BA'I PHYOGS KYANG MA YIN TE, DE NI RANG BZHIN THAMS CAD DANG BRAL BA NYID KYIS BRTEN PA NYID DANG BYA BA DAG MI SRID PA'I PHYIR RI BONG GI RVA LA SOGS PA LTA BU YIN PA'I PHYIR NUS PA BRTEN PA NYID DU MA GRUB PO, ,GRUB NA YANG MA NGES PA NYID YIN TE, GZUGS LA SOGS PA LA BRTEN PA RNAMS KYANG BUM PA DANG LHAN CIG SKYE BAR MTHONG BA'I PHYIR DANG TSAD MA MA YIN PA LA YANG THAL BAR 'GYUR BA'I PHYIR TE, 'DI LTAR TSAD MA MA YIN PA YANG BZLOG PA'I DON YONGS SU GCOD PA SKYED PAR BYED PA'I NUS PA YIN LA, RNAM PAR SHES PA LA BRTEN PA'I NUS PA YANG DUS GSUM CHAR DU YANG MI BYED PA'I PHYIR TSAD MA NYID GZHAN DU TSAD MA MA YIN PA'I BDAG NYID KYI NUS PA YANG GNYIS KHO NA LAS YIN PAR 'GYUR RO, ,GZHAN YANG GAL TE DUS GSUM CHAR DU YANG SHES PA'I NUS PA SKYE BAR MI 'GYUR BA DE'I TSE RNAM PAR SHES PA NUS PA THAMS CAD KYIS STONG PAR 'GYUR TE, GANG GI CHOS 'GA' ZHIG DUS GSUM DU YANG MI SKYE BA DE NI JI LTAR DE'I YIN PAR 'GYUR TE, DPER NA NAM MKHA'I LUS CAN NYID BZHIN NO, ,GANG GIS RNAM PAR SHES PA 'DI DAG DUS GSUM CHAR DU YANG MA BSGRUBS PA YIN NA YANG DE DANG LHAN CIG

224a

, ,'BREL BA NYAMS SU MYONG BAR 'GYUR BA ZHES BYA BA NUS PA DAG GI NGO MTSAR BA'I MIG 'PHRUL 'DIS SU ZHIG GIS BSLABS, GAL TE 'DI LA NGO MTSAR CHEN PO CI ZHIG YOD, RTAG PA'I PHYIR NYAMS SU MYONG BA YIN NO ZHE NA, MA YIN TE, NGES PA MED PA'I PHYIR THAMS CAD NUS PA THAMS CAD DANG LDAN PAR THAL BAR 'GYUR BA'I PHYIR RO, ,GANG GIS 'DI DAG SHES PA KHO NA'I YIN PAR 'GYUR BA GZHAN GYIS NI MA YIN NO ZHES BYA BAR RAG MA LAS PA'I CHOS NI SO SOR NGES PA'I DNGOS PO DANG LDAN PA LA RGYU NGES PA 'GA' ZHIG KYANG MA MTHONG NGO, ,DE LTAR YIN NA RGYU MTSAN MED PA'I PHYIR 'DI THAMS CAD KYI YIN PAR 'GYUR RO ZHES 'DI NI BSTAN ZIN TO, ,DE DAG GI CUNG ZAD KYANG MI BYED PA NI 'GA' ZHIG GI RTEN DU RIGS PA YANG MA YIN TE, RTAG PA NYID KYI RANG BZHIN GYI KHYAD PAR 'GA' ZHIG BYAR MED PA'I PHYIR TE SPROS PAS CHOG GO, ,YANG RNAM PA GZHAN GYI DAM BCA' BA'I DON BRTAG PAR BYA BA'I PHYIR, TSAD MA KUN GYIS TSAD MA NYID, ,CES BYA BA LA SOGS PA SMOS TE, 'DI SKAD DU BSTAN PA YIN TE, RANG LAS TSAD MA NYID YIN TE, ,ZHES BYA BA 'DIS NI DON 'DI MNGON PAR 'DOD PA YIN TE, RANG NYID KYIS TE RGYU GZHAN LA MA LTOS PA'I DUS PHYIS SKYES PA RNAMS KYI 'JUG PA STE RGYU'I DNGOS PO ZHES BYA BA'I THA TSIG GO, ,DES NA JI SKAD DU BSHAD PA'I SKYON GYI GO SKABS MED DO ZHES BYA BA NI GZHAN GYI BSAM PA'O, ,DE LA TSAD MA RNAMS KYI RANG GI 'BRAS BU RANG LA YOD PA'I TSAD MA NYID NGES PA YIN NAM, DON NGES PA YIN, ,RANG GI 'BRAS BU BYA BA 'DI RGYU LA LTOS PA MA YIN NO, ,'O NA DE DAG GANG LA LTOS SHE NA, BDAG NYID THOB PAR ZHES BYA BA LA SOGS PA SMOS TE, SPYIR DNGOS PO RNAMS KYI BDAG NYID THOB PA RGYU LA LTOS PA NYID DU BSTAN NAS, SHES PA LA YANG SBYAR BAR BYA BA'I PHYIR, DE LTA BAS NA SKYE BA TZAM, ,ZHES BYA BA LA SOGS PA SMOS TE, RANG NYID KYI YON TAN LA ZHES BYA BA NI NGES PA SKYED PA LA LTOS NAS GNAS GZHI'I BDUN PA YIN NO, ,'DI SKAD DU ZHES BYA BA RNAMS KYI RANG LA YOD PA'I YON TAN PHYIN CI MA LOG PA RTOGS PA'I BDAG NYID DANG

224b

RNAM PAR DAG PA'I RGYUS BSKYED PA NYID CES BYA BA DE LTA BU LA SOGS PA GANG DAG YIN PA DE DAG NGES PA BSKYED PAR BYA BA LA 'DI DAG RGYU RNAMS LA LTOS PA YOD PA MA YIN NO ZHES BSTAN PA YIN NO, ,DE LTA NA 'O NA JI LTAR DE DAG DE LA RGYU'I DNGOS POR 'GYUR ZHE NA, TSAD MA YIN DON RNAMS NGES PA, ,ZHES BYA BA LA SOGS PA SMOS TE, TSAD MA NYID DANG DON DE GZHAL BYA YIN PAS TSAD MA NYID DON DAG GO, ,DE DAG GI NGES PA STE DE BSKYED PA LA ZHES 'BREL TO, ,DON NGES PA NI LTA BA'I SHES PA LA LTOS NAS BRJOD DO, ,GZHAN DAG NI RANG NYID NGES PA'I BDAG NYID YIN PA'I PHYIR RO, ,'JUG STE ZHES BYA BA NI RGYU'I DNGOS PO ZHES BYA BA'I DON TO, ,BUM PA SKYE LA ZHES BYA BA LA SOGS PA BUM SOGS BZHIN ZHES BYA BA'I DPE STON PA YIN NO, ,DE LTAR DAM BCA' BA'I DON MI 'GAL BAR BSGRUBS NAS DE'I NGO BO NGES PA'I PHYIR ZHES BYA BA'I GTAN TSIGS 'DI'I KHYAB PA BSGRUB PAR BYA BA'I PHYIR, DE LTAR MTHA' YANG ZHES BYA BA LA SOGS PA SMOS TE, MTHA' ZHES BYA BA NI SHES PA THAMS CAD KYI PHYI MA ZHES BYA BA'I DON TO, ,DE ZHES BYA BA NI TSAD MA'O, ,CI'I PHYIR GDON MI ZA BAR KHAS BLANG BAR BYA BA YIN ZHE NA, TSAD MA GZHAN LA RAG LAS NA; ,ZHES BYA BA LA SOGS PA SMOS SO, ,'DI NYID STON PA NI RTZA BA CAN GYI ZHES BYA BA LA SOGS PA SMOS TE, RTZA BA NI DANG PO'I SHES PA'O, ,DE GANG LA YOD PA NI RTZA BA CAN TE DE DANG 'DU BA ZHES BYA BA'I THA TSIG GO, ,DE LTAR GZHAN LAS TSAD MA NYID NI RES 'GA' DON BYED PA LA MI SLU BA'I SHES PA LAS SAM, RGYU'I YON TAN YONGS SU SHES PA LAS YIN GRANG, DE LA RE ZHIG PHYOGS DANG PO NI MA YIN NO ZHES BSTAN PA'I PHYIR PA'I PHYIR, JI LTAR DANG PO'I SHES PA NI, ,ZHES BYA BA LA SOGS PA SMOS SO, ,YANG CI STE DON BYA BA LA MI SLU BA'I SHES PA RANG LAS TSAD MAR 'DOD DE DES NA THUG PA MED PAR MI 'GYUR RO SNYAM NA, GAL TE 'GA' ZHIG CES BYA BA LA SOGS PA SMOS TE, PHYOGS GNYIS PA LA YANG THUG PA MED PA'I SKYON BSTAN PAR BYA BA'I PHYIR, GAL TE DE LTAR ZHES BYA BA LA SOGS PA SMOS TE, YON TAN LA RAG LAS ZHES BYA BA NI RGYU'I YON TAN YONGS

225a

, ,SU SHES PA LA RAG LAS PA NI TSAD MA NYID DO, ,YOD PA MA YIN NO ZHES BYA BA NI YOD PA'I THA SNYAD DU RUNG BA YOD PA MA YIN NO ZHES BYA BA'I DON TO, ,DE LA YANG ZHES BYA BA NI YON TAN YONGS SU GCOD PA'I TSAD MA LA'O, ,GZHAN GYIS YONGS SU BCAD PA YIS, ,YON TAN RAG LAS ZHES BYA BA NI TSAD MA GZHAN GYIS YONGS SU BCAD PA'I YON TAN GANG YIN PA DE NGES PA LA RAG LAS PA'I TSAD MA NYID CES BYA BA'I DON TO, ,'DIR DPE BSHAD PA NI, DANG PO BZHIN DU ZHES BYA'O, ,JI LTAR DANG PO'I SHES PA LA TSAD MA GZHAN GYIS YONGS SU BCAD PA'I YON TAN LA RAG LAS PA TSAD MA NYID YIN PA DE BZHIN DU GZHAN LA'ANG YIN NO ZHES BYA BA'I DON TO, ,SNGA MA BZHIN ZHES BYA BA NI MI SLU BA'I TSAD MA NYID DU NGES PA BZHIN NO, ,DE DANG DER ZHES BYA BA NI SNGA MA SNGA MA'I YON TAN GYI SHES PA LA'O, ,CI STE THUG PA MED PAS 'JIGS NAS YON TAN GYI SHES PA RANG NYID LAS TSAD MA NYID YIN PAR KHAS LEN PAR BYED PA DE'I TSE DON GYIS RNAM PAR SHES PA LA YANG CI ZHIG SDANG, GANG GIS DE GZHAN LAS TSAD MA NYID DU 'DOD KYI RANG LAS MA YIN PA ZHES BYA BA'I RGYU CUNG ZAD KYANG MA MTHONG NGO, ,DE LTA BU NI MTHA' MA MTHONG BA'I BYA BZHIN DU SHIN TU RING BAR SONG NA YANG DE NYID DU 'ONG DGOS PA'I MI GNAS PA'I PHYOGS LEN PAS CHOG GO, ,'DI NYID STON PA NI, CI STE YON TAN ZHES BYA BA LA SOGS PA SMOS TE, YON TAN LA RAG LAS PA NI YON TAN NGES PA LA RAG LAS PA'I TSAD MA GANG LA YOD PA DE LA DE SKAD CES BYA'O, ,'DI SNYAM DU MI SLU BA DANG YON TAN SHES PA DAG NI RTZA BA'I SHES PA LAS KHYAD PAR YOD DE, DE NAS DE DAG RANG NYID LAS TSAD MA YIN GYI GZHAN NI MA YIN NO SNYAM DU SEMS NA, DE PHYIR GANG GI MTHU YIS NI, ,ZHES BYA BA LA SOGS PA SMOS TE, GAL TE SHES PA RANG LAS TSAD MA NYID MA YIN NO, ,DE LTA NA SHES PAS THAMS CAD TSAD MAR THAL BAR 'GYUR RO ZHE NA, DE'I PHYIR KUN LA SPYIR BTANG BAS, ,ZHES BYA BA LA SOGS PA SMOS TE, SPYIR BTANG BA NI SPYIR BRJOD PA STE, DE LA YOD PAS SPYIR BTANG BA CAN NO, ,GNOD PA STE DON RNAM PA

225b

GZHAN DU 'DZIN PA DANG RGYU SUN PHYUNG BA'I SHES PA YIN PAS GNOD PA DANG RGYU SUN PHYUNG BA'I SHES PA DAG GO, ,'ON TE TSAD MA NI SPYIR BTANG BA CAN DU GNAS PA MA YIN NAM JI LTAR SEL BAR BYED, GAL TE GNOD PA DANG RGYU SUN PHYUNG BA'I SHES PA DAG GIS TSAD MA YIN PAR RTOGS PAR STON PAR BYED NA, DE YANG DE DAG GIS DON RTOGS PAR BYED PA NA GZHAN LAS YIN PAR 'GYUR RO, ,'DI LTAR 'DOD PA KHO NA'O ZHE NA, DE LTA NA TSAD MA NYID DU 'DI LA YANG THUG PA MED PAR 'GYUR RO ZHE NA, DE'I PHYIR, 'DI NI GZHAN LA RAG LAS KYANG, ,ZHES BYA BA LA SOGS PA SMOS TE, GAL TE TSAD MA MA YIN PA TSAD MA YIN PA LAS 'GYUR NA THUG PA MED PAR 'GYUR ZHE NA, GANG GI PHYIR RIGS MI 'DRA BA LAS TSAD MA MA YIN PAR 'DOD LA, DE YANG RANG NYID LAS GNAS PA'I PHYIR THUG PA MED PA GANG LAS YIN, 'DI NYID STON PA NI, JI LTAR TSAD MA GZHAN DAG GIS, ,ZHES BYA BA LA SOGS PA SMOS TE, RIGS MI MTHUN PA NI TSAD MA MA YIN NO, ,'DI YANG, RTZA BA BRTAN PAR GNAS PA NYID, ,CES BYA BA 'DI DANG SBYAR RO, ,GZHAN GYI RGYU CAN PHYIR ZHES BYA BA NI GTAN TSIGS BSTAN PA STE, TSAD MA'I MTSAN NYID KYI GZHAN GYI RGYU GANG LA YOD PA ZHES TSIG RNAM PAR SBYAR RO, ,RTZA BA BRTAN PAR GNAS PA NYID, ,CES BYA BA NI BRTAN PA STE, THUG PA MED PA LA SOGS PA'I SKYON GYIS MA G-YOS PA'I RTZA BA GNAS PA GANG LA YOD PA DE NI DE LTA BU YIN LA DE'I DNGOS PO NI DE NYID YIN NO, ,'DI SNYAM DU GAL TE YANG GNOD PAR BYED PA'I SHES PA LA MA LTOS PA'I TSAD MA NYID YIN PA DE LTA NA YANG GNOD PA MED PA NYID DU RTOGS PA KHO NAS GZHAN TSAD MA MA YIN PA NYID DU BSGRUB PAR NUS PA YIN GYI GZHAN DU NI MA YIN NO SNYAM DU SEMS NA, DE'I PHYIR RE ZHIG DON GZHAN ZHES BYA BA LA SOGS PA SMOS TE, SEL BAR BYED CES PA NI SPONG BA STE, TSAD MA NYID YIN PA 'GEGS PAR BYED CES BYA BA'I THA TSIG GO, ,'DI SNYAM DU GNOD PAR BYED PA'I SHES PA LA YANG DANG PO'I SHES PA BZHIN DU GNOD PAR BYED PA GZHAN SRID PA KHO NA STE, GANG GIS 'DI'I GNOD BYED MED PA NYID NGES PAR 'GYUR

226a

, ,BA DE JI LTAR DE LA GNOD PAR BYED PA GZHAN LA LTOS PA LDOG PA YIN SNYAM DU SEMS NA, DE'I PHYIR DE LA YANG ZHES BYA BA LA SOGS PA SMOS TE, DE LA YANG LA LAR ZHES BYA BA'I DON GZHAN DU NGES PAR 'DZIN PA'I MTSAN NYID KYI GNOD PAR BYED PA'I SHES PA LA DOGS PA SKYE BA ZHES BYA BA NI SKYES BU'O, ,SNGA MA DANG ZHES BYA BA NI DANG PO'I SHES PA DANG NGO, ,DE YANG ZHES BYA BA NI GNOD PA LA LTOS PA'O, ,NYUNG NGUS ZHES BYA BA NI 'BAD PA ZHES BYA BA LHAG MA'O, ,JI LTAR LDOG CE NA, GAL TE 'DI YIS GZHAN TSOL BA'I, ,ZHES BYA BA LA SOGS PA SMOS TE, GAL TE NGES PAR DPYAD PAS GNOD PAR BYED PA DE LA YANG GNOD PAR BYED PA GZHAN SKYE BAR 'GYUR BA DE'I TSE BAR MA GSUM PAS GNOD PA'I PHYIR DANG PO KHO NA TSAD MAR 'GYUR RO, ,CI STE MI SKYE NA RTZA BA'I RGYU MED PA'I PHYIR DE'I TSE STOBS DANG LDAN PA 'DI GNYIS PA DE NYID KYIS DANG PO LA GNOD PAR 'GYUR BA'I PHYIR DES DE'I TSAD MA NYID SEL BAR 'GYUR BA YIN NO, ,SPONG MI BYED CES BYA BA NI 'DA' BAR MI BYED PA'O, ,'DI SU ZHIG CE NA, SKYES BU ZHES BYA BA LHAG MA'O, ,CI STE GANG GI YONGS SU RTOGS PAR BYED PA'I SHES PA GSUM DU NGES PAR 'GYUR BA SHES PA GSUM PA LA YANG SHES PA GNYIS PA BZHIN DU GNOD PAR BYED PA LA LTOS PAR CI'I PHYIR MI 'GYUR ZHE NA, DE'I PHYIR, DE LTAR GNOD PA MA SKYES PAS, ,ZHES BYA BA LA SOGS PA SMOS TE, GNOD PAR BYED PA MA SKYES PA MA BYUNG BA GANG LA YOD PA NI RTOGS PA'O, ,CI'I PHYIR DOGS PAR MI BYA ZHE NA, GNOD PAR BYED PA LAS SKYES KYANG, ,ZHES BYA BA LA SOGS PA SMOS TE, NYAMS PA NI 'JIG PA STE, DE KHO NA NYID LAS NYAMS PA'I PHYIR RO, ,DE SKAD DU YANG ZHES BYA BA LA SOGS PAS 'DI NYID YID CHES PA'I TSIG GIS SGRUB PAR BYED PA MA YIN NO, ,NOR LHA'I BU ZHES BYA BA NI KHYAB 'JUG GIS SO, ,KUN TI LAS SKYES PA NI KUN TI'I BU STE SRID SGRUB PO, ,DE LTA NA GAL TE DANG PO'I SHES PA LA YANG GNOD PA'I DOGS PAR MI 'GYUR TE, DE LTA YIN DANG SHES PA THAMS CAD KYANG TSAD MAR THAL BAR 'GYUR RO ZHES DOGS PA LA, DES NA

226b

GANG DU ZHES BYA BA LA SOGS PA SMOS TE, GANG LA JI SRID DU GNOD PA DE SRID DU GNOD PA DPYOD PA MA SKYES PA NA YANG DE'I BDAG NYID LA STE, BLO DE LA DE MED DO ZHES RTOGS SO ZHES KHONG NAS DBYUNG NGO, ,GANG DU GNOD PA JI TZAM ZHIG SRID CES BYA BA 'DI BSTAN PA'I PHYIR, YUL DUS ZHES BYA BA LA SOGS PA SMOS TE, YUL DANG DUS DANG SKYES BU DANG GNAS SKABS GANG YIN PA DE LA DE SKAD CES BYA STE DE DAG GI THA DAD PA ZHES BSDU'O, ,YUL LA SOGS PA'I THA DAD PA 'DI YANG 'GA' ZHIG LA 'GA' ZHIG GNOD PAR BYED PA YIN GYI, THAMS CAD THAMS CAD LA NI MA YIN NO, , THAMS CAD THAMS CAD KYI DOGS PA MED DO ZHES BSTAN PA'I PHYIR, YUL THAG RING POR ZHES BYA BA LA SOGS PA SMOS TE, LA LAR ZHES BYA BA NI SMIG RGYU LA SOGS PA'O, ,GZHAN DU DOGS ZHES BYA BA NI GZHAN DU CHU LA SOGS PA DOGS PA'O, ,DRUNG DU PHYIN PA TZAM ZHES BYA BA NI GNOD PA'I MTSAMS ZHES BYA BA DANG SBYAR RO, ,'DI SKAD DU BSTAN PA YIN TE, GANG LA YUL THAG RING BA NYID 'KHRUL BA'I RGYU MTSAN YIN PA DER NI GNOD PAR BYED PA YOD PA DANG MED PA NGES PAR BYA BA'I PHYIR DRUNG DU 'GRO BA TZAM NYID LA LTOS PAR BYA BA YIN GYI, DE LA DUS LA SOGS PA LA LTOS PAR MI BYA STE, DE LA DE 'KHRUL PA'I RGYU MTSAN MA YIN PA'I PHYIR RO, ,'DIR DPER BRJOD PA 'CHAD PA NI, SMIG RGYU LA SOGS BLO BZHIN NO, ,ZHES BYA BA STE, SMIG RGYU LA SOGS PA'I BLO NI SMIG RGYU LA CHU LA SOGS PAR 'KHRUL BA'O, ,SOGS PA'I SGRAS CHUNG NGU LA CHEN PO NYID KYI BLA DANG, DPER NA THAG RING PO'I MYA NGAM CHEN PO LA CHUNG NGU'I BLO STE, DE LTA BU LA SOGS PA GZUNG BAR BYA'O, ,DE YANG DRUNG DU PHYIN PA RNAMS LA DUS LA SOGS PA LA LTOS PA YOD PA MA YIN NO, ,DE BZHIN DU DUS LA SOGS PA LA YANG GANG LA 'KHRUL BA'I RGYU MTSAN SRID PA GANG YIN PA DE NYID LA LTOS PAR BYA BA YIN GYI GZHAN NI MA YIN NO, ,'DI DPE'I SGO NAS STON TE, DE LA DUS KYI KHYAD PAR GYI DBANG DU BYAS NAS, DE LTAR DMAG GI DUS DAG TU, ,ZHES BYA BA LA SOGS PA SMOS TE, DUS GANG LA DMAG DANG 'BREL BA YOD PA DE LA DE SKAD CES BYA'O, ,

227a

, ,SKYES BU'I KHYAD PAR GYI DBANG DU BYAS NAS DE BZHIN ZLA BA GNYIS ZHES BYA BA LA SOGS PA SMOS TE, RAB RIB CAN LA SOGS PA ZLA BA GNYIS PA LA SOGS PA'I SHES PA LA SKYES BU GZHAN LA DRIS PA NYID LAS RNAM PA GZHAN KHO NAR NGES KYI DE LA DUS LA SOGS PA LA LTOS PA NI YOD PA MA YIN NO, ,GNAS SKABS THA DAD PA'I DBANG DU BYAS NAS, CHAGS SDANG ZHES BYA BA LA SOGS PA SMOS TE, DE MED PHYIR ZHES BYA BA NI 'DOD CHAGS LA SOGS PA'I GNAS SKABS MED PA'I PHYIR RO, ,BU LON ZHES BYA BA LA SOGS PA 'JIG RTEN GYI THA SNYAD KYIS KYANG RTAG PA BYED PA SHES PA GSUM KHO NA LA LTOS PA YIN NO ZHES STON PA YIN NO, ,GZHAN YANG GAL TE MNGON SUM LA SOGS PA GZHAN LAS TSAD MAR GRUB KYI SGRA LAS BYUNG BA MA YIN PA DE LTA NA YANG KHO BO CAG GI PHYOGS GRUB PA KHO NA STE, 'DI LTAR RTZOM PA THAMS CAD KYI 'BRAS BU NI SKUL BAR BYED PA TSAD MA NYID DU BSTAN PA YIN LA, SGRA LAS BYUNG BA'I TSAD MA YANG RANG LAS TSAD MAR GRUB PA NA SKUL BAR BYED PA TSAD MA NYID DU GRUB PA'I PHYIR KHO BO CAG GZHAN LA TSAD MA NYID DU SGRUB PAR BYED PA'I PHYIR KHO BO CAG GI 'BAD PAS CI ZHIG BYA SNYAM DU SEMS NA, SGRA LAS BYUNG BA'I TSAD MA RANG LAS TSAD MA NYID DU BSTAN PA'I PHYIR, NYAN PA BRJOD PA PO DAG GIS, ,ZHES BYA BA LA SOGS PA SMOS TE, SGRA LAS BYUNG BA'I SHES PA'I TSAD MA NI RNAM PA GNYIS TE, RTAG PA'I NGAG GIS BSKYED PA DANG, YID LA GNAS PA'I NGAG GI RGYU LA YOD PA'O, ,DE LA RNAM PA GNYIS PO 'DI LA RGYU SUN MA PHYUNG BA NYID STON PA YIN TE, RE ZHIG RTAG PA'I NGAG GANG YIN PA DE LA NYAN PA PO DANG SMRA BA POS BYAS PA'I NYES PA SRID PA MA YIN TE, RTAG TU RIG PA'I BLA MA NGAG GIS DE 'DON DU BCUG PA PO RNAMS DANG 'DON PA PO RNAMS KYIS BSKYANGS PA'I PHYIR RO, ,GANG YANG YID CHES PAS SMRAS PA DE LA YANG BRTZE BA LA SOGS PA'I YON TAN DAG GI NYES PA RNAMS BKAG PA'I PHYIR RO, ,RNAM PA GZHAN GYIS KYANG NGAG RTAG PA NYID SUN MA PHYUNG BA NYID DU BSTAN PA'I PHYIR, YANG NA BYED PA MED NA ZHES BYA BA LA SOGS PA SMOS TE, NYES PA NI 'DOD CHAGS LA SOGS

227b

PA STE, SKYES BU'I CHOS YIN PA'I PHYIR BYED PA PO NYID LA BRTEN TE, DE DAG JI LTAR BRTEN PA PO LOG PA NA SKYES BUS MA BYAS PA'I NGAG DAG LAS GNAS PAR 'GYUR TE, DE LA MI RTAG PA NYID DU THAL BAR 'GYUR BA'I PHYIR RO, ,BRTEN PA'I CHOS NI 'DI YIN TE, RTEN GYI RJES SU BYED PA GANG YIN PA'O, ,'ON TE YON TAN DAG GI NYES PA RNAMS BSAL BA'I PHYIR YID CHES PA'I TSIG TSAD MA NYID DU KHAS LEN NA YON TAN DAG LAS TSAD MA NYID YIN PAR KHAS BLANGS PAR 'GYUR RO, ,DE LTA YIN DANG 'DI LA YANG THUG PA MED PAR 'GYUR RO ZHES DOGS PA LA, DE LA SKYON MED CES BYA BA LA SOGS PA SMOS TE, SKYON MED PA DANG YON TAN GYI BDAG NYID KYI RANG BZHIN GANG LA YOD PA DE LA DE SKAD CES BYA'O, ,DE LTAR BSTAN ZHES BYA BA NI, GAL TE DE LTAR MNGON SUM SOGS, ,TSAD MA YON TAN LA RAG LAS, ,ZHES BYA BA LA SOGS PAS SO, ,DE BSAL ZHES BYA BA NI YON TAN BSAL BA'O, ,NYES PA MED PA MTSON PA'I ZHES BYA BA NYES PA DANG BRAL BA'O, ,YON TAN RNAMS KYI BYA BA NI NYES PA DGAG PA TZAM YIN GYI TSAD MA BYED PA LA NI MA YIN NO SNYAM DU BSAMS PA YIN NO, ,'ON TE NYES PA MED PAR NGES PA LA TSAD MA NYID DU KHAS LEN NA YANG THUG PA MED PA YIN NO ZHES BYA BA'I GZHAN GYI DOGS PA BSU BA'I PHYIR, YON TAN DAG LAS NYES MED NA, ,ZHES BYA BA LA SOGS PA SMOS TE, 'DI LTAR NYES PA MED PA NI YON TAN YONGS SU SHES PAS NGES PA YIN LA, YON TAN YONGS SU SHES PA YANG SLAR YANG NYES PA MED PAS TSAD MA NYID DU NGES LA, DE LA YANG NYES PA MED PA NI YON TAN DAG LA YONGS SU SHES LA DE LTA NA YANG DE LTA BU YIN NO ZHES BYA BA DE LTA BU'I RNAM PAR GZHAG PA THAMS CAD NYAMS PA THUG PA MED PA'I GNAS SKABS DE NYID SON 'DUG PA YIN NO, ,SKYON 'DI MED DE ZHES BYA BAS LAN 'DEBS PAR BYED DE, DE DAG YOD NA ZHES BYA BA NI YON TAN RNAMS YOD NA'O, ,GAL TE SKYE BAR MI 'GYUR MOD, ,DE LAS CIR 'GYUR ZHE NA, DE RNAMS KYIS ZHES BYA BA SMOS TE, TSAD MA NYID NI BSAL BA MIN, ,ZHES BYA BA DANG SBYAR RO, ,CI'I PHYIR

228a

, ,ZHE NA; MI SHES NYID PHYIR RO, ,YON TAN GYIS BKAG PA'I PHYIR NYES PA RNAMS MED PA KHO NA LAS MA SKYES PA NYID YIN NO, ,MA BSAL BA YI DBANG PO NI, ,ZHES BYA BA NI MA BSAL BA'I PHYIR GRUB PA YIN TE, SPYIR BTANG BA DMIGS KYIS BSAL BA DANG BRAL BA NI RANG BZHIN DU GRUB PA NYID KYI PHYIR RO, ,'DIR YANG ZHES BYA BA NI YID CHES PA DAG LA STE, YANG GI SGRA NI SKYES BUS MA BYAS PA 'BA' ZHIG TU MA ZAD CES BYA BA'O, ,GAL TE 'GA' ZHIG TU SKYES BUS BYAS PA'I NGAG LA NYES PA MI 'BYUNG BA DE LTAR YANG SRID PA KHO NA YIN TE, DE DAG NI DE LA BRTEN PA NYID KYI PHYIR RO, ,DE LTAR YIN DANG JI LTAR YON TAN RNAMS YOD PA TZAM GYIS NYES PA BZLOG PAR NUS PA MA YIN NAM, DE JI LTAR, MI SHES PA'I PHYIR DA RNAMS KYIS, ,TSAD MA NYID NI BSAL BA MIN, ,ZHES BYA BA 'DI JI LTAR BRJOD CES DOGS NAS, NYES PA YOD DAM ZHES BYA BA LA SOGS PA SMOS TE, 'DI SNYAM DU KHO BO CAG GIS GDON MI ZA BAR SKYES BUS BYAS PA'I TSIG TSAD MA NYID DU BSGRUB PA NI MA YIN MOD KYI, 'ON KYANG 'DIR RTZOM PA 'DI THAMS CAD RIG BYED TSAD MA NYID DU GRUB PAR BYA BA'I PHYIR YIN LA, DE LA GAL TE SKYES BUS BYAS PA'I TSIG TSAD MA MA YIN PA NYID DU GYUR PA DE LTA NA YANG RIG BYED LA TSAD MA CUNG ZAD KYANG MED DE, NYES PA'I DOGS PA MED PA NYID KYI TSAD MA NYID DU GRUB PA'I PHYIR RO SNYAM DU SEMS SO, ,DES NA LTOS PA MED PA'I PHYIR, ,ZHES BYA BA LA JI SKAD DU BSHAD PA LAS DE LTA BAS NA RIG BYED NI TSAD MA MA YIN TE, LTOS PA MED PA'I PHYIR RO, ,DE LTAR RKYEN GZHAN RNAMS SKYES BU GZHAN LA LTOS PAR BYA BA MA YIN TE, 'DI DAG NI RANG NYID KYIS RTOGS PA YIN NO ZHES BSHAD PA YIN NO, ,GZHAN YANG CI TSAD MA GZHAN GYIS YONGS SU BCAD PA'I DON LA 'JUG PAR 'DOD DAM, 'ON TE MA YIN ZHES BYA BA PHYOGS RNAM PA GNYIS SO, ,DE LA RE ZHIG GAL TE MI 'DOD DO ZHES BYA BA'I PHYOGS GNYIS PA YIN NA, DE'I TSE RIG BYED RANG LAS TSAD MA GRUB PA YIN NO ZHES STON PA NI, RIG BYED DON LA ZHES BYA BA LA SOGS PA SMOS TE, RIG BYED DON NI ME LA SBYIN SREG BYAS

228b

PAS MTHO RIS SU 'GYUR RO ZHES BYA BA LA SOGS PA'O, ,TSAD MA GZHAN GYIS ZHES BYA BA NI RIG BYED LAS MNGON SUM LA SOGS PAS SO, ,'BREL BA NI YUL GCIG PA NYID DU 'BREL PA STE, DE BKAG PA NI MA 'BREL BA'O, ,DE NYID CES BYA BA NI 'BREL BAS SO, ,'DI ZHES BYA BA NI RIG BYED DO, ,GAL TE 'JUG PAR 'DOD DO ZHES BYA BA'I PHYOGS YIN NA DE'I TSE BZUNG ZIN PA 'DZIN PA'I PHYIR DUS PHYIS BYUNG BA'I SHES PA TSAD MA NYID DU MI 'GYUR RO ZHES BSTAN PA'I DON DU, GZHAN DU ZLOS PA NYID YIN NO ZHES BYA BA SMOS TE, GZHAN DU STE GAL TE TSAD MA GZHAN GYI RTOGS PA'I DON LA YANG TSAD MA 'JUG PAR 'DOD NA, DE'I TSE DE NI GZHAN GYIS GSAL BAR BYED PA'I PHYIR ZLOS PA NYID YIN PAS DRAN PA LA SOGS PA BZHIN DU TSAD MA MA YIN PA NYID DU THAL BAR 'GYUR RO, ,DE LTA BAS NA GANG TSAD MA MA YIN PA DE NI TSAD MA DANG MA 'BREL BA LA LTOS PA MA YIN PA'I PHYIR TSAD MA THAMS CAD NI RANG LAS TSAD MA NYID DU GRUB PA YIN NO SNYAM DU BSAMS PA YIN NO, ,'DI NYID STON PA YIN NO, ,GZHAN LA YANG NI ZHES BYA BA LA SOGS PA STE, RIG BYED LAS GZHAN MNGON SUM LA SOGS PA LA YANG NGO, ,DON MTSUNGS CAN RNAMS ZHES BYA BA NI YUL GCIG PA RNAMS SO, ,GCIG NYID KHO NA ZHES BYA BA NI DANG PO STE GZHAN DAG NI ZLOS PA KHO NA YIN PA'I PHYIR RO, ,DUS PHYIS 'BYUNG BA'I SHES PA DE DAG LAS DANG PO NI TSAD MA NYID DU RIGS PA YANG MA YIN TE, DE DAG BZUNG ZIN PA'I YUL CAN NYID KYI RANG BZHIN TSAD MA MA YIN PA'I PHYIR RO, ,'ON TE MUN PA LA SOGS PA'I PHYOGS SU DANG DANG PO'I SHES PAS BZUNG ZIN PA'I DON YANG SNANG BA GSAL BA'I GNAS SKABS NA TSAD MA PHYI MA PHYI MA YONGS SU GCOD PAR MTHONG BA NYID MA YIN NAM ZHES DOGS PA LA GANG LA YANG ZHES PA LA SOGS PA SMOS TE; DON NGES PAR MA BZUNG BA'I PHYIR SHES PA SNGA MA TSAD MA MA YIN NO SNYAM DU BSAMS PA YIN NO, ,GZHAN YANG GAL TE TSAD MA GZHAN DANG 'BREL BA TSAD MA NYID YIN NA DE LTA NA LAN CIG SKYES NAS ZHIG PA'I DON GYI YUL CAN GYI SHES PA DANG NYE NA RNA BA'I BLO TSAD MA NYID DU MI 'GYUR TE,

229a

, ,DE'I YUL LA TSAD MA GZHAN MI 'JUG PA'I PHYIR RO ZHES STON PA NI LHAN CIG SKYES NAS ZHES BYA BA LA SOGS PA STE, MIG LA SOGS PA 'BREL MED PA'I, ,ZHES BYA BA NI YUL GCIG PA NYID DU YANG 'BREL BA'I SBYOR BA NI GANG ZHIG TSAD MA GZHAN DANG 'BREL BA LA LTOS PA MED PA DE NI RANG NYID LAS TSAD MA YIN TE, DPER NA RNA BA'I SHES PA DANG LHAN CIG SKYES NAS ZHIG PA'I YUL CAN GYI SHES PA BZHIN NO, ,RIG BYED KYI DON GYI YUL CAN GYI SHES PA YANG TSAD MA GZHAN DANG 'BREL PA LA LTOS PA MED PA NYID DO ZHES BYA BA NI RANG BZHIN GYI GTAN TSIGS SO, ,'DI NI RNA BA'I ZHES BYA BA LA SOGS PAS DPE SGRUB PAR BYED PA MA TSANG BA MED PA NYID DU DOGS PAR BYED DE, 'DI LTAR SGRA GCIG LA MANG PO NYAN PA'I BLO NYID NI NYAN PA'I SHES PA GZHAN 'JUG PA'I PHYIR TSAD MA GZHAN DANG 'BREL BA LA LTOS NAS YANG DAG PA NYID DU NGES PA YIN NO ZHE NA, RIG BYED LA YANG ZHES BYA BA LA SOGS PAS LAN 'DEBS PAR BYED DE, DES BSKYED PA'I RNAM SHES GZHAN DANG 'BREL PHYIR ZHES BYA BA NI RIG BYED KYIS SKYED PA'I SHES PA GZHAN DANG 'BREL BA'I PHYIR RO, ,GNYI GA LA YANG ZHES BYA BA NI RNA BA'I BLO DANG RIG BYED KYI DON GYI BLO DAG LA'O, ,'DI SKAD DU BSTAN PA YIN TE TSAD MA GZHAN DANG 'BREL BA LA LTOS PA MED PA'I PHYIR RO ZHES BYA BA 'DI MA BSGRUBS PAR BYED PA GZHAN GYIS SKYED PAR BYED PA'I TSAD MA GZHAN RJOD PAR BYED PA YIN GYI, SGRUB PAR BYED PA GCIG GIS BSGRUB PAR BYA BA NI MA YIN TE; DES NA KHYAD PAR DANG BCAS PA'I GTAN TSIGS YIN PA'I PHYIR DPE SGRUB PAR BYED PA MA TSANG BA NYID MA YIN NO SNYAM DU BSAMS PA YIN NO, ,RGYU GZHAN GYIS BYAS SHES PA YI, ,ZHES BYA BA NI 'DI RGYU GZHAN YANG YIN LA SHES PA YIN PAS DE SKAD CES BYA'O, ,DE'I MI SLU BA ZHES TSIG RNAM PAR SBYAR RO, ,CI STE SGRUB PAR BYED PA GCIG GIS BSGRUB PAR BYA BA'I TSAD MA GZHAN 'JUG PA TZAM GYIS KYANG GZHAN LAS TSAD MA NYID DU 'DOD PA DE'I GRUB PA LA SGRUB PA YIN NO SNYAM DU BSAMS NAS, JI LTAR DBANG PO GCIG CES BYA BA LA SOGS PA SMOS TE, RGYU RTAG

229b

PA ZHES BYA BA NI 'DI NI RNA BA'I SHES PA BZHIN DANG, 'BREL PHYIR TSAD MA NYID CE NA, ,ZHES SMRAS PA'I PHYIR RO, ,JI LTAR RIG BYED LA BRJOD PAR BYA BA YIN ZHE NA, DE'I PHYIR, 'DI LTAR TSIG NI GCIG PU YIS, ,ZHES BYA BA LA SOGS PA SMOS TE, BRTAN PAR ZHES BYA BA NI THE TSOM DANG PHYIN CI LOG DANG BRAL BA'I PHYIR RO, ,RNAM SHES YUL GZHAN SOGS SHES KYIS, ,ZHES BYA BA'I SOGS PA'I SGRAS SKYES BU GZHAN LA SOGS PA'I SHES PA GZUNG NGO, ,GTAN TSIGS 'DI MA GRUB PA YANG MA YIN NO ZHES BSTAN PAR BYA BA'I PHYIR, SGRA RNAMS KYI ZHES BYA BA LA SOGS PA SMOS TE, RE ZHIG MNGON SUM GYIS BSGRUB PAR BYA BA MA YIN TE, RIG BYED KYI DON DBANG PO LAS 'DAS PA YIN PA'I PHYIR RO SNYAM DU BSAMS PA YIN NO, ,RJES SU DPAG PAS KYANG MA YIN TE, HA CANG THAL BAR 'GYUR BA'I PHYIR RO, ,SGRA RNAMS KYI ZHES BYA BA NI RIG BYED KYI ZHES BYA BA NI LHAG MA'O, ,YANG NA SKABS KYI KHYAD PAR RTOGS PA YIN NO, ,'DI SNYAM DU MNGON SUM GYI TSAD MA NYID RJES SU DPAG PA'I BSGRUB PAR BYA BA KHO NA'O SNYAM DU SEMS NA TSAD MA RNAMS KYIS ZHES BYA BA LA SOGS PA SMOS TE, MNGON SUM BZHIN DU RJES SU DPAG PA DE YANG RJES SU DPAG PA GZHAN GYIS BSGRUB PAR BYA BA YIN NA THUG PA MED PAR 'GYUR RO, ,CI STE RJES SU DPAG PA ZHES BYA BA'I SGRUB PAR BYED PA'I TSAD MA NYID GZHAN GYIS BSGRUB PAR BYA BA MA YIN NA DE'I TSE MNGON SUM LA SOGS PA DE'I BSGRUB PAR BYA BA DE YANG BSGRUB PAR MI 'GYUR TE KHYAD PAR MED PA'I PHYIR RO, ,MNGON SUM LA SOGS TSAD MA ZHES BYA BA LA SOGS PAS SANGS RGYAS PA'I GTAN TSIGS MA GRUB PA NYID DU SGRUB PAR BYED PA YIN TE, GAL TE TSAD MA RNAMS TSAD MA GZHAN LA LTOS PAR MA GYUR NA MNGON SUM LA SOS PA TSAD MA'O SNYAM PA'I NGES PA 'DIR MI 'GYUR RO, ,DE LTA YIN PA DANG THA SNYAD THAMS CAD RGYUN CHAD PAR 'GYUR RO, ,TSAD MA 'DZIN PA LAS SNGA ROL ZHES BYA BA LA SOGS PAS LAN 'DEBS PAR BYED DE, 'DI SKAD DU BSTAN PA YIN TE, GAL TE YANG TSAD MA RANG GI NGO BO DES PA LA TSAD MA

230a

, ,GZHAN LA LTOS PA DE LTA NA YANG THA SNYAD RGYUN CHAD PAR MI 'GYUR TE, DON YONGS SU GCOD PA LA TSAD MA GZHAN LA MI LTOS PA'I PHYIR RO, ,GAL TE DON YONGS SU GCOD PA YIN NA DE'I TSE DE TZAM KHO NAS THA SNYAD THAMS CAD YONGS SU RDZOGS PA'I PHYIR RANG GI NGO BO LA NGES PA DANG MA NGES PA DPYAD PAS CI ZHIG BYA, 'DI NI DON NGES PAR BYA BA'I DON DU YIN PA'I PHYIR RO ZHES BYA BA NI BSDUS PA'I DON TO, ,YAN LAG GI DON BRJOD PAR BYA STE 'DZIN PA LAS SNGA ROL ZHES BYA BA NI 'DI TSAD MA'O SNYAM PA'I NGES PA DE LAS SNGA ROL ZHES BYA BA'I DON TO, ,RANG GI NGO BOS ZHES BYA BA NI DON YONGS SU GCOD PA'I BDAG NYID KYIS SO, ,LTOS MED CES BYA BA NI RANG GI DON YONGS SU GCOD PA LA TSAD MA GZHAN LA LTOS PA MED CES BYA BA'I DON TO, ,DE NI RANG GI DON RTOGS PA LA STE, NGES PA LAS DUS PHYIS KYIS RJES SU DPAG PA LA SOGS PA'I TSAD MA RNAMS KYIS 'JAL BAR BYED PA YIN TE, JI SKAD DU DON MA SHES PAR 'GA' ZHIG GIS KYANG BLO DMIGS PA MA YIN TE, SHES NA RJES SU DPAG PAS RTOGS PA YIN NO ZHES ZER PA BZHIN NO, ,'DI SNYAM DU BLO MA RTOGS PAR RANG GI DON YONGS SU GCOD PA NYID RIGS PA MA YIN TE, JI SKAD DU, DMIGS PA MNGON SUM MA YIN NA, ,DON MTHONG RAB TU 'GRUB MI 'GYUR, ,ZHES BSHAD PA YIN NO ZHES DOGS PA LA, JI LTAR RIGS PA MA YIN PA'I, ,ZHES BYA BA LA SOGS PA SMOS TE GO BAR ZAD DO, ,GAL TE DE LTA NA TSAD MA MA YIN PA YANG TSUL 'DIS RANG NYID LAS YIN PAR THAL BAR 'GYUR RO ZHE NA, TSAD MA MA YIN PA YANG RANG DON LA, ,ZHES BYA BA LA SOGS PA SMOS TE, TSAD MA MA YIN PA NI TSAD MA LTAR SNANG BA'I PHYIR DE YOD PA TZAM GYIS RANG GI DON LOG PA NYID DU YONGS SU GCOD PA YIN TE, DE LTA BAS NA LOG PA NYID DE, LOG PA'I DON YONGS SU GCOD PA NYID DANG 'DI'I TSAD MA GZHAN MED PAR 'DZIN PAR MI NUS PA'I PHYIR DE GZHAN LAS YIN PAR RNAM PAR GZHAG GO, ,'ON TE TSAD MA LA YANG MTSUNGS PA MA YIN NAM, 'DI LTAR DE YANG RANG GI DON LA LAR TSAD MA MA YIN PA LTAR SNANG BA YIN NO ZHE NA,

230b

DE'I PHYIR DON GYI DE BZHIN MIN, ,DNGOS PO ZHES BYA BA LA SOGS PA SMOS TE, SNGA MA ZHES BYA BA NI TSAD MA MA YIN PAS SO, ,'DZIN ZHES BYA BA NI BZUNG BA'O, ,DE NYID BZHIN ZHES BYA BA NI CHOS MI MTHUN PA'I DPE'O, ,'DI SKAD DU BSTAN PA YIN TE, JI LTAR TSAD MAS DE BZHIN NYID 'DZIN PA DE LTAR LOG PA NYID TSAD MA MA YIN PAS MI MTSUNGS TE, 'DI LTAR SKYES PA'I GNAS SKABS KHO NA TSAD MA'O SNYAM DU NGES KYI TSAD MA YIN PA'O SNYAM DU NI MA YIN TE, DE NI RTAG TU TSAD MA LTA BUR SNANG BA'I PHYIR RO SNYAM DU BSAMS PA YIN NO, ,DE YANG ZHES BYA BA LA SOGS PAS GZHAN LAS TSAD MA MA YIN PA MJUG SDUD PAR BYED PA YIN NO, ,YANG NA RGYU NI SKYON CAN LAS ZHES BYA BA NI BLO ZHES BYA BA DANG 'BREL TO, ,DE TZAM NYID KYI ZHES BYA BA NI RNAM PA GZHAN GYI NGO BO'I YUL DANG RGYU SKYON CAN GYI YUL LO, ,GAL TE 'DI SNYAM DU BLO 'DI DAG GI YANG DAG PA NYID GZUNG BAR GYUR BA DE'I TSE 'DI DAG GIS LOG PA NYID 'DZIN PAR 'GYUR LA, DE DAG KYANG YANG DAG PA NYID DU GZUNG BAR BYA BA'I PHYIR TSAD MA GZHAN LA LTOS PA NA THUG PA MED PAR THAL BAR 'GYUR RO SNYAM DU SEMS NA, DE'I SKYE BA'I GNAS SKABS LA SOGS PA STE, 'DI ZHES BYA BA NI RNAM PA GZHAN NYID KYI SHES PA DANG RGYU SKYON DANG BCAS PA'I SHES PA STE DES NA THUG PA MED PAR MI 'GYUR RO SNYAM DU BSAMS PA YIN NO, ,DES NA SANGS RGYAS PA LA SOGS PAS RIG BYED KYI TSIG NI LOG PA'I DON CAN YIN TE, TSIG YIN PA'I PHYIR ME NI GRANG NGO ZHES BYA BA LA SOGS PA'I SKYES BU'I TSIG BZHIN NO ZHES BYA BA LA SOGS PA'I SGRUB PAR BYED PA GANG BRJOD PA DE NI MA NGES PA YIN NO ZHES BSTAN PA'I PHYIR RO, ,DES NA GANG DU YANG ZHES BYA BA LA SOGS PA SMOS TE, GANG DU YANG ZHES BYA BA NI SKUL BAR BYED PA LA SOGS PA'O, ,'DI GNYIS ZHES BYA BA NI RNAM PA GZHAN GYI SHES PA DANG RGYU RKYEN GZHAN GYI SHES PA'O, ,CHOS MTHUN PA TZAM ZHES BYA BA NI MI BDEN PA'I DON DANG SKYES BU'I TSIG GI TSIG NYID LA SOGS PAS MTSUNGS PA NYID DO, ,CI'I PHYIR BRJOD PAR MI BYA ZHE NA, 'DI LA 'THAD PA BSHAD PA NI, DE LA ZHES BYA BA

231a

, ,LA SOGS PA STE, GAL TE TSAD MA MA YIN PA DANG CHOS MTSUNGS PA TZAM GYIS TSAD MA MA YIN PAR GYUR NA DE'I TSE TSAD MA THAMS CAD TSAD MA MA YIN PAR THAL BAR 'GYUR TE, 'DI LTAR THAMS CAD LA DNGOS PO NYID LA SOGS PAS CHOS MTSUNGS PA NYID BRJOD PAR NUS PA YIN NO ZHES BYA BA NI BSDUS PA'I DON TO, ,JI LTAR BDAG NYID LA GNOD PA YIN ZHE NA, GZHAN LA YANG ZHES BYA BA LA SOGS PA SMOS TE, GZHAN LA YANG ZHES BYA BA NI DPYOD PA PA LA'O, ,GZUGS BRNYAN GYIS ZHES BYA BA NI DPER NA GZUGS KYIS DE MA THAG TU GZUGS BRNYAN 'BYUNG BA DE BZHIN DU SANGS RGYAS PAS BKOD PA'I SGRUB PAR BYED PA'I DE MA THAG TU DPYOD PA PA'I MI MTHUN PA'I SGRUB PAR BYED PA 'BYUNG BA YIN NO ZHES BYA BA'I DON TO, ,'DI LTAR RIG BYED KYI TSIG NI BRDZUN MA YIN TE TSIG YIN PA NYID LA SOGS PA'I PHYIR ME DRO BA DANG 'OD GSAL BA YIN NO ZHES BYA BA LA SOGS PA SKYES BU'I TSIG BZHIN NO ZHES BYA BA 'DI BRJOD PAR NUS PA YIN NO, ,DES NI RNAM PA DE LTA BU'I MI MTHUN PA'I TSAD MAS BKAG PA'I PHYIR NI GNOD PA'I PHYIR, SANGS RGYAS LA SOGS PAS SKUL BAR BYED PA NI YANG DAG PA JI LTA BA BZHIN MA YIN NO ZHES BYA BA NI SKUL BAR BYED PA BKOD PA GANG YIN PA 'DIS NI SKUL BAR BYED PA LA GNOD PAR MI NUS SO, ,GANG LAS SHE NA, SPYIR BTANG BA CAN GYI TSAD MA NYID YIN PA'I PHYIR RO, ,SPYIR BTANG BA'I TSAD MA NYID TSAD MA GANG LA YOD PA DE LA DE SKAD CES BYA BA LA DE'I DNGOS PO NI DE NYID DO, ,'DI LA BRJOD PAR BYA BA STE, ,ZHES BYA BA LA SOGS PAS, BDAG NYID THOB PAR BYA BA'I PHYIR, ,ZHES BYA BA NAS BRTZAMS NAS GO RIMS BZHIN DU SUN 'BYIN PA BRJOD PA BRTZAM MO, ,RGYU MTSAN DANG BCAS ZHES BYA BA NI DNGOS PO LA BRTEN PA STE MED PA LA BYA BA MI RUNG BA'I PHYIR RO SNYAM DU BSAMS PA YIN NO; ,RNAM PAR GZHAG PA 'DI YANG GANG ZHE NA, BDAG NYID THOB PHYIR ZHES BYA BA LA SOGS PA SMOS SO, ,CI STE SHES PA LA YANG CI'I PHYIR MI RIGS SHE NA, SKYES MA THAG TU ZHES BYA BA LA SOGS PA SMOS TE, MED PA'I BYA BA CI 'DRA ZHIG ,CES BYA BA NI CUNG ZAD KYANG MA YIN NO, ,

231b

MED PA NI NUS PA THAMS CAD KYIS STONG PA'I PHYIR RO SNYAM DU BSAMS PA YIN NO, ,YOD NA YANG DNGOS PO THAMS CAD NI BYA BA MED PA YIN PAS DE'I PHYIR BYA BA GRUB PAR MI 'GYUR RO, ,GANG DU BYA BA BYED PAR 'GYUR NA SHES PA LA BYA BA CUNG ZAD YOD PA NI MA YIN NO, ,RANG GI DON YONGS SU GCOD PA'I BDAG NYID KHO NA BYED PA YIN NO ZHE NA, DE NI MA YIN TE 'DI NI SHES PA'I MING GI RNAM GRANGS YIN PA'I PHYIR RO, ,BDAG NYID LAS BDAG NYID KHO NAS BYED PA YIN NO ZHES BYA BA 'DI NI LEGS PAR BSHAD PA YIN NO, ,'DI NI TSAD MA YIN NO SNYAM PA'I NGES PA SKYED PA NI RANG GI 'BRAS BU YIN NO ZHE NA MA YIN TE, LA LAR MA NGES PA'I PHYIR DANG, PHYIN CI LOG MTHONG BA'I PHYIR RO, ,'DIS NI 'DI LA YANG DAM BCA' BA'I DON LA MNGON SUM LA SOGS PA DANG 'GAL BAR BSTAN PA YIN TE, 'DI LTAR DMIGS PA'I MTSAN NYID DU GYUR BA LAS DMIGS PA GZHAN DMIGS PA'I BDAG NYID KYI MNGON SUM DANG NYE BAR BRJOD PAR BYA BA MED PA'I NGES PA'I RJES SU DPAG PAS KYANG GRUB STE NAM MKHA'I PADMA BZHIN NO, ,KHYOD KYANG 'DOD CES BYA BA 'DIS NI RANG GI TSIG DANG 'GAL BAR STON PA YIN NO, ,DE NYID NI, GANG PHYIR RGYU RNAMS KYI BYA BA, ,ZHES BYA BA LA SOGS PA'I TSIGS SU BCAD PA GNYIS KYIS STON TE, 'DI LTAR YOD PA DANG 'BREL BA NA SKYES BU'I DBANG PO'I BLO, SKYES PA DE NI MNGON SUM MO, ,ZHES BYA BA'I MDO 'DI LA SKYE BA SMOS PA 'BRAS BU DANG BCAS PA'I DON DU, KU M'A RA RI LAS BYAS PA, ,ZHES BYA BA LA SOGS PA SMOS TE, SKYE BZHIN PA'I BLO CI NAS KYANG, TSAD MA NYID DU 'GYUR RO ZHES BSTAN PA'I PHYIR SKYE BA SMOS PA YIN NO, ,RGYU CI'I PHYIR ZHE NA GANG GI ZHES BYA BA LA SOGS PA SMOS TE, DE NI ZHES BYA BA NI SHES PA'O, ,CI STE YANG ZHES BYA BA LA SOGS PAS GZHAN GYI LAN 'DOGS PAR BYED PA YIN TE, DE SKAD DU YANG GZHAN DU KU M'A RA RI LAS BLO RNAMS RTAG PA NYID DU GCIG PA NYID DU BRJOD DE, JI SKAD DU, NGED KYIS RTAG PA NYID DANG NI, ,GCIG PA NYID DU 'DOD PA YIN, ,BLO YANG SEMS CAN RANG BZHIN PHYIR, ,THA DAD YUL LA BRTEN PA YIN, ,ZHES

232a

, ,SMRAS PA BZHIN NO, ,PHYOGS 'DI LA YANG DAM BCA' BA KHAS BLANGS PA DANG 'GAL ZHING RJES SU DPAG PA DANG 'GAL BA YANG YIN TE, 'DI LTAR BLO RNAMS SKAD CIG MA NYID DU KHAS BLANGS PA YIN TE, JI SKAD DU BSHAD PA LAS DE NI SKAD CIG MA YIN TE, BLO GZHAN GYI DUS SU GNAS PAR MI 'GYUR RO ZHES BSHAD PA DANG, DE BZHIN DU 'DI NI SKAD CIG KYANG GNAS PA MA YIN NO ZHES PA SMRAS PA'I PHYIR RANG GI TSIG DANG 'GAL BA YANG YIN NO, ,RIGS PAS GNOD PA BSTAN PA NI, ,GANG PHYIR DNGOS KUN ZHES BYA BA LA SOGS PA'O, ,RTAG PA NYID DU KHAS BLANGS PA NI RGYU LA LTOS PA NYID MI RIGS SO ZHES BYA BA STON PA NI RTAG PA ZHES BYA BA LA SOGS PA STE, DE LA BDAG NYID KYI NGO BO THOB PAR 'DOD PAS BSKYED PAR BYA BA NI RGYU GZHAN LA LTOS PA NYID YIN NO, ,RTAG PA NYID KYI PHYIR MA SKYES PA GANG YIN PA DE NI GANG ZHIG LA LTOS PA YIN; DES NA BRJOD PAR NUS YIN TE, ,ZHES BYA BA LA SOGS PAS SBYOR BA DGOD PA'I PHYIR RJES SU DPAG PAS GNOD PA NYID STON PA YIN NO, ,SHES PA SKAD CIG CES BYA BA LA SOGS PA SKAD CIG MA MA YIN PA NYID DU KHAS BLANGS NAS MNGON SUM LA SOGS PAS GNOD PA STON PA YIN TE, GAL TE TSAD MA RANG NYID LAS NGES PA SKYED PAR BYED PA DE'I TSE TSAD MA LA THE TSOM LA SOGS PA 'BYUNG BAR MI 'GYUR RO, ,SOGS PA'I SGRAS PHYIN CI LOG DE MNGON SUM DU 'GRO BA CAN GYI 'GAL BA DANG, PHYIN CI LOG GI 'JUG PA DANG, PHAN TSUN 'GAL BA'I MTSAN NYID BYED PA DANG, SLU BA BZUNG NGO, ,DE LTA YIN DANG THE TSOM LA SOGS PA TSAD MA'I MJUG THOGS KYI NGES PA LAS BZLOG PA'I RNAM PAR RIG PA'I PHYIR DES DBEN PA'I SA PHYOGS DMIGS PA BUM PA MED PA BZHIN DU MNGON SUM NYID KYIS GRUB PA YIN NO, ,DE LTA YIN DANG DE YOD PA'I DAM BCA' BA NI MNGON SUM DANG 'GAL BA YIN NO, ,GANG PHYIR DE LA TSAD MA NYID, ,CES BYA BA LA SOGS PAS MNGON SUM DANG 'GAL BA NYID SGRUB PAR BYED PA YIN TE, DE ZHES BYA BA NI TSAD MA NYID DU NGES PA'O, ,CI'I PHYIR DE LA GZHI MED PA YIN ZHE NA, NGES PA DANG NI ZHES BYA BA LA

232b

SOGS PA SMOS TE, 'DI NYID GANG LAS SHE NA 'DI LTAR SGRO 'DOGS ZHES BYA BA LA SOGS PA SMOS TE, NGES PA NI SGRO 'DOGS PA LAS BZLOG PA'I RNAM PA CAN YIN PA'I PHYIR RO, ,DE'I YUL MA BSAL BAR BDAG NYID GNAS PAR 'GYUR BA MA YIN TE, DRO BA'I REG PA GRANG BA BZHIN NO, ,DES YUL DU BYAS PA'I YUL LA PHYIN CI LOG PAS 'JUG PA YIN, DE LTA YIN DANG SKUL BYED BLO, ,ZHES BYA BA LA SOGS PAS RANG GI TSIG DANG 'GAL BA YANG STON TE, RGYU BYUNG NGO BO NI RGYU LAS BYUNG BA NYID DE, SOGS PA'I SGRAS YID CHES PA MA YIN PA'I TSIG GIS BSKYED PAR BYA BA'I PHYIR GNOD PA MED PA'I PHYIR RO ZHES BYA BA LA SOGS PA GZUNG NGO, ,'DI LTAR, BSKUL BAS BSKYED PA'I SHES PA NI, ,TSAD MA YIN TE SKYON BRAL BA'I, ,RGYU YIS BSKYED PHYIR RTAGS DANG NI, ,YID CHES TSIG DANG DBANG BLO BZHIN, ,DE BZHIN YID MI CHES MA BYAS, ,TSIG GIS BSKYED PHYIR YUL DUS SOGS, ,THA DAD SOGS PA DON MED PHYIR, ,ZHES BYA BAS SKUL BAR BYED PA'I BLO TSAD MA NYID DU GRUB PAR BYED PA'I PHYIR SGRUB PAR BYED PA SMRA BA NA SGRUB PAR BYED PA GZHAN LA TSAD MA NYID DU NGES PAR BSTAN PA YIN LA, TSAD MA KUN GYI TSAD MA NYID, ,RANG LAS YID CHES GZUNG BAR GYIS, ,ZHES KYANG BRJOD PAS BKAG PA'I PHYIR TSIG PHAN TSUN 'GAL BA YIN NO, ,RANG LAS TSAD MA NYID GRUB KYANG, ,ZHES BYA BA LA SOGS PAS GZHAN GYI LAN 'DOGS PAR BYED PA YIN NO, ,CI STE YANG KHO BO CAG GIS SKUL BAR BYED PAS BSKYED PA'I BLO RNAMS TSAD MA NYID DU GRUB PAR BYA BA'I PHYIR SGRUB PAR BYED PAR BRJOD PA NI MA YIN NO, ,'O NA CI ZHE NA, DE LA GZHAN GYI TSAD MA MA YIN PAR SGRO 'DOGS PA GANG YIN PA DE DGAG PAR BYA BA'I PHYIR RO SNYAM NA, DE YANG RIGS PA MA YIN NO, ,GANG LAS SHE NA, DOGS PA MI SRID PA'I PHYIR TE, NGES PA DANG NI SGRO 'DOGS YID, ,GNOD BYA GNOD BYED NGO BO'I PHYIR, ,ZHES KYANG BSHAD DO, ,DE'I PHYIR GANG GI DE BZLOG PA'I DON DU KHYED CIG GIS SGRUB PAR BYED PA'I SBYOR BA'I NGAL BA 'BRAS BU DANG BCAS PAR 'GYUR BA NGES PA SKYED PA LA TSAD MA MA YIN PA NYID KYI DOGS

233a

, ,PA 'DI GANG LAS YIN NO, ,'DI LA DPE 'CHAD PA NI MTHO YOR ZHES BYA BA LA SOGS PA STE, RTOGS PA PO GANG GIS DE'I BDAG NYID DE MTHO YOR NYID DU NGES PA DE LA DE SKAD CES BYA'O, ,RNAM PA GZHAN ZHES BYA BA NI LJON SHING DANG SKYES BU NYID LA SOGS PA'O, ,GAL TE DE LTA NA DOGS PA MED PA TSAD MA LA SGRUB PAR BYED PA'I SBYOR BA JI LTAR BZLOG PAR BYA BAR NUS SHE NA, GANG PHYIR DNGOS PO ZHES BYA BA LA SOGS PA SMOS TE, NGO BO GANG LAS NGES PA NI GANG GI NGO BOR NGES PA'O, ,BZLOG PA'I DOGS PA ZHES BYA BA NI DE'I NGO BO LAS BZLOG PA'I RANG BZHIN GYI DOGS PA ZHES BYA BA'I DON TE, RANG NYID KYI NI ZHES BYA BA NI DE'I NGO BO NGES PA LAS SO, ,'DI NYID LA DPE BSTAN PA NI, JI LTAR DU BA ZHES BYA BA LA SOGS PA SMOS TE, DE MED NYID RNAM GCOD PA ZHES BYA BA NI ME LA SOGS PA MED PA NYID RNAM PAR GCOD PA'O, ,TSAD MA MA YIN PA ZHES BYA BA LA SOGS PAS MJUG SDUD PAR BYED DO, ,'DI NYID BLA LHAG GI RGYU BSHAD PA'I PHYIR, GAL TE TSAD MA YIN PA GNYIS, ,ZHES BYA BA SMOS TE, TSAD MA MA YIN PA GNYIS NI THE TSOM DANG PHYIN CI LOG GI BDAG NYID DO, ,GANG ZHIG CES BYA BA LA SOGS PAS 'GAL BAS KHYAB PA DMIGS PA'I THAL BAR 'GYUR BA STON PA NA RANG GI TSIG DANG 'GAL BA NYID SGRUB PAR BYED PA YIN TE, NGES PA DANG 'GAL BA'I THE TSOM DANG PHYIN CI LOG DAG GIS DES YUL DU BYAS PA'I DNGOS PO NYID LA KHYAB PA'I PHYIR DE LA NGES PA'I GO SKABS YOD PA MA YIN NO, , JI LTAR GTOR ZAN ZHES BYA BA LA SOGS PAS RJES SU DPAG PA DANG 'GAL BA DANG RANG GI PHYOGS GRUB PA YANG STON PA YIN NO, ,SBYOR BA NI GANG DAG THE TSOM DANG PHYIN CI LOG GI YUL DU BYAS PA'I BDAG NYID DE DAG NI GZHAN LAS NGES PAR BYA BA'I BDAG NYID KYI DE KHO NA NYID YIN TE, MTHO YOR LA SOGS PA BZHIN NO, ,KHA CIG GI LTAR NA TSAD MA NYID KYANG THE TSOM DANG PHYIN CI LOG GI YUL DU BYAS PA'I BDAG NYID YIN NO ZHES BYA BA NI RANG BZHIN GYI GTAN TSIGS SO, ,GTOR ZAN DANG DU BA DANG RGYUS BSKYED PA'I SKYON LA SOGS PA YIN PA'I PHYIR DE SKAD CES BYA'O, ,DE DAG GI

233b

SHES PAS ZHES BSDU'O, ,'DI DAG DANG YANG GO RIMS BZHIN DU MTHO YOR BA SBREL TE 'DIS NI GTAN TSIGS KYI KHYAB PA BSTAN PA YIN NO, ,DE NI PHYOGS KYI CHOS BSTAN PA'I SGO NAS MA GRUB PA SPANG BA'I PHYIR, DE BZHIN GANG GIS ZHES BYA BA LA SOGS PA SMOS TE, GANG GIS ZHES BYA BA NI GANG GI PHYIR RO, ,GYUR PA ZHES BYA BA NI NGES PA STE, TSAD MA DE YIS ZHES BYA BA LHAG MA'O, ,'DI LTAR SKUL BAR BYED PAS BSKYED PA'I BLO NI THE TSOM DANG PHYIN CI LOG GI YUL CAN NYID DU BSTAN ZIN TO, ,DE BZHIN ZHES BYA BA NI MTHO YOR LA SOGS PA BZHIN NO, ,TSAD MA NYID DE GZHAN LAS NI NGES PA YIN ZHES BYA BA NI TSAD MA'I 'BRAS BU NYE BAR STON PA'O, ,RANG LAS TSAD MA NYID GRUB NA, ,DE NI GNOD PA SEL BYED PAR, ,ZHES SMRAS PA DE NI MI RIGS TE DOGS PA MI SRID PA'I PHYIR RO ZHES BSTAN ZIN TO, ,DA NI TSAD MA MA YIN PA NYID KYI DOGS PA BZLOG PA'I DON DU SGRUB PAR BYED PA'I SBYOR BA BYED DU CHUG MOD, DE LTA NA YANG KHYED KYI LUGS KYIS DE YANG RIGS PA MA YIN NO ZHES BSTAN PA'I PHYIR, 'DI NI KHYED KYI PHYOGS YIN TE, ,ZHES BYA BA LA SOGS PA SMOS TE, KHYED CAG SGRUB PA SGRA'I DON YIN PAR SMRA BA RNAMS KYI LTAR NA NGAG GANG KHO NA LA DGAG PA'I SBYOR BA DE KHO NA LA GZHAN RNAM PAR GCOD PA RTOGS KYIS GZHAN DU NI SGRUB PA KHO NA'O ZHES BYA BA'I PHYOGS 'DI YIN NO, ,'DIR SKUL BAR BYED PAS SKYED PA, ,ZHES BYA BA LA SOGS PA'I SGRUB PA'I NGAG LA DGAG PA'I SBYOR BA YOD PA MA YIN NA DE JI LTAR 'DIS TSAD MA MA YIN PA NYID 'GEGS PAR 'GYUR, DE BZHIN DU TSAD MA'I YUL LA RGOL BA RNAMS KYI BLO THA DAD PAR MI 'GYUR RO, ,DE NYID JI LTAR GRUB CE NA, GANG GI LA LAS ZHES BYA BA SMOS TE, LA LAS ZHES BYA BA NI DPYOD PA PA RNAMS KYIS SO, ,GZHAN GYIS ZHES BYA BA NI SANGS RGYAS PA RNAMS KYIS TE, DE DAG GI CUNG ZAD RANG LAS TSAD MA NYID DU 'DOD DE, DPER NA RANG RIG PAS MNGON SUM DANG RNAL 'BYOR BA'I SHES PA DANG DON BYED PA'I SHES PA DANG RJES SU DPAG PA DANG GOMS PA DANG LDAN PA'I MNGON SUM LTA BU STE, DES NA 'KHRUL BA'I RGYU SPANGS PA'I PHYIR GOMS

234a

, ,PA'I STOBS KYI RANG NYID LAS NGES PA YIN NO, ,CUNG ZAD CIG NI GZHAN LA STE DPER NA RTZOD PA'I GZHIR GYUR BA'I SKUL BAR BYED PA LAS BYUNG BA'I SHES PA DANG 'KHRUL BA'I RGYU MTSAN MA SPANGS PA'I MNGON SUM LTA BU STE, GOMS PA DANG DON BYED PA'I SHES PA DAG MTHONG BA'I PHYIR RO, ,GAL TE DE LTA NA RJES SU DPAG PA LA SOGS PA LA KHYED KYI LUGS KYIS RNAM PAR GCOD PAR MI 'GYUR TE, DE NI RANG KHO NA LAS TSAD MA NYID YIN PA'I PHYIR RO, ,'DI LTAR KHA CIG NI RJES SU DPAG PA TSUL GSUM PA'I RTAGS KYI RGYU CAN DU 'DOD LA, LA LA NI TSUL GNYIS LAS BYUNG BA'O, ,KHA CIG NI TSUL GCIG GI RTAGS LAS BYUNG BA STE, DE'I MTSAN NYID BYED PA DON MED DO, ,DE BZHIN DU 'JIG RTEN RGYANG PAN PA LA DE TSAD MA NYID DU BSGRUB PAR MI BYA STE RANG NYID KYIS TSAD MA NYID DU NGES PA'I PHYIR RO ZHES BYA BAR MTSUNGS SO ZHE NA, SKYON 'DI MED DO, ,GANG GI PHYIR RJES SU DPAG PA NI DE'I BDAG NYID DANG DE LAS BYUNG BA'I 'BREL BA'I RTAGS NGES PA LAS SKYES PA'I PHYIR DON BYED PA LA MI SLU BA BYED PA NA YANG BRGYUD NAS DE LTA BU'I DNGOS PO DANG 'BREL BAS SKYES PA NYID KYIS DON DE LA MI 'KHRUL BA NYID DU NGES PA'I PHYIR RANG LAS TSAD MA ZHES BYA'O, ,DE SKYED PA'I RGYU'I RTAGS KYI NGO BO YONGS SU MI SHES PA'I PHYIR RGOL BA RNAMS RJES SU DPAG PA MA SKYES PA KHO NA LA PHAN TSUN RTZOD PAR BYED KYI SKYES PA LA NI MA YIN TE, DE'I RANG GI NGO BO MA NGES PA'I PHYIR RO, ,DE NYID KYI PHYIR SLOB DPON DAG GIS PHYIN CI MA LOG PA'I RTAGS KYI RANG GI NGO BO NGES PAR BZUNG BA'I PHYIR NI NAS KYANG RJES SU DPAG PA SKYED PAR 'GYUR BA'O SNYAM NA BSKYED PA'I RGYU'I GTAN TSIGS KYI RANG GI NGO BO STON PA'I MTSAN NYID BYED PA YIN NO, ,GANG YANG 'JIG RTEN RGYANG PAN PA LA RJES SU DPAG PA TSAD MA NYID DU BSGRUB PAR MI BYA'O ZHES BRTZAD PA DE YANG MI RIGS TE, KHO BO CAG GIS RJES SU DPAG PA TSAD MA NYID DU BSGRUB PA NI MA YIN NO, ,'O NA CI ZHE NA, THA SNYAD DE 'DI LTAR LOG PA'I DON CAN GYI BSTAN BCOS THOS PA LAS RMONGS PA'I 'JIG RTEN RGYANG PAN PA RJES SU DPAG PA TSAD MA NYID DU GRUB PA NA YANG GRANGS CAN

234b

BZHIN DU DE'I THA SNYAD 'JUG PAR MI BYED PA DE LA YUL NYE BAR BSTAN PAS YUL CAN GYI THA SNYAD SGRUB PAR BYED PA YIN TE, GANG ZHIG GANG LAS SKYES PA DE NI DE THOB PAR BYED PA'I NUS PA DANG LDAN PA YIN TE, RANG GI DON LA MNGON SUM BZHIN NO, ,DE DANG 'BREL BA'I RTAGS MTHONG BA'I SGO NAS BYUNG BA'I RTAGS LAS BYUNG BA'I SHES PA 'DI YANG RJES SU DPAG PAR BYA BA LAS BYUNG BA YIN NO ZHES DE LTAR BRDA'I YUL BSTAN PAS BRDA LA 'JUG PAR BYED PA'I PHYIR RO, ,'DI LTAR MNGON SUM LA DON MA 'KHRUL BA'I RGYU MTSAN NYID 'DIS TSAD MA NYID KYIS THA SNYAD DU BYED LA, DE LAS BYUNG BA LAS GZHAN MA 'KHRUL BA CI ZHIG YOD DE, JI SKAD DU, MNGON SUM YANG NI DON MED NA, ,MI 'BYUNG BA LAS TSAD MA NYID, ,'BREL BA YI NI RANG BZHIN DE'I, ,RGYU YIN PAS NA GNYIS KA MTSUNGS, ,ZHES BSHAD PA BZHIN NO, ,DE LTA BAS NA JI LTAR GRANGS CAN PA RTZVA MCHOG RTZE LA GLANG PO MED PAR NGES KYANG BSTAN BCOS THOS PA'I RMONGS PA YIN NO, ,'DI SNYAM DU BLO THA DAD PA YIN MOD, RANG LAS TSAD MA YIN PA STE, JI LTAR RIGS PA MA YIN SNYAM DU SEMS NA, GANG PHYIR RTZOD PA 'KHRUL BA LAS, ,ZHES BYA BA LA SOGS PA SMOS TE, 'DIS NI NGES PA DANG 'GAL BA'I 'KHRUL BA'I 'BRAS BU RTZOD PA DMIGS PA'I PHYIR NGES PA MED PAR SGRUB PAR STON PA NI RANG LAS TSAD MA NYID DU DAM BCA' BA RJES SU DPAG PA DANG 'GAL BA NYID DU STON PA YIN NO, ,GZHAN YANG NGES PA DANG 'GAL BA'I 'KHRUL BA'I 'BRAS BU DMIGS PA STON PA NI, TSAD MA KUN GYI ZHES BYA BA LA SOGS PA STE, SLU BA NGES PA DANG 'GAL BA'I 'KHRUL BA GZHAN YANG NGES PA DANG 'GAL BA'I 'KHRUL BA'I 'BRAS BU NYID DU RTOGS PA RANG LAS TSAD MA NYID DU KHAS LEN PA NA MI 'GYUR TE, NGES PAR 'KHRUL BA'I RGYU BSAL BA'I PHYIR RO, ,PHYIN CI LOG PA ZHES BYA BA NI SLU BA LA BRTEN PA'O, ,'ON TE ZHES BYA BA LA SOGS PA NI PHA ROL PO RTZOD PAR BYED PA YIN TE, TSAD MA MA YIN PA LA 'JUG PA NI SLU BAR 'GYUR TE, TSAD MA MA YIN PA DE YANG GZHAN LAS NGES PAR KHAS BLANGS PA NYID YIN NO, ,GANG YANG TSAD MA MA YIN PA DE LA 'JUG

235a

, ,PA NI SLU BA YIN TE, DE NI RANG NYID LAS TSAD MA YIN PAR 'DOD PA'I PHYIR JI LTAR RANG LAS TSAD MA NYID DU DAM BCA' BA LA RJES SU DPAG PAS GNOD PA YIN ZHE NA, BSAM PA MA SHES PHYIR ZHES BYA BA LA SOGS PAS LAN 'DEBS PAR BYED DE, 'DIR BRJOD PAR 'DOD PA NI 'DI YIN TE, GAL TE KHYED CAG TSAD MA THAMS CAD TSAD MA NYID YIN PAR KHAS LEN PA DE'I TSE TSAD MA NYID DU NGES PAS BSKYED PAS TSAD MA LA KHYAB PO ZHES KHAS BLANGS PAR 'GYUR RO, ,DE LTA NA TSAD MA MA YIN YANG GANG KHO NA TSAD MA'I KHYAB PAR BYED PA'I TSAD MA NYID DU NGES PAS MA BSKYED PA DE LAS SHUGS KYIS TSAD MA MA YIN PA NYID GNAS PA YIN TE, TSAD MA DANG TSAD MA MA YIN PA NI PHAN TSUN RNAM PAR GCOD PA'I NGO BO YIN PA'I PHYIR RO, ,DE LTA NA TSAD MA MA YIN PA YANG SHUGS KYIS DE KHO NA LAS YIN PAR 'GYUR TE, SLU BA DANG RGYU'I SKYON SHES PA LA LTOS PA MED PA YIN PA'I PHYIR DANG TSAD MA NYID DU NGES PA MA SKYES PA KHO NA TSAD MA MA YIN PAR NGES PA YIN PA'I PHYIR RO, ,DE LTA YIN DANG, 'DI YI NGES PA GNOD BYED KYI, ,SHES PA GZHAN LAS 'DOD PA YIN, ,ZHES GANG SMRAS PA DE NI MI 'THAD DO, ,DE LTA YIN DANG SKYES PA'I DE MA THAG NYID DU TSAD MA'I NGES PA SKYED PA DANG MI SKYED PA DAG GIS TSAD MA DANG CIG SHOS GNYIS NGES PA'I PHYIR TSAD MA MA YIN PA YONGS SU NGES PA LAS RTOGS PA DANG LDAN PA SU YANG 'JUG PAR MI SRID PA'I PHYIR SLU BA SRID PAR GA LA 'GYUR, DE RTOGS PHYIR ZHES BYA BA NI SLU BA RTOGS PA'I PHYIR DE NGES PA'I PHYIR RO ZHES BYA BA'I DON TO, ,'DIS KYANG DAM BCA' BA'I SKYON BSTAN PA'I SGO NAS GTAN TSIGS KHYAB PA MED PA GSAL BAR BYED PA'I PHYIR GTAN TSIGS KYI SKYON NYID DU BLTA BAR BYA'O, ,DAM BCA' BA'I SKYON NI MA YIN TE, DE LTA YIN DANG DAM BCA' BA SGRUB PAR BYED PA'I YAN LAG MA YIN BA'I PHYIR DE'I SKYON BRJOD PA NI SKYON MIN BRJOD PA YIN TE PHYIR RGOL BA TSAR BCAD PA'I GNAS SU 'GYUR RO, ,BUM PA LA SOGS PA GZHAN NI, ,ZHES BYA BA'I DPE MA GRUB PAR BSTAN PAR BYA BA'I PHYIR, SKYE BA LAS NI MA GTOGS PA'I, ,ZHES BYA BA LA SOGS PA SMOS TE, 'ON TE

235b

SKYE BA'I DUS PHYIS RDZAS MKHAN LA SOGS PA LA LTOS PA MED PA'I SBRANG RTZI DANG CHU 'DZIN PA LA SOGS PA'I DON BYA BA BYED PA BUM PA NYID MTHONG BA NYID MA YIN NAM, DE JI LTAR DE DAG SKYE BA LAS MA GTOGS PA'I DUS SU YOD PA YIN ZHE NA, DE DAG DUS PHYIS ZHES BYA BA LA SOGS PA SMOS TE, RANG GI NYER LEN PA NI RIGS MTHUN PA'I SKAD CIG SNGA MA SNGA MA'O, ,SOGS PA'I SGRAS DE 'DZIN PA'I SKYES BU LA SOGS PA GZUNG NGO, ,'DI SKAD DU BSTAN PA YIN TE, DUS PHYIS RANG NYID NYE BAR LEN PA LA SOGS PA LA LTOS NA 'JUG PA BUM PA LA SOGS PA'I MTSAN NYID GZHAN MTHONG GI, SKYE BA'I DUS PHYIS GNAS PA NI 'GA' YANG GRUB PA MA YIN TE, DNGOS PO THAMS CAD SKAD CIG MA YIN PA'I PHYIR RO, ,JI LTAR DANG PO'I SHES PA NI ZHES BYA BA LA SOGS PA LA, GZHAN LAS TSAD MAR GNAS PA NA, ,ZHES BYA BA LA SOGS PA SMOS TE, 'ON TE ZHES BYA BA LA SOGS PAS PHA ROL PO RTZOD PAR BYED PA LA SMRAS PA ZHES BYA BA LA SOGS PAS LAN 'DEBS PAR BYED DE, 'DIR BSDUS PA'I DON NI 'DI YIN TE MI SLU BAR BYED PA'I SHES PA NI TSAD MA YIN PAR BRJOD DE, TSAD MA SLU BA MED CAN GYI, SHES PA SHES BSHAD PA'I PHYIR RO, ,MI SLU BA DE YANG DON BYED BA'I MTSAN NYID CAN KHO NA YIN TE, TSAD MA BSAM PA NI DE'I DON DU YIN PA'I PHYIR RO, ,GANG GI PHYIR RTOG PA DANG LDAN PA DON BYED PA DON DU GNYER BA RNAMS TSAD MA'AM TSAD MA MA YIN PA'I TSUL GYIS ZHEN PAS NI MA YIN NO, ,DON BYED PA DE YANG BTZO BA DANG SREG PA LA SOGS PAR SNANG BA'I SHES PA SKYED PA'I MTSAN NYID CAN TE, DE SKYES PA NYID NA DON BYED PA DON DU GNYER BA 'JUG PA'I RE BA LDOG PA'I PHYIR, DON BYED PA'I SHES PA DE YANG RANG RIG PA'I MNGON SUM GYI RANG NYID KYIS 'BYUNG BA YIN TE, GSAL BA NYAMS SU MYONG BA'I PHYIR DE MA THAG TU NYAMS SU MYONG BA JI LTA BZHIN DU RNAM PAR DPYOD PA'I SHES PA SKYE BAS NGES PA'I PHYIR RANG NYID LAS YIN PAR GRUB PA YIN GYI, GANG GI DON BYED PAR SNANG BA'I SHES PA GZHAN SKYED PA'I RJES SU 'BRANG BA NA THUG PA MED PAR 'GYUR BA SKYES BUS DE'I BSGRUB PAR BYA BA'I 'BRAS BU GZHAN 'DOD PA YANG MA

236a

, ,YIN NO, ,DE BZHIN DU 'JIG RTEN NA NGOMS PA LA SOGS PA'I 'BRAS BU MNGON PAR 'DOD DE, DE YANG TSIM PA DANG YONGS SU GDUNG BA MED PA LA SOGS PA'I SHES PA 'BYUNG BA NYID LAS MNGON PAR GRUB PO ZHES BYA BA DE TZAM GYIS SKYE BO RNAMS YONGS SU MGU NA LDOG PAR 'GYUR BA'I PHYIR DE RANG LAS 'DOD PA GRUB PA YIN NO ZHES BRJOD DO, ,DE YANG DE'I RGYUR GYUR PA'I SHES PA SNGON DU 'GRO BA CAN DE'I DE THOB PA'I NUS PA TSAD MA ZHES BYA LA, NUS PA DE YANG MA GOMS PA'I PHYIR 'BRAS BU MI SHES PAS NGES PAR GZUNG BAR MI NUS PA'I PHYIR PHYIS KYI 'BRAS BUS SHES PA 'JUG PAR NGES PAR BYED PA'I PHYIR DANG PO GZHAN LAS TSAD MA NYID DU BRJOD DO, ,GZHAN YANG RNAM PA GZHAN GYIS KYANG THUG PA MED PA SPANG BA'I PHYIR, DANG PO DNGOS MED YUL CAN NI, ,ZHES BYA BA LA SOGS PA SMOS TE, GAL TE DANG PO THOG MA'I SHES PA DNGOS PO MED PA LA 'JUG PAR 'GYUR NA, DE'I TSE PHYIS 'BYUNG BA'I 'BRAS BU'I SHES PA SKYE BAR MI 'GYUR TE, RGYU MED PA'I PHYIR LA DON BYED PA'I SHES PA NI DNGOS PO DANG 'BREL PA YIN PA'I PHYIR RO, ,ME MA YIN PA 'DZIN PA'I SHES PA LAS MYA NGAN 'TSONG GI ME TOG LA SOGS PA LAS MER NGES PA NYID KYIS 'JUG PA LAS BTZO BA DANG SREG PA LA SOGS PAR SNANG BA'I SHES PA SKYE BA MA YIN LA SKYE NA YANG 'DI ME KHO NA YIN NO, ,GANG LAS SHE NA ME'I MTSAN NYID NI BTZO BA DANG, SREG PA LA SOGS PA'I 'BRAS BU SKYED PA'I RGYU NYID TZAM YIN PA'I PHYIR RO, ,DE'I PHYIR JI SRID CES BYA BA NI 'DI LA MJUG SDUD PAR BYED PA YIN NO, ,'ON TE DON BYED PA'I SHES PA BZHIN DU DANG PO'I SHES PA YANG ME'I DNGOS POS SKYED PA NYID MA YIN NAM, DES NA CI'I PHYIR DE NYID LA TSAD MA MA YIN PA NYID DU DOGS KYI PHYI MA LA NI MA YIN ZHES DOGS PA LA, RJES THOGS 'BRAS BU ZHES BYA BA LA SOGS PA SMOS TE, DANG PO'I SHES PA LA NI 'KHRUL PA'I RGYU YOD PA DE 'DI LTAR MJUG THOGS SU BTZO BA LA SOGS PA'I 'BRAS BU MA BYUNG BA DANG, 'KHRUL PA'I SHES PA DANG CHOS MTHUN PA DANG BLO MI GSAL BA DANG, SOGS PA'I SGRAS MA GUS PA DANG, ,MA GOMS PA

236b

ZHES BYA BA LA SOGS PA GZUNG NGO, ,'BRAS BU'I SHES PA LA NI 'KHRUL PA'I RGYU CUNG ZAD KYANG YOD PA MA YIN PA'I PHYIR RANG LAS NGES PA YIN NO, ,SHES PA DANG PO LA YANG GANG GOMS PA LA SOGS PAS 'KHRUL PA'I RGYU MTSAN BSAL BA DE NI RANG NYID LAS TSAD MA NYID YIN NO ZHES STON PA'I PHYIR, GOMS PAS 'JUG NA ZHES BYA BA LA SOGS PA SMOS TE, GOMS PA'I STOBS KYIS DPER NA RNAL 'BYOR BA RNAMS SAM, NOR BU DANG, DE DANG 'DRA BA LA SOGS PA LA DE RIG PA RNAMS 'KHRUL PA'I RGYU MTSAN THAG RING DU SPANGS PA'I RNAM PAR SHES PA GSAL BAR SNANG BA SKYE BA YIN LA, DE BZHIN DU GZHAN LA YANG GOMS PA'I STOBS KYIS GSAL BA RAB TU SNANG BA NYID KYIS 'KHRUL PAR DOGS PA GSAL BA CAN SKYE BA NA BAR MA CHOD PAR RIGS MTHUN PA THUN MONG PA'I RNAM PAR NGES PA CAN GYIS RNAM PAR GCOD PA'I SHES PA SKYES PA NA DE'I YUL RIGS MI MTHUN PA LAS LDOG PAR NGES PA'I PHYIR DE RANG NYID LAS TSAD MA YIN PAR BRJOD DO, ,GANG YANG GOMS PA DANG LDAN PAS 'JUG PA NA DE 'DRA BA'I MTSAN NYID KYI RTOG PA MTHONG BA'I PHYIR RJES SU DPAG PA KHO NA LAS DON THOB PA'I NUS PA'I MTSAN NYID KYIS TSAD MA NYID NGES PA'I PHYIR THAMS CAD DU GZHAN LAS TSAD MA NYID DU NGES PAR BYA'I, LA LAR RANG LAS NGES PA NI MA YIN NO SNYAM DU SEMS PA STE, DE NI KHO BO CAG GIS MA GO STE, 'DI LTAR MA 'DRES PA'I DE DANG 'DRA BA'I MTSAN NYID KYI RTOG PA NGES PA NYID GANG LAS BYUNG ZHES BYA BA BRJOD PAR BYA DGOS SO, ,GAL TE GOMS PA LAS SO ZHE NA, 'ON TE DE LTA NA 'KHRUL PA'I RGYU MED PA'I PHYIR GAL TE GOMS PA'I STOBS KYIS RIGS MI MTHUN PA'I RNAM PA RNAM PAR GCOD PAS RIGS MTHUN PA THUN MONG MA 'DRES PA'I 'DRA BA NYID NGES PAR BYED KYI, GANG GI DE NYAMS SU MYONG ZHING 'KHRUL PA'I RGYU DANG BRAL BA NA YANG MA NGES PA ZHES BYA BAR 'GYUR BA TSAD MA NYID LA CI ZHIG SNANG GZHAN YANG 'DRA BA ZHES BYA BA 'DI CI ZHIG ,GAL TE RTOG PA'I NGO BO YIN NA DE LOG PA'I SHES PA LA YANG YOD PA'I GTAN TSIGS MA NGES PA NYID YIN NO, ,CI STE DMAR PO'I RNAM PAR SNANG BA YIN NA, DE NI AA SHO KA'I ME TOG LA SOGS

237a

, ,PAR 'DZIN PA'I SHES PA LA YANG YOD PA'I PHYIR 'KHRUL PA NYID YOD PA YIN NO, ,CI STE ME TOG LA SOGS PA'I DNGOS PO'I 'BRAS BU NYID YIN NO ZHE NA, DE JI LTAR NGES PA BRJOD PAR BYA DGOS SO, ,DE GRUB PAR BYA BA'I DON DU RTAGS GZHAN GYI RJES SU 'BRANG BAR KHYED NA THUG PA MED PAR 'GYUR RO, ,YANG CI STE RTAGS KYI RJES SU 'BRANG BA MED PAR YANG GOMS PA'I STOBS KHO NA LAS DE MNGON SUM GYI RANG NYID LAS GRUB PO SNYAM NA NI DE LTA NA 'ON GAL TE GOMS PA'I NUS PA 'DI 'DRA BAR KHAS LEN PAR BYED PA DE'I RTAGS KYI RJES SU 'BRANG BA MED PAR NUS PA NGES PA YANG GOMS PA NYID LAS 'BYUNG NGO ZHES CI'I PHYIR KHAS LEN PAR MI BYED, GZHAN YANG GAL TE SHES PA DE'I 'BRAS BU NYID GRUB NA DE'I TSE KHYAB PA'I RJES SU 'BRANG BA DON MED DE, DE'I 'BRAS BU NYID DU NGES PA NYID KYIS RJES SU DPAG PA'I SHES PA BZHIN DU DON DE THOB PAR NUS PA GRUB PA'I PHYIR RO, ,CI STE RJES SU DPAG PA'I SHES PA DNGOS PO DANG 'BREL PA'I RTAGS LAS SKYE BA'I PHYIR RGYUD NAS DNGOS PO'I 'BRAS BU NYID DU NGES PA NYID LAS RANG LAS TSAD MA NYID YIN GYI, 'DRA BA'I STOBS KYIS NI MA YIN TE, DE LTA MA YIN NA THUG PA MED PAR 'GYUR RO, ,DE BZHIN DU 'DIR YANG RANG KHO NA LAS TSAD MA NYID DU 'GYUR TE, 'DI LTAR GANG LAS PHYOGS NGES NA YANG BSGRUB PAR BYA BA'I DON RTOGS PA MI SKYE BA DER NI RTOGS PA PO DPE'I CHOS CAN LA KHYAB PA'I RJES SU 'BRANG BAR BYED DE DPER NA BYAS PA DANG MI RTAG PA BZHIN NO, ,'DIR SHES PA YOD PA'I 'BRAS BU NGES PA NYID KYI DON DE LA MI 'KHRUL PA NYID KYIS DE THOB PA'I NUS PA GRUB PA YIN GYI DE DANG 'DRA BA'I RTAGS KYIS NI MA YIN NO, ,GAL TE DE LTA NA SLOB DPON GYIS 'JIG RTEN RGYANG PHAN PA'I DBANG DU MDZAD NAS DE SHES PA'I GSAL BA 'GA' ZHIG GI 'JUG PA LA GLU BA DANG MI SLU BA DAG DMIGS NAS JI LTAR NYE BAR BSTAN PA LA 'JUG PA MI 'KHRUL BAR BYA BA'I PHYIR MNGON SUM KHO NA TSAD MA YIN GYI RJES SU DPAG PA NI MA YIN NO ZHES DE'I MTSAN NYID LA KHYAB PAR SMRA BAR BYED PA NA, JI LTAR CHOS MTHUN PA MTHONG BA LAS JI LTAR RAB TU BSGRUB PA DE NI RJES SU

237b

DPAG PAR BYA BA LAS MA 'DAS SO ZHES JI LTAR GSUNGS SHE NA, SKYON 'DI NI MED DE RANG DANG GZHAN GYI RGYUD LA 'JUG PA'I NYAMS SU MYONG BA'I YUL CAN GYI BLO'I DBANG DU BYAS NAS 'DI GSUNGS PA YIN TE, YUL NYAMS SU MYONG BA LAS MA GTOGS PA ZHES BSHAD PA'I PHYIR RO, ,GZHAN DU GAL TE 'DRA BA LAS THAMS CAD DU TSAD MA NYID DU KHAS LEN PAR BYED NA DE'I TSE YUL NYAMS SU MYONG BA LAS MA GTOGS PA ZHES BYA BA'I DGAG PA DON MED PAR 'GYUR RO, ,DE LTA BAS NA GOMS PA'I STOBS LAS 'KHRUL PA'I RGYU MTSAN NYID SPANGS PAR SKYE BA GANG YIN PA DER RANG NYID LAS TSAD MA YIN NO ZHES BYA BAR GNAS SO, ,JI LTAR DNGOS PO'I SHES PA DE NI MI SLU BA LA LTOS PA ZHES BYA BA LA SOGS PA GANG SMRAS PA DE LA, RIGS MI MTHUN ZHES BYA BA LA SOGS PA SMOS TE, GANG LA TSAD MA NYID DU NYAMS SU MYONG BA YANG 'KHRUL PA'I RGYU SRID PA'I PHYIR NGES PAR MI NUS PA DER NI DON BYED PAR SNANG BA'I SHES PA GZHAN LAS NGES PA YIN TE, DE TZAM NYID KYIS SKYES BU'I MNGON PAR 'DOD PA'I DON GRUB PAS RE BA CHAD PA'I PHYIR MI SLU BAS KYANG MI SLU BA GZHAN DE KHO NA BZHIN DU STE DANG PO'I SHES PA BZHIN DU, LTOS PAR BYA BA MA YIN NO, ,GAL TE 'GA' ZHIG RANG NYID LAS, ,ZHES BYA BA LA SOGS PA LA, 'KHRUL PA'I RGYU NI MED PA'I PHYIR, ,ZHES BYA BA LA SOGS PA SMOS TE, 'ON TE THE TSOM MED PA'I DON MED NA MI 'BYUNG BA NYID DU MA NGES PA'I DON TSAD MA'I NUS PA CAN GYIS SHES PA GANG YIN PA DE RJES SU DPAG PA BZHIN DU TSAD MAR MI 'GYUR TE, JI LTAR RJES SU DPAG PA DON MED NA MI 'BYUNG BAR THE TSOM ZA NA TSAD MAR MI 'DOD PA DE BZHIN DU MNGON SUM YANG MI 'GYUR RO ZHE NA, SKYON 'DI MED DE, GANG GI PHYIR RJES SU DPAG PA BZHIN DU MNGON SUM DON MED NA MI 'BYUNG BA'I BDAG NYID STON PA NA TSAD MA NYID DU 'DOD PA NI MA YIN NO, ,'O NA CI ZHE NA, SNANG BZHIN PA'I DON NGES PAR BYED PA NA STE, 'DI LTAR DON BYED PA DON DU GNYER BA MNGON PAR 'DOD PA'I DON THOB PAR BYED PA'I PHYIR TSAD MAR BRJOD KYI DON GYI YUL DU SKYES BU GTONG BAR BYED PA'AM, SKYES BU'I YUL DU DON 'GUGS PAR BYED

238a

, ,PA NI DE THOB PAR BYED PA MA YIN TE, 'ON KYANG SKYES BU 'JUG PAR BYED PA YIN NO, ,SKYES BU DE YANG LAG PA NAS BZUNG NAS 'JUG PAR BYED PA NI MA YIN NO, ,'O NA CI ZHE NA, 'JUG PA'I YUL NYE BAR STON PA LAS YIN LA, NYE BAR STON PA DE YANG SNANG BZHIN PA'I DON NGES PAR BYED PA LAS YIN GYI, GZHAN NI MA YIN NO, ,GANG YANG THE TSOM ZA BA DER GDON MI ZA BAR SNANG BZHIN PA'I RNAM PA NGES PA YOD PA YIN TE, DE MA NGES NA DE RNAM PAR DPYOD PA MI RUNG BA'I PHYIR RO, ,DE LTA YIN DANG DE TZAM GYIS MNGON SUM GYI BYA BA YONGS SU RDZOGS PA YIN LA, PHYIS 'BYUNG BA'I DON MED NA MI 'BYUNG LA THE TSOM ZA BAS NI MNGON SUM GYI BYA BA LA MI GNOD PA'I PHYIR THE TSOM YOD NA YANG MNGON SUM TSAD MA NYID DU 'GYUR BA KHO NA'O, ,GANG YANG SNANG BA'I DNGOS PO DANG 'GAL BA'I RNAM PAR NGES PA DANG LDAN PA SKYE BA DER NI TSAD MA MA YIN TE, DE LTA NI SMIG RGYU 'DZIN PA'I SHES PA RGYU NGES PA DANG LDAN PA LTA BU STE, DE JI SKAD DU BSHAD PA'I TSAD MA'I BYA BA MED PA'I PHYIR RO, ,GANG YANG, DUNG LA SER POR SHES PA DANG, NOR BU'I 'OD LA NOR BUR SHES PA DE YANG TSAD MA MA YIN PA NYID DO, ,DE LA DON LA JI LTA BA BZHIN SNANG BA DANG NGES PA DAG MED PA'I PHYIR RO, ,MNGON SUM GYIS 'DZIN PA DANG MI 'DZIN PA NI SNANG BA'I DBANG GIS YIN GYI, DON LA MI SLU BA TZAM LAS NI MA YIN NO, ,'DI LA YUL DANG DUS DANG RANG BZHIN DANG GNAS SKABS JI LTA BA BZHIN DU SNANG BA YOD PA MA YIN LA, YUL DANG DUS DAG KYANG DNGOS PO'I RANG BZHIN THA DAD DU BYED PA NYID YIN PA'I PHYIR, YUL DANG DUS DE NYID DU 'GYUR BA DE NI MA YIN TE, DE LTA MA YIN NA THA DAD PA'I THA SNYAD RGYUN CHAD PAR 'GYUR RO, ,RJES SU DPAG PA NI RNAM PAR RTOG PA'I BDAG NYID YIN PA NYID KYI SPYI'I YUL CAN YIN PAS DNGOS PO MI SNANG BA'I DBANG GIS DNGOS PO'I YUL CAN DU RNAM PAR GZHAG PA NI MA YIN NO, ,'O NA CI ZHE NA, NGES PA'I DBANG GIS TE, JI SKAD DU, NGES PA RNAMS KYI MA NGES GANG, ,DE NI DE DAG JI LTAR YUL, ,ZHES BSHAD PA LTA BU'O, ,DE LTA YIN DANG RJES SU DPAG PA NI DER SNANG BAS

238b

STONG YANG MED NA MI 'BYUNG BA'I DON MTHONG BA'I STOBS KYIS SKYED PA'I PHYIR BRGYUD NAS DNGOS PO DANG 'BREL PAS TSAD MA NYID YIN PA'I PHYIR GDON MI ZA BAR DE LA MED NA MI 'BYUNG BA NGES PA LA LTOS PAR BYA BA YIN TE, DE LTA MA YIN NA RJES SU DPAG PA SKYE BA MI SRID PA'I PHYIR RJES SU DPAG PA MNGON SUM DANG MTSUNGS PA MA YIN NO, ,'ON TE RNAM PAR SHES PA DE, ,ZHES BYA BA LA SOGS PAS GZHAN GYIS GZHAN LA TSAD MA NYID YIN NA PHAN TSUN BSNYEN PA NYID DU STON PA YIN TE, 'DI LTAR RTOG PA SNGON DU GTANG BA RNAMS TSAD MA NYID DU NGES PA LA 'JUG LA, 'JUG PA NA YANG TSAD MA NYID DU NGES PA'I PHYIR PHAN TSUN BSTEN PAS JI LTAR RTOG PA DANG LDAN PA 'DOD PA'I DON MA NGES PA NA 'JUG PAR 'GYUR ZHE NA, BRJOD PA ZHES BYA BA LA SOGS PAS LAN 'DEBS PAR BYED DE, 'JUG PA NI RNAM PA GNYIS TE, DON BYED PA'I DON CAN DANG, TSAD MAR NGES PA'I DON CAN NO, ,DE 'JUG PA DANG PO'I THE TSOM YOD NA YANG JI LTAR 'GYUR BA DE LTAR BSTAN ZIN TE, MNGON SUM MI SNANG BAR NGES PAR BYED PA TZAM NYID KYIS 'JUG PAR BYED PA YIN PA'I PHYIR RO, ,DES NA DE LTA NA RTOG PA DANG LDAN PA NYAMS PAR THAL BAR MI 'GYUR TE, DON DE LA THE TSOM ZA BAS KYANG ZHING PA LA SOGS PA BZHIN DU 'JUG PA MTHONG BA'I PHYIR RO SNYAM DU BSAMS PA YIN NO, ,RTOG PA SNGON DU BTANG BAS ZHING PA LA SOGS PA THABS NGES PAS 'JUG GO ZHES KYANG BRJOD PAR NUS PA MA YIN TE, THABS NI THABS LAS BYUNG BA LA LTOS PA'I PHYIR THABS BYUNG BA MA NGES PAR DE NGES PA MI RUNG BA'I PHYIR RO, ,'JUG PA GNYIS PA LA YANG DE TSAD MA NYID DU THE TSOM ZA BA YOD NA YANG CHES RIGS PA YIN NO ZHES BSTAN PA'I PHYIR, GANG LA DE YI TSAD MA NYID, ,CES BYA BA LA SOGS PA SMOS TE, GANG LAS GANG GI PHYIR DE TSAD MA NYID DU NGES PA LA THE TSOM GYIS 'JUG PA NYID KYI PHYIR SKYES BU DES THABS NGES PA NYID YIN NO, ,DE LTA NA THABS KYI YUL LA THE TSOM MED PA'I PHYIR 'JUG PAR RIGS PA NYID YIN NO, ,JI LTAR DER THABS DE NGES PA YIN ZHE NA, DE LTAR THE TSOM GYIS 'JUG KYANG, ,ZHES BYA BA LA SOGS PA SMOS TE, TSAD MA NYID

239a

, ,YANG THE TSOM GYIS 'JUG NA YANG ZHES BYA BA'I DON TO, ,LHAG MA NI GO BAR SLA BA'I PHYIR RNAM PAR MA PHYE'O, ,DON BYED SNANG BA'I SHES PA NI, ,ZHES BYA BA LA SOGS PAS GZHAN DAG DON BYED PA'I SHES PA LAS TSAD MA NYID DU NGES PA MA NGES NYID DU BSTAN PA'I PHYIR THUG PA MED PA NYID SGRUB PAR BYED PA YIN TE, DE YI RGYU NI DNGOS PO YANG, ,ZHES BYA BA NI DON BYED PAR SHES PA'I RGYU STE CI'I PHYIR TSAD MA NYID MA YIN ZHES 'BREL TO, ,DE MIN ZHES BYA BA LA SOGS PAS LAN 'DEBS PAR BYED DE, RE ZHIG GAL TE PHYI ROL GYI DON DU SMRA BA'I SANGS RGYAS PA LA RTZOD PA BYED NA DE MA GRUB PO ZHES TSIGS SU BCAD PA DANG POS BSTAN TE, 'DI LTAR PHYI ROL GYI DON DU SMRA BA DES DON LA MI SLU BA'I PHYIR TSAD MA NYID DU 'DOD KYI, DON BYED PA'I SHES PA LA MI SLU BA'I PHYIR NI MA YIN NO, ,RMI LAM LA DON LA MI SLU BA YOD PA YANG MA YIN TE, RMI LAM GYI GNAS SKABS THAMS CAD 'KHRUL PA NYID DU THAMS CAD LA RTZOD PA MED PA'I PHYIR RO, ,DER SHES PA THAMS CAD DON MED PA KHO NAR SKYE BA'I PHYIR YUL MED PA NYID YIN TE, DES NA SAD PA'I GNAS SKABS NA 'BYUNG BA'I SHES PA LA TSAD MA'I MTSAN NYID 'JUG PA'I PHYIR, GZHAN GYIS 'KHRUL PA MI RIGS SO SNYAM DU BSAMS PA YIN NO, ,GZHAN YANG 'JUG PA SNGON DU 'GRO BA CAN MA YIN PA DANG, MI BRTAN PA DANG, 'KHRUL PA'I RMI LAM DU DON BYED PA'I SHES PA DE LAS ZLOG PA SAD PA'I GNAS SKABS YIN PA'I PHYIR RNAM PA DE LTA BU'I TSAD MA NYID RMI LAM GYI MA NGES PA GANG LAS YIN, CI STE RNAL 'BYOR SPYOD PA LA RTZOD PA BYED NA, DE LA YANG 'DI NI MNGON SUM LA NYE BAR MI MKHO STE, 'DI LTAR, TSAD MA SLU BA MED CAN GYI, ,SHES PA ZHES BYA BA 'DI NI THA SNYAD PA'I TSAD MA'I MTSAN NYID YIN PAS DE LAS DON BYED PAR SNANG BA'I SHES PA RIGS PA NYID MI SLU BA YIN TE, DE LTAR SKYE BA NA 'JIG RTEN DE THA NYAD DU BYED PA'I PHYIR TE, DON DU GNYER BA 'JUG PA NI DE'I DON DU YIN PA'I PHYIR RO, ,DE NYID LA 'JIG RTEN NA THA SNYAD THAMS CAD DON DAM PA PA NYID DU MNGON PAR ZHEN PA'I PHYIR, THA SNYAD PA'I SHES PA DE YANG SAD PA'I GNAS

239b

SKABS NA YOD PA NYID YIN GYI RMI LAM GYI GNAS SKABS KYIS NI MA YIN NO, ,DE LTA YIN DANG, SAD PA DE SHES PA YIN PA NA ZHES BYA BA'I KHYAD PAR LA BRTEN PA'I PHYIR CIG SHOS KYIS 'KHRUL PA MA YIN NO, ,'DI SNYAM DU RNAM PA THAMS CAD KYIS SNANG BA MTSUNGS NA YANG 'DI NI SAD PA'I GNAS SKABS SO, ,'DI NI RMI LAM GYI GNAS SKABS SO ZHES BYA BA'I THA DAD PA'I NGES PA 'DI JI LTAR YIN SNYAM DU SEMS NA, DE'I PHYIR, RANG RIG PA'I NGO BO'I ZHES BYA BA LA SOGS PA SMOS TE, GO BAR ZAD DO, ,BRGYA LA ZHES BYA BA LA SOGS PA GZHAN GYI KLAN KA DOGS PAR BYED DE, GAL TE GZHAN LAS TSAD MA NYID DU NGES NA DE'I TSE TSAD MA GZHAN GYI GZHAL BAR BYA BA YIN PA'I PHYIR DE GZHAL BYA NYID DU 'GYUR NA, TSAD MA NYID GZHAL BYAR RIGS PA YANG MA YIN TE, 'GAL BA'I PHYIR RO ZHES RGOL NA DE NI 'GAL BA MED PA MA YIN ZHES BYA BAS LAN 'DEBS TE, DE NI ZHES BYA BA NI 'DI NA'O, ,LTOS PA THA DAD PA'I PHYIR RGYU DANG 'BRAS BU DANG MA DANG BU MO'I THA SNYAD BZHIN DU MI 'GAL LO, ,'DI NYID STON PA NI DE'I GZUNG BYA'I ZHES BYA BA LA SOGS PA STE, SHES PA DES GZUNG BAR BYA'I DNGOS PO GANG YIN PA DE LA LTOS NAS TSAD MA KHO NA YIN GYI GZHAL BYA NI MA YIN LA, RNAM PAR 'JOG PA'I TSAD MA GZHAN LA LTOS NAS NI GZHAL BYA KHO NA YIN GYI TSAD MA NI MA YIN PA'I PHYIR 'CHOL BA'I NYES PA MED DE, RGYU DANG 'BRAS BU NYID SOGS BZHIN, ,ZHES BYA BA NI LTOS PA THA DAD PAS MA 'CHOL BA BZHIN NO, ,DE LTA BU ZHES BYA BA LA SOGS PAS MJUG SDUD PAR BYED DO, ,GZHAN LA NI 'DOD PA LDOG PHYIR, ZHES BYA BA NI GZHAN YANG YIN LA 'DOD PA YANG YIN NO ZHES TSIG RNAM PAR SBYAR BA'AM, GZHAN YANG DE MI SLU BA GZHAN LA 'DOD PA NI GZHAN LA 'DOD PA STE, DE ZLOG PA ZHES BSDU'O, ,GZHAN YANG, TSAD MA SLU BA MED CAN GYI, ,SHES PA ZHES BYA BA 'DIS DON BYED PA NYAMS SU MYONG BA'I MTSAN NYID KYI 'BRAS BU'I RGYU'I SHES PA'I MTSAN NYID 'DI BRJOD PA YIN TE, DE LTA YIN DANG 'BRAS BU'I SHES PA'I MTSAN NYID MI 'JUG PA'I PHYIR DE JI LTAR TSAD MA NYID DU NGES ZHES BYA BA'I RTZOD PA 'DI GO

240a

, ,SKABS JI LTAR YOD, 'DI LTAR MYU GU'I RGYU SA BON NO ZHES BYA BA DE'I MTSAN NYID YIN PA NA, JI LTAR MYU GU'I SA BON NYID YIN ZHES JI LTAR MKHAS PA RNAMS LA 'THAD PA 'BYUNG BAR 'GYUR, JI LTAR SA BON DE YOD PA NA MYU GU MTHONG BA'I PHYIR RTOGS PAR 'GYUR BA DE BZHIN DU TSAD MA YANG DE YOD NA DON BYA BA'I MTSAN NYID KYIS MTHONG BA'I PHYIR, SHES PA'I BDAG NYID KYI 'BRAS BU RANG NYID LAS RIG PAS GRUB PA'I PHYIR GANG LA THUG PA MED PA THAL BAR 'GYUR BA 'BRAS BU DE TSAD MA GZHAN GYIS RTOGS PA MA YIN LA, SHES PA'I RANG GI NGO BO LAS 'KHRUL PA SRID PA YANG MA YIN PAS DE MA NGES NA RANG RIG PA NYID MED PAR THAL BAR 'GYUR BA'I PHYIR 'DI NI GYI NA'O, ,DA NI RGYU RNAM PAR DAG PA'I SGO NAS TSAD MA NYID DU DES NA THUG PA MED PA'I SKYON, RNAM PAR SHES PA SKYES PA NA, ,ZHES BYA BA LA SOGS PA TSIGS SU BCAD PA GCIG GIS PHYOGS SNGA MA NYE BAR BKOD NAS, 'DIR BLO BZANGS ZHES BYA BAS LAN 'DEBS PAR BYED PA YIN NO, ,SHES PA NI RNAM PA GNYIS TE, NYE BA'I YUL CAN DANG BSKAL BA'I YUL CAN NO, ,DE LA RE ZHIG NYE BA'I YUL CAN GANG YIN PA DE NI RGYU'I YUL CAN NGES PAR BZUNG BA LAS TSAD MA NI MA YIN NO, ,'O NA CI ZHE NA, DON BYED PA LA MI SLU BA'I SHES PA LAS TE, 'DI LTAR DE LA JI SRID DU DON BYED PA LA MI SLU BA'I LAS YANG DAG PA NYID DU MA NGES PA DE SRID DU RGYU'I YON TAN NGES PAR 'DZIN PA SRID PA MA YIN NO, ,DE LTA YIN DANG YANG DAG PA NYID DU NGES PA NI DUS PHYIS 'BYUNG BA'I RGYU'I YON TAN NGES PAR 'DZIN PA CUNG ZAD KYANG MI BYED PA NYID DO, ,GANG YANG BSKAL BA'I DON GYI SHES PA NI DE'I RGYU'I YON TAN NGES PA LAS TSAD MA NYID DU NGES PA'I YON TAN NO ZHES BSTAN PA'I PHYIR, BSKAL BA'I NI ZHES BYA BA LA SOGS PA SMOS TE, BSKAL BA'I YUL CAN GSER GYI DUNG 'DZIN PA'I SHES PA RNAM PAR DAG PA'I RGYUS BSKYED PA GANG YIN PA DE NI DE YIS SKYED PA NYID KYI PHYIR TE, RNAM PAR DAG PA'I RGYUS SKYED PA'I PHYIR NYE BA'I YUL CAN GYI DUNG DKAR POR 'DZIN PA'I SHES PA BZHIN DU TSAD MA NYID DU NGES PA YIN NO, ,SBYOR BA NI GANG

240b

ZHIG RGYU RNAM PAR DAG PAS BSKYED PA DE NI TSAD MA YIN TE, DPER NA NYE BA'I DON GYI YUL CAN GYI DUNG DKAR POR 'DZIN PA'I SHES PA BZHIN NO, ,LKOG TU GYUR PA'I DON GYI YUL CAN GYI SER PO'I RNAM PA CAN GYI DUNG LA SOGS PA'I SHES PA 'DI YANG RNAM PAR DAG PA'I RGYUS BSKYED PA YIN NO ZHES BYA BA NI RANG BZHIN GYI GTAN TSIGS SO, ,'ON TE GTAN TSIGS 'DI MA GRUB PA MA YIN NAM, DON LA MI SLU BA MED PAR RGYU DAG PAR NGES PAR GZUNG BAR MI NUS TE, DBANG PO RNAMS NI DBANG PO LAS 'DAS PA YIN PA'I PHYIR RO, ,DON LA MI SLU BA LA LTOS NA YANG DE NYID LAS TSAD MA NYID DU NGES PA'I PHYIR RGYU'I YON TAN NGES PAR BZUNG BA DON MED PA KHO NAR 'GYUR TE, DE NI TSAD MA NYID DU NGES PA LA DUS PHYIS NGES PAR 'BYUNG BA NYID YIN PA'I PHYIR RO, ,CI STE YANG GCIG GI TSE NYE BA'I YUL CAN GYI RNAM PAR SHES PA DON BYED PA LA MI SLU BAS YON TAN DANG LDAN PA NYID DU NGES NAS RNAM PA GZHAN DU BSKAL BA DANG LDAN PA'I YUL CAN GYI SHES PA LA YANG MI SLU BA MED PAR DUS GZHAN DU YON TAN DANG LDAN PA NYID DU NGES PA'I PHYIR RO SNYAM NA, DE NI YANG DAG PA MA YIN TE, SKAD CIG GIS 'JIG PA'I DNGOS PO RNAMS NI NGO BO GCIG NYID KYIS 'JUG PA SRID PA MA YIN TE, RKYEN GZHAN DANG GZHAN NYE BAR SBYAR BAS SKAD CIG RE RE NUS PA THA DAD PA YIN NO ZHES BYA BA 'DI THAMS CAD DOGS PAR BYAS NAS, JI LTAR MDUN NA ZHES BYA BA SMOS TE, 'DIS NI 'DI SKAD DU BSTAN PA YIN TE, GANG GIS GTAN TSIGS MA GRUB PAR 'GYUR BA SKAD CIG RE RE LA RKYEN GZHAN DANG GZHAN NYE BAR SBYOR BAS NUS PA THA DAD PA SRID PA'I PHYIR KHO BO CAG GIS DUS GZHAN DU 'BYUNG BA'I BSKAL BA'I YUL CAN GYI SHES PA'I RGYU YONGS SU DAG PAS TSAD MA NYID DU NGES PA NI MA YIN NO, ,'O NA CI ZHE NA, GANG KHO NA'I TSE NYE BA'I YUL CAN GYI SHES PA DUNG DKOR POR 'DZIN PA DKAR POS BSGRUB PAR BYA BA'I DON THOB PAS RGYU DAG NGES PA DE KHO NA'I TSE BSKAL BA'I YUL NA GNAS PA'I GSER GYI RANG BZHIN GYI DUNG LA SER PO'I RNAM PA CAN GYI BLO GANG YIN PA SKYE BA DE NI RGYU YONGS SU DAG PA LAS TSAD MA NYID DU NGES

241a

, ,PAR BYED PA YIN GYI, NYE BA'I DON GYI YUL CAN GYI SHES PA DON BYED PA LA SLU BAR 'GYUR DU 'DOD PAS DE'I GNAS SKABS NYID NA RGYU RNAM PA GZHAN NYID DU SRID PA NI MA YIN NO, ,'DI YANG KHYED CAG DPYOD PA PA RNAMS KYI 'DOD PA KHO NA MA YIN NO ZHES BSTAN PA'I PHYIR BSHAD PA BYED PAS SO, ,BKRES SOGS KYIS ZHES BYA BA SMOS TE, 'DIS NI DAM BCA' BA LA RANG GI TSIG DANG 'GAL BA YANG BSTAN PA YIN TE, 'DI LTAR BSHAD PA BYED PAS GANG GI TSE BKRES PA LA SOGS PAS YID DAM DBANG PO'AM PHRAD PA LA SOGS PAS PHYI ROL GYI DON RNAMS YIN TE, DE LAS LOG PA'I SHES PA YIN LA MA NYAMS PA DAG NI YANG DAG PA'I SHES PA YIN NO, ,DBANG PO DANG YID DANG DON NYE BA NI SHES PA'I RGYU YIN TE, DE MED NA SHES PA MED PA'I PHYIR RO, ,DE LA YOD PA'I SKYON NI LOG PA'I SHES PA'I RGYU YIN LA SKYON DANG BCAS PA LA SHES PA LOG PAR 'GYUR BA YIN TE, SKYON DANG BRAL BA NA YANG DAG PA'I RTOG PA SKYE BA'I PHYIR RO, ,'DI LTAR SKYON DANG BCAS PA DANG SKYON MED PAR RTOGS SHE NA, 'BAD PAS BRTZAMS PAS NA YANG TSAD MA MED PA'I PHYIR GAL TE SKYON MA RTOGS NA KHO BO CAG SKYON MED DO SNYAM DU SEMS SO ZHES BYA BA RGYAS PAR SMRA BA STE, GZHUNG 'DIS BSHAD PA BYED PAS RGYU YONGS SU DAG PA'I SHES PA LAS TSAD MA NYID DU NGES PA GSAL RAB TU BRJOD PA YIN TE, DE LTA MA YIN NA 'BAD PAS BTZAL PA ZHES BYA BA 'DIS CI ZHIG BSTAN PAR 'GYUR, DE LTA YIN DANG RANG LAS TSAD MA NYID DU DAM BCAS PA DANG 'GAL BA YIN NO, ,MI SLU BA'I YON TAN SHES PA DAG GANG GIS KHYAD PAR CAN DU BRJOD CES GANG SMRAS PA DE LA MI SLU BA LA SNGAR BSHAD ZIN TO, ,YON TAN GYI SHES PA LA, SKYON CAN RGYU YIS BSKYED PA YI, ,ZHES BYA BA LA SOGS PA SMOS TE, DANG PO ZHES BYA BA NI DON GYI SHES PA STE, DE'I RGYU DAG PA'I SHES PA LAS THOG MAR BYUNG BA'I PHYIR RO, ,DANG PO'I DON TSAD MA NYID DU ZHES BYA BA NI TSAD MA NYID DU NGES PA'O, ,DES ZHES BYA BA NI DE'I PHYIR GYI DON TE, DE LTAR DON BYED SHES PA LA, ,ZHES BYA BA LA SOGS PAS 'JUG PA

241b

SUN PHYUNG BA NYID MA YIN PAR STON TE, DON BYED MA BYAS YUL CAN ZHES BYA BA NI GANG GIS DON BYED PA MA BYAS PA DE LA DE SKAD CES BYA'O, ,BRJOD BYA MIN ZHES BYA BA NI BRJOD PAR MI BYA BA NYID DE SMAD PAR MI BYA BA ZHES BYA BA'I DON TO, ,'DI NI TSAD MA NYID DU NGES PA SNGON DU 'GRO BA CAN YIN NO SNYAM DU SEMS PA'O, ,DE PHYIR KUN LA SPYIR BTANG BAS, ,RANG LAS TSAD MA NYID DU GNAS, ,ZHES BYA BA LA SOGS PA LA, GAL TE KUN LA ZHES BYA BA LA SOGS PA SMOS TE, 'DI LA TSIGS SU BCAD PA DANG POS GZHAN GYI PHYOGS RJES SU BRJOD DE GNYIS PA LA SOGS PAS SUN 'BYIN PA YIN TE, GAL TE KHYOD KYIS GNOD PAR BYED PA LA SOGS PA'I SHES PA TSAD MA MA YIN PA NYID DU BRJOD NA DE LTA NA NI GNOD PAR BYED PA LA SOGS PA'I SHES PA MED PA'I PHYIR TSAD MA NYID DU MA NGES PAR KHAS BLANGS PAR 'GYUR RO, ,DE LTAR YIN DANG TSAD MA NYID GZHAN KHO NA LAS YIN PAR BSTAN PAR 'GYUR TE, DNGOS PO MED PA YANG TSAD MA GZHAN NYID DU 'DOD PA'I PHYIR RO, ,KHO BO CAG GI PHYOGS LA NI MI DMIGS PA'I MING CAN RJES SU DPAG PA'I KHONGS SU GTOGS PA'I PHYIR TSAD MA GZHAN MA YIN NO, ,GZHAN YANG SPYIR BTANG BA DANG DMIGS KYIS BSAL BA DAG GI YUL NI BRTAGS PA'I SGRA'I DON YIN PA NYID KYIS RNAM PAR MI GNAS PA'I PHYIR DNGOS PO BSAM PA LA DBANG DU BYAS PA MA YIN PA NYID LA, DNGOS PO THAMS CAD NI RANG RANG GI NGO BO LA GNAS PA NYID KYIS RANG BZHIN GZHAN LA RJES SU 'GRO BA MED PA'I PHYIR DE NYE BAR BKOD PA NI KHYED CAG SPYIR BTANG BA DANG DMIGS KYIS BSAL BA'I YUL MNGON PAR MI SHES PA KHO NA GSAL BAR BYED PA 'BA' ZHIG TU ZAD DO, ,'DI LTAR KHYED KYIS BRJOD PA'I 'THAD PAS PHYIN CI LOG TU YANG SPYIR BTANG BA DANG DMIGS KYIS BSAL BA BRTAG PAR NUS SO ZHES STON PA NI, RIGS PA 'DI NYID KHO NA YI, ,ZHES BYA BA LA SOGS PA SMOS TE, GANG YANG KU M'A RA RI LAS, ,DE LTAR RTOGS PA'I BDAG NYID KYIS, ,BLO NI TSAD MA MIN NYID THOB, ,DON GZHAN NYID DANG RGYU BYUNG BA'I, ,SKYON GYIS SHES PAS GSAL BA YIN, ,ZHES SMOS TE, PHYOGS 'DIS TSAD MA MA YIN PA RANG

242a

, ,LAS YIN PAR BRJOD PAR NUS SO ZHES BSTAN PA'I PHYIR RO, ,DE LTAR RTOGS PA'I BDAG NYID KYIS, ,ZHES BYA BA LA SOGS PA SMOS TE, BLO NI TSAD MA NYID THOB 'GYUR, ,ZHES BYA BA LA YIN ZHES DGAG PA'I TSIG GDON PAR BYA'O, ,JI BZHIN DON SHES TE DON LA MI SLU BA'I SHES PA DANG RGYU LAS BYUNG BA'I YON TAN GYI SHES PA STE, RGYUS KUN NAS BSLANG BA'I YON TAN GYI SHES PA ZHES GCIG TU BSDUS PA'I ZLAS DBYE BA'O, ,'DI NI GZHAN LA RAG LAS KYANG, ,ZHES BYA BA LA SOGS PA LA, TSAD MIN GZHAN LA RAG LAS NA, ,ZHES BYA BA LA SOGS PA [?] TE; 'DI NI ZHES BYA BA NI TSAD MA MA YIN NO, ,DE YANG ZHES BYA BA NI TSAD MA'O, ,JI LTAR MI GNAS SHE NA, 'DI LTAR ZHES BYA BA LA SOGS PA SMOS SO, ,RE ZHIG DON GZHAN NGES 'DZIN PA, ,ZHES BYA BA LA SOGS PA GANG SMRAS PA DE LA, DE LTAR GNOD PHYIR SHES PA LA, ,ZHES BYA BA LA SOGS PA SMOS TE, DNGOS PO MED PA ZHES BYA BA'I TSAD MA LA LTOS PAR BYA BA YIN PA'I PHYIR 'DI'I LTOS PA MED PA NYID KYI TSAD MA MA GRUB PA'O, ,CI STE YANG ZHES BYA BA LA SOGS PAS THUG PA MED PA NYID SGRUB PAR BYED PA YIN TE, GAL TE THUG PA MED PAS 'JIGS NAS LA LAR GNOD PA MED PA NYID DU YANG TSAD MA NYID DU 'DOD PA NA DE BZHIN DU SHES PA DANG PO YANG GNOD PAR BYED PA LA MI LTOS PAR 'GYUR LA, DE LTA YIN DANG SHES PA THAMS CAD TSAD MA NYID DU 'GYUR RO, ,DE LA YANG SNGA MA DANG LHAN CIG DOGS PA SKYE BA'I GNOD PA NI ZHES BYA BA LA SOGS PA GAR SMRAS PA DE LA, GAL TE GNOD BYED SHES PA 'DI, ,ZHES BYA BA LA SOGS PA SMOS TE, GAL TE GNOD PAR BYED PA'I SHES PA LA LTOS PA MED PAR TSAD MA'I NGO BO YIN NA, GANG GIS DE LA YANG SNGA MA SNGA MA DANG LHAN CIG DOGS PA SKYE BA'I GNOD PA NI LA LAR LTOS PAR YANG 'GYUR TE ZHES BRJOD PA DE DE LA GNOD PA'I BDAG NYID YIN, DE LTA YIN DANG, 'DI LA GNOD BYED LTOS MED PA'I, ,TSAD MA NYID NI DOGS PA YIN, ,ZHES BYA BA 'DI PHAN TSUN 'GAL BA BRJOD PA YIN NO, ,'DI LA LTOS PA MED CES BYA BA 'DIS NI NGES PAS YUL DU BYAS PA

242b

BRJOD PA YIN LA, GANG LA NGES PA YOD PA DER NI DOGS PA MI SRID DO, ,NGES PA DANG SGRO 'DOGS PA'I YID NI GNOD BYA GNOD BYED KYI NGO BO YIN PA'I PHYIR DANG, DOGS PA YANG CHA GNYI GA LA DMIGS PA NYID KYIS SGRO BTAGS PA'I RNAM PAR 'JUG PA NYID YIN PA'I PHYIR RO, ,'ON TE RJES MTHUN 'BAD PA YIS, ,ZHES BYA BA LA SOGS PA LA, RANG LAS TSAD MA'I PHYOGS LA YANG, ,ZHES BYA BA LA SOGS PA SMOS TE, GAL TE RANG NYID LAS TSAD MA NYID DU NGES PA DE'I TSE NGES PAS TSAD MA NYID LA KHYAB PA'I PHYIR SHUGS KYIS GANG DU YANG MA NGES PA DER TSAD MA MA YIN PA NYID DU GNAS PA'I PHYIR GNOD PA YOD PA 'BAD PA MED PAR YANG NGES PA'I PHYIR YOD PAR GRUB PAR BYA BA'I 'BAD PA DON MED DO, ,DE LTA YIN DANG RTOGS PA DANG LDAN PA SHES PA GCIG LA YANG LTOS PA'I GO SKABS MED NA GSUM LTA SMOS KYANG CI DGOS, DE'I PHYIR, DE LTAR RTOGS PA DANG LDAN PA, ,SHES PA GSUM PO SPONG MI BYED, ,CES BYA BA 'DI YANG MA 'BREL PA BRJOD PA YIN NO ZHES STON PA NI, DE'I PHYIR 'DI LA CI'I PHYIR, ,ZHES BYA BA LA SOGS PA'O, ,'DI SNYAM DU MI DMIGS PA TZAM GYIS GNOD PAR BYED PAR NGES PAR MI NUS TE, RING BA DANG PHRA PA DANG CHOD PA 'GA' ZHIG YOD NA YANG MI DMIGS PA'I PHYIR GNOD PAR BYED PA MED PAS MI DMIGS PA LA MA KHYAB PA'I PHYIR RO, ,DES NA GNOD PA MED PAR GRUB PAR BYA BA'I PHYIR 'BAD PA BYED PA YIN NO SNYAM DU SEMS NA, GAL TE DE LTA NA RTOGS PA DANG LDAN PA'I SHES PA GSUM GYIS NGES PA DOR BAR BYA BA YIN TE, SHES PA DANG PO BZHIN DU GZHAN LA YANG GNOD PAR DOGS PAR MI 'GYUR BA'I PHYIR RO, ,GANG GI GSUM DU NGES PAR 'GYUR BA JI SRID DU 'BRAS BU'I SHES PA MA SKYES PA DE SRID DU GNOD PA'I DOGS PA GANG GIS ZLOG PAR BYED, MNGON PAR ZHEN PA TZAM GYIS TSAD MA MED PAR RTOGS PA DANG LDAN PA DOGS PAR RIGS PA MA YIN NO, ,DE BZHIN DU GANG GIS SHES PA CUNG ZAD CIG SMRA BAR BYA BA DNGOS PO GNAS PAS TSAD MA SEMS PA TSIG DOR GYI THA SNYAD KYI SKABS NI MA YIN NO, ,YANG GAL TE SHES PA GSUM TSUN

243a

, ,CHAD TZAM GYIS TSAD MA NYID DU GNAS PAR 'GYUR NA, KYE MA 'O NA GANG DAG GI MIG JI SRID 'TSO'I BAR DU MIG SER GYIS NYAMS PA'I SHES PA DANG SER PO'I RNAM PA KHO NAR SKYE BA DE DAG GI SHES PA DE TSAD MAR 'GYUR RO, ,'DI SNYAM DU GAL TE TSAD MA MA YIN NA RTOGS PA DANG LDAN PA'I SHES PA GSUM GYIS PHYIS CI'I PHYIR GNOD PAR BYED PA SKYE BAR 'GYUR MA SKYES PA'I PHYIR MED DO ZHES BYA BAR NGES PA YIN NO SNYAM DU SEMS SO ZHES DOGS PA LA, DAG PA'I RGYU NI MED PHYIR ZHES BYA BA LA SOGS PA SMOS TE, DAG PA'I RGYU NI SHING DRUNG NA'I ME TOG GI KHU BAS BSKUS PAS TE DE MED PA'I PHYIR GNOD PA SKYE BA MA YIN NO, ,YANG NA RGYU MTSAN GZHAN GYIS NI, ,ZHES BYA BA NI JI LTAR MYA NGAN GYI SMIG RGYU'I TSOGS LA CHUR 'KHRUL PA SKYE BA'I SKYES BU DRUNG DU MA PHYIN PA'I CHU'I RANG BZHIN GYIS DBEN PA'I PHYIR MYA NGAM GYI THANG SNANG BA'I SHES PA MI SKYE BA LTA BU'O, ,GANG ZHIG RMONGS PAS RTOGS BYED PA, ,ZHES BYA BA LA SOGS PA LA DES NA DOGS 'DI ZHES BYA BA LA SOGS PA SMOS TE, JI LTAR RGYU YONGS SU DAG PA DANG MI SLU BA'I SHES PA NYID KYIS DOGS PA DE NI BSTAN ZIN TO, ,DE SKAD DU YANG NOR LHA'I BUS, ,ZHES BYA BA LA SOGS PA GANG SMRAS PA NI, BDAG NYID GUS PAS SMRA BA BDAG GIR BYED PA GSAL BAR BYED PA 'BA' ZHIG TU ZAD KYI DNGOS PO GNAS PA NI MA YIN NO, ,RIGS PA DANG MI LDAN PA'I TSIG TZAM LAS BSAM PA LAS 'DAS PA'I RTOG PA DANG LDAN PA GZHAN DE'I RANG BZHIN NGES PA SKYE BA MA YIN TE, 'DI LTAR NOR LHA'I BU'I TSIG BSAM PA GZHAN GYIS GNAS PA'I PHYIR 'GAL BA MED DO ZHES BSTAN PA'I PHYIR 'DIR YANG ZHES BYA BA LA SOGS PA SMOS TE, 'DIR YANG STE RTAG PA DANG MI SLU BA MTHONG BA DAG LA'O, ,KHYOD LTA BU DE BZHIN MI SLU BAS KYANG, SLAR YANG MI SLU BA LA LTOS, ,ZHES BYA BA DE LTA BUR DOGS PAR BYED PA GANG YIN PA DE LA, MA SKYES PA YIS TE KHYAB 'JUG GIS THE TSOM GYI BDAG NYID SMRAS PA YIN NO ZHES BYA BAR SRID PA YIN NO, ,DES NA GANG DU LA LAR NI, ,GNOD PA JI SNYED JI SRID PA, ,ZHES BYA BA LA SOGS PA LA,

243b

YUL DUS SKYES BU ZHES BYA BA LA SOGS PA SMOS TE, 'DIS NI RANG GI TSIG DANG 'GAL BAR STON PA YIN TE, 'DI LTAR YUL DANG DUS DANG SKYES BU DANG GNAS SKABS LA LTOS NAS TSAD MA NYID DU RTOGS PAR BYED NA, GZHAN KHO NA LAS ZHES GSAL RAB TU BSTAN PA YIN NO, ,GANG GI PHYIR YUL DANG DUS LA SOGS PA LA TSAD MA GZHAN LAS GNOD PA MED PAR NGES TE 'DI LTAR RANG LAS TSAD MA NYID DU KHAS LEN PA NA SHES PA THAMS CAD TSAD MA NYID DU THAL BAR 'GYUR DU 'ONG BAS GDON MI ZA BAR KHYOD KYIS GANG DU GNOD PA MED PA DE NYID RANG LAS TSAD MA YIN GYI, GZHAN NI MA YIN NO ZHES BRJOD PAR BYA DGOS LA, GNOD PA MED PA DE YANG 'KHRUL PA'I PHYIR MI DMIGS PA TZAM GYIS NGES PAR MI NUS PAS SHUGS KYI MTSAN NYID DU GYUR PA MI DMIGS PAS NGES TE DE NYID LA GNOD PA MED PAS KHYAB PA'I PHYIR RO, ,MI DMIGS PA'I MTSAN NYID DU GYUR PA MI DMIGS PA DE YANG SLU BA'I SHES PA LAS GZHAN DU MI DMIGS PA'I PHYIR TSAD MA GZHAN KHO NA LAS TSAD MA NYID DU NGES PAR KHAS BLANGS PAR 'GYUR RO, ,BU LON SOGS PA THA SNYAD LA'ANG, ,ZHES BYA BA LA SOGS PA LA, BU LON SOGS ZHES BYA BA LA SOGS PA SMOS TE; TSAD MA RNAM PAR GZHAG PA DNGOS PO'I RANG BZHIN DANG 'BREL PA'I GNAS SKABS YIN PA NA 'DOD PA TZAM GYIS SBYAR BA'I BAR DANG 'BREL PA'I TSIG DOR GYI BDAG NYID KYI BU LON LA SOGS PA'I THA SNYAD DPER BRJOD PA GANG YIN PA DE NI KHYED CAG GNAS SKABS MNGON PAR MI SHES PA NYID GSAL BAR BYA BA 'BA' ZHIG TU ZAD DO, ,DE NYID PHYIR NA LHA RNAMS LA'ANG, ,BDEN PA GSUM DU BRJOD PA YIN, ,ZHES BYA BA LA SOGS PA LA, LHA RNAMS KYI NI BDEN GSUM YANG, ,ZHES BYA BA LA SOGS PA SMOS TE, DANG POS ZHES BYA BA NI THOG MA'I TSIG LAS TE, NGES PA MED NA GZHAN LA STE, DUS PHYIS 'BYUNG BA'I TSIG GNYIS LAS 'DI NGES PAR MI 'GYUR TE KHYAD PAR MED PA'I PHYIR RO, ,'DI NYID STON PA NI, GANG GIS PHYI MA'I ZHES BYA BA LA SOGS PA STE, PHYI MA'I ZHES BYA BA NI DUS PHYIS 'BYUNG BA'O, ,YID MI CHES ZHES BYA BA NI

244a

, ,MA NGES NA'O, ,GZHAN NYID DE LAS ZHES BYA BA NI DE LAS GZHAN DUS PHYIS 'BYUNG BA GNYIS ZHES BYA BA'I DON TO, ,'DI LTAR GANG ZHIG TSIG GCIG DANG, GNYIS LAS LOG PA NYID SMRA BA NI GSUM PA YANG CI'I PHYIR MI SMRA STE, GANG GIS GSUM PA LAS YID CHES PA SKYE BAR 'GYUR BA DE'I TSE DE LAS SU ZHIG GEGS BYED, DES NA RANG LAS TSAD MA MIN, ,ZHES BYA BA LA SOGS PA LA, DE PHYIR SNGAR BSHAD RIGS PA YIS, ,ZHES BYA BA LA SOGS PA SMOS TE, SNGAR BSHAD PA YI RIGS PA NI, ,'DI LTAR GNOD PA MED PA'I PHYIR, ,KHYED KYIS TSAD MA NYID DU BRJOD, ,GNOD BYED LA YANG DNGOS MED PA, ,ZHES BYA'I TSAD MA GZHAN 'DOD KYIS, ,ZHES BYA BA LA SOGS PAS BSTAN PA'O, ,RTAG PA'AM YID CHES PA BYAS PAS ZHES BYA BA LA SOGS PA LA, KHO BO CAG GIS ZHES BYA BA LA SOGS PA SMOS TE, SNGAR TE THOS PA BRTAG PA'AM, TSIG BRTAG PAR RGYAS PAR BKAG ZIN PA'I PHYIR, DE MA GRUB BAS GANG LAS TSAD MA NYID DU SEMS PA 'JUG PAR 'GYUR, YID CHES PA NI RANG NYID KHAS MI LEN PAS DES BYAS PA'I NGAG KYANG MA GRUB PA NYID YIN TE, 'DI LTAR LOG PA'I RGYU 'DOD CHAGS LA SOGS PA'I SKYON MA LUS PA SPANGS PA GANG YIN PA DE NYID YID CHES PAR RIGS KYI GZHAN DU NI LOG PA'I RGYU 'DOD CHAGS LA SOGS PA'I SKYON DAG DANG LDAN PA'I SEMS CAN JI LTAR YID CHES PA NYID GRUB PAR 'GYUR, GANG GIS KHYED CAG GI LTAR NA YID CHES PA'I TSIG TSAD MAR 'GYUR BA KHYED CAG GIS NYON MONGS PA'I DRA BA MA LUS PA SPANGS PA'I SKYES BU 'GA' ZHIG KHAS LEN PA NI MA YIN NO, ,GZHAN YANG YID CHES PA YOD DU CHUG MOD, DE LTA NA YANG DE'I TSIG MA GRUB PA KHO NA'O ZHES STON PA NI, YID CHES GYUR NAS ZHES BYA BA LA SOGS PA SMOS TE, YID CHES PA NGES PAR MA BZUNG BAR TSIG 'DI'I YIN NO ZHES BYA BA LTA BUR NGES PAR BZUNG BAR MI NUS LA, YID CHES PAS NGES PAR BZUNG BA YANG SRID PA MA YIN TE, 'DI TAR RE ZHIG SKYON MA LUS PA ZAD PA DANG, DBANG PO LAS 'DAS PA'I DON MTHONG BA GANG YIN PA DE GAL TE YID CHES

244b

PAR NGES PAR 'DZIN PAR BYED PA DE LTA NA YANG DE'I TSIG NI CUNG ZAD KYANG MI BYED PA KHO NA STE, RANG NYID DON THAMS CAD MNGON SUM DU MTHONG BA NYID KYIS DE'I TSIG LAS MI 'JUG PA'I PHYIR RO, ,DES NA DE'I NGES PAR BZUNG BA'I DON MED PA YIN NO, ,GANG YANG GZHAN TSU ROL MTHONG BA DE NI YID CHES PA NGES PAR 'DZIN PAR MI NUS PA'I PHYIR 'DI DE'I TSIG DE LAS DON RTOGS PA MA YIN TE, MA NGES PA'I PHYIR RO, ,GANG DAG RIGS PA'I BLA MA RNAMS, ,ZHES BYA BA LA SOGS PA LA, RANG LAS TSAD MA ZHES BYA BA LA SOGS PA SMOS TE, NGES PA SKYE BA'I PHYIR ZHES BYA BA NI NGES PAR 'BYUNG BA'I PHYIR RO, ,DE LTA MA YIN TE GAL TE RANG LAS NGES PA SKYE BAR MI 'GYUR NA, DE'I TSE RANG LAS TSAD MA NYID DU SMRA BA NYAMS PAR 'GYUR TE, DE'I PHYIR YON TAN BKAG PA LA, ,ZHES BYA BA LA SOGS PA LA, NGAG NI SUN PHYUNG BA MIN TE, ,ZHES BYA BA LA SOGS PA SMOS TE, GAL TE YON TAN GYIS NYES PA RNAMS BSAL BA'I PHYIR YON TAN DANG LDAN PA'I TSIG NYES PA RNAMS KYIS SUN MA PHYUNG BA DE LTA NA YANG GZHAN GYI RGYUD LA 'JUG PA'I YON TAN RNAMS NI DBANG PO LAS 'DAS PA NYID KYI PHYIR DE MA NGES PAS YON TAN DANG LDAN PA'I TSIG KYANG NGES PAR MI NUS LA MA NGES PA NI RANG LA TSAD NYID DU NGES PA YANG MA YIN NO, ,YANG NA BYED PA PO MED PA NA SKYON MED PA DE DAG MI 'GYUR ZHES BYA BA 'DI LA, TSIG GIS MA BYAS PA NYID NI, ,ZHES BYA BA LA SOGS PA SMOS TE, DANG PO NYID DU ZHES BYA BA NI THOS PA DANG RTAG PAR RO, ,DE LAS SKYON MED YON TAN DAG ,CES BYA BA LA SOGS PA LA, YON TAN DAG LAS ZHES BYA BA LA SOGS PA SMOS TE, DE LTAR BSTAN ZHES BYA BA 'DIS NI, 'DIR YANG BLO BZANGS RNAMS KYIS NI, ,ZHES BYA BA LA SOGS PA RNAMS KYIS SO, ,NYES PA MED PAS MTSON PA'I TSIG NI RANG LAS TSAD MA YIN ZHES GANG SMRAS PA DE YANG MI RIGS TE YON TAN RNAMS NI DBANG PO LAS 'DAS PA YIN PA'I PHYIR TE YONGS SU MA SHES NA YON TAN GYI NGO BO'I BDAG NYID KYI SKYON MED PA MTSON PAR MI NUS PA NYID KYI PHYIR RO, ,'DI NYID STON PA NI, SKYON MED

245a

, ,NYE BAR MTSON PA YIN, ,ZHES BYA BA TE, 'DIS MTSON PAR BYED PAS NA MTSON PA YIN LA, MI MTSON PA NI MTSON PA MA YIN PA STE, MTSON PAR BYED PA MA YIN ZHES BYA BA'I DON TO, ,MI SHES PA'I PHYIR RO SNYAM DU BSAMS PA YIN LA, MI SHES PA YANG MTSAN NYID MA YIN NO ZHES STON PA NI, GANG PHYIR ZHES BYA BA LA SOGS PA'O, ,GZHAN YANG SKYON MED PA MTSAN NYID YIN DU CHUG MOD, DE LTA NA YANG RANG GI TSIG DANG 'GAL BAR THAL BAR 'GYUR BA'I PHYIR SKYON CAN 'DI YIN TE, 'DI LTAR GAL TE SKYON MED PAS TSAD MA NYID DU MTSON NA DE'I TSE GZHAN LAS TSAD MA NYID GSAL RAB TU BRJOD PAR 'GYUR LA, DE LTA NA YANG RANG LAS TSAD MA NYID YIN NO ZHES BYA BA'I TSIG 'DI 'GAL BAR 'GYUR RO, ,'DI NYID GSAL BAR BYED PA NI, ,DNGOS MED TSAD MAS ZHES BYA BA LA SOGS PA'O, ,GAL TE SKYON MED DNGOS MED PA, ,ZHES BYA BA'I TSAD MA GAL TE NGES PAR 'GYUR NA, DE'I 'DI MTSAN NYID DU MI 'GYUR TE, MA NGES PA MTSAN NYID DU MI RUNG BA'I PHYIR RO, ,DNGOS PO MED PAR NGES PAR BYED PA 'DI YANG TSAD MA MED PA'I PHYIR RO, ,'DI LTA YIN DANG GZHAN LA STE, ,DNGOS PO MED PA ZHES BYA BA LA TSAD MA NYID DU GSAL RAB TU BRJOD PAR 'GYUR RO, ,DE DAG YOD NA SKYES BU'I SKYON, ,YUL CAN SHES PA SKYE MI 'GYUR, ,ZHES GANG SMRAS PA DE LA, DE DAG YOD NA ZHES BYA BA LA SOGS PA SMOS TE, GAL TE YON TAN DAG YOD PA NA SKYON GYI YUL CAN GYI SHES PA MI SKYE NA GZHAN GYI RGYUD LA 'JUG PA'I YON TAN RNAMS NI DBANG PO LAS 'DAS PA NYID YIN PA'I PHYIR YONGS SU MA SHES NA SKYON MED PA NGES PAR MI 'GYUR TE, SKYON MED PA NI YON TAN GYI DNGOS PO'I BDAG NYID YIN PA'I PHYIR RO, ,BUM PAS DBEN PA'I SA PHYOGS LA SOGS PA YONGS SU MA SHES PAR NI BUM PA MED PAR SHES PAR MI NUS SO, ,'DI NYID STON PA NI ZHE SDANG GTI MUG CES BYA BA LA SOGS PA SMOS TE, DE DAG CES BYA BA NI SKYON RNAMS SO, ,GANG YANG GZHON NU MA LEN GYIS, ,YON TAN SHES PA NYID KYIS 'DIR, ,DE TSE

245b

BYA BA BYED MA YIN, ,SKYON MED NA NI YOD PA TZAM, ,PHAN 'DOGS BYED PAR SHES PAR BYA, ,ZHES ZER TE, 'DI NI YON TAN SHES PA ZHES BYA BA LA SOGS PAS DOGS PAR BYED DE, DE LA PHAN 'DOGS BYED CES BYA BA NI SKYON MED PAR NGES PA LA PHAN 'DOGS PA'O, ,DE LTA NA NI ZHES BYA BA LA SOGS PAS LAN 'DEBS PAR BYED PA STE, GAL TE YON TAN RNAMS YOD PA TZAM GYIS SKYON MED PAR NGES PAR BYED PA'I PHYIR 'JUG PAR 'GYUR NA, DE'I TSE NGES PAS DE DAG LA GNOD PA'I PHYIR YID CHES PAR 'DOD PA'I PHYIR SKYES BU 'GA' ZHIG LA SKYON MED PA LA THE TSOM DANG PHYIN CI LOG DAG TU MI 'GYUR NA DE LTA YANG MA YIN NO, ,DES NA NI DE'I PHYIR RO, ,JI SRID DU YON TAN DANG LDAN PA NGES PA MA SKYES PA DE SRID DU SKYON MED PA'I YUL CAN GYI THE TSOM DANG PHYIN CI LOG TU 'GYUR BA'I PHYIR YON TAN RNAMS NI YOD PA TZAM GYIS BYA BA LA 'JUG PAR BYED PA MA YIN NO, ,CI STE YANG YON TAN RNAMS KYI BYA BA SKYON MED PAR NGES PAR BYA BA'I PHYIR YIN PAR MA GYUR MOD, DE LTA NA YANG SKYON MED PAR MA NGES PA NYID LAS TSAD MA NYID DU 'GYUR RO SNYAM NA DE YANG RIGS PA MA YIN TE, SNGA MA BZHIN DU YID CHES PAR 'DOD PA'I SMRA BA PO DE LA MI MTHUN PA MED PAR THAL BAR 'GYUR BA'I PHYIR RO, ,DE'I TSIG RANG LAS TSAD MA NYID DU NGES PA NA SMRA BA PO DE LA CI 'DI BDEN PAR SMRA BA YIN NAM YANG NA MA YIN PA KHO NA ZHES MI MTHUN PAR RIGS PA MA YIN NO, ,'DIR LOG PA'I SGRAS NI THE TSOM BSDU STE, THE TSOM YANG GNYI GA'I CHA LA BRTEN PA NYID KYIS PHYIN CI LOG SRID PA'I PHYIR RO, ,GANG YANG KU M'A RA RI LAS, ,DE LTA BAS NA YON TAN LAS, ,SKYON RNAMS MED PA DE MED PAS, ,TSAD MA MIN PAR GNYIS MED DE, ,DES NA SPYIR BTANG MI SEL TO, ,ZHES BYA BA LA SOGS PA GZHAN 'DIR SMRAS PA DE YANG SKYON MED PAR MA NGES PA NI RIGS PA MA YIN NO ZHES STON PA NI, DE SKYON MED PAR MA SHES PHYIR, ,ZHES BYA BA LA SOGS PA LA, GAL TE THE TSOM DANG PHYIN CI LOG DMIGS KYIS BSAL BAR 'GYUR BA DAG DANG BRAL BA'I SHES PA 'GRUB PAR 'GYUR NA DE'I TSE TSAD MA NYID DU 'GYUR

246a

, ,GYI; DMIGS KYIS BSAL BA'I YUL LA JI LTAR SPYIR BTANG BAR 'JUG PAR 'GYUR, THE TSOM DANG PHYIN CI LOG DE DAG KYANG NYES PA'I RGYU NYID YIN PA'I PHYIR SKYON MED PAR MA NGES NA DE DAG MED PA YANG MI 'THAD DO, ,CI STE, TSAD MA MIN PAR GNYIS MED PAR, , ZHES BYA BA NI THE TSOM DANG PHYIN CI LOG MED PA NYID DU'O, ,MI MTHUN PA DE NYID STON PA NI, CI 'DI'I TSIG 'DI ZHES BYA BA LA SOGS PA'O, ,DE LTAR SKYON MED PA LA SOGS PA YOD PA TZAM GYIS TSAD MAR MA NGES PAR THAL BAR 'GYUR BA MI RIGS SO ZHES BSTAN ZIN TO, ,DA NI DE DAG YOD NA NGES PA LA LTOS NAS GZHAN LAS TSAD MA NYID DU THUG PA MED PAR THAL BAR 'GYUR RO ZHES BSTAN PA 'DI GNYIS RGYAS PAR BSTAN PA'I PHYIR, DES NA SKYON MED CES BYA BA LA SOGS PA SMOS TE, SKYON MED PA DANG TSAD MA MIN PA MED PA DE, TSAD MA MA YIN PA GNYIS MED PA DANG YON TAN DAG LAS GDON MI ZA BAR RTOGS PA DE NGES PA ZHES BYA BA KHAS BLANG BAR BYA STE, DE LTA MA YIN NA GANG TSAD MA NYID DU NGES PA MI RUNG BA'I PHYIR RO ZHES BSTAN ZIN PA'I PHYIR RO, ,GAL TE KHAS BLANG BAR BYA BA YIN MOD, ,DE LAS CIR 'GYUR ZHE NA, DE YANG ZHES BYA BA LA SOGS PA SMOS TE, JI SKAD DU BSHAD PA GSUM PO DAG LAS RTOGS PA 'DI TSAD MA'I YAN LAG NYID DU 'DOD PA NI CI TSAD MA MA YIN NAM, 'ON TE TSAD MA ZHES BYA BA RNAM PAR RTOG PA GNYIS SO, ,GAL TE RNAM PAR RTOG PA DANG PO YIN PA DE'I TSE TSAD MA NGES PA'I YAN LAG TU 'GYUR BA MA YIN TE, RANG NYID TSAD MA MA YIN PA'I PHYIR RO, ,TSAD MA MA YIN PA NYID DU BZUNG BA NI DNGOS SU THA SNYAD NGES PA'I YAN LAG MA YIN NO, ,CI STE PHYOGS GNYIS PA YIN PA NA DE'I TSE BRJOD PAR 'DOD PA'I SHES PA DE DAG GZHAN LAS TSAD MA NYID DANG THUG PA MED PA'I SKYON DU YANG THAL BAR 'GYUR RO, ,THUG PA MED PA NYID BSTAN PAR 'DOD NAS, RTOGS PA DE YI TSAD MA'I BDAG, ,CES BYA BA LA SOGS PA DRI BAR BYED DO, ,DE YANG ZHES BYA BA NI GNOD PAR BYED PA'I SHES PA MED PA'O, ,CI STE NYES PA 'DI 'DIR YANG RJES SU 'JUG PA YIN ZHE NA, TSAD MA YIN ZHE NA ZHES

246b

BYA BA LA SOGS PA SMOS TE GO BAR ZAD DO, ,'DI'I YANG ZHES BYA BA NI GNOD PAR BYED PA'I SHES PA MED PA'O, ,GZHAN YANG, DE LTA BAS NA YON TAN LAS, ,SKYON RNAMS MED PA ZHES BYA BA LA SOGS PA BSTAN PA'I RIGS PAS GAL TE THAMS CAD DU TSAD MA NYID DU NGES NA DE'I TSE TSAD MA THAMS CAD GZHAN LAS YIN PAR KHAS BLANGS PA DANG THUG PA MED PAR 'GYUR RO, ,DE STON PA NI, DE LTA BAS NA YON TAN LAS, ,ZHES BYA BA LA SOGS PA STE, SNGAR BSTAN NA ZHES BYA BA LA NI GZHAN GYI RGYUD LA YON TAN RNAMS NI TSU ROL MTHONG BA RNAMS KYI DBANG PO LAS 'DAS PA NYID KYI PHYIR DE MA NGES NA SKYON MED PAR YANG MI NGES PA'I PHYIR TSAD MA MA YIN PA GNYIS MED PA YANG MI NGES PAS YON TAN DAG LAS TSAD MA NYID 'GRUB PA MA YIN NO, ,CI STE DE DAG NI YOD PA TZAM GYIS PHAN 'DOGS PAR BYED PA YIN NA, DE'I BLO MI MTHUN PAR 'GYUR RO ZHES BYA BA DE LTA BU LA SOGS PA'I SKYON GYI TSOGS THAMS CAD DU THAL BAR 'GYUR RO, ,GZHAN YANG, DE LTA BAS NA YON TAN LAS, ,SKYON RNAMS MED PA ZHES BYA BA LA SOGS PA TSAD MA'I NGES PA'I YAN LAG NYID DU BRJOD PA TSAD MA MA YIN PA GNYIS MED PA DANG, SKYON MED PA ZHES BYA BA 'DI GNYIS PO GANG YIN PA DE CI MED PAR DGAG PA TZAM DU 'DOD DAM, 'ON TE MA YIN PAR DGAG PA'I BDAG NYID YIN ZHES BYA BA BRTAGS PA GNYIS SO, ,PHYOGS DANG PO LA NYES PA 'CHAD PA NI, SKYON MED CES BYA BA LA SOGS PA STE, GAL TE MED PAR DGAG PA TZAM DU 'DOD NA DE'I TSE DE GRUB PA NYID DU MI 'GYUR RO, ,'DI LTAR DE RANG LAS GRUB BAM 'ON TE GZHAN LAS GRUB, RANG LAS GRUB PA YIN NA YANG RANG NYID GSAL BA'I BDAG NYID KYIS SAM, NGES PA SKYED PAR BYED PA LAS YIN, GZHAN LAS YIN NA YANG RES 'GA' DMIGS PA LAS SAM, 'ON TE MA DMIGS PA LAS YIN ZHES BYA BA'I PHYOGS RNAMS SO, ,RE ZHIG RANG LAS GSAL BA'I BDAG NYID KYIS GRUB PA NI RIGS PA MA YIN TE, DE NI DNGOS PO MED PA'I BDAG NYID YIN PA'I PHYIR DANG, GSAL BA'I BDAG NYID KYANG DNGOS PO'I

247a

, ,CHOS YIN PA'I PHYIR RO, ,SHES PA KHO NA GSAL BA'I BDAG NYID DU RANG RIG PAS GRUB KYIS DNGOS PO'I RANG BZHIN BKAG PA TZAM GYIS MTSAN NYID KYI MED PA NI MA YIN NO, ,DE NI NGES PA SKYED PAR BYED PA LAS RANG LAS GRUB PA YANG MA YIN TE, DNGOS PO MED PA NI NUS PA THAMS CAD DANG BRAL BA'I MTSAN NYID YIN PA'I PHYIR SKYED PAR BYED PA NYID DU MI 'THAD PA'I PHYIR RO, ,SKYED PAR BYED PA NYID YIN NA YANG DNGOS PO'I NGO BO NYID DU THAL BAR 'GYUR BA'I PHYIR DANG, DE NI BOGS DBYUNG DU MED PA NYID KYIS LHAN CIG BYED PA LAS MI LTOS PA'I PHYIR DE YOD PA TZAM NA 'BYUNG BA'I 'BRAS BU LDOG PA MED PAR THAL BAR YANG 'GYUR BA'I PHYIR RO, ,GZHAN LAS DE DMIGS PA LAS DE GRUB PAR 'THAD PA MA YIN NO, ,GANG LAS SHE NA, DNGOS PO MED PA'I PHYIR TE, DNGOS PO MED PA'I BDAG NYID YIN PA'I PHYIR LA DMIGS PA NI DNGOS PO'I YUL CAN YIN PA'I PHYIR RO, ,MI DMIGS PA LAS KYANG DE MA GRUB PA YIN TE, THUG PA MED PAR THAL BAR 'GYUR BA'I PHYIR TE, 'DI LTAR MI DMIGS PA YANG DNGOS PO MED PA'I BDAG NYID YIN PAR JI LTAR GRUB CES DE LA YANG RANG NGAM GZHAN LAS ZHES BYA BA'I BSAM PA 'DI 'JUG PA NYID DO, ,RE ZHIG RANG LAS NI MA YIN TE, JI SKAD DU BSHAD PA'I SKYON DU THAL BAR 'GYUR RO, ,GZHAN LAS KYANG MA YIN TE, THUG PA MED PA'I SKYON DU 'GYUR BA'I PHYIR RO, ,THUG PA MED PA DE NYID STON PA NI, SKYON DANG TSAD MIN GNYIS MED PA, , ZHES BYA BA LA SOGS PA STE, SKYON DANG TSAD MA MA YIN PA GNYIS TE DE DAG MED PA ZHES BSDU'O, ,GNYIS PA MA YIN PA DGAG PA LA YANG SKYON 'CHAD PA NI, DE YANG MA YIN DGAG BDAG NYID, ,CES BYA BA LA SOGS PA STE, MA YIN PAR 'JUG PAS SKYON MED PA NI YON TAN BDAG NYID KHO NAR 'GYUR LA, DE LTA BAS NA YONGS SU SHES PA YANG YON TAN SHES PA'I BDAG NYID DU 'GYUR NA DE YANG MI 'DOD DO, ,YON TAN SHES PA NYID KYIS 'DIR, ,DE TSE BYA BA BYED MA YIN, ,ZHES SMRAS PA'I PHYIR RO, ,TSAD MA MA YIN PA GNYIS MED PA YANG

247b

MA YIN PAR DGAG PA'I PHYOGS LA TSAD MA'I BDAG NYID KHO NA GNAS LA DE LTA YIN DANG TSAD MA MA YIN PA GNYIS MED PA SHES NA YANG BRJOD PAR 'DOD PA'I TSAD MA'I RANG GI NGO BOR THAL BAR 'GYUR RO, ,DE LTA NA TSAD MA MIN PA GNYIS MED PA, ,DES NA SPYIR BTANG NI SEL TE, ,ZHES BYA BA MI 'THAD DE, 'BREL MED PA'I PHYIR RO, ,'DI LTAR DE NYID TSAD MA NYID DU NGES PA'I PHYIR DE TSAD MA NYID NGES PAR BYED DO ZHES RTAGS DANG RTAGS CAN GYI NGO BO'I TSIG GI DON 'BREL PA MED PAR 'GYUR TE, THA MI DAD PA'I PHYIR RO, ,GZHAN YANG RTAGS DANG RTAGS CAN THA MI DAD PA'I PHYIR DE LAS THA DAD PA YIN LA TSAD MA MA YIN PA GNYIS MED PA'I SHES PA DANG TSAD MA MA YIN PA GNYIS MI SHES PA LAS THA DAD PAR 'GYUR TE, MA YIN PAR DGAG PA'I BDAG NYID YIN LA DE LAS THA DAD PA LAS RIGS PA YOD PA MA YIN TE, GO SKABS GZHAN MED PA'I PHYIR RO, ,YANG NA TSAD MIN GNYIS MED PA, ,ZHES BYA BA LA SOGS PAS TSAD MA MA YIN PA GNYIS MED PAR GRUB PAR KHAS BLANGS NAS GZHAN GYI LUGS NYID KYIS GZHAN LAS TSAD MA NYID STON PA YIN NO, ,GZHAN DU MI 'THAD PAS SHES NA, ,ZHES BYA BA NI THE TSOM DANG PHYIN CI LOG DAG LAS GZHAN PA'I SHES PA NI RANG LAS TSAD MA NYID MA GTOGS PAR GO SKABS GZHAN MI SRID PA'I PHYIR RO, ,DE LTA BAS NA YON TAN LAS, ,ZHES BYA BA LA SOGS PAS BRJOD PA'I RIGS PA MA NGES PA NYID DU BSTAN PA'I PHYIR, KHYED LA RIGS PA ZHES BYA BA LA SOGS PA SMOS TE, 'DI ZHES BYA BA NI DE'O, ,DE CI ZHIG BRJOD PAR NUS SHE NA, DES NA SKYON LAS ZHES BYA BA LA SOGS PA SMOS TE, TSAD MA BZHIN ZHES BYA BA NI BDUN PA'I MTHA' CAN GYI RANG BZHIN YIN NO, ,DE YANG ZHES BYA BA NI TSAD MA MA YIN PA'O, ,LHAG MA NI GO BAR ZAD DO, ,NYES PA YOD DAM MED CES PA, ,ZHES BYA BA LA SOGS PA LA, NYES PA YOD DAM ZHES BYA BA LA SOGS PA SMOS TE, THOS PA BRTAG PAR RIG BYED KYI BYED PA PO BSGRUB PA'I PHYIR BYED PA MED PHYIR ZHES BYA BA MA GRUB PO, ,DES NA RTOG PA DANG LDAN PA KHO BO CAG LA RIG

248a

, ,BYED LA NYES PA'I RTOGS PA MED PA MA YIN TE, 'ON KYANG YOD PA KHO NA'O, ,DES NA LTOS PA MED PA'I PHYIR, ,RIG BYED TSAD MA 'GA' BRJOD PA, ,ZHES BYA BA LA SOGS PA 'DI LA, DES NA LTOS PA MED PHYIR RO, ,ZHES BYA BA LA SOGS PA SMOS TE, DE YANG ZHES BYA BA NI RIG BYED DO, ,RIG BYED DON LA TSAD GZHAN GYIS, ,ZHES BYA BA LA SOGS PA LA, GAL TE SHES PA MI SLU BA'AM, ,ZHES BYA BA LA SOGS PA SMOS TE, GAL TE DON BYED PA LA MI SLU BA'I SHES PA DANG, RGYUD DAG PA'I SHES PA 'DI GNYIS RIG BYED LAS TSAD MA NYID DU NGES PA'I RGYUR KHAS MI LEN NA DE'I TSE NGES PA'I RGYUR MA TSANG BA'I PHYIR RIG BYED TSAD MA NYID DU NGES PAR MI 'GYUR TE, RGYU MED PA'I 'BRAS BU MI SRID PA'I PHYIR RO, ,GZHAN LA YANG NI 'BREL PA NYID, ,CES BYA BA 'DI LA, GZHAN LA YANG DE LTAR GYUR PA ZHES BYA BA LA SOGS PA SMOS TE, DE LTAR GYUR PA'I ZHES BYA BA NI MI SLU BA DANG, YON TAN YONGS SU SHES PA NYID DO, ,'DI YANG THUG PA MED PA'I SKYON NI DANG PO NYID DU BSAL ZIN TO, ,DES NA NI DE'I PHYIR RO, ,GANG ZHIG TSAD MA YIN PA DE NI TSAD MA GZHAN DANG 'BREL PA LA LTOS PA MA YIN NO ZHES BYA BA 'DI MA NGES PA YIN TE, NGES PAR BYA BA'I DON DU TSAD MA GZHAN LA LTOS PA'I PHYIR RO, ,'DI NYID STON PA NI, DE YI TSAD MA NYID GNAS NA, ,ZHES BYA BA LA SOGS PA STE, 'DIS NI, GANG LA TSAD MA PHYI MAS KYANG, ,YONGS SU GCOD 'GYUR DE LA YANG, ,ZHES BYA BA LA SOGS PA DE YANG BSAL BA YIN TE, GZHAN LAS TSAD MA NYID DU NGES PA NA SHES PA SNGA MA'I DON THOB PAR NUS PA'I MTSAN NYID KYIS TSAD MA NYID DU NYE BAR 'GRO BA MA YIN NO, ,LAN CIG SKYES NAS 'JIG PA YI, ,DON LA TSAD MA NYID MI 'GYUR, ,ZHES BYA BA 'DI LA, LAN CIG SKYES ZHES BYA BA LA SOGS PA SMOS TE, DE NI ZHES BYA BA NI TSAD MA NYID DO, ,BSHAD PA'I RIM PA NYID BSTAN PA'I PHYIR, GAL TE RNAM SHES RGYU YI ZHES BYA BA LA SOGS PA SMOS TE, DON BYED DNGOS SU THOB PA ZHES BYA BA NI DE'I TSE DE LAS NGES ZHES SKABS DANG 'BREL PAR BYA'O, ,'ON

248b

TE DON BYED PA'I SHES PA GZHAN GYI YUL CAN YIN PA'I PHYIR DE LAS SHES PA SNGA MA TSAD MA NYID MI RIGS PA MA YIN NAM 'DI LTAR YAN LAG CAN GYI RDZAS MED PA'I PHYIR CHU'I YUL CAN GYI RTOG PA MED PA'I SHES PA NI GZUGS TZAM 'DZIN PA YIN LA, KHRUS LA SOGS PA'I DON BYED PA'I SHES PA NI RIG BYA TZAM GYI SPYOD YUL YIN PA'I PHYIR JI LTAR GZHAN LA DMIGS PA'I SHES PA GZHAN GYI YUL CAN GYI SHES PA TSAD MA NYID DU SGRUB PAR BYED DE, HA CANG THAL BAR 'GYUR BA'I PHYIR RO ZHE NA, SKYON 'DI NI MED DE, 'DUS PA LA YOD PA'I YUL GNYIS MED NA MI 'BYUNG BA'I PHYIR GZHAN LA DMIGS PA'I SHES PA YANG GZHAN GYI YUL CAN GYI SHES PA TSAD MA NYID DU SGRUB PAR 'GYUR GYI GZUGS DANG REG PA DE GNYIS THA DAD DU 'JUG PA NI MA YIN TE, TSOGS PA GCIG LA RAG LAS PA'I PHYIR RO, ,DE LA SNGAR GYI GZUGS KYI SHES PA DE NI DON MED PA LA YANG DON GYI NGO BOS 'JUG PAR MTHONG BA'I PHYIR DUS PHYIS 'BYUNG BA DE'I YUL MED NA MI 'BYUNG BA'I REG PA 'DZIN PA'I SHES PA LAS DE'I NGES PA SKYE BA LTOS PA YIN NO, ,'ON TE DE LTA NA YANG DNGOS PO THAMS CAD SKAD CIG MA YIN PA'I PHYIR SHES PA SNGA MAS GZUNG BA'I GZUGS MED NA MI 'BYUNG BA'I REG PA PHYIS KYI SHES PA 'JUG PAS YUL DU MA BYAS PA'I PHYIR JI LTAR DE LAS NGES PA YIN ZHE NA, SKYON 'DI NI MED DE, GZUGS LA SOGS PA'I SKAD CIG PHYI MA RNAMS SHES PA SNGA MAS GZUNG BA'I GZUGS LA SOGS PA'I SKAD CIG DANG DON BYED PAR KHYAD PAR MED PAR 'DOD PA NA GRUB PA DANG BDE BA THA MI DAD PA'I PHYIR GCIG NYID DU THA SNYAD DU BYED KYI, TSU ROL MTHONG BA RNAMS SKAD CIG MAS THA SNYAD DU BYED PA NI MA YIN NO, ,RNAM PA GCIG TU NA SHES PA SNGA MAS YONGS SU GCAD PA'I GZUGS LA SOGS PA'I DON MED NA, MI 'BYUNG BA'I PHYIR SHES PA PHYI MA'I YUL CAN YIN PA NYID THA DAD PA'I THA SNYAD YOD NA YANG DE LAS NGES PA MI 'GAL LO, ,MIG LA SOGS DANG 'BREL MED PA'I, ,RNA BLO'ANG TSAD MAR MI 'GYUR RO, ,ZHES BYA BA LA SOGS PA GANG SMRAS PA DE LA

249a

, ,RNA BA'I BLO YANG ZHES BYA BA LA SOGS PA SMOS TE, MIG LA SOGS PA'I BLO GZHAN DAG KYANG 'BREL PA MI 'GRUB PA NYID DE, 'DI LTAR PI WANG LA SOGS PA'I SGRA DANG DE DANG 'BREL PA'I GZUGS LA SOGS PA TSOGS PA GCIG LA RAG LAS PA'I PHYIR DU BAS BUD SHING 'GYUR BA DAG BZHIN DU PHAN TSUN MED NA MI 'BYUNG BA'I MTSAN NYID KYI 'BREL PA NYID YIN NO, ,RGYUN GYI 'JUG PA LA LTOS KYANG SNGA MA SNGA MA'I TSOGS PA PHYI MA PHYI MA GZHAN GYI RGYU YIN PA'I PHYIR DNGOS SU RGYU DANG 'BRAS BU'I MTSAN NYID KYI 'BREL PA YANG YOD PA NYID YIN NO, ,DE LTA YIN DANG DE 'DZIN PA'I SHES PA YANG DE'I SGO NAS BRGYUD NAS 'BREL PA YANG YOD PA YIN NO, ,DE'I PHYIR DE LTA BAS NA RNA BA'I BLO TSAD MAR GYUR PA NYID YIN TE, DE LAS GZHAN PA'I MIG LA SOGS PA'I BLO RNAMS DANG JI SKAD DU BSHAD PA'I 'BREL PA YOD PA'I PHYIR RO, ,'DI LTAR THAG RING POR PI WANG LA SOGS PA'I SGRA THOS PA LAS GLING BU LA SOGS PA'I SGRA DANG CHOS MTHUN PA'I PHYIR DE DON DU GNYER BA'I SKYES BU THE TSOM SKYES TE 'JUG PA NA PI WANG GI GZUGS MTHONG BA LAS CI 'DI PI WANG GI SGRA YIN NAM, 'ON TE GLING BU DANG GLU LA SOGS PA'I SGRA YIN ZHES SNGAR THE TSOM SKYES PA GANG YIN PA DE LDOG PA YIN NO, ,YUL GANG DU RDZA RNGA LA SOGS PA'I SGRA SNYAN PA THOS PA LAS 'JUG PA DON DE RTOGS PAR MI 'GYUR BA DER NI SLU BA'I PHYIR TSAD MA MA YIN PA NYID DU RTOGS PA YIN NO, ,SGRUB BYED GZHAN GYIS BSKYED PA'I BLO, , GNYI GA LA YANG YOD MA YIN, ,ZHES BYA BA LA SOGS PA LA, 'DIR NI SGRUB PAR BYED GZHAN GYIS, ,ZHES BYA BA LA SOGS PA SMOS TE, 'DI ZHES BYA BA NI PI WANG LA SOGS PA'I GZUGS 'DZIN PA'O, ,JI LTAR DBANG PO GCIG RAG LAS, ,SHES PA GZHAN DANG 'BREL PA YI, ,ZHES BYA BA LA SOGS PA LA, DE LTAR DBANG PO DU MA LAS, ,ZHES BYA BA LA SOGS PA STE, MI SNANG NGO ZHES BYA BA NI DBANG PO GZHAN LA RAG LAS PA'I SHES PA GZHAN DANG 'BREL PA'O, ,'DI JI LTAR MNGON SUM LA RGYUR BTAGS PA YIN ZHE NA, 'DI LTAR

249b

ZHES BYA BA LA SOGS PA SMOS TE, DBANG PO LAS BYUNG ZHES BYA BA NI GZUGS KYI YUL CAN GYI MIG GI RNAM PAR SHES PA ZHES BYA BA'I DON TO, ,GZHAN ZHES BYA BA NI DUS PHYIS 'BYUNG BA'O, ,'DI LTAR ZHES BYA BA LA SOGS PA LA, TSIG NI GCIG BU KHO NA YIS, ,ZHES BYA BA SMOS TE, 'DI NI DON LA MI SLU BA MA GRUB PA NYID DU BSTAN TE, 'DI LTAR MTHO RIS 'DOD PAS ME LA SBYIN SREG BYA'O ZHES BYA BA'I NGAG 'DI LAS RTOG PA DANG LDAN PA'I NGES PA'I RGYU MED PA'I PHYIR NGES PA MI SKYE BAS YUL DANG DUS LA SOGS PA LA MI SLU BA GRUB PA MA YIN NO, ,THAMS CAD DU SKYES BU GZHAN LA MI SLU BA RNYED PA YANG MA YIN NO ZHES BSTAN PA'I PHYIR, MTHO RIS SOGS LA BRAM ZE YANG, ,ZHES BYA BA LA SOGS PA SMOS TE, 'DI LTAR NGES TSIG BYED PA RNAMS KYIS MI LAS PHUL DU BYUNG BA'I SKYES BU'I KHYAD PAR GNAS PA'I RI RAB RI'I RTZE MO LA SOGS PA'I YUL GYI KHYAD PAR MI LAS PHUL DU BYUNG BA'I BDE BA'I RTEN PHUN SUM TSOGS PA DU MAS PHYUG PA NI MTHO RIS YIN NO ZHES RJOD PAR BYED LA, DPYOD PA RNAMS NA RE MI RNAMS KYI DGA' BA'I KHYAD PAR NYID MTHO RIS YIN NO ZHES BYA'O, ,MCHOD SBYIN LA YANG BLO MI MTHUN PA SNANG STE, SNGON GYI SKAL BA LA MCHOD SBYIN PA GANG GIS MCHOD SBYIN BYED PA NA BAG ZAN LAS BYAS PA'I PHYOGS KYIS SO ZHES THOS LA, BRTZE BA MED PA NGAN PA'I BDAG NYID CAN GZHAN DAG GIS NI SROG CHAGS KYI KHYAD PAR NYID PHYUGS YIN NO ZHES RJOD PAR BYED DO, ,DE PHYIR BRTEN PAR SKYES PA'O, ,ZHES BYA BA LA SOGS PA LA, BSKUL BAS BSKYED PA'I SHES PA LA, ,ZHES BYA BA LA SOGS PA SMOS TE, SNGAR ZHES BYA BA NI THOS PA BRTAGS PAR RO, ,GZHAN DANG MTSUNGS PA'I PHYIR ZHES BYA BA NI ME'I SBYIN SREG LAS MTHO RIS SU 'GYUR RO ZHES BYA BA NI, SKYES BUS BYAS PA'I TSIG LAS BYUNG BA'I RTOGS PA DANG MTSUNGS PA NYID YIN PA'I PHYIR RO, ,GZHAN YANG KHYED CAG GIS JI LTAR SKUL BAR BYED PA LAS BYUNG BA'I BLO YUL LA SOGS PA LA SMRAS PA MA YIN NO ZHES BYA BA 'DI NI TSIG TZAM YIN NO ZHES STON PA NI, SKUL BAR BYED PA LAS BYUNG BLO, ,ZHES BYA BA LA SOGS PA

250a

, ,SMOS SO, ,SGRA RNAMS KYI NI TSAD MA NYID, ,CES BYA BA LA SOGS PA LA, MNGON SUM GYI YANG TSAD MA NYID, ,CES BYA BA LA SOGS PA SMOS TE, MI 'DOD PA'I THOG TU GTONG BA NI THAL BAR 'GYUR BAR BRJOD LA, GANG GIS THAL BAR 'GYUR BA BYA BAR 'GYUR BA MNGON SUM DANG RJES SU DPAG PA LAS TSAD MA NYID DU GRUB PAR MI 'DOD PA YANG MA YIN NO, ,JI LTAR 'DIR RJES SU DPAG PAS MNGON SUM TSAD MA NYID DU BSGRUB PAR BYA BA DE LTAR SNGAR BSHAD ZIN LA, DE NYID DRAN PAR BYED PA NI, DAG PA'I RGYU YIS BSKYED PHYIR ZHES PA STE, DE LAS GZHAN BZHIN ZHES BYA BA NI YUL NYE BAR 'DZIN PA'I MNGON SUM BZHIN NO, ,TSAD MA RNAMS KYIS TSAD MA BZHIN, GZHAN DAG GANG ZHIG BSGRUB BYA ZHING, ,ZHES BYA BA LA SOGS PA LA, THAMS CAD LA NI ZHES BYA BA LA SOGS PA SMOS TE, JI LTAR DON BYED PA'I SHES PA LA 'KHRUL PA MED PA DE LTAR NI SNGAR SMRAS PA DNGOS PO LA MI SLU BA TSAD MA NYID DU BRJOD PA YIN ZHES BYA BA LA SOGS PA BSTAN ZIN TO, ,DES NA DON BYED PA LA MI SLU BA'I SHES PA TSAD MA NYID DU GRUB PA YIN NA THUG PA MED PAR MI 'GYUR RO, ,RJES SU DPAG PAS KYANG SGRUB PA NA THUG PA MED PAR MI 'GYUR RO ZHES BYA BAR BDAG DANG ZHES BYA BA LA SOGS PA STE, BDAG STE RANG BZHIN DANG 'BRAS BU YIN PAS DE SKAD CES BYA'O, ,MING DE RTAGS GANG LA YOD PA ZHES TSIG RNAM PAR SBYOR RO, ,'KHRUL PA MED PAR NGES PA GANG LA YOD PA DE LA DE SKAD CES BYA'O 'DI SKAD DU BSTAN PA YIN TE, DE'I BDAG NYID DANG DE LAS BYUNG BA DAG GIS 'BREL PA'I RANG BZHIN DANG 'BRAS BU ZHES BYA BA'I RTAGS NGES PA'I STOBS KYIS SKYE BA'I RJES SU DPAG PA NI 'KHRUL PA'I RGYU MED PA'I PHYIR RANG NYID LAS TSAD MA MA YIN PAS THUG PA MED PA MA YIN NO, , CI STE SGRUB BYED TSAD MA NYID, ,CES BYA BA LA SOGS PA LA, LA LAR ZHES BYA BA LA SOGS PA LA SMOS SO, ,GOMS PA LA SOGS PA'I NGES PA'I RGYU MED PA'I PHYIR LA LAR DE PHYOGS DANG PO LA 'KHRUL PA SKYE BA'I PHYIR DE'I RANG LAS TSAD MA NYID DU GRUB PA MA YIN NO, ,TSAD MA 'DZIN

250b

PA LAS SNGA ROL, RANG GI NGO BOS RAB TU GNAS, ,ZHES BYA BA LA SOGS PA LA, MI GSAL GSAL BA NYID YIN PAS, ,ZHES BYA BA LA SOGS PA SMOS TE, DON GANG LA MI GSAL BA GSAL BA YOD PA DE LA DE SKAD CES BYA'O, ,GDON MI ZA BAR SHES PA SHES PAR BYA DGOS TE; DE MA SHES NA THAMS CAD MI SHES PAR THAL BAR 'GYUR BA'I PHYIR TE, 'DI LTAR DON GSAL BA KHO NA SHES PA ZHES BYA'I GZHAN NI MA YIN TE, GSAL BA DE YANG LKOG TU GYUR PA YIN NO, ,DON YANG LKOG TU GYUR PA NYID DU THAL BAR 'GYUR TE, MI GSAL BA GSAL BA NYID KYI PHYIR, DPER NA GZHAN GYI RGYUD LA YOD PA'I MNGON SUM GYI YUL GYI DON BZHIN NO, ,SBYOR BA NI DNGOS PO GANG ZHIG GANG MI GSAL BA GSAL BA DE NI DE'I MNGON SUM MA YIN TE, DPER NA RGYUD GZHAN LA YOD PA'I MNGON SUM GYI YUL DU BYAS PA'I GZHAN BZHIN NO, ,RTZOD PA'I GZHIR GYUR PA'I 'GA' ZHIG GI SHES PA YANG MI GSAL BA GSAL BA YIN NO ZHES BYA BA NA KHYAB BYED 'GAL BA DMIGS PA'O, ,GTAN TSIGS MA NGES PA YANG MA YIN TE, DE DNGOS PO DE GSAL BAR SKYE BA TZAM GYIS MNGON SUM NYID YIN NA THAMS CAD MNGON SUM NYID DU THAL BAR 'GYUR BA'I PHYIR RO, ,DE LTAR YANG MA YIN TE, DE LTA BAS NA BZLOG PA YIN NO, ,JI LTAR RIGS PA MA YIN ZHES BYA BA LA SOGS PA LA, RANG NYID BEMS PO'I NGO BO'I PHYIR, ,ZHES BYA BA LA SOGS PA SMOS TE, MIG LA SOGS PA RNAMS NI YUL BZHIN DU BEMS PO'I NGO BO YIN PA'I PHYIR DNGOS SU YUL 'DZIN PA MA YIN GYI, RNAM PAR SHES PA LA RGYU'I NGO BOR 'GYUR BA TZAM GYIS DE DAG YUL 'DZIN PAR BRTAGS PA 'BA' ZHIG TU ZAD PAS MI SHES PA DE DAG NYID KYIS YUL CAN GYI SHES PA SKYED PAR BYED PAS YUL 'DZIN PA ZHES BYA BAR 'GYUR RO, ,DE LTAR GANG GIS MI SHES KYANG MIG LA SOGS PA BZHIN DU YUL 'DZIN PA ZHES BYA BAR 'GYUR BA RNAM PAR SHES PA YUL LA CUNG ZHIG BYED PA NI MA YIN NO, ,MNGON PAR GSAL BAR BYED DO ZHE NA MA YIN TE, SHES PA'I RNAM GRANGS YIN PA'I PHYIR RO, ,

251a

, ,MNGON PAR GSAL BA DANG, DMIGS PA DANG, YONGS SU GCOD PA DANG, YANG DAG PAR RIG PA ZHES BYA BA LA SOGS PA RNAMS NI RNAM GRANGS KYIS BRJOD KYI DON GZHAN NI MA YIN NO, ,RANG GI BDAG NYID LA BYED PAR RIGS PA YANG MA YIN TE, RANG GI BDAG NYID LA BYED PA 'GAL BA'I PHYIR DANG, SKYES PA DANG MA SKYES PA'I GNAS SKABS DAG NI YOD PA DANG MED PA YIN PA'I PHYIR RO, ,'DI LTAR SHES PA SKYES PA'I BDAG NYID BYED DAM, MA SKYES PA BYED GRANG, RE ZHIG SKYES PA NI MA YIN TE, DE'I BDAG NYID YIN NA YANG GRUB PA DANG BDE BA GCIG PA'I PHYIR TE, GANG ZHIG GANG DANG LHAN CIG GRUB PA DANG BDE BA GCIG MA YIN PA DE NI DE'I RANG BZHIN NYID DU RIGS PA MA YIN TE, HA CANG THAL BAR 'GYUR BA'I PHYIR RO, ,SKYES PA'I RANG BZHIN YANG BYED PAR MI RIGS TE, KHYAD PAR DU BYAR MED PA'I PHYIR DANG RGYUN MI 'CHAD PAR BYED PAR THAL BAR 'GYUR BA'I PHYIR RO, ,MA SKYES PA ZHES BYA BA'I PHYOGS KYANG MA YIN TE, MED PA'I PHYIR RO, ,MED PA LA BYA BA RIGS PA MA YIN TE, DE NI NUS PA THAMS CAD KYI RNAM PAR RTOG PA DANG BRAL BA'I MTSAN NYID YIN PA'I PHYIR RO, ,BYA BA MI BYED PA NI BYED PA NYID NYAMS PAR THAL BAR 'GYUR BA'I PHYIR RO, ,'DI NYID YOD PA'I MTSAN NYID YIN TE, DON BYA BA BYED PA NYID GANG YIN PA'O, ,DE LTA BAS NA DPE DON DANG MTSUNGS PA MA YIN NO, ,DE PHYIR 'DI NI TSAD MA LA, ,ZHES BYA BA LA SOGS PA LA, DES NA 'DIR NI TSAD MA LA, ,ZHES BYA BA LA SOGS PA SMOS TE, GAL TE SHES PA RANG RIG PAS RANG NYID LAS GRUB PA NA, 'O NA SHES PA RANG NYID LAS TSAD MAR GRUB PA MA YIN NAM ZHES PA DOGS PA BSU NAS, 'DIR NI 'DI TZAM DU 'GYUR TE, ,ZHES BYA BA LA SOGS PA SMOS TE, NYAMS SU MYONG BA ZHES BYA BA TZAM GYIS BDAG NYID THAMS CAD KYIS NGES PA SKYE BA MA YIN TE, NGES PA SKYE BA NI RGYU GZHAN LA LTOS PA'I PHYIR RO ZHES MANG DU BSTAN ZIN TO, ,DES NA ZHES BA'I DON THOB PAR 'DOD PA RANG RIG PAS BZUNG NA YANG 'KHRUL BA'I RGYU TSAD MA MA YIN PA DANG 'DRA BA'I

251b

GOMS PA MED PA LA SOGS PA SRID PA'I PHYIR NGES PA MA SKYES PAS MA NGES PA YIN NO, ,BRJOD DE, NGES PA DANG MA NGES PA DAG THA DAD PA'I PHYIR RO, ,SGRO 'DOGS PA RNAM PAR GCOD PA'I SGO NAS GZHAN LAS TSAD MA NYID DU 'DOD DO ZHES BYA BA LA SOGS PA 'GAL BA MED DO, ,JI SKAD DU, RANG LAS RANG GI NGO BO RTOGS, ,THA SNYAD LAS NI TSAD MA NYID, ,CES BSHAD PA BZHIN NO, ,DE BZHIN DON DU ZHES BYA BA NI TSAD MA NYID DU'O, ,TSAD MA MIN PA'ANG RANG DON LA, ,ZHES BYA BA LA SOGS PA LA, JI LTAR SHES PA GOMS PA LAS, ,ZHES BYA BA LA SOGS PA SMOS TE, GOMS PA LA YOD PA NI GOMS PA STE, JI LTAR GOMS PA'I STOBS KYIS TSAD MA NYID THAMS CAD DU RANG NYID NGES PAS SO ZHES BRJOD PA DE BZHIN DU LOG PA NYID KYANG 'GA' ZHIG TU RANG NYID LAS NGES PAR BYED PA YIN NO, ,DE LTAR YANG RAB RIB CAN LA SOGS PAS 'GA' ZHIG GOMS PA'I STOBS KYIS SKRA SHAD 'DZINGS PA LA SOGS PA'I SHES PA SKYED PA'I DE MA THAG KHO NAR LOG PA NYID NGES PAR BYED PA MTHONG BA KHO NA'O, ,DER YANG DON GZHAN DNGOS LA BLO, ,YANG NA RGYU NI SKYON CAN LA, ,ZHES BYA BA LA SOGS PA LA, GNOD DANG ZHES BYA BA LA SOGS PA STE, BSHAD PA YIN ZHES BYA BA 'DI 'DI LTAR GNOD PA MED PA'I PHYIR RO, ,KHYED KYIS TSAD MA NYID DU BRJOD, ,GNOD MED LA YANG DNGOS MED PA, ,ZHES BYA'I TSAD MA GZHAN 'DOD KYIS, ,ZHES BYA BA LA SOGS PA BSHAD PA LTA BU'O, ,DES NA ZHES BYA BA NI DE'I PHYIR RO, ,SKYE BA'I GNAS SKABS NYID NA 'DI, ,TSAD MA NYID CES BYA BAR NGES, ,ZHES BYA BA LA SOGS PA LA, SKYE BA'I GNAS SKABS NYID NA 'DI, ,ZHES BYA BA LA SOGS PA SMOS TE, SKYE BA'I GNAS SKABS 'DI NA CI BDAG NYID KYIS TSAD MA ZHES NGES SAM, 'ON TE LHAN CIG TU 'BYUNG BA'I SHES PA GZHAN GYIS SAM, YANG NA DUS PHYIS 'BYUNG BA YIN, ,ZHES BYA BA'I PHYOGS GSUM MO, ,DE LA RE ZHIG BDAG NYID KYIS NI MA YIN TE, SHES PA THAMS CAD NI BDAG NYID LA RTOG PA MED PA YIN PA'I PHYIR TSAD MA'O SNYAM DU 'DZIN PA MI 'THAD DO, ,

252a

, ,GZHAN GYI SHES PAS RIG PAR 'DOD PA YANG MA YIN TE, BLO RTAG TU LKOG TU GYUR PAR KHAS LEN PA'I PHYIR RO, ,DUS MTSUNGS PAR 'BYUNG BA'I SHES PA GZHAN GYIS KYANG MA YIN TE, RNAM PAR SHES PA GNYIS CIG CAR MI 'BYUNG BA'I PHYIR RO, ,DUS PHYIS 'BYUNG BAS KYANG MA YIN TE, SHES PA GZHAN YANG MA GRUB PA NI DES GZUNG BAR BYA BA'I SHES PA YANG MI GSAL BA GSAL BA NYID DU MA GRUB PA'I PHYIR RO, ,DE YANG SHES PA GZHAN GYIS BSGRUB PAR 'DOD NA THUG PA MED PAR THAL BAR 'GYUR BA'I PHYIR RO, ,DES NA GANG DU'ANG LOG PA NYID, ,CES BYA BA LA SOGS PA LA, RIG BYED LA'ANG ZHES BYA BA LA SOGS PA SMOS TE, SANGS RGYAS PA RNAMS KYI NI CHOS MTHUN PA TZAM RIG BYED LA GNOD PAR BYED PA'I TSAD MAR BRJOD PA NI MA YIN NO, ,'O NA CI ZHE NA, DER BSHAD PA'I BDAG DANG SPYI'I TSIG GI DON LA TSAD MAS GNOD PA'I PHYIR TE, DE YANG BDAG BRTAG PA LA SOGS PAR BSTAN ZIN TO, ,GZHAN YANG THOS PA BRTAG PAR RIG BYED SKYES BUS BYAS PA NYID DU BSGRUBS ZIN PA'I PHYIR DANG, SKYES BUS MA BYAS PA NYID YIN NA YANG NAGS KYI ME LA SOGS PA BZHIN DU LOG PA NYID KYI RGYU SRID PA'I PHYIR, 'DIR TSAD MA MA YIN PA NYID DU SRID PA YIN NO ZHES DE LTAR BRJOD KYI CHOS MTHUN PA TZAM GYIS NI MA YIN NO, ,GAL TE 'DI SNYAM DU SRID PA DE LTA NA YANG SRID PA TZAM GYIS 'DI JI LTAR TSAD MA MA YIN PA NYID DU GRUB PAR 'GYUR SNYAM DU SEMS NA, SKYON MTHONG BA LAS SKYON 'DOGS PA, ,BYE BRAG YOD PA MA YIN NO, ,ZHES BYA BA SMOS TE, NGAG GANG LA SKYON 'DOGS PA DE NI DE LTA BU YIN PA LA, BYE BRAG YOD PA MA YIN NO, ,ZHES BYA BA NI GNYI GA YANG TSAD MA NYID YOD PA'I THA SNYAD DGAG PAR RUNG BA NYID DU MTSUNGS PA'I PHYIR RO, ,DE'I PHYIR DE YI RIG BYED LA YANG ZHES BYA BA LA SOGS PAS MJUG SDUD PAR BYED DO, ,BYAS DANG BSHAD PA NYID 'DOD KYI, ,ZHES BYA BA LA, 'DI NI BYAS PA YANG YIN LA BSHAD PA YANG YIN PAS DE SKAD CES BYA STE, BSHAD PA NI 'CHAD PA'O, ,SKYON MED PA'I SKYES BU DAG GIS BYAS PA DANG 'CHAD PA ZHES GSUM

252b

PA'I BSDU BA YIN TE, DE'I DNGOS PO NI DE NYID DO, ,DE NI NGES PA YANG YIN LA SKYON MED PAR BYAS PA DANG 'CHAD PA YANG YIN NO ZHES TSIG RNAM PAR SBYAR RO, ,DE 'DOD PAR GYIS SHIG STE, RIG BYED TSAD MA NYID DU GRUB PA'I PHYIR ZHES SBYAR RO, ,DE LTA YIN DANG DE LTAR 'DOD PA NA GZHAN LAS TSAD MA NYID DU 'GYUR LA MI 'DOD NA NI TSAD MA MA YIN PA NYID DO SNYAM DU BSAMS PA YIN NO, ,DES NA SKYON MED PAR BYAS BA DANG, ,BSHAD PA NYID DU NGES 'DOD KYIS, ,ZHES BYA BA 'DI LA GZHON NU MA LEN GYI LAN DOGS PAR BYED PA NI JI LTA JI LTAR ZHES BYA BA LA SOGS PA STE 'CHAD PA PO NI SU ZHIG YIN, SU ZHIG DRAN PA DANG, YID GZHUNGS PA NYAM CHUNG BA YIN, ,GANG ZHIG GANG GI THANG NAS LAGS, ,SU ZHIG DBYANGS KYI STENG DU GNOD PA LA SOGS PA CHUNG BA'AM GZHAN DU BYED PA YIN, SU ZHIG TSIG MA YIN PA TSIG NYID DU BCAD NAS 'DOD PAR BYED CES BYA BA DE LTAR BRTZON 'GRUS BRTZAMS PA'I RIG BYED 'DON PAR BYED PA'I GLAGS TSOL BAR BYED PA YOD PA NA, RIG BYED 'DON PAR BYED PA NYON MONGS DE JI LTAR RIG BYED GUS PAR MI 'DON, DE LTA YIN DANG RIG BYED 'DI LA TSAD MA YIN PA NYID KYIS DOGS MED PA'I PHYIR, DE NA SKYON MED PAS BYAS DANG, ,BSHAD PA NYID DU NGES 'DOD KYIS, ,CI'I PHYIR BRJOD SNYAM DU BSAMS PA YIN NO, ,DE BZHIN DU GAL TE RIG BYED 'DON PA DAG PA'I BLO CAN RNAMS KYANG GZHAN GYI RIG BYED BSHIG PA NA SNYOM LAS TE LE LO LAS MI SMRA BA DE'I TSE CHA BYAD TZAM DU 'GYUR BA'I PHYIR RIG BYED 'DI GZHAN NYID DU SRID PA YIN NO, ,GANG GI PHYIR, 'DOD CHAGS LA SOGS PA'I SEMS DANG LDAN PA'I RIG BYED 'JIG PA'I SKYES BU RNAMS NYAMS PAR BYED PA STE LDOG PAR BYED PA'I BLO RNAM PAR DAG PA RNAMS KYIS RIG BYED 'DI RTAG TU SRUNG BAR BYED PA'I PHYIR DE JI LTAR BDAG NYID KYI RANG BZHIN SPONG BAR BYED, 'DI SNYAM DU GAL TE YANG DE DAG GIS RIG BYED RTAG TU BSRUNGS PA DE LTA NA YANG 'JIGS PA CHEN POR 'DI 'CHAD PA NA PHYIS RNAM PA GZHAN DU YANG SRID PA YIN NO SNYAM DU DOGS PA BSU

253a

, ,NAS; 'GRO BA THAMS CAD NAM DU YANG, ,ZHES BYA BA LA SOGS PA SMOS SO, ,DE NI DE LTA MA YIN TE, ,ZHES BYA BA LA SOGS PAS LAN 'DEBS PAR BYED DE, DE LTA NA 'DON PA TZAM 'BA' ZHIG MTSUNGS PA NYID DU BSTAN PA YIN GYI DON RTOGS PA'I THABS NI MA YIN NO, ,DE LTA YIN DANG DE'I DON DU GDON MI ZA BAR 'DI SKYON MED PAS BYAS PA DANG BSHAD PA NYID DU 'DOD PAR BYA BA NYID DO, ,'DOD PA TZAM GYIS NYAM CHUNG BA MA MTHONG BA TZAM GYIS THAMS CAD MKHYEN PA MA YIN PAS, YUL LA SOGS PA THAMS CAD DU NGES PAR NUS PA MA YIN NO ZHES BSTAN PA NI, ,GANG GIS MNGON SUM MKHYEN PA LA, ,ZHES BYA BA LA SOGS PA'O, ,'DI NYID LA 'THAD PAR 'CHAD PA NI, GZHAN DU NA ZHES BYA BA LA SOGS PA SMOS TE, GAL TE 'DON PA MTSUNGS PA DE NYID DU 'GYUR NA DE'I TSE YUL LA SOGS PA 'GA' ZHIG TU 'DON PA LA SKYES BU RNAMS KYI BLO MI MTHUN PA STE, THE TSOM ZA BAR MI 'GYUR RO, ,'GRO BA THAMS CAD NAM DU YANG, ,ZHES BYA BA LA SOGS PA LA, RTAG TU 'GRO BA 'DI 'DRA BA, ,ZHES BYA BA LA SOGS PA SMOS TE, 'GRO BA NI THAMS CAD KYI TSE 'GRO BA 'DI 'DRA BA KHO NA'O ZHES BYA BA 'DI LA SGRUB PAR BYED PA'I TSAD MA CUNG ZAD KYANG YOD PA MA YIN NO, ,GANG YANG SANGS RGYAS PA RNAMS KYIS, ,'JIG PA'I BSKAL BA DMYAL BA YI, ,SRID PA MED NA GNOD ZAD PA, ,ZHES 'JIG PA'I BSKAL BA BRJOD PA DANG, GANG DRAN PAR BYED PA RNAMS KYIS, ,'DI NI KUN NAS MUN PAR GYUR, ,NGES PA MA YIN MTSON PA MIN, ,BRTAG BYA MA YIN SHES BYA MIN, ,GNYID STUG LTA BUR GYUR PA YIN, ,ZHES BRJOD PA'I 'JIG PA 'DI GNYI GA LA YANG, GNOD PAR BYED PA'I TSAD MA CUNG ZAD KYANG YOD PA MA YIN NA GANG GIS THAMS CAD KYI TSE, 'GRO BA 'DI 'DRA BA NYID DU GRUB PAR GYUR PA YIN, MA MTHONG TZAM GYIS DNGOS PO RNAMS MED PA NYID DU GRUB PA YANG MA YIN TE, DNGOS PO YOD PA NYID NA YANG LA LAR MI MTHONG BA'I PHYIR DNGOS PO MED PAS MA MTHONG BA TZAM LA KHYAB PA MA GRUB PA'I PHYIR RO, ,GZHAN YANG RTAG TU RANG GI DON

253b

DANG RANG BZHIN GYI YUL CAN GYI NGES PA SKYE BA YIN TE, RIG BYED RANG LAS TSAD MA NYID YIN PA'I PHYIR SGO NAS RMONGS PA MED PA'I PHYIR DANG, RTAG PA'I PHYIR DANG RANG BZHIN DU BYA BAR MI NUS PA'I PHYIR RO, ,KHYED CAG GI LUGS KYIS RNAM PA GNYI GA LTAR YANG 'JIG PA MI SRID PAS DE'I PHYIR RIG BYED 'DON PAR BYED PA RNAMS KYIS 'DI SRUNG BAR BYED PA 'BRAS BU MED PA YIN NO ZHES BYA BA 'DI STON PA NI, RANG LAS TSAD MA NYID CES BYA BA LA SOGS PA SMOS TE, GNYIS SKYES PHRU GU NI BRAM ZE'I BYIS PA'O, ,DE LTAR RE ZHIG RANG LAS TSAD MA MA YIN PA'I PHYIR 'DI'I 'JIG PA MI SRID DO ZHES BSTAN ZIN TO, ,DA NI RTAG PA'I PHYIR MI SRID DO ZHES BYA BA 'DI BSTAN PAR 'DOD NAS 'DRI BA NI, RDO RJE BAS LHAG CES BYA BA LA SOGS PA'O, ,MNGON GSAL GZHAN NYID YIN ZHE NA, ,ZHES BYA BA NI 'JIG PA NI ZHES BYA BA DANG SBYAR RO, ,DE NI ZHES BYA BA NI MNGON PAR GSAL BA'O, ,'DI NI ZHES BYA BA NI RIG BYED KYI'O, ,DE'I PHYIR DBANG 'DAS ZHES BYA BA LA SOGS PAS MJUG SDUD PAR BYED DO, ,NANG GI MUN PA NI NYON MONGS PA CAN DANG NYON MONGS PA CAN MA YIN PA'I MI SHES PA'O, ,DE'I TSOGS NI 'DUS PA STE, DE GANG GIS RNAM PAR GSAL BA DE LA DE SKAD CES BYA'O, ,DAM BCA' BA'I DON THAMS CAD RNAM DBYE SHES PA NI 'CHAD PA, BYED PA PO ZHES BYA BA NI RIG BYED KYIS ZHES BYA BA LHAG MA'O, ,DE LTA BAS NA DE LTAR DAM BCA' BA'I DON THAMS CAD DU TSAD MAS GNOD PA NYID DANG DE YOD NA YOD PA NYID KYI PHYIR ZHES BYA BA'I GTAN TSIGS 'DI YANG MA NGES PA NYID DU BSGRUBS ZIN TO, ,RANG GI PHYOGS GRUB PAR BYA BA'I PHYIR TSAD MA NYID NI GANG ZHIG THE TSOM DANG PHYIN CI LOG GI YUL DU BYAS PA ZHES BYA BA LA SOGS PAS BSTAN PA YIN NO ZHES BYA BA NI BSDUS PA'I DON TO, ,GANG YANG PHYOGS BZHI BKOD NAS PHYOGS GSUM PA LA SKYON BRJOD PAR BYAS PA DE LA YANG SANGS RGYAS PA LA NYAMS PA CUNG ZAD KYANG MED DE, GANG GI PHYIR SANGS RGYAS PA RNAMS KYIS BZHI PO 'DI DAG LAS GANG RUNG BA GCIG 'DOD PA MA YIN TE, NGES PA MED PA'I PHYOGS 'DOD PA NYID KYI

254a

, ,PHYIR RO, ,'DI LTAR CUNG ZAD CIG NI RANG LAS YIN LA CUNG ZAD CIG NI GZHAN LAS YIN NO ZHES BYA BA 'DI GNYI GA YANG SNGAR BRJOD PA YIN NO, ,DE NYID KYI PHYIR PHYOGS BZHI NYE BAR BKOD PA YANG RIGS PA MA YIN TE, PHYOGS LNGA PA NGES PA MED PA YANG YOD PA'I PHYIR RO, ,GZHAN DAG GIS DAM BCA' BA'I DON RNAMS GZHAN DU YANG RJOD PAR BYED DE, ,RTOG PA'I BYED PA'I BDAG NYID CES BYA BA NI TSAD MA YIN LA, DE YANG SHES PA RNAMS KYI RANG BZHIN KHO NA YIN GYI YON TAN GYIS KHYAB PA NI MA YIN NO, ,YON TAN MED NA YANG PHYIN CI LOG GI SHES PA LA RTOGS PA'I BDAG NYID YOD PA'I PHYIR RO, ,DE'I PHYIR RANG LAS TSAD MA NYID, ,CES BYA BA LA, YON TAN RNAMS KYIS NI SKYON SEL BA KHO NA BYAS PAS DES DE SPANG BAR BYA BA'I PHYIR TSAD MA NYID NI YON TAN LA LTOS KYI BDAG NYID THOB PAR BYA BA'I PHYIR NI MA YIN NO ZHES DE NI YANG DAG PA MA YIN TE, GANG GI PHYIR RTOGS PA'I BDAG NYID KHO NA TSAD MA NYID DU RIGS PA MA YIN TE, PHYIN CI LOG GI SHES PA LA YANG YOD PA'I PHYIR RO, ,RTAGS PA'I KHYAD PAR TSAD MA NYID YIN NO ZHE NA, 'O NA DE YANG SHES PA RNAMS KYI RANG BZHIN KHO NA YIN GYI YON TAN GYIS BYAS PA NI MA YIN TE YON TAN MED PA YANG PHYIN CI LOG GI SHES PA LA YOD PA'I PHYIR RO ZHES BRJOD PAR MI BYA'O, ,'DI LTAR GAL TE RTOGS PA'I KHYAD PAR TSAD MA NYID DU 'DOD PAR GYUR NA DE'I TSE DE NYID YON TAN GYIS BYAS PA NYID YIN NA 'KHRUL PAR BSTAN PAR RIGS KYI GZHAN NI MA YIN NO, ,BZLOG PA'I SHES PA LA YANG BZLOG PA'I PHYIR ZHES BYA BA 'DIS RTOGS PA'I KHYAD PAR YON TAN GYIS BYAS PA NYID YIN NA 'KHRUL PAR BSTAN PA NI MA YIN NO, ,'O NA CI ZHE NA, RTOGS PA'I SPYI'O, ,GZHAN GYIS RTOGS PA'I SPYI NI YON TAN GYIS BYAS PAR 'DOD PA YANG MA YIN NO, ,'O NA CI ZHE NA, RTOGS PA'I KHYAD PAR RO, ,YON TAN GYIS BYAS PA NYID YIN NA 'KHRUL PAR BSTAN PAR NUS PA YANG MA YIN LA GANG GIS DE BKAG PAS KHYED CAG GI RANG LAS YIN PA RNAM PAR GZHAG PA KHO BO CAG GI YON

254b

TAN GYIS BYAS PA NYID KYIS GZHAN LAS TSAD MA NYID DU 'DOD PA YANG MA YIN NO, ,'O NA CI ZHE NA, LA LAR RTOGS PA'I KHYAD PAR 'DI NYAMS SU MYONG YANG 'KHRUL PA'I RGYU MTSAN YOD PA'I PHYIR NYAMS SU MYONG BA JI LTA BA BZHIN DU NGES PA SKYED PAR MI BYED PAS GZHAN LAS DE NGES PAR BYED PA'I PHYIR GZHAN LAS SHES PA RNAM PAR BZHAG GO, ,GZHAN YANG RTOG PA'I BDAG NYID CES BYA BA TSAD MA NYID YIN PA LA YANG BRTAG PAR NUS PA KHO NA YIN LA, DE YANG SHES PA RNAMS KYI RANG BZHIN GYI SKYON GYIS BYAS PA NI MA YIN TE, SKYON MED NA'ANG YANG DAG PA'I SHES PA YOD PA'I PHYIR RO ZHES BYA BA, RANG LAS TSAD MA MA YIN NYID, ,CES BYA LA, SKYON RNAMS KYIS NI YON TAN SEL BAR NYID BYED DE, DES NA GSAL BA'I PHYIR TSAD MA MA YIN PA NYID NI SKYON LA LTOS KYI, ,BDAG NYID THOB PAR BYA BA'I PHYIR NI MA YIN PA DE LTA BAS 'DI NI GYI NA'O, , AU MA PE KA NA RE RTOGS PA'I BDAG NYID CES BYA BA SHES PA RNAMS KYI TSAD MA NYID NI MA YIN NO, ,'O NA CI ZHE NA, DON LA MI SLU BA NYID DE 'DI LTAR RTOGS PA'I BDAG NYID YOD NA YANG GANG LA DON LA MI SLU BA NYID MED PA DE NI TSAD MA NYID MA YIN TE, DPER NA NYA PHYIS LA DNGUL GYI SHES PA BZHIN NO, ,GANG LA RTOGS PA'I BDAG NYID MED NA YANG DON LA MI SLU BA NYID YOD PA DE NI TSAD MA NYID YIN TE, DPER NA ME LA DU BA BZHIN NO, ,DE LTA BAS NA RJES SU 'GRO BA DANG LDOG PA DAG GIS MI SLU BA NYID TSAD MA NYID DU GRUB PO, ,DE YANG SHES PA RNAMS KYI BDAG NYID KYI RGYU LAS NYE BAR SKYE BA'I TSOGS PA GZHAN LAS NI MA YIN PA DES NA DE'I PHYIR TSAD MA RNAMS RANG LAS TSAD MA NYID DU BRJOD DO, ,RANG GI SGRA NI BDAG GIS BRJOD PA'I PHYIR DE BDAG NYID KYI RGYU LAS ZHES BYA BA'I DON TO, ,RANG NYID BYED PAR NUS PA NI, ,GZHAN GYIS BYA BAR NUS MA YIN, ,ZHES BYA BA PHYED PHYI MAS TSOGS PA GZHAN LAS BYUNG BA BKAG PA BSTAN PA YIN NO, ,RANG LAS BYA BAR MI NUS NA RNAM PAR SHES PA'I TSOGS PA GZHAN MI RTOGS PA GZHAN GYIS NUS PA MA YIN NO ZHES BYA BA'I DON TO, ,'DI SNYAM DU RNAM PAR

255a

, ,SHES PA'I RGYU GZHAN RNAMS NI TSAD MA DANG TSAD MA MA YIN PA'I THUN MONG BA YIN TE, DE JI LTAR RGYU TZAM DU GNAS PA NA TSAD MA NYID DU 'GYUR, DE LTA BAS NA TSAD MA NYID NI TSOGS PA GZHAN GYIS BSKYED PAR BYA BA YIN GYI SHES PA TZAM GYIS BSKYED PAR BYA BA NI MA YIN NO, ,TSOGS PAR GZHAN DE YANG YON TAN DANG LDAN PA GCIG PA NYID KYIS DBANG PO LA SOGS PA YIN TE, JI SKAD DU, DBANG PO LA SOGS YON TAN DAG ,'DI'I RGYU YIN ZHES BSHAD PA BZHIN NOM, ,SGRA LAS YANG YID CHES PAR BYAS PA NYID RGYU'I YON TAN GYI THA SNYAD NGES PA YIN LA, RIG BYED LA YANG DE MED PA'I PHYIR TSAD MA MA YIN PA NYID DU THAL BAR 'GYUR RO SNYAM DU SEMS NA, SKYON 'DI NI MED DE TSOGS PA GZHAN GYIS BSKYED PAR BYA BA YANG GRUB PA'I PHYIR RO, ,GANG GI PHYIR YON TAN RNAMS SGRUB PA'I SGO NAS TSAD MA ZHES BYA BA'I 'BRAS BU BSKYED PA LA BYA BA RTOGS PA SRID PA MA YIN TE, DBANG PO LA SOGS PA'I NGO BO KHO NA GZHAN LA LTOS PA MED PAR DON LA MI SLU BA'I SHES PA SKYED PAR BYED PA YIN LA, MIG SMAN LA SOGS PA RNAMS NI SKYON DANG BRAL BAR BYED PA LA BYA BA DANG LDAN PA YIN GYI YON TAN BYED PA NI MA YIN NO, ,CI STE YANG DBANG PO LA SOGS PA'I RANG GI NGO BO LAS TSAD MA MA YIN PA'ANG YOD PAS THAMS CAD LA TSAD MA SKYED PAR THAL BAR 'GYUR TE, RGYU MA TSANG BA'I PHYIR RO SNYAM NA, DE NI YOD PA MA YIN NO, ,SKYON YOD NA YANG TSOGS PA GZHAN LAS MI MTHUN PA'I 'BRAS BU SKYE BAR 'GYUR RO, ,'DI SNYAM DU CI'I PHYIR BZLOG PA SHES PAR MI BYED, DBANG PO LA SOGS PA'I RANG GI NGO BO NYID GZHAN LA LTOS PA MED PAR 'KHRUL BA'I SHES PA SKYED PAR BYED LA, YON TAN YIN NA YANG TSOGS PA GZHAN GYI DON LA MI SLU BA'I SHES PA SKYED PAR BYED PA YIN NO SNYAM DU SEMS NA, 'DI NI BDEN TE, RJES SU 'GRO BA DANG LDOG PA DAG GIS SHES PA SKYED PAR BYED PA NYID TSUL GSUM PA'I RJES SU DPAG PA LA SOGS PA LA TSAD MA NYID DU SKYED PAR BYED PAR MTHONG BAS MNGON SUM LA YANG 'DRA BA'I PHYIR DE NYID SKYED PAR BYED

255b

PAR BRTAG PA YIN NO, ,PHYIN CI LOG GI SHES PA'I NGO BO 'BRAS BU NI DBANG PO LA SOGS PA'I RANG GI NGO BO LAS MI SKYE BA NI TSOGS PA GZHAN RTOGS PAR BYED PA YIN PA'I PHYIR KHA NA MA THO BA MED PA YIN NO ZHES ZER RO, ,'DI THAMS CAD KHA NA MA THO BA MED PA MA YIN TE, 'DI LTAR RE ZHIG SHES PA'I TSAD MA NYID NI DON LA MI SLU BA NYID YIN LA DE'I DE YANG BDAG NYID KYI RGYU LA NYE BAR SKYE'O ZHES GANG SMRAS PA 'DI GRUB PA LA SGRUB PA YIN TE, GANG GI PHYIR, TSAD MA SLU BA MED CAN GYI, ,SHES PA ZHES BSHAD PA'I PHYIR KHO BO CAG GI DON LA MI SLU BA NYID CES BYA BA SHES PA'I TSAD MA NYID DU 'DOD PA KHO NA YIN LA, 'ON KYANG SHES PA ZHES KHYAD PAR NYE BAR GZUNG BA'I PHYIR SHES PA'I RANG BZHIN MA YIN PA'I DU BA LA SOGS PA DNGOS SU TSAD MA NYID DU MI 'DOD PA'I PHYIR DE LA MI SLU BA NYID TZAM TSAD MA NYID DU GRUB STE, BLANG BAR BYA BA DANG DOR BAR BYA BA'I PHYIR DNGOS PO 'JUG PA LA SHES PA NYID GTZO BO YIN PA'I PHYIR RO, ,'DI LTAR DU BA LA SOGS PA MED NA MI 'BYUNG BA YIN 'ANG JI SRID DU RNAM PAR SHES PA MI SKYED PA DE SRID DU SKYES BU DON LA 'JUG PAR BYED PA MA YIN NO, ,DE LTAS BAS NA SHES PA NI 'JUG PA LA BAR MA CHOD PA'I BYED PA PO YIN PA'I PHYIR DE NYID TSAD MA YIN TE, BLO NI TSAD MA NYID, BLANG DANG DOR BYA'I DNGOS PO LA, ,'JUG PA DE GTZO NYID PHYIR RO, ,ZHES GANG BSHAD PA YIN NO, ,MI SLU BA NYID KYI SHES PA DE YANG DON THOB PAR NUS PA'I MTSAN NYID YIN GYI, DON THOB PA NYID NI MA YIN TE, GEGS PA LA SOGS SRID PA'I PHYIR RO, ,DNGOS PO RNAMS KYI NUS PA NI BDAG NYID DU GYUR PA NYID YIN PA'I PHYIR GANG GIS DE 'GEGS PAR 'GYUR BA DE DON GZHAN LAS SKYE BAR 'DOD PA'I SU ZHIG YIN TE GRUB PA NA MA GRUB PA'I CHOS NI DE'I RANG BZHIN DU RIGS PA YANG MA YIN TE, HA CANG THAL BAR 'GYUR BA'I PHYIR RO, ,DE YANG TSAD MA'I BDAG NYID GYUR PA YIN NA YANG 'KHRUL PA'I RGYU YOD PA'I PHYIR DE'I 'BRAS BUS MA RTOGS PAS NGES PAR MI NUS PA'I PHYIR DON BYED PA'I SHES PAR BRJOD PA'I 'BRAS BU GZHAN LAS NGES PAR BYED DO, ,

256a

, ,DES NA NGES PA LA LTOS NAS GZHAN LAS TSAD MA ZHES BYA'O, ,SKYED PAR BYED PA LA LTOS NAS NI MA YIN TE, DES NA RGYU GZHAN LAS SKYE BA 'GEGS PA DON MED DE, RTZOD PA MED PA'I PHYIR RO, ,KHYED CAG GIS KYANG NUS PA NGES PA NI GZHAN LAS YIN PAR 'DOD PA KHO NA STE, JI SKAD DU, DNGOS PO KUN GYI NUS PA RNAMS, ,'BRAS BU'I DON GYIS GRUB PAR BYED, ,CES BSHAD PA BZHIN NO, ,GANG YANG, RANG LA MED PA'I NUS PA NI, ,GZHAN GYIS BYA BAR NUS MA YIN, ,ZHES BYA BA 'DI TSOGS PA GZHAN LAS BYUNG BA DGAG PAR BYA BA'I PHYIR, GTAN TSIGS BRJOD PA DE NI TSAD MA MA YIN PA LA YANG MTSUNGS PA'I PHYIR RO, ,DE YANG RANG NYID LAS TSAD MAR THAL BAR 'GYUR LA, YANG NA DE GTAN TSIGS MA YIN TE, 'KHRUL PA'I PHYIR RO, ,GANG YANG YON TAN RNAMS DANG GRUB PA'I SGO NAS TSAD MA'I 'BRAS BU BSKYED PA LA BYA BA RTOGS PA SRID PA MA YIN TE ZHES BYA BA 'DI YANG MI GSAL BA'I DON CAN LONG BA'I TSIG YIN TE, BSGRUB PA'I SGO NAS BYA BA RTOGS PA ZHES BYA BA 'DI CI ZHIG YIN PA MI SHES TE GAL TE RE ZHIG RIG BYED KYI NGAG 'DI BYA'O ZHES BYA BA'I 'BRAS BU BSKYED PAR BYA BA'I PHYIR BLO SNGON DU GTONG BA'I 'JUG PA DE NI DBANG PO LA SOGS PA LA YANG YOD PA MA YIN TE, DNGOS PO THAMS CAD NI SKAD CIG MA NYID KYIS G-YO BA DANG BYA BA DAG MI SRID PA'I PHYIR DNGOS PO RNAMS LA RTOG PA SNGON DU GTONG BA NYID YOD PA MA YIN NO, ,DE LTA YIN DANG DBANG PO LA SOGS PA LA YANG SGRUB PA'I SGO NAS BYA BA MI SRID PA'I PHYIR RGYU NYID DU 'GYUR RO, ,CI STE SKYED PAR BYED PA'I BYA BA DANG LDAN PA MED NA YANG DBANG PO LA SOGS PA YOD PA TZAM GYIS 'BRAS BU SKYED PA LA 'JUG PA YIN PAS RGYU NYID DU 'DOD LA, 'DI NI YON TAN DAG LA YANG MTSUNGS TE, RGYU RNAMS KYIS 'BRAS BU SKYED PA LA NGES PAR YOD PA NYE BA LAS MA GTOGS PAR BYA BA GZHAN RTOGS PA SRID PA NI MA YIN NO, ,CI STE YON TAN YOD NA SKYON LDOG PA NA TSAD MA NYED SKYE'O ZHES BYA BA 'DI LA SKYON RNAMS BSGRUB PA'I SGO NAS TSAD MA MA YIN PAR

256b

'JUG PA LA BYA BA BYED PAR MI 'GYUR RO, ,DE LTA YIN DANG TSAD MA MA YIN PA YANG RANG LAS YIN PAR THAL BAR 'GYUR TE, KHYAD PAR MED PA'I PHYIR RO, ,SKYON RNAMS YON TAN MA BSAL BAR DNGOS SU TSAD MA MA YIN PA LA 'JUG PA NI MTSON PA NI MA YIN TE, DE LTA BAS NA DE YOD NA YOD PA'I RJES SU BYED PA LAS MA GTOGS PA GZHAN RGYU DANG 'BRAS BU'I DNGOS PO SRID PA MA YIN PA'I PHYIR SKYON BZHIN DU YON TAN RNAMS LA YANG RGYU NYID MTSUNGS PA YIN NO, ,GANG YANG DBANG PO LA SOGS PA'I NGO BO KHO NA GZHAN LA LTOS PA MED PAR DON LA MI SLU BA'I SHES PA SKYED PAR BYED PA YIN NO ZHES SMRAS PA DE YANG RIGS PA MA YIN TE, RGYU MA TSANG BA MED PA NYID KYI RTOGS PA'I NGO BO BZHIN DU SHES PA THAMS CAD TSAD MA NYID DU THAL BAR 'GYUR BA'I PHYIR RO, ,JI LTAR SHES PA RNAMS KYI RTOGS PA'I NGO BO NI MTSUNGS PA DE MA THAG PA'I RKYEN DANG 'BREL PA NA SKYON LA SOGS PA YOD NA YANG RGYU MA TSANG BA MED PA NYID KYIS SHES PA THAMS CAD LAS 'GYUR BA BZHIN DU DON LA MI SLU BA NYID KYANG 'GYUR RO, ,'DI SNYAM DU SKYON RNAMS KYIS TSAD MA MA YIN PA NYID SKYED PA NA RGYU MA TSANG BA MED PA'I TSAD MA YANG NYE BAR SKYE BA MA YIN TE, SHES PA GCIG LA TSAD MA DANG CIG SHOS 'GAL BA DAG MI RUNG BA'I PHYIR RO, ,'GAL BA MED PA'I RTOGS PA'I NGO BO NI THAMS CAD LA YOD PA NYID YIN NO, ,GAL TE DE LTA NA DBANG PO'I NGO BO NYID GZHAN LA MA LTOS PA'I RGYUR GRUB PA MA YIN TE, DE MA TSANG BA MED PA YIN YANG TSAD MAR BRJOD PA'I 'BRAS BU MI SKYE BA'I PHYIR RO, ,GZHAN LA LTOS PA MED PA NI RIGS 'GA' SKYED PAR BYED PA NYID RIGS PA MA YIN LA, GANG ZHIG GANG YOD NA YANG MI 'BYUNG BA DE TZAM GYI RGYU CAN DU RIGS PA MA YIN TE, HA CANG THAL BAR 'GYUR BA'I PHYIR RO, ,GZHAN YANG RE ZHIG KHYED CAG GIS GAL TE TSAD MA NYID DU RGYU MA TSANG BA MED PA YIN NA CI'I PHYIR SKYON YOD NA YANG SKYED PAR MI BYED PAS BYA BA 'DI BRJOD PAR RIGS SO, ,RANG DANG 'GAL BA'I SKYON NYE BA NYID KYI PHYIR RO ZHE NA, TSAD MA MA YIN

257a

, ,PA YIN PA LA YANG MTSUNGS TE, DE YANG DE'I TSE RANG DANG 'GAL BA'I RGYU DBANG PO LA SOGS PA LA NYE BA'I PHYIR SKYE BAR MI 'GYUR RO, ,GZHAN YANG GAL TE 'GAL BA'I RGYU'I SKYON GZHAN LAS TSAD MA NYID MI SKYE BAR 'DOD PAR 'GYUR NA RANG GI RGYU NYID NUS PA MA NYAMS PA YIN NA DE'I TSE CI'I PHYIR BTANG SNYOMS SU BYED, GAL TE RANG GI 'BRAS BU SKYED PAR MI 'DOD KYANG BTZAN THABS SU SKYED PAR BYED PA DE LTA NA NI DES NA BDAG NYID KYI NUS PA NYAMS PA MED PA GSAL BAR 'GYUR RO, ,SKYON GYI NUS PA NYAMS PAR BYAS PA'I PHYIR BTANG SNYOMS SU BYED PA YIN ZHE NA, MA YIN TE, TSAD MA MA YIN PA'I RGYU YANG DBANG PO DAG GIS NUS PA NYAMS PAR BYAS PAR THAL BAR 'GYUR BA'I PHYIR TE, KHYAD PAR MED PA'I PHYIR DANG, SHES PA YANG MI SKYE BAR THAL BAR 'GYUR BA'I PHYIR RO, ,'DI LTAR JI LTAR SKYON GYI NUS PA NYAMS PA NYID KYI PHYIR DBANG POS TSAD MA NYID SKYED PAR MI BYED PA DE BZHIN DU RNAM PAR SHES PA YANG SKYED PAR MI BYED DE, NUS PA MED PA'I PHYIR RO, ,DE LTA MA YIN NA TSAD MA NYID RNAM PAR SHES PA'I RGYU TZAM GYIS BSKYED PAR BYA BAR 'GRUB PAR MI 'GYUR TE, DE SKYE NA YANG MI SKYE BA'I PHYIR RO, ,GANG ZHIG GANG SKYE BA NA YANG NGES PAR MI SKYE BA DE NI DE DANG LHAN CIG RGYU GCIG PA MA YIN TE, DPER NA KO TRA BA'I MYU GU SKYE BA NA S'A LU'I MYU GU MI SKYE BA BZHIN NO, ,RNAM PAR SHES PA SKYES NA YANG TSAD MA NYID NGES PAR SKYE BA MA YIN NO ZHES BYA BA NI KHYAD PAR BYED PA MI DMIGS PA'O, ,'GA' ZHIG GI DE'I RANG BZHIN MA NYAMS NA BDAG NYID DU GYUR PA NYAMS PAR BYA BAR NUS PA YANG MA YIN NO, ,DE LTA YIN DANG, RANG LAS DMIGS PA THAMS CAD KYI, ,TSAD MA NYID CES BZUNG BAR GYIS, ,RANG LAS YOD PA'I NUS PA NI, , GZHAN GYIS GZHOM PAR NUS MA YIN, ,ZHES BYA BA DE LTA BU'ANG 'DON PAR NUS PA MA YIN NO, ,'DI SNYAM DU DBANG PO LA SOGS PA TZAM TSAD MA NYID KYI RGYUR MI 'DOD DE, 'O NA CI ZHE NA, KHYAD PAR NYID DE SKYON DANG BRAL BA GANG YIN PA'O, ,DES NA JI SKAD DU BSHAD

257b

PA'I SKYON DU THAL BAR MI 'GYUR RO SNYAM DU SEMS NA, GAL TE DA LTA NA YON TAN DANG LDAN PA'I DBANG PO LA SOGS PA'I TSOGS PA GZHAN KHO NA TSAD MA NYID KYI RGYU YIN NO ZHES BYA BAR 'GYUR TE, YON TAN DANG LHAN CIG PA NYID LA SKYON DANG BRAL BA NYID YOD PA'I PHYIR RO, ,DE LTA YIN DANG TSOGS PA GZHAN GYIS BSKYED PAR BYA BA NYID DU MA GRUB PO ZHES BRJOD PAR MI BYA'O, ,YON TAN GYI BYA BA NI SKYON DANG BRAL BA NYID LA YIN GYI TSAD MA SKYED PA LA NI MA YIN NO ZHE NA, BRAL BA NI MED PA NYID KYI PHYIR DE LA 'GA' ZHIG RIGS PA MA YIN TE, MA SKYES PA'I RANG BZHIN RI BONG GI RVA LA SOGS PA DNGOS PO MED PA LA BYA BA 'GA' ZHIG SRID PA NI MA YIN NO, ,GANG YANG RJES SU 'GRO BA DANG LDOG PA DAG LAS RNAM PAR SHES PA SKYED PA KHO NA TSUL GSUM PA'I RJES SU DPAG PA LA SOGS PA LA TSAD MA NYID SKYED PAR BYED PA MTHONG NGO ZHES BYA BA 'DI YANG MA GRUB TE, TSUL GSUM PA NYID 'BA' ZHIG RJES SU DPAG PA'I SKYED PAR BYED PA NI MA YIN NO, ,'O NA CI ZHE NA RTOGS PA PO LA YOD PA'I MI RMONGS PAR DRAN PA'I 'DU BYED LA SOGS PA'I YON TAN YANG YIN TE, JI LTAR TSUL GSUM YOD NA YANG 'BREL PA DRAN PA'I 'DU BYED NYAMS PA DANG 'BREL PA MA RTOGS PA'I SGRUB PA PO LA RJES SU DPAG PA MI SKYE BAS DE'I PHYIR RJES SU 'GRO BA DANG LDOG PA DAG GIS RNAM PAR SHES PA SKYED PA KHO NA TSAD MA NYID SKYED PAR BYED PA YIN NO ZHES BYA BA 'DI MA GRUB TE, DES NA BZLOG PA BZLOG PAR DKA' BA NYID DU DE RNAM PAR GNAS SO, ,GANG YANG PHYIN CI LOG GI SHES PA'I 'BRAS BU NI DBANG PO LA SOGS PA'I RANG BZHIN LAS SKYE BA MA YIN NO ZHES SMRA BA DE YANG CHES GZU LUMS YIN TE, PHYIN CI LOG GI SHES PA NI DBANG PO LA MA LTOS PAR YANG SKYED PAR THAL BAR 'GYUR BA'I PHYIR TE, RANG BZHIN GANG ZHIG GANG LAS MI SKYE BA DE NI DE LA LTOS PAR RIGS PA MA YIN TE, HA CANG THAL BAR 'GYUR BA'I PHYIR RO, ,RAB RIB CAN LA SOGS PA'I ZLA BA GNYIS PA LA SOGS PA'I SHES PA NI DBANG PO LA MA LTOS PAR SKYE BA YANG MA YIN NO, ,GZHAN

258a

, ,YANG GAL TE DON LA MI SLU BA NYID DU BRJOD PA DE'I TSE GANG GIS DE LA KHYED CAG TSU ROL MTHONG BA RNAMS KYIS THA SNYAD DU 'GYUR BA BSGRUBS PA LAS BYUNG BA'I BLO JI LTAR DON LA MI SLU BA NYID DU RTOGS PAR 'GYUR, DE'I 'BRAS BU MA RTOGS PA DAG GIS NI DE'I NUS PA NGES PAR GZUNG BAR NUG [*NUS?] PA MA YIN TE, HA CANG THAL BAR 'GYUR BA'I PHYIR RO, ,DE LTA BU YIN DANG RIG BYED GANG KHO NA'I TSAD MA NYID BSTAN PAR BYED PAR 'DOD PAS TSIG GI DRI BA 'DI THAMS CAD NYE BAR 'GOD PAR BYED PAS DE NYID KYI DE MA GRUB PA'I PHYIR 'DI NI 'BRAS THUG PO CHE DON DU GNYER BA PHUB MA RDUNG BAR BYED PA 'BA' ZHIG TU ZAD PA YIN PAS HA CANG THAL BAR 'GYUR BAS CHOG GO, ,DE KHO NA NYID BSDUS PA'I DKA' 'GREL LAS TSAD MA NYE BAR BRTAG PA STE, SUM CU PA'O,, ,,'GRO PHAN MDZAD PAR BZHED PA YIS, ,BSKAL PA GRANGS MED MI NYUNG BAR, ,THUGS RJE CHEN PO'I BDAG 'GYUR BA, ,RTEN CING 'BREL 'BYUNG GSANG BA YI, ,THAMS CAD MKHYEN PA SMRA RNAMS KYI, ,DAM PA DE LA PHYAG 'TSAL NAS, ,DE KHO NA NYID BSDUS PA BYA, ,ZHES BYA BA 'DIS THAMS CAD MKHYEN PA STON PA NYID KYIS RTEN CING 'BREL PAR 'BYUNG BA'I KHYAD PAR BSTAN PA GANG YIN PA DE BSGRUB PAR BYA BA'I DON DU SKABS DGOD PAR BYA BA'I PHYIR, DE LTAR ZHES BYA BA LA SOGS PA SMOS TE, DE LTAR DE MA THAG TU BSHAD PA'I RIGS PA GANG GI TSE, TSAD MA THAMS CAD RANG NYID LAS TSAD MA MA YIN NO ZHES GNAS TE, DES NA 'BAD PA MED PA NYID DU DBANG PO LAS 'DAS PA'I DON MTHONG BA'I SKYES BU GRUB PAR BYED PA'I PHYIR DE GRUB PAR BYA BA'I DON DU LOGS SHIG TU 'BAD PA GZHAN MI BYA'O, ,'DI SNYAM DU JI LTAR 'BAD PA MED PAR GRUB PAR 'GYUR SNYAM DU SEMS NA, RIG BYED KYI YANG ZHES BYA BA LA SOGS PA SMOS TE, DE YANG ZHES BYA BA NI SKYES BU'O, ,LAS ZHES BYA BA NI BYED PA PO SKYES BU LAS SO, ,DE LAS ZHES BYA BA NI RIG BYED LAS TE, TSAD MA NYID CES BYA BA 'DI LA LTOS NAS, GNAS BZHI'I BDUN PA YIN NO, ,TSAD MA NYID CES BYA BA

258b

NI PHYIN CI MA LOG PA'I DBANG PO LAS 'DAS PA'I DON STON PAR BYED PA NYID DO, ,'DI YANG GZHAN GYI LUGS LA LTOS NAS BRJOD PA YIN NO, ,'DI SKAD BSTAN PA YIN TE, GAL TE GANG KHYED CAG GIS GDON MI ZA BAR RIG BYED TSAD MA NYID DU KHAS LEN PAR BYED NA, DE'I TSE 'DI BYED PA PO'I SKYES BU NYID LAS TSAD MA NYID DU RIGS KYI RANG LAS NI MA YIN NO ZHES BYA BA 'DI YANG SNGAR BSTAN ZIN TE, RIG BYED KYI BYED PA PO DE YANG GAL TE DBANG PO LAS 'DAS PA'I DON MTHONG BA DE'I TSE BYED PA PO DE LAS KYANG 'DI TSAD MA NYID DU RIGS KYI GZHAN DU NI MA YIN NO, ,DE LTA MA YIN NA BYED PA PO PHYIN CI LOG PA DANG THE TSOM LA SOGS PA DANG LDAN NA SMYON PA LA SOGS PA'I TSIG BZHIN DU RIG BYED TSAD MA MA YIN PA NYID DU 'GYUR RO, ,DES NA NI DE'I PHYIR RO, ,RIG BYED KYI BYED PA PO 'DI SNGAR THOS PA RTAG PAR BSGRUBS ZIN PA'I DBANG PO LAS 'DAS PA'I DON MTHONG BA GANG YIN PA DE NI SHUGS KYIS GZHAN DPYOD PA PA RNAMS KYIS KYANG KHAS BLANG BAR BYA BA YIN PA'I PHYIR DE SPANG BAR MI BYA'O, ,'DI LTAR SKYES BU THAMS CAD 'DOD CHAGS LA SOGS PA SKYON GYI RAB RIB KYIS BLO'I MIG NYAMS PA YIN GYI DBANG PO LAS 'DAS PA'I DON MTHONG BA NYID YOD PA MA YIN NO ZHES RTOGS NAS DES BYAS PA'I LUNG RNAMS LA TSAD MA NYID KYI RE BA MI GNAS PAS CHOS DANG CHOS MA YIN PA DON DU GNYER BA'I SKYES BU NI MTHA' MA MTHONG BA'I BYA BZHIN DU RIG BYED NYID TSAD MAR 'DOD PAR BYED DO SNYAM DU BSAMS NAS SAM, YANG NA RANG GI YON TAN GYIS PHONGS PAS MOS PA BCOM PA NYID KYIS RGYAL DPOG PA RNAMS KYI DBANG PO LAS 'DAS PA'I DON MTHONG BA SPONG BAR BYED PA YIN NO, ,'DI LTAR SKYES BU THAMS CAD 'DOD CHAGS LA SOGS PA DANG MA RIG PAS DE KHAS LEN PA'I THABS DANG BRAL PA'I PHYIR BSLAD PA YIN TE, DE LTA BAS NA DBANG PO LAS 'DAS PA'I DON MTHONG BA 'GA' YANG YOD PA MA YIN PAS DE'I PHYIR BSKUL BAS MTSON PA NYID KYI DON CHOS YIN GYI DBANG PO LA SOGS PAS MTSON PA NI MA YIN NO, ,SKUL BAR BYED PA NI

259a

, ,BYUNG BA DANG 'BYUNG DANG 'GYUR BA DANG, PHRA BA DANG, CHOD PA DANG, BSKAL PA ZHES BYA BA DE LTA BU'I RIGS CAN GYI DON RTOGS PAR NUS KYI GZHAN DBANG PO LA SOGS PAS NI NAM YANG MA YIN NO, ,'DIR TSAD MA BYED PA NI GANG ZHIG TSAD MA LNGA DANG BRAL BA'I RANG BZHIN DNGOS PO MED PA'I TSAD MAS YUL DU BYAS PA'I RANG BZHIN DE NI MKHAS PA RNAMS KYIS MED PA'I SPYOD YUL DU 'JUG PA YIN TE, DPER NA NAM MKHA'I PADMA LTA BU'O, ,THAMS CAD MTHONG BA'I SKYES BU YANG DNGOS PO MED PA'I TSAD MAS YUL DU BYED PA'I RANG BZHIN YIN NO ZHES BYA BA NI RANG BZHIN GYI GTAN TSIGS TE, THA SNYAD DU BYAR RUNG BA NYID BSGRUB PAR BYA BA YIN PA'I PHYIR RO, ,MED PA NI DNGOS PO MED PA NYID KYI TSAD MAS GRUB PA YIN NO, ,'ON TE GZHAL BYA'I DNGOS PO THAMS CAD NI 'DI TZAM NYID YIN TE, 'DI LTA STE GZUGS LA SOGS PAS YUL LNGA PO RNAMS SO, ,DE DAG KYANG SKYES BU RNAMS KYIS SHES PAR 'JIG RTEN NA SHIN TU GRAGS PA NYID KYI PHYIR NGES NA DAM BCA' BA LA GRAGS PAS GNOD PA MA YIN NAM ZHES DOGS PA LA, 'DI LA CHOS NYID DGAG PA ZHES BYA BA LA SOGS PA STE, 'DI LTA STE RIG BYED TSAD MA NYID DU GRUB PA LAS CHOS DANG CHOS MA YIN PA'I BDAG NYID SNA TSOGS YONGS SU SHES PA PO DGAG PA TZAM BRJOD PAR 'DOD KYI SGRA BRJOD PAR 'DOD PA TZAM YONGS SU SHES PA PO NYID DGAG PA NI MA YIN NO, ,DES NA CHOS DANG CHOS MA YIN PA LAS MA GTOGS PA'I DNGOS PO MA LUS PA YONGS SU SHES PA LA LTOS NAS SKYES BU 'GA' ZHIG LA 'JIG RTEN GYI THAMS CAD MKHYEN PA'I THA SNYAD GANG YIN PA SRID PA NYID KYI PHYIR KHO BO CAG GIS 'GEGS PAR BYED PA NI MA YIN TE, DES NA GRAGS PAS GNOD PA SRID PA MA YIN NO SNYAM DU BSAMS PA YIN NO, ,GZHAN YANG GAL TE KHYED CAG SANGS RGYAS PA RNAMS KYI CHOS DANG CHOS MA YIN PA SHES PA LAS MA GTOGS PA'I SKYES BU GZHAN LA THAMS CAD MKHYEN PA NYID SGRUB PAR BYED NA DE'I TSE GRUB PA LA SGRUB PA YIN NO ZHES BSTAN PA'I PHYIR, THAMS CAD DU

259b

NI ZHES BYA BA LA SOGS PA SMOS SO, ,SKABS KYI THAMS CAD CES BRJOD PA DE YANG CI ZHIG YIN ZHE NA, ,ZHES STON PA NI DON LA'ANG, ,ZHES BYA BA LA SOGS PA STE, DES NA BY'A KA RA nA LAS ME NI RTAG GO ZHES BYA BA LA SOGS PA'I MTSAN NYID KYI SKYON DANG RAB TU BYUNG BA LA SOGS PA BSGRUB BYA SGRUB PAR BYED PA NI DON LA MI SRID PA'I PHYIR SHUGS KYIS DON DE SGRUB PAR BYED PA'I SGRA LAS RTOGS PA YIN NO ZHES BRDA SPROD PA PA RNAMS KYIS BRJOD PA DE BZHIN DU KHYED CAG GIS KYANG DON THAMS CAD SUS KYANG MI SHES PAR MI NUS PA'I PHYIR RANG GI GRUB PA'I MTHA' LA 'DON PA'I THAMS CAD MKHYEN PA'I SGRA'I THAMS CAD KYI TSIG GANG YIN PA DE RANG GI NGO BO GTZO BO NYID LA BRTEN NAS GANG SGRA THAMS CAD MKHYEN PA NA ZHES DE LTAR BRJOD PA DE'I TSE MING LA STE THA SNYAD LAS YIN LA RAG STE YIN DU CHUG MOD, DE GANG GI PHYIR DE LTAR 'DOD PAR MI BYED PA NA 'GA' ZHIG NA 'GA' ZHIG 'GEGS PA NI MA YIN TE, MING NI YANG RANG DBANG GI 'DOD PA TZAM GYIS 'BYUNG BA YIN PA'I PHYIR RO SNYAM DU BSAMS PA YIN NO, ,CI STE YANG CHOS DANG CHOS MA YIN PA DAG LAS GZHAN PA TIL DANG CHU DANG, MAR LA SOGS PA THAMS CAD NYID DU BRJOD PAR 'DOD PA GANG YIN PA DE THAMS CAD KYI YUL DU BYAS PA'I YOD PA DES THAMS CAD MKHYEN PA NYID DU 'DOD PA DE LTA NA YANG GRUB PA LA SGRUB PA YIN NO, ,GZHAN YANG SPYI'I RNAM PAS 'GRO BA MTHA' DAG MDOR BSDUS NAS YONGS SU SHES PA LAS THAMS CAD MKHYEN PAR 'DOD DAM, 'ON TE KHYAD PAR GYI RNAM PAS SANGS RGYAS PAR YONGS SU SHES PA LA YIN GRANG, DE LA PHYOGS DANG PO LA GRUB PA YIN NO ZHES STON PA NI YANG NA GANG TSE ZHES BYA BA LA SOGS PA STE, 'DI LTAR 'GRO BA THAMS CAD GCIG LA GCIG MED PA LA SOGS PA'I RANG BZHIN YIN PA'I PHYIR DNGOS PO MED PA'I RANG BZHIN LA, SGRUB PA'I NGO BO NYID DU GNAS PA'I PHYIR DNGOS PO'I RANG BZHIN YIN PA'I PHYIR KHO BO CAG GIS 'GRO BA THAMS CAD LAS KHYAB PA'I DNGOS PO DANG DNGOS PO MED PA'I NGO BO'I RANG BZHIN GYI SPYI'I CHOS

260a

, ,GANG YIN PA 'DI BRJOD DE NGO BO DE 'GRO BA THAMS CAD YONGS SU SHES PA'I PHYIR, GAL TE THAMS CAD MKHYEN PA SGRUB PAR BYED PA DE LTA NA YANG 'DOD PA KHO NA STE, 'DI TZAM GYIS NI 'GA' ZHIG CHOS SHES PA NYID DU 'GRUB PA MA YIN NO, ,DE LTAR MDOR BSDUS NAS ZHES BYA BA NI 'GRO BA'I DNGOS PO DANG DNGOS PO MED PA'I NGO BO NYID MDOR BSDUS PA STE, 'DIS MDOR SDUD PAR BYED PA'I PHYIR RO, ,DE BZHIN DU GZHAL BYA NYID LA SOGS PA'I SPYI'I CHOS KYIS SHES NA YANG GRUB PA LA SGRUB PA YIN NO, ,CI STE YANG GANG DAG GIS RANG RANG GI BSTAN BCOS SU DNGOS PO CI STE SKAD CIG THAMS CAD DU NGES PAR BZUNG NAS BSTAN PA, DPER NA SANGS RGYAS PA RNAMS KYIS PHUNG PO LNGA DANG, BYE BRAG PA RNAMS KYIS TSIG GI DON DRUG DANG, RIG PA CAN RNAMS KYIS TSAD MA DANG GZHAL BYA LA SOGS PA BCU DRUG DANG; GRANGS CAN GYIS RANG BZHIN DANG CHEN PO LA SOGS PA NYID SHU RTZA LNGA DANG ZHES BYA BA DE LTA BU LA SOGS PA DE YONGS SU SHES PA'I PHYIR THAMS CAD RIG PAR BYED DO SNYAM NA, DE LTA NA HA CANG THAL BAR 'GYUR RO, ,GZHUNG DE'I DON SHES PA DANG, 'DON PAR BYED PA GANG DANG GANG YIN PA DE DAG KYANG THAMS CAD MKHYEN PAR 'GYUR RO, ,YANG CI STE GANG ZHIG MNGON SUM DANG, RJES SU DPAG PA DANG, SGRA DANG, NYE BAR 'JAL BA DANG, DON GYIS GO BA DANG, DNGOS PO MED PA ZHES BYA BA'I TSAD MA RNAMS KYIS BDAG NYID JI LTA BA BZHIN DU 'DI DAG GIS YUL DRUG RNAM PAR PHYE NAS YONGS SU SHES PA DE THAMS CAD MKHYEN PA YIN NO ZHE NA, 'DI LA YANG GRUB PA LA SGRUB PA YIN TE, 'DI LTAR MNGON SUM NI GZUGS LA SOGS PA LNGA'I YUL CAN DU NGES PA'I PHYIR CHOS DANG CHOS MA YIN PA'I YUL CAN MA YIN LA, RJES SU DPAG PA YANG MNGON SUM GYIS BZUNG BA'I RTAGS DANG 'BREL PA'I RTAGS CAN GYI YUL CAN YIN PA'I PHYIR, DE'I YUL CAN YANG MA YIN TE CHOS CAN LA SOGS PA NI DBANG PO LAS 'DAS PA NYID KYIS SUS KYANG 'BREL PA GZUNG BAR MI NUS PA'I

260b

PHYIR RO, ,GAL TE YANG SGAR LAS BYUNG BA THAMS CAD LKOG TU GYUR PA'I YUL CAN YIN PA DE LTA NA YANG SHES PA DES DBANG PO LAS 'DAS PA'I DON MTHONG BAR 'OS PA MA YIN TE, DES SHES PA DE LKOG TU GYUR PA'I YUL CAN YIN PA NYID KYIS MNGON SUM MA YIN PA'I PHYIR RO, , MNGON SUM MA YIN PA'I SHES PA DANG LDAN PA'I SKYES BU DNGOS SU MTHONG BAR RIGS PA MA YIN NO, ,NYE BAR 'JAL BA YANG 'DRA BA DANG DE'I KHYAD PAR GYI YUL CAN YIN PA'I PHYIR CHOS DANG CHOS MA YIN PA LA SOGS PA'I YUL CAN MA YIN TE, JI SKAD DU, DE'I PHYIR 'DRA BAS KHYAD PAR DU, ,BYAS PA'I DRAN PA GANG YIN PA'AM, ,DE LA BRTEN PA'I 'DRA BAS TE, ,NYE BAR 'JAL BA'I GZHAL BYA YIN, ,ZHES BSHAD PA BZHIN NO, ,DON GYIS GO BA YANG MTHONG BA DANG THOS PA'I DON GZHAL DU MI 'THAD PA'I BRTAGS PA'I DON GZHAN GYI YUL CAN YIN LA, 'DI NI CHOS LA SOGS PA'I YUL CAN MA YIN TE, GANG ZHIG CHOS LA SOGS PA MED PAR MI 'THAD PA'I MTHONG BA DANG THOS PA'I DON DE NI 'GA' YANG YOD PA MA YIN NO, ,YANG NA DON GYIS GO BA'I CHOS LA SOGS PA'I YUL YIN DU CHUG MOD, DE LTA NA YANG DE'I MNGON SUM MA YIN PA'I RANG BZHIN YIN PA'I PHYIR, DE DANG LDAN PA NI CHOS LA SOGS PA DNGOS SU MTHONG BAR 'GRUB PA MA YIN NO, ,DNGOS PO MED PA NI GZHAL BYA MED PA'I YUL CAN YIN PA'I PHYIR, CHOS LA SOGS PA'I YUL CAN DU RIGS PA MA YIN NO, ,DE LTAR RE ZHIG MDOR BSDUS PA'I THAMS CAD MKHYEN PA SGRUB PAR BYED NA GRUB PA LA SGRUB PA YIN NO ZHES BSTAN ZIN TO, ,DA NI SANGS RGYAS PA 'GRO BA MA LUS PA YONGS SU SHES PA'I PHYIR, THAMS CAD MKHYEN PA NYID DU SGRUB PAR BYED NA NYES PA 'CHAD PA NI, ,GANG ZHIG DON THUN ZHES BYA BA LA SOGS PA STE, DON MED CES BYA BA NI 'BRAS BU MED PA YIN TE, SKYES BU'I DON 'GRUB PA LA NYE BAR MI MKHO BA'I PHYIR RO, ,LOG PA YIN ZHES BYA BA NI MI SRID PA'I DON GYI YUL CAN YIN PA'I PHYIR DE BZHIN MA YIN PA'O, ,'DI MI SRID PA'I YUL CAN DE

261a

, ,NYID STON PA NI, LUS PO GCIG PO KHO NA YI, ,ZHES BYA BA LA SOGS PA STE, LUS GCIG GI KHONGS SU GTOGS PA'I RDUL PHRA RAB MA LUS PA'I RAB TU DBYE BA YONGS SU SHES PA NYID KYI SKYES BU YANG RE ZHIG MI SRID NA, 'GRO BA MA LUS PAR GTOGS PA'I PHRA BA LA SOGS PA'I KHYAD PAR YONGS SU SHES PAR 'GYUR BA LTA SMOS KYANG CI DGOS, RTOGS PAR BYED PA'I DON MED PA NYID BSTAN PAR BYA BA'I PHYIR, YAN LAG GSAL BA MA LUS PA, ,ZHES BYA BA LA SOGS PA SMOS TE, YAN LAG NI LAG PA LA SOGS PA YIN LA GSAL BA DE YANG DA BA DANG, SING LDENG DANG PA LA SHA LA SOGS PA ZHES BYA BA NI YAN LAG DANG GSAL BA DAG STE, DE DAG NI YAN LAG DANG GSAL BA YANG YIN LA MA LUS PA YANG YIN NO ZHES TSIG RNAM PAR SBYAR RO, ,DE DAG GI RDUL PHRA RAB DANG SGRA DANG DA BA LA SOGS PA'I MTSAN NYID RGYAS PAR SHES PA'I PHYIR DE SKAD CES BYA BA LA, DE'I SGRUB PAR BYED PA STON PA NI MI SRID PA NYID KYIS DE NI DON MED PA YIN TE, CHOS DANG CHOS MA YIN PA'I YUL CAN MA YIN PA NYID KYIS SKYES BU'I DON LA NYE BAR MI MKHO BA'I PHYIR RO SNYAM DU BSAMS PA YIN NO, ,'DI NYID DPE'I SGO NAS BSTAN PA'I PHYIR, JI LTAR MIG GI DNGOS RNAMS KUN, ,ZHES BYA BA LA SOGS PA SMOS TE, 'DI NI CI RIGS SU DAM BCA' BA GRUB PA LA SGRUB PA DANG GRAGS PAS GNOD PA BSTAN PA YIN NO, ,GANG DU RTZOD PA DANG SGRUB PAR BYED PA GANG LA SKYES BU'I DON LA NYE BAR MKHO BA STE STON PA NI, RANG CHOS ZHES BYA BA LA SOGS PA STE, 'DI NI RANG GI YANG YIN LA CHOS DANG CHOS MA YIN PA SHES PA YANG YIN PAS DE SKAD CES BYA LA, DE'I SGRUB PA DANG DGAG PA LA, ,ZHES TSIG RNAM PAR SBYAR TE 'DI YANG BDUN PA YIN NO, ,DES BYAS PA'I LUNG GZUNG BAR BYA BA DANG DOR BAR BYA BA NYID DU SGRUB PAR BYED DO ZHES GO RIMS BZHIN DU SBYAR RO, ,'DI SKAD DU BSTAN PA YIN TE, GAL TE SGRUB PAR BYED PA SMRA BAS RANG GI STON PA CHOS DANG CHOS MA YIN PA SHES PA NYID DU SGRUB PAR BYED PA DE'I TSE DE BSGRUBS PA NA,

261b

DES BYAS PA'I LUNG GZUNG BAR BYA BA NYID DU GRUB LA SUN 'BYIN PA SMRA BAS KYANG GZHAN GYIS KHAS BLANGS PA'I NGANG GI CHOS DANG CHOS MA YIN PA TZAM SHES PA 'GEGS PAR BYED PA'I TSE DE BKAG PA NA CHOS DANG CHOS MA YIN PA SUN 'BYIN PAS BYAS PA'I LUNG DOR BYA NYID DU GRUB PAR 'GYUR RO, ,GANG YANG CHOS DANG CHOS MA YIN PA'I YUL CAN GYI BSAM PA BTANG BAS NA RANG DANG GZHAN LAS GRUB PA'I THAMS CAD MKHYEN PA 'GRO BA MTHA' DAG LA YOD PA'I PHRA BA LA SOGS PA'I KHYAD PAR SHES PA DANG MI SHES PA DANG SGRUB PAR BYED PA'I PHYIR GRANGS CAN DANG SANGS RGYAS PA LA SOGS PA RNAMS KYI GZHUNG DGOD PA DANG RTZOD PA DANG GANG LA BRTZON PAR BYED PA DE NI KUN NAS NYON MONGS PA'I 'BRAS BU CAN YIN PA 'BA' ZHIG TU ZAD TE, 'GRO BA MTHA' DAG LA YOD PA'I PHRA BA LA SOGS PA'I KHYAD PAR SHES PA DANG MI SHES PA GRUB PAR BYED PA LA ZHES BYA BA NI RGYU MTSAN GYI BDUN PA YIN LA, GZHUNG RTZOD DAG LA ZHES BYA BA 'DIR NI BRTZON PA LA LTOS NAS GNAS BZHI'I BDUN PA YIN NO, ,GAL TE 'DI SNYAM DU CHOS LA SOGS PA YONGS SU SHES PA'I SKYES BU 'GA' YANG MED NA DE'I TSE 'JIG RTEN NA JI LTAR BSOD NAMS DANG BSOD NAMS MA YIN PA RTOGS PAR 'GYUR SNYAM DU DOGS PA LA, TSAD MA BYED PA KUN ZHES BYA BA LA SOGS PA SMOS TE, LANG NYID 'BA' ZHIG GIS RTOGS 'GYUR, ,ZHES BYA BA NI LUNG TZAM GYIS RTOGS PAR BYA BA NYID YIN NO ZHES BYA BA'I DON TO, ,GAL TE YANG LUNG GI SGRA SPYIR BRJOD PA NI DE LTA NA YANG SHUGS KYIS SKYES BUS BYAS PA'I LUNG GI MTHAR THUG PA NYID DU BLTA BAR BYA'O, ,'DI TZAM GYIS NI ZHES BYA BA NI CHOS SHES PA NYID BKAG PA TZAM GYIS SO, ,SKUL BAR BYED PAS MTSON PA'I DON CHOS YIN NO, , ZHES BYA BA'I DPYOD PA PA'I PHYOGS 'DI GRUB NA YANG KHO BO CAG GIS SLAR YANG CHAD PAR 'GYUR BA'I THAMS CAD MKHYEN PA SEL BA LA 'BAD PA BYED PA GANG YIN PA DAG MNGON PAR 'DOD PA'I 'BRAS BU THOB ZIN PAR 'GYUR BA'I PHYIR 'BRAS BU THOB PA NI RO LA GSOD PA BZHIN DU

262a

, ,'BRAS BU MED PA NYID DO, ,GANG YANG SANGS RGYAS PA RNAMS KYIS CHOS SHES PA DNGOS PO MED PA'I TSAD MAS BCOM PA NA THAMS CAD MKHYEN PAR BSGRUB PAR BYA BA'I PHYIR, 'BAD PA DE YANG 'DOD PA'I 'BRAS BU MED PA'I PHYIR 'BRAS THUG PO ME DON DU GNYER BA PHUB MA RDUNG BA BZHIN DU NGAL BA TZAM 'BRAS BU NYID YIN PA KHO NAR ZAD DO, ,DPER NA SHUN PHRAGS KYI NANG GI 'BRAS YONGS SU SPANGS NAS 'BRAS THUG PO CHE DON DU GNYER BA PHUB MA RDUNG BA 'BA' ZHIG BYED PA DE BZHIN DU SANGS RGYAS LA SOGS PA RANG LAS GTZO BOR GYUR PA'I CHOS DANG CHOS MA YIN PA YONGS SU SPANGS NAS NYE BAR MI MKHO BA'I 'GRO BA MA LUS PA'I PHRA BA LA SOGS PA'I KHYAD PAR SHES PA SGRUB PAR BYED PA ZHES BYA BA 'DI NI PHUB MA RDUNG BA DANG CHOS MTSUNGS SO, ,RTZA BA BCAD PA NYID KYI PHYIR, ,ZHES BYA BA LA RTZA BA NI GTZO BO STE, CHOS DANG CHOS MA YIN PA'I BDAG NYID KYI DNGOS PO YONGS SU SHES PA RNAM PAR BCAD PA GANG DAG LA YOD PA DE DAG LA DE SKAD CES BYA LA, DE'I DNGOS PO NI DE NYID DO, ,THAMS CAD MKHYEN PA SGRUB PAR BYED PA'I SANGS RGYAS PA 'DI DAG GIS MNGON PAR 'DOD PA'I 'BRAS BU MA GRUB PA 'BA' ZHIG TU MA ZAD, 'ON KYANG MI 'DOD PA THOB PAR 'GYUR BA YANG YIN NO ZHES STON PA NI, DNGOS SU MNGON SUM GYIS ZHES BYA BA LA SOGS PA SMOS SO, ,'DI SNYAM DU BDE BAR GSHEGS PA LA SOGS PA NI DNGOS PO'I TSOGS MTHA' DAG GI DE KHO NA NYID STON PA'I PHYIR THAMS CAD MKHYEN PA'I DNGOS PO RJES SU DPAG PA YIN PAS DAM BCA' BA RJES SU DPAG PA GNOD PA NYID DANG, GTAN TSIGS KYANG MA GRUB PA YIN NO SNYAM DU DOGS PA BSU NAS, RIG BYED CES BYA BA LA SOGS PA SMOS TE, RIG BYED NI NGES BRJOD DANG MCHOD SBYIN DANG, SNYAN NGAG GI MING CAN RNAMS SO, ,NYE BA'I RIG BYED NI TSE'I RIG BYED DANG 'PHONG DPYAD KYI RIG BYED LA SOGS PA'O, ,YAN LAG NI RIG BYED KYI YAN LAG DRUG STE, BSLAB PA DANG RTOGS PA DANG, BY'A KA RA nA DANG, SDEB SBYOR DANG NGES TSIG DANG, SKAR MA SHES PA'O,,

262b

NYID LAG NI DE'I YAN LAG DANG, SKAD KYI DBYINGS LA SOGS PA'O, ,SOGS PA'I SGRAS DE'I 'KHOR BSHAD PA LA SOGS PA GZUNG NGO, ,'DI DAG GI DON NI BRJOD BYA YIN LA, DE STON PA NI RJOD PAR BYED PA'I TSIG GO, ,RIG BYED LA SOGS PAS BSTAN PA'I DON STON PAR BYED PA GANG YIN PA DE LTA BUR GYUR PA'I DAG DE SANGS RGYAS PA LA SOGS PA MA MTHONG NGO ZHES BYA BA'I DON TO, ,DNGOS PO'I TSOGS RNAMS MA LUS PA STON PAR BYED PA'I BSTAN BCOS BYED PA 'BA' ZHIG NI MA MTHONG STE, BSTAN BCOS THAMS CAD BRJOD PAR BYA BA THA DAD PA NYID KYI PHYIR RO, ,YANG CI STE DNGOS PO CUNG ZAD GCIG STON PA MTHONG BA'I PHYIR SANGS RGYAS PA LA SOGS PA'I GZHUNG DU MA BSTAN KYANG DON GZHAN SHES PA NYID DU RJES SU DPOG PAR BYED DE, SHES PA'I NUS PA MTHONG BA'I PHYIR RO, ,DE LTA YIN DANG SKYON GYI GNAS SKABS SO NA 'DUG PA YIN NO SNYAM NA, RANG GZHUNG DU ZHES BYA BA LA SOGS PA SMOS TE, GAL TE RANG GI GZHUNG DAG TU MA BSTAN KYANG STE MA BRJOD KYANG DON GANG YIN PA DE DAG GIS SHES PA ZHES DE LTAR RJES SU DPAG PA'I STOBS KYIS 'DOD PA DE'I TSE RANG GIS BRTAGS PA'I GTAM RGYUD BYED PA'I SNYAN NGAG MKHAN RNAMS KYANG YONGS SU SHES PA'I NUS PA MTHONG BA'I PHYIR THAMS CAD MKHYEN PAR BRTAG PAR BYA BAR 'GYUR TE, KHYAD PAR MED PAS DE'I PHYIR GTAN TSIGS MA NGES PA MA YIN NO, ,'DI SNYAM DU SANGS RGYAS PA LA SOGS PA DBANG PO LAS 'DAS PA'I DON STON PAR MTHONG GI SNYAN NGAG MKHAN RNAMS NI MA YIN NO, ,DES NI DE DAG NYID DBANG PO LAS 'DAS PA'I DON MTHONG BAR RJES SU DPAG PAR BYED KYI GZHAN DAG LA NI MA YIN NO, ,DE LTA MA YIN NA GANG LAS DBANG PO LAS 'DAS PA'I DON LA LUS PA YONGS SU SHES PA'I NUS PA MED PA DE LA DBANG PO LAS 'DAS PA'I DON CUNG ZAD SHES PAR MI 'GYUR TE, KHYAD PAR MED PA'I PHYIR RO, ,DES NA DBANG PO LAS 'DAS PA'I DON SHES PA NI ZHES GTAN TSIGS KHYAD PAR DANG BCAS PA YIN PA'I PHYIR STAN NGAG

263a

, ,MKHAN RNAMS KYIS 'KHRUL PA MA YIN NO SNYAM DU SEMS PA'I DOGS PA BSU NAS, 'GAL BA NYE BAR STON PA NI, ,ZHES BYA BA LA SOGS PA SMOS TE, MANG PO NI DE LA GUS PA RNAMS KYIS THAMS CAD MKHYEN PA NYID DU BRTAGS PA STE, BSGRUB PAR BYA BA'I BDE BAR GSHEGS PA DANG, SER SKYA DANG, GZEGS ZAN DANG, RKANG MIG LA SOGS PA DE DAG LA 'DIR SU ZHIG GCIG NYID THAMS CAD THAMS CAD MKHYEN PA NYID DU NGES PAR 'DZIN TE GTAN LA 'BEBS PAR BYED DE, THAMS CAD LA THAMS CAD MKHYEN PAR BYED PA'I RGYU'I DBANG PO LAS 'DAS PA'I DON STON PA PO NYID MTSUNGS PA'I PHYIR RO, ,THAMS CAD THAMS CAD MKHYEN PA YIN NO ZHES NGES PAR 'DZIN PAR RIGS PA YANG MA YIN TE, THAMS CAD PHAN TSUN 'GAL BA'I DON STON PA PO YIN PA'I PHYIR RO, ,PHAN TSUN 'GAL BA'I DON STON PA RNAMS NI THAMS CAD DE KHO NA NYID MTHONG BAR RIGS PA MA YIN TE, DNGOS PO RNAMS GCIG GI NGO BO NYID YIN PAS PHAN TSUL 'GAL BA DU MA'I RANG BZHIN DANG 'DRI BA MED PA'I PHYIR RO, ,BDE BAR GSHEGS PA GCIG TU NGES PAR GZUNG BAR BYA BA YIN NO ZHE NA, GAL TE BDE BAR GSHEGS PA ZHES BYA BA LA SOGS PA SMOS TE, 'O NA GNYI GA YANG THAMS CAD MKHYEN PA NYID YIN MOD CE NA, 'ON TE GNYI GA YANG ZHES BYA BA LA SOGS PA SMOS TE, YANG CI STE GANG GI TSE TSIG RES 'GA' BDEN PA'I DON CAN DMIGS PA DE NYID DNGOS PO MTHA' DAG GI DE KHO NA NYID PHYIN CI MA LOG PAR YONGS SU SHES PAR RJES SU DPAG PAR BYA'O SNYAM NAS, RGYAL BA SANGS RGYAS ZHES BYA BA LA SOGS PA SMOS TE, RGYAL BA DANG SANGS RGYAS LA SOGS PA'I YUL CAN THAMS CAD NI RTZIS LA SOGS PA'I PHYOGS GCIG LA LA LAR MI SLU BA'I TSIG MTHONG BA KHO NA STE, MANG DU SMRA BA LA BDEN PA'I DON CAN 'GA' ZHIG TU MI 'GYUR BA NI MA YIN TE, JI SKAD DU, SKYES BU MANG DU SMRA BA LA, ,BDEN DON CAN GCIG MED PA MIN, ,ZHES BSHAD PA BZHIN NO, ,DE LTA YIN DANG RGYU MTSUNGS PA NYID

263b

KYIS KHYAD PAR NGES PAR MA BZUNG BA'I PHYIR THAMS CAD THAMS CAD MKHYEN PA NYID DU 'GYUR NA DE YANG RIGS PA MA YIN TE, PHAN TSUN 'GAL BA'I DON STON PA'I PHYIR ZHES SNGAR BSHAD ZIN PA'I PHYIR RO, ,CI STE YANG GANG GI TSIG TSAD MA THAMS CAD KYIS RNAM PAR DPYAD PA NA MA NOS PAR MI NUS PA DE NYID THAMS CAD MKHYEN PAR 'GYUR RO SNYAM NA, RANG GI PHYOGS LA DGA' BA ZHES BYA BA LA SOGS PA SMOS TE, DPER NA BDE BAR GSHEGS PA NI DON THAMS CAD KYI DE KHO NA NYID DNGOS SU MKHYEN PA CAN YIN TE, MA THOS PA DANG RJES SU MI DPOGS PA'I PHYIN CI MA LOG PA'I DON STON PA PO YIN PA'I PHYIR DPER NA CHU LA SOGS PA MNGON SUM GYIS RTOGS PA STE, DE STON PA BZHIN NO ZHES BYA BA'I GTAN TSIGS GANG ZHIG BDE BAR GSHEGS PA'I SRAS RNAMS KYIS BDE BAR GSHEGS PA THAMS CAD MKHYEN PA NYID DU BSGRUB PA'I PHYIR NYE BAR BLANG BA 'DI NYID NAM MKHA'I GOS CAN RNAMS KYIS RGYAL BA THAMS CAD MKHYEN PA NYID DU BSGRUB PAR BYA BA'I PHYIR NYE BAR GNAS TE, DE LTA BAS NA THE TSOM ZA BA SO NA 'DUG PA YIN NO, ,DE BZHIN DU RGYAL BA THAMS CAD MKHYEN PA NYID DU BSGRUB PAR BYA BA'I PHYIR NAM MKHA'I GOS CAN RNAMS KYIS SGRUB PAR BYED PA BKOD PA LA, SH'AKYA'I BU RNAMS KYIS KYANG 'DI NI THAMS CAD MKHYEN PA MA YIN TE, DE NYE BAR BSTAN PA'I SKAD CIG MA 'JIG PA LA SOGS PA RNAMS MI RUNG BA'I PHYIR RO ZHES NYE BAR LEN PAR BYED PA YIN NO, , DE LTA YIN DANG JI LTAR GZUGS NYE MA THAG TU GZUGS BRNYAN 'CHAR BA DE LTAR 'DI DAG GI SGRUB PA DANG SUN 'BYIN PA'I DE MA THAG TU PHAN TSUN DGRAR GYUR PA'I SGRUB PA DANG SUN 'BYIN PA RNAMS NYE BAR GNAS PA'I PHYIR RO, ,DE JI LTAR GZUGS BRNYAN 'CHAR BA NYID KYIS ZIN PA'I MI GNAS PA'I SGRUB PA DANG SUN 'BYIN PA 'DI RNAMS KYIS 'GA' ZHIG THAMS CAD MKHYEN PA NYID DU NGES PAR BYA BA YI, 'DI SNYAM DU GANG ZHIG DON DAM PAR SUS KYANG DBYUNG BA BYA BAR MI NUS PA KHO NA THAMS CAD MKHYEN PA NYID DU SHES PAR BYA'O SNYAM DU SEMS NA, DE LTAR

264a

, ,KUN MKHYEN ZHES BYA BA LA SOGS PA SMOS TE, BDAG NYID KHYAD PAR DU 'PHAGS PAR BYA BA'I PHYIR, JI LTAR NE'U LE ZHES BYA BA LA SOGS PA SMOS SO, ,DE YANG RIGS PA 'GA' ZHIG PO 'DI GANG YIN ZHE NA, GANG ZHIG CES BYA BA LA SOGS PA SMOS TE, SHES BYA NYID LA SOGS PA'I GTAN TSIGS NI MTHUN PA'I PHYOGS DANG MI MTHUN PA'I PHYOGS THUN MONG BA NYID DU SHIN TU GRAGS PA YIN ZHING GNOD BYED DU 'GYUR PA DE NI GTAN DU MI SRID PA'I PHYIR RTOG PA DANG LDAN PAS KHAS BLANG BAR MI BYA STE, 'DI LTAR BDE BAR GSHEGS PA NI THAMS CAD MKHYEN PA MA YIN TE, SHES BYA NYID DANG, GZHAL BYA NYID DANG, DNGOS PO NYID DANG, YOD PA NYID DANG, SMRA BA NYID DANG, SKYES BU NYID LA SOGS PA'I PHYIR LAM PO CHE'I MI BZHIN NO ZHES BYA BA 'DI YANG BRJOD PAR NUS PA YIN NO, ,'DI DAG MA NGES PA NYID DU 'GYUR BA YANG MA YIN TE, DE LTAR DNGOS PO THAMS CAD YONGS SU SHES PA'I PHYIR THAMS CAD MKHYEN PAR 'DOD DO, ,DNGOS PO THAMS CAD YONGS SU SHES PA DE YANG NAM ZHIG DBANG PO'I SHES PAS SAM, YID KYI SHES PAS YIN GRANG RE ZHIG DBANG PO'I SHES PAS NI MA YIN TE, DE NI SO SOR NGES PA'I DON GYI YUL CAN YIN PA'I PHYIR DON MA LUS PA'I YUL CAN DU RIGS PA MA YIN PA'I PHYIR TE, 'DI LTAR MIG LA SOGS PA'I RNAM PAR SHES PA SO SOR NGES PA'I YUL 'DZIN PA'I RANG BZHIN RNAMS NI NGES PAR BYED PA'I RANG BZHIN GYI RGYU DBANG PO RNAMS KYIS BSKYED PA YIN TE, DE LTA YIN DANG 'JIG RTEN RANG GI YUL GYI MTSAMS LAS MA 'DAS PA NYID DU SHIN TU GRAGS PA'I PHYIR, 'DI DAG GIS DON MA LUS PA 'DZIN PAR RIGS PA MA YIN NO, ,DE LTA MA YIN NA DBANG PO DU MA DON MED PAR THAL BAR 'GYUR RO, ,DE LTA YIN DANG SHES PA GCIG GIS THA DAD PA'I DBANG PO GZUNG BAR BYA BA YIN NA YANG GZUGS DANG RO LA SOGS PA CHOS THAMS CAD SHES SO ZHES DE LTAR SANGS RGYAS PA DAG GIS BRTAGS PA YIN TE, GCIG GIS THAMS CAD SHES PA STE, GCIG GIS

264b

THAMS CAD MTHONG BA YIN ZHES BSHAD PA'I PHYIR RO, ,SANGS RGYAS PA SMRA BA PO DE NI MIG GIS TE BYED PAR 'GYUR BA DE'I SGO NAS 'JUG PA'I SHES PAS RO LA SOGS PA'I CHOS THAMS CAD RTOGS SO ZHES BYA BAR 'GYUR LA 'DI LA BRJOD PAR NUS PA MA YIN NO, ,GAL TE SHES PA GCIG GIS CIG CAR DON MA LUS PA 'DZIN PAR MA GYUR MOD, ,DU MAS NI 'DZIN PAR 'GYUR RO ZHE NA, 'DI LTAR CIG CAR RNAM PAR SHES PA DU MA MI SRID PA'I PHYIR RO, ,SRID DU CHUG NA YANG DNGOS PO THAMS CAD 'DZIN PA YOD PA MA YIN TE, THAMS CAD KYI GZHAN GYI SEMS DBANG PO'I YUL MA YIN PA'I PHYIR DANG, RING BA DANG, PHRA BA DANG, CHOD PA LA SOGS PA'I YUL DU MA GYUR PA'I DON NI DES GZUNG BAR MI NUS PA'I PHYIR RO, ,GAL TE 'DI SNYAM DU DA LTAR MIG LA SOGS PA'I RNAM PAR SHES PA RNAMS RIGS MI MTHUN PA'I DON 'DZIN PAR MA MTHONG BA DE LTA NA YANG DUS GZHAN DU RES 'GA' 'GA' ZHIG RIGS MI MTHUN PA'I DON BZUNG BAR GYUR TO ZHES BYA BAR SRID PA YIN NO SNYAM DU SEMS NA, GANG GI RIGS CAN TSAD MA YIS, ,ZHES BYA BA LA SOGS PA SMOS TE, DNGOS PO RNAMS KYI RANG BZHIN SO SOR NGES PA NI RGYU DANG 'BREL BA'I DON GYIS GLO BUR BA NI MA YIN TE, DE LTA MA YIN NA THAMS CAD THAM CAD KYI RANG BZHIN NYID DU THAL BAR 'GYUR RO, ,DE LTA YIN DANG RGYU DANG 'BREL PA'I BDAG NYID THOB PA'I RNAM PA DE LTA BU NI JI LTAR RNAM PA GZHAN NYID DU SRID, DU BA'I RGYU DANG 'BREL PA'I BDAG NYID DU GNAS PA'I DU BA NI GZHAN LAS 'BYUNG BA SRID PA MA YIN NO SNYAM DU BSAMS PA YIN NO, ,YID KYI SHES PAS SHES BYA'I PHYOGS KYANG MA YIN TE, 'DI LTAR GAL TE YANG DE THAMS CAD KYI YUL CAN YIN PA DE LTA NA YANG DE LA RANG DBANG DU DON 'DZIN PA'I BYA BA YOD PA MA YIN TE, 'ON PA DANG LONG BA LA SOGS PA MED PAR THAL BAR 'GYUR BA'I PHYIR RO, ,GZHAN YANG YIN NA DBANG PO'I SHES PAS YONGS SU BZUNG BA'I DON GYI YUL CAN YIN PA'I PHYIR, RING BA DANG, PHRA BA DANG, CHOD PA DANG,

265a

, ,GZHAN GYI SEMS LA SOGS PA'O, ,DON DBANG PO'I SHES PA'I YUL DU MA BYAS PA YANG DES YONGS SU GCOD PAR 'GYUR RO, ,'DI SNYAM DU GOMS PA LAS SHES RAB LA SOGS PA SKYES BU RE RE LA GONG NAS GONG DU THA DAD PAR MTHONG BA'I PHYIR RO, ,SHIN TU RAB KYI MTHAR THUG PAR YANG SRID PA YIN NO SNYAM DU SEMS NA, 'DIR GANG YANG ZHES BYA BA LA SOGS PA SMOS TE, 'GA' ZHIG GOMS PA NA YANG DBANG PO LAS 'DAS PA'I DON MTHONG BA NYID DU DMIGS PA MA YIN NO, ,'DI LTAR SKYES BU SHIN TU SHES RAB CAN YANG ZHIB MO'I BLOS RTOGS PAR BYA BA YIN PAS PHRA BA'I DON DMIGS PAR NUS KYANG RANG GI RIGS TE MI'I RIGS SU 'BYUNG BA LHA'I MIG MA YIN PA LA SOGS PA'I MTSAN NYID CAN GYI RANG BZHIN LAS MA 'DAS PAR 'JUG PA NA GOMS PA LAS SKYES BU PHUL DU BYUNG BAR MTHONG GI, LHA'I MIG LA SOGS PA DANG LDAN PA 'GA' ZHIG MTHONG BA NI MA YIN NO ZHES BYA BA'I DON TO, ,DE LTAR YIN DANG DES MI LAS RNAM PAR 'DAS PA'I LHA'I MIG SHIN TU RNAM PAR DAG PAS SEMS CAN BDE 'GROR 'GRO BA YANG MTHONG ZHING NGAN 'GROR 'GRO BA YANG MTHONG NGO ZHES SANGS RGYAS PA RNAMS KYIS SMRAS PAR GRAGS PA GANG YIN PA DE MI MTHONG NGO SNYAM DU BSAM PA YIN NO, ,BLO THAMS CAD GOMS PA LA SOGS PA RNAMS KYIS KHYAD PAR DU 'GYUR DU CHUG MOD, DE LTA NA YANG 'DI DAG RANG GI YUL GYI MTSAMS LAS MA 'DAS PA YIN PA NA KHYAD PAR DU 'PHAGS PA YIN NO ZHES RGYAS PAR BSTAN PA'I PHYIR, RNA BAS RTOGS BYAS ZHES BYA BA LA SOGS PA SMOS TE, RING BA DANG PHRA BA DAG LA DMIGS PA STE, SHES PA DE DAG GIS ZHES BYA BA NI DE LTA BUR GYUR PA'I MTSAN NYID KYIS GSUM PA'O, ,LA LAM, RING DANG PHRA TSOGS DMIGS PA'I PHYIR, ,ZHES 'DON PA DER NI GTAN TSIGS KYANG LNGA PAR BYA'O, ,MIG GIS KYANG SGRA LA SOGS PA MTHONG BAR BYED PA MA YIN NO ZHES SBYAR RO, ,DE TZAM GYIS DBANG PO'I BLO RNAMS RANG GI YUL GYI MTSAMS LAS MI 'DA' BAR BSTAN TO, ,

265b

DA NI YID KYI SHES PA YANG SHES PAR BYA BA'I YUL LAS 'DAS PA NYID KYIS KHYAD PAR DU 'PHAGS PA MTHONG NGO ZHES STON PA NI, DE LTAR BSTAN BCOS ZHES BYA BA LA SOGS PA SMOS TE, 'DI GSAL BAR BYA BA'I PHYIR, BY'A KA RA nA'I SKRA SHES NA, ,ZHES BYA BA LA SOGS PA SMOS SO, , SKAR MA'I BSTAN BCOS SHES PA'I PHYIR RGYU SKAR SHES PA'O, ,RIG BYED DANG STON 'BYUNG LA SOGS PA SHES PA LA STE, DE DAG GI KHYAD PAR DU 'PHAGS PA DE GANG LA YOD PA ZHES TSIG RNAM PAR SBYAR RO, ,SNGON MED PA'I SGRAS CHOS DANG CHOS MA YIN PA BRJOD PA'O, , GZHAN YANG RANG GI YUL GYI MTSAMS LAS MA 'DAS PAR YANG KHYAD PAR DU 'PHAGS PAR 'GYUR BA NI SHIN TU RAB KYI MTHAR THUG PAR 'GRO BA MA YIN GYI 'ON KYANG CUNG ZAD TZAM GYI YUL GYI MTSAMS SU SNANG BA YIN NO ZHES BYA BA 'DI BSTAN PAR BYA BA'I PHYIR, MKHA' LA KHRU BCU ZHES BYA BA LA SOGS PA 'CHAD DE 'DI LTAR GAL TE BAD KAN SHAS CHE BA'I LUS CAN KHA CIG KHRU GANG TZAM GYI NAM MKHA' LA MCHONG BAR NUS PA PHYIS GOMS PAS RIM GYIS LUS YANG BA THOB PA CAN NAM MKHA' KHRU BCU'I BAR DU MCHONG BAR 'GYUR BA DE LTA NA YANG DE DAG DPAG TSAD GCIG TU NI 'BAD PA BYAS KYANG NAM MKHA' LA MCHONG BAR NUS PA MA YIN NO, ,DE'I PHYIR ZHES BYA BA LA SOGS PAS MJUG SDUD PAR BYED DO, ,YUL DU BYUNG STE KHYAD PAR 'PHAGS PA'I SHES PA STE RING TU SONG BAS ZHES BYA BA NI BYED PA'I GSUM PA'O, ,'DI NYID GSAL BAR BYA BA'I PHYIR, ,KHANG MIG GCIG CES BYA BA LA SOGS PA SMOS TE, 'JIG RTEN NI 'JIG RTEN GYI DBYIBS KYI KHYAD PAR DE JI LTAR BHA RA TA'I 'JIG RTEN LA BHA RA TA'I 'JIG RTEN GYI DBYIBS ZHES BRJOD PA BZHIN NO, ,'DI LA GZHAN DAG GIS KYANG KHO BO CAG LAG NAS 'DREN PA YIN NO ZHES BSTAN PA'I PHYIR, RTA DANG CHO LO'I DOR SHES PA'I, ,ZHES BYA BA LA SOGS PA SMOS TE, BZHON PA ZHES BYA BA NI SHING RTA'O, ,'DI LTAR THOS TE, RKANG ZHES BYA BA NI RGYAL PO BYUNG BAR GYUR TO, ,DES CHO LO'I DOR

266a

, ,THABS MI SHES PAS RGYAL SRID MTHA' DAG CHO LO'I SKUGS LA SHOR BAR GYUR LA, DE'I BTZUN MO 'DUL BYED MA ZHES BYA BA BYUNG BAR GYUR TE, DE RGYAL SRID MA LUS PA SHOR BAS 'DUL BYED MA 'BA' ZHIG DANG LHAN CIG NAGS SU SONG NGO, ,DER SONG NAS KYANG DE'I GNAM BSKOS KYI DBANG GIS BTZUN MO DE DANG BRAL BAR GYUR TE, DES SDUG PA DANG BRAL BA'I MYA NGAN SHIN TU CHE BA SKYES NAS MCHI MA'I SPRIN 'THIBS PA'I GDONG GIS BSAMS PA'I RGYA MTSOR ZHUGS PA NA LUS SHIN TU RID PAR GYUR TE, DE DER 'KHYAMS PA LAS RE ZHIG NA RGYAL PO DUS 'DAB KYI G-YOG TU GNAS TE NGO MI SHES PAR GNAS PAR GYUR TO, ,BTZUN MO DE YANG RE ZHIG NA STES TE PHA'I KHYIM DU PHYIN TE, DE'I PHA YANG DE'I KHYO DER 'ONG BAR BYA BA'I PHYIR 'DUL BYED MAS KHYIM THAB 'DAM PAR BYED DO ZHES GRAGS SO, ,JI LTAR 'DUL BYED MA KHYIM 'DAM MO ZHES BYA BA RGYAL PO DUS 'DAB KYIS THOS LA, DE THOS NAS KHA LO SGYUR BA RKANG DANG DER 'GRO BA BRTZAMS SO, ,DUS 'DAB KYIS NI CHO LO'I DON SHES KYI BRDA BRTAG PA NI MI SHES SO, ,RKANG GIS NI BRDA BRTAG PA SHES KYI CHO LO'I DON NI MI SHES SO, ,DUS 'DAB KYIS 'DI JI LTAR BRDA BRTAGS PA YIN NO SNYAM DU SHES TE DE SHES NA DES RKANG LA BRDA BRTAG PA SLOBS SHIG CES SMRAS SO, ,RKANG GIS KYANG GAL TE KHO BO LA CHO LO'I DOR THABS SLOB PA DE LTA NA BSLAB PAR BGYI'O ZHES SMRAS SO, ,DE NAS DUS 'DAB KYIS, KUN GYIS THAMS CAD MI SHES LA, ,ZHES BYA BA LA SOGS PA 'DI SMRAS SO, ,DE NAS RGYAL PO RKANG GIS CHO LO'I DOR THABS DUS 'DAB LA BSLABS NAS SLAR YANG RGYAL SRID DE LAS RGYAL TE SLAR KHUGS SO ZHES GTAM DU GRAGS SO, ,GZHAN YANG THAMS CAD MKHYEN PA YIN NA GDON MI ZA BAR 'DAS PA DANG, MA 'ONGS PA'I DNGOS PO SHES PAR BYA DGOS SO, ,DE LTAR MA YIN TE DA LTAR BYUNG BA TZAM ZHIG SHES NA PHYOGS GCIG SHES PAR 'GYUR GYI THAMS CAD SHES PA NI MA YIN NO, ,MA 'ONGS PA LA SOGS PA YONGS SU SHES PA SRID PA YANG MA YIN NO ZHES

266b

BSTAN PA'I PHYIR, MA 'ONGS PA LA ZHES BYA BA LA SOGS PA STE, MNGON SUM NI DBANG PO'I NUS PA'I STOBS KYIS 'BYUNG BA'I PHYIR DANG, MA 'ONGS PA YANG DNGOS PO MED PA YIN PA'I PHYIR DE LA MNGON SUM GYI BYA BA YOD PA MA YIN NO, ,RJES SU DPAG PA YANG MA YIN TE RTAGS MED PA'I PHYIR RO, ,'GA' ZHIG TU MA 'ONGS PA'I DNGOS PO DANG 'BREL BA'I RTAGS YOD PA NI MA YIN TE, MA 'ONGS PA NI MED PA'I PHYIR RO, ,SOGS PA'I SGRAS NI DPE GZUNG NGO, ,MA 'ONGS PA SMOS PA NI NYE BAR MTSON PA STE 'DAS PA YANG SMOS PAR BLTA BAR BYA'O, ,GANG GI PHYIR DE LA YANG DNGOS PO MED PA NYID KYIS MNGON SUM GYI BYED PA YOD PA MA YIN NO, ,DE LTA BAS NA GZHAL BYA NYID LA SOGS PA'I GTAN TSIGS KYI TSOGS KYIS KHYAB PAR BSGRUB PO, ,DE NYID KYI PHYIR DNGOS PO MED PA'I TSAD MAS YUL DU BYAS PA'I NGO BO YIN PA'I PHYIR ZHES BYA BAS SNGAR BSHAD PA'I GTAN TSIGS 'DI'I KHYAB PA BSTAN PA YIN NO, ,DE'I PHYIR DE LTAR GTAN TSIGS RNAMS KYI KHYAB PA BSTAN NAS MJUG BSDU BA'I PHYIR, DE PHYIR DBANG 'DAS ZHES BYA BA LA SOGS PA SMOS SO, ,'DI SNYAM DU TSIG BRTAGS PAS THAMS CAD MTHONG BA YIN TE, 'DI LTAR GSER THUB DANG 'OD SRUNGS LA SOGS PAS BYAS PA'I TSIG LAS SH'AKYA THUB PAS MTHONG BA DE LAS KYANG GZHAN GYIS YIN NO SNYAM DU SEMS NA, 'DI LA GANG ZHIG 'DI MI BZOD, ,CES BYA BA LA SOGS PA SMOS TE, TSIG NI BRTAGS PA NYID KYIS NI, ,GANG GIS MTHONG BA NGES MTHONG NGO, ,ZHES DE MA THAG TU SMRAS PA 'DI MI BZOD PA NI 'DI SNYAM DU SEMS TE SANGS RGYAS PA LA SOGS PA BRTAGS PA'I TSIG GIS THAMS CAD MTHONG BA NI MA YIN GYI 'ON KYANG SKYES BU GZHAN GYIS BYAS PA STE, 'DI LTA STE DPER NA GSER THUB DANG 'OD SRUNGS LA SOGS PAS BYAS PA'I LUNG GIS SH'AKYA THUB PAS SO SNYAM MO, ,DE SKAD DU SMRA BA 'DI NI DE'I TSIG TSAD MA MA YIN PAR BRJOD PAR BYA STE, DE'I STE SKYES BU GZHAN DE'I TSIG NI DE'I TSIG STE MTHONG PAR MNGON PAR 'DOD PA'I SKYES BU'I TSIG DE

267a

, ,DANG MTSUNGS PA'I RGYU'I PHYIR RO, ,LUNG BYED PA'I SKYES BU YANG TSAD MA MA YIN PA NYID DU BRJOD PAR BYA'O ZHES SKABS DANG SBYAR BAR BYA'O, ,JI LTAR ZHE NA, SNGAR BSHAD PA STE SHES BYA NYID DANG GZHAL BYA NYID LA SOGS PA'I GTAN TSIGS RNAMS KYIS SO, , 'ON TE SANGS RGYAS KYI RGYUD PA THOG MA MED LA, DES BYAS PA'I GRUB MTHA' YANG THOG MA MED PA MA YIN NAM, DE LTA YIN DANG RIG BYED DANG LDAN PA'I SKYES BU'I RGYUD PA DANG RIG BYED BZHIN DU 'DI DAG THOG MA MED PA'I PHYIR SKYON MED PA KHO NA'O ZHE NA, BYED PA PO DANG BYAS PA'I TSIG, ,CES BYA BA LA SOGS PA SMOS SO, ,'DI NYID BSTAN PAR BYA BA'I PHYIR, GZHAN LA LTOS PHYIR ZHES BYA BA LA SOGS PA SMOS TE, JI LTAR ZAS GTZANG GI SRAS DANG DES BYAS PA'I TSIG TSAD MA MA YIN PA DE BZHIN DU GSER THUB DANG 'OD SRUNGS LA SOGS PA GZHAN DAG DANG DES BYAS PA'I TSIG KYANG NGO ZHES BYA'O, ,DE LTA YIN DANG 'DRA BA'I GANG ZAG RNAMS DANG DE'I TSIG RNAMS THOG MA MED PA NYID DU BRTAGS NA YANG TSAD MA MA YIN PA DE LAS KHYAD PAR DU 'PHAGS PA STE RING BAR GYUR PA MA YIN TE, TSAD MA MA YIN PA'I GO 'PHANG NYID LA GNAS PA'I PHYIR RO, ,DE LA GAL TE THOG MA MED PA TZAM GYIS SANGS RGYAS LA SOGS PA RIG BYED 'DON PA DANG 'DRA BAR BRJOD PA DE LTA NA YANG THOG MA MED PA NYID LAS TSAD MA MED PA NYID DU GRUB PAR MI 'GYUR TE, TSAD MA DANG TSAD MA MA YIN PA GNYI GA THOG MA MED PA NYID DU MI 'GAL BA'I PHYIR RO, ,RIG BYED 'DON PA DANG SANGS RGYAS PA LA SOGS PA RNAMS GO RIMS BZHIN DU TSAD MA DANG TSAD MA MA YIN PA NYID DU THOG MA MED PA NYID DU 'GYUR BA 'BA' ZHIG TU ZAD KYI, GNYI GA THOG MA MED PA'I PHYIR TSAD MA NYID DU 'GRUB PAR 'GYUR BA MA YIN NO ZHES BYA BA NI BSDUS PA'I DON TO, ,'DI NYID DPE'I SGO NAS GSAL BAR BYA BA'I PHYIR, GANG DAG TSAD MA DANG ZHES BYA BA LA SOGS PA SMOS TE, TSAD MA DANG NGER SNANG BA DAG GI YON TAN DANG SKYON ZHES TSIG RNAM PAR SBYAR RO, ,DA NI DNGOS PO'I TSAD MAS YUL DU BYAS PA'I

267b

NGO BO MA GRUB PA NYID SPANG BA'I SGO NAS THAMS CAD MKHYEN PA MED PAR SGRUB PA NA RIG BYED DE LAS KHYAD PAR DU STON PA NI, GANG DAG SANGS RGYAS ZHES BYA BA LA SOGS PA SMOS TE, MTSUNGS PAR BRJOD PA ZHES BYA BA NI YANG DAG PAR RTOG PA'I RGYU NYID DU GNYI GA YANG MTSUNGS PA'I PHYIR RIG BYED RTAG PA'I SGO NAS SAM THAMS CAD MKHYEN PA'I TSIG GI SGO NAS KYANG RUNG STE DBANG PO LAS 'DAS PA'I DON RTOGS PA'I PHYIR 'GAL BA MED DO ZHES GANG DAG DE LTAR BRJOD PA LA, DE SKAD GRUB PA DE DAG LA RIG BYED KYI KHYAD PAR SMRA BA YIN TE, 'DI LTAR MTHONG BA NI MNGON SUM DANG, RJES SU DPAG PA DANG, SGRA DANG, NYE BAR 'JAL BA DANG, DON GYIS GO BA DAG GI NANG NAS TSAD MA GCIG GIS KYANG 'GRUB PA MA YIN TE, DE JI LTAR DNGOS PO MED PA'I TSAD MAS ZIN PA'I YUL CAN GYI MED PA DE YANG TSAD MAR GYUR BA'I RIG BYED GNAG RDZI'I CHUNG MA'I BAR LA SOGS PA LA GRAGS PA MTSUNGS PAR 'GYUR SNYAM DU BSAMS NA, DA NI RE ZHIG MIG LA SOGS KYIS ZHES BYA BA LA SOGS PA 'DI MNGON SUM LA SOGS PA'I TSAD MA LNGAS GRUB PA SEL BAR BYED DO, ,RE ZHIG KHO BO CAG LA SOGS PA TSU ROL MTHONG BA RNAMS KYIS MNGON SUM GYI THAMS CAD MKHYEN PA MTHONG BA MA YIN TE, 'DI LTAR TSU ROL MTHONG BA'I MNGON SUM NI RNAM PA GSUM STE DBANG PO DANG, YID DANG, SEMS DANG SEMS LAS BYUNG BA THAMS CAD KYI RANG RIG PA'O, ,GSUM PO 'DI THAMS CAD KYIS KYANG THAMS CAD MKHYEN PA RTOGS PAR NUS PA MA YIN TE, DE'I YUL CAN MA YIN PA'I PHYIR RO, ,DBANG PO'I SHES PA'I YUL NI SO SOR NGES PA'I GZUGS LA SOGS PA LNGA PA YIN TE, DE LTAR NA DES GZHAN GYI RGYUD LA 'DU BA'I BLO'I CHOS YUL DU BYED PA MA YIN NO, ,YID KYIS KYANG MA MA YIN TE, DE'I NI DBANG PO'I SHES PA'I SA YONGS SU GZUNG BA'I YUL GYI DE MA THAG PA'I YUL 'DZIN PA NYID KYIS DBANG PO'I SHES PA BZHIN DU SO SOR NGES PA'I GZUGS LA SOGS PA'I YUL CAN YIN PA'I PHYIR RO, ,RANG RIGS PAS KYANG MA YIN TE, DE'I YUL NI RANG GI

268a

, ,RGYUD LA YOD PA'I, DA LTA BA'I SEMS DANG SEMS LAS BYUNG BAS YIN PAS DE GZHAN GYI RGYUD LA YOD PA DANG, RANG GI RGYUD LA YOD PA YANG MA 'ONGS PA LA SOGS PA'I SEMS KYI CHOS RIG PAR BYED MI NUS SO, ,RNAL 'BYOR BA'I SHES PA NYID NI BSGRUB PAR BYA BA YIN PA'I PHYIR DES 'DZIN PA DANG MI 'DZIN PA'I BSAM PA MI 'JUG GO, ,RJES SU DPAG PAS KYANG MA YIN TE, DE NI BDE BAR GSHEGS PA RNAMS KYIS RTAGS RNAM PA GSUM LA BRTEN PAR 'DOD DE, DE LA 'DIR BSGRUB BYA SGRUB PAR BYED PA'I DBANG DU BYAS PA'I PHYIR RE ZHIG MI DMIGS PA NYID KYI DBANG DU BYAS PA MA YIN NO, ,'BRAS BU YANG MA YIN TE, RGYU DANG 'BRAS BU'I DNGOS PO NI MNGON SUM DANG MI DMIGS PAS BSGRUB PAR BYA BA YIN PA'I PHYIR RANG BZHIN GYIS NI BSKAL BA'I THAMS CAD MKHYEN PA DANG LHAN CIG TU RGYU DANG 'BRAS BU DNGOS PO MI 'GRUB PA'I PHYIR RO, ,RANG BZHIN GYI GTAN TSIGS KYANG THAMS CAD MTHONG BA YOD PAR SGRUB PAR BYED PA MA YIN TE, DE MNGON SUM MA YIN PA NYID NI DE DANG THA MI DAD PA'I RANG BZHIN GZUNG BAR MI NUS PA'I PHYIR RO, ,DE LTA BAS NA MTHONG BA DANG GAGS PA'I RTAGS SU GYUR PA GANG ZHIG THAMS CAD MKHYEN PA'I RJES SU DPOG PAR BYED PA'I PHYOGS GCIG GI PHYOGS KYI CHOS DE NI NGES PAR DPYAD NA YOD PA MA YIN NO, ,GZHAN YANG THAMS CAD MKHYEN PA YOD PAR BSGRUB PAR BYA BA LA GTAN TSIGS THAMS CAD SKYON GYI RIGS GSUM LAS MI 'DA' STE, MA GRUB PA DANG, 'GAL BA DANG, MA NGES PA NYID DO, ,'DI LTAR GTAN TSIGS SU STON PA NI DNGOS PO'I CHOS ZHES BRJOD DAM DNGOS PO MED PA'I CHOS SAM, 'ON TE GNYI GA'I CHOS ZHES BYA BA RNAM PA GSUM MO, ,DE LA CHOS CAN THAMS CAD MKHYEN PA LA DNGOS PO'I CHOS PHYIR RGOL BA LA GRUB PA SRID PA MA YIN TE, CHOS CAN DE NYID BSGRUB PAR BYA BA YIN PA NYID KYIS MA GRUB PA'I PHYIR RAM GRUB NA YANG RTZOD PA MED PAR THAL BAR 'GYUR BA'I PHYIR RO, ,GANG ZHIG DE LA DNGOS PO'I CHOS 'DOD PA'I RGOL BA DE JI LTAR DNGOS PO NYID DU MI

268b

'DOD DO, RTEN MED PA'I CHOS TZAM BZUNG BAR MI NUS PA NYID KYI PHYIR RO, ,DNGOS PO MED PA'I CHOS KYANG THAMS CAD MKHYEN PA BSGRUB PAR BYA BA LA GTAN TSIGS SU RIGS PA MA YIN TE, DE NI DNGOS PO LAS BZLOG PA SGRUB PAR BYED PA NYID KYIS 'GAL BA'I PHYIR RO, ,GNYI GA'I CHOS KYANG MA YIN TE, DE NI MA NGES PA NYID KYI PHYIR TE, 'DI LTAR DNGOS PO DANG DNGOS PO MED PA'I CHOS NI DNGOS PO'I CHOS BSGRUB PAR BYA BA'I PHYIR DNGOS PO MED PA ZHES BYA BA'I MI MTHUN PA'I PHYOGS RNAM PAR BCAD PAS THOB PAR BYA BA DNGOS PO LA MA 'KHRUL BA'I MTSAN NYID KYI GTAN TSIGS NYID DU JI LTAR NYAMS SU MYONG BAR 'GYUR, DE LTA BAS NA RJES SU DPOG PAR BYED PA RTAGS SU GYUR BA PHYOGS RNAM PA GSUM CHAR MED PA YANG MED PA'I PHYIR RJES SU DPAG PA LAS THAMS CAD MKHYEN PA GRUB PA MA YIN NO, ,SGRA LAS BYUNG BAS KYANG THAMS CAD MKHYEN PA NGES PA YOD PA MA YIN NA ZHES STON PA NI, KUN MKHYEN SGRUB BYED CES BYA BA LA SOGS PA STE, SGRA LAS BSKAL BA'I DON LA SHES PA SKYES PA GANG YIN PA NI SGRA LAS BYUNG BA'O, ,DE YANG RNAM PA GNYIS TE, RTAG PA'I SGRA LAS BYUNG BA DANG, SKYES BUS BYAS PA'I SGRA'I RGYU CAN NO, ,DE LA THAMS CAD MKHYEN PA STON PAR BYED PA'I RNAM PA DE LTA BU'I LUNG RTAG PA MED PA'I PHYIR RE ZHIG DANG PO NI SRID PA MA YIN NO, ,GANG YANG GSANG BA LA SOGS PAR BDEN PA'I NGAG CAN BDEN PA'I KUN DU RTOG PA CAN BDEN PA'I 'DOD PA CAN GANG YIN PA DE BTZAL BAR BYA ZHING DE SHES PAR 'DOD PAR BYA'O ZHES BYA BA DE LTA BU LA SOGS PA 'DON PA DE YANG DRANG PA'I DON DU BLTA BAR BYA'O, ,GANG YANG SKYES BUS BYAS PA'I TSIG BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE NI ZHES MTHONG BA DE YANG TSAD MA MA YIN PA'I PHYIR JI LTAR MI BDEN PA DES DE YID CHES PAR 'GYUR, 'DI SNYAM DU GANG CI YANG RUNG BA'I TSIG LAS KHO BO CAG GIS THAMS CAD MKHYEN PA RTOGS PA NI MA YIN NO, ,'O NA CI ZHE NA, NGA NI THAMS CAD MKHYEN CING THAMS CAD GZIGS PA STE,

269a

, ,DE BZHIN GSHEGS PAS MI MKHYEN PA CUNG ZAD KYANG MED DO ZHES BYA BA LA SOGS PA BCOM LDAN 'DAS DE NYID KYIS GSUNGS PA'I TSIG GIS TE, DE BAS NA DE'I TSIG NYID KYIS RTOGS PA YIN NO SNYAM DU SEMS NA, CI STE DE YI TSIG NYID KYIS, ,ZHES BYA BA LA SOGS PA STE, DE LTA YIN NA PHAN TSUN BSTEN PA'I SKYON DU 'GYUR RO, ,JI LTAR ZHE NA, THAMS CAD MKHYEN PAS BSTAN PAS ZHES BYA BA LA SOGS PA SMOS TE, 'DI LTAR JI SRID DU 'DI THAMS CAD MKHYEN PAS GSUNGS PA YIN NO ZHES DE LTAR MA RTOGS PA DE SRID DU DE'I TSIG TSAD MA NYID DU NGES PAR MI 'GYUR LA, DE THAMS CAD MKHYEN PA NYID DU NGES PA YANG TSIG DE NYID LAS YIN PA'I PHYIR PHAN TSUN BSTEN PA NYID DU GSAL LO, ,RTZA BA GZHAN GRUB MA RTOGS PAR, ,ZHES BYA BA NI NGES PAR BYED PA'I RGYU GZHAN MED PAR ZHES BYA BA'I DON TO, ,CI STE YANG DE NYID NYAN THOS SH'A RI'I BU LA SOGS PA'I TSIG LAS THAMS CAD MKHYEN PA NGES PAR BYED DE, GANG GI PHYIR DES SH'AKYA'I RIGS KYI RGYAL PO 'DI NI THAMS CAD MKHYEN PA YIN NO ZHES SMOS PA YIN NO SNYAM NA, 'DIR SMRAS PA, KUN MKHYEN MA YIN PAS ZHES BYA BA LA SOGS PA STE; GANG GIS SANGS RGYAS PA RNAMS RANG GI TSIG KHO NAS THAMS CAD MKHYEN PA STON PAR BYED KYI, GZHAN GYI TSIG LAS STON PAR BYED PA TSAD MA'I DNGOS POR MA GRUB PA'I GZHAN GYIS TSIG NI RANG GI TSIG LAS KHYAD PAR 'GA' YANG YOD PA MA YIN PA'I PHYIR RMONGS PA LAS MA RTOGS PA'I RGYU CUNG ZAD MA MTHONG NGO, ,CI STE DE BZHIN GSHEGS PA DPAG TU MED PA BYUNG ZHING 'BYUNG BAR YANG 'GYUR TE, DE LTA YIN DANG GCIG DE LAS GZHAN PA'I TSIG LAS THAMS CAD MKHYEN PA NYID DU NGES PAR BYED LA GZHAN LAS GZHAN GYI TSIG LAS SO ZHES BYA BAR 'DOD NA, 'DIR SMRAS PA NI, THAMS CAD MKHYEN PA GCIG BSGRUB PHYIR, ,ZHES BYA BA LA SOGS PA STE, THAMS CAD MKHYEN PA GCIG BSGRUB PA'I PHYIR THAMS CAD MKHYEN PA RGYUD PA'I RJES SU 'BRANG BA NA SKYES BU'I TSE MTHA' DAG ZAD NA YANG TSU ROL MTHONG BA LA THAMS CAD MKHYEN PA'I NGES PA

269b

SKYE BA MI SRID PA'I PHYIR THAMS CAD MKHYEN PA NYID DU BRTAG PAR BYA BAR THAL BAR 'GYUR RO, ,GZHAN YANG GANG DAG LA THAMS CAD MKHYEN PA MI NYE BA NI RTOGS PAR MI NUS SO ZHES BYA BA RE ZHIG LTA ZHOG ,'ON KYANG THAMS CAD MKHYEN PA RIGS PA MA YIN PAS DE'I DUS NA NYE BA DE YANG SHES PAR MI NUS PA KHO NA'O ZHES BYA BA 'DI BSTAN PA'I PHYIR, 'DI NI KUN MKHYEN ZHES BYA BA LA SOGS PA SMOS TE, DE'I STE THAMS CAD MKHYEN PA'I SHES PA NI DE'I SHES PA'O, ,DE NYID KYI SHES BYA STE YUL YONGS SU GCAD PAR BYA BA SHES PA GANG LA YOD PA DE NI DE LTA BU YIN LA, DE NI DE YANG YIN LA SHES PA YANG YIN PAS DE SKAD CES BYA'O, ,DES STONG PA NI BRAL BA'O, ,YANG NA SHES PA DE'I SHES BYA GANG YIN PA DE DE'I SHES PA STE DES STONG PA NI THAMS CAD MKHYEN PA YIN PA ZHES BYA BA'I DON TO, ,'DI LTAR LUS TZAM MTHONG BA LAS THAMS CAD MKHYEN PA'I ZHES BYA BA DE LTAR NI NGES PAR MI NUS TE, NGES PA 'DI NI KHYAD PAR CAN GYI SHES PA DANG 'BREL BA 'DZIN PA MED NA MI 'BYUNG BA'I PHYIR RO, ,KHYAD PAR CAN GYI SHES PA DE YANG DNGOS PO MTHA' DAG GI YUL CAN YIN LA, DNGOS PO MTHA' DAG GI YUL CAN DE YANG DE'I NGES PA GZUNG BAR BYA BA'I YUL 'DZIN PA MED PA NGES PAR MI NUS TE, GANG GI PHYIR DBYIG PA MA BZUNG BAR DBYIG PA CAN GYI BLOR 'GYUR BA NI MA YIN NO, ,SBYOR BA NI GANG ZHIG GANG GI 'DZIN PA'I KHYAD PAR MA 'DZIN NA 'DZIN PAR MI 'GYUR TE, DPER NA DBYIG PA 'DZIN PA'I KHYAD PAR CAN DBYIG PA CAN 'DZIN PA NI DBYIG PA'I DNGOS PO MA BZUNG NA MI 'GYUR BA BZHIN NO, ,TSU ROL MTHONG BA RNAMS LA YANG THAMS CAD MKHYEN PA'I SHES PA'I ZHES BYA KHYAD PAR CAN SHES BYA'I DNGOS POS KHYAD PAR 'DZIN PA YOD PA MA YIN NO ZHES BYA BA NI KHYAB PAR BYED PA MI DMIGS PA STE, KHYAD PAR 'DZIN PAS KHYAD PAR CAN YIN PA LA KHYAB PA'I PHYIR DE YANG 'DI LA MED DO, ,DE LTA YIN DANG DA LTA NYE BA'I THAMS CAD RIG PA MA YIN PA GANG GIS THAMS CAD MKHYEN PA MA NGES PA DE LA THAMS CAD MKHYEN PA'I TSIG THAMS CAD YOD NA

270a

, ,YANG MA NGES PA'I PHYIR TSAD MA MA YIN PA NYID YIN TE, THAMS CAD MKHYEN PA NGES PAR BYED PA'I RTZA BA'I RGYU TSAD MA MED PA'I PHYIR RO, ,DE LAS GZHAN GYI TSIG BZHIN ZHES BYA BA NI LAM PO CHE'I SKYES BU'I TSIG BZHIN NO, ,CI STE SLOB MA'I SKYE BO'I TSOGS MTHA' DAG GI SEMS KYI SPYOD PA LA SOGS PA RNAM PA DU MA YONGS SU SHES PA'I PHYIR KUN BRJOD PA LA SOGS PA'I CHO 'PHRUL GYIS GDUL BYA'I SKYE BO'I YI RANGS PAR BYED PA NA 'DI BDAG NYID THAMS CAD MKHYEN PA NYID DU 'BAD PA MED PAR DE DAG GIS RTOGS PAR BYED PA YIN NO ZHES BYA PAR 'DOD NA, 'DIR SMRAS PA NI SLOB MA KUN GYIS ZHES BYA BA LA SOGS PA STE, GAL TE 'DI'I DUS NA NYE BA'I SKYE BO CUNG ZAD TZAM GYIS YONGS SU SHES PA'I DON RNAMS MKHYEN PA DE LTA NA YANG THAMS CAD MKHYEN PAR MI 'GYUR TE, DE'I DUS SU NYE BAR MI GNAS PA'I 'JIG RTEN PA GZHAN GYIS YONGS SU SHES PA'I DON MI MKHYEN PA'I PHYIR RO, ,GANG GI PHYIR PHYOGS GCIG YONGS SU SHES PA'I THAMS CAD MKHYEN PAR MI 'GYUR TE, HA CANG THAL BAR 'GYUR BA'I PHYIR RO, ,DE'I DUS NA GNAS PA'I SKYE BO MA LUS PA'I DON YONGS SU SHES PA DANG LDAN PA'I DON LA MI SLU BA YANG SRID PA MA YIN TE, THAG RING BAR GNAS PA DANG DON DU MI GNYER BA RNAMS LA MI SLU BA MED PA'I PHYIR RO, ,'DI SNYAM DU GANG GI TSE SKYE BO THAMS CAD DE BZHIN GSHEGS PA'I DRUNG DU CIG CAR PHYIN TE, GANG DANG GANG DRIS PA DE'I TSE BCOM LDAN 'DAS DE DANG DE KHO NA LUNG STON PAS DAS NA SKYE BO THAMS CAD KYIS SHES PA'I SHES BYA LA MI SLU BA YOD PA NYID DO SNYAM DU SEMS NA, 'DIR SMRAS PA NI, DUS GSUM 'JIG RTEN GSUM GNAS PA'I, ,ZHES BYA BA LA SOGS PA STE, 'DAS PA DANG MA 'ONGS PA DANG DA LTAR BYUNG BA'I DUS NA YOD PA'I MI RNAMS DANG 'GA' ZHIG TU PHRAD PA SRID PA MA YIN LA, MTHO RIS DANG SA 'OG DANG SA STENGS KYI BDAG NYID KYI 'JIG RTEN GSUM NA GNAS PA RNAMS DANG YANG MA YIN NO, ,YANG NA 'JIG RTEN GSUM NI 'DOD PA DANG GZUGS DANG GZUGS MED PA'I KHAMS GSUM

270b

GYI BDAG NYID DU RTOGS PAR BYA'O, ,GAL TE 'DI SNYAM DU DE'I 'JIG RTEN MTHA' DAG GIS YONGS SU SHES PA'I DON SHES PA'I NUS PA MED PAR GYUR NA, DE'I TSE SKYE BO CUNG ZAD TZAM GYIS YONGS SU SHES PA'I DON LA MI SLU BA YANG JI LTAR 'GYUR, 'GYUR BA YANG MA YIN TE, DES NA DE'I DNGOS PO MTHA' DAG YONGS SU SHES PA'I NUS PA YOD PA NYID DO SNYAM DU KHO BO CAG SEMS PA YIN NO SNYAM DU SEMS NA, 'DI LA SMRAS PA, 'DI LTAR CUNG ZAD SHES PAS KYANG, ,ZHES BYA BA LA SOGS PA SMOS TE, DBANG PO LAS 'DAS PA'I DON CUNG ZAD YONGS SU SHES PA TZAM GYIS DE CHOS DANG CHOS MA YIN PA LA SOGS PA YONGS SU SHES PAR 'GRUB PA MA YIN TE, GZHAN SLU BA SHES PA LA SOGS PA DANG SGYU MA DANG MIG 'PHRUL LA SOGS PA LA MKHAS PA RNAMS KYIS MA NGES PA YIN TE, 'DI LTAR SNGAGS DANG SMAN LA SOGS PA'I SBYOR BAS JI LTAR ZOS PA STE, BZA' BA DANG TSOD MA LA SOGS PA DANG, JI LTAR BSAM PA STE YID KYI DNGOS PO DANG, CHAD PA NA GNAS PA'I RDZAS LA MI SLU BAR BYED PA BZHIN TE, DE TZAM GYIS NI CHOS LA SOGS PA SHES PA MA YIN NO, ,DE BZHIN DU MIG 'PHRUL LA MKHAS PA LA LA DAG NGO MTSAR BA'I SKYED MOS TSAL DANG, GZHAL YAS KHANG DANG, LHA'I TSOGS DANG, LHA'I BU LA SOGS PA NAM MKHA' LA STON PAR BYED DE DE'I PHYIR MA NGES PA YIN NO, ,'ON TE DE LTA BU BYED NA'ANG GNA' RABS LA SOGS PA LAS TSANGS PA LA SOGS PA THAMS CAD MKHYEN PA NYID DU BSTAN PA MA YIN NAM, 'DI LTAR DER TSANGS PA'I SHES PA NI THOGS PA MED PA 'DOD CHAGS DANG BRAL BA YIN NO ZHES 'DOD DO, ,DES NI JI LTAR LUNG LAS THAMS CAD MKHYEN PA MI 'GRUB CE NA, 'DI LA SMRAS PA NI, 'DI LTAR BYUNG BA BRJOD CES BYA BA LA SOGS PA STE, JI LTAR SNGAGS DAG LA DRANG DON DU BSTAN PA DE BZHIN DU DE LTA BU BYUNG BA LA SOGS PA LA YANG TSANGS PA LA SOGS PA'I THAMS CAD MKHYEN PA NYID DRANG DON DU RTOGS PAR BYA'O, ,DON GZHAN GYI SGRA DON GZHAN BRJOD PAS NA DRANG DON ZHES BYA'O, ,RNAM PA

271a

, ,GCIG TU NI CHOS DANG DON, 'DOD PA DANG THAR PA STE, SKABS SU BAB PA DAG LA SHES PA THOGS PA MED PA'I PHYIR, TSANGS PA LA SOGS PA DE SHES PA THOGS PA MED PA NYID DU BSTAN GYI, DON THAMS CAD LA THOGS PA MED PAS NI MA YIN NO, ,GAL TE CHOS LA SOGS PA LA DNGOS PO GZHAN LA SHES PA THOGS PA MED PAR 'GYUR BA MA YIN NAM, DE JI LTAR THOGS PA MED PA ZHES BYA ZHE NA, DE'I PHYIR, GANG PHYIR THOGS PA MED TZAM GYIS, ,ZHES BYA BA LA SOGS PA SMOS SO, ,DE LTAR NA GAL TE RANG GI DON LA THOGS PA MED PA'I PHYIR THOGS PA MED PA ZHES BRJOD PA DE'I TSE SKYES BU THAMS CAD KYI SHES PA RANG GI DON LA THOGS PA MED PA'I PHYIR GANG GI DE NYID LA SHES PA THOGS PA MED PA ZHES BRJOD KYI, GZHAN DAG LA NI MA YIN PA TSANGS PA LA SOGS PA LAS TE KHYAD PAR CI ZHIG YOD CE NA, 'DI LA GNAS PA NI SHES PA 'DI NI ZHES BYA BA LA SOGS PA STE, SKYES BU'I DON LA NYE BAR MKHO BA'I CHOS LA SOGS PA LA TSANGS PA'I SHES PA DE NYID THOGS PA MED PAR 'JUG GI GZHAN DAG NI MA YIN NO ZHES BYA BA'I KHYAD PAR 'DI BSHAD PA'I DON DU 'DI BSTAN TE, TSANGS PA LA SOGS PA LA RANG GI DON LA THOGS PA MED PA'I PHYIR THOGS PA MED PA'I SHES PA ZHES BRJOD KYI GZHAN DAG NI MA YIN NO, ,JI SNYED THABS LAS BYUNG BA'I SHES, ,ZHES BYA BA NI SKYES BU'I DON LA NYE BAR MKHO BA'I CHOS LA SOGS PA'I THABS LAS BYUNG BA'I SHES PA THABS LAS BYUNG BA'O, ,JI SNYED CES BYA BA NI MA LUS PA STE, 'DI YANG THABS LAS BYUNG BA'I SHES PA'I KHYAD PAR YIN NO, ,YANG NA ZHES BYA BA NI PHYOGS GZHAN 'CHAD PA YIN NO, ,BDAG NYID CES BYA BA NI SKYES BU LA'O, ,DE NYID CES BYA BA NI BDAG GI YUL CAN GYI SHES PA'O, ,'ON TE DBANG PHYUG GI YON TAN YE SHES LA SOGS PA MI ZAD PA BCU 'DON PA MA YIN NAM, DE JI LTAR 'DI MI ZAD PA'I SHES PA DANG LDAN PA'I PHYIR THAMS CAD MKHYEN PAR MI 'GYUR ZHE NA, GANG YANG YE SHES ZHES BYA BA LA SOGS PA SMOS TE, YE SHES

271b

NI DE KHO NA NYID RTOGS PA'O, ,CHAGS BRAL NI YUL LA RGYAB KYIS PHYOGS PA'O, ,DBANG PHYUG NI RNAM PA BRGYAD DE, PHRA BA DANG, YANG BA DANG, MCHOD PAR BYA BA DANG, GAR YANG PHYIN PA DANG, 'DOD DGUR LDAN PA DANG, BDAG POR GYUR BA DANG, DBANG DU GYUR BA DANG, DGA' MGUR GNAS PA'O, ,YE SHES LA SOGS PA BCU PO 'DI DAG MI ZAD PA STE, MI 'JIG PA GANG LA YOD PA DE NI MI ZAD PA BCU CAN NO, ,DE LA PHRA BA NI RDUL PHRA RAB TU GYUR NAS 'BYUNG PO THAMS CAD KYIS MI MTHONG BA NA 'JIG RTEN THAMS CAD DU SPYOD PA GANG YIN PA'O, , YANG BA NI YANG BA'I PHYIR RLUNG BZHIN DU SPYOD PA GANG YIN PA'O, ,MCHOD PAR BYA BA NI 'JIG RTEN THAMS CAD DU MCHOD CING PHYAG 'TSAL ZHES BRJOD DO, ,CHEN PO PAS KYANG CHES CHEN POR GYUR BA GANG YIN PA'O, ,GANG YANG PHYIN PA STE GANG DU YID KYIS BSAMS PA DE DANG DER PHYIN PA'O, ,'DOD DGUR LDAN PA NI 'DOD PA MANG POR GYUR PA GANG YIN PA STE, YUL LONGS SPYOD PAR NUS PA ZHES BYA BA'I DON TO, ,BDAG POR GYUR BA NI 'JIG RTEN GSUM GYI MNGA' BDAG GANG YIN PA'O, ,DBANG DU GYUR BA NI RGYU BA DANG MI RGYU BA'I 'BYUNG PO DBANG DU BYED PA DANG, DBANG PO DBANG DU BYED PA GANG YIN PA'O, ,DGA' MGUR GNAS PA NI TSANGS PA DANG, SKYE DGU'I BDAG PO DANG, LHA DANG, DRI ZA DANG, GNOD SBYIN DANG, SRIN PO DANG, SHA ZA RNAMS DANG, MI RNAMS DANG DUD 'GRO'I SKYE GNAS PA RNAMS DANG, GNAS GZHAN RNAMS SU GANG DANG GANG DU DGA' BA DE DANG DER GNAS PA GANG YIN PA'O, ,BDAG BSAM PA ZHES BYA BA NI BDAG GI RIG PA STE, SHES PA DANG LDAN PA YIN GYI, DNGOS PO MA LUS PA YONGS SU SHES PA DANG LDAN PAS NI MA YIN NO ZHES BYA BA'I DON TO, ,YANG CI'I PHYIR PHYOGS GCIG TU SHES NA YANG BDE BYED DE NYID SHES PA DANG LDAN PAR BRJOD KYI, GZHAN NI MA YIN ZHE NA, BDAG NYID RNAM PAR DAG MTHONG BA, ,ZHES BYA BA LA SOGS PA SMOS TE, 'DI NI BDAG NYID YIN LA DAG PA YANG YIN PAS DE SKAD CES BYA LA, DE'I MTHONG BA

272a

, ,ZHES BSDU'O, ,DE'I RGYU MTSAN ZHES BYA BA NI DE'I STE BDAG RNAM PAR DAG PA MTHONG BA'O, ,RGYU MTSAN NI DE'I RGYU MTSAN NO, ,DE YANG CI ZHE NA, DE'I BDAG NYID DO, ,DE'I RGYU MTSAN GYI BDAG DE MA DAG NA DE'I MTSAN NYID MTHONG BA DE MA DAG PAR 'JUG PA DE NI MI SHES PA ZHES BRJOD DE SMAD PAR BYA BA'I PHYIR RO, GAL TE BSAM GTAN GOMS PA LAS TSANGS PA LA SOGS PA'I RNAM PAR DAG PA'I SHES PA SRID PA KHAS LEN PA DE'I TSE GANG GIS DE DAG KYANG THOGS PA MED PA DANG DAG PA'I SHES PA 'DOD PAS SANGS RGYAS LA SOGS PA LA CI ZHIG STE ZHES DOGS PA BSU NAS, PHYOGS GZHAN PA 'DOD PA'I SGO NAS TSANGS PA LA SOGS PA KHYAD PAR DU BSTAN PA'I PHYIR CI STE YANG ZHES BYA BA LA SOGS PA STE, RIG BYED KYI BDAG NYID DU GYUR BA'I PHYIR RIG BYED KYI LUS CAN ZHES BYA'O, ,DNGOS PO THAMS CAD SHES PA'I RGYU NYID YIN PA'I PHYIR RIG BYED NI KUN SHES PA KUN GYI RANG BZHIN YIN NO, 'DI SKAD DU BSTAN PA YIN TE, TSANGS PA LA SOGS PA RANG DBANG GI CHOS LA SOGS PA LA SHES PA THOGS PA MED PAR 'JUG PA MA YIN NO, ,'O NA CI ZHE NA, RIG BYED KYI SGO NAS SO, , DE LTAR KHYED CAG GIS SANGS RGYAS PA LA SOGS PA 'DOD PA NI MA YIN TE, DE DAG GI SHES PA NI RANG BYUNG YIN PA'I PHYIR RO, ,GZHAN YANG TSANGS PA LA SOGS PA NI BSAM GTAN GOMS PA LAS SHES PA RNAM PAR DAG PAR RIG PA NYID YIN TE, DE DAG NI LHA NYID YIN PAS SKYE BO THAMS CAD LAS PHUL DU BYUNG BA'I PHYIR DANG RIG BYED KYIS MI GNOD PA'I PHYIR RO, ,MI RNAMS LA NI NAM YANG 'DI 'DRA BA'I NUS PA SRID PA MA YIN TE, DE NI DE LAS BZLOG PA YIN PA'I PHYIR RO, ,DE LTA BAS NA MI RNAMS KYANG THAMS CAD MKHYEN PA YIN NO ZHES BYA BA NI RMONGS PA STE, 'DI NI RMONGS PA'I LTA BA CAN KHYED CAG GI YIN NO, ,'DI SNYAM DU GAL TE CHANGS PA LA SOGS PA'I RIG BYED DU 'DOD NA DE'I TSE JI LTAR MI RTAG PA'I BRJOD PAR BYA BA DANG 'BREL BA'I PHYIR RIG BYED KYANG MI RTAG PA NYID DU THAL BAR MI 'GYUR RAM, YANG RIG BYED

272b

RNAMS RTAG PA NYID DU 'DOD NA TSANGS PA LA SOGS PA RIG BYED RTAG PA BRJOD PAR BYA BA 'GAL TE DE DAG NI MI RTAG PA YIN PA'I PHYIR RO, ,CI STE 'DI MI 'GAL NA DE'I TSE SANGS RGYAS PA LA SOGS PA DE'I BRJOD BYA NYID DU MI 'GAL LO SNYAM DU SEMS PA'I DOGS PA BSU NAS, RIG BYED LUNG NI RTAG PAR YANG, ,ZHES BYA BA LA SOGS PA SMOS SO, ,DE RTAG NYID PHYIR ZHES BYA BA NI TSANGS PA LA SOGS PA DE DAG NI RTAG PA'I PHYIR RO, ,DE DAG RTAG PA'I ZHES BYA BA LA SOGS PAS 'DI NYID GSAL BAR BYED PA YIN NO, ,RTAG PA NI LUNG GIS RTOGS PAR BYA BA MA YIN TE, SGRA DANG DON GYI 'BREL BA MI RTAG PA NYID DU THAL BAR 'GYUR BA'I PHYIR DANG, RTAG PA'I LUNG YANG GZHAN GYIS KHAS MA BLANGS PA'I PHYIR RO, ,KHAS LEN NA YANG THAMS CAD MKHYEN PA RTOGS PAR DON MED PAR THAL BAR 'GYUR BA'I PHYIR RO, ,'DI NYAD STON PA NI, THAMS CAD MKHYEN PA SHES BYED PAS, ,ZHES BYA BA NI THAMS CAD MKHYEN PA SHES PAR BYED PA LAS RTAG PA'I LUNG GI DON RTOGS PA MCHOG NYID DU 'DOD DO, ,JI LTAR DE MCHOG YIN ZHE NA, RIG BYED KYIS RTOGS ZHES BYA BA LA SOGS PA SMOS TE, RIG BYED LA BRTEN PAS CHOS SHES PA 'BYUNG BA NA MA BSGRIBS PAR 'GYUR TE, 'JIG RTEN GNAS KYI BAR DU KHYAD PAR MED PA THAMS CAD LA SRID PA'I PHYIR RO, ,RIG BYED KYIS RTOGS PA'I CHOS THAMS CAD MKHYEN PAS RTOGS PAR BYA BA'I CHOS NI BSGRIBS PA YIN TE, DE'I MYA NGAN LAS 'DAS PA NI DE MI GSAL BA'I PHYIR RO; ,MYA NGAN LAS MA 'DAS PA'I GNAS SKABS NA YANG MA NGES PAS NYE BAR BSTAN PA MED PA'I PHYIR LA, NYE BAR STON PA NA YANG THAMS CAD LA THAMS CAD KYI TSE THAMS CAD KYIS THOS PA MED PA'I PHYIR RO, ,NYE BAR 'JAL BA'I TSAD MAS KYANG THAMS CAD MKHYEN PA RTOGS PAR BYED PA MA YIN NO ZHES STON PA NI, GAL TE KUN MKHYEN DANG 'DRA 'GA', ,ZHES BYA BA LA SOGS PA STE, NYE BAR 'JAL BA NI 'DRA BA DANG DE'I KHYAD PAR CAN GYI YUL CAN YIN PA'I PHYIR 'DRA BA'I DNGOS PO 'BYUNG BA MED NA MI 'BYUNG ZHING MI NYA BA'I DON GYI SPYOD YUL CAN

273a

, ,YIN TE, DPER NA BA MEN 'DZIN PA'I SGO NAS BA LANG DRAN PA BZHIN NO, ,THAMS CAD MKHYEN PA DANG 'DRA BA 'GA' ZHIG RTOGS PA SRID PA YANG MA YIN PAS DES NA 'DRA BA'I DNGOS PO 'DZIN PA MED PA'I PHYIR MI 'JUG GO, ,SBYOR BA NI GANG LA 'DRA BA 'DZIN PA MED PA DE NI NYE BAR 'JAL BAS GO BAR BYA BA MA YIN TE, DPER NA MO GSHAM GYI BU BZHIN NO, ,THAMS CAD MKHYEN PA'I 'DRA BA 'DZIN PA MED DO ZHES BYA BA NI KHYAB PAR BYED PA MI DMIGS PA'O, ,GZHAN YANG NYE BAR 'JAL BA LAS THAMS CAD MKHYEN PA GO BAR MI BYED PA 'BA' ZHIG TU MA ZAD, 'ON KYANG SLAR LA SKYES BU THAMS CAD NYE BAR 'JAL BA LAS THAMS CAD MKHYEN PA MA YIN PA KHO NAR RIGS SO ZHES STON PA NI, DE LTAR YOD PA'I MI RNAMS ZHES BYA BA LA SOGS PA'O, ,DON GYIS GO BAS KYANG THAMS CAD MKHYEN PA 'GRUB PA MA YIN NO ZHES BYA BA 'DI BSTAN PAR 'DOD NAS RE ZHIG GZHAN GYI 'DOD PAR BYED PA NI, CHOS DANG CHOS MA YIN PA ZHES BYA BA LA SOGS PA STE, GAL TE CHOS LA SOGS PA DES DNGOS SU RIG PAR MA GYUR NA SANGS RGYAS PA LA SOGS PA NYE BAR STON PA GANG YIN PA DE BZHIN DU MI 'GYUR RO, ,DE LTA BAS NA GAL TE YANG THAMS CAD MKHYEN PA RTOGS PAR BYED PA'I MNGON SUM LA SOGS PA MED PA DE LTA NA YANG DON GYIS GO BA NI THAMS CAD RIG PA'I SKYES BU GRUB PO ZHES DE LTAR STON PAR BYED PA GANG YIN PA DE MI RIGS PAR BSTAN PAR BYA STE, 'CHAD PAR 'GYUR BA'I RIGS PA LAS SO SNYAM DU BSAMS PA YIN NO, ,YANG NA 'DI NI RJES SU DPAG PA KHO NA YIN GYI DON GYIS GO BA NI MA YIN TE, TSUL GSUM SRID PA'I PHYIR RO ZHES STON PA NI, YANG NA 'DI LA ZHES BYA BA LA SOGS PA STE, SPYIR MA MTHONG BA ZHES BYA BA 'DIS NI BYE BRAG TU MTHONG BA MI SRID PAR BSTAN TO; ,RTAGS DANG RTAGS CAN GANG KHO NA MNGON SUM GYIS 'BREL BA MTHONG BA'I RTAGS CAN DE KHO NA RTAGS CAN DE NYID KYIS DUS GZHAN DU THE TSOM GCAD PAR BYA BA'I PHYIR RJES SU DPAG PA GANG YIN PA DE'I TSE KHYAD PAR DU MTHONG BA'I RJES SU DPAG PA ZHES BYA'O, ,THAMS CAD

273b

MKHYEN PA LA SOGS PA DANG LHAN CIG SKYES PA LA SOGS PA NYE BAR STON PA 'GAS KYANG 'BREL BA MA BZUNG BA DES NA 'DIR NI SPYIR MTHONG BA KHO NA'O, ,'DI LTAR SPYIR NYE BAR BSTAN PA NI GZHAN DU STE, RANG GI RGYUD LA SHES PA SNGON DU 'GRO BA CAN DU MTHONG STE, DE'I PHYIR JI LTAR LHA SBYIN SNGON DU 'GRO BA CAN YUL GZHAN DU PHYIN PAR DMIGS PA LAS NYI MA YUL GZHAN DU PHYIN PAS 'GRO BA RJES SU DPAG PAR BYED PA DE BZHIN DU, SANGS RGYAS BCOM LDAN 'DAS KYANG CHOS LA SOGS PA NYE BAR STON PA LAS DE'I SHES PA RJES SU DPOG PAR BYED PA YIN NO, ,SBYOR BA NI GANG LA LA NYE BAR STON PA GANG YIN PA DE NI SMRA BA PO'I SHES PA SNGON DU 'GRO BA CAN YIN TE, DPER NA AA RU RA LA SOGS PA'I NUS PA NYE BAR BSTAN PA BZHIN NO, ,SANGS RGYAS LA SOGS PA'I CHOS LA SOGS PA NYE BAR BSTAN PA 'DI YANG NYE BAR STON PA YIN NO ZHES BYA BA NI RANG BZHIN GYI GTAN TSIGS SO, ,'DIR LAN SMRA BA NI, GZHAN DU YANG NI SRID PA'I PHYIR, ,ZHES BYA BA LA SOGS PA STE, GZHAN DU YANG STE RMONGS PAS NYE BAR BSTAN PA YANG SRID PA'I PHYIR RJES SU DPAG PA DANG DON GYIS GO BA GNYI GA YANG MA NGES PA NYID YIN NO, ,JI LTAR GZHAN DU YANG SRID CE NA, RMI LAM LA SOGS MTHONG ZHES BYA BA LA SOGS PA SMOS TE, JI SKAD DU RI KHROD PA'I BSHAD PA LAS, NYE BAR BSTAN PA NI RMONGS PA LAS KYANG 'GYUR LA, RMONGS PA MED PA NI RIG BYED LAS KYANG 'GYUR RO, ,DE LA RMONGS PA LAS 'GYUR BA MTHONG STE, DPER NA RMI LAM DU DMIGS PA'I DON BZHIN NO, ,RIG BYED LAS MTHONG BA NI DPER NA SHED LA SOGS PA BZHIN NO, ,GANG DAG BDE BAR GSHEGS PAR RIG BYED MNGON PAR MI SHES PA DE DAG NI RMONGS PA LAS SAM, GZHAN BSRUNG BAR BYA BA'I PHYIR NYE BAR STON PA YIN NO ZHES BSHAD DO, ,DE NYID STON PA NI GANG DAG RIG BYED MI SHES PA ZHES BYA BA LA SOGS PA STE, DE LA MI BRTEN ZHES BYA BA NI RIG BYED LA MI BRTEN PA'O, ,NYE BAR BSTAN PA 'DI RIG BYED LA MI RTON NO ZHES BYA BA 'DI JI LTAR RTOGS PAR BYA ZHE NA, GAL TE RIG BYED CES BYA BA LA

274a

, ,SOGS PA SMOS TE, GAL TE SANGS RGYAS LA SOGS PA'I CHOS LA SOGS PA BSTAN PA RIG BYED KYI RTZA BA CAN DU GYUR NA DE'I TSE SHED LA SOGS PA BZHIN DU RIG BYED SHES PA'I BRAM ZE RNAMS KHO NA LAS STON PAR 'GYUR BA ZHIG NA, 'DI DAG NI BRAM ZE RNAMS KHO NA LA NYE BAR BSTAN PA YANG MA YIN GYI 'ON KYANG DMANGS RIGS RMONGS PA RNAMS LA YIN NO, ,DE'I PHYIR NYE BAR BSTAN PA KUN RDZOB PA LHAR BRDZUN YIN PAR GO STE, DPER NA SLU BA'I TSIG LA SOGS PA DANG, DONG RTZE SE NA LA SOGS PA'I LAS BZHIN NO, ,GANG YANG SHED LA SOGS PA DE DAG NI RIG BYED SHES PA'I PHYIR CHOS LA SOGS PA NYE BAR BSTAN PA RIG BYED KYI RTZA BA CAN KHO NA YIN GYI RANG DBANG CAN NI MA YIN NO ZHES STON PA NI GANG DAG GTZO BOS ZHES BYA BA LA SOGS PA STE, NGES BRJOD DANG, MCHOD SBYIN DANG SNYAN NGAG CES BYA BA GSUM NI RIG BYED GSUM DU BRJOD DO, ,DE DAG RIG PAS NA GSUM RIG PA STE BRAM ZE RNAMS LA BRJOD DO, ,GSUM RIG PA RNAMS KYIS BSTAN PA'I CHOS BSTAN BCOS LA SOGS PA GZHUNG GANG DAG LA YOD PA DE LA DE SKAD CES BYA'O, ,DE'I GZHUNG LA BRTEN PA LA RGYU BSTAN PA NI, RIG BYED STOBS KYIS SMRAS PA YIN, ,ZHES BYA BA STE, RIG BYED KYI STOBS KYIS SMRAS PA GANG DAG LA YOD PA DE LA DE SKAD CES BYA'O, ,'DI YANG JI LTAR NGES SHE NA, RIG BYED TSIG RNAMS ZHES BYA BA LA SOGS PA SMOS TE, STON PA NI RTOGS PA'O, ,DE LTAR TSAD MA RNAM PA LNGAS KYANG THAMS CAD MKHYEN PA GRUB PA MA YIN PA'I PHYIR, LHAG MAR GYUR BAS DNGOS PO MED PA NYID KYIS GO BAR BYA BA YIN PAS DNGOS PO MED PA'I TSAD MAS YUL DU BYAS PA'I NGO BO NYID MED PA'I PHYIR RO ZHES BYA BA'I GTAN TSIGS 'DI GRUB PA YIN NO, ,MA NGES PA YANG MA YIN NO ZHES SNGAR BSTAN ZIN TE MED PA'I THA SNYAD KYI RGYU MTSAN GZHAN MED PA'I PHYIR RO SNYAM DU BSAMS PA YIN NO, ,GANG YANG KHO BO CAG GIS RVA NAS BZUNG NAS THAMS CAD MKHYEN PA BSGRUBS PA NI MA YIN NO, ,'O NA CI ZHE NA, SPYIR SRID PA TZAM BSGRUB PAR BYA BA STE, THAMS CAD MKHYEN PA 'GA' ZHIG YOD

274b

PA'AM 'GA' ZHIG TU THAMS CAD MKHYEN PA YOD PA YIN TE, SHES RAB LA SOGS PA RAB KYI MTHAR PHYIN PAR MTHONG BA'I PHYIR RO SNYAM DU SEMS PA LA, SKYES BU KUN MKHYEN 'GA' ZHIG YOD, ,CES BYA BA LA SOGS PA 'DI SMOS TE, RE ZHIG GTAN TSIGS NI SNGAR MA NGES PA NYID DU BSTAN ZIN PAS DES NA PHYOGS KYI SKYON NYID STON PAR BYED DO, ,GAL TE GZHAN BSGRUB PAR 'DOD PA NA GZHAN DAM 'CHA' BAR BYED PA NI DAM BCA' BA MA TSANG BA'I PHYOGS KYI SKYON YIN LA, 'DIR YANG RANG GI STON PA THAMS CAD MKHYEN PA NYID DU BSGRUB PAR BYA BAR 'DOD KYI SPYIR NI MA YIN NO, ,'DI LTAR RTOGS PA DANG LDAN PA THAMS CAD MKHYEN PA TSOL BA ZHEN PA'I DBANG GIS NI MA YIN NO, ,'O NA CI ZHE NA, DE'I TSE GANG LAS CHOS DANG CHOS MA YIN PA DAG SHES NAS 'JUG PAR BYA BA'AM LDOG PAR BYA BA'I PHYIR 'JUG PA DANG LDOG PA'I 'DOD PA YIN NO, ,SPYIR GRUB NA YANG DES SKYES BU'I 'JUG PA LA NYE BAR MKHO BA 'GA' YANG YOD PA MA YIN TE, KHYAD PAR YONGS SU SHES PA MED PAR DE'I TSIG TU MA NGES PA'I PHYIR RO, ,DE LTA BAS NA 'JUG PAR 'DOD PAS KHYAD PAR DE NYID BSGRUB PAR BYA BA YIN PA'I PHYIR, SPYIR DAM BCA' BA NI DAM BCA' BA MA TSANG BA NYID YIN NO, ,BSGRUB PAR BYA BA'I 'DOD PA'I DON ZHES BYA BA NI BSGRUB PAR 'DOD PA'I DON TO, ,DE NI ZHES BYA BA NI KHYAD PAR RANG GI STON PA'O, ,'DI YIS ZHES BYA BA NI DAM BCA' BA'O, ,GANG BRJOD PA ZHES BYA BA NI KHYAD PAR LA MA REG PAR SKYES BU THAMS CAD MKHYEN PA 'GA' ZHIG YOD PA'AM LA LAR THAMS CAD MKHYEN PA YOD DO ZHES GRUB PA DAS KYANG DOGS PA CUNG ZAD KYANG MED DO, ,JI LTAR ZHE NA, GANG GIS LUNG NI ZHES BYA BA LA SOGS PA SMOS TE, DE NI ZHES BYA BA NI GANG GIS LUNG BDEN PA NYID DU GRUB PA'O, ,CI'I PHYIR MI RNYED CE NA JI SRID CES BYA BA LA SOGS PA SMOS TE, 'DI LTAR JI SRID DU SANGS RGYAS THAMS CAD MKHYEN PAR MA GRUB PA DE SRID DU DE'I TSIG KYANG BDEN PAR NGES PA YOD PA MA YIN LA, SPYIR THAMS CAD MKHYEN PA NYID DU GRUB PA NA SANGS RGYAS KYI TSIG BDEN PAR GRUB PAR 'GYUR BA YANG

275a

, ,MA YIN TE, 'BREL BA MED PA'I PHYIR RO, ,'DI STON PA NI, GZHAN DU KUN MKHYEN YOD PA NI, ,ZHES BYA BA LA SOGS PA'O, ,GANG GI TSE DE DAG 'BREL BAR 'GYUR ZHE NA, DE DAG GZHI MTHUN YOD PA NA, ,ZHES BYA BA LA SOGS PA SMOS TE, GZHI MTHUN PA NI SKYES BU GCIG LA BRTEN PA NYID DO, ,DE DAG CES BYA BA NI THAMS CAD MKHYEN PA DANG TSIG DAG GO, ,YAN LAG DANG YAN LAG CAN NYID RGYU DANG 'BRAS BU DAG GO, ,'DI SKAD DU BSTAN PA YIN TE, GCIG LA BRTEN PA NYID YIN NA THAMS CAD MKHYEN PA'I TSIG BDEN PA'I RGYUR 'GYUR GYI GZHAN DU NI MA YIN TO, ,HA CANG THAL BAR 'GYUR BA'I PHYIR RO, ,GZHAN YANG GZHAN DAG GIS THAMS CAD MKHYEN PA BSGRUB PAR BYA BA'I PHYIR SGRUB PAR BYED PA BKOD PA DE YANG 'DI NYID KYIS GSAL BA YIN NO ZHES BSTAN PA'I DON DU, GANG ZHIG 'JIG RTEN LA ZHES BYA BA LA SOGS PA SMOS TE, GANG GZHAL BYA NYID DANG DNGOS PO NYID DANG LDAN PA DE NI 'GA' ZHIG GI MNGON SUM MA YIN TE, DPER NA ZHO'I GZUGS DANG RO LA SOGS PA BZHIN NO, ,DNGOS PO'I NGO BO THAMS CAD KYANG GZHAL BYA BA LA SOGS PA'I RANG BZHIN YIN NO ZHES BYA BA NI RANG BZHIN GYI GTAN TSIGS SO, ,'DI LA SNGA MA BZHIN DU DAM BCA' BA MA TSANG BA NYID DANG GTAN TSIGS KYANG MA NGES PA NYID DU BRJOD PAR BYA'O, ,DE LTA BAS NA THAMS CAD MKHYEN PA GRUB PA NI KHYAD PAR GYI SGO NAS SRID PA MA YIN LA, SPYI'I SGO NAS KYANG MA YIN PAS DES NA DE MED DO ZHES BYA BAR GRUB PO, ,DE MED PA'I PHYIR DE'I TSIG KYANG MED PAS DE'I TSIG LAS SU YANG 'JUG PA SRID PA MA YIN NO, ,RNAM PA GCIG TU NA SKYES BU THAMS CAD MKHYEN PA YIN DU CHUG MOD DE LTA NA YANG GANG LAS KHYED CAG 'JUG PAR 'GYUR BA THAMS CAD MKHYEN PAS BYAS PA'I TSIG MI SRID PA NYID DO ZHES BSTAN PA'I PHYIR, SA BCU DAG LA ZHES BYA BA LA SOGS PA SMOS TE, 'DI LTAR SA BCU LA RAB TU GNAS PA 'DOD CHAGS LA SOGS PA'I DRI MA'I RTOGS PA MA LUS PA DANG BRAL BA'I PHYIR SHEL DAG PA DANG MTSUNGS PA'I YE SHES KYIS SHES BYA MTHA' DAG RTOGS

275b

SO ZHES BYA BA DE LTAR KHYED CAG GIS BRJOD PAR GRAGS TE, DE LTA YIN DANG GNAS SKABS 'DI 'DZIN PA STE, SEMS RTZE GCIG PA DANG LDAN PA 'DI DON RTOGS PA KHO NA LA STON PA'I PHYIR CHOS NYE BAR STON PAR NUS PA MA YIN TE, GANG GI PHYIR 'GA' ZHIG GIS BYA BA 'DI TZAM ZHIG BYED PAR NUS PA NI MA YIN NO, ,GAL TE BSAM GTAN LAS LANGS NAS STON PA YIN NO ZHE NA, GANG GI TSE SPYI ZHES BYA BA LA SOGS PA SMOS TE, RTOG PA RIG PA MED PAR TSIG 'JUG PA YOD PA MA YIN PA'I PHYIR RNAM PAR RTOG PA DANG BCAS PA'I SEMS KYI GNAS SKABS NA 'DI'I CHOS STON PA NI MA YIN NO, ,DE LTA YIN DANG GNAS SKABS 'DIR BYIS PA DANG MKHAS PA DAG KHYAD PAR MED PA'I PHYIR THAMS CAD MKHYEN PA MA YIN PA DES BSHANG BA NI THAMS CAD MKHYEN PA MA YIN PAS BSHAD PA NYID DU 'GYUR RO, ,'DI SNYAM DU RTOG PA MED PA'I TING NGE 'DZIN LA GNAS PA'I PHYIR 'DI CUNG ZAD NYE BAR STON PA NI MA YIN NO, ,'O NA CI ZHE NA, DE'I DBANG GIS CHOS STON PA SNA TSOGS PAR SNANG BA'I RNAM PAR RIG PAR RIG PA SKAL BA DANG LDAN PA RNAMS LAS BYUNG BA YIN TE, JI SKAD DU, GANG GI NUB MO DE BZHIN GSHEGS PA MNGON PAR RDZOGS PAR SANGS RGYAS NAS, GANG GI NUB MO YONGS SU MYA NGAN LAS 'DA' BA'I BAR 'DIR DE BZHIN GSHEGS PAS YI GE GCIG KYANG MA GSUNGS SHING MA BSTAN TO, ,DE CI'I PHYIR ZHE NA, 'DI LTAR DE BZHIN GSHEGS PA NI RTAG TU MNYAM PAR GZHAG PA YIN NO, ,'ON KYANG YI GE DANG BRJOD PA DANG BSTAN PA RNAMS KYIS 'DUL BAR 'GYUR BA GANG YIN PA DE DAG GIS GANG DE BZHIN GSHEGS PA'I ZHAL DANG, DBU'I GTZUG TOR DANG MDZOD SBU LAS CHOS KYI SGRA 'BYUNG BA THOS PA YIN NO ZHES BYA BA LA SOGS PA GSUNGS PA YIN NO SNYAM DU SEMS NA, DE LA, DE YI BSAM GTAN LA BZHUGS TE, ,ZHES BYA BA LA SOGS PA SMOS TE, YID BZHIN RIN CHEN NI YID BZHIN NOR BU'O, ,'DIR BSDUS PA'I DON NI 'DI YIN TE, GANG DAG DAD PA DANG LDAN PA DE DAG LA TSAD MA MED PA 'DI BRJOD PA NI MDZES PAR 'GYUR GYI, GANG YANG KHO BO CAG

276a

, ,LTA BUS TSAD MAS 'THAD PA'I DON 'DZIN PA NYID KYIS RIGS PA KHO NA DON DU GNYER BA DE DAG NI DE DAG JI LTAR TSAD MA MED PA CAN 'DI BRJOD PA NI 'DZIN PAR 'GYUR GZHAN YANG RTOG PA DE LTA BU YIN DU CHUG MOD, DE LTA NA YANG RTZIG PA LA SOGS PA NAS 'BYUNG BA BSTAN PA DAG LA THAMS CAD MKHYEN PA'I DBANG GIS 'BYUNG BA NYID DU THE TSOM ZA BA'I PHYIR DE LA RTOG PA DANG LDAN PA RNAMS TSAD MA NYID DU YID CHES PA MA YIN NO ZHES STON PA NI, RTZIG PA SOGS NAS 'BYUNG BA'I TSOGS, ,ZHES BYA BA LA SOGS PA SMOS TE, THAMS CAD GO BAR ZAD DO, ,'DI TZAM GYI BAR DU KU M'A RA RI LAS SMRAS PA PHYOGS SNGA MAR BYAS PA YIN LA, DA NI LA BA CAN DANG MCHOD SBYIN CAN DAG GI LUGS KYIS SLAR THAMS CAD MKHYEN PA SUN 'BYIN PA SMRAS PA NI, SLAR YANG 'DI LTAR DPYAD BYA STE, ,ZHES BYA BA LA SOGS PA SMOS TE, CI CIG CAR MA LUS PA RNAM PAR SHES PA'I PHYIR THAMS CAD MKHYEN PA YIN NAM, 'ON TE RIM GYIS TE GO RIMS SU YIN, YANG NA 'GRO BA THAMS CAD MI RTAG PA LA SOGS PA GCIG GI NGO BOR SHES PA LAS YIN NAM RNAM PA GCIG TU NI GTZO BO JI LTA BA BZHIN DU STE, SKYES BU'I DON LA NYE BAR MKHO BA'I LAS DANG 'BRAS BU LA SOGS PA GANG YIN PA DE KHO NA SHES PA LAS SAM YANG NA DNGOS PO THAMS CAD YONGS SU SHES PA'I NUS PA DANG LDAN PA'I PHYIR DPER NA MES THAMS CAD RIM GYIS DANG CIG CAR DAG GIS MI ZAN YANG THAMS CAD ZA ZHES BYA BA LTA BUR THAMS CAD MKHYEN PAR BRJOD GRANG, DE LA PHYOGS DANG PO LA RNAM PAR RTOG PA GNYIS TE, BLO GCIG GIS CIG CAR MA LUS PA SHES SAM DU MAS YIN, RE ZHIG GCIG GIS NI MA YIN TE, DAG PA DANG MA DAG PA LA SOGS PA PHAN TSUN 'GAL BA'I DON RNAMS CIG CAR SHES PA GCIG GIS MA MTHONG BA'I PHYIR RO, ,'DI SNYAM DU DE'I 'GAL BA'I DNGOS PO DU MA'I YUL CAN GYI BLO MANG PO CIG CAR 'JUG PA YIN NO SNYAM DU SEMS NA, 'GAR YANG BLO RNAMS THA DAD KYANG, ,ZHES BYA BA LA SOGS PA SMOS TE, DE DAG NI MA MTHONG NGO ZHES RNAM PAR

276b

DBYA BA BSGYUR LA SBREL BAR BYA'O, ,BLO THA DAD PA RNAMS CIG CAR MTHONG BA MA YIN TE, SEMS CAN RNAMS NI RNAM PAR SHES PA'I RGYUD GCIG PA CAN YIN NO ZHES BYA BA NI GRUB PA'I MTHA' YIN PA'I PHYIR RO, ,DE'I PHYIR BLO DU MAS KYANG CIG CAR 'DZIN PA RIGS PA MA YIN NO, , RIM GYIS ZHES BYA BA'I PHYOGS KYANG MA YIN TE, BYUNG BA DANG 'BYUNG BA DANG DA LTAR BYUNG BA'I DNGOS PO NI MTHA' YAS PA'I PHYIR LO BRGYAS KYANG SHES PAR MI NUS PA'I PHYIR RO, ,LO BRGYA SMOS PA NI NYE BAR MTSON PA STE, BSKAL BAS KYANG MI NUS PA KHO NA STE, DE LTA MA YIN NA THA MA MED PA NYID NYAMS PAR 'GYUR RO, ,GCIG GI NGO BOS KYANG DNGOS PO THAMS CAD YONGS SU SHES PA SRID PA MA YIN TE, RANG GI MTSAN NYID KYANG MI 'DZIN PAR THAL BAR 'GYUR BA'I PHYIR RO, ,GANG ZHIG BZUNG BAS DE NGAG 'DZIN PAR 'GYUR BA PHAN TSUN THA DAD PA'I DNGOS PO'I RANG BZHIN RNAMS KYI NGO BO GCIG YOD PA NI MA YIN NO, ,RANG GI MTSAN NYID LA RAG LAS PA'I DON BYA BA BSGRUB PA NI DON GYI BYA BA MI BYED PA SPYI'I RNAM PA CAN DE'I RTOGS PA PO STE SHES PA PO THAMS CAD MKHYEN PAS RTOGS PA CUNG ZAD KYANG DGOS PA MED DE RANG GI MTSAN NYID YONGS SU MI SHES PA'I PHYIR RO, ,DES SPYI'I SGO NAS KYANG RANG GI MTSAN NYID RNAMS SHES PAR BYED DO ZHE NA, GZHAN GYI RNAM PA ZHES BYA BA LA SOGS PA SMOS TE, GZUGS KYI SHES PAS KYANG RO 'DZIN PAR THAL BAR 'GYUR BA'I PHYIR RO, ,GZHAN YANG GCIG GI NGO BO 'DZIN PA'I SHES PA DE BDEN PA'I DON CAN YIN NAM, LOG PA'I DON CAN YIN GRANG, DE LA BDEN PA'I DON CAN YIN NA DAM BCA' BA MNGON SUM DANG 'GAL BA THOB PO, ,JI LTAR ZHE NA, THAMS CAD MKHYEN PA MED PAR 'GYUR, ,ZHES BYA BA SMOS TE, 'DI LTAR GAL TE DNGOS PO THAMS CAD KYI YUL CAN GCIG GI NGO BO'I RNAM PA CAN GYI SHES PA YANG DAG PA NYID DU KHAS LEN PAR BYED PA DE'I TSE SHUGS KYIS DNGOS PO THAMS CAD GCIG NYID DU KHAS BLANGS PAR 'GYUR TE, DE LTA MA YIN NA, JI LTAR GCIG GI RNAM PA CAN GYI SHES PA BDEN PA'I DON CAN DU 'GYUR, GAL TE DES

277a

, ,GZUNG BAR BYA BA'I DNGOS PO RNAMS NGO BO GCIG TU BDEN PAR MA GYUR NA JI LTAR RNAM PA GCIG PA CAN GYI SHES PA BDEN PA'I DON CAN DU 'GYUR, 'DI YANG MTHONG BA DANG 'GAL BA YIN TE, YUL DANG DUS DANG RANG BZHIN THA DAD PAS DNGOS PO RNAMS KYI RANG BZHIN THA DAD PAR RIG PAR BYA BA YIN PA'I PHYIR RO, ,DE LTA MA YIN NA 'GRO BA THAMS CAD GNYIS SU MED PAR 'GYUR RO, ,GNYIS NI BSTAN PAR BYA BA DANG STON PAR BYED PA'AM, BSTAN PA DANG STON PA PO ZHES BYA BA LA SOGS PA DE GANG LA MED PA DE LA DE SKAD CES BYA'O, ,DE LTA YIN DANG SLOB MA LA SOGS PA'I RNAM PAR DBYE BAR MI 'GYUR TE, MA 'DRES PA'I RANG BZHIN NGES PAR MA BZUNG BA'I PHYIR RO, ,CI STE LOG PA'I DON CAN ZHES BYA BA'I PHYOGS YIN NA DE'I TSE RTOG PA GCIG LOG PA NYID DU KHAS LEN PAR BYED NA THAMS CAD MKHYEN PA 'KHRUL PAR 'GYUR TE, LOG PA'I SHES PA DANG LDAN PA'I PHYIR RO, ,DE LA SKYON CI YOD CE NA, SMYON PA LA SOGS ZHES BYA BA LA SOGS PA SMOS TE, GAL TE 'KHRUL PAR GYUR NA DE'I TSE DE'I TSIG DON JI LTA BA BZHIN DU RTOGS PA DON DU GNYER BA'I RTOG PA DANG LDAN PAS GUS PAR BYA BA MA YIN PAR 'GYUR TE; SMYON PA LA SOGS PA'I TSIG BZHIN NO, ,GTZO BO JI LTA BA BZHIN NAM, ,ZHES BYA BA 'DI LA, GAL TE TING NGE 'DZIN ZHES BYA BA LA SOGS PA SMOS TE, 'JIG RTEN 'DAS PA'I ZHES BYA BA NI MNYAM PAR GZHAG PAS SAM, ZAG PA MED PAS SO, ,DE LTAR GYUR PA 'DI'I SGRUB PAR BYED PA'I MNGON SUM LA SOGS PA'I TSAD MA LNGA MED DO ZHES SNGAR RGYAS PAR BSTAN ZIN PA'I PHYIR, DES NA DE 'DRA STE SKYES BU'I DON GYI GTZO BO SHES PA ZHES BYA BA MED DO, ,DNGOS PO'I BYE BRAG MTHA' DAG MA BZUNG BAR GTZO BO'I DON RTOGS PA SRID PA MA YIN TE, GTZO BO DANG GTZO BO MA YIN PA DAG NI PHAN TSUN SPANGS TE, GNAS PA'I PHYIR GDON MI ZA BA'I DNGOS PO'I GTZO BO MA YIN PA LAS RNAM PAR PHYE NAS GTZO BO'I RANG BZHIN RTOGS PAR BYA DGOS TE, DE LTA MA YIN NA JI LTAR GTZO BO'I RANG GI NGO BO MA 'CHOL BAR RTOGS PAR 'GYUR, DE LTA

277b

YIN DANG 'DI NI SKYES BU'I DON LA NYE BAR MKHO BA YIN LA 'DI NI MA YIN NO ZHES DE LTAR RNAM PAR PHYE NAS GTZO BO NGES PAR 'DZIN PA'I PHYIR JI LTAR GTZO BO MA YIN PA YANG NGES PAR 'DZIN PAR MI 'GYUR, NUS PA'I PHYOGS KYANG MA YIN NO ZHES BSTAN PA'I PHYIR, JI LTAR RIM DANG CIG CAR GYIS, ,ZHES BYA BA LA SOGS PA SMOS TE, DNGOS PO RNAMS KYI NUS PA NI 'BRAS BU RJES SU DPAG PAR BYA BA YIN LA, GANG LAS 'DI RJES SU DPOG PAR BYED PA THAMS CAD MKHYEN PA'I DNGOS PO THAMS CAD YONGS SU SHES PA'I NUS PA'I 'BRAS BUR GYUR NA DNGOS PO MA LUS PA'I YUL CAN GYI SHES PA NYID DU 'GYUR RO, ,DE YANG RIM DANG CIG CAR DAG GIS KYANG SRID PA MA YIN NO ZHES BSTAN ZIN TO, ,DE'I PHYIR RIM MAM CIG CAR GYIS NUS PA'I 'BRAS BU ZHES BYA BA GANG YIN PA DE MED DO, ,DE LTA BAS NA, MED NA GANG ZHIG RJES DPOG NUS, ,ZHES BYA BA LHAG MA DE MI SRID PA KHO NA'O ZHES BYA BA'I DON TO, ,RIM DANG CIG CAR NI NYE BAR MTSON PA STE, RANG BZHIN GCIG DANG GTZO BO JI LTA BA BZHIN ZHES BYA BA LA YANG BLTA BAR BYA'O, ,DE'I PHYIR DNGOS PO MA LUS PA YONGS SU SHES PA'I NUS PA NI 'GA' ZHIG LA YANG YOD PA MA YIN TE, RNAM PA DE LTA BU'I 'BRAS BU MED PA'I PHYIR RO, ,CI STE 'BRAS BU MI BYED KYANG NUS PAR GYUR NA THAMS CAD 'BRAS BU THAMS CAD LA NUS PAR 'GYUR ZHES STON PA NI, ;YANG NA THAMS CAD NUS PA NYID, ,CES BYA'O, ,RNAM PA 'DI LTA BU'I THAMS CAD MKHYEN PA BSGRUB NA GRUB PA LA SGRUB PA YIN NO ZHES STON PA NI, THAMS CAD THAMS CAD RTOGS PA LA, ,ZHES BYA BA LA SOGS PA SMOS TE, 'DI LTAR ZHING THAMS CAD SHES PA NI BDAG GO, ,DNGOS PO THAMS CAD RTOGS PA LA NUS PA'I NGANG TSUL NI NUS PA ZHES BYA BAR 'DOD DO, , DNGOS PO THAMS CAD RTOGS PA'I THABS MED PA'I PHYIR SKYES BU 'GA' YANG THAMS CAD RTOGS PA MA YIN NO ZHES 'DOD PA 'BA' ZHIG TU ZAD KYI STONG PAS NI MA YIN NO, ,DE BAS NA DNGOS SU DNGOS PO THAMS CAD RIG PA'I SKYES BU YOD DO ZHES BYA BA 'DI NI TSAD MA MED PA CAN YIN PA'I

278a

, ,PHYIR; BZHIG [?] TSAD MA LNGA DANG BRAL BA'I RANG BZHIN DNGOS PO MED PA'I TSAD MAS YUL DU BYAS PA'I NGO BO DE NI MO GSHAM GYI BU BZHIN DANG NAM MKHA'I PADMA'I YUL CAN BZHIN NO ZHES BYA BA 'DI GRUB PO, ,GZHAN YANG CI RNAM PA MED PA'I SHES PAS THAMS CAD SHES SAM, 'ON TE RNAM PA DANG BCAS PAS ZHES BYA BA 'DI YANG BRJOD PAR BYA'O, ,PHYOGS DANG PO LA BLANG BAR BYA BA DANG DOR BAR BYA BA'I DNGOS PO RNAM PAR PHYE NAS YONGS SU GCOD PAR MI 'GYUR TE SHES PA DE SHES BYA THAMS CAD LA MTSUNGS PA NYID KYIS LAS SO SO LA RNAM PAR DBYE BA MI SRID PA'I PHYIR RO, ,DE RNAM PAR MA PHYE BA YANG JI LTAR YUL THA DAD PA YANG RNAM PAR 'JOG PAR 'GYUR TE, DE'I RGYU MTSAN NI RTOGS PA THAMS CAD YIN PA'I PHYIR RO, ,RNAM PA DANG BCAS PA ZHES BYA BA'I PHYOGS KYANG MA YIN TE, RANG GI RNAM PAR SHES LAS 'DI NYID KYIS RNAM PAR RIG PA'I PHYIR RNAM PAR SHES PA'I RANG BZHIN DU GYUR PA LAS THA DAD PA'I DON GYI RNAM PA MI RIG PA'I PHYIR SHES PA TZAM SHES PAR 'GYUR GYI THAMS CAD SHES PA NI MA YIN NO, ,RNAM PA 'DZIN PAS DON RNAMS LA MTHONG BA LA SOGS PA'I THA SNYAD DU BYED NA 'KHRUL PAR 'GYUR TE, GANG ZHIG GZHAN MTHONG BA LA BRTEN NAS BDAG MTHONG BA ZHES RTOG PAR BYED PA DE JI LTAR 'KHRUL PAR MI 'GYUR, JI SKAD DU BSHAD PA'I RNAM PA GNYIS LAS MA GTOGS PAR SHES PA'I DON 'DZIN PA CUNG ZAD KYANG YOD PA MA YIN TE, DE LTA BAS NA DBANG PO LAS 'DAS PA'I DON MTHONG BA NI 'GA' YANG YOD PA MA YIN NO ZHES BYA BAR GRUB PO, ,DE LTAR ZHES BYA BA LA SOGS PA LAS THAMS CAD MKHYEN PA BSGRUB PA'I PHYIR PHYOGS SNGA MA NYE BAR SDUD PA YIN NO, ,THAMS CAD MKHYEN PA BSGRUB PA'I PHYOGS SNGA MA'O, ,DE LTAR THOB PA LA SOGS PA'I ZHES BYA BA LA SOGS PA NAS BRTZAMS SUN 'BYIN PAR RTZOM MO, ,RE ZHIG ,DE PHYIR DBANG PO LAS 'DAS DON, ,DNGOS SU BLTA BA YOD MA YIN, ,TSIG NI RTAG PA NYID KYIS NI, ,'GA' ZHIG MTHONG BO DES MTHONG NGO, ,ZHES CHOS SHES PA BKAG PA BYAS NAS RANG GI PHYOGS BZHAG PA BYAS PA GANG YIN PA DE MI

278b

RIGS SO ZHES BSTAN PA'I PHYIR RIG BYED RNAMS NI ZHES BYA BA LA SOGS PA SMOS SO, ,SNGAR THOS PA BRTAG PAR RIG BYED RNAMS RGYAS PAR SKYES BUS BYAS PA NYID DU BSGRUBS ZIN PA DES NA TSIG RTAG PA MI SRID PA'I PHYIR DBANG PO LAS 'DAS PA RTOG PA'I KHYAD PAR TSIG RTAG PA LA BRTEN PA NYID MA GRUB PO, ,DES NA DNGOS SU DBANG PO LAS 'DAS PA'I DON MTHONG BA PO YOD PA YIN GYI TSIG RTAG PA'I SGO NAS NI MA YIN TE, TSIG RTAG PA DE MI SRID PA'I PHYIR RO, ,GZIGS PA YOD PA NYID CES PA'I NGES PAR GZUNG BA'I RIM PA BZHIN DU DNGOS SU ZHES BYA BA 'DI'I MJUG TU BLTA BAR BYA'O, ,TSIG RTAG PA NYID YIN DU CHUG PA DE LTA NA YANG DE NI DBANG PO LAS 'DAS PA'I DON RTOG PA LA RGYU YI DNGOS POR RIG PA MA YIN NO ZHES BYA BA 'DI BSTAN PAR BYA BA'I PHYIR RTAG PA'I TSIG GI ZHES BYA BA LA SOGS PA SMOS TE, DE LA RANG DON NI RANG GI BRJOD PAR BYA BA'AM YANG NA RANG GI DON NI BDAG NYID DE SGRA YI RANG BZHIN NO, ,DON NI BRJOD PAR BYA BA'O, ,RANG DANG DON NI RANG DON NI DAG GO, ,DE DAG GI SHES PA DE BSKYED PA LA STE, DE BSKYED PAR BYA BA'I PHYIR TSIG RTAG PA'I NUS PA'I NGO BO NYID KYIS GRUB PA DE RANG LAS YIN NAM, LHAN CIG BYED PA'I RGYU GZHAN LAS YIN GRANG, DE LA RE ZHIG RANG LAS NI MA YIN NO GANG LAS SHE NA, RTAG PA NI RIM DANG CIG CAR DAG GIS 'BRAS BU BSKYED PAR 'GAL BA'I PHYIR TE GANG GI DON BYED PAR 'GYUR BA RIM PAR CIG CAR DAG LAS RNAM PA GZHAN NI YOD PA MA YIN TE, 'DI DAG NI PHAN TSUN RNAM PAR BCAD NAS GNAS PA'I MTSAN NYID YIN PA'I PHYIR RO, ,DES NA RIM DANG CIG CAR DAG GIS DON BYED PA LA KHYAB LA TSIG RTAG PA LA RIM GYIS RANG GI DON LA NUS PA SKYED PAR BYED PA NYID DU RIGS PA MA YIN TE, DANG PO'I 'BRAS BU BSKYED PA'I GNAS SKABS LA DUS PHYIS 'BYUNG BA'I SHES PA'I 'BRAS BU BSKYED PA'I RANG BZHIN MA NYAMS PA'I PHYIR DE TZAM LAS BYUNG BA'I 'BRAS BU RNAMS CIG CAR KHO NAR 'GYUR RO, ,RIM MA YIN PAS KYANG RIM PA MA YIN TE DUS PHYIS KYANG DANG PO'I 'BRAS BU BYED PA'I NUS PA TSANG BA'I RANG BZHIN RJES SU 'JUG PAS MI BSKYED PA NYID DU 'GAL

279a

, ,BA'I PHYIR RO, ,SBYOR BA NI GANG ZHIG GANG GI KHYAB PAR BYED PA'I CHOS DANG BRAL BA LA NI DE'I KHYAB PAR BYA BA'I CHOS DANG BRAL BA YIN TE, DPER NA SHING NYID KYI CHOS KYIS STONG PA'I BUM PA LA SOGS PA NI DE'I KHYAB PAR BYA BA SHING SHA PA NYID KYI CHOS KYIS STONG PA BZHIN NO, ,RIG BYED DU BRJOD PA'I TSIG DAG KYANG DON BYED PAR NUS PA'I CHOS KYI KHYAB PAR BYED PA RIM DANG RIM MA YIN PA'I CHOS DANG BRAL BA YIN NO ZHES BYA BA NI DON BYED PA MI DMIGS PA YIN NO, ,DE BAS NA RTAG PA'I TSIG GI NUS PA RANG LA YOD PA MA YIN LA LHAN CIG BYED PA'I RGYU GZHAN LAS KYANG YOD PA MA YIN TE, DES NA DE'I RANG BZHIN DANG THA MI DAD PA'I NUS PA NI DE'I RANG BZHIN GZHAN DU BYA BAR MI NUS PA'I PHYIR RO, ,GZHAN NYID YIN NA YANG 'BREL PA MA GRUB PA'I PHYIR ZHES 'DI NI MANG DU DPYAD ZIN TO, ,DE LTA BAS NA DBANG PO LAS 'DAS PA'I DON YONGS SU SHES PA'I GTAN TSIGS RTAG PA RJES SU DPAG PAS GNOD PA'I PHYIR RIGS PA MA YIN NO, ,GANG YANG DNGOS PO MED PA'I TSAD MAS YUL DU BYAS PA'I YUL CAN YIN PA'I PHYIR CHOS SHES PA MED DO ZHES SMRAS PA DE LA GZHAN GYIS KHAS BLANGS PA NYID KYI CHOS SHES PA MED PAR DAM BCA' BA'I DON GYI GO RIMS TSAD MA'I GNOD PA NYID DANG GTAN TSIGS KYANG MA GRUB PA NYID DU BSTAN PA'I PHYIR, DE PHYIR MTHO RIS MCHOD SBYIN SOGS, ,ZHES BYA BA LA SOGS PA SMOS TE, RANG GIS ZHES BYA BA NI RANG DBANG GIS TE RIG BYED LA LTOS PA MED PA'I SHES PAS ZHES BYA BA'I DON TO, ,DE 'DRA BA'I ZHES BYA BA NI KHYED CAG GIS BKAG PA CI 'DRA BA'O, ,DON GYIS RNYED PA'O ZHES BYA BA NI RIG BYED TSAD MA NYID DU KHAS BLANGS PA'I PHYIR SHUGS KYIS THOB PAS SO, ,DE NYID KYI PHYIR DNGOS PO MED PA'I TSAD MAS YUL DU BYAS PA'I NGO BO NYID KYANG MA GRUB STE, DON GYI GO BAS YUL DU BYAS PA'I PHYIR RO, ,GANG YANG THAMS CAD KYI SGRA SKABS KYI DON LA LTOS TE MANG DU BRTAGS NAS SUN 'BYIN PA SMRAS PA DE MI 'JUG PA NYID DO, ,PHYOGS 'DI KHAS MA BLANGS PA'I PHYIR TE, GANG GI DE LA SUN 'BYIN PAR 'GYUR BA KHO BO

279b

CAG GIS CHOS LA SOGS PA LAS MA GTOGS PAR BRJOD PA 'DOD PA'I DON MTHA' DAG SHES PAS THAMS CAD MKHYEN PA NYID DU KHAS LEN PA NI MA YIN NO, ,'O NA CI ZHE NA, GANG ZHIG NYON MONGS PA DANG SHES BYA'I SGRIB PA DRI MA MTHA' DAG DANG BRAL BA'I SEMS KYI CHOS LA SOGS PA'I SHES BYA MTHA' DAG GSAL BYA DE THAMS CAD MKHYEN PA NYID DU MNGON PAR 'DOD NA DE LA KHYED CAG GIS GNOD PAR BYED PA CUNG ZAD KYANG MA BRJOD DO, ,GANG YANG, LUS PO GCIG PO KHO NA YI, ,RDUL PHRAN JI SNYED YOD PA RNAMS, ,ZHES BYA BA LA SOGS PA SMRAS PA DE NI TSAD MA MED PA CAN GYI DAM BCA' BA TZAM BRJOD PA 'BA' ZHIG TU ZAD DO, ,'THAD PAS STONG PA'I DAM BCA' BA TZAM LAS DON GRUB PA SRID PA YANG MA YIN TE, THAMS CAD KYIS DON THAMS CAD GRUB PA LA THAL BA'I PHYIR RO ZHES BYA BA 'DI THAMS CAD ZHE LA BZHAG NAS, GZHAN YANG ZHES BYA BA LA SOGS PA SMOS TE, RGYU MED CES BYA BA LA RGYU NI 'THAD PA STE, TSUL GSUM PA'I RTAGS ZHES BYA BA LA SOGS PA GANG LA YOD PA MA YIN PA DE LA DE SKAD CES BYA'O, ,NYON MONGS PA DANG SHES BYA'I SGRIB PA'I DRI MAS DBEN PA'I PHYIR DRI MA MED PA'O, , PHYI ROL MU STEGS BYED KYIS RGOL BA'I PHYIR RLUNG GIS MI G-YO BA'O, ,YE SHES GANG YIN PA DE NYID KYI SGRON MA YIN TE GSAL BAR BYED PA MTSUNGS PA'I PHYIR RO, ,DES NA GANG GIS CHOS LA SOGS PA'I DNGOS PO MA LUS PA GSAL BA STE YUL DU BYED PA DE LA DE SKAD CES BYA'O, ,LTOS PA DANG BCAS PA NYID YIN NA YANG GO BAR BYED PA YIN PA'I PHYIR BSDU BAR BYA'O, ,'DI LA GNOD BYED MA BRJOD DO, ,ZHES BYA BA NI TSAD MA ZHES BYA BA LHAG MA'O, ,MA BRJOD PA 'BA' ZHIG TU MA ZAD KYI 'DI LA GNOD PA BYED PA CUNG ZAD KYANG YOD PA MA YIN NO SNYAM DU BSAMS PA YIN NO, ,DE LTAR RE ZHIG MNGON SUM NI GNOD PAR BYED PA MA YIN TE, DE NI DE'I YUL CAN MA YIN PA'I PHYIR RO, ,JI LTAR DNGOS PO GANG KHO NA MNGON SUM GYIS YUL DU BYED PA DE LA MNGON SUM GYIS GRUB PA LAS BZLOG PA'I CHOS KHAS LEN PA LA MNGON SUM GYIS GNOD PA

280a

, ,YIN TE, ,DPER NA CHOS CAN SGRA LA MNYAN PAR BYA BA MA YIN PA NYID MNYAN PAR BYA BA NYID KYIS GNOD PA LTA BU YIN GYI, GANG DU MNGON SUM MI 'JUG PA NI MA YIN NO, ,GANG GI DE LA THAMS CAD MKHYEN PA NYID DU DAM BCA' BA MNGON SUM GYIS GNOD PAR 'GYUR BA GZHAN GYI RGYUD LA YOD PA'I SEMS THAMS CAD THAMS CAD MKHYEN PA MA YIN PA 'GA' ZHIG GIS MNGON SUM GYI YUL DU BYAS PA YANG MA YIN TE, THAMS CAD TSU ROL MTHONG BA YIN PA'I PHYIR RO, ,YUL DU BYED NA DE NYID THAMS CAD MKHYEN PA YIN PA'I PHYIR MI SPANG NGO, , 'DI SNYAM DU KHO BO CAG NI MNGON SUM 'JUG PA NA DNGOS PO MED PA SGRUB PAR BYED DO ZHES NI MI SMRA'O, ,'O NA CI ZHE NA, LOG PA NA STE 'DI LTAR DNGOS PO GANG LA MNGON SUM LOG PA'I DON DNGOS PO MED PAR BYED DE DPER NA RI BONG GI RVA BZHIN NO, ,GANG LA 'JUG PA DER NI YOD PA STE DPER NA GZUGS LA SOGS PA BZHIN NO, ,THAMS CAD MKHYEN PA'I YUL CAN GYI MNGON SUM 'JUG PA NI 'GA' YANG MED PA DE BAS NA DE LOG PAS DE MED PAR NGES PAR BYED DO SNYAM DU SEMS NA DE NI 'BREL PA MED DE 'DI LTAR LOG PA LAS DNGOS PO MED PAR NGES PA GANG YIN PA DE MNGON SUM LAS 'GYUR BA NI MA YIN TE, DNGOS PO DANG DNGOS PO MED PA DAG GCIG TU 'GAL BA'I PHYIR RO, ,GANG GI DNGOS PO MED PA 'DI DE LAS NGES PAR BYED PA MNGON SUM LOG PA LA DNGOS PO MED PAS KHYAB PA YANG MA YIN NO, ,DNGOS PO YOD NA YANG CHOD PA LA SOGS PA LA MNGON SUM LOG PAR MTHONG BA'I PHYIR RO, ,'DI SNYAM DU MNGON SUM LOG PA LAS DNGOS PO MED PA NGES SO ZHES NI MI SMRA'O, ,'O NA CI ZHE NA, 'ON KYANG MNGON SUM LDOG PA NA DNGOS PO MED PA SGRUB PAR BYED DO SNYAM DU SEMS NA, 'DI NYID KHYED CAG GIS SGRA GZHAN GYI BRJOD PA 'BA' ZHIG TU ZANGS KYI DON THA DAD PA NI MA YIN NO, ,SGRA GZHAN PA TZAM LAS DON GZHAN NYID DU RIGS PA MA YIN TE, HA CANG THAL BAR 'GYUR BA'I PHYIR RO, ,'DI LTAR LOG PA'I SGRAS DNGOS PO YOD PA BKAG PA BRJOD PA BZLOG PA'I SGRAS KYANG DON DAM PAR DE NYID BRJOD DO, ,'ON KYANG

280b

GCIG NYID KHYAD PAR GZHAN SPANGS NAS DE TZAM SHES PAR 'DOD PA LAS DE BRJOD LA GZHAN NI MI SPANGS PAS SO ZHES BYA BA NI KHYAD PAR RO, ,DON DAM PAR NI GNYI GAS KYANG DNGOS PO MED PA NYID BSTAN PA YIN LA MED PA NI RGYU'I DNGOS POR YANG SRID PA MA YIN TE, DE'I MTSAN NYID NI NUS PA THAMS CAD KYI STONG PA YIN PA'I PHYIR RO, ,DE LTA BAS NA GANG ZHIG GANG GI SKYED PAR BYED PA'AM, GSAL BAR BYED PA YIN PA DE NI DE'I SKYED PAR BYED PA DANG GSAL BAR BYED PA YIN PAS NYE BAR YOD PA CAN DU 'GYUR GYI LDOG PA'I RANG BZHIN DU NI MA YIN TE, MYU GU'I SA BON DANG GZUGS KYI SGRON MA BZHIN NO, ,DE DAG BZLOG PA NA MYU GU DANG BUM PA'I GZUGS LA SOGS PA SKYED PAR BYED PA DANG GSAL BAR BYED PAR 'GYUR BA NI MA YIN NO, ,GZHAN YANG MNGON SUM LDOG PA NA DNGOS PO MED PA SGRUB PAR BYED PA YIN NO ZHES BYA BA 'DIR DON CI LA 'DOD, GAL TE RE ZHIG DE LTAR GNAS PA LAS LDOG GO ZHES BYA BA'I DON YIN NA DE'I TSE SHUGS KYIS 'DAS PA DANG MA 'ONGS PA'I GNAS SKABS YIN NO ZHES BYA BA DE LTAR BRJOD PAR 'GYUR LA, 'DAS PA DANG MA 'ONGS PA'I DNGOS PO YOD PA MA YIN NO ZHES BSTAN ZIN TE DE JI LTAR MED PA LA BYA BA GRUB PAR 'GYUR, CI STE DE LTAR YIN YANG GANG ZHIG YUL GANG LA MI SKYE BA DE NI DE LAS LOG PAR BRJOD NA DE LTA NA DE LAS DNGOS PO MED PA GRUB PA MA YIN TE 'KHRUL PA'I PHYIR RO, ,MIG GI RNAM PAR SHES PA DRI DANG RO LA SOGS PA'I YUL LA MI SKYE BA ZHES BYA BA DE TZAM GYIS DE LAS DE MED PAR YUL DU BYED PA'I PHYIR DNGOS PO MED PAR MI 'GYUR RO, ,DE LTA BAS NA MNGON SUM GYIS 'GA' ZHIG GI DNGOS PO MED PA MI 'GRUB PO, ,DE LTA NA JI LTAR KHYED CAG GIS MI DMIGS PA ZHES BYA BA'I MNGON SUM LAS PHYOGS KYI BYE BRAG GZHAN DU DNGOS PO MED PA GRUB PAR BRJOD CE NA DE NI YOD PA MA YIN TE, DE LAS MNGON SUM DNGOS PO MED PA YUL DU BYED PA'I PHYIR DNGOS PO MED PA SGRUB PAR BYED DO ZHES NI MI BRJOD DO, ,'O NA CI ZHE NA, SHES PA GCIG LA 'DRER RUNG BA'I DON DAG LA GNAG YANG RUNG BA GRUB PA GANG YIN PA DE NYID CIG SHOS MED PAR GRUB PA YIN NO

281a

, ,ZHES BYA BA DE LTAR BYAS PAS SO, ,GANG GI PHYIR DE DAG YOD PA NA NGO BO GCIG NGES PAR RTOGS PAR 'GYUR BA NI MA YIN TE RUNG BA NYID DU KHYAD PAR MED PA'I PHYIR RO, ,GANG ZHIG 'BA' ZHIG DMIGS PA'I PHYIR DE MED PAR NGES PA DE LTAR THAMS CAD MKHYEN PA NI 'GA' ZHIG DANG LHAN CIG SHES PA GCIG DANG 'DRE BAR NGES PA'ANG MA YIN TE, DE NI RTAG TU SHIN TU LKOG TU GYUR PA'I PHYIR RO, ,DE LTAR RE ZHIG THAMS CAD MKHYEN PA'I GNOD PAR BYED PA MNGON SUM SRID PA MA YIN NO, ,RJES SU DPAG PA YANG THAMS CAD MKHYEN PA MED PAR SGRUB PAR BYED PA MA YIN TE, DON SGRUB PA'I YUL CAN NYID DU KHAS LEN PA'I PHYIR RO, ,GANG GI PHYIR KHYED CAG GIS DNGOS PO MED PA KHO NA TSAD MA DNGOS PO MED PA'I YUL DU BRJOD KYI GZHAN NI MA YIN NO, ,DE NYID KYI PHYIR YANG DON GYIS GO BA LA SOGS PA GSUM YANG GNOD PAR BYED PA MA YIN NO, , CI STE YANG KHO BO CAG GIS MED PAR DGAG PA'I NGO BO THAMS CAD MKHYEN PA MED PAR SGRUB PAR BYED PA NI MA YIN NO, ,'O NA CI ZHE NA, SKYES BU THAMS CAD PHYOGS SU BYAS NAS MA YIN PAR 'JUG PA DE DAG LA THAMS CAD MKHYEN PA MA YIN PA NYID SGRUB PAR BYED DO, ,DES NA RJES SU DPAG PA LA SOGS PA'I BYA BA YOD PA YIN NO SNYAM NA, DE LTA BU YOD MOD DE LTA NA YANG RE ZHIG RJES SU DPAG PAS SRID PA MA YIN TE, SKYES BU THAMS CAD LA THAMS CAD MKHYEN PA MED PA LA MI 'KHRUL PA'I RTAGS MA GRUB PA'I PHYIR RO, ,GANG YANG GZHAL BYA NYID DANG SMRA BA PO NYID LA SOGS PA SMRAS PA DE YANG 'KHRUL PA YIN NO ZHES PHYIS BSHAD PAR BYA'O, ,DON GYIS GO BA YANG THAMS CAD MKHYEN PA MED PA NYID DU SGRUB PAR BYED PA YIN NO, ,MNGON SUM DANG RJES SU DPAG PA LAS MA GTOGS PAR GZHAN DAG TSAD MA NYID DU MA GRUB PA'I PHYIR RO, ,TSAD MA GZHAN NYID YOD NA YANG RE ZHIG DON GYIS GO BAS NI, THAMS CAD MKHYEN PA MED PA NYID DU BSGRUB PAR NUS PA MA YIN TE, GANG GI PHYIR MTHONG BA'AM, THOS PA'I DON GZHAN DU MI MTHANG PA'I PHYIR MA MTHONG BA RTOG PAR BYED PA NA DON GYIS GO BA YIN LA GANG LAS DE DON GYIS GO BAR RTOG PAR BYED PA

281b

THAMS CAD MKHYEN PA MED PAR SKYES BU THAMS CAD LA MTHONG BA'I DON 'GA' ZHIG 'THAD PA YANG MA YIN NO, ,NYE BAR 'JAL BA YANG NUS PA MA YIN TE, 'DI LTAR DRAN PAR BYA BA'I DNGOS PO MDUN NA YOD PA'I DNGOS PO DANG 'DRA BA'I KHYAD PAR RAM, MDUN NA GNAS PA'I DRAN PAR BYA BA'I DNGOS POR RTOGS PA'I 'DRA BA TZAM NYE BAR 'JAL BAS RTOG PAR BYED DE DPER NA BA LANG MTHONG BA'I NYAMS SU MYONG BA'I NAGS NA GNAS PA'I SKYES BU BA MEN MTHONG BA LAS SNGAR NYAMS SU MYONG BA'I BA LANG LA DE DANG CHOS MTSUNGS PA'I SHES PA BZHIN TE JI SKAD DU, DE PHYIR 'DRA BAS KHYAD PAR DU, , BYAS PA'I DRAN PA GANG YIN PA'AM, DE LA BRTEN PA'I 'DRA BA STE, ,NYE BAR 'JAL BA'I GZHAL BYA ZHES BSHAD PA BZHIN NO, ,DE LTA BAS NA DRAN PAR BYA BA NYID KYI CHOS CAN NYE BAR 'JAL BA'I YUL YIN LA NYAMS SU MYONG BA NYID KYANG DRAN PAS YUL DU BYED PA YIN GYI GZHAN NI MA YIN NO, , GANG LA DRAN PAS YUL DU BYED PAR 'GYUR BA THAMS CAD MKHYEN PA MA YIN PA 'GA' ZHIG GIS SKYES BU THAMS CAD LA YOD PA'I SEMS RNAMS NYAMS SU MYONG BA YANG MA YIN LA GANG GI DBANG GIS SKYES BU THAMS CAD LA THAMS CAD MKHYEN PA MA YIN PA NYID RJES SU DPOG PAR BYED PA SKYES BU THAMS CAD DANG NYAMS SU MYONG BA'I DNGOS PO'I THAMS CAD MKHYEN PA MA YIN PAR THUN MONG BA'I CHOS NGES PA YANG YOD PA MA YIN NO, ,GANG YANG YOD PA NYID LA SOGS PA THAMS CAD MKHYEN PA MA YIN PA 'GA' ZHIG LA MTHONG BA DE YANG THAMS CAD MKHYEN PA MA YIN PA NYID KYIS THUN MONG BAR GRUB PA MA YIN TE THAMS CAD MKHYEN PA LA YANG YOD PA LA SOGS PA MI 'GAL BA'I PHYIR RO, ,BA MEN LA YOD PA LA SOGS PA'I CHOS MTHONG BA'I PHYIR BUM PA LA SOGS PA YANG BA MEN DANG 'DRA BAR RJES SU DPOG PA NI MA YIN NO, ,SKYES BU THAMS CAD YOD PA LA SOGS PAS CHOS MTHUN PA YIN LA RAG MOD, THAMS CAD MKHYEN PA MA YIN PA NYID DU NI MI 'GRUB PO, ,'DIS NI, DE LTAR YOD PA'I MI RNAMS KUN, ,KUN MKHYEN MIN PAR MTHONG NAS NI, ,ZHES BYA BA LA SOGS PA 'DI YANG GSAL BA YIN NO, ,THAMS CAD MKHYEN PA LA GNOD PAR BYED

282a

, ,PA'I TSAD MA SGRA ZHES BYA BA LA YANG YOD PA MA YIN TE, RE ZHIG SKYES BUS BYAS PA GANG YIN PA DE NI DBANG PO LAS 'DAS PA'I DON GYIS YUL LAS TSAD MA MA YIN PA NYID DU DPYOD PA PA RNAMS RANG NYID KYIS KHAS BLANGS LA, GANG YANG SKYES BUS MA BYAS PA, ,DE YANG TSAD MA YIN NO ZHES BSTAN ZIN TO, ,SKYES BU THAMS CAD THAMS CAD MKHYEN PA MA YIN PA NYID DU STON PAR BYED PA'I RIG BYED KYI TSIG 'GA' ZHIG DMIGS PA YANG MA YIN NO, ,DER MA BSTAN PAS KYANG DON GZHAN MED PAR GRUB PA MA YIN TE, DNGOS PO THAMS CAD BSTAN BCOS SU BSTAN PA'I DBANG DU BYAS PA MA YIN PA'I PHYIR RO, ,DE LTA MA YIN NA KHYOD KYI MA BAG MAR BLANGS PA LA SOGS PA YANG MED PAR THAL BAR 'GYUR TE DER MI 'DOD PA'I PHYIR RO, ,'GA' ZHIG PHYOGS GCIG TU 'DON PAR MA MTHONG BA'I PHYIR THAMS CAD DU MI 'DON PAR RIGS PA MA YIN TE, DNGOS PO THAMS CAD BSTAN BCOS SU BSTAN PA'I DBANG DU BYAS PA MA YIN PA'I PHYIR RO, ,'PHROS PA BRGYA PHRAG GCIG TU MA NUB PAR THOS PA'I PHYIR GTAN DU YANG 'DON PA SRID PA'I PHYIR RO, ,LTAS CAN ZHES BYA BA'I 'PHROS PA GZHAN DU GSAL RAB TU THAMS CAD MKHYEN PA 'DON PA YIN NO ZHES PHYIS BSTAN PAR BYA'O, ,DNGOS PO MED PA'I TSAD MA YUL DU BYAS PA'I PHYIR THAMS CAD MKHYEN PA MED PAR BSGRUB PA YANG MA YIN TE, 'DI LTAR GAL TE TSAD MA MED PA LOG PA TZAM MED PAR DGAG PA'I MTSAN NYID DNGOS PO MED PA'I TSAD MAR BRJOD NA DE'I TSE 'DI 'GA' ZHIG GIS RTOGS PA MA YIN ZHING RTOG PA'I RGYU YANG MA YIN PA NGES YUL DU BYED PA RIGS PA MA YIN TE, DNGOS PO MED PA NYID YIN PA'I PHYIR RO, ,DE LTA BAS NA 'DI TSAD MA MA YIN NO, ,CI STE MA YIN PAR 'JUG PAS TSAD MA ZHES BYA BA'I DNGOS PO LAS GZHAN PA'I DNGOS PO NYID DU 'DOD PA DE LTA NA YANG TSAD MA LAS BZLOG PA'I BDAG NYID YIN PAS TSAD MA NYID DU 'GRUB PAR MI 'GYUR TE, BRAM ZE LAS GZHAN NI BRAM ZE NYID DU MI RIGS PA BZHIN NO, ,'DIR 'DI SNYAM DU 'DI TSAD MA THAMS CAD LAS LDOG PA NYID MI BRJOD DO, ,'O NA CI ZHE NA, BRJOD PAR

282b

'DOD PA'I TSAD MA LNGA LAS GZHAN PA'I SHES PA'I KHYAD PAR NYID DO SNYAM DU SEMS NA, GAL TE DE LTA NA 'DI LTA BU'I RNAM PA YIN PA BRJOD PAR BYA'O, ,GANG GI PHYIR TSAD MA LNGA'I SPYOD YUL MA YIN PA'I PHYIR THAMS CAD MKHYEN PA 'DI MED DO SNYAM PA DE LTA BU'I RNAM PA CAN YIN NO ZHE NA, RNAM PA DE LTA BU YIN NA 'O NA TSAD MA MA YIN TE, 'KHRUL PA'I PHYIR RO, ,GANG GI PHYIR GANG GIS SHES PA 'DI BDEN PAR 'GYUR BA RANG BZHIN MA YIN PA DANG RGYU MA YIN PAR GYUR PA'I TSAD MA LNGA PO LDOG PA NA 'BREL PA MED PA'I THAMS CAD MKHYEN PA LA SOGS PA'I NGES PA LDOG PA MA YIN TE, DE LTA BAS NA THAMS CAD MKHYEN PA'I GNOD PAR BYED PA'I TSAD MA CUNG ZAD KYANG YOD PA MA YIN NO SNYAM DU BSAMS PA YIN NO, ,'DI SNYAM DU KHYED CAG GIS RJES SU DPAG PA NYID DU BRJOD PA'I MI DMIGS PA GANG YIN PA DE NYID THAMS CAD MKHYEN PA'I GNOD PAR BYED PAR 'GYUR TE, 'DI KHO BO CAG LA TSAD MA GZHAN GYIS CI ZHES BYA SNYAM DU SEMS NA, MI DMIGS PA TSAD MA MA YIN PA NI BDEN TE 'ON KYANG 'DIR CI KHYOD KYIS RANG GI DMIGS PA LDOG PA THAMS CAD MKHYEN PA MED PAR BSGRUB PA LA MI DMIGS PAR 'DOD DAM 'ON TE, SKYES BU THAMS CAD KYIS DMIGS PA LDOG PAR 'GYUR, RANG GI MI DMIGS PA LA YANG CI DMIGS PA'I MTSAN NYID DU GYUR PA'I KHYAD PAR LA MI RTEN PA'I PHYIR KHYAD PAR MED PA MNGON PAR 'DOD DAM, 'ON TE KHYAD PAR DANG BCAS PA YIN ZHES BYA BA 'DI DPYAD PAR BYA STE, DE LA RE ZHIG RANG GI MI DMIGS PA KHYAD PAR MED PA RNAMS THAMS CAD MKHYEN PA MED PAR BSGRUB PA LA TSAD MAR RIGS PA MA YIN NO ZHES BSTAN PA'I PHYIR RO, ,DE NI MA MTHONG BA TZAM GYIS, ,ZHES BYA BA LA SOGS PA SMOS TE TZAM SMOS PA NI, DMIGS PA'I MTSAN NYID DU GYUR PA ZHES BYA BA'I KHYAD PAR 'DI BSAL BA'I DON DU'O, ,MED PAR NGES PA YANG MA YIN TE ZHES BYA BA NI THAMS CAD MKHYEN PA MED PAR MI NGES PA'O, ,CI'I PHYIR ZHE NA, DNGOS PO RNAMS LA STE, DNGOS

283a

, ,PO'I YUL LA DMIGS PA RGYU DANG KHYAD PAR BYED PA NYID DU MI RUNG BA'I PHYIR RO, ,SHING SHA PA NYID KYI SHING BZHIN DU TSU ROL MTHONG BA'I DMIGS PA NI DNGOS PO RNAMS KYI KHYAD PAR BYED PA MA YIN TE, DNGOS PO YOD NA YANG YUL LA SOGS PAS BSKAL PA LA MI DMIGS PA SRID PA'I PHYIR RO, ,DU BA'I ME BZHIN DU RGYU YANG MA YIN TE, DNGOS PO RNAMS NYID DMIGS PA LA RGYU NYID YIN PA'I PHYIR RO, ,RGYU MA YIN PA DANG KHYAD PAR BYED PAR GYUR PA MA YIN PA GZHAN LOG PA NA GZHAN LDOG PA NI RIGS PA MA YIN TE, HA CANG THAL BAR 'GYUR BA'I PHYIR RO, ,GANG YANG 'BRAS BU MI DMIGS PA BSHAD PA DE NI RGYU TZAM GYI MED PA GO BAR BYED PA MA YIN NO, ,'O NA CI ZHE NA, NUS PA THOGS PA MED PA KHO NA'O, ,GANG GIS DE LOG PA NA DNGOS PO RNAMS KYI MED PA SGRUB PAR BYED PA TSU ROL MTHONG BA'I DMIGS PA LA DNGOS PO RNAMS NUS PA THOGS PA MED PA NYID NI MA YIN NO, ,RGYU DANG KHYAB PAR BYED PA'I DNGOS PO MED PA DANG LOG PA NA YANG JI LTAR GZHAN LDOG PA YIN ZHE NA, 'DIR RGYU DANG KHYAB BYED CES BYA BA LA SOGS PA SMOS TE, GANG LA RGYU YOD PA DE NI RGYU DANG LDAN PA STE 'BRAS BU ZHES BYA BA'I DON TO, ,RGYU DANG LDAN PA DANG KHYAD PAR BYED PA ZHES TSIG RNAM PAR SBYAR LA, RGYU DANG LDAN PA DANG KHYAB PAR BYED PA DE DAG LDOG PA RIGS PA YIN NO ZHES SNGA MA DANG SBYAR RO, ,'DI LA RGYU NI DE LAS BYUNG PHYIR GCIG YIN ZHES BYA BA STE, RGYU LDOG PA NA RGYU DANG LDAN PA LOG STE RGYU DE LAS BYUNG BA'I PHYIR TE, RGYU DANG LDAN PA'I BDAG NYID KYIS DNGOS PO THOB PA'I PHYIR DPER NA ME LDOG PA NA DU BA LDOG PA BZHIN NO, ,DE BZHIN DU KHYAB PAR BYED PA LDOG PA NA KHYAB PAR BYA BA LDOG STE, KHYAB PAR BYED PA DE DANG LHAN CIG YIN PA'I PHYIR RO, ,GCIG GI RANG BZHIN YIN PA'I PHYIR, DPER NA SHING LOG PA NA AA MRA LA SOGS PA LDOG PA BZHIN NO, ,SHING GI KHYAD PAR NYID AA MRA LA SOGS PAR GRAGS PA'I PHYIR RO, ,DE LTA MA YIN TE, GAL TE RGYU LOG PA NA YANG MI

283b

LDOG NA DE RGYU NYID DU MI 'GYUR TE, GANG ZHIG GANG MED KYANG 'BYUNG BA DE NI DE'I RGYUR RIGS PA MA YIN TE, HA CANG THAL BAR 'GYUR BA'I PHYIR RO, ,GANG LOG KYANG GAD MI LDOG PA DE NI DE'I RANG BZHIN DU YANG RIGS PA MA YIN TE, BA MEN GYIS BA LANG BZHIN NO, ,DE LTA BAS NA RGYU DANG KHYAB PAR BYED PA LDOG PA NA 'BRAS BU DANG KHYAB PAR BYA BA LDOG PA YIN GYI GZHAN NI MA YIN TE, HA CANG THAL BAR 'GYUR BA'I PHYIR RO, ,JI SKAD DU, DE PHYIR DE TZAM DANG 'BREL BA'I, ,NGO BO NYID KYI NGO BO NYID, ,LDOG PAR 'GYUR BA'AM RGYU YIS KYANG, , 'BRAS BU 'KHRUL PA MED PHYIR RO, ,DE LTA MIN NA GCIG LOG PAS, ,JI LTAR GZHAN NI LDOG PAR 'GYUR, ,MI LA RTA MI BDOG CES TE, ,PHYUGS KYANG BDOG PA MIN NAM CI, ,ZHES BSHAD PA BZHIN NO, ,CI STE YANG RANG GI DMIGS PA DON THAMS CAD LA RGYU NYID DANG KHYAB PAR BYED PA NYID DU KHAS LEN PAR BYED NA DE'I TSE DAM BCA' BAR RANG GI TSIG DANG 'GAL BAR 'GYUR RO ZHES BSTAN PA'I PHYIR, MA LUS PA'I DON DAG LA ZHES BYA BA SMOS TE, RGYU DANG KHYAB PAR BYED PA DE DAG NI ZHES BYA BA NI NGES PA LA LTOS NAS DRUG PA'I DMIGS PA DANG DON DAG LA ZHES BYA BA NI DRUG PA DANG BDUN PA GNYIS TE, RGYU DANG KHYAB PAR BYED PA DAG ,CES BYA BA 'DI LA LTOS NAS GO RIMS BZHIN DU 'BREL PA DANG YUL GYI DNGOS POR SBYAR BAR BYA'O, ,'DI SKAD DU BSTAN PA YIN TE, GAL TE RE ZHIG TSAD MA 'GA' ZHIG LAS RANG GI DMIGS PA'I DON THAMS CAD LA RGYU NYID DANG KHYAB PAR BYED PA NYID DU NGES PA DE'I TSE, KHYOD KYIS BDAG NYID THAMS CAD MKHYEN PA NYID DU GSAL RAB TU DAM BCA' BAR 'GYUR RO, ,THAMS CAD MKHYEN PA MA YIN PA'I SHES PA NI SHES BYA MA LUS PA LAS KHYAB PAR BYED PA MA YIN LA, THAMS CAD MKHYEN PA MED PAR BSGRUB PA LA YANG SGRUB PAR BYED PA NYE BAR LEN PA'I PHYIR DE NYID 'GEGS PAS RANG GI TSIG DANG 'GAL LO, ,DE LTAR RE ZHIG KHYAB PAR BYED PA MED PA'I RANG GI MI DMIGS PA NI THAMS CAD

284a

, ,MKHYEN PA MED PAR BSGRUB PAR BYA BA'I PHYIR BSTAN PAR 'OS PA MA YIN NO, ,DMIGS PA MTSAN NYID DU GYUR PA MA DMIGS PA'I PHYIR RO ZHES BYA BA NI KHYAD PAR GYIS KHYAD PAR DANG BCAS PA YANG MA YIN TE, 'DI LTAR DE STON PA NA YANG DPER NA PHYOGS KYI BYE BRAG 'GA' ZHIG NA BUM PA MED DE DMIGS PA'I MTSAN NYID DU GYUR PA LAS MI DMIGS PA'I PHYIR RO ZHES RANG GI SGRAS STON NA THAMS CAD MKHYEN PA MED PA SGRUB PA LA YANG 'GYUR RO, ,YANG NA DPER NA 'DI NA DU BA MED DE ME MED PA'I PHYIR RO, ,SHING SHA PA MED DE SHING MED PA'I PHYIR RO ZHES BYA BA DE LTA BU DON GZHAN DE'I RGYU DANG KHYAB PAR BYED PA'I BDAG NYID DMIGS PA'I MTSAN NYID KYIR GYUR PA MED PAR MTHONG BA'I PHYIR TE, 'BREL MED PA RGYU MA YIN PA DANG KHYAB PAR BYED PA MA YIN PAR GYUR PA GZHAN LOG PA NA GZHAN NGES PAR LDOG PAR RIGS PA MA YIN TE, HA CANG THAL BAR 'GYUR RO ZHES SNGAR BSHAD ZIN TO, ,RANG GI RGYU DANG KHYAB PAR BYED PA LDOG PA MA NGES PA'I DON RGYU DANG KHYAB PAR BYED PA LOG PA LAS LDOG PAR GRUB PA YANG MA YIN PA'I PHYIR DES NA DE LA YANG DMIGS PA'I MTSAN NYID DU GYUR PA ZHES BYA BA'I KHYAB PA LA BSTEN PAR BYA'O, ,DE LTAR THAMS CAD MKHYEN PA LA YANG 'GYUR RO, ,YANG NA DON GZHAN DU GYUR PA DNGOS DANG BRGYUD PAS 'GAL BA NYID GRUB PA LAS DE DAG 'GAL BA NI MA YIN TE, DE DANG LHAN CIG 'BYUNG BA NYID SRID PA'I PHYIR RO, ,DPER NA 'DI NA GRANG BA'I REG PA MED DE ME YOD PA'I PHYIR RO ZHES BYA BA'I DNGOS SU 'GAL BA'I ME BSGRUB PA LAS GRANG BA'I REG PA 'GEGS PA DE BZHIN DU THAMS CAD MKHYEN PA 'GEGS PA LA YANG 'GYUR RO, ,YANG NA BRGYUD PAS KYANG RES 'GA' 'GAL BA NI DE'I KHYAB PAR BYED PA DANG 'GAL BA BSGRUBS PAS THAMS CAD MKHYEN PA 'GEGS TE, DPER NA BA MO'I REG PA'I KHYAB PAR BYED PA GRANG BA DANG 'GAL BA'I ME BSGRUB PA LAS PA MO'I REG PA 'GEGS PA BZHIN NO, ,RNAM PA GCIG TU NA DPER NA BA SPU LDANG BA LA SOGS PA'I RGYU GRANG BA'I REG PA DANG

284b

'GAL BA GDUNG BAR BYED PA'I BYE BRAG BSGRUB PA LAS GRANG BA'I 'BRAS BU SPU LONG BYED PA LA SOGS PA 'GEGS PA BZHIN DU DE'I RGYU 'GAL BA BSGRUBS PAS SAM, YANG NA DPER NA PHYOGS KYI BYE BRAG 'GA' ZHIG TU GRANG BA'I REG PA LA SOGS PA DANG 'GAL BA'I ME LA SOGS PA'I 'BRAS BU DU BA LA SOGS PA BSGRUB PA LAS GRANG BA'I REG PA 'GEGS PA BZHIN DU DE DANG 'GAL BA'I 'BRAS BU BSGRUBS PA LAS SAM, YANG NA DPER NA SPU LONG LA SOGS PA'I RGYU GRANG BA DANG 'GAL BA'I ME'I 'BRAS BU DU BA MTHONG BA'I PHYIR SPU LONG LA SOGS PA 'GEGS PA YIN TE, PHYOGS 'DI NA DU BA YOD PA'I PHYIR SPU LONG ZHES BYED PA LA SOGS PA'I BYE BRAG DANG LDAN PA'I MI DANG LDAN PA MA YIN NO ZHES BYA BA LTA BU DE'I RGYU 'GAL BA'I 'BRAS BU DMIGS PA LAS YIN NAM, YANG NA DPER NA NGES PAR 'GYUR BA DANG 'GAL BA NGES PAR 'GYUR BA MED PA'I KHYAB PAR BYA BA'I LTOS PA DANG BCAS PA NYID BSGRUBS PAS NGES PAR 'GYUR BA NYID 'GEGS PA BZHIN DU DE DANG 'GAL BAS KHYAB PA BSGRUB PA LAS YIN ZHES BYA BA'I MI DMIGS PA'I SBYOR BA 'DI THAMS CAD THAMS CAD MKHYEN PA BSGRUB PA LA SRID PA MA YIN TE, THAMS CAD MKHYEN PA DE RTAG TU DMIGS PA'I MTSAN NYID DU MA GYUR PA'I PHYIR RO, ,'DI THAMS CAD MI DMIGS PA'I DBYE BA NYID YIN PA'I PHYIR ZHES BSTAN PAR BYA BA'I PHYIR, DE NYID KYI PHYIR ZHES BYA BA LA SOGS PA SMOS TE, DE NYID KYI PHYIR NI RANG GI TSIG DANG 'GAL BAR THAL BAR 'GYUR BA'I PHYIR RO, ,KHYED CAG GI THAMS CAD MKHYEN PAR RANG NYID KYIS DMIGS PA'I MTSAN NYID DU GYUR PAR KHAS BLANG BAR MI BYA STE; DE LTA YIN DANG RANG NYID THAMS CAD MKHYEN PA NYID DU KHAS BLANGS PAR 'GYUR RO, ,JI LTA ZHE NA, GAL TE KHYED LA YANG ZHES BYA BA LA SOGS PA SMOS TE, GAL TE KHYED CAG LA YANG DON THAMS CAD KYI YUL CAN GYI SHES PA CAN YIN NA, DE

285a

, ,LTA NA KHYED LA THAMS CAD MKHYEN PA'I DMIGS PA'I MTSAN NYID DU 'GYUR GYI GZHAN DU NI MA YIN TE, THAMS CAD MKHYEN PA MA YIN PA'I SPYOD YUL DU THAMS CAD MKHYEN PAR 'GYUR BA NI MA YIN NO, ,'DI SNYAM DU KHO BO CAG LA THAMS CAD MKHYEN PA DMIGS PA'I MTSAN NYID DU GYUR PA MA YIN MOD, DE LTA NA YANG CI'I PHYIR DE MED PAR BSGRUB PAR BYA BA LA MI DMIGS PA'I SBYOR BA 'DI DAG MI SRID SNYAM DU SEMS NA, DE'I PHYIR ZHES BYA BA LA SOGS PA SMOS TE, GANG GI PHYIR KHYED LA THAMS CAD MKHYEN PA DMIGS PA'I MTSAN NYID DU GYUR PA MA YIN PA'I RGYU'I PHYIR THAMS CAD MKHYEN PA'I RGYU DANG KHYAB PAR BYED PA DANG, RANG BZHIN MA MTHONG BA'I KHYAD PAR LA DMIGS PA'I MTSAN NYID KYIR GYUR PA MA DMIGS PA MI 'GRUB TE, RANG BZHIN DANG RGYU DANG KHYAB PAR BYED PA MI DMIGS PA'I SBYOR BA DANG PO GSUM MA GRUB PA MA YIN NO ZHES BYA BA'I DON TO, ,DE LTA NA 'O NA KHYAD PAR GZHAN DAG GRUB PA DE LTA NA YANG THAMS CAD MKHYEN PA MED PAR GRUB PA YIN NO ZHE NA, MI DMIGS PA NI RNAM GSUM 'DI, ,ZHES BYA BA LA SOGS PA SMOS TE, BSHAD MA THAG PA'I RANG BZHIN DANG RGYU DANG KHYAB PAR BYED PA MI DMIGS PA RNAM PA GSUM PO 'DI NYID SPROS NA RNAM PA MANG DU BYED PAR 'GYUR RO, ,JI LTAR ZHE NA, DE DANG DE 'GAL ZHES BYA BA LA SOGS PA SMOS TE, DE'I SGRAS NI SKABS SU BAB PA'I RANG BZHIN DANG KHYAB PAR BYED PA DANG, RGYU ZHES BYA BA GSUM DANG 'BREL PAR BYA'O, ,RANG BZHIN LA SOGS PA DE DANG 'GAL BA NI DE DANG 'GAL BA STE, DE YANG RANG BZHIN DANG, KHYAB PAR BYED PA DANG, RGYU 'GAL BA'I BYE BRAG GIS RNAM PA GSUM DU 'GYUR RO, ,DE DANG 'GAL BA DANG PO GANG LA YOD PA DE NI DE DANG 'GAL BA LA SOGS PA'O, ,SOGS PA'I SGRAS 'GAL BA'I 'BRAS BU DANG RGYU 'GAL BA'I 'BRAS BU DANG 'GAL BAS KHYAB PA GSUM GZUNG NGO, ,YANG DE'I SGRA GNYIS

285b

PAS RANG BZHIN LA SOGS PA GSUM PO DE NYID DANG SBYAR BAR BYA'O, ,DE NI DE YANG YIN LA DE DANG 'GAL BA YIN PAS DE DANG DE 'GAL BA LA SOGS PA ZHES BYA BA STE, GO RIMS BZHIN DU DE DAG MA RTOGS PA DANG RTOGS PA NI DE 'GAL BA LA SOGS PA RTOGS PA DANG MA RTOGS PA'O, ,DE MA RTOGS PA DANG DE DANG 'GAL BA LA SOGS PA RTOGS PA ZHES BYA BA'I DON TO, ,DE DAG GI DBYE BA NI DE'I SGO NAS DBYE BA ZHES BYA BAR BSDU'O, ,DE LA MA RTOGS PAS DNGOS SU RANG BZHIN DANG RGYU DANG KHYAB PAR BYED PA LA MI DMIGS PA RNAM PA GSUM BSTAN LA, MI DMIGS PA RNAM PA GSUM PO 'DI NYID KYIS MI DMIGS PA LHAG MA RNAMS BRGYUD NAS STON PAR BYED PA YIN PAS 'DI DAG GI RTZA BA'I DBYE BA'I NGO BO MI DMIGS PAS RNAM PA GSUM YIN NO, ,DE 'DI LTAR DE DANG 'GAL BA RTOGS PA RANG BZHIN DANG 'GAL BA DMIGS PA DANG, KHYAB PAR BYED PA 'GAL BA DMIGS PA DANG, RGYU 'GAL BA DMIGS PA BSTAN TE, SOGS PA'I SGRAS 'GAL BA'I 'BRAS BU DMIGS PA DANG, RGYU 'GAL BA'I 'BRAS BU DMIGS PA DANG, 'GAL BAS KHYAB PA DMIGS PA RNAMS GZUNG NGO, ,'DI DAG GIS KYANG BRGYUD NAS CI RIGS PAR RANG BZHIN DANG, KHYAB PAR BYED PA DANG, RGYU MI DMIGS PA RNAMS MTSON PA YIN PA DE'I PHYIR RTZA BA'I DBYE BA GSUM GYI NGO BO RNAM PA GSUM THAMS CAD MKHYEN PA MED PAR BSGRUB PA LA NUS PA MED PAR BSTAN PA'I PHYIR DE'I YAN LAG TU GYUR PA RNAMS 'BAD PA MED PAR DE STON PAR BYED PA YIN PAS 'DI DAG LOGS SHIG TU NUS PA MED PAR BSTAN PA'I PHYIR 'BAD PA MI BYA STE, RTZA BA CHAD PA NA YAL GA RNAMS GNAS PAR MI 'GYUR RO, ,DON DAM PAR NI RANG BZHIN MI DMIGS PA KHO NA THAMS CAD KYI RTZA BAR GYUR PA YIN TE, NANG GSES KYI DBYE BA LA BRTEN PA'I PHYIR

286a

, ,RNAM PA GSUM RTZA BA NYID DU BRJOD DO, ,GAL TE 'DI SNYAM DU THAMS CAD MKHYEN PA DMIGS PA'I MTSAN NYID DU MA GYUR PA DE'I TSE MI DMIGS PA'I KHYAD PAR GRUB PAR MI 'GYUR RO, ,DE'I RGYU DANG KHYAB PAR BYED PA DAG NI DMIGS PA'I MTSAN NYID DU GYUR PA'I PHYIR CI'I PHYIR MI DMIGS PA'I KHYAD PAR DE MA GRUB PAR 'GYUR TE, DE DANG 'GAL BA LA SOGS PA NI DMIGS PA'I RANG BZHIN YIN PA'I PHYIR, CI'I PHYIR, DMIGS PA 'GRUB PAR MI 'GYUR SNYAM DU SEMS, RGYU DANG 'BRAS BU ZHES BYA BA LA SOGS PA SMOS TE, RGYU DANG 'BRAS BU NYID DANG KHYAB PAR BYA BA DANG KHYAB PAR BYED PA NYID DANG 'GAL BA NYID DANG ZHES ZLAS DBYE'O, ,RGYU DANG 'BRAS BU'I DNGOS PO NI MNGON SUM DANG MI DMIGS PAS BSGRUB PAR BYA BA YIN NA THAMS CAD MKHYEN PA LA SOGS PA NI MI SNANG BA NYID YIN PA'I PHYIR DE DANG LHAN CIG RGYU DANG 'BRAS BU'I DNGOS PO 'GRUB PAR 'GYUR BA MA YIN NO, ,KHYAB PAR BYA BA DANG KHYAB PAR BYED PA'I DNGOS PO YANG MA YIN TE, DE LA YANG DMIGS PA'I MTSAN NYID DU GYUR PA MI DMIGS PA SNGON DU 'GRO BA CAN YIN PA'I PHYIR RO, ,'DI LTAR GANG ZHIG LOG PA NA GANG NGES PAR LDOG PA NI DES KHYAB PAR BSTAN LA, LDOG PA YANG DMIGS PA'I MTSAN NYID DU GYUR PA MI DMIGS PA MED PAR 'GRUB PAR MI 'GYUR RO, , 'GAL BA YANG SNANG DU RUNG BA DAG KHO NA LA GRUB PAR 'GYUR GYI MI SNANG BA DAG NI MA YIN TE, 'DI LTAR RE ZHIG LHAN CIG MI GNAS PA'I MTSAN NYID KYI 'GAL BA NI RGYU MA TSANG BA MED PAR 'BYUNG BA LA GZHAN YOD NA MED PA'I PHYIR RTOGS TE, MI DMIGS PA'I RANG BZHIN GYIS DNGOS PO YOD PA DANG MED PA DAG NGES PAR NUS SO, ,PHAN TSUN SPANGS TE GNAS PA'I MTSAN NYID KYI 'GAL BA YANG GANG YONGS SU GCOD PA GANG ZHIG RNAM PAR BCAD PA PA MED NA MI 'BYUNG BA DE DAG LA RNAM PAR GZHAG

286b

STE, RIM DANG RIM MA YIN PA DAG LTA BU YIN LA, YONGS SU GCOD PA YANG MI SNANG BA DAG LA SRID PA MA YIN NO, ,GAL TE DE LTA NA YOD PA DANG MED PA LA SOGS PA DAG JI LTAR 'GAL BAR 'GYUR STE, DE LA GNYI GA SNANG DU RUNG BA NYID DU GRUB PA NI MA YIN NO ZHE NA, NYES PA 'DI MED DE, YOD PA DANG MED PA DAG LOGS SHIG TU YONGS SU BCAD NAS PHYIS DE DAG RNAM PAR GCAD PAR BYA BA DANG, RNAM PAR GCOD PAR BYED PA'I DNGOS PO YIN PA'I PHYIR GSAL BAR RNAM PAR GZHAG PAR BYA BA NI MA YIN NO, ,'O NA CI ZHE NA, LOGS SHIG TU YONGS SU GCOD PA DAG LA'O, ,'DI LTAR CHOS CAN GCIG LA DUS GCIG TU DE DAG 'GAL BAR RNAM PAR GZHAG GI ,CHOS CAN GZHAN LA NI MA YIN TE, BA LANG MED PA LA RTA YOD PA LA NI 'GAL BA CUNG ZAD KYANG MED DO, ,CHOS CAN GCIG LA DUS THA DAD DU DE DAG 'GAL BA YANG MA YIN TE SNGAR YOD PA'AM MED PA NI PHYIS MED PA'AM YOD PAR MI SRID PA MA YIN TE, DNGOS PO GCIG LA DE DAG CIG CAR YONGS SU MI GCOD PA'I PHYIR 'GAL GYI DE NYID DU YONGS SU MI GCOD PA DANG RNAM PAR MI GCOD PAS NI MA YIN NO, ,YONGS SU MI GCOD PA JI LTAR RNAM PAR MI GCOD CE NA, DE NYID KYI PHYIR TE, GANG KHO NA LA CHOS CAN DE LA YONGS SU MI GCOD PA DE KHO NA LAS DE RNAM PAR GCOD PAR 'GYUR GYI, DE LTA BU MA YIN NA DE LAS YONGS SU GCOD PA'I CHOS JI LTAR RNAM PAR GCAD PAR BYA BAR NUS, DE MED PAR RNAM PAR GCOD PA GANG YIN PA 'DI NYID DE YONGS SU GCOD PA YIN LA, GANG KHO NA GZHAN GYIS DBEN PA DE YONGS SU GCOD PA DE NYID DE LA GZHAN MED PA YONGS SU GCOD PA YIN NO, ,DE LTA BAS NA CHOS CAN GANG GI DNGOS PO MED PA RNAM PAR GCOD PA DANG DNGOS PO YONGS SU GCOD PA 'DI GDON MI ZA BAR SNANG BAR KHAS BLANG BAR BYA STE, MI SNANG BA NI YONGS SU GCAD PAR BYA BA MA YIN LA YONGS SU MA BCAD PA NI DE DANG 'GAL BA'I CHOS RNAM PAR

287a

, ,GCOD PA SRID PA YANG MA YIN NO, ,GANG GI DE DAG LA THAMS CAD MKHYEN PA MA YIN PA YONGS SU GCOD PA'I PHYIR THAMS CAD MKHYEN PA NYID RNAM PAR GCOD PAR GRUB PAR 'GYUR BA CHOS CAN SKYES BU THAMS CAD 'GA' ZHIG LA SNANG BA NI MA YIN TE, DE NYID THAMS CAD MKHYEN PA NYID DU THAL BAR 'GYUR BA'I PHYIR RO, ,DE'I PHYIR CHOS CAN MI DMIGS PAS THAMS CAD MKHYEN PA NYID DANG THAMS CAD MKHYEN PA MA YIN PA NYID DAG 'GAL BAR MI 'GRUB PO, ,RANG GI RGYU LA NI GRUB STE, DE LA YANG MA 'ONGS BA'I GNAS SKABS LA NI MA YIN TE, DE NI DA LTA MI DMIGS PA'I PHYIR RO, ,DE LTA BAS NA SNANG BA NYID RGYU DANG 'BRAS BU'I DNGOS POR GRUB PA YIN NO ZHES BYA BA 'DI GNAS PA YIN NO, ,GANG GI BDAG NYID KHYAD PAR BCAS, ,ZHES BYA BA NI GRUB PAR 'GYUR ZHES BYA BA DANG 'BREL TO, ,DE LA BDAG NYID NI RANG BZHIN NO, ,KHYAD PAR DANG LHAN CIG 'JUG PAS NA KHYAD PAR BCAS SO, ,DE LA KHYAD PAR NI SKAL PA RNAM PA GSUM DANG BRAL BA NYID DO, ,DES NA MI DMIGS PA 'DI DAG CES BYA BA NI RGYU LA SOGS PA MI DMIGS PA RNAMS SO, ,THAMS CAD MKHYEN PA NYID NI 'GA' ZHIG DANG LHAN CIG RGYU DANG 'BRAS BU'I DNGOS PO DANG 'GAL BA DANG KHYAB PAR BYA BA DANG KHYAB PAR BYED PA'I DNGOS POR MA GRUB PA'I PHYIR DANG, DMIGS PA'I RGYU GZHAN YOD NA YANG LA LAR RES 'GA' MNGON SUM NYID DU MA GRUB PA'I YANG PHYIR RO, ,DGAG PA'I YAN LAG GZHAN YANG MED, ,CES BYA BA NI MI DMIGS PA'I KHYAD PAR MA GTOGS PA'O, ,GZHAN YANG KHYAD PAR MED PA'I RANG GI MI DMIGS PA SBYOR BA NA HA CANG THAL BAR 'GYUR BA THOG TU BAB PA'I SGO NAS MA NGES PA NYID DU BSTAN PA'I PHYIR, GAL TE MA MTHONG BA ZHES BYA BA LA SOGS PA SMOS TE, MA BAG MAR LEN PA LA SOGS PA ZHES BYA BA'I SOGS PA'I SGRAS PHA MA'I DGA' BA NYAMS SU MYONG BA GZUNG NGO, ,DE LTA YIN DANG KHYOD

287b

NAL PHRUG NYID DU 'GYUR RO SNYAM DU BSAMS PA YIN NO, ,JI SKAD DU GAL TE 'DIR KHYED CAG GI MIG RDUL GYIS MA DMIGS PAS DON SPONG BAR BYED NA, PA'I THA SNYAD KYI RGYU MTSAN YANG MI 'JUG PAR THAL BAR 'GYUR BA'I PHYIR RGYU KHYOD NYID NYAMS PAR 'GYUR RO ZHES BSHAD PA BZHIN NO, ,'DIR GZHAN GYI LAN DOGS PAR BYED PA NI, RGYUR BRJOD PA DE'I 'BRAS BU ZHES BYA BA LA SOGS PA STE, MA BAG MAR LEN PA LA SOGS PA DE'I 'BRAS BU ZHES BYA BA'I RGYU'I PHYIR RJES SU DPAG PA'I TSAD MAS GRUB PA'I PHYIR RGYU DE MED PAR THAL BAR 'GYUR PA DE MI DMIGS PAS GRUB PA MA YIN NO, ,DE MED KYANG ZHES BYA BA LA SOGS PAS 'BRAS BU'I GTAN TSIGS 'DI 'KHRUL PA NYID DU STON PA YIN TE, DE MED CES BYA BA NI, MA BAG MAR LEN PA LA SOGS PA DE MED PAR RO, ,DE BZHIN DU, GANG LA MA BAG MAR PHYIN PA DE DANG DGA' BA NYAMS SU MYONG BA MED PAR BUD MED G-YEM MA 'GA' ZHIG SKYES BU GZHAN DANG PHRAD PAR BU ZHES BYA BA'I 'BRAS BU DMIGS PAS DE BZHIN DU KHYOD KYI MA LA YANG 'GYUR BAS RJES SU DPAG PA MA GRUB PO, ,DE LTA YIN DANG KHYOD NAL PHRUG TU THAL BAR BZLOG PAR DKA'O, ,SLOB DPON CHOS KYI GRAGS PAS KYANG KHYAD PAR CAN GYI PA'I THA SNYAD KYI RGYU MTSAN MED PAR THAL BAR 'GYUR BA BRJOD PAR 'DOD PA'I PHYIR NAL PHRUG NYID THAL BAR 'GYUR BA KHO NA MDZAD DO, ,GAL TE DE NI GZHAN DMIGS PAS, ,ZHES BYA BA LA SOGS PAS GZHAN GYI LAN DOGS PAR BYED PA YIN TE, SKYES BU GZHAN DAG GIS DMIGS PA NI GZHAN DMIGS PAS SO, ,DE NI ZHES BYA BA NI MA BAG MAR LEN PA LA SOGS PA'O, ,DE NI MED PAR RTOGS MA YIN, ,ZHES BYA BA LA 'O NA CI ZHE NA, YOD PA NYID DU'O, ,'DIR GZHAN GYIS DMIGS PA MA GRUB PAR BSTAN PA'I PHYIR, 'ON TE ZHES BYA BA LA SOGS PA SMOS TE, JI LTAR ZHES DRIS PA LAS, GZHAN GYIS SMRAS PA NYE BAR BSTEN PHYIR NA, ,ZHES BYA BA LA GRUB CES SKABS DANG SBYAR RO, ,HA CANG THAL BAR 'GYUR BA'I PHYIR NYE BAR BSTAN PA MA NGES

288a

, ,PAR BSTAN PAR BYA BA'I PHYIR, ,KUN MKHYEN LA YANG 'DI CIS MED, ,CES BYA BA SMOS TE, 'DI ZHES BYA BA NI NYE BAR BSTAN PA'O, ,KUN MKHYEN LA YANG CI'I PHYIR MED DE 'ON KYANG YOD PA KHO NA'O, ,DE LA GAL TE MA BAG MAR LEN PA LA SOGS PA'I NYE BAR BSTAN PA TSAD MAR BYED NA THAMS CAD MKHYEN PA YOD DO ZHES BYA BA'I KHO BO CAG GIS NYE BAR BSTAN PA 'DI YANG CI'I PHYIR TSAD MAR MI BYED DE KHYAD PAR MED PA'I PHYIR RO, ,GZHAN YANG RANG GI TSIG NYID KYIS NYE BAR BSTAN PA TSAD MA MA YIN PAR BSTAN PA YIN NO ZHES STON PA NI, SKYES BU RNAMS KYANG ZHES BYA BA LA SOGS PA STE, DE LTAR RE ZHIG KHYAD PAR MED PA NI MA NGES PA'I PHYIR DANG, KHYAD PAR DANG BCAS PA YANG MA GRUB PA'I PHYIR RANG GI DMIGS PA LOG PA NI THAMS CAD MKHYEN PA MED PAR SGRUB PA LA TSAD MAR RIGS PA MA YIN NO ZHES BSTAN ZIN TO, ,DA NI SKYES BU THAMS CAD KYI DMIGS PA LOG PA MA GRUB PA'I PHYIR THAMS CAD MKHYEN PA MED PAR SGRUB PA LA TSAD MA NYID DU RIGS PA MA YIN NO ZHES BYA BA 'DI BSTAN PA'I PHYIR, YANG NA NYE BAR BSTAN 'DI ZHES BYA BA LA SOGS PA SMOS TE, NYER BSTAN ZHES BYA BA NI THAMS CAD MKHYEN PA STON PAR BYED PA ZHES BYA BA LHAG MA'O, ,YANG NA NYE BAR BSTAN PA 'DI'I TSAD MA ZHES BYA'O, ,SEMS CAN KUN GYIS BDAG MTHONG NA, ,ZHES BYA BA NI SEMS CAN KUN GYI RANG BZHIN MTHONG BA BA'O, ,KHO BO CAG GI SEMS CAN THAMS CAD KYIS BDAG MTHONG BA YOD PA NYID DO ZHE NA, DE MTHONG BA THAMS CAD CES BYA BA LA SOGS PA SMOS TE, DE MTHONG BA NI SEMS CAN THAMS CAD KYIS BDAG MTHONG BA'O, ,DE LTA MIN NA ZHES BYA BA NI SEMS CAN THAMS CAD KYIS BDAG MTHONG BA MED NA'O, ,YOD PA BZHIN ZHES BYA BA NI YUL LA SOGS PAS BSKAL PA'I DNGOS PO'I YOD PA BZHIN TE, YOD PA LTA BU'O, ,'DI SKAD DU BSTAN PA YIN TE, JI LTAR YUL LA SOGS PAS BSKAL BA'I DNGOS PO MI DMIGS PA YIN NA YANG DE YOD PAR THE TSOM ZA BA BZHIN DU DNGOS PO YOD NA YANG MI DMIGS PA'I PHYIR DE LTAR SKYES BU GZHAN LA YOD PA'I THAMS CAD MKHYEN PA'I YUL CAN LA YANG THE TSOM NYID DU RIGS PA YIN NO, ,YANG NA DON NI 'DI YIN TE, JI LTAR MI DMIGS NA YANG THAMS CAD MKHYEN PA YOD

288b

PA LA THE TSOM ZA BA DE BZHIN DU DMIGS NA YANG THAMS CAD MKHYEN PA'I YUL LA THE TSOM BYA BA YIN TE, GNYIS KA YANG RANG BZHIN GYIS BSKAL PAS MI DMIGS PAR SRID PA'I PHYIR RO, ,'ON TE DNGOS PO YOD PA LA YANG THE TSOM RIG PA MA YIN NAM, GANG GI PHYIR DNGOS PO YOD PA LA DE MI DMIGS PA MTHONG BA'I PHYIR RES 'GA' 'GYUR RO SNYAM DU SRID PA'I PHYIR RO, ,TSU ROL MTHONG BA 'GA' ZHIG LA THAMS CAD MKHYEN PA SRID PA YANG MA YIN NO, ,MI SRID PA'I DNGOS PO LA RTOGS PA DANG LDAN PA THE TSOM ZA BAR RIGS PA YANG MA YIN NO ZHE NA, 'GA' ZHIG KUN MKHYEN YIN PA NA, ,ZHES BYA BA LA SOGS PA SMOS TE, RANG NYID KYIS ZHES BYA BA NI, GZHAN GYI GRUB MTHA' KHAS BLANGS NAS BRJOD PA YIN NO, ,RANG NYID CES BYA BA BSTAN PA NI BDAG GIS ZHES BYA BA'O, ,BDAG NYID CES BYA BA NI SKYES BU'O, ,GSAL BA ZHES BYA BA NI BDAG NI SEMS KYI NGO BO NYID KYIS GSAL BA'I BDAG NYID YIN PA'I PHYIR RO, ,'DI LTAR ZHES BYA BA LA SOGS PA 'DI NYID SGRUB PA YIN NO, ,DE YANG ZHES BYA BA NI THAMS CAD MKHYEN PA'O, ,GAL TE 'DI SNYAM DU TSU ROL MTHONG BA RNAMS KHO NA THAMS CAD KYIS SGRA BRJOD PAR 'DOD PA YIN GYI THAMS CAD MKHYEN PA RNAMS NI MA YIN NO, ,DES NA DOGS PAR MI 'GYUR RO SNYAM DU SEMS NA, DE GCIG YONGS SU DOR BA LA, ,ZHES BYA BA LA SOGS PA SMOS TE, GAL TE THAMS CAD MKHYEN PA DE YONGS SU SPANGS NAS TSU ROL MTHONG BA GZHAN DAG GIS MI DMIGS PAS GTAN TSIGS NYID DU KHAS LEN NA DE'I TSE MA NGES PA NYID YIN TE, DE NI RANG GI MI DMIGS PA BZHIN DU THAMS CAD MKHYEN PA MED PA DANG LHAN CIG MED NA MI 'BYUNG BA'I MTSAN NYID KYIS 'BREL BA MED PA'I PHYIR RO, ,GZHAN GYIS YONGS SU MI SHES PHYIR, ,ZHES BYA BA LA SOGS PAS 'BREL PA MED PA DE NYID SGRUB PAR BYED DO, ,DE LTAR MI DMIGS PA ZHES BYA BA'I TSAD MA MA NGES PA NYID DANG, MA GRUB PA NYID DU BSTAN TO, ,DA NI DNGOS PO MED PA'I TSAD MAS YUL DU BYAS PA'I NGO BO YIN PA'I PHYIR ZHES BYA BA'I GTAN TSIGS 'DI THE TSOM ZA BA'I MA GRUB PA NYID DU BSTAN PA'I PHYIR, TSU ROL MTHONG BA ZHES BYA BA LA SOGS PA SMOS TE, TSU ROL MTHONG BA MKHAS PA'I BLO CAN 'GA' ZHIG KYANG RES 'GA' RJES SU DPAG PA LAS THAMS CAD MKHYEN PA RTOGS

289a

, ,SO ZHES BYA BA SRID PA'I PHYIR DNGOS PO MED PA'I TSAD MAS YUL DU BYAS PA'I NGO BO YIN PA'I PHYIR ZHES BYA BA'I GTAN TSIG 'DI THE TSOM ZA BA'I MA GRUB PA NYID YIN TE, 'DI LTAR RIG BYED KYI SGRA DANG, DRI DANG, LUS DANG, RDO RJE LA SOGS PA SKAD CIG MA NYID DANG, BDAG MED PA NYID LA SOGS PAR GSAL RAB KYANG KHYED CAG SPYOD PA BA PHYUGS RNAMS KYIS MA MTSON PA NA, KHO BO CAG GIS SGRUB PAR BYED PA RTEN PA BSTAN PA'I SGO NAS BSGRUB PA DE BZHIN DU THAMS CAD MKHYEN PA LA GAL TE DE LTAR SGRUB PAR BYED PA MI DMIGS PA DE LTA NA YANG SRID PA'I PHYIR THE TSOM ZA BAS DE'I PHYIR TSAD MA LNGA DANG BRAL BA'I RNAG BZHIN GYI DNGOS PO MED PA'I TSAD MAS YUL DU BYAS PA'I NGO BO NYID MA GRUB STE, THE TSOM ZA BA'I PHYIR RO, ,GANG LA ZHES BYA BA NI CHAD MA MED PA LA'O, ,GZHAN YANG TSU ROL MTHONG BA THAMS CAD LA THAMS CAD MKHYEN PA BSGRUB PA LA RJES SU DPAG PA MED DU CHUG MOD, DE LTA NA YANG GTAN TSIGS MA NGES PA YIN NO ZHES BSTAN PA'I PHYIR, RJES SU DPAG PA MED NA YANG, ,ZHES BYA BA LA SOGS PA SMOS TE, DNGOS PO'I RGYU MA YIN PA DANG KHYAB PAR BYED PA YANG MA YIN PA'I TSAD MA DE JI LTAR 'DI LDOG PA NA YANG DNGOS PO LDOG PAR 'GYUR ZHES SNGAR BSTAN ZIN TO, ,'DI LTAR LCAGS KYI GONG BU'I ME LA SOGS PA DU BA LA SOGS PA'I 'BRAS BU MI RTZOM PA KHANG PA'I NANG GI PHUGS NA GNAS PA LA RTAGS MED PA'I PHYIR RJES SU DPAG PA MI SKYE LA DE'I YOD PA YANG MI LDOG PA'I PHYIR MED PA YANG MI NGES PA DE BZHIN DU THAMS CAD MKHYEN PA MED PAR SGRUB PA LA RJES SU DPOG PA MED NA THE TSOM ZA BA YIN NO, ,DE'I ZHES BYA BA NI RJES SU DPOG PA MED PAS SO, ,ME LA SOGS PA GANG GIS DU BA LA SOGS PA'I 'BRAS BU MI RTZOM PA DE LA DE SKAD CES BYA LA, 'DI NI DU BA LA SOGS PA'I 'BRAS BU MI RTZOM PA YANG YIN LA ME YANG YIN NO ZHES TSIG RNAM PAR SBYAR RO, ,DE'I YOD PA NYID BZHIN TE YOD PA NYID LTA BU'O, ,RES 'GA' DMIGS PA'I DON LA NI, ,ZHES BYA BA LA SOGS PAS GZHAN GYIS LCAGS KYI GONG BU LA SOGS PA'I DPE THE TSOM ZA BA'I RGYUR DMIGS PAR STON CING THAMS CAD MKHYEN PA LA YANG DE MED PA'I PHYIR THE TSOM MI RIGS SO ZHES BSTAN PAR BYA BA'I PHYIR GTAN TSIGS MA NGES PA NYID SGRUB PAR

289b

BYED PA YIN NO, DON GANG ZHIG SNGAR RES 'GA' DMIGS PAS DE NYID LA THE TSOM BYA BAR RIGS TE, DPER NA MTHO YOR LA MI BZHIN DU DE GNYI GA'I CHA LA DMIGS PA'I PHYIR TE, GZHAN DU NA GANG CUNG ZAD MA MTHONG BA DE THAMS CAD THE TSOM GYIS DMIGS PAR 'GYUR RO, ,DE LTA YIN DANG CHA GNYI GA LA DMIGS PA NYID KYIS NGES PAR 'GYUR RO, ,DES NA LCAGS KYI GONG BU'I ME LA SOGS PA THE TSOM ZA BAR RIGS KYI THAMS CAD MKHYEN PA LA NI MA YIN TE DE NI RES 'GA' YANG MA DMIGS PA'I PHYIR RO, ,RNAM PA 'DI DAG CES BYA BA LA SOGS PAS LAN 'DEBS PAR BYED DO, ,GAL TE RES 'GA' DMIGS PA'I DON LA THE TSOM ZA BA LA GZHAN DU MED PAR NGES PA NA DE'I TSE RIGS PA 'DI NYID KYIS KHYED CAG GIS MA BAG MAR LEN PA LA SOGS PA THE TSOM MED PAR 'GYUR TE, GANG GIS 'DI LA YANG KHYED KYIS MED NGES PAR MI 'GYUR BA KHYED KYIS RES 'GA' SNGAR MA BAG MAR LEN PA DMIGS PA NI MA YIN NO, ,DE LA RGOL BA DANG LAN LHAG MA NI SNGA MA BZHIN DU BRJOD PAR BYA'O, ,BLO LDAN ZHES BYA BA NI BZHAD GANG DU BYED PA'I TSIG GO, ,DE LTA NA'O NA THE TSOM RGYU MTSAN MED PAR 'GYUR RO ZHE NA, NGED KYIS ZHES BYA BA LA SOGS PA SMOS TE, TSAD MA MED PA NI DNGOS PO YOD PA DANG MED PA GNYID KA LA YANG MTHONG BA'I PHYIR RNAM PA MI GNAS PA YIN TE, DES NA YOD PA DANG MED PAR NGES PA MI SKYE BA'I PHYIR THE TSOM DU BRJOD DO, ,JI SKAD DU, DMIGS PA DANG MI DMIGS PAR RNAM PAR MI GNAS PA'I PHYIR KHYAD PAR LA LTOS PA'I RNAM PAR SPYOD PA NI THE TSOM MO ZHES SMRAS PA LTA BU'O, ,'DI SNYAM DU DNGOS PO YOD PA DANG MED PA GNYI GA LA YANG TSAD MA LDOG PAR MTHONG BA MA YIN NO SNYAM DU SEMS NA, DNGOS PO YOD KYANG ZHES BYA BA LA SOGS PA SMOS TE, 'DI LTAR BUM PA LA SOGS PA'I DNGOS PO YOD KYANG MIG MA TSANG BA LA TSAD MA MI 'JUG LA, MIG LA SOGS PA DE DAG MA TSANG BA MED NA YANG YUL ZHES BYA BA'I DNGOS PO MI NYE BA NYID KYIS MED NA YANG MI 'JUG GO ZHES RNAL MA DANG SBYAR RO, ,DPER NA RUNG BA'I YUL NA MI NYE BA'I BUM PA LA SOGS PA BZHIN NO, ,'BA' ZHIG CES BYA BA NI BLTAR RUNG BA'I KHYAD PAR DANG BRAL BA'O, ,GNYIS SU MTHONG BA'I PHYIR ZHES BYA BA NI YOD PA DANG MED PA LA YANG NGO, ,DES NA ZHES BYA BA NI DE'I PHYIR RO, ,MCHOG

290a

, ,CES BYA BA NI DGE BA'I RTZA BA MTSAMS SBYOR BA'I RGYU YIN PA'I PHYIR RO, ,'DI LTAR LOG PA'I LTA BAS DGE BA'I RTZA BA RGYUN BCAD PA RNAMS LA THE TSOM DANG YOD PAR BLTA BA DAG GIS DGE BA'I MTSAMS SBYOR BA BRJOD PA YIN TE, MTSAMS NI THE TSOM YOD LTA BAS, ,ZHES BSHAD PA'I PHYIR RO, , DE NYID KYI PHYIR DE DANG DER SLOB DPON RNAMS KYIS THE TSOM SKYED PA YIN NO, ,GAL TE YOD PA LA TSAD MA CI YOD CE NA, DE NYID KYI PHYIR THE TSOM YIN LA RAG MOD, 'DI SNYAM DU GAL TE THAMS CAD MKHYEN PA YOD NA, CI'I PHYIR RES 'GA' 'GA' ZHIG GIS DMIGS PAR MI 'GYUR, GAL TE 'DI TSU ROL MTHONG BAS RTAG TU MI DMIGS PA ZHES PA DE LTA NA YANG DE'I 'BRAS BU 'GA' ZHIG GIS CI'I PHYIR MI 'DZIN, MIG LA SOGS BA RNAMS MNGON SUM MA YIN PA NA DE'I 'BRAS BU'I SHES PA YANG MNGON SUM MA YIN PA NYID DU 'GYUR RO SNYAM DU SEMS NA, DE'I PHYIR DE NI YOD KYANG ZHES BYA BA LA SOGS PA SMOS TE, MI MTHONG ZHES BYA BA NI DNGOS SU ZHES BYA BA DANG 'BREL PAR BYA'O, ,GANG GIS DMIGS PA MED PA'I PHYIR THAMS CAD MKHYEN PA MED PAR 'GYUR GANG CUNG ZAD YOD PA DE THAMS CAD DMIGS PA NI MA YIN NO, ,SKYES BU GZHAN LA YOD PA'I RNAM PAR RTOG PA YOD NA YANG GZHAN DAG GIS MI DMIGS PA'I PHYIR RO, ,GANG GIS THAMS CAD MKHYEN PA'I 'BRAS BU MI DMIGS PAS MED PAR 'GYUR BA GDON MI ZA BAR RGYU RNAMS NI RTAG TU 'BRAS BU RTZOM PAR 'GYUR BA YANG MA YIN TE, BU BA'I 'BRAS BU MI RTZOM PA'I LCAGS KYI GONG BU'I ME LA SOGS PA MTHONG BA'I PHYIR RO, ,RGYU RNAMS NI RNAG TU 'BRAS BU DANG LDAN PA MA YIN NAM, DE LTA NA YANG DE'I 'BRAS BU MED PAR NGES PA MA YIN TE, GANG GIS 'BRAS BU MA DMIGS PAS DE'I MED PAR GRUB PAR 'GYUR BA 'BRAS BU THAMS CAD SKYES NA YANG SNGA BA NYID KYIS KHYAB PA MA YIN TE, 'BRAS BU SKYES NA YANG MA MTHONG BA'I PHYIR GZHAN GYI RTOG PA LAS BYUNG BA'I CHAGS PA BZHIN NO, ,DPER NA SKYES BU GZHAN GYI RTOG PA LAS BYUNG BA STE TSUL BZHIN MA YIN PA YID LA BYED PA LAS BYUNG BA'I CHAGS PA YANG MI DMIGS PA YIN TE 'DI NI MED PA YANG MA YIN TE, YANG NA 'BRAS BU MA 'ONGS PA YOD NA YANG DE'I RGYU DBANG PO LAS 'DAS PA YIN PA'I PHYIR DE'I RJES SU 'GRO BA DANG LDOG PA

290b

MA BZUNG BA'I SKYES BU DE LA RJES SU DPOG PA SKYE BA MI SRID PA'I PHYIR RO, ,DE BZHIN DU THAMS CAD MKHYEN PA YOD NA YANG RJES SU DPAG PA LAS GRUB PAR 'GYUR BA MA YIN NO ZHES BYA BAR SRID PA YIN NO, ,BLUN BLOS MTHONG BA ZHES BYA BA LA BLO NYID MTHONG BA NI BLOS MTHONG BA STE, RMONGS PA'I BLOS MTHONG BA GANG DAG LA YOD PA DE DAG LA DE SKAD CES BYA'O, ,GZHAN YANG JI LTAR TSAD MA DNGOS PO'I RGYU MA YIN ZHING KHYAB PAR BYED PA YANG MA YIN BAR SNGAR BSTAN PA YIN TE, DE JI LTAR RGYU MA YIN ZHING KHYAB PAR BYED PAR GYUR PA MA YIN PA'I RJES SU DPAG PA 'DI LOG NA DNGOS PO LDOG PA YIN SNYAM DU SEMS PA YIN NO, ,'DI NI RGYU MA YIN PA YANG YIN LA, KHYAB PAR BYED PA MA YIN PA YANG YIN PAS DE SKAD CES BYA'O, ,RGYU MA YIN PA DANG KHYAB PAR BYED PA MA YIN PA'I RJES SU DPAG PA ZHES BYA BA'I TSAD MA LDOG PA NA DNGOS PO LDOG PAR MTHO BA NYID DO ZHES BYA BA 'DI YANG BRJOD PAR MI NUS TE, MTHONG BA LA NI MI 'THAD PA ZHES BYA BA YOD PA MA YIN NO ZHES DGOS PA LA, DE LOG NA YANG DON YOD PAR MTHONG STE ZHES BYA BA SMOS TE, RJES SU DPAG PA 'DI LOG PA YIN NA YANG DNGOS PO 'DI YOD PAR YANG MTHONG STE, DPER NA LCAGS KYI GONG BU'I ME BZHIN NO ZHES SNGAR BSTAN ZIN TO, ,DE LTAR RGYAS PAR THAMS CAD MKHYEN PA MED PAR SGRUB PAR BYED PA'I GNOD PAR BYED PA'I TSAD MA MED PAR BSTAN NAS MJUG SDUD PAR BYED BA NI, DE'I PHYIR KUN MKHYEN YOD PA LA, ,ZHES BYA BA LA SOGS PA SMOS TE 'DI SNYAM DU JI LTAR KHO BO CAG LA GNOD PAR BYED PA'I TSAD MA CUNG ZAD KYANG MED PA DE LTAR KHYED CAG LA YANG DE SGRUB PAR BYED PA MED DO SNYAM DU SEMS NA, 'DI'I SGRUB BYED NI ZHES BYA BA SMOS SO, ,YAN LAG GSAL BA MA LUS PA, ,RGYAS PAR SHES PA SGRUB PAR BYED, ,CES BYA BA LA SOGS PA GANG SMRAS PA DE LA, MA LUS DON NI YONGS SHES PA'I, ,ZHES BYA BA LA SOGS PA SMOS TE, BSAM PA 'DI YIS ZHES BYA BA NI DGONGS PA 'DIS SO, ,'DI YANG GANG YIN ZHE NA, MTHO RIS THAR PA ZHES BYA BA LA SOGS PA SMOS TE, RE ZHIG KHO BO CAG GIS BCOM LDAN 'DAS GTZO BOR MTHO RIS DANG THAR PA THOB PAR BYED PA'I RGYU SGRUB PAR BYED LA, GANG YANG 'DI'I MA LUS PA'I YONGS SU SHES PA BO NYID YIN PAR SHES PAR SGRUB PAR BYED PA DE NI ZHAR LAS BYUNG BA YIN

291a

, ,TE, GZHAN DU YANG BCOM LDAN 'DAS KYIS MKHYEN PA 'JUG PA LA GNOD PAR BYED PA'I TSAD MA MED PA'I PHYIR RO, ,DNGOS SU DON MA LUS PA YONGS SU SHES PA'I PHYIR THAMS CAD MKHYEN PAR 'GYUR BA LA 'GAS KYANG MI GNOD PA'I PHYIR DE NA RTOG PA DANG LDAN PA DE SPONG BAR NUS PA MA YIN NO; ,'ON KYANG DE DAG THAMS CAD MKHYEN PA THOB PA DON DU GNYER BA DE DAG DE'I DON DU 'JUG PAR RIGS PA YIN NO ZHES BSTAN PA YIN NO, ,DE'I PHYIR DE LTAR GNOD PAR BYED PA'I TSAD MA MED CING 'CHAD PAR 'GYUR BA THAMS CAD MKHYEN PA'I SGRUB PAR BYED PA YANG GSAL BA YOD PA NA, SKYES BU THAMS CAD 'DOD CHAGS LA SOGS PA DANG MA RIG PAS BSLAD PA YIN NO ZHES KHYED CAG NGES PA GCIG GI YUL CAN GYI THAMS CAD MKHYEN PA SPONG BA GANG YIN PA DE NI RMONGS PA 'BA' ZHIG LAS YIN NO ZHES STON PA NI, DE NAS GNOD BYED MED PA DANG, ,ZHES BYA BA LA SOGS PA'O, ,DE 'DI SNYAM DU DE LTA BU'I SKYES BU SGRUB PAR BYED PA'I RNAM PA DE LTA BU'I TSAD MA MED DO ZHES DE LTAR SEMS PA KHO BO CAG GIS SPONG BAR BYED KYI RMONGS PA NI MA YIN NO SNYAM DU SEMS NA, DE LA SGRUB BYED MED NA YANG, ,ZHES BYA BA LA SOGS PA SMOS TE 'DI YANG KHAS BLANGS NAS BRJOD KYI 'DI'I SGRUB PAR BYED PA 'CHAD PAR 'GYUR BA YOD PA KHO NA'O, ,NGES 'DI ZHES BYA BA 'DI THAMS CAD MKHYEN PA MED DO ZHES BYA BA 'DI'O, ,GANG YANG KHYED CAG GIS SKUL BAR BYED PA KHO NA 'BYUNG BA DANG 'BYUNG BAR 'GYUR BA DANG, PHRA BA DANG CHAD PA ZHES BYA BA DE LTA BU LA SOGS PA ZHES BYA BA DE LTA BU'I RIGS CAN GYI DON RTOGS PAR NUS PA YIN GYI GZHAN DBANG POS NI CUNG ZAD KYANG MA YIN NO ZHES BRJOD PA 'DI YANG GUS PAR SMRA BAS TSAD MA MED PA CAN DAM BCA' BA 'BA' ZHIG SMRA BA YIN NO ZHES STON PA NI, SKUL BYED KHO NA ZHES BYA BA LA SOGS PA STE, GZHAN GYIS ZHES BYA BA NI THAMS CAD MKHYEN PA DANG MNGON SUM LA SOGS PA'O, ,GZHAN MED CES BYA BA NI GZHAN CHOS SHES PA MED PAR NGES NA 'DI SKAD DU BRJOD PAR NUS KYI GZHAN DU NI MA YIN TE, NGES PAR BZUNG BA 'BRAS BU MED PA'I PHYIR RO, ,DE LA 'GRO KUN PHRA BA YI, ,ZHES BYA BA LA SOGS PA LA, SKYES BU'I DON GYI GTZO BO MKHYEN, ,ZHES BYA BA LA SOGS PA SMOS TE, KHO BO CAG GIS CHOS SHES PA'I

291b

YUL CAN GYI BSAM PA SPANGS NAS THAMS CAD MKHYEN PA SGRUB PAR BYED PA LA 'BAD PA BYED PA NI MA YIN NO, ,'O NA CI ZHE NA, GTZO BOR GYUR PA'I CHOS SHES PA BSGRUB PA NYID LA'O, ,DE BZHIN DU SNGAR GZHAN DU, DON GYIS GO BAS RNYED PA YI, ,KHYOD KYIS CHOS ZHES KHAS BLANGS DES, ,ZHES BYA BA LA SOGS PAS CHOS ZHES BYA BA SGRUB PA LA DON GYIS GO BA ZHES BYA BA KHYED KYI LUGS NYID KYIS TSAD MAR BRJOD PA LA PHYIS RJES SU DPAG PA ZHES BYA BA'I TSAD MA 'CHAD PAR 'GYUR TE, DES NA 'JIG RTEN GNAS MA YIN PA LA NGAL BA MA YIN PA'O, ,'O NA CI ZHE NA, ,GNAS GNYIS LA'O, ,TSAD MA BYED PA KUN 'BREL BA'I, ,ZHES BYA BA LA SOGS PA LA, TSAD MA BYED PA ZHES BYA BA LA SOGS PA SMOS TE, CHOS LA SOGS PA'I YUL CAN TSAD MA BYED PA PO DANG 'BREL PA'I MNGON SUM LA SOGS PAS MA MTHONG BA TZAM GYIS 'GAG PAR MI NUS PA'I PHYIR CHOS DANG CHOS MA YIN PA DAG LUNG TZAM GYIS RTOGS PAR BYA BAR MI 'GYUR RO, ,JI SKAD DU, 'DI TZAM GYIS NI SPYOD PA YIS, ,PHYOGS GRUB NA YANG ZHES BYA BA LA SOGS PA SMRAS PA 'DI LA, 'DI TZAM GYIS NI ZHES BYA BA LA SOGS PA SMOS TE, MA GRUB NA YANG ZHES BYA BA LA SOGS PA NI CHOS SHES PA MA GRUB PA'I PHYIR RO, ,GZHAN DAG GIS ZHES BYA BA NI DPYOD PA PA RNAMS KYIS SO, ,GANG YANG RTZA BA BCAD NYID PHYIR, ,ZHES BYA BA LA SOGS PA LA, GANG YANG RTZA BA MA BCAD PHYIR, ,ZHES BYA BA LA SOGS PA SMOS TE, MA BCOM ZHES DGAG PA'I TSIG GDON PAR BYA'O, ,DE YIS ZHES BYA BA NI SANGS RGYAS PA RNAMS KYIS SO, ,DNGOS SU MNGON SUM GYIS MTHONG PHYIR, ,ZHES BYA BA LA SOGS PA LA, GAL TE, LCE YI DBANG PO DANG 'BREL PHYIR, ,ZHES BYA BA LA SOGS PA SMOS TE, GAL TE DNGOS SU, CHANG GI RO LA SOGS PA RIG PAR 'GYUR BA DE LTA NA YANG CHOS ZHES BYA BA NYID NYAMS PAR MI 'GYUR RO, ,SMAD PAR BYA BA NYID DU 'GYUR ZHE NA MA YIN TE, GANG YANG LCE'I DBANG POS REG NAS RO LA SOGS PA DE DAG MYONG BAR MDZAD NA, ,DE 'JIG RTEN SMAD PAR BYA BA NYID DU 'GYUR NA, BCOM LDAN 'DAS NI DE LTAR RIGS PAR MDZAD PA YANG MA YIN NO, ,'O NA CI ZHE NA, YID KYIS SO, ,DE YANG MA PHRAD PA'I YUL CAN YIN PA'I PHYIR 'JIG RTEN NA DES BYAS PA SMAD

292a

, ,PA NYID DU GRAGS PA MA YIN NO, ,DON DAM PAR SMAD PAR BYA BA NYID 'GA' YANG YOD PA MA YIN TE, DE MI GNAS PA'I PHYIR RO, ,'DI LTAR GTZANG SBRA CAN GYIS SMAD PAR BYA BA GANG YIN PA DE RO SREG MKHAN GYIS MA YIN NO, ,'ON KYANG 'JIG RTEN NA CHANG LA SOGS PA SMAD PA YIN TE, DE DAG NYAMS SU MYONG BAR MDZAD PA DE LTA NA YANG, BCOM LDAN 'DAS SMAD PAR BYA BA MA YIN TE, CHANG NI YID KYIS MYONG BA'I PHYIR RO, ,'DI SNYAM DU JI LTAR LCE'I DBANG PO DANG 'BREL PA'I PHYIR GZHAN DAG CHANG LA SOGS PA MYONG BA NA SDUG BSNGAL LA SOGS PA NYAMS SU MYONG BA DE LTAR YID KYIS KYANG NYAMS SU MYONG BAR 'GYUR RO SNYAM DU SEMS NA, 'DI YOD PA MA YIN TE, RO LA SOGS PA LCE'I DBANG PO DANG 'BREL BA NYAMS SU MYONG BA DBANG PO LA PHAN 'DOGS PA DANG GNOD PAR BYED PA NA SDUG BSNGAL LA SOGS PA'I RGYUR 'GYUR LA, DE DAG KYANG LAS DGE BA DANG MI DGE BA'I RJES SU BYED PAS PHYIN CI LOG GI BLO CAN 'GA' ZHIG KHO NA LA DE BZHIN DU SDUG BSNGAL LA SOGS PA'I RGYU NYID DU BRJOD KYI THAMS CAD LA NI MA YIN NO, ,JI LTAR YI DAGS RNAMS LA CHU LA SOGS PA RNAG LA SOGS PA'I NGO BOR SNANG BA DE BZHIN NO, ,BCOM LDAN 'DAS LA DE LTA BU THAMS CAD MNGA' BA MA YIN TE, YID KHO NAS NYAMS SU MYONG BAR MDZAD PA'I PHYIR DBANG PO LA GNOD PA LA SOGS PAR 'GYUR BA MA YIN NO, ,BCOM LDAN 'DAS NI ZAG PA MED PA'I DBANG PO LNGA'I BDAG NYID YIN PA'I PHYIR ZAG PA DANG BCAS PA'I LAS KYI DBANG DU 'GYUR BA MI SRID LA, PHYIN CI MA LOG PA'I MI RTAG PA LA SOGS PA'I NGO BOS MYONG BAR MDZAD PA'I PHYIR PHYIN CI LOG KYANG MA YIN NO, ,DE NYID KYI PHYIR BCOM LDAN 'DAS LA YID LAS BYUNG BA'I YID MI BDE BA LA SOGS PA'I MTSAN NYID KYI SDUG BSNGAL LA SOGS PA MI SRID DE DE NI RMONGS PA LAS BYUNG BA'I PHYIR RO, ,KLAN KA 'DI THAMS CAD PHYI ROL GYI DON YOD PA NA 'JUG PA YIN GYI RNAM PAR SHES PAR SMRA BA'I TSUL LA NI GO SKABS 'DI THAG RING DU BSRINGS PA YIN TE, 'DI LTAR DON DAM PAR GZUGS KYI PHUNG POR MED PA'I PHYIR MI GTZANG BA LA SOGS PA YOD PA MA YIN TE, DE DAG NI YANG DAG PA MA YIN PA BRTAGS PA'I BAG CHAGS SAD PA TZAM LAS BYUNG BA'I PHYIR RO, ,DES NA DON DAM PA MTHONG BA'I BDAG NYID DU GYUR PA MI GTZANG BA LA SOGS

292b

PA MA LUS PA THAG PA BSRINGS PA'I MTHONG BA LA DE DAG SNANG BA MA YIN TE, DPER NA RAB RIB LA SOGS PA'I SKYON DANG BRAL BA NA MIG NYAMS PAS MTHONG BA LA SKRA SHAD LA SOGS PA BZHIN NO ZHES BSHAD PA LTA BU'O, ,JI SKAD DU, DE NYID DE YI YE SHES LA, ,MI GTZANG RO SOGS SNANG MI 'GYUR, ,RIG PAR MI 'GYUR BDAG NYID PHYIR, ,MI 'GRUB ZLA BA GNYIS GZUGS BZHIN, ,ZHES GSUNGS PA'I PHYIR RO, ,BRAM ZE GANG GIS KHYAB PAR BYED PA NYID KYI RTAG TU MI GTZANG BA'I YUL THAMS CAD DU 'BREL PA'I RIG BYED KYI SGRA KHA DANG KHONG PA LA SOGS PAR GNAS PA DE JI LTAR 'JIG RTEN 'DIR SMAD PAR BYA BAR MI 'GYUR, RIG BYED NYE BA'I RIG BYED DANG, ,ZHES BYA BA LA SOGS PA LA, GANG GI PHYIR RIG BYED CES BYA BA LA SOGS PA SMOS TE, ,GANG ZHIG YOD PA LA SOGS PA'I NGO BOS JI LTAR GNAS PA'I DNGOS PO DE DE LTAR MKHYEN PA'I PHYIR THAMS CAD MKHYEN PAR 'GYUR LA, JI LTAR RIG BYED DU BSTAN PA'I BDAG LA SOGS PA'I DON RNAMS DE LTAR YOD PA MA YIN TE, TSAD MAS GNOD PA'I PHYIR RO, ,DE JI LTAR DE KHO NA LTAR DE STON PA NA DE KHO NA NYID MTHONG BAR 'GYUR BA DE BZHIN DU, DES DE LOG PA NYID DU SHES SO ZHES BYA BA 'DI YANG BRJOD PAR MI NUS TE, GANG GI PHYIR MKHYEN PA NYID DE KHO NA NYID DO, ,'DI LTAR RIG BYED DU BSHAD PA'I SROG GCOD PA LA SOGS PA MI DGE BA'I LAS KYI LAM THAMS CAD DANG NGAN 'GRO'I RGYU NYID DU BSTAN LA, DE BZHIN DU 'DI LA BDAG GI SEMS CAN MED, CHOS 'DI RGYU DANG BCAS LAS BYUNG, ,ZHES BYA BA LA SOGS PAS BDAG LA SOGS PA YANG MED PA NYID DU GSUNGS SO, DE'I PHYIR, BCOM LDAN 'DAS KYIS RIG BYED DU BRJOD PA'I DNGOS PO MI MKHYEN PAR MA GRUB PO, ,RANG GZHUNG DU DON MA BSTAN KYANG, ,ZHES BYA BA LA SOGS PA LA, DES NA GNYIS MED CES BYA BA LA SOGS PA SMOS TE, GZHAN MU STEGS BYED KYANG MA GTOGS PA'I PHYIR GNYIS SU MED PA STE DE DAG THAMS CAD NI PHYIN CI LOG GI BDAG TU LTA BA LA MNGON PAR ZHEN PA'I PHYIR RO, ,'DI THAMS CAD KYANG BDAG MED PA'I KHYAD PAR YIN NO, ,ZHI BA'I SGO ZHES BYA BA NI MYA NGAN LAS 'DAS PAR 'JUG PA'I THABS SU 'GYUR BA'I PHYIR RO, ,ZHI BA ZHES BYA BA NI MYA NGAN LAS 'DAS PA LA BRJOD DO, ,LTA BA NGAN RNAMS ZHES BYA BA NI BDAG LA SOGS PA'I

293a

, ,LTA BA NGAN PA GANG LA YOD PA DE LA DE SKAD CES BYA'O, ,PHYIN CI LOG LA MNGON PAR ZHEN PA BYIS PA'I SKYE BO SKRAG PAR BYED PA ZHES BYA BA'I DON DU'O, ,JI SKAD DU, ,BDAG YOD MA YIN YOD MI 'GYUR, ,BDAG GI YOD MIN MI 'GYUR ZHES, ,BYIS PA RNAMS NI DE LTAR SKRAG ,MKHAS PA RNAMS LA SKRAG PA ZAD, ,CES BSHAD PA BZHIN NO, ,'DIS NI PHYIN CI LOG LA MNGON PAR ZHEN PA LA GNAS PAS DE LA MOS PAR YANG MI NUS PAS RTOGS PA LTA SMOS KYANG CI DGOS ZHES BSTAN PA YIN NO, ,SO SO'I SKYE BO'I SA LA GNAS PA 'GA' ZHIG GIS NAM YANG DE SNGAR SHES PA MA YIN NO ZHES STON PA NI, 'KHOR BA PA YIS ZHES BYA BA LA SOGS PA SMOS TE, 'KHOR BA PA'I SO SO'I SKYE BO RNAMS KYIS MA 'DRIS PA STE GOMS PAR MA BYAS PA ZHES BYA BA'I DON TO, ,GANG GIS DE'I DON DU STON PA JI LTAR PHAN PAR 'GYUR BA YIN ZHE NA, SHES NA ZHES BYA BA LA SOGS PA SMOS TE, SHES NA DE MNGON SUM BYAS NA NYON MONGS PA DANG SKYE BA'I MTSAN NYID KYI GNOD PA'I PHUNG PO MA LUS PA LDOG PAR 'GYUR RO, ,DUS PHYIS KYANG DE GOMS PAR BYAS PA NA, RDZU 'PHRUL LA SOGS PA'I YON TAN KHYAD PAR CAN SGRUB PAR BYED PA YIN NO ZHES BYA BA DE LTAR NA MCHOG TU GYUR PA'I SKYES BU LA NYE BAR MKHO BA'I DE KHO NA NYID GAL TE SNYAN DNGAGS MKHAN GYIS SHES PA NA DE DAG KYANG THAMS CAD MKHYEN PA YIN LA RAG MOD, GANG GI PHYIR KHO BO CAG GIS SKYES BU GCIG RIS SU BCAD DE THAMS CAD MKHYEN PA NYID DU KHAS LEN PA NI MA YIN NO, ,'O NA CI ZHE NA, JI SKAD DU BSHAD PA'I DE KHO NA NYID MKHYEN PA GANG YIN PA DE KHO NA THAMS CAD MKHYEN PA 'DOD KYI GZHAN NI MA YIN NO, ,DE LTA BU SNYAN DNGAGS MKHAN RNAMS LA NI YOD PA MA YIN TE DES NA HA CANG THAL BAR MI 'GYUR RO, ,DES NA 'GAL BA NYE BAR STON PA NI ZHES BYA BA LA SOGS PA GANG YIN PA DE YANG BSAL BA YIN NO ZHES BSTAN PA'I PHYIR, BDAG MED YE SHES ZHES BYA BA LA SOGS PA SMOS TE, GAL TE JI SKAD DU BSHAD PA'I DE KHO NA NYID KYI YE SHES SDOD RIS DANG SER SKYA LA SOGS PA LA SRID PAR 'GYUR NA DE'I TSE THAMS CAD MKHYEN PA NYID DU 'GYUR NA, GANG GI PHYIR 'DI DAG THAMS CAD NYES PA THAMS CAD 'BYUNG BA'I RGYU LOG PA'I BDAG NYID DU 'DZIN PA'I GDON GYIS BZUNG BA YIN TE, GANG GIS, SER SKYA MIN

293b

ZHES TSAD MA CI, ,ZHES BRJOD PAS MNGON SUM LA SOGS PA'I TSAD MAS GNOD PA'I DNGOS PO RNAMS KYI SKAD CIG MA MA YIN PA LA SOGS PA STON PA'O, ,DE JI LTAR BYAS PA'I BAR LA SHIN TU GRAGS PA'I LAM DU GYUR PA'I DNGOS PO DAG LA YANG 'KHRUL PA 'DI DAG DBANG PO LAS 'DAS PA'I DON MTHONG BA SRID PA'I LAM LA 'JUG PAR 'GYUR, 'DI LTAR 'DIR TSAD MA 'DI GAS LA RAB TU BRJOD PAR NUS TE, GANG DAG LOG PA'I SHES PA DANG 'BREL PA DE DAG NI THAMS CAD MKHYEN PA NI MA YIN TE, DPER NA MTHO YOR LA MI'O SNYAM DU 'KHRUL PA SKYES BU BZHIN NO, ,SDOD RIS LA SOGS PA LA YANG LOG PA'I SHES PA DANG 'BREL BA YIN NO ZHES BYA BA NI 'GAL ZAS KHYAB PA DMIGS PA STE, THAMS CAD MKHYEN PA DANG 'GAL BA THAMS CAD MKHYEN PA MA YIN PAS LOG PA'I SHES PA DANG 'BREL PA LA KHYAB PA'I PHYIR RO, ,GTAN TSIGS MA GRUB PA YANG MA YIN TE, GANG GI PHYIR PHYIN CI LOG GI DON GSAL BAR BYED PA'I PHYIR 'DI DAG NI LOG PA'I SHES PA DANG 'BREL PA NYID GRUB PO, ,'DI DAG GI LOG PA'I DON GSAL BAR BYED PA DE YANG BRTAG PA THAMS CAD KYIS MA BSTAN TO, ,MI MTHUN PA'I PHYOGS LA LDOG PA LA THE TSOM ZA BA NYID KYIS MA NGES PA YANG MA YIN NO, CIG CAR DNGOS PO MA LUS PA YANG DAG PAR SHES PA PO YIN PA NYID KYIS THAMS CAD MKHYEN PA NYID DU 'DOD LA, GANG LA YANG DAG PA'I SHES PA YOD PA DE LA DE DANG 'GAL BA LOG PA'I SHES PA SRID PA MA YIN NO, ,GAL TE 'DI SNYAM DU 'DI DAG PHYIN CI LOG GI DON GSAL BAR BYED PA DE LTA NA YANG DE LAS LOG PA'I SHES PA DANG LDAN PA NYID DU NGES PAR NUS PA YANG MA YIN TE, GANG GI PHYIR RNAM PA GZHAN DU YANG THA SNYAD BYA BAR NUS PA YIN TE, SKYES BU RNAMS KYI BSAM PA NI SNA TSOGS PA'I PHYIR RO, ,DES NA GTAN TSIGS THE TSOM ZA BA'I MA GRUB PA YIN NO SNYAM DU SEMS PA'I DOGS PA BSU NAS, DE DAG GI TSIG CES BYA BA LA SOGS PA SMOS TE, GAL TE DE DAG GI DGONGS PA GZHAN GYIS 'GYUR BA SMRA BA LA SOGS PA'I TSAD MA DANG 'GAL BA 'DI SMRAS PA YIN NO ZHES BRJOD PAR BYA'O ZHE NA, BRJOD PAR BYA BA YIN MOD, KHO BO CAG GIS RANG DGAR KHYU MCHOG LA SOGS PA THAMS CAD MKHYEN PA MA YIN PA NYID DU SGRUB PAR 'DOD PA NI MA YIN NO, ,'ON KYANG

294a

, ,KHYED CAG GIS 'DOD PA NI 'GAL BA LA GNAS PAS SER SKYA LA SOGS PA LA GAL TE BDE GSHEGS KUN MKHYEN YIN PA DE'I TSE SER SKYA MA YIN NO ZHES BYA BA LA TSAD MA CI ZHIG YOD CES SMRAS PA 'DI LA, KHO BO CAG GIS KHYED CAG GI 'DOD PA DE DAG LUGS THA DAD PAR KHAS BLANGS NAS TSAD MAR BRJOD PA YIN TE, DES NA GTAN TSIGS MA GRUB PA MA YIN NO, ,'DI LTAR GAL TE 'DI DAG DGONGS PA CAN GYI TSIG TU BRJOD PA DE'I TSE 'DI DAG GI DON DAM PA'I DNGOS PO'I NGO BO JI LTA BU ZHIG 'DOD CES BYA BA BRJOD PAR BYA DGOS SO, ,DE SKAD CES DRIS PA LA GZHAN GYIS SMRAS PA, BDAG MED SKAD CIG NYID LA SOGS, ,ZHES BYA BA STE, GAL TE BDAG YIN NO ZHES SMRAS NA DE'I TSE LUGS THA DAD PA KHO NA BRJOD PAR 'GYUR BA'I PHYIR MA GRUB PAR MI 'GYUR RO, ,DE LTA NA NI ZHES BYA BA LA SOGS PAS LAN 'CHAD PAR BYED DO, ,KHO BO CAG GIS NI 'DI THAMS CAD MKHYEN PA YIN NO ZHES RVA NAS BZUNG BA DE LTA BUR 'GRUB PAR 'DOD PA NI MA YIN NO, ,'ON KYANG SBYOR RO, ,GAL TE SER SKYA LA SOGS PA RNAMS RNAM PA DE LTA BU'I DE KHO NA NYID SHES PAR KHAS LEN PAR BYED NA, 'O NA KHYED CAG GIS DE DAG JI LTAR BLO MI MTHUN ZHES BRJOD PAR BYA STE THAMS CAD LUGS GCIG TU GNAS PA'I PHYIR RO, ,GANG YANG PHAN TSUN 'GAL BA'I DON STON PA DE DAG GIS DE NI 'DOD PA'I DON NYID DU GNAS PA MA YIN NO, ,LUGS GCIG TU GNAS PA RNAMS NI PHAN TSUN 'GAL BA BRJOD PA'I DON DANG DE KHO NA NYID KYI NGO BOR SMRA'O ZHES BYA BAR RIGS PA YANG MA YIN NO, DE BAS NA LUGS THA DAD PAR 'DOD NA 'DI DAG NI TSIG DGONGS PA CAN YIN NO ZHES BRJOD PAR MI BYA LA, LUGS THA DAD PAR MI 'DOD NA YANG SU ZHIG GCIG NYID NGES PAR BYED CES BRJOD PAR MI BYA'O, ,GANG GI PHYIR BDE BAR GSHEGS PA KHO NA JI SKAD DU BSHAD PA'I YE SHES DANG LDAN PA NYID KYIS THAMS CAD MKHYEN PA NYID DU NGES PAR BZUNG GI GZHAN NI MA YIN NO ZHES GTAN LA PHAB ZIN TO, ,GZHAN YANG SER SKYA LA SOGS PA RNAMS LA JI SKAD DU BSHAD PA'I YE SHES KHAS LEN PAR BYED NA BDE BAR GSHEGS PA KHO NAR 'GYUR RO ZHES BYA BA 'DI BSTAN PA'I PHYIR DNGOS PO KUN LA ZHES BYA BA LA SOGS PA SMOS TE, RAB TU BSTAN PAS DE TSAD MAS BSGRUBS PA'I NGO BO STE RANG BZHIN

294b

BDAG MED PA LA SOGS PA'I MTSAN NYID KYI DE KHO NA NYID GANG LA YOD PA DE LA DE SKAD CES BYA'O, ,DE DAG LA ZHES BYA BA NI SDONG RIS LA SOGS PA LA'O, ,DE TZAM ZHES BYA BA NI BSNGAGS PA'I YE SHES DANG LDAN PA NYID DO, ,DE'I ZHES BYA BA NI BDE BAR GSHEGS PA NYID KYI'O, ,GANG GI PHYIR BDAG MED PA'I YE SHES KYIS BSNGAGS PAR ZHES BYA BA LA SOGS PA'I SGRIB PA SPANGS PAR GSHEGS PAS NA BDE BAR GSHEGS PA ZHES BYA'O, ,GZHAN YANG SPYIR THAMS CAD MKHYEN PA YOD PAR BSGRUBS NAS YANG SHUGS KYIS BCOM LDAN 'DAS KHO NA GNAS PA YIN NO ZHES STON PA NI, DES NA THAMS CAD MKHYEN PA ZHES BYA BA LA SOGS PA SMOS TE, DES NA ZHES BYA BA NI DE'I PHYIR RO, ,DE TSAN NYID MED PA MI 'BYUNG BA'I PHYIR ZHES BYA BA NI, THAMS CAD MKHYEN PA'I MTSAN NYID MED NA MI 'BYUNG BA'I PHYIR RO, ,'ON TE KHYAD PAR 'DI MA BSTAN PA JI LTAR RNYED CE NA, KHYAD PAR MA BSTAN PA NA YANG, ,ZHES BYA BA LA SOGS PA SMOS TE, GANG ZHIG LA 'GRO BA THAMS CAD BDAG MED PA LA SOGS PA'I NGO BOS JI LTA BA BZHIN DU RTOGS PA DE NI THAMS CAD MKHYEN PA YIN NO ZHES DE LTAR THAMS CAD MKHYEN PA'I MTSAN NYID SPYIR BYAS NAS YANG GANG LA DE DMIGS PA'I KHYAD PAR DE SHUGS KYIS RTOGS PA NYID KYI PHYIR KHYAD PAR KHAS LEN PAR BYED PA DON MED DO, ,THAMS CAD MKHYEN PA'I MTSAN NYID 'DI YANG BCOM LDAN 'DAS KHO NA LA DMIGS KYIS GZHAN LA NI MA YIN NO, ,THABS RNAM PA SNA TSOGS PAS MA TSANG BA MED PA'I BDEN PA BZHI'I MTSAN NYID BLANG BAR BYA BA DANG DOR BAR BYA BA THABS DANG BCAS PA CAN GYI DE KHO NA NYID GSAL BAR MDZAD PA'I PHYIR RO SNYAM DU BSAMS PA YIN NO, ,GANG GI PHYIR DE LTA BU'I DNGOS PO NGO BO MA RTOGS PA RNAMS KYIS PHYIN CI MA LOG PA DE BZHIN DU MA TSANG BA MED PAR STON PAR NUS PA MA YIN TE, ,JI SKAD DU, THABS BYUNG DE RGYU LKOG GYUR PAS, ,DE 'CHAD PA NI DKA' BA YIN, , ZHES BSHAD PA LTA BU'O, ,GAL TE 'DI SNYAM DU 'DI BDAG MED PA LA SOGS PA'I NGO BOS 'GRO BA RIG PA DE LTA BU YANG 'DI JI LTAR THAMS CAD MKHYEN PAR GRUB PAR 'GYUR SNYAM DU SEMS NA, BDAG MED MNGON SUM BYAS PA LA, ,ZHES BYA BA LA SOGS PA SMOS TE, THABS CAD MKHYEN PA NI NYON MONGS

295a

, ,PA DANG SHES BYA'I SGRIB PA SPANGS PA YIN NO, ,DE LA 'DOD CHAGS LA SOGS PA'I NYON MONGS PA RNAMS NYID YANG DAG PA'I DON MTHONG BA'I GEGS SU GYUR PA'I PHYIR NYON MONGS PA'I SGRIB PA ZHES BYA'O, ,BLANG BAR BYA BA DANG DOR BAR BYA BA'I DE KHO NA NYID MTHONG NA YANG RNAM PA THAMS CAD YONG SU MI SHES PA DANG, STON PAR MI NUS PA GANG YIN PA DE NI SHES BYA'I SGRIB PA'O, ,DE LA NYON MONGS PA'I SGRIB PA NI BDAG MED PA MNGON SUM DU BYAS PA'I PHYIR SPANGS PA YIN LA, SHES BYA'I SGRIB PA NI BDAG MED PA MTHONG BA 'JUG PA NYE BAR MED PAR DUS YUN RING POR GOMS PA LAS SPANGS PA YIN NO, ,'DI LTAR 'DOD CHAGS LA SOGS PA'I NYON MONGS PA 'DI DAG NI BDAG TU LTA BA'I RTZA BA CAN DU RJES SU 'GRO BA DANG LDOG PA DAG GIS NGES KYI, PHYI ROL GYI DON GYI MTHU LAS BYUNG BA NI MA YIN TE, GANG GI PHYIR PHYI ROL YOD NA YANG TSUL BZHIN MA YIN PA NYID LA BYED PA MED PAR MI 'BYUNG LA, DON MED NA YANG TSUL BZHIN MA YIN PA'I RNAM PAR RTOG PA MNGON SUM DU GYUR BA LAS SKYE BA YIN NO, ,GANG ZHIG GANG YOD PA DANG MED PA'I RJES SU MI BYED PA DE NI DE'I 'BRAS BU RIGS PA MA YIN TE, HA CANG THAL BAR 'GYUR BA'I PHYIR RO, ,'DI DAG NI GZHAN GYIS KUN DU BRTAGS PA'I BDAG DANG 'DU BA YANG MA YIN TE, BDAG DE NI BKAG ZIN PA'I PHYIR RO, ,DE YOD NA YANG RTAG TU 'DOD CHAGS LA SOGS PA 'BYUNG BA DANG MI 'BRAL BAR THAL BAR 'GYUR BA'I PHYIR RO, ,SKYE BA DANG GNAS PA'I RGYU BDAG MA TSANG BA MED PA RTAG TU NYE BA'I PHYIR DANG, GZHAN GYIS BOS DBYUNG DU MED PA NI DE LA LTOS PAR MI 'THAD PA'I PHYIR RO ZHES BYA BA 'DI NI RNAM PA MANG DU BSHAD ZIN TO, ,YOD PA DANG MED PA DAG LA RTEN DANG BRTEN PA BKAG PA'I PHYIR LA LAR 'DI DAG 'DU BA RIGS PA MA YIN PA DE'I PHYIR RTAG PA'I RGYU DANG 'BREL PA'I BDAG NYID DU GNAS PA MA YIN LA PHYI ROL GYI DON GYI MTHU LAS BYUNG BA YANG MA YIN NO, ,'ON KYANG YANG DAG PA MA YIN PA'I DON MTHONG BA'I STOBS KYIS BYUNG BA YIN TE, 'DI LTAR BDAG CES MA MTHONG BAR NI BDAG LA CHAGS PA 'BYUNG BA MA YIN LA, BDAG GIS ZHES MA BZUNG BAR YANG BDAG LA BDE BA BSKYED PA DANG RJES SU MTHUN PA NYID DU MA BZUNG BA'I DNGOS PO LA BDAG GI BA NYID DU MNGON

295b

BAR ZHEN 'BYUNG BA MA YIN NO, ,ZHE SDANG YANG BDAG GI BA DANG RJES SU MI MTHUN PA NYID DU MA BZUNG BA'I DNGOS PO 'GA' ZHIG LA SKYE BA MA YIN TE, BDAG DANG BDAG GI LA MI GNOD PA DANG DE LA GNOD PA'I GNYEN PO CAN LA DE MI SRID PA'I PHYIR RO, ,DE BZHIN DU NGA RGYAL LA SOGS PA LA YANG BRJOD PAR BYA'O, ,DE LTA BAS NA THOG MA MED PA'I RIGS 'DRA BA SNGA MA SNGA MA GOMS PAS BSKYED PA'I BDAG TU LTA BAS NI BDAG GIR 'DZIN PA SKYED PAR BYED LA NGES KYANG BDAG LA CHAGS PA'O, ,DE YANG ZHE SDANG LA SOGS PA'I RJES SU 'GRO BA DANG LDOG PA DAG GIS 'DI DAG BDAG TU 'DZIN PA'I RTZA BA CAN NYID DU GSAL RAB TU GNAG RDZI'I CHUNG MA'I BAR LA GRAGS PA NYID YIN NO, ,BDAG TU LTA BA DANG 'GAL BA YANG BDAG MED PAR LTA BA YIN TE, DE LAS BZLOG PA'I RNAM PAR DMIGS PA'I PHYIR RO, ,'DI DAG CIG CAR RGYUD GCIG LA THAG PA DANG SBRUL GYI SHES PA BZHIN DU LHAN CIG GNAS PA DANG GCIG YIN PA 'GAL LO, ,DES NA BDAG MED PAR LTA BA DANG BDAG TU LTA BA 'GAL BA'I PHYIR DE'I RTZA BA CAN GYI 'DOD CHAGS LA SOGS PA DANG LHAN CIG 'GAL BA YIN TE, DPER NA GDUNG BAR BYED PA'I BYE BRAG DANG GRANG BAS BYAS PA'I SPU LONG BYED PA LA SOGS PA'I BYE BRAG LTA BU'O, ,DES NA NYES PA THAMS CAD DANG 'GAL BA'I BDAG MED PA MTHONG BA MNGON SUM DU BYAS PA NA DE DANG 'GAL BA'I 'DOD CHAGS LA SOS PA NYES PA'I TSOGS GNAS RNYED PA MA YIN TE, SNANG BA DANG LDAN PA'I YUL PHYOGS SU MUN PA BZHIN TE, DES NA BDAG MED PA'I PHYIR NYON MONGS PA'I SGRIB PA SPANGS PA BZHIN NO, ,SBYOR BA NI GANG NA GNAG DANG 'GAL BA'I DNGOS PO YOD PA DE NA DE LAS GZHAN GNAS PA MA YIN NO, ,DPER NA SGRON MA'I 'OD DANG LDAN PA'I SA PHYOGS SU MUN PA BZHIN NO, ,BDAG MED PA MTHONG BA MNGON SUM DU BYAS PA'I SKYES BU LA YANG NYES PA'I TSOGS DANG 'GAL BA BDAG MED PA MTHONG BA YOD PA YIN NO ZHES BYA BA NI RANG BZHIN 'GAL BA DMIGS PA'O, ,'DI SNYAM DU JI LTAR BDAG MED PA MTHONG BA DANG LDAN PA'I SEMS LA 'GAL BA NYID KYIS BDAG TU LTA BA SKYE BA'I GO SKABS MED PA DE BZHIN DU BDAG TU LTA BA DANG LDAN PA'I SEMS LA YANG BDAG MED PAR LTA BA SKYE BA'I GO SKABS MED DE,

296a

, ,'GAL BA NYID DU MTSUNGS PA'I PHYIR RO, ,DE LTA YIN DANG BDAG MED PA MTHONG BA 'GA' YANG MI SRID PA'I PHYIR GTAN TSIGS MA GRUB PA YIN NO, ,BDAG MED PA MTHONG BA SRID PA DE LTA NA YANG 'DI DAG 'GAL NA YANG SHIN TU GNOD PAR BYA BA DANG GNOD PAR BYED PA'I DNGOS POR GRUB PA MA YIN TE, 'DOD CHAGS DANG ZHE SDANG BZHIN NAM, BDE BA DANG SDUG BSNGAL DAG BZHIN NO, ,GANG GI PHYIR 'DI LA GTAN DU THA DAD PA BSGRUB PAR 'DOD PA YIN GYI DUS DE TZAM ZHIG MNGON SUM DU SMRA BA TZAM NI MA YIN PA DES NA GTAN TSIGS MA NGES PA MA YIN NO, ,NYI MA RE RE DNGOS PO MTHA' DAG LA YOD PA'I BDAG MED PA'I DE KHO NA NYID DU RJES SU DPAG PAS BSGRUB PA YANG MA NYAMS PA'I 'DOD CHAGS LA SOGS PA'I DBANG DU GYUR PA'I SGRUB PAR BYED PA MTHONG STE, DE'I PHYIR YANG GTAN TSIGS MA NGES PA YIN NO SNYAM DU SEMS NA, DE NI YOD PA MA YIN TE, GAL TE NYON MONGS PA MA SPANGS PA'I RGYUD LA BDAG MED PA'I RNAM PAR RTOG PA SKYE BA MI SRID PA YIN NA DE'I TSE BDAG MED PA MTHONG BA SKYE BA'I GO SKABS MED PAR 'GYUR NA, GANG GI PHYIR THAMS CAD LA BDAG MED PA'I RNAM PAR RTOG PA MNGON DU PHYOGS PA YOD PA RE ZHIG NYAMS SU MYONG BAS GRUB PA NYID YIN NO, ,DE NYID KYANG GOMS PAS 'DOD PA CAN GYI RNAM PAR RTOG PA BZHIN DU RAB KYI MTHAR THUG PAR 'GRO BA SRID PA'I PHYIR THA MAR GSAL BAR SNANG BA NYID DANG, TSAD MAS DAG PA'I DON 'DZIN PA NYID KYIS MNGON SUM DU 'GYUR BA'I PHYIR JI LTAR BDAG MED PA MTHONG BA SKYE BA MI SRID PA YIN, GZHAN YANG MUN PA DANG LDAN PA'I YUL DU DUS PHYIS SNANG BAR 'GYUR BA'I GO SKABS SRID PA BZHIN DU 'DIR YANG CI'I PHYIR SRID PAR MI 'GYUR, GANG ZHIG DE LTA BUR GYUR PA'I MNGON SUM GYIS SHES PA'I 'BRAS BUR 'GYUR TE, 'DRA BAR DE NYID SGOM PA 'BA' ZHIG LA SRID PA MA YIN NO ZHES DE LTAR YANG BRJOD PAR NUS PA MA YIN NO, ,GANG GI PHYIR MI SRID PA'I RGYU 'DI LTAR RTOG PA DANG LDAN PA'I 'JUG PA LA DON DU GNYER BA NYID KYIS KHYAB PA'I PHYIR SGOM PA LA SBYOR BA MED PA'I RGYU THAMS CAD DON DU MI GNYER BA NYID YIN NAM, DON DU GNYER BA YOD NA YANG NGO BO NYID MI SHES PA SPONG BAR MI NUS PA'I PHYIR SPANG BAR BYA BA'I RANG GI NGO BO MI SHES PAS RTAG PA DANG LDAN PA MI 'JUG PA'AM, DE'I RANG GI NGO BO SHES

296b

PA YOD NA YANG RTAG PA SPANG BAR MI NUS PA'I PHYIR NYES PA RNAMS RTAG PAR MTHONG BA NA DE SPANG BA'I PHYIR 'BAD PA MI RTZOL BA DANG MI RTAG PA NYID YIN NA YANG RANG DBANG CAN NI RGYUN CHAD PAR MI SRID PA'I PHYIR 'DI DAG RGYU NYID DU RTOGS NA MI 'JUG PA'AM, RGYU DANG LDAN PA NYID YIN NA YANG GZHI MI SHES PA'I NANG BZHIN DU SPANG BAR MI NUS PA'I PHYIR DE'I RGYU RANG GI NGO BO MA NGES PA'I PHYIR BSGOM PA'I DON DU MA GRUB PA'AM, DE'I RGYU YONGS SU SHES PA YIN DU CHUG MOD, ,'ON KYANG RGYU MA TSANG BA MED PA NI GEGS BYAR MI NUS PA'I PHYIR DE'I RGYU RTAG PA'O SNYAM DU RTOGS NAS DE SPANG BAR BYA BA'I DON DU RTOG PA SNGON DU GTANG BA DAG MI SPRO BA'AM, DE'I RGYU MI RTAG PA YIN NA YANG, RANG BZHIN NI SPANG BAR MI NUS PA'I PHYIR NYES PA RNAMS SROG CHAGS KYI CHOS NYID DU RIG NAS 'BAD PA MI BYED PA'AM, SKYON RNAMS RANG BZHIN MA YIN PA NYID YIN NA YANG ZANG BA'I THABS MI SRID PA'I PHYIR MI 'DUG PA'AM STE, GANG GI PHYIR THABS MA TSANG BA'I THABS LAS BYUNG BA NYID YOD PA NI MA YIN NO, ,THABS YOD NA YANG RANG GI NGO BO YONGS SU MI SHES PA NI NYAMS SU LEN PA MI SRID PA'I PHYIR DE YONGS SU SHES PA MI SRID PA'I PHYIR NAN TAN DU SGRUB PAR MI 'GYUR BA'AM, YONGS SU SHES NA YANG MCHONGS PA LA SOGS PA BZHIN DU KHYAD PAR MI GNAS PA NYID KYIS SAM, YANG NA SKYE BA GZHAN MI SRID PAS BSGOM PA SHIN TU RAB KYI MTHAR PHYIN PA MI SRID PA'I PHYIR MNGON PAR BRTZON PA DANG MI LDAN PA'AM, SHIN TU GOMS PA MTHAR PHYIN PA SRID PA'I PHYIR GNYEN PO SKYES PAS NYES PA RNAMS ZAD PA DE LTA NA YANG ZANGS MA LA SOGS PA'I SRA BA BZHIN DU NYES PA 'BYUNG BA SRID PA NA YANG 'BAD PA RTZOM PAR BYED PA MA YIN NO ZHES BRJOD PAR BYA DGOS TE, DE LA RE ZHIG DON DU MI GNYER BA NYID NI MA GRUB STE, 'DI LTAR RE ZHIG GANG ZHIG SKYE BA LA SOGS PA SDUG BSNGAL GYIS GZIR BA'I YID CAN 'KHOR BA LAS SKRAG PA NA BDAG NYID LAS DE ZHI BAR BYA BA'I PHYIR DON DU GNYER BA NYAN THOS LA SOGS PA'I BYANG CHUB DU NGES PAR 'GYUR BA DE DAG NI 'KHOR BA LAS 'JIG PA NYID BDAG MED PA SGOM PA DON DU GNYER BA'I RGYU MTSAN YIN LA, GANG DAG RIGS KYI KHYAD PAR LAS RANG BZHIN GYIS GZHAN LA PHAN PAR BYED PA LA MNGON PAR DGA' BA, 'GRO BA 'DU BYED LA SOGS PA'I SDUG BSNGAL GYIS GZIR BA MTHONG NAS

297a

, ,SNYING RJES GZHAN GYI DBANG DU GYUR BAS DE'I SDUG BSNGAL GYI SDUG BSNGAL BA RNAMS BDAG LA CHAGS PA BSAL NAS, 'KHOR BA THAMS CAD BDAG NYID DU KHAS BLANGS PAS BSKYAB PAR BYA BA'I DON DU SMON LAM BTAB PA DE DAG SGOM PA LA 'JUG PA'I RGYU MTSAN NI SNYING RJE NYID YIN TE, LKOG TU GYUR BA'I THABS LAS BYUNG BA DE 'CHAD PA NI DKA' BA'I PHYIR RO, ,RTOG PA DANG LDAN PAS GZHAN LA PHAN PA BYED PA LA DGOS PA CI YOD CE NA MA YIN TE, DE NYID DGOS PA YIN TE, DE'I MTSAN NYID NI 'DOD PA YIN PA'I PHYIR RO, ,RTOG PA DANG MI LDAN PA NYID DU THAL BAR 'GYUR BA YANG MA YIN TE, BDAG LA PHAN PA BYED PA LA MNGON PAR ZHEN PA'I RGYU MTSAN NI KUN DU BRTAGS PA'I BDAG TU 'DZIN PA YIN PA'I PHYIR RO, ,GZHAN LA PHAN PAR BYED PA NI DAM PA'I SKYE BO MTHA' DAG GI 'DOD PA YIN PA'I PHYIR DANG, RANG GI 'BRAS BU DANG RJES SU MTHUN PA NYID KYI PHYIR RO, ,GZHAN YANG KHYED CAG GI 'DI SGOM PA LA 'JUG PA DON DU GNYER BA MI SRID PA BSTAN PAR BRTZAMS TE, DE'I PHYIR GAL TE RTOG PA DANG MI LDAN PAR 'GYUR NA CI'I PHYIR DE TZAM GYIS DE DE LA 'JUG PA DON DU MI GNYER BAR 'GYUR, DE LTA BAS NA GZHAN LA PHAN PAR BYA BA'I DON DU 'GA' YANG 'JUG PA MA YIN TE, DGOS PA MED PA'I PHYIR ZHES BYA BA 'DI NYID BRJOD PAR BYA LA DE LA YANG BSHAD ZIN TO, ,GZHAN YANG BRTZE BA MED PA CHES SHIN TU GOMS PA LAS GOMS PA RGYU MED PA KHO NAR GZHAN GYI SDUG PHONGS LA MNGON PAR DGA' ZHING GZHAN SDUG BSNGAL BAS BDE BA 'BA' ZHIG DMIGS PA DE BZHIN DU DGOS PA GZHAN MED NA YANG SNYING RJE GOMS PA 'GA' ZHIG GZHAN BDE BA LA MNGON PAR DGA' ZHING, GZHAN GYI SDUG BSNGAL GYIS SDUG BSNGAL BAR 'GYUR RO ZHES BYA BAR CI'I PHYIR MI SRID, RANG GI NYES PA'I NGO BO YONGS SU MI SHES PA YANG MA YIN TE, GANG GI PHYIR MNGON PAR CHAGS PA DANG KHONG KHRO BA DANG, BDAG DANG, BDAG GI DANG, RTAG PA LA SOGS PA'I RNAM PAS 'DOD CHAGS DANG, ZHE SDANG DANG, GTI MUG DANG, NGA RGYAL DANG, RGYAS PA DANG, PHRAG DOG DANG, SER SNA LA SOGS PA'I NYON MONGS PA DANG NYE BA'I NYON MONGS PA'I CHOGS RANG GI RANG BZHIN RIG PA NYID DU SKYE BA DANG 'JIG PA YIN NO, ,DE DAG RTAG PA YANG MA YIN TE, RES 'GA' BA NYID DU RIG PAR BYA BA YIN PA'I PHYIR RO, ,

297b

DE NYID KYI PHYIR 'DI DAG RGYU MED PA YANG MA YIN TE, RGYU MED PA NI LTOS PA MED PA NYID KYIS YUL DANG DUS DANG RANG BZHIN NGES PA MI RUNG BA'I PHYIR RO, ,'DI LAS KYANG DE DAG GI RTAG PA'I RGYU NYID SPANGS PA YIN TE, DE'I RGYU DAG LA SOGS PA RTAG TU NYE BA NYID KYI PHYIR DANG, KHYAD PAR BOGS DBYUNG DU MED PA NI LHAN CIG BYED PA GZHAN LA NI MI LTOS PA'I PHYIR DE LAS BYUNG BA RNAMS RTAG TU CIG CHAR SKYE BAR THAL BAR 'GYUR BA'I PHYIR RO, ,DE'I PHYIR SHUGS KYIS 'DI DAG GI RGYU NI MI RTAG PA NYID YIN NO, ,'DI DAG GI RGYU MI RTAG PA YANG RIGS PA'I RANG BZHIN YIN TE, 'DOD CHAGS LA SOGS PA'I NYES PA'I TSOGS KYI RGYU NI BDAG DANG BDAG GI BA'I PHYIN CI LOG YIN PA'I PHYIR TE, DE'I RJES SU 'GRO BA DANG LDOG PA'I RJES SU BYED PA'I PHYIR RO ZHES SNGAR BSTAN ZIN PA'I PHYIR RO, ,SROG CHAGS KYI CHOS NYID KYANG MA YIN TE, CHOS CAN DE NYID MA GRUB PA'I PHYIR RO, ,'DOD CHAGS LA SOGS PA 'DI GANG GA CHOS SU 'GYUR BA'I SROG CHAGS ZHES BYA BA'I CHOS CAN 'GA' ZHIG YOD PA NI MA YIN NO, ,'DI NI RKYEN NYID 'DI BA TZAM 'BA' ZHIG TU ZAD DE, CHOS DANG CHOS CAN GYI THA SNYAD NI RNAM PAR RTOG PAS SGRO BTAGS PA NYID YIN PA'I PHYIR RO, CI STE 'DI DAG SEMS KYI RANG BZHIN YIN PA NYID KYIS SAM, DER SKYES PAS SROG CHAGS KYI CHOS NYID YIN PA DE LTA NA YANG MA GRUB PA DANG MA NGES PA YIN TE, 'DI LTAR YUL DANG YUL CAN GYI DNGOS POR 'DOD NA SEMS NI YUL 'DZIN PA'I RANG BZHIN DU GDON MI ZA BAR KHAS BLANG BAR BYA STE, DE LTA MA YIN NA YUL DANG SHES PA DAG YUL CAN GYI DNGOS POR MI 'GYUR RO, ,DON MI 'DZIN PA'I RANG BZHIN DU KHAS LEN NA YANG DES DE'I RANG BZHIN GANG YIN PA'I BDAG NYID DES DON DE GZUNG BAR BYA BA YIN NA ZHES BRJOD PAR BYA DGOS TE, DE LTA MA YIN NA JI LTAR 'DI LTAR 'DZIN PAR 'GYUR GAL TE MED PA'I RNAM PAS DE 'DZIN PAR 'GYUR NA, DE DE LTA NA YUL DANG YUL CAN GYI DNGOS POR MI 'GYUR RO, ,'DI LTAR JI LTAR SHES PA DON YUL BYED PA DE LTAR DON NI MA YIN LA, DON JI LTAR YIN PA DE LTAR YUL DU BYED PA YANG MA YIN NO, ,DES NA SHES PA RNAMS YUL MED PA KHO NAR 'GYUR RO, ,DE'I PHYIR DNGOS PO THAMS CAD MA GRUB PAR THAL BAR 'GYUR RO, ,DE LTA BAS NA 'DI'I BDAG NYID KYI RANG BZHIN NI YANG DAG PA'I YUL GYI RNAM PAR 'DZIN PA YIN NO ZHES BYA BAR GNAS SO, ,YUL GYI

298a

, ,RANG BZHIN GYI YANG DAG PAR YANG SKAD CIG MA DANG BDAG MED PA LA SOGS PA'I NGO BO NYID YIN NO ZHES BYA BA 'DI NI BSTAN ZIN TO, ,DES NA SEMS KYI RANG BZHIN BDAG MED PAR 'DZIN PA KHO NA YIN GYI BDAG 'DZIN PA'I RANG BZHIN NI MA YIN NO, ,GANG YANG RMONGS PA LA RNAMS LA 'DI'I RANG BZHIN DU SNANG BA NI SHUGS KYIS GLO BUR BA'I RKYEN GYI STOBS NYID KYIS YIN NO ZHES GNAS KYI, RANG BZHIN GYIS NI MA YIN TE DPER NA THAG PA LA SPRUL DU SHES PA LTA BU'O, ,DE NYID KYI PHYIR NYON MONGS PA'I NAD TSOGS SHIN TU CHE BA YIN NA 'DIS NI BDAG MED PA MTHONG BA'I NUS PA RTZA BA NAS 'DON PAR NUS PA MA YIN TE, GLO BUR PA'I RKYEN GYIS BYAS PA NYID KYIS DE MA BSTAN PA'I PHYIR RO, ,BDAG MED PA'I SHES PA NI RANG BZHIN YIN PA'I PHYIR DANG TSAD MA'I GROGS DANG BCAS PAS STOBS DANG LDAN PA'I PHYIR 'GAL BAR 'DRA NA YANG BDAG TU LTA BA'I GNYEN POR RNAM PAR GZHAG GI, ,BDAG TU LTA BA NI DE'I MA YIN TE, DE NI DE LAS BZLOG PA'I PHYIR RO, ,GANG DAG GI LTAR NA PHYI ROL GYI DON MED DO ZHES BYA BA'I PHYOGS YIN PA'I DE'I LUGS KYIS SHES PA'I RANG BZHIN NI BDAG MED PA 'DZIN PA'I RANG BZHIN KHO NA YIN GYI BDAG TU LTA BA'I BDAG NYID NI MA YIN TE, BDAG DE NI MED PA NYID KYI PHYIR RO, ,'DI LTAR GAL TE DES YUL MED PA'I PHYIR SHES PA DE 'DZIN PA'I BDAG NYID DU MI 'DOD NA DE GDON MI ZA BAR RANG RIG PA'I BDAG NYID DU KHAS BLANG BAR BYA DGOS TE, GZHAN DU SHES PA RNAM PAR GZHAG PAR YANG MI 'GYUR RO, ,BDAG DE YANG YOD PA MA YIN PA'I BDAG NYID KYIS GNYIS LA SOGS PA'I NGO BOR RIG PAR BYA BA YIN GYI GZHAN DU NI MA YIN TE, SKYON SNGA MA BZHIN DU THAL BAR 'GYUR BA'I PHYIR RO, ,DE LTA BAS NA 'DI DAG SROG CHAGS KYI CHOS NYID DU MA GRUB PO, ,DES SKYES PA ZHES BYA BA DE TZAM GYIS RANG BZHIN DU NYID DU BRTAGS PA NA SPONG BA MI SRID PA YANG MA YIN TE, MA NGES PA'I PHYIR RO, ,'DI LTAR THAG PA LA SPRUL DU SHES PA SKYE LA YANG DE NI YANG DAG PA'I SHES PA SKYE BA LA LDOG PA YIN NO, ,ZAD PA'I THABS MI SRID PA YANG MA YIN TE, RANG GI RGYU DANG 'GAL BA'I RANG BZHIN GYI DNGOS POR GOMS PA ZAD PA'I THABS NYID DU SRID PA'I PHYIR RO, ,'DI LTAR GANG DAG RANG RGYU DANG 'GAL BA'I RANG BZHIN CAN GOMS PA SRID PA DE DAG NI SHIN TU RGYUN CHAD PA SRID PA

298b

YIN TE, DPER NA 'BYUNG BA LA SOGS PA BZHIN NO, ,'DOD CHAGS LA SOGS PA RNAMS KYANG DE LTA BU YIN PA'I PHYIR 'DI DAG GI ZAD PA'I THABS SRID PA YIN NO, ,DE YONGS SU MI SHES PA YANG MA YIN TE, GANG GI PHYIR RGYU'I RANG BZHIN YONGS SU SHES PA NYID LAS DE LAS BZLOG PA'I DMIGS PA'I RNAM PA CAN GYI DNGOS PO GANG YIN PA DE NI DE'I GNYEN PO YIN NO ZHES GSAL BAR NGES PA'I PHYIR 'DI DAG GI BDAG MED PA MTHONG BA SRID PA KHO NA YIN TE, DE LAS BZLOG PA LA DMIGS PA'I RNAM PA CAN NYID YIN PA'I PHYIR GNYEN PO YIN NO ZHES BSTAN ZIN TO, ,MCHONGS PA LA SOGS PA BZHIN DU KHYAD DU 'PHAGS PAR RNAM PAR MI GNAS PAS KYANG MA YIN TE, SHES RAB LA SOGS PA RNAMS NI SNGA MA SNGA MA GOMS PA BSGOM PA'I RANG BZHIN YIN PA NYID KYIS MA ZHIG PA NYID KYI PHYIR PHYI MA PHYI MA'I 'BAD PA NI SNGA NA MED PA'I KHYAD PAR BYED PA'I LUS LEN PA'I PHYIR DANG, RTEN BRTEN PA'I PHYIR DANG, RIGS MTHUN PA SNGA MA'I MTHU LAS BYUNG BA'I PHYIR RO, ,MCHONGS PA LA SOGS PA NI DE LTA BU MA YIN NO ZHES PHYIS STON PAR 'GYUR RO, ,SKYE BA GZHAN MI SRID PA YANG MA YIN TE, SNGAR SKYE BA'I RGYUN BSGRUBS ZIN PA'I PHYIR RO, ,ZANGS MA LA SOGS PA'I SRA BA BZHIN NYES PA RNAMS KYANG SKYE BA SRID PA YANG MA YIN TE, DE DANG 'GAL BA'I BDAG MED PAR LTA BA GTAN DU DE'I BDAG NYID DU GYUR BA RTAG TU MI 'BRAL BA'I PHYIR RO, ,ZANGS LA SOGS PA'I SRA BA DANG 'GAL BA'I ME GANG YIN PA DE RES 'GA' NYE BA'I PHYIR SRA BA LA SOGS PA DE YOD PA NYID NA YOD PA MA YIN PAS YANG DE DANG BRAL BA'I PHYIR DE SKYE BAR RIGS KYI DRI MA RNAMS NI DE LTA BU MA YIN NO, ,YANG NA SRA BA DANG BRAL BA NA YANG THAL BA LA SOGS PAS MA NGES PA'I PHYIR GDON MI ZA BAR NYES PA RNAMS KYANG SKYE BAR SRID PA MA YIN NO, ,DE LTAR SHING LA SOGS PA ME DANG 'BREL BA LAS THAL BAR 'GYUR BA DE DANG BRAL BA NI SLAR SNGA MA'I RANG BZHIN RJES SU 'JUG PA MA YIN PA DE BZHIN DU NYES PA RNAMS KYANG YIN PA'I PHYIR MA NGES PA YIN NO, ,GZHAN YANG GLO BUR BA NYID KYIS SNGAR NUS PA MED PA'I DRI MA RNAMS KYIS DE'I BDAG NYID DU GYUR PA'I BDAG MED PA DE LA GNOD PAR GA LA NUS, RANG BZHIN NI 'BAD RTZOL MED PAR BZLOG PAR NUS PA MA YIN LA, THOB PAR BYA BA DANG SPANG PAR BYA

299a

, ,BA'I DNGOS PO GANG GI YON TAN DANG SKYON MTHONG BA MED PAR YANG RTOGS PA DANG LDAN PA'I LEN PA YANG SPANGS PA'I 'BAD PAR RIGS PA MA YIN NO, ,RTOG PA DANG LDAN PA'I BDAG NYID KYI SKYES BU NYES PA DAG LA YON TAN DU MTHONG BA'AM GNYEN PO LA SKYON DU MTHONG BA SRID PA YANG MA YIN TE, PHYIN CI MA LOG PA NYID KYI PHYIR RO, ,LDAN PA LEN PA YANG SPANG BA PHYIN CI LOG PA'I BLO CAN RNAMS NYES PA MED PA'I DNGOS PO SKYON CAN DU 'DZIN PA MA YIN LA, SKYON CAN YON TAN DANG LDAN PA NYID DU 'DZIN PA YANG MA YIN NO, ,LA LAR BDAG MED PAR LTA BA SKYON CAN DU YANG MA YIN TE, NYE BAR MTSON PA THAMS CAD DANG BRAL BA NYID KYIS YON TAN DANG LDAN PA NYID KYI PHYIR RO, ,'DI LTAR 'DOD CHAGS LA SOGS PA'I DRI MA MA LUS PA DANG BRAL BA'I PHYIR YANG DAG PA'I DON MTHONG BA'I GEGS BYED PA'I NYE BAR 'TSE BA YOD PA MA YIN NO, ,'DOD CHAGS LA SOGS PAS KUN NAS DKRIS PAS BYAS PA'I LUS DANG SEMS YONGS SU GDUNG BA'I NYE BAR 'TSE BA YANG MED CING SKYE BA DANG 'BREL BA NI NA BA DANG RGA BA LA SOGS PA YANG YOD PA MA YIN TE, SKYE BA'I RGYU NYON MONGS PA MED PA'I PHYIR RO, ,ZAG PA DANG BCAS PA'I BDE BA LONGS SPYOD PA BZHIN DU SUN PHYUNG BA'I NYE BAR 'TSE BA YANG MED DE, RAB TU ZHI BA'I BDE BA'I ROL GCIG TU CHES SKYE BAR MI BYED PA'I PHYIR RO, , DE'I PHYIR 'DI SPANG BA'I DON DU 'BAD PA MED PAR RIGS PA MA YIN LA, 'ON KYANG GAL TE BYED NA MI SPANG BA'I DON KHO NAR BYED PAR 'GYUR RO, ,BLO NI RANG BZHIN GYIS YON TAN GYI PHYOGS 'DZIN PA'I PHYIR RO, ,NYES PA RNAMS BLANG BA'I DON DU 'BAD PA BYED PA YANG MA YIN TE, DE DAG NI NYE BAR 'TSE BA THAMS CAD KYI GZHI YIN PA NYID KYI SKYON CAN YIN PA'I PHYIR RO, ,DE LTA BAS NA BDAG MED PA SGOM PA SRID PA NYID YIN LA, RAB KYI MTHAR PHYIN PAR 'GRO BA'I PHYIR DE YANG GSAL BAR SNANG BA'I 'BRAS BU CAN DU MTHONG STE, DPER NA 'DOD PAS GDUNGS PA 'DOD PA GOMS PAR BYED PA BZHIN NO, ,'DI LTAR 'KHRUL BA DANG BCAS PA'I GZHON NU MA MTHONG BAS YA MTSAN SKYES SO ZHES BYA BA DE LTA BU'I TSIG DANG BSAMS PA'I RJES SU BYED PA'I LUS KYI BYA BA 'JUG PA YIN NO, ,DE LTA BAS NA GTAN TSIGS MA GRUB PA MA YIN LA MA NGES PA YANG MA YIN TE, GANG GI PHYIR BDAG MED PA MTHONG BA NI YANG DAG PA'I DON GYI YUL CAN YIN PA NYID KYIS STOBS DANG LDAN PA YIN

299b

LA, BDAG TU LTA BA NI BZLOG PA'I PHYIR BZLOG PA YIN PAS MI MTHUN PA'I PHYOGS DANG GNYEN PO'I PHYOGS KYI DNGOS PO YIN NO, ,'DOD CHAGS DANG ZHE SDANG DAG NI MA YIN TE, GNYI GA YANG DAG PA MA YIN PA'I DON 'DZIN PA LA RAG LAS PAS 'JUG PA'I PHYIR DE DAG LA 'GAL BA'I DNGOS PO 'DZIN PA'I RGYU MTSAN CAN GYI MI MTHUN PA'I PHYOGS DANG GNYEN PO'I PHYOGS KYI DNGOS PO YANG YOD PA MA YIN NO, ,PHYIN CI LOG DANG PHYIN CI MA LOG PAS BYAS PA YANG YOD PA MA YIN TE, GNYI GA YANG PHYIN CI LOG YIN PA'I PHYIR RO, ,'DI DAG 'GAL BA YANG GRUB PA MA YIN TE, GNYI GA YANG BDAG TU 'DZIN PA'I SKYE GNAS CAN YIN PA'I PHYIR DANG RGYU DANG 'BRAS BU'I DNGOS PO YIN PA'I PHYIR RO, ,'DI LTAR BDAG LA CHAGS PA YOD NA DE LA GNOD PA LA ZHE SDANG 'BYUNG GI GZHAN DU NI MA YIN NO, ,RGYU THA MI DAD PA BDAG GAM RGYU DANG 'BRAS BUR GYUR PA DAG LA, GNOD PAR BYA BA DANG GNOD PAR BYED PA'I DNGOS PO RIGS PA MA YIN TE, DPER NA BUD SHING GCIG LAS BYUNG BA'I ME DANG DU BA BZHIN NAM, YANG NA BDAG GIR 'DZIN PA DANG BAG CHAGS BZHIN TE, HA CANG THAL BAR 'GYUR BA'I PHYIR RO, ,CIG CAR MI SKYE BA NI DE'I NYE BAR LEN PA'I SEMS CAN CIG CAR RIGS MTHUN PA'I SEMS GNYIS 'PHEN PAR MI NUS PA'I PHYIR RO, ,BDE BA DANG SDUG BSNGAL NGAG KYANG PHAN TSUN 'GAL BA MA YIN TE, 'DI LTAR BDE BA DANG SDUG BSNGAL DAG NI RNAM PA GNYIS TE YID LAS BYUNG BA DANG, YUL LAS SKYES PA'O, ,DE LA RE ZHIG GANG DAG YID LAS BYUNG BA DAG NI SDANG BA DANG CHAGS PA DE DAG DANG MTSUNGS PAR LDAN PA'I 'DOD CHAGS DANG ZHE SDANG DAG DANG GRUB PA DANG BDE BA GCIG PA NYID KYIS SO, ,DE BZHIN DU PHYIN CI LOG NYID DANG, THA MI DAD PA'I BDAG GI NGO BO 'DZIN PA NYID DANG BDAG TU 'DZIN PA'I SKYE GNAS GCIG PA CAN NYID DANG, RGYU DANG 'BRAS BU'I DNGOS PO YIN PA'I PHYIR PHAN TSUN 'GAL BA'I SRID PA MA YIN NO, ,GANG YANG YUL LAS SKYES PA DE DAG KYANG PHAN TSUN RGYU THA DAD PAR MA NGES PA'I PHYIR 'GAL BA YANG MA YIN TE, 'DI LTAR GANG KHO NA LAS BDE BA 'BYUNG BA DE NYID LAS SHIN TU BSTAN PA'I PHYIR SDUG BSNGAL YANG YIN PA'I PHYIR 'DI DAG GI RGYU DANG THA DAD PAR NGES PA YOD PA MA YIN LA, DE LTAR BDAG MED PAR MTHONG BA DANG CIG SHOS NI MA YIN NO, ,GZHAN YANG 'DI GNYIS GANG YANG YUL GYI STOBS KYIS 'BYUNG BA NYID KYI

300a

, ,STOBS MTSUNGS PA NYID YIN GYI LAM DANG NYES PA BDAG NI DE LTA BU MA YIN TE, LAM KHO NA YANG DAG PA'I DON GYI YUL CAN YIN PA NYID KYI STOBS DANG LDAN PA'I PHYIR NYES PA RNAMS NI MA YIN NO, ,GZHAN YANG BDE BA DANG SDUG BSNGAL NI YUN RING POR MI GNAS PA CAN YIN GYI BDAG MED PAR DA LTA BA NI DE LTA BU MA YIN NO, ,DE NI DE'I BDAG NYID YIN PA DE NYID KYIS RANG GI DANG MI 'BRAL BA'I PHYIR RO ZHES SNGAR BSTAN ZIN TO, ,DE BAS NA 'KHRUL BA MED DO, ,CIG CAR NI SKYE BA'I RGYU NI BSHAD ZIN TO, ,GANG YANG RJES SU DPAG PAS DNGOS PO MA LUS PA GNAS PA'I BDAG MED PA NGES PAR GZUNG BA RNAMS LA YANG 'DOD CHAGS LA SOGS PA SKYE BA YIN NO ZHES ZER BA DE YANG MI RIGS TE, GANG GI PHYIR BSGOMS PA LAS BYUNG BA GSAL BAR SNANG BA NYID KYIS BDAG MED PA'I DNGOS PO MNGON SUM DU BYED PA'I SHES PA RTOG PA MED PA DANG TSAD MAS GRUB PA'I DON GYI YUL CAN YIN PA NYID KYIS KYANG MA 'KHRUL BA'I BDAG MED PAR MTHONG BA DE NI BDAG TU LTA BA RTZAD NAS GTAN 'BYIN PAS GNYEN POR BRJOD KYI THOS PA DANG BSAMS PA LAS BYUNG BA NI MA YIN NO, ,'DI LTAR THOG MA MED PA'I DUS NAS GOMS PA'I PHYIR DRI MA RNAMS NI RTZA BA SHIN TU BRTAN PA'I PHYIR RIM GYIS MI MTHUN PA'I PHYOGS 'PHEL BAS SGRIB PA NA ZAD PA YIN GYI, LAN CIG THOS PA NI MA YIN TE, DPER NA GRANG BA'I REG PA MED LA REG PA TZAM GYIS LDOG PA NI MA YIN PA BZHIN NO, ,GANG GIS 'KHRUL BAR 'GYUR BA THOS PA DANG BSAMS PA LAS BYUNG BA'I BDAG MED PA'I SHES PA MNGON DU GYUR BA NA 'DOD CHAGS LA SOGS PAS 'BYUNG BA GRUB PA YANG MA YIN TE, 'DI LTAR 'DOD CHAGS LA SOGS PA'I KUN NAS DKRIS PA SKYES NAS MI SDUG PA LA SOGS PA YID LA BYED PA'I STOBS DES BDE BAR GSHEGS PA RNAMS SPANG BAR BYED PA KHO NA'O, ,DE NYID KYI 'DI DAG DBANG DU GYUR PA NUS PA NYAMS PA MED PAR MA GRUB BO, ,'DI DAG BDAG MED PA MTHONG BA DANG 'GAL NA YANG DE NYID KYI PHYIR RNAM PAR GZHAG STE, DE MNGON DU PHYOGS NA 'GRIB PA'I PHYIR RO, ,GANG DAG GANG NYE BAR BLANGS PA LAS 'GRIB PA'I CHOS CAN DE DAG NI DE SHIN TU 'PHEL BA MED PAR RGYUN 'CHAD PA'I CHOS CAN DU 'GYUR BA YIN TE, JI LTAR CHU LA SOGS PA 'PHEL BA NA ME 'BAR BA BZHIN NO, ,NYES PA RNAMS KYANG BDAG MED PA'I SHES PA NYE BAR BLANGS

300b

PA LAS 'GRIB PA'I CHOS CAN YIN PA'I PHYIR DE SHIN TU 'PHEL BA NA JI LTAR GNAS PA RNYED PAR 'GYUR, DE BAS NA GTAN TSIGS MA NGES PA MA YIN NO, ,MTHUN PA'I PHYOGS LA YOD PA'I PHYIR 'GAL BA NYID KYANG MA YIN NO, ,DE LTAR NYON MONGS PA'I SGRIB PA SPANGS PAR BSGRUBS NAS SHES BYA'I SGRIB PA SPANG BAR BSGRUB PAR BYA BA'I PHYIR, KHYAD PAR MNGON SUM BYAS PA'I PHYIR, ,ZHES BYA BA SMOS TE, MNGON SUM DU BYAS PA NI MNGON SUM DU BYED PA'O, ,GANG ZHE NA, BDAG MED PAR ZHES BYA BAR GO STE, SKABS SU BAB PA'I PHYIR RO, ,DE'I KHYAD PAR NI RNAM PA MANG DU THABS MONG POS DUS MANG PO RNAM PA THAMS CAD KYIS TE, DE DANG DE'I MI MTHUN PA'I PHYOGS LA YON TAN DANG SKYON DANG SHIN TU GSAL BAR 'GYUR BA'O, ,DE NYID KYI PHYIR NYAN THOS LA SOGS PA BDAG MED PA MTHONG NA YANG THAMS CAD MKHYEN PA NYID MA YIN TE, RNAM PA DE LTA BU PHYIS GOMS PA'I KHYAD PAR MED PAS SHES BYA'I SGRIB PA MA SPANGS PA'I PHYIR RO, ,SBYOR BZHI GANG ZHIG GUS PAS RGYUN MA CHAD PA'I DUS RING PO'I KHYAD PAR GYIS GOMS PA DE NI GZUNG BAR BYA BA THAG RING DU 'JUG PA BZHIN DU SNANG BA'I SHES PA 'BRAS BU CAN YIN TE, 'DI LTA STE DPER NA 'DOD PAS GDUNGS PA 'DOD PA GOMS PAR BYED PA BZHIN NO, ,RNAM PA THAMS CAD KYI CHOS THAMS CAD LA YOD PA'I BDAG MED PA BSGOM PA'I SNYING RJE CAN YANG JI SKAD DU BSHAD PA'I KHYAD PAR GSUM DANG LDAN PA YIN NO ZHES BYA BA NI RANG BZHIN GYI GTAN TSIGS SO, ,GTAN TSIGS MA GRUB PA YANG MA YIN TE, SNYING RJE CAN NI DON DU GNYER BA NYID KYIS DE LTAR 'JUG PA SRID DO ZHES BSGRUBS ZIN PA'I PHYIR RO, ,MA NGES PA NYID KYANG MA YIN TE, GANG GI PHYIR CHOS THAMS CAD LA YOD PA'I BDAG MED PA LA DMIGS PA'I YID KYI RNAM PAR SHES PA NI CHOS CAN YIN LA, JI SKAD DU BSHAD PA'I KHYAD PAR GSUM DANG LDAN PA'I GOMS PA DANG 'BREL PA'I RGYUS GSAL BAR SNANG BA NYID NI BSGRUB PAR BYA BA YIN TE, BSGRUB PAR BYA BA'I CHOS 'DIS JI SKAD DU BSHAD PA'I SGRUB PAR BYED PA'I CHOS LA KHYAB BA GRUB TE, GSAL BAR SNANG BA NYID NI RGYUN GZHAN LA MI LTOS PA'I PHYIR RO, ,DE LTA YIN DANG SHUGS LAS THAMS CAD MKHYEN PA NYID KYIS KHYAB PA GRUB PA YIN TE, GANG GI PHYIR DNGOS PO THAMS CAD LA YOD PA'I BDAG MED PA LA SOGS PA'I YID KYI CHOS CAN LA GSAL

301a

, ,BAR SNANG GANG YIN PA DE NYID 'DI'I THAMS CAD MKHYEN PA YIN GYI GZHAN NI MA YIN TE, 'DI LTAR BSGOM PA LA BSGOM PAR BYA BA'I DNGOS PO'I GSAL BAR SNANG BA NYID KYIS SPYIR KHYAB PA GRUB PA NA SHUGS KYIS THAMS CAD MKHYEN PA NYID KYIS KYANG KHYAB PAR GRUB PA YIN TE, JI SKAD DU BSHAD PA'I CHOS CAN LAS GZHAN LA GSAL BAR SNANG BA NYID MI SRID PA'I PHYIR RO, ,'DIS NI 'DIR YOD PAR SGRUB PA LA SKYON SMRAS PA GANG YIN PA DE DAG GSAL BA YIN TE, THAMS CAD MKHYEN PA YOD PAR BSGRUB PA'I PHYIR DANG RAB TU GRAGS PA'I CHOS CAN YID LA GSAL BAR SNANG BA NYID BSGRUB PAR BYA BA YIN PA'I PHYIR DANG, DE LTAR RNAM PA 'DIS BSGRUB PA'I PHYIR DANG, KHYAD PAR MNGON SUM DU BYAS PA'I PHYIR DANG, LUS NGAG YID GSUM DANG MI MTHUN PA'I MTSAN NYID KYIS KHYAB PA'I BAG CHAGS RNAMS SPANGS PA SGRIB PA GNYIS SPANG BAR GRUB PO, ,DE'I PHYIR SGRIB PA THAMS CAD LAS RNAM PAR GROL BAS THAMS CAD MKHYEN PA NYID GRUB PO, ,GAL TE 'DI SNYAM DU SPYIR GRUB KYANG BDE BAR GSHEGS PA NI MA GRUB PO SNYAM DU SEMS NA, 'DI YANG, BDE BAR GSHEGS PA NYID DU 'DOD, ,CES BYA BA LA SOGS PA SMOS TE, JI SKAD DU BSHAD PA'I THAMS CAD MKHYEN PA NYID 'DI BDE BAR GSHEGS PA KHO NA YIN PAR GRUB PAR 'DOD DE, SER SKYA LA SOGS PA NI MA YIN NO, ,CI'I PHYIR ZHE NA, THOG MAR BDAG MED GSUNG PHYIR RO, ,DE SKAD DU BSTAN PA YIN TE, GANG GI PHUNG PO LA SOGS PA BSTAN PA'I DON DU DNGOS POR THAMS CAD KYI RNAM PA THAMS CAD THOG MAR DNGOS PO BDAG MED PA 'DI YANG SGROGS PAR GRUB PA'I SKYES BU'I KHYAD PAR DE NYID DANG POR CHOS THAMS CAD KYI SNA TSOGS PA'I RAB TU BYED PA'I BDAG MED PA SGROGS PA'I 'BRAS BU'I GTAN TSIGS LAS KHO BO CAG GIS BDE BAR GSHEGS PA ZHES BRJOD DO, ,DE'I NYE BAR BSTAN PA 'DIS BLANG BA DANG DOR BA'I DE KHO NA NYID THABS DANG BCAS PA BSTAN PA MA LUS PA'I YE SHES BSGRUB PAR BYA BA YIN TE, YE SHES DE DANG LDAN PA'I PHYIR DANG, 'DI THAMS CAD MKHYEN PA DANG TSAD MAR GRUB PA YIN PAS DES GSUNGS PA BSGRUB PAR 'DOD PA RNAMS KYIS BSGRUB PAR BYA BA'I PHYIR RAB TU SBYAR BA YIN GYI SRIN PU'I GRANGS LA SOGS PA MKHYEN PAS NI MA YIN NO, ,'ON KYANG SRIN PU'I GRANGS LA SOGS PA LA YANG DE'I YE SHES SRID PAR SGRUB PAR

301b

BYA BA YIN GYI, DE KHO NA NYID BSTAN PA MA LUS PA MKHYEN PA NI GTZO BOR YIN TE, 'DI LTAR GSUNG RAB LA THEG PA GSUM GYI YUL CAN BSTAN NA YANG SDUG BSNGAL LA SOGS PA'I MTSAN NYID KYI BDEN PA BSTAN PA NI TSIG GCIG YIN PA'I PHYIR DANG, THABS SNA TSOGS KYIS BDEN PA BZHI GSAL BAR MDZAD PA'I PHYIR DANG, TSAD MAS MI SLU BA'I BDAG MED STON PA POS BDAG MED PA'I DE KHO NA NYID KYI YE SHES GANG LA GRUB PA'I STON PA PO DE NYID SNGA MA DANG PHYI MA'I 'GAL BA STON PAS CHA SHAS LA YANG YE SHES KYIS 'DI'I MA LUS PA'I YE SHES RJES SU DPAG PAR BYA BA YIN TE, RNAM PA THAMS CAD MI SHES PA STON PA'I NUS PA MED PA'I MTSAN NYID MA LUS PA SPANGS PA'I PHYIR RO, ,SKYON DANG YON TAN GYI RNAM PA THAMS CAD MI SHES PA DANG DE STON PA LA MI MKHAS PA NI DE LTAR STON PAR BYED PA MA YIN NO, ,RIG BYED LAS MKHYEN NAS STON PAR MDZAD DO ZHES KYANG RIGS PA MA YIN TE, DE NI SKYES BUS BYAS PA NYID DU BSGRUBS ZIN PA'I PHYIR RO SNYAM DU BSAMS PA YIN NO, ,DES NA BCOM LDAN 'DAS NI YE SHES KHYAD PAR DU 'PHAGS PA DANG LDAN PA'I PHYIR MU STEGS BYED MTHA' DAG GI SPYI BOR BZHUGS SO ZHES BYA BAR GRUB PO, ,DE NYID KYI PHYIR JI SKAD DU BSHAD PA'I YE SHES KHYAD PAR DU 'PHAGS PA DANG LDAN PA'I BCOM LDAN 'DAS DANG LHAN CIG GZHAN DANG MTSUNGS PA MA YIN NO ZHES BSTAN PA'I PHYIR, TSAD MAS MI SLU BA'I ZHES BYA BA LA SOGS PA SMOS TE, GANG GI PHYIR 'DI DAG SHES PA KHYAD PAR DU 'PHAGS PA DANG LDAN PA NYID DU SGRUB PAR BYED PA'I GTAN TSIGS 'GA' YANG YOD PA MA YIN TE, GTAN TSIGS SU 'GYUR BA NI TSIG ,CES BYA BA'I 'BRAS BU NYID GTAN TSIGS SU 'GYUR LA, DE YANG 'DI DAG NI TSAD MA DANG 'GAL BA'I DON STON PAR BYED PA'I PHYIR JI LTAR 'DI LAS DE DAG SHES PA KHYAD DU 'PHAGS PA NYID DU RTOGS PAR 'GYUR RO, ,BDE BAR GSHEGS PA'I GSUNG YANG TSAD MA DANG 'GAL BA YIN NO ZHE NA, 'BREL PA DANG NI RJES MTHUN THABS, ZHES BYA BA LA SOGS PA SMOS TE, 'BREL PA NI TSIG RNAMS DON GCIG LA SDUD PAS PHAN TSUN 'BREL PA YIN GYI SE'U BCU LA SOGS PA'I NGAG BZHIN DU MA 'BREL PA MA YIN NO, ,RJES MTHUN NI SGRUB PAR NUS PA NYID KYI BDAG MED PA BSGOM PA LA SOGS PA'I MTSAN

302a

, ,NYID KYI THABS NYE BAR BSTAN PA GANG LA YOD PA DE LA DE SKAD CES PA'O, ,DUG ZHI BAR BYA BA'I PHYIR 'JOG PO'I GTZUG GI RGYAN GYI MAN NGAG BZHIN DU THABS DES SGRUB PAR MI NUS PA NI MA YIN NO, ,SKYES BU'I DON NI MNGON PAR MTHO BA DANG NGES PAR LEGS PA'I MTSAN NYID DE, DE RJOD PAR BYED PA YIN GYI BYA ROG GI SO BRTAGS PA BZHIN DU SKYES BU'I DON GYI 'BRAS BU MED PA CAN NI MA YIN NO, ,'ON TE 'DI THAMS CAD SER SKYA LA SOGS PA'I TSIG DAG LA YANG YOD PA MA YIN NAM ZHE NA, MTHONG DON ZHES BYA BA LA SOGS PA SMOS TE, MTHONG BA NI MNGON SUM DANG RJES SU DPAG PA'I YUL DANG YUL MA YIN PA NYID DU MNGON PAR 'DOD [?] PA'I TSAD MA GNYIS KYIS NI MNGON SUM DANG RJES SU DPAG PA GNYIS SO, ,GNOD PA MED PA NI JI LTAR BSTAN PA'I DON DE LTAR YOD PA'I PHYIR TE, 'DI LTAR MNGON PA LA SOGS PA DANG, BDE BA DANG, SDUG BSNGAL BA DANG, MTSAN MAR 'DZIN PA DANG, 'DOD CHAGS LA SOGS PA DANG, BLO'I MTSAN NYID KYI PHUNG PO LNGA PO MNGON SUM NYID DU MNGON PAR 'DOD PA NI RNAM PA GZHAN DU MI SRID PA MNGON SUM MA YIN PA NYID DU MNGON PAR 'DOD PA RNAMS KYANG MNGON SUM MA YIN PA KHO NA YIN TE, JI LTAR GZHAN GYI MNGON SUM DU MNGON PAR 'DOD PA GZUGS DANG SGRA LA SOGS PA LA 'DU BA'I BDE BA LA SOGS PA RNAMS DANG, RDZAS DANG, LAS DANG, SPYI DANG LDAN PA LA SOGS PA LTA BU'O, ,DE BZHIN DU DNGOS PO'I STOBS KYIS ZHUGS PA'I RJES SU DPAG PA'I YUL NYID MNGON PAR 'DOD PA RNAMS DE LTA BU KHO NA YIN TE, DPER NA 'PHAGS PA'I BDEN PA BZHI LTA BU'O, ,YUL MA YIN PA NYID DU MNGON PAR 'DOD PA RNAMS KYANG YUL MA YIN PA NYID KHO NA'O, ,JI LTAR GZHAN GYI DNGOS PO'I STOBS KYIS ZHUGS PA'I RJES SU DPAG PA'I YUL NYID DU MNGON PAR 'DOD PA BDAG LA SOGS PA RNAMS LTA BU'O, ,'ANG GI SGRAS NI MA MTHONG BA LA YANG RNAM PAR 'GYUR BA MA YIN NO ZHES BSTAN PA YIN NO, ,DE LTAR 'DOD CHAGS LA SOGS PA'I NGO BO DANG CHOS MA YIN PA DE LAS BYUNG BAR BSTAN NAS DE SPANG BAR BYA BA'I PHYIR DE'I RGYU BDAG TU LTA BA DANG 'GAL BA BDAG MED PAR LTA BA NYID GA NYEN POR STON GYI SER SKYA LA SOGS PA'I BSTAN BCOS BZHIN DU DE'I RGYU DANG MI 'GAL BA KHRUS DANG ME'I SBYIN SREG LA SOGS PA NYE BAR STON PA NI MA YIN NO, ,DE NYID KYI PHYIR BCOM LDAN 'DAS KYIS

302b

RNAM PAR DAG PA'I GSER BZHIN DU 'DI NI MKHAS PA RNAMS KYIS YONGS SU BRTAGS NAS GZUNG BAR BYA'O ZHES GSUNGS PA YIN NO ZHES BYA BA 'DI BSTAN PAR BYA BA'I PHYIR, SREG DANG ZHES BYA BA LA SOGS PA SMOS TE, JI LTAR GSER SBYANGS PAS DRI MA MED PA STE SKYON DANG BRAL BA YONGS SU RTOGS NA BSREGS PA LA SOGS PA RNAMS KYIS MI 'GYUR BA LTAR, BCOM LDAN 'DAS KYI GSUNG RIN PO CHE YANG BSREGS PA DANG 'DRA BAR MNGON SUM GYIS DANG, BDAR BA LTA BUR DNGOS PO'I STOBS KYIS ZHUGS PA'I RJES SU DPAG PA DANG, BCAD PA'I DPAS MTSON PA'I LUNG LA LTOS PA'I RJES SU DPAG PAS KYANG RNAM PAR 'GYUR BA MA YIN TE, DES NA RTOGS PA SNGON DU BTANG BA RNAMS RNAM PA DE LTA BU'I LUNG NYID LAS 'JUG PAR RIGS KYI GZHAN LAS NI MA YIN NO SNYAM DU BSAMS PA YIN NO, ,'DIR RIN PO CHE DANG CHOS MTSUNGS PAR BSTAN PA'I PHYIR, BLO GROS NGAN PA'I ZHES BYA BA LA SOGS PA SMOS TE, BLO NGAN PA NYID NI MUN PA YIN TE; LONG BAR BYED PAS SO, ,DE 'JOMS PA NI 'JIG PA STE, DE LA RJES SU MTHUN PA 'BYUNG BA GANG LA YOD PA DE LA DE SKAD CES BYA'O, SDIG CAN RNAMS KYIS ZHES BYA BA NI BSOD NAMS DANG MI LDAN PA RNAMS KYIS SO, ,'DAS MA THAG TU GSAL BAR BSHAD, ,CES BYA BA NI JI SKAD DU BSHAD PA'I TSIG CES BYA BA'I 'BRAS BU'I RTAGS LAS SKYES PA'O, ,RGYAL BA SANGS RGYAS SOGS SKYES BU, ,ZHES BYA BA LA SOGS PA LA, MU STEGS CAN ZHES BYA BA LA SOGS PA SMOS TE, JI SKAD DU BSHAD PA'I YE SHES KHYAD PAR DU 'PHAGS PA DANG LDAN PA'I PHYIR BCOM LDAN 'DAS BDUD BA TUL BA NI KHYU MCHOG DANG SDONG RIS LA SOGS PA LAS KHYAD PAR DU GRUB PA NA YANG BDEN PAR SMRA BA KHYED CAG GI KHYAD PAR BZUNG BA MA YIN NO ZHES BRJOD PAR MI RIGS SO ZHES BYA BA NI SPYI'I DON TE, 'DI SNYAM DU RTZIS LA SOGS PA PHYOGS GCIG GIS DON LA MI SLU BA'I PHYIR KHO BO CAG GIS GNYI GA YANG KHYAD PAR MED PAR BRJOD PA YIN NO SNYAM DU SEMS NA, YI GE'I PHYI MO RIG TZAM GYIS, , ZHES BYA BA LA SOGS PA SMOS TE, YI GE'I PHYI MO NI GRUB PA'I DNGOS PO'I 'BRAS BU CAN NO, ,GTAN TSIGS GANG GIS GCIG NYID LA, ,ZHES BYA BA LA SOGS PA LA, DES NA GTAN TSIGS GANG ZHIG GIS, ,ZHES BYA BA LA SOGS PA SMOS TE, DES NA ZHES BYA BA NI DE'I PHYIR RO, ,DE'I GTAN TSIGS DNGOS MED PHYIR, ,

303a

, ,ZHES BYA BA NI GAL TE, PHYIN CI MA LOG PA'I DON CAN DON THAMS CAD KHYAB PA'I 'GYUR BA SMRA BA LA SOGS PA RNAMS STON PA PO YIN PA'I PHYIR SGRA TZAM YOD PA DE LTA NA YANG DNGOS PO DANG 'BREL PA DE'I GTAN TSIGS KYI DNGOS PO GTAN TSIGS KYI DON MED PA'I PHYIR GTAN TSIGS KYIS 'DI SER SKYA LA SOGS PA GZHAN LA YOD PA MA YIN NO, ,DNGOS PO KHO NA DNGOS PO DANG 'BREL PA'I PHYIR DNGOS PO GO BAR BYED PA YIN GYI SGRA TZAM NI MA YIN NO, ,RGYAL BA KUN MKHYEN DU SGRUB LA, ,ZHES BYA BA LA SOGS PA LA, RGYAL BA KUN MKHYEN ZHES BYA BA LA SOGS PA SMOS TE, MA KHROS PA ZHES BYA BA NI KHRO BA DANG BRAL TE DE DAG NI RTZE BA KHO NAS GZHAN RJES SU GZUNG BAR BYA BA'I PHYIR 'JUG PA'I PHYIR TE, KHYED CAG LTAR SDANG BA DANG NGA RGYAL BA LA SOGS PA NI MA YIN NO, ,DE LTAR ZHES BYA BA NI DES NYE BAR BSTAN PA'I 'GYUR BA SMRA BA LA SOGS PA SUN PHYUNG BA NYID DU BSTAN PA'I PHYIR RO, ,DE DAG RNAMS KYI MI GNAS PA'I, ,ZHES BYA BA LA SOGS PA LA, 'BREL BA GRUB PA'I ZHES BYA BA LA SOGS PA SMOS TE, 'BREL PA GRUB PA'I ZHES BYA BA NI DNGOS PO'I STOBS KYIS ZHUGS PAS GRUB PA DE'I BDAG NYID DE LAS BYUNG BA'I MTSAN NYID KYI 'BREL PA ZHES BYA BA'I DON TO, ,GANG ZHIG CES BYA BA NI GANG GI PHYIR RO, ,DES NA ZHES BYA BA NI DE'I PHYIR RO, ,GANG ZHIG SHES BYA GZHAL BYA NYID; ,CES BYA BA LA SOGS PA LA, RNAM PA THAMS CAD MKHYEN PA NYID DANG ZHES BYA BA LA SOGS PA SMOS TE, DON GZHAN SGRUB PAS DON GZHAN DGAG PA BSGRUB PAR 'DOD PAS DNGOS SAM BRGYUD PAS 'GAL BA NYID BSGRUBS PA LAS 'GAL BA RTOGS PAR BYA'I MI 'GAL BA NI MA YIN TE, DE LTA MA YIN PA GANG YANG RUNG BA ZHIG BSGRUBS PAS THAMS CAD BKAG PAR 'GYUR RO, ,THAMS CAD MKHYEN PA NI ZHES BYA BA LA SOGS PA DAG DANG LHAN CIG DNGOS SAM BRGYUD PAS 'GAL BA 'GA' YANG YOD PA MA YIN TE, ,'DI LTAR NGES PAR DPYAD PA NA DNGOS PO RNAMS KYI 'GAL BA NI RNAM PA GNYIS KHO NAR GNAS TE, DPER NA DNGOS PO DANG DNGOS PO MED PA'AM RIM DANG RIM MA YIN PA DAG LTA BUR PHAN TSUN SPANGS TE GNAS PA'I MTSAN NYID DAM, RNAM PA GCIG TU NA DPER NA ME DANG GRANG BA'I REG PA DE DAG BZHIN DU LHAN CIG MI GNAS PA'I MTSAN NYID DO, ,DE LA RE ZHIG THAMS CAD MKHYEN PA NYID NI SHES BYA NYID LA SOGS PA DANG LHAN CIG

303b

'GAL BA DANG PO SRID PA MA YIN NO ZHES BSTAN PA'I PHYIR, SHES BYA MIN SOGS ZHES BYA BA LA SOGS PA SMOS TE, GANG YONGS SU GCOD PA GANG RNAM PAR BCAD PA MED NA MI 'BYUNG BA DE DAG KHO NA PHAN TSUN 'GAL TE GNAS PA'I MTSAN NYID 'GAL BA ZHES SNGAR BSHAD ZIN TO, ,SHES BYA LA SOS PA NI THAMS CAD MKHYEN PA NYID RNAM PAR BCAD NAS GNAS PA YANG MA YIN NO, ,'O NA CI ZHE NA, SHES BYA MA YIN PA LA SOGS PA RNAM PAR BCAD NAS SO, ,'GAL BA GNYIS PA YANG SRID PA YANG MA YIN NO ZHES BSTAN PA'I PHYIR RO, ,LA LAR THAMS CAD MKHYEN PA NYID, CES BYA BA LA SOGS PA SMOS TE, GANG ZHIG RGYU MA TSANG BA MED PAR 'BYUNG BA NA GANG NYE BA LAS MI 'BYUNG BA MED DE DE DAG KHO NA LHAN CIG MI GNAS PA'I MTSAN NYID KYI 'GAL BA YIN LA, GANG GI PHYIR YOD PA NYID LA SOGS PA YOD PA NA LDOG PA ZHES BYA BAR 'GYUR BA THAMS CAD MKHYEN PA 'DI SNGAR MA TSANG BA MED PAR 'JUG PAR MTHONG BA YANG MA YIN NO, ,CI'I PHYIR MI 'JUG CE NA, RANG BZHIN RANG RIG MED PA NA, ,ZHES BYA BA LA SOGS PA SMOS TE, GAL TE YOD PA NYID DANG SHES BYA NYID DANG SHES BYA NYID YOD PA NA THAMS CAD MKHYEN PA NYID LDOG PA YIN NO ZHES KHYED KYI KHAS LEN PA DE LTA NA NI YOD PA LA SOGS PA NYE BA LAS SNGAR 'DI'I MED PA NYID DANG RANG RIG PAS KYANG SHES PAR BYA BA MA YIN PA NYID CES KHAS BLANGS PAR 'GYUR LA, DE LTA YIN DANG MED PA NYID KYIS RANG BZHIN MED PA DANG SHES BYA MA YIN PA'I PHYIR RANG RIG PA MA YIN PA NA THAMS CAD MKHYEN PA'I SKYE BA STE 'BYUNG BA MA YIN PA'I PHYIR DE JI LTAR SNGAR 'JUG CING PHYIR LDOG PA ZHES BYA PAR 'GYUR, RANG BZHIN MED PA'I SKYE BA SRID PA MA YIN LA MI DMIGS PA LA YOD PAR RNAM PAR GZHAG PA'I RGYU MTSAN YANG MED DE, DNGOS PO YOD PA RNAM PAR GZHAG PA'I RGYU MTSAN NI SHES PA MA YIN PA'I PHYIR RO, ,DE LTA BAS NA RANG GI TSIG DANG 'GAL BA YIN NO SNYAM DU BSAMS PA YIN NO, ,GZHAN YANG GAL TE 'DIS SNGAR 'JUG PAR KHAS LEN NA DE'I TSE 'BAD PA MED PAR THAMS CAD MKHYEN PA NYID DU GRUB PA YIN NO, ,DES NA DE SPANG BAR RIGS PA MA YIN NO, ,DE LTA MA YIN NA RANG GI TSIG DANG 'GAL BAR 'GYUR RO ZHES BSTAN PA'I PHYIR, DE LTAR SNGAR 'JUG YOD PA NA, ,ZHES BYA BA LA SOGS PA SMOS TE, SNGAR 'JUG PA'I THAMS CAD MKHYEN PA KHAS LEN NA ZHES LHAG

304a

, ,MA'O; ,YANG CI STE, SHES BYA LA SOGS MI 'GAL MOD, ,DE LTA NA YANG THAMS CAD MKHYEN PA MED PAR GOMS PAR BYED PA YIN NO SNYAM NA, 'GAL BA MED PA BSGRUBS PA YIS, ,ZHES BYA BA LA SOGS SMOS SO, ,GAL TE YANG THAMS CAD MKHYEN PA NYID SHES BYA NYID LA SOGS PA MI 'GAL NA YANG SMRA BA NYID DANG NI 'GAL BA KHO NA STE, BRGYUD NAS DE'I RGYU RNAM PAR RTOG PA DANG THAMS CAD MKHYEN PA NYID LHAN CIG MI GNAS PA'I PHYIR RO, ,'DI LTAR MA BRTAGS MA DPYAD PAR TSIG TU MI SMRA'O ZHES BYA BA'I RIGS PAS TSIG GI RGYU NI RNAM PAR RTOG PA YIN LA, RNAM PAR RTOG PA THAMS CAD BRJOD PA DANG 'DRA BA NYID KYI DNGOS PO'I RANG GI NGO BO 'DZIN PA MA YIN TE, DE NI RTOG PA MED PA'I SHES PA'I SPYOD YUL YIN PA'I PHYIR RO, ,DE LTA BAS NA RNAM PAR RTOG PA'I GNAS SKABS NA DNGOS PO'I RANG GI NGO BO MI SHES PA'I PHYIR THAMS CAD MKHYEN PA YOD PA MA YIN PAS SMRA BA PO 'DI BRJOD PAR 'DOD PA'I THAMS CAD MKHYEN PA'I MTSAN NYID LAS RGYU MI DMIGS PAS LDOG PA NGES SO ZHES GRUB PA'I PHYIR GTAN TSIGS MA NGES PA YIN NO, ,SMRA BAR BRJOD PA'I GTAN TSIGS 'DI YANG, GANG ZHIG SHES BYA GZHAL BYA NYID, ,DNGOS PO YOD NYID SOGS ZHES BYA BA 'DIR SOGS KYI SGRAS 'PHAR BA KHO NA'O SNYAM DU GANG SEMS PA 'DI DE 'DIR SOGS PA'I ZHES BYA BA LA SOGS PAS DOGS PA BSU NAS 'DIR YANG THAMS CAD MKHYEN PA ZHES BYA BA LA SOGS PAS LAN 'DEBS PAR BYED DE, ,KHA CIG NI BCOM LDAN 'DAS RNAM PAR RTOG PA MNGON SUM DU GYUR BA NYID KYIS SMRA BA YIN NO ZHES KHAS LEN PA, GZHAN DAG NI BCOM LDAN 'DAS KYI GSUNG 'JUG PA NI RNAM PAR RTOG PA MED NA YANG THAMS CAD MKHYEN PA ZHES SNGON GYI SMON LAM GYI DBANG GIS SO ZHES RJOD PAR BYED DO, ,DE LA GZHUNG LUGS DANG PO LA GAL TE RNAM PAR RTOG PA'I GNAS SKABS SU THAMS CAD MKHYEN PA NYID MA YIN PAR SGRUB PAR BYED NA DE'I TSE GRUB PA LA SGRUB PA NYID DE, DE DAG GIS DE'I GNAS SKABS NA BCOM LDAN 'DAS THAMS CAD MKHYEN PA MA YIN PAR 'DOD PA KHO NA'O, ,CI STE RTOG PA MED PA'I GNAS SKABS NA THAMS CAD MKHYEN PA MA YIN PAR SGRUB PAR 'DOD NA DE'I TSE GTAN TSIGS MA GRUB PA NYID YIN TE, DE'I TSE KUN NAS SLONG PAR BYED PA'I RNAM PAR RTOG PA MED

304b

PA'I PHYIR GNAS SKABS DE NI TSIG 'JUG PA MA YIN NO, ,GAL TE RNAM PAR RTOG PA'I GNAS SKABS NA THAMS CAD MKHYEN PA MA YIN PAR SMRA BA'I PHYIR TSAD MA MA YIN PA NYID DU 'GYUR BA MA YIN NA MA ZHES DOGS PA BSU NAS, DE LTA YIN NA'ANG DE LA NI, ,ZHES BYA BA LA SOGS PA SMOS TE, GAL TE DE'I GNAS SKABS NA THAMS CAD MKHYEN PA MA YIN PA DE LTA NA YANG 'DI THAMS CAD MKHYEN PA MA YIN PAS BYAS PAR MI 'GYUR RO, ,GANG LAS SHE NA, 'DI THAMS CAD MKHYEN PA NYID KYIS 'PHANGS PA'I PHYIR RO, ,DE NYID KYI PHYI 'DI NI THAMS CAD MKHYEN PA'I YE SHES KYI STOBS KYIS 'BYUNG BA'I RNAM PAR RTOG PAS KUN NAS BSLANG BA'I PHYIR RGYUD NAS DNGOS PO DANG 'BREL PAS RJES SU DPAG PA'I RNAM PAR RTOG PA BZHIN DU TSAD MA NYID DU 'GYUR BA YANG YIN NO, ,'DI NYID LA DPER BRJOD PA 'CHAD PA NI, 'GA' ZHIG DRO BA NYAMS MYONG NA, ,ZHES BYA BA LA SOGS PA SMOS TE, DE DON MYONG BA LAS BYUNG PHYIR, ,ZHES BYA BA NI DRO BA DE'I DON NYAMS SU MYONG BA'I PHYIR BRGYUD NAS RNAM PAR RTOG PA BYUNG BA ZHES BYA BA'I DON TO, ,DE LAS ZHES BYA BA NI DRO BA NYAMS SU MYONG BA'I TSIG LAS SO, ,'DI SNYAM DU GAL TE THAMS CAD MKHYEN PA LA RNAM PAR RTOG PA'I SHES PA YOD NA DE'I TSE 'KHRUL PAR 'GYUR RO, ,RNAM PAR RTOG PA NI RANG BZHIN GYIS RANG GI SNANG BA DON MED PA LA DON DU ZHEN NAS 'JUG PAS 'KHRUL PA'I PHYIR RO SNYAM DU SEMS NA, DE NI YOD PA MA YIN TE, ,GAL TE SGRO BTAGS PA DE DANG DE KHO NA NYID KYI BDAG NYID NGO BO RNAM PAR PHYE NAS MI SHES PA YIN NA DE'I TSE 'KHUR PAR 'GYUR NA, 'DI LTAR RNAM PAR RTOG PA'I YUL SGRO BTAGS PA NI SGRO BTAGS PA'I BDAG NYID KHO NAR NGES LA, PHYI ROL GYI DNGOS PO RNAM PAR RTOG PA MED PA'I SHES PA'I SPYOD YUL GYI DE KHO NA NYID KYI LOGS SHIG TU DE KHO NA NYID KYI BDAG NYID DU GZIGS PA NA JI LTAR PHYIN CI LOG CES BYA, GAL TE PHYIN CI LOG MA YIN NA JI LTAR RNAM PAR RTOG PA'I GNAS SKABS NA SGRO 'DOGS PAR BYED CE NA MA YIN TE, SGRA 'JUG PA'I THABS MKHYEN PA'I PHYIR RO, ,GANG GI SGRO BTAGS PA'I RNAM PAR RTOG PA LAS MA GTOGS PA GZHAN SGRA KUN NAS SLOD PAR BYED BA MA MTHONG BA LA SGRO BTAGS PA LAS GZHAN SGRA'I DON YANG MI DMIGS SO, ,DE BAS NA SGRA 'JUG PA'I THABS MKHYEN PA 'GRO BA LA THUGS BRTZE BAS DE KHO NA NYID JI LTA BA BZHIN DU THUGS SU CHUD

305a

, ,PA GZHAN LA MA BSTAN PAR BZHUGS PA MI SPYOD PA NA DE BSTAN PAR BZHED NAS SGRA 'JUG PA'I THABS SGRO BTAGS PA'I RNAM PAR RTOG PA DANG SGRO GDAGS PAR BYA BA'I BRJOD BYA DGOD PAR MDZAD PA YIN NO, ,'DI YANG PHYIR RGOL BA BGAGS PAR BYAS NAS LEN 'DEBS PAR 'GYUR TE, KHO BO CAG GIS NI 'DIR SKABS SU BAB PA'I PHYIR BRJOD PA YIN NO, ,DE NYID KYI PHYIR SMRA BA'I PHYIR 'DOD CHAGS DANG LDAN PA NYID RJES SU DPOG PA YANG RIGS PA MA YIN TE, RNAM PA GZHAN DU YANG TSIG 'JUG PA SRID PA'I PHYIR RO, ,GANG GI PHYIR G-YO BA DANG BRJOD PA LA SOGS PA NI 'DOD CHAGS LA SOGS PA KHO NA'I 'BRAS BU MA YIN TE, BRJOD PAR 'DOD PA SPYI'I RGYU CAN YIN PA'I PHYIR RO, ,BRJOD PAR 'DOD PA NYID DE YANG SNYING RJES 'DOD CHAGS DANG BRAL BA LA YANG SRID PA'I PHYIR 'KHRUL PA YIN NO, ,SNYING RJE DE NYID 'DOD CHAGS YIN NO ZHE NA, MI BYED PA NI CUNG ZAD MI 'DOD PAR 'GYUR BA NI MA YIN GYI, 'ON KYANG RTAG PA DANG BDE BA DANG BDAG DANG BDAG GIR LTA BAS 'PHANGS PA ZAD PA DANG BCAS PA'I DNGOS PO'I YUL CAN GYI SEMS KYI MNGON PAR ZHEN PA'I 'DOD CHAGS YIN PAR BRJOD LA, DE LA SNGON DU 'GRO BA CAN GYI BDAG DANG BDAG GI LA GNOD PA LA SDANG BA NI ZHE SDANG NGO, ,BDAG DANG BDAG GIR 'DZIN PA NI GTI MUG GO, ,SNYING RJE NI DE LTA BU MA YIN TE, DE NI BDAG TU 'DZIN PA MED PA YANG SDUG BSNGAL GYI KHYAD PAR MTHONG BA TZAM GYIS GOMS PA'I STOBS KHO NA LAS SKYE BA'I PHYIR RO, ,'DI LTAR BSTAN BCOS LAS 'DOD CHAGS DANG BRAL BA RNAMS LA CHOS LA SOGS PA LA DMIGS PA'I BYAMS PA LA SOGS PA 'BYUNG BAR BSHAD DO, ,'DI SNYAM DU THAMS CAD KYI YUL CAN GYI SHES PA MNGON DU PHYOGS PA TZAM GYIS SGRUB PAR BYED NA DE'I TSE GRUB PA LA SGRUB PAR 'GYUR TE, 'DI LTAR DNGOS PO MTHA' DAG GI DE KHO NA NYID SHES PA'I NUS PA NYID SGRUB PAR 'DOD DE, DES NA GRUB PA LA SGRUB PA MA YIN LA, ,GTAN TSIGS MA GRUB PA NYID KYANG MA YIN TE, TSIG TZAM GYI NUS PA GTAN TSIGS NYID DU BRJOD PAR 'DOD PA'I PHYIR RO SNYAM DU SEMS NA, ,DNGOS PO MTHA' DAG SHES PA YI, ,ZHES BYA BA LA SOGS PA SMOS TE, PHYOGS GNYI GA LA YANG GTAN TSIGS BSGRUB PAR BYA BA LAS BZLOG PA LA GNOD PA CAN GYI TSAD MA MED PA'I PHYIR, BZLOG PA THE TSOM ZA BA NYID KYIS GTAN TSIGS MA

305b

NGES PA YIN NO, ,GANG GI LTAR NA RNAM PAR MI BYED NA YANG BCOM LDAN 'DAS KYI GSUNG 'JUG PA YIN NO ZHES BYA BA'I PHYOGS DE LA, 'KHOR LO BSKOR BA ZHES BYA BA LA SOGS PA SMOS TE, 'DI LTAR 'KHOR LO DBYIG PAS BSKOR BA'I BYA BA DANG BRAL NAS YANG SNGA MA'I SHUGS KYI DBANG GIS 'KHOR BA DE LTAR BCOM LDAN 'DAS LA RTOG PA MTHA' DAG SPANGS PA'I SHES PA CAN DU GNAS NA'ANG SNGON GYI BSOD NAMS DANG YE SHES KYI TSOGS KYI SHUGS KYI DBANG GIS BSTAN PA 'JUG PA NYID YIN NO, ,BLO BZANG NI BDE BAR GSHEGS PA'O, ,RNAM PAR SHES PA TZAM DU SMRA BA KHA CIG GIS KHAS LEN PA DE LA MA GRUB PA NYID KYI GTAN TSIGS KYI SKYON GSAL LA RAB TU NGES PA NYID YIN NO, ,'DI SNYAM DU GZHUNG 'DI LA THAMS CAD RANG GI NGO BO SNANG BA NYAMS SU MYONG BA TZAM YIN PA'I PHYIR DON DAM PAR SMRA BA 'GA' ZHIG KYANG YOD PA MA YIN GYI, 'ON KYANG MNGON PAR ZHEN PA'I DBANG GIS GZHAN LA MI SMRA BA NA YANG DE LTA BUR SNANG BA'I SHES PA SKYES PA LA BDAG PO'I RKYEN GYI NGO BOS GNAS PA NA 'JIG RTEN SMRA BA NYID MNGON PAR ZHEN LA, 'JIG RTEN PAS RTOGS PA'I MNGON PAR ZHEN PA'I SMRA BA PO DE NYID GTAN TSIGS SU 'DOD DO, ,'DI LTAR GRUB PA'I MTHA' LA GRAGS PA'I GTAN TSIGS SA MA CHOS CAN BYED PA NI MA YIN NO, ,'O NA CI ZHE NA, 'JIG RTEN GRAGS PA KHO NA YIN PA DES NA GTAN TSIGS MA GRUB PA MA YIN NO SNYAM DU SEMS PA'I DOGS PA BSU NAS, GANG YANG 'JIG RTEN GYI ZHES BYA BA LA SOGS PA SMOS TE, 'DIR YANG SNGA MA BZHIN DU MI MTHUN PA'I PHYOGS LAS LDOG PA LA THE TSOM ZA BA'I PHYIR, GTAN TSIGS MA NGES PA YIN NO, ,'ON TE ZHES BYA BA LA SOGS PAS GZHAN GYI 'DIR RNAM PAR SHES PAR SMRA BA'I TSUL MA GRUB PA SMRAS PA GANG YIN PA DE SUN 'BYIN PA YIN TE, 'DI SNYAM DU SEMS TE, GNYI GA LA NGES PAR BRJOD PA GANG YIN PA DE KHO NA SGRUB PA'AM SUN 'BYIN PA YIN GYI, GANG YANG RUNG BA LA MA GRUB PA'AM THE TSOM ZA BA SRID PA NI MA YIN TE, DE YANG SGRUB PAR BYED PA LTOS PA'I PHYIR RO ZHES BYA BA'I RIGS PAS SO, ,TSAD MAS MI MTHAD [?] PA'I RNAM PAR SHES PA SMRA BA'I GZHUNG DE LA JI LTAR MA GRUB PAR STON, RANG GI 'DOD PA TZAM GYIS GRUB PA DANG MA GRUB PA YONGS SU BRTAGS PA LA SUN 'BYIN PA NI MA YIN NO, ,'ON CI ZHE NA, TSAD MA'I STOBS KYIS BSGRUB PA'I GRUB PA DANG MA GRUB PA

306a

, ,DAG LAS MA YIN NO, ,RNAM PAR SHES PA'I TSUL NI TSAD MA'I STOBS LAS GRUB PA MA YIN TE, 'DI RGYAS PAR BSTAN ZIN PA'I PHYIR RO SNYAM DU SEMS NA, BRJOD PA ZHES BYA BA LA SOGS PAS LEN 'DEBS PAR BYED DO, ,'DI LA RNAM PAR RTOG PA GNYIS TE, RES 'GA' SMRA BA NYID RANG DBANG DU BSGRUB PAR 'DOD PA YIN NAM, THAL BSGRUB PAR BYED PA YIN GRANG, DE LA PHYOGS DANG PO LA RTEN KHYAD PAR GYIS MA GRUB PA'I PHYIR GTAN TSIGS GZHI MA GRUB PA YIN NO, ,CI STE RTEN SPYIR BRJOD PAR 'DOD PA DE LTA NA YANG JI SRID DU PHYIR RGOL BA LA SMRA BA NYID TSAD MAS MA BSGRUBS PA DE SRID DU THE TSOM ZA BA'I MA GRUB PA YIN TE, GNYI GA LA NGES PAR BRJOD PA GANG YIN PA DE KHO NA BSGRUB PA YIN NO ZHES BYA BA'I RIGS PAS SO, ,'DI ZHES BYA BA NI SMRA BA NYID DO, ,DE BAS NA NYES PA 'DIR 'GYUR DU 'ONG BAS KHYOD KYIS THAL BAR BSGRUB PA KHAS BLANG BAR BYA DGOS LA, THAL BA SGRUB PA DE LA YANG MA BRTAGS NA NYAMS DGA' BA NYID KYI LUNG TZAM LAS GZHAN LA RAB TU GRAGS PA'I CHOS DE NYID PHAN TSUN 'GAL BAR BSTAN PA'I PHYIR, SGRUB PAR BYED PA NYID DU GSAL BAR BYA BA YIN GYI, ,'DI TSAD MAS BSGRUB PAR BYA BA NI MA YIN TE, DGOS PA MED PA'I PHYIR RO, ,GZHAN YANG SMRA BA NYID LUNG TZAM GYIS GRUB PA YANG MA YIN PA'I PHYIR, GNYI GA LA YANG GTAN TSIGS MA GRUB PA NYID YIN NO, ,DE LTAR ZHES BYA BA LA SOGS PAS MJUG SDUD PA NI GZHAN GYIS SMRAS PA LAS BZLOG PA'I DON DU GSUNGS PA YIN NO, ,DE NI SU ZHIG RTOGS MI BYED, ,CES BYA BA NI SRID PA NYID DU ZHES BYA BA LHAG MA'O, ,GANG GI PHYIR GNOD PAR BYED PA MI DMIGS PA NYID KYI PHYIR DE'I SRID PA NYID GRUB PA YIN NO SNYAM DU BSAMS PA YIN NO, ,RE ZHIG 'DI ZHOG RIG BYED SMRA BA'I MTHAR GNAS PA'I RIGS PA NGAN PA GANG YIN PA DE MDZES PA MA YIN NO ZHES BYA BA 'DI NGO MTSAR MED KYI, 'ON KYANG KHYED KYIS BRJOD PA'I RIGS PA BZANG PO YANG RTEN GYI RKYEN GYIS MDZES PA MA YIN NO, ,JI LTAR ZHE NA, DU BA ME LA MI 'KHRUL PA, ,ZHES BYA BA LA SOGS PA SMOS TE, DU BA NI ME DANG 'BREL BAR SKYE BA NYID KYIS DE LA MI 'KHRUL BA NYID DU GNAG RDZI'I BAR DU SHIN TU GRAGS PA NYID LA, DE YANG KHYED KYIS 'GRO BA THAMS CAD DNGOS PO NYID LA SOGS PAS DON DAM PAR GCIG NYID DU BRJOD PA NA ME LA MI 'KHRUL BA NYID DU BSTAN PAR MI NUS TE, KHYED KYI LUGS KYIS

306b

DNGOS PO'I NGO BO NYID KYIS DON DAM PAR DU BA CHU LA YANG 'JUG PA'I PHYIR RO, ,'DI SNYAM DU CHU DE LA YANG DU BA BZHIN DU DNGOS PO'I NGO BO NYID KYIS ME YANG YOD PA'I PHYIR 'KHRUL PA MED PA NYID DO SNYAM DU SEMS NA, DE LA YANG NI ME YOD NA, ,ZHES BYA BA LA SOGS PA SMOS TE, DE LA YANG NI CHU'O, ,GAL TE DE'I BDAG NYID KYI ME YOD PAR KHAS LEN PAR BYED NA DE'I TSE ME BSGRUB PAR BYA BA CHU LA SOGS PA MI MTHUN PA'I PHYOGS SU MI 'GYUR RO, ,DE LTA YIN DANG MI MTHUN PA'I PHYOGS MED PA'I PHYIR DU BA LA SOGS PA'I RTAGS MI MTHUN PA'I PHYOGS LAS BZLOG PA CI LA BRTEN PA YIN, GAL TE DON DAM PAR CHU LA MI GNAS SO ZHES BYA BAR GRUB NA CI'I PHYIR DE'I NGO BOR DMIGS PA DANG BTZO BA DANG BSREG PA LA SOGS PA'I MTSAN NYID KYI 'BRAS BUR SNANG BA'I RNAM PAR RIG PA 'BYUNG BAR MI 'GYUR, GAL TE MI 'DRA BA YANG YOD DO ZHE NA, BDAG GI DNGOS PO MI 'DRA NA'ANG, ,ZHES BYA BA LA SOGS PA SMOS TE, 'DI SANGS RGYAS PAR SMRA BA BRTAG PAR DPYAD ZIN PA'I PHYIR; RE ZHIG 'DI NI GZHAG GO, ,GANG GIS TSAD MA GCIG GIS NI, ,ZHES BYA BA LA SOGS PA GANG SMRAS PA DE LA, DNGOS PO MTHA' DAG CES BYA BA LA SOGS PA SMOS TE, GAL TE MIG LA SOGS PA'I BLO LA DON THAMS CAD YONGS SU SHES PAR KHAS LEN PAR 'GYUR NA DE'I TSE JI SKAD DU BSHAD PA'I SKYON DU THAL BAR 'GYUR TE, 'DI LTAR DNGOS PO MTHA' DAG LA YOD PA'I MI RTAG PA LA SOGS PAS MTSAN NYID KYI DE KHO NA NYID MA LUS PA GOMS PAR RAB KYI MTHA' LAS BYUNG BA'I YID KYI RNAM PAR SHES PA DON THAMS CAD KYI SPYOD YUL CAN GYI GSAL BAR SNANG BA DANG, MI SLU BA NYID DAG GI PHYIR MNGON SUM NYID DU KHAS BLANGS PAS CIG CAR DNGOS PO THAMS CAD 'DZIN PA'I PHYIR THAMS CAD MKHYEN PAR 'DOD KYI, MIG LA SOGS PA'I BLO NI MA YIN NO, ,YID KYI RNAM PAR SHES PA DON THAMS CAD KYI YUL CAN NYID DU GRUB PA MA YIN NO ZHES BRJOD PAR RIGS PA MA YIN TE, ,GANG GI PHYIR KHYOD KYANG DRAN PA'I SHES PA GZUGS DANG SGRA LA SOGS PA YUL CAN DU BRJOD PA YIN LA DE YANG YID KYI RNAM PAR SHES PA KHO NA'O, ,RMI LAM NA YANG GZUGS LA SOGS PA SNANG BA SHIN TU GRAGS PA NYID KYI PHYIR 'DI BSNYON PAR BYA BAR MI NUS SO, ,DES NA KHYAD PAR DU 'PHAGS PA NI RANG GI DON MI SPONG BA NYID DU 'DOD PA'I PHYIR KHO BO CUNG ZAD MI 'DOD PAR 'GYUR PA NI

307a

, ,MED DO, ,RNAM PAR SHES PAR SMRA BA DAG GI LTAR NA DBANG PO'I BLOS THAMS CAD MKHYEN PAR 'DOD PA DE'I LTAR NA YANG NYES PA MED DO, ,GNAS NGAN LEN GYI BAG CHAGS SPANGS PA NA BLO THAMS CAD LA 'JUG PA NYID KYIS KHYAB BDAG NYID DU 'DOD PA'I PHYIR RO, ,BLO RNAMS KYI NGES PA'I RGYU NI GNAS NGAN LEN GYI BAG CHAGS KHO NA YIN TE, DE SPANGS PA NA DE DAG GI NGES PA'I DON GYI YUL CAN NYID DU GAL 'GYUR SNYAM DU SEMS NA, YANG NA RNAM DAG CES BYA BA LA SOGS PA SMOS TE, RGYU THA DAD PAS DNGOS PO RNAMS KYI RANG BZHIN THA DAD PAR NGES PA'I PHYIR DNGOS PO LA LAR 'GA' ZHIG GI TSE MTHONG BA THAMS CAD DU THAMS CAD KYI TSE DE LTA BU'I NGO BOR NGES PA NI MA YIN TE, LA LA DAG SKYU RU RA'I 'BRAS BU CHUNG BAR DMIGS ZHES TE, DE TZAM GYIS YUL THAMS CAD DU RGYU'I BYE BRAG SRID NA DE LTA BU NYID DU RTOGS PA DANG LDAN PAS MA MTHONG BA TZAM GYIS DE LTA BU'I RNAM PAS GZUNG BAR RIGS PA MA YIN TE, DES NA RNAL 'BYOR GOMS PA'I KHYAD PAR GYI MIG THUR GYIS PHYE BA'I MIG CAN 'GA' ZHIG GIS DON THAMS CAD MTHONG BA YIN NO ZHES BYA BA LA 'GAL BA MED DO, ,GANG GI RIGS CAN TSAD MA YIS, ,ZHES BYA BA LA, GANG LA DUS GSUM ZHES BYA BA LA SOGS PA SMOS TE, DE BZHIN DU NUS PA NGES PA ZHES BYA BA NI 'DOD PA'I NGO BOS DE DNGOS PO THAMS CAD SNANG BA'I NUS PA NGES PA YIN NO ZHES 'BREL TO, ,'DI 'DRA BA DE BRJOD NA MDZES SHE NA, GANG GI RIGS CAN ZHES BYA BA LA SOGS PA SMOS TE, 'DI SNYAM DU KHO BO CAG MNGON SUM GYIS SHES NAS DE LTAR DUS GZHAN DU YANG 'GYUR ZHES DE SMRA BA NI MA YIN NO, ,'O NA CI ZHE NA, RJES SU DPAG PA LA STE, TSAD MA GANG ZHIG GANG GI RIGS CAN GYI DON 'DZIN PAR MTHONG BA DE NI DUS GZHAN DU YANG DE LTAR GYUR BA DE KHO NAR GYUR BA YIN TE, TSAD MA NYID YIN NO SNYAM DU SEMS NA, 'DIR SMRAS PA, GZHAN DU 'GYUR BA'I DOGS PA YIS, ,ZHES BYA BA LA SOGS PA SMOS TE, SKYU RU RA LA SOGS PA BZHIN DU RGYU'I KHYAD PAR GYIS 'BRAS BU'I KHYAD PAR MTHONG BA'I PHYIR RIGS MI MTHUN PA'I DON 'DZIN PA'I SGO NAS RNAM PA GZHAN DU YANG 'JUG PA SRID PA'I PHYIR GTAN TSIGS MA NGES PA YIN NO, ,GANG LA MI RNAMS SHES RAB DANG, ,ZHES BYA BA LA SOGS PA LA, DBANG PO LAS 'DAS DON SHES PA, ,ZHES BYA BA LA

307b

SOGS PA SMOS TE, DBANG PO LAS 'DAS MTHONG BAS MIN, ,ZHES BYA BA 'DI MA GRUB STE, 'DI LTAR LTA BAR BYED PA LA SOGS PA'I RIG SNGAGS KYI STOBS KYIS MKHA' 'GRO MA LA SOGS PA RNAMS KYIS GZHAN GYI SEMS SHES PA DANG, BYUNG BA DANG 'BYUNG BA 'BYUNG BAR 'GYUR BA'I DNGOS PO SHES PAR DMIGS PA KHO NA'O, ,SOGS PA'I SGRAS NI GAN DHA RI LA SOGS PA BZUNG STE, SNA TSOGS PA'I 'BYUNG PO DANG GZA' LA SOGS PAS ZIN PA'I STOBS LAS DBANG PO LAS 'DAS PA'I YONGS SU MTHONG BA'I PHYIR GZHAN LA YANG SPANG DU MED DO, ,YANG NA 'KHRUL BA'I YUL MTHONG BA MA YIN MOD DE LTA NA YANG MA MTHONG BA TZAM GYIS THAMS CAD MKHYEN PA MED PAR RIGS PA MA YIN TE, DE MED PAR TE DBANG PO LAS 'DAS PA'I DON MTHONG BA MED PAR MI 'GRUB PO, ,SKYES BU SHES RAB CAN NI ZHES BYA BA LA SOGS PA LA, ,BSHAD PA'I RNAMS PAS ZHES BYA BA LA SOGS PA SMOS TE, BSHAD PA ZHES BYA BA NI THOS PA BRTAG PAR RO, ,'DI NYID LA 'THAD PA 'CHAD PA NI, JI LTAR 'GRO DANG SBYOR SOGS KYI, ,ZHES BYA BA LA SOGS PA SMOS TE, JI LTAR 'GRO BA'I KHYAD PAR DANG, ,MIG SMAN LA SOGS PA'I MTSAN NYID KYI SBYOR BA'I KHYAD PAR GYIS RNA BA LA SOGS PA RANG GI DON LA NUS PA KHYAD PAR CAN DU GYUR BA DE BZHIN DU YID KYI RGYU'I KHYAD PAR GYI NUS PA KHYAD PAR DU 'GYUR RO ZHES BYA BA SRID PA YIN NO, ,DE LA 'GRO BA'I KHYAD PAR GYIS BYAS PA'I RNA BA'I KHYAD PAR NI, JI LTAR BYA SKAD DE ZHES BYA BA LA SOGS PA'O, ,SBYOR BA'I KHYAD PAR GYIS BYAS PA YANG 'CHAD PA NI, DE BZHIN SPAS PA'I ZHES BYA BA LA SOGS PA STE, GRUB PA'I MIG SMAN SOGS CAN GYIS, ,ZHES BYA BA NI MTHONG BA ZHES BYA BA DANG SBYAR TE, 'DI RGYU'AM BYED PA'I GSUM PA YIN NO, ,DE LTAR 'GRO BA'I KHYAD PAR GYIS, ,SHES PA'I NUS PA'I KHYAD PAR LA RGYU'I DNGOS PO BSGRUBS NAS DPE LAS BYUNG BA'I DON LA SBYAR BA'I PHYIR, DE LTAR 'GRO BA'I ZHES BYA BA LA SOGS PA SMOS TE, RANG GI SKYE BA'I RJES MTHUN PHYIR, ,ZHES BYA BA NI 'DI DAG GI SHES PA NI 'OG TU MTHONG BA 'JUG GI STENG DU NI MA YIN NO ZHES BYA BA LTA BU'O, ,BDAG NYID JI LTA BA BZHIN DU SKYE BA DANG RJES SU MTHUN PA'I NGO BOS RGYAL CHEN RIS BZHI LA SOGS PA'I LHA RNAMS KYANG SHES PA'I DNGOS PO SU ZHIG

308a

, ,GIS ZLOG PAR BYED, SBYOR BAS BYAS PA'I KHYAD PAR YANG SBYOR BA NI, RNAL 'BYOR GOMS PA'I KHYAD PAR LAS, ,ZHES BYA BA LA SOGS PA SMOS TE, YANG GAL TE JI SKAD DU BSHAD PA'I 'GRO BA DANG SBYOR BA LA SOGS PA'I RGYU MI SRID PAR BSTAN NAS KHYAD PAR DU 'PHAGS PA 'GEGS PAR BYED NA DE'I TSE GRUB PA LA SGRUB PA YIN NO ZHES BSTAN PA'I PHYIR NA, GAL TE SBYOR 'GRO DANG SBYOR SOGS, ,ZHES BYA BA LA SOGS PA SMOS TE, RNA BAS RTOGS BYA'I SGRA RNAMS LA, ,ZHES BYA BA LA SOGS PA GANG SMRAS PA DE YANG 'DI NYID KYIS BSAL BA YIN TE, MA MTHONG BA TZAM GYIS RNAM PA DE LTA BU'I KHYAD PAR DU 'PHAGS PA DGAG PAR MI NUS PA YIN NO SNYAM DU BSAMS PA YIN NO, ,DE LTAR BSTAN BCOS DPYAD PA LA, ,ZHES BYA BA LA SOGS PA GANG SMRAS PA DE LA, PHYOGS GCIG RNAM PAR SHES PA'I PHYIR, ,ZHES BYA BA LA SOGS PA SMOS TE, GANG GIS KHYED CAG GIS, JI LTAR BSTAN BCOS GZHAN SHES PA, ,DE TZAM GYIS NI THOB MA YIN, ,ZHES BRJOD PA KHO BO CAG GIS PHYOGS GCIG SHES PA TZAM GYIS DNGOS PO MA LUS PA YONGS SU SHES PAR KHAS LEN PAR BYED PA NI MA YIN GYI, 'ON KYANG SHES RAB PHUL DU GYUR BAR DMIGS PA'I PHYIR GZHAN YANG DBANG PO LAS 'DAS PA'I DON YONGS SU SHES PAS BYAS PA'I KHYAD PAR DE LAS TE GOMS PA LAS 'PHEL BA'I PHYIR TE, RAB KYI MTHAR PHYIN PA'I KHYAD PAR THOB PA'I PHYIR GYUR BA YIN NO ZHES BYA BAR SRID DO, ,'DI NI SNGAR GRUB ZIN KYANG YANG TSAD MA BYED PA NA SBYOR BA GANG DANG GANG YID KYI YON TAN YIN PA DE DAG NI GOMS PA PHUL DU BYUNG BA NA RAB KYI MTHAR THUG PAR 'JUG PAR SRID PA YIN TE, DPER NA GTZANG SGRA CAN DANG RO BSREG MKHAN BRTZE BA MED PA BZHIN NO, ,SHES RAB KYANG YID KYI YON TAN YIN NO ZHES BYA BA NI RANG BZHIN GYI GTAN TSIGS KYIS SO, ,GTAN TSIGS MA NGES PA YANG MA YIN TE, DNGOS PO'I RANG BZHIN RTOGS PA'I MTSAN NYID CAN SHES RAB NI DON MA LUS PA YONGS SU SHES PA MED PAR RAB KYI MTHAR THUG PAR 'JUG PA SRID PA MA YIN NO, ,KHYAD PAR MA GRUB PA NYID KYIS GTAN TSIGS MA GRUB PA YANG MA YIN TE, GOMS PA'I KHYAD PAR SRID PA NI RGYAS PAR SNGAR BSGRUBS ZIN PA'I PHYIR RO, ,RAB KYI MTHA'I SGRA NI PHUL DU BYUNG BA'I RNAM GRANGS SO, ,RNAM

308b

PA GCIG TU NA GANG DAG RIGS MTSUNGS PA SNGA MA'I SA BON LAS BYUNG BA DE DAG NI LEGS PAR BYA BA'I KHYAD PAR YOD NA SHIN TU 'PHEL BA'I CHOS DANG LDAN PA SRID PA YIN TE, DPER NA 'BRU LA SOGS PA BZHIN NO, ,BRTZE BA DANG SHES RAB LA SOGS PA YANG JI SKAD DU BSHAD PA'I CHOS DAG DANG LDAN PA YIN NO ZHES BYA BA NI RANG BZHIN GYI GTAN TSIGS SO, ,'DI YANG SNGA MA BZHIN DU MA GRUB PA DANG MA NGES PA MA YIN NO, ,BLO NI SHES RAB PO, ,JI SKAD DU BSHAD PA'I CHOS DANG LDAN PA NI, RIGS DANG MTSUNGS PA SNGA MA'I SA BON LAS 'JUG PA ZHES BYA BA'I DON TO, ,RNAM PA GCIG TU NA GANG DAG GNYEN PO'I PHYOGS NYE BA NA 'GRIB BA'I CHOS SU 'JUG PA DE DAG NI GNYEN PO'I PHYOGS SHIN TU 'PHEL BA NA SHIN TU 'GRIB PA'I CHOS DANG LDAN PA SRID PA YIN TE, DPER NA GSER GYI DRI MA LA SOGS PA BZHIN NO, ,'DOD CHAGS LA SOGS PA YANG BDAG MED PA'I MTSAN NYID KYI GNYEN PO'I PHYOGS MNGON SUM DU GYUR BA NA 'GRIB PA'I CHOS DANG LDAN PA YIN NO ZHES BYA BA NI RANG BZHIN GYI GTAN TSIGS SO, ,GTAN TSIGS MA GRUB PA NI MA YIN TE, NYON MONGS PA LA SOGS PA'I BDAG MED PA'I SHES PA DANG LHAN CIG 'GAL BAR BSGRUBS ZIN TO, ,MA NGES PA YANG MA YIN TE, ,GNYEN PO'I PHYOGS SHIN TU 'PHEL BA NI MI MTHUN PA'I PHYOGS GNAS PA MI SRID PA'I PHYIR TE, DE LTA MA YIN NA GANG ZHIG RTZA BA NAS 'DON PAR MI NUS PA DE JI LTAR CUNG ZAD 'GRIB PAR BYED PAR ME STAG GI PHRENG BA CHES GSAL BAR 'BAR BA'I TSOGS KYI NANG DU BCUG PA'I RDO RJE NI YANG 'GRIB PA NYAMS SU MYONG BA NI MA YIN NO, ,MI MTHUN PA'I PHYOGS SHIN TU 'PHEL BA MI SRID PA'I PHYIR MA NGES PA NYID KYANG MA YIN TE, SNGAR RGYAS PAR SHIN TU 'PHEL BAR BSGRUBS ZIN PA'I PHYIR RO, ,RNAM PA GCIG TU NA GANG DAG GNYEN PO'I PHYOGS NYE BA NA 'GRIB BA'I CHOS CAN YIN PA DE DAG NI GTAN NAS RTZA BA NAS 'BYIN NUS PA'I GNYEN PO CAN YIN TE, DPER NA GSER GYI DRI MA LA SOGS PA BZHIN NO, , NYON MONGS PA DANG SHES BYA'I SGRIB PA YANG JI SKAD BSHAD PA'I CHOS DANG LDAN PA YIN NO ZHES BYA BA NI RANG BZHIN GYI GTAN TSIGS SO, ,'DIR YANG SNGA MA BZHIN DU MA GRUB PA DANG MA NGES PA LA SOGS PA SPANG BAR BYA'O, ,SOGS PA'I SGRAS NI LAS KYI SGRIB PA LA SOGS PA GZUNG NGO, ,RNAM PA GCIG TU NA

309a

, ,GANG DAG DE KHO NA MTHONG BA LA GEGS BYED PA DE DAG NI SHIN TU 'GRIB PA SRID PA YIN TE, DPER NA PHYI ROL GYI MTSAN MO'I MUN PA BZHIN NO, ,NYON MONGS PA DANG SHES BYA'I SGRIB PA LA SOGS PA YANG DE KHO NA NYID MTHONG BA'I GEGS BYED PA YIN NO ZHES BYA BA NI RANG BZHIN GYI GTAN TSIGS SO, ,'DI MA NGES PA YANG MA YIN NO ZHES BSTAN PA'I PHYIR, DE YANG GZHAN 'GRIB PAR ZHES BYA BA LA SOGS PA SMOS TE, DE YANG NI NANG GI MUN PA'O, ,YANG NA GANG DAG CIG CAR CI ZHIG LTAR BYUNG BA RTEN BRTAN PAR 'JUG PA'I KHYAD PAR 'GAL BA'I RKYEN MED PAR 'JUG PAR BYA BA'I PHYIR, YANG 'CHAD PA LA LTOS PA DE DAG NI LEGS PAR BYA BA'I KHYAD PAR DU 'PHAGS PA'I BYE BRAG GIS RAB KYI MTHAR THUG PAR 'JUG PA SRID PA YIN NO, ,DPER NA GSER GYI RNAM PAR DAG PA LA SOGS PA BZHIN NO, ,SHES RAB DANG BRTZE BA LA SOGS PA YANG JI SKAD DU BSHAD PA'I CHOS DANG LDAN NO ZHES BYA BA NI RANG BZHIN GYI GTAN TSIGS SO, ,MCHONGS DANG CHU YI DRO BA YIS, ,'DI LA 'KHRUL BA YOD MA YIN, ,ZHES BYA BA NI KHYAD PAR DANG BCAS PA YIN PA'I PHYIR RO SNYAM DU BSAMS PA YIN NO, ,MCHONGS DANG CHU'I DRO BA NI LAN CIG BYAS PA'I KHYAD PAR GANG YANG BYA BA'I PHYIR 'BAD PA LA SOGS PA LA LTOS PA MED PAR 'JUG PA MA YIN LA, RTEN BRTAN PA RNAMS KYANG MA YIN NO, ,YANG NA 'DI LA YANG RIGS MTSUNGS PA'I SA BON 'PHEL BA NA ZHES BYA BA'I KHYAD PAR LA LTOS PA'I PHYIR MCHONGS PAS 'KHRUL BA YIN NO SNYAM DU SEMS NA, ,DE NI MCHONGS PA NYID LAS MIN, ,ZHES BYA BA SMOS TE, MCHONGS PA DE NI MCHONGS PA NYID LAS 'BYUNG BA MA YIN NO, ,'O NA GANG ZHIG YOD NA 'BYUNG ZHE NA, STOBS DANG 'BAD PA YOD PA NA, ,ZHES BYA BA SMOS TE, STOBS DANG 'BAD PA YOD NA MCHONGS PA YIN GYI MCHONGS PA YOD NA NI MA YIN NO, ,STOBS DANG 'BAD PA DE DAG GI NUS PA GNAS PA NYID KYIS MCHONGS PA YANG GNAS PA'I BDAG NYID YIN NO SNYAM DU BSAMS PA YIN NO, ,'DI SNYAM DU GAL TE, STOBS DANG 'BAD PA GNYIS KHO NA LAS MCHONGS PA YIN GYI MCHONGS PA LAS NI MA YIN PA DE LTA NA GOMS PA NA SKYES BU'I MCHONGS PA NA CI 'DRA BAR GOMS PA LAS SNGAR YANG 'GYUR RO SNYAM DU SEMS NA, NYES PA 'DI NI MED DE, SNGAR DE'I LUS BAD KAN LA SOGS

309b

PA MI MTHUN PAR BYAS PA'I PHYIR PHYIS BZHIN DU MCHONGS PA 'BYUNG BA MA YIN NO, ,PHYIS NI KHYAD KYI 'BAD PAS LUS KYI MI MTHUN PA ZAD PA NA MCHONGS PA'I STOBS JI LTA BA BZHIN DU GNAS PA YIN NO, ,'DI GDON MI ZA BAR DE LTA BU YIN PAR SHES PAR BYA STE, DE LTA MA YIN TE GAL TE MCHONGS PA NYID LAS MCHONGS PA YIN PAR 'GYUR NA DE'I MCHONGS PA'I KHYAD PAR DU GNAS PAR MI 'GYUR RO, ,RNAM PA GCIG TU NA RGYU'I KHYAD PAR LA GNAS PA'I MCHONGS PA YANG KHYAD PAR DU 'PHAGS PAR GNAS PA NYID DU GRUB PA'I PHYIR DES 'KHRUL PA MA YIN NO ZHES STON PA NI, ,YANG NA RAB KYI MTHAR PHYIN PA, ,ZHES BYA BA LA SOGS PA STE, 'DI LTAR MCHONGS PA NI TING NGE 'DZIN GYI MTHU'I KHYAD PAR DANG LDAN PA'I PHYIR, KHO BO CAG GIS SHIN TU PHUL DU BYUNG BAR 'DOD PA NYID YIN TE, DPER NA BCOM LDAN 'DAS LA YID MGYOGS ZHES BYA BA'I RDZU 'PHRUL MNGA' BAR BSTAN PA BZHIN TE, GNAS LA YID BZHIN DU MGYOGS PAR 'GYUR TE, DE NYID KYI PHYIR DE NI YID MGYOGS ZHES BYA BAR GRAGS SO, ,'DI LA GNOD PAR BYED PA'I TSAD MA YOD PA LANG MA YIN LA, MA MTHONG BA TZAM GYIS SPANG BAR RIGS PA YANG MA YIN TE, HA CANG THAL BAR 'GYUR BA'I PHYIR RO, ,GZHAN YANG RTEN GYI BYE BRAG GI KHYAD PAR GOMS PA'I KHYAD PAR LAS 'GRO BA SHIN TU 'PHAGS PA MTHONG BA KHO NA YIN LA, DE LAS KYANG BCOM LDAN 'DAS LA DE LTA BU'I 'GRO BA SRID PA YIN NO ZHES BSTAN PA'I PHYIR, DAD PA'I RGYAL PO'I ZHES BYA BA LA SOGS PA SMOS TE, DPER NA NGANG BA'I RGYAL PO'I PHRU GU SNGAR RANG GI TSAD LAS KYANG 'BYUNG BAR MI NUS PA'I PHYIS GOMS PA CUNG ZAD YOD PA NA GSHOGS PA SKYES PA RGYA MTSO'I PHA ROL DU MCHOD PAR BYED PA DE BZHIN DU, GZHAN YANG RTEN GYI BYE BRAG GI KHYAD PAR GOMS PA'I KHYAD PAR LAS KHYAD PAR CAN GYI 'GRO BA YANG SGRUB PAR BYED DO ZHES BYA BAR SRID PA YIN NO, ,GAL TE 'DI GSHOG PA'I KHYAD PAR RNYED PA NYID KYI PHYIR YUL THAG RING POR 'GRO BA YIN GYI GOMS PA'I STOBS KYIS NI MA YIN NO ZHE NA, BYA'I PHRU GU GSHOG PA SKYES NA YANG BAB CHOL DU 'PHUR ZHING 'GRO BAR MTHONG BA NI MA YIN NO, ,'O NA CI ZHE NA, ,YAL GA NAS YAL GA GZHAN DU 'GRO BA RIM GYIS GOMS NAS 'GRO BA CUNG ZANG PHYIS DGOS PA SPANGS NAS YUL SHIN TU THAG RING BOR YANG 'GRO

310a

, ,PA YIN NO, ,JI LTAR SNGAR NUS PA MED PA'I NGANG BA LA STZOGS PA LA YANG RTEN GYI KHYAD PAR RNYED PA NA PHYIS 'GRO BA'I KHYAD PAR GRUB PA DE BZHIN DU, BCOM LDAN 'DAS KYANG BYANG CHUB SEMS DPA'I GNAS SKABS NA MI NUS PA NA YANG PHYIS TING NGE 'DZIN GYI KHYAD PAR BRNYES PA'I PHYIR RTEN GYI KHYAD PAR BSGRUBS PAS DE LTA BU'I 'GRO BA SRID DO ZHES GOMS PAS SMOS PA DE LTAR LHUR MDZAD PA DANG LDAN PA YIN NO, ,SBYOR BA NI GANG ZHIG RTEN GYI BYE BRAG GI KHYAD PAR GOMS PA SRID PA DE NI SHIN TU RING DU 'GRO BA'I 'BRAS BU CAN DU SRID PA YIN TE, DPER NA DANG PO'I RGYAL PO'I PHRU GU BZHIN NO, ,MI RNAMS KYI GOMS PA YANG RTEN GYI BYE BRAG GI KHYAD PAR CAN DU SRID PA YIN NO ZHES BYA BA NI RANG BZHIN GYI GTAN TSIGS SO, ,DES NA, MKHA' LA KHU BCU'I BAR DU NI, ,ZHES BYA BA LA SOGS PA GANG SMRAS PA DE YANG BSAL BA YIN NO ZHES STON PA NI, ,MKHA' LA KHRU BCU ZHES BYA BA LA SOGS PA'O, ,RTEN BRTAN PA NI ZHES KHYAD PAR NYE BAR LEN PA'I PHYIR CHU'I DRO BAS MA NGES PA YIN NO ZHES STON PA NI, RTEN MI BRTAN PA ZHES BYA BA LA SOGS PA'O, ,'DI SNYAM DU SHES RAB LA SOGS PA YANG RTEN BRTAN PA NYID DU JI LTAR GRUB SNYAM DU SEMS NA, YID LAS BYUNG BA'I ZHES BYA BA LA SOGS PA SMOS TE, DE NI ZHES BYA BA NI SEMS KYI RGYUD DO, ,RTEN DANG BRTAN PAS 'JUG CES BYA BA NI BYANG CHUB SEMS DPA'I MTSAN NYID KYI RTEN TE GZHI DANG LDAN PAS 'JUG GO ZHES BYA BA'I DON TO, ,KHYAD PAR CAN GYI RTEN BRJOD PAR 'DOD PA'I PHYIR RO, ,'DI LTAR 'JIG RTEN PHA ROL BSGRUBS ZIN PA'I PHYIR DANG, SNYING RJE CHEN PO'I BDAG NYID DU GYUR BA'I BYANG CHUB SEMS DPA' RNAMS 'KHOR BA JI SRID DU SEMS CAN MA LUS PA GDON PAR BYA BA'I PHYIR GNAS PAS DE LA BRTAN NAS 'JUG PA'I SEMS KYI RGYUD NI RTEN SHIN TU BRTAN PA YIN NO, ,GANG YANG NYAN THOS PA LA SOGS PA'I RGYUD LA GNAS PA DE NI RTEN MI BRTAN PA YIN TE DE DAG NI CHES MYUR BAR MYA NGAN LAS 'DA' BA'I PHYIR RO, ,BRTZE BA DMAN PA DE DAG GNAS PAR BYA BA LA 'BAD PA MED PA'I PHYIR RO SNYAM DU BSAMS PA YIN NO, ,GAL TE KHYAD PAR GNYIS PA YANG JI LTAR GRUB CE NA, JI SRID CES BYA BA LA SOGS PA SMOS TE, 'DI NYID JI LTAR 'GRUB CE NA, ,DE SRID CHES RAB CES BYA BA LA SOGS PA SMOS TE, 'DI YANG KHO BO CAG GI SNGAR BSHAD ZIN

310b

TO, ,'DI NI RANG BZHIN GYIS DE KHO NA NYID MTHONG BA'I BDAG NYID KYIS SHES RAB LA SOGS PA NI SEMS KYI RANG BZHIN DU GYUR BA YIN NO ZHES SNGAR BSTAN ZIN TO, ,DES NA RANG BZHIN YIN LA DE NYID KYIS LAN CIG BSKYED PA'I SHES RAB LA SOGS PA RANG GI NGANG GIS 'JUG PAR 'GYUR BA'I PHYIR, KHYAD PAR GNYIS PA YANG GRUB PA YIN NO, ,RNAM PAR SHES PA DE KHO NA NYID MTHONG BA'I BDAG NYID DU YANG JI LTAR GRUB CE NA, GAL TE SEMS NI GZHAN RTOGS PA'I, ,ZHES BYA BA LA SOGS PA SMOS TE, RE ZHIG NA RANG RIG PA NYID KYI NGO BO NI SEMS KYI GTZO BO YIN NO ZHES GDON MI ZA BAR RGOL BA THAMS CAD KYIS KHAS BLANG BAR BYA'O, ,DE LTA MA YIN TE GAL TE SHES PA GZHAN DANG GZHAN GYIS RTOGS PAR BYA BA YIN NO ZHES BYA BAR GYUR NA DE'I TSE DMIGS PA MA GRUB PA NYID KYIS DON RIG PAR GRUB PAR MI 'GYUR RO, ,DE LTA BAS NA SEMS KYI BDAG NYID GSAL BA'I NGO BO NI GTZO BO YIN LA, BDAG NYID DE YANG DE'I MI RTAG PA LA SOGS PA'I NGO BO YIN PA'I PHYIR SHUGS KYIS SEMS DE KHO NA MTHONG BA'I BDAG NYID DU GRUB PO SNYAM DU BSAMS PA YIN NO, ,'DI SNYAM DU SEMS DE KHO NA NYID MTHONG BA'I BDAG NYID YIN DU CHUG MOD, DE LTA NA YANG DRI MA SPANGS PA RNAMS KYANG YANG SKYE BA SRID PA'I PHYIR JI SKAD DU BSHAD PA'I GTAN TSIGS THAMS CAD MA NGES PA NYID YIN PA BZLOG PAR DKA'O SNYAM DU SEMS PA'I DOGS PA BSU NAS, DE'I PHYIR SEMS NI ZHES BYA BA LA SOGS PA SMOS TE, LAM GYI BDAG NYID DU GYUR BA'I PHYIR SNGAR YANG GANG GI TSE 'DOD CHAGS LA SOGS PA'I DRI MA GLO BUR BA NYID KYIS STOBS CHUNG BA'I PHYIR LAM ZIL GYIS GNON PAR MI NUS PA DE'I TSE LAM BDAG NYID DU GYUR BA YIN PA NI JI LTAR ZIL GYIS GNON PAR 'GYUR, GZHAN YANG SEMS KYI YON TAN DE'I BDAG NYID DANG LDAN PA NI GTZANG SBRA MKHAN DANG RO SREG MKHAN GYI BRTZE BA MED PA BZHIN DU 'BAD PA MED PAR SPANG BAR NUS PA MA YIN LA, YON TAN DANG LDAN PA'I DNGOS PO LA MTHONG BA SPANG BAR BYA BA'I PHYIR 'BAD PA SRID PA YANG MA YIN NO, ,CI'I PHYIR ZHE NA, YON TAN MTHONG BA'I PHYIR RO, ,'DI YANG SNGAR BSTAN PA YIN NO, ,SKYON ZHES BYA BA NI NYES PA'O, ,RNAM PA GCIG TU NA DNGOS PO NYID LA SOGS PA KHYOD KYIS THAMS CAD MKHYEN PA DGAG PAR BYA BA'I PHYIR SMRAS PA GANG YIN PA DE

311a

, ,NYID KYIS BSGRUB PAR NUS PA YIN NO ZHES BSTAN PAR 'DOD NA, RE ZHIG DNGOS PO NYID LA SOGS PA'I GTAN TSIGS KYI KHYAD PAR BSTAN PAR BYA BA'I PHYIR GZHAN YANG ZHES BYA BA LA SOGS PA SMOS TE, DE LA 'CHAD PAR 'GYUR BA 'DI NI RTZA BA'I SBYOR PA YIN TE, GANG DAG DNGOS PO NYID DANG SHES BYA NYID LA SOGS PA'I CHOS DANG LDAN PA DE DAG NI GOMS PA RAB KYI MTHAR PHYIN PAR 'JUG PA'I SHES PA GCIG LA GSAL BAR SNANG BA SRID PA YIN TE, DPER NA 'DOD PA LA SOGS PAS BSLAD PA RNAMS KYIS BUD MED DANG BU DANG CHOM RKUN LA SOGS PA BSGOM PA BZHIN NO, ,CHOS THAMS CAD KYANG DNGOS PO NYID LA SOGS PA'I CHOS DANG LDAN PA YIN NO ZHES BYA BA NI RANG BZHIN GYI GTAN TSIGS SO, ,'DI MA NGES PA YANG MA YIN TE 'DI LTAR GANG DANG GANG YANG DAG PA'AM YANG DAG PA MA YIN PAR SGOM PAR BYED PA NI BSGOM PA THAMS CAD YONGS SU RDZOGS PAS NA SHES PA GSAL BAR SNANG BA'I 'BRAS BU CAN YIN PAR GRUB STE DPER NA 'DOD PA CAN LA SOGS PA'I BUD MED LA SOGS PA'I KHYAD PAR BZHIN NO, ,CHOS THAMS CAD KYANG RTZA BA LA SOGS PA'I BDAG NYID DU GYUR PA RNAMS KYIS DE KHO NA NYID KYI NGO BO SGOM PAR BYED PA YIN NO ZHES BYA BA NI RANG BZHIN GYI GTAN TSIGS SO, ,'DIS NI GSAL BAR SNANG BA'I SHES PA'I 'BRAS BU CAN NYID KYIS SGOM PAR BYED PA'I KHYAB PA YIN NO ZHES BSTAN PA YIN TE DON GZHAN LA MI LTOS PA'I PHYIR RO, ,STONG PA LA SOGS PA'I NGO BO 'DI'I DE KHO NA NYID GSAL BAR SNANG BA NYID DU JI LTAR GRUB CE NA, STONG DANG BDAG MED SOGS NGO BO, ,ZHES BYA BA LA SOGS PA SMOS TE, STONG PA LA SOGS PA'I SHES PA 'DI YANG MNGON SUM GYI TSAD MAR BSGRUBS PA'I PHYIR MNGON SUM ZHES BYA BA LA SOGS PA SMOS TE, ,GSAL BAR SNANG BA NYID KYIS RTOG PA MED PA DANG, TSAD MAS GRUB PA'I DON GYI YUL CAN NYID KYI MI SLU BA'I SGO NAS MIG LA SOGS PA'I SHES PA BZHIN DU 'DI MNGON SUM GYI TSAD MA YIN NO, , DE LTA YIN DANG GSAL BAR SNANG BA NYID DU GRUB PA NA CHOS THAMS CAD YE SHES GCIG LA CIG CAR GSAL BAR SNANG BA GRUB PA'I PHYIR SGOM PA CAN GYIS 'BYUNG BA'I KHYAB PA GRUB PO, ,DE LTAR RTOGS PAR GYIS SHIG ,SHES PA GCIG LA CHOS THAMS CAD CIG CAR MTHONG BAR SNANG BA YIN NO ZHES BYA BAR SRID PA

311b

YIN NO, ,SBYOR BA NI GANG DANG GANG SHIN TU BSGOM PA DE DAG NI SHES PA GCIG LA CIG CAR GSAL BAR SNANG BA SRID PA YIN TE, DPER NA BUD MED LA SOGS PA BZHIN NO, ,CHOS THAMS CAD KYANG BSGOM PAR BYA BA YIN NO ZHES BYA BA NI RANG BZHIN GYI GTAN TSIGS SO, ,'DI MA GRUB PA NYID DU BSAM PAR YANG MI BYA'O ZHES BSTAN PAR BYA BA'I PHYIR DANG, GTAN TSIGS MA GRUB PA MA YIN ZHES BYA BA'O, ,SNGAR RGYAS PAR BSGOM PA YOD PAR BSTAN PAR BYA BA NYID KYI PHYIR, GTAN TSIGS MA GRUB PA MA YIN NO, ,DE LTAR GSAL BAR SNANG BA LA BSGOM DANG RJES SU 'BREL PA NYID DU BSTAN PAS KHYAB PA BSGRUBS NAS, DA NI RTZA BA'I TSAD MA'I DON BSTAN PA'I PHYIR, BSGOM PA'I RAB MTHA'I ZHES BYA BA LA SOGS PA SMOS TE, BSGOM PA'I RAB KYI MTHAR THUG PA BLO GANG LA YOD PA DE LA DE SKAD CES BYA STE GO BAR BYED PA YIN PA'I PHYIR GZHI THA DAD NA YANG 'BRU MANG PO BA YIN NO, ,BSGOM PA MTHAR THUG PA'I BLO GCIG LA GSAL BAR SNANG BA GANG DAG LA YOD PA DE DAG LA DE SKAD CES BYA'O, ,SHES PA GANG ZHIG LA DE LTAR SNANG BA DE NI SHES BYA'I DKYIL 'KHOR LA CIG CAR YE SHES GCIG GIS KHYAB PA'I LHA DANG MI RNAMS THAMS CAD KYI GTZUG GI NOR BUR GYUR PA'I THAMS CAD MKHYEN PA GRUB PA YIN NO, ,RNAM PA GCIG TU NA GANG DAG BDEN PA'I BDAG NYID STON PA DE DAG NI 'BA' ZHIG GIS RIGS PA YIN TE, DPER NA GSER SBYONG LA SOGS PA BZHIN NO, ,CHOS LA SOGS PA BDEN PA'I BDAG NYID NYE BAR STON PA YIN NO ZHES BYA BA NI RANG BZHIN GYI GTAN TSIGS SO, ,'DI SNYAM DU RIG BYED LAS SHES NAS NYE BAR BSTAN PA SRID PA'I PHYIR GRUB PA LA SGRUB PA YIN NO ZHE NA, RIG BYED SKYES BUS BYAS ZHES BYA BA LA SOGS PA SMOS TE, SNGAR THOS PA RTAG PAR RIG BYED SKYES BUS BYAS PA BSGRUBS ZIN PA'I PHYIR GRUB PA LA SGRUB PA MA YIN NO, ,'ON TE 'DI SNYAM DU MA SHES PAS 'DOD RGYAL BAS NYE BAR BSTAN PA YANG SRID PA'I PHYIR MA NGES PA YIN NO SNYAM NA, MI SHES PA NI 'DOD RGYAL PAS, ,ZHES BYA BA LA SOGS PA SMOS TE, MI SHES PAS 'DOD RGYAL DU TSAD MA DANG MI 'GAL BA'I NGES PA MANG DU SMRA BAR NUS PA MA YIN NO, ,GZHAN YANG GANG GI PHYIR SNGAGS LA SOGS PA DUG SEL BA LA SOGS PA'I NUS PA SHIN TU LKOG

312a

, ,GYUR PA DE, GAL TE SANGS RGYAS PA LA SOGS PAS DNGOS SU MKHYEN PA MA YIN NA DE JI LTAR DE DAG GIS GSUNGS PA YIN ZHES BRJOD PAR BYA DGOS SO, ,GAL TE RJES SU DPAG PAS MKHYEN NAS GSUNGS PA YIN NO ZHE NA, RJES SU DPAG PAS MKHYEN PA YANG, ,ZHES BYA PA LA SOGS PA SMOS TE, RTAG DANG 'BREL BA'I DNGOS PO MI SHES PAR RJES SU DPAG PAS YUL DU BYED PA MA YIN LA, SHIN TU LKOG TU GYUR PA'I DNGOS PO DE DANG RTAGS 'GA' ZHIG 'BREL PA NGES PAR NUS PA YANG MA YIN NO, ,GZHAN LAS THOS NAS 'CHAD PA YIN MO ZHE NA, MA YIN TE, DE LA YANG BRGAL ZHING BRTAGS PA MA MTSUNGS PA'I PHYIR RO, ,'DI LTAR 'DI LA YANG GZHAN DES KYANG JI LTAR SHES PA YIN ZHES BYA BA'I DPYAD PA 'DI 'JUG PA YIN TE, GANG GI PHYIR MI SHES PA NI DE LTAR NYE BAR STON PA SRED PA MA YIN NO, ,GAL TE DES KYANG GZHAN LAS SHES PA YIN NO ZHE NA, 'O NA DE LTAR NA THUG PA MED PAR 'GYUR TE, DE BAS NA LONG BA BRGYUD PA YIN PAS NA THAMS CAD NI MA SHES PA YIN PA'I PHYIR YANG DAG PAR STON PA NYID DU MI 'GYUR TE, JI SKAD DU, DE LTA BU'I RIGS CAN GYI DON GANG LA SKYES BU'I TSIG TSAD MA NYID DU MI 'GYUR TE, GZUGS KYI KHYAD PAR DAG LA LONG BA RNAMS KYI TSIG LTA BU'O ZHES BYA BA LTA BU'O, ,'DI SNYAM DU MI SLU BA NYID DU NI SRIN BU'I YI GE BZHIN DU 'DOD RGYAL GYI BYUNG BA YANG SRID DO SNYAM DU DOGS NA, 'DI 'DRA BA'I NGO BO ZHES BYA BA LA SOGS PA SMOS TE, 'DOD RGYAL BA'I MI SLU BA'I NGO BO DE LTA BU GANG LA YOD PA ZHES TSIG RNAM PAR SBYAR RO, ,DON GZHAN LA SEMS PA 'JUG PA'I DON GZHAN LA MI SLU BA NI 'DON RGYAL BAR SRID PA YIN TE, DPER NA CHU'I PHYOGS SU 'GRO BA'I BSAM PAS 'JUG PA'I SHING GI DRUNG DU PHYIN PA LTA BU'O, ,'DIS NI GZHAN DON DU GNYER BA'I BSAM PAS 'JUG PA SRID PA MA YIN TE 'DI LTAR DGE SLONG DAG NGAS KHYED CAG LA CHOS BSTAN PAR BYA'O ZHES DE LTAR DAM BCA' NAS ZHUGS PA'I PHYIR NYE BAR STON PA LHUR LEN PA MA YIN NO ZHES BYA BAR NGES SO, ,CHU BO NI KLUNG NGO, ,BYI RU NI SHING MA BYI RU'O, ,GAL TE RMONGS PAS KYANG NYE BAR STON PA SRID PA'I PHYIR MA NGES PA NYID YIN NO ZHE NA, G-YENGS PA'I SEMS ZHES BYA BA LA SOGS PA SMOS TE, GANG GI PHYIR GO RIMS DES PA SNGA MA DANG PHYI MA MI 'GAL BA

312b

SKYES BU'I DON SGRUB PAR BYED PA'I TSIG NI SEMS RNAM PAR G-YENGS PA RNAMS KYIS MANG DU SMRA BAR NUS PA MA YIN NO, ,DE LTA BAS NA 'GA' ZHIG GIS DNGOS SU CHOS LA SOGS PA MKHYEN TO ZHES BYA BAR GRUB BO, ,GAL TE 'DI SNYAM DU SPYIR GRUB PA DE LTA NA YANG BDE BAR GSHEGS PA CHOS MKHYEN PA NYID DU BSGRUB PAR BYA BAR 'DOD DE, DES NA JI LTAR KHYED LA DE 'GRUB PAR 'GYUR SNYAM DU DOGS PA LA, BCOM LDAN 'DAS CHOS MKHYEN PA NYID DU BSGRUB PAR BYA BA'I PHYIR, GANG ZHIG MA MTHONG MA DPAGS PA'I, ,ZHES BYA BA LA SOGS PA SMOS TE, SBYOR BA NI GANG ZHIG MTHOS SHING MA DPAGS PA'I BDEN PA'I DON TE BAR STON PA NA LHUR LEN PA DE NI DE'I DON GYI DE KHO NA NYID DNGOS SU MKHYEN PA YIN TE, DPER NA MNGON SUM LAS CHU LA SOGS PA DE STON PA PO BZHIN NO, ,BCOM LDAN 'DAS KYANG DE BZHIN NO, ,ZHES BYA BA NI RANG BZHIN GYI GTAN TSIGS SO, ,BDEN PA LA SOGS PA BSGRUBS ZIN PA'I PHYIR, GTAN TSIGS MA GRUB PA MA YIN LA, 'DI MA NGES PA YANG MA YIN NO ZHES BSTAN ZIN TO, ,GTAN TSIGS THAMS CAD MTHUN PA'I PHYOGS LA YOD PA'I PHYIR 'GAL BA NYID MA YIN NO ZHES SHES PAR BYA'O, ,GZHAN GYIS RAB TU MI SHES PA, ,ZHES BYA BA NI, GZHAN GYIS MI SHES PA'I NUS PA PHYAG RGYA LA SOGS PA GANG LA YOD PA DE LA DE SKAD CES BYA'O, ,DE'I PHYIR RING DU SONG BA YI, ,ZHES BYA BA LA SOGS PA GANG SMRAS PA DE LA, DE'I PHYIR THABS KYIS ZHES BYA BA LA SOGS PA SMOS SO, ,KHANG MIG GCIG NA GNAS PA YI, ,ZHES BYA BA LA SOGS PA SMOS TE, 'DI NI KHYED KYIS TSAD MA MED PA'I DAM BCA' BA TZAM NYID BRJOD PA YIN TE, TSU ROL MTHONG BA RNAMS KYIS MA DMIGS PA TZAM GYIS SKYES BU THAMS CAD KYI DBANG PO LAS 'DAS PA'I DON SHES PA'I NUS PA MED PA NGES PAR NUS PA MA YIN NO, ,'DI SNYAM DU KHO BO CAG GIS MA DMIGS PA TZAM GYIS NUS PA MED PAR NGES PAR BYED PA NI MA YIN NO, ,'O NA CI ZHE NA, SKYES BU NYID LA SOGS PA'I GTAN TSIGS DAG LAS SO, ,'DI LTAR SKYES BU THAMS CAD NI RING BA DANG CHOD PA LA SOGS PA'I DNGOS PO YONGS SU SHES PAR NUS PA MA YIN TE, SKYES BU NYID DANG DNGOS

313a

, ,PO NYID DANG SHES BYA NYID LA SOGS PA'I PHYIR DPER NA BDAG BZHIN NO SNYAM DU SEMS NA, 'DIR SMRAS PA SKYES BU NYID LA SOGS ZHES BYA BA LA SOGS PA STE, NGES ZHES BYA BA 'DI NI BYED CES BYA BA 'DI DANG GZHI MTHUN YIN NO, ,YANG 'DI LA GTAN TSIGS RNAMS MA NGES PA YIN TE, HA CANG THAL BAR 'GYUR BA'I PHYIR RO, ,'DI LTAR SKYES BU THAMS CAD NI RMONGS PA'I BLO CAN YIN TE, SKYES BU NYID LA SOGS PA'I PHYIR DPER NA KHYOD BZHIN NO ZHES BYA BA 'DI YANG BRJOD PAR NUS PA YIN NO, ,SKYES BU GCIG LA MA MTHONG BA'I CHOS THAMS CAD LA MED PAR NGES PAR BYA BA MI NUS TE, SKYES BU RNAMS LA KHYAD PAR MTHONG BA'I PHYIR RO, ,GANG YANG, RGYAL PO DUS 'DAB KYIS SMRAS PA'I, ,KUN GYIS THAMS CAD MI SHES PA, ,ZHES BYA BA LA SOGS PA DE YANG TSAD MA MA NGES PA'I DAM BCA' BA TZAM DES SMRAS PA YIN NO ZHES BSTAN PA'I PHYIR, LA LAR SKYES BU GCIG LA NI, ,ZHES BYA BA LA SOGS PA SMOS TE, YANG NA RGYAL PO DUS 'DAB KYIS BDAG DANG MTSUNGS PA'I SKYES BU LA BSAMS NAS SMRAS PA YIN TE, ,DES NI MI 'GAL BA'I PHYIR 'DI KHUNGS MA YIN NO ZHES BSTAN PA'I PHYIR YANG NA RANG MTSUNGS SEMS CAN ZHES BYA BA LA SOGS PA SMOS TE, RANG DANG MTSUNGS TE 'DRA BA NI RANG MTSUNGS SO, ,MA 'ONGS PA LA MNGON SUM GYIS, ,ZHES BYA BA LA, ,RNAL 'BYOR PA YIS MNGON SUM DPYOD, ,CES BYA BA LA SOGS PA SMOS TE, DUS GSUM BRTAG PAR ZHES BYA BA NI DER 'DI SKAD DU DNGOS PO THAMS CAD DNGOS SAM BRGYUD PAS RGYU DANG 'BRAS BUR GYUR PA YIN TE, DE LA DA LTAR BA NYID NI DNGOS SAM BRGYUD PAS 'DAS PA'I 'BRAS BUR GYUR PA YIN LA, MA 'ONGS PA'I NI RGYUR GYUR PA YIN PAS MNGON SUM ZHES BYA BA LA SOGS PA SMOS TE, 'DI LTAR JI LTAR BCOM LDAN 'DAS DNGOS CHOS GZIGS PA DANG GSUNG PA YIN NO ZHES BYA BA 'DI LA BSTAN ZIN TE, RANG GI CHOS NI MA MTHONG BA'I, ,ZHES BYA BA 'DI YANG MA GRUB PO SNYAM DU BSAMS PA YIN NO, ,'DI SNYAM DU 'DI CHOS GSUNGS PA YIN NO ZHES BYA BA 'DI NYID JI LTAR GRUB SNYAM DU SEMS NA, GANG LA MNGON MTHO ZHES BYA BA LA SOGS PA SMOS TE, NGES PAR LEGS ZHES BYA BA NI GANG LA GRUB PAR

313b

ZHES BYA BAR 'BREL TO, ,DE LA MNGON PAR MTHO BA NI BDE BA'O, ,NGES PAR LEGS PA NI THAR PA'O, ,DE 'DRA DE NI CHOS SU BSHAD, ,CES BYA BA LA, GANG LA MNGON PAR MTHO BA DANG NGES PAR LEGS PAR GRUB PA DE NI CHOS YIN NO ZHES GSUNGS PA'I PHYIR RO, ,MNGON PAR MTHO BA DANG NGES PAR LEGS PA GRUB PA'I RGYU CHOS YIN DU CHUG MOD GANG GIS 'DI CHOS NYID DU 'GYUR BA BDE BAR GSHEGS PA'I GSUNG JI LTAR DE'I RGYU NYID DU GRUB CE NA, DE GSUNGS PA ZHES BYA BA LA SOGS PA'I GSUNGS TE, 'DI NI DE STE BCOM LDAN 'DAS KYIS GSUNGS PA YANG YIN LA SNGAGS DANG RNAL 'BYOR LA SOGS PA YANG YIN NO ZHES TSIG RNAM PAR SBYAR RO, ,SOGS PA'I SGRAS NI PHYAG RGYA DANG DKYIL 'KHOR LA SOGS PA GZUNG NGO, ,MTHONG BA'I CHOS LA'ANG ZHES BYA BA NI SKYE BA 'DI NYID LA'O, ,'ANG GI SGRAS NI 'JIG RTEN PHA ROL 'BA' ZHIG TU MA ZAD CES STON PA'O, ,DE LTAR MNGON PAR MTHO BA'I RGYU NYID DU BSTAN NAS NGES PAR LEGS PA'I RGYU NYID DU BSTAN PA'I PHYIR, CHOS KUN BDAG MED NYID MTHONG PHYIR, ,ZHES BYA BA LA SOGS PA SMOS TE, GANG GI PHYIR THAMS CAD KYI LTAR NA SKYE BA'I RGYU BSTAN NAS ZHI BA NI THAR PA ZHES 'DOD LA, DE THOB PA'I RGYU YANG BCOM LDAN 'DAS KYI GSUNG NYID YIN TE, SKYE BA'I RGYU NYON MONGS PA'I GNYEN POR 'GYUR PA BDAG MED PAR LTA BA NI 'DI NYID DU BSTAN PA'I PHYIR GZHAN DU MA YIN TE, GZHAN MU STEGS BYED THAMS CAD NI BDAG TU LTA BA PHYIN CI LOG LA MNGON PAR ZHEN PA'I PHYIR RO, ,DES NA BCOM LDAN 'DAS KYI GSUNG NYID MNGON PAR MTHO BA DANG NGES PAR LEGS PA THOB PA'I THABS SU GYUR PA'I PHYIR CHOS KYI MTSAN NYID DU BSHAD KYI GZHAN NI MA YIN NO, ,DES NA 'DI NYID LEGS PAR DON DU GNYER BA RNAMS KYI GNYER POR BYA'I GZHAN NI MA YIN NO ZHES BYA BA NI SPYI'I DON TO, ,YAN LAG GI DON NI BRJOD PAR BYA STE, GAL TE NYON MONGS PA'I TSOGS 'JIG TSOGS LA LTA BA LAS 'BYUNG BA NYID DU GRUB CE NA, BDAG DANG BDAG 'DZIN ZHES BYA BA LA SOGS PA SMOS TE, 'DI YANG KHO BO CAG GIS SNGAR BSHAD ZIN TO, ,GAL TE NYON MONGS PA'I TSOGS 'JIG TSOGS LA LTA BA LAS BYUNG BA DE LTA NA YANG 'DI LA JI LTAR BDAG MED PAR LTA BAS BZLOG PAR 'GYUR ZHE NA DE'I PHYIR

314a

, ,BDAG MED CES BYA BA LA SOGS PA SMOS TE, YOD PAR LTA BA NI SEMS CAN LA LTA BA STE, 'JIG TSOGS LA LTA BA ZHES BYA BA'I THA TSIG GO, ,DE'I GNYEN PO NA GI NYEN PO'I PHYOGS SO, ,'DI SNGAR BSTAN PA KHO NA'O, ,DE YOD PA ZHES BYA BA NI BDAG MED PAR LTA BA YIN NO, ,DE ZHES BYA BA NI SEMS CAN DU LTA BA'O, ,DE'I RTZA BA CAN ZHES BYA BA NI SEMS CAN DU LTA BA'I RTZA BA CAN NO, ,RGYU MED PA LAS ZHES BYA BA NI SEMS CAN DU LTA BA'I RGYU MED PA'I PHYIR RO, ,DE MED PA NA ZHES BYA BA NI NYON MONGS PA'I PHUNG PO'O, ,DE'I RGYU CAN ZHES BYA BA NI NYON MONGS PA'I PHUNG PO'I RGYUN NO, , SKYE MI 'GYUR ZHES BYA BA NI GANG GI PHYIR RGYU MED PAR 'BRAS BU 'BYUNG BAR RIGS PA MA YIN TE, RGYU MED PA NYID DU THAL BAR 'GYUR BA'I PHYIR RO, ,DE LAS SHIN TU RNAM GROL BA, ,ZHES BYA BA NI NYON MONGS PA DE DAG DANG YANG SRID PA DE LAS GTAN DU MI SKYE BA NI GROL BA STE, DE LA SHIN TU RNAM GROL BA'O, , JI SKAD DU, DE LAS SHIN TU GROL BA NI BYANG GROL YIN NO ZHES SMRAS PA BZHIN NO, ,'ON TE GZHAN DAG GI LUGS LA YANG DE KHO NA NYID MTHONG BA NI NGES PAR LEGS PA'I RGYU NYID YIN LA DGE BA BCU'I LAS KYI LAM NI MNGON PAR MTHO BA'I RGYUR BKOD PA MA YIN NAM, DE JI LTAR BDAG MED PAR LTA BA KHO NA GNYIS SU MED PA'I THAR PA'I SGO NAS ZHES BRJOD CE NA, MU STEGS KUN GYI LTAR NA YANG, ,ZHES BYA BA LA SOGS PA SMOS TE, 'DI LTAR PHUNG PO RNAMS NI NGA RGYAL LAS BYUNG BA'I LOG PA NA GROL PA YIN NO ZHES BYA BA 'DI THAMS CAD LA RTZOD PA MED PA YIN NO, ,NGA RGYAL LDOG PA DE YANG GZHAN MU STEGS PA RNAMS LA SRID PA MA YIN TE, DE DAG NI BDAG TU LTA BA PHYIN CI MA LOG PA MNGON PAR ZHEN PA'I PHYIR DANG, NGA RGYAL YANG BDAG TU LTA BA'I RTZA BA CAN YIN PA'I PHYIR RO, ,DE LTAR NA JI LTAR BDAG YOD PA DANG BDAG YOD PA LA MNGON PAR ZHEN PAS GNAS SHING RGYU MTSANG BA MED PA NI RANG GI YUL BDAG SUN DBYUNG BAR MA BYAS PAR 'DI JI LTAR LDOG PAR 'GYUR, JI SKAD DU, NGA RGYAL DANG BCAS YID LA SKYE BA'I RGYUN NI ZHI BAR MI 'GYUR TE, ,BDAG TU LTA BA YOD NA NGA RGYAL SEMS DANG BRAL BAR MI 'GYUR LA, ,GANG PHYIR 'GRO BA'I STON PA GZHAN NI BDAG MED SMRA BA CAN MA MA CHIS, DE

314b

PHYIR NYER ZHI SGRUB LA KHYED KYI GZHUNG LAS LAM GZHAN MCHIS MA LAGS, ,ZHES BSTAN PA BZHIN NO, ,'DI LTAR YID KYI CHOS RNAMS NI TSER MA LA SOGS PA BZHIN DU BTON NAS SPOGS PAR BYA BA MA YIN NO, ,'O NA CI ZHE NA, DE DAG JI LTA BUR GYUR BA'I YUL LA MNGON PAR ZHEN PA NAS 'JUG PA DE SUN PHYUNG BA LAS SO, ,RNAL 'BYOR BA BDAG NYID SUN 'BYIN PAR BYED PA YIN NO ZHE NA, DE NI SUN DBYUNG MED PA YIS, ,ZHES BYA BA LA SOGS PA SMOS TE, 'DI LTAR DE SUN 'BYIN PA NI MED DO ZHES BYA BA, DE LTA BU'I MED PA'I RNAM PAS SUN DBYUNG BAR BYA'I GZHAN DUN SUN 'BYIN PA DON MED PAR 'GYUR RO; ,'DI LTAR BDAG YOD PA NYID DU MNGON PAR ZHE NA NAS SDUG BSNGAL GYI RGYU NYID KYIS SUN 'BYIN PAR BYED PA NA SUN 'BYIN PA DON MED PA NYID DU 'GYUR TE, DE'I SUN 'BYIN PA NI DOR BAR BYA BA'I PHYIR YIN LA RANG BZHIN DU GYUR PA RTAG TU YOD PA NI DOR BA MI SRID PA DES NA DE SUN PHYUNG BA NA DON MED PA YIN NO, ,DE DAG GIS MED PA'I RNAM PAS SUN DBYUNG BAR BYA BA YANG MA YIN TE, BDAG MED PA NYID DU MNGON PAR ZHEN PAS DE DAG PHYIN CI LOG TU THAL BAR 'GYUR BA'I PHYIR RO, ,GZHAN YANG SDUG BSNGAL GYI RGYU NYID LA SOGS PA RNAM PA GZHAN GYIS DE SUN DBYUNG BAR BYA BA YIN DU CHUG MOD, DE LTA NA YANG BDAG DU LTA BA TZAM LAS BYUNG BA'I NGA RGYAL LDOG PAR RIGS PA MA YIN NO ZHES BYA BA STON PA'I PHYIR, GAL TE BDAG YOD DE LTA NA, ,ZHES BYA BA SMOS TE, GAL TE BDAG YOD NA ZHES BYA BA'I DON TO, ,BDAG MED CES BYA RIGS MA YIN, ,ZHES BYA BA NI, BDAG MED DO SNYAM DU LTA BA DE LTA BU RIGS PA MA YIN NO ZHES BYA BA'I DON TO, ,DE LTA BAS NA KHYED CAG GI DE KHO NA NYID RIGS PA MYA NGAN LAS 'DAS PAR 'GYUR RO ZHES BYA BA 'DI NI BRDZUN YIN NO, ,GANG GI PHYIR NGA RGYAL DANG BRAL BA LAS GROL BAR 'DOD LA BDAG YUL DU GYUR PAR GNAS NA NGA RGYAL LDOG PAR RIGS PA MA YIN PAS GROL BA GANG LAS YIN, DE PHYIR MU STEGS ZHES BYA BA LA SOGS PAS MJUG SDUD PAR BYED DO, ,MI DGE BCU NI SPANGS PA YIS, ,ZHES BYA BA NI SROG GCOD PA DANG, MA BYIN PAR LEN PA DANG, 'DOD PA LAS LOG PAR G-YEM PA DANG, RDZUN DU SMRA BA DANG, PHRA MA DANG, TSIG RTZUB MO DANG, NGAG KYAL PA DANG, BRNAB SEMS

315a

, ,DANG; ,GNOD SEMS DANG, LOG PAR LTA BA RNAMS NI MI DGE BA BCU'O, ,RNAM PA GCIG TU NA GZHAN DAG MI SKYOB BA DANG MI SBYIN PA DANG, BSNYEN BKUR MI BYED PA DANG, MI BDEN PA DANG, YID DU MI 'ONG BA BRJOD PA DANG, MI PHAN PA DANG, 'DON PAR MI BYED PA DANG, MA DAD PA DANG, BRTZE BA MED PA DANG, MI DGA' BA ZHES BYA BA MI DGE BA BCU YIN PAR 'DON TO, ,DE LAS BZOG [?] PA LAS DGE BA RNAMS KYANG BCU YIN, MI DGE BA BCU PO DE DAG SPANGS PA NI DE LAS BRAL BA STE DGE BA BCU NYAMS SU LEN PA ZHES BYA BA'I THA TSIG GO, ,CUNG ZAD CIG CES BYA BA NI PHYIN CI LOG SNGON DU 'GRO BA CAN YIN PA'I PHYIR CHES MYUR BAR 'JIG PA'I PHYIR RO, ,NYON MONGS RTZA BA NI SEMS CAN DU LTA BA'O, ,BCOM LDAN 'DAS KYI GSUNG GI KHYAD PAR MTHO BA'I RGYU NYID DU YANG STON PA NI SKYOB PAS SLAR YANG ZHES BYA BA LA SOGS PA STE, STOBS LDAN ZHES BYA BA NI 'BRAS BU RGYA CHE ZHING BSTAN PA NYID KYI PHYIR RO, ,CI'I PHYIR CIG SHOS KYANG STOBS DANG LDAN PAR MI 'GYUR ZHE NA SEMS CAN LTA BAS ZHES BYA BA LA SOGS PA SMOS TE, GANG GI PHYIR RGYU YONGS SU DAG PA KHO NA LAS 'BRAS BU YONGS SU DAG PA 'BYUNG GI YONGS SU MA DAG PA LAS NI MA YIN NO, ,THUB MCHOG CES BYA BA NI PHYI ROL PA SLOB PA DANG MI SLOB PA'I THUB PA RNAMS KYI NANG NAS MCHOG STE CHES BZANG BA NI THUG MCHOG GO, ,GANG YANG, GANG DAG SANGS RGYAS LA SOGS PA, ,KUN MKHYEN RIGS BYED BDAG NYID DU, ,ZHES BYA BA LA SOGS PA SMRAS PA LA, SKYOB PA THAMS CAD MKHYEN PA ZHES BYA BA LA SOGS PA SMOS TE, SKYOB PA ZHES BYA BA NI SANGS RGYAS BCOM LDAN 'DAS SO, ,GAL TE RIG BYED RTAG PA NYID DU SKYOB PAR 'GYUR NA DE'I TSE DE SKAD DU BRJOD PAR 'GYUR NA GANG GI PHYIR DE NYID MA GRUB STE, SNGAR GNOD PAR BYED PA'I TSAD MA BSTAN PA'I PHYIR RO ZHES BSTAN ZIN TO, ,GNOD PAR BYED PA'I TSAD MA DE NYID DRAN PAR BYED PA NA RIM DANG CIG CAR ZHES BYA BA STE, 'DI YANG SNGAR BSHAD ZIN PA NYID DO, ,GANG YANG, DA NI RE ZHIG MI SOGS KYIS, ,THAMS CAD MKHYEN PA MI MTHONG LA, ,ZHES BYA BA LA SOGS PA SMRAS PA DE LA, DA LTAR THAMS CAD MKHYEN PA NI, ,ZHES BYA BA LA SOGS PA SMOS SO, ,

315b

DGAG PA BZHIN DU 'BYUNG 'GYUR ZHES, ,BRTAG PAR NUS PA MA YIN NO, ,ZHES KU M'A RA RI LAS GZHAN 'DI YANG SMRAS PA 'DI LA, DGAG PA BZHIN DU ZHES BYA BA LA SOGS PA SMOS TE, 'DI LTAR 'DAS PA'I DUS SU THAMS CAD MKHYEN PA DGAG PAR NUS PA DE BZHIN DU THAMS CAD MKHYEN PA BYUNG BAR GYUR TO ZHES BRTAG PAR NUS PA MA YIN NO ZHES GRAGS PA DE YANG MI RIGS TE, 'DAS PA'I DUS SU YANG DE DGAG PAR MI NUS PA'I PHYIR RO, ,'ANG GI SGRA LAS 'BYUNG BA DANG 'BYUNG BAR 'GYUR BA'I DUS DAG KYANG DGAG PAR NUS PA MA YIN NO ZHES STON PA YIN TE, MA MTHONG BA TZAM GYIS MED PAR RTOGS PA MA YIN NO ZHES SNGAR BSHAD ZIN TO, ,'DI SNYAM DU ZHES BYA BA LA SOGS PA GZHAN GYIS BKOD PA'I SGRUB PAR BYED DOGS PA YIN TE, SBYOR BA NI GANG 'DAS PA'I DUS YIN PA DE NI THAMS CAD MKHYEN PAS STONG PA YIN TE DUS YIN PA'I PHYIR DE LTAR PA'I DUS BZHIN NO, ,DE LA BSGRUB PAR BYA BA BZLOG PA LA GNOD PA CAN GYI TSAD MA MA BSTAN PA'I PHYIR, LDOG PA LA THE TSOM ZA BA DES NA GTAN TSIGS MA NGES PA YIN NO, ,DPE LA YANG BSGRUB PAR BYA BA'I CHOS THE TSOM ZA BA'I PHYIR MA GRUB LA, DPE GRUB TU CHUG DE LTA NA YANG DPE TZAM GYIS 'DOD PA GRUB PAR RIGS PA MA YIN NO ZHES BSGRUB PA'I PHYIR RGYU'I TSOGS PA ZHES BYA BA LA SOGS PA SMOS TE, GANG ZHIG DA LTAR MED PA DE NI 'DAS PA'I DUS SU YANG MA BYUNG NGO ZHES BYA BA 'DI LA 'BREL PA CI ZHIG YOD, DGA' BYED DANG BHA RA TA LA SOGS PA DA LTAR MED PA'I PHYIR MED PAR RJES SU DPAG PAR NUS PA MA YIN TE, DE BAS NA 'GA' BYED LA SOGS PA YANG MA NGES PA'I PHYIR GTAN TSIGS MA NGES PA YIN NO, ,GANG YANG, RTAGS KYI PHYOGS GCIG MTHONG MA YIN, ,ZHES BYA BA LA SOGS PA SMRAS PA, DE LA SHES RAB LA SOGS PA'I, ,ZHES BYA BA LA SOGS PA SMOS TE, GANG DAG RIGS MTHUN SNGA MA YI, ,ZHES BYA BA LA SOGS PAS SHES RAB LA SOGS PA CHOS CAN NYID DU BRJOD NAS RTAGS BRJOD DE DES NA RTAGS MED DO ZHES BYA BA DE MA GRUB PO, ,YOD PAR BSGRUBS PA YANG MA YIN NO, ,'O NA CI ZHE NA, SHES RAB LA SOGS PA SHIN TU PHUL DU BYUNG BA'I PHYIR CHOS YIN LA, DE NYID KYANG THAMS CAD MKHYEN PA NYID YIN NO, ,DE BAS NA YOD PAR BSGRUB PA'I

316a

, ,SKYON GANG DAG YIN PA DE DAG KYANG 'DIR MI 'JUG PA NYID DO, ,KUN MKHYEN SGRUB BYED BRTAG PA YI, ,ZHES BYA BA LA SOGS PA LA, SNGAR BSHAD RTAGS NI YOD PA NA, ,ZHES BYA BA LA SOGS PA SMOS TE, DNGOS PO STON NAS SHUGS KYIS RJES SU DPAG PA SRID PA NA 'GA' ZHIG 'DOD PA TZAM GYIS RJES SU BYED PA'I TSIG LAS DNGOS PO GRUB PA TSOL BA NI MA YIN NO, ,DE LTA BAS NA KHO BO CAG LUNG GIS THAMS CAD MKHYEN PA SGRUB PA MA YIN NO, ,'O NA CI ZHE NA, RJES SU DPAG PA LAS SO, ,DE YANG SNGAR BSHAD ZIN PA NYID DO, ,KUN MKHYEN SGRUB BYED BRTAG PA YI, ,LUNG GI RNAM PA 'GA' YOD MIN; ,ZHES BYA BA DE YANG GRUB PA MA YIN NO ZHES BSTAN PA'I PHYIR, 'ON KYANG RIG BYED TSAD MA RU, ,ZHES BYA BA LA SOGS PA SMOS TE, 'DI LTAR LUS CAN ZHES BYA BA 'PHROS PA GZHAN YOD DE, DER BCOM LDAN 'DAS SH'AKYA THUB PA 'DI NYID THAMS CAD MKHYEN PA YIN PAR GSAL RAB TU 'DON TE, DE'I PHYIR RIG BYED TSAD MAR BYED PA'I RMONGS PA KHYED CAG GIS 'DI SPONG BAR BYED PA YIN, DER 'DON PA 'DI YANG JI LTA BU ZHE NA, BSTAN PA'I PHYIR GANG GIS ZHES BYA BA LA SOGS PA SMOS TE, GRAGS PAS KHYAB CES BYA BA NI 'GRO BA THAMS CAD DU SNYAN PAR GRAGS PA'O, ,BDUD RTZI'I GO 'PHANG BRNYES ZHES BYA BA NI BAG CHAGS DANG BCAS PA'I NYON MONGS PA MA LUS PA ZHI BA'I MTSAN NYID KYI MYA NGAN LAS 'DAS PA'I GO 'PHANG THOB PA ZHES BYA BA'I DON TO, ,DAG PA ZHES BYA BA NI ZAG PA MED PA'I DBYINGS KYI RANG BZHIN NO, ,'DI TZAM GYIS NI BCOM LDAN 'DAS KYI YE SHES DANG SPANGS PA'I MTSAN NYID KYI RANG GI DON PHUN SUM TSOGS PA BSTAN NAS, GZHAN GYI DON PHUN SUM TSOGS PA BSTAN PA'I PHYIR, 'JIG RTEN KUN GYI YAB TU GYUR, ,ZHES BYA BA SMOS TE, YAB NI STON PA'O, ,'GRO BA MTHA' DAG THEG PA GSUM GYI BDE BA LA 'GOD PA'I PHYIR RO, ,'ON TE ZHES BYA BA LA SOGS PAS GZHAN GYI LAN DOGS PA YIN TE, 'DI ZHES BYA BA NI LUS CAN ZHES BYA BA'I 'PHROS PA BZHIN NO, ,DES 'DIR ZHES BYA BA LA SOGS PAS LAN 'DEBS PAR BYED DO, ,DE LTAR LHUR LEN ZHES BYA BA LA SOGS PAS GZHAN GYI LAN 'DEBS PAR BYED DE, DE LTAR LHUR LEN ZHES BYA BA NI THAMS CAD MKHYEN PA STON PA

316b

LHUR LEN PA'O, ,JI LTAR RNYED MI NUS SHE NA, ,GAL TE RTAG NA DRANG DON NYID, ,CES BYA BA SMOS TE, GAL TE THAMS CAD MKHYEN PA RTAG NA LHUR LEN PA'I LUNG 'DI RTAG PAR GYUR NA DE'I TSE NGES PAR DRANG BA'I DON DU 'DI'I DON GZHAN NYID DU BLTA BAR BYA'O, ,YANG 'DI DRANG BA'I DON NYID DU MI 'DOD PA DE'I TSE NGES PAR 'DI MI RTAG PA NYID DU 'GYUR RO, ,YANG CI'I PHYIR MI RTAG PA NYID YIN NA DRANG BA'I DON DU 'GYUR ZHE NA, LUNG NI RTAG PA NYID PA GRUB NA, ,ZHES BYA BA LA SOGS PA SMOS TE, DE RTAG PA ZHES BYA BA NI THAMS CAD MKHYEN PA RTAG PA'O, ,CI'I PHYIR LOG PA YIN ZHE NA, GANG PHYIR MI RNAMS ZHES BYA BA LA SOGS PA SMOS TE, DE LAS ZHES BYA BA NI LUNG RTAG PA LAS SO, ,'DI NI RAB TU GRUB NA YANG, ,ZHES BYA BA LA SOGS PAS LAN 'DEBS PAR BYED DO, ,GAL TE YANG NGES BRJOD LA SOGS PA'I RIG BYED 'DI RANG GI NGO BO NYID DU RAB TU GRAGS PA DE LTA NA YANG 'DI RTAG PA NYID DU MA GRUB PO, ,JI LTAR ZHE NA, GANG GIS BRTZAL MA THAG TU BYUNG, ,ZHES BYA BA LA SOGS PA SMOS TE, GANG GIS ZHES BYA BA NI GANG GI PHYIR GYI DON TO, ,GANG ZHIG BRTZAL MA THAG TU BYUNG BA'I SHES PA CAN NAM, 'BRAS BU SHES PA'I RIM PA CAN YIN PA DE NI MI RTAG PA YIN TE, DPER NA BUM PA LA SOGS PA BZHIN NO,, RIG BYED KYANG DE BZHIN NO ZHES BYA BA NI RANG BZHIN GYI GTAN TSIGS SO, ,'DI'I MA GRUB PA NYID LA SOGS PA THOS PA BRTAG PAR RGYAS PAR BSAL ZIN PA'I PHYIR MI BRJOD DO, ,'DI NI ZHES BYA BA NI RIG BYED DO, ,GAL TE 'PHROS PA GZHAN RIG BYED NYID DU MA GRUB PO ZHE NA, YANG NA RIG BYED YIN PA'I ZHES BYA BA LA SOGS PA SMOS TE, GZHAN DU ZHES BYA BA NI GAL TE 'DIR RIG BYED MA YIN PA NYID DU MI STON NA DE'I TSE KHYOD KYIS THOS PAR TE RIG BYED LAS THAMS CAD MKHYEN PA DE MA SMOS SO ZHES SMRAS PA GANG YIN PA DE THE TSOM ZA BA'I MA GRUB PA NYID DU 'GYUR RO, ,GANG YANG, DE LHUR LEN NA MI RTAG 'GYUR, ,ZHES BYA BA 'DI LA RIG BYED RTAG DANG ZHES BYA BA LA SOGS PA SMOS TE, CI'I PHYIR ZHES 'DRI NA GZHAN GYIS SMRAS PA NI 'JIG PA'I DON DANG 'BREL PHYIR ZHES BYA BA SMOS TE, 'JIG PA'I DON DANG 'BREL TE 'DRES PA'I RGYU'I PHYIR MI RTAG PA NYID DU 'GYUR RO, ,GAL TE DE LTA ZHES BYA BA LA SOGS

317a

, ,PAS MA NGES PA NYID DU STON PA YIN TE DGANG LUGS NI MAR RO, ,SO BA NI 'BRAS BU'I KHYAD PAR RO, ,GSER GYI RAL PA CAN NI MA'O, ,DE YIS ZHES BYA BA NI RIG BYED KYIS SO, ,DE LA RIGS RTAGS YOD CE NA, ,ZHES BYA BAS GZHAN GYI LAN DOGS PAR BYED DE, DGANG LUGS LA SOGS PA DE LAS SGRA'I BRJOD PAR BYA BA RIGS YOD PA YIN TE, DES NA HA CANG THAL BAR MI 'GYUR RO ZHE NA, DE NI YANG DAG PA MA YIN TE SPYI BRTAG PAR RIGS, RGYAS PAR BSAL ZIN PA'I PHYIR RO, ,RIGS YOD DU ZIN PA DE LTA NA YANG RIGS TZAM RJOD PAR BYED PA'I DGANG LUGS KYI SGRA LAS GSAL BA LAS SHES PA SKYED PAR MI 'GYUR LA, DE BAS NA GSAL BAR BSGRUB PAR BYA BA'I DON DU GNYER BA LA RIGS BRJOD PA DON MED PA NYID DU MI 'GYUR RO, ,GAL TE MED NA MI 'BYUNG BA NYID KYIS GSAL BA RTOGS PAR BYED DO ZHE NA, MA YIN TE, RTOGS PA BAR CHOD PA MED PA'I PHYIR RO, ,SGRA LAS DE MA THAG TU RIGS LA JE DANG POR BLO SKYE LA PHYIS MED NA MI 'BYUNG BA NYID KYIS GSAL BAR RTOGS PA NI MA YIN NO, ,'O NA CI ZHE NA, 'JIG RTEN SGRA LAS DON BYA BA BYED PA'I BYED PA PO NGES PAR BAR CHOD MED PA NYID DU SKYE STE, DE BSTAN PAR 'DOD PA NYID KYIS SGRA SBYOR BA YIN NO, ,DES NA SGRA LAS GSAL BA RTOGS PA MA YIN NO ZHES BRJOD PAR RIGS PA MA YIN NO, ,GAL TE RIGS KHO NA SGRAS BRJOD PA YIN GYI GSAL BA NI MA YIN PA DE'I TSE GLANG 'JO BAR BRJOD PA DE BZHIN DU 'BREL PA MED PAR BRJOD PAR GO NAS RTOGS PA DANG LDAN PA SGRA LAS GSAL BA LA 'JUG PAR MI 'GYUR RO, ,CI STE THAL BAR 'GYUR BA'I NYES PA 'DIR 'GYUR DU 'ONG BAS GSAL BA'I NGO BO DE YANG GSAL BAR BRJOD PAR KHAS LEN PAR BYED NA DE'I TSE JI LTAR RIG BYED KYI RTAG PA NYAMS PAR THAL BAR MI 'GYUR RO, ,GZHAN YANG SGRA RNAMS DNGOS SU RIGS BRJOD PA DANG MED NA MI 'BYUNG BA DE'I GSAL BA BRJOD PA YIN DU ZAD MOD DE LTA NA YANG THAMS CAD MKHYEN PA STON PA LHUR LEN PA'I LUNG RTAG PA NYID DU MI 'GAL LO ZHES STON PA NI, YANG NA KUN MKHYEN GYIS BSTAN BLA, ,ZHES BYA BA LA SOGS PA SMOS TE, THAMS CAD MKHYEN PA GCIG LA YANG GNAS SKABS THA DAD PA YONGS SU BRTAGS PA'I SNA

317b

TSOGS PA NYID KYIS RIGS SGRA'I BRJOD BYA NYID DU 'THAD NA, THOG MA MED PA'I THAMS CAD MKHYEN PA'I BRGYUD PA DPAG TU MED PA LTA SMOS TE CI DGOS, GZHAN YANG GAL TE KHYED CAG GIS LTAS CAN ZHES BYA BA'I 'PHROS PA GZHAN RIG BYED NYID DU KHAS LEN PA DE LTA NA YANG KHYED KYI LUGS KHO NAS THOS PAR MA BRJOD PA NYID THE TSOM ZA BA MA YIN NO ZHES BSTAN PA'I PHYIR, GANG CHE ZHES BYA BA LA SOGS PA SMOS TE, RIG BYED KYI TSIG RNAMS RTAG PA NYID KYIS RANG DGA' BA YIN PAS NA RIG BYED DE LAS DON NGES PAR 'BYUNG BA MA YIN TE, GANG GI PHYIR, RIG BYED 'DI BDAG GI DON NI 'DI YIN GYI GZHAN NI MA YIN NO ZHES DE SKAD DU SMRA BA MA YIN LA, RTOG PA RANG LAS TE BDAG NYID LAS DANG STE GZHAN LAS TE 'CHAD PA PO LAS DON NGES PAR 'GYUR BA YANG MA YIN TE, KHYOD KYI LUGS KYIS THAMS CAD RMONGS PA LA SOGS PA BSLAD PA NYID YIN PA'I PHYIR RO, ,DES NA ME LA SBYIN SREG SBYIN PA LA SOGS PA'I TSIG LAS BCOM LDAN 'DAS THAMS CAD MKHYEN PA YIN NO ZHES BYA BA'I DON 'DI YANG SRID PA KHO NA'O, ,TSAD MA GANG ZHES BYA BA NI CUNG ZAD KYANG MED PA KHO NA'O, ,GANG YANG MI KUN GYIS SHES ZHES BYA BA, MI SLU MI SRID MA YIN NO, ,ZHES GANG SMRAS PA 'DI LA MTHO RIS DANG NI ZHES BYA BA LA SOGS PA SMOS SO; GANG YANG, DE YANG SNGAGS KYI DRANG DON BZHIN, ,PHAL PA NYID DU BRJOD PAR BYA, ,ZHES BYA BA LA SOGS PA SMRAS PA DE LA, DE YANG SNGAGS KYI ZHES BYA BA LA SOGS PA SMOS TE, GAL TE TSAD MAS THAMS CAD MKHYEN PA NYID SEL BAR 'GYUR NA DE'I TSE GZHAN DU MI 'THAD PAS 'DI PHAL BA'I DON NYID SHES PAR 'GYUR GYI GZHAN DU NI MA YIN TE GTZO BO'I DON YANG SRID PA'I PHYIR RO, ,TSIG BRTAG PA NI DRANG BA'I DON NYID DU RIGS PA MA YIN TE GANG GI PHYIR DON GZHAN BSAMS NAS GZHAN STON PA NI DRANG BA'I DON YIN LA, BSAM PA DANG BRAL BA'I TSIG LA BRJOD PAR 'DOD PA MED PA DE RIGS PA MA YIN NO, ,YANG NA, SKABS KYI CHOS LA SOGS PA LA, ,ZHES BYA BA LA SOGS PA LA, GAL TE CHOS SOGS ZHES BYA BA LA SOGS PA SMOS SO, ,JI LTAR RGYAL BA YIN ZHE NA GANG GI PHYIR RGYU DANG BCAS PA'I ZHES BYA BA LA SOGS PA SMOS TE, SNGAR BCOM LDAN 'DAS KYIS MNGON PAR MA THO BA DANG NGES PAR LEGS PA'I YE

318a

, ,SHES THOGS PA MOD PA BSGRUBS PAS DE'I PHYIR BCOM LDAN 'DAS KHO NA MA 'DRES PA STE GZHAN MA YIN PA'I CHOS LA SOGS PA'I YE SHES CAN YIN NO ZHES RANG NYID KYI TSIG GIS THAMS CAD MKHYEN PAR KHAS BLANGS PAR 'GYUR RO, ,GANG YANG, YANG NA BDAG NYID KHO NA LAS; ,ZHES SMRAS PA, DE LA YANG BCOM LDAN 'DAS KHO NA LAS RNAM PA DE LTA BU'I YE SHES SRID PA'I PHYIR MI 'DOD PA CUNG ZAD KYANG MED DO ZHES BSTAN PAR BYA BA'I YE SHES SU 'GYUR LA STON PA'I GSUNG RAB CHA GCIG LA YANG MI BRTAN PA'I YE SHES MED PA YIN TE THEG PA GSUM GYI YUL CAN GYI BSTAN PA SDUG BSNGAL LA SOGS PA'I MTSAN NYID CAN GYI BSTAN PA NI NGAG GCIG NYID YIN PA'I PHYIR RO, ,GANG YANG BDAG NYID RNAM PAR SHES, ,ZHES BYA BA LA SOGS PA SMOS TE, DE YANG ZHES BYA BA NI BDAG SHES PA'O, ,DE DAG GI ZHES BYA BA NI SANGS RGYAS BCOM LDAN 'DAS RNAMS KYI'O, ,DANG PO NYID DU ZHES BYA BA NI JI SRID YON TAN TSOGS ZHES BYA BA LA SOGS PAS SO, ,'ON TE DER BDAG GIS SHES PA RANG RIG PA'I BDAG NYID DU BRJOD KYI NANG GI BYED PA'I SKYES BU'I SHES PA NI MA YIN NAM, DE JI LTAR GRUB PA LA SGRUB PAR 'GRUB CE NA, DE YI SHES PA 'DI NYID DE, ,ZHES BYA BA LA SOGS PA SMOS SO, ,GAL TE SEMS TZAM RIG PA NYID DU JI LTAR 'GRUB CE NA, RIG BYA RIG BYED RNAM PA MED, ,CES MNGON SUM GYIS RNAM PA THAMS CAD JI LTA BA BZHIN DU NYAMS SU MYONG BA YIN LA, DE'I RJES LA THOB PA'I DAG PA 'JIG RTEN PA'I YE SHES DON DAM PAR YUL MED PAR DNGOS PO DANG 'BREL PA MI SLU BA'I RNAM PAR RTOG PA RNAMS KYIS RGYU DANG 'BRAS BUR GYUR PA'I 'DAS PA DANG MA 'ONGS PA'I DNGOS PO'I RGYUN LA BRTEN NAS RNAL 'BYOR BA RNAMS KYIS 'DAS PA DANG MA 'ONGS PA'I DNGOS PO RNAM PAR 'JOG PAR BYED PA YIN NO ZHES BYA BA BSHAD ZIN TO, ,JI SKAD DU, GANG ZHIG DA LTAR BYUNG BA YI; ,NGO BO DNGOS SAM BRGYUD PA YIS, ,RGYU DANG 'BRAS BU NYID GYUR PA, ,DE NI RNAL 'BYOR BA YIS SHES, ,RNAM RTOG RJES SU 'BREL PA'I BDAG ,DAG PA 'JIG RTEN YE SHES KYIS, ,DE NYID DU NI YUL MED KYANG, ,PHYIS KYANG RJES SU SHES PA YIN, ,DES NA RGYU DANG 'BRAS DAG GI,

318b

BYUNG DANG 'BYUNG BAR 'GYUR BA YI, ,RGYUN LA BRTEN NAS 'DAS PA DANG, ,MA 'ONGS RTAG PA 'BYUNG BA YIN, ,ZHES GANG BSHAD PA YIN NO, ,'DI YANG MDO SDE PA RNAMS KYIS MI 'DOD DE, THAMS CAD DU BCOM LDAN 'DAS DNGOS SU GZIGS PA NYID DU KHAS LEN PA'I PHYIR RO, ,DE BAS NA MDO SDE PAS 'DOD PA'I LUGS BSTAN PA'I PHYIR, YANG NA RNAL 'BYOR NUS PA LA, ,ZHES BYA BA LA SOGS PA SMOS TE, DPER NA RMI LAM BDEN PA MTHONG BA DON DAM PAR YUL MED NA YANG RTAGS DANG LUNG LA MA LTOS PA'I SKYE BA YIN TE DE YANG MNGON SUM RTEN GYI BYE BRAG GI DBANG GIS 'BYUNG BA NI MI SLU BAR 'GYUR BA DE BZHIN DU; RNAL 'BYOR BA RNAMS LA RNAL 'BYOR GYI STOBS KYIS JI LTAR BYUNG BA DANG 'BYUNG BAR 'GYUR BA'I 'DAS PA DANG MA 'ONGS PA'I DNGOS PO DE KHO NA LTAR GSAL BAR SNANG BA RTAGS DANG LUNG LA MA LTOS PAR SKYE BA YIN TE DE YANG MNGON SUM GYIS TSAD MAR 'DOD PA YIN NO, ,'DI SNYAM DU, MNGON SUM RANG GI MTSAN NYID KYI YUL CAN DU 'DOD LA, 'DAS PA DANG MA 'ONGS PA NI RANG GI MTSAN NYID DU YOD PA MA YIN NA DE JI LTAR DE'I YUL RANG GI MTSAN NYID DU RIGS SNYAM DU SEMS NA, RANG BDAG SNANG BA RIG PA'I PHYIR, ,ZHES BYA BA LA SOGS PA SMOS TE, GAL TE YANG 'DAS PA LA SOGS PA'I DNGOS PO RANG GI MTSAN NYID DU YOD PA MA YIN PA DE LTA NA YANG RANG RIG PA'I BDAG NYID YIN PA'I PHYIR, RANG GI MTSAN NYID KYI YUL CAN DU BSTAN BCOS SU BSTAN PA YIN NO ZHES BYA BAR MI 'GAL LO, ,DE YANG GSAL BAR SNANG BA NYID KYIS RTOG PA DANG BRAL BA YIN LA, RNAM PA DE LTA BU'I DNGOS PO LA MI 'KHRUL PA'I PHYIR MA 'KHRUL PA YIN PAS DE'I PHYIR MNGON SUM GYI MTSAN NYID DANG LDAN PA'I PHYIR MNGON SUM YIN NO ZHES BYA BAR GRUB PO, ,GANG ZHIG 'DI MI BZOD PA LA, ,ZHES BYA BA LA SOGS PA LA, SNGAR BSHAD RJES SU DPAG PA LAS, ,ZHES BYA BA LA SOGS PA SMOS TE, SNGAR BSHAD PA'I RJES SU DPAG PA LAS LUNG LA MA LTOS PAR BSGOM PA'I STOBS KYIS GRUB PA DON MNGON DU BYED PA'I DBANG PO LAS 'DAS PA'I DON SHES PA GRUB STE, DE'I PHYIR THUB PA BCOM LDAN 'DAS NI BLO BZANG BDE BAR GSHEGS PA RNAMS KYIS SMRAS KYI BYIS PA'I LUNG GZHAN LAS NI MA YIN PAS DE'I PHYIR DE NI KHAS MA BLANGS PAS SUN 'BYIN PA MA YIN PA KHO NA'O, ,GANG YANG, BYED PA PO DANG BYAS

319a

, ,PA'I TSIG ,CES BYA BA LA SOGS PA GANG SMRAS PA DE LA, 'ON TE TSAD MA GRUB BYA'I PHYIR, ,ZHES BYA BA LA SOGS PA SMOS TE, KHO BO CAG GIS TSAD MA GRUB PAR BYA BA'I PHYIR THOG MA MED PA NYID SGRUB PAR BYED PA NYID DU NI MI BRJOD DO, ,DE NI MI MTHUN PA'I PHYOGS LA 'JUG PA MA NGES PA NYID YIN PA'I PHYIR RO, ,DE'I PHYIR KHYED CAG GIS SGRO BTAGS NAS SUN 'BYIN PA SMRAS PA YIN NO, ,GZHAN YANG RIG BYED TSAD MA NYID DU GRUB PAR BYA BA'I PHYIR RIG BYED SMRA BA PO RNAMS DANG, RIG BYED RNAMS THOG MA MED PA NYID DU SGRUB PAR BYED PA SMRA BA NA, KHYED CAG NYID LA SKYON 'DI DAG THAMS CAD GSAL BAR 'JIG PA YIN NO ZHES BSTAN PAR BYA BA'I PHYIR, GANG YANG TSAD MA ZHES BYA BA LA SOGS PA SMOS TE, SMRA BA PO DANG BYAS PA'I TSIG RNAMS ZHES ZLAS DBYE'O, ,DE LA SMRA BA PO NI RIG BYED 'CHAD PA PO'I TSAD MA JI LTAR BKAG CE NA, SMRA PO BYED PO DANG MTSUNGS TE, ,ZHES BYA BA LA SOGS PA SMOS TE, DE LA LTOS NAS ZHES BYA BA NI SMRA BA PO LA LTOS NAS SO, ,JI LTAR ZHE NA, DES BYAS PA'I BSHAD PAS ZHES BYA BA NI SMRA BA PO DE DAG GIS BYAS PA'I BSHAD PA LAS DON RTOG PA SKYE BA'I RGYU'I PHYIR RIG BYED RNAMS DE LA LTOS NAS TSAD MA MA YIN NO, ,DE LAS SKYON CIR 'GYUR ZHE NA, DES NA RIG BYED DAG RNAMS NI, ,ZHES BYA BA LA SOGS PA SMOS TE, DE YOD MIN ZHES BYA BA NI TSAD MA NYID CES 'BREL TO, ,GANG GI TSE DE LTAR RIG BYED KYI TSIG RNAMS GZHAN GYI DBANG CAN YIN PA'I PHYIR TSAD MA NYID MED PA DANG, DE'I SMRA BA PO THAMS CAD KYANG DMUS LONG BRGYUD PA BZHIN DU CHOS MA YIN PA MTHONG BAS TSAD MA NYID MA YIN NO, ,GANG GZHAN GYIS, DE LTAR CHAD MA TSAD MIN GNYIS, ,THOG MA MED PA NYID DU 'GYUR, ,ZHES GANG SMRAS PA DE RIGS PA MA YIN NO ZHES BSTAN PA'I PHYIR, DE LTA YIN NA TSAD MA DANG, ,ZHES BYA BA SMOS TE, SMRA BA PO DANG BYAS PA'I TSIG RNAMS TSAD MA NYID DU 'GYUR NA, TSAD MA NYID GCIG LA MED PA NYID DU 'GYUR TE, 'DI LTAR DE NYID MA GRUB PO ZHES BYA BAR MI RIGS TE, GNYI GA THOG MA MED PA NYID DO SNYAM DU BSAMS PA YIN NO, ,GZHAN YANG KHO BO CAG GIS RIG BYED DANG DE 'DON PA NI SANGS RGYAS DANG DE'I GSUNG DANG LHAN CIG MTSUNGS PA NYID DU SMAN PA NI DE DANG 'GRAN PA NYID YIN GYI, BCOM LDAN 'DAS DANG DE'I GZHUNG RNAMS NI 'DI DAG DANG LHAN CIG MTSUNGS PA NYID YOD

319b

PA MA YIN GYI 'ON KYANG KHYAD PAR CHE'O ZHES BSTAN PA'I PHYIR, YANG NA THUB DANG DE'I GSUNG LA, ,ZHES BYA BA LA SOGS PA SMOS TE, DANG PO NYID DU ZHES BYA BA NI PHYI ROL GYI DON RTOG PAR RO, ,'KHOR BAR MI 'CHING BA STE RJES SU MI MTHUN PA'I SHES PA GANG DAG LA YOD PA DE DAG LA DE SKAD CES BYA'O, ,DE'I DBANG GIS BYUNG BA'I BSTAN PA GANG YIN PA DE DAG JI LTAR THOS SHE NA, GNYIS KYI RNAM PAS MA GOS PA'I, ,ZHES BYA BA LA SOGS PA TSIGS SU BCAD PA GNYIS SMOS TE, GNYIS KYI RNAM PA RMONGS MED BDAG ,CES BYA BA NI GZUNG BA DANG 'DZIN PAR MNGON PAR ZHEN PA SPANGS PA'O, ,GNYIS LA BDAG MED RTOGS PA NA, ,ZHES BYA BA NI GANG ZAG DANG CHOS LA BDAG MED PA RTOGS PA NA'O, ,YANG NA GNYIS NI GZUNG BA DANG 'DZIN PA STE, DE'I BDAG MED PA STE RANG BZHIN MED PA ZHES TSIG RNAM PAR SBYAR RO, ,SRED MED BU SOGS SPYOD YUL MIN, ,ZHES BYA BA NI SRED MED BU NI KHYAB 'JUG GO, ,SOGS PA'I SGRAS NI DBANG PHYUG LA SOGS PA BZUNG NGO, , CI STE SRED MED KYI BU LA SOGS PA LA YANG RNAM PAR DAG PA'I BDAG TU LTA BA CI'I PHYIR MI 'DOD CE NA, GZHAN GYIS DAG PA'I SHEL LTA BU, ,ZHES BYA BA LA SOGS PA SMOS TE, GZHAN DAG GIS ZHES BYA BA NI SRED MED KYI BU LA SOGS PAS SO, ,BDAG RTAG PAR BSAL ZIN PA'I PHYIR, DE'I YUL CAN GYI SHES PA PHYIN CI LOG YIN PAS RNAM PAR DAG PA MA YIN NO, ,GZHAN YANG DE DAG LA RTAG PA'I BDAG GI YUL CAN GYI SHES PA BRJOD PA GANG YIN PA DE CI BDAG DE LAS SKYE'AM 'ON TE MA YIN ZHES BYA BA PHYOGS RNAM PA GNYIS SO, ,DE LA PHYOGS DANG PO LA RGYU MA TSANG BA MED PA NYID KYIS DE'I YUL CAN GYI SHES PA MTHA' DAG CIG CAR SKYE BAR 'GYUR RO, ,'ON TE PHYOGS GNYIS PA YIN NA DE LA YANG DE RTAG PA YIN NAM MI RTAG PA YIN GRANG, GNYI GA LTAR NA YANG BDAG DES PHAN MI 'DOGS PA'I PHYIR SKYES BU GZHAN GYI SEMS PA BZHIN DU DE'I YUL CAN DU MI 'GYUR RO, ,GANG YANG, BDAG NYID RNAM PAR BDAG MTHONG BA, ,DE NYID DE YI SHES PA YIN, , ZHES SMRAS PA DE LA, GZUNG BA'I MTSAN NYID MI 'THAD PA, ,ZHES BYA BA LA SOGS PA SMOS TE, GAL TE RE ZHIG BDAG SEMS PA'I NGO BOR KHAS LEN PAR BYED NA DE'I TSE DE'I YUL CAN GYI SHES PA RNAM PAR MA DAG PA NYID YIN TE, RANG BZHIN GYI SHES PA THAMS CAD KYIS GZUNG BA DANG 'DZIN PA MI 'THAD PA NI PHYI

320a

, ,ROL GYI DON BRTAG PAR BSGRUBS ZIN PA'I PHYIR RO, ,CI STE BDAG SEMS KYI NGO BO YIN NO ZHES BYA BA'I PHYOGS YIN LA, DE'I TSE BLTA BAR BYA BA DANG, LTA BA THA DAD PA'I PHYIR GZUNG BA DANG 'DZIN PA'I DNGOS PO MI 'THAD PAS SHES PA DE'I YUL CAN ZHES BYA BAR MI 'GYUR RO, ,YUL DANG YUL CAN THA DAD NA YUL DANG YUL CAN GYI DNGOS POR 'GYUR RO, ,GAL TE SGRON MA BZHIN DU GSAL BA'I BDAG NYID YIN PAS 'DI DAG GI YUL CAN NYID DU KHAS LEN PAR BYED NA DE'I TSE MNGON PAR MI 'DOD PA'I RANG RIG PAR THAL BAR 'GYUR BA DANG, SHES PA MNGON SUM MA YIN PA NYID DU 'DOD PA DANG YANG 'GAL BAR 'GYUR TE; DE STON PA NI, BLO YANG MNGON SUM DU 'GYUR RO, ,ZHES BYA BA'O, ,CI STE YANG RIG BYED YUL CAN PHYIR ZHES BYA BA LA SOGS PA GANG SMRAS PA DE LA, RIG BYED DANG NI TSANGS PA SOGS, ,ZHES BYA BA LA SOGS PA SMOS TE, 'BREL PA YOD PA YIN NA, TSANGS PA LA SOGS PA RIG BYED KYI YUL CAN DU 'GYUR PA YIN NA RIG BYED DANG LHAN CIG TSANGS PA LA SOGS PA 'BREL PA YOD PA YANG MA YIN TE, 'DI LTAR DNGOS PO RNAMS KYI 'BREL PA NI RNAM PA GNYIS PO KHO NA STE, DE'I BDAG NYID DANG DE LAS BYUNG BA ZHES BSTAN ZIN TO, ,DE LA THA DAD PAR KHAS LEN PA'I PHYIR DE'I BDAG NYID KYIS 'BREL PA MED LA, DE LAS BYUNG BA YANG MA YIN TE, GNYI GA YANG RTAG PA NYID KYIS PHAN 'DOGS PAR BYED PA DANG PHAN GDAGS PAR BYA BA MA YIN PAS PHAN TSUN LTOS PA'I PHYIR RO, ,SHES PA KUN GYI RANG BZHIN YANG, ,ZHES BYA BA NI 'THAD PA MA YIN ZHES SKABS SU BAB PA DANG SBYAR RO, ,CI'I PHYIR ZHE NA, DON NGES PA MED PA'I PHYIR RO, ,NGES PA'I DON LA RIG BYED SHES PA THAMS CAD KYI RANG BZHIN DU RTAG PAR RIGS LA, DE LA YANG, KHYED KYI LUGS KYIS MI SRID DO, ,ZHES 'DI NI BSTAN ZIN TO, ,GANG GI PHYIR KHYED CAG LTAR KHO BO CAG GIS RIG BYED KYI SGO NAS THAMS CAD MKHYEN PA KHAS LEN PAR BYED PA NI MA YIN NO, ,'O NA CI ZHE NA, RANG BYUNG GI YE SHES SO, ,BCOM LDAN 'DAS NI RANG NYID KYIS THAMS CAD MKHYEN PA YIN NO ZHES BYA BA NI BSTAN ZIN TO, ,GANG YANG SANGS RGYAS SOGS MIN GANG, ,LHA MCHOG GSUM PO GANG NA GNAS, ,ZHES BYA BA SMRAS PA DE LA BCOM LDAN 'DAS MI YIN PA NYID DU MA GRUB PO ZHES BSTAN PA'I PHYIR 'GRO BA LNGA'I ZHES

320b

BYA BA LA SOGS PA SMOS TE, SEMS CAN DMYAL BA DANG, YI DAGS DANG, DUD 'GRO DANG, LHA DANG, MI'I BYE BRAG GIS 'GRO BA LNGA'I BDAG NYID NI 'KHOR BA'O, ,SANGS RGYAS BCOM LDAN 'DAS KYANG DE LAS PHYI ROL DU GYUR PA YIN PAS 'DI DAG MI YIN PA NYID DU MA GRUB PO, ,'ON JI LTAR 'DI DAG ZAS GTZANG LA SOGS PA'I RIGS SU SKYES PA THOS SHE NA, DE NI DE LTAR SPRUL PAR 'DOD, ,CES BYA BA SMOS SO, ,'DI NYID LUNG GIS BSTAN PA'I PHYIR 'OG MIN ZHES BYA BA LA SOGS PA SMOS SO, ,'OG MIN ZHES BYA BA NI LHA DAG STE DE DAG GI PHYOGS GCIG NA GNAS GTZANG MA'I RIGS KYI LHA RNAMS YOD DO, ,DER 'PHAGS PA NYID 'BA' ZHIG GNAS SO, ,DE DAG GI STENG NA DBANG PHYUG CHEN PO'I GNAS ZHES BYA BA'I GNAS YOD DE DER SA BCU LA ZHUGS PA'I BYANG CHUB SEMS DPA' SRID PA THAM PA KHO NA SKYE BA BZHES PA YIN LA, 'DIR NI DE'I DBANG GIS DE LTA BU'I SPRUL PA DMIGS PA YIN NO ZHES BYA BA NI LUNG YIN NO, ,GAL TE 'DI KHO BO CAG LA MA GRUB PO ZE NA, KHYED KYIS RANG 'GA' NYID DU NI, ,ZHES BYA BA LA SOGS PA SMOS TE, GAL TE KHYED CAG RANG DBANG DU RJOD PAR BYED NA DE'I TSE THE TSOM ZA BA'I MA GRUB PA YIN NO, ,GANG GI RANG DBANG DU MI NYID DU GRUB PAR 'GYUR BA KHYED LA BCOM LDAN 'DAS MI NYID DU SGRUB PAR BYED PA'I TSAD MA CUNG ZAD KYANG YOD PA MA YIN NO, ,DE BAS NA KHYED KYIS GZHAN DAG GI LUNG GI SGO NAS MI NYID DU BRJOD PAR BYA DGOS LA, GZHAN GYI LUNG DE YANG DE LTAR DE JI SKAD DU BSHAD PA'I NGO BOR GNAS PA'I PHYIR 'DI DAG MI NYID DU MA GRUB PO, ,JI LTAR 'DI DAG NAM MKHA'I ME TOG DANG 'DRA BA NYID DU GRUB CE NA, NUS PA THAMS CAD DANG BRAL BA, ,ZHES BYA BA LA SOGS PA SMOS TE, GZHAN GYI BDE BYED LA SOGS PA RTAG PA NYID DU 'DOD LA RTAG PA NYID KYANG RIM DANG CIG CAR DAG GIS DON BYED PAR 'GAL BA'I PHYIR NUS PA THAMS CAD DANG BRAL BA NYID DU BSGRUBS ZIN PA NYID DO, ,NUS PA THAMS CAD DANG BRAL PA'I MTSAN NYID KYANG MED PA'I PHYIR GZHAN GYIS 'DOD PA'I MIG GSUM PA LA SOGS RTAG PA MED PA NYID KYI PHYIR 'DI DAG NAM MKHA'I ME TOG LTA BUR GRUB PA KHO NA'O, ,MIG GSUM PA NI BDE BYED DO, ,GZHAN YANG MIG GSUM PA LA SOGS PA YOD DU ZIN MOD, DE LTA NA YANG DE DAG DMAN

321a

, ,PA NYID KYI KHO BO CAG GIS DE DAG DANG BCOM LDAN 'DAS 'GRAN PAR BYED PA NI MA YIN NO ZHES BSTAN PA'I PHYIR, GZHAN YANG DE DAG CES BYA BA LA SOGS PA SMOS TE RTOGS PAR ZAD DO, ,GANG YANG, RIG BYED LUNG NI DAG PAR YANG, ,ZHES SMRAS PA DE LA, YON TAN DBANG PHYUGS CES BYA BA LA SOGS PA SMOS TE, DNGOS PO THAMS CAD LA KHYAB PA'I SKAD CIG MA 'JIG PA BSGRUB PAR 'GA' ZHIG KYANG RTAG PA NYID YOD PA MA YIN PA'I PHYIR 'DI DAG THAMS CAD 'BREL BA MED PAR BRJOD PA YIN NO, ,GANG YANG, GAL TE KUN MKHYEN DANG 'DRA 'GA', ,ZHES BYA BA LA SOGS PA SMRAS PA DE LA, NYE BAR 'JAL BAS THAMS CAD MKHYEN, ,ZHES BYA BA LA SOGS PA SMOS TE, GANG GIS SANGS RGYAS PA DE LAS THAMS CAD MKHYEN PA GRUB PAR 'DOD PAR 'GYUR BA DE NYE BAR 'JAL BA TSAD MA NYID NI MA YIN NO, ,TSAD MA NYID YIN NA YANG DE YOD PAR BSGRUB PA LA NYE BAR MKHO BA NYID MA YIN TE, 'DI LTAR DES NI BA LANG LA SOGS PA RAB TU GRAGS PA'I CHOS CAN LA BA MEN LA SOGS PA DANG 'DRA BA TZAM BSGRUB PAR BYA BA YIN LA CHOS CAN THAMS CAD MKHYEN PA NI GRUB PA YOD PA MA YIN TE, KHYED KYI LUGS KYIS DE NYID BSGRUB PAR BYA BA YIN PA'I PHYIR RO, ,DES NA KHYED KYIS 'DOD PAS THAMS CAD MKHYEN PA YOD PA NYID DU GRUB PAR BYA BA'I SKABS YIN PA DE NYID KYIS NYE BAR 'JAL BA'I SKABS MED PA'I PHYIR DE DGAG PA DON MED PA THOB PA MED PA'I PHYIR RO, ,DGAG PA NI THOB PA SNGON DU 'GRO BA CAN YIN PA'I PHYIR RO SNYAM DU BSAMS PA YIN NO, ,DA LTAR YOD PA'I MI RNAMS KUN, ,ZHES BYA BA LA SOGS PA LA, GAL TE KHYED KYIS MI RNAMS KUN, ,ZHES BYA BA LA SOGS PA SMOS TE; GAL TE KHYED KYIS MI THAMS CAD MTHONG NA DE'I TSE THAMS CAD MKHYEN PA 'GEGS PA NA RANG GI TSIG DANG 'GAL BA YIN TE, 'DI LTAR THAG RING BA DANG BAR DU CHOD PA'I SKYES BU MTHA' DAG MTHONG BAS KHAS BLANGS PA'I PHYIR DANG GZHAN GYI RGYUD DANG 'BREL BA'I SHES PA'I NUS PA NGES PAR KHAS BLANGS PA'I PHYIR, BDAG NYID THAMS CAD MKHYEN PA NYID DU GSAL RAB TU KHAS BLANGS PAR 'GYUR TE, YUL DANG DUS DANG RANG BZHIN GYIS BSKAL BA'I DON MTHONG BAR KHAS LEN PA'I PHYIR RO, ,THAMS CAD MKHYEN PA MA YIN PA NI DE LTA BU SHES PA SRID PA MA YIN NO, ,DE DGAG PA'I PHYIR, SGRUB PAR BYED PA YANG LEN PAS DE NYID BKAG PA

321b

YIN PA'I PHYIR RANG GI TSIG DANG 'GAL TE DPER NA NGA'I MA MO GSHAM YIN NO ZHES BYA BA LTA BU'O, ,GTAN TSIGS MA GRUB PA YIN NO ZHES BYA BAR BSTAN PA'I PHYIR, MDUN NA GNAS PA ZHES BYA BA LA SOGS PA SMOS TE, 'DI LTAR MDUN NA GNAS PA'I SKYES BU'I LUS TZAM MTHONG BA'I PHYIR 'DI THAMS CAD MKHYEN PA MA YIN NO ZHES BYA BA DE LTA BU YANG THAMS CAD MKHYEN PA MA YIN PAS THAMS CAD MKHYEN PA NGES PAR MI NUS NA YUL DANG DUS KYIS CHOD PA'I SKYES BU LA LTA SMOS KYANG CI DGOS, ,DES NA ZHES BYA BA NI THAMS CAD MKHYEN PA MA YIN NO ZHES DE LTAR NGES NA'O, ,CI STE GTAN TSIGS MA GRUB PAR 'GYUR DU 'ONG BAS BDAG NYID THAMS CAD MKHYEN PA MA YIN PA NYID KYIS MI MA LUS PA THAMS CAD MKHYEN PA MA YIN PAR NGES PAR KHAS LEN PAR BYED NA DE'I TSE HA CANG THAL BAR 'GYUR BA'I PHYIR MA NGES PA NYID MA YIN NO ZHES BSTAN PA'I PHYIR, BDAG NYID KUN SHES ZHES BYA BA LA SOGS PA SMOS TE, BDAG NYID LA THAMS CAD MKHYEN PA NYID MA MTHONG BAS ZHES TSIG RNAM PAR SBYAR RO, ,'DI SNYAM DU CHOS THAMS CAD KYI SHES PA GRUB PAR BYED PA NA SHES RAB LA SOGS PA'I BYE BRAG MTHONG BAS GNOD PA'I PHYIR DES NA DE SGRUB PAR MI BYED KYI, THAMS CAD MKHYEN PA MA YIN PA NYID DU SGRUB NA GANG GIS GNOD PA MED PA DES NA HA CANG THAL BAR MI 'GYUR RO SNYAM DU SEMS PA DE YANG YANG DAG PA MA YIN TE, ,JI LTAR GTAN TSIGS GNOD PA MTHONG BA SGRUB PAR BYED PA MA YIN PA BZHIN DU GNOD PAR DOGS PA YANG MA YIN PAS DES NA GNOD PA DGOD PA NI GNOD PAR 'DOD PA LAS THA DAD PA MA YIN NO, ,DES NA THAMS CAD MKHYEN PA MA YIN PA NYID DU SGRUB PAR BYED PAR YANG 'GYUR TE GNOD PAR DOGS PA'I PHYIR RO, ,GANG YANG, SHED LA SOGS PAR BSTAN PA NI, ,GZHAN DU YANG NI 'THAD PA YIN, ,ZHES SMRAS PA DE LA, RGYAL BA'I MTHO RIS ZHES BYA BA LA SOGS PA SMOS TE, NYE BAR BSTAN PA GZHAN DU MI 'THAD PA NYID MA GRUB STE MTHO RIS DANG BYANG GROL GYI LAM KHA NA MTHO BA MED PA NI RMONGS PA LAS SRID PA STON PA MA YIN TE, BCOM LDAN 'DAS KYI GSUNG KHA NA MA THO BA MED PA NYID NI RTAG PA THAMS CAD KYIS BSGRUBS ZIN TO, ,RMONGS PA THAMS CAD KYIS ZHES BYA BA NI KU M'A RA RI LAS SO, ,'ON KYANG DE KHO NA DE LTAR SEMS SO ZHES BYA BA'I DON TO, ,YANG NA SLOB MA RMONGS DON

322a

, ,NAM; ,ZHES BYA BA LA SOGS PA LA, MTHONG CHOS ZHES BYA BA LA SOGS PA SMOS TE, MTHONG CHOS ZHES BYA BA NI SKYE BA 'DI NYID LA'O, ,MNGON MTHO'I ZHES BYA BA NI NAD MED PA DANG PHYUG PA LA SOGS PA'I MTSAN NYID DO, ,'DI YANG THOB PAR 'GYUR ZHES BYA BA DANG 'BREL TO, ,SKYON RNAMS ZHI ZHES BYA BA NI 'DOD CHAGS LA SOGS PA'I SKYON NYE BAR ZHI BA'O, ,DA LAS TE SNGAGS DANG BSAM GTAN DANG DAM TSIG LA SOGS PA NYE BAR BSTAN PA LAS SO, ,DE MDZAD PA JI SKAD DU GSUNGS PA NYAMS SU BLANG BA LAS GZHAN SLOB MA RNAMS THOS PAS RMONGS PAS BYAS PA YIN NO ZHES BYA BA NI BZLOG PA'I TSIG YIN NO; ,GAL TE KHYED CAG 'DI 'DRA BA LA SOGS PA YIN NO SNYAM DU BSAMS PA NI, DE'I TSE RMONGS PA MA YIN PA RMONGS PA NYID DU 'DZIN PA NA KHYOD NYID RMONGS PAR 'GYUR RO, ,GAL TE RIG BYED RTZA CAN DU, ,ZHES BYA BA LA SOGS PA LA, SANGS RGYAS RNAMS KYI NYER BSTAN 'DI, ,ZHES BYA BA LA SOGS PA SMOS TE, GANG GI PHYIR DRI MA MED PAR NYE BAR BSTAN PA'I RTZA BA NI DRI MA CAN DU RIGS PA MA YIN NO, ,GANG PHYIR DE YIS RMONGS PA YI, ,DMANGS RIGS RNAMS LA NYER BSTAN BYAS, ,ZHES BYA BA 'DI LA, DE DAG GIS NI NYER BSTAN PA, ,ZHES BYA BA LA SOGS PA SMOS TE, GO 'PHANG ZHES BYA BA NI YON TAN THAMS CAD PHUN SUM TSOGS PA LA GNAS PA'I DON GYIS MNGON PAR MTHO BA DANG NGES PAR LEGS PA'I LAM NI GO 'PHANG ZHES BYA'O, ,SHED LA SOGS PA GANG DAG GIS RIG BYED SMRA BA DAG KHO NA LA NYER BAR STON PA DE DAG RMONGS PA'I DON STON PA BRJOD PA YIN NO ZHES STON PA NI, GANG DAG CHAGS 'JIG CES BYA BA LA SOGS PA STE, YANG BCOM LDAN 'DAS KYIS BSTAN PA GANG YIN PA DES NI BYIS PA'I BAR DU YIN TE, DE DAG NI BDAG NYID CHEN PO NYID STON PAR BYED PA YIN NO ZHES STON PA NI THUG RJE'I GZHAN DBANG ZHES BYA BA LA SOGS PA SMOS TE, KHYIM DU 'GRO BA NI BAG MAR PHYIN ZIN PA'I BUD MED KHYO'I KHYIM DU 'GRO BA'O, ,SMRAS PA DE YANG GANG YIN ZHE NA, RIG PA DUL BAS ZHES BYA BA LA SOGS PA SMOS SO, ,GZHAN YANG, KHYOD NYID YANG DAG MA YIN PA'I, ,RIGS KYI RGYAGS PAS KHENGS PA YI, ,SEMS KYI DPANGS BSTOD DE DMANGS RIGS, ,RMONGS PA RNAMS LA ZHES SMRAS PA NI CHES

322b

GSAL BAR BDAG NYID MKHAS PA RNAMS KYI TSOGS PA 'DIR CHES RMONGS PA NYID DU GSAL BAR BYAS PA YIN NO, ,'DI LTAR RES 'GA' BRAM ZE NYID, ,CES BYA BA'I SPYI DNGOS PO GZHAN YOD PA YIN NO ZHES DE LTAR RTOG PA NA KHYED CAG KHENGS PA'I ZUG RNGU 'CHAD PA YIN NAM, YANG NA SKYES NAS CHO GA LA SOGS PAS BDAG NYID LEGS PAR BYAS PA MTHONG NAS BRAM ZE'O SNYAM DU NGA RGYAL BYED DAM, YANG NA BDAG NYID BRAM ZE MO'I MNGAL DU BCAS PA LA DMIGS NAS YIN GRANG, DA LA PHYOGS DANG PO LA KHYED CAG GIS 'DI NI NAM MKHA'I ME TOG LA RGYAN BYED PA 'BA' ZHIG TU ZAD DO ZHES STON PA NI; LAN BRGYAR ZHES BYA BA LA SOGS PA'O, ,GZHAN YANG RIGS DE YOD DU CHUG MOD, DE LTA NA YANG DES BYAS PA'I KHYAD PAR GAL TE RTEN LAS DMIGS PA DE'I TSE KHYOD KYI NGA RGYAL DU 'GYUR BA YIN NA, GANG GI PHYIR KHYAD PAR CUNG ZAD KYANG MA MTHONG NGO ZHES BYA BA 'DI STON PA NI DE LAS GZHAN LAS ZHES BYA BA LA SOGS PA SMOS TE, BRAM ZE DE DAG LAS GZHAN NI DE LAS GZHAN TE DMANGS RIGS PA LA SOGS PA'O, ,DE LAS DE'I KHYAD PAR MA GRUB PO ZHES TSIG RNAM PAR SBYAR RO, ,'DI LTAR BRAM ZE RNAMS NI DMANGS RIGS DAG LAS SHES RAB DANG YID GZHUNGS PA LA SOGS PA DANG BSHANG BA DANG GCI BA DANG KHRAG LA SOGS PA DAG GIS KHYAD PAR DU 'PHAGS PAR MA DMIGS NA, GANG GIS NA KHYED CAG RIGS SMRA BA'I STOBS KYIS KHENGS PA NYID KYIS, DE PHYIR RIG BYED SMRA RNAMS LA, ,NYE BAR BSTAN PA STER BAR 'GYUR, ,ZHES BRJOD PAR 'GYUR BA DE'I PHYIR JI LTAR DE'I KHYAD PAR MA GRUB PA NA DE LA BRTEN PA'I RIG BYED KYANG KHYAD PAR DU 'GYUR, GAL TE BRAM ZE'I RIGS LA BRTEN PAS RANG BZHIN GYI DBANG DU GYUR BA DANG, BDAG POR GYUR BA DANG, DGA' MGUR LDAN PA DANG, SNYING RJE LA SOGS PA'I YON TAN DANG, SDIG PA MA LUS PA SPANGS PAR GYUR NA DE'I TSE KHYED CAG KHYAD PAR CAN DU 'GYUR GYI, GZHAN DU NA BYA BA DANG NYA PA DANG LHAM MKHAN LA SOGS PA LAS BRAM ZE'I RIGS DANG LDAN NA YANG BRAM ZE JI LTAR KHYAD PAR CAN DU 'GRUB PAR 'GYUR, PHYOGS GNYIS PA LA YANG SKYON GANG DAG SKYES NAS CHO GA LA SOGS ZHES BYA BA LA SOGS PA STE, DE LAS GZHAN BZHIN ZHES BYA BA NI BCOS MAR 'DOD PA'I BRAM ZE LA SOGS PA BZHIN

323a

, ,NO; ,KUN RDZOB CES BYA BA NI MING 'DOGS PA LA SOGS PA BZHIN DU DE NI THA SNYAD DU YIN NO, ,PHYOGS GSUM PA LA YANG KHENGS PA RIGS PA MA YIN TE, BRAM ZE DANG BRAM ZE MO'I LUS NI DMANGS RIGS LA SOGS PA'I LUS LAS KHU BA DANG KHRAG LA SOGS PA MI GTZANG BA'I RANG BZHIN DU KHYAD PAR CUNG ZAD KYANG MED DO ZHES BSTAN ZIN NO, ,GZHAN YANG KHYED CAG GIS BRAM ZE NYID DU ZHES BYA BA DE LAS KYANG RGYAGS PAR RIGS PA MA YIN NO ZHES BSTAN PA'I PHYIR, 'DAS PA'I DUS KYANG SHIN TU RING, ,ZHES BYA BA LA SOGS PA SMOS TE, DUS GZHAN GYI TSE RES 'GA' BRAM ZE'I RIGS MA YIN PAS BRAM ZER 'GYUR BA ZHES BYA BA YANG SRID PA YIN LA, BRAM ZE SNGON DU 'GRO BA CAN YIN NA YANG KHYED CAG GI MA'I SPYOD PA'I NYES PAS NAL PHRUG NYID DU YANG SRID PA KHO NA'O, ,'DI LTAR BUD MED RNAMS NI PHAL CHER 'DOD PAS GZIR ZHING RTZA BA HRAL GYI SEMS KYI RANG GI RIGS KYI BRTUL ZHUGS KYI MTHA' SPANGS NAS 'JUG PA MI DMIGS PA KHO NA'O, ,GANG LAS NGES PAR 'GYUR BA KHYED CAG GIS DBANG PO LAS 'DAS PA'I DON MTHONG BA MI 'GA' ZHIG KYANG KHAS LEN PAR MI BYED KYANG, RIGS MED KYANG KHYED CAG RIG RIGS RGYUD RNAM PAR DAG PAR STON PA MA YIN NO, ,GZHAN YANG KHYED CAG GI BDAG NYID LA BRAM ZER MA NGES PAR RIGS SMRA BA'I STOBS KYIS KHENGS PA 'BA' ZHIG TU MA ZAD 'ON KYANG SHED LA SOGS PA YANG BRAM ZE'I RIGS MA SHES PAR SKYE GNYIS DAG KHO NA LA NYE BAR STON PA NI RMONGS PA LAS YIN NO ZHES STON PA NI, DE'I PHYIR BRAM ZE ZHES BYA BA LA SOGS PA SMOS TE, MI SHES PA STE SKYE GNYIS MA NGES PA GANG DAG LA YOD PA DE DAG LA DE SKAD CES BYA'O, ,DE MA NGES PHYIR ZHES BYA BA SKYE GNYIS DE DAG MA NGES PA'I PHYIR RO, ,GZHAN YANG SHED LA SOGS PA RNAMS KYIS KHO BO CAG KHO NA LA NYE BAR BSTAN PA BYAS PA YIN NO ZHES BYA BA 'DI NI, KHYED CAG GIS CHEN PO NYID KYI RGYU MA YIN GYI, 'ON KYANG RMONGS PA NYID DU STON PA 'BA' ZHIG TU ZAD DO ZHES BSTAN PA'I PHYIR RO, ,RIG BYED DON LA RIGS MED CAN, ,ZHES BYA BA LA SOGS PA SMOS TE, RIG BYED 'DON PA RMONGS PA YI, ,ZHES BYA BA NI RIG BYED 'DON PAS BYAS PA'I RMONGS PA NI RIG BYED 'DON PAS DNGOS PO RTOGS PAR NUS PA RING DU SPANGS PA ZHES BYA BA'I THA TSIG GO, ,GANG LAS

323b

ZHES BYA BA NI GTAN TSIGS SO, ,DE NYID KYI PHYIR SHED LA SOGS PA RNAMS KYIS RIG BYED LA SOGS PA RIGS PA MED PAR RTOGS NAS BKAS GRUB PA NYID RTOGS PA YIN NO ZHES STON PA NI, GNA' RABS DANG NI ZHES BYA BA LA SOGS PA SMOS TE, GNA' RABS ZHES BYA BA NI BSTAN BCOS SO, ,SHED KYI CHOS ZHES BYA BA NI YID KYIS BKOD PA'O, ,RIG BYED YAN LAG BCAS ZHES BYA BA NI BRDA SPROD PA LA SOGS PA'I YAN LAG DRUG DANG LHAN CIG 'JUG PA'I PHYIR RO, ,GSO DPYAD CES BYA BA NI SMAN DPYAD KYIS BSTAN BCOS SO, ,DE DAG NYID KYI ZHES BYA BA NI RGYU'O, ,GNA' RABS LA SOGS PA 'DI DAG RIGS PA MED PA DANG KHYED CAG KYANG RMONGS PA NYID DU NGES PAR GZUNG NGO ZHES BYA BA'I THA TSIG GO, ,'DI NYID LA 'THAD PAS 'CHAD PA NI, GZHAN DU YANG NI NGAG TZAM GYIS, ,ZHES BYA BA LA SOGS PA STE, SANGS RGYAS BCOM LDAN 'DAS RNAMS NI MI 'JIGS PA BZHI DANG LDAN PA NYID KYI GSUNG LA BKA' GRUB PA NYID DU MI STON GYI 'ON KYANG 'KHOR GYI NANG DU SENG GE'I SGRA YANG DAG PAR SGROGS PA YIN NO ZHES STON PA NI, BDAG NYID CHEN PO GANG DAG GIS, ,ZHES BYA BA LA SOGS PA STE, MU STEGS BYED PA NGAN PA NYID GLANG PO CHE MYOS PA YIN LA, DE DAG GI DREGS PA 'JOMS PAR MDZAD PA'I NGANG TSUL SENG GE'I SGRA GANG LA YOD PA DE LA DE SKAD CES BYA'O, ,'DI LTAR ZHES BYA BA NI 'CHAD PAR 'GYUR BA LTAR RO, ,YANG SENG GE'I SGRA 'DI YANG GANG YIN ZHE NA, DGE SLONG DAG GO ZHES BYA BA LA SOGS PA SMOS SO, ,GZHAN YANG BCOM LDAN 'DAS NYID KYIS DON DAM PAR BRAM ZE DAG LA NYE BAR BSTAN PA MDZAD KYI SHED LA SOGS PA RNAMS KYI NI MA YIN NO ZHES BYA BA 'DI 'CHAD PA NI GANG DAG SDIG PA ZHES BYA BA LA SOGS PA SMOS TE, SDIG PA'I CHOS SPANGS PA'I PHYIR BRAM ZE YIN NO ZHES BYA BA NI NGES PA'I TSIG YIN NO, ,DE DAG KYANG 'DIR BDAG MED PA LA GOMS PA NYE BAR STON PA'I PHYIR, BCOM LDAN 'DAS THUB PA'I BSTAN PA LA RIGS PA YIN GYI GZHAN DU NI MA YIN TE, SDIG PA ZAD PAR BYED PA'I THABS DANG BRAL BA'I PHYIR RO, ,DE NYID KYI PHYIR BCOM LDAN 'DAS KYIS 'DI KHO NA LA DGE SBYONG YOD, 'DI KHO NA LA BRAM ZE YOD KYI BSTAN PA GZHAN NI DGE SPYOD DANG BRAM ZE DAG GIS STONG PA YIN NO ZHES GSUNGS SO, ,DE LA RGYUN DU ZHUGS PA LA SOGS

324a

, ,PA'I 'BRAS BU LA GNAS PA BZHI NI DGE SBYONG YIN NO, ,BRAM ZE DE YANG ZHUGS PA BZHI PO DAG NYID YIN NO, ,KUN MKHYEN SKYES BU YOD CES BYA BA LA SOGS PA LA, ,KUN MKHYEN ZHES BYA BA LA SOGS PA SMOS TE, GZHUNG GANG GIS BSGRUBS SHE NA, MA LUS DON NI YONGS SHES PA'I, ,ZHES BYA BA LA SOGS PA SMOS TE, GZHAN YANG KHO BO CAG GIS THAMS CAD MKHYEN PAS GSUNGS PA NYID RTOGS NAS DE NYAMS SU BLANG BA'I PHYIR THAMS CAD MKHYEN PA BSGRUB PAR BYA BA NI MA YIN NO, ,'O NA CI ZHE NA, GANG DAG THAMS CAD MKHYEN PA'I GO 'PHANG THOB PA DE'I DON DU NYES PA ZAD PA DANG YON TAN 'PHEL BA SGRUB PAR BYED DE, GANG GI PHYIR BDE BAR GSHEGS PA PA RNAMS NI DNGOS PO'I STOBS KYIS ZHUGS PA'I RJES SU DPAG PA KHO NA LA SKYES BU'I DON SGRUB PAR BYED KYI GRAGS PA TZAM NI MA YIN NO, ,GZHAL BYA NYID LA SOGS PA YANG JI LTAR SGRUB PAR BYED PA NYID MA YIN PA DE LTAR BSHAD ZIN PA NYID YIN NO, ,GANG YANG, SA BCU DAG LA GNAS 'DI YANG, ,ZHES SMRAS PA DE YANG KHYED KYIS GRUB PA'I MTHA' MA SHES NAS SMRAS PA YIN TE, GANG GI PHYIR BCOM LDAN 'DAS SA BCU LA GNAS PAR 'DOD PA NI MA YIN NO, ,'O NA CI ZHE NA, JI SRID SA BCU'I GNAS SKABS YIN LA, DE NI BYANG CHUB SEMS DPA'I GNAS SKABS YIN LA, DE'I GONG MA NI SANGS RGYAS KYI SAR 'DOD PA YIN NO, ,GANG YANG, PHYOGS GCIG SHES PAS GANG BRJOD PA, ,DE KUN MKHYEN GYIS BSHAD MI 'GYUR, ,ZHES SMRAS PA DE YANG SUN PHYUNG BA NYID YIN NO ZHES BSTAN PA'I PHYIR, PHYOGS GCIG SHES PAS ZHES BYA BA LA SOGS PA SMOS TE, 'DI NYID YANG BSTAN PAR BYA BA'I PHYIR, JI LTAR ZHES BYA BA LA SOGS PA SMOS TE, CUNG ZAD MTHONG BA ZHES BYA BA NI TSU ROL MTHONG BA STE THAMS CAD MKHYEN PA MA YIN PA ZHES BYA BA'I THA TSIG GO, ,DNGOS DE'I SHES PA BSKYED PA ZHES BYA BA NI DRO BA LA SOGS PA'I DNGOS PO DE'I SHES PA NYAMS SU MYONG BA NI DNGOS PO DE'I NYAMS SU MYONG BA'I SHES PA'O, ,DE LAS SKYE BA 'BYUNG BA'I TSIG GANG LA YOD PA DE LA DE SKAD CES BYA'O, ,MA YIN MIN ZHES BYA BA NI DGAG PA GNYIS KYIS DNGOS PO'I DE'I SHES PA SKYE BA YIN NO ZHES BSTAN PA YIN NO, ,DE LTAR ZHES BYA BA NI DNGOS PO DE'I SHES PA SKYE BA NYID KYIS DE YANG TSAD MA YIN NO, ,GAL TE DE LTAR NA MTHONG BA'I TSIG LAS THAMS CAD MKHYEN PA'I GSUNG LAS

324b

KHYAD PAR CI ZHIG YOD CE NA, RGYU'I DBYE BAS THA DAD DO, ,ZHES SMRAS SO, ,'DI NYID GSAL BAR BYED PA NI, ,DNGOS PO MA LUS ZHES BYA BA LA SOGS PA STE, 'DI ZHES BYA BA NI SANGS RGYAS KYI GSUNG GI'O, ,DE'I SHES BYA BA NI PHYOGS GCIG SHES PA'I TSIG GO, ,'ON TE ZHES BYA BA LA SOGS PAS GZHAN DAG KLAN KA BYED DE, GANG GI PHYIR RNAM PAR RTOG PA MED PAR BRJOD PAR 'DOD PA SRID PAS YIN TE DE NI RNAM PAR RTOG PA'I KHYAD PAR YIN PA'I PHYIR RO, ,DE BAS NA 'DI LA RNAM PAR RTOG PA NYID KYIS KHYAB PA NA DE MED PAR JI LTAR GNAS PA NYE BAR 'GYUR TE, SHING MED PAR NI SHING SHA BA SRID PA MA YIN NO, ,THAMS CAD MKHYEN PA LA RNAM PAR RTOG PA SRID PA YANG MA YIN TE DE NI NYON MONGS PA LA SOGS PA SGRIB PA MA LUS PA SPANGS PA NYID YIN PA'I PHYIR LA, RNAM PAR RTOG PA YANG RANG BZHIN GYIS 'KHRUL BA YIN PA'I PHYIR THAMS CAD MKHYEN PA LA MNGON DU 'GYUR NA KHRUL BAR 'GYUR RO ZHE NA, DE MIN ZHES BYA BA LA SOGS PAS LEN 'DEBS PAR BYED DE, RNAM PAR RTOG PA NI RNAM PA GNYIS TE, KUN NAS NYON MONGS PA DANG RJES SU MTHUN PA'I YID KYI NYON MONGS PA CAN DANG, MA CHAGS PA LA SOGS PA DANG MTSUNGS PAR LDAN PA'I KUN NAS BSLANGS PAS DGE BA'O, ,DE LA NYON MONGS PA CAN GANG YIN PA DE NI NYON MONGS PA LA SOGS PA'I SGRIB PA SPANG BA LA MED PA NYID DE RGYU MED PA'I PHYIR RO, ,DGE BA GANG YIN PA DE NI SGRIB PA SPANGS PA SPANGS PA LA YANG MI 'GAL BA'I PHYIR, DES BCOM LDAN 'DAS RNAMS NI THUGS RJE GOMS PA LAS 'JUG PA 'GRO BA THAMS CAD LA PHAN PA BYED PA'I NGO BO DGE BA DANG BCAS PA'I RNAM PAR RTOG PA'I MNGON DU PHYOGS PAR 'GYUR BA NI SU ZHIG LDOG PAR BYED PA 'DI SNYAM DU RNAM PAR RTOG PA THAMS CAD NI RANG BZHIN GYIS RANG GI SNANG BA DON MED PA LAS DON DU MNGON PAR ZHEN NAS 'JUG PAS 'KHRUL PA YIN PA'I PHYIR, SHES BYA'I SGRIB PA SPANGS PA LA MNGON DU 'GYUR BA 'GAL BA YIN NO SNYAM DU SEMS PA'I DOGS PA BSU NAS, DE YIS RNAM PAR RTOG PA DE, ,ZHES BYA BA LA SOGS PA SMOS TE, GAL TE YUL MED PA'I RNAM PAR RTOG PA DE YUL DAN LDAN PA NYID DU 'DZIN PAR BYED NA DE'I TSE 'KHRUL BAR 'GYUR NA GANG GI PHYIR SGYU MA MKHAN PO 'DIS SHES PA DE YUL MED PA NYID DU MKHYEN PA'I PHYIR JI LTAR 'KHRUL BAR 'GYUR, DE LTA BU SOGS

325a

, ,BRJOD PA NI, ,DAD PA'I NOR CAN RNAMS LA MDZES, ,ZHES GANG SMRAS PA DE LA, DE LTA BU SOGS PA BRJOD PA NI, ,ZHES BYA BA LA SOGS PA SMOS TE, CI STE 'DI DANG RJES SU MTHUN PAR GANG 'GYUR BA SKABS SU BAB PA YANG GANG YIN ZHE NA, DE BZHIN DON RNAMS KYIS KHYAB PAR, ,ZHES BYA BA LA SOGS PA SMOS TE, DE YANG BDAG GIS THAL BAR SGRUB PAR BYED PAR SMRAS PA YIN GYI RANG GI RGYUD KYIS NI MA YIN NO ZHES BYA BA DE LTAR RANG GI TSIG NYID KYIS BRJOD PA YIN NO SNYAM DU SEMS NA, THAL BA SGRUB PA NYID RE ZHIG 'DI'I SKABS SU YANG BAB PA NYID DU SGRUB PAR BYED PA'I PHYIR DE LA BLO BZANG RNAMS KYIS ZHES BYA BA LA SOGS PA SMOS TE, DON THAMS CAD LA GZIGS PAR 'JUG PA NYE BAR BSTAN PA LA NUS PAR MI 'GYUR RO ZHES, KHYOD KYIS SMRAS PA GANG YIN PA 'DI LA RE ZHIG KHYED NYID LA DRI BAR BYA STE, NYE BAR BSTAN PA LA DE'I NUS PA MED PAR 'GYUR RO, ,DE LAS 'DIR SKYON CIR 'GYUR ZHES DE LTAR DRIS PA NA GZHAN DAG RANG NYID LAN GSAL BAR BYED PA NI DES NA LUNG DU MI 'GYUR ZHES BYA BA LA SOGS PA'O, ,'DIR YANG BRJOD PA DE LTAR DE LUNG MED PAR 'GYUR MOD 'DIR 'GAL BA CI YOD, GANG GIS MTHONG BA DANG 'GAL BAR 'GYUR BA KHYED CAG GIS 'DI GSUNG PA DMIGS PA NI MA YIN NO, , ZHES DRIS PAS KHYED KYI SHUGS KYIS SO ZHES BYA BA 'DI BRJOD PAR BYA BA YIN NO, ,GANG GIS RANG NYID KYIS LUNG DES BYAS PA NYID DU DMIGS NAS DE'I SMRA BA PO NYID SGRUB PAR BYED PA NI MA YIN NO, ,'O NA CI ZHE NA, KHYED CAG KHO NAS LUNG DE BYAS PA NYID DU 'DOD PA YIN NO, ,DE YANG GAL TE DE SMRA BA PO NYID DU MI 'DOD NA KHYED CAG GIS 'DOD PA MA YIN TE DE LTA BAS NA LUNG DE BYAS PA NYID DU 'DOD PA RNAMS KYIS GDON MI ZA BAR SMRA BA PO NYID 'DOD PAR BYA'O ZHES DE LTA BU'I MI 'DOD PA'I THOG TU GTONG BA'I THAL BAR BYED PA YIN NO, ,DE LTA MA GRUB PA NYID BSGRUBS NAS, DA NI SKABS KYI DON RJES SU MTHUN PA MA BRJOD PA NYID DU SBYAR BA'I PHYIR GAL TE DE 'DRA'I ZHES BYA BA LA SOGS PA SMOS TE, GANG KHO NA GZHAN GYIS LUNG TZAM KHAS LEN PA DE KHO NA THAL BAR SGRUB PAR BYED PAS BRJOD PA YIN NA ZHES BYA BAR RIGS PA YIN NO, ,DE LA GAL TE GZHAN GYIS SMRA BA PO NYID DANG LDAN PAS LUNG DE BYAS PA NYID DU 'DOD PAR 'GYUR BA DE'I TSE SMRA BA PO MED PA'I PHYIR

325b

LUNG DES MA BYAS PA NYID DU THAL BAR GYUR NA, GANG GI PHYIR BDAG PO YIN PA TZAM GYIS 'DI LUNG DE BYED PA POR KHAS LEN PAR MI SMRA BA NYID LAS KHAS LEN PAR NI MA YIN NO, ,DE BAS NA ZHES BYA BA NI LUNG KHAS BLANGS PAS NA SMRA BA NYID DU 'GYUR BA GANG YIN PA DE KHYED CAG GIS THAL BAR 'GYUR BA'I DON MI SHES NAS BRJOD PA YIN NO, ,GANG YANG, RTZIG PA SOGS LAS 'BYUNG BA'I TSIG ,YID CHES PA YIS BSTAN MI 'GYUR, ,ZHES GANG SMRAS PA DE LA, RTZIG PA SOGS LAS 'BYUNG BA'I TSIG ,CES BYA BA LA SOGS PA SMOS TE, GAL TE DE DAG GIS NYE BAR BSTAN PA DE'I DBANG GIS 'JUG PAR 'GYUR BA DE'I TSE YID CHES PAS NYE BAR BSTAN PA NYID DU MI 'GYUR NA, GANG GI TSE DE'I DBANG GIS DE DAG 'JUG PA YIN NO ZHES KHAS LEN PAR BYED PA DE'I TSE CI'I PHYIR DE DAG NYE BAR BSTAN PA NYID DU MI 'GYUR, GANG YANG, 'DI DAG SU YIS BSGRAGS SNYAM DU DE DAG LA YID CHES MI 'GYUR ZHES SMRAS PA DE LA, NGAG KYAL DANG NI ZHES BYA BA LA SOGS PA SMOS TE, GAL TE ZLOS GAR DANG, GLU DANG, 'TSE BA DANG, BGROD PAR BYA BA MA YIN PA LA BGROD PA LA SOGS PA BYA BA NYID DU DER BSTAN PAR GYUR NA DE'I TSE RTZED MO LA SOGS PA LA MNGON PAR DGA' BA DANG SHAL SOGS PA'I BYA BA DMIGS PA'I PHYIR DE DAG GIS DE RNAMS SMRAS PA, SNYING RJE LA SOGS PA BYAS PA NYID KYI SA'I LAM DU 'JUG PAR 'GYUR NA DE LTA NI MA YIN TE, GANG GI PHYIR TSAD MA DANG MI 'GAL ZHING PHAN TSUN GNOD PA MED PA DANG 'PHAGS PA'I SKYE BO DANG MTHUN PAR SNYING RJE LA SOGS PA'I YON TAN LA SBYOR BAR BYED PA CAN MTHO RIS DANG BYANG CHUB KYI 'BRAS BU SGRUB PAR BYED PA 'DI BCOM LDAN 'DAS KYIS GSUNG BA YIN NO ZHES BYA BA 'DI NI BSGRUBS ZIN TO, ,DE'I PHYIR JI LTAR 'DI 'DRA BA RTZED MO'I TSUL CAN DANG SHA ZA LA SOGS PA SRID PAR 'GYUR, GAL TE DE LTA BUR GYUR BA'I GSUNG MDZAD PA PO RNAMS LA KHYED CAG SHA ZA ZHES MI BYED NA BYA LA RAG STE MING BYAS PA NI DNGOS PO'I RANG BZHIN NYAMS PAR MI 'GYUR GYI, 'ON KYANG KHYOD KYIS KHYAD PAR CAN GYI BCOM LDAN 'DAS LA DMAN PA'I THA SNYAD BYED PA NA YANG DAM PA RNAMS KYIS SMOD PAR 'GYUR RO ZHES BYA BA NI SPYI'I DON TO, ,YAN LAG GI DON BRJOD PAR BYA STE, NGAG KYAL NI GLU LA SOGS PA NYE BAR STON PA'O, ,

326a

, ,'TSE BA NI SROG CHAGS GSOD PA'O, ,SMAD PA'I DON NI 'DOD PA LOG PAR SPYOD PA LA SOGS PA'O, ,TSAD MA GNYIS KYIS MI SLU BA, ,ZHES BYA BA NI TSAD MA GNYIS TE, MNGON SUM DANG RJES SU DPAG PA DAG GIS MI SLU BA STE DE DANG MI 'GAL BA'I DON DE LA YOD PAS DE LA DE SKAD CES BYA'O, ,'DOD PA ZHES BYA BA NI NGES PA'O, ,DE YI YUL CAN MA LUS LA, ,ZHES BYA BA NI TSAD MA GNYIS KYIS YUL LA STE TSAD MA GNYIS KYIS MI SLU ZHES BYA BA DANG 'BREL TO, ,DAM PA'I TSUL KHRIMS ZHES BYA BA NI THOG MA DANG, BAR DANG, THA MAR DGE BA TSANGS PAR SPYOD PA'O, ,BAG LA NYAL TSOGS THAMS CAD NI MTHONG BA DANG BSGOM PAS SPANG BA'I NYON MONGS PA'I TSOGS RNAMS SO, ,DE YANG MTSAN NYID KUN YOD PA'I PHYIR ZHES BYA BA NI, RDZOGS PA'I SANGS RGYAS KYI MTSAN NYID GNAS PA'I PHYIR TE, JI SKAD DU, SHES PAR BYA BA SHES PA DANG, ,BSGOM PAR BYA BA BSGOMS PA DANG, SPANG BAR BYA BA SPANGS PA YIS, ,DES NA SANGS RGYAS ZHES BRJOD DO, ,ZHES GSUNGS PA LTA BU'O, ,GANG GIS BA LANG GSOD PA LA SOGS PA DANG, BGROD PAR BYA BA MA YIN PA LA 'GRO BA LA SOGS PA'I SPYOD PA GSAL BAR BYED PA'I PHYIR RIG BYED KHO NA RTZED MO'I NGANG TSUL CAN DANG SHA ZA LA SOGS PAS BYAS PA SRID PA NYID DU RIGS PA YIN NO ZHES BSTAN PA'I PHYIR, GANG GI TSIG GIS ZHES BYA BA LA SOGS PA SMOS TE, SPYAD DO ZHES BYA BA NI G-YON CAN NO, ,GANG YANG, DAG DANG MA DAG CES BYA BA LA SOGS PA SMOS TE, GAL TE YANG DNGOS PO 'GA' ZHIG PHAN TSUN DU GSAL BA DE LTA NA YANG DE DAG RIGS PA DANG STE SHES PA DANG LHAN CIG MI 'GAL PA KHO NA STE, CIG CAR SHES PA GCIG GIS KYANG 'GAL BA'I DON DU MI 'DZIN PAR DMIGS PA'I PHYIR RO, ,'DI NYID GSAL BAR BYA BA'I PHYIR PHAN TSUN SPANGS TE ZHES BYA BA LA SOGS PA SMOS TE, DNGOS PO RNAMS KYI 'GAL BA NI GNYIS TE PHAN TSUN SPANGS TE, GNAS PA'I MTSAN NYID DANG LHAN CIG MI GNAS PA'O, ,DE LA PHAN TSUN SPANGS TE GNAS PA'I MTSAN NYID GANG DAG YIN PA DE DAG NI GCIG NYID DU 'GAL LA, GANG YANG, LHAN CIG MI GNAS PA DE DAG NI YUL GCIG TU GNAS PAR 'GAL BA YIN NO, ,'DI DAG

326b

GCIG NYID DAM YUL GCIG PA NYID DU 'GAL BAR 'GYUR BA NI MA YIN NO, ,DES NA 'DI DAG SHES PA GCIG LA SNANG BA NYID 'GAL BA MA YIN NO, ,'GAL BA RNAMS KYI SHES PA GCIG LA GNAS PAR MA MTHONG STE, DPER NA MIG GI RNAM PAR SHES PAS PHAN TSUN SPANGS TE GNAS PA'I MTSAN NYID CAN GYI GTZANG BA DANG MI GTZANG BA DAG DANG, LHAN CIG MI GNAS PA'I SBRUL DANG RMA BYA DAG CIG CAR 'DZIN PA LTA BU'O, ,SOGS PA'I SGRAS NI GRIB MA DANG NYI MA LA SOGS PA GZUNG NGO, ,'O NA GAL TE 'GAL BA RNAMS KYANG, SHES PA GCIG LA GNAS PAR MI 'GAL BA DE LTA NA YANG, BDE BA DANG SDUG BSNGAL DAG LA CHAGS PA DANG SDANG BA DAG KYANG SHES PA GCIG LA SNANG BAR 'GYUR RO ZHES DOGS PA LA, BDE SDUG LA SOGS ZHES BYA BA LA SOGS PA SMOS SO, ,DE SHES BYA ZHES BYA BA NI BDE BA LA SOGS PA RNAMS CIG CAR MI RIGS PA GANG YIN PA DE NI, RGYU MED PAS MI SKYE BA'I PHYIR BDE BA LA SOGS PA RNAMS MED PA'I PHYIR YIN GYI, 'GAL BA'I PHYIR NI MA YIN NO ZHES, DE LTAR SHES PAR BYA STE RTOGS PAR BYA'O ZHES BYA BA'I DON TO, ,JI SKAD DU, RGYU MA TSANG BA MED PA NYID RGYU YIN GYI PHAN TSUN 'GAL BA NI MA YIN NO ZHES DE LTAR BSTAN PA YIN NO, ,GANG DAG DON DAM PAR 'GAL GYI DAG PA DANG, MA DAG PA LA SOGS PA BZHIN DU BTAGS PA YIN PA DE DAG KYANG SHES PA GCIG PA LA SNANG BA YOD DE ZHES STON PA NI, SNGO DANG SER DANG ZHES BYA BA LA SOGS PA STE YUL DANG RANG BZHIN BYE BRAG GIS 'GAL ZHES 'BREL TO, ,DE LA YUL GYI BYE BRAG NI DE DANG DE MA YIN PA'I YUL NYID DO, ,RANG BZHIN GYI BYE BRAG NI SNGON PO DANG SER PO LA SOGS PA'I RANG BZHIN NAM, YANG NA SNGON PO DANG SER PO LA SOGS PA'I NYE BAR LEN PA'I RGYU NYID DO, ,GANG YANG BYUNG DANG 'BYUNG BAR 'GYUR, ,ZHES BYA BA LA SOGS PA SMOS PA DE LA, MKHYEN PA'I SKAD CIG GCIG GIS NI, ,ZHES BYA BA LA SOGS PA SMOS TE, 'DI RANG GI BDE BA KHA CIG KHO NA RNAM PAR SHES PA SMRA BA'I LUGS GSAL BAR BYED CES NAS RTZOD PAR BYED DE, GAL TE SHES PA MTSAN NYID GCIG GIS SHES BYA'I DKYIL 'KHOR MA LUS PA LA KHYAB PA DE'I TSE DNGOS PO RNAMS RIS SU BCAD PA'I PHYIR MTHA' MED PAR KHAS BLANGS PA LA GNOD PAR

327a

, ,'GYUR TE, 'DI LTAR SHES PA GCIG LA SNANG BA'I DNGOS PO LAS GZHAN PA'I DNGOS PO YOD PA MA YIN NO ZHES DE LTAR YONGS SU GCOD PA NA JI LTAR MTHA' DANG LDAN PAR MI 'GYUR, SHES PA GCIG LA SNANG BA LAS, ,GZHAN PA'I DNGOS PO CUNG ZAD MED, ,'DI ZHES SNYAM DU RNAMS SHES PAS, ,JI LTAR KHYOD LA MTHA' LDAN MIN, ,ZHES KYANG BSHAD DO, ,DE LTA YIN DANG RIM CAN GYI PHYOGS KYIS NYES PA GANG YIN PA DE NI SHES PA CIG CAR BA'I PHYOGS LA YANG YIN NO ZHE NA, DE NI SNYING PO MED DE GAL TE RE ZHIG SHES PA RNAM PA MED PAR SMRA BA'I LUGS LA BRTEN NAS RTZOD PAR BYED NA DE'I TSE THAMS CAD 'BREL PA MED PA YIN TE, 'DI LTAR DNGOS PO'I LUS CUNG ZAD JI SNYED YOD PA NYAMS SU MYONG BA DE THAMS CAD NI YOD PA TZAM GYI THAMS CAD MKHYEN PA'I THUGS KYIS YONGS SU GCOD PA'I PHYIR DE LA KHYAB PO ZHES BSTAN PA YIN NO, ,'ON TE GZHAN GYI BUM PA LA SOGS PA NI YUL GYI MTHA' NYID DU KHYAB PA MA YIN NAM ZHE NA, GANG DAG GIS DE DAG SHES PA GCIG GIS YONGS SU BCAD PA'I DBANG GIS MTHA' MED PA NYID KYIS RANG BZHIN NYAMS PAR 'GYUR BA SHES PA GCIG GIS YONGS SU BCAD PA ZHES BYA BA DE TZAM GYIS DNGOS PO RNAMS KYI BDAG NYID KYI RANG BZHIN NYAMS PA NI MA YIN NO, ,DE'I SNGON PO DANG SER PO LA SOGS PA MANG PO RNAMS CIG CAR RI MO RKYANG PA LA SOGS PA LA SHES PA GCIG GIS NGES PA NA RANG BZHIN DU MA NYID SPONG BAR BYED PA'AM PHAN TSUN RJES SU 'JUG PA YANG YIN GYI, 'ON KYANG DE DAG NYID JI LTAR YOD PA DE KHO NA LTAR SHES PA YIN GYI GZHAN GYI NI MA YIN NO, ,DE BZHIN DU SEMS CAN DANG SNOD KYI 'JIG RTEN YANG JI LTAR YOD PA NYAMS SU MYONG BA DE KHO NA LTAR THAMS CAD MKHYEN PA'I THUGS KYIS 'DZIN PAR BYED PA YIN NO, ,'DI LTAR DE 'DZIN PA YIN TE, ,PHYOGS DANG PHYOGS MTSAMS SU MTHA' MED PAR SEMS CAN LA SOGS PA'I 'JIG RTEN GNAS PA'I PHYIR DE MTHA' MED PA NYID DU 'DZIN GYI, MTHA' DANG LDAN PA NYID DU NI MA YIN PAS GANG LAS MTHA' DANG LDAN PA NYID DU 'GYUR, 'DI SNYAM DU MTHA' DAG 'DZIN PAR KHAS LEN PA NI JI LTAR MTHA' 'DZIN PAR MI 'GYUR SNYAM DU

327b

SEMS NA DE NI YOD PA MA YIN TE GANG DU MTHA' DAG 'DZIN PA DER GDON MI ZA BAR MTHA' 'DZIN PA YIN NO ZHES BYA BA 'DI LA 'BREL PA CI ZHIG YOD, 'DI LTAR DNGOS PO GANG DAG JI SNYED CIG YOD PA DE DAG GI NANG NAS GCIG KYANG THAMS CAD MKHYEN PA YE SHES KYIS MI MKHYEN PA'I RANG BZHIN YOD PA NYAMS SU MYONG BA NI MA YIN TE, 'ON KYANG THAMS CAD MKHYEN PA'I THUGS KYIS MKHYEN PA'I RANG BZHIN NYID KHO NAR SKYE ZHING 'JIG PA YIN TE, GCIG KYANG YONGS SU BTANG BA MA YIN NO ZHES BYA BA 'DI NI, MTHA' DAG 'DZIN PA'I DON YIN LA, ,DE DAG SHES PA GCIG GIS KHYAB PA YANG 'DI NYID YIN NO, ,DE LTAR MA YIN NA MTHA' DANG LDAN PA NYID DU THAL BAR 'GYUR DU 'ONG BAS DE DAG MTHA' DAG GI SGRA'I BRJOD PAR BYA BA NYID DU YANG BRJOD PAR MI BYA STE DES NA 'DI NI GYI NA'O, ,GANG YANG, SHES PA GCIG LA SNANG BA'I DNGOS PO LAS GZHAN YOD PA MA YIN NO ZHES DE LTAR YONGS SU GCOD PA'I PHYIR JI LTAR MTHA' DANG LDAN PAR MI 'GYUR ZHES SMRAS PA YANG YANG DAG PA MA YIN TE, 'DI LTAR SHES PA RNAM PA MED PAR SMRA BA'I PHYOGS LA SHES PA'I BDAG NYID LA DNGOS PO SNANG BA YOD PA MA YIN TE, 'ON TE YOD PA TZAM GYIS DES DE DAG RIG PAR 'GYUR BA YIN NO, ,GANG GIS SHES PAR BYA BA NYID KYIS DE DAG MTHA' DANG LDAN PAR 'GYUR BA DNGOS PO RNAMS YONGS SU MA BCAD PA'I RANG BZHIN NYID KYIS MTHA' YAS PA NYID DU KHAS LEN PA NI MA YIN NO, ,'ON KYANG YUL KHYAB PA DANG LDAN ZHING MTHA' YAS PA NYID KYI SNOD KYI 'JIG RTEN MTHA' YAS SHING SEMS CAN GYI 'JIG RTEN GANGS MTHA' YAS PA NYID KYI'O, ,GANG GIS GZUNG BAR BYA BA MA YIN PA NYID DU GYUR PA YUL 'DZIN PA LA SOGS PA MTHA' MED PA NYID YIN PA NA 'GA' YANG GZUNG BAR BYA BA NYID DU 'GAL BA NI MA YIN NO, ,GAL TE MTHA' YAS PA DANG LDAN PA NYID DU MI 'DZIN NA DE JI LTAR THAMS CAD MKHYEN PAR 'GYUR ZHE NA, DE NYID KYI PHYIR DE GANG KHO NA'I PHYIR 'DI MTHA' DANG LDAN PA NYID DU MI 'DZIN PA DE KHO NA'I PHYIR THAMS CAD MKHYEN PA YIN GYI DE LTA MA YIN NA MTHA' MED PA'I DNGOS PO MTHA' DANG LDAN PA NYID DU 'DZIN PA NI 'KHRUL PAR 'GYUR RO, ,'DI LTAR GANG YOD PA DE NI YOD PA NYID DU 'DZIN LA, GANG MED PA DE MED PA NYID DU 'DZIN PA NI

328a

, ,THAMS CAD MKHYEN PA ZHES BYA LA, SEMS CAN DANG SNOD KYI 'JIG RTEN LA YANG MTHA' YOD PA MA YIN TE, GANG GI PHYIR THAMS CAD MKHYEN PA'I YE SHES KYI MTHA' DANG LDAN PAS BYAS PA'I MED PA LA MED PA NYID DU 'DZIN LA YOD PA YANG YOD PA NYID DU GZIGS PA LAS JI LTAR THAMS CAD MKHYEN PA MA YIN PA ZHES BYA BA 'DI SNYAM DU RNAM PA MED PA'I PHYOGS LA YUL 'DZIN PA MI 'THAD DE, DE NI THAMS CAD LA KHYAD PAR MED PA'I PHYIR DANG, DE LAS SO SO LA RNAM PAR GZHAG PA MI 'THAD PA'I PHYIR RO, ,DE NI RNAM PA MED PA'I PHYOGS DGOD PAR MI BYA BA KHO NA YIN TE, DE NI RNAM PA THAMS CAD DU SUN PHYUNG BA'I PHYIR RO SNYAM DU BSAMS PA YIN NO ZHE NA, DE NI YANG DAG PA MA YIN TE, GANG GI PHYIR THAMS CAD MKHYEN PA'I YE SHES NI LAS SO SOR RNAM PAR 'JOG PAR 'DOD PA MA YIN TE, DE NI DNGOS PO THAMS CAD LA DMIGS PA'I PHYIR RO, ,GANG GI PHYIR DE NI SNGON PO KHO NA RIG PA'AM SER PO KHO NA RIG PA NI MA YIN GYI, 'ON KYANG THAMS CAD RIG PA YIN NO, ,TSU ROL MTHONG BA GANG GIS SHES PA SO SOR NGES PA'I DON GYI YUL CAN YIN PA DE LA SHES PA RNAM PA MED PA'I PHYIR RO, ,LAS THAMS CAD LA KHYAD PAR MED PA'I PHYIR LAS SO SOR RNAM PAR 'JOG PA MI 'THAD PA'I SKYON BRJOD PA YIN TE, 'DI LTAR SNGON PO RIG PAR BYED PA YIN GYI SER PO'I NI MA YIN NO ZHES NGES PA MED PA'I PHYIR, SO SO'I SKYE BO THAMS CAD THAMS CAD MKHYEN PAR THAL BAR 'GYUR BAR BYED PA YIN NO, ,THAMS CAD MKHYEN PA LA NI DE 'DOD PA NYID KYI PHYIR DE MI 'DOD PA'I THOG TU GTONG BA CI ZHIG YOD, DES NA THAMS CAN MKHYEN PA'I GNAS SKABS NA RNAL 'BYOR GYI STOBS KYIS RNAM PA MED PAR SKYE BA 'GAL BA MED PA KHO NA'O, ,GAL TE BLANG BAR BYA BA DANG DOR BAR BYA BA'I DNGOS PO RNAM PAR PHYE NAS YONGS SU SHES PAR MI 'GYUR RO ZHE NA MA YIN NO, ,CIG CAR MTHA' MED PA'I DNGOS PO SNANG BA NA BLANG BA DANG DOR BA'I DNGOS PO SNANG BA 'GAL BAR 'GYUR RAM, MI 'GAL NA YANG GZHAN DANG LHAN CIG SNANG BA'I BLANG BA DANG DOR BYA'I DNGOS PO DE'I DE KHO NA NYID NYAMS PAR 'GYUR BA YIN NAM, DE KHO NA NYID MI NYAMS NA YANG RNAM PAR PHYE STE SNANG BAR MI 'GYUR BA'AM, RNAM PAR PHYE NAS SNANG BA NA YANG GAL TE YONGS SU GCOD PAR BYED PA RJES LA THOB PA

328b

DAG PA 'JIG RTEN PA'I SHES PA RNAM PAR RTOG PA'I SHES PA SKYE BAR 'GYUR NA DE'I TSE DE THAMS CAD RJOD PAR 'GYUR NA, GANG GI PHYIR 'GRO BA SNA TSOGS PA SNANG BA NA BLANG BA DANG DOR BA'I DNGOS PO DE YANG SNANG BAR MI 'GAL ZHING, BDAG NYID KYI DE KHO NA NYID MI NYAMS LA RNAM PAR PHYE NAS SNANG LA PHYIS THAMS CAD MKHYEN PA'I YE SHES KYI STOBS KYIS BYUNG BA'I DAG PA 'JIG RTEN PA'I RTOG PA DANG BCAS PA'I SHES PA YONGS SU GCOD PAR BYED PA'I PHYIR JI LTAR DE YANG RNAM PAR PHYE NAS MI SHES PA ZHES BYA, DE'I PHYIR JI LTAR SHES PA RNAM PA MED PA'I PHYOGS LA RE ZHIG KLAN KA 'DI MED DO ZHES BSTAN ZIN TO, ,CI STE SHES PA RNAM PA DANG BCAS PA'I PHYOGS LA RTZOD PAR BYED NA DE LA YANG 'GAL BA MED PA NYID DE, 'DI LTAR JI LTAR MTHA' MED PA'I DNGOS PO MTHA' MED PA'I RNAM PA DANG LDAN PA'I BDAG NYID DU YOD PA NYAMS SU MYONG BA DE KHO NA LTAR THAMS CAD MKHYEN PA'I THUGS DE DPAG TU MED PA'I DNGOS PO LA YOD PA'I RNAM PA 'DZIN PA NYID SKYE BA 'GAL BA MED PA NYID DE, SHES PA GCIG LA DNGOS PO DU MA'I RNAM PA 'DZIN PAR SKYE BAR MI 'GAL BA'I PHYIR RO, ,GAL TE YOD PA'I RNAM PA 'DZIN PA GCIG LA RNAM PA DU MA NYID 'GAL BA YIN NO ZHE NA MA YIN TE RNAM PA RNAMS NI MI BDEN PA'I PHYIR RO, ,'O NA GAL TE GCIG LA RNAM PA DON DAM PA PA RNAMS YOD PAR GYUR NA DE'I TSE GCIG LA SNA TSOGS PA NYID 'GAL BAR 'GYUR NA, GANG GI PHYIR RNAM PA RNAMS NI YANG DAG PA MA YIN PAR 'GYUR BA KHO NA YIN PAR 'DOD PA YIN NO, ,GAL TE DE LTA NA 'KHRUL PA'I SHES PA DANG LDAN PA'I PHYIR THAMS CAD MKHYEN PA 'KHRUL PA NYID DU 'GYUR ZHE NA MA YIN TE YANG DAG PA JI LTAR GNAS PAS YONGS SU SHES PAS NA SKYON MED DO, ,GANG GI PHYIR GAL TE MI BDEN PA BDEN PA NYID DU 'DZIN PAR BYED NA DE NI BDEN PA NYID DU 'GYUR NA, GANG GI TSE MI BDEN PA'I NGO BO'I RNAM PA RNAMS MI BDEN PA NYID DU MKHYEN PA DE'I TSE JI LTAR 'KHRUL PAR 'GYUR, DON LAS THA DAD PA'I SHES PA LA SNANG BA'I RNAM PAR 'DZIN PA NA DON LA MTHONG BA LA SOGS PA'I THA SNYAD BYED PAS NA JI LTAR 'KHRUL PAR MI 'GYUR ZHE NA MA YIN TE, YANG DAG PA'I THABS MKHYEN PA'I PHYIR RO, ,GAL TE 'DZIN PAR BYED PA'I THABS SU RIGS PA SPANGS NAS GTZO BO MA YIN PAS DON 'DZIN PAR BYED PA DE'I TSE 'KHRUL PAR 'GYUR RO, ,GANG GI PHYIR SHES PA RNAM PA DANG BCAS PAR SMRA BA'I PHYOGS LA SHES PA'I BDAG NYID KYI RNAM PA NYAMS SU MYONG

329a

, ,BA LAS MA GTOGS PA GZHAN DON 'DZIN PA'I BYA BA YOD PA MA YIN NA, DE JI LTAR 'DZIN PA'I THABS SU RIGS PA'I BYA BAS DON 'DZIN PA 'KHRUL PAR 'GYUR, DE BAS NA SHES BYA BZHIN DU SHES PA GCIG KYANG MTHA' MED PA'I DNGOS PO LA YOD PA'I RNAM PA 'DZIN PA SKYE BA'I PHYIR DES MTHA' MED PA'I DNGOS PO LA KHYAD PAR BRJOD PA YIN NO, ,BDAG NYID GANG GIS SHES PA'I BDAG NYID LA DNGOS PO RNAMS GSAL BA DE NYID KYIS DE'I RJES LA THOB PA'I DPYOD PA'I SEMS KYIS YONGS SU DPYOD PA YIN GYI THAMS CAD MKHYEN PA'I SEMS LA DNGOS PO RNAMS GZHAN DU YOD PA'I BYE BRAG DANG LDAN PA GSAL BA NI MA YIN NO, ,'O NA CI ZHE NA GANG JI SNYED CIG YOD PA NYID DU NYAMS SU MYONG BAD THAMS CAD SNANG BA YIN TE, THAMS CAD MKHYEN PA'I YE SHES BSKYED PA LA DMIGS PA'I RKYEN GYI NGO BOS NUS PA THOGS PA MED PA YIN PA'I PHYIR DANG YID KYI RNAM PAR SHES PA YANG DON THAMS CAD KYI YUL CAN YIN PA'I PHYIR RO, ,DE BAS NA THAMS CAD MKHYEN PA'I YE SHES KYIS GZHAN DU YOD PA'I DNGOS PO'I RNAM PA 'DZIN PA SKYE BA MA YIN PA'I PHYIR, RJES LA THOB PA DAG 'JIG RTEN PA'I YE SHES RNAM PAR RTOG PA YUL GYI MTHA' DANG LDAN PAR 'DZIN PA NYID KYIS YONGS SU MA BCAD PA'I PHYIR, JI LTAR 'DI TZAM ZHIG GO SNYAM DU YONGS SU GCOD PAR 'GYUR, GAL TE SNANG BZHIN PA LAS GZHAN MED DO SNYAM PA DE LTA BU'I RTOG PA SKYE BA DE LTA NA YANG MTHA' DANG LDAN PA NYID DU THAL BAR 'GYUR BA MA YIN TE, 'DI LTAR GAL TE SNANG BZHIN PA NI THAMS CAD MKHYEN PA'I THUGS RTOG PA MED PA LA MTHA' DANG LDAN PA NYID KYIS SNANG BA YIN NA DE'I TSE RJES LA THOB PA'I DPYOD PA'I SHES PAS DNGOS PO RNAMS MTHA' DANG LDAN PA NYID DU 'GYUR LA, DE YONGS SU GCOD NA YANG MTHA' MED PA NYID NYAMS PAR 'GYUR RO, ,GANG GI PHYIR THAMS CAD MKHYEN PA'I THUGS LA SNANG BZHIN PA'I DNGOS PO NI MTHA' MED PA NYID DU SNANG BA YIN TE, THAMS CAD NUS PA THOGS PA MED PA YIN PA'I PHYIR RO, ,DE LAS GZHAN DU SNANG BA NI MTHA' DANG LDAN PA NYID YIN NO, ,DE NYID RTOGS PA'I YE SHES KYIS RNAM PAR GCOD PAR BYED PA'I PHYIR KHYED CAG GIS DNGOS PO RNAMS KYI MTHA' MED PA NYID GSAL RAB NYID DU BSGRUBS PA YIN PA'I PHYIR 'DI NI GYI NA'O, ,GANG YANG RNAL 'BYOR BA'I SHES PA THAMS CAD DMIGS PA MED PA YIN TE, RMI LAM BDEN PA MTHONG BA BZHIN DU DNGOS PO LA MI SLU BA NYID KYIS TSAD MA YIN NO ZHES KHAS LEN PA DE DAG LAS

329b

MTHA' DANG LDAN PA NYID KYI KLAN KA'I GO SKABS THAG BSRINGS PA'I PHYIR TE MANG DU SMRAS PAS CHOG GO, ,GANG DAG THAMS CAD MKHYEN PA LA 'DOD PA YOD PAR BRJOD PA DE'I GZHUNG YANG THAMS CAD MKHYEN PA ZHES BSTAN PA'I PHYIR, GANG DANG GANG DAG CES BYA BA LA SOGS PA SMOS TE, YANG ZHES BYA BA LA SOGS PAS SHES PA RIM CAN GYI PHYOGS LA YANG 'GAL BA MED PAR 'CHAD DE SHES PA ZHES BYA BA SMOS SO, ,SHES PA BCU DRUG GIS ZHES BYA BA NI BZOD PA DANG SHES PA DAG GIS TE, BZOD PA NI BRGYAD DE SDUG BSNGAL LA CHOS SHES PA'I BZOD PA LA SOGS PA'O, ,SHES PA YANG BRGYAD DE SDUG BSNGAL LA CHOS SHES LA SOGS PA STE, DE LTAR BDEN PA MNGON RTOGS 'DI, ,SEMS BCU DRUG GO ZHES BSHAD PA'I PHYIR RO, ,THANG CIG TZAM NI ZHES BYA BA LA, DUS KYI MTHA' NI SKAD CIG MA YIN TE, ,SKAD CIG MA BRGYA NYI SHU LA, ,DE YI SKAD CIG DE DAG KYANG, ,DRUG CU LA NI THANG CIG GO, ,ZHES BYA BA NI GRUB PA'I MTHA' YIN NO, ,GROGS PO ZHES BYA BA NI BOD PA'O, ,LO ZHES BYA BA NI LO SKOR GYI RNAM GRANGS YIN NO, ,GANG ZHIG RNAM PAR MA PHYE BA'I, ,ZHES BYA BA LA SOGS PA SMOS SO, ,'ON TE RNAL 'BYOR PA RNAMS KYI ZAG PA MED PA'I SHES PA NI BSTAN BCOS SU SPYI'I PHYIR YUL CAN DU BRJOD KYI RANG GI MTSAN NYID KYI YUL DU MA YIN PA MA YIN NAM, DE JI LTAR SPYI'I YUL CAN GYI RNAL 'BYOR BA'I SHES PAS DNGOS PO RNAMS KYI RANG GI NGO BO NYID RTOGS PA YIN ZHE NA, DE'I PHYIR BDAG BCAS ZHES BYA BA LA SOGS PA SMOS TE, RANG GI MTSAN NYID RIGS MI MTHUN PA LAS BZLOG PA'I THA MI DAD PA'I RNAM PA'I SHES PA'I RGYU NYID KYIS BSTAN BCOS SU SPYI'I MTSAN NYID CES BRJOD DO, ,DE BAS NA DE 'DZIN PAR BYED PA'I RNAL 'BYOR BA'I SHES PA BSGOMS PA'I STOBS KYIS GSAL BAR SNANG BA SKYE BA NA RANG GI MTSAN NYID KYI SPYOD YUL CAN YIN PA'I PHYIR SPYI'I SPYOD YUL CAN YIN PA DE JI LTAR RANG GI MTSAN NYID 'DZIN PAR 'GYUR ZHES BYA BA 'DI MI 'GAL BA KHO NA'O, ,GANG YANG, RNAM PA GCIG CAN RNAM SHES TE, ,ZHES BYA BA LA SOGS PA SMRAS PA DE THAMS CAD RNAL 'BYOR PA'I SHES PA NI RANG GI MTSAN NYID KYI YUL CAN YIN PA'I PHYIR RO ZHES BYA BA 'DI NYID KYIS GSAL BA YIN NO, ,CI STE DE NYID DANG GZHAN NYID LA SOGS PA RNAM PAS BSTAN PA BYA BA MA YIN PA'I KUN RDZOB NYID KYI SPYI GANG YIN PA DE KHO BO CAG GIS BRJOD PA DANG, GANG YANG GZHAN MU STEGS BYED RNAMS KYIS SPYIR DON DAM PA NYID DU RTOGS PA DE 'DZIN PA NYID KYIS RNAL 'BYOR PA'I SHES PA RANG GI MTSAN NYID KYI YUL CAN NYID DU BSGRUBS PA DE YANG MA

330a

, ,GRUB PA YIN NO ZHES BSTAN PA'I PHYIR, GANG ZHIG GZHAN GYIS KUN BRTAGS PA'I, ,ZHES BYA BA LA SOGS PA SMOS TE, SOGS PA'I SGRAS RTAG PA LA SOGS PA'I SGRAS BRJOD PAR BYA BA MA YIN PA ZHES BYA BA GZUNG BAR BYA'O, ,CI'I PHYIR DES DE 'DZIN PA MA YIN ZHE NA, RNAL 'BYOR PA YI DBANG PHYUG THUGS, ,ZHES BYA BA LA SOGS PA SMOS TE, RNAL 'BYOR PA'I SHES PA NI RTOG PA DANG BRAL ZHING MI 'KHRUL PA NYID KYIS MNGON SUM GYI TSAD MA NYID DU 'DOD DE, GAL TE JI SKAD BSHAD PA'I SPYI'I YUL CAN DU 'GYUR NA DE'I TSE KUN RDZOB PA'I DON GYI YUL CAN YIN PA'I PHYIR RTOGS PAS NON PA NYID DU 'GYUR LA, GZHAN GYIS KUN TU BRTAGS PA'I BRDZUN PA'I YUL CAN NYID YIN PA'I PHYIR 'KHRUL PAS NON PAR YANG 'GYUR RO, ,YANG NA GNYI GA'I YUL CAN YIN PA NYID KYIS RE RE LA YANG SKYON GNYI GAR 'GYUR RO, ,DE LTAR SGRO BTAGS PA DANG BRDZUN PA'I DON GYI YUL CAN YIN PA'I PHYIR RNAM PAR RTOG PA DANG 'KHRUL PA YIN PA'I PHYIR RO ZHES BSTAN ZIN TO, ,'DI LAS KYANG DE 'DZIN PA NA RTOG PA DANG 'KHRUL PAS NON PAR THAL BAR 'GYUR RO ZHES BSTAN PA'I PHYIR, RNAM PAR RTOG PA'I BDAG NYID SPYI, ,ZHES BYA BA LA SOGS PA SMOS TE, DE MA THAG TU BRJOD PA'I BRJOD PAR BYA BA MA YIN PA NYID DANG, GZHAN LA SOGS PA BSTAN PAR BYA BA MA YIN PA'I SPYI GANG YIN PA DE RNAM PAR RTOG PA'I BDAG NYID YIN NO, ,GANG GIS NI GZHAN GYI PHYIR RO, ,BSHAD CES BYA BA NI GZHAN SEL BA BRTAG PA BSTAN PAR BYAS PA YIN NO, ,DE'I PHYIR, DE 'DZIN NA NI RNAM RTOG DANG, 'KHRUL PAS GNOD PA NYID DU 'GYUR, ,ZHES SKABS SU BAB PA DANG SBYAR BAR BYA'O, ,'DI LTAR SPYI NI RNAM PAR RTOG PA'I BDAG NYID YIN PA NYID KYIS DE 'DZIN PA NA RNAM 'BYOR BA'I SHES PA RNAM PAR RTOG PA'I BDAG NYID DU 'GYUR TE, DE NI DE'I BDAG TU 'DZIN PA'I PHYIR RO, ,RNAM PAR RTOG PA YANG RANG BZHIN GYI RANG GI SNANG BA DON MED PA LA DON DU ZHEN NAS 'JUG PA'I PHYIR PHYIN CI LOG GNYID YIN PA'I PHYIR 'KHRUL PAS NON PA NYID DU YANG THAL BAR 'GYUR RO, ,GANG YANG GZHAN GYIS KUN DU BRTAGS PA'I PHYIR RTAGS PA'I PHYIR RTAG TU RJES SU 'GRO BA'I RANG BZHIN DE YANG SPYI BRTAG PAR DNGOS PO MED PA'I RANG BZHIN NYID DU BSTAN ZIN PA'I PHYIR DE 'DZIN PA NA GSAL RAB NYID DU RNAM PAR RTOG PA DANG 'KHRUL BA NYID DU THAL BAR 'GYUR RO, ,GANG YANG RGYU BCAS 'BRAS BCAS LAS, ,ZHES BYA BA LA SOGS PA GANG SMRAS PA DE LA, TING NGE 'DZIN LAS BYUNG BA'I ZHES BYA BA LA SOGS PA SMOS SO, ,JI LTAR RIM MAM CIG CAR GYIS, ,ZHES

330b

BYA BA LA SOGS PA LA, RIM GYIS SAM CIG CAR GYIS ZHES PA LA SOGS PA SMOS TE GO BAR ZAD DO, ,THUN MONG MA YIN THABS RNYED PA, ,ZHES BYA BA LA SOGS PA LA, CHOS LA BDAG MED LEGS GOMS PA, ,ZHES BYA BA LA SOGS PA SMOS TE, BSTAN BCOS THAMS CAD KYIS ZHES BYA BA NI DE KHO NA NYID BSDUS PA MA LUS PA 'DIS SO, , 'KHOR BAR MI 'OS SHES PA CAN, ,ZHES BYA BA NI 'KHOR BA DAG TU MI 'OS PA LHAN CIG TU MA SKYES PA NI 'KHOR BAR MI 'OS PA'O, ,DE 'DRA BA'I SHES PA DE BSTAN PA GANG LA YOD PA DE LA DE SKAD CES BYA'O, ,KHYAB 'JUG DBANG PHYUG SOGS YUL MIN, ,ZHES BYA BA NI 'DI NI RANG GI RTAG PA NYID KYIS BSTAN PA DANG GZHI MTHUN PA YIN NO, ,NYON MONGS DGRA PO MA LUS PA'I, ,SDE TZAM 'JIG PAR BYED PA CAN, ,ZHES BYA BA NI NYON MONGS PA NYID DGRA NYID LA DE DAG GI SDE TSAN NI TSOGS SO, ,DE 'JIG PAR BYED PA'I NGANG TSUL GANG LA YOD PA ZHES TSIG RNAM PAR SBYAR RO, ,MNGON MTHO SNA TSOGS RDZOGS PA DANG, MYA NGAN 'DAS PA THOB PA'I RGYU, ,ZHES BYA BA LA, RGYU'I SGRA RE RE DANG SBYAR BAR BYA STE, MNGON PAR MTHO BA SNA TSOGS PA RDZOGS PA'I RGYU YIN ZHIG MYA NGAN LAS 'DAS PA THOB PA'I RGYU YIN NO ZHES BYA BA'I DON TO, ,DE LTAR GANG TSE THAMS CAD MKHYEN, ,ZHES BYA BA LA SOGS PA LA DE LTAR GANG TSE ZHES BYA BA LA SOGS PA SMOS TE, 'GA' ZHIG CES BYA BA NI BDE BAR GSHEGS PA NYID YIN GYI SER SKYA LA SOGS PA NI MA YIN TE, SNGAR JI SKAD BSHAD PA BZHIN NO SNYAM DU BSAMS PA YIN NO, ,GANG YANG SHES PA RNAM PA MED PA'I PHYOGS LA SKYON SMRAS PA GANG YIN PA DE LA YANG KHO BO CAG GIS DANG PO NYID BRJOD ZIN TO, ,'ON TE, RNAM PA DANG BCAS RNAM PA MED, ,GZHAN GYI RNAM PA NYID LA YANG, ,RNAM PAR SHES PAS PHYI ROL DON, ,NAM YANG SHES PA MA YIN NO, ,ZHES BRJOD PA MA YIN NAM, DE JI LTAR PHYOGS GNYI GA LA BRTEN NAS KYANG NYES PA MED PAR BRJOD CES DOGS PA LA, RNAM PA MED SOGS BSAM PA NI, ,ZHES BYA BA LA SOGS PA SMOS TE, KHO BO CAG RNAM PAR SHES PAR SMRA BA LA GNAS PA RNAMS KYIS SNGAR RNAM PA MED PA LA SOGS PA BSAM PA BYAS PA GANG YIN PA DE NI PHYI ROL GYI DON LA MNGON PAR ZHEN PA LA PHYI ROL GYI DON KHAS BLANGS NAS THAMS CAD MKHYEN PA SGRUB PA NI KHYED CAG PHYI ROL GYI DON DU SMRA BA RNAMS LA JI LTAR NYE BAR MKHO ZHE NA, JI LTAR KHYOD KYIS ZHES BYA BA LA SOGS PA SMOS TE, GDON MI ZA BAR KHYED CAG GI DON RNAM PA DANG BCAS PA'AM RNAM PA MED PAR SHES PA 'DZIN PA BRJOD PAR BYA BA YIN TE DE LTA MA YIN NA PHYI ROL GYI DON RGYUN CHAD PAR

331a

, ,'GYUR RE, ,DE LTA YIN DANG CHI NAS RNAM PA GANG GIS KHYED CAG DON 'GA' ZHIG LA SHES PAR 'JUG PA'I RNAM PA DE NYID KYIS GZHAN MCHOG STE KHYAD PAR DU 'PHAGS PA'I THAMS CAD MKHYEN PA'I YE SHES KYANG 'JUG PAR 'DOD PAR BYA BA YIN PAS KLAN KA 'DI MED DO, ,DPE MED RANG GI DPAL BDEN BDEN PAR NGES BYAS LAS, , DGE BA SHIN TU DRI MED BDAG GIS GANG THOB DES, ,'JIG RTEN THAMS CAD SKYE BO KUN GYI YID TSIM MDZAD PA YI, ,MDANGS GSAL BA CAN BDE GSHEGS PAD MA'I NGANG TSUL 'GYUR BAR SHOG ,DE KHO NA NYID BSDUS PA'I DKA' 'GREL SLOB DPON CHEN PO KA MA LA SH'I LAS MDZAD PA RDZOGS SO,, ,,RGYA GAR GYI MKHAN PO MKHAS PA CHEN PO DE BEN DRA BHA DRA DANG, BOD KYI LO TZ'A BA SH'AKYA'I DGE SLONG GRAGS 'BYOR SHES RAB KYIS BSGYUR,, ,,BRTZE LDAN BDE BAR GSHEGS PA'I BKA', ,KUN LA RAB 'BYAMS RTOG GE'I GTZO, ,CHOS KYI GRAGS PA GNYIS PA DES, ,GSAL BA'I TSIG GIS BKOD GZHUNG 'DI, ,BDAG GZHAN GZHUNG LUGS RGYA MTSO YI, ,MTHAR SON MKHAS PA LHA DBANG BLO, ,BSNYEN LAS GRUB MTHA' MTHA' DAG LA, ,BLO YI SNANG BA THOB NAS BSGYUR, ,SNGON GYI SGYUR BYED MKHAS RNAMS KYIS, ,JI LTA'I BGROD LAM CHEN RNAMS KYIS, ,'BAD PAS MTHONG BAR MA GYUR GANG, ,CI ZHIG LHAR TE BDAG GIS TE, ,BDAG NI BRTZON DANG MI LDAN ZHING, ,SHES RAB LHAG PA MED MOD KYANG, ,'DI LTA DON DANG RJES MTHUN ZHING, ,TSIG GI SDEB SBYOR RAB GSAL BA, ,RDZOGS SANGS RGYAS KYIS BYIN RLABS SAM, ,SKYE BA GZHAN DU GOMS PAR NGES, ,'ON KYANG BRTZON 'GRUS RTZOM RNAMS KYIS, ,NYES PA DOR LA LEGS PA LONG, ,DPAL LDAN RIGS GSUM MGON PO'I RGYUD, ,STOD RIS MUN PA'I SNANG GYUR BA'I, ,RJE RGYAL BYANG CHUB SEMS DPA'I DPON, ,BRTAN ZHING MI 'GYUR GZHI BRJID LDAN, ,DGONGS ZAB DAM PA'I LAM LA DGYES, ,MTHA' BZHI'I RGYAL PHRAN ZIL GNON PA, ,MNGA' BDAG DBANG PHYUG DAM PA'I RJE, ,BSOD NAMS RTZE YI BKAS BSKUL NAS, ,GZHUNG LUGS NGAN PA KUN 'JOMS SHING, BDE BSTAN PA GSAL BYED PA, ,DPAL LDAN PAD MA'I NGANG TSUL GYI, ,DON CHEN LDAN PA'I BSTAN BCOS 'DI, ,BSGYUR BA'I DGE BAS BDAG GZHAN KUN, ,LTA NGAN THAMS CAD RAB BCOM NAS, ,BKUR BAR DKA' BA'I SANGS RGYAS KYI, ,BSTAN PA YUN RING 'DZIN PAR SHOG ,'DI LA TSIGS SU BCAD PA KHRI BRGYAD STONG YOD, ,BAM PO DRUG CUR BYAS SO,, ,,