, ,RGYA GAR SKAD DU, SHRU TI PA R'I KshA K'A RI K'A, BOD SKAD DU, THOS PA BRTAG PA'I TSIG LE'UR BYAS LA, THAMS CAD MKHYEN PA LA PHYAG 'TSAL LO, ,DE LTAR DON DANG SGRA 'GA' YANG, ,DNGOS SU 'BREL PA MED PA'I PHYIR, ,JI LTA BUR NA 'BREL PA NI, ,DNGOS PO LAS BYUNG YIN PAR 'GYUR, ,GZHAN YANG RUNG BA'I RANG BZHIN PHYIR, ,SGRA YI BDAG NYID DON GSAL BYED, , SGRON MA LA SOGS BZHIN 'DOD NA, ,DE LTA YIN NA BRDA DON MED, ,SGRA YI BDAG NYID MA BZUNG YANG, ,DON GSAL BYED PAR 'GYUR ZHES TE, ,GAL TE DBANG PO BZHIN DU DE, ,DON DANG 'BREL BAR RTOGS BYED NA, ,DPER NA DU BA LAS ME'AM, ,BUM PA SOGS LA SNANG BA BZHIN, ,GZHAN GSAL BYED PAR 'DOD PA GANG, ,RGYU DE'AM 'BRAS BUR 'GYUR GRANG NA, ,SGRA NI DON SKYED BYED MIN ZHING, ,DON GYIS SKYED PA'ANG MA YIN NO, ,KHYAD MED 'DOGS PA'ANG MI 'DOD NA, ,JI LTAR DE DON GSAL BYED YIN, ,RANG GI NGO BO BRJOD PA YI, ,BLO RGYU GSAL BAR BYED 'DOD NA, ,SGRA NI DON LA DE BZHIN MIN, ,THA DAD DUS SU DMIGS PHYIR RO, ,DE NYID PHYIR NA MKHAS RNAMS KYIS, ,MED NA MI 'BYUNG 'BREL BAR BRJOD, ,DE DE'I BDAG NYID NGO BO 'AM, ,DE YI 'BRAS BU NYID DU 'GYUR, ,BLO GANG DON NYID BDAG 'BRAS PHYIR, ,TSIG NI DE GSAL BYED PA YIN, ,PHYI ROL GNAS PA'I NGO BO YIS, ,'GA' YANG 'BREL PA YOD MA YIN, ,'DI NI THA SNYAD SHES PA LA, ,DON GYI RNAM PA NYI TSE ZHIG ,RNAM PAR RTOG PA SKYED BYED KYI, ,DON NI GSAL BAR BYED MA YIN, ,DE LTAR RIGS PA MED PHYIR DON, ,JI LTAR YANG NI GSAL BYED MIN, ,'DI'O ZHES BRTAGS LA BRTEN NAS, ,DE NI GSAL BAR BYED 'DOD NA, ,SGRA DAG DON NI DU MA'I PHYIR, ,DON GANG GSAL BAR BYED PA YIN, ,GAL TE BSTAN BCOS LAS RNAM PHYE, ,DE NI MA NGES NYID MIN NAM, ,DE NI KUN LA RUNG BA'I PHYIR, ,NGES PA DANG BRAL PHYIR RO, ,SGRA NI MI 'DOD PA LA YANG, ,'JUG
, ,PAR RTAG TU DOGS PA YIN, ,GAL TE SKABS KYI DON GRUB NA, ,GAL TE DE LA NGES PAR 'GYUR, ,DE LA DON NI MA GRUB PA'ANG, ,DE NI GZHAN DU MA NGES NYID, ,GAL TE 'JIG RTEN BRJOD LAS 'GRUB, ,YUL DANG DUS SOGS BYE BRAG GIS, ,'JIG RTEN SGRA DON DU MA'I PHYIR, ,DES NA DE YANG MA NGES PA, ,SGRA BRJOD PA YI SGO NAS NI, ,DON LA BLO GROS SKYE MIN NAM, ,BDEN TE DE NYID JI LTA BUR, ,SKYE SNYAM DE LA BSAM PA 'JUG ,CI DE SGRA DE RUNG PHYIR RAM, ,'ON TE BRDA LA BRTEN PA LAS, ,RUNG BA NYID NA BRDA DON MED, ,'GA' LA'ANG THE TSOM MI 'GYUR RO, ,BRDA NI MI LA RAG LUS MIN, ,MI RNAMS RTAG TU NYES DANG BCAS, ,CI BRDA 'DI RIGS LA BRTAGS SAM, ,GZHAN DU YIN SNYAM NGES PA MED, ,RANG GI NGO BO RUNG NA YANG, ,LOG PA NYID NI ZLOG PA MED, ,'DI LTAR AUTPALA SNGON PO LA, ,MAR MES DMAR POR GSAL BAR BYED, ,'JIG RTEN GRAGS PA BZLA NA NI, ,DON GZHAN BRJOD PA'I SGRA 'GA' ZHIG ,YONGS SU RTOG PAR BYED PA LTAR, ,DE BZHIN 'DIR YANG CIS MI 'DOD, ,THOS PA BRTAG PA'I TSIG LE'UR BYAS PA, ,SLOB DPON DGE SRUNGS KYIS MDZAD PA RDZOGS SO,, ,,