, ,RGYA GAR SKAD DU, A'I SHVA RA B'Am GA K'A RI K'A, BOD SKAD DU, DBANG PHYUG 'JIG PA'I TSIG LE'UR BYAS PA, ,THAMS CAD MKHYEN PA LA PHYAG 'TSAL LO, ,GANG GIS YANG DAG MKHYEN GYUR CING, ,SEMS CAN RNAMS LA STON BYED PA, ,'GRO MGON DE LA PHYAG 'TSAL TE, ,YANG DAG GTAN LA DBAB PAR BYA, ,LAS DANG NYON MONGS LAS SKYES SHING, , SKAD CIG MA DANG DE BDAG MED, ,THAMS CAD MKHYEN DANG 'DOD CHAGS BRAL, ,BSDUS TE 'DIR NI BRJOD PAR BYA, ,GLEN BLO GANG ZHIG 'DI DAG KUN, ,DBANG PHYUG GIS NI BYAS SO ZHES, ,SMRA BA DE YANG MI SHES PA, ,GZHOM PHYIR 'KHOR DU GSAL BAR BRJOD, ,LUS DANG DBANG PO SA LA SOGS, ,THAMS CAD DBANG PHYUG GIS MA BYAS, ,LUS 'BRAS RTOGS PA THA DAD PHYIR,,DPER NA RGYU LAS SKYES MTHONG BZHIN, ,DE YANG DBANG PHYUG BSKYED BYA NA, BLO LDAN SKYE LAS GRUB 'GYUR TE, ,JI LTAR BUM PA DE BZHIN DU, ,GZHAN ZHES GTAM DU BRJOD MI BYA, ,BYED PA LA SOGS RTAG PA YI, ,RGYU LAS SKYES PA MA YIN TE, ,RIM 'JUG PHYIR NA DPER BLO BZHIN, ,BDAG DANG DBANG PHYUG SEL BAR BLTA, ,GAL TE DE YANG DBANG PHYUG LAS, ,LOG PA'I SHES PA BZLOG PA'I PHYIR, ,BSTAN BCOS RTZOM PA DON MED DE'I, ,RGYU YOD PA LAS SKYE PHYIR RO, ,DNGOS PO DBYANGS DANG LDAN PA RNAMS, ,BLO DANG LDAN PAS BYAS 'GRUB PA, ,DE YANG CHOS KYI KHYA PAR LAS, ,PHYIN CI LOG TU SGRUB PA YIN, ,LUS SOGS DBYIBS DANG LDAN PA'I PHYIR, ,MI RTOG DU MAS BSKYED BYA BAR, ,GZUNG STE DPER NA KHYIM SOGS LA, ,DE BZHIN DU NI MTHONG PHYIR RO, ,
BLO DANG LDAN PA'I RGYU CAN DU, ,'ON TE SPYIR NI SGRUB BYED NA, ,SGRUB PA SGRUB STE GANG GI PHYIR, ,THAMS CAD LAS LAS SKYES PAR 'DOD, ,DNGOS RNAMS BRGYAN PA NYID DO ZHES, ,GTAN TSIGS YONGS SU BSGRAGS PA GANG, ,DE YANG MA GRUB DNGOS PO KUN, ,DE YI NGO BOR 'BYUNG PHYIR RO, ,GANG PHYIR THA DAD GRUB DNGOS RNAMS, ,BKOD PA BRGYAN PA ZHES BYA NA, ,DE YANG MIG LA SOGS RNAMS LA, ,KHYIM LA SOGS BZHIN MI SNANG NGO, ,DBANG PHYUG 'DOD PA'I DNGOS PO DE, ,DBANG SOGS YON TAN MI LDAN TE, ,MI SKYE BA DANG MI 'JIG BZHIN, ,KHYAB PHYIR NAM MKHA'I BDAG NYID BZHIN, ,RGYU LDAN PHYIR NA GZHAN GYIS BSKYED, ,DPER NA BUM PA LA SOGS BZHIN, ,RI BONG RVA NI MA SKYES LA, ,RGYU NYID YOD PA MA YIN NO, ,DGOS PA MED PAR BYED PA NI, ,SMYON PA RNAMS DANG MTSUNGS PAR 'GYUR, ,'ON TE DGOS PA'I PHYIR, YIN NA, ,DE LA DBANG PHYUG YOD MI 'GYUR, , GAL TE DBANG PHYUG GZHAN DAG DANG, ,LAS LA LTOS PA YIN NA NI, ,DE LA LTOS NA DE LA NI, ,DAD PA KHO NAS DMIGS PAR ZAD, ,GAL TE LUS SOGS GZUGS YIN NA, ,THAMS CAD BYED PA MA YIN TE, ,LUS LDAN DBANG PO LDAN PA'I PHYIR, ,BYED PHYIR DE LAS GZHAN PA BZHIN, ,JI SKAD BSHAD PA'I GTAN TSIGS LAS, ,DBANG PHYUG SKYE DANG LDAN PA DANG, ,'JIG DANG KHYAB PA NYID DU NI, ,RNAM PA KUN DU THAL BAR 'GYUR, ,DBANG PHYUG 'DOD PAS BYED PO NA, ,LA LAR KUN DU CI PHYIR MIN, ,YON TAN SKYON DAG RNAM DPYAD NAS, ,LA LAR 'DOD PA RAB 'JUG GO, ,YON TAN SKYON SKYE GANG YIN PA, ,DBANG PHYUG SNGON DU 'GRO YIN NA, ,DES NA DE DAG THAMS CAD DU, ,SKYE BA NYID DU THAL BAR 'GYUR, ,DE TZAM LAS NI SKYE BA'I PHYIR, ,'DOD PA CIG CAR SKYE BAR 'GYUR, ,SNGAR SKYES MA YIN GANG YIN TE, ,PHYIS NI JI LTAR SKYE BAR 'GYUR, ,'ON TE SHES PA'I NGO BO NA, ,DBANG PO MED PAR GA LA ZHIG ,MA SPRUL PA YI SNGON ROL DU, ,SHES BYA MED PAR JI LTAR SHES, ,'ON TE MI GSAL RANG BZHIN NA, ,RANG DBANG CAN DU JI LTAR SNGON, ,'DOD PA SKYE BA'I RGYU TZAM STE, ,DPER NA CHU LA SOGS BZHIN NA, ,RGYU YIN NA YANG RTAG PA DANG, ,NGO BO GCIG TU RNAM GNAS PHYIR, ,DNGOS
, ,PO RNAMS NI THAMS CAD DU, ,RTAG TU SKYE BA NYID DU 'GYUR, ,RIGS PA'I LAM GYI RJES 'BRANGS PA'I, ,MKHAS PA'I TSUL NI 'DI NYID KYIS, ,KHYAB 'JUG TSANGS PA LA SOGS PA'ANG, ,GSAL BAR KHONG DU CHUD PAR BYA, ,DBANG PHYUG 'JIG PA'I TSIG LE'UR BYAS PA,, SLOB DPON DGE SRUNGS KYIS MDZAD PA RDZOGS SO,, ,,