;;RGYA GAR SKAD DU, SHR'I MA H'A M'A Y'A TANTRA R'A DZA N'A MA, BOD SKAD DU, DPAL SGYU 'PHRUL CHEN MO ZHES BYA BA'I RGYUD KYI RGYAL PO, DPAL RDO RJE MKHA' 'GRO LA PHYAG 'TSAL LO, ,DPAL LDAN RDO RJE MKHA' 'GRO MA, ,MKHA' 'GRO MA YI 'KHOR LOS BSGYUR, ,YE SHES LNGA DANG SKU GSUM NYID, ,'GRO BA SKYOB LA PHYAG 'TSAL LO, ,JI SNYED RDO RJE MKHA' 'GRO MA, ,KUN TU RTOG PA'I 'CHING GCOD CING, ,'JIG RTEN BYA BAR RAB 'JUG PA, ,DE SNYED RNAMS LA PHYAG 'TSAL LO, ,DE NAS DE LAS RDO RJE MKHA' 'GRO MA GSANG BA'I DBANG PHYUG MA RNAMS KYI MCHOG TU GSANG BA ZHES BYA BA'I RGYUD BSHAD PAR BYA STE, GANG ZHIG GIS NI KUN KHYAB PA, ,RGYU DANG MI RGYU TSANGS SGO NGA, ,LHA MO THAMS CAD SKYED BYED CING, , TSANGS LA SOGS PA'I BDAG NYID CHE, ,DE RNAMS KYI NI GSANG CHEN 'DI, ,SGYU 'PHRUL CHEN MO DBANG PHYUG CHE, ,SGYU 'PHRUL CHEN MO DRAG CHEN MO, ,'BYUNG BA YANG DAG SDUD MDZAD MA; ;GANG GIS 'DI KUN LA KHYAB PA, ,RGYU DANG MI RGYU'I 'JIG RTEN GSUM, ,DES NI DE NAS 'DI BSDUS NAS, ,'JIG RTEN GSUM PO YANG SPRO'O, ,GSANG BA PA RNAMS 'DI YI NI, ,SGYU MA'I BDAG NYID CES RNAM GRANGS, ,'JIG RTEN GSUM SGRUB RIG MA STE, ,'DOD PA THAMS CAD RAB STER BA, ,GANG ZHIG RNAM PAR SHES TZAM GYIS, ,SGRUB PA'I DBANG PHYUG RIG PA
, ,NYID; ;LHA DANG NOR BDAG DRI ZA DANG, ,GNOD SBYIN LHA MIN MI DANG BCAS, ,RIG PA 'DZIN DANG GANG YANG RUNG, ,MI 'AM CI DANG LTO PHYE CHE, ,SRIN PO DANG NI SHA ZA RNAMS, ,SGRUB PO RNAMS LA 'GRUB PAR 'GYUR, ,DBANG DU 'DU 'GYUR 'BYUNG PO RNAMS, ,CHU LAS SKYES DANG THANG LAS SKYES, ,CHOS RNAMS RANG BZHIN 'OD GSAL BA, ,GDOD NAS DAG CING RNYOG PA MED, ,THABS BRJOD PA YIS DE LAS NI, ,RANG BYUNG YE SHES LNGA LDAN 'GYUR, ,RNAL 'BYOR MA RNAMS SBYOR BA'I MA, ,KHAMS GSUM PO NI MA LUS KUN; ;MA LUS LUS PA MED GRUB CING, ,SGYU MA KUN GYIS RNAM ROL PA'O, ,SANGS RGYAS KUN LAS PHROGS NAS SU, ,LHA MCHOG LHA SKYES BU MO SPYOD, ,RNAL 'BYOR DBANG PHYUG BYED RIG PA, ,DE BZHIN DU NI MIG 'PHRUL BYED, ,RMONGS PA DANG NI RENGS PA DANG, ,BSKRANG DANG GSAD PA LA SOGS PA, ,DBANG DANG DGUG PA LA SOGS DANG, ,NAM MKHAR 'GRO BA NYID KYANG NGO, ,GZHAN GYI GRONG SOGS BYA BA DANG, ,MI SNANG BA DANG GANG YANG RUNG, ,ZHE 'GRAS PA DANG RMUGS PA DANG, ,DE BZHIN SA 'OG 'GRO BA'O, ,RIG 'DZIN 'KHOR LOS BSGYUR NYID 'GYUR, ,'CHI BA MED CING RGAS PA MED, ,RNAL 'BYOR SGYU MA'I RIG PA 'DI, ,'DI YIS NA BA MED PAR 'GYUR, ,SNGAGS KYI YI GE'I GZUGS KYIS SU, ,
RNAL 'BYOR PAS NI RNAM ROL BYED, ,BKLAGS PA DANG NI BSAM PA YIS, ,BSGOM PA DANG NI TING 'DZIN RNAMS, ,BKLAGS PAS BYED PA'I RIG PA STE, ,RIG PA'I DNGOS GRUB BYED PAR 'GYUR, ,BRTUL ZHUGS MED CING DKA' THUB MED, ,DKA' SPYOD BSNYUNG BA SDOM MED PAR, ,RTAG TU SHES RAB THABS SOGS KYIS, ,RTAG TU DGA' DANG BDE BAS 'GRUB, , LTE BA'I DBUS GNAS DPA' BO STE, ,GE SER GSANG BA'I SPYOD YUL LA, ,SEMS DANG SEMS MED SEMS KYI GZUGS, ,YE SHES SHES BYA'I RANG BZHIN BDAG ,DE NI BDAG GIS BSHAD BYA STE, ,ZAB MO SANGS RGYAS BSTAN PA'O, ,A'A LI K'A LI MNYAM BYAS TE, ,RI MO DE LA SBYAR BAR BYA, ,RI MO STENG DU 'BAR BA'I MTHAR, ,'OG TU 'BAB PAR BYED PA'O; ;KHU BA'I TSUL GYIS 'BAB PA STE, ,BDUD RTZI'I THIGS PA'I GZUGS LAS SO, ,GANG GANG DBANG PO'I LAM NAS NI, ,DE DE'I RANG BZHIN SKYE BAR 'GYUR, ,MCHOG TU PHAN PA'I RNAL 'BYOR GYIS, ,SANGS RGYAS KUN GYI RANG BZHIN 'BAB, ,DAM TSIG CHEN PO'I DNGOS GRUB DANG, ,RIL BU CHEN PO'I SGRUB PA YANG, ,SGYU 'PHRUL CHEN MO'I RAB SBYOR PA'I; ;SDOM PA'I SBYOR BAR BYED PAR 'GYUR, ,MCHOD PA LNGA DANG YANG DAG LDAN, ,'DOD PA'I YON TAN LNGA DANG BCAS, ,SGRUB PA'I DBANG PO ZHES BYA BA, ,DNGOS GRUB SHIN TU
, ,RTAG PA'O, ,GANG ZHIG SHES PA'I DNGOS GRUB KYIS, ,LHA YI GNAS SU MYUR BAR 'GYUR, ,DE NI BDAG GIS BSHAD BYA STE, ,LHA MO BDEN PAR NGA SMRA'O, , SGYU 'PHRUL CHEN MO KHYOD LA NGAS, ,'JIG RTEN GSUM 'GRUB DE BSHAD BYA, ,RNAL 'BYOR CHEN MO RNAMS KYI NI, ,BZANG PO'I YI GE'I PHRENG BA RNAMS, ,GANG ZHIG BSAMS PA TZAM GYIS NI, ,RGYU DANG MI RGYU 'GRUB 'GYUR BA'O, ,'DOD PAS KUN LA NYER SPYOD PA, ,JI LTAR 'DOD BZHIN BRTEN BYAS NA, ,RNAL 'BYOR PA CHEN RTAG ROL TE, ,RDO RJE RNAL 'BYOR MA RNAMS DANG, ,RNAM PA SNA TSOGS GZUGS SU NI, ,RNAL 'BYOR BDAG NYID STON PAR BYED, ,DE BZHIN GSHEGS PA KUN GYI DPAL, ,DNGOS GRUB CHEN PO STER BAR 'GYUR,, BCUD LEN RNAM PA SNA TSOGS KYIS, ,RTAG TU SEMS CAN DON BYED PA'O, ,KHU BA DGUG DANG CHANG DANG NI, ,GONG BU CHEN PO DGUG PA NYID, ,SHA CHEN PO NI BKUG NAS SU, , RNAL 'BYOR MA DANG LHAN CIG SPYOD, ,TSE RING BRTZON 'GRUS CHEN PO DANG, ,GZI BRJID CHE ZHING STOBS CHEN 'GYUR, ,LHA YI MIG DANG RDZU 'PHRUL LDAN, ,NYIN RE ZLA BA 'THUNG BA'O; ;DE YI TSE NI 'PHEL 'GYUR TE, ,BSKAL PA CHEN PO'I BAR DU GNAS, ,BLTA BAS MI NGOMS LUS DANG NI, ,CHO 'PHRUL DAG NI STON PAR BYED, ,YID LA BSAM MA
THAG TU NI, ,RANG GI GZUGS NI YONGS BRJES SHING, ,BKLAGS PAS 'GRUB PA'I DON YOD PA, ,RIG MA'I DBANG PHYUG RDZU 'PHRUL CHE, ,RIG PA 'JIG RTEN GSUM PO NA, ,NGA YI RIG DANG MNYAM PA MED, ,RGYUD RNAMS KUN GYI LUNG 'DI NI, ,MDZES MA KHYOD LA BSHAD PA YIN, ,RNAL 'BYOR MA'I DBANG PHYUG MA'I RIG MA CHEN MO LAS, ,DNGOS GRUB KYI MTSAN MA BSTAN PA STE LE'U DANG PO'O,, ,,DE NAS DE LAS RNAL 'BYOR MA'I DBANG PHYUG CHEN MO RNAMS KYI SBYOR BA'I DNGOS GRUB KYI 'BRAS BU RAB TU STER BA'I GSANG BA'I YI GE BZANG PO BSHAD PAR BYA STE, GANG ZHIG BSAMS PA TZAM GYIS NI, ,RNAL 'BYOR MA MCHOG STER 'GYUR PA, ,DANG PO'I YI GE'I SBYOR BA YIS, ,RTAG TU DBUGS NI BTANG BAR BYA, ,BRGYAD PO'I MTHA' DANG YANG DAG LDAN, ,AU DANG THIG LER BCAS PA YIS, ,RNAL 'BYOR PA YI DBUGS RDUB BYED, ,DNGOS DANG DNGOS MED RNAM SPANGS PA'O, ,DE LA BRTUL ZHUGS MA BSHAD DO, ,PHRENG BA SNGAGS DANG GZUNG BA DANG, ,SBYIN SREG GI NI LAS RNAMS KYANG, ,GCIG NAS GCIG TU LDOG PAR 'GYUR, ,SNGAGS DANG DBYIBS DANG CHOS BDAG NYID, , SBYOR BA RNAM GSUM ZHES BYA STE, ,YE SHES RNAM PA GSUM GYIS NI, ,SRID PA'I NYES PAS GOS MI 'GYUR, ,DE LTAR RGYUN DU RNAL 'BYOR PA, ,RTAG TU GOMS PA NYID KYIS NI, ,RDO
, ,RJE SEMS DPA' DANG MNYAM PA'ANG, ,ZLA BA GCIG GIS DE 'GRUB 'GYUR, ,DBANG PO'I MDOG DANG YANG DAG LDAN, ,DANG PO'I YI GE BSGOM BYA STE, ,RANG GI RIG PA RAB SBYAR NA, ,DES 'DI MOD LA 'GUG PAR 'GYUR, ,YI GE GNYIS PA DANG LDAN PA, ,BSAM ZHING RNAM PAR SGOM BYAS NA, ,SA GSUM PO NI MA LUS PA, ,DE DAG THAMS CAD DBANG DU 'GYUR, ,TSANGS DANG KHYAB 'JUG DBANG PO DANG, ,DE BZHIN DBANG PO 'DOD DBANG PHYUG ,YE SHES YI GES BSKUL BYAS NAS, ,DE DAG CHUNG MAR BCAS TE 'GUGS, ,YI GE AA DANG YANG DAG LDAN, ,SKU GSUNG THUGS LA LEGS GNAS PA, ,SBYOR BA RNAM GSUM SGOM BYAS NA, ,GONG BU 'GUGS PA'I MCHOG YIN NO, ,YI GE KHE DANG YANG DAG LDAN, ,SKU MDOG DMAR PO ZHAL BZHI PA, ,LAG NA THOD PA CHAGS PA'I BDAG ,KHU BA 'GUGS PA'I MCHOG YIN NO, ,YI GE RTZI DANG LDAN PA YIS, ,KHA DOG SER PO KUN TU 'OD, ,RTA YI ZHAL GYI TSUL BYAS NA, ,CHAB 'GUGS PA YI DAM PA YIN, ,YI GE RA DANG YANG DAG LDAN, ,KHA DOG DMAR PO 'OD CHEN PO, ,PHYAG BZHI PA DANG ZHAL BZHI PA, ,LCE SBYANG TSUL DU LEGS GNAS PA, ,KHRO BO'I SEMS KYIS BSGOM BYAS NAS, ,KHRAG 'GUGS PA YI DAM PA'O, ,YI GE DRUG DANG YANG DAG LDAN, ,GNAS
DRUG TU NI NGES SBYAR BYA, ,RNAL 'BYOR MKHA' 'GRO MA YI TSOGS, ,RDO RJE RNAL 'BYOR MA RNAMS 'GRUB, ,MIG GNYIS DANG NI RNA BA DANG, ,DE BZHIN SNA DANG YID KYI NYID DAG ,SENG GE RNAL 'BYOR PHYAG RGYA YIS, ,RNAL 'BYOR PA YIS BCING BAR BYA, ,SROG DANG RTZOL BA BSDAMS NAS SU, ,BSGOM NA SKAD CIG DE LA 'BAR, ,'OG MIN SRID PA'I MTHAR THUG PAR, , RGYU DANG MI RGYU'I 'JIG RTEN BDUN, ,THAMS CAD KYIS NI DE BSGOMS KYANG, ,DE NI RTOGS PA MA YIN NO, ,GAL TE THAMS CAD RAB RTOGS NA, ,'GRO BA'I ROL PA RNAM PAR 'JIG , DE PHYIR YE SHES 'DI GSANG ZHING, ,MI GSAL YI GE MED PA'O, ,GANG PHYIR SANGS RGYAS RNAMS KYIS MKHYEN, ,RNAL 'BYOR GNYID DANG YANG DAG LDAN, ,GONG BUR SONG BA'I YID DE YID, ,GZUGS GCIG TU NI SGOM PAR BYED, ,SGO DGU LAS NI GANG BYUNG BA, ,RDZAS KYI BDAG NYID RNAM BSGOMS LA, ,RANG BZHIN MED PA'I BLO LDAN PA'I, ,RNAM PAR MI RTOG PA YIS BZA', ,MTHE BONG DANG NI SRIN LAG GIS, ,KHA RU YID BZHIN NOR BU NI, ,BDUD RTZI'I RANG BZHIN LAS BYUNG BA, ,RTAG PA'I DNGOS GRUB THOB PAR 'GYUR, , RNAL 'BYOR MA'I DBANG PHYUG MA'I RIG PA CHEN MO LAS, SBYOR BA GTAN LA DBAB PA'I LE'U STE GNYIS PA'O,, ,,DE NAS YANG DAG BSHAD BYA BA, ,DAM
, ,TSIG SGRUB PA'I DAM PA STE, ,RDZAS GZHAN TSOGS NI BZA' BYA BA, ,THAMS CAD MKHYEN PA'I 'BRAS STER BA'O, ,GANG ZHIG ZOS PA TZAM GYIS NI, , 'BYUNG PO'I MI RNAMS 'GRUB 'GYUR BA, ,BRTAN PA DANG NI MYUR 'GRO NYID, ,DE BZHIN DU NI BA LANG KHYI, ,CHEN POR YANG DAG LDAN PA NI, ,DE BZHIN YE SHES BDUD RTZI LNGA, , TSES GRANGS BCU BZHI BRGYAD LA NI, ,LHAN CIG BSGOS TE SBYAR BYAS NAS, ,NYI MA BDUN DU CE SBYANG GI ,DBUS SU BZHAG LA DE NAS BTON, ,LNGA PO DAG LAS YUNGS KAR GYI, , 'BRAS BU'I TSAD TZAM RIL BU BYA, ,DE NI RGYUD 'DIR GSUNGS MOD KYIS, ,TSES BRGYAD DANG NI BCU BZHI'I BAR DAG TU, ,NYI MA BDUN DU LHAN CIG MIN SGOM STE, ,SBYAR NAS CE SPYANG DBUS SU LEGS BZHAG LA, ,DE LAS BTON TE LNGA PO DAG LAS NI, ,DNGOS GRUB 'BRAS BU'I TSAD TZAM RIL BU BYA, ,'BRAS BU CHEN PO RAB TU RTOGS PAS NA, ,DE NI RGYUD 'DIR GSUNGS KYI KUN TU SBAS, ,'BRAS BU CHEN PO SANGS RGYAS KYIS, ,THAMS CAD DU NI SBAS PA'O, ,DE NAS SGRUB THABS 'BYUNG BA'O, ,YID KYIS PADMA BSAM BYA BA, KHA DOG DMAR PO KUN 'OD LA, ,LHA MO BZHI DANG YANG DAG LDAN, ,SANGS RGYAS GZUGS KYIS NYER BRGYAN PA'O, ,SHAR DU AUTPAL SNGO 'OD MDOG ,LHO RU SER PO
LTA BU'O, ,NUB TU DKAR DANG DMAR BA'I 'OD, ,BYANG DU MRGAD 'OD YIN NO, ,'BAR BA'I PHRENG BAS 'KHRIGS PA DANG, ,ZHAL BZHI PHYAG BZHI SPYAN GSUM MDZES, ,SHAR PHYOGS KYI LHA MON SPYIN GSUM PA PHYAG G-YON NA KHA tV'Am GA DANG, DRIL BU, G-YAS NA RDO RJE DANG, THOD PA BSNAMS PA BSAM MO, ,LHO PHYOGS KYI LHA MO'I PHYAG NA MDUNG RTZE GSUM DANG, RIN PO CHE DANG, BA DAN DANG, CE SPYANG BSNAMS PA'O, ,NUB PHYOGS KYI LHA MO'I PHYAG NA GZHU DANG, MDA' DANG, SNA TSOGS PADMA DANG, THOD PA BSNAMS PA'O, ,BYANG PHYOGS KYI LHA MO'I PHYAG NA RAL GRI DANG, ZHAGS PA DANG, RDE'U CHUNG DANG, THOD PA BSNAMS PA'O, ,SKU GSUNG THUGS KYI RDO RJE NI, ,DE YI DBUS SU BSAM PAR BYA, ,THOD PA NYID DANG KHA tV'Am GA ,DE BZHIN GZHU DANG MDA' NYID DO, ,DANG PO'I SNGAGS DANG YANG DAG LDAN, ,BSGOMS NA SKAD CIG DE LA 'BAR, ,DE LTAR RNAL 'BYOR PAS BSGRUBS NA, ,RDZAS KYI DNGOS GRUB RAB TU STER, ,RNAL 'BYOR MA YI SGRUB SBYOR BAS, ,'PHRAL DU YID CHES YANG DAG 'JUG ,THAMS CAD KYIS NI MI MTHONG ZHING, ,STONG PHRAG GCIG TU SNANG BAR 'GYUR, ,SANGS RGYAS KUN LAS PHROGS PA DANG, ,LHA YI BU MO MCHOG LA SPYOD, ,GANG+G'A'I BYE SNYED SANGS RGYAS RNAMS, ,NYID KYI RDO RJE'I GNAS BZHUGS PA, ,LAG TU SKYU RU RA BZHAG BZHIN, ,RDO RJE'I
, ,MIG GIS MTHONG BAR 'GYUR, ,GANG+G'A'I BYE SNYED ZHING DAG KYANG, ,SKU GSUNG THUGS KYI MTSAN NYID DANG, ,DNGOS PO KUN GYI BDAG NYID GNAS, , SEMS KYI GAR LAS BYUNG BA MKHYEN, ,YI GE GO BZLOG SBYOR BA YIS, ,SNGAGS NI DE RU RNAM BSGOM BYA, ,RDO RJE CHU DANG YANG DAG LDAN, ,RIL BU RE RE BZA' BAR BYA, ,YI GE BRGYAD KYI MTHA' LDAN PA, ,A'U DANG THIG LER BCAS PA NI, ,MTHA' RU YANG DAG SBYOR BYAS LA, ,SNGAGS NI KUN TU BRJOD BYA STE, ,GU HYA BHAKshA AA BHAKshE H'Um ZHES BYA'O, ,RNAL 'BYOR MA KUN SBYOR BA YIS, ,DANG PO'I YI GE YANG DAG LDAN, ,GAL TE RDO RJE CAN GYIS GRUB 'DOD NA, ,LAN BDUN MNGON BSNGAGS RNAL 'BYOR BA YIS BZA', ,YI GE GSUM MTHA' ZHES BYA STE, ,BRGYAD KYI MTHA' MAR LEGS GNAS PA, ,A'U DANG THIG LE YANG DAG LDAN, ,YI GE MCHOG TU GYUR PA'I GNAS, ,YI GE DANG POR SBYOR BA YI, ,HRA'I ZHES BYA BA YANG DAG SBYOR, ,YI GE RNAMS KYI MTHAR SBYOR LA, ,SA BON LNGAS NI RAB DGANG BYA, ,YI GE YIS NI RNAM BSGOMS TE, ,PADMA RAB TU RGYAS PAR BYA, ,CI STE RDO RJE CAN 'GRUB 'DOD, ,DA LTA'I SBYOR BA KUN SHES BYA, ,DE NAS 'DIR RDO RJE RNAL 'BYOR MA RNAMS KYIS DGONGS PA DPAL RDO RJE'I GLUS SRID PA SHIN TU SGRUB PA BLANGS PA, KYE GROGS
PO RDO RJES PADMA KHA 'BYED SAD MDZAD MANG A'A LA LA HO, BDE BA CHEN PO GAR GYIS RAB TU MNYES MDZOD CIG ,NYI MA'I DKYIL 'KHOR PADMA'I KHA NI RAB BYE BA, ,BDE BA CHEN PO'I GAR GYIS RAB TU MNYES PAR MDZOD, ,RDO RJE 'DZIN PA CHEN PO LA, ,DE NAS 'DIR GLU BLANGS TZAM GYIS, ,RDO RJE MKHA' 'GRO MA RNAMS GAR, ,RDO RJE SEMS DPA' YANG DAG BSKUL, ,DE LTAR RTAG TU GUS LDAN PAS, ,SBYOR BA'I DNGOS GRUB 'GYUR BA YIN, ,DUS BZHIR RAB TU SBYAR BA YI, ,'GRUB PAR 'GYUR BA SGOM PA'I MCHOG ,RGYAN RNAMS THAMS CAD YONGS RDZOGS SHING, ,SPOS DANG ME TOG RNAMS KYIS BRGYAN, ,JI LTAR SKU GSUM MCHOG STER BA'I, ,DNGOS GRUB NGES PAR THOB PAR 'GYUR, ,DPAG TSAD RGYA YI KHYON TZAM DU, ,'DI NI RAB TU SNANG BAR BYED, ,DBANG PO GNYIS NI RAB SBYOR BAS, ,SGO DGU LAS NI BYUNG BA'I RDZAS, ,SANGS RGYAS BYANG CHUB GNAS ZHI BA'I, ,DE NYID BLA NA MED PA 'GRUB, ,'DIR TSIGS BCAD DU 'GYUR BA NI, ,GZUGS RNAMS DANG NI DE BZHIN PHYAG RGYA MTSAN MA DANG, ,RDZAS RNAMS DANG NI BSAM GTAN RNAM SGO MA PA'I, ,CHO GA'I THABS NI SNA TSOGS BSTAN PA DANG, ,LHA MO YID 'DOD RNAMS NI GSUNGS PA'O, ,GANG GI KHYIM DU RGYUD 'DI GNAS PA DANG, ,RGYUN DU 'CHANG BA DANG, KLOG PA DANG, RNAM PAR SGOM PA DE LA NAD RNAMS
, ,'BYUNG BAR MI 'GYUR ZHING, RGAS PA DANG, BGEGS MI 'BYUNG LA 'CHI BAR MI 'GYUR TE, RGYUN DU THAMS CAD DU RNAL 'BYOR MA'I DBANG PHYUG MA RNAMS KYIS BGEGS BSRUNG BAR 'GYUR RO, ,RDO RJE RNAL 'BYOR MA CHEN MO RNAMS KYI DGONGS PA MCHOG TU GSANG BA GSANG BA CHEN PO NYE BAR SPYOD PA DANG BCAS PA'I SGRUB THABS TE LE'U GSUM PA'O,, ,,SGYU 'PHRUL CHEN MO'I RGYUD CES BYA BA RDZOGS SO,, ,,RGYA GAR GYI MKHAN PO 'DZIN PAR DANG, BOD KYI LO TZTSA BA CHEN PO 'GOS LHAS BTZAS KYIS BSGYUR CING ZHUS TE GTAN LA PHAB PA'O,,